Ban/Gaguritan Amsyah Sesasakan

Deskripsi

Naskah

[ 1 ]PERPUSTAKAAN
KTR. DOKBUD BALI
PROP. BALI
G/I/8/DOKBUD
Judul : GAGURITAN AMSYAH (SESASAKAN)
Pnj. 39,5 cm. Lb. 3,5 cm. Jml. 34 lb.
Asal : Muncan, Selat, Karangasem.
[᭑ 1B]
᭞ᬧᬸᬦᬶᬓᬶᬮᭀᬦ᭄ᬢᬃᬤ᭄ᬭᬸᬯᬾᬦ᭄ᬳᬶᬫᬗ᭄ᬓᬸᬭᬶᬗᬶᬦ᭄᭞
Judul : GAGURITAN AMSYAH (SESASAKAN)
Pnj. 39,5 cm. Lb. 3,5 cm. Jml. 34 lb.
Asal : Muncan, Selat, Karangasem. [ 2 ][᭑ 1B]
᭑
᭛᭜᭛ᬅᬯᬶᬖ᭄ᬦᬫᬲ᭄ᬢᬸ᭛᭜᭛ᬧᬸᬄᬲ᭄ᬫᬭᬦ᭄᭚᭜᭚ᬳᬶᬗ᭄ᬲᬸᬦᬫᬶᬫᬶᬢ᭄ᬬᬫᬸᬚᬶ᭞ᬳᬦᭂᬩᬸᬢ᭄ᬦᬫᬦᬶᬂᬳᬮᬄ᭞ᬓᬂᬫᬸᬭᬳᬶᬂᬤᬸᬦ᭄ᬬᬋᬓᭀ᭞ᬳᬶᬓᬂᬳᬲᬶᬳᬶᬂᬗᬳᬾᬭᬢ᭄᭞
ᬓᬂᬧᬶᬦᬸᬚᬶᬢᬦ᭄ᬧ᭄ᬕᬢ᭄᭞ᬓᬂᬭᬸᬫᬓ᭄ᬱᬾᬂᬳᬮᬫ᭄ᬳᬶᬓᬸ᭞ᬓᬂᬲᬶᬦᭂᬩᬸᬢᬶᬂᬗᬳᬾᬭᬢ᭄᭟᭜᭟ᬯᭂᬦ᭄ᬢᭂᬜ᭄ᬘᬭᬶᬢᬯᬶᬡ᭄ᬦᬃᬦᬶ᭞ᬳᬶᬩᬦ᭄ᬤᬃᬭᬮᬶᬫ᭄‌ᬦ᭄ᬕᬭᬵ᭞ᬓᬂᬢᬶᬦᬸᬢᬸᬃᬲᬚᬭᬳᬾ᭞
ᬘᬭᬶᬢᬦᬾᬩᬕᬶᬦ᭄ᬥᬅᬫ᭄ᬱ᭄ᬬᬄ᭞ᬭᬶᬦᬶᬧ᭄ᬢᬭᬶᬦᬸᬫ᭄ᬧᬓᬦ᭄᭞ᬭᬭᬾᬳᬦᭀᬫ᭄‌ᬧᬓ᭄ᬱᬦᬸᬭᬸᬦ᭄᭞ᬢᬸᬃᬓᬶᬦᬃᬬ᭄ᬬᬩᬩᬢ᭄ᬱ᭄ᬓᬃ᭟᭜᭟ᬭᬢᬵᬤᬾᬯᬶᬦᬶᬋᬗ᭄ᬕᬦᬶᬲ᭄᭞ᬯᬯᬸᬢ
ᬓᬂᬕᬶᬦᬸᬫ᭄ᬧᬶᬢ᭞ᬳᬶᬗᬃᬕ᭄ᬕᬧᬸᬭᬵᬯᬶᬰ᭄ᬫᬦᬾ᭞ᬧᬸᬢ᭄ᬭᬦᬾᬦᬣᬧᬵᬡ᭄ᬥᬶᬢ᭞ᬬᬳᬶᬗᬡ᭄ᬥᬓᬫᬲ᭄᭞ᬳᭂᬗ᭄ᬕᬾᬦᬶᬭᬢᬧᬮᬸᬗ᭄ᬕᬸᬄ᭞ᬧᬢᬧᬦ᭄ᬳᬰ᭄ᬭᬶᬓᬯᬶᬃᬬ᭄ᬬᬦ᭄᭟᭜᭟ᬦ᭄ᬕᬭᬦᬶ
[᭒ 2A]
ᬧᬸᬦ᭄ᬢᬭᬶᬳᬶᬦ᭄᭞ᬳᬦᭂᬗ᭄ᬕᬶᬄᬳᬶᬂᬚᬫᬶᬦᬾᬭᬢ᭄᭞ᬫᬶᬮᬦᬾᬢᬶᬮᬃᬓᬥᬢᭀᬦ᭄᭞ᬲᬂᬦᬣᬭᬶᬂᬚᬫᬶᬦᬾᬭᬢ᭄᭞ᬤᬸᬓᬧ᭄ᬕᬢᬦ᭄‌ᬢᬺᬱ᭄ᬡᬵ᭞ᬢᬶᬮᬃᬧ᭄ᬭᬫᬶᬰ᭄ᬯᬭᬶᬦᬶᬧᬸᬦ᭄᭞ᬲᬾᬤ᭄ᬥ
ᬦᬶᬧᬸᬦ᭄ᬧᬓᬸᬦ᭄ᬤᬸᬭᬦ᭄᭟᭜᭟ᬭᬢ᭄ᬦᬵᬤᬶᬯᬶᬳᬋᬗ᭄ᬕᬦᬶᬲ᭄᭞ᬢᬶᬦᬶᬮᬃᬤᬾᬦᬶᬂᬳᬶᬩᬸᬦᬾ᭞ᬮᬗ᭄ᬓᬸᬂᬤᬾᬦ᭄ᬬᬓᬯ᭄ᬮᬲ᭄ᬳᬃᬱᬵ᭞ᬦᬶᬫᬲ᭄ᬳᬶᬗᬕ᭄ᬕᬧᬸᬭᬵ᭞ᬫᬶᬮ
ᬦᬾᬲᬶᬭᬲᬂᬧ᭄ᬭᬪᬸ᭞ᬳᬦᬶᬮᬃᬭᬶᬓᬯᬶᬪᬯᬦ᭄᭟᭜᭟ᬳᬮᬶᬗ᭄ᬕᬶᬄᬳᬦᬳᬶᬗᬸᬓᬶᬃ᭞ᬳᬩᬦ᭄ᬢᭂᬦᬓᭂᬦ᭄ᬲᬭᬶᬭ᭞ᬳᬶᬓᬂᬦᬢᬧᬫᬗ᭄ᬓᭀ᭞ᬬᬭᬤᬾᬦ᭄ᬳᬬᬸᬭᬭᬵ᭞ᬧᬶᬦᬜ᭄ᬚᬂᬳ
ᬓᭂᬦ᭄ᬬᬸᬲᬵ᭞ᬤᬤᬶᬚᬦ᭄ᬫᬓᬂᬧᬶᬦᬸᬜ᭄ᬚᬸᬮ᭄᭞ᬫ᭄ᬭᬶᬂᬲᬲᬫᬦᬶᬂᬯᬦᭀᬥ᭄ᬬ᭟᭜᭟ᬢᬶᬦᬭᬶᬫᬤᬾᬦᬶᬂᬳ᭄ᬬᬂᬯᬶᬥᬶ᭞ᬤᬾᬦᬶᬭᬳᬫᬗᬸᬦ᭄ᬢᬧᬵ᭞ᬳᬢᬶᬮᬃᬓᬯᬶᬪᬯᬦᬾ᭞ᬫᬶᬮ [ 3 ][᭒ 2B]
᭒
ᬦᬾᬢᬶᬦᬸᬚᬸᬦᬶᬳ᭄ᬬᬂ᭞ᬲᬂᬦᬣᬧᬡ᭄ᬥᬶᬢᬦ᭄᭞ᬢᬶᬦ᭄ᬓᬦ᭄ᬲᬲᬤ᭄ᬬᬦᬶᬧᬸᬦ᭄᭞ᬤᬾᬦᬾᬓᬂᬗᬫᬸᬃᬩᬾᬚᬕᬢ᭄᭟᭜᭟ᬫᬶᬮᬦᬾᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬫᬸᬜ᭄ᬚᬸᬮ᭄ᬲᬓᬶᬂᬳᬶᬗᬓᬳᬄ᭞
ᬲᬗᬬᬸᬓᬯᬕᭂᬤᬦᬾ᭞ᬯᬲᬶᬲ᭄ᬓᬃᬬ᭄ᬬᬦᬾᬯᬦᭀᬥ᭄ᬬ᭞ᬳᬜᭀᬗ᭄ᬓᬾᬢ᭄ᬗᬮᬸᬳᬮᬫ᭄᭞ᬗ᭄ᬕᬦ᭄ᬢᬶᬄᬳᬮᬶᬢ᭄ᬦᭂᬦᬸᬦ᭄ᬥᬮᬸᬲ᭄᭞ᬫᬭᬤᬳᬦᭂᬦᬸᬦ᭄ᬮᬶᬫᬃ᭟᭜᭟ᬜᬸᬗ᭄ᬓᬶᬢ᭄ᬦᬸᬮᬶᬲ᭄ᬤᬾ
ᬦ᭄ᬬᬩᬗ᭄ᬓᬶᬢ᭄᭞ᬲᬤᬶᬦᬳᭀᬮᬶᬄᬭᭀᬂᬍᬫ᭄ᬩᬃ᭞ᬦᭀᬭᬮᬮᬶᬧᬜᬸᬮᬫᬾ᭞ᬢᬸᬢᬸᬩᬶᬦ᭄ᬢᬂᬗᬶᬓᬘᬵ᭞ᬳᬜᭀᬗ᭄ᬓᬾᬢ᭄ᬩᬢᬶᬓ᭄ᬩᬂ᭞ᬳᬢᬧᬵᬳᬦᭂᬦᬸᬦ᭄ᬓᬫ᭄ᬧᬸᬄ᭞ᬓᬤᬶ
ᬢᬦ᭄ᬫᬯᬶᬤᭀᬫ᭄ᬥᭀᬫᬦ᭄᭟᭜᭟ᬮᬦ᭄ᬢᭂᬦᬸᬦᬦᬾᬮᬶᬦᭂᬯᬶᬄ᭞ᬓᬸᬮᬫ᭄ᬩᬶᬢᬦ᭄ᬧᬤᭀᬫ᭄ᬥᭀᬫᬦ᭄᭞ᬗᬶᬭᬲ᭄ᬢᭂᬓᬾᬂᬩᬩ᭄ᬦᬶᬓᬾ᭞ᬳᬸᬢᬯᬶᬳᬦᭂᬦᬸᬦ᭄ᬓᭀᬧ᭄ᬬᬄ᭞ᬬᬢᬦ᭄ᬧ
[᭓ 3A]
ᬤᭀᬫ᭄ᬥᭀᬫᬦ᭄᭞ᬗᬶᬭᬲ᭄ᬢᭂᬓᬾᬂᬳᬾᬫᬢ᭄ᬳᬶᬧᬸᬦ᭄᭞ᬳᬾᬭᬦ᭄ᬲᬓ᭄ᬯᬾᬳᬶᬂᬢᬸᬫᬶᬗ᭄ᬳᬮ᭄᭟᭜᭟ᬓᬤᬶᬧᬓᬺᬢᬶᬦᬶᬂᬳᭂᬚᬶᬫ᭄᭞ᬫᬲ᭄ᬳᬬᬸᬳᬶᬗᬃᬕ᭄ᬕᬧᬸᬭᬵ᭞ᬫᬶᬯᬄᬲᬢᬶᬗ᭄ᬓᬄᬧᭀᬮ
ᬳᬾ᭞ᬢᬦ᭄ᬭᬭᬕᬭᬕᬫᬦᬸᬱ᭄ᬬ᭞ᬓᬤᬶᬳ᭄ᬚᬶᬫ᭄ᬓᬫᬦᬸᬱ᭄ᬬᬦ᭄᭞ᬬᬢ᭄ᬕᭂᬲ᭄ᬢᭂᬕᭂᬲ᭄ᬳᬶᬧᬸᬦ᭄᭞ᬲᬂᬤ᭄ᬬᬄᬫᬦᬸᬱ᭄ᬬᬓᬚᬶᬫᬦ᭄᭟᭜᭟ᬭᬢ᭄ᬦᬵᬤᬾᬯᬶᬳᬋᬗ᭄ᬕᬦᬶᬲ᭄᭞ᬩᬶᬲᬗᬫ᭄ᬩᬄᬳᬯᬂ
ᬳᬯᬂ᭞ᬲᬓᬶᬂᬭᬫᬵᬓᬰᬓ᭄ᬢᬾᬦᬾ᭞ᬫᬶᬮᬲᬗᭂᬢᬶᬗᬢᬧᬵ᭞ᬯᬯᬸᬦᬣᬧᬵᬡ᭄ᬥᬶᬢ᭞ᬬᬲᬂᬭᬢ᭄ᬦᬵᬦᬶᬳᬬᬸ᭞ᬳᬰᬓ᭄ᬢᬶᬢᬸᬃᬫᬅᬫ᭄ᬩᬭᬵ᭟᭜᭟ᬓᬤᬶᬓᭂᬜ᭄ᬘᬦᬲᬶᬦᬗ᭄ᬮᬶᬂ᭞ᬘᬶ
ᬢᬦᬾᬓᬸᬲᬸᬫᬵᬂᬭᬭᬵ᭞ᬧᬦ᭄ᬢᭂᬲᬢᬶᬗ᭄ᬓᬄᬧᭀᬮᬳᬾ᭞ᬕᬦ᭄ᬥ᭄ᬭᬸᬂᬕᬦ᭄ᬥ᭄ᬭᬸᬂᬩ᭄ᬭᬢᬵ᭞ᬓᬤᬸᬓ᭄ᬭᬕᬵᬓᬭᬦᬵ᭞ᬚᬳᬶᬢ᭄ᬫᬦᬶᬲᬶᬂᬧᬦ᭄ᬤᬸᬮᬸ᭞ᬳᬕᭂᬦ᭄ᬥᬶᬲ᭄‌ᬬᬦ᭄ᬳᬦ᭄ᬤᬶᬓᬵ᭟᭜᭟ [ 4 ][᭓ 3B]
᭓
ᬳᬗᬸᬮᬢ᭄ᬦᬵᬢᬦ᭄ᬧᭀᬮᬶᬄ᭞ᬯᭀᬂᬫᬬᬫᬬᬲᬶᬦᭀᬗ᭄ᬕᬵ᭞ᬳᬲᬗᭂᬢ᭄ᬳᬰ᭄ᬭᬸᬄᬢᬧᬦᬾ᭞ᬳᬫᬸᬃᬲ᭄ᬓᬃᬓᬂᬤᬶᬦᬳᬃ᭞ᬬᬾᬦ᭄ᬳᬃᬱᬵᬗᬶᬦᬸᬫ᭄ᬢᭀᬬ᭞ᬳᬗᬶᬲᭂᬧ᭄ᬫᬥᬸᬦᬶᬂᬲ
ᬦ᭄ᬢᬸᬦ᭄᭞ᬬᬾᬦ᭄ᬮᬸᬫᬫ᭄ᬧᬄᬳᬶᬂᬤᬭᬢᬦ᭄᭟᭜᭟ᬧᬦᬢᬧᬓ᭄ᬯᭂᬥᬃᬧᬭᬶ᭞ᬧᬢᬶᬓᬸᬮᬶᬢ᭄ᬲᬶᬦ᭄ᬢᬸᬢ᭄ᬳᬸᬦ᭄ᬢᬢ᭄᭞ᬕᬫ᭄ᬩᬶᬃᬫ᭄ᬮᬝᬶᬭᬶᬬᬓᬾ᭞ᬳᬯᬗᬶᬢᬦ᭄ᬧᬧᬕᭀᬦ᭄ᬤᬦ᭄᭞ᬦᬶ
ᬫᬵᬲ᭄ᬓᬸᬲᬸᬫᬵᬂᬭᬭᬵ᭞ᬯᬦᭀᬥ᭄ᬬᬯᬲᬶᬲᬶᬂᬳᬾᬮ᭄ᬫᬸ᭞ᬢᭂᬢᭂᬧᬗᬩᬓ᭄ᬢᬶᬦᬶᬭ᭟ᬳᬶᬂᬚᬯᬵᬅᬭᬩ᭄ᬯᬶᬦᬗ᭄ᬲᬶᬢ᭄᭞ᬳᬶᬢᭂᬫ᭄ᬩᬂᬲᬫ᭄ᬧᬸᬦ᭄ᬳᬸᬢ᭄ᬢᬫᬵ᭞ᬮ᭄ᬯᬶᬃᬕᬸᬮᬵᬤ᭄ᬭᬯᬫᬦᬶ
ᬲᬾ᭞ᬳᬓᬾᬄᬮᬮᬶᬲᬦ᭄ᬢ᭄ᬭᬶᬲᬩᬢ᭄᭞ᬳᬦᬶᬗ᭄ᬳᬮᬶᬦ᭄ᬲᬂᬭᬢ᭄ᬦᬵ᭞ᬢᬸᬳᬸᬬᬾᬦ᭄ᬭᬸᬧᬦᬾᬳᬬᬸ᭞ᬫᬶᬤᭂᬭᬶᬂᬭᬢ᭄‌ᬲ᭄ᬬᬸᬦᬕᬭᬵ᭟᭜᭟ᬫᬗ᭄ᬲᬵᬳᬦ᭄ᬢᬸᬓᬵᬓᬓᬮᬶᬄ᭞ᬩ
[᭔ 4A]
ᬓ᭄ᬘᬦᬾᬳᬦ᭄ᬥᬸᬯᬾᬓ᭄ᬭᬫᬵ᭞ᬧᬦᬶᬗᬫᭀᬂᬲᬧᭀᬮᬳᬾ᭞ᬳᬮᬶᬗ᭄ᬕᬶᬄ᭞ᬳᬃᬱᬦᬶᬂᬭᬫ᭞ᬯᬯᬂᬦᬣᬧᬵᬡ᭄ᬥᬶᬢ᭞ᬳᬢᬦ᭄ᬬᬯᬘᬡ᭄ᬦᬳᬭᬹᬫ᭄᭞ᬳᬥᬸᬄᬧᬸᬢ᭄ᬭᬦᬶᬗ᭄ᬲᬸᬦ᭄ᬫᬲ᭄᭟᭜᭟ᬲᬶᬭ
ᬮᬸᬗᬵᬫᬭᬶᬗᭂᬦ᭄ᬤᬶ᭞ᬲᬩ᭄ᬭᬦ᭄ᬤᬶᬦᬮᬸᬗ᭄ᬳᬢ᭄ᬓᬵ᭞ᬓ᭄ᬮᬯᬦ᭄ᬦᬶᬫᬲ᭄ᬫᬦᬶᬓᬾ᭞ᬲᬩ᭄ᬭᬦ᭄ᬤᬶᬦᬳᭀᬮᬶᬄᬲ᭄ᬓᬃ᭞ᬳᬾᬃᬕᬶᬮᭀᬲᬸᬫᬦᬲᬵ᭞ᬮᬯᬦ᭄ᬱ᭄ᬓᬃᬢᬸᬜ᭄ᬚᬸᬂᬢᬸᬢᬸᬃ᭞ᬳᬦᬧᬶᬦᬕᬵᬧᬸᬲ᭄ᬧᬶ
ᬢ᭄ᬣ᭟᭜᭟ᬳᬶᬓᬸᬳᭀᬮᬶᬄᬲᬓᬶᬗᭂᬦ᭄ᬤᬶ᭞ᬳᬶᬗ᭄ᬲᬸᬦ᭄ᬯᭂᬢᬭᬓᬾᬯᬮᬵ᭞ᬤᬸᬤᬸᬯᭀᬂᬘᬶᬮᬶᬳᬦ᭄ᬥᬸᬯᬾ᭞ᬓᬬᬵᬓᬕᬸᬂᬗᬦᬶᬂᬲ᭄ᬓᬃ᭞ᬳᬢᬯᬵᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬓᬢᬳᬾᬧᬸᬦᬂᬲ
ᬦ᭄ᬢᬸᬦ᭄᭞ᬢᬸᬃᬓᬶᬦᬵᬃᬬ᭄ᬬᬓᬮᬗᭂᬦᬦ᭄᭟᭜᭟ᬮᬄᬢᬸᬢᬸᬋᬦ᭄ᬳᬶᬗ᭄ᬲᬸᬦᬶᬦᬶ᭞ᬫᬭᬶᬂᬗᭂᬦ᭄ᬤᬶᬧᬭᬦᬶᬭᬵ᭞ᬭᬢ᭄ᬦᬵᬋᬗ᭄ᬕᬦᬶᬲ᭄ᬳᬢᬸᬭᬾ᭞ᬓᬯᬸᬮᬓᬾᬲᬄᬮᬾᬮᬾᬤᬂ᭞ᬤᬸᬫᬢ᭄ᬗᬶᬂ [ 5 ][᭔ 4B]
᭔
ᬉᬤ᭄ᬬᬦ᭞ᬓᬯᬸᬮᬵᬳᬜ᭄ᬚᬸᬕ᭄ᬚᬸᬕ᭄ᬳᬤᬸᬲ᭄᭞ᬢᭀᬬᬦᬾᬯ᭄ᬦᬶᬂᬓᬳᬸᬃᬬ᭄ᬬᬦ᭄᭟᭜᭟ᬯᬶᬦᬲ᭄ᬢᬩᬜ᭄ᬚᬭᬦ᭄ᬲᬭᬶ᭞ᬓᬤᬶᬢᬢᬫᬦᬶᬂᬲ᭄ᬯᬃᬕ᭄ᬕ᭞ᬯᭂᬦ᭄ᬢᭂᬦ᭄ᬤᬾᬦᬾᬓᬗᬦ᭄ᬤ᭄ᬭᬸᬯᬾ᭞ᬭ
ᬤᬦ᭄ᬫᬲ᭄ᬳᬶᬫᬦ᭄ᬲᬸᬯᭀᬗ᭄ᬱᬵ᭞ᬧᬸᬢ᭄ᬭᬦᬾᬭᬚᬵᬳᬭᬩ᭄᭞ᬗᬶᬂᬓᬯᬹᬮᬵᬤᬸᬭᬸᬂᬯ᭄ᬭᬸᬄ᭞ᬯᬃᬡ᭄ᬦᬦᬾᬓᬂᬤ᭄ᬭᬸᬯᬾᬢᬫᬦ᭄᭟᭜᭟ᬲᬂᬦᬝᬧᬵᬡ᭄ᬥᬶᬢᬳᬗ᭄ᬮᬶᬂ᭞ᬢᬸᬃᬲᬃᬯ᭄ᬯᬶᬢᭂᬩᬄ
ᬚᬚ᭞ᬳᬤᬸᬄᬧᬸᬢ᭄ᬭᬦᬶᬗ᭄ᬲᬸᬦ᭄ᬳᬕᬾ᭞ᬧᬾᬦᬾᬢᬵᬦᬶᬦᬶᬲᬶᬭ᭞ᬓᬮᬶᬯᬢ᭄ᬕᬕᭂᬦ᭄ᬢᬸᬦᬶᬗ᭄ᬲᬸᬦ᭄᭞ᬳᬫᬶᬤ᭄ᬗᭂᬃᬢᬸᬢᬸᬃᬳᬶᬭᬵ᭟᭜᭟ᬤᬾᬦᬾᬲᬶᬭᬓᬸᬫᬯᬦᬶ᭞ᬗᬫ᭄ᬩᬶᬮ᭄
ᬲ᭄ᬓᬃᬭᬶᬗᬸᬤ᭄ᬬᬦ᭞ᬓᬢᬸᬚᬸᬦᬾᬓᬢᬸᬚᬸᬦᬾ᭞ᬦᭀᬭᬓᬧ᭄ᬭᬤᬗᬦ᭄᭞ᬤᬾᬦᬾᬭᬚᬧᬶᬦᬸᬢ᭄ᬭ᭞ᬲᬸᬓᬸᬃᬮᬄᬢᬦᬶᬦᬶᬲᬸᬓᬸᬃ᭞ᬧᬤᬲᬮᬫᭂᬢᬶᬂᬮᬫ᭄ᬧᬄ᭟᭜᭟ᬤ
[᭕ 5A]
ᬬᬬᬾᬦ᭄ᬥᬾᬤᬾᬮ᭄ᬥᬾᬤᬾᬮᬶ᭞ᬫᬦᬯᬶᬲᬶᬭᬤᬾᬦ᭄ᬩᬺᬓᬢ᭄᭞ᬲᬬ᭄ᬯᬓ᭄ᬢᬶᬍᬩᬸᬃᬳᬸᬭᬸᬲᬾ᭞ᬭᬢ᭄ᬦᬵᬋᬗ᭄ᬕᬦᬶᬲ᭄ᬫᬢᬸᬭᬵ᭞ᬤᬾᬦᬾᬤᬬᬵᬕᬼᬫ᭞ᬤᬸᬫᬾᬄᬤᬸᬫᬾᬄᬬᬾᬦ᭄ᬯᭀᬂ
