Ban/Asta Kosala

Deskripsi

Naskah

[ 1 ][PERPUSTAKAAN KTR.DOKBUD BALI PROP. BALI
K/11/5/DOKBUD
Nama/judul: - ASTA - KOSALA.-
Panj. 40 cm. Leb. 3,5 cm. Jml. 16 lb.
Asal: Griya Prabhu, Mengwi, Badung]

[᭑ 1A]
Nama/judul: - ASTA - KOSALA.-
Panj. 40 cm. Leb. 3,5 cm. Jml. 16 lb.
Asal: Griya Prabhu, Mengwi, Badung [ 2 ][᭑ 1B]
᭑
᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬦ᭄ᬬᬦ᭄ᬢᬶᬗ᭄ᬓᬳᬶᬂᬲᬃᬯ᭄ᬯᬤᬕᬶᬂᬯᬬᬄ᭞ᬫ᭄ᬯᬄᬩᬤᬾ᭞ᬫᬓᬧᬗᬶ᭠ᬜ᭄ᬘᭂᬧ᭄ᬭᬶᬂ᭞ᬫ᭄ᬯᬂᬕᬕᬸᬮᬓ᭄᭞ᬳᬶᬓᬶᬍᬓᬲᬓ᭄ᬦ᭞ᬫ᭞ᬇᬄᬲᬂᬪᬸᬝᬧ᭄ᬭᬶᬂᬉᬁᬯᬁ᭞ᬤᬸᬓ᭄ᬲᬶᬭᬄᬦᬾᬩᬯᬸᬫᭂᬦ᭄ᬢᬶᬓ᭄᭞
ᬳᬶᬪᬸᬝᬳᬶᬚᭀᬳᬭᬦ᭄ᬲᬶᬭ᭞ᬤᬸᬓ᭄ᬲᬶᬭᬦᬾᬫᬭᬫᬘᬭᬂ᭞ᬳᬶᬪᬸᬝᬫᭂᬗ᭄ᬕᬄᬳᬭᬦ᭄ᬲᬶᬭ᭞ᬤᬸᬓ᭄ᬲᬶᬭᬦᬾᬫᬕᭀᬤᭀᬂ᭞ᬓᬶᬪᬸᬝᬓᬓᬧᬳᬭᬦ᭄ᬲᬶᬭ᭞ᬤᬸᬓ᭄ᬲᬶᬭᬦᬾᬫᬭᬫᬫᬸᬜ᭄ᬘᬸ
ᬓ᭄᭞ᬳᬶᬪᬸᬝᬩ᭄ᬭᬳ᭄ᬫᬵᬘᬭᬶᬢᬳᬭᬦ᭄ᬲᬶᬭ᭞ᬳᬧᬦ᭄ᬳᬶᬗ᭄ᬲᬸᬦ᭄ᬳᬶᬗ᭄ᬲᬸᬦ᭄ᬫᬯ᭄ᬭᬸᬄᬭᬶᬂᬫᬸᬮᬦᬶᬂᬓᬤᬦᬾ᭠ᬦ᭄ᬲᬶᬭ᭞ᬳᬚᬲᬶᬭᬳᬗᬤᬓᬓᭂᬦ᭄ᬓᬕ᭄ᬭᬶᬗᬦ᭄᭞ᬳᬚᬲᬶᬭᬳᬗ᭄ᬕᬄᬯᬢᬢᬸᬫ᭄ᬧᬸᬃ᭞ᬬᬦ᭄ᬲᬶᬭᬳ᭠
ᬋᬧ᭄ᬤᬳ᭞ᬫᬸᬮᬶᬄᬢᬲᬶᬭᬭᬶᬂᬪᬝᬭᬩ᭄ᬭᬳ᭄ᬫᬵ᭞ᬬᬦ᭄ᬲᬶᬭᬳᬋᬧᬫᬳᬸᬭᬶᬧ᭄᭞ᬫᬸᬮᬶᬄᬢᬲᬶᬭᬭᬶᬂᬪᬝᬭᬯᬶᬱ᭄ᬡᬸ᭞ᬬᬦ᭄ᬲᬶᬭᬳᬋᬧ᭄ᬓᬰ᭄ᬯᬃᬕ᭄ᬕᬦ᭄᭞ᬳᬢᬸᬭᬓ᭄ᬦᬵᬧᬯ᭄ᬓᬲᬶᬗ᭄ᬲᬸᬦ᭄ᬭᬶᬂᬪᬝᬭᬕᬸ
[᭒ 2A]
ᬭᬸ᭞ᬧᭀᬫ
᭞ᬢ᭄ᬮᬲ᭄᭟᭜᭟ᬫᬦ᭄ᬢ᭄ᬭᬦ᭄ᬧᬦᬶᬤᬶᬂᬧ᭄ᬭᬶᬂ᭞ᬫ᭞ᬧᬦᬶᬤᬶᬂᬧ᭄ᬭᬶᬂᬫᬸᬮᬶᬄᬭᬶᬂᬲᬃᬯ᭄ᬯᬲᬦ᭄ᬤᬶ᭞ᬧᬫᭀᬮᭀᬂᬧ᭄ᬭᬶᬂᬫᬸᬮᬶᬄᬭᬶᬂᬫᬵᬦᬸᬱ᭞ᬫᬗ᭄ᬓᬦᬵᬓᬤᬤᬾᬦ᭄ᬬ᭞ᬫᬓᬗᬸᬦᬶ᭞ᬳᬢ᭄ᬫᬦ᭄ᬓᬬᬸᬳᬢ᭄ᬫᬦ᭄ᬧ᭄ᬭᬶᬂ᭞ᬧᬥᬫᬸ
ᬮᬶᬄᬫᬗᬶᬭᬶᬂ᭞ᬭᬶᬂᬧᬢᬸᬥᬸᬳᬦ᭄ᬬ᭞ᬕᬕᬸᬮᬓ᭄ᬫᬸᬮᬶᬄᬭᬶᬂᬲᬃᬯ᭄ᬯᬲᬦ᭄ᬤᬶ᭞ᬫᬭᬶᬂᬓᬸᬮᬶᬢ᭄᭞ᬓ᭠ᬮ᭄ᬨᬯᬺᬓ᭄ᬱᬫᬸᬮᬶᬄᬭᬶᬂᬩᬮᬸᬂ᭞ᬳᬾᬢᬾᬄᬳᬾᬢᬾᬄᬫᬸᬮᬶᬄᬭᬶᬂᬮᬶᬫ᭄ᬧᬵ᭞ᬲᬫ᭄ᬧ᭄ᬬᬦ᭄ᬫᬸᬮᬶᬄᬫᬭᬶᬂᬰᬭᬶᬭ
ᬦᬶᬗ᭄ᬲᬸᬦ᭄᭞ᬒᬁᬲᬫ᭄ᬫᬵᬲᬧᬸᬃᬡ᭄ᬦᬬᬦᬫᬰ᭄ᬯᬳ᭚᭜᭚ᬦ᭄ᬬᬦ᭄ᬧ᭄ᬭᬢᬮᬦᬶᬂᬳᬦᬫ᭄ᬗᬸᬢ᭄ᬓᬃᬬ᭄ᬬ᭠ᬳᬬᬸ᭞ᬳᬗ᭄ᬕᬄᬯᬯᬥᬄ᭞ᬬᬦ᭄ᬲᬶᬭᬯ᭄ᬭᬸᬳᬓᬤ᭄ᬬᬧᬶᬢᬸᬢᬸᬃᬳᬓ᭄ᬱᬭᬇᬓᬶ᭞ᬢᬸᬦᬗᬾᬫᬭᬶᬂᬭᬕᬦ᭄ᬢ᭞
ᬳᬧᬂᬬᬫᬯ᭄ᬭᬸᬳ᭞ᬳᬓᬸᬤᬓ᭄ᬯᬾᬳᬶᬂᬢᬸᬓᬂ᭞ᬧᬢ᭄ᬧᬢ᭄ᬓᬯ᭄ᬬᬓ᭄ᬢᬶᬦ᭄ᬬ᭟ᬢᬸ᭞ᬗ᭞ᬯ᭄ᬬᬓ᭄ᬢᬶᬦᬶᬂᬳᬶᬥᭂᬧ᭄᭞ᬲᬦᬾᬫ᭄ᬭᬘᬬᬓᬂᬮᬮᬶᬫ᭟ᬓᬂ᭞ᬗᬧ᭄ᬭᬓᭀᬱᬦᬶᬂᬧᬗᬺᬗᭃ᭞ᬫᬦᬄᬕᬮᬂ᭞ᬬᬢᬫᬓ [ 3 ][᭒ 2B]
᭒
ᬕᬮᬗᬶᬂᬢᬸᬥᬸᬄ᭞ᬲ᭄ᬬᬧᬓᬂᬢᬶᬦᬸᬥᬸᬄ᭞ᬲ᭄ᬬᬧᬓᬂᬓᬢᬸᬥᬸᬄ᭟ᬲ᭄ᬬ᭞ᬗ᭞ᬓ᭄ᬯᬾᬄ᭟ᬧ᭞ᬗ᭞ᬧᬓᬸ᭠ᬫ᭄ᬧᬸᬮᬦᬶᬂᬧ᭄ᬭᬓᭀᬱᬦᬶᬂᬫᬦᬄᬫᬳ᭄ᬦᬶᬂ᭞ᬗ᭞ᬓᬸᬓᬸᬄᬳᬶᬂᬫᬦᬄ᭞ᬢᬶ᭞ᬗ᭞ᬲᬂᬳ᭄ᬬᬂᬢᬶᬕ᭞ᬢᬶᬕᬵ᭞ᬗ᭞ᬯᬫ᭠
ᬢ᭄ᬮᬸᬦᬶᬂᬩᬸᬤᬶᬦ᭄ᬢ᭟ᬢᬸ᭞ᬗ᭞ᬢᬸᬗ᭄ᬕᬮ᭄᭞ᬧᬦᬸᬗ᭄ᬕᬮᬶᬂᬭᬱᬦᬾᬮ᭄ᬯᬶᬄ᭟ᬥᬸᬄ᭞ᬗ᭞ᬧᬯᬭᬄ᭞ᬗ᭞ᬢ᭠ᬢᬲᬶᬂᬲᬃᬯ᭄ᬯᬕᬶᬦᬯᬾ᭟ᬢ᭞ᬗ᭞ᬢᬮᬶᬗᬦ᭄᭟ᬢᬲ᭄᭞ᬗ᭞ᬫᬦᬄ᭟ᬲᬶ᭞ᬗ᭞ᬧᬸᬢᬸᬲᬶᬂᬢᬶᬗ᭄ᬳᬮ᭄ᬓᬭᭀ᭟
ᬲᬃ᭞ᬗ᭞ᬯ᭄ᬬᬓ᭄ᬢᬶᬦᬶᬂᬢᬶᬗ᭄ᬳᬮ᭄᭟ᬯ᭄ᬯ᭞ᬗ᭞ᬯᬭᬱ᭄ᬝ᭄ᬭᬩᬕᬯᬱ᭄ᬝ᭄ᬭ᭞ᬯ᭄ᬲᬶᬦᬶᬂᬩᬸᬮᬓᬦ᭄᭟ᬕᬶ᭞ᬗ᭞ᬫᬹᬃᬓᬦᬶᬂᬩᬸᬮᬦᬦ᭄᭞ᬭᬳᬶᬫᬸᬓᬵ᭞ᬗ᭟ᬦ᭞ᬗ᭞ᬦᬬᬦᬶᬂᬳᬩᭂᬢ᭄᭟ᬯᬾ᭞ᬗ᭞ᬧᬸᬧᬸᬢᬶᬂᬧᬃᬯ᭄ᬯᬕᬯᬾ᭞
ᬲᬫᬗ᭄ᬓᬦᬓᬮᬶᬗᬦ᭄ᬬ᭞ᬳᬬ᭄ᬯᬢᬦ᭄ᬧᬺᬬᬢ᭄ᬦ᭞ᬤᬾᬲᬂᬳᬫᭂᬗ᭄ᬓᬸᬦᬸᬓᬗᬶᬦ᭄᭞ᬳᬧᬦ᭄ᬫᬓ᭄ᬯᬾᬄᬫᬓᬮᬶᬗ᭄ᬕᬦᬶᬭᬲᬂᬳ᭄ᬬᬂᬧᬾᬰ᭄ᬯᬓᬵᬃᬫ᭄ᬫ᭞ᬲᬗ᭄ᬓᬦ᭄ᬬᬫᬦ᭄ᬟᬤᬶᬧᬮᬶᬄ᭞ᬢ᭄ᬯᬦ᭄ᬤᬾᬦᬶᬭᬳᬫᬮᬶᬄᬭᬶᬂᬩ᭄ᬯᬡᬵ
[᭓ 3A]
ᬳᬕᬸ᭞ᬫ᭄ᬯᬂᬭᬶᬂᬩ᭄ᬯᬦᬵ᭞ᬳᬮᬶᬢ᭄᭟ᬳᬦᬧᬮᬶᬄᬯᬬᬄ᭞ᬳᬧᬦ᭄ᬬᬓᬩᬾᬄᬦ᭄ᬬᬓᬫᬯᬶᬢᬸᬗ᭄ᬕᬮ᭄᭞ᬤᬤᬶᬲᬯᬶᬚᬶ᭞ᬲᬫᬗ᭄ᬓᬦᬵᬲᬗ᭄ᬓᬦ᭄ᬬᬳᬦᬵᬧᬮᬶᬄᬧᬳᬾ᭞ᬳᬦᬧᬮᬶᬄᬲ᭄ᬮᬢ᭄᭞ᬳ᭠
ᬦᬧᬮᬶᬄᬓᬧᬸᬲ᭄ᬧᬮᬵ᭞ᬲ᭄ᬮᬕᬶᬂᬭᬗ᭄ᬓᬶᬲᬦ᭄᭞ᬳᬦᬧᬮᬶᬄᬲᬜ᭄ᬘᬓ᭄᭞ᬗ᭞ᬳᬫ᭄ᬩᬾᬮᬶᬫᬵᬲ᭄᭞ᬫ᭄ᬢᬸᬫᬥ᭄ᬬ᭞ᬳᬧᬓᬶᬲ᭄᭞ᬬᬢᬫᬗᬭᬦ᭄ᬢᬫᬦ᭄ᬩᬕᬾᬦ᭄ᬤ᭞ᬳᬦᬢᬫᬦ᭄ᬲᬭᬶ᭞ᬳᬦᬧᬮᬶᬄᬧᬦ᭄ᬫᬦ
