Ban/Gaguritan Ambar Kawi

Deskripsi

Naskah

[ 1 ][PERPUSTAKAAN KTR. DOKBUD BALI PROP. BALI
G/I/5/DOKBUD
Nama/judul: = Gag. Ambar-Kawi =
Panj. 50 cm. Leb. 3,5 cm. Jml. 130 lb.
Asal: Kertasari, Padangkerta, Karangasem.
[᭑ 1A]
Nama/judul: = Gag. Ambar-Kawi =
Panj. 50 cm. Leb. 3,5 cm. Jml. 130 lb.
Asal: Kertasari, Padangkerta, Karangasem. [ 2 ][᭑ 1B]
᭑
᭚᭛ᬒᬁᬅᬯᬶᬖ᭄ᬦᬵᬫᬲ᭄ᬢᬸᬦᬫᬵᬲᬶᬤ᭄ᬥᬶ᭟᭛᭚ᬧᬸᬦᬶᬓᬶᬕᬕᬸᬭᬶᬢᬦ᭄ᬳᬫ᭄ᬩᬃᬓᬯᬶ᭟᭛᭞ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭛᭞ᬳᬶᬤᬵᬲᬗ᭄ᬳ᭄ᬬᬂᬲᬭᬰ᭄ᬯᬢ᭄ᬣᬶ᭞ᬕ᭄ᬦᬄᬫᬦᬸᬦᬲ᭄ᬮᬸᬕ᭄ᬭᬳᬵ᭞ᬲ᭄ᬯᬾᬘᬚ᭄ᬯᬳᬶᬤᬵᬫᬗᬶᬘᬾᬦ᭄᭞ᬳᬕᬸᬂᬋᬦᬵᬧᬗᬫ᭄ᬧᬸᬭᬵ᭞ᬢᬦ᭄ᬓᭂᬦᬾᬂᬲᬫ᭄ᬩᬾᬓᬮ᭞ᬧ
ᬗ᭄ᬓᬄᬫᬦᬄᬳᬾᬫᬦᬸᬭᬸᬦ᭄᭞ᬓᬶᬤᬸᬂᬢᬹᬃᬰᬰ᭄ᬢ᭄ᬭᬦᬾᬲᬲᬃ᭟ᬫᬶᬯᬄᬳᬶᬤᬵᬤᬦᬾᬲᬫᬶ᭞ᬲ᭄ᬯᬾᬘᬧᬤᬵᬫᬗᬫ᭄ᬧᬸᬭᬵ᭞ᬢᬹᬃᬳᬲᬶᬂᬲᬸᬤᬶᬫᬫᬯᭀᬲ᭄᭞ᬧᬲᬂᬰᬰ᭄ᬢ᭄ᬭᬢᬸᬦᬵᬮᬶᬯᬢ᭄᭞ᬧᬸᬧᬸᬳᬾᬳᬓᬾᬄᬗᬶᬤᬮ᭄᭞ᬰᬰ᭄ᬢ᭄ᬭᬓᬤᬶᬲ᭄ᬫᬢ᭄ᬳᬶᬦ᭄ᬢᬸᬓ᭄᭞ᬢ᭄ᬫᬄᬤᬤᬶᬕᬕᬸᬬᭀᬦᬦ᭄᭟ᬤᬸᬓ᭄ᬭᬶᬂᬤᬶᬦᬵᬩᬸᬤ
ᬧᬳᬶᬂ᭞ᬤᬯᭂᬕ᭄ᬗᬯᬶᬢᬶᬦ᭄ᬫᬜᬸᬭᬢ᭄᭞ᬫᬦᬸᬚᬸᬉᬬᬾᬳᬸᬓᬸᬦᬾ᭞ᬢᬗ᭄ᬕᬮ᭄ᬓᬸᬢᬸᬲ᭄ᬰᬰᬶᬄᬓᬧᬢ᭄᭞ᬇᬰᬓᬵᬲᬶᬬᬸᬤᭀᬫᬲ᭄᭞ᬧ᭄ᬢᬂᬤᬲᬮᬶᬫᬵᬦᬗ᭄ᬕᬸ᭞ᬓᬵᬲᬹᬭᬵᬢ᭄ᬭᬶᬂᬩᬦᬵᬮᬭᬲ᭄᭟ᬯᬾᬦ᭄ᬢᭂᬦ᭄ᬘᬭᬶᬢᬯᬶᬦᬃᬡ᭄ᬦᬶ᭞ᬲᬂᬧ᭄ᬭᬪᬸᬭᬶᬂᬧᬮᬭᬚ᭞ᬧᬲᬾᬗᬦ᭄ᬳᬶᬤᬵᬲᬂᬓᬢᭀᬂ᭞ᬲᬂ
ᬰ᭄ᬭᬶᬪᭀᬕᬯᬢᬶᬭᬚ᭞ᬲᬂᬧ᭄ᬭᬪᬸᬗᬮᬧ᭄ᬕᬃᬭ᭄ᬯ᭞ᬭᬶᬂᬓᬶᬦ᭄ᬢᬯᬦᬵᬦᬕᬦ᭄ᬢᬸᬦ᭄᭞ᬳᭀᬓᬦ᭄ᬧ᭄ᬭᬪᬸᬓᬶᬦ᭄ᬢᬯᬦᬵ᭟ᬧᬲᬾᬗᬦ᭄ᬳᬶᬤᬵᬲᬂᬳᬚᬶ᭞ᬰ᭄ᬭᬶᬫᬳᬭᬚᬳᬩᭂᬲᬄ᭞ᬤᬾᬯᬶᬲᬦ᭄ᬢᬸᬦ᭄ᬧᬫᬭᬩᬾ᭞ᬓᬳᬫ᭄ᬩᬶᬮ᭄ᬓᬧᬮᬭᬚᬵ᭞ᬯᬸᬲ᭄ᬮᬫᬶᬫᬭᬩᬶᬬᬦ᭄᭞ᬲᬂᬤᬾᬯᬶᬳᬫ᭄ᬩᭀᬩᭀᬢ᭄

[᭒ 2A]
᭒
ᬲᬫ᭄ᬧᬸᬦ᭄᭞ᬚᬗ᭄ᬓᭂᬧ᭄ᬰᬰᬶᬳᬦ᭄‌‌ᬯᬸᬲ᭄ᬫᭂᬤᬮ᭄᭟ᬮᬦᬂᬧᬸᬢ᭄ᬭᬦᬾᬢᬹᬃᬧ᭄ᬓᬶᬓ᭄᭞ᬲᬂᬦᬣᬓᬮᬗ᭄ᬓᬸᬂᬲᬸᬓᬵ᭞ᬧᬸᬢ᭄ᬭᬦᬾᬩᬯᬸᬳᬢ᭄ᬢᭀᬦ᭄᭞ᬩᬶᬩᬶᬦᬾᬫᬗ᭄ᬭᬭᬶᬲ᭄ᬲᬸᬗ᭄ᬓᬦ᭄᭞ᬓᬲ᭄ᬯᬾᬦ᭄ᬫᬗ᭄ᬭᬭᬶᬲ᭄ᬱᬾᬤ᭄ᬥᬵ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬫᬸᬤᬸᬄ᭞ᬢ᭄ᬯᬭᬵᬫᬾᬮᬶᬂᬢ᭄ᬓᬾᬦ᭄ᬧᬸᬢ᭄ᬭ᭟ᬳᬾᬯᭂᬄᬓᬯᬸᬮᬦᬾᬲᬫᬶ᭞
ᬲᬂᬧ᭄ᬭᬪᬸᬢᬦ᭄ᬯᬾᬢᬶᬸᬦ᭄ᬢᭂᬦ᭄ᬓᭀᬤᬮ᭄᭞ᬗᬯᬶᬮᬗᬶᬦ᭄ᬓᬃᬬ᭄ᬬᬋᬓᭀ᭞ᬳᬶᬧᬢᬶᬄᬫᬶᬯᬄᬧᬸᬗ᭄ᬕᬯᬵ᭞ᬦᬾᬚᬦᬶᬫᬦᬶᬗ᭄ᬓᬳᬂ᭞ᬓᬃᬬ᭄ᬬᬦᬾᬳᬧᬦ᭄ᬯᬸᬲ᭄ᬧᬸᬧᬸᬢ᭄᭞ᬭᬤᬾᬦ᭄ᬥᬾᬯᬶᬓᬧ᭄ᬮᭂᬩᭀᬦᬂ᭟ᬫᬮᬶᬄᬳᬶᬤᬵᬲᬗᬚᬶ᭞ᬢ᭄ᬯᬭᬵᬫᬾᬮᬶᬂᬢ᭄ᬓᬾᬦ᭄ᬧᬸᬢ᭄ᬭ᭞ᬓᬲᬸᬯᬾᬦ᭄ᬲᬸᬦ᭄ᬢᬋᬓᭀ᭞ᬢᬸᬫᬸᬮᬶᬫᬾᬮᬶᬂᬲᬂ
ᬦᬣ᭞ᬭᬭᬶᬲ᭄ᬳᬶᬤᬵᬫᬭᬩ᭄ᬬᬦ᭄᭞ᬫᬗᬫ᭄ᬩᬶᬮ᭄ᬭᬩᬶᬲᬂᬧ᭄ᬭᬪᬸ᭞ᬓᭀᬘᬧ᭄ᬲᬓᬶᬂᬚᬧᬶᬦ᭄ᬢᭀᬭᬦ᭄᭟ᬦᬶᬤᬾᬯᬶᬓᬸᬫᬸᬤᬯᬢᬶ᭞ᬧᬲᬾᬗᬦ᭄ᬳᬶᬤᬵᬭᬳᬤ᭄ᬬᬦ᭄᭞ᬢᬦ᭄ᬯᬃᬡ᭄ᬦᬦ᭄ᬓᬃᬬ᭄ᬬᬦᬾᬋᬓᭀ᭞ᬧᬩᬸᬜ᭄ᬘᬶᬗᬦ᭄ᬦᬾᬲᬂᬦᬣ᭞ᬮᬫᬶᬲᬫ᭄ᬧᬸᬦ᭄ᬫᬭᬩᬶᬬᬦ᭄᭞ᬓᬮᬶᬦ᭄ᬢᬵᬂᬲᬸᬓᬵᬲᬂᬧ᭄ᬭᬪᬸ᭞ᬲᬬᬦ᭄ᬮ
ᬮᬶᬰ᭄ᬭᬶᬦᬭᬾᬦ᭄ᬤ᭄ᬭ᭞ᬫᭀᬩᭀᬢ᭄‌‌ᬰ᭄ᬭᬶᬧ᭄ᬭᬫᬶᬰ᭄ᬯᬭᬶ᭞ᬫ᭄ᬥᬮᬦᬂᬧᬸᬢ᭄ᬭᬦᬶᬭᬵ᭞ᬓᬮᬶᬦ᭄ᬢᬂᬲᬸᬓᬲᬂᬓᬢᭀᬂ᭞ᬢᬦ᭄ᬓᬯᬃᬡ᭄ᬦᬵᬮᬫᬶᬦᬶᬭᬵ᭞ᬯᬸᬲ᭄ᬓᬮᬶᬄᬫᬤᬸᬯᬾᬧᬸᬢ᭄ᬭ᭞ᬫᬓᬓᬮᬶᬄᬩᬕᬸᬲ᭄ᬩᬕᬸᬲ᭄᭞ᬲᬬᬦ᭄ᬮᬮᬶᬰ᭄ᬭᬶᬦᬭᬾᬦ᭄ᬥ᭄ᬭ᭞ᬭᬶᬂᬳᭀᬓᬦᬾᬧᬶᬦᬶᬄᬓ᭄ᬮᬶᬄ᭞ᬦᬾᬦᬾᬓᬢᬶᬗ᭄ᬕᬮᬦ᭄ᬩᬶᬬᬂ᭞ᬓᬾᬦ᭄ᬤᭂ [ 3 ][᭒ 2B]
᭒
ᬫᬦ᭄ᬩᬳᬦ᭄ᬭᬩᬶᬦᬾ᭞ᬓᬳᬶᬮᬶᬗᬂᬦᬾᬦᬾᬤᬤ᭄ᬯ᭞ᬫᬗ᭄ᬓᬶᬦ᭄ᬱᬫ᭄ᬧᬸᬦ᭄ᬫᬧᬭᬩ᭄᭞ᬫ᭄ᬩᭀᬕᬲᬓ᭄ᬲᬦᬾᬦᬾᬤᬸᬳᬸᬃ᭞ᬕᬶᬸ᭞ᬩᭀᬕᬬᬓ᭄ᬱᬶᬦᬾᬳᬮᬶᬢᬦ᭄᭟᭜᭟ᬲᬤᬶᬦᬤᬶᬦᬓᬢᬗ᭄ᬓᬶᬮ᭄᭞ᬮᬗ᭄ᬓᬸᬂᬳᬾᬦᬓ᭄ᬧᬓᬬᬸᬦᬦ᭄᭞ᬢᬦ᭄ᬲᬄᬗᬫᭀᬂᬫᭀᬂᬧᬸᬢ᭄ᬭᬦᬾ᭞ᬓᭀᬘᬧ᭄ᬭᬩᬶ
ᬦᬾᬲᬂᬦᬵᬣ᭞ᬳᬗᬸᬘᬧᬶᬂᬯᬂᬤᬬ᭞ᬧᬗ᭄ᬭᬦᬾᬚ᭄ᬭᭀᬦᬶᬂᬓᬬᬸᬦ᭄᭞ᬳᬶᬬᬫᬭᬶᬂᬧᬸᬢ᭄ᬭᬦᬶᬭᬵ᭟᭜᭟ᬓ᭄ᬮᬗ᭄ᬓᬸᬂᬲᬸᬓᬦᬺᬧᬢᬶ᭞ᬤᬸᬫᬢᭂᬂᬳᬢ᭄ᬫᬚᬦᬶᬭᬵ᭞ᬢᬸᬳᬸᬬᬦ᭄ᬓᬭᬶᬲᬂᬓᬢᭀᬂ᭞ᬮᬶᬦ᭄ᬢᬂᬳᬗᬶᬸᬗᬾᬫᬦ᭄ᬭᬶᬂᬧᬸᬢ᭄ᬭ᭞ᬬᬦ᭄ᬢᬶᬦᬶᬗ᭄ᬕᬮᬶᬂᬭᬫ᭞ᬫᬦᬯᬶᬢᬳᬦᬓᬶᬗ᭄ᬲᬸᬦ᭄᭞ᬓᬲᭀᬃᬤᬾᬦᬶᬂ
ᬭᬓᬦᬶᬭᬵ᭟᭜᭟ᬳᬶᬤᬫᬲᬂᬤᬬᬭᬭᬶᬲ᭄᭞ᬭᬶᬂᬧᬗᬶᬦ᭄ᬢᬾᬦᬾᬭᬳᬤ᭄ᬬᬦ᭄᭞ᬦᬸᬮᬶᬄᬓᬚᬩᬭᬳᬤᬾᬦ᭄᭞ᬭᬳᬤᬾᬦ᭄ᬤᬶᬯᬶᬗᬗᬶᬸᬦ᭄ᬥᬶᬓ᭞ᬢ᭄ᬓᬾᬦ᭄ᬦᬾᬗᭂᬫ᭄ᬩᬦ᭄ᬳᬶᬤᬵ᭞ᬦᬾᬢᬾᬗᭂᬫ᭄ᬩᬦ᭄ᬫᬳᬶᬫᬮᬸ᭞ᬧᬗᬦ᭄ᬥᬶᬓᬦᬾᬲᬂᬦᬵᬣ᭟᭜᭟ᬤᬶᬢᬫᬦ᭄ᬳᬚᬓ᭄ᬳᬶᬫᬦ᭄ᬢ᭄ᬭᬶ᭞ᬜᬳᬶᬚᬸᬯᬳ
ᬚᬓ᭄ᬳᬶᬳᬶᬤᬵ᭞ᬧᬗᬦ᭄ᬥᬶᬓᬦᬾᬲᬂᬓᬢᭀᬂ᭞ᬦᬾᬦᬾᬩᬸᬯᬶᬦ᭄ᬮᬶᬫᬂᬤᬶᬦᬵ᭞ᬜᬳᬶᬗᬚᬓᬢᬫᬦ᭄᭞ᬬᬾᬦ᭄ᬲᬂᬧ᭄ᬭᬪᬹᬢᭀᬦ᭄ᬤᬾᬦ᭄ᬭᬯᬸᬄ᭞ᬜᬳᬶᬳ᭄ᬤᬳᬶᬚᬸᬩᬸᬤᬮ᭄᭟᭜᭟ᬳᬶᬗᭂᬫ᭄ᬩᬦ᭄ᬭᬭᬶᬲ᭄ᬫᬧᬫᬶᬢ᭄᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬫ᭄ᬧᬄ᭞ᬢᬦ᭄ᬓᬯᬃᬡ᭄ᬦᬾᬂᬫᬃᬕ᭄ᬕᬋᬓᭀ᭞ᬓᭀᬘᬧ᭄ᬯᬸ

[᭓ 3A]
᭓
ᬲ᭄ᬭᬯᬸᬄᬤᬶᬢᬧᬦ᭄᭞ᬦᬾᬦᬸᬗ᭄ᬕᬸᬢᬫᬦ᭄ᬗᬸᬘᬧ᭄᭞ᬜᬳᬶᬳᬸᬮᬶᬤᬶᬚᬩᬯᬸ᭞ᬧᬚᬮᬦᬾᬫᬸᬭᬂᬫᬸᬭᬂ᭟᭜᭟ᬫᬗᬸᬤᬜᬳᬶᬧᬤᬶᬤᬶ᭞ᬫᬗᭂᬫ᭄ᬩᬦ᭄ᬭᬳᬤᬾᬦ᭄ᬧᬸᬢ᭄ᬭ᭞ᬳᬶᬗᭂᬫ᭄ᬩᬦ᭄ᬫᬲᬯᬸᬃᬳᬮᭀᬦ᭄᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬭᬾᬄᬢᬶᬢ᭄ᬬᬂᬓᬦ᭄ᬥᬶᬓᬬᬂ᭞ᬧᬗᬦ᭄ᬤᬶᬓᬦ᭄ᬭᬤᬾᬦ᭄ᬕᬮᬸᬄ
᭞ᬳᬧᬂᬢᬶᬢ᭄ᬬᬂᬧᬤᬶᬤᬶᬬᬦ᭄᭟᭜᭟ᬫᬲ᭄ᬓᬸᬫᬫ᭄ᬩᬂ᭟ᬬᬳᬶᬗᭂᬫ᭄ᬩᬦ᭄ᬫᬳᬢᬹᬃᬲᬫ᭄ᬩᬶᬮ᭄ᬫᬗ᭄ᬮᬶᬂ᭞ᬭᬢᬸᬭᬤᬾᬦ᭄ᬧᬸᬢ᭄ᬭ᭞ᬓᬗᭂᬦ᭄ᬢᬶᬢ᭄ᬬᬂᬭᬶᬂᬳᬶᬕᬸᬲ᭄ᬢᬶ᭞ᬯᬦ᭄ᬢᬄᬳᬶᬤᬾᬯᬫᬲ᭄ᬫᬶᬭᬄ᭟᭜᭟ᬕᬸᬯᬶᬮᬾᬓᬢᬸᬫᬶᬦ᭄ᬳᬶᬤᬾᬯᬦᬾᬫᬗ᭄ᬓᬶᬦ᭄᭞ᬬᬾᬦ᭄ᬫᬦᬄᬳᬂᬢᬶᬢ᭄ᬬᬂ᭞ᬳᬸᬧᬬᬫᬗ᭄ᬓᬶᬦ᭄ᬭᬶᬂᬕᬸᬲ᭄ᬢᬶ᭞ᬳᬚᬶᬦ᭄ᬳᬶ
ᬤᬾᬯᬢᬦ᭄ᬯᬶᬓᬦ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬲᬯᬸᬃᬲᬫ᭄ᬩᬶᬮ᭄ᬫᬦᬗᬶᬲ᭄᭞ᬩᬶᬩᬶᬫᭂᬦ᭄ᬤᭂᬧ᭄ᬓᬸᬤᬵ᭞ᬫᬗᬸᬤᬵᬲᬶᬩᬶᬩᬶᬗ᭄ᬮᬶᬂ᭞ᬤᬤᬶᬫᬗ᭄ᬮᬶᬗᬶᬦ᭄ᬢᬶᬢ᭄ᬬᬂ᭟᭜᭟ᬢ᭄ᬬᬂᬓᬦᬧᬲᬗ᭄ᬓᬦ᭄ᬧᬗ᭄ᬮᬶᬗᬶᬦ᭄ᬩᬶᬩᬶ᭞ᬩᬶᬩᬶᬫᭂᬦ᭄ᬥᭂᬧ᭄ᬓᬸᬤᬵ᭞ᬓᬦᬧᬢᬶᬢ᭄ᬬᬂᬧᬗ᭄ᬮᬶᬗᬶᬦ᭄᭞ᬭᬭᬶᬲ᭄ᬫᬳᬢᬹᬃᬦᬶᬗᭂᬫ᭄ᬩᬦ᭄᭟᭜᭟ᬤᬸᬄᬫᬲ᭄ᬫᬶᬭᬄᬓ
ᬗᭂᬦ᭄ᬲᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬓᬾᬦᬾᬓᭀᬭᬱᬦ᭄ᬬ᭞ᬳᬶᬤᬾᬯᬭᬢᬸᬫᬲ᭄ᬫᬦᬶᬓ᭄᭞ᬓᬢᬶᬗ᭄ᬕᬮᬦ᭄ᬩᬳᬦ᭄ᬩᬶᬬᬂ᭟᭜᭟ᬲᬧᬸᬦᬶᬓᬶᬳᬶᬭᬢᬹᬢᬶᬗ᭄ᬕᬮᬶᬦ᭄ᬩᬶᬩᬶ᭞ᬦᭀᬗᭀᬲᬶᬂᬲᬶᬂᬚᬮᬦ᭄᭞ᬫᬲᬯᬹᬃᬳᬶᬤᬵᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬗᬸᬤᬵᬩᬶᬩᬶᬗ᭄ᬮᬶᬂᬤᭀᬯᬂ᭟᭜᭟ᬮᬫᬸᬦ᭄ᬓᬾᬢᭀᬚᬦᬶᬩᬶᬩᬶ [ 4 ][᭓ 3B]
᭓
ᬚᬮᬦ᭄ᬫᬸᬮᬶᬄ᭞ᬭᬭᬶᬲ᭄ᬜᬸᬫᬶᬗ᭄ᬓᬶᬦᬂ᭞ᬳᬶᬗᭂᬫ᭄ᬩᬦ᭄ᬩᬸᬓᬤᬸᬦ᭄ᬤᬸᬦᬶᬦ᭄᭞ᬓᬗᭂᬦᬾᬭᬶᬂᬭᬤᬾᬦ᭄ᬧᬸᬢ᭄ᬭ᭟᭜᭟ᬓᬸᬤ᭄ᬬᬂᬢᬶᬢ᭄ᬬᬂᬳᬶᬤᬾᬯᬵᬭᬢᬸᬦᬾᬫᬗ᭄ᬓᬶᬦ᭄᭞ᬳᬶᬤᬵᬢ᭄ᬯᬭᬵᬦᬯᬂ᭞ᬦᬾᬧᬘᬂᬧᬗ᭄ᬕᬶᬳᬶᬦ᭄ᬫᬗ᭄ᬓᬶᬦ᭄᭞ᬩ᭄ᬦᭂᬄᬲᬮᬄᬢ᭄ᬯᬭᬢᬯᬂ᭟᭜᭟ᬲᬳᬶᬲᬳᬶᬳᬶᬗᭂᬫ᭄ᬩᬦ᭄ᬫᬦᬦ᭄ᬤᬂᬲ᭄ᬤᬶᬄ᭞ᬳᬶᬗᭂᬢ᭄ᬭᬶᬂ
ᬭᬳᬤ᭄ᬬᬦ᭄᭞ᬲᬫ᭄ᬧᬸᬦ᭄ᬮᬶᬫᬂᬤᬶᬦᬵᬫᬗ᭄ᬓᬶᬦ᭄᭞ᬢ᭄ᬯᬭᬤᬭᬯᬸᬄᬲᬂᬦᬵᬣ᭟᭜᭟ᬭᬤᬾᬦ᭄ᬧᬸᬢ᭄ᬭᬗᬦ᭄ᬤᬶᬓᬭᬶᬳᭂᬫ᭄ᬩᬦ᭄ᬫᬮᬶᬄ᭞ᬗᬸᬤᬵᬫᬓ᭄ᬮᭀᬲᬦ᭄᭞ᬩᬶᬩᬶᬚᬮᬦ᭄ᬓᬸᬤᬵᬫᬸᬮᬶᬄ᭞ᬳᬶᬗᭂᬫ᭄ᬩᬦ᭄ᬭᬭᬶᬲ᭄ᬫᬢᬹᬭ᭟᭜᭟ᬤᬸᬄᬫᬲ᭄ᬫᬶᬭᬄᬲᬫ᭄ᬧᬸᬦᬂᬗᬦ᭄ᬥᬶᬓᬫᬸᬮᬶᬄ᭞ᬓᬗᭂᬦ᭄ᬲᬦ᭄ᬓᭀᬢᬶᬢ᭄ᬬᬂ᭞ᬳᬶᬤᬾᬯᬓᬓᬸᬢᬂ
ᬫᬢᬶ᭞ᬢᬦ᭄ᬧᬲᬗᬸᬤᬶᬦᬶᬳᬶᬤᬵ᭟᭜᭟ᬳᭀᬮᬲ᭄ᬳᬶᬬᬳᬶᬧᬦᬸᬗ᭄ᬕᬸᬦ᭄ᬢᬫᬦ᭄ᬕᬸᬲ᭄ᬢᬶ᭞ᬧᬗᬢᬸᬭᬂᬤᬳᬃ᭞ᬳᬚᭂᬗᬦ᭄ᬳᬶᬤᬾᬯᬫᬗ᭄ᬓᬶᬦ᭄᭞ᬫ᭄ᬦᭂᬂᬚᬓᬸᬤᬳᬶᬤᬾᬯᬵ᭟᭜᭟ᬚᬦᬶᬳᬚᬶᬦ᭄ᬳᬶᬤᬶᬸᬤᬾᬯᬵᬢ᭄ᬯᬭᬤᬫᬾᬮᬶᬂ᭞ᬫᬗ᭄ᬓᬶᬦ᭄ᬭᬶᬂᬳᬶᬤᬾᬯᬵ᭞ᬳᬶᬤᬾᬯᬲᬫ᭄ᬧᬸᬦᬂᬲ᭄ᬤᬶᬄ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬫᬮᬶᬄᬗᬦ᭄ᬤᬶᬓ᭟᭜᭟
ᬩᬶᬩᬶᬳᭂᬫ᭄ᬩᬦ᭄ᬚᬦᬶᬓᬸᬤᬵᬩᬶᬩᬶᬫᬸᬮᬶᬄ᭞ᬳᬶᬗᭂᬫ᭄ᬩᬦ᭄ᬳᬗᬸᬘᬧ᭄᭞ᬲᬫ᭄ᬧᬸᬦᬂᬳᬸᬕᬶᬫᬦᬗᬶᬲ᭄᭞ᬭᬭᬶᬲ᭄ᬓᬳᭂᬫ᭄ᬩᬦ᭄ᬭᬳᬤ᭄ᬬᬦ᭄᭟᭜᭟ᬢ᭄ᬯᬭᬮᬾᬦᬦ᭄ᬧᬗᬦ᭄ᬤᬶᬓᬲᬂᬳᬶᬕᬸᬲ᭄ᬢᬶ᭞ᬮᬯᬸᬢ᭄ᬓᬢᬸᬗ᭄ᬓᬸᬮᬂ᭞ᬩᬢᬦ᭄ᬱ᭄ᬓᬭᬾᬫᬮᬮᬶ᭞ᬫᬲᬶᬄᬫᬦᬗᬶᬲ᭄ᬭᬳᬤ᭄ᬬᬦ᭄᭟᭜᭟ᬤᬤᬶᬳᬤᬵᬓᬢ᭄ᬧᬸᬓ᭄ᬤᬶᬲ᭄ᬕᭂᬮᬢᬶᬓ᭄᭞

[᭔ 4A]
᭔
ᬳᭂᬩᭀᬄᬲᬦ᭄ᬭᬱᬜ᭞ᬫ᭄ᬦᭂᬂᬳᬶᬤᬵᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢ᭄ᬥᬸᬦ᭄ᬲᬓᬶᬂᬧᬳᭂᬫ᭄ᬩᬦᬦ᭄᭟᭜᭟ᬬᬳᬶᬗᭂᬫ᭄ᬩᬦ᭄ᬫᬦᬸᬢᬸᬕ᭄ᬳᬸᬮᬶᬤᬶᬤᬸᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭᬜᭂᬫᬓ᭄᭞ᬓ᭄ᬥᬶᬲᬾᬫᬓ᭄ᬩᬸᬃᬕ᭄ᬮᬶᬲ᭄᭞ᬫᬢᬶᬗ᭄ᬕᬄᬭᬶᬂᬧᬸᬜᬦ᭄ᬧᬸᬤᬓ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬳᬶᬤᬫᬜᬕ᭄ᬚᬕᬶᬦ᭄ᬫᬮᬶᬄ᭞ᬩᬸᬫᬭᬓᬚ᭄ᬫᬓ᭄᭞ᬓ᭄ᬥᬶᬲᬾᬫᬓᭂᬩᬹᬃᬫᬮᬶᬄ᭞
ᬭᬭᬶᬲ᭄ᬫᬦᬗᬶᬲ᭄ᬭᬳᬤ᭄ᬬᬦ᭄᭟᭜᭟ᬬᬳᬶᬗᭂᬫ᭄ᬩᬦ᭄ᬫᬜᬕ᭄ᬚᬕ᭄ᬫᬳᬢᬹᬃᬕ᭄ᬮᬶᬲ᭄᭞ᬓᬸᬤ᭄ᬬᬗᬬᬩᬓᬢ᭄᭞ᬤᬾᬦᬶᬂᬓ᭄ᬥᬶᬲ᭄ᬘᭂᬮᬸᬢ᭄ᬕᬸᬲ᭄ᬢᬶ᭞ᬫᬭᬶᬓᬶᬭᬢᬸᬫᬳᭂᬫ᭄ᬩᬦ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬲᭂᬗᬶᬢ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬫᬦᬸᬢᬸᬕ᭄ᬗᬸᬮᬳᬂ᭞ᬳᬶᬗᭂᬫ᭄ᬩᬦ᭄ᬦᬸᬢᬸᬕ᭄ᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬭᬭᬶᬲ᭄ᬓᬚ᭄ᬫᬓ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬓ᭄ᬥᬶᬲᬾᬫᬢᬶ
ᬗ᭄ᬕᬄᬩᬸᬯᬶᬦ᭄᭞ᬳᬶᬤᬵᬫᬗ᭄ᬕᬶᬩᭂᬕᬂ᭞ᬮᬯᬸᬢ᭄ᬩᬸᬯᬶᬦ᭄ᬓᬚᬕ᭄ᬚᬕᬶᬦ᭄᭞ᬩᬸᬫᬭᬗᬦ᭄ᬢ᭄ᬬᬂᬓᬚᭂᬫᬓ᭄᭟᭜᭟ᬬᬫᬓᭂᬩᬹᬃᬭᬳᬤ᭄ᬬᬦ᭄ᬫᬦᬸᬢᬸᬕ᭄ᬫᬮᬶᬄ᭞ᬫᬗ᭄ᬭᬜ᭄ᬚᬶᬂᬭᬶᬂᬳᬮᬲ᭄᭞ᬫᬦᬸᬢᬸᬕ᭄‌‌ᬲᬃᬯ᭄ᬯᬶᬫᬦᬗᬶᬲ᭄᭞ᬳᬶᬗᭂᬫ᭄ᬩᬦ᭄ᬳ᭄ᬬᬫᬕᬫ᭄ᬩᬳᬦ᭄᭟᭜᭟ᬫᬗᬸᬮᬳᬂᬫᬦᬸᬢᬸᬕ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬫ᭄ᬩᬶᬮ᭄ᬫᬲᬫ᭄ᬩᬢᬦ᭄᭞
ᬫᬫᬸᬜᬶᬲᬫ᭄ᬩᬶᬮ᭄ᬫᬗ᭄ᬮᬶᬂ᭞ᬭᬢᬸᬳᬦᬶᬸᬦ᭄ᬢᭀᬲᬂᬓᬾᬢᬶᬢ᭄ᬬᬂ᭟᭜᭟ᬢ᭄ᬯᬭᬩᬓᬢ᭄ᬩᬳᬜᬦᬸᬢᬸᬕ᭄ᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬚᭀᬄᬤᬶᬢ᭄ᬗᬄᬳᬮᬲ᭄᭞ᬚᬦᬶᬲᬸᬩᬧᬶᬦᬄᬮᬶᬗ᭄ᬲᬶᬃ᭞ᬕ᭄ᬮᬶᬲᬶᬂᬢᬸᬢᬸᬭᬦ᭄ᬲᬢ᭄ᬯ᭟᭜᭟ᬲᬢ᭄ᬓᭂᬤᬾᬤᬶᬳᬮᬲᬾᬦᬾᬦᬾᬲ᭄ᬧᬶ᭞ᬢᬸᬫᬸᬮᬶᬄᬭᬳᬤ᭄ᬬᬦ᭄᭞ᬍᬲᬸᬦᬾᬢᬦ᭄ᬲᬶᬧᬶᬲᬶᬧᬶ᭞ᬫ [ 5 ][᭔ 4B]
᭔
ᬭᬭ᭄ᬬᬦ᭄ᬤᬶᬢ᭄ᬗᬄᬳᬮᬲ᭄᭟᭜᭟ᬬᬳᬶᬗᭂᬫ᭄ᬩᬦ᭄ᬫᬦ᭄ᬥᭂᬲᭂᬓᬶᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬸᬄᬤᬾᬯᬭᬢᬸᬫᬲ᭄᭞ᬦᬸᬦᬲ᭄ᬓᬾᬭᬢᬸᬫᬯᬮᬶ᭞ᬓ᭄ᬤᬶᬲᬾᬫᬦ᭄ᬲᬫ᭄ᬧᬸᬦ᭄ᬳᬶᬘᬮ᭄᭟᭜᭟ᬬᬳᬶᬗᭂᬫ᭄ᬩᬦ᭄ᬫᬜᬯᬸᬧ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬓᬳᭂᬫ᭄ᬩᬦ᭄᭞ᬢᬹᬃᬲᬃᬯ᭄ᬯᬶᬫᬳᬢᬹᬃᬳᬭᬶᬲ᭄᭞ᬳᬤᬸᬄᬭᬢᬹᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭟᭜᭟ᬦᬾ
ᬦᬾᬫᬗ᭄ᬓᬶᬦ᭄ᬦᬸᬦᬲ᭄ᬓᬾᬫᬢᬸᬮᬓ᭄ᬕᬸᬲ᭄ᬢᬶ᭞ᬤᬾᬦᬶᬂᬲᬫ᭄ᬧᬸᬦ᭄ᬲᬜ᭄ᬚ᭞ᬢᬹᬃᬕᬸᬍᬫᬾᬕ᭄ᬤᬾᬕᬸᬲ᭄ᬢᬶ᭞ᬩᬳᬸᬧ᭄ᬕᬢ᭄ᬫᬓᬭᬸᬦᬵ᭟᭜᭟ᬤᬤᬶᬩᬍᬲ᭄ᬳᬸᬚᬦᬾᬢᬦ᭄ᬲᬶᬧᬶᬲᬶᬧᬶ᭞ᬩᬸᬓᬳᬮᬄᬩ᭄ᬬᭀᬓᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬦᬗᬶᬲ᭄᭞ᬭᬭᬶᬲ᭄ᬫᬳᬢᬹᬃᬳᬶᬗᭂᬫ᭄ᬩᬦ᭄᭟᭜᭟ᬲᬧᬸᬦᬧᬶᬳᬢᬹᬃᬢᬶᬢ᭄ᬬᬗᬾᬓᬢᬸᬦᬶ᭞
ᬗᬢᬸᬭᬶᬦ᭄ᬫᬢᬸᬮᬓ᭄᭞ᬳᬶᬤᬾᬯᬵᬢ᭄ᬯᬭᬵᬫᬦᭀᬮᬶᬄ᭞ᬢᬶᬢ᭄ᬬᬂᬫᬦᬸᬢᬸᬕ᭄ᬳᬶᬤᬾᬯᬵ᭟᭜᭟ᬚᬦᬶᬓᬸᬤ᭄ᬬᬂᬓᬾᬦᬾᬧ᭄ᬢᭂᬂᬩᬸᬓᬚᬫ᭄ᬧᬶ᭞ᬢ᭄ᬯᬭᬦᬯᬂᬳᬫ᭄ᬩᬄ᭞ᬢ᭄ᬯᬭᬩᬸᬯᬸᬂᬩᬜᬧᬮᬶᬂ᭞ᬢ᭄ᬯᬭᬗᭂᬦᬄᬧᬭᬦ᭄ᬲᬶᬭ᭟᭜᭟ᬤᬤᬶᬫᬶᬮᬸᬳᬶᬗᭂᬫ᭄ᬩᬦ᭄ᬚᬦᬶᬫᬗ᭄ᬮᬶᬂ᭞ᬓᬗᭂᬦ᭄ᬢᭂᬓᬾᬦ᭄ᬳᬯᬓ᭄᭞ᬫᬗ᭄ᬭᬱᬢ᭄ᬯᬄᬧ
ᬘᬂᬫᬢᬶ᭞ᬩᬦᬾᬢ᭄ᬯᬭᬦᬯᬂᬳᬫ᭄ᬩᬄ᭟᭜᭟ᬧᬚᬮᬦᬾᬗᬯᬕ᭄ᬫᬗᬸᬲᬸᬤ᭄ᬳᬸᬲᬸᬤᬶᬦ᭄᭞ᬓᬾᬦᬾᬓᭀᬭᬱᬜ᭞ᬢᬶᬢ᭄ᬬᬂᬫᬗᬶᬭᬶᬂᬳᬶᬕᬸᬲ᭄ᬢᬶ᭞ᬩᬳᬦ᭄ᬢᭀᬂᬤᬤᬶᬳᬦ᭄ᬤᭂᬕᬂ᭟᭜᭟ᬚᬦᬶᬫ᭄ᬮᬄᬓᬾᬦᬾᬢ᭄ᬯᬭᬗᭂᬦᬄᬮᬗᬶᬢ᭄᭞ᬫᬚᬮᬦ᭄ᬫᬗᬯᬕ᭄᭞ᬩᬸᬓᬢ᭄ᬯᬭᬵᬯᬶᬥᬶᬳᬲᬶᬄ᭞ᬫᬢᬸᬚᬸᬯᬶᬦ᭄ᬢᬶᬢ᭄ᬬᬂᬳᬫ᭄ᬩᬄ᭟

[᭕ 5A]
᭕
ᬤᬤᬶᬬᬜᬲᬮᬓᬸᬮᬓᬸᬫᬫᬃᬕ᭄ᬕᬶ᭞ᬓᬾᬦᬾᬲᭀᬓ᭄ᬫᬚᬮᬦ᭄᭞ᬢ᭄ᬯᬭᬦᬯᬂᬓᬯᬸᬄᬓᬗᬶᬦ᭄᭞ᬲᬫ᭄ᬩᬶᬮ᭄ᬗᬶᬮ᭄ᬕᬶᬮ᭄ᬩᬩᬃᬳᬸᬚᬦ᭄᭟᭜᭟ᬲᬸᬩᬓᬶᬬᬧ᭄‌‌ᬚᭀᬧ᭄ᬢᭂᬂᬢ᭄ᬯᬭᬦᭂᬧᬸᬓᬶᬦ᭄᭞ᬢᭀᬗᭀᬲ᭄ᬫᬳᬬᬸᬩᬦ᭄᭞ᬤᬩᬢᬦ᭄ᬓᬬᬸᬦᬾᬳᬸᬗ᭄ᬲᬶ᭞ᬭᬳᬤᬾᬫᭂᬋᬫᬲᬶᬗᬮ᭄᭟᭜᭟ᬤᬤᬶ
ᬳᬤᬧᬸᬜᬦ᭄ᬓᬬᬸᬦᬾᬓᬧᬗ᭄ᬕᬶᬄ᭞ᬫᬕᭀᬳᭀᬓ᭄‌‌ᬕ᭄ᬥᬾᬲᬦ᭄᭞ᬚᬦᬶᬓᬳᬸᬗ᭄ᬲᬶᬳᬸᬲᬸᬤᬶᬦ᭄᭞ᬫ᭄ᬭᬱᬲ᭄ᬥᭂᬂᬢᭀᬗᭀᬲ᭄ᬦᭂᬕᬓ᭄᭟᭜᭟ᬮᬦ᭄ᬢᬲ᭄ᬚᬦᬶᬫᬭᬗ᭄ᬮᬯᬸᬢ᭄ᬜᭂᬮᬸᬧᬶᬦ᭄᭞ᬤᬶᬢᬸᬮᬯᬸᬢ᭄ᬦᭂᬕᬓ᭄᭞ᬫᬜᭀᬗ᭄ᬓᭀᬓ᭄ᬲᬫ᭄ᬩᬶᬮ᭄ᬫᬗᬩᬶᬦ᭄᭞ᬬᬾᬄᬫᬢᬦᬾᬫᬢᬫ᭄ᬩ᭄ᬬᬲᬦ᭄᭟᭜᭟ᬢ᭄ᬯᬭᬧᬸ
ᬍᬲ᭄ᬬᬫᬭᬸᬫᬸᬦ᭄ᬫᬫᬸᬜᬶ᭞ᬤᬸᬄᬳᬶᬤᬵᬪᬵᬝᬵᬭ᭞ᬤᬶᬚᬢᬤᬾᬯᬦᬾᬳᬰᬶᬄ᭞ᬩᭀᬬᬳᬶᬘᬾᬦ᭄ᬢᬶᬢ᭄ᬬᬂᬫᬃᬕ᭄ᬕᬵ᭟᭜᭟ᬩᭀᬬᬳᭂᬦ᭄ᬤᬂᬓᬸᬤᬤᬾᬯᬲᬦᬾᬫᬗ᭄ᬓᬶᬦ᭄᭞ᬧᬤᬍᬫ᭄ᬚᬢᬶᬢ᭄ᬬᬂ᭞ᬦᬾᬲ᭄ᬥᬶᬄᬩ᭄ᬮᬸᬲ᭄ᬫᬗᬶᬮ᭄ᬕᬶᬮ᭄᭞ᬤᬶᬕᭀᬳᭀᬓ᭄ᬓᬬᬸᬦᬾᬦ᭄ᬕᬓ᭄᭟᭜᭟ᬢ᭄ᬯᬭᬧᬸᬍᬲ᭄ᬢᬶᬢ᭄ᬬᬂᬳᬶᬭᬶᬓᬶᬫᬗᬩᬶ
ᬦ᭄᭞ᬮᬦ᭄ᬢᬲ᭄ᬳᬤᬢ᭄ᬓ᭞ᬲᭂᬫᬸᬢ᭄ᬫᬗᬺᬩᬸᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬭᬭᬶᬲ᭄ᬫᬦᬗᬶᬲ᭄ᬭᬳᬤ᭄ᬬᬦ᭄᭟᭜᭟᭛᭞ᬤᬂᬤᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬫᬦᬗᬶᬲ᭄᭞ᬳᬤᬸᬄᬩᬶᬩᬶ᭞ᬳᬧᬗᬸᬢ᭄ᬕᬸᬢᬶᬬᬂ᭞ᬓᬾᬦᬾᬲᬓᬶᬢ᭄ᬲᬦ᭄ᬭᬱᬦᬾ᭞ᬳᬶᬗᭂᬫ᭄ᬩᬦ᭄ᬫᬢᬹᬃᬳᬮᬸᬲ᭄᭞ᬦᬶᬓᬶᬲᭂᬫᬸᬢ᭄ᬳᬓᬾᬄᬳᬶᬭᬶᬓᬶ᭞ᬮᬯᬸᬢ᭄ᬩᬗᬸᬦ᭄ᬗᬾᬗ᭄ᬕᬮᬂ᭞ [ 6 ][᭕ 5B]
᭕
ᬩ᭄ᬯᬶᬦ᭄ᬫᬚᬮᬦ᭄ᬮᬯᬸᬢ᭄᭞ᬫᬸᬚᬦ᭄ᬳᬸᬚᬦ᭄ᬫᬸᬭᬂᬫᬸᬭᬂ᭞ᬧᬢ᭄ᬮᬳᬦ᭄᭞ᬳᬶᬗᭂᬫ᭄ᬩᬦ᭄ᬫᬫᬸᬜᬶᬳᬭᬶᬲ᭄᭞ᬳᬸᬧᬄᬢᭀᬂᬤᬤᬶᬳᬦ᭄ᬤᭂᬕᬂ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᬯᬸᬭᬶᬦ᭄ᬳᬭᬶᬲ᭄᭞ᬳᬭᬸᬄᬩᬶᬩᬶ᭞ᬩᬬᬢᬸᬤᬸᬄᬢᬶᬢ᭄ᬬᬂ᭞ᬓᬲᬗ᭄ᬲᬭᬵᬩᬦ᭄ᬯᬶᬤ᭄ᬥᬶᬦᬾ᭞ᬢᬶᬢ᭄ᬬᬂᬮᬚᬸᬫᬦᬸᬢᬸᬕ᭄᭞ᬢ᭄ᬯᬭᬢᬶᬢ᭄ᬬᬂᬦ᭄ᬤᬬᬦ᭄ᬧᬮᬶᬂ᭞
ᬬᬫ᭄ᬭᬱᬧᬘᬂᬩᬓᬢ᭄᭞ᬩᬳᬦ᭄ᬢᬶᬢ᭄ᬬᬂᬦᬸᬢᬸᬕ᭄᭞ᬤᬤᬶᬢ᭄ᬯᬭᬳᬤᬵᬩᬓᬢ᭄᭞ᬩᬳᬦ᭄ᬢᬶᬢ᭄ᬬᬂ᭞ᬦᬄᬲᬸᬩᬩᬬᬢ᭄ᬯᬄᬯᬶᬤ᭄ᬥᬶ᭞ᬫᬦᬸᬤᬸᬳᬂᬓᬲᬗ᭄ᬲᬭᬵ᭟᭜᭟ᬫᬰᬩᬸᬳᬸᬂᬧᬘᬂᬫᬵᬲᬶᬦ᭄ᬫᬢᬶ᭞ᬢ᭄ᬗᬄᬳᬮᬄᬳᬮᬲ᭄᭞ᬓᬲᬭᬧ᭄ᬩᬦ᭄ᬫᬘᬦ᭄᭞ᬲᬮᬄᬢᬸᬗ᭄ᬕᬮ᭄ᬭᬓ᭄ᬱᬲᬦᬾ᭞ᬬᬦ᭄ᬢ᭄ᬯᬭᬫᬢᬶᬮᬩᬸᬄ᭞ᬦ᭄ᬧᬾᬦ᭄ᬚᬸᬭᬂᬓ
ᬮᬯᬦ᭄ᬳᬶᬤᬶᬂ᭞ᬤᬶᬢᬸᬮᬯᬸᬢ᭄ᬗᬸᬫᬦ᭄ᬤᬂ᭞ᬳᭀᬜᬩᬩᬓ᭄ᬩᭂᬮᬸᬃ᭞ᬩᬶᬩᬶᬩᬋᬂᬳᬚᬓ᭄ᬢᬶᬢ᭄ᬬᬂ᭞ᬧᬤᬵᬭᬸᬲᬓ᭄᭞ᬦᬶᬗᬶᬦ᭄ᬢᬾᬜᬯᬸᬭᬶᬦ᭄ᬳᬭᬶᬲ᭄᭞ᬫ᭄ᬦᭂᬂᬚᬓᬸᬤᬵᬳᬶᬤᬾᬯ᭟᭜᭟ᬯᬦ᭄ᬢᬄᬢᬶᬢᬄᬳᬶᬤᬲᬗ᭄ᬳ᭄ᬬᬂᬯᬶᬥ᭄ᬥᬶ᭞ᬭᬶᬂᬭᬳᬤ᭄ᬬᬦ᭄᭞ᬲᬸᬭᬸᬧ᭄ᬲᬂᬗ᭄ᬳ᭄ᬬᬂᬅᬃᬓ᭄ᬓ᭞ᬢ᭄ᬯᬭᬳᭂᬦ᭄ᬤᬂᬬᬳᬸᬚᬦᬾ᭞ᬤᬤᬶᬮᬶᬲᬶᬓ᭄ᬓᬢ᭄ᬧᬸᬓ᭄᭞ᬬᬳᬶᬗᭂ
ᬫ᭄ᬩᬦ᭄ᬫᬢᬹᬃᬭᬭᬶᬲ᭄᭞ᬦᬶᬓᬶᬓᭀᬮᬶᬲᬶᬓ᭄ᬳᬫ᭄ᬩᬄ᭞ᬭᬳᬤ᭄ᬬᬦ᭄ᬲᬸᬫᬯᬹᬃ᭞ᬦᬄᬳᬶᬬᬢᬸᬯᬸᬢ᭄ᬫᬚᬮᬦ᭄᭞ᬬᬳᬶᬗᭂᬫ᭄ᬩᬦ᭄᭞ᬲᬸᬫᬯᬸᬃᬳᬢᬸᬭᬾᬳᬭᬶᬲ᭄᭞ᬳᬶᬗ᭄ᬕᬶᬄᬲᬶᬗ᭄ᬜᬫᬗ᭄ᬕᬶᬄᬳᬸᬫᬄ᭟᭜᭟ᬦᬸᬦᬲ᭄ᬭᬢᬸᬫᬭᬭ᭄ᬬᬦ᭄ᬳᬶᬭᬶᬓᬶ᭞ᬢᬶᬢ᭄ᬬᬂᬳᭂᬫᬃ᭞ᬢᬶᬢ᭄ᬬᬂᬗᭂᬫ᭄ᬩᬦ᭄ᬳᬶᬤᬵ᭞ᬭᬳᬤᬾᬦ᭄ᬭᬭᬶᬲᬯᬸᬭᬾ᭞ᬫᬭᬾᬭᬾᬦ᭄ᬩᬶᬩᬶᬫ

[᭖ 6A]
᭖
ᬮᬸ᭞ᬮᬫᬸᬦ᭄ᬳᭂᬢᬸᬄᬢᬦᬳᬾᬤᬶᬦᬶ᭞ᬢᬸᬫᬸᬮᬶᬫᬭᬃᬬ᭄ᬬᬦᬦ᭄᭞ᬭᬳᬤ᭄ᬬᬦ᭄ᬢᬸᬫᬸᬭᬸᬦ᭄᭞ᬢᬸᬫᬶᬮᬶᬭᬭᬶᬲ᭄ᬗᬦ᭄ᬤᬶᬓ᭞ᬤᬤᬶᬲᬚ᭞ᬫ᭄ᬮᬳᬾᬫ᭄ᬩᭀᬦ᭄ᬲᬦᬾᬤᬶᬦᬶ᭞ᬳᬧᬫᬓᬤᬳᭂᬦ᭄ᬤᬂ᭟᭜᭟ᬳᬶᬧᬗᬶᬦ᭄ᬢᬾᬫᬕᬳᬂᬗᬸᬲᬸᬤᬶᬦ᭄᭞ᬫᬳᬶᬍᬳᬦ᭄᭞ᬫᬲᬶᬄᬫ᭄ᬮᬄᬢ᭄ᬮᬄ᭞ᬢ᭄ᬯᬭᬳᬤᬳ᭄ᬫᬶᬲ᭄ᬋᬓᬾ᭞ᬦᬶᬗᬶᬦ᭄ᬢᬾ
ᬭᬭᬶᬲ᭄ᬫᬢᬹᬃ᭞ᬳᬶᬭᬶᬓᬶᬫᬭᬃᬬ᭄ᬬᬦ᭄ᬕᬸᬲ᭄ᬢᬶ᭞ᬤᬵᬩᬸᬯᬶᬦ᭄ᬓᬶᬚᬓᬶᬚ᭞ᬓᬾᬦᬾᬧ᭄ᬢᭂᬗᬶᬕᬸᬢ᭄᭞ᬢ᭄ᬯᬭᬗᭂᬦᬄᬧᬚᬕᬢᬦ᭄᭞ᬳᬶᬗ᭄ᬕᬶᬄᬤᬾᬯᬵ᭞ᬤᬗᬮᬳᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬤᬶᬚᬳᬮᬶᬄᬢᬶᬢ᭄ᬬᬂᬳᬶᬤᬵ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬫᬗᬦ᭄ᬤᬶᬓᬳᬭᬶᬲ᭄᭞ᬳᬤᬸᬄᬩᬶᬩᬶ᭞ᬮᬬᬄᬲᬦ᭄ᬓᭀᬢᬶᬢ᭄ᬬᬂ᭞ᬦᬶᬗᭂᬫ᭄ᬩᬦ᭄ᬭᬭᬶᬲ᭄ᬳᬢᬸᬭᬾ᭞ᬫ᭄ᬦᭂᬂᬚ
ᬓᬸᬤᬵᬭᬵᬢᬸ᭞ᬤᬶᬚᬢᬶᬢ᭄ᬬᬂᬫᬗᬮᬶᬄᬦᬲᬶ᭞ᬤᬶᬦᬶᬢ᭄ᬗᬄᬳᬮᬲ᭄᭞ᬓᬾᬦᬾᬧ᭄ᬢᭂᬂᬳᬶᬕᬸᬢ᭄᭞ᬓᬧᬶᬍᬫᬄᬓᭀᬳᬗ᭄ᬤᬾᬳᬵ᭞ᬤᬶᬚᬢᬶᬢ᭄ᬬᬂ᭞ᬫᬗᬮᬶᬳᬂᬳᬶᬤᬦᬲᬶ᭞ᬫ᭄ᬦᭂᬂᬚᬓᬸᬤᬳᬶᬤᬾᬯᬵ᭟᭜᭟ᬩᬾᬜ᭄ᬚᬂᬲᬶᬂᬜᬯᬾᬦ᭄ᬢᭂᬦ᭄ᬳᬶᬘᬦ᭄ᬯᬶᬤ᭄ᬥᬶ᭞ᬭᬶᬂᬳᬶᬤᬾᬯᬵ᭞ᬬᬾᬦ᭄ᬭᬯᬸᬄᬤᬶᬢᬫᬦ᭄᭞ᬳᬶᬭᬶᬓᬗᬚᭂᬗᬂᬋᬓᬾ᭞ᬭᬤᬾ
ᬦ᭄ᬫᬦ᭄ᬢ᭄ᬭᬶᬫᬲᬯᬹᬃ᭞ᬲᬚᬮᬫᬸᬦ᭄ᬢᭂᬓᬦᬾᬫᬦᬶ᭞ᬤᬶᬢᬸᬤᬶᬢᬫᬦ᭄ᬗᬫᬄ᭞ᬦᬶᬗᬶᬦ᭄ᬢᬾᬫᬲᬯᬸᬃ᭞ᬫ᭄ᬦᭂᬂᬚᬓᬸᬤᬵᬳᬶᬤᬾᬯᬵ᭞ᬲᬫ᭄ᬧᬸᬦᬂᬚ᭞ᬳᬶᬤᬾᬯᬫᬗ᭄ᬓᬶᬦ᭄ᬫᬦᬗᬶᬲ᭄᭞ᬓᬗᭂᬦ᭄ᬢᬶᬢ᭄ᬬᬂᬦᬶᬗᭂᬳᬂ᭟᭜᭟ᬓᬕ᭄ᬬᬢ᭄ᬲᬶᬭᬵᬳᬦ᭄ᬢᬪᭀᬕᬳᬕ᭄ᬮᬶᬲ᭄᭞ᬫᬗᬦ᭄ᬤᬶᬓ᭞ᬦᬕᬕᬶᬡ᭄ᬦᬶᬲᬶᬭᬵ᭞ᬮᬄᬯᬸᬗᬸᬢᬲᬶᬭᬫᬗ᭄ᬓᬾ᭞ᬲ᭄ᬯ [ 7 ][᭖ 6B]
᭖
ᬭᬦᬶᬂᬚᬢ᭄ᬫᬳᬶᬓᬸ᭞ᬢᬓᭀᬦᬦᬫᬗ᭄ᬓᬶᬦ᭄ᬤᬾᬦᬵᬕ᭄ᬮᬶᬲ᭄᭞ᬧᬶᬸᬳᬧᬦᬗᬶᬲ᭄ᬦᬾᬂᬚᬩ᭞ᬦᬕᬕᬶᬦᬶᬯᬸᬗᬸ᭞ᬓᬂᬮᬯᬂᬲᬫ᭄ᬧᬸᬦ᭄ᬩᬶᬦᬸᬓ᭞ᬢᬹᬃᬳᬢᬗ᭄ᬬ᭞ᬲᬧᬳᬦᬗᬶᬲᬶᬭᬶᬓᬶ᭞ᬦᬶᬗᬶᬦ᭄ᬢᬾᬓᬮᬗ᭄ᬓᬸᬂᬓᬕ᭄ᬬᬢ᭄᭟᭜᭟ᬲᬃᬯ᭄ᬯᬶᬗ᭄ᬢᭀᬃᬦᬶᬗᭂᬫ᭄ᬩᬦ᭄ᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂ᭞ᬫᬦᬸᬱᬓᬮᬭᬦ᭄᭞ᬧᬮᬶᬂ
ᬢᬦ᭄ᬳᬸᬦᬶᬂᬮᬓᬸᬦᬾ᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᭂᬗ᭄ᬓᭂᬚᬸᬢ᭄᭞ᬳᬶᬤᬩᬩᬃᬦᬕᬶᬄᬫᬮᬳᬶᬩ᭄᭞ᬦᬶᬗᭂᬫ᭄ᬩᬦ᭄ᬫᬗᬶᬲᬶᬬᬂ᭞ᬫᬗ᭄ᬓᬶᬦ᭄ᬭᬢᬹᬤᬸᬫᬸᬦ᭄᭞ᬳᬶᬤᬾᬯᬵᬚᬕᬶᬓᬶᬚ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬜᬯᬹᬭᬶᬦ᭄ᬳᬲ᭄ᬫᬸᬢᬗᬶᬲ᭄᭞ᬩᬶᬩᬶᬜᬾᬦ᭄ᬫᬓᬯᬸᬓᬦ᭄᭟᭜᭟ᬚᬦᬶᬕᬮᬂᬤᬾᬦᬶᬂᬓᬲᬸᬦ᭄ᬤᬭᬶᬦ᭄᭞ᬩᬳᬦ᭄ᬦᬕᬵ᭞ᬕᬮᬂᬩᬸᬓᬍᬫᬄ᭞
ᬤᬾᬦᬶᬂᬫᬩᬸᬗᬶᬸᬓᬓᭀᬭᬶᬦᬾ᭞ᬲᬂᬦᬕᬕᬶᬡ᭄ᬦᬶᬫᬸᬯᬸᬲ᭄᭞ᬳᬸᬮᬶᬤᬶᬚᬓᬲᬲᬃᬤᬶᬦᬶ᭞ᬫᬲᬯᬹᬃᬬᬳᬶᬗᭂᬫ᭄ᬩᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬭᬢᬹ᭞ᬫᬗᬶᬭᬶᬂᬳᬶᬤᬭᬳᬤ᭄ᬬᬦ᭄᭞ᬳᭀᬓᬦ᭄ᬳᬶᬤᬵ᭞ᬲᬗᬵᬧ᭄ᬭᬪᬸᬩᭀᬕᬯᬢᬶ᭞ᬦᬕᬭᬧᬮᬭᬚ᭟᭜᭟ᬳᬧᬩᬶᬩᬶᬦ᭄ᬢᭀᬫᬗᬯᬸᬓᬶᬦ᭄᭞ᬗᬩᬤᬫ᭄ᬫᬃ᭞ᬦᬸᬦ᭄ᬤᬾᬦᬂᬫᬸᬮᬶᬳ
ᬦ᭄᭞ᬦᬶᬗᬶᬦ᭄ᬢᬾᬫᬲᬯᬹᬃᬳᬤᬾᬂ᭞ᬫ᭄ᬦᭂᬂᬚᬓᬸᬤᬵᬭᬢᬹ᭞ᬤᬸᬭᬸᬂᬧ᭄ᬥᬲ᭄ᬩᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬩᬬᬓᬾᬦᬧᬶᬧᬸᬦᬶᬓ᭞ᬬᬾᬦ᭄ᬧᬢᬓᭀᬦ᭄ᬳᬶᬧᬸᬦ᭄᭞ᬧᬗᬸᬘᬧᬓᬤᬶᬚᬤ᭄ᬫᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬜᬯᬹᬭᬶᬦ᭄ᬯᬘᬦᬵᬫᬦᬶᬲ᭄᭞ᬚᬤ᭄ᬫᬵᬓᬾᬦ᭄ᬓᬾᬦ᭄‌‌ᬚ᭄ᬭᭀᬦᬶᬂᬕᬸᬯᬵ᭟᭜᭟ᬚᬮᬦ᭄ᬩᬶᬩᬶᬚᬦᬶᬫᬕᭂᬤᬶ᭞ᬲᬶᬂᬜᬢᭀᬜ᭞ᬦᬶ

[᭗ 7A]
᭗
ᬗᬶᬦ᭄ᬢᬾᬫᬗᬸᬘᬧ᭄᭞ᬓᬶᬚᬮᬓᬸᬫᭂᬗ᭄ᬓᭂᬩᬺᬓᬾ᭞ᬳᬾᬫᭂᬂᬓᭀᬢᬶᬢ᭄ᬬᬂᬭᬢᬹ᭞ᬤᬤᬶᬧ᭄ᬢᭂᬂᬳᬶᬩᬸᬢ᭄ᬦᬾᬚᬦᬶ᭞ᬢ᭄ᬯᬭᬵᬫᬗᭂᬦᬄᬕᬮᬂ᭞ᬤᬤᬶᬚᬦᬶᬫᬳᬸᬕ᭄᭞ᬫᬗ᭄ᬭᬜ᭄ᬚᬶᬂᬚ᭄ᬭᭀᬦᬶᬂᬕᬸᬯᬵ᭞ᬢ᭄ᬯᬭᬢᬯᬂ᭞ᬦᬄᬲᬸᬩᬕᬦ᭄ᬢᬶᬦᬾᬚᬦᬶ᭞ᬧᬘᬂᬗ᭄ᬫᬲᬶᬦ᭄ᬲᬗ᭄ᬲᬭ᭟᭜᭟ᬧᬚᬮᬦᬾᬫᬕᭀᬕᭀᬦᬸᬢ᭄ᬮᬶᬲᬶᬓ᭄᭞
ᬢ᭄ᬯᬭᬵᬢᬯᬂ᭞ᬲᬕᬾᬢ᭄‌‌ᬚ᭄ᬭᭀᬦᬶᬂᬕᬸᬯ᭞ᬩ᭄ᬦᭂᬄᬲᬗ᭄ᬓᬦ᭄ᬢᬸᬄᬢᬦᬳᬾ᭞ᬦᬕᬕᬶᬡ᭄ᬦᬶᬳᬫᬸᬯᬸᬲ᭄᭞ᬢᭀᬂᬫᬳᬶᬫᬸᬮᬶᬬᬦ᭄ᬚᬦᬶ᭞ᬳᬚᬓ᭄ᬳᬶᬤᬭᬳᬤ᭄ᬬᬦ᭄᭞ᬳᬶᬗᭂᬫ᭄ᬩᬦ᭄ᬫᬲᬯᬹᬃ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬫᬚᬦᬶᬸᬮᬦ᭄᭞ᬧᬢ᭄ᬮᬬᬦ᭄᭞ᬤᬶᬗᬶᬦ᭄ᬢᬶᬢ᭄ᬬᬗᬾᬢᬦ᭄ᬲᬶᬧᬶ᭞ᬢᬶᬢ᭄ᬬᬂᬩ᭄ᬮᬸᬲ᭄ᬩᬩᬃᬳᬸᬚᬦ᭄᭟᭜᭟ᬳᬶᬧᬗᬶᬦ᭄ᬢᬾ
ᬫᬢᬹᬃᬭᬶᬂᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬇᬗ᭄ᬕᬶᬄᬤᬾᬯ᭞ᬫᬃᬕ᭄ᬕᬶᬢᬾᬮᬮᬸᬯᬂ᭞ᬚᬦᬶᬘ᭄ᬮᬸᬧᬶᬦ᭄ᬕᬸᬯᬦᬾ᭞ᬳᬧᬂᬧᬶᬲᬜᬮᬫ᭄ᬧᬸᬲ᭄᭞ᬬᬤᬶᬦ᭄ᬤᬫᬃᬫᬃᬕ᭄ᬕᬶᬘ᭄ᬮᬸᬧᬶᬦ᭄᭞ᬳᬧᬂᬧᬶᬲᬦ᭄ᬧᬶᬲᬜ᭞ᬫᬢᬶᬲᬸᬩᬤᬶᬢᬸ᭞ᬬᬤᬶᬦ᭄ᬳᬶᬤᬸᬧ᭄ᬓᬓᬾᬦᬾᬲᬦ᭄᭞ᬓᬲᬗ᭄ᬲᬭ᭞ᬭᬭᬶᬲ᭄ᬓᬲᬫ᭄ᬩᬸᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬓᬳᭂᬫ᭄ᬩᬦ᭄ᬓᬚ᭄ᬭᭀᬦᬶᬂᬕᬸᬯᬵ᭟᭜᭟ᬲᬭ
ᬯᬸᬳᬾᬳᬶᬧᬗᬶᬦ᭄ᬢᬾᬫᬗ᭄ᬓᬶᬦ᭄᭞ᬚ᭄ᬭᭀᬦᬶᬂᬕᬸᬯ᭞ᬲᬋᬂᬭᬶᬂᬭᬳᬤ᭄ᬬᬦ᭄᭞ᬓᬮᬗ᭄ᬓᬸᬂᬓᬕ᭄ᬬᬢ᭄‌‌ᬘᬶᬢᬦᬾ᭞ᬳᬧᬦ᭄ᬦᬕᬓᬤᬸᬮᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬚᭂᬚᭂᬄᬢᬦ᭄ᬲᬶᬧᬶ᭞ᬲᬂᬗᬦ᭄ᬢᬩᭀᬕᬦᬩ᭄ᬤ᭞ᬳᬾᬄᬯᭀᬂᬭᬭᬾᬩᬕᬸᬲ᭄᭞ᬲᬧᬓᬂᬳᬦ᭄ᬤᬸᬯᬾᬧᬸᬢ᭄ᬭ᭞ᬳᬶᬧᬗᬶᬦ᭄ᬢᬾ᭞ᬳᬸᬫᬢᬹᬃᬲᬃᬯ᭄ᬯᬶᬫᬦᬗᬶᬲ᭄᭞ᬧᬸ [ 8 ][᭗ 7B]
᭗
ᬢ᭄ᬭᬲᬓᬶᬂᬧᬮᬭᬚ᭟᭜᭟ᬳᭀᬓᬦ᭄ᬳᬶᬤᬧ᭄ᬭᬪᬸᬩᭀᬕᬯᬢᬶ᭞ᬳᬶᬗ᭄ᬕᬶᬄᬳᬶᬤᬵ᭞ᬓᬮᬶᬦ᭄ᬢᬗᬶᬂᬮᬭᬵ᭞ᬓᬲᬶᬬᬲᬶᬬᬳᭀᬓᬦᬾ᭞ᬳᬶᬤᬢ᭄ᬯᬭᬓᬭᬸᬗᬸ᭞ᬳᬦ᭄ᬢᬩᭀᬕᬗᬦ᭄ᬤᬶᬓᬳᬭᬶᬲ᭄᭞ᬦᬄᬤᬶᬦᬶᬚ᭄ᬯᬫᬕ᭄ᬦᬄ᭞ᬳᬶᬭᬚᬦᬶᬦᬸᬤᬸᬓ᭄᭞ᬳᬶᬤᬵᬳᬗ᭄ᬕᭀᬦ᭄ᬳᬶᬭᬵᬧᬦᬓ᭄᭞ᬤᬾᬦᬶᬂᬳᬶᬭᬵ᭞ᬢ᭄ᬯᬭᬵ
ᬗ᭄ᬮᬄᬧᬦᬓ᭄ᬤᬶᬦᬶ᭞ᬳᬶᬗᭂᬫ᭄ᬩᬦ᭄ᬳᬸᬫᬢᬹᬭ᭟᭜᭟ᬩ᭄ᬘᬶᬓ᭄ᬢᬤᬄᬳᬸᬕᬶᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬮᬦ᭄ᬭᬳᬤ᭄ᬬᬦ᭄᭞ᬳᬶᬗᭂᬫ᭄ᬩᬦ᭄ᬗᬸᬦ᭄ᬢᬸᬓᬂ᭞ᬓᬮᬶᬦ᭄ᬢᬂᬢᬓᬸᬢ᭄ᬫᬦᬳᬾ᭞ᬤᬾᬦᬶᬂᬢᬶᬢ᭄ᬬᬂᬢᬦ᭄ᬧᬸᬭᬸᬦ᭄᭞ᬗᭂᬢᭀᬦ᭄ᬳᬶᬤᬵᬲᬓᬤᬶᬫᬗ᭄ᬓᬶᬦ᭄᭞ᬩ᭄ᬘᬶᬓ᭄‌‌ᬚ᭄ᬯᬢᬤᬄᬢᬶᬢ᭄ᬬᬂ᭞ᬳᬧᬂᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬢᬶᬢ᭄ᬬᬂᬲᬋᬂᬭᬳᬤ᭄ᬬᬦ᭄᭞
ᬳᬦ᭄ᬢᬩᭀᬕ᭞ᬗᬦ᭄ᬤᬶᬓᬭᬶᬂᬭᬳᬶᬦᬾᬓᬶ᭞ᬮᬄᬧᬭᬦ᭄ᬥᬬᬦᬶᬭᬵ᭟᭜᭟ᬦᬕᬕᬶᬡ᭄ᬦᬶᬫᬗ᭄ᬓᬶᬦ᭄ᬳᬦᬯᬸᬭᬶᬦ᭄᭞ᬦᭀᬭᬩᬶᬱ᭞ᬬᬾᬦ᭄ᬳᬗ᭄ᬭᬱᬦᬦᬵ᭞ᬲᬂᬗᬦ᭄ᬢᬪᭀᬕᬲᬯᬸᬭᬾ᭞ᬢᬓᭀᬦᬦᬯᭀᬂᬗᬶᬓᬸ᭞ᬮᬳ᭄ᬬᬳᬫᬫᬶᬮᬦᬾᬧ᭄ᬭᬧ᭄ᬝᬶ᭞ᬦᬕᬕᬶᬡ᭄ᬦᬶᬳᬗᬸᬘᬧ᭄᭞ᬮᬄᬢᬸᬢᬸᬋᬦᬶᬗ᭄ᬲᬸᬦ᭄᭞ᬳᬧᬢ
ᬫᬶᬮᬦᬾᬧ᭄ᬭᬧ᭄ᬝ᭞ᬳᬶᬧᬗᬶᬦ᭄ᬢᬾ᭞ᬳᬸᬫᬢᬸᬃᬲᬃᬯ᭄ᬯᬶᬫᬦᬗᬶᬲ᭄᭞ᬳᬯᬦᬦ᭄ᬢᬶᬢ᭄ᬬᬂᬧ᭄ᬭᬧ᭄ᬢ᭟᭜᭟ᬳᬶᬤᬭᬤ᭄ᬬᬦ᭄‌‌ᬧ᭄ᬘᬓ᭄ᬦᬸᬢᬸᬕ᭄ᬓᭂᬤᬶᬲ᭄᭞ᬲᬓᬶᬂᬢᬫᬦ᭄᭞ᬢᭀᬂᬤᬤᬶᬳᬦ᭄ᬤᭂᬕᬂ᭞ᬓᬮᬸᬦ᭄ᬢᬮᬸᬦ᭄ᬢᬮᬓᬸᬦᬾ᭞ᬢᬶᬢ᭄ᬬᬂᬦᬸᬢᬸᬕ᭄ᬭᬶᬂᬭᬶᬂᬧᬸᬗ᭄ᬓᬸᬃ᭞ᬦᬸᬢᬸᬕ᭄ᬳᬶᬤᬵᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬭᬭᬶᬲ᭄‌‌ᬗ᭄ᬭᬜ᭄ᬚᬶᬂᬭᬶᬂᬳᬮᬲ᭄᭞ᬲ

[᭘ 8A]
᭘
ᬫ᭄ᬧᬸᬦ᭄ᬚᬗ᭄ᬓᬢᭂᬤᬸᬄ᭞ᬓᬍᬲᭀᬦ᭄ᬳᬶᬤᬵᬭᬳᬤ᭄ᬬᬦ᭄᭞ᬫᬭᬃᬬ᭄ᬬᬦᬦ᭄᭞ᬭᬭᬶᬲ᭄ᬗᭂᬫ᭄ᬩᭂᬂᬢᭀᬬᬦ᭄ᬳᬓ᭄ᬱᬶ᭞ᬓᬗᭂᬦ᭄ᬳᬶᬤᬭᬶᬂᬭᬕ᭟᭜᭟ᬭᬭᬶᬲ᭄ᬳᬸᬚᬦ᭄᭞ᬢᭀᬂᬤᬤᬶᬳᬫ᭄ᬧᭂᬢᬶᬦ᭄᭞ᬳᬮᬄᬩ᭄ᬬᭀᬓᬂ᭞ᬧ᭄ᬢᭂᬗᬾᬓᬮᬶᬦ᭄ᬢᬂ᭞ᬫᬫᬃᬕ᭄ᬕᬶᬫᬕᭀᬕᭀᬋᬓᬾ᭞ᬢᬶᬢ᭄ᬬᬂᬢᬦ᭄ᬳᬸᬦᬶᬂᬮᬓᬸ᭞ᬓᬾᬯᬮᬢᬶ
ᬢ᭄ᬬᬂᬫᬫᬃᬕ᭄ᬕᬶ᭞ᬲᬩᭂᬄᬢᬦ᭄ᬩᬶᬱᬳᭂᬦ᭄ᬤᬂ᭞ᬤᬤᭀᬲ᭄ᬢᬶᬢ᭄ᬬᬂᬭᬵᬢᬹ᭞ᬫᬭᬶᬓᬶᬚ᭄ᬭᭀᬦᬶᬂᬕᬸᬯ᭞ᬲᬧᬸᬦᬶᬓ᭞ᬳᬯᬦᬦ᭄ᬭᬯᬸᬄᬫᬭᬶᬓᬶ᭞ᬲᬂᬦᬕᬕᬶᬦᬶᬗᬸᬘᬧ᭄᭟᭜᭟ᬮᬫᬸᬦ᭄ᬓᬾᬢᭀᬫ᭄ᬮᬄᬲᬸᬩᬤᬶᬦᬶ᭞ᬚ᭄ᬯᬫᬕ᭄ᬦᬄ᭞ᬲᬋᬂᬮᬦ᭄ᬭᬳᬤ᭄ᬬᬦ᭄᭞ᬭᬭᬶᬲ᭄ᬫᬢᬹᬃᬳᬶᬧᬗᬶᬢᬾ᭞ᬢᬶᬢ᭄ᬬᬂᬫᬦᬸᬦᬲ᭄ᬧᬸᬧᬸᬢ᭄᭞ᬩ᭄ᬘᬶ
ᬓ᭄ᬢᬤᬄᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬳᬧᬂᬧᬶᬲᬦ᭄ᬧᬶᬲᬜ᭞ᬩᭀᬬᬜᬦ᭄ᬤᬂᬭᬵᬢᬹ᭞ᬲᬸᬓᬬᬦ᭄ᬢᬶᬢ᭄ᬬᬂᬢ᭄ᬯᬄᬭᬸᬲᬓ᭄᭞ᬩᬲ᭄ᬓᬾᬦᬾᬲᬦ᭄᭞ᬫᬮ᭄ᬬᬢ᭄ᬢᬶᬢ᭄ᬬᬂᬢᭀᬂᬩᬦᬶ᭞ᬤ᭄ᬭᬶᬓᬶᬗᭂᬦᭀᬢ᭄ᬳᬶᬤᬾᬯ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬸᬦ᭄ᬢᬸᬓ᭄ᬫᬦᬗᬶᬲ᭄᭞ᬮᬦ᭄ᬳᬶᬗᭂᬫ᭄ᬩᬦ᭄᭞ᬫᬦᬶᬗᬮᬶᬦ᭄ᬦᬕ᭞ᬲᬂᬦᬕᬕᬶᬡ᭄ᬦᬶᬯᬸᬯᬸᬲᬾ᭞
ᬮᬄᬧᬭᬦ᭄ᬤᬬᬦ᭄ᬳᬶᬗ᭄ᬲᬸᬦ᭄᭞ᬳᬦ᭄ᬢᬪᭀᬕᬳᬫᬸᬯᬸᬲ᭄ᬳᬭᬶᬲ᭄᭞ᬦᬕᬕᬶᬡ᭄ᬦᬶᬢᬲᬶᬭ᭞ᬳᬦᬤᬬᬦᬶᬗ᭄ᬲᬸᬦ᭄᭞ᬧᬗᬸᬧᬤᬵᬫᬮᬶᬄᬯᬃᬡ᭄ᬦ᭞ᬓᬬᬚᬤ᭄ᬫᬵ᭞ᬳᬧᬂᬜᬦᬾᬩᬜᬩᬦᬶ᭞ᬚᬦᬶᬫᬗᭂᬦᭀᬢ᭄ᬳᬶᬭ᭟᭜᭟ᬭᬭᬶᬲ᭄ᬳᬶᬤᬲᬂᬗᬦ᭄ᬢᬪᭀᬕᬕ᭄ᬮᬶᬲ᭄᭞ᬫᬮᬶᬄᬯᬃᬡ᭄ᬦᬵ᭞ᬫᬭᬸᬧᬫᬵᬦᬸᬱ᭞ᬮᬦᬂ [ 9 ][᭘ 8B]
᭘
ᬓᬮᬶᬦ᭄ᬢᬂᬩᬕᬸᬲᬾ᭞ᬲᬂᬦᬕᬕᬶᬡ᭄ᬦᬶᬲᬫ᭄ᬧᬸᬦ᭄᭞ᬭᬸᬧᬳᬶᬲ᭄ᬢ᭄ᬭᬶᬳᬬᬸᬢᬹᬃᬍᬯᬶᬄ᭞ᬦᬸᬮᬶᬲᬶᬭᬵᬗᬦ᭄ᬤᬶᬓ᭞ᬗᬧᬭᬸᬧᬦ᭄ᬳᬶᬗ᭄ᬲᬸᬦ᭄᭞ᬳᭂᬫ᭄ᬩᬦ᭄ᬢᬶᬗᬮᬦᬗᬶᬗ᭄ᬯᬂ᭞ᬳᬶᬧᬗᬶᬦ᭄ᬢᬾ᭞ᬗᭂᬤᬢ᭄ᬢᬸᬫᬸᬮᬶᬦᬶᬗᬮᬶᬦ᭄᭞ᬯᬃᬡ᭄ᬦᬳᬬᬸᬓᬮᬶᬢ᭄᭟᭜᭟ᬦᬕᬕᬶᬦᬶᬦᬸᬮ᭄ᬬᬫᬸᬯᬸᬲ᭄ᬳᬭᬶᬲ᭄᭞ᬮᬳ᭄ᬬᬭᬳᬤ᭄ᬬᬦ᭄᭞ᬢᬶᬗᬮᬦᬳᬶ
ᬗ᭄ᬯᬂ᭞ᬧᬭᬦ᭄ᬭᬸᬧᬦᬶᬗ᭄ᬲᬸᬦ᭄ᬫᬗ᭄ᬓᬾ᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬢᬶᬢ᭄ᬬᬂᬢᬓᬸᬢ᭄ᬫᬗᬶᬯᬲᬶᬦ᭄᭞ᬯᬃᬡ᭄ᬦᬦ᭄ᬩᬶᬩᬶᬕᬮᬓ᭄᭞ᬦᬕᬕᬶᬡ᭄ᬦᬶᬜᬯᬸᬧ᭄᭞ᬭᬳᬤ᭄ᬬᬦ᭄ᬭᬭᬶᬲ᭄ᬓᬳᭂᬫ᭄ᬩᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬦᬶᬗᬮᬶᬦ᭄ᬲᬂᬦᬕᬕᬶᬡ᭄ᬦᬶ᭞ᬲᬕᬾᬢ᭄ᬳᬬᬸᬓᬮᬶᬦ᭄ᬢᬵᬂ᭟᭜᭟ᬳᬦ᭄ᬢᬪᭀᬕᬦᬸᬮ᭄ᬬᬫᬸᬯᬸᬲ᭄ᬳᬭᬶᬲ᭄᭞ᬤᬸᬄᬭᬳᬤ᭄ᬬᬦ᭄᭞ᬳᬶᬭᬶ
ᬓᬶᬫᬕ᭄ᬦᬄ᭞ᬭᬳᬤ᭄ᬬᬦ᭄ᬫᬲᬯᬹᬃᬳᬤᬾᬂ᭞ᬳᬫ᭄ᬧᬸᬭᬵᬢᬶᬢ᭄ᬬᬂᬢᬦ᭄ᬯ᭄ᬭᬸᬄ᭞ᬲᬧᬲᬶᬭᬵᬕᬸᬭᬸᬳᬶᬭᬶᬓᬶ᭞ᬦᭀᬗᭀᬲ᭄ᬤᬶᬢ᭄ᬗᬄᬳᬮᬲ᭄᭞ᬲᬂᬦᬕᬫᬲᬯᬹᬃ᭞ᬳᬦ᭄ᬢᬵᬪᭀᬕᬯᬲ᭄ᬢᬦ᭄ᬩᬧ᭞ᬫᬧᬦ᭄ᬫᬸᬮ᭞ᬤᬶᬳᬮᬲ᭄ᬩᬧᬫᬧᬸᬭᬶ᭞ᬤᬤᬶᬤᬾᬯᬦᬶᬂᬳᬮᬲ᭄᭟᭜᭟ᬳ᭄ᬦᬄᬤᬶᬦᬶᬳᬶᬤᬾᬯᬵᬦᬾᬫᬗ᭄ᬓᬶᬦ᭄᭞ᬳᬚᬓ᭄ᬩᬧ᭞ᬮ
ᬦ᭄ᬲᬋᬂᬳᬶᬗᭂᬫ᭄ᬩᬦ᭄᭞ᬦᬳᬚᬓ᭄ᬳᬶᬦᬦᬓ᭄ᬋᬓᬾ᭞ᬳᬶᬗᭂᬫ᭄ᬩᬦ᭄ᬭᬭᬶᬲ᭄ᬫᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬢᬦ᭄ᬓᬯᬃᬡ᭄ᬦᬮᬫᬶᬦ᭄ᬬ᭞ᬳᬶᬤᬭᬤᬾᬦ᭄ᬩᬕᬸᬲ᭄᭞ᬫᬕ᭄ᬦᬄᬲᬚ᭄ᬭᭀᬦᬶᬂᬕᬸᬯ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬕ᭄ᬦᬄᬭᬶᬂᬯᬦᬵᬧᬸᬭᬶ᭞ᬧᬸᬭᬶᬦᬾᬲᬗᬦ᭄ᬢᬵᬪᭀᬕ᭟᭜᭟ᬤᬹᬃᬫ᭄ᬫ᭞᭛᭞ᬳ᭄ᬦᭂᬂᬧᭀᬮᬳᬶᬤᬦᬾᬭᬳᬤᬾ

[᭙ 9A]
᭙
ᬦ᭄ᬧᬸᬢ᭄ᬭ᭞ᬭᬶᬂᬳᬮᬲ᭄ᬯᬦᬵᬧᬸᬭᬶ᭞ᬫᬗ᭄ᬓᬶᬦ᭄ᬓᬘᬭᬶᬢ᭞ᬭᬶᬦᬕᬭᬶᬓᬶᬦ᭄ᬢᬦᬵ᭞ᬲᬗᬧ᭄ᬭᬪᬸᬜᬓ᭄ᬭᬯᬃᬢ᭄ᬢᬶ᭞ᬫᬤ᭄ᬯᬾᬧᬸᬢ᭄ᬭ᭞ᬦᬗᬶᬂᬧᬸᬢ᭄ᬭᬦᬾᬩᬸᬜ᭄ᬘᬶᬂ᭟᭜᭟ᬤᬤᬶᬫᬸᬯᬸᬕ᭄‌‌ᬲ᭄ᬯᬭᬦ᭄ᬢᬫ᭄ᬩᬸᬃᬕᭂᬦ᭄ᬤᭀᬗᬦ᭄᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬫᬜᬶ᭞ᬯᭀᬂᬤᬾᬰᬭᬦ᭄ᬢᬩᬦ᭄᭞ᬧᭂᬲᬸᬗ᭄ᬕᬯᬲᬜ᭄ᬚᬢ᭞ᬧᬤᬵᬫᬗᭀᬚᭀᬕ᭄ᬓᬧᬸᬭᬶ᭞ᬧᬭᬧᬸᬗ᭄ᬕᬯ᭞ᬭᬶᬂᬩᬜ᭄ᬘᬶᬗᬄ
ᬫᬮᬶᬗ᭄ᬕᬶᬄ᭟᭜᭟ᬭᬭᬶᬲ᭄ᬳᬸᬚᬦ᭄ᬳᬗᬶᬦ᭄ᬮᬶᬦᬸᬲ᭄ᬫᬕᬸᬮᬸᬗᬦ᭄᭞ᬓᬶᬮᬧ᭄ᬢᬢᬶᬢᬾᬢᬶᬢᬶᬃ᭞ᬧᬘᬶᬭᬶᬦ᭄ᬧ᭄ᬭᬪᬯᬵ᭞ᬲᬂᬧ᭄ᬭᬪᬸᬫᬤ᭄ᬯᬾᬧᬸᬢ᭄ᬭ᭞ᬫ᭄ᬤᬮ᭄ᬩᬸᬜ᭄ᬘᬶᬂᬮᬦᬂᬳᬶᬲ᭄ᬢ᭄ᬭᬶ᭞ᬦ᭄ᬢᭀᬓ᭄ᬭᬦᬳᬸᬚᬦ᭄᭞ᬩᬍᬲ᭄ᬭᬳᬶᬦᬵᬯ᭄ᬗᬶ᭟᭜᭟ᬢᬾᬚᬗᬤᭂᬕ᭄ᬓᬸᬯᬸᬂᬓᬸᬯᬸᬂᬕᭂᬋᬄᬫᬦ᭄ᬤ᭄ᬭ᭞ᬳᭀᬋᬕ᭄ᬲᬚ᭄ᬭᭀᬦᬶᬂᬧᬸᬭᬶᬂ᭞ᬓᭀᬘᬧᬭᬳᬤ᭄ᬬᬦ᭄᭞ᬦᬾ
ᬦᬾᬤᬶᬯᬦᬧᬸᬭ᭞ᬫᬫᬶᬋᬂᬲ᭄ᬯᬭᬦᬶᬂᬩ᭄ᬤᬶᬮ᭄᭞ᬳᬶᬤᬭᬳᬤ᭄ᬬᬦ᭄᭞ᬭᬭᬶᬲ᭄ᬗᬦ᭄ᬤᬶᬓᬳᬭᬶᬲ᭄᭟᭜᭟ᬫᬾᬫᬾᬗᬶᬦ᭄ᬢᬾᬫᬸᬜᬶᬦ᭄ᬳᬧᬲᬶᬢᭀᬢᭀᬜ᭞ᬫᬸᬳᬸᬕ᭄ᬬᬕᭂᬩ᭄ᬮᬕ᭄ᬕᭂᬩ᭄ᬮᬶᬕ᭄᭞ᬦᬶᬗᬶᬦ᭄ᬢᬾᬫᬢᬸᬭ᭞ᬳᬶᬗ᭄ᬕᬶᬄᬧᬸᬦᬶᬓᬤᬾᬯᬵ᭞ᬲ᭄ᬯᬭᬦ᭄‌‌ᬩ᭄ᬤᬶᬮᬾᬢᬶᬢᬶᬃ᭞ᬳᬶᬤᬵᬭᬳᬤ᭄ᬬᬦ᭄᭞ᬫᬮᬶᬄᬗᬦ᭄ᬤᬶᬓᬳᬭᬶᬲ᭄᭟᭜᭟ᬫᬾᬫᬾᬤᬶ
ᬚᬫᬸᬜᬶᬦ᭄ᬩᭂᬤᬶᬮᬾᬢᭀᬢᭀᬜ᭞ᬚᬮᬦ᭄ᬓᭂᬫᬫᬩᬮᬶᬄ᭞ᬦᬶᬗᬶᬦ᭄ᬢᬾᬫᬗᬸᬘᬧ᭄᭞ᬳᬶᬗ᭄ᬕᬶᬄᬭᬵᬢᬹᬤᭀᬄᬧᬶᬲᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬤᭂᬮᭀᬓᬶᬦ᭄᭞ᬳᬤᭀᬄᬓᬮᬶᬦ᭄ᬢᬂ᭞ᬲ᭄ᬮᬢ᭄ᬳᬮᬲ᭄ᬮᬶᬗ᭄ᬕᬄᬕᬢᬶ᭟᭜᭟ᬬᬾᬦ᭄ᬫᬭᬶᬓᬋᬋᬄᬩ᭄ᬤᬶᬮᬾᬧᬸᬦᬶᬓ᭞ᬢᬦᬸᬭᬸᬂᬢᬶᬢ᭄ᬬᬂᬧᬮᬶᬂ᭞ᬫᬦᬗᬶᬲ᭄ᬭᬳᬤ᭄ᬬᬦ᭄᭞ᬦᬶᬗᭂᬫ᭄ᬩᬦ᭄ᬫᬗᬶᬲᬶᬬᬂ᭞ [ 10 ][᭙ 9B]
᭙
ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜ᭄ᬭᬶᬢ᭄᭞ᬫᬦᬕᬶᬄᬮᬸᬗ᭞ᬳᬶᬤᬵᬧᬘᬂᬫᬩᬮᬶᬄ᭟᭜᭟ᬗᬸᬤᬓᬾᬦᬾᬳᬶᬤᬾᬯᬩᬲ᭄ᬓᭂᬋᬂᬧᬶᬲᬦ᭄᭞ᬳᬸᬦᬶᬂᬲᬂᬦᬕᬕᬶᬡ᭄ᬦᬶ᭞ᬜᬕ᭄ᬚᬕᬶᬦ᭄ᬫᬜᭂᬫᬓ᭄᭞ᬮᬯᬸᬢ᭄ᬩᬋᬂᬗᬶᬲᬶᬬᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜ᭄ᬭᬶᬢ᭄᭞ᬲᬫ᭄ᬩᬶᬮ᭄ᬗᬶᬕᭂᬮᬂ᭞ᬲᬂᬦᬕᬶᬸᬕᬕᬶᬡ᭄ᬦᬶᬳᬗ᭄ᬮᬶᬂ᭟᭜᭟ᬳᬧᬓ᭄ᬭᬡᬳᬶᬤᬦᬗᬶᬲ᭄ᬭᬳ
ᬤ᭄ᬬᬦ᭄᭞ᬳᬶᬗᭂᬫ᭄ᬩᬦ᭄ᬫᬜᬯᬸᬭᬶᬦ᭄᭞ᬳᬯᬦᬦ᭄ᬭᬳᬤ᭄ᬬᬦ᭄᭞ᬦᬗᬶᬲ᭄ᬫᬓᬸᬬᬬᬗᬦ᭄᭞ᬳᬶᬤᬫᬶᬋᬂᬲ᭄ᬯᬭᬦ᭄ᬩᭂᬤᬶᬮ᭄᭞ᬫ᭄ᬯᬄᬕᬕᬫ᭄ᬩᭂᬮᬦ᭄᭞ᬦᬶᬓᬳᬯᬦᬦ᭄ᬦᬗᬶᬲ᭄᭟᭜᭟ᬓᬬᬸᬦ᭄ᬳᬶᬤᬋᬓᬾᬭᬳᬤ᭄ᬬᬦ᭄ᬫᬘᬶᬗᬓ᭄᭞ᬕᬫ᭄ᬮᬦ᭄ᬫᬶᬯᬄᬩ᭄ᬤᬶᬮ᭄᭞ᬢᬶᬢ᭄ᬬᬂᬳᬚ᭄ᬭᬶᬄᬧᬶᬲᬦ᭄᭞ᬧᬘᬂᬫᬗᬶᬭᬶᬂᬳᬶᬤᬵ᭞ᬧᬸᬦᬶᬓᬤ᭄ᬯᬦᬶᬂᬫᬦᬗᬶᬲ᭄
᭞ᬢᭀᬂᬤᬤᬶᬢᬸᬗ᭄ᬓᬸᬮᬂ᭞ᬦ᭄ᬭᭀᬩᭀᬲ᭄ᬦᬕᬶᬄᬫᬫᬃᬕ᭄ᬕᬶ᭟᭜᭟ᬓᬤᬶᬫᬗ᭄ᬓᬶᬦ᭄ᬲᬧᬸᬦᬧᬶᬧᬶᬓᬬᬸᬦᬦ᭄᭞ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬘᬂᬗᬶᬭᬶᬂᬳᬶᬤ᭞ᬲᬂᬦᬕᬕᬶᬡ᭄ᬦᬶᬳᬗᬸᬘᬧ᭄᭞ᬦᬄᬗᭂᬫ᭄ᬩᬦ᭄ᬤᭂᬧᬂᬦᬾᬚᬦᬶ᭞ᬳᬶᬭᬗᬢᬹᬭᬂ᭞ᬚᬦᬶᬢ᭄ᬓᬾᬦ᭄ᬳᬶᬩ᭄ᬮᬶ᭟ᬭᬭᬶᬲ᭄ᬓᬵᬚᬓ᭄ᬭᬳᬤ᭄ᬬᬦ᭄ᬭᬶᬂᬲᬗᬦ᭄ᬢᬪᭀᬕ᭞ᬭᬭᬶᬲ᭄ᬫ
ᬧᬗ᭄ᬕᬶᬄᬕ᭄ᬮᬶᬲ᭄᭞ᬦᬕᬕᬶᬡ᭄ᬦᬶᬦᬸᬮ᭄ᬬ᭞ᬫᬵᬢᬹᬃᬭᬶᬂᬭᬓᬦᬶᬭ᭞ᬳᬶᬗ᭄ᬕᬶᬄᬧᬸᬦᬶᬓᬶᬳᬶᬫᬦ᭄ᬢ᭄ᬭᬶ᭞ᬫᬓᬬᬸᬦ᭄ᬮᬸᬗ᭞ᬫᬘᬶᬗᬓ᭄ᬓᬦᬕᬭᬶ᭟᭜᭟ᬢ᭄ᬯᬭᬧᬶᬲᬦ᭄ᬳᬶᬤᬤᬤᬶᬳᬦ᭄ᬤᭂᬕ᭄ᬢᬶᬢ᭄ᬬᬂ᭞ᬦ᭄ᬭᭀᬩᭀᬲ᭄ᬦᬕᬶᬄᬫᬫᬃᬕ᭄ᬕᬶ᭞ᬳᬶᬗᭂᬫ᭄ᬩᬦ᭄ᬗᬶᬲᬶᬬᬂ᭞ᬫᬜ᭄ᬭᬶᬢ᭄ᬦᬕᬶᬄᬢᬸᬮᬸᬗᬦ᭄᭞ᬕ᭄ᬮᬶᬲ᭄ᬢᬶᬢ᭄ᬬᬂᬫᬜᬕ᭄ᬚᬕᬶᬦ᭄᭞ᬓᬕᬸᬤᬶᬩᭂᬕᬂ᭞ᬓᬮᬄᬳᬶ

[᭑᭐ 10A]
᭑᭐
ᬗᭂᬫ᭄ᬩᬦ᭄ᬗᬶᬲᬶ᭟᭜᭟ᬲᬂᬗᬦ᭄ᬢᬪᭀᬕᬭᬭᬶᬲ᭄ᬳᬶᬤᬵᬗᬶᬸᬗᬦ᭄ᬤᬶᬓ᭞ᬳᬶᬗ᭄ᬕᬶᬄᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬩᬲ᭄ᬫᬓᬬᬸᬦ᭄ᬧᬶᬲᬦ᭄᭞ᬳᬶᬤᬮᬸᬗᬫᬘᬶᬗᬓ᭄᭞ᬭᬶᬸᬤᬶᬸᬦ᭄ᬫᬶᬸᬦ᭄ᬢᬶᬸᬜᬶᬸᬯᬶᬸᬭᬶᬸᬦᬶᬸ᭞ᬧᬸᬭᬸᬦ᭄ᬓᬾᬳᬶᬤᬫᬫᬃᬕ᭄ᬕᬶ᭞ᬮᬸᬗᬫᬘᬶᬗᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬜᬯᬸᬭᬶᬦ᭄᭟᭜᭟ᬢᬶᬢ᭄ᬬᬂᬧᬸᬭᬸᬦ᭄ᬫᬦ᭄ᬤᬾᬯᬾᬓ᭄ᬮᬸᬗᬓᬤᬾᬰ᭞ᬩᬲ᭄ᬢᬸᬫ᭄ᬩᬾᬦ᭄ᬲ
ᬦ᭄ᬫᬭᬕᬶ᭞ᬲ᭄ᬯᬭᬦ᭄ᬕᬕᬫ᭄ᬩᭂᬮᬦ᭄᭞ᬮᬦ᭄ᬩᭂᬤᬶᬮ᭄ᬫᬲᬯᬹᬭᬦ᭄᭞ᬫᬶᬯᬄᬓᬸᬮ᭄ᬓᬸᬮᬾᬫᬫᬸᬜᬶ᭞ᬓᬾᬦ᭄ᬓᬾᬦ᭄ᬭᬸᬧᬜ᭞ᬳᬩᭂᬢ᭄ᬜᬦᬾᬫᬫᬸᬜᬶ᭟᭜᭟ᬳᬦ᭄ᬢᬪᭀᬕᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬮᬄᬮᬸᬗᬲᬶᬭᬵᬫᬗ᭄ᬓᬶᬦ᭄᭞ᬳᬬ᭄ᬯᬲ᭄ᬯᬾᬮᬸᬗ᭞ᬲᬶᬭᬫᬭᬶᬂᬦᬕᬭ᭞ᬧᬸᬦᬶᬓᬶᬩᬸᬗ᭄ᬓᬸᬂᬳᬓᬢᬶᬄ᭞ᬫᬓᬲᬗᬸᬦ᭄ᬢ᭞ᬬᬦ᭄ᬲᭂᬤᬸᬓ᭄ᬱᬶᬭᬩᬶᬜ᭄ᬚᬶᬂ᭟
᭜᭟ᬳᬾᬮᬶᬗᬦᬲᬚ᭄ᬭᭀᬦᬶᬂᬳᬮᬲ᭄ᬧᬸᬦᬶᬓ᭞ᬳᬮᬶᬳᬮᬶᬧᬸᬦᬶᬓᬶ᭞ᬮᬳᬗ᭄ᬕᬾᬦᭂᬦ᭄ᬚᬸᬕ᭞ᬧᬲᬸᬗᬾᬭᬫᬦᬶᬭ᭞ᬮᬫᬓᬦᬾᬢᬦ᭄ᬓᬳᬓ᭄ᬱᬶ᭞ᬲᬶᬭᬧᬗᬾᬭᬦ᭄᭞ᬤᬾᬦᬶᬂᬳᬶᬲᬶᬦ᭄ᬯᬦᬤ᭄ᬭᬶᬓᬶ᭟᭜᭟ᬳᬧᬦ᭄ᬳᬓᬾᬄᬳᬶᬲᬶᬦᬶᬂᬯᬦᬳᬕᬮᬓ᭄᭞ᬭᬓ᭄ᬱᬲᬓᬾᬄᬳᬶᬭᬶᬓᬶ᭞ᬳᬧᬦ᭄ᬲᬫᬶᬕᬮᬓ᭄᭞ᬭᬳᬤ᭄ᬬᬦ᭄ᬳᬸᬫ
ᬢᬸᬭ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬩᬧᬵᬚᬶ᭞ᬲᬂᬗᬦ᭄ᬢᬪᭀᬕ᭞ᬫᬮᬶᬄᬳᬶᬤᬗᬦ᭄ᬤᬶᬓᬵᬭᬶᬲ᭄᭟᭜᭟ᬮᬄᬮᬸᬗᬳᬫᬗ᭄ᬓᬶᬦ᭄ᬲᬶᬭᬳᬦᬓ᭄ᬳᬶᬗ᭄ᬯᬂ᭞ᬧᭀᬫᬲᬶᬭᬤᬾᬦ᭄ᬳᬾᬮᬶᬂ᭞ᬤᬾᬦ᭄ᬧ᭄ᬭᬬᬦᬾᬂᬮᬫ᭄ᬧᬄ᭞ᬫᬗ᭄ᬓᬢ᭄ᬲᬶᬭᬭᬳᬤ᭄ᬬᬦ᭄᭞ᬩᬸᬗ᭄ᬓᬸᬗᬾᬳᬶᬗᬗ᭄ᬕᬾᬳᬕ᭄ᬮᬶᬲ᭄᭞ᬦᬸᬮᬶᬮᬸᬫᬫ᭄ᬧᬄ᭞ᬜᬸᬲᬸᬧ᭄ᬭᬶᬂᬯᬦᬕᬶᬭᬶ᭟ [ 11 ][᭑᭐ 10B]
᭑᭐
ᬳᬧᬦ᭄ᬳᬓᬾᬄᬳᬶᬲᬶᬦᬶᬯᬦᬵᬓᬧᭂᬦ᭄ᬤᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬸᬫᬭᬶᬲ᭄᭞ᬧᬦ᭄ᬢᬦ᭄ᬓᬢᬶᬗᬮᬦ᭄᭞ᬤᬾᬦᬶᬂᬤᬦᬯᬵᬬᬓ᭄ᬱ᭞ᬤᬢᬦ᭄ᬓᬯᬃᬡ᭄ᬦᬵᬭᬶᬂᬫᬃᬕ᭄ᬕᬶ᭟ᬯᬸᬲ᭄ᬓᬮᬶᬦ᭄ᬢᬗᬦ᭄᭞ᬮᬶᬸᬳᬮᬲ᭄ᬭᬶᬂᬯᬦᬵᬧᬸᬭᬶ᭟᭜᭟ᬲᬫ᭄ᬧᬸᬦ᭄ᬳᬓᬾᬄᬓᬓᬸᬩᭀᬦᬦ᭄ᬓᬢᬶᬗᬮᬦ᭄᭞ᬩᬸᬗ᭄ᬓᬸᬗᬾᬓᬩᬸᬗ᭄ᬲᭂᬲ᭄‌‌ᬕ᭄ᬮᬶ
ᬲ᭄᭞ᬢᬸᬫᬸᬮᬶᬫᬫᬃᬕ᭄ᬕ᭞ᬭᬯᬸᬄᬭᬶᬂᬧᬤᬤᬾᬰᬦ᭄᭞ᬳᬤᬳᬦᬓ᭄‌‌ᬢ᭄ᬯᬓᬧᬗ᭄ᬕᬶᬄ᭞ᬧᬶᬗ᭄ᬕᬶᬭᬶᬂᬤᬮᬦ᭄᭞ᬲᭀᬭᬶᬂᬢᬭᬸᬳᬮᬶᬗ᭄ᬕᬶᬄ᭟᭜᭟ᬦ᭄ᬤᬦ᭄ᬢᬸᬫᬶᬗᬮ᭄ᬲᬃᬯ᭄ᬯᬶᬗᬮᭀᬘᭀᬓ᭄‌‌ᬯᭀᬂᬢ᭄ᬯ᭞ᬭᬶᬂᬲᭀᬃᬢᬭᬸᬳᬮᬶᬗ᭄ᬕᬶᬄ᭞ᬫᬫᬸᬜᬶᬦᬾᬢᬸᬯ᭞ᬢᭀᬦᬾᬓᬗᬶᬦ᭄ᬮᬓᬸᬜ᭞ᬘᬭᬂᬜᬦᬾᬢᭂᬓ᭄ᬢᭂᬓ᭄ᬩᬸ
ᬯᬶᬦ᭄᭞ᬢᬶᬫ᭄ᬧᬲᬾᬫ᭄ᬮᭂᬘᬢ᭄᭞ᬫᬦᭂᬓ᭄ᬢᭂᬓ᭄ᬘᬭᬂᬩᬸᬯᬶᬦ᭄᭟᭜᭟ᬳᬚ᭄ᬮᬧ᭄ᬚᬧᬦ᭄ᬘᬭᬂᬓᬬᬸᬦᬾᬯᬸᬲ᭄ᬧ᭄ᬕᬢ᭄᭞ᬳᬶᬢᬸᬯᬗᬸᬘᬧ᭄ᬫᬮᬶᬄ᭞ᬦᬾᬓᬚᬮᬓᬸᬜ᭞ᬩᬢᬾᬅ᭄ᬩᭀᬦ᭄ᬢᭀᬂᬮᬯᬸᬢᬂ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬩᬋᬲᬶᬄ᭞ᬳᬶᬓᬓᬶᬢᬸᬯ᭞ᬗᬯᬸᬓᬶᬦ᭄ᬢᬶᬫ᭄ᬧᬲᬾᬕ᭄ᬮᬶᬲ᭄᭟᭜᭟ᬩᬢᬾᬅ᭄ᬩᭀᬦ᭄ᬢᭀᬂᬲᬕᬾᬢ᭄ᬲᬸᬩ
ᬤᬶᬧᬩᬶᬦᬦ᭄᭞ᬩ᭄ᬗᭀᬂᬳᬶᬤᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬫᬜᬶᬗᬓᬶᬦ᭄ᬢᬶᬫ᭄ᬧᬲ᭄᭞ᬭᬭᬶᬲ᭄ᬳᬶᬤᬵᬗᬦ᭄ᬤᬶᬓ᭞ᬢᬶᬫ᭄ᬧᬲ᭄ᬓᬾᬦ᭄ᬓᬾᬦ᭄ᬳᭂᬦ᭄ᬢᭀᬓᬓᬶ᭞ᬲᬶᬂᬗ᭄ᬮᬄᬧᬗ᭄ᬕᭂᬄ᭞ᬓᬾᬦ᭄ᬓᬾᬦ᭄ᬳᬩᭂᬢ᭄ᬫᬢᬶᬦᬶᬦ᭄᭟᭜᭟ᬓᬓᬶᬢᬸᬯᬫᬲᬯᬸᬢ᭄ᬫᬸᬜᬶᬦᬾᬩᬗ᭄ᬕ᭄ᬭᬲ᭄᭞ᬓᬮ᭄ᬳᬧᬬᬧᬢᬶᬦᬶᬦ᭄᭞ᬭᬤᬾᬦ᭄ᬫᬦ᭄ᬫᬦ᭄ᬢ᭄ᬭᬶᬗᬸᬘᬧ᭄᭞ᬳᬧᬦ᭄ᬜᬦᬾ

[᭑᭑ 11A]
᭑᭑
ᬕᬶᬲᬶᬬᬂ᭞ᬮᬫᬸᬦ᭄ᬫᬦᭂᬦ᭄ᬢᭂᬓᬂᬓᬓᬶ᭞ᬳᬶᬢᬸᬯᬗᬸᬘᬧ᭄᭞ᬩᬓᬮ᭄ᬳᬧᬬᬕᬶᬲᬶ᭟᭜᭟ᬳᬧᬦ᭄ᬲᬸᬩᬲᬫᬦᭂᬓ᭄ᬢᭂᬓᬂᬳᬯᬓ᭄᭞ᬫᬗᬸᬤᬬᬕᬶᬲᬶ᭞ᬳᬶᬗᭂᬢ᭄ᬫᬢᬸᬚᬸᬯᬂ᭞ᬬᬦᭂᬓ᭄ᬢᭂᬓᬂᬳᬯᬓ᭞ᬗᬦ᭄ᬤᬶᬓᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬓᬓᬶᬳᬶᬦ᭄ᬤᬬᬂ᭞ᬩᬸᬯᬶᬦ᭄ᬢᬸᬦ᭄ᬤᬾᬦᬂᬚᬦᬶ᭟᭜᭟ᬓᬓᬶᬢ᭄ᬯᬢᬸᬫᬸᬮᬶ
ᬭᬭᬶᬲ᭄ᬗᬦ᭄ᬤᬶᬓ᭞ᬳ᭄ᬦᬄᬳ᭄ᬦᬾᬢᬶᬗᬮᬶᬦ᭄᭞ᬩᬢᬾᬄᬕᭀᬦ᭄ᬢᭀᬂᬓ᭄ᬫ᭞ᬳᭂᬩᬄᬓᬬᬸᬢᭀᬢᭀᬜ᭞ᬲᬾᬧᬦ᭄‌‌ᬢ᭄ᬯᬦ᭄ᬫᬦ᭄ᬢ᭄ᬭᬶᬦᬶᬗᬮᬶᬦ᭄᭞ᬲᬕᬾᬢᬦ᭄ᬲᬸᬩ᭞ᬢᬶᬫ᭄ᬧᬲᬾᬗᬸᬩᬢᬩᬶᬢ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬚᬦᬶᬜᬶᬗᬓᬶᬦ᭄ᬫᭂᬤᬲᬂ᭞ᬤᬶᬩᭀᬗ᭄ᬓᭀᬮ᭄ᬜᬤᭂᬲᭂᬓᬶᬦ᭄᭞ᬓᬓᬶᬢᬸᬯᬗᬸᬘᬧ᭄‌᭞ᬳᬧᬓ
ᬳᬮᬶᬄᬓ᭄ᬫ᭞ᬜᬦ᭄ᬢᭂᬧᬾᬜᬤᬶᬢᬸᬘᬳᬶ᭞ᬦᬸᬮᬶᬭᬳᬤ᭄ᬬᬦ᭄᭞ᬕ᭄ᬮᬶᬲ᭄ᬤᬦᬾᬗᬯᭀᬦᬶᬦ᭄᭟᭜᭟ᬓᬓᬶᬢᬸᬯᬭᬭᬶᬲ᭄ᬓᬳᭂᬓᬶᬫᬦ᭄ᬕᬓ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬓᬓᬶᬤ᭄ᬫᭂᬦ᭄ᬢᬶᬢ᭄ᬬᬂ᭞ᬢ᭄ᬓᬾᬦ᭄ᬢᬶᬫ᭄ᬧᬲ᭄ᬢᭀᬢᭀᬜ᭞ᬓᬬᬸᬦᬾᬲᬸᬩᬩᬄᬚᬦᬶ᭞ᬢ᭄ᬓᬢᬶᬫ᭄ᬧᬲᬾᬗ᭄ᬮᬶᬦ᭄ᬢᬶᬓ᭄᭟᭜᭟ᬤᬶᬢᬸᬤᬶᬧᬩᬶᬦ᭄ᬓ
ᬓᬶᬦᬾᬢᬸᬯ᭞ᬭᬳᬤᬾᬦ᭄ᬫᬸᬯᬸᬲ᭄ᬫᬮᬶᬄ᭞ᬚᬦᬶᬓᬓᬶᬢᬸᬯ᭞ᬤᬾᬄᬢᬶᬢ᭄ᬬᬂᬧᬸᬭᬸᬧᬶᬜ᭞ᬦᬾᬢᬶᬫ᭄ᬧᬲ᭄ᬓᬓᬶᬦᬾᬚᬦᬶ᭞ᬳᬶᬢᬸᬯᬗᬸᬘᬧ᭄᭞ᬳᬧᬳᬗ᭄ᬕᭀᬦ᭄ᬗᬸᬭᬸᬧᬶᬦ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬗᬸᬘᬧ᭄ᬮᬫᬸᬦ᭄ᬓᬓᬶᬲᬸᬓ᭞ᬩᬸᬗ᭄ᬓᬸᬂᬳᬗ᭄ᬕᭀᬗᬸᬭᬸᬧᬶᬦ᭄᭞ᬫᬲᬯᬸᬢ᭄ᬳᬶᬢᬸᬯ᭞ᬩᬸᬂᬓᬸᬂᬳᬧᬳᬤᬜ᭞ [ 12 ][᭑᭑ 11B]
᭑᭑
ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᬯᬹᬭᬶᬦ᭄᭞ᬦᬾᬩᬸᬗ᭄ᬓᬸᬂᬳᭂᬫᬲ᭄᭞ᬳᬗ᭄ᬕᭀᬦ᭄ᬢᬶᬢ᭄ᬬᬂᬗᬸᬭᬸᬧᬶᬦ᭄᭟᭜᭟ᬓᬓᬶᬢᬸᬯᬲᬯᬸᬭᬾᬫᬫᬸᬜᬶᬩᬗ᭄ᬕ᭄ᬭᬲ᭄᭞ᬓᬮᬶᬂᬩᬸᬗ᭄ᬓᬸᬂᬳᬓᬢᬶᬄ᭞ᬓᬤᬸᬂᬳᬦᬂᬧᬢ᭄ᬧᬢ᭄᭞ᬘᬳᬶᬗᭂᬫᬳᬂᬩᬧ᭞ᬩᬓᬮ᭄ᬳᬧᬩᬸᬗ᭄ᬓᬸᬂᬚᬦᬶ᭞ᬗᬸᬤ᭄ᬬᬂᬢᬸᬦ᭄ᬤᬾᬦᬂ᭞ᬩᬸᬗ᭄ᬓᬸᬗᬾᬫᬰᬤᬤᬶ᭟᭜᭟ᬭ
ᬤᬾᬦ᭄ᬫᬦ᭄ᬢ᭄ᬭᬶᬫᬮᬶᬄᬳᬶᬤᬵᬫᬗᬦ᭄ᬤᬶᬓ᭞ᬫᬗᬸᬤᬢ᭄ᬯᬭᬤᬤᬶ᭞ᬳᬶᬢᬸᬯᬫᬗᬸᬘᬧ᭄᭞ᬗᬸᬤ᭄ᬬᬂᬤᬤᬶᬢᬸᬦ᭄ᬤᬾᬦᬂ᭞ᬭᬳᬤ᭄ᬬᬦ᭄ᬗᬦ᭄ᬤᬶᬓᬫᬮᬶᬄ᭞ᬧᬂᬓᬓᬶᬦᬯᬂ᭞ᬲᭀᬘᬜᬩᬳᬦ᭄ᬫᬡ᭄ᬦᬶᬓ᭄᭟᭜᭟ᬳᬶᬬᬫᬡ᭄ᬦᬶᬓ᭄ᬳᬱ᭄ᬝᬕᬶᬡ᭄ᬦᬦᬾᬳᬤᬜ᭞ᬚᬦᬶᬓᬓᬶᬢᬶᬗᬮᬶᬦ᭄᭞ᬢᬸᬫᬸᬮᬶᬭᬳᬤ᭄ᬬᬦ᭄
᭞ᬫᬗᬚᬶᬳᬱ᭄ᬝᬕᬶᬡ᭄ᬦᬵ᭞ᬩᬸᬗ᭄ᬓᬸᬗᬾᬭᬭᬶᬲ᭄ᬓᬕᬶᬲᬶ᭞ᬲᬃᬯ᭄ᬯᬶᬗᬦ᭄ᬤᬶᬓ᭞ᬤᬸᬫᬤᬓ᭄ᬳᬤᬦᬲᬶ᭟᭜᭟ᬲᬭᬸᬦ᭄ᬢᬸᬢᬦ᭄‌‌ᬮᬮᬯᬸᬄᬤᬭᬂᬕᬶᬩᬸᬗᬦ᭄᭞ᬧᬦ᭄ᬲᬫ᭄ᬧᬸᬦ᭄‌‌ᬯᬾᬦ᭄ᬢᭂᬦ᭄ᬲᬫᬶ᭞ᬢ᭄ᬓᬾᬦᬶᬂᬘᭂᬘᭂᬧᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬸᬘᬧ᭄᭞ᬓᬓᬶᬤᭀᬂᬫᬳᬶᬢᬶᬗᬮᬶᬦ᭄᭞ᬚᬦᬶᬫᬤᬳᬃ᭞ᬓᬓᬶᬩ
ᬋᬂᬚᬤᬶᬦᬶ᭟᭜᭟ᬓᬓᬶᬢᬸᬯᬚᬦᬶᬍᬕᬦᬾᬓᬮᬶᬦ᭄ᬢᬂ᭞ᬫᬗ᭄ᬭᬱᬧᬘᬂᬩᬦᬶ᭞ᬚᬦᬶᬫᬜᬶᬮᬸᬭᬂ᭞ᬢᬸᬫᬸᬮᬶᬫᬦᭂᬲᭂᬓᬂ᭞ᬗᬦ᭄ᬤᬶᬓᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬓᬓᬶᬤᭀᬂᬚᬮᬦ᭄᭞ᬚᬦᬶᬫᬤᬳᬃᬤᬶᬦᬶ᭟᭜᭟ᬓᬓᬶᬢᬸᬯᬢᬸᬫᬸᬮᬶᬲᬋᬂᬫᬤᬳᬃ᭞ᬳᬸᬲᬦ᭄ᬫᬤᬳᬃᬚᬦᬶ᭞ᬭᬳᬤ᭄ᬬᬦ᭄ᬗᬦ᭄ᬤᬶᬓ᭞

[᭑᭒ 12A]
᭑᭒
ᬢᭀᬓᬾᬦ᭄ᬓᬾᬦ᭄ᬓᬓᬶᬢᬸᬯ᭞ᬧᬬᬸᬓᬾᬫᬧᬸᬭᬸᬧ᭄ᬚᬦᬶ᭞ᬳᬶᬢᬸᬯᬗᬸᬘᬧ᭄᭞ᬦᬄᬧᬬᬸᬫᬸᬭᬸᬧ᭄ᬚᬦᬶ᭟᭜᭟ᬓᬓᬶᬯᬸᬯᬫᬗ᭄ᬓᬶᬫᬗᭂᬜ᭄ᬚᬸᬳᬂᬢᬶᬫ᭄ᬧᬲ᭄᭞ᬭᬳᬤ᭄ᬬᬦ᭄ᬭᬭᬶᬲ᭄ᬦᬫ᭄ᬧᬶ᭞ᬩᬸᬗ᭄ᬓᬸᬗᬾᬓᭂᬜ᭄ᬚᬸᬳᬂ᭞ᬳᬶᬢᬸᬯᬭᬭᬶᬲ᭄ᬫᬜᭂᬫᬓ᭄᭞ᬭᬳᬤ᭄ᬬᬦ᭄ᬳᬗᬸᬘᬧ᭄ᬳᬭᬶᬲ᭄᭞ᬓᬓᬶᬤᬶᬦᬶᬚ᭞ᬢᬶᬢ᭄ᬬᬂ
ᬗᬮᬳᬶᬦ᭄ᬓᬓᬶ᭟᭜᭟ᬢᬦ᭄ᬓᬯᬃᬡ᭄ᬦᬧᭀᬮᬳᬾᬳᬶᬓᬓᬶᬢᬸᬯ᭞ᬍᬕᬦᬾᬢᬦ᭄ᬲᬶᬧᬶᬲᬶᬧᬶ᭞ᬫᬸᬮᬶᬄᬓᬚᬸᬫᬄᬜ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧᬦ᭄᭞ᬢᬸᬫᬸᬮᬶᬫᬫᬃᬕ᭄ᬕᬶᬕ᭄ᬮᬶᬲ᭄᭞ᬫᬗ᭄ᬕᬶᬄᬳᬶᬦᬺᬦ᭄ᬤᬂ᭞ᬳ᭄ᬩᭂᬓ᭄ᬩᬦ᭄ᬢᭂᬩᬸᬲᬫᬶ᭟᭜᭟ᬲᬫ᭄ᬧᬸᬦ᭄ᬳᬤᭀᬄᬫᬫᬃᬕ᭄ᬕᬶᬗᬮᬶᬦ᭄ᬢᬂᬢ᭄ᬕᬮ᭄᭞ᬧᬫᬃᬕ᭄ᬕᬦᬾᬦᬭᬶᬲ᭄ᬤᬶ
ᬲ᭄᭞ᬓᬸᬩᭀᬦ᭄ᬓᬮᬶᬦ᭄ᬢᬗᬦ᭄᭞ᬭᬭᬶᬲ᭄ᬳᬶᬤᬫᬭᬃᬬ᭄ᬬᬦ᭄᭞ᬍᬲᬸᬫᬫᬃᬕ᭄ᬕᬶᬢᬦ᭄ᬲᬶᬧᬶ᭞ᬭᬭᬶᬲ᭄ᬫᬭᬱᬵ᭞ᬲᭂᬤᬸᬓ᭄ᬳᬶᬤᬵᬢ᭄ᬯᬦ᭄ᬫᬦ᭄ᬢ᭄ᬭᬶ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬓᬶᬦ᭄ᬫᬗ᭄ᬭᬱᬭᬶᬂᬫᬦᬄ᭞ᬳᬾᬮᬶᬂᬭᬶᬂᬳᬮᬶᬳᬮᬶ᭞ᬲᬸᬩᬓᬳᬸᬭᬸᬧᬂ᭞ᬚᬦᬶᬩᬲᬗᬾᬮᬬᬄ᭞ᬫᬗ᭄ᬭᬱᬭᬱᬤᬶᬳᬢᬶ᭞ᬳᬧᬦ᭄ᬳᬶᬢᬶᬫ᭄ᬧᬲ᭄᭞
ᬢᭀᬂᬤᬤᬶᬫ᭄ᬢᬸᬦᬲᬶ᭟᭜᭟ᬚᬦᬶᬗ᭄ᬭᬱᬢᭀᬂᬫᬫ᭄ᬧᬸᬄᬧᬘᬂᬫᬚᬮᬦ᭄᭞ᬲᭂᬤᬸᬓ᭄ᬢᬦ᭄ᬲᬶᬧᬶᬲᬶᬧᬶ᭞ᬤᬤᬶᬓᬢᬶᬗᬮᬦ᭄᭞ᬧᬸᬜᬦ᭄ᬜᬸᬄᬢ᭄ᬕᭂᬄᬮᬶᬦ᭄ᬢᬂ᭞ᬓᬬᬸᬦ᭄ᬳᬶᬤᬵᬭᬤᬾᬦ᭄ᬫᬦ᭄ᬢ᭄ᬭᬶ᭞ᬚᬦᬶᬫ᭄ᬩᬓ᭄ᬱᬬᬂ᭞ᬗᬮᬶᬄᬓᬸᬯᬸᬤ᭄ᬳᬩ᭄ᬲᬶᬓ᭄᭟᭜᭟ᬓᬬᬸᬦ᭄ᬳᬶᬤᬵᬦᬾᬚᬦᬶᬗᬶᬦ᭄ᬤᬬᬂᬢᬶᬫ᭄ᬧᬲ᭄᭞ᬩᬢᬾ [ 13 ][᭑᭒ 12B]
᭑᭒
ᬅ᭄ᬩᭀᬦ᭄ᬢᭀᬂᬓ᭄ᬫᬚᬦᬶ᭞ᬢᭀᬓᬸᬯᬸᬤᬾᬳᬮᬧ᭄᭞ᬲᬾᬧᬦ᭄ᬳᬶᬤᬵᬫᬜᬶᬗᬓ᭄᭞ᬩᬸᬯᬄᬜᬦᬾᬲᬸᬩᬩᬺᬲᬶᬄ᭞ᬳᬶᬚᭂᬂᬳᬶᬚᭂᬗᬦ᭄᭞ᬮᬩᬸᬳᬗᬧᬕ᭄ᬮᬶᬦ᭄ᬢᬶᬓ᭄᭟᭜᭟ᬲᬸᬩᬳᭀᬜᬢᬶᬫ᭄ᬧᬲᬾᬲᬕᬾᬢᬦ᭄ᬢᭂᬓ᭞ᬤᬶᬧᬩᬶᬦᬦ᭄ᬗᬸᬮᬶᬦ᭄ᬢᬶᬓ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬤᭀᬂᬓ᭄ᬫᬳᭂᬫ᭄ᬧᬸᬕ᭄ᬧᬤᬵ᭞
ᬓᬸᬯᬸᬤᬾᬲᬸᬩᬩᬺᬲᬶᬄ᭞ᬫᬲᬶᬩᬓ᭄ᬱᬶᬩᬓ᭄᭞ᬭᬳᬤ᭄ᬬᬦ᭄ᬗᬚᭂᬗᬂᬕ᭄ᬮᬶᬲ᭄᭟᭜᭟ᬲᬲᬸᬳᬸᬤᬾᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬚᭂᬗᬂ᭞ᬢ᭄ᬮᬲ᭄ᬯᬦ᭄ᬢᬄᬳᬲᬶᬓᬶ᭞ᬩᬦ᭄ᬳᬶᬤᬵᬗᬚᭂᬗᬂ᭞ᬓᬭᬾᬦ᭄ᬜᬦᬾᬫᬲᬄᬲᬄ᭞ᬓᬸᬯᬸᬤᬾᬫᬢ᭄ᬩᬶᬄᬢ᭄ᬩᬶᬄ᭞ᬦᬸᬮᬶᬭᬳᬤ᭄ᬬᬦ᭄᭞ᬫᬗ᭄ᬓᬶᬦ᭄ᬭᬭᬶᬲ᭄ᬗᬯᭀᬦᬶᬦ᭄᭟᭜᭟ᬭᬤᬾᬦ᭄ᬫ
ᬦ᭄ᬢ᭄ᬭᬶᬳᬶᬤᬵᬫᬗ᭄ᬭᬯᭀᬲ᭄ᬓᬾᬫᭂᬗᬦ᭄᭞ᬫᬾᬮᬶᬂᬭᬶᬂᬳᬮᬶᬳᬮᬶ᭞ᬧᬦ᭄ᬧᬸᬦᬶᬓᬶᬢᬶᬫ᭄ᬧᬲ᭄᭞ᬢᬦ᭄ᬫᬶᬘᭂᬧ᭄ᬫᭂᬢᬸᬤᬳᬃ᭞ᬬᬾᬦ᭄ᬩᬸᬗ᭄ᬓᬸᬗᬾᬳᬶᬧᬸᬦ᭄ᬓᬭᬶ᭞ᬢᬦ᭄ᬓᬶᬭᬂᬤᬳᬃ᭞ᬚᬦᬶᬯᬗ᭄ᬤᬾᬗᬸᬭᬸᬧᬶᬦ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬢᬸᬮᬓ᭄᭞ᬳᬤᬵᬢᭂᬩᬸᬓᬧᬗ᭄ᬕᬶᬄ᭞ᬭᬳᬤ᭄ᬬᬦ᭄ᬗᬦ᭄ᬤᬶᬓ᭞ᬳᬾᬄ
ᬩᬢᬾᬅ᭄ᬩᭀᬦ᭄ᬢᭀᬂᬓ᭄ᬫ᭞ᬗᬮᬧ᭄ᬢᭂᬩᬸᬳᬧᬂᬕ᭄ᬮᬶᬲ᭄᭞ᬲᬾᬧᬦ᭄ᬫᬘᬶᬗᬓ᭄᭞ᬢᭂᬩᬸᬦᬾᬲᬸᬩᬩᬺᬲᬶᬄ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬭᬭᬶᬲ᭄ᬳᬶᬤᬵᬫᬜᭂᬫᬓ᭄᭞ᬢᭂᬩᬸᬮᬦ᭄ᬢᬶᬫ᭄ᬧᬲᬾᬕ᭄ᬮᬶᬲ᭄᭞ᬢᬸᬫᬸᬮᬶᬫᬫᬃᬕ᭄ᬕ᭞ᬦᬾᬗ᭄ᬮᬄᬢᭂᬩᬸᬦᬾᬓᭀᬘᬧ᭄᭞ᬬᬲ᭄ᬤᭂᬓ᭄ᬫᬦᬫ᭄ᬩᬸᬲ᭄ᬳᬸᬩᬶ᭞ᬚᬸᬫᬳᬦ᭄ᬳᬸᬫᬄ᭞ᬤᬶᬗᭂ

[᭑᭓ 13A]
᭑᭓
ᬤᬶᬗᭂᬳᬗ᭄ᬭᬾᬧᬓ᭄ᬚᬦᬶ᭟᭜᭟ᬲᬸᬩᬜᬕ᭄ᬚᬕ᭄ᬧᭂᬲᬸᬢᭂᬧᬸᬓᬶᬦ᭄ᬧᬚᭂᬫ᭄ᬧᬂ᭞ᬧᬸᬜᬦ᭄ᬢᭂᬩᬸᬦᬾᬩᬺᬲᬶᬄ᭞ᬦᬾᬳᬧᬫᬗᬮᬧ᭄᭞ᬢᭂᬩᬸᬦᬾᬳᭀᬜᬳᭂᬩᬄ᭞ᬓᬤᬾᬦᬗᬩᬩᬃᬳᬗᬶᬦ᭄᭞ᬦᬾᬮᬳᬤ᭄ᬢᬶᬫ᭄ᬧᬲ᭄᭞ᬲᬶᬂᬳᬤᬳᬦᬓ᭄ᬤᬶᬦᬶ᭟᭜᭟ᬤᬤᬶᬩ᭄ᬗᭀᬂᬦᬾᬗ᭄ᬮᬄᬫᬢᬸᬗ᭄ᬓᭂᬤ᭄ᬩᬜ᭄ᬘᬂ᭞
ᬫᬗᭂᬦᬂᬢ᭄ᬩᬸᬦᬾᬚᬦᬶ᭞ᬢ᭄ᬯᬭᬓᬘᬭᬶᬢ᭞ᬦᬾᬗ᭄ᬮᬄᬢᭂᬩᬸᬫᬗᭂᬦᬂ᭞ᬢᭂᬩᬸᬦ᭄ᬜᬦᬾᬳᭀᬜᬩᬺᬲᬶᬄ᭞ᬚᬦᬶᬓᬘᬭᬶᬢ᭞ᬳᬦᬓᬾᬢᬸᬯᬩᬸᬯᬶᬦ᭄᭟᭜᭟ᬕᭂᬦ᭄ᬤᬶᬂᬕᭂᬦ᭄ᬤᬶᬂᬍᬕᬦ᭄ᬳᬢᬶᬦᬾᬓᬮᬶᬦ᭄ᬢᬂ᭞ᬭᬯᬸᬄᬳᬶᬤᬵᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬳᬶᬢᬸᬯᬫᬗᬸᬘᬧ᭄᭞ᬦᬾᬘᬳᬶᬩᬸᬯᬶᬦ᭄ᬢᭂᬓ᭞ᬳᬧᬲᬶᬄᬚᬦᬶᬓ
ᬳᬮᬶᬄ᭞ᬲᬗ᭄ᬓᬦ᭄‌‌ᬩ᭄ᬯᬶᬦ᭄ᬢᭂᬓ᭞ᬫᬲᬯᬸᬃᬭᬳᬤᬾᬦ᭄ᬫᬦ᭄ᬢ᭄ᬭᬶ᭟᭜᭟ᬓᬓᬶᬢᬸᬯᬲᬗ᭄ᬓᬦ᭄ᬢᬶᬢ᭄ᬬᬂᬩᬸᬯᬶᬦ᭄ᬢᭂᬓ᭞ᬢᬶᬢ᭄ᬬᬂᬫᬗᬮᬶᬄᬓᬓᬶ᭞ᬧᬘᬂᬗᬸᬮ᭄ᬬᬂᬢᬶᬫ᭄ᬧᬲ᭄᭞ᬳᬶᬢᬸᬯᬭᬭᬶᬲ᭄‌‌ᬗᬸᬘᬧ᭄᭞ᬢᭀᬲᬗ᭄ᬓᬦ᭄ᬳᬸᬮᬶᬳᬂᬘᬳᬶ᭞ᬓᬓᬶᬢᬸᬲᬶᬂᬜᬓ᭄᭞ᬩᬸᬳᬸᬂᬫᬳᬸᬭᬸᬧ᭄ᬚᬦᬶ᭟᭜᭟ᬭᬤᬾᬦ᭄ᬗᬸᬘᬧ᭄‌‌ᬤᬸᬄᬓ
ᬓᬶᬲᬫ᭄ᬧᬸᬭᬢᬶᬢ᭄ᬬᬂ᭞ᬢᬸᬦᬶᬗᬚᬓᬶᬦ᭄ᬓᬓᬶ᭞ᬫᬗᬶᬸᬜᬶᬮᬸᬭᬶᬦ᭄ᬢᬶᬫ᭄ᬧᬲ᭄᭞ᬩᬳᬦ᭄ᬓᬘ᭄ᬭᬶᬓᬦ᭄ᬢᬶᬢ᭄ᬬᬂ᭞ᬢ᭄ᬯᬭᬦᬯᬂᬓᬯᬸᬄᬓᬗᬶᬦ᭄᭞ᬢ᭄ᬬᬂᬦᬸᬦᬲ᭄ᬳᬶᬘᬫᬗ᭄ᬤᬫᬳᬸᬭᬸᬧ᭄ᬓᬓᬶ᭟᭜᭟ᬓᬓᬶᬢ᭄ᬯᬫᬲᬯᬸᬢ᭄ᬫᬸᬜᬶᬦᬾᬩᬗ᭄ᬕ᭄ᬭᬲ᭄᭞ᬗᬸᬤᬓᬾᬢᭀᬩᬦ᭄ᬘᬳᬶ᭞ᬓᬓᬶᬲᬶᬂᬜᬳᭂᬜᬓ᭄᭞ᬳᬧᬚᬩᬓᬮ᭄ᬳ [ 14 ][᭑᭓ 13B]
᭑᭓
ᬤᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬶᬤᬵᬩ᭄ᬭᬗ᭄ᬢᬶ᭞ᬫᬗᬗ᭄ᬕᬃᬢᬶᬫ᭄ᬧᬲ᭄᭞ᬲᬾᬧ᭄ᬫᬮ᭄ᬬᬢ᭄ᬲᬸᬩᬓ᭄ᬦᬶ᭟᭜᭟ᬓᬓᬶᬢᬸᬯᬢᭂᬗ᭄ᬓᭂᬚᬸᬢ᭄ᬭᬳᬤ᭄ᬬᬦ᭄ᬗᬸᬘᬧ᭄᭞ᬦᬄᬲᬸᬩᬓᬓᬶᬓ᭄ᬦᬶ᭞ᬩᬳᭀᬂᬜᬦᬾᬧ᭄ᬕᬢ᭄᭞ᬭᬭᬶᬲ᭄ᬳᬶᬢᬸᬯᬧ᭄ᬚᬄ᭞ᬗᬦ᭄ᬤᬶᬓᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬦᬾᬓᬸᬤ᭄ᬬᬂᬢᬶᬢ᭄ᬬᬂ᭞ᬢᬸᬮᬸᬲ᭄ᬓᬓᬶᬗ᭄ᬫᬲᬶᬦ᭄᭟ᬓ᭄ᬦᬄᬢᬶ
ᬢ᭄ᬬᬂᬗᬾᬫᬗᬦ᭄ᬢᭂᬕ᭄ᬫᬗᭀᬘᭀᬄᬳᭀᬘᭀᬳᬂ᭞ᬓᬤᬾᬦᬂᬢᬶᬢ᭄ᬬᬂᬤᬤᬶ᭞ᬳᬚᬓ᭄ᬫᬳᭀᬘᭀᬳᬦ᭄᭞ᬢᬶᬫ᭄ᬧᬲᬾᬬᬜᬚᬬᬂ᭞ᬓᬸᬤ᭄ᬬᬂᬢᬶᬢ᭄ᬬᬂᬚᬦᬶᬓᬓᬶ᭞ᬦᬄᬲᬸᬩᬢᬶᬢᬄ᭞ᬓᬓᬶᬦᬾᬧᬘᬂᬫᬢᬶ᭟᭜᭟ᬓᬸᬤ᭄ᬬᬂᬢᬶᬢ᭄ᬬᬂᬗᭀᬮᬲᬶᬦ᭄ᬓᬓᬶᬦᬦᭂᬫᬂ᭞ᬩᬦ᭄ᬓᬘ᭄ᬭᬶᬓᬦ᭄ᬢ᭄ᬬᬂᬓᬓᬶ᭞
ᬓᬮᬶᬂᬓᬾᬗᬸᬮᬶᬓᬂ᭞ᬓᬓᬶᬤᬤᬶᬩᬦ᭄ᬢᬶᬢ᭄ᬬᬂ᭞ᬩᬸᬗ᭄ᬓᬸᬗᬾᬚ᭄ᬯᬂᬢᬶᬢ᭄ᬬᬂᬚᬦᬶ᭞ᬦᬸᬮᬶᬭᬳᬤ᭄ᬬᬦ᭄᭞ᬭᬭᬶᬲ᭄ᬳᬶᬤᬵᬫᬫᬃᬕ᭄ᬕ᭟᭜᭟ᬢᬦ᭄ᬓᬯᬃᬡ᭄ᬦᬳᬶᬤᬵᬭᬳᬤ᭄ᬬᬦ᭄ᬭᬶᬂᬫᬃᬕ᭄ᬕ᭞ᬭᬯᬸᬄᬭᬶᬂᬤᬾᬰᬕ᭄ᬮᬶᬲ᭄᭞ᬦᬗᬶᬂᬲᬫ᭄ᬧᬸᬦ᭄ᬲᬜ᭄ᬚ᭞ᬳᬾᬫᭂᬂᬓᬬᬸᬦ᭄ᬭᬳᬤ᭄ᬬᬦ᭄᭞ᬤᬶᬚᬫᬤᬸᬦᬸᬗᬦ᭄ᬚᬦᬶ᭞ᬲᬕᬾᬢᬦ᭄ᬳ
ᬤᬵ᭞ᬳᬦᬓ᭄ᬳᭂᬮᬸᬄᬓᬧᬗ᭄ᬕᬶᬄ᭟᭜᭟᭛᭞ᬧᬗ᭄ᬓᬸᬃ᭞ᬩᬮᬸᬢ᭄ᬯᬭᬗ᭄ᬮᬄᬧᬦᬓ᭄᭞ᬭᬭᬶᬲ᭄ᬕᭂᬮᬶᬲ᭄‌‌ᬬᬜᬕ᭄ᬚᬕᬶᬦ᭄ᬦᭂᬲᭂᬓᬶᬦ᭄᭞ᬳᬦᬓᬾᬳᭂᬮᬸᬄᬢᭂᬗ᭄ᬓᭂᬚᬸᬢ᭄᭞ᬦᬾᬳᬦᬓ᭄‌‌ᬘ᭄ᬭᬶᬓ᭄ᬓᬾᬦ᭄ᬓᬾᬦᬦ᭄᭞ᬢ᭄ᬓᬫᬳᬶᬢᬹᬃᬕᭀᬩᬦ᭄ᬳᬶᬧᬸᬦᬾᬩᬕᬸᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬗᬸᬘᬧ᭄᭞ᬩᬶᬩᬶᬫᬗᬸᬤᬲᬶᬤᬶ

[᭑᭔ 14B]
᭑᭔
ᬦᬶ᭟᭜᭟ᬦᬾᬳ᭄ᬮᬸᬄᬫᬲᬯᬸᬃᬳᬾᬗ᭄ᬕᬮ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬗ᭄ᬲᬄᬩᬳᬲ᭄ᬤᬶᬦᬶ᭞ᬭᬳᬤ᭄ᬬᬦ᭄ᬫᬮᬶᬄᬳᬫᬯᬸᬯᬸᬲ᭄᭞ᬩᬶᬩᬶᬤᬶᬚᬫᬳᬸᬫᬄ᭞ᬲᬸᬩᬲᬜ᭄ᬚᬢᬶᬢ᭄ᬬᬂᬦᬸᬦᬲ᭄ᬫᬤᬤᬸᬦᬸᬂ᭞ᬳᬦᬓᬾᬘ᭄ᬦᬶᬓ᭄ᬫᬸᬗᬶᬮ᭄ᬲᬦ᭄᭞ᬍᬕᬬᬮᬦ᭄ᬢᬲ᭄‌‌ᬜᬕ᭄ᬚᬕᬶᬦ᭄᭟᭜᭟ᬦᬾᬢᬾᬘᬳᬶᬳᬸᬮᬶᬤᬶᬚ᭞ᬲᬦ᭄ᬓᬦ᭄ᬘ
ᬳᬶᬦᬕᬶᬄᬫᬤᬸᬦᬸᬂᬤᬶᬦᬶ᭞ᬳᬦᬓᬾᬘ᭄ᬦᬶᬓ᭄ᬫᬲᬯᬹᬃ᭞ᬢᬶᬢ᭄ᬬᬂᬳᬸᬮᬶᬤᬶᬕᬯᬄ᭞ᬢ᭄ᬯᬭᬵᬗ᭄ᬮᬄᬫᬾᬫᬾᬩᬧᬢᬶᬢ᭄ᬬᬂᬳᬸᬩᬸᬄ᭞ᬳᬶᬩᬮᬸᬓᬯᬸᬳᬦ᭄‌‌ᬗᬸᬘᬧ᭄᭞ᬦᬄᬫᬃᬕ᭄ᬕᬶᬳᬶᬤᬾᬯᬵᬫᬸᬮᬶᬄ᭟᭜᭟ᬓᬳᬚᬓ᭄ᬮᬯᬸᬢ᭄ᬓᬲᬶᬗᬮ᭄᭞ᬩᬮᬸᬓᬯ᭄ᬯᬦ᭄‌‌ᬍᬕᬦᬾᬢᬦ᭄ᬲᬶᬧᬶᬲᬶᬧᬶ᭞ᬫᬚᬮᬦ᭄ᬲᬫ᭄ᬩᬶᬮ᭄ᬫᬜᬸᬳᬸᬦ᭄᭞ᬩᬳ
ᬲᬾᬦᬾᬓᬳᬶᬗ᭄ᬲᬄ᭞ᬢ᭄ᬓᭂᬤ᭄ᬚᬸᬫᬄᬮᬦ᭄ᬢᬲ᭄ᬗᭂᬜᬶᬢ᭄ᬤᬫᬃᬳᬶᬚᬸ᭞ᬭᬭᬶᬲ᭄ᬫᬗᬮᬶᬳᬂᬤᬳᬃ᭞ᬢᬸᬫᬸᬮᬶᬫᬤᬳᬃᬕ᭄ᬮᬶᬲ᭄᭟᭜᭟ᬳᬶᬩᬮᬸᬓᬯᬸᬳᬦ᭄ᬓᭀᬘᬧ᭄᭞ᬚᬦᬶᬍᬕᬳᬶᬤᭂᬧᬾᬢ᭄ᬯᬭᬕᬶᬕᬶᬲ᭄᭞ᬫᬳᬦ᭄ᬦᬸᬤᬸᬓ᭄ᬳᬦᬓ᭄ᬩᬕᬸᬲ᭄᭞ᬫᭀᬭᬾᬳᬶᬦ᭄ᬜᬩ᭄ᬭᬦ᭄ᬤᬶᬦᬵ᭞ᬢᬸᬗ᭄ᬕᬮ᭄ᬲᬜ᭄ᬚᬢᬦ᭄ᬲᬄᬳᬶᬬᬫᬮᬫᬸ
ᬭᬸᬤ᭄᭞ᬩ᭄ᬦᭂᬂᬳᬶᬩᬮᬸᬓᬯᬸᬳᬦ᭄᭞ᬓᭀᬘᬧᬚᬦᬶᬤᬶᬧᬸᬭᬶ᭟᭜᭟ᬳᭀᬓᬦ᭄ᬳᬶᬤᬦᬾᬲᬂᬦᬣ᭞ᬓᬭᬯᭀᬲᬦ᭄ᬤᬾᬦᬶᬂᬫᬶᬚᬶᬮᬾᬩᬸᬜ᭄ᬘᬶᬂ᭞ᬧᬸᬧᬸᬢ᭄ᬧᬗ᭄ᬭᬯᭀᬲᬾᬲᬫ᭄ᬧᬸᬦ᭄᭞ᬦᬾᬳᬶᬲ᭄ᬢ᭄ᬭᬶᬯ᭄ᬦᬂᬓᬸᬢᬂ᭞ᬲᬧᬸᬦᬶᬓᬋᬓᬾᬧᬯ᭄ᬦᬗᬦᬶᬧᬸᬦ᭄᭞ᬓᭀᬘᬧ᭄ᬳᬶᬩᬮᬸᬓᬯᬸᬳᬦ᭄᭞ᬬᬗ [ 15 ][᭑᭔ 14B]
᭑᭔
ᬦ᭄ᬢ᭄ᬬᬂᬮᬸᬯᬲ᭄ᬫᬩᬮᬶᬄ᭟᭜᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬳᭂᬫ᭄ᬩᬦ᭄᭞ᬚᬦᬶᬮᬸᬯᬲ᭄ᬓᬩᬜ᭄ᬘᬶᬗᬄᬫᬩᬮᬶᬄ᭞ᬳᬶᬩᬮᬸᬓᬯᬸᬳᬦ᭄ᬭᬯᬸᬄ᭞ᬫᬗᬦ᭄ᬢᬶᬤᬶᬩᬜ᭄ᬘᬶᬗᬄ᭞ᬲᬕᬾᬢ᭄ᬓᭀᬤᬮ᭄᭞ᬋᬓᬾᬳᬶᬤᬵᬭᬤᬾᬦ᭄ᬕᬮᬸᬄ᭞ᬧᬸᬢ᭄ᬭᬦᬾᬧᬘᬂᬫᬓᬸᬢᬂ᭞ᬓᭀᬘᬧᬂᬦᬾᬦᬾᬫᬩᬮᬶᬄ᭟᭜᭟ᬮᬶᬬᬸᬳᬦᬓ᭄ᬧᬤᬵᬢ᭄ᬓ
᭞ᬲᭂᬲᭂᬓ᭄ᬚᭂᬚᭂᬮ᭄ᬤᬶᬩᬜ᭄ᬘᬶᬗᬄᬫᬩᬮᬶᬄ᭞ᬦᬾᬦᬾᬧᬘᬂᬗᬶᬭᬶᬂᬮᬶᬬᬸ᭞ᬓᭀᬘᬧ᭄ᬳᬶᬩᬮᬸᬓᬯᬸᬳᬦ᭄᭞ᬦᬾᬫᬗᭂᬫ᭄ᬩᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬢᭂᬤᬸᬦ᭄᭞ᬤᬾᬦᬶᬂᬳᬶᬤᬵᬮᬾᬩᬗᬶᬜ᭞ᬜᬭᬸᬦ᭄ᬤᬸᬧ᭄ᬳᬶᬤᬵᬫᬗᬶᬭᬶᬂ᭟᭜᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬮᬬᬸᬯᬦ᭄᭞ᬭᬭᬶᬲ᭄ᬫᬸᬗ᭄ᬕᬄᬳᬶᬤᬵᬭᬤᬾᬦ᭄ᬤᬶᬯᬾᬶ᭞ᬳᬶᬧᬗᬶᬦ᭄ᬢᬾᬧᬤᬫᬶ
ᬮᬸ᭞ᬦᬾᬧᬘᬂᬦᬸᬗ᭄ᬕᬸᬳᬶᬤᬵ᭞ᬓᬮᬶᬄᬤᬰᬳᬗᬶᬧᬤᬵᬳ᭄ᬮᬸᬄᬳ᭄ᬮᬸᬄ᭞ᬢ᭄ᬯᬭᬤᬤᭀᬲ᭄ᬳᬦᬓ᭄ᬮᬦᬂ᭞ᬧᬗ᭄ᬭᬯᭀᬲ᭄ᬧᬸᬧᬸᬢ᭄ᬭᬶᬂᬗᬵᬚᬶ᭟᭜᭟ᬲᬗᬸᬫᬶᬯᬄᬳᬸᬧᬘᬭᬵ᭞ᬭᬭᬶᬲ᭄ᬫᬸᬗ᭄ᬕᬄᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢᬶᬗ᭄ᬓᬄᬳᬾᬫᬸᬗ᭄ᬕᬄᬫᬜᬭᬸ᭞ᬮᬶᬬᬸᬗᬤᬾᬦ᭄ᬧᬋᬓᬦ᭄᭞ᬘᬭᬶᬢᬬᬂᬮᬶᬬᬸᬦ᭄ᬳᬶᬤᬵᬦᬾᬫᬲᬗᬸ᭞ᬗ᭄ᬭ
ᬲ᭄ᬯᬢᬭᬢᬓᭀᬬᬦ᭄᭞ᬢᬸᬫᬸᬮᬶᬫᬮᬬᬃᬕ᭄ᬮᬶᬲ᭄᭟᭜᭟᭛᭞ᬫᬲ᭄ᬓᬸᬫᬫ᭄ᬩᬂ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬕᬶᬮᬶᬭᬳᬤᬾᬦ᭄ᬤᬾᬯᬶ᭞ᬯᬸᬲ᭄ᬫᬧᬸᬮᬂᬧᬗ᭄ᬕᬂ᭞ᬢᬸᬫᬸᬭᬸᬦ᭄ᬭᬶᬂᬕᬶᬮᬶᬫᬡ᭄ᬦᬶᬓ᭄᭞ᬳᬶᬭᬶᬓᬳᬶᬤᬵᬫᬕ᭄ᬦᬄ᭟᭜᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬧᬲᬲᬗ᭄ᬕ᭄ᬭᬳᬦ᭄ᬭᬤᬾᬦ᭄ᬤᬾᬯᬶ᭞ᬕ᭄ᬦᭂᬧ᭄ᬳᬸᬧᬘᬭᬵ᭞ᬧᬦᬾᬧᬬᬸᬓ᭄‌‌ᬕ᭄ᬦᬸᬓ᭄ᬱᬫᬶ᭞

[᭑᭕ 15A]
᭑᭕
ᬫ᭄ᬯᬂᬤᬸᬮᬂᬧᬶᬭᬶᬂᬧ᭄ᬭᬗ᭄ᬓᬢᬦ᭄᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬢ᭄ᬤᬸᬦ᭄ᬳᬶᬤᬵᬭᬶᬂᬕᬶᬮᬶ᭞ᬮᬸᬯᬲ᭄ᬫᬳᬶᬍᬳᬦ᭄᭞ᬢ᭄ᬯᬭᬵᬳᬤᬳᬦᬓ᭄ᬳᬸᬦᬶᬂ᭞ᬧ᭄ᬭᬯᬸᬦᬾᬭᬭᬶᬲᬦ᭄ᬩᬸᬤᬮ᭄᭟᭜᭟ᬢᬦ᭄ᬓᭀᬘᬧᬦ᭄ᬧ᭄ᬭᬯᬸᬦᬾᬲᬫ᭄ᬧᬸᬦ᭄ᬫᬯᬮᬶ᭞ᬯᬸᬲ᭄ᬭᬯᬸᬄᬭᬶᬂᬤᬾᬰᬵ᭞ᬓᬢᬹᬃᬫᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬫᬶᬯᬄᬭᬶᬂᬳᬶᬤᬵᬭᬳᬤ᭄ᬬᬦ᭄᭟᭜᭟
ᬓᬘᬭᬶᬢᬭᬤᬾᬦ᭄ᬤᬾᬯᬶᬦᬾᬭᬶᬂᬕᬶᬮᬶ᭞ᬲᬫ᭄ᬧᬸᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬭᬭᬶᬲ᭄ᬧᬤᬵᬗᭂᬜ᭄ᬚᬶᬢ᭄ᬲᬸᬦ᭄ᬤᬶᬄ᭞ᬢᬸᬫᬸᬮᬶᬭᬯᬸᬄᬭᬳᬤ᭄ᬬᬦ᭄᭟᭜᭟ᬭᬭᬶᬲ᭄ᬳᬶᬤᬵᬫᬦᭀᬕ᭄ᬢᭀᬕ᭄ᬚᬮᬦ᭄ᬕᭂᬮᬶᬲ᭄᭞ᬤᭀᬂᬫᬶᬸᬩᬸᬓᬳᬶᬦ᭄ᬢᬶᬢ᭄ᬬᬂ᭞ᬦᬶᬗᬶᬦ᭄ᬢᬾᬭᬭᬶᬲ᭄ᬜᬯᬸᬭᬶᬦ᭄᭞ᬜᬾᬦ᭄ᬓᬯᬸᬓᬯᬸᬓ᭄ᬤᬶᬯᬗᬦ᭄᭟᭜᭟ᬦᬳᬗ᭄ᬲᭀᬓᬚᬕ᭄ᬚ
ᬕᬶᬦ᭄ᬚᭂᬮᬦ᭄ᬕᭂᬮᬶᬲ᭄᭞ᬳᭂᬜᬾᬦ᭄ᬢᭀᬤᬶᬯᬗᬦ᭄᭞ᬚ᭄ᬮᬦᬦᬾᬢ᭄ᬓᭂᬓᬂᬕᬶᬲᬶ᭞ᬦᬶᬗᬶᬦ᭄ᬢᬾᬭᬭᬶᬲ᭄ᬫᬗᬸᬘᬧ᭄᭟᭜᭟ᬧᬗᭂᬫ᭄ᬩᬦᬾᬫᬜᬕ᭄ᬚᬚᬶᬸᬕᬶᬦ᭄ᬲᬋᬂᬲᬫᬶ᭞ᬲᬶᬂᬜᬢᬾᬩᬩᬾᬤᬵᬦ᭄᭞ᬫᬲᬯᬹᬃᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢᬶᬢ᭄ᬬᬂᬲᬶᬗᬤᬵᬩᬩᬾᬤᬦ᭄᭟᭜᭟ᬦᬶᬳᬗ᭄ᬱᭀᬓᬮᬦ᭄ᬦᬶᬫ᭄ᬦᬸᬄᬫᬜᬯᬸᬭᬶᬦ᭄᭞ᬦᬄ
ᬳ᭄ᬤᭂᬕᬸᬕᬸᬦᬵ᭞ᬜᬫᬳᭀᬜᬲᬸᬩᬫᬸᬮᬶᬄ᭞ᬲᬶᬂᬜᬢᭀᬜᬚᬦᬶᬢ᭄ᬓᬵ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬜᬯᬹᬭᬶᬦ᭄ᬫᬸᬜᬶᬦᬾᬳᬭᬶᬲ᭄‌᭞ᬲᬶᬂᬚᬢᬶᬢ᭄ᬬᬂᬢᭀᬜ᭞ᬢᬶᬢ᭄ᬬᬂᬫ᭄ᬭᬶᬓᬶᬳᬶᬓᭂᬢᬸᬦᬶ᭞ᬢᬶᬢ᭄ᬬᬂᬮᬯᬸᬢ᭄ᬓᬮᬳᬶᬦᬵ᭟᭜᭟ᬢ᭄ᬯᬭᬢᬯᬂᬧ᭄ᬭᬳᬸᬦᬾᬫᬮᬬᬃᬫᬸᬮᬶᬄ᭞ᬢᬶᬢ᭄ᬬᬂᬲ᭄ᬥᭂᬓ᭄ᬮᬸᬯᬲ᭄᭞ᬓᬮᬮᬾᬦ᭄ᬢᬶᬢ᭄ᬬᬂ [ 16 ][᭑᭕ 15B]
᭑᭕
ᬫᬮᬮᬶ᭞ᬤᬶᬧᬲᬶᬳᬾᬫᬓᬓᬭᬂ᭟᭜᭟ᬦᬶᬳᬗ᭄ᬱᭀᬓᬓᬗᭂᬦ᭄ᬳᬶᬬᬫᬫᬶᬭᬕᬶ᭞ᬫᬗ᭄ᬮᬮᬸᬯᬂᬳᬯᬓ᭄᭞ᬚᬦᬶᬮᬦ᭄ᬢᬲ᭄ᬓᬩᬸᬓᬳᬶᬦ᭄᭞ᬓᬦ᭄ᬢᭂᬦ᭄ᬳᬶᬤᬵᬭᬤᬾᬦ᭄ᬧᬸᬢ᭄ᬭ᭟᭜᭟ᬦᬶᬳᬗ᭄ᬱᭀᬓᬫᬢᬓᭀᬦ᭄ᬫᬸᬜᬶᬦᬾᬳᬭᬶᬲ᭄᭞ᬘᬳᬶᬳᬸᬮᬶᬤᬶᬚ᭞ᬜᬾᬦ᭄‌‌ᬗ᭄ᬮᬄᬧᬦᬓᬾᬘᬳᬶ᭞ᬭᬳᬤᬾᬦ᭄ᬭᬭᬶᬲ᭄ᬫ
ᬗᬸᬘᬧ᭄᭟᭜᭟ᬳᬶᬗ᭄ᬕᬶᬄᬢᬶᬢ᭄ᬬᬂᬚᬤ᭄ᬫᬵᬳᬸᬩᬸᬄᬓᬲᬶᬳᬲᬶᬄ᭞ᬢᬶᬢ᭄ᬬᬂᬢ᭄ᬯᬭᬵᬦᬯᬂ᭞ᬫᬾᬫᬾᬩᬧᬳᬸᬮᬶᬘ᭄ᬦᬶᬓ᭄᭞ᬲᬶᬂᬚᬮᬦ᭄ᬢᬶᬢ᭄ᬬᬂᬫᬕ᭄ᬦᬄ᭟᭜᭟ᬲᬗ᭄ᬓᬦ᭄ᬢᬶᬢ᭄ᬬᬂᬩᬶᬩᬶᬚᬦᬶᬭᬯᬸᬄᬫ᭄ᬭᬶᬓᬶ᭞ᬫᬗ᭄ᬮᬮᬸᬯᬂᬳᬯᬓ᭄᭞ᬜᬭᬸᬦ᭄ᬤᬸᬧ᭄ᬫᭂᬓ᭄ᬳᬾᬶᬢᬸᬦᬶ᭞ᬳᬧᬂᬢᬳᬾᬦ᭄ᬫᬚᬸᬓᬸᬗᬦ᭄᭞ᬩᬯᬸᬢ᭄ᬓᭂᬤ᭄ᬧ᭄ᬭᬳᬸᬦᬾᬤ᭄ᬭᬶᬓᬶᬳᬶᬢᬸᬦᬶ᭞ᬢᬸᬯᬸᬦ᭄ᬭ
ᬭᬶᬲ᭄ᬢᬶᬢ᭄ᬬᬂ᭞ᬮᬸᬯᬲ᭄ᬓᬕᬯᬄᬫᬮᬮᬶ᭞ᬫᬗᭂᬦᬄᬧᬲᬶᬳᬾᬳᬳᬤ᭄᭟᭜᭟ᬮᬯᬸᬢᬸᬯᬸᬦ᭄ᬢᬶᬢ᭄ᬬᬂᬕ᭄ᬮᬶᬲ᭄ᬫᬜᬕ᭄ᬚᬕᬶᬦ᭄᭞ᬮᬶᬬᬸᬩᬾᬦᬾᬓᬮᬧ᭄᭞ᬤ᭄ᬫᭂᬦ᭄ᬓᭀᬲᬦ᭄ᬢᬶᬢ᭄ᬬᬂᬩᬩᬶ᭞ᬫᬦᬸᬤᬸᬓ᭄ᬳᭂᬩᬾᬦᬾᬓᬢᬄ᭟᭜᭟ᬢᬸᬗ᭄ᬓᬸᬮ᭄ᬢᬶᬢ᭄ᬬᬂᬗᬶᬜ᭄ᬘᬗᬂᬳᭂᬫᬾᬳᬶᬢᬸᬦᬶ᭞ᬲᬕᬾᬢ᭄ᬲᬸᬩᬲᬜ᭄ᬚ᭞ᬭᬭᬶᬕ᭄ᬮᬶᬲ᭄ᬢᬶᬢ᭄ᬬᬂᬫ᭄ᬭᬶ
ᬓᬶ᭞ᬤᬧᭂᬢᬂᬧ᭄ᬭᬳᬸᬦᬾᬳᬶᬮᬂ᭟᭜᭟ᬚᬦᬶᬓᬾᬦ᭄ᬓᬾᬦ᭄ᬳᬩᭂᬢ᭄ᬢᬶᬢ᭄ᬬᬂᬧᬘᬂᬫᬸᬮᬶᬮᬶᬸᬄ᭞ᬳᬶᬗᭂᬫ᭄ᬩᬦ᭄ᬳᬗᬸᬘᬧ᭄᭞ᬫᬗᬸᬤᬵᬲᬶᬄᬘᬳᬶᬫᬸᬮᬶᬄ᭞ᬤᬶᬦᬶᬚᬘᬳᬶᬫᬕ᭄ᬦᬄ᭟᭜᭟ᬫᬦᬶᬧᭀᬯᬦ᭄ᬮᬫᬸᬦ᭄ᬫᬦ᭄ᬢᬸᬓ᭄ᬭᬤᬾᬦ᭄ᬤᬶᬯᬶ᭞ᬤᬶᬢᬸᬮᬯᬸᬢ᭄ᬩᬸᬤᬮ᭄᭞ᬫᬗᬶᬭᬶᬂᬭᬳᬤᬾᬦ᭄ᬤᬾᬯᬶ᭞ᬘᬳᬶᬤᬶᬚ᭄ᬭᭀᬫᬫᬋᬓ

[᭑᭖ 16A]
᭑᭖
ᬦ᭄᭟ᬤᬤᬶᬚᬸᬚᬸᬢ᭄ᬩᬶᬩᬶᬫᬢᬓᭀᬦ᭄ᬭᬶᬂᬘᬳᬶ᭞ᬫᬩᬸᬤᬶᬫᬦᬯᬂ᭞ᬭᬶᬂᬯᬲ᭄ᬢᬦ᭄ᬘᬳᬶᬦᬾᬚᬦᬶ᭞ᬳᬦᬓᬾᬘ᭄ᬦᬶᬓ᭄ᬳᬗᬸᬘᬧ᭄᭟᭜᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬯᬲ᭄ᬢᬳᬶᬬᬫ᭄ᬩᬃᬓᬯᬶ᭞ᬩᬦ᭄ᬢᬶᬢ᭄ᬬᬗᬾᬩᬦ᭄ᬢᬢ᭄᭞ᬲᬳᬶᬲᬳᬶᬮ᭄ᬯᬲ᭄ᬫᬮᬮᬶ᭞ᬫᬗᬸᬫ᭄ᬩᬭᬫᬳᬶᬍᬳᬦ᭄᭟᭜᭟ᬳᬶᬧᬗᬶᬦ᭄ᬢᬾᬫᬜᬯᬸᬧ᭄ᬭᬭᬶᬲ᭄ᬓᬳ
ᬩᬶᬦ᭄᭞ᬓᬗᭂᬲᬦ᭄ᬓᭀᬢᬶᬢ᭄ᬬ᭞ᬫᬸᬮᬸᬓ᭄ᬩᬶᬩᬶᬳᬾᬫᬫᬸᬜᬶ᭞ᬓᬕᭂᬮ᭄ᬓᬤᬶᬫᬦ᭄ᬤᬶᬫᬦ᭄᭟᭜᭟ᬩᭀᬬᬳᬜᬾᬦ᭄ᬗᭂᬮᬳᬂᬧᬦᬓᬾᬘᬳᬶ᭞ᬫᬜᬾᬯᬢᬶᬸᬄᬢᬄᬢᬶᬢ᭄ᬬᬂ᭞ᬢᭀᬂᬤᬸᬕᬳᬸᬮᬶᬳᬶᬢᬸᬦᬶ᭞ᬯᬃᬡ᭄ᬦᬦ᭄ᬳᬶᬤᬾᬯᬵᬫᬲ᭄ᬫᬶᬭᬄ᭟᭜᭟ᬳᬤᬵᬜᭂᬫᬓ᭄ᬦᬕᬶᬄᬫᬕᬶᬮᬶᬃᬫᬗᬩᬶᬦ᭄᭞ᬲᬫ᭄ᬩᬶᬮᬗᬦᬶ
ᬫᬦ᭄᭞ᬳᬤᬵᬫᬗᬸᬲᬸᬤ᭄ᬳᬸᬲᬸᬤᬶᬦ᭄᭞ᬧᬤᬵᬓᬗᭂᬦ᭄ᬲᬶᬂᬫᬜ᭄ᬫᬓ᭄᭟᭜᭟ᬳᬾᬫᬦ᭄ᬧᬶᬲᬦ᭄ᬯᬃᬡ᭄ᬦᬦ᭄ᬳᬶᬤᬾᬯᬵᬫᬲ᭄ᬫᬡ᭄ᬦᬶᬓ᭄᭞ᬦᭀᬗᭀᬲ᭄ᬲᬶᬂᬲᬶᬂᬚᬮᬦ᭄᭞ᬤᬶᬚᬳᬶᬩᬶᬩᬶᬦ᭄ᬳᬶᬕᬸᬲ᭄ᬢᬶ᭞ᬮᬮᬶᬧᬶᬲᬦ᭄ᬢᭂᬓᬾᬦ᭄ᬧᬸᬢ᭄ᬭ᭟᭜᭟ᬭᬶᬸᬳᬶᬧᬗᬶᬦ᭄ᬢᬾᬫᬜᬯᬸᬧ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬮᬯᬸᬢ᭄ᬓᬲᬦ᭄ᬤᬶᬗᬂ᭞ᬧᬤᬵ
ᬩ᭄ᬗᭀᬂᬫᬗᬶᬯᬲᬶᬦ᭄᭞ᬭᬳᬤᬾᬦ᭄ᬤᬾᬯᬶᬮᬦ᭄ᬭᬤᬾᬦ᭄ᬧᬶᬸᬦ᭄ᬧᬸᬢ᭄ᬭ᭟᭜᭟ᬧᬤᬵᬍᬕᬓᬯᬸᬮᬦᬾᬫᬜᬸᬮᬶᬂᬮᬶᬂ᭞ᬳᬲᬶᬦ᭄ᬫᬓᬮᬶᬳᬦ᭄᭞ᬳᬶᬲ᭄ᬢ᭄ᬭᬶᬳᬬᬸᬮᬦᬂᬧ᭄ᬓᬶᬓ᭄᭞ᬓᬤᬶᬭᬢᬶᬄᬮᬦ᭄ᬳ᭄ᬬᬂᬲ᭄ᬫᬭᬵ᭟᭜᭟ᬳᬶᬧᬗᬶᬦ᭄ᬢᬾᬗᬢᬸᬭᬂᬳᬚᭂᬗᬦ᭄ᬕᭂᬮᬶᬲ᭄᭞ᬭᬶᬂᬳᬶᬤᬵᬭᬳᬤ᭄ᬬᬦ᭄᭞ᬲᬋᬂᬳᬶᬤᬵ [ 17 ][᭑᭖ 16B]
᭑᭖
ᬭᬤᬾᬤᬾᬶᬸᬦ᭄ᬤᬯᬶ᭞ᬢᬦ᭄ᬓᬯᬃᬡ᭄ᬦᬵᬮᬫᬶᬦᬶᬭᬵ᭟᭜᭟᭛ᬧᬗ᭄ᬓᬸᬃ᭟ᬲᬫ᭄ᬧᬸᬦ᭄ᬤᬸᬯᬹᬃᬭᬤᬾᬦ᭄ᬤᬾᬯ᭄ᬬ᭞ᬩᬶᬱᬵᬜᬫ᭄ᬩᬢ᭄ᬩᬧᬓᬮᬯᬦ᭄ᬩᬶᬩᬶ᭞ᬲᬫ᭄ᬧᬸᬦ᭄ᬫᬗᬸᬩᬸᬳᬶᬦ᭄ᬭᬫ᭄ᬩᬸᬢ᭄᭞ᬲᬗᬸᬦᬾᬧᬶᬦᬄᬢ᭄ᬮᬲ᭄᭞ᬢ᭄ᬯᬭᬵᬳᬤᬵᬫᬗᬩᬳᬂᬳᬶᬤᬵᬲᬗᬸ᭞ᬲᬂᬧ᭄ᬭᬪᬸᬮᬮᬶᬭᬶᬂᬧᬸᬢ᭄ᬭ᭞ᬓᬮᬶᬄᬢ᭄ᬓᬾᬦ᭄ᬧ᭄ᬭᬫᬶᬰ᭄ᬯᬭᬶ᭞
᭞᭜᭟ᬭᬤᬾᬦ᭄ᬤᬾᬯᬶᬓᬲᬗ᭄ᬲᬭᬵ᭞ᬦᬾᬭᬶᬂᬕᬶᬮᬶᬓᬮᬶᬦ᭄ᬢᬂᬲ᭄ᬤᬶᬄᬓᬶᬂᬓᬶᬂ᭞ᬲᬲᬫ᭄ᬩᬢᬾᬳᬫ᭄ᬮᬲ᭄ᬓᬳ᭄ᬬᬸᬦ᭄᭞ᬗᬸᬤᬕᬸᬭᬸᬮᬮᬶᬲᬦ᭄᭞ᬢ᭄ᬓᬾᬦ᭄ᬢᬶᬢ᭄ᬬᬂ᭞ᬤᬶᬕᬶᬮᬶᬓᬾᬦᬾᬫᬚᭂᬫᬸᬄ᭞ᬢ᭄ᬯᬭᬵᬳᬶᬗᭂᬢ᭄ᬓᬾᬦ᭄ᬳᭀᬓ᭞ᬫᬗᭂᬦ᭄ᬢᬸᬗᬶᬦ᭄ᬲᬗᬸᬫᬳᬶ᭟᭜᭟ᬳᬶᬬᬫ᭄ᬩᬃᬓᬯᬶᬬᬮᬸᬯᬲ᭄᭞ᬩᬳᬸᬩᬗᬸᬦ᭄ᬧᬲ᭄ᬫᭂᬗᬦ᭄ᬫᬕ᭄ᬫᬶᬸᬕ᭄ᬤᬶ᭞ᬫ
ᬓ᭄ᬚᬂᬢ᭄ᬯᬭᬵᬤᬵᬢᬳᬸ᭞ᬳᬶᬮᬂᬜᬦᬾᬲ᭄ᬫᭂᬗᬦ᭄᭞ᬧᬗᬬᬳᬾᬳᬤᬰᬮᬸᬯᬲ᭄ᬗᬸᬭᬸᬭᬸᬄ᭞ᬫᬲᬶᬢ᭄ᬯᬭᬵᬤᬵᬓᬧᭂᬦ᭄ᬤᬓ᭄᭞ᬫᬢᬸᬮᬓ᭄ᬬᬧᬤᬵᬗ᭄ᬮᬶᬂ᭟᭜᭟ᬢ᭄ᬓᭂᬤᬶᬧᭀᬦ᭄ᬤᭀᬓ᭄ᬫᬓ᭄ᬚᬂ᭞ᬲᬫᬶᬲ᭄ᬥᬶᬄᬧᬤᬵᬲᬮᬾᬂᬢᬓᭀᬦᬶᬦ᭄᭞ᬓᬶᬚᬳᬮᬶᬄᬜᬳᬶᬩᬳᬸ᭞ᬫᬚᬮᬦ᭄ᬫᬸᬭᬂᬫᬸᬭᬂ᭞ᬦᬶᬳᬗ᭄ᬲᭀᬓᬫ
ᬲᬯᬸᬢ᭄ᬫᬸᬜᬶᬦᬾᬳᬮᬸᬲ᭄᭞ᬢᬶᬢ᭄ᬬᬂᬳᬸᬮᬶᬢᭀᬩᬤᬚ᭞ᬫᬗᬮᬶᬄᬳᬶᬬᬫ᭄ᬩᬃᬓᬯᬶ᭟᭜᭟ᬫᬲᬶᬄᬢ᭄ᬯᬭᬵᬓᬧᭂᬦ᭄ᬤᬓ᭄᭞ᬚᬦᬶᬓᬶᬚᬮᬓᬸᬦ᭄ᬢᬶᬢ᭄ᬬᬂᬫᬗᬮᬶᬄ᭞ᬳᬶᬲᬦ᭄ᬤᬢ᭄ᬭᬭᬶᬲ᭄ᬫᬲᬯᬸᬢ᭄᭞ᬢᬶᬢ᭄ᬬᬂᬩᬳᬸᬫᬭᬗᬗᬶᬦᬂ᭞ᬗᬮᬶᬄᬳᬶᬬᬫᬲᬶᬄᬢ᭄ᬯᬭᬵᬤᬵᬓᬢᭂᬧᬸᬓ᭄᭞ᬚᬦᬶᬓᬶᬚᬳ