ᬗᬕᬸᬂ᭞ᬗᬗ᭄ᬕᭀᬳᬫ᭄ᬩᭂᬓ᭄ᬱᬸᬫ᭄ᬩᬮᬶᬗᬵ᭟᭜᭟ᬧᬸᬦᬧᬓᬯᬹᬮᬵᬯ᭄ᬥᬶ᭞ᬧ᭄ᬭᬶᬂᬳᬧ᭄ᬭᬂᬳᬢᬦ᭄ᬤᬶᬂᬓᬥᬶᬭᬦ᭄᭞ᬓᬮᬯᬦ᭄ᬤᬶᬧᬢᬶᬳᬦᭀᬫ᭄᭞ᬢᬶᬦᬸᬗ᭄ᬕᬂᬢᭀᬬᬯᬦᭀᬥ᭄ᬬ᭞ᬳᬗ᭄ᬮᬶᬂ
ᬦᬝᬧᬵᬡ᭄ᬥᬶᬢ᭞ᬳᬾᬄᬭᬭᬢ᭄ᬓᬵᬳᬫ᭄ᬭᬸᬂ᭞ᬉᬚᬃᬗᭀᬂᬧᬶᬦᬵᬥᬢᭂᬗ᭟᭜᭟ᬫᬗ᭄ᬓᬾᬲᬸᬦ᭄ᬢᬸᬢᬸᬃᬢᬸᬢᬸᬭᬶᬦ᭄᭞ᬳᬾᬄᬢᬦᬶᬦᬶᬯ᭄ᬭᬸᬳᬦᬶᬭᬵ᭞ᬬᬤ᭄ᬬᬦ᭄ᬳᬓᬾᬄᬓᬂᬧᬸᬢ᭄ᬭᬦᬾ᭞
ᬫᬾᬦᬓ᭄ᬚᬬᬾᬂᬭᬡᬵᬅᬭᬩ᭄᭞ᬳᬫᬸᬂᬭᬤᬾᬦ᭄ᬲᬸᬯᭀᬗ᭄ᬰᬵ᭞ᬘᬶᬦᬦ᭄ᬤᬂᬗᭂᬦ᭄ᬢᬾᬦᬶᬦ᭄ᬭᬢᬸ᭞ᬧᬦ᭄ᬭᬸᬲ᭄‌ᬢᭂᬋᬳᬶᬂᬓᬸᬲᬸᬫᬵ᭟᭜᭟ᬓᬗᬶᬩᬸᬧ᭄ᬭᬚᬸᬭᬶᬢ᭄ᬲᬓ᭄ᬢᬶ᭞ᬧᬸᬢ᭄ᬭᬶᬲ [ 6 ][᭕ 5B]
᭕
ᬓᬶᬂᬓᬾᬮᬦ᭄ᬱ᭄ᬯᬭᬵ᭞ᬓᬤᬶᬚᬗᬢᬶᬂᬗᬢ᭄ᬮᭀᬦ᭄᭞ᬭᬤᬾᬦᬵᬃᬬ᭄ᬬᬋᬧᬢ᭄ᬫᬵᬚ᭞ᬧᬸᬢ᭄ᬭᬤᬶᬦᬫᬤᬫ᭞ᬳᭂᬫ᭄ᬩᬦᬶᬜᬧᬭᬭᬢᬸ᭞ᬭᬶᬂᬳᬮᬫ᭄ᬲᬂᬭᬚᬫᬓ᭄ᬢᬮ᭄᭟᭜᭟ᬧᬸ
ᬦᬶᬓᬶᬧᬸᬢ᭄ᬭᬓᬓᬰᬶᬄ᭞ᬯᬸᬲ᭄ᬳᬫᬸᬓ᭄ᬢᬶᬓᬯᬶᬪᬯᬦ᭄᭞ᬓᬗᬤᬍᬫ᭄ᬓᬤᬶᬧᬢᬾᬦ᭄᭞ᬢᬸᬃᬮᬕᬶᬳᬓ᭄ᬭᬫᬳᬜᬃ᭞ᬢᬶᬦᬭᬶᬫᬳᬶᬂᬭᬫ᭞ᬯᬃᬡ᭄ᬦᬦᬶᬧᬸᬦ᭄‌ᬮ᭄ᬯᬶᬄᬩᬕᬸᬲ᭄᭞ᬳᬶᬩᬸ
ᬲᬓᬶᬂᬚᬫᬶᬦ᭄ᬳᭀᬭᬦ᭄᭟᭜᭟ᬳᬢ᭄ᬫᬵᬚᬸᬮᬸᬲᬮᬲᬶᬓᬶᬮ᭄᭞ᬓᬓᬰᬶᬳᬾᬳᬶᬓᬂᬕᬃᬯ᭄ᬯ᭞ᬳᬗ᭄ᬳᬶᬂᬤᬾᬭᬾᬂᬲᬧᬢ᭄ᬫᭀᬦ᭄᭞ᬳᬾᬮᬶᬓ᭄ᬥᬾᬦ᭄ᬬᬧᬮᬓ᭄ᬭᬫᬵ᭞ᬭᬤᬾᬦ᭄ᬳᬶᬫᬦ᭄ᬱᬸᬯᭀᬗ᭄ᬰ
ᬫᬶᬮᬢᬕᭂᬂᬫᬃᬫ᭄ᬫᬦᬶᬗ᭄ᬲᬸᬦ᭄᭞ᬫᬲ᭄ᬳᬬᬸᬫᬭᬳᬶᬲᬶᬭ᭟᭜᭟ᬳᬚᬲᬶᬭᬫᬮᬶᬄᬫᬮᬶᬄ᭞ᬗᬫ᭄ᬩᬶᬮ᭄ᬲ᭄ᬓᬃᬭᬶᬂᬗᬸᬤ᭄ᬬᬦᬵ᭞ᬯᭀᬂᬳᬕᬸᬂᬲᬸᬯᬓ᭄ᬭᬲᬾᬦᬾ᭞ᬫᬦᬯᬶᬲᬶᬭᬤᬾᬦ᭄
[᭖ 6A]
ᬩᬺᬓᬢ᭄᭞ᬤᬾᬦᬾᬯᭀᬂᬳᬓ᭄ᬭᬫᬳᬜᬃ᭞ᬤᬾᬭᬾᬂᬘᬺᬫᬶᬲᬮᬸᬮᬸᬢ᭄᭞ᬳᬓᬾᬄᬳᬶᬓᬂᬧᬭᬲᬩᬦ᭄᭟᭜᭟ᬳᬗᬶᬚᬳᬶᬓᬸᬦᬶᬦᬶ᭞ᬢᬺᬳᬶᬂᬭᬢᬸᬯᬮᬶᬳᬸᬮᬄ᭞ᬳᬓ᭄ᬢᬶ
ᬕ᭄ᬥᬾᬯᬶᬮᬮᬢᬾ᭞ᬢᬸᬯᬶᬕᬸᬲ᭄ᬢᬶᬧᬭᬾᬦᬦ᭞ᬫᬾᬲᭂᬫ᭄ᬓᬸᬲᬸᬫᬵᬂᬭᬭᬵ᭞ᬲᬶᬕᭂᬕᭂᬦ᭄ᬥᬢᬦ᭄ᬯᬶᬦᬸᬯᬸᬲ᭄᭞ᬤᬾᬦᬶᬂᬲᬂᬳᬃᬕ᭄ᬕᬓᭂᬜ᭄ᬘᬡ᭄ᬦ᭟᭜᭟ᬕᭂᬦ᭄ᬢᬶᬦᬶᬂᬯᬶᬦᬸᬯᬸᬲ᭄ᬫᬮᬶᬄ᭞ᬲᬶᬭᬲᬂᬭᬚᬵᬧᬶ
ᬦᬸᬢ᭄ᬭ᭞ᬓᬗᬶᬤᬍᬫ᭄ᬓᬤᬶᬧᬢᬾᬦ᭄᭞ᬭᬤᬾᬦ᭄ᬳᬃᬬ᭄ᬬᬋᬧᬢ᭄ᬫᬵᬚᬵ᭞ᬧᬶᬦᬋᬓᬶᬂᬯᬶᬢᬦ᭞ᬳᭂᬫ᭄ᬩᬦ᭄ᬳᬶᬜᬳᬦᬾᬂᬧᬸᬗ᭄ᬓᬸᬃ᭞ᬧᭂᬧᭂᬓ᭄ᬲᬓ᭄ᬯᬾᬳᬶᬂᬧᬯᭀᬗᬦ᭄᭟᭜᭟ᬲᬮᬫᬶᬦᬶᬭ
ᬳᬓ᭄ᬭᬫᬶ᭞ᬳᬧᬦ᭄ᬥᬾᬭᬾᬂᬲᬧᭀᬘᬧ᭞ᬮᬗ᭄ᬓᬸᬂᬫᬗᬚᭂᬂᬗᬚᭂᬗᬾ᭞ᬳᭂᬫ᭄ᬩᬦ᭄ᬓᬮᬯᬦ᭄ᬧᬯᭀᬗᬦ᭄᭞ᬗᬦ᭄ᬢᬶᬳᬸᬮᬦ᭄ᬓᬂᬢᬶᬩᬵ᭞ᬗᬦ᭄ᬢᬶᬳᬧᬕᬸᬲ᭄ᬢᬶᬦᬶᬗ᭄ᬲᬸᬦ᭄᭞ᬳᬘᬂᬓ᭄ᬭ [ 7 ][᭖ 6B]
᭖
ᬫ᭄ᬫᬫᬭᬶᬂᬕᬃᬯ᭄ᬯ᭟᭜᭟ᬫᬗ᭄ᬓᬾᬲᬫ᭄ᬧᬸᬦ᭄ᬧ᭄ᬢᬂᬯ᭄ᬗᬶ᭞ᬭᬤᬾᬦ᭄ᬫᬲ᭄ᬳᬶᬫᬦ᭄ᬲᬸᬯᭀᬗ᭄ᬰ᭞ᬳᬫᬗ᭄ᬕᬸᬂᬘᬸᬯᬓᬺᬲᬦᬾ᭞ᬤᬤᬶᬳᬃᬱᬳᬲᬲ᭄ᬓᬃ᭞ᬳᬾᬃᬕᬶᬮᭀᬲᬸᬫᬵᬦᬲᬵ᭞ᬧᬦ᭄ᬲᬩ᭄ᬭᬦ᭄ᬳᬶᬜ᭄ᬘᬶᬂᬧᬶ
ᬦᬸᬦ᭄ᬥᬸᬢ᭄᭞ᬤᬾᬦᬶᬭᬲᬗᬬᬸᬭᬭ᭟᭜᭟ᬳᬗᬶᬂᬫᬗ᭄ᬓᬾᬧᬭᬘᬾᬢᬶ᭞ᬗᬫ᭄ᬩᬶᬮ᭄ᬲ᭄ᬓᬃᬭᬶᬗᬸᬤ᭄ᬬᬦᬵ᭞ᬳᬶᬘᬮ᭄ᬧᬶᬦᬓᬍᬩᭂᬢᬾ᭞ᬯᬸᬲ᭄ᬧᬶᬂᬧᬶᬢᬸᬓᬢᬸᬃᬳᬶᬮᬂ᭞ᬬᬢᬧᬸᬦᬂᬧᬯᭀ
ᬗᬦ᭄᭞ᬳᬕᬸᬦᭂᬫ᭄ᬲᬩᬢᬸᬃᬳᬶᬧᬸᬦ᭄᭞ᬳᭂᬦ᭄ᬤᬶᬢᬥᬮᬦᬾᬪᬵᬬ᭟᭜᭟ᬧᬦ᭄ᬮᬯᬂᬫᬓ᭄ᬱᬶᬄᬓᬶᬦᬸᬜ᭄ᬘᬶᬂ᭞ᬲᬧᬓᬂᬓᬸᬫᬯᬦ᭄ᬬ᭞ᬳᬗ᭄ᬳᬶᬂᬤᬢᬦᬓᬯ᭄ᬥᬃ᭞ᬲᬓ᭄ᬱᬡ᭄ᬦᬢᬸᬫᬸᬭᬸᬦ᭄ᬳ
ᬕᬾ᭞ᬳᬃᬱᬳᬲᬶᬭᬫ᭄ᬳᬶᬂᬢᬫᬦ᭄᭞ᬯᬯᬸᬭᬚᬵᬧᬶᬦᬸᬢ᭄ᬭ᭞ᬧᬯᭀᬗᬦ᭄ᬗᬶᬭᬶᬂᬫ᭄ᬭᬶᬂᬧᬸᬗ᭄ᬓᬸᬃ᭞ᬳᭂᬫ᭄ᬩᬦ᭄ᬓᬮᬯᬦ᭄ᬧᬸᬦᬶᬜ᭟᭜᭟ᬉᬧᬘᬵᬭᬢᬸᬳ᭄ᬯᬵᬗ᭄ᬭᬯᬶᬢ᭄᭞ᬓᬤᬶᬢᬲ᭄ᬓᬃᬲᬢᬫᬦ᭄᭞
[᭗ 7A]
ᬪᬸᬱᬡ᭄ᬦᬧᬋᬓᬦ᭄ᬓᬂᬯᭀᬂ᭞ᬢᬦ᭄ᬓᬯᬃᬡ᭄ᬦᬳᬦᬾᬂᬫᬃᬕ᭄ᬕ᭞ᬯᬸᬲ᭄ᬧ᭄ᬭᬧ᭄ᬢᬵᬳᬶᬗᬸᬤ᭄ᬬᬦ᭞ᬮᬸᬫᭂᬩᭂᬢ᭄ᬲᬂᬭᬚᬲᬸᬦᬸ᭞ᬳᬶᬗᬶᬭᬶᬂᬤᬾᬦᬶᬂᬧᬯᭀᬗᬦ᭄᭟᭜᭟ᬓᬦ᭄ᬥᭂᬕ᭄ᬱᬚᬯᬶᬦᬶᬂᬓᭀ
ᬭᬶ᭞ᬓᬮᬯᬦ᭄ᬲᬩᬢᬸᬃᬭᬶᬭᬵ᭞ᬳᬶᬓᬂᬳᬗᬶᬭᬶᬂᬫᬭᬶᬂᬚ᭄ᬭᭀ᭞ᬲᬶᬭᬦᬶᬳᭂᬫ᭄ᬩᬦ᭄ᬯᬶᬮᬚᬵ᭞ᬲᬧ᭄ᬭᬧ᭄ᬢᬦᬾᬭᬶᬂᬢᬫᬦ᭄᭞ᬬᬢᬲ᭄ᬓᬃᬢᬸᬜ᭄ᬚᬸᬂᬢᬸᬢᬸᬃ᭞ᬢᬶᬦᬶᬗᬮᬦᭀᬭᬦᬦ
᭟᭜᭟ᬚᬶᬦᬫ᭄ᬩᬗᬦ᭄‌ᬕ᭄ᬥᬄᬯᬶᬮᬶᬲ᭄᭞ᬧ᭄ᬭᬲᬫᬳᬶᬘᬮ᭄ᬓᬂᬲ᭄ᬓᬃ᭞ᬳᬾᬃᬕᬸᬮᭀᬕᬫ᭄ᬩᬶᬃᬭᭀᬯᬗᬾ᭞ᬢᬦᭂᬫᬶᬂᬦᬖ᭄ᬕᬧᬸᬱ᭄ᬧᬶᬢ᭞ᬮᬦ᭄ᬲ᭄ᬓᬃᬲᬸᬫᬦᬲᬵ᭞ᬬᬾᬦ᭄ᬤᬶᬦᬸᬮᬸᬍᬯᬶ
ᬳᬬᬸ᭞ᬳᬦ᭄ᬥᬧᬾᬓᬂᬲᬃᬯ᭄ᬯᬲ᭄ᬓᬃ᭚᭜᭚ᬧᬸᬄᬰᬶᬦᬵ᭚᭜᭚ᬬᬢᬲᬂᬭᬚᬧᬶᬦᬸᬢ᭄ᬭ᭞ᬤᬢᬦ᭄ᬱᬓᬾᬘᬳᬮᬶᬗ᭄ᬕᬶᬄ᭞ᬮᬸᬫᬩᭂᬢᬶᬂᬬᬲᬵᬓᭂᬫ᭄ᬩᬂ᭞ [ 8 ][᭗ 7B]
᭗
ᬲᬫ᭄ᬧᬸᬦ᭄ᬢᬸᬫᬗ᭄ᬓᭂᬲ᭄ᬓᬂᬲᬫᬶ᭞ᬲᬫᬃᬓᬂᬳᬦᬾᬚᬯᬶ᭞ᬓᬂᬗᬶᬚ᭄ᬭᭀᬳᬯᬲ᭄ᬳᬦ᭄ᬥᬸᬮᬸ᭞ᬭᬳᬤ᭄ᬬᬦ᭄ᬳᬲᬲᬭᬾᬬᬦ᭄᭞ᬲᬃᬯ᭄ᬯᬶᬬᬫᬶᬘᬭᬾᬗᬢᬶ᭞ᬲᬧᬪᬬᬵ᭞ᬳᬶᬓᬂᬳᬗ᭄ᬭᬸᬲᬵᬓ᭄ᬧᬸᬲ᭄ᬧᬶ
ᬢ᭄ᬣ᭟᭜᭟ᬳᭂᬫ᭄ᬩᬦ᭄ᬯᬶᬮᬚᬵᬦᬾᬂᬚᬩ᭞ᬢᬶᬦᬸᬤᬾᬂᬭᬸᬫᬵᬓ᭄ᬱᬾᬂᬓᭀᬭᬶ᭞ᬮᬯᬦ᭄ᬧ᭄ᬥᭂᬓᬦ᭄ᬱᬤᬬ᭞ᬧ᭄ᬭᬲᬫ᭄ᬬᬳᬦᬦᬶᬂᬚᬯᬶ᭞ᬲᬓᬡ᭄ᬘᬦᬾᬧᬭᬫᬦ᭄ᬢ᭄ᬭᬶ᭞ᬲᬶᬭᬢᬸᬫᭂᬗ᭄ᬕᬸᬂᬢᭀᬄᬩᬯᬸ᭞
ᬧᬸᬦ᭄ᬥᭂᬫᬂᬢᬦ᭄ᬧᬦᬳᬵ᭞ᬮᬯᬦ᭄ᬳᬸᬧᬘᬭᬳᬰ᭄ᬭᬶ᭞ᬲᬩᬢᬸᬭᬾ᭞ᬯᭀᬂᬓᬤᬶᬧᬢᬾᬦᬦ᭄ᬱᬤᬬᬵ᭟᭜᭟ᬳᬸᬲᬧᭂᬦᬶᬓᬗᬸᬫ᭄ᬩᬭᬵ᭞ᬭᬢ᭄ᬦᬵᬳᬬᬸᬳᬋᬗ᭄ᬕᬦᬶᬲ᭄᭞ᬲᬋᬂᬓᬮᬯ
ᬦ᭄ᬫᬭᬸᬢ᭞ᬳᬗᬸᬗ᭄ᬓᬸᬮᬶᬦ᭄ᬢᬫᬦ᭄ᬱᬭᬶ᭞ᬢᬸᬫᬸᬭᬸᬦ᭄ᬲᬂᬮ᭄ᬯᬶᬃᬭᬢᬶᬄ᭞ᬳᬜᬸᬕ᭄ᬢᬸᬕᬶᬢᬫᬦ᭄ᬲᬦ᭄ᬢᬸᬦ᭄᭞ᬓᬕᬾᬢ᭄ᬭᬚᬵᬧᬶᬦᬸᬢ᭄ᬭ᭞ᬫᬺᬩᬸᬓ᭄ᬕᬦ᭄ᬥᬵᬭᬹᬫᬯᬗᬶ᭞ᬧᬦ᭄ᬫᬶᬭᬦ᭄ᬢᬶ᭞ᬧᬺᬦᬳᬾ
[᭘ 8A]
ᬭᬚᬧᬶᬦᬸᬢ᭄ᬭ᭟᭜᭟ᬲᬧ᭄ᬭᬧ᭄ᬢᬦᬶᬭᬳᬶᬂᬢᬫᬦ᭄᭞ᬭᬢ᭄ᬦᬵᬳᬬᬸᬳᬋᬗ᭄ᬕᬦᬶᬲ᭄᭞ᬮᬗ᭄ᬓᬸᬂᬤᬾᬦ᭄ᬬᬓᬯ᭄ᬦᭂᬗᬦ᭄᭞ᬫᬃᬕ᭄ᬕᬦᬾᬲᬸᬫᬩᬾᬂᬭᬶᬓᬶ᭞ᬗᬤᭂᬕ᭄ᬢᭂᬧᬶᬦᬶᬂᬩᬾᬚᬶ᭞ᬯ᭄ᬥᬃᬧᬭᬶᬳᬢᬸᬢ᭄ᬧᬸ
ᬗ᭄ᬓᬸᬃ᭞ᬳᬶᬂᬲᬸᬓᬸᬳᬧᬧᬦ᭄ᬢᬵ᭞ᬳᬃᬬ᭄ᬬᬓ᭄ᬕᬫ᭄ᬩᬶᬃᬫᬮᬢᬶ᭞ᬳᬃᬱᬲᬶᬭᬫ᭄᭞ᬲᬂᬭᬢ᭄ᬦᬵᬳᬲᬮᬶᬦ᭄ᬲᬶᬜ᭄ᬚᬂ᭟᭜᭟ᬲᬯ᭄ᬦᬶᬳᬸᬓᬸᬧᬂᬗ᭄ᬭᬭᬲ᭄᭞ᬧᬢᬼᬲᬦᬾᬲᬂᬤᬾᬯᬶ᭞ᬓᬤ᭄ᬬᬵᬫᬹᬃᬘ᭄ᬘᬵᬓ᭄ᬥᭀᬧ᭄ᬦᬵ᭞
ᬲᬂᬭᬢ᭄ᬦᬵᬳᬫ᭄ᬥᬃᬭᬾᬫᬶ᭞ᬫᬯᬸᬂᬕᬫ᭄ᬩᬶᬃᬫ᭄ᬮᬝᬶ᭞ᬭᬾᬫᬭᬯᬸᬳᬶᬂᬤᭂᬤᭂᬓᬸᬂ᭞ᬮ᭄ᬯᬶᬃᬫᬾᬖ᭄ᬕᬓᬤᬃᬯᬾᬮ᭞ᬲᬂᬤ᭄ᬬᬄᬮᬸᬫᬩᭂᬢᬶᬂᬯᬭᬶᬄ᭞ᬯ᭄ᬢᬶᬲ᭄ᬓᬾᬗᬶᬲ᭄᭞ᬕᬸᬫᭂᬩ᭄ᬬᬃᬓᬤᬶᬧᬭᬤ᭟᭜᭟ᬤᬳ
ᬢ᭄ᬲᬗᬬᬸᬢᬦ᭄ᬯᬶᬓᬦ᭄᭞ᬬᬾᬦ᭄ᬭᬚᬵᬧᬸᬢ᭄ᬭᬳᬗᬶᬦ᭄ᬢᬶᬧ᭄᭞ᬳᬾᬘ᭄ᬮᬤᬾᬦᬶᬭᬳᬲᬶᬭᬫ᭄᭞ᬳᬗ᭄ᬮᬸᬮᬸᬃᬰᬭᬶᬭᬅᬥᬶ᭞ᬓᬤᬶᬓᭂᬜ᭄ᬘᬦᬲᬶᬦᬗ᭄ᬮᬶᬂ᭞ᬰᬭᬶᬭᬦᬶᬭᬵᬲᬗᬬᬸ᭞ᬳᬗᬸᬫ᭄ [ 9 ][᭘ 8B]
᭘
ᬲᬚ᭄ᬭᭀᬦᬶᬂᬢᭀᬬ᭞ᬯᬃᬡ᭄ᬦᬦᬾᬲᬂᬭᬢ᭄ᬦᬵᬤᬾᬯᬶ᭞ᬬᬾᬦ᭄ᬯᬶᬦᬂᬯᬂ᭞ᬓᬤᬶᬯᭀᬂᬤᬢᬦ᭄ᬧᬲᬶᬜ᭄ᬚᬂ᭟᭐ᬬᬢᬲᬂᬭᬚᬧᬶᬦᬸᬢ᭄ᬭ᭞ᬳᬤ᭄ᬫᭂᬦ᭄ᬥᬾᬦᬶᬭᬵᬗᬶᬦ᭄ᬢᬶᬧ᭄᭞ᬢᬶᬗ᭄ᬳᬮᬾᬓᬸᬫ᭄ᬥᬾᬧ᭄ᬓᬘ᭞
ᬭᬳᬤᬾᬦ᭄ᬫᬶᬘᬭᬾᬗᬢᬶ᭞ᬪᬬᬵᬭᬕᬦᬾᬳᬶᬓᬶ᭞ᬳᬶᬓᬂᬗᬫ᭄ᬩᬮᬱ᭄ᬓᬃᬳᬶᬗ᭄ᬲᬸᬦ᭄᭞ᬫᬗ᭄ᬓᭀᬩᬮᬳᬶᬤᬦ᭄ᬬ᭞ᬲᬂᬭᬢ᭄ᬦᬵᬢᬦ᭄ᬱᬄᬤᬾᬦ᭄ᬮᬶᬭᬶᬂ᭞ᬯᬸᬲ᭄ᬓᬕᬶᬯᬂ᭞ᬤᬾᬦᬾᬫᬦᬶᬲᬶᬂ
ᬰᬭᬶᬭᬵ᭟᭐ᬭᬳᬵᬤᬾᬦ᭄ᬫᬶᬘᬭᬾᬂᬦᬮᬵ᭞ᬳᬧᬳᬶᬓᬶᬳᭂᬚᬶᬫ᭄ᬧ᭄ᬭᬶ᭞ᬤᬾᬦᬾᬢᬫ᭄ᬧᬓ᭄ᬯᬯᬬᬗᬦ᭄᭞ᬦᭀᬭᬓᬤ᭄ᬯᬳᬵᬳᬶᬗᬢᬶ᭞ᬬᬾᬦ᭄ᬫᬦᬸᬱ᭄ᬬᬳᬸᬧᬫᬶ᭞ᬳᬶᬗᭂᬦ᭄ᬤᬶᬤᬤᬮᬦ᭄ᬦᬶ
ᬧᬸᬦ᭄᭞ᬧ᭄ᬭᬧ᭄ᬢᬦᬾᬢᬦ᭄ᬧᬲᬗ᭄ᬓᬦ᭄᭞ᬧᬦ᭄ᬮᬯᬂᬫᬓ᭄ᬱᬶᬓᬶᬦᬸᬜ᭄ᬘᬶᬂ᭞ᬢᬶᬦᬸᬗ᭄ᬕᬸᬯᬵ᭞ᬯᭀᬂᬓᬤᬶᬧᬢᬾᬦᬦ᭄ᬲᬤᬬᬵ᭟᭐ᬫᬶᬯᬄᬲᬓ᭄ᬯᬾᬳᬶᬂᬧᬯᭀᬗᬦ᭄᭞ᬧ᭄ᬭᬲᬫ᭄ᬬᬳᬦᬦᬶᬂᬚ
[᭙ 9A]
ᬯᬶ᭞ᬢᬦ᭄ᬥᬦᬾᬤᬸᬤᬸᬫᬦᬸᬱ᭄ᬬ᭞ᬳᬶᬓᬂᬳᬲᬶᬭᬫᬶᬂᬩᬾᬚᬶ᭞ᬮᬯᬲ᭄ᬳᬶᬗ᭄ᬲᬸᬦ᭄ᬳᬉᬭᬶᬧ᭄᭞ᬳᬧᬦ᭄ᬥᬾᬭᬾᬂᬳᬦᬦ᭄ᬫᬸ᭞ᬲᬯᬃᬡ᭄ᬦᬦᬶᬂᬫᬦᬸᬱ᭄ᬬ᭞ᬳᬶᬓᬂᬫᬾᬫ᭄ᬧᭂᬫᬶᬭᬶᬩ᭄ᬫᬶᬭᬶᬩ᭄᭞ᬪᬬᬳᬶ
ᬓᬶ᭞ᬯᬯᬸᬳᬶᬓᬂᬯᬶᬦᬱ᭄ᬝᬦᬦ᭄᭟᭐ᬲᬂᬤᬾᬯᬶᬭᬢᬶᬄᬳᬶᬰ᭄ᬯᬃᬕ᭄ᬕᬦ᭄᭞ᬤᬾᬦᬾᬳᬬᬸᬦᬾᬮᬶᬦᬸᬯᬶᬄ᭞ᬓᬲᭀᬃᬕᬫ᭄ᬩᬃᬯᬯᬗᬸᬦᬦ᭄᭞ᬦᭀᬭᬓᬤᬸᬕᬵᬳᬶᬂᬗᬢᬶ᭞ᬲᬸᬦ᭄ᬯᭂᬢᬭᬳᬶᬂᬗ