ᬕᬭ᭞ᬳᬦᬧᬮᬶᬄᬩᬢᬸᬲᬭᬶ᭞ᬳᬭᬦ᭄ᬩᬮᬾᬫᬲᬭᬶ᭞ᬫ᭄ᬢᬸᬩᬤᬾ᭞ᬗ᭞ᬢᬸᬫ᭄ᬧᬂ᭞ᬲᬓᬋᬧ᭄ᬢᬯ᭄ᬦᬂ᭞ᬫᬯᬗᬸᬦ᭄ᬩᬤᬾ᭞ᬳᬦᬧᬮᬶᬄᬩᬤᬾ᭟ᬢᬸᬫ᭄ᬧᬂ᭞᭓᭟ᬢᬸᬫ᭄ᬧᬂ᭞᭕᭟ᬢᬸᬫ᭄ᬧᬂ᭞᭗᭟ᬢᬸᬫ᭄ᬧᬂ᭞᭙ [ 4 ][᭓ 3B]
᭓
᭟ᬢᬸᬫ᭄ᬧᬂ᭞᭑᭑᭟ᬲᬫᬗ᭄ᬓᬦᬵᬯᬳᬸᬦ᭄ᬤᬳᬦᬶᬂᬢᬸᬫ᭄ᬧᬂ᭟ᬳᬦᬫᬮᬶᬄᬢᬸᬫ᭄ᬧᬂ᭟ᬢᬸᬫ᭄ᬧᬂ᭞᭒᭟ᬢᬸᬫ᭄ᬧᬂ᭞᭔᭟ᬢᬸᬫ᭄ᬧᬂ᭞᭖᭟ᬢᬸᬫ᭄ᬧᬂ᭞᭘᭞ᬢᬸᬫ᭄ᬧᬂ᭞᭑᭐᭟ᬗᬶᬂᬳᬭᬂᬯᬂᬯ᭄ᬦᬂᬳᬶᬗᬗ᭄ᬕᬾ᭞ᬧᬶᬮᬶᬳᭂᬦᬶᬓᬂᬓᬸᬮᬵᬯ
ᬗ᭄ᬰᬦᬶᬂᬚᬤ᭄ᬫ᭟ᬫ᭄ᬯᬄᬳᬦᬢᬸᬫ᭄ᬧᬂ᭟ᬢᬸᬫ᭄ᬧᬂ᭞᭑᭓᭟ᬢᬸᬫ᭄ᬧᬂ᭞᭑᭕᭟ᬢᬸᬫ᭄ᬧᬂ᭞᭑᭗᭟ᬢᬸᬫ᭄ᬧᬂ᭞᭠᭑᭙᭟ᬢᬸᬫ᭄ᬧᬂ᭞᭒᭑᭟ᬲᬫᬗ᭄ᬓᬦᬵᬧᬮᬶᬄᬧᬳᬸᬦ᭄ᬤᬳᬦᬶᬂᬢᬸᬫ᭄ᬧᬂ᭟ᬓᬾᬗᭂᬢᬓ᭄ᬦᬤᬾᬲᬂᬳᬫᭂᬗ᭄ᬓᬸᬳ᭠
ᬦᬸᬓᬗᬶᬦ᭄᭞ᬳᬧᬦ᭄ᬧᬮᬶᬳᬾᬫ᭄ᬢᬸᬫᬭᬶᬂᬩ᭄ᬯᬦᬵᬰᬭᬶᬭᬦ᭄ᬢ᭟ᬫᬦ᭄ᬢᬸᬓ᭄ᬫᬭᬶᬂᬪᬝᬭᬦᬯᬲᬗ᭄ᬳᬓᬩᬾᬄ᭞ᬲᬂᬳ᭄ᬬᬂᬘᬶᬢ᭄ᬭᬕᭀᬢ᭄ᬭ᭞ᬲᬂᬳ᭄ᬬᬂᬘᬶᬢᬗ᭄ᬓᬭ᭞ᬲᬂᬳ᭄ᬬᬂᬘᬶᬢ᭄ᬭᬧᬤ᭄ᬤᬵ᭞ᬲᬂᬳ᭄ᬬᬂᬳᬱ᭄ᬝᬘᬶᬓᬭᬕᭀ
ᬢ᭄ᬭ᭞ᬲᬂᬳ᭄ᬬᬂᬭᬲ᭄ᬫᬶᬦᬶᬂᬩ᭄ᬯᬦᬵ᭞ᬲᬳᬶᬓᬤᬾᬯᬦᬾᬫᬸᬗ᭄ᬕᬸᬄᬭᬶᬂᬧᬮᬶᬄᬲᬫᬶ᭞ᬲᬶᬭᬢᬫᭂᬜ᭄ᬘᬄᬢᬸᬓᬂ᭞ᬲᬫᬗ᭄ᬓᬦᬵᬓ᭄ᬯᬾᬳᬶᬂᬤᬾᬯᬭᬸᬫᬓ᭄ᬱᬫᬭᬶᬂᬩ᭄ᬯᬦᬵᬰᬭᬶᬭᬦ᭄ᬢ᭞ᬇᬓᬢᬤᬾᬯᬦᬶᬂᬧᬢᬶᬢᬶᬲ᭄
[᭔ 4A]
᭞ᬳᬬ᭄ᬯᬓᬸᬭᬸᬧ᭄ᬭᬶᬂᬧᬗ᭄ᬭᬱᬦᬶᬂᬢᬸᬓᬂ᭞ᬬᬦ᭄ᬲᬶᬭᬫᬯ᭄ᬭᬸᬄᬭᬶᬂᬮᬶᬗᬶᬂᬧᬶᬢᬸᬢᬸᬃᬤᬾᬯᬦ᭄ᬬ᭞ᬯ᭄ᬬᬓ᭄ᬢᬶᬲᬶ᭠ᬭᬢᬸᬓᬂ᭞ᬬᬦ᭄ᬲᬶᬭᬢᬦ᭄ᬫᬯ᭄ᬭᬸᬄ᭞ᬭᬶᬂᬧᬶᬥᬃᬢ᭄ᬢᬦ᭄ᬬᬇᬓᬶ᭞ᬳᬬ᭄ᬯᬲᬶᬭᬳᬦᬸᬓᬗᬶᬦ᭄᭞ᬢᬦ᭄ᬲᬶᬧᬶᬳᬕᬸᬂ
ᬧ᭄ᬢᬓᬦ᭄ᬬ᭞ᬓᬤᬶᬩᬜᬸᬫᬶᬮᬶᬢ᭄ᬓᬦᬶᬂᬧ᭄ᬢᬓᬦ᭄ᬬ᭞ᬲᬤ᭄ᬟᬓᬮᬵ᭚᭜᭚ᬦ᭄ᬬᬦ᭄ᬧᬶᬥᬃᬢ᭄ᬢᬦᬶᬂᬧᬮᬶᬄ᭞ᬮ᭄ᬯᬶᬃᬦ᭄ᬬ᭞ᬲᬜ᭄ᬘᬓ᭄‌ᬕ᭄ᬟᬾᬳᬶᬓᬶᬧᬧᬮᬶᬳᬦ᭄ᬬ᭞ᬲᬩᬢᬦ᭄ᬧᬮᬶᬄᬧᬜ᭄ᬮᬄ᭞ᬧᬳᬾᬗᬾ᭞ᬢᬸ᭠
ᬫ᭄ᬧᬸᬓ᭄‌ᬢ᭄ᬮᬸ᭟ᬧᬜᭀᬭᭀᬕ᭄ᬦ᭄ᬬᬢᬸᬫ᭄ᬧᬸᬓ᭄ᬮᬶᬫ᭞ᬧᬦᭂᬢᭂᬄᬢᬸᬫ᭄ᬧᬸᬓ᭄ᬦᬫ᭄᭟ᬫ᭄ᬯᬄᬧᬧᬶᬭᬶᬗᬦ᭄ᬲ᭠ᬭᬶᬦ᭄ᬲᬜ᭄ᬘᬓ᭄ᬳᬲ᭄ᬮ᭞ᬲᬩᬢᬦ᭄ᬧᬧᬶᬭᬶᬗᬦ᭄᭞ᬲᬩᬢᬦ᭄ᬩᬩᭂᬦ᭄ᬢᭂᬢ᭄‌ᬢᬸᬫ᭄ᬧᬸᬓ᭄‌ᬢ᭄ᬮᬸ᭟ᬲᬤᬸᬳᬸᬭᬶᬂ᭠
ᬧᬮᬶᬄᬧᬜ᭄ᬮᬄ᭞᭕᭞ᬢ᭄ᬩᬶᬄᬢ᭄ᬓᬦᬶᬂᬲᬶᬦᭂᬩ᭄᭞ᬫ᭄ᬯᬂᬧᬧᬶᬭᬶᬗᬦ᭄ᬳᬸᬦ᭄ᬢᬶᬦ᭄ᬬ᭞ᬳᬮᬗ᭄ᬓᬢ᭄ᬫᬳᬸᬭᬶᬧ᭄‌ᬢ᭄ᬮᬸᬂᬜᬭᬶ᭟᭜᭟ᬇᬓᬶᬧᬮᬶᬄᬢᬫᬦ᭄᭞ᬲᬤᬸᬳᬸᬃᬧᬮᬶᬄᬜ᭄ᬮᬄ᭞ᬢᬸᬫ᭄ᬧᬸᬓ᭄ᬮᬶᬫᬢ᭄ᬓᬦᬶᬂᬲᬶᬦᭂ᭠ [ 5 ][᭔ 4B]
᭔
ᬩ᭄᭞ᬫ᭄ᬯᬂᬧᬧᬶᬭᬶᬗᬦ᭄ᬲᬩᬢᬦ᭄ᬧᬮᬶᬄᬧᬜ᭄ᬮᬄ᭞ᬧᬳᬾ᭞ᬗ᭞ᬢᬸᬫ᭄ᬧᬸᬓᬵᬢ᭄ᬮᬸ᭟ᬧᬜᭀᬭᭀᬕ᭄ᬦ᭄ᬬᬢᬸᬫ᭄ᬧᬸᬓ᭄ᬳᭂᬫ᭄ᬧᬢ᭄᭞ᬧᬦᭂᬢᭂᬄᬦ᭄ᬬᬢᬸᬫ᭄ᬧᬸᬓ᭄ᬳᭂᬫ᭄ᬧᬢ᭄᭞ᬧᬧᬶᬭᬶᬗᬦ᭄ᬲᬭᬶᬳᬲ᭄ᬮ᭞ᬲᬲᬩᬢᬦ᭄ᬧᬧᬶ
ᬭᬶᬗᬦ᭄᭞ᬭᬯᬸᬄᬓᬗᬩᭂᬦ᭄ᬢᭂᬢ᭄᭞ᬢᬸᬫ᭄ᬧᬸᬓ᭄‌ᬢ᭄ᬮᬸ᭞ᬳᬸᬦ᭄ᬢᭂᬂᬦ᭄ᬬᬳᬮᬗ᭄ᬓᬢ᭄‌ᬢ᭄ᬮᬸᬂᬜᬭᬶ᭟᭜᭟ᬫᬮᬶᬄᬧᬮᬶᬄᬩᬢᬸᬃ᭞ᬲᬤᬸᬳᬸᬃᬧᬮᬶᬄᬧᬜ᭄ᬮᬄ᭞ᬢᬸᬫ᭄ᬧᬸᬓ᭄ᬮᬶᬫ᭞ᬢ᭄ᬓᬦᬶᬂᬲᬶᬦᭂᬩ᭄᭞ᬫ᭄ᬯᬂᬧᬧᬶᬭᬶᬗᬦ᭄᭞ᬲ᭠
ᬩᬢᬦ᭄ᬧᬮᬶᬄᬧᬜ᭄ᬮᬄ᭞ᬧᬳᬾ᭞ᬗ᭞ᬢᬸᬫ᭄ᬧᬸᬓ᭄‌ᬢ᭄ᬮᬸ᭞ᬧᬧᬶᬭᬶᬗᬦ᭄ᬳᬲ᭄ᬮ᭞ᬲᬩᬢᬦ᭄ᬧᬧᬶᬭᬶᬗᬦ᭄᭞ᬢᬸᬫ᭄ᬧᬸᬓ᭄‌ᬤ᭄ᬯᬢ᭄ᬓᬦᬶᬂᬩᬩᭂᬦ᭄ᬢᭂᬢ᭄᭞ᬳᬸᬦ᭄ᬢᭂᬂᬳᬮᬗ᭄ᬓᬢ᭄‌ᬢ᭄ᬮᬸᬂᬜᬭᬶ᭟᭜᭟ᬫᬮᬶᬄᬧᬮᬶᬄᬲᬭᬶ᭞
ᬲᬤᬸᬳᬸᬃᬧᬮᬶᬄᬧᬜ᭄ᬮᬄ᭞ᬢᬸᬫ᭄ᬧᬸᬓ᭄ᬮᬶᬫᬢ᭄ᬓᬦᬶᬂᬲᭂᬦᭂᬩ᭄᭞ᬫ᭄ᬯᬂᬧᬧᬶᬭᬶᬗᬦ᭄‌ᬲᬩᬢᬦ᭄ᬧᬮᬶᬄᬧᬜ᭄ᬮᬄ᭞ᬢᬸᬫ᭄ᬧᬸᬓ᭄ᬮᬶᬫᬢ᭄ᬓᬦᬶᬂᬲᬶᬦᭂᬩ᭄᭟ᬫ᭄ᬯᬂᬧᬧᬶᬭᬶᬗᬦ᭄ᬲᬩᬢᬦ᭄ᬧᬮᬶᬄᬧᬜ᭄ᬮᬄ᭞ᬗ᭞ᬢᬸᬫ᭄ᬧᬸᬓ᭄ᬢᭂ
[᭕ 5A]
ᬮᬸ᭞ᬧᬦᭂᬢᭂᬄᬢᬸᬫ᭄ᬧᬸᬓ᭄ᬧᬢ᭄᭞ᬧᬧᬶᬭᬶᬗᬦ᭄ᬲᬭᬶᬦ᭄ᬲᬜ᭄ᬘᬓ᭄ᬳᬲ᭄ᬮ᭞ᬲᬩᬢᬦ᭄ᬧᬧᬶᬭᬶᬗᬦ᭄᭠ᬢᬸᬫ᭄ᬧᬸᬓ᭄‌ᬢ᭄ᬮᬸ᭞ᬢ᭄ᬓᬦᬶᬂᬩᬩᭂᬦ᭄ᬢᭂᬢ᭄᭞ᬳᬸᬦ᭄ᬢᭂᬂᬦ᭄ᬬᬳᬮᬗ᭄ᬓᬢ᭄ᬭᬶᬂᬢ᭄ᬮᬸᬂᬜᬭᬶ᭟᭜᭟ᬫ᭄ᬯᬄᬬᬦ᭄ᬬᬫᬗ᭄ᬕᬯᬾᬧ
ᬮᬶᬄ᭞ᬬᬦ᭄ᬬᬫᬢᬫᬦ᭄᭞ᬮᬸᬫ᭄ᬩᬂᬧᬮᬶᬳᬾ᭞ᬳᬕᬸᬮᬶᬢᬸᬚᬸᬄ᭟ᬬᬦᬶᬂᬧᬤ᭄ᬫᬦ᭄ᬕᬭ᭞ᬳᬕᬸᬮᬶᬓᬲᬶᬂ᭟ᬬᬦᬶᬂᬧᬮᬶᬄᬲᬜ᭄ᬘᬓ᭄ᬦᬯᬾᬓ᭄᭞ᬳᬕᬸᬮᬶᬮᬸᬳᬸᬃᬧᬄᬢᬶᬕ᭞ᬫᬗ᭄ᬕᬮᬸᬫ᭄ᬩᬂᬤ᭄ᬯᬩᬕᬶ᭟᭜᭟ᬫ
ᬮᬶᬄᬬᬦᬶᬂᬧᬮᬶᬄᬮᬶᬫᬲ᭄᭞ᬲᬭᬶᬦ᭄ᬬᬢᬸᬫ᭄ᬧᬸᬓ᭄ᬧᬶᬢᬸ᭞ᬢ᭄ᬓᬦᬶᬂᬲᬶᬦᭂᬩ᭄᭞ᬫ᭄ᬯᬄᬧᬧᬶᬭᬶᬗᬦ᭄‌ᬧᬜ᭄ᬮᬄᬳᬲ᭄ᬮᬄᬲᭀᬭᬶᬂᬲᬳᬶᬄᬮᬶᬫ᭞ᬢ᭄ᬓᬦᬶᬂᬤᬲᬃ᭞ᬳᬸᬦ᭄ᬢᭂᬂᬳᬮᬗ᭄ᬓᬢ᭄᭟᭜᭟ᬫ᭄ᬯᬄᬓ᭄ᬯᬾᬳᬶᬂᬧᬮᬶᬄ᭞ᬧᬮᬶᬄ
