Autro (Aci jai qualqu'un que jou sabi...)
Autro
Aci jai qualqu'un que jou sabi,
É de qui le clot aro labi
De l'aygo que de mon él chop
Distillo per le plagne trop.
Ay ! moun cor de doulou se cargo
Quand me soubeni de sa targo,
Sio que per countrofa le bél,
El espiésso de coüo d'él,
O que d'uno mino brabacho
Se relebésso la moustacho.
Nani, nou, jamay le Soulel
Nou bic Souldat plus brabe qu'el.
Tabe quand éro ple de bido
Sous Enemics fugion d'augido,
É chardit que milo ni may
L'anésson ataca jamay.
Hélas ! el crebéc per la panço
D'un tros de cansalado ranço
Que rougagnéc à l'amagat,
O ! qu'yeu le glaigni, Nostre Gat !