ᬢᬶ᭞ᬫᬗ᭄ᬥᬳᬾᬳᬶᬗ᭄ᬓᬦᬦ᭄ᬦᬶᬧᬸᬦ᭄᭞ᬮᬦ᭄ᬫᬮᬶᬄᬯᬶᬦᬱ᭄ᬝᬦᬦ᭄᭞ᬯᭀᬂᬗᬶᬓᬶᬤᬸᬭᬸᬂᬳᬮᬓᬶ᭞ᬧᬦ᭄ᬓᬢᬭ᭞ᬧᭀᬮᬳᬾᬮᬯᬦ᭄ᬱᬭᬶᬭᬵ᭟᭐ᬫᬦᬶᬭᬲᬫ᭄ᬧᬸᬦ᭄ᬓᭂᬭᬲᬵ᭞ᬯᭀᬂ
ᬗᬶᬓᬶᬓᬂᬳᬫᬬᬦᬶᬦ᭄᭞ᬫᬭᬶᬂᬳᬯᬓᬶᬗ᭄ᬲᬸᬦᬸᬕᬵ᭞ᬮᬫᭀᬦ᭄ᬥᬸᬭᬸᬂᬳᬧᬧᬗ᭄ᬕᬶᬄ᭞ᬦᭀᬭᬳᬢᬓᬾᬦ᭄ᬫᬮᬶᬄ᭞ᬧ᭄ᬚᬄᬳᬰᬭᬶᬭᬦᬶᬗ᭄ᬲᬸᬦ᭄᭞ᬬᬤ᭄ᬬᬦ᭄ᬢᬸᬫ᭄ᬓᬾᬂᬧ᭄ᬚᬄ᭞ᬦᭀᬭ [ 10 ][᭙ 9B]
᭙
ᬯᬗ᭄ᬤᬾᬲᬸᬦ᭄ᬮᬫ᭄ᬧᬳᬶᬦ᭄᭞ᬳᬦᬦᭀᬭ᭞ᬢᬦ᭄ᬯᬭᬲ᭄ᬥᬾᬦᬶᬂᬳᬸᬱᬤ᭟᭐ᬲᬫ᭄ᬧᬸᬦ᭄ᬥᬾᬦᬶᬭᬳᬲᬶᬭᬫ᭄᭞ᬭᬢ᭄ᬦᬵᬬᬸᬳᬋᬗ᭄ᬕᬦᬶᬲ᭄᭞ᬲᬓ᭄ᬱᬡ᭄ᬦᬵᬫᭂᬡ᭄ᬝᬲᬶᬂᬤᬭᬢ᭄
᭞ᬳᬲᬮᬶᬦ᭄ᬲᬶᬜ᭄ᬚᬂᬢᬸᬫᬸᬮᬶ᭞ᬲᬶᬜ᭄ᬚᬂᬮᬶᬫᬃᬓᬂᬢᬗᬶ᭞ᬭᬲ᭄ᬧᬢᬶᬳᬓᬵᬃᬬ᭄ᬬᬳᬸᬬᬸᬂ᭞ᬲ᭄ᬫᬸᬲᬫᬤᬭᬦ᭞ᬓᬓᭂᬫ᭄ᬩᭂᬦ᭄ᬚᬶᬗ᭄ᬕᬢᬶᬦᭂᬧᬶ᭞ᬧᬦ᭄ᬱᬶᬦᬯᬸᬃ᭞ᬕᭂᬩ᭄ᬬᬃᬕᭂᬩ᭄ᬬᬃ
ᬓᬤᬶᬧᬭᬤᬵ᭟᭐ᬲᬓ᭄ᬯᬾᬳᬾᬪᬹᬱᬡ᭄ᬦᬦᬶᬭ᭞ᬳᬶᬗᬗ᭄ᬕᬾᬳᬃᬱᬧ᭄ᬭᬶᬩᬤᬶ᭞ᬫᬲ᭄ᬳᬬᬸᬳᬶᬗᬃᬕ᭄ᬕᬧᬸᬭᬵ᭞ᬓᬗᬢᬧᬓ᭄ᬯᭂᬤᬃᬧᬭᬶ᭞ᬳᬃᬬ᭄ᬬᬓ᭄ᬕᬫ᭄ᬩᬶᬃᬫᬮᬝᬶ᭞ᬳᬧᬗ
ᬯᬓ᭄ᬭᬸᬓ᭄ᬫᬶᬲᬦ᭄ᬢᬸᬦ᭄᭞ᬳᬲᭂᬗ᭄ᬓᬂᬦᬢᬩ᭄ᬭᬗ᭄ᬝᬵ᭞ᬳᬧᬦᬸᬗ᭄ᬓᬸᬮ᭄ᬯᬶᬦ᭄ᬢᭂᬦ᭄ᬳᬥᬶ᭞ᬕᬦ᭄ᬥᬦ᭄ᬬᬳᬭᬹᬫ᭄᭞ᬯᬗᬶᬦᬾᬢᬦ᭄ᬧᬕᭀᬦ᭄ᬥᬦ᭄᭟᭐ᬲᬂᬭᬢ᭄ᬦᬵᬬᬸᬮᬸᬫᬫ᭄ᬧᬄ᭞ᬕ
[᭑᭐ 10A]
ᬦ᭄ᬥ᭄ᬭᬸᬂᬕᬦ᭄ᬥ᭄ᬭᬸᬂᬳᬗᬾᬤᬦᬶᬦ᭄᭞ᬲᬶᬜ᭄ᬚᬗᬾᬕᬺᬩᭀᬂᬓᬧ᭄ᬮᬓ᭄᭞ᬩᬸᬦ᭄ᬢᬭᬾᬲᬶᬜ᭄ᬚᬂᬓᬯᬶᬗ᭄ᬓᬶᬂ᭞ᬮᬭᬲ᭄ᬳᬦᬫ᭄ᬧᬓ᭄ᬱᬶᬢᬶ᭞ᬲᬬᬦ᭄ᬳᬗᬶᬫ᭄ᬩᬸᬳᬶᬳᬬᬸ᭞ᬳᬲ᭄ᬢᬵᬳᬗᬗ᭄ᬓᬢ᭄ᬲᬶ
ᬜ᭄ᬚᬂ᭞ᬮᬾᬮᬾᬯᬦᬾᬜᬸᬗ᭄ᬓᬭᬗᬶᬦ᭄᭞ᬢ᭄ᬓᬧᬦ᭄ᬢᭂᬲ᭄᭞ᬯᭀᬂᬓᬤᬸᬓ᭄ᬭᬕᬓᬭᬡᬵ᭟᭐ᬳᬃᬱᬳᬫᬸᬦ᭄ᬤᬸᬢ᭄ᬱ᭄ᬓᬃ᭞ᬭᬢ᭄ᬦᬵᬬᬸᬳᬋᬗ᭄ᬕᬦᬶᬲ᭄᭞ᬧᬦ᭄ᬲᬫᬶᬳᬦ᭄ᬥᬧᬂᬗ᭄ᬮᬬᬓ᭄
᭞ᬲᬓ᭄ᬯᬾᬳᬾᬧᬸᬱ᭄ᬧᬶᬢᬲᬭᬶ᭞ᬓᭂᬮᬗᭂᬦᬦ᭄ᬮᬶᬦᬸᬯᬶᬄ᭞ᬧᬸᬱ᭄ᬧᬫ᭄ᬓᬃᬢᬸᬜ᭄ᬚᬸᬂᬢᬸᬢᬸᬃ᭞ᬬᬢᬭᬚᬧᬶᬦᬸᬢ᭄ᬭ᭞ᬲᬧᭀᬮᬳᬾᬦᬶᬳᬋᬗ᭄ᬕᬦᬶᬲ᭄᭞ᬢᬶᬦᬶᬗᬮᬦ᭄᭞ᬤᬾᬦᬾ
ᬭᬤᬾᬦ᭄ᬋᬢ᭄ᬫᬵᬚᬵ᭟᭐ᬭᬳᬤᬾᬦ᭄ᬫᬶᬘᬭᬾᬂᬦᬮᬵ᭞ᬳᬧᬢᬪᬬᬧᬸᬦᬶᬓᬶ᭞ᬳᬶᬓᬂᬗ᭄ᬭᬸᬲᬵᬓ᭄ᬧᬸᬱ᭄ᬧᬶᬢ᭞ᬫᬗ᭄ᬓᬾᬢᬲᬶᬭᬩᬮᬳᬶ᭞ᬬᬢᬤᬾᬯᬶᬋᬗ᭄ᬕᬦᬶᬲ᭄᭞ [ 11 ][᭑᭐ 10B]
᭑᭐
ᬤᬸᬓᬫᭂᬦ᭄ᬢᬶᬓ᭄ᬢᬸᬜ᭄ᬚᬸᬂᬢᬸᬢᬸᬃ᭞ᬬᬢᬭᬚᬵᬧᬶᬦᬸᬢ᭄ᬭ᭞ᬗᬦ᭄ᬤᬶᬓᬵᬲᬃᬯ᭄ᬯᬶᬦᬸᬤᬶᬗᬶᬦ᭄‌᭞ᬜᬢᬳᬶᬓᬶ᭞ᬳᬗ᭄ᬭᬸᬲᬵᬓ᭄ᬳᬶᬓᬂᬧᬸᬱ᭄ᬧᬶᬢ᭟᭐ᬓᬸᬫᭂᬜᬸᬢ᭄ᬓᬸᬲᬸᬫᬵᬂᬭᬭᬵ᭞ᬓ᭄ᬮᬗ᭄ᬓᬸᬂᬓᬕᬾ
ᬢᬶᬗᬢᬶ᭞ᬧᬸᬦ᭄ᬲᬋᬂᬯᬯᬸᬢᬸᬫᬶᬗ᭄ᬳᬮ᭄᭞ᬮ᭄ᬯᬶᬃᬓᬶᬮᬢ᭄‌ᬫ᭄ᬩᬭᬸᬂᬮᬦ᭄ᬢᬝᬶᬢ᭄᭞ᬲᬂᬤ᭄ᬬᬄᬫᬶᬘᬭᬾᬂᬗᬢᬶ᭞ᬪᬬᬳᬶᬓᬶᬭᬕᬦ᭄ᬦᬶᬧᬸᬦ᭄᭞ᬳᬶᬓᬂᬳᬦ᭄ᬤᬺᬩᬾᬢᬫᬦ᭄᭞ᬢᬸᬳᬸᬮ
ᬫᬵᬦᬧ᭄ᬓᬶᬓ᭄᭞ᬫᬶᬤᭂᬭᬶᬂᬭᬢ᭄᭞ᬩᬕᬸᬲᬾᬢᬦ᭄ᬧᬢᬦ᭄ᬤᬶᬗᬦ᭄᭟᭐ᬩᭂᬦᭂᬃᬳᬦ᭄ᬤᬶᬓᬦᬶᬂᬭᬫ᭞ᬲᬉᬚᬭᬾᬦᭀᬭᬲᬶᬲᬶᬧ᭄᭞ᬧᬭᬦ᭄ᬢᬧᭀᬮᬳᬦᬶᬭᬵ᭞ᬢᬦ᭄ᬯᬗ᭄ᬤᬾᬫᬗ᭄ᬕᬶᬄᬩ
ᬮᬳᬶ᭞ᬲᬸᬦ᭄ᬯᬢᬭᬳᬶᬗᬢᬶ᭞ᬲᬗᭂᬢ᭄ᬥᬸᬓᬵᬦᬾᬯᭀᬂᬗᬕᬸᬂ᭞ᬳᬗᬶᬂᬓᬶᬦᬧᬵᬓ᭄ᬦᬵ᭞ᬧᬢᬓᬵᬦᬾᬳᬯᬓ᭄ᬫᬫᬶ᭞ᬯᬸᬲ᭄ᬧᬶᬦᬲ᭄ᬢᬶ᭞ᬧᬭᬦ᭄ᬳᭂᬗ᭄ᬕᬾᬦᬾᬲᬸᬫᬶᬗ᭄ᬕᬄ᭟᭐ᬓᬬ
[᭑᭑ 11A]
ᬳᬗᭂᬦ᭄ᬢᬓᬶᬂᬩᭀᬜ᭄ᬘᬄ᭞ᬲᬶᬤ᭄ᬓᬄᬗᬕᬾᬢᬕᬾᬢᬶᬦ᭄᭞ᬤᬸᬫᬾᬄᬗᬦ᭄ᬥᭂᬮᬓᭂᬦ᭄ᬧᬸᬢ᭄ᬭ᭞ᬮᬶᬦ᭄ᬢᬂᬓᬸᬫ᭄ᬜᬸᬢ᭄ᬓᬂᬗᬢᬶ᭞ᬳᬗ᭄ᬮᬶᬂᬲᬃᬯ᭄ᬯᬶᬦᬸᬤᬶᬗᬶᬦ᭄᭞ᬲᬸᬫᬗ᭄ᬓᬾᬬᬯᭀᬂᬩᬶᬩᬶᬦᬕᬸ
ᬲ᭄᭞ᬬᬢᬭᬚᬵᬧᬶᬦᬸᬢ᭄ᬭ᭞ᬗᬦ᭄ᬤᬶᬓᬵᬯᬘᬦᬫᬦᬶᬲ᭄᭞ᬢᬫ᭄ᬩᭂᬢ᭄ᬳᬶᬗ᭄ᬲᬸᬦ᭄᭞ᬯᭀᬂᬗᬬᬸᬫᬭᬶᬳᬶᬲᬶᬭ᭟᭐ᬮᬄᬳᬶᬗᭂᬦ᭄ᬤᬶᬯᬶᬰ᭄ᬫᬦᬶᬭ᭞ᬫᬧᬓᬂᬲᬶᬦᬫ᭄ᬩᬢᬶᬂᬲᬶᬄ᭞ᬲ
ᬧᬓᬂᬳᬦ᭄ᬤᬺᬩᬾᬧᬸᬢ᭄ᬭ᭞ᬓᬂᬢᬶᬦᬤ᭄ᬬᬫᬢᬸᬃᬭᬭᬶᬲ᭄᭞ᬮᬄᬳᬶᬗ᭄ᬕᬶᬄᬲᬗᬧ᭄ᬓᬶᬓ᭄᭞ᬓᬯᬸᬮᬵᬢᬶᬢ᭄ᬬᬂᬯᭀᬂᬤᬸᬲᬸᬦ᭄᭞ᬉᬓᬶᬃᬭᬶᬂᬳᬃᬕ᭄ᬕᬧᬸᬭᬵ᭞ᬳᬯᬲ᭄ᬢᬵᬭᬭᬋᬗ᭄ᬕᬦᬶᬲ᭄᭞
ᬤᬢᬦ᭄ᬯᭂᬦ᭄ᬢᭂᬦ᭄᭞ᬳᬗᬓᬾᬦ᭄ᬥᬢᭂᬂᬓᬯᬸᬮᬵ᭟᭐ᬓᬯᬸᬮᬮᬸᬫᭂᬩᬾᬂᬉᬤ᭄ᬬᬦ᭞ᬓᬃᬱᬓᬯᬸᬮᬧ᭄ᬭᬶᬩᬤᬶ᭞ᬳᬗᬫ᭄ᬩᬶᬮ᭄ᬓᬕᬸᬗᬦ᭄ᬲ᭄ᬓᬃ᭞ᬓᬃᬱᬓᬯᬸᬮᬧ᭄ᬭᬶᬩᬤᬶ᭞ᬳᬮᬄᬢᬓᬤᭀ [ 12 ][᭑᭑ 11B]
᭑᭒
ᬲ᭄ᬧᬸᬦ᭄ᬤᬶ᭞ᬭᬚᬵᬧᬶᬦᬸᬢ᭄ᬭᬳᬫᬸᬯᬸᬲ᭄᭞ᬓᬍᬩᭂᬢᬶᬂᬮᬭᬗᬦ᭄᭞ᬲᬶᬭᬓᭂᬦᬵᬳᬸᬓᬸᬫ᭄ᬧᬢᬶ᭞ᬬᬢᬫᬾᬲᭂᬫ᭄᭞ᬓᬸᬲᬸᬫᬵᬳᬶᬂᬗᬃᬖ᭄ᬕᬧᬸᬭᬵ᭟᭐ᬭᬳᬤᬾᬦ᭄ᬳᬃᬬ᭄ᬬᬋᬧᬢ᭄ᬫᬵᬚ᭞
ᬓᬾᬲᭂᬫᬦ᭄ᬤᬾᬦᬶᬂᬲᬂᬤᬾᬯᬶ᭞ᬮ᭄ᬯᬶᬃᬧ᭄ᬚᬳᬵᬲᭂᬗ᭄ᬓᬮᬵ᭞ᬓᬫᬦᬶᬲᬦᬶᬂᬧᬗ᭄ᬮᬶᬭᬶᬂ᭞ᬭᬳᬵᬤᬾᬦ᭄ᬫᬶᬘᬭᬾᬂᬗᬢᬶ᭞ᬯᭀᬗᬶᬓᬶᬓ᭄ᬮᬫᭀᬦ᭄ᬫᬦ᭄ᬢᬸᬓ᭄᭞ᬧᬲ᭄ᬢᬶᬲᬸᬦ᭄ᬓᬭᬶᬧ᭄ᬚᬄ᭞ᬳᬸᬫᬢᬸᬃᬤᬾᬯᬶᬋ
ᬗ᭄ᬕᬦᬶᬲ᭄᭞ᬓᭂᬲᬗᭂᬢᬦ᭄᭞ᬳᬸᬧᬫᬶᬢᬸᬫ᭄ᬓᬾᬂᬧᭂᬚᬄ᭟᭐ᬓᬯᬸᬮᬓᭂᬦᬾᬂᬓᬯᬶᬲ᭄ᬬᬦ᭄᭞ᬬᬓ᭄ᬢᬶᬲᬗᬧ᭄ᬓᬶᬓ᭄᭞ᬓᬯᬸᬮᬵᬳᬦᭂᬤ᭄ᬥᬳᬫ᭄ᬧᬸᬭ᭞ᬦ᭄ᬤᬢᬦ᭄ᬧᬸᬭᬸᬦ᭄ᬫᬮᬶᬄᬫᬮᬶᬄ
᭞ᬧᬦ᭄ᬨᬮᬫᬺᬢ᭄ᬢᬳᬤᬶ᭞ᬲᬫ᭄ᬧᬸᬦ᭄ᬤᬺᬩᬾᬦᬾᬂᬯᭀᬂᬗᬕᬸᬂ᭞ᬫᬦᬯᬶᬢᬳᬶᬂᬩᬾᬜ᭄ᬚᬂ᭞ᬓᬯᬸᬮᬲᬕᭂᬤ᭄ᬫᬗ᭄ᬲᬸᬮᬶᬦ᭄᭞ᬓᬧ᭄ᬦᭂᬤᬦ᭄᭞ᬲᬶᬄᬨᬮᬫᬺᬢ᭄ᬢᬳᬦ᭄ᬤᬶᬓᬵ᭟᭐ᬳᬫᬸᬗ᭄ᬲᬶᬭᬶ
[᭑᭒ 12A]
ᬓᬾᬓᬯᬸᬮ᭞ᬧᬸᬦᬶᬓᬶᬢᬶᬢ᭄ᬬᬂᬉᬓᬶᬃ᭞ᬳᬓ᭄ᬥᭂᬄᬲᬶᬦᬭᬸᬩ᭄ᬬ᭞ᬦᭂᬤ᭄ᬥᬵᬲᬶᬳᬶᬂᬯᭀᬗᬫᬸᬓ᭄ᬢᬶ᭞ᬤᬾᬦᬾᬯᭀᬂᬤᬾᬰᬓᬫᬶ᭞ᬲᬸᬫᬥ᭄ᬬᬳᬗᬯᬸᬳᬯᬸ᭞ᬳᬶᬓᬓᬤᭀᬲ᭄ᬓᬯᬸᬮ᭞ᬧᬸᬦᬶᬓᬫᬦᬯᬶ
ᬲᬸᬤᬶ᭞ᬳᬓᬓᬭᬸᬄ᭞ᬤᬸᬫᬢᭂᬂᬓ᭄ᬬᬳᬶᬩᬧᬵ᭟᭐ᬭᬳᬤᬾᬦ᭄ᬳᬃᬬ᭄ᬬᬋᬧᬢ᭄ᬫᬵᬚ᭞ᬍᬂᬍᬂᬤᬾᬦᬶᬭᬵᬦᬶᬗᬮᬶᬦ᭄᭞ᬢᬦ᭄ᬧ᭄ᬕᬢ᭄ᬲᬫ᭄ᬩᬶᬮᬶᬂᬦᬮᬵ᭞ᬭᬚᬧᬸᬢ᭄ᬭᬳᬗ᭄ᬮᬶᬂᬳᬭᬶᬲ᭄᭞ᬧᬸᬦᬧᬢ᭄ᬫᭂᬦ᭄ᬳᬸᬕᬶ᭞
ᬳᬃᬱᬳᬗᬗ᭄ᬓᭂᬦ᭄ᬓᬓᬭᬸᬄ᭞ᬮᬯᬦ᭄ᬫᬦᬶᬭᬦᬶᬱ᭄ᬝ᭞ᬳᬸᬫᬢᬸᬃᬤᬾᬯᬶᬋᬗ᭄ᬕᬦᬶᬲ᭄᭞ᬮᬳᬶᬃᬩᬢᬶᬮ᭄᭞ᬯᭀᬂᬩᬕᬸᬲ᭄ᬳᬢᬸᬃᬓᬯᬸᬮ᭟᭐ᬳᬗ᭄ᬮᬶᬂᬭᬚᬧᬶᬦᬸᬢ᭄ᬭ᭞ᬫᬭᬶᬂᬲᬶᬭᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬳ
ᬗᬶᬂᬓᬂᬓᬯᬸᬮᬢᭂᬤ᭄ᬥᬵ᭞ᬲᬶᬭᬲᬶᬫ᭄ᬧᬂᬗᬲᬯ᭄ᬗᬶ᭞ᬲᬂᬤᬾᬯᬶᬫᬓ᭄ᬱᬶᬄᬳᬫᬶᬢ᭄᭞ᬳᬶᬂᬩᬾᬜ᭄ᬚᬂᬓᬯᬸᬮᬫᬗ᭄ᬲᬸᬮ᭄᭞ᬬᬢᬭᬚᬧᬶᬦᬸᬢ᭄ᬭ᭞ᬲᬂᬭᬢ᭄ᬦᬵᬤᬾᬦ᭄ᬧᬋᬓ᭄ᬧᭂᬓᬶᬓ᭄᭞ᬲᬂ [ 13 ][᭑᭒ 12B]
᭑᭒
ᬤ᭄ᬬᬄᬳᬗ᭄ᬮᬶᬂ᭞ᬳᬾᬄᬩᬩᭀᬃᬳᬃᬱᬧᬸᬦᬧ᭟᭐ᬤᬾᬦᬾᬓᬤᬬᬤᬬᬳ᭞ᬕᬼᬫᬤᬾᬦ᭄ᬧᬋᬧᭂᬓᬶᬦ᭄᭞ᬭᬳᬤᬾᬦ᭄ᬳᬜᬦ᭄ᬤᬓ᭄ᬳᬲ᭄ᬢᬵ᭞ᬓᬸᬲᬸᬫᬵᬬᬸᬳᬗᬶᬗ᭄ᬕᬢᬶ᭞ᬭᬳᬤᬾ
ᬦ᭄ᬳᬜᬦ᭄ᬥᬓ᭄ᬫᬮᬶᬄ᭞ᬤᬾᬯᬶᬋᬗ᭄ᬕᬦᬶᬲ᭄ᬳᬸᬫᬫ᭄ᬩᬸᬃ᭞ᬫᬼᬲᬢᬶᬂᬗᬯᬂᬳᬯᬂ᭞ᬭᬳᬤᬾᬦ᭄ᬢᬶᬩᬵᬢᬦᬾᬮᬶᬂ᭞ᬳᬧᬦᬤᬗᬸ᭞ᬭᬚᬧᬸᬢ᭄ᬭᬓᬦ᭄ᬢᬓᬵ᭟᭐ᬲᬫ᭄ᬧᬸᬦᬾᬢᬶᬕᬂᬧᬦ᭄ᬥᬸᬭᬦ᭄᭞
ᬭᬚᬵᬧᬸᬢ᭄ᬭᬳᬗ᭄ᬮᬶᬮᬶᬃ᭞ᬳᬘ᭄ᬗᭂᬂᬓᬭᬶᬳᬗ᭄ᬕᬦ᭄ᬬ᭞ᬭᬤᬾᬦ᭄ᬳᬕᭂᬦ᭄ᬢᬸᬦ᭄ᬓᬧᬢᬶ᭞ᬳᬫᬸᬂᬤᬾᬯᬶᬋᬗ᭄ᬕᬦᬶᬲ᭄᭞ᬓᬂᬤᬤᬶᬧᬭᬦᬶᬂᬦ᭄ᬤᬸᬮᬸ᭞ᬢᬦ᭄ᬲᬄᬢᬶᬦ᭄ᬗᭂᬢ᭄ᬗᭂ᭞ᬓᬂᬢᭂᬦ᭄ᬗᭂᬦᬶᬫ᭄ᬩᭀᬓ᭄ᬳᬦᬶᬲ᭄᭞
ᬬᬢᬓᬸᬦ᭄ᬤᬸᬃ᭞ᬮᬸᬫᬩᭂᬢᬶᬂᬬᬰᬓᭂᬫ᭄ᬩᬂ᭟᭐ᬭᬳᬤᬾᬦ᭄ᬮᬚᬸᬳᬦᬶᬤ᭄ᬭ᭞ᬳᬗ᭄ᬳᬶᬂᬲᬂᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬳᬶᬗᬚᬧ᭄ᬳᬚᬧᬶᬂᬢᬯᬂ᭞ᬳᬤᬸᬄᬳᬭᬶᬦᬶᬗ᭄ᬲᬸᬦ᭄ᬕᬸᬲ᭄ᬢᬶ᭞ᬢᭀᬮᬶᬳᭂᬦᬶ
[᭑᭓ 13A]
ᬗ᭄ᬲᬸᬦ᭄ᬬᬢᬶ᭞ᬳᬲᬗᭂᬢ᭄‌ᬩ᭄ᬭᬗ᭄ᬝᬉᬮᬗᬸᬦ᭄᭞ᬫᬲᬬᬸᬫᬭᬶᬂᬲᬶᬭ᭞ᬓᬦ᭄ᬤᬕᬳᬸᬍᬲ᭄ᬧᬜ᭄ᬚᬮᬶᬦ᭄᭞ᬓᬲᬧᬸᬢᬦ᭄᭞ᬤᬾᬦᬶᬂᬲᬸᬦ᭄ᬥᭂᬫᭂᬦᬶᬂᬲᬶᬭᬵ᭚᭐᭚ᬕᬍᬧᬸᬂᬧᬶᬦᬾᬂᬯᬤᬦ᭞ᬲᬸ
ᬲᬸᬮᬸᬗ᭄ᬓᬂᬫ᭄ᬥᬮ᭄ᬳᬶᬜ᭄ᬚᬶᬂ᭞ᬲᬸᬫᬮᬶᬫᭀᬂᬲᬮᬶᬫ᭄ᬧᬸᬭᬵ᭞ᬮᬫᬸᬦ᭄ᬤᬸᬭᬸᬂᬗᬮᬶᬄᬭᭀᬗ᭄ᬱᬶᬄ᭞ᬯᬶᬮᬢᬸᬂᬳᬫᬭᬧᬶᬢ᭄᭞ᬓᬸᬢᬂᬢᬶᬗ᭄ᬳᬮ᭄ᬚᬶᬯᬦᬶᬗ᭄ᬲᬸᬦ᭄᭞ᬢᭀᬬᬩᬾᬃᬤᬶᬦᬵᬯᬸᬳᬦ᭄᭞ᬧ᭄ᬓᭂᬦᬕᭃ