ᬢᬫᬦ᭄ᬲᬭᬶ᭟ᬤᬯᬦᬾ᭞᭒᭘᭞ᬩᬯᬓᬾ᭞᭗᭐᭟ᬧᬮᬶᬄᬲᬜ᭄ᬘᬓᬾ᭞ᬤᬯᬦᬾ᭞᭒᭐᭞ᬩᬯᬓᬾ᭞᭕᭐᭟ᬫᬮᬶᬄᬧᬮᬶᬄᬢᬫᬦ᭄᭞ᬤᬯᬦᬾ᭞᭒᭐᭞ᬩᬯᬓᬾ᭞᭕᭐᭟ᬫᬮᬶᬄᬧᬮᬶᬄᬩᬢᬸᬃ᭞ [ 6 ][᭕ 5B]
᭕
ᬤᬯᬦᬾ᭞᭒᭐᭞ᬩᬯᬓᬾ᭞᭕᭐᭟ᬫᬮᬶᬄᬬᬦ᭄ᬬᬲᬜ᭄ᬘᬓ᭄ᬘᭂᬦᬶᬓ᭄᭞ᬤᬯᬦᬾ᭞᭒᭐᭞ᬩᬯᬓᬾ᭞᭕᭐᭟ᬫ᭄ᬯᬄᬲᬜ᭄ᬘᬓ᭄ᬤᬲᬭᬾ᭞ᬤᬯᬦᬾ᭞᭔᭐᭞ᬩᬯᬓᬾ᭞᭗᭐᭟ᬫᬮᬶᬄᬚᬭᭀᬦ᭄ᬩᬢᬸᬃᬫ᭄ᬯᬂ
ᬚᬭᭀᬦ᭄ᬢᬫᬦ᭄ᬧᬥᬓᬾᬄᬦ᭄ᬬ᭞ᬲᬯᬦᬾ᭞᭔᭞ᬩᬯᬓᬾ᭞᭗᭟ᬫᬮᬶᬄᬚᬭᭀᬦ᭄ᬲᬜ᭄ᬘᬓ᭄‌ᬢ᭄ᬓᬦᬶᬂᬲᬭᬶ᭞ᬧᬥᬓᬾᬄᬦ᭄ᬬ᭞ᬤᬯ᭞᭒᭞ᬩᬯᬓ᭄᭞᭕᭟ᬫᬮᬶᬄᬬᬦ᭄ᬧᬮᬶᬄᬮᬶᬫᬲ᭄᭞ᬳᬾᬮᬶᬗᬓ᭄ᬦ᭞ᬲ
ᬳᬶᬄᬮᬶᬫᬚᬸᬕᬵᬕᬯᬾᬦᭂᬦ᭄᭟ᬬᬦ᭄ᬲᬶᬭᬗ᭄ᬕᬾᬳᬓ᭄ᬱᬭᬳᬶᬓᬶ᭞ᬢ᭄ᬧᭂᬢᬓ᭄ᬦᬵᬳᬶᬥᭂᬧ᭄ᬢ᭞ᬳᬬ᭄ᬯᬢᬦ᭄ᬧ᭄ᬭᬤᬢᬳᬗᬶᬲᭂᬧᬮᬶᬄᬓᬩᬾᬄ᭞ᬳᬧᬦ᭄ᬳᬶᬲᬶᬦᬶᬂᬩ᭄ᬯᬦᬵᬳᬮᬶᬢ᭄᭞ᬫᬢ᭄ᬫᬢᬦ᭄ᬤᬤᬶᬯᬥᬄ
᭞ᬫ᭄ᬯᬩᬤᬾ᭞ᬫ᭄ᬯᬂᬧᬤ᭄ᬫᬲᬦᬵ᭞ᬫ᭄ᬯᬂᬫᬾᬭᬸ᭞ᬫ᭄ᬯᬂᬢᬸᬫ᭄ᬧᬂᬲᬮᬸ᭞ᬧᬶᬦᬓᬤᬲᬃᬕᬸᬦᬸᬂᬫᬮ᭄ᬬᬯᬦ᭄᭞ᬬᬦ᭄ᬲᬶᬭᬳᬗᬶᬲᭂᬧᬮᬶᬄ᭞ᬲᬓᬾᬶᬮᬸᬳᬸᬃᬚᬸᬕ᭞ᬳᬗᬶᬲᭂᬧᬮᬶᬄ᭞ᬯᬥᬄ᭞ᬩᬤᬾ᭞ᬧᬤ᭄ᬫᬲᬦᬵ᭞
[᭖ 6A]
ᬫᬾᬭᬸ᭞ᬢᬸᬫ᭄ᬧᬂᬲᬮᬸ᭞ᬭᬶᬂᬕᬸᬦᬸᬂᬫᬮ᭄ᬬᬧᬦ᭄‌ᬚᬸᬕᬧᬲᬸᬓ᭄ᬯᭂᬢᬸᬦᬶᬂᬧᬮᬶᬄᬳᬾᬓᬩᬾᬄ᭞ᬬᬧ᭄ᬭ᭠ᬤᬢᬚᬸᬕ᭞ᬫᬲᬸᬓ᭄ᬢᬓᬂᬧᬮᬶᬄᬭᬶᬂᬩ᭄ᬯᬦᬵᬦ᭄ᬢ᭟᭜᭟ᬫ᭄ᬯᬄᬬᬦ᭄ᬲᬶᬭᬳᬗ᭄ᬲᭂᬂ᭞ᬯᬤᬄᬫ᭄ᬯᬂᬩᬤᬾ᭞ᬲᬮ᭄ᬯᬶ᭠
ᬭᬶᬂᬯᬯᬗᬸᬦᬦ᭄᭞ᬧ᭄ᬭᬶᬂᬕᬕᬸᬮᬓ᭄ᬦ᭄ᬬ᭞ᬧᬺᬮᬶᬡᬬᬂᬕᬕᬸᬮᬓ᭄‌ᬭᬶᬂᬲᬾᬢ᭄ᬭᬩᬩᬚᬗᬦ᭄‌ᬚᬸ᭠ᬕᬕ᭄ᬲᭂᬂ᭞ᬬᬦ᭄ᬲᬶᬭᬫᬺᬮᬶᬦᬵᬬᬂ᭞ᬧᬶᬭᬶᬮᬓ᭄ᬦᬵᬳᬕ᭄ᬦᬶ᭞ᬭᬶᬂᬧᬸᬘᬓᬶᬂᬕᬸᬦᬸᬂᬭᬳᬲ᭄ᬬᬫᬸᬓ᭞ᬢ᭄ᬭᬸᬲ᭄ᬦᬶᬂᬚᬭᬭᬶ᭠
ᬦ᭄ᬢᬗᬦ᭄ᬢᭂᬗᭂᬦ᭄‌ᬦᬾᬢ᭄ᬗᬄᬮᬸᬳᬸᬃ᭞ᬲᬓᬾᬂᬳᬶᬭᬶᬓᬧᬸᬕᬢᬶᬩᬓᬓ᭄ᬦᬓᬂᬳᬕ᭄ᬦᬶ᭞ᬬᬦ᭄ᬬᬯᬸᬲᬫᬗ᭄ᬓᬦᬵ᭞ᬳᬯᬦ᭄ᬬᬳᬜᬸᬤᬂ᭞ᬯᬶᬚᬶᬮᬓ᭄ᬦᬓᬂᬢᭀᬬ᭞ᬭᬶᬂᬧᬸᬘᬓ᭄‌ᬕᬸᬦᬸᬂᬩ᭄ᬭᬸᬫᬥ᭄ᬬ᭞ᬬᬦ᭄ᬲᬶᬭᬵ
ᬯᬸᬲᬫᬗ᭄ᬓᬦᬵ᭞ᬳᬯᬸᬦ᭄ᬬᬫᬢ᭄ᬫᬳᬦ᭄ᬤᬤᬶᬳᬫᬺᬝᬲᬜ᭄ᬚᬶᬯᬦᬶ᭞ᬭᬶᬂᬰᬭᬷᬭᬦ᭄ᬢ᭞ᬬᬦ᭄ᬢᬦ᭄ᬲᬶᬭᬯ᭄ᬭᬸᬄᬭᬶᬂᬲᬫᬗ᭄ᬓᬦᬵ᭞ᬳᬬ᭄ᬯᬲᬶᬭᬮᬗ᭄ᬕᬦᬾᬫᬦᬸᬓᬗᬶᬦ᭄ᬯᬟᬄ᭞ᬲ᭄ᬬᬸᬢᭂᬫ᭄ᬯᬂᬲᬶᬭᬫᬦ᭄ᬤᬤᬶᬳᭂᬦ᭄ᬢᬶᬧᬶᬂ᭠ [ 7 ][᭖ 6B]
᭖
ᬓᬯᬄᬢᬫ᭄ᬩ᭄ᬭᬵᬕᭀᬫᬸᬓᬵ᭞ᬢ᭄ᬓᬾᬂᬲᬦᬓ᭄ᬧᬸᬢᬸᬩᬸᬬᬸᬢ᭄ᬦ᭄ᬬ᭞ᬢᬦ᭄ᬫᬦ᭄ᬫᬸᬤᬵᬮᬦ᭄ᬳᬧᬤᬂ᭚᭜᭚ᬫ᭄ᬯᬄᬬᬦ᭄ᬬᬫᬗ᭄ᬕᬯᬾᬯᬬᬄ᭞ᬫ᭄ᬯᬂᬩᬤᬾ᭞ᬕᬸᬭᬸᬢᬓ᭄ᬦᬵᬮᬶᬗᬶᬂᬳᬓ᭄ᬱᬭᬳᬶᬓᬶ᭞ᬬᬦ᭄ᬬᬦᭀᬭᬫᬦᬸᬭᬸᬢ᭄
ᬢᬦ᭄ᬯᬗ᭄ᬤ᭄ᬬᬲᬶᬭᬢᬶᬦ᭄ᬫᬄᬭᬶᬂᬲᬂᬳ᭄ᬬᬂᬢ᭄ᬭᬶᬧᬸᬭᬸᬱᬯᬶᬰᬾᬱᬵ᭞ᬤᬸᬤᬸᬲᬶᬭᬢᬸᬓᬂ᭞ᬢᬸᬓᬂᬳᬗ᭄ᬭᬲᬸᬓ᭄᭞ᬗ᭟ᬬᬦᬦᬢᬸᬓᬂᬢᬦ᭄ᬲᬢᬸᬭᬸᬢ᭄ᬭᬶᬂᬲᬲ᭄ᬢ᭄ᬭᬳᬶᬓᬶ᭞ᬢᬸᬓᬂᬢᬾᬚᬵᬕᬺ᭞ᬗ᭟ᬬᬦᬦᬵᬢᬸᬓᬂᬦᭀᬭ
ᬫᬸᬢᬸᬲᬓᭂᬦ᭄ᬓᬃᬬ᭄ᬬ᭞ᬢᬸᬓᬂᬧᬢ᭄ᬫᭀᬦ᭄᭞ᬗ᭟᭜᭟ᬳᬶᬓᬶᬓ᭄ᬭᬫᬦᬶᬂᬳᬱ᭄ᬝᬓᭀᬲᬮᬵ᭞ᬓᬯ᭄ᬭᬸᬳᬓ᭄ᬦᬫᬭᬶᬂᬳᬚ᭄ᬜᬦᬦ᭄ᬢ᭞ᬬᬦ᭄ᬫᬭᬶᬂᬧᬢᬶᬳᬸᬭᬶᬧᬶᬂᬢᬭᬸ᭞ᬩ᭄ᬦᭂᬭᬓ᭄ᬦᬧᬢᬶᬢᬶᬲ᭄ᬦ᭄ᬬᬫᬭᬶᬂᬰᬭᬶᬭᬦ᭄ᬢ᭞ᬫ᭄ᬯᬂᬲᬃ᭠
ᬯ᭄ᬯᬕᬶᬦᬯᬾ᭟ᬯᬺᬓ᭄ᬱ᭞ᬗ᭞ᬲᬓᬮ᭄ᬯᬶᬭᬶᬂᬢᬭᬸ᭞ᬗ᭞ᬓᬬᬸ᭞ᬗ᭞ᬯᬶᬢ᭄ᬯᬶᬢ᭄᭞ᬗ᭞ᬬᬸᬦ᭄᭞ᬗ᭞ᬩᬸᬤᬶᬦ᭄ᬢᬤᬾᬯᬾᬓ᭄ᬫᬭᬶᬂᬯᬶᬰᬾᬱ᭞ᬳᬶᬥᭂᬧ᭄ᬲᬂᬳ᭄ᬬᬂᬳᬕ᭄ᬦᬶᬫᬸᬗ᭄ᬕᬸᬄᬭᬶᬂᬳᬚ᭄ᬜᬡᬦ᭄ᬢ᭞ᬳᬶᬓᬵᬗ᭄ᬕᭀᬦᬗ᭄ᬲᭂᬂ
[᭗ 7A]
ᬲᬓᬮ᭄ᬯᬶᬭᬦᬶᬂᬢᬭᬸ᭞ᬫ᭞ᬒᬁᬳᬕ᭄ᬦᬶᬫᬸᬗ᭄ᬕᬸᬄᬲᬶᬭᬭᬶᬂᬩᬸᬗ᭄ᬓᬳᬶᬂᬦᬩᬶᬦ᭄ᬓᬸ᭞ᬳᬗ᭄ᬲᭂᬗᬓ᭄ᬦᬮᬭ᭞ᬭᭀᬕᬦ᭄ᬢ᭞ᬢ᭄ᬓᬕ᭄ᬲᭂᬂ᭞᭓᭞ᬒᬁᬧᬭᬶᬧᬹᬃᬡ᭄ᬦᬫᬺᬢᬵᬬᬦᬫᬄ᭟᭜᭟ᬫ᭄ᬯᬄᬳᬸᬭᬶᬧᬶᬂᬓᬬᬸ᭞ᬳᬸᬮᬶᬳᬓ᭄ᬦᬫᬭᬶᬂᬧ᭄ᬭᬢᬶ᭠
ᬯᬶ᭞ᬬᬦ᭄ᬭᬶᬂᬰᬭᬶᬭᬵᬢᬸᬗ᭄ᬕᬸᬳᬓ᭄ᬦᬵᬫᬭᬶᬂᬲᭀᬭᬶᬂᬦᬪᬶ᭞ᬧᬢᬶᬦᬶᬂᬢᬭᬸᬳᬸᬳᬓ᭄ᬦᬫᬭᬶᬂᬧᬸᬭᬸᬱ᭞ᬗ᭞ᬳᬓᬱᬵ᭞ᬳᬓᬱᬦᬾᬫᬭᬶᬂᬭᬕᬦᬾᬫᬕ᭄ᬦᬄᬭᬶᬂᬳᬕ᭄ᬭᬦᬶᬂᬭᬫ᭄ᬩᬸᬢ᭄᭟ᬓᬮᬶᬗᬦᬾᬩᬕᬯᬦ᭄ᬯᬶᬰ᭄ᬯ
ᬓᬃᬫ᭄ᬫ᭞ᬫᬸᬮᬦ᭄ᬳᬸᬦ᭄ᬤᬕᬶ᭞ᬦ᭄ᬤᬯᬢᬫᬧᬸᬢ᭄ᬭᬲᬂᬦᬮ᭞ᬫᬰᬭᬶᬭᬵᬳᬕ᭄ᬦᬶ᭞ᬬᬦ᭄ᬫᬗᬺᬩᬄᬢᬭᬸ᭞ᬳᭂᬤᭂᬧ᭄ᬲᬂᬦᬮᬓᭀᬦ᭄ᬫᬗ᭄ᬲᭂᬂ᭞ᬫ᭞ᬒᬁᬯᬦᬕᬶᬭᬶᬢᬭ᭞ᬯᬦᬲᬸᬤ᭄ᬟ᭞ᬕᬶᬭᬶᬲᬸᬤ᭄ᬟ᭞ᬢᬭᬸᬲᬸᬤ᭄ᬟ᭞᭠
