Ban/Carean Soca

Deskripsi

Naskah

[ 1 ][Judul: Carcan Soca
Ukuran: P. 50cm L.3,5cm Jlh.2lb
Milik: Gdong Kirtya]
[᭑ 1A]
No III c 788/10
᭚ᬘᬃᬘᬦ᭄‌ᬲᭀᬘ᭟ Lemp:1-2
ᬤ᭄ᬭᬸᬯᬾᬦ᭄‌ᬕ᭄ᬤᭀᬂᬓᬶᬃᬢ᭄ᬬ᭟

Carcan soca. Toeroenan dari lontarnja I Goesti Poetoe
Djlantik Anak Agoeng negara Boeleleng, ditoeroen
olih Ketoet Badoeng, dari Br (?) [Singaradja] [ 2 ][᭑ 1B]
᭑
᭚ ᭜ ᭚ᬧᬸᬦᬶᬓᬶᬘᬃᬘ᭄ᬙᬦ᭄ᬲᭀᬘᬦ᭄᭞ᬳᬶᬦ᭄ᬤ᭄ᬭᬶᬥᬡ᭄ᬟᬦᬾᬧᬗ᭄ᬭᬶᬳᬶᬦ᭄᭞ᬩᬶᬭᬸᬧᬸᬢᬶᬄᬫᬯᭀᬃᬳᬩᬂ᭞ᬳᬶᬦ᭄ᬤ᭄ᬭᬦᬷᬮᬯ᭄ᬬᬓ᭄ᬢᬶᬩ᭄ᬘᬶᬓ᭄᭞᭠ᬩᬶᬭᬸᬯᬦᭀᬧ᭄ᬮ᭄ᬬᬩ᭄ᬧᬸᬢᬶᬄᬓᬸᬫ᭄ᬥᬾᬧ᭄‌ᬯᬶᬥᬸᬭᬾᬩᬶᬭᬸ᭞ᬳᬶᬗ᭄ᬲᭀᬃᬳᬶᬋᬂᬭᬸᬧᬦ᭄ᬬ᭞ᬬᬤᬶᬦ᭄ᬤᬥᬸᬳᬸᬗᬸᬯ᭄ᬬᬓ᭄ᬢᬶ᭞ᬓᬳᬸᬘᬧᬂᬫᬸᬮᬫᬕ᭄ᬦᬄᬭᬶᬂᬤᬲᬃ᭟ᬯᬶᬥᬸ