ᬭᬶᬂᬪᬢᬯᬶ᭞ᬢᬗ᭄ᬕᬸᬂᬢᬗ᭄ᬕᬸᬂ᭞ᬓᬢ᭄ᬫᬸᬲᬧᬮᬾᬭᬾᬤᬦ᭄᭟᭐ᬓᬭᬂᬚᬚᬦᬶᬂᬯᬦᭀᬤ᭄ᬬ᭞ᬲᬸᬲᬸᬦᬦ᭄ᬓᬸᬦᬶᬫᬲ᭄ᬕᬸᬲ᭄ᬢᬶ᭞ᬲᬭᬶᬭᬢᬶᬮᬃᬦᬕᬭ᭞ᬫᬶᬮᬦᬾᬲᬸᬲᬄᬓᬗᬢᬶ᭞ᬩᬢᭀᬃᬩᬶ
ᬜ᭄ᬚᭀᬦᬶᬫᬲ᭄ᬕᬸᬲ᭄ᬢᬶ᭞ᬧᬭᬦᬶᬓᬂᬳᬲᬸᬂᬍᬗᬸ᭞ᬫᬗᬾᬭᬦ᭄ᬥᭀᬤᭀᬮ᭄ᬕᬸᬮᬵ᭞ᬲᬸᬲᬸᬫ᭄ᬩᬭᬾᬯᭀᬂᬗᬓᬺᬤᬶ᭞ᬳᬄᬮᬓ᭄ᬬ᭞ᬳᬚᬮᬮᬶᬋᬧᬢ᭄ᬫᬵᬚᬵ᭟᭐ᬤᬸᬄᬢᬶᬗ᭄ᬳᬮᬦ [ 14 ][᭑᭓ 13B]
᭑᭓
ᬧᬗᬾᬭᬦ᭄᭞ᬧᭀᬮᬳᬾᬓᬤᭀᬳᬦ᭄ᬓᬶᬗ᭄ᬓᬶᬂ᭞ᬩ᭄ᬮᭀᬂᬳᬕᭃᬂᬓᬢᬶᬋᬫᬦ᭄᭞ᬲᬸᬦ᭄ᬮᬮᬶᬮᬶᬮᬢᬦ᭄ᬮᬮᬶ᭞ᬢᬦ᭄ᬲᬄᬕᬸᬫᬦ᭄ᬢᬸᬗᬶᬂᬳᬢᬶ᭞ᬯᬃᬡ᭄ᬦᬦᬶᬭᬯᭀᬗᬶᬂᬕᬸ
ᬦᬸᬂ᭞ᬪᬬᬲᬶᬭᬧᬗᬾᬭᬦ᭄᭞ᬧᬶᬢᬸᬭᬸᬦᬶᬂᬯᬶᬥ᭄ᬬᬤᬭᬶ᭞ᬪᬬᬲᬶᬭ᭞ᬫᬸᬲ᭄ᬢᬶᬓᬦᬶᬂᬳᬮᬫ᭄‌ᬥᬸᬦ᭄ᬬ᭟᭐ᬫᬲ᭄ᬮᬸᬭᬸᬩ᭄ᬢᬸᬫ᭄ᬭᬧᬶᬂᬕᭀᬜ᭄ᬚ᭞ᬧ᭄ᬓᭂᬦ᭄ᬳᬮᬶᬢ᭄ᬫᭂᬕᬢ᭄ᬫᬃᬕ᭄ᬕᬶ᭞ᬧᬧ
ᬢᬳᬾᬳᬶᬗ᭄ᬲᬸᬦ᭄ᬥᬾᬯᬵ᭞ᬯᬗ᭄ᬤᬾᬚᬸᬫ᭄ᬦᭂᬂᬪᬸᬧᬢᬶ᭞ᬧᬸᬱ᭄ᬧᬘ᭄ᬫᭂᬗᬶᬂᬢ᭄ᬕᬶᬮ᭄᭞ᬬᬦ᭄ᬢᬦ᭄ᬢᬸᬮᬸᬲᬶᬄᬲᬗᬬᬸ᭞ᬭᭀᬦᬶᬂᬧᬓ᭄ᬱᬶᬧᬺᬘᬶᬫᬦ᭄᭞ᬤᬯᬸᬦ᭄ᬧᬶᬲᬂᬍᬲᭂᬳᬶᬂᬯ᭄ᬯᬶᬢ᭄᭞ᬮ
ᬭᬵᬲ᭄ᬫᬭ᭞ᬢᬦ᭄ᬯᬭᬲ᭄ᬥᬾᬦᬶᬂᬉᬱᬤ᭄ᬥ᭟᭐ᬲᬸᬦ᭄‌ᬚᬦ᭄ᬫᬓᬶᬦᬾᬦ᭄ᬋᬋᬕ᭞ᬓᬂᬓᬶᬦᬵᬃᬬ᭄ᬬᬳᬫᬦ᭄ᬢᬸᬓᬶᬦ᭄᭞ᬧᬲ᭄ᬢᬶᬦᬾᬲᬫᬬᬦᬶᬭ᭞ᬬᬬᬶᬓᬯᬸᬮᬗᬦ᭄ᬢᬾᬦᬶᬦ᭄᭞
[᭑᭔ 14A]
ᬲᬮᬓᬵᬩᬂᬋᬋᬕᬶ᭞ᬯ᭄ᬬᬓ᭄ᬢᬶᬗ᭄ᬫᬲᬶᬦ᭄ᬳᬯᬓᬶᬗ᭄ᬲᬸᬦ᭄᭞ᬬᬦ᭄ᬲᬶᬭᬢᬦ᭄ᬯᬗ᭄ᬲᬸᬮ᭞ᬢᬾᬢᬾᬲ᭄ᬳᬶᬩᬸᬯᭀᬂᬗᬫᬸᬓ᭄ᬢᬶ᭞ᬧᭀᬫᬧᭀᬫ᭞ᬬᬾᬦ᭄ᬥᭂᬫᭂᬦ᭄ᬳᬚᬵᬓ᭄ᬢᬭ᭟᭐ᬲᬩᬭᬶ
ᬮᬾᬂᬲᬩᬾᬂᬢᭀᬬ᭞ᬳᬚᬲᬶᬭᬩᬶᬩᬶᬲᬦᬶ᭞ᬯᭀᬂᬳᬲᬶᬄᬓᬶᬦᬾᬦ᭄ᬮᬮ᭄ᬬ᭞ᬓᬂᬕ᭄ᬥᬄᬲᬶᬦᬭᬯᬾᬤᬶ᭞ᬲᬧᬘᬾᬤᬳᬶᬂᬚᬜ᭄ᬚᬶ᭞ᬩ᭄ᬮᬾᬄᬳᭀᬭᬋᬫᭂᬓ᭄ᬋᬫ᭄ᬧᬸᬄ᭞ᬧᬗᬾᬭ
ᬦ᭄ᬳᬫᭀᬂᬫᬹᬃᬓ᭄ᬓᬵ᭞ᬓᬂᬢᬲᬶᬓ᭄ᬲᬓᬶᬂᬯ᭄ᬬᬢᬶ᭞ᬳᬯᬸᬯᬸᬳᬦ᭄᭞ᬳᬾᬤᬦᬾᬫᬲᬵᬯᬭᬲ᭟᭐ᬓᬤᬂᬲᬓᬶᬂᬯᬦᭀᬤ᭄ᬬ᭞ᬦᭀᬭᬤᬶᬧᬾᬦᬶᬗ᭄ᬲᬸᬦ᭄ᬬᬬᬶ᭞ᬬᬾᬦ᭄ᬓᬧᬗ᭄ᬕᬶᬄᬮᬯᬦ᭄ᬲᬶ
ᬭ᭞ᬮᬶᬯᬢᬼᬕᬦᬾᬓᬂᬳᬢᬶ᭞ᬪᬬᬢᬦ᭄ᬢᬸᬮᬸᬲ᭄ᬳᬸᬕᬶ᭞ᬯ᭄ᬥᬃᬩᬗ᭄ᬓᬂᬳᬲᬸᬂᬲᬸᬗᬸ᭞ᬓᬸᬭᬂᬢᬫ᭄ᬩᬓᬾᬯᬮ᭞ᬓᬂᬕᭂᬦ᭄ᬤᬶᬲ᭄ᬫᬮᬶᬄᬓᬯᬃᬡ᭄ᬦᬶ᭞ᬓᬂᬲᬸᬦ᭄ᬢᭂᬤ᭞ᬳᬚᬮᬮᬶᬳᬶᬂᬫᬦᬶᬭ᭟᭐ [ 15 ][᭑᭔ 14B]
᭑᭔
ᬍᬕᬦᬾᬳᬢᬶᬓᬯᬸᬮ᭞ᬓᬬᬵᬢᬚᬶᬦᬳᬶᬢ᭄ᬚᬳᬶᬢ᭄᭞ᬳᬗ᭄ᬭᬸᬗᬸᬭᬭᬲᬦᬶᬭ᭞ᬮ᭄ᬯᬶᬃᬯᭀᬂᬗᬕ᭄ᬭᬶᬂᬳᭀᬮᬶᬄᬚᬚᬫ᭄ᬧᬶ᭞ᬫᬓ᭄ᬱᬶᬳᬫᬓ᭄ᬱᬯᬗ᭄ᬓᬶ᭞ᬢᬦ᭄ᬓᬲᬦ᭄ᬤᬂᬮᬭᬦᬶᬗ᭄ᬲᬸᬦ᭄᭞
ᬳᭂᬤᬂᬢᬦ᭄ᬧᬓᬸᬓᬸᬲ᭞ᬮᬶᬯᬢ᭄ᬮᬭᬦᬾᬓᬗ᭄ᬳᬢᬶ᭞ᬩᭂᬦ᭄ᬥᭂᬄᬳᬶᬚᭀ᭞ᬮ᭄ᬯᬶᬄᬮᬭᬦᬾᬓᬲ᭄ᬫᬭᬦ᭄᭟᭐ᬕᭀᬂᬳᬮᬶᬢ᭄ᬧᬦᬂᬢᬂᬬᬸᬤ᭄ᬥ᭞ᬩᬶᬩᬶᬢᬲᬶᬓ᭄‌ᬲᬸᬦ᭄ᬯᬱ᭄ᬝᬦᬶᬦ᭄᭞ᬩᭂᬦ᭄ᬥᬾ
ᬦᬦᬯᭀᬂᬲᬧ᭄ᬭᬚᬵ᭞ᬦᭀᬭᬲᬤ᭄ᬬᬲᬸᬦ᭄ᬳᬸᬦ᭄ᬥᬸᬭᬶᬦ᭄᭞ᬍᬩᬸᬃᬓᬬᬸᬮᬦ᭄ᬳᬧᬶ᭞ᬲᬸᬫᬤ᭄ᬬᬳᬗᬯᬸᬳᬯᬸ᭞ᬓᬂᬗᬭᬦ᭄ᬧᭂᬦ᭄ᬤᭀᬓ᭄ᬯᬃᬡ᭄ᬦ᭞ᬩ᭄ᬮᬸᬗ᭄ᬩᬂᬳᬮᬶᬢ᭄ᬧᬲᬚᬶ᭞ᬲᬳᬸᬫᬸᬭᬾ᭞
ᬦᭀᬭᬗᬦ᭄ᬥᭂᬮᬗᬯᬸᬮᬵ᭟᭐ᬓᬸᬲᬸᬫᬵᬕᬶᬦᬬᬸᬦ᭄ᬢᬸᬦ᭞ᬧᭂᬦ᭄ᬤᭀᬓ᭄ᬘᭂᬗ᭄ᬓᭂᬃᬲᬸᬦ᭄ᬯᬲ᭄ᬢᬦᬶᬦ᭄᭞ᬧᬭᬦ᭄ᬢᬧᭀᬮᬄᬫᬦᬶᬭ᭞ᬳᬤᭀᬳᬾᬮᬦ᭄ᬲᬶᬭᬬᬬᬶ᭞ᬫᬲ᭄ᬫᬶᬭᬄᬧᬶᬢᬶᬓ᭄ᬩᬸ
[᭑᭕ 15A]
ᬜ᭄ᬘᬶᬢ᭄᭞ᬓᬩᬸᬩᬢ᭄ᬧᬤᬭᬬᬦ᭄ᬫᬦᬸᬓ᭄᭞ᬫᬲ᭄ᬳᬬᬸᬓᬮᬓᬮ᭞ᬢᬶᬢᬶᬮᬶᬓ᭄ᬢᬢᭀᬩᬅ᭄ᬳᬲᬶᬄ᭞ᬫ᭄ᬦᬶᬃᬢᬸᬫ᭄ᬧᬄ᭞ᬓᬸᬓᬸᬯᬸᬂᬓᬗᬲ᭄ᬮᬕᬵ᭟᭐ᬳᬧᬶᬓᬸᬤᬸᬳᬶᬗ᭄ᬲᬸᬦ᭄ᬤᬾᬯ᭞
ᬢᬗ᭄ᬓᬶᬮ᭄ᬓᬭᬂᬲᬸᬦ᭄ᬯᬲ᭄ᬢᬦᬶᬦ᭄᭞ᬮᬜ᭄ᬘᬶᬗᬦ᭄ᬫᬸᬗ᭄ᬕ᭄ᬯᬾᬂᬲᬭᬶᬭ᭞ᬬᬦ᭄ᬲᬶᬭᬳᬢᬶᬜ᭄ᬚᭀᬯᬫᬮᬶᬄ᭞ᬲᬸᬦ᭄ᬭᬗ᭄ᬲᬸᬓᬵᬢᬦ᭄ᬓᭂᬦᬶ᭞ᬰᬢᬯᬦᬳᬓᬸᬓᬸᬜ᭄ᬘᬸᬂ᭞ᬤᬶᬫᬾᬦᬾᬳᬶᬗ᭄ᬲᬸᬦ᭄ᬤᬾ
ᬯᬵ᭞ᬲᬸᬦ᭄‌ᬚᬫᬳᬢᬶᬮᬃᬧᬢᬶ᭞ᬲᬧᬶᬭᬳᬾ᭞ᬬᬾᬦᬫᬗ᭄ᬕᬶᬄᬕᬸᬮᬵᬤ᭄ᬭᬯ᭚᭐᭚ᬧᬸᬄᬥᬂᬥᬂ᭚᭐᭚ᬭᬚᬧᬸᬢ᭄ᬭᬢᬸᬫ᭄ᬥᬓ᭄ᬳᬗ᭄ᬭᬶᬭᬶᬲ᭄᭞ᬲᬓᬶᬂᬧᬲᬭᬾᬬᬦ᭄᭞ᬬᬰᬵᬓᭂᬫ᭄ᬩᬂ᭞
ᬧᬸᬧᬸᬍᬂᬍᬂᬤ᭄ᬭᬶᬬᬦᬾ᭞ᬭᬚᬧᬸᬢ᭄ᬭᬳᬮᬸᬗ᭄ᬕᬸᬄ᭞ᬫᬶᬤᭂᬃᬫᬶᬤᭂᬃᬳᬶᬂᬢᬫᬦ᭄ᬲᬭᬶ᭞ᬳᬶᬂᬫᬦᬄᬯᬸᬲ᭄ᬓᬕᬶᬯᬂ᭞ᬲᬫᬦᬄᬯᬸᬲ᭄ᬮᬶᬬᬸᬂ᭞ᬓᬬᬳᬦᬲᬸᬫᬦ᭄ᬤᬶᬗ᭞ᬓᬂᬳᬦᬫ᭞ᬭᬢ᭄ᬦᬵ [ 16 ][᭑᭕ 15B]
᭑᭕
ᬬᬸᬋᬗ᭄ᬕᬦᬶᬲ᭄᭞ᬓᬗᬲᬸᬂᬮᬭᬩ᭄ᬭᬗ᭄ᬝ᭟᭐ᬓᬤᬶᬓᬂᬯᭀᬂᬓ᭄ᬦᬳᬶᬂᬧᬶᬭᬦ᭄ᬢᬶ᭞ᬓᬂᬳᬦᬫ᭞ᬭᬤᬾᬦ᭄ᬋᬧᬢ᭄ᬫᬵᬚ᭞ᬓᬬᬯᭀᬂᬳᬾᬤᬦ᭄ᬕᬶᬦᬯᬾ᭞ᬢᬦ᭄ᬲᬄᬫᭂᬗ᭄ᬕᬄᬫᬶᬋᬗᬸ᭞ᬳᬶᬂ
ᬗᬯ᭄ᬬᬢ᭄ᬥᬾᬧᬸᬦ᭄ᬢᬶᬗᬮᬶᬦ᭄᭞ᬥᬸᬄᬳᬭᬶᬦᬶᬗ᭄ᬲᬸᬦ᭄ᬥᬾᬯᬵ᭞ᬳᭂᬦ᭄ᬤᬶᬧᬭᬦᬶᬗ᭄ᬲᬸᬦ᭄᭞ᬬᬬᬶᬳᬦᬸᬗ᭄ᬲᬸᬮᬶᬂᬲᬶᬭ᭞ᬓ᭄ᬦᬶᬳᬬ᭞ᬲᬶᬭᬬᬬᬶᬳᬋᬗ᭄ᬕᬦᬶᬲ᭄᭞ᬯᬾᬄᬳᬾᬤᬦ᭄ᬓᬭᬸᬭᬸ
ᬗᬦ᭄᭟᭐ᬓᬯᬃᬡ᭄ᬦᬵᬳᬦᬶᬤᬾᬯᬶᬋᬗ᭄ᬕᬦᬶᬲ᭄᭞ᬳᬧᬦᭀᬭ᭞ᬘᬶᬤᬺᬳᬶᬂᬲᬫᬬ᭞ᬲᬋᬂᬮᬦ᭄ᬳᬗᬶᬦ᭄ᬤᬢᭂᬗᬾ᭞ᬕᬦ᭄ᬥᬦᬶᬓᬂᬭᬸᬫᬸᬳᬸᬦ᭄᭞ᬳᬫ᭄ᬭᬶᬓ᭄ᬫᬶᬗᬶᬂᬳᬫᬶᬍᬢ᭄ᬳᬢᬶ᭞ᬓᬕᬾᬢ᭄ᬭᬚᬵᬧᬶᬦᬸᬢ᭄ᬭ᭞ᬫᬦᬳᬾ
ᬯᬸᬲ᭄ᬮᬶᬬᬸᬂ᭞ᬳᬗᬸᬗᬲ᭄ᬳᬜ᭄ᬚᬸᬮᬮᬢ᭞ᬬᬢᬫᬾᬲᭂᬫ᭄᭞ᬭᬢ᭄ᬦᬵᬬᬸᬳᬋᬗ᭄ᬕᬦᬶᬲ᭄᭞ᬢᬸᬫᬶᬗ᭄ᬳᬮ᭄‌ᬫ᭄ᬭᬶᬂᬭᬳᬵᬤ᭄ᬬᬦ᭄᭟᭐ᬲᬥ᭄ᬬᬄᬳᬬᬸᬢᬸᬫ᭄ᬥᬓ᭄ᬳᬶᬂᬲᬶᬢᬶ᭞ᬤᬾᬦ᭄ᬮᬸᬫᬫ᭄ᬧᬄ᭞ᬳᬗᬶᬫ᭄ᬩᬸᬳᬶᬭᬭᬲ᭄᭞
[᭑᭖ 16A]
ᬕᬦ᭄ᬤ᭄ᬭᬸᬂᬕᬦ᭄ᬤ᭄ᬭᬸᬂᬲᬧᭀᬮᬳᬾ᭞ᬳᬲ᭄ᬢᬳᬗ᭄ᬮᬸᬗᬶᬂᬕᬥᬸᬂ᭞ᬢ᭄ᬓᬧᬦ᭄ᬢᭂᬲ᭄ᬳᬗᬯᬾᬓᬶᬗ᭄ᬓᬶᬂ᭞ᬲᬧᭀᬮᬳᬾᬗᬯᬾᬳᬾᬤᬦ᭄᭞ᬬᬢᬲᬶᬭᬢ᭄ᬦᬳᬬᬸ᭞ᬳᬮᬶᬗᬦ᭄ᬲᭀᬭᬶᬂᬳᬗ᭄ᬰᭀᬓ᭞ᬲᬂᬭᬢ᭄ᬦᬵᬳᬬᬸ᭞ᬳᬤ᭄ᬫᬶᬢ᭄ᬤ
ᬢᬦ᭄ᬓᬳᬓ᭄ᬱᬶ᭞ᬤᬾᬦᬶᬂᬯᭀᬂᬲᬚ᭄ᬭᭀᬦᬶᬂᬢᬫᬦ᭄᭟᭐ᬳᬫᬸᬂᬕᬦ᭄ᬥᬯᬯᬸᬳᬗᬶᬩᭂᬓᬶᬦ᭄᭞ᬚ᭄ᬭᭀᬦᬶᬂᬢᬫᬦ᭄᭞ᬲᬶᬦ᭄ᬭᬗᬶᬂᬧᬦᬯ᭞ᬭᬵᬚᬧᬶᬦᬸᬢ᭄ᬭᬤᬦ᭄ᬮᬶᬗᬾ᭞ᬥᬸᬄᬫᬶᬭᬄᬳᬭᬶᬦ᭄ᬦᬶᬗ᭄ᬲᬸᬦ᭄᭞ᬳᬕᬾᬳᬕᬾ
ᬢ᭄ᬓᬳᬾᬂᬭᬶᬓᬶ᭞ᬲᬋᬂᬮᬯᬦ᭄ᬓᬯᬸᬮ᭞ᬯᭀᬂᬗᬬᬸᬯᬾᬄᬳᬸᬬᬸᬂ᭞ᬓᬓᬸᬤᬸᬭᬶᬂᬯᬃᬡ᭄ᬦᬦᬶᬭ᭞ᬲᬂᬭᬢ᭄ᬦᬳᬬᬸ᭞ᬢᬫ᭄ᬩᬦᬦᬮᬭᬓᬶᬗ᭄ᬓᬶᬂ᭞ᬢᬦ᭄ᬓᭂᬦᬮᬶᬦᬶᬧᬸᬭᬵ᭟᭐ᬳᬮᬶᬗᬦ᭄‌ᬯᬺᬓ᭄ᬱᬤᬾᬧᬸᬦ᭄‌ᬯᬸᬮᬢᬶ᭞ᬤᬦ᭄ᬓ
ᬧᬗ᭄ᬕᬶᬄ᭞ᬓᬤᬶᬯᭀᬂᬓᬸᬓᬸᬩᬵ᭞ᬮ᭄ᬯᬶᬃᬕᬸᬮᬤ᭄ᬭᬯᬵᬫᬦᬶᬲᬾ᭞ᬲᬂᬭᬢ᭄ᬦᬵᬬᬸᬕᬸᬫᬸᬬᬸ᭞ᬭᬚᬧᬸᬢ᭄ᬭᬳᬫᬺᬓ᭄ᬧᭂᬓᬶᬓ᭄᭞ᬳᬵᬃᬱᬳᬜᬦ᭄ᬤᬓ᭄ᬳᬲ᭄ᬢᬵ᭞ᬳᬗᬶᬗ᭄ᬕᬢᬦ᭄ᬮᬸᬧᬸᬢ᭄᭞ᬳᬗᬸᬘᬧ᭄ᬭᬚᬧᬶᬦᬸᬢ᭄ᬭ᭞ᬳᬾ [ 17 ][᭑᭖ 16B]
᭑᭖
ᬤᬦ᭄ᬢᭂᬫᭂᬦ᭄᭞ᬧᬶᬦᬋᬓᬦ᭄ᬳᬗᬶᬗ᭄ᬕᬢᬶ᭞ᬩᬾᬦ᭄ᬤᬾᬦᬾᬓᬧᬋᬓ᭄ᬦᬵ᭟᭐ᬳᬦᬯᬸᬭᬶᬦᬶᬤᬾᬯᬶᬋᬗ᭄ᬕᬦᬶᬲ᭄᭞ᬓᬭᬦᬶᬗ᭄ᬲᬸᬦ᭄᭞ᬲᬸᬓᬫᬸᬜ᭄ᬚᬸᬮ᭄ᬧᬶᬲᬦ᭄᭞ᬳᬶᬗ᭄ᬲᬸᬦ᭄ᬯᬸᬲ᭄ᬯ᭄ᬭᬸᬄᬳᬤᬤᬾ᭞ᬬᬦ᭄ᬓᬢ᭄ᬫᬸᬳᬫ᭄ᬩᬸᬭᬸ᭞
ᬓᬬᬤᬸᬤᬸᬢᬺᬳᬶᬂᬪᬸᬧᬢᬶ᭞ᬳᬗᬭᬲ᭄ᬳᬭᬲ᭄ᬢᬓᬾᬯᬮ᭞ᬓᬓᬸᬤᬸᬭᬶᬦᬗ᭄ᬓᬸᬮ᭄᭞ᬳᬵᬃᬱᬗᬶᬮᬗᬓᭂᬦ᭄ᬢᬢ᭞ᬲᬂᬥ᭄ᬬᬄᬓᬤᬂ᭞ᬲᬤᬸᬮᬸᬃᬲᬸᬥᬭᬯᬾᬤ᭄ᬥᬶ᭞ᬬᬾᬦ᭄ᬯᬸᬲ᭄ᬧᬥᬤᬶᬯᬰᬵ᭟᭐ᬧᬲ᭄ᬢᬶᬳᬭᬫ᭄ᬉᬚ
ᬭᬾᬯᭀᬂᬲᬦ᭄ᬢᬶ᭞ᬬᬾᬦᬮᬶᬗ᭄ᬕᬶᬄ᭞ᬋᬓᬾᬲᬲᬦ᭄ᬤᬶᬗᬦ᭄᭞ᬮᬦ᭄ᬫᬮᬶᬄᬳᬯᭀᬃᬢᬶᬗ᭄ᬳᬮᬾ᭞ᬇᬲ᭄ᬢ᭄ᬭᬶᬓᬮᬯᬦ᭄ᬓᬓᬸᬂ᭞ᬲᬯᬢᬭᬮᬫᭀᬦ᭄ᬳᬮᬶᬗ᭄ᬕᬶᬄ᭞ᬅᬧᬓᬂᬯᬶᬦᬶᬘᬭ᭞ᬮᬦ᭄ᬳᬧᬧᬜ᭄ᬚᬮᬸ᭞ᬓᬾᬯᬮᬵ
ᬓᬂᬓᬧᬶᬳᬃᬱ᭞ᬢᭂᬩᬄᬳᬶᬧᬸᬦ᭄᭞ᬤᬶᬲᬦᬮᬯᬦ᭄ᬤᬶᬲᬶᬦᬶ᭞ᬩᬳᬾᬅ᭄‌ᬳᬶᬢᬸᬓᬂᬮᬶᬬᬢ᭄᭟᭐ᬲᬯᬢᬭᬓᬾᬮᬫᭀᬦ᭄ᬳᬮᬶᬗ᭄ᬕᬶᬄ᭞ᬗᬥᬸᬩᬢᬸᬓ᭄᭞ᬬᬾᬦ᭄ᬓᬂᬫᬓ᭄ᬱᬶᬄᬢᭂᬩᬄ᭞ᬬᬳᬧᬯᬶᬘ
[᭑᭗ 17A]
ᬭᬦᬾ᭞ᬭᬚᬵᬧᬸᬢ᭄ᬭᬳᬫᬸᬯᬸᬲ᭄᭞ᬳᬚᬲᬶᬭᬓᬤᬸᬕᬢᬫ᭄ᬧᬶ᭞ᬫᬦᬶᬭᬭᬤᬤ᭞ᬳᬜᬸᬦ᭄ᬤᬂᬓᬸᬓᬸᬢᬸᬂ᭞ᬓᬸᬲᬸᬫᬵᬬᬸᬳᬗᬦ᭄ᬤᬶᬓᬵ᭞ᬩ᭄ᬮᬾᬄᬳᭀᬭ᭞ᬓᬮᬸᬭᬸᬗᬦ᭄ᬮᬭᬢᭀᬮᬶᬄ᭞ᬫᬾᬲᭂᬫ᭄ᬭ