ᬲᬃᬯ᭄ᬯᬢᬸᬫᬸᬯᬸᬄᬲᬸᬤ᭄ᬟ᭞ᬢ᭄ᬓᬲᬸᬤ᭄ᬟ᭞᭓᭟ᬭᬭᬶᬲ᭄ᬢᭂᬓ᭄ᬢᭂᬓ᭄ᬲᬓᬫᬓᬫ᭟᭜᭟ᬦ᭄ᬬᬦ᭄ᬲᬶᬓᬸᬢ᭄ᬯᬄᬤᬄ᭞ᬬᬦ᭄ᬧᬮᬶᬄᬲᬜ᭄ᬘᬓᬾᬕ᭄ᬟᭀᬧᬮᬶᬄᬤᬲᬃᬦ᭄ᬬ᭞ᬧᬧᬶᬭᬶᬗᬦ᭄᭞᭔᭞ᬯᬢᬾᬦ᭄᭞᭔᭞᭠ [ 8 ][᭗ 7B]
᭗
ᬩᬯᬓ᭄᭞᭑᭔᭟ᬫ᭄ᬯᬄᬧᬮᬶᬄᬤᬲᬃᬲᬤᬸᬯᬸᬃᬩᬘᭂᬫ᭄᭞ᬤᬯᬦᬾ᭞᭑᭔᭞ᬩᬯᬓ᭄᭞᭘᭔᭞ᬩ᭠ᬢᬸᬦ᭄ᬢᭂᬂᬦ᭄ᬬᬳᬮᬗ᭄ᬓᬢ᭄ᬧ᭄ᬢᬂᬜᬭᬶ᭟ᬫᬮᬶᬄᬧᬘᬶᬭᬦᬾ᭞᭖᭐᭞ᬫᬮᬶᬄ᭞᭔᭞ᬫᬮᬶᬄᬩ᭄ᬮᭂᬩᭂᬤ᭄᭞᭘᭞ᬩᬯᬓ᭄ᬦ᭄ᬬ
᭞᭑᭔᭟ᬧᬫᭂᬦ᭄ᬧᭂᬦ᭄ᬤᬲᬭᬾᬩ᭄ᬢᬾᬦ᭄᭞ᬫᬮᬶᬄᬧᬫᭂᬦ᭄ᬧᭂᬦ᭄ᬧᬦᬦ᭄ᬤᬶᬂᬩᬗ᭄ᬓ᭄ᬬᬂᬲᬜ᭄ᬘᬓᬾᬩ᭄ᬢᬾᬦ᭄ᬲᬶᬲᬶ᭞ᬳᬸᬦ᭄ᬢᭂᬂᬧᬮᬶᬄᬯᬬᬄ᭞᭓᭞ᬤᬶᬤᬸᬯᬸᬭᬦ᭄ᬧᬜ᭄ᬮᬄ᭞᭑᭞ᬫᬮᬶᬄᬤᬸᬯᬸᬭᬦ᭄᭞᭓᭓᭞ᬩᬯᬓ᭄᭞᭠
᭞᭑᭞ᬪᬯ᭞᭓᭞ᬩᬯᬓ᭄᭞᭑᭞ᬧᬧᬶᬭᬶᬗᬦ᭄᭞᭑᭞ᬩᬩᭂᬦ᭄ᬢᭂᬢ᭄᭞᭓᭞ᬩᬗ᭄ᬓ᭄ᬬᬂᬳᬸᬦ᭄ᬢᭂᬦ᭄ᬬ᭞ᬳᬮᬗ᭄ᬓᬢ᭄‌ᬯ᭄ᬢᬂᬜᬭᬶ᭟ᬩ᭄ᬢᬾᬦ᭄ᬲᬶᬲᬶ᭞ᬩᬯᬓᬾ᭞ᬑ᭞ᬧᬧᬶᬭᬶᬗᬦ᭄᭞᭑᭞ᬩᬯᬓ᭄᭞᭑ᬤᬶᬤᬸᬯᬸᬃ
᭞᭖᭞ᬧᬜ᭄ᬮᬄ᭞᭑᭞ᬤᬸᬯᬸᬃᬧᬜ᭄ᬮᬄ᭞᭓᭞ᬧᬦᭂᬦ᭄ᬧᭂᬦ᭄ᬩᬗ᭄ᬓ᭄ᬬᬂᬲᬜ᭄ᬘᬓᬾ᭞ᬫ᭄ᬢᬸᬧᬧᬶᬭᬶᬗᬦ᭄᭞᭠ᬤᬯ᭞ᬍ᭞ᬩᬯᬓ᭄᭞᭕᭟ᬢᭀᬦ᭄ᬬ᭞ᬩᬯᬓᬾ᭞᭑᭐᭞ᬤᬯ᭞᭔᭟ᬫᬮᬶᬄᬧᬫᭂᬦ᭄ᬧᭂᬦ᭄ᬲᬭᬶᬩ᭄ᬢᬾ᭠
[᭘ 8A]
ᬦ᭄ᬲᬶᬲᬶ᭞ᬳᬸᬦ᭄ᬢᭂᬂᬦ᭄ᬬᬤᬶᬤᬸᬯᬸᬃ᭞᭓᭞ᬮᬦ᭄ᬢᬲ᭄ᬧᬜ᭄ᬮᬄ᭞᭑᭞ᬤᬶᬤᬸᬯᬸᬃ᭞᭒᭞ᬳᬸᬦ᭄ᬢᭂᬂᬦ᭄ᬬᬲᬮᬗ᭄ᬓᬢ᭄ᬱᬜᬭᬶ᭟ᬤᬶᬤᬸᬯᬸᬭᬦ᭄᭞᭕᭞ᬧᬧᬶᬭᬶᬗᬦ᭄᭞᭒᭞ᬩᬯᬓ᭄᭞᭕᭞ᬤᬯ᭞᭒‌᭟ᬧᬮᬶᬄᬯᬬᬄ᭞᭑᭐᭞ᬧᬮᬶᬄᬜ
ᬤ᭞᭑᭐᭞ᬧᬮᬶᬄᬜᭀᬫᬦ᭄᭞᭑᭐᭞ᬧᬳᬾ᭞᭑᭖᭞ᬧᬮᬶᬄᬓ᭄ᬢᬸᬢ᭄᭞᭒᭘᭟ᬫᬮᬶᬄᬳᬓ᭄ᬯᬾᬄᬯᬢᭀᬦᬾ᭞ᬢ᭄ᬓᬦᬶᬂᬧᬧᬶᬭᬶᬗᬦ᭄᭞᭒᭒᭞ᬩᬯᬓ᭄᭞᭒᭒᭟ᬫᬮᬶᬄᬬᬦ᭄ᬬᬯᬸᬲᬵᬦ᭄ᬫᬮᬲ᭄ᬧᬲᬶᬦ᭄ᬯᬤᬄ
᭞ᬫᬮᬶᬄᬫᬫᬦ᭄ᬢ᭄ᬭ᭞ᬫ᭞ᬒᬁᬦᬫᬰᬶᬯᬬ᭞ᬲᬳᬶᬳᬗ᭄ᬕᬧᬢᬶ᭞ᬫ᭄ᬭᬚᬧᬢᬶ᭞ᬩᬦᬲ᭄ᬧᬢᬶ᭞ᬩᬦᬲ᭄ᬧᬢᬶᬭᬵᬚ᭞ᬢ᭄ᬕᭂᬦᬂᬩ᭄ᬮᬶᬯᬥᬄᬢ᭄ᬓᭂᬤᬶᬧᭂᬫ᭄ᬧᬢᬦᬾ᭞ᬪᬝᬭᬓᬵᬮᬳᬢᬸᬭᬶᬦ᭄‌ᬢ᭄ᬓᭂᬤ᭄ᬭᬶᬂᬲ᭄ᬫᬦᬾ᭞ᬪ
ᬝᬭᬵᬩ᭄ᬭᬳ᭄ᬫᬵᬳᬢᬸᬭᬶᬦ᭄᭞ᬫᬫᬸᬧᬸᬢᬂᬗ᭄ᬲᭂᬂ᭞ᬢ᭄ᬓᬵᬲᬸᬤ᭄ᬟ᭞ᬑ᭟᭟᭜᭟ᬭᬭᬶᬲ᭄ᬫᬢᬩᬸᬄ᭞ᬫ᭞ᬒᬁᬲᬁᬤᬁᬘᬁᬧᬢᬶ᭞ᬳᬶᬓᬶᬗᬕᬜ᭄ᬚᬭᬦ᭄ᬢᬵ᭞ᬧᭀᬫᬲᬶᬭ᭞ᬳᬚᬳᬗ᭄ᬮᬭᬦᬶᬦ᭄᭞ᬒᬁᬪᬸᬝ᭠ [ 9 ][᭘ 8B]
᭘
ᬬᬦᬫᬰ᭄ᬯᬳᬵ᭟᭜᭟ᬭᬭᬶᬲ᭄ᬫᬢᬩᬸᬄ᭞ᬫ᭞ᬇᬄᬲᬂᬳᬗ᭄ᬕᬪᬸᬝ᭞ᬅᬱ᭄ᬝᬪᬹᬝ᭞ᬫᬲ᭄ᬢᬓᬪᬸ᭠ᬝ᭞ᬫ᭄ᬮᬾᬘ᭄ᬘᬪᬸᬝ᭞ᬢᬸᬢᬸᬓ᭄ᬪᬸᬝ᭞ᬧᬤᬪᬸᬝ᭞ᬳᬦᬥᬄᬢᬲᬶᬭᬢᬦ᭄ᬧᬳᬶᬯᬓ᭄᭞ᬬᬦᬦᬵᬯᭀᬂ
ᬳᬶᬃᬱ᭄ᬬᬧᬕᬯᬾᬦᬶᬂᬳᬸᬮᬸᬦ᭄᭞ᬇᬓᬸᬢᬥᬄᬳᬦ᭄᭞ᬫᬓᬵᬢᬸᬮᬫᬦ᭄ᬲᬶᬭᬵ᭞ᬧᭀᬫ᭞᭓᭟᭜᭟ᬫ᭄ᬯᬄᬭᬶᬓᬵᬮᬳᬫ᭄ᬚᬄᬕᬕᬸᬮᬓ᭄᭞ᬫ᭄ᬯᬂᬩᬤᬾ᭞ᬳᬶᬓᬶᬧᬦᬸᬕ᭄ᬭᬳᬦ᭄ᬬ᭞ᬫ᭞ᬒᬁ᭞ᬮᬶᬗ᭄ᬫᬵᬫᬸᬮᬶᬄ
ᬫᬭᬶᬂᬢᬭᬸ᭞ᬕᭂᬕᭂᬲ᭄ᬫᬸᬮᬶᬄᬫᬭᬶᬂᬩᬸᬓᬸ᭞ᬭᬫ᭄ᬬᬢ᭄ᬓᬫᬸᬭᬶᬧ᭄᭞ᬒᬁᬥᬶᬃᬕ᭄ᬕᬵᬬᬸᬱᬬᬦᬰ᭄ᬯ᭠ᬳ᭟ᬳᬶᬓᬶᬫᬓᬵᬤᬾᬯᬦᬶᬂᬢᬭᬸᬫ᭄ᬯᬂᬩᬸᬓᬸ᭞ᬳ᭄ᬬᬂᬲᬫ᭄ᬩᬸ᭞ᬫᬳᬾᬰ᭄ᬯᬭ᭞ᬳ᭄ᬬᬂᬩ᭄ᬭᬳ᭄ᬫᬵ᭟ᬳ᭄ᬬᬂᬰᬶᬯᬵ
ᬭᬶᬂᬤᬕᬶᬂ᭟᭜᭟ᬳᬶᬓᬶᬧᬗᬬᬩᬦ᭄ᬢᭂᬦ᭄᭞ᬫ᭞ᬒᬁᬧ᭄ᬭᬦᬫ᭄ᬬᬩᬲ᭄ᬓᬭᬤᬾᬯᬀ᭞ᬲᬃᬯ᭄ᬯᬓ᭄ᬮᬶᬱᬵᬯᬶᬦᬲᬦᬀ᭞ᬧᬺᬦᬫ᭄ᬬᬤᬶᬢ᭄ᬬᬲᬃᬯ᭄ᬯᬳᬀ᭞ᬩᬸᬓ᭄ᬢᬶᬩᬸᬓ᭄ᬢᬶᬦᬫᭀᬦᬫᬄ᭞ᬢ᭄ᬮᬲ᭄᭟᭜᭟ᬫᬦ᭄ᬢ᭄ᬭᬦ᭄ᬲ
[᭙ 9A]
ᬲᬦ᭄ᬢᬸᬦ᭄᭞ᬫ᭞ᬒᬁᬅᬁᬉᬁᬫᬁᬰᬶᬯᬵᬬᭀᬕᬶᬧ᭄ᬭᬫᬵᬰᬶᬥ᭄ᬬᬀ᭞ᬲᬸᬤ᭄ᬤᬬᬦᬫᬄ᭟᭜᭟ᬳᬲᭂᬧ᭄᭞ᬫ᭞ᬒᬁᬅᬁᬩ᭄ᬭᬳ᭄ᬫᬵᬬᬦᬫᬄᬰ᭄ᬯᬳᬵ᭟᭜᭟ᬫ᭄ᬯᬂᬢ᭄ᬧᬸᬂᬢᬯᬃ᭞ᬫᬧᬸᬓᬸᬮᬸᬦ᭄ᬧᬤᬸᬓᬪᬝᬭᬕᬸᬭᬸ᭞
ᬳᬦ᭄ᬧᬸᬂᬢᬯᬭᬶᬦ᭄ᬯᬯᬗᬸᬦᬦᬶᬂᬳᬸᬮᬸᬦ᭄᭞ᬫ᭄ᬯᬄᬲᬓᬩᬶᬲᬦ᭄᭞ᬒᬁᬲᬶᬥᬶᬭᬲ᭄ᬢᬸᬯᬲ᭄ᬢᬸᬬᬦᬫᬄ᭟᭜᭟ᬫ᭄ᬯᬄᬫᬦ᭄ᬢ᭄ᬭᬦ᭄ᬮᬶᬲ᭄᭞ᬫ᭞ᬒᬁᬳᬶᬮᬳᬶᬮᬵᬢᬦᬦᬵ᭞ᬳᬸᬮᬄᬳᬸᬮᬄᬢᬦᬦᬵ᭞ᬇᬥᭂᬧᬶᬂᬳ
ᬗᬤᭂᬕᬓᭂᬦ᭄ᬮᬶᬲ᭄᭞ᬭᬶᬦᬾᬓᬳᬗᬥᭂᬕ᭄‌ᬳᬗ᭄ᬕᭀᬦᬶᬩᬸ᭞ᬳᬗᬶᬮᬗᬂᬳᬮᬳᬮ᭞ᬳᬶᬮᬶᬳᬶᬮᬶ᭞ᬫᬦ᭄ᬥᬸᬭᬕ᭄ᬲᭂᬂᬲᬶᬭᬓᬩᬾᬄ᭞ᬒᬁᬲᬳᬢ᭄ᬧᬸᬂᬢᬯᬃᬪᬝᬭᬵᬦᬫᬰᬶᬯᬬ᭟᭜᭟ᬦᬶᬳ
ᬦ᭄ᬤᬾᬯᬦᬶᬂᬧᬮᬶᬄ᭞ᬓᬯ᭄ᬭᬸᬳᬓ᭄ᬦᬵ᭞ᬬᬦ᭄ᬬᬫᬯᬗᬸᬦ᭄ᬧᬗᬗ᭄ᬕᭀᬦ᭄ᬤᬍᬫ᭄᭞ᬧᬮᬶᬄᬲᬗ᭄ᬳᬵ᭞ᬤᬾᬯᬢᬦ᭄ᬬᬤᬾᬯᬦᬯᬲᬗ᭄ᬳᬵ᭞ᬫᬗ᭄ᬭᬕᬦᬶᬦ᭄᭞ᬫ᭄ᬯᬄᬓᬮᬵᬲᬗᬵᬯᬃᬡ᭄ᬦᬦ᭄ᬬ᭟ᬬᬦᬶᬂᬧᬮᬶᬄᬧᬶ [ 10 ][᭙ 9B]
᭙