ᬭᬳᬸᬮᬸᬂᬧᬸᬦᬶᬓ᭞ᬭᬸᬧᬳᬶᬋᬂᬘᬼᬓ᭄ᬧᬸᬢᬶᬄ᭞ᬓᬺᬱ᭄ᬡᬳᬶᬋᬗᬾᬤᬸᬫᬶᬮᬄ᭞ᬓᬺᬱ᭄ᬡᬥᬦᬵᬍᬯᬶᬯ᭄ᬬᬓ᭄ᬢᬶ᭞ᬳᬶᬋᬂᬳᬮ᭄ᬬᬩ᭄ᬧᬸᬢᬶᬄ᭞ᬓᬸᬫ᭄ᬥᬾᬧ᭄ᬳᬸᬢ᭄ᬢᬫᬵᬦᬸᬮᬸᬲ᭄ᬫ᭄ᬯᬂᬓ᭄ᬩᭀᬓᬸᬦᬂᬓᬸᬦᬂ᭞ᬳᬶᬋᬗᬾᬳᬘᬼᬓ᭄ᬧᬸᬢᬶᬄ᭞ᬚ᭄ᬦᬃᬩᬗ᭄ᬰᬶᬂᬳᬶᬋᬗᬾᬜᬮᬂᬤᬸᬫᬶᬮᬄ᭟ᬳᬲᬸ+(ᬭ)ᬢ᭄ᬧᬸᬢᬶᬄᬧᬸᬦᬶᬓᬵ᭞ᬫᬦ᭄ᬢᭂᬦᬾᬓᬳᬸ᭠
ᬘᬧ᭄ᬓᬸᬦᬶᬂ᭞ᬫᬯᭀᬃᬳᬶᬚᭀᬓᬯ᭄ᬬᬓ᭄ᬢᬶᬜ᭞ᬭᬢ᭄ᬦᬘᬫ᭄ᬧᬓᬦᬾᬓᬸᬦᬶᬂ᭞ᬳ᭄ᬦᬵᬯᬳᬩᬂᬩ᭄ᬘᬶᬓ᭄᭞ᬫᬸᬢ᭄ᬬᬭᬓᬸᬦᬶᬂᬫᬍᬫ᭄ᬩᬸᬢ᭄᭞ᬳᬸᬢ᭄ᬢᬫᬵᬳᬮ᭄ᬬᬩ᭄‌ᬲ᭄ᬯᬾᬢ᭞ᬳᬶᬚᭀᬲᬦ᭄ᬢᭂᬦ᭄ᬭᬸᬧᬯᬶᬮᬶᬲ᭄᭞ᬳᬲ᭄ᬫᬸᬧᬸᬢᬶᬄᬓᬸᬘᬸᬩᬸᬂᬧᬸᬢᬶᬄᬲ᭄ᬫᬸᬢᬗ᭄ᬬ᭟ᬫᬶᬭᬄᬓᬸᬘᬸᬩᬸᬗᬾᬭᬗ᭄ᬬ᭞ᬳᬩᬯᭀᬩᬂᬯ᭄ᬬᬓ᭄ᬢᬶᬩ᭄ᬘᬶ
ᬓ᭄᭞ᬬᬤᬶᬦ᭄ᬓᬸᬘᬸᬩᬸᬂᬓᬲᬶᬳᬦ᭄᭞ᬧᬸᬢᬶᬳᬾᬳᬩᬯᬢᬗᬶ᭞ᬓᬸᬱ᭄ᬬᬭᬵᬕᬦᬾᬍᬯᬶᬄ᭞ᬚᬶᬗ᭄ᬕᬵᬜᬧ᭄ᬢᬤᬶᬧ᭄ᬢᬳᬶᬓᬸ᭞ᬍᬯᬶᬄᬢ᭄ᬫᭂᬦ᭄ᬳᬸᬢ᭄ᬢᬫᬵ᭞ᬫᬶᬭᬳᬸᬮᬸᬗᬾᬦᭂᬯ᭄ᬬᬓ᭄ᬢᬶ᭞ᬳᬶᬋᬂᬳᬩᬯᭀᬩᬂᬳᬲᭀᬭᭀᬢ᭄ᬳᬸᬢ᭄ᬢᬫᬵ᭟ᬩᬸᬩᬸᬃᬩᬂᬲᬶᬦᬦ᭄ᬢᭂᬦ᭄ᬳᬩᬂ᭞ᬳᬲ᭄ᬫᬸᬢᬗᬶᬳᬮ᭄ᬬᬩ᭄ᬧᬸᬢᬶᬄ᭞ᬧᬸᬦᬶᬓᬵ
[᭒ 2A]