ᬤᬾᬦ᭄ᬲᬸᬯᭀᬗ᭄ᬰ᭟᭐ᬲᬫ᭄ᬧᬸᬦ᭄ᬳᭂᬢᬄᬤᬾᬦᬶᬭᬳᬮᬶᬗ᭄ᬕᬶᬄ᭞ᬓᬤᬶᬭᬢᬶᬄ᭞ᬮᬯᬦ᭄ᬳ᭄ᬬᬂᬲ᭄ᬫᬭᬵ᭞ᬭᬚᬵᬧᬶᬦᬸᬢ᭄ᬭᬤᬦ᭄ᬮᬶᬗᬾ᭞ᬥᬸᬄᬫᬶᬭᬄᬳᬭᬶᬦᬶᬗ᭄ᬲᬸᬦ᭄᭞ᬘᬘᬤ᭄ᬳᬶᬭᬳᬫᬸᬂᬲᬯᬶᬚᬶ᭞ᬓᬸᬭᬂᬭᬸᬫᭂᬧᭂᬢ᭄ᬧ
ᬭ᭞ᬯᭀᬗᬓᬸᬲᬤᬸᬮᬸᬃ᭞ᬢ᭄ᬓᬫᬓ᭄ᬱᬶᬄᬳᬾᬯᬳᬾ᭞ᬯᭀᬂᬓᬧᬶᬓᭂᬦ᭄᭞ᬢᬦ᭄ᬓᭂᬦᬬᬾᬦ᭄ᬧᬶᬦᬋᬓᬶᬦ᭄᭞ᬓᬤᬶᬯᭀᬂᬓᬧ᭄ᬭᬬᬂᬬᬂ᭟᭐ᬳᬶᬗ᭄ᬲᬸᬦᬶᬓᬶᬢᬭᬭᬋᬗ᭄ᬕᬦᬶᬲ᭄᭞ᬤᬾᬭᬗᬓᬸ᭞ᬲᬵᬦᬓ
ᬤᬂᬢ᭄ᬯ᭞ᬢ᭄ᬓᬳᬾᬯᬳᬾᬯᬩᬳᬾ᭞ᬲᬧᬸᬮᬸᬢᬲᬧᬸᬮᬸ᭞ᬲᬶᬭᬵᬗᬓᬸᬲᬸᬤᬭᬯᬾᬤ᭄ᬥᬶ᭞ᬯ᭄ᬬᬓ᭄ᬢᬶᬦᬾᬦᭀᬭᬲᬶᬦᬄ᭞ᬚᬢᬶᬦᬶᬂᬲᬤᬸᬮᬸᬃ᭞ᬳᬶᬗ᭄ᬲᬸᬦᬶᬓᬶᬳᬸᬕᬲᬶᬦᬄ᭞ᬬᬾᬦ᭄ᬲᬯᬯᬶ᭞ᬳᬚᬢ [ 18 ][᭑᭗ 17B]
᭑᭗
ᬓᬧᬺᬤᭀᬬᬬᬶ᭞ᬳᬗᬸᬗ᭄ᬲᬶᬭᬓᬺᬫᬳᬵ᭟᭐ᬫᬗ᭄ᬓᬾᬳᭀᬮᬶᬄᬓᬓᬗᬶᬭᬧ᭄ᬭᬶᬩᬤᬶ᭞ᬢᬸᬃᬳᬩᬕᬸᬲ᭄᭞ᬳᬦᭀᬫ᭄ᬯᬶᬘᬓ᭄ᬱᬡ᭞ᬳᬩ᭄ᬘᬶᬓ᭄ᬲᬲᬢᭀᬯᬦᬾ᭞ᬓᬧᬗ᭄ᬕᬶᬄᬚᭀᬤᭀᬦᬶᬧᬸᬦ᭄᭞ᬮ
ᬦᬲᬸᬕᬶᬄᬮᬾᬬᬃᬫᬲ᭄ᬧᬶᬧᬶᬲ᭄᭞ᬧᬸᬦᬧᬳᬶᬗᬦ᭄ᬢᭀᬲᬦ᭄᭞ᬳᬓ᭄ᬭᬫᬯᭀᬗᬬᬸ᭞ᬓᬧᬗ᭄ᬕᬶᬄᬧᬤᬚᬚᬓ᭞ᬲᬂᬤ᭄ᬬᬄᬳᬗ᭄ᬮᬶᬂ᭞ᬓᬂᬭᬓᬤᬾᬦ᭄ᬧᬮᬭᭀᬓᬶᬦ᭄᭞ᬩᭀᬬᬳᬃᬱᬳᬓ᭄ᬭᬫ᭟᭐
ᬦᭀᬭᬓ᭄ᬦᬤᬾᬦ᭄ᬳᬜᬂᬲᬤᬶᬤᬶᬓ᭄᭞ᬦᬭᬶᬫᬳᬵ᭞ᬤᬾᬭᬳᬦᬭᬶᬫ᭞ᬧᬦ᭄ᬤᬤᬶᬳᬲᬦᬓ᭄ᬩᬳᬾ᭞ᬦᭀᬭᬦᬭᬶᬫᬢᬾᬗ᭄ᬲᬸᬦ᭄᭞ᬓᭂᬦ᭄ᬤᭂᬮ᭄‌ᬚᬺᬫ᭄ᬓᬤᬃᬧᬸᬦᬧᬶ᭞ᬯ᭄ᬬᬓ᭄ᬢᬶᬲᬸᬦ᭄ᬳᬫᬶᬢ᭞ᬯᭀᬗ
ᬫᬭᬢ᭄ᬫᬸ᭞ᬳᬗ᭄ᬮᬶᬂᬲᬂᬭᬚᬧᬶᬦᬸᬢ᭄ᬭ᭞ᬓ᭄ᬦᬶᬳᬬ᭞ᬲᬶᬭᬬᬬᬶᬳᬋᬗ᭄ᬕᬦᬶᬲ᭄᭞ᬦᭀᬭᬦᬓ᭄ᬭᬦᬅ᭄ᬳᬮᬄ᭟᭐ᬫᬶᬮᬦᬾᬢ᭄ᬓᬮᬭᬓᬗᬢᬶ᭞ᬬᬾᬦ᭄ᬯᭀᬂᬳᬲᬶᬄ᭞ᬦᭀᬭᬲᬶᬦᬫ᭄ᬩᬤ᭞ᬳᬓᬵᬃᬬ᭄ᬬᬳᭂ
[᭑᭘ 18A]
ᬲᬓ᭄ᬕᬯᬾᬦᬾ᭞ᬲᬶᬭᬤᬫ᭄ᬧᬶᬓ᭄ᬫᬭᬶᬂᬲᬸᬦ᭄᭞ᬮᬄᬘᬘᬤᭂᬦ᭄ᬫᭂᬦᬶᬭᬬᬬᬶ᭞ᬳᬶᬗ᭄ᬲᬸᬦ᭄ᬓᬭᬶᬳᬶᬮᬦᬂ᭞ᬓᬧᬶᬦ᭄ᬤᭀᬦᬾᬩᬕᬸᬲ᭄᭞ᬧᬶᬂᬢᬶᬕᬫᬓ᭄ᬱᬶᬄᬚᬚᬓ᭞ᬓᬧᬶᬂᬧᬢᬾ᭞ᬳᬶᬗ᭄ᬲᬸᬦ᭄ᬧᬸᬢ᭄ᬭ
ᬦᬾᬪᬸᬧᬢᬶ᭞ᬳᬲᬸᬕᬶᬄᬩᬾᬩᬾᬓ᭄ᬳᬬᬫ᭄᭟᭐ᬳᬦᬯᬸᬭᬶᬦᬶᬤᬾᬯᬶᬋᬗ᭄ᬕᬦᬶᬲ᭄᭞ᬦᭀᬭᬳᬶᬤᭂᬧ᭄᭞ᬧᬸᬢ᭄ᬭᬦᬾᬪᬣᬭ᭞ᬦᭀᬭᬳᬫᬤᬦ᭄ᬩᬕᬸᬲᬾ᭞ᬜᬢᬮᬫᭀᬦ᭄ᬧᬶᬦᬸᬜ᭄ᬘᬸᬮᬂ
᭞ᬳᬶᬗ᭄ᬭᬢᬕᬢᬵᬢᬦᬦᬢᬦ᭄ᬥᬶᬂ᭞ᬦᭀᬭᬦᬓᬯᬶᬦᬤ᭞ᬲᬧᬸᬮᬸᬢᬲᬧᬸᬮᬸ᭞ᬧᬭᬦ᭄ᬳᭂᬗ᭄ᬕᬾᬦᬾᬲᬸᬫᬶᬗ᭄ᬕᬄ᭞ᬧᬦ᭄ᬓᬯᬸᬮ᭞ᬤᬳᬢ᭄ᬢᬦ᭄ᬳᬃᬱᬳᬓ᭄ᬭᬫᬶ᭞ᬫᬗ᭄ᬓᬾᬳᬲᬦᬓᬾᬯᬮ᭟᭐
ᬳᬫᬜ᭄ᬚᬶᬗᬓᬤᬂᬲᬸᬤᬭᬯᬾᬤ᭄ᬥᬶ᭞ᬲᬗᬩᬕᬸᬲ᭄᭞ᬲᬦᬓ᭄ᬓᬥᬂᬢ᭄ᬯ᭞ᬧᬦᬮᬫ᭄ᬧᬂᬫᬲᬮᬳᬾ᭞ᬮᬫᭀᬦᬶᬗ᭄ᬲᬸᬦ᭄ᬲᬗᬩᬕᬸᬲ᭄᭞ᬢ᭄ᬫᭂᬦ᭄ᬢᭂᬫᭂᬦ᭄ᬢᬦᬲᬶᬳᬓ᭄ᬭᬫᬶ᭞ᬳᬧᬦ᭄ᬳᬶᬗ᭄ᬕᬶᬄ [ 19 ][᭑᭘ 18B]
᭑᭘
ᬓᬯᬸᬮ᭞ᬯᬯᬸᬓᬗᬲᬗ᭄ᬕᬸᬧ᭄᭞ᬳᬗᬸᬮᬢᬶᬧᬧᬗᬦᬦ᭄᭞ᬓᬂᬧ᭄ᬭᬬᭀᬕᬶ᭞ᬲᬫᬶᬧᬸᬢ᭄ᬭᬦᬾᬪᬸᬧᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬓᬂᬓᬸᬘᬶᬯ᭟᭐ᬫᬗ᭄ᬓᬾᬓᬯᬸᬮᬳᬢᬸᬢᬸᬃᬢᬸᬢᬸᬭᬶᬦ᭄‌᭞ᬳᬗᬶᬂᬳ
ᬦ᭞ᬧ᭄ᬭᬲᬵᬦᬓ᭄ᬓᬯᬸᬮᬵ᭞ᬓᬮᬗ᭄ᬓᬸᬂᬮᬗ᭄ᬓᬸᬂᬳᬲᬶᬳᬾ᭞ᬓᬮᬗ᭄ᬓᬸᬂᬭᬓᭂᬢ᭄ᬳᬶᬗ᭄ᬲᬸᬦ᭄᭞ᬓᬤᬶᬓᬤᬂᬲᬸᬤᬭᬯᬾᬤ᭄ᬥᬶ᭞ᬓᬮᬯᬦ᭄ᬦᬶᬫᬵᬲ᭄ᬓᬤᬃ᭞ᬯᬸᬲ᭄ᬓᬤᬶᬲᬤᬸᬮᬸᬃ᭞ᬧᬦ᭄ᬲᬫ᭄ᬧᬸᬦ᭄᭞ᬲᬳᬾ
ᬓᬵᬧ᭄ᬭᬶᬬᬵ᭞ᬮᬶᬦ᭄ᬢᬂᬳᬲᬶᬄ᭞ᬳᬓᬤᬂᬲᬫᬶᬧᬯᬾᬲ᭄ᬢ᭄ᬭᬶ᭞ᬲᬫᬶᬢᬺᬱ᭄ᬡᬦᬾᬳᬸᬕᬵ᭟᭐ᬳᬓᬓᬲᬶᬄᬤᬾᬯᬶᬓᬤᬃᬫᬡᬶᬓ᭄᭞ᬧᬸᬢ᭄ᬭᬦᬶᬧᬸᬦ᭄᭞ᬲᬂᬦᬣᬾᬂᬫᬸᬓᬤᬫ᭄᭞ᬭᬚᬵᬫᬸᬓᬵᬚᬶᬦᬫ
ᬦᬾ᭞ᬓᬮᬗ᭄ᬓᬸᬂᬢᬺᬱ᭄ᬡᬦᬶᬧᬸᬦ᭄᭞ᬫ᭄ᬭᬶᬂᬓᬯᬸᬮᬦᬶᬓᬤᬃᬫᬡᬶᬓ᭄᭞ᬓᬯᬸᬮᬮᬶᬦ᭄ᬢᬂᬢᬺᬱ᭄ᬡᬵ᭞ᬤᬢᭂᬂᬭᬶᬂᬭᬢ᭄ᬦᬵᬬᬸ᭞ᬧᬘᬸᬓ᭄ᬓᬯᬸᬮᬧᬸᬦᬶᬓᬵ᭞ᬧᬦ᭄ᬓᬯᬸᬮ᭞ᬓᬯᬸᬮᬲᬗ᭄ᬕᬸᬧ᭄ᬦᬗ᭄ᬕᬸᬧᬶᬦ᭄᭞ᬬᬦ᭄
[᭑᭙ 19A]
ᬲᬯᬯᬶᬓᬂᬮᬶᬦᬫᬃ᭟᭐ᬭᬚᬧᬸᬢ᭄ᬭᬫᬗ᭄ᬓᬾᬳᬗ᭄ᬮᬶᬂᬳᬭᬶᬲ᭄᭞ᬓ᭄ᬭᬱᬦᬶᬗ᭄ᬲᬸᬦ᭄᭞ᬬᬾᬦᬨᬮᬓ᭄ᬭᬫᬵ᭞ᬳᬩ᭄ᬘᬶᬓ᭄ᬮᬦ᭄ᬱᬶᬭᬩᬳᬾ᭞ᬦᭀᬭᬦᬓᬸᬘᬶᬯᬲᭂᬫᬸ᭞ᬧᬬᬸᬫᬗ᭄ᬓᬾᬧᬤᬳᬓᬯᬶᬦ᭄᭞
ᬳᬗ᭄ᬮᬶᬂᬓᬸᬲᬸᬫᬵᬂᬭᬭ᭞ᬫᬸᬦ᭄ᬤᬸᬃᬭᬮᬄᬓᬸᬦ᭄ᬤᬸᬃ᭞ᬓᭀᬘᬧᬓᬯᭀᬗᬦ᭄ᬫᬘᬦ᭄᭞ᬲᬓᬧᬋᬓ᭄᭞ᬢ᭄ᬓᬕᬶᬕᬶᬭᬶᬲᬶᬗᬢᬶ᭞ᬦᭀᬭᬳᬗᬶᬢᬸᬂᬢᬢᬵ᭟᭐ᬳᬭᬶᬓᬯᬸᬮᬦᬶᬤᬾᬯᬶᬓᬤᬃᬫ
ᬡᬶᬓ᭄᭞ᬍᬯᬶᬄᬳᬬᬸ᭞ᬧᬦ᭄ᬓᬲᭀᬃᬓᬯᬸᬮ᭞ᬓᬤᬶᬳ᭄ᬬᬂᬭᬢᬶᬄᬯᬃᬡ᭄ᬦᬦᬾ᭞ᬲᬫ᭄ᬧᬸᬦ᭄ᬳᬤᬶᬓᬵᬳᬬᬸᬦ᭄᭞ᬮᬫᬸᬦᭀᬭᬗᬸᬗ᭄ᬓᬸᬮᬶᬦ᭄ᬓᬫᬶ᭞ᬓᬲᭀᬭᬦ᭄ᬓᬂᬓᬯᬸᬮ᭞ᬯᬃᬡ᭄ᬦᬦᬾᬲᬗᬬᬸ᭞ᬳᬭᬢ
ᬢ᭄ᬫᭂᬦ᭄ᬓᬯᬸᬮ᭞ᬳᬗᬾᬤᬦᬶᬦ᭄᭞ᬭᬢ᭄ᬦᬵᬬᬸᬓᬤᬃᬫᬡᬶᬓ᭄᭞ᬢᬦ᭄ᬲᬄᬤᬤᬶᬳ᭄ᬮᬳ᭄ᬮ᭟᭐ᬯᭀᬗᬭᬕᬓᬭᬡᬳᬫᬦᬶᬲ᭄᭞ᬭᬾᬄᬲᬲᬦᬓ᭄᭞ᬓᬯᬸᬮᬧᬸᬦᬶᬓᬵ᭞ᬓᬯᬸᬮᬧᬦᬸᬚᬸᬩ [ 20 ][᭑᭙ 19B]
᭑᭙
ᬳᬾ᭞ᬳᬗᬯᬸᬮᬳᬧᬢᬸᬢ᭄᭞ᬦ᭄ᬤᬢᬦ᭄ᬳᬦᬋᬲᭂᬧᬶᬗ᭄ᬳᬢᬶ᭞ᬲᬸᬧᬫᬦᬾᬓᬯᬸᬮ᭞ᬳᬤᬚᬚᬓᬮᬾᬦ᭄᭞ᬲᬂᬭᬢ᭄ᬦᬵᬬᬸᬕᬸᬫᬸᬬᬸ᭞ᬬᬦ᭄ᬳᬦ᭄ᬤᬶᬓᬵᬧᬓ᭄ᬱᬳᬬᬸᬦ᭄ᬢ᭞ᬬᬦ᭄ᬫ
ᬗ᭄ᬓᬦ᭞ᬍᬕᭃᬭᬲᬦᬾᬓᬗ᭄ᬳᬢᬶ᭞ᬳᬧᬓᬂᬲᬶᬭᬢᭂᬤ᭟᭐ᬬᬢᬫᬢᬸᬃᬦᬶᬤᬾᬯᬶᬋᬗ᭄ᬕᬦᬶᬲ᭄᭞ᬢᬦᬜ᭄ᬚᬮᬸᬓ᭞ᬳᬫ᭄ᬩᬧᬭᬦ᭄ᬧᬭᬦ᭄᭞ᬢᬦᬋᬧᬶᬭᬚᬧᬗᬗ᭄ᬕᬾ᭞ᬚᭂᬗᬦ᭄ᬤᬶᬓᬵ
ᬳᬫᬭᬸ᭞ᬮᬦ᭄ᬲᬂᬭᬢ᭄ᬦᬦᬶᬓᬤᬃᬫᬡᬶᬓ᭄᭞ᬬᬦ᭄ᬳᬃᬱᬧᬕᭂᬧᭀᬓᬦ᭄᭞ᬮᬦ᭄ᬰᬭᬶᬭᬦᬶᬗ᭄ᬲᬸᬦ᭄᭞ᬮᬯᬦ᭄ᬚᭂᬗᬦ᭄ᬤᬶᬓᬵᬫᬶᬮᬮ᭞ᬧᬸᬢ᭄ᬭᬶᬳᬶᬓᬸ᭞ᬳᬶᬫᬸᬓᬵᬤᬫ᭄ᬓᬤᬃᬫᬡᬶᬓ᭄᭞ᬦᭂᬤᬧ
ᬗ᭄ᬕᬶᬄᬲᬫᭀᬗ᭄ᬰ᭟᭐ᬭᬚᬧᬸᬢ᭄ᬭᬳᬗᬦ᭄ᬤᬶᬓᬵᬳᬭᬶᬲ᭄᭞ᬮᬄᬢᬕᬸᬲ᭄ᬢᬶ᭞ᬧᬦ᭄ᬱᬓ᭄ᬭᬱᬦᬶᬭ᭞ᬯᭀᬗᬬᬸᬲᬧᬜ᭄ᬚᬮᬸᬓᬾ᭞ᬳᬓ᭄ᬥᭂᬄᬓᬶᬦᬫᬭᬸ᭞ᬮᬯᬦ᭄ᬧᬸᬢ᭄ᬭᬶᬓᬤᬃᬫᬡᬶᬓ᭄᭞
[᭒᭐ 20A]
ᬳᬗᬶᬂᬢᬦᬶᬫᬵᬲ᭄ᬭᬢ᭄ᬦᬵ᭞ᬳᬯ᭄ᬮᬲ᭄ᬫᬭᬶᬂᬲᬸᬦ᭄᭞ᬧᬦ᭄ᬤ᭄ᬬᬲᬧᬸᬗ᭄ᬓᬸᬃᬳᬶᬭ᭞ᬲᬸᬦ᭄ᬳᬦ᭄ᬢᬓᬵ᭞ᬳᬤᬳᬸᬦᭀᬭᬳᬗ᭄ᬮᬶᬮᬶᬃ᭞ᬫᬾᬄᬢ᭄ᬓᬳᬶᬂᬧ᭄ᬭᬮᬬ᭟᭐ᬓᬂᬲᬸᬦ᭄ᬢᭂᬤᬓ᭄ᬦᬳᬶᬗᬸᬱᬤᬶ᭞ᬫᬶᬭᬄᬳᬶ
ᬗ᭄ᬲᬸᬦ᭄᭞ᬳᬬ᭄ᬯᬫᬭᬲ᭄ᬤᬾᬯ᭄ᬯ᭞ᬲᬂᬭᬢ᭄ᬦᬵᬳᬭᬹᬫ᭄ᬯᬸᬯᬸᬲᬾ᭞ᬳᬧᬢ᭄ᬫᭂᬦ᭄ᬯᭀᬗᬩᬕᬸᬲ᭄᭞ᬳᬬ᭄ᬯᬘᬶᬤᬺᬳᬶᬂᬰᬩ᭄ᬤᬦᬾᬓᬶ᭞ᬲᬦ᭄ᬤᬶᬲᬦ᭄ᬤᬶᬓᬾᬯᬮ᭞ᬳᬬ᭄ᬯᬕᬗ᭄ᬕᬸᬕᬗ᭄ᬕᬸ᭞ᬳᬦ᭄ᬤᬶᬓᬦᭂ
ᬦ᭄ᬳᬲᭂᬫ᭄ᬧᬢ᭞ᬦᭀᬭᬳᬦ᭄ᬤᭂᬮ᭄᭞ᬲᬂᬭᬚᬧᬸᬢ᭄ᬭᬦᬯᬸᬭᬶᬦ᭄᭞ᬮᬫᭀᬦᬶᬗ᭄ᬲᬸᬦ᭄ᬳᬕᬗ᭄ᬕᬸᬯᬵ᭟᭐ᬫᭀᬖᬲᬶᬦᬫ᭄ᬩᭂᬃᬤᬾᬦᬶᬧᬶᬢᬶᬓ᭄‌ᬩ᭄ᬭᬶᬢ᭄᭞ᬘᬶᬦᬦ᭄ᬤᬓ᭞ᬳᬶᬗ᭄ᬲᬸᬳᬶᬂᬧᬭᬯᬦ᭄᭞ᬤᬾ
ᬦ᭄ᬲᬭᬩᬘᬮᬫᬶᬤᬾ᭞ᬫᭀᬕᬲᬶᬦᬫ᭄ᬩᭂᬃᬤᬾᬦᬶᬂᬩᬸᬮᬸᬲ᭄᭞ᬳᬗᬦ᭄ᬤᬶᬓᬵᬦᬶᬤᬾᬯᬶᬋᬗ᭄ᬕᬦᬶᬲ᭄᭞ᬮᬄᬫᬗ᭄ᬓᬾᬳᬚᬘᬶᬤ᭄ᬭ᭞ᬤᬾᬧᬸᬦ᭄ᬲᬫᬶᬢᬸᬳᬸ᭞ᬫᬗ᭄ᬓᬾᬲᬸᬦ᭄ᬲᬦ᭄ᬤᬶᬂᬓᬾᬯᬮᬵ᭞ᬲᬋᬂᬫᬭ᭞ᬚᬮᬸᬳᬶ [ 21 ][᭒᭐ 20B]
᭒᭐
ᬳᬶᬲ᭄ᬢ᭄ᬭᬶᬫᬋᬧᬶᬓᬶᬦ᭄᭞ᬲᬸᬫᬦ᭄ᬤᬶᬂᬮᬶᬗ᭄ᬕᬶᬄᬚᬚᬃ᭟᭐ᬓᬤᬶᬳᬸᬮᬫ᭄ᬓᬲᬺᬩᬦ᭄ᬯᬭᬶᬄ᭞ᬫᬦᬳᬶᬭ᭞ᬲᬂᬭᬚᬧᬶᬦᬸᬢ᭄ᬭ᭞ᬓᬮᬗ᭄ᬓᬸᬂᬳᬾᬦᬓᬬᬸᬦᬾ᭞ᬳᬗᬶᬂᬲᬂᬭᬢ᭄ᬦᬵᬬᬸ᭞ᬳᬶᬓᬂᬭᬓᬢᬦ᭄ᬲᬄᬮᬶᬦᬶᬭᬶᬂ᭞ᬮ᭄ᬯᬶᬃᬕᬫ᭄ᬩᬃᬯ
ᬯᬗᬸᬦᬦ᭄᭞ᬳᬶᬓᬂᬗᬲᬸᬂᬳᬸᬬᬸᬂ᭞ᬢᬦ᭄ᬧ᭄ᬕᬢ᭄ᬲᬫ᭄ᬩᬶᬮᬶᬂᬦᬵᬮ᭞ᬢᬶᬕᬧᬭᬾ᭞ᬭᬳᬵᬤᬾᬦ᭄ᬳᬯᬦ᭄ᬢᬶᬯᬦ᭄ᬢᬶ᭞ᬳᬶᬂᬫᬦᬄᬯᬸᬲ᭄ᬓᬕᬶᬯᬂ᭟᭐ᬭᬤᬾᬦ᭄ᬧᬸᬢ᭄ᬭᬳᬗᬦ᭄ᬤᬶᬓᬳᬭᬶᬲ᭄᭞ᬬᬬᬶᬭᬭ᭞ᬓᬂᬲᬸᬲᬸᬧᬾᬲᬶᬭ
᭞ᬳᬶᬗ᭄ᬲᬸᬦ᭄ᬢᬶᬗᬍᬦᬫᬗ᭄ᬓᬾ᭞ᬬᬢᬧᬶᬜ᭄ᬘᬢ᭄ᬲᬫ᭄ᬧᬸᬦ᭄᭞ᬳᬶᬂᬗᬸᬘᬮᬦ᭄ᬤᬾᬦᬶᬂᬲᬗᬧ᭄ᬓᬶᬓ᭄᭞ᬲᬸᬲᬧᬾᬢᬶᬦᬶᬗᬮᬦ᭄᭞ᬤᬾᬦᬶᬂᬭᬚᬲᬸᬦᬹ᭞ᬭᬤᬾᬦ᭄ᬲᬸᬯᭀᬗ᭄ᬰᬗᬦ᭄ᬤᬶᬓ᭞ᬲᬸᬦ᭄ᬧᬲᬗ᭞ᬳᬶᬦ᭄ᬤᬶᬳᬲ᭄ᬢᬦᬶ
ᬭᬬᬬᬶ᭞ᬲᬗᬬᬸᬯᬸᬲ᭄ᬧ᭄ᬭᬬᬢ᭄ᬦᬵ᭟᭐ᬕᬶᬦᬬᬸᬕᬦ᭄ᬳᬲ᭄ᬢᬦᬶᬭᬗᬶᬗ᭄ᬕᬢᬶ᭞ᬫᬶᬗ᭄ᬲᭂᬃᬫᬶᬗ᭄ᬲᭂᬃ᭞ᬲᬓᬶᬂᬧᬺᬦᬳᬶᬭ᭞ᬭᬤᬾᬦ᭄ᬯᭂᬦᭂᬂᬧᬜᭂᬓᭂᬮᬾ᭞ᬘᬶᬦᬦ᭄ᬤᬓ᭄ᬘᬦ᭄ᬤᬓ᭄ᬮᬸᬧᬸᬢ᭄᭞ᬳᬗᬸᬫ᭄ᬩᬭᬤᬾᬯᬶᬋᬗ᭄ᬕᬦᬶᬲ᭄᭞
[᭒᭑ 21A]