ᬢᬸᬯ᭄ᬦᬂᬧᬺᬕᬸᬲ᭄ᬢᬶ᭞ᬤᬾᬯᬦ᭄ᬬᬲᬂᬳ᭄ᬬᬂᬲᬧ᭄ᬢᬕᬦᬵ᭞ᬫ᭄ᬯᬄᬓᬮᬵᬦ᭄ᬬᬲᬧ᭄ᬢᬯᬃᬡ᭄ᬦ᭟ᬧᬮᬶᬄᬮᬶᬫᬵᬧᬗᬗ᭄ᬕᬾᬦ᭄ᬲᬂᬩ᭄ᬭᬳ᭄ᬫᬵᬡ᭞ᬤᬾᬯᬦ᭄ᬬᬧᬜ᭄ᬘᬋᬱᬶ᭞ᬓᬮᬦ᭄ᬬᬧᬜ᭄ᬘᬩᬸᬫᬶ᭟ᬫ᭄ᬯᬄᬧᬮᬶᬄᬢ᭄ᬮᬸ᭞ᬯ᭄ᬦᬂᬯᬂᬲᬸᬤ᭄ᬭ᭞
ᬤᬾᬯᬦ᭄ᬬᬘᬢᬹᬃᬯᬃᬡ᭄ᬦ᭞ᬫ᭄ᬯᬂᬓᬮᬦ᭄ᬬᬘᬢᬹᬃᬯᬃᬡ᭄ᬦ᭞ᬧᬥᬬᬫᬤᬓ᭄ᬱᬶᬦᬵᬓᬩᬾᬄ᭟᭜᭟ᬦ᭄ᬬᬦ᭄ᬓ᭄ᬭᬫᬦᬶᬂᬧᬮᬶᬄᬯᬥᬄ᭞ᬓᬯ᭄ᬭᬸᬳᬓ᭄ᬦᬤᬾᬲᬂᬫᬬᬸᬦᬸᬓᬗᬶᬦ᭄᭞ᬫᬦ᭄ᬢ᭄ᬭᬓ᭄ᬦᬵᬤᬾᬲᬂᬯᬶᬰ᭄ᬯᬓᬃᬫ᭄ᬫ᭞ᬓᬶ
ᬦᭀᬦ᭄ᬤᬾᬦᬶᬭᬳᬦᬸᬓᬗᬶᬦ᭄ᬯᬥᬄ᭞ᬳᬗᬸᬮᬹᬃᬲᬶᬭᬕᬕᬸᬮᬓ᭄᭞ᬫ᭄ᬯᬃᬲ᭄ᬧᬢ᭄ᬲᬶᬓᬸᬲᬶᬓᬸ᭞ᬫ᭄ᬯᬄᬧᬮᬶᬄᬧᬳᬾ᭞ᬧᬮᬶᬄᬲᬜ᭄ᬘᬓ᭄᭞ᬧᬶᬭᬶᬂᬩᭀᬕ᭄ᬧᬮᬶᬄᬫᬢᬶ᭞ᬫ᭄ᬯᬂᬳᬤᭂᬕᬦ᭄ᬧᬢᬸᬮᬗᬦ᭄᭞ᬳᬤᭂ
ᬕᬦ᭄ᬤᬦ᭄ᬤ᭞ᬳᬤᭂᬕᬦ᭄ᬫᬥ᭄ᬬ᭞ᬲᬸᬓᬸᬧᬦ᭄ᬤᬓ᭄᭞ᬲᬦᬦ᭄ᬳᬫ᭄ᬧᬾᬮ᭄᭞ᬫ᭄ᬓᬤᬶᬓᬢᬫ᭄ᬧᬮᬦ᭄᭞ᬫᬸᬮᬶᬄᬭᬶᬂᬓᬸᬮᬶᬢᬶᬂᬫᬦᬸᬱ᭞ᬳᬤᭂᬕᬦ᭄ᬧᬦ᭄ᬤᬓ᭄᭞ᬫᬸᬮᬶᬄᬭᬶᬂᬩᬸᬦ᭄ᬢᬸᬢᬶᬂᬫᬦᬸᬱᬵ᭞ᬳᬤᭂᬕᬦ᭄ᬫᬥ᭄ᬬᬫᬂ
[᭑᭐ 10A]
ᬤᬤᬶᬢᬗᬦ᭄ᬓᬭᭀ᭞ᬳᬤᭂᬕᬦ᭄ᬳᬦ᭄ᬤᬫᬦ᭄ᬤᬤᬶᬢᬸᬮᬂ᭞ᬳᬤᭂᬕᬦ᭄ᬧᬢᬸᬮᬗᬦ᭄᭞ᬫᬦᬤᬶᬢᬸᬮᬂ᭠ᬕᬶᬬᬶᬂ᭞ᬢᬸᬳᬸᬢᬶᬗᬭᬦᬦ᭄ᬲᬚ᭞ᬓᬂᬳᬶᬗᬭᬦᬦ᭄ᬭᬢᬸᬦᬶᬂᬰᬭᬶᬭ᭞ᬳᬶᬓᬳᬶᬗᬭᬦ᭄ᬢᬸᬮᬂᬚᬢᬶ᭞ᬳᬶ᭠
ᬗᬗ᭄ᬕᭀᬲᬶᬓᬸᬢᬶᬂᬩᬦ᭄ᬤᬸ᭞ᬫ᭄ᬯᬂᬲᬶᬓᬸᬢᬶᬂᬢᬫᬦ᭄ᬮᬶᬗ᭄ᬕᬦ᭄ᬕᬭ᭞ᬲᬶᬓᬸᬢᬶᬂᬩᬢᬸᬃᬲᬭᬶ᭞ᬲᬶᬓᬸᬢᬶᬂᬮᬮᬶᬫᬲᬦ᭄᭞ᬲᬶᬓᬸᬢᬶᬂᬧᬤ᭄ᬫ᭞ᬲᬫᬮᬲᬦ᭄ᬧᬧᬕ᭞ᬳᬶᬓᬵᬢᬫᬳᬸᬢᬫᬤᬳᬢᬸ᭞ᬧᬧᬕᬵᬮᬯ᭠
ᬦ᭄ᬧᬤ᭄ᬫ᭞ᬫᬧᬦ᭄ᬮᬸᬯᬸᬭᬶᬗᬓᬱᬵᬕ᭄ᬦᬄᬦ᭄ᬬ᭞ᬢ᭄ᬮᬲ᭄ᬧᬶᬥᬃᬣᬦ᭄ᬬᬓᬤᬶᬳᬶᬓᬵ᭟᭜᭟ᬫ᭄ᬯᬄᬧᬫ᭄ᬮᬲ᭄ᬧᬲ᭄ᬯᬥᬄ᭞ᬚᬦ᭄ᬬᬲᬸᬤ᭄ᬭ᭞ᬯᬂᬢᬦᬶᬢᬦ᭄ᬧᬯᬗ᭄ᬰ᭞ᬫᬓᬵᬯᬥᬄᬦ᭄ᬬ᭞ᬫ᭄ᬯᬂᬕᬕᬸᬮᬓ᭄ᬦ᭄ᬬ᭞ᬫᬓᬵᬃᬬ᭄ᬬ᭠
ᬤᬓ᭄ᬱᬶᬡᬳᬕᭂᬂᬤᬾᬦᬕ᭄ᬦᭂᬧ᭄᭞ᬳᬃᬣᬦ᭄ᬬ᭞᭑᭗᭐᭐᭞ᬩ᭄ᬭᬲᬘᬢᬸ᭞ᬇᬓᬶᬧᬸᬚᬦ᭄ᬬ᭞ᬫ᭞᭠ᬧᬦᬶᬥᬶᬂᬧ᭄ᬭᬶᬂᬫᬸᬮᬶᬄᬫᬭᬶᬂᬲᬃᬯ᭄ᬯᬲᬦ᭄ᬤᬶ᭞ᬫᬭᬶᬂᬰᬭᬶᬭ᭞ᬫᭀᬮᭀᬂᬫᬸᬮᬮᬶᬄᬫᬭᬶᬂᬕᭂᬗᬶᬂᬫᬦᬄ᭞ᬲᬫᬗ᭄ᬓ [ 11 ][᭑᭐ 10B]
᭑᭐
ᬦᬵᬓᬤᬤ᭄ᬬᬦ᭄ᬬ᭞ᬫᬗᬸᬦᬶᬦ᭄ᬬᬓᬸᬦᬓᬸᬦ᭞ᬧᬥᬫᬸᬮᬶᬄᬫᬭᬶᬂᬳᬢ᭄ᬫᬦ᭄ᬧ᭄ᬭᬶᬂ᭞ᬳᬢ᭄ᬫᬵᬦ᭄ᬓᬬᬸᬧᬥᬗᬶᬗᭂᬢᬂᬧᬶᬢᬸᬤ᭄ᬯᬦ᭄ᬬᬫᬲᭀᬃᬲᬶᬗ᭄ᬕᬶᬄ᭞ᬲᬫᬗ᭄ᬓᬦᬵᬓ᭄ᬭᬫᬦ᭄ᬬ᭟᭜᭟ᬫ᭄ᬯᬄᬢᬶᬗ᭄ᬓᬄᬫᬗᬯᬾᬕᬕᬸᬮ
ᬓ᭄᭞ᬢᬫᬦ᭄ᬳᬕᬸᬂ᭞ᬢᬫᬦ᭄ᬧᬸᬗ᭄ᬕᭂᬮ᭄᭞ᬩᬢᬸᬃᬲᬭᬶ᭞ᬅᬃᬝᬦ᭄ᬬ᭞᭑᭗᭐᭐᭞ᬕ᭄ᬦᭂᬧ᭄᭟ᬬᬦ᭄ᬬᬫᬓᬵᬃᬬ᭄ᬬᬮᬮᬶᬫᬲᬦ᭄᭞ᬳᬶᬥᭂᬧᬂᬲᬂᬳ᭄ᬬᬂᬤᬸᬃᬕ᭄ᬕᬵᬕᬸᬭᬸ᭟ᬬᬦ᭄ᬬᬯ᭄ᬯᬂᬫᬾᬦᬓ᭄᭞ᬧᬺᬕᬸᬲ᭄ᬢᬶ᭞ᬧᬺᬫᬜ᭄ᬘ᭞
ᬧᬗ᭄ᬭᬸᬭᬄ᭞ᬧᬺᬩ᭄ᬓᭂᬮᬓ᭞ᬧᬺᬕᬶᬦᬵ᭞ᬮ᭄ᬯᬶᬳᬶᬂᬧ᭄ᬭᬚ᭄ᬜᬦ᭄᭞ᬧᬺᬓᬗ᭄ᬕᭀ᭞ᬓᬦᬶᬲᬸᬓᬵᬯᬶᬃᬬ᭄ᬬᬧᭂᬧᭂᬓᬶᬂᬲᬸᬓ᭞ᬫᬓᬵᬯ᭄ᬦᬗᬶᬂᬯᬥᬄᬦ᭄ᬬ᭞ᬩᬢᬹᬃᬲᬭᬶ᭞ᬢᬫᬦ᭄ᬫᬥ᭄ᬬ᭞ᬫᬓᬵᬯᬃᬡ᭄ᬦᬵᬦ᭄ᬬ᭞ᬯᭀᬂᬧᬺᬫᬜ᭄ᬘ᭞ᬯᬾᬱ᭄ᬬ
ᬯ᭄ᬦᬂᬬ᭞ᬢᬫᬦ᭄ᬳᬕᬸᬂ᭟ᬧᬫ᭄ᬮᬲ᭄ᬧᬲ᭄ᬦ᭄ᬬᬵᬳᬶᬥᭂᬧᬂᬲᬂᬳ᭄ᬬᬂᬲᬭᬰ᭄ᬯᬢᬶ᭟᭜᭟ᬫ᭄ᬯᬄᬲᬦᬾᬯ᭄ᬦᬂᬫᬢᬸᬫ᭄ᬧᬂ᭞ᬫᬲᭀᬃᬲᬶᬗ᭄ᬕᬶᬄᬢᬸᬫ᭄ᬧᬂᬦ᭄ᬬ᭞ᬢᬸᬫ᭄ᬧᬂ᭞᭑᭑᭞ᬢᬸᬫ᭄ᬧᬂ᭞᭙᭞ᬢᬸᬫ᭄ᬧᬂ᭞᭗᭞ᬢᬸᬫ᭄ᬧᬂ᭞᭕᭞ᬢᬸᬫ᭄ᬧᬂ᭞
[᭑᭑ 11A]
᭞ᬑ᭟ᬫ᭄ᬯᬄᬢᬹᬃᬦ᭄ᬬᬳᬫᬓᬸᬄ᭞ᬲᬲᬦ᭄ᬢᬸᬦ᭄ᬬᬚᬶᬦᬄ᭞ᬩᬦ᭄ᬢᭂᬦ᭄ᬧᬫ᭄ᬮᬲ᭄ᬧᬲ᭄᭞᭕᭒᭗᭞ᬫ᭄ᬯᬄᬚᬶᬦᬲᬾ᭠ᬦᬦ᭄‌ᬳᬦᬹᬢ᭄ᬧᬳᬶᬥᭂᬭᬦ᭄᭞ᬲᬲᬦ᭄ᬢᬸᬦ᭄‌ᬫ᭄ᬮᬲ᭄ᬧᬲᬂᬦ᭄᭞ᬅᬃᬣᬦ᭄ᬬ᭞᭙᭙᭙᭙᭟ᬢᬫᬦ᭄ᬧᬸᬗ᭄ᬕᭂᬮ᭄᭞ᬅᬃ
ᬣᬦ᭄ᬬ᭞᭗᭗᭗᭗᭟ᬩᬢᬸᬃᬲᬭᬶ᭞ᬳᬃᬣᬦ᭄ᬬ᭞᭕᭕᭕᭕᭟ᬗᬯᬾᬕᬕᬸᬮᬓ᭄ᬢᬫᬦ᭄ᬫᬥ᭄ᬬ᭞ᬲᬲ᭠ᬦ᭄ᬢᬸᬦ᭄ᬳᬃᬣᬦ᭄ᬬ᭞᭕᭐᭐᭟ᬕᬕᬸᬮᬓ᭄ᬮᬮᬶᬫᬲᬦ᭄᭞ᬅᬃᬣᬦ᭄ᬬ᭞᭒᭕᭐᭟ᬚᬶᬦᬄᬲᬦᬦ᭄᭞᭓᭓᭞ᬕ᭄ᬦᭂᬧ᭄
᭟᭜᭟ᬲᬲᬧᬦ᭄ᬲᬲᬦ᭄ᬢᬸᬦ᭄᭞ᬕᬕᬸᬮᬓ᭄᭞ᬫᬓᬾᬭᬾᬗ᭄ᬭᬜ᭄ᬘᬂ᭞ᬫ᭞ᬇᬘᬳᬶᬓᬂᬧ᭄ᬭᬶᬂ᭞ᬫ᭄ᬗᬲᬶᬭᬩᬢᬸᬫᬘᭂᬧᬓ᭄᭞ᬫ᭄ᬢᬸᬲᬶᬭᬕᬕᬸᬮᬓ᭄‌ᬧᭀᬫᬵ᭟᭜᭟ᬲᬲᬧᬦ᭄ᬳᬫᬓᬸᬄᬯᬥᬸᬄ᭞ᬫ᭞ᬅᬄᬲᬂᬘᬶ
ᬮᬶᬫᭂᬦ᭄ᬢᬶᬓ᭄᭞ᬲᬧᬦᬹᬕ᭄ᬭᬳᬵᬦ᭄ᬱᬶᬭ᭞ᬪᬕᬯᬵᬦ᭄ᬯᬶᬰ᭄ᬯᬓᬃᬫ᭄ᬫ᭞ᬦᬸᬕ᭄ᬭᬳᬲᬶᬭ᭞ᬓᬓᬶᬰᬶᬯᬕᭀᬢ᭄ᬭ᭞ᬦᬶᬦᬶᬰᬶᬯᬕᭀᬢ᭄ᬭ᭞ᬗᬤᭂᬕ᭄ᬲᬶᬭᬦᬶᬦᬶᬫᬦ᭄ᬢᬸᬓ᭄ᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬳᬢᬹᬭᬓ᭄ᬦᬭᬶᬂᬪᬝᬭᬰᬶᬯᬵ᭞ [ 12 ][᭑᭑ 11B]
᭑᭐