[᭑᭗ 17A]
᭑᭗
ᬮᬶᬢᬶᬢ᭄ᬬᬂ᭞ᬦᬶᬳᬗ᭄ᬲᭀᬓᬫᬜᬯᬸᬭᬶᬦ᭄᭟᭜᭟ᬜᬳᬶᬲᬦ᭄ᬤᬢ᭄ᬳᬶᬓᬢᬸᬦ᭄ᬬᬦ᭄᭞ᬲᬸᬩᬍᬫᬄᬜᬳᬶᬤᬶᬢᬸᬜᬗ᭄ᬓᬸᬢᬶᬦ᭄᭞ᬳᬶᬲᬦ᭄ᬤᬢ᭄ᬭᬭᬶᬲ᭄ᬫᬲᬯᬸᬢ᭄᭞ᬳᬶᬫ᭄ᬦᬸᬄᬳᬚᬓ᭄ᬢᬶᬢ᭄ᬬᬂ᭞ᬫᬗᬧᬶᬢᬂᬬᬫᬗᭂᬮᬸᬢ᭄ᬳᬸᬮᬶᬓᬯᬸᬄ᭞ᬳᬶᬫ᭄ᬦᬸᬄᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬧᬲ᭄ᬫᭂᬗᬦ᭄ᬬᬫᬕ᭄ᬤᬶ᭟᭜᭟ᬮᬯᬸᬢ᭄ᬬᬩᬗᬸ
ᬦ᭄ᬧᭂᬲᬸᬯᬦ᭄᭞ᬓᬤᬾᬦ᭄ᬢᬶᬢ᭄ᬬᬂᬳᬶᬬᬫᬜᬸᬄᬦᬾᬤᬶᬦᬶ᭞ᬲᬗ᭄ᬓᬦ᭄ᬢᬶᬢ᭄ᬬᬂᬢ᭄ᬯᬭᬵᬦᬸᬢᬸᬕ᭄᭞ᬢᭀᬂᬫᬤᬬᬓᬾᬢᬶᬢ᭄ᬬᬂ᭞ᬧᬘᬂᬳᬶᬮᬂᬤᬾᬦᬶᬳᬶᬬᬫᬚᬮᬦ᭄ᬧᭂᬲᬸ᭞ᬩᬸᬓᬓᬾᬓᬾᬲᬸᬩᬲᬸᬩ᭞ᬳᬶᬬᬢ᭄ᬯᬭᬵᬤᬵᬫᬕ᭄ᬤᬶ᭟᭜᭟ᬧᬬᬸᬚᬦᬶᬫᬢᬸᬮᬸᬯᬦ᭄᭞ᬳᬶᬬᬫᬶᬩᬸᬓᬦ᭄ᬧᬤᬵᬲᬮᬾᬂᬳᬭᬦᬶᬦ᭄᭞
ᬳᬶᬩᬬᬦ᭄ᬗᬫ᭄ᬩ᭄ᬭᬾᬲ᭄ᬫᬲᬯᬸᬢ᭄᭞ᬤᭀᬱᬦ᭄ᬜᬳᬶᬦᬾᬋᬗ᭄ᬓ᭞ᬩᬦᬾᬢ᭄ᬯᬭᬫ᭄ᬩᬳᬂᬫᬕᭂᬦ᭄ᬢᬶᬫᬗᬸᬧ᭄ᬓᬸᬧ᭄᭞ᬦᬾᬚᬦᬶᬲᬸᬩᬬᬳᬶᬮᬂ᭞ᬳᬾᬗ᭄ᬕᬮᬂᬓᬾᬧᬋᬩᬸᬢᬶᬦ᭄᭟᭜᭟ᬓᬕ᭄ᬬᬢ᭄ᬳᬶᬤᬵᬭᬤᬾᬦ᭄ᬤᬾᬯᬶ᭞ᬫᬗᬦ᭄ᬤᬶᬓᬢᭀᬳᬧᬓᬧᬺᬩᬸᬢᬶᬦ᭄᭞ᬧᬲ᭄ᬫᭂᬗᬜ᭄ᬚᬦᬶᬫᬸᬳᬸᬕ᭄᭞ᬬᬂᬧᬸᬍᬲ᭄ᬦᬶᬗᭂᬄ
ᬋᬩᬢ᭄᭞ᬳᬶᬧᬗᬶᬦ᭄ᬢᬾ᭞ᬭᬭᬶᬲ᭄ᬳᬶᬧᬸᬦ᭄ᬕᭂᬮᬶᬲ᭄‌‌ᬫᬢᬹᬃ᭞ᬳᬶᬗ᭄ᬕᬶᬄᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬧᬸᬦᬶᬓᬳᬶᬬᬫ᭄ᬩᬃᬓᬯᬶ᭟᭜᭟ᬳᬶᬧᬸᬦ᭄ᬳᬶᬘᬮ᭄ᬧᬲ᭄ᬫᭂᬗᬦ᭄᭞ᬩᭀᬬᬓᬶᬚᬮᬓᬸᬦ᭄ᬳᬶᬧᬸᬦ᭄ᬫᬕ᭄ᬤᬶ᭞ᬧᬸᬦᬶᬓᬳᬯᬦᬦ᭄ᬳᬸᬬᬸᬢ᭄᭞ᬲᬫᬶᬲᬢᬶᬫ᭄ᬧᬮ᭄ᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬫᬱᬯᬂᬋᬗᬸ᭞ᬬᬓᬾ [ 18 ][᭑᭗ 17B]
᭑᭗
ᬦ᭄ᬓᬾᬦ᭄ᬲᬗ᭄ᬓᬜᬳᬶᬮᬂ᭞ᬳᭂᬜᬾᬦ᭄ᬲᬶᬄᬳᬤᬵᬗᭀᬯᬾᬮᬶᬦ᭄᭟᭜᭟ᬭᬭᬶᬲ᭄ᬫᬲᬯᬹᬃᬳᬶᬗᭂᬫ᭄ᬩᬦ᭄᭞ᬲᬧᬲᬶᬭᬵᬲᬶᬄᬧᬸᬭᬸᬦ᭄ᬧᬘᬂᬗ᭄ᬯᬾᬮᬦ᭄᭞ᬯᬦ᭄ᬢᬄᬲᬓᬶᬂᬫᬦᬄᬳᬶᬧᬸᬦ᭄᭞ᬩᭀᬬᬓᬶᬚᬮᬓᬸᬜ᭞ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬫᬲ᭄ᬫᬸᬩᭂᬦ᭄ᬤᬸ᭞ᬲᬶᬂᬜᬫᬸᬮᬶᬄᬓᬚᬸᬫᬄᬳᬵ᭞ᬲᬶᬂᬜᬫᬸᬮᬳᬦᬓ᭄ᬤᬶᬦᬶ᭟᭜᭟ᬗᭀ
ᬭᬳᬂᬳᬸᬮᬶᬤᬶᬤᬾᬰ᭞ᬩᬤᬾᬦ᭄ᬦᬶᬭᬵᬢ᭄ᬯᬄᬫᬸᬮᬳᬦᬓ᭄ᬤᬶᬦᬶ᭞ᬦᬶᬩᬬᬦ᭄ᬳᬢᬹᬭᬾᬳᬮᬸᬲ᭄᭞ᬫᬦᬯᬶᬲᬧᬸᬦᬶᬓ᭞ᬧ᭄ᬬᬦᬓ᭄ᬳᭂᬚᬶᬫ᭄ᬲᬗ᭄ᬓᬦ᭄ᬕᭀᬩᬜᬦᬾᬩᬕᬸᬲ᭄᭞ᬩᬸᬓᬢ᭄ᬯᬭᬳᬤᬵᬧᬤᬵ᭞ᬬᬤ᭄ᬬᬦ᭄ᬳᬦᬓ᭄ᬤᬶᬦᬕᬭᬶ᭟᭜᭟ᬳᬶᬍᬳᬶᬦ᭄ᬤᬶᬚ᭄ᬭᭀᬦᬶᬂᬤᬾᬰ᭞ᬭᬱᬵᬢ᭄ᬯᬭᬵᬳᬤᬧᬘᬂᬫᬦᬦ᭄ᬤᬶᬗᬶᬦ᭄᭞ᬚᬦᬶ
ᬤᬶᬚᬳᬮᬶᬄᬭᬸᬭᬸᬄ᭞ᬤᬾᬦᬶᬂᬳᬶᬬᬲᬸᬩᬳᬶᬮᬂ᭞ᬢ᭄ᬯᬭᬵᬓᭀᬘᬧ᭄᭞ᬦᬾᬦᬾᬳᬶᬮᬂᬢᬦ᭄ᬓᬢᭂᬧᬸᬓ᭄᭞ᬭᬤᬾᬦ᭄ᬤᬾᬯᬶᬓᬘᬭᬶᬢ᭞ᬓᬶᬭᬗᬦ᭄ᬲᬗᬸ᭞ᬤᬶᬕᬶᬮᬶ᭟᭜᭟ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬳᬭᬸᬄᬩᬶᬩᬶᬓᬾᬦ᭄ᬓᬾᬦ᭄ᬤᬬᬦᬾᬚᬦᬶ᭞ᬩᬲᬂᬳᬶᬭᬦᬾᬲᭂᬤᬸᬓ᭄᭞ᬳᬧᬲᬶᬄᬚᬦᬶᬓᬫᬄ᭞ᬳᬶᬧᬗᬶᬦ᭄ᬢᬾᬫ
ᬢᬹᬃᬫ᭄ᬦᭂᬂᬭᬢᬸᬳᬬᬸ᭞ᬢᬶᬢ᭄ᬬᬂᬫᬧᬫᬶᬢ᭄ᬓᬕᬯᬄ᭞ᬫᬗᬮᬶᬄᬩᬸᬯᬄᬕᬦᬶᬢ᭄ᬭᬶ᭟᭜᭟ᬦᬯᬶᬯᬾᬦ᭄ᬢᭂᬦ᭄‌‌ᬩ᭄ᬬᬳᬸᬂᬲᬸᬦ᭄ᬤᬵ᭞ᬚᬕᬶᬢᬫ᭄ᬩᬸᬲ᭄ᬧᬘᬂᬳᬚᭂᬗᬂᬳᬶᬕᬸᬲ᭄ᬢᬶ᭞ᬢᬶᬫ᭄ᬧᬮᬂᬓ᭄ᬮᭂᬫᭀᬢᭀᬧᬓᬸ᭞ᬫᬗ᭄ᬤᬾᬤᬤᭀᬲᬭᬸᬯᬦ᭄᭞ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬦᬄᬳᬶᬭᬫᬶᬮᬸ᭞ᬲᬶᬂᬜᬤᬤᬶᬲᬭᬸᬯᬦ᭄᭞ᬩᬲᬂᬳᬶᬭᬦᬾᬩ

[᭑᭘ 18A]
᭑᭘
ᬲ᭄ᬧ᭄ᬤᬶᬄ᭟᭜᭟ᬭᬳᬤ᭄ᬬᬦ᭄ᬦᬗᬶᬲ᭄ᬫᬲᬫ᭄ᬩᬢᬦ᭄᭞ᬢ᭄ᬯᬭᬵᬮᬾᬦ᭄ᬭᬶᬂᬕᬸᬭᬸᬳᬚᬶ᭞ᬤᭀᬂᬘᬶᬗᬓᬾᬢᬶᬢ᭄ᬬᬂᬕᬸᬭᬸ᭞ᬓᬾᬦᬾᬦᬦ᭄ᬤᬂᬲᬗ᭄ᬲᬭᬵ᭞ᬤᭀᬂᬳᬾᬮᬶᬗᬂᬢᬶᬢ᭄ᬬᬂᬕᬸᬭᬸᬳᬶᬓᬯ᭄ᬮᬲ᭄ᬬᬸᬦ᭄᭞ᬧᬤᬍᬫ᭄ᬚᬓᬸᬤᬵᬢᬶᬢ᭄ᬬᬂ᭞ᬢᬶᬩᬦᬦ᭄ᬢᬶᬢ᭄ᬬᬂᬭᬶᬂᬕᬶᬮᬶ᭟᭜᭟ᬫᬮᬶᬄᬧᬶᬤᬦ᭄ᬓᬲᬫ᭄ᬧᬸᬭᬵ᭞ᬬᬦ᭄ᬯᬦ᭄ᬢᬄᬢᬶᬢ᭄ᬬᬂᬓᬲᬗ᭄ᬲᬭᬵ
ᬕ᭄ᬮᬶᬲ᭄᭞ᬬᬾᬦ᭄ᬓᬾᬢᭀᬓᬬᬸᬦ᭄ᬳᬶᬕᬸᬭᬸ᭞ᬳᬦᬂᬤᬶᬤᬾᬰᬓᬸᬢᬂ᭞ᬧᬶᬮᬶᬄᬲᬶᬜᬳᬤᬵᬳᬦᬓ᭄ᬳᭀᬮᬲ᭄ᬦᬸᬤᬸᬓ᭄᭞ᬬᬤᬶᬦ᭄ᬳᬗ᭄ᬕᭀᬜᬢᬸᬦ᭄ᬤᬲᬦ᭄᭞ᬓᬾᬯᬮᬢᬶᬢ᭄ᬬᬂᬦᬸᬳᬸᬭᬶᬧ᭄᭟᭜᭟ᬫᬚᬮᬦ᭄ᬫᬫᬸᬭᬂᬫᬸᬭᬂ᭞ᬫᬧᬦ᭄ᬲᬫᬶᬳᬶᬧᬗᬶᬦ᭄ᬢᬾᬫᬗᬶᬭᬶᬂ᭞ᬧᬫᬃᬕ᭄ᬕᬶᬦᬾᬲᬸᬩᬮᬸᬬᬸ᭞ᬩᬳᬦ᭄ᬩᬲᬗᬾᬮᬬᬄ᭞ᬤᬤᬶᬳᬤᬵᬧᬸᬜ
ᬦ᭄ᬳᭂᬦᬾᬓᬢ᭄ᬧᬸᬓ᭄᭞ᬢᬹᬃᬩᬸᬯᬄᬜᬦᬾᬗᭂᬤ᭄ᬲᬦ᭄᭞ᬲᬸᬩᬯᬬᬄᬓᬸᬦᬶᬂᬓᬸᬦᬶᬂ᭟᭜᭟ᬭᬭᬶᬲ᭄ᬫᬫᬢᬹᬃᬳᬶᬩᬬᬦ᭄᭞ᬦᬸᬦᬲ᭄ᬭᬢᬸᬫᬭᬃᬬ᭄ᬬᬦᬦ᭄ᬳᬶᬭᬶᬓᬶ᭞ᬤᬶᬩᭂᬢᬾᬦ᭄ᬳᭂᬳᬦᬾᬭᬢᬸ᭞ᬢᬹᬃᬩ᭄ᬯᬄᬳᬶᬧᬸᬦ᭄ᬳᭂᬗᭂᬤ᭄ᬲᬦ᭄᭞ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬲᬩ᭄ᬤᬦᬾᬳᬮᬸᬲ᭄᭞ᬩᬶᬩᬶᬤᬤᬶᬓᬾᬬᬫᬵᬄ᭞ᬲᬶᬂᬜᬳᬶᬬᬗᬍ
ᬗᭂᬳᬶᬦ᭄᭟᭜᭟ᬭᬭᬶᬲ᭄ᬫᬳᬢᬹᬃᬳᬩᬬᬦ᭄᭞ᬩᭀᬬᬳᬸᬕᬳᬶᬧᬸᬦ᭄ᬧᬘᬂᬗᬍᬗᭂᬳᬶᬦ᭄᭞ᬩᭀᬚᭀᬕᬾᬘᬶᬗᬓ᭄ᬳᬶᬭᬢᬸ᭞ᬳᬓᬾᬄᬳᬶᬭᬶᬓᬦᭂᬤ᭞ᬦᬶᬓᬘᬶᬗᬓ᭄᭞ᬩᭀᬚᭀᬕᬾᬧᬤᬵᬫᬗᬸᬢ᭄ᬕᬸᬢ᭄᭞ᬳᬶᬩᬬᬦ᭄ᬭᬭᬶᬲ᭄ᬫᬗᬮᬧ᭄᭞ᬫᬶᬮᬶᬳᬶᬦ᭄ᬦᬾᬓᬸᬦᬶᬂᬓᬸᬦᬶᬂ᭟᭜᭟ᬫᬗᬮᬧ᭄ᬲᬫ᭄ᬩᬶᬮ᭄ᬫᬗᬫᬄ᭞ᬧᬤᬵᬩᬋᬂᬳ [ 19 ][᭑᭘ 18B]
᭑᭘
ᬚᬓ᭄ᬢᬶᬫ᭄ᬧᬮᬾᬲᬫᬶ᭞ᬭᬳᬤᬾᬦ᭄ᬤᬾᬯᬶᬳᬫᬸᬯᬸᬲ᭄᭞ᬦᬄᬩᬋᬂᬚᬮᬦ᭄ᬳᬫᬄ᭞ᬳᬧᬂᬧᬶᬲᬦ᭄ᬧᬶᬲᬦ᭄ᬩᬜᬩᬋᬂᬮᬫ᭄ᬧᬸᬲ᭄᭞ᬲᬫᬶᬫᬗ᭄ᬮᬮᬸᬯᬂᬳᬯᬓ᭄᭞ᬧᬶᬲᬦ᭄ᬩᬋᬂᬩᬋᬂᬫᬢᬶ᭟᭜᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓ᭞ᬲᬸᬩᬲᬜ᭄ᬚᬳᬮᬧ᭄ᬓᬮ᭄ᬳᬩᬫᬸᬮᬶᬄ᭞ᬳᬤᬵᬫᬫᭀᬗ᭄ᬓᭀᬲ᭄ᬮᬾᬦ᭄ᬗᬤᬸᬢ᭄᭞ᬭᬭᬶᬲ᭄ᬳᬶᬩᬬᬦ᭄᭞ᬦᬸᬦᬲ᭄ᬭ
ᬢᬸᬦᬶᬓᬶᬧᬲᬶᬲᬶᬦᬾᬢᬸᬳᬸᬢ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬵ᭞ᬗᬫᬃᬕ᭄ᬕᬶᬦᬶᬦ᭄ᬤᬶᬧᬲᬶᬲᬶ᭟᭜᭟ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬢᬦ᭄ᬲᬄᬦᭀᬮᬶᬄᬦᭀᬮᬶᬄᬧᬤᬵᬲᬮᬾᬂᬢᭀᬮᬶᬄ᭞ᬲᬲᬫ᭄ᬩᬢᬦᬾᬓᬯ᭄ᬮᬲ᭄ᬳ᭄ᬬᬸᬦ᭄᭞ᬩᬷᬩᬶᬓᬾᬦ᭄ᬓᬾᬦᬾᬲᬸᬩ᭞ᬧᬗᬦ᭄ᬤᬶᬓ᭄ᬳᬶᬤᬳᬶᬕᬸᬭᬸᬦᬾᬫᬮᬸ᭞ᬩᬳᬦ᭄ᬳᬶᬭᬦᬾᬫᬓᬸᬢᬂ᭞ᬳᬧᬯᭂᬘᬦᬦ᭄ᬲᬂ
ᬗᬚᬶ᭟᭜᭟ᬦᬶᬩᬬᬦ᭄ᬫᬳᬢᬹᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬳᬶᬗ᭄ᬕᬶᬄᬧᬤᬕᬶᬗᬦ᭄ᬳᬶᬧᬸᬦ᭄᭞ᬓᬶᬭᬂᬢᬭᭀᬲ᭄ᬢᬸᬯᬄᬢᬶᬢ᭄ᬬᬂ᭞ᬭᬤᬾᬦ᭄ᬥᬾᬯᬶᬩᬗ᭄ᬕ᭄ᬭᬲ᭄ᬗᬦ᭄ᬥᬶᬓᬫᬲᬯᬹᬃ᭞ᬩᬶᬩᬶᬲᭀᬓ᭄ᬫᬩᬳᬦ᭄ᬢᬸᬯᬵ᭞ᬢ᭄ᬯᬭᬵᬩᬶᬱᬵᬧ᭄ᬲᬸᬫᬸᬜᬶ᭟᭜᭟ᬢ᭄ᬯᬦ᭄ᬤᬾᬯᬶᬫᬮᬶᬄᬗᬦ᭄ᬤᬶᬓ᭞ᬢᬶᬢ᭄ᬬᬂᬳᬶᬗᭂᬢ᭄‌‌ᬢ᭄ᬓᬾᬳᬶᬬᬫ᭄ᬩᬃᬓᬯᬶ᭞ᬩ
ᬳᬦᬾᬢ᭄ᬯᬭᬵᬓᬢᭂᬧᬸᬓ᭄᭞ᬬᬓᬶᬚᬢᭀᬮᬓᬸᬜ᭞ᬳᬶᬧᬗᬶᬦ᭄ᬢᬾᬭᬭᬶᬲ᭄ᬳᬶᬧᬸᬦ᭄ᬫᬲᬯᬹᬃᬳᬮᬸᬲ᭄᭞ᬧᬜᬾᬯᬢᬄᬢᬶᬢ᭄ᬬᬂᬤᬾᬯᬵ᭞ᬫᬦᬯᬶᬢᬾᬧ᭄ᬬᬦᬓ᭄ᬳᭂᬚᬶᬫ᭄᭟᭜᭟ᬢ᭄ᬧᬸᬓᬶᬦᬩᬦ᭄ᬫᬾᬫᬾᬦ᭄ᬜ᭞ᬳᬶᬧᬸᬦ᭄ᬗᬫ᭄ᬩᬶᬮ᭄ᬮᬦ᭄ᬢᬲ᭄ᬳᬚᬓᬫᬸᬮᬶᬄ᭞ᬤᬶᬚᬧᬘᬂᬳᬮᬶᬄᬭᬸᬭᬸᬄ᭞ᬳᬶᬩᬬᬦ᭄ᬦᬶᬫ᭄ᬩᬮ᭄ᬗᬸᬘᬧ᭄᭞ᬢᬸᬯᬄᬓᬾᬢᭀᬲᬗ᭄ᬓ

[᭑᭙ 19A]
᭑᭙
ᬜᬢ᭄ᬯᬭᬵᬓᬢᭂᬧᬸᬓ᭄᭞ᬦᬶᬗᬶᬦ᭄ᬢᬾᬢᬸᬗ᭄ᬓᬲ᭄ᬜᬯᬢᬄ᭞ᬲᬶᬜᬳᭂᬗ᭄ᬓᭂᬩᬂᬫᬫᭂᬤᬶ᭟᭜᭟ᬮᬦ᭄ᬢᬲ᭄ᬧᬤᬵᬲᬮᬾᬂᬢᬶᬫ᭄ᬩᬮ᭄᭞ᬲᬫᬶᬢᬸᬗ᭄ᬓᬲ᭄ᬧᬤᬵᬲᬮᬾᬂᬢᬸᬦ᭄ᬤᬶᬓᬶᬦ᭄᭞ᬲᬶᬬᬲᬭᬧ᭄ᬓᬓ᭄ᬬᬤᬶᬢᬸ᭞ᬩᬦ᭄ᬳᬶᬬᬲᬤᬩᬦ᭄ᬢᬢ᭄᭞ᬓᭀᬘᬧ᭄ᬤᬶᬢᬸᬤᬶᬲᬶᬲᬶᬦ᭄ᬧᬲᬶᬳᬾᬫᬜ᭄ᬚᬸᬲ᭄᭞ᬓᬓ᭄ᬬᬮᬶᬬᬸᬕᬮᬓ᭄ᬕᬮᬓ᭄᭞ᬩ᭄ᬯᬬᬮᬶᬬᬸᬧᬤᬵ
ᬧᬤᭂᬗ᭄ᬓᬶᬓ᭄᭟᭜᭟ᬢᬦ᭄ᬓᬘᬭᬶᬢᬢᬤᬶᬚᬮᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬤᬶᬧᭀᬦ᭄ᬤᭀᬓᬾᬢ᭄ᬯᬦ᭄ᬤᬾᬯᬶ᭞ᬲᬭᬯᬸᬄᬳᬶᬤᬵᬫᬢᬸᬭᬸ᭞ᬲᬃᬯ᭄ᬯᬶᬦᬗᬶᬲ᭄ᬭᬳᬤ᭄ᬬᬦ᭄᭞ᬳᬶᬧᬗᬶᬦ᭄ᬢᬾᬫᬵᬢᬹᬃᬭᬶᬂᬭᬳᬤᬾᬦ᭄ᬕᬮᬸᬄ᭞ᬫ᭄ᬦᭂᬂᬓᬸᬤᬵᬳᬶᬤᬾᬯᬵ᭞ᬲᬫ᭄ᬧᬸᬦᬂᬳᬸᬕᬶᬫᬦᬗᬶᬲ᭄᭟᭜᭟ᬳ᭄ᬦᭂᬂᬧᭀᬮᬳᬾᬭᬳᬤ᭄ᬬᬦ᭄᭞ᬦᬾᬤᬶᬕᬶᬮᬶᬢ᭄ᬧ᭄ᬕᬢ᭄ᬦᬦ᭄ᬤᬂᬲ᭄ᬤᬶᬄ᭞ᬲ
ᬗ᭄ᬲᬭᬵᬫᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬳᬶᬬᬫ᭄ᬩᬃᬓᬯᬶᬓᭀᬘᬧ᭄᭞ᬲᬳᬶᬘᬮᬾ᭞ᬲᬤᬸᬓ᭄ᬜᬦᬾᬩᬳᬸᬩᬗᬸᬦ᭄᭞ᬬᬓᬧᬲᬶᬲᬶᬫᬜᬕ᭄ᬚᬕ᭄᭞ᬫᬗ᭄ᬕᬶᬄᬳᬶᬦ᭄ᬮᬮᬶᬸᬮᬾᬧᬓ᭄ᬘᭂᬦᬶᬓ᭄᭟᭜᭟ᬳᭂᬦ᭄ᬢᭀᬢ᭄ᬕᬓᬶᬜᬮᬸᬯᬲ᭄᭞ᬫᬓ᭄ᬮᬗᭂᬦᬦ᭄ᬫᬮᬬᬃᬗᬶᬍᬳᬶᬦ᭄ᬕᬶᬮᬶ᭞ᬮᬶᬬᬸᬓᬮᬗᭂᬦ᭄ᬓᬢᭂᬧᬸᬓ᭄᭞ᬫᬤᬬᬸᬂᬩᬳᬦ᭄ᬮᬶᬫ᭞ᬫᬗᬶᬍᬳᬶᬦ᭄ᬕᬶ
ᬮᬶᬦᬾᬩᬶᬮᬂᬳᬯᬸᬓᬸᬤ᭄᭞ᬓᭀᬘᬧ᭄‌‌ᬯᬸᬲ᭄ᬮᬶᬫᭀᬮᬲ᭄ᬤᬶᬦᬵ᭞ᬳᭀᬜᬩᬳᬜᬗᬶᬍᬳᬶᬦ᭄᭟᭜᭟᭛ᬲ᭄ᬫᬭᬦ᭄ᬤᬦᬵ᭞᭛ᬓᭀᬘᬧᬳᬶᬬᬫ᭄ᬩᬃᬓᬯᬶ᭞ᬫ᭄ᬮᬬᬃᬦ᭄ᬕᬓᬶᬦ᭄‌‌ᬮᬮᬾᬧᬓ᭄᭞ᬬᬦ᭄ᬧ᭄ᬢᭂᬂᬤᬶᬢᬸᬫᬲᬭᬾ᭞ᬬᬦ᭄ᬲᭂᬤᬸᬓ᭄ᬤᬶᬢᬸᬫᬤᬳᬃ᭞ᬲᬸᬩᬭᬣᬫᬓ᭄ᬚᬂ᭞ᬩᬳᬜᬗᬶᬍᬳᬶᬦ᭄ᬲᬫ᭄ᬧᬸᬦ᭄᭞ᬦᬾᬚᬦᬶᬗ [ 20 ][᭑᭙ 19B]
᭑᭙
ᬦ᭄ᬢ᭄ᬬᬧᬢᬸᬮᬓ᭄᭟᭜᭟ᬮᬮᬾᬧᬓᬾᬫᬦ᭄ᬤ᭄ᬭᬶᬲ᭄ᬤᬶᬲ᭄᭞ᬬᬫᬤᬬᬸᬂᬩᬳᬦ᭄ᬮᬶᬫ᭄ᬫᬵ᭞ᬗᭂᬲᭂᬃᬧ᭄ᬮᬬᬃᬮᬮᬾᬧᬓᬾ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧ᭄ᬮᬩ᭄ᬯᬦ᭄᭞ᬚᬸᬓᬸᬗᬾᬓᬢᬸᬮᬸᬤᬂ᭞ᬳᬶᬬᬫ᭄ᬩᬃᬓᬯᬶᬯᬸᬲ᭄ᬭᬯᬸᬄ᭞ᬧᭂᬢᭂᬗᬾᬩᬸᬓᬓᬶᬤᭂᬫᬂ᭟᭜᭟ᬚ᭄ᬮᬦᬦᬾᬓᬳᬸᬲᬸᬤᬶᬦ᭄᭞ᬓᬭᬶᬫᬚᬸᬚᬸᬓ᭄ᬤᬶᬢᬗᬦ᭄᭞ᬦᬶᬗᭂᬄᬳᭂᬮᬶᬂᬧᬕᬭᬾᬬᭀᬂ᭞
ᬭᬫᬾᬧᬤᬵᬲᬮᬾᬂᬢᬶᬫ᭄ᬩᬮ᭄᭞ᬳᬶᬬᬫ᭄ᬩᬃᬓᬯᬶᬓᬾᬫᭂᬗᬦ᭄᭞ᬳᬧᬲᬶᬫᬓᬤᬵᬫᬸᬳᬸᬕ᭄᭞ᬳᬮᬶᬗᬾᬧᬩᬶᬬᭀᬬᭀᬗᬦ᭄᭟᭜᭟ᬬᬾᬦ᭄ᬧᬗ᭄ᬭᬱᬜᬤᬶᬳᬢᬶ᭞ᬲᬶᬜᬭᬤᬾᬦ᭄ᬤᬾᬯᬶᬲᬸᬗ᭄ᬓᬦ᭄᭞ᬳᬶᬬᬫ᭄ᬩᬃᬓᬯᬶᬫᬦᭀᬕ᭄ᬤᭀᬕ᭄᭞ᬚ᭄ᬮᬦᬦ᭄ᬲᬃᬯᬶᬫᬗᬸᬘᬧ᭄᭞ᬩᬸᬓᬳᬶᬦ᭄ᬢᬶᬢ᭄ᬬᬂᬚ᭄ᬮᬦᬦ᭄᭞ᬦᬶᬗᭂᬫ᭄ᬩᬦ᭄ᬮᬦ᭄ᬢ
ᬲ᭄ᬫᬲᬯᬸᬢ᭄᭞ᬜᬾᬓ᭄ᬓᬯᬸᬓ᭄ᬓᬯᬸᬓ᭄ᬤᬶᬯᬗᬦ᭄᭟᭜᭟ᬳᬶᬩᬬᬦ᭄ᬫᬫᬸᬜᬶᬳᬭᬶᬲ᭄᭞ᬲᬶᬜᬢᬾᬳᬯᬂᬳᬯᬗᬦ᭄᭞ᬳᬶᬲᬦ᭄ᬤᬢ᭄ᬜᬕ᭄ᬚᬕᬶᬦ᭄ᬳᬕᬾ᭞ᬮᬦ᭄ᬢᬲ᭄‌‌ᬫ᭄ᬩᬸᬓᬳᬶᬦ᭄ᬚᬮᬦᬦ᭄᭞ᬭᬭᬶᬲᬵᬮᬾᬂᬕ᭄ᬮᬸᬢ᭄ᬧᬤᬵ᭞ᬍᬕᬳᬢᬶᬦᬾᬓᬤᬸᬭᬸᬲ᭄᭞ᬧᬤᬵᬯᬋᬕ᭄ᬢᬦ᭄ᬧᬦ᭄ᬤ᭟᭜᭟ᬭᬤᬾᬦ᭄ᬤᬾᬯᬶᬢ᭄ᬯᬭᬵᬳᬸᬦᬶᬂ᭞ᬭᬶᬳᬶ
ᬬᬫ᭄ᬩᬃᬓᬯᬶᬢ᭄ᬓ᭞ᬭᬤᬾᬦ᭄ᬤᬾᬯᬶᬫᭂᬋᬫᬺᬓᭀ᭞ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬓᬗᭂᬦ᭄ᬢᭂᬓᬾᬦᬶᬂᬭᬕᬵ᭞ᬫᬸᬂᬜᬫ᭄ᬩᬢ᭄ᬩᬶᬩᬶᬮᬦ᭄ᬕᬸᬭᬸ᭞ᬫᬗᬸᬤᬵᬕᬸᬭᬸᬮᬮᬶᬲᬦ᭄᭟᭜᭟ᬫᬢᬓᭀᬳᬶᬸᬦ᭄ᬳᬶᬬᬫ᭄ᬩᬃᬓᬯᬶ᭞ᬩᬶᬩᬶᬓᬦᬧᬶᬓᬾᬢᬶᬢ᭄ᬬᬂ᭞ᬲᬗ᭄ᬓᬦ᭄ᬢᬶᬢ᭄ᬬᬂᬋᬩᬸᬢ᭄‌‌ᬓᬾᬦᬾ᭞ᬦᬄᬮᬶᬦ᭄ᬢᬂᬳᭀᬧᭂᬓᭀᬢᬶᬢ᭄ᬬ᭞

[᭒᭐ 20A]
᭒᭐
ᬚᬮᬦ᭄ᬓᬸᬤᬵᬫᬦ᭄ᬕᬓ᭄᭞ᬢᬸᬫᬸᬮᬶᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬓᬳᬩᬶᬦ᭄ᬲᬃᬯ᭄ᬯᬶᬫᬤᬶᬫᬦ᭄᭟᭜᭟ᬦᬶᬗᭂᬫ᭄ᬩᬦ᭄ᬫᬢᬓᭀᬦ᭄ᬕᭂᬮᬶᬲ᭄᭞ᬳᬶᬤᬾᬯᬵᬮᬸᬗᬓᬶᬚᬳ᭞ᬳᬶᬬᬫ᭄ᬩᬃᬓᬯᬶᬲᬯᬸᬭᬾ᭞ᬢᬶᬢ᭄ᬬᬂᬮᬸᬗᬫᬗ᭄ᬮᭂᬮᬦ᭞ᬫᬦᭂᬕᬓᬶᬦ᭄ᬮᬮᬾᬧᬓ᭄᭞ᬫᬓ᭄ᬚᬂᬕᬶᬮᬶᬦᬾᬚᬸᬚᬸᬃ᭞ᬢᬶᬢ᭄ᬬᬂᬫᬩᬸᬤᬶᬫᬦᬯᬂ᭟᭜᭟ᬳᬶᬫ᭄ᬦᬸᬄ
ᬫᬲᬯᬹᬃᬳᬭᬶᬲ᭄᭞ᬤᬶᬚᬳᬘᬳᬶᬫᬤᬳᬃ᭞ᬩᬦ᭄ᬘᬳᬶᬮᬸᬯᬲ᭄ᬫᬓ᭄ᬮᭀ᭞ᬢ᭄ᬯᬭᬳᬤᬵᬲᬗᬸᬳᬧᬵ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬦᬄᬫᭂᬦ᭄ᬤᭂᬧ᭄ᬢᬾᬩᬶᬩᬶᬫᬮᬸ᭞ᬢ᭄ᬯᬦ᭄ᬤᬾᬯᬶᬳᬶᬤᬵᬓᬦᬧᬵ᭟᭜᭟ᬢᭀᬲᬗ᭄ᬓᬦ᭄ᬳᬶᬤᬵᬫᬦᬗᬶᬲ᭄᭞ᬦᬄᬤᭀᬂᬳᭀᬭᬳᬶᬦ᭄ᬓᬾᬢᬶᬢ᭄ᬬᬂ᭞ᬲᬶᬂᬜᬳᬶᬤᬵᬲᬸᬗ᭄ᬓᬦᬺᬓᭀ᭞ᬤᭀᬂᬓᬾ
ᬲᭂᬫ᭄ᬩᬃᬳᬾᬗ᭄ᬕᬮᬂ᭞ᬗᬸᬤᬵᬢᬶᬢ᭄ᬬᬂᬋᬗ᭄ᬓᬸᬄᬧᬤᬵ᭞ᬢ᭄ᬯᬦ᭄ᬤᬾᬯᬶᬚᬕ᭄ᬚᬕᬶᬦ᭄ᬫᬮᬸ᭞ᬮᬯᬸᬢ᭄ᬳᭀᬭᬳᬶᬦ᭄ᬓᬾᬢᬶᬢ᭄ᬬᬂ᭟᭜᭟ᬳᬶᬫ᭄ᬦᬸᬄᬮᬦ᭄ᬢᬲ᭄ᬜᬯᬸᬭᬶᬦ᭄᭞ᬩᬦ᭄ᬲᬗᬸᬦ᭄ᬳᬶᬤᬵᬦᬾᬳᭀᬜ᭞ᬩᬶᬩᬶᬲᬗ᭄ᬓᬦ᭄ᬧᬬᬄᬓᬾᬦᬾ᭞ᬦᬾᬤᬶᬦᬶᬳᬚᬓ᭄ᬫᬓ᭄ᬚᬂ᭞ᬓᬮᬳᬶᬦ᭄ᬘᬳᬶᬮᬸᬯᬲ᭄᭞ᬩᬶᬩᬶᬢ᭄ᬯᬭᬵᬬᬫᬜᭂᬓᬸᬮ᭄᭞ᬢ᭄ᬯᬦ᭄ᬤᬾᬯᬶ
ᬢ᭄ᬯᬭᬵᬫᬚᭂᬗᬦ᭄᭟᭜᭟ᬲᬮᬶᬬᬸᬦᬾᬳᬚᬓ᭄ᬤᬶᬦᬶ᭞ᬫᬫ᭄ᬢᭂᬓᬂᬩᬸᬯᬄᬳᭂᬳ᭞ᬬᬫ᭄ᬩᬃᬓᬯᬶᬗᬸᬘᬧ᭄ᬳᬮᭀᬦ᭄᭞ᬬᬤᬶᬦ᭄ᬩᬶᬩᬶᬫᬢᬸᬢᬸᬭᬦ᭄᭞ᬳᬧᬲᬶᬄᬩᬓᬮ᭄ᬳᬤᬵ᭞ᬤᬶᬚᬳᬘᬳᬶᬫᬗ᭄ᬭᬸᬭᬸᬄ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭟᭜᭟ᬦᭀᬗᭀᬲ᭄ᬩᬶᬩᬶᬫᬮᬸᬤᬶᬦᬶ᭞ᬢ᭄ᬬᬂᬗᬮᬶᬳᬂᬤᬵᬤᬳᬃ᭞ᬦᬶᬗᭂᬫ᭄ᬩᬦ᭄ᬫᬲᬯᬹᬃ [ 21 ][᭒᭐ 20B]
᭒᭐
ᬳᬮᭀᬦ᭄᭞ᬤᬶᬚᬘᬳᬶᬗᬮᬶᬄᬤᬳᬃ᭞ᬧ᭄ᬢᭂᬂᬩᬸᬓᬶᬤᭂᬫᬂ᭞ᬳᬶᬬᬫ᭄ᬩᬃᬓᬯᬶᬬᬧ᭄ᬲᬸ᭞ᬢ᭄ᬓᭂᬤᬶᬯᬗᬦ᭄ᬚᭂᬮᬦᬦ᭄᭟᭜᭟ᬩᬸᬗ᭄ᬓᬸᬗᬾᬧ᭄ᬲᬸᬯᬗᬚᬦᬶ᭞ᬮᬯᬸᬢ᭄ᬫᬗᬚᬶᬬᬂᬤᬳᬃ᭞ᬲᬓᬮ᭄ᬯᬶᬃᬳᬸᬧᬓᬭᬦᬾ᭞ᬲᬋᬕᭂᬧ᭄ᬮᬦ᭄ᬧᬭᬗ᭄ᬓᬢᬦ᭄᭞ᬲᬋᬂᬮᬦ᭄ᬘᭂᬘᭂᬧᬦ᭄᭞ᬤᬳᬭᬗᬾᬲᬧᬓᬬᬸᬦ᭄᭞ᬲᬶᬂᬓ᭄ᬦᭂᬳᬂᬲᬸᬩᬳᬤᬵ᭞
᭞᭜᭟ᬳᬶᬬᬫ᭄ᬩᬃᬓᬯᬶᬫᬗ᭄ᬭᬜ᭄ᬚᬶᬂ᭞ᬚ᭄ᬭᭀᬦᬶᬂᬳᬸᬫᬄᬲᬃᬯ᭄ᬯᬶᬗᬸᬘᬧ᭄᭞ᬩᬶᬩᬶᬫ᭄ᬭᬶᬓᬚᬸᬯᬂᬳᬕᬾ᭞ᬢᭀᬤᬶᬯᬗᬦ᭄ᬳᬤᬤᬳᬃ᭞ᬓᬮᬶᬄᬕᬶᬩᬸᬂᬳᬓᬾᬄᬜ᭞ᬳᬚᬓᬂᬚ᭄ᬯᬩᬶᬩᬶᬧᭂᬲᬸ᭞ᬳᬶᬗᭂᬫ᭄ᬩᬦ᭄ᬫᬲᬯᬹᬃᬩᬗ᭄ᬕ᭄ᬭᬲ᭄᭟᭜᭟ᬤᬵᬘᬳᬶᬦᬸᬗ᭄ᬓᬸᬮᬂᬩᬶᬩᬶ᭞ᬦᬄᬮᬕᬸᬢ᭄ᬩᬶᬩᬶᬦᬾᬮᬬᬄ᭞ᬬᬫ᭄ᬩᬃᬓᬯᬶᬗᬸᬘᬧ᭄ᬳᬮᭀᬦ᭄᭞ᬢᬶ
ᬢ᭄ᬬᬂᬫᬗᬸᬤᬦᬸᬗ᭄ᬓᬸᬮᬂ᭞ᬦᬄᬳᬶᬦ᭄ᬤᬬᬂᬧᭂᬲᬸᬯᬦ᭄᭞ᬦᬶᬗᭂᬫ᭄ᬩᬦ᭄ᬫᬮᬶᬄᬫᬲᬯᬸᬢ᭄᭞ᬫᬗᬫ᭄ᬩ᭄ᬭᬾᬲ᭄ᬭᬭᬶᬲ᭄ᬫᬚᬮᬦ᭄᭟᭜᭟ᬤᬶᬚᬘᬳᬶᬗᬮᬶᬄᬦᬲᬶ᭞ᬘᬳᬶᬧᭂᬲᬸᬳᬚ᭄ᬮᬧ᭄ᬚᬧᬦ᭄᭞ᬲᬶᬂᬜᬧᭂᬲᬸᬫᬜᬸᬄᬋᬓᭀ᭞ᬗᭀᬭᬳᬂᬤᬳᬃᬤᬶᬯᬗᬦ᭄᭞ᬳᭂᬜᬾᬦ᭄ᬲᬶᬄᬫᬗᬩᬬᬂ᭞ᬬᬫ᭄ᬩᬃᬓᬯᬶᬬᬩᬗᬸᬦ᭄᭞ᬮᬯᬸᬢ᭄ᬫᬜᭂᬫᬓᬂᬤᬫᬃ᭟᭜᭟
ᬮᬦ᭄ᬢᬲ᭄ᬧᭂᬲᬸᬓᬲᬸᬦ᭄ᬤᬭᬶᬦ᭄᭞ᬤᬸᬮᬗᬾᬫᬲᬩᭀᬭᬵ᭞ᬕ᭄ᬦᭂᬧ᭄ᬲᬳᬭᬸᬦ᭄ᬢᬸᬢᬦᬾ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬤᭀᬂᬫᬳᬶᬩᬶᬩᬶᬧ᭄ᬤᬲᬂ᭞ᬩᬲ᭄ᬢ᭄ᬯᬭᬧᬶᬲᬦ᭄ᬫᬗᬸᬕᬸ᭞ᬦᬶᬫ᭄ᬦᬸᬄᬮᬦ᭄ᬢᬲ᭄ᬧᭂᬲᬸᬯᬦ᭄᭟᭜᭟ᬢ᭄ᬓᭂᬤᬶᬯᬂᬫᬗᬶᬯᬲᬶᬦ᭄᭞ᬢ᭄ᬧᬸᬓ᭄ᬤᬸᬮᬂᬧᬭᬗ᭄ᬓᬢᬦ᭄᭞ᬦᬶᬲᬦ᭄ᬤᬢ᭄ᬫᬮᬶᬬᬢ᭄ᬩᭂᬗᭀᬂ᭞ᬩᭀᬬᬤᬶᬚᬩᬓᬢᬗ᭞ᬮ᭄ᬬ

[᭒᭑ 21A]
᭒᭑
ᬢᬶᬜᬲᬸᬯᬸᬂᬗᬸᬗᬂ᭞ᬦᬶᬕᬫ᭄ᬩᬶᬃᬫᬫᬸᬜᬶᬳᬮᬸᬲ᭄᭞ᬫᬳᬶᬢᬾᬜᬫᬦᬾᬧᬤᬵ᭟᭜᭟ᬦᬶᬧᬤᬧᬦᬶᬲᬸᬦᬢ᭄ᬭᬶ᭞ᬫᬜᬕ᭄ᬚᬕᬶᬦ᭄ᬧᬤᬵᬕᬾᬯᬃ᭞ᬮᬦ᭄ᬢᬲ᭄ᬜᬸᬭᬸᬂᬕᬶᬩᬸᬗᬦᬾ᭞ᬍᬕᬳᬚᬓᬫᬓ᭄ᬚᬂ᭞ᬳᬤᬗᬩᬘᭂᬘᭂᬧᬦ᭄᭞ᬳᬶᬬᬫ᭄ᬩᬃᬓᬯᬶᬳᬫᬸᬯᬸᬲ᭄᭞ᬫᬳᬶᬢᬾᬤᬶᬦᬶᬘᭀᬓᭀᬮᬂ᭟᭜᭟ᬩᬶᬩᬶᬓ᭄ᬫᬓᬾᬢᬗᬶᬦᬶᬦ᭄᭞ᬭᬢ᭄ᬯᬬᬸ
ᬧᬘᬂᬗᬚᭂᬗᬂ᭞ᬦᬶᬗᬶᬦ᭄ᬢᬾᬮᬦ᭄ᬢᬲᬦ᭄ᬳᬾᬜ᭄ᬘᭀᬂ᭞ᬫᬢᬹᬃᬭᬶᬂᬭᬳᬤᬾᬦ᭄ᬤᬾᬯ᭄ᬬ᭞ᬫᬢᬗᬶᬓᬾᬭᬢᬸᬫᬲ᭄᭞ᬬᬫ᭄ᬩᬃᬓᬯᬶᬳᬶᬧᬸᬦ᭄ᬭᬯᬸᬄ᭞ᬗᬢᬸᬭᬶᬦ᭄ᬳᬶᬤᬵᬳᬚᭂᬗᬦ᭄᭟᭜᭟ᬭᬳᬤᬾᬦ᭄ᬤᬾᬯᬶᬫᬢᬗᬶ᭞ᬫᬮᬶᬗ᭄ᬕᬶᬄᬲᬃᬯ᭄ᬯᬶᬗᬦ᭄ᬤᬶᬓ᭞ᬳᬄᬲᬶᬜᬢᬾᬩᬶᬩᬶᬮᬶᬜᭀᬓ᭄᭞ᬤᬾᬦᬶᬂᬳᬶᬬᬲᬸᬩᬳᬶᬮᬂ᭞ᬳᬶᬗᭂᬫ᭄ᬩᬦ᭄ᬫᬵᬢᬹᬃᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬳᬶᬧᬸᬦ᭄ᬯᬯᬸ
ᬭᬯᬸᬄ᭞ᬫᬓᬶᬸᬭᬶᬓᬶᬗᬢᬸᬭᬂᬤᬳᬃ᭟᭜᭟ᬭᬤᬾᬦ᭄ᬤᬾᬯᬶᬢᭂᬤᬸᬦ᭄ᬕᭂᬮᬶᬲ᭄᭞ᬫᬗ᭄ᬭᬭᬶᬲ᭄ᬳᬶᬤᬵᬫᬜᬶᬗᬓ᭄᭞ᬬᬫ᭄ᬩᬃᬓᬯᬶᬗᭂᬦᬄᬋᬓᭀ᭞ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓ᭞ᬳᬫ᭄ᬩᬃᬓᬯᬶᬳᬸᬮᬶᬚ᭞ᬳᬶᬬᬫ᭄ᬩᬃᬓᬯᬶᬫᬳᬢᬹᬃ᭞ᬢᬶᬢ᭄ᬬᬂᬮᬸᬗᬫᬗ᭄ᬮᭂᬮᬦᬵ᭟᭜᭟ᬳᬶᬗ᭄ᬕᬶᬄᬭᬢᬸᬳᬬᬸᬫᬗ᭄ᬓᬶᬦ᭄᭞ᬦᬸᬦᬲ᭄ᬓᬾᬭᬢᬸᬫᬚᭂᬗᬦ᭄᭞ᬢ᭄ᬯᬦ᭄ᬤᬾᬯᬶᬫᬲᬯᬹᬃᬳ
ᬮᭀᬦ᭄᭞ᬤᬶᬚᬘᬳᬶᬧᭀᬮᬶᬄᬤᬳᬃ᭞ᬳᬶᬬᬫ᭄ᬩᬃᬓᬯᬶᬦᬶᬫ᭄ᬩᬮ᭄᭞ᬫ᭄ᬦᭂᬂᬓᬸᬤᬵᬭᬢᬸᬳᬬᬸ᭞ᬭᬭᬶᬲ᭄ᬓᬾᬭᬢᬸᬳᬶᬸᬬᬶᬸᬫᬚᭂᬗᬦ᭄᭟᭜᭟᭛᭞ᬓᬸᬫᬫ᭄ᬩᬂ᭞᭛᭞ᬭᬤᬾᬦ᭄ᬤᬾᬯᬶᬭᬭᬶᬲ᭄ᬫᬗᬚᭂᬗᬂᬕ᭄ᬮᬶᬲ᭄᭞ᬳᬾᬦᬓ᭄ᬫᬗᬚᭂᬗᬂᬚᬶᬸ᭞ᬓᬮᬶᬄᬮᬦ᭄ᬳᬶᬬᬫ᭄ᬩᬃᬓᬯᬶ᭞ᬫᬶᬯᬄᬧᬯᭀᬗᬦᬾᬲᬫ᭄ᬬᬦ᭄᭟᭜᭟ᬲᬳᬸᬲᬦᬾᬫᬚᭂᬗᬦ᭄ᬭᬳᬤᬾ [ 22 ][᭒᭑ 21B]
᭒᭑
ᬦ᭄ᬤᬾᬯᬶ᭞ᬲᬫᬶᬲᬫ᭄ᬧᬸᬦᬸᬲᬦ᭄᭞ᬫᬶᬯᬄᬧᬋᬓᬦᬾᬲᬫᬶ᭞ᬢ᭄ᬯᬦ᭄ᬤᬾᬯᬶᬭᬭᬶᬲ᭄ᬗᬦ᭄ᬤᬶᬓ᭟᭜᭟ᬳᬤᬸᬄᬳᭂᬫ᭄ᬩᬦ᭄ᬧᬤᬵᬩᬶᬩᬶᬲᬋᬂᬲᬫᬶ᭞ᬚᬦᬶᬧᬤᬶᬗᭂᬳᬂ᭞ᬫᬸᬜᬶᬦ᭄ᬳᬶᬭᬵᬳᬚᬓ᭄ᬱᬫᬶ᭞ᬚᬦᬶᬳᬶᬭᬵᬓᬧ᭄ᬬᬸᬢᬗᬦ᭄᭟᭜᭟ᬚᬦᬶᬳᬧᬳᬗ᭄ᬕᭀᬩᬶᬩᬶᬫᬜᬫ᭄ᬧᬸᬮᬶᬄ᭞ᬳᬯᬓ᭄ᬳᭀᬮᬲᬶᬜ᭞ᬧᬶᬳᬸᬢᬗᬶᬜᬩᬦ᭄ᬳᬸᬭᬶᬧ᭄᭞
ᬦᬶᬗᭂᬫ᭄ᬩᬦ᭄ᬫᬲᬯᬹᬃᬲᭂᬫ᭄ᬩᬄ᭟᭜᭟ᬳᬶᬗ᭄ᬕᬶᬄᬭᬢᬸᬫᬦᬄᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬗᬢᬸᬭᬂᬳᬯᬓ᭄᭞ᬢ᭄ᬓᬦᬶᬂᬳᬫ᭄ᬩᬃᬓᬯᬶ᭞ᬲᬋᬂᬜᬫᬦ᭄ᬢᬶᬢ᭄ᬬᬂᬲᬫ᭄ᬬᬦ᭄᭟᭜᭟ᬭᬤᬾᬦ᭄ᬤᬾᬯᬶᬭᬭᬶᬲ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬩ᭄ᬦᭂᬄᬩᬶᬩᬶᬗᭂᬫ᭄ᬩᬦ᭄᭞ᬳᬯᬓ᭄ᬧ᭄ᬬᬸᬢᬗᬶᬜᬳᬸᬭᬶᬧ᭄᭞ᬢᭀᬳᬗ᭄ᬕᭀᬫᬧᭂᬧᬶᬸᬦᬯᬸᬭᬦ᭄᭟᭜᭟ᬳᬶᬭᬓᭀᬢ᭄ᬓᬾ
ᬦ᭄ᬩᬶᬩᬶᬧᬢᬸᬄᬫᬲᬶᬄ᭞ᬫᬜᭂᬭᬳᬂᬳᬯᬓ᭄᭞ᬢ᭄ᬓᬾᬦᬶᬂᬳᬫ᭄ᬩᬃᬓᬯᬶ᭞ᬓᬗ᭄ᬕᭀᬜᬬᬫᬫᬺᬢᬾᬓ᭟᭜᭟ᬮᬦ᭄ᬢᬲ᭄ᬫᬭᬫᬲᬮᬶᬦ᭄ᬩᬱᬧᬺᬚᬦᬶ᭞ᬓᬯᬸᬮᬦᬾᬲᬫ᭄ᬬᬦ᭄᭞ᬓᬮᬶᬄᬳᬶᬤᬵᬭᬤᬾᬦ᭄ᬤᬾᬯᬶ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭟᭜᭟ᬳᬶᬗ᭄ᬕᬶᬄᬦᬧᬶᬭᬯᭀᬲᬂᬳᬶᬤᬾᬯᬵᬫᬗ᭄ᬓᬶᬦ᭄᭞ᬭᬭᬶᬲᬂᬗᬦ᭄ᬤᬶᬓ᭞ᬲᬧᬓᬬᬸᬦ᭄ᬓᬤᬶᬫᬗ᭄ᬓᬶ
ᬦ᭄᭞ᬳᬧᬂᬢᬶᬢ᭄ᬬᬂᬲᬳᬸᬦᬶᬗ᭟᭜᭟ᬭᬤᬾᬦ᭄ᬤᬾᬯᬶᬫᬲᬯᬹᬃᬲᬩ᭄ᬤᬦᬾᬫᬦᬶᬲ᭄᭞ᬫᬗ᭄ᬓᬶᬦ᭄ᬯᬦ᭄ᬢᬄᬢᬶᬢ᭄ᬬᬂ᭞ᬗᬢᬹᬭᬂᬳᬯᬓ᭄ᬭᬶᬂᬩ᭄ᬮᬶ᭞ᬲᬋᬂᬧᬜ᭄ᬚᬓᬾᬫᬓ᭄ᬚᬂ᭟᭜᭟ᬬᬦ᭄ᬢᬦ᭄ᬩᭂᬮᬶᬕ᭄ᬮᬶᬲ᭄ᬭᬯᬸᬄᬫᬗᭀᬮᬲᬶᬦ᭄᭞ᬢᬸᬮᬸᬲ᭄ᬫᬢᬶᬢᬶᬢ᭄ᬬᬂ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬫᬗᬸᬤᬵᬲᬶᬄᬲᬧᬸᬦᬶᬓ᭟᭜᭟ᬧᬦ᭄ᬢᬦ᭄ᬯᭂᬦᬂᬳᬶᬤᬾᬯᬵᬭ

[᭒᭒ 22A]
᭒᭒
ᬢᬸᬫᬲ᭄ᬫᬦᬶᬓ᭄᭞ᬧᬘᬂᬜ᭄ᬭᬳᬂᬭᬕᬵ᭞ᬤᬾᬦᬶᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬚᬢ᭄ᬫᬵᬢ᭄ᬯᬭᬵᬗ᭄ᬮᬄᬧᬹᬃᬯ᭄ᬯ᭟᭜᭟ᬢᬦ᭄ᬧᬓᬦ᭄ᬤᬵᬢᬶᬢ᭄ᬬᬗᬾᬦᬸᬫᬤ᭄ᬤᬶ᭞ᬢᬸᬫ᭄ᬩᬸᬄᬤᬤᬶᬚᬤ᭄ᬫᬵ᭞ᬩᬦᬾᬳᬸᬩᬸᬄᬳᬸᬮᬶᬘ᭄ᬦᬶᬓ᭄᭞ᬢ᭄ᬯᬭᬵᬦᬯᬂᬫᬾᬫᬾᬩᬧᬵ᭟᭜᭟ᬭᬤᬾᬦ᭄ᬤᬾᬯᬶᬧᬗᬦ᭄ᬤᬶᬓᬦᬾᬫ᭄ᬮᬲᬲᬶᬄ᭞ᬲᬫ᭄ᬧᬸᬦ᭄‌‌ᬚ᭄ᬯ
ᬫᬜ᭄ᬚᬗᬂ᭞ᬢᬶᬢ᭄ᬬᬂᬯᬦ᭄ᬢᬄᬫᬸᬢᬂᬳᬸᬭᬶᬧ᭄᭞ᬬᬤ᭄ᬬᬦ᭄ᬩᭂᬮᬶᬧᬦᬓ᭄ᬘᬶᬦᬵ᭟᭜᭟ᬢᬶᬢ᭄ᬬᬂᬯᬦ᭄ᬢᬄᬗᬢᬹᬭᬂᬳᬯᬓ᭄ᬭᬶᬂᬩ᭄ᬮᬶ᭞ᬗᬯᬸᬮᬫᬵᬋᬓᬦ᭄᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬫ᭄ᬦᭂᬂᬚᬓᬸᬤᬵᬫᬲ᭄ᬤᬾᬯᬵ᭟᭜᭟ᬢᬶᬢ᭄ᬬᬂᬧᬫᬶᬢ᭄ᬳᬶᬭᬶᬓᬶᬤᬶᬯᬗᬦ᭄ᬗᭂᬢᬶᬲ᭄᭞ᬫᬳᬢᬹᬃᬳᬶᬗᭂᬫ᭄ᬩᬦ᭄᭞ᬦᬸᬦ
ᬲ᭄ᬓᬾᬭᬢᬸᬲᬋᬗᬶᬦ᭄᭞ᬳᬶᬬᬫ᭄ᬩᬃᬓᬯᬶᬳᬗᬸᬘᬧ᭄᭟᭜᭟ᬲᬫ᭄ᬧᬸᬦᬂᬚᬳᬶᬭᬵᬢᬹᬲᬋᬂᬦᬾᬫᬗ᭄ᬓᬶᬦ᭄᭞ᬢ᭄ᬯᬦ᭄ᬤᬾᬯᬶᬗᬦ᭄ᬤᬶᬓᬵ᭞ᬦᬸᬦᬲ᭄ᬚᬢᬶᬢ᭄ᬬᬂᬫᬗᬶᬭᬶᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭟᭜᭟ᬳᬶᬧᬗᬶᬦ᭄ᬢᬾᬫ᭄ᬯᬂᬧᬋᬓᬦ᭄ᬲᬫᬶᬗᬶᬭᬶᬂ᭞ᬫᬭᬾᬭᭀᬤ᭄ᬫᬫᬃᬕ᭄ᬕᬵ᭞ᬫᬳᬢᬹᬃᬳᬶᬬᬫ᭄ᬩᬃᬓᬯᬶ᭞ᬦᬸᬦ
ᬲ᭄ᬓᬾᬭᬵᬢᬹᬫᬭᬃᬬ᭄ᬬᬦ᭄᭟᭜᭟ᬭᬶᬂᬧᬲᬶᬲᬶᬗᬯᬲᬂᬓᬨᬮᬾᬩ᭄ᬘᬶᬓ᭄᭞ᬫᬶᬯᬄᬧ᭄ᬭᬯᬸᬯᬗ᭄ᬓᬂ᭞ᬲᬓᭀᬜᬾᬃᬮᬯᬦ᭄ᬲᬓᭀᬘᬶ᭞ᬮᬮᬾᬧᬓ᭄ᬫᬶᬯᬄᬩ᭄ᬮᬦ᭄ᬤᭀᬗᬦ᭄᭟᭜᭟ᬳᬶᬬᬫ᭄ᬩᬃᬓᬯᬶᬫᬮᬶᬄᬫᬳᬢᬹᬃᬕ᭄ᬮᬶᬲ᭄᭞ᬳᬶᬗ᭄ᬕᬶᬄᬭᬢᬹᬳ᭄ᬫᬲ᭄᭞ᬲᬫ᭄ᬧᬸᬦᬂᬲᬸᬗ᭄ᬲᬸᬢ᭄ᬦᬾᬫᬗ᭄ᬓᬶᬦ᭄᭞ᬯᬶᬭᬾᬄᬢᬶ [ 23 ][᭒᭒ 22B]
᭒᭒
ᬢ᭄ᬬᬂᬲᬫ᭄ᬧᬸᬦᬯᬂ᭟᭜᭟ᬦᬶᬳᬗ᭄ᬲᭀᬓᬦᬶᬫ᭄ᬦᬸᬄᬫᬶᬯᬄᬦᬶᬕᬫ᭄ᬩᬶᬃ᭞ᬲᬸᬮᬢ᭄ᬭᬶᬧᬮᬧ᭞ᬦᬶᬲᬦ᭄ᬤᬵᬢ᭄ᬮᬦ᭄ᬦᬶᬚᭂᬫ᭄ᬧᬶᬭᬶᬂ᭞ᬦᬶᬕᬤᬸᬂᬮᬦ᭄ᬦᬶᬘᭂᬫ᭄ᬧᬓ᭟᭜᭟ᬫᬗᬯᬲᬂᬩᬦ᭄ᬤᬾᬕᬚᬸᬭᬕᬦ᭄ᬫᬗ᭄ᬓᬶᬦ᭄᭞ᬦᬾᬫᬸᬗ᭄ᬕᬄᬭᬶᬂᬓᬨᬮ᭄᭞ᬤ᭄ᬫᭂᬦ᭄ᬳᬶᬧᬸᬦᬾᬗᬶᬯᬲᬶᬦ᭄᭞ᬲᬋᬂᬳᬶᬤᬵᬭᬤᬾᬦ᭄ᬤᬾᬯ᭄ᬬ᭟᭜᭟ᬳᬶ
ᬬᬫ᭄ᬩᬃᬓᬯᬶᬫᬳᬢᬹᬃᬭᬶᬂᬭᬳᬤᬾᬦ᭄ᬤᬾᬯᬶ᭞ᬯᬾᬦ᭄ᬢᭂᬦ᭄ᬧᬓᬬᬸᬦᬦ᭄᭞ᬫᬚᬸᬓᬸᬗᬦ᭄ᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬫᬮᬜ᭄ᬘᬭᬦ᭄᭟᭜᭟ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬵᬲᬩ᭄ᬤᬦᬾᬫᬦᬶᬲ᭄᭞ᬢᬶᬢ᭄ᬬᬂᬫᬗᬶᬭᬶᬗᬂ᭞ᬗᬶᬂᬢᬶᬢ᭄ᬬᬂᬢ᭄ᬯᬭᬵᬗ᭄ᬮᬄᬧᬶᬧᬶᬲ᭄᭞ᬧᬘᬂᬳᬗ᭄ᬕᭀᬦ᭄ᬢᬶᬢ᭄ᬬᬂᬜ᭄ᬚᬝᬶᬸᬢᬄ᭟᭜᭟ᬳᬶᬬᬫ᭄ᬩᬃᬓᬯᬶᬫᬳᬢᬹᬃᬫᬸ
ᬜᬶᬦᬾᬫᬦᬶᬲ᭄᭞ᬢᬶᬢ᭄ᬬᬂᬧᬫᬶᬢ᭄ᬤᬾᬯᬵ᭞ᬗᬮᬶᬄᬮᬮᬾᬧᬓᬾᬘ᭄ᬦᬶᬓ᭄᭞ᬲᬕᭂᬢ᭄ᬮᬮᬾᬧᬓᬾᬢ᭄ᬓᬵ᭟᭜᭟ᬳᬶᬧᬗᬶᬦ᭄ᬢᬾᬫᬶᬯᬄᬧᬋᬓᬦᬾᬲᬫᬶ᭞ᬢ᭄ᬯᬭᬵᬢᬳᬾᬦ᭄ᬩᭂᬮᬲ᭄᭞ᬭᬶᬂᬳᬶᬤᬵᬭᬳᬤᬾᬦ᭄ᬤᬾᬯᬶ᭞ᬢᬓᬸᬢ᭄ᬧᬤᬵᬓᬩ᭄ᬮᬲᬶᬦᬦ᭄᭟᭜᭟ᬮᬮᬾᬧᬓᬾᬲᬫ᭄ᬧᬸᬦ᭄ᬭᬯᬸᬄᬤᬶᬧᬲᬶᬲᬶ᭞ᬭᬭᬶᬲ᭄ᬫᬤᬩ᭄ᬤᬩᬦ᭄
᭞ᬦᬶᬗᬶᬦ᭄ᬢᬾᬮᬦ᭄ᬭᬤᬾᬦ᭄ᬤᬾᬯᬶ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄᬭᬶᬂᬮᬮᬾᬧᬓ᭄᭟᭜᭟᭛᭟ᬲᬶᬦᭀᬫ᭄᭞᭛᭞ᬳᬶᬬᬫ᭄ᬩᬃᬓᬯᬶᬯᬸᬲ᭄ᬫᬸᬗ᭄ᬕᬄ᭞ᬭᬶᬂᬮᬮᬾᬧᬓᬾᬤᬶᬤᬸᬭᬶ᭞ᬤᬤᬶᬩᬦ᭄ᬤᬾᬕᬚᬸᬭᬕᬦ᭄᭞ᬫᬤᬬᬸᬂᬩᬦ᭄ᬢᬗᬦ᭄ᬓᬮᬶᬄ᭞ᬧᬮᬬᬭᬾᬦ᭄ᬥᬭᬶᬲ᭄ᬤᬶᬲ᭄᭞ᬩᬩᬃᬳᬮᬸᬜ᭄ᬚᬸᬓ᭄ᬮᬸᬜ᭄ᬚᬸᬓ᭄᭞ᬓᬮᬗᭂᬦᬾᬓᬮᬶ

[᭒᭓ 23A]
᭒᭓
ᬦ᭄ᬢᬵᬂ᭞ᬧᬗᬶᬦ᭄ᬢᬾᬦᬾᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬲᬫᬶᬳᬸᬫᬸᬂ᭞ᬳᬤᬵᬫᬶᬓᬶᬸᬓᬶᬤᬸᬂᬫᬗᭂᬗ᭄ᬓᬮ᭄᭟᭜᭟ᬢᬹᬃᬲᬃᬯ᭄ᬯᬶᬫᬕᬕᭀᬜ᭄ᬚᬓᬦ᭄᭞ᬳᬤᬵᬧᬲ᭄ᬮᬾᬂᬕᬸᬬᭀᬦᬶᬦ᭄᭞ᬩᬦ᭄ᬢᬵᬗᬾᬳᬜᬸᬤ᭄ᬫᬗᬫ᭄ᬩᬂ᭞ᬓ᭄ᬤᬶᬲ᭄ᬮᬗᬾᬦᬶᬗ᭄ᬕᬳᬶᬦ᭄᭞ᬭᬱᬩᬸᬓᬫᭂᬦ᭄ᬤᬓᬶᬦ᭄᭞ᬫᬶᬭᬶᬩ᭄ᬫᬗᬩᬬᬂᬲᬗᬸ᭞ᬗᬩᬲᬃᬯ᭄ᬯᬯᭀᬄᬯᭀᬄᬳᬦ᭄᭞ᬤᬶᬢᬸ
ᬓᬮᬗᭂᬦ᭄ᬢᬦ᭄ᬲᬶᬧᬶ᭞ᬫᬓᭂᬮᬶᬬᭂᬩ᭄᭞ᬚᬦᬶᬮᬗᬶᬢᬾᬳᬲᬶᬩᬓ᭄᭟᭜᭟ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬦᬸᬦᬲ᭄ᬓᬾᬭᬢᬹᬩᬸᬤᬮᬶᬦ᭄᭞ᬧᬸᬦᬶᬓᬶᬕᬸᬍᬫ᭄‌‌ᬕ᭄ᬤᬾᬲᬦ᭄᭞ᬜ᭄ᬚᬳᬦ᭄ᬲᬩᭂᬳᭂᬦ᭄ᬳᬶᬭᬶᬓᬶ᭞ᬬᬾᬦ᭄ᬩᭂᬮᬸᬲ᭄ᬜᬳᬦ᭄ᬲᬫᬶ᭞ᬤᬶᬚᬳᬕ᭄ᬦᬄᬫᬜ᭄ᬚᭂᬫᬸᬄ᭞ᬢᬸᬫᬸᬮᬶᬭᬭᬶᬲ᭄ᬢᬸᬮᬓ᭄᭞ᬢᬦ᭄ᬓᬘᬭᬶᬢᬭᬶᬂᬫᬃᬕ᭄ᬕᬶ᭞
ᬲᬫ᭄ᬧᬸᬦ᭄ᬭᬯᬸᬄ᭞ᬭᬭᬶᬲ᭄ᬢᭂᬤᬸᬦ᭄ᬭᬶᬂᬮᬩᬸᬳᬦ᭄᭟᭜᭟ᬲᬭᬯᬸᬳᬾᬭᬶᬂᬮᬩᬸᬳᬦ᭄᭞ᬕᬸᬍᬫᬾᬫ᭄ᬭᬱᬗᬸᬗ᭄ᬓᬸᬮᬶᬦ᭄᭞ᬲᬫ᭄ᬧᬸᬦᬾᬫᬸᬗ᭄ᬕᬄᬤᬶᬤᬭᬢ᭄᭞ᬭᬭᬶᬲ᭄ᬳᬶᬚᬸᬲᬋᬂᬲᬫᬶ᭞ᬧᬲᬗ᭄ᬕ᭄ᬭᬳᬦᬾᬓᬳᬸᬗ᭄ᬲᬶ᭞ᬲᬫᬶᬢᬗ᭄ᬓᭂᬚᬸᬢ᭄ᬫᬦ᭄ᬥᬸᬮᬸ᭞ᬤᬾᬦᬶᬂᬓᬘᬶᬗᬓ᭄ᬖᬭᬸᬤ᭄ᬥᬵ᭞ᬲᬂᬖᬭᬸᬤ᭄ᬤᬵᬳᬰ᭄ᬭᬸᬫᬫᬸᬜᬶ᭞ᬳᬾᬄᬫᬵ
ᬦᬸᬱᬵ᭞ᬫᬗ᭄ᬓᬾᬲᬸᬦ᭄ᬧᬗᬦ᭄ᬢᬲᬶᬭᬵ᭟᭜᭟ᬬᬫ᭄ᬩᬃᬓᬯᬶᬬᬓᬕ᭄ᬬᬢ᭄᭞ᬦᬶᬗᬮᬶᬦ᭄‌‌ᬖᬭᬸᬤ᭄ᬥᬵᬫᬗ᭄ᬓᬶᬦ᭄᭞ᬖᬭᬸᬤ᭄ᬤᬵᬦᬾᬫᬜᬦ᭄ᬥᭂᬃᬉᬫᬄ᭞ᬳᭂᬦ᭄ᬢᬸᬗᬗᬤᬶᬧᬲᬶᬲᬶ᭞ᬳᬾᬮᬶᬂᬳᬶᬬᬫ᭄ᬩᬃᬓᬯᬶ᭞ᬩᬢᬾᬅ᭄ᬩᭀᬦ᭄ᬢᭀᬂᬓ᭄ᬫᬢᬸᬢᬸᬕ᭄᭞ᬖᬭᬸᬤ᭄ᬥᬵᬦᬾᬢᭀᬢᭀᬜ᭞ᬲᭂᬧᭂᬕ᭄ᬬᬳᬧᬗᬫᬢᬶ᭞ᬭᬭᬶ [ 24 ][᭒᭓ 23B]
᭒᭓
ᬲ᭄‌‌ᬫ᭄ᬮᭂᬲᬢ᭄᭞ᬳᬶᬢᬶᬫ᭄ᬧᬲ᭄ᬜᭂᬧᭂᬕ᭄ᬖᬭᬸᬤ᭄ᬥ᭟᭜᭟ᬓᬫ᭄ᬧᬶᬤ᭄ᬜᬦᬾᬲᬸᬩᬧ᭄ᬕᬢ᭄᭞ᬮᬦ᭄ᬢᬲ᭄ᬬᬮᬩᬸᬄᬓᬧᬲᬶᬄ᭞ᬖᬭᬸᬤ᭄ᬥᬵᬦᬾᬬᬫᬗᬸᬘᬧ᭄᭞ᬳᬧᬲᬶᬫᬜᬦ᭄ᬤᭂᬃᬚᬦᬶ᭞ᬳ᭄ᬮᬸᬤᬶᬦ᭄ᬓᬸᬤᬵᬓᬳᬶ᭞ᬳᬧᬂᬓᬳᬶᬧᬶᬲᬦ᭄ᬮᬫ᭄ᬧᬸᬲ᭄᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬤᭂᬧᬂᬚᬓᬾᬢᭀᬦᬾᬚᬦᬶ᭞ᬩᬢᬾ
ᬅ᭄ᬩᭀᬦ᭄ᬢᭀᬂ᭞ᬳ᭄ᬤᬜᬓ᭄ᬗᭂᬮᬸᬤᬶᬜ᭟᭜᭟ᬩᬢᬾᬄᬩᭀᬦ᭄ᬢᭀᬂᬬᬫᬢᬸᬮᬓ᭄᭞ᬓᭀᬘᬧᬭᬳᬤᬾᬦ᭄ᬤᬾᬯᬶ᭞ᬲᬋᬂᬓᬮᬯᬦ᭄ᬦᬶᬗᭂᬫ᭄ᬩᬦ᭄᭞ᬫᬶᬯᬄᬓᬯᬸᬮᬦᬾᬲᬫᬶ᭞ᬓᬭᬶᬲᬮᬾᬂᬲᬸᬲᬸᬦᬶᬦ᭄᭞ᬫᬗᬶᬤᭂᬫ᭄ᬢᬸᬃᬲᬮᬶᬕ᭄ᬮᬸᬢ᭄᭞ᬩᬦ᭄ᬢᬓᬸᬢᬾᬓᬮᬶᬦ᭄ᬢᬂ᭞ᬧᬤᬵᬧᬚ᭄ᬭᬶᬢ᭄ᬫᬗ᭄ᬮᬶᬂ᭞ᬩᬯᬸᬗᭂᬤᬢ᭄᭞ᬲᬕᬾᬢ
ᬦ᭄ᬳᬸᬫᬳᬾᬳᬶᬮᬂ᭟᭜᭟ᬦᬶᬗᭂᬫ᭄ᬩᬦ᭄ᬩᬗᬸᬦ᭄ᬗᬾᬗ᭄ᬕᬮᬂ᭞ᬓᬚ᭄ᬫᬓ᭄ᬭᬳᬤᬾᬦ᭄ᬤᬾᬯᬶ᭞ᬫᬢᬗᬶᬭᬵᬢᬹᬕ᭄ᬮᬶᬲᬂ᭞ᬓᬶᬚᬬᬳᬶᬬᬫ᭄ᬩᬃᬓᬯᬶ᭞ᬳᬸᬫᬳᬾᬳᬶᬮᬂᬚᬦᬶ᭞ᬓᬶᬚᬢᭀᬳᬩᬜᬩᬯᬸ᭞ᬮᬦ᭄ᬢᬲ᭄ᬩᬗᬸᬦ᭄ᬫᬓ᭄ᬚᬂ᭞ᬧᬤᬵᬫᬭᬾᬗᬂᬗᬶᬯᬲᬶᬦ᭄᭞ᬓᬤᬾᬦ᭄ᬳᭂᬦᬸ᭞ᬖᬭᬸᬤ᭄ᬥᬵᬦᬾᬦᬾᬫᬗᬶᬦ᭄ᬥᬂ᭟᭜᭟ᬦᬾᬚᬦᬶ
ᬲᬸᬩᬬᬕᬮᬂ᭞ᬫᬗᬮᬶᬄᬳᬶᬬᬫ᭄ᬩᬃᬓᬯᬶ᭞ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬵ᭞ᬓᬶᬚᬩ᭄ᬮᬶᬳᬫ᭄ᬩᬃᬓᬯᬶ᭞ᬦᬶᬗᬶᬦ᭄ᬢᬾᬫᬳᬢᬹᬃᬭᬭᬶᬲ᭄᭞ᬲᬶᬜᬲᬦ᭄ᬤᭂᬃᬖᬭᬸᬤ᭄ᬥᬵᬩᬯᬸ᭞ᬭᬭᬶᬲ᭄ᬫᬮᬶᬬᬢ᭄ᬗᭂᬮᭀᬤᬂ᭞ᬲᬕᬾᬢ᭄ᬗᭂᬦᬄᬤᬶᬧᬲᬶᬲᬶ᭞ᬫᬗᭂᬤᬸᬕᬸᬕ᭄᭞ᬚᬦᬶᬫᬮᬳᬶᬩ᭄ᬗᭂᬮᭀᬤᬂ᭟᭜᭟ᬭᬤᬾᬦ᭄ᬤᬾᬯᬶᬫᬗ

[᭒᭔ 24A]
᭒᭔
ᬦ᭄ᬤᬶᬓ᭞ᬳᭂᬦ᭄ᬢᭀᬳᬶᬬᬓᬸᬤ᭄ᬬᬂᬩ᭄ᬮᬶ᭞ᬭᬤᬾᬦ᭄ᬤᬾᬯᬶᬳᬶᬤᬵᬩ᭄ᬗᭀᬂ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬬᬲᬩᬢ᭄ᬢᬶᬢ᭄ᬬᬂᬓ᭄ᬦᬶ᭞ᬳᬦ᭄ᬢᬸᬓ᭄ᬢᬶᬫ᭄ᬧᬲᬾᬦᬾᬩᬯᬸ᭞ᬓᬫ᭄ᬧᬶᬤ᭄ᬳᬶᬧᬸᬦᬾᬧ᭄ᬕᬢ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬶ᭞ᬓᬶᬚᬮᬓᬸᬦ᭄ᬳᬸᬫᬳᬾᬲᬗ᭄ᬓᬜᬳᬶᬮᬂ᭟᭜᭟ᬳᬶᬬᬫ᭄ᬩᬃᬓᬯᬶᬳᬗᬸᬘᬧ᭄᭞ᬦᬸᬦᬲ᭄ᬓᬾᬭᬵᬢᬹᬩᬸ
ᬤᬮᬶᬦ᭄᭞ᬤᬾᬦᬶᬂᬳᬸᬫᬄᬲᬸᬩᬳᬶᬮᬂ᭞ᬓᬶᬚᬮᬓᬸᬧᬘᬂᬫᬸᬮᬶᬄ᭞ᬫᬲᬯᬹᬃᬭᬳᬤᬾᬦ᭄ᬤᬾᬯᬶ᭞ᬬᬾᬦ᭄ᬩᭂᬮᬶᬫᬦᬯᬂᬮᬓᬸ᭞ᬦᬸᬦᬲ᭄ᬚᬚᬦᬶᬓᬤᬾᬰᬵ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬦᬸᬦᬲ᭄ᬭᬢᬸ᭞ᬲᬫ᭄ᬩᬶᬮᬂᬫᬃᬗᬶᬸᬡ᭄ᬦᬓᬮᬗ᭄ᬯᬦ᭄᭟᭜᭟ᬩᬯᬸᬲᬦ᭄ᬫᬗ᭄ᬭᬯᭀᬲᬂ᭞ᬚᬕᬶᬧᬫᬦ᭄ᬢᬸᬓᬾᬫᬗ᭄ᬓᬶᬦ᭄᭞ᬲᬕᬾᬢ᭄ᬭᬯᬸᬄ
ᬗᬲᬶᬲᬶᬬᬂ᭞ᬮᬮᬾᬧᬓᬾᬫᬦᬭᬶᬲ᭄ᬥᬶᬲ᭄᭞ᬯᬸᬲ᭄ᬫᬸᬗ᭄ᬕᬄᬲᬋᬂᬲᬫᬶ᭞ᬧᬮᬬᬭᬾᬮᬸᬜ᭄ᬚᬸᬓ᭄ᬮᬸᬜ᭄ᬚᬸᬓ᭄᭞ᬳᬾᬦᬓ᭄ᬱᬫᬶᬗᬯᬲᬂ᭞ᬖᬶᬮᬶᬦᬾᬧᬦ᭄ᬢᬶᬗ᭄ᬕᬃᬲᬫᬶ᭞ᬲᬓᬶᬂᬳᬶᬭᬶᬓᬘᬶᬗᬓ᭄ᬕᬸᬦᬸᬂᬧᬸᬦᬶᬓ᭟᭜᭟᭛ᬤᬹᬃᬫ᭄ᬫᬵ᭞᭛᭞ᬕᬕ᭄ᬮᬶᬲ᭄ᬳᬦ᭄ᬢᬸᬓ᭄ᬳᬶᬤᬵᬫᬦ᭄ᬤᬬᬸᬗᬂ᭞ᬧᬮᬬᬭᬾᬦ᭄ᬤᬭᬶᬲ᭄ᬤᬶᬲ᭄᭞ᬚᬦᬶᬲᬸᬩᬲᬜ᭄ᬚ
᭞ᬢᬸᬫᬸᬮᬶᬓᬢᬶᬗᬮᬦ᭄᭞ᬤᬾᬰᬵᬦᬾᬧᬳᭂᬓ᭄ᬫᬗᬶᬗ᭄ᬕᬶᬮ᭄᭞ᬫᬗᭂᬦᬄᬢᬶᬗ᭄ᬕᬃ᭞ᬦᬶᬗᬶᬦ᭄ᬢᬾᬫᬸᬯᬸᬲ᭄ᬳᬭᬶᬲ᭄᭟᭜᭟ᬳᭂᬦ᭄ᬢᭀᬓᭀᬬᬧ᭄ᬭᬯᬸᬦᬾᬕ᭄ᬤᬾᬫᬘᬂᬘᬂ᭞ᬳᭂᬦ᭄ᬢᭀᬢᬾᬚᬸᬚᬹᬃᬚᬦᬶ᭞ᬧ᭄ᬭᬯᬸᬦᬾᬫᬘᬂᬘᬂ᭞ᬤᬶᬢᬸᬫᬸᬮᬧᬮᬩ᭄ᬯᬦ᭄᭞ᬧᬦ᭄ᬲᬫ᭄ᬧᬸᬦ᭄ᬢᬫ᭄ᬧᭂᬓ᭄ᬓᬧᬶᬗ᭄ᬕᬶᬃᬮᬦ᭄ᬢᬲ᭄ᬗᬸᬮᬳᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦ᭄ᬤᬬᬸ [ 25 ][᭒᭔ 24B]
᭒᭔
ᬗᬶᬦ᭄᭟᭜᭟ᬭᬭᬶᬲ᭄ᬢᭂᬤᬸᬦ᭄ᬮᬮᬾᬧᬓᬾᬲᬫ᭄ᬧᬸᬦ᭄ᬓᬦ᭄ᬤᬲ᭄᭞ᬢᬸᬳᬸᬦ᭄ᬳᬶᬬᬫ᭄ᬩᬃᬓᬯᬶ᭞ᬗ᭄ᬕᬶᬲᬶᬬᬂᬮᬮᬾᬧᬓ᭄᭞ᬫᬗᭀᬭᭀᬲᬂᬫᬸᬗ᭄ᬕᬳᬦ᭄᭞ᬲᬫ᭄ᬧᬸᬦ᭄ᬢᬸᬫᬸᬭᬸᬦ᭄ᬢ᭄ᬯᬦ᭄ᬤᬾᬯᬶ᭞ᬫᬶᬯᬄᬦᬶᬗᭂᬫ᭄ᬩᬦ᭄᭞ᬮᬦ᭄ᬓᬯᬸᬮᬦᬾᬲᬫᬶ᭟᭜᭟ᬲᬢ᭄ᬥᬸᬦᬾᬭᬤᬾᬦ᭄ᬤᬾᬯᬶᬲᬫ᭄ᬧᬸᬦ᭄ᬲᬜ᭄ᬚ᭞ᬳᬓᬾᬄᬯᭀᬂᬮᬩ᭄ᬯᬦ᭄ᬳᬸᬦᬶᬂ᭞ᬢ᭄ᬥᬸᬦ᭄ᬳ
ᬭᬦ᭄ᬢᬩᬦ᭄᭞ᬲᬫᬶᬫᭂᬦ᭄ᬤᬓᬶᬦ᭄ᬳᬶᬤᬵ᭞ᬫᬗᬶᬭᬶᬂᬭᬳᬤᬾᬦ᭄ᬤᬾᬯᬶ᭞ᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬳᬬᬸᬢ᭄ᬯᬭᬵᬳᬤᬵᬦᬦ᭄ᬤᬶᬗᬶᬦ᭄᭟᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬳᬶᬤᬵᬤᬶᬧᬸᬗ᭄ᬓᬸᬭᬦ᭄᭞ᬯᬃᬡ᭄ᬦᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢ᭄ᬯᬶᬢ᭄ᬯᬭᬵᬤᬧᬤᬵ᭞ᬓᬯᬸᬮᬦᬾᬫᬓ᭄ᬚᬂ᭞ᬢᬸᬫᭀᬦ᭄ᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬧᬤᬵᬓᬕᬯᭀᬓᬦ᭄᭞ᬗᬶᬂᬳᬶᬧᬸᬦ᭄ᬢ᭄ᬯᬭᬵᬳᬸ
ᬦᬶᬂ᭟᭜᭟ᬧᬤᬵᬩ᭄ᬗᭀᬂᬦᬾᬦᬾᬫᭂᬦ᭄ᬤᬓᬶᬦ᭄ᬭᬳᬤ᭄ᬬᬦ᭄᭞ᬢ᭄ᬓᬾᬦ᭄ᬯᬃᬡ᭄ᬦᬲᬂᬓᬮᬶᬄ᭞ᬧᬤᬵᬓᬢᬦ᭄ᬤ᭄ᬭᬸᬳᬦ᭄᭞ᬩᬳᬦᬾᬢ᭄ᬯᬭᬵᬦᬯᬂ᭞ᬮᬾᬦ᭄ᬳᬤᬵᬫᬓᬶᬲᬶᬓᬶᬲᬶ᭞ᬧᬦ᭄ᬲᭂᬗ᭄ᬕᬸᬳᬗ᭞ᬫᬓᬸᬢᬂᬢ᭄ᬯᬄᬳᬲᬶᬓᬶ᭟᭜᭟ᬢᬸᬢᬸᬭᬦᬾᬦᬾᬳᬶᬲ᭄ᬢ᭄ᬭᬶᬤᭀᬕᬾᬦ᭄ᬫᬓᬸᬢᬂ᭞ᬳᬶᬤᬵᬭᬳᬤᬾᬦ᭄ᬤᬾᬯᬶ᭞ᬮᬦ᭄ᬢᬲ᭄ᬳᬤᬵᬦᬶᬫ᭄ᬩ
ᬮ᭄᭞ᬦᬾᬳᬚᬓᬫᬓ᭄ᬭᬸᬡ᭄ᬦᬵ᭞ᬲᬚᬫᬸᬮᬓᬾᬢᭀᬩᬶᬩᬶ᭞ᬦᬾᬦᬾᬳᬶᬧᬶᬤᬦ᭄᭞ᬦᬾᬫᬓᬸᬢᬂᬧᬤᬶᬤᬶ᭟᭜᭟ᬬᬾᬦ᭄ᬜᬓᬾᬢᭀᬗᬸᬤᬵᬚᬦᬶᬫᬸᬮᬶᬄᬤᬤ᭄ᬯ᭞ᬳᬤᬵᬮᬾᬦ᭄ᬫᬜᬯᬹᬭᬶᬦ᭄᭞ᬳᬄᬳ᭄ᬤᬕᬸᬕᬸᬜ᭞ᬫᬸᬮᬜᬫᬓᬤᬤ᭄ᬯ᭞ᬬᬾᬦ᭄ᬫᬸᬮᬳᬶᬤᬵᬳᬲᬶᬓᬶ᭞ᬳᬸᬮᬶᬤᬶᬚᬳᬵ᭞ᬢ᭄ᬓᬦᬾᬤᬤ᭄ᬯ

[᭒᭕ 25A]
᭒᭕
ᬫᬸᬮᬶᬄ᭟᭜᭟ᬢᬦ᭄ᬓᬭᬶᬢᬧᬗᬶᬭᬶᬗᬾᬦᬾᬫᬢᬸᬗ᭄ᬓᬲ᭄᭞ᬓᬾᬄᬓᭀᬘᬧ᭄‌‌ᬦᬾᬫᬗᬶᬭᬶᬂ᭞ᬦᬾᬦᬾᬦᬯᬂᬢᬸᬗ᭄ᬓᬲ᭄᭞ᬦᬾᬢ᭄ᬯᬭᬵᬗᬶᬭᬶᬂᬳᬶᬤᬵ᭞ᬫᬫᭂᬦ᭄ᬤᬓᬶᬦ᭄ᬭᬳᬤᬾᬦ᭄ᬤᬾᬯᬶ᭞ᬲᬗ᭄ᬓᬦ᭄ᬓᬾᬫᭂᬗᬦ᭄᭞ᬤᬤᬶᬲᬮᬾᬂᬢᬸᬗ᭄ᬓᬲᬶᬦ᭄᭟᭜᭟ᬢᬦ᭄ᬓᬯᬃᬡ᭄ᬦᬵᬭᬳᬤᬾᬦ᭄ᬤᬾᬯᬶᬫᬫᬃᬕ᭄ᬕᬵ᭞ᬧ᭄ᬭᬧ᭄ᬢᬾᬂᬩᬜ᭄ᬘᬗᬄᬯ᭄ᬗᬶ᭞
ᬦᬾᬗᬶᬭᬶᬂᬭᬦ᭄ᬢᬩᬦ᭄᭞ᬳᬶᬤᬵᬭᬳᬤᬾᬦ᭄ᬤᬾᬯ᭄ᬬ᭞ᬫᬸᬗ᭄ᬕᬄᬭᬶᬂᬩᬜ᭄ᬘᬶᬗᬄᬕ᭄ᬮᬶᬲ᭄᭞ᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬭᬶᬂᬓᭀᬭᬶᬳᬕᬸᬂᬕ᭄ᬮᬶᬲ᭄᭟᭜᭟ᬤᬤᬶᬢ᭄ᬯᬭᬵᬫᬾᬮᬶᬂᬳᬶᬤᬵᬭᬤᬾᬦ᭄ᬤᬾᬯ᭄ᬬ᭞ᬢ᭄ᬓᬾᬦ᭄ᬳᬶᬬᬫ᭄ᬩᬃᬓᬯᬶ᭞ᬩᬦ᭄ᬮᭂᬕᬦᬾᬮᬶᬦ᭄ᬢᬂ᭞ᬢᬸᬫ᭄ᬩᬾᬦ᭄ᬦᬫ᭄ᬧᬓ᭄ᬦᬕᬭᬵ᭞ᬫᬶᬯᬄᬧ᭄ᬭᬗᬶᬦ᭄ᬢᬾᬦᬾᬲᬫᬶ᭞ᬮᬮᬶᬫᬓ᭄ᬚᬂ᭞ᬤᬤᬶ
ᬢ᭄ᬯᬭᬵᬬᬳᬾᬮᬶᬂ᭟᭜᭟ᬳᬶᬬᬫ᭄ᬩᬃᬓᬯᬶᬦᬸᬗ᭄ᬕᬓ᭄ᬧᬤᬶᬤᬶᬬᬦ᭄᭞ᬢ᭄ᬯᬭᬵᬫᬶᬮᬸᬓᬧᬸᬭᬶ᭞ᬳᬾᬫᭂᬂᬫᬓ᭄ᬦᭂᬳᬦ᭄᭞ᬬᬾᬦ᭄ᬧᬓ᭄ᬱᬫᬶᬮᬸᬫᬸᬮ᭄ᬬᬦ᭄᭞ᬢ᭄ᬯᬭᬵᬳᬤᬵᬫᬗᬚᬓᬶᬦ᭄᭞ᬬᬾᬦ᭄ᬚᬦᬶᬧᬓ᭄ᬱ᭞ᬩᬜᬫᬶᬮᬸᬓᬧᬸᬭᬶ᭟᭜᭟ᬲᬶᬂᬜᬳᭂᬦ᭄ᬢᭀᬚᬦᬶᬳᬗ᭄ᬕᭀᬩᬜᬲᬮᬄ᭞ᬤᬾᬦᬶᬂᬳᬯᬓ᭄ᬱᬸᬩᬓ᭄ᬮᬶᬄ᭞
ᬮᬶᬓᬤ᭄ᬫᬧᬗ᭄ᬭᬱᬵ᭞ᬬᬾᬦ᭄ᬤᬶᬦᬶᬤᬶᬜᬶᬸᬩᬜ᭄ᬘᬶᬗᬄ᭞ᬤᬶᬚᬢᭀᬗᭀᬲ᭄ᬫᭂᬤᭂᬫ᭄ᬤᬶᬦᬶ᭞ᬲᬶᬂᬦᬯᬂᬳᬦᬓ᭄᭞ᬳᬤᬬᬦ᭄ᬓᭀᬫᬕᭂᬤᬶ᭟᭜᭟ᬮᬦ᭄ᬢᬲ᭄ᬕᭂᬮᬶᬲ᭄ᬳᬶᬬᬫ᭄ᬩᬃᬓᬯᬶᬫᬓᬳᬤ᭄᭞ᬗᬸᬗ᭄ᬲᬶᬓᬯᬦᬧᬸᬭᬶ᭞ᬳᬸᬫᬳᬾᬭᬶᬂᬕᬸᬯ᭞ᬦᬸᬚᬸᬧᬗ᭄ᬮᭀᬂᬳᬧᬶᬲᬦ᭄᭞ᬩᬸᬮᬦᬾᬩᬯᬸᬦᬤᬭᬶᬦ᭄᭞ᬕᬮᬂ [ 26 ][᭒᭕ 25B]
᭒᭕
ᬩᬸᬓᬍᬫᬄ᭞ᬬᬫ᭄ᬩᬃᬓᬯᬶᬮᬸᬫᬭᬶᬲ᭄᭟᭜᭟ᬢᬦ᭄ᬓᬯᬃᬡ᭄ᬦᬵᬳᬶᬬᬫ᭄ᬩᬃᬓᬯᬶᬤᬶᬚᬮᬦ᭄᭞ᬓᭀᬘᬧ᭄ᬭᬳᬤᬾᬦ᭄ᬤᬾᬯᬶ᭞ᬭᬯᬸᬳᬾᬤᬶᬧᬸᬭᬵ᭞ᬲᬂᬧ᭄ᬭᬪᬹᬫᬶᬯᬄᬭᬩ᭄ᬬ᭞ᬫᬗ᭄ᬭᬯᭀᬲᬂᬭᬤᬾᬦ᭄ᬤᬾᬯᬶ᭞ᬭᬾᬄᬓᬵᬢᬹᬃᬳᬶᬮᬂ᭞ᬲᬂᬧ᭄ᬭᬪᬸᬓᬧ᭄ᬭᬶᬬᬢᬶᬦ᭄᭟᭜᭟ᬢ᭄ᬯᬭᬧ᭄ᬕᬢ᭄ᬲᬂᬧ᭄ᬭᬪᬹᬫᬗ᭄ᬭᬯᭀᬲᬂ᭞ᬲᬃᬯ᭄ᬯᬶ
ᬳᬶᬤᬵᬫᬦᬗᬶᬲ᭄᭞ᬫᬶᬯᬄᬧ᭄ᬭᬫᬶᬰ᭄ᬯᬭ᭄ᬬ᭞ᬓᬗᭂᬦ᭄ᬢᭂᬓᬾᬦᬶᬂᬧᬸᬢ᭄ᬭ᭞ᬲᬕᬾᬢ᭄ᬭᬯᬸᬄᬭᬤᬾᬦ᭄ᬤᬾᬯᬶ᭞ᬲᬸᬃᬬ᭄ᬬᬓᭂᬜ᭄ᬘᬦᬵ᭞ᬭᬶᬂᬳᬬᬸᬦᬾᬲᬗᬵᬚᬶ᭟᭜᭟ᬭᬭᬶᬲ᭄ᬓᬸᬘᬸᬧ᭄ᬢᬗᬦ᭄ᬳᬶᬤᬵᬦᬾᬫᬜᬸᬫ᭄ᬩᬄ᭞ᬓᬕ᭄ᬬᬢ᭄‌‌ᬰ᭄ᬭᬷᬦᬭᬧᬢᬶ᭞ᬭᬭᬶᬲ᭄ᬢᭂᬤᬸᬦ᭄ᬳᬾᬗ᭄ᬕᬮ᭄᭞ᬲᬋᬂᬮᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬ᭞ᬲᬫᬶᬧᬤᬵᬫᬦᬸᬭᬸᬦᬶᬦ᭄
᭞ᬓᬢᭀᬦ᭄‌‌ᬮ᭄ᬯᬶᬃᬯᬸᬮᬦ᭄᭞ᬤᬾᬦᬶᬂᬓᭂᬜ᭄ᬘᬦᬵᬯᬢᬶ᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬤᬸᬄᬲᬧᬲᬶᬭᬵᬦᬶᬦᬶ᭞ᬢ᭄ᬓᬦᬾᬫᬜᬸᬫ᭄ᬩᬄ᭞ᬦᬶᬦᬶᬢ᭄ᬓᬾᬦᬶᬂᬩᬧᬵ᭞ᬤᬾᬯᬶᬫᬵᬲ᭄ᬓᭂᬜ᭄ᬘᬦᬵᬯᬢᬶ᭞ᬫᬢᬹᬭᬵᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬩᬧᬵᬚᬶ᭟᭜᭟ᬦᬶᬗᬶᬦ᭄ᬢᬾᬮᬦ᭄ᬦᬶᬗᭂᬫ᭄ᬩᬦ᭄ᬫᬶᬤᬃᬢ᭄ᬢᬬᬂ᭞ᬫᬗᬢᬹᬭᬶᬂᬲ
ᬗᬚᬶ᭞ᬳᬶᬗ᭄ᬕᬶᬄᬧᬸᬢ᭄ᬭᬦ᭄ᬢᬸᬯᬦ᭄᭞ᬦᬾᬭᬶᬂᬕᬶᬮᬶᬫᬓᬸᬢᬂ᭞ᬤᬾᬯᬶᬫᬲ᭄ᬓᭂᬜ᭄ᬘᬦᬵᬯᬢᬶ᭞ᬫᬾᬮᬶᬂᬲᬂᬦᬵᬣ᭞ᬕ᭄ᬮᬶᬲ᭄ᬜᬫ᭄ᬩᬸᬢ᭄ᬭᬤᬾᬦ᭄ᬤᬾᬯᬶ᭟᭜᭟ᬧ᭄ᬭᬫᬶᬰ᭄ᬯᬭᬶᬲᬋᬂᬫᬜᬫ᭄ᬩᬸᬢ᭄ᬭᬳᬤ᭄ᬬᬦ᭄᭞ᬲᬃᬯ᭄ᬯᬶᬳᬶᬤᬵᬫᬦᬗᬶᬲ᭄᭞ᬳᬤᬸᬄᬳᬢ᭄ᬫᬵᬚᬶᬯᬵᬓᬤᬶᬭᬶᬂᬧᬗᬶᬧᬶᬬᬦ᭄᭞ᬢᬶᬢ᭄ᬬᬂᬓᬧᬗ᭄ᬕᬶᬄᬭᬶᬂᬕᬸᬲ᭄ᬢᬶ᭞

[᭒᭖ 26A]
᭒᭖
ᬳᬤᬸᬄᬫᬲ᭄ᬤᬾᬯᬵ᭞ᬩᬧᬦᬸᬦ᭄ᬤᬾᬦ᭄ᬫᬗᬮᬶᬄ᭟᭜᭟ᬲᬶᬭᬵᬧᬢᬶᬄᬓᬮᬧᬯᬶᬚᬬᬮᬸᬯᬲ᭄᭞ᬢᬸᬦ᭄ᬤᬾᬦ᭄ᬩᬧᬫᬗᬮᬶᬄ᭞ᬢ᭄ᬯᬭᬵᬤᬵᬓᬧᭂᬦ᭄ᬤᬓ᭄᭞ᬲᭂᬗ᭄ᬕᬸᬄᬩᬧᬳᬶᬤᬾᬯᬵ᭞ᬲᬸᬩᬫᬗ᭄ᬫᬲᬶᬦ᭄ᬧᬢᬶ᭞ᬳᬫᬄᬖᬭᬸᬤ᭄ᬥᬵ᭞ᬓ᭄ᬭᬡᬩᬧᬲ᭄ᬥᬶᬄᬓᬶᬂᬓᬶᬂ᭟᭜᭟ᬤᬤᬶᬳᬜᬳᬶᬤᬾᬯᬵᬦᬾᬚᬦᬶᬢ᭄ᬓᬵ᭞
ᬍᬕᬦ᭄ᬩᬧᬦᬾᬕᬸᬲ᭄ᬢᬶ᭞ᬜᬾᬦ᭄ᬳᬚᬓ᭄ᬳᬶᬤᬾᬯᬵ᭞ᬭᬤᬾᬦ᭄ᬤᬾᬯᬶᬫᬵᬢᬹᬭ᭞ᬳᬶᬗ᭄ᬕᬶᬄᬩᬶᬬᬂᬖᬸᬭᬸᬳᬚᬶ᭞ᬢᬶᬢ᭄ᬬᬂᬗᬵᬢᬹᬭᬂ᭞ᬦᬾᬗᬚᬓ᭄ᬢᬶᬢ᭄ᬬᬂᬫ᭄ᬭᬶᬓᬶ᭟᭜᭟ᬦᬾᬫᬯᬲ᭄ᬢᬳᬶᬬᬫ᭄ᬩᬃᬓᬯᬶᬧᬸᬦᬶᬓ᭞ᬳᭀᬮᬲ᭄ᬳᬶᬧᬸᬦ᭄ᬢᬦ᭄ᬲᬶᬧᬶ᭞ᬧ᭄ᬭᬫᬶᬰ᭄ᬯᬭ᭄ᬬᬗᬸᬘᬧ᭄᭞ᬦᬄᬳᭂᬗ᭄ᬓᬾᬦ᭄ᬚᬦᬶᬳᬶᬬ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬢᬸ
ᬦ᭄ᬤᬾᬦ᭄ᬗᬮᬶᬄᬬ᭞ᬮᬯᬸᬢ᭄ᬳᬚᬓ᭄ᬳ᭄ᬬᬫᬳᬶ᭟᭜᭟ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬢ᭄ᬓᬾᬦ᭄ᬳᬶᬗᭂᬫ᭄ᬩᬦ᭄᭞ᬩᬶᬩᬶᬳᭂᬗ᭄ᬓᬾᬦ᭄ᬬᬫ᭄ᬩᬃᬓᬯᬶ᭞ᬓ᭄ᬫᬳᬮᬶᬄᬳᬾᬗ᭄ᬕᬮ᭄᭞ᬳᬶᬖᬸᬭᬸᬗᬦ᭄ᬤᬶᬓᬬᬂ᭞ᬳᬶᬲᬦ᭄ᬤᬢ᭄ᬗᬸᬘᬧ᭄᭞ᬳᭂᬗ᭄ᬓᬾᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬳᬶᬧᬗᬶᬦ᭄ᬢᬾᬭᬭᬶᬲ᭄ᬫᬜᬕ᭄ᬚᬕ᭄ᬧᭂᬲ᭄ᬯᬦ᭄᭞ᬗᬯᬲ᭄ᬗᬮᬶᬄᬳᬮᬶᬳᬶᬦ᭄᭞ᬢ᭄ᬯᬭᬵᬢᭂᬧᬸᬓᬶ
ᬜ᭞ᬫᬢᬓᭀᬦ᭄ᬭᬶᬂᬕ᭄ᬩᬕᬦ᭄᭞ᬳᬭᬄᬓᬾᬦᭀᬘᬶᬤᬦ᭄ᬤᬳᬶᬢ᭄᭞ᬢᬳᬸᬩ᭄ᬭᬶᬅ᭄ᬫᬫ᭞ᬫ᭄ᬩᭀᬕᭀᬮ᭄‌‌ᬦ᭄ᬤᬾᬳ᭄ᬦᬩᬕᭂᬭᬶᬲ᭄᭟᭜᭟ᬕ᭄ᬩᬕᬦᬾᬫᬲᬯᬹᬃᬫᭂᬭᬦ᭄ᬤᬾᬅ᭄ᬦᬭᬅ᭄᭞ᬲᬶᬗᭀᬦᬾᬅ᭄ᬫᬶᬦ᭄ᬤᬄᬓᬚᬶ᭞ᬫᬧᬦ᭄ᬢᬳᬸᬩᬜᬅ᭄᭞ᬲᬶᬗᬶᬭᬶᬂᬦᬾᬦᬾᬳ᭄ᬤᬾᬦ᭄ᬤ᭞ᬦᬦᬾᬳᬧᬦ᭄ᬳᬸᬜᭂᬤᬶ᭞ᬮᬦ᭄ᬢᬲ᭄ᬳᬶᬗᭂᬫ᭄ᬩᬦ᭄᭞ᬩᬶ [ 27 ][᭒᭖ 26B]
᭒᭖
ᬮᬂᬩᬮᬾᬂᬓᬤ᭄ᬮᭀᬓᬶᬦ᭄᭟᭜᭟ᬫᬲᬶᬄᬢ᭄ᬯᬭᬵᬓᬢᭂᬧᬸᬓ᭄ᬳᬶᬗᭂᬫ᭄ᬩᬦ᭄ᬫᬸᬮ᭄ᬬᬦ᭄᭞ᬫᬵᬢᬹᬃᬭᬶᬂᬭᬳᬤᬾᬦ᭄ᬤᬾᬯᬶ᭞ᬳᬶᬗ᭄ᬕᬶᬄᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬯᬾᬦ᭄ᬢᭂᬦ᭄ᬳᬦᬓ᭄ᬫᬦᬯᬂ᭞ᬤᬶᬚᬭᬸᬭᬸᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬲᬶᬂᬢᬓᬾᬦᬶᬦ᭄ᬢ᭄ᬬᬂ᭞ᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭟᭜᭟ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬫᬲᬯᬂᬩᬗ᭄ᬕ᭄ᬭᬲ᭄᭞ᬓ᭄ᬫᬓᬾᬩ᭄ᬯᬶᬦ᭄ᬳᬮᬶᬄ᭞ᬳᬚᬓ᭄ᬩᬶ
ᬩᬶᬫᬓ᭄ᬚᬂ᭞ᬲᬺᬧᬂᬤᬶᬢᬸᬤᬶᬯᬗᬦ᭄᭞ᬩᬶᬩᬶᬗᬚᬓ᭄ᬳᬶᬓᬢᬸᬦᬶ᭞ᬫᬚᬮᬦ᭄ᬤᬸᬭ᭄ᬬᬦ᭄᭞ᬲᬗ᭄ᬓᬦ᭄ᬩᬳᬂᬫᬕᭂᬤᬶ᭟᭜᭟ᬳᬶᬧᬗᬶᬦ᭄ᬢᬾᬫᬓ᭄ᬚᬂᬜᬕ᭄ᬚᬕ᭄ᬧᭂᬲᬸᬯᬦ᭄᭞ᬧᬕ᭄ᬭᬸᬩᬸᬕ᭄ᬲᬮᬾᬂᬮᬗ᭄ᬓᬸᬗᬶᬦ᭄᭞ᬳᬚᬓᬤ᭄ᬯᬂᬤᬰᬵ᭞ᬫᬗᭀᬚᭀᬕ᭄ᬓᬩᬜ᭄ᬘᬶᬗᬄ᭞ᬫᬗᬮᬶᬳᬶᬦ᭄ᬬᬫ᭄ᬩᬃᬓᬯᬶ᭞ᬗᬶᬂᬢ᭄ᬯᬭᬵᬳᬤᬵ᭞ᬓᬾᬫᭂᬗᬦ᭄ᬦᬾᬫᬗᬮᬶᬄ᭟᭜᭟
ᬳᬶᬍᬄᬳᬶᬍᬄᬳᬶᬧᬗᬶᬦ᭄ᬢᬾᬫᬜᬺᬧᬂ᭞ᬢ᭄ᬓᭂᬤ᭄ᬓᬚᬩᬗᬮᬶᬄ᭞ᬫᬜᭂᬋᬧ᭄ᬜᭂᬋᬧᬂ᭞ᬫᬲᬶᬄᬢ᭄ᬯᬭᬓᬧᭂᬦ᭄ᬤᬓ᭄᭞ᬲᬶᬗᬶᬦ᭄ᬢᬾᬚᬦᬶᬫᬯᬮᬶ᭞ᬫᬜ᭄ᬚᬶᬂᬓᬚᭂᬭᭀᬯᬦ᭄᭞ᬗᬢᬸᬭᬂᬭᬶᬂᬢ᭄ᬯᬦ᭄ᬤᬾᬯᬶ᭟᭜᭟ᬲᬭᬯᬸᬳᬾᬳᬶᬧᬗᬶᬦ᭄ᬢᬾᬭᬶᬂᬚ᭄ᬭᭀᬧᬸᬭᬵ᭞ᬫᬵᬢᬹᬃᬭᬶᬂᬭᬤᬾᬦ᭄ᬤᬾᬯᬶ᭞ᬤᬸᬄᬭᬵᬢᬹᬫᬲ᭄᭞ᬲᬫ᭄ᬧᬸᬦ᭄ᬢᬶᬢ᭄ᬬᬂᬜᭂᬋᬧᬂ᭞ᬧᬸᬦᬶᬓᬳᬶᬬ
ᬫ᭄ᬩᬃᬓᬯᬶ᭞ᬦᬾᬦ᭄ᬢᭂᬦ᭄ᬓᬧᬗ᭄ᬕᬸᬳᬵ᭞ᬤᬤᬶᬳᬶᬮᬂᬦᬾᬫᬗ᭄ᬓᬶᬦ᭄᭟᭜᭟ᬭᬤᬾᬦ᭄ᬤᬾᬯᬶᬫᬮᬶᬄᬳᬶᬤᬵᬫᬗᬦ᭄ᬤᬶᬓᬵ᭞ᬩᬶᬩᬶᬓᬾᬦ᭄ᬓᬾᬦ᭄ᬓᬢᬸᬦᬶ᭞ᬩᬋᬂᬤᬶᬤᬸᬭᬶᬬᬦ᭄᭞ᬤᬤᬶᬢ᭄ᬯᬭᬵᬤᬵᬦᬯᬂ᭞ᬳᬶᬬᬫ᭄ᬩᬃᬓᬯᬶᬫᬕᭂᬤᬶᬦᬶᬗᬶᬦ᭄ᬢᬾᬜᬸᬫ᭄ᬩᬄ᭞ᬢᬶᬢ᭄ᬬᬂᬫᬳᬢᬹᬃᬲᬶᬲᬶᬧ᭄᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬦᬄ

[᭒᭗ 27A]
᭒᭗
ᬫ᭄ᬦᭂᬂᬕᬸᬲ᭄ᬢᬶᬫᬡ᭄ᬦᬶᬓ᭄᭞ᬫᬦᬶᬳᬮᬶᬄᬳᬶᬬᬵ᭞ᬫᬓᬢ᭄ᬯᬭᬓᬧᬗ᭄ᬕᬸᬳ᭞ᬯᬂᬳᬧᬳᬶᬬᬫ᭄ᬩᬃᬓᬯᬶ᭞ᬳᭂᬜᬾᬦ᭄ᬩᬧᬜ᭞ᬭᬭᬶᬲ᭄ᬫᬵᬢᬹᬃᬢ᭄ᬯᬦ᭄ᬤᬾᬯᬶ᭟᭜᭟ᬳᬶᬗ᭄ᬕᬶᬄᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬥᬲᬳᬸᬦᬶᬗ᭞ᬢᬶᬢ᭄ᬬᬂᬧᭀᬮᬶᬄᬦᬓᬾᬦᬶᬦ᭄᭞ᬳᬶᬧᬸᬦ᭄ᬫᬫᬚᬭᬂ᭞ᬳᬸᬩᬸᬄᬤᬳᬢ᭄ᬲᬗ᭄ᬲᬭᬵ᭞ᬢ᭄ᬯᬭᬵᬦᬯᬂᬫᬾᬫᬾᬳᬚᬶ᭞ᬓᬲᬶᬬᬲᬶᬬ᭞ᬳᬸᬩᬸ
ᬳᬾᬳᬸᬮᬶᬂᬘ᭄ᬦᬶᬓ᭄᭟᭜᭟ᬲᬧᬸᬦᬶᬓᬧᬚᬃᬳᬶᬧᬸᬦ᭄‌‌ᬦᬾᬭᬶᬂᬢᬶᬢ᭄ᬬᬂ᭞ᬓᭀᬘᬧ᭄ᬳᬸᬮᬶᬄᬳᬶᬧᬸᬦ᭄‌‌ᬘ᭄ᬭᬶᬓ᭄᭞ᬳᬶᬗᭂᬫ᭄ᬩᬦ᭄ᬦᬸᬢᬸᬭᬂ᭞ᬳᬶᬧᬸᬦ᭄ᬦᬸᬢᬸᬢᬶᬦ᭄ᬢᬶᬢ᭄ᬬᬂ᭞ᬓᭀᬘᬧ᭄ᬜᬭᬸᬦ᭄ᬥᬸᬧ᭄ᬭᬶᬂᬫᬃᬕ᭄ᬕᬶ᭞ᬲᬋᬂᬳᬶᬭᬶᬓ᭞ᬦᬸᬗ᭄ᬕᬸᬢᬶᬢ᭄ᬬᬂᬭᬶᬂᬕᬶᬮᬶ᭟᭜᭟ᬗᬶᬂᬮᬶᬦ᭄ᬢᬂᬳᭀᬮᬲ᭄ᬳᬶᬧᬸᬦᬾᬭᬶᬂᬢᬶᬢ᭄ᬬᬂ᭞ᬓᬧᬶᬳᬸᬢᬗᬦ᭄ᬳᬸᬭᬶᬧ᭄᭞ᬭᬶᬂᬳᬶᬬᬫ᭄ᬩᬃᬓᬯ᭄ᬬ᭞ᬦᬧᬶᬳᬗ᭄ᬕᭀᬦ᭄ᬫᬬᬄ
᭞ᬩᬜᬓᬧ᭄ᬬᬸᬢᬗᬦᬸᬭᬶᬧ᭄᭞ᬬᬾᬦ᭄ᬢ᭄ᬯᬭᬵᬳᬶᬬ᭞ᬦᬸᬗ᭄ᬕᬸᬢᬶᬢ᭄ᬬᬂᬭᬶᬂᬕᬶᬮᬶ᭟᭜᭟ᬳᬯᬦᬦ᭄ᬢᬶᬢ᭄ᬬᬂᬫᬵᬢᬹᬃᬲᬧᬸᬦᬶᬓ᭞ᬳᬶᬧᬸᬦ᭄ᬧᭀᬮᬶᬄᬗᬯᭀᬦᬶᬦ᭄᭞ᬮᬸᬯᬲ᭄ᬫᬗ᭄ᬮᭂᬮᬦᬵ᭞ᬦᬸᬚᬸᬲᬗᬸᬦ᭄ᬢᬶᬢ᭄ᬬᬂᬢ᭄ᬮᬲ᭄᭞ᬦᬗᬶᬂᬳᬶᬧᬸᬦ᭄‌‌ᬢ᭄ᬯᬭᬵᬳᬸᬦᬶᬂ᭞ᬲᬗᬸᬦᬾᬢ᭄ᬮᬲ᭄᭞ᬲᬗ᭄ᬓᬦ᭄ᬳᬶᬧᬸᬦ᭄ᬗᬯᭀᬦᬶᬦ᭄᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ
᭞ᬓᬸᬤᬂᬤᬶᬦᬵᬗᬮᬶᬳᬶᬦ᭄᭞ᬢ᭄ᬯᬦ᭄ᬤᬾᬯᬶᬫᬗᬢᬹᬭᬵᬂ᭞ᬯᬦ᭄ᬢᬄᬮᬶᬫᭀᬮᬲ᭄ᬤᬶᬦᬵ᭞ᬢᭀᬤᬸᬕᬦ᭄ᬜᬦᬾᬫᬕᭂᬤᬶ᭞ᬳᬧᬓᬤᬳᬃ᭞ᬢ᭄ᬯᬦ᭄ᬤᬾᬯᬶᬫᬵᬢᬹᬃᬳᬭᬶᬲ᭄᭟᭜᭟ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬦᭂᬤᬩ᭄ᬯᬄᬳᭂᬳ᭞ᬲᬋᬂᬧᬜ᭄ᬚᬓᬾᬲᬫᬶ᭞ᬲᬂᬦᬵᬣᬗᬦ᭄ᬤᬶᬓ᭞ᬓᬗᭂᬦ᭄ᬩᬧᬦᬶᬗᭂᬄᬳᬂ᭞ᬢᬸᬢᬸᬭᬦ᭄ᬕᬸᬲ᭄ᬢᬶᬦᬾᬫᬡ᭄ᬦᬶᬓ᭄᭞ [ 28 ]᭒᭗
᭒᭗
ᬲᬸᬩᬢ᭄ᬯᬄᬩᬧᬵ᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬳᬶᬫᬡ᭄ᬦᬶᬓ᭄᭟᭜᭟ᬭᬭᬶᬲ᭄ᬭᬯᬸᬄᬳᬶᬧᬸᬦ᭄ᬫᬦᭀᬕ᭄ᬢᭀᬕ᭄ᬚᬮᬦᬦ᭄᭞ᬢᬶᬢ᭄ᬬᬂᬫ᭄ᬥᭂᬫ᭄ᬗᭂᬤᬸᬲᬶᬦ᭄᭞ᬓᬗᭂᬦ᭄ᬢᭂᬓᬾᬦ᭄ᬳᬯᬓ᭄᭞ᬩᬳᬦ᭄ᬩᬲᬗᬾᬮᬬᬄ᭞ᬳᬶᬲᬦ᭄ᬤᬢ᭄ᬭᬭᬶᬲ᭄ᬫᬸᬓᬳᬶᬦ᭄᭞ᬲᬕᬾᬢᬦ᭄ᬳᬶᬬ᭞ᬳᬶᬬᬫ᭄ᬩᬃᬓᬯᬶᬧ᭄ᬭᬧ᭄ᬢᬶ᭟᭜᭟ᬭᬭᬶᬲ᭄ᬳᬶᬧᬸᬦ᭄ᬫᬗᬩᬬᬂᬢᬶᬢ᭄ᬬᬂᬤᬳᬃ᭞ᬲᬳᬶᬦ᭄ᬓᬬᬂ
ᬦᬲᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬢᭀᬤᬶᬚᬩᬓᬢᬗ᭞ᬭᬤᬾᬦ᭄‌‌ᬤᬾᬯᬶᬫᬢᬹᬃᬳᬭᬶᬲ᭄᭞ᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭟᭜᭟ᬬᬾᬦ᭄ᬓᬮᬦᬶᬂᬳᬶᬧᬸᬦ᭄ᬚᬕᬗᬮᬶᬄᬤᬳᬃ᭞ᬫᬶᬮᬶᬤᬦ᭄ᬲᬳᬶᬲᬳᬶ᭞ᬢ᭄ᬯᬭᬵᬤᬤᬶᬢ᭄ᬗᬩ᭄᭞ᬬᬾᬦ᭄ᬲᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬤᬳᬃ᭞ᬮᬦ᭄ᬢᬲ᭄ᬳᬶᬧᬸᬦ᭄ᬫᬗᬯᬸᬓᬶᬦ᭄᭞ᬦᬸᬦ᭄ᬤᬾᬦ᭄ᬫᬜᬸ
ᬯᬂᬲᬕᬾᬢᬦ᭄ᬯᬾᬦ᭄ᬢᭂᬦ᭄ᬲᬕᬶ᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬫᬮᬶᬄᬳᬶᬤᬵᬫᬗᬦ᭄ᬤᬶᬓ᭞ᬳᬧᬳᬗ᭄ᬕᭀᬜᬗ᭄ᬕᬾᬦᬶᬦ᭄᭞ᬢ᭄ᬯᬦ᭄ᬤᬾᬯᬶᬫᬢᬹᬭᬵᬩᬾᬦᬾᬲᬧᬓᬬᬸᬦ᭄᭞ᬲᬫ᭄ᬧᬸᬦ᭄ᬳᬶᬭᬶᬓᬫᬤᬕᬶᬂ᭞ᬩᬳᬦ᭄ᬧ᭄ᬭᬗ᭄ᬓᬢᬦ᭄᭞ᬫᬯᬤᬄᬚᭂᬩᬶᬸᬫ᭄ᬩᬸᬂᬧᬶᬭᬶᬂ᭟᭜᭟ᬳᬶᬗ᭄ᬕᬶᬄᬖᬸᬭᬸᬫᬗ᭄ᬓᬶᬦ᭄ᬳᬾᬦᬓ᭄ᬧᬓᬬᬸᬦᬦ᭄᭞ᬭᬶᬂᬢᬶᬢ᭄ᬬᬂ
ᬓᬤᬶᬫᬗ᭄ᬓᬶᬦ᭄᭞ᬳᬾᬦᬓᬂᬚᬓᬸᬤᬵ᭞ᬓᬳ᭄ᬬᬸᬦ᭄ᬕᬸᬭᬸᬭᬶᬂᬢᬶᬢ᭄ᬬᬂ᭞ᬬᬤᬶᬦ᭄ᬢᬶᬢ᭄ᬬᬂᬧᬘᬂᬫᬢᬶ᭞ᬗ᭄ᬫᬲᬶᬦ᭄ᬳᬯᬓ᭄᭞ᬲᬸᬫᬯᬹᬃᬰ᭄ᬭᬶᬪᬹᬧᬢᬶ᭟᭜᭟ᬳᭂᬦ᭄ᬢᭀᬳᬧᬲᬮᬄᬳᬶᬤᬾᬯᬵᬭᬶᬂᬩᬧ᭞ᬫᬵᬢᬹᬃᬭᬤᬾᬦ᭄ᬤᬾᬯᬶ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦ᭄ᬫᬜ᭄ᬭᬳᬂᬳᬯᬓ᭄᭞ᬢ᭄ᬓᬾᬦᬶᬂᬳᬶᬬᬫ᭄ᬩᬃᬓᬯᬶ᭞

᭒᭘
᭒᭘
ᬢᬶᬢ᭄ᬬᬂᬦᬯᭂᬕᬂ᭞ᬳᬶᬘᬕᬸᬭᬸᬫᬗᬸᬭᬶᬧ᭄᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬦᬄᬲᬸᬩᬓᬤᬸᬂᬧ᭄ᬮᬶᬄ᭞ᬩᬧᬢ᭄ᬯᬭᬵᬧᬜ᭄ᬚᬂ᭞ᬧᬦ᭄ᬳᬶᬤᬾᬯᬵᬫᬳᬸᬢᬂ᭞ᬳᬸᬭᬶᬧ᭄ᬭᬶᬂᬳᬶᬬᬫ᭄ᬩᬃᬓᬯᬶ᭞ᬚᬦᬶᬢᬸᬢᬸᬕᬂ᭞ᬲᬶᬂᬩᬧᬜᭂᬮ᭄ᬲᭂᬮ᭄ᬕᬸᬲ᭄ᬢᬶ᭟᭜᭟ᬲᬂᬥ᭄ᬬᬄᬫᬢᬹᬃᬮᬶᬦ᭄ᬢᬂᬳᬕᭂᬂᬳᬸᬢᬂᬢᬶᬢ᭄ᬬᬂ᭞ᬧᬶᬂᬢ᭄ᬮᬸᬫᬳᬸᬢᬂᬳᬸᬭᬶᬧ᭄᭞
ᬲᬂᬦᬣᬗᬦ᭄ᬤᬶᬓ᭞ᬦᬄᬮᬯᬸᬢᬂᬢᬸᬢᬸᬭᬂ᭞ᬢᬶᬗ᭄ᬓᬄᬳᬾᬤᬶᬢᬸᬤᬶᬕᬶᬮᬶ᭞ᬧᬂᬩᬧᬦᬯᬂ᭞ᬢᬶᬗ᭄ᬓᬄᬕᬸᬲ᭄ᬢᬶᬤᬶᬕᬶᬮᬶ᭟᭜᭟ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬕᬸᬭᬸᬢᬶᬢ᭄ᬬᬂᬫᬗᬢᬸᬭᬂ᭞ᬤᬯᭂᬕ᭄ᬢᬶᬢ᭄ᬬᬂᬭᬶᬂᬕᬶᬮᬶ᭞ᬢᬶᬢ᭄ᬬᬂᬲ᭄ᬤᭂᬓ᭄ᬮᬸᬗ᭞ᬫᬦ᭄ᬕᬓᬶᬦ᭄ᬮᬮᬾᬧᬓ᭄᭞ᬲᬋᬂᬭᬶᬂᬳᬶᬬᬫ᭄ᬩᬃᬓᬯᬶ᭞ᬫᬮᬮᬜ᭄ᬘᬭᬦ᭄᭞ᬧᬤᬵᬗᬶᬍᬳᬶᬦ᭄ᬕᬶᬮᬶ᭟᭜᭟
ᬭᬭᬶᬲ᭄ᬫᬓᬮᬶᬬᭂᬩ᭄ᬮᬗᬶᬢᬾᬳᬲᬶᬩᬓ᭄᭞ᬭᬭᬶᬲ᭄ᬳᬶᬬᬫ᭄ᬩᬃᬓᬯᬶ᭞ᬗᬚᬓᬶᬦ᭄ᬫᬢᬸᬮᬓ᭄᭞ᬓᬤᬾᬜᬧᬘᬂᬳᬸᬚᬦ᭄᭞ᬫᬗ᭄ᬭᬭᬶᬲ᭄ᬢᬶᬢ᭄ᬬᬂᬫᬯᬮᬶ᭞ᬓᬧᬲᬗ᭄ᬕ᭄ᬭᬳᬦ᭄᭞ᬲᬕᬾᬢ᭄ᬖᬭᬸᬤ᭄ᬤᬵᬓᬧᬗ᭄ᬕᬶᬄ᭟᭜᭟ᬭᬭᬶᬲ᭄ᬳᬶᬧᬸᬦ᭄ᬳᬶᬬᬫ᭄ᬩᬃᬓᬯᬶᬫᬜᬩᬢ᭄᭞ᬖᬭᬸᬤ᭄ᬤᬵᬦᬾᬭᬭᬶᬲ᭄ᬓᭂᬦᬶ᭞ᬲᬩᬢᬩᬦ᭄ᬢᬶ
ᬫ᭄ᬧᬲ᭄᭞ᬓᬫ᭄ᬧᬶᬤ᭄ᬳᬶᬧᬸᬦ᭄ᬦᬾᬧ᭄ᬕᬢ᭄᭞ᬮᬦ᭄ᬢᬲ᭄ᬬᬮᬩᬸᬄᬓᬧᬲᬶᬄ᭞ᬭᬭᬶᬲ᭄ᬫᬗ᭄ᬭᬓ᭄᭞ᬫᬜ᭄ᬭᬶᬢ᭄ᬦᬕᬶᬄᬳ᭄ᬮᬸᬤᬶᬦ᭄᭟᭜᭟ᬭᬭᬶᬲ᭄ᬢᭂᬗ᭄ᬓᭂᬚᬸᬢ᭄ᬢᬶᬢ᭄ᬬᬂᬩᬗᬸᬦ᭄ᬫᬕᬾᬩ᭄ᬭᬲ᭄᭞ᬗᭂᬦᬄᬳᬶᬬᬫ᭄ᬩᬃᬓᬯᬶ᭞ᬤᬶᬧᬲᬶᬲᬶᬦ᭄ᬕᬓ᭄᭞ᬗᬋᬧᬶᬦ᭄ᬳᬶᬖᬭᬸᬤ᭄ᬤᬵ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬳᬢ᭄ᬫ [ 29 ][᭒᭘ 28B]
᭒᭘
ᬚᬶᬯᬵ᭞ᬓᬗᭂᬦ᭄ᬩᬧᬭᬶᬂᬕᬸᬲ᭄ᬢᬶ᭟᭜᭟ᬓᬢᬸᬚᬸᬲᬦ᭄ᬳᬶᬬᬫ᭄ᬩᬃᬓᬯᬶᬬᬳᭀᬮᬲ᭄᭞ᬳᬶᬬᬫᬦᬸᬤᬸᬓ᭄ᬕᬸᬲ᭄ᬢᬶ᭞ᬚᬦᬶᬲᬸᬩᬍᬫᬄ᭞ᬓᬶᬚᬮᬓᬸᬜᭂᬋᬧᬂ᭞ᬫᬗᬮᬶᬳᬶᬸᬳᬶᬬᬫ᭄ᬩᬃᬓᬯᬶ᭞ᬫᬵᬢᬹᬃᬢ᭄ᬯᬦ᭄ᬤᬾᬯᬶ᭞ᬕᬸᬭᬸᬦ᭄ᬤᬶᬓᬬᬂᬗᬮᬶᬄ᭟᭜᭟ᬕᬸᬲ᭄ᬢᬶᬧᬢᬶᬄᬭᬭᬶᬲ᭄ᬓᬧᬗᬦ᭄ᬤᬶᬓᬬᬂ᭞ᬳ
ᬦ᭄ᬢᬸᬓ᭄ᬳᬶᬤᬵᬲᬂᬗᬚᬶ᭞ᬦ᭄ᬤᬯᬸᬳᬂᬯᬘᬦᬵ᭞ᬭᬶᬂᬧᬜ᭄ᬚᬓᬾᬫᬓ᭄ᬚᬂ᭞ᬫᬗᬮᬶᬄᬳᬶᬬᬫ᭄ᬩᬃᬓᬯᬶ᭞ᬳᬶᬭᬶᬗᬦ᭄ᬳᬶᬤᬵ᭞ᬢ᭄ᬯᬦ᭄ᬤᬾᬯᬶᬳᬸᬮᬶᬕᬶᬮᬶ᭟᭜᭟ᬲᬶᬂᬜᬤᬶᬚᬢᭀᬗᭀᬲᬫᬤᬸᬦᬸᬗᬦ᭄᭞ᬢ᭄ᬭᬸᬡᬜᬮᬄᬢᬹᬃᬧ᭄ᬓᬶᬓ᭄᭞ᬤᬸᬭᬸᬂᬫᬓᬤᬸᬢᬦ᭄᭞ᬬᬫ᭄ᬩᬃᬓᬯᬶᬳᬤᬜ᭞ᬲᬶᬜᬳᬤᬵᬗᬢᭂ
ᬧᬸᬓᬶᬦ᭄᭞ᬳᬢᬹᬭᬂᬧᬶᬸᬳᬾᬗ᭄ᬕᬮ᭄᭞ᬭᬶᬂᬳᬶᬤᬵᬰ᭄ᬭᬶᬪᬹᬧᬢᬶ᭟᭜᭟᭛ᬧᬗ᭄ᬓᬸᬃ᭞᭛᭞ᬫᬳᬶᬳᬧᬗᬳᬚᬓ᭞ᬓᬩᬜ᭄ᬘᬶᬗᬄᬳᬧᬗᬢ᭄ᬓᬕ᭄ᬮᬶᬲ᭄᭞ᬓᬘᬭᬶᬢᬲᬫ᭄ᬧᬸᬦ᭄ᬭᬯᬸᬄ᭞ᬯᬸᬲ᭄ᬓᬢᬹᬃᬭᬶᬂᬲᬂᬦᬵᬣ᭞ᬰ᭄ᬭᬶᬪᬹᬧᬢᬶ᭞ᬗᬦ᭄ᬤᬶᬓᬭᬶᬂᬭᬤᬾᬦ᭄ᬕᬮᬸᬄ᭞ᬫᬶᬯᬄᬢ᭄ᬓᬾᬧ᭄ᬭᬫᬶᬰ᭄ᬯᬭ᭄ᬬ᭞ᬧᬗᬦ᭄ᬤᬶᬓᬦᬾᬲᬂ
ᬗᬚᬶ᭟᭜᭟ᬳᬤᬸᬄᬬᬬᬶᬧ᭄ᬭᬫᬶᬰ᭄ᬯᬭ᭄ᬬ᭞ᬫᬃᬕ᭄ᬕᬶᬫ᭄ᬤᬮ᭄ᬳᬚᬓ᭄ᬳᬶᬕᬮᬸᬄᬫᬗ᭄ᬓᬶᬦ᭄᭞ᬫᬗ᭄ᬤᬾᬦᬾᬳᬶᬦᬦᬓ᭄ᬕᬮᬸᬄ᭞ᬩᬋᬂᬳᬚᬓ᭄ᬳᬶᬗᭂᬫ᭄ᬩᬦ᭄᭞ᬫᬗᬶᬗᭂᬢᬶᬦ᭄᭞ᬬᬳᬶᬬᬫ᭄ᬩᬃᬓᬯᬶᬤᬶᬢᬸ᭞ᬧᬜ᭄ᬚᬓᬾᬲᬸᬩᬫᬓ᭄ᬚᬂ᭞ᬢᬭᬸᬦᬦᬾᬫ᭄ᬯᬦᬶᬫ᭄ᬯᬦᬶ᭟᭜᭟ᬲᭀᬭᭀᬦᬾᬦᬾᬩᬚᬂᬩᬚᬂ᭞ᬲᭀᬭᭀᬄ

[᭒᭙ 29A]
᭒᭙
ᬦᬾᬦᬾᬩᬯᬸᬫ᭄ᬦᬾᬓ᭄ᬮᬶᬄ᭞ᬳᬧᬂᬳᬶᬗᭂᬢᬶᬦ᭄ᬜᬤᬶᬢᬸ᭞ᬬᬦ᭄ᬓᬾᬦ᭄ᬓᬾᬦ᭄ᬢᭀᬕᭀᬩᬦ᭄ᬜ᭞ᬭᬤᬾᬦ᭄ᬤᬾᬯᬶ᭞ᬭᬭᬶᬲ᭄ᬫᬜᬸᬫ᭄ᬩᬄᬫᬳᬢᬹᬃ᭞ᬳᬶᬗ᭄ᬕᬶᬄᬲᬳᬦ᭄ᬤᬶᬓᬦ᭄ᬩᬧᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭟᭜᭟ᬲᬫ᭄ᬧᬸᬦ᭄ᬭᬯᬸᬄᬤᬶᬩᬜ᭄ᬘᬶᬗᬄ᭞ᬭᬭᬶᬲ᭄ᬢᭂᬤᬸᬦ᭄ᬓᬯᬸᬮᬦᬾᬦᬾᬫ᭄ᬯᬦᬶ᭞ᬦᬾᬦᬾᬩᬚᬂᬩᬚᬂᬭᬯᬸᬄ᭞
ᬦᬾᬩᬯᬸᬫ᭄ᬦᬾᬓ᭄‌‌ᬢ᭄ᬭᬸᬡ᭄ᬦᬵ᭞ᬓᭀᬘᬧ᭄‌‌ᬯᬾᬦ᭄ᬢᭂᬦ᭄᭞ᬮᬶᬫᬂᬮᬓ᭄ᬱᬓᬢᬄᬳᬶᬧᬸᬦ᭄᭞ᬫᬲᬶᬄᬢ᭄ᬯᬭᬵᬳᬤᬵᬗᭂᬦᬄ᭞ᬭᬤᬾᬦ᭄ᬤᬾᬯᬶᬳᬶᬤᬵᬦᬗᬶᬲ᭄᭟᭜᭟ᬫᬮᬳᬶᬩ᭄ᬳᬶᬤᬵᬓᬧᬸᬭᬵ᭞ᬭᬤᬾᬦ᭄ᬤᬾᬯᬶᬩ᭄ᬗᭀᬂᬲᬫ᭄ᬩᬶᬮᬂᬫᬦᬗᬶᬲ᭄᭞ᬲᬲᬫ᭄ᬩᬢᬾᬳᬫ᭄ᬮᬲ᭄ᬓᬬᬸᬦ᭄᭞ᬫᬗᬸᬤᬵᬩ᭄ᬮᬶᬮᬮᬶᬲᬦ᭄᭞ᬓᬤᬾᬦᬂᬢᬶ
ᬢ᭄ᬬᬂ᭞ᬯᬦ᭄ᬢᬄᬩ᭄ᬮᬶᬫᬗᭂᬮᬯᬸᬢ᭄᭞ᬧᬋᬓ᭄ᬳᬶᬤᬵᬳᬶᬩᬧᬵ᭞ᬯ᭄ᬢᬸᬳᬜᬩ᭄ᬮᬶᬫᬕ᭄ᬤᬶ᭟᭜᭟ᬳ᭄ᬦᭂᬂᬢᬶᬗ᭄ᬓᬄᬭᬤᬾᬦ᭄ᬤᬾᬯ᭄ᬬ᭞ᬦᬾᬲᬸᬗ᭄ᬓᬯᬦᬦ᭄ᬤᬂᬮᬭᬵᬧ᭄ᬭᬶᬬᬢᬶᬦ᭄᭞ᬬᬲ᭄ᬤᬶᬄᬓᬯ᭄ᬮᬲ᭄ᬓᬳ᭄ᬬᬸᬦ᭄᭞ᬲᬫᭂᬢᭀᬦᬾᬦᬾᬓᭀᬘᬧ᭞ᬦᬾᬤᬶᬢᬫᬦ᭄᭞ᬓᭀᬘᬧ᭄ᬮᬶᬫᬂᬤᬶᬦᬵᬲᬫ᭄ᬧᬸᬦ᭄᭞ᬳᬶᬤᬵᬫᬮᬮᬶᬤᬶ
ᬢᬫᬦ᭄᭞ᬳᬶᬤᬵᬧᭀᬮᬶᬄᬳᭀᬃᬢ᭄ᬢᬫᬗ᭄ᬓᬶᬦ᭄᭟᭜᭟ᬭᬳᬤᬾᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬳᬶᬤᬵᬫᬦ᭄ᬢᬸᬓ᭄ᬩᬦ᭄ᬳᬤᬵᬳᭀᬃᬢ᭄ᬣᬚᬦᬶ᭞ᬓᭀᬘᬧ᭄ᬢᬭᬸᬦᬦᬾᬢ᭄ᬤᬸᬦ᭄᭞ᬫᬓ᭄ᬚᬂᬓᬩᬜ᭄ᬘᬶᬗᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬫᬗ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬲᬭᬯᬸᬯᬶᬸᬳᬾᬤᬶᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬹᬲ᭄ᬤᭂᬓ᭄ᬓᬢ [ 30 ][᭒᭙ 29B]
᭒᭙
ᬗ᭄ᬓᬶᬮ᭄᭟᭜᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬫᬲ᭄ᬫᬶᬭᬄᬤᬾᬯᬦ᭄ᬩᬧᬦᬾᬕᬸᬲ᭄ᬢᬶ᭞ᬦᬾᬭᬳᬶᬦ᭄ᬳᬶᬤᬾᬯᬵᬭᬯᬸᬄ᭞ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬤᬤᬶᬓᬕ᭄ᬬᬢᬸᬫᬶᬗᬮ᭄ᬭᬳᬤᬾᬦ᭄ᬕᬮᬸᬄ᭞ᬓᬯᭂᬗᬦ᭄ᬲᬚ᭄ᬭᭀᬦᬶᬂᬫᬦᬄ᭞ᬢᬸᬫᬶᬗᬮ᭄ᬭᬶᬂᬳᬶᬦᬾᬓᬶ᭟᭜᭟ᬲᬶᬦᭂᬗ᭄ᬕᬸᬄᬳᬶᬬᬫ᭄ᬩᬃᬓᬯ᭄ᬬ᭞ᬳᬶᬧᬗᬶᬦ᭄ᬢᬾᬦᭀᬮᬶᬄᬳᬸᬫᬢᬸ
ᬭᬭᬶᬲ᭄᭞ᬤᬸᬄᬭᬵᬢᬹᬭᬳᬤᬾᬦ᭄ᬕᬮᬸᬄ᭞ᬳᬶᬯᬂᬢᭀᬦ᭄ᬢᬶᬢ᭄ᬬᬂᬤᬾᬯᬵ᭞ᬭᬤᬾᬦ᭄‌‌ᬤᬾᬯᬶ᭞ᬗᬦ᭄ᬤᬶᬓᬲᬩ᭄ᬤᬦᬾᬳᬮᬸᬲ᭄᭞ᬳᬤᬸᬄᬩᬶᬩᬶᬗᬶᬦ᭄ᬢᬾᬗᭂᬫ᭄ᬩᬦ᭄᭞ᬯᬮᬸᬬᬳᬶᬬᬫ᭄ᬩᬃᬓᬯᬶ᭟᭜᭟ᬦᬶᬗᬶᬦ᭄ᬢᬾᬫᬶᬯᬄᬦᬶᬗᭂᬫ᭄ᬩᬦ᭄᭞ᬦᬶᬳᬗ᭄ᬲᭀᬓᬫᬶᬯᬄᬦᬶᬫ᭄ᬦᬸᬄᬫᬮᬶᬄ᭞ᬦᬶᬩᬬᬦ᭄ᬮᬯᬦ᭄ᬦᬶᬕᬤᬸᬂ᭞ᬦᬶᬢᭂᬍᬂᬦᬶᬓᬢ᭄ᬭᬗᬦ᭄᭞ᬦᬶ
ᬳᬗ᭄ᬲᬦᬵ᭞ᬦᬶᬲᬦ᭄ᬤᬢ᭄ᬫᬶᬯᬄᬦᬶᬚᭂᬧᬸᬦ᭄᭞ᬦᬶᬢᬗ᭄ᬕᬸᬮᬶᬦᬶᬲᬸᬩᬶᬢ᭄ᬣ᭞ᬦᬶᬓᬢᬶᬭᬄᬮᬦ᭄ᬦᬶᬕᬫ᭄ᬩᬶᬃ᭟᭜᭟ᬦᬶᬲᬾᬫ᭄ᬧᭀᬮ᭄ᬫᬶᬯᬄᬦᬶᬧᬤ᭄ᬫᬵ᭞ᬦᬶᬘᬫ᭄ᬧᬓᬮᬯᬦ᭄ᬦᬶᬦᬖᬲᬭᬶ᭞ᬬᬧᬤᬵᬕᬶᬭᬂᬫᬦ᭄ᬤᬸᬮᬸ᭞ᬢᬦ᭄ᬲᬄᬬᬫᬦᭂᬲᭂᬓᬂ᭞ᬫᬦᬫ᭄ᬧᭂᬓᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬭᬭᬯᬸᬄ᭞ᬤᬾᬦᬶᬂᬬᬳᬶᬗᭂᬢ᭄ᬳᬶᬗᭂᬢᬦ᭄᭞
ᬢ᭄ᬓᬾᬦᬶᬂᬳᬶᬬᬫ᭄ᬩᬃᬓᬯᬶ᭟᭜᭟ᬤᬾᬦᬶᬂᬬᬢᭀᬂᬤᬤᬶᬳᭂᬗ᭄ᬲᬧ᭄᭞ᬩᬶᬓᬲ᭄ᬜᬦᬾᬢ᭄ᬓᬾᬦ᭄ᬳᬶᬬᬫ᭄ᬩᬃᬓᬯᬶ᭞ᬳᬤᬵᬫᬩᬸᬤᬶᬫᬗᬸᬲᬸᬤ᭄᭞ᬳᬤᬵᬘᭀᬘᭀᬓ᭄ᬫᬦᬶᬫᬦ᭄᭞ᬳᬤᬵᬳ᭄ᬮᬾᬦ᭄᭞ᬩᬶᬓᬲ᭄ᬜᬦᬾᬬᬳᬶᬫ᭄ᬦᬸᬄ᭞ᬫᬩᬸᬤᬶᬗᭂᬮᬸᬢ᭄ᬜᬚᬬᬂ᭞ᬫᬦ᭄ᬲᭂᬓ᭄ᬳᬸᬮᬶᬤᬶᬤᬸᬭᬶ᭟᭜᭟ᬦᬶᬳᬗ᭄ᬲᭀᬓᬫᬦᭂᬲᭂᬓᬂ

[᭓᭐ 30A]
᭓᭐
᭞ᬓᬶᬲᬶᬓᬶᬲᬶᬓ᭄ᬩᬗᬸᬦ᭄ᬗᬸᬲᬸᬤᬸᬲᬸᬤᬶᬦ᭄᭞ᬫᬗᭂᬜ᭄ᬚᬸᬄᬳᬂᬮᬶᬫᬲᬫ᭄ᬧᬸᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬫ᭄ᬧᭀᬓᬂ᭞ᬜᬳᬶᬗᬸᬤᬵ᭞ᬲᬗ᭄ᬓᬦ᭄ᬫᬩᬸᬤᬶᬫᬗᬸᬲᬸᬤ᭄᭞ᬦᬶᬳᬗ᭄ᬲᭀᬓᬭᬭᬶᬲ᭄ᬗᬸᬘᬧ᭄᭞ᬳᬫ᭄ᬧᬸᬭᬚ᭄ᬯᬢᬶᬢ᭄ᬬᬂᬕᬸᬲ᭄ᬢᬶ᭟᭜᭟ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬢᬶᬢ᭄ᬬᬂᬤᬾᬯᬵ᭞ᬩᬦᬾᬢᬸᬫᭀᬦ᭄ᬓᬾᬢᬶᬢ᭄ᬬᬂᬫᬫᬗ᭄ᬕᬶᬄᬳᬶᬦ᭄᭞ᬧ
ᬋᬓ᭄ᬭᬶᬂᬘᭀᬓᭀᬃᬳᬶᬭᬵᬢᬹ᭞ᬳᬶᬲᬦ᭄ᬤᬢ᭄ᬮᬦ᭄ᬢᬲ᭄ᬦᬶᬫ᭄ᬩᬮ᭄᭞ᬤᬤᬶᬩᬶᬱᬵ᭞ᬳᬶᬩᬬᬦ᭄ᬚᬦᬶᬗᬮᬶᬗ᭄ᬓᬸᬂ᭞ᬢ᭄ᬓᬵᬳᬢᬹᬭᬾᬤᬤᬓᬦ᭄᭞ᬩᬶᬱᬫᬗ᭄ᬮᬶᬗ᭄ᬓᬸᬗᬂᬫᬸᬜᬶ᭟᭜᭟ᬳ᭄ᬦᭂᬗᬵᬓ᭄ᬦᬵᬧᬸᬦᬶᬓ᭞ᬭᬤᬾᬦ᭄ᬤᬾᬯᬶᬓᬮᬯᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬮᬶᬬᬦ᭄ᬦᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬲᬂᬦᬢᬾᬂᬭᬚᬵᬨᬮᬵ᭞ᬲ᭄ᬥᭂᬓᬦᬾ᭞ᬓᬢᬗ᭄ᬓᬶᬮ᭄ᬳᬶᬤᬵᬲᬂᬧ᭄ᬭᬪᬹ᭞ᬧᭂᬧᭂᬓ᭄ᬧᬧᬢᬶᬄᬧᬸᬗ᭄ᬕᬯᬵ᭞ᬩᬸᬚᬗ᭄ᬕᬲᬫᬶᬫᬦᬗ᭄ᬓᬶᬮ᭄᭟᭜᭟ᬲᬶᬭᬧᬢᬶᬄᬓᬮᬗᭂᬭᬓ᭄᭞ᬮᬯᬦ᭄ᬧᬢᬶᬄᬓᬮᬬᬓ᭄ᬱᬫᬦᬗ᭄ᬓᬶᬮ᭄᭞ᬫᬶᬯᬄᬧᬭᬭᬵᬢᬹᬭᬵᬢᬹ᭞ᬮᬾᬦ᭄ᬧᬸᬢ᭄ᬭᬦᬾᬲᬂᬦᬵᬣ᭞ᬲᬶᬭᬭᬤᬾᬦ᭄᭞ᬪᭀᬕᬬᬓ᭄ᬱᬓᬮᬶᬄᬲᬫ᭄ᬧᬸᬦ᭄᭞ᬦᬾ
ᬦᬾᬳᬮᬶᬢᬦ᭄ᬧᬸᬦᬶᬓ᭞ᬫᬯᬲ᭄ᬢᬳᬶᬪᭀᬕᬬᬓ᭄ᬱᬶ᭟᭜᭟ᬧᬧᬢᬶᬄᬳᬶᬤᬵᬦᬾᬓᭀᬘᬧ᭄᭞ᬦᬾᬫᬯᬲ᭄ᬢᬓᬮᬤᬶᬤᬶᬂ᭞ᬳᬶᬚᬬᬯᬶᬚᬬᬳᬶᬓᬸ᭞ᬢ᭄ᬕᬸᬄᬩᬶᬱᬵᬗᬸᬫ᭄ᬩᬭᬵ᭞ᬮᬯᬦ᭄ᬫᬮᬶᬄ᭞ᬳᬶᬧᬢᬶᬄᬓᬸᬫ᭄ᬩᬧᬸᬦᬶᬓᬸ᭞ᬳᬶᬧᬢᬶᬄᬍᬗ᭄ᬓᬯᬶᬚᬬᬵ᭞ᬓᬮᬯᬦ᭄ᬳᬶᬓᬺᬣᬪᬸᬫᬶ᭟᭜᭟ [ 31 ][᭓᭐ 30B]
᭓᭐
ᬲᬶᬭᬵᬭᬤᬾᬦ᭄ᬩᭀᬕᬬᬓ᭄ᬱᬵ᭞ᬓᬮᬶᬳᬶᬤᬵᬧᬤᬵᬫᬤ᭄ᬯᬾᬧᬧᬢᬶᬄ᭞ᬩ᭄ᬭᬚᬤᬦ᭄ᬢᬯᬲ᭄ᬢᬦ᭄ᬳᬶᬧᬸᬦ᭄᭞ᬲᬫᬶᬩᬶᬱᬵᬗᬫ᭄ᬩᬭᬵ᭞ᬦᬾᬲᬶᬓᬶᬬᬦ᭄᭞ᬯᬲ᭄ᬢᬦᬾᬧᬢᬶᬄᬧᬸᬦᬶᬓᬸ᭞ᬓᬶᬧᬢᬶᬄᬲᬧᬫᬸᬯᬓᬧ᭄᭞ᬢ᭄ᬕᬸᬄᬢᬹᬃᬓᬮᬶᬦ᭄ᬢᬂᬲᬓ᭄ᬝᬶ᭟᭜᭟ᬲᬂᬧ᭄ᬭᬪᬹᬳᬮᭀᬦ᭄ᬗᬦ᭄ᬤᬶᬓᬵ᭞ᬳᬶᬄᬳᬶᬧᬢᬶᬄᬓ
ᬮᬗᭂᬭᬓ᭄ᬓᭀᬘᬳᬶ᭞ᬚᬦᬶᬳᬶᬭᬵᬫᬓᬢᬳᬸ᭞ᬩᬦ᭄ᬳᬤᬵᬳᬶᬤᭂᬧ᭄ᬳᬶᬭᬵ᭞ᬩᬳᬦ᭄ᬧᬓᬶᬸᬦᬓ᭄᭞ᬳᬶᬭᬦᬾᬲᬲᬸᬩᬤᬸᬯᬹᬃ᭞ᬚᬦᬶᬤᬶᬚᬳᬤᬵᬳᭀᬃᬢ᭄ᬣᬵ᭞ᬧ᭄ᬭᬪᬹᬫᬤ᭄ᬯᬾᬧᬸᬢ᭄ᬭᬳᬶᬲ᭄ᬢ᭄ᬭᬶ᭟᭜᭟ᬲᬶᬭᬵᬭᬤᬾᬦ᭄ᬩᭀᬕᬬᬓ᭄ᬱᬵ᭞ᬫᬵᬢᬹᬃᬭᬭᬶᬲ᭄ᬳᬶᬤᬵᬭᬶᬂᬰ᭄ᬭᬶᬪᬹᬧᬢᬶ᭞ᬢᬶᬢ᭄ᬬᬂᬧᭀᬮᬶᬄᬳᭀᬃᬢ᭄ᬣᬖᬸᬭᬸ᭞
ᬧ᭄ᬭᬪᬹᬭᬶᬂᬓᬶᬦ᭄ᬢᬵᬯᬦᬵ᭞ᬓᭀᬘᬧ᭄ᬳᬶᬤᬵ᭞ᬋᬓᬾᬫᬤ᭄ᬯᬾᬧᬸᬢ᭄ᬭᬳᬬᬸ᭞ᬧᬸᬦᬶᬓᬜᬦ᭄ᬤᬂᬩᬯᭀᬲᬂ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬭᬶᬲ᭄᭟᭜᭟ᬦᬄᬚᬦᬶᬩᬧᬫᬗ᭄ᬮᬫᬃ᭞ᬧᬢᬶᬄᬩᬚ᭄ᬭᬤᬦ᭄ᬢᬵᬮᬦ᭄ᬲᬾᬢᬦ᭄ᬫᬸᬓ᭄ᬭᬶᬓ᭄᭞ᬘᬳᬶᬫᬚᬮᬦ᭄ᬓᬳᬸᬢᬸᬲ᭄᭞ᬗ᭄ᬮᬫᬃᬓᬓᬶᬦ᭄ᬢᬵᬯᬦᬵ᭞ᬓ᭄ᬭᬶᬬᬦᬵᬧᬢᬶᬄ᭞ᬓᬮᬶᬄᬳᬦᭂᬫ᭄ᬩᬄ
ᬳᬸᬫᬢᬹᬃ᭞ᬲᬦ᭄ᬤᬶᬓᬦ᭄ᬤᬵᬳᬶᬤᬾᬯᬵ᭞ᬳᬶᬗ᭄ᬕᬶᬄᬭᬵᬢᬸᬢᬶᬢ᭄ᬬᬂᬧᬫᬶᬢ᭄᭟᭜᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓ᭞ᬦᬄᬫᬚᬮᬦ᭄ᬳᬧᬂᬫ᭄ᬮᬄᬤᬶᬫᬃᬕ᭄ᬕᬶ᭞ᬓᬶᬧᬢᬶᬄᬫᬚᬮᬦ᭄ᬲᬫ᭄ᬧᬸᬦ᭄᭞ᬭᬭᬶᬲ᭄ᬧᬤᬵᬗᬸᬫ᭄ᬩᬭᬵ᭞ᬫᬗ᭄ᬕᬕᬡᬵ᭞ᬳᬯᭀᬃᬮᬯᬦ᭄‌‌ᬫᬾᬕᬫᭂᬦ᭄ᬥᬸᬂ᭞ᬤᬶᬓᬶᬦ᭄ᬢᬵᬯᬦᬵᬓᭀᬘᬧ᭞ᬲᬂᬧ᭄ᬭᬪᬸᬲ᭄ᬤᭂᬓ᭄ᬢᬶᬦ

[᭓᭑ 31A]
᭓᭑
ᬗ᭄ᬓᬶᬮ᭄᭟᭜᭟ᬧᭂᬧᭂᬓ᭄ᬱᬓᬢᬄᬧ᭄ᬭᬦᬵᬣ᭞ᬲᬶᬭᬵᬧᬢᬶᬄᬯᬶᬚᬬᬦᬮᬬᬓ᭄ᬱᬶ᭞ᬓᬶᬢᬸᬫᭂᬗ᭄ᬕᬸᬂᬩᬜᬓ᭄ᬧᭂᬭᬸᬂ᭞ᬓᬶᬧᬢᬶᬄᬩᬋᬢ᭄ᬩᬸᬢ᭄ᬣ᭞ᬢᬸᬫ᭄ᬗᬶᬸᬫᬗ᭄ᬕᬮ᭄᭞ᬬᬓ᭄ᬱᬓ᭄ᬩᭀᬕᬚᬄᬲᬫ᭄ᬧᬸᬦ᭄᭞ᬧ᭄ᬭᬲᬫᬲᬶᬭᬵᬳᬲᬾᬩ᭞ᬮᬯᬦ᭄ᬧ᭄ᬭᬧᬸᬢ᭄ᬭᬦᬾᬲᬫᬶ᭟᭜᭟ᬮᬦ᭄ᬧᬸᬢ᭄ᬭᬦᬾᬰ᭄ᬭᬶᬦᬭᬾᬡ᭄ᬥ᭄ᬭ᭞ᬲᬶᬭᬵ
ᬭᬤᬾᬦ᭄ᬓᬸᬲᬸᬫᬫᬦᬗ᭄ᬓᬶᬮ᭄᭞ᬧᭂᬧᭂᬓ᭄ᬢᭂᬓᬾᬦ᭄ᬳᬮᬸᬦᬵᬮᬸᬦ᭄᭞ᬧᬢᬶᬓᭀᬮ᭄ᬧᬯᬶᬚᬬ᭞ᬲᬶᬭᬵᬤ᭄ᬫᬂ᭞ᬮᬯᬦ᭄ᬓᬮᬕ᭄ᬭᬳᬲᬫ᭄ᬧᬸᬦ᭄᭞ᬮᬶᬦ᭄ᬳᬶᬧᬢᬶᬄᬕᬚᬄᬕᭀᬬ᭞ᬧᬸᬦᬶᬓᬵᬲᬫ᭄ᬬᬦᬵᬦᬗ᭄ᬓᬶᬮ᭄᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬚᬦᬶᬧᬤᬵᬧᬢᬶᬄᬚᬮᬓᬤᬶᬂᬢᬶᬂ᭞ᬦᬄᬭᬱᬦᬶᬦ᭄ᬳᬶᬭᬵᬫᬮᬸ᭞ᬚᬦᬶᬳᬚ
ᬓ᭄ᬫᬓ᭄ᬚᬂ᭞ᬩᬳᬦ᭄ᬧᬦᬓ᭄᭞ᬳᬶᬧᬢᬶᬳᬾᬭᬤᬾᬦ᭄ᬕᬮᬸᬄ᭞ᬢ᭄ᬯᬭᬲᬚᬤᬤᬶᬳᭂᬗ᭄ᬲᬧ᭄᭞ᬢ᭄ᬓᬾᬦᬶᬂᬳᬶᬬᬫ᭄ᬩᬃᬓᬯᬶ᭟᭜᭟ᬲᬤᬶᬦᬵᬤᬶᬦᬵᬢ᭄ᬯᬭᬵᬳᭂᬗ᭄ᬲᬧ᭄᭞ᬚᬦᬶᬓᬾᬦ᭄ᬓᬾᬦ᭄ᬩᬳᬦ᭄ᬘᬳᬶᬗ᭄ᬭᬱᬦᬶᬦ᭄᭞ᬚᬦᬶᬤᬶᬚᬳᬮᬶᬄᬭᬸᬭᬸᬄ᭞ᬳᬶᬧᬢᬶᬄᬫᬵᬢᬹᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬹ᭞ᬓᬤᬶᬫᬗ᭄ᬓᬶᬦ᭄ᬩᭀᬬᬓᬢᬹᬃ᭞ᬦ
ᬗᬶᬂᬬᬾᬦ᭄ᬧᬫᬦᬄᬢᬶᬢ᭄ᬬᬂ᭞ᬢᭀᬂᬦ᭄ᬥᬸᬕᬶᬚᬤ᭄ᬫᬵᬳᬶᬭᬶᬓᬶ᭟᭜᭟ᬬᬾᬦ᭄ᬧᬦᬕᬭᬦ᭄ᬳᬶᬤᬾᬯᬵ᭞ᬲᬫ᭄ᬧᬸᬦ᭄ᬢᭂᬮᬲᬫᬶᬓᬲ᭄ᬮᬓ᭄ᬱᬓᬶᬦ᭄᭞ᬫᬮᬶᬄᬢᬦ᭄ᬯᬾᬦ᭄ᬢᭂᬦ᭄ᬓᬧᬗ᭄ᬕᬸᬄ᭞ᬫᬦᬯᬶᬦᬕᬭᬮᬶᬬᬦ᭄᭞ᬕ᭄ᬦᬄᬳᬶᬧᬸᬦ᭄᭞ᬓᬯᬸᬮᬧᬸᬦᬶᬓᬭᬢᬹ᭞ᬲᬗ᭄ᬓᬜᬢᬦ᭄ᬯᬾᬦ᭄ᬢᭂᬦ᭄ᬩᬓᬢ᭄᭞ᬦᬾᬫᬵᬤᬦ᭄ᬳᬶᬬᬫ᭄ᬩᬃᬓ [ 32 ][᭓᭑ 31B]
᭓᭑
ᬯᬶ᭟᭜᭟ᬲ᭄ᬤᭂᬓ᭄ᬳᬶᬤᬵᬫᬗ᭄ᬭᬯᭀᬲᬂ᭞ᬋᬓᬾᬦᬾᬦᬾᬫᬵᬤᬦ᭄ᬳᬶᬬᬫ᭄ᬩᬃᬓᬯᬶ᭞ᬳᬶᬧᬢᬶᬄᬗᬶᬭᬶᬂᬲᬂᬧ᭄ᬭᬪᬹ᭞ᬧᬢᬶᬄᬓᭀᬮ᭄ᬧᬯᬶᬚᬬ᭞ᬓᬳᬮᬗᬦ᭄᭞ᬲᬕᬾᬢ᭄ᬳᬸᬢᬸᬲᬦᬾᬭᬯᬸᬄ᭞ᬫᬯᬲ᭄ᬢᬳᬶᬩᬚ᭄ᬭᬤᬦ᭄ᬢᬵ᭞ᬲᬋᬂᬮᬦ᭄ᬳᬶᬲᬾᬢᬦ᭄ᬫᬓ᭄ᬭᬶᬓ᭄᭟᭜᭟ᬫᬓᬫ᭄ᬯᬄᬳᬶᬲᬾᬢᬦ᭄ᬫᬓ᭄ᬭᬶᬓ᭄᭞ᬦᬸᬦᬲ᭄ᬮᬸᬕ᭄ᬭᬶᬂᬳᬶᬤᬵᬰ᭄ᬭᬶᬪᬹ
ᬧᬢᬶ᭞ᬗᬦ᭄ᬤᬶᬓᬵᬳᬶᬤᬵᬲᬂᬧ᭄ᬭᬪᬹ᭞ᬦᬄᬤᬶᬢᬸᬘᬳᬶᬦ᭄ᬕᬓ᭄᭞ᬲᬗᬵᬧ᭄ᬭᬪᬹ᭞ᬗᬦ᭄ᬤᬶᬓᬭᬶᬂᬦᬾᬓᬳᬸᬢᬸᬲ᭄᭞ᬦᬾᬢᬾᬘᬳᬳᬸᬮᬶᬤᬶᬚ᭞ᬢᬸᬫ᭄ᬩᬾᬦ᭄ᬩᭂᬮᬶᬗᭂᬦᭀᬢ᭄ᬘᬳᬶ᭟᭜᭟᭛ᬤᬹᬃᬫ᭄ᬫᬵ᭞᭛᭞ᬳᬸᬢᬸᬲᬦᬾᬳᬸᬫᬵᬢᬹᬃᬲᬃᬯ᭄ᬯᬶᬫᬦᭂᬫ᭄ᬩᬄ᭞ᬢᬶᬢ᭄ᬬᬂᬤᬸᬢᬦᬺᬧᬢᬶ᭞ᬲᬓᬶᬂᬨᬮᬭᬚᬵ᭞ᬢᬶᬢ᭄ᬬᬂᬳᬶᬩᬚ᭄ᬭᬤᬦ᭄ᬢᬵ᭞ᬲᬋᬂ
ᬮᬦ᭄ᬳᬶᬲᬾᬢ᭄ᬫᬓ᭄ᬭᬶᬓ᭄᭞ᬫ᭄ᬯᬄᬲᬾᬢᬦ᭄ᬫᬓ᭄ᬭᬓ᭄᭞ᬳᬶᬦᬮᬬᬓ᭄ᬱᬲᬶᬗ᭄ᬕᬶᬄ᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬫᬮᬶᬄᬳᬶᬤᬵᬫᬗᬦ᭄ᬤᬶᬓᬵ᭞ᬢᭀᬳᬧᬕᬳᬾᬦ᭄ᬘᬳᬶ᭞ᬳᬶᬧᬢᬶᬄᬫᬢᬹᬭᬵ᭞ᬢᬶᬢ᭄ᬬᬂᬗᬵᬢᬹᬭᬂᬲᬸᬭᬢ᭄᭞ᬢᬸᬫᬸᬮᬶᬓᬳᬢᬹᬃᬕ᭄ᬮᬶᬲ᭄᭞ᬲᬸᬭᬵᬢ᭄ᬧᬸᬦᬶᬓ᭞ᬗ᭄ᬭᬭᬶᬲ᭄ᬳᬶᬤᬵᬫᬯᭀᬲᬶᬦ᭄᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬫᬗ᭄ᬭᬭᬶ
ᬲ᭄ᬫᬯᭀᬲᬶᬦ᭄ᬲᬸᬭᬦᬶᬸᬢ᭄᭞ᬯᬃᬡ᭄ᬦᬦ᭄ᬳᬶᬤᬵᬫᬲᬮᬶᬦ᭄᭞ᬩᬗᬯᬶᬗᬯᬶᬗᬦ᭄᭞ᬢᬗᬦᬾᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬗᭂᬢᭀᬃᬧᬺᬫᬗ᭄ᬓᬶᬦ᭄᭞ᬳᬲᭂᬫᬸᬤᬸᬓ᭞ᬰ᭄ᬯᬩᬯᬵᬮ᭄ᬯᬶᬃᬫ᭄ᬢᬸᬖ᭄ᬦᬶ᭟᭜᭟ᬯᬸᬲ᭄ᬓᬧᬯᭀᬲᬸᬭᬢ᭄ᬫᬮᬶᬄᬫᬗᬦ᭄ᬤᬶᬓ᭞ᬯᬃᬡ᭄ᬦᬳᬘᬺᬂᬢᬦ᭄ᬲᬶᬧᬶ᭞ᬘᬳᬶᬩᬚ᭄ᬭᬤᬦ᭄ᬢᬵ᭞ᬓᬾᬢᭀᬘᬳᬶᬳᬢᬹ