ᬭᬳᬤᬾᬦ᭄ᬓᬭᬳᬂᬲᬪ᭞ᬳᬦᬶᬩᬵᬢᬦᬾᬫᬸᬢ᭄᭞ᬕᬸᬫᬸᬮᬶᬂᬳᬦᬭᬶᬂᬢ᭄ᬫᬄ᭞ᬳᬶᬓᬂᬫᬫ᭄ᬩᬸᬃ᭞ᬫᬦᬳᬾᬫᬡ᭄ᬥᭂᬩ᭄ᬳᬦᭀᬮᬶᬄ᭞ᬲᬸᬫ᭄ᬮᬂᬓᬂᬢᬶᬦᬶᬮᬃ᭟᭐ᬬᬢᬯᬗ᭄ᬲᬸᬮ᭄ᬦᬶᬤᬾᬯᬶᬋᬗ᭄ᬕᬦᬶᬲ᭄᭞ᬲᬬᬦ᭄ᬗᬦ᭄ᬤᬧ᭄᭞
ᬲᬶᬭᬤᬾᬯᬶᬭᬭ᭞ᬫᬾᬄᬧ᭄ᬭᬧ᭄ᬢᬳᬶᬂᬮᬸᬳᬸᬭᬾ᭞ᬓᬳᬸᬗ᭄ᬓᬸᬮᬭᬤᬾᬦ᭄ᬲᬸᬦᬹ᭞ᬤᬸᬓ᭄ᬢᬸᬫᬶᬗ᭄ᬳᬮ᭄ᬤᬾᬯᬶᬋᬗ᭄ᬕᬦᬶᬲ᭄᭞ᬳᬫᬭᬦᬶᬦ᭄ᬲᬂᬓᬦ᭄ᬢᬓᬵ᭞ᬭᬳᬤᬾᬦ᭄ᬳᬶᬂᬗᬸᬳᬸᬄ᭞ᬤᬾᬦᬶᬂᬲᬂᬭᬢ᭄ᬦᬚᬸᬯᬶᬢ᭞ᬯᬮᬶᬯ
ᬮᬶ᭞ᬭᬳᬤᬾᬦᭀᬭᬯᬸᬭᬶᬦ᭄᭞ᬳᬲᬗᭂᬢ᭄ᬤᬾᬦ᭄ᬬᬓᬦ᭄ᬢᬓᬵ᭟᭐ᬮᬗ᭄ᬓᬸᬂᬯ᭄ᬮᬲ᭄ᬦᬶᬤᬾᬯᬶᬋᬗ᭄ᬕᬦᬶᬲ᭄‌᭞ᬳᬦᬶᬗ᭄ᬳᬮᬶᬦ᭄᭞ᬫ᭄ᬭᬶᬂᬭᬚᬧᬶᬦᬸᬢ᭄ᬭ᭞ᬲᬂᬤ᭄ᬬᬄᬫᬶᬘᬭᬾᬂᬓᬼᬩᬸᬦᬾ᭞ᬫᬦᬯᬶᬢ᭄ᬫᭂᬦ᭄ᬮᬫ᭄ᬧᬸᬲ᭄᭞ᬳᬶᬗ᭄ᬲᬸᬦ᭄ᬗᬸ
ᬯᬸᬄᬦᭀᬭᬦᬯᬸᬭᬶᬦ᭄᭞ᬳᬧᬦ᭄ᬢᬕᬸᬭᬕᬸᬭ᭞ᬳᬧᬢ᭄ᬫᭂᬦ᭄ᬮᬫ᭄ᬧᬸᬲ᭄᭞ᬲᬂᬤ᭄ᬬᬄᬢᬸᬫᬸᬭᬸᬦᬶᬂᬥᬭᬢ᭄᭞ᬭᬚᬵᬧᬸᬢ᭄ᬭ᭞ᬳᬕᬸᬕᬸᬧᬸᬄᬤᬾᬦ᭄ᬧᬋᬓᬶᬦ᭄᭞ᬲᬃᬯ᭄ᬯᬶᬫᬶᬚᬶᬮ᭄ᬓᬂᬯᬲ᭄ᬧ᭚᭐᭚ᬫᬶᬚᬶᬮ᭄᭟ [ 22 ][᭒᭑ 21B]
᭒᭑
᭚᭐᭚ᬕᬶᬦᬸᬕᬄᬕᬸᬕᬄᬦᭀᬭᬳᬗ᭄ᬮᬶᬮᬶᬃ᭞ᬭᬚᬵᬧᬸᬢ᭄ᬭᬋᬓᭀ᭞ᬲᬂᬤ᭄ᬬᬄᬳᬬᬸᬳᬜᬸᬦ᭄ᬤᬂᬚᬗ᭄ᬕᬦᬾ᭞ᬮᬂᬓᬸᬂᬫᬭᬲᬂᬭᬢ᭄ᬦᬫᬶᬚᭂᬢᬶ᭞ᬮᬸᬄᬳᬶᬭᬤᬺᬲ᭄ᬫᬶᬚᬶᬮ᭄᭞ᬲᬂᬭᬢ᭄ᬦᬳᬕᭂᬕᭂᬦ᭄ᬢᬸᬦ᭄᭟᭐ᬭᬢ᭄ᬦᬵᬋᬗ᭄ᬕᬦᬶ
ᬲ᭄ᬳᬭᬶᬲ᭄ᬥᬾᬦ᭄ᬬᬵᬗ᭄ᬮᬶᬂ᭞ᬳᬤᬸᬄᬕᬸᬲ᭄ᬢᬶᬦᬶᬗᭀᬂ᭞ᬩᬵᬬᬳᬧᬢ᭄ᬫᭂᬦ᭄ᬓᬂᬮᬭᬦᬾ᭞ᬮᬫᭀᬦ᭄ᬳᬦ᭄ᬤᬶᬓᬗ᭄ᬫᬲᬶᬦ᭄ᬧᬢᬶ᭞ᬳᬦ᭄ᬢᬾᬦᬦᬓᬫᬶ᭞ᬓᬯᬸᬮᬵᬓᬂᬲᬸᬫᬸᬗ᭄ᬲᬸᬮ᭄᭟᭐ᬲᬃᬯ᭄ᬯᬶᬗᬸᬲᬧ᭄ᬲᬶᬭᬓᬗᬕᬸᬮᬶᬂ᭞ᬲᬂᬭᬢ᭄ᬦᬵ
ᬮᬶᬂᬦ᭄ᬬᬳᬮᭀᬦ᭄᭞ᬓᬯᬸᬮᬧᬗᬾᬭᬦ᭄ᬓᬸᬭᬤᬾᬦ᭄᭞ᬓᬂᬳᬕᬸᬮᬶᬂᬤᬢᬦ᭄ᬳᬗᬸᬮᬶᬲᬶᬓ᭄᭞ᬲᬗᭂᬢ᭄ᬫᬭᬲ᭄ᬳᬢᬶ᭞ᬩᬵᬬᬢ᭄ᬫᭂᬦ᭄ᬮᬫ᭄ᬧᬸᬲ᭄᭟᭐ᬤᬸᬄᬧᬗᬾᬭᬦ᭄‌ᬢᬦ᭄ᬩᬶᬲᬜᬫ᭄ᬧ᭄ᬬᬦᬶᬦ᭄᭞ᬯᭀᬂᬓᬍᬗᭂᬃᬫᬗ᭄ᬓᭀ᭞ᬤᬾ
ᬦᬶᬂᬢᬦ᭄ᬓᬃᬯ᭄ᬯᬦ᭄ᬮᬭᬦᬾ᭞ᬓᬹᬮᬾᬫᬢᬸᬃᬥᬢᭂᬂᬳᬶᬂᬓ᭄ᬬᬳᬶ᭞ᬳᬦᭂᬤ᭄ᬥᬚᬚᬫ᭄ᬧᬶ᭞ᬮᬭᬭᬚᬲᬹᬦᬸ᭟᭐ᬳᬮᭀᬦ᭄ᬭᬤᬾᬦ᭄ᬲᬸᬯᭀᬗ᭄ᬰᬳᬗ᭄ᬮᬶᬮᬶᬃ᭞ᬳᬗ᭄ᬕᬬᬸᬄᬳᬲ᭄ᬢᬋᬓᭀ᭞ᬳᬧᬶᬗᬸᬮᬾᬗ᭄ᬕᭂᬧᭀᬓ᭄ᬫ
[᭒᭒ 22A]
ᬤ᭄ᬬᬦᬾ᭞ᬲᬂᬤ᭄ᬬᬄᬫᬸᬦ᭄ᬤᬸᬃᬢᬸᬃᬲᬃᬯ᭄ᬯᬶᬳᬜ᭄ᬚᬶᬢ᭄᭞ᬲᬂᬤ᭄ᬬᬄᬳᬗ᭄ᬮᬶᬂᬳᬭᬶᬲ᭄᭞ᬧᬤᬸᬓᬵᬯᬸᬲ᭄ᬳᬾᬫᬸᬢ᭄᭟᭐ᬭᬚᬧᬸᬢ᭄ᬭᬳᬭᬶᬲ᭄ᬤᬾᬦ᭄ᬬᬳᬗ᭄ᬮᬶᬂ᭞ᬧᬶᬚᭂᬢ᭄ᬦᬵᬢᬳᬶᬗᭀᬂ᭞ᬤᬶᬫᬾᬦ᭄ᬯᬭᬲ᭄ᬳᬶᬗ᭄ᬲᬸᬦ᭄ᬳᬕᬾ᭞ᬲᬂᬤ᭄ᬬᬄᬫᬢᬸᬃᬤᬢᭂᬂ
ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬤᬾᬦᬾᬲᬓᬶᬢ᭄ᬦᬧᬶ᭞ᬤᬾᬦᬶᬂᬤᬗᬸᬳᬓᬦ᭄ᬢᬸ᭟᭐ᬭᬚᬧᬸᬢ᭄ᬭᬳᬭᬶᬲ᭄ᬳᬦᬯᬸᬭᬶᬦ᭄᭞ᬲᬓᬶᬢ᭄ᬓᬦ᭄ᬢᬸᬳᬶᬗᭀᬂ᭞ᬮᬫᭀᬦ᭄ᬓᬸᬲᬸᬫᬢᬦᬲᬸᬂᬳᬕᬾ᭞ᬩ᭄ᬬᬂᬳᬶᬜᬕᬸᬕᬸᬲᬸᬃᬭᬶᬂᬓᬫᬶ᭞ᬢᬦ᭄ᬯᬭᬲ᭄ᬢᬸᬫᬸᬮᬶ᭞
ᬮᬸᬯᬗᬾᬭᬸᬫᬸᬳᬸᬦ᭄᭟᭐ᬮᬫᭀᬦ᭄ᬯᭀᬂᬗᬬᬸᬳᬯ᭄ᬮᬲᬶᬂᬓᬫᬶ᭞ᬓᬶᬦᬗᭂᬦᬳᬶᬗᭀᬂ᭞ᬳᬫᬸᬘᬗᬲᬗᬬᬸᬤᬾᬦ᭄ᬳᬕᬾ᭞ᬩᭀᬓᬶᬂᬬᬬᬶᬳᬶᬗᬸᬲᬸᬦ᭄ᬳᬚᬫ᭄ᬧ᭄ᬬᬦᬶ᭞ᬓᬓᬂᬳᬚᬵᬫᬢᬶ᭞ᬳᬯᬾᬄᬳᬶᬗ᭄ᬲᬸ
ᬦ᭄ᬤᬸᬮᬸ᭟᭐ᬯᬾᬢ᭄ᬦᬶᬂᬳᬶᬗ᭄ᬲᬸᬦ᭄ᬳᬃᬱᬳᬫᬍᬲᬶᬦ᭄᭞ᬬᬾᬦ᭄ᬯᬭᬲᬳᬶᬗᭀᬂ᭞ᬲᬦᬫ᭄ᬩᬢᬢᬸᬗ᭄ᬕᬸᬯᭀᬗᬲᬭᬾ᭞ᬕᬫ᭄ᬧᬂᬢ᭄ᬫᭂᬦ᭄ᬫᬦᬶᬭᬫᬲ᭄ᬬᬬᬶ᭞ᬲᬂᬭᬢ᭄ᬦᬵᬮᬶᬂᬦ᭄ᬬᬵᬭᬶᬲ᭄᭞ᬢᬸᬃᬲᬃᬯ᭄ᬯᬶᬫᬍᬭᬸᬓ᭄᭟᭐ᬤ᭄ᬬᬄ [ 23 ][᭒᭒ 22B]
᭒᭒
ᬫᬢᬸᬃᬢᬸᬃᬲᬃᬯ᭄ᬯᬶᬳᬜ᭄ᬚᬶᬯᬶᬢ᭄᭞ᬧᬶᬦ᭄ᬢᭂᬦ᭄ᬤᬗᬸᬦ᭄ᬬᬯᭀᬂ᭞ᬤᬸᬫ᭄ᬢᭂᬗᬾᬓᬓᬂᬳᬶᬂᬮᬯᬲᬾ᭞ᬭᬤᬾᬦ᭄ᬧᬸᬢ᭄ᬭᬢᬭᬶᬓᭂᬤᬂᬓᭂᬥᬶᬂ᭞ᬯᬭᬲ᭄ᬳᬭᬶᬳᬶᬓᬶ᭞ᬯᬯᭂᬤᬶᬦᬦ᭄ᬗᭂᬲᬸᬃ᭟᭐ᬭᬢ᭄ᬦᬵᬋᬗ᭄ᬕᬦᬶᬲ᭄‌ᬳᬫᬸᬯᬸ
ᬲ᭄ᬳᬭᬶᬲ᭄᭞ᬳᬚᬫᬓᬓᬬᬦ᭄ᬭᭀᬂ᭞ᬳᬗᬗ᭄ᬕᬾᬬᬲᬤᬸᬮᬸᬃᬢ᭄ᬫᭂᬦᬾ᭞ᬬᬤ᭄ᬬᬦ᭄ᬳᬦᬲᬢᬳᬸᬦ᭄ᬫᬮᬶᬄ᭞ᬫᬦ᭄ᬢᬸᬦᬦᬓᬫᬶ᭞ᬫᬾᬤᬦᬾᬳᬫ᭄ᬩᭂᬲᬸᬃ᭟᭐ᬩ᭄ᬘᬶᬓ᭄ᬩᭂᬘᬶᬓ᭄ᬳᬮᬶᬗ᭄ᬕᬶᬄᬧ᭄ᬭᬬᭀᬕᬶ᭞ᬫᬸᬦ᭄ᬤᬸᬭᬜᬮ
ᬭᭀᬂ᭞ᬓᬬᬳᬸᬤᬦ᭄ᬧᬦᬲ᭄ᬮᬾᬯᬦᬾ᭞ᬦᭀᬭᬓ᭄ᬦᬳᬢᬸᬗ᭄ᬕᬸᬮ᭄ᬲᬤᬶᬤᬶᬓ᭄᭞ᬓᬤᬾᬦ᭄ᬧᬗᬭᬳᬶᬦ᭄᭞ᬧᬶᬧᬶᬮᬯᬦ᭄ᬲᬸᬲᬸ᭟᭐ᬲᬫ᭄ᬧᬸᬦ᭄ᬓᬢᬸᬃᬕᬦ᭄ᬢᬾᬦᬾᬢᬶᬦᬫ᭄ᬧᬶ᭞ᬤᬾᬲᬂᬩ᭄ᬭᬗ᭄ᬝᬗ
ᬫᭀᬂ᭞ᬮᬗ᭄ᬓᬸᬂᬲᬸᬫ᭄ᬭᬳᬶᬂᬰᬭᬶᬭᬓᬩᬾᬄ᭞ᬩᬬᬯᬲ᭄ᬳᬶᬗ᭄ᬲᬸᬦ᭄ᬳᬶᬓᬶᬬᬬᬶ᭞ᬳᬶᬥᭂᬧ᭄ᬕᬦ᭄ᬢᬾᬦ᭄ᬫᬮᬶᬄ᭞ᬤᬶᬫᬾᬦ᭄ᬳᬚᬓᬢᬸᬗ᭄ᬕᬸᬮ᭄᭟᭐ᬕᬸᬦᬵᬲ᭄ᬫᭂᬦᬾᬓᬯᬸᬮᬳᬧᬫᬶᬢ᭄᭞ᬫᬦ᭄ᬢᬸᬓ᭄ᬭᬶᬂᬓᬤᬢᭀᬦ᭄᭞ᬩᬾ
[᭒᭓ 23A]
ᬜ᭄ᬚᬂᬯᬗ᭄ᬲᬸᬮ᭄ᬲᬧᬤᬢᭂᬗᬾ᭞ᬳᬲ᭄ᬢᬶᬢᬶᬤᬤᬶᬲᬗᬧ᭄ᬓᬶᬓ᭄᭞ᬦᭀᬭᬳᬶᬂᬲᬓᬵᬃᬫ᭄ᬫᬶ᭞ᬲᬓ᭄ᬥᬾᬧ᭄ᬳᬯᬗ᭄ᬲᬸᬮ᭄᭟᭐ᬭᬚᬧᬸᬢ᭄ᬭᬳᬗᬦ᭄ᬤᬶᬓᬵᬳᬭᬶᬲ᭄᭞ᬲᬶᬫ᭄ᬧᬗᬫᬲ᭄ᬳᬶᬗᭀᬂ᭞ᬲᬯ᭄ᬗᬶᬳᬸᬕᬯᭀᬗᬬᬸᬩᬳᬾ᭞ᬳᬶᬗ᭄ᬲᬸᬦ᭄ᬳᬃᬱ
ᬳᬧᬶᬓᬶᬭᬶᬂᬯᭀᬂᬓᬮᬶᬄ᭞ᬲᬂᬭᬢ᭄ᬦᬵᬮᬶᬂᬦ᭄ᬬᬳᬭᬶᬲ᭄᭞ᬩᬲᭂᬜ᭄ᬚᬮᬾᬳᬶᬗ᭄ᬲᬸᬦ᭄᭟᭐ᬫᬓ᭄ᬱᬶᬄᬳᬧᬫᬶᬢ᭄ᬲᬂᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬓᬦ᭄ᬢᬸᬕᬸᬲ᭄ᬢᬶᬳᬶᬗᭀᬂ᭞ᬳᬚᬳᬗᬃᬱᬳᬵᬃᬱᬯᬗ᭄ᬲᬸᬮᬾ᭞ᬲᬃᬯ᭄ᬯᬶᬫᬾᬲᭂᬫ᭄ᬳᬗᬶ
ᬜ᭄ᬘᬭᬶᬂᬳᬮᬶᬲ᭄᭞ᬳᬫᬶᬢᬸᬃᬳᬜ᭄ᬚᬶᬯᬢᬶ᭞ᬬᬢᬕ᭄ᬮᬶᬲ᭄ᬫᬸᬦ᭄ᬤᬸᬃ᭟᭐ᬲᬫ᭄ᬧᬸᬦ᭄ᬓᭀᬦ᭄ᬤᬸᬃᬲᬂᬭᬢ᭄ᬦᬵᬗ᭄ᬭᬭᬶᬲ᭄᭞ᬫᬡ᭄ᬥᭂᬕ᭄ᬫᬗᬹᬳᬶᬓᬂᬯᭀᬂ᭞ᬓᬵᬮᬶᬄᬲᬫᬍᬂᬍᬂᬤ᭄ᬭᬶᬬᬵᬦᬾ᭞ᬳᬶᬓᬂᬓᬦ᭄ᬢᬸᬦ᭄ᬭᬤᬾᬦ᭄ᬢᬦᬾᬮᬶᬂ᭞ᬕᬕᭂᬦ᭄ᬢᬸᬦ᭄ᬓᬧ
ᬢᬶ᭞ᬢᬶᬦᬶᬮᬃᬤᬾᬦᬾᬲᬗᬬᬸ᭟᭐ᬲᬬᬦᬾᬫ᭄ᬩᬄᬩ᭄ᬭᬗ᭄ᬝᬶᬦ᭄ᬬᬓᬧᬢᬶ᭞ᬭᬳᬤᬾᬦ᭄ᬳᬗᬫᭀᬂ᭞ᬍᬂᬍᬂᬫᬗᬹᬢᬦᬗ᭄ᬲᬮ᭄ᬕᬲ᭄ᬫᬭᬾ᭞ᬤᬢᬦ᭄ᬤᬳᬃᬯᬯᬸᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬫᬸᬂᬦᬶᬫ᭄ᬩᭀᬅ᭄ᬓᭂᬦᬶᬲ᭄᭞ᬯᬯᬸᬓᬂ [ 24 ][᭒᭓ 23B]
᭒᭓
ᬓᬳᬾᬢᬸᬂ᭟᭐ᬳᬓᬸᬓᬸᬯᬸᬂᬳᬦᬾᬂᬳᬫᬦ᭄ᬲᬭᬶ᭞ᬳᬫ᭄ᬩᬸᬚᬸᬂᬢᬫᬗ᭄ᬓᭀ᭞ᬅᬧᬦᬲᬭᬾᬳᬶᬂᬬᬰᬵᬓᭂᬫ᭄ᬩᬗᬾ᭟᭐ᬧᬭᬩᬩᬸᬳᭂᬫ᭄ᬩᬦ᭄ᬳᬶᬜᬲᬫᬶ᭞ᬳᬕᬾᬳᬫᬋᬧᭂᬓᬶᬦ᭄᭞ᬢᬧᬓ᭄ᬳᬦᬾᬂᬗᬬᬸᬦ᭄
᭟᭐ᬳᭂᬫ᭄ᬩᬦᬶᬂᬜᬲᬫᬶᬳᬦᬶᬗᬮᬶᬦ᭄᭞ᬳᬶᬂᬕᬸᬲ᭄ᬢᬶᬦᬾᬋᬓᭀ᭞ᬤᬾᬦᬾᬲᬗᭂᬢ᭄ᬓᬾᬬᬸᬄᬳᬶᬂᬯᬃᬡ᭄ᬦᬦᬾ᭞ᬓᬬᬵᬯᭀᬂᬲᬓᬶᬢ᭄ᬳᬦᬳᬰᬰᬶᬄ᭞ᬲᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᭂᬫ᭄ᬩᬦᬶᬜᬳᬫᬸᬯᬸᬲ᭄᭟᭐ᬳᬧᬦ᭄
ᬲᬫ᭄ᬧᬸᬦ᭄ᬮᬫᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬰᬶᬳᬾᬢᬫᬗ᭄ᬓᭀ᭞ᬮᬦ᭄ᬲᬶᬭᬭᬢ᭄ᬦᬵᬋᬗ᭄ᬕᬦᬶᬲ᭄ᬫᬗ᭄ᬓᬾ᭞ᬓᬮᬶᬄᬰᬰᬶᬄᬤᬾᬦᬶᬭᬵᬓᬶᬗ᭄ᬓᬶᬂ᭞ᬓᬋᬫ᭄ᬦᬶᬫ᭄ᬩᭀᬓᭂᬦᬶᬲ᭄᭞ᬓᬂᬭᬫᬓᬧᬸᬗ᭄ᬓᬸᬃ᭚᭐᭚ᬧᬗ᭄ᬓᬸᬃ᭚᭐᭚
ᬳᬦᬕᭂᬦ᭄ᬢᬶᬦᬶᬂᬘᬭᬶᬢ᭞ᬚᬬᬾᬂᬭᬡᬤᬸᬓᬵᬮᬦᬶᬭᬢᬶᬦᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬭᬭᬢᬸᬲ᭄ᬬᬸ᭞ᬚᭂᬚᭂᬮᬶᬂᬧᬦᬗ᭄ᬓᬶᬮᬦ᭄᭞ᬮ᭄ᬯᬶᬃᬲᬵᬕᬭᬭᭀᬩ᭄‌ᬩᬮᬳᬭᬩ᭄ᬤᬶᬦᬸᬮᬸ᭞ᬓᬤᬶᬳᬸᬓᬶᬃᬓᬯᬮᬕᬃ᭞ᬳᬪ᭄ᬭᬵ
[᭒᭔ 24A]
ᬪᬹᬱᬡ᭄ᬦᬦᬶᬂᬫᬦ᭄ᬢ᭄ᬭᬶ᭟᭐ᬳᬓᬶᬂᬫᬸᬗ᭄ᬕ᭄ᬯᬶᬂᬳᬬᬸᬦᬦ᭄᭞ᬭᬚᬫᬓ᭄ᬢᬮ᭄ᬳᬗᬮᬧ᭄ᬓᬂᬦᬕᬭᬶ᭞ᬳᬗᬦ᭄ᬤᬶᬓᬚᬬᬾᬂᬰᬢ᭄ᬭᬸ᭞ᬤᬸᬫᬢᭂᬗᬶᬂᬭᬚᬫᬓ᭄ᬢᬮ᭄᭞ᬯᬸᬲᬮᬫᬶᬧᬸᬢ᭄ᬭᬦᬶᬗ᭄ᬲᬸᬦ᭄ᬢᬦ᭄ᬓᬤᬸᬮᬸ᭞ᬲᬶᬭᬭᬤᬾᬦ᭄ᬋᬧᬢ᭄ᬫ
ᬚ᭞ᬳᬮᬯᬲ᭄ᬦᭀᬭᬳᬦᬗ᭄ᬓᬶᬮ᭄᭟᭐ᬯᭀᬂᬮᬕᬶᬳᬓ᭄ᬭᬫᬳᬜᬃ᭞ᬲᬸᬓᬸᬃᬲᬾᬯᬸᬧᬧᬲᬶᬄᬳᬓ᭄ᬭᬶᬫ᭞ᬬᬢᬭᬚᬫᬓ᭄ᬢᬮ᭄ᬫᬢᬸᬃ᭞ᬥᬢᭂᬂᬚᬬᬾᬂᬭᬡᬵ᭞ᬳᬚ᭄ᬭᬶᬄᬳᬫ᭄ᬩ᭞ᬬᬾᬦ᭄ᬢᬦ᭄ᬫᬢᬸᬭᬧᬸᬓᬸᬮᬸᬦ᭄᭞ᬧᬸᬢ᭄ᬭ