ᬦᬓᬤᬤ᭄ᬬᬦ᭄ᬬ᭞ᬫᬗᬸᬦᬶᬦ᭄ᬬᬓᬸᬦᬓᬸᬦ᭞ᬧᬥᬫᬸᬮᬶᬄᬫᬭᬶᬂᬳᬢ᭄ᬫᬦ᭄ᬧ᭄ᬭᬶᬂ᭞ᬳᬢ᭄ᬫᬵᬦ᭄ᬓᬬᬸᬧᬥᬗᬶᬗᭂᬢᬧᬶᬢᬸᬤ᭄ᬯᬦ᭄ᬬᬫᬲᭀᬃᬲᬶᬗ᭄ᬕᬶᬄ᭞ᬲᬫᬗ᭄ᬓᬦᬵᬓ᭄ᬭᬫᬦ᭄ᬬ᭟᭜᭟ᬫ᭄ᬯᬄᬢᬶᬗ᭄ᬓᬄᬫᬗᬯᬾᬕᬕᬸᬮ
ᬓ᭄᭞ᬢᬫᬦ᭄ᬡᬕᬸᬂ᭞ᬢᬫᬦ᭄ᬧᬸᬗ᭄ᬕᭂᬮ᭄᭞ᬩᬢᬸᬃᬲᬭᬶ᭞ᬅᬃᬝᬦ᭄ᬬ᭞᭑᭗᭐᭐᭞ᬕ᭄ᬦᭂᬧ᭄᭟ᬬᬦ᭄ᬬᬫᬓᬵᬃᬬ᭄ᬬᬮᬮᬶᬫᬲᬦ᭄᭞ᬳᬶᬥᭂᬧᬂᬲᬂᬳ᭄ᬬᬂᬤᬸᬃᬕ᭄ᬕᬵᬕᬸᬭᬸᬬᬦᬬᬯ᭄ᬯᬂᬫᬾᬦᬓ᭄᭞ᬧᬺᬕᬸᬲ᭄ᬢᬶ᭞ᬧᬺᬫᬜ᭄ᬘ᭞
ᬧᬗ᭄ᬭᬭᬄ᭞ᬧᬺᬩ᭄ᬓᬮ᭄᭞ᬧᬺᬕᬶᬦᬵ᭞ᬮ᭄ᬯᬶᬳᬶᬂᬧ᭄ᬭᬚ᭄ᬜᬦ᭄᭞ᬧᭂᬓᬗ᭄ᬕᭀ᭞ᬫ᭄ᬓᬤᬶᬲᬸᬓᬵᬯᬶᬃᬬ᭄ᬬᬧᭂᬧᭂᬓᬶᬂᬲᬸᬓ᭞ᬫᬓᬵᬯ᭄ᬦᬗᬶᬂᬯᬥᬄᬦ᭄ᬬ᭞ᬩᬢᬹᬃᬲᬭᬶ᭞ᬢᬫᬦ᭄ᬫᬥ᭄ᬬ᭞ᬫᬓᬵᬯᬃᬡ᭄ᬦᬵᬦ᭄ᬬ᭞ᬯᭀᬂᬧᬺᬫᬜ᭄ᬘ᭞ᬯᬾᬱ᭄ᬬ
ᬯ᭄ᬦᬂᬬ᭞ᬢᬫᬦ᭄ᬳᬕᬸᬂ᭟ᬧᬫ᭄ᬮᬲ᭄ᬧᬲ᭄ᬦ᭄ᬬᬵᬳᬶᬥᭂᬧᬂᬲᬂᬳ᭄ᬬᬂᬲᬭᬰ᭄ᬯᬢᬶ᭟᭜᭟ᬫ᭄ᬯᬄᬲᬦᬾᬯ᭄ᬦᬂᬫᬢᬸᬫ᭄ᬧᬂ᭞ᬫᬲᭀᬃᬲᬶᬗ᭄ᬕᬶᬄᬢᬸᬫ᭄ᬧᬂᬦ᭄ᬬ᭞ᬢᬸᬫ᭄ᬧᬂ᭑᭑᭞ᬢᬸᬫ᭄ᬧᬂ᭞᭙᭞ᬢᬸᬫ᭄ᬧᬂ᭞᭗᭞ᬢᬸᬫ᭄ᬧᬂ᭞᭕᭞ᬢᬸᬫ᭄ᬧᬂ᭞
[᭑᭒ 12A]
᭞᭓᭟ᬫ᭄ᬯᬄᬢᬹᬃᬦ᭄ᬬᬳᬫᬓᬸᬄ᭞ᬲᬲᬦ᭄ᬢᬸᬦ᭄ᬬᬚᬶᬦᬄ᭞ᬩᬦ᭄ᬢᭂᬦ᭄ᬧᬫ᭄ᬮᬲ᭄ᬧᬲ᭄᭞᭕᭒᭗᭞ᬫ᭄ᬯᬄᬚᬶᬦᬄᬲ᭠ᬦᬦ᭄‌ᬳᬦᬹᬢ᭄ᬧᬳᬶᬥᭂᬭᬦ᭄᭞ᬲᬲᬦ᭄ᬢᬸᬦ᭄‌ᬫ᭄ᬮᬲ᭄ᬧᬲᬶᬦ᭄᭞ᬅᬃᬣᬦ᭄ᬬ᭞᭙᭙᭙᭙᭟ᬢᬫᬦ᭄ᬧᬸᬗ᭄ᬕᭂᬮ᭄᭞ᬅᬃ
ᬣᬦ᭄ᬬ᭞᭗᭗᭗᭗᭟ᬩᬢᬸᬃᬲᬭᬶ᭞ᬳᬃᬣᬦ᭄ᬬ᭞᭕᭕᭕᭕᭟ᬗᬯᬾᬕᬕᬸᬮᬓ᭄ᬤᬫᬦ᭄ᬫᬥ᭄ᬬ᭞ᬲᬲ᭠ᬦ᭄ᬢᬸᬦ᭄ᬳᬃᬣᬦ᭄ᬬ᭞᭕᭐᭐᭟ᬕᬕᬸᬮᬓ᭄ᬮᬮᬶᬫᬲᬦ᭄᭞ᬅᬃᬣᬦ᭄ᬬ᭞᭒᭐᭟ᬚᬶᬦᬄᬲᬦᬦ᭄᭞᭓᭓᭞ᬕ᭄ᬦᭂᬧ᭄
᭟᭜᭟ᬲᬲᬧᬦ᭄ᬲᬲᬦ᭄ᬢᬸᬦ᭄᭞ᬕᬕᬸᬮᬓ᭄᭞ᬫᬓᬾᬭᬾᬗ᭄ᬭᬜ᭄ᬘᬂ᭞ᬫ᭞ᬇᬘᬳᬶᬓᬂᬧ᭄ᬭᬶᬂ᭞ᬫ᭄ᬗᬲᬶᬭᬩᬢᬸᬫᬘᭂᬧᬓ᭄᭞ᬫ᭄ᬢᬸᬲᬶᬭᬕᬕᬸᬮᬓᬓ‌ᬧᭀᬫᬵ᭟᭜᭟ᬲᬲᬧᬦ᭄ᬳᬫᬓᬸᬄᬯᬥᬄ᭞ᬫ᭞ᬅᬄᬲᬂᬘᬶ
ᬮᬶᬫᭂᬦ᭄ᬢᬶᬓ᭄᭞ᬲᬧᬦᬹᬕ᭄ᬭᬳᬵᬦ᭄ᬱᬶᬭ᭞ᬪᬕᬯᬵᬦ᭄ᬯᬶᬰ᭄ᬯᬓᬃᬫ᭄ᬫ᭞ᬦᬸᬕ᭄ᬭᬳᬲᬶᬭ᭞ᬓᬓᬶᬰᬶᬯᬕᭀᬢ᭄ᬭ᭞ᬦᬶᬦᬶᬰᬶᬯᬕᭀᬢ᭄ᬭ᭞ᬗᬤᭂᬕ᭄ᬲᬶᬭᬦᬶᬦᬶᬫᬦ᭄ᬢᬸᬓ᭄ᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬳᬢᬹᬭᬓ᭄ᬦᬭᬶᬂᬪᬝᬭᬰᬶᬯᬵ᭞ [ 13 ][᭑᭒ 12B]
᭑᭑
ᬧᬵᬫᬵᬧᬯ᭄ᬓᬲᬶᬗ᭄ᬲᬸᬦ᭄ᬭᬶᬂᬲᬶᬭ᭟᭜᭟ᬫᬦ᭄ᬢ᭄ᬭᬦ᭄ᬧ᭄ᬮᬲ᭄ᬧᬲ᭄᭞ᬫ᭞ᬇᬄᬧ᭄ᬭᬶᬂᬤᬸᬓ᭄ᬓᬶᬢᬵᬩᬯᬸᬫᭂᬦ᭄ᬢᬶᬓ᭄᭞ᬳᬶᬪᬸᬝᬳᬶᬗᭀᬢᬭᬦ᭄ᬓᬶᬢ᭞ᬤᬸᬓ᭄ᬤᬶᬢᬵᬩᬯᬸᬫᬘᬭᬂ᭞ᬳᬶᬪᬸᬝᬧᬫᬗ᭄ᬕᬸᬄᬧᬭᬦ᭄ᬓᬶᬢ᭞ᬤᬸᬓ᭄ᬤᬢᬵ
ᬩᬯᬸᬫᬤᬳᬸᬦ᭄᭞ᬓᬶᬪᬸᬝᬓᬓᬧᬳᬭᬦᬶᬭ᭞ᬤᬸᬓ᭄ᬓᬶᬢᬩᬯᬸᬫᬲ᭄ᬓᬃ᭞ᬳᬶᬪᬸᬝᬧᬺᬫᬦᬭᬶᬳᬭᬦ᭄ᬲᬶᬭ᭞ᬳᬚᬲᬶᬭᬫᬗ᭄ᬮᬭᬦᬶᬂᬳᬶᬗ᭄ᬲᬸᬦ᭄᭞ᬳᬶᬗ᭄ᬲᬸᬦ᭄ᬫᬯ᭄ᬭᬸᬄᬫᬭᬶᬂᬓᬤᬤᬾᬦ᭄ᬲᬶᬭ᭞ᬬᬦ᭄ᬲᬶᬭᬵ
ᬫᬢᬶᬫᬸᬮᬶᬄᬮᬦ᭄ᬢᬲ᭄ᬭᬶᬂᬪᬝᬭᬩ᭄ᬭᬳ᭄ᬫᬵ᭞ᬬᬦ᭄ᬓᬶᬢᬫᬳᬸᬭᬶᬧ᭄᭞‌ᬫᬸᬮᬶᬄᬓᬶᬢᬭᬶᬂᬪᬝᬭᬯᬶᬱ᭄ᬡᬸ᭞ᬫᬦ᭄ᬢᬸᬓ᭄ᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬳᬢᬹᬭᬓ᭄ᬦᬵᬫᬭᬶᬂᬪᬝᬭᬰᬶᬯᬵ᭞ᬧᭀᬫᬧᬶᬯ᭄ᬓᬲᬶᬗ᭄ᬲᬸᬦ᭄ᬭᬶᬂᬲᬶᬭ᭟᭜᭟ᬫ᭠
ᬦ᭄ᬢ᭄ᬭᬦ᭄ᬳᬲᭂᬧ᭄᭞ᬫ᭞ᬒᬁᬕ᭄ᬦᬶᬰᬶᬯᬵᬧ᭄ᬭᬫᬰᬾᬯᬬᬦᬫᬄ᭟᭜᭟ᬲᬲᬧᬦ᭄ᬓᬭᬗᬦ᭄᭞ᬫ᭞ᬇᬄᬲᬂᬪᬸᬝᬩᬂ᭞ᬲᬂᬪᬸᬝᬳᬶᬋᬂ᭞ᬲᬂᬪᬸᬝᬧᬸᬢᬶᬄ᭞ᬲᬂᬪᬸᬢᬓᬸᬦᬶᬂ᭞ᬢᬗ᭄ᬕᬧᬓ᭄ᬦᬵᬦᬲᬶᬲᭀᬓᬦ᭄ᬳᬶ᭠
[᭑᭓ 13A]
ᬯᬓ᭄ᬓᬭᬗᬦ᭄ᬳᬸᬮᬸᬦ᭄᭞ᬧᭀᬫ᭞᭓᭟᭜᭟ᬫᬦ᭄ᬢ᭄ᬭᬦ᭄ᬱ᭄ᬕᭂᬳᬦ᭄᭞ᬫ᭞ᬇᬄᬲᬂᬪᬸᬝᬯᬶᬓ᭄ᬭᬫᬳᬶᬓᬶᬢᬥᬄᬘᬭᬸᬦᬶᬭ᭞ᬳᬶᬪᬸᬝᬫᬜ᭄ᬘᬯᬃᬡ᭄ᬦᬵ᭞ᬳᬶᬓᬵᬮᬦ᭄ᬗᭂᬦ᭄᭞ᬳᬶᬪᬸᬝᬓᭀᬲ᭄ᬢᬶᬓ᭞ᬳᬬ᭄ᬯᬜᬶᬧᬢ᭄
ᬜᬶᬗ᭄ᬕᬸᬮ᭄᭞ᬯᬸᬲᬶᬭᬫᬗᬦᬗᬶᬦᬸᬫ᭄᭞ᬫᬦ᭄ᬢᬸᬓ᭄ᬲᬶᬭᬲᭀᬯᬂᬲᭀᬯᬂ᭞ᬧᭀᬫ᭞᭓᭟᭜᭟ᬧ᭠ᬫ᭄ᬮᬲ᭄ᬧᬲ᭄ᬕᬕᬸᬮᬓ᭄᭞ᬫ᭄ᬯᬂᬦᬸᬕᭂᬮ᭄ᬦᬤᬶᬬᬂᬢᬢ᭄ᬮᬸ᭞ᬫ᭞ᬒᬁᬉᬁᬫᭂᬲᬢ᭄ᬓᬶᬢᬫᬭᬶᬂᬮᭀᬃ᭞ᬫᬦ᭄ᬤᬤᬶᬲᬶᬭᬯ᭄ᬲᬶ᭞ᬫᭂ
ᬲᬢ᭄ᬲᬶᬭᬫᬭᬶᬂᬯᬾᬢᬦ᭄ᬫᬦᬥᬶᬲᬶᬭᬲ᭄ᬮᬓ᭞ᬫᭂᬲᬢ᭄ᬲᬶᬭᬫᬭᬶᬂᬓᬶᬤᬸᬮ᭄᭞ᬫᬦ᭄ᬟᬤᬶᬲᬶᬭᬢ᭄ᬫᬕ᭞ᬫᭂᬲᬢ᭄ᬓᬶᬝᬫᬭᬶᬂᬓᬸᬮᭀᬦ᭄ᬫᬦ᭄ᬟᬤᬶᬓᬶᬢᬫᬵᬲ᭄᭟ᬫᬸᬮᬶᬄᬲᬶᬭᬭᬶᬂᬢ᭄ᬗᬄᬫᬦ᭄ᬟᬤᬶᬲᬶᬭᬲ᭄ᬟᬦᬧᭀᬫ
ᬳᬸᬭᬶᬧ᭄᭞ᬫᬦᬤᬶᬯᬦᬄᬧᭀᬫ᭞᭓᭟᭜᭟ᬢᬶᬗ᭄ᬓᬄᬳᬗ᭄ᬭᬜ᭄ᬘᬂᬯᬥᬄᬭᬶᬯᬯᬸᬦᭂᬓ᭄ᬢᭂᬓ᭄᭞ᬫ᭞ᬒᬁᬯᬦᬕᬶᬭᬶᬢᬭᬸ᭞ᬯᬦᬲᬸᬤ᭄ᬟ᭞ᬲᬃᬯ᭄ᬯᬢᬸᬫᬸᬯᬸᬄ᭞ᬢ᭄ᬓᬲᬸᬤ᭄ᬟ᭞᭓᭟᭜᭟ᬦ᭄ᬬᬦ᭄ᬧ᭄ᬭᬢᬾᬓ [ 14 ][᭑᭓ 13B]