ᬳᬸᬢ᭄ᬢᬫᬵᬤᬳᬢ᭄᭞ᬓᭂᬫ᭄ᬩᬂᬧᬸᬂᬤᬥᬸᬦᬾᬩ᭄ᬘᬶᬓ᭄᭞ᬳᬗ᭄ᬳᬶᬂᬳᬤᬶᬧ᭄ᬢᬢᬗᬶ᭞ᬫᬶᬭᬳᬤᬶᬦᬾᬫᬦᬸᬮᬸᬲ᭄᭞ᬳᬩᬗ᭄ᬓᬸᬫ᭄ᬥᬾᬱ᭄ᬜᬮᬂ᭞ᬢᬩ᭠ᬯᬵᬲᬹᬃᬬ᭄ᬬᬮᬶᬦᭂᬯᬶᬄ᭞ᬍᬯᬶᬄᬧᬶᬲᬦ᭄ᬯᬦ᭄ᬢᬄᬤᬳᬢᬶᬂᬳᬸᬢ᭄ᬢᬫᬵ᭟ᬫᬜ᭄ᬚᬗᬦ᭄ᬩᬂᬳᬩᬂᬜᬮᬂ᭞ᬳᬘᬼᬓ᭄ᬤᬥᬸᬦᬾᬩ᭄ᬘᬶᬓ᭄᭞ᬯᬶᬦ᭄ᬤᬸᬲᬭᬦᬾᬓᬳᬸᬘᬧ᭄᭞
ᬳᬩᬂᬜᬮᬂᬳᬮ᭄ᬬᬩ᭄ᬧᬸᬢᬶᬄ᭞ᬯᬦ᭄ᬢᬄᬫᬸᬮᬓᬧᬸᬚᬶ᭞ᬳᬦᬓᬾᬫᬓ᭄ᬚᬂᬘᬸᬮᬸᬓ᭄᭞ᬫ᭄ᬯᬄᬲᬳᬦᬦᬶᬂᬫᬶᬭᬄ᭞ᬲᬮᬶᬯᬳᬸᬢ᭄ᬢᬫᬵᬯ᭄ᬬᬓ᭄ᬢᬶ᭞ᬭᬢ᭄ᬦᬧᬗ᭄ᬓᬚᬳᬩᬂᬳᬲ᭄ᬫᬸᬢᬗ᭄ᬬ᭟ᬦᬶᬮᬵᬧᬗ᭄ᬓᬚᬓᬳᬸᬘᬧ᭄᭞ᬩᬶᬭᬸᬳᬦᭀᬫ᭄‌ᬯ᭄ᬬᬓ᭄ᬢᬶᬩ᭄ᬘᬶᬓ᭄᭞ᬲ᭄ᬫᬸᬥᬥᬸᬳᬩᬯᬵᬩᬂ᭞ᬳᬸᬢ᭄ᬢᬫᬵᬢ᭄ᬫᭂ᭠
ᬦᬶᬂᬍᬯᬶᬄ᭞ᬭᬢ᭄ᬦᬲᬯᬮᬧᬸᬢᬶᬄ᭞ᬳᬢᬾᬚᬦᬶᬢᬸᬓᬯᬸᬯᬸᬲ᭄᭞ᬭᬢ᭄ᬦᬩᬜᬸᬧᬸᬦᬶᬓᬵ᭞ᬧᬸᬢᬶᬄᬩᬯᬵᬳᬶᬚᭀᬩ᭄ᬘᬶᬓ᭄᭞ᬳᭂᬳᬢ᭄ᬦᬯᬸᬮᬦᬾᬧᬸᬢᬶᬄᬓᬸᬫ᭄ᬥᬾᬧᬶᬲᬦ᭄᭟ᬯᬾᬱ᭄ᬝᬮ᭄ᬧᬸᬢᬶᬄᬳᬳ᭄ᬬᬂᬮᬮᬄ᭞ᬚᬕ᭄ᬭᬲᬢ᭄ᬭᬸᬤᬶᬧ᭄ᬢᬓᬸᬦᬶᬂ᭞ᬯ᭄ᬬᬓ᭄ᬢᬶᬳᬶᬚᭀᬧᬗᬯᬓ᭞ᬧᬤ᭄ᬫᬓᬭᬓᬸᬦᬶᬂᬩ᭄ᬘᬶ