[᭓᭒ 32A]
᭓᭒
ᬭᬂ᭞ᬭᬶᬂᬰ᭄ᬭᬶᬦᬭᬧᬢᬶ᭞ᬬᬗ᭄ᬮᬄᬕᬕᬾᬮᬦ᭄᭞ᬦᬶᬤ᭄ᬬᬄᬓᭂᬜ᭄ᬘᬦᬵᬯᬢᬶ᭟᭜᭟ᬤᬤᬶᬮᬶᬓᬤ᭄ᬳᬶᬭᬵᬚᬦᬶᬫᬗ᭄ᬭᬲᬬᬂ᭞ᬢ᭄ᬓᬾᬦ᭄ᬳᬶᬬᬫ᭄ᬩᬃᬓᬯᬶ᭞ᬲᬸᬩᬫᬕᬕᬾᬮᬦ᭄᭞ᬳᬸᬮᬶᬤᬶᬕᬶᬮᬶᬳᬚᬓ᭞ᬓᬾᬢᭀᬚ᭄ᬯᬳᬢᬹᬭᬂᬘᬳᬶ᭞ᬢ᭄ᬓᬾᬦ᭄ᬲᬂᬦᬵᬣ᭞ᬩ᭄ᬮᬶᬢ᭄ᬯᬄᬫᬦᬸᬦᬲᬶᬲᬶᬧ᭄᭟᭜᭟ᬭᬭᬶᬲ᭄ᬫᬵᬢᬹᬃᬓᬶᬧᬢᬶᬄᬲᬾᬢᬦ᭄ᬫᬓ᭄ᬭ
ᬓ᭄᭞ᬓᬦ᭄ᬢᭂᬦᬂᬳᬸᬕᬶᬫᬗ᭄ᬓᬶᬦ᭄᭞ᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬳᬶᬘ᭞ᬧᬗᬦ᭄ᬤᬶᬓᬭᬶᬂᬢᬶᬢ᭄ᬬᬂ᭞ᬓᬸᬢᬦᬾᬓᬸᬓᬸᬳᬂᬫᬗ᭄ᬓᬶᬦ᭄᭞ᬢᬦ᭄ᬯᬗ᭄ᬤᬾᬧ᭄ᬭᬧ᭄ᬝ᭞ᬧᬘᬂᬗ᭄ᬭᬶᬱ᭄ᬝᬫᬭᬶᬓᬶ᭟᭜᭟ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬳᬶᬭᬵᬫᬤᬬ᭞ᬤᬾᬦᬶᬂᬬᬩᬸᬓᬚᬦᬶ᭞ᬬᬓᭀᬤᬕ᭄ᬢᬦ᭄ᬓᭀᬤᬕ᭄᭞ᬬᬚᬦᬶᬩᬳᬦ᭄ᬳᬶᬭᬵ᭞ᬤᬾᬦᬶᬂᬬᬩᬸᬓᬦᬾᬚᬦᬶ᭞ᬬᬗ᭄ᬮᬄᬕ
ᬕᬾᬮᬦ᭄᭞ᬩᬚ᭄ᬭᬤᬦ᭄ᬢᬵᬜᬯᬹᬭᬶᬦ᭄᭟᭜᭟ᬮᬫᬸᬦ᭄ᬓᬾᬢᭀᬓᬮᬶᬗᬦᬾᬢ᭄ᬯᬭᬵᬲᬸᬓ᭞ᬢ᭄ᬯᬭᬵᬩᬸᬳᬸᬂᬦᬾᬚᬦᬶ᭞ᬕᬦ᭄ᬢᬶᬜᬢ᭄ᬯᬄᬭᬸᬲᬓ᭄᭞ᬦᬕᬭᬵᬓᬶᬦ᭄ᬢᬵᬯᬦᬵ᭞ᬳᬶᬩᬚ᭄ᬭᬤᬦ᭄ᬢᬵᬫᬦᬸᬤᬶᬂ᭞ᬜᭂᬳᭂᬤ᭄ᬓᬤᬸᬢᬦ᭄᭞ᬫᬓᬧᬢ᭄ᬧᬢ᭄ᬫᬦᭂᬗ᭄ᬓᬶᬓ᭄᭟᭜᭟ᬫᬓᬧᬢ᭄ᬧᬢ᭄ᬳᬸᬢᬸᬲᬦᬾᬧᬤᬵᬫᬗ᭄ᬭᬓ᭄᭞ᬫᬸᬜᬶᬦᬾᬢᬦ᭄ᬧᬰ᭄ᬭᬸᬢᬶ᭞
ᬫ᭄ᬢᭂᬓᬂᬓᬤᬸᬢᬦ᭄᭞ᬤᬾᬄᬦᬾᬚᬦᬶᬧᭂᬲᬸᬯᬂ᭞ᬳᬶᬓᭀᬮ᭄ᬧᬯᬶᬚᬬᬩ᭄ᬭᬗ᭄ᬢᬶ᭞ᬜ᭄ᬮᬕ᭄ᬲᬂᬦᬵᬣ᭞ᬫᬚᬸᬚᬸᬓ᭄ᬮᬯᬸᬢ᭄ᬦᬸᬤᬶᬂ᭟᭜᭟ᬩ᭄ᬦᭂᬄᬲᬚᬦᬾᬳᬶᬩᬳᬶᬩᬚ᭄ᬭᬤᬦ᭄ᬢᬵ᭞ᬳᬶᬩᬤᭀᬕᬾᬦ᭄ᬫᬸᬯᬦᬶ᭞ᬢᬹᬃᬧᬮᬶᬂᬲᬓ᭄ᬢᬶᬜ᭞ᬳᭀᬭᬳᬂᬫᬸᬜᬶᬦ᭄ᬳᬶᬭᬵ᭞ᬢ᭄ᬓᬾᬦ᭄ᬕᬸᬲ᭄ᬢᬶᬦ᭄ᬩᬦᬾᬚᬦᬶ᭞ᬬᬾᬜᬗ᭄ᬮᬄᬲᭀᬫᬄ᭞ᬲ᭄ᬭᬳᬂᬭᬶᬂᬕᬸᬲ᭄ᬢᬶᬦ᭄ᬓᬳᬶ [ 33 ][᭓᭒ 32B]
᭓᭒
᭟᭜᭟ᬮᬫᬸᬦ᭄ᬳᬶᬩᬢ᭄ᬯᬭᬵᬢ᭄ᬓᬫᬳᬶᬗᬩ᭞ᬢᭂᬦ᭄ᬤᬲ᭄ᬩᬦᬾᬢᬸᬕᭂᬮ᭄ᬓᬳᬶ᭞ᬫᬦᬸᬤᬶᬂᬩᬦ᭄ᬓᬶᬯᬵ᭞ᬩᬗᬸᬦ᭄ᬳᬶᬩᬚ᭄ᬭᬤᬦ᭄ᬢᬵ᭞ᬫᬗᬸᬦᬸᬲ᭄ᬓᬤᬸᬢᬦ᭄ᬕᭂᬮᬶᬲ᭄᭞ᬩᬗᬸᬦ᭄ᬫᬓ᭄ᬚᬂ᭞ᬫᬲ᭄ᬬᬢ᭄ᬲᬮᬾᬂᬳᬋᬧᬶᬦ᭄᭟᭜᭟ᬤᬤᬶᬩᬶᬬᬸᬃᬫᬓᭀᬬᭀᬦᬦ᭄ᬤᬶᬩᬜ᭄ᬘᬶᬗᬄ᭞ᬬᬸᬤᬦᬾᬧᬲ᭄ᬮᬾᬂᬲᬩᬶᬢ᭄᭞ᬓᬸᬮ᭄ᬓᬸᬮ᭄ᬫᬲᬯᬹᬭᬦ᭄᭞ᬓᬕ᭄ᬬᬢ᭄ᬯᭀᬂᬓᬶᬦ᭄ᬢᬵᬯ
ᬦᬵ᭞ᬳᬭᬦ᭄ᬢᬩᬦ᭄ᬧᬤᬵᬧ᭄ᬭᬧ᭄ᬝᬶ᭞ᬲᬳᬲᬜ᭄ᬚᬢ᭞ᬫᬲᬶᬓᭂᬧ᭄ᬢᬸᬫ᭄ᬩᬓ᭄ᬩᭂᬤᬶᬮ᭄᭟᭜᭟ᬧᬤᬵᬲᬶᬲᬸᬧᬗᭀᬚᭀᬕᬾᬓᬩᬜ᭄ᬘᬶᬗᬄ᭞ᬢᬸᬫᬸᬮᬶᬭᬯᬸᬄᬕ᭄ᬮᬶᬲ᭄᭞ᬲᬕᬾᬢ᭄ᬲᬸᬩᬲᬶᬬᬢ᭄᭞ᬓᬧᬗ᭄ᬕᬶᬄᬤᬶᬩᬜ᭄ᬘᬶᬗᬄ᭞ᬳᬸᬢᬸᬲᬦᬾᬭᬭᬶᬲ᭄ᬕᭂᬮᬶᬲ᭄᭞ᬧᬤᬵᬗᬸᬫ᭄ᬩᬭᬵ᭞ᬲᬫ᭄ᬩᬶᬮ᭄ᬫᬫᬸᬜᬶᬧᬚ᭄ᬭᬶᬢ᭄᭟᭜᭟ᬫᬗᬯᬸᬓᬶᬦ᭄ᬓᬶᬬᬳᬶᬓᭀᬮ᭄ᬧ
ᬯᬶᬚᬬ᭞ᬫᬗ᭄ᬮᬯᬦ᭄ᬳᬶᬩᬚ᭄ᬭᬤᬦ᭄ᬢᬶ᭞ᬳᬶᬩᬚ᭄ᬭᬤᬦ᭄ᬢᬵᬓᬍᬗᭂᬃ᭞ᬢ᭄ᬯᬭᬵᬳᬶᬗᭂᬢ᭄ᬢᭂᬓᬾᬦᬵᬯᬓ᭄᭞ᬬᬾᬦᬶᬂᬳᬶᬩᬲᬚᬩᬦᬶ᭞ᬦᬄᬢᬸᬢᬸᬕ᭄ᬳᬶᬭᬵ᭞ᬓᬳᬶᬜᬤ᭄ᬬᬫᬦᬦ᭄ᬤᬶᬗᬶᬦ᭄᭟᭜᭟ᬲᬾᬢᬦ᭄ᬫᬓ᭄ᬭᬓ᭄ᬫᬬᬸᬤᬵᬲᬸᬩᬓᬲᭀᬭᬦ᭄᭞ᬮᬦ᭄ᬳᬶᬚᬮᬓᬤᬶᬂᬤᬶᬂ᭞ᬳ᭄ᬩᬄᬧᬧ᭄ᬢᭂᬗᬦ᭄᭞ᬓᬮᬦ᭄ᬢᬶᬕ᭄ᬩᬳᬦ᭄ᬕᬤᬵ᭞ᬳᬦᬶᬩᬭᬓ᭄ᬭ᭄ᬬᬦᬵᬧᬢᬶᬄ᭞
ᬳᬶᬓᬮᬫᬸᬓ᭄ᬭᬓ᭄᭞ᬬᬮᬩᬸᬄᬤᬶᬧᬲᬶᬲᬶ᭟᭜᭟ᬤᬤᬶᬫᬲᬸᬭᬸᬗᬦ᭄ᬬᬳᬶᬓᬮᬫᬓ᭄ᬭᬓ᭄᭞ᬧᬦ᭄ᬮᬶᬬᬸᬗᬢᭂᬧᬸᬓᬶᬦ᭄᭞ᬓᬵᬚᬓᬵᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬹᬤᬶᬳᭀᬤᬮ᭄᭞ᬗᬦ᭄ᬤᬶᬓᬰ᭄ᬭᬶᬦᬭᬧᬢᬶ᭞ᬢᭀᬬᬓᬦᬧᬵ᭞ᬫᬲᬸᬭᬸᬂᬳᬚᬓ᭄ᬫᬳᬶ᭟᭜᭟ᬳᬚ᭄ᬮᬧ᭄ᬚᬧᬦ᭄ᬲᬕᬾᬢ᭄ᬓᬤᬶᬧᬬᬸᬦᬦ᭄᭞ᬓᬢᬹᬃᬭᬶᬂᬰ᭄ᬭᬶᬪᬹᬧᬢᬶ᭞ᬢᬸᬫᬸ

[᭓᭓ 33A]
᭓᭓
ᬮᬶᬓᬘᬶᬗᬓ᭄᭞ᬳᬶᬧᬢᬶᬄᬓᬮᬫᬓ᭄ᬭᬓ᭄᭞ᬗᬦ᭄ᬤᬶᬓᬰ᭄ᬭᬶᬦᬭᬧᬢᬶ᭞ᬢᭀᬬᬓᬦᬧ᭞ᬓ᭄ᬭᬡᬦᬗᬩᬫᬳᬶ᭟᭜᭟ᬭᬭᬶᬲ᭄ᬫᬢᬹᬃᬓᬯᬸᬮᬦᬾᬦᬾᬫᬗᬩ᭞ᬳᬶᬗ᭄ᬕᬶᬄᬰ᭄ᬭᬶᬦᬭᬧᬢᬶ᭞ᬫᬢᬹᬃᬲᬶᬲᬶᬧ᭄ᬢᬶᬢ᭄ᬬᬂ᭞ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂᬳᬶᬤᬵ᭞ᬤᬤᭀᬲ᭄ᬮᬩᬸᬄᬤᬶᬧᬲᬶᬲᬶ᭞ᬲᬓᬶᬂᬕᬕᬦᬵ᭞ᬩᭀᬬᬓᬾᬗᬶᬦ᭄ᬢᬓᬾ
ᬦᬶᬦ᭄᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬦᬄᬳᬾᬗ᭄ᬕᬮᬂᬢᬸᬮᬸᬗᬶᬦ᭄᭞ᬢᬸᬫᬸᬮᬶᬭᬦ᭄ᬢᬩᬦ᭄᭞ᬳᬤᬵᬜᭂᬫᬓ᭄ᬫᬜᬸᬦ᭄ᬤᬂ᭞ᬮᬾᬦ᭄ᬳᬤᬵᬚᬦᬶᬫᬗᬸᬧᬶᬦ᭄᭞ᬳᬤᬵᬗᬶᬲᬶᬬᬂ᭞ᬮᬾᬦ᭄ᬳᬤᬵᬫᬜᬶᬫ᭄ᬩᬸᬳᬶᬦ᭄᭟᭜᭟ᬲᬾᬧ᭄ᬳᬓ᭄ᬤᬧ᭄ᬬᬳᬶᬧᬢᬶᬄᬩᬚ᭄ᬭᬤᬦ᭄ᬢᬵ᭞ᬢᬶᬩᬲᬓᬶᬂᬯᬶᬬᬢᬶ᭞ᬮᬩᬸᬄᬤᬶᬩᬜ᭄ᬘᬶᬗᬄ᭞ᬚ
ᬦᬶᬩ᭄ᬯᬶᬦ᭄ᬫᬢᬸᬮᬸᬯᬦ᭄᭞ᬓᬯᬸᬮᬦᬾᬫᬜᬕ᭄ᬚᬕᬶᬦ᭄᭞ᬲᬂᬦᬵᬣᬓᬕ᭄ᬬᬢ᭄᭞ᬗᬦ᭄ᬤᬶᬓᬦᬺᬧᬢᬶᬫᬗ᭄ᬓᬶᬦ᭄᭟᭜᭟ᬓᬮᬶᬗᬦᬾᬬᬓᬲᭀᬭᬦ᭄ᬫᬬᬸᬤ᭄ᬤᬵ᭞ᬤᬶᬳᬫ᭄ᬩᬭᬦᬾᬫᬚᬸᬭᬶᬢ᭄᭞ᬳᭂᬜᬾᬦ᭄ᬢᭀᬮᬯᬦᬵ᭞ᬳᬶᬓᬮᬫᬓ᭄ᬭᬓ᭄ᬢᬶᬩ᭞ᬰᬺᬗᭂᬦ᭄ᬳᬶᬤᬵᬰ᭄ᬭᬶᬪᬹᬧᬢᬶ᭞ᬭᬭᬶᬲ᭄ᬫᬗ᭄ᬭᬓ᭄᭞ᬯᬃᬡ᭄ᬦᬦᬾᬩᬳᬕ᭄ᬩᬶᬳᬶᬂ᭟᭜᭟
ᬳᬶᬄᬳᬶᬧᬢᬶᬄᬦᬾᬚᬦᬶᬓᬸᬤ᭄ᬬᬂᬓᬾᬦ᭄ᬓᬾᬦᬂ᭞ᬫᬵᬢᬹᬃᬳᬶᬧᬢᬶᬄᬪᬹᬝᬵᬚᬳᬶᬮ᭄᭞ᬳᬶᬗ᭄ᬕᬶᬄᬲᬲᬸᬳᬸᬦᬦ᭄᭞ᬧᬸᬦᬧᬶᬧᬓᬬᬸᬦᬦ᭄᭞ᬢᬶᬢ᭄ᬬᬂᬫᬦᬸᬦᬲ᭄ᬫᬧᬫᬶᬢ᭄᭞ᬧᬘᬂᬫᬗ᭄ᬭᬶᬱ᭄ᬝ᭞ᬓᬓᬶᬦ᭄ᬢᬯᬦᬵᬦᬾᬫᬗ᭄ᬓᬶᬦ᭄᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬦᬄᬳᬶᬤᬾᬯᬵᬧᬂᬳᬾᬮᬶᬂ᭞ᬚᬦᬶᬢ᭄ᬓᬾ [ 34 ][᭓᭓ 33B]
᭓᭓
ᬦ᭄ᬭᬕ᭞ᬫᬘᬶᬗᬓ᭄ᬳᬧᬂᬘ᭄ᬮᬂ᭞ᬤᬾᬦᬶᬂᬬᬫᬸᬲᬸᬄᬧ᭄ᬭᬚᬸᬭᬶᬢ᭄᭞ᬰᬓ᭄ᬢᬶᬧ᭄ᬭᬯᬶᬭᬵ᭞ᬢ᭄ᬕᬸᬄᬢᬦ᭄ᬲᬶᬧᬶᬲᬶᬧᬶ᭟᭜᭟ᬳᭂᬦ᭄ᬢᭀᬦᬾᬫᬤᬦ᭄ᬳᬶᬓᭀᬮ᭄ᬧᬯᬶᬚᬬ᭞ᬢ᭄ᬕᬸᬄᬤᬵᬳᬢᬹᬃᬲᬓ᭄ᬝᬶ᭞ᬢᬹᬃᬩᬶᬱᬵᬗᬫ᭄ᬩᬭᬵ᭞ᬬᬫᬸᬮᬚᬤ᭄ᬫᬵᬘ᭄ᬮᬂ᭞ᬢ᭄ᬯᬭᬵᬳᬤᬵᬫᬦᬦ᭄ᬤᬶᬗᬶᬦ᭄᭞ᬧᬢᬶᬄᬫᬤᬸᬭ᭞ᬳᭂᬦ᭄ᬢᭀᬲ᭄ᬤᭂᬂᬢᬗ
ᬭᬶᬦ᭄᭟᭜᭟ᬭᬭᬶᬲ᭄ᬫᬢᬹᬃᬜᭂᬫ᭄ᬩᬄᬭᬤᬾᬦ᭄ᬩᭀᬖ᭄ᬕᬬᬓ᭄ᬱ᭞ᬮᬦ᭄ᬭᬤᬾᬕᬶᬸᬦ᭄ᬩᭀᬕᬬᬓ᭄ᬱᬶ᭞ᬳᬶᬗ᭄ᬕᬶᬄᬲᬳᬦ᭄ᬤᬶᬓ᭞ᬲᬫ᭄ᬧᬸᬦ᭄ᬳᬸᬕᬶᬫᬜ᭄ᬚᬗ᭄ᬓ᭞ᬬᬤ᭄ᬬᬦ᭄ᬢᬶᬢ᭄ᬬᬂᬲᬧᬸᬦᬧᬶ᭞ᬢ᭄ᬫᬳᬦ᭄ᬭᬸᬲᬓ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬕᬶᬗ᭄ᬲᬶᬃ᭟᭜᭟ᬬᬤᬶᬦ᭄ᬳᬶᬧᬸᬦ᭄ᬲᬓ᭄ᬝᬶᬢᬹᬃᬩᬶᬱᬵᬗᬫ᭄ᬩᬭᬵ᭞ᬢᬶᬢ᭄ᬬᬂᬧᬘᬂᬦ
ᬦ᭄ᬤᬶᬗᬶᬦ᭄᭞ᬬᬾᬦ᭄ᬤᬶᬚᬓᬧᬧᬕ᭄᭞ᬢᬶᬢ᭄ᬬᬂᬜᬤ᭄ᬬᬬᬂᬧᬶᬲᬦ᭄᭞ᬫᬸᬮᬳᬘᭂᬧ᭄ᬢᬶᬢ᭄ᬬᬂᬕᬢᬶ᭞ᬧᬘᬂᬫᬗ᭄ᬮᬯᬦ᭄᭞ᬦᬾᬦᬾᬢ᭄ᬕᬸᬄᬢᬹᬃᬲᬓ᭄ᬝᬶ᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬦᬄᬮᬫᬸᬦ᭄ᬓᬾᬢᭀᬕᬸᬲ᭄ᬢᬶ᭞ᬢᬸᬳᬸᬧᬦᬓ᭄ᬩᬧᬵ᭞ᬓᬾᬢᭀᬕᬸᬲ᭄ᬢᬶᬳᬶᬗᭂᬢᬂ᭞ᬫᬸᬜᬶᬦ᭄ᬩᬧ
ᬦᬾᬫᬲ᭄ᬫᬡ᭄ᬦᬶᬓ᭄᭞ᬤᬵᬜᬓ᭄ᬓᬸᬘᬶᬯᬵ᭞ᬳᬯᬓ᭄ᬢᬸᬫ᭄ᬩᬸᬄᬫᭀᬯᬦᬶ᭟᭜᭟ᬭᬤᬾᬦ᭄ᬩᭀᬕᬬᬓ᭄ᬱᬭᬭᬶᬲ᭄ᬫᬢᬹᬃᬲᭂᬫ᭄ᬩᬄ᭞ᬮᬾᬦ᭄ᬭᬤᬾᬦ᭄ᬩᭀᬕᬬᬓ᭄ᬱᬶ᭞ᬕ᭄ᬮᬶᬲ᭄ᬫᬤᬩ᭄ᬤᬩᬦ᭄᭞ᬲᬫᬶᬜᬮᬸᬓ᭄ᬩᬸᬱᬦᬵ᭞ᬫᬶᬯᬄᬓᬯᬸᬮᬦᬾᬲᬫᬶ᭞ᬳ᭄ᬦᭂᬂᬧᬸᬦᬶᬓ᭞ᬓᭀᬘᬧ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬓᬯᬃ

[᭓᭔ 34A]
᭓᭔
ᬡ᭄ᬦᬵᬳᬶᬬᬫ᭄ᬩᬃᬓᬯᬶᬤᬶᬚᬮᬦ᭄᭞ᬫᬦ᭄ᬢᬸᬓ᭄ᬓᬯᬦᬵᬧᬸᬭᬶ᭞ᬧᬸᬭᬶᬦᬾᬲᬂᬦᬖ᭞ᬤᬤᬶᬦᭂᬧᬸᬓᬶᬦ᭄ᬤᬾᬢ᭄ᬬ᭞ᬭᬓ᭄ᬱᬲᬦᬾᬫᬗ᭄ᬭᬓ᭄‌‌ᬫᬗ᭄ᬭᬶᬓ᭄᭞ᬓᬮᬶᬦ᭄ᬢᬂᬍᬕᬵ᭞ᬗᭂᬦᭀᬢ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬕᭂᬋᬂᬕᭂᬋᬂᬫᬸᬜᬶᬦᬾᬫᬦᬕᬶᬄᬦᬤᬄ᭞ᬓᬕ᭄ᬬᬢ᭄ᬳᬶᬬᬫ᭄ᬩᬃᬓᬯᬶ᭞ᬭᬓ᭄ᬱᬲᬦᬾᬫᬗ᭄ᬭᬓ᭄᭞
ᬭᬫᬾᬬᬫᬢᬸᬮᬸᬯᬦ᭄᭞ᬬᬫ᭄ᬩᬃᬓᬯᬶᬭᬭᬶᬲ᭄ᬕᭂᬮᬶᬲ᭄᭞ᬫᭂᬲᬸᬯᬂᬢᬶᬫ᭄ᬧᬲ᭄᭞ᬲᬫ᭄ᬩᬶᬮᬗᬫᬫᬸᬜᬶ᭟᭜᭟ᬩᬢᬾᬅ᭄ᬩᭀᬦ᭄ᬢᭀᬂᬓ᭄ᬫᬳᬫᬸᬓ᭄ᬳᬶᬭᬓ᭄ᬱᬲ᭞ᬳᬶᬩᬢᬾᬅ᭄ᬩᭀᬦ᭄ᬢᭀᬂᬕ᭄ᬮᬶᬲ᭄᭞ᬫᬗᬫᬸᬓ᭄ᬭᬓ᭄ᬱᬲᬵ᭞ᬭᬓ᭄ᬱᬲᬦᬾᬮ᭄ᬬᬸᬧ᭄ᬚᬄ᭞ᬢ᭄ᬯᬭᬵᬗᭂᬦᬄᬦᬾᬜᭂᬧᭂᬕᬶᬦ᭄᭞ᬮᬶᬬᬸᬧᬚᭂᬫ᭄ᬧᬂ᭞
ᬩᬗ᭄ᬓᬾᬦᬾᬧᬕᬸᬮᬶᬦ᭄ᬢᬶᬓ᭄᭟᭜᭟ᬲᬬᬦ᭄ᬮᬶᬬᬸᬭᬓ᭄ᬱᬲᬦᬾᬩ᭄ᬯᬶᬦ᭄ᬢᭂᬓ᭞ᬳᬾᬫᭂᬂᬳᬶᬬᬫ᭄ᬩᬃᬓᬯᬶ᭞ᬚᬦᬶᬫᬧᬗ᭄ᬭᬱ᭞ᬩᬳᬦᬾᬢ᭄ᬯᬭᬧ᭄ᬭᬶᬸᬧ᭄ᬕᬢ᭄᭞ᬭᬓ᭄ᬱᬲᬦᬾᬢ᭄ᬓᬫᬮᬶᬄ᭞ᬬᬾᬦ᭄ᬫᬢᬶᬲᬢᬓ᭄᭞ᬩᬶᬦ᭄ᬲᬫᬲ᭄ᬢᭂᬓᬩᬸᬯᬶᬦ᭄᭟᭜᭟ᬮᬶᬦ᭄ᬢᬵᬂᬓᬾᬯᭂᬄᬳᬶᬬᬫ᭄ᬩᬃᬓᬯᬶᬫᬤᬬ᭞ᬓᬾᬦ᭄ᬓᬾᬦ᭄ᬲᬶᬚᬦᬶ
ᬗᬶᬢᬸᬗᬶᬦ᭄᭞ᬧᬘᬂᬗ᭄ᬮᬯᬦ᭄ᬳᬶᬬ᭞ᬤᬾᬦᬶᬂᬩᬲ᭄ᬓᬮ᭄ᬬᬸᬦᬜ᭞ᬓᬶᬚᬳᬮᬓᬸᬫᬓ᭄ᬮᬶᬤ᭄᭞ᬳᬤᬵᬫᬜᭂᬫᬓ᭄᭞ᬤᬶᬫᬮᬸᬫ᭄ᬯᬂᬤᬶᬤᬸᬭᬶ᭟᭜᭟ᬳᬤᬵᬜᬩᬢ᭄ᬩᬳᬦ᭄ᬓᬬᬸᬓᬢᬶᬄᬓᬢᬶᬳᬦ᭄᭞ᬓᬬᬸᬕ᭄ᬥᬾᬢᬦ᭄ᬲᬶᬧᬶ᭞ᬳᬤᬵᬮᬾᬦ᭄ᬫᬜᬩᬢ᭄᭞ᬩᬳᬦ᭄ᬓᬬᬸᬕ᭄ᬤᬾᬲᬦ᭄᭞ᬳᬤᬵᬳᬫ᭄ᬩᬸᬮ᭄ᬲ [ 35 ][᭓᭔ 34B]
᭓᭔
ᬫ᭄ᬩᬶᬩᭂᬦ᭄ᬢᬶᬂ᭞ᬓᬬᬸᬦᬾᬓ᭄ᬦᬵ᭞ᬋᬫᬸᬓ᭄ᬫᬦᬤᬶᬳᬧᬶ᭟᭜᭟ᬬᬫ᭄ᬩᬃᬓᬯᬶᬫ᭄ᬦᬾᬓ᭄ᬤᬶᬓᬬᬸᬦᬾᬳᬾᬗ᭄ᬕᬮ᭄᭞ᬫᬾᬮᬶᬂᬭᬶᬂᬳᬮᬶᬳᬮᬶ᭞ᬭᬭᬶᬲ᭄ᬓᬩᬸᬗ᭄ᬓᬸᬗᬂ᭞ᬤᬤᬶᬢ᭄ᬯᬭᬵᬳᭂᬦᭀᬢ᭞ᬩᬳᬦ᭄ᬭᬓ᭄ᬱᬲᬦᬾᬲᬫᬶ᭞ᬲᬶᬂᬢ᭄ᬓᬓ᭄ᬫᬵ᭞ᬓᬩᭀᬗ᭄ᬓᭀᬮ᭄ᬓᬬᬸᬦᬾᬕ᭄ᬮᬶᬲ᭄᭟᭜᭟ᬳᬶᬬᬫ᭄ᬩᬃᬓᬯᬶᬚᬦᬶᬫᬗᭂᬮᬾᬩᬂᬢᬶᬫ᭄ᬧᬲ᭄᭞ᬲᬶᬂ
ᬢ᭄ᬓᬓ᭄ᬫᬫᬢᬶ᭞ᬓᬲᬦ᭄ᬤᭂᬃᬩᬦ᭄ᬢᬶᬫ᭄ᬧᬲ᭄᭞ᬤᬤᬶᬩ᭄ᬗᭀᬂᬳᬶᬤᬾᬢ᭄ᬬ᭞ᬮᬦ᭄ᬢᬲ᭄ᬤᬶᬢᬸᬫᬗ᭄ᬮᬶᬬᬢᬶᬦ᭄᭞ᬗᬶᬂᬢ᭄ᬯᬭᬵᬳᬤᬵ᭞ᬚᬤ᭄ᬫᬵᬳᬗᬦ᭄ᬳᬲᬶᬓᬶ᭟᭜᭟ᬓᬾᬯᬮᬳᬲᬶᬂᬓ᭄ᬓᬶᬸᬓ᭄ᬫᬢ᭄ᬓᬧ᭄ᬭᬕᬢ᭄᭞ᬳᬤᬵᬫᬜᬕ᭄ᬚᬕᬶᬦ᭄᭞ᬓ᭄ᬫᬳᬫ᭄ᬤᬲᬂ᭞ᬤᬶᬚᬲᬶᬢᭀᬗᭀᬲ᭄ᬚᬤ᭄ᬫᬵ᭞ᬓᬾᬯᬮᬭᬱᬜᬤᬶᬦᬶ᭞ᬭᬭᬶᬲ᭄ᬳᬶᬢᬶᬫ᭄ᬧᬲ᭄᭞ᬩᬸᬯᬶ
ᬦ᭄ᬫᬜᬦ᭄ᬤᭂᬃᬘᬤᬶᬓ᭄᭟᭜᭟ᬫᬗᬮᬾᬦ᭄ᬢᬾᬂᬘᬤᬶᬓ᭄ᬜᬦᬾᬫᬕ᭄ᬮᬬᬸᬢᬦ᭄᭞ᬧᬢᬶᬧᬸᬳᬸᬓ᭄ᬫᬮᬳᬶᬩ᭄᭞ᬬᬫ᭄ᬩᬃᬓᬯᬶᬗᬓᬓ᭄᭞ᬬᬓ᭄ᬤᬾᬓ᭄ᬧᬤᬶᬤᬶᬬᬦ᭄᭞ᬭᬓ᭄ᬱᬲᬦᬾᬩᬸᬯᬶᬦ᭄ᬩ᭄ᬭᬗ᭄ᬢᬶ᭞ᬩᬦᬾᬦᬶᬗᭂᬳᬂ᭞ᬚᬤ᭄ᬫᬵᬓ᭄ᬤᬾᬓ᭄ᬧᬤᬶᬤᬶ᭟᭜᭟ᬳᬶᬭᬓ᭄ᬱᬲᬚᬦᬶᬳᬶᬬᬩ᭄ᬯᬶᬦ᭄ᬫᬜᬕ᭄ᬚᬕ᭄᭞ᬫᬩᬶᬓᬲ᭄ᬫᬗᬮᬶᬳᬶᬦ᭄᭞ᬫᬚᬮ
ᬦ᭄ᬫᬶᬍᬳᬦ᭄᭞ᬩᭀᬗ᭄ᬓᭀᬮ᭄ᬓᬬᬸᬦᬾᬓᬯᬲ᭄᭞ᬢᬶᬫ᭄ᬧᬲᬾᬫᬜᬦ᭄ᬤᭂᬃᬓᬸᬧᬶᬂ᭞ᬫᬯᬦᬦ᭄ᬧ᭄ᬕᬢ᭄᭞ᬧᬢᬶᬓ᭄ᬧᬸᬕ᭄ᬬᬫᬮᬳᬶᬩ᭄᭟᭜᭟ᬳᬶᬭᬓ᭄ᬱᬲᬚᬦᬶᬫᬫᬸᬜᬶᬗ᭄ᬭᬓ᭄᭞ᬧᬳᭂᬓ᭄ᬱᬦ᭄ᬩᭀᬜᬤᬶᬦᬶ᭞ᬮᬦ᭄ᬮᬲ᭄ᬬᬲᬦ᭄ᬤᭂᬭ᭞ᬘᬸᬗᬸᬳᬾᬩᭀᬗ᭄ᬓᬾᬂᬳᬶᬮᬂ᭞ᬧᬓᬸᬤᬾᬫ᭄ᬧ᭄ᬮᬗᬦ᭄ᬫᬮᬳᬶᬩ᭄᭞ᬬᬧᬢᬶᬩᬩᬃ

[᭓᭕ 35A]
᭓᭕
᭞ᬫᬮᬳᬶᬩ᭄ᬤᬶᬗ᭄ᬓ᭄ᬭᬶᬓ᭄ᬤᬶᬗ᭄ᬓ᭄ᬭᬶᬓ᭄᭟᭜᭟ᬬᬫ᭄ᬩᬃᬓᬯᬶᬓ᭄ᬤᬾᬓ᭄ᬢᭀᬂᬤᬤᬶᬳᬦ᭄ᬤᭂᬕ᭞ᬳᭂᬗ᭄ᬓᭂᬮ᭄ᬓᭂᬤᬾᬓ᭄ᬧᬤᬶᬤᬶ᭞ᬫᬗᭂᬦᭀᬢ᭄ᬭᬓ᭄ᬱᬲ᭞ᬩᬦ᭄ᬘᬸᬗᬸᬄᬜᬦᬾᬳᬶᬮᬂ᭞ᬳᬗ᭄ᬓᭂᬩᭀᬩᬜᬫᬮᬳᬶᬩ᭄᭞ᬬᬧᬢᬶᬩᬩᬃ᭞ᬲᬶᬂᬩᬩᬭᬓᬮᬮᬶᬄ᭟᭜᭟ᬧᬤᬵᬗᬸᬗ᭄ᬲᬶᬧᬸᬭᬶᬦ᭄ᬳᬶᬤᬵᬦᬾᬲᬂᬦᬖ᭄ᬕ᭞ᬧᬦ᭄ᬳᬶᬤᬵᬓᬗ᭄ᬕᭀᬕᬸᬲ᭄ᬢᬶ᭞
ᬳᬚᬓᬫᬓ᭄ᬚᬂ᭞ᬲᬮᬶᬬᬸᬦ᭄ᬤᬕᬶᬂᬳᬮᬲ᭄᭞ᬲᬂᬗᬦ᭄ᬢᬵᬪᭀᬖ᭄ᬕᬦᭂᬫᭀᬦᬶᬦ᭄᭞ᬲ᭄ᬤᭂᬓ᭄ᬤᬶᬚᬩ᭞ᬳᬶᬗᬶᬦ᭄ᬢᬾᬤᬶᬢᬸᬦᬗ᭄ᬓᬶᬮ᭄᭟᭜᭟ᬦᬵᬖ᭄ᬕᬕᬶᬡ᭄ᬦᬶᬲ᭄ᬤᭂᬓ᭄ᬩᬋᬂᬫᬗ᭄ᬭᬯᭀᬲᬂ᭞ᬳᬶᬤᬵᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬩᬦᬾᬫᬓ᭄ᬮᭀᬲᬦ᭄᭞ᬫᬲᬶᬄᬢ᭄ᬯᬭᬤᬵᬢ᭄ᬓᬵ᭞ᬳᬶᬗᭂᬫ᭄ᬩᬦ᭄ᬲᬸᬩᬦ᭄ᬤᬬᬦᬶᬦ᭄᭞ᬢ᭄ᬯᬄᬳᬶᬤᬵᬲᬾᬤ᭞ᬦᬶᬗᬶᬦ᭄ᬢᬾᬭᬭᬶ
ᬲ᭄ᬦᬗᬶᬲ᭄᭟᭜᭟ᬲᬗᬵᬦ᭄ᬢᬵᬪᭀᬕ᭄ᬕᬭᬭᬶᬲ᭄ᬳᬶᬤᬵᬗᬦ᭄ᬤᬶᬓ᭞ᬫᬗᬸᬤᬜᬳᬶᬗ᭄ᬮᬶᬂ᭞ᬫᬗᬸᬤᬲ᭄ᬤᬶᬄᬲᬦ᭄᭞ᬦᬾᬫᬦᬶᬤᭀᬗᬢ᭄ᬓ᭞ᬤᬢᬚᬲ᭄ᬤᬶᬳᬂᬜᬳᬶ᭞ᬲᬕᬾᬢ᭄ᬓᬮᬗᬦ᭄᭞ᬭᬓ᭄ᬱᬲᬢ᭄ᬓᬧᬚ᭄ᬭᬶᬢ᭄᭟᭜᭟ᬤᬤᬶᬓᬕ᭄ᬬᬢ᭄ᬳᬶᬗᭂᬫ᭄ᬩᬦ᭄ᬫᬮᬳᬶᬩ᭄ᬫᬸᬮᬶᬳᬦ᭄᭞ᬲᬶᬲᬸᬗᬸᬩᭂᬢᬂᬓᭀᬭᬶ᭞ᬭᬓ᭄ᬱᬲᬦᬾᬢ᭄ᬓ᭞ᬧᬋᬓ᭄ᬲᬂᬗᬵ
ᬦ᭄ᬢᬪᭀᬕ᭄ᬕᬵ᭞ᬧᬕᬭᬸᬩᬸᬕ᭄ᬤᬶᬳᬶᬲ᭄ᬤᬶᬳᬶᬲ᭄᭞ᬳᬤᬵᬦᬂᬲᬫᬲ᭄᭞ᬫᬢᬢᬸᬮᬶᬬᬸᬫᬢᬶ᭟᭜᭟ᬳᬤᬵᬳᭂᬮᬸᬂᬍᬗᭂᬦ᭄ᬜᬦᬾᬫᬢᬬᬸᬗᬦ᭄᭞ᬳᬤᬵᬫᬢᬢᬸᬩᬢᬶᬲ᭄᭞ᬮᬾᬦ᭄ᬮᬶᬫᬦ᭄ᬜᬧ᭄ᬕᬢ᭄᭞ᬳᬤᬵᬢ᭄ᬓᬢᬦ᭄ᬧᬓᬸᬧᬶᬂᬧ᭄ᬕᬢ᭄᭞ᬳᬤᬵᬦᬕᬶᬄᬳᬾᬗ᭄ᬕᬮ᭄ᬫᬢᬶ᭞ᬮᬾᬦ᭄ᬳᬤᬵᬢ᭄ᬓ᭞ᬢ᭄ᬯᬭᬵᬫᬗ᭄ᬮᬄᬘᬤᬶᬓ᭄᭟᭜᭟ [ 36 ][᭓᭕ 35B]
᭓᭕
ᬧᬤᬵᬗᭀᬚᭀᬕ᭄ᬲᬂᬗᬦ᭄ᬢᬪᭀᬕᬫᬦ᭄ᬕᬓ᭄᭞ᬲᬂᬗᬵᬦ᭄ᬢᬪᭀᬕᬳᬗ᭄ᬮᬶᬂ᭞ᬢᭀᬳᬶᬩᬓᬦᬧ᭞ᬲᬗ᭄ᬓᬦ᭄ᬳᬶᬩᬫᬳᬶᬧᬤᬵ᭞ᬳᬗ᭄ᬓᬶᬳᬦ᭄ᬩᬦᬾᬫᬦᬶᬳᬶᬲ᭄᭞ᬬᬳᬶᬭᬓ᭄ᬱᬲ᭞ᬫᬵᬢᬹᬃᬧᬤᬧᬚ᭄ᬭᬶᬢ᭄᭟᭜᭟ᬳᬶᬗ᭄ᬕᬶᬄᬤᬾᬯᬵᬦᬾᬯᬯᬸᬢᬶᬢ᭄ᬬᬂᬫᬬᬸᬤ᭄ᬥᬵ᭞ᬯᬾᬦ᭄ᬢᭂᬦ᭄ᬚᬤ᭄ᬫᬵᬓᬧᬗ᭄ᬕᬶᬄ᭞ᬢᬶᬢ᭄ᬬᬂᬚᬕᬫᬓ᭄ᬱᬵ᭞ᬳᬶᬧᬸ
ᬦ᭄ᬭᬭᬶᬲ᭄ᬫᬗ᭄ᬮᬯᬦ᭄᭞ᬓᬲᭀᬃᬢᬶᬢ᭄ᬬᬂᬲᬋᬂᬲᬫᬶ᭞ᬓᬸᬮᬦ᭄ᬳᬶᬤᬾᬯ᭞ᬳᬓᬾᬄᬗ᭄ᬫᬲᬶᬦ᭄ᬫᬢᬶ᭟᭜᭟ᬳᬶᬗ᭄ᬕᬶᬄᬕᬯᭀᬓ᭄ᬭᬢᬸᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬚᬤ᭄ᬫᬵᬧᬸᬦᬶᬓᬳᬮᬶᬢ᭄᭞ᬩᬕᬸᬲᬾᬓᬮᬶᬦ᭄ᬢᬂ᭞ᬲᬓ᭄ᬝᬶᬢᬦ᭄ᬧᬲᬲᬫᬦ᭄᭞ᬚᬤ᭄ᬫᬵᬫᬫᭀᬕᭀᬮ᭄ᬧᬤᬶᬤᬶ᭞ᬫᬰᬶᬄᬢᭀᬂᬩᬓᬢ᭄᭞ᬩᬳᬦ᭄ᬢᬶᬢ᭄ᬬᬂᬗᭂᬜ᭄ᬘᬦᬶᬦ᭄᭟᭜᭟ᬳᬦ᭄ᬢᬵᬪᭀᬕ
ᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬢᭀᬗᬸᬤᬮ᭄ᬬᬸᬲᬦ᭄ᬫᬢᬶ᭞ᬢᭀᬳᬧᬳᬗ᭄ᬕᭀᬜ᭞ᬳᬶᬭᬓ᭄ᬱᬲᬗᬢᬹᬭᬂ᭞ᬢᬶᬢ᭄ᬬᬂᬗᬦ᭄ᬢᭂᬦᬂᬳᬶᬦᬸᬦᬶ᭞ᬬᬗᬩᬢᬶᬫ᭄ᬧᬲ᭄᭞ᬳᬗᬶᬂᬢ᭄ᬯᬭᬫᬧᬢᬶ᭟᭜᭟ᬳᬲᬶᬂᬧᬳᭂᬓ᭄ᬬᬓᬲᬩᬢ᭄ᬩᬳᬦ᭄ᬢᬶᬫ᭄ᬧᬲ᭄᭞ᬬᬾᬦ᭄ᬢᭂᬧᭂᬂᬓ᭄ᬦᬫᬢᬶ᭞ᬦᬾᬓ᭄ᬦᬲᬶᬫ᭄ᬧᬶᬭᬦ᭄᭞ᬮᬫᬸᬦ᭄ᬓᬭᬶᬫᬗ᭄ᬮᬯᬦ᭄᭞ᬯᬍᬲᬢᬦᬸᬭᬸᬂᬫᬢᬶ
᭞ᬓᬲ᭄ᬯᬾᬲᬸᬯᬾᬦᬦ᭄᭞ᬳᬶᬘᬮ᭄‌‌‌‌ᬢ᭄ᬯᬭᬵᬓᬳᬓ᭄ᬱᬶ᭟᭜᭟ᬳᬲᬶᬂᬢᬫ᭄ᬧᭂᬓ᭄ᬭᬶᬂᬩᬢᬦ᭄ᬓᬬᬸᬧᬸᬦᬶᬓ᭞ᬫᬢᬢᬸᬮᬦ᭄ᬢᬲ᭄ᬫᬢᬶ᭞ᬯᬦ᭄ᬢᬄᬲᬧᬸᬦᬶᬓ᭞ᬦᬸᬦᬲ᭄ᬭᬢᬸᬕ᭄ᬮᬶᬲᬂ᭞ᬳᬓᬾᬄᬓᬳᬸᬮᬦᬾᬫᬢᬶ᭞ᬬᬦ᭄ᬢᬦ᭄ᬳᬶᬤᬾᬯᬵ᭞ᬕ᭄ᬮᬶᬲ᭄ᬭᬯᬸᬄᬦᬾᬫᬗ᭄ᬓᬶᬦ᭄᭟᭜᭟ᬲᬗᬵᬦ᭄ᬢᬵᬪᭀᬕᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬦᬄᬚᬮᬦ᭄ᬦᬾᬚ

[᭓᭖ 36A]
᭓᭖
ᬦᬶ᭞ᬭᬭᬶᬲ᭄ᬫᬗᬸᬫ᭄ᬩᬭᬵ᭞ᬳᬶᬤᬵᬲᬗᬵᬦ᭄ᬢᬵᬪᭀᬕ᭞ᬭᬓ᭄ᬱᬲᬳᬓᬾᬄᬫᬗᬶᬭᬶᬂ᭞ᬳᬸᬮᬶᬤᬶᬤᬭᬢ᭄᭞ᬢᬦ᭄ᬓᬯᬃᬡ᭄ᬦᬵᬤᬶᬫᬃᬕ᭄ᬕᬶ᭟᭜᭟ᬭᬭᬶᬲ᭄ᬭᬯᬸᬄᬲᬗᬵᬦ᭄ᬢᬪᭀᬕᬫᬜᬶᬗᬓ᭄᭞ᬭᬓ᭄ᬱᬲᬳᬓᬾᬄᬫᬢᬶ᭞ᬭᬭᬶᬲ᭄ᬫᬘᬶᬗᬓᬦ᭄᭞ᬭᬶᬂᬯᬶᬢ᭄ᬓᬬᬸᬓᬘᬶᬗᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬮᬶᬗ᭄ᬕᬶᬄ᭞ᬫᬦᭂᬫ᭄ᬧᬮ᭄ᬲᬶᬮ᭞ᬭᬶᬂᬘ
ᬭᬂᬓᬬᬸᬦᬾᬓᬓ᭄ᬱᬶ᭟᭜᭟ᬲᬂᬗᬵᬦ᭄ᬢᬵᬪᭀᬕᬫᬢᬶᬗ᭄ᬕᬄᬤᬶᬤᬸᬯᬸᬭᬦ᭄᭞ᬲᬃᬯ᭄ᬯᬶᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬤᬾᬯᬵᬭᬳᬤ᭄ᬬᬦ᭄᭞ᬫᬗᬸᬤᬵᬲᬧᬸᬦᬶᬓ᭞ᬳᬓᬾᬄᬓᬯᬸᬮᬦᬾᬫᬢᬶ᭞ᬦᬾᬚᬦᬶᬓᬸᬤ᭄ᬬᬂ᭞ᬲᬸᬩᬬᬮᬶᬬᬸᬫᬢᬶ᭟᭜᭟ᬳᬶᬬᬫ᭄ᬩᬃᬓᬯᬶᬢᭂᬗ᭄ᬓᭂᬚᬸᬢ᭄ᬫᬢᭀᬮᬶᬳᬦ᭄᭞ᬤᬶᬤᬸᬳᬸᬃᬓᬮᬶᬬᬢᬶᬦ᭄᭞ᬲᬕᬾᬢᬦ᭄ᬫ
ᬗᭂᬦᬄ᭞ᬳᬶᬤᬵᬲᬂᬗᬦ᭄ᬢᬵᬪᭀᬕ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬧᬸᬦᬧᬶᬩᬧᬵ᭞ᬲᬂᬗᬦ᭄ᬢᬵᬪᭀᬕᬳᬗ᭄ᬮᬶᬂ᭟᭜᭟ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬧᬩ᭄ᬲᭂᬦ᭄ᬢᬶᬢ᭄ᬬᬗᬾᬤᬾᬯᬵ᭞ᬗᬸᬤᬢ᭄ᬯᬭᬤᬵᬫᬾᬮᬶᬂ᭞ᬬᬾᬦ᭄ᬳᬶᬤᬾᬯᬵᬧᬘᬂ᭞ᬫᬫᬃᬕ᭄ᬕᬶᬭᬶᬂᬢ᭄ᬗᬄᬳᬮᬲ᭄᭞ᬳᬗ᭄ᬕᬾᬦ᭄ᬩᬸᬗ᭄ᬓᬸᬗᬾᬧᬸᬦᬶᬓᬶ᭞ᬳᬧᬂᬤᬵᬦᭀᬢ᭞ᬩᬦ᭄ᬲᬮ᭄ᬯᬶᬭᬶᬂᬓᬸ
ᬫ᭄ᬤᬶᬧ᭄᭟᭜᭟ᬲᬧᬸᬦᬶᬓᬧᬩᭂᬲᭂᬦ᭄ᬩᬧᬦᬾᬤᬾᬯᬵ᭞ᬓᬾᬦ᭄ᬓᬾᬦ᭄ᬫᬓ᭄ᬭᬡᬮᬮᬶ᭞ᬫᬳᬢᬹᬃᬭᬳᬤ᭄ᬬᬦ᭄᭞ᬳᬶᬗ᭄ᬕᬶᬄᬕᬸᬭᬸᬳᬶᬯᬂᬢᬶᬢ᭄ᬬᬂ᭞ᬳᬦ᭄ᬢᬵᬪᭀᬕᬫᬸᬯᬸᬲ᭄ᬳᬭᬶᬲ᭄᭞ᬦᬾᬚᬦᬶᬓᬸᬤ᭄ᬬᬂ᭞ᬧᬜ᭄ᬚᬓᬾᬮ᭄ᬬᬸᬫᬢᬶ᭟᭜᭟ᬳᬶᬬᬫ᭄ᬩᬃᬓᬯᬶᬕ᭄ᬮᬶᬲ᭄ᬫᬗᬯᬸᬓᬶᬦ᭄ᬢᬶᬫ᭄ᬧᬲ᭄᭞ᬩᬢᬾᬅ᭄ᬩᭀᬦ᭄ᬢᭀᬂᬫᬳᬶᬕ᭄ᬮᬶᬲ᭄᭞ᬢᬶ [ 37 ][᭓᭖ 36B]
᭓᭖
ᬫ᭄ᬧᬲᬾᬕ᭄ᬮᬶᬲ᭄ᬧ᭄ᬭᬧ᭄ᬝ᭞ᬤᬶᬘᬭᬗᬾᬫᬢᬶᬗ᭄ᬕᬄ᭞ᬤᬾᬦᬶᬂᬳᬶᬬᬓᬲᬕ᭄ᬢᬶᬄ᭞ᬭᬭᬶᬲ᭄ᬭᬳᬤ᭄ᬬᬦ᭄᭞ᬜᭂᬫᬓ᭄ᬮᬦ᭄ᬢᬲ᭄ᬜᬤ᭄ᬲᬤᬶᬦ᭄᭟᭜᭟ᬲᬂᬗ᭄ᬳ᭄ᬬᬂᬳᬦ᭄ᬢᬵᬪᭀᬕᬭᬭᬶᬲ᭄ᬫᬗᬦ᭄ᬤᬶᬓ᭞ᬤᬶᬚᬧᬸᬦᬶᬓᬶᬓ᭄ᬦᬶ᭞ᬢᬶᬫ᭄ᬧᬲ᭄ᬰᬓ᭄ᬝᬶᬧᬶᬲᬦ᭄᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬓ᭄ᬦᬶᬬᬂᬢᬶᬢ᭄ᬬᬂᬭᬶᬂᬫᬃᬕ᭄ᬕᬶ᭞ᬭᬶᬂᬳᬦᬓᭀᬤᬄ᭞
ᬯᬸᬲ᭄ᬓᬢᬸᬢᬸᬭᬂᬲᬫᬶ᭟᭜᭟ᬲᬢᬶᬗ᭄ᬓᬳᬾᬭᬳᬤ᭄ᬬᬦ᭄ᬫᬩᬳᬦ᭄ᬢᬶᬫ᭄ᬧᬲ᭄᭞ᬲᬫ᭄ᬧᬸᬦ᭄ᬓᬳᬢᬹᬃᬲᬫᬶ᭞ᬭᬶᬂᬲᬗᬵᬦ᭄ᬢᬵᬪᭀᬕ᭞ᬲᬂᬗᬵᬦ᭄ᬢᬵᬪᭀᬕᬗᬸᬘᬧ᭄᭞ᬳᭂᬦ᭄ᬢᭀᬢ᭄ᬯᬄᬧᬳᬶᬘᬦ᭄ᬯᬶᬥ᭄ᬤᬶ᭞ᬢ᭄ᬓᬾᬦ᭄ᬳᬶᬤᬾᬯᬵ᭞ᬯᬶᬥ᭄ᬤᬶᬫᬗᬶᬘᬾᬦ᭄ᬲᬶᬮᬶᬩ᭄᭟᭜᭟ᬳᬧᬦ᭄ᬳᬶᬬᬢᭀᬢᭀᬯᬦ᭄ᬳᬦᬓᬾᬳᭀᬤᬄ᭞ᬢᭀᬳᬶ
ᬤᬵᬲᬂᬗ᭄ᬳ᭄ᬬᬂᬯᬶᬥ᭄ᬤᬶ᭞ᬧᬂᬳᬶᬤᬾᬯᬵᬦᬯᬂ᭞ᬬᬫᬢᬶᬧᬓᬦ᭄ᬢᭂᬦᬦ᭄᭞ᬳᬗᬶᬂᬚᬢᬶᬦ᭄ᬜᬦᬾᬢᬸᬲᬶᬂ᭞ᬧᬦ᭄ᬳᬶᬤᬵᬫᭀᬓ᭄ᬢᬄ᭞ᬫᬸᬗ᭄ᬕᬄᬓᬰ᭄ᬯᬃᬕᬦ᭄ᬩᬸᬯᬶᬦ᭄᭟᭜᭟ᬭᬭᬶᬲ᭄ᬫᬮᬶᬄᬲᬂᬗᬦ᭄ᬢᬵᬪᭀᬕᬗᬦ᭄ᬤᬶᬓ᭞ᬢ᭄ᬓᬾᬦ᭄ᬤᬾᬢ᭄ᬬᬦᬾᬲᬫᬶ᭞ᬦᬾᬳᬶᬩᬫᬓ᭄ᬚᬂ᭞ᬢᭀᬩᬗ᭄ᬓᬾᬦᬾᬢᬫ᭄ᬩᬸᬦᬂ᭞ᬳᬧᬂᬧᬤᬵᬗᭂᬦᬄᬤᬶᬦᬶ᭞
ᬳᬚᬓᬫᬓ᭄ᬚᬂ᭞ᬫ᭄ᬯᬄᬦᬾᬫᬢᬢᬸᬲᬫᬶ᭟᭜᭟ᬦᬾᬦᬾᬳᬶᬮᬂᬓᬸᬧᬶᬂᬘᬸᬗᬸᬄᬜᬳᬢᬸᬧᬂ᭞ᬓᭀᬘᬧ᭄‌‌ᬤᬾᬢ᭄ᬬᬦᬾᬲᬫᬶ᭞ᬦᬾᬘᬘᬤ᭄ᬓᬾᬮᬗᬦ᭄᭞ᬚᬦᬶᬗᬮᬶᬳᬶᬦ᭄ᬧᬤᬵ᭞ᬳᬤᬵᬫᬗᬮᬶᬳᬶᬦ᭄ᬓᬸᬧᬶᬂ᭞ᬳ᭄ᬮᬾᬦ᭄ᬢᭀᬳᬤᬵ᭞ᬗᬮᬶᬳᬶᬦ᭄ᬘᬸᬗᬸᬄᬕ᭄ᬮᬶᬲ᭄᭟᭜᭟ᬳᬤᬵᬮᬾᬦ᭄ᬗᬮᬶᬳᬶᬦ᭄ᬮᬶᬫᬦ᭄ᬜᬦᬾ

[᭓᭗ 37A]
᭓᭗
ᬓᭂᬘᬕ᭄᭞ᬲᬸᬩᬫᬢᬸᬧ᭄ᬢᬸᬧ᭄ᬲᬫᬶ᭞ᬲᬸᬩᬧᬤᬵᬩᬓᬢ᭄᭞ᬲᬩᬢᭂᬓ᭄ᬦᬾᬓᬾᬮᬗᬦ᭄᭞ᬮᬦ᭄ᬢᬲ᭄ᬬᬫᬳᬢᬹᬃᬕ᭄ᬮᬶᬲ᭄᭞ᬢ᭄ᬓᬾᬂᬲᬂᬦᬵᬕ᭞ᬇᬗ᭄ᬕᬶᬄᬯᬸᬲᬫᬶᬓ᭄ᬦᬶ᭟᭜᭟ᬭᬭᬶᬲ᭄ᬕᭂᬮᬶᬲ᭄ᬦᬾᬚᬦᬶᬲᬂᬗᬦ᭄ᬢᬵᬪᭀᬕ᭞ᬜᬶᬭᬢᬶᬦ᭄ᬩᬜᬸᬳᬸᬭᬶᬧ᭄᭞ᬲᬫ᭄ᬧᬸᬦ᭄ᬲᬫᬶᬯᬭᬲ᭄᭞ᬦᬾᬫᬢᬢᬸᬤᬶᬳ
ᬯᬓ᭄᭞ᬦᬾᬦᬾᬫᬢᬶᬲᬫ᭄ᬧᬸᬦ᭄ᬳᬸᬭᬶᬧ᭄᭞ᬭᬭᬶᬲ᭄ᬗᬦ᭄ᬤᬶᬓ᭞ᬲᬗᬦ᭄ᬢᬵᬪᭀᬕᬫᬮᬶᬄ᭟᭜᭟ᬦᬾᬳᬶᬩᬭᬓ᭄ᬱᬲᬵᬚᬦᬶᬧᬤᬶᬗᭂᬳᬂ᭞ᬚᬦᬶᬧᬫᬸᬜᬶᬦ᭄ᬓᬳᬶ᭞ᬳᬚᬓ᭄ᬩᬫᬓ᭄ᬚᬂ᭞ᬳᬧᬂᬧᬤᬵᬫᬦᬯᬂ᭞ᬳ᭄ᬦᬾᬳᬶᬤᬵᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬸᬮᬶᬦᬵᬕᬭᬵ᭞ᬧᬮᬭᬚᬦᬕᬭᬶ᭟᭜᭟ᬫᬧᬦ᭄ᬳᬶᬭᬵ
ᬫᬦᬸᬤᬸᬓ᭄ᬳᬶᬤᬵᬤᬶᬳᬮᬲ᭄᭞ᬫᬢᬸᬢᬸᬢᬦ᭄ᬳᬤᬶᬭᬶ᭞ᬳᬗ᭄ᬕᭀᬦ᭄ᬳᬶᬭᬵᬧ᭄ᬬᬦᬓ᭄᭞ᬦᬾᬳᬩᬫᬦᬶᬧᭀᬯᬦ᭄᭞ᬲᬶᬂᬜᬳᬶᬩᬗᬢᭂᬧᬶᬸᬦᬶᬸᬧᬸᬓᬶᬦ᭄᭞ᬤᬵᬳᬶᬩᬕᬮᬓ᭄᭞ᬫᭂᬜ᭄ᬘᬦᬾᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭟᭜᭟᭛ᬤᬂᬤᬂ᭞᭛᭞ᬬᬤᬶᬦ᭄ᬕᬮᬦ᭄ᬕᬮᬓ᭄ᬩᬸᬓᬦᬾᬓᬢᬸᬦᬶ᭞ᬳᬶᬩᬲᬸᬩ
᭞ᬧᬤᬵᬦᬯᬂᬢᬢᬲ᭄᭞ᬚᬦᬶᬓᬧᭀᬓᬂᬳᬯᬓᬾ᭞ᬤᬾᬢ᭄ᬬᬦᬾᬲᬫᬶᬫᬵᬢᬹᬃ᭞ᬲᬧᬲᬶᬭᬵᬚ᭄ᬯᬧᬘᬂᬩᬦᬶ᭞ᬦᬾᬫᬗ᭄ᬓᬶᬦ᭄ᬢᭂᬓᬾᬦ᭄ᬳᬶᬤᬵ᭞ᬬᬤᬶᬦ᭄ᬳᬶᬧᬸᬦ᭄ᬧᬸᬭᬸᬦ᭄᭞ᬫᬰᬯᬗ᭄ᬤᬾᬧᬘᬂᬩᬗ᭄ᬓᬵ᭞ᬓᬸᬮᬦ᭄ᬳᬶᬤᬵ᭞ᬫᬓ᭄ᬚᬂᬫᬳᬢᬹᬃᬩᬓ᭄ᬝᬶ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬤᬾᬯᬵ᭟᭜᭟ [ 38 ][᭓᭗ 37B]
᭓᭗
ᬳᬦ᭄ᬢᬵᬪᭀᬕᬫᬮᬶᬄᬦᬵᬩ᭄ᬤᬳᬭᬶᬲ᭄᭞ᬳᬤᬸᬄᬭᬤ᭄ᬬᬦ᭄᭞ᬦᬄᬚᬦᬶᬚᬮᬦ᭄ᬩᬸᬤᬮ᭄᭞ᬭᬳᬤ᭄ᬬᬦ᭄ᬲᬸᬫᬯᬹᬃᬳᬤᬾᬂ᭞ᬢᬶᬢ᭄ᬬᬂᬫᬗᬶᬭᬶᬂᬕᬸᬭᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬢᬸᬭᬸᬦ᭄ᬕᭂᬮᬶᬲ᭄᭞ᬫᬫ᭄ᬩᬸᬃᬲᬂᬗᬵᬦ᭄ᬢᬵᬪᭀᬕ᭞ᬭᬳᬤ᭄ᬬᬦ᭄ᬓᬲᬫ᭄ᬩᬸᬢ᭄᭞ᬳᬦ᭄ᬢᬸᬓ᭄ᬲᬂᬤᬾᬯᬵᬭᬚᬵ᭞ᬢᬹᬃᬓᬳᭂᬫ᭄ᬩᬦ᭄᭞ᬢᬦ᭄ᬓ
ᬘᬭᬶᬢᬤᬶᬫᬃᬕ᭄ᬕᬶ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬕᬸᬯᬵ᭟᭜᭟ᬳᬶᬧᬗᬶᬦ᭄ᬢᬾᬭᬭᬶᬲ᭄ᬫᬦᬶᬗᬮᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬳᬶᬤᬵᬲᬫ᭄ᬧᬸᬦ᭄ᬧ᭄ᬭᬧ᭄ᬝ᭞ᬳᬶᬗᭂᬫ᭄ᬩᬦ᭄ᬫᬳᬢᬹᬃᬳᬕᬾ᭞ᬤᬸᬄᬫᬭᬶᬓᬶᬭᬵᬢᬹ᭞ᬩᬕ᭄ᬬᬓᭀᬚᬦᬶᬕᬸᬲ᭄ᬢᬶ᭞ᬳᬶᬗ᭄ᬕᬶᬄᬫᬭᬶᬓᬶᬕ᭄ᬮᬶᬲᬂ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬫᬲᬯᬹᬃ᭞ᬗᬸᬤᬵᬢ᭄ᬯᬭᬵᬳᬤᬵᬢ᭄ᬓ᭞
ᬬᬳᬶᬗᭂᬫ᭄ᬩᬦ᭄᭞ᬩᬸᬤᬶᬜᬕ᭄ᬚᬕ᭄‌ᬢ᭄ᬯᬭᬩᬦᬶ᭞ᬢᬓᬸᬢ᭄ᬢᭂᬓᬾᬦᬶᬂᬭᬓ᭄ᬱᬲᬵ᭟᭜᭟ᬭᬭᬶᬲ᭄ᬗᬦ᭄ᬤᬶᬓᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬦᬄᬓᬾᬫᬫᬦ᭄᭞ᬤᭀᬂᬢᬸᬦᬂᬳᬶᬭᬵ᭞ᬭᬭᬶᬲ᭄ᬓᬢᭂᬤᬸᬦᬂᬳᬕᬾ᭞ᬲᬂᬤᬦᬯᬵᬫᬳᬢᬹᬃ᭞ᬧᬫᬶᬢ᭄ᬢᬶᬢ᭄ᬬᬂᬭᬢᬸᬦᬾᬫᬗ᭄ᬓᬶᬦ᭄᭞ᬭᬳᬤ᭄ᬬᬦ᭄ᬫᬗᬦ᭄ᬤᬶᬓ᭞ᬦᬄᬓ᭄ᬫᬫᬦ᭄ᬢᬸᬓ᭄᭞ᬭᬓ᭄ᬱᬲᬦᬾ
ᬲᬫᬶᬩᬸᬤᬮ᭄᭞ᬳᬶᬧᬗᬶᬦ᭄ᬢᬾ᭞ᬜᬕ᭄ᬚᬕᬶᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬤᬸᬄᬭᬢᬸᬲᬸᬲᬸᬦᬦ᭄᭟᭜᭟ᬬᬾᬦ᭄ᬲᬾᬯᬢᬄᬢᬶᬢ᭄ᬬᬂᬯᬦ᭄ᬢᬄᬕᬸᬲ᭄ᬢᬶ᭞ᬲᬫ᭄ᬧᬸᬦ᭄ᬲᬾᬤᬵ᭞ᬩᬦᬾᬫᬓ᭄ᬮᭀᬲᬦ᭄᭞ᬩᬦ᭄ᬳᬶᬤᬾᬯᬵᬮᬸᬗᬦᬾ᭞ᬤᬾᬯᬦ᭄ᬢᬶᬢ᭄ᬬᬗᬾᬭᬢᬸ᭞ᬳᬶᬤᬵᬓᬶᬚᬭᬵᬢᬹᬫᬲ᭄ᬫᬡ᭄ᬦᬶᬓ᭄᭞ᬲᬸᬯᬾᬦᬶᬗ᭄ᬕᬮᬶᬦ᭄ᬢᬶᬢ᭄ᬬᬂ᭞

[᭓᭘ 38A]
᭓᭘
ᬤᭀᬂᬮᬶᬬᬂᬭᬢᬸ᭞ᬳᬧᬂᬢᬶᬢ᭄ᬬᬂᬲᬳᬸᬦᬶᬗᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬗᬦ᭄ᬤᬶᬓᬯᬘᬦᬵᬫᬦᬶᬲ᭄᭞ᬩᬶᬩᬶᬢᬶᬢ᭄ᬬᬂᬓᬤᬸᬂᬮᬸᬯᬲ᭄᭟᭜᭟ᬳᬦ᭄ᬢᬵᬪᭀᬕᬫᬗᬦ᭄ᬤᬶᬓᬫᬮᬶᬄ᭞ᬳᬤᬸᬄᬭᬤ᭄ᬬᬦ᭄᭞ᬳᬶᬤᬾᬯᬵᬓᬶᬚ᭞ᬲᬗ᭄ᬓᬦ᭄ᬲᬸᬯᬾᬧᬮᬸᬗᬦᬾ᭞ᬬᬫ᭄ᬩᬃᬓᬯᬶᬫᬵᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬓᬤᬸᬂᬦᬸᬢᬸᬢᬶᬦ᭄᭞
ᬳᭀᬓᬦ᭄ᬳᬶᬤᬲᬂᬦᬣ᭞ᬦᬾᬦᬾᬩᬸᬜ᭄ᬘᬶᬂᬕᬸᬭᬸ᭞ᬮᬸᬗᬓᬕᬶᬮᬶᬫᬓᬸᬢᬂ᭞ᬤᬶᬢᬸᬢᬶᬢ᭄ᬬᬂᬜᬭᬸᬦ᭄ᬤᬸᬧ᭄ᬗᬶᬭᬶᬂᬓᬕᬶᬮᬶ᭞ᬲᬸᬯᬾᬢᬶᬢ᭄ᬬᬂᬳᬶᬭᬶᬓ᭟᭜᭟ᬳ᭄ᬦᭂᬂᬗᬓ᭄ᬦᬵᬢᬸᬢᬸᬭᬾᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬦᬾᬤᬶᬕᬸᬯᬵ᭞ᬦᬾᬚᬦᬶᬓᭀᬘᬧᬂ᭞ᬦᬾᬭᬶᬂᬧᬮᬵᬭᬚᬋᬓᬾ᭞ᬳᬶᬩᬚ᭄ᬭᬤᬦ᭄ᬢᬲᬫ᭄ᬧᬸᬦ᭄᭞ᬫᬓᬧᬢ᭄ᬧᬢ᭄‌ᬯᬸᬲ᭄
ᬲᬫᬶᬫᬾᬮᬶ᭞ᬦᬾᬦᬾᬓᬲᭀᬭᬦ᭄ᬬᬸᬤ᭞ᬧᬤᬵᬫᬾᬮᬶᬂᬲᬫ᭄ᬧᬸᬦ᭄᭞ᬬᬤ᭄ᬬᬦ᭄‌ᬪᭀᬕᬬᬓ᭄ᬱᬫᬫᬃᬕ᭄ᬕᬵ᭞ᬮᬦ᭄ᬳᬭᬶᬦᬾ᭞ᬳᬶᬤᬵᬭᬤᬾᬦ᭄ᬩᭀᬕᬬᬓ᭄ᬱᬶ᭞ᬗ᭄ᬩᬸᬕ᭄ᬓᬓᬶᬦ᭄ᬢᬯᬦᬵ᭟᭜᭟ᬧᬧᬢᬶᬳᬾᬫᬫᬃᬕ᭄ᬕᬶᬗ᭄ᬭᬶᬳᬶᬦᬶᬦ᭄᭞ᬦᬾᬫᬳᬤᬦ᭄᭞ᬧᬢᬶᬄᬓᬮᬫᭂᬗ᭞ᬮᬶᬫᬂᬮᬓ᭄ᬱᬳᬶᬭᬶᬗᬦᬾ᭞ᬧᬤᬵ
ᬫᬓ᭄ᬮᬫ᭄ᬩᬶᬧ᭄ᬮᬸᬂ᭞ᬩᬦ᭄ᬢᬂᬢᬸᬫ᭄ᬩᬓᬾᬧᭂᬮᬸᬂᬲᬫᬶ᭞ᬫ᭄ᬯᬄᬓᬫ᭄ᬩᭂᬦ᭄ᬧ᭄ᬮᬸᬂᬲᬫ᭄ᬬᬦ᭄᭞ᬦᬾᬭᬶᬂᬧᬸᬗ᭄ᬓᬸᬃᬳᬶᬧᬸᬦ᭄᭞ᬲᬶᬭᬧᬢᬶᬓᬮᬫᬓ᭄ᬭᬓ᭄᭞ᬫᬳᬶᬭᬶᬗᬦ᭄᭞ᬲᬯᬢᬭᬓᬮᬶᬄᬓᭂᬢᬶ᭞ᬧᬓᬓᬲ᭄ᬲᬃᬯ᭄ᬯᬩᬭᬓ᭄᭟᭜᭟ᬓᬫ᭄ᬩᭂᬦ᭄ᬲᬧᬸᬢ᭄ᬜᬦᬾᬩᬭᬓ᭄ᬱᬫᬶ᭞ᬩᬦ᭄ᬢᬂᬢᬸᬫ᭄ᬩᬓ᭄᭞ᬧᬦ᭄ᬫᬧᬸᬮᬲ᭄ᬩᬭᬓ᭄᭞ᬫᬮᬶᬄᬦᬾ [ 39 ][᭓᭘ 38B]
᭓᭘
ᬧᬸᬗ᭄ᬓᬸᬭᬦ᭄ᬋᬓᬾ᭞ᬳᬶᬓᬮᬫᬓ᭄ᬭᬶᬓ᭄ᬜᬫ᭄ᬩᬸᬂ᭞ᬫᬳᬶᬭᬶᬗᬦ᭄‌ᬩ᭄ᬯᬶᬦ᭄ᬢᭂᬮᬸᬂᬓᭂᬢᬶ᭞ᬧᬤᬫᬓ᭄ᬮᬫ᭄ᬩᬶᬩ᭄ᬮᬂ᭞ᬫᬶᬯᬄᬓᬫ᭄ᬩᭂᬦ᭄ᬲᬧᬸᬢ᭄᭞ᬢ᭄ᬓᬾᬦ᭄‌ᬲᬶᬓᭂᬧ᭄ᬜᬦᬾᬩ᭄ᬮᬂ᭞ᬲᬶᬭᬧᬢᬶᬄ᭞ᬳᬶᬓᬮᬫᬓ᭄ᬭᬶᬓ᭄ᬫᬫᬃᬕ᭄ᬕᬶ᭞ᬦ᭄ᬕᬓᬶᬦ᭄ᬚᬭᬦ᭄‌ᬩ᭄ᬮᬂ᭟᭜᭟ᬭᬤᬾᬦ᭄ᬩᭀᬕᬬᬓ᭄ᬱᬫᬜᬫ᭄ᬩᬸᬗᬶᬦ᭄᭞ᬭᬶᬂᬧᬸᬗ᭄ᬓᬸᬭᬦ᭄᭞ᬫᬦ᭄ᬕᬓᬶᬦ᭄ᬚᬭ
ᬦ᭄᭞ᬲᬃᬯ᭄ᬯᬧ᭄ᬢᬓ᭄ᬧᬗᬗ᭄ᬕᬾᬦᬾ᭞ᬫᬓᬫ᭄ᬧᬸᬄᬧᬸᬢᬶᬄᬳᬮᬸᬲ᭄᭞ᬓᬯᬘᬦᬾᬕᬕᬸᬮᬸᬂᬧᬸᬢᬶᬄ᭞ᬫᬧᬬᬸᬂᬓᭂᬫ᭄ᬩᬃᬧ᭄ᬢᬓ᭄᭞ᬢᬹᬃᬲᬶᬓᭂᬧᬾᬧᬢᬸᬄ᭞ᬢᬸᬫ᭄ᬩᬓᬾᬧᬢᬸᬄᬫᬓ᭄ᬚᬂ᭞ᬫ᭄ᬯᬂᬩᬦ᭄ᬤᬾᬭ᭞ᬩᬮᬗᬶᬭᬶᬂᬢ᭄ᬮᬸᬂᬓᭂᬢᬶ᭞ᬧᬗᬗ᭄ᬕᭀᬲᬃᬯ᭄ᬯᬧ᭄ᬢᬓ᭄᭟᭜᭟ᬭᬚᬧᬸᬢ᭄ᬭᬲᬫ᭄ᬧᬸᬦ᭄‌ᬗ᭄ᬮᬶᬗ᭄ᬕᬶᬳᬦ᭄᭞ᬚᬭᬦ᭄ᬩᭀᬦ᭄ᬤᬓ᭄᭞ᬫᬗ᭄ᬭᬭᬶ
ᬲ᭄ᬫᬫᬃᬕ᭄ᬕᬵ᭞ᬳᬦ᭄ᬤᬭᬸᬂᬋᬓᬾᬮᬫ᭄ᬧᬳᬾ᭞ᬫᬓᬸᬢᬦᬾᬫᬵᬲ᭄ᬫᬶᬸᬲ᭄‌‌ᬫᬸᬭᬸᬩ᭄᭞ᬲᭀᬘᬦ᭄ᬯᬶᬦ᭄ᬢᭂᬦ᭄ᬘᬬᬦᬾᬗᭂᬦ᭄ᬤᬶᬄ᭞ᬮ᭄ᬯᬶᬃᬩᬶᬦ᭄ᬢᬂᬧᬓᬜᬄᬜᬄ᭞ᬫ᭄ᬯᬂᬦᬶᬮᬚᬸᬫᭂᬭᬸᬢ᭄᭞ᬢᬦ᭄ᬧᬾᬦ᭄ᬤᬄᬓᬤᬶᬳ᭄ᬬᬂᬲ᭄ᬫᬭᬵ᭞ᬯᬃᬡ᭄ᬦᬵᬦ᭄ᬳᬶᬤᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᬾᬫᬫᬃᬕ᭄ᬕᬶ᭞ᬮ᭄ᬯᬶᬃᬮᬾᬕᭀᬗᬾᬤᬶᬕᬫ᭄ᬩᬃ᭟᭜᭟ᬫᬮᬶᬄᬳᬶᬤᬵᬪᭀ
ᬕᬬᬓ᭄ᬱᬶᬢᬦ᭄ᬫᬭᬶ᭞ᬤᬶᬧᬸᬗ᭄ᬓᬸᬭᬾ᭞ᬫᬳᬶᬭᬶᬗᬦ᭄ᬩᬮᬵ᭞ᬧ᭄ᬢᬂᬓᭂᬢᬶᬲᬯᬢᬭᬦᬾ᭞ᬲᬫᬶᬫᬓ᭄ᬮᬫ᭄ᬩᬶᬳᬸᬗᬸ᭞ᬭᬯᬶᬂᬲᬶᬓᭂᬧ᭄ᬳᬸᬗᬸᬲᬫᬶ᭞ᬫᬶᬯᬄᬢᬸᬗ᭄ᬕᬸᬮ᭄ᬩᬦ᭄ᬤᬾᬭ᭞ᬫ᭄ᬯᬄᬧᬬᬸᬗᬾᬳᬸᬗᬸ᭞ᬧᬢᬶᬫᬧᭀᬦ᭄ᬢᬂᬳ᭄ᬫᬲ᭄᭞ᬚᬚᬗ᭄ᬕᬮᬦ᭄᭞ᬭᬤᬾᬦ᭄ᬲᬫ᭄ᬧᬸᬦ᭄ᬫᬗ᭄ᬮᬶᬗ᭄ᬕᬶᬄᬳᬶᬦ᭄᭞ᬓᬸᬤᬲ᭄ᬮᭂᬫ᭄‌ᬮ᭄ᬯᬶᬃᬕᭀᬯᬓ᭄᭟

[᭓᭙ 39A]
᭓᭙
ᬮᬶᬦ᭄ᬢᬂᬍᬯᬶᬄᬩᬸᬲᬦᬦᬾᬓᬓ᭄ᬱᬶ᭞ᬬᬾᬦ᭄ᬳᬦ᭄ᬤᬾᬬᬂ᭞ᬓᬤᬶᬩᬶᬬᬲ᭄ᬫᭂᬫ᭄ᬩᬄ᭞ᬩᬦ᭄ᬩᬦ᭄ᬧᬫᬃᬕᬶᬦ᭄ᬩᬭᬶᬲᬾ᭞ᬢᭂᬗ᭄ᬭᬦ᭄ᬩᬾᬭᬶᬫ᭄ᬯᬂᬢᬫ᭄ᬩᬸᬃ᭞ᬳᬯᬸᬭᬳᬦ᭄ᬲᬫᬃᬕ᭄ᬕᬶᬫᬃᬕ᭄ᬕᬶ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬲᬫ᭄ᬧᬸᬦ᭄ᬳᬶᬤᬵᬭᬯᬸᬄ᭞ᬭᬶᬢ᭄ᬧᬶᬲᬶᬭᬶᬂᬦᬵᬕᬭ᭞ᬓᬶᬦ᭄ᬢᬯᬦᬵ᭞ᬭᬚᬧᬸᬢ᭄ᬭᬚᬗ᭄ᬕᭂᬮ᭄ᬭᬭᬶᬲ᭄᭞ᬳᬶ
ᬭᬶᬓᬫᬲᬗ᭄ᬕ᭄ᬭᬳᬦ᭄᭟᭜᭟ᬓᬯᬃᬡ᭄ᬦᬧ᭄ᬭᬪᬸᬘᬶᬢ᭄ᬭᬯᬢᬶ᭞ᬲ᭄ᬤᭂᬓ᭄ᬳᬶᬤᬵ᭞ᬓᬢᬗ᭄ᬓᬶᬮᬦ᭄ᬲᬂᬦᬵᬣ᭞ᬤᬤᬶᬳᬸᬬᬸᬢ᭄ᬓᬯᬸᬮᬦᬾ᭞ᬯᬂᬧᬤᬵᬲᬦᬾᬭᬭᬸᬤ᭄᭞ᬲᬫ᭄ᬧᬸᬦ᭄ᬓᬢᬹᬃᬧᬶᬸᬭᬶᬂᬰ᭄ᬭᬶᬪᬹᬧᬢᬶ᭞ᬲᬂᬧ᭄ᬭᬪᬹᬭᬭᬶᬲ᭄ᬦᬩ᭄ᬤ᭞ᬭᬶᬂᬧᬢᬶᬄᬘᬫ᭄ᬩᬸᬭᬸ᭞ᬦᬄᬓᬾᬧᬢᬶᬄᬫᬤᬩ᭄ᬤᬩᬦ᭄᭞ᬚᬦᬶᬧᬤᬵ᭞ᬫᬸᬲᬸᬳᬾ
ᬬᬢ᭄ᬓᬫᬳᬶ᭞ᬫᬵᬢᬹᬃᬓᭀᬮ᭄ᬧᬯᬶᬚᬬ᭟᭜᭟ᬳᬶᬗ᭄ᬕᬶᬄᬤᬾᬯᬵᬭᬢᬹᬢᬶᬢ᭄ᬬᬂᬧᬫᬶᬢ᭄᭞ᬗᬫ᭄ᬤᬮᬶᬦ᭄᭞ᬫᬫᬧᬕᬶᬦ᭄ᬬᬸᬤ᭄ᬤᬵ᭞ᬗ᭄ᬮᬯᬦ᭄ᬲᬢ᭄ᬭᬸᬦ᭄ᬳᬶᬤᬾᬯᬦᬾ᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬭᬢᬸ᭞ᬓᬭᬶᬋᬜ᭄ᬘᬂᬳᬶᬤᭂᬧ᭄ᬫᬫᬃᬕ᭄ᬕᬶ᭞ᬧᭀᬮᬶᬄᬘᭀᬓᭀᬃᬳᬶᬤᬾᬯᬵ᭞ᬮ᭄ᬬᬦ᭄ᬳᬶᬧᬢᬶᬄᬫᬢᬹᬃ᭞ᬲᬶᬭᬧᬢᬶᬦᬶᬸᬄᬦ
ᬮᬬᬓ᭄ᬱ᭞ᬳᬶᬗ᭄ᬕᬶᬄᬭᬵᬢᬹ᭞ᬢᬶᬢ᭄ᬬᬂᬢᬍᬃᬦᬸᬦᬲ᭄ᬧᬫᬶᬢ᭄᭞ᬫᭂᬦ᭄ᬤᬓ᭄ᬱᬢ᭄ᬭᬸᬦ᭄ᬳᬶᬤᬾᬯᬵ᭟᭜᭟ᬚᬦᬶᬲᬢ᭄ᬫᬓᬜᭂᬩᬸᬭᬶᬦ᭄ᬧᬲᬶᬄ᭞ᬩᬦ᭄ᬗᭂᬦᭂᬳᬂ᭞ᬢᭀᬫᬮᬸᬳᬶᬢᬸᬗᬂ᭞ᬧ᭄ᬭᬕᬢᬂᬚᬦᬶᬭᬯᭀᬲᬾ᭞ᬧᬂᬲᬸᬩᬍᬗ᭄ᬓᬢ᭄ᬮᬜ᭄ᬚᬸᬃ᭞ᬢ᭄ᬓᬤᬶᬢᬸᬩᬜᬫᬮᬳᬶᬩ᭄᭞ᬓᬸᬤᬵᬚ᭄ᬗᬄᬳᬫ᭄ᬧᬶᬕᬂ᭞ᬢᬸᬫᬸᬮᬶᬫ [ 40 ][᭓᭙ 39B]
᭓᭙
ᬳᬢᬹᬃ᭞ᬳᬶᬧᬢᬶᬄᬓᭀᬮ᭄ᬧᬯᬶᬚᬬᬵ᭞ᬳᬶᬗ᭄ᬕᬶᬄᬭᬢᬹ᭞ᬢᬶᬢ᭄ᬬᬂᬢ᭄ᬯᬄᬫᬧᬫᬶᬢ᭄ᬫᬢᬶ᭞ᬗᬶᬭᬶᬂᬓᬬᬸᬦ᭄ᬳᬶᬤᬾᬯᬵ᭟᭜᭟ᬭᬭᬶᬲ᭄ᬦᭂᬫ᭄ᬩᬄᬓᬯᬸᬮᬦᬾᬲᬫᬶ᭞ᬭᬶᬂᬲᬂᬦᬵᬣ᭞ᬢᬸᬫᬸᬮᬶᬫᬫᬃᬕ᭄ᬕ᭞ᬲᬂᬧ᭄ᬭᬪᬹᬧᬗᬦ᭄ᬤᬶᬓᬦᬾ᭞ᬦᬄᬫᬚᬮᬦ᭄‌ᬚ᭄ᬯᬫᬮᬸ᭞ᬢ᭄ᬓᬢᬸᬯᬸᬓ᭄ᬤᬦᭀᬮᬶᬄᬯᬸᬭᬶ᭞ᬳᬶᬧᬢᬶᬄᬓᬮᬶᬄ
ᬜᬸᬫ᭄ᬩᬄ᭞ᬢᬸᬫᬸᬮᬶᬮᬸᬫᬓᬸ᭞ᬓᬸᬮ᭄ᬓᬸᬮ᭄ᬫᬲ᭄ᬯᬭᬧᬤᬾᬂᬤᬂ᭞ᬫᬶᬯᬄᬢᬫ᭄ᬩᬸᬃ᭞ᬳᬾᬫᭂᬂᬳᬦᬓᬾᬫᬶᬭᬕᬶ᭞ᬳᬧᬲᬶᬚᬦᬶᬳᬤᬵ᭟᭜᭟ᬲᬲᬫ᭄ᬧᬸᬦᬾᬳᬶᬧᬢᬶᬄᬫᬫᬃᬕ᭄ᬕᬶ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬩᬸᬤᬮ᭄ᬓᬚ᭄ᬭᭀᬧᬸᬭᬵ᭞ᬓᬧᬗ᭄ᬕᬶᬄᬢ᭄ᬓᬾᬦ᭄ᬭᬩᬶᬦᬾ᭞ᬧ᭄ᬭᬫᬶᬰ᭄ᬯᬭᬶᬓᬧᬗ᭄ᬕᬸᬄ᭞ᬜᬕ᭄ᬚᬕ᭄ᬲᬃᬯ᭄ᬯᬶᬫᬳᬢᬹᬃᬕ᭄ᬮᬶᬲ᭄᭞
ᬭᬢᬹᬦᬶᬓᬳᬶᬦ᭄ᬢᬶᬢ᭄ᬬᬂ᭞ᬭᬶᬂᬩᬜ᭄ᬘᬶᬗᬄᬫᬸᬳᬸᬕ᭄᭞ᬓᬸᬮ᭄ᬓᬸᬮ᭄ᬫᬫᬸᬜᬶᬧᬤᬾᬂᬤᬂ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬜᬯᬸᬭᬶᬦ᭄ᬯᬘᬦᬫᬦᬶᬲ᭄᭞ᬦᬄᬲᬸᬩᬕᬦ᭄ᬢᬶᬭᬸᬲᬓ᭄᭟᭜᭟ᬧ᭄ᬭᬫᬶᬰ᭄ᬯᬭᬶᬓᬕ᭄ᬬᬢ᭄ᬫᬢᬹᬃᬭᬭᬶᬲ᭄᭞ᬳᬦ᭄ᬢᬸᬓ᭄ᬦᬧ᭞ᬤᭀᬂᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭞ᬧᬂᬢᬶᬢ᭄ᬬᬂᬳᬸᬦᬶᬂᬓᬦ᭄ᬤᬦᬾ᭞ᬗᬦ᭄ᬤᬶᬓᬲᬗᬵᬧ᭄ᬭᬪᬹ᭞ᬬᬳᬶ
ᬤᬾᬯᬶᬓᭂᬜ᭄ᬘᬦᬯᬢᬶ᭞ᬚᬦᬶᬳᬶᬬᬓᬶᬚ᭞ᬧ᭄ᬭᬫᬶᬲ᭄ᬯᬭᬶᬫᬢᬹᬃ᭞ᬳᬶᬧᬸᬦ᭄ᬩᬳᬸᬭᬶᬂᬓᬭᬦ᭄ᬤᬦ᭄᭞ᬧᬗ᭄ᬕᬶᬄᬢᬶᬢ᭄ᬬᬂ᭞ᬢᬦ᭄ᬧ᭄ᬕᬢ᭄ᬫᬦᬦ᭄ᬤᬂᬲ᭄ᬤᬶᬄ᭞ᬢ᭄ᬯᬭᬮᬾᬦ᭄ᬦᬾᬓᬳᬚᬧ᭄᭟᭜᭟ᬢ᭄ᬯᬭᬵᬮᬾᬦᬦ᭄ᬢ᭄ᬯᬄᬳᬶᬬᬫ᭄ᬩᬃᬓᬯᬶ᭞ᬓ᭄ᬦᭂᬳᬗ᭞ᬢᭀᬂᬤᬤᬶᬢᬸᬗ᭄ᬓᬸᬮᬂ᭞ᬢ᭄ᬯᬭᬧ᭄ᬕᬢ᭄ᬲᬲᬫ᭄ᬩᬢᬾ᭞ᬓ᭄ᬫᬢᬸᬦ᭄ᬤᬾᬦ᭄ᬫᬗ᭄ᬭᬸᬭᬸᬄ᭞ᬳ

[᭔᭐ 40A]
᭔᭐
ᬧᬂᬳᬶᬬᬢ᭄ᬓᬦᬾᬚᬦᬶ᭞ᬳᬶᬭᬗᭀᬭᬳᬶᬦ᭄ᬳᬶᬬ᭞ᬧᬋᬓᬦ᭄ᬫᬗ᭄ᬭᬸᬭᬸᬄ᭞ᬲᬫ᭄ᬧᬸᬦ᭄ᬭᬯᬸᬄᬲᬂᬲᬸᬤᬾᬯ᭄ᬬ᭞ᬭᬭᬶᬲ᭄ᬜᬸᬫ᭄ᬩᬄ᭞ᬗᬦ᭄ᬤᬶᬓᬰ᭄ᬭᬶᬦᬭᬧᬢᬶ᭞ᬦᬄᬤᬶᬦᬶᬩᬋᬂᬦ᭄ᬕᬓ᭄᭟᭜᭟ᬭᬭᬶᬲ᭄ᬫᬮᬶᬗ᭄ᬕᬶᬄᬳᬶᬤᬵᬭᬤᬾᬦ᭄ᬤᬾᬯᬶ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬫᬗᬦ᭄ᬤᬶᬓ᭞ᬤᬸᬄᬤᬾᬯᬵᬕᬸᬲ᭄ᬢᬶᬦ᭄ᬩᬧᬦᬾ᭞
ᬪᬬᬢ᭄ᬯᬄᬕᬦ᭄ᬢᬶᬮᬫ᭄ᬧᬸᬲ᭄᭞ᬚᬦᬶᬩᬧᬗ᭄ᬫᬲᬶᬦ᭄ᬕᬸᬲ᭄ᬢᬶ᭞ᬲᬂᬤᬾᬯᬶᬫᬵᬢᬹᬃᬓᬕ᭄ᬬᬢ᭄᭞ᬳᬦ᭄ᬢᬸᬓ᭄ᬦᬧᬶᬖᬸᬭᬸ᭞ᬧᬗᬦ᭄ᬤᬶᬓᬬᬂᬭᬶᬂᬢᬶᬢ᭄ᬬᬂ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬫᬗᬦ᭄ᬤᬶᬓᬫᬮᬶᬄ᭞ᬤᬸᬄᬤᬾᬯᬵᬳᬢ᭄ᬫᬵᬚᬶᬯᬵ᭟᭜᭟ᬚᬦᬶᬩᬧᬫᬗᭀᬭᬳᬶᬦ᭄ᬕᬸᬲ᭄ᬢᬶ᭞ᬳᬸᬮᬶᬄᬩᬸᬓ᭄ᬢ᭞ᬩᬧᬦᬸᬢᬸᬭᬂ᭞ᬧᬂᬕᬸ
ᬲ᭄ᬢᬶᬦᬯᬂᬓᬦ᭄ᬤᬦᬾ᭞ᬳᬤᬵᬳᬸᬢᬸᬲᬦ᭄ᬭᬯᬸᬄ᭞ᬤᬸᬢ᭄ᬣᬦ᭄ᬳᬶᬤᬵᬰ᭄ᬭᬶᬪᭀᬕᬯᬢᬶ᭞ᬦᬸᬦ᭄ᬤᬾᬦ᭄ᬫᬤᬶᬓ᭄ᬳᬶᬤᬾᬯᬵ᭞ᬓᬮ᭄ᬳᬗ᭄ᬕᭀᬜᬫᬦ᭄ᬢᬸ᭞ᬓᬕᬾᬮᬦ᭄ᬳᬶᬪᭀᬕᬬᬓ᭄ᬱᬵ᭞ᬬᬾᬦ᭄‌ᬢ᭄ᬯᬄᬲᬸᬓᬵ᭞ᬗᬶᬂᬩᬧᬵᬢᬓᬸᬢ᭄ᬜᬗ᭄ᬕᬸᬧᬶᬦ᭄᭞ᬩᬦ᭄ᬫᬸᬜᬶᬦ᭄ᬕᬸᬲ᭄ᬢᬶᬳᬤᬵ᭟᭜᭟ᬧ᭄ᬘᬓ᭄ᬳᬤᬵᬫᬶᬲᬦ᭄ᬕᬸᬲ᭄ᬢᬶ᭞ᬤᬶᬢᬸᬳ
ᬤᬵ᭞ᬫᬮᬸᬜᬫᬦ᭄ᬩᬧᬵ᭞ᬲᬫ᭄ᬧᬸᬦ᭄ᬲᬾᬤᬵᬳᬶᬮᬸᬋᬓᬾ᭞ᬦᬶᬗ᭄ᬕᬮ᭄ᬧᬦᬓ᭄ᬳᬯᬸᬓᬸᬤ᭄᭞ᬫᭀᬦᬶᬜᬳᬶᬮᬂᬦᬸᬘ᭄ᬦᬶᬓ᭄᭞ᬩᬋᬂᬢ᭄ᬓᬾᬦᬶᬗᭂᬫ᭄ᬩᬦ᭄᭞ᬢ᭄ᬯᬭᬵᬩᬓᬢ᭄ᬭᬸᬭᬸᬄ᭞ᬓᬮᬂᬚᬦᬶᬢ᭄ᬯᬭᬢ᭄ᬓᬵ᭞ᬭᬤᬾᬦ᭄ᬤᬾᬯᬶ᭞ᬫᬲᬯᬹᬃᬫᬲᭂᬫᬸᬢᬗᬶᬲ᭄᭞ᬖᬸᬭᬸᬯᬾᬄᬭᬶᬂᬧᬸᬦᬶᬓᬵ᭟᭜᭟ [ 41 ][᭔᭐ 40B]
᭔᭐
ᬢᬶᬢ᭄ᬬᬂᬢ᭄ᬯᬭᬵᬧᬜ᭄ᬚᬂᬯᬦ᭄ᬢᬄᬗᬶᬭᬶᬂ᭞ᬧᬓᬬᬸᬦᬦ᭄᭞ᬫᬗ᭄ᬓᬶᬦ᭄ᬤᬾᬦᬶᬂᬮ᭄ᬬᬦ᭄᭞ᬲᬂᬧ᭄ᬭᬪᬹᬳᬭᬶᬲᬯᬹᬭᬾ᭞ᬢᭀᬲᬗ᭄ᬓᬦ᭄ᬩᬧᬵᬳᬶᬩᬸᬓ᭄᭞ᬫᬧᬗ᭄ᬭᬱᬩᬸᬓᬚᬦᬶ᭞ᬫᬵᬢᬹᬃᬭᬳᬤᬾᬦ᭄ᬤᬾᬯ᭄ᬬ᭞ᬓᬮᬶᬗᬜᬖᬹᬭᬸ᭞ᬢᬶᬢ᭄ᬬᬂᬢ᭄ᬯᬄᬧ᭄ᬮᬶᬄᬳᬸᬘᬧᬦ᭄᭞ᬢ᭄ᬓᬾᬦ᭄ᬳᬶᬬ᭞ᬬᬾᬦ᭄‌ᬢ᭄ᬯᬭᬵᬳᬶᬬᬫ᭄ᬩᬃᬓᬯᬶ᭞ᬢᬶ
ᬢ᭄ᬬᬂᬢᬦ᭄ᬲᬸᬓᬫ᭄ᬭᬗ᭄ᬓᬢ᭄᭟᭜᭟ᬢᬦ᭄ᬓᬯᬃᬡ᭄ᬦᬵᬲᬂᬧ᭄ᬭᬪᬹᬤᬶᬧᬸᬭᬶ᭞ᬚᬦᬶᬓᭀᬘᬧ᭄᭞ᬦᬾᬫᬫᭂᬦ᭄ᬤᬓ᭄‌ᬬᬸᬤᬵ᭞ᬓᬶᬧᬢᬶᬄᬲᬫ᭄ᬩᬸᬭᬸᬋᬓᬾ᭞ᬱᬋᬂᬮᬦ᭄ᬭᭀᬯᬂᬳᬶᬧᬸᬦ᭄᭞ᬧᬧᬸᬘᬸᬓᬾᬲᬫ᭄ᬧᬸᬦ᭄ᬓᬧᬗ᭄ᬕᬶᬄ᭞ᬩ᭄ᬤᬶᬮ᭄‌ᬗᬺᬧᭂᬤ᭄ᬫᬲ᭄ᬯᬭᬵ᭞ᬲᬸᬭᬓᬾᬕᬸᬭᬸᬄ᭞ᬲᬮᬶᬂᬳᬸᬮᬧᬶᬦ᭄ᬫᬗᬸᬫ᭄ᬩᬂ᭞ᬫᬗᬋᬧᬂ᭞ᬳᬓᬾᬄᬫᬢᬶᬓ᭄ᬦᬵ
ᬫᬶᬫᬶᬲ᭄᭞ᬫᬸᬲᬸᬄᬓᬮᬯᬦ᭄ᬭᭀᬯᬂ᭟᭜᭟᭛ᬤᬹᬃᬫ᭄ᬫᬵ᭞᭛᭞ᬚᬦᬶᬲᬸᬩᬫᬤᭂᬲᭂᬓ᭄ᬫᬕᭂᬩ᭄ᬢᬸᬫ᭄ᬩᬓ᭄᭞ᬭᬫᬾᬲᬮᬶᬂᬩ᭄ᬤᬶᬮᬶᬦ᭄᭞ᬩᬗ᭄ᬓᬾᬦᬾᬧᬚᭂᬫ᭄ᬧᬂ᭞ᬳᬤᬵᬳ᭄ᬮᬸᬂᬫᬕᬸᬬᬂ᭞ᬫᬗ᭄ᬮᬶᬂᬦᬕᬶᬄᬳᭂᬮᬸᬤᬶᬦ᭄᭞ᬳᬤᬵᬮᬾᬦ᭄ᬢᭂᬓ᭞ᬕ᭄ᬫᭂᬲ᭄ᬮᬦ᭄ᬢᬲ᭄ᬗᭂᬮᬸᬤᬶᬦ᭄᭟᭜᭟ᬤᬤᬶᬮᬶᬮᬶᬄᬭᭀᬯᬵᬗᬾᬳᬶᬓᬮᬫ᭄ᬗ᭞ᬫᬮᬳᬶ
ᬩ᭄‌ᬲ᭄ᬮᬾᬂᬮᬗ᭄ᬓᬸᬗᬶᬦ᭄᭞ᬦᬾᬦᬾᬓᬢᬸᬢᬸᬕᬦ᭄᭞ᬮᬶᬬᬸᬫᬢᬶᬓᬢᬸᬫ᭄ᬩᬓ᭄᭞ᬳᬶᬓᬮᬫᭂᬗᬬᬩ᭄ᬭᬗ᭄ᬢᬶ᭞ᬢᭀᬂᬤᬤᬩᬮᬶᬓᬂ᭞ᬭᭀᬯᬂᬜᬦᬾᬓᬮᬶᬮᬶᬄ᭟᭜᭟ᬳᬶᬓᬮᬫᭂᬗᬚᬦᬶᬬᬫᬗᬋᬧᬂ᭞ᬲᬶᬂᬧᬳᭂᬓ᭄ᬓᬢᬸᬫ᭄ᬩᬓᬶᬦ᭄᭞ᬫᬲ᭄ᬬᬢ᭄ᬓᬓᭂᬫ᭄ᬩᬸᬮᬦ᭄᭞ᬢ᭄ᬯᬭᬵᬓᬦᬶᬦ᭄ᬩᬦ᭄ᬢᬸᬫ᭄ᬩᬓ᭄᭞ᬍᬯᬶᬄᬢᬾᬬᬩ

[᭔᭑ 41A]
᭔᭑
ᬳᬦ᭄ᬫᬶᬫᬶᬲ᭄᭞ᬓᬮᬶᬂᬧ᭄ᬤᬂ᭞ᬓᬤᬸᬢᬦ᭄ᬢᬦ᭄ᬗᬸᬦ᭄ᬤᬶᬮᬶ᭟᭜᭟ᬲᬭᭀᬯᬗᬾᬳᬶᬧᬢᬶᬄᬲᬫ᭄ᬩᬸᬭᬸᬩ᭄ᬭᬱ᭄ᬝᬵ᭞ᬳᬤᬶᬭᬶᬢ᭄ᬯᬭᬓᬭᬶ᭞ᬢ᭄ᬯᬭᬵᬳᬤᬵᬢᬸᬮᬓ᭄᭞ᬢᬶᬦ᭄ᬤᬶᬄᬢ᭄ᬓᬾᬦ᭄ᬲᬗ᭄ᬕᬸᬧᬵ᭞ᬳᬶᬧᬢᬶᬄᬲᬫ᭄ᬩᬸᬭᬸᬩ᭄ᬭᬗ᭄ᬢᬶ᭞ᬚᬦᬶᬗᬋᬧᬂ᭞ᬫᬗᬩᬢᬸᬫ᭄ᬩᬓ᭄ᬩᬶᬭᬶᬂ᭟᭜᭟ᬢᬦ᭄ᬤᬸᬫᬤᬾᬓᬘᬸᬦ᭄ᬤᬸᬓ᭄ᬳᬶᬓᬮᬫᭂᬗᬵ᭞ᬳᬶᬲᬫ᭄ᬩᬸᬭᬸ
ᬫᬦᭂᬗ᭄ᬓᬶᬓ᭄᭞ᬧᭂᬲᬸᬫᬸᬜᬶᬩᬗ᭄ᬕ᭄ᬭᬲ᭄᭞ᬳ᭄ᬦᬾᬢᬾᬳ᭄ᬜᬾᬦ᭄ᬳᬶᬩ᭞ᬧᬗ᭄ᬓᬄᬫᬕᬕᭂᬩᬸᬕ᭄ᬫᬳᬶ᭞ᬜᬾᬦ᭄ᬳᬤᬵᬦ᭄ᬳᬶᬩᬵ᭞ᬳᭀᬭᬳᬂᬢ᭄ᬓᬾᬦ᭄ᬓᬳᬶ᭟᭜᭟ᬧᬢᬶᬄᬓᬮᬫᭂᬗᬵᬭᬭᬶᬲ᭄ᬫᬗᬋᬧᬂ᭞ᬲᬃᬯ᭄ᬯᬶᬫᬲᬯᬹᬃᬦᭂᬗ᭄ᬓᬶᬓ᭄᭞ᬦᬄᬧᬂᬳᬶᬩᬦᬯᬂ᭞ᬓᬳᬶᬳᬶᬓᬮᬫᭂᬗᬵ᭞ᬳᬶᬩᬜᬾᬦ᭄ᬳᬤᬦ᭄ᬩᬘᬶᬘᬶᬂ᭞ᬚᬦᬶᬳᭀᬭᬳᬂ᭞
ᬳᬶᬲᬫ᭄ᬩᬸᬭᬸᬜᬯᬹᬭᬶᬦ᭄᭟᭜᭟ᬳ᭄ᬦᬾᬓᬳᬶᬫᬗᭀᬭᬳᬂᬢ᭄ᬓᬾᬦ᭄ᬳᬶᬩ᭞ᬳᬤᬦ᭄ᬓᬳᬶᬦᬾᬚᬦᬶ᭞ᬳᬧᬂᬳᬶᬩᬧ᭄ᬤᬲ᭄᭞ᬦᬾᬩᬲᭀᬂᬧᬤᬶᬗᭂᬳᬂ᭞ᬳᬶᬧᬢᬶᬄᬲᬫ᭄ᬩᬸᬭᬸᬓᬳᬶ᭞ᬓᬾᬦ᭄ᬓᬾᬦ᭄ᬓᬋᬫ᭄ᬩ᭞ᬓᬳᬶᬧᬘᬂᬦᬶᬫ᭄ᬧᬮᬶᬦ᭄᭟᭜᭟ᬭᬭᬶᬲ᭄ᬫᬭᬵᬳᬶᬓᬮᬫᭂᬗᬫᬦᬸᬫ᭄ᬩᬓ᭄᭞ᬳᬗᬶᬂᬢ᭄ᬯᬭᬫᬶᬦ᭄ᬢᬸᬮᬶᬦ᭄᭞ᬧᬤᬵᬲ
ᬮᬾᬂᬢᬸᬫ᭄ᬩᬓ᭄᭞ᬫᬦᬗ᭄ᬓᬶᬲ᭄ᬫᬧᭂᬦ᭄ᬢᬶᬮᬦ᭄᭞ᬫᬦᬸᬫ᭄ᬩᬓ᭄ᬓᬢᬸᬫ᭄ᬩᬓ᭄ᬫᬮᬶᬄ᭞ᬧᬤᬵᬯᬶᬤᬕ᭄ᬥ᭞ᬲᬫᬶᬢᬦ᭄ᬩᬶᬱᬵᬓᬦᬶᬦ᭄᭟᭜᭟ᬧᬤᬵᬳ᭄ᬮᬸᬂᬢᬸᬫ᭄ᬩᬓ᭄ᬜᬦᬾᬫᬓᬤᬤ᭄ᬯ᭞ᬧᬤᬫᬗᬸᬦᬸᬲ᭄ᬓᭂᬭᬶᬲ᭄᭞ᬮᬦ᭄ᬢᬲ᭄ᬲᬮᬶᬂᬕᬶᬲᬶᬬᬂ᭞ᬲᬮᬾᬂᬳᬸᬋᬓ᭄ᬩᬦ᭄ᬓᬤᬸᬢᬦ᭄᭞ᬫᬲᬶᬄᬢ᭄ᬯᬭᬩᬶᬱᬵᬓᬦᬶᬦ᭄᭞ᬳᬶᬪᭀᬕᬬᬓ᭄ᬱᬵ᭞ [ 42 ][᭔᭑ 41B]
᭔᭑
ᬜᬩᬢ᭄ᬩᬦ᭄ᬘᬓ᭄ᬭᬕ᭄ᬮᬶᬲ᭄᭟᭜᭟ᬫᬸᬜᬶᬦ᭄‌‌ᬩ᭄ᬥᬶᬮᬾᬗᬺᬧᭂᬤ᭄‌ᬢ᭄ᬯᬭᬵᬤᬧ᭄ᬕᬢ᭄᭞ᬩᬗ᭄ᬓᬾᬦᬾᬧᬕᬸᬮᬶᬦ᭄ᬢᬶᬓ᭄᭞ᬢᭀᬂᬳᬤᬗᬭᬶᬗ᭄ᬲᬸᬦᬂ᭞ᬦᬾᬳᬸᬮᬶᬓᬶᬦ᭄ᬢᬯᬦᬵ᭞ᬤᬾᬦᬶᬂᬓ᭄ᬦᭂᬳᬳᬩ᭄ᬲᬶᬓ᭄᭞ᬢ᭄ᬓᬗᬸᬮᬳᬂ᭞ᬢ᭄ᬯᬭᬵᬤᬫᬧ᭄ᬭᬶᬄᬳᬸᬭᬶᬧ᭄᭟᭜᭟ᬢ᭄ᬓᬮᬚᬸᬧᬚᬮᬦ᭄ᬜᬦᬾᬗᬋᬧᬂ᭞ᬳᬶᬓᬮᬬᬓ᭄
ᬱᬚᬦᬶ᭞ᬳᬚᬓᬫᬓ᭄ᬚᬂ᭞ᬲᬫᬶᬫᬲᬲᬸᬭᬓᬦ᭄᭞ᬤᬾᬦᬶᬂᬬᬳᬚᬓ᭄ᬳᬓᬶᬓᬶᬢ᭄᭞ᬓᬓᬾᬄᬳᬦ᭄ᬮᬯᬦ᭄᭞ᬫᬲᬶᬄᬬᬢ᭄ᬯᬭᬕᬶᬗ᭄ᬲᬶᬃ᭟᭜᭟ᬳᬧᬦ᭄ᬓᬍᬲᭀᬦ᭄ᬳᬶᬧᬢᬶᬄᬚᬕ᭄ᬭᬦᬮ᭞ᬮᬦ᭄ᬢᬲ᭄ᬫᬓᭂᬩᬸᬃᬕ᭄ᬮᬶᬲ᭄᭞ᬓᬳᬸᬩᭂᬃᬗ᭄ᬕᬕᬡ᭄ᬦᬵ᭞ᬩᬦ᭄ᬳᬶᬓᭀᬮ᭄ᬧᬯᬶᬚᬬ᭞ᬪᭀᬕᬬᬓ᭄ᬱᬫᬦᬶᬗᬮᬶᬦ᭄᭞ᬮᬦ᭄ᬢᬲ᭄ᬓ
ᬧᬦᬄ᭞ᬓᭀᬮ᭄ᬧᬯᬶᬚᬬᬓ᭄ᬦᬶ᭟᭜᭟ᬲᬫᬢᬶᬦᬾᬳᬶᬧᬢᬶᬄᬓᭀᬮ᭄ᬧᬯᬶᬚᬬᬵ᭞ᬳᬶᬧᬢᬶᬄᬚᬬᬲᬸᬭᬶ᭞ᬲᬸᬭᬓᬾᬯᬸᬭᬳᬦ᭄᭞ᬯᭀᬂᬓᬶᬦ᭄ᬢᬵᬯᬦᬵᬩ᭄ᬭᬱ᭄ᬝ᭞ᬫᬸᬂᬓᬭᬶᬰ᭄ᬭᬶᬦᬭᬧᬢᬶ᭞ᬭᬶᬂᬓᬦ᭄ᬬᬧᬸᬭᬵ᭞ᬓᬮᬯᬦ᭄ᬧ᭄ᬭᬫᬶᬲ᭄ᬯᬭᬶ᭟᭜᭟ᬓᬯᬸᬮᬦᬾᬓᬭᬶᬦᬾᬢᬸᬯᬢᬸᬯ᭞ᬭᬤᬾᬦ᭄ᬓᬮᬶᬄᬫᬗ᭄ᬭᬭᬶ
ᬲ᭄᭞ᬭᬤᬾᬦ᭄ᬩᭀᬕᬬᬓ᭄ᬱᬵ᭞ᬮᬦ᭄ᬩᭀᬕᬬᬓ᭄ᬱᬶᬭᬳᬤ᭄ᬬᬦ᭄᭞ᬓᬳᬶᬭᬶᬂᬩᬦ᭄ᬧᬜ᭄ᬚᬓ᭄ᬱᬫᬶ᭞ᬮᬚᬸᬗᬸᬮᬳᬂ᭞ᬧ᭄ᬭᬬᬗᭀᬚᭀᬕ᭄ᬓᬧᬸᬭᬶ᭟᭜᭟ᬓᬯᬃᬡ᭄ᬦᬲᬗᬵᬧ᭄ᬭᬪᬹᬭᬶᬂᬚ᭄ᬭᭀᬧᬸᬭᬶ᭞ᬓᬮᬯᬦ᭄ᬧ᭄ᬭᬫᬶᬲ᭄ᬯᬭᬶ᭞ᬧᬤᬫᬤᬩ᭄ᬤᬩ᭄ᬤᬩᬦ᭄᭞ᬫᬓᬓ᭄ᬭᬶᬓ᭄ᬫᬓᬸᬭᬫᬲ᭄᭞ᬧᬘᬂᬫᬧᬸᬧᬸᬢᬦ᭄ᬫᬗ᭄ᬓᬶᬦ᭄᭞ᬫᬯ

[᭔᭒ 42A]
᭔᭒
ᬲ᭄ᬢ᭄ᬭᬧ᭄ᬢᬓ᭄᭞ᬢ᭄ᬯᬦ᭄ᬤᬾᬯᬶᬭᬭᬶᬲ᭄ᬫᬶᬚᬶᬮ᭄᭟᭜᭟ᬓᭀᬘᬧ᭄ᬳᬶᬤᬵᬫᬳᬶᬭᬶᬗᬦ᭄ᬢ᭄ᬯᬄᬮᬮᬶᬫ᭞ᬫᬶᬚᬶᬮᬾᬲᬓᬶᬂᬧᬸᬭᬶ᭞ᬗᬫ᭄ᬩᬄᬩᬩᬾᬢᬮᬦ᭄᭞ᬮᭀᬫ᭄ᬧᭀᬗᬾᬤᬶᬧᬾᬩᬢᬦ᭄᭞ᬭᬳᬤᬾᬦ᭄ᬤᬾᬯᬶᬫᬮᬳᬶᬩ᭄᭞ᬫᬗᬸᬗ᭄ᬲᬶᬳᬮᬲ᭄᭞ᬧᬦ᭄ᬳᬶᬤᬵᬓᬚᬭᬳᬶᬦ᭄᭟᭜᭟ᬓᬯᬃᬡ᭄ᬦᬲᬂᬧ᭄ᬭᬪᬹᬦᬾᬚᬦᬶᬫ᭄ᬤᬮ᭄᭞ᬲᬋᬂᬮᬦ᭄ᬭᬤᬾ
ᬦ᭄ᬫᬦ᭄ᬢ᭄ᬭᬶ᭞ᬫᬲᬹᬃᬬ᭄ᬬᬓᬸᬲᬸᬫ᭞ᬦᬸᬩᬚᬂᬢ᭄ᬭᬸᬡ᭄ᬦᬜᬮᬄ᭞ᬤᬾᬭᬾᬂᬳᬶᬤᬵᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄᭞ᬫᬲᬶᬓᭂᬧ᭄ᬢᬸᬫ᭄ᬩᬓ᭄᭞ᬫᬗᬶᬭᬶᬂᬖᬸᬭᬸᬳᬚᬶ᭟᭜᭟ᬭᬭᬶᬲ᭄ᬗᬫᬸᬓ᭄ᬫᬳᬶᬭᬶᬗᬦ᭄ᬢᬸᬯᬢᬸᬯ᭞ᬦᬾᬦᬾᬧ᭄ᬘᬓ᭄ᬦᭂᬩᭂᬗᬶᬦ᭄᭞ᬤᬶᬢᬸᬤᬶᬩᬜ᭄ᬘᬶᬗᬄ᭞ᬲᭀᬭᭀᬄᬦᬾᬫᬾᬦᬓ᭄ᬫᬾᬦᬓ᭄᭞ᬰᬢ᭄ᬭᬸᬢ᭄ᬯᬭᬜᬓ᭄ᬦᭂᬩᭂᬓᬶᬦ᭄᭞ᬲᬫᬗᬫᬢ᭄ᬬᬂ
᭞ᬩᭀᬚᭀᬕ᭄ᬧᭂᬘᬾᬄᬫᬢᬮᬶ᭟᭜᭟ᬚᬦᬶᬫᬭᬲᬂᬧ᭄ᬭᬪᬹᬲᬋᬂᬭᬳᬤ᭄ᬬᬦ᭄᭞ᬫᬗ᭄ᬮᬯᬦ᭄ᬲᬶᬭᬵᬧᬢᬶᬄ᭞ᬧᬢᬶᬄᬚᬕ᭄ᬭᬦᬮ᭞ᬲ᭄ᬯᬾᬫᬳᬸᬤᭂᬃᬳᬸᬤᭂᬭᬦ᭄᭞ᬓᬮᬶᬄᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬵᬋᬧ᭄ᬳᬋᬧᬦ᭄᭞ᬮᬦ᭄ᬳᬶᬧᬗ᭄ᬕᬓᬲ᭄ᬢᬸᬭᬶ᭟᭜᭟ᬲᬶᬭᬵᬧᬢᬶᬄᬧᬗ᭄ᬕᬓᬲ᭄ᬢᬸᬭᬶᬓᬲᭀᬭᬦ᭄᭞ᬳᬦᬶᬩᬦᬸᬮᬶᬫᬢᬶ᭞ᬧᬢᬶᬄᬚ
ᬕ᭄ᬭᬦᬮ᭞ᬫᬲᬶᬄᬢᬦ᭄ᬧᭀᬮᬶᬄᬜᭀᬗ᭄ᬕᬄ᭞ᬍᬲᬸᬦᬾᬢᬦ᭄ᬲᬶᬧᬶᬲᬶᬧᬶ᭞ᬓᬲᬸᬤᬸᬓ᭄ᬳᭂᬩᬄ᭞ᬳᬗᬶᬂᬢ᭄ᬯᬭᬵᬤᬓᬦᬶᬦᬶᬸᬦ᭄᭟᭜᭟ᬓᬘᬶᬗᬓᬦ᭄ᬳᬦ᭄ᬢᬸᬓ᭄ᬳᬶᬤᬵᬪᭀᬕᬬᬓ᭄ᬱ᭞ᬓᬧᬦᬄᬰ᭄ᬭᬶᬪᬹᬧᬢᬶ᭞ᬦᬶᬩᬲᬧᬶᬲᬦ᭄᭞ᬲᬾᬤᬵᬳᬶᬤᬲᬂᬦᬵᬣ᭞ᬫᬮᬶᬄᬭᬤᬾᬦ᭄ᬩᭀᬕᬬᬓ᭄ᬱᬶ᭞ᬫᬦᬄᬭᬳᬤ᭄ᬬᬦ᭄᭞ [ 43 ][᭔᭒ 42B]
᭔᭒
ᬲᬹᬃᬬ᭄ᬬᬓᬸᬲᬸᬫᬓ᭄ᬦᬶ᭟᭜᭟ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬳᬶᬤᬵᬯᬸᬲ᭄‌ᬲᬾᬤ᭄ᬤᬵ᭞ᬳᬶᬤᬵᬰ᭄ᬭᬶᬧ᭄ᬭᬫᬶᬲ᭄ᬯᬭᬶ᭞ᬭᬭᬶᬲ᭄ᬜᬸᬤᬸᬓ᭄ᬭᬕ᭞ᬲᬫ᭄ᬧᬸᬦ᭄ᬳᬶᬤᬦᬾᬲᬾᬤ᭄ᬤᬵ᭞ᬭᬭᬶᬲ᭄ᬳᬶᬤᬵᬪᭀᬕᬬᬓ᭄ᬱᬶ᭞ᬗ᭄ᬭᬜ᭄ᬚᬶᬂᬓᬧᬸᬭᬵ᭞ᬫᬗᬮᬶᬄᬭᬦᬾᬶᬸᬯᬶᬸᬤᬦ᭄ᬤᬾᬯᬶ᭟᭜᭟ᬭᬤᬾᬦ᭄ᬤᬾᬯᬶᬢ᭄ᬯᬭᬤᬓᬭᬶᬤᬶᬧᬸᬭ᭞ᬮᬬᭀᬦᬾᬩᬸᬮ
ᬓ᭄ᬩᬮᬶᬓ᭄᭞ᬫᬲᬶᬄᬢ᭄ᬯᬭᬳᬤᬵ᭞ᬳᬾᬫᭂᬂᬚᬦᬶᬭᬳᬤ᭄ᬬᬦ᭄᭞ᬭᬭᬶᬲ᭄ᬗᬦ᭄ᬤᬶᬓᬬᬂᬗᬮᬶᬄ᭞ᬢ᭄ᬓᭂᬤ᭄ᬓᬚᬩᬵ᭞ᬩᬶᬮᬂᬳᬸᬫᬄᬘᭂᬮᬸᬧᬶᬦ᭄᭟᭜᭟ᬫᬲᬶᬄᬢ᭄ᬯᬭᬳᬤᬳᬦᬓ᭄ᬫᬢᬸᬢᬸᬭᬦ᭄᭞ᬧᬜ᭄ᬚᬓ᭄ᬜᬦᬾᬢᬓᭀᬦᬶᬦ᭄᭞ᬫᬲᬶᬄᬢ᭄ᬯᬭᬦᬯᬂ᭞ᬳ᭄ᬦᭂᬂᬳᬶᬪᭀᬕᬬᬓ᭄ᬱ᭞ᬓᬭᬶᬤᬶᬧᬸᬭᬶᬫᬗᬦ᭄ᬢᬶ᭞ᬮᬦ᭄ᬳᬭᬶᬦᬶᬭᬵ᭞ᬭᬳᬤᬾᬦ᭄ᬩᭀ
ᬕᬬᬓ᭄ᬱᬶ᭟᭜᭟ᬓᬯᬃᬡ᭄ᬦᬵᬭᬳᬤᬾᬦ᭄ᬤᬾᬯᬶᬫᬫᬃᬕ᭄ᬕᬵ᭞ᬗᭀᬚᭀᬕ᭄ᬓᬯᬦᬵᬧᬸᬭᬶ᭞ᬮᬚᬸᬫᬗᬸᬮᬳᬂ᭞ᬢᬦ᭄ᬓᬢᬶᬸᬘ᭄ᬭᬶᬢᬤᬶᬚᬮᬦ᭄᭞ᬓᭀᬘᬧᬳᬶᬬᬫ᭄ᬩᬃᬓᬯᬶ᭞ᬦᬾᬦᬾᬤᬶᬕᬸᬯᬵ᭞ᬮ᭄ᬯᬶᬃᬧᬶᬢᬸᬤᬸᬳᬶᬂᬯᬶᬤ᭄ᬤᬶ᭟ᬤᬤᬶᬳᬤᬳᬶᬤᭂᬧᬫᬩᬸᬤᬶᬮᬸᬯᬲ᭄᭞ᬮᬦ᭄ᬢᬲ᭄ᬮᬸᬗᬢᬦ᭄ᬧᬫᬶᬢ᭄᭞ᬢᬹᬃᬫᬫᬶᬋᬂᬲᬸᬭᬓ᭄᭞
ᬩ᭄ᬤᬶᬮᬾᬳᬲᬯᬸᬭᬦ᭄᭞ᬓ᭄ᬦᭂᬄᬜᬦᬾᬩᬸᬓᬕᬶᬭᬶᬓ᭄᭞ᬭᬭᬶᬲ᭄ᬫᬫᬃᬕ᭄ᬕ᭞ᬕᬕ᭄ᬮᬶᬲᬦ᭄ᬫᬫᬃᬕ᭄ᬕᬶ᭟᭜᭟ᬩᬳᬸᬢ᭄ᬓᭂᬤ᭄ᬳᬶᬬᬫ᭄ᬩᬃᬓᬯᬶᬤᬶᬳᬮᬲ᭄᭞ᬩᬸᬓᬳᬮᬄᬲ᭄ᬫᬬᬳᬶᬦ᭄᭞ᬭᬤᬾᬦ᭄ᬤᬾᬯᬶᬢ᭄ᬓᬵ᭞ᬳᬚᬓ᭄ᬦᭂᬫ᭄ᬦᭂᬫᬚᬮᬦ᭄᭞ᬫᬳᬦ᭄ᬤᭂᬕ᭄ᬳᬶᬬᬫ᭄ᬩᬃᬓᬯᬶ᭞ᬲᬃᬯ᭄ᬯᬶᬫᭂᬤᬲᬂ᭞ᬲᬕᬾᬢ᭄ᬳᬶᬤᬵᬢ᭄ᬯᬦ᭄ᬤᬾᬯᬶ᭟᭜᭟ᬫᬳᬶᬮᬶ᭠

[᭔᭓ 43A]
᭔᭓
ᬤᬦ᭄ᬳᬶᬬᬫ᭄ᬩᬃᬓᬯᬶᬫᬦ᭄ᬕᬓ᭄᭞ᬧᬗ᭄ᬭᬱᬜᬤᬶᬳᬢᬶ᭞ᬧᬂᬲᬸᬩᬧ᭄ᬤᬲ᭄᭞ᬮᬯᬸᬢ᭄ᬫᬭᬳᭂᬦᭀᬢ᭞ᬓᬾᬄᬢᬵᬓ᭄ᬦᭂᬄᬜᬦᬾᬚᬦᬶ᭞ᬢ᭄ᬓᬜᬶᬤᬬᬂ᭞ᬧᬳᭂᬓ᭄ᬳᬮᬄᬧᬢᬸᬚᬸᬯᬶᬦ᭄᭟᭜᭟ᬢ᭄ᬓᬳᬶᬬᬳᬶᬬᬫ᭄ᬩᬃᬓᬯᬶᬳᭀᬚᭀᬕ᭞ᬦᬶᬗᬶᬦ᭄ᬢᬾᬫᬜᬕ᭄ᬚᬕᬶᬦ᭄᭞ᬜᭂᬫᬓ᭄ᬫᬗᬶᬲᬶᬬᬂ᭞ᬤᬾᬦᬶᬂᬬᬲᬸ
ᬩᬧ᭄ᬤᬲ᭄᭞ᬯᬦ᭄ᬢᬄᬬᬳᬶᬬᬫ᭄ᬩᬃᬓᬯᬶ᭞ᬳᬚᬓ᭄ᬫᬓ᭄ᬚᬂ᭞ᬚᬦᬶᬩᬋᬂᬜᬕ᭄ᬚᬕᬶᬦ᭄᭟᭜᭟ᬤᬾᬦᬶᬂᬫᬺᬩᬸᬢ᭄ᬚᬦᬶᬳᬚᬓᬮᬮᬶᬫ᭞ᬤᬶᬫ᭠ᬮᬸᬳᬸᬮᬶᬤᬸᬭᬶ᭞ᬳᬸᬮᬶᬲᬫ᭄ᬧᬶᬂᬳᬤ᭞ᬳᬶᬫ᭄ᬦᬸᬄᬫᬗᬶᬲᬶᬬᬂ᭞ᬦᬶᬗᬶᬦ᭄ᬢᬾᬳᬶᬬᬫᬗ᭄ᬮᬶᬂ᭞ᬭᬳᬤᬾᬦ᭄ᬤᬾᬯ᭄ᬬ᭞ᬭᬭᬶᬲ᭄ᬳᬶᬤᬵᬫᬦᬗᬶᬲ᭄᭟᭜᭟ᬭᬤᬾᬦ᭄ᬤᬾᬯᬶᬭ
ᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬲᬫ᭄ᬩᬶᬮ᭄ᬳᬶᬤᬵᬫᬦᬗᬶᬲ᭄᭞ᬫᬗᬸᬤᬮᬮᬶᬲᬦ᭄᭞ᬩ᭄ᬮᬶᬢ᭄ᬓᬾᬦᬶᬂᬢᬶᬢ᭄ᬬᬂ᭞ᬢᭀᬂᬫᬤᬬᬢᬶᬢ᭄ᬬᬂᬭᬶᬂᬩ᭄ᬮᬶ᭞ᬫᬗᬸᬢᬂᬢᬶᬢ᭄ᬬᬂ᭞ᬢ᭄ᬯᬭᬗ᭄ᬭᬭᬶᬲ᭄ᬓᬧᬸᬭᬶ᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬳᬮᭀᬦ᭄ᬫᬢᬹᬭ᭞ᬗᬸᬤᬳᬶᬤᬾᬯᬵᬲ᭄ᬥᬶᬄ᭞ᬳᭂᬜᬾᬦ᭄ᬗᭂᬫᬳᬂᬳᭀᬃᬢ᭄ᬣ᭞ᬲᬗ᭄ᬓᬦ᭄ᬳᬶ᭠
ᬤᬾᬯᬵᬢ᭄ᬓᬵ᭞ᬫ᭄ᬭᬶᬓᬗᬮᬶᬄᬢᬶᬢ᭄ᬬᬂᬚᬦᬶ᭞ᬢ᭄ᬯᬦ᭄ᬤᬾᬯᬶᬗᬸᬘᬧ᭄᭞ᬓ᭄ᬭᬡᬢ᭄ᬬᬂᬢ᭄ᬓᬫᬳᬶ᭟᭜᭟ᬤᬾᬦᬶᬂᬫᬗ᭄ᬓᬶᬦ᭄ᬤᬾᬰᬦ᭄ᬢᬶᬢ᭄ᬬᬗᬾᬯᬸᬲ᭄ᬓᬮᬄ᭞ᬲᬗ᭄ᬓᬦ᭄ᬗᬮᬶᬄᬩ᭄ᬮᬶ᭞ᬭᬭᬸᬤ᭄ᬲᬓᬶᬂᬤᬾᬰ᭞ᬧᬚᬮᬦᬾᬫᬗᬯᬕ᭄᭞ᬤᬾᬦᬶᬂᬢᬶᬢ᭄ᬬᬂᬢᬓᬸᬢ᭄ᬫᬢᬶ᭞ᬓ᭄ᬭᬦᬫᬚᬮᬦ᭄᭞ᬤᬤ᭄ᬬᬜᬩ᭄ᬮᬶ [ 44 ][᭔᭓ 43B]
᭔᭓
ᬓᬧᬗ᭄ᬕᬶᬄ᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬫᬳᬢᬹᬃᬓᬕ᭄ᬬᬢ᭄᭞ᬜᬾᬦ᭄ᬗᭂᬩᬸᬕ᭄ᬤᬾᬰᬦ᭄ᬕᬸᬲ᭄ᬢᬶ᭞ᬓᬭᬦᬬᬓᬮᬄ᭞ᬢᭀᬓᬾᬦ᭄ᬓᬾᬦ᭄ᬲᬶᬓᬦ᭄ᬤᬜ᭞ᬳᬯᬦᬦᬾᬤᬤᬶᬓᬮᬶ᭞ᬢ᭄ᬯᬦ᭄ᬤᬾᬯᬶᬗᬸᬘᬧ᭄᭞ᬗ᭄ᬕᬶᬄᬲᬧᬸᬦᬶᬓᬶᬩ᭄ᬮᬶ᭟᭜᭟ᬧᬗᬦ᭄ᬤᬶᬓᬦ᭄ᬕᬸᬭᬸᬦᬾᬢ᭄ᬓᬾᬦ᭄ᬢᬶᬢ᭄ᬬᬂ᭞ᬲᬶᬧ᭄ᬭᬪᬹᬪᭀᬕᬯᬢᬶ᭞ᬲ
ᬓᬶᬂᬧᬮᬭᬚ᭞ᬫᬤ᭄ᬯᬾᬳᭀᬓᬤᬤ᭄ᬯ᭞ᬫᬧᬲᬾᬗᬦ᭄‌ᬪᭀᬕᬬᬓ᭄ᬱᬶ᭞ᬫ᭄ᬯᬄᬪᭀᬕᬬᬓ᭄ᬱ᭞ᬯᬸᬲ᭄ᬥᬸᬯᬸᬃᬫᬓᬓᬮᬶᬄ᭟᭜᭟ᬭᬭᬶᬲ᭄‌‌ᬲᬂᬧ᭄ᬭᬪᬹᬦᬸᬦ᭄ᬤᬾᬦ᭄ᬫᬤᬶᬓ᭄ᬢᬶᬢ᭄ᬬᬂ᭞ᬳᬶᬕᬸᬭᬸᬢ᭄ᬯᬭᬩᬦᬶ᭞ᬫᬲᬸᬓᬬᬂᬢᬶᬢ᭄ᬬᬂ᭞ᬭᬾᬄᬢᬶᬢ᭄ᬬᬂᬫᬢᬸᬢᬸᬭᬦ᭄᭞ᬜ᭄ᬭᬳᬂᬳᬯᬓ᭄ᬭᬶᬂᬩ᭄ᬮᬶ᭞ᬳᬲᬧᬸᬦᬶᬓ᭞ᬳᬯᬦᬦ᭄ᬤᬤᬶᬓᬮᬶ᭟᭜᭟ᬳᬶ᭠
ᬬᬫ᭄ᬩᬃᬓᬯᬶᬓᬕ᭄ᬬᬢᬸᬫᬸᬮᬶᬗᬸᬘᬧ᭄᭞ᬓᬗᭂᬦ᭄ᬢᬶᬢ᭄ᬬᬂᬫᬶᬭᬕᬶ᭞ᬦᬸᬦᬲ᭄ᬓᬾᬕ᭄ᬮᬶᬲᬂ᭞ᬫᬗ᭄ᬓᬶᬦ᭄ᬤᬾᬯᬵᬫᬫᬃᬕ᭄ᬕᬵ᭞ᬚᬮᬦ᭄ᬓᬾᬳᬶᬤᬾᬯᬵᬫᬸᬮᬶᬄ᭞ᬓᬚᬸᬫᬄᬢᬶᬢ᭄ᬬᬂ᭞ᬤᬶᬢᬸᬫᬺᬭᬱᬦ᭄ᬩᬸᬯᬶᬦ᭄᭟᭜᭟ᬭᬤᬾᬦ᭄ᬤᬾᬯᬶᬭᬭᬶᬲ᭄ᬳᬮᭀᬦ᭄ᬫᬗᬦ᭄ᬤᬶᬓ᭞ᬓᬶᬚᬲᬶᬮᬓᬸᬚᬦᬶ᭞ᬤᬶᬚᬩ᭄ᬮᬶᬫᬳᬸᬫᬄ᭞ᬳᬶᬬᬫ᭄ᬩᬃᬓ᭠
ᬯᬶᬫᬗᬸᬘᬧ᭄᭞ᬦᬸᬦᬲ᭄ᬓᬾᬤᬶᬦᬶᬫᬃᬕ᭄ᬕᬶᬦᬶᬦ᭄᭞ᬭᬭᬶᬲ᭄ᬫᬚᬮᬦ᭄᭞ᬢᬦ᭄ᬓᬘᬭᬶᬣᬤᬶᬫᬃᬕ᭄ᬕᬶ᭟᭜᭟ᬓᭀᬘᬧ᭄‌ᬲᬫ᭄ᬧᬸᬦ᭄ᬭᬯᬸᬄᬤᬶᬚᬩᬦᬶᬂᬕᬸᬯ᭞ᬩ᭄ᬗᭀᬂᬳᬶᬤᬵᬢ᭄ᬯᬦ᭄ᬤᬾᬯᬶ᭞ᬫᬦᬶᬗᬮᬶᬦ᭄ᬕᬸᬯ᭞ᬫ᭄ᬮᬄᬢᬹᬃᬫᬚᬚᬩᬦ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬶ᭞ᬳᭂᬜᬾᬦ᭄‌ᬗᭂᬮᬳᬂ᭞ᬩ᭄ᬮᬶᬳᬸᬫ

[᭔᭔ 44A]
᭔᭔
ᬳᬾᬤᬶᬦᬶ᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬫᬢᬸᬭ᭞ᬩᭀᬬᬳᬸᬫᬄᬢᬶᬢ᭄ᬬᬂᬦᬶᬓᬶ᭞ᬳᬶᬕᬸᬭᬸᬦᬸᬯᬾᬬᬂ᭞ᬳᬶᬤᬵᬲᬂᬗᬦ᭄ᬢᬵᬪᭀᬕ᭞ᬢᬶᬢ᭄ᬬᬂᬓᬧᬶᬤᬸᬤᬸᬓ᭄ᬤᬶᬦᬶ᭞ᬳᬶᬤᬵᬦᬸᬯᬾᬬᬂ᭞ᬭᬤᬾᬦ᭄ᬤᬾᬯᬶᬜᬯᬹᬭᬶᬦ᭄᭟᭜᭟ᬦᬾᬦᬾᬫᬗ᭄ᬓᬶᬦ᭄ᬕᬸᬭᬸᬦ᭄ᬩᭂᬮᬶᬳᬶᬤᬤᬶᬚ᭞ᬫᬵᬢᬹᬃᬳᬶᬬᬫ᭄ᬩᬃᬓᬯᬶ᭞ᬗ᭄ᬕᬶᬄᬳᬶᬤᬵᬚᬸᬫᬄ
ᬳᬦ᭄᭞ᬢ᭄ᬯᬦ᭄ᬤᬾᬯᬶᬫᬲᭂᬳᭂᬩᬦ᭄᭞ᬦᬶᬗᭂᬫ᭄ᬩᬦ᭄ᬓᬕ᭄ᬬᬢ᭄ᬦᬶᬗᬮᬶᬦ᭄᭞ᬜᬕ᭄ᬚᬕ᭄ᬧᭂᬲᬸᬯᬦ᭄᭞ᬜᭀᬗ᭄ᬓᭀᬓ᭄ᬱᬃᬯ᭄ᬯᬶᬗᬯᬲᬶᬦ᭄᭟᭜᭟ᬳᬶᬬ᭠ᬫ᭄ᬩᬃᬓᬯᬶᬧᬓᬮᬶᬄᬳᬦ᭄ᬫᬦ᭄ᬕᬓ᭄᭞ᬦᬾᬦᬾᬮᬮᬶᬫᬦᬗ᭄ᬓᬶᬮ᭄᭞ᬳᬶᬗᭂᬫ᭄ᬩᬦ᭄ᬳᬗᬸᬘᬧ᭄᭞ᬭᬵᬢᬹᬜᬾᬦ᭄ᬳᬚᬓ᭄ᬳᬶᬤᬵ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬳᬾᬄᬩᬶᬩᬶ
ᬳᭂᬫ᭄ᬩᬦ᭄᭞ᬦᬾᬳᬶᬤᬵᬭᬤᬾᬦ᭄ᬤᬾᬯᬶ᭟᭜᭟ᬳᭀᬓᬦ᭄ᬳᬶᬤᬵᬲᬂᬧ᭄ᬭᬪᬹᬤᬶᬓᬶᬦ᭄ᬢᬵᬯᬦᬵ᭞ᬳᬶᬤᬵᬫᬮᬳᬶᬩ᭄ᬫᬳᬶ᭞ᬤᬾᬰᬦ᭄ᬳᬶᬤᬵᬓ᭠ᬮᬄ᭞ᬓ᭄ᬫᬩᬶᬩᬶᬳᬾᬗ᭄ᬕᬮᬂ᭞ᬳᬢᬹᬭᬶᬦ᭄ᬳᬶᬖᬸᬭᬸᬫᬶᬚᬶᬮ᭄᭞ᬓᬾᬢᭀᬳᬢᬹᬭᬂ᭞ᬢ᭄ᬓᬾᬦ᭄ᬳᬶᬖᬸᬭᬸᬕ᭄ᬮᬶᬲ᭄᭟᭜᭟ᬭᬭᬶᬳᬾᬜ᭄ᬘᭀᬂᬳᬶᬗᭂᬫ᭄ᬩᬦ᭄ᬚᬦᬶᬗᬢᬹᬭᬂ᭞ᬓ
ᬧᬸᬭᬶᬭᬭᬶᬲ᭄ᬕᭂᬮᬶᬲ᭄᭞ᬭᬶᬂᬲᬗᬦ᭄ᬢᬵᬪᭀᬕ᭞ᬯᬸᬲ᭄ᬢᭂᬮᬲ᭄ᬓᬧᬶᬤᬃᬢ᭄ᬣ᭞ᬧᬗᬦ᭄ᬤᬶᬓᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬂᬗᬵᬦ᭄ᬢᬵᬪᭀᬕ᭞ᬭᬭᬶᬲ᭄ᬗᬦ᭄ᬤᬶᬓᬕ᭄ᬮᬶᬲ᭄᭟᭜᭟ᬜᬳᬶᬳᭂᬫ᭄ᬩᬦ᭄‌ᬓᬾᬢᭀᬚᬜᬳᬶᬳᭀᬭᬳᬂ᭞ᬢ᭄ᬓᬾᬦ᭄ᬳᬶᬦᬦᬓ᭄ᬫᬦ᭄ᬢ᭄ᬭᬶ᭞ᬳᬶᬭᬢ᭄ᬯᬭᬵᬓ᭄ᬫ᭞ᬲᬶᬜᬳᬤᬵᬭᬭᬱᬦ᭄᭞ᬬᬳᬶᬩᬕᬸᬲ᭄ᬢᬸᬦ᭄ᬤᬾᬦ᭄ᬫᬳᬶ᭞ [ 45 ][᭔᭔ 44B]
᭔᭔
ᬬᬾᬦ᭄ᬳᬶᬭᬵᬓ᭄ᬫ᭞ᬢᬓᬸᬢ᭄ᬭᬳᬤᬾᬦ᭄ᬤᬾᬯᬶ᭟᭜᭟᭛ᬫᬲ᭄ᬓᬸᬫᬫ᭄ᬩᬂ᭛ᬭᬭᬶᬲ᭄ᬢᬸᬮᬓ᭄ᬳᬶᬗᭂᬫ᭄ᬩᬦ᭄ᬫᬫᬃᬕ᭄ᬕᬶᬕ᭄ᬮᬶᬲ᭄᭞ᬫᬵᬢᬹᬃᬭᬶᬂᬭᬳᬤ᭄ᬬᬦ᭄᭞ᬳᬶᬗ᭄ᬕᬶᬄᬭᬢᬸᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦ᭄ᬢᬶᬢ᭄ᬬᬂᬫᬗᬢᬸᬭᬂ᭟᭜᭟ᬲᬫ᭄ᬧᬸᬦ᭄ᬓᬢᬹᬃᬲᬧᬭᬶᬧᭀᬮᬳᬾᬲᬫᬶ᭞ᬭᬶᬂᬖᬸᬭᬸᬦ᭄ᬳᬶᬤᬾᬯᬵ᭞ᬗᬶᬂᬳᬶᬤᬵᬢᬦ᭄ᬓ᭠
ᬬᬸᬦ᭄ᬫᬶᬚᬶᬮ᭄᭞ᬭᬤᬾᬦ᭄ᬤᬾᬯᬶᬫᬗᬦ᭄ᬤᬶᬓ᭟᭜᭟ᬲᬧᬸᬦᬧᬶᬲᬗ᭄ᬓᬦ᭄ᬳᬶᬤᬵᬢ᭄ᬯᬭᬵᬫᬶᬚᬶᬮ᭄᭞ᬫᬲᬯᬸᬃᬳᬶᬗᭂᬫ᭄ᬩᬦ᭄᭞ᬲᬗ᭄ᬓᬦ᭄ᬳᬶᬤᬵᬢ᭄ᬯᬭᬵᬫᬶᬚᬶᬮ᭄᭞ᬦᬯᬶᬢᭂᬗ᭄ᬓᭂᬚᬸᬢ᭄ᬳᬶᬤᬾᬯᬵ᭟᭜᭟ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬲᬃᬯ᭄ᬯᬶᬫᬦᬗᬶᬲ᭄᭞ᬓᬗᭂᬦ᭄ᬓᭀᬢᬶᬢ᭄ᬬᬂ᭞ᬫᬾᬫᬾᬩᬧᬲᬾᬤᬵᬲᬫᬶ᭞ᬲ᭄ᬥᬶᬄᬢᬶᬢ᭄ᬬᬂᬢ᭄ᬓᬾᬦ᭄ᬳᬯᬓ᭄᭞
᭞᭜᭟ᬦᬾᬦᬾᬲᬸᬩᬢᬶᬢ᭄ᬬᬂᬫᬜᬮᬳᬂᬩ᭄ᬮᬶ᭞ᬩᬦᬾᬫᬫᬸᬗ᭄ᬕᭂᬮᬂ᭞ᬢ᭄ᬯᬭᬵᬫᬗ᭄ᬭᬭᬶᬲ᭄ᬓᬧᬸᬭᬶ᭞ᬩ᭄ᬮᬶᬢ᭄ᬯᬭᬵᬫᬢᬸᬢᬸᬭᬦ᭄᭟᭜᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬢ᭄ᬯᬭᬳᬸᬦᬶᬂᬭᬶᬂᬩ᭄ᬮᬶᬫ᭄ᬭᬶᬓᬶ᭞ᬳᬦᬂᬫᬢᬸᬢᬸᬭᬦ᭄᭞ᬳᬧᬂᬲᬫ᭄ᬧᬸᬦ᭄ᬢᬶᬢ᭄ᬬᬂᬲ᭄ᬤᬶᬄ᭞ᬤᬤᬶᬲᬳᬶᬫᬧᬗᭂᬦᬦ᭄᭟᭜᭟ᬮᬾᬦ᭄ᬳᬶᬩᬧᬦᭂᬤᬸᬦᬂᬧᬜ᭄ᬚᬓᬾᬲᬫᬶ᭞ᬫᬲᬶᬄ
ᬢ᭄ᬯᬭᬵᬩᬓᬢ᭄᭞ᬩᬳᬜᬫᬗᬮᬶᬄᬩ᭄ᬮᬶ᭞ᬚᬦᬶᬓᬢᭂᬧᬸᬓ᭄ᬤᬶᬕᬯᬄ᭟᭜᭟ᬳᬶᬗ᭄ᬕᬶᬄᬫ᭄ᬦᭂᬂᬲᬫ᭄ᬧᬸᬦᬂᬓᬾᬯᭂᬄᬫᬵᬲ᭄ᬫᬡ᭄ᬦᬶᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬲᬾᬤ᭄ᬤᬵ᭞ᬖᬸᬭᬸᬦ᭄ᬳᬶᬤᬾᬯᬦᬾᬕᬸᬲ᭄ᬢᬶ᭞ᬬᬤᬶᬦ᭄ᬢᬩᬶᬩᬶᬦ᭄ᬳᬶᬤᬾᬯᬵ᭟᭜᭟ᬬᬾᬦ᭄‌ᬢ᭄ᬯᬄᬲᬾᬤᬖᬸᬭᬸᬦ᭄ᬳᬶᬤᬾᬯᬵᬫᬲ᭄ᬫᬡ᭄ᬦᬶᬓ᭄᭞ᬗᬸᬤᬵᬢ᭄ᬯᬭᬵᬳᬤᬵ᭞ᬧᬺᬘᬶᬳ᭄ᬦᬦᬶᬂ

[᭔᭕ 45A]
᭔᭕
ᬭᬢᬹᬍᬯᬶᬄ᭞ᬢ᭄ᬯᬭᬵᬳᬤᬵᬫᬢ᭄ᬭᬫᬢ᭄ᬭ᭟᭜᭟ᬦᬄᬳᬓᬾᬢᭀᬳᬶᬭᬶᬓᬶᬢᬶᬢ᭄ᬬᬂᬫᬗ᭄ᬭᬜ᭄ᬚᬶᬂ᭞ᬧᬘᬂᬫᬦᬸᬦᬲᬂ᭞ᬢ᭄ᬓᬾᬦ᭄ᬳᬶᬘᬶᬸᬖᬸᬭᬸᬳᬶᬭᬶᬓᬶ᭞ᬫᬗᬸᬭᬶᬧ᭄ᬕᬸᬭᬸᬦ᭄ᬳᬶᬤᬾᬯᬵ᭟᭜᭟ᬭᬤᬾᬦ᭄ᬤᬾᬯᬶᬫᬲᬯᬹᬃᬲᬃᬯ᭄ᬯᬶᬫᬦᬗᬶᬲ᭄᭞ᬤᬶᬚᬳᬦᬓ᭄ᬩᬶᬱᬵ᭞ᬫᬗᬶᬤᬸᬧᬂᬳᬦᬓ᭄ᬫᬢᬶ᭞ᬬᬾᬦ᭄‌ᬢ᭄ᬯᬭᬲᬶᬳᬶᬂᬪᬵ᭠
ᬝᬵᬭᬵ᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬫᬦ᭄ᬢᬸᬓ᭄ᬕᭂᬮᬶᬲ᭄᭞ᬕᬕᬾᬲᭀᬦ᭄ᬫᬚᬮᬦ᭄᭞ᬲᬫ᭄ᬧᬸᬦ᭄ᬭᬯᬹᬳᬾᬤᬶᬧᬸᬭᬶ᭞ᬓᬧᬗ᭄ᬕᬶᬄᬲᬂᬗᬵᬦ᭄ᬢᬵᬪᭀᬕ᭟᭜᭟ᬳᬦ᭄ᬢᬵᬪᭀᬕᬭᬭᬶᬲ᭄ᬕᭂᬮᬶᬲ᭄ᬗᬦ᭄ᬤᬶᬓᬵᬭᬶᬲ᭄᭞ᬢᭀᬳᬧᬓᭀᬳᬤ᭞ᬫᬳᬢᬹᬃᬳᬶᬬᬫ᭄ᬩᬃᬓᬯᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᬯᭂᬕᬂ᭟᭜᭟ᬢᬶᬢ᭄ᬬᬂᬦᬸ
ᬦᬲ᭄ᬢᬶᬃᬢ᭄ᬣᬫᬺᬢᬩᬜᬸᬳᬸᬭᬶᬧ᭄᭞ᬲᬗ᭄ᬳ᭄ᬬᬂᬳᬦ᭄ᬢᬵᬪᭀᬕ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬳᭂᬜᬾᬦ᭄ᬢᬸᬦᬲᬂᬳᬶᬤᬾᬯ᭟᭜᭟ᬳᬶᬬ᭠ᬫ᭄ᬩᬃᬓᬯᬶᬫᬳᬢᬹᬃᬲ᭄ᬫᬸᬫᬦᬶᬲ᭄᭞ᬧ᭄ᬭᬪᬸᬓᬶᬦ᭄ᬢᬵᬯᬦᬵ᭞ᬭᬤᬾᬦ᭄ᬤᬾᬯᬶᬮᬶᬦ᭄ᬢᬂᬲ᭄ᬥᬶᬄ᭞ᬳᬶᬤᬓᬧᬗ᭄ᬕᬶᬄᬭᬶᬂᬢᬶᬢ᭄ᬬᬂ᭟᭜᭟ᬚᬦᬶᬓᬸᬤ᭄ᬬᬂᬳᬶᬤᬾᬯᬵᬫᬭᬶᬓᬗᬸᬭᬶ᭠
ᬧ᭄᭞ᬬᬦᬸᬢᭀᬗᭀᬲᬶᬜ᭞ᬩᬦ᭄ᬫᬸᬲᬸᬳᬾᬤᬶᬢᬸᬚᬦᬶ᭞ᬬᬫ᭄ᬩᬃᬓᬯᬶᬫᬦᬸᬦᬲᬂ᭟᭜᭟ᬲᬧᬸᬦᬧᬶᬳᬦ᭄ᬢᬸᬓ᭄ᬕᬸᬭᬸᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦᬸᬦᬲᬂ᭞ᬤᬾᬦᬶᬂᬓᬦᬫ᭄ᬩᭂᬢᬦ᭄ᬫᬗ᭄ᬓᬶᬦ᭄᭞ᬲᬂᬗᬦ᭄ᬢᬵᬪᭀᬕᬗᬦ᭄ᬤᬶᬓ᭟᭜᭟ᬫ᭄ᬮᬄᬳᬶᬬᬳᬶᬤᬦᬯᬭᬚᬳᬮᬶᬄ᭞ᬢᭀᬳᬶᬬᬢᬸᬦ᭄ᬤᬾᬦᬂ᭞ᬳ [ 46 ][᭔᭕ 45B]
᭔᭕
ᬧᬗᬫᬗᭂᬩᬸᬕ᭄ᬚᬦᬶ᭞ᬲᬂᬧ᭄ᬭᬪᬸᬭᬶᬂᬧᬮᬭᬚ᭟᭜᭟ᬤᭀᬗᬲᬶᬲᬸᬳᬶᬬᬧᬤᬵᬫᬜᬕ᭄ᬚᬕᬶᬦ᭄᭞ᬫᬸᬮᬶᬄᬓᬤᬾᬰᬜ᭞ᬪᭀᬕᬬᬓ᭄ᬱᬩᭀᬕᬬᬓ᭄ᬱᬶ᭞ᬤᬶᬢᬸᬓᬾᬮᬯᬸᬢ᭄‌ᬳᬾᬗ᭄ᬕᬮᬂ᭟᭜᭟ᬭᬭᬶᬲ᭄ᬕᭂᬮᬶᬲ᭄ᬳᬶᬬᬫ᭄ᬩᬃᬓᬯᬶᬫᬧᬫᬶᬢ᭄᭞ᬫᬫᬃᬕ᭄ᬕᬶᬓᬚᬩ᭞ᬯᬸᬲ᭄ᬭᬯᬸᬄᬭᬶᬂᬭᬤᬾᬦ᭄ᬤᬾᬯᬶ᭞ᬳᬶᬬᬫ᭄ᬩᬃᬓᬯᬶᬫ᭠
ᬗᬸᬘᬧ᭄᭟᭜᭟ᬤᬸᬄᬭᬢᬸᬫᬵᬲ᭄ᬢᬶᬢ᭄ᬬᬂᬧᬫᬶᬢ᭄ᬦᬾᬦᬾᬫᬗ᭄ᬓᬶᬦ᭄᭞ᬧᬘᬂᬦᭂᬧᬓ᭄ᬢᭂᬗᭂᬭᬦ᭄᭞ᬦᬶᬓᬶᬤᬶᬚᬩᬬᬦ᭄ᬫᬗ᭄ᬓᬶᬦ᭄᭞ᬤᬶᬦᬶᬳᬶᬤᬾᬯᬵᬫᬲ᭄ᬫᬶᬭᬄ᭟᭜᭟ᬢᬶᬢ᭄ᬬᬂᬧᬘᬂᬫᬗᭂᬩᬸᬕ᭄ᬓᬸᬮ᭄ᬓᬸᬮ᭄‌ᬦᬾᬫᬗ᭄ᬓᬶᬦ᭄᭞ᬢ᭄ᬯᬦ᭄ᬤᬾᬯᬶᬗᬦ᭄ᬤᬶᬓ᭞ᬜᬾᬦ᭄ᬓᬸᬮ᭄ᬓᬸᬮᬂᬩ᭄ᬮᬶᬚᬦᬶ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭟᭜᭟ᬳᬶᬗ᭄ᬕᬶᬄᬫ᭄ᬦᭂᬂᬦᬾᬜᬦᬦ᭄ᬳᬶᬤᬵᬘᬶᬗ
ᬓᬶᬦ᭄᭞ᬧᬂᬳᬶᬤᬵᬳᬸᬦᬶᬗ᭞ᬧᬜ᭄ᬚᬓ᭄ᬳᬶᬖᬸᬭᬸᬦᬾᬤᬶᬦᬶ᭞ᬢᬸᬫᬸᬮᬶᬳᬶᬬᬫ᭄ᬩᬃᬓᬯ᭄ᬬ᭟᭜᭟ᬗ᭄ᬓᬶᬸ᭞ᬗ᭄ᬩᬸᬕ᭄ᬓᬸᬮ᭄ᬓᬸᬮ᭄ᬫᬤᬦ᭄ᬤᬸᬢ᭄ᬫᬸᬜᬶᬦᬾᬢᬶᬢᬶᬃ᭞ᬓᬕ᭄ᬬᬢ᭄ᬲᬂᬤᬦᬯᬵ᭞ᬳᬭᬦ᭄ᬢᬩᬦ᭄ᬧᬤᬵᬧ᭄ᬭᬧ᭄ᬝᬶ᭞ᬫᬫᬸᬜᬶᬫᬗᭂᬭᬶᬓ᭄ᬗᭂᬭᬓ᭄᭟᭜᭟ᬮᬗ᭄ᬓᬸᬂᬓᬕ᭄ᬬᬢ᭄ᬚᬦᬶᬳᬶᬤᬭᬤᬾᬦ᭄ᬤᬾᬯᬶ᭞ᬫᬮᬳᬶᬩ᭄ᬫᬦ᭄ᬢᬸᬓᬦ᭄᭞ᬧᬜ᭄ᬚᬓᬾᬫᬶᬮᬸ
ᬫᬮᬳᬶᬩ᭄᭞ᬳᬶᬗᭂᬫ᭄ᬩᬦ᭄ᬮᬦ᭄ᬢᬲ᭄ᬫᬜᭂᬫᬓ᭄᭟᭜᭟ᬲᬫ᭄ᬧᬸᬦᬂᬚᬳᬶᬤᬾᬯᬵᬧᬘᬂᬫᬗ᭄ᬭᬭᬶᬲ᭄᭞ᬦᬶᬓᬦᬾᬚᬸᬫᬳᬦ᭄᭞ᬧᬸᬦᬶᬓᬳᬗ᭄ᬓᭂᬭᬦ᭄ᬫᬮᬶᬄ᭞ᬲᬶᬜᬫᬓᬲ᭄ᬬᬩ᭄ᬳᬶᬤᬾᬯᬵ᭟᭜᭟ᬭᬭᬶᬲ᭄ᬫᬦ᭄ᬤᭂᬕ᭄ᬫᬗ᭄ᬓᬶᬦ᭄ᬳᬶᬤᬵᬭᬤᬾᬦ᭄ᬤᬾᬯᬶ᭞ᬓᭀᬘᬧ᭄ᬲᬂᬤᬦᬯᬵ᭞ᬢ᭄ᬓᬦᬾᬧᬤᬧᬚ᭄ᬭᬶᬢ᭄᭞ᬫᬳᬢᬹᬃᬤᬦᬯᬭᬚ᭟᭜᭟ᬦᬧᬶ

[᭔᭖ 46A]
᭔᭖
ᬦᬶᬸᬯᬾᬦ᭄ᬢᭂᬦ᭄ᬲᬗ᭄ᬓᬦ᭄ᬳᬶᬤᬾᬯᬵᬦᬾᬫᬗ᭄ᬓᬶᬦ᭄᭞ᬫᬦᬩᬸᬄᬢ᭄ᬗᭂᬭᬦ᭄᭞ᬲᬸᬫᬯᬹᬃᬳᬶᬬᬫ᭄ᬩᬃᬓᬯᬶ᭞ᬤᬸᬄᬫᬫᬦ᭄ᬤᬦᬯᬵᬭᬚ᭟᭜᭟᭛ᬤᬹᬃᬫ᭄ᬫᬵ᭛᭞ᬚᬦᬶᬓ᭄ᬫᬫᬫᬦ᭄ᬮᬸᬯᬲ᭄ᬕᬕᭂᬮᬶᬲᬦ᭄᭞ᬗᭂᬩᬸᬕ᭄ᬤᬾᬰᬦᬾᬚᬦᬶ᭞ᬦᬾᬤᬶᬧᬮᬭᬚ᭞ᬤᬦᬯᬭᬚᬗᬸᬘᬧ᭄᭞ᬦᬧᬶᬳᬯᬦᬦᬾᬫᬗ᭄ᬓᬶᬦ᭄᭞ᬫᬗ᭄ᬭᬶᬲ᭄ᬝᬳᬶᬤᬵ᭞ᬲ
ᬯᬹᬃᬳᬶᬬᬫ᭄ᬩᬃᬓᬯᬶ᭟᭜᭟ᬲᬗ᭄ᬓᬦ᭄ᬳᬶᬭᬵᬦᬸᬦ᭄ᬤᬾᬦ᭄ᬫᬫᬦ᭄ᬫᬗ᭄ᬭᬶᬱ᭄ᬝᬵ᭞ᬲᬂᬧ᭄ᬭᬪᬹᬪᭀᬕᬯᬢᬶ᭞ᬫᬧᬦ᭄ᬳᬶᬤᬵᬲᬮᬄ᭞ᬫᬗᭂᬩᬸᬕ᭄ᬓᬓᬶᬦ᭄ᬢᬵᬯᬦᬵ᭞ᬫᬯᬦᬦ᭄ᬭᬸᬲᬓ᭄ᬱᬂᬗᬚᬶ᭞ᬤᬶᬓᬶᬦ᭄ᬢᬵᬯᬦ᭞ᬧᬦ᭄ᬲᬸᬩᬓᬮᬄᬲᬫᬶ᭟᭜᭟ᬲᬂᬤᬦᬯᬵᬭᬚᬫᬗᭂᬭᬾᬂᬫᬗᭂᬭᬓ᭄᭞ᬧᬤᬶᬗ᭄ᬓ᭄ᬭᬶᬓ᭄ᬓᭂᬚᬢ᭄ᬓᭂᬚᬶᬢ᭄᭞ᬢᬸᬫᬸᬮᬶᬫᬜᬸᬫ᭄ᬩᬄ
᭞ᬮᬦ᭄ᬢᬲ᭄ᬬᬗᬢᬕ᭄‌ᬭᭀᬯᬂ᭞ᬲᬫ᭄ᬩᬶᬮᬗᬚᭂᬭᬢ᭄ᬚᭂᬭᬶᬢ᭄᭞ᬩᬗᬸᬦ᭄ᬫᬗ᭄ᬭᬓ᭄᭞ᬗᭀᬭᬳᬶᬦ᭄ᬭᭀᬯᬂᬕ᭄ᬮᬶᬲ᭄᭟᭜᭟ᬦᬄᬦᬾᬳᬶᬩᬦᬾᬚᬦᬶᬳᬚᬓ᭄ᬫᬓ᭄ᬚᬂ᭞ᬚᬮᬦ᭄ᬮᬸᬯᬲ᭄ᬦᬾᬚᬦᬶ᭞ᬓᬧᬗᬦ᭄ᬤᬶᬓᬬᬂ᭞ᬗ᭄ᬭᬶᬱ᭄ᬝᬓᬧᬮᬭᬚ᭞ᬦᬾᬚᬦᬶᬤᬢᬓᬸᬢ᭄ᬫᬢᬶ᭞ᬗᬮᬶᬄᬧᬗᬦᬦ᭄᭞ᬳᬧᬂᬩ᭄ᬢᭂᬓ᭄ᬫᬩᬸᬓ᭄ᬢᬶ᭟᭜᭟ᬧ
ᬕᬭᬸᬩᬸᬕ᭄ᬤᬾᬢ᭄ᬬᬦᬾᬧᬤᬵᬫᬚᬮᬦ᭄᭞ᬲᬯᬢᬭᬓᬮᬶᬄᬓᭂᬢᬶ᭞ᬓᭀᬘᬧ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬝᬵ᭞ᬭᬶᬂᬢᭂᬧᬶᬧᬮᬭᬚ᭞ᬧᬤᬵᬲᬦᬾᬳᭀᬜᬩᬺᬲᬶᬄ᭞ᬳᬗ᭄ᬕᭀᬜᬧᬜᬫ᭄ᬧᬄ᭞ᬩᬦ᭄ᬭᬓ᭄ᬱᬲᬦᬾᬲᬫᬶ᭟᭜᭟ᬚᬦᬶᬮᬶᬮᬶᬄᬧᬤᬾᬰᬦᬾᬫᬩ᭄ᬬᭀᬬᭀᬗᬦ᭄᭞ᬓᬵᬢᬹᬃᬭᬶᬂᬰ᭄ᬭᬶᬪᬸᬧᬢᬶ᭞ᬓᬸᬮ᭄ᬓᬸ [ 47 ][᭔᭖ 46B]
᭔᭖
ᬮᬾᬫᬢᭂᬧᬓ᭄᭞ᬫᬤᬗ᭄ᬤᬸᬢ᭄ᬳᬯᬸᬭᬳᬦ᭄᭞ᬢ᭄ᬥᬸᬦ᭄‌ᬯᭀᬂᬤᬾᬰᬦᬾᬲᬫᬶ᭞ᬲᬳᬲᬜ᭄ᬚᬢ᭄ᬣᬵ᭞ᬧᬤᬵᬲᬮᬾᬂᬢᬓᭀᬦᬶᬦ᭄᭟᭜᭟ᬳᬧᬳᬤᬵᬲᬗ᭄ᬓᬦ᭄ᬓᬸᬮ᭄ᬓᬸᬮᬾᬧᬤᬾᬂᬤᬂ᭞ᬳᬤᬮᬦ᭄ᬢᬲ᭄ᬜᬯᬹᬭᬶᬦ᭄᭞ᬳᬤᬫᬸᬲᬸᬄᬢ᭄ᬓ᭞ᬭᬓ᭄ᬱᬲᬮᬶᬯᬢ᭄ᬕᬮᬓ᭄᭞ᬧᬤᬾᬰᬦᬾᬲᬸᬩᬩᬺᬲᬶᬄ᭞ᬳᬫᬄᬭᬓ᭄ᬱᬲ
᭞ᬦᬄᬚᬮᬦ᭄ᬓᬾᬚᬕ᭄ᬚᬕᬶᬦ᭄᭟᭜᭟ᬳᬤᬧᭂᬳᭂᬦ᭄ᬤᭂᬳᬦ᭄ᬧᭂᬲᬸᬮᬗᬦᬶᬸᬄᬮᬗᬄ᭞ᬤᬾᬦᬶᬂᬚᬢ᭄ᬫᬵᬳᬓᬶᬤᬶᬓ᭄᭞ᬦᬾᬦᬾᬓᬭᬶᬚᬸᬫᬄ᭞ᬮᬶᬬᬸᬦᬦᬾᬦᬾᬮᬸᬯᬲ᭄᭞ᬫᬗᬶᬭᬶᬂᬭᬳᬤᬾᬦ᭄ᬓᬮᬶᬄ᭞ᬓᬓᬶᬦ᭄ᬢᬵᬯᬦᬵ᭞ᬫᬚᬚᬭᬄᬤᬶᬧᬸᬭᬶ᭟᭜᭟ᬚᬦᬶᬲᬸᬩᬓᬩᬸᬦ᭄ᬢᭂᬄᬚ᭄ᬭᭀᬦᬶᬂᬦᬕᬭ᭞ᬳᬾᬯᭂᬄᬳᬶ
ᬤᬵᬲᬗᬚᬶ᭞ᬢ᭄ᬯᬭᬵᬧᬸᬭᬸᬦ᭄ᬫᭂᬤᬮ᭄᭞ᬫᬸᬜᬶᬦ᭄ᬩᭂᬤᬶᬮᬾᬓᬧᬄ᭞ᬓᬘᬭᬶᬢᬭᬤᬾᬦ᭄ᬓᬮᬶᬄ᭞ᬤᬶᬓᬶᬦ᭄ᬢᬵᬯᬦᬵ᭞ᬲ᭄ᬥᭂᬓ᭄ᬳᬶᬤᬵᬫᬮᬶᬗ᭄ᬕᬶᬄ᭟᭜᭟ᬲᬶᬭᬵᬧᬢᬶᬄᬫᬵᬢᬹᬃᬭᬶᬂᬲᬂᬪᭀᬕᬬᬓ᭄ᬱ᭞ᬢᬶᬢ᭄ᬬᬂᬫᬶᬭᬕᬶᬳᭀᬃᬢ᭄ᬣᬶ᭞ᬦᬕᬭᬦ᭄ᬳᬶᬤᬾᬯᬵ᭞ᬓᬭᬶᬱ᭄ᬝᬳᬦ᭄ᬢᬸᬓ᭄ᬤᬾᬢ᭄ᬬ᭞ᬦᬸᬦᬲ᭄ᬓᬾᬭᬵᬢᬹᬚᬕ᭄ᬚᬕᬶ
ᬦ᭄᭞ᬭᬤ᭄ᬬᬦ᭄ᬗᬦ᭄ᬤᬶᬓ᭞ᬦᬄᬚᬮᬦ᭄ᬳᬧᬂᬕ᭄ᬮᬶᬲ᭄᭟᭜᭟ᬯᬸᬲᬬᬕᬭᬤᬾᬦ᭄ᬩᭀᬕᬬᬓ᭄ᬱ᭞ᬫ᭄ᬯᬂᬭᬳᬶᬪᭀᬕᬬᬓ᭄ᬱᬶ᭞ᬢᬸᬫᬸ᭠ᬮᬶᬫᬫᬃᬕ᭄ᬕ᭞ᬲᬶᬓᭂᬧᬾᬲᬫᬶᬩᬸᬤᬮ᭄᭞ᬧᬤᬵᬕᬕᬗ᭄ᬲᬭᬦ᭄ᬫᬫᬃᬕ᭄ᬕᬶ᭞ᬳ᭄ᬦᭂᬂᬭᬳᬤ᭄ᬬᬦ᭄᭞ᬓᭀᬘᬧ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄‌‌ᬫ᭄ᬤᬮ᭄ᬲ

[᭔᭗ 47A]
᭔᭗
ᬓᬶᬂᬚ᭄ᬭᬾᬦᬶᬂᬳᬮᬲ᭄᭞ᬲᬋᬂᬭᬳᬤᬾᬦ᭄ᬤᬾᬯᬶ᭞ᬓᬮᬯᬦ᭄ᬦᬶᬗᭂᬫ᭄ᬩᬦ᭄᭞ᬦᬶᬫ᭄ᬦᬸᬄᬮᬦ᭄ᬦᬶᬲᬦ᭄ᬤᬢ᭄᭞ᬦᬶᬗᬶᬦ᭄ᬢᬾᬫᬶᬯᬄᬳᬶᬲᬗ᭄ᬕᬶᬢ᭄᭞ᬮᬦ᭄ᬦᬶᬳᬗ᭄ᬲᭀᬓ᭞ᬕᬕᬗ᭄ᬲᬭᬦ᭄ᬫᬫᬃᬕ᭄ᬕᬶ᭟᭜᭟ᬲᬭᬯᬸᬳᬾᬭᬶᬮᬬᭀᬦᬾᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬤᬾᬦ᭄ᬤᬾᬯᬶᬫᬦᬗᬶᬲ᭄᭞ᬫᬕᬸᬬᬂᬤᬶᬦᬢᬃ᭞ᬮ᭠
ᬦ᭄ᬓᬯᬸᬮᬦᬾᬲᬫ᭄ᬬᬦ᭄᭞ᬬᬫ᭄ᬩᬃᬓᬯᬶᬜᭂᬫᬓ᭄ᬕᭂᬮᬶᬲ᭄᭞ᬘᬘᬸᬧᬸᬳ᭄ᬫᬵᬲ᭄᭞ᬫᬤᬕᬶᬂᬩᬜᬸᬳᬸᬭᬶᬧ᭄᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬕᭂᬮᬶ᭠ᬲ᭄ᬗᭂᬢᬶᬲᬂ᭞ᬩᬜᬸᬳᬸᬭᬶᬧᬾᬫᬗ᭄ᬓᬶᬦ᭄᭞ᬭᬶᬂᬮᬬᭀᬦ᭄ᬦᬾᬲᬂᬦᬵᬣ᭞ᬫᬶᬯᬄᬭᬶᬂᬧ᭄ᬭᬫᬶᬲ᭄ᬯᬭ᭄ᬬ᭞ᬫᬶᬯᬄᬮᬬᭀᬦᬾᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬫᬓᬢᬢᬶᬕ᭞ᬯᬸᬲᬫᬶᬳᬸᬭᬶᬧ᭄ᬫ
ᬮᬶᬄ᭟᭜᭟ᬭᬭᬶᬲ᭄ᬦᬦᭂᬂᬳᬶᬤᬵᬩ᭄ᬗᭀᬂᬫᬗᬯᬲᬂ᭞ᬓᬢᬶᬗᬮᬦ᭄ᬲᬂᬤᬾᬯᬶ᭞ᬦᬶᬗᭂᬫ᭄ᬩᬦ᭄ᬫᬢᬹᬭᬵ᭞ᬦᬸᬦᬲ᭄ᬭᬢᬹᬓᬧᬸᬭ᭄ᬬᬦ᭄᭞ᬲᬂᬧ᭄ᬭᬪᬹᬓᬢᬸᬦ᭄ᬢᬸᬦ᭄ᬫᬗ᭄ᬓᬶᬦ᭄᭞ᬩᬦ᭄ᬧᬭᬳᭂᬫ᭄ᬩᬦ᭄᭞ᬫᬶᬯᬄᬭᬳᬤᬾᬦ᭄ᬤᬾᬯᬶ᭟᭜᭟ᬳᬶᬬᬫ᭄ᬩᬃᬓᬯᬶᬫᬚᬚᬃᬮᬯᬦ᭄ᬲᬂᬤᬾᬯ᭄ᬬ᭞ᬫᬾᬮᬶᬂᬰ᭄ᬭᬶᬦᬭᬧᬢᬶ᭞ᬭᬶᬂᬳᬶ
ᬬᬫ᭄ᬩᬃᬓᬯ᭄ᬬ᭞ᬲᬂᬧ᭄ᬭᬪᬹᬫᬗᬦ᭄ᬤᬶᬓ᭞ᬓᬲ᭄ᬯᬾᬦ᭄ᬳᬶᬤᬵᬳᬶᬘᬮ᭄ᬕᬸᬲ᭄ᬢᬶ᭞ᬩᬲ᭄ᬢᭀᬂᬫᬤᬬ᭞ᬩᬧᬫᬮᬶᬄᬓᬧᬗ᭄ᬕᬶᬄ᭟᭜᭟ᬭᬤᬾᬦ᭄ᬤᬾᬯᬶᬭᬭᬶᬲ᭄ᬳᬶᬤᬵᬫᬵᬢᬹᬃᬦᭂᬫ᭄ᬩᬄ᭞ᬲᬧᬲᬶᬭᬵᬧᬸᬦᬶᬓᬶ᭞ᬲᬂᬦᬵᬣᬗᬦ᭄ᬤᬶᬓ᭞ᬤᬸᬄᬜᬳᬶᬧᬦᬓ᭄ᬩᬧᬵ᭞ᬦᬾᬫᬶᬲᬦ᭄ᬳᬶᬤᬾᬯᬵᬫᬦᬶᬓ᭄᭞ᬦᬾᬫᬮᬸᬳᬶᬮᬂ᭞ᬩᬬᬢ᭄ᬬᬄ [ 48 ][᭔᭗ 47B]
᭔᭗
ᬲᬂᬳ᭄ᬬᬂᬯᬶᬤᬶ᭟᭜᭟ᬫᬢ᭄ᬫᬸᬯᬂᬳᬶᬤᬾᬯᬵᬢ᭄ᬓᬾᬦᬶᬂᬫᬶᬲᬦ᭄᭞ᬤᬶᬚᬓᬢᭂᬧᬸᬓᬶᬦ᭄᭞ᬲᬗ᭄ᬓᬦ᭄ᬤᬤᬶᬩᬓᬢ᭄᭞ᬢ᭄ᬯᬦ᭄ᬤᬾᬯᬶᬫᬵᬢᬹᬃᬦᭂᬫ᭄ᬩᬄ᭞ᬩᭀᬬᬲᬓᬶᬂᬢᬶᬢ᭄ᬬᬂᬗᬮᬶᬄ᭞ᬬᬦ᭄ᬫᬦᬄᬢᬶᬢ᭄ᬬᬂ᭞ᬩᬦ᭄ᬢᬓᬸᬢ᭄ᬢᬶᬢ᭄ᬬᬂᬫᬢᬶ᭟᭜᭟ᬦᬾᬦᬾᬳᬶᬩᬶᬢᬶᬢ᭄ᬬᬂᬫᬮᬳᬶᬩ᭄ᬓᬕᬯᬄ᭞ᬤ᭄ᬭᬶᬓᬢᬶᬢ᭄ᬬᬂᬓᬧᬗ᭄ᬕᬶᬄ
᭞ᬓᭀᬘᬧ᭄ᬲᬫ᭄ᬧᬸᬦ᭄ᬢᬮᬲ᭄᭞ᬦᬾᬫᬗ᭄ᬓᬶᬦ᭄ᬓᬢᬹᬢᬸᬭᬂ᭞ᬲᬢᬶᬗ᭄ᬓᬄᬧᭀᬮᬳᬾᬲᬫᬶ᭞ᬬᬾᬦ᭄ᬲᬫᬶᬳᬸᬗ᭄ᬕ᭄ᬯᬂ᭞ᬓᬲᬸᬭᬢ᭄ᬳᭂᬫᬃᬦᬸᬮᬶᬲ᭄᭟᭜᭟ᬓᬘᬭᬶᬢᬲᬫ᭄ᬧᬸᬦ᭄ᬢᭂᬮᬲ᭄ᬓᬢᬸᬢᬹᬭᬂ᭞ᬧᬜ᭄ᬚᬓ᭄ᬱᬫ᭄ᬧᬸᬦ᭄ᬢᭂᬮᬲ᭄ᬫᬸᬭᬶᬧ᭄᭞ᬬᬫ᭄ᬩᬃᬓᬯᬶᬗᬸᬘᬧ᭄᭞ᬓ᭄ᬫᬚᬦᬶᬩᬸᬯᬶᬦ᭄ᬮᬸᬯᬲ᭄᭞ᬢᬸᬢᬸᬕ᭄ᬬᬫᬸᬲᬸᬳᬾᬫᬸᬮᬶᬄ
᭞ᬳᬫᬸᬓ᭄ᬱᬚᬬᬂ᭞ᬤᬵᬳᬶᬩᬢᬓᬸᬢ᭄ᬫᬢᬶ᭟᭜᭟ᬭᬭᬶᬲ᭄ᬫᬵᬢᬹᬃᬭᭀᬯᬗᬾᬫᬧᬫᬶᬢ᭄ᬜᬸᬫ᭄ᬩᬄ᭞ᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬦᬄᬓ᭄ᬫᬫᬚᬮᬦ᭄᭞ᬳᬶᬧᬢᬶᬄᬫᬢᬹᬃᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬦᬲ᭄ᬧᬫᬶᬢ᭄᭞ᬭᬭᬶᬲ᭄ᬫᬲᬸᬭᬓ᭄᭞ᬓᬤᬶᬗᬸᬳᬸᬕᬂᬕᬸᬫᬶ᭟᭜᭟ᬫᬸᬜᬶᬦ᭄ᬓᬸᬮ᭄ᬓᬸᬮᬾᬩᬸᬮᬸᬲ᭄ᬫᬢᬢᬶᬫ᭄ᬩᬮᬦ᭄
᭞ᬩ᭄ᬤᬶᬮ᭄ᬫᬫᬸᬜᬶᬢᬶᬢᬶᬃ᭞ᬤᬤᬶᬓᬗ᭄ᬕᭂᬓ᭄ᬭᬤ᭄ᬬᬦ᭄᭞ᬪᭀᬕᬬᬓ᭄ᬱᬳᬗᬸᬘᬧ᭄᭞ᬫᬸᬲᬸᬄᬳᬸᬮᬶᬤᬶᬚᬩᬸᬯᬶᬦ᭄᭞ᬦᬾᬚᬦᬶᬢ᭄ᬓ᭞ᬫᬦᬸ᭠ᬢᬸᬕ᭄ᬳᬸᬮᬶᬤᬸᬭᬶ᭟᭜᭟ᬦᬾᬤᬶᬳᬋᬧ᭄ᬫᬬᬸᬤᬗ᭄ᬮᬯᬦ᭄ᬭᬓ᭄ᬱᬲ᭞ᬮᬶᬦ᭄ᬢᬂᬭᬫᬾᬦᬶᬂᬚᬸᬭᬶᬢ᭄᭞ᬲᬶᬮᬹᬃᬲᬶᬦ᭄ᬮᬸᬭᬦ᭄᭞ᬫᬫᬸᬲᬸᬄᬮᬯᬦ᭄ᬤᬾᬢ᭄ᬬ᭞ᬭᬓ᭄ᬱᬲᬦᬾ

[᭔᭘ 48A]
᭔᭘
ᬳᬓᬾᬄᬫᬢᬶ᭞ᬯᬂᬧᬮᬭᬚ᭞ᬫᬲᬶᬄᬮᬶᬬᬸᬦᬾᬫᬢᬶ᭟᭜᭟ᬫᬩ᭄ᬬᭀᬬᭀᬗᬦ᭄‌ᬦᬾᬮᬶᬮᬶᬄᬧᬤᬵᬫᬤᬸᬫ᭄ᬧ᭄ᬮᬗᬦ᭄᭞ᬦᬫ᭄ᬩ᭄ᬭᬂᬧᬤᬵᬫᬮᬳᬶᬩ᭄᭞ᬓᭂᬧᬸᬗᬩᬦ᭄ᬤᬾᬢ᭄ᬬ᭞ᬬᬢ᭄ᬯᬭᬧᬤᬦᬯᬂ᭞ᬳᬤᬵᬫᬸᬲᬸᬄᬳᬸᬮᬶᬤᬸᬭᬶ᭞ᬩᬓᬢ᭄ᬧᬸᬳᬸᬓ᭞ᬮᬶᬬᬸᬫᬢᬶᬧᬚᬸᬫ᭄ᬧ᭄ᬭᬶᬢ᭄᭟᭜᭟ᬓᬢᬸᬫ᭄ᬩᬓᬶ
ᬦ᭄᭞ᬩᬸᬯᬶᬦ᭄ᬮᬶᬮᬶᬄᬧᬢᬶᬩᬩᬃ᭞ᬳᬮᭀᬂᬮᬶᬦᭀᬗᬦ᭄ᬫᬢᬶ᭞ᬮᬾᬦ᭄ᬳᬫᬄᬭᬓ᭄ᬱᬲ᭞ᬭᬓ᭄ᬱᬲᬦᬾᬗᬸᬮᬳᬂ᭞ᬯᭀᬂᬓᬶᬦ᭄ᬢᬵᬯᬦᬵᬓᬧᬗ᭄ᬕᬶᬄ᭞ᬢ᭄ᬯᬭᬵᬢᬯᬗ᭞ᬩᬳᬦ᭄ᬤᬾᬢ᭄ᬬᬦᬾᬲᬫᬶ᭟᭜᭟ᬚᬦᬶᬲᬸᬩᬓᬮᬶᬮᬶᬄᬯᭀᬂᬧᬮᬭᬚ᭞ᬩᬗ᭄ᬓᬾᬦᬾᬲ᭄ᬮᬾᬂᬲᬸᬲᬸᬦᬶᬦ᭄᭞ᬲᬸᬭᬓ᭄ᬫᬢᬸᬮᬸᬯᬦ᭄᭞ᬯᭀᬂᬧᬮ
ᬭᬚᬋᬗᬲ᭄᭞ᬫᬮᬳᬶᬩ᭄ᬢᬦᭀᬮᬶᬄᬯᬸᬭᬶ᭞ᬫᬓᭂᬚᬶᬗ᭄ᬚᬗᬦ᭄᭞ᬤᬾᬢ᭄ᬬᬦᬾᬩᬩᬃᬩᬸᬯᬶᬦ᭄᭟᭜᭟ᬲᬸᬩᬍᬍᬄᬬᬫᬮᬳᬶᬩ᭄ᬓᬓᬩ᭄ᬮᭂ᭠ᬢᬂ᭞ᬧᬤᬲᬮᬾᬂᬢᬓᭀᬦᬶᬦ᭄᭞ᬢ᭄ᬓᬾᬦᬶᬂᬭᭀᬯᬗ᭞ᬓᬶᬚᬚᬦᬶᬳᬫ᭄ᬩᬄ᭞ᬫᬓ᭄ᬚᬂᬫᬸᬲᬸᬄᬦᭀᬗᭀᬲᬶᬦ᭄᭞ᬦᬾᬚᬦᬶᬓᬸᬤ᭄ᬬᬂ᭞ᬢᬦᬸᬭᬸᬂᬩᬜᬫᬢᬶ᭟᭜
᭟ᬭᬭᬶᬲ᭄ᬭᬯᬸᬄᬭᬓ᭄ᬱᬲᬦᬾᬫᬢᬸᬮᬸᬯᬦ᭄᭞ᬳᬶᬩᬚ᭄ᬭᬤᬦ᭄ᬢᬕ᭄ᬮᬶᬲ᭄᭞ᬫᬓᭂᬩᬹᬃᬗᬫ᭄ᬩᬭ᭞ᬮᬦ᭄ᬢᬲ᭄ᬬᬫᬗᭂᬍᬗᬂ᭞ᬫᬗᬤᬓᬂᬳᬸᬚᬦ᭄ᬳᬧᬶ᭞ᬗᭂᬩᭂᬓᬶᬦᬺᬦ᭄ᬤᬂ᭞ᬭᬓ᭄ᬱᬲᬦᬾᬧᬤᬚ᭄ᬭᬶᬄ᭟᭜᭟ᬭᬓ᭄ᬱᬲᬦᬾᬚᬦᬶᬫᬮᬳᬶᬩ᭄ᬭᬦ᭄ᬢᬩᬦ᭄᭞ᬧᬤᬲᬮᬾᬂᬮᬗ᭄ᬓᬸᬗᬶᬦ᭄᭞ᬬᬳᬩᬚ᭄ᬭᬤᬦ᭄ᬢ᭞ᬢᬸ [ 49 ][᭔᭘ 48B]
᭔᭘
ᬫᬸᬮᬶᬫᬗᬸᬧᬶᬦᬂ᭞ᬳᬧᬶᬦᬾᬩᬦ᭄ᬧᬦᬄᬳᬗᬶᬦ᭄᭞ᬗᬸᬩᭂᬃᬳᬶᬤᬾᬢ᭄ᬬ᭞ᬭᬓ᭄ᬱᬲᬦᬾᬮ᭄ᬬᬸᬫᬢᬶ᭟᭜᭟ᬦᬾᬚᬦᬶᬩᬸᬯᬶᬦ᭄ᬗᬶᬢᭂᬃᬤᬶᬧᬮᬭᬚ᭞ᬓᭀᬘᬧ᭄ᬭᬳᬤᬾᬦ᭄ᬓᬮᬶᬄ᭞ᬭᬤᬾᬦ᭄ᬩᭀᬕᬬᬓ᭄ᬱᬵ᭞ᬲᬋᬂᬮᬦ᭄ᬳᬭᬶᬦᬶᬭᬵ᭞ᬲᬶᬭᬵᬭᬤᬾᬦ᭄ᬩᭀᬕᬬᬓ᭄ᬱᬶ᭞ᬗᬫᬸᬓ᭄ᬭᬓ᭄ᬱᬲ᭞ᬮᬶᬦ᭄ᬢᬂᬭᬫᬾᬦᬶᬂᬚᬸᬭᬶ
ᬢ᭄᭟᭜᭟ᬲᬮᬶᬬᬸᬦ᭄ᬜᬦᬾᬫᬢᬶᬯᭀᬂᬧᬮᬭᬚ᭞ᬦᬾᬢ᭄ᬯᬭᬵᬩᬓᬢ᭄ᬳᬮᬶᬄ᭞ᬫᬗ᭄ᬮᬯᬦ᭄ᬭᬓ᭄ᬱᬲ᭞ᬢ᭄ᬓᬳᭀᬜᬳᬫᬳ᭞ᬲᬬᬦ᭄ᬕᬶᬭᬂᬬᬗᭂᬧᬸᬗᬶᬦ᭄᭞ᬲᬶᬂᬓᬢᬸᬢᬸᬕᬦ᭄᭞ᬮᬦ᭄ᬢᬲ᭄ᬳᬫᬳᬩᬺᬲᬶᬄ᭟᭜᭟ᬭᬭᬶᬲ᭄ᬗᬋᬧᬂᬭᬤᬾᬦ᭄ᬩᭀᬕᬬᬓ᭄ᬱ᭞ᬭᬤᬾᬦ᭄ᬩᭀᬕᬬᬓ᭄ᬱᬶ᭞ᬓᬮᬶᬦ᭄ᬢᬂᬩ᭄ᬭᬳ᭄ᬫᬵᬢ᭄ᬬᬦ᭄᭞
ᬭᬭᬶᬲ᭄ᬳᬶᬤᬵᬗᭂᬍᬗᬂ᭞ᬫᬗᬤᬓᬂᬳᬸᬚᬦᬵᬧᬶ᭞ᬗᭂᬩᭂᬓᬶᬦᬺᬦ᭄ᬤᬂ᭞ᬮᬶᬮᬶᬄᬤᬾᬢ᭄ᬬᬦᬾᬲᬫᬶ᭟᭜᭟ᬳᬶᬭᬓ᭄ᬱᬲᬧᬤᬵᬮᬶᬮᬶᬄᬗᬸᬗ᭄ᬲᬶᬳᬮᬲ᭄᭞ᬭᬶᬂᬳᬮᬲ᭄ᬯᬦᬵᬧᬸᬭᬶ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬢᭂᬮᬲ᭄᭞ᬯᬂᬓᬶᬦ᭄ᬢᬵᬯᬦᬵᬢ᭄ᬮᬲ᭄᭞ᬫᬸᬂᬓᬭᬶᬰ᭄ᬭᬶᬦᬭᬧᬢᬶ᭞ᬮᬯᬦ᭄ᬭᬳᬤ᭄ᬬᬦ᭄᭞ᬲᬸᬃᬬ᭄ᬬᬓᬸᬲᬸᬫᬧ᭄ᬓᬶᬓ᭄᭟᭜᭟
ᬮᬯᬦ᭄ᬧᬢᬶᬄᬲᬶᬭᬵᬳᬶᬓᭀᬮ᭄ᬧᬯᬶᬚᬬ᭞ᬮᬦ᭄ᬳᬶᬚᬗ᭄ᬕᬓᬲ᭄ᬢᬸᬭᬶ᭞ᬫᬓᬫᬶᬯᬄᬭᬤ᭄ᬬᬦ᭄᭞ᬳᬫ᭄ᬩᬃᬓᬯᬶᬧᬸᬦᬶᬓ᭞ᬲᬂᬧ᭄ᬭᬪᬹᬭᬭᬶᬲ᭄ᬓᬢᬗ᭄ᬓᬶᬮ᭄᭞ᬭᬶᬂᬚᬩᬧᬶᬲᬦ᭄᭞ᬗᬦ᭄ᬤᬶᬓᬰ᭄ᬭᬶᬪᬹᬧᬢᬶ᭟᭜᭟ᬳᬫ᭄ᬩᬃᬓᬯᬶᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬧᬜ᭄ᬚᬓᬾᬳᭀᬜᬫᬢᬶ᭞ᬭᬳᬤ᭄ᬬᬦ᭄ᬫᬢᬹᬭ᭞

[᭔᭙ 49A]
᭔᭙
ᬓᬗ᭄ᬕᭀᬳᬶᬤᬾᬯᬵᬦᬶᬢᬄ᭞ᬓᬾᬢᭀᬧᬗᬦ᭄ᬤᬶᬦ᭄ᬤᬺᬧᬢᬶ᭞ᬬᬫ᭄ᬩᬃᬓᬯ᭄ᬬ᭞ᬫᬳᬢᬹᬃᬳᬯᭀᬃᬫᬦᬶᬲ᭄᭟᭜᭟ᬳᬶᬗ᭄ᬕᬶᬄᬕᬸᬭᬸᬫᬲᬢᬶᬢ᭄ᬬᬂᬧᬸᬭᬸᬦ᭄ᬢᬸᬮᬓ᭄᭞ᬯᬦ᭄ᬢᬄᬢᬶᬢ᭄ᬬᬂᬲᬳᬶᬭᬶᬂ᭞ᬧᬸᬦᬶᬓᬶᬧᬶᬋᬗᬂ᭞ᬲᬫ᭄ᬧᬸᬦ᭄ᬕᬸᬭᬸᬗᬾᬯᭂᬳᬂ᭞ᬢᬫ᭄ᬩᭂᬢ᭄ᬢᬶᬢ᭄ᬬᬂᬫᬗ᭄ᬭᬲᬦᬶᬦ᭄᭞ᬲᬫ᭄ᬧᬸᬦ᭄ᬗᭀᬩᭂᬢᬂ᭞
ᬬᬦ᭄ᬢᬶᬢ᭄ᬬᬂᬓᬭᬶᬳᬸᬭᬶᬧ᭄᭟᭜᭟ᬲᬂᬧ᭄ᬭᬪᬹᬗᬦ᭄ᬤᬶᬓᬵᬦᬄᬩᬧᬜ᭄ᬭᬳᬂᬳᬯᬓ᭄᭞ᬢ᭄ᬓᬾᬦ᭄ᬳᬶᬤᬾᬯᬵᬚᬦᬶ᭞ᬫ᭄ᬯᬂᬭ᭄ᬯᬗᬾᬫᬓ᭄ᬚᬂ᭞ᬓᬗ᭄ᬕᭀ᭠ᬳᬶᬤᬾᬯᬵᬗᭀᬤᬕ᭄᭞ᬮᬦ᭄ᬜᬫᬦ᭄ᬕᬸᬲ᭄ᬢᬶᬦᬾᬤᬶᬦᬶ᭞ᬭᬳᬶᬦ᭄ᬳᬶᬤᬾᬯᬵ᭞ᬲᬹᬃᬬ᭄ᬬᬓᬸᬲᬸᬫᬯᬢᬶ᭟᭜᭟ᬦᬾᬭᬳᬶᬦ᭄ᬳᬶᬤᬾᬯᬵᬩ᭄ᬮᭀᬕ᭄ᬳᬗ᭄ᬕᭀᬜᬫ᭞ᬳ
ᬧᬂᬕᬸᬲ᭄ᬢᬶᬗᬚᬳᬶᬦ᭄᭞ᬬᬫ᭄ᬩᬃᬓᬯᬶᬗᬸᬘᬧ᭄᭞ᬳᬶᬗ᭄ᬕᬶᬄᬕᬸᬭᬸᬲᬦ᭄ᬤᬶᬓ᭞ᬓᬮᬗᬫᬸᬲᬸᬳᬾᬧ᭄ᬭᬧ᭄ᬝᬶ᭞ᬧᬘᬂᬫᬗ᭄ᬭᬸᬕᬄ᭞ᬦᬕᬶᬄᬦᭀᬮᭀᬃᬓᬧᬸᬭᬶ᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬦᬾᬫᬸᬲᬸᬄᬲᬸᬩᬤᬶᬦᬶ᭞ᬩᭂᬢᬾᬦᬦ᭄ᬩᬜ᭄ᬘᬶᬗᬄ᭞ᬗᬸᬤᬵᬲᬶᬘᬳᬶᬳᬫ᭄ᬧᬄ᭞ᬫᬳᬢᬹᬃᬳᬶᬬᬫ᭄ᬩᬃᬓ
ᬯᬶ᭞ᬳᬶᬗ᭄ᬕᬶᬄᬩᬗ᭄ᬕᬬᬂ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬶᬫ᭄ᬧᬮᬶᬦ᭄᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬫᬜᭂᬫᬓ᭄ᬱᬂᬦᬵᬣ᭞ᬓᬢᬸᬦ᭄ᬢᬸᬦ᭄ᬫᬸᬗ᭄ᬕᬳᬦ᭄‌ᬕ᭄ᬮᬶᬲ᭄᭞ᬤᬶᬩᬮᬾᬦᬾᬗᬸᬗᬂ᭞ᬳᬶᬭᬶᬓᬩ᭄ᬘᬶᬓ᭄ᬕᭂᬦᬄ᭞ᬫᬶᬮᬦ᭄ᬜᬫᬦᬾᬲᬫᬶ᭞ᬢᭀᬗᭀᬲ᭄ᬫᬗᬯᬲ᭄᭞ᬫᬸᬲᬸᬳᬾᬢ᭄ᬓᬫᬳᬶ᭟᭜᭟ᬲᬸᬭᬓ᭄ᬳᭂᬗ᭄ᬕᭂᬃᬫᬸᬜᬶᬦᬾ [ 50 ][᭔᭙ 49B]
᭔᭙
ᬗᬯᬸᬕᬶᬦ᭄ᬤᬾᬰᬵ᭞ᬍᬕᬦ᭄ᬜᬦᬾᬢᬦ᭄ᬲᬶᬧᬶ᭞ᬫᬸᬯᬸᬕ᭄ᬫᬢᬸᬮᬸᬯᬦ᭄᭞ᬳᬶᬬᬫ᭄ᬩᬃᬓᬯᬶᬗᬸᬘᬧ᭄᭞ᬖᬸᬭᬸᬘᬶᬗᬓᬶᬦ᭄ᬦᬾᬫᬗ᭄ᬓᬶᬦ᭄᭞᭠ᬬᬍᬕᬧᬶᬲᬦ᭄᭞ᬦᬕᬶᬄᬗᬯᬸᬕ᭄ᬫᬭᬶᬓᬶ᭟᭜᭟ᬳᬶᬬᬫ᭄ᬩᬃᬓᬯᬶᬚᬦᬶᬫᬲᬸᬯᬂᬢᬶᬫ᭄ᬧᬲ᭄᭞ᬩᬸᬦ᭄ᬢᬸᬢ᭄ᬯᬭᬵᬫᬧᬢᬶ᭞ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬢᭀᬫᬸᬲᬸᬄᬚᬦᬶ᭠
ᬮᬯᬦ᭄᭞ᬳᬫᬸᬓ᭄ᬬᬳᬧᬗᬩᬺᬲᬶᬄ᭞ᬬᬾᬦ᭄ᬲᬸᬩᬮᬶᬯᬢ᭄᭞ᬤᬾᬰᬲᬸᬳᬸᬤ᭄ᬗᬫᬸᬓᬶᬦ᭄᭟᭜᭟ᬭᬭᬶᬲ᭄‌ᬫ᭄ᬮᭂᬲᬢ᭄ᬢᬶᬫ᭄ᬧᬲᬾᬜᬦ᭄ᬤᭂᬃᬫᬗ᭄ᬭᬜ᭄ᬘᬧ᭄᭞ᬢ᭄ᬯᬄᬳᬓᬺᬲᭂᬓᬦ᭄ᬕᬢᬶ᭞ᬫᬸᬲᬸᬳᬾᬬᬕᬾᬯᬃ᭞ᬮᬶᬬᬸᬫᬢᬶᬧᬚᭂᬫ᭄ᬧᬂ᭞ᬩᬗ᭄ᬓᬾᬦᬾᬲᬮᬾᬂᬲᬸᬲᬸᬦᬶᬦ᭄᭞ᬮᬶᬮᬶᬄᬮᬸᬮᬸᬦᬦ᭄᭞ᬢᭀᬂᬤᬤᬶᬢᬸᬮᬓᬂ
ᬩᬸᬯᬶᬦ᭄᭟᭜᭟ᬦᬾᬦᬾᬳᭂᬩᬄᬫᬢᬢᬸᬩᬳᬦ᭄ᬭᭀᬯᬗ᭞ᬳᬤᬫ᭄ᬮᬳᬶᬩ᭄ᬗᬤᬶᬤᬶᬂ᭞ᬦᬾᬳ᭄ᬮᬸᬂᬲ᭄ᬕᭂᬭᬦ᭄᭞ᬳᬤᬵᬦᬾᬮᬸᬂᬩᬢᬶᬲ᭞ᬢ᭄ᬯᬭᬵᬬᬫᬫ᭄ᬧᬸᬄᬫᬮᬳᬶᬩ᭄᭞ᬦᬸᬓᬲᬄᬓᬲᬄ᭞ᬫᬜ᭄ᬭᬶᬢ᭄ᬦᬕᬶᬄᬳᭂᬮᬸᬤᬶᬦ᭄᭟᭜᭟ᬫᬮᬸᬮᬸᬦ᭄ᬫᬮᬳᬶᬩ᭄ᬮᬶᬯᬢ᭄ᬤᬾᬰᬵ᭞ᬳᬶᬩᬚ᭄ᬭᬤᬦ᭄ᬢᬵᬩ᭄ᬭᬗ᭄ᬢᬶ᭞ᬢ᭄ᬓᬾ
ᬦᬶᬂᬭᭀᬯᬗ᭞ᬧᬢᬓᭀᬦ᭄ᬜᬦᬾᬩᬗ᭄ᬕ᭄ᬭᬲ᭄᭞ᬳᭂᬦ᭄ᬢᭀᬳᬧᬓᬧ᭄ᬮᬳᬶᬩᬶᬦ᭄᭞ᬓᬭᬦᬩᬸᬦ᭄ᬢᬲ᭄᭞ᬢᭀᬂᬤᬤᬶᬮᬶᬧᭂᬢᬂᬩ᭄ᬯᬶᬦ᭄᭟᭜᭟ᬦᬾᬦᬾᬢᬓᭀᬦᬶᬜᬩ᭄ᬗᭀᬂᬲ᭄ᬗᬮ᭄ᬲᭂᬗᬮ᭄᭞ᬢ᭄ᬯᬭᬵᬤᬤᬶᬜᬯᬸᬭᬶᬦ᭄᭞ᬬᬳᬶᬩᬚ᭄ᬭᬤᬦ᭄ᬢᬵ᭞ᬩᬦ᭄ᬓ᭄ᬭᭀᬤᬦᬾᬓᬮᬶᬦ᭄ᬢᬂ᭞ᬫᬦᬫ᭄ᬧᬾ

[᭕᭐ 50A]
᭕᭐
ᬮᬾᬓ᭄ᬩᬦ᭄ᬩᬢᬶᬲ᭄᭞ᬫᬗᬧᬓ᭄ᬳᬧᬓ᭄᭞ᬲᬃᬯ᭄ᬯᬶᬫ᭄ᬢᭂᬓᬂᬓᭂᬭᬶᬲ᭄᭟᭜᭟ᬲᬶᬓᭂᬓ᭄‌ᬕ᭄ᬥᬾᬳᬤᬳᬦᬂᬤ᭄ᬯᬂᬮᬓ᭄ᬱ᭞ᬭᭀᬯᬂᬦᬾᬳᬶᬓ᭠ᬮᬗ᭄ᬭᬶᬓ᭄᭞ᬚᬦᬶᬫᬗᬋᬧᬂ᭞ᬦᬸᬢᬸᬕ᭄ᬳᬶᬩᬚ᭄ᬭᬤᬦ᭄ᬢ᭞ᬓᭀᬘᬧᬳᬶᬬᬫ᭄ᬩᬃᬓᬯᬶ᭞ᬗᬯᬸᬓᬶᬦ᭄ᬢᬶᬫ᭄ᬧᬲ᭄᭞ᬢᬶᬫ᭄ᬧᬲᬾᬭᬯᬸᬄᬕ᭄ᬮᬶᬲ᭄᭟᭜᭟ᬳᬶᬬ
ᬫ᭄ᬩᬃᬓᬯᬶᬭᬭᬶᬲ᭄ᬕᭂᬮᬶᬲ᭄ᬫᬗᬦ᭄ᬤᬶᬓ᭞ᬳᬶᬬᬾᬳᬾᬳᬩᬫᬳᬶ᭞ᬧᬦᬾᬳᬗ᭄ᬕᭀᬯᬤᬄ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬢᭂᬓ᭞ᬗᬦ᭄ᬤᬶᬓᬳᬶ᭠ᬬᬫ᭄ᬩᬃᬓᬯᬶ᭞ᬬᬾᬳᬾᬢᬾᬧ᭄ᬕᬢ᭄᭞ᬩᬲᭂᬄᬳᬯᬓᬾᬤᬶᬦᬶ᭟᭜᭟ᬲᬕᬾᬢ᭄ᬓᬢᬶᬫ᭄ᬧᬲᬾᬜᭂᬍᬩᬂᬳᬯᬓ᭄᭞ᬗᬦ᭄ᬤᬶᬓᬵᬰ᭄ᬭᬶᬪᬹᬧᬢᬶ᭞ᬢᬶᬫ᭄ᬧᬲ᭄ᬰ
ᬓ᭄ᬢᬶᬤᬳᬢ᭄᭞ᬢᭀᬤᬶᬚᬓᬩᬓᬢᬂ᭞ᬫᬳᬢᬹᬃᬳᬶᬬᬫ᭄ᬩᬃᬓᬯᬶ᭞ᬭᬶᬂᬳᬦᬓ᭄ᬳᭀᬤᬄ᭞ᬗᬶᬂᬲ᭄ᬯᬢᬄᬢᬶᬢ᭄ᬬᬂᬯᬶᬥᬶ᭟᭜᭟ᬭᬭᬶᬲ᭄ᬭᬯᬸᬄᬳᬶᬩᬚ᭄ᬭᬤᬦ᭄ᬢᬵᬫᬗ᭄ᬭᬓ᭄᭞ᬤᬶᬯᬗᬦ᭄ᬚᭂᬩᬕ᭄ᬫᬜ᭄ᬭᬶᬢ᭄᭞ᬲᬃᬯ᭄ᬯᬶᬗᬧᬓ᭄ᬳᬧᬓ᭄᭞ᬫᬸᬲᬸᬄᬢ᭄ᬯᬭᬤᬳᬤ᭞ᬤᬤᬶᬭᭀᬯᬗᬾᬫᬳᬶᬸᬮ
ᬳᬶᬩ᭄᭞ᬳᭂᬜᬾᬦ᭄ᬮᬯᬜ᭞ᬦᬾᬦᬾᬳ᭄ᬮᬸᬂᬜᬯᬸᬭᬶᬦ᭄᭟᭜᭟ᬳᬶᬩᬚ᭄ᬭᬤᬦ᭄ᬢᬵᬗᭂᬦᭀᬢ᭄ᬩᬗ᭄ᬓᬾᬧᬚᭂᬫ᭄ᬧᬂ᭞ᬦᬾᬦᬾᬳ᭄ᬮᬸᬂᬗᬸᬮᬶᬦ᭄ᬢᬶᬓ᭄᭞ᬳᬶᬬᬫᬶᬤᬃᬢ᭄ᬣᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬮᬯᬦ᭄᭞ᬳᬯᬦᬦ᭄ᬲᬫᬶᬓᬮᬶᬮᬶᬄ᭞ᬫᬦᬳᬂᬢᬶᬢ᭄ᬬᬂ᭞ᬲᬫᬵᬫᬫᬸᬲᬸᬄᬳᬗᬶᬦ᭄᭟ [ 51 ][᭕᭐ 50B]
᭕᭐
᭟᭜᭟ᬲᬵᬫ᭄ᬧᬸᬦᬶᬸᬦ᭄ᬫᬸᬯᬸᬕ᭄ᬧᬜ᭄ᬚᬓ᭄ᬦᬾᬳᬶᬓᬮᬗ᭄ᬭᬓ᭄᭞ᬲᬯᭂᬢᬭᬓᬮᬶᬄᬓᭂᬢᬶ᭞ᬬᬳᬶᬩᬚ᭄ᬭᬤᬦ᭄ᬢᬵ᭞ᬤᬶᬢᬸᬮᬦ᭄ᬢᬲ᭄ᬗᬮᭀᬓᬂ᭞ᬭᬭᬶᬲ᭄ᬬᬫᬲᬸᬭᬓ᭄ᬱᬫᬶ᭞ᬦᬾᬭᬶᬂᬩᬜ᭄ᬘᬶᬗᬄ᭞ᬓᭀᬭᬶᬦ᭄ᬜᬦᬾᬫᬓᬜ᭄ᬘᬶᬂ᭟᭜᭟ᬰ᭄ᬭᬶᬦᬭᬾᬦ᭄ᬤ᭄ᬭᬕ᭄ᬮᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬢ᭄ᬓᬾᬳᬶᬬᬫ᭄ᬩᬃᬓ᭠
ᬯᬶ᭞ᬢᭀᬓᭀᬫᬸᬲᬸᬢ᭄ᬓ᭞ᬦᬄᬓᬾᬘᬳᬶᬳᬾᬗ᭄ᬕᬮᬂ᭞ᬮᬾᬩᬗᬶᬦ᭄ᬢᬶᬫ᭄ᬧᬲᬾᬚᬦᬶ᭞ᬳᬶᬬᬫ᭄ᬩᬃᬓᬯ᭄ᬬ᭞ᬫᬗ᭄ᬮᬾᬩᬂᬢᬶᬫ᭄ᬧᬲ᭄ᬕᭂᬮᬶᬲ᭄᭟᭜᭟ᬮᬫᬸᬦ᭄ᬲᬸᬩᬬᬫ᭄ᬮᬳᬶᬩ᭄ᬫᬗ᭄ᬮᬶᬯᬢ᭄ᬚᭂᬩᬕ᭄᭞ᬳᬾᬗ᭄ᬕᬮᬂᬩᬸᬯᬶᬦ᭄ᬫᬸᬮᬶᬄ᭞ᬢᬶᬫ᭄ᬧᬲᬾᬫᬍᬘᬢ᭄᭞ᬫᬜᬦ᭄ᬭᬶᬦ᭄ᬫᬗ᭄ᬭᬜ᭄ᬘᬧ᭄᭞ᬕᬾᬯᬃᬫᬸᬲᬸᬳᬾ
ᬓᬮᬶᬮᬶᬄ᭞ᬫᬢᬶᬧᬚᭂᬫ᭄ᬧᬂ᭞ᬩᬗ᭄ᬓᬾᬦᬾᬲᬮᬶᬂᬲᬸᬲᬸᬦᬶᬦ᭄᭟᭜᭟ᬦᬾᬦᬾᬳᭂᬮᬸᬂᬫᬜ᭄ᬭᬶᬢ᭄ᬚᭂᬓ᭄ᬚᭂᬓ᭄ᬭᭀᬯᬗ᭞ᬗ᭄ᬮᬶᬂᬦᬕᬶᬄᬳᭂᬮᬸᬤᬶᬦ᭄᭞ᬬᬳᬶᬩᬚ᭄ᬭᬤᬦ᭄ᬢᬵ᭞ᬫᬚᬸᬚᬸᬓ᭄ᬫᬮᬶᬓᬂᬭᭀᬯᬂ᭞ᬢ᭄ᬯᬭᬬᬭᬸᬗᬸᬜᬚᬦᬶ᭞ᬫᬲᬶᬄᬢᬸᬳᬸᬓ᭞ᬩᬚ᭄ᬭᬤᬦ᭄ᬢᬗᬸᬮᬶᬮᬶᬂ᭟᭜᭟ᬩᬄᬦᬸᬗ᭄ᬓᬬᬓ᭄ᬧᬬᬸ
ᬚᭂᬓ᭄ᬚᭂᬓᬩᬦ᭄ᬭᭀᬯᬂ᭞ᬤᬤᬶᬳᬗ᭄ᬕᭀᬜᬢᬶᬢᬶ᭞ᬩᬸᬫᬭᬲᭂᬗ᭄ᬕᬗᬦ᭄᭞ᬩᬗᬸᬦ᭄ᬮᬦ᭄ᬢᬲ᭄ᬫᬕᬾᬩ᭄ᬭᬲ᭄᭞ᬤᬤᬶᬧᬬᬸᬤᬓᬶᬩᭂᬗᬶᬮ᭄᭞ᬓ᭄ᬭᭀᬤᬓᬮᬶᬯᬢ᭄᭞ᬩᬵᬦᬾᬳᬗ᭄ᬕᭀᬜᬢᬶᬢᬶ᭟᭜᭟ᬲᬸᬩᬮᬶᬮᬶᬄᬫᬸᬲᬸᬳᬾᬫᬗ᭄ᬮᬶᬯᬢ᭄ᬚᭂᬩᬕ᭄᭞ᬢᬶᬫ᭄ᬧᬲᬾᬲᬸᬩᬫᬸᬮᬶᬄ᭞ᬤᬶᬧᬦᬾᬦᬾᬗᭂ

[᭕᭑ 51A]
᭕᭑
ᬦᬄ᭞ᬲᬂᬧ᭄ᬭᬪᬹᬫᬗᬦ᭄ᬤᬶᬓ᭞ᬦᬾᬢᬶᬫ᭄ᬧᬲᬾᬲᬸᬩᬫᬸᬮᬶᬄ᭞ᬲᬶᬂᬜᬲᬸᬩ᭞ᬫᬸᬲᬸᬳᬾᬲᬸᬩᬫᬸᬮᬶᬄ᭟᭜᭟ᬳᬶᬬᬫ᭄ᬩᬃᬓᬯᬶᬫᬳᬢᬹᬃᬭᬶᬂ᭠ᬲᬂᬦᬵᬣ᭞ᬫᬦᬯᬶᬲᬫ᭄ᬧᬸᬦ᭄ᬮᬶᬮᬶᬄ᭞ᬚᬦᬶᬓᬘᬭᬶᬢ᭄ᬣ᭞ᬳᬶᬧᬢᬶᬄᬩᬚ᭄ᬭᬤᬵᬦ᭄ᬢ᭞ᬓ᭄ᬭᭀᬤᬜᬢᬦ᭄ᬲᬶᬧᬶᬲᬶᬧᬶ᭞ᬭᭀᬯᬗᬾᬩ᭄ᬭᬱ᭄ᬝᬵ᭞ᬓᬓᬭᬾᬦ᭄ᬫᬢᬶᬮᬶᬮᬶᬄ᭞
᭞᭜᭟ᬩᬭᬓ᭄ᬩᬶᬳᬶᬂᬤᬓᬶᬩ᭄ᬗᬶᬮ᭄‌ᬦᬩ᭄ᬤᬩ᭄ᬢᬸᬫ᭄ᬩᬓ᭄᭞ᬮᬦ᭄ᬢᬲ᭄ᬮᬚᬸᬫᬗ᭄ᬭᬜ᭄ᬚᬶᬂ᭞ᬗᬭᬸᬫᬸᬦ᭄ᬫᬚᬮᬦ᭄᭞ᬗᭀᬯᬾᬮ᭄ᬢᭂᬓᬾᬦ᭄ᬢᬶᬫ᭄ᬧᬮ᭞ᬚᬍᬫ᭠ᬫᬢᬜᬦ᭄ᬤᭂᬮᬶᬓ᭄᭞ᬤᬤᬶᬲᬶᬂᬦᭀᬢ᭞ᬩᬜᬳᬗ᭄ᬕᭀᬜᬢᬶᬢᬶ᭞ᬳᭂᬗ᭄ᬓᬾᬦ᭄ᬫᬸᬲᬸᬄᬳᬩ᭄ᬲᬶᬓ᭄‌ᬢ᭄ᬯᬭᬤᬳᬤ᭞ᬳᬾᬗ᭄ᬕᬮᬦ᭄ᬫᬮᬳᬶᬩ᭄᭞ᬚᬦ᭄ᬢᬢᬦ᭄ᬧᬢ᭄ᬫᬄ᭞ᬢ᭄ᬯ
ᬭᬓᬭ᭄ᬯᬦ᭄ᬚᭂᬭᬶᬄᬳᬶᬦ᭄ᬜ᭞ᬲᬫ᭄ᬧᬸᬦ᭄ᬫᬸᬗ᭄ᬕᬳᬦ᭄ᬳᬶᬧᬢᬶᬄ᭞ᬚ᭄ᬭᭀᬦᬶᬂᬜᬶᬸᬩᬜ᭄ᬘᬶᬗᬄ᭞ᬲᬶᬂᬳᬤᬦᬂᬓᬧᬗ᭄ᬕᬶᬄ᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬕᭂᬮᬶᬲ᭄ᬦᬸᬦ᭄ᬤᬾᬦᬂ᭞ᬢᬶᬫ᭄ᬧᬲᬾᬜᬦ᭄ᬤᭂᬃᬕ᭄ᬮᬶᬲ᭄᭞ᬧᬢᬶᬄᬩᬚ᭄ᬭᬤᬦ᭄ᬢᬵ᭞ᬲᬾᬧᬦ᭄ᬳᬶᬬᬫᬍᬓᬲ᭄᭞ᬳᬸᬓᬸᬄᬬᬗᬘᭂᬧᬂᬳᬧᬶ᭞ᬳᬾᬗ᭄ᬕᬮᬦ᭄ᬓᭂᬦ᭞ᬓᬕ᭄ᬬᬢ᭄ᬗᭀᬓᭀᬓ᭄ᬫ
ᬦᭀᬮᬶᬄ᭟᭜᭟ᬮᬶᬬᬢᬶᬜᬢ᭄ᬯᬭᬵᬳᬤᬵᬗᭂᬦᬄᬚᬦ᭄ᬫ᭞ᬲᬕᭂᬢ᭄ᬩᬸᬯᬶᬦ᭄ᬓᭂᬦᬶ᭞ᬗᭀᬓᭀᬓ᭄ᬫᬢᬸᬮᬶᬳᬦ᭄᭞ᬫᬲᬶᬄᬢ᭄ᬯᬭᬫᬗᭂᬦᬄ᭞ᬢᬶᬫ᭄ᬧᬲᬾᬫᬮᬶᬄᬜᬦ᭄ᬤᭂᬭᬶᬦ᭄᭞ᬳᬶᬧᬢᬶᬄᬜᭂᬫ᭄ᬧᬂ᭞ᬧᬧᬾᬮᬾᬗᬦᬾᬓ᭄ᬦᬶ᭟᭜᭟ᬭᬭᬶᬲ᭄ᬭᬯᬸᬄᬳᬶᬓᬮᬫᬓ᭄ᬭᬓ᭄ᬫᬜᬕ᭄ᬚᬕ᭄᭞ᬯᬶᬭᬗᬾᬢᬦ᭄ᬲᬶᬦᬶᬧᬶ᭞ [ 52 ][᭕᭑ 51B]
᭕᭑
ᬳᬶᬓᭀᬮ᭄ᬧᬯᬶᬚᬬ᭞ᬫᬜᬕ᭄ᬚᬕ᭄ᬓᬩᬜ᭄ᬘᬶᬗᬄ᭞ᬫᬦᭂᬗ᭄ᬓᬶᬓ᭄ᬮᬦ᭄ᬢᬲ᭄ᬫᬦᬸᬤᬶᬂ᭞ᬓᭀᬮ᭄ᬧᬯᬶᬚᬬ᭞ᬳᬶᬧᭀᬯᬦ᭄ᬳᬶᬩᬫᬢᬶ᭟᭜᭟ᬤᬤᬶᬚᬦᬶᬳᬶᬩᬳᬶᬤᬸᬧ᭄ᬕᬳᬓ᭄ᬕᬳᬕ᭄᭞ᬢ᭄ᬯᬄᬳᬶᬩᬮᬶᬦ᭄ᬢᬂᬲᬓ᭄ᬢᬶ᭞ᬳᬶᬓᭀᬮ᭄ᬧᬯᬶᬚᬬ᭞ᬜᬯᬹᬭᬶᬦ᭄ᬫᬸᬜᬶᬩᬗ᭄ᬕ᭄ᬭᬲ᭄᭞ᬳᬧᬂᬓᭂᬋᬂᬳᬶᬩᬘᬶᬘᬶᬂ᭞ᬫᬗ᭄ᬮᬯᬦ᭄ᬳᬶᬭᬵ᭞ᬓᬾ᭠
ᬯᬮᬦᬸᬕᬸᬲ᭄ᬢᬶᬦ᭄ᬓᬳᬶ᭟᭜᭟ᬳᬶᬓᬮᬫᬓ᭄ᬭᬓ᭄‌ᬩ᭄ᬭᬗ᭄ᬢᬶᬭᬭᬶᬲ᭄ᬦᬭᬚᬂ᭞ᬲᬳᬲᬫᬦᭂᬩᭂᬓᬶᬦ᭄᭞ᬳᬶᬓᭀᬮ᭄ᬧᬯᬶᬚᬬ᭞ᬓ᭄ᬦᬵᬳᬗᬶᬂᬢᬦ᭄ᬩᬶᬗ᭄ᬮᬓ᭄᭞ᬬᬳᬶᬓᬮᬫᬓ᭄ᬭᬓ᭄ᬦᬶ᭞ᬲᬦ᭄ᬤᭂᬃᬩᬦ᭄ᬢᬶᬫ᭄ᬧᬲ᭄᭞ᬮᬦ᭄ᬢᬲ᭄ᬳᭂᬩᬄᬗᬸᬮᬶᬮᬶᬂ᭟᭜᭟ᬩᬗᬸᬦ᭄ᬲᬃᬯ᭄ᬯᬶᬦᬸᬤᬶᬂᬳᬶᬓᭀᬮ᭄ᬧᬯᬶᬚᬬ᭞ᬳᬶᬩᬫᬜᬢ᭄ᬓᬳᬶ᭞ᬢ᭄ᬯ᭠
ᬭᬵᬧ᭄ᬭᬄᬧᬺᬯᬶᬭᬵ᭞ᬫᬲ᭄ᬬᬢ᭄ᬫᬲᬲᬩᬢᬦ᭄᭞ᬚᬮᬦ᭄ᬓᬾᬲᬮᬶᬂᬢ᭄ᬩᭂᬓᬶᬦ᭄᭞ᬩᬳᬦ᭄ᬓᬤᬸᬢᬦ᭄᭞ᬧᬤᬵᬗᬤᬸᬓᬯᬦᬶᬦ᭄᭟᭜᭟ᬳᬶᬓᬮᬫᬓ᭄ᬭᬓ᭄ᬫᬗᬗ᭄ᬕᬭᬂᬓᬤᬸᬢᬦ᭄᭞ᬢᬶᬫ᭄ᬧᬲᬾᬜᬦ᭄ᬤᭂᬃᬫᬮᬶᬄ᭞ᬓ᭄ᬦᬵᬧᬧᬾᬮᬾᬗᬦ᭄᭞ᬮᬦ᭄ᬢᬲ᭄ᬳᭂᬩᬄᬫᬕᬸᬬᬂ᭞ᬳᬶᬓᭀᬮ᭄ᬧᬯᬶᬚᬬᬕ᭄ᬮᬶᬲ᭄᭞ᬚᬦᬶᬫᬜᬕ᭄ᬚᬕ᭄᭞
ᬜᬧ᭄ᬭᬾᬓ᭄ᬮᬯᬸᬢ᭄ᬦᬮᬶᬦᬶᬦ᭄᭟᭜᭟ᬓᬮᬫᬓ᭄ᬭᬓ᭄ᬚᬦᬶᬓ᭄ᬭᭀᬤᬦᬾᬓᬮᬶᬦ᭄ᬢᬂ᭞ᬩᬦ᭄ᬜᬦᬾᬓᬢᬮᬶᬦᬶᬦ᭄᭞ᬫ᭄ᬯᬄᬳᬶᬩᬚ᭄ᬭᬤᬦ᭄ᬢᬵ᭞ᬯᬸᬲ᭄ᬓᬢᬹᬃᬭᬶᬂᬭᬤ᭄ᬬᬦ᭄᭞ᬫᬓ᭄ᬭᬗ᭄ᬓᬾᬗᬶᬦ᭄ᬫᬓᬓᬮᬶᬄ᭞ᬓᬮᬗ᭄ᬭᬶᬓ᭄ᬢᭂᬓ᭞ᬫᬳᬶᬭᬶᬗᬦ᭄‌ᬤ᭄ᬯᬂᬓᭂᬢᬶ᭟᭜᭟ᬫᬢᬸᬮᬸᬯᬦ᭄ᬧᬢᬶᬳᬾᬧᬤᬵᬢ᭄ᬓᬵ᭞ᬦᬾᬓᭀᬭᬶᬦᬾᬳᬋ

[᭕᭒ 52A]
᭕᭒
ᬧᬶᬦ᭄᭞ᬲᬶᬂᬜᬬᬚᬸᬫᬳᬦ᭄᭞ᬫᬸᬲᬸᬳᬾᬬᬫᬗᬫ᭄ᬩ᭄ᬬᬃ᭞ᬭᬭᬶᬲ᭄ᬳᬶᬤᬭᬤᬾᬦ᭄ᬓᬮᬶᬄ᭞ᬳᬶᬪᭀᬕᬬᬓ᭄ᬱᬵ᭞ᬮᬦ᭄ᬭᬤᬾᬦ᭄ᬩᭀᬕᬬᬓ᭄ᬱᬶ᭟᭜᭟ᬳᬶᬩᬶᬲᬸᬩᬓᬮᬄᬧᬜ᭄ᬚᬓ᭄ᬜᬦᬾᬳᭀᬜ᭞ᬦᬾᬚᬦᬶᬩᬸᬯᬶᬦ᭄ᬳᬸᬭᬶᬧ᭄᭞ᬦᬾᬚᬦᬶᬫᬲᬄᬲᬄ᭞ᬩᬗ᭄ᬓᬾᬦᬾᬮ᭄ᬬᬸᬧᬚᭂᬫ᭄ᬧᬂ᭞ᬚᬦᬶᬳᬧᬂᬬᬩᬸᬯᬶᬦ᭄ᬳᬸᬭᬶᬧ᭄
᭞ᬧᬮᬶᬂᬲᬓ᭄ᬢᬶᬜ᭞ᬗ᭄ᬓᬾᬦ᭄ᬫᬵᬤᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬚᬦᬶᬳᬧᬂᬳᬶᬬᬢ᭄ᬓᬫᬗᬶᬤᬸᬧᬂ᭞ᬓᬮᬂᬗᬶᬭᬵᬦᬸᬤᬶᬦᬶ᭞ᬳᬧᬂᬳᬶᬭᬵᬦᬯᬂ᭞ᬚᬦᬶᬢ᭄ᬓᬾᬦ᭄ᬕᭀᬫᬶᬸᬩᬦ᭄ᬜ᭞ᬦᬾᬦᬾᬓᬲᬸᬩ᭄ᬰᬓ᭄ᬢᬶᬤᬶᬦᬶ᭞ᬧᬂᬳᬶᬭᬵᬧ᭄ᬤᬲ᭄᭞ᬦᬾᬫᬵᬤᬦ᭄‌ᬬᬫ᭄ᬩᬃᬓᬯᬶ᭟᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬫᬗ᭄ᬮᬾᬩᬗᬶᬦ᭄ᬢᬶᬫ᭄ᬧᬲ᭄᭞ᬩᬢᬾᬳ᭄ᬩᭀ
ᬦ᭄ᬢᭀᬂᬓ᭄ᬫᬕ᭄ᬮᬶᬲ᭄᭞ᬢᬶᬫ᭄ᬧᬲᬾᬫᬍᬘᬢ᭄᭞ᬳᬶᬪᭀᬕᬬᬓ᭄ᬱᬓ᭄ᬦᬵ᭞ᬳᬗᬶᬂᬢᬾᬳᬸᬮᬶᬤᬶᬤᬸᬭᬶ᭞ᬩᬸᬫᬭᬓ᭄ᬦᬵ᭞ᬫᬗᭀᬓᭀᬓ᭄ᬬᬫᬦᭀᬮᬶᬄ᭟᭜᭟ᬩᬳᬸᬫᬢᬸᬮᬶᬳᬦ᭄ᬩᭀᬕᬬᬓ᭄ᬱᬶᬓ᭄ᬦᬵ᭞ᬗᭀᬓᭀᬓ᭄ᬬᬫᬮᬶᬄ᭞ᬩ᭄ᬯᬶᬦ᭄ᬳᬶᬩᭀᬕᬬᬓ᭄ᬱᬵ᭞ᬲᬕᬾᬢᬦ᭄ᬫᬮᬶᬄᬓ᭄ᬦᬵ᭞ᬗᭀᬓᭀᬓ᭄ᬱᬫ᭄ᬩᬶᬮᬫᬫᬸᬜᬶ᭞ᬜᬾᬦ᭄ᬜᬩᬢ᭄ᬳᬶᬭᬵ᭞ᬳ᭄ᬦᬄ
ᬳᬂᬕᭀᬩᬦᬾᬘᬶᬘᬶᬂ᭟᭜᭟ᬩᬶᬮᬂᬲᬫ᭄ᬧᬶᬂᬧᬜ᭄ᬚᬓᬾᬮᬶᬬᬸᬧᬚᭂᬫ᭄ᬧᬂ᭞ᬳᬾᬫᭂᬂᬳᬶᬪᭀᬕᬬᬓ᭄ᬱᬶ᭞ᬮᬦ᭄ᬳᬶᬩᭀᬕᬬᬓ᭄ᬱᬵ᭞ᬧᬜ᭄ᬚᬓᬾᬲᬸᬩᬩᬸᬦ᭄ᬢᬲ᭄᭞ᬕᬾᬯᬃᬬᬧᬤᬵᬓᬮᬶᬮᬶᬄ᭞ᬳᬶᬩᭀᬕᬬᬓ᭄ᬱᬵ᭞ᬢ᭄ᬓᬾᬦ᭄ᬳᬶᬪᭀᬕᬬᬓ᭄ᬱᬶ᭟᭜᭟ᬦᬾᬢᬾᬳᬧᬵᬦᭂᬩᭂᬓ᭄ᬓᬳᬶᬢᬦ᭄ᬧᬢ᭄ᬫᬄ᭞ᬢᬸᬗ᭄ᬕᬮᬶᬬ [ 53 ][᭕᭒ 52B]
᭕᭒
ᬢᬶᬦ᭄ᬲᭂᬧᬶ᭞ᬳᬧᬩᬦᬾᬗᭀᬕᬵ᭞ᬮᬦ᭄ᬢᬲ᭄ᬫᬮᬳᬶᬩᬩᬃ᭞ᬓ᭄ᬤᬾᬓ᭄ᬬᬳᬶᬬᬫ᭄ᬩᬃᬓᬯᬶ᭞ᬤᬤᬶᬫᬓ᭄ᬚᬂ᭞ᬓ᭄ᬤᬾᬓ᭄ᬦᬾᬦᬾᬫᬩᬮᬶᬄ᭟᭜᭟ᬫᬢᬸᬮᬸᬯᬦ᭄ᬓᭂᬤᬾᬓᬾᬤᬶᬩᬮᬾᬗᬸᬗᬂ᭞ᬭᬤᬾᬦ᭄ᬓᬮᬶᬄᬗᬸᬤᬶᬤᬶᬂ᭞ᬳ᭄ᬩᬄᬦᬸᬗ᭄ᬓᬬᬓ᭄᭞ᬓᭀᬮ᭄ᬧᬯᬶᬚᬬᬜᬕ᭄ᬚᬕ᭄᭞ᬦ᭄ᬕᬓᬶᬦ᭄ᬮᬦ᭄ᬢᬲ᭄ᬦᬮᬶᬦᬶᬦ᭄᭞ᬳᬶᬪᭀᬕᬬᬓ᭄ᬱ᭞
ᬫᬶᬯᬄᬳᬶᬪᭀᬕᬬᬓ᭄ᬱᬶ᭟᭜᭟ᬲᬫ᭄ᬩᭂᬄᬩᬸᬬᬃᬲᬧᬜ᭄ᬚᬓ᭄ᬜᬦᬾᬫᬓ᭄ᬚᬂ᭞ᬢ᭄ᬯᬭᬵᬤᬵᬦᭀᬮᬶᬄᬯᬸᬭᬶ᭞ᬫᬗ᭄ᬮᬯᬸᬢ᭄ᬓᬤᬾᬰ᭞ᬫᬳᬢᬹᬃᬭᬶᬂᬲᬂᬦᬵᬣ᭞ᬳᬦ᭄ᬢᬸᬓ᭄‌ᬳᭀᬓᬦᬾᬫᬢᬮᬶ᭞ᬫᬓᬤᬤ᭄ᬯᬜ᭞ᬮᬶᬦ᭄ᬢᬂᬯᬶᬸᬫᬾᬭᬂᬲᬗᬵᬚᬶ᭟᭜᭟᭛ᬲᬶᬦᭀᬫ᭄᭛᭞ᬳ᭄ᬦᭂᬂᬗᬓ᭄ᬦᬵᬲᬂᬦᬵᬣ᭞ᬓᭀᬘ
ᬧᬳᬶᬬᬫ᭄ᬩᬃᬓᬯᬶ᭞ᬚᬦᬶᬫᬭᬵᬫᬤᬩ᭄ᬤᬩᬦ᭄᭞ᬫᬗᬸᬭᬶᬧ᭄ᬧᬜ᭄ᬚᬓᬾᬲᬫᬶ᭞ᬭᭀᬯᬂᬫᬸᬲᬸᬄᬓᬳᬸᬭᬶᬧ᭄᭞ᬭᬓ᭄ᬱᬲᬦᬾᬲᬫᬶᬳᬶᬤᬸᬧ᭄᭞ᬧᬤᬵᬫᬸᬮᬶᬄᬓᬕᬯᬄ᭞ᬭᬶᬂᬧᬮᬲᬦ᭄ᬯᬦᬵᬧᬸᬭᬶ᭞ᬪᭀᬕᬬᬓ᭄ᬱᬶᬓᬮᬯᬦ᭄ᬳᬶᬪᭀᬕᬬᬓ᭄ᬱ᭟᭜᭟ᬧᬤᬵᬩ᭄ᬗᭀᬂᬬᬢᬸᬫᬶᬗᬮ᭄᭞ᬳᬶᬬᬫ᭄ᬩᬃᬓᬯᬶᬫᬫᬸᬜᬶ᭞
ᬦᬾᬚᬦᬶᬤᬵᬫᬦᬸᬕᭂᬢᬂ᭞ᬩ᭄ᬮᬶᬫᬦᬮᬶᬦᬶᬦ᭄ᬘᬳᬶ᭞ᬧᬦ᭄‌ᬢ᭄ᬯᬭᬵᬲᬓᬾᬂᬩ᭄ᬮᬶ᭞ᬳᬯᬦᬦ᭄ᬤᬤᬶᬫᬸᬲᬸᬄ᭞ᬚᬦᬶᬧᬂᬘᬳᬶᬦᬯᬂ᭞ᬩ᭄ᬮᬶᬫᬜᬫᬭᬶᬂᬘᬳᬶ᭞ᬳᬶᬤᬵᬖᬸᬭᬸ᭞ᬳᬶᬤᬵᬫᬤ᭄ᬯᬾᬭᬩᬶᬤᬤ᭄ᬯ᭟᭜᭟ᬫᬾᬫᬾᬦ᭄ᬩᭂᬮᬶᬲᬸᬩᬳᬶᬮᬂ᭞ᬦᬾᬦᬾᬫᬗᬤᬓᬂᬩ᭄ᬮᬶ᭞ᬢᭀᬢᬸᬦᬲᬂᬦᬾᬦᬾᬲᬸᬩ᭞

[᭕᭓ 53A]
᭕᭓
ᬢ᭄ᬓᬾᬦ᭄ᬳᬶᬤᬵᬕᬸᬭᬸᬳᬚᬶ᭞ᬦᬄᬓ᭄ᬫᬘᬳᬶᬫᬸᬮᬶᬄ᭞ᬧᬜ᭄ᬚᬓᬾᬬᬲᬸᬩᬳᬶᬤᬸᬧ᭄᭞ᬳᬚᬓ᭄ᬫᬸᬮᬶᬄᬫᬓ᭄ᬚᬂ᭞ᬲᬩᬢᭂᬓ᭄ᬦᬾᬕ᭄ᬮᬄᬘᬳᬶ᭞ᬭᬤᬾᬦ᭄ᬩᭀᬕᬬᬓ᭄ᬱᬬᬓ᭄ᬱᬶᬭᬭᬶᬲ᭄‌ᬜᬸᬫ᭄ᬩᬄ᭟᭜᭟ᬫᬓᬤᬤ᭄ᬯᬫᬲᭂᬮ᭄ᬲᭂᬮᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬢᬶᬢ᭄ᬬᬂᬦᬸᬦᬲᬶᬦᬫ᭄ᬧᬸᬭᬵ᭞ᬫᬗ᭄ᬓᬶᬦ᭄ᬭᬶᬂᬧᬮᬶᬗ᭄ᬕᬶᬄ
ᬩ᭄ᬮᬶ᭞ᬫᭂᬦ᭄ᬤᬓᬾᬢᬶᬢ᭄ᬬᬂᬩ᭄ᬮᬶ᭞ᬳᬶᬕᬸᬭᬸᬚᬫᬲᬶᬄᬢᬦ᭄‌ᬯ᭄ᬭᬸᬄ᭞ᬢ᭄ᬯᬭᬵᬫᬦᬯᬂᬳᭀᬓᬵ᭞ᬫᬦ᭄ᬢᬸᬚᬦᬶᬧᬋᬩᬸᬢᬶᬦ᭄᭞ᬤᬤᬶᬢᬦ᭄ᬤ᭄ᬭᬸᬄ᭞ᬢᬶᬢ᭄ᬬᬂᬢ᭄ᬓᬾᬦᬶᬂᬭᬭᬫᬵ᭟᭜᭟ᬦᬄᬲᬸᬩᬬᬂᬢᭀᬢᭀᬜ᭞ᬲᬶᬜᬫᬦᬶᬧᭀᬯᬦ᭄ᬩᭂᬮᬶ᭞ᬧᬬᬸᬧᬘᬂᬜᬸᬯᬂᬳᬶᬬ᭞ᬳᬶᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬤᬶᬢᬸᬩ᭄ᬮᬶᬧᬘᬂᬫᬸᬮᬶᬄ
᭞ᬫᬵᬢᬹᬃᬭᬶᬂᬳᬶᬤᬵᬳᬶᬕᬹᬭᬸ᭞ᬫᬶᬯᬄᬭᬶᬂᬘᬳᬶᬧᬤᬵ᭞ᬦᬾᬚᬦᬶᬦᬄᬓ᭄ᬫᬫᬸᬮᬶᬄ᭞ᬳᬧᬂᬳ᭄ᬤ᭞ᬳᬶᬕᬹᬭᬸᬕᬾᬯᬃᬤᬶᬚᬸᬫᬄ᭟᭜᭟ᬳᬶᬪᭀᬕᬬᬓ᭄ᬱᬲᬫᬜᬸᬫ᭄ᬩᬄ᭞ᬲᬋᬂᬮᬦ᭄ᬳᬶᬪᭀᬕᬬᬓ᭄ᬱᬶ᭞ᬫᬧᬫᬶᬢ᭄ᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬢᬦ᭄ᬓᬘᬭᬶᬢ᭄ᬣᬤᬶᬫᬃᬕ᭄ᬕᬶ᭞ᬓᭀᬘᬧ᭄‌ᬰ᭄ᬭᬶᬦᬭᬧᬢᬶ᭞ᬭᬶᬂ
ᬧᬮᬭᬚᬦᬕᬦ᭄ᬢᬸᬦ᭄᭞ᬯᬸᬲ᭄ᬓᬵᬢᬹᬃᬭᬶᬂᬲᬂᬦᬵᬣ᭞ᬩᬦ᭄ᬳᭀᬓᬦᬾᬫᬓᬓᬮᬶᬄ᭞ᬲᬵᬫ᭄ᬧᬸᬦ᭄ᬓᬳᭂᬚᬸᬓ᭄᭞ᬫᬓᬓᬮᬶᬄᬫᬩᬲ᭄ᬢ᭟᭜᭟ᬲᬂᬧ᭄ᬭᬪᬹᬓᬮᬶᬦ᭄ᬢᬵᬂᬓᬕ᭄ᬬᬢ᭄᭞ᬗᬦ᭄ᬤᬶᬓᬵᬢ᭄ᬓᬦᬶᬂᬳᬶᬧᬢᬶᬄ᭞ᬳᬶᬧᬢᬶᬄᬫᬦᭂᬧᬓ᭄ᬢᭂᬗ᭄ᬭᬦ᭄᭞ᬓᬸᬮ᭄ᬓᬸᬮᬾᬫᬤᬦ᭄ᬤᬸᬢᬶᬢᬶᬃ᭞ᬧᬸᬗ᭄ᬕᬯᬭᬯᬸᬄ [ 54 ][᭕᭓ 53B]
᭕᭓
ᬲᬫᬶ᭞ᬧᬋᬓ᭄ᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬲᬂᬦᬵᬣᬭᬭᬶᬲ᭄ᬫᬲᬩ᭄ᬤ᭞ᬦᬄᬚᬮᬦ᭄ᬳᬾᬗ᭄ᬕᬮ᭄ᬚᬕ᭄ᬚᬕᬶᬦ᭄᭞ᬬᬳᬶᬩᬕᬸᬲ᭄᭞ᬓᬳᭂᬚᬸᬓ᭄ᬤᬶᬓᬶᬦ᭄ᬢᬵᬯᬦᬵ᭟᭜᭟ᬓᭀᬘᬧ᭄ᬬᬓᬲᭀᬭᬦ᭄ᬬᬸᬤ᭄ᬤ᭞ᬫᬗ᭄ᬮᬯᬦ᭄ᬳᬶᬬᬫ᭄ᬩᬃᬓᬯᬶ᭞ᬲᬂᬧ᭄ᬭᬪᬹᬭᬭᬶᬲ᭄ᬫᬫᬃᬕ᭄ᬕᬵ᭞ᬧᬜ᭄ᬚᬓᬾᬲᬫᬶᬫᬗᬶᬭᬶᬂ᭞ᬲᬯᬢᬭᬓᬮᬶᬄᬓᭂ
ᬢᬶ᭞ᬫᬗᬶᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬲᬫ᭄ᬧᬸᬦ᭄ᬗᬮᬶᬦ᭄ᬢᬂᬤᬾᬰ᭞ᬲᬶᬓᭂᬧᬾᬲᬫ᭄ᬧᬸᬦ᭄ᬓᬧᬗ᭄ᬕᬶᬄ᭞ᬦᬾᬗᬶᬭᬶᬗᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬪᭀᬕᬬᬓ᭄ᬱᬵ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬦᬄᬳᬧᬂᬢᬗᬃᬦᬾᬚᬦᬶ᭞ᬢᬶᬗ᭄ᬓᬳᬂᬳᬯᬓᬾᬧᬤᬵ᭞ᬩ᭄ᬤᬶᬮᬾᬧᬤᬵᬳᬶᬲᬶᬦᬶᬦ᭄᭞ᬚᭀᬗ᭄ᬓᭀᬓᬶᬦ᭄ᬳᬚᬓ᭄ᬱᬫᬶ᭞ᬤᭂ
ᬧᬂᬬᬫᬩᬩᬃᬫᬮᬸ᭞ᬲᬵᬫ᭄ᬧᬸᬦ᭄ᬲᬫᬶᬲᬬᬕᬵ᭞ᬧᬜ᭄ᬚᬓᬾᬗᭂᬫ᭄ᬩᬢᬂᬩ᭄ᬤᬶᬮ᭄᭞ᬲᬕᬾᬢ᭄ᬭᬯᬸᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬪᭀᬕᬬᬓ᭄ᬱᬵ᭟᭜᭟ᬓᬘᬶᬗᬓ᭄ᬱᬶᬓᭂᬧᬾᬗᬫ᭄ᬩ᭄ᬬᬃ᭞ᬓᬤᬶᬲᭀᬮᬄᬫᬕᬸᬢ᭄ᬚᬸᬭᬶᬢ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶᬓᬵ᭞ᬲᬸᬗ᭄ᬲᬗᬂᬢᬸᬫ᭄ᬩᬓᬾᬲᬫᬶ᭞ᬫᬶᬯᬄᬩ᭄ᬤᬶᬮᬾᬲᬫᬶ᭞ᬳᬧᬂᬤᬵ
ᬓᬤᬾᬜᬫᬸᬲᬸᬄ᭞ᬓᬾᬯᬾᬶᬸᬢᭀᬘᬶᬭᬶᬦᬶᬂᬢᬶᬫ᭄ᬧᬮ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬵᬳᬭᬶᬲ᭄᭞ᬤᭀᬂᬤᬫᬸᬲᬸᬄ᭞ᬢᬸᬫ᭄ᬩᬓᬾᬜᬸᬗ᭄ᬲᬂᬫᬓ᭄ᬚᬂ᭟᭜᭟ᬳᭂᬦ᭄ᬢᭀᬓᭀᬳᬶᬪᭀᬕᬬᬓ᭄ᬱᬵ᭞ᬩᬋᬂᬮᬦ᭄ᬳᬶᬪᭀᬕᬬᬓ᭄ᬱᬶ᭞ᬭᬤᬾᬦ᭄ᬓᬮᬶᬄᬲᬫ᭄ᬧᬸᬦ᭄ᬧ᭄ᬭᬧ᭄ᬝᬵ᭞ᬫᬳᬢᬹᬃᬭᬶᬂᬰ᭄ᬭᬶᬪᬹᬧᬢᬶ᭞ᬳᬶᬗ᭄ᬕᬶᬄᬕᬸ

[᭕᭔ 54A]
᭕᭔
ᬭᬸᬦᬾᬫᬗ᭄ᬓᬶᬦ᭄᭞ᬮᬘᬹᬃᬢᬶᬢ᭄ᬬᬂᬓᬳᬸᬢᬸᬲ᭄᭞ᬓᬲᭀᬃᬢᬶᬢ᭄ᬬᬂᬫᬬᬸᬤ᭄ᬤᬵ᭞ᬫᬗ᭄ᬮᬯᬦ᭄ᬳᬶᬬᬫ᭄ᬩᬃᬓᬯᬶ᭞ᬓᭀᬘᬧ᭄ᬕᬸᬭᬸ᭞ᬋᬓᬾᬫᬤ᭄ᬯᬾᬭᬩᬶᬤᬤ᭄ᬯᬵ᭟᭜᭟ᬲᬂᬧ᭄ᬭᬪᬹᬮᬶᬦ᭄ᬢᬵᬂᬓᬖ᭄ᬬᬢ᭄᭞ᬗᬶᬗᭂᬃᬳᬢᬸᬭᬾᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬭᬭᬶᬲ᭄ᬓᬦ᭄ᬢᬸᬩᬸᬲᬦ᭄ᬩᬸᬲᬦ᭄᭞ᬳᬶᬧᬢᬶᬄᬳᬾᬜ᭄ᬘᭀᬂᬢᬦ᭄ᬲᬶᬧᬶ᭞ᬦᭂᬤᬸᬦᬂᬩ᭠
ᬮ᭄ᬬᬦ᭄ᬕᭂᬮᬶᬲ᭄᭞ᬩᬮ᭄ᬬᬦ᭄ᬢᭂᬦᬸᬂᬲᬫᬶᬭᬯᬸᬄ᭞ᬲᬭᬯᬸᬳᬾᬤᬶᬧᬸᬭᬵ᭞ᬧᬥᬡ᭄ᬤᬵᬳᬢᭂᬧ᭄ᬫᬮᬶᬗ᭄ᬕᬶᬄ᭞ᬕᬸᬲ᭄ᬢᬶᬧᬢᬶᬄᬳᬾᬜ᭄ᬘᭀᬂᬫᬗᬢᬹᬭᬂᬘᬦᬂ᭟᭜᭟ᬭᬭᬶᬲ᭄ᬫᬵᬗᬢᬹᬭᬂᬢᬫ᭄ᬩ᭞ᬩᬮᬶᬬᬦᬾᬲᬋᬂᬲᬫᬶ᭞ᬯᬤᬄᬢᬫ᭄ᬩᬦᬾᬘ᭄ᬭᬶᬢᬬᬂ᭞ᬦᬾᬦᬾᬓᬵᬢᬹᬃᬭᬶᬂᬲᬸᬮᬶᬗ᭄ᬕᬶᬄ᭞ᬩᭀᬓᭀᬃᬳ᭄ᬫᬵᬲ᭄ᬫᬲᬗ᭄ᬮᬶᬂ᭞ᬯᬾ
ᬦ᭄ᬢᭂᬦ᭄ᬲᬾᬓᭂᬢ᭄ᬓᬢᬄᬳᬶᬧᬸᬦ᭄᭞ᬲᭀᬭᭀᬄᬫᬲᭀᬘᬫᬶᬭᬄ᭞ᬯᬶᬦ᭄ᬢᭂᬦ᭄ᬓᭀᬫᬮᬳᬾᬃᬢᬢᬶᬢ᭄᭞ᬓᬮᬶᬫᬾᬚ᭞ᬲᬫᬶᬳᭂᬩᭂᬓ᭄ᬳᬦ᭄ᬢᬸᬓ᭄ᬢᬫ᭄ᬩᬵ᭟᭜᭟ᬧᬗᬬᬳᬾᬲᬫᬶᬓᬸᬲ᭄ᬬ᭞ᬫᬶᬯᬄᬳᬶᬤᬵᬧ᭄ᬭᬫᬶᬰ᭄ᬯᬭᬶ᭞ᬢ᭄ᬯᬭᬵᬓᬳ᭄ᬬᬸᬦ᭄ᬫᬗᬚᭂᬗᬂ᭞ᬩᬳᬦ᭄ᬲᬸᬗ᭄ᬲᬸᬢᬾᬢᬦ᭄ᬲᬶᬧᬶ᭞ᬧᬗ᭄ᬭᬱᬜ᭠
ᬤᬶᬳᬢᬶ᭞ᬦᬄᬦᬾᬚᬦᬶᬪᬬᬢᬸᬤᬸᬄ᭞ᬢ᭄ᬯᬄᬯᬶᬥᬶᬦᬾᬦᬦ᭄ᬤᬦᬂ᭞ᬫᬗ᭄ᬤᬾᬦᬾᬩᬸᬯᬶᬦ᭄ᬓᬧᬗ᭄ᬕᬶᬄ᭞ᬢ᭄ᬓᬾᬦ᭄ᬳᭀᬓᬵ᭞ᬫᬶᬯᬄᬭᬶᬂᬳᬶᬤᬵᬲᬂᬦᬵᬣ᭟᭜᭟ᬳ᭄ᬦᭂᬂᬳᬓ᭄ᬦᬲᬂᬦᬵᬣ᭞ᬦᬾᬦᬾᬭᬶᬂᬧᬸᬭᬶᬫᬮᬶᬗ᭄ᬕᬶᬄ᭞ᬓᭀᬘᬧᬤᬶᬓᬶᬦ᭄ᬢᬵᬯᬦᬵ᭞ᬭᬤᬾᬦ᭄ᬩᬕᬸᬲ᭄ᬳᬫ᭄ᬩᬃᬓᬯᬶ᭞ᬧᬋᬓ᭄ᬭᬶᬂᬰ᭄ᬭᬶᬪᬹᬧ᭠ [ 55 ][᭕᭔ 54B]
᭕᭔
ᬢᬶ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬳᬾᬄᬦᬦᬓ᭄ᬚᬦᬶᬢ᭄ᬓᬵ᭞ᬢᭂᬧᬸᬓᬶᬜᬩᬵᬦ᭄ᬳᬶᬬᬤᬶ᭞ᬚᬦᬶᬳᬶᬤᬸᬧ᭄᭞ᬩᬧᬓᭀᬫᬦ᭄ᬤᬤᬶᬚᬤ᭄ᬫᬵ᭟᭜᭟ᬦᬾᬚᬦᬶᬩᬧᬫᬫᬬᬄ᭞ᬳᬸᬢᬂᬳᬸᬭᬶᬧ᭄‌‌ᬢ᭄ᬓᬾᬦ᭄ᬕᬸᬲ᭄ᬢᬶ᭞ᬤᬶᬦᬶᬕᬸᬲ᭄ᬢᬶᬳᬚᬓ᭄ᬩᬧᬵ᭞ᬳᭂᬦ᭄ᬢᭀᬚᬸᬯᬂᬳᬤᬶᬜ᭄ᬘᬳᬶ᭞ᬩᬧᬵᬫᬢᭂᬫ᭄ᬯᬂᬘᬳᬶ᭞ᬭᬤᬾᬦ᭄ᬳ
ᬫ᭄ᬩᬃᬓᬯᬶᬫᬵᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬗᬶᬭᬶᬗᬂ᭞ᬓᬬᬸᬦ᭄ᬕᬸᬭᬸᬓᬤᬶᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬕᬸᬭᬸ᭞ᬯᬶᬮᬗᬂᬢᬶᬢ᭄ᬬᬂᬤᬾᬯᬰᬵ᭟᭜᭟ᬢᬸᬫᬸᬮᬶ᭠ᬳᬶᬤᬵᬲᬂᬦᬵᬣ᭞ᬭᬭᬶᬲ᭄ᬳᬶᬤᬵᬗᬯᬶᬮᬗᬶᬦ᭄᭞ᬤᬾᬯᬰᬦᬾᬲᬦᬾᬓᬯᭀᬢ᭄᭞ᬭᬾᬄᬳᬶᬤᬵᬧᬘᬂᬫᬩᬸᬜ᭄ᬘᬶᬂ᭞ᬢᬸᬫᬸᬮᬶᬧ᭄ᬭᬫᬶᬰ᭄ᬯᬭᬶ᭞ᬭᬭᬶᬲ᭄ᬫᬤᬩ᭄ᬤᬩᬦ᭄ᬲ
ᬫ᭄ᬧᬸᬦ᭄᭞ᬗᬯᬶᬮᬗᬂᬧᬓᬓᬲ᭄᭞ᬳᬸᬧᬘᬭᬦᬾᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬘᬸᬫᬤᬂ᭟᭜᭟ᬳ᭄ᬦᭂᬂᬧᬶᬸᬳᬓ᭄ᬦᬧᬸᬦᬶᬓ᭞ᬮᬶᬬᬦ᭄ᬓᬳᬸᬘᬧᬂᬫᬮᬶᬄ᭞ᬲᬂᬧ᭄ᬭᬪᬹᬭᬶᬂᬩᬭᬂᬫᬦᬲ᭄᭞ᬲ᭄ᬥᭂᬓᬦ᭄ᬳᬶᬤᬵᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬗ᭄ᬕᬯᬵᬫᬦ᭄ᬢ᭄ᬭᬶ᭞ᬤ᭄ᬫᬂᬤ᭄ᬫᬸᬂᬮᬦ᭄ᬢᬸᬫᭂᬗ᭄ᬕᬸᬂ᭞ᬭᬵᬢᬹᬳᬩᬮᬦᬵᬣ᭞ᬳᬓᬸᬢᬸ
ᬲ᭄ᬓᬢᬳᬾᬲᬫᬶ᭞ᬫᬪᬶᬱᬾᬓᬵ᭞ᬲᬂᬧ᭄ᬭᬪᬹᬋᬰᬶᬪᭀᬚᬦᬵ᭟᭜᭟ᬳᬧᬦ᭄ᬳᬶᬤᬵᬫᬗᭀᬤᬕᬂ᭞ᬲᬳᬶᬲᬶᬦ᭄ᬕᬸᬫᬶᬦᬾᬲᬫᬶ᭞ᬧᬸᬮᭀᬦᬾᬭᬶᬂᬩᬭᬂᬧᬦᬲ᭄᭞ᬧᬺᬭᬢᬹᬓᬯᭂᬗ᭄ᬓᬸᬲᬫᬶ᭞ᬧᬤᬵᬓ᭄ᬦᬵᬳᬸᬧ᭄ᬢᬶ᭞ᬓᬵᬢᬹᬃᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬢᬦ᭄ᬓᬶᬭᬂᬧᬭᬦ᭄ᬧᬭᬦ᭄᭞ᬫᬲᬲᬸᬓᬦ᭄ᬲᬳᬶᬲ

[᭕᭕ 55A]
᭕᭕
ᬳᬶ᭞ᬲᬂᬧ᭄ᬭᬪᬹ᭞ᬮᬶᬦ᭄ᬢᬂᬳᬾᬦᬓ᭄ᬭᬶᬂᬧᬓᬬᬸᬦᬦ᭄᭟᭜᭟ᬲᬂᬧ᭄ᬭᬪᬹᬓᬮᬶᬦ᭄ᬢᬵᬂᬤᬦ᭞ᬢ᭄ᬓᬾᬦ᭄ᬧᬜ᭄ᬚᬓ᭄ᬳᬕᭂᬂᬳᬮᬶᬢ᭄᭞ᬢᬗ᭄ᬓᬶᬮᬦᬾᬲ᭄ᬮᬶᬤ᭄‌ᬲᬜ᭄ᬚ᭞ᬲᬶᬸᬫᬲᬲᬗᬦᬦ᭄ᬫᬗᭀᬧᬶ᭞ᬬᬾᬦ᭄ᬜᬜ᭄ᬤᬳᬂᬫᬦᬗ᭄ᬓᬶᬮ᭄᭞ᬧᬸᬗ᭄ᬕᬯᬦᬾᬲᬫᬶᬫᬶᬧᬸᬓ᭄᭞ᬩᬦ᭄ᬲᭀᬭᭀᬄᬮᬮᬕᬭᬦ᭄᭞ᬳᬶᬦᬸᬫᬶᬦᬸᬫᬦᬾᬲᬫᬶ᭞
ᬫᬶᬯᬄᬳᬗ᭄ᬕᬸᬃ᭞ᬲᭂᬦ᭄ᬢ᭄ᬭᬸᬧ᭄ᬓᬶᬮᬂᬮᬶᬫᭀᬦᬤᬵ᭟᭛ᬧᬗ᭄ᬓᬸᬃ᭛᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬶᬄᬳᬶᬧᬢᬶᬄᬤ᭄ᬫᬂᬢᬸᬫᭂᬗ᭄ᬕᬸᬂᬲᬫᬶ᭞ᬦᬄᬓᬾᬭᬱᬵᬦᬶᬦ᭄ᬳᬶᬩᬕᬸᬲ᭄᭞ᬭᬤᬾᬦᬺᬰᬶᬪᭀᬚᬦᬵ᭞ᬩᬸᬓᬚᬦᬶ᭞ᬤᬾᬦᬶᬂᬳᬶᬬᬲᬸᬩᬤᬸᬳᬹᬃ᭞ᬳᬶᬤᭂᬧ᭄ᬳᬶᬭᬵᬗᬮ᭄ᬬᬂᬲᭀᬫᬄ᭞ᬳᬧᬗᬳᬾᬗ᭄ᬕᬮ᭄ᬫᬩᬸᬜ᭄ᬘᬶᬂ᭟᭜
᭟ᬫᬵᬢᬹᬃᬳᬶᬧᬢᬶᬄᬍᬗ᭄ᬓᬭᬵ᭞ᬳᬶᬗ᭄ᬕᬶᬄᬭᬵᬢᬹᬢᬶᬢ᭄ᬬᬂᬯᬦ᭄ᬢᬄᬲᬳᬶᬭᬶᬂ᭞ᬮᬶᬦ᭄ᬢᬂᬤᬳᬢᬶᬂᬳᬧᬢᬹᬢ᭄᭞ᬓᬳ᭄ᬬᬸᬦ᭄ᬘᭀᬓᭀᬃᬳᬶᬤᬾᬯᬵ᭞ᬓᬤᬶᬫᬗ᭄ᬓᬶᬦ᭄᭞ᬤᬶᬚᬯᬾᬦ᭄ᬢᭂᬦ᭄ᬳᭀᬃᬢ᭄ᬣᬭᬢᬸ᭞ᬦᬾᬧᬘᬂᬫᬃᬕᬶᬦᬶᬦ᭄ᬢᬶᬢ᭄ᬬᬂ᭞ᬮᬗᬸᬮᬓᬸᬦᬾᬫᬧᬤᬶᬓ᭄᭟᭜᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬦᬄᬦᬾᬚᬦᬶᬳᬤᬢᬸᬢᬸ
ᬭᬦ᭄ᬤᬶᬗᭂᬄᬩ᭄ᬮᬶ᭞ᬩᬳᬦᬾᬲᬤᬓᬯᬸᬯᬸᬲ᭄᭞ᬳᭀᬃᬢ᭄ᬣᬦᬾᬤᬶᬗᭂᬄᬳᬶᬭᬵ᭞ᬓᭀᬘᬧ᭄ᬳᬤ᭞ᬳᬦᬓ᭄ᬳᭂᬮᬸᬄᬮᬶᬦ᭄ᬢᬂᬳᬬᬸ᭞ᬲᬂᬧ᭄ᬭᬪᬹᬤᬶᬓᬶᬦ᭄ᬢᬵᬯᬦᬵ᭞ᬳᬶᬤᬵᬫᬤ᭄ᬯᬾᬳᭀᬓᬳᬶᬲ᭄ᬢ᭄ᬭᬶ᭟᭜᭟ᬫᬵᬢᬹᬃᬳᬶᬧᬢᬶᬄᬍᬗ᭄ᬓᬭ᭞ᬳᬶᬗ᭄ᬕᬶᬄᬭᬢᬹᬬᬦ᭄ᬚᬢᬶᬮᬦ᭄ᬢᬲ᭄ᬚᬢᬶ᭞ᬬᬾᬦ᭄ᬫᬸᬗ᭄ᬕ᭄ᬯᬶᬂᬓᬚᬢᬾᬦᬶᬧᬸᬦ᭄᭞ᬢᬶ [ 56 ][᭕᭕ 55B]
᭕᭕
ᬢ᭄ᬬᬂᬫᬵᬢᬸᬃᬫᬫᬶᬦ᭄ᬤᬄ᭞ᬤᬾᬦᬶᬳᬤᭀᬄ᭞ᬲ᭄ᬮᬢ᭄ᬲᬕᬭᬤᭀᬄᬭᬢᬹ᭞ᬮᬬᬭᬦ᭄ᬧᬶᬢᬸᬮᬲ᭄ᬤᬶᬦᬵ᭞ᬰᬓᬶᬂᬳᬶᬭᬶᬓᬫᬭᬶᬓᬶ᭟᭜᭟ᬲᬧᬸᬦᬧᬶᬧᬓᬬᬸᬦᬦ᭄᭞ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬗᬦ᭄ᬤᬶᬓᬫᬮᬶᬄ᭞ᬳᬶᬤᭂᬧ᭄ᬳᬶᬭᬵᬬᬾᬦ᭄‌ᬢ᭄ᬯᬄᬧᬢᬸᬢ᭄᭞ᬩᬳᬜ᭄ᬘᬳᬶᬗᭂᬦᭂᬳᬂ᭞ᬫᬗ᭄ᬤᬾᬜᬦᬾ᭞ᬩᬓᬢ᭄ᬳᬗ᭄ᬕᭀ᭠
ᬳᬶᬭᬵᬫᬦ᭄ᬢᬸ᭞ᬲᭀᬫᬄᬳᬶᬋᬰᬶᬪᭀᬚᬦᬵ᭞ᬓᬾᬦ᭄ᬓᬾᬜ᭄ᬚᬩᬳᬦ᭄ᬗᬸᬮᬢᬶ᭟᭜᭟ᬬᬾᬦ᭄ᬢᬸᬦ᭄ᬤᬾᬦ᭄ᬫᬫᬤᬶᬓ᭄ᬫ᭞ᬦᬄᬓ᭄ᬦᭂᬳᬂᬳᭂᬦ᭄ᬢᭀᬧᬤᬵᬫᬓᬶᬓᬶᬢ᭄᭞ᬳᬶᬧᬢᬶᬄᬫᬮᬶᬄᬫᬳᬢᬹᬃ᭞ᬳᬗᬶᬂᬫᬦᬳᬂᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬳᬤᭀᬄ᭞ᬫᬦᬳᬂᬢᬶᬢ᭄ᬬᬂᬢ᭄ᬯᬄᬮᬘᬹᬃ᭞ᬮᬫ᭄ᬩᬶᬬᬦ᭄ᬢᬦ᭄‌ᬯᬾᬦ᭄ᬢᭂᬦ᭄ᬲᬸᬓ᭞ᬓᬶᬚᬬᬲᬸᬓᬢᬂᬫ
ᬮᬶᬄ᭟᭜᭟ᬬᬾᬦ᭄ᬳᬗ᭄ᬤᬾᬢᬦ᭄ᬯᬾᬦ᭄ᬢᭂᬦ᭄ᬲᬸᬓ᭞ᬲᬧᬸᬦᬧᬶᬧᬓᬬᬸᬦ᭄ᬳᬶᬤᬾᬯᬵᬫᬗ᭄ᬓᬶᬦ᭄᭞ᬗᬦ᭄ᬤᬶᬓᬲᬂᬧ᭄ᬭᬪᬹᬳᬮᬸᬲ᭄᭞ᬦᬄᬩ᭄ᬦᭂᬄᬳᭂᬦ᭄ᬢᭀᬲᬚᬵ᭞ᬢᬦ᭄ᬧ᭄ᬭᬶᬯᬗ᭄ᬤᬾ᭞ᬢ᭄ᬫᬄᬫᬭᬾᬂᬧᬘᬂᬢ᭄ᬫᬸ᭞ᬧᬶᬲᬦ᭄ᬧᬺᬩᬸᬫᬶᬬᬦ᭄ᬢᬸᬗ᭄ᬕᬮ᭄᭞ᬳᬤᬵᬳᬗ᭄ᬕᭀᬫᬦᬶᬫ᭄ᬧᬮᬶᬦ᭄᭟᭜᭟ᬦᬄᬚᬦᬶᬄᬩᬸᬯᬶᬦ᭄‌ᬓ᭄ᬦᭂᬳᬂ᭞ᬕᬸᬦᬶᬢᬬᬂᬓᬾᬦ᭄ᬓᬾᬦ᭄ᬤᬬᬦᬾ
ᬧᬢᬶᬄ᭞ᬳᬶᬧᬢᬶᬄᬍᬗ᭄ᬓᬭᬵᬫᬵᬢᬹᬃ᭞ᬳᬶᬗ᭄ᬕᬶᬄᬭᬶᬂᬫᬦᬄᬢᬶᬢ᭄ᬬᬂ᭞ᬲᬦᬾᬳᬶᬭᬶᬓᬶ᭞ᬭᬵᬢᬹᬭᬯᭀᬲᬶᬦ᭄ᬤᬸᬫᬸᬦ᭄᭞ᬯᬯᭂᬗ᭄ᬓᭀᬦ᭄ᬭᬶᬂᬩᬭᬂᬧᬦᬲ᭄᭞ᬲᬂᬦᬵᬣᬗᬦ᭄ᬤᬶᬓᬫᬮᬶᬄ᭟᭜᭟ᬳᭂᬦ᭄ᬢᭀᬧ᭄ᬭᬪᬹᬓᬶᬦ᭄ᬢᬵᬯᬦᬵ᭞ᬳᬶᬬᬧᬤᬵᬩᬸᬓᬳᬶᬭᬦᬾᬤᬶᬦᬶ᭞ᬤᬶᬓᬶᬦ᭄ᬢᬯᬦᬵᬬᬫᭂᬗ᭄ᬓᬸ᭞ᬢ᭄ᬓᬾᬦ᭄ᬧ᭄ᬭᬭᬢᬹᬮᬾᬦᬦ᭄᭞

[᭕᭖ 56A]
᭕᭖
ᬳᬤᬵᬓᭀᬘᬧ᭄᭞ᬩᬳᬜᬲᬸᬓᬓᬯᭂᬗ᭄ᬓᬸ᭞ᬳᬶᬧᬢᬶᬄᬭᬭᬶᬲ᭄ᬫᬢᬹᬭᬵ᭞ᬳᬶᬗ᭄ᬕᬶᬄᬭᬢᬸᬮᬶᬦ᭄ᬢᬂᬍᬯᬶᬄ᭟᭜᭟ᬳᬶᬭᬶᬓᬢ᭄ᬯᬭᬵᬤᬧᬤᬵ᭞ᬯᬦ᭄ᬢᬄᬲᬫᬶᬭᬶᬂᬳᬶᬤᬾᬯᬵᬳᬶᬭᬶᬓᬶ᭞ᬤᬾᬦᬶᬂᬩᬲ᭄ᬓᬤᭀᬳᬦᬶᬧᬸᬦ᭄᭞ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬫᬗᬦ᭄ᬤᬶᬓᬳᬮᬸᬲ᭄᭞ᬚᬦᬶᬳᬤᬤ᭠
ᬬᬦ᭄ᬳᬶᬭᬵ᭞ᬳᬶᬭᬵᬦᬸᬦ᭄ᬤᬾᬦᬂᬫᬫᬮᬶᬂ᭟᭜᭟ᬳᭂᬦ᭄ᬢᭀᬳᬶᬫᬮᬶᬂᬫᬕᬸᬡ᭄ᬦᬵ᭞ᬲᬋᬂᬩᬋᬂᬳᬶᬫᬮᬶᬂᬲᬓ᭄ᬝᬶ᭞ᬳᬶᬬᬢᬸᬦ᭄ᬤᬾᬦ᭄ᬳᬶᬭᬵᬫᬦ᭄ᬤᬸᬂ᭞ᬳᬧᬗᬲᬶᬤᬵᬚᬸᬯ᭞ᬭᬭᬶᬲ᭄ᬫᬮᬶᬄ᭞ᬫᬗᬦ᭄ᬤᬶᬓᬲᬗᬵᬧ᭄ᬭᬪᬹ᭞ᬳᬶᬄᬳᬶᬩᬫᬮᬶᬂᬫᬕᬸᬡ᭄ᬦ᭞ᬓᬮᬶᬄᬮᬦ᭄ᬳᬶᬫᬮᬶᬂᬲᬓ᭄ᬢᬶ᭟᭜᭟ᬦᬾᬚᬦᬶᬩᬵᬓ᭄ᬦᭂᬳᬂ᭞ᬓᬾᬦ᭄ᬓᬾᬦ᭄ᬲᬶᬤᬵᬩᬳᬦ᭄ᬳᬶ
ᬩᬫᬫᬮᬶᬂ᭞ᬳᬶᬫᬮᬶᬂᬫᬕᬸᬡ᭄ᬦᬫᬵᬢᬹᬃ᭞ᬫᬦᬳᬂᬢᬶᬢ᭄ᬬᬂᬲᬶᬤᬵ᭞ᬳᬗᬶᬂᬳᬤᭀᬄ᭞ᬢᬶᬢ᭄ᬬᬂᬧᬘᬂᬫᬓ᭄ᬢᬭᬢᬹ᭞ᬤᬾᬦᬶᬂᬓᬮᬶᬦ᭄ᬢᬂᬓᬤᭀᬳᬦ᭄᭞ᬲᬂᬦᬵᬣᬗᬦ᭄ᬤᬶᬓᬫᬮᬶᬄ᭟᭜᭟ᬦᬄᬦᬾᬘᬘᬸᬧᬸᬳᬩᬬᬂ᭞ᬓᬮᬶᬂᬚᬢ᭄ᬫᬵᬳ᭄ᬮᬸᬄᬯᬦ᭄ᬢᬄᬳᬲᬶᬓᬶ᭞ᬓᬤᬸᬂᬬᬳᬗᬦ᭄ᬳᬗᬦ᭄ᬳᬓᬸᬢᬸᬲ᭄᭞ᬲ᭄ᬤᭂᬂᬬᬤᬶᬦᬶᬧ᭄ᬚᬂ᭞ᬧᬦ᭄ᬘᬘᬸ
ᬧᬸ᭞ᬳᬶᬗᬦ᭄ᬩᬳᬦ᭄ᬳᬶᬩᬗᬤᬸᬢ᭄᭞ᬳᬶᬫᬮᬶᬂᬫᬕᬸᬡ᭄ᬦᬜᬸᬫ᭄ᬩᬄ᭞ᬩᬋᬂᬮᬦ᭄ᬫᬮᬶᬂᬲᬚᬶ᭟᭜᭟ᬲᬂᬧ᭄ᬭᬪᬹᬫᬮᬶᬄᬗᬦᬶᬓ᭞ᬚᬦᬶᬓ᭄ᬦᭂᬳᬂ᭠ᬧᬚᬮᬦᬾᬳᬶᬫᬮᬶᬂ᭞ᬧᬤᬵᬳᬶᬗᭂᬭᬂᬤᬶᬓᬬᬸᬦ᭄᭞ᬲᬶᬤᬵᬮᬯᬦ᭄ᬢᬦ᭄ᬲᬶᬤᬵ᭞ᬳᬶᬧᬢᬶᬄᬍᬗ᭄ᬓᬭᬵᬭᬭᬶᬲ᭄ᬜᬸᬫ᭄ᬩᬄᬫᬢᬹᬃ᭞ᬫᬦᬳᬂᬢᬶᬢ᭄ᬬᬂᬢ᭄ᬯᬄᬲᬶᬤᬵ᭞ᬧᬓ᭠ [ 57 ][᭕᭖ 56B]
᭕᭖
ᬬᬸᬦᬦ᭄ᬓᬤᬶᬫᬗ᭄ᬓᬶᬦ᭄᭟᭜᭟ᬬᬦ᭄ᬳᬗ᭄ᬤᬾᬬᬲᬸᬩᬲᬶᬤᬵ᭞ᬓᬾᬦ᭄ᬓᬾᬦ᭄‌ᬢ᭄ᬓᬓᬾᬫᬳᬶᬗᬮᬶᬄ᭞ᬳᬶᬧᬢᬶᬄᬍᬗ᭄ᬓᬭᬵᬫᬵᬢᬹᬃ᭞ᬩᭀᬬᬤᬸ᭠ᬕᬶᬬᬢ᭄ᬓ᭞ᬤᭀᬦᬶᬂᬳᬤᭀᬄ᭞ᬫᬲ᭄ᬮᬢ᭄ᬲᬕᬭᬵᬳᬕᬸᬂ᭞ᬬᬤ᭄ᬬᬦᬶᬧᬸᬦ᭄ᬧᭀᬮᬶᬄᬳᭀᬃᬢ᭄ᬣᬵ᭞ᬳᭂᬗ᭄ᬓᬾᬦ᭄ᬫᬃᬕ᭄ᬕᬶᬦᬶᬦ᭄ᬜᬫᬭᬶᬓᬶ᭟᭜᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶ
ᬓ᭞ᬳ᭄ᬤᬓᬾᬢᭀᬤᬾᬦᬶᬂᬬᬭᬢᬹᬍᬯᬶᬄ᭞ᬫᬮᬬᬓᬸᬯᬗᬦ᭄ᬚᬸᬓᬸᬂ᭞ᬮᬫᬸᬦ᭄ᬜᬫᬳᬦ᭄ᬳᭀᬃᬢ᭄ᬣᬵ᭞ᬫᬰᬩᬸᬳᬸᬂ᭞ᬳᬶᬬᬧᬘᬂᬢ᭄ᬓᬦᬸᬦ᭄ᬢᬸᬢ᭄᭞ᬳᬶᬧᬢᬶᬄᬫᬳᬢᬹᬃᬲᭂᬫ᭄ᬩᬄ᭞ᬬᬤᬶᬦᬶᬧᬸᬦ᭄ᬭᬯᬸᬄᬫᬭᬶᬓᬶ᭟᭜᭟ᬗᬶᬂᬫᬦᬳᬶᬸᬄᬳᬂᬢᬶᬢ᭄ᬬᬂᬤᬾᬯᬵ᭞ᬲᬫ᭄ᬧᬸᬦ᭄ᬭᬬᬳᬶᬧᬸᬦ᭄ᬭᬯᬸᬄ
ᬫᬭᬶᬓᬶ᭞ᬤᬾᬦᬶᬂᬬᬦ᭄ᬕᬓᬶᬜ᭄ᬚᬸᬓᬸᬂ᭞ᬓᬲᬸᬯᬾᬦ᭄ᬤᬶᬲᬕᬭᬵ᭞ᬚᬦ᭄ᬢᭂᬦ᭄‌ᬍᬗᭂᬄ᭞ᬳᬶᬧᬸᬦ᭄ᬢ᭄ᬯᬭᬵᬗᭂᬮᬄᬩᬬᬸ᭞ᬬᬤᬶᬦᬶᬧᬸᬦ᭄ᬩᬦᬶᬕᬮᬓ᭄᭞ᬲᬫᬜᬦᭂᬩᭂᬓᬶᬜ᭄ᬘᬶᬘᬶᬂ᭟᭜᭟ᬤᬤᬶᬓ᭄ᬤᬾᬓᬾᬫᬩ᭄ᬭᬶᬬᬕ᭄᭞ᬳᬶᬧᬢᬶᬄᬓᭀᬫᬮ
ᬬᬓ᭄ᬱᬜᬯᬹᬭᬶᬦ᭄᭞ᬗᭂᬜ᭄ᬘ
ᬦᬶᬦ᭄ᬩᭀᬚᭀᬕ᭄ᬫᬢ᭄ᬕᬸᬮ᭄᭞ᬳᬓᬾᬢᭀᬧᬶᬗᬦ᭄ᬤᬾᬜ᭞ᬤᬤᬶᬩᬸᬯᬶᬦ᭄᭞ᬓ᭄ᬤᬾᬓᬾᬬᬶᬸᬲᬬᬦ᭄ᬫᬩ᭄ᬭᬶᬬᬸᬓ᭄᭞ᬫᬢᬸᬮᬸᬯᬦ᭄ᬤᬶᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬹᬲᬸᬓᬢᬦ᭄ᬲᬶᬧᬶ᭟᭜᭟ᬲᬫ᭄ᬧᬸᬦ᭄ᬮᬶᬗ᭄ᬲᬶᬃᬧᬳᭂᬓ᭄ᬱᬜ᭄ᬚ᭞ᬲᬗᬵᬧ᭄ᬭᬪᬹᬩᬸᬤᬮ᭄ᬭᬭᬶᬲ᭄ᬓᬧᬸᬭᬶ᭞ᬢᬗ᭄ᬓᬶᬮᬦᬾᬩᬸ᭠

[᭕᭗ 57A]
᭕᭗
ᬤᬮ᭄ᬲᬫ᭄ᬧᬸᬦ᭄᭞ᬯᬸᬲ᭄ᬫᬦ᭄ᬢᬸᬓ᭄ᬱᭀᬯᬂᬲᭀᬯᬂ᭞ᬓᬘᬭᬶᬢ᭄ᬣᬵ᭞ᬳᬶᬫᬮᬶᬂᬲᬓ᭄ᬢᬶᬮᬸᬫᬓᬸ᭞ᬲᬋᬂᬳᬶᬫᬮᬶᬂᬫᬕᬸᬡ᭄ᬦᬵ᭞ᬧᬤᬵᬫᬫ᭄ᬩᬄᬯᬶᬬᬢᬶ᭟᭜᭟ᬢᬦ᭄ᬧᬾᬦ᭄ᬤᬄᬧᬓ᭄ᬱᬶᬫᬗ᭄ᬮᬬᬂ᭞ᬧ᭄ᬢᭂᬂᬍᬫᬄᬧᬓᭂᬩᬸᬭᬾᬳᬶᬫᬮᬶᬂ᭞ᬯᬸᬲ᭄ᬳᬦ᭄ᬤᬭᬸᬂᬳᬶᬩᭂᬃᬳᬶᬧᬸᬦ᭄᭞ᬢᬦ᭄ᬓᬘ᭄ᬭᬶᬢ᭄ᬣᬤᬶᬚᬮ᭠
ᬮᬶᬸᬦ᭄᭞ᬲᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬸᬦ᭄ᬤᬓᬢᬸᬫᬸᬭᬸᬦ᭄᭞ᬳᬶᬫᬮᬶᬂᬫᬕᬸᬡ᭄ᬦᬗᬸᬘᬧ᭄᭞ᬦᬕᬭᬧᬸᬦᬧᬶᬦᬶᬓᬶ᭟᭜᭟ᬳᬶᬫᬮᬶᬂᬲᬓ᭄ᬢᬶᬳᬗᬸᬘᬧ᭄᭞ᬢ᭄ᬯᬭᬵᬦᬯᬂᬢ᭄ᬬᬂᬢ᭄ᬯᬭᬵᬢᬳᬾᬦ᭄ᬫᬳᬶ᭞ᬫᬮᬶᬂᬫᬕᬸᬡ᭄ᬦᬫᬲᬯᬸᬢ᭄᭞ᬜᬦᬦ᭄ᬤᬶᬢᬸᬢᬓᭀᬦᬂ᭞ᬲᬶᬜᬳᬤᬵ᭞ᬤᬶᬚᬮᬦ᭄ᬳᬦᬓ᭄ᬓᬢᭂᬧᬸᬓ᭄᭞
ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬵ᭞ᬳᬤᬵᬯᭀᬂᬢᬸᬯᬓᬧᬗ᭄ᬕᬶᬄ᭟᭜᭟ᬳᬶᬫᬮᬶᬂᬫᬕᬸᬡ᭄ᬦᬗᬸᬘᬧ᭄᭞ᬳᬾᬄᬚ᭄ᬭᭀᬧᬸᬢᬸᬤᬾᬰᬦᬧᬶᬧᬸᬦᬶᬓᬶ᭞ᬳᬦᬓᬾᬢᬸᬯᬫᬲᬯᬸᬢ᭄᭞ᬦᬕᬭᬫᬸᬦ᭄ᬤᬓᬰ᭞ᬲᬶᬮᬶᬸᬭᬵᬫᬮᬶᬂ᭞ᬢᬸᬫᬸᬮᬶᬫᬮᬶᬄᬫᬯᬸᬯᬸᬲ᭄᭞ᬲᬧᬲᬶᬭᬵᬫᬦ᭄ᬤᬸᬯᬬᬂ᭞ᬧ᭄ᬭᬪᬹᬫ᭄ᬬᬦᬾᬧᬸᬦᬶᬓᬶ᭟
᭜᭟ᬳᬦᬓᬾᬢᬸᬯᬳᬗᬸᬘᬧ᭄᭞ᬕᬸᬲ᭄ᬢᬶᬦ᭄ᬢᬶᬦ᭄ᬢᬶᬢ᭄ᬬᬂᬫᬧᬭᬩ᭄ᬧ᭄ᬭᬪᬹᬲᬸᬦ᭄ᬤᬶᬮ᭄᭞ᬳᬗᬶᬂᬤᬾᬰᬦᬾᬓᬯᭂᬗ᭄ᬓᬸ᭞ᬓᬭᬾᬄᬓᬓᬶᬦ᭄ᬢᬵᬯᬦᬵ᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬳᬶᬭᬶᬓᬶᬳᬶᬤᬵᬲᬂᬧ᭄ᬭᬪᬹ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬵᬗᭀᬤᬕᬂ᭞ᬢᬍᬃᬳᬶᬤᬵᬓ᭄ᬦᬶᬳᬸᬧ᭄ᬢᬶ᭟᭜᭟ᬓᬳᬢᬹᬃᬓᬓᬶᬦ᭄ᬢᬯᬦᬵ᭞ [ 58 ][᭕᭗ 57B]
᭕᭗
ᬢ᭄ᬓᬾᬦ᭄ᬲᬂᬧ᭄ᬭᬪᬹᬘᬶᬢ᭄ᬭᬯᬢᬶ᭞ᬤᬾᬦᬶᬂᬳᬶᬤᬵᬲᬫᬶᬫᭂᬗ᭄ᬓᬸ᭞ᬦᬕᬭᬦᬾᬫᬓ᭄ᬚᬂ᭞ᬯᬶᬮᬂᬢᬶᬢ᭄ᬬᬂ᭞ᬦᬕᬭᬦᬾᬦᬾᬧᬧᬶᬢᬸ᭞ᬲᬫᬶᬳᬶᬤᬵᬫᬗᭀᬤᬕᬂ᭞ᬲᬫᬶᬗᬢᬹᬭᬂᬳᬸᬧ᭄ᬢᬶ᭟᭜᭟᭛ᬲᬶᬦᭀᬫ᭄᭛᭟ᬲᬸᬩᬚᭀᬄᬳᬦᬓᬾᬢᬸᬯ᭞ᬫᬮᬶᬂᬫᬕᬸᬡ᭄ᬦᬫᬫᬸᬜᬶ᭞ᬚ
ᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬫᬲᬯᬹᬃᬳᬶᬫᬮᬶᬂᬲᬓ᭄ᬢᬶ᭞ᬳᬲᬶᬂᬦᬕᬭᬳᬸᬗ᭄ᬲᬶ᭞ᬤᬶᬢᬸᬩ᭄ᬯᬶᬦ᭄ᬢᬓᭀᬦᬂᬮᬯᬸᬢ᭄᭞ᬫᬰᬢ᭄ᬯᬭᬵᬳᬤᬦᬯᬂ᭞ᬦᬄᬚᬮᬦ᭄ᬚᬦᬶᬫᬫᬃᬕ᭄ᬕᬶ᭞ᬢ᭄ᬓᬳᬦ᭄ᬤᬭᬸᬂ᭞ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭟᭜᭟ᬢᬦ᭄ᬓᬘᬭᬶᬢ᭄ᬣᬤᬶᬚᬮᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬤᬶᬦᬕᬭᬶ᭞ᬭᬶᬂᬧᭂᬦᭂᬧᬶ᭠
ᬫᬭᬃᬬ᭄ᬬᬦᬦ᭄᭞ᬫᬕᬸᬦᬶᬢᬲᬋᬂᬓᬮᬶᬄ᭞ᬧᬤᬵᬲᬮᬾᬂᬢᬭᬾᬓᬶᬦ᭄᭞ᬢᬶᬗ᭄ᬓᬳᬾᬧᬘᬂᬫᬫᬦ᭄ᬥᬸᬂ᭞ᬓᭀᬘᬧ᭄ᬲᬹᬃᬬ᭄ᬬᬯᬸᬲ᭄ᬫᬲᬸᬭᬸᬧᬦ᭄᭞ᬓᭀᬘᬧᬳᬶᬬᬫ᭄ᬩᬃᬓᬯᬶ᭞ᬫᬵᬢᬹᬃᬲᭂᬫ᭄ᬩᬄ᭞ᬫᬧᬫᬶᬢ᭄ᬭᬶᬂᬰ᭄ᬭᬶᬦᬭᬾᬡ᭄ᬥ᭄ᬭ᭟᭜᭟ᬲᬂᬦᬵᬣᬳᬮᭀᬦ᭄ᬗᬦ᭄ᬤᬶᬓᬵ᭞ᬦᬄᬓ᭄ᬫᬓᬾᬳᭀᬭᬳᬶᬦ᭄᭞ᬧᬜ᭄ᬚᬓᬾᬧ
ᬘᬂᬫᬶᬮᬸᬮ᭄ᬯᬲ᭄᭞ᬫᬳᬢᬹᬃᬳᬶᬬᬫ᭄ᬩᬃᬓᬯᬶ᭞ᬲᬦ᭄ᬤᬶᬓᬢᬶᬢ᭄ᬬᬂᬧᬫᬶᬢ᭄᭞ᬭᬭᬶᬲ᭄ᬫᬧᬯᬭᬄᬲᬫ᭄ᬧᬸᬦ᭄᭞ᬲᬫᬶᬲᬫ᭄ᬧᬸᬦ᭄ᬢᬭᬕ᭄ᬬ᭞ᬦᬾᬧᬘᬂᬮᬸᬯᬲ᭄ᬫᬗᬶᬭᬶᬂ᭞ᬢ᭄ᬓᬍᬕ᭞ᬫᬦᬳᬾᬢ᭄ᬯᬭᬵᬲᬗ᭄ᬲᬬ᭟᭜᭟ᬳᬶᬬᬫ᭄ᬩᬃᬓᬯᬶᬫᬫᬃᬕ᭄ᬕᬵ᭞ᬢᬦ᭄ᬓᬘᬭᬶᬢ᭄ᬣᬤᬶᬫᬃᬕ᭄ᬕᬶ᭞ᬦᬾᬦᬾᬢ᭄ᬯᬭᬵᬫᬶᬮᬸᬮ᭄ᬯᬲ᭄᭞

[᭕᭘ 58A]
᭕᭘
ᬧᬤᬵᬫᬗᭂᬦᬂᬤᬶᬳᬢᬶ᭞ᬓᭀᬘᬧ᭄ᬲᬫ᭄ᬧᬸᬦ᭄ᬧ᭄ᬭᬢᬶ᭞ᬭᬶᬂᬧᬮᬭᬚᬵᬦᬕᬦ᭄ᬢᬸᬦ᭄᭞ᬫᬸᬗ᭄ᬕᬳᬦ᭄ᬓᬩᬜ᭄ᬘᬶᬗᬄ᭞ᬓᬢᭂᬧᬸᬓ᭄ᬧᬋ᭠ᬓᬦᬵᬮᬶᬢ᭄᭞ᬤᬤᬶᬩ᭄ᬗᭀᬂ᭞ᬧᬋᬓᬦᬾᬫᬗᬦ᭄ᬢᭂᬦᬂ᭟᭜᭟ᬭᬭᬶᬲ᭄ᬫᬮᬳᬶᬩ᭄ᬓᬧᬸᬭᬶᬬᬦ᭄᭞ᬧᬋᬓ᭄ᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬤᬢᭂᬗᬦ᭄᭞
ᬯᬃᬡ᭄ᬦᬦᬾᬓᬮᬶᬦ᭄ᬢᬂᬧ᭄ᬓᬶᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬜᬯᬹᬭᬶᬦ᭄᭞ᬢᬫ᭄ᬬᬸᬳᬸᬮᬶᬤᬶᬚᬭᬯᬸᬄ᭞ᬫᬳᬢᬹᬃᬳᬶᬧᬋᬓᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬳᬶᬗ᭄ᬕᬶᬄᬭᬵᬢᬹ᭞ᬕ᭄ᬮᬶᬲ᭄ᬫᭂᬤᬮ᭄ᬓᬩᬜ᭄ᬘᬶᬗᬄ᭟᭜᭟ᬪᭀᬕᬬᬓ᭄ᬱᬶᬪᭀᬕᬬᬓ᭄ᬱᬵ᭞ᬫᬗ᭄ᬭᬯᭀᬲ᭄ᬲᬋᬂᬓᬓᬮᬶᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶᬓ᭞
ᬢ᭄ᬓᬾᬦ᭄ᬧᬋᬓᬦᬾᬘ᭄ᬦᬶᬓ᭄᭞ᬓ᭄ᬫᬳᬶᬩᬤᬯᬸᬳᬶᬦ᭄᭞ᬧᬸᬗ᭄ᬕᬯᬦᬾᬳᬧᬂᬭᬯᬸᬄ᭞ᬧᬋᬓᬦᬾᬦ᭄ᬤᬯᬸᬳᬂ᭞ᬓᭀᬘᬧ᭄ᬲᬫ᭄ᬧᬸᬦ᭄ᬭᬯᬸᬄᬲᬫᬶ᭞ᬲᬭᬯᬸᬯᬾᬶᬸᬳ᭞ᬲᬫᬶᬫᬸᬗ᭄ᬕᬄᬓᬩᬜ᭄ᬘᬶᬗᬄ᭟᭜᭟ᬲᬫ᭄ᬧᬸᬦ᭄ᬭᬯᬸᬄᬭᬳᬤ᭄ᬬᬦ᭄᭞ᬦᬾᬧᬘᬂᬫᬦᬗ᭄ᬓᬶᬮᬶᬦ᭄᭞ᬭᬳᬤ᭄ᬬᬦ᭄ᬭᬭᬶᬲ᭄ᬫᬫᬃᬕ᭄ᬕᬵ᭞ᬭ
ᬯᬸᬄᬭᬶᬂᬩᬜ᭄ᬘᬶᬗᬄᬓᬓ᭄ᬱᬶ᭞ᬭᬳᬤᬾᬦ᭄ᬳᬫ᭄ᬩᬃᬓᬯᬶ᭞ᬪᭀᬕᬬᬓ᭄ᬱᬭᬭᬶᬲ᭄ᬫᬵᬢᬹᬃ᭞ᬲᬶᬦᭂᬗ᭄ᬕᬸᬄᬢᬶᬢ᭄ᬬᬂᬲᬶᬭᬵ᭞ᬢᬶᬢ᭄ᬬᬂᬤᬯᭂᬕ᭄ᬦᬸᬦᬲᬶᬲᬶᬧ᭄᭞ᬭᬭᬶᬲ᭄ᬜᬸᬫ᭄ᬩᬄ᭞ᬪᭀᬕᬬᬓ᭄ᬱᬶᬪᭀᬕᬬᬓ᭄ᬱ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶᬓ᭞ᬩᬧᬧᬢᬶᬄᬓ᭄ᬫᬕ᭄ᬮᬶᬲ᭄᭞ᬤᬩ᭄ᬤᬩᬂᬧᬲᬸᬕᬸᬳᬾ [ 59 ][᭕᭘ 58B]
᭕᭘
ᬳᬾᬗ᭄ᬕᬮ᭄᭞ᬳᬶᬧᬢᬶᬄᬭᬭᬶᬲ᭄‌ᬦ᭄ᬤᬯᬸᬳᬶᬦ᭄᭞ᬳᬶᬧᬭᬓ᭄ᬮᬶᬬᬂᬲᬫᬶ᭞ᬧᬘᬂᬦᬩ᭄ᬤᬩᬂᬧᬲᬸᬕᬸᬄ᭞ᬯᬸᬲ᭄ᬫᬦ᭄ᬢᬸᬓ᭄ᬱᭀᬯᬂᬲᭀᬯᬂ᭞ᬭᬭᬶ᭠ᬲ᭄ᬫᬵᬢᬹᬃᬭᬤᬾᬦ᭄ᬓᬮᬶᬄ᭞ᬢᬸᬦᬦᬶᬸᬲ᭄ᬢᬶᬢ᭄ᬬᬂ᭞ᬗᬶᬭᬶᬂᬩ᭄ᬮᬶᬓᬧᬸᬭᬶᬬᬦ᭄᭟᭜᭟ᬲᬫ᭄ᬧᬸᬦ᭄ᬭᬯᬸᬄᬤᬶᬧᬸᬭᬶᬬᬦ᭄᭞ᬲ᭄ᬤᭂᬓ᭄ᬧᬗᬬᬳᬾᬲ᭄ᬤᬶᬄ᭞ᬲᬫ᭄ᬩᬶᬮᬗᬗᬸᬮᬶᬕ᭄ᬳᭀ
ᬤᬓ᭄᭞ᬳᬤᬵᬧ᭄ᬲᬸᬫᬲᬶᬄᬗ᭄ᬮᬶᬂ᭞ᬬᬫ᭄ᬩᬃᬓᬯᬶᬦᬓᭀᬦᬶᬦ᭄᭞ᬢᭀᬓᬾᬦ᭄ᬓᬾᬦ᭄ᬫᬓ᭄ᬭᬦᬵᬳᬸᬫᬸᬂ᭞ᬭᬳᬤᬾᬦ᭄ᬩᭀᬕᬬᬓ᭄ᬱᬵ᭞ᬪᭀᬕᬬᬓ᭄ᬱᬶᬫᬵᬢᬹᬃᬕ᭄ᬮᬶᬲ᭄᭞ᬳᬚᬶᬦ᭄ᬩᭂᬮᬶ᭞ᬭᬯᬸᬄᬲᬸᬗ᭄ᬓᬦᬾᬤᬤᬓᬦ᭄᭟᭜᭟ᬳᬶᬬᬫ᭄ᬩᬃᬓᬯᬶᬫᬕᬾᬩ᭄ᬭᬲ᭄᭞ᬗᭀᬚᭀᬕ᭄ᬭᬶᬂᬳᬚᬶᬫᬵᬢᬹᬃᬕ᭄ᬮᬶᬲ᭄᭞ᬳᬶ
ᬗ᭄ᬕᬶᬄᬕᬹᬭᬸᬘᬶᬗᬓ᭄ᬢᬶᬢ᭄ᬬᬂ᭞ᬦᬶᬓᬶᬢᬶᬢ᭄ᬬᬂᬳᬶᬬᬫ᭄ᬩᬃᬓᬯᬶ᭞ᬦᬾᬦᬾᬳᬶᬘᬮ᭄ᬭᬶᬂᬗᬸᬦᬶ᭞ᬫᬸᬲ᭄ᬦᬲᬓᬶᬂᬢᬫᬦ᭄ᬲᬦ᭄ᬢᬸᬦ᭄᭞ᬰ᭄ᬭᬶᬦᬭᬾᬡ᭄ᬥ᭄ᬭᬫᬕᬾᬩ᭄ᬭᬲ᭄᭞ᬭᬭᬶᬲ᭄ᬫᬮᬶᬗ᭄ᬕᬶᬄᬧᬺᬫᬗ᭄ᬓᬶᬦ᭄᭞ᬤᬤᬶᬯᬭᬲ᭄᭞ᬲᬢ᭄ᬓᬦᬾᬬᬫ᭄ᬩᬃᬓᬯ᭄ᬬ᭟᭜᭟ᬦᬄᬫᬳᬶᬕᬸᬲ᭄ᬢᬶᬫ᭄ᬦᬾᬓᬦ᭄᭞ᬩᬋᬂᬢ᭄ᬓᬾᬦ᭄ᬩᬧᬵᬤᬶᬦᬶ᭞ᬬ᭠
ᬫ᭄ᬩᬃᬓᬯᬶᬭᬭᬶᬲ᭄ᬫᬸᬗ᭄ᬕᬄ᭞ᬲᬂᬦᬵᬣᬫᬜᬫ᭄ᬩᬸᬢ᭄ᬕᭂᬮᬶᬲ᭄᭞ᬤᬾᬯᬦ᭄ᬩᬧᬦᬾᬕᬸᬲ᭄ᬢᬶ᭞ᬢᬸᬫ᭄ᬩᬾᬦ᭄ᬳᬶᬤᬾᬯᬵᬓᬢᭂᬧᬸᬓ᭄᭞ᬳᬶᬤᬾᬯᬵᬳᬸᬮᬶᬤᬶᬚ᭞ᬓᬤᬾᬦ᭄ᬩᬧᬵᬕᬸᬲ᭄ᬢᬶᬫᬢᬶ᭞ᬤᬤᬶᬳ᭄ᬦᬸ᭞ᬫᬶᬭᬄᬩᬧᬵᬦᬾᬳᬶᬤᬾᬯᬵ᭟᭜᭟ᬲᬫ᭄ᬧᬸᬦ᭄ᬢᬸᬢᬸᬕ᭄ᬫᬢᬸᬢᬸᬭᬦ᭄᭞ᬲᬢᬶᬗ᭄ᬓᬄᬧᭀᬮᬳᬾᬗᬸᬦᬶ᭞

[᭕᭙ 59A]
᭕᭙
ᬩᬶᬓᬲ᭄ᬜᬦᬾᬚ᭄ᬮᬾᬫ᭄ᬮᬄ᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬓᬵᬢᬹᬃᬲᬫᬶ᭞ᬲᬂᬧ᭄ᬭᬪᬹᬢᬦ᭄ᬜᬯᬹᬭᬶᬦ᭄᭞ᬓᬮᬶᬦ᭄ᬢᬂᬓᬗᭂᬦ᭄ᬭᬶᬂᬓᬳ᭄ᬬᬸᬦ᭄᭞ᬭᬭᬶᬲ᭄ᬳᬶᬤᬵᬗᬦ᭄ᬤᬶᬓ᭞ᬫ᭄ᬕᬢ᭄ᬫᭂᬕᬢ᭄ᬲᭂᬫᬸᬢᬗᬶᬲ᭄᭞ᬳᬭᬸᬄᬳᬕᬸᬲ᭄᭞ᬓᬗᭂᬦ᭄ᬲᬦ᭄ᬩᬧᬵᬦᬶᬗᭂᬳᬂ᭟᭜᭟ᬦᬄᬲᬸᬩᬬᬂᬚ᭄ᬯᬢᭀᬢᭀᬜ᭞ᬦᬾ
ᬦᬾᬲᬸᬩᬵᬓᬤᬸᬂᬧ᭄ᬮᬶᬄ᭞ᬤᬤᬶᬬᬜᬩᬧᬵᬲᬮᬄ᭞ᬢ᭄ᬯᬭᬵᬳᬶᬗᭂᬢ᭄ᬓᬾᬦ᭄ᬕᬸᬲ᭄ᬢᬶ᭞ᬓᬢᬸᬚᬸᬘᬳᬶᬫᬾᬮᬶᬂ᭞ᬚᬦᬶᬢ᭄ᬓᬾᬦᬶᬂ᭠ᬳᬶᬕᬸᬭᬸ᭞ᬫ᭄ᬯᬄᬭᬶᬂᬭᬳᬶᬦ᭄ᬳᬶᬤᬾᬯᬵ᭞ᬫᬳᬢᬹᬃᬳᬶᬬᬫ᭄ᬩᬃᬓᬯᬶ᭞ᬳᬶᬗ᭄ᬕᬶᬄᬕᬸᬭᬸ᭞ᬲᬵᬫ᭄ᬧᬸᬦᬂᬳᬸᬕᬶᬫᬜ᭄ᬚᬗᬂ᭟᭜᭟ᬦᬾᬦᬾᬫᬗ᭄ᬓᬶᬦ᭄ᬲᬤ᭄ᬬᬦ᭄ᬢᬶᬢ᭄ᬬᬂ
᭞ᬧᬋᬓ᭄ᬭᬶᬂᬕᬸᬭᬸᬫᬭᬶᬓᬶ᭞ᬢᬶᬢ᭄ᬬᬂᬫᬵᬢᬹᬃᬲᬳᬸᬦᬶᬗ᭞ᬭᬶᬂᬕᬸᬭᬸᬫ᭄ᬯᬂᬭᬶᬂᬳᬶᬬᬤᬶ᭞ᬫᬮᬶᬄᬦᭂᬫ᭄ᬤᬶᬦᬵᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬗᬢᬹᬭᬶᬦ᭄ᬕᬸᬭᬸ᭞ᬭᬯᬸᬄᬓᬓᬶᬦ᭄ᬢᬵᬯᬦᬵ᭞ᬳᬶᬭᬶᬓᬢᬶᬢ᭄ᬬᬂᬫᬩᬸᬜ᭄ᬘᬶᬂ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬳᬮᭀᬦ᭄ᬫᬗᬦ᭄ᬤᬶᬓᬵ᭟᭜᭟ᬦᬄᬦᬾᬩ᭄ᬯᬶᬦ᭄ᬮᬶ
ᬫᬂᬤᬶᬦᬵ᭞ᬩᬧᬫᬦᭂᬓᬳᬶᬦ᭄ᬕᬸᬲ᭄ᬢᬶ᭞ᬤᬾᬦᬶᬂᬲᬜ᭄ᬚᬚᬦᬶᬲᬸᬩ᭞ᬳᬶᬦᭂᬧᬶᬜ᭄ᬚᬩᬧᬤᬶᬦᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬂ᭞ᬢᬜ᭄ᬘᬭᬶᬢᬯ᭄ᬗᬶᬲᬫ᭄ᬧᬸᬦ᭄᭞ᬳ᭄ᬦᭂᬗᬵᬓ᭄ᬦᬧᬸᬦᬶᬓ᭞ᬓᭀᬘᬧᬸᬢᬸᬲᬦᬾᬫᬗ᭄ᬓᬶᬦ᭄᭞ᬓᭀᬘᬧ᭄ᬳᬶᬧᬸᬦ᭄᭞ᬫᬮᬶᬂᬲᬓ᭄ᬢᬶᬫᬮᬶᬂᬫᬕᬸᬡ᭄ᬦᬵ᭟᭜᭟ [ 60 ][᭕᭙ 59B]
᭕᭙
ᬦᬾᬦᬾᬗᬦ᭄ᬢᬶᬤᬶᬳᬯᬂᬳᬯᬂ᭞ᬤᬾᬦᬶᬂᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬯᭂᬗᬶ᭞ᬭᬭᬶᬲ᭄ᬧᬤᬵᬫᬭᬭᬲᬦ᭄᭞ᬳᬶᬫᬮᬶᬂᬲᬓ᭄ᬢᬶᬫᬫᬸᬜᬶ᭞ᬲ᭄ᬤᭂᬂᬚᬦᬶᬮᬾᬩᬗᬶᬦ᭄᭞ᬲᬲᬶᬋᬧᬾᬚᬦᬶᬫᬮᬸ᭞ᬳᬧᬗᬬᬧᬸᬍᬲ᭄ᬳᬾᬗ᭄ᬕᬮ᭄᭞ᬭᬭᬶᬲ᭄ᬫᬭᬫᬗ᭄ᬮᬾᬩᬗᬶᬦ᭄᭞ᬓᬯᬃᬡ᭄ᬦᬳ᭞ᬭᬳᬤᬾᬦ᭄ᬤᬾᬯᬶᬤᬶᬧᬸᬭᬵ᭟᭜᭟
ᬲ᭄ᬤᭂᬓᬦ᭄ᬫᬕᬕᭀᬜ᭄ᬚᬓᬦ᭄᭞ᬲᬫᬶᬧᬤᬵᬲ᭄ᬮᬾᬂᬕᭀᬜ᭄ᬚᬓᬶᬦ᭄᭞ᬦᬶᬫ᭄ᬦᬸᬄᬳᬚᬓ᭄ᬦᬶᬗᭂᬫ᭄ᬩᬦ᭄᭞ᬦᬶᬲᬦ᭄ᬤᬢ᭄ᬳᬚᬓ᭄ᬦᬶᬕᬫ᭄ᬩᬶᬃ᭞ᬦᬶᬧᬸᬤᬓ᭄ᬦᬶᬲᬸᬮᬢ᭄ᬭᬶ᭞ᬦᬶᬲᬦ᭄ᬤᬢ᭄ᬳᬚᬓ᭄ᬦᬶᬕᬤᬸᬂ᭞ᬬᬧᬤᬵᬲᬮᬾᬂᬯᬤ᭞ᬳᬤᬵᬦᬾᬲᬮᬾᬂᬕᬸᬬᭀᬦᬶᬦ᭄᭞ᬬᬳᬶᬫ᭄ᬦᬸᬄ᭞ᬫᬕᭂᬮᬸᬢ᭄ᬳᬚᬓ᭄ᬳᬶᬗᭂᬫ᭄ᬩᬦ᭄᭟᭜᭟ᬤᬶᬢᬸ
ᬓ᭄ᬤᬾᬓᬾᬫᬩ᭄ᬭᬶᬬᬕ᭄᭞ᬧᬤᬵᬲᬮᬶᬂᬕᬸᬮᬶᬮᬶᬗᬶᬦ᭄᭞ᬦᬾᬜᬳᬶᬢ᭄‌ᬓ᭄ᬤᬾᬓ᭄ᬫᬗᬓᬓ᭄᭞ᬲᬫ᭄ᬩᬶᬮᬗᬳᬸᬦ᭄ᬢᬢ᭄ᬳᬸᬦ᭄ᬢᬶᬢ᭄᭞ᬧᬬᬸᬩᬸᬳᬸᬂᬫᬜ᭄ᬚᬳᬶᬢ᭄᭞ᬮᬾᬦ᭄ᬳᬤᬵᬫᬗ᭄ᬮᬾᬲᬂᬧᬸᬲᬸᬂ᭞ᬗᬶᬕᭂᬮ᭄ᬫᬲᬲᬦ᭄ᬤᭂᬭᬦ᭄᭞ᬮᬾᬦ᭄ᬳᬤᬵᬩᬗᬸᬦ᭄ᬫᬗᬶᬩᬶᬂ᭞ᬤᬤᬶᬮᬶᬬᬸ᭞ᬩᬶᬓᬲᬾᬫᬕᬕᭀᬜ᭄ᬚᬓᬦ᭄᭟᭜᭟ᬘᬶᬭᬶ
ᬦᬾᬧᬘᬂᬓᬾᬮᬗᬦ᭄᭞ᬫᬦᬸᬦ᭄ᬤᬸᬢ᭄ᬳᬶᬤᭂᬧᬾᬲ᭄ᬤᬶᬄ᭞ᬬᬳᬗ᭄ᬕᭀᬦ᭄ᬳᬶᬗᭂᬢ᭄ᬳᬶᬗᭂᬢᬦ᭄᭞ᬩᬶᬓᬲᬾᬲᬸᬓᬢᬦ᭄ᬲᬶᬧᬶ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬯᭂᬗᬶ᭞ᬬᬓ᭄ᬦᬵᬲᬲᬶᬋᬧ᭄ᬲᬫ᭄ᬧᬸᬦ᭄᭞ᬧᬸᬍᬲ᭄ᬧᬤᬵᬧᬚᭂᬫ᭄ᬧᬂ᭞ᬢ᭄ᬯᬭᬵᬳᬤᬵᬬᬗᭂᬤᬸᬲᬶᬦ᭄᭞ᬚᬦᬶᬫᬭᬵ᭞ᬢᬸᬳᬸᬦ᭄ᬳᬶᬫᬮᬶᬂᬫᬕᬸᬡ᭄ᬦᬵ᭟᭜᭟ᬭᬭᬶᬲ᭄ᬗᭀ

[᭖᭐ 60A]
᭖᭐
ᬚᭀᬕ᭄ᬓᬧᭂᬫᬺᬫᬦ᭄᭞ᬤᬶᬧᬲᬭᬾᬦᬾᬢ᭄ᬯᬦ᭄ᬤᬾᬯᬶ᭞ᬢᬸᬫᬸᬮᬶᬭᬭᬶᬲ᭄ᬓᬳᬸᬗ᭄ᬓᬩ᭄᭞ᬮᬗ᭄ᬲᬾᬦᬾᬗᭂᬦᬄᬢ᭄ᬯᬦ᭄ᬤᬾᬯᬶ᭞ᬮ᭄ᬯᬶᬃᬧᬾᬦ᭄ᬤᬄᬓᬤᬶᬭᬢᬶᬄ᭞ᬯᬃᬡ᭄ᬦᬵᬦᬾᬭᬳᬤᬾᬦ᭄ᬕᬮᬸᬄ᭞ᬢ᭄ᬯᬶᬢ᭄ᬯᬭᬵᬳᬤᬵᬧᬤᬵ᭞ᬭᬶᬂᬯᬃᬡ᭄ᬦᬵᬦᬾᬭᬤᬾᬦ᭄ᬤᬾᬯᬶ᭞ᬭᬭᬶᬲ᭄ᬗᬸᬘᬧ᭄᭞ᬳᬶᬬᬳᬶᬫᬮᬶᬂᬫᬕᬸᬡ᭄ᬦᬵ᭟᭜᭟
ᬘᬘᬸᬧᬸᬦᬾᬚᬦᬶᬧᭂᬲ᭄ᬯᬂ᭞ᬢᬸᬫᬸᬮᬶᬓᬩᬸᬓ᭄ᬕᭂᬮᬶᬲ᭄᭞ᬳᬶᬫᬮᬶᬂᬫᬕᬸᬡ᭄ᬦᬜᭂᬫᬓ᭄᭞ᬫᬗ᭄ᬭᬜ᭄ᬚᬶᬗᬂᬭᬤᬾᬦ᭄ᬤᬾᬯᬶ᭞ᬭᬶᬂᬘᬘᬸᬧᬸᬦᬾ᭠ᬕ᭄ᬮᬶᬲ᭄᭞ᬓᬩᬸᬗ᭄ᬲᭂᬮ᭄ᬭᬭᬶᬲ᭄ᬫᬓᭂᬩᬹᬃ᭞ᬧᬤᬵᬫᬗᬯᬂᬗᬯᬂ᭞ᬧᬓᭂᬩᬸᬭᬾᬓᬤᬶᬳᬗᬶᬦ᭄᭞ᬓᬘᬭᬶᬢ᭄ᬣᬵ᭞ᬲᬂᬧ᭄ᬭᬪᬹᬭᬶᬂᬩᬭᬂᬧᬦᬲ᭄᭟᭜᭟ᬲᬂᬧ᭄ᬭᬪᬹ᭠
ᬲ᭄ᬤᭂᬓ᭄ᬱᬶᬦᬾᬩ᭞ᬧᭂᬧᭂᬓ᭄ᬧᬸᬗ᭄ᬕᬯᬫᬦᬗ᭄ᬓᬶᬮ᭄᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬶᬧᬢᬶᬄᬍᬗ᭄ᬓᬭᬵᬕ᭄ᬮᬶᬲ᭄᭞ᬓᬾᬦ᭄ᬓᬾᬦ᭄ᬲᬶᬩᬸᬓᬚᬦᬶ᭞ᬫᬓ᭄ᬮᭀᬢ᭄ᬯᬭᬵᬳᬤᬵᬭᬯᬸᬄ᭞ᬬᬳᬶᬫᬮᬶᬂᬫᬕᬸᬡ᭄ᬦᬵ᭞ᬫᬵᬢᬹᬃᬳᬶᬍᬗ᭄ᬓᬭᬵᬧᬢᬶᬄ᭞ᬳᬦ᭄ᬢᬸᬓ᭄ᬳᭂᬤᭀᬄ᭞ᬭᬵᬢᬹᬕᬸᬫᬶᬦᬾᬧᬸᬦᬶᬓ᭟᭜᭟ᬮᬬᬭᬦ᭄ᬧᬶ
ᬢᬸᬮᬲ᭄ᬤᬶᬦᬵ᭞ᬲᬓᬶᬂᬳᬶᬭᬶᬓᬫᬭᬶᬓᬶ᭞ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬦᬾᬲᬸᬩᬗᬦ᭄ᬢ᭄ᬬᬂᬳᬰᬰᬶᬄ᭞ᬢ᭄ᬮᬸᬂᬤᬰᬤᬶᬦᬵᬫᬦᬶ᭞ᬧᬢᬶᬄᬍᬗ᭄ᬓᬭᬫᬳᬢᬹᬃ᭞ᬫᬦᬯᬶᬢᬾᬩᬾᬜ᭄ᬚᬂᬧᭀᬯᬦ᭄᭞ᬤᬾᬦᬶᬂᬩᬲ᭄ᬓᬤᭀᬳᬦ᭄ᬕᬸᬫᬶ᭞ᬲᬕᭂᬢ᭄ᬭᬯᬸᬄ᭞ᬚᬦᬶᬳᬶᬫᬮᬶᬂᬫᬕᬸᬡ᭄ᬦ᭟᭜᭟ᬲᬂᬧ᭄ᬭᬪᬹᬓ [ 61 ][᭖᭐ 60B]
᭖᭐
ᬮᬶᬦ᭄ᬢᬂᬓᬕ᭄ᬬᬢ᭄᭞ᬫᬜᬶᬗᬓ᭄ᬳᬶᬫᬮᬶᬂᬲᬓ᭄ᬢᬶ᭞ᬤᬶᬳᬫ᭄ᬩᬭᬦᬾᬫᬭᬾᬭᭀᬤ᭄᭞ᬗᬦ᭄ᬤᬶᬓᬲᬂᬰ᭄ᬭᬶᬪᬹᬧᬢᬶ᭞ᬧᬢᬶᬄᬳᭂᬦ᭄ᬢᭀᬢᬾᬳᬶᬯᬲᬶᬦ᭄᭞ᬳᬶᬫᬮᬶᬂᬲᬓ᭄ᬢᬶᬤᬶᬤᬸᬯᬹᬃ᭞ᬗ᭄ᬮᬬᬂᬳᬚᬓᬤᬤ᭄ᬯ᭞ᬦᬾᬦᬗ᭄ᬓᬶᬮ᭄ᬲᬫᬶᬗᬶᬯᬲᬶᬦ᭄᭞ᬭᬭᬶᬲ᭄ᬢᭂᬤᬸᬦ᭄᭞ᬕ᭄ᬮᬶᬳᬶᬫᬮᬶᬂᬫᬕᬸᬡ᭄ᬦᬵ᭟᭜᭟ᬫᬜᭀ
ᬗ᭄ᬓᭀᬓ᭄ᬭᬭᬶᬲ᭄ᬫᬜᬸᬫ᭄ᬩᬄ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬭᬶᬲ᭄᭞ᬳᬾᬄᬧᬢᬶᬄᬤᬶᬦᬶᬫᬦ᭄ᬕᬓ᭄᭞ᬳᬶᬧᬢᬶᬄᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬗᬦ᭄ᬤᬶᬓᬰ᭄ᬭᬶ᭠ᬪᬹᬧᬢᬶ᭞ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬫᬓ᭄ᬮᭀᬤᬶᬢᬸ᭞ᬳᬶᬫᬮᬶᬂᬫᬳᬢᬹᬃᬲᭂᬫ᭄ᬩᬄ᭞ᬳᬤᭀᬳᬾᬢᬦ᭄ᬲᬶᬧᬶᬲᬶᬧᬶ᭞ᬧᬫᬃᬕ᭄ᬕᬶᬦᬾ᭞ᬢᬶᬢ᭄ᬬᬂᬳᬶᬮᬶᬫᭀᬮᬲ᭄ᬤᬶᬦᬵ
᭟᭜᭟ᬩᬸᬤᬮᬾᬲᬓᬶᬂᬳᬶᬭᬶᬓ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬭᬶᬲ᭄᭞ᬓᬾᬦ᭄ᬓᬾᬦ᭄ᬧᬚᬮᬦᬾᬮᬸᬯᬲ᭄᭞ᬫᬳᬢᬹᬃᬳᬶᬫᬮᬶᬂᬰᬓ᭄ᬢᬶ᭞ᬲᬶᬤᬵᬧᬸᬦᬶᬓᬶᬓᭂᬦᬶ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬭᬤᬾᬦ᭄ᬕᬮᬸᬄ᭞ᬲᬫ᭄ᬧᬸᬦ᭄ᬭᬜ᭄ᬚᬶᬗᬂᬢᬶᬢ᭄ᬬᬂ᭞ᬭᬶᬂᬚ᭄ᬭᭀᬦᬶᬂᬘᬘᬸᬧᬸᬫᬡ᭄ᬦᬶᬓ᭄᭞ᬲᬗᬵᬧ᭄ᬭᬪᬹ᭞ᬢᬸᬫᬸᬮᬶᬭᬭᬶᬲ᭄ᬫᬦᬫ᭄ᬧ᭟᭜᭟ᬲᬂ
ᬧ᭄ᬭᬪᬹᬓᬮᬗ᭄ᬓᬸᬂᬲᬸᬓ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬦᬾᬚᬦᬶᬧᬢᬶᬄᬍᬗ᭄ᬓᬭᬵ᭞ᬫᬶᬯᬄᬧᬢᬶᬄᬓᬸᬫ᭄ᬩᬲᬫᬶ᭞ᬧᬢᬶᬄᬓᭀᬫᬮᬕ᭄ᬦᬶ᭞ᬳᬶᬧᬢᬶᬲᬫ᭄ᬬᬦ᭄ᬫᬳᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᬸᬦᬲᬂ᭞ᬧᬓᬬᬸᬦ᭄ᬓᬤᬶᬫᬗ᭄ᬓᬶᬦ᭄᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭟᭜᭟ᬦᬄᬦᬾᬚᬦᬶ

[᭖᭑ 61A]
᭖᭑
ᬳᬧᬂᬬᬢ᭄ᬦᬵ᭞ᬳᭀᬭᬳᬶᬧᬜ᭄ᬚᬓᬾᬲᬫᬶ᭞ᬲᬶᬜᬳᬤᬵᬫᬳᬶᬢ᭄ᬓᬵ᭞ᬫᬦᬸᬢᬸᬕ᭄ᬭᬳᬤᬾᬦ᭄ᬤᬾᬯᬶ᭞ᬲᬓᬾᬯᬮᬢᬗᬭᬶᬦ᭄᭞ᬲᬶᬜᬳ᭠ᬤᬵᬫᬳᬶᬗ᭄ᬭᬸᬭᬸᬄ᭞ᬢ᭄ᬓᬫᬳᬶᬜᭂᬋᬧᬂ᭞ᬓᬾᬢᭀᬫᬓ᭄ᬚᬂᬳᭀᬭᬳᬶᬦ᭄᭞ᬭᬭᬶᬲ᭄ᬫᬵᬢᬹᬃ᭞ᬬᬳᬶᬧᬢᬶᬄᬦᬮᬬᬓ᭄ᬱ᭟᭜᭟ᬲᬦ᭄ᬤᬶᬓᬜ᭄ᬘᭀᬓᭀᬃᬳᬶᬤᬾᬯᬵ᭞ᬲ
ᬫᬶᬧᬤᬵᬲᬯᬹᬃᬧᬓ᭄ᬱᬶ᭞ᬫᬗᬶᬭᬶᬗᬂᬧᬓᬬᬸᬦᬦ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬫᬮᬶᬄ᭞ᬓᬾᬢᭀᬚᬳᬧᬂᬳᬾᬮᬶᬂ᭞ᬧᬢᬶᬄᬍᬗ᭄ᬓᬭᬵᬫᬳᬢᬹᬃ᭞ᬳᬗᬶᬂᬫᬦᬄᬳᬂᬢᬶᬢ᭄ᬬᬂ᭞ᬩᭀᬬᬦ᭄ᬤᬸᬕᬶᬭᬯᬸᬄᬫᬭᬶᬓᬶ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬫᬮᬶᬄᬳᬶᬤᬵᬫᬗᬦ᭄ᬤᬶᬓᬵ᭟᭜᭟ᬦᬦᬓ᭄ᬕᬮᬸᬄᬭᬢ᭄ᬦᬦᬶᬂᬭᬵᬢ᭄᭞ᬳᬧᬂᬤᬦᬾᬫᬗᬸᬗ᭄ᬓᬩᬶᬦ᭄᭞
ᬤᬾᬦᬶᬂᬬᬧᬘᬂᬳᬶᬧᬳ᭞ᬳᬧᬂᬳᬶᬬᬫᬫᬰᬶᬳᬶᬦ᭄᭞ᬫᬶᬯᬄᬧᬗᬬᬳᬾᬲᬫᬶ᭞ᬳᬧᬂᬳᬚᬓᬫᬗ᭄ᬭᬸᬫ᭄ᬭᬸᬫ᭄᭞ᬳᬧᬗᬬᬤᬤᬶᬩᭀᬳᬦ᭄᭞ᬧ᭄ᬭᬪᬹᬚᬗ᭄ᬕᬫᬵᬢᬹᬃᬳᬭᬶᬲ᭄᭞ᬳᬶᬗ᭄ᬕᬶᬄᬭᬵᬢᬹ᭞ᬧᬢᬹᬢ᭄ᬓᬤᬶᬧᬓᬬᬸᬦᬵᬦ᭄᭟᭜᭟ᬯᬶᬭᬾᬄᬳᬶᬤᬵᬩᬯᬸᬧ᭄ᬭᬧ᭄ᬢ᭞ᬢᭂᬫ᭄ᬩᬾᬦᬾᬭᬯᬸᬄᬳᬶᬭᬶᬓᬶ᭞ᬓᬾᬗᬶᬦ᭄ᬓ
ᬕ᭄ᬬᬢ᭄ᬧᬓᬬᬸᬦᬦ᭄᭞ᬲᬸᬗ᭄ᬲᬸᬢ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬤᬾᬦᬶᬂᬲᬾᬯᭀᬲ᭄ᬦᬕᬭᬶ᭞ᬘᬶᬗᬓ᭄ᬳᬶᬤᬵᬫᬗ᭄ᬓᬶᬦ᭄ᬭᬵᬢᬹ᭞ᬧᬸᬦᬶᬓᬤ᭄ᬯᬦᬶᬂᬢᬶᬢ᭄ᬬᬂ᭞ᬫᬗᬢᬹᬭᬂᬓᬤᬶᬫᬗ᭄ᬓᬶᬦ᭄᭞ᬓᬯ᭄ᬬᬓ᭄ᬢᬶᬜ᭞ᬓᬤᬶᬦᬾᬭᬶᬂᬧᬶᬸᬫᬦᬄᬢᬶᬢ᭄ᬬᬂ᭟᭜᭟ᬗᬦ᭄ᬤᬶᬓᬵᬳᬶᬤᬵᬲᬂᬦᬵᬣ᭞ᬓ᭄ᬭᬦᬵᬳᬶᬭᬩᬸᬓᬚᬦᬶ᭞ᬯᬦ᭄ᬢᬄᬓᬭᬶ᭠ [ 62 ][᭖᭑ 61B]
᭖᭑
ᬫᬮᬧᬦᬂ᭞ᬤᬶᬧᬸᬭᬶᬧᬘᬂᬳᬸᬗ᭄ᬓᬩᬶᬦ᭄᭞ᬤᬶᬢᬸᬮᬯᬸᬢ᭄ᬩᬮᬶᬳᬶᬦ᭄᭞ᬯᬃᬡ᭄ᬦᬵᬦ᭄ᬤᬾᬯᬦᬾᬳᬶᬕᬮᬸᬄ᭞ᬬᬤᬶᬦ᭄ᬤᬦᬾᬫᬓᭂᬲ᭄ᬬᬩ᭄᭞ᬮᬸᬄᬮᬸᬄᬮᬶᬬᬸᬫᬗ᭄ᬭᬱᬦᬶᬦ᭄᭞ᬧᬤᬵᬤᬶᬢᬸ᭞ᬳᬚᬓᬫᬗ᭄ᬭᬸᬫ᭄ᬭᬸᬫ᭄ᬳᬶᬤᬵ᭟᭜᭟ᬧᬸᬗ᭄ᬕᬯᬚᬦᬶᬭᬦ᭄ᬢᬩᬦ᭄᭞ᬫᬗᬶᬭᬶᬂᬗ᭄ᬭᬭᬶᬲ᭄ᬓᬧᬸᬭᬶ᭞ᬭᬯᬸᬳᬾᬭᬶᬂᬧᬦᬶᬸᬢᬦ᭄ᬤᬓ
ᬦ᭄᭞ᬗᬦ᭄ᬤᬶᬓᬰ᭄ᬭᬶᬦᬭᬧᬢᬶ᭞ᬗᭂᬲᬾᬗᬶᬦ᭄ᬧᬋᬓᬜ᭄ᬘᬶᬓ᭄᭞ᬳᬗᬶᬂᬧᬋᬓᬦ᭄ᬮᬸᬄᬮᬸᬄ᭞ᬫᬳᬤᬦ᭄ᬳᬶᬲᭀᬩᬶᬢ᭄ᬣ᭞ᬗᬦ᭄ᬤᬶᬓᬰ᭄ᬭᬶᬦᬭᬧᬢᬶ᭞ᬳᬮᬶᬄᬓ᭄ᬫ᭞ᬦᬦᬓ᭄ᬕᬮᬸᬄᬭᬢ᭄ᬦᬦᬶᬂᬭᬵᬢ᭄᭟᭜᭟ᬢ᭄ᬓᬦᬶᬂᬩᬋᬂᬩᬶᬩᬶᬜ᭞ᬳᬧᬂᬳᬾᬗ᭄ᬕᬮ᭄ᬢᭂᬓᬫᬳᬶ᭞ᬳᬶᬲᭀᬩᬶᬢ᭄ᬣᬭᬭᬶᬲ᭄ᬜᬸᬫ᭄ᬩᬄ᭞ᬫᬮᬳᬶᬩ᭄ᬮᬯᬸ
ᬢ᭄ᬓᬧᬸᬭᬶ᭞ᬫᬳᬢᬹᬃᬭᬶᬂᬭᬤᬾᬦ᭄ᬤᬾᬯᬶ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬧ᭄ᬭᬪᬹ᭞ᬦᬸᬦᬲ᭄ᬭᬢᬹᬓᬚᬩ᭞ᬭᬓᬦ᭄ᬳᬶᬤᬾᬯᬵᬗᭂᬲᬾᬗᬶᬦ᭄᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬫᬗᬦ᭄ᬢᭀᬲ᭄ᬭᬶᬂᬧᬢᬦ᭄ᬤᬓᬦ᭄᭟᭜᭟ᬲᬋᬂᬭᬶᬂᬳᬦᬓ᭄ᬳᬶᬤᬾᬯᬵ᭞ᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄ᬫᬗ᭄ᬓᬶᬦ᭄᭞ᬦᬸᬦᬲ᭄ᬓᬾᬭᬵᬢᬹᬕ᭄ᬮᬶᬲᬂ᭞ᬓᬕ᭄ᬬᬢ᭄ᬳᬶᬤᬭᬵᬤᬾ
ᬦ᭄ᬤᬾᬯᬶ᭞ᬗᬦ᭄ᬤᬶᬓᬧ᭄ᬭᬫᬶᬲ᭄ᬯᬭᬶ᭞ᬤᬾᬯᬦ᭄ᬳᬶᬫᬾᬫᬾᬤᬾᬯᬵᬬᬸ᭞ᬚᬮᬜ᭄ᬚᬦᬶᬓᬚᬩ᭞ᬕᬸᬭᬸᬦ᭄ᬳᬶᬤᬾᬯᬵᬗᭂᬲᬾᬗᬶᬦ᭄᭞ᬳᬶᬤᬵᬳᬶᬕᬸᬭᬸ᭞ᬫᬗᬦ᭄ᬢᭀᬲ᭄ᬤᬶᬧᬢᬦ᭄ᬤᬓᬦ᭄᭟᭜᭟ᬦᬄᬚᬮᬜ᭄ᬚᬦᬶᬳᬾᬗ᭄ᬕᬮᬂ᭞ᬮᬫᬸᬦ᭄‌ᬢ᭄ᬯᬭᬵᬗ᭄ᬮᬄᬧᬶᬧᬶᬲ᭄᭞ᬗᬸᬤᬵᬤᬾᬯᬵᬚ᭄ᬭᬶᬄᬓᬚᬩ᭞ᬧᬋᬓ᭄ᬭᬶᬂᬳᬶᬕᬸ

[᭖᭒ 62A]
᭖᭒
ᬭᬸᬳᬚᬶ᭞ᬯᬶᬭᬾᬄᬳᬶᬤᬵᬗᭂᬲᬾᬗᬶᬦ᭄᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬲᬭᬯᬸᬳᬾᬤᬶᬚᬩᬵ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬤᬾᬯᬵᬳᬬᬸ᭞ᬤᬶᬦᬶᬩᬋᬂᬳᬚᬓ᭄ᬩᬧᬵ᭟᭜᭟ᬫᬳᬶᬢᬾᬤᬶᬫᬦ᭄ᬕᬓ᭄᭞ᬩᬧᬵᬫᬗᭀᬭᬳᬶᬦ᭄ᬕᬸᬲ᭄ᬢᬶ᭞ᬭᬤᬾᬦ᭄ᬤᬾᬯᬶᬫᬦᬫ᭄ᬧᭂᬓᬂ᭞ᬲᬂᬦᬵᬣᬗᬦ᭄ᬤᬶᬓᬳᬭᬶ
ᬲ᭄᭞ᬦᬾᬤᬾᬯᬵᬲᬹᬃᬬ᭄ᬬᬭᬸᬓ᭄ᬫᬶᬦ᭄᭞ᬧᬘᬂᬳᬶᬧᬄᬦᬦᬓ᭄ᬕᬮᬸᬄ᭞ᬦᬾᬳᬶᬬᬩᬳᬸᬢ᭄ᬓᬵ᭞ᬢᬸᬦ᭄ᬤᬾᬦᬂᬩᬧᬫᬫᬮᬶᬂ᭞ᬳᭀᬓᬦ᭄ᬲᬂᬧ᭄ᬭᬪᬹ᭞ᬳᬕᬸᬗᬾᬤᬶᬓᬶᬦ᭄ᬢᬵᬯᬦᬵ᭟᭜᭟᭛ᬤᬂᬤᬂ᭛᭟ᬭᬤᬾᬦ᭄ᬤᬾᬯᬶᬲᬸᬓᬦᬾᬢᬦ᭄ᬲᬶᬧᬶ᭞ᬗᭂᬮᬄᬳᬶᬧᬄ᭞ᬲᬂᬦᬵᬣᬗᬦ᭄ᬤᬶᬓ᭞ᬳᬚᬓ᭄ᬩᬶ
ᬩᬶᬦ᭄ᬳᬶᬤᬾᬯᬵᬦᬾ᭞ᬍᬫᭂᬲᬶᬦ᭄ᬤᬶᬢᬸᬫᬮᬸ᭞ᬦᬾᬦᬾᬜ᭄ᬚᬳᬦ᭄ᬤᬶᬢᬸᬤᬶᬧᬸᬭᬶ᭞ᬳᬚᬓ᭄ᬩᬶᬩᬶᬦ᭄ᬳᬶᬤᬾᬯᬵ᭞ᬤᬶᬦᬶᬩᬸᬓᬫᬮᬸ᭞ᬩᬧᬫᬩᬸᬤᬶᬫᬦᬯᬂ᭞ᬯᬃᬡ᭄ᬦᬦ᭄ᬳᬶᬤᬵ᭞ᬩᬧᬢᭀᬦ᭄ᬤᬾᬦ᭄ᬫᬫ᭄ᬩᬸᬓᬳᬶᬦ᭄᭞ᬢᬸᬯᬦ᭄ᬤᬾᬯᬶᬭᬭᬶᬲ᭄ᬫᬸᬓᬓ᭄᭟᭜᭟ᬭᬭᬶᬲ᭄ᬫᭂᬤᬮ᭄‌ᬤ᭄ᬬᬄᬓᬜ᭄ᬘᬦᬯᬢᬶ᭞ᬲ᭄ᬫᬸᬓᬕ᭄ᬬᬢ᭄᭞ᬢᬸ
ᬫᬸᬮᬶᬗᬦ᭄ᬤᬶᬓᬵ᭞ᬦᬾᬗᬸᬤᬵᬲᬗ᭄ᬓᬦ᭄ᬓᬓᬾᬦᬾ᭞ᬢᬸᬳᬸᬯᬦ᭄ᬢᬄᬢᬶᬢ᭄ᬬᬂᬢᬦ᭄ᬤ᭄ᬭᬸᬄ᭞ᬜᬾᬦ᭄ᬲᬶᬗᬩᬢᬶᬢ᭄ᬬᬂᬫᬭᬶᬓᬶ᭞ᬤᬾᬰᬦᬧᬶᬳᬤᬦ᭄ᬜ᭞ᬲ᭄ᬮᬸᬦ᭄ᬢᬶᬢ᭄ᬬᬂᬭᬯᬸᬄ᭞ᬢᬶᬢ᭄ᬬᬂᬳᬶᬭᬶᬓᬶᬫᬕ᭄ᬦᬄ᭞ᬤᬶᬚ᭄ᬭᭀᬧᬸᬭᬵ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬫᬵᬲ᭄ᬩᬧᬦᬾᬳᬶᬤᬾᬯᬵ᭟᭜᭟ᬳᬸᬮᬶ᭠ [ 63 ][᭖᭒ 62B]
᭖᭒
ᬳᬶᬮᬸᬩᬧᬫᬗᬸᬧᬤᬶ᭞ᬕᬸᬲ᭄ᬢᬶᬫᬶᬭᬄ᭞ᬩᬳᬸᬚᬦᬶᬲᬤ᭄ᬬ᭞ᬳᬫ᭄ᬩᬸᬮ᭄ᬧᬗᬶᬥᭂᬧ᭄ᬩᬧᬦᬾ᭞ᬕᬸᬲ᭄ᬢᬶᬓᬮ᭄ᬩᬧᬵᬫᬦ᭄ᬢᬸ᭞ᬤᬵᬚᬲ᭄ᬤᬶᬄᬭᬵᬢᬹᬫᬵᬲ᭄ᬫᬦᬶᬓ᭄᭞ᬤᬾᬯᬵᬳᬧᬂᬦᬸᬮᬸᬲᬂ᭞ᬫᬫᬢ᭄ᬯᬭᬶᬂᬕᬸᬭᬸ᭞ᬦᬾᬤᬶᬦᬶᬩᬋᬂᬳᬚᬓ᭄ᬩᬧᬵ᭞ᬫ᭄ᬮᬄᬫ᭄ᬮᬄ᭞ᬢ᭄ᬯᬦ᭄ᬤᬾᬯᬶᬭᬭᬶᬲ᭄ᬫᬦᬗᬶᬲ᭄᭞ᬢ᭄ᬯᬭᬵᬫᬾᬮᬶᬂᬭᬶᬂᬭᬕᬵ᭟᭜
᭟ᬲᬂᬤᬾᬯᬶᬲᬹᬃᬬ᭄ᬬᬓᬜ᭄ᬘᬦᬵᬯᬢᬶ᭞ᬢ᭄ᬯᬭᬵᬩᬶᬱᬵ᭞ᬚᬦᬶᬫᬧᬗ᭄ᬭᬱᬵ᭞ᬓᬮᬶᬦ᭄ᬢᬂᬳᭀᬲᭂᬓ᭄ᬓᬬᬸᬦᬾ᭞ᬭᬭᬶᬲ᭄ᬳᭂᬩᬄᬫᬘᭂᬩᬸᬕ᭄᭞ᬲᬗᭂᬢ᭄ᬓᬦ᭄ᬢᬸᬢ᭄ᬯᬭᬵᬤᬵᬫᬾᬮᬶᬂ᭞ᬲᬂᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬕ᭄ᬮᬶᬲ᭄ᬳᬶᬤᬵᬜᬫ᭄ᬩᬸᬢ᭄᭞ᬢᬸᬫᬸᬮᬶᬭᬭᬶᬲ᭄ᬓᬲᬸᬦ᭄ᬤᬂ᭞ᬭᬤᬾᬦ᭄ᬤᬾᬯ᭄ᬬ᭞ᬳᬶᬤᬵᬢ᭄ᬯᬭᬵᬫᬾᬮᬶᬂᬫᬾᬮᬶᬂ᭞ᬲᬂᬧ᭄ᬭ
ᬪᬹᬭᬭᬶᬲ᭄ᬫᬲᬩ᭄ᬤ᭟᭜᭟ᬦᬄᬓ᭄ᬫᬳᬮᬶᬄᬩᬮ᭄ᬬᬦᬾᬲᬫᬶ᭞ᬫᬳᬶᬳᬚᬓ᭄᭞ᬳᬶᬲᭀᬮᭀᬫᬜᬸᬫ᭄ᬩᬄ᭞ᬭᬭᬶᬲ᭄ᬫᬫᬃᬕ᭄ᬕᬶᬗᬮᬾᬗ᭄ᬲᬾᬃ᭞ᬫᬗᬮᬶᬄᬩᬮᬶᬬᬦ᭄ᬕᬸᬧᬸᬄ᭞ᬲᬫ᭄ᬧᬸᬦ᭄ᬭᬯᬸᬄᬩᬮ᭄ᬬᬦᬾᬲᬫᬶ᭞ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬧᬸᬭᬵ᭞ᬗᬦ᭄ᬤᬶᬓᬲᬂᬧ᭄ᬭᬪᬹ᭞ᬦᬄᬓ᭄ᬫᬢᬸᬮᬸᬗᬶᬦ᭄ᬤᬾᬗ᭄ᬕᬮ᭄᭞ᬭᬭᬶᬲ᭄ᬫᬭᬵ᭞ᬩᬮ᭄ᬬᬦᬾᬭᬾ
ᬧᭀᬢ᭄ᬦᬸᬮᬸᬗᬶᬦ᭄᭞ᬭᬭᬶᬲ᭄ᬫᬾᬮᬶᬂᬭᬳᬤ᭄ᬬᬦ᭄᭟᭜᭟ᬳᬗᬶᬂᬳᬾᬮᬶᬂᬲᬓ᭄ᬤᬧ᭄‌ᬩᬸᬯᬶᬦ᭄ᬮᬮᬶ᭞ᬭᬤᬾᬦ᭄ᬤᬾᬯᬶ᭞ᬲᭂᬓ᭄ᬱᭂᬓ᭄ᬧᬓᬬᬸᬦᬦ᭄᭞ᬢᬦ᭄ᬩᬶᬱᬵᬫᬓ᭄ᬢᬓᬬᬸᬦᬾ᭞ᬳᬾᬯᭂᬄᬳᬶᬤᬵᬲᬂᬧ᭄ᬭᬪᬹ᭞ᬭᬭᬶᬲ᭄ᬳᬶᬤᬵᬗᬦ᭄ᬤᬶᬓᬳᬭᬶᬲ᭄᭞ᬦᬄᬓ᭄ᬫᬳᬚᬓᬧᬸᬭᬵ᭞ᬲᬶᬜᬜᬦᬦ᭄ᬤᬶᬢᬸ᭞ᬤᬶᬧᬸᬭᬵᬳᬶᬤᬵᬤᬤᬶ

[᭖᭓ 63A]
᭖᭓
ᬬᬦ᭄᭞ᬫᬧᬗ᭄ᬭᬱᬵ᭞ᬦᬸᬮᬶᬓᬳᬚᬓ᭄ᬓᬧᬸᬭᬶ᭞ᬯᬸᬲ᭄ᬭᬯᬸᬄᬤᬶᬧᬸᬭᬶᬬᬦ᭄᭟᭜᭟ᬢᬦ᭄ᬘᬭᬶᬢ᭄ᬣᬭᬶᬂᬩᬭᬂᬧᬦᬲ᭄ᬫᬗ᭄ᬓᬶᬦ᭄᭞ᬓᬘᬭᬶᬢ᭄ᬣ᭞ᬦᬾᬭᬶᬂᬓᬶᬦ᭄ᬢᬵᬯᬦᬵ᭞ᬧ᭄ᬭᬪᬹᬘᬶᬢ᭄ᬭᬯᬢᬶᬓᬕᬾᬢ᭄᭞ᬲᬳᬶᬘᬮᬶᬸᬮᬾᬢ᭄ᬯᬦ᭄ᬕᬮᬸᬄ᭞ᬲᬂᬧ᭄ᬭᬪᬹᬫᬺᬫᬓᬢ᭄ᬗᬯᬶᬸᬳᬶ᭞ᬫ᭄ᬯᬄᬲᬳᬶᬲᬶᬦᬶᬂᬧᬸᬭᬵ᭞ᬢ᭄ᬯᬭᬳᬤᬩᬗᬸᬦ᭄
᭞ᬓᬮᬶᬄᬲᬫᬶᬭᬶᬂᬕ᭄ᬩᬕᬦ᭄᭞ᬤᬶᬩᬜ᭄ᬘᬶᬗᬄ᭞ᬳᬤᬶᬬᬢ᭄ᬯᬭᬵᬗᭂᬤᬸᬲᬶᬦ᭄᭞ᬓᭀᬮ᭄ᬧᬯᬶᬚᬬᬢ᭄ᬓᬵ᭟᭜᭟ᬢᬂᬕ᭄ᬮᬸᬓ᭄ᬫᬸᬩᭂᬢ᭄‌ᬕ᭄ᬩᬕᬦ᭄ᬗᬸᬮᬶᬦ᭄ᬢᬶᬓ᭄᭞ᬤᬶᬩᬜ᭄ᬘᬶᬗᬄ᭞ᬚᬦᬶᬢ᭄ᬓᬾᬦ᭄ᬧᬋᬓᬦ᭄᭞ᬳᬶᬧᬢᬶᬄᬚᬦᬶᬯᬸᬯᬸᬲᬾ᭞ᬳᬾᬄᬲᭂᬗ᭄ᬓᬄᬓ᭄ᬫᬤᬸᬦ᭄ᬤᬸᬦ᭄᭞ᬩᬢᬶᬲ᭄ᬜᬦᬾᬕᬶᬲᬶᬬᬂᬧᬳᬶᬤ᭄᭞ᬳᬶᬲᭂᬗ᭄ᬓᬄ
ᬭᬭᬶᬲ᭄ᬜᬕ᭄ᬚᬕ᭄᭞ᬮᬦ᭄ᬢᬲ᭄ᬗᭀᬭᭀᬲ᭄ᬩᬸᬦ᭄ᬢᬸᬢ᭄᭞ᬕ᭄ᬩᬕᬲᬾᬲᬸᬤᬧ᭄ᬲᬸᬤᬧ᭄᭞ᬫᬓᬧᬢ᭄ᬧᬢ᭄᭞ᬳᬶᬧᬢᬶᬄᬗᬦ᭄ᬤᬶᬓᬩ᭄ᬗᬶᬲ᭄᭞ᬳᬶᬄᬓᬫᬸᬧᬸᬍᬲ᭄ᬤᭀᬯᬂ᭟᭜᭟ᬢᬗ᭄ᬓᬶᬮᬦᬾᬲᬸᬩᬢ᭄ᬩᭂᬂᬢᬶᬢᬶᬩ᭄᭞ᬫᬲᬶᬄᬢ᭄ᬯᬭᬵ᭞ᬲᬂᬧ᭄ᬭᬪᬹᬓᭀᬤᬮ᭄᭞ᬓᬭᬶᬫᬓᬜ᭄ᬘᬶᬂᬓᭀᬭᬶᬦᬾ᭞ᬧᬢᬶᬄᬲᬫ᭄ᬩᬸᬭᬸᬫᬸᬯᬸᬲ᭄᭞ᬲᬶᬜᬳᬶ
ᬤᬵᬢᭀᬦ᭄ᬤᬾᬦ᭄ᬫᬢᬗᬶ᭞ᬚᬦᬶᬓᭀᬮ᭄ᬧᬯᬶᬚᬬ᭞ᬓ᭄ᬫᬓᬾᬫᬘᭂᬮᬸᬧ᭄᭞ᬧ᭄ᬤᬲᬂᬚᬦᬶᬓᬧᬸᬭᬵ᭞ᬳᬧᬂᬢᬯᬂ᭞ᬲᬗ᭄ᬓᬦ᭄ᬓᬾᬦᬾᬤᬤᬶᬲᭂᬧᬶ᭞ᬓᭀᬮ᭄ᬧᬯᬶᬚᬬᬗᬸᬘᬧ᭄᭟᭜᭟ᬳᬶᬓᭀᬮ᭄ᬧᬯᬶᬚᬬᬫᬦᬗᬶᬦᬶᬦ᭄᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬓᬮᬶᬦ᭄ᬢᬗᬶᬂᬓᬕ᭄ᬬᬢ᭄᭞ᬲᬸᬤᬧ᭄ᬲᬸᬤᬧᬗᬓ᭄ᬱᬶ [ 64 ][᭖᭓ 63B]
᭖᭓
ᬦᬾ᭞ᬗᬦ᭄ᬤᬶᬓᬲ᭄ᬫᬸᬫᬗᬸ᭞ᬘᬳᬶᬧᬢᬶᬄᬫᬳᬸᬮᬢ᭄ᬕᬢᬶ᭞ᬓᬶᬧᬢᬶᬄᬫᬵᬢᬹᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬹᬳᬕᬸᬂ᭞ᬳᬯᬦᬦ᭄ᬢᬶᬢ᭄ᬬᬂᬧ᭄ᬭᬮᬗ᭄ᬕ᭄ᬬ᭞ᬭᬶᬂᬳᬶᬤᬾᬯᬵ᭞ᬲᬦ᭄ᬢᬸᬓᬦᬾᬲᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬘᭀᬓᭀᬃᬳᬶᬭᬵᬢᬹᬢᬦ᭄ᬓᭀᬤᬮ᭄᭟᭜᭟ᬧᬗᬬᬳᬾᬦᬸᬧᬸᬍᬲ᭄ᬗᬸᬮᬶᬦ᭄ᬢᬶᬓ᭄᭞ᬤᬶᬳᬫ᭄ᬩᬾᬦᬾ᭞ᬲᬂᬦᬵᬣᬗᬦ᭄ᬤᬶ
ᬓᬵ᭞ᬓ᭄ᬫᬤᬸᬦ᭄ᬤᬸᬦ᭄ᬧᬗᬬᬳᬾ᭞ᬧᬋᬓᬦᬾᬫᬦᬸᬦ᭄ᬤᬸᬦ᭄᭞ᬲᬤᬳᬾᬯᬾᬃᬦᬾᬦᬸᬦ᭄ᬤᬸᬦᬶᬦ᭄᭞ᬘᬸᬗᬸᬄᬜᬦᬾᬧ᭄ᬘᬶᬓ᭞ᬳᬤᬦᬾᬢᬦ᭄ᬓᭂᬚᬸ᭠ᬢ᭄᭞ᬮᬦ᭄ᬢᬲ᭄ᬫᬦᭂᬫ᭄‌ᬧᬾᬮᬾᬓ᭄ᬮᬶᬫ᭞ᬩᬗᬸᬦ᭄ᬩᬩᬂ᭞ᬩᬳᬦ᭄ᬜᬦᬾᬲᬸᬩᬮᬶᬗ᭄ᬲᬶᬃ᭞ᬤᬬᬦᬶᬜᬓᬩᭂᬦ᭄ᬤᬸᬯᬦ᭄᭟᭜᭟ᬫᬗᬦ᭄ᬤᬶᬓᬵᬰ᭄ᬭᬶᬪᬹᬧᬢᬶ᭞ᬫᬶᬤᬃᬢ᭄ᬣᬬᬂ᭞ᬫ
ᬦᬸᬢᬸᬭᬂᬳᬶᬧ᭄ᬬᬦ᭄᭞ᬫᬵᬲ᭄ᬳᬶᬭᬵᬦᬾᬳᬶᬮᬂᬋᬓᬾ᭞ᬓᬲ᭄ᬯᬾᬦ᭄ᬩᬸᬯᬶᬦ᭄ᬓᬢᭂᬧᬸᬓ᭄᭞ᬭᬭᬶᬲ᭄ᬫᬢᬹᬃᬭᬓ᭄ᬭᬶᬬᬦᬧᬢᬶᬄ᭞ᬫᬦᬳᬂᬢᬶᬢ᭄ᬬᬂᬳᬮ᭞ᬓᬳᬶᬘᬮᬦ᭄ᬢᬸᬳᬸ᭞ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓᬵ᭞ᬭᬶᬂᬧᬗᬬᬄ᭞ᬯᬘᬦᬦᬾᬳᬮᬸᬲ᭄ᬫᬦᬶᬲ᭄᭞ᬦᬄᬧᬗᬬᬳᬾᬫᬓ᭄ᬚᬂ᭟᭜᭟ᬓ᭄ᬫᬳᬶᬩᬧᬤᬵᬫᬗᬮᬶᬳᬶᬦ᭄᭞ᬤᬶᬧᬲᭂᬧ᭄ᬮ᭠
ᬦ᭄᭞ᬲᬶᬜᬳᬤᬵᬳᬶᬮᬂ᭞ᬳᬶᬧᬶᬬᬦ᭄ᬳᬶᬭᬦᬾᬚ᭄ᬮᬾ᭞ᬧᬗᬬᬳᬾᬧᬕ᭄ᬭᬸᬩᬸᬕ᭄᭞ᬫᬦᬢᬩᬶᬦ᭄ᬩᬮᬾᬦᬾᬲᬫᬶ᭞ᬲᬫ᭄ᬧᬸᬦ᭄ᬢᬶᬢ᭄ᬬᬂᬫᬦᬢᬩ᭄᭞ᬓᬭᬶᬢᬶᬍᬄᬭᬵᬢᬹ᭞ᬫᬦᬯᬶᬯᬾᬦ᭄ᬢᭂᬦ᭄ᬲᬾᬬᭀᬲᬦ᭄᭞ᬳᬶᬧᬸᬦ᭄ᬳᬶᬳᬶᬘᬮ᭄᭞ᬳᬲᬶᬂᬚᬕ᭄ᬚᬕᬶᬜᬲ᭄ᬧᬶ᭞ᬮᬯᬸᬢ᭄ᬬᬓᬧᬫᬺᬫᬦ᭄᭟᭜᭟ᬤᬶᬧᬫᬺᬫᬦ᭄ᬳᬶᬤᬦᬾᬢ᭄ᬯ

[᭖᭔ 64A]
᭖᭔
ᬦ᭄ᬤᬾᬯᬶ᭞ᬬᬳᬶᬗᭂᬫ᭄ᬩᬦ᭄᭞ᬮᬦ᭄ᬢᬲᬦ᭄ᬫᬕᬸᬬᬂ᭞ᬭᬤᬾᬦ᭄ᬤᬾᬯᬶᬳᬶᬘᬮ᭄ᬋᬓᬾ᭞ᬳᬶᬗᭂᬫ᭄ᬩᬲ᭄ᬭᬭᬶᬲ᭄ᬫᬵᬢᬹᬃ᭞ᬳᬶᬗ᭄ᬕᬶᬄᬧᬸᬢ᭄ᬭᬜ᭄ᬘᭀᬓᭀᬃᬳᬶᬕᬸᬲ᭄ᬢᬶ᭞ᬭᬳᬤᬾᬦ᭄ᬤᬾᬯᬶᬳᬶᬘᬮ᭄᭞ᬲᬂᬦᬵᬣᬢᭂᬗ᭄ᬓᭂᬚᬸᬢ᭄᭞ᬗᬦ᭄ᬤᬶᬓᬬᬾᬶᬸᬦᬶᬸᬜᬾᬦ᭄ᬜᬸᬯᬂᬳᬶᬬ᭞ᬳᬶᬄᬳᬶᬧᬢᬶᬄ᭞ᬓ᭄ᬫᬕ᭄ᬩᬸᬕ᭄ᬓᬸᬮ᭄ᬓᬸᬮᬾᬚᬦᬶ᭞ᬳᬶᬧᬢᬶᬄᬭ
ᬭᬶᬲ᭄ᬓᬚᬩ᭟᭜᭟ᬬᬳᬶᬲᬦ᭄ᬤᬢ᭄ᬚᬦᬶᬫᬦᬓᭀᬦᬶᬦ᭄᭞ᬳᬶᬓᬢ᭄ᬭᬗᬦ᭄᭞ᬭᬤᬾᬦ᭄ᬤᬾᬯᬶᬓᬶᬚ᭞ᬦᬶᬓᬢ᭄ᬭᬗᬦ᭄ᬧᬲᬯᬸᬢᬾ᭞ᬤᬵᬓᬸᬤᬵᬜᬳᬶᬕᬸᬬᬸ᭞ᬦᬾᬜᬫᬦᬾᬦᬸᬧᬤᬶᬤᬶ᭞ᬜᬾᬦ᭄ᬫᬗᬶᬭᬶᬂᬳᬶᬤᬵ᭞ᬳᬶᬲᬦ᭄ᬤᬢ᭄ᬫᬲᬯᬸᬢ᭄᭞ᬳ᭄ᬦᬾᬢᬾᬤ᭄ᬮᭀᬓᬶᬦ᭄ᬳᬾᬗ᭄ᬕᬮ᭄᭞ᬦᬶ
ᬓᬢ᭄ᬭᬗᬦ᭄᭞ᬫᬜᬕ᭄ᬚᬕ᭄ᬭᬭᬶᬲ᭄ᬦᭂᬮᭀᬓᬶᬦ᭄᭞ᬢ᭄ᬯᬶᬢ᭄ᬯᬭᬵᬤᬶᬢᬸᬳᬶᬤᬵ᭟᭜᭟ᬭᬭᬶᬲ᭄ᬓᬳᬢᬹᬃᬭᬶᬂᬧ᭄ᬭᬫᬶᬲ᭄ᬯᬭᬶ᭞ᬮᬗ᭄ᬓᬸᬂᬓᬕ᭄ᬬᬢ᭄᭞ᬓᬾᬦ᭄ᬓᬾᬦ᭄ᬲᬶᬓᬦ᭄ᬤᬵᬜ᭞ᬳᬶᬭᬵᬦᬾᬚᬦᬶᬫᬢᬓᭀᬦ᭄᭞ᬦᬶᬲᬦ᭄ᬤᬵᬢ᭄ᬭᬭᬶᬲ᭄ᬫᬵᬢᬹᬃ᭞ᬢᬶᬢ᭄ᬬᬂᬤᬯᭂᬕ᭄ᬫᬳᬢᬹᬃᬲᬶᬲᬶᬧ᭄᭞ᬳᬭᬸᬄᬫᬢᬶᬓᭀᬢᬶᬢ᭄ᬬᬂ᭞
ᬦᬶᬲᬦ᭄ᬤᬢ᭄ᬫᬗᬸᬮᬸᬢ᭄᭞ᬫᬗ᭄ᬮᬶᬂᬫᬲᬲᬫ᭄ᬩᬢᬦ᭄᭞ᬓᬢᬸᬗ᭄ᬕᬮᬶᬦ᭄᭞ᬢᬦᬶᬩᬕ᭄ᬬᬦᬾᬦᬸᬫᬤᬶ᭞ᬢᬸᬫ᭄ᬩᬸᬄᬫᬦᬤᬶᬚᬤ᭄ᬫᬵ᭟᭜᭟ᬧᬸᬗ᭄ᬕᬯᬦᬾᬓᬕ᭄ᬬᬢ᭄ᬫᬵᬢᬹᬃᬲᬫᬶ᭞ᬳᬦ᭄ᬢᬸᬓ᭄ᬦᬧᬶ᭞ᬓᬸᬮ᭄ᬓᬸᬮᬾᬧᬤᬾᬂᬤᬂ᭞ᬓᬯᬸᬮᬦᬾᬧᬤᬵᬕᬾᬕᬾᬃ᭞ᬳᬶᬧᬢᬶᬄᬕ᭄ᬮᬶᬲ᭄ᬫᬵᬢᬹᬃ᭞ᬭᬤᬾᬦ᭄ᬕᬮᬸᬄ [ 65 ][᭖᭔ 64B]
᭖᭔
ᬳᬶᬮᬂᬤᬶᬧᬸᬭᬶ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬬᬂ᭞ᬚᬦᬶᬦᬩᬸᬄᬓᬸᬮ᭄ᬓᬸᬮ᭄᭞ᬩᬶᬮᬂᬩᬜ᭄ᬚᬃᬫᬯᬸᬭᬳᬦ᭄᭞ᬳᬭᬦ᭄ᬢᬩᬦ᭄᭞ᬫᬸᬯᬸᬕ᭄ᬫᬢᬸᬮᬸᬯᬦ᭄ᬲᬫᬶ᭞ᬧᬤᬵᬢ᭄ᬓᬵᬫᬜᬕ᭄ᬚᬕ᭄᭟᭜᭟᭛ᬤᬹᬃᬫ᭄ᬫᬵ᭛᭟ᬚᬦᬶᬧᬜ᭄ᬚᬓᬾᬮ᭄ᬬᬸᬧᬤᬵᬢ᭄ᬓᬵ᭞ᬗᬦ᭄ᬤᬶᬓᬵᬰ᭄ᬭᬶᬧᬶᬸᬪᬹᬧᬢᬶ᭞ᬭᬶᬂᬧᬋᬓ
ᬦ᭄ᬭᭀᬩᬦ᭄᭞ᬦᬄᬓ᭄ᬫᬳᬶᬩᬮᬸᬯᬲ᭄᭞ᬳᭂᬦ᭄ᬢᭀᬚᬭᬦᬾᬢ᭄ᬕᬓᬶᬦ᭄᭞ᬓᬧᬮᬭᬚ᭞ᬫᬵᬢᬹᬃᬭᬶᬂᬳᬶᬫᬦ᭄ᬢ᭄ᬭᬶ᭟᭜᭟ᬓ᭄ᬫᬢᭀᬚᬳᬶᬩ᭠ᬚᬦᬶᬳᬢᬹᬭᬂ᭞ᬢ᭄ᬓᬾᬳᬶᬬᬫ᭄ᬩᬃᬓᬯᬶ᭞ᬭᬤᬾᬦ᭄ᬤᬾᬯᬶᬳᬶᬮᬂ᭞ᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬳᭀᬭᬳᬂᬚᬫᬸᬜᬶᬦ᭄ᬓᬳᬶ᭞ᬤᬶᬢᬸᬤᬃᬢ᭄ᬣᬬᬂ᭞ᬢᬶᬗ᭄ᬓᬳᬾᬇᬮᬂ
ᬯ᭄ᬗᬶ᭟᭜᭟ᬓᭀᬭᬶᬳ᭄ᬦᬸᬫᬓᬜ᭄ᬘᬶᬂᬢ᭄ᬯᬭᬫᬩᬸᬓᬓ᭄᭞ᬓᬾᬢᭀᬤᬃᬢ᭄ᬣᬬᬂᬲᬫᬶ᭞ᬢᬾᬢᬾᬳᬂᬓᬦ᭄ᬤᬬᬂ᭞ᬧᬂᬤᬵᬬᬵᬲ᭄ᬮᬂᬤᬶᬫᬦᬄ᭞ᬳᬶᬯᬂᬢᬫ᭄ᬧᬶᬢ᭄ᬓᬾᬦ᭄ᬓᬳᬶ᭞ᬫ᭄ᬯᬄᬭᬶᬂᬳᬶᬧᬄᬜ᭞ᬲᬹᬃᬬ᭄ᬬᬓᬸᬲᬸᬫᬤᬶᬦᬶ᭟᭜᭟ᬳᬧᬂᬳᬶᬬᬚᬦᬶᬫᬸᬮᬶᬄᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬳᭀᬭᬳᬂᬫᬸᬜᬶᬦ᭄ᬓᬳᬶ᭞ᬳᬸᬢᬸ᭠
ᬲᬦᬾᬜᬸᬫ᭄ᬩᬄ᭞ᬭᬭᬶᬲ᭄ᬫᬜᬧ᭄ᬭᬾᬓ᭄ᬚᬭᬦ᭄᭞ᬫᬜᭂᬩᬾᬭᬶᬦ᭄ᬩᬜ᭄ᬘᭂᬫᭂᬢᬶ᭞ᬭᬭᬶᬲ᭄ᬫᬦ᭄ᬕᬃ᭞ᬧᭂᬮᬳᬶᬩᬾᬓᬤᬶᬳᬗᬶᬦ᭄᭟᭜᭟ᬤᬾᬦᬶᬂᬢᬶᬗ᭄ᬮᬶᬲ᭄ᬓᬸᬮ᭄ᬓᬸᬮᬾᬓᬧᬮᬭᬚ᭞ᬳᬾᬮᬶᬂᬳᬶᬬᬫ᭄ᬩᬃᬓᬯᬶ᭞ᬪᬵᬬᬳᬧᬳᬤᬵ᭞ᬲᬗ᭄ᬓᬦ᭄ᬓᬸᬮ᭄ᬓᬸᬮ᭄ᬫᬲ᭄ᬯᬭᬵ᭞ᬫᬵᬢᬹᬃᬭᬓ᭄ᬭᬶᬬᬦᬧᬢᬶᬄ᭞ᬢᬶᬢ᭄ᬬᬂᬫᬫᬶ

[᭖᭕ 65A]
᭖᭕
ᬦ᭄ᬤᬄ᭞ᬦᬸᬦᬲ᭄ᬓᬾᬫᬦ᭄ᬢᬸᬓ᭄ᬕᭂᬮᬶᬲ᭄᭟᭜᭟ᬰ᭄ᬭᬶᬦᬭᬾᬡ᭄ᬥ᭄ᬭᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓ᭞ᬓ᭄ᬫᬵᬳᬾᬗ᭄ᬕᬮᬂᬧᬢᬶᬄ᭞ᬭᭀᬩᬦᬾᬚᬮᬦᬂ᭞ᬳᬧᬂᬫᬚᬚᬭᬦᬦ᭄᭞ᬫᬗ᭄ᬤᬾᬜᬦᬾᬢ᭄ᬓᬵᬕ᭄ᬮᬶᬲ᭄᭞ᬢᬸᬦ᭄ᬤᬾᬦ᭄ᬦᬢᬲᬂ᭞ᬧᬂᬲ᭄ᬓᭂᬦᬗᬕᬢᬶ᭟᭜᭟ᬲᬶᬭᬵᬧᬢᬶᬄᬭᬭᬶᬲ᭄ᬜᬮᬦᬂᬳᬸᬢᬸᬲᬦ᭄᭞ᬭᭀᬩᬦ᭄ᬲ
ᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬫᬦ᭄ᬕᬓᬶᬜ᭄ᬚᬭᬦ᭄᭞ᬢᬦ᭄ᬓᭀᬘᬧᬤᬶᬚᬮᬦ᭄᭞ᬢᬸᬫᬸᬮᬶᬧᬗ᭄ᬕᬶᬄᬭᬶᬂᬫᬃᬕ᭄ᬕᬶ᭞ᬧᬤᬵᬳᬸᬢᬸᬲ᭄᭞ᬭᬭᬶᬲ᭄ᬫᬢᬓᭀᬦ᭄ᬕᭂᬮᬶᬲ᭄᭟᭜᭟ᬦᬾᬓᭀᬘᬳᬶᬳᬸᬢᬸᬲᬦ᭄ᬳᬸᬮᬶᬤᬶᬚᬳᬵ᭞ᬳᬸᬢᬸᬲᬦᬾᬜᬯᬹᬭᬶᬦ᭄᭞ᬲᬓᬶᬂᬓᬶᬦ᭄ᬢᬵᬯᬦᬵ᭞ᬳᬸᬢᬸᬲᬦᬾᬲᬂᬦᬵᬣ᭞ᬦᬸᬯᬹᬃᬭ
ᬤᬾᬦ᭄ᬳᬫ᭄ᬩᬃᬓᬯᬶ᭞ᬳᬶᬤᬵᬓᭂᬲᬾᬗᬦ᭄᭞ᬧᬂᬳᬶᬤᬵᬫᬦ᭄ᬢᬸᬓ᭄ᬕᭂᬮᬶᬲ᭄᭟᭜᭟ᬤᬾᬦᬶᬂᬳᬶᬤᬵᬭᬤᬾᬦ᭄ᬤᬾᬯᬶᬳᬶᬤᬵᬳᬶᬘᬮ᭄᭞ᬳᬶᬘ᭠ᬮᬾᬳᬶᬩᬶᬯ᭄ᬗᬶ᭞ᬲᬂᬦᬵᬣᬓᬾᬯᭂᬳᬦ᭄᭞ᬦᬾᬫᬗ᭄ᬓᬶᬦ᭄ᬫᬗ᭄ᬭᬯᭀᬲᬂ᭞ᬩᬦ᭄ᬢᬶᬗ᭄ᬓᬳᬾᬳᬶᬘᬮ᭄ᬯᭂᬗᬶ᭞ᬓᭀᬭᬶᬦᬾᬲᬫ᭄ᬬᬦ᭄᭞ᬓᬭᬶᬧᬤᬵᬫᬓᬜ᭄ᬘᬶᬂ᭟᭜᭟
ᬳᬸᬢᬸᬲᬦᬾᬲᬓᬶᬂᬧᬮᬭᬚᬢᬸᬮᬓ᭄᭞ᬭᬭᬶᬲᬋᬂᬫᬫᬃᬕ᭄ᬕᬶ᭞ᬢ᭄ᬓᬾᬦᬶᬂᬳᬸᬢᬸᬲᬦ᭄᭞ᬦᬾᬲᬓᬶᬂᬧᬮᬭᬚ᭞ᬭᬯᬸᬄᬭᬶᬂᬩᬜ᭄ᬘᬶ᭠ᬗᬄᬫᬗ᭄ᬓᬶᬦ᭄᭞ᬭᬭᬶᬲ᭄ᬫᬜᬸᬫ᭄ᬩᬄ᭞ᬫᬵᬢᬹᬃᬦᬃᬢ᭄ᬣᬬᬂᬲᬫᬶ᭟᭜᭟ᬳᬸᬢᬸᬲᬦᬾᬦᬾᬦᬾᬲᬓᬶᬂᬓᬶᬦ᭄ᬢᬵᬯᬦᬵ᭞ᬧᬋᬓ᭄ᬭᬶᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬭᬭᬶᬲ᭄ᬫᬗᬢᬹᬭᬂ᭞ᬳ [ 66 ][᭖᭕ 65B]
᭖᭕
ᬦ᭄ᬢᬸᬓ᭄ᬭᬳᬶᬦᬾᬳᬶᬘᬮ᭄᭞ᬭᬶᬂᬲᬢᬶᬗ᭄ᬓᬄᬳᬸᬭᬄᬳᬭᬶᬄ᭞ᬯᬸᬲ᭄ᬓᬤᬃᬢ᭄ᬣᬬᬂ᭞ᬓᬵᬢᬹᬃᬭᬶᬂᬭᬤᬾᬦ᭄ᬫᬦ᭄ᬢ᭄ᬭᬶ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬸᬯᬾᬫ᭄ᬦᭂᬂᬓᬫᭂᬫᭂᬕᬦ᭄᭞ᬳᬾᬫᭂᬂᬲᬚ᭄ᬭᭀᬦᬶᬂᬗᬵᬢᬶ᭞ᬭᬭᬶᬲ᭄ᬳᬶᬤᬵᬦᭂᬫ᭄ᬩᬄ᭞ᬫᬳᬢᬹᬃᬭᬶᬂᬲᬂᬦᬵᬣ᭞ᬢᬶᬢ᭄ᬬᬂᬦᬸᬦᬲ᭄ᬧᬫᬶᬢ᭄ᬫᬗ᭄ᬓᬶᬦ᭄᭞ᬲᬃᬯ᭄ᬯᬶᬫᬜᬸᬫ᭄ᬩᬄ᭞ᬩᬗᬸᬦ᭄ᬭᬭᬶᬲ᭄ᬫᬫᬃᬕ᭄ᬕᬶ᭟᭜
᭟ᬭᬭᬶᬲ᭄ᬢᭂᬤᬸᬦᬦ᭄ᬳᬶᬤᬵᬲᬓᬶᬂᬩᬜ᭄ᬘᬶᬗᬄ᭞ᬲᬃᬯ᭄ᬯᬶᬗᬦ᭄ᬤᬶᬓᬕ᭄ᬮᬶᬲ᭄᭞ᬗᬫ᭄ᬩᬶᬮ᭄ᬧᬮᬶᬗ᭄ᬕᬶᬳᬦ᭄᭞ᬓᬸᬤᬵᬦᬾᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬮᬶᬗ᭄ᬕᬶᬳᬶᬦ᭄᭞ᬕᬜ᭄ᬘᬂᬫᬦᭂᬕᬃ᭞ᬓᭀᬘᬧᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟᭜᭟ᬲᬭᬯᬸᬳᬾᬧᬋᬓ᭄ᬭᬶᬂᬳᬶᬤᬵᬲᬂᬦᬵᬣ᭞ᬗᬦ᭄ᬤᬶᬓᬰ᭄ᬭᬶᬪᬹᬧᬢᬶ᭞ᬤᬸᬄᬤᬾᬯᬦ᭄ᬳᬶᬩᬧᬵ᭞ᬧᬶᬋᬗᬂᬳᬸ
ᬕᬶᬤᬾᬯ᭞ᬳᬶᬩᬶᬲᬜ᭄ᬚᬩᬧᬵᬗᬶᬧᬶ᭞ᬓᬾᬮᬗᬦ᭄ᬳᭂᬫᬲ᭄᭞ᬓᬲ᭄ᬯᬾᬦ᭄‌ᬫᬲᬶᬄᬩ᭄ᬯᬶᬦ᭄ᬫᬸᬮᬶᬄ᭟᭜᭟ᬮᬦ᭄ᬢᬲ᭄ᬤᬤᬶᬩᬸᬗ᭄ᬓᬸᬂᬬᬫᬲᭀᬘᬫᬶᬭᬄ᭞ᬓᬾᬦᬾᬢ᭄ᬫᬸᬜᬚᬦᬶ᭞ᬳᬶᬳᬬᬸᬬᬳᬶᬮᬂ᭞ᬬᬫ᭄ᬩᬃᬓᬯᬶᬫᬢᬸᬭ᭞ᬓᬮᬶᬗᬦᬾᬯᬦ᭄ᬢᬄᬯᬶᬥᬶ᭞ᬫᬶᬤᬦ᭄ᬤᬵᬢᬶᬢ᭄ᬬᬂ᭞ᬫ᭄ᬯᬄᬳᬶᬤᬵᬕᬸᬭᬸᬳᬚᬶ᭟᭜᭟ᬰ᭄ᬭᬶᬦ
ᬭᬾᬦ᭄ᬥ᭄ᬭᬢᬸᬫᬸᬮᬶᬭᬭᬶᬲ᭄ᬗᬦ᭄ᬤᬶᬓᬵ᭞ᬧᬜ᭄ᬚᬓ᭄ᬘᬳᬶᬦᬾᬲᬫᬶ᭞ᬢᬸᬦ᭄ᬤᬾᬦ᭄ᬩᬧᬵᬮᬸᬯᬲ᭄᭞ᬦᬾᬚᬦᬶᬗᬮᬶᬄᬳᬶᬬ᭞ᬧᬤᬵᬲᬳᬲᬶᬓᭂᬧ᭄ᬲᬫᬶ᭞ᬤᬶᬩᬶᬮᬂᬤᬾᬰᬵ᭞ᬢᬸᬦ᭄ᬤᬾᬦ᭄ᬩᬧᬵᬜᬓ᭄ᬱᬓᬶᬦ᭄᭟᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬭᬭᬶᬲ᭄ᬫᬵᬢᬹᬃᬲᭂᬫ᭄ᬩᬄ᭞ᬖᬸᬭᬸᬢᬶᬢ᭄ᬬᬂᬫᬧᬫᬶᬢ᭄᭞ᬲᬂᬦᬵᬣᬗᬦ᭄ᬤᬶᬓᬵ᭞ᬳᬶ

[᭖᭖ 66A]
᭖᭖
ᬤᬾᬯᬵᬚᬕᬓᬶᬚ᭞ᬜᬾᬦ᭄ᬳᬚᬓ᭄ᬳᬶᬤᬾᬯᬗᬮᬶᬄ᭞ᬧᬜ᭄ᬚᬓ᭄ᬳᭀᬜᬮ᭄ᬯᬲ᭄᭞ᬢᬸᬦ᭄ᬤᬾᬦ᭄ᬩᬧᬵᬫᬗᬮᬶᬄ᭟᭜᭟ᬤᬾᬦᬶᬂᬚᬦᬶᬳᬤᬶᬭᬶᬢ᭄ᬯ᭠ᬭᬵᬤᬵᬚᬸᬫᬄ᭞ᬲᬸᬩᬵᬮᬸᬯᬲ᭄ᬫᬗᬮᬶᬄ᭞ᬬᬫ᭄ᬩᬃᬓᬯᬶᬗᬸᬘᬧ᭄᭞ᬩᬗ᭄ᬕᬬᬂᬖᬸᬭᬸᬢᬶᬢ᭄ᬬᬂ᭞ᬫᬦᬾᬯᬾᬓ᭄ᬢᬶᬢ᭄ᬬᬂᬫᬗᬮᬶᬄ᭞ᬲᬂᬦᬵᬣᬦᬵᬩ᭄ᬤ᭞ᬤᬵᬕᬸᬲ᭄ᬢᬶᬮᬸ᭠
ᬯᬲ᭄ᬗᬮᬶᬄ᭟᭜᭟ᬳᭂᬦ᭄ᬤᬾᬦ᭄ᬫᬮᬸᬓᬸᬫᬜ᭄ᬘᬗᬧᬤᬵᬢ᭄ᬓᬵ᭞ᬧᬜ᭄ᬚᬓᬾᬮ᭄ᬯᬲ᭄ᬫᬗᬮᬶᬄ᭞ᬲᬶᬜᬳᬤᬵᬱᬺᬧ᭞ᬳᭂᬦ᭄ᬢᭀᬜᬾᬦ᭄ᬳᬚᬓ᭄ᬩᬧᬵ᭞ᬫᬗ᭄ᬭᬯᭀᬲᬶᬦ᭄ᬳᬶᬬᬤᬶᬦᬶ᭞ᬤᭀᬂᬩᭀᬗᭀᬓ᭄ᬩᬧᬵ᭞ᬢ᭄ᬯᬭᬵᬳᬤᬫᬋᬗᬶᬦ᭄᭟᭜᭟ᬳᬶᬬᬫ᭄ᬩᬃᬓᬯᬶᬮᬶᬦ᭄ᬢᬂᬳᭀᬲᭂᬓᬶᬂᬫᬦᬄ᭞ᬢᬶᬢ᭄ᬬᬂᬦᬸᬦᬲ᭄ᬫᬧᬫᬶᬢ᭄
᭞ᬫᬗ᭄ᬓᬶᬦ᭄ᬧᬘᬂᬮᬸᬗᬵ᭞ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬫᬦᬸᬢᬸᬕ᭄ᬳᬸᬮᬶᬤᬶᬤᬸᬭᬶ᭞ᬳᬶᬤᬵᬲᬂᬦᬵᬣ᭞ᬮᬗ᭄ᬓᬸᬂᬳᬾᬫᭂᬂᬤᬶᬳᬢᬶ᭟᭜᭟ᬭᬭᬶᬲ᭄ᬓᬦ᭄ᬢᬸᬦᬶᬸᬰ᭄ᬭᬶᬦᬭᬾᬡ᭄ᬥ᭄ᬭᬤᬶᬩᬜ᭄ᬘᬶᬗᬄ᭞ᬢ᭄ᬯᬭᬵᬫᬾᬮᬶᬂᬫᬾᬮᬶᬂ᭞ᬚᬦᬶᬳᬶᬧᬋᬓᬦ᭄᭞ᬢᭂᬗ᭄ᬓᭂᬚᬸᬢ᭄ᬧᬤᬕᬾᬯᬃ᭞ᬮᬦ᭄ᬢᬲ᭄ᬬᬫᬮᬳᬶᬩ᭄ᬓᬧᬸᬭᬶ᭞ᬕ᭄ᬮᬶᬲ᭄ᬗᬢᬹᬭᬂ᭞
ᬭᬶᬂᬳᬶᬤᬵᬧ᭄ᬭᬫᬶᬰ᭄ᬯᬭᬶ᭟᭜᭟ᬳᬶᬗ᭄ᬕᬶᬄᬭᬓᬜ᭄ᬘᭀᬓᭀᬃᬭᬵᬢᬹᬭᬶᬂᬩᬜ᭄ᬘᬶᬗᬄ᭞ᬳᬶᬤᬵᬓᬦ᭄ᬢᬸᬦᬾᬫᬗ᭄ᬓᬶᬦ᭄᭞ᬢᬦ᭄ᬫᬾᬮᬶᬂᬭᬕᬵ᭞ᬰ᭄ᬭᬶᬧ᭄ᬭᬫᬶᬲ᭄ᬯᬭᬶᬓᬕ᭄ᬬᬢ᭄᭞ᬭᬭᬶᬲ᭄ᬳᬶᬤᬵᬫᬗᭂᬲᬾᬗᬶᬦ᭄᭞ᬧᬗᬬᬄᬲᬫ᭄ᬬᬦ᭄᭞ᬚᬮᬦ᭄ᬓᭂᬚᬩᬚᬦᬶ᭟᭜᭟ᬢᬦᬸᬘᬧᭂᬦ᭄ᬲᬂᬦᬵᬣᬲᬵᬫ᭄ᬧᬸᬦ᭄ᬤᬶᬧᬸᬭᬵ᭞ᬓᭀ [ 67 ][᭖᭖ 66B]
᭖᭖
ᬘᬧ᭄ᬳᬶᬬᬫ᭄ᬩᬃᬓᬯᬶ᭞ᬧᬫᬃᬕ᭄ᬕᬶᬦᬾᬕᬗ᭄ᬲᬃ᭞ᬫᬗᬸᬗ᭄ᬲᬶᬯᬦᬵᬧᬸᬭᬶ᭞ᬲᬹᬃᬬ᭄ᬬᬓᬸᬲᬸᬫᬜᬋᬗᬶᬦ᭄᭞ᬗᬶᬂᬤᬶᬧᬸᬗ᭄ᬓᬸᬭᬦ᭄᭞ᬜᬭᬸᬳᬶᬤᬵᬫᬫᬃ᭠ᬕ᭄ᬕᬶ᭟᭜᭟ᬲᬵᬫ᭄ᬧᬸᬦ᭄ᬳᭂᬤᭀᬄᬧᬫᬃᬕ᭄ᬕᬶᬦᬾᬫᬜ᭄ᬚᬶᬂᬳᬮᬲ᭄᭞ᬳᬮᬲ᭄ᬤᬶᬯᬦᬵᬧᬸᬭᬶ᭞ᬗᬶᬂᬢ᭄ᬯᬭᬵᬓᬢᬯᬂ᭞ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬫᬦᬸᬢᬸᬕ᭄ᬳᬸᬮᬶᬤᬶᬤᬸᬭᬶ᭞ᬳ
ᬤᬾᬂᬳᬤᬾᬗᬦ᭄᭞ᬳᬗᬶᬂᬳᬤᭀᬄᬤᬶᬤᬸᬭᬶ᭟᭜᭟ᬲᬗ᭄ᬓᬦ᭄ᬜᬦᬾᬦᬸᬢᬸᬕ᭄ᬲᬓᬶᬂᬓᬧᬶᬢᬺᬱ᭄ᬡᬦ᭄᭞ᬢ᭄ᬓᬾᬦ᭄ᬳᬶᬬᬫ᭄ᬩᬃᬓᬯᬶ᭞ᬫᬶᬯᬄᬢ᭄ᬓᬾᬦ᭄ᬜᬫ᭞ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬲᬗ᭄ᬓᬦ᭄ᬤᬦᬾᬦᬸᬗᭂᬤᭀᬄᬳᬶᬦ᭄᭞ᬢᬓᬸᬢ᭄ᬢᬯᬗ᭞ᬩᬳᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬵᬭᬭᬶᬲ᭄ᬫᬭᬃᬬ᭄ᬬᬦ᭄᭞ᬤᬦᬯ
ᬭᬚᬧᬗ᭄ᬕᬶᬄ᭞ᬭᬭᬶᬲ᭄ᬳᬶᬧᬸᬦ᭄ᬫᬗ᭄ᬭᬓ᭄᭞ᬍᬕᬜᬦᬾᬓᬮᬶᬦ᭄ᬢᬂ᭞ᬫᬤᬦᬾᬂᬓ᭄ᬮᬾᬂᬫᬗᬶᬕᭂᬮᬶᬦ᭄᭞ᬮᬦ᭄ᬢᬲ᭄ᬫᬤᬶᬂᬓ᭄ᬮᬂ᭞ᬲᬫ᭄ᬩᬶᬮᬗᭂᬭᬓ᭄ᬗᭂᬭᬶᬓ᭄᭟᭜᭟ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬗᭂᬫ᭄ᬩᬸᬲ᭄ᬓᬤᬸᬢᬦ᭄᭞ᬫᬸᬤᭂᬃᬳᬸᬤᭂᬭᬜ᭄ᬚᬦᬶ᭞ᬳᬶᬤᬦᬯᬵᬭᬚᬵ᭞ᬍᬕᬦ᭄ᬜᬦᬾᬓᬮᬶᬦ᭄ᬢᬂ᭞ᬫᬤᬤᬾᬂᬗᬾᬶᬸᬓ᭄ᬮᬂᬫᬗᬶᬕᭂᬮᬶᬦ᭄᭞ᬮᬦ᭄ᬢᬲ᭄ᬫ
ᬜᬭᬧ᭄᭞ᬫᬩ᭄ᬭᬶᬬᬸᬓ᭄ᬓᬢ᭄ᬩᭂᬓᬶᬦ᭄᭟᭜᭟ᬓ᭄ᬦᬵᬢᬗ᭄ᬓᬄᬜᬦᬾᬕ᭄ᬢᬶᬄᬳᬾᬫᬸᬮᬓᬦ᭄᭞ᬳᭂᬩᬄᬮᬦ᭄ᬢᬲ᭄ᬫᬜᭂᬭᬶᬢ᭄᭞ᬫᬦᬕᬶᬄᬢᬸᬮᬸᬗᬦ᭄᭞ᬫᬸᬜᬶᬗᭂᬩᭂᬓᬶᬦ᭄ᬳᬮᬲ᭄᭞ᬢᬗ᭄ᬓᭂᬚᬸᬢ᭄ᬳᬶᬬᬫ᭄ᬩᬃᬓᬯᬶ᭞ᬭᬭᬶᬲ᭄ᬫᬗᬸᬘᬧ᭄᭞ᬳᬧᬂᬲᬶᬄᬩᬳᬸᬜᭂᬭᬶᬢ᭄᭟᭜᭟ᬲᬕᬾᬢ᭄ᬗᭂᬦᬄᬭᬳᬤᬾᬦ᭄ᬲᬸᬃᬬ᭄ᬬᬓᬸᬲᬸᬫ᭞ᬲᬂ

[᭖᭗ 67A]
᭖᭗
ᬤᬦᬯᬭᬚᬕ᭄ᬮᬶᬲ᭄᭞ᬫᬜᬕ᭄ᬚᬕ᭄ᬗᬸᬮᬳᬂ᭞ᬬᬫ᭄ᬩᬃᬓᬯᬶᬗᬦ᭄ᬤᭂᬕᬂ᭞ᬫᬜᬕ᭄ᬚᬕ᭄ᬲᬃᬯ᭄ᬯᬶᬫᬫᬸᬜᬶ᭞ᬫᬫᬦ᭄ᬤᬦᬯᬵ᭞ᬦᬾᬳᬶᬬᬜᬫᬦ᭄ᬓ᭠ᬳᬶ᭟᭜᭟ᬲᬂᬤᬦᬯᬵᬭᬚᬮᬦ᭄ᬢᬲ᭄ᬫᬢᭀᬮᬶᬳᬦ᭄᭞ᬕ᭄ᬮᬶᬲ᭄ᬳᬶᬬᬫ᭄ᬩᬃᬓᬯᬶ᭞ᬦᭂᬲᭂᬓ᭄ᬦᭂᬓᭂᬧ᭄ᬢᬗ᭄ᬓᬄ᭞ᬢᬢᬸᬦᬾᬳᬶᬤᬦᬯᬵ᭞ᬲᬃᬯ᭄ᬯᬶᬫᬗᬦ᭄ᬤᬶᬓᬕ᭄ᬮᬶᬲ᭄᭞ᬲᬹᬃᬬ᭄ᬬᬓᬸ᭠
ᬲᬸᬫ᭞ᬦᬄᬫᬦ᭄ᬤᭂᬕ᭄ᬫᬮᬸᬳᬤᬶ᭟᭜᭟ᬲᬂᬤᬦᬯᬵᬭᬚᬭᬭᬶᬲ᭄ᬫᬵᬢᬹᬃᬜᬸᬫ᭄ᬩᬄ᭞ᬤᬸᬄᬫᬢᬶᬢᬶᬢ᭄ᬬᬂᬕᬸᬲ᭄ᬢᬶ᭞ᬕ᭄ᬢᬶᬄᬜᬦᬾᬫᬸᬜ᭄ᬘᬃ᭞ᬗᭂᬘᭀᬃᬓᬤᬶᬧᬜ᭄ᬘᭀᬭᬦ᭄᭞ᬭᬭᬶᬲ᭄ᬕᭂᬮᬶᬲ᭄ᬳᬶᬬᬫ᭄ᬩᬃᬓᬯᬶ᭞ᬦᬸᬮᬸᬗᬶᬦ᭄ᬳᬾᬗ᭄ᬕᬮ᭄᭞ᬮᬦ᭄ᬢᬲ᭄ᬫᭂᬲᬸᬯᬂᬍᬗᬶᬲ᭄᭟᭜᭟ᬲᬵᬫ᭄ᬧᬸᬦ᭄ᬫᭂᬤᬮ᭄ᬲᬓᬶᬂᬘᬘᬸᬧᬸᬦᬾᬳᬾᬗ᭄ᬕᬮ᭄᭞ᬢᬸᬫᬸᬮᬶᬓ
ᬢᬫ᭄ᬩᬦᬶᬦ᭄᭞ᬯᬮᬸᬬᬯᬸᬲ᭄ᬯᬭᬲ᭄᭞ᬲ᭄ᬕᭂᬃᬓᬤᬶᬦᬾᬓᬸᬦᬵ᭞ᬳᬶᬬᬫ᭄ᬩᬃᬓᬯᬶᬫᬫᬸᬜᬶ᭞ᬲᬹᬃᬬ᭄ᬬᬓᬸᬲᬸᬫ᭞ᬫᬗᬸᬤᬵᬦᬸᬢᬸᬕ᭄ᬫᬳᬶ᭟᭜᭟ᬤᬤᬶᬢ᭄ᬯᬭᬵᬩᬶᬱᬫᬢᬸᬢᬸᬭᬦ᭄᭞ᬲᬹᬃᬬ᭄ᬬᬓᬸᬲᬸᬫᬳᬗ᭄ᬮᬶᬂ᭞ᬬᬾᬦ᭄ᬭᬶᬂᬫᬦᬄᬢᬶᬢ᭄ᬬᬂ᭞ᬬᬾᬦ᭄ᬢᬶᬢ᭄ᬬᬂᬫᬢᬸᬢᬸᬭᬦ᭄᭞ᬩᭀᬬᬦᬸᬕᬶᬩ᭄ᬮᬶᬗᬶᬘᬦᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬮᬸ
ᬯᬲ᭄᭞ᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭟᭜᭟ᬲᬗ᭄ᬓᬦ᭄ᬓᬾᬦᬾᬫᬲ᭄ᬬᬢ᭄ᬫᬮᬯᬦ᭄ᬭᭀᬯᬂ᭞ᬲᬾᬧᬦ᭄ᬩᭂᬮᬶᬜᬕ᭄ᬚᬚᬶᬸᬕᬶᬦ᭄᭞ᬳᬧᬂᬳᬤᬶᬓᭀᬯᬢ᭄᭞ᬤᬶᬦᬶᬗ᭄ᬮᬯᬦ᭄ᬭᬓ᭄ᬱᬲᬵ᭞ᬳᭂᬦ᭄ᬢᭀᬦᬾᬚᬦᬶᬯᬶᬮᬗᬶᬦ᭄᭞ᬲᬬᬦ᭄ᬮᬶᬬᬸᬢ᭄ᬓᬵ᭞ᬭᭀᬯᬂᬜᬦᬾᬜᬕ᭄ᬚᬕᬶᬦ᭄᭟᭜᭟ᬤᬾᬦᬶᬂᬳᭂᬦ᭄ᬢᭀᬦᬾᬫᬢ᭠ [ 68 ][᭖᭗ 67B]
᭖᭗
ᬢᬸᬕᬸᬲ᭄ᬢᬶᬜ᭞ᬧᬜ᭄ᬚᬓ᭄ᬜᬦᬾᬜᬕ᭄ᬚᬕᬶᬦ᭄᭞ᬢ᭄ᬯᬭᬵᬧ᭄ᬕᬢ᭄ᬓᬵ᭞ᬲᬸᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬓᬢᬸᬚᬸᬲᬦ᭄ᬩᭂᬮᬶᬕ᭄ᬮᬶᬲ᭄᭞ᬫᬗᬮᬶᬄᬢᬶᬢ᭄ᬬᬂ᭞ᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭟᭜᭟ᬤᬤᬶᬳᬤᬵᬓ᭄ᬦᭂᬄᬘᬳᬶᬓᬧᬶᬢᬺᬱ᭄ᬡᬦ᭄᭞ᬫᬜᬫᬢ᭄ᬓᬾᬦ᭄ᬩᭂᬮᬶ᭞ᬚᬦᬶᬢᬾᬳᭀᬭᬳᬂ᭞ᬓ᭄ᬦᭂᬄᬘᬳᬶᬫᬜᬫ᭞ᬲᬹᬃᬬ᭄ᬬᬓᬸᬲᬸᬫᬜ
ᬯᬹᬭᬶᬦ᭄᭞ᬬᬾᬦ᭄ᬫᬦᬄᬢᬶᬢ᭄ᬬᬂ᭞ᬢ᭄ᬯᬭᬜᬦ᭄ᬤᬂᬕᬮᬶᬳᬶᬦ᭄᭟᭜᭟ᬫᬦᬄᬢᬶᬢ᭄ᬬᬂᬚ᭄ᬮᬾᬫ᭄ᬮᬄᬫᬓᬭᭀᬦᬦ᭄᭞ᬢᬶᬢ᭄ᬬᬂᬫᬗᬶᬭᬶᬂᬩ᭄ᬮᬶ᭞ᬦᬶᬓᬓ᭄ᬭᬡᬢᬶᬢ᭄ᬬᬂ᭞ᬫᬦᬸᬢᬸᬕ᭄ᬩᭂᬮᬶᬮᬸᬗᬵ᭞ᬬᬤᬶᬦ᭄ᬫᬢ᭄ᬫᬳᬦ᭄ᬫᬢᬶ᭞ᬯᬦ᭄ᬢᬄᬗᬶᬭᬶᬗᬂ᭞ᬍᬯᬶᬄᬢᬫᬗ᭄ᬕᬶᬄᬩ᭄ᬘᬶᬓ᭄᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬫᬮᬶᬄᬳᬗᬸᬘ
ᬧ᭄᭞ᬦᬄᬮᬫᬸᬦ᭄ᬓᭀᬢᭀᬳᬤᬶ᭞ᬚᬮᬦ᭄ᬳᬤᬶᬮᬸᬯᬲ᭄᭞ᬚᬦᬶᬲᬢᬶᬩᬧᬭᬦ᭄᭞ᬮᬫᬸᬜᬢ᭄ᬯᬭᬵᬓᬧᬗ᭄ᬕᬶᬄ᭞ᬤᬾᬯᬶᬓᭂᬜ᭄ᬘᬦᬵ᭞ᬩ᭄ᬮᬶᬢ᭄ᬯᬭᬵᬤᬫᬸᬮᬶᬄ᭟᭜᭟ᬚᬦᬶᬩ᭄ᬮᬶᬗᬦ᭄ᬢ᭄ᬬᬂᬫᬢᬹᬃᬭᬶᬂᬳᬶᬩᬧᬵ᭞ᬳᬶᬤᬵᬦᬾᬦᬸᬤᬸᬓ᭄ᬩᭂᬮᬶ᭞ᬲᬂᬗ᭄ᬳ᭄ᬬᬂᬳᬦ᭄ᬢᬵᬪᭀᬕ᭞ᬳᬧᬂᬳᬶᬤᬦᬾᬯᬶᬓᬦ᭄
᭞ᬲᬹᬃᬬ᭄ᬬᬓᬸᬲᬸᬫᬜᬢᬶᬸᬯᬹᬭᬶᬦ᭄᭞ᬦᬾᬫᬗ᭄ᬓᬶᬦ᭄ᬤᬶᬚ᭞ᬳᬶᬤᬦᬾᬦᬸᬤᬸᬓ᭄ᬩᭂᬮᬶ᭟᭜᭟ᬬᬫ᭄ᬩᬃᬓᬯᬶᬜᬯᬹᬭᬶᬦ᭄ᬳᬶᬤᬵᬤᬶᬳᬮᬲ᭄᭞ᬓᬾᬯᬮᬳᬶᬤᬵᬳᬸᬦᬶᬂ᭞ᬚᬦᬶᬭᬶᬂᬧᬤᬩ᭄ᬤᬩ᭄᭞ᬲᬂᬤᬦᬯᬵᬫᬵᬢᬹᬭ᭞ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬦᬧᬶᬕᬸᬲ᭄ᬢᬶ᭞ᬩᭀᬬᬦ᭄ᬤᬶᬓᬬᬂ᭞ᬜᬦ᭄ᬤᬂᬢᬶᬢ᭄ᬬᬂᬫᬫᬃᬕ᭄ᬕᬶ᭟

[᭖᭘ 68A]
᭖᭘
᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬭᬶᬂᬤᬦᬯᬵᬦᬾᬲᬫᬶ᭞ᬳᬧᬂᬫᬫᬦ᭄ᬦᬯᬂ᭞ᬚᬦᬶᬳᬶᬭᬵᬦᬸᬢᬸᬭᬂ᭞ᬧᬤᬶᬗᭂᬄᬳᬂᬳᬚᬓ᭄ᬱᬫᬶ᭞ᬧᬂᬫᬫᬦ᭄ᬦᬯᬂ᭞ᬭᬶᬂᬳᬶᬤᬵᬭᬤᬾᬦ᭄ᬤᬾᬯᬶ᭟᭜᭟ᬳᬶᬤᬵᬳᬶᬮᬂᬧ᭄ᬢᭂᬂᬗᬦᬾᬳᬶᬩᬶᬲᬜ᭄ᬚ᭞ᬓᬾᬫᭂᬂᬗᬶᬭᬵᬗ᭄ᬭᬱᬦᬶᬦ᭄᭞ᬩᬦ᭄ᬢᬶᬗ᭄ᬓᬳᬾᬳᬶᬮᬂ᭞ᬧ᭄ᬢᭂᬂᬳᬸᬮᬶ
ᬤᬶᬧᬸᬭᬵ᭞ᬓᭀᬭᬶᬦᬾᬳ᭄ᬦᬸᬫᬓᬜ᭄ᬘᬶᬂ᭞ᬤᬤᬶᬬᬳᬶᬮᬂ᭞ᬳᬶᬤᬵᬤᭀᬕᬾᬦ᭄ᬧᬤᬶᬤᬶ᭟᭜᭟ᬳᬶᬤᬦᬯᬵᬭᬚᬵᬭᬭᬶᬲ᭄ᬫᬵᬢᬹᬃᬲᭂᬫ᭄ᬩᬄ᭞᭠ᬳᬶᬗ᭄ᬕᬶᬄᬲᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦᬸᬦᬲᬂ᭞ᬓᬬᬸᬦ᭄‌ᬘᭀᬓᭀᬃᬳᬶᬤᬾᬯᬵ᭞ᬧᬗᬦ᭄ᬤᬶᬓᬬᬂᬦᬾᬫᬗ᭄ᬓᬶᬦ᭄᭞ᬳᬶᬬᬫ᭄ᬩᬃᬓᬯ᭄ᬬ᭞ᬭᬭᬶᬲ᭄ᬗᬦ᭄ᬤᬶᬓᬵᬮᬶᬄ᭟
᭜᭟ᬳ᭄ᬦᬄᬓᬾᬦᬾᬦᬾᬚᬦᬶᬫᬫᬦ᭄ᬤᬦᬯᬵ᭞ᬳᬚᬓ᭄ᬜᬫᬦᬾᬲᬫᬶ᭞ᬫᬫᬦ᭄ᬫᬜᭂᬋᬧᬂ᭞ᬗ᭄ᬭᬸᬭᬸᬄᬲᬚ᭄ᬭᭀᬦᬶᬂᬳᬮᬲ᭄᭞ᬲᬶᬜᬲᬕᬾᬢ᭄ᬳᭂᬦᬸᬤᬶᬦᬶ᭞ᬬᬫᬲᬗᬶᬤᬦ᭄᭞ᬳᭀᬜᬂᬤᬶᬦᬶᬲ᭄ᬮᬓ᭄ᬱᬓᬶᬦ᭄᭟᭜᭟ᬲᬂᬤᬦᬯᬵᬭᬭᬶᬲ᭄ᬫᬵᬢᬹᬃᬲᬃᬯ᭄ᬯᬶᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬧᬫᬶᬢ᭄᭞ᬮᬸᬗᬜᭂ
ᬋᬧᬂ᭞ᬳᬶᬭᬶᬓᬵᬚ᭄ᬭᭀᬦᬶᬳᬮᬲ᭄᭞ᬲᬭᭀᬯᬂᬢ᭄ᬬᬂᬗᬾᬲᬫᬶ᭞ᬧᬫᬶᬢᬂᬢᬶᬢ᭄ᬬᬂ᭞ᬲᬋᬂᬢᬶᬢ᭄ᬬᬂᬫᬗᬮᬶᬄ᭟᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬫᬮᬶᬄᬫᬗᬦ᭄ᬤᬶᬓᬵ᭞ᬳ᭄ᬦᬄᬓ᭄ᬫᬵᬫᬫᬃᬕ᭄ᬕᬶ᭞ᬚᬦᬶᬳᬚᬓ᭄ᬱᬫ᭄ᬬᬦ᭄᭞ᬳᬶᬤᬾᬢ᭄ᬬᬯᬸᬲ᭄ᬫᬫᬃᬕ᭄ᬕᬵ᭞ᬓᭀᬘᬧᬳᬶᬬᬫ᭄ᬩᬃᬓᬯᬶ᭞ᬫᬮᬶᬄᬗᬦ᭄ᬤᬶᬓ᭞ [ 69 ][᭖᭘ 68B]
᭖᭘
ᬳᬶᬲᬹᬃᬬ᭄ᬬᬓᬸᬲᬸᬫᬕ᭄ᬮᬶᬲ᭄᭟᭜᭟ᬳ᭄ᬦᬄᬳ᭄ᬦᬾᬢᬾᬳᬤᬶᬲᬹᬃᬬ᭄ᬬᬓᬸᬲᬸᬫᬵ᭞ᬚᬮᬦ᭄ᬫᬫᬃᬕ᭄ᬕᬶᬳᬤᬶ᭞ᬢᬸᬫᬸᬮᬶᬫᬫᬃᬕ᭄ᬕᬵ᭞ᬧᬗᭀᬚᭀᬕᬾᬤᬶᬕᬯ᭞ᬧᬸᬦᬶᬓᬭᬶᬂᬯᬦᬵᬧᬸᬭᬶ᭞ᬲᬂᬗᬵᬦ᭄ᬢᬪᭀᬕ᭞ᬲ᭄ᬤᭂᬓ᭄ᬳᬶᬤᬵᬫᬮᬶᬗ᭄ᬕᬶᬄ᭟᭜᭟ᬭᬭᬶᬲ᭄ᬳᬶᬤᬵᬲᬂᬳᬦ᭄ᬢᬵᬪᭀᬕᬫᬜᬧ᭞ᬤᬾᬯᬦ᭄ᬩᬧᬦᬾᬕᬸᬲ᭄ᬢᬶ᭞ᬕᬸᬲ᭄ᬢᬶᬳᬸᬮᬶ
ᬤᬶᬚ᭞ᬲᬕᭂᬢ᭄ᬩᬧᬵᬗᬦ᭄ᬢᭂᬦᬂ᭞ᬯᬃᬡ᭄ᬦᬦ᭄ᬳᬶᬤᬾᬯᬵᬦᬾᬚᬦᬶ᭞ᬳᬘᬸᬫ᭄ᬓᬮᬶᬯᬢ᭄᭞ᬢᭀᬳᭂᬜᬾᬦ᭄ᬳᬚᬓ᭄ᬕᬸᬲ᭄ᬢᬶ᭟᭜᭟ᬳᬶᬬᬫ᭄ᬩᬃᬓᬯᬶᬫᬵᬢᬹᬃᬢᬶᬢ᭄ᬬᬂᬫᬫᬶᬲᬦ᭄᭞ᬳᭀᬓᬦ᭄ᬳᬶᬖᬸᬭᬸᬳᬚᬶ᭞ᬦᬾᬭᬶᬂᬓᬶᬦ᭄ᬢᬵᬯᬦᬵ᭞ᬫᬵᬤᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬫᬦᬸᬢᬸᬕ᭄ᬢᬶᬢ᭄ᬬᬂᬫᬭᬶᬓᬶ᭞ᬧᬋᬓ᭄ᬭᬶᬂᬩᬧᬵ᭞ᬳᬦ᭄ᬢᬵᬪᭀ᭠
ᬕᬜᬢᬶᬹᬯᬹᬭᬶᬦ᭄᭟᭜᭟ᬩᬳᬦ᭄ᬳᬧᬓ᭄ᬭᬦᬵᬘᬳᬶᬗᬮᬶᬄᬩᬧᬵ᭞ᬫᬵᬢᬹᬃᬳᬶᬬᬫ᭄ᬩᬃᬓᬯᬶ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬲᬤ᭄ᬬᬧᬋᬓ᭄ᬭᬶᬂᬩᬧᬵ᭞ᬫᬗ᭄ᬓᬶᬦ᭄ᬫᬳᬢᬹᬃᬧᬶᬳᬸᬦᬶᬂ᭞ᬳᬦ᭄ᬢᬸᬓᬾᬳᬶᬘᬮ᭄᭞ᬲᬸᬃᬬ᭄ᬬᬓᬸᬲᬸᬫᬯᬢᬶ᭟᭜᭟ᬫᬦ᭄ᬢᬸᬦ᭄ᬩᬧᬵᬳᬶᬧᬸᬦ᭄ᬳᬶᬘᬮ᭄ᬲᬓᬶᬂᬧᬸᬭ᭞ᬳᬗᬶᬂᬳᬶᬘᬮᬾᬯ᭄ᬗᬶ᭞ᬲᬫᬶᬢ᭠
ᬦ᭄ᬳᬸᬦᬶᬗ᭞ᬓᭀᬭᬶᬢᬦ᭄ᬯᬾᬦ᭄ᬢᭂᬦ᭄ᬫᭂᬗ᭞ᬧᬦ᭄ᬲᬫᬶᬓᬭᬶᬫᬓᬜ᭄ᬘᬶᬂ᭞ᬤᬤ᭄ᬬᬜᬳᬶᬮᬂ᭞ᬳᬶᬘᬮᬾᬧᬤᬶᬤᬶᬳᬶ᭟᭜᭟ᬧᬸᬦᬶᬓᬵᬳᬯᬦ᭄ᬢᬶᬢ᭄ᬬᬂᬦᬸᬦᬲᬂ᭞ᬳᬦ᭄ᬢᬵᬪᭀᬕᬜᬯᬹᬭᬶᬦ᭄᭞ᬦᬄᬳᭂᬦ᭄ᬢᭀᬓ᭄ᬦᭂᬳᬂ᭞ᬘᬳᬶᬫᬮᬸᬗᬶᬢᬸᬗᬂ᭞ᬓᬾᬦ᭄ᬓᬾᬦ᭄ᬭᬱᬜᬦᬾᬚᬦᬶ᭞ᬭᬶᬂᬧᬓᬬᬸᬦᬦ᭄᭞ᬳᬶᬤᬾ

[᭖᭙ 69A]
᭖᭙
ᬯᬵᬦᬾᬫᬗ᭄ᬓᬶᬦ᭄᭟᭜᭟ᬳᬧᬂᬩ᭄ᬘᬶᬓ᭄ᬳᬦ᭄ᬢᬸᬓ᭄ᬩᬧᬵᬫᬗ᭄ᬯᬶᬮᬗᬂ᭞ᬘᬳᬶᬫᬮᬸᬗᬶᬢᬸᬗᬶᬦ᭄᭞ᬧᬂᬗᬵᬤᬾᬯᬵᬩᬶᬱᬵ᭞ᬫᬚᬮᬄᬫᬗ᭄ᬭᬯᭀᬲᬂ᭞ᬬᬾᬦ᭄ᬢ᭄ᬯᬭᬵᬧᬗ᭄ᬕᬶᬳᬶᬦ᭄ᬕᬸᬲ᭄ᬢᬶ᭞ᬩᬧᬵᬗᬢᬹᬭᬂ᭞ᬧᬸᬢᬸᬲ᭄ᬜᬦᬾᬭᬶᬂᬕᬸᬲ᭄ᬢᬶ᭟᭜᭟ᬳᭂᬦ᭄ᬢᭀᬳᬶᬬᬭᬳᬶᬦ᭄ᬳᬶᬤᬾᬯᬵᬦᬾᬳᬚᬓ᭄᭞ᬩᬋᬂᬩᬋᬂᬗᬶᬢᬸᬗᬶᬦ᭄᭞ᬳᬶᬲᬹᬃᬬ᭄ᬬ
ᬓᬸᬲᬸᬫᬵ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬩᬧᬵᬚᬶ᭞ᬢᬶᬢ᭄ᬬᬂᬗᬶᬭᬶᬗᬂ᭞ᬯᬘᬦᬵᬦ᭄ᬩᬧᬵᬚᬶ᭟᭜᭟ᬳᬶᬬᬫ᭄ᬩᬃᬓᬯᬶᬫ᭠ᬗ᭄ᬭᬱᬩ᭄ᬦᭂᬄᬲᬚ᭞ᬭᬱᬜᬦᬾᬫᬳᬶᬲᬶ᭞ᬳᭂᬦ᭄ᬢᭀᬩ᭄ᬯᬶᬦ᭄ᬳᬶᬢᬸᬗᬂ᭞ᬓᬶᬚᬚᬦᬶᬳᬩᬜ᭞ᬳᬦ᭄ᬢᬵᬪᭀᬕᬗᬸᬘᬧ᭄ᬫᬮᬶᬄ᭞ᬢᭀᬩ᭄ᬯᬶᬦ᭄ᬳᬶᬢᬸᬗᬂ᭞ᬤᬶᬚᬢ᭄ᬓᬦ᭄ᬳᬶᬫ
ᬮᬶᬂ᭟᭜᭟ᬧᬸᬦᬶᬓᬩᭀᬬᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬦ᭄ᬢᬵᬪᭀᬕᬜᬯᬹᬭᬶᬦ᭄᭞ᬧᬂᬳᬶᬤᬾᬯᬵᬦᬯᬂ᭞ᬲᬗ᭄ᬓᬦ᭄‌‌ᬢ᭄ᬯᬭᬵᬓᬭᬱ᭞ᬳᬧᬦ᭄ᬬᬚᬍᬫᬰᬓ᭄ᬢᬶ᭞ᬢᬹᬃᬳᬶᬬᬢ᭄ᬯᬭᬵ᭞ᬤᬶᬦᬶᬫᬦᬸᬗ᭄ᬕᬮ᭄ᬕᬸᬫᬶ᭟᭜᭟ᬲᬧᬸᬦᬶᬓᬩᬧᬫᬦᬸᬢᬸᬭᬶᬦ᭄ᬳᬶᬤᬾᬯᬵ᭞ᬭᬾᬄᬬᬧᬓᬃᬬ᭄ᬬᬦ᭄ᬯᬶᬥ᭄ᬤᬶ᭞ᬫᬦᬸᬤᬸᬄᬳᬶᬤᬾᬯ
᭞ᬫᬸᬮᬦ᭄ᬫᬸᬲᬗ᭄ᬲᬭᬵ᭞ᬧᬕᬯᬾᬦᬾᬫᬮᬸᬧᬗ᭄ᬕᬶᬄ᭞ᬬᬾᬦ᭄ᬲᬸᬩᬧ᭄ᬭᬕᬢ᭄᭞ᬧᬦᬶᬢᬄᬲᬗ᭄ᬳ᭄ᬬᬂᬯᬶᬥ᭄ᬤᬶ᭟᭜᭟ᬮᬯᬸᬢ᭄ᬤᬶᬢᬸᬳᬶᬤᬾᬯᬵᬓᬳᬶᬘᬦ᭄ᬲᬸᬓ᭞ᬦᬸᬢᬸᬕ᭄ᬲᬸᬓᬦᬾᬍᬯᬶᬄ᭞ᬧᬗ᭄ᬕᬶᬳᬶᬦ᭄ᬳᬶᬤᬾᬯᬵ᭞ᬲᬸᬕᬶᬄᬢᬹᬃᬲᬸᬓᬵᬯᬶᬃᬬ᭄ᬬ᭞ᬳᬓᬾᬢᭀᬤᬾᬯᬧᬗ᭄ᬕᬶᬳᬶᬦ᭄᭞ᬚᬦᬶᬢᬸᬢᬸᬕᬂ [ 70 ][᭖᭙ 69B]
᭖᭙
ᬲᬢ᭄ᬓᬦᬾᬢᬦ᭄ᬤᬶᬗᬶᬦ᭄᭟᭜᭟ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬯᬦ᭄ᬢᬄᬫᬦᬸᬯᬸᬢᬂ᭞ᬲᬧᬳᬶᬘᬦ᭄ᬳᬶᬬᬂᬯᬶᬥ᭄ᬤᬶ᭞ᬬᬾᬦ᭄ᬯᬦ᭄ᬢᬄᬓᬲᬶᬤᬦ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬢᬸᬮᬓ᭄᭞ᬓᬧᬗ᭄ᬕᬶᬄᬭᬯᬸᬄᬳᬶᬭᬶᬓᬶ᭞ᬧᬋᬓ᭄ᬭᬶᬂᬩᬧᬵ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭟᭜᭟ᬳ᭄ᬦᬄᬓ᭄ᬦᬶᬸᬓ᭄ᬫᬓᬾᬯᬮᬳᬶᬗᭂᬢᬂ᭞ᬩᬸᬗ᭄ᬓᬸᬗᬾᬤᬵᬗᭂᬗ᭄ᬲᬧᬶᬦ᭄᭞
ᬳᬧᬂᬤᬵᬓᬾᬯᭂᬳᬦ᭄᭞ᬲᬓᬬᬸᬦ᭄ᬲᬸᬩᬳᬤ᭞ᬤᬾᬦᬶᬂᬳᬶᬬᬫᬸᬍᬍᬯᬶᬄ᭞ᬢ᭄ᬯᬭᬵᬤᬧᬤᬵ᭞ᬲᬓᬋᬧᬾᬫᬤᬕᬶᬂ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶ᭠ᬫᬧᬫᬶᬢ᭄ᬭᬭᬶᬲ᭄ᬫᬫᬃᬕ᭄ᬕᬵ᭞ᬲᬹᬃᬬ᭄ᬬᬓᬸᬲᬸᬫᬗᬶᬭᬶᬂ᭞ᬫᬧᬫᬶᬢ᭄ᬫᬚᬮᬦ᭄᭞ᬲᬢᬶᬩᬢᬶᬩᬧᬭᬦ᭄᭞ᬫᬦᬸᬚᬸᬲ᭄ᬮᬕᬦ᭄ᬩᬸᬓᬶᬢ᭄᭞ᬳᬶᬤᬵᬫᬫᬃᬕ᭄ᬕᬵ᭞ᬢᬦ᭄ᬗᬾᬢᬂᬩᭂᬢ᭄ᬤᬶ᭠
ᬤᬶᬫᬃᬕ᭄ᬕᬶ᭟᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬭᬭᬶᬲ᭄ᬫᬗᬦ᭄ᬤᬶᬓ᭞ᬲᬲᬫ᭄ᬩᬢ᭄ᬗᬲᬶᬄᬳᬲᬶᬄ᭞ᬳᬤᬸᬄᬳᬢ᭄ᬫᬵᬚᬶᬯᬵ᭞ᬓᬾᬦᬾᬦᬦ᭄ᬤᬂᬲᬗ᭄ᬲᬭ᭞ᬲ᭄ᬤᬶᬄᬢᬶᬢ᭄ᬬᬗᬮᬶᬄᬳᬤᬶ᭞ᬤᬶᬚᬳᬶᬫᬶᬭᬄ᭞ᬕ᭄ᬦᬄᬳᬶᬤᬵᬫᬵᬲ᭄ᬫᬡ᭄ᬦᬶᬓ᭄᭟᭜᭟᭛ᬲ᭄ᬫᬭᬦ᭄ᬤᬦ᭛᭞ᬳᬶᬬᬫ᭄ᬩᬃᬓᬯᬶᬫᬦᬗᬶᬲ᭄᭞ᬲᬲᬫ᭄ᬩᬢᬾᬢ᭄ᬯᬭᬵᬧ᭄ᬕᬢ᭄᭞
ᬫᬜᭂᬮ᭄ᬲᭂᬮ᭄ᬭᬕᬦᬾᬋᬓᭀ᭞ᬤᬶᬚᬳᬶᬤᬾᬯᬵᬫᬕ᭄ᬦᬄ᭞ᬤᭀᬂᬘᬶᬗᬓᬶᬦ᭄ᬓᬸᬤᬵᬢᬶᬢ᭄ᬬᬂ᭞ᬲᬳᬶᬲᬳᬶᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬢᬶᬢ᭄ᬬᬂᬫᬗᭂ᭠ᬦᬂᬳᬶᬤᬾᬯᬵ᭟᭜᭟ᬭᬵᬢᬹᬤᬶᬧᬸᬜ᭄ᬘᬓᬶᬂᬳᬸᬓᬶᬃ᭞ᬤᭀᬂᬦᬶᬓᬳᬶᬦ᭄ᬢᬶᬢ᭄ᬬᬂᬤᬾᬯᬵ᭞ᬯᬶᬭᬾᬄᬲᬫ᭄ᬧᬸᬦ᭄ᬳᬤᭀᬄᬋᬓᭀ᭞ᬧᬶᬦᭂᬄᬮᬶᬗ᭄ᬲᬶᬃᬤᬯᬸᬄᬮᬶᬫ᭞ᬭᬭᬶ

[᭗᭐ 70A]
᭗᭐
ᬲ᭄ᬳᬶᬤᬵᬫᬭᬃᬬ᭄ᬬᬦ᭄᭞ᬭᬤᬾᬦ᭄ᬳᬫ᭄ᬩᬃᬓᬯᬶᬩᬕᬸᬲ᭄᭞ᬮᬦ᭄ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫ᭟᭜᭟ᬤᬶᬚᬫᬲᬭᬾᬚᬦᬶ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬢᭀᬤᬶᬢᬸᬢᬍᬤᬶᬦ᭄ᬳᭂᬤᭀᬦ᭄᭞ᬳᬧᬗᬵᬤᬤᬶᬳᬗᭂᬢᬦ᭄᭞ᬤᭀᬦ᭄ᬓᬬᬸᬦᬾᬢᬫ᭄ᬩᬸᬦᬂ᭞ᬢᬸᬫᬸᬮᬶᬭᬭᬶᬲ᭄ᬓᬲᬯᬸᬧ᭄᭞ᬤᬶᬩᭀᬗ᭄ᬓᭀᬮ᭄ᬓᬬᬸᬦᬾᬧ᭄ᬚᬂ᭟᭜᭟ᬫ
ᬗ᭄ᬭᬭᬶᬲ᭄ᬫᬲᬭᬾᬕ᭄ᬮᬶᬲ᭄᭞ᬳᬦ᭄ᬢᬸᬓ᭄ᬓᬍᬲᭀᬦ᭄ᬫᬚᬮᬦ᭄᭞ᬳᬗᬶᬂᬢ᭄ᬯᬭᬵᬲᬶᬋᬧ᭄ᬋᬓᭀ᭞ᬲᬫ᭄ᬩᬶᬮᬂᬫᬲᬲᬫ᭄ᬩᬢᬦ᭄᭞ᬫᬶᬭᬄᬢᬶᬢ᭄ᬬᬗᬾᬤᬾᬯᬵ᭞ᬤᭀᬂᬘᬶᬗᬓᬶᬦ᭄ᬢᬶᬢ᭄ᬬᬂᬭᬵᬢᬹ᭞ᬜᬮᬸᬓ᭄ᬱᬸᬓ᭄ᬗᬮᬶᬄᬳᬶᬤᬾᬯᬵ᭟᭜᭟ᬩᬳᬸᬫᬭᬕᬮᬂᬓᬗᬶᬦ᭄᭞ᬧᬓ᭄ᬱᬶᬳᬸᬫᬸᬂᬭᬶᬂᬓᬓᬬ᭄ᬯᬦ᭄᭞ᬧᬚᭂᬭᬶᬢ᭄ᬫᬸᬜᬶᬦᬾᬳᬮᭀᬦ᭄
᭞ᬘᬸᬮᬶᬓ᭄ᬘᬸᬮᬶᬓ᭄ᬱᬶᬮᬮᭀᬗᬦ᭄᭞ᬓᬮᬯᬦ᭄ᬧᭂᬚᬧᭂᬚ᭞ᬲᬋᬂᬮᬯᬦ᭄ᬢᬸᬳᬸᬢᬸᬳᬸ᭞ᬓᬤᬰᬶᬄᬮᬦ᭄‌ᬘᬭᬓ᭄ᬯᬓ᭄᭟᭜᭟ᬫᬦᬸᬦ᭄ᬤᬸᬦᬶᬦ᭄ᬫᬦᬄᬲ᭄ᬤᬶᬄ᭞ᬳᬶᬬᬫ᭄ᬩᬃᬓᬯᬶᬳᬗᬸᬘᬧ᭄᭞ᬤᬸᬄᬫᬶᬭᬄᬳᬤᬶᬦ᭄ᬢᬶᬢ᭄ᬬᬗᬾ᭞ᬲᬸᬃᬬ᭄ᬬᬓᬸᬲᬸᬫᬫᬦᬶᬫ᭄ᬩᬮ᭄᭞ᬓᬶᬚᬮᬓᬸᬫᬫᬃᬕ᭄ᬕᬵ᭞ᬳᬶᬬᬫ᭄ᬩᬃᬓᬯᬶᬫᬲᬯᬹᬃ᭞ᬚᬮᬦ᭄
ᬢᬾᬳᬤᬾᬂᬳᬤᬾᬂᬗᬦ᭄᭟᭜᭟ᬫᬗ᭄ᬭᬭᬶᬲ᭄ᬳᬶᬤᬵᬫᬫᬃᬕ᭄ᬕᬶ᭞ᬢᬦ᭄ᬘᬭᬶᬢᬤᬶᬚᬮᬦ᭄᭞ᬜᬸᬲᬸᬧ᭄ᬤᬶᬢ᭄ᬗᬄᬳᬮᬲᬾ᭞ᬧᬫᬃᬕ᭄ᬕᬶᬦᬾᬫᬸᬭᬂᬫᬸᬭᬂ᭞ᬭᬭᬶᬲ᭄ᬫᬗ᭄ᬕᬶᬳᬶᬦ᭄ᬭᬓ᭄ᬱᬲᬵ᭞ᬳᬶᬬᬫ᭄ᬩᬃᬓᬯᬶᬫᬯᬸᬯᬸᬲ᭄᭞ᬳ᭄ᬦᬾᬢᬾᬫᬫᬦ᭄ᬭᬓ᭄ᬱᬲ᭟᭜᭟ᬳᬶᬭᬓ᭄ᬱᬲᬦ᭄ᬕᬓ᭄ᬕᭂᬮᬶᬲ᭄᭞ᬢᬸᬫᬸᬮᬶᬭᬭᬶᬲ᭄ᬫᬜᬸᬫ᭄ᬩᬄ᭞ᬢᬹᬃ [ 71 ][᭗᭐ 70B]
᭗᭐
ᬲᬃᬯ᭄ᬯᬶᬫᬳᬢᬹᬃᬳᬮᭀᬦ᭄᭞ᬢᬶᬢ᭄ᬬᬂᬲᬓᬶᬂᬫᬳᬶᬍᬳᬦ᭄᭞ᬭᬶᬂᬕᬸᬦᬸᬗᬾᬯᬸᬲ᭄ᬢᭂᬮᬲ᭄᭞ᬮᬓᬸᬦ᭄ᬢᬶᬢ᭄ᬬᬗᬾᬫᬗ᭄ᬭᬸᬭᬸᬄ᭞ᬫᬗᬮᬶᬄᬭᬳᬶᬦ᭄ᬳᬶᬦᬶᬸᬤᬾᬯᬵ᭟᭜᭟ᬗᬶᬂᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬶᬄ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬜᭂᬋᬧᬂ᭞ᬳᬶᬬᬫ᭄ᬩᬃᬓᬯᬶᬫᬸᬜᬶᬦᬾ᭞ᬚᬦᬶᬓᬶᬚᬮᬓᬸᬦ᭄ᬜᬺᬧᬂ᭞ᬫ᭄ᬭᬱᬳᬾᬫᭂᬂᬓᭀᬳᬶᬭᬵ᭞ᬳᬶ
ᬭᬓ᭄ᬱᬲᬫᬮᬶᬄᬫᬵᬢᬹᬃ᭞ᬳᬗᬶᬂᬬᬦ᭄ᬭᬶᬂᬫᬦᬄᬢᬶᬢ᭄ᬬᬂ᭟᭜᭟ᬳᬮᬲᬾᬧᬸᬦᬶᬓᬶᬲᬫᬶ᭞ᬲᬫ᭄ᬧᬸᬦ᭄ᬢᭂᬮᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬋᬂᬓᬯᬸᬮᬦᬾᬓᬩᬾᬄ᭞ᬲᬫᬶᬜᬫᬜᬫᬦ᭄ᬢᬶᬢ᭄ᬬᬂ᭞ᬢ᭄ᬮᬲᬵᬫ᭄ᬧᬸᬦ᭄ᬫᬜᭂᬋᬧᬂ᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬓᬧᬗ᭄ᬕᬸᬄ᭞ᬳᬶᬬᬫ᭄ᬩᬃᬓᬯᬶᬗᬦ᭄ᬤᬶᬓᬵ᭟᭜᭟ᬓ᭄ᬫᬫᬫᬜ᭄ᬚᬦᬶᬫᬸᬮᬶᬄ᭞ᬳᬶ
ᬭᬓ᭄ᬱᬲᬫᬵᬢᬹᬃᬜᬸᬫ᭄ᬩᬄ᭞ᬢᬶᬢ᭄ᬬᬂᬫᬦᬸᬦᬲᬂᬋᬓᭀ᭞ᬫᬗ᭄ᬓᬶᬦ᭄ᬤᬶᬚᬧᬓᬬᬸᬦᬦ᭄᭞ᬢᬶᬢ᭄ᬬᬂᬗᬶᬭᬶᬂᬳᬶᬤᬾᬯᬵ᭞ᬲᬢᬶᬩᬧᬭᬦᬶᬂᬮᬓᬸ᭞ᬬᬤ᭄ᬬᬦ᭄ᬢᬶᬢ᭄ᬬᬂᬧᬘᬂᬭᬸᬲᬓ᭄᭟᭜᭟ᬗᬦ᭄ᬤᬶᬓᬳᬶᬬᬫ᭄ᬩᬃᬓᬯᬶ᭞ᬤᬵᬓᬾᬢᭀᬫᬫᬦ᭄ᬭᬓ᭄ᬱᬲ᭞ᬜ᭄ᬚᬳᬦ᭄ᬚᬶᬮᬬᬄᬫᬫᬦᬾ᭞ᬤᬶᬚᬳᬶᬭᬫᬗᬮᬶᬳᬂ
᭞ᬳᬶᬭᬵᬲᬶᬂᬗᬩᬤᬳᬶᬸᬳᬃ᭞ᬭᬓ᭄ᬱᬲᬦᬾᬫᬮᬶᬄᬫᬵᬢᬹᬃ᭞ᬬᬤ᭄ᬬᬦ᭄ᬢᬶᬢ᭄ᬬᬂᬢᬦ᭄ᬧᬦᭂᬤᬵ᭟᭜᭟ᬭᬓ᭄ᬱᬲᬦᬾᬭᬲᬯᬸᬄᬫᬮᬶᬄ᭞ᬳᬤᬵᬳᬚᬓᬮᬮᬶᬫ᭞ᬢᬸᬫᬸᬮᬶᬭᬭᬶᬲ᭄ᬫᬜᭀᬗ᭄ᬓᭀᬓ᭄᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬢᭀᬫᬫᬦ᭄ᬳᬸᬮᬶᬤᬶᬚ᭞ᬭᬓ᭄ᬱᬲᬦᬾᬲᬫᬶᬫᬵᬢᬹᬃ᭞ᬢᬶᬢ᭄ᬬᬂ

[᭗᭑ 71A]
᭗᭑
ᬲᬓᬶᬂᬫᬳᬶᬍᬳᬦ᭄᭟᭜᭟ᬧᬸᬦᬶᬓᬳᬮᬲᬾᬲᬫᬶ᭞ᬲᬫ᭄ᬧᬸᬦ᭄ᬢᭂᬮᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬗᬺᬋᬄᬭᬳᬶᬦ᭄ᬳᬶᬤᬾᬯᬦᬾ᭞ᬳᬗᬶᬂᬢᬦ᭄ᬯᬾ᭠ᬦ᭄ᬢᭂᬦ᭄ᬓᬧᭂᬦ᭄ᬤᬓ᭄᭞ᬳᬾᬫᭂᬂᬢᬶᬢ᭄ᬬᬂᬫᬫᬦᬄ᭞ᬤᬶᬚᬫᬗ᭄ᬓᬶᬦ᭄ᬧᬘᬂᬭᬸᬭᬸᬄ᭞ᬩᭀᬬᬦ᭄ᬤᬶᬓᬳᬶᬦ᭄ᬓᬾᬢᬶᬢ᭄ᬬᬂ᭟᭜᭟ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬓᬶᬚᬲᬶ
ᬧᬓᬬᬸᬦᬦ᭄᭞ᬯᬦ᭄ᬢᬄᬢᬶᬢ᭄ᬬᬂᬗᬶᬭᬶᬂᬋᬓᭀ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬓ᭄ᬫᬫᬸᬮᬶᬄᬫᬫᬦ᭄᭞ᬳᬶᬤᬦᬯᬲᬫᬶᬫᬵᬢᬹᬃ᭞ᬢᬶᬢ᭄ᬬᬂ᭠ᬧᬫᬶᬢ᭄ᬭᬶᬂᬳᬶᬤᬾᬯᬵ᭟᭜᭟ᬚᬦᬶᬢ᭄ᬯᬭᬵᬓᬃᬯ᭄ᬯᬦ᭄ᬳᬸᬗ᭄ᬲᬶ᭞ᬧᬚᬮᬦ᭄ᬓᬳᬶᬦᬾᬮ᭄ᬯᬲ᭄᭞ᬳᬶᬭᬓ᭄ᬱᬲᬧᬤᬵᬩ᭄ᬗᭀᬂ᭞ᬩᬳᬦᬾᬢ᭄ᬯᬭᬵᬓᬳᬶᬘᬦ᭄᭞ᬮᬦ᭄ᬢᬲ᭄ᬗᭂ᭠
ᬮᬶᬂᬳᬶᬭᬓ᭄ᬱᬲᬵ᭞ᬫᬲᬶᬄᬦᬸᬢᬸᬕ᭄ᬲᬓᬶᬂᬧᬸᬗ᭄ᬓᬸᬃ᭞ᬳᬶᬬᬫ᭄ᬩᬃᬓᬯᬶᬩ᭄ᬭᬳ᭄ᬫᬵᬢ᭄ᬬᬦ᭄᭟᭜᭟ᬢᬸᬫᬸᬮᬶᬫᬗᬸᬦᬸᬲ᭄ᬓᭂᬭᬶᬲ᭄᭞ᬫᬜᬕ᭄ᬚᬕᬶᬦ᭄ᬳᬶᬭᬓ᭄ᬱᬲ᭞ᬭᬓ᭄ᬱᬲᬧᬕ᭄ᬭᬸᬩᬸᬕᬺᬓᭀ᭞ᬳᬶᬲᬹᬃᬬ᭄ᬬᬓᬸᬲᬸᬫᬫᬜᭂᬫᬓ᭄᭞ᬮᬶᬫᬦᬾᬳᬶᬬᬫ᭄ᬩᬃᬓᬯ᭄ᬬ᭞ᬓ᭄ᬭᬶᬲ᭄ᬧᬸᬦᬶᬓᬓᬋᬩᬸᬢ᭄᭞ᬳᬶᬲᬹᬃᬬ᭄ᬬᬓᬸᬲᬸᬫᬗᬸ᭠
ᬘᬧ᭄᭟᭜᭟ᬗᬸᬤᬵᬓᬾᬢᭀᬩ᭄ᬮᬶᬚᬦᬶᬳᬦᬓ᭄ᬢᬺᬱ᭄ᬡᬓᭀᬦᬾᬫᬢ᭄ᬬᬂ᭞ᬳᬶᬯᬂᬲᬧᬸᬦᬶᬓᬵᬋᬓᭀ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬲᬮᬄᬓᬾᬦ᭄ᬓᬾᬦ᭄ᬳᬤᬜ᭞ᬳᬧᬂᬤᬵᬬᬓᬤᬸᬂᬮᬸᬘᬸᬂ᭞ᬩᬲ᭄‌ᬢ᭄ᬯᬭᬵᬤᬤᬶᬳᬦ᭄ᬤᭂᬕᬂ᭟᭜᭟ᬭᬓ᭄ᬱᬲᬦᬾᬧᬤᬵᬗ᭄ᬮᬶᬂ᭞ᬫᬮᬳᬶᬩ᭄ᬫᬲᬲᬫ᭄ᬩᬢᬦ᭄᭞ [ 72 ][᭗᭑ 71B]
᭗᭑
ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬳᬶᬤᬵᬓᬾᬢᭀ᭞ᬓᬢᬸᬗ᭄ᬕᬮᬶᬦ᭄ᬢᬶᬢ᭄ᬬᬂᬤᬾᬯᬵ᭞ᬳᬶᬄᬕᬸᬲ᭄ᬢᬶᬕᬕᭂᬦ᭄ᬤᭂᬗᬦ᭄᭞ᬢᬸᬫᬸᬮᬶᬬᬗ᭄ᬭᬭᬶᬲ᭄ᬫᬵᬦ᭄ᬢᬸᬓ᭄᭞ᬫᬗ᭄ᬮᬶᬂᬫᬲᬲᬫ᭄ᬩᬢᬦ᭄᭟᭜᭟ᬓᭀᬘᬧᬳᬶᬬᬫ᭄ᬩᬃᬓᬯᬶ᭞ᬫᬚᬮᬦ᭄ᬫᬫᬸᬭᬂᬫᬸᬭᬂ᭞ᬫ᭄ᬦᬾᬓ᭄ᬭᬾᬚᬾᬂᬢᬸᬯᬸᬦ᭄‌ᬲᬾᬕ᭄ᬭᭀ᭞ᬲᬋᬂᬳᬶᬲᬹᬃᬬ᭄ᬬᬓᬸᬲᬸᬫᬵ᭞ᬲᬶᬂᬚᬮᬦ᭄ᬓᬧ᭄ᬢᭂᬗ
ᬦ᭄᭞ᬳᬶᬭᬶᬓᬤᬦᬾᬫᬢᬸᬭᬸ᭞ᬭᬯᬸᬄᬭᬶᬂᬕᬸᬦᬸᬂᬫᬤᬶᬦᬄ᭟᭜᭟ᬓᭀᬘᬧ᭄ᬯᬾᬦ᭄ᬢᭂᬦ᭄ᬧᬶᬢᬸᬂᬰᬰᬶᬄ᭞ᬫᬜᬸᬲᬸᬧ᭄ᬭᬶᬂᬢ᭄ᬗᬄᬳᬮᬲ᭄᭞ᬭᬯᬸᬳᬾᬳᬶᬭᬶᬓᬵᬋᬓᭀ᭞ᬭᬶᬂᬧᬸᬜ᭄ᬘᬓ᭄ᬕᬸᬦᬸᬂᬫᬤᬶᬦᬄ᭞ᬳᬶᬭᬶᬓᬓᬧ᭄ᬢᭂᬗᬦ᭄᭞ᬢᬸᬫᬸᬮᬶᬳᬶᬤᬵᬫᬢᬸᬭᬸ᭞ᬤᬶᬩᬢᬦ᭄ᬓᬬᬸᬓᬭᭀᬬ᭟᭜᭟ᬫᬲᬭᬾᬓᬭᬶᬗᭂᬤᬸ
ᬲᬶᬦ᭄᭞ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬭᬭᬶᬲ᭄ᬯᬾᬦ᭄ᬢᭂᬦ᭄ᬰᬩ᭄ᬤᬋᬓᭀ᭞ᬪᬝᬵᬭᬕᬹᬭᬹᬫᬰᬩ᭄ᬤᬵ᭞ᬗᬶᬂᬢ᭄ᬯᬭᬵᬓᬢᬶᬗᬮᬦ᭄᭞ᬯᬾᬦ᭄ᬢᭂᬦ᭄ᬧ᭠ᬗᬦ᭄ᬤᬶᬓᬳᬮᬸᬲ᭄᭞ᬫᬗᬸᬤᬵᬘᬳᬶᬲ᭄ᬥᬶᬄᬲᬦ᭄᭟᭜᭟ᬢ᭄ᬯᬭᬵᬮᬾᬦᬦ᭄ᬲᬫ᭄ᬩᬢ᭄ᬘᬳᬶ᭞ᬦᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬬᬢ᭄ᬯᬭᬵᬦᬸᬤᬶᬦᬶᬋᬓᭀ᭞ᬤᬶᬚᬬᬳᬮᬶᬄ᭠
ᬲᭂᬋᬧᬂ᭞ᬲᬸᬩᬗ᭄ᬮᬶᬯᬢ᭄ᬲᬕᬭᬵ᭞ᬬᬾᬦ᭄ᬘᬳᬶᬚᬦᬶᬫᬗ᭄ᬭᬸᬭᬸᬄ᭞ᬲᬂᬧ᭄ᬭᬪᬹᬦᬾᬤᬶᬩᬭᬂᬧᬦᬲ᭄᭟᭜᭟ᬳᬶᬬᬫᬦᬸᬦ᭄ᬤᬾᬦ᭄ᬫᬫᬮᬶᬂ᭞ᬲᬂᬧ᭄ᬭᬪᬹᬋᬲᬶᬪᭀᬚᬦᬵ᭞ᬩᬓᬮ᭄ᬫᬦ᭄ᬢᬸᬦᬾᬲᬂᬓᬢᭀᬂ᭞ᬳᬗᬶᬂᬢᬾᬬᬢ᭄ᬯᬭᬵᬲᬸᬓ᭞ᬘᬳᬶᬚ᭄ᬯᬧᬗᭂᬦᬗᬵ᭞ᬲᬳᬶᬬᬫᬜᬓᬶᬢ᭄ᬤᬶᬢᬸ᭞ᬫᬓᭂᬲ᭄ᬬᬩ᭄‌ᬬᬩᬸᬲᬦ᭄ᬩᬸᬲᬦ᭄

[᭗᭒ 72A]
᭗᭒
᭟᭜᭟ᬲᬂᬧ᭄ᬭᬪᬹᬓᬾᬯᭂᬄᬢᬦ᭄ᬲᬶᬧᬶ᭞ᬩᬳᬦ᭄ᬜᬦᬾᬢ᭄ᬯᬭᬳᭂᬜᬓ᭄᭞ᬪᬵᬝᬵᬭᬦᬾᬩᬸᬤᬮ᭄ᬋᬓᭀ᭞ᬳᬶᬲᬹᬃᬬ᭄ᬬᬓᬸᬫᬗᬸᬘᬧ᭄᭞ᬜᬾᬦ᭄ᬲᬶᬩᬳᬸᬫᬓ᭄ᬭᬸᬦᬵ᭞ᬳᬶᬬᬫ᭄ᬩᬃᬓᬯᬶᬫᬲᬯᬹᬃ᭞ᬬᬾᬦ᭄ᬩᭂᬮᬶᬗᭂᬦᭂᬳᬂᬲᬩ᭄ᬤᬵ᭟᭜᭟ᬗᬶᬂᬩ᭄ᬮᬶᬢ᭄ᬯᬭᬵᬜᬯᬹᬭᬶᬦ᭄᭞ᬓᬢᬸᬗ᭄ᬓᬸᬮ᭄‌ᬩ᭄ᬮᬶᬗᭂᬦᭂᬳᬂ᭞ᬧᬶᬤᬃᬢ᭄ᬣᬦ᭄ᬰ᭠
ᬩ᭄ᬤᬦᬾᬋᬓᭀ᭞ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬓᬶᬚᬢᭀᬚᬦᬶᬗᬤᬵ᭞ᬩᭀᬬᬤᬸᬭᬸᬲᬂᬓᬾᬭᬵᬢᬹ᭞ᬧᬗᬦ᭄ᬤᬶᬓᬳᬶᬦ᭄ᬓᬾᬢᬶᬢ᭄ᬬᬂ᭟᭜᭟ᬫᬲᬯᬹᬃᬳᬶᬬᬫ᭄ᬩᬃᬓᬯᬶ᭞ᬤᬶᬚᬚᬦᬶᬳᬮᬶᬄᬳᬶᬤᬵ᭞ᬧᬦ᭄ᬲᬸᬩᬧ᭄ᬭᬕᬢ᭄ᬳᬓᬾᬢᭀ᭞ᬳᬫ᭄ᬩᬸᬮ᭄ᬢᭀᬳᬶᬤᬵᬗ᭄ᬯᬗ᭄ᬲᬶᬢ᭞ᬓᬾᬯᬮᬯᬯᬗ᭄ᬲᬶᬢ᭄ᬤᭀᬯᬂ᭞ᬧ
ᬗᬦ᭄ᬤᬶᬓᬦᬾᬦᬾᬩᬳᬸ᭞ᬓᬾᬯᬮᬳᬤᬶᬫᬦᬯᬂ᭟᭜᭟ᬓ᭄ᬦᭂᬳᬂᬩ᭄ᬮᬶᬢ᭄ᬯᬄᬚᬦᬶ᭞ᬧᬗᬦ᭄ᬤᬶᬓᬦᬾᬩᬸᬲᬦ᭄᭞ᬚᬦᬶᬬᬾᬦ᭄‌ᬢ᭄ᬯᬄ᭠ᬲᬚᬓᬾᬢᬵ᭞ᬬᬤ᭄ᬬᬦ᭄ᬲ᭄ᬮᬢ᭄ᬲᭂᬕᬭ᭞ᬕᬸᬫᬶᬦᬾᬤᬶᬩ᭄ᬭᬂᬧᬦᬲ᭄᭞ᬫᬰᬩᬸᬳᬸᬂᬩ᭄ᬮᬶᬫᬗ᭄ᬭᬸᬭᬸᬄ᭞ᬬᬤᬶᬦ᭄ᬮᬬᬭᬦ᭄ᬳᬩᬸᬮᬦ᭄᭟᭜᭟ᬩ᭄ᬮᬶᬧᬘᬂᬫᬗ᭄ᬮᬫ᭄ᬧᬳᬶᬦ᭄᭞
ᬬᬤᬶᬦ᭄ᬫᬢ᭄ᬫᬳᬦ᭄ᬭᬸᬲᬓ᭄᭞ᬓᬍᬩᬸᬤᬶᬲ᭄ᬕᬭᬵᬦᬾ᭞ᬓᬾᬯᬮᬧᬂᬳᬤᬶᬦᬯᬂ᭞ᬧᬮᬚᬦ᭄‌ᬩ᭄ᬮᬶᬦᬾᬮᬸᬯᬲ᭄᭞ᬫ᭄ᬮᬄᬓ᭄ᬫᬵᬳᬤᬶᬫᬦ᭄ᬢᬸᬓ᭄᭞ᬓᬾᬢᭀᬚᬳᬤᬶᬳᬢᬹᬭᬂ᭟᭜᭟ᬢ᭄ᬓᬾᬦ᭄ᬳᬶᬤᬵᬕᬸᬭᬸᬳᬚᬶ᭞ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬳᬶᬄᬩ᭄ᬮᬶᬫᬗᬸᬤᬵᬓᬾᬢᭀ᭞ᬫᬦᬸᬦ᭄ᬤᬾᬦ᭄ᬢᬶᬢ᭄ᬬᬂᬫᬢᬸᬮᬓ᭄᭞ [ 73 ][᭗᭒ 72B]
᭗᭒

ᬢᬶᬢ᭄ᬬᬂᬫᬫᬶᬦ᭄ᬤᬄᬢᬸᬮᬓ᭄᭞ᬬᬤᬶᬦ᭄ᬢᬶᬢ᭄ᬬᬂᬧᬘᬂᬍᬩᬹᬃ᭞ᬓᬍᬩᬸᬢ᭄ᬗᬄᬲᬕᬭᬵ᭟᭜᭟ᬲᭀᬓ᭄ᬢᬶᬢ᭄ᬬᬂᬫᬗᬶᬭᬶᬂᬩ᭄ᬮᬶ᭞ᬳᬮᬳᬬᬸᬢᬶᬢ᭄ᬬᬂᬲᬸᬓᬵ᭞ᬲᬧᬸᬦᬧᬶᬤᭀᬦᬶᬂᬓᬲᬾᬄ᭞ᬓᬬᬸᬦ᭄ᬩᭂᬮᬶᬦᬾᬭᬶᬂᬢᬶᬢ᭄ᬬᬂ᭞ᬓᬾᬗᬶᬦ᭄ᬩᭂᬮᬶᬦᬸᬮᬓᬂ᭞ᬳᬶᬬᬫ᭄ᬩᬃᬓᬯᬶᬫᬲᬯᬹᬃ᭞ᬮᬫᬸᬦ᭄ᬓᬾᬢᭀᬚᬢᬸᬢᬸᬕᬂ᭟᭜᭟ᬲᬸᬓ
ᬦ᭄ᬳᬤᬶᬦᬾᬭᬶᬂᬩ᭄ᬮᬶ᭞ᬦᬾᬜᬦᬦ᭄ᬚᬮᬦ᭄ᬫᬚᬮᬦ᭄᭞ᬢᬸᬫᬸᬮᬶᬫᬚᬮᬦᬺᬓᭀ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬫᬗᬸᬗ᭄ᬲᬶᬓᬲᬕᬭᬵ᭞ᬭᬶᬂᬫᬸᬦ᭄ᬤᬓᬰᬢᬸᬫᬸᬭᬸᬦ᭄᭞ᬲᬭᬯᬸᬳᬾᬭᬶᬂᬲᬕᬭ᭟᭜᭟ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬲᬶᬲᬶ᭞ᬳᬶᬬᬫ᭄ᬩᬃᬓᬯᬶᬳᬗᬸᬘᬧ᭄᭞ᬚᬦᬶᬤᬶᬚᬗᬮᬶᬄᬲᭀᬧᬾᬢ᭄᭞
ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬭᬾᬄᬢ᭄ᬯᬭᬵᬳᬤᬵᬤᬾᬰᬵ᭞ᬤᬶᬚᬚᬦᬶᬗᬮᬶᬄᬚᬸᬓᬸᬂ᭞ᬤᬾᬦᬶᬂᬧᬲᬶᬲᬶᬤᬶᬕᬯᬄ᭟᭜᭟ᬤᬾᬦᬶᬂᬓᬢᬸᬤᬸᬄᬩᬦ᭄ᬯᬶᬤᬶ᭞ᬮᬮᬾᬧᬓᬾᬚᬦᬶᬢ᭄ᬓᬵ᭞ᬤᬶᬢ᭄ᬗᬄᬧᬲᬶᬳᬾᬓᬢᭀᬦ᭄᭞ᬮᬸᬜ᭄ᬚᬸᬓ᭄ᬮᬸᬜ᭄ᬚᬸᬓ᭄ᬗᬲᬶᬲᬶᬬᬂ᭞ᬲᭀᬭᭀᬕᬩᬳᬦ᭄ᬳᬶᬬᭀᬫ᭄ᬩᬓ᭄᭞ᬳᬶᬬᬫ᭄ᬩᬃᬓᬯᬶ
ᬳᬫᬸᬯᬸᬲ᭄᭞ᬢᭀᬬᬮᬮᬾᬧᬓᬾᬢ᭄ᬓᬵ᭟᭜᭟ᬦᬾᬤᬶᬦᬶᬚᬫᬮᬸᬳᬦ᭄ᬢᬶ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬜᬦᬦ᭄ᬤᭀᬂᬓᬾᬳᬶ᭠ᬬᬢ᭄ᬓᬵ᭞ᬢᬸᬫᬸᬮᬶᬬᬲᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬳᬶᬬᬫ᭄ᬩᬃᬓᬯᬶᬫᬜᭂᬫᬓ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬳᬮᬸᬲ᭄᭞ᬦᬄᬦᬾᬮᬮᬾᬧᬓᬾᬢ᭄ᬓᬵ᭟᭜᭟ᬳ᭄ᬦᬄᬦᬾᬚᬦᬶᬢᭂ

[᭗᭓ 73A]
᭗᭓
ᬓᬶᬦ᭄᭞ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬫᬗᬸᬤᬚᬸᬓᬸᬂᬓᬓᬾᬦᬾ᭞ᬢᬦ᭄ᬧᬓᬦ᭄ᬢᬶᬃᬢᬦ᭄ᬧᬕᬶᬤᬓ᭄᭞ᬢ᭄ᬯᬭᬵᬗ᭄ᬮᬄᬧᬦ᭄ᬤᬬᬸᬗᬦ᭄᭞ᬩᬶᬦ᭄ᬧᬶᬤᬦ᭄ᬲᬶᬢ᭄ᬓᭂᬤᬶᬢᬸ᭞ᬫᬮᬬᬃᬳᬤᬾᬂᬳᬤᬾᬗᬦ᭄᭟᭜᭟ᬢᬹᬃᬬᬩᬸᬯᬶᬦ᭄ᬕᬸᬮᬓ᭄ᬕᬸᬮᬶᬓ᭄᭞ᬤᭀᬗᬲᬶᬂᬢᬶᬗ᭄ᬓᭂᬩ᭄ᬓᬾᬜᬦᬦ᭄᭞ᬳᬶᬬᬫ᭄ᬩᬃᬓᬯᬶᬲᬯᬹᬭᬾ᭞ᬮᬫᬸᬦ᭄ᬢ᭠
ᬢᬶᬸᬓᬸᬢ᭄ᬤᬚᬮᬸᬯᬲ᭄᭞ᬭᬭᬶᬲ᭄ᬕᭂᬮᬶᬲ᭄ᬓᬚᭂᬫᬓ᭄᭞ᬮᬦ᭄ᬢᬲ᭄ᬓᬳᬸᬗ᭄ᬕᬳᬶᬦ᭄ᬲᬫ᭄ᬧᬸᬦ᭄᭞ᬳᬶᬲᬹᬃᬬ᭄ᬬᬓᬸᬲᬸᬫᬜᭂᬫᬓ᭄᭟᭜᭟ᬭᬭᬶᬲ᭄ᬦᭂᬓᬂᬫᬗᬶ᭠ᬲᬶ᭞ᬓ᭄ᬦᭂᬳᬾᬚᭂᬚᭂᬄᬓᬮᬶᬦ᭄ᬢᬂ᭞ᬩᬳᬦᬾᬢ᭄ᬯᬭᬵᬤᬵᬢᬳᬾᬦ᭄᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬗᬸᬤᬵᬳᬤᬶᬗᬶᬲᬶᬬᬂ᭞ᬓ᭄ᬫᬫᬸᬮᬶᬄᬮᬫᬸᬦ᭄ᬢᬓᬸᬢ᭄᭞ᬳᬶᬲᬹᬃᬬ᭄ᬬᬓᬸᬲᬸᬫ
ᬗᬸᬘᬧ᭄᭟᭜᭟ᬢᬶᬤᭀᬂᬓᬾᬩ᭄ᬮᬶᬤᬶᬤᬸᬭᬶ᭞ᬤᬾᬦᬶᬂᬢᬶᬢ᭄ᬬᬂᬢ᭄ᬯᬭᬵᬩᬶᬱᬵ᭞ᬢᬸᬫᬸᬮᬶᬭᬭᬶᬲ᭄ᬬᬦᭂᬕᬓ᭄᭞ᬮᬮᬾᬧᬓᬾᬗᬢᭂᬗᬳᬂ᭞ᬫ᭄ᬮᬬᬃᬳᬤᬾᬂᬳᬤᬾᬗᬦ᭄᭞ᬧᬮᬬᬭᬾᬮᬸᬜ᭄ᬚᬸᬓ᭄ᬮᬸᬜ᭄ᬚᬸᬓ᭄᭞ᬫᬜᬸᬚᬹᬃᬗᬶᬸᬗᭂᬮᭀᬤ᭄ᬓᬯᬸᬳᬂ᭟᭜᭟ᬧᬮᬬᬭᬾᬫᬦ᭄ᬤᬭᬶᬲ᭄ᬤᬶᬲ᭄᭞ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬤᬸᬯᭂ
ᬕ᭄ᬲᬦ᭄‌ᬩ᭄ᬮᬶᬫᬗᭀᬲᬾ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬦᬾᬳᬧᬗᬳᬤᬶᬦᬯᬂ᭞ᬮᬮᬾᬧᬓ᭄ᬩᭂᬮᬶᬦᬾᬫᬮᬸ᭞ᬦᬾᬤᬶᬕᬶᬮᬶᬧ᭄ᬘᬓ᭄ᬩᬓᬢ᭄᭟᭜᭟ᬤᬤᬶᬲᬤ᭄ᬬᬢ᭄ᬓᬫᬳᬶ᭞ᬢᬯᬗᬲᬦ᭄ᬩᭂᬮᬶᬮᬸᬯᬲ᭄᭞ᬲᬹᬃᬬ᭄ᬬᬓᬸᬲᬸᬫᬲᬯᬹᬭᬾ᭞ᬯ᭄ᬬᬓ᭄ᬢᬶᬕᬯᭀᬓ᭄ᬱᬦ᭄ᬓᭀᬢᬶᬢ᭄ᬬᬂ᭞ᬤᬤᬶᬩ᭄ᬮᬶᬗ᭄ᬮᬄᬲᬫᬶ [ 74 ][᭗᭓ 73B]
᭗᭓
ᬧᬦ᭄᭞ᬳᬶᬬᬫ᭄ᬩᬃᬓᬯᬶᬫᬲᬯᬹᬃ᭞ᬤᬶᬕᬶᬮᬶᬩᬓᬢᬂᬢᬶᬢ᭄ᬬᬂ᭟᭜᭟ᬦᬾᬢ᭄ᬕᬓᬶᬦ᭄ᬩᭂᬮᬶᬫᬸᬮᬶᬄ᭞ᬳᬸᬮᬶᬤᬶᬕᬶᬮᬶᬳᬶᬧᬶᬤᬦ᭄᭞ᬧ᭄ᬚᬂᬩ᭄ᬮᬶᬤᬶᬲᬕᬭᬦᬾ᭞ᬚᬦᬶᬬᬲᬕᬾᬢᬦ᭄ᬢᭂᬓ᭞ᬩᬳᬦ᭄‌‌ᬩ᭄ᬮᬶᬗᬦ᭄ᬢᬶᬬᬂᬮᬸᬯᬲ᭄᭞ᬤᬤᬶᬳᬶᬬᬢ᭄ᬓᬗ᭄ᬭᬸᬭᬸᬄ᭞ᬢᬯᬗᬲᬦ᭄ᬩᭂᬮᬶᬮᬸᬯᬲ᭄᭟᭜᭟ᬩᬬᬢ᭄ᬯᬄᬧᬳᬶᬘᬦ᭄ᬯᬶ
ᬤ᭄ᬤᬶ᭞ᬢ᭄ᬓᬾᬩᭂᬮᬶᬦᬾᬦᬾᬲᬸᬩ᭞ᬓᬤᬾᬦ᭄ᬩᭂᬮᬶᬢ᭄ᬯᬭᬵᬓᬾᬢᭀ᭞ᬦᬾᬚᬦᬶᬩ᭄ᬮᬶᬫᬦᬯᬂ᭞ᬢ᭄ᬯᬄᬫᬸᬮᬬᬧᬳᬶᬘ᭞ᬢᭀᬓ᭄ᬭᬦᬵᬩ᭄ᬮᬶᬫᬦᬸᬤᬸᬓ᭄᭞ᬢ᭄ᬯᬄᬲᬓᬶᬂᬳᬜᬸᬤ᭄ᬳᬜᬸᬤᬦ᭄᭟᭜᭟ᬢᬹᬃᬬᬩᬶᬱᬵᬗᬶᬗᭂᬃᬫᬸᬜᬶ᭞ᬦᬾᬚᬦᬶᬩ᭄ᬮᬶᬦᬸᬦ᭄ᬤᬾᬦᬂ᭞ᬢᬸᬫᬸᬮᬶᬳᬗᬸᬘᬧ᭄ᬳᬮᭀᬦ᭄᭞ᬳᬶᬄᬮᬮᬾᬧᬓ᭄‌ᬦᬄᬳᬾ
ᬗ᭄ᬕᬮᬂ᭞ᬦᬾᬳᬶᬭᬵᬗᬦ᭄ᬢᬶᬬᬂᬮᬸᬯᬲ᭄᭞ᬓᬩ᭄ᬭᬂᬧᬦᬲ᭄ᬚᬦᬶᬚᬸᬚᬸᬃ᭞ᬲᬫ᭄ᬧᬦᬾᬭᬭᬶᬲ᭄ᬗᬸᬮᬳᬂ᭟᭜᭟ᬧᬮᬬᬭᬾᬓᬤᬶᬳᬗᬶᬦ᭄᭞ᬳᬶ᭠ᬲᬹᬃᬬ᭄ᬬᬓᬸᬲᬸᬫᬵᬗᬸᬘᬧ᭄᭞ᬫᬗ᭄ᬓᬶᬦ᭄‌ᬮ᭄ᬬᬂᬫᬦᬄᬢᬶᬢ᭄ᬬᬗᬾ᭞ᬲᬗ᭄ᬓᬜᬤᬤᬶᬩ᭄ᬘᬢ᭄ᬲᬦ᭄᭞ᬭᬱᬩᬸᬓᬗᬫ᭄ᬩᬭᬵ᭞ᬢᬦ᭄ᬲᬸᬯᬾᬲᬕᬾᬢᬦ᭄ᬭᬯᬸᬄ᭞ᬳᬶᬭᬶᬓᬭᬶᬂᬧᬮ᭠
ᬩᬸᬳᬦ᭄᭟᭜᭟ᬭᬭᬶᬲ᭄ᬢᭂᬤᬸᬦ᭄ᬳᬶᬤᬵᬕ᭄ᬮᬶᬲ᭄᭞ᬭᬶᬂᬧᬮᬩ᭄ᬯᬦ᭄ᬩᬭᬂᬧᬦᬲ᭄᭞ᬢᬸᬫᬸᬮᬶᬗᬦ᭄ᬤᬶᬓᬳᬮᭀᬦ᭄᭞ᬤᬸᬄᬳᬤᬶᬲᬹᬃᬬ᭄ᬬᬓᬸᬲᬸᬫᬵ᭞ᬚᬮᬦ᭄ᬧᬤᬵᬫᬭᬭ᭄ᬬᬦ᭄᭞ᬤᬶᬦᬶᬫᬢᭂᬕ᭄ᬢᭂᬕᬦ᭄ᬫᬮᬸ᭞ᬮᬮᬾᬧᬓᬾᬓᬲᭀᬭᭀᬕᬂ᭟᭜᭟ᬳᬗᬶᬂᬢ᭄ᬯᬭᬵᬳᬦᬓ᭄ᬳᬸᬦᬶᬂ᭞ᬭᬶᬂᬳᬬᬫ᭄ᬩᬃᬓᬯᬶᬢ᭄ᬓᬵ᭞ᬲ᭄ᬤᭂᬓᬦ᭄‌ᬢ᭄ᬗᬄᬍ

[᭗᭔ 74A]
᭗᭔
ᬫᭂᬗᬾ᭞ᬳᬶᬬᬫ᭄ᬩᬃᬓᬯᬶᬫᬚᬮᬦ᭄᭞ᬗᭀᬚᬾᬕ᭄ᬳᬸᬫᬄᬳᬮᬸᬭᬦ᭄᭞ᬳᬶᬭᬶᬓᬳᬶᬤᬵᬫᬮᬸᬗ᭄ᬕᬸᬄ᭞ᬭᬭᬶᬲ᭄ᬳᬶᬤᬵᬫᬗ᭄ᬭᬯᭀᬲᬂ᭟᭜᭟ᬳᬗᬶᬂᬢ᭄ᬯᬭᬵᬳᬦᬓ᭄ᬳᬸᬦᬶᬂ᭞ᬦᬸᬚᬸᬲᬶᬂᬗᬵᬤᬵᬳᬮᬸᬭᬦ᭄᭞ᬳᬶᬤᬵᬳᬶᬭᬶᬓᬫᬗ᭄ᬭᬯᭀᬲ᭄᭞ᬳᬶᬬᬫ᭄ᬩᬃᬓᬯᬶᬗᬦ᭄ᬤᬶᬓᬵ᭞ᬬᬾᬦ᭄ᬦᬸᬓᬾᬦᬾᬫᬕᭀᬩ᭞ᬲᬶᬜᬮᬶᬬᬸ
ᬳᬦᬓ᭄ᬢᬳᬸ᭞ᬫ᭄ᬮᬳᬦ᭄ᬫᬲᬮᬶᬦ᭄ᬕᭀᬩᬵ᭟᭜᭟ᬲᬹᬃᬬ᭄ᬬᬓᬸᬲᬸᬫᬜᬯᬸᬭᬶ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬗᬂ᭞ᬭᬾᬄᬳᬦ᭄ᬢᬸᬓ᭄ᬢᬫ᭄ᬩᭂᬢ᭄ᬢᬶᬢ᭄ᬬᬗᬾ᭞ᬯᬦ᭄ᬢᬄᬩ᭄ᬮᬶᬳᬶᬭᬶᬂᬢᬶᬢ᭄ᬬᬂ᭞ᬳᬶᬬᬫ᭄ᬩᬃᬓᬯᬶᬫᬜᭂᬫᬓ᭄᭞ᬩᬸᬗ᭄ᬓᬸᬗᬾᬧᭂᬲᬸᬯᬂᬮᬯᬸᬢ᭄᭞ᬭᬭᬶᬲ᭄ᬫᬗᬚᬶᬬᬂᬪᭀᬕ᭞ᬢᬸᬫᬸᬮᬶᬲᬵᬫ᭄ᬧᬸᬦ᭄ᬫᬲᬮᬶᬦ᭄᭞ᬕᭀ᭠
ᬩᬦ᭄ᬜᬦᬾᬫᬓᬤᬤ᭄ᬯ᭞ᬳᬶᬬᬫ᭄ᬩᬃᬓᬯᬶᬭᬸᬧᬦᬾ᭞ᬢᬸᬮᬾᬦ᭄ᬫᬳᬶᬭᬶᬩ᭄ᬲᬸᬩᬦ᭄ᬤᬃ᭞ᬮᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬳᬶᬬᬫ᭄ᬩᬃᬓᬯᬶᬳᬫᬸᬯᬸᬲ᭄᭞ᬚᬦᬶᬗᬚᬶᬮᬍᬫᭂᬲᬦ᭄᭟᭜᭟ᬧᬾᬮᬕ᭄ᬯᬃᬡ᭄ᬦᬦ᭄ᬜᬦᬾᬩ᭄ᬘᬶᬓ᭄᭞ᬮᬍᬫᭂᬲᬦ᭄ᬲᬸᬩᬳᬤ᭞ᬢᬸᬫᬸᬮᬶᬭᬳᬶᬦᬋᬓᭀ᭞ᬮᬯᬸᬢ᭄ᬦᭂᬕᭂᬦ᭄ᬮᬍᬫᭂᬲᬦ᭄᭞ᬧ᭄ᬭᬬᬧᬘᬂᬫᬢ
ᬜ᭄ᬚ᭞ᬳᬶᬲᬹᬃᬬ᭄ᬬᬓᬸᬲᬸᬫᬲᬵᬫ᭄ᬧᬸᬦ᭄᭞ᬧᬤᬵᬦ᭄ᬕᭂᬦ᭄ᬮᬍᬫᭂᬲᬦ᭄᭟᭜᭟᭛ᬧᬗ᭄ᬓᬸᬃ᭛᭟ᬳᬶᬬᬫ᭄ᬩᬃᬓᬯᬶᬓᭀᬘᬧ᭞ᬫᬳᬶ᭠ᬍᬳᬦ᭄ᬲᬹᬃᬬ᭄ᬬᬓᬸᬲᬸᬫᬫᬗᬶᬭᬶ᭞ᬫᬤᬕᬂᬧᬤᬵᬜᬮᬸᬓ᭄ᬱᬸᬓ᭄᭞ᬚ᭄ᬭᭀᬦᬶᬂᬤᬾᬰᬩ᭄ᬭᬂᬧᬦᬲ᭄᭞ᬲᬓᬾᬂᬜᬭᬸ᭞ᬫᬗᬮᬶᬄᬳᭀᬃᬢ᭄ᬣᬦᬾᬤᬶᬢᬸ᭞ᬜᬺᬧᬂᬳᬶᬲᬹᬃᬬ᭄ᬬ [ 75 ][᭗᭔ 74B]
᭗᭔
ᬓᬶᬸᬲᬶᬸᬫᬶᬸᬓᭂᬜ᭄ᬘᬦᬵ᭞ᬲᬸᬩᬲᬜ᭄ᬚᬲᬸᬭᬸᬧ᭄ᬭᬯᬶ᭟᭜᭟ᬤᬕᬗᬦᬾᬫᬸᬤᬄᬫᬸᬤᬄ᭞ᬤᬤᬶᬕᬶᬭᬂᬮ᭄ᬬᬸᬳᬦᬓᬾᬫ᭄ᬮᬶᬦᬶᬦ᭄᭞ᬤᬕᬗᬦᬾᬳᬮᬸ᭠ᬲ᭄ᬳᬮᬸᬲ᭄᭞ᬢᬹᬃᬗᬤᭂᬧ᭄ᬫᬸᬤᬄᬫᬸᬤᬄ᭞ᬲᬜ᭄ᬚᬗᭀᬚᭀᬕ᭄᭞ᬮᬶᬸᬭᬶᬸᬚᬸᬫᬄᬳᬶᬮᬭᬵᬫᬗ᭄ᬮᬯᬸᬢ᭄᭞ᬦᬾᬫ᭄ᬯᬦᬶᬦᭂᬫᭀᬦᬶᬦ᭄ᬤᬶᬯᬂ᭞ᬳᬶᬬᬫ᭄ᬩᬃᬓᬯᬶᬦᬶᬜ᭄ᬚᭀᬯᬶᬦ᭄᭟᭜᭟
ᬯᬂᬚ᭄ᬭᭀᬬᬦᬶᬓᬶᬫᬩ᭄ᬮᬜ᭄ᬚ᭞ᬦᬸᬫ᭄ᬩᬲ᭄ᬯᬲ᭄ᬢ᭄ᬭᬓᬫ᭄ᬧᬸᬳᬾᬩ᭄ᬘᬶᬓ᭄ᬩᭂᬘᬶᬓ᭄᭞ᬳᬶᬮᬮᬶᬸᬭᬵᬫᬲᬯᬹᬃᬳᬮᬸᬲ᭄᭞ᬢᬶᬢ᭄ᬬᬂᬢ᭄ᬯᬭᬵᬗ᭄ᬮᬄᬚᬶᬦᬄ᭞ᬫᬗ᭄ᬤᬯᬾᬦ᭄ᬢᭂᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬦᬸᬫ᭄ᬩᬲᬧᬸᬢ᭄᭞ᬓᬮᬶᬂᬓᬾᬦᬸᬫ᭄ᬩᬲ᭄ᬯᬲ᭄ᬢ᭄ᬭ᭞ᬦᬸᬫ᭄ᬩᬲᬵᬩᬸᬓ᭄ᬢᬸᬯᬭᬵᬧᭀᬮᬶᬄ᭟᭜᭟ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬲᬸᬩᬲᬜ᭄ᬚᬚᬮᬦ᭄ᬢᬾᬳ᭄ᬬᬤᬸ
ᬦᬸᬗᬶᬦ᭄᭞ᬲᬓ᭄ᬦᭂᬫ᭄ᬜᬦᬾᬬᬲᬸᬯᬸᬂ᭞ᬳᬶᬬᬫ᭄ᬩᬃᬓᬯᬶᬗᬸᬘᬧ᭄᭞ᬚᭂᬭᭀᬯᬬᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬫᬤᬤᬸᬦᬸᬂ᭞ᬤᬾᬦᬶᬂᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬲᬜ᭄ᬚ᭞ᬳᬶᬮᬭᬵᬫᬲᬯᬹᬃᬳᬭᬶᬲ᭄᭟᭜᭟ᬤᬾᬦᬶᬂᬲᬫᬶᬢ᭄ᬯᬭᬵᬳᬤᬵ᭞ᬩ᭄ᬘᬶᬓ᭄‌ᬮ᭄ᬬᬦᬦ᭄ᬫᬗᬺᬋᬄᬫᬮᬶᬄ᭞ᬩᭀᬬᬲᬓᬶᬂᬢᬶᬢ᭄ᬬᬂᬦᬸᬦ᭄ᬤᬸᬂ᭞ᬢ᭄ᬯᬭᬜᬓ᭄ᬧᬘᬂᬗᬚᬓ᭄᭞ᬧ
ᬕ᭄ᬦᬳᬦ᭄᭞ᬧᬸᬦᬶᬓᬩᬮᬾᬳᬩᬸᬗ᭄ᬓᬸᬮ᭄᭞ᬲᬓ᭄ᬦᭂᬫ᭄ᬢᬶᬢ᭄ᬬᬂᬫᬢᬮᬂ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭟᭜᭟ᬢᭀᬦᬧᬶᬩ᭄ᬯᬶᬦ᭄‌ᬢ᭄ᬯᬭᬵᬳᬤᬵ᭞᭠ᬳᬶᬮᬭᬵᬩᬸᬓᬳᬾᬤᬍᬫ᭄ᬜᬯᬸᬭᬶᬦ᭄᭞ᬩᬳᬦ᭄ᬳᬯᬓᬾᬩᬲ᭄ᬭᬸᬢ᭄ᬭᬸᬢ᭄᭞ᬢ᭄ᬯᬭᬵᬗ᭄ᬮᬄᬕᬤᬸᬕᬮ᭄᭞ᬤᬤᬶᬬᬜ᭞ᬫᬗ᭄ᬮᭂᬫᬄᬫᬫᬸᬜᬶᬳᬮᬸᬲ᭄᭞ᬳᬶᬗ᭄ᬕᬶᬄᬕᬍᬂ

[᭗᭕ 75A]
᭗᭕
ᬢ᭄ᬯᬳᬤᬵ᭞ᬳᬗ᭄ᬕᭀᬦ᭄ᬫᬲᬭᬾᬳᬶᬭᬶᬓᬶ᭟᭜᭟ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬬᬤᬶᬦ᭄ᬓᬾᬢᭀᬬᬦᬶᬂᬲᬸᬩᬵᬗᬚᬓ᭄ᬤᬶᬦᬶ᭞ᬢᬶᬢ᭄ᬬᬂᬤᬶᬦᬶᬫᬤᬤᬸᬦᬸᬂ᭞ᬢᬦ᭄ᬧᬢᬶᬓᭂᬄᬢᬶᬢ᭄ᬬᬂᬲᬸᬓᬵ᭞ᬬᬳᬶᬮᬭᬵ᭞ᬫᬲᬯᬹᬃᬫᬸᬜᬶᬦᬾᬳᬮᬸᬲ᭄᭞ᬳᬶᬗ᭄ᬕᬶᬄᬬᬾᬦ᭄‌ᬢ᭄ᬯᬄᬚ᭄ᬭᭀᬦᬾᬲᬸᬓᬵ᭞ᬦ᭄ᬤᬸᬦᬸᬗᬶᬦ᭄ᬢᬶᬢ᭄ᬬᬂᬳᬶᬭᬶᬓᬶ᭟᭜᭟ᬤᬾᬦᬶᬂ
ᬲᬫᬶᬢ᭄ᬯᬭᬵᬳᬤᬵ᭞ᬳᬗ᭄ᬕᭀᬦ᭄ᬢᬶᬢ᭄ᬬᬂᬦᬫ᭄ᬬᬸᬚ᭄ᬭᭀᬦᬾᬳᬶᬭᬶᬓᬶ᭞ᬳᬧᬂᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬳᬗ᭄ᬕᭀᬦ᭄‌ᬚ᭄ᬭᭀᬦᬾᬢᬸᬢᬸᬭᬦ᭄᭞ᬳᬶᬬᬫ᭄ᬩᬃᬓᬯᬶ᭞ᬭᬭᬶᬲ᭄ᬬᬫᬲᬯᬹᬃᬳᬮᬸᬲ᭄᭞ᬲᭀᬓ᭄ᬳᬶᬘᬾᬦ᭄ᬫᬜ᭄ᬮᬂᬤᬫᬃ᭞ᬳᬶᬮᬭᬵᬫᬮᬶᬄᬜᬯᬹᬭᬶᬦ᭄᭟᭜᭟ᬧᬦᬓ᭄ᬜᬦᬾᬗᭂᬜᬶᬢ᭄ᬤᬫᬃ᭞ᬩᬧᬦ᭄ᬜᬦᬾᬮᬦ᭄ᬢᬲ᭄ᬗᬯᬸᬓᬶᬦ᭄᭞ᬤᬫᬭᬾ
ᬫᬳᬶᬳᬩᬳ᭄ᬮᬸᬄ᭞ᬧᬦᬓ᭄ᬜᬦᬾᬗᭂᬜ᭄ᬚᬸᬳᬂ᭞ᬓᬚᭂᬫᬓᬶᬦ᭄᭞ᬤᬫᬭᬾᬮᬦ᭄ᬢᬲ᭄ᬓᬕᬦ᭄ᬢᬸᬂ᭞ᬢᬦ᭄ᬲᬄᬩᬋᬂᬫᬋᬭᬯᭀᬲᬦ᭄᭞ᬲᬋᬂᬭᬶᬂᬳᬶᬬᬫ᭄ᬩᬃᬓᬯᬶ᭟᭜᭟ᬳᬶᬬᬫ᭄ᬩᬃᬓᬯᬶᬓᬢᬸᬕᭂᬲᬂ᭞ᬲᬓᬶᬂᬤᬶᬚᬚ᭄ᬭᭀᬦᬾᬫᬤᬕᬂᬫᬭᬶᬓᬶ᭞ᬳᬶᬬᬫ᭄ᬩᬃᬓᬯᬶᬲᬸᬫᬯᬸᬃ᭞ᬢᬶᬢ᭄ᬬᬂᬲᬓᬶᬂᬚᬯᬦᬸᬰᬵ᭞ᬗᬸᬮᬓ᭄ᬗᬸᬮᬓ᭄᭞ᬫᬤᬕᬂᬫᬭᬶᬓᬶ
ᬭᬯᬸᬄ᭞ᬤᬾᬰᬦ᭄ᬢᬶᬢ᭄ᬬᬗᬾᬩᬲ᭄ᬢᭂᬭᬓ᭄᭞ᬳᬯᬦᬦ᭄ᬭᬯᬸᬄᬫᬭᬶᬓᬶ᭟᭜᭟ᬳᬶᬮᬭᬵᬫᬮᬶᬄᬳᬗᬸᬘᬧ᭄᭞ᬗᬶᬂᬳᬫ᭄ᬧᬸᬭᬵᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬳᬯᬦᬦ᭄ᬢᬶᬢ᭄ᬬᬗᬾᬩᬳᬸ᭞ᬯᬦ᭄ᬢᬄᬫᬳᬢᬹᬃᬧᬲᬚ᭞ᬓᬤᬶᬫᬗ᭄ᬓᬶᬦ᭄᭞ᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬓᬳᬢᬹᬃ᭞ᬘᬦᬂᬳᬗᬦ᭄ᬳᬧᬓ᭄ᬧᬓᬦ᭄᭞ᬫᬜᭂᬫ᭄ᬩ᭄ᬭ [ 76 ][᭗᭕ 75B]
᭗᭕
ᬫᬚ᭄ᬭᬾᬦᬾᬫᬗ᭄ᬓᬶᬦ᭄᭟᭜᭟ᬢᬶᬓᭂᬄᬕᬍᬂᬲᬫᬶᬢ᭄ᬯᬭᬵ᭞ᬦᬧᬶᬳᬗ᭄ᬕᭀᬦ᭄‌ᬚ᭄ᬭᭀᬦᬾᬫᬺᬫ᭄ᬤᬶᬭᬶᬓᬶ᭞ᬳᬶᬬᬫ᭄ᬩᬃᬓᬯᬶᬫᬲᬯᬹᬃ᭞ᬬᬓᬾᬧᬘᬂ᭠ᬭᬯᭀᬲᬂ᭞ᬳᬶᬗ᭄ᬕᬶᬄᬫ᭄ᬦᭂᬂ᭞ᬩᬾᬜ᭄ᬚᬂᬫᬦᬸᬫ᭄ᬩᬲ᭄‌ᬚ᭄ᬭᭀᬧᬸᬢᬸ᭞ᬦᬶᬓᬶᬚᬶᬦᬄᬢᬶᬢ᭄ᬬᬗᬢᬹᬭᬂ᭞ᬦᬸᬫ᭄ᬩᬲ᭄ᬢᬶᬓᭂᬄᬕᬍᬂᬲᬫᬶ᭟᭜᭟ᬬᬤᬶᬦ᭄ᬳᬗ᭄ᬕᬾᬦᬸᬩᬶᬸᬫ᭄ᬩᬲ᭄ᬩᭂᬭᬲ᭄᭞ᬦᬶ
ᬓᬶᬚᬶᬦᬄᬲᬫ᭄ᬧᬸᬦ᭄‌ᬗᬾᬯᭂᬳᬂᬲᬫᬶ᭞ᬲᬦᬾᬜᬦ᭄ᬤᬂᬢᬸᬫ᭄ᬩᬲᬫ᭄ᬧᬸᬦ᭄᭞ᬤᬵᬚᬵᬫᬮᬶᬄᬗ᭄ᬭᬯᭀᬲᬂ᭞ᬢ᭄ᬓᬳᬫ᭄ᬩᬶᬮ᭄᭞ᬳᬓᬸᬤᬚᬵᬜᬦ᭄ᬤᬂᬳᬶᬧᬸᬦ᭄᭞ᬦᬾᬧᬘᬂᬳᬗ᭄ᬕᭀᬦ᭄ᬫᬩ᭄ᬮᬜ᭄ᬚ᭞ᬦᬶᬓᬶᬚᬶᬦᬄᬭᭀᬭᬲ᭄ᬢᬮᬶ᭟᭜᭟ᬧᬦᬓ᭄ᬜᬳᬶᬮᬘᬹᬃᬜᬕ᭄ᬚᬕ᭄᭞ᬫᬗᬯᬸᬓᬶᬦ᭄ᬩᬧᬦ᭄ᬜᬗᬚᬂᬧᬶᬧᬶᬲ᭄᭞ᬭᬭᬶᬲ᭄ᬗᭂ
ᬚᬂᬚᬶᬦᬄᬲᬵᬫ᭄ᬧᬸᬦ᭄᭞ᬳᬶᬮᬭᬵᬬᬫᬦ᭄ᬕᬓ᭄᭞ᬳᬶᬮᬘᬹᬃᬬ᭞ᬫᬲᬶᬄᬩᬋᬂᬦ᭄ᬕᬓ᭄ᬤᬶᬢᬸ᭞ᬤᬶᬳᬫ᭄ᬧᬶᬓᬾᬫᬧ᭄ᬮᬮᬶᬬᬦ᭄᭞ᬳᬶᬬᬫ᭄ᬩᬃᬓᬯᬶ᭠ᬗᬯᬸᬓᬶᬦ᭄᭟᭜᭟ᬳᬶᬮᬭᬭᬭᬶᬲ᭄ᬢᭂᬤᬸᬦᬦ᭄᭞ᬧ᭄ᬬᬦᬓ᭄ᬜᬦᬾᬧᬶᬸᬩᬋᬂᬦᬸᬢᬸᬢᬶᬦ᭄ᬕᭂᬮᬶᬲ᭄᭞ᬬᬫᬸᬮ᭄ᬬᬦ᭄ᬚᬦᬶᬫᬗ᭄ᬮᬯᬸᬢ᭄᭞ᬳᬶᬬᬫ᭄ᬩᬃᬓᬯᬶᬓᭀᬘᬧ᭄᭞ᬭᬭᬶᬲ᭄ᬳᬶ
ᬬ᭞ᬦᬩ᭄ᬤᬩ᭄ᬧᬲᬭᬾᬬᬦ᭄ᬤᬶᬢᬸ᭞ᬮᬍᬫᭂᬲᬦᬾᬓᬓᭂᬩᬢᬂ᭞ᬫᬢᬶᬓᭂᬄᬧᬋᬫᬲ᭄ᬓᬸᬦᬶᬂ᭟᭜᭟ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬩᬋᬂᬩᬋᬂᬗᭂᬩᬢᬂᬧᬾᬋᬫᬲ᭄ᬓᬸᬦᬶᬂ᭞ᬕᬍᬂᬜᬦᬾᬩᬦ᭄ᬕᬕᬸᬮᬸᬂ᭞ᬮᬗ᭄ᬲᬾᬧᬶᬢᭀᬮᬲᬸᬢᬺ᭞ᬫᬮᬮᬸᬳᬸᬃ᭞ᬩᬳᬦ᭄ᬧᬾᬋᬫᬲ᭄ᬳᬮᬸᬲ᭄ᬳᬮᬸᬲ᭄᭞ᬭᬭᬲ᭄ᬫ

[᭗᭖ 76A]
᭗᭖
ᬲᬭᬾᬧᬓᬮᬶᬄᬳᬦ᭄᭞ᬩᬦ᭄ᬮᭂᬲᬸᬦᬾᬢᬦ᭄ᬲᬶᬦᬶᬧᬶ᭟᭜᭟ᬳᬶᬮᬭᬵᬩᬗᬸᬦ᭄ᬧᬲ᭄ᬫᭂᬗᬦ᭄᭞ᬭᬭᬶᬲ᭄ᬧᭂᬲᬸᬢᬫ᭄ᬬᬸᬦᬾᬬᬮ᭄ᬬᬢᬶᬦ᭄᭞ᬢᬶᬓᭂᬄᬜᬦᬾᬳᬩ᭄ᬭᬫᬸᬭᬸᬩ᭄᭞ᬧᬾᬃᬫ᭄ᬫᬵᬲ᭄ᬓᬸᬦᬶᬂᬫᬓᭂᬩᬢ᭄᭞ᬕᬍᬂᬜᬦᬾ᭞ᬗᭂᬦᬄᬗ᭄ᬭᬜᬩ᭄ᬩᬦ᭄ᬕᬕᬸᬮᬸᬂ᭞ᬮᬗ᭄ᬲᬾᬮᬮᬸᬳᬹᬃᬧᬶᬢᭀᬮ᭞
ᬳᬶᬮᬭᬵᬩ᭄ᬗᭀᬂᬗᬶᬯᬲᬶᬦ᭄᭟᭜᭟ᬳᬶᬮᬭᬮᬦ᭄ᬢᬲ᭄ᬫᬸᬮᬶᬬᬦ᭄᭞ᬧ᭄ᬬᬦᬓ᭄‌‌ᬲᭀᬫᬄᬜᬦᬾᬮᬦ᭄ᬢᬲ᭄ᬤᬸᬦ᭄ᬤᬸᬦᬶᬦ᭄᭞ᬩᬗᬸᬦ᭄ᬓᬸ᭠ᬤᬵᬜᬳᬶᬫᬮᬸ᭞ᬮ᭄ᬬᬢᬶᬦ᭄ᬢᬫ᭄ᬬᬸᬦᬾᬤᬶᬯᬂ᭞ᬭᬭᬶᬲ᭄ᬩᬗᬸᬦ᭄᭞ᬧ᭄ᬬᬦᬓ᭄ᬱᭀᬫᬄᬜᬦᬾᬲᬵᬫ᭄ᬧᬸᬦ᭄᭞ᬧᭂᬲᬸᬯᬦ᭄ᬢᭂᬓᭂᬤᬶᬯᬗᬦ᭄᭞ᬢᬫ᭄ᬬᬸᬦᬾ
ᬢ᭄ᬯᬭᬵᬗᭂᬤᬸᬲᬶᬦ᭄᭟᭜᭟ᬳᬶᬮᬭᬵᬮᬸᬄᬚᬦᬶᬗᬸᬘᬧ᭄᭞ᬳᬸᬮᬶᬤᬶᬚᬢᬫ᭄ᬬᬸᬦᬾᬦᬾᬜᬩ᭄ᬮᬶ᭞ᬦᬾᬫ᭄ᬯᬦᬶᬫᬲᬯᬹᬃᬳᬮᬸᬲ᭄᭞ᬳᬸᬮᬶᬤᬶᬚᬯᬵᬦᬸᬱᬵ᭞ᬓᬾᬢᭀᬯᬦ᭄ᬢᬄ᭞ᬧᬫᬸᬜᬶᬦ᭄ᬜᬦᬾᬫᬗᬓᬸ᭞ᬲᬕᭂᬢ᭄ᬩᬗᬸᬦ᭄ᬫᬓᬤᬤ᭄ᬯ᭞ᬳᬶᬬᬫ᭄ᬩᬃᬓᬯᬶᬫᬫᬸᬜᬶ᭟᭜᭟ᬳᬶ
ᬮᬭᬵᬫᬲᬯᬹᬃᬳᬾᬗ᭄ᬕᬮ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬦ᭄ᬤᬶᬓᬦ᭄‌‌ᬚ᭄ᬭᭀᬦᬾᬫᬗ᭄ᬓᬶᬦ᭄᭞ᬳᬶᬬᬫ᭄ᬩᬃᬓᬯᬶᬳᬫᬸᬯᬸᬲ᭄᭞ᬦᬾᬚᬦᬶᬢᬶᬢ᭄ᬬᬂᬮᬸᬯᬲ᭄᭞ᬜᬳᬦ᭄ᬲᬜ᭄ᬚ᭞ᬢᬶᬢ᭄ᬬᬂᬫᬮᬶᬄᬢᬸᬮᬓ᭄ᬫᬦ᭄ᬢᬸᬓ᭄᭞ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬢᬦ᭄ᬓᬘᬭᬶᬢ᭄ᬣᬤᬶᬚᬮᬦ᭄‌ᬫᬗ᭄ᬓᬶᬦ᭄᭟᭜᭟ [ 77 ][᭗᭖ 76B]
᭗᭖
ᬢ᭄ᬓᭂᬤᬶᬧᬲᬃᬫᬤᬕᬂ᭞ᬫᬜᬗ᭄ᬲᬗᬂᬮᬍᬫᭂᬲᬦᬾᬲᬫᬶ᭞ᬦᬾᬫᬩ᭄ᬮᬜ᭄ᬚᬢ᭄ᬓᬮᬶᬬᬸ᭞ᬳᬤᬵᬫ᭄ᬮᬶᬓᬫ᭄ᬩᭂᬦ᭄‌‌ᬩ᭄ᬮᬾᬓᬢ᭄᭞ᬮᬾᬦ᭄ᬢᭀᬳᬤᬵ᭞ᬫᭂᬮᬶᬩᬢᬶᬓ᭄ᬱᬸᬢᬺᬳᬮᬸᬲ᭄᭞ᬤᬾᬦᬶᬂᬚᬦᬶᬲᬸᬩᬲᬜ᭄ᬚ᭞ᬤᬕᬗᬾᬫᬓᬶᬭᬾᬫᬸᬮᬶᬄ᭟᭜᭟ᬗᬩᬧᬶᬧᬶᬲ᭄ᬮᬶᬫᬂᬮᬓ᭄ᬱ᭞
ᬬᬫᬸᬧᬳᬂᬫᬦᬸᬦ᭄ᬤᬾᬦ᭄ᬗᬩᬫᬸᬮᬶᬄ᭞ᬧ᭄ᬢᭂᬂᬢ᭄ᬓᭂᬤ᭄ᬚᬸᬫᬄᬲᬫ᭄ᬧᬸᬦ᭄᭞ᬳᬶᬬᬫ᭄ᬩᬃᬓᬯᬶᬗᬸᬘᬧ᭄᭞ᬢᭀᬩ᭄ᬦᭂᬳᬂ᭞ᬧᬶᬧᬶᬲᬾᬲᬶᬫ᭄ᬧᭂᬦᬂᬫ᭠ᬮᬸ᭞ᬳᬶᬮᬶᬸᬮᬭᬵᬳᬾᬜ᭄ᬘᭀᬂᬫ᭄ᬦᭂᬳᬂ᭞ᬓᬧᭂᬦ᭄ᬧᭂᬦ᭄ᬚᬸᬫᬳᬦ᭄ᬲᬫᬶ᭟᭜᭟ᬓᭀᬘᬧ᭄ᬲᬩ᭄ᬭᬦ᭄ᬲᬧᬸᬦᬶᬓ᭞ᬲ᭄ᬫᭂᬂᬮᬸᬯᬲ᭄ᬫᬤᬕᬂᬲᬋᬂᬓᬮᬶᬄ᭞ᬢᬸᬗ᭄ᬕᬮ᭄ᬲ
ᬜ᭄ᬚᬢᬸᬮᬓ᭄ᬫᬦ᭄ᬢᬸᬓ᭄᭞ᬲᬳᬶᬫᬫᬓ᭄ᬢᬚᬶᬦᬄ᭞ᬲᬓᬶᬢᬃᬮᬶᬫᬂᬮᬓ᭄ᬱᬫᬓ᭄ᬢᬫᬦ᭄ᬢᬸᬓ᭄᭞ᬧᬩᬦ᭄ᬜᬦᬾᬫᬤᬕᬂ᭞ᬳᬶᬮᬭ᭠ᬍᬕᬢᬦ᭄ᬲᬶᬧᬶ᭟᭜᭟ᬲᬯᬢᬭᬵᬮᬶᬫᭀᬮᬲ᭄ᬤᬶᬦᬵ᭞ᬚᬦᬶᬦᭂᬫᭀᬦᬶᬦ᭄ᬲᬂᬧ᭄ᬭᬪᬹᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬗ᭄ᬕᬯᬧᬺᬭᬵᬢᬹ᭞ᬫᬦᬗ᭄ᬓᬶᬮ᭄ᬤᬶ
ᬩᬜ᭄ᬘᬶᬗᬄ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬋᬰᬶᬪᭀᬚᬦᬵᬫᬮᬸᬗ᭄ᬕᬸᬄ᭞ᬭᬭᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬭᬶᬂᬧᬢᬶᬄᬍᬗ᭄ᬓᬭᬵᬕ᭄ᬮᬶᬲ᭄᭟᭜᭟ᬧᬢᬶᬄᬓᬾᬦ᭄ᬓᬾᬦ᭄ᬩᬦ᭄ᬫᬤᬬᬵ᭞ᬲᬶᬭᬵᬧᬢᬶᬄᬍᬗ᭄ᬓᬭᬵᬫᬵᬢᬹᬃᬭᬭᬶᬲ᭄᭞ᬳᬶᬗ᭄ᬕᬶᬄᬯᬘᬦᬬᬂᬭᬵᬢᬹ᭞ᬲᬂᬧ᭄ᬭᬪᬹᬫᬗᬦ᭄ᬤᬶᬓ᭞ᬩᬳᬦ᭄ᬳᬤᬵ᭞ᬧ

[᭗᭗ 77A]
᭗᭗
ᬗᬶᬤᬶᬬᬦ᭄ᬜᬳᬶᬳᬬᬸ᭞ᬦᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬳᬧᬂᬜᬦᬾᬫᬗ᭄ᬤᬾᬫᬢᬶ᭟᭜᭟ᬳᬶᬬᬫ᭄ᬩᬃᬓᬯᬶᬢᭀᬢᭀᬜ᭞ᬓᬕᬾᬮᬦ᭄ᬜᬩᬦ᭄ᬳᬶᬳᬶᬸᬫ᭄ᬩᬶᬸᬃᬓᬶᬸᬯᬶᬸ᭞ᬓᭂᬜ᭄ᬘᬦᬵᬯᬢᬶ᭞ᬮᬫᬸᬦ᭄ᬳᬶᬬᬲᬸᬩᬮᬫ᭄ᬧᬸᬲ᭄᭞ᬬᬳᭂᬜᬓ᭄ᬫᬕᬕᬾᬮᬦ᭄᭞ᬮᬫᬸᬦ᭄ᬳᭂᬦ᭄ᬢᭀ᭞ᬧᬗᬶᬤᬶᬬᬦ᭄ᬜᬦᬾᬩᬳᬸ᭞ᬚᬦᬶ
ᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬳᬧᬂᬳᬶᬬᬲᬶᬤᬵᬫᬢ᭄ᬣᬶ᭟᭜᭟ᬳᬶᬧᬢᬶᬄᬫᬳᬢᬹᬃᬲᭂᬫ᭄ᬩᬄ᭞ᬩᭀᬬᬓᬵᬢᬹᬃᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬤᬾᬦᬶᬂᬩᬲ᭄ᬓᬤᭀᬳᬦ᭄ᬳᬶᬧᬸᬦ᭄᭞ᬦᬕᬭᬦᬾᬧᬸᬦᬶᬓ᭞ᬳᬶᬗ᭄ᬕᬄᬭᬵᬢᬹ᭞ᬢᬶᬢ᭄ᬬᬂᬫᬵᬢᬹᬃᬭᬶᬂᬳᬶᬭᬵᬢᬹ᭞ᬢᬶᬢ᭄ᬬᬂᬫᬦᬸᬦᬲ᭄ᬮᬸᬕ᭄ᬭᬳᬵ᭞ᬲᬋᬂᬓᬯᬸᬮᬦᬾᬲᬫᬶ᭟᭜᭟
ᬫᬧᬫᬶᬢ᭄ᬚᬕᬫᬗ᭄ᬭᬶᬱ᭄ᬝ᭞ᬢᬶᬢ᭄ᬬᬂᬗ᭄ᬭᬸᬲᬓ᭄ᬤᬾᬰᬦ᭄ᬳᬶᬧᬸᬦᬾᬲᬫᬶ᭞ᬗᬦ᭄ᬤᬶᬓᬳᬶᬤᬵᬲᬂᬧ᭄ᬭᬪᬹ᭞ᬳᬧᬳᬗ᭄ᬕᭀᬳᬯᬦᬦ᭄᭞ᬤᬶᬦᬶ᭠ᬚᬦᬶ᭞ᬤᬶᬚᬗᬮᬶᬄᬧ᭄ᬭᬳᬸᬮᬶᬬᬸ᭞ᬤᬶᬦᬶᬩᬦ᭄ᬢᬲ᭄ᬧ᭄ᬭᬳᬸᬧᬢ᭄ᬧᬢ᭄᭞ᬳᬓᬸᬤᬵᬧᬘᬂᬗᬸᬯᬢᬶᬦ᭄᭟᭜᭟ᬩᬢᭂᬓ᭄ᬳᬚᬓ᭄‌ᬤ᭄ᬯᬂᬮᬓ᭄ᬱ᭞ᬢ᭄ᬓᬓ᭄ᬫᬳᬚᬓ᭄ᬧ
ᬘᬂᬗ᭄ᬭᬶᬱ᭄ᬝᬳᬶᬦ᭄᭞ᬤᭀᬂᬓᬾᬩᬜᬫᬢᬶᬮᬸᬚᬸᬕ᭄᭞ᬲᬢ᭄ᬜᭂᬩᬸᬭᬶᬦ᭄ᬲᭂᬕᬭᬵ᭞ᬲᬶᬭᬵᬧᬢᬶᬄ᭞ᬍᬗ᭄ᬓᬭᬵᬯᬶᬚᬬᬫᬵᬢᬹᬃ᭞ᬓᬤᬶᬧᬗ᭄ᬭᬯᭀᬲᬾᬧᬶᬤᬵᬦ᭄᭞ᬲᬢ᭄ᬫᬓᬦᭂᬩᭂᬓᬶᬦ᭄ᬘᬶᬘᬶᬂ᭟᭜᭟ᬫᬢᭂᬕᬸᬮ᭄‌ᬩᬸᬯᬶᬦ᭄ᬫᬓᬶᬱᬵ᭞ᬢᭀᬳᬓᬸᬤᬵᬫᬓ᭄ᬮᭀᬦᬾᬗᭂᬜ᭄ᬘᬦᬶᬦ᭄᭞ᬤᬤᬶᬓ᭄ᬤᬾ [ 78 ][᭗᭗ 77B]
᭗᭗
ᬓᬾᬫᬩ᭄ᬭᬶᬬᬸᬓ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓ᭞ᬳᭂᬦ᭄ᬢᭀᬚᬢᬶ᭞ᬬᬤᬶᬦ᭄ᬩᬜᬳᬚᬓ᭄ᬮᬶᬬᬸ᭞ᬗᬶᬂᬢ᭄ᬓᬳᬶᬦ᭄ᬲᬓᬤᬤ᭄ᬯ᭞ᬫᬰᬵᬓᬾᬬᬩᬸᬳᬸᬂᬩᬺᬲᬶᬄ᭟᭜᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓᬵ᭞ᬢᭀᬓ᭄ᬦᭂᬳᬂᬚᬦᬶᬧᬤᬵᬫᬓᬶᬓᬶᬢ᭄᭞ᬳᬧᬂᬩᬜᬫ᭄ᬦᬂᬳᬸᬢᬸᬄ᭞ᬜᬮᬦᬂᬳᬸᬧᬬ᭞ᬲᬶᬭᬵᬧᬢᬶᬄ᭞ᬍᬗ᭄ᬓ
ᬭᬵᬯᬶᬚᬬᬫᬵᬢᬹᬃ᭞ᬬᬾᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬾᬯᭂᬄᬧᬘᬂᬫᬫᬯᭀᬲᬶᬦ᭄᭟᭜᭟ᬲᬂᬧ᭄ᬭᬪᬹᬫᬮᬶᬄᬫᬗᬦ᭄ᬤᬶᬓ᭞ᬳᬤᬤᬤ᭄ᬯᬓᭂᬦ᭄ᬤᭂᬮᬂᬳᬶᬭᬵᬚᬦᬶ᭞ᬬᬾᬦ᭄ᬲᬶᬤᬵᬓ᭄ᬦᭂᬳᬾᬲᬢᬸᬳᬸᬓ᭄᭞ᬲᬓᬋᬧᬾᬓᬲᬤ᭄ᬬᬦ᭄᭞ᬤᬤᬶᬲᭂᬧᬶ᭞ᬧᬸᬗ᭄ᬕᬯᬦᬾᬢᬦ᭄ᬧᬲᬯᬹᬃ᭞ᬗ᭄ᬭᬱᬳᬯᬓ᭄ᬢᬦ᭄ᬜᬶᬤ᭠
ᬬᬂ᭞ᬫᬾᬭᬗᬾᬢᬦ᭄ᬲᬶᬧᬶᬲᬶᬧᬶ᭟᭜᭟ᬤᬤᬶᬧᬤᬜᭂᬮ᭄ᬲᭂᬮ᭄ᬳᬯᬓ᭄᭞ᬲᬶᬭᬵᬧᬢᬶᬄᬍᬗ᭄ᬓᬭᬵᬫᬵᬢᬹᬃᬫᬮᬶᬄ᭞ᬳᬶᬗ᭄ᬕᬶᬄᬧᬤᬕᬶᬗᬦ᭄ᬳᬶᬧᬸᬦ᭄᭞ᬮᬘᬹᬃᬘᭀᬓᭀᬃᬳᬶᬤᬾᬯ᭞ᬓᬢᬸᬯᭀᬦᬾ᭞ᬲ᭄ᬮᬢ᭄ᬲᬕᬭᬵᬤᭀᬄᬭᬵᬢᬹ᭞ᬬᬾᬦ᭄‌ᬢ᭄ᬯᬄᬧᬺᬕᬸᬫᬶᬬᬦ᭄ᬢᬸᬗ᭄ᬕᬮ᭄᭞ᬲᬸᬫᬯᬹᬃᬳᬶᬩᬚ᭄ᬭᬖ᭄ᬦᬶ᭟᭜᭟
ᬬᬾᬦ᭄ᬤᬶᬦᬶᬗᬸᬤᬵᬭᬯᭀᬲᬂ᭞ᬲᬗ᭄ᬓᬦ᭄ᬲᭂᬗ᭄ᬓᭂᬬᬚᭀᬄᬫᬲ᭄ᬮᬢ᭄ᬧᬲᬶᬄ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬮᬸᬲ᭄᭞ᬦᬾᬳᬶᬫᬮᬶᬂᬫᬕᬸᬡ᭄ᬦᬵ᭞ᬩ᭠ᬋᬂᬳᬶᬫᬮᬶᬂ᭞ᬰᬓ᭄ᬢᬶᬬᬧᬘᬂᬓᬳᬸᬢᬸᬲ᭄᭞ᬳᬶᬬᬢ᭄ᬓᬫᬜᬶᬤᬬᬂ᭞ᬳᬧᬂᬳᬶᬬᬢ᭄ᬓᬫᬳᬶ᭟᭜᭟᭛ᬲᬶᬦᭀᬫ᭄᭞᭛᭟ᬫᬵᬢᬹᬃᬳᬶᬫᬮᬶᬂᬫ

[᭗᭘ 78A]
᭗᭘
ᬕᬸᬡ᭄ᬦᬵ᭞ᬲᬋᬂᬮᬦ᭄ᬳᬶᬫᬮᬶᬂᬰᬓ᭄ᬢᬶ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬤᬾᬯᬵ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬲᬂᬧ᭄ᬭᬪᬹᬗᬦ᭄ᬤᬶᬓᬭᬭᬶᬲ᭄᭞ᬳ᭄ᬦᬄᬳᬩᬬᬂᬘᬘᬸᬧᬸ᭞ᬳᬗᬶᬂᬬᬾᬦ᭄ᬫᬜᬶᬤᬬᬂ᭞ᬦᬸᬳᬶᬤᬸᬧ᭄‌ᬬᬳᬩᬫᬳᬶ᭞ᬫᬮᬶᬂᬫᬕᬸᬡ᭄ᬦ᭞ᬫᬮᬶᬂᬲᬓ᭄ᬢᬶᬫᬵᬢᬹᬃᬲᭂᬫ᭄ᬩᬄ᭟᭜᭟ᬲᬦ᭄ᬤᬶᬓᬜ᭄ᬘᭀᬓᭀᬃ
ᬳᬶᬤᬾᬯᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬫᬶᬫᬗᬫ᭄ᬩᬄᬕᬕᬡ᭄ᬦᬵ᭞ᬳᬯᭀᬃᬮᬯᬦ᭄ᬫᬾᬕᬧᬸᬢᬶᬄ᭞ᬢᬦ᭄ᬓᬘᬭᬶᬢ᭄ᬣᬤᬶᬫᬃᬕ᭄ᬕᬶ᭞ᬲᬂᬧ᭄ᬭᬪᬹᬫᬮᬶᬄᬓᬯᬸᬯᬸᬲ᭄᭞ᬭᬭᬶᬲ᭄ᬳᬶᬤᬵᬗᬦ᭄ᬤᬶᬓ᭞ᬭᬶᬂᬧᬢᬶᬄᬍᬗ᭄ᬓᬭᬵᬕ᭄ᬮᬶᬲ᭄᭞ᬦᬄᬓᬾᬧᬢᬶᬄ᭞ᬦᬾᬚᬦᬶᬧᬤᬓ᭄ᬦᭂᬳᬂ᭟᭜᭟ᬫᬵᬢᬹᬃᬳᬶᬧᬢᬶᬄᬍᬗ᭄ᬓᬭᬵ᭞ᬳᬶ
ᬗ᭄ᬕᬶᬄᬳᬦ᭄ᬢᬸᬓ᭄ᬱᬧᬸᬦᬧᬶ᭞ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓ᭞ᬳᭂᬦ᭄ᬢᭀᬬᬾᬦ᭄ᬜᬲᬶᬤᬵᬫᬳᬶ᭞ᬬᬾᬦ᭄ᬳᬩᬜᬦᬸᬳᬸᬭᬶᬧ᭄᭞ᬓᬾᬦ᭄ᬓᬾᬦ᭄ᬭᬱᬦᬾᬤᬶᬢᬸ᭞ᬳᭂᬦ᭄ᬢᭀᬚᬦᬶᬭᬯᭀᬲᬂ᭞ᬳᭂᬜᬓᬾᬬᬧᬘᬂᬤᬶᬦᬶ᭞ᬭᬭᬶᬲ᭄ᬫᬵᬢᬹᬃ᭞ᬳᬶᬧᬢᬶᬄᬍᬗ᭄ᬓᬭᬵᬜᬸᬫ᭄ᬩᬄ᭟᭜᭟ᬳᬶᬗ᭄ᬕᬶᬄᬬᬾᬦ᭄ᬫᬦᬳᬂᬢᬶᬢ᭄ᬬᬂ᭞ᬤᭀᬂᬯᬾ
ᬦ᭄ᬢᭂᬦᬦ᭄ᬳᬶᬧᬸᬦ᭄ᬫᬢᬶ᭞ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓ᭞ᬳᬶᬦ᭄ᬤᬬᬂᬧᬤᬵᬳᬶᬢᬸᬗᬶᬦ᭄᭞ᬩᬋᬂᬧᬤᬵᬍᬫᭂᬲᬶᬦ᭄᭞ᬲᬶᬜᬬᬫᬩᬸᬤᬶᬳᬶᬤᬸᬧ᭄᭞ᬳᬶᬧᬢᬶᬄᬫᬵᬢᬹᬃᬜᬸᬫ᭄ᬩᬄ᭞ᬫᬦᬳᬂᬢᬶᬢ᭄ᬬᬂᬢᭀᬂᬦ᭄ᬤᬸᬕᬶ᭞ᬳᬶᬧᬸᬦ᭄ᬳᭂᬜᬓ᭄᭞ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓ᭟᭜᭟ᬦᬄᬦᬾᬚᬦᬶᬲᬸᬩᬲᬜ᭄ᬚ᭞ᬚᬮᬦ᭄ᬓᬾᬧᬤᬵ᭠ [ 79 ][᭗᭘ 78B]
᭗᭘
ᬩᬸᬤᬮᬶᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬓᬧᬸᬭ᭄ᬬᬦ᭄᭞ᬢᬗ᭄ᬓᬶᬮᬦᬾᬩᬸᬤᬮ᭄ᬲᬫᬶ᭞ᬓᭀᬘᬧ᭄ᬳᬶᬬᬫ᭄ᬩᬃᬓᬯᬶ᭞ᬤᬦᬾᬦᬸᬫᬤᬕᬂᬤᬶᬢᬸ᭞ᬳᬤᬦᬾᬲᬸᬩᬩᬸᬤᬮ᭄᭞ᬓ᭄ᬫᬫᬗᭀᬚᭀᬕ᭄ᬦᬾᬚᬦᬶ᭞ᬬᬫ᭄ᬩᬃᬓᬯᬶ᭞ᬭᬭᬶᬲ᭄ᬫᬦᬜ᭄ᬚᬾᬦ᭄ᬫᬩ᭄ᬮᬜ᭄ᬚ᭟᭜᭟ᬳᬶᬗ᭄ᬕᬶᬄᬚ᭄ᬭᭀᬫ᭄ᬭᬶᬓᬶᬫᬩ᭄ᬮᬜ᭄ᬚ᭞ᬧᬸᬦᬧᬶᬓᬬᬸᬦᬂᬕᬸᬲ᭄ᬢᬶ᭞ᬦᬸᬫ᭄ᬩᬲ᭄ᬯ᭠
ᬲ᭄ᬢ᭄ᬭᬓᬫ᭄ᬧᬸᬄᬤᬲ᭄ᬢᬃ᭞ᬦᬾᬓᬢᬜ᭄ᬚᬾᬦ᭄‌ᬫ᭄ᬭᬾᬭᬾᬦ᭄ᬕᭂᬮᬶᬲ᭄᭞ᬳᬶᬬᬫ᭄ᬩᬃᬓᬯᬶᬦᬓᬾᬦᬶᬦ᭄᭞ᬳᬶᬗ᭄ᬕᬶᬄᬕᬸᬲ᭄ᬢᬶᬢᬶᬢ᭄ᬬᬂᬫᬵᬢᬹᬃ᭞ᬦᬸᬦᬲᬂᬧᬓᬬᬸᬦᬦ᭄᭞ᬫᬗ᭄ᬤᬾᬢᬶᬢ᭄ᬬᬂᬲᬫᬶᬳᬸᬦᬶᬂ᭞ᬦᬾᬦᬾᬩᬳᬸ᭞ᬓᬦ᭄ᬢᭂᬦᬂᬢᬶᬢ᭄ᬬᬂᬗᬸᬫ᭄ᬩᬭ᭟᭜᭟ᬦᬾᬫ᭄ᬤᬮ᭄ᬲᬓᬶᬂᬩᬜ᭄ᬘᬶᬗᬄ᭞ᬫᬓᭂᬩᬹᬃᬲᬋᬂᬓᬓᬮᬶᬄ᭞ᬯᬯᬸᬓᬦ᭄ᬢᭂᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞
ᬦᬾᬓᬢᬓᭀᬦᬶᬦ᭄ᬜᬯᬹᬭᬶᬦ᭄᭞ᬳᬶᬗ᭄ᬕᬶᬄᬧᬸᬦᬶᬓᬫᬮᬶᬂ᭞ᬦᬾᬫᬗ᭄ᬓᬶᬦ᭄ᬳᬶᬧᬸᬦ᭄ᬓᬳᬸᬢᬸᬲ᭄᭞ᬫᬗ᭄ᬓᬶᬦ᭄ᬓᬓᬶᬦ᭄ᬢᬵᬯᬦᬵ᭞ᬫᬗᬮᬶᬄᬳᬶᬬᬫ᭄ᬩᬃᬓᬯᬶ᭞ᬧᬦ᭄ᬲᬂᬧ᭄ᬭᬪᬹ᭞ᬳᬶᬤᬵᬗᬦ᭄ᬤᬶᬓᬬᬫ᭄ᬩᬱ᭄ᬝᬵ᭟᭜᭟ᬳᬶᬬᬫ᭄ᬩᬃᬓᬯᬶᬦᬸᬦᬲᬂ᭞ᬳᬶᬗ᭄ᬕᬶᬄᬳᬦ᭄ᬢᬸᬓ᭄ᬱᬧᬸᬦᬧᬶ᭞ᬦᬾᬦᬾᬓᬢᬓᭀᬦᬶᬦ᭄ᬗᬸᬘᬧ᭄᭞ᬭᬭᬶᬲ᭄ᬫᬶᬤᬃᬢ᭄ᬣ
ᬬᬂᬲᬫᬶ᭞ᬲᬯᬘᬦᬦ᭄ᬲᬂᬗᬵᬚᬶ᭞ᬳᬶᬬᬫ᭄ᬩᬃᬓᬯᬶᬓᬭᬸᬭᬸᬄ᭞ᬳᬧᬗᬩᬓᬢ᭄ᬚᬸᬯ᭞ᬲᬶᬤᬵᬬᬫ᭄ᬩᬃᬓᬯᬶᬫᬢᬶ᭞ᬲᬓᬾᬂᬳᬶᬤᬵ᭞ᬭᬤᬾᬦ᭄ᬕᬮᬸᬄᬫᬦᬸᬦᬲᬂ᭟᭜᭟ᬢ᭄ᬓᬾᬦ᭄ᬳᬶᬤᬵᬰ᭄ᬭᬶᬦᬭᬾᬡ᭄ᬥ᭄ᬭ᭞ᬲᬂᬧ᭄ᬭᬪᬹᬭᬭᬶᬲ᭄ᬦᬕᬶᬗᬶᬦ᭄᭞ᬓᭀᬘᬧ᭄ᬳᬶᬤᬵᬫᬦᬸᬯᬾᬬᬂ᭞ᬦᬾᬫᬵᬤᬦ᭄ᬳᬶᬬᬫ᭄ᬩᬃᬓᬯᬶ᭞ᬕᬕᬾᬮᬦ᭄ᬳᬶᬤᬵ

[᭗᭙ 79A]
᭗᭙
ᬚᬢᬶ᭞ᬗᬶᬂᬤᬸᬭᬸᬂᬳᬶᬤᬵᬫᬢ᭄ᬫᬸ᭞ᬫᬗ᭄ᬓᬶᬦ᭄ᬮᬫᬸᬦ᭄ᬬᬲᬶᬤᬵ᭞ᬬᬫᬢᬶᬳᬶᬬᬫ᭄ᬩᬃᬓᬯᬶ᭞ᬭᬤᬾᬦ᭄ᬕᬮᬸᬄ᭞ᬓᬬᬸᬦ᭄ᬧᬘᬂᬫᬭᬩᬶᬬᬦ᭄᭟᭜᭟ᬦᬾᬢᬓᭀᬦᬶᬜᬬᬩᬸᬤᬮ᭄᭞ᬓᬭᬶᬚ᭄ᬭᭀᬦᬾᬢᬶᬢ᭄ᬬᬂᬧᬫᬶᬢ᭄᭞ᬳᬶᬬᬫ᭄ᬩᬃᬓᬯᬶᬬᬗᬸᬘᬧ᭄᭞ᬳᬶᬗ᭄ᬕᬶᬄᬫᬗ᭄ᬭᬭᬶᬲ᭄ᬩᬸᬤᬮᬶᬦ᭄᭞ᬭᬾᬄᬲᬵᬫ᭄ᬧᬸᬦ᭄ᬲᬦ᭄ᬤᬾᬫᬗ᭄ᬓᬶ᭠
ᬦ᭄᭞ᬬᬫ᭄ᬩᬃᬓᬯᬶᬩᬸᬤᬮ᭄ᬲᬫ᭄ᬧᬸᬦ᭄᭞ᬮᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬲᬫ᭄ᬩᬶᬮᬗᬫᬓ᭄ᬢᬧᬶᬧᬶᬲ᭄᭞ᬮᬶᬫᬂᬮᬓ᭄ᬱ᭞ᬧᬩᬳᬦ᭄ᬜᬦᬾᬫᬤᬕᬂ᭟᭜᭟ᬲᬢ᭄ᬓᬦ᭄ᬜᬦᬾᬤᬶᬚᬸᬫᬄ᭞ᬳᬶᬬᬫ᭄ᬩᬃᬓᬯᬶᬫᬫᬸᬜᬶ᭞ᬚ᭄ᬭᭀᬯᬬᬦ᭄ᬧᬸᬦᬶᬓᬶᬚᬶᬦᬄ᭞ᬩ᭄ᬘᬶᬓᬂᬧᬸᬦᬶᬓᬶᬕ᭄ᬮᬶᬲ᭄᭞ᬦᬾᬦᬾᬫᬓ᭄ᬢᬳᬸᬧᬳᬶᬦ᭄᭞ᬲᬢᬸᬲ᭄ᬲᬢᬸᬲ᭄ᬳᬸᬧᬄᬳᬶᬧᬸᬦ᭄᭞ᬭᬾᬧᭀ᭠
ᬢ᭄ᬦᬾᬗ᭄ᬮᬄᬳᬸᬫᬄ᭞ᬦᬾᬗᬩᬲᬸᬩᬫᬸᬧᬳᬶᬦ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬚᬶᬦᬄᬳᬾᬧ᭄ᬚᬂᬚᬸᬫᬳᬦ᭄᭟᭜᭟ᬳᬶᬬᬫ᭄ᬩᬃᬓᬯᬶᬓᭀᬘᬧ᭞ᬲᬸᬩᬓᬧᭂ᭠ᬲᬸᬯᬂᬲᬕᬶ᭞ᬧ᭄ᬬᬦᬓ᭄ᬦᬾᬳᬶᬮᬭᬵᬭᬾᬧᭀᬢ᭄᭞ᬤᬶᬢᬸᬧᬤᬵᬫᬗᬬᬳᬶᬦ᭄᭞ᬫᬾᬦ᭄ᬮᬭᬫ᭄ᬯᬄᬦᬾᬫ᭄ᬯᬦᬶ᭞ᬫᬓᬓᬚᬂᬚᬦᬶᬕᬸᬧᬸᬄ᭞ᬳᬶᬬᬫ᭄ᬩᬃᬓᬯᬶᬫᬤᬳᬃ᭞ᬲᬹᬃᬬ᭄ᬬᬓᬸ
ᬲᬸᬫᬜᬋᬗᬶᬦ᭄᭞ᬲᬧᬓᬬᬸᬦ᭄᭞ᬤᬭᬗᬾᬲᬵᬫ᭄ᬧᬸᬜ᭄ᬘᬸᬫᬤᬂ᭟᭜᭟ᬲᬳᬸᬲᬦ᭄ᬤᬦᬾᬫᬤᬳᬃ᭞ᬳᬶᬬᬫ᭄ᬩᬃᬓᬯᬶᬫᬫᬸᬜᬶ᭞ᬢᬶᬢ᭄ᬬᬂᬤᬶᬦᬶᬩ᭄ᬯᬶᬦ᭄ᬳᬩᭀᬲ᭄ᬩᭀᬲ᭄᭞ᬢ᭄ᬓᬤᬶᬓᬸᬓ᭄ᬭᬦᬾᬚᬦᬶ᭞ᬤᬶᬢᬸᬢᬶᬢ᭄ᬬᬂᬧᬘᬂᬫᬸᬮᬶᬄ᭞ᬳᬶᬮᬭᬚᬦᬶᬢᬗ᭄ᬓᭂᬚᬸᬢ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬦᬲᬂ᭞ᬕ᭄ᬮᬶᬲ᭄‌‌‌‌ᬚ᭄ᬭᭀᬦᬾᬫᬮᬶᬄᬫ [ 80 ][᭗᭙ 79B]
᭗᭙
ᬭᬶᬓᬶ᭞ᬭᬭᬶᬲ᭄ᬦᬶᬫ᭄ᬩᬮ᭄᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭟᭜᭟ᬚᬦᬶᬢᬶᬢ᭄ᬬᬂᬢ᭄ᬯᬭᬵᬓᬃᬯ᭄ᬯᬦ᭄᭞ᬭᬳᬸᬳᬾᬧᬘᬂᬫᬭᬶᬓᬶ᭞ᬳᬶᬮᬘᬹᬃᬭᬭᬶᬲ᭄ᬫᬗᬸᬘᬧ᭄᭞ᬗᬸᬤᬵᬲᬗ᭄ᬓᬦ᭄‌ᬢ᭄ᬯᬭᬵᬫ᭄ᬭᬶᬓᬶ᭞ᬭᬾᬄᬤᬕᬗᬦᬾᬮᬳᬶᬲ᭄᭞ᬫᬗ᭄ᬓᬶᬦ᭄‌ᬚ᭄ᬭᭀᬦᬾᬫᬦ᭄ᬢᬸᬓ᭄ᬳᬶᬚᬸ᭞ᬬᬫ᭄ᬩᬃᬓᬯᬶᬳᬗᬸᬘᬧ᭄᭞ᬢᬶᬢ᭄ᬬᬂᬭᬾᬧᭀᬢ᭄ᬦᬾᬦᬾᬫᬗ᭄ᬓᬶᬦ᭄᭞ᬬ
ᬳᬶᬮᬭᬵ᭞ᬢᭂᬗ᭄ᬓᭂᬚᬸᬢ᭄ᬳᬮᬄᬧᬦᭂᬕᬂ᭟᭜᭟ᬳᬶᬮᬘᬹᬃᬚᬦᬶᬫᬵᬢᬹᬭᬵ᭞ᬬᬾᬦ᭄ᬲᬶᬄᬚ᭄ᬭᭀᬦᬾᬳᬶᬘᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬦᬯᭂᬕᬂ᭞ᬢᬶᬢ᭄ᬬᬂ᭠ᬫᬗᬶᬭᬶᬂᬦᬾᬫᬗ᭄ᬓᬶᬦ᭄᭞ᬓᬦᬸᬱᬚᬯᬫᬗ᭄ᬓᬶᬦ᭄᭞ᬳᬧᬂᬢᬶᬢ᭄ᬬᬂᬢᬢᬲ᭄ᬢᬳᬸ᭞ᬭᬶᬂᬦᬵᬕᬭᬳᬶᬭᬶᬓ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬚᬮᬦ᭄ᬮᬫᬸᬦ᭄᭞ᬘᬳᬶᬩᬗᬵᬩᬦ᭄ᬳᬶ᭠
ᬩᬧᬵ᭟᭜᭟ᬓ᭄ᬫᬓᬾᬘᬳᬶᬫᬶᬸᬫᭀᬭᬳᬦ᭄᭞ᬚᬦᬶᬢ᭄ᬓᬾᬦ᭄ᬕᬸᬭᬸᬜ᭄ᬘᬳᬶ᭞ᬳᬶᬮᬘᬹᬃᬬᬫᬳᭀᬭᬳᬦ᭄᭞ᬢ᭄ᬓᬾᬦ᭄ᬕᬸᬭᬸᬜᬦᬾᬕ᭄ᬮᬶᬲ᭄᭞ᬩᬧᬢᬶᬢ᭄ᬬᬂᬧᬘᬂᬫᬧᬫᬶᬢ᭄᭞ᬫᬗᬶᬭᬶᬂᬤᬦᬾᬚ᭄ᬭᭀᬢᬫ᭄ᬬᬸ᭞ᬤᬦᬾᬧᬘᬂᬕ᭄ᬮᬶᬲ᭄ᬩᬸᬤᬮ᭄᭞ᬩᬧᬦ᭄ᬜᬦᬾᬫᬜᬯᬹᬭᬶᬦ᭄᭞ᬳ᭄ᬦᬄᬓ᭄ᬫ᭞ᬳᬧᬂᬢᬯᬂᬧᬤᬾᬰᬬᬦ᭄᭟᭜᭟
ᬢᬦ᭄ᬓᭀᬘᬧᬬᬳᬶᬮᬭᬵ᭞ᬲᬵᬫ᭄ᬧᬸᬦ᭄ᬧᬤᬫᬸᬮ᭄ᬬᬦ᭄ᬲᬫᬶ᭞ᬳᬶᬬᬫ᭄ᬩᬃᬓᬯᬶᬫᬗ᭄ᬭᬯᭀᬲ᭄᭞ᬤᬶᬧ᭄ᬢᭂᬗᬾᬲᬸᬩᬵᬲᭂᬧᬶ᭞ᬳᬶᬬᬫ᭄ᬩᬃᬓᬯᬶ᭠ᬫᬫᬸᬜᬶ᭞ᬲᬹᬃᬬ᭄ᬬᬓᬸᬲᬸᬫᬓᬤᬸᬦ᭄ᬤᬸᬦ᭄᭞ᬩᬗᬸᬦ᭄ᬳᬤᬶᬫᬗ᭄ᬭᬯᭀᬲ᭄᭞ᬲᬹᬃᬬ᭄ᬬᬓᬸᬲᬸᬫᬫᬢᬗᬶ᭞ᬩ᭄ᬮᬶᬤᬸᬭᬸᬲ᭄᭞ᬧᬸᬦᬧᬶᬧᬘᬂᬭᬯᭀᬲᬂ᭟᭜᭟ᬳᬶᬬᬫ᭄ᬩᬃᬓᬯᬶᬳ᭠

[᭘᭐ 80A]
᭘᭐
ᬗᬸᬘᬧ᭄᭞ᬓᬾᬦ᭄ᬓᬾᬦ᭄ᬲᬶᬤᬬᬦᬾᬚᬦᬶ᭞ᬤᬾᬦᬶᬂᬳᬶᬬᬲᬸᬩᬓᬃᬯ᭄ᬬᬶᬸᬯ᭄ᬯᬦ᭄᭞ᬜᬫᬦ᭄ᬳᬤᬶᬦᬾᬬᬤᬶᬦᬶ᭞ᬲ᭄ᬓᭂᬦ᭄ᬮᬓᬸᬫᬗᬮᬶᬄ᭞ᬳᬶᬲᬹᬃᬬ᭄ᬬᬓᬸᬲᬸᬫᬫᬵᬢᬹᬃ᭞ᬩᭀᬬᬫᬳᬶᬤᭂᬧ᭄ᬢᬶᬢ᭄ᬬᬂ᭞ᬤᬬᬳᬸᬧᬬᬦᬾᬫᬗ᭄ᬓᬶᬦ᭄᭞ᬩ᭄ᬮᬶᬚᬸᬯ᭞ᬫᬗ᭄ᬭᬯᭀᬲᬶᬦ᭄ᬫᭂᬲᬸᬯᬂᬤᬬ᭟᭜᭟ᬤᬾᬦᬶᬂᬢᬶᬢ᭄ᬬᬂᬢ᭄ᬯᬭᬵᬩᬶᬱᬵ᭞ᬩ᭄ᬮᬶ
ᬚᬸᬯᬫᬗ᭄ᬓᬶᬦ᭄ᬫᬗ᭄ᬭᬯᭀᬲᬶᬦ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬗᬂ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬧᬂᬳᬤᬵᬳᬫ᭄ᬩᬄᬩ᭄ᬮᬶ᭞ᬫᬗ᭄ᬤᬾᬦᬾᬫᬳᬦ᭄ᬓᬢᭂᬧᬸᬓ᭄᭞ᬳᬧᬂᬲ᭄ᬓᭂᬦ᭄ᬢᭀᬗᭀᬲ᭞ᬓᬃᬯ᭄ᬯᬦ᭄ᬧᬘᬂᬮᬓᬸᬗᬮᬶᬄ᭞ᬲ᭄ᬤᭂᬂᬮᬸᬯᬸᬂ᭞ᬳᬶᬫᬮᬶᬂᬲᬓ᭄ᬝᬶᬬᬮᬸᬯᬲ᭄᭟᭜᭟ᬤᬾᬦᬶᬂᬳᬶᬬᬲᬸᬩᬮᬸᬯᬲ᭄᭞ᬢᬸᬦ᭄ᬤᬾᬦᬫᬫᬮᬶᬂᬩ᭄ᬮᬶ᭞ᬲᬂᬧ᭄ᬭ᭠
ᬪᬹᬫᬗᬦ᭄ᬤᬶᬓᬬᬂ᭞ᬢᭀᬲᬗ᭄ᬓᬜ᭄ᬚᬦᬶᬢ᭄ᬓᬳᬶᬦ᭄᭞ᬬᬾᬦ᭄ᬲᬸᬩᬵᬳᬤᬶᬫᬢᬶ᭞ᬩ᭄ᬮᬶᬫᬲᬶᬮᬸᬫᬦ᭄ᬤᬶᬢᬸ᭞ᬤᬤᬶᬫᬮᬶᬂᬫᬕᬸᬡ᭞ᬢᭀᬮᬬᭀᬦ᭄ᬳᬤᬶᬫᬾᬶᬸᬦᬫᬗ᭄ᬓᬶᬦ᭄᭞ᬤᬶᬢᬸᬮᬯᬸᬢ᭄᭞ᬩ᭄ᬮᬶᬗᬢᬹᬭᬂᬭᬶᬂᬲᬂᬦᬵᬣ᭟᭜᭟ᬤᬶᬢᬸᬤᭀᬂᬗᬢ᭄ᬓᭂᬤ᭄ᬳᬶᬬ᭞ᬓᬢᬹᬃᬢ᭄ᬓᬾᬦ᭄ᬳᭂᬫ᭄ᬩᭀᬓ᭄ᬳᬤᬶ᭞ᬩ᭄ᬮᬶᬮᬯᬸᬢ᭄ᬗᬩᬓ᭄ᬫᬵ᭞ᬤᭀᬂ
ᬓᬢ᭄ᬧᬸᬓ᭄ᬳᬶᬫ᭄ᬩᭀᬓ᭄ᬳᬤᬶ᭞ᬬᬾᬦ᭄ᬩᭂᬮᬶᬲᬸᬩᬓᬧᬗ᭄ᬕᬶᬄ᭞ᬤᬶᬧ᭄ᬢᭂᬗᬾᬩ᭄ᬮᬶᬫᬗ᭄ᬭᬸᬭᬸᬄ᭞ᬳᬤᬶᬩᬸᬯᬶᬦ᭄‌ᬩ᭄ᬮᬶᬳᬸᬭᬶᬧ᭞ᬮᬯᬸᬢ᭄ᬚᬸᬯᬂᬳᭂᬫ᭄ᬩᭀᬓ᭄ᬳᬤᬶ᭞ᬮᬦ᭄ᬢᬲ᭄ᬩᬸᬤᬮ᭄᭞ᬤᬶᬧ᭄ᬢᭂᬗᬾᬦᬾᬦᬾᬜᬦᬦ᭄᭟᭜᭟ᬚᬦᬶᬧᬤᬵᬗᭂᬦ᭄ᬢᭀᬲ᭄ᬯᬃᬡ᭄ᬦᬵ᭞ᬩᬸᬗ᭄ᬓᬸᬗᬾᬧᭂᬲᬸᬯᬂᬕ᭄ᬮᬶᬲ᭄᭞ᬮᬯᬸᬢ᭄ᬫᬭᬫᬗᬚᬶᬬᬂ᭞ [ 81 ][᭘᭐ 80B]
᭘᭐
ᬳᬶᬬᬳᬶᬬᬫ᭄ᬩᬃᬓᬯᬶᬫᬗᬚᬶ᭞ᬳᬱ᭄ᬝᬕᬶᬦᬵᬓᬧᬸᬚᬶ᭞ᬳᬚᬓ᭄ᬢᬶᬢ᭄ᬬᬂᬤᬤᬶᬭᬵᬢᬹ᭞ᬳᬶᬳᬤᬶᬲᬹᬃᬬ᭄ᬬᬓᬸᬲᬸᬫ᭞ᬧᬂᬯᬮᬸᬬᬳᬶᬧᬸᬦ᭄ᬫᬢᬶ᭞ᬢᬶᬢ᭄ᬬᬂᬭᬵᬢᬹ᭞ᬯᬮᬸᬬᬫᬮᬶᬂᬫᬕᬸᬡ᭟᭜᭟ᬚᬦᬶᬲᬸᬩᬵᬲᬶᬤᬲᬤ᭄ᬬ᭞ᬲᬓ᭄ᬦᭂᬄᬲᬸᬩᬤᬤᬶ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬤᬶᬦᬶᬲᬸᬩᬢᭀᬗᭀᬲ᭄ᬫ
ᬢᬶ᭞ᬲᬹᬃᬬ᭄ᬬᬓᬸᬲᬸᬫᬚᬦᬶ᭞ᬢᬸᬫᬸᬮᬶᬳᬮᭀᬦ᭄ᬫᬳᬢᬹᬃ᭞ᬤᭀᬂᬢ᭄ᬩᭂᬓ᭄ᬱᬸᬩᬢᬶᬢ᭄ᬬᬂ᭞ᬫᬗ᭄ᬭᬭᬶᬲ᭄ᬓᬲᬸᬤᬸᬓ᭄ᬕᭂᬮᬶᬲ᭄᭞ᬲᬫ᭄ᬧᬸᬦ᭄ᬲᬾᬤᬵ᭞ᬭᬳᬤᬾᬦ᭄ᬲᬹᬃᬬ᭄ᬬᬓᬸᬲᬸᬫ᭟᭜᭟ᬳᬶᬬᬫ᭄ᬩᬃᬓᬯᬶᬫᬜᭂᬫᬓ᭄᭞ᬢᬸᬫᬸᬮᬶᬓᬩᬓ᭄ᬢᬕ᭄ᬮᬶᬲ᭄᭞ᬢᬦ᭄ᬓᬘᬭᬶᬢ᭄ᬣᬤᬶᬚᬮᬦ᭄᭞ᬭᬯᬸᬄᬤᬶᬩᬜ᭄ᬘᬶᬗᬄᬫᬗ᭄ᬓᬶᬦ᭄᭞ᬭᬾᬄ᭠
ᬲᬫ᭄ᬧᬸᬦ᭄ᬮᭂᬫᬄᬫᬗ᭄ᬓᬶᬦ᭄᭞ᬩᬗ᭄ᬓᬾᬦᬾᬓᬧ᭄ᬚᬂᬲᬵᬫ᭄ᬧᬸᬦ᭄᭞ᬤᬶᬢᬸᬩᬢᬦ᭄ᬳᬗ᭄ᬲᭀᬓ᭞ᬭᬭᬶᬲ᭄ᬫᬭᬓᬳᬸᬗ᭄ᬓᬩᬶᬦ᭄᭞ᬭᬭᬶᬲ᭄ᬦᭂᬕᬓ᭄᭞ᬤᬦᬾ᭠ᬗᬦ᭄ᬢᭀᬲ᭄‌ᬰ᭄ᬭᬶᬦᬭᬾᬡ᭄ᬥ᭄ᬭ᭟᭜᭟ᬧᬋᬓᬦᬾᬧᬤᬵᬢ᭄ᬓᬵ᭞ᬮᬶᬬᬸᬧᬤᬫᬦᭂᬮᭀᬓᬶᬦ᭄᭞ᬳᬶᬬᬫ᭄ᬩᬃᬓᬯᬶᬬᬩᭂᬗᭀᬂ᭞ᬧᬋᬓᬦᬾᬫᬵᬢᬹᬃᬕ᭄ᬮᬶᬲ᭄᭞ᬭᬯᬸᬄᬓᭀ
ᬕᬸᬲ᭄ᬢᬶᬧᬢᬶᬄ᭞ᬳᬶᬬᬫ᭄ᬩᬃᬓᬯᬶᬫᬲᬯᬹᬃ᭞ᬦᬄᬩ᭄ᬮᬶᬫᬭᬢ᭄ᬓᬵ᭞ᬓ᭄ᬫᬓᬾᬳᬢᬸᬭᬂᬕ᭄ᬮᬶᬲ᭄᭞ᬭᬶᬂᬲᬂᬧ᭄ᬭᬪᬹ᭞ᬳᬢᬹᬭᬂᬩ᭄ᬮᬶᬲᬸᬩᬢ᭄ᬓ᭟᭜᭟ᬧᬋᬓᬓᬾᬕ᭄ᬮᬶᬲ᭄ᬓᬧᬸᬭᬵ᭞ᬫᬵᬢᬹᬃᬭᬶᬂᬲᬂᬧ᭄ᬭᬪᬹᬕ᭄ᬮᬶᬲ᭄᭞ᬳᬶᬗ᭄ᬕᬶᬄᬕᬸᬲ᭄ᬢᬶᬧᬢᬶᬄᬧ᭄ᬭᬧ᭄ᬝ᭞ᬤᬭᬾᬶᬸᬦᬭᬶᬂᬩᬜ᭄ᬘᬶᬗᬄᬫᬗ᭄ᬓᬶᬦ᭄᭞ᬫᬓ᭄ᬢᬮᬬᭀᬦ᭄ᬳᬲᬶᬓᬶ᭞ᬲᬂᬧ᭄ᬭᬪᬹᬓ᭠

[᭘᭑ 81A]
᭘᭑
ᬕ᭄ᬬᬢ᭄ᬫᬗ᭄ᬭᬸᬗᬸ᭞ᬢᬦ᭄ᬤ᭄ᬯᬫᬗ᭄ᬭᬭᬶᬲ᭄ᬓᭀᬤᬮ᭄᭞ᬭᬯᬸᬄᬤᬶᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭞ᬭᬭᬶᬲ᭄ᬢᭂᬤᬸᬦ᭄᭞ᬳᬶᬬᬫ᭄ᬩᬃᬓᬯᬶᬫᬦ᭄ᬕᬓ᭄᭟᭜᭟ᬭᬶᬂᬳᬬᬸᬦᬾᬰ᭄ᬭᬶᬦᬭᬾᬡ᭄ᬥ᭄ᬭᬵ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬢᬶᬤᭀᬂᬫᬳᬶᬓᬾᬫ᭄ᬦᬾᬓᬦ᭄᭞ᬢᬸᬫᬸᬮᬶᬳᬶᬬᬫ᭄ᬩᬃᬓᬯᬶ᭞ᬫᬸᬗ᭄ᬕᬄᬳᬦ᭄ᬤᬦᬾᬫᬮᬶᬗ᭄ᬕᬶᬄ᭞ᬭᬶᬂᬳᬋᬧ᭄ᬳᬶᬤᬵᬫᬮᬸ
ᬗ᭄ᬕᬸᬄ᭞ᬲᬂᬦᬵᬣᬫᬗᬦ᭄ᬤᬶᬓᬵ᭞ᬢᭀᬳᭂᬗ᭄ᬓᬾᬦ᭄ᬳᬶᬫᬮᬶᬂᬰᬓ᭄ᬝᬶ᭞ᬭᬭᬶᬲ᭄ᬫᬵᬢᬹᬃ᭞ᬬᬫ᭄ᬩᬃᬓᬯᬶᬭᬶᬂᬲᬂᬦᬵᬣ᭟᭜᭟᭛ᬧᬗ᭄ᬓᬸᬃ᭛᭟ᬭᬵᬢᬹᬢᬶᬢ᭄ᬬᬂᬫᬗᬢᬹᬭᬂ᭞ᬳᬶᬗ᭄ᬕᬶᬄᬮᬘᬹᬃᬘᭀᬓᭀᬃᬳᬶᬤᬾᬯᬵᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬓᬢ᭄ᬭᬸᬕ᭄ᬢᬸᬕᬦ᭄ᬭᬢᬹ᭞ᬭᬶᬂᬫᬃᬕ᭄ᬕᬶᬤᬶᬳᬫ᭄ᬩᬭᬵ᭞ᬳᬶᬧᬸᬦ᭄ᬳᬶᬓᭀᬮ᭄ᬧᬯᬶᬚᬬᬫ
ᬦᬭᬸᬕ᭄ᬢᬸᬕ᭄᭞ᬓᬯᬸᬮᬜ᭄ᬘᭀᬓᭀᬃᬳᬶᬤᬾᬯ᭞ᬳᬶᬫᬮᬶᬂᬰᬓ᭄ᬢᬶᬗ᭄ᬫᬲᬶᬦ᭄᭟᭜᭟ᬤᬾᬦᬶᬂᬢᬶᬢ᭄ᬬᬂᬓᬭᬾᬧᭀᬢᬦ᭄᭞ᬫᬮᬳᬶᬩᬂᬩᬗ᭄ᬓᬾ᭠ᬦᬾᬳᬶᬬᬫ᭄ᬩᬃᬓᬯᬶ᭞ᬩᭀᬬᬧᭀᬮᬶᬄᬢᬶᬢ᭄ᬬᬂᬦᬸᬮᬸᬂ᭞ᬳᬯᬦᬦ᭄ᬳᬶᬧᬸᬦ᭄ᬭᬸᬲᬓ᭄᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬫᬗᬦ᭄ᬤᬶᬓᬳᬮᬸᬲ᭄᭞ᬦᬄᬲᬸᬩᬓᬾᬯᬮᬩᬓᬢ᭄᭞ᬦᬾ
ᬫᬵᬤᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬳᬶᬦ᭄ᬤᬬᬂᬚᬦᬶᬳᬸᬗ᭄ᬓᬩᬂ᭞ᬓᬾᬦ᭄ᬓᬾᬦ᭄ᬕᭀᬩᬦ᭄ᬜᬦᬾᬳᬶᬬᬫ᭄ᬩᬃᬓᬯᬶ᭞ᬢᬸᬫᬸᬮᬶᬓᬳᬸᬗ᭄ᬓᬩ᭄ᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬹᬕᬯᭀᬓ᭄ᬜᬶᬗᬓ᭄᭞ᬭᬶᬂᬯᬃᬡ᭄ᬦᬦᬾ᭞ᬓᬤᬶᬳ᭄ᬬᬂᬲ᭄ᬫᬭᬢᬸᬫᬸᬭᬸᬦ᭄᭞ᬕᬩᬸᬲᬾᬢ᭄ᬯᬭᬵᬤᬧᬤᬵ᭞ᬗᬦ᭄ᬤᬶᬓᬳᬶᬤᬵᬲᬗᬵᬚᬶ᭟᭜᭟ᬕᬯᭀᬓ᭄ᬳᬶᬤᬫᬗᬦ᭄ᬢᭂᬦᬂ᭞ᬜ [ 82 ][᭘᭑ 81B]
᭘᭑
ᬦ᭄ᬤᬂᬯᬦ᭄ᬢᬄᬳᬶᬕᬮᬸᬄᬳᬶᬬᬧᬮᬶᬂ᭞ᬳᬶᬭᬯᬦ᭄ᬢᬄᬫᬗᭂᬦᬂᬫᬶᬮᬸ᭞ᬩᬳᬦ᭄ᬓᬩᬕᬸᬲᬜ᭞ᬳᭂᬦ᭄ᬢᭀᬓ᭄ᬭᬦ᭞ᬳᬶᬕᬮᬸᬄᬧᬮᬶᬂᬫᬫᬸᬤᬸᬄ᭞ᬓᬾᬦᬾᬓᭀᬩᬕᬸᬲ᭄ᬕᭀᬩᬜ᭞ᬜᬦ᭄ᬤᬂᬳᬸᬬᬂᬫᬧᬸᬮᬶᬮᬶᬢ᭄᭟᭜᭟ᬧᬢᬶᬄᬍᬗ᭄ᬓᬭᬵᬫᬵᬢᬹᬭ᭞ᬭᬵᬢᬹᬢᬸᬫᭀᬦ᭄ᬢᬶᬢ᭄ᬬᬂᬗᬦ᭄ᬢᭂᬦᬂᬫᬗ᭄ᬓᬶᬦ᭄᭞ᬬᬾᬦ᭄ᬫᬦᬄᬳᬂᬢᬶᬢ᭄ᬬᬂᬭᬵᬢᬹ᭞ᬢ᭄ᬯᬄ
ᬢᬶᬲ᭄ᬢᬶᬲᬦ᭄ᬳᬸᬢᬫ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬦᬄᬚᬮᬦ᭄ᬳᬩᬓᬧᬸᬭᬵ᭞ᬳᬢᬸᬃᬭᬶᬂᬭᬤᬾᬦ᭄ᬤᬾᬯᬶ᭟᭜᭟ᬮᬦ᭄ᬢᬲ᭄ᬳᬶᬫᬮᬶᬂ᭠ᬫᬕᬸᬡ᭄ᬦ᭞ᬲᬶᬮᬸᬫᬦᬾᬮᬯᬸᬢ᭄ᬫᬗᬩᬓᬧᬸᬭᬶ᭞ᬲᬂᬧ᭄ᬭᬪᬹᬫᬫᬃᬕ᭄ᬕᬲᬫ᭄ᬧᬸᬦ᭄᭞ᬲᬭᬯᬸᬳᬾᬤᬶᬧᬸᬭ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬗᬦ᭄ᬤᬶᬓᬭᬶᬂᬧᬸᬢ᭄ᬭᬲᬵᬫ᭄ᬧᬸᬦ᭄᭞ᬲᬶᬭᬵᬭᬤᬾᬦ᭄ᬤᬾᬯᬶ
ᬭᬢ᭄ᬦᬦᬶᬂᬭᬵᬢ᭄᭞ᬮᬦ᭄ᬤᬾᬯᬶᬓᭂᬜ᭄ᬘᬦᬵᬯᬢᬶ᭟᭜᭟ᬫᬳᬶᬓᬾᬳᬚᬓ᭄ᬧᭂᬲᬸᬯᬦ᭄᭞ᬳ᭄ᬦᬾᬳᬶᬬᬳᬶᬬᬫ᭄ᬩᬃᬓᬯᬶᬫᬢᬶ᭞ᬢᭂᬗ᭄ᬓᭂᬚᬸᬢ᭄ᬭᬳᬤᬾᬦ᭄ᬕᬮᬸᬄ᭞ᬤᬾᬯᬶᬓᭂᬜ᭄ᬘᬦᬵᬯᬢ᭄ᬬ᭞ᬭᬭᬶᬲ᭄ᬦᭂᬮᭀᬓ᭄᭞ᬲᬓᬶᬂᬓᭀᬭᬶᬦᬾᬲᬵᬫ᭄ᬧᬸᬦ᭄᭞ᬮᬯᬸᬢ᭄ᬫᬦᬸᬦ᭄ᬤᬾᬦᬂᬫ᭄ᬩᬸᬓᬓ᭄᭞ᬢᬸᬫᬸᬮᬶᬓᬩᬸᬓᬓ᭄ᬕᭂᬮᬶᬲ᭄᭟᭜᭟ᬜᭂᬭᬶᬢ᭄ᬳᬶ
ᬲᬹᬃᬬ᭄ᬬᬓᬶᬸᬲᬶᬸᬓᭂᬜ᭄ᬘᬦᬵ᭞ᬗᬸᬤᬵᬓᬾᬜᬫᬦ᭄ᬢᬶᬢ᭄ᬬᬂᬗᬾᬫᬢᬶ᭞ᬗ᭄ᬮᬶᬂᬫᬕᬸᬬᬂᬢ᭄ᬯᬦ᭄ᬕᬮᬸᬄ᭞ᬦᬶᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭞ᬤᬤᬶᬧᬮᬶᬂ᭞ᬩᬗ᭄ᬓᬾᬦᬾᬚᬦᬶᬓᬕ᭄ᬮᬸᬢ᭄᭞ᬫᬗ᭄ᬮᬶᬂᬫᬲᬲᬫ᭄ᬩᬢᬦ᭄᭞ᬲᬂᬧ᭄ᬭᬪᬹᬩᭂᬗᭀᬂᬫᬗᬓ᭄ᬱᬶ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬲᬶᬫᬮᬶᬂᬦᬾᬦᬾᬚᬦᬶ᭞ᬲᬶᬮᬸᬫᬦᬾ᭠

[᭘᭒ 82A]
᭘᭒
ᬭᬭᬶᬲ᭄ᬫᬵᬢᬹᬃ᭞ᬳᬶᬯᬂᬢᭀᬦ᭄ᬭᬢᬹᬢᬶᬢ᭄ᬬᬂ᭞ᬤᬾᬦᬶᬂᬧᬢᭂᬄ᭞ᬯᬃᬡ᭄ᬦᬦᬾᬧᬸᬦᬶᬓᬭᬵᬢᬹ᭞ᬲᬮᬄᬲᭂᬗ᭄ᬕᬸᬄᬭᬢᬸᬢᬶᬢ᭄ᬬᬂ᭞ᬧᬸᬦᬶᬓᬚᬢ᭄ᬫᬓ᭠ᬓᬮᬶᬄ᭟᭜᭟ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬭᬾᬄᬳᬶᬤᬵᬓᬓᬮᬶᬄᬤᬤᭀᬲ᭄ᬳᬲᬶᬓᬶ᭞ᬗᬦ᭄ᬤᬶᬓᬳᬶᬤᬵᬲᬂᬧ᭄ᬭᬪᬹ᭞ᬤᬸᬄᬫ᭄ᬦᭂᬂᬳᬢ᭄ᬫᬚᬶᬯᬵ᭞ᬓᬤᬸᬂᬲᬸᬩ᭞ᬓᬸᬤ᭄ᬬᬂᬚᬦᬶᬳ
ᬧᬂᬳᬶᬤᬸᬧ᭄᭞ᬚᬦᬶᬩᬧᬵᬩᬾᬬᬦᬶᬜ᭞ᬧ᭄ᬭᬢᬶᬗ᭄ᬓᬳᬶᬂᬭᬵᬢᬹᬍᬯᬶᬄ᭟᭜᭟ᬭᬭᬶᬲ᭄‌ᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬲᬬᬦ᭄ᬭᬸᬲᬓᬬᬸᬦᬾᬫᬯᬸᬯᬸᬄᬩ᭄ᬭ᭠ᬗ᭄ᬢᬶ᭞ᬩᬗ᭄ᬓᬾᬦᬾᬬᬚᬦᬶᬭᬸᬫ᭄ᬭᬸᬫ᭄᭞ᬫᬢᬗᬶᬳᬢ᭄ᬫᬵᬚᬶᬯᬵ᭞ᬩᭀᬬᬢᭀᬮᬶᬄ᭞ᬭᬢᬹᬢᬶᬢ᭄ᬬᬂᬦᬦ᭄ᬤᬂᬩᬸᬤᬸᬄ᭞ᬩᭀᬬᬘᬶᬗᬓ᭄ᬭᬢᬹᬢᬶᬢ᭄ᬬᬂ᭞ᬳᬚᬓ᭄ᬢᬶᬢ᭄ᬬᬂᬩᬋᬂᬫᬢᬶ᭟᭜᭟
ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬫᬵᬲ᭄ᬫᬶᬭᬄᬤᬾᬯᬦ᭄ᬩᬧᬦᬾᬳᬶᬫᬡ᭄ᬦᬶᬓ᭄᭞ᬫᬗᬸᬤᬵᬲᬶᬤᬾᬯᬳᬬᬸ᭞ᬚᬤ᭄ᬫᬵᬫᬢᬶᬩᬸᬤᬸᬳᬂ᭞ᬓᬮᬶᬗᬦᬾ᭞ᬩᬧᬵᬢ᭄ᬯᬭᬵᬲᬓᬾᬂᬢᬦ᭄ᬤ᭄ᬭᬸᬄ᭞ᬩᬧᬜᬶᬓᬸᬢᬂᬤᬶᬳᬯᬓ᭄᭞ᬧᬶᬲᬦ᭄ᬓᬾᬬᬓᬭᬶᬳᬸᬭᬶᬧ᭄᭟᭜᭟ᬫᬲᬶᬄᬲᬬᬦ᭄ᬫᬗ᭄ᬭᬳᬢᬂ᭞ᬭᬵᬢ᭄ᬦᬦᬶᬂᬭᬢ᭄‌ᬢ᭄ᬯᬭᬵᬤᬵᬫᬾᬮᬶᬂᬫᬾᬮᬶᬂ᭞
ᬮᬬᭀᬦᬾᬤᬶᬢᬸᬓᬕᭂᬮᬸᬢ᭄᭞ᬕᬸᬧᬸᬄᬧᬜ᭄ᬚᬓᬾᬧᬤᬵ᭞ᬫᬦᬸᬮᬸᬗᬶᬦ᭄᭞ᬳᬤᬫᬜᭂᬫᬓ᭄‌ᬢ᭄ᬯᬦ᭄ᬕᬮᬸᬄ᭞ᬫ᭄ᬮᬲᬂᬢ᭄ᬓᬾᬦ᭄ᬯᬢᬗᬦ᭄᭞ᬧᬤᬲᬶᬲᬸᬗᬋᬩᬸᬢᬶᬦ᭄᭟᭜᭟ᬚᬦᬶᬧᬤᬲᬸᬩᬩ᭄ᬮᬲ᭄᭞ᬭᬶᬂᬮᬬᭀᬦᬾᬲᬂᬦᬵᬣᬗᬦ᭄ᬤᬶᬓᬕ᭄ᬮᬶᬲ᭄᭞ᬓ᭄ᬫᬳᬾᬗ᭄ᬕᬮ᭄ᬚᬦᬶᬋᬩᬸᬢ᭄᭞ᬩᬗ᭄ᬓᬾᬦᬾᬬᬧᭂᬲᬸᬯᬂ᭞ᬤᬶᬢᬸᬭᬶᬸ [ 83 ][᭘᭒ 82B]
᭘᭒
ᬭᬶᬗ᭄ᬓᭂᬲ᭄᭞ᬘᬭᬧ᭄ᬭᬢᬶᬗ᭄ᬓᬳᬶᬂᬭᬢᬹ᭞ᬕ᭄ᬦᬳᬂᬤᬶᬧᬢᬦ᭄ᬤᬓᬦ᭄᭞ᬓᬯᬸᬮᬦᬾᬭᬭᬶᬲ᭄ᬕᭂᬮᬶᬲ᭄᭟᭜᭟ᬲᬶᬲᬸᬮᬯᬸᬢ᭄ᬓᬧ᭄ᬮᬳᬶᬩᬂ᭞ᬓᭀᬘᬧ᭄ᬲᬸᬩᬧᬸᬧᬸᬢ᭄ᬓᬭᬶᬗ᭄ᬓᭂᬲ᭄ᬚᬦᬶ᭞ᬰᬺᬕᭂᬧ᭄ᬳᬗᭂᬦᬦ᭄ᬧᬍᬗ᭄ᬓᬸᬂ᭞ᬢᬸᬫ᭄ᬧᬂᬲᬮᬸᬩᬦ᭄ᬤᬸᬲ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄ᭞ᬮᬬᭀᬦᬾᬓᬢᬸᬫ᭄ᬧᬂᬲᬮᬸ᭞ᬫᬕ᭄ᬦᬄᬭᬶᬂᬧᬢᬦ᭄ᬤᬓᬦ᭄᭞ᬲᬂᬦᬵᬣᬓᬭᬶ
ᬤᬶᬧᬸᬭᬶ᭟᭜᭟ᬭᬳᬤᬾᬦ᭄ᬤᬾᬯᬶᬓᭀᬘᬧ᭞ᬫᬓᬓᬮᬶᬄᬢ᭄ᬯᬭᬵᬳᬶᬤᬫᬾᬮᬶᬂᬫᬾᬮᬶᬂ᭞ᬓᬮᬶᬦ᭄ᬢᬂᬳᬾᬯᭂᬄᬲᬂᬧ᭄ᬭᬪᬹ᭞ᬩᬮ᭄ᬬᬦ᭄ᬭᬯᬸᬄᬭᬦ᭄ᬢᬩ᭠ᬦ᭄᭞ᬦᬸᬮᬸᬂᬫᬲᬶᬄ᭞ᬢ᭄ᬯᬭᬵᬫᬾᬮᬶᬂᬭᬤᬾᬦ᭄ᬕᬮᬸᬄ᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬚᬮᬦ᭄ᬓᬾᬧᬤᬩᬸᬤᬮᬶᬦ᭄᭟᭜᭟ᬓ᭄ᬫᬲᬸᬩᬧᬲᬭᬾᬬᬂ᭞ᬫᬓᬤᬤ᭄ᬯᬦᬾᬜᬦᬦ᭄ᬤᭀᬗ
ᬫᬾᬮᬶᬂ᭞ᬦᬄᬳᬶᬭᬵᬢ᭄ᬯᬭᬓᭀᬢᬦ᭄ᬤ᭄ᬭᬸᬄ᭞ᬢ᭄ᬓᬾᬦᬶᬂᬳᬶᬬᬧᬤ᭞ᬬᬫᬜᬫ᭞ᬓᬸᬤ᭄ᬬᬗᬢ᭄ᬯᬭᬤᬲᬸᬗ᭄ᬲᬸᬢ᭄᭞ᬬᬤᬶᬦ᭄‌‌ᬬᬳᬶᬭᬵᬢ᭄ᬦᬦᬶᬂᬭᬵᬢ᭄᭞ᬤᬾᬦᬶᬂᬬᬢᬸᬫ᭄ᬩᬾᬦ᭄ᬦᭂᬧᬸᬓᬶᬦ᭄᭟᭜᭟ᬚᬤ᭄ᬫᬵᬦᬾᬩᬕᬸᬲ᭄ᬓᬮᬶᬦ᭄ᬢᬂ᭞ᬢ᭄ᬯᬭᬵᬧᬤᬓᬤᬶᬳ᭄ᬬᬂᬲ᭄ᬫᬭᬭᬢᬶᬄ᭞ᬬᬾᬦ᭄ᬳᬗ᭄ᬤᬾᬜᬳᬶᬭᬳ᭄ᬮᬸᬄ᭞ᬫᬰᬩᬸᬳᬸᬂᬢ᭄ᬯᬄᬕᬶᬗ᭄ᬕᬂ᭞ᬦᬗᬶᬂᬓᬾ
ᬢᭀ᭞ᬮᬫᬸᬦ᭄ᬜᬢ᭄ᬯᬄᬦᬸᬳᬶᬤᬸᬧ᭄᭞ᬫᬰᬩᬸᬳᬸᬂᬩᬜᬧᬸᬲᬂ᭞ᬫᬾᬄᬳᬯᬦᬶᬦ᭄ᬳᬶᬭᬫᬢᬶ᭟᭜᭟ᬦᬾᬳᬶᬩᬫᬮᬶᬂᬫᬕᬸᬡ᭞ᬲᬸᬩᬧ᭄ᬢᭂᬂᬜᬦ᭄ᬤᬂᬲᬸᬩᬩᬸᬤᬮᬶᬦ᭄᭞ᬓ᭄ᬫᬳᬶᬩᬧᬤᬵᬫᬦ᭄ᬢᬸᬓ᭄᭞ᬳᬶᬧᬢᬶᬄᬮᬦ᭄ᬧᬸᬗ᭄ᬕᬯ᭞ᬲᬶᬮᬸᬫᬦᬾ᭞ᬮᬦ᭄ᬢᬲ᭄ᬳᬶᬬᬩᬸᬤᬮ᭄ᬲᬫ᭄ᬧᬸᬦ᭄᭞ᬲᬢ᭄ᬓᬜᬦᬾᬤᬶᬚᬩ᭞ᬫᬲᬮᬶ

[᭘᭓ 83A]
᭘᭓
ᬦ᭄ᬭᬸᬧᬧᬤᬾᬲ᭄ᬢ᭄ᬭᬶ᭟᭜᭟ᬫᬮᬶᬄᬫᬢᬸᬮᬓ᭄ᬓᬧᬸᬭ᭞ᬫᬜᬭᬸᬢ᭄ᬘᬸᬢ᭄ᬧᬫᬃᬕ᭄ᬕᬶᬦᬾᬫᬜᬶᬮᬶᬩ᭄᭞ᬤᬶᬧᬢᬦ᭄ᬤᬓᬦ᭄ᬓᬚᬸᬚᬸᬃ᭞ᬲᬭᬯᬸᬳᬾᬳᬶᬭᬶᬓ᭞ᬭᬭᬶᬲ᭄ᬕᭂᬮᬶᬲ᭄᭞ᬫᬗ᭄ᬮᬾᬩᬂᬲᬲᬶᬋᬧ᭄ᬤᬶᬢᬸ᭞ᬭᬶᬂᬕ᭄ᬦᬄᬮᬬᭀᬦ᭄ᬧᬸᬦᬶᬓ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬓᬍᬓᬲᬶᬦ᭄᭟᭜᭟ᬦᬾᬫᬓ᭄ᬫᬶᬢ᭄ᬤᬶᬢᬸᬲᬫ᭄ᬬᬦ᭄᭞ᬧᬤᬧᬸᬍᬲ᭄‌ᬢ᭄ᬯ᭠
ᬭᬵᬳᬤᬗᭂᬤᬸᬲᬶᬦ᭄᭞ᬲᬶᬮᬸᬫᬦᬾᬮᬦ᭄ᬢᬲ᭄ᬕᬸᬧᬸᬄ᭞ᬫᬜᭂᬫᬓ᭄ᬫᬫ᭄ᬩᬸᬓᬬᬂ᭞ᬩᬗ᭄ᬓᬾᬦ᭄ᬜᬦᬾ᭞ᬓᬭᬶᬗ᭄ᬓᭂᬲ᭄ᬫᬯᬤᬄᬲᬵᬫ᭄ᬧᬸᬦ᭄᭞ᬩᬜᬸᬳᬸᬭᬶᬧᬾᬧᭂᬲᬸᬯᬂ᭞ᬢᬸᬫᬸᬮᬶᬭᬭᬶᬲ᭄ᬓᭂᬢᬶᬲᬶᬦ᭄᭟᭜᭟ᬯᬸᬲ᭄ᬯᬮᬸᬬᬓᬤᬶᬓᬸᬦᬵ᭞ᬳᬶᬲᬶᬮᬸᬫᬦ᭄ᬭᬭᬶᬲ᭄ᬫᬦᬸᬦ᭄ᬤᬾᬦ᭄ᬚᬦᬶ᭞ᬮᬦ᭄ᬢᬾᬦᬾᬓᬳᬤᬂᬫᬮᬸ᭞ᬳᬧᬂᬤᬵᬓᬘᬶᬭᬶᬬ᭄ᬬ
ᬦ᭄᭞ᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬮᬦ᭄ᬢᬾᬧ᭄ᬮᭂᬗ᭄ᬓᬸᬂᬢᬸᬫ᭄ᬧᬂᬲᬮᬸ᭞ᬳᬶᬬᬫ᭄ᬩᬃᬓᬯᬶᬗᬦ᭄ᬤᬶᬓ᭞ᬚᬮᬦ᭄ᬳᬮᬶᬄᬳᭂᬫ᭄ᬩᭀᬓ᭄ᬳᬤᬶ᭟᭜᭟ᬬᬤᬶᬢᬸᬳᬚᬓᬤᬤ᭄ᬯ᭞ᬳᭀᬓᬦ᭄‌ᬧ᭄ᬭᬪᬹᬋᬱᬶᬪᭀᬚᬦᬳᬶᬲ᭄ᬢ᭄ᬭᬶ᭞ᬯᬃᬡ᭄ᬦᬦᬾᬓᬮᬶᬦ᭄ᬢᬂᬳᬬᬸ᭞ᬳᭂᬦ᭄ᬢᭀᬲ᭄ᬤᭂᬂᬘᬳᬶᬜᬸᬯᬂ᭞ᬚᬸᬯᬂᬚᬦᬶ᭞ᬫᬓᬤᬤ᭄ᬯᬳᬚᬓ᭄ᬫᬦ᭄ᬢᬸᬓ᭄᭞ᬳᬶᬲᬹᬃ᭠
ᬬ᭄ᬬᬓᬸᬲᬸᬫᬗᬸᬘᬧ᭄᭞ᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂᬩ᭄ᬮᬶ᭟᭜᭟ᬤᬶᬦᬶᬢ᭄ᬯᬭᬵᬳᬤᬮᬾᬦᬦ᭄᭞ᬩ᭄ᬮᬶᬦᬯᬂᬲᬳᬶᬲᬶᬦ᭄‌ᬚ᭄ᬭᭀᬦᬾᬤᬶᬦᬶ᭞ᬬᬾ᭠ᬦ᭄ᬳᬤᬵᬳᬦᬂᬢᬢ᭄ᬮᬸ᭞ᬳᬶᬤᬫᬤ᭄ᬯᬾᬳᭀᬓ᭞ᬳᬗᬶᬂᬩᭂᬮᬶᬸᬮᬶᬢ᭄ᬯᬭᬵᬗᭂᬮᬄᬓ᭄ᬦᭂᬄᬘᬸᬫ᭄ᬧᬸ᭞ᬮᬫᬸᬦ᭄ᬜᬢ᭄ᬯᬭᬵᬫᬓ᭄ᬚᬂ᭞ᬳᭀᬜᬂᬳᬶᬬᬳᬚᬓ᭄ᬫᬸᬮᬶᬄ᭟᭜ [ 84 ][᭘᭓ 83B]
᭘᭓
ᬧᬤᬵᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬯᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬕ᭄ᬦᬄᬦᬾᬢ᭄ᬯᬦ᭄ᬤᬾᬯᬶ᭞ᬳᬶᬬᬫ᭄ᬩᬃᬓᬯᬶᬳᬫᬸᬯᬸᬲ᭄᭞ᬢᭀᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬳᬶᬬᬳᭂᬦ᭄ᬢᭀ᭞ᬳᭀᬓᬦ᭄ᬳᬶᬤᬦᬾᬲᬂᬧ᭄ᬭᬪᬹ᭞ᬘᬘᬸᬧᬸᬦᬾᬭᬭᬶᬲ᭄ᬧᭂᬲᬸᬯᬂ᭞ᬗᬦ᭄ᬤᬶᬓᬳᬶᬬᬫ᭄ᬩᬃᬓᬯᬶ᭟᭜᭟ᬦᬄᬓᬾᬚᬦᬶᬫᬳᬶᬘ᭄ᬮᬸᬧᬂ᭞ᬫᬓᬤᬤ᭄ᬯᬩᬋᬂᬗᬂᬘ᭄ᬮᬸᬧᬂ
ᬤᬶᬦᬶ᭞ᬳᬶᬲᬹᬃᬬ᭄ᬬᬓᬸᬲᬸᬫᬲᬵᬫ᭄ᬧᬸᬦ᭄᭞ᬤᬦᬾᬭᬭᬶᬲ᭄ᬜᭂᬮᬸᬧᬂ᭞ᬫᬓᬤᬤ᭄ᬯ᭞ᬢ᭄ᬯᬦ᭄ᬕᬮᬸᬄᬲᬵᬫ᭄ᬧᬸᬦ᭄ᬫᬘᭂᬮᬸᬧ᭄᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬦᬄᬚᬮᬦ᭄ᬓᬾᬚᬦᬶᬫᬸᬮᬶᬄ᭟᭜᭟ᬫᬶᬚᬶᬮ᭄ᬢᬸᬫᬸᬮᬶᬓᬚᬩ᭞ᬭᬭᬶᬲᬶᬗ᭄ᬕᬄᬚᬸᬫᬄᬳᬶᬮᬭᬵᬚᬦᬶ᭞ᬲᬭᬯᬸᬄᬤᬦᬾᬦᬾᬤᬶᬢᬸ᭞ᬳᬶᬮᬭᬢ᭄ᬯᬭᬚᬸᬫᬄ᭞
ᬬᬫ᭄ᬩᬃᬓᬯᬶ᭞ᬢᬸᬫᬸᬮᬶᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬳᬶᬮᬭᬵᬬᬩᬳᬸᬢ᭄ᬓ᭞ᬢᬫ᭄ᬬᬸᬦᬾᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭟᭜᭟ᬳᬶᬬᬫ᭄ᬩᬃᬓᬯᬶᬗᬦ᭄ᬤᬶᬓ᭞ᬚᭂᬭᭀᬯᬬᬦ᭄ᬢᬶᬢ᭄ᬬᬂᬫᬧᬫᬶᬢ᭄ᬫᬸᬮᬶᬄ᭞ᬳᬶᬭᬶᬸᬮᬭᬵᬳᬮᭀᬦ᭄ᬫᬲᬯᬹᬃ᭞ᬗᬸᬤᬚ᭄ᬭᭀᬦᬾᬫᬦᬤᬓ᭄᭞ᬧᬘᬂᬫᬦ᭄ᬢᬸᬓ᭄᭞ᬤ᭄ᬯᬾᬦ᭄‌ᬚ᭄ᬭᭀᬦᬾᬳᬶᬭᬶᬓᬶᬮᬶᬬᬸ᭞
ᬓᬸᬤ᭄ᬬᬂᬚ᭄ᬭᭀᬦᬾᬧᬘᬂᬫᬓ᭄ᬢ᭞ᬳᬶᬬᬫ᭄ᬩᬃᬓᬯᬶᬜᬢᬶᬸᬯᬹᬭᬶᬦ᭄᭟᭜᭟ᬫᬗᬸᬤᬳᭂᬦ᭄ᬢᭀᬳᬶᬩᬸᬓᬂ᭞ᬢ᭄ᬬᬂᬗᬢᬹᬭᬶᬦ᭄‌ᬚ᭄ᬭᭀᬦᬾᬓᬫᬸᬮᬦ᭄ᬳᬶᬭᬶᬓᬶ᭞ᬳᬶᬮᬭᬫᬮᬶᬄᬫᬲᬯᬹᬃ᭞ᬮᬍᬫᭂᬲᬾᬦᬸᬓᬢᬄ᭞ᬬᬤᬶᬦ᭄ᬢᭀᬫᬾᬫᬾᬦ᭄ᬳᬶᬮᬭᬩᬳᬂᬤᬶᬢᬸ᭞ᬳᬧᬂᬳᬗ᭄ᬕᭀᬜᬢᭂᬫᭀᬓ᭠

[᭘᭔ 84A]
᭘᭔
ᬦ᭄᭞ᬳᬧᬂᬳᬾᬮᬶᬂᬚ᭄ᬭᭀᬲᬫᬶ᭟᭜᭟ᬫᬾᬫᬾᬜᬓᬕ᭄ᬬᬢ᭄ᬫᬜᬕ᭄ᬚᬕ᭄᭞ᬗ᭄ᬮᬶᬂᬓᬗᭂᬦ᭄ᬩᬦ᭄ᬧᬘᬂᬓᬓᬮᬳᬶᬦ᭄᭞ᬳᬶᬤᭂᬧᬾᬍᬕᬫᬦᬸᬮᬸᬲ᭄᭞ᬩᬳᬦᬾᬦᬫᬶᬓᬢᬄ᭞ᬬᬫ᭄ᬩᬃᬓᬯᬶ᭞ᬫᬲᬯᬹᬃᬫᬸᬜᬶᬦᬾᬳᬮᬸᬲ᭄᭞ᬓᬾᬦ᭄ᬓᬾᬜ᭄ᬚᬦᬶᬘᬳᬶᬯᬬᬦ᭄᭞ᬩᬧᬚᬦᬶᬧᬬᬸᬫᬸᬮᬶᬄ᭟᭜᭟ᬳᬶᬮᬘᬹᬃᬫᬲ
ᬯᬹᬃᬗᬲᬩ᭄᭞ᬢᬶᬢ᭄ᬬᬂᬤᬸᬭᬸᬲ᭄‌ᬦᬾᬫᬗ᭄ᬓᬶᬦ᭄ᬧᬘᬂᬫᬗᬶᬭᬶᬂ᭞ᬳᬶᬮᬭᬵᬫᬫᬸᬜᬶᬳᬮᬸᬲ᭄᭞ᬦᬄᬓ᭄ᬫᬘᬳᬶᬮᬸᬯᬲ᭄᭞ᬤᬵᬦᬶᬸᬫᬓ᭄ᬮᭀ᭞ᬳ᭠ᬦᬂᬳᬩᬸᬮᬦ᭄‌‌ᬚ᭄ᬯᬤᬶᬢᬸ᭞ᬳᬶᬮᬘᬹᬃᬭᬭᬶᬲ᭄ᬫᬗᬸᬘᬧ᭄᭞ᬳᬶᬗ᭄ᬕᬶᬄᬩᬧᬢᬶᬢ᭄ᬬᬂᬧᬫᬶᬢ᭄᭟᭜᭟ᬳᬶᬬᬫ᭄ᬩᬃᬓᬯᬶᬫᬫᬃᬕ᭄ᬕᬵ᭞ᬲᬋᬂᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬕ᭄ᬮᬶᬲ᭄
᭞ᬳᬶᬮᬘᬹᬃᬫᬗᬶᬭᬶᬂᬲᬵᬫ᭄ᬧᬸᬦ᭄᭞ᬢᬦ᭄ᬓᬘ᭄ᬭᬶᬢ᭄ᬣᬤᬶᬚᬮᬦ᭄᭞ᬳᬤᭀᬄᬲᬵᬫ᭄ᬧᬸᬦ᭄᭞ᬭᬯᬸᬄᬭᬶᬂᬧᬫᬶᬗ᭄ᬕᬶᬃᬤᬸᬲᬸᬦ᭄᭞ᬳ᭄ᬦᭂᬂᬮᬫ᭄ᬧᬳᬾᬭ᭠ᬳᬤ᭄ᬬᬦ᭄᭞ᬦᬾᬭᬶᬂᬩ᭄ᬭᬂᬧᬦᬲ᭄ᬓᬯᬃᬡ᭄ᬦᬶ᭟᭜᭟ᬳᬶᬧᬢᬶᬄᬚᬦᬶᬓᭀᬘᬧ᭞ᬲᬵᬫ᭄ᬧᬸᬦ᭄ᬭᬯᬸᬄᬓᬩᬜ᭄ᬘᬶᬗᬄᬦᬾᬫᬗ᭄ᬓᬶᬦ᭄᭞ᬧᭂᬧᭂᬓ᭄ᬱᬓᬢᬄᬧᬺᬭᬵᬢᬹ᭞ᬫᬗᭀ
ᬚᭀᬚᬶᬸᬕ᭄ᬓᬩᬜ᭄ᬘᬶᬗᬄ᭞ᬲᬶᬭᬧᬢᬶᬄ᭞ᬓᭀᬮ᭄ᬧᬯᬶᬚᬬᬤᬶᬫᬮᬸ᭞ᬲᬭᬯᬸᬳᬾᬤᬶᬩᬜ᭄ᬘᬶᬗᬄ᭞ᬕ᭄ᬩᬕᬦᬾᬧᬕᬸᬮᬶᬦ᭄ᬢᬶᬓ᭄᭟᭜᭟ᬳᬶᬕᬸᬲ᭄ᬢᬶᬧᬢᬶᬄᬗᬦ᭄ᬤᬶᬓᬵ᭞ᬧᬶᬦᬾᬢ᭄ᬓᬓ᭄ᬫᬳᬶᬩᬚᬕ᭄ᬚᬕᬶᬦ᭄᭞ᬳᭀᬭᭀᬲ᭄‌‌ᬕ᭄ᬩᬕᬦᬾᬤᬶᬢᬸ᭞ᬧᬋᬓᬦᬾᬫᬜᬕ᭄ᬚᬕ᭄᭞ᬭᬭᬶᬲ᭄ᬗᭀᬭᭀᬲ᭄᭞ᬩᬢᬶᬲ᭄ᬕᭂ [ 85 ][᭘᭔ 84B]
᭘᭔
ᬩᬕᬦᬾᬳᬶᬚᬸ᭞ᬕ᭄ᬩᬕᬦᬾᬩᬗᬸᬦ᭄ᬩᬩᬃ᭞ᬭᬭᬶᬲ᭄ᬫᬵᬢᬹᬃᬦᬸᬦᬲᬶᬲᬶᬧ᭄᭟᭜᭟ᬲᬫᬶᬦᬸᬦᬲᬶᬦᬫ᭄ᬧᬸᬭᬵ᭞ᬫᬋᬧ᭄‌ᬢ᭄ᬓᬾᬦᬶᬂᬳᬶᬕᬸᬲ᭄ᬢᬶᬧᬢᬶᬄ᭞ᬕᬸᬲ᭄ᬢᬶᬧᬢᬶᬄᬗᬫ᭄ᬩ᭄ᬭᬾᬲ᭄ᬗᬗ᭄ᬲᬸᬮ᭄᭞ᬇᬄᬓᬫᬸᬧᬸᬍᬲ᭄‌ᬤᭀᬯᬂ᭞ᬕ᭄ᬩᬕᬦᬾ᭞ᬲᬫᬶᬢ᭄ᬯᬭᬵᬗ᭄ᬮᬄᬳᬢᬹᬃ᭞ᬕᬸᬲ᭄ᬢᬶᬧᬢᬶᬄᬓᬧᬸᬭᬶᬬᬦ᭄᭞ᬲᬫᬶᬢ᭄ᬯᬭᬵᬫᬗᭂᬤᬸᬲᬶᬦ᭄
᭟᭜᭟ᬳᬶᬧᬶᬦᬾᬢ᭄ᬓᬳᬾᬗ᭄ᬕᬮ᭄᭞ᬓᬧᬸᬭᬶᬬᬦ᭄‌ᬓᬧᭂᬫᬺᬫᬦ᭄ᬫᬗ᭄ᬭᬭᬶᬲ᭄᭞ᬢ᭄ᬯᬭᬵᬳᬤᬳᬦᬓ᭄ᬢᭂᬧᬸᬓ᭄᭞ᬭᬭᬶᬲ᭄ᬳᬶᬧᬸᬦ᭄ᬫᭂᬤᬲᬂ᭞ᬤᬶᬳᬫ᭄ᬩᬾ᭠ᬦᬾ᭞ᬚᬤ᭄ᬫᬵᬳᬓᬾᬄᬫ᭄ᬤᬮ᭄ᬤᬶᬢᬸ᭞ᬗᬶᬂᬮᬶᬬᬸᬳᬦᬾᬧᬸᬍᬲ᭄᭞ᬳᬤᬦᬸᬗ᭄ᬕᬶᬂᬳᬤᬵᬗ᭄ᬮᭂᬲᬶᬢ᭄᭟᭜᭟ᬬᬾᬦ᭄ᬩᬕ᭄ᬩᬕ᭄ᬳᭀᬜᬗᬂᬳᬸᬘᬧᬂ᭞ᬢᬢᬶᬗ᭄ᬓᬄᬳᬦ᭄ᬧᬗᬬᬳᬾᬤᬶ
ᬧᬸᬭᬶ᭞ᬫᬾᬄᬗᭀᬜᬂᬳᭂᬦ᭄ᬢᬮ᭄ᬳᬧᬸᬘᬸᬓ᭄᭞ᬬᬤᬶᬦ᭄ᬳᬢ᭄ᬕᭂᬦ᭄ᬩ᭄ᬭᬱ᭄ᬝ᭞ᬦᬾᬫᬦᬸᬮᬶᬲ᭄᭞ᬮᬶᬫᬩᬸᬍᬦ᭄ᬩᬜ᭄ᬘᬂᬗᬶᬮᬸ᭞ᬳᬫᬸᬦ᭄ᬢᭀᬩᬳᬦ᭄ᬗᬸᬘᬧᬂ᭞ᬧᬂᬳᬤᬵᬕᬕᬸᬬᬸᬓᬶᬓᬶᬢ᭄᭟᭜᭟ᬳᬶᬧᬶᬦᬾᬢ᭄ᬓᬫ᭄ᬤᬮ᭄᭞ᬭᬭᬶᬲ᭄ᬫᬵᬢᬹᬃᬭᬶᬂᬤᬦᬾᬕᬸᬲ᭄ᬢᬶᬧᬢᬶᬄ᭞ᬳᬶᬗ᭄ᬕᬶᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬭᬵᬢᬹ᭞ᬫᬢ᭄ᬕᬶᬓ᭄ᬓᬧᬸᬭᬶᬬᬦ᭄᭞ᬦᬗᬶᬂ
ᬭᬵᬢᬹ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬚᬤ᭄ᬫᬵᬩᬗᬸᬦ᭄᭞ᬓᭀᬭᬶᬢᬦ᭄ᬯᬾᬦ᭄ᬢᭂᬦ᭄ᬫᬩᬸᬓᬓ᭄᭞ᬧᬗᬬᬳᬾᬧᬸᬍᬲᬫᬶ᭟᭜᭟ᬭᬶᬂᬳᬫ᭄ᬩᬾᬦᬾᬧᬸᬍᬲᬫ᭄ᬬᬦ᭄᭞ᬗᬶᬂᬓᭀᬭᬶᬦᬾᬓᬭᬶᬫᬳᬸᬩᭂᬢ᭄ᬲᬫᬶ᭞ᬢᬸᬳᬸᬦ᭄ᬢᬶᬢ᭄ᬬᬂᬭᬢᬸᬩᬳᬸ᭞ᬳᬶᬧᬢᬶᬄᬫᬤᭂᬓᭂᬲᬦ᭄᭞ᬭᬭᬶᬲ᭄ᬩᬗᬸᬦ᭄᭞ᬫᬫᬃᬕ᭄ᬕᬶᬓᬚ᭄ᬭᭀᬫᬗ᭄ᬮᬯᬸᬢ᭄᭞

[᭘᭕ 85A]
᭘᭕
ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬸᬭᬶᬬᬦ᭄᭞ᬓᭀᬭᬶᬦᬾᬓᬤᭀᬕ᭄ᬤᭀᬕ᭄ᬮᬶᬲ᭄᭟᭜᭟ᬲᬃᬯ᭄ᬯᬶᬤᬦᬾᬫᬵᬢᬹᬃᬩᬦ᭄ᬩᬦ᭄᭞ᬭᬵᬢᬹᬳᬕᬸᬂᬫᬢᬗᬶᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬲᬂᬧ᭄ᬭᬪᬹᬓᬕ᭄ᬬᬢ᭄ᬫᬯᬸᬗᬸ᭞ᬲᬃᬯ᭄ᬯᬶᬳᬰ᭄ᬭᬸᬗᬦ᭄ᬤᬶᬓ᭞ᬳᬤᬵᬳᬧ᭞ᬓᭀᬭᬶᬦᬾᬫᬩᬸᬓᬓ᭄ᬱᬵᬫ᭄ᬧᬸᬦ᭄᭞ᬫᬵᬢᬹᬃᬳᬶᬧᬢᬶᬄᬍᬗ᭄ᬓᬭᬵ᭞ᬯᬶᬭᬾᬄᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬮᬶ
ᬗ᭄ᬲᬶᬃ᭟᭜᭟ᬳᬶᬤᬾᬯᬵᬤᬸᬭᬸᬂᬓᭀᬤᬮ᭄᭞ᬓᬯᬸᬮᬦᬾᬲᬫᬶᬢ᭄ᬯᬭᬵᬗᭂᬤᬸᬲᬶᬦ᭄᭞ᬳᬯᬦᬦ᭄ᬢᬶᬢ᭄ᬬᬗᬾᬧᬸᬭᬸᬦ᭄᭞ᬫᬦᬗᬶᬦᬶᬦ᭄ᬳᬶᬤᬾ᭠ᬯᬵ᭞ᬤᬾᬦᬶᬂᬲᬵᬫ᭄ᬧᬸᬦ᭄᭞ᬓᭀᬭᬶᬦᬾᬫᬩᬸᬓᬓ᭄ᬭᬢᬹ᭞ᬢᬗ᭄ᬮᬸᬓᬾᬤᬶᬚᬩᬧᬶᬲᬦ᭄᭞ᬕ᭄ᬩᬕᬦᬾᬧᬸᬍᬲᬫᬶ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬓᭂ
ᬭᬯᭀᬲᬦ᭄ᬩᬦ᭄ᬳᬶᬧᬢᬶᬄ᭞ᬳᬶᬧᬢᬶᬄᬍᬗ᭄ᬓᬭᬵᬫᬵᬢᬹᬃ᭞ᬫᬦᬯᬶᬯᬾᬦ᭄ᬢᭂᬦ᭄ᬤᬸᬱ᭄ᬝᬵ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬭᬭᬶᬲ᭄ᬫᬗᬦ᭄ᬤᬶᬓᬳᬰ᭄ᬭᬸ᭞ᬓ᭄ᬫᬳᬶᬩᬾᬓᬸᬮ᭄ᬫᬚᬮᬦ᭄᭞ᬤᬸᬦ᭄ᬤᬸᬦᬶᬦ᭄‌ᬯᬂᬚ᭄ᬭᭀᬦᬾᬲᬫᬶ᭟᭜᭟ᬳᬤᬵᬫᬮᬳᬶᬩ᭄ᬓᬧ᭄ᬯᬃᬕ᭄ᬕᬦ᭄᭞ᬚᬸᬭᬸᬯᬋᬕᬾᬧᬤᬵᬲᬶᬲᬸᬫᬗ᭄ᬓᬶᬦ᭄᭞ᬩᬳᬦ᭄ᬚᬦᬶᬲᬸᬩᬢᭂᬤᬸᬄ᭞ᬩ
ᬗᬸᬦ᭄‌ᬬᬲᬸᬤᬧ᭄ᬲᬸᬤᬧ᭄᭞ᬦᬾᬫᬮᬳᬶᬩ᭄᭞ᬤᬶᬳᬫ᭄ᬩᬾᬦᬾᬧᬤᬵᬢᭂᬤᬸᬦ᭄᭞ᬲᬶᬂᬫᬤᬸᬦ᭄ᬤᬸᬦ᭄ᬩᬗᬸᬦ᭄ᬩᬩᬃ᭞ᬧᬋᬓᬦᬾᬫᬗᭂᬤᬸᬲᬶᬦ᭄᭟᭜᭟ᬳᬶᬩᬾᬓᬸᬮ᭄ᬫᬮᬶᬄᬓᬧᬸᬭᬵ᭞ᬓᬧᬫᬺᬫᬦ᭄ᬳᬶᬩᬾᬓᬸᬮ᭄ᬫᬗᬭᬭᬶᬲ᭄᭞ᬭᬶᬂᬕ᭄ᬦᬄᬦᬾᬭᬤᬾᬦ᭄ᬕᬮᬸᬄ᭞ᬳᬶᬩᬾᬓᬸᬮ᭄ᬤᬤᬶᬓᬕ᭄ᬬᬢ᭄᭞ᬫᬗᬯᬲᬂ᭞ [ 86 ][᭘᭕ 85B]
᭘᭕
ᬩᬦᬾᬢ᭄ᬯᬭᬵᬳᬤᬤᬶᬢᬸ᭞ᬓᭀᬭᬶᬦᬾᬲᬫᬶᬫᬩᬸᬓᬓ᭄᭞ᬮᬦ᭄ᬢᬲ᭄ᬳᬶᬬᬫᬦᭂᬮᭀᬓᬶᬦ᭄᭟᭜᭟ᬲᬸᬳᬸᬂᬲᭂᬧᬶᬤᬶᬧᬫᬺᬫᬦ᭄᭞ᬢ᭄ᬯᬭᬳᬤᬤᬶᬢᬸᬭᬳᬤᬾᬦ᭄ᬤᬾᬯᬶ᭞ᬳᬶᬩᬾᬓᬸᬮ᭄ᬫᬮᬳᬶᬩ᭄ᬕᬸᬧᬸᬄ᭞ᬫᬳᬢᬹᬃᬭᬶᬂᬲᬂᬦᬵᬣ᭞ᬳᬶᬗ᭄ᬕᬶᬄᬳᬦᬓ᭄᭞ᬘᭀᬓᭀᬃᬳᬶᬤᬾᬯᬵᬭᬢ᭄ᬯᬕᬸᬂ᭞ᬳᬶᬤᬳᬶᬘᬮ᭄ᬲᬓᬶᬂ᭠
ᬧᬸᬭ᭞ᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬳᬶᬭᬶᬓᬶ᭟᭜᭟ᬭᬤᬾᬦ᭄ᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬤᬦᬾᬳᬶᬘᬮ᭄ᬲᬓᬶᬂᬧᬫᬺᬫᬦ᭄ᬫᬗ᭄ᬓᬶᬦ᭄᭞ᬮᬦ᭄ᬲᬹᬃᬬ᭄ᬬᬓᭂ᭠ᬜ᭄ᬘᬦᬭᬢᬸ᭞ᬢᬦ᭄ᬯᬾᬦ᭄ᬢᭂᬦ᭄ᬧᬗ᭄ᬕᬶᬄᬢᬶᬢ᭄ᬬᬂ᭞ᬫᬓᬓᬮᬶᬄ᭞ᬳᬶᬤᬵᬢᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄᬍᬗ᭄ᬓᬭᬵᬕ᭄ᬮᬶᬲ᭄᭟᭜᭟ᬓ᭄ᬫᬓᬾ
ᬚᬦᬶᬫᬢ᭄ᬗᭂᬭᬦ᭄᭞ᬕ᭄ᬩᬸᬕ᭄ᬓᬸᬮ᭄ᬓᬸᬮᬾᬬᬳᬶᬕᭂᬦ᭄ᬢᭂᬃᬕᬸᬫᬶ᭞ᬳᬶᬧᬢᬶᬄᬫᬧᬫᬶᬢ᭄ᬲᬫ᭄ᬧᬸᬦ᭄᭞ᬭᬭᬶᬲ᭄ᬤᬦᬾᬓᬚᬩ᭞ᬭᬯᬸᬄᬤᬦᬾ᭞ᬤᬶᬩ᭠ᬜ᭄ᬘᬶᬗᬄᬦᭂᬧᬓ᭄ᬓᬸᬮ᭄ᬓᬸᬮ᭄᭞ᬫᭂᬤᬗ᭄ᬤᬸᬢ᭄‌ᬗᬺᬲᬂᬫᬦᬄ᭞ᬭᬱᬜᬗᬸᬯᬸᬕᬂᬕᬸᬫᬶ᭟᭜᭟ᬭᬭᬶᬲ᭄ᬫᬦᬶᬫ᭄ᬩᬮ᭄ᬓᬢᬶᬫ᭄ᬩᬮ᭄᭞ᬩᬶᬮᬂᬩᬜ᭄ᬚᬃᬓᬸᬮ᭄ᬓᬸᬮᬾᬫᬤᬗ᭄ᬤᬸᬢᬶᬢᬶᬃ᭞ᬧᬜ᭄ᬚ
ᬓᬾᬭᬦ᭄ᬢᬩᬦ᭄ᬭᬯᬸᬄ᭞ᬲᬫᬶᬫᬓ᭄ᬢᬕᬕᬫᬦ᭄᭞ᬕᬸᬲ᭄ᬢᬶᬧᬢᬶᬄ᭞ᬩ᭄ᬭᬚᬖ᭄ᬦᬶᬤᬦᬾᬭᬯᬸ᭞ᬢᬹᬃᬲᬳᬵᬲᬶᬓᭂᬧ᭄ᬲᬬᬕ᭞ᬧᬦ᭄ᬲᬫᬶᬧᬧᬢᬶᬄᬍᬯᬶᬄ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬓ᭄ᬫᬢᬸᬦ᭄ᬤᬾᬦ᭄ᬧᬜ᭄ᬚᬓᬾᬧᬤᬕ᭄ᬮᬶᬲ᭄᭞ᬧᬢᬶᬄᬍᬗ᭄ᬓᬭᬵᬫᬳᬢᬹᬃ᭞ᬧᬸᬦᬧᬶᬧᬓᬬᬸᬦᬦ᭄᭞ᬫᬗ᭄ᬓᬶᬢᬶᬸ᭠

[᭘᭖ 86A]
᭘᭖
ᬦ᭄ᬢᬶᬢ᭄ᬬᬂ᭞ᬫᬧᬫᬶᬢ᭄ᬮᬸᬗᬦᬭᬸᬕ᭄ᬢᬸᬕ᭄᭞ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬦᬄᬳᭂᬦ᭄ᬤᬾᬦ᭄ᬢᬾᬫᬮᬸᬘᬳᬶ᭟᭜᭟ᬢᭀᬢᬾᬫᬮᬶᬂᬳᬸᬮᬶᬤᬶᬚᬵ᭞ᬢᭀᬓ᭄ᬦᭂᬳᬂᬳᬚᬓ᭄ᬫᬓ᭄ᬚᬂᬚᬦᬶ᭞ᬧᬢᬶᬮᬦᬬᬓ᭄ᬱᬫᬵᬢᬹᬃ᭞ᬭᬵᬢᬹᬳᬾᬫᭂᬂᬓᭀᬢᬶᬢ᭄ᬬᬂ᭞ᬗᭂᬫᬦᬳᬂ᭞ᬬᬾᬦ᭄ᬲᬓᬶᬂᬚᬶᬸᬤᬶᬚᬳᬶᬧᬦ᭄ᬤᬸᬂ᭞ᬬᬾᬦ᭄ᬧᬶᬢᬓᭂᬄ
ᬢᬶᬢ᭄ᬬᬂ᭞ᬦᬯᬶᬳᬦ᭄ᬢᬸᬓ᭄ᬳᬶᬤᬲ᭄ᬤᬶᬄ᭟᭜᭟ᬓᬩ᭄ᬮᬢ᭄ᬳᬦ᭄ᬢᬸᬓ᭄ᬳᬸᬢᬸᬲᬦ᭄᭞ᬗᬩᬚᬭᬦ᭄‌ᬫᬵᬢᬹᬃᬭᬶᬂᬲᬂᬦ᭄ᬤᬺᬧᬢᬶ᭞ᬩᬋᬂᬳᬚᬓᬧᬧᬶᬢᬸ᭞ᬧᬤᬫᬗᬩᬚᬭᬦ᭄᭞ᬭᬭᬶᬲ᭄ᬫᬵᬢᬹᬃ᭞ᬦᬸᬦᬲᬂᬓᬸᬮ᭄ᬓᬸᬮᬾᬩᬸᬮᬸᬲ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬩᬦ᭄ᬳᬶᬭᬵᬓᬾᬮᬗᬦ᭄ᬧᬸᬢ᭄ᬭᬶ᭟᭜᭟ᬦᬾᬳᬶᬩᬳᬸᬮᬶᬤᬶᬚ᭞ᬳᬸᬢᬸᬲ
ᬦᬾᬫᬵᬢᬹᬃᬲᬃᬯ᭄ᬯᬶᬗᬪᬓ᭄ᬢᬶ᭞ᬧᬸᬦᬶᬓᬶᬢᬶᬢ᭄ᬬᬂᬓᬳᬸᬢᬸᬲ᭄᭞ᬲᬓᬶᬂᬤᬾᬰᬩ᭄ᬭᬂᬲᬶᬗᬵ᭞ᬲᬂᬧ᭄ᬭᬪᬹ᭞ᬓᬸᬫ᭄ᬩᬬᬓ᭄ᬱᬳᬶᬤᬵᬫᬗᬸᬢᬸᬲ᭄᭞ᬧᬸᬦᬶᬓᬳᬯᬦᬦ᭄ᬢᬶᬢ᭄ᬬᬂ᭞ᬭᬯᬸᬳᬾᬧᬋᬓ᭄ᬫᬭᬶᬓᬶ᭟᭜᭟ᬦᬄᬤᬶᬢᬸᬳᬶᬩᬗᬢᬹᬭᬂ᭞ᬤᬾᬦᬶᬂᬤᬶᬦᬶᬓᬳᬶᬓᬾᬮᬗᬦ᭄ᬧᬸᬢ᭄ᬭᬶ᭞ᬢᭀᬳᬧᬂᬲᬗ᭄ᬕ᭄ᬭᬜᬤᬶᬢᬸ᭞ᬲᬶᬂᬜ
ᬬᬢ᭄ᬓᬓ᭄ᬫ᭞ᬳᭂᬦ᭄ᬢᭀᬳᬧᬂ᭞ᬳᬶᬬᬫᬫᬭᬶᬓ᭄ᬱᬤᬶᬢᬸ᭞ᬫᬗ᭄ᬤᬾᬦᬾᬬᬲᬾᬗᭂᬄᬧᬤ᭞ᬳᭀᬭᬳᬂᬚᬫᬸᬜᬶᬦ᭄ᬓᬳᬶ᭟᭜᭟ᬢᭀᬦᬾ᭠ᬳᬸᬮᬶᬲᬫ᭄ᬩᬸᬭᬦ᭞ᬓᬾᬢᭀᬧᬤᬗᬩᬧᬫᬸᬜᬶᬦ᭄ᬓᬳᬶ᭞ᬳᬧᬂᬧᬤᬵᬬᬢ᭄ᬦᬤᬶᬢᬸ᭞ᬫᬗᭀᬭᬳᬶᬦ᭄ᬧᬜ᭄ᬚᬓ᭞ᬳᬧᬂᬭᬢ᭄ᬣ᭞ᬳᭀᬭᬳᬶᬦ᭄ᬧᬜ᭄ᬚᬓᬾᬤᬶ᭠ [ 87 ][᭘᭖ 86B]
᭘᭖
ᬢᬸ᭞ᬳᬸᬢᬸᬲᬦᬾᬫᬵᬢᬹᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬦᬲ᭄ᬧᬫᬶᬢ᭄᭟᭜᭟ᬤᬶᬓᬶᬦ᭄ᬢᬵᬯᬦᬵᬓᭀᬘᬧ᭞ᬳᬶᬫᬮᬶᬂᬫᬕᬸᬡ᭄ᬦᬳᬾᬮᬶᬂᬰᬓ᭄ᬢᬶ᭞ᬲᬸᬩᬧᬤᬵᬢ᭄ᬓᬤᬶᬢᬸ᭞ᬗᬮᬶᬄᬳᬶᬬᬫ᭄ᬩᬃᬓᬯ᭄ᬬ᭞ᬫᭂᬜᭂᬋᬧᬂ᭞ᬧᬤᬫᬜᭂᬮᬸᬓ᭄ᬱᬸᬓ᭄ᬤᬶᬢᬸ᭞ᬦᬗᬶᬂᬢ᭄ᬯᬭᬢ᭄ᬧᬸᬓᬶᬦ᭄ᬜ᭞ᬦᬾᬫᬵᬤᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬓᭀᬘᬧ᭄ᬚ
ᬦᬶᬤᬶᬦᬕᬭ᭞ᬲᬂᬧ᭄ᬭᬪᬹᬘᬶᬢ᭄ᬭᬯᬢᬶᬳᬶᬤᬲ᭄ᬤᬶᬄ᭞ᬦᬵᬕᬭᬦᬾᬲᬫᬶᬲᬫᬸᬦ᭄᭞ᬢ᭄ᬯᬭᬳᬤᬯ᭄ᬯᬂᬫᭂᬦ᭄ᬢᬲ᭄᭞ᬳᭂᬜᬾᬦ᭄ᬚᬦᬶ᭞ᬦᬾᬧᬘᬂᬢᬓᭀᬦᬶᬦ᭄ᬤᬶᬢᬸ᭞ᬓᬶᬚᬮᬓᬸᬫᬜᭂᬋᬧᬂ᭞ᬦᬾᬫᬵᬤᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟᭛ᬤᬂᬤᬂ᭛ᬓᬯᬃᬡ᭄ᬦᬳᬶᬤᬵᬰ᭄ᬭᬶᬪᬹᬧᬢᬶ᭞ᬤᬶᬩ᭄ᬭᬂᬧᬦᬲ᭄᭞ᬲ᭄ᬤᭂᬓᬦ᭄ᬲᬶᬦᬾᬩ᭞
ᬓᬮᬶᬦ᭄ᬢᬂᬲᭂᬓ᭄ᬱᭂᬓᬬᬸᬦᬾ᭞ᬤᬶᬧᬸᬭᬶᬮᬶᬦ᭄ᬢᬂᬲᬫᬸᬦ᭄᭞ᬭᬭᬶᬲ᭄ᬭᬯᬸᬄᬳᬶᬕᬸᬲ᭄ᬢᬶᬧᬢᬶᬄ᭞ᬫ᭄ᬯᬄᬫᬮᬶᬂᬰᬓ᭄ᬢᬶᬧᬸᬦᬶᬓ᭞ᬫᬓᬓᬮᬶᬄᬭᬯᬸᬄ᭞ᬲᬋᬂᬳᬶᬫᬮᬶᬂᬫᬕᬸᬡ᭄ᬦ᭞ᬲᬭᬯᬸᬳᬾ᭞ᬦ᭄ᬕᬓ᭄ᬱᬃᬯ᭄ᬯᬶᬫᬵᬢᬹᬃᬩᬓ᭄ᬢᬶ᭞ᬲᬂᬦᬵᬣᬭᬭᬶᬲ᭄ᬫᬰᬩ᭄ᬤ᭟᭜᭟ᬦᬾᬓᭀᬘᬳᬶᬧᬢᬶᬄᬫᬮᬶᬂᬰᬓ᭄ᬢᬶ᭞ᬚᬦᬶᬢ᭄ᬓᬵ᭞ᬤᬤᬶᬮᬶᬯᬢ᭄ᬩᭀᬩᬤ᭄᭞
ᬫᬮᬶᬂᬫᬕᬸᬡ᭄ᬦᬫᬸᬜᬶᬦᬾ᭞ᬗᭀᬭᬳᬂᬘᬳᬶᬮᬫ᭄ᬧᬸᬲ᭄᭞ᬚᬦᬶᬗᬸᬤᬵᬩ᭄ᬯᬶᬦ᭄ᬢᭂᬓᬫᬳᬶ᭞ᬫᬮᬶᬂᬫᬕᬸᬡ᭄ᬦᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬧᬶᬤᬦ᭄ᬭᬢᬹ᭞ᬢᬶᬢ᭄ᬬᬂᬫᬵᬢᬹᬃᬲᬧᬸᬦᬶᬓ᭞ᬭᬶᬂᬳᬶᬤᬾᬯᬵ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬫᬮᬶᬄ᭞ᬤᬸᬕᬲ᭄ᬘᬳᬶᬦᬾᬫᬗᬩ᭟᭜᭟ᬩᬗ᭄ᬓᬾᬦ᭄ᬜᬫᬦᬶᬓᭂᬜ᭄ᬘᬦᬯᬢᬶ᭞ᬳᬩᬜ᭄ᬘᬳᬶ᭞ᬢᬸᬫᬸᬮᬶᬳᬦᭂᬫ᭄ᬩᬄ᭞

[᭘᭗ 87A]
᭘᭗
ᬳᬶᬫᬮᬶᬂᬰᬓ᭄ᬢᬶᬳᬢᬹᬭᬾ᭞ᬳᬶᬗ᭄ᬕᬶᬄᬭᬵᬢᬹᬤᬾᬯᬕᬸᬂ᭞ᬢᬶᬢ᭄ᬬᬂᬲᬋᬂᬭᬳᬶᬦᬯ᭄ᬗᬶ᭞ᬢᬦ᭄ᬯᬾᬦ᭄ᬢᭂᬦ᭄ᬢᬳᬾᬦ᭄ᬩᭂᬮᬲ᭄᭞ᬢᬶᬢ᭄ᬬᬂᬲᬋᬂᬭᬵᬢᬹ᭞ᬢ᭄ᬓᬾᬦ᭄ᬳᬶᬫᬮᬶᬂᬫᬕᬸᬡ᭄ᬦᬵ᭞ᬲᬩ᭄ᬭᬦ᭄ᬤᬶᬦᬵ᭞ᬫᬗᬺᬋᬄᬳᬶᬬᬫ᭄ᬩᬃᬓᬯᬶ᭞ᬗᬶᬂᬢᬦ᭄ᬯᬾᬦ᭄ᬢᭂᬦ᭄ᬓᬧᭂᬦ᭄ᬤᬓ᭄᭟᭜᭟ᬳᬗᬶᬂᬳᬶᬧᬸᬦ᭄ᬢᬦ᭄ᬯᬾᬦ᭄ᬢᭂᬦ᭄ᬓᬧᬗ᭄ᬕᬶᬄ᭞ᬋᬋᬄᬢᬶᬢ᭄ᬬᬂ᭞ᬲᬂᬦᬵᬣᬗᬦ᭄ᬤᬶ᭠
ᬓ᭞ᬚᬦᬶᬳ᭄ᬦᬸᬤᬶᬦᬶᬋᬓᬾ᭞ᬩᬗ᭄ᬓᬾᬦᬾᬫ᭄ᬭᬶᬗ᭄ᬓᭂᬲ᭄ᬤᬶᬢᬸ᭞ᬤᬶᬧᬢᬦ᭄ᬤᬓᬦ᭄‌ᬚᬂᬩ᭄ᬮᬶ᭞ᬓ᭄ᬫᬤ᭄ᬮᭀᬓᬶᬦ᭄ᬳᬾᬗ᭄ᬕᬮ᭄᭞ᬳᬶᬧᬢᬶᬄᬫᬳᬢᬹᬃ᭞ᬢᬶᬢ᭄ᬬᬂ᭠ᬧᬫᬶᬢ᭄ᬭᬶᬂᬳᬶᬤᬾᬯᬵ᭞ᬢᬶᬢ᭄ᬬᬂᬧᬘᬂ᭞ᬦᭂᬮᭀᬓᬶᬦ᭄ᬩᬗ᭄ᬓᬾᬦᬾᬫᬗ᭄ᬓᬶᬦ᭄᭞ᬲᬂᬦᬵᬣᬭᬭᬶᬲ᭄ᬫᬲᬩ᭄ᬤ᭟᭜᭟ᬳ᭄ᬦᬄᬓ᭄ᬫᬕᬮᬶᬳᬶᬦ᭄‌‌ᬚᬦᬶ᭞ᬩᬗ᭄ᬓᬾᬦ᭄ᬜᬦᬾ᭞ᬮᬯᬸᬢᬂᬳᬜᬸ
ᬤᬂ᭞ᬬᬓᬾᬩ᭄ᬯᬶᬦ᭄ᬭᬱᬦᬶᬦ᭄ᬋᬓᬾ᭞ᬳᬶᬧᬢᬶᬄᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬭᬶᬲ᭄ᬕᭂᬮᬶᬲ᭄ᬤᬦᬾᬗᬸᬗ᭄ᬓᬩᬶᬦ᭄᭞ᬩᬗ᭄ᬓᬾᬦᬾᬲᬵᬫ᭄ᬧᬸᬦ᭄ᬳᬶᬮᬂ᭞ᬓᬵᬢᬹᬃᬭᬶᬂᬲᬂᬧ᭄ᬭᬪᬹ᭞ᬯᬢᬗᬦᬾᬲᬵᬫ᭄ᬧᬸᬦ᭄ᬳᬶᬘᬮ᭄᭞ᬧ᭄ᬘᬓ᭄ᬳᬶᬧᬸᬦ᭄᭞ᬫᬕᬕᬄᬫᬮᬶᬄᬫ᭄ᬭᬸᬭᬸᬩᬶᬦ᭄᭞ᬲᬂᬦᬵᬣᬫᬗᬦ᭄ᬤᬶᬓ᭟᭜᭟ᬓᬮᬶᬗᬦᬾᬬᬳᬶᬬᬫ᭄ᬩᬃᬓᬯᬶ᭞ᬯᬦ᭄ᬢᬄᬳᭂᬦ᭄ᬢᭀ᭞ᬳᬶᬬᬫ
ᬲᬶᬮᬸᬫᬦ᭄᭞ᬩᬸᬓᬳᬶᬫᬮᬶᬂᬫᬕᬸᬡ᭄ᬦᬦᬾ᭞ᬲᬂᬧ᭄ᬭᬪᬹᬳᬰ᭄ᬭᬸᬫᬸᬯᬸᬲ᭄᭞ᬚᬦᬶᬘᬳᬶᬫᬮᬶᬂᬲᬓ᭄ᬢᬶ᭞ᬲᬹᬃᬬ᭄ᬬᬓᭂᬜ᭄ᬘᬦᬳᬶᬮᬂ᭞ᬓ᭄ᬫᬘᬳᬶᬗ᭄ᬭᬸᬭᬸᬄ᭞ᬧᬦᬓ᭄ᬳᬶᬭᬵᬩᬋᬂᬳᬶᬮᬂ᭞ᬳᬸᬮᬶᬧᬸᬭᬵ᭞ᬧᬦᬓ᭄ᬳᬶᬭᬢ᭄ᬯᬄᬳᬤᬶᬭᬶ᭞ᬦᬶᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭟᭜᭟ᬬᬫ᭄ᬩᬃᬓᬯᬶᬳᬶᬬᬲ᭄ᬤᭂᬓ᭄ᬤᬶᬦᬶ᭞ᬳᬮᬶᬄᬘᬳᬶ᭞ᬓ᭄ᬫᬓᬚᬸ᭠ [ 88 ][᭘᭗ 87B]
᭘᭗
ᬫᬄᬜ᭞ᬓᬸᬤ᭄ᬬᬂᬗ᭄ᬭᬸᬭᬸᬄᬤᬶᬦᬶᬋᬓᬾ᭞ᬦᬾᬚᬦᬶᬓ᭄ᬫᬵᬢ᭄ᬭᬸᬕ᭄ᬢᬸᬕ᭄᭞ᬩᬶᬮᬶᬄᬲᬶᬜᬢ᭄ᬧᬸᬓᬶᬜ᭄ᬘᬳᬶ᭞ᬤᬶᬢᬸᬮᬯᬸᬢ᭄ᬲᬚᬬᬂ᭞ᬳᬶᬫᬮᬶᬂᬰᬓ᭄ᬢᬶᬫᬵᬢᬹᬃ᭞ᬲᬦ᭄ᬤᬶᬓᬜ᭄ᬘᭀᬓᭀᬃᬳᬶᬤᬾᬯᬵ᭞ᬭᬭᬶᬲ᭄ᬜᬸᬫ᭄ᬩᬄ᭞ᬫᬮᬶᬂᬫᬕᬸᬡ᭄ᬦᬜᬋᬗᬶᬦ᭄᭞ᬭᬭᬶᬲ᭄ᬧᬤᬫᬚᬮᬦ᭄᭟᭜᭟ᬫᬗᬫ᭄ᬩᬭᬮᬫ᭄ᬧᬳᬾᬳᬶᬧᬢᬶᬄ᭞᭠
ᬫᬮᬶᬂᬰᬓ᭄ᬢᬶ᭞ᬮᬦ᭄ᬫᬮᬶᬂᬫᬕᬸᬡ᭄ᬦᬵ᭞ᬢᬦ᭄ᬓᬯᬃᬡ᭄ᬦᬵᬧᬓᭂᬩᬸᬭᬾ᭞ᬳᬶᬬᬫ᭄ᬩᬃᬓᬯᬶᬭᬯᬸᬄ᭞ᬤᬶᬲᬶᬲᬶᬦ᭄ᬲᭂᬕᬭᬦᬾᬕ᭄ᬮᬶᬲ᭄᭞ᬭᬭᬶᬲ᭄ᬤᬦᬾᬗᬦ᭄ᬤᬶᬓ᭞ᬢ᭄ᬓᬵᬳᬶᬮᬂᬗ᭄ᬮᬯᬸᬢ᭄᭞ᬮᬮᬾᬧᬓᬾᬚᬦᬶᬢ᭄ᬓᬵ᭞ᬬᬫᬗᭂᬦᬄ᭞ᬗᬲᬶᬲᬶᬬᬂᬫᬦᭂᬭᬶᬲ᭄ᬤᬶᬲ᭄᭞ᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭟᭜᭟ᬳᭂᬦ᭄ᬢᭀᬓᭀᬬᬮᬮᬾᬧᬓᬾᬚᬦᬶ᭞ᬗᬲᬶᬲᬶᬬᬂ
᭞ᬮᬸᬜ᭄ᬚᬸᬓ᭄ᬮᬸᬜ᭄ᬚᬸᬓ᭄ᬢᭂᬓᬵ᭞᭞ᬕᬸᬮᬓ᭄ᬕᬸᬮᬶᬓ᭄ᬤᬶᬳᭀᬫ᭄ᬩᬓᬾ᭞ᬢᬦ᭄ᬓᭀᬘᬧᬯᬸᬲ᭄ᬭᬯᬸᬄ᭞ᬬᬫ᭄ᬩᬃᬓᬯᬶᬫᬜᭂᬫᬓ᭄ᬕᭂᬮᬶᬲ᭄᭞ᬭᬭᬶᬲ᭄ᬦᭂᬕᬓᬶᬦ᭄ᬳᬾᬗ᭄ᬕᬮ᭄᭞ᬳᬶᬮᬘᬹᬃᬫᬳᬢᬹᬃ᭞ᬗᬸᬤᬵᬢᬦ᭄ᬯᬾᬦ᭄ᬢᭂᬦ᭄ᬫᬩᬶᬤᬓ᭄᭞ᬚᬸᬓᬸᬂᬳᬧ᭞ᬳᬶᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬬᬾᬦ᭄ᬢᬓᬸᬢ᭄‌ᬓ᭄ᬫᬩᬸᬤᬮ᭄᭟᭜᭟ᬬᬳᬶᬮᬘᬹᬃᬭᬭᬶᬲ᭄ᬫᬸᬗ᭄ᬕᬄᬕ᭄ᬮᬶᬲ᭄᭞ᬤᬶᬮ
ᬮᬾᬧᬓ᭄᭞ᬮᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬢ᭄ᬓᬦᬵᬭᬸᬂᬧᬮᬬᬭᬾ᭞ᬩ᭄ᬗᭀᬂᬳᬶᬬᬳᬶᬮᬘᬹᬃ᭞ᬢᬦ᭄ᬧᬩᬶᬤᬓ᭄‌ᬢᬹᬃᬢᬦ᭄ᬧᬓᬦ᭄ᬢᬶᬃ᭞ᬧᬮᬬᬃᬜᬦᬾᬩ᭄ᬘᬢ᭄᭞ᬳᬶᬬᬫ᭄ᬩᬃᬓᬯᬶᬫᬸᬯᬸᬲ᭄᭞ᬘᬳᬶᬮᬘᬹᬃᬢᬺᬱ᭄ᬡᬵᬧᬶᬲᬦ᭄᭞ᬢ᭄ᬓᬾᬦ᭄ᬩᬧᬵ᭞ᬳᬶᬮᬘᬹᬃᬫᬳᬢᬹᬃᬭᬭᬶᬲ᭄᭞ᬢᬶᬢ᭄ᬬᬂᬫᬦᬄᬳᬸᬦᬶᬗ᭟᭜᭟ᬚ᭄ᬭᭀᬦ᭄ᬩᬧᬦᬾᬧᬺᬕᬸᬫ᭄ᬬ

[᭘᭘ 88A]
᭘᭘
ᬦᬾᬫᬮᬶᬄ᭞ᬦᬾᬫᬯᬱ᭄ᬝᬵ᭞ᬕᬸᬫᬶᬚᬯᬦᬸᬱᬵ᭞ᬓᭀᬘᬧ᭄ᬧᬮᬬᬃᬲᬫ᭄ᬧᬦᬾ᭞ᬗᬸᬗ᭄ᬲᬶᬓᬢ᭄ᬗᬄᬲᬵᬫ᭄ᬧᬸᬦ᭄᭞ᬮᬮᬾᬧᬓᬾᬫᬦᬭᬶᬲ᭄ᬤᬶᬲ᭄᭞ᬳᬶᬮᬘᬹᬃᬫᬢᭀᬮᬶᬳᬦ᭄᭞ᬫᬗᭂᬦᬄᬤᬶᬤᬸᬳᬸᬃ᭞ᬚᬤ᭄ᬫᬵᬤᬤ᭄ᬯᬫᬗᬫ᭄ᬩᬭᬵ᭞ᬫᬓᬭᭀᬦᬦ᭄᭞ᬧᬸᬦᬶᬓᬳᬶᬫᬮᬶᬂᬰᬓ᭄ᬢᬶ᭞ᬮᬦ᭄ᬳᬶᬫᬮᬶᬂᬫᬕᬸᬡ᭄ᬦᬵ᭟᭜᭟ᬳᬶᬮᬘᬹᬃᬭᬭᬶ
ᬲ᭄ᬫᬳᬢᬹᬃᬕ᭄ᬮᬶᬲ᭄᭞ᬦᬶᬓᬶᬤᬶᬸᬚᬤ᭄ᬫᬵ᭞ᬬᬳᬚᬓᬤᬤ᭄ᬯ᭞ᬧᬸᬦᬶᬓᬶᬭᬶᬂᬳᬫ᭄ᬩᬭᬦᬾ᭞ᬬᬫ᭄ᬩᬃᬓᬯᬶᬫᬲᬯᬹᬃ᭞ᬬᬗᬦ᭄ᬢ᭄ᬬᬂᬓᬶᬚᬢᭀᬚᬦᬶ᭞ᬳᭂᬦ᭄ᬢᭀᬚᬤ᭄ᬫᬵᬦᬾᬤᬤ᭄ᬯ᭞ᬢᬹᬃᬰᬓ᭄ᬢᬶᬓᬮᬗ᭄ᬓᬸᬂ᭞ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬲᬶᬂᬜᬳᭂᬦ᭄ᬢᭀ᭞ᬦᬾᬫᬵᬤᬦ᭄ᬳᬶᬫᬮᬶᬂᬰᬓ᭄ᬢᬶ᭞ᬮᬦ᭄ᬳᬶᬫᬮᬶᬂᬫᬕᬸᬡ᭄ᬦᬵ᭟᭜᭟ᬧ᭄ᬤᬲ᭄ᬳᬶᬬᬫ᭄ᬩᬃᬓᬯᬶᬦᬶ
ᬗᬮᬶᬦ᭄᭞ᬩ᭄ᬦᭂᬄᬲᬚ᭞ᬳᬶᬫᬮᬶᬂᬫᬕᬸᬦᬵ᭞ᬮᬦ᭄ᬳᬶᬫᬮᬶᬂᬰᬓ᭄ᬢᬶᬋᬓᬾ᭞ᬲᬹᬃᬬᬓᬸᬲᬸᬫᬫᬵᬢᬹᬃ᭞ᬳᬗᭀᬩ᭄ᬢᬶᬢ᭄ᬬᬂᬗᬦ᭄ᬢᭂᬦᬂᬫᬗ᭄ᬓᬶᬦ᭄᭞ᬩᬵᬦ᭄ᬰᬓ᭄ᬢᬶᬦᬾᬗᬫ᭄ᬩᬭᬵ᭞ᬳᬶᬮᬘᬹᬃᬫᬳᬢᬹᬃ᭞ᬳᬶᬬᬓᬶᬚᬢᭀᬚ᭄ᬦᭂᬗ᭞ᬚᬦᬶᬮᬸᬯᬲ᭄᭞ᬫᬗᬮᬶᬄᬳᬶᬬᬫ᭄ᬩᬃᬓᬯᬶ᭞ᬚ᭄ᬦᭂᬂᬓᬧᬦ᭄ᬤᬶᬓᬬᬂ᭟᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬭᬭᬶᬲ᭄ᬓᭂᬜᬶᬂ᭞ᬫᬫᬶ
ᬋᬗᬂ᭞ᬳᬶᬮᬘᬹᬃᬦᬾᬗᬸᬘᬧ᭄᭞ᬩᬳᬦ᭄‌ᬢ᭄ᬯᬭᬵᬢᬳᬸᬋᬓᬾ᭞ᬳᬶᬬᬫ᭄ᬩᬃᬓᬯᬶᬫᬸᬯᬸᬲ᭄᭞ᬳ᭄ᬦᬄᬳᬤᬶᬓ᭄ᬦᭂᬳᬂᬚᬦᬶ᭞ᬢᭀᬳᬶᬫᬮᬶᬂᬫᬕᬸᬡ᭄ᬦᬵ᭞ᬚᬦᬶᬲᬸᬩᬭᬯᬸᬄ᭞ᬲᬸᬫᬳᬹᬃᬲᬹᬃᬬ᭄ᬬᬓᬸᬲᬸᬫ᭞ᬳᬶᬗ᭄ᬕᬶᬄᬢᬶᬢ᭄ᬬᬂ᭞ᬯᬦ᭄ᬢᬄᬫᬗᬶᬭᬶᬗᬂᬩ᭄ᬮᬶ᭞ᬬᬤᬶᬦ᭄ᬫᬢ᭄ᬫᬳᬦ᭄ᬭᬸᬲᬓ᭄᭟᭜᭟ᬓᬘᬭᬶᬢᬬᬳᬶᬫᬮᬶᬂᬰ [ 89 ][᭘᭘ 88B]
᭘᭘
ᬓ᭄ᬢᬶ᭞ᬫᬗᬯᬲᬂ᭞ᬫ᭄ᬯᬂᬫᬮᬶᬂᬫᬕᬸᬡ᭄ᬦᬵ᭞ᬗᬯᬲ᭄ᬳᬶᬲᬶᬦ᭄ᬮᬮᬾᬧᬓᬾ᭞ᬳᬶᬫᬮᬶᬂᬰᬓ᭄ᬢᬶᬫᬸᬯᬸᬲ᭄᭞ᬗᬸᬤᬢ᭄ᬯᬭᬵᬗᭂᬦᬄᬤᬶᬦᬶ᭞ᬚᬍᬫᬵᬫ᭄ᬯᬦᬶᬤᭀᬯᬂ᭞ᬳᬚᬓᬢᬢ᭄ᬮᬸ᭞ᬳᬶᬫᬮᬶᬂᬫᬕᬸᬡ᭄ᬦᬵᬗᬸᬘᬧ᭄᭞ᬢ᭄ᬯᬭᬳᬶᬬ᭞ᬳᬶᬦ᭄ᬤᬬᬂᬚᬦᬶᬢᬓᭀᬦᬶᬦ᭄᭞ᬲᬶᬂᬜᬳᬤᬚᬸᬓᬸᬂᬗ᭄ᬮᬶᬯᬢ᭄᭟᭜᭟ᬮᬦ᭄ᬢᬲ᭄ᬫᬫᬸᬜᬶᬳᬶᬫᬮᬶᬂᬰᬓ᭄ᬢᬶ᭞
ᬬᬫᬢᬓᭀᬦ᭄᭞ᬧᬧᭂᬲᭀᬦᬾᬳᬕᬮ᭄᭞ᬲᬤᬕᬗ᭄ᬲᬸᬮ᭄ᬧᬫᬸᬜᬶᬦᬾ᭞ᬢᬹᬃᬬᬳᬸᬮᬶᬤᬶᬤᬸᬳᬸᬃ᭞ᬭᬭᬶᬲ᭄ᬳᬶᬬᬫᬢᬓᭀᬦ᭄ᬕᭂᬮᬶᬲ᭄᭞ᬦᬾᬳᬶᬩᬗᬦ᭄ᬢ᭄ᬬᬂᬓᬶᬚ᭞ᬳᬤᬵᬓᬾᬦᬾᬩᬯᬸ᭞ᬚᬸᬓᬸᬂᬫᬮᬬᬃᬫᬮᬸᬯᬦ᭄᭞ᬤᬤᬶᬫᭂᬦ᭄ᬤᭂᬧ᭄᭞ᬬᬫ᭄ᬩᬃᬓᬯᬶᬢᬦ᭄ᬜᬯᬸᬭᬶᬦ᭄᭞ᬳᬶᬫᬮᬶᬂᬰᬓ᭄ᬢᬶᬗᬸᬘᬧ᭄᭟᭜᭟ᬢᭀᬢᬾ
ᬓᬾᬦ᭄ᬓᬾᬦ᭄ᬚᬤ᭄ᬫᬵᬦᬾᬢᬓᭀᬦᬶᬦ᭄᭞ᬩ᭄ᬕᭂᬧᬶᬲᬦ᭄᭞ᬳᭂᬦ᭄ᬢᭀᬢᬾᬯ᭄ᬯᬂᬳᬧ᭞ᬳᬶᬬᬫ᭄ᬩᬃᬓᬯᬶᬫᬸᬜᬶᬦᬾ᭞ᬢᬸᬯᬄᬳᬶᬩᬫᬸᬮᬲᬶᬕᬸᬕ᭄᭞ᬩᬶᬓᬲ᭄ᬩᬦᬾᬦᬓᭀᬦᬶᬦ᭄ᬓᬳᬶ᭞ᬫᬶᬭᬶᬩ᭄ᬳᬶᬩᬵᬓᬯᬯ᭞ᬫᬸᬮᬢᬦ᭄ᬧᬲ᭄ᬫᬸ᭞ᬩᬶᬓᬲ᭄ᬜᬦᬾᬫᬲ᭄ᬯᬂᬓ᭄ᬭᬸᬦᬵ᭞ᬜᬮᬄᬧᬭ᭞ᬓ᭄ᬭᬦᬓᬳᬶᬢᬦ᭄ᬜᬯᬹᬭᬶᬦ᭄᭞ᬫᬸᬜᬶᬦ᭄ᬩ
ᬦᬾᬩᬲ᭄ᬗᬦ᭄ᬤᬂ᭟᭜᭟ᬲᬗ᭄ᬓᬦ᭄ᬤᬤᬶᬫᬦᬓᭀᬦᬂᬤᬶᬦᬶ᭞ᬚᬸᬓᬸᬂᬫ᭄ᬮᬬᬃ᭞ᬳᬶᬩᬗᬦ᭄ᬢ᭄ᬬᬂᬗᬸᬤᬵ᭞ᬳᬶᬫᬮᬶᬂᬰᬓ᭄ᬢᬶᬫᬸᬜᬶᬦᬾ᭞ᬳᬶᬭᬲᬤ᭄ᬬᬓᬳᬸᬢᬸᬲ᭄᭞ᬧᬘᬂᬗᬮᬶᬄᬬᬫ᭄ᬩᬃᬓᬯᬶ᭞ᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬚᬦᬶᬬᬾᬦ᭄ᬓᬢᭂᬧᬸᬓ᭄᭞ᬳᬶᬬᬫ᭄ᬩᬃᬓᬯᬶᬳᬗ᭄ᬤᬾᬜ᭞ᬩᬓᬮ᭄ᬓᬸᬤ᭄ᬬᬂ᭞ᬲᬸᬫᬳᬹᬃᬳᬫᬮᬶᬂ

[᭘᭙ 89A]
᭘᭙
ᬰᬓ᭄ᬢᬶ᭞ᬓᬳᬶᬓᬳᬸᬢᬸᬲ᭄‌ᬗ᭄ᬭᬸᬲᬓ᭄᭟᭜᭟ᬳᬶᬮᬘᬹᬃᬬᬩ᭄ᬗᭀᬂᬗᬶᬯᬲᬶᬦ᭄᭞ᬫᬗᬸᬗᬤᬄ᭞ᬳᬶᬫᬮᬶᬂᬫᬕᬸᬡ᭄ᬦᬵ᭞ᬬᬳᬸᬮᬶᬤᬶᬳᬫ᭄ᬩᬭᬦᬾ᭞ᬬᬫ᭄ᬩᬃᬓᬯᬶᬫᬲᬯᬹᬃ᭞ᬳ᭄ᬦᬾᬳᬶᬭᬬᬫ᭄ᬩᬃᬓᬯᬶ᭞ᬳᬶᬮᬘᬹᬃᬕ᭄ᬮᬶᬲ᭄ᬫᬳᬶᬫ᭄ᬩᬮ᭄᭞ᬗᬸᬤᬳᬶᬬᬳᬓᬸ᭞ᬩᬧᬗ᭄ᬕᬯᬾᬳᭀᬭᬳᬦ᭄᭞ᬤᬦᬾᬲᬚ᭞ᬫᬗᬮᬶᬄᬳᬶᬬᬫ᭄ᬩᬃᬓ
ᬯᬶ᭞ᬚ᭄ᬦᭂᬂᬳᬶᬬᬳᬸᬢᬸᬲᬦ᭄᭟᭜᭟ᬭᬭᬶᬲ᭄ᬫᬵᬢᬹᬃᬳᬶᬫᬮᬶᬂᬫᬕᬸᬡ᭄ᬦᬵ᭞ᬳᬸᬮᬶᬤᬶᬚ᭞ᬳᬶᬦ᭄ᬤᬬᬂᬢᬸᬢᬸᬭᬂ᭞ᬲᬶᬂᬜᬢᬾᬧᬢᬸᬄᬳᬤᬦᬾ᭞ᬳᬧᬂ᭠ᬤᬵᬫᬢᬶᬮᬸᬚᬸᬕ᭄᭞ᬢᬦ᭄ᬧᬤᭀᬰᬗ᭄ᬫᬲᬶᬦ᭄ᬧᬢᬶ᭞ᬳᬶᬩᬢ᭄ᬯᬭᬵᬤᬵᬓᬃᬯ᭄ᬯᬦ᭄᭞ᬬᬾᬦ᭄ᬳᬶᬩᬢ᭄ᬯᬄᬢᬸᬳᬸ᭞ᬦᬾᬤᬶᬦᬶᬚᬦᬶᬢᬳᬦᬂ᭞ᬤᬤᬶᬗᬸᬘᬧ᭄᭞ᬦᬾᬚᬦᬶᬳᬶᬬ᭠
ᬫ᭄ᬩᬃᬓᬯᬶ᭞ᬦᬄᬓᬳᬶᬫᬢᬸᬢᬸᬭᬦ᭄᭟᭜᭟ᬫᬸᬮᬲᬚᬳᬶᬭᬵᬳᬶᬬᬫ᭄ᬩᬃᬓᬯᬶ᭞ᬳᬶᬭᬲᬤ᭄ᬬ᭞ᬕᬯᬾᬦ᭄ᬳᬶᬭᬢ᭄ᬓᬵ᭞ᬗᬮᬶᬄᬕᬕᬾᬮᬦ᭄ᬳᬶᬭᬦᬾ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬳᬬᬸ᭞ᬚᬦᬶᬳᬶᬤᬵᬢ᭄ᬧᬸᬓ᭄ᬤᬶᬧᬸᬭᬶ᭞ᬢᭀᬓ᭄ᬭᬦᬵᬳᬶᬭᬜᬸᬯᬂ᭞ᬤᬤ᭄ᬯᬢᭂᬧᬸᬓ᭄ᬤᬶᬢᬸ᭞ᬳᬶᬭᬵᬜᬸᬯᬂᬫᬓᬤᬤ᭄ᬯ᭞ᬩᬓᬮ᭄ᬲᭀᬫᬄ᭞ᬓᬾᬦ᭄ᬓᬾᬦ᭄ᬳᬶᬤᭂ᭠
ᬧ᭄ᬩᬦᬾᬚᬦᬶ᭞ᬮᬶᬜᭀᬓ᭄ᬢᭂᬦ᭄ᬤᬲ᭄ᬩᬩᭂᬤᬕ᭄᭟᭜᭟ᬫᬲᬯᬹᬃᬳᬶᬬᬳᬶᬫᬮᬶᬂᬰᬓ᭄ᬢᬶ᭞ᬩ᭄ᬦᭂᬄᬲᬚ᭞ᬳᬶᬩᬢ᭄ᬯᬭᬩᭀᬩᬤ᭄᭞ᬲᬗ᭄ᬓᬦ᭄ᬓᬾᬦᬾᬧᬦᬤ᭄ᬬᬦᬾ᭞ᬦᬄᬢᬳᬦᬂᬩᬩᭂᬤᬸᬲ᭄᭞ᬚᬦᬶᬫᬢᬶᬬᬫ᭄ᬩᬃᬓᬯᬶ᭞ᬳᬶᬧᬢᬶᬄᬫᬓᬤᬤ᭄ᬯ᭞ᬧᬤᬵᬜᭂᬭᬾᬢ᭄‌ᬤᬸᬳᬸᬂ᭞ᬲᬋᬂᬳᬶᬫᬮᬶᬂᬫᬕᬸᬡ᭄ᬦᬵ᭞ᬲᬃᬯ᭄ᬯᬶᬗᬸᬘᬧ᭄᭞ᬫᬢᬶ᭠ [ 90 ][᭘᭙ 89B]
᭘᭙
ᬳᬶᬬᬫ᭄ᬩᬃᬓᬯᬶ᭞ᬤᭀᬱᬦ᭄ᬳᬶᬩᬦᬾᬘᭀᬭᬄ᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬗᬸᬦᬸᬲ᭄ᬓ᭄ᬭᬶᬲ᭄᭞ᬲᬋᬂᬢᬶᬕᬵ᭞ᬮᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬳᬶᬮᬘᬹᬃᬫᬫᬸᬜᬶᬋᬓᬾ᭞ᬩᬧᬵᬚ᭄ᬮᬧ᭄ᬤᬢᬳᬓᬸ᭞ᬦᬾᬦᬾᬢ᭄ᬯᬭᬵᬧᬘᬂᬳ᭄ᬫᬵᬲᬶᬦ᭄᭞ᬪᬵᬬᬚᬦᬶᬕᬦ᭄ᬢᬶᬜ᭞ᬢᬦ᭄ᬧᬤᭀᬱᬮᬫ᭄ᬧᬸᬲ᭄᭞ᬮᬮᬾᬧᬓᬾᬮᬚᬸᬫ᭄ᬮᬬᬃ᭞ᬫᬗᬸᬮᬳᬂ᭞ᬧᬮ
ᬬᬭᬾᬓᬤᬶᬳᬗᬶᬦ᭄᭞ᬓᬢᬸᬢᬸᬕ᭄‌ᬢ᭄ᬯᬭᬵᬩᬓᬢ᭄᭟᭜᭟ᬤᬤᬶᬬᬜᬬᬳᬶᬫᬮᬶᬂᬰᬓ᭄ᬢᬶ᭞ᬫᭂᬦ᭄ᬢᬂᬧᬦᬄ᭞ᬮᬦ᭄ᬫᬮᬶᬂᬫᬕᬸᬡ᭄ᬦᬵ᭞ᬳᬶᬮᬘᬹᬃᬬᬓ᭄ᬦᬋᬓᬾ᭞ᬫᬜᭂᬭᬶᬢ᭄ᬦᬕᬶᬄᬢᬸᬮᬸᬂ᭞ᬩᬧᬫᬢᬶᬓᭀᬢᬶᬢ᭄ᬬᬂᬚᬦᬶ᭞ᬳᬶᬬᬫ᭄ᬩᬃᬓᬯᬶᬓ᭄ᬦ᭞ᬳᬗᬶᬂᬢ᭄ᬯᬭᬩ᭄ᬮᬸᬃ᭞ᬳᬶᬮᬘᬹᬃᬬᬫᬢᬶᬲᬸᬩᬵ᭞ᬳᬶᬬᬫ᭄ᬩᬃᬓᬯᬶ᭞ᬫᬫᭂᬲᬸᬯᬂᬢᬶᬫ᭄ᬧᬲ᭄ᬕᭂᬮᬶᬲ᭄
᭞ᬲᬃᬯᬶᬗᭀᬭᬳᬶᬦ᭄ᬢᬶᬫ᭄ᬧᬲ᭄᭟᭜᭟᭛ᬤᬹᬃᬫ᭄ᬫᬵ᭛᭟ᬩᬢᬾᬅ᭄ᬩᭀᬦ᭄ᬢᭀᬂᬢᭀᬳᬶᬬᬳᬫᬸᬓ᭄ᬱᬚᬬᬂ᭞ᬢᬶᬫ᭄ᬧᬲᬾᬜᬦ᭄ᬤᭂᬃᬕ᭄ᬮᬶ᭠ᬲ᭄᭞ᬳᬶᬫᬮᬶᬂᬫᬕᬸᬡ᭄ᬦᬵ᭞ᬲᬵᬫ᭄ᬧᬸᬦ᭄ᬓᬲᭂᬧᭂᬕ᭄ᬓᭂᬦ᭞ᬳᬸᬮᬶᬤᬸᬭᬶᬳᬸᬮᬶᬲᬫ᭄ᬧᬶᬂ᭞ᬫᬮᬶᬂᬫᬕᬸᬡ᭄ᬦᬵ᭞ᬢᭂᬗ᭄ᬓᭂᬚᬸᬢ᭄ᬬᬫᬦᭀᬮᬶᬄ᭟᭜᭟ᬳᬶᬫᬮᬶᬂᬰᬓ᭄ᬢᬶᬫᬦᬸᬢᬸᬕ᭄ᬫᬗᬸᬮᬳᬂ᭞ᬲ
ᬕᬾᬢᬦ᭄ᬩᬸᬯᬶᬦ᭄ᬓᭂᬦᬶ᭞ᬲᬦ᭄ᬤᭂᬭᬩᬦ᭄ᬢᬶᬫ᭄ᬧᬲ᭄᭞ᬫᬗᭀᬓᭀᬓ᭄ᬫᬢᭀᬮᬶᬳᬦ᭄᭞ᬮᬶᬬᬢᬶᬜᬫᬲᬶᬄᬲ᭄ᬧᬶ᭞ᬳᬧᬫᬜᬩᬢ᭄᭞ᬓ᭄ᬦᬵᬳᬸᬮᬶ᭠ᬤᬶᬤᬸᬭᬶ᭟᭜᭟ᬚᬦᬶᬩᬸᬯᬶᬦ᭄ᬓᭂᬦᬳᬶᬫᬮᬶᬂᬫᬕᬸᬡ᭄ᬦᬵ᭞ᬫᬗᭀᬓᭀᬓ᭄ᬬᬫᬦᭀᬮᬶᬄ᭞ᬲᬶᬂᬮᬶᬬᬢᬶᬜᬕᬯᬃ᭞ᬢ᭄ᬯᬭᬵᬫᬗᭂᬦᬄᬚᬤ᭄ᬫᬵ᭞ᬳᬶᬧᬢᬶᬄᬫᬦᬸᬢᬸᬕ᭄ᬩᬸᬯᬶᬦ᭄᭞

[᭙᭐ 90A]
᭙᭐
ᬳᬗᬶᬂᬩ᭄ᬯᬶᬦ᭄ᬓᭂᬦ᭞ᬗᭀᬓᭀᬓ᭄ᬫᬦᭀᬮᬶᬄᬲ᭄ᬧᬶ᭟᭜᭟ᬤᬤᬶᬳᬾᬫᭂᬂᬳᬶᬫᬮᬶᬂᬰᬓ᭄ᬢᬶᬗᭂᬦᭂᬳᬂ᭞ᬢᭀᬓᭀᬳᬶᬬᬫ᭄ᬩᬃᬓᬯᬶ᭞ᬦᭀᬗᭀᬲ᭄ᬚᬮᬦ᭄ᬫᬸᬮ᭞ᬤᬤᬶᬩᬜᬧᬤᬶᬗ᭄ᬓ᭄ᬭᬓ᭄᭞ᬲᬕᬾᬢᬦ᭄ᬬᬓ᭄ᬦᬩᬸᬯᬶᬦ᭄᭞ᬫᬗᭀᬓᭀᬓ᭄ᬬ᭞ᬫᬢᭀᬮᬶᬳᬦ᭄‌ᬗᬶᬂᬲ᭄ᬧᬶ᭟᭜᭟ᬲᬕᬾᬢ᭄ᬬᬳᬶᬫᬮᬶᬂᬫᬕᬸᬡ᭄ᬦᬵᬓ᭄ᬦᬵ᭞ᬗᭀᬓᭀ᭠
ᬓ᭄ᬳᬶᬬᬫᬦᬶᬗ᭄ᬓ᭄ᬭᬶᬓ᭄᭞ᬫᬲᬶᬄᬢ᭄ᬯᬭᬵᬗᭂᬦᬄ᭞ᬫᬮᬶᬂᬰᬓ᭄ᬢᬶᬩ᭄ᬯᬶᬦ᭄‌ᬓ᭄ᬦᬵ᭞ᬫᬗᭀᬓᭀᬓ᭄ᬬᬫᬦᭀᬮᬶᬄ᭞ᬫᬗ᭄ᬮᬯᬸᬢ᭄ᬩᬩᬃ᭞ᬳᬶᬫᬮᬶᬂᬰᬓ᭄ᬢᬶᬫ᭄ᬮᬳᬶᬩ᭄᭟᭜᭟ᬚᬦᬶᬫᬮᬶᬂᬫᬕᬸᬡ᭄ᬦᬵᬬᬫᬮᬶᬄᬓ᭄ᬦᬵ᭞ᬬᬫᬢᭀᬮᬶᬳᬦ᭄ᬲᭂᬧᬶ᭞ᬫᬮᬳᬶᬩ᭄ᬗᬸᬮᬳᬂ᭞ᬮᬩᬸᬄᬬᬤᬶᬲᬕᬭ᭞ᬚᬦᬶᬓᬫ᭄ᬩᬂᬤᬶᬧᬲᬶᬲᬶ᭞ᬬᬫᬍᬩ᭄ᬮᭂᬩᬦ᭄᭞ᬍᬍᬳᬾ᭠
ᬢᬦ᭄ᬲᬶᬧᬶᬲᬶᬧᬶ᭟᭜᭟ᬩᬸᬲᬦ᭄ᬩᬸᬲᬦ᭄ᬳᬶᬫᬮᬶᬂᬫᬕᬸᬡ᭄ᬦᬵᬓ᭄ᬦᬵ᭞ᬩᭂᬘᬢᬗᬫᭂᬮᬳᬶᬩ᭄᭞ᬢᭂᬦ᭄ᬤᬲ᭄ᬜᬦᬾᬓ᭄ᬦᬵ᭞ᬮᬯᬸᬢ᭄ᬩᬄᬫᬓᬤᬤ᭄ᬯ᭞ᬧᬬᬸᬓᬫ᭄ᬩᬂᬤᬶᬤᬶᬧᬲᬶᬲᬶ᭞ᬭᬭᬶᬲ᭄ᬗᬸᬮᬳᬂᬳᬶᬬᬫ᭄ᬩᬃᬓᬯᬶᬕ᭄ᬮᬶᬲ᭄᭟᭜᭟ᬫᬜᬕ᭄ᬚᬕᬶᬦ᭄‌ᬕ᭄ᬮᬶᬲ᭄ᬦᬬᬸᬗᬂᬮᬮᬾᬧᬓ᭄᭞ᬭᬭᬶᬲ᭄ᬓᬚ᭄ᬫᬓ᭄ᬕᭂᬮᬶᬲ᭄᭞ᬲᬵᬫ᭄ᬧᬸᬦ᭄ᬓᬧᭂᬦᬾᬓᬂ᭞ᬤᬶᬲᬫ᭄ᬧᬦᬾ
ᬫᬓ᭄ᬚᬂ᭞ᬯᬸᬲ᭄ᬓᬩᬱ᭄ᬝᬫᬮᬶᬄᬕ᭄ᬮᬶᬲ᭄᭞ᬳᬶᬤᬵᬦᬬᬸᬗᬂ᭞ᬮᬮᬾᬧᬓᬾᬦᬭᬶᬲ᭄ᬤᬶᬲ᭄᭟᭜᭟ᬳᬶᬬᬫ᭄ᬩᬃᬓᬯᬶᬚᬦᬶᬳᬾᬗ᭄ᬕᬮ᭄ᬫᭂᬲᬸᬯᬂ᭞ᬢᬶᬃᬢ᭄ᬣᬵᬫᬺᬢ᭄ᬢᬧᬗᬸᬭᬶᬧ᭄᭞ᬳᬶᬮᬘᬹᬃᬳᬸᬭᬶᬧᬂ᭞ᬓᬢᬶᬲ᭄ᬢᬶᬲᬶᬦ᭄ᬩᬦ᭄ᬫᬺᬢ᭄ᬢ᭞ᬳᬶᬮᬘᬹᬃᬬᬲᬸᬩᬵᬳᬸᬭᬶᬧ᭄᭞ᬲ᭄ᬕᭂᬃᬳᬯᬭᬲ᭄᭞ᬢᬶᬍᬄᬓᬤᬶᬦᬾᬗᬸᬦᬶ [ 91 ][᭙᭐ 90B]
᭙᭐
᭟ᬬᬳᬶᬮᬘᬹᬃᬓᭂᬜᬶᬂᬲᬃᬯ᭄ᬯᬶᬫᬵᬢᬹᬃᬩᬦ᭄ᬩᬦ᭄᭞ᬦᬾᬩᬳᬸᬢᬶᬢ᭄ᬬᬂᬫᬢᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬜᭂᬤᬕ᭄᭞ᬫᬢᬶᬳᬶᬦ᭄ᬤᬳᬶᬦ᭄ᬤᬜ᭞ᬤ᭄ᬫᭂ᭠ᬦ᭄ᬩᬧᬵᬢᬶᬢ᭄ᬬᬫᬢᬶ᭞ᬳᬶᬮᬘᬹᬃᬗᬓᬓ᭄᭞ᬦᬾᬫᬢᬶᬩ᭄ᬯᬶᬦ᭄ᬳᬸᬭᬶᬧ᭄᭟᭜᭟ᬬᬫ᭄ᬩᬃᬓᬯᬶᬫᬰᬩ᭄ᬤᬦᬄᬤᬶᬦᬶᬦ᭄ᬕᬓ᭄᭞ᬩᬧᬵᬗᭀᬭᬳᬶᬜ᭄ᬘᬳᬶ᭞ᬤᬵᬘᬳᬶ
ᬗᬶᬩᬸᬓᬂ᭞ᬳᬶᬮᬘᬹᬃᬬᬫᬮᬶᬬᬢ᭄᭞ᬤᬤᬶᬗᭂᬦᬄᬓᬳᬶᬯᬲᬶᬦ᭄᭞ᬫᬮᬶᬂᬫᬕᬸᬡ᭄ᬦᬵ᭞ᬳᬚᬓ᭄ᬳᬶᬫᬮᬶᬂᬰᬓ᭄ᬢᬶ᭟᭜᭟ᬫᬓᬓᬮᬶᬄᬧ᭠ᬤᬵᬫᬢᬮᬶᬫᬩᬱ᭄ᬝᬵ᭞ᬳᬶᬮᬘᬹᬃᬫᬵᬢᬹᬃᬕ᭄ᬮᬶᬲ᭄᭞ᬦ᭄ᬢᭀᬬᬓᬸᬤ᭄ᬬᬂᬩᬧᬵ᭞ᬲᬗ᭄ᬓᬜᬫᬓᬤᬤ᭄ᬬᬶᬸᬤ᭄ᬯ᭞ᬳᬶᬫᬮᬶᬂᬫᬕᬡ᭄ᬦᬵᬫᬢᬶ᭞ᬲᬹᬃᬬ᭄ᬬᬓᬸᬲᬸᬫ᭞ᬮᬦ᭄ᬢᬲ᭄ᬤᬦᬾ
ᬜᬦ᭄ᬢᬸᬭᬶᬦ᭄᭟᭜᭟ᬳᭂᬦ᭄ᬢᭀᬮᬘᬹᬃᬳᬶᬬᬳᬶᬫᬮᬶᬂᬫᬕᬸᬡ᭄ᬦ᭞ᬳᬶᬬᬢ᭄ᬯᬭᬵᬤᬫᬢᬶ᭞ᬬᬢ᭄ᬕᬸᬄᬓᬮᬶᬯᬢ᭄᭞ᬳᬶᬮᬘᬹᬃᬳᬸᬫᬢᬹᬭᬵ᭞ᬢᬶᬢ᭄ᬬᬂᬗᬶᬦ᭄ᬤᬬᬂᬜᬶᬘᬶᬧᬶᬦ᭄᭞ᬦᬾᬓᬲᬸᬩ᭄ᬧᬶᬲᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬦᭂᬩᭂᬓᬶᬦ᭄᭟᭜᭟ᬭᬭᬶᬲ᭄ᬫᬭᬳᬶᬮᬘᬹᬃᬦᭂᬩᭂᬓ᭄ᬜᬚᬬᬂ᭞ᬬᬳᬶᬫᬮᬶᬂᬰᬓ᭄ᬢᬶ᭞ᬳᬗᬶᬂ
ᬢ᭄ᬯᬭᬵᬩᬶᬗ᭄ᬮᬓ᭄᭞ᬫᬕᬶᬬᭂᬢ᭄ᬜᬜᬚᬬᬂ᭞ᬤᭀᬱᬦ᭄ᬜᬦᬾᬫᬫᬦᬄᬳᬶᬦ᭄᭞ᬗᬶᬂᬢ᭄ᬯᬭᬵᬩᬶᬗ᭄ᬮᬓ᭄᭞ᬓ᭄ᬤᬾᬓ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬩᬳᬦ᭄ᬜᬦᬾᬳᬶᬬᬢ᭄ᬯᬭᬩᬶᬗ᭄ᬮᬓ᭄᭞ᬳᬶᬬᬫ᭄ᬩᬃᬓᬯᬶᬫᬫᬸᬜᬶ᭞ᬳᬧᬓᬾᬢᭀᬩᬧᬵ᭞ᬘᬳᬶᬲᬶᬂᬗᬸᬕᬸᬩᬧᬵ᭞ᬳᬶᬮᬘᬹᬃᬭᬭᬶᬲ᭄ᬜᬯᬹᬭᬶᬦ᭄᭞ᬫᬗ᭄ᬓᬶᬦ᭄ᬢ᭄ᬬᬂ

[᭙᭑ 91A]
᭙᭑
ᬦᬯᬂ᭞ᬳᬦᬓᬾᬢ᭄ᬕᬸᬄᬕᬢᬶ᭟᭜᭟ᬢᬦ᭄ᬓᬯᬃᬡ᭄ᬦᬵᬮᬮᬾᬧᬓᬾᬦᬾᬫᬮᬬᬃ᭞ᬲᬸᬩᬢ᭄ᬓᭂᬤᬶᬲᬶᬲᬶ᭞ᬳᬶᬮᬘᬹᬃᬫᬗᬸᬘᬧ᭄᭞ᬤᬾᬰᬦᬧᬶᬧᬸᬦᬶᬓ᭞ᬳᬶᬬᬫ᭄ᬩᬃᬓᬯᬶᬜᬯᬸᬭᬶᬦ᭄᭞ᬧᬂᬘᬳᬶᬦᬯᬂ᭞ᬦᬸᬰᬚᬯᬧᬫᬶᬗ᭄ᬕᬶᬃ᭟᭜᭟ᬲᬵᬫ᭄ᬧᬸᬦ᭄ᬢᭂᬤᬸᬦ᭄‌ᬬᬫ᭄ᬩᬃᬓᬯᬶᬭᬶᬂᬧ᭄ᬮᬩ᭄ᬯᬦ᭄᭞ᬫᬸᬦ᭄ᬤᬓᬰ
ᬫᬾᬗ᭄ᬓᬶᬦ᭄᭞ᬳᬓᬾᬄᬳᬦᬓ᭄‌ᬢ᭄ᬓᬵ᭞ᬦᬾᬳᬦᬓ᭄ᬳᬸᬮᬶᬤᬶᬚ᭞ᬚᬮᬦ᭄ᬓᬾᬧᬤᬵᬤ᭄ᬮᭀᬓᬶᬦ᭄᭞ᬧᬤᬵᬭᬦ᭄ᬢᬩᬦ᭄᭞ᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭟᭜᭟ᬳᭂᬦ᭄ᬢᭀᬧᬤᬵᬚᬦᬶᬢᬸᬳᬸᬦᬂᬳᬾᬗ᭄ᬕᬮᬂ᭞ᬮᬶᬬᬸᬢ᭄ᬓᬦᬸᬮᬸᬗᬶᬦ᭄᭞ᬳᬤᬦᬾᬗᬶᬲᬶᬬᬂ᭞ᬮᬮᬾᬧᬓᬾᬢ᭄ᬓᭂᬓᬂ᭞ᬭᬭᬶᬲ᭄ᬫᬦᬸᬚᬸᬳᬂᬚᬦᬶ᭞
ᬳᬶᬮᬘᬹᬃᬧᬤᬵ᭞ᬳᬶᬬᬫ᭄ᬩᬃᬓᬯᬶᬫᬫᬸᬜᬶ᭟᭜᭟ᬳᭂᬦ᭄ᬢᭀᬦᬾᬫᬢᬮᬶᬮᬯᬸᬢᬂᬢᬸᬯᬸᬦᬂ᭞ᬭᬾᬧᭀᬢ᭄ᬧᬤᬵᬦᬸᬮᬸᬗᬶᬦ᭄᭞ᬭᬭᬶᬲ᭄ᬫᬦᬸᬳᬸᬦᬂ᭞ᬬᬳᬶᬫᬮᬶᬂᬫᬕᬸᬡ᭄ᬦᬵ᭞ᬫᬓᬫ᭄ᬯᬄᬳᬶᬫᬮᬶᬂᬰᬓ᭄ᬢᬶ᭞ᬯᬸᬲ᭄ᬓᬢᬸᬳᬸᬦᬂ᭞ᬧᬤᬵᬢ᭄ᬯᬭᬵᬤᬫᬾᬮᬶᬂ᭟᭜᭟ᬬᬫ᭄ᬩᬃᬓᬯᬶᬭᬭᬶᬲ᭄ᬤᬦᬾᬫᭂᬲᬸᬯᬂ᭞ᬩᬸᬗ᭄ᬓᬸᬂ
ᬭᬭᬶᬲ᭄ᬫᬗᬚᬶ᭞ᬫᬡᬶᬓ᭄ᬳᬱ᭄ᬝᬕᬶᬦᬵ᭞ᬳᬧᬂᬢᬶᬢ᭄ᬬᬂᬯᬮᬸᬬ᭞ᬫ᭄ᬯᬄᬲᬹᬃᬬ᭄ᬬᬓᬸᬲᬸᬫᬚᬦᬶ᭞ᬧᬤᬯᬮᬸᬬ᭞ᬯᬃᬡ᭄ᬦᬦᬵᬭᬤᬾᬦ᭄ᬓᬮᬶᬄ᭟᭜᭟ᬬᬳᬶᬮᬘᬹᬃᬮᬶᬦ᭄ᬢᬂᬓᬕ᭄ᬬᬢᬸᬫᬶᬗᬮ᭄᭞ᬗᬦ᭄ᬢᭂᬦᬂᬭᬤᬾᬦ᭄ᬓᬮᬶᬄ᭞ᬬᬲᬋᬂᬫᬦ᭄ᬕᬓ᭄᭞ᬢ᭄ᬯᬭᬵᬚᬫᬓᬶᬚᬧᬦ᭄᭞ᬭᬳᬤ᭄ᬬᬦ᭄ᬳᬶᬤᬵᬫᬲᬮᬶᬦ᭄᭞ᬯᬃ [ 92 ][᭙᭑ 91B]
᭙᭑
ᬡ᭄ᬦᬵᬦᬾᬧᬤᬵ᭞ᬩᬕᬸᬲ᭄ᬫᬓᬓᬮᬶᬄ᭟᭜᭟ᬯᬂᬮᬩ᭄ᬯᬦ᭄ᬭᬭᬶᬲ᭄ᬜᭀᬗ᭄ᬓᭀᬓ᭄ᬧᬤᬵᬜᬸᬫ᭄ᬩᬄ᭞ᬢᬶᬢ᭄ᬬᬂᬫᬦᬸᬦᬲ᭄ᬳᬸᬭᬶᬧ᭄᭞ᬭᬶᬂᬘᭀᬓᭀᬃᬳᬶᬤᬾᬯᬵ᭞ᬦᬸᬦᬲ᭄ᬕᬸᬂᬧᬗᬫ᭄ᬧᬸᬭ᭞ᬳᬶᬮᬘᬹᬃᬢᬸᬳᬸᬦᬦ᭄ᬕᭂᬮᬶᬲ᭄᭞ᬮᬯᬸᬢ᭄ᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬫᬦᬸᬦᬲ᭄ᬳᬸᬭᬶᬧ᭄᭟᭜᭟ᬳ᭄ᬦᬄᬫᭂᬦ᭄ᬤᭂᬧ᭄ᬤᬢᬩ᭄ᬯᬶᬦ᭄ᬓᬭᬸᬦᬬᬂ᭞᭠
ᬳᬶᬫᬮᬶᬂᬰᬓ᭄ᬢᬶᬫᬾᬮᬶᬂ᭞ᬳᬶᬫᬮᬶᬂᬫᬕᬸᬡ᭄ᬦᬵ᭞ᬫᬵᬢᬹᬃᬫᬸᬜᬶᬦᬾᬗᬲᬵᬩ᭄᭞ᬢᬶᬢ᭄ᬬᬂᬦᬯᭂᬕ᭄ᬦᬸᬦᬲ᭄ᬳᬸᬭᬶᬧ᭄᭞ᬦᬸᬦᬲ᭄ᬳᬫᬶᬸᬫ᭄ᬧᬸᬭ᭞ᬳᬶ᭠ᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭟᭜᭟ᬚᬦᬶᬓᬾᬦ᭄ᬓᬾᬦ᭄ᬳᬶᬤᭂᬧ᭄ᬳᬶᬩᬫᬓᬤᬤ᭄ᬯ᭞ᬳᬶᬤᬸᬧ᭄‌ᬢ᭄ᬓᬾᬦᬶᬂᬫᬢᬶ᭞ᬳᬶᬫᬮᬶᬂᬫᬕᬸᬡ᭄ᬦᬵ᭞ᬭᬭᬶᬲ᭄ᬫᬳᬢᬹᬃᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬢᬶ᭠
ᬢ᭄ᬬᬂᬦᬸᬦᬲ᭄ᬫᬢᬶ᭞ᬓᬮᬶᬦ᭄ᬢᬂᬫᬾᬭᬂ᭞ᬬᬾᬦ᭄ᬢᬶᬢ᭄ᬬᬂᬓᬭᬶᬧ᭄ᬫᬸᬭᬶᬧ᭄᭟᭜᭟ᬬᬳᬶᬮᬘᬹᬃᬢᬸᬫᬸᬮᬶᬫᬫᬸᬜᬶᬩᬗ᭄ᬕ᭄ᬭᬲ᭄᭞ᬦᬾᬚᬤ᭄ᬫᬵᬩ᭄ᬮᭀᬕᬢᬶ᭞ᬫᬗᬸᬤᬩ᭄ᬮᭀᬕ᭄ᬲᬦ᭄᭞ᬦᬾᬚᬦᬶᬢᬦ᭄ᬤ᭄ᬭᬸᬄᬢᬶᬢ᭄ᬬᬂ᭞ᬤᬤᬶᬬᬳᬤᬾᬬᬦ᭄ᬫᬢᬶ᭞ᬬᬾᬦ᭄ᬓᬤᬶᬢᬶᬢ᭄ᬬᬂ᭞ᬯᬾᬦ᭄ᬢᭂᬦᬦ᭄ᬢᬶᬢ᭄ᬬᬂᬳᬸᬭᬶᬧ᭄᭟᭜᭟ᬭᬳᬤᬾᬦ᭄ᬳᬫ᭄ᬩᬃᬓ
ᬯᬶᬫᬮᬶᬄᬗᬦ᭄ᬤᬶᬓᬵ᭞ᬤᬓᬾᬢᭀᬫᬮᬶᬂᬰᬓ᭄ᬢᬶ᭞ᬤᬶᬦᬶᬚ᭄ᬯᬫᬕ᭄ᬦᬄᬫᬦᭀᬗᭀᬲ᭄ᬢᭂᬓᬾᬦ᭄ᬳᬶᬭᬵ᭞ᬳᬶᬫᬮᬶᬂᬰᬓ᭄ᬢᬶᬜᬯᬹᬭᬶᬦ᭄᭞ᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬯᬾᬦ᭄ᬢᭂᬦᬦ᭄ᬢᬶᬢ᭄ᬬᬂᬫᬢᬶ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬮᬶᬄᬳᬶᬤᬵᬫᬗᬦ᭄ᬤᬶᬓ᭞ᬦᬄᬮᬫᬸᬦ᭄ᬓᬾᬢᭀᬚᬦᬶ᭞ᬢ᭄ᬯᬭᬵᬲᬓᬾᬂᬳᬶᬭᬵ᭞ᬦᬄᬳᬶᬭᬵᬢ᭄ᬯᬭ

[᭙᭒ 92A]
᭙᭒
ᬧᬜ᭄ᬚᬂ᭞ᬘᬸᬗᬸᬄᬩᬦᬾᬳᬶᬭᬗᬶᬤᬶᬄ᭞ᬓᬸᬧᬶᬗᬾᬳᬾᬦ᭄ᬤᬄ᭞ᬫᬸᬮᬶᬄᬚᬳᬶᬩᬚᬦᬶ᭟ᬳᬶᬬᬫ᭄ᬩᬃᬓᬯᬶᬚᬦᬶᬫᭂᬲᬸᬯᬂᬢᬶᬫ᭄ᬧᬲ᭄᭞ᬦᬄᬓᭂᬳᭂᬢ᭄ᬫᬓᭂᬓᬮᬶᬄ᭞ᬘᬸᬗᬸᬄᬜᬦᬾᬢᬩᬲ᭄᭞ᬢ᭄ᬓᬾᬦ᭄ᬓᬸᬧᬶᬗᬾᬧᬤᬵ᭞ᬚᬦᬶᬓ᭄ᬫᬵᬳᬶᬩᬫᬸᬮᬶᬄ᭞ᬓᬾᬢᭀᬳᬢᬹᬭᬂ᭞ᬭᬶᬂᬕᬸᬲ᭄ᬢᬶᬦ᭄ᬩᬦᬾᬚᬦᬶ᭟᭜᭟ᬳᬧᬂ
ᬢ᭄ᬓᬚᬸᬯᬳᬶᬬᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬬᬫᬕᭂᬕᭂᬩᬸᬕ᭄ᬫᬳᬶ᭞ᬳᬧᬂᬳᬾᬤᬾᬗᬗ᭞ᬤᬶᬦᬶᬤᬶᬓᬶᬦ᭄ᬢᬯᬦᬵ᭞ᬓᬲᬓ᭄ᬢᬶᬬᬦ᭄ᬜᬦᬾᬤᬶᬦᬶ᭞ᬳᬶᬭᬵᬫᬫᭂᬦ᭄ᬤᬓ᭄᭞ᬲᬓᬋᬧ᭄ᬜᬦᬾᬤᬶᬦᬶ᭟᭜᭟ᬳᬫᬸᬮ᭄ᬢᭀᬧᬩᭂᬲᭂᬦ᭄ᬳᬶᬭᬵᬦᬾᬢ᭄ᬓᬾᬳᬶᬩᬵ᭞ᬳᭀᬭᬳᬂᬫᬸᬜᬶᬦ᭄ᬓᬳᬶ᭞ᬢ᭄ᬓᬾᬦ᭄ᬕᬸᬲ᭄ᬢᬶᬦ᭄ᬳᬶᬩᬵ᭞ᬲᬸᬓᬬ
ᬫᬗᬾᬗ᭄ᬕᬮᬂ᭞ᬫᬕᭂᬕᭂᬩᬸᬕ᭄ᬢᭂᬓᬫᬳᬶ᭞ᬓᬓᬶᬦ᭄ᬢᬵᬯᬦᬵ᭞ᬦᬄᬓ᭄ᬫᬳᬶᬩᬵᬫᬸᬮᬶᬄ᭟᭜᭟ᬫᬦᬶᬧᭀᬯᬦ᭄ᬲᬶᬂᬜᬳᬤᬵᬳᬶᬥᭂᬧ᭄ᬳᬶᬩᬵ᭞ᬫᬩᬸᬤᬶᬢᬶᬍᬄᬩᬸᬯᬶᬦ᭄᭞ᬫᬳᬶᬳᬶᬩᬢ᭄ᬓ᭞ᬓᬳᬶᬗᬸᬩᬤᬶᬦ᭄ᬳᬶᬩᬵ᭞ᬳᬶᬩᬢᬶᬍᬄᬩᬳᬦ᭄ᬓᬳᬶ᭞ᬮᬫᬸᬦ᭄ᬩᬵᬳᭂᬜᬓ᭄᭞ᬫᬫᬜ᭄ᬚᬓ᭄ᬢᭂᬓᬾᬦ᭄ᬓᬳᬶ᭟᭜᭟ᬫ
ᬓᬤᬤ᭄ᬯᬫᬧᬫᬶᬢ᭄ᬮᬦ᭄ᬢᬲ᭄ᬫᬚᬮᬦ᭄᭞ᬫᬫᬃᬕ᭄ᬕᬶᬦᬦ᭄ᬤᬂᬲ᭄ᬤᬶᬄ᭞ᬩᬜ᭄ᬘᬸᬗᬸᬳᬾᬘᭀᬫ᭄ᬧᬂ᭞ᬓᬸᬧᬶᬂᬧ᭄ᬭᬸᬢ᭄ᬫᬓᬤᬤ᭄ᬯ᭞ᬢᬦ᭄ᬓᬘᬭᬶᬢ᭄ᬣᬤᬶ᭠ᬫᬃᬕ᭄ᬕᬶ᭞ᬳᬶᬫᬮᬶᬂᬓᬂᬭ᭄ᬯ᭞ᬳᬶᬬᬫ᭄ᬩᬃᬓᬯᬶᬓᬯᬃᬡ᭄ᬦᬶ᭟᭜᭟ᬓᭀᬘᬧ᭄ᬢᭂᬤᬸᬦ᭄ᬲᬂᬧ᭄ᬭᬪᬹᬭᬶᬂᬫᬸᬦ᭄ᬤᬓᬰ᭞ᬫᭂᬦ᭄ᬤᬓᬶᬦ᭄ᬭᬤ᭄ᬬᬦ᭄ᬓᬮᬶᬄ᭞ᬫᬦ᭄ᬢᬸᬓᬦᬕᬭᬵ᭞ᬓᬤᬾᬰ [ 93 ][᭙᭒ 92B]
᭙᭒
ᬓᬶᬦ᭄ᬢᬵᬯᬦᬵ᭞ᬓᬵᬢᬹᬭᬦ᭄ᬓᬸᬤᬓᬓᬮᬶᬄ᭞ᬯᬂᬫᬸᬦ᭄ᬤᬓᬰ᭞ᬲᬫᬶᬢ᭄ᬤᬸᬦ᭄ᬫᬗᬶᬭᬶᬂ᭟᭜᭟ᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬦᬵᬕᬭᬭᬶᬂᬫᬸᬦ᭄ᬤᬓᬰ᭞ᬫᬮᬶᬄᬤᬾᬰᬓᬧᬗ᭄ᬕᬶᬄ᭞ᬯᬱ᭄ᬝᬦᬶᬦᬵᬕᬭᬵ᭞ᬫᬯᬱ᭄ᬝᬫᬸᬤᬓᬬᬓ᭄᭞ᬦᬾᬗᬕᬸᬗᬶᬦ᭄ᬭᬭᬶᬲ᭄ᬕᭂᬮᬶᬲ᭄᭞ᬫᭂᬦ᭄ᬤᬓᬶᬦ᭄ᬳᬶᬤᬵ᭞ᬲᬂᬧ᭄ᬭᬪᬹᬚᬕ᭄ᬭᬯᬢᬶ᭟᭜᭟ᬳᬦᬶᬸᬧᬦ᭄ᬲᬫᬶ
ᬓᬲᬶᬄᬓᬓᬶᬦ᭄ᬢᬵᬯᬦᬵ᭞ᬲᬂᬧ᭄ᬭᬪᬹᬚᬕ᭄ᬭᬯᬢᬶ᭞ᬫᬗᬢᬹᬭᬂᬲᬫ᭄ᬧᬦ᭄᭞ᬫᬗᬢᬹᬭᬂᬳᬚᭂᬗᬦ᭄᭞ᬳᬶᬭᬶᬓᬗᬚᭂᬗᬂᬲᬫᬶ᭞ᬢ᭄ᬓᬦᬶᬂᬧᬜ᭄ᬚᬓ᭄᭞ᬤᬶᬫᬸᬦ᭄ᬤᬓᬰᬲᬫᬶ᭟᭜᭟ᬬᬾᬦ᭄ᬧᬭᬩᬾᬲᬂᬧ᭄ᬭᬪᬹᬤᬶᬫᬸᬦ᭄ᬤᬓᬰᬵ᭞ᬲᬶᬭᬵᬧ᭄ᬭᬪᬹᬗ᭄ᬭᬂᬲᬸᬦ᭄ᬤᬶ᭞ᬗᬢᬹᬭᬂᬧᬲᭂᬕᬄ᭞ᬯᬸᬲᬦᬾᬫᬚᭂᬗᬦ᭄᭞ᬢᬸᬫᬸᬮᬶᬳᬶᬤᬵ
ᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬲᬹᬃᬬ᭄ᬬᬓᬸᬲᬸᬫ᭞ᬮᬦ᭄ᬭᬤᬾᬦ᭄ᬳᬫ᭄ᬩᬃᬓᬯᬶ᭟᭜᭟ᬫᬗᬦ᭄ᬤᬶᬓᬚᬮᬦ᭄ᬓᬾᬚᬦᬶᬳᬾᬗ᭄ᬕᬮᬂ᭞ᬫᬸᬗ᭄ᬕᬄᬭᬶᬂᬓᬸᬤᬕ᭄ᬮᬶᬲ᭄᭞ᬢᬸᬫᬸᬮᬶᬫᬫᬃᬕ᭄ᬕᬵ᭞ᬧᬫᬃᬕ᭄ᬕᬶᬦᬾᬕᬕ᭄ᬮᬶᬲᬦ᭄᭞ᬢᬦ᭄ᬓᬘᬭᬶᬢᬲᬂᬓᬮᬶᬄ᭞ᬕᭂᬦ᭄ᬢᬶᬓᭀᬘᬧ᭞ᬮᬶᬬᬦ᭄ᬓᬘᬭᬶᬢ᭄ᬣᬫᬮᬶᬄ᭟᭜᭟ᬓᬯᬃᬡ᭄ᬦᬵᬳᬶᬧᬢᬶᬄᬓᭀᬮ᭄ᬧᬯᬶᬚᬬ᭞
ᬮᬦ᭄ᬳᬶᬲᬫ᭄ᬩᬸᬭᬸᬧᬸᬢᬶᬄ᭞ᬲ᭄ᬤᭂᬓ᭄ᬗᬫ᭄ᬩᬭᬵ᭞ᬫᬗᬮᬶᬄᬩᬶᬮᬂᬤᬾᬰᬵ᭞ᬳᬶᬤᬭᬤᬾᬦ᭄ᬳᬫ᭄ᬩᬃᬓᬯᬶ᭞ᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬢ᭄ᬮᬸᬩᬸᬮᬦ᭄ᬤᬶᬫᬃ᭠ᬕ᭄ᬕᬶ᭟᭜᭟ᬲᬵᬫ᭄ᬧᬸᬦ᭄ᬮᬸᬬᬸᬢᬶᬗ᭄ᬓᬄᬜᬦᬾᬤᬶᬳᬫ᭄ᬩᬭᬵ᭞ᬩᬶᬮᬂᬤᬾᬰᬦᬾᬲᬫᬶ᭞ᬫᬶᬯᬄᬩᬶᬮᬂᬳᬮᬲ᭄᭞ᬫᬰᬶᬄᬢ᭄ᬯᬭᬵᬤᬵᬩᬓᬢ᭄᭞ᬤᬤᬶᬳᬾᬫᭂᬂᬬ

[᭙᭓ 93A]
᭙᭓
ᬳᬶᬧᬢᬶᬄ᭞ᬭᬭᬶᬲ᭄ᬫᬗᬸᬘᬧ᭄᭞ᬳᬶᬓᭀᬮ᭄ᬧᬯᬶᬚᬬᬕ᭄ᬮᬶᬲ᭄᭟᭜᭟ᬚᬦᬶᬓᬶᬚᬮᬓᬸᬫᬜᭂᬋᬧᬂᬳᬶᬤᬵ᭞ᬳᬶᬲ᭄ᬩᬸᬭᬸᬜᬯᬹᬭᬶᬦ᭄᭞ᬫ᭄ᬭᬱᬩᬳᭀᬜ᭞ᬤᬾᬰᬦᬾᬮᬓᬸᬜᬺᬧᬂ᭞ᬓᬾᬯᬮᬦᬾᬲ᭄ᬮᬢ᭄ᬧᬲᬶᬄ᭞ᬢᭀᬦ᭄ᬤᬾᬦ᭄ᬤᬓ᭄ᬫᬵ᭞ᬚᬮᬦ᭄ᬓᬾᬫᬮᬸᬫᬸᬮᬶᬄ᭟᭜᭟ᬚᬦᬶᬫᬵᬢᬹᬃᬫᬮᬸᬭᬶᬂᬳᬤᬵᬲᬂᬦᬵᬢ᭞
ᬓᬾᬯᬮᬳᬶᬤᬵᬳᬸᬦᬶᬂ᭞ᬧᬚᬮᬦᬾᬮᬸᬯᬲ᭄᭞ᬧᬘᬂᬗ᭄ᬮᬶᬯᬢ᭄ᬲᬕᬭᬵ᭞ᬓᬾᬯᬮᬧᬂᬳᬶᬤᬵᬳᬸᬦᬶᬂ᭞ᬢᬶᬗ᭄ᬓᬄᬳᬾᬮᬸᬯᬲ᭄᭞ᬧᬢᬶᬄᬓᭀᬮ᭄ᬧᬯᬶᬚᬬᬜᬯᬹᬭᬶᬦ᭄᭟᭜᭟ᬳᭂᬦ᭄ᬢᭀᬤᬶᬚᬧᬺᬕᬸᬫ᭄ᬬᬦᬾᬲ᭄ᬮᬢ᭄ᬲᬕᬭ᭞ᬳᬶᬲᬫ᭄ᬩᬸᬭᬸᬜᬯᬹᬭᬶᬦ᭄᭞ᬳᬗᬶᬂᬢᬾᬬᬳᭀᬃᬢ᭄ᬣ᭞ᬢᬸᬢᬸᬭᬦ᭄ᬳᬶᬫᬤᬕᬂ᭞
ᬓᭀᬘᬧ᭄ᬳᬸᬮᬶᬄᬤᬶᬩᬢᬯᬶᬦᬫᬳᬶᬢ᭄ᬓ᭞ᬗᬩᬤᬕᬗᬦ᭄ᬫᬳᬶ᭟᭜᭟᭛ᬤᬂᬤᬂ᭛᭟ᬓᬯᬃᬡ᭄ᬦᬳᬶᬲᬫ᭄ᬩᬸᬭᬸᬧᬸᬢᬶᬄ᭞ᬩᬋᬂᬳᬚᬓ᭄᭞ᬳᬶᬓᭀᬮ᭄ᬧᬯᬶᬚᬬ᭞ᬢ᭄ᬤᬸᬦ᭄ᬲᬓᬾᬂᬳᬫ᭄ᬩᬭᬦᬾ᭞ᬳᬶᬧᬢᬶᬄᬓᬮᬶᬄᬦᬸᬮᬸ᭞ᬚᬤ᭄ᬫᬵᬳᬓᬾᬄᬧᬤᬤᬶᬫᬃᬕ᭄ᬕᬶ᭞ᬤᬶᬢ᭄ᬕᬮᬾᬦᬾᬤᬶᬚᬶᬫ᭄ᬩᬃ᭞ᬧᬢᬶᬄᬭᬭᬶ
ᬲ᭄ᬢᭂᬤᬸᬦ᭄᭞ᬧ᭄ᬭᬬᬧᬘᬂᬫᬫ᭄ᬤᬲᬂ᭞ᬭᬭᬶᬲ᭄ᬢᭂᬤᬸᬦ᭄᭞ᬲᬵᬫ᭄ᬧᬸᬦ᭄ᬓᬘᬸᬦ᭄ᬤᬸᬓ᭄ᬳᬶᬧᬢᬶᬄ᭞ᬭᬶᬂᬫᬃᬕ᭄ᬕᬶᬢ᭄ᬗᬄᬋᬦ᭄ᬤᬂ᭟᭜᭟ᬓᬮᬶᬄᬢᭂᬤᬸᬦ᭄ᬧᬤᬫᬵᬢᬹᬃᬩᬓ᭄ᬢᬶ᭞ᬭᬶᬂᬭᬳᬤ᭄ᬬᬦ᭄᭞ᬧᬢᬶᬄᬓᬮᬶᬄᬜᬸᬫ᭄ᬩᬄ᭞ᬲᬃᬯᬶᬫᬗᭂᬮᬸᬢ᭄ᬘᭀᬓᭀᬭᬾ᭞ᬳᬶᬗ᭄ᬕᬶᬄᬭᬵᬢᬹᬤᬾᬯᬵᬕᬸᬂ᭞ᬲᬓᬶᬂᬤᬶᬚᬭᬵᬢᬹᬕᬸᬲ᭄ᬢᬶ᭞ᬳᬶᬬ᭠ [ 94 ][᭙᭓ 93B]
᭙᭓
ᬫ᭄ᬩᬃᬓᬯᬶᬗᬦ᭄ᬤᬶᬓᬵ᭞ᬢᬶᬢ᭄ᬬᬂᬮᬸᬯᬲ᭄ᬗᬭᬸᬭᬸᬄ᭞ᬦᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬳᭂᬚᭀᬄᬧᬶᬲᬦ᭄᭞ᬮᬸᬯᬲ᭄ᬫᬗ᭄ᬮᬶᬯᬢᬶᬦ᭄ᬧᬲᬶᬄ᭞ᬤᬶᬦᬕᬭᬩ᭄ᬭᬂᬧᬦᬲ᭄᭟᭜᭟ᬳᬶᬗ᭄ᬕᬶᬄᬭᬢᬹᬳᬢᬸᬭᬾᬳᬶᬧᬢᬶᬄ᭞ᬫᬓᬤᬤ᭄ᬯ᭞ᬫᬵᬲ᭄ᬢᬶᬢ᭄ᬬᬂᬳᬶᬤᬾᬯ᭞ᬯᬸᬲ᭄ᬮᬫᬶᬳᬦ᭄ᬢᬸᬓ᭄ᬢᬶᬢ᭄ᬬᬗᬾ᭞ᬗᬺᬋᬄᬘᭀᬓᭀᬃᬳᬶᬭᬵᬢᬹ᭞
ᬳᬚᬶᬦ᭄ᬳᬶᬤᬵᬢᬦ᭄ᬫᬾᬮᬶᬂᬫᬾᬮᬶᬂ᭞ᬫᬫᬗᭂᬦᬂᬳᬶᬤᬾᬯᬵ᭞ᬦᬸᬦᬲ᭄ᬕᭂᬮᬶᬲ᭄ᬫᬦ᭄ᬢᬸᬓ᭄᭞ᬢᬶᬢ᭄ᬬᬂᬫᬗᬶᬭᬶᬂᬳᬶᬤᬾᬯᬵ᭞ᬦᬸᬦᬲ᭄ᬕᭂᬮᬶᬲᬂ᭞ᬳᬶᬬᬫ᭄ᬩᬃ᭠ᬓᬯᬶᬜᬯᬹᬭᬶᬦ᭄᭞ᬦᬄᬚᬮᬦ᭄ᬓᬾᬳᬸᬮᬳᬂ᭟᭜᭟ᬳᬚᬶᬦ᭄ᬳᬶᬤᬾᬯᬵᬓᬮᬶᬦ᭄ᬢᬂᬲ᭄ᬤᬶᬄ᭞ᬓᬮᬶᬄᬲᬋᬂ᭞ᬮᬦ᭄ᬩᬶᬬᬂᬳᬶᬤᬾᬯᬵ᭞ᬮᬶᬦ᭄ᬢᬂᬲᬫᬸᬦ᭄ᬦᬵᬕᬭᬦᬾ᭞ᬳᬚᬶᬦ᭄ᬳᬶ
ᬤᬾᬯᬵᬭᬵᬢᬹ᭞ᬢ᭄ᬯᬭᬵᬢᬳᬾᬦ᭄ᬓᭀᬤᬮ᭄ᬓᬢᬗ᭄ᬓᬶᬮ᭄᭞ᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬧᬢᬶᬄᬓ᭄ᬫᬫᬦ᭄ᬢᬸᬓ᭄᭞ᬳᬢᬹᬭᬂᬚ᭄ᬯᬳᬶᬭᬢ᭄ᬓ᭞ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬳᬧᬂᬳᬶᬤᬵᬫᬗ᭄ᬯᬶᬮᬗᬶᬦ᭄᭞ᬗᬶᬩᬸᬓᬂᬤᬶᬢᬸᬚᬸᬫᬄ᭟᭜᭟ᬳᬶᬤᬲᬂᬧ᭄ᬭᬪᬹᬲᬓᬶᬂᬩ᭄ᬭᬂᬲᬸᬦ᭄ᬤᬶ᭞ᬓᬮᬶᬄᬳᬶᬤᬵ᭞ᬧ᭄ᬭᬩᬸᬚᬕ᭄ᬭᬦᬮ᭞ᬲᬋᬂᬮᬯᬦ᭄ᬓᬯᬸᬮ
ᬦᬾ᭞ᬓᭀᬮ᭄ᬧᬯᬶᬚᬬᬫᬵᬢᬹᬃ᭞ᬲᬋᬂᬧᬢᬶᬄᬲᬫ᭄ᬩᬸᬭᬸᬕ᭄ᬮᬶᬲ᭄᭞ᬫᬧᬫᬶᬢ᭄ᬲᬃᬯ᭄ᬯᬶᬜᬸᬫ᭄ᬩᬄ᭞ᬢᬸᬫᬸᬮᬶᬫᬓᭂᬩᬹᬃ᭞ᬢᬦ᭄ᬓᬘᬭᬶᬢ᭄ᬣᬤᬶᬚᬮᬦ᭄᭞ᬧᬢᬶᬄᬓᬮᬶᬄ᭞ᬦ᭄ᬤᬭᬸᬂᬧᬓᭂᬩᬹᬃᬳᬶᬧᬢᬶᬄ᭞ᬯᬸᬲ᭄ᬭᬯᬸᬄᬤᬶᬩᬜ᭄ᬘᬶᬗᬄ᭟᭜᭟ᬳᬗᬶᬂᬢ᭄ᬯᬭᬵᬳᬤᬳᬦᬓ᭄ᬳᬸᬦᬶᬂ᭞ᬲᬸᬳᬸᬂᬧᬶᬲᬦ᭄᭞ᬋᬓᬾᬤᬶᬩᬜ᭄ᬘᬶᬗᬄ᭞ᬲ

[᭙᭔ 94A]
᭙᭔
ᬕᬾᬢ᭄ᬓᬧᬋᬓᬦᬾ᭞ᬓᭀᬮ᭄ᬧᬯᬶᬚᬬᬫᬸᬯᬸᬲ᭄᭞ᬘᬳᬶᬕ᭄ᬤᬾᬫᬳᬶᬢᬾᬕ᭄ᬮᬶᬲ᭄᭞ᬩᬧᬳᬢᬸᬭᬂᬢ᭄ᬓ᭞ᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬩᬧᬦᬾᬚᬦᬶᬫᬳᭀᬓᬲ᭄᭞ᬚᬕᬧᬋᬓ᭄᭞ᬗᬢᬹᬃᬭᬂᬭᬶᬂᬰ᭄ᬭᬶᬪᬹᬧᬢᬶ᭞ᬳᬶᬧᬋᬓᬦ᭄ᬫᬚᬮᬦ᭄᭟᭜᭟ᬫᬦᬭᭀᬚᭀᬕ᭄ᬫᬗ᭄ᬭᬭᬶᬲ᭄ᬓᬧᬸᬭᬶ᭞ᬫᬗᬢᬸᬭᬂ᭞ᬭᬶᬂᬳᬶᬤᬵᬲᬂᬦᬵ
ᬣ᭞ᬳᬶᬗ᭄ᬕᬶᬄᬕᬸᬲ᭄ᬢᬶᬧᬢᬶᬄᬋᬓᬾ᭞ᬓᭀᬮ᭄ᬧᬯᬶᬚᬬᬭᬯᬸᬄ᭞ᬲᬋᬂᬧᬢᬶᬄᬲᬫ᭄ᬩᬸᬭᬸᬫᬗ᭄ᬓᬶᬦ᭄᭞ᬫᬗᬦ᭄ᬢᭀᬲ᭄ᬤᬶᬩᬜ᭄ᬘᬶᬗᬄ᭞ᬧᬘᬂᬧᬋᬓ᭄ᬭᬵᬢᬹ᭞ᬲᬂᬧ᭄ᬭᬪᬹᬭᬭᬶᬲ᭄ᬓᬚᬩ᭞ᬲᬤᬵᬲᬶᬲᬸ᭞ᬢᬸᬫᬸᬮᬶᬗᬦ᭄ᬤᬶᬓᬵᬕ᭄ᬮᬶᬲ᭄᭞ᬳᬶᬄᬧᬢᬶᬄᬤᬶᬦ᭄ᬕᬓ᭄᭟᭜᭟ᬓᬾᬦ᭄ᬓᬾᬦ᭄ᬧᬢᬶᬄᬢᬶᬗ᭄ᬓᬳᬾᬮ᭄ᬯᬲ᭄ᬗᬮᬶᬄ᭞ᬬᬫ᭄ᬩᬃᬓᬯᬶ᭞ᬳ
ᬤᬵᬓᬾᬳᭀᬃᬢ᭄ᬣᬜ᭞ᬳᬶᬧᬢᬶᬄᬳᬤᬾᬂᬳᬢᬸᬭᬾ᭞ᬳᬶᬗ᭄ᬕᬶᬄᬭᬵᬢᬹᬤᬾᬯᬵᬕᬸᬂ᭞ᬳᬦᬓ᭄ᬘᭀᬓᭀᬃᬭᬵᬢᬹᬧᬗ᭄ᬕᬶᬄ᭞ᬳᬶᬤᬵᬯᬸᬲ᭄ᬗᬫᬦ᭄ᬢᬸᬓᬂ᭞ᬗᬶᬂᬓᬭᬶᬤᬶᬧᬸᬗ᭄ᬓᬸᬃ᭞ᬢᬶᬢ᭄ᬬᬂᬗ᭄ᬭᬶᬳᬶᬦᬶᬦ᭄ᬫᬫᬃᬕ᭄ᬕᬵ᭞ᬓᬦ᭄ᬤᬶᬓᬬᬂ᭞ᬧᬋᬓ᭄ᬭᬶᬂᬘᭀᬓᭀᬃᬳᬶᬕᬸᬲ᭄ᬢᬶ᭞ᬫᬳᬢᬹᬃᬧᬗᬸᬦᬶᬗ᭟᭜᭟ᬢᬦ᭄ᬳᬦ᭄ᬢᬦ᭄ᬢᬶᬸᬭᬵᬭᬤᬾᬦ᭄ᬳᬫ᭄ᬩᬃᬓᬯᬶ᭞᭠
ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬋᬓᬾᬤᬶᬩᬜ᭄ᬘᬶᬗᬄ᭞ᬲᬫᬶᬳᬢᬧ᭄ᬧᬸᬗ᭄ᬕᬯᬦᬾ᭞ᬧ᭄ᬭᬫᬶᬰ᭄ᬯᬭᬶᬫᬮᬸᬗ᭄ᬕᬸᬄ᭞ᬫᬗᬦ᭄ᬤᬶᬓᬵᬰ᭄ᬭᬶᬪᬹᬧᬢᬶ᭞ᬤᬾᬯᬦ᭄ᬩᬧᬦᬾᬢ᭄ᬓ᭞ᬦᬄᬦ᭄ᬕᬓ᭄ᬳᬶᬩᬕᬸᬲ᭄᭞ᬲᬹᬃᬬ᭄ᬬᬓᬸᬲᬸᬫᬫᬵᬢᬹᬭ᭞ᬲᬃᬯ᭄ᬯᬶᬜᬸᬫ᭄ᬩᬄ᭞ᬢᬸᬫᬸᬮᬶᬫᬳᬢᬹᬃᬕ᭄ᬮᬶᬲ᭄᭞ᬧᬗ᭄ᬕᬶᬄᬢᬶᬢ᭄ᬬᬂᬭᬶᬂᬧᬸᬭᬶᬬᬦ᭄᭟᭜᭟᭛ᬧᬗ᭄ᬓᬸᬃ᭛ [ 95 ][᭙᭔ 94B]
᭙᭔
᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄‌ᬢ᭄ᬯᬭᬵᬤᬳᬚᬓ᭄ᬫᬸᬮᬶᬄ᭞ᬳᬶᬬᬫ᭄ᬩᬃᬓᬯᬶᬫᬳᬢᬹᬃ᭞ᬲᬃᬯ᭄ᬯᬶᬤᬦᬾᬫᭂᬲᬸᬯᬂ᭞ᬘᬘᬸᬧᬸᬦᬾ᭞ᬧᬸᬦᬶᬓᬶᬭᬳᬤᬾᬦ᭄ᬕᬮᬸᬄ᭞ᬭᬶᬂᬚ᭄ᬭᭀᬦᬶᬂᬘᬘᬸᬧᬸᬤᬾᬯᬵ᭞ᬲᬂᬧ᭄ᬭᬪᬹᬫᬫᬸᬓᬓ᭄‌ᬕ᭄ᬮᬶᬲ᭄᭟᭜᭟ᬢᬸᬫᬸᬮᬶᬭᬭᬶᬲ᭄ᬓᬘᬶᬗᬓ᭄᭞ᬲᬦ᭄ᬤᭂᬕ᭄ᬩᭂᬗᭀᬂᬳᬶᬤᬵᬰ᭄ᬭᬶᬦᬭᬧᬢᬶ᭞ᬫᬶᬯᬄᬲᬓ᭄ᬯᬾᬄ
ᬧᬋᬭᬵᬢᬹ᭞ᬳᬤᬵᬕᬯᭀᬓ᭄ᬢᬸᬫᬶᬗᬮ᭄᭞ᬭᬭᬶᬲ᭄ᬫᭂᬤᬮ᭄᭞ᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄ᬲᬫ᭄ᬧᬸᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬤᭀᬂᬚᬵᬳᬶᬬᬳᬶᬲᬹᬃᬬ᭄ᬬᬯᬢᬶ᭟᭜᭟ᬲᬶᬭᬵᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬩ᭄ᬗᭀᬂᬫᬦᬶᬗᬮᬶᬦ᭄‌ᬬᬫ᭄ᬩᬃᬓᬯᬶ᭞ᬬᬾᬦ᭄ᬧᬗ᭄ᬭᬱᬦᬾᬤᬶᬓᬳ᭄ᬬᬸᬦ᭄᭞ᬩᬳᬦᬾᬢ᭄ᬯᬭᬵᬦᬯᬂ᭞ᬭᬱᬭᬱ᭞ᬦᬾᬦᬾ
ᬫᬢᬶᬩ᭄ᬯᬶᬦ᭄ᬳᬶᬤᬸᬧ᭄᭞ᬤᬸᬕᬲᬾᬳ᭄ᬦᬸᬤᬶᬚᬸᬫᬄ᭞ᬭᬱᬜᬬᬧᬗᭂᬮᬶᬗᬶᬦ᭄᭟᭜᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᬸᬦᬲᬂ᭞ᬤᬾᬰᬦᬧᬶᬯᬲ᭄ᬢᬦᬶᬧᬸᬦ᭄ᬧᬸᬦᬶ᭠ᬓᬶ᭞ᬳᬶᬬᬫ᭄ᬩᬃᬓᬯᬶᬫᬲᬯᬹᬃ᭞ᬦᬕᬭᬓᬶᬦ᭄ᬢᬵᬯᬦᬵ᭞ᬲᬧᬲᬶᬭᬵ᭞ᬗᬚᬓ᭄ᬢᬶᬢ᭄ᬬᬂᬫ᭄ᬭᬶᬓᬶᬩᬳᬸ᭞ᬳᬶᬬᬫ᭄ᬩᬃᬓᬯᬶᬳᬗᬸᬘᬧ᭄᭞ᬢᬶᬢ᭄ᬬᬂᬗ᭄ᬕᬯᬕᬸᬲ᭄ᬢᬶᬫ᭄ᬭᬶᬓᬶ᭟᭜᭟ᬳᬤᬸᬄᬫᬵᬲ᭄ᬢᬶᬢ᭄ᬬᬗᬾᬤᬾ
ᬯᬵ᭞ᬢᭀᬂᬫᬤᬬᬢᬶᬢ᭄ᬬᬂᬫᬮᬶᬄᬓᬧᬗ᭄ᬕᬶᬄ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬲᬸᬫᬳᬹᬃ᭞ᬳᭂᬜᬾᬦ᭄ᬫᭂᬜᬸᬯᬂᬢᬶᬢ᭄ᬬᬂ᭞ᬬᬫ᭄ᬩᬃᬓᬯᬶ᭞ᬫᬲᬯᬹᬃᬫᬸᬜᬶᬦᬾᬳᬮᬸᬲ᭄᭞ᬢᬶᬢ᭄ᬬᬂᬫᭂᬜᬸᬯᬂᬳᬶᬤᬾᬯᬵ᭞ᬲᬋᬂᬭᬳᬶᬦ᭄ᬳᬶᬕᬸᬲ᭄ᬢᬶ᭟᭜᭟ᬩ᭄ᬦᭂᬄᬲᬗ᭄ᬓᬦ᭄ᬳᬤᬶᬲᬾᬤ᭞ᬫᬮᬶᬂᬫᬕᬸᬡ᭄ᬦᬵᬫᬗᬩᬓᬧᬸᬭᬶᬸᬭᬶ᭞ᬤᬶᬚᬲᬶᬳᬶᬬᬓᬢᭂᬧᬸᬓ᭄᭞ᬲᬗ᭄ᬓ᭠

[᭙᭕ 95A]
᭙᭕
ᬦ᭄ᬳᬤᬶᬫᬢ᭄ᬬᬗ᭞ᬲᬶᬭᬵᬭᬤᬾᬦ᭄᭞ᬲᬸᬃᬬ᭄ᬬᬓᬸᬲᬸᬫᬗᬸᬦ᭄ᬢᬸᬓ᭄᭞ᬤᬾᬦᬶᬂᬢᭀᬦ᭄ᬤᬾᬦ᭄ᬤᬢᬯᬗ᭞ᬳᬶᬲᬹᬃᬬ᭄ᬬᬓᬸᬲᬸᬫᬓᭂᬜᬶᬂ᭟᭜᭟ᬧᬤᬵᬩ᭄ᬗᭀᬂᬫᬶᬭᬕ᭄ᬬᬂ᭞ᬰ᭄ᬭᬶᬦᬭᬾᬦ᭄ᬤ᭄ᬭᬮᬦ᭄ᬧᬺᬭᬢᬸᬦᬾᬲᬫᬶ᭞ᬢᬸᬢᬸᬭᬦᬾᬭᬤᬾᬦ᭄ᬕᬮᬸᬄ᭞ᬤᬾᬯᬶᬲᬹᬃᬬ᭄ᬬᬓᬸᬲᬸᬫ᭞ᬓᬢᬸᬢᬸᬭᬂ᭞ᬲᬧᬭᬶᬧᭀᬮᬳᬾᬤᬶᬢᬸ᭞ᬤᬸ
ᬕᬲ᭄ᬜᬦᬾᬤᬶᬩᬜ᭄ᬘᬶᬗᬄ᭞ᬗᬦ᭄ᬤᬶᬓᬵᬳᬶᬲᬹᬃᬬ᭄ᬬᬯᬢᬶ᭟᭜᭟ᬳᭂᬦ᭄ᬢᭀᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬫᬫᬸᬤᬸᬳᬂᬩᬗ᭄ᬓᬾᬦ᭄ᬜᬦᬾ᭠ᬳᬶᬳᬤᬶ᭞ᬬᬾᬦ᭄ᬓᬤᬶᬬᬳ᭄ᬦᬸᬳᬶᬤᬸᬧ᭄᭞ᬩᬳᬂᬗᬗ᭄ᬕᭀᬕᬕᬾᬮᬦ᭄᭞ᬤᬤᬶᬓᭂᬜᬶᬂ᭞ᬳᬶᬲᬹᬃᬬ᭄ᬬᬓᬸᬲᬸᬫᬗ᭄ᬭᬸᬗᬸ᭞ᬓ᭄ᬤᬾᬓᬾᬮᬦ᭄ᬢᬲ᭄ᬫᬩ᭄ᬭᬶᬬᬕ᭄᭞ᬫ
ᬦᬵᬮᬶᬄᬳᬶᬲᬹᬃᬬ᭄ᬬᬯᬢᬶ᭟᭜᭟ᬚᬦᬶᬤᬤᬶᬓᬢᬶᬗᬮᬦ᭄᭞ᬭᬭᬶᬲ᭄ᬓᬕ᭄ᬬᬢ᭄‌ᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬜᬫᬦᬾᬚᬕ᭄ᬚ᭠ᬕᬶᬦ᭄ᬮᬯᬸᬢ᭄᭞ᬢᬹᬃᬲᬃᬯ᭄ᬯᬶᬫᬦ᭄ᬢᭂᬕ᭄ᬢᬗ᭄ᬓᬄ᭞ᬓᬤᬾᬦ᭄ᬢᬶᬢ᭄ᬬᬂ᭞ᬳᬶᬤᬾᬯᬵᬓᭀᬢᬸᬮᬸᬲ᭄ᬮᬫ᭄ᬧᬸᬲ᭄᭞ᬳᬶᬲᬹᬃᬬ᭄ᬬᬓᬸᬲᬸᬫᬗᬸᬘᬧ᭄᭞ᬫᬗᬸᬤᬵᬲᬶᬢᬶᬢ᭄ᬬᬂᬫ᭠
ᬢᬶ᭞ᬳᬶᬩ᭄ᬮᬶᬗᬫᬤᭂᬫᬂᬢᬶᬢ᭄ᬬᬂ᭞ᬭᬭᬶᬲ᭄ᬤᬦᬾᬫᬓ᭄ᬢᬢᬶᬢ᭄ᬬᬂᬓᬧᬸᬭᬶ᭞ᬫᬗ᭄ᬭᬭᬶᬲ᭄ᬳᬶᬩ᭄ᬮᬶᬤᬶᬢᬸ᭞ᬤᬤᬶᬫᬮᬶᬂᬫᬕᬸᬡ᭄ᬦᬵ᭞ᬫᬗᬢᬸᬭᬂ᭞ᬭᬶᬂᬮᬶᬗ᭄ᬕᬶᬄᬳᬶᬤᬵᬲᬶᬧ᭄ᬭᬪᬹ᭞ᬳᬶᬩ᭄ᬮᬶᬫᬓᬬᬸᬦ᭄ᬯᬶᬓᬦ᭄᭞ᬭᬶᬂᬕ᭄ᬦᬄᬳᭂᬫ᭄ᬩᭀᬓᬾᬤᬶᬧᬸᬭᬶ᭟᭜᭟ᬳᬶᬲᬹᬃᬬ᭄ᬬᬓᭂᬜ᭄ᬘᬦᬵᬗᬸᬘᬧ᭄᭞ᬢᭀᬂᬫ [ 96 ][᭙᭕ 95B]
᭙᭕
ᬤᬵᬬᬳᭂᬫ᭄ᬩᭀᬓ᭄ᬢᭂᬓᬾᬦᬶᬂᬳᬶᬩ᭄ᬮᬶ᭞ᬫᬗᬢᬹᬭᬂᬳᬤᬶᬤᬶᬢᬸ᭞ᬲᬚᬳᭂᬫ᭄ᬩᭀᬓ᭄ᬫᬦᬸᬦᬲᬂ᭞ᬤᬾᬦᬶᬂᬳᭂᬫ᭄ᬩᭀᬓ᭄᭞ᬲᬳᬶᬓᬧᬶᬲᭂᬋᬂᬤᬶᬢᬸ᭞ᬫᬢ᭄ᬫᬸᬢ᭄ᬓᬾᬦᬶᬂᬳᬶᬬ᭞ᬳᬶᬋᬱᬶᬪᭀᬚᬦᬵᬫᬦ᭄ᬢ᭄ᬭᬶ᭟᭜᭟ᬤᬾᬦᬶᬂᬲᬳᬶᬓᬾᬢᭀᬤᭀᬯᬂ᭞ᬮᬯᬸᬢ᭄ᬳᭂᬫ᭄ᬩᭀᬓ᭄ᬫᬵᬢᬹᬃᬭᬶᬂᬰ᭄ᬭᬶᬪᬹᬧᬢᬶ᭞ᬤ
ᬬᬦᬾᬧᬂᬫᬗ᭄ᬤᬾᬳᬸᬢᬸᬄ᭞ᬫᬳᬢᬹᬃᬭᬶᬂᬲᬂᬦᬵᬣ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬬᬦ᭄ᬓᬲᬤ᭄ᬬᬦ᭄ᬳᬶᬧᬸᬦ᭄ᬮᬫ᭄ᬧᬸᬲ᭄᭞ᬳᬶᬬᬫ᭄ᬩᬃᬓᬯᬶᬧᬸᬦᬶᬓ᭞᭠ᬳᬶᬭᬶᬓᬢᬶᬢ᭄ᬬᬂᬫᬗᬶᬭᬶᬂ᭟᭜᭟ᬭᬭᬶᬲ᭄ᬓᬧᬗᬦ᭄ᬤᬶᬓᬬᬂ᭞ᬚᬦᬶᬮᬸᬗᬳᬶᬬᬳᬶᬫᬮᬶᬂᬰᬓ᭄ᬢᬶ᭞ᬮᬦ᭄ᬫᬮᬶᬂᬫᬕᬸᬡ᭄ᬦᬵᬗ᭄ᬭᬸᬭᬸᬄ᭞ᬲᬂᬦᬵᬣᬢᬦ᭄ᬧᬗᬸᬘᬧ᭄᭞᭠
ᬧᬤᬵᬩ᭄ᬗᭀᬂ᭞ᬲᬓᬢᬳᬧᬭᬭᬢᬹ᭞ᬤᬶᬢᬸᬫᬶᬭᬕ᭄ᬬᬂᬢᬸᬢᬸᬭᬦ᭄᭞ᬢ᭄ᬮᬲ᭄ᬓᬢᬹᬢᬹᬭᬂᬲᬫᬶ᭟᭜᭟ᬩᬲ᭄ᬮᬶᬬᬸᬬᬦ᭄ᬘᬭᬶᬢᬬᬂ᭞ᬓᭀᬘᬧ᭄ᬲᬵᬫ᭄ᬧᬸᬦ᭄ᬢᭂᬮᬲ᭄ᬓᬢᬸᬢᬸᬭᬂᬲᬫᬶ᭞ᬮᬶᬦ᭄ᬢᬂᬕᬯᭀᬓ᭄ᬱᬂᬧ᭄ᬭᬪᬹ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬗᬸᬘᬧ᭄᭞ᬳᭂᬦ᭄ᬢᭀᬳᬶᬬ᭞ᬳᭀᬓᬦ᭄ᬲᬂᬧ᭄ᬭᬪᬹᬦᬾᬤᬶᬢᬸ᭞ᬚᬦᬶ
ᬳᬤᬶᬫᬗ᭄ᬯᬍᬲᬂ᭞ᬲ᭄ᬤᭂᬂᬳᬤᬶᬗᬗ᭄ᬕᭀᬧ᭄ᬭᬫᬶ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬳᬶᬤᬾᬯᬵᬫᬗ᭄ᬭᬱᬦᬶᬦ᭄᭞ᬳᬶ᭠ᬤᭂᬧ᭄ᬩᬧᬵᬬᬾᬦ᭄ᬓᬧᬢᬹᬢ᭄᭞ᬩᬳᬦ᭄ᬳᬶᬤᬾᬯᬵᬧᬤᬵ᭞ᬫ᭄ᬮᬄᬚᬸᬯᬂ᭞ᬜᬫᬦ᭄ᬳᬶᬤᬾᬯᬵᬦᬾᬫᬮᬸ᭞ᬳᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬤᬾᬦᬶᬂᬬᬩᬸᬓ

[᭙᭖ 96A]
᭙᭖
ᬦᬾᬚᬦᬶ᭟᭜᭟ᬦᬾᬚᬦᬶᬓ᭄ᬦᭂᬳᬂᬩᬧᬵ᭞ᬢ᭄ᬯᬭᬵᬩᬸᬳᬸᬂᬕᬸᬫᬶᬦᬾᬧᬘᬂᬓᬮᬶ᭞ᬫ᭄ᬮᬳᬦ᭄ᬳᬶᬤᬾᬯᬵᬫᬮᬸ᭞ᬫᬩᬸᬜ᭄ᬘᬶᬂᬳᬚᬓ᭄ᬳᬶᬬᬵ᭞ᬚᬦᬶᬩᬧᬵ᭞ᬗᬮᬶᬄᬳᬂᬤᬾᬯᬰᬮᬸᬳᬸᬂ᭞ᬬᬫ᭄ᬩᬃᬓᬯᬶᬫᬵᬢᬹᬃᬜᬸᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬖᬸᬭᬸᬳᬚᬶ᭟᭜᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬪᬸᬚᬗ᭄ᬕᬵᬫᬶᬯᬄᬧᬺᬭ
ᬢᬹᬲᬫᬶ᭞ᬧᬥᬡ᭄ᬥᬩᬯᭀᬲᬂᬤᬸᬫᬸᬦ᭄᭞ᬤᬾᬯᬰᬦᬾᬦᬾᬫ᭄ᬮᬄ᭞ᬧᬭᬭᬵᬢᬹ᭞ᬪᬸᬚᬗ᭄ᬕᬲᬫᬶᬫᬫᬢᬸᬢ᭄᭞ᬲᬓ᭄ᬯᬾᬄᬧᬺᬩ᭄ᬓᭂᬮ᭄ᬧᬸᬗ᭄ᬕᬯᬵ᭞ᬫ᭄ᬯᬄᬤ᭄ᬫᬂᬤ᭄ᬫᬸᬂᬫᬓᬲᬫᬶ᭟᭜᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬯᬶᬮᬗᬂ᭞ᬭᬭᬶᬲ᭄ᬓᬵᬢᬹᬃᬭᬶᬂᬳᬶᬤᬵᬰ᭄ᬭᬶᬪᬹᬧᬢᬶ᭞ᬤᬾᬯᬰᬦᬾᬦᬾᬦᬾᬓᬢᬹᬃ᭞ᬰᬸᬓ᭄ᬭᬫᬦᬶᬲ᭄‌ᬧ᭄ᬭᬗ᭄ᬩᬓᬢ᭄᭞
ᬢᬗ᭄ᬕᬮ᭄ᬧᬶᬂᬧᬢ᭄᭞ᬲ᭄ᬤᭂᬓᬦ᭄‌ᬰᬰᬶᬄᬓᬧᬶᬢᬸ᭞ᬧᬸᬦᬶᬓᬯᬸᬲ᭄ᬓᬃᬲᬾᬦ᭄ᬫᭂᬮᬄ᭞ᬳᬸᬘᬧᬂᬫᬮᬶᬄᬳᬲᬲᬶᬄ᭟᭜᭟ᬭᬭᬶᬲ᭄ᬫᬭᬫᬤᬩ᭄ᬤᬩᬦ᭄᭞ᬧᬸᬗ᭄ᬕᬯᬦᬾᬯᬸᬲ᭄ᬢᭂᬮᬲ᭄ᬓᬤᬯᬸᬳᬶᬦ᭄᭞ᬲᬂᬦᬵᬣᬓᬧᬸᬭᬶᬲᬵᬫ᭄ᬧᬸᬦ᭄᭞ᬓᬮᬶᬦ᭄ᬧᬺᬧᬸᬢᬺ᭞ᬧ᭄ᬭᬫᬶᬰ᭄ᬯᬭᬶ᭞ᬧᬤᬵᬓᬤᬯᬸᬳᬦ᭄ᬲᬵᬫ᭄ᬧᬸᬦ᭄᭞ᬢᬗ᭄ᬓᬶᬮᬦᬾᬩᬸᬤ
ᬮ᭄ᬲᬫ᭄ᬬᬦ᭄᭞ᬢᬦ᭄ᬓᬯᬃᬡ᭄ᬦᬵᬦᬾᬳᬶᬭᬶᬓᬶ᭟᭜᭟ᬮᬶᬬᬦ᭄ᬫᬮᬶᬄᬓᬘᬭᬶᬢ᭄ᬣ᭞ᬓᭀᬘᬧ᭄ᬫᬮᬶᬄᬳᬶᬫᬮᬶᬂᬫᬕᬸᬡ᭄ᬦᬵᬭᬶᬂᬫᬃᬕ᭄ᬕᬶ᭞ᬩᬶᬮᬂᬚ᭠ᬮᬦ᭄ᬫᬗᭂᬭᬸᬫᬸᬦ᭄᭞ᬲ᭄ᬤᬶᬄᬫᬲᬲᬫ᭄ᬩᬢᬦ᭄᭞ᬩᬸᬓᬓᬾᬦᬾ᭞ᬓᬸᬤᬸᬓᬸᬤᬸᬚᬦᬸᬳᬶᬤᬸᬧ᭄᭞ᬓᬸᬧᬶᬂᬘᬸᬗᬸᬄᬚᬦᬶᬳᬶᬮᬂ᭞ᬲᬸᬓᬬᬦ᭄ᬗᭂᬫᬲᬶᬦ᭄ᬫᬢᬶ᭟᭜᭟᭠ [ 97 ][᭙᭖ 96B]
᭙᭖
ᬳᬶᬫᬮᬶᬂᬰᬓ᭄ᬢᬶᬬᬗᬸᬘᬧ᭄᭞ᬦᬄᬚᬦᬶᬓᬾᬦ᭄ᬓᬾᬦ᭄ᬧᬗ᭄ᬭᬱᬦᬾᬩᬸᬯᬶᬦ᭄᭞ᬫᬮᬶᬂᬫᬕᬸᬡ᭄ᬦᬵᬫᬲᬯᬸᬢ᭄᭞ᬢᭀᬂᬩᬶᬱᬵᬩ᭄ᬮᬶᬫᬤᬬ᭞ᬫ᭄ᬮᬄᬘᬳᬶ᭞ᬚᬦᬶᬫᭂᬲ᭄ᬯᬂᬤᬬᬫᬮᬸ᭞ᬩ᭄ᬮᬶᬯᬦ᭄ᬢᬄᬫᬦᬸᬯᬸᬢᬂ᭞ᬳᬶᬫᬮᬶᬂᬰᬓ᭄ᬢᬶᬜᬯᬸᬭᬶᬦ᭄᭟᭜᭟ᬳᬶᬤᬸᬧᬾᬓᬳᬾᬭᬂᬳᬾᬭᬂ᭞ᬢ᭄ᬯᬭᬵᬲᬸᬳᬸᬤ᭄ᬤᬤᬶᬕᬕᭀᬬᭀᬦ᭄
ᬲᬳᬶ᭞ᬫᬮᬶᬂᬫᬕᬸᬡ᭄ᬦᬵᬫᬲᬯᬸᬢ᭄᭞ᬓᬤᬸᬂᬧ᭄ᬮᬶᬄᬜᬾᬦ᭄ᬲᭂᬮ᭄ᬲᭂᬮᬂ᭞ᬳᬯᬓ᭄ᬳᬶᬤᬸᬧ᭄᭞ᬢ᭄ᬯᬭᬵᬳᭂᬜᬓ᭄ᬦᭀᬗᭀᬲ᭄ᬤᬶᬢᬸ᭞ᬲᬗ᭄ᬓᬦ᭄‌ᬓᬾᬦᬾᬓᬲᬗ᭄ᬲᬭ᭞ᬫᬸᬮᬢ᭄ᬯᬄᬢᬶᬢᬄᬳ᭄ᬬᬂᬯᬶᬥ᭄ᬤᬶ᭟᭜᭟ᬩᬓᬮ᭄ᬳᬧᬚᬧᭂᬢᬬᬂ᭞ᬮᬫᬸᬦ᭄ᬓᬾᬢᭀᬚᬮᬜ᭄ᬚᬦᬶᬮᬶᬧᭂᬢᬶᬦ᭄᭞ᬳᬶᬫᬮᬶᬂᬰᬓ᭄ᬢᬶᬫᬲᬯᬸᬢ᭄᭞ᬫ᭄ᬮᬄ
ᬫᬮᬸᬫᭀᬃᬢ᭄ᬣᬵ᭞ᬚᬦᬶᬧᬋᬓ᭄᭞ᬫᬮᬸᬭᬶᬂᬳᬶᬤᬵᬲᬂᬧ᭄ᬭᬪᬹ᭞ᬓᬾᬯᬮᬧᬂᬳᬶᬤᬵᬯᬶᬓᬦ᭄᭞ᬳᬯᬓᬾᬓᬲᭀᬭᬜ᭄ᬚᬸᬭᬶᬢ᭄᭟᭜᭟ᬬᬾᬦ᭄ᬢᬸᬯᬄᬩᬜᬫᬗᬢᬹᬭᬂ᭞ᬲᬢᬶᬗ᭄ᬓᬳᬾᬦᬾᬓᬲᭀᬭᬜ᭄ᬚᬸᬭᬶᬢ᭄᭞ᬓᬾᬦ᭄ᬓᬾᬦ᭄ᬓᬾᬓᬬᬸᬦ᭄ᬲᬂᬧ᭄ᬭᬪᬹ᭞ᬗ᭄ᬮᬄᬓᬾᬳᬶᬤᬵᬯᬶᬭᬂ᭞ᬳᬧᬂ᭠
ᬳᬤᬵ᭞ᬳᬗ᭄ᬕᭀᬦ᭄ᬢᬸᬢᬸᬭᬦ᭄ᬢᭀᬤᬶᬢᬸ᭞ᬮᬶᬸᬭᬶᬂᬮᬶᬗ᭄ᬕᬶᬄᬳᬶᬤᬵᬲᬂᬦᬵᬣ᭞ᬢᬢᬲᬂᬳᬢᬹᬭᬂᬲᬫᬶ᭟᭜᭟ᬳᬶᬫᬮᬶᬂᬫᬕᬸᬡ᭄ᬦᬵᬗᬸᬘᬧ᭄᭞ᬦᬄᬢᭀᬩ᭄ᬦᭂᬄᬚᬮᬦ᭄ᬳᬾᬗ᭄ᬕᬮᬂᬫᬫᬃᬕ᭄ᬕᬶ᭞ᬧᬚᬮᬦᬾᬲᬤᬵᬳᬶᬚᬸ᭞ᬢᬦ᭄ᬓᭀᬘᬧᬤᬶᬚᬮᬦ᭄᭞ᬓᬯᬃᬡ᭄ᬦᬳ᭞

[᭙᭗ 97A]
᭙᭗
ᬲᬂᬧ᭄ᬭᬪᬹᬓᬢᬗ᭄ᬓᬶᬮ᭄ᬲᬫ᭄ᬧᬸᬦ᭄᭞ᬧᭂᬧᭂᬓ᭄ᬫᬦ᭄ᬢ᭄ᬭᬶᬧᬸᬗ᭄ᬕᬯ᭞ᬯᬸᬕᬶᬸᬲ᭄ᬦᬧᬓ᭄ᬫᬮᬶᬗ᭄ᬕᬶᬄᬦᬗ᭄ᬓᬶᬮ᭄᭟᭜᭟ᬲᬂᬧ᭄ᬭᬪᬹᬋᬱᬶᬪᭀᬚᬦᬵ᭞ᬫᬗᬦ᭄ᬤᬶᬓᬵᬭᬶᬂᬤᬦᬾᬕᬸᬲ᭄ᬢᬶᬧᬢᬶᬄ᭞ᬦᬄᬦ᭄ᬢᭀᬯᬶᬮᬗᬶᬦ᭄ᬓᬸᬤᬫᬮᬸ᭞ᬳᬶᬫᬮᬶᬂᬫᬕᬸᬡ᭄ᬦᬵᬮᬸᬯᬲ᭄᭞ᬢᬸᬦ᭄ᬤᬾᬦ᭄ᬳᬶᬭᬵ᭞ᬦᬭᬸᬕ᭄ᬢᬸᬕ᭄‌ᬬᬫ᭄ᬩᬃᬓᬯᬶᬤᬶ᭠
ᬢᬸ᭞ᬫᬵᬢᬹᬃᬳᬶᬧᬢᬶᬄᬍᬗ᭄ᬓᬭᬵ᭞ᬲᬾᬯᬢᬄᬢᬶᬢ᭄ᬬᬂᬢ᭄ᬯᬄᬓ᭄ᬦᬶ᭟᭜᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓᬵ᭞ᬳᭂᬦ᭄ᬢᭀᬩᬓᬢ᭄ᬓᬵᬮᬶᬄᬳᬢᬯᬢᬸᬲᬶᬂ᭞ᬧᬶᬮᬶᬄᬢᬾᬫᬢ᭄ᬬᬗᬤᬶᬢᬸ᭞ᬫᬵᬢᬹᬃᬧᬢᬶᬄᬍᬗ᭄ᬓᬭᬵ᭞ᬩᭀᬬᬦᬸᬕᬶ᭞ᬳᬶᬧᬸᬦ᭄ᬜᬓ᭄ᬫᬢᬮᬶᬤᬶᬢᬸ᭞ᬳᬗᬶᬂᬬᬾᬦ᭄ᬫᬦᬄᬳᬂᬢᬶᬢ᭄ᬬᬂ᭞ᬯᬾ
ᬦ᭄ᬢᭂᬦᬦ᭄ᬓᬾᬳᬶᬧᬸᬦ᭄ᬫᬢᬶ᭟᭜᭟ᬫᬮᬶᬄᬳᬶᬧᬢᬶᬄᬍᬗ᭄ᬓᬭᬵ᭞ᬫᬵᬢᬹᬃᬩᬓ᭄ᬢᬶᬭᬶᬂᬳᬶᬤᬵᬰ᭄ᬭᬶᬪᬹᬧᬢᬶ᭞ᬬᬾᬦ᭄ᬫᬦᬄᬳᬂᬢᬶᬢ᭄ᬬᬂᬭᬵᬢᬹ᭞ᬯᬾᬦ᭄ᬢᭂᬦ᭄ᬚᬤ᭄ᬫᬵᬯᬶᬱᬾᬰ᭞ᬫᬶᬤᭂᬧ᭄ᬫᬶᬤᭂᬧ᭄᭞ᬫᬮᬶᬄᬫᬶᬤᭂᬧ᭄ᬳᬸᬭᬶᬧ᭄ᬭᬢᬹ᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬲᬚᬩᬸᬓᬫᬸᬜᬶᬜ᭄ᬘᬳᬶ᭟᭜᭟ᬤᬸᬭᬸᬂᬧᬸᬧᬸ
ᬢ᭄ᬫᬗ᭄ᬭᬯᭀᬲᬂ᭞ᬲᬕᬾᬢ᭄ᬓᬳᬶᬬᬳᬶᬫᬮᬶᬂᬲᬓ᭄ᬢᬶ᭞ᬤᬶᬚᬩᬵᬫᬢᬸᬮ᭄ᬯᬦ᭄ᬫᬸᬳᬸᬕ᭄᭞ᬦ᭄ᬤᬄᬩ᭄ᬢᬾᬦᬦ᭄ᬩᬜ᭄ᬘᬶᬗᬄ᭞ᬤᬾᬦᬶᬂᬧ᭄ᬓᭂᬦ᭄᭞ᬤᬕᬗᬾᬧᬤᬵᬧᬕ᭄ᬭᬸᬩᬸᬕ᭄᭞ᬫᬮᬳᬶᬩᬂᬧᬤᬕᬗᬦ᭄᭞ᬲᬂᬧ᭄ᬭᬪᬹᬓᬕᬶᬬᬢ᭄ᬫᬶᬬᬃᬲᬶ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬳᬧᬳ [ 98 ][᭙᭗ 97B]
᭙᭗
ᬤᬵᬓ᭄ᬫᬳᬾᬗ᭄ᬕᬮᬂᬚᬕ᭄ᬚᬕᬶᬦ᭄᭞ᬧᬋᬓᬦᬾᬜᬕ᭄ᬚᬕ᭄ᬧᭂᬲᬸ᭞ᬫᬢᬓᭀᬦᬵᬧᬳᬤᬵ᭞ᬭᬭᬶᬲ᭄ᬗᭂᬦᬄ᭞ᬳᬶᬫᬮᬶᬂᬫᬕᬸᬡ᭄ᬦᬭᬯᬸᬄ᭞ᬳᬗ᭄ᬓᭂᬃᬕᭀᬩᬦ᭄ᬜᬦᬾᬢᬯᬄ᭞ᬫᬸᬜᬶᬲᬭᬕ᭄ᬢᬦ᭄ᬧᬓᬸᬧᬶᬂ᭟᭜᭟ᬧᬢᬶᬄᬍᬗ᭄ᬓᬭᬵᬫᬵᬢᬸᬭ᭞ᬳᬶᬗ᭄ᬕᬶᬄᬭᬵᬢᬹᬧᬸᬦᬶᬓᬶᬳᬶᬫᬮᬶᬂᬰᬓ᭄ᬢᬶ᭞ᬮ᭄ᬫᬶᬸᬮᬦ᭄ᬫ
ᬮᬶᬂᬫᬕᬸᬡ᭄ᬦᬵᬭᬯᬸᬄ᭞ᬲᬂᬦᬵᬣᬭᬭᬶᬲ᭄ᬦᬩ᭄ᬤ᭞ᬳᭂᬗ᭄ᬓᬾᬦ᭄ᬳᬶᬬ᭞ᬤᬵᬳᭂᬦ᭄ᬤᬾᬫ᭄ᬩᬳᬂᬫᬳᬶᬫᬮᬸ᭞ᬤᬶᬦᬶᬚᬤ᭄ᬫᬵᬢᭀᬦ᭄ᬤᬾᬦ᭄ᬧ᭄ᬤᬲ᭄᭞ᬤᬵᬫ᭄ᬩᬳᬂᬬᬳᬶᬚᬸᬫᬳᬶ᭟᭜᭟ᬳᬶᬫᬮᬶᬂᬰᬓ᭄ᬢᬶᬫᬦ᭄ᬕᬓ᭄᭞ᬮᬦ᭄ᬳᬶᬫᬮᬶᬂᬫᬕᬸᬡ᭄ᬦᬵᬫᬵᬢᬹᬃᬪᬓ᭄ᬢᬶ᭞ᬗᬦ᭄ᬤᬶᬓᬳᬶᬤᬵᬲᬂᬧ᭄ᬭᬪᬹ᭞ᬦᬄᬤᬶᬢᬸᬲᬸᬩᬦ᭄ᬕᬓ᭄
᭞ᬭᬭᬶᬲ᭄ᬦᬧᬓ᭄᭞ᬳᬶᬧᬢᬶᬄᬓᬮᬶᬄᬫᬳᬢᬹᬃ᭞ᬫᬳᬢᬹᬃᬫᬸᬜᬶᬦᬾᬲᬭᬕ᭄᭞ᬫᬓᬓᬮᬶᬄᬫᬵᬢᬹᬃᬪᬓ᭄ᬢᬶ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬧᬢᬶᬄᬓ᭄ᬫᬋᬲᭂᬧᬂᬢᭀᬭᬲᬦᬶᬦ᭄᭞ᬧᬢᬶᬄᬍᬗ᭄ᬓᬭᬵᬫᬳᬢᬹᬃ᭞ᬭᬵᬢᬹᬫᬦᬳᬂᬢᬶᬢ᭄ᬬᬂ᭞ᬫᬸᬜᬶᬦ᭄ᬳᬶᬧᬸᬦ᭄᭞ᬦᬾᬩᬳᬸᬳᬶᬧᬸᬦ᭄ᬫᬳ
ᬢᬹᬃ᭞ᬩᬲ᭄ᬮᬘᬹᬃᬘᭀᬓᭀᬃᬳᬶᬤᬾᬯᬵ᭞ᬗᬯᬸᬮᬬᬂᬢᬶᬢ᭄ᬬᬂᬫᬗ᭄ᬓᬶᬦ᭄᭟᭜᭟ᬳᬶᬧᬢᬶᬄᬍᬗ᭄ᬓᬭᬵᬗᬸᬘᬧ᭄᭞ᬓᬾᬦ᭄ᬓᬾᬦ᭄‌ᬧᬚᬮᬦᬾᬳᬶᬫᬮᬶᬂᬰᬓ᭄ᬢᬶ᭞ᬳᬶᬫᬮᬶᬂᬰᬓ᭄ᬢᬶᬫᬲᬯᬹᬃ᭞ᬬᬓᬢ᭄ᬧᬸᬓ᭄ᬤᬶᬚᬮᬦ᭄᭞ᬤᬶᬧᬲᬶᬄᬳᬾ᭞ᬳᬶᬬᬫ᭄ᬩᬃᬓᬯᬶᬓᬢ᭄ᬧᬸᬓ᭄᭞ᬭᬭᬶᬲ᭄ᬳᬶ

[᭓᭘ 98A]
᭓᭘
ᬭᬶᬓᬵᬫᬬᬸᬤᬵ᭞ᬫᬗ᭄ᬮᬯᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬗᬶᬂᬲᬋᬂᬳᬶᬧᬸᬦ᭄ᬢᬢᬶᬕ᭞ᬭᬳᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬜᬋᬗᬶ᭠ᬦ᭄᭞ᬧᬸᬦᬶᬓᬦᬾᬦᬾᬳᬯᬸᬓᬸᬤ᭄᭞ᬚᬤ᭄ᬫᬵᬢᬭᬸᬦᬜᬮᬄ᭞ᬰ᭄ᬭᬶᬦᬭᬾᬡ᭄ᬥ᭄ᬭ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬳᭂᬦ᭄ᬢᭀᬳᬧᬢᬾᬓᬾᬢᭀᬜ
ᬳᬶᬧᬢᬶᬄᬗᬢᬹᬭᬂᬫᬮᬶᬄ᭟᭜᭟ᬳᬶᬬᬫ᭄ᬩᬃᬓᬯᬶᬧᬸᬦᬶᬓᬵ᭞ᬯᬾᬦ᭄ᬢᭂᬦ᭄ᬫᬸᬜᬶᬬᬭᬶᬂᬳᬶᬫᬮᬶᬂᬰᬓ᭄ᬢᬶ᭞ᬫᬦᬕᬶᬄᬫᬗᬚᬓ᭄ᬤᬶᬢᬸ᭞ᬗᬶᬂᬳᬶᬫᬮᬶᬂᬫᬕᬸᬡ᭄ᬦᬵ᭞ᬢ᭄ᬯᬭᬵᬲᬸᬓ᭞ᬢ᭄ᬯᬄᬯᬾᬦ᭄ᬢᭂᬦᬦ᭄ᬳᬶᬧᬸᬦ᭄ᬮᬫ᭄ᬧᬸᬲ᭄᭞ᬳᬶᬬᬫ᭄ᬩᬃᬓᬯᬶᬧᬸᬦᬶᬓᬵ᭞ᬭᬭᬶᬲ᭄ᬳᬶᬧᬸᬦ᭄ᬗᭂᬢᭂᬧ᭄ᬓᬸᬧᬶᬂ᭟ᬫ᭄ᬯᬄ
ᬘᬸᬗᬸᬄᬗᬶᬸᬳᬾᬫᬓᬤᬤ᭄ᬯ᭞ᬭᬭᬶᬲ᭄ᬳᬶᬧᬸᬦ᭄ᬫᬫᬸᬜᬶᬦᬸᬦ᭄ᬤᬾᬦ᭄ᬫᬸᬮᬶᬄ᭞ᬫᬮᬶᬄᬳᬧᬂᬳᬶᬳᬶᬧᬸᬦ᭄ᬫᬢᬹᬃ᭞ᬕ᭄ᬮᬶᬲ᭄ᬘᭀᬓᭀᬃᬳᬶᬤᬾᬯᬵ᭞ᬫᬗ᭄ᬤᬘᭀᬓᭀᬃ᭞ᬳᬶᬤᬾᬶᬸᬤᬯᬵᬮ᭄ᬮᬶᬸᬕ᭄ᬮᬶᬲ᭄ᬧᬘᬂᬭᬯᬸᬄ᭞ᬫᬕᭂᬩᬸᬓᬶᬸᬕ᭄ᬓᬓᬶᬦ᭄ᬢᬵᬯᬦᬵ᭞ᬳᬶᬧᬸᬦ᭄ᬧᬘᬂᬫᬦᬦ᭄ᬤᬶᬗᬶᬦ᭄᭟᭜᭟ᬳᬶᬗ᭄ᬕᬶᬄᬭᬢᬸᬳᬕᬸᬂᬗᬸᬭᬄ᭞
ᬫᬾᬭᬂᬧᬶᬲᬦ᭄ᬫᬦᬄᬢᬶᬢ᭄ᬬᬂᬫᬶᬭᬕᬶ᭞ᬦᬸᬦᬲ᭄ᬭᬢᬸᬫᬗ᭄ᬓᬶᬦ᭄ᬕᭂᬩᬸᬕ᭄᭞ᬲᬂᬧ᭄ᬭᬪᬹᬫᬗᬦ᭄ᬤᬶᬓ᭞ᬳ᭄ᬤᬓᬾᬢᭀ᭞ᬩᬸᬓᬫᬸᬜᬶ᭠ᬦ᭄ᬜᬦᬾᬩᬳᬸ᭞ᬭᬾᬄᬲᬸᬩᬳᬤᬢᭂᬫ᭄ᬧᬜ᭞ᬳᬶᬫᬮᬶᬂᬫᬕᬸᬡ᭄ᬦᬵᬗ᭄ᬫᬲᬶᬦ᭄᭟᭜᭟ᬗᬸᬤᬫᬳᬫ᭄ᬩᬸᬮ᭄ᬳᬫ᭄ᬩᬸᬮᬦ᭄᭞ᬲᬓᬤᬤ᭄ᬯᬲᬓᬢᬢ᭄ᬮᬸᬦ᭄ᬓᬳᬶ [ 99 ][᭙᭘ 98B]
᭙᭘
ᬳᬶᬦ᭄᭞ᬫᬰᬩᬸᬯᬸᬂᬩᬜᬮᬫ᭄ᬧᬸᬲ᭄᭞ᬩᬸᬓᬭᬯᭀᬲᬾᬧᬶᬤᬦ᭄᭞ᬤᬤᬶᬬᬜ᭞ᬳᬶᬧᬢᬶᬄᬍᬗ᭄ᬓᬭᬵᬫᬵᬢᬹᬃ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲᬂ᭞ᬤᬤᬶᬚᬦᬶᬢᬶᬯᬲ᭄ᬕᬢᬶ᭟᭜᭟ᬦᬄᬲᬸᬩᬬᬢᬸᬤᬸᬄᬢᬶᬢ᭄ᬬᬂ᭞ᬓᬧᬶᬘᬸᬦ᭄ᬤᬂᬩᬳᬦ᭄ᬳᬶᬬᬫ᭄ᬩᬃᬓᬯᬶ᭞ᬩᬦ᭄ᬢᬸᬫᭀᬦ᭄ᬢᬶᬢ᭄ᬬᬗᬾᬫᬸᬧᬸᬢ᭄᭞ᬩᬶ
ᬓᬲ᭄ᬜᬦᬾᬫᬲᬶᬬᬢ᭄᭞ᬬᬫᬦᭀᬗᭀᬲ᭄᭞ᬤᬤᬶᬢᬶᬢ᭄ᬬᬂᬧᬢᬶᬓᭂᬧᬸᬕ᭄᭞ᬳᬶᬬᬳᬧᬢᭀᬳᬗ᭄ᬕᭀᬜ᭞ᬢ᭄ᬯᬭᬵᬬᬤᬤᬶᬓ᭄ᬮᬶᬤᬶᬦ᭄᭟᭜᭟ᬲᬶᬂᬳᬩᭂᬢᬂᬫᬰᬶᬄᬓ᭄ᬦᬵ᭞ᬢᬸᬗ᭄ᬕᬮ᭄‌ᬳᬮᬶᬄᬢᬶᬢ᭄ᬬᬂᬢ᭄ᬯᬄᬲᬸᬳᬸᬂᬲᭂᬧᬶ᭞ᬓᬤᬾᬦᬂᬳᬤᬵᬫᬦᬸᬢᬸᬕ᭄᭞ᬢᬸᬗ᭄ᬕᬮᬶᬬᬢᬶᬦ᭄ᬕᬯᬂ᭞ᬩᬸᬯᬶᬦ᭄ᬓᭂᬦ
ᬢᭀᬮᬶᬄᬢᬶᬢ᭄ᬬᬂᬫᬰᬶᬄᬲᬸᬯᬸᬂ᭞ᬤᬤᬶᬳᭂᬗ᭄ᬲᬧ᭄ᬢᭂᬓᬾᬦ᭄ᬳᬯᬓ᭄᭞ᬳᬶᬗᭂᬢ᭄ᬲᬕᬾᬢᬦ᭄ᬫᬢᬮᬶ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬓ᭄ᬫᬫᬸᬮᬶᬄᬳᬶᬭᬲᬶᬂᬩᬶᬱᬵᬦᬫ᭄ᬧᬶ᭞ᬳᬚᬓ᭄ᬜᬫᬦ᭄ᬩᬦᬾᬫᬮᬸ᭞ᬳᭂᬦ᭄ᬢᭀᬳᬶᬫᬮᬶᬂᬫᬕᬸᬡ᭄ᬦᬵ᭞ᬚᬦᬶᬳᬶᬭ᭞ᬫᬭᬭᬱᬦ᭄ᬤᬶᬦᬶᬫᬮᬸ
᭞ᬳᬶᬩᬲᬸᬩᬓᬧᬶᬘᬸᬦ᭄ᬤᬂ᭞ᬫᬗ᭄ᬮᬯᬦ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬚᬦᬶᬳᬶᬫᬮᬶᬂᬫᬕᬸᬡ᭄ᬦᬵ᭞ᬩᬋᬂᬳᬚᬓ᭄ᬳᬶᬫᬮᬶᬂᬰᬓ᭄ᬢᬶᬲ᭄ᬤᬶᬄ᭞ᬫᬾᬭᬂᬫ᭄ᬯᬄᬫᬦᬳᬾᬲᬸᬗ᭄ᬲᬸᬢ᭄᭞ᬓᬗᭂᬦ᭄ᬢᭂᬓᬾᬦᬶᬂᬳᬯᬓ᭄᭞ᬢᬦ᭄ᬓᬯᬃᬡ᭄ᬦᬵ᭞ᬦᬾᬓᬮᬄᬩᬳᬦ᭄ᬕᬕᭂᬦ᭄ᬤᬸᬅ᭄᭞ᬓᭀ

[᭙᭙ 99A]
᭙᭙
ᬘᬧ᭄ᬳᬶᬧᬢᬶᬄᬍᬗ᭄ᬓᬭᬵ᭞ᬫᬳᬢᬹᬃᬭᬶᬂᬰ᭄ᬭᬶᬪᬹᬧᬢᬶ᭟᭜᭟ᬲᬋᬂᬳᬶᬧᬸᬦ᭄‌ᬢ᭄ᬯᬄᬢᬢᬶᬕ᭞ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬫᬜᬋ᭠ᬗᬶᬦ᭄᭞ᬧᬸᬦᬶᬓᬦᬾᬦᬾᬳᬯᬸᬓᬸᬤ᭄᭞ᬚᬤ᭄ᬫᬢᬭᬸᬦᬜᬮᬄ᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬤᬬ᭞ᬳᬶ
ᬧᬢᬶᬄᬫᬳᬢᬹᬃᬫᬮᬶ᭟᭜᭟ᬳᬶᬗ᭄ᬕᬶᬄᬬᬦ᭄ᬭᬶᬂᬫᬦᬄᬢᬶᬢ᭄ᬬᬂ᭞ᬢᬍᬃᬓᬤᬶᬧᬗ᭄ᬭᬯᭀᬲᬾᬦᬾᬭᬶᬳᬶᬦ᭄᭞ᬢᬸᬯᭀᬦ᭄‌ᬲ᭄ᬮᬢ᭄ᬲᬕᬭᬭᬵᬢᬹ᭞ᬓᬯᬸᬮᬦᬾᬫᬓ᭄ᬚᬂ᭞ᬢᬶᬢ᭄ᬬᬂᬯᬦ᭄ᬢᬄ᭞ᬮᬶᬦ᭄ᬢᬂᬫᬦ᭄ᬤᬗᬦᬂᬭᬵᬢᬹ᭞ᬳᬶᬭᬢᬹᬮᬶᬦ᭄ᬢᬂᬗᬾᬯᭂᬳᬂ᭞ᬧᬘᬂᬫᬭᬶᬓᬗ᭄ᬮᭂᬩᭀᬦᬶᬦ᭄᭟᭜᭟ᬳᬶᬗ᭄ᬕᬶᬄ
ᬦ᭄ᬤᬶᬓᬬᬂᬭᬶᬂᬢᬶᬢ᭄ᬬᬂ᭞ᬬᬾᬦ᭄‌ᬢ᭄ᬯᬄᬘᭀᬓᭀᬃᬳᬶᬤᬾᬯᬵᬳᬶᬘᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭᬭᬵᬢᬹ᭞ᬫᬾᬭᬂᬢᬶᬢ᭄ᬬᬂᬫᬫᬦᬄ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬧᬫᬶᬢ᭄ᬧᬘᬂᬦ᭄ᬭᬸᬕ᭄ᬢᬸᬕ᭄᭞ᬳᬶᬬᬫ᭄ᬩᬃᬓᬯᬶᬧᬸᬦᬶᬓ᭞ᬗᬶᬂᬲᬋᬂᬢᬶᬢ᭄ᬬᬂᬓᬓᬮᬶᬄ᭟᭜᭟ᬧᬸᬦᬶᬓᬳᬶᬓᬮᬬᬓ᭄ᬱ
᭞ᬫᬓᬫᬶᬯᬄᬳᬶᬧᬢᬶᬄᬓᬮᬬᬓ᭄ᬱᬶ᭞ᬲᬸᬫᬯᬹᬃᬳᬶᬤᬵᬲᬂᬧ᭄ᬭᬪᬹ᭞ᬦᭀᬗᬾᬲ᭄ᬫᬮᬸᬤᬵᬕᬾᬯᬃ᭞ᬢᭀᬭᬱᬦᬶᬦ᭄᭞ᬳᬶᬯᬲᬶᬦ᭄ᬳᬶᬫᬮᬶᬂᬫᬮᬸ᭞ᬲᬸᬩᬵᬓᭀᬳᬚᬓᬤᬤ᭄ᬯ᭞ᬢᬦ᭄ᬧᬘᬸᬗᬸᬄᬢᬦ᭄ᬧᬓᬸᬧᬶᬂ᭟᭜᭟ᬳᭂᬦ᭄ᬢᭀᬦᬾᬦᬾᬲᬸᬩᬲᬸᬩ᭞ᬭᬱᬢ᭄ᬯᬭᬵᬳᬤᬵᬳᬦᬓ᭄ᬦᬦ᭄ᬤᬶᬗᬶ [ 100 ][᭙᭙ 99B]
᭙᭙
ᬦ᭄᭞ᬓᬤᬶᬲᬶᬬᬧ᭄ᬲᬸᬩᬩᬸᬭᬸᬄ᭞ᬮᬶᬬᬸᬗ᭄ᬮᬄᬧᬶᬘᬸᬦ᭄ᬤᬂ᭞ᬚᬦᬶᬤᬤᬶ᭞ᬳᬶᬬᬓᬸᬘᬶᬯᬫᬦᬸᬮᬸᬲ᭄᭞ᬩᬸᬓᬓᬾᬢᭀᬧᬦᬤ᭄ᬬᬜ᭞ᬲᬸᬓᬬ᭄ᬗᭂᬦᭀᬢ᭄ᬬᬫᬢᬶ᭟᭜᭟ᬳᬶᬗ᭄ᬕᬶᬄᬭᬵᬢᬹᬯᬦ᭄ᬢᬄᬢᬶᬢ᭄ᬬᬂ᭞ᬧᬘᬂᬓᬯᭀᬦ᭄‌ᬗ᭄ᬮᬯᬦ᭄ᬳᬶᬬᬫ᭄ᬩᬃᬓᬯᬶ᭞ᬲᬸᬓᬬᬦ᭄ᬢᬶᬢ᭄ᬬᬂᬫᬢᬩᬸᬕ᭄᭞ᬢ᭄ᬯᬭᬵᬫᬦᬗᬄ
ᬕᬮᬂ᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬢᬸᬫᬸᬮᬶᬗᬦ᭄ᬤᬶᬓᬳᬰ᭄ᬭᬸ᭞ᬚᬦᬶᬘᬳᬶᬳᬚᬓ᭄ᬱᬫ᭄ᬬᬦ᭄᭞ᬤᬩ᭄ᬤᬩᬂᬚᬳᬸᬮᬶᬄᬚᬦᬶ᭟᭜᭟ᬢ᭄ᬯᬭᬵᬩᬸᬳᬸᬂ᭠ᬧᬘᬂᬓ᭄ᬫ᭞ᬫᬗᭂᬦ᭄ᬤᭀᬦᬶᬦ᭄ᬚᬦᬶᬳᬶᬬᬫ᭄ᬩᬃᬓᬯᬶ᭞ᬚᬦᬶᬯᬶᬮᬗᬂᬧ᭄ᬭᬳᬸ᭞ᬧᬘᬂᬢ᭄ᬕᬓᬶᬦ᭄‌ᬓ᭄ᬫ᭞ᬓᬨᬮ᭄ᬧ᭄ᬭᬂ᭞ᬫ᭄ᬯᬂᬓᬨᬮ᭄ᬳᬲᭂᬧ᭄ᬚᬦᬶᬭᬸᬭᬸᬄ᭞ᬩ᭄ᬯᬢᬂᬧᬶᬲᬦ᭄ᬗᬮᬶᬄ
ᬓᬨᬮ᭄᭞ᬬᬤᬶᬦ᭄ᬜᬾᬯᬵᬩᬳᬦ᭄ᬕᬸᬫᬶ᭟᭜᭟ᬬᬾᬦ᭄ᬜᬲᬶᬤᬲᬤ᭄ᬬᬓᬮᬶᬄ᭞ᬳᭂᬦ᭄ᬢᭀᬳᬶᬬᬕᬸᬫᬶᬦᬾᬲ᭄ᬭᬳᬂᬓᬳᬶ᭞ᬭᬶᬂᬦᬾᬗ᭄ᬮᬄᬧ᭄ᬭᬳᬸᬦᬾᬤᬶᬢᬸ᭞ᬳᬶᬬᬦ᭄ᬢᭀᬳᬗ᭄ᬕᭀᬜᬾᬯᬵ᭞ᬲᬶᬭᬵᬧᬢᬶᬄ᭞ᬫ᭄ᬯᬄᬲᬓ᭄ᬯᬾᬄᬳᬶᬂᬧ᭄ᬭᬭᬵᬢᬹ᭞ᬲᬫᬶᬧᬤᬵᬲᬯᬹᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬵᬢᬹᬢᬶᬢ᭄ᬬᬂᬗᬶᬭᬶᬂ᭟᭜
᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓᬵ᭞ᬓ᭄ᬫᬚᬦᬶᬚᬮᬦᬂᬓᬩᬢᬯᬶ᭞ᬤᬶᬢᬸᬮᬓᬸᬗᬮᬶᬄᬧ᭄ᬭᬳᬸ᭞ᬳᭂᬦ᭄ᬢᭀᬳᬶᬧᬢᬶᬄᬍᬗ᭄ᬓᬭᬵ᭞ᬤᬾᬦᬶᬂᬳᬶᬬᬩᬶᬱᬫᬗ᭄ᬭᬯᭀᬲ᭄ᬬᬤᬶᬢᬸ᭞ᬬᬩᬶᬱᬫᬩᬱᬘᬶᬦᬵ᭞ᬳᬧᬂᬳᬶᬬᬓᬩᬢᬯᬶ᭞ᬧᬢᬶᬄᬍᬗ᭄ᬓᬭᬵᬫᬢᬹᬭᬵ᭞ᬳᬶᬗ᭄ᬕᬶᬄᬭᬵᬢᬹᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂ

[᭑᭐᭐ 100A]
᭑᭐᭐
ᬧᬫᬶᬢ᭄᭞ᬗᬦ᭄ᬤᬶᬓᬳᬶᬤᬵᬲᬂᬧ᭄ᬭᬪᬹ᭞ᬦᬄᬓ᭄ᬫᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬲᬫᬓ᭄ᬮᭀᬜ᭞ᬤᬶᬢᬸᬳᬦᬂᬫᬓᬢ᭄ᬮᬸᬦ᭄᭞ᬧᬢᬶᬄᬍᬗ᭄ᬓᬭᬵᬜᬸᬫ᭄ᬩᬄ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭟᭜᭟ᬢᬦ᭄ᬓᭀᬘᬧ᭄ᬧᬢᬶᬄᬍᬗ᭄ᬓᬭ᭞ᬦᬾᬫᬫᬃᬕ᭄ᬕᬶᬓᬳᬸᬢᬸᬲ᭄ᬓᬩᬢᬯᬶ᭞ᬬᬧᬘᬂᬫᬗᬮᬶᬄᬧ᭄ᬭᬳᬸ᭞᭠
ᬳᬶᬫᬮᬶᬂᬰᬓ᭄ᬢᬶᬓᭀᬘᬧ᭄᭞ᬬᬫᬚᬮᬦ᭄᭞ᬫᬸᬮᬶᬄᬓᬚᬸᬫᬄᬫᬗ᭄ᬮᬯᬸᬢ᭄᭞ᬲᬋᬂᬳᬶᬫᬮᬶᬂᬫᬕᬸᬡ᭄ᬦᬵ᭞ᬦᬾᬳ᭄ᬮᬸᬄᬚᬸᬫᬄᬦᭂᬫᭀᬦᬶᬦ᭄᭟᭜᭟ᬩᬳᬸᬫᬭᬵᬢ᭄ᬓᭂᬤ᭄ᬚᬸᬫᬄ᭞ᬦᬾᬦᬾᬳ᭄ᬮᬸᬄᬢᭂᬗ᭄ᬓᭂᬚᬸᬢ᭄ᬬᬫᬮᬳᬶᬩ᭄᭞ᬢ᭄ᬯᬭᬵᬫᬸᬮᬶᬄᬫᬓᬢ᭄ᬮᬸᬦ᭄᭞ᬳᬶᬫᬮᬶᬂᬰᬓ᭄ᬢᬶᬓᭀᬘᬧ᭄᭞ᬫᬲᬲᬫ᭄ᬩᬢ
ᬦ᭄᭞ᬦᬾᬚᬦᬶᬩᬕ᭄ᬬᬦᬾᬫᬸᬧᬸᬢ᭄᭞ᬓᬸᬧᬶᬂᬧ᭄ᬭᬸᬢ᭄ᬘᬸᬗᬸᬄᬘᭀᬫ᭄ᬧᬂ᭞ᬓᬸᬢᬶᬂᬲᭀᬫᬄᬚᬦᬶᬗᬮᬳᬶᬦ᭄᭟᭜᭟ᬫᬮᬶᬂᬫᬕᬸᬡ᭄ᬦᬵᬦᭂ᭠ᬲᭂᬓᬂ᭞ᬫᬜᬯᬹᬭᬶᬦ᭄ᬳᬗᬶᬂᬫᬓᬶᬲᬶᬓᬶᬲᬶ᭞ᬦᬄᬚᬮᬦ᭄ᬧᬤᬵᬫᬗ᭄ᬮᬮᬸ᭞ᬮᭀᬮᭀᬲ᭄ᬓᬓᬶᬦ᭄ᬢᬵᬯᬦᬵ᭞ᬫᬗᬯᬸᬮ᭞ᬭᬶᬂᬳᬶᬬᬫ᭄ᬩᬃᬓᬯᬶᬤᬶᬢᬸ᭞ᬳᬶᬫ᭠
ᬮᬶᬂᬰᬓ᭄ᬢᬶᬫᬗᬸᬘᬧ᭄᭞ᬦᬄᬚᬮᬦ᭄ᬧᬤᬵᬫᬫᬃᬕ᭄ᬕᬶ᭟᭜᭟ᬓᬘᬭᬶᬢ᭄ᬣᬤᬶᬚᬮᬦ᭄᭞ᬓᬯᬃᬡ᭄ᬦᬵᬦᬾᬚᬦᬶᬳᬶᬬᬫ᭄ᬩᬃᬓᬯᬶ᭞ᬦᭂᬫᭀᬦᬶᬦ᭄ᬗᬤᬬᬂᬕᬫ᭄ᬩᬸᬄ᭞ᬭᬾᬄᬧᬘᬂᬧᬩᬸᬜ᭄ᬘᬶᬗᬦ᭄᭞ᬭᬶᬂᬩᬜ᭄ᬘᬶᬗᬄ᭞ᬳᬶᬤᬲᬂᬧ᭄ᬭᬪᬹᬫᬮᬸᬗ᭄ᬕᬸᬄ᭞ᬫᬶᬯᬄᬳᬶᬤᬵᬧ᭄ᬭᬫᬶᬰ᭄ᬯᬭ᭄ᬬ᭞ᬧᬸᬗ᭄ᬕᬯᬧᭂᬧᭂᬓ᭄ᬫ᭠ [ 101 ][᭑᭐᭐ 100B]
᭑᭐᭐
ᬦᬗ᭄ᬓᬶᬮ᭄᭟᭜᭟ᬭᬾᬶᬸ᭞ᬦᬾᬭᬶᬂᬩᭂᬢᬾᬦᬦ᭄ᬩᬜ᭄ᬘᬶᬗᬄ᭞ᬲᭀᬮᬄᬚᭀᬚᭀᬂᬓᬮᬯᬦ᭄ᬲᭀᬮᬄᬗ᭄ᬤᬶᬮ᭄᭞ᬳᬦᬓᬾᬫᬩᬮᬶᬄᬮᬶᬬᬸ᭞ᬮᬸᬄᬫ᭄ᬯᬦᬶᬢᬸᬯᬩᬚᬂ᭞ᬚᬦᬶᬕᭀᬂ᭞ᬲ᭄ᬫᬃᬧᬕᬸᬮᬶᬗᬦ᭄ᬦᬩᬸᬄ᭞ᬓᭀᬘᬧ᭄ᬦᬾᬦᬾᬤᬶᬩᬜ᭄ᬘᬶᬗᬄ᭞ᬯᬬᬗᬾᬫᬗᬾᬤᬦᬶᬦ᭄᭟ᬳᬶᬫᬮᬶᬂᬫᬕᬸᬡ᭄ᬦᬵ
ᬢ᭄ᬓ᭞ᬫᬲᬋᬗᬦ᭄ᬢᭂᬓᬾᬦ᭄ᬳᬶᬫᬮᬶᬂᬰᬓ᭄ᬢᬶ᭞ᬩᬮᬶᬄᬩᬮᬶᬳᬦᬾᬩᬸᬳᬸᬤ᭄᭞ᬦᬾᬩᭂᬢᬾᬦᬦ᭄ᬩᬜ᭄ᬘᬶᬗᬄ᭞ᬧᬧᬢᬶᬳᬾ᭞ᬤᬶᬩᬜ᭄ᬘᬶᬗᬄᬧᬤᬵᬩᬗᬸᬦ᭄᭞ᬢᬗ᭄ᬮᬸᬓᬾᬮᬦ᭄ᬢᬲ᭄ᬳᬸᬩᭂᬢᬂ᭞ᬲᬂᬧ᭄ᬭᬪᬹᬓᬕ᭄ᬬᬢᬦ᭄ᬲᬶᬧᬶ᭟᭜᭟ᬢᬸᬫᬸᬮᬶᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬧᬳᬤᬵᬲᬗ᭄ᬓᬦ᭄ᬧᬤᬵᬫᬮ
ᬳᬶᬩ᭄᭞ᬧᬧᬢᬶᬄᬧᬸᬗ᭄ᬕᬯᬲᬵᬫ᭄ᬧᬸᬦ᭄᭞ᬤᬶᬢᬗ᭄ᬮᬸᬓᬾᬫᬜᬗ᭄ᬕ᭄ᬭ᭞ᬭᬤᬾᬦ᭄ᬳᬫ᭄ᬩᬃᬓᬯᬶᬭᬭᬶᬲ᭄ᬗᬸᬘᬧ᭄ᬳᬰ᭄ᬭᬸ᭞ᬳᬶᬄᬮᬘᬹᬃᬓ᭄ᬫᬳᬾᬗ᭄ᬕᬮᬂ᭞ᬧᭂᬲᬸᬯᬜ᭄ᬚᬦᬶᬚᬕ᭄ᬚᬕᬶᬦ᭄᭟᭜᭟ᬳᬶᬮᬘᬹᬃᬭᬭᬶᬲ᭄ᬫᬜᬕ᭄ᬚᬕ᭄᭞ᬳᬸᬮᬶᬤᬶᬢᬗ᭄ᬮᬸᬓᬾᬬᬫᬦᭂᬮᭀᬓᬶᬦ᭄᭞ᬲᬫ᭄ᬩᬶᬮᬫᬢᬓᭀᬦ᭄ᬤᬶ
ᬢᬶᬸᬢᬸ᭞ᬳᬾᬳᭂᬦ᭄ᬢᭀᬳᬤᬵᬳᬧᬵ᭞ᬤᬤᬶᬕᬾᬯᬃ᭞ᬢ᭄ᬯᬭᬵᬓᬭ᭄ᬯᬦ᭄ᬳᬤᬵᬫᬸᬲᬸᬄ᭞ᬳᬤᬵᬫᬜᬯᬸᬢᬶᬦ᭄ᬳᬾᬗ᭄ᬕᬮ᭄᭞ᬧᬸᬦᬶᬓᬶᬚᬤ᭄ᬫᬵᬓᬓᬮᬶᬄ᭟᭜᭟ᬚᬤ᭄ᬫᬵᬕ᭄ᬤᬾᬕ᭄ᬤᬾᬕᬗ᭄ᬕᬲ᭄᭞ᬢ᭄ᬯᬭᬵᬗᭂᬮᬄᬘᬸᬗᬸᬄᬮᬦ᭄ᬓᬸᬧᬶᬂ᭞ᬳᬶᬮᬘᬹᬃᬫᬫᬸᬜᬶᬳᬮᬸᬲ᭄᭞ᬢᭀᬚᬦᬶᬳᭂᬗ᭄ᬓᬾᬦ᭄ᬳᬶᬬ᭞

[᭑᭐᭑ 101A]
᭑᭐᭑
ᬲᬕᬾᬢ᭄ᬗᭂᬦᬄ᭞ᬬᬫᬗᭀᬚᭀᬕ᭄ᬳᬮᬸᬦ᭄ᬳᬮᬸᬦ᭄᭞ᬧᬧᬢᬶᬄᬧᬸᬗ᭄ᬕᬯᬲᬫ᭄ᬬᬦ᭄᭞ᬮᬦ᭄ᬢᬲ᭄ᬧᬤᬵᬫᬦᬓᭀᬦᬶᬦᬶᬸᬦ᭄᭟᭜᭟ᬳ᭄ᬦᬾᬘᬳᬶᬳᬸᬮᬶᬤᬶᬚ᭞ᬤᬵᬫᬘ᭄ᬮᬸᬧ᭄‌ᬜᬦ᭄ᬓᬢ᭄ᬩᭂᬓ᭄‌ᬦ᭄ᬤᬾᬜ᭄ᬘᬳᬶ᭞ᬳᬶᬫᬮᬶᬂᬫᬕᬸᬡ᭄ᬦᬵᬫᬵᬢᬹᬃ᭞ᬢᬶᬢ᭄ᬬᬂᬧᬋᬓᬦ᭄ᬭᬳᬤ᭄ᬬᬦ᭄᭞ᬳᬫ᭄ᬩᬃᬓᬯᬶ᭞ᬢᬶᬢ᭄ᬬᬂᬫ᭠
ᬗᬯᬸᬮᬭᬵᬢᬹ᭞ᬳᬶᬮᬘᬹᬃᬬᬫᬶᬤᬃᬢ᭄ᬣᬬᬂ᭞ᬧᬸᬦᬶᬓᬶᬳᬶᬫᬮᬶᬂᬰᬓ᭄ᬢᬶ᭟᭜᭟ᬦᬾᬲᬓᬶᬂᬤᬾᬰᬩ᭄ᬭᬂᬧᬦᬲ᭄᭞ᬦᬾᬦᬾᬧ᭄ᬘᬓ᭄ᬫᬫᬮᬶᬂᬭᬤᬾᬦ᭄ᬤᬾᬯᬶ᭞ᬳᬶᬮᬘᬹᬃᬕ᭄ᬮᬶᬲ᭄‌ᬫᬳᬢᬹᬃ᭞ᬭᬶᬂᬭᬤᬾᬦ᭄ᬳᬫ᭄ᬩᬃᬓᬯ᭄ᬬ᭞ᬳᬶᬗ᭄ᬕᬶᬄᬭᬵᬢᬹ᭞ᬳᬶᬫᬮᬶᬂᬰᬓ᭄ᬢᬶᬓᭀᬭᬯᬸᬄ᭞ᬲᬋᬂᬳᬶᬫᬮᬶᬂᬫᬕᬸᬡ᭄ᬦᬵ᭞ᬲᬸ
ᬫᬯᬹᬃᬳᬶᬳᬫ᭄ᬩᬃᬓᬯᬶ᭟᭜᭟ᬤᭀᬂᬢᬸᬦ᭄ᬤᬾᬦ᭄ᬫᬳᬶᬳᬾᬂᬕᬮᬂ᭞ᬬᬳᬶᬮᬘᬹᬃᬮᬦ᭄ᬢᬲ᭄ᬕᭂᬮᬶᬲ᭄ᬫᬗᬯᬸᬓᬶᬦ᭄᭞ᬫᬭᬶᬓᬶᬚ᭄ᬭᬾᬦᬾᬫᬗ᭄ᬮᬯᬸᬢ᭄᭞ᬕ᭄ᬮᬶᬲ᭄ᬳᬶᬫᬮᬶᬂᬫᬕᬸᬡ᭄ᬦᬵ᭞ᬭᬭᬶᬲ᭄ᬧᬋᬓ᭄᭞ᬭᬶᬂᬳᬶᬤᬵᬭᬳᬤᬾᬦ᭄ᬲᬫ᭄ᬧᬸᬦ᭄᭞ᬢᬸᬫᬸᬮᬶᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄ᭞ᬓᬮᬶᬄᬮᬦ᭄ᬳᬶᬫ
ᬮᬶᬂᬰᬓ᭄ᬢᬶ᭟᭜᭟ᬭᬤᬾᬦ᭄ᬳᬫ᭄ᬩᬃᬓᬯᬶᬗᬸᬘᬧ᭄᭞ᬳᭂᬦ᭄ᬢᭀᬓᬾᬦ᭄ᬓᬾᬦ᭄‌ᬓ᭄ᬦᭂᬄᬳᬶᬩᬦᬾᬚᬦᬶ᭞ᬳᬶᬫᬮᬶᬂᬰᬓ᭄ᬢᬶᬫᬲᬯᬹᬃ᭞ᬲᬃᬯ᭄ᬯᬶᬧᬤᬵᬫᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬤᬾᬯᬵ᭞ᬢᬶᬢ᭄ᬬᬂᬦᬸᬦᬲ᭄ᬧᬸᬧᬸᬢ᭄ᬭᬢᬹ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬯᬸᬮ᭞ᬦᬾᬫᬗ᭄ᬓᬶᬦ᭄ᬫᬦᬸᬦᬲ᭄ᬳᬸ [ 102 ][᭑᭐᭑ 101B]
᭑᭐᭑
ᬭᬶᬧ᭄᭟᭜᭟ᬕᬯᭀᬓ᭄ᬱᬓ᭄ᬯᬾᬳᬶᬂᬢᬸᬫᬶᬗᬮ᭄᭞ᬬᬳᬶᬮᬘᬹᬃᬭᬭᬶᬲ᭄ᬫᬫᬸᬜᬶᬕ᭄ᬮᬶᬲ᭄᭞ᬲᬗ᭄ᬓᬜ᭄ᬚᬦᬶᬦᬸᬦᬲ᭄ᬳᬶᬤᬸᬧ᭄᭞ᬳᬶᬧᬶᬤᬦ᭄ᬢ᭄ᬯᬭᬵᬲᬸᬓᬵ᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬦ᭄ᬢᭀᬢᬾᬚᬤ᭄ᬫᬵᬳᬸᬮᬶᬤᬶᬚ᭞ᬫᬵᬢᬹᬃᬭᬤᬾᬦ᭄ᬳᬫ᭄ᬩᬃᬓᬯᬶ᭟᭜᭟ᬳᬶᬗ᭄ᬕᬶᬄᬧᬸᬦᬶᬓᬦᬾ
ᬜᬸᬯᬂ᭞ᬳᭀᬓᬦ᭄ᬕᬸᬭᬸᬦᬾᬦᬶᬓᭂᬜ᭄ᬘᬦᬵᬯᬢᬶ᭞ᬦᬾᬫᬗᬫ᭄ᬩᬶᬮ᭄ᬫᬭᬶᬓᬶᬤᬸᬫᬸᬦ᭄᭞ᬫᬵᬤᬦ᭄ᬫᬮᬶᬂᬫᬕᬸᬡ᭄ᬦᬵ᭞ᬦᬾᬓ᭄ᬮᬶᬳᬦ᭄᭞ᬫᬮᬶᬂᬰᬓ᭄ᬢᬶᬯᬲ᭄ᬢᬦᬶᬧᬸᬦ᭄᭞ᬲᬂᬧ᭄ᬭᬪᬹᬦᬾᬤᬶᬩ᭄ᬭᬂᬧᬦᬲ᭄᭞ᬫᬗᬦ᭄ᬤᬶᬓᬬᬂᬫᬫᬮᬶᬂ᭟᭜᭟ᬦᬶᬓᬶᬢ᭄ᬯᬄᬓᬸᬫᭂᬦ᭄ᬤᭂᬮᬗ᭞ᬩᬦ᭄ᬲᬂᬧ᭄ᬭᬪᬹᬦᬶᬓᬶᬚᬤ᭄ᬫᬵ᭠
ᬓᬓᬮᬶᬄ᭞ᬗᬦ᭄ᬤᬶᬓᬳᬶᬤᬵᬲᬂᬧ᭄ᬭᬪᬹ᭞ᬲᬗ᭄ᬓᬜᬤᬤᬶᬢ᭄ᬓ᭞ᬤᬤᬶᬧᬤᬵ᭞ᬫᬓᬤᬤ᭄ᬯᬢᬦ᭄ᬧᬘᬸᬗᬸᬄ᭞ᬳᬶᬬᬫ᭄ᬩᬃᬓᬯᬶᬗᬢᬹᬭᬂ᭞ᬤᬯᭂᬕ᭄ᬢᬶᬢ᭄ᬬᬗᬾᬤᬶᬫᬃᬕ᭄ᬕᬶ᭟᭜᭟ᬳᬶᬧᬸᬦ᭄ᬫᬦᬸᬭᬸᬕ᭄ᬢᬸᬕ᭄ᬢᬶᬢ᭄ᬬᬂ᭞ᬭᬶᬂᬲᬕᬭᬵᬢᬶᬢ᭄ᬬᬂᬫᬬᬸᬤ᭄ᬤᬵᬧᭀᬮᬶᬄ᭞ᬓ᭄ᬦᬶᬬᬂᬢᬶᬢ᭄ᬬᬂᬦᬸᬳᬶᬤᬸᬧ᭄᭞ᬫᬩᬱ᭄ᬝᬫᬓ
ᬤᬤ᭄ᬯ᭞ᬫᬦᬄᬢᬶᬢ᭄ᬬᬂ᭞ᬧᬘᬂᬗᬚᬓ᭄ᬳᬶᬧᬸᬦ᭄ᬫᬦ᭄ᬢᬸᬓ᭄᭞ᬧᬂᬳᬶᬧᬸᬜ᭄ᬚᬸᬫᬄᬫᬕ᭄ᬦᬄ᭞ᬬᬫᬫᬶᬦ᭄ᬤᬄᬲᬸᬓᬫᬢᬶ᭟᭜᭟ᬧᬸᬦᬶᬓᬳᬯᬦᬦ᭄ᬢᬶᬢ᭄ᬬᬂ᭞ᬫᬗᭂᬤᬶᬬᬂᬓᬸᬧᬶᬂᬘᬸᬗᬸᬄᬳᬾᬓᬓᬮᬶᬄ᭞ᬮᬦ᭄ᬢᬲ᭄ᬢᬸᬦ᭄ᬤᬾᬦ᭄ᬢᬶᬢ᭄ᬬᬂᬫᬦ᭄ᬢᬸᬓ᭄᭞ᬫᬳᬢᬹᬃᬭᬶᬂᬲᬂᬦᬵᬣ᭞ᬳᬧᬂᬳᬶᬧᬸᬦ᭄᭞ᬭᬯᬸᬄᬫᬭᬶᬓᬶᬫ

[᭑᭐᭒ 102A]
᭑᭐᭒
ᬫᬦᬸᬢᬸᬕ᭄᭞ᬫᬭᬶᬓᬶᬫᬗᭂᬩᬸᬕ᭄ᬩᬧᬵ᭞ᬢᬶᬢ᭄ᬬᬂᬧᬘᬂᬫᬦᬦ᭄ᬤᬶᬗᬶᬦ᭄᭟᭜᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓ᭞ᬦᬄᬭᬱᬦᬶᬦ᭄ᬳᬧᬕᬳᬾᬜᬫᬳᬶ᭞ᬭᬤᬾᬦ᭄ᬳᬫ᭄ᬩᬃᬓᬯᬶᬫᬵᬢᬹᬃ᭞ᬲᬤ᭄ᬬᬦ᭄ᬳᬶᬧᬸᬦᬾᬢ᭄ᬓ᭞ᬳᬶᬧᬸᬦ᭄ᬯᬦ᭄ᬢᬄ᭞ᬫᬦᬸᬦᬲ᭄ᬳᬸᬭᬶᬧ᭄ᬗᬮᬸᬓᬸ᭞ᬳᬶᬧᬸᬦ᭄ᬯᬦ᭄ᬢᬄᬫᬜᭂᬭᬳᬂ᭞ᬤᬾᬯᬾᬓ᭄ᬳᬶ
ᬧᬸᬦᬾᬫᬭᬶᬓᬶ᭟᭜᭟ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶᬓ᭞ᬚᬦᬶᬓᬸᬤ᭄ᬬᬂᬳᬧᬗᬢᬶᬍᬄᬩᬸᬯᬶᬦ᭄᭞ᬳᬶᬬᬫ᭄ᬩᬃᬓᬯᬶᬫᬳᬢᬹᬃ᭞ᬫᬰ᭠ᬢᬫ᭄ᬩᭂᬢ᭄ᬓᬾᬢᬶᬢ᭄ᬬᬂ᭞ᬭᬭᬶᬲ᭄ᬤᬦᬾ᭞ᬫᬗ᭄ᬓᬶᬦ᭄ᬫᬫᭂᬲᬸᬯᬂᬩᬸᬗ᭄ᬓᬸᬂ᭞ᬗᬚᬶᬫᬡ᭄ᬦᬶᬓ᭄ᬳᬱ᭄ᬝᬕᬶᬦᬵ᭞ᬢᬸᬫᬸᬮᬶᬯᬮᬸᬬᬩᬸᬯᬶᬦ᭄᭟᭜᭟ᬳᬶᬬᬫ᭄ᬩᬃᬓᬯᬶᬗᬦ᭄ᬤᬶᬓ᭞
ᬚᬦᬶᬓᬾᬦ᭄ᬓᬾᬦ᭄ᬳᬶᬤᭂᬧ᭄ᬘᬳᬶᬦᬾᬧᬢᬶᬄ᭞ᬳᬶᬫᬮᬶᬂᬫᬕᬸᬡ᭄ᬦᬫᬵᬢᬹᬃ᭞ᬢᬶᬢ᭄ᬬᬂᬫᬩᬸᬤᬶᬫᬲ᭄ᬬᬢ᭄᭞ᬭᬤᬾᬦ᭄ᬳᬫ᭄ᬩᬃᬓᬯᬶᬢᬸ᭠ᬫᬸᬮᬶᬫᬲᬯᬹᬃ᭞ᬳᭂᬦ᭄ᬢᭀᬲᬸᬩᬳᬸᬩᬤᬶᬜ᭞ᬳᬶᬦ᭄ᬤᬬᬂᬚᬦᬶᬳᬸᬲᬸᬤᬶᬦ᭄᭟᭜᭟ᬳᬶᬫᬮᬶᬂᬫᬕᬸᬡ᭄ᬦᬵᬳᬾᬗ᭄ᬕᬮ᭄᭞ᬬᬫᬦᭀᬮᬶᬄᬚᬦᬶᬳᬶᬫᬮᬶᬂ
ᬰᬓ᭄ᬢᬶ᭞ᬲᬕᭂᬢᬦ᭄ᬯᬮᬸᬬᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬗᬸᬲᬸᬤᬶᬦ᭄ᬫᬸᬯ᭞ᬲᬕᬾᬢ᭄ᬲᬸᬩᬵ᭞ᬯᬮᬸᬬᬫᬗᭂᬮᬄᬘᬸᬗᬸᬄ᭞ᬳᬶᬫᬮᬶᬂᬰᬓ᭄ᬢᬶᬫᬵᬢᬹᬭ᭞ᬲᬫ᭄ᬩᬶᬮ᭄ᬫᬗᬸᬲᬸᬤᬶᬦ᭄ᬓᬸᬧᬶᬂ᭟᭜᭟ᬳᬶᬗ᭄ᬕᬶᬄᬭᬵᬢᬹᬢᬦ᭄ᬤ᭄ᬭᬸᬄᬢᬶᬢ᭄ᬬᬂ᭞ᬓᬮᬶᬓᬾᬦ᭄ᬓᬾᬦ᭄ᬳᬶᬤᬾᬯᬵᬫᬗᬸᬩᬤᬶᬦ᭄᭞ᬲᬕᭂᬢᬦ᭄ᬯᬮᬸᬬ [ 103 ][᭑᭐᭒ 102B]
᭑᭐᭒
ᬲᬵᬫ᭄ᬧᬸᬦ᭄᭞ᬳᬶᬬᬫ᭄ᬩᬃᬓᬯᬶᬗᬸᬘᬧ᭄᭞ᬗᬸᬤᬵᬢ᭄ᬯᬭᬵ᭞ᬦᬾᬳᬸᬘᬧᬂᬳᬶᬭᬵᬩᬳᬸ᭞ᬲᬓᬾᬯᬮᬬᬓ᭄ᬦᭂᬳᬂ᭞ᬬᬲᬸᬩᬯᬮᬸᬬᬩᬸᬯᬶᬦ᭄᭟᭜᭟ᬕᬯᭀᬓ᭄ᬱᬓ᭄ᬯᬾᬄᬧᬭᬦᬵᬣ᭞ᬫ᭄ᬯᬄᬧᬜ᭄ᬚᬓᬾᬲᬫᬶᬩ᭄ᬗᭀᬂᬗᬶᬯᬲᬶᬦ᭄᭞ᬕᬫ᭄ᬩᬸᬳᬾᬢ᭄ᬯᬭᬵᬓᬭᬸᬗᬸ᭞ᬦᬾᬜᬮᬸᬓ᭄ᬓᬫᭂᬫᭂᬕᬦ᭄᭞
ᬲᬸᬩᬵᬲᬜ᭄ᬚ᭞ᬕᬫ᭄ᬩᬸᬳᬾᬬᬲᬸᬩᬲᬸᬳᬸᬤ᭄᭞ᬚᬦᬶᬫᬭᬧᬤᬤᬩ᭄ᬤᬩ᭄᭞ᬢᬫ᭄ᬬᬸᬦᬾᬫᬤᬳᬃᬲᬵᬫ᭄ᬧᬸᬦ᭄ᬲᬫᬶ᭟᭜᭟ᬚᬦᬶ᭠ᬢᭂᬳᭂᬩ᭄ᬤᬶᬩᬜ᭄ᬘᬶᬗᬄ᭞ᬧᬺᬫᬾᬦᬓᬾᬧᬤᬵᬫᬚᭂᬗᬦ᭄ᬲᬫᬶ᭞ᬓᬳᬶᬤᭂᬭᬦ᭄ᬳᬭᬓ᭄ᬳᬗ᭄ᬕᬸᬃ᭞ᬚᬶᬦᬾᬯᬾᬃᬮᬶᬫᬸᬦᬤᬵ᭞ᬲᬶᬂᬘᬶᬢᬬᬂ᭞ᬫᬶᬚᬶᬮ᭄ᬲᬓᬶᬂ᭠
ᬧᬸᬭᬶᬲᬵᬫ᭄ᬧᬸᬦ᭄᭞ᬤᬶᬧ᭄ᬢᭂᬗᬾᬳᬤᬵᬯᬬᬂ᭞ᬯᬬᬂᬲᬲᬓ᭄‌ᬯᬬᬂᬩᬮᬶ᭟᭜᭟ᬤᬶᬩᬜ᭄ᬘᬶᬗᬄᬲᬰ᭄ᬭᬫᬦᬦ᭄᭞ᬳᬧᬦ᭄ᬮᬶᬬᬸᬧᬺᬫᬾᬦᬓᬾᬦ᭄ᬩᭂᬗᬶᬦ᭄᭞ᬫᬰ᭄ᬭᬫᬦᬦ᭄ᬗᬶᬕᭂᬮ᭄ᬤᬶᬢᬸ᭞ᬲᬵᬫ᭄ᬧᬸᬦ᭄ᬮᬶᬫᭀᬮᬲ᭄ᬤᬶᬦ᭞ᬚᬦᬶᬫᬭᬦᬾᬫᬩᬸᬜ᭄ᬘᬶᬂᬧᬤᬵᬧ᭄ᬲᬸ᭞ᬲᬂᬦᬵᬣᬲᬋᬂᬓᬳᭀ
ᬤᬮ᭄᭞ᬓᬮᬶᬄᬳᬶᬤᬵᬧ᭄ᬭᬫᬶᬰ᭄ᬯᬭᬶ᭟᭜᭟᭛᭞ ᭞ᬲ᭄ᬫᬭᬦ᭄ᬤᬦᬵ᭞ ᭞᭛᭞ᬳᬶᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬲᬋᬂᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬧᬤᬵᬧᬢᬸᬄᬧᬗᬗ᭄ᬕᭀᬦᬾ᭞ᬧᬤᬵᬗᭀᬜᬂᬗᭀᬜᬂᬧᬬᬲ᭄᭞ᬯᬲ᭄ᬢ᭄ᬭᬯᬶᬚᬶᬮ᭄ᬫᬘ᭄ᬭᬘᬧ᭄᭞ᬲᭂᬗ᭄ᬓᬂᬫᬲᭀᬘᬳᬾᬃ᭠

[᭑᭐᭓ 103A]
᭑᭐᭓
ᬮᬯᬸᬢ᭄᭞ᬫᬕ᭄ᬮᬂᬳ᭄ᬫᬲ᭄ᬫᬢᬢᬄ᭟᭜᭟ᬯᬸᬲ᭄ᬧᬸᬧᬸᬢ᭄ᬫᬧᬬᬲ᭄ᬫᬗ᭄ᬓᬶᬦ᭄᭞ᬫᬩᭂᬍᬗ᭄ᬓᭂᬃᬢᬸᬫ᭄ᬧᬂᬮᬶᬫ᭞ᬳᬩᬺᬫᬸᬭᬸᬩ᭄ᬧᬗᬗ᭄ᬕᬾᬦᬾ᭞ᬫᬲᬗ᭄ᬓᬸᬯᬸᬩ᭄‌ᬕ᭄ᬭᬶᬗ᭄ᬲᬶᬂᬯᬬᬂ᭞ᬩ᭄ᬗᭀᬂᬳᬲᬶᬂᬢᬸᬫᬶᬗᬮ᭄᭞ᬲᬓᬢᬳᬾᬧᬶᬸᬧᬭᬵᬭᬵᬢᬹ᭞ᬧ᭄ᬭᬲᬫ᭄ᬬᬭᬯᬸᬄᬭᬦ᭄ᬢᬩᬦ᭄᭟᭜᭟ᬫᬗᬶᬭᬶᬂᬳᬶᬬᬫ᭄ᬩᬃ᭠
ᬓᬯᬶ᭞ᬲᬋᬂᬳᬶᬲᬹᬃᬬ᭄ᬬᬓᬸᬲᬸᬫ᭞ᬫᬲᭂᬮᬹᬃᬲᭀᬭᭀᬄᬩᬭᬶᬲᬾ᭞ᬩ᭄ᬤᬶᬮᬾᬭᬭᬶᬲ᭄ᬫᬲ᭄ᬯᬭᬵ᭞ᬭᬭᬶᬲ᭄ᬤᬦᬾᬫᬫᬃᬕ᭄ᬕ᭞ᬭᬤᬾᬦ᭄ᬤᬾᬯᬶᬫᬸᬗ᭄ᬕᬄᬲᬵᬫ᭄ᬧᬸᬦ᭄᭞ᬧᬘᬂᬗᬶᬍᬳᬶᬦ᭄ᬧᬗ᭄ᬕᬸᬗᬦ᭄᭟᭜᭟ᬲᭀᬮᬄᬓᭂᬧᭂᬦᬾᬗᬋᬧᬶᬦ᭄᭞ᬲᭀᬮᬄᬢᬫ᭄ᬬᬗᬾᬧᬸᬗ᭄ᬓᬸᬭᬦ᭄᭞ᬲᭀᬮᬄᬩ᭄ᬤᬶᬮᬾ᭠
ᬫᬭᬾᬭᭀᬤ᭄᭞ᬫᬧᬗᬗ᭄ᬕᬾᬲᬃᬯ᭄ᬯᬫ᭄ᬮᬄ᭞ᬫᭀᬜ᭄ᬘᬾᬃᬲᬸᬢ᭄ᬭᬫᬯᬃᬡ᭄ᬦᬵ᭞ᬲ᭄ᬯᬭᬦ᭄ᬕᬫᭂᬮᬦᬾᬫᬸᬳᬸᬕ᭄᭞ᬧᬫᬃᬕ᭄ᬕᬶᬦᬾᬮ᭄ᬯᬶᬃᬳ᭄ᬬᬂᬲ᭄ᬫᬭ᭟᭜᭟ᬢᬸᬫᬸᬮᬶᬳᬶᬤᬵᬫᬫᬃᬕ᭄ᬕᬶ᭞ᬭᬤᬾᬦ᭄ᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭞ᬮᬦ᭄ᬤᬾᬯᬶᬓᭂᬜ᭄ᬘᬦᬵᬋᬓᭀ᭞ᬧᬗᬶᬭᬶᬗᬾᬩᬚᬂᬩᬚᬂ᭞ᬳᭀ
ᬓᬦ᭄ᬧᬭᬧᬸᬗ᭄ᬕᬯ᭞ᬓᬮᬶᬄᬳᭀᬓᬦ᭄ᬧᬭᬭᬵᬢᬹ᭞ᬧᬗᬗ᭄ᬕᬾᬦᬾᬲᬃᬯ᭄ᬯᬳᬾᬦ᭄ᬤᬄ᭟᭜᭟ᬢᬦ᭄ᬓᭀᬘᬧ᭄ᬳᬶᬤᬵᬤᬶᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬗ᭄ᬕᬸᬗᬦ᭄᭞ᬦᬧᬓᬂᬲᭀᬮᬄᬢᬶᬗ᭄ᬓᬳᬾ᭞ᬧᬶᬂᬢ᭄ᬮᬸᬗᬶᬍᬳᬶᬦ᭄ᬧᬗ᭄ᬕᬸᬗᬦ᭄᭞ᬲᬵᬫ᭄ᬧᬸᬦ᭄ᬢᭂᬕᭂᬧᬶᬂᬢᬶᬕ᭞ᬧᬸᬧᬸᬢ᭄ᬫᬭᬬ᭄ᬬᬦ᭄ [ 104 ][᭑᭐᭓ 103B]
᭑᭐᭓
ᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬗᬦ᭄ᬢᭀᬲᬂᬫᬢᬶᬃᬢ᭄ᬣ᭟᭜᭟ᬓᭀᬘᬧᬳᬶᬤᬵᬲᬂᬋᬱᬶ᭞ᬧᬸᬧᬸᬢ᭄ᬳᬶᬤᬵᬫᬗᬃᬘ᭄ᬘᬡ᭄ᬦᬵ᭞ᬜᬢᬶᬬᬂᬯᬲ᭄ᬢᬦ᭄ᬓᬃᬬ᭄ᬬᬦᬾ᭞ᬭᬭᬶᬲ᭄ᬫᬮᬶᬄᬫᬗᬱ᭄ᬝᬯᬵ᭞ᬫᬯᬾᬤᬵᬧᬩᬸᬜ᭄ᬘᬶᬗᬦ᭄᭞ᬧᬢ᭄ᬫᬸᬦᬾᬳᬧᬂᬳᬬᬸ᭞ᬤᬶᬃᬖ᭄ᬕᬬᬸᬱᬫᬲᭂᬦ᭄ᬢᬦ᭟᭜᭟ᬓᭀᬘᬧᬭᬳ
ᬤᬾᬦ᭄ᬫᬦ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬫᬚᬚᬃ᭞ᬫᬲᬦ᭄ᬤᬶᬂᬲᬋᬂᬭᬳᬶᬦᬾ᭞ᬭᬤᬾᬦ᭄ᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄᭞ᬕᬯᭀᬓ᭄ᬱᬫᬶᬗ᭠ᬦ᭄ᬢᭂᬦᬂ᭞ᬯᬃᬡ᭄ᬦᬵᬦᬾᬳᬬᬸᬫ᭄ᬯᬂᬩᬕᬸᬲ᭄᭞ᬦᬾᬮᬦᬂᬢᬦ᭄ᬧᬢᬦ᭄ᬤᬶᬗᬦ᭄᭟᭜᭟ᬲᬗ᭄ᬳ᭄ᬬᬂᬲ᭄ᬫᬭᬵᬫᬗ᭄ᬭᬕᬦᬶᬦ᭄᭞ᬭᬕᬍᬫ᭄ᬧᬸᬂᬕᬤᬶᬂᬜᬮᬂ᭞ᬕᬮᬂᬕᬸ
ᬫᬶᬮᬂᬘᬬᬦᬾ᭞ᬲᬶᬂᬳᬩᭂᬢᬂᬗ᭄ᬕᬯᬾᬭᬶᬫᬂ᭞ᬲᬶᬂᬗᬦ᭄ᬢᭂᬦᬂᬢ᭄ᬯᬄᬳᬾᬤᬦ᭄᭞ᬬᬓᬾᬢᬸᬯᬩᬚᬂᬮᬶᬗ᭄ᬮᬸᬂ᭞ᬍᬍᬄᬭᬱᬜᬤᬶᬫᬦᬄ᭟᭜᭟ᬭᬤᬾᬦ᭄ᬤᬾᬯᬶᬓᭀᬘᬧ᭄ᬫᬮᬶᬄ᭞ᬲᬵᬫ᭄ᬧᬸᬦ᭄ᬫᬢᬦ᭄ᬤᬶᬲᬫᬧ᭄ᬝᬵ᭞ᬲᬓ᭄ᬯᬾᬄᬳᬦᬓ᭄ᬧᬤᬵᬩ᭄ᬗᭀᬂ᭞ᬧᬤᬵᬓᬲ᭄ᬫᬭᬦ᭄ᬤᬶᬫᬦᬄ᭞ᬩᬦᬾᬢᬸ
ᬫ᭄ᬩᬾᬦ᭄ᬗᬦ᭄ᬢᭂᬦᬂ᭞ᬚᬦᬶᬳᬸᬲᬦ᭄ᬳᬶᬤᬵᬲᬵᬫ᭄ᬧᬸᬦ᭄᭞ᬫᬢᬶᬃᬢ᭄ᬣᬓᬚᬬᬚᬬᬵ᭟᭜᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬸᬮᬧᬮᬶ᭞ᬭᬭᬶᬲ᭄ᬩᬸᬤᬮ᭄‌ᬲᬋᬂᬲᬫ᭄ᬬᬦ᭄᭞ᬫᬦ᭄ᬢᬸᬓ᭄ᬱᬳᬳᬶᬭᬶᬗᬦᬾ᭞ᬗᭀᬚᭀᬕ᭄ᬧᬸᬭᬶᬲᭀᬯᬂᬲᭀᬯᬂ᭞ᬤᬶᬚ᭄ᬭᭀᬫᬮᬶᬄᬓᭀᬘᬧᬂ᭞ᬧ᭄ᬭᬫᬶᬰ᭄ᬯᬭᬶᬮᬦ᭄ᬲᬂᬧ᭄ᬭᬪᬹ᭞ᬳᬾ

[᭑᭐᭔ 104A]
᭑᭐᭔
ᬦᬓᬬᬸᬦᬾᬢᬶᬸᬦᬶᬸᬧᬶᬸᬧᬶᬸ᭞ᬓᬮᬶᬦ᭄ᬢᬂ᭟᭜᭟ᬜᬶᬗᬓ᭄ᬧᬸᬢ᭄ᬭᬫᬓᬓᬮᬶᬄ᭞ᬢᬦ᭄ᬧ᭄ᬕᬢ᭄‌ᬗᬾᬦᬓᬶᬦ᭄ᬫᬦᬄ᭞ᬲᬂᬧ᭄ᬭᬪᬹᬓᭀᬘᬧᬋᬓᭀ᭞ᬭᬭᬶᬲ᭄ᬓᭀᬤᬮ᭄ᬓᬩᬜ᭄ᬘᬶᬗᬄ᭞ᬧᬧᬢᬶᬄᬮᬦ᭄ᬧᬸᬗ᭄ᬕᬯ᭞ᬧᭂᬧᭂᬓ᭄ᬢᬗ᭄ᬓᬶᬮᬦᬾᬲᬵᬫ᭄ᬧᬸᬦ᭄᭞ᬓᭀᬘᬧᬲᬹᬃᬬ᭄ᬬᬓᬸᬲᬸᬫ᭟᭜᭟ᬲᬋᬂᬮ
ᬦ᭄ᬳᬶᬬᬫ᭄ᬩᬃᬓᬯᬶ᭞ᬫᬓᬭᭀᬦᬦ᭄‌ᬓᬩᬜ᭄ᬘᬶᬗᬄ᭞ᬚᬚᬃᬲᬦ᭄ᬤᬶᬂᬮᬶᬗ᭄ᬕᬶᬳᬾ᭞ᬤᬶᬳᬋᬧᬦᬾᬲᬂᬦᬵᬣ᭞ᬲᭀᬮᬳᬶᬂᬧᬭᬵᬧᬸᬢ᭄ᬭ᭞ᬳᬦᬸᬢ᭄ᬫᬗᬾᬦᬓᬶᬦ᭄ᬓᬳ᭄ᬬᬸᬦ᭄᭞ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭟᭜᭟ᬭᬶᬂᬳᭀᬓᬦᬾᬫᬓᬓᬮᬶᬄ᭞ᬳᬤᬸᬄᬤᬾᬯᬵᬧ᭄ᬬᬦᬓ᭄ᬩᬧᬵ᭞ᬫᬸᬧᬸ
ᬢ᭄ᬚᬍᬕᬦ᭄ᬩᬧᬦᬾ᭞ᬗᬦ᭄ᬢᭂᬦᬂᬳᬶᬤᬾᬯᬵᬧᬤᬵ᭞ᬢᬦ᭄ᬩᬶᬦᬫᬓᬤᬤ᭄ᬯ᭞ᬫᬧᬦᬓ᭄‌ᬢ᭄ᬓᬾᬦ᭄ᬫᬫᬦ᭄ᬢᬸ᭞ᬯᬦ᭄ᬢᬄᬳᬲᬄᬧᬤᬵᬲᬬᬂ᭟᭜᭟ᬦᬄᬳᬶᬤᬾᬯᬵᬫᬓᬓᬮᬶᬄ᭞ᬳ᭄ᬤᬧᬶᬲᬦ᭄ᬲᬸᬳᬸᬤ᭄ᬢᬗᬃ᭞ᬤᬾᬦᬶᬂᬳᬤᬵᬦᬸᬲᬢ᭄ᬭᬸᬦᬾ᭞ᬲᬶᬂᬜᬬᬢ᭄ᬓᬫᬗᬺᬕᬄ᭞ᬳᬧᬂ᭠
ᬤᬵᬓᬧᬺᬧᭂᬓᬦ᭄᭞ᬳᬶᬬᬫ᭄ᬩᬃᬓᬯᬶᬫᬳᬢᬹᬃ᭞ᬭᬵᬢᬹᬲᬵᬫ᭄ᬧᬸᬦ᭄ᬫᬫᬜ᭄ᬚᬗᬂ᭟᭜᭟ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬫᬗ᭄ᬯᬶᬮᬗᬶ᭠ᬦ᭄᭞ᬭᬵᬢᬹᬫ᭄ᬦᭂᬗᬂᬧᬸᬦᬶᬓ᭞ᬳᬾᬦᬓᬂᬳᬸᬕᬶᬓᬬᬸᬦᬾ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬦᬢᬲᬂ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬳᬶᬫᬮᬶᬂᬰᬓ᭄ᬢᬶᬓ᭠ [ 105 ][᭑᭐᭔ 104B]
᭑᭐᭔
ᬢᬸᬚᬸ᭞ᬫᬳᬶᬓᬾᬧᬳᭂᬓᬂᬦ᭄ᬕᬓ᭄᭟᭜᭟ᬳᬶᬫᬮᬶᬂᬫᬕᬸᬡ᭄ᬦᬵᬕ᭄ᬮᬶᬲ᭄᭞ᬓᬳᬋᬧ᭄ᬦᬫ᭄ᬧᭂᬓᬂᬦ᭄ᬕᬓ᭄᭞ᬳᬶᬬᬫ᭄ᬩᬃᬓᬯᬶᬫᬢᬓᬾᬦ᭄᭞ᬓᬾᬦ᭄ᬓᬾᬦ᭄ᬧᬩᭂᬲᭂᬦᬾᬲᬸᬩ᭞ᬳᭂᬦ᭄ᬢᭀᬩᬧᬳᭀᬭᬳᬂ᭞ᬳᬶᬫᬮᬶᬂᬰᬓ᭄ᬢᬶᬫᬳᬢᬹᬃ᭞ᬲᬤᬯᭂᬕ᭄ᬢᬶᬢ᭄ᬬᬂᬳᬶᬭᬶᬓ᭟᭜᭟ᬧ
ᬗ᭄ᬭᬯᭀᬲᬾᬦᬾᬤᬶᬧᬸᬭᬶ᭞ᬲᬂᬧ᭄ᬭᬪᬹᬳᬶᬤᬵᬗᬦ᭄ᬤᬶᬓ᭞ᬚᬕᬜᬾᬯᬳᬯᬦᬦᬾ᭞ᬓᬩᬢ᭄ᬢᬯᬶᬫᬧᬸᬢᬸᬲᬦ᭄᭞ᬫᬢᬸᬢᬶᬦ᭄ᬓᬨᬮ᭄ᬧᭂᬭᬂ᭞ᬫᬮᬶᬄᬫᬲᭀᬩᬬᬲᬵᬫ᭄ᬧᬸᬦ᭄᭞ᬚᬕᬫᬧᬶᬬᬓ᭄ᬦᬕᬭ᭟᭜᭟ᬕᬸᬫᬶᬤᬸᬯᬾᬦᬾᬳᬶᬭᬶᬓᬶ᭞ᬧᬸᬦᬶᬓᬧᬘᬂᬫᬧᬶᬬᬓ᭄
᭞ᬲᬫᬶᬫᬸᬧᬸᬳᬸᬧ᭄ᬢᬶᬦᬾ᭞ᬫᬕᬫ᭄ᬩᭂᬮ᭄ᬩᬦ᭄ᬲᬸᬭᬵᬢ᭄ᬓᭀᬦ᭄ᬢ᭄ᬭᬓ᭄᭞ᬲᬧᬸᬦᬶᬓᬧᬲᬸᬩᬬᬵ᭞ᬳᬶᬬᬫ᭄ᬩᬃᬓᬯᬶᬲᬹᬫᬯᬹᬃ᭞ᬮᬫᬸᬦ᭄ᬓᬾᬢᭀᬚᬦᬶᬢᬗᬃ᭟᭜᭟ᬢ᭄ᬯᬭᬵᬩᬸᬳᬸᬂᬬᬦᭂᬓᬳᬶᬦ᭄᭞ᬫᬳᬶᬧᬘᬂᬗᭂᬩᬸᬕ᭄ᬤᬾᬰ᭞ᬤᬩ᭄ᬤᬩᬂᬩ᭄ᬤᬶᬮ᭄‌ᬫ᭄ᬭᬶᬬᭂᬫᬾ᭞ᬢ᭄ᬯᬭᬵᬩᬸᬳᬸᬂᬧᬘᬂ᭠
ᬬᬸᬤ᭄ᬤᬵ᭞ᬳᬶᬧᬢᬶᬄᬩᬶᬸᬫᬵᬢᬹᬃᬜᬸᬫ᭄ᬩᬄ᭞ᬫᬩ᭄ᬭᬶᬬᬸᬓ᭄ᬫᬲᬳᬸᬃᬫᬦᬸᬢ᭄᭞ᬲᬦ᭄ᬤᬶᬓᬜ᭄ᬘᭀᬓᭀᬃᬳᬶᬤᬾᬯᬵ᭟᭜᭟᭛ᬤᬹᬃᬫ᭄ᬫᬵ᭛᭞ᬢᬦ᭄ᬓᬯᬃᬡ᭄ᬦᬵᬲᬂᬧ᭄ᬭᬪᬹᬤᬶᬓᬶᬦ᭄ᬢᬵᬯᬦᬵ᭞ᬓᭀᬘᬧ᭄ᬲᬶᬭᬵᬓ᭄ᬭᬶᬬᬦᬵᬧᬢᬶᬄ᭞ᬍᬗ᭄ᬓᬭᬵᬯᬶᬚᬬ᭞ᬯᬸᬲ᭄ᬭᬯᬸᬄᬲᬓᬶᬂᬚᬯ

[᭑᭐᭕ 105A]
᭑᭐᭕
᭞ᬮᬶᬬᬸᬗᬩᬓᬨᬮ᭄ᬫᬸᬮᬶᬄ᭞ᬢ᭄ᬯᬄᬧ᭄ᬢᬂᬤᬰ᭞ᬓᬨᬮ᭄ᬧ᭄ᬭᬂᬓᬨᬮᬧᬶ᭟᭜᭟ᬓᬨᬮ᭄ᬧ᭄ᬭᬂᬓᭀᬘᬧ᭄ᬦᬾᬦᬾᬤ᭄ᬯᬂᬤᬰ᭞ᬤ᭄ᬯᬂᬤᬰᬓᬨᬮᬧᬶ᭞ᬳᭂᬦ᭄ᬢᭀᬲᬸᬩᬢ᭄ᬓ᭞ᬤᬶᬧᬲ᭄ᬯᬦ᭄ᬬᬫᬘᬂᬘᬂ᭞ᬳᬶᬧᬢᬶᬄᬍᬗ᭄ᬓᬭᬵᬕ᭄ᬮᬶᬲ᭄᭞ᬫᬦ᭄ᬢᬸᬓᬤᬾᬰᬵ᭞ᬗᬢᬹᬭᬂᬭᬶᬂᬲᬗᬚᬶ᭟᭜᭟ᬲᬂᬧ᭄ᬭᬪᬹ
ᬲ᭄ᬤᭂᬓᬢᬗ᭄ᬓᬶᬮ᭄ᬤᬶᬩᬜ᭄ᬘᬶᬗᬄ᭞ᬭᬭᬶᬲ᭄ᬭᬯᬸᬄᬳᬶᬧᬢᬶᬄ᭞ᬫᬸᬗ᭄ᬕᬄᬓᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬹᬳᬯᬲ᭄ᬜᬶᬗᬓ᭄᭞ᬭᬭᬶᬲ᭄ᬳᬶᬤᬵᬫᬗᭂᬲᬾᬗᬶᬦ᭄᭞ᬫᬳᬶᬧᬳᭂᬓᬂ᭞ᬳᬶᬧᬢᬶᬄᬭᬭᬶᬲ᭄ᬕᭂᬮᬶᬲ᭄᭟᭜᭟ᬫᬦᬫ᭄ᬧᭂᬓᬂᬫᬵᬢᬹᬃᬲᬃᬯᬶᬲᬳᬲᭂᬫ᭄ᬩᬄ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬭᬶᬲ᭄᭞ᬧᬢᬶᬄᬩᬳᬸᬢ᭄ᬓ
᭞ᬓᬾᬦ᭄ᬓᬾᬦ᭄ᬢᬶᬗ᭄ᬓᬳᬾᬮᬸᬯᬲ᭄᭞ᬲᬤ᭄ᬬᬢᬦ᭄ᬲᬤ᭄ᬬᬓᬾᬘᬳᬶ᭞ᬧᬢᬶᬄᬫᬵᬢᬹᬭᬵ᭞ᬳᬶᬗ᭄ᬕᬶᬄᬲᬤ᭄ᬬᬦᬾᬫᬗ᭄ᬓᬶᬦ᭄᭟᭜᭟ᬧᭀᬧᬶᬸᬮᬶᬄᬢᬶᬢ᭄ᬬᬂᬜ᭄ᬮᬂᬓᬨᬮ᭄ᬧ᭄ᬢᬂᬤᬰᬵ᭞ᬤ᭄ᬯᬂᬤᬰᬓᬨᬮᬧᬶ᭞ᬦᬾᬦᬾᬓᬮᬶᬄᬓᬮᬶᬄᬤᬰᬵ᭞ᬧᬸᬦᬶᬓᬓᬨᬮ᭄ᬧᭂᬭᬂ᭞ᬲᬂᬧ᭄ᬭᬪᬹᬫᬮᬶᬄᬗᬦ᭄ᬤᬶ
ᬓ᭞ᬧᬢᬶᬄᬍᬗ᭄ᬓᬭᬵ᭞ᬲᬫᬶᬲᬫᬶᬬᬓᬤᬯᬸᬳᬶᬦ᭄᭟᭜᭟ᬫᬤᬩ᭄ᬤᬩᬦ᭄ᬧᬘᬂᬮᬸᬗᬵᬦᬾᬫᬗ᭄ᬭᬶᬱ᭄ᬝᬵ᭞ᬓᬓᬶᬦ᭄ᬢᬵᬯᬦᬵᬦᬕᬭᬶ᭞ᬳᬧᬂᬲᬸᬩᬦᬧᬓ᭄᭞ᬦᬾᬦᬾᬩ᭄ᬯᬶᬦ᭄ᬮᬶᬫᬂᬤᬶᬦᬵ᭞ᬤᬶᬢᬸᬤᬾᬯᬰᬦᬾᬩ᭄ᬘᬶᬓ᭄᭞ᬳᬶᬭᬫᬚᬮᬦ᭄᭞ᬤᬯᬸᬳᬶᬦ᭄‌ᬭᭀᬯᬗᬾᬲᬫᬶ᭟᭜᭟ [ 106 ][᭑᭐᭕ 105B]
᭑᭐᭕
ᬲᬶᬭᬵᬧᬢᬶᬄᬧᬸᬗ᭄ᬕᬯᬵᬦᬸᬳᬸᬦ᭄ᬲᬦ᭄ᬤᬶᬓᬵ᭞ᬲᬂᬧ᭄ᬭᬪᬹᬦᬓᬾᬦᬂᬩ᭄ᬯᬶᬦ᭄᭞ᬳᬶᬫᬮᬶᬂᬫᬕᬸᬡ᭄ᬦᬵ᭞ᬓᭀᬘᬧ᭄ᬬᬚᬦᬶᬳᬶᬮᬂ᭞ᬳᬚᬓᬳᬶᬫᬮᬶᬂᬰᬓ᭄ᬢᬶ᭞ᬓᬶᬚᬮᬓᬸᬜ᭞ᬳᬶᬦ᭄ᬤᬬᬂᬲᬺᬧᬂᬚᬦᬶ᭟᭜᭟ᬭᬭᬶᬲ᭄ᬫᬵᬢᬹᬃᬲᬶᬭᬵᬧᬢᬶᬄᬪᭀᬕᬬᬓ᭄ᬱᬵ᭞ᬳᬶᬗ᭄ᬕᬶᬄᬭᬵᬢᬹᬲᬂᬗᬚᬶ
᭞ᬢᬶᬢ᭄ᬬᬂᬢᬦ᭄ᬳᬸᬦᬶᬗ᭞ᬭᬶᬂᬮᬓᬸᬦ᭄ᬳᬶᬧᬸᬦ᭄ᬮᬸᬗᬵ᭞ᬤᬾᬦᬶᬂᬳᬶᬧᬸᬦ᭄ᬦᬦ᭄ᬤᬂᬲᬓᬶᬢ᭄᭞ᬫᬦᬯᬶᬮᬸᬗᬵ᭞ᬗᬫᬾᬢ᭄ᬳᬸᬲᬤᬵᬩ᭄ᬘᬶᬓ᭄᭟᭜᭟ᬢᬦ᭄ᬓᬘ᭄ᬭᬶᬢ᭄ᬣᬲᬂᬧ᭄ᬭᬪᬹᬫᬭᬭᬯᭀᬲᬦ᭄᭞ᬯᬸᬲ᭄ᬮᬶᬫᬂᬤᬶᬦᬫᬗ᭄ᬓᬶᬦ᭄᭞ᬩᬮᬦᬾᬯᬸᬲ᭄ᬧ᭄ᬭᬧ᭄ᬢ᭞ᬚᭂᬚᭂᬮ᭄ᬤᬶᬩᬶᬮᬂᬫᬃᬕ᭄ᬕᬵ᭞ᬧᬧᬢᬶᬄᬧᬸᬗ᭄ᬕᬯᬲᬫᬶ
᭞ᬩᭂᬦ᭄ᬤᬶᬩᬜ᭄ᬘᬶᬗᬄ᭞ᬗᬦ᭄ᬢᭀᬲᬂᬧ᭄ᬭᬪᬹᬫᬶᬚᬶᬮ᭄᭟᭜᭟ᬭᬭᬶᬲ᭄ᬓᭀᬤ᭄ᬲᬂᬧ᭄ᬭᬪᬹᬋᬧᬶᬸᬱᬶᬪᭀᬚᬦᬵ᭞ᬳᭀᬓᬦᬾᬲᬋᬂᬗᬶᬭᬶᬂ᭞ᬭᬤ᭄ᬬᬦᬺᬱᬶᬪᭀᬚᬦᬵ᭞ᬭᬳᬤ᭄ᬬᬦ᭄ᬳᬸᬫᬢᬹᬭ᭞ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬧᬫᬶᬢ᭄᭞ᬭᬭᬶᬲ᭄ᬫᬜᬸᬫ᭄ᬩᬄ᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬶᬦ᭄᭟᭜᭟ᬦᬄᬫ
ᬚᬮᬦ᭄ᬳᬶᬤᬾᬯᬵᬗᬶᬂᬳᬧᬂᬬᬢ᭄ᬦᬵ᭞ᬤᬾᬦᬶᬂᬫᬲ᭄ᬮᬢ᭄ᬧᬲᬶᬄ᭞ᬳ᭄ᬤᬲᬸᬳᬸᬤ᭄ᬢᬗᬃ᭞ᬢ᭄ᬓᬾᬦᬶᬂᬢᬢᬶᬗ᭄ᬓᬳᬦ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬶᬯᬄᬧᬸᬗ᭄ᬕᬯ᭞ᬲᬵᬫ᭄ᬧᬸᬦ᭄ᬫᬧᬫᬶᬢ᭄ᬲᬫᬶ᭟᭜᭟ᬓᬮᬶᬄᬩᬮᬦᬾᬲᬵᬫ᭄ᬧᬸᬦ᭄ᬲᬫᬶᬫᬫᬃᬕ᭄ᬕᬵ᭞ᬲᬦᬾᬗᬶᬭᬶᬂᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬢᬦ᭄ᬓ᭠

[᭑᭐᭖ 106A]
᭑᭐᭖
ᬯᬃᬡ᭄ᬦᬵᬦᬾᬂᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬲ᭄ᬯᬦ᭄᭞ᬳ᭄ᬩᭂᬓ᭄ᬗᬫ᭄ᬩ᭄ᬬᬃᬤᬶᬧᬲᬶᬲᬶ᭞ᬩ᭄ᬤᬶᬮ᭄‌ᬫ᭄ᬯᬂᬢᬸᬫ᭄ᬩᬓ᭄᭞ᬲᭀᬭᭀᬩᬭᬶᬲᬾᬲ᭠ᬫᬶ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬭᬶᬂᬧᬭᬧᬸᬗ᭄ᬕᬯ᭞ᬳ᭄ᬦᬄᬓᬾᬩᬧᬵᬧᬢᬶᬄ᭞ᬍᬗ᭄ᬓᬭᬵᬯᬶᬚᬬ᭞ᬩᬧᬲᬸᬩᬦᬩ᭄ᬤᬩᬂ᭞ᬧᬜ᭄ᬚᬓᬾᬧᬂᬫ᭄ᬦᬾ
ᬓ᭄ᬱᬫᬶ᭞ᬗᬶᬭᬶᬂᬕᬸᬲ᭄ᬢᬶᬜ᭞ᬫ᭄ᬦᬾᬓ᭄ᬤᬶᬓᬨᬮᬧᬶ᭟᭜᭟ᬲᬶᬭᬵᬧᬢᬶᬄᬭᬭᬶᬲ᭄ᬫᬵᬢᬹᬃᬲᬃᬯ᭄ᬯᬶᬜᬸᬫ᭄ᬩᬄ᭞ᬭᬭᬶᬲ᭄ᬗᬭᬳᬶᬦ᭄ᬲᬫᬶ᭞ᬧ᭄ᬭᬪᬹᬲᬫ᭄ᬩᬶᬭᬦ᭞ᬭᬭᬶᬲ᭄ᬤᬦᬾᬦᬫ᭄ᬧᭂᬓᬂ᭞ᬦᬸᬦᬲ᭄ᬮᬸᬕ᭄ᬭᬳᬵᬫᬧᬫᬶᬢ᭄᭞ᬫᬗ᭄ᬓᬶᬦ᭄ᬗᬦ᭄ᬤᬶᬓ᭞ᬳᬶᬤᬵᬭᬳᬤᬾᬦ᭄ᬫᬦ᭄ᬢ᭄ᬭᬶ᭟᭜᭟ᬳ᭄ᬦᬄᬓ᭄ᬫᬫᬫᬦ᭄‌ᬫ᭄ᬦᬾᬓ᭄ᬤᬶᬓ
ᬨᬮ᭄ᬧ᭄ᬭᬂ᭞ᬲᬂᬧ᭄ᬭᬪᬹᬫᬸᬗ᭄ᬕᬄᬕ᭄ᬮᬶᬲ᭄᭞ᬢᬸᬫᬸᬮᬶᬭᬳᬤ᭄ᬬᬦ᭄᭞ᬫᬗ᭄ᬓᬶᬦ᭄ᬫᬸᬗ᭄ᬕᬄᬓᬓᬨᬮ᭄᭞ᬳᬶᬧᬢᬶᬄᬍᬗ᭄ᬓᬭᬵᬗᬶᬭᬶᬂ᭞ᬫᬶᬯᬄᬭᭀᬯᬂᬜ᭞ᬲᬯᬢᬭᬧᬶᬢᬸᬂᬓ᭄ᬢᬶ᭟᭜᭟ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬢᬸᬫᬸᬮᬶᬫᬗᬩᬸᬢ᭄ᬫᬗ᭄ᬕᬃ᭞ᬧᬗᬋᬧ᭄ᬓᬨᬮᬧᬶ᭞ᬓᬮᬶᬄᬓᬨᬮ᭄ᬧ᭄ᬭᬂ᭞ᬫᬓᬦ᭄ᬤᬓᬦ᭄ᬤᬫ᭄ᬮ
ᬬᬃ᭞ᬧᬦ᭄ᬲᬸᬯᬾᬲᬵᬫ᭄ᬧᬸᬦ᭄ᬤᬶᬫᬃᬕ᭄ᬕᬶ᭞ᬢᭂᬮᬸᬮᬲ᭄ᬤᬶᬦᬵ᭞ᬭᬾᬄᬧ᭄ᬮᬬᬃᬓᬧᬮᬧᬶ᭟᭜᭟ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧ᭄ᬮᬩ᭄ᬯᬦ᭄ᬫᬦ᭄ᬤᬓᬰᬵ᭞ᬓᬨᬮ᭄ᬫᬘᬂᬘᬂᬲᬫᬶ᭞ᬢᬸᬫᬸᬮᬶᬫᬢ᭄ᬗᭂᬭᬦ᭄᭞ᬩ᭄ᬤᬶᬮ᭄ᬳᭂᬩᭀᬫᬾᬫᬲ᭄ᬯᬭ᭞ᬯᭀᬂᬩᬗ᭄ᬲᬮ᭄‌ᬕᬾᬯᬃᬧ᭄ᬭᬲᬫᬶ᭞ᬬᬳᬶᬲᬸᬩᬦ᭄ᬤᬃ᭞ᬫᬗᬸᬢᬸᬲ᭄ᬘᬶᬦ [ 107 ][᭑᭐᭖ 106B]
᭑᭐᭖
ᬕ᭄ᬮᬶᬲ᭄᭟᭜᭟ᬘᬶᬦᬵᬓᬦ᭄ᬢᭀᬂᬚᬦᬶᬫᬗᭀᬭᭀᬲ᭄ᬮᬮᬾᬧᬓ᭄᭞ᬳᬾᬜ᭄ᬘᭀᬂᬦ᭄ᬤᬬᬸᬗᬂᬕ᭄ᬮᬶᬲ᭄᭞ᬯᬸᬲ᭄ᬭᬯᬸᬄᬤᬶᬓᬨᬮ᭄᭞ᬳᬶᬘᬶᬦᬵᬫᬦᬢᬲᬂ᭞ᬭᬶᬂᬩᬦ᭄ᬤᬾᬕᬦ᭄ᬓᬨᬮᬧᬶ᭞ᬳᬸᬮᬶᬤᬶᬚᬯᬵ᭞ᬳᬶᬘᬶᬦᬵᬫᬦᬓᭀᬦᬶᬦ᭄᭟᭜᭟ᬲᬬᬢᬜᬳᬧᬓᬺᬚᬓ᭄ᬫᬭᬶᬧᬸᬯᬄ᭞ᬳᬶᬚᬸᬭᬕ
ᬦ᭄ᬜᬯᬹᬭᬶᬦ᭄᭞ᬲᬬᬳᬶᬦᬶᬫᭂᬫ᭄ᬩ᭄ᬯᬢ᭄᭞ᬭᬚᬤᬭᬶᬩ᭄ᬭᬂᬧ᭄ᬭᬶᬸᬧᬦᬲ᭄᭞ᬤ᭄ᬬᬦ᭄ᬳᬦ᭄ᬤᬄᬫᬫᬸᬓᬸᬮ᭄ᬦᭂᬕ᭄ᬭᬶ᭞ᬤᬶᬓᬶᬦ᭄ᬢᬵᬯᬦᬵ᭞ᬳᬶᬧᬫᬢᬶᬂᬜᬯᬹᬭᬶᬦ᭄᭟᭜᭟ᬳ᭄ᬦᬾᬳᬶᬭᬵᬚᬦᬶᬫᬳᬶᬧᬘᬂᬗᬭᬸᬲᬓ᭄᭞ᬦᬾᬫᬵᬤᬦ᭄‌ᬬᬫ᭄ᬩᬃᬓᬯᬶ᭞ᬓᬾᬢᭀᬚᬳᭀᬭᬳᬂ᭞ᬚᬦᬶᬢ᭄ᬓᬾᬦᬶᬂᬳᬶᬬ᭞ᬮᬫᬸᬜᬢ᭄ᬯᬭᬵ᭠
ᬤᬩᬦᬶ᭞ᬳᬧᬂᬲ᭄ᬭᬳᬗ᭞ᬤᬾᬯᬶᬓᭂᬜ᭄ᬘᬦᬯᬢᬶ᭟᭜᭟ᬫᬶᬯᬄᬩᬋᬂᬢ᭄ᬓᬾᬦ᭄ᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭟᭜᭟ᬳᭀᬭᬳᬂᬫᬸᬜᬶᬦ᭄ᬓᬳᬶ᭞ᬢ᭄ᬓᬾᬦ᭄ᬕᬸᬲ᭄ᬢᬶᬦ᭄ᬳᬶᬩᬵ᭞ᬬᬳᬶᬲᬹᬃᬬ᭄ᬬᬓᬸᬲᬸᬫᬵ᭞ᬫᬶᬯᬄᬭᬶᬂᬳᬶᬬᬫ᭄ᬩᬃᬓᬯᬶ᭞ᬳᬧᬂᬬᬳᬾᬗ᭄ᬕᬮ᭄᭞ᬫᭂᬦ᭄ᬤᬓᬶᬦ᭄ᬳᬶᬭᬵᬫᬳᬶ᭟᭜᭟ᬳᬶᬯᬂᬘᬶᬦᬵᬢᬸ
ᬮᬓ᭄‌ᬕ᭄ᬤᭂᬕᬾᬓᬮᬶᬯᬢ᭄᭞ᬯᬸᬲ᭄ᬭᬳᬸᬄᬭᬶᬂᬧᬲᬶᬲᬶ᭞ᬭᬭᬶᬲ᭄ᬫᬳᭀᬭᬳᬦ᭄᭞ᬢ᭄ᬓᬾᬦᬶᬂᬳᬶᬲᬸᬩᬦ᭄ᬤᬃ᭞ᬲᬸᬩᬓᬢ᭄ᬮᬾᬄᬢᬾᬄᬳᬂᬲᬫᬶ᭞ᬬᬳᬶᬲᬸᬩᬦ᭄ᬤᬃ᭞ᬭᬭᬶᬲ᭄ᬳᬸᬢᬸᬲᬦᬾᬩ᭄ᬯᬶᬦ᭄᭟᭜᭟ᬫᬗᬢᬹᬭᬂᬭᬶᬂᬳᬶᬤᬵᬲᬂᬧ᭄ᬭᬪᬹᬳᬾᬗ᭄ᬕᬮ᭄᭞ᬳᬶᬤᬵᬧ᭄ᬭᬪᬹᬩ᭄ᬭᬂᬲᬸᬦ᭄ᬤᬶ᭞ᬦᬾᬭᬶᬂ

[᭑᭐᭗ 107A]
᭑᭐᭗
ᬫᬸᬦ᭄ᬤᬓᬰ᭞ᬢᬸᬫᬸᬮᬶᬕ᭄ᬮᬶᬲ᭄ᬫᬫᬃᬕ᭄ᬕᬵ᭞ᬫᬗ᭄ᬮᬶᬗ᭄ᬕᬶᬳᬶᬜ᭄ᬚᬭᬦ᭄ᬗᬶᬚᬶᬓ᭄᭞ᬫᬩᬕᬗ᭄ᬲᬭᬦ᭄᭞ᬢᬦ᭄ᬓᬘᬭᬶᬢ᭄ᬣᬤᬶᬫᬃᬕ᭄ᬕᬶ᭟᭜᭟ᬓᬘᬭᬶᬢ᭄ᬣᬲᬂᬧ᭄ᬭᬪᬹᬋᬱᬶᬪᭀᬚᬦᬵ᭞ᬫᬦᬸᬦ᭄ᬤᬾᬦ᭄ᬫᬫᭂᬤᬶᬮᬶᬦ᭄᭞ᬮᬯᬸᬢ᭄ᬧᬤᬵᬫᬭ᭞ᬫᬜᭂᬤᬸᬢ᭄‌ᬩ᭄ᬤᬶᬮᬾᬮ᭞ᬤᬤᬶᬬᬳᬮᬄᬳᬸᬚ
ᬦᬶᬦ᭄᭞ᬤᬶᬫᬸᬦ᭄ᬤᬓᬰᬵ᭞ᬓᬸᬮ᭄ᬓᬸᬮᬾᬩᬸᬮᬸᬲ᭄ᬚᬦᬶ᭟᭜᭟ᬲᬸᬩᬮᬶᬬᬩᬗ᭄ᬓᬾᬦᬾᬧᬚᭂᬫ᭄ᬧᬂ᭞ᬫᬶᬫᬶᬲ᭄ᬮᬾᬮᬗᬫᬳᬶᬦ᭄᭞ᬭᬭᬸᬤ᭄ᬫᬩ᭄ᬬᬬᬸᬯᬦ᭄᭞ᬮᬸᬄᬫ᭄ᬯᬦᬶᬧᬤᬵᬩᬸᬤᬮ᭄᭞ᬳᬤᬵᬜᬶᬗᬮ᭄ᬧᬦᬓ᭄ᬘᭂᬦᬶᬓ᭄᭞ᬫ᭄ᬮᬳᬶᬩ᭄ᬗᭂᬤᬫ᭄ᬧ᭄ᬮᬂ᭞ᬓᬓᬶᬦ᭄ᬢᬵᬯᬦᬵᬕ᭄ᬮᬶᬲ᭄᭟᭜᭟
ᬲᬂᬧ᭄ᬭᬪᬹᬩ᭄ᬭᬂᬲᬸᬦ᭄ᬤᬶᬭᬭᬶᬲ᭄‌ᬕ᭄ᬮᬶᬲ᭄ᬗᬦ᭄ᬤᬶᬓ᭞ᬢ᭄ᬓᬾᬦ᭄ᬧᬸᬗ᭄ᬕᬯᬵᬧᬢᬶᬄ᭞ᬧᬢᬶᬄᬚᬬᬲᬸᬭᬵ᭞ᬮᬦ᭄ᬧᬢᬶᬄᬚᬬᬫᬺᬢ᭄ᬣᬵ᭞ᬧᬢᬶᬄᬫᬬᬦ᭄ᬢᬓᬕ᭄ᬮᬶᬲ᭄᭞ᬚᬦᬶᬦᬸᬦ᭄ᬤᬾᬦᬂ᭞ᬫᬗ᭄ᬯᬗᬸᬦ᭄ᬓᬸᬢᬕ᭄ᬮᬶᬲ᭄᭟᭜᭟ᬭᬭᬶᬲ᭄ᬢᭂᬤᬸᬦ᭄ᬧᬧᬢᬶᬄᬳᬾᬲᬓᬶᬂᬓᬨᬮ᭄᭞ᬫᬗᬶᬭᬶᬂᬕᬸᬲ᭄ᬢᬶᬧᬢᬶᬄ᭞ᬍ
ᬗ᭄ᬓᬭᬯᬶᬚᬬ᭞ᬧᬜ᭄ᬚᬓ᭄ᬜᬦᬾᬫᬗᬺᬕᬄ᭞ᬳᬶᬫᬬᬦ᭄ᬢᬓᬵᬫᭂᬦ᭄ᬤᬓᬶᬦ᭄᭞ᬮᬜ᭄ᬚᬬᬫᬺᬢ᭄ᬣᬵ᭞ᬧᬤᬵᬗᬤ᭄ᬯᬂᬩ᭄ᬤᬶᬮ᭄᭟᭜᭟ᬚᬦᬶᬫᬭᬫᬢᬶᬗ᭄ᬓᬄᬜᬸᬄᬘᬸᬄᬳᬂᬬᬸᬤ᭞ᬧᬤᬲᬮᬾᬂᬩ᭄ᬤᬶᬮᬶᬦ᭄᭞ᬮᬶᬬᬸᬲᬸᬩᬭᬸᬲᬓ᭄᭞ᬳᬤᬵᬫᬢᬶᬓᬢᬸᬫ᭄ᬩᬓ᭄᭞ᬮᬾᬦ᭄ᬳᬤᬦᬾᬓ᭄ᬦᬫᬶ [ 108 ][᭑᭐᭗ 107B]
᭑᭐᭗
ᬫᬶᬲ᭄᭞ᬧᬢᬶᬄᬍᬗ᭄ᬓᬭ᭞ᬧᬜ᭄ᬚᬓ᭄ᬜᬦᬾᬓᬮᬶᬮᬶᬄ᭟᭜᭟ᬳᬮᬸᬮᬸᬦᬜ᭄ᬚᬦᬶᬢ᭄ᬓᭂᬤ᭄ᬓᬧᭂᬲᭀᬯᬦ᭄᭞ᬧᬢᬶᬄᬍᬗ᭄ᬓᬭᬵᬩ᭄ᬭᬂᬢᬶ᭞ᬮᬯᬸᬢ᭄ᬫᬗᬫ᭄ᬭᬾᬲᬂ᭞ᬫᬗᬫᬸᬓ᭄ᬫᬗᬸᬮᬳᬂ᭞ᬯᬂᬫᬸᬦ᭄ᬤᬓᬰᬓᬾᬄᬫᬢᬶ᭞ᬫᬩᬸᬭᬭᬓᬦ᭄᭞ᬩᬗ᭄ᬓᬾᬦᬾᬧᬕᬸᬮᬶᬦ᭄ᬢᬶᬓ᭄᭟᭜᭟ᬲᬶ
ᬭᬵᬧᬢᬶᬄᬍᬗ᭄ᬓᬭᬯᬶᬚᬬᬫᬭ᭞ᬫᬜᬸᬤᬸᬮᬶᬦ᭄ᬭᬶᬂᬳᬸᬭᬶ᭞ᬩᬦ᭄ᬜᬦᬾᬗᬸᬮᬳᬂ᭞ᬬᬢ᭄ᬯᬭᬵᬗᬚᬓ᭄ᬭᭀᬯᬂ᭞ᬳᬶᬬᬫᬗᬫᬸᬓ᭄ᬧᬤᬶᬤᬶ᭞ᬫᬸᬲᬸᬄᬳᬾᬧᬤ᭞ᬯᬂᬫᬸᬦ᭄ᬤᬓᬰᬮᬶᬮᬶᬄ᭟᭜᭟ᬲᬬᬦ᭄ᬕᬶᬭᬂᬭᭀᬯᬂᬜᬦᬾᬧᬢᬶᬄᬍᬗ᭄ᬓᬭ᭞ᬫᬦᬸᬢᬸᬕ᭄ᬳᬸᬮᬶᬤᬸᬭᬶ᭞ᬭᬭᬶ
ᬲ᭄ᬓᬢᬸᬢᬸᬕᬦ᭄᭞ᬳᬶᬍᬗ᭄ᬓᬭᬯᬶᬚᬬᬧᬢ᭄ᬬ᭞ᬢᬸᬫᬸᬮᬶᬓᬚ᭄ᬫᬓ᭄ᬕᭂᬮᬶᬲ᭄᭞ᬩᬳᬦ᭄ᬜᬫᬜ᭞ᬲᬫ᭄ᬩᬶᬮᬗᬫᬫᬸᬜᬶ᭟᭜᭟ᬳᭂᬤᬦ᭄ᬤᬾᬦ᭄ᬫᬮᬸᬤᬦ᭄ᬤᬾᬦ᭄ᬮᬚᬸᬫᬗᬸᬮᬳᬂ᭞ᬫᬗᬸᬤᬧᬤᬶᬤᬶ᭞ᬭᭀᬯᬗᬾᬫᬮᬸᬳᬤᭀᬓᬂ᭞ᬧᬢᬶᬄᬍᬗ᭄ᬓᬫᬗᬸᬘᬧ᭄᭞ᬳᭂ
ᬦ᭄ᬢᭀᬓᬾᬦ᭄ᬓᬾᬦᬂᬚᬦᬶ᭞ᬩᬦ᭄ᬕᭂᬤᭂᬕ᭄ᬧᬶᬲᬦ᭄᭞ᬧᬜ᭄ᬚᬓᬾᬳᭀᬜᬮᬶᬮᬶᬄ᭟᭜᭟ᬚᬦᬶᬕᬶᬭᬂᬧᬤᬵᬧᬜ᭄ᬚᬓ᭄ᬦᬾᬧᬢᬶᬄᬍᬗ᭄ᬓᬭᬵ᭞ᬕᬶᬭᬂᬧᬤᬵᬗᭂᬧᬸᬗᬶᬦ᭄᭞ᬢ᭄ᬯᬭᬵᬦᭀᬮᬶᬄᬯᬸᬦ᭄ᬢᬢ᭄᭞ᬭ᭄ᬯᬗᬾᬳᬶᬚᬬᬫᬺᬢ᭄ᬣ᭞ᬧᬢᬶᬄᬚᬬᬫᬺᬢ᭄ᬣᬕ᭄ᬮᬶᬲ᭄᭞ᬫᬗ᭠

[᭑᭐᭘ 108A]
᭑᭐᭘
ᬚᬓ᭄ᬭᭀᬯᬂ᭞ᬢᬦ᭄ᬮᬗ᭄ᬓᬸᬂᬭᭀᬭᬲ᭄ᬢᬮᬶ᭟᭜᭟ᬫᬗᬋᬧᬂᬤᬶᬢᬸᬦᬓᭂᬃᬫᬜᬳᬢᬂ᭞ᬭᬫᬾᬬᬸᬤᬦᬾᬫᬮᬶᬄ᭞ᬳᬧᬦᬓᬾᬄᬧ᭄ᬚᬄ᭞ᬭᭀᬯᬗᬾᬧᬢᬶᬄᬍᬗ᭄ᬓᬭᬵ᭞ᬩᬗ᭄ᬓᬾᬦᬾᬲᬮᬶᬂᬲᬸᬲᬸᬦᬶᬦ᭄᭞ᬕ᭄ᬢᬶᬳᬾᬫᭂᬫ᭄ᬩᬄ᭞ᬫᬸᬜᬶᬦ᭄ᬩᭂᬤᬶᬮᬾᬢᬶᬢᬶᬃ᭟᭜᭟ᬭᬭᬶᬲ᭄ᬩᬸᬦ᭄ᬢᬭᭀ
ᬯᬗᬾᬧᬢᬶᬄᬍᬗ᭄ᬓᬭᬵ᭞ᬧᬤᬲᬮᬾᬂᬧᬲᬶᬮᬶᬳᬶᬦ᭄᭞ᬩᬶᬳᬶᬦ᭄ᬫᬮᬸᬮᬸᬦᬦ᭄᭞ᬭ᭄ᬯᬗᬾᬧᬢᬶᬄᬍᬗ᭄ᬓᬭ᭞ᬫᬗᬋᬧᬂᬲᬋᬂᬓᬮᬶᬄ᭞ᬧᬢᬶᬄᬍᬗ᭄ᬓᬭᬵ᭞ᬫ᭄ᬯᬂᬍᬗ᭄ᬓᬭᬯᬶᬚᬬᬕ᭄ᬮᬶᬲ᭄᭟᭜᭟ᬭᬭᬶᬲ᭄ᬗᬫᬸᬓ᭄‌‌ᬢ᭄ᬯᬭᬵᬧᬤᬵᬦᭀᬮᬶᬄᬳᬸᬦ᭄ᬢᬢ᭄᭞ᬲᬶᬂᬫᬭᬢ᭄ᬓᬫᬢᬶ᭞ᬢ᭄ᬯᬓ᭄ᬦᬾᬂᬯᬶ
ᬮᬂ᭞ᬩᬂᬓᬾᬦᬾᬮ᭄ᬬᬸᬧᬚᭂᬫ᭄ᬧᬂ᭞ᬲᬓᬓᬭᬾᬦᬾᬦᬾᬫᬢᬶ᭞ᬯᬂᬫᬸᬦ᭄ᬤᬓᬰ᭞ᬭᬭᬸᬤ᭄ᬧᬤᬵᬓᬮᬶᬮᬶᬄ᭟᭜᭟ᬫᬗ᭄ᬓᬶᬦ᭄ᬭᭀᬯᬗᬾᬳᬶᬧᬢᬶᬄᬫᬬᬦ᭄ᬢᬓ᭞ᬗᬋᬧᬂᬫᬧᬕ᭄ᬚᬸᬭᬶᬢ᭄᭞ᬳᬶᬍᬗ᭄ᬓᬭᬵᬯᬶᬚᬬ᭞ᬫᬗᬫᬸᬓ᭄ᬫᬗᬮᬳᬂ᭞ᬮᬦ᭄ᬢᬲ᭄ᬧᬢᬶᬄᬍᬗ᭄ᬓᬭᬵᬫᬗ᭄ᬓᬶᬦ᭄᭞
ᬓᬮᬶᬦ᭄ᬢᬂᬓ᭄ᬭᭀᬤᬵ᭞ᬢ᭄ᬯᬭᬓ᭄ᬦᬢᬯᭂᬗᬶᬦ᭄᭟᭜᭟ᬚᬦᬶᬩᬸᬦ᭄ᬢᬲ᭄‌‌ᬭᭀᬯᬗᬾᬳᬶᬫᬬᬦ᭄ᬢᬓ᭞ᬯᬶᬭᬗᬾᬢᬦ᭄ᬲᬶᬦᬧᬶ᭞ᬫᬗ᭄ᬓᬶᬦ᭄ᬚᬬᬫᬺᬢ᭄ᬣ᭞ᬢᬸᬫᬸᬮᬶᬫᬗᬋᬧᬂ᭞ᬧᬦ᭄ᬲᬫᬶᬧᬺᬓᭀᬱᬓᬮᬶᬄ᭞ᬧᬤᬵᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄᭞ᬗᬋᬧᬂᬫᬓᬓᬮᬶᬄ᭟᭜᭟ᬭᬭᬶᬲ᭄ᬗᬸᬘᬧ᭄ᬳᬶᬧ᭠ [ 109 ][᭑᭐᭘ 108B]
᭑᭐᭘
ᬢᬶᬄᬍᬗ᭄ᬓᬭᬵᬯᬶᬚᬬ᭞ᬢᭀᬳᭂᬢᭀᬦ᭄ᬳᬶᬩᬫᬳᬶ᭞ᬳᬶᬄᬯᭀᬂᬫᬸᬦ᭄ᬤᬓᬰᬵ᭞ᬳᬶᬫᬬᬦ᭄ᬢᬓᬫᬗᬸᬘᬧ᭄᭞ᬯᬂᬩ᭄ᬭᬂᬧᬦᬲ᭄ᬳᬶᬩᬫᬢᬶ᭞ᬳᭂᬜᬾᬦ᭄ᬳᬤᬦ᭄ᬜ᭞ᬳᭀᬭᬳᬂᬢ᭄ᬓᬾᬦ᭄ᬓᬳᬶ᭟᭜᭟ᬓᬳᬶᬫᬢᬓᭀᬦ᭄ᬢᭂᬓᬾᬦ᭄ᬳᬶᬩᬮᬸᬩᬓ᭄᭞ᬢ᭄ᬓᬳᬶᬩᬫᬚᬶᬜ᭄ᬚᬶᬦ᭄᭞ᬦᬄᬚᬦᬶᬳᭀ
ᬭᬳᬂ᭞ᬳᬤᬦ᭄ᬩᬦᬾᬩᬩ᭄ᬤᬕ᭄᭞ᬳᬶᬫᬜᬶᬸᬬᬦ᭄ᬢᬓᬜᬯᬹᬭᬶᬦ᭄᭞ᬳᬧᬂᬩᬦᬯᬂ᭞ᬳᬶᬫᬬᬦ᭄ᬢᬓᬓᬳᬶ᭟᭜᭟ᬭᬭᬶᬲ᭄ᬫᬭᬵᬳᬶᬫᬬᬦ᭄ᬢᬓᬫᬦᬸᬫ᭄ᬩᬓ᭄᭞ᬳᬗᬶᬂᬢ᭄ᬯᬭᬵᬫᬶᬗ᭄ᬮᬓᬶᬦ᭄᭞ᬳᬍᬗ᭄ᬓᬭᬯᬶᬚᬬ᭞ᬫᬦᭂᬳᭂᬢ᭄ᬩᬳᬦ᭄ᬕᬤ᭞ᬫᬲᬶᬄᬢ᭄ᬯᬭᬫᬫᬶᬦ᭄ᬢᬸᬮᬶᬦ᭄᭞ᬫᬸᬤᭂᬃᬳᬸᬤᭂᬭᬦ᭄᭞
ᬧᬤᬵᬲᬮᬾᬂᬢᬸᬫ᭄ᬩᬓᬶᬦ᭄᭟᭜᭟ᬓᬮᬶᬄᬢ᭄ᬯᬭᬵᬫᬢᬢᬸᬩᬳᬦ᭄ᬲᬜ᭄ᬚᬢ᭞ᬲᬸᬯᬾᬫᬬᬸᬤᬵᬓᬮᬶᬄ᭞ᬧᬦ᭄ᬲᬫᬶᬧ᭄ᬭᬓᭀᬰᬵ᭞ᬧᬤᬵᬢ᭄ᬕᬸᬄᬧ᭄ᬭᬯᬶᬭ᭞ᬳᬶᬧᬢᬶᬄᬍᬗ᭄ᬓᬭᬕ᭄ᬮᬶᬲ᭄᭞ᬭᬭᬶᬲ᭄ᬫᬫᬦᬄ᭞ᬩᬦ᭄ᬧᬦᬄᬘᬓ᭄ᬭᬮᬸᬗᬶᬤ᭄᭟᭜᭟ᬲᬸᬩᬓ᭄ᬦᬵᬫᬢᬶᬧᬢᬶᬄᬫᬬᬦ᭄ᬢᬓ᭞ᬲᬸᬭᬓ᭄ᬭᬫᬾᬕᬸ
ᬫᬶᬭᬶᬄ᭞ᬳᬶᬍᬗ᭄ᬓᬭᬯᬶᬚᬬ᭞ᬭᬭᬶᬲ᭄ᬫᬮᬶᬄᬫᬫᬦᬄ᭞ᬧᬢᬶᬄᬚᬬᬫᬺᬢ᭄ᬣᬓ᭄ᬦᬶ᭞ᬫᬗ᭄ᬭᬭᬶᬲ᭄ᬳᭂᬩᬄ᭞ᬫᬓᬤᬤ᭄ᬯᬬᬫᬢᬶ᭟᭜᭟ᬳᬶᬤᬵᬲᬂᬧ᭄ᬭᬪᬹᬫᬸᬦ᭄ᬤᬓᬰᬗᬦ᭄ᬤᬶᬓ᭞ᬧᬢᬶᬄᬫᭀᬂᬓ᭄ᬓᬭᬪᬸᬗᬶᬸᬫᬶ᭞ᬲᬋᬂᬮᬦ᭄ᬓᬯᬸᬮ᭞ᬲᬯᬢᬭᬮᬶᬫᬂᬮᬓ᭄ᬱ᭞ᬫᬶᬗᬶᬭᬶᬂᬳᬶᬤᬵᬲᬂᬗᬵᬚᬶ᭞ᬓᬸ

[᭑᭐᭙ 109A]
᭑᭐᭙
ᬲᬫ᭄ᬩᬶᬭᬡ᭄ᬦᬵ᭞ᬦᬾᬚᬦᬶᬳᬶᬤᬵᬫᬶᬚᬶᬮ᭄᭟᭜᭟ᬤᬤᬶᬩᬸᬯᬶᬦ᭄ᬲᬸᬭᬓᬾᬭᬫᬾᬳᬸᬭᬳᬦ᭄᭞ᬳᬶᬤᬵᬧ᭄ᬭᬪᬹᬩ᭄ᬭᬂᬲᬸᬦ᭄ᬤᬶ᭞ᬓ᭄ᬮᬗ᭄ᬓᬸᬂᬩ᭄ᬭ᭠ᬳ᭄ᬫᬵᬦ᭄ᬢ᭄ᬬᬦ᭄᭞ᬤᬾᬦᬶᬂᬳᬶᬬᬓᬘᬶᬗᬓ᭄᭞ᬳᬶᬧᬢᬶᬄᬓᬮᬶᬄᬗ᭄ᬫᬲᬶᬦ᭄᭞ᬳᬶᬫᬬᬦ᭄ᬢᬓ᭞ᬮᬜ᭄ᬚᬬᬫᬺᬢ᭄ᬣᬧᬢᬶᬄ᭟᭜᭟᭛ᬧᬗ᭄ᬓᬸᬃ᭛
᭞ᬲᬂᬧ᭄ᬭᬪᬹᬚᬦᬶᬗᬋᬧᬂ᭞ᬓᬮᬶᬄᬮᬦ᭄ᬲᬋᬂᬧᬢᬶᬄᬫᭀᬗ᭄ᬓᬭᬵᬖ᭄ᬦᬶ᭞ᬧᬜ᭄ᬚᬓᬾᬗᬸᬮᬳᬂᬲᬵᬫ᭄ᬧᬸᬦ᭄᭞ᬲᬸᬭᬓᬾᬫᬢᬶᬫ᭄ᬩᬮ᭠ᬦ᭄᭞ᬲᬶᬭᬵᬧᬢᬶᬄ᭞ᬍᬗ᭄ᬓᬭᬵᬦᬸᬮᬶᬳᬫᬸᬯᬸᬲ᭄᭞ᬦᬾᬓᭀᬳᬤᬩᬸᬯᬶᬦ᭄ᬢᭂᬓ᭞ᬚ᭄ᬦᭂᬗᬧ᭄ᬭᬭᬢᬸᬮᬶᬸᬮᬸᬯᬶᬄ᭟᭜᭟ᬍᬗ᭄ᬓᬭᬯᬶᬚᬬᬗᬸᬘᬧ᭄᭞ᬦᬄᬓ
ᬋᬧᬂᬳᬶᬬᬧᬜ᭄ᬚᬓᬾᬲᬫᬶ᭞ᬦᬾᬓᭀᬫᬸᬲᬸᬄᬧᭂᬲᬸᬮᬶᬬᬸ᭞ᬦᬾᬚᬦᬶᬳᬧᬂᬬᬢ᭄ᬦᬵ᭞ᬲᬸᬭᬓ᭄ᬭᬫᬾ᭞ᬲᬮᬶᬂᬢᬶᬫ᭄ᬩᬮᬶᬦ᭄ᬕᬸᬫᬸᬭᬸᬄ᭞ᬩ᭄ᬤᬶᬮᬾᬗ᭄ᬭᭀᬧᭀᬤ᭄ᬢᬦ᭄ᬧ᭄ᬕᬢ᭄᭞ᬮᬶᬬᬸᬫᬢᬶᬓ᭄ᬦᬫᬶᬫᬶᬲ᭄᭟᭜᭟ᬮᬶᬬᬩᬗ᭄ᬓᬾᬦᬾᬧᬚᭂᬫ᭄ᬧᬂ᭞ᬫᬸᬲᬸᬄᬭᭀᬯᬂᬧᬤᬵᬧᬘᬾᬕ᭄ᬘᬾᬕ᭄ᬫᬢᬶ᭞ᬧᬤᬫ᭠
ᬤᭂᬲᭂᬓ᭄ᬫᬗᬫᬸᬓ᭄᭞ᬫᬭᬸᬓᭂᬢ᭄ᬲᬮᬾᬂᬢᬸᬫ᭄ᬩᬓ᭄᭞ᬫᬳᬸᬲᬸᬗᬦ᭄᭞ᬲᬶᬬᬢᬾᬩᬸᬭᬸᬓᬩᬸᬭᬸ᭞ᬤᬤᬶᬬᬜᬧᬤᬵᬩᬸᬤᬮ᭄᭞ᬯᬂᬩ᭄ᬭᬂᬧᬦᬲᬾᬓᬮᬶᬮᬶᬄ᭟᭜᭟ᬫᬮᬳᬶᬩ᭄‌‌ᬬᬧᬢᬶᬩᬩᬃ᭞ᬲᬮᬾᬂᬢᭀᬫ᭄ᬧ᭄ᬮᭀᬓ᭄ᬳᭂᬩᬄᬲᬮᬶᬂᬲᬸᬲᬸᬦᬶᬦ᭄᭞ᬮᬶᬬᬸᬧᬤᬫᬢᬶᬮᬩᬸᬄ᭞ᬳᭂᬗ᭄ᬲᬸᬢ᭄ᬤᬶ [ 110 ][᭑᭐᭙ 109B]
᭑᭐᭙
ᬩᬶᬮᬂᬚᬸᬭᬂ᭞ᬦᭂᬧᬾᬦ᭄ᬧᬗ᭄ᬓᬸᬂ᭞ᬤᬤᬶᬮᬶᬬᬸᬤᭂᬓ᭄ᬤᭂᬓ᭄ᬳᭂᬮᬸᬂ᭞ᬳᬤᬵᬮᬾᬦ᭄ᬫᬢᬶᬫᬕᬸᬬᬂ᭞ᬚᭂᬓ᭄ᬚᭂᬓ᭄ᬭᭀᬯᬂᬤᬓᬶᬩᭂᬗᬶᬮ᭄᭟᭜᭟ᬩᬸᬗᬸᬢᬾᬩᭂᬓ᭄ᬩᬦ᭄ᬢᬦᬄ᭞ᬘᬸᬗᬸᬄᬳᭂᬫ᭄ᬧᭂᬢ᭄ᬩᬳᬦ᭄ᬳᭂᬩᬸᬓ᭄ᬦᬫ᭄ᬩᭂᬮᬶᬦ᭄᭞ᬗ᭄ᬤᬢ᭄ᬫᬢᬦᬾᬫᬮᬶᬤ᭄ᬭᬸ᭞ᬳᬗ᭄ᬓᬶᬳᬦ᭄ᬲᭂᬗᬮ᭄ᬲᭂᬗᬮ᭄᭞ᬮᬦ᭄ᬢᬲ᭄ᬩᬗᬸᬦ᭄᭞ᬫᬚᬮᬦ᭄ᬬᬧᬢᬶᬓᭂ
ᬧᬸᬕ᭄᭞ᬳᬤᬵᬳᭀᬮᬲ᭄ᬫᬦᬦ᭄ᬤᬦᬂ᭞ᬦᬾᬢᬾᬓᬦᬧᬳᬶᬩ᭄ᬮᬶ᭟᭜᭟ᬫᭂᬦ᭄ᬤᭂᬧ᭄ᬢᭀᬂᬤᬤᬶᬫᬧ᭄ᬢ᭞ᬘᬸᬗᬸᬄᬳᭂᬩᭂᬓ᭄ᬩᬦ᭄ᬳᭂᬩᬸᬓ᭄ᬫᬗᭂᬫ᭄ᬧᭂᬢᬶᬦ᭄᭞ᬫᬚᬮᬦ᭄ᬬᬧᬢᬶᬳᬸᬲᬸᬤ᭄᭞ᬢᬹᬃᬮᬶᬫᬦ᭄ᬜᬦᬾᬧ᭄ᬕᬢ᭄᭞ᬦᬾᬫᬤᬦ᭄ᬤᬦ᭄᭞ᬳᬗᬶᬂᬕ᭄ᬤᭂᬕᬾᬓ᭄ᬮᬗ᭄ᬓᬸᬂ᭞ᬫᬸᬲᬸᬳᬾᬬᬲᬸᬩᬦᬭᬫ᭄᭞ᬚᬦᬶᬤᬤᬶᬓᬧ᭄ᬮᬳᬶ᭠
ᬩᬶᬦ᭄᭟᭜᭟ᬩᬲ᭄ᬮᬶᬬᬸᬦᬾᬘᬭᬶᬢ᭄ᬣᬬᬂ᭞ᬓᭀᬘᬧ᭄ᬧᬢᬶᬄᬍᬗ᭄ᬓᬭᬯᬶᬚᬬᬩᬸᬯᬶᬦ᭄᭞ᬮᬦ᭄ᬧᬢᬶᬄᬍᬗ᭄ᬓᬭᬤᬶᬢᬸ᭞ᬤᬾᬦᬶᬂᬧᬜ᭄ᬚᬓᬾᬳᭀᬜ᭞ᬧᬤᬵᬮᬶᬮᬶᬄ᭞ᬤᬤᬶᬯᬶᬭᬗᬾᬓ᭄ᬮᬗ᭄ᬓᬸᬂ᭞ᬢᬸᬫᬸᬮᬶᬭᬭᬶᬲ᭄ᬗᬋᬧᬂ᭞ᬫᬗᬫᬸᬓ᭄ᬫᬗᬸᬩᬢᬩᬶᬢ᭄᭟᭜᭟ᬢᬦ᭄‌‌ᬧᬾᬦ᭄ᬤᬄᬮ᭄ᬯᬶᬃᬲᬶᬗᬕᬮᬓ᭄᭞᭠
ᬲᬶᬂᬓᬘᬸᬦ᭄ᬤᬸᬓ᭄ᬓᬢᭀᬓ᭄ᬢᭀᬓ᭄ᬓᬮᬜ᭄ᬚᬓᬶᬦ᭄᭞ᬧᬜ᭄ᬚᬓ᭄ᬳᬶᬤᬵᬦᬾᬲᬂᬧ᭄ᬭᬪᬹ᭞ᬦᬾᬲᬓᬶᬂᬫᬸᬦ᭄ᬤᬓᬰ᭞ᬮᬶᬬᬸᬫᬢᬶ᭞ᬦᬾᬫᬗᬺᬩᬸᬢ᭄ᬬᬓᬳᬫᬸᬓ᭄᭞ᬲᬶᬲᬦ᭄ᬫᬢᬶᬧᬤᬵᬩᬸᬤᬮ᭄᭞ᬫ᭄ᬮᬳᬶᬩ᭄‌‌ᬢ᭄ᬯᬭᬵᬦᭀᬮᬶᬄᬯᬸᬭᬶ᭟᭜᭟ᬲᬂᬧ᭄ᬭᬪᬹᬓᬮᬶᬦ᭄ᬢᬂᬯᬶᬭᬂ᭞ᬲᬋᬂᬲᬶᬭᬧᬢᬶᬄᬫᭀᬗ᭄ᬓᬭᬪᬸᬫᬶ᭞

[᭑᭑᭐ 110A]
᭑᭑᭐
ᬢᬸᬫᬸᬮᬶᬭᬭᬶᬲ᭄ᬓᬘᬸᬦ᭄ᬤᬸᬓ᭄᭞ᬮᬦ᭄ᬳᬶᬍᬗ᭄ᬓᬭᬯᬶᬚᬬ᭞ᬓᬮᬶᬄᬲᬋᬂ᭞ᬧᬢᬶᬄᬍᬗ᭄ᬓᬭᬧᬸᬦᬶᬓᬸ᭞ᬳᬶᬧᬢᬶᬄᬍᬗ᭄ᬓᬭᬗᬸᬘᬧ᭄᭞ᬦᬾᬳᭂᬜᬾᬦ᭄ᬳᬤᬦᬾᬓᬮᬶᬄ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓ᭞ᬳᬶᬩᬳᭂᬜᬾᬦ᭄ᬳᬤᬦ᭄ᬳᬶᬩᬦᬾᬚᬦᬶ᭞ᬧᬢᬶᬄᬍᬗ᭄ᬓᬭᬫᬲᬯᬹᬃ᭞ᬳᬶᬭᬧᬢᬶᬄ᭠
ᬍᬗ᭄ᬓᬭ᭞ᬫ᭄ᬯᬄᬧᬢᬶᬄᬍᬗ᭄ᬓᬭᬯᬶᬚᬬᬜᬫᬦᬓᬸ᭞ᬳᬶᬩᬳᭂᬜᬾᬦ᭄ᬲᬶᬳᬤᬦ᭄ᬜ᭞ᬳᭀᬭᬳᬂᬢ᭄ᬓᬾᬦᬶᬂᬓᬳᬶ᭟᭜᭟ᬲᬂᬧ᭄ᬭᬪᬹᬭᬭᬶᬲ᭄ᬗᬦ᭄ᬤᬶᬓᬵ᭞ᬦᬾᬓᬳᬶᬜ᭄ᬦᭂᬂᬳᬕᬸᬂᬤᬶᬩ᭄ᬭᬂᬲᬸᬦ᭄ᬤᬶ᭞ᬤᬶᬫᬸᬦ᭄ᬤᬓᬰᬫᬫᭂᬗ᭄ᬓᬸ᭞ᬧᬜᭂᬩᭂᬄᬓᬶᬦ᭄ᬢᬵᬯᬦᬵ᭞ᬫ᭄ᬯᬄᬳᬶᬧᬢᬶᬄ᭞ᬫᭀᬗ᭄ᬓᬭᬪᬸᬫᬶᬚᬚᬸᬮᬸ
ᬓ᭄᭞ᬍᬗ᭄ᬓᬭᬯᬶᬚᬬᬗᬸᬘᬧ᭄᭞ᬦᬄᬧᬬᬸᬫᬲᬶᬬᬢ᭄ᬚᬦᬶ᭟᭜᭟ᬭᬭᬶᬲ᭄ᬫᬳᬸᬤᭂᬃᬳᬸᬤᭂᬭᬦ᭄᭞ᬲᬮᬾᬂᬢ᭄ᬩᭂᬓ᭄ᬕᬦ᭄ᬢᬶᬲᬮᬾᬂᬢᬸᬫ᭄ᬩᬓᬶᬦ᭄᭞ᬤᬾᬦᬶᬂᬳᬶᬬᬧᬤᬵᬢ᭄ᬕᬸᬄ᭞ᬢᭀᬂᬩᬶᬗ᭄ᬮᬓ᭄ᬩᬦ᭄ᬲᬜ᭄ᬚᬢ᭄ᬣ᭞ᬭᬭᬶᬲ᭄ᬕᭂᬮᬶᬲ᭄᭞ᬧ᭄ᬭᬪᬹᬚᬕ᭄ᬭᬦᬮᬭᬯᬸᬄ᭞ᬫᬳᬶᬭᬶᬗᬦ᭄ᬩᬮᬓᬢᬄ᭞ᬭᬭᬶᬲ᭄ᬓᬘᬶᬗ
ᬓᬦ᭄ᬫᬗ᭄ᬓᬶᬦ᭄᭟᭜᭟ᬧ᭄ᬭᬪᬹᬩ᭄ᬭᬂᬲᬸᬦ᭄ᬤᬶᬗᬋᬧᬂ᭞ᬫᬳᬸᬤᭂᬭᬦ᭄ᬲᬂᬧ᭄ᬭᬪᬹᬗᬦ᭄ᬤᬶᬓᬕ᭄ᬮᬶᬲ᭄᭞ᬢ᭄ᬓᬾᬦ᭄ᬓᬯᬸᬮᬦᬾᬮᬶᬬᬸ᭞ᬗᬦ᭄ᬤᬶᬓᬬᬂᬗᬾᬗ᭄ᬕᬮᬂ᭞ᬫᬦᬸᬮᬸᬗᬶᬦ᭄᭞ᬧ᭄ᬭᬪᬹᬩ᭄ᬭᬂᬲᬸᬦ᭄ᬤᬶᬧᬸᬦᬶᬓᬸ᭞ᬓᬯᬸᬮᬦᬾᬭᬭᬶᬲ᭄ᬫᬭ᭞ᬧᬤᬳᬾᬗ᭄ᬕᬮ᭄ᬫᬜᬕ᭄ᬚᬕᬶᬦ᭄᭟᭜᭟ᬧᬢᬶᬄᬍᬗ᭄ᬓᬭᬗᬫ᭄ᬩᬭ᭞ [ 111 ][᭑᭑᭐ 110B]
᭑᭑᭐
ᬮᬦ᭄ᬳᬶᬧᬢᬶᬄᬍᬗ᭄ᬓᬭᬯᬶᬚᬬᬕ᭄ᬮᬶᬲ᭄᭞ᬦᬸᬮᬶᬜᬶᬧ᭄ᬢᬕ᭄ᬦᬶᬲᬵᬫ᭄ᬧᬸᬦ᭄᭞ᬫ᭄ᬤᬧᬶᬸᬮᬧᬶᬳᬗᭀᬩᬃ᭞ᬫᭀᬗ᭄ᬓᬭᬪᬸᬫᬶ᭞ᬫᬜᬶᬧ᭄ᬢᬳ᭠ᬗᬶᬦ᭄ᬮᬶᬦᬸᬲ᭄᭞ᬳᬧᬶᬦᬾᬬᬓᬳᬫ᭄ᬧᭂᬳᬂ᭞ᬫᬢᬶᬬᬮᬩᬸᬄᬓᬧᬲᬶᬄ᭟᭜᭟ᬩᬸᬯᬶᬦ᭄ᬳᬶᬬᬫᬗᬺᬕᭂᬧᬂ᭞ᬫᬲᬶᬮᬸᬫᬦ᭄ᬤᬤᬶᬕᬭᬸᬤ᭄ᬤᬵᬧᬸᬢᬶᬄ᭞ᬮ
ᬯᬸᬢ᭄ᬬᬫᬜᬦ᭄ᬤᭂᬃᬢᬸᬳᬸᬦ᭄᭞ᬫᭀᬗ᭄ᬓᬭᬫᬗᬺᬕᭂᬧᬂ᭞ᬫᬗ᭄ᬤᬾᬧ᭄ᬢᭂᬂ᭞ᬖᬭᬸᬤ᭄ᬤᬵᬦᬾᬢ᭄ᬯᬭᬫᬦ᭄ᬤᬸᬮᬸ᭞ᬢ᭄ᬯᬭᬗᭂᬦᬄᬧᬭᬦ᭄ᬲᬶᬭ᭞ᬤᬤᬶᬫᬲᬶᬮᬸᬫᬦ᭄ᬩᬸᬯᬶᬦ᭄᭟᭜᭟ᬫᬮᬶᬄᬫᬭᬸᬧᬫᬵᬦᬸᬱᬵ᭞ᬭᬭᬶᬲ᭄ᬫᬦᬄᬩᬦ᭄ᬧᬦᬄᬭᬚᬸᬢ᭄ᬕᭂᬮᬶᬲ᭄᭞ᬫᭀᬗ᭄ᬓᬭᬵᬪᬹᬫᬶᬓᬭᬶᬫ᭄ᬧᬸᬲ᭄᭞ᬧᬢᬶᬄ
ᬍᬗ᭄ᬓᬭᬗ᭄ᬮᬾᬩᬂ᭞ᬧᬧᬶᬸᬦᬄᬳᬗᬶᬦ᭄᭞ᬗᭂᬩᬸᬭᬂᬧᬢᬶᬄᬓᬭᬶᬫ᭄ᬧᬸᬲ᭄᭞ᬮᬩᬸᬄᬬᬤᬶᬢ᭄ᬗᬄᬳᬮᬲ᭄᭞ᬤᬶᬢᬸᬬᬫᬦᬦ᭄ᬤᬂᬲ᭄ᬤᬶᬄ᭟᭜᭟ᬲᬂᬧ᭄ᬭᬪᬹᬫᬮᬶᬄᬓᬧᬦᬄ᭞ᬓ᭄ᬦᬩᬳᬦ᭄ᬧᬦᬄᬘᬓ᭄ᬭᬦᬾᬮᬸᬯᬶᬄ᭞ᬓᬯᬍᬲ᭄ᬩᬦ᭄ᬳᬗᬶᬦ᭄ᬮᬶᬦᬸᬲ᭄᭞ᬲᬂᬧ᭄ᬭᬪᬹᬦᬶᬩᬾᬦ᭄ᬳᬮᬲ᭄᭞ᬫ
ᬓᬤᬤ᭄ᬯ᭞ᬤᬶᬳᬮᬲᬾᬧᬤᬵᬮᬩᬸᬄ᭞ᬲᬂᬧ᭄ᬭᬪᬹᬩ᭄ᬭᬂᬲᬸᬦ᭄ᬤᬶᬳᬶᬓᬵ᭞ᬰᬺᬗᭂᬦ᭄ᬧ᭄ᬭᬪᬹᬚᬕ᭄ᬭᬯᬢᬶ᭟᭜᭟ᬭᬭᬶᬲ᭄ᬳᬶᬤᬵᬫᬗᬋᬧᬂ᭞ᬧ᭄ᬢᭂᬂᬤᭂᬤᭂᬢ᭄ᬧᬜ᭄ᬚᬓᬾᬦᬾᬗᬋᬧᬶᬦ᭄᭞ᬧᬢᬶᬄᬚᬕ᭄ᬭᬖ᭄ᬦᬶᬢᬸᬯᬸᬦ᭄᭞ᬲᬓᬶᬂᬓᬨᬮᬾᬳᬾᬗ᭄ᬕᬮ᭄᭞ᬗᬚᬓ᭄ᬭᭀᬯᬂ᭞ᬓᬮᬶᬄᬓ᭄ᬢᬶ

[᭑᭑᭑ 111A]
᭑᭑᭑
ᬓᬢᬄᬳᬶᬧᬸᬦ᭄᭞ᬓᬮᬶᬦ᭄ᬢᬂᬭᬫᬾᬦᬶᬂᬬᬸᬤ᭄ᬤᬵ᭞ᬳ᭄ᬩᭂᬓ᭄ᬫᬲᬕᬭᬵᬕ᭄ᬢᬶᬄ᭟᭜᭟ᬳᬶᬧᬢᬶᬄᬍᬗ᭄ᬓᬭᬵᬯᬶᬚᬬ᭞ᬲᬋᬂᬧᬢᬶᬄᬍᬗ᭄ᬓᬭᬭᬭᬶᬲ᭄ᬕᭂᬮᬶᬲ᭄᭞ᬳᬶᬧᬢᬶᬄᬦᬸᬮᬸᬂᬲᬂᬧ᭄ᬭᬪᬹ᭞ᬲᬂᬧ᭄ᬭᬪᬹᬚᬕ᭄ᬭᬦᬮ᭞ᬫᬓᬤᬤ᭄ᬯ᭞ᬧᬤᬵᬗ᭄ᬕᬯᬧᬦᬄᬲᬵᬫ᭄ᬧᬸᬦ᭄᭞ᬳᬶᬧᬢᬶᬄ
ᬍᬗ᭄ᬓᬭᬵᬯᬶᬚᬬ᭞ᬳᬶᬬᬗᬩᬧᬦᬄᬳᬗᬶᬦ᭄᭟᭜᭟ᬫᬮᬶᬄᬳᬶᬧᬢᬶᬄᬍᬗ᭄ᬓᬭ᭞ᬧᬸᬦᬶᬓᬫᬫᬓ᭄ᬢᬧᬦᬄᬘᬓ᭄ᬭᬩ᭄ᬘᬶᬓ᭄᭞ᬭᬭᬶᬲ᭄ᬓᬧᬦᬄᬲᬂᬧ᭄ᬭᬪᬹ᭞ᬲᬂᬧ᭄ᬭᬪᬹᬚᬕ᭄ᬭᬦᬮ᭞ᬭᬭᬶᬲ᭄ᬓᭂᬦᬶ᭞ᬓᬳ᭄ᬮᬸᬤᬶᬦ᭄ᬳᬶᬤᬵᬲᬵᬫ᭄ᬧᬸᬦ᭄᭞ᬩᬳᬦ᭄ᬳᬶᬧᬢᬶᬄᬍᬗ᭄ᬓᬭ᭞ᬓ᭄ᬦᬩᬳᬦ᭄ᬧ
ᬦᬄᬳᬗᬶᬦ᭄᭟᭜᭟ᬭᬭᬶᬲ᭄ᬳᬶᬤᬵᬓᬓᭂᬩᬸᬭᬂ᭞ᬩᬳᬦ᭄ᬳᬗᬶᬦ᭄ᬮᬩᬸᬄᬤᬶᬳᬮᬶᬸᬮᬲ᭄ᬲᭂᬧᬶ᭞ᬧᬜ᭄ᬚᬓᬾᬧᬤᬵᬢᭂᬗ᭄ᬓᭂᬚᬸᬢ᭄᭞ᬤᬾᬦᬶᬂᬕᬸᬲ᭄ᬢᬶᬦᬾᬳᬶᬮᬂ᭞ᬢᬦ᭄ᬓᬯᬃᬡ᭄ᬦᬵ᭞ᬤᬶᬓᬶᬦ᭄ᬢᬵᬯᬦᬵᬓᬯᬸᬯᬸᬲ᭄᭞ᬤᬾᬦᬶᬂᬳᬸᬢᬸᬲᬦᬾᬢ᭄ᬓᬵ᭞ᬫᬵᬢᬸᬃᬭᬶᬂᬭᬳᬤ᭄ᬬᬦ᭄ᬓᬮᬶᬄ᭟᭜᭟ᬓᬸᬮ᭄ᬓᬸ
ᬮᬾᬫᬢᬢᬶᬫ᭄ᬩᬮᬦ᭄᭞ᬤᬾᬦᬶᬂᬓᬢᬹᬃᬧᬜ᭄ᬚᬓᬾᬮᬶᬬᬸᬫᬢᬶ᭞ᬓᬮᬶᬄᬮᬦ᭄ᬳᬶᬤᬵᬲᬂᬧ᭄ᬭᬪᬹ᭞ᬳᬶᬮᬂᬢᬦ᭄ᬧᬕᬦ᭄ᬢᬸᬮᬦ᭄᭞ᬢᭀᬫᬯᬦᬦ᭄᭞ᬧᬜ᭄ᬚᬓᬾᬫᬓ᭄ᬚᬂᬢᭂᬤᬸᬦ᭄᭞ᬢ᭄ᬓᬧᬤᬲᬬᬕ᭞ᬲᬕᬕᬫᬦᬶᬂᬚᬸᬭᬶᬢ᭄᭟᭜᭟ᬫᬗᭂᬩᭂᬓᬶᬦ᭄ᬫᬃᬕ᭄ᬕᬚᬶᬫ᭄ᬩᬃ᭞ᬫᬲ᭄ᬮᬶ [ 112 ][᭑᭑᭑ 111B]
᭑᭑᭑
ᬬᬸᬭᬦ᭄ᬧᬤᬵᬲᬮᬾᬂᬢᬓᭀᬦᬶᬦ᭄᭞ᬢᭀᬳᬯᬦᬦ᭄ᬲᬬᬦ᭄ᬳᬸᬬᬸᬢ᭄᭞ᬦᬾᬳᬸᬮᬶᬤᬶᬩᬶᬮᬂᬤᬾᬰᬵ᭞ᬧᬤᬵᬢ᭄ᬓᬵ᭞ᬩᬦ᭄ᬓᬸᬓᬸᬮᬾᬫᬸᬜᬶᬩᬸᬮᬸᬲ᭄᭞ᬲᬂᬧ᭄ᬭᬪᬹᬭᬶᬂᬧᬮᬭᬚ᭞ᬪᭀᬕᬬᬓ᭄ᬱᬪᭀᬕᬬᬓ᭄ᬱᬶ᭟᭜᭟ᬧᬦ᭄ᬲᬫᬶᬓᬓᬶᬦ᭄ᬢᬯᬵᬦ᭞ᬧᬤᬵᬭᬯᬸᬄᬓᬓᬶ
ᬦ᭄ᬢᬯᬦᬵᬲᬫᬶ᭞ᬧᬤᬵᬬᬲᬫᬶᬗᬯᭂᬗ᭄ᬓᬸ᭞ᬓᬭᬾᬄᬓᬓᬶᬦ᭄ᬢᬵᬯᬦᬵ᭞ᬫᬳᬶᬭᬶᬗᬦ᭄᭞ᬧᬧᬢᬶᬄᬧᬸᬗ᭄ᬕᬯᬮᬶᬬᬸ᭞ᬧᬸᬦᬶᬓᬫᬶᬭᬶᬗᬦ᭄ᬧᬜ᭄ᬚᬓ᭄᭞ᬯᬾᬦ᭄ᬢᭂᬦ᭄ᬳᬗᬦ᭄ᬭᭀᬭᬲ᭄ᬢᬮᬶ᭟᭜᭟ᬲᬵᬫ᭄ᬧᬸᬦ᭄ᬦᬧᬓ᭄ᬤᬶᬦᬵᬕᬭ᭞ᬭᬶᬂᬩᬜ᭄ᬘᬶᬗᬄᬲᬋᬂᬭᬳᬤ᭄ᬬᬦ᭄ᬓᬮᬶᬄ᭞ᬬᬫ᭄ᬩᬃᬓᬯᬶᬭᬭᬶ
ᬲ᭄ᬫᬸᬯᬸᬲ᭄᭞ᬦᬾᬳᬤᬶᬫᬓᬤᬤ᭄ᬯ᭞ᬚᬮᬦ᭄ᬩᬋᬂ᭞ᬚᬦᬶᬫᬚᬮᬦ᭄ᬫᬗ᭄ᬮᬯᬸᬢ᭄᭞ᬢᬸᬧᬶᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬵ᭞ᬢᬦ᭄ᬓᬘᬭᬶᬢ᭄ᬣᬤᬶᬫᬃᬕ᭄ᬕᬶ᭟᭜᭟ᬩᬲ᭄ᬮᬶᬬᬸᬬᬾᬜ᭄ᬘᬭᬶᬢ᭄ᬣᬬᬂ᭞ᬲᬸᬩᬵᬳᭀᬜᬲᬦᬾᬧᬶᬢᬸᬂᬦᬵᬕᬭᬶ᭞ᬫᬗᬶᬭᬶᬂᬭᬳᬤᬾᬦ᭄ᬲᬵᬫ᭄ᬧᬸᬦ᭄᭞ᬲᬫᬶᬫ᭄ᬤᬮ᭄ᬓᬧᬶᬬᬸᬤ᭠
ᬦ᭄᭞ᬢᬦ᭄ᬓᭀᬘᬧ᭞ᬧᬜ᭄ᬚᬓᬾᬫᬗᬶᬭᬶᬂᬮᬶᬬᬸ᭞ᬲᬸᬭᬓᬾᬫᬢᬢᬶᬫ᭄ᬩᬮᬦ᭄᭞ᬓᬮᬶᬦ᭄ᬢᬂᬭᬫᬾᬦᬶᬂᬚᬸᬭᬶᬢ᭄᭟᭜᭟ᬳᬶᬧᬢᬶᬄᬍᬗ᭄ᬓᬭᬵᬓᭀᬘᬧ᭄᭞ᬢ᭄ᬯᬭᬵᬲᬸᬳᬸᬤ᭄ᬤᬶᬳᬫ᭄ᬩᬭᬦᬾᬗᬶᬦ᭄ᬢᬶᬧ᭄᭞ᬫ᭄ᬯᬄᬍᬗ᭄ᬓᬭᬯᬶᬚᬬᬫᬶᬮᬸ᭞ᬗᬶᬦ᭄ᬢᬶᬧ᭄ᬲᬓᬾᬄᬧᬺᬦᬣ᭞

[᭑᭑᭒ 112A]
᭑᭑᭒
ᬫᬗᬯᬲᬂ᭞ᬢᬹᬃᬲᬓᬾᬳᬾᬭᭀᬯᬂᬳᬶᬧᬸᬦ᭄᭞ᬮᬦ᭄ᬭᬤᬾᬦᬺᬱᬶᬪᭀᬚᬦᬵ᭞ᬳᬧᬦ᭄ᬲᬫᬶᬫᬗᬶᬫ᭄ᬩᬗᬶᬦ᭄᭟᭜᭟ᬳᬶᬤᬗᬩᬧᬦᬄᬘᬓᬺ᭞ᬳᬤᬗᬩᬧᬦᬄᬳᬦ᭄ᬢᬾᬩ᭄ᬲᬶ᭞ᬳᬤᬗᬩᬧᬦᬄᬭᬚᬸᬢ᭄᭞ᬳᬤᬵᬗᬩᬓᬰᬓ᭄ᬢ᭄ᬬᬦ᭄᭞ᬳᬤᬵᬗᬩᬧᬦᬄᬗᬶᬦ᭄ᬳᬸᬮᬶᬤᬸ
ᬳᬹᬃ᭞ᬗᬶᬦ᭄ᬢᬶᬧᬺᬭᬢᬹᬦᬾᬧᬤᬵ᭞ᬤᬶᬳᬫ᭄ᬩᬭᬦᬾᬫᬗᬦ᭄ᬢᬶ᭟᭜᭟ᬢᬸᬫᬸᬮᬶᬭᬯᬸᬄᬭᬳᬤ᭄ᬬᬦ᭄᭞ᬳᬫ᭄ᬩᬃᬓᬯᬶᬲᬳᬩᬮᬦᬾᬗᬭᬶᬂ᭞ᬮᬦ᭄ᬲᬓ᭄ᬯᬾᬳᬶᬂᬧᬭᬭᬢᬹ᭞ᬫᬶᬯᬄᬲᬹᬃᬬ᭄ᬬᬓᬸᬲᬸᬫ᭞ᬧᬦ᭄ᬓᬮᬶᬦ᭄ᬢᬂ᭞ᬭᬫᬾᬦᬶᬂᬬᬸᬤ᭄ᬤᬲᬵᬫ᭄ᬧᬸᬦ᭄᭞ᬳᬫ᭄ᬩᬸᬭᬸᬓᬩᬸᬭᬸᬫᬲ᭄ᬬᬢ᭄᭞ᬩᬗ᭄ᬓᬾᬦᬾᬲ᭠
ᬮᬶᬂᬲᬸᬲᬸᬦᬶᬦ᭄᭟᭜᭟ᬮᬶᬬᬸᬫᬢᬶᬢᬦ᭄ᬓᭂᬦᬾᬂᬯᬶᬮᬂ᭞ᬤᬤᬶᬲᬯᭀᬂᬓᬶᬦ᭄ᬢᬵᬯᬦᬵᬦᬾᬮᬶᬮᬶᬄ᭞ᬢᭀᬂᬤᬤᬶᬢᬫ᭄ᬩᬓᬶᬦ᭄ᬤᬶᬢᬸ᭞ᬢ᭄ᬯᬭᬵᬫᬦᭀᬮᬶᬄᬯᬸᬦ᭄ᬢᬢ᭄᭞ᬫᬢᬸᬮᬸᬯᬦ᭄᭞ᬧᬮᬳᬶᬩᬾᬧᬢᬶᬓ᭄ᬧᬸᬕ᭄᭞ᬳᬶᬧᬢᬶᬄᬓᭀᬮ᭄ᬧᬯᬶᬚᬬ᭞ᬯᬶᬭᬗᬾᬢ᭄ᬯᬭᬤᬵᬕᬶᬕᬶᬲ᭄᭟᭜᭟ᬢᬸ
ᬫᬸᬮᬶᬗᬫᬸᬓ᭄ᬗᬸᬮᬳᬂ᭞ᬫᬶᬯᬄᬧᬢᬶᬄᬲᬫ᭄ᬩᬸᬭᬸᬫᬜᬋᬗᬶᬦ᭄᭞ᬓᬧᬦᬄᬓ᭄ᬦᬓᬭᬶᬫ᭄ᬧᬸᬲ᭄᭞ᬩᬦ᭄ᬳᬶᬍᬗ᭄ᬓᬭᬯᬶᬚᬬ᭞ᬫᬩᬭᬶᬕᬸ᭞ᬓ᭄ᬦᬩᬳᬦ᭄ᬧᬦᬄᬭᬚᬸᬢ᭄᭞ᬫᬮᬶᬄᬳᬶᬧᬢᬶᬄᬍᬗ᭄ᬓᬭᬵ᭞ᬗᭂᬮᬸᬤᬶᬦ᭄ᬩᬦ᭄ᬧᬦᬄᬳᬗᬶᬦ᭄᭟᭜᭟ᬓᬵᬫ᭄ᬧᭂᬄᬳᬂᬩᬦ᭄ᬳᬗᬶᬦ᭄ [ 113 ][᭑᭑᭒ 112B]
᭑᭑᭒
ᬩ᭄ᬭᬸᬯᬂ᭞ᬓᬓᭂᬩᬸᬭᬂᬤᬶᬳᬫ᭄ᬩᬭᬦᬾᬕ᭄ᬮᬶᬲ᭄᭞ᬢᬶᬩᬤᬶᬳᬮᬲᬾᬲᬸᬦᬸᬢ᭄᭞ᬤᬶᬢᬸᬫᬦᬦ᭄ᬤᬂᬮᬭ᭞ᬓᬲᬓᬶᬢᬦ᭄᭞ᬤ᭠ᬤᬶᬫᬗ᭄ᬮᬶᬂᬫᬦᬸᬯᬸᬄ᭞ᬩᬳᬦ᭄ᬜᬦᬾᬢ᭄ᬯᬭᬫᭂᬳ᭞ᬳᬤᬤᬶᬤᬸᬳᬹᬃᬜᬫ᭄ᬩᬗᬶᬦ᭄᭟᭜᭟ᬧᬢᬶᬄᬲᬫ᭄ᬩᬸᬭᬸᬗᬸᬮᬳᬂ᭞ᬩᬦ᭄ᬓ᭄ᬭᭀᬤᬦᬾᬗᬫᬸᬓ᭄ᬫᬗᬸᬩ᭠
ᬢ᭄ᬳᬩᬶᬢ᭄᭞ᬯᬂᬩ᭄ᬭᬂᬧᬦᬲ᭄ᬫᬢᬶᬮᬶᬬᬸ᭞ᬍᬗ᭄ᬓᬭᬯᬶᬚᬬᬫᬦᬄ᭞ᬲᬸᬩᬓ᭄ᬦᬵ᭞ᬩᬦ᭄ᬧᬦᬄᬭᬚᬸᬢ᭄ᬓᬳᬶᬫ᭄ᬧᬸᬲ᭄᭞ᬳᬶᬧᬢᬶᬄᬍᬗ᭄ᬓᬭᬵᬦᬶᬫ᭄ᬩᬮ᭄᭞ᬗᭂᬮᬸᬤᬶᬦ᭄ᬩᬦ᭄ᬧᬦᬄᬳᬗᬶᬦ᭄᭟᭜᭟ᬳᬲᬶᬂᬫ᭄ᬭᬱᬗᬮᬶᬮᬶᬳᬂ᭞ᬓᬧᬦᬄᬮᬩᬸᬄᬤᬶᬳᬮᬲᬾᬲᬫᬶ᭞ᬧᬧᬢᬶᬄᬧᬸᬗ᭄ᬕᬯᬵᬲᬵᬫ᭄ᬧᬸ
ᬦ᭄᭞ᬲᬫᬶᬦᬦ᭄ᬤᬂᬲᬗ᭄ᬲᬭ᭞ᬤᬤᬶᬳᭀᬜ᭞ᬧᬜ᭄ᬚᬓ᭄ᬳᬶᬤᬵᬦᬾᬲᬂᬧ᭄ᬭᬪᬹ᭞ᬓᭀᬘᬧ᭄ᬦᬾᬲᬓᬶᬂᬩ᭄ᬭᬂᬧᬦᬲ᭄᭞ᬧᬤᬵᬕᬶᬭᬂᬫᬗᭂᬧᬸᬗᬶᬦ᭄᭟᭜᭟ᬲᬵᬫ᭄ᬧᬸᬦ᭄ᬓᬵᬢᬹᬃᬭᬶᬂᬭᬳᬤ᭄ᬬᬦ᭄᭞ᬲᭀᬭᭀᬄᬫᬾᬦᬓ᭄ᬧᬧᬢᬶᬄᬢ᭄ᬯᬭᬓᬭᬶ᭞ᬳᬶᬬᬫ᭄ᬩᬃᬓᬯᬶᬲᬸᬫᬯᬹᬃ᭞ᬢᭀᬳᭂ
ᬜᬾᬦ᭄ᬲᬶᬮᬯᬜ᭞ᬓᬯᬸᬮᬦᬾ᭞ᬳᬶᬬᬲᬫᬶᬧᬤᬵᬫᬵᬢᬹᬃ᭞ᬢᬶᬢ᭄ᬬᬂᬫᬳᬢᬹᬃᬫᬫᬶᬦ᭄ᬤᬄ᭞ᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬤ᭠ᬳᬸᬦᬶᬂ᭟᭜᭟ᬢᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬫᬬᬸᬤ᭄ᬤ᭞ᬢ᭄ᬓᬳᬶᬘᬮ᭄ᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬳᬶᬬᬫ᭄ᬩᬃᬓᬯᬶᬫᬗ᭄ᬭᬸᬗᬸ᭞ᬮᬶᬦ᭄ᬢᬂᬳᬾᬫᭂᬂᬭᬶᬂᬘᬶᬢ᭄ᬣ᭞

[᭑᭑᭓ 113A]
᭑᭑᭓
ᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬭᬭᬶᬲ᭄ᬳᬫᬸᬯᬸᬲ᭄᭞ᬧᬜ᭄ᬚᬓᬾᬬᬲᬸᬩᬵᬩᬸᬦ᭄ᬢᬲ᭄᭞ᬓᬮᬶᬮᬶᬄᬢᬦᭀᬮᬶᬄᬯᬸᬭᬶ᭟᭜᭟ᬳᬶᬬᬫ᭄ᬩᬃᬓᬯᬶᬗᬦ᭄ᬤᬶᬓ᭞ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬳᬶᬩᬳᬶᬫᬮᬶᬂᬰᬓ᭄ᬢᬶ᭞ᬤᭀᬂᬓ᭄ᬫᬓᬾᬳᬶᬩᬧ᭄ᬲᬸ᭞ᬫ᭄ᬯᬂᬳᬶᬫᬮᬶᬂᬫᬕᬸᬡ᭄ᬦᬵ᭞ᬭᬭᬶᬲ᭄ᬜᬸᬫ᭄ᬩᬄ᭞ᬳᬶᬫᬮᬶᬂᬫ
ᬕᬸᬡ᭄ᬦᬵᬲᬵᬫ᭄ᬧᬸᬦ᭄᭞ᬓᬮᬯᬦ᭄ᬳᬶᬫᬮᬶᬂᬰᬓ᭄ᬢ᭄ᬬ᭞ᬢᬸᬫᬸᬮᬶᬭᬭᬶᬲ᭄ᬳᬸᬫᬶᬚᬶᬮ᭄᭟᭜᭟ᬳᬶᬫᬮᬶᬂᬰᬓ᭄ᬢᬶᬳᬗᬸᬘᬧ᭄᭞ᬚᬦᬶᬓᬾ᭠ᬦ᭄ᬓᬾᬦ᭄ᬤᬬᬦᬾᬫᬫᭂᬲᬸᬯᬶᬦ᭄᭞ᬫᬮᬶᬂᬫᬕᬸᬡ᭄ᬦᬵᬫᬲᬯᬸᬢ᭄᭞ᬚᬮᬦ᭄ᬳᬫᬸᬓ᭄ᬳᬸᬮᬄᬳᬂ᭞ᬓᬤᬾᬦ᭄ᬳᬤᬵ᭞ᬳᬦᬓ᭄ᬤᬶᬦᬶᬢ᭄ᬕᬸᬄᬢ᭄ᬕᬸᬄ᭞ᬧᬧᬢᬶᬄᬧᬸᬗ᭄ᬕᬯᬧ
ᬤ᭞ᬢ᭄ᬓᬤᬤᬶᬧᬤᬫᬢᬶ᭟᭜᭟ᬳ᭄ᬦᬄᬲᬸᬩᬢ᭄ᬯᬳᬶᬗᬦᬦ᭄᭞ᬚᬮᬦ᭄ᬳᬫᬸᬓ᭄ᬚᬦᬶᬧᬤᬧᭂᬲᬸᬯᬶᬦ᭄᭞ᬢᬸᬫᬸᬮᬶᬚᬧᬤᬵᬧᭂᬲᬸ᭞ᬫᬗ᭄ᬮᬯᬸᬢ᭄ᬓᬧᬬᬸᬤᬦ᭄᭞ᬤᬾᬦᬶᬂᬳᭀᬜ᭞ᬯᭀᬂᬓᬶᬦ᭄ᬢᬵᬯᬦᬮᬫ᭄ᬧᬸᬲ᭄᭞ᬫᬮᬳᬶᬩ᭄ᬢᬦᭀᬮᬶᬄᬳᬸᬦ᭄ᬢᬢ᭄᭞ᬳᬶᬫᬮᬶᬂᬰᬓ᭄ᬢᬶᬫᬗ᭄ᬭᬭᬶ
ᬲ᭄᭟᭜᭟ᬲᬋᬂᬳᬶᬫᬮᬶᬂᬫᬕᬸᬡ᭄ᬦᬵ᭞ᬫᬗᬸᬮᬳᬂᬫᬗᬫᬸᬓ᭄ᬫᬗᬸᬩᬢᬩᬶᬢ᭄᭞ᬤᬾᬦᬵᬢ᭄ᬯᬭᬳᬤᬳ᭄ᬦᬸ᭞ᬧᬢᬶᬄᬍᬗ᭄ᬓᬭᬯᬶᬚᬬ᭞ᬳᬸᬮᬶᬤᬶᬳᬫ᭄ᬩᬭᬦᬾᬬᬧᬤᬵᬤᬶᬢᬸ᭞ᬫᬓ᭄ᬚᬂᬬᬧᬤᬵᬜᬕ᭄ᬚᬕ᭄᭞ᬤᬾᬦᬶᬂᬬᬧᬤᬫᬫᬹᬃᬢ᭄ᬢᬶ᭟᭜᭟ᬓᬯᬸᬮᬦᬾᬤᬤᬶ᭠ [ 114 ][᭑᭑᭓ 113B]
᭑᭑᭓
ᬩᬸᬬᬃ᭞ᬧᬩᭂᬍᬲᬢ᭄ᬚᬦᬶᬧᬤᬫᬮᬳᬶᬩ᭄᭞ᬢ᭄ᬯᬭᬫᬦᭀᬮᬶᬄᬓᬧᬸᬗ᭄ᬓᬸᬃ᭞ᬫᬢᬸᬮ᭄ᬯᬦ᭄ᬗᬸᬗ᭄ᬲᬶᬧᭂᬲ᭄ᬯᬦ᭄᭞ᬤᬤᬶᬬᬜ᭞ᬳᬶᬧᬢᬶᬄᬍᬗ᭄ᬓᬭᬩᬗᬸᬦ᭄᭞ᬲᬋᬂᬧ᭄ᬭᬭᬢᬹᬦᬾᬧᬤᬵ᭞ᬲᬂᬧ᭄ᬭᬪᬹᬓᬕ᭄ᬬᬢ᭄ᬢᬦ᭄ᬲᬶᬧᬶ᭟᭜᭟ᬫᬮᬶᬂᬫᬕᬸᬡ᭄ᬦᬵᬗᬸᬮᬳᬂ᭞ᬲᬋᬂᬧᬢᬶᬄᬫᬮᬶᬂᬰᬓ᭄ᬢᬶᬗᭂ
ᬧᬸᬗᬶᬦ᭄᭞ᬧᬢᬶᬄᬚᬕ᭄ᬭᬖ᭄ᬦᬶᬲᬵᬫ᭄ᬧᬸᬦ᭄᭞ᬗ᭄ᬮᬯᬦ᭄ᬫᬮᬶᬂᬫᬕᬸᬡ᭄ᬦᬵ᭞ᬫᬳᬸᬤᭂᬭᬦ᭄᭞ᬧᬲᬶᬬᬢᬾᬧᬤᬵᬢ᭄ᬕᬸᬄ᭞ᬳᬶᬫᬮᬶᬂᬰᬓ᭄ᬢᬶᬫᬫᬦᬄ᭞ᬳᬶᬚᬕ᭄ᬭᬖ᭄ᬦᬶᬗ᭄ᬫᬲᬶᬦ᭄᭟᭜᭟ᬮᬚᬩᬸᬯᬶᬦ᭄ᬫᬗᬸᬮᬳᬂ᭞ᬚᬦᬶᬫᬭᬳᬶᬧᬢᬶᬄᬦᬮᬬᬓ᭄ᬱᬶ᭞ᬮᬯᬸᬢ᭄ᬬᬫᬢᬓᭀᬦ᭄ᬤᬶᬢᬸ᭞ᬦᬾᬓᭀ
ᬫᬮᬶᬂᬫᬕᬸᬡ᭄ᬦᬵ᭞ᬚᬦᬶᬗᬸᬤ᭞ᬲᬗ᭄ᬓᬦ᭄ᬳᬶᬩᬤᬤᬶᬫᬸᬲᬸᬄ᭞ᬳᬶᬫᬮᬶᬂᬫᬕᬸᬡ᭄ᬦᬵᬗᬸᬘᬧ᭄᭞ᬓᬳᬶᬗᬮᬶᬄᬳᬸᬩᬤ᭄ᬫᬳᬶ᭟᭜᭟ᬤᬾᬦᬶᬂᬤᬶᬢᬸᬢ᭄ᬯᬭᬳᬤ᭞ᬳᬦᬓ᭄ᬩᬶᬱᬧᬤᬧᬘᬂᬗᬸᬩᬤᬶᬦ᭄᭞ᬳᭂᬦ᭄ᬢᭀᬓ᭄ᬭᬡ᭄ᬦᬓᬳᬶᬮᬚᬸ᭞ᬫᬳᬶᬫᬜ᭄ᬭᬳᬂᬳᬯᬓ᭄᭞ᬤᬾᬦᬶᬂᬳᬤᬵ
᭞ᬧᬗᬦ᭄ᬤᬶᬓᬦ᭄ᬳᬶᬤᬫᬮᬸ᭞ᬤᬸᬓ᭄ᬓᬳᬶᬦᬾᬓᭂᬳᭂᬢ᭄ᬳᬶᬤ᭞ᬫᬦᬸᬦ᭄ᬤᬾᬦᬂᬓᬳᬶᬫᬳᬶ᭟᭜᭟ᬮᬫᬸᬦ᭄ᬳᬶᬩᬜᬓ᭄ᬫᬫᬜ᭄ᬚᬓ᭄᭞ᬫᬳᬶᬳᬶᬩᬓᬳᬶᬩᬶᬱᬵᬫᬗᬸᬩᬤᬶᬦ᭄᭞ᬓᬾᬢᭀᬯᬘᬦᬦᬾᬫᬮᬸ᭞ᬢᭀᬓ᭄ᬭᬦᬓᬳᬶᬢᬺᬱ᭄ᬡᬵ᭞ᬲᬶᬭᬧᬢᬶᬄ᭞ᬦᬮᬬᬓ᭄ᬱᬬᬫ

[᭑᭑᭔ 114A]
᭑᭑᭔
ᬲᬯᬸᬢ᭄᭞ᬚᬦᬶᬕᬦ᭄ᬢᬶᬦ᭄ᬳᬶᬩᬩᬗ᭄ᬓ᭞ᬫᬫᬸᬲᬸᬄᬢ᭄ᬓᬾᬦᬶᬂᬓᬳᬶ᭟᭜᭟ᬢᬸᬫᬸᬮᬶᬭᬭᬶᬲ᭄ᬫᬬᬸᬤ᭄ᬤᬵ᭞ᬫᬓᬓᬮᬶᬄᬧᬤᬧ᭄ᬭᬯᬶ᭠ᬭᬾᬂᬚᬸᬭᬶᬢ᭄᭞ᬧᬢᬶᬄᬦᬮᬬᬓ᭄ᬱᬫᬸᬯᬸᬲ᭄᭞ᬳᬶᬩᬫᬮᬶᬂᬫᬕᬸᬡ᭄ᬦᬵ᭞ᬚᬦᬶᬳᬶᬩ᭞ᬢ᭄ᬯᬭᬩᬸᬳᬸᬂᬧᬘᬂᬮᬫ᭄ᬧᬸᬲ᭄᭞ᬫᬓᬓᬮᬶᬄᬧᬤᬧᬺᬯᬶᬭ
᭞ᬫᬳᬸᬤᭂᬭᬦ᭄ᬲᬮᬾᬂᬲᬩᬶᬢ᭄᭟᭜᭟ᬧᬤᬲᬮᬾᬂᬓᬮᬶᬮᬶᬳᬂ᭞ᬭᬭᬶᬲ᭄ᬭᬯᬸᬄᬳᬶᬫᬮᬶᬂᬰᬓ᭄ᬢᬶᬦᬶᬕ᭄ᬢᬶᬕ᭄᭞ᬳᬶᬦᬮᬬᬓ᭄ᬱᬢᬗ᭄ᬓᭂᬚᬸᬢ᭄᭞ᬮᬦ᭄ᬢᬲ᭄ᬫᬮᬳᬶᬩᬩᬂ᭞ᬲᬶᬭᬧᬢᬶᬄ᭞ᬍᬗ᭄ᬓᬭᬯᬶᬚᬬᬓᬢᭂᬧᬸᬓ᭄᭞ᬍᬗ᭄ᬓᬭᬯᬶᬚᬬᬳᬗᬸᬘᬧ᭄᭞ᬳᭂᬦ᭄ᬢᭀᬳᭂᬜᬾᬦ᭄ᬓᭂᬧ᭄ᬮᬳᬶ
ᬩᬶᬦ᭄᭟᭜᭟ᬲᬗ᭄ᬓᬦ᭄ᬲᬶᬂᬤᬤᬶᬢᬸᬮᬓᬂ᭞ᬧᬢᬶᬄᬦᬮᬬᬓ᭄ᬱᬭᬭᬶᬲ᭄ᬜᬯᬹᬭᬶᬦ᭄᭞ᬳᬶᬫᬮᬶᬂᬫᬕᬸᬡ᭄ᬦᬵᬗᬫᬸᬓ᭄᭞ᬫᬩᬮᬶ᭠ᬓ᭄ᬫᬓᬤᬤ᭄ᬯ᭞ᬤᬤᬶᬩᬸᬯᬶᬦ᭄᭞ᬫᬓᬤᬤ᭄ᬯᬬᬫᬘᬸᬗᬸᬄ᭞ᬳᬶᬧᬢᬶᬄᬍᬗ᭄ᬓᬭᬗᬸᬘᬧ᭄᭞ᬩ᭄ᬮᬶᬢ᭄ᬯᬭᬗᬸᬕᬸᬘᬳᬶ᭟᭜᭟ᬢᬦᬸᬘᬧᬦᬾᬫᬓ᭄ᬭᬸ
ᬡ᭄ᬦᬵ᭞ᬓᬘᬭᬶᬢ᭄ᬣᬚᬦᬶᬳᬶᬫᬮᬶᬂᬰᬓ᭄ᬢᬶ᭞ᬫᬗᬸᬮᬳᬂᬬᬓᬫᬮᬸ᭞ᬓᬮᬬᬓ᭄ᬱᬶᬓᬧᬧᬕ᭄᭞ᬮᬶᬦ᭄ᬢᬂᬯᬶᬭᬂᬩᬦ᭄ᬜᬫᬦᬾᬫ᭄ᬮᬳᬶᬩᬳᬸ᭞ᬳᬶᬫᬮᬶᬂᬰᬓ᭄ᬢᬶᬮᬯᬜ᭞ᬫᬳᬸᬤᭂᬃᬳᬸᬤᭂᬭᬜ᭄ᬚᬦᬶ᭟᭜᭟ᬤᬾᬦᬶᬂᬬᬧᬤᬧ᭄ᬭᬯᬶᬭᬵ᭞ᬤᬤᬶᬢ᭄ᬯᬭᬩᬶᬱᬵᬫᬢᬢᬸ᭠ [ 115 ][᭑᭑᭔ 114B]
᭑᭑᭔
ᬓᬮᬶᬄ᭞ᬫᬬᬸᬤ᭄ᬤᬵᬫᬸᬭᬸᬓᬩᬸᬭᬸ᭞ᬫᬮᬶᬂᬫᬕᬸᬡ᭄ᬦᬵᬢ᭄ᬓᬵ᭞ᬮᬯᬸᬢ᭄ᬫᬦ᭄ᬢᭂᬕ᭄᭞ᬩᬳᬦ᭄ᬕᬤᬓ᭄ᬦᬵᬜᬭᬸᬬᬸᬂ᭞ᬮᬦ᭄ᬢᬲ᭄ᬬᬫᬮᬳᬶᬩᬩᬂ᭞ᬦᬶᬸᬳᬶᬦᬮᬬᬓ᭄ᬱᬶᬬᬧᬮᬶᬂ᭟᭜᭟ᬳᬶᬍᬗ᭄ᬓᬭᬯᬶᬚᬬᬢ᭄ᬓᬵ᭞ᬬᬓᬢᭀᬫ᭄ᬧ᭄ᬮᭀᬓ᭄ᬤᬤᬶᬳᭂᬩᬄᬗᬸᬮᬶᬦ᭄ᬢᬶᬓ᭄᭞ᬳᬶᬦᬮᬬᬓ᭄ᬱᬶ
ᬫᬗ᭄ᬮᬯᬸᬢ᭄᭞ᬲᬸᬩᬚᭀᬄᬫᬢᭀᬮᬶᬳᬦ᭄᭞ᬚᬦᬶᬳᬶᬗᭂᬢ᭄᭞ᬫᬗᬸᬲᬸᬤᬶᬦ᭄ᬢᭂᬦ᭄ᬤᬲ᭄ᬩᬕᬸᬲ᭄᭞ᬲᬕᬾᬢᬦ᭄ᬬᬲᭂᬩᬸᬄᬓᭀᬧ᭄ᬮᬃ᭞ᬮᬯᬸᬢ᭄ᬫᬮᬳᬶᬩ᭄ᬫᬤᬶᬤᬶᬂ᭟᭜᭟ᬫᬢ᭄ᬭᬸᬬᬸᬤᬦ᭄ᬧᬢᬶᬩᬩᬃ᭞ᬲᬫ᭄ᬩᬶᬮᬗᬧᬢᬶᬳᬸᬲᬸᬤ᭄ᬫᬮᬳᬶᬩ᭄᭞ᬢᭂᬦ᭄ᬤᬲ᭄ᬩᭂᬲᭂᬄᬫᬓᬳᬸᬓᬸᬤ᭄᭞ᬲᬓᬶᬢ᭄ᬜ
ᬦᬾᬫᬦᬸᬮᬂ᭞ᬤᬤᬶᬢ᭄ᬓᬵ᭞ᬳᬶᬫᬮᬶᬂᬫᬕᬸᬡ᭄ᬦᬵᬗ᭄ᬮᬯᬸᬢ᭄᭞ᬭᬭᬶᬲ᭄ᬦᭂᬳᭂᬕ᭄ᬩᬳᬦ᭄ᬕᬤ᭞ᬳᭂᬩᬄᬓᬤᬾᬦᬗᬫᬢᬶ᭟᭜᭟ᬫᬮᬶᬂᬫᬕᬸᬡ᭄ᬦᬗᬸᬮᬳᬂ᭞ᬚᬦᬶᬫᬭᬫᬗᬫᬸᬓ᭄ᬗᬸᬩᬢ᭄ᬳᬩᬶᬢ᭄᭞ᬧᬢᬶᬄᬍᬗ᭄ᬓᬭᬫᬓᭂᬩᬹᬃ᭞ᬩᬋᬂᬋᬱᬶᬪᭀᬚᬦᬵ᭞ᬧᬢᬶᬄᬍᬗ᭄ᬓᬭᬫᬗ᭄ᬮᬾᬩᬂ
ᬧᬦᬄᬲᬵᬫ᭄ᬧᬸᬦ᭄᭞ᬳᬶᬫᬮᬶᬂᬫᬕᬸᬡ᭄ᬦᬵᬓ᭄ᬦ᭞ᬩᬳᬦ᭄ᬧᬦᬄᬳᬦ᭄ᬢᬾᬩ᭄ᬲᬶ᭟᭜᭟ᬲᬂᬧ᭄ᬭᬪᬹᬋᬱᬶᬪᭀᬚᬦ᭞ᬭᬭᬶᬲ᭄ᬫᬭᬳᬶᬤᬗᭂᬮᬸᬤ᭄ᬫᬋᬗᬶᬦ᭄᭞ᬩᬳᬦ᭄ᬧᬦᬄᬳᬗᬶᬦ᭄ᬮᬶᬮᬸᬲ᭄᭞ᬭᬭᬶᬲ᭄ᬬᬓᬓᭂᬩᬸᬭᬂ᭞ᬩᬸᬦ᭄ᬢᬂᬩᬦ᭄ᬢᬶᬂ᭞ᬢᬶᬩᬭᬶᬂᬳᬮᬲᬾᬳᬕᬸᬂ᭞ᬫ

[᭑᭑᭕ 115A]
᭑᭑᭕
ᬮᬶᬂᬫᬕᬸᬡ᭄ᬦᬲᬗ᭄ᬲᬭᬵ᭞ᬲ᭄ᬥᬶᬄᬳᬾᬦᬦ᭄ᬤᬂᬲᬶᬸᬫᬢᬮᬶ᭟᭜᭟ᬯᬂᬓᬶᬦ᭄ᬢᬯᬦᬵᬦᬾᬩᬸᬦ᭄ᬢᬲ᭄᭞ᬬᬓᬮᬶᬮᬶᬄᬢ᭄ᬯᬭᬤᬤᬶᬢᬫ᭄ᬩᬓᬶᬦ᭄᭞ᬳᬶᬬᬫ᭄ᬩᬃᬓᬯᬶᬦᬸᬯᬸᬲ᭄᭞ᬲᬋᬂᬲᬹᬃᬬ᭄ᬬᬓᬸᬲᬸᬫ᭞ᬚᬦᬶᬫᬭᬳᬶᬬᬫ᭄ᬩᬃᬓᬯᬶᬫᬗᭂᬫ᭄ᬩᬸᬲ᭄᭞ᬢᬶᬫ᭄ᬧᬲᬾᬚᬦᬶᬧᭂᬲᬸᬯᬂ᭞ᬳᬶᬧ᭠
ᬢᬶᬄᬍᬗ᭄ᬓᬭᬕ᭄ᬮᬶᬲ᭄᭟᭜᭟ᬳᬶᬬᬫ᭄ᬩᬃᬓᬯᬶᬓᬧᬦᬄ᭞ᬲᬸᬩᬓ᭄ᬦᬓᬩᬋᬗᬶᬦ᭄ᬩᬦ᭄ᬳᬗᬶᬦ᭄᭞ᬢᬶᬩᬤᬶᬳᬮᬲᬾᬳᬕᬸᬂ᭞᭠ᬢ᭄ᬯᬭᬫᬾᬮᬶᬂᬭᬶᬂᬭᬕᬵ᭞ᬲᬶᬭᬭᬤᬾᬦ᭄ᬲᬹᬃᬬ᭄ᬬᬓᬸᬲᬸᬫᬧᬸᬦᬶᬓᬶᬸᬓᬸ᭞ᬲᬸᬩᬵᬓ᭄ᬦᬬᬓᬧᬦᬄ᭞ᬢᬶᬩᬭᬶᬂᬳᬮᬲᬾᬓᬮᬶᬄ᭟᭜᭟᭛ᬤᬹᬃᬫ᭄ᬫ
᭛᭟ᬓᬯᬸᬮᬦᬾᬚᬦᬶᬓᬮᬶᬮᬶᬄᬫᬮᬸᬮᬸᬦᬦ᭄᭞ᬲᬂᬧ᭄ᬭᬪᬹᬓᭀᬤᬮ᭄ᬕᭂᬮᬶᬲ᭄᭞ᬯᬶᬭᬗᬾᬓᬮᬶᬦ᭄ᬢᬂ᭞ᬦᬸᬮᬶᬄᬫᬮᬶᬄᬫᬢᬸᬮᬓ᭄᭞ᬓᬯᬸᬮᬦᬾᬦᬾᬦᬾᬮᬶᬮᬶᬄ᭞ᬭᬫᬾᬓᬮᬶᬦ᭄ᬢᬂ᭞ᬢᭂᬫ᭄ᬧᬸᬄᬬᬸᬤᬦᬾᬫᬮᬶᬄ᭟᭜᭟ᬲ᭄ᬯᬭᬦ᭄ᬩᭂᬤᬶᬮ᭄ᬓᬤᬶᬕ᭄ᬮᬕᬳᬾᬓᬢᬸᬦ᭄ᬯᬦ᭄
᭞ᬩᬗ᭄ᬓᬾᬦᬾᬲᬮᬾᬂᬲᬸᬲᬸᬦᬶᬦ᭄᭞ᬕ᭄ᬢᬶᬳᬾᬮ᭄ᬯᬶᬃᬢᬸᬓᬤ᭄᭞ᬲᬂᬧ᭄ᬭᬪᬹᬫᬗ᭄ᬓᬶᬦ᭄ᬫᬧ᭄ᬭᬂ᭞ᬳᬶᬤᬵᬧ᭄ᬭᬪᬹᬘᬶᬢ᭄ᬭᬯᬢᬶ᭞ᬫᬗ᭄ᬲᭂᬄᬗᬸᬮᬄᬳᬂ᭞ᬢ᭄ᬯᬭᬵᬓ᭄ᬦᬵᬓᬕᬶᬗ᭄ᬲᬶᬃ᭟᭜᭟ᬳᬶᬤᬵᬜᬭᬸᬜᬭᬸᬦ᭄ᬤᬸᬧ᭄ᬢᭂᬓᬾᬦᬶᬂᬭᭀᬯᬂ᭞ᬫᬵᬤᬸᬓᬵᬤᬸᬓᬦ᭄ᬲᬫᬶ᭞ᬫᬸᬳᬸᬕ᭄ᬫᬲ᭄ᬮᬶᬬᬸ᭠ [ 116 ][᭑᭑᭕ 115B]
᭑᭑᭕
ᬭᬦ᭄᭞ᬧᬢᬶᬄᬍᬗ᭄ᬓᬭᬵᬓᬾᬫᭂᬗᬦ᭄᭞ᬳᬸᬮᬶᬤᬶᬤᬸᬳᬹᬃᬗᬶᬯᬲᬶᬦ᭄᭞ᬢ᭄ᬯᬭᬤᬵᬧ᭄ᬤᬲ᭄᭞ᬩᬳᬜᬗᬶᬗᭂᬢᬶᬦ᭄᭟᭜᭟ᬓᬤᬾᬦᬗᬧ᭄ᬭᬭᬵᬢᬹᬦᬾᬲᬸᬩᬵᬳᭀᬜ᭞ᬳᬾᬫᭂᬂᬬᬫᬗᬶᬯᬲᬶᬦ᭄᭞ᬫᬳᬤᬸᬓᬵᬤᬸᬓᬦ᭄᭞ᬫᬸᬲᬸᬳᬾᬮᬯᬦ᭄ᬭᭀᬯᬂ᭞ᬲ
ᬋᬂᬧᬢᬶᬄᬚᬬᬲᬸᬭᬶ᭞ᬗᬶᬭᬶᬂᬲᬂᬦᬵᬣ᭞ᬢ᭄ᬯᬭᬤᬵᬩᬶᬱᬕᬶᬗ᭄ᬲᬶᬃ᭟᭜᭟ᬫᬮᬸᬮᬸᬦᬦ᭄ᬓᬮᬶᬮᬶᬄᬧᬤᬓᬩ᭄ᬭᬲᬢ᭄᭞ᬯᬂᬩ᭄ᬭᬂᬧᬦᬲᬾᬲᬫᬶ᭞ᬧᬢᬶᬄᬦᬮᬫᭀᬓ᭄ᬱᬵ᭞ᬦᬾᬚᬦᬶᬫᬗᬸᬮᬳᬂ᭞ᬩᬳᬦ᭄ᬧᬜ᭄ᬚᬓᬾᬮᬶᬮᬶᬄ᭞ᬓᬮᬶᬦ᭄ᬢᬵᬂᬯᬶᬭᬂ᭞ᬚᬦᬶᬲᬸ᭠
ᬩᬓᬧᬗ᭄ᬕᬶᬄ᭟᭜᭟ᬮᬯᬦ᭄ᬲᬶᬭᬵᬳᬶᬧᬢᬶᬄᬓᬮᬶᬄᬧ᭄ᬭᬯᬶᬭᬵ᭞ᬳᬶᬧᬢᬶᬄᬚᬬᬲᬸᬭᬶ᭞ᬲᬸᬩᬲᬮᬾᬂᬢᬸᬫ᭄ᬩᬓ᭄᭞᭠ᬓᬮᬶᬄᬧᬤᬵᬧ᭄ᬭᬯᬶᬭᬵ᭞ᬧᬤᬵᬲᬮᬾᬂᬕᬸᬮᬶᬮᬶᬗᬦ᭄᭞ᬳᬶᬦᬮᬫᭀᬓ᭄ᬱᬵ᭞ᬫᬮᬳᬶᬩ᭄ᬬᬓᬮᬶᬮᬶᬄ᭟᭜᭟ᬚᬦᬶᬩᬸᬦ᭄ᬢᬲ᭄‌‌ᬢᭀᬂ᭠
ᬤᬤᬶᬩᬸᬯᬶᬦ᭄ᬮᬶᬧᭂᬢᬂ᭞ᬮᬶᬬᬸᬫᬢᬢᬸᬫᬢᬶ᭞ᬩᬦ᭄ᬢᬸᬫ᭄ᬩᬓ᭄‌‌ᬭᭀᬯᬗ᭞ᬮᬾᬦ᭄ᬮᬩᬸᬄᬫᬦᬸᬗ᭄ᬓᬬᬓ᭄᭞ᬮᬾᬦᬵᬤᬮᬩᬸᬄᬫᬦᬸᬗ᭄ᬕᬶᬂ᭞ᬩᬲᬗᬾᬩ᭄ᬤᬄ᭞ᬫᬦᭂᬧᬾᬦ᭄ᬲᬸᬗ᭄ᬕᬧᬸᬮᬶᬂ᭟᭜᭟ᬳᬤᬵᬩ᭄ᬮᬸᬲ᭄‌‌ᬤᬾᬦᬶᬂᬬᬮᬩᬸᬄᬤᬶᬢᬸᬓᬤ᭄᭞ᬩᬸᬗᬸᬢ᭄ᬜ

[᭑᭑᭖ 116A]
᭑᭑᭖
ᬦᬾᬗᬚᭂᬗᬶᬢ᭄᭞ᬳᬲᬶᬂᬓᬢᬸᬢᬸᬕᬦ᭄᭞ᬫᬢᬶᬓ᭄ᬦᬵᬓᬢᬸᬫ᭄ᬩᬓ᭄᭞ᬧᬢᬶᬄᬓᬮᬶᬄᬫᭀᬓ᭄ᬱᬚᬦᬶ᭞ᬮᬶᬸᬍᬍᬄᬓᬮᬶᬦ᭄ᬢᬂ᭞ᬳᬶᬩᬚ᭄ᬭᬯ᭄ᬲᬶᬧ᭄ᬭᬧ᭄ᬢᬶ᭟᭜᭟ᬚᬦᬶᬧ᭄ᬤᬲ᭄ᬳᬶᬲᬹᬃᬬ᭄ᬬᬚᬬᬗᭂᬦᭀᬢᬂ᭞ᬤᬾᬦᬶᬂᬳᬶᬬᬗᭂᬧᬸᬗᬶᬦ᭄᭞ᬫᬗ᭄ᬓᬶᬦ᭄‌‌ᬯᬸᬲ᭄ᬓᬧᬦᬄ᭞ᬩᬳᬜ᭄ᬘ
ᬓ᭄ᬭᬦᬾᬜᬜᬧ᭄᭞ᬓ᭄ᬦᬵᬬᬫᬗ᭄ᬮᬯᬸᬢ᭄ᬫᬢᬶ᭞ᬧᬢᬶᬄᬍᬗ᭄ᬓᬭᬵ᭞ᬚᬦᬶᬩᬸᬯᬶᬦ᭄ᬗᬶᬯᬲᬶᬦ᭄᭟᭜᭟ᬩᬸᬯᬶᬦ᭄ᬗᭂᬦᬄᬲᬂᬧ᭄ᬭᬪᬹᬭᬭᬶᬲ᭄ᬓᬧᬦᬄ᭞ᬩᬵᬦ᭄ᬧᬦᬄᬳᬦ᭄ᬢᬾᬩ᭄ᬲᬶ᭞ᬢᬸᬫᬸᬮᬶᬓᬢᬶᬫ᭄ᬩᬮ᭄᭞ᬧᬦᬄᬳᬗᬶᬦ᭄ᬗᭂᬩᬸᬭᬂ᭞ᬮᬩᬸᬄᬓᬳᬮᬲᬾᬚᬦᬶ᭞ᬧᬦ᭄ᬲᬸ
ᬩᬵᬳᭀᬜ᭞ᬯᬂᬓᬶᬦ᭄ᬢᬵᬯᬦᬵᬮᬶᬮᬶᬄ᭟᭜᭟ᬫᬮᬸᬮᬸᬦ᭄ᬲᬸᬩᬬᬢ᭄ᬓᭂᬤ᭄ᬤᬶᬤᬾᬰ᭞ᬲᬸᬭᬓ᭄ᬳᬸᬫᬸᬂᬕᬸᬫᬶᬭᬶᬄ᭞ᬫᬗᬯᬸᬕ᭄ᬓᬤᬾᬰᬵ᭞ᬫᬸᬜᬶᬦᬾᬫᬩ᭄ᬬᬦ᭄᭞ᬯᬂᬓᬶᬦ᭄ᬢᬯᬦᬵᬦᬾᬲᬫᬶ᭞ᬫᬗᬸᬗ᭄ᬲᬶᬳᬮᬲ᭄᭞ᬲᬫᬶᬢᬦ᭄ᬦᭀᬮᬶᬄᬯᬸᬭᬶ᭟᭜᭟ᬳᬤᬵᬦᬦ᭄ᬤᬦ᭄ᬧ
ᬦᬓᬲᬫ᭄ᬩᬶᬮ᭄ᬫᬜᬶᬗᬮ᭄᭞ᬲᬫ᭄ᬩᬶᬮ᭄‌‌ᬜᬸᬳᬸᬦ᭄ᬫᬜᬗ᭄ᬓᬶᬮ᭄᭞ᬲᬶᬲᬸᬫᬗᬸᬮᬳᬂ᭞ᬫᬚᬮᬦ᭄ᬗᬸᬗ᭄ᬲᬶᬳᬮᬲ᭄᭞ᬩᬶᬮᬂᬤᬾᬰᬲᬸᬩᬩᬺᬲᬶᬄ᭞ᬲᬸᬩᬵᬓᬚᬭᬄ᭞ᬧᬤᬵᬲᬮᬾᬂᬧᬗ᭄ᬮᬶᬗᬶᬦ᭄᭟᭜᭟ᬢᬦ᭄ᬓᬘᬭᬶᬢ᭄ᬣᬓᬯᬸᬮᬦᬾᬤᬶᬚᬩ᭞ᬓᭀᬘᬧᬦᬾᬤᬶ [ 117 ][᭑᭑᭖ 116B]
᭑᭑᭖
ᬧᬸᬭᬶ᭞ᬳᬶᬤᬵᬧ᭄ᬭᬫᬶᬰ᭄ᬯᬭ᭄ᬬ᭞ᬲᬵᬫ᭄ᬧᬸᬦ᭄ᬲᬫᬶᬓᬾᬯᭂᬳᬦ᭄᭞ᬓᭀᬘᬧᬰ᭄ᬭᬶᬧ᭄ᬭᬫᬶᬲ᭄ᬯᬭᬶ᭞ᬲᬋᬂᬲᬂᬤᬾᬯ᭄ᬬ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭟᭛ᬫᬲ᭄ᬓᬸᬫᬫ᭄ᬩᬂ᭞᭛᭞ᬲᬶᬭᬳᭂᬫ᭄ᬩᬦ᭄ᬳᬸᬫᬢᬹᬃᬭᬶᬂᬭᬤᬾᬦ᭄ᬤᬾᬯᬶ᭞ᬫᬵᬲᬹᬃᬬ᭄ᬚᬓᭂᬜ᭄ᬘᬦᬵ᭞ᬮᬦ᭄ᬦᬶᬸᬢᬶᬸᬦ᭄ᬭ
ᬢ᭄ᬦᬦᬶᬂᬭᬵᬢ᭄ᬲᬂᬤᬾᬯᬶ᭞ᬦᬸᬦᬲ᭄ᬓᬾᬭᬵᬢᬹᬕ᭄ᬮᬶᬲᬂ᭟᭜᭟ᬭᬓᬦ᭄ᬭᬢᬹᬲᬵᬫ᭄ᬧᬸᬦ᭄ᬓᬲᭀᬭᬦ᭄ᬫᬚᬸᬭᬶᬢ᭄᭞ᬫ᭄ᬯᬄᬲᬹᬃᬬ᭄ᬬᬓᬸ᭠ᬲᬸᬫ᭞ᬓᬮᬶᬄᬭᬤᬾᬦ᭄ᬳᬫ᭄ᬩᬃᬓᬯᬶ᭞ᬫᬗ᭄ᬓᬶᬳᬶᬤᬵᬲᬵᬫ᭄ᬧᬸᬦ᭄ᬭᬸᬲᬓ᭄᭟᭜᭟ᬭᬤᬾᬦ᭄ᬤᬾᬯᬶᬫᬲᬯᬹᬃᬲᬫ᭄ᬩᬶᬮ᭄ᬫᬦᬗᬶᬲ᭄᭞ᬚᬦᬶᬩᬶᬩᬶᬗᭂᬫ᭄ᬩ
ᬦ᭄᭞ᬳᬤᬬᬦ᭄ᬓᭀᬳᬶᬭᬵᬫᬢᬶ᭞ᬳᬶᬭᬧᬘᬂᬢᬸᬫᬸᬢ᭄ᬩᬾᬮ᭟᭜᭟ᬲᬃᬯ᭄ᬯᬶᬗᬸᬘᬧ᭄ᬳᬦ᭄ᬢᭀᬲᬂᬚᬢᬶᬢ᭄ᬬᬩ᭄ᬮᬶ᭞ᬢᬸᬫᬸᬮᬶᬭᬳᬤ᭄ᬬᬦ᭄᭞ᬓᬮᬶᬄᬳᬶᬤᬵᬦᬵᬫ᭄ᬩᬸᬢ᭄ᬓᭂᬭᬶᬲ᭄᭞ᬳᬶᬗᬶᬢᬾᬭᬭᬶᬲ᭄ᬫᬢᬹᬭ᭟᭜᭟ᬳᬶᬗ᭄ᬕᬶᬄᬭᬵᬢᬹᬫᬗ᭄ᬓᬶᬦ᭄ᬫᬾᬮᬶᬂᬢᬶᬢ᭄ᬬᬂᬕᬸᬲ᭄ᬢᬶ᭞ᬲᬵᬫ᭄ᬧᬸᬦᬂᬳᬶᬤᬾᬯ
᭞ᬫᬵᬜᬸᬤᬸᬓ᭄ᬭᬕᬫᬵᬲ᭄ᬕᬸᬲ᭄ᬢᬶ᭞ᬳᬶᬗᭂᬫ᭄ᬩᬦ᭄ᬭᬭᬶᬲ᭄ᬫᬜᭂᬫᬓ᭄᭟᭜᭟ᬦᬸᬦᬲ᭄ᬭᬢᬹᬦᬾᬫᬗ᭄ᬓᬶᬦ᭄ᬓᬯᬦᬵᬧᬸᬭᬶ᭞ᬧᬋᬓ᭄ᬳᬚᬶᬦ᭄ᬳᬶᬤᬵ᭞ᬦᬸᬦᬲ᭄ᬓᬾᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬫᬗ᭄ᬤᬳᬚᬶᬦ᭄ᬳᬶᬤᬵᬯᬶᬓᬦ᭄᭟᭜᭟ᬲᬯᬹᬃᬳᬶᬤᬵᬤᬾᬯᬶᬭᬵᬢ᭄ᬦᬦᬶᬂᬭᬵᬢ᭄ᬕᭂᬮᬶᬲ᭄᭞ᬳ᭄ᬦᬄᬩᬶᬩᬶ᭠

[᭑᭑᭗ 117A]
᭑᭑᭗
ᬗᭂᬫ᭄ᬩᬦ᭄᭞ᬫᬫᬃᬕ᭄ᬕᬶᬲᬃᬯ᭄ᬯᬶᬫᬦᬗᬶᬲ᭄᭞ᬢᬦ᭄ᬓᬘᬭᬶᬢ᭄ᬣᬭᬶᬂᬫᬃᬕ᭄ᬕᬶ᭟᭜᭟ᬫᬗ᭄ᬓᬶᬦ᭄ᬓᬯᬃᬡ᭄ᬦᬵᬩᬶᬬᬗᬾᬭᬤᬾᬦ᭄ᬤᬾᬯᬶ᭞ᬦᬾᬓᬭᬶᬤᬶᬧᬸᬭ᭞ᬓᬾᬯᭂᬳᬾᬢᬦ᭄ᬲᬶᬧᬶᬲᬶᬧᬶ᭞ᬤᬾᬦᬶᬂᬳᬶᬤᬵᬢ᭄ᬯᬭᬯᬶᬓᬦ᭄᭟᭜᭟ᬭᬶᬂᬳᭀᬓᬦᬾᬫᬫᬃᬕ᭄ᬕᬶᬓᬯᬦᬵᬧᬸᬭᬶ᭞ᬤᬤᬶᬚᬦᬶᬕᬾᬯᬃ᭞
ᬓᭀᬘᬧ᭄ᬲᬳᬶᬲᬶᬦᬶᬂᬧᬸᬭᬶ᭞ᬩᬶᬬᬗᬾᬭᬭᬶᬲ᭄ᬗᬦ᭄ᬤᬶᬓ᭟᭜᭟ᬭᬶᬂᬧ᭄ᬭᬗᬬᬄᬧᬗᬬᬳᬾᬦᬾᬭᬶᬂᬧᬸᬭᬶ᭞ᬲᬫᬶᬓᬢᬓᬾᬦᬦ᭄᭞ᬳᬲᬶᬓᬶᬢ᭄ᬯᬭᬵᬤᬳᬸᬦᬶᬂ᭞ᬭᬳᬤᬾᬦ᭄ᬤᬾᬯᬶᬓᭀᬘᬧ᭟᭜᭟ᬭᬭᬶᬲ᭄ᬧᬤᬵᬫᬲᬶᬲᬶᬕ᭄ᬫᬫ᭄ᬩᬸᬄᬧ᭄ᬭᬚᬦᬶ᭞ᬲᬸᬓᬧᬘᬂᬩᬾᬮ᭞ᬫᬗᬶ᭠
ᬭᬶᬂᬲ᭄ᬭᬶᬧ᭄ᬭᬫᬶᬲ᭄ᬯᬭᬶ᭞ᬩᬶᬬᬗᬾᬭᬳᬤᬾᬦ᭄ᬤᬾᬯ᭄ᬬ᭟᭜᭟ᬦᬾᬦᬾᬢᬓᬸᬢ᭄ᬫᬢᭂᬩᭂᬓ᭄ᬱᬸᬩᬫᬕ᭄ᬤᬶ᭞ᬦᬾᬦᬾᬢᬸᬯᬢᬸᬯ᭞ᬲᬸᬩᬬᬗᬸᬩᭂᬢᬂᬓᬸᬭᬶ᭞ᬫᬸᬲᬸᬳᬾᬬᬲᬸᬩᬢ᭄ᬓᬵ᭟᭜᭟ᬫᬳᬸᬭᬳᬦ᭄ᬫᬗᬶᬢᭂᬃᬧᬸᬭᬶᬦᬾᬕ᭄ᬮᬶᬲ᭄᭞ᬧᬤᬵᬲᬸᬭᬓ᭄ᬱᬸᬭᬓ᭄᭞ᬲᬸᬓᬫᬦᬳᬾ᭠
ᬢᬦ᭄ᬲᬶᬧᬶ᭞ᬭᬯᬸᬄᬧᬧᬢᬶᬄᬧᬸᬗ᭄ᬕᬯᬵ᭟᭜᭟ᬲᬶᬭᬭᬤᬾᬦᬺᬱᬶᬪᭀᬚᬦᬵᬯᬸᬲ᭄ᬧ᭄ᬭᬧ᭄ᬢᬶ᭞ᬭᬭᬶᬲ᭄ᬫᬗᬦ᭄ᬤᬶᬓ᭞ᬭᬶᬂᬧᬢᬶᬄᬧᬸᬗ᭄ᬕᬯᬵᬲᬫᬶ᭞ᬩᬧᬧᬢᬶᬄᬫᬳᬶᬳᬾᬗ᭄ᬕᬮ᭄᭟᭜᭟ᬓ᭄ᬫᬩᬧᬵᬫᬫᬸᬓᬓ᭄ᬓᬸᬭᬶᬦᬾᬚᬦᬶ᭞ᬳᬶᬧᬢᬶᬄᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓ [ 118 ][᭑᭑᭗ 117B]
᭑᭑᭗
ᬦ᭄ᬳᬶᬕᬸᬲ᭄ᬢᬶ᭞ᬮᬯᬸᬢ᭄ᬫᭂᬦᬾᬓ᭄ᬓᬩᬜ᭄ᬘᬶᬗᬄ᭟᭜᭟ᬭᬭᬶᬲ᭄ᬕᭂᬮᬶᬲ᭄ᬫᬫᬸᬓ᭄ᬓᬸᬭᬶᬦᬾᬲᬫᬶ᭞ᬫᬗ᭄ᬭᬭᬶᬲ᭄ᬫᬵᬦ᭄ᬢᬸᬓᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ᭠ᬭᬭᬶᬲ᭄ᬫᬜ᭄ᬚᬶᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬚ᭄ᬭᭀᬧᬸᬭᬵ᭟᭜᭟ᬲᬭᬯᬸᬳᬾᬫᬗᬺᬋᬄᬭᬳᬤᬾᬦ᭄ᬤᬾᬯᬶ᭞ᬫᬶᬍᬳᬦ᭄ᬤᬶᬧᬸᬭ᭞ᬢ᭄ᬯᬦ᭄ᬤᬾᬯᬶᬢ᭄ᬯᬭᬵᬓᬧᬗ᭄ᬕᬶᬄ
᭞ᬳᬾᬫᭂᬂᬓᬬᬸᬦᬾᬭᬳᬤ᭄ᬬᬦ᭄᭟᭜᭟ᬭᬭᬶᬲᬵᬤᬫᬫᬸᬓᬮᬬᭀᬦᬾᬲᬫᬶ᭞ᬫᬲᬶᬄᬢ᭄ᬯᬭᬳᬤᬵ᭞ᬓᬢᭂᬧᬸᬓ᭄ᬭᬳ᭠ᬤᬾᬦ᭄ᬤᬾᬯᬶ᭞ᬢᬸᬫᬸᬮᬶᬳᬶᬤᬗᬦ᭄ᬤᬶᬓ᭟᭜᭟ᬩᬧᬧᬢᬶᬄᬓ᭄ᬫᬓᬾᬮᬸᬯᬲ᭄ᬳᬮᬶᬳᬶᬦ᭄᭞ᬲᬶᬂᬜᬬᬤᬶᬚᬩᬵ᭞ᬲᭂᬋᬧᬂᬢᬓᭀᬦᬂᬤᬶᬦᬶ᭞ᬳᬶᬧᬢᬶᬄ
ᬭᬭᬶᬲ᭄ᬫᬫᬃᬕ᭄ᬕᬵ᭟᭜᭟ᬢᬦ᭄ᬓᬯᬃᬡ᭄ᬦᬵᬲᬂᬦᬵᬣᬚ᭄ᬭᭀᬦᬶᬂᬧᬸᬭᬶ᭞ᬫᬗ᭄ᬓᬶᬦ᭄ᬓᬘᬭᬶᬢ᭄ᬣᬵ᭞ᬦᬶᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬮᬯᬦ᭄ᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭟᭜᭟ᬧᬫᬃᬕ᭄ᬕᬶᬦᬾᬫᬗᭀᬚᭀᬕ᭄ᬓᬯᬦᬵᬯᬶᬸᬧᬸᬭᬶ᭞ᬓᬢᬶᬕᬦᬶᬗᭂᬫ᭄ᬩᬦ᭄᭞ᬫᬗ᭄ᬭᬜ᭄ᬚᬶᬂᬓᬯᬦᬵᬧᬸᬭᬶ᭞ᬲᬃᬯ᭄ᬯᬶᬫᬦᬗᬶᬲ᭄ᬓᬢᬶᬕ᭞
᭞᭐᭟ᬲᬲᬫ᭄ᬩᬢᬾᬓᬢᬶᬕᬫᬗᬰᬶᬄᬳᬲᬶᬄ᭞ᬢ᭄ᬯᬭᬳᬤᬮᬾᬦᬦ᭄᭞ᬫᬦᬤᬶᬧᬭᬦᬶᬂᬳᬢᬶ᭞ᬫᬸᬂᬭᬤᬾᬦ᭄ᬲᬹᬃᬬ᭄ᬬᬓᬸ᭠ᬲᬸᬫ᭟᭜᭟ᬫᬓᬫᬶᬯᬄᬭᬳᬤᬾᬦ᭄ᬳᬫ᭄ᬩᬭᬓᬯᬶ᭞ᬤᬸᬄᬤᬶᬚᬵᬬᬵᬪᬬ᭞ᬳᬶᬤᬓᬲᭀᬭᬦ᭄ᬫᬚᬸᬭᬶᬢ᭄᭞ᬲᬕᬾᬢᬦ᭄ᬕᬸᬫᬶᬦᬾᬓᬮᬄ᭟᭜᭟

[᭑᭑᭘ 118A]
᭑᭑᭘
ᬳᬶᬬᬳᬶᬗᭂᬫ᭄ᬩᬦ᭄ᬫᬫᬸᬜᬶᬫᬳᬢᬹᬃᬳᬭᬶᬲ᭄᭞ᬦᬸᬦᬲ᭄ᬓᬾᬕ᭄ᬮᬶᬲᬂ᭞ᬲᬵᬫ᭄ᬧᬸᬦ᭄ᬓᬢᬸᬗ᭄ᬓᬸᬮ᭄ᬫᬦᬗᬶᬲ᭄᭞ᬲᬸᬫᬯᬹᬃᬦᬶᬭᬢ᭄ᬦᬦᬶᬂᬭᬵ᭠ᬢ᭄᭟᭜᭟ᬗᬦ᭄ᬢ᭄ᬬᬂᬓᬶᬚᬲᬶᬄᬳᬤᬦ᭄ᬜᬚᬦᬶᬩᬶᬩᬶ᭞ᬳᬶᬗᭂᬫ᭄ᬩᬦ᭄ᬫᬢᬹᬭ᭞ᬜᬦᬦ᭄ᬤᭀᬂᬳᬶᬤᬾᬯᬳᬸᬦᬶᬂ᭞ᬭᬶᬂᬳᬶᬤᬵᬲᬂᬗᬦ᭄ᬢᬵᬪᭀᬕ᭟᭜᭟
ᬫᬧᬦ᭄ᬳᬶᬤᬵᬭᬤᬾᬦ᭄ᬫᬦ᭄ᬢ᭄ᬭᬶᬳᬫ᭄ᬩᬃᬓᬯᬶ᭞ᬧ᭄ᬘᬓᬾᬦᬾᬲᬸᬩᬵ᭞ᬳᬶᬤᬵᬫᬕ᭄ᬦᬄᬳᬶᬭᬶᬓᬶ᭞ᬭᬶᬂᬳᬶᬤᬵᬲᬂᬳᬦ᭄ᬢᬵᬪᭀᬕ᭟᭜᭟ᬲᬶᬭᬤᬾᬯᬶᬭᬢ᭄ᬦᬦᬶᬂᬭᬵᬢ᭄ᬫᬜᬯᬹᬭᬶᬦ᭄᭞ᬗᬸᬤᬩᬶᬩᬶᬗᭂᬫ᭄ᬩᬦ᭄᭞ᬲᬗ᭄ᬓᬦ᭄ᬳᬶᬤᬦᭀᬗᭀᬲ᭄ᬤᬶᬦᬶ᭞ᬤᬶᬳᬮᬲᬾᬦᬾᬦᬾᬯᬬᬄ᭟᭜᭟ᬗᬸ
ᬤᬵᬢ᭄ᬯᬭᬫᬦ᭄ᬧᬸᬦᬶᬜ᭄ᬚᬤ᭄ᬫᬵᬤᬶᬦᬶ᭞ᬦᬶᬗᭂᬫ᭄ᬩᬦ᭄ᬫᬢᬹᬭ᭞ᬳᬦᬓ᭄ᬳᬶᬤᬫᬸᬮᬤᬶᬦᬶ᭞ᬧᬜ᭄ᬚᬓ᭄ᬳᬶᬤᬢ᭄ᬯᬭᬚᬤ᭄ᬫᬵ᭟᭜᭟ᬧᬜ᭄ᬚᬓ᭄ᬳᬶᬤᬵᬲᬳᬶᬲᬶᬦ᭄ᬳᬮᬲᬾᬲᬫᬶ᭞ᬳᬶᬤᬫᬦᬸᬯᬾᬦᬂ᭞ᬦᬸᬦᬲ᭄ᬕᭂᬮᬶᬲᬂᬫᬫᬃᬕ᭄ᬕᬶ᭞ᬜᬦᬦ᭄ᬳᬧᬂᬳᬶᬤᬯᬶᬓᬦ᭄᭟᭜᭟ᬢᬦ᭄ᬓᬯᬃᬡ᭄ᬦᬵᬮᬫ᭄ᬧ
ᬳᬾᬢᬸᬫᬸᬮᬶᬧ᭄ᬭᬧ᭄ᬢᬶ᭞ᬦᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬮᬦ᭄ᬭᬢ᭄ᬦᬦᬶᬂᬭᬵᬢ᭄ᬲᬂᬤᬾᬯᬶ᭞ᬭᬯᬸᬄᬭᬶᬂᬧᬶᬗ᭄ᬕᬶᬭᬶᬂᬕᬸᬯ᭟᭜᭟ᬬᬳᬶ᭠ᬫ᭄ᬩᬦ᭄‌ᬢᬸᬫᬸᬮᬶᬫᬳᬢᬹᬃᬕ᭄ᬮᬶᬲ᭄᭞ᬦᬸᬦᬲ᭄ᬓᬾᬕ᭄ᬮᬶᬲᬂ᭞ᬧᬂᬲᬵᬫ᭄ᬧᬸᬦ᭄ᬲᬸᬯᬾᬤᬶᬫᬃᬕ᭄ᬕᬶ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬗᬦ᭄ᬤᬶᬓ᭟᭜᭟ᬳ᭄ᬦᬄᬚᬮᬦ᭄ᬓᬾᬩᬶᬩᬶ [ 119 ][᭑᭑᭘ 118B]
᭑᭑᭘
ᬫᬮᬸᬯᬜ᭄ᬚᬦᬶ᭞ᬩᬶᬩᬶᬫᬗᬢᬹᬭᬂ᭞ᬦᬶᬗᬶᬦ᭄ᬢᬾᬫᬳᬢᬹᬃᬳᬭᬶᬲ᭄᭞ᬦᬸᬦᬲᬋᬂᬓᬧᬸᬭᬶᬬᬦ᭄᭟᭜᭟ᬭᬭᬶᬲ᭄ᬧᬤᬵᬫᬫᬃᬕ᭄ᬕᬶᬓᬢᬶᬕᬗ᭄ᬭᬜ᭄ᬚᬶᬂ᭞ᬦᬾᬭᬶᬂᬚᬩᬧᬶᬲᬦ᭄᭞ᬧ᭄ᬢᭂᬗᬾᬢᬦ᭄ᬲᬶᬧᬶᬲᬶᬧᬶ᭞ᬤᬾᬯᬶᬭᬢ᭄ᬦᬦᬶᬂᬭᬵᬢ᭄ᬗᬸᬘᬧ᭄᭟᭜᭟ᬩᬶᬩᬶᬗᬶᬦ᭄ᬢᬾᬗᬸᬤᬧ᭄ᬢᭂᬗᬾ᭠
ᬢᬦ᭄ᬲᬶᬧᬶ᭞ᬦᬶᬗᬶᬦ᭄ᬢᬾᬫᬵᬢᬹᬭ᭞ᬧᬦ᭄ᬲᬸᬯᬸᬂᬭᬵᬢᬹᬳᬶᬭᬶᬓᬶ᭞ᬦᬸᬦᬲ᭄ᬫᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭟᭜᭟ᬬᬦᬶᬗᬶᬦ᭄ᬢᬾᬚᬦᬶᬫᬗ᭄ᬮᬯᬸᬢ᭄ᬓᬧᬸᬭᬶ᭞ᬲᬶᬭᬭᬤᬾᬦ᭄ᬤᬾᬯ᭄ᬬ᭞ᬓᬭᭀᬦᬾᬳᬦᬸᬢ᭄ᬭᬶᬂᬯᬸᬭᬶ᭞ᬓᬮᬯᬂᬦᬸᬮᬶᬩᬶᬦᬸᬓ᭟᭜᭟ᬯᬸᬲ᭄ᬓᬩᬸᬓᬓ᭄ᬓᬸᬭᬶᬦᬾᬕᬮᬂᬓᬳᬓ᭄ᬱᬶ᭞ᬓᬦ᭄ᬢᭂ᭠
ᬦ᭄ᬩᬸᬓᬍᬫᬄ᭞ᬢ᭄ᬓᭂᬦᬶᬸᬤ᭄ᬓᬤᬶᬯᬗᬦ᭄ᬓᬸᬭᬶ᭞ᬭᬤᬾᬦ᭄ᬤᬾᬯᬶᬫᬗᬦ᭄ᬤᬶᬓ᭟᭜᭟ᬳᭂᬦ᭄ᬢᭀᬳᬧᬲᬶᬫᬓᬤᬕᬮᬂᬩᬶᬩᬶ᭞ᬦᬶᬗᬶᬦ᭄ᬢᬾᬫᬵᬢᬹᬭ᭞ᬳᬶᬗ᭄ᬕᬶᬄᬳᬧᬂᬳᬶᬤᬳᬸᬦᬶᬂ᭞ᬧᬸᬦᬶᬓᬲᬂᬗᬵᬦ᭄ᬢᬵᬪᭀᬕ᭟᭜᭟ᬳᬶᬗ᭄ᬕᬶᬄᬭᬵᬢᬹᬫᬗ᭄ᬓᬶᬦ᭄ᬳᬶᬤᬫᬗ᭄ᬤᬾᬳᬾᬮᬶᬂᬲᬵᬫ᭄ᬧᬸᬦ᭄ᬳᬶᬤᬵ
ᬓᬕ᭄ᬬᬢ᭄᭞ᬫᬜᬶᬗᬓ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬭᬶᬂᬯᬃᬡ᭄ᬦᬦ᭄ᬳᬚᬶᬦ᭄ᬳᬶᬤᬾᬯᬵ᭟᭜᭟ᬬᬳᬶᬗᬶᬦ᭄ᬢᬾᬢᬸᬫᬸᬮᬶᬭᬭᬶᬲ᭄ᬫᬗ᭄ᬭᬜ᭄ᬚᬶᬂ᭞ᬳᬶᬤᬵᬭᬤᬾᬦ᭄ᬤᬾᬯ᭄ᬬ᭞ᬫᬦᬸᬢᬸᬕ᭄ᬳᬸᬮᬶᬤᬶᬤᬸᬭᬶ᭞ᬢᬸᬫᬸᬮᬶᬫᬧᭂᬦ᭄ᬤᬓ᭄ᬢᬶᬗᬮ᭄᭟᭜᭟ᬮᬗ᭄ᬓᬸᬂᬓᬕ᭄ᬬᬢ᭄ᬳᬶᬗᬶᬦ᭄ᬢᬾᬗᬫ᭄ᬧᬶᬕᬂᬕ᭄ᬮᬶᬲ᭄᭞

[᭑᭑᭙ 119A]
᭑᭑᭙
ᬦᬸᬮᬶᬓᬢᬸᬮᬓᬂ᭞ᬓᬕ᭄ᬬᬢᬹᬃᬲᬃᬯ᭄ᬯᬶᬫᬦᬗᬶᬲ᭄᭞ᬢᬸᬧᬶᬸᬫᬸᬮᬶᬳᬶᬤᬗᬦ᭄ᬤᬶᬓ᭟᭜᭟ᬤᬤᬶᬬᬜᬳᬶᬗᬫ᭄ᬩᬦ᭄ᬚᬦᬶᬫᬗ᭄ᬭᬭᬶᬲ᭄᭞ᬧᬋᬓ᭄ᬫᬗᬢᬹᬭᬂ᭞ᬢᬸᬫᬸᬮᬶᬲᬵᬫ᭄ᬧᬸᬦ᭄ᬓᬧᬗ᭄ᬕᬶᬄ᭞ᬦᬶᬗᭂᬫ᭄ᬩᬦ᭄ᬭᬭᬶᬲ᭄ᬫᬜᬸᬫ᭄ᬩᬄ᭟᭜᭟ᬳᬶᬗ᭄ᬕᬶᬄᬭᬵᬢᬹᬧᬗᬦ᭄ᬤᬶᬓ
ᬦ᭄ᬦᬾᬲᬗᬵᬚᬶ᭞ᬦᬸᬦᬲ᭄ᬓᬧᬸᬭᬶᬬᬦ᭄᭞ᬯᬦ᭄ᬢᬄᬳᬶᬤᬓᬬᬸᬦ᭄ᬳᬸᬦᬶᬂ᭞ᬓᬧᬗ᭄ᬕᬶᬄᬭᬶᬂᬳᬚᬶᬦ᭄ᬳᬶᬤᬵ᭟᭜᭟ᬭᬤᬾᬦ᭄ᬤᬾᬯᬶᬲᬸᬫᬯᬹᬃᬯᬘᬦᬫᬦᬶᬲ᭄᭞ᬢᬸᬫᬸᬮᬶᬮᬸᬫᬫ᭄ᬧᬄ᭞ᬢ᭄ᬯᬭᬬᬫᬦᭀᬮᬶᬄᬯᬸᬭᬶ᭞ᬲᬭᬯᬸᬳᬾᬭᬶᬂᬧᬸᬭᬶᬬᬦ᭄᭟᭜᭟
ᬳᬦ᭄ᬢᬵᬪᭀᬕᬢᬸᬫᬸᬮᬶᬫᬜᬧᬕ᭄ᬮᬶᬲ᭄᭞ᬤᬸᬄᬤᬾᬯᬵᬫᬵᬲ᭄ᬫᬶᬭᬄ᭞ᬦᬾᬤᬶᬦᬶᬕᬸᬲ᭄ᬢᬶᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬤᬾᬯᬶᬫᬸᬗ᭄ᬕᬄᬳᬦ᭄᭟᭜᭟ᬳᭂᬦ᭄ᬢᭀᬗᬸᬤᬳᬶᬤᬾᬯᬵᬚᬦᬶᬫᬦᬗᬶᬲ᭄᭞ᬲᬸᬫᬯᬹᬃᬭᬳᬤ᭄ᬬᬦ᭄᭞ᬓᬭᭀᬦᬾᬳᬲ᭄ᬫᬸᬢᬗᬶᬲ᭄᭞
ᬓᬢᬶᬕᬮᬯᬦ᭄ᬳᬶᬗᭂᬫ᭄ᬩᬦ᭄᭟᭜᭟ᬫ᭄ᬕᬢ᭄ᬫᭂᬕᬢ᭄ᬳᬢᬹᬭᬾᬓᬯ᭄ᬮᬲᬵᬰᬶᬄ᭞ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂ᭞ᬫᬶᬲᬤ᭄ᬬ᭠ᬧᬋᬓ᭄ᬫᬭᬶᬓᬶ᭞ᬯᬦ᭄ᬢᬄᬫᬵᬢᬹᬃᬧᬗᬸᬦᬶᬗᬵ᭟᭜᭟ᬳᭀᬓᬦ᭄ᬕᬸᬭᬸᬳᬶᬤᬭᬤᬾᬦ᭄ᬳᬫ᭄ᬩᬃᬓᬯᬶ᭞ᬓᬲᭀᬭᬦ᭄ᬫᬬᬸᬤ᭄ᬤ᭞ᬓᬮᬶᬄᬧ᭄ᬭ [ 120 ][᭑᭑᭙ 119B]
᭑᭑᭙
ᬭᬵᬢᬹᬦᬾᬲᬫᬶ᭞ᬫᬗ᭄ᬮᬯᬦᬺᬱᬶᬪᭀᬚᬦᬵ᭟᭜᭟ᬲᬵᬫ᭄ᬧᬸᬦ᭄ᬭᬸᬲᬓ᭄ᬦᬕᬭᬧᬸᬦᬶᬓᬵᬲᬫᬶ᭞ᬳᬯᬦᬦᬾᬢᬶᬢ᭄ᬬᬂ᭞ᬫ᭄ᬬᬶᬸᬫᬶᬲᬤ᭄ᬬᬧᬋᬓ᭄ᬫᬭᬶᬓᬶ᭞ᬳᬦ᭄ᬢᬵᬪᭀᬕᬫᬗᬦ᭄ᬤᬶᬓᬵ᭟᭜᭟ᬤᬤᬶᬳᬶᬬᬢ᭄ᬯᬭᬵᬫᬢᬸᬢᬸᬭᬦ᭄ᬫᬳᬶ᭞ᬚᬦᬶᬲᬸᬩᬵᬓᬮᬄ᭞ᬓᬾᬦ᭄ᬓᬾᬦ᭄ᬩᬳ
ᬦ᭄ᬫᬗ᭄ᬭᬱᬦᬶᬦ᭄᭞ᬤᬤᬶᬩᬧᬵᬢ᭄ᬯᬭᬵᬩᬶᬱᬵ᭟᭜᭟ᬚᬦᬶᬳᭂᬜᬾᬦ᭄ᬧᬘᬂᬢᬸᬦ᭄ᬤᬾᬦ᭄ᬗᬫᬸᬲᬸᬳᬶᬦ᭄᭞ᬬᬾᬦ᭄‌‌ᬢ᭄ᬯᬭᬵᬳᬶᬤᬾᬯᬵ᭞ᬦᬾᬚᬦᬶᬗ᭄ᬮᬯᬦ᭄ᬫᬚᬸᬭᬶᬢ᭄᭞ᬫᬵᬢᬹᬃᬫᬵᬲᬹᬃᬬ᭄ᬬᬓᭂᬜ᭄ᬘᬦᬵ᭟᭜᭟ᬫᬗ᭄ᬤᬢᬶᬢ᭄ᬬᬂᬚᬤ᭄ᬫᬵᬮᬸᬯᬓᬤᬶᬫᬗ᭄ᬓᬶᬦ᭄᭞ᬢ᭄ᬯᬭᬵᬓᭀᬕᬯᬾᬜ᭞
ᬲᬂᬗᬦ᭄ᬢᬵᬪᭀᬕᬜᬯᬹᬭᬶᬦ᭄᭞ᬩᬧᬜᬋᬗᬶᬦ᭄ᬳᬶᬤᬾᬯᬵ᭟᭜᭟ᬦᬕᬕᬶᬡᬶᬢᬸᬫᬸᬮᬶᬗᬦ᭄ᬤᬶᬓᬵᬳᬭᬶᬲ᭄᭞ᬚᬮᬦ᭄ᬩᬶᬩᬶᬳᬚᬓ᭄᭞ᬚᬦᬶᬩᬋᬂᬗᬫᬸᬲᬸᬳᬶᬦ᭄᭞ᬢᬸᬫᬸᬮᬶᬫᬜᭂᬫᬓ᭄ᬧᬦᬄ᭟᭜᭟ᬳᬦ᭄ᬢᬵᬪᭀᬕᬢᬸᬫᬸᬮᬶᬗᬦ᭄ᬤᬶᬓᬵᬫᬮᬶᬄ᭞ᬳ᭄ᬦᬄᬓ᭄ᬫᬳᬚᬓ᭄᭞ᬦᬾ
ᬧᬦᬄᬧᬤᬵᬫᬩᭂᬲᬶᬓ᭄᭞ᬦᬾᬩᬸᬗ᭄ᬓᬸᬂᬳᬧᬂᬳᬗ᭄ᬕᭀᬜ᭟᭜᭟ᬳᬧᬂᬳ᭄ᬤᬬᬫᬢᬢᬸᬓᬢᭂᬩᭂᬓᬶᬦ᭄᭞ᬦ᭄ᬤᬾᬦ᭄ᬳᬶᬭᬵᬤᬸᬭᬶᬬᬦ᭄᭞ᬳᬶᬭᬵᬤᬶᬤᬸᬳᬹᬃᬦᭀᬗᭀᬲᬶᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭟᭜᭟ᬳᬦ᭄ᬢᬵᬪᭀᬕᬢᬸᬫᬸᬮᬶᬲᬶᬭᬵᬳᬕ᭄ᬮᬶᬲ᭄᭞ᬫᬦᬩᬸᬄᬢ᭄ᬗᭂ

[᭑᭒᭐ 120A]
᭑᭒᭐
ᬭᬦ᭄᭞ᬲᬂᬤᬦᬯᬵᬭᬚᬵᬧ᭄ᬭᬧ᭄ᬢᬶ᭞ᬢ᭄ᬓᬾᬦ᭄ᬧᬜ᭄ᬚᬓᬫᬓ᭄ᬚᬂ᭟᭜᭟ᬧᬤᬵᬢ᭄ᬓᬢᬸᬫᬸᬮᬶᬫᬳᬢᬹᬃᬕ᭄ᬮᬶᬲ᭄᭞ᬲᬧᬸᬦᬧᬶᬤᬾ᭠ᬯᬵ᭞ᬧᬓᬬᬸᬦᬦ᭄ᬓᬤᬶᬫᬗ᭄ᬓᬶᬦ᭄᭞ᬳᬯᬦ᭄ᬫᬦᬩᬸᬄᬢᭂᬗ᭄ᬭᬦ᭄᭟᭜᭟ᬳᬦ᭄ᬢᬵᬪᭀᬕᬢᬸᬫᬸᬮᬶᬗᬦ᭄ᬤᬶᬓᬕ᭄ᬮᬶᬲ᭄᭞ᬓ᭄ᬫᬚᬦᬶᬮᬸᬯᬲ᭄᭞ᬤᭀᬂᬳᬶ
ᬭᬶᬗᬂᬭᬤᬾᬦ᭄ᬤᬾᬯᬶ᭞ᬫᬗᭂᬩᬸᬕ᭄ᬓᬓᬶᬦ᭄ᬢᬵᬯᬦᬵ᭟᭜᭟ᬭᬭᬶᬲ᭄ᬫᬵᬢᬹᬃᬳᬶᬤᬦᬯᬵᬭᬚᬕ᭄ᬮᬶᬲ᭄᭞ᬳᬯᬶᬦᬦᬾᬢᬶᬢ᭄ᬬᬂ᭞ᬓᬓᬶᬦ᭄ᬢᬵᬯᬦᬵᬦᬾᬫᬗ᭄ᬓᬶᬦ᭄᭞ᬲᬂᬗᬦ᭄ᬢᬵᬪᭀᬕᬗᬦ᭄ᬤᬶᬓ᭟᭜᭟ᬳᭂᬦ᭄ᬢᭀᬓ᭄ᬭᬦᬳᬶᬭᬦᬸᬦ᭄ᬤᬾᬦᬂᬦᬾᬚᬦᬶ᭞ᬓ᭄ᬫᬧᬘᬂᬗ᭄ᬭᬸᬲᬓ᭄᭞ᬤᬾᬦᬶᬂᬬᬫᬸ
ᬲᬸᬄᬦᭀᬗᭀᬲᬶᬦ᭄᭞ᬦᬵᬕᬭᬦᬾᬲᬸᬩᬓᬮᬄ᭟᭜᭟ᬢᭀᬗᭀᬲᬶᬜᬩᬦ᭄ᬫᬸᬲᬸᬳᬾᬩᬸᬓᬚᬦᬶ᭞ᬲᬂᬧ᭄ᬭᬪᬹᬩ᭄ᬭᬂᬧᬦᬲ᭄᭞ᬲᬸᬩᬤᬶᬢᬸᬫᬦᭀᬗᭀᬲᬶᬦ᭄᭞ᬲᬂᬧ᭄ᬭᬪᬹᬋᬱᬶᬪᭀᬚᬦᬵ᭟᭜᭟ᬲᬂᬤᬦᬯᬵᬫᬜᬸᬫ᭄ᬩᬄᬮᬯᬸᬢ᭄ᬫᬧᬫᬶᬢ᭄᭞ᬢᬹᬃᬲᬃᬯ᭄ᬯᬶᬳᬗᬸᬘᬧ᭄᭞ᬭᭀ
ᬯᬗᬾᬧᬶᬸᬧᬤᬵᬳᭀᬭᬳᬶᬦ᭄᭞ᬦᬄᬚᬮᬦ᭄ᬓᬾᬚᬦᬶᬧᬤᬵ᭟᭜᭟ᬫᬳᬸᬭᬳᬦ᭄ᬭᬓ᭄ᬱᬲᬦᬾᬦᬾᬫᬫᬃᬕ᭄ᬕᬶ᭞ᬫᬸᬳᬸᬕ᭄ᬫᬲ᭄ᬮᬶᬬᬸᬭᬦ᭄᭞ᬲᬂᬗᬦ᭄ᬢᬪᭀᬕᬗ᭄ᬮᬶᬗᬵᬭᬶᬲ᭄᭞ᬦᬄᬢᬸᬢᬸᬕ᭄‌‌ᬓ᭄ᬫᬭᬳᬤ᭄ᬬᬦ᭄᭟᭜᭟ᬳᭂᬦ᭄ᬢᭀᬳᬶᬬᬕᬸᬲ᭄ᬢᬶᬦ᭄ᬩᬵᬲᬂᬦᬵᬕᬕᬶᬦᬶ᭞ᬩᬋᬂᬮᬦ᭄ᬭᬳᬤ᭄ᬬ [ 121 ][᭑᭒᭐ 120B]
᭑᭒᭐
ᬦ᭄᭞ᬫᬵᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬓ᭄ᬫᬵᬢᭀᬳᬶᬭᬶᬂᬳᬾᬗ᭄ᬕᬮᬂ᭟᭜᭟᭛ᬤᬹᬃᬫ᭄ᬫ᭛᭞ᬓᬘᬭᬶᬢ᭄ᬣᬭᬓ᭄ᬱᬲᬦᬾᬲᬸᬩᬵᬢ᭄ᬓᬵ᭞ᬗᬦ᭄ᬤᬶᬓᬦᬕᬕᬶᬦᬶ᭞ᬦᬄᬤᬦᬯᬵᬚᬶᬸᬭᬚ᭞ᬚᬦᬶᬳᬫᬸᬓ᭄ᬱᬚᬬᬂ᭞ᬲᬂᬤᬦᬯᬵᬭᬚᬕ᭄ᬮᬶᬲ᭄᭞ᬫᬗ᭄ᬓᬶᬦ᭄ᬳᬗᬸᬘᬧ᭄᭞
ᬢ᭄ᬓᬾᬦ᭄ᬭᭀᬯᬗᬾᬲᬫᬶ᭟᭜᭟ᬚᬮᬜ᭄ᬚᬦᬶᬳᬫᬸᬓ᭄ᬳᬸᬮᬳᬂᬲᬚᬬᬂ᭞ᬭᬓ᭄ᬱᬲᬦᬾᬧᬚᭂᬭᬶᬢ᭄᭞ᬫᬗᬯᬸᬕᬶᬦ᭄ᬤᬾᬰᬵ᭞ᬫᬸᬲᬸᬳᬾᬧᬤᬵᬕᬾᬯᬃ᭞ᬫᬮᬳᬶᬩ᭄ᬲᬮᬾᬂᬲᬸᬲᬸᬦᬶᬦ᭄᭞ᬲᬶᬂᬓᬢᬸᬢᬸᬕᬦ᭄᭞ᬮᬶᬬᬸᬳᬫᬄᬭᬓ᭄ᬱᬲᬶ᭟᭜᭟ᬫᬮᬸᬮᬸᬦᬦ᭄ᬫᬮᬳᬶᬗᬶᬸᬩ᭄ᬢᭂᬓᭂᬤ᭄ᬓᬤᬾᬰ
᭞ᬓᬕ᭄ᬬᬢ᭄‌‌ᬰ᭄ᬭᬶᬦᬭᬧᬢᬶ᭞ᬧᬧᬢᬶᬄᬧᬸᬗ᭄ᬕᬯᬵ᭞ᬦᬸᬮᬶᬫᬢᬓᭀᬦ᭄ᬳᬾᬗ᭄ᬕᬮ᭄᭞ᬩᬦ᭄ᬓᬯᬸᬮᬦᬾᬮᬶᬮᬶᬄ᭞ᬭᬭᬶᬲ᭄ᬗᬢᬹᬭᬂ᭞ᬭᬶᬂᬳᬶᬤᬵᬰ᭄ᬭᬶᬪᬹᬧᬢᬶ᭟᭜᭟ᬳᬶᬗ᭄ᬕᬶᬄᬭᬵᬢᬹᬧᬸᬦᬶᬓᬶᬤᬦᬯᬵᬧ᭄ᬭᬧ᭄ᬢ᭞ᬓᬯᬸᬮᬦᬾᬮᬶᬮᬶᬄ᭞ᬳᬲᬶᬂᬓᬢᬸᬢᬸᬕᬦ᭄᭞ᬢ᭄ᬮᬲᬵᬫ᭄ᬧᬸᬦ᭄ᬓᬩᬓ᭄ᬱᬵ᭞ᬗ᭠
ᬦ᭄ᬤᬶᬓᬵᬰ᭄ᬭᬶᬦᬭᬧᬢᬶ᭞ᬢᭀᬳᬸᬮᬶᬤᬶᬚ᭞ᬭᬓ᭄ᬱᬲᬢ᭄ᬓᬫᬳᬶ᭟᭜᭟ᬳᬶᬗ᭄ᬕᬶᬄᬭᬵᬢᬹᬢ᭄ᬬᬂᬦᬸᬦᬲᬫ᭄ᬧᬸᬭᬬᬂ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬲᬂᬦᬵᬣᬗᬦ᭄ᬤᬶᬓᬵ᭞ᬢ᭄ᬓᬾᬦ᭄ᬧᬢᬶᬄᬍᬗ᭄ᬓᬭᬵ᭞ᬓ᭄ᬫᬳᬾᬗ᭄ᬕᬮᬂᬚᬕ᭄ᬚᬕᬶᬦ᭄᭞ᬳᬧᬂᬤᬵᬳᭀᬜ᭞ᬧᬭᬩᭂᬓᭂᬮᬾᬲᬫᬶ᭟᭜᭞

[᭑᭒᭑ 121A]
᭑᭒᭑
᭞ᬲᬶᬭᬵᬧᬢᬶᬄᬍᬗ᭄ᬓᬭᬵᬓᬮᬶᬦ᭄ᬢᬂᬓ᭄ᬭᭀᬤ᭞ᬮᬦ᭄ᬮᭂᬗ᭄ᬓᬭᬯᬶᬚᬬᬕ᭄ᬮᬶᬲ᭄᭞ᬲᬓ᭄ᬯᬾᬳᬶᬂᬧᬸᬗ᭄ᬕᬯᬵ᭞ᬲᬫᬶᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬓᬮᬶᬦ᭄ᬢᬂᬭᬫᬾᬦᬶᬂᬚᬸᬭᬶᬢ᭄᭞ᬗ᭄ᬮᬯᬦ᭄ᬤᬦᬯᬵ᭞ᬫᬸᬭᬸᬓᬩᬸᬭᬸᬚᬸᬭᬶᬢ᭄᭟᭜᭟ᬤᬤᬶᬮᬶᬮᬶᬄᬓᬯᬸᬮᬦ᭄ᬲᬂᬲᬂᬦᬵᬣ᭞ᬳᬓᬾᬄᬗ᭄ᬫᬲᬶᬦ᭄ᬫᬢᬶ᭞ᬓᬳ
ᬫᬄᬩᬦ᭄ᬤᬾᬢ᭄ᬬ᭞ᬫᬮᬳᬶᬩ᭄ᬫᬮᬸᬮᬸᬦᬦ᭄᭞ᬧᬤᬵᬢᬦ᭄ᬫᬦᭀᬮᬶᬄᬯᬸᬭᬶ᭞ᬍᬗ᭄ᬓᬭᬯᬶᬚᬬ᭞ᬯᬶᬭᬗᬾᬢᬦ᭄ᬲᬶᬦᬶᬧᬶ᭟᭜᭟ᬚᬦᬶᬫᬭᬳᬶᬧᬢᬶᬄᬍᬗ᭄ᬓᬭᬵᬯᬶᬚᬬ᭞ᬗᬫᬸᬓ᭄ᬳᬗᬸᬩᬢᬩᬶᬢ᭄᭞ᬲᬂᬤᬦᬯᬵᬭᬚ᭞ᬢᬸᬫᬸᬮᬶᬬᬓᬧᬧᬕ᭄᭞ᬍᬗ᭄ᬓᬭᬯᬶᬚᬬᬧᬢᬶᬄ᭞
ᬫᬫᬸᬜᬶᬩᬗ᭄ᬕ᭄ᬭᬲ᭄᭞ᬳᬶᬄᬳᬶᬬᬓ᭄ᬱᬧ᭄ᬭᬧ᭄ᬝᬶ᭟᭜᭟ᬚᬦᬶᬳᬶᬩᬫᬫᬸᬲᬸᬄᬫᬗ᭄ᬮᬯᬦ᭄ᬳᬶᬭᬵ᭞ᬳ᭄ᬦᬄᬳᭀᬭᬳᬶᬦ᭄ᬓᬳᬶ᭞ᬳᭂᬜᬾᬦ᭄ᬦᬸᬦ᭄ᬤᬾᬦ᭄ᬳᬶᬩ᭞ᬫᬲᬯᬹᬃᬳᬶᬤᬦᬯᬵ᭞ᬲᬓᬾᬂᬳᭀᬓᬦ᭄ᬕᬸᬲ᭄ᬢᬶᬦ᭄ᬓᬳᬶ᭞ᬲᬂᬗᬦ᭄ᬢᬵᬪᭀᬕ᭞ᬚᬦᬶᬫᬢᬸᬮᬸᬂᬚᬸᬭᬶᬢ᭄᭟᭜᭟ᬳᬧᬓ᭄ᬭᬦᬵᬫᬢᬸᬮᬸᬂᬲᬂ᭠
ᬳᬦ᭄ᬢᬵᬪᭀᬕ᭞ᬳᬶᬤᬦᬯᬵᬜᬯᬹᬭᬶᬦ᭄᭞ᬳᬧᬦ᭄ᬕᬸᬲ᭄ᬢᬶᬦ᭄ᬳᬶᬭᬵ᭞ᬳᬶᬤᬵᬫᬦ᭄ᬤᬫᬧᬸᬢ᭄ᬭ᭞ᬳᬶᬤᬵᬭᬤᬾᬦ᭄ᬳᬫ᭄ᬩᬃᬓᬯᬶ᭞ᬍᬗ᭄ᬓᬭᬵᬯᬶᬚᬬ᭞ᬚᬦᬶᬫᬢᬓᭀᬦ᭄ᬫᬮᬶᬄ᭟᭜᭟ᬚᬦᬶᬓᬳᬶᬫᬢᬓᭀᬦ᭄‌‌ᬳᭂᬜᬾᬦ᭄ᬳᬤᬦ᭄ᬩ᭞ᬳᬶᬤᬦᬯᬜᬯᬹᬭᬶᬦ᭄᭞ᬳᬶᬩᬜᬾᬦ᭄ᬳᬤ [ 122 ][᭑᭒᭑ 121B]
᭑᭒᭑
ᬦ᭄ᬩᬵ᭞ᬓᬮᬶᬄᬤᬶᬚᬤᬗ᭄ᬓᬦ᭄ᬩᬵ᭞ᬍᬗ᭄ᬓᬭᬵᬯᬶᬚᬬᬜᬯᬹᬭᬶᬦ᭄᭞ᬳᬾᬄᬲᬂᬤᬦᬯᬵ᭞ᬚᬦᬶᬓᬳᬶᬗᭀᬭᬳᬂᬢ᭄ᬯᬶ᭟᭜᭟ᬳ᭄ᬦᬾᬓᬳᬶᬫᬳᬤᬦ᭄ᬳᬶᬍᬗ᭄ᬓᬭᬵᬯᬶᬚᬬ᭞ᬓᬸᬫᬦ᭄ᬤᭂᬮ᭄‌‌ᬩᬦ᭄ᬲᬗᬚᬶ᭞ᬳᬸᬮᬶᬤᬶᬩ᭄ᬭᬂᬧᬦᬲ᭄᭞ᬳᬶᬩᬜᬾᬦ᭄ᬳᬤᬦ᭄ᬳᬶᬩᬵ᭞ᬳᭀᬭᬳᬶᬦ᭄ᬓᬳᬶᬧᬂᬚᬢᬶ
ᬤᬦᬯᬵᬭᬚ᭞ᬭᬭᬶᬲ᭄ᬕᭂᬮᬶᬲ᭄ᬜᬯᬹᬭᬶᬦ᭄᭟᭜᭟ᬳ᭄ᬦᬾᬓᬳᬶᬫᬵᬤᬦ᭄ᬳᬶᬤᬦᬯᬵᬭᬚ᭞ᬧᬫᬸᬲᬸᬗᬦ᭄ᬭᬓ᭄ᬱᬲᬶ᭞ᬳᬶᬍᬗ᭄ᬓᬭᬵᬯᬶᬚᬬ᭞ᬭᬭᬶᬲ᭄‌‌ᬗ᭄ᬮᬦ᭄ᬢᬶᬕ᭄ᬩᬦ᭄ᬕᬤᬵ᭞ᬤᬶᬸᬳᬶᬤᬦᬯᬵᬢᬦ᭄ᬕᬸᬫᬶᬗ᭄ᬲᬶᬃ᭞ᬫᬸᬤᭂᬃᬳᬸᬤᭂᬭᬦ᭄᭞ᬢᬸᬫᬸᬮᬶᬲᬮᬾᬂᬕᬶᬢᬶᬓ᭄᭟᭜᭟ᬧᬤᬵᬢ᭄ᬕᬸᬄᬢᬦ᭄ᬩᬶ᭠
ᬗ᭄ᬮᬓ᭄ᬤᬾᬦᬶᬂᬲᬜ᭄ᬚᬢ᭄ᬣᬵ᭞ᬍᬗ᭄ᬓᬭᬵᬯᬶᬚᬬᬕ᭄ᬮᬶᬲ᭄᭞ᬫᬓᭂᬩᬹᬃᬗ᭄ᬕᬦᬵ᭞ᬤᬦᬯᬵᬭᬚᬗᬸᬘᬧ᭄᭞ᬳᬶᬄᬍᬗ᭄ᬓᬭᬯᬶᬚᬬᬚᬦᬶ᭞ᬓᬾᬦ᭄ᬓᬾᬦ᭄ᬲᬶᬳᬶᬩ᭞ᬢ᭄ᬓᬫᬸᬦ᭄ᬤᬸᬃᬫᬚᬸᬭᬶᬢ᭄᭟᭜᭟ᬳᬶᬧᬢᬶᬄᬍᬗ᭄ᬓᬭᬯᬶᬚᬬᬫᬗᬘᭂᬧᬂ᭞ᬭᬭᬶᬲ᭄ᬫᭂᬲᬸᬯᬂᬳᬧᬶ᭞ᬳᬤᬦᬯᬵᬭᬚ᭞ᬭ᭠
ᬭᬶᬲ᭄ᬫᬮᬳᬶᬩ᭄ᬗᭂᬤᬫ᭄ᬧ᭄ᬮᬂ᭞ᬓᬮᬶᬄᬮᬦ᭄ᬭᭀᬯᬗᬾᬲᬫᬶ᭞ᬫᬗᬸᬗ᭄ᬲᬶᬳᬮᬲ᭄᭞ᬢᬓᬸᬢ᭄ᬫᬗᭂᬦᭀᬢ᭄ᬳᬧᬶ᭟᭜᭟ᬭᬭᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵᬗᬋᬧᬂ᭞ᬲᬋᬂᬲᬂᬦᬕᬕᬶᬦᬶ᭞ᬮᬦ᭄ᬥ᭄ᬬᬄᬭᬢ᭄ᬦᬦᬶᬂᬭᬢ᭄᭞ᬓᬢᬶᬕᬮᬦ᭄ᬳᬶᬗᭂᬫ᭄ᬩᬦ᭄᭞ᬤᬦᬯᬦᬾᬮᬶᬮᬶᬄᬲᬫᬶ᭞

[᭑᭒᭒ 122A]
᭑᭒᭒
ᬫᬗᬸᬗ᭄ᬲᬶᬳᬮᬲ᭄᭞ᬢᭀᬂᬤᬤᬶᬢᬸᬮᬓᬂᬩ᭄ᬯᬶᬦ᭄᭟᭜᭟ᬲᬵᬫ᭄ᬧᬸᬦ᭄ᬢᭂᬮᬲ᭄ᬭᬓ᭄ᬱᬲᬦᬾᬲᬫᬶᬮᬶᬦ᭄ᬢᬂ᭞ᬓᬳᬸᬩᭂᬃᬩᬳᬦ᭄ᬳᬧᬶ᭞ᬫᬗ᭄ᬭᬜ᭄ᬚᬶᬂᬭᬶᬂᬳᬮᬲ᭄᭞ᬲᬂᬦᬕᬕᬶᬦᬶᬳᬾᬗ᭄ᬕᬮ᭄᭞ᬫᬗ᭄ᬯᬍᬲ᭄ᬩᬦ᭄ᬧᬦᬄᬳᬗᬶᬦ᭄᭞ᬳᬧᬶᬦᬾᬩ᭄ᬭᬱ᭄ᬝᬵ᭞ᬓᬓᭂᬩᬸᬭᬂᬩᬦ᭄ᬳᬗᬶᬦ᭄᭟᭜᭟ᬲᬶ
ᬭᬧᬢᬶᬄᬍᬗ᭄ᬓᬭᬵᬯᬶᬚᬬᬓᬾᬫᭂᬗᬦ᭄᭞ᬤᬶᬳᬫ᭄ᬩᬭᬦᬾᬗ᭄ᬮᬶᬤᬶᬦ᭄᭞ᬳᬧᬶᬦᬾᬫᬢᬸᬮᬓ᭄᭞ᬫᬓᭂᬩᬹᬃᬫᬗᬫ᭄ᬩᬭ᭞ᬳᬍᬗ᭄ᬓᬭᬵᬯᬶᬚᬬᬕ᭄ᬮᬶᬲ᭄᭞ᬗᬸᬗ᭄ᬲᬶᬳᬫ᭄ᬩᬭ᭞ᬫᭂᬦᬾᬓ᭄‌‌ᬢ᭄ᬓᭂᬤ᭄ᬓᬮᬗᬶᬢ᭄᭟᭜᭟ᬢ᭄ᬓᬳ᭄ᬦᬸᬳᬧᬶᬦᬾᬗᬸᬗ᭄ᬲᬶᬫᭂᬦᬾᬓᬦ᭄᭞ᬧᬦ᭄ᬬᬓᭂᬩᬸᬭᬂᬳ
ᬗᬶᬦ᭄᭞ᬳᬶᬍᬗ᭄ᬓᬭᬵᬯᬶᬚᬬᬮᬯᬸᬢ᭄ᬬᬜᬶᬧ᭄ᬢᬳᬸᬚᬦ᭄᭞ᬫᬜᭂᬳᭂᬩ᭄ᬳᬧᬶᬦᬾᬫᬢᬶ᭞ᬍᬗ᭄ᬓᬭᬯᬶᬚᬬ᭞ᬫᬗ᭄ᬭᬭᬶᬲ᭄ᬢᬸᬳᬸᬦ᭄ᬕᭂᬮᬶᬲ᭄᭟᭜᭟ᬮᬯᬸᬢ᭄ᬤᬶᬢᬸᬚᬦᬶᬗᬯᬲ᭄ᬫᬫ᭄ᬤᬵᬲᬂ᭞ᬤᬦᬯᬵᬭᬚᬮᬶᬮᬶᬄ᭞ᬫᬗᬸᬗ᭄ᬲᬶᬓᬳᬮᬲ᭄᭞ᬩᬋᬂᬢ᭄ᬓᬾᬦ᭄ᬭᭀᬯᬗ᭞ᬍᬗ᭄ᬓᬭᬯᬶᬚᬬᬕ᭄ᬮᬶᬲ᭄᭞
ᬬᬢᬸᬯᬸᬦ᭄‌‌ᬳᬾᬗ᭄ᬕᬮ᭄᭞ᬓᬢᭀᬦ᭄ᬲᬂᬦᬕᬕᬶᬦᬶ᭟᭜᭟ᬲᬋᬂᬢᬢᬶᬕᬧᬢ᭄ᬧᬢ᭄ᬮᬯᬦ᭄ᬦᬶᬗᭂᬫ᭄ᬩᬦ᭄᭞ᬓᬦ᭄ᬢᭂᬦ᭄ᬮᬚᬸᬓᬳᬃᬱᬶ᭞ᬍᬗ᭄ᬓᬭᬵᬯᬶᬚᬬ᭞ᬭᬭᬶᬲ᭄ᬕᭂᬮᬶᬲ᭄ᬫᬜᬕ᭄ᬚᬕ᭄᭞ᬭᬶᬂᬳᬋᬧᬾᬭᬤᬾᬦ᭄ᬤᬾᬯᬶ᭞ᬲᬃᬯ᭄ᬯᬶᬫᬗᬸᬘᬧ᭄᭞ᬤᬾᬯᬦ᭄ᬢᬶᬢ᭄ᬬᬂᬳᬶᬕᬸᬲ᭄ᬢᬶ᭟᭜᭟ᬪᭀᬬᬦᬸ [ 123 ][᭑᭒᭒ 122B]
᭑᭒᭒
ᬦᬲ᭄ᬭᬢᬹᬫᬦ᭄ᬢᬸᬓ᭄ᬳᬢ᭄ᬫᬵᬚᬶᬯᬵ᭞ᬭᬓᬦ᭄ᬳᬶᬤᬾᬯᬵᬫᬗ᭄ᬓᬶᬦ᭄᭞ᬫᬗᬦ᭄ᬢᭀᬲ᭄ᬳᬶᬤᬾᬯᬵ᭞ᬲᬸᬫᬯᬹᬃᬤ᭄ᬬᬄᬓᭂᬜ᭄ᬘᬦᬵ᭞ᬍᬗ᭄ᬓᬭᬯᬶᬚᬬᬚᬦᬶ᭞ᬳᬶᬭᬢᬦ᭄ᬲᬸᬓ᭞ᬳᬶᬩᬗᬸᬤᬵᬗᬚᬓᬶᬦ᭄᭟᭜᭟ᬤᬤᬶᬳᬶᬩᬚᬦᬶᬧ᭄ᬲᬸᬫᬸᬜᬶᬗᬯᬕ᭄᭞ᬗᬚᬓᬶᬦ᭄ᬓᬳᬶᬫᬸᬮᬶᬄ᭞ᬓᬳᬶᬫ᭠
ᬳᬶᬲᬤ᭄ᬬ᭞ᬧᬘᬂᬫᬳᬶᬫᬲᬶᬬᬢ᭄᭞ᬢᬸᬦ᭄ᬤᬾᬦ᭄ᬕᬸᬲ᭄ᬢᬶᬦ᭄ᬩᬦᬾᬫᬳᬶ᭞ᬫᬗ᭄ᬮᬯᬦ᭄ᬳᬶᬭᬵ᭞ᬳᬶᬭᬵᬧᬘᬂᬦᬦ᭄ᬤᬶᬗᬶᬦ᭄᭟᭜᭟ᬲᬶᬭᬵᬧᬢᬶᬄᬍᬗ᭄ᬓᬭᬵᬯᬶᬚᬬᬗᬸᬘᬧ᭄᭞ᬤᬸᬄᬫᬵᬲ᭄ᬢᬶᬢ᭄ᬬᬂᬗᬾᬕᬸᬲ᭄ᬢᬶ᭞ᬲᬵᬫ᭄ᬧᬸᬦᬂᬚ᭄ᬯᬳᬶᬤᬵ᭞ᬧᬘᬂᬓᬬᬸᬦ᭄ᬫᬬᬸᬤ᭄ᬤᬵ᭞ᬓᬮᬶᬂᬓᬾᬳᬶᬤᬾᬯᬵᬳᬶᬲ᭄ᬢ᭄ᬭᬶ᭞᭠
ᬧᬘᬂᬘᬸᬫᬤᬂ᭞ᬢᭀᬂᬤᬸᬕᬫᬗᬸᬦ᭄ᬤᬶᬮᬶ᭟᭜᭟ᬓᬤᬾᬦ᭄ᬳᬶᬩᬓᬳᬶᬫᬳᬶᬧᬘᬂᬗᬸᬤᬵ᭞ᬓᬳᬶᬧᬘᬂᬫᬦᬦ᭄ᬤᬶᬗᬶᬦ᭄᭞ᬚᬦᬶᬧᬘᬂᬫᬲ᭄ᬬᬢ᭄᭞ᬲᬃᬯᬹᬃᬧᬢᬶᬄᬍᬗ᭄ᬓᬭᬵ᭞ᬲᬋᬂᬧᬸᬗ᭄ᬕᬯᬦᬾᬲᬫᬶ᭞ᬤᬸᬄᬭᬵᬢᬹᬳ᭄ᬫᬵᬲ᭄᭞ᬳᬾᬫᬦ᭄ᬯᬃᬡ᭄ᬦᬦᬾᬗ᭄ᬫᬲᬶᬦ᭄᭟ᬓᬮᬶᬗᬦᬾᬳᬶᬤᬾᬯ
ᬧᬘᬂᬫᬬᬸᬤ᭄ᬤᬵ᭞ᬓᬮᬶᬗ᭄ᬓᬾᬳᬶᬤᬵᬳᬶᬲ᭄ᬢ᭄ᬭᬶ᭞ᬢᬦ᭄ᬯᭂᬦᬂᬫᬬᬸᬤ᭄ᬤᬵ᭞ᬲᬵᬫ᭄ᬧᬸᬦᬂᬳᬸᬕᬶᬤᬾᬯᬵ᭞ᬲᬬᬂᬲᬦ᭄ᬯᬃᬡ᭄ᬦᬦᬾᬕᬸᬲ᭄ᬢᬶ᭞ᬦᬸᬦᬲ᭄ᬭᬢᬹᬫᬲ᭄᭞ᬫᬦ᭄ᬢᬸᬓ᭄ᬫᬗ᭄ᬓᬶᬦ᭄ᬓᬧᬸᬭᬶ᭟᭜᭟ᬲᬯᬹᬃᬳᬶᬤᬦᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬢᬹᬃᬲᬃᬯᬶᬹᬯᬶᬫᬦᬸᬤᬶᬗᬶᬦ᭄᭞ᬳᬶᬄᬍᬗ᭄ᬓᬭᬯᬶᬚᬬ᭞ᬓᬧᬶᬢ᭄ᬯᬶᬳᬶᬭᬮᬸ

[᭑᭒᭓ 123A]
᭑᭒᭓
ᬯᬵ᭞ᬢᭀᬂᬤᬸᬕᬳᬶᬭᬓᬕᬶᬗ᭄ᬲᬶᬃ᭞ᬫᬗ᭄ᬮᬯᬦ᭄ᬳᬶᬩᬵ᭞ᬦᬄᬳᬶᬦ᭄ᬤᬬᬂᬩᬶᬦ᭄ᬤᬸᬯᬶᬦ᭄᭟᭜᭟ᬭᬤᬾᬦ᭄ᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵᬫᬫᬦᬄ᭞ᬍᬗ᭄ᬓᬭᬵᬯᬶᬚᬬᬓ᭄ᬦᬶ᭞ᬳᭂᬩᬄᬫᬦᬸᬗ᭄ᬓᬬᬓ᭄᭞ᬦᬶᬗᬶᬦ᭄ᬢᬾᬮᬯᬸᬢ᭄ᬦᬸᬫ᭄ᬩᬓ᭄᭞ᬳᬶᬧᬢᬶᬄᬬᬩᬗᬸᬦ᭄ᬩ᭄ᬭᬗ᭄ᬢᬶ᭞ᬲᬃᬯ᭄ᬯᬶᬫᬗᬸᬘᬧ᭄᭞ᬧᬓ᭄ᬱᬮᬜ᭄ᬘᬂᬯᭀᬂ᭠
ᬳᬶᬲ᭄ᬢ᭄ᬭᬶ᭟᭜᭟ᬭᬭᬶᬲ᭄ᬕᬾᬯᬃᬧᬧᬢᬶᬳᬾᬫᬳᬸᬭᬳᬦ᭄᭞ᬫᬢᭂᬫ᭄ᬧᬸᬄᬬᬸᬤ᭄ᬤᬵᬕ᭄ᬮᬶᬲ᭄᭞ᬍᬗ᭄ᬓᬭᬵᬯᬶᬚᬬ᭞ᬮᬯᬸᬢ᭄ᬦᭂᬩᭂᬓ᭄ᬜᬚᬬᬂ᭞ᬫᬗᬸᬗ᭄ᬲᭂᬂᬭᬳᬤᬾᬦ᭄ᬤᬾᬯᬶ᭞ᬲᬹᬃᬬ᭄ᬬᬓᭂᬜ᭄ᬘᬓ᭞ᬳᬗᬶᬂᬢ᭄ᬯᬭᬵᬗᬸᬦ᭄ᬤᬶᬮᬶ᭟᭜᭟ᬧᬤᬵᬯᬶᬭᬵᬢ᭄ᬯᬭᬓ᭄ᬮᬲ᭄ᬩᬦ᭄ᬲᬜ᭄ᬚᬢ᭄ᬣ᭞ᬮᬶᬦ᭄ᬢᬂᬭᬦᬾᬶᬸᬫᬦᬶᬂᬚᬸᬭᬶ
ᬢ᭄᭞ᬳᬶᬧᬢᬶᬄᬍᬗ᭄ᬓᬭᬵ᭞ᬫᬗ᭄ᬮᬯᬦ᭄ᬭᬢ᭄ᬦᬦᬶᬂᬭᬵᬢ᭄᭞ᬓᬲᭀᬭᬦ᭄ᬭᬳᬤᬾᬦ᭄ᬤᬾᬯᬶ᭞ᬩᬓᬢ᭄ᬓᬚᭂᬫᬓ᭄᭞ᬭᬭᬶᬲ᭄ᬓᭂᬦ᭄ᬢᬸᬗᬂᬕ᭄ᬮᬶᬲ᭄᭟᭜᭟ᬤᬶᬢᬸᬫᬭᬮᬯᬸᬢ᭄‌‌ᬬᬗᬤᬓᬂᬳᬸᬚᬦ᭄᭞ᬳᬧᬶᬦᬾᬲᬸᬩᬫᬢᬶ᭞ᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭞ᬢᬸᬫᬸᬮᬶᬭᬭᬶᬲ᭄ᬗᬸᬘᬧ᭄᭞ᬳᬸᬮᬶᬤᬸᬳᬹᬃᬫ
ᬦᬸᬤᬶᬗᬶᬦ᭄᭞ᬍᬗ᭄ᬓᬭᬓᬕ᭄ᬬᬢ᭄᭞ᬤᬾᬦᬶᬂᬦᬕᬵᬓᬳᬓ᭄ᬱᬶ᭟᭜᭟ᬲᬶᬭᬵᬭᬤᬾᬦ᭄ᬤᬾᬯᬶᬭᬢ᭄ᬦᬦᬶᬂᬭᬵᬢ᭄ᬦᬸᬮ᭄ᬬᬗᬸᬘᬧ᭄᭞ᬦᬸᬦᬲ᭄ᬓᬾᬢᭂᬤᬸᬦ᭄ᬕᭂᬮᬶᬲ᭄᭞ᬢᬸᬫᬸᬮᬶᬲᬂᬦᬵᬕ᭞ᬫᬦᬸᬢᬸᬕ᭄ᬫᬦᬸᬳᬸᬦᬂ᭞ᬢᬹᬃᬲᬃᬯ᭄ᬯᬶᬫᬗᬸᬘᬧ᭄ᬕᭂᬮᬶᬲ᭄᭞ᬦᬾᬳᬗ᭄ᬕᭀᬫᬦᬄ᭞ᬭᬭᬶᬲ᭄ᬓᬧᬦᬄᬕ᭄ᬮᬶᬲ᭄᭟᭜᭟ [ 124 ][᭑᭒᭓ 123B]
᭑᭒᭓
ᬲᬸᬩᬓ᭄ᬦᬵᬳᬶᬧᬢᬶᬄᬍᬗ᭄ᬓᬭᬵᬓᬧᬦᬄ᭞ᬩᬳᬦ᭄ᬲᬸᬢ᭄ᬭᬓᬫᬤᬶᬦ᭄᭞ᬮᬩᬸᬄᬬᬓᬤᬭᬢ᭄᭞ᬫᬳᬶᬫ᭄ᬧᬸᬲ᭄ᬩᬳᬦ᭄ᬧᬦᬄ᭞ᬍᬗ᭄ᬓᬭᬯᬶᬚᬬᬦᬶᬗᬮᬶᬦ᭄᭞ᬓᬮᬶᬦ᭄ᬢᬂᬯᬶᬭᬂ᭞ᬢᭀᬂᬤᬤᬶᬩᬜᬗ᭄ᬮᬸᬲᬶᬦ᭄᭟᭜᭟ᬲᬶᬭᬧᬢᬶᬄᬍᬗ᭄ᬓᬭᬯᬶᬚᬬᬗᬸᬘᬧ᭄᭞ᬓᬮᬶᬗᬦᬾᬯᭀᬂᬳᬶᬲ᭄ᬢ᭄ᬭᬶ᭞
ᬩᭀᬬᬲᬓ᭄ᬢᬶᬤᬳᬢ᭄᭞ᬢ᭄ᬕᬸᬄᬢᬦ᭄ᬧᬲᬲᬫᬦ᭄᭞ᬚᬦᬶᬳᬶᬭᬫᬦᬦ᭄ᬤᬶᬗᬶᬦ᭄᭞ᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬢᬸᬳᬸᬧ᭄ᬭᬚᬸᬭᬶᬢ᭄ᬳᬶᬲ᭄ᬢ᭄ᬭᬶ᭟᭜᭟ᬚᬦᬶᬳᬶᬭᬧᬘᬂᬫᬧᬕᬶᬦ᭄ᬫᬬᬸᬤ᭄ᬤᬵ᭞ᬭᬭᬶᬲ᭄ᬧᬤᬵᬫᬧᬗ᭄ᬕᬶᬄ᭞ᬍᬗ᭄ᬓᬭᬵᬯᬶᬚᬬ᭞ᬳᬲ᭄ᬭᬸᬢᬸᬫᬸᬮᬶᬗᬸᬘᬧ᭄᭞ᬳᬾᬄᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬤᬳᬢ᭄
ᬧ᭄ᬭᬯᬶᬭᬵ᭞ᬧᬬᬸᬫᬲᬶᬬᬢ᭄ᬚᬦᬶ᭟᭜᭟ᬤᬸᬭᬸᬂᬧᬸᬧᬸᬢ᭄ᬫᬗᬘᭂᬧᬂᬭᬭᬶᬲ᭄ᬓᭂᬦ᭞ᬳᬗᬶᬂᬢ᭄ᬯᬭᬵᬤᬓᬦᬶᬦ᭄᭞ᬓᬮᬶᬦ᭄ᬢᬗᬶᬂᬓᬕ᭄ᬬᬢ᭄᭞ᬫᬦ᭄ᬢ᭄ᬭᬦᬾᬓᬶᬸᬮᬶᬸᬕ᭄ᬮᬶᬲᬦ᭄ᬧ᭄ᬕᬢ᭄᭞ᬭᬭᬶᬲ᭄ᬓᬦ᭄ᬢᭂᬦ᭄ᬭᬤᬾᬦ᭄ᬤᬾᬯᬶ᭞ᬦᬶᬭᬢ᭄ᬦᬦᬶᬂᬭᬵᬢ᭄᭞ᬳᬗᬕᭂᬫ᭄ᬧᬦᬄᬫᬮᬶᬄ᭟᭜᭟ᬳᬶᬧᬢᬶᬄᬍᬗ᭄ᬓᬭᬵᬯᬶᬚᬬᬩᬩᬂ᭞
ᬩᬳᬦᬾᬭᬤᬾᬦ᭄ᬤᬾᬯᬶ᭞ᬓᬦ᭄ᬢᭂᬦ᭄ᬦᬸᬗ᭄ᬕᬂᬦᬕ᭞ᬢ᭄ᬤᬸᬦ᭄ᬲᬓᬶᬂᬳᬫ᭄ᬩᬭ᭞ᬍᬗ᭄ᬓᬭᬯᬶᬚᬬᬕ᭄ᬮᬶᬲ᭄᭞ᬫ᭄ᬮᬳᬶᬩ᭄ᬗᭂᬤᬫ᭄ᬧ᭄ᬮᬂ᭞ᬮᬶᬦ᭄ᬢᬂᬓᬕ᭄ᬬᬢ᭄ᬭᬶᬂᬳᬢᬶ᭟᭜᭟ᬲᬮᬫᬶᬦᬾᬳᬶᬭᬫᬦ᭄ᬤᬤᬶᬫᬵᬦᬸᬱᬵ᭞ᬳᬧᬦ᭄ᬤᬾᬭᬾᬂᬫᬗ᭄ᬕᬶᬳᬶᬦ᭄᭞ᬫᬗᬦ᭄ᬢᭂᬦᬂᬦᬵᬕ᭞ᬮᬂᬓᬸᬂᬓᬕ᭄ᬬᬢᬶᬂᬘᬶᬢ᭄ᬣᬵ᭞ᬤᬤᬶᬢ᭄ᬯᬭᬦᭀ᭠

[᭑᭒᭔ 124A]
᭑᭒᭔
ᬮᬶᬄᬯᬸᬭᬶ᭞ᬳᬦᬸᬮᬶᬧ᭄ᬭᬧ᭄ᬢᬵ᭞ᬫᬗ᭄ᬓᬾᬭᬶᬂᬓᬦ᭄ᬬᬧᬸᬭᬶ᭟᭜᭟ᬲᬭᬯᬸᬳᬾᬓᬘᬶᬗᬓ᭄ᬳᬦ᭄ᬢᬸᬓ᭄ᬱᬂᬦᬵᬣ᭞ᬯᬃᬡ᭄ᬦᬦᬾᬕᬳᬕ᭄ᬩᬶᬳᬶᬂ᭞ᬲᬂᬦᬵᬣ᭠ᬗᬦ᭄ᬤᬶᬓ᭞ᬳᬾᬄᬍᬗ᭄ᬓᬭᬯᬶᬚᬬ᭞ᬢᭀᬓ᭄ᬦᬧᬘᬳᬶᬧᬢᬶᬄ᭞ᬕᭀᬩᬦᬾᬩᬭᬓ᭄᭞ᬓᬦ᭄ᬢᭂᬦ᭄‌ᬮ᭄ᬯᬶᬃᬫ᭄ᬢᬸᬕ᭄ᬦᬶ᭟᭜᭟ᬭᬭᬶᬲ᭄ᬫᬵᬢᬹᬃᬳᬧᬢᬶᬄᬍᬗ᭄ᬓᬭᬵᬯᬶᬚᬬ᭞ᬧᬸ
ᬓᬸᬮᬸᬦ᭄‌ᬰ᭄ᬭᬶᬧᬢᬶ᭞ᬢᬶᬢ᭄ᬬᬂᬩᬳᬸᬓᬕ᭄ᬬᬢ᭄᭞ᬗᬦ᭄ᬢᭂᬦᬂᬭᬳᬶᬦ᭄ᬳᬶᬤᬵ᭞ᬤ᭄ᬬᬄᬭᬢ᭄ᬦᬦᬶᬂᬭᬵᬢ᭄‌ᬲᬂᬤᬾᬯᬶ᭞ᬰᬓ᭄ᬢᬶᬓᬮᬶᬦ᭄ᬢᬂ᭞ᬭᬳᬶᬦ᭄ᬳᬶᬤᬾᬯᬵᬲᬶᬗ᭄ᬕᬶᬄ᭟᭜᭟ᬢᬶᬢ᭄ᬬᬂᬧᭀᬮᬶᬄᬫᬗ᭄ᬮᬯᬦ᭄ᬳᬶᬤᬫᬧ᭄ᬭᬂ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬓᬮᬶᬦ᭄ᬢᬂᬧ᭄ᬭᬯᬶᬭ᭞ᬢ᭄ᬕᬸᬄᬢᬦ᭄ᬲᬲᬫᬦ᭄᭞ᬩᭂᬘᬢᬾᬢᬦ᭄ᬲᬶᬧᬶᬲᬶᬧᬶ᭞
ᬢᬶᬢ᭄ᬬᬂᬗ᭄ᬭᬱᬵ᭞ᬓᬲᭀᬃᬫᬗ᭄ᬮᬯᬜ᭄ᬚᬸᬭᬶᬢ᭄᭟᭜᭟ᬩᬳᬸᬢᬶᬢ᭄ᬬᬂᬫᬢᭀᬮᬶᬳᬦ᭄ᬗᬫᭂᬦᬾᬓᬂ᭞ᬓᬦ᭄ᬢᭂᬦ᭄ᬭᬳᬤᬾᬦ᭄ᬤᬾᬯᬶ᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬦᬵᬕ᭞ᬦᬵᬕᬳᬕᬸᬂᬓᬮᬶᬦ᭄ᬢᬂ᭞ᬢᬸᬫᬸᬮᬶᬬᬜᬦ᭄ᬤᭂᬃᬕ᭄ᬮᬶᬲ᭄᭞ᬓᬸᬮᬦ᭄ᬳᬶᬤᬾᬯᬵ᭞ᬳᬓᬾᬄᬗ᭄ᬫᬲᬶᬦ᭄ᬫᬢᬶ᭟᭜᭟ᬳᬶᬧᬢᬶᬄᬍᬗ᭄ᬓᬭᬓᬧᬦᬄᬓᬩᬱ᭄ᬝ᭞ᬳ
ᬦ᭄ᬢᬸᬓ᭄ᬱᬸᬢ᭄ᬭᬓᬫᬤᬶᬦ᭄᭞ᬲᬂᬦᬵᬣᬗᬦ᭄ᬤᬶᬓ᭞ᬚᬦᬶᬳᬶᬭᬫᬗ᭄ᬮᬯᬦ᭄᭞ᬲᬂᬦᬵᬣᬢᬸᬫᬸᬮᬶᬫᬶᬚᬶᬮ᭄᭞ᬳᬜ᭄ᬚᬸᬚᬸᬂᬕᬤ᭞ᬍᬗ᭄ᬓᬭᬯᬶᬚᬬᬗᬶᬭᬶᬂ᭟᭜᭟ᬲᬳᬪᬮᬫᬗᬶᬭᬶᬂᬳᬶᬤᬲᬂᬦᬵᬣ᭞ᬳᬓᬾᬄᬳᬤᬢ᭄ᬮᬸᬂᬢᬮᬶ᭞ᬫᬲᬸᬭᬓ᭄ᬳᬸᬭᬳᬦ᭄᭞ᬲᬂᬦᬵᬣᬲᬸᬫ᭄ᬩᬃᬲᬸᬫ᭄ᬩᬃ᭞ᬫᬲᬦ᭄ᬤᬶᬂᬮᬯᬦ᭄ᬳᬶᬧ [ 125 ][᭑᭒᭔ 124B]
᭑᭒᭔
ᬢᬶᬄ᭞ᬍᬗ᭄ᬓᬭᬯᬶᬚᬬ᭞ᬫᬗᬋᬧᬂᬢᬸᬫᬸᬮᬶ᭟᭜᭟ᬯᬸᬲ᭄ᬓᬧᬗ᭄ᬕᬶᬄᬦᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵ᭞ᬫᬶᬯᬄᬲᬂᬦᬵᬕᬕᬶᬦᬶ᭞ᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭞ᬮᬶᬦ᭄ᬢᬂᬭᬫᬾᬦᬶᬂᬬᬸᬤ᭄ᬤ᭞ᬪᬮᬦᬾᬰ᭄ᬭᬶᬦᬭᬧᬢᬶ᭞ᬫᬢᭂᬫ᭄ᬧᬸᬄᬬᬸᬤ᭄ᬤᬵ᭞ᬫᬫᬸᬲᬸᬄᬭᬤᬾᬦ᭄ᬤᬾᬯᬶ᭟᭜᭟ᬢᬦ᭄ᬓᬯᬃᬡ᭄ᬦᬵᬬᬸᬤᬭᬫᬾᬓᬮᬶᬦ᭄ᬢᬂ᭞ᬓᭀ
ᬘᬧ᭄ᬳᬶᬬᬫ᭄ᬩᬃᬓᬯᬶ᭞ᬦᬾᬤᬶᬢ᭄ᬗᬄᬳᬮᬲ᭄᭞ᬦᬸᬮᬶᬫᬾᬮᬶᬂᬭᬳᬤ᭄ᬬᬦ᭄᭞ᬫᬳᬶᬫ᭄ᬧᬸᬲ᭄ᬩᬦ᭄ᬳᬦ᭄ᬢᬾᬩ᭄ᬲᬶ᭞ᬫᬾᬮᬶᬂᬭᬶᬂᬭᬕᬵ᭞ᬗᬸᬘᬧ᭄ᬲᬚ᭄ᬭᭀᬦᬶᬂᬳᬢᬶ᭟᭜᭟ᬓᬮᬶᬗᬦᬾᬓᬢᬶᬢᬄᬩᬳᬦ᭄ᬤᬾᬯᬵ᭞ᬲᬗ᭄ᬓᬦ᭄ᬢᭂᬫᬸᬦᬾᬚᬦᬶ᭞ᬓᬾᬦᬾᬓᬲᬗ᭄ᬲᬭ᭞ᬲᬳᬶᬫᬦᬦ᭄ᬤᬂᬮᬭ᭞ᬳᬶᬬᬫ᭄ᬩᬃᬓᬯᬶᬫᬦᬗᬶᬲ᭄᭞ᬫᬧᬸ
ᬮᬶᬲᬳᬦ᭄᭞ᬫᬾᬮᬶᬂᬭᬶᬂᬩᬸᬗ᭄ᬓᬸᬂᬕ᭄ᬮᬶᬲ᭄᭟᭜᭟ᬭᬭᬶᬲ᭄ᬕᭂᬮᬶᬲ᭄ᬳᬶᬬᬫ᭄ᬩᬃᬓᬯᬶᬗᬚ᭄ᬬ᭞ᬳᭂᬜᬕ᭄ᬳᬦ᭄ᬢᬾᬦᬾᬲᬫᬶ᭞ᬩᬗᬸᬦ᭄ᬗᬸᬲᬧ᭄ᬭᬕ᭞ᬢᬶᬫ᭄ᬧᬲ᭄ᬓᬭᬶᬓᬩᬓ᭄ᬢ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬫᬸᬭᬂᬫᬸᬭᬂ᭞ᬫᬗᬸᬗ᭄ᬲᬶᬯᬦᬵᬧᬸᬭᬶ᭟᭜᭟ᬤᬤᬶᬬᬜᬓᬧᬗ᭄ᬕᬶᬄᬲᬹᬃᬬ᭄ᬬᬓᬸᬲᬸᬫ᭞ᬫᬶᬫ᭄ᬧᬸᬲ᭄ᬩᬦ᭄ᬳᬦ᭄ᬢᬾᬩ᭄ᬲᬶ᭞ᬗ᭄ᬮᬶᬂᬫᬧᬸᬮᬶ
ᬲᬳᬦ᭄᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬤᬸᬄᬤᬾᬯᬦ᭄ᬩᭂᬮᬶᬦᬾᬳᬤᬶ᭞ᬲᬹᬃᬬ᭄ᬬᬓᬸᬲᬸᬫ᭞ᬦᬄᬲᬸᬩᬢᬶᬢᬄᬯᬶᬤᬶ᭟᭜᭟ᬫᬢ᭄ᬫᬸᬯᬂᬚᬦᬶᬩᬋᬂᬓᬲᬗ᭄ᬲᬭᬵ᭞ᬳᬶᬬᬫ᭄ᬩᬃᬓᬯᬶᬕ᭄ᬮᬶᬲ᭄᭞ᬚᬦᬶᬫᬗᬚ᭄ᬬᬂ᭞ᬳᬦ᭄ᬢᬾᬦᬾᬲᬸᬩᬭᬢᬲ᭄᭞ᬍᬩᬹᬃᬳᭂᬜᬕ᭄‌ᬢ᭄ᬯᬭᬓᬭᬶ᭞ᬲᬹᬃᬬ᭄ᬬᬓᬸᬲᬸᬫ᭞ᬢᬸᬫᬸᬮᬶᬩᬗᬸ

[᭑᭒᭕ 125A]
᭑᭒᭕
ᬦ᭄ᬕᭂᬮᬶᬲ᭄᭟᭜᭟ᬳᬶᬬᬫ᭄ᬩᬃᬓᬯᬶᬭᬭᬶᬲ᭄ᬕᭂᬮᬶᬲ᭄ᬗᬦ᭄ᬤᬶᬓ᭞ᬦᬄᬚᬮᬦ᭄ᬳᬤᬶᬚᬦᬶ᭞ᬬᬾᬦ᭄ᬩᭂᬮᬶᬗᭂᬦᭂᬳᬂ᭞ᬤᬾᬰᬦᬾᬲᬸᬩᬓᬮᬄ᭞ᬲᬹᬃᬬ᭄ᬬᬓᬸᬲᬸᬫᬜᬯᬹᬭᬶᬦ᭄᭞ᬢ᭄ᬯᬄᬚᬦ᭄ᬢᭂᬦ᭄ᬧᬶᬲᬦ᭄᭞ᬯᬸᬲ᭄ᬢᭂᬮᬲ᭄ᬫᬤᭂᬫ᭄ᬲᬫᬶ᭟᭜᭟ᬬᬾᬦ᭄ᬳᬶᬧᬸᬦ᭄‌ᬚ᭄ᬭᬶᬄᬧᬤᭂᬫ᭄ᬚᬦ᭄ᬢᭂᬦ᭄ᬓᬭᬄ᭞ᬬᬫ᭄ᬩᬃᬓᬯᬶᬜᬯᬹᬭᬶᬦ᭄᭞ᬬᬾᬦ᭄ᬳ᭠
ᬓᬸᬤᬂᬤᬶᬦᬵ᭞ᬤᬶᬦᬶᬦᭀᬗᭀᬲ᭄ᬤᬶᬳᬮᬲ᭄᭞ᬲᬹᬃᬬ᭄ᬬᬓᬸᬲᬸᬫᬜᬯᬹᬭᬶᬦ᭄᭞ᬢ᭄ᬯᬄᬓᬮᬶᬄᬤᬶᬦᬵ᭞ᬢᬶᬢ᭄ᬬᬂᬫᬗᬶᬭᬶᬂᬩ᭄ᬮᬶ᭟᭜᭟ᬬᬫ᭄ᬩᬃᬓᬯᬶᬭᬭᬶᬲ᭄ᬫᬮᬶᬄᬫᬗᬦ᭄ᬤᬶᬓ᭞ᬚᬮᬦ᭄ᬓᬯᬦᬯᬶᬸᬧᬸᬭᬶ᭞ᬢᬸᬫᬸᬮᬶᬫᬫᬃᬕ᭄ᬕᬵ᭞ᬧᬗ᭄ᬕᬶᬄᬤᬦᬯᬵᬭᬚ᭞ᬢ᭄ᬓᬾᬦ᭄ᬧᬜ᭄ᬚᬓ᭄ᬜᬦᬾᬮᬶᬮᬶᬄ᭞ᬧᬤᬯᬸᬭᬳᬦ᭄᭞ᬬᬫ᭄ᬩᬃ
ᬓᬯᬶᬦᬓᭀᬦᬶᬦ᭄᭟᭜᭟ᬳᬾᬄᬤᬦᬯᬵᬭᬚᬫᬫᬦ᭄ᬳᬸᬮᬶᬤᬶᬚ᭞ᬲᬂᬤᬦᬯᬜᬯᬹᬭᬶᬦ᭄᭞ᬲᬓᬶᬂᬓᬶᬦ᭄ᬢᬵᬯᬦᬵ᭞ᬢᬶᬢ᭄ᬬᬂᬓᬲᭀᬭᬦ᭄ᬬᬸᬤ᭞ᬩᬳᬸᬓᬩᬸᬭᬸᬩᬦ᭄ᬳᬧᬶ᭞ᬧᬦ᭄ᬳᬓᬾᬄᬧ᭄ᬚᬄ᭞ᬲᬫᬶᬧᬸᬳᬸᬦ᭄ᬫᬚᬸᬭᬶᬢ᭄᭟᭜᭟ᬤᬾᬦᬶᬂᬳᬧᬶᬩᭀᬬᬫᬫ᭄ᬧᬸᬄᬢᬶᬢ᭄ᬬᬂᬗ᭄ᬮ
ᬯᬦ᭄᭞ᬳᬧᬦ᭄ᬲᬫᬶᬓᬮᬶᬮᬶᬄ᭞ᬓᬯᬸᬮᬦ᭄ᬳᬶᬤᬾᬯᬵ᭞ᬳᬫᬸᬓᬭᬶᬂᬳᬶᬭᬶᬓ᭞ᬭᬳᬶᬦ᭄ᬳᬶᬤᬾᬯᬵᬢ᭄ᬯᬦ᭄ᬤᬾᬯᬶ᭞ᬫᬗ᭄ᬕᭂᬄᬫᬬᬸᬤ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭟᭜᭟ᬮᬯᬦ᭄ᬫᬮᬶᬄᬲᬶᬭᬤᬾᬯᬶᬭᬢ᭄ᬦᬦᬶᬂᬭᬢ᭄᭞ᬦᬶᬗᬶᬦ᭄ᬢᬾᬬᬫᬗᬶᬭᬶᬂ᭞ᬮᬦ᭄ᬩᬶᬬᬂᬳᬶᬤᬾᬯ᭞ᬦᬕᬕᬶᬦᬶ [ 126 ][᭑᭒᭕ 125B]
᭑᭒᭕
ᬧᬸᬦᬶᬓ᭞ᬓᬭᬶᬢᬸᬫᬦ᭄ᬤᬂᬫᬦᬦ᭄ᬤᬶᬗᬶᬦ᭄᭞ᬦᬸᬦᬲ᭄ᬕᭂᬮᬶᬲᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬶᬭᬶᬂ᭟᭜᭟ᬭᬭᬶᬲ᭄ᬗᬦ᭄ᬤᬶᬓᬦᬄᬚᬮᬦ᭄ᬓᬾᬚᬦᬶᬳᬾᬗ᭄ᬕᬮᬂ᭞ᬭᬭᬶᬲᬵᬫᬶᬫᬫᬃᬕ᭄ᬕᬶ᭞ᬢᬦ᭄ᬓᬯᬃᬡ᭄ᬦᬾᬂᬫᬃᬕ᭄ᬕᬵ᭞ᬓᭀᬘᬧᬵᬦᬾᬫᬬᬸᬤ᭄ᬤ᭞ᬦᬶᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬗ᭄ᬮᬯᬦ᭄ᬲᬂ
ᬦᬵᬣ᭞ᬋᬱᬶᬪᭀᬚᬦᬫᬗ᭄ᬓᬶᬦ᭄᭟᭜᭟ᬧᬤᬯᬶᬭᬵᬲᬶᬸᬢ᭄ᬯᬭᬵᬓ᭄ᬮᬲ᭄ᬩᬦ᭄ᬲᬜ᭄ᬚᬢ᭄ᬣ᭞ᬳᬾᬫᭂᬂᬰ᭄ᬭᬶᬦᬭᬧᬢᬶ᭞ᬢᬸᬫᬸᬮᬶᬫᬫᬦᬄ᭞ᬫᬗ᭄ᬓᬾᬰ᭄ᬭᬶᬦᬭᬦᬵᬣ᭞ᬳᬦ᭄ᬢᬸᬓ᭄ᬦᬕᬧᬲᬄᬕ᭄ᬮᬶᬲ᭄᭞ᬭᬭᬶᬲ᭄ᬓᬚᭂᬫᬓ᭄᭞ᬳᬦ᭄ᬢᬸᬓ᭄ᬱᬂᬦᬕᬕᬶᬦᬶ᭟᭜᭟ᬭᬭᬶᬲ᭄ᬓᬩᬓ᭄ᬢᬕ᭄ᬮᬶᬲ᭄ᬫᬭᬶᬂᬳᬫ᭄ᬩ
ᬭ᭞ᬤᬾᬯᬶᬓᭂᬜ᭄ᬘᬦᬵᬯᬢᬶ᭞ᬓᬩᬸᬭᬸᬩᬦ᭄ᬦᬕ᭞ᬕ᭄ᬮᬶᬲ᭄ᬦᬕᬕᬶᬦᬶᬳᬶᬓ᭞ᬳᬫᬦᬄᬲᬂᬦᬵᬕᬕ᭄ᬮᬶᬲ᭄᭞ᬓᭂᬦ᭄ᬢᬸᬗᬶᬦ᭄ᬲᭂᬧᬄ᭞ᬫ᭠ᬦ᭄ᬤᬤᬶᬳᬯᬸᬫᬗ᭄ᬓᬶᬦ᭄᭟᭜᭟ᬳᬧᬦ᭄ᬦᬕᬧᬲᬳᬾᬳᬚᬶᬳᬚᬶᬳᬦ᭄᭞ᬫᬗ᭄ᬮᬯᬦᬵᬕᬕᬶᬦᬶ᭞ᬧᬦ᭄ᬭᬢᬹᬦᬶᬦᬵᬕ᭞ᬬᬓᬧᬦᬄᬩᬦ᭄ᬲᭂᬧᬄ᭞ᬢ᭄ᬓ
ᬤᬤᬶᬳᬯᬸᬲᬫᬶ᭞ᬲᬂᬦᬵᬕᬧᬲᬄ᭞ᬳᬓᬾᬄᬢ᭄ᬯᬭᬗᬸᬦ᭄ᬤᬶᬮᬶ᭟᭜᭟ᬲᬶᬭᬧᬢᬶᬄᬍᬗ᭄ᬓᬭᬯᬶᬚᬬᬗᬚᬶᬬᬂ᭞ᬭᬓ᭄ᬱᬲᬫ᭄ᬤᬮ᭄ᬕᭂᬮᬶᬲ᭄᭞ᬢᬦ᭄ᬓᭂᬦᬯᬶᬦᬶᬮᬂ᭞ᬤᬦᬯᬭᬚᬗ᭄ᬮᬯᬦ᭄᭞ᬲᬶᬂᬢ᭄ᬓᬧᬤᬓᬢᬸᬤᬶᬂ᭞ᬧᬦ᭄ᬲᬫᬶᬧᬸᬦᬄ᭞ᬲᬫᬶᬢ᭄ᬯᬭᬗᬸᬦ᭄ᬤᬶᬮᬶ᭟᭜᭟ᬬᬫ᭄ᬩᬃᬓ

[᭑᭒᭖ 126A]
᭑᭒᭖
ᬓᬯᬶᬭᬯᬸᬄᬮᬦ᭄ᬲᬹᬃᬬ᭄ᬬᬓᬸᬲᬸᬫ᭞ᬩ᭄ᬗᭀᬂᬳᬶᬤᬵᬜᬶᬗᬓᬶᬦ᭄᭞ᬦᬶᬗᬶᬦ᭄ᬢᬾᬫᬬᬸᬤ᭄ᬤ᭞ᬗ᭄ᬮᬯᬦ᭄ᬲᬓᬾᬳᬶᬂᬩᬮ᭞ᬫᬗᬫᬸᬓ᭄ᬫᬗᬸᬩᬢ᭄ᬳᬩᬶᬢ᭄᭞ᬮᬶᬦ᭄ᬢᬂᬧ᭄ᬭᬓᭀᬰ᭞ᬳᬶᬬᬫ᭄ᬩᬃᬓᬯᬶᬕ᭄ᬮᬶᬲ᭄᭟᭜᭟ᬚᬦᬶᬫᬭᬳᬶᬤᬫᬗ᭄ᬮᬯᬦᬂᬢᬶᬫ᭄ᬧᬲ᭄᭞ᬢᬹᬃᬲᬃᬯ᭄ᬬᬶᬗᬸᬘᬧ᭄ᬕᭂᬮᬶᬲ᭄᭞ᬩᬢᬾᬄᬕᭀᬦ᭄ᬢᭀᬂᬳᬾᬗ᭄ᬕᬮ᭄᭞
ᬢᭀᬫᬸᬲᬸᬳᬾᬲᬚᬬᬂ᭞ᬢᬸᬫᬸᬮᬶᬢᬶᬫ᭄ᬧᬲᬾᬕ᭄ᬮᬶᬲ᭄᭞ᬗᬫᬸᬓ᭄ᬗᬸᬮᬳᬂ᭞ᬫᬸᬲᬸᬳᬾᬳᭀᬜᬮᬶᬮᬶᬄ᭟᭜᭟ᬫᬮᬸᬮᬸᬦ᭄ᬲᬮᬶᬂᬚᭂᬓ᭄ᬚᭂᬓ᭄ᬳᬚᬓ᭄ᬢᬶᬫ᭄ᬧᬮ᭄᭞ᬮᬶᬬᬸᬩᬮᬦᬾᬮᬶᬮᬶᬄ᭞ᬳᬤᬵᬧᬶᬸᬫᬳᬸᬩᬸᬩᬦ᭄᭞ᬳᬤᬮᬩᬸᬄᬦᬸᬗ᭄ᬓᬬᬓ᭄᭞ᬫᬜᭂᬭᬶᬢ᭄ᬦᬕᬶᬄᬢᬸᬮᬸᬗᬶᬦ᭄᭞ᬬᬓᬲᬄᬓᬲᬄ᭞ᬢᬸ
ᬮᬸᬲ᭄ᬫᬢᬶᬫᬦ᭄ᬤᭂᬮᬶᬓ᭄᭟᭜᭟ᬫᬳᬾᬦ᭄ᬤᬳᬦ᭄ᬩᬶᬓᬲ᭄ᬜᬫᬢᬶᬲᬗ᭄ᬲᬭ᭞ᬲᬶᬂᬚᬮᬦ᭄ᬧᬕᬸᬮᬶᬦ᭄ᬢᬶᬓ᭄᭞ᬮᬶᬬᬸᬬᬾᬦ᭄ᬳᬸᬘᬧᬂ᭞ᬢᬶᬗ᭄ᬓᬄᬦᬾᬦᬾᬲᬗ᭄ᬲᬭ᭞ᬳᬶᬍᬗ᭄ᬓᬭᬯᬶᬚᬬᬫᬮᬶᬄ᭞ᬗᬶᬭᬶᬂᬲᬂᬦᬵᬣ᭞ᬯᬶᬭᬗᬾᬢᬦ᭄ᬲᬶᬦᬶᬧᬶ᭟᭜᭟ᬚᬦᬫᬭᬲᬂᬧ᭄ᬭᬪᬹᬫᬮᬶᬄᬗ᭄ᬮᭂᬓᬲᬂ᭞ᬫᬗ᭄ᬮᬾᬩᬂᬧᬦᬄᬕ᭄ᬮᬶᬲ᭄
᭞ᬳᬦ᭄ᬢᬾᬳᬗ᭄ᬕᬾᬫᬦᬄ᭞ᬫᬢᬶᬢᬶᬲ᭄‌ᬬᬳᬶᬗᭂᬫ᭄ᬩᬦ᭄᭞ᬭᬭᬶᬲ᭄ᬦᬕᬕᬶᬦᬶᬕ᭄ᬮᬶᬲ᭄᭞ᬳᬶᬤᬗᬦ᭄ᬤᬶᬓ᭞ᬭᬶᬂᬤ᭄ᬬᬄᬓᭂᬜ᭄ᬘᬦᬯᬢᬶ᭟᭜᭟ᬳᭂᬦᬾᬘᬓ᭄ᬭᬳᬗ᭄ᬕᭀᬦ᭄ᬳᬶᬤᬾᬯᬵᬫᬫᬦᬄ᭞ᬧᬦᬄᬳᬦ᭄ᬢᬾᬦᬾᬕ᭄ᬮᬶᬲ᭄᭞ᬢᬸᬫᬸᬮᬶᬓᬧᬦᬄ᭞ᬳᬦ᭄ᬢᬾᬦᬾᬭᬭᬶᬲ᭄‌ᬓ᭄ᬦᬵ᭞ᬋᬫᬸᬓ᭄ᬬᬳᬦ᭄ᬢᬾ [ 127 ][᭑᭒᭖ 126B]
᭑᭒᭖
ᬦᬾᬲᬫᬶ᭞ᬍᬗ᭄ᬓᬭᬯᬶᬚᬬ᭞ᬯᬶᬭᬗᬾᬢᬦ᭄ᬲᬶᬦᬶᬧᬶ᭟᭜᭟᭛ᬧᬗ᭄ᬓᬸᬃ᭛᭞ᬲᬂᬧ᭄ᬭᬪᬹᬋᬱᬶᬪᭀᬚᬦᬵ᭞ᬫᬗᬫ᭄ᬩᬭᬮᬦ᭄ᬮᭂᬗ᭄ᬓᬭᬵᬯᬶᬚᬬᬕ᭄ᬮᬶᬲ᭄᭞ᬫᬦᬸᬢᬸᬕ᭄ᬳᬶᬤᬢ᭄ᬯᬦ᭄ᬕᬮᬸᬄ᭞ᬮᬦ᭄ᬦᬕᬕᬶᬦᬶᬳᬶᬓ᭞ᬦᬕᬕᬶᬦᬶᬫᬗᬬᬢᬂᬧᬦᬄᬲᬵᬫ᭄ᬧᬸᬦ᭄᭞ᬮᬦ᭄ᬲᬶᬲᬂᬳᬦ᭄ᬢᬵᬪᭀᬕ
ᬧᬦ᭄ᬲᬵᬫ᭄ᬧᬸᬦ᭄ᬧ᭄ᬭᬬᬢ᭄ᬦᬓᬮᬶᬄ᭟᭜᭟ᬲᬕᭂᬢ᭄ᬢᬶᬫ᭄ᬧᬲᬾᬗᭂᬲᬬᬂ᭞ᬳᬍᬗ᭄ᬓᬭᬯᬶᬚᬬᬗᭀᬓᭀᬓ᭄ᬦᭂᬗ᭄ᬓᬶᬓ᭄᭞ᬮᬶᬯᬢᬶᬜᬤᬤᬶᬲᬸᬯᬸᬂ᭞ᬲᬂᬧ᭄ᬭᬪᬹᬲᬕᭂᬢ᭄ᬢᭂᬓ᭞ᬩᬸᬯᬶᬦ᭄ᬗᭀᬓᭀᬓ᭄᭞ᬓᬤᬾᬦᬗᬳᬤᬦᬸᬢᬸᬕ᭄᭞ᬮᬶᬯᬢᬶᬜᬕᬯᬂ᭞ᬲᬂᬦᬕᬦᬶᬸᬕᬶᬦᬶᬦᬶᬗᬮᬶᬦ᭄᭟᭜᭟
ᬤᬤᬶᬬᬩᬸᬳᬸᬂᬫᬫᬦᬄ᭞ᬳᬦ᭄ᬢᬵᬪᭀᬕᬫᬰᬶᬄᬩᬸᬳᬸᬂᬫᬦᬳᬶᬦ᭄᭞ᬬᬧᬤᬫᬩᬮᬶᬄᬤᬶᬢᬸ᭞ᬲᬂᬗᬦ᭄ᬢᬵᬪᭀᬕᬳᬗᬸ᭠ᬘᬧ᭄᭞ᬚᬤ᭄ᬫᬵᬓᬾᬦ᭄ᬓᬾᬦ᭄ᬲᬗ᭄ᬓᬜᬩᬸᬳᬸᬂᬫᬦᬸᬢᬸᬕ᭄᭞ᬤᬤᬶᬗᭀᬓᭀᬓ᭄ᬚᬮᬦ᭄ᬫᬸᬮ᭞ᬲᬂᬧ᭄ᬭᬪᬹᬓ᭄ᬦᬵᬢᬶᬫ᭄ᬧᬲ᭄ᬩᬸᬯᬶᬦ᭄᭟᭜᭟ᬳᬶᬗ᭄ᬕᬶᬄᬕᬯᭀᬓ᭄ᬱᬦ᭄ᬓᭀ
ᬢᬶᬢ᭄ᬬᬂ᭞ᬚᬦᬶᬚᬮᬦ᭄ᬢᬾᬬᬫᬮᬸᬧᬩᬮᬶᬄ᭞ᬲᬂᬧ᭄ᬭᬪᬹᬫᬗᭂᬜ᭄ᬚᬸᬄᬧᬸᬗ᭄ᬓᬸᬃ᭞ᬲᬕᬾᬢᬦ᭄ᬩᬸᬯᬶᬦ᭄ᬓᭂᬦ᭞ᬩᬸᬯᬶᬦ᭄ᬗᭀᬓᭀᬓ᭄᭞ᬮᬶᬬ᭠ᬢᬶᬜᬫᬰᬶᬄᬲᬸᬯᬸᬂ᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬳᬶᬩᬗᬸᬤᬦ᭄ᬩᭂᬓ᭄ᬓᬳᬶ᭟᭜᭟ᬫᬵᬢᬹᬃᬳᬶᬍᬗ᭄ᬓᬭᬵᬯᬶᬚᬬ᭞ᬢᬶᬢ᭄ᬬᬂᬗᬸᬤᬦ᭄ᬩᭂᬓ᭄ᬘᭀᬓᭀᬃᬳᬶ᭠

[᭑᭒᭗ 127A]
᭑᭒᭗
ᬕᬸᬲ᭄ᬢᬶ᭞ᬧᬸᬦᬶᬓᬫᬸᬲᬸᬄᬤᬶᬤᬸᬳᬹᬃ᭞ᬫᬦᬯᬶᬳᬶᬧᬸᬦ᭄ᬫᬦᬄ᭞ᬭᬭᬶᬲ᭄ᬫᬭᬫᬓᬤᬤ᭄ᬯᬧᬘᬂᬦᬸᬢᬸᬕ᭄᭞ᬲᬕᬾᬢ᭄ᬫᬓᬤᬤ᭄ᬯᬓ᭄ᬦᬵ᭞ᬗᭀᬓᭀᬓ᭄ᬬᬲᬫ᭄ᬩᬶᬮ᭄ᬫᬦᭀᬮᬶᬄ᭟᭜᭟ᬮᬶᬬᬢᬶᬜᬢ᭄ᬯᬭᬳᬤᬵ᭞ᬰ᭄ᬭᬶᬦᬭᬾᬦ᭄ᬤ᭄ᬭᬗᬦ᭄ᬤᬶᬓᬵᬲᬫ᭄ᬩᬶᬮ᭄ᬦᬸᬤᬶᬂ᭞ᬍᬗ᭄ᬓᬭᬯᬶᬚᬬᬫᬸᬲᬸᬄ᭞ᬳᬶᬧᬢᬶᬄᬫᬸ᭠
ᬜᬶᬩᬗ᭄ᬕ᭄ᬭᬲ᭄᭞ᬲᬶᬜᬳᬶᬤᬵᬫᬦ᭄ᬩᭂᬓᬶᬦ᭄ᬢᬶᬢ᭄ᬬᬂᬩᬳᬸ᭞ᬚᬦᬶᬩᬸᬯᬶᬦ᭄ᬧᬤᬵᬓ᭄ᬦᬵ᭞ᬫᬓᬤᬤ᭄ᬯᬬᬫᬮᬳᬶᬩ᭄᭟᭜᭟ᬲᬂᬦᬵᬕᬕᬶᬦᬶᬫᬗᬸᬘᬧ᭄᭞ᬳᭂᬦ᭄ᬢᭀᬗᬸᬤᬫᬓᬓᬮᬶᬄᬫᬮᬳᬶᬩ᭄᭞ᬲᬂᬳᬦ᭄ᬢᬵᬪᭀᬕᬳᬫᬸᬯᬸᬲ᭄᭞ᬚᬤ᭄ᬫᬵᬩᬸᬤᬸᬄᬩᬸᬤᬸᬳᬦ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭᬋᬱᬶᬪᭀᬚᬦᬵ
ᬳᬫᬸᬯᬸᬲ᭄᭞ᬳᬰᬶᬓ᭄ᬦᬵ᭞ᬲᬂᬦᬵᬣᬳᬾᬫᭂᬂᬢᬦ᭄ᬲᬶᬧᬶ᭟᭜᭟ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬦᬾᬢᬾᬳᬧᬦᬸᬢᬸᬕ᭄‌‌ᬢ᭄ᬓᬦ᭄ᬩᭂᬓᬶᬦ᭄᭞ᬲᬂᬧ᭄ᬭᬪᬹᬗᬯᬍᬲ᭄ᬫᬗᬸᬤᬸᬓ᭄᭞ᬦᬗᬶᬂᬫᬦ᭄ᬩᭂᬓ᭄ᬕᬯᬂ᭞ᬤᬾᬦᬶᬂᬳᬯᬓ᭄ᬫᬗᬫᬸᬓ᭄ᬤᬶᬓᬭᬂᬲᬸᬯᬸᬂ᭞ᬲᬶᬩᬶᬓᬲᬂᬫᬰᬶᬄᬓ᭄ᬦᬵ᭞ᬲᬂᬧ᭄ᬭᬪᬹ
ᬫᬗ᭄ᬯᬍᬲ᭄ᬫᬮᬶᬄ᭟᭜᭟ᬤᬤᬶᬫᬘ᭄ᬦᬶᬓ᭄ᬘᭂᬦᬶᬓᬦ᭄᭞ᬢᬸᬗ᭄ᬕᬮ᭄ᬦᭂᬩᭂᬓ᭄ᬱᬂᬧ᭄ᬭᬪᬹᬲᬫ᭄ᬩᬶᬮ᭄ᬦᭂᬗ᭄ᬓᬶᬓ᭄᭞ᬦ᭄ᬩᭂᬓ᭄ᬫᬦᬾᬓ᭄ᬫᬰᬶᬄᬲᬸᬯᬸᬂ᭞ᬢᬸᬫᬸᬮᬶᬜ᭄ᬭᬶᬢ᭄ᬗᬦ᭄ᬤᬶᬓ᭞ᬧᬫᬸᬜᬶᬦᬾ᭞ᬢᬶᬢ᭄ᬬᬂᬓᬧᭀᬓ᭄ᬤᬾᬯᬭᬢᬸ᭞ᬲᬫ᭄ᬩᬶᬮ᭄ᬦᭂᬩᭂᬓ᭄ᬫᬗᬸᬮᬳᬂ᭞ᬓᬳᬋᬧ᭄ᬲᬕᬾᬢ᭄ᬓᬲᬫ᭄ᬧᬶᬂ [ 128 ][᭑᭒᭗ 127B]
᭑᭒᭗
᭟᭜᭟ᬍᬗ᭄ᬓᬭᬯᬶᬚᬬᬫᬜᬕ᭄ᬚᬕ᭄᭞ᬓ᭄ᬦᭂᬄᬜᬦᬾᬓᬾᬦ᭄ᬓᬾᬦ᭄ᬳᬶᬤᬵᬲᬂᬗᬚᬶ᭞ᬢ᭄ᬓᬤᬤᬶᬳᬶᬤᬩᬸᬤᬸᬄ᭞ᬲᬕᭂᬢ᭄ᬬᬩᬸᬯᬶᬦ᭄ᬢᭂᬓ᭞ᬫᬘᬍᬗᬶᬓ᭄ᬮᬦ᭄ᬢᬲ᭄ᬬᬩᬸᬯᬶᬦ᭄ᬗᬤᬸᬩᬸᬕ᭄᭞ᬫᬮᬳᬶᬩ᭄ᬫᬗᬸᬢᬄᬳᬸᬢᬄ᭞ᬩ᭄ᬗᭀᬂᬬᬲᬂᬦᬵᬕᬕᬶᬦᬶ᭟᭜᭟ᬧᬤᬵᬩ᭄ᬗᭀᬂᬫᬓᬧ
ᬢ᭄ᬧᬢ᭄᭞ᬮᬦ᭄ᬲᬂᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦᬵᬯᬢᬶ᭞ᬲᬂᬳᬦ᭄ᬢᬵᬪᭀᬕᬳᬫᬸᬯᬸᬲ᭄᭞ᬬᬫ᭄ᬩᬃᬓᬯᬶᬓᬘᬶᬗᬓ᭄᭞ᬫᬗᬦ᭄ᬤᬶᬓ᭞ᬢᭀᬭᬓᬦ᭄ᬳᬶᬤᬾᬯᬵᬭᬵᬢᬹ᭞ᬫᬶᬯᬄᬲᬹᬃᬬ᭄ᬬᬓᬸᬲᬸᬫ᭞ᬲᬹᬃᬬ᭄ᬬᬓᭂᬜ᭄ᬘᬦᬵᬜᬯᬹᬭᬶᬦ᭄᭟᭜᭟ᬦᬸᬦᬲ᭄ᬓᬾᬢᭂᬤᬸᬦ᭄ᬕᭂᬮᬶᬲᬂ᭞ᬭᬢ᭄ᬦᬦᬶᬂᬭᬵᬢ᭄‌ᬦᬸᬮᬶᬳᬸ
ᬫᬢᬹᬃᬕ᭄ᬮᬶᬲ᭄᭞ᬦᬶᬓᬶᬢᬾᬘᬶᬗᬓᬶᬦ᭄ᬫᬮᬸ᭞ᬤ᭄ᬫᭂᬦ᭄ᬢᬶᬢ᭄ᬬᬂᬗᬦ᭄ᬢᭂᬦᬂ᭞ᬩᬳᬦ᭄ᬜᬦᬾᬜᬫᬦ᭄ᬢᬶᬢ᭄ᬬᬂᬗᬾᬫᬫᬸᬤᬸᬄ᭞ᬓ᭄ᬦᭂᬳᬾᬫᬤᬍᬫ᭄ᬳᬤᬵ᭞ᬜᬫᬦ᭄ᬢᬶᬢ᭄ᬬᬗᬾᬳᬶᬩ᭄ᬮᬶ᭟᭜᭟ᬚᬦᬶᬩᬸᬯᬶᬦ᭄ᬓᬘᬭᬶᬢ᭄ᬣ᭞ᬰ᭄ᬭᬶᬦᬭᬾᬦ᭄ᬤ᭄ᬭᬓᬮᬶᬦ᭄ᬢᬂᬦᬦ᭄ᬤᬂᬲ᭄ᬤᬶᬄ᭞ᬩᬳᬦᬾᬓᬮᬶᬦ᭄ᬢᬂᬢ᭄ᬕᬸᬄ᭞ᬢᬦ᭄ᬩᬶᬗ᭄ᬮᬓ᭄ᬩᬦ᭄ᬲᬜ᭄ᬚ
ᬣ᭞ᬲᬶᬂᬩᬶᬓᬲᬂ᭞ᬳᬶᬩᬢᬾᬄᬩᭀᬦ᭄ᬢᭀᬂᬫᬦᬸᬢᬸᬕ᭄᭞ᬫᬰᬶᬄᬢ᭄ᬯᬭᬩᬶᬱᬵᬩᬶᬗ᭄ᬮᬓ᭄᭞ᬓᬮᬶᬦ᭄ᬢᬂᬍᬲᬸᬲᬂᬗᬚᬶ᭟᭜᭟ᬮᬯᬸᬢ᭄ᬬᬮᬩᬸᬄᬓᬤᬭᬢ᭄᭞ᬭᬭᬶᬲ᭄ᬢᭂᬓᬦᬶᬗᬶᬦ᭄ᬢᬾᬫᬜᬕ᭄ᬚᬕᬶᬦ᭄᭞ᬲᬂᬧ᭄ᬭᬪᬹᬓᬮᬶᬦ᭄ᬢᬂᬮᬸᬬᬸ᭞ᬢᭀᬂᬤᬤᬶᬩᬗᬸᬦ᭄‌ᬦᭂᬕᬓ᭄᭞ᬬ᭠

[᭑᭒᭘ 128A]
᭑᭒᭘
ᬦᬶᬗᬶᬦ᭄ᬢᬾᬭᬭᬶᬲ᭄ᬦᬮᬶᬦᬶᬦ᭄ᬲᬂᬧ᭄ᬭᬪᬹ᭞ᬳᬶᬬᬫ᭄ᬩᬃᬓᬯᬶᬫᬜᬶᬗᬓ᭄᭞ᬳᭂᬦ᭄ᬢᭀᬳᭂᬜᬾᬦ᭄ᬓᬢᬮᬶᬦ᭄᭟᭜᭟ᬦᬶᬗᬶᬦ᭄ᬢᬾᬓᬮᬶᬦ᭄ᬢᬂᬓᬕ᭄ᬬᬢ᭄᭞ᬩᬳᬦᬾᬭᬯᬸᬄᬭᬤᬾᬦ᭄ᬳᬫ᭄ᬩᬃᬓᬯᬶ᭞ᬦᬶᬗᬶᬦ᭄ᬢᬾᬭᬭᬶᬲ᭄ᬫᬳᬢᬹᬃ᭞ᬧᬸᬦᬶᬓᬰ᭄ᬭᬶᬦᬭᬾᬦ᭄ᬤ᭄ᬭ᭞ᬳᬶᬤᬮᬩᬸᬄᬲᬓᬶᬂᬳᬫ᭄ᬩᬭᬦᬾᬭᬵᬢᬹ᭞ᬳᬶᬬᬫ᭄ᬩᬃᬓᬯᬶ᭠
ᬗᬦ᭄ᬤᬶᬓ᭞ᬳ᭄ᬦᬄᬮᬯᬸᬢᬂᬢᬮᬶᬦᬶᬦ᭄᭟᭜᭟ᬢᬸᬫᬸᬮᬶᬲᬵᬫ᭄ᬧᬸᬦ᭄ᬓᬩᬱ᭄ᬝ᭞ᬓᬘᬭᬶᬢ᭄ᬣᬍᬗ᭄ᬓᬭᬯᬶᬚᬬᬫᬮᬶᬄ᭞ᬳᬶᬩᬢᬾᬄᬩᭀᬦ᭄ᬢᭀᬂᬫᬦᬸᬯᬸᬢ᭄᭞ᬲᬶᬂᬮᬓᬸᬜᬢᬸᬢᬸᬕ᭞ᬲᬶᬭᬵᬧᬢᬶᬄᬍᬗ᭄ᬓᬭᬯᬶᬚᬬᬗᬤᬸᬳᬸᬂ᭞ᬲᬶᬂᬮᬓᬸᬜᬫᬰᬶᬄᬓ᭄ᬦ᭞ᬍᬗ᭄ᬓᬭᬯᬶᬚᬬᬲ᭄ᬤᬶᬄ᭟᭜᭟ᬧᬢᬶᬄᬍᬗ᭄ᬓᬭᬵᬯᬶᬚᬬ᭞ᬫᬗ
ᬭᬸᬫᬸᬦ᭄ᬫᬸᬜᬶᬦᬾᬢᬦ᭄ᬧᬰ᭄ᬭᬸᬢᬶ᭞ᬗᬯᬢᬂᬫᬢᬦᬾᬧᭂᬮᬸᬤ᭄᭞ᬢ᭄ᬯᬭᬦ᭄ᬤᭂᬮᬶᬓᬂᬳᬧ᭞ᬲᬶᬂᬩᬶᬓᬲᬂᬫᬰᬶᬄᬩᬓᬢ᭄ᬩᬜᬦᬸᬢᬶᬸᬳᬸᬢ᭄᭞ᬫᬮᬳᬶᬩ᭄ᬬᬫᬰᬶᬄᬓ᭄ᬦ᭞ᬳ᭄ᬦᬾᬳᬧᬫᬦ᭄ᬩᭂᬓᬶᬦ᭄᭟᭜᭟ᬚᬦᬶᬫᬭᬫᬧᬗ᭄ᬭᬱ᭞ᬚᬦᬶᬫ᭄ᬩᬸᬤᬸᬄᬗᬫᬸᬓ᭄ᬫᬗᬸᬩᬢ᭄ᬳᬩᬶᬢ᭄᭞ᬫᬮ᭄ᬬᬢ᭄ᬓᬳᬸᬭᬶᬓᬫᬮᬸ᭞ᬓᬲᬫ᭄ᬧᬶᬂᬫᬲᬶᬄᬕ
ᬯᬂ᭞ᬲᬶᬂᬩᬶᬓᬲᬂ᭞ᬫᬰᬶᬢ᭄ᬯᬭᬩᬶᬱᬲᬦ᭄ᬢᬸᬮ᭄᭞ᬮᬯᬸᬢ᭄ᬫᬮᬳᬶᬩ᭄ᬗᬸᬮᬳᬂ᭞ᬢᭀᬂᬤᬤᬶᬫᬰᬶᬓ᭄ᬮᬶᬤᬶᬦ᭄᭟᭜᭟ᬫ᭄ᬭᬱᬲᬸᬩᬍᬍᬄᬧᬶᬲᬦ᭄᭞ᬮᬦ᭄ᬢᬲ᭄ᬮᬩᬸᬄᬢ᭄ᬯᬭᬩᬶᬱᬗᬸᬭᬶᬲᬶᬓ᭄᭞ᬤᬶᬩᭂᬢᬾᬦ᭄ᬬᬫᬰᬶᬳ᭄ᬦᬸ᭞ᬳᬩᬢᬾᬄᬩᭀᬦ᭄ᬢᭀᬂᬦᬵᬮ᭄ᬢᬮ᭄᭞ᬮᬯᬸᬢ᭄ᬫᬭᬫᬫᬸᬜᬶᬲᬫ᭄ᬩᬶᬮ᭄ᬫᬮᬶᬗ᭄ᬓᬸᬄ᭞ᬦᬄᬕ᭄ᬢᬶᬄᬓᬳᬶᬦᬾ [ 129 ][᭑᭒᭘ 128B]
᭑᭒᭘
ᬳᭀᬜᬂ᭞ᬳ᭄ᬤᬚᬗᭂᬦᬸᬯᬂᬓᬳᬶ᭟᭜᭟ᬳᬶᬬᬫ᭄ᬩᬃᬓᬯᬶᬫᬜᬕ᭄ᬚᬕ᭄᭞ᬩᬢᬾᬄᬩᭀᬦ᭄ᬢᭀᬂᬲᬸᬳᬸᬤᬂᬲᬸᬩᬚᬦᬶ᭞ᬢᬸᬫᬸᬮᬶᬭᬭᬶᬲ᭄ᬬᬲᬸᬳᬸᬤ᭄᭞ᬳᬶ᭠ᬬᬫ᭄ᬩᬃᬓᬯᬶᬜᭂᬫᬓ᭄᭞ᬫᬗᬶᬲᬶᬬᬂᬍᬗ᭄ᬓᬭᬯᬶᬚᬬᬩᬗᬸᬦ᭄᭞ᬫᬦ᭄ᬕᬓ᭄ᬮᬯᬸᬢ᭄ᬫᬜᬸᬫ᭄ᬩᬄ᭞ᬭᬵᬢᬹᬢᬶᬢ᭄ᬬᬂᬦᬸᬦᬲ᭄ᬳᬸᬭᬶᬧ᭄᭟᭜᭟ᬦᬄᬫᬫᬦ᭄‌ᬍᬗ᭄ᬓᬭᬯᬶᬚᬬ᭞ᬮᬫᬸ᭠
ᬦ᭄ᬫᬫᬦ᭄ᬫᬩᬸᬤᬶᬳᬶᬤᬸᬧ᭄ᬚᬦᬶ᭞ᬍᬗ᭄ᬓᬭᬯᬶᬚᬬᬫᬵᬢᬹᬃ᭞ᬢᬶᬢ᭄ᬬᬂᬦᬯᭂᬕᬂᬧᬶᬲᬦ᭄᭞ᬦᬸᬦᬲ᭄ᬳᬸᬭᬶᬧ᭄᭞ᬭᬶᬂᬮᬶᬗ᭄ᬕᬶᬄᬘᭀᬓᭀᬃᬳᬶᬭᬢᬹ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬯᬸᬮ᭞ᬭᬶᬂᬘᭀᬓᭀᬃᬳᬶᬤᬾᬯᬫᬗ᭄ᬓᬶᬦ᭄᭟᭜᭟ᬲᬓᬶᬂᬕ᭄ᬮᬶᬲ᭄ᬢᬸᬢᬸᬭᬦ᭄ᬲᬢ᭄ᬯ᭞ᬰ᭄ᬭᬶᬦᬭᬾᬦ᭄ᬤ᭄ᬭᬲᬵᬫ᭄ᬧᬸᬦ᭄ᬫᬦᬸᬦᬲ᭄ᬳᬸᬭᬶᬧ᭄᭞ᬧᬦ᭄ᬲᬫᬶᬗᬯᬸᬮᬲᬵᬫ᭄ᬧᬸᬦ᭄᭞ᬳᬶᬬᬫ᭄ᬩᬃ
ᬓᬯᬶᬗᬸᬘᬧ᭄᭞ᬳᬶᬩᬮᬘᬹᬃᬳᭂᬫ᭄ᬩᬸᬲᬶᬦ᭄ᬳᬶᬤᬵᬲᬂᬧ᭄ᬭᬪᬹ᭞ᬳᬶᬮᬘᬹᬃᬭᬭᬶᬲ᭄ᬜᬸᬫ᭄ᬩᬄ᭞ᬲᬵᬫ᭄ᬧᬸᬦ᭄ᬲᬫᬶᬓᬳᭂᬮᬸᬲᬶᬦ᭄᭟᭜᭟ᬓᭀᬘᬧᬲᬂᬳᬦ᭄ᬢᬵᬪᭀᬕ᭞ᬲᬵᬫ᭄ᬧᬸᬦ᭄ᬢᭂᬤᬸᬦ᭄ᬲᬋᬂᬲᬂᬦᬵᬕᬕᬶᬦᬶ᭞ᬫᬗ᭄ᬕᬯᬳᬶᬤᬵᬢ᭄ᬯᬦ᭄ᬕᬮᬸᬄ᭞ᬦᬶᬤᬾᬯᬶᬭᬢ᭄ᬦᬦᬶᬂᬭᬵᬢ᭄᭞ᬦᬕᬕᬶᬦᬶᬫᬗ᭄ᬕᬯᬳᬶᬤᬢ᭄ᬯᬦ᭄ᬕᬮᬸᬄ᭞ᬦᬶᬤᬾᬯᬶᬲᬹᬃᬬ᭄ᬬᬓᭂᬜ᭄ᬘᬦ
᭞ᬢᬸᬫᬸᬮᬶᬭᬭᬶᬲᬸᬫᬦ᭄ᬤᬶᬂ᭟᭜᭟ᬳᬶᬬᬫ᭄ᬩᬃᬓᬯᬶᬓᭀᬘᬧ᭞ᬫᭂᬲ᭄ᬯᬂᬩᬸᬗ᭄ᬓᬸᬂᬭᬭᬶᬲ᭄ᬕᭂᬮᬶᬲ᭄ᬫᬗᬚᬶ᭞ᬓᬮᬶᬦ᭄ᬢᬂᬕᬯᭀᬓ᭄ᬱᬂᬧ᭄ᬭᬪᬹ᭞ᬜᬶᬗᬓᬶᬦ᭄ᬢᬢᬶᬗ᭄ᬓᬳᬦ᭄᭞ᬬᬫ᭄ᬩᬃᬓᬯᬶᬗᬘᭂᬧᬂᬲᬓ᭄ᬯᬾᬳᬶᬂᬭᬢᬹ᭞ᬮᬯᬦ᭄ᬧᬧᬢᬶᬄᬧᬸᬗ᭄ᬕᬯ᭞ᬧᬦ᭄ᬲᬫ᭄ᬧᬸᬦ᭄ᬯᬮᬸᬬᬫᬮᬶᬄ᭟᭜᭟ᬫᬮᬶᬄᬳᬶᬤᬫᬗᬚᬶᬬᬂ᭞ᬓᬰᬓ᭄ᬢᬶᬬᬦ᭄ᬳᬶᬤᬦᬾᬩ᭠

[᭑᭒᭓ 129A]
᭑᭒᭓
ᬜᬸᬳᬸᬭᬶᬧ᭄᭞ᬭᬭᬶᬲ᭄ᬓᬳᬸᬭᬶᬧᬂᬲᬵᬫ᭄ᬧᬸᬦ᭄᭞ᬧᬜ᭄ᬚᬓ᭄‌ᬫ᭄ᬯᬂᬫᬸᬲᬸᬄᬧᬤᬵ᭞ᬧᬦ᭄ᬯᬮᬸᬬᬫᬓ᭄ᬚᬂᬬᬲᬸᬩᬳᬶᬤᬸᬧ᭄᭞ᬲᬂᬧ᭄ᬭᬪᬹᬕᬯᭀᬓ᭄ᬫᬜᬶᬗᬓ᭄᭞ᬫᬗᬸᬘᬧ᭄ᬳᬶᬬᬫ᭄ᬩᬃᬓᬯᬶ᭟᭜᭟ᬲᬂᬧ᭄ᬭᬪᬹᬋᬱᬶᬪᭀᬚᬦᬵ᭞ᬓᬾᬦ᭄ᬓᬾᬦ᭄ᬓᬵᬋᬧ᭄ᬳᬶᬤᬾᬯᬵᬩᬸᬓᬚᬦᬶ᭞ᬲᬸᬫᬯᬹᬃᬳᬶᬤᬵᬲᬂᬧ᭄ᬭᬪᬹ᭞ᬢᬶᬢ᭄ᬬᬂᬯᬦ᭄ᬢᬄᬗᬯᬸᬮ᭞ᬦᬸᬦᬲ᭄ᬳᬸᬭᬶ
ᬧ᭄ᬫᬗᬯᬸᬮᬭᬶᬂᬳᬶᬭᬵᬢᬹ᭞ᬳᬶᬬᬫ᭄ᬩᬃᬓᬯᬶᬫᬗᬸᬘᬧ᭄᭞ᬚᬦᬶᬧᬤᬵᬓᬚᬜ᭄ᬚᬶᬦᬶᬦ᭄᭟᭜᭟ᬭᬭᬶᬲᬵᬫᬶᬓᬚᬜ᭄ᬚᬶᬦᬦ᭄᭞ᬧ᭄ᬭᬭᬵᬢᬹᬦᬾᬮᬦ᭄ᬧᬧᬢᬶᬄ᭞ᬳᬶᬬᬫ᭄ᬩᬃᬓᬯᬶᬳᬫᬸᬯᬸᬲ᭄᭞ᬦᬄᬫᬸᬮᬶᬄᬚᬦᬶᬧᬤᬵ᭞ᬦ᭄ᬤᬦ᭄ᬮᬸᬫᬫ᭄ᬧᬄᬤᬢᬦ᭄ᬓᬯᬃᬡ᭄ᬦᬧᬸᬦᬶᬓᬸ᭞ᬳᬶᬬᬫ᭄ᬩᬃᬓᬯᬶᬳᬸᬘᬧᬂ᭞ᬤᬶᬓᬶᬦ᭄ᬢᬵᬯᬦᬦᬵᬕᬭᬶ᭟᭜᭟ᬧᬦ᭄ᬓᬮᬶ
ᬦ᭄ᬢᬂᬲᬸᬓᬦᬶᬭᬵ᭞ᬓᬘᬭᬶᬢᬲᬂᬧ᭄ᬭᬪᬹᬘᬶᬢ᭄ᬭᬯᬢᬶ᭞ᬗᬦ᭄ᬤᬶᬓᬭᬶᬂᬭᬤᬾᬦ᭄ᬩᬕᬸᬲ᭄᭞ᬤᬸᬄᬘᬳᬶᬧᬦᬓ᭄ᬩᬧ᭞ᬚᬦᬶᬓᬾᬦ᭄ᬓᬾᬦ᭄ᬧᬓᬬᬸᬦᬦ᭄ᬦᬦᬓ᭄ᬩᬕᬸᬲ᭄᭞ᬳᬶᬬᬫ᭄ᬩᬃᬓᬯᬶᬫᬵᬢᬹᬭᬵ᭞ᬢᬶᬢ᭄ᬬᬂᬗᬶᬭᬶᬂᬕᬸᬭᬸᬳᬚᬶ᭟᭜᭟᭛ᬧᬸᬧᬸᬢ᭄᭞᭛᭞
ᬧᬸᬧᬸᬢ᭄ᬲᬶᬦᬸᬭᬢ᭄᭞ᬤᬸᬓ᭄ᬭ᭠ᬳᬶᬦ᭞ᬘ᭞ᬧ᭄ᬯ᭞ᬯᬭ᭞ᬫᬢᬮ᭄᭞ᬢᬂ᭞ᬧᬶᬂ᭞᭑᭔᭞ᬰᬰᬶᬄ᭞ᬓ᭞᭕᭞ᬳᬶᬰᬓ᭞᭑᭙᭘᭗᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬳᬶᬫᬤᬾᬓᬭᬶᬯᬶᬭᬣ᭟ᬲᬓᬶᬂᬩᬜ᭄ᬚᬃᬓᭂᬃᬢ᭄ᬣᬲᬭᬶ [ 130 ][᭑᭒᭙ 129B]
᭑᭒᭙
ᬓᬮᬸᬭᬳᬦ᭄ᬧᬤᬂᬓᭂᬃᬢ᭄ᬣᬵ᭞ᬓᬘᬫᬢᬦ᭄ᬓᬭᬗ᭄ᬳᬲᭂᬫ᭄᭞ᬓᬪᬹᬧᬢᬾᬦ᭄ᬓᬭᬗ᭄ᬳᬲᭂᬫ᭄᭞ᬧ᭄ᬭᭀᬧᬾᬦ᭄ᬲᬶ᭞ᬩᬮᬶ᭟᭜᭟

[᭑᭓᭐ 130A]
᭑᭓᭐
᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬫᬵᬰᬶᬤ᭄ᬥᬶ᭟᭛ᬧᬸᬦᬶᬓᬶᬕᬕᬸᬭᬶᬢᬦ᭄‌ᬳᬫ᭄ᬩᬃᬓᬯᬶ᭟᭛᭞ᬧᬸᬧᬸᬄᬲ᭄ᬫᬭᬦ᭄ᬥ