᭑᭒
ᬦᬶᬂᬩᬩᬦ᭄ᬢᭂᬦ᭄ᬧᬫ᭄ᬮᬲ᭄ᬧᬲ᭄᭞ᬮ᭄ᬯᬶᬃᬦ᭄ᬬ᭞ᬦᬶᬱ᭄ᬝ᭞ᬫᬥ᭄ᬬ᭞ᬫᬳᬸᬢ᭄ᬢᬫᬵ᭞ᬫᬕᬸᬮᬶᬂᬩᬩᬗ᭄ᬓᬶᬢ᭄ᬳᬲᭀᬭᭀᬄ᭞ᬲᬸᬘᬶᬤ᭄ᬯᬂᬲᭀᬭᭀᬄ᭞ᬧᬗᬸᬮᬧᬦ᭄ᬧᬗᬫ᭄ᬩᬾᬬᬦ᭄᭞ᬧ᭄ᬭᬲ᭄ᬧᬜ᭄ᬦᭂᬂᬢᬸᬮᬸᬂᬲᬲᬬᬸᬢ᭄᭞ᬲᬗ᭄ᬕᬳᬸᬭᬶᬧ᭄
᭞ᬧ᭄ᬭᬲ᭄ᬭᬬᬸᬦᬦ᭄᭞ᬲᬢ᭄ᬲᬢ᭄᭞ᬕᬦ᭄ᬢᬸᬂᬕᬦ᭄ᬢᬸᬗᬦ᭄᭞ᬢᬸᬫ᭄ᬧᭂᬂ᭞᭒᭞ᬩᬸᬗ᭄ᬓᬮ᭄᭞ᬳᬍᬤ᭄ᬱ᭄ᬓᬤᬶᬧ᭄ᬭᬲ᭄᭞ᬫ᭄ᬯᬄᬭᬓᬯᭀᬯᭀᬳᬦ᭄᭟ᬫᬮᬶᬄᬘᬭᬸᬦᬶᬂᬧ᭄ᬭᬩᭀᬢ᭄᭞ᬦᬲᬶᬦ᭄ᬓᬦ᭄ᬤᬶᬓ᭄᭞ᬳᬶᬯᬓ᭄ᬦ᭄ᬬᬳᬜ᭄ᬘ᭄ᬭᬸᬓ᭄᭟
ᬅᬃᬝᬦ᭄ᬬ᭞᭙᭟ᬫᬮᬶᬄᬦᬲᬶᬦ᭄ᬢᬶᬫ᭄ᬧᬲ᭄᭞ᬳᬶᬯᬓ᭄ᬦ᭄ᬬᬩᬮᬂᬢᬶᬫ᭄ᬧᬲ᭄᭞ᬚᬶᬦᬄᬦ᭄ᬬ᭞᭗᭟ᬫ᭄ᬯᬄᬦᬲᬶᬦ᭄ᬧᬳᭂᬢ᭄᭞ᬳᬶᬯᬓ᭄ᬦ᭄ᬬᬲᬩᬢᬄ᭞ᬚᬶᬦᬄᬦ᭄ᬬ᭞᭕᭟ᬫᬮᬶᬄᬦᬲᬶᬦ᭄ᬧᬜ᭄ᬚ᭄ᬭᬸᬢᬦ᭄᭞ᬳᬶᬯᬓ᭄ᬦ᭄ᬬᬧ
ᬗᬶ᭞ᬚᬶᬦᬄᬦ᭄ᬬ᭞᭔᭟ᬫᬮᬶᬄᬦᬲᬶᬦ᭄ᬧᬢᬶᬮ᭄᭞ᬳᬶᬯᬓ᭄ᬦ᭄ᬬᬧᬾᬮᬲ᭄᭞ᬚᬶᬦᬄᬦ᭄ᬬ᭞᭑᭟ᬫᬮᬶᬄᬦᬲᬶᬦ᭄ᬲᭂᬧᬢ᭄᭞ᬳᬶᬯᬓ᭄ᬦ᭄ᬬᬓ᭄ᬮᬾᬦ᭄ᬢᬂ᭞ᬚᬶᬦᬄᬦ᭄ᬬ᭞᭗᭟ᬫᬮᬶᬄᬦᬲᬶᬦ᭄ᬧᬗᬸᬢᬶᬓ᭄᭞ᬇᬯᬵ
[᭑᭔ 14A]
ᬓ᭄ᬦ᭄ᬬᬓᬜ᭄ᬘᬳᬶ᭞ᬚᬷᬦᬄᬦ᭄ᬬ᭞᭑᭟ᬦᬲᬶᬦ᭄ᬧᬚᬸᬗᬸᬢ᭄᭞ᬳᬶᬯᬓ᭄ᬦ᭄ᬬᬓᬘᬂᬓᭀᬫᬓ᭄᭞ᬚᬶᬦᬄᬦ᭄ᬬ᭞᭑᭟ᬫᬮᬶᬄᬦᬲᬶᬦ᭄ᬲᭂᬧᬢ᭄ᬲᬶᬓᬸᬲᬶᬓᬸ᭞ᬳᬶᬯᬓ᭄ᬦ᭄ᬬᬧᬬ᭞ᬚᬶᬦᬄᬦ᭄ᬬ᭞᭓᭟ᬇᬓᬶᬧᬸᬚᬦ᭄ᬬ᭞ᬫ᭞᭠
ᬑᬁᬲᬸᬤ᭄ᬟᬯᬶᬕ᭄ᬦ᭞ᬭᬯᬸᬄᬳᬧᬂᬲᬸᬤ᭄ᬟ᭞ᬢ᭄ᬓᬲᬸᬤ᭄ᬟ᭞᭓᭟᭜᭟ᬦ᭄ᬬᬦ᭄ᬫᬦ᭄ᬢ᭄ᬭᬦ᭄ᬧᬳᭂᬢ᭄᭞ᬫ᭞ᬒᬁᬘᬾᬘᬾᬓ᭄ᬤᬾᬩ᭄ᬮᬩᬸᬃ᭞ᬩᬮᬩᬓ᭄᭞ᬗᬫ᭞᭓᭟᭜᭟ᬫᬦ᭄ᬢ᭄ᬭᬦ᭄ᬫᬗᭂᬦ᭄ᬢᬲ᭄ᬢᬬᬶᬂ᭞ᬫ᭄ᬯᬂᬓᬬᬸᬓᬬᬸ᭞ᬫ᭞ᬒᬁᬭᬚ
ᬤᬾᬯᬶᬳᬬᬸᬭᬵᬢᬵᬬᬸᬬᬦᬫᬄ᭞ᬒᬁ᭞ᬅᬁᬫᬁᬰᬶᬯᬵᬲᬤᬰᬶᬯᬵᬧ᭄ᬫᬰᬶᬯᬵᬬᬦᬫᬄ᭞ᬲᬸᬤᬵ᭠ᬲᬢᬢᬦᬶᬂᬯᬶᬖ᭄ᬦᬵᬬᬦᬫᬄ᭟ᬲᬶᬤᬵᬰ᭄ᬯᬳᬵ᭟᭜᭟ᬫᬦ᭄ᬢ᭄ᬭᬦ᭄ᬫᬗ᭄ᬭᬜ᭄ᬕᬂᬯᬥᬄ᭞ᬫ᭞ᬒᬁᬯᬶᬖ᭄ᬦᬕᬶᬭᬶᬢᬭᬸᬂ᭞
ᬯᬃᬡ᭄ᬦᬲᬸᬤ᭄ᬤᬕᬶᬭᬶᬲᬸᬤ᭄ᬤ᭞ᬢ᭄ᬓᬲᬸᬤ᭄ᬤ᭞᭓᭟᭜᭟ᬫᬦ᭄ᬢ᭄ᬭᬦ᭄ᬫᬜᬓᭂᬧᬂᬢᬸᬃᬗᬯᬸᬕᬂᬧᬮᬶᬄ᭞ᬫ᭞᭠ᬒᬁᬉᬁᬫᬁᬤᬾᬯᬤᬾᬯᬶᬫᬯᬸᬕ᭄ᬭᬱᬬᬦᬫᬄ᭞ᬅᬁᬅᬄ᭟᭜᭟ᬫᬦ᭄ᬢ᭄ᬭᬦ᭄ᬫᬢᬢᬮᬾᬦ᭄᭞ᬫ᭞ᬒᬁ᭠ [ 15 ][᭑᭔ 14B]
᭑᭓
ᬦᬕᬫᬯᬶᬍᬢ᭄ᬬᬦᬫᬄ᭞ᬒᬁᬧᬹᬃᬡ᭄ᬦᬵᬧᬸᬍᬲᬩᬸᬲ᭄ᬢᬦᬶᬂᬬᬦᬫᬄ᭞ᬒᬁᬓᭂᬢ᭄ᬫᬧ᭄ᬮᭂᬓᭂᬢ᭄‌ᬤᬾᬯᬩ᭄ᬬᭀᬦᬫᬰ᭄ᬯᬳᬵ᭟᭜᭟ᬫᬦ᭄ᬢ᭄ᬭᬦ᭄ᬫᬜᬧᬸᬢᬶᬦ᭄ᬯᬥᬄ᭞ᬫ᭞ᬒᬁᬧᭂᬗ᭄ᬕᭂᬧᬧᬦ᭄ᬢᭂᬲ᭄ᬓᬬᬳᬶᬰ᭄ᬯᬭᬬᬦᬫᬰ᭄ᬯᬳ
᭟᭜᭟ᬫᬦ᭄ᬢ᭄ᬭᬦ᭄ᬫᬲᬗᬭᬳᬩ᭄᭞ᬫ᭄ᬯᬂᬩᬤ᭄ᬤᬸ᭞ᬫ᭞ᬒᬁᬕᬕᬦᬫᬸᬃᬢᬬᬬᬦᬫᬰ᭄ᬯᬳᬵ᭞ᬒᬁᬫᬹᬃ᭠ᬤᬵᬬᬦᬫᬰ᭄ᬯᬳᬵ᭞ᬒᬁᬗᬸᬗᬂᬚᬢᬶᬮᬸᬗᬵᬚᬢᬶ᭞ᬚᬢᬶᬲᬭᬸᬧᬯᬯᬗᬸᬦᬦᬶᬗ᭄ᬲᬸᬦ᭄᭞ᬢ᭄ᬓᬫᭂᬗ᭄ᬕᭂᬧᬧᬦ᭄ᬢᭂ
ᬲ᭄᭞᭓᭟᭜᭟ᬫᬦ᭄ᬢ᭄ᬭᬦ᭄ᬫᬗᬯᬸᬕᬂᬲᬦᬦ᭄ᬯᬥᬄ᭞ᬗ᭄ᬳᬶᬂᬲᬦᬦ᭄ᬤᬯᬦᬾᬳᬯᬸᬕᬂᬤᬸᬫᬸᬦ᭄᭞ᬬᬦ᭄ᬬᬫ᭠ᬢᬍᬤ᭄ᬱᬦᬦ᭄ᬤᬯᬦᬾᬢᬍᬤᬶᬦ᭄ᬤᬸᬫᬸᬦ᭄᭞ᬫ᭞ᬒᬁᬕᬸᬫᬶᬲᬸᬤᬯᬃᬡ᭄ᬦᬲᬸᬤ᭞ᬢ᭄ᬓᬲᬸᬤᬕᬶᬭᬶᬲᬸᬤ᭞ᬲᬸᬤ᭄ᬤᬯ
ᬭᬶᬯᬲ᭄ᬢᬸᬬᬦᬫᬄ᭟᭜᭟ᬫᬦ᭄ᬢ᭄ᬭᬦ᭄‌ᬗᬯᬸᬕᬂᬲᬦᬦ᭄ᬯᬥᬄᬲᬦᬦ᭄ᬩᬯᬓᬾ᭞ᬫ᭞ᬒᬁᬳᬢᬮᬩᬸᬫᬶᬬᬦᬫᬰ᭄ᬯᬳᬵ᭞ᬒᬁᬧᬭᬶᬧᬹᬃᬡ᭄ᬦᬯᬲ᭄ᬢᬸᬬᬦᬫᬰ᭄ᬯᬳᬵ᭞ᬒᬁᬅᬁᬉᬁᬫᬁᬒᬁᬯᬶᬥ᭄ᬬᬬᬦᬫᬄᬢᬸᬢᬾ᭟᭜᭟
[᭑᭕ 15A]
ᬦ᭄ᬬᬦ᭄ᬓ᭄ᬭᬫᬦᬶᬂᬧᬫ᭄ᬮᬲ᭄ᬧᬲ᭄ᬯᬥᬄ᭞ᬲᬮ᭄ᬯᬶᬭᬶᬂᬯᬥᬄ᭞ᬮ᭄ᬯᬶᬃᬦ᭄ᬬ᭞ᬬᬦ᭄ᬬᬫᬧᬓᬶᬲ᭄᭞ᬢ᭄ᬯᬶᬬᬫᬢᬫᬦ᭄ᬩᬕᬾᬦ᭄ᬤᬵ᭞ᬮ᭄ᬯᬶᬭᬾ᭞ᬢᬥᬄᬩᬩᬗ᭄ᬓᬶᬢ᭄᭞ᬳᬲᭀᬭᭀᬄᬲᬕ᭄ᬦᭂᬧᬾ᭞ᬲᬧᬢᬸᬢᬶᬂᬧᬩᬗ᭄ᬓᬶᬢᬾᬕ᭄ᬟᬾ᭞ᬪᬕ᭄ᬬᬳᬶ᭠
ᬩᬸᬲᬸᬕᬶᬄ᭞ᬧᬸᬮᬕᬾᬫ᭄ᬩᬮ᭄᭞ᬢᬥᬄᬳᬮᬲ᭄᭞ᬓᬸᬫᬭᬲ᭄ᬓᬃᬢᬫᬦ᭄᭞ᬕ᭄ᬮᬃᬲᬗ᭄ᬳᬵ᭞ᬤᬓ᭄ᬱᬶᬡᬵᬕ᭄ᬤᬾ᭞ᬩ᭄ᬭᬲᬲᬢᬸ᭞ᬓ᭄ᬮᬧ᭞᭔᭞ᬯ᭄ᬦᬂᬲᬢᬸᬓᭂᬮ᭄᭞᭔᭞ᬳᬦ᭄ᬢᬶᬕ᭞᭔ᬳᬃᬝᬦ᭄ᬬ᭞᭑᭗᭐᭐᭞ᬕ᭄ᬦᭂᬧ᭄᭞ᬓ᭄ᬢᬦᬓᬸᬮᬓ᭄
᭞ᬳᬶᬜ᭄ᬚᬶᬦᬓᬸᬮᬓ᭄᭞ᬧᬥᬤᬄᬢᬧᬶᬲ᭄᭞ᬭᬦ᭄ᬢᬲᬦ᭄ᬲᬧᬭᬤᭂᬕ᭄᭞ᬳᬭᬓ᭄ᬩᬺᬫ᭄‌ᬢ᭄ᬯᬓ᭄᭞ᬧᬦᬩᬸᬳᬦ᭄᭞ᬲ᭄ᬕᭂᬳᬦᬕᬸᬂᬕ᭄ᬦᭂᬧ᭄᭟᭜᭟ᬫᬦ᭄ᬢ᭄ᬭᬦ᭄ᬳᬫᭀᬮᭀᬗᬶᬦ᭄ᬩᬤᬸᬱᬵ᭞ᬫ᭞ᬒᬁᬢᬭᬸᬮᬶᬭᬂᬧ᭄ᬭᬶᬂ᭠
ᬫᬸᬮᬶᬄᬫᬭᬶᬂᬦᬾᬢ᭄ᬭ᭞ᬦᬾᬢ᭄ᬭᬫᬸᬮᬶᬄᬫᬭᬶᬂᬩᬬᬸᬰᬩ᭄ᬟᬳᬶᬥᭂᬧ᭄᭞ᬩᬬᬸᬫᬸᬮᬶᬄᬫᬭᬶᬂᬳᬢᬶ᭞ᬰᬩ᭄ᬟᬫᬸᬮᬶᬄᬫᬭᬶᬂᬜᬮᬶ᭞ᬳᬶᬥᭂᬧ᭄ᬫᬸᬮᬶᬄᬭᬶᬂᬧᬧᬸᬲᬸᬳᬦ᭄᭞ᬢ᭄ᬮᬲ᭄ᬫᬸᬮᬶᬄᬫᬭᬶᬂᬳᬢᬶ᭞ᬳᬢᬶᬫᬸᬮᬶᬄᬫᬭᬶᬂᬦ᭠ [ 16 ][᭑᭕ 15B]