ᬓ᭄᭞ᬳᬲ᭄ᬫᬸᬚᬶᬗ᭄ᬕᬯ᭄ᬬᬓ᭄ᬢᬶ᭞ᬳᬶᬦ᭄ᬤ᭄ᬭᬓ᭄ᬱᬧᬸᬢᬶᬳᬾᬳᬮᬸᬲ᭄᭞ᬫᬲᬶᬄᬫᬲ᭄ᬫᬸᬳᬩᬂ᭞ᬧᬸᬢ᭄ᬭᬜ᭄ᬚᬶᬧᬧᬸᬢᬶᬄᬩ᭄ᬘᬶᬓ᭄᭞ᬳᬩᬯᬵᬩᬂᬤ᭄ᬯᬶᬤᬢᬸᬳᬶᬋᬂᬲ᭄ᬫᬸᬧᬶᬢ᭄ᬣ᭟ᬓᬸᬦᬂᬯᬶᬦ᭄ᬢᭂᬦ᭄ᬢᬶᬳᬮ᭄ᬯᬶᬃᬦ᭄ᬬ᭞ᬐᬖ᭄ᬦᬶᬓᬳᬸᬘᬧ᭄‌ᬩ᭄ᬘᬶᬓ᭄᭞ᬯ᭄ᬬᬓ᭄ᬢᬶᬬᬫᬕᬾᬚᬫᬾᬖᬵ᭞ᬐᬋᬫ᭄ᬩᬸᬦᬾᬢᬍᬃᬩ᭄ᬘᬶᬓ᭄᭞ᬫ [ 3 ][᭒ 1B]
᭒
ᬢᬾᬚᬵᬳᬶᬓᬯ᭄ᬬᬓ᭄ᬢᬶ᭞ᬲᬮ᭄ᬯᬶᬭᬶᬂᬓᬓᬬᭀᬦ᭄ᬮᬸᬳᬸᬂ᭞ᬯᬶᬦ᭄ᬢᭂᬦᬾᬫᬸᬮᬓᭀᬘᬧ᭄᭞ᬢ᭄ᬯᬭᬳᬤᬫᬦᬦ᭄ᬤᬶᬗᬶᬦ᭄᭞ᬧᬸᬢᬶᬳᬶᬋᬂᬫᬳ᭄ᬬᬂᬮ᭠ᬮᬄᬧᬓᬜᬳ᭄ᬜᬄ᭟ᬢᬸᬂᬢᬸᬂᬩᬶᬭᬸᬢᬸᬂᬢᬸᬂᬳᬩᬂ᭞ᬯᬓᬭᬾᬢᬾᬲ᭄ᬢᬸᬂᬢᬸᬂᬓᬸᬦᬶᬂ᭞ᬢᭂᬭᬸᬲ᭄ᬢᬶᬗᬮ᭄ᬤᬰᬤᬾᬰ᭞ᬤᬾᬯᬢᬵᬳ᭄ᬬᬂᬰᬶᬯᬵᬯ᭄ᬬᬓ᭄ᬢᬶ᭞ᬯᬦ᭄ᬢᬄᬳᬸ
ᬢ᭄ᬢᬫᬍᬯᬶᬄ᭞ᬬᬦ᭄ᬮᬾᬦᬲᬗ᭄ᬓᬾᬂᬧᬸᬦᬶᬓᬸ᭞ᬓᬶᬜᬂᬚᬸᬕ+(ᬗ)ᬭᬦ᭄ᬬ᭞ᬢ᭄ᬮᬲ᭄ᬘᬘᬓᬦᬾᬲᬲᬶ᭞ᬫᬮᬶᬄᬓᭀᬘᬧ᭄ᬓᬍᬯᬶᬳᬦ᭄‌ᬓᬺᬱ᭄ᬡ᭠ᬥᬦᬵ᭟ᬬᬾᬦ᭄ᬲ᭄ᬥᭂᬓ᭄ᬗᬗ᭄ᬕᬾᬧᬸᬦᬶᬓᬵ᭞ᬲᬶᬂᬲᬶᬂᬚᬳᬫ᭄ᬩᬳᬾᬫᬢᬶ᭞ᬤᬤᬶᬲ᭄ᬯᬃᬕ᭄ᬕᬲᬂᬳ᭄ᬬᬂᬳᬢ᭄ᬫ᭞ᬲᬚ᭄ᬮᬾᬦᬾᬮᬸᬓᬢ᭄‌ᬲᬫᬶ᭞ᬯᬶᬦ᭄ᬤᬸᬰᬭᬦᬾᬍᬯᬶᬄ
᭞ᬧᬘᬂᬧᬗᬗ᭄ᬕᬾᬦ᭄ᬲᬂᬯᬶᬓᬸ᭞ᬲᬮ᭄ᬯᬶᬭᬶᬂᬫᬶᬭᬄᬲᬮᬶᬯᬄ᭞ᬫᬓᬤᬶᬜᬫᬶᬭᬄᬳᬥᬶ᭞ᬓᬗ᭄ᬕᬾᬗᭂᬦ᭄ᬢᬧ᭄ᬤᬤᬶᬰ᭄ᬯᬵᬲ᭄ᬢᬲᬂᬧᬶᬢᬭ᭚ ᭜ ᭚ ᭜ ᭚