ᬢ᭄ᬯᬦ᭄ᬧᬤᬸᬓᬵᬳᬫ᭄ᬱ᭄ᬬᬄ᭞ᬦᭂᬗ᭄ᬕᬶᬄᬲᬫ᭄ᬧᬸᬦ᭄ᬓᬮᬶᬄᬰᬰᬶᬄ᭟᭐ᬓᬸᬓᬸᬯᬸᬂᬳᬦᬾᬂᬉᬤ᭄ᬬᬦ᭞ᬤᬢᬦ᭄ᬫᬦ᭄ᬢᬸᬓ᭄ᬥᬢᭂᬂᬳᬶᬂᬤᬍᬫ᭄ᬧᬸᬭᬶ᭞ᬳᬦᬾᬂᬚ᭄ᬭᭀᬦᬶᬂᬢᬫᬦ᭄ᬲᬦ᭄ᬢᬸᬦ᭄‌ᬘᬋᬫ᭄ᬳᬓ᭄ᬭᬫ᭞ᬓᬮᬶᬄᬕᬃ
ᬯ᭄ᬯᬢᬦᬵᬃᬱᬓᬂᬳᬢᬢ᭄ᬫᬸ᭞ᬭᬤᬾᬦ᭄ᬳᬃᬬ᭄ᬬᬋᬧᬢ᭄ᬫᬵᬚ᭞ᬳᬸᬢᬯᬶᬳᬦᬦ᭄ᬤᬂᬲᬓᬶᬢ᭄᭟᭐ᬓᬤ᭄ᬬᬵᬲᬓᬶᬢ᭄ᬓᬧ᭄ᬭᬬᬂᬬᬂ᭞ᬓᬵᬮᬫᭂᬗ᭄ᬕᬄᬤᬤᭀᬲ᭄ᬢᬶᬢ᭄ᬬᬂᬘᬶᬮᬶ᭞ᬓᬵᬮᬤᬢᭂᬂᬲᬓᬶᬢ᭄ᬳᬶᬧᬸᬦ᭄᭞ᬳᬦᬶᬩᬵᬓ [ 25 ][᭒᭔ 24B]
᭒᭔
ᬧᬶᬤᬭ᭞ᬫᬮᬄᬢᬶᬕᬂᬧᬦ᭄ᬥᬸᬭᬢᬦ᭄ᬓᭂᬦᬳᬾᬫᬸᬢ᭄᭞ᬭᬶᬂᬲᬵᬫ᭄ᬧᬸᬦᬾᬓᬧᬶᬤᬭ᭞ᬲᬂᬭᬚᬧᬸᬢ᭄ᬭᬳᬗ᭄ᬮᬶᬮᬶᬃ᭟᭐ᬕᬸᬲ᭄ᬢᬶᬳᬦᬸᬮ᭄ᬬᬳᬍᬕᬄ᭞ᬯᬶᬦᬢᬯᬶᬲ᭄ᬓᬤᬶᬯᭀᬂᬗᬲᬶᬓᬶᬃ᭞ᬧᬗᬦ᭄ᬤᬶᬓᬵᬦᬾᬳᬗ᭄ᬭᬸᬫ᭄ᬭᬸᬫ᭄
᭞ᬳᬶᬗ᭄ᬕᬶᬄᬳᬶᬂᬢᬯᬂᬢᬸᬯᬂ᭞ᬳᬗᬦ᭄ᬤᬶᬓᬵᬤᬢᬦ᭄ᬯᬾᬦ᭄ᬢᭂᬦ᭄‌ᬭᬾᬜ᭄ᬘᬗᬶᬧᬸᬦ᭄᭞ᬫᬾᬲᭂᬫ᭄ᬕᬸᬫᬸᬚᭂᬂᬳᬲᬸᬓᬵ᭞ᬤᬢᬦ᭄ᬧᬭᬾᬯᬂᬧ᭄ᬭᬶᬩᬤᬶ᭟᭐ᬧᬧᭂᬢᬾᬢᬦ᭄ᬤᬶᬂᬉᬤ᭄ᬬᬦ᭞ᬧᬦ᭄ᬲᬸᬦᬶᬓᬭᬶᬦᬸᬫ᭄ᬭᬸᬫ᭄ᬳᬗᬭᬶᬳᬭᬶᬄ᭞ᬧᬸᬦᬶᬓᬓᬵ
ᬮᬦᬾᬭᬯᬸᬄ᭞ᬲᬓᬶᬢᬾᬧᬸᬢ᭄ᬭᬢ᭄ᬯᬦ᭄᭞ᬬᬾᬦ᭄ᬲᭂᬗ᭄ᬓᬮᬯᬯᬸᬤᬢᭂᬂᬲᬓᬶᬢ᭄ᬳᬶᬧᬸᬦ᭄᭞ᬤᬢᬦ᭄ᬓᭂᬦᬳᬗᬦ᭄ᬤᬶᬓᬵ᭞ᬓᬾᬦ᭄ᬤᭂᬮ᭄ᬲ᭄ᬬᬂᬦᬸᬢᬸᬕ᭄ᬮᬢ᭄ᬭᬶ᭟᭐ᬚᬬᬾᬂᬭᬡᬳᬗᬦ᭄ᬤᬶᬓᬵ᭞ᬳᬲ᭄ᬫᬸᬤᬸᬓᬵᬮᬶᬗᬾᬲᬂᬚᬬᬾᬂ
ᬧᬢᬶ᭞ᬓᬾᬦ᭄ᬤᭂᬮ᭄ᬲᬓ᭄ᬥᬧ᭄ᬢᬦ᭄ᬫᬸᬯᬸᬲ᭄᭞ᬯ᭄ᬓᬲᬦ᭄ᬳᬗᬦ᭄ᬤᬶᬓᬵ᭞ᬤᬾᬦᬾᬦᭀᬭᬳᬯᬭᬄᬫᬗ᭄ᬓᬾᬫᬭᬶᬂᬲᬸᬦ᭄᭞ᬫᭂᬗ᭄ᬕᬄᬲᬃᬯ᭄ᬯᬶᬢᭂᬩᬄᬚᬚ᭞ᬲᬶᬭᬲᬂᬧ᭄ᬭᬯᬶᬭᬾᬂᬚᬸᬭᬶᬢ᭄᭟᭐ᬲᬧᬓᬂᬢᬸᬢᬸᬭᬶᬲᬶᬭ᭞ᬮᬫᬸ
[᭒᭕ 25A]
ᬦ᭄ᬧᬸᬢ᭄ᬭᬦᬶᬗ᭄ᬲᬸᬦ᭄ᬳᬫᬗ᭄ᬕᬶᬄᬲᬓᬶᬢ᭄᭞ᬭᬤᬾᬦ᭄ᬫᬓ᭄ᬢᬮ᭄ᬦᭂᬫ᭄ᬩᬄᬫᬵᬢᬸᬃ᭞ᬳᬶᬓᬂᬳᬢᬸᬃᬳᬸᬦᬶᬗᬵ᭞ᬳᭂᬫ᭄ᬩᬦᬶᬧᬸᬦ᭄ᬧᬭᬢᬸᬫᭂᬗ᭄ᬕᬸᬂᬢᭀᬄᬩᬯᬸᬚᬬᬾᬂᬭᬡᬳᬗᬦ᭄ᬤᬶᬓᬵ᭞ᬤᬾᬦᬾᬫᬗ᭄ᬓᬾᬯᬸᬲ᭄ᬳᬮᬫᬶ᭟᭐
ᬤᬢᬦ᭄ᬳᬦᬫᬢᬸᬃᬳᬸᬦᬶᬗᬵ᭞ᬓᬫᭀᬦ᭄ᬧᬸᬢ᭄ᬭᬦᬶᬗ᭄ᬲᬸᬦ᭄ᬳᬫᬗ᭄ᬕᬶᬄᬲᬓᬶᬢ᭄᭞ᬩᬮᬳᬶᬲᬶᬭᬢᬸᬫᭂᬗ᭄ᬕᬸᬂ᭞ᬢᭀᬄᬩᬯᬸᬯᭀᬂᬓᬶᬦᬃᬬ᭄ᬬ᭞ᬭᬤᬾᬦ᭄ᬫᬓ᭄ᬢᬮ᭄ᬱᬶᬖ᭄ᬭᬲᬶᬭᬦᭂᬫ᭄ᬩᬄᬫᬢᬸᬃ᭞ᬳᬶᬗ᭄ᬕᬶᬄᬭ
ᬤᬾᬦ᭄ᬧᬸᬢ᭄ᬭᬢ᭄ᬯᬦ᭄᭞ᬲᬗᭂᬢ᭄ᬧᬧᬘᬸᬳᬯ᭄ᬮᬶᬂ᭟᭐ᬬᬦ᭄ᬓᭀᬲᬶᬓᬢᬸᬃᬭᬶᬂᬭᬫ᭞ᬳᬶᬗ᭄ᬲᬸᬦ᭄ᬢᬸᬫ᭄ᬧᭂᬲ᭄ᬳᬚᬦᬢᬸᬭᬸᬧᬓ᭄ᬱᬶ᭞ᬲᬂᬬᬚᬾᬂᬭᬡᬩᬯᬸᬲ᭄ᬓᬸᬦ᭄ᬤᬸᬃ᭞ᬲᬓᬶᬂᬳᬶᬂᬧᬦᬗ᭄ᬓᬶᬮᬦ᭄᭞ᬦᬸᬮ᭄ᬬᬩᬸᬩᬃᬲᬓᬢᬳᬾᬧᬭ
ᬭᬢᬸ᭞ᬮ᭄ᬯᬶᬃᬕᭂᬋᬄᬰ᭄ᬯᬭᬦᬶᬓᬂᬩᬮ᭞ᬳᬸᬘᬧᭂᬦ᭄ᬓᬂᬧ᭄ᬭᬫᬶᬰ᭄ᬯᬭᬶ᭟᭐ᬧᬶᬦᬋᬓ᭄ᬫᬤ᭄ᬬᬯᬶᬢᬦ᭞ᬚᬬᬾᬂᬭᬡᬳᬗ᭄ᬮᬶᬂᬫ᭄ᬭᬶᬂᬧᬭᬫᬶᬰ᭄ᬯᬭᬶ᭞ᬳᬶᬓᬂᬳᬦᬫᬫᬃᬧᬶᬦ᭄ᬢᬸ᭞ᬳᬶᬓᬂᬭᬳᬶᬫᬸᬦᬶᬕᬃ᭞ᬲᬾᬤᬭᬓᬵ [ 26 ][᭒᭕ 25B]
᭒᭕
ᬗᭂᬦ᭄ᬢᬶᬤᬤᬶᬓᬂᬭᬳᬸᬮᬸ᭞ᬧᬸᬢ᭄ᬭᬶᬳᬤᬶᬲᬶᬭᬾᬂᬚᬕᬢ᭄᭞ᬓᬂᬧᬸᬢ᭄ᬭᬦᬵᬣᬾᬂᬫ᭄ᬥᬬᬶᬦ᭄᭟᭐ᬓᬤᬶᬕᬫ᭄ᬩᬃᬯᬯᬗᬸᬦᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬲ᭄ᬢᬳᬶᬗᬃᬱᬦᬶᬭᬳᬫᬶᬃ᭞ᬦᬸᬮ᭄ᬬᬤᬾᬯᬶᬭᬚᬄᬩᬦᬸᬦ᭄‌᭞ᬯᬯᬸ
ᬢᬳᬶᬗᬦ᭄ᬤᬶᬓᬵᬦ᭄᭞ᬳᬦᬤᬾᬦᬾᬳᬶᬗᬭᬦᬜ᭄ᬚᬭᬄᬩᬦᬸᬦ᭄᭞ᬕᬃᬯ᭄ᬯᬦᬶᬭᬭᬤᬾᬦ᭄ᬫᬓ᭄ᬢᬮ᭄᭞ᬧᬸᬢ᭄ᬭᬶᬳᬤᬶᬲᬓᬶᬂᬫᭂᬲᬶᬭ᭄᭟᭐ᬬᬢᬲᬶᬭᬚᬬᬾᬂᬭᬡ᭞ᬳᬗᬦ᭄ᬤᬶᬓᬵᬤᬸᬫᬢᭂᬂ᭞ᬧ᭄ᬭᬫᬶᬰ᭄ᬯᬭᬶ᭞ᬫᬶ
ᬤᬾᬯᬶᬚᬭᬄᬩᬦᬸᬦ᭄᭞ᬲᬫ᭄ᬧᬸᬦ᭄ᬳᬦᬸᬗ᭄ᬕᬮ᭄‌ᬯᬺᬢ᭄ᬢ᭞ᬬᬾᬦ᭄ᬓᬶᬧᬸᬢ᭄ᬭᬢᬜ᭄ᬘᬋᬫ᭄ᬳᬓ᭄ᬭᬫᬦᬶᬧᬸᬦ᭄᭞ᬳᬦᬳᬶᬓᬂᬳᬗᬺᬜ᭄ᬘᬦ᭞ᬢ᭄ᬮᬲ᭄ᬢᬸᬢᬸᬃᬲᬶᬭᬳᬫᬶᬃ᭟᭐ᬳᬗᬦ᭄ᬤᬶᬓᬵᬢᬩᬕᬶᬦ᭄ᬥᬵᬫ᭄ᬱ᭄ᬬᬄ᭞ᬳᬓᬵᬃ
ᬬ᭄ᬬᬧᬲᬭᬾᬬᬦ᭄ᬓᬂᬳᬤᬶ᭞ᬳᬭᬶᬦᬶᬗ᭄ᬲᬸᬦ᭄‌ᬚᬭᬄᬩᬦᬸᬦ᭄᭞ᬓᬃᬱᬳᬫᬫᬚᬚᬗᬵ᭞ᬘᬯᭀᬲᬦᬧᬸᬢ᭄ᬭᬦᬶᬭᬚᬵᬲᬸᬦᬸ᭞ᬢᬦ᭄ᬧᬢᬸᬦ᭄ᬤᬾᬦ᭄ᬬᬳᬓ᭄ᬭᬫ᭞ᬓ᭄ᬭᬲᬦᬶᬂᬲᬸᬦ᭄ᬳᬧᬤᬗᬶ᭟᭐ᬳ
[᭒᭖ 26A]
ᬦᬢᬳᬶᬂᬤᬍᬫ᭄ᬧᬸᬭ᭞ᬧᬦᬕ᭄ᬥᬾᬲᬫᬭᬾᬄᬳᬶᬭᬳᬦᬾᬚᬯᬶ᭞ᬮᬕᬶᬳᬦᬳᬗ᭄ᬭᬶᬤᬸ᭞ᬤᬶᬧᬾᬦᬾᬳᬦᬾᬂᬧᬭ᭞ᬲᬦ᭄ᬩᭀᬬᭀᬗᬶᬲᬭᬶᬫ᭄ᬩᬶᬢ᭄ᬳᬶᬓᬫᬍᬩᬸ᭞ᬚᬭᬄᬩᬦᬸᬦ᭄ᬮᬓᬶᬦᬶᬭ᭞ᬳᭂᬗ᭄ᬕᬾᬦᬶ
ᬗ᭄ᬲᬸᬦ᭄ᬳᬫ᭄ᬩᭀᬬᭀᬗᬶ᭟᭐ᬧᬸᬢ᭄ᬭᬦᬶᬭᬋᬧᬢ᭄ᬫᬚ᭞ᬘᬯᭀᬲᬦᬧᬲᬭᬾᬬᬦ᭄ᬧ᭄ᬭᬬᭀᬕᬶ᭞ᬳᬸᬫᬢᬸᬃᬦᬶᬚᬭᬄᬩᬦᬸ᭞ᬳᬶᬂᬧᬸᬦ᭄ᬤᬶᬧᬺᬦᬳᬾᬢ᭄ᬯᬦ᭄᭞ᬚᬬᬾᬂᬭᬡᬗᬦ᭄ᬤᬶᬓᬵᬲᬃᬯ᭄ᬯᬶᬳᬲᬸᬂᬢᬸᬤᬸᬄ᭞
ᬩᬲᬮᬾᬓᬂᬲᬓᬶᬂᬯᬾᬢᬦ᭄᭞ᬲᬶᬭᬧᬧᬚᬗᬬᬬᬶ᭟᭐ᬚᬭᬄᬩᬦᬸᬦ᭄ᬳᬢᬸᬃᬳᬶᬭ᭞ᬦᬸᬮ᭄ᬬᬮᬾᬂᬲᬾᬃᬲᬓᬶᬂᬳᬃᬱᬦᬶᬸᬦᬶᬭᬳᬫᬶᬃ᭞ᬲᬓ᭄ᬱᬡᬲᬂᬚᬬᬾᬂᬰᬢ᭄ᬭᬸ᭞ᬭᬤᬾᬦ᭄ᬫᬓ᭄ᬢᬮ᭄ᬳᬶᬗᬦ᭄ᬤᬶᬓᬦ᭄᭞
ᬢᬦᬤᬗᬸᬭᬶᬂᬗᬬᬸᬦ᭄‌ᬦᬸᬮ᭄ᬬᬭᬯᬸᬄ᭞ᬚᬬᬾᬂᬭᬡᬳᬗᬦ᭄ᬤᬶᬓᬵ᭞ᬮᬄᬢᬲᬶᬭᬲᬸᬦ᭄ᬓᭀᬦ᭄ᬬᬬᬶ᭟᭐ᬧᭀᬡ᭄ᬥᭀᬗᭂᬦᬧᬸᬢ᭄ᬭᬦᬶᬭ᭞ᬓᬶᬲᬸᬯᭀᬗ᭄ᬰᬮᬦ᭄ᬧᬸᬢ᭄ᬭᬦᬾᬲᬭᬶᬫ᭄ᬩᬶᬢ᭄᭞ᬤᬶᬫᬾᬦᬾᬳᬶ [ 27 ][᭒᭖ 26B]
᭒᭖
ᬓᬂᬓᬦ᭄ᬢᬸᬦ᭄᭞ᬅᬧᬦ᭄ᬳᬶᬬᬭᬩᬶᬦᬶᬭ᭞ᬫᬫᬚᬗᬳᬘᬯᭀᬲᬦ᭄ᬧᬺᬦᬄᬳᬶᬧᬸᬦ᭄᭞ᬧᬬᬸᬲᬶᬭᬮᬸᬫᬓ᭄ᬯ᭞ᬓᬶᬫᬓ᭄ᬢᬮ᭄ᬳᬫᬢᬸᬃᬩᬓ᭄ᬢᬶ᭟᭐ᬲᬫ᭄ᬧᬸᬦ᭄ᬮᬸᬫᬫ᭄ᬧᬄᬲᬓ᭄ᬱᬡ᭞ᬲᬩᬮᬦᬾᬯᭀᬂᬳᬭᬩ᭄ᬲ
ᬫᬶᬗᬶᬭᬶᬂ᭞ᬓᬤᬶᬧᬢᬾᬦ᭄ᬓᬂᬚᬶᬦᬸᬕ᭄ᬚᬸᬕ᭄᭞ᬲᭂᬗ᭄ᬓᬮᬓᬕᬾᬕᬾᬭᬦ᭄᭞ᬳᬫᬗ᭄ᬕᬶᬳᭂᬦ᭄ᬳᭂᬫ᭄ᬩᬦ᭄ᬢᬸᬫᭂᬗ᭄ᬕᬸᬂᬢᭀᬄᬩᬯᬸ᭞ᬬᬢᬲᬫ᭄ᬧᬸᬦ᭄ᬳᬶᬗᬢᬸᬭᬦ᭄᭞ᬭᬳᬤᬾᬦ᭄ᬫᬓ᭄ᬢᬮ᭄ᬳᬮᬶᬗ᭄ᬕᬶᬄ᭟᭐ᬧᬸᬢ᭄ᬭᬶᬚᬫᬶᬦ᭄ᬢᭀ
ᬭᬦ᭄ᬫᭂᬤᬮ᭄᭞ᬓᬂᬳᬦᬫᬦᬶᬚᬸᬮᬸᬲᬮᬲᬶᬓᬶᬮ᭄᭞ᬓᬂᬩ᭄ᬭᬭᬫᬓᬗᬶᬂᬗᬸᬢᬸᬲ᭄᭞ᬯᬸᬲ᭄ᬧᬶᬦᬋᬓ᭄ᬲᬂᬭᬢ᭄ᬦᬵ᭞ᬭᬤᬾᬦ᭄ᬫᬓ᭄ᬢᬮ᭄ᬳᬦᬶᬫ᭄ᬩᬮᬓᭂᬦ᭄ᬧᬫᬸᬯᬸᬲ᭄᭞ᬦᬶᬫᬲ᭄ᬧᬸᬮᬂᬳᬶᬗᬦ᭄ᬤᬶᬓᬦ᭄‌᭞ᬤᬾᬦᬶᬂᬭᬫᬚ
ᬬᬾᬂᬧᬢᬶ᭟᭐ᬧᬋᬓᬦ᭄ᬳᬢᭂᬩᬄᬮᬯᬂ᭞ᬧᬦ᭄ᬮᬸᬫᬚᭂᬂᬤᬢᭂᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬬᬦ᭄ᬯᭂᬦ᭄ᬢᭂᬦ᭄ᬳᬸᬢᬸᬲᬦ᭄ᬭᬯᬸᬄ᭞ᬲᬓᬶᬂᬭᬫᬢ᭄ᬯᬦ᭄᭞ᬭᬤᬾᬦ᭄ᬫᬓ᭄ᬢᬮ᭄ᬧᬸᬦᬶᬓᬶᬫᬗ᭄ᬓᬾᬳᬶᬗᬸᬢᬸᬲ᭄᭞ᬳᬕᭂᬧᬄᬭᬧᬶᬦᬸᬢ᭄ᬭ᭞ᬢᭂ
[᭒᭗ 27A]
ᬤᬓ᭄ᬥᬾᬦᬶᬭᬳᬮᬶᬗ᭄ᬕᬶᬄ᭟᭐ᬮᬸᬫᭂᬩᭂᬢ᭄ᬭᬳᬤᬾᬦ᭄ᬫᬓ᭄ᬢᬮ᭄᭞ᬭᬶᬂᬉᬤ᭄ᬬᬦᬲᬋᬂᬤᬾᬦ᭄ᬬᬦᬶᬗᬮᬶᬦ᭄᭞ᬭᬤᬾᬦ᭄ᬫᬓ᭄ᬢᬮ᭄ᬳᬮᬸᬗ᭄ᬕᬸᬄᬭᬤᬾᬦ᭄ᬧᬶᬦᬮᬚᭂᬗᬦ᭄᭞ᬭᬶᬲᬓ᭄ᬱᬡᬓᬢ᭄ᬫᬸᬕᬸᬲ᭄ᬢᬶᬭᬶᬦᬗ᭄ᬓᬸᬮ᭄᭞ᬳᬤᬸᬄᬕᬸ
ᬲ᭄ᬢᬶᬦᬶᬗ᭄ᬲᬸᬦ᭄ᬫᬲ᭄᭞ᬫᬦ᭄ᬤᬭᬯᬳᬫᬮᬶᬗᬶ᭟᭐ᬲᬫᬶᬳᬮᬶᬗ᭄ᬕᬶᬄᬕᬢᬢᬄ᭞ᬭᬤᬾᬦ᭄ᬫᬓ᭄ᬢᬮ᭄ᬫᬗ᭄ᬓᬾᬤᬾᬦᬶᬭᬦᬶᬗᬮᬶᬦ᭄᭞ᬯᬲ᭄ᬧᬤᬲᬫ᭄ᬬᬳᬮᬸᬗ᭄ᬕᬸᬄ᭞ᬲᬓᬶᬢᬾᬭᬚᬵᬧᬶᬦᬸᬢ᭄ᬭ᭞ᬘᬄᬬ᭄ᬬᬭᬳᬤ᭄ᬬ
ᬦ᭄ᬧᬸᬢ᭄ᬭᬯᬸᬲ᭄ᬳᬘᬸᬫ᭄᭞ᬳᬦᬭᬯᬂᬭᬚᬵᬧᬸᬢ᭄ᬭ᭞ᬓᬤᬶᬤᬮᬜ᭄ᬘᬂᬯᬶᬦᬦ᭄ᬢᬶᬂ᭟᭐ᬳᬸᬫᬢᬸᬃᬭᬤᬾᬦ᭄ᬫᬓ᭄ᬢᬮ᭄᭞ᬳᬫ᭄ᬩᬓᬶᬦᬾᬦ᭄ᬳᬗᬢᬸᬭᬶᬦ᭄‌ᬚᭂᬂᬕᬸᬲ᭄ᬢᬶ᭞ᬳᬶᬗᬕᬾᬫᬗ᭄ᬓᬾᬲᬗᬩᬕᬸᬲ᭄᭞ᬤᬯᭂᬕᬸᬲ᭄ᬢᬶᬧ
ᬗᬾᬭᬦ᭄᭞ᬭᬚᬵᬧᬸᬢ᭄ᬭᬢᭂᬫ᭄ᬩᬸᬗᬾᬫᬗ᭄ᬓᬾᬳᬦ᭄ᬤᭂᬓᬸᬂ᭞ᬮᬄᬧᬫᬦ᭄ᬲᬶᬗ᭄ᬕᬶᬄᬳᬦ᭄ᬤᬶᬓᬵ᭞ᬳᬗᬶᬂᬢᬤᬾᬧᬸᬦ᭄ᬳᬭᬭᬶ᭟᭐ᬳᬧᬦ᭄ᬓᬯᬸᬮᬧᬸᬦᬶᬓᬵ᭞ᬲᬓᬶᬢ᭄ᬲᬗᭂᬢ᭄‌ᬯᬸᬲ᭄ᬢᬗ᭄ᬓᭂᬧ᭄ᬓᬮᬶᬄᬰᬰᬶᬄ᭞ᬫᬾᬲᭂᬫ᭄ᬓᬂ [ 28 ][᭒᭗ 27B]
᭒᭗
ᬲᬶᬦᬸᬗᬦ᭄ᬢᬸᬢᬸᬃ᭞ᬭᬤᬾᬦ᭄ᬧᬸᬢ᭄ᬭᬗᬦ᭄ᬤᬶᬓᬵ᭞ᬩ᭄ᬬᬂᬳᭂᬫ᭄ᬩᬦᬶᬗ᭄ᬲᬸᬦ᭄ᬳᭂᬦ᭄ᬤᬶᬓᬾᬂᬳ᭄ᬬᬂᬕᬸᬭᬸ᭞ᬮᬄᬢᬶᬫ᭄ᬩᬍᬦᬲᬶᬤ᭄ᬫᬂ᭞ᬬᬳᬶᬗ᭄ᬲᬸᬦ᭄ᬳᬦᬶᬢᬶᬄᬚᭀᬮᬶ᭟᭐ᬳᬧᬦ᭄ᬲᬫ᭄ᬧᬸᬦ᭄ᬢᬶᬦᬶᬫ᭄ᬩᬮᬦ᭄᭞ᬤ᭄ᬫᬂᬢᬦᬳᬦ᭄ᬯᬸᬲ᭄‌ᬘᬳᭀ