᭑᭔
ᬪᬶ᭞ᬒᬁᬬᬦᬫᬰ᭄ᬯᬳᬵ᭟᭜᭟ᬫᬦ᭄ᬢ᭄ᬭᬦ᭄ᬗᬯᬸᬂ᭞ᬬᬤ᭄ᬬᬦ᭄ᬗᬯᬾᬲᬸᬫᬸᬃ᭞ᬫ᭞ᬒᬁᬬᬁᬇᬩᬸᬧ᭄ᬭᬶᬢᬶᬯᬶ᭞᭠ᬳᬶᬗ᭄ᬲᬸᬦ᭄ᬳᬫᬸᬕᬸᬮᬦᬵᬲᬃᬯ᭄ᬯᬫ᭄ᬗᭂ᭞ᬪᬸᬝᬯᬶᬕ᭄ᬭᬳᬵ᭞ᬩᬮᬵᬯᬶᬕ᭄ᬭᬳᬵ᭞ᬧᬥᬧᬶᬬᬓ᭄᭞ᬓᬤᬤᬶᬤᬾᬯᬵ
ᬬᭀᬦᬶ᭞ᬫ᭞ᬒᬁᬰ᭄ᬭᬷᬚᬕᬢ᭄ᬲᬤᬸᬓᬾᬬᬦᬵᬫᬄ᭟᭜᭟ᬧᬦᬸᬕ᭄ᬭᬳᬦ᭄ᬜᬗ᭄ᬕᬶᬗᬶᬦ᭄᭞ᬰ᭞ᬢᭀᬬᬭᬯᬸᬧᬂ᭞ᬫ᭞ᬑᬁᬅᬁᬫᬁᬑᬁᬑᬁ᭞ᬧᬜ᭄ᬘᬤᬾᬯᬧ᭄ᬭᬫᬰᬶᬯᬬ᭞ᬢᬲ᭄ᬢ᭄ᬭᬬᬦ᭄ᬫᬄ᭞ᬲᬲᬶᬯᬦᬶᬫᬮᬬᬦᬫᬄ᭞ᬅᬁ᭠
ᬅᬄ᭟᭜᭟ᬧᬶᬦᬸᬕ᭄ᬭᬦ᭄ᬲᬶᬯᬵᬮᬶᬗ᭄ᬕ᭞ᬳᬲᬶᬂᬕᬯᬾᬯ᭄ᬦᬂ᭞ᬗᬥ᭄ᬧᬳᬯᬓ᭄ᬢᬦᬾᬯᬾᬓ᭄᭞ᬰᬶᬯᬭᬶᬂ᭠ᬢᬗᬦ᭄ᬓᬾᬭᬶ᭞ᬲᬤ᭄ᬟᬰᬶᬯᬵᬭᬶᬂᬢᬗᬦ᭄ᬢᭂᬗᭂᬦ᭄᭞ᬧ᭄ᬭᬫᬰᬶᬯᬵᬭᬶᬂᬳᬶᬥᭂᬧ᭄᭟ᬫ᭞ᬒᬁᬅᬁᬫᬁᬰᬶᬯᬲᬤ᭄ᬟᬰᬶᬯ
ᬬᬦᬫᬄ᭞ᬲᬶᬤ᭄ᬟᬶᬰ᭄ᬯᬳᬵ᭟᭜᭟ᬫ᭄ᬯᬄᬧᬶᬦᬸᬕ᭄ᬭᬦ᭄᭞ᬫᬒᬁᬧᬸᬓᬸᬮᬸᬦ᭄᭞ᬩ᭄ᬭᬳ᭄ᬫᬵᬯᬶᬱ᭄ᬡ᭄ᬇᬰ᭄ᬯᬭ᭞ᬒᬁᬲᬸᬤ᭄ᬟᬮᬫ᭄ᬧᬄᬓᬯᬶᬲᬬᬦ᭄᭞ᬲᬶᬭᬦᬸᬕ᭄ᬭ᭞ᬲᬶᬂᬓᬶᬭᬂᬲᬶᬂᬮᬸᬧᬸᬢ᭄‌ᬳᬚᬕᭂᬂᬧᬭᬶᬤᬸᬓᬵ᭞ᬢ᭄ᬓᬧᬹᬃᬡ᭄ᬦ
[᭑᭖ 16A]
ᬚᬢᬿ᭞ᬢ᭄ᬓᬚᬢᬶᬲᬶᬭ᭞ᬳᬯᬾᬄᬢᬉᬭᬶᬧ᭄᭞ᬧᭀᬫ᭞᭓᭟᭜᭟ᬫᬦ᭄ᬢ᭄ᬭᬵᬗᬸᬕᬵᬳᬸᬫᬄ᭞ᬫ᭞ᬒᬁᬬᬁᬕᬢᬶᬫᬸᬭᬬᬦᬵᬫᬄ᭟᭜᭟ᬫᬦ᭄ᬢ᭄ᬭᬦ᭄ᬜᬶᬓᬸᬢ᭄ᬓᬭᬂ᭞ᬫ᭄ᬯᬂᬦᬢᬃ᭞ᬫ᭄ᬯᬂᬫᬕᬯᬾᬳᬸᬫᬄ᭞ᬫ᭄ᬯᬂᬓᬸᬢ᭄ᬣ᭞ᬫ᭞ᬒᬁᬅᬁᬫᬁ᭞
ᬤᬾᬯᬲᬶᬄ᭞ᬲᬂᬳ᭄ᬬᬂᬕᬸᬡ᭞ᬓᬸᬭᬸᬗᬦᬶᬭᬬᬂᬧ᭄ᬭᬫᬰᬸᬯᬶᬰᬾᬱ᭞ᬯᬶᬘᬾᬢ᭄ᬱ᭄ᬯᬳᬵ᭟᭜᭟ᬫᬦ᭄ᬢ᭄ᬭᬵᬲ᭠ᬮ᭄ᬯᬶᬭᬶᬂᬭᬶᬦᬾᬓ᭞ᬬᬤ᭄ᬬᬫᬧᬲᬂᬯᬃᬡ᭄ᬦ᭞ᬫ᭞ᬒᬁᬬᬁᬢᬾᬚᬩᬬᬸᬳᬧᬄᬳᬓᬰ᭞ᬢᬶᬕᬯᬃᬡ᭄ᬦᬲᬸᬭᬢ᭄ᬱ᭠
ᬭ᭞ᬬᬂᬫᬭᬾᬓᬵᬫᬸᬓ᭄ᬢᬶᬓᬧᬶᬬᬦᬫᬄ᭟᭜᭟ᬧᬗᬶᬫ᭄ᬧᬲ᭄ᬪᬸᬝ᭞ᬫ᭞ᬒᬁᬅᬁᬪᬸᬝᬲᬓ᭄ᬱᬢ᭄᭠ᬬᬯᬺᬤ᭄ᬟᬶ᭞ᬲᬃᬯ᭄ᬯᬫᬶᬗ᭄ᬫᬂ᭟ᬕᬸᬦᬾᬯᬶᬲ᭄ᬬᬯᬶᬦᬲᬸᬦ᭄ᬬ᭟᭜᭟ᬫᬦ᭄ᬢ᭄ᬭᬳᬗᬯᬸᬕ᭄ᬲᬮ᭄ᬯᬶᬭᬶᬂᬧᬧᬬᭀᬦᬦ᭄᭞
ᬫ᭞ᬅᬁᬉᬁᬫᬁᬤᬾᬯᬶᬫᬯᬸᬕ᭄ᬭᬱᬬᬦᬫᬄᬅᬁᬅᬄ᭟᭜᭟ᬫᬦ᭄ᬢ᭄ᬭᬦ᭄ᬩ᭄ᬭᬲᬫ᭄ᬩᭂᬳᬂ᭞ᬫ᭞ᬒᬁᬧ᭄ᬭᬢᬶᬯᬶᬲᬸᬤ᭄ᬤ᭞ᬲᬸᬤ᭄ᬤᬲᬂᬯ᭄ᬯᬯᬯᬗᬸᬦᬦᬶᬗᬸᬮᬸᬦ᭄‌ᬧᭀᬫ᭞ᬑ᭟᭜᭟ᬫᬦ᭄ᬢ᭄ᬭᬧᬫᬓᬸᬳᬦ᭄᭞ᬫᬗᬾᬓᬲᬶ [ 17 ][᭑᭖ 16B]
᭑᭕
ᬢ᭄ᬣᬭᬸᬫᬸᬳᬸᬦ᭄᭞ᬫ᭞ᬒᬁᬲᬳ᭄ᬬᬂᬭᬢᬶᬄᬫᬢ᭄ᬫᬸᬭᬶᬂᬲᬂᬳ᭄ᬬᬂᬲ᭄ᬫᬭ᭞ᬒᬁᬲᬲᬧᬹᬃᬡ᭄ᬦᬬᬦᬫᬰ᭄ᬯᬳᬵ᭟᭜᭟ᬧᬗᬸᬭᬶᬧ᭄ᬯᬯᬗᬸᬦᬦ᭄᭞ᬰ᭞ᬩᬢᭀᬓ᭄ᬳᬶᬋᬂ᭞ᬯ᭄ᬯᬿᬳᬜᬃ᭞ᬫᬜ᭄ᬘᬸᬓ᭄ᬤᬧ᭄ᬤᬧ᭄᭞᭓᭞ᬫᬸᬜ᭄ᬘᬸᬓ᭄᭞ᬫᬢᬮᬶᬮ
ᬯᬾᬳᬶᬋᬂ᭞᭓ᬳᬶᬍᬄ᭟ᬫ᭞ᬒᬁᬓᬓᬶᬧ᭄ᬭᬶᬂ᭞ᬦᬶᬦᬶᬧ᭄ᬭᬶᬂ᭞ᬩᬧᬧ᭄ᬭᬶᬂ᭞ᬳᬶᬩᬸᬧ᭄ᬭᬶᬂ᭞ᬳᬶᬗ᭄ᬲᬸᬦ᭄ᬳᬗᬸᬭᬶᬧᬓᭂᬦ᭄ᬲᬃᬯ᭄ᬯᬢᬸᬫᬸᬯᬸᬄ᭞ᬳᬗᬥᭂᬕ᭄ᬕᬵᬢᬲᬶᬭ᭞ᬢ᭄ᬓᬯᬮᬸᬬᬚᬢᬶ᭞ᬫᬦᬤᬶᬢᬲᬶᬭᬯᭀᬂ᭞ᬧᬥᬳᬾᬦᬓ᭄ᬳᬫᬗᬦ᭄ᬳ
ᬗᬶᬦᬸᬫ᭄᭞ᬲᬶᬤ᭄ᬟᬧᬗᬸᬘᬧᬶᬭᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬒᬁᬲᬶᬤ᭄ᬟᬶᬭᬲ᭄ᬢᬸᬢᬢᬲ᭄ᬢᬸᬬᬦᬫᬰ᭄ᬯᬳᬵ᭟᭜᭟ᬗᬯᬸᬕ᭄ᬲᬸᬦ᭄ᬤᬸᬓ᭄᭞ᬫ᭞ᬇᬥ᭄ᬧᬓᬸᬲᬂᬳ᭄ᬬᬂᬦᬵᬕᬍᬓᭂᬄ᭞ᬩ᭄ᬯᬦᬵᬉᬭᬶᬧ᭄᭟᭜᭟ᬦ᭄ᬬᬦ᭄ᬢᬶᬗ᭄ᬓᬄᬜᬫ᭄ᬩᬸᬢ᭄ᬕ
ᬯᬾᬳᬸᬦ᭄ᬤᬕᬶ᭞ᬮ᭄ᬯᬶᬃᬦ᭄ᬬ᭞ᬩᬮᬾᬫ᭄ᬯᬂᬯᬥᬄ᭞ᬲᬮ᭄ᬯᬶᬭᬶᬂᬕᬯᬾ᭞ᬳᬲ᭄ᬢᬶᬢᬶᬬᬓ᭄ᬦᬳᬶᬭᬭᬾᬳᬗᭀ᭠ᬦ᭄᭞ᬫᬕ᭄ᬦᬄᬭᬶᬂᬭᬕᬦᬾ᭞ᬬᬾᬦ᭄ᬬᬵᬢᬸᬭᬸ᭞ᬫᬕ᭄ᬦᬄᬢ᭄ᬗᬳᬶᬂᬳᬢᬶ᭞ᬬᬦ᭄ᬲᬶᬭᬫᬳᬸᬗᬸᬫᬕ᭄ᬦᬄᬭᬶᬢ᭄ᬮᭂᬗᬶᬂᬧ
[᭑᭗ 17A]
ᬦᭀᬦ᭄᭞ᬳᬲ᭄ᬯᬫᬶᬭᬶᬂᬲᬭᬰ᭄ᬯᬢᬶᬢᬸᬗ᭄ᬕᬮ᭄᭞ᬫᬜ᭄ᬘᬶᬂᬳᬶᬥᭂᬧ᭄᭞ᬫ᭄ᬟᬮ᭄ᬳᬶᬓᬶᬳᬲ᭄ᬢᬶᬢᬶᬳᬓ᭄ᬦᬵ᭞ᬬᬾᬦ᭄ᬳᬦᬫ᭄ᬩᬸᬢ᭄ᬕᬯᬾᬳᬦᬲᬲᬧᬦ᭄ᬬ᭞ᬫ᭞ᬧᬘᬂᬢᬩᬾᬦᬫᬰᬶᬯᬵᬬ᭞ᬮᬸᬧᬸᬢ᭄ᬳᬶᬗ᭄ᬲᬸᬦ᭄ᬢᬦ᭄‌ᬓ᭄ᬦᬢᬸᬮᬄ᭞ᬲᬭᬶᬮᬸᬧᬸ
ᬢ᭄ᬳᬶᬮᬳᬶᬮᬵ᭞ᬬᬓᬲ᭄ᬫᬭᬬᬯᬬᬢᬸᬃ᭟᭜᭟ᬬᬤ᭄ᬬᬳᬗᬸᬭᬶᬧ᭄ᬓᬬᬸ᭞ᬳᬶᬥᭂᬧᬓ᭄ᬦᬳᬶᬭᬭᬾᬳᬗᭀᬦ᭄᭞ᬲᬲᬦ᭄ᬢᬸᬦ᭄ᬓᬢᬸᬭᬶᬂᬪᬕᬯᬵᬦ᭄ᬘᬦ᭄ᬥᬸᬰᬓ᭄ᬢᬶ᭟ᬧᬫ᭄ᬮᬲ᭄ᬧᬲ᭄᭞ᬓᬢᬹᬭᬶᬂᬪᬝᬭᬕᬸᬭᬸ᭞ᬳᬸᬦ᭄ᬤᬕᬶᬦ᭄ᬦᬶ᭠
ᬭᬪᬝᬭᬕᬸᬭᬸ᭞ᬪᬕᬯᬵᬦ᭄ᬯᬶᬰ᭄ᬯᬓᬵᬃᬫ᭄ᬫ᭞ᬳᬸᬦ᭄ᬤᬕᬶᬦ᭄ᬦᬶᬭᬲᬂᬭᬵᬫ᭞ᬲᬂᬦᬮ᭞ᬳᬸᬦ᭄ᬤᬕᬶᬦ᭄ᬦᬶᬭᬲᬗᬺᬯᬦᬵ᭞ᬲᬂᬫᬬ᭞ᬢᬸᬭᬸᬦᬓ᭄ᬦᬵᬲᬂᬳ᭄ᬬᬂᬧᬜ᭄ᬘᬋᬱᬶ᭞ᬢ᭄ᬮᬲ᭄ᬧᬶᬥᬃᬢ᭄ᬢᬦ᭄ᬬ᭚᭜᭚
ᬇᬦᬵᬲᬓᬶᬂᬕ᭄ᬭ᭄ᬬᬧ᭄ᬭᬪᬹ᭞ᬤᬾᬦ᭄ᬓᬬᬸ᭞ᬫᬗ᭄ᬯᬶ᭟ [ 18 ][᭑᭗ 17B]
᭑᭗