ᬲ᭄ᬧᬸᬦᬂᬚᭀᬮᬶ᭞ᬯᭀᬂᬓᬤᬶᬧᬢᬾᬦ᭄ᬳᬓᬸᬫ᭄ᬧᬸᬮ᭄᭞ᬜᬯᭀᬲᬶᬂᬕᬸᬭᬸᬦᬶᬭ᭞ᬦᬸᬮ᭄ᬬᬫ᭄ᬥᬮ᭄ᬲᬶᬭᬲᬓᬶᬂᬢᬫᬦ᭄ᬲᬦ᭄ᬢᬸᬦ᭄᭞ᬓᬲᭂᬍᬓ᭄ᬥᬾᬦᬶᬂᬳᬸᬢᬸᬲᬦ᭄᭞ᬲᬓᬶᬂᬭᬫᬪᬕᬶᬦ᭄ᬥᬳᬫᬶᬃ᭟᭐ᬲᬫ᭄ᬧᬸᬦ᭄ᬳᬦᬶᬢᬶᬄᬚᭂᬫ᭄ᬧ
ᬡᬵ᭞ᬭᬤᬾᬦ᭄ᬧᬸᬢ᭄ᬭᬫᬦᬳᬶᬭᬕᬸᬫᬶᬢᬶᬃ᭞ᬢᬦ᭄ᬯᬗ᭄ᬤᬾᬫᬗ᭄ᬓᬾᬩᬶᬦᭂᬦ᭄ᬥᬸ᭞ᬤᬾᬦᬶᬂᬭᬫᬤᬶᬦᬸᬓᬦ᭄᭞ᬕᬶᬦᬋᬩᭂᬕ᭄ᬥᬾᬦᬶᬂᬳᬶᬜᬘᬾᬝᬶᬦᬶᬧᬸᬦ᭄᭞ᬫᬶᬯᬄᬯᬤ᭄ᬬᬧᬭᬤᬾᬦᬦ᭄᭞ᬲᬫᬶᬳᬗᬶᬭᬶᬂᬗᬶᬂᬕᬸᬲ᭄ᬢᬶ᭟᭐
ᬦ᭄ᬤᬢᬦ᭄ᬓᬯᬃᬡ᭄ᬦᬳᬶᬂᬫᬃᬕ᭄ᬕ᭞ᬳᬶᬂᬩᬜ᭄ᬘᬶᬗᬄᬭᬯᬸᬄᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬓ᭄ᬱᬡᬲᬫ᭄ᬧᬸᬦ᭄ᬢᬸᬫᬸᬭᬸᬦ᭄᭞ᬲᬓᬶᬂᬯᬳᬦᬦᬶᬭ᭞ᬮᬸᬫᬓ᭄ᬯᬭᬳᬤᬾᬦ᭄ᬧᬸᬢ᭄ᬭᬭᬶᬦᬸᬩᬸᬂ᭞ᬓᬦ᭄ᬢᬾᬦ᭄ᬳᬲ᭄ᬢᬮᬯᬦ᭄ᬧᬫᬦ᭄᭞ᬭᬤᬾ
[᭒᭘ 28A]
ᬲ᭄ᬫᬭᬦ᭄ᬤᬦ᭞ᬦ᭄ᬫᬓ᭄ᬢᬮ᭄ᬳᬦᬾᬂᬓᬶᬭᬶ᭟᭐ᬳᬶᬓᬂᬳᬫᭂᬢᬸᬓᬶᬂᬮᬯᬂ᭞ᬲᬓᬢᬳᬾᬧ᭄ᬭᬫᬾᬰ᭄ᬯᬭᬶᬦᬶᬭᬳᬫᬶᬃ᭞ᬳᬶᬓᬂᬳᬦᬫᬵᬫᬃᬧᬶᬦ᭄ᬢᬸ᭞ᬮᬯᬦᬶᬤᬾᬯᬶᬚᬭᬄ᭞ᬩᬦᬸᬦ᭄ᬢᬸᬫᬸᬢ᭄ᬳᬫᭂᬢᬸᬓ᭄ᬚᬯᬶᬦᬶᬂᬧᬶᬦ᭄ᬢᬸ᭞ᬕᬃᬯ᭄ᬯᬦᬾᬭᬚᬧᬶᬦᬸᬢ᭄ᬭ
᭞ᬳᬢ᭄ᬫᬚᬸᬮᬸᬲᬮᬲᬶᬓᬶᬮ᭄᭟᭐ᬲᬫ᭄ᬧᬸᬦᬦᬾᬂᬚ᭄ᬭᭀᬦᬶᬂᬧᬸᬭ᭞ᬳᬦᬸᬗ᭄ᬕᭀᬦᬶᬦ᭄ᬲᬓᬶᬢᬾᬧᬸᬢ᭄ᬭᬦᬾᬓᬶ᭞ᬳᭂᬫ᭄ᬩᬦᬶᬜᬲᬫᬶᬓᬸᬫ᭄ᬧᬸᬮ᭄᭞ᬓᬂᬲᬓᬶᬂᬚᬫᬶᬦ᭄ᬳᭀᬭᬦ᭄᭞ᬮᬗ᭄ᬓᬸᬂᬲᬶᬳᬾᬚᬬᬾᬂᬭᬡᬫᬭᬶᬂ
ᬫᬦ᭄ᬢᬸ᭞ᬳᬸᬘᬧ᭄ᬦᬵᬓᬗᬫᬯᬓ᭄᭞ᬭᬤᬾᬦ᭄ᬩᬕᬸᬲ᭄‌ᬲ᭄ᬥᬶᬄᬓᬶᬗ᭄ᬓᬶᬂ᭛᭐᭛ᬧᬸᬄᬲ᭄ᬫᬭᬦ᭄ᬤᬦ᭛᭐᭛ᬓᬂᬮᬸᬫᭂᬩᭂᬢ᭄‌ᬚ᭄ᬭᭀᬦᬶᬂᬧᬸᬭᬶ᭞ᬭᬤᬾᬦ᭄ᬳᬶᬫᬲ᭄‌ᬫᬦ᭄ᬲᬸᬯᭀᬗ᭄ᬰ᭞ᬧᬶᬮᬶᬄᬢᬸᬫᬦ᭄ᬤᬶᬂᬩᬕᬸᬲᬾ᭞ᬧ᭄ᬭᬧ᭄ᬢ
ᬲᬶᬭᬾᬂᬯᬶᬚᬶᬮ᭄ᬧᬶᬲᬦ᭄᭞ᬬᬢᬲᬋᬂᬢᬸᬫᬶᬗᬮ᭄᭞ᬮᬯᬦ᭄ᬤᬾᬯᬶᬚᬭᬄᬩᬦᬸᬦ᭄᭞ᬭᬳᬤᬾᬦ᭄‌ᬧᬶᬦᬮᬚᭂᬗᬦ᭄᭟᭐ᬭᬳᬵᬤ᭄ᬬᬦ᭄ᬧᬶᬦ᭄ᬓᬸᬮ᭄ᬢᬸᬫᬸᬮᬶ᭞ᬲᬃᬯ᭄ᬯᬶᬘᬶᬦᬦ᭄ᬤᬓᬂᬳᬲ᭄ᬢ᭞ᬭᬢ᭄ᬦᬵᬫᬃᬧᬶᬦ᭄ᬢᬸᬤᬦ᭄ᬮᬶᬗᬾ᭞ [ 29 ][᭒᭘ 28B]
᭒᭘
ᬳᬤᬸᬄᬧᬸᬢ᭄ᬭᬦᬶᬂᬲᬸᬦ᭄ᬫᬵᬲ᭄᭞ᬤᬾᬦᬾᬳᬫᬦ᭄ᬥᬭᬯ᭞ᬳᬫᬮᬶᬗᬶᬯᭀᬗᬩᬕᬸᬲ᭄᭞ᬩᬾᬤ᭄ᬥᬩᬾᬤ᭄ᬥᬮᬯᬦ᭄ᬲᬪ᭟᭐ᬓᬤᬶᬤ᭄ᬮᬜ᭄ᬘᬂᬯᬶᬦᬦ᭄ᬢᬶᬂ᭞ᬧᬸᬢ᭄ᬭᬦᬶᬗ᭄ᬲᬸᬦ᭄ᬥᬾᬦᬶᬂᬗᬧ᭞ᬲᬓ᭄ᬱᬡᬮᬸᬫᬫ᭄ᬧᬄᬳ
ᬮᭀᬦ᭄᭞ᬚᬭᬄᬩᬦᬸᬦ᭄ᬫᬸᬗ᭄ᬕ᭄ᬯᬾᬂᬓᬦᬦ᭄᭞ᬗᬧᬶᬗᬶᬦ᭄ᬧᬸᬢ᭄ᬭᬦᬶᬭ᭞ᬓᬂᬫᬸᬗ᭄ᬕ᭄ᬯᬾᬓᬶᬭᬶᬫᬃᬧᬶᬦ᭄ᬢᬸ᭞ᬕᬶᬦᬋᬩᭂᬕᬶᬂᬧᬯᭀᬗᬦ᭄᭟᭐ᬧᬭᬦ᭄ᬲᬶᬭᬢᬕ᭄ᬭᬄᬓᬮᬶᬄ᭞ᬲᬗᭂᬢ᭄ᬧᬸᬢ᭄ᬭᬳᬮᭀᬂᬚᬶᬯ᭞ᬓᬂᬧᬸᬢ᭄ᬭᬳᬢᬸᬃ
ᬲᭂᬫ᭄ᬩᬳᬾ᭞ᬓᬯᬸᬮᬳᬲᬓᬶᬢ᭄ᬫᬦᬄ᭞ᬧᬦ᭄ᬲᬫ᭄ᬧᬸᬦ᭄ᬓᬮᬶᬄᬘᬦ᭄ᬤ᭄ᬭ᭞ᬢᬦ᭄ᬳᬃᬱᬫᬗᬦ᭄ᬳᬢᬸᬭᬸ᭞ᬚᬬᬾᬂᬭᬡᬳᬗᬦ᭄ᬤᬶᬓᬵ᭟᭐ᬮᬄᬕᬯᬾᬦᭂᬦ᭄ᬲᬶᬭᬦᬶᬦᬶ᭞ᬚᬭᬄᬩᬦᬸᬦ᭄ᬧᬸᬢ᭄ᬭᬦᬶᬭ᭞ᬳᬶᬗ᭄ᬲᬸᬦ᭄‌ᬲ᭄ᬭᬳᬶᬂ
ᬧᬫᭀᬂᬫᭀᬗᬾ᭞ᬧᭀᬫᬓᬂᬤᬾᬧᬸᬦ᭄ᬓᬭᬓ᭄ᬱᬵ᭞ᬦᬶᬦᬶᬳᬢ᭄ᬫᬚᬦᬶᬭᬵ᭞ᬳᬶᬂᬲ᭄ᬬᬂᬮᬯᬦ᭄ᬤᬮᬸ᭞ᬲᬸᬦ᭄ᬢᭂᬫ᭄ᬧᬸᬳᬓ᭄ᬦᬶᬂᬲᬶᬭ᭟᭐ᬲᬓᬢᬳᬾᬧ᭄ᬭᬫᬾᬲ᭄ᬯᬭᬶ᭞ᬧᬤᬳᬲᬾᬩᬵᬳᬶᬂᬯᬾᬢᬦ᭄᭞ᬗᬫᭀᬗᬶᬦ᭄
[ 29A]
ᬫ᭄ᬭᬶᬂᬧᬸᬢ᭄ᬭᬦᬶᬗᭀᬂ᭞ᬳᬸᬯᬶᬲ᭄ᬓᬓᬶᬢᬸᬢᬸᬃᬮᬶᬂᬦ᭄ᬬ᭞ᬫᬭᬶᬂᬓᬂᬩᬶᬩᬶᬦᬶᬭ᭞ᬬᬬᬶᬤᬾᬯᬶᬚᬭᬄᬩᬦᬸᬦ᭄᭞ᬳᬶᬓᬂᬗᬫᭀᬂᬫᭀᬗᬶᬂᬲᬶᬭ᭟᭐ᬭᬤᬾᬦ᭄ᬲᬸᬯᭀᬗ᭄ᬰᬢᬹᬃᬪᬓ᭄ᬢᬶ᭞ᬯᬸᬲ᭄ᬮᬾᬂᬲᬾᬃᬲᬓᬶᬂᬳᬬᬸᬦᬦ᭄᭞ᬕᬶ
ᬦᭂᬋᬩᭂᬕᬶᬂᬧᬸᬦᬂᬯᭀᬂ᭞ᬧ᭄ᬭᬧ᭄ᬢᬲᬓᬶᬂᬲᬗ᭄ᬓᬯᬾᬢᬦ᭄᭞ᬧ᭄ᬭᬫᬶᬰ᭄ᬯᬭᬶᬦᬶᬭᬵᬫ᭄ᬱ᭄ᬬᬄ᭞ᬳᬗᬶᬭᬶᬂᬭᬢ᭄ᬦᬵᬫᬃᬧᬶᬦ᭄ᬢᬸ᭞ᬤᬢᭂᬂᬲᬓᬶᬂᬲᬗ᭄ᬓᬯᬾᬢᬦ᭄᭟᭐ᬧ᭄ᬭᬧ᭄ᬢᬳᬦᬾᬂᬯᬶᬰ᭄ᬫᬳᬮᬶᬗ᭄ᬕᬶᬄ᭞ᬳᬦᬾᬓᬂᬧᬦ᭄ᬢᬶᬯᬶᬢᬦ᭞
ᬤᬾᬦ᭄ᬬᬧᬶᬦᬋᬓ᭄ᬭᬳᬤᬾᬦ᭄᭞ᬳᬲ᭄ᬭᬶᬮ᭄ᬯᬶᬃᬲ᭄ᬓᬃᬲᬢᬫᬦ᭄᭞ᬳᬸᬧᬘᬭᬳᬶᬗᬬᬸᬦᬦ᭄᭞ᬧᭂᬧᭂᬓᬶᬓᬂᬧᬭᬳᬶᬩᬸ᭞ᬳᬗᬤᬧᬶᬂᬭᬚᬧᬸᬢ᭄ᬭ᭟᭐ᬤᬾᬯᬶᬫᬵᬃᬧᬶᬦ᭄ᬢᬶᬦᬾᬂᬓᬶᬭᬶ᭞ᬭᬚᬄᬩᬦᬸᬦ᭄ᬳᬦᬾᬂᬓᬦᬦ᭄᭞
ᬮᬯᬦ᭄ᬧᬭᬳᬶᬩᬸᬓᬩᬾᬄ᭞ᬕᬃᬯ᭄ᬯᬦᬶᬭᬚᬬᬾᬂᬭᬡ᭞ᬳᬢᬧ᭄ᬳᬦᬾᬂᬗᬬᬸᬦᬦ᭄᭞ᬗᬫᭀᬂᬫᭀᬗᬶᬦ᭄ᬭᬤᬾᬦ᭄ᬩᬕᬸᬲ᭄᭞ᬓᬵᬮᬦᬾᬳᬫᬯᬶᬕ᭄ᬭᬳᬵ᭟᭐ᬭᬤᬾᬦ᭄ᬧᬸᬢ᭄ᬭᬤᬾᬦ᭄ᬢᬓᬾᬦᬶᬦ᭄᭞ᬤᬾ [ 30 ][᭒᭙ 29B]
᭒᭙
ᬦᬾᬓᬳᬶᬩᬸᬦᬾᬲᬤᬬ᭞ᬕᬸᬲ᭄ᬢᬶᬓᬬᬗᬧᬓᬦ᭄ᬤᬦᬾ᭞ᬓᬮᬤᬢᭂᬂᬮᬭᬦᬶᬭ᭞ᬫᬢᬸᬃᬭᬚᬧᬶᬦᬸᬢ᭄ᬭ᭞ᬳᬶᬗ᭄ᬕᬶᬄᬢᬦ᭄ᬧᬓ᭄ᬭᬡᬭᬯᬸᬄ᭞ᬓᬗᬲᬸᬂᬮᬭᬯᬶᬖ᭄ᬦ᭟᭐ᬳᬗᬶᬂᬤᬢᭂᬂᬭᬸᬫᬶᬳᬶᬦ᭄᭞ᬕᬦ᭄ᬥᬦᬾᬤ
ᬢᭂᬂᬓᬥᬢ᭄ᬯᬦ᭄᭞ᬦ᭄ᬤᬢᬦ᭄ᬯᭂᬦ᭄ᬢᭂᬦ᭄ᬲᬫᬬᬦᬾ᭞ᬯᬃᬡ᭄ᬦᬓᬂᬳᬲᬸᬂᬮᬭ᭞ᬫᬶᬤᭂᬭᬭᬶᬂᬭᬢ᭄ᬚᬕᬢ᭄᭞ᬲᬸᬫᬯᭀᬲᬳᬶᬗ᭄ᬕᬶᬄᬳᬶᬩᬸ᭞ᬬᬾᬦ᭄ᬳᬦ᭄ᬢᬸᬓᬳᬫᬶᬭᬶᬩ᭟᭐ᬳᬯᬲ᭄ᬢᬤᬾᬯᬶᬋᬗ᭄ᬕᬦᬶᬲ᭄᭞ᬳᬶᬗ᭄ᬕᬶᬄᬫ
ᬦᬸᬲᬓᭂᬚᬶᬫᬦ᭄᭞ᬓᬮᬗ᭄ᬓᬸᬂᬤᬾᬦᬾᬳᬧᬶᬓᬾ᭞ᬦᭀᬭᬓ᭄ᬦᬧᬶᬦᬋᬓᬦ᭄᭞ᬦ᭄ᬤᬢᬦ᭄ᬳᬗᬫ᭄ᬩᬄᬤᬭᬢ᭄᭞ᬢᬢ᭄ᬓᬮᬦᬾᬬᬾᬦ᭄ᬢᬸᬫᬸᬭᬸᬦ᭄᭞ᬳᬶᬂᬤᬭᬢ᭄ᬳᬲᬸᬂᬯᬶᬖ᭄ᬦ᭟᭐ᬤᬾᬯᬶᬫᬃᬧᬶᬦ᭄ᬢᬸᬫᬗ᭄ᬓ᭄ᬬᬳᬗ᭄ᬮᬶᬂ᭞ᬦᬶᬚ
ᬭᬄᬩᬦᬸᬦ᭄ᬳᬗᬸᬘᬧ᭄᭞ᬳᬤᬸᬄᬧᬸᬢ᭄ᬭᬦᬶᬂᬲᬸᬦ᭄ᬳᬕᬾᬃ᭞ᬮᬄᬲᬶᬭᬳᬯᬵᬓᬂᬮᬦᬂ᭞ᬬᬾᬦ᭄ᬭᬗ᭄ᬓᭂᬧᬸᬚᬶᬦᬶᬭ᭞ᬳᬾᬮᬶᬗᭂᬦᬧᬗ᭄ᬭᬭᬶᬤᬸ᭞ᬩᬮᬶᬓᬦ᭄ᬢᬕᬃᬯ᭄ᬯᬦᬶᬭ᭟᭐ᬮᬄᬫᬗ᭄ᬓᬾᬘᬂᬓ᭄ᬭᬫᬕᬸᬲ᭄ᬢᬶ᭞ᬧᬢᬹᬤᬦ᭄ᬳ
[᭓᭐ 30A]
ᬦᬧᬮᬓ᭄ᬭᬫ᭞ᬮᬗ᭄ᬓᬸᬂᬧᬗᬚᭂᬂᬗᬚᭂᬗᬾ᭞ᬕᬃᬯ᭄ᬯᬦᬶᬭᬫᬭᬶᬂᬲᬶᬭ᭞ᬮᬄᬢᬳᬘᬂᬓ᭄ᬭᬫᬳᬸᬕ᭞ᬫᬾᬦ᭄ᬤᬄᬧᬶᬮᬶᬄᬩᬸᬗᬄᬳᬶᬗ᭄ᬲᬸᬦ᭄᭞ᬲᬶᬭᬧᬢᬸᬢ᭄ᬳᬓ᭄ᬭᬫᭂᬳᬵ᭟᭐ᬓᬯᬃᬡ᭄ᬦᬳᭂᬳᬗᬶᬦ᭄ᬧ᭄ᬭᬧ᭄ᬢᬶ᭞ᬲᬋᬂ
ᬕᬦ᭄ᬥᬦᬶᬂᬓᬸᬲᬸᬫ᭞ᬳᬫ᭄ᬩᬩᬃᬭᬸᬲ᭄ᬓᬤᬢᭀᬦ᭄᭞ᬓᬕ᭄ᬬᬢ᭄ᬯᭀᬗᬶᬂᬤᬍᬫ᭄ᬧᬸᬭᬵ᭞ᬤᬾᬦᬾᬳᬗᬫ᭄ᬩᬸᬕᬡ᭄ᬥ᭞ᬳᬗ᭄ᬮᬶᬂᬲᬶᬭᬚᬭᬄᬩᬦᬸᬦ᭄᭞ᬳᬶᬓᬶᬕᬡ᭄ᬥᬦᬾᬧᬸᬦᬧ᭟᭐ᬭᬳᬵᬤᬾᬦᬸᬮ᭄ᬬᬦᬶᬗᬮᬶᬦ᭄
᭞ᬬᬾᬦ᭄ᬓᬲᭀᬤᬭᬓᬂᬧ᭄ᬭᬧ᭄ᬢ᭞ᬳᬲ᭄ᬢᬦᬾᬳᬗᬯᬾᬳᬯᬾ᭞ᬳᬕᭂᬧᬄᬭᬚᬧᬶᬦᬸᬢ᭄ᬭ᭞ᬢ᭄ᬥᬓ᭄ᬲᬓᬶᬂᬧᬮᬶᬗ᭄ᬕ᭄ᬬᬦ᭄᭞ᬳᬗ᭄ᬮᬶᬂᬤᬾᬯᬶᬚᬭᬄᬩᬦᬸᬦ᭄᭞ᬳᬤᬸᬄᬧᬸᬢ᭄ᬭᬦᬶᬗ᭄ᬲᬸᬦ᭄ᬫᬵᬲ᭄᭟᭐ᬲᬶᬭᬳᬃᬱᬫᬭᬶᬂ
ᬗᭂᬦ᭄ᬤᬶ᭞ᬧᬯᭀᬗᬦ᭄ᬫᬢᬸᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬓᬦ᭄ᬢᭂᬦ᭄ᬮᬸᬯᬗᬾ᭞ᬬᬾᬜ᭄ᬥᬢᭂᬂᬓᬂᬳᬲᬸᬂᬮᬭᬵ᭞ᬓᬂᬳᬚᭂᬂᬕᬸᬲ᭄ᬢᬶᬧᬸᬦᬶᬓ᭞ᬓᬤᬶᬓᬯᭀᬦ᭄ᬳᬓᬮᬶᬧᬸᬦ᭄᭞ᬲᬓᬶᬂᬳᬕᭃᬂᬧᬗᬺᬜ᭄ᬘᬦ᭟᭐ᬗᬦ᭄ᬤᬶᬓᬭᬳ [ 31 ][᭓᭐ 30B]
᭓᭐
ᬤᬾᬦ᭄ᬫᬦ᭄ᬢ᭄ᬭᬶ᭞ᬋᬗ᭄ᬕᬦᬶᬲ᭄ᬮᬄᬫᬾᬭᬾᬦᬦ᭞ᬯᭀᬗᬬᬸᬲᬓ᭄ᬥᬾᬧ᭄ᬩᬳᬾ᭞ᬳᬚᬲᬶᬭᬳᬮᬶᬗᬦ᭄ᬯᬺᬓ᭄ᬱ᭞ᬬᬢᬲᬫᬗᬦ᭄ᬤᬶᬓᬵ᭞ᬲᬓᬢᬳᬾᬧᬭᬳᬶᬩᬸ᭞ᬮᬄᬭᬤᬾᬦ᭄ᬕᬸᬲ᭄ᬢᬶᬳᬾᬮᬶᬗ᭟᭐ᬲᬭᬾ
ᬯᬂᬗᬶᬭᬳᬗ᭄ᬮᬶᬂ᭞ᬭᬤᬾᬦ᭄ᬕᬶᬗ᭄ᬲᬶᬃᬫᬦᬳᬶᬭ᭞ᬢ᭄ᬓᬫᬶᬘᬭᬤᬾᬯᬾᬓᬾ᭞ᬕᬶᬦᬕᬾᬦ᭄ᬤᭀᬮᬦ᭄ᬤᬾᬦᬶᬭ᭞ᬤᬾᬦᬾᬳᬶᬩᬸᬲᬤᬬ᭞ᬭᬢ᭄ᬦᬤᬾᬯᬾᬚᬭᬄᬩᬦᬸᬦ᭄᭞ᬳᬶᬓᬂᬧᬸᬢ᭄ᬭᬢᬶᬦᬗᬶᬲᬦ᭄᭟᭐ᬳ
ᬤᬸᬄᬧᬸᬢ᭄ᬭᬦᬶᬗ᭄ᬲᬸᬦ᭄ᬕᬸᬲ᭄ᬢᬶ᭞ᬤᬸᬭᬸᬂᬓᬩᬸᬧᬢᬾᬦᬶᬭ᭞ᬮᬫᭀᬦᬯᬾᬢᬫᬾᬗ᭄ᬓᬾᬦᬾ᭞ᬤᬸᬫᬤᬶᬯᭀᬂᬓᬧ᭄ᬭᬬᬂᬬᬂ᭞ᬤᬸᬭᬸᬂᬲᬧᬭᬶᬧᭀᬮᬄ᭞ᬓᬋᬫᬤᬾᬦᬾᬧᬗᬺᬭᬶᬤᬸ᭞ᬳᬕᬾᬃᬕᬸᬲ᭄ᬢᬶᬳᬦᭂᬩᬸᬢ᭟
ᬧᭀᬮᬳᬾᬤᬾᬦ᭄ᬤᬦᬗᬶᬦ᭄᭞ᬭᬤᬾᬦ᭄ᬳᬃᬬ᭄ᬬᬋᬧᬢ᭄ᬫᬵᬚ᭞ᬓᬂᬢᬗᬶᬲ᭄‌ᬕᬺᬄᬲ᭄ᬯᬭᬦᬾ᭞ᬤᬾᬦᬾᬢᬦ᭄ᬲᬄᬕᭃᬂᬢᬸᬫᬶᬗᬮ᭄᭞ᬫ᭄ᬭᬶᬂᬧᭀᬮᬳᬾᬭᬳᬵᬤ᭄ᬬᬦ᭄᭞ᬓᬓᬬᭀᬦ᭄ᬓᬂᬤᬾᬧᬸᬦ᭄ᬭᬸᬫ᭄ᬭᬸᬫ᭄᭞ᬳᬓ
[᭓᭑ 31A]
ᬓᬸᬫᬫ᭄ᬩᬂ᭞ᬢᬄᬤᬾᬧᬸᬦ᭄ᬳᬗᬸᬘᬧ᭄᭟᭐ᬲᬧᬭᬦᬾᬦᬶᬋᬗ᭄ᬕᬦᬶᬲ᭄᭞ᬯᬯᬸᬓᬂᬢᬶᬦᬸᬦ᭄ᬢᬢ᭄ᬳᬸᬦ᭄ᬢᬢ᭄᭞ᬳᬗ᭄ᬮᬶᬗᬫ᭄ᬭᬶᬂᬓᬓᬬᭀᬦ᭄᭞ᬳᬦᬶᬗᬮᬾᬯᭀᬂᬚ᭄ᬭᭀᬦᬶᬂᬧᬸᬭᬶ᭞ᬳᬗ᭄ᬭᬸᬫ᭄ᬭᬸᬫ᭄ᬢᬯᬢᬸᬯᬂ᭞ᬳᬦᬤᬾᬦᬾᬭᬤᬾᬦ᭄ᬲᬸᬦᬸ᭞
ᬓᬂᬲᬶᬦᬸᬂᬢᬶᬗᬮ᭄ᬯᬲ᭄ᬧᬤ᭚᭐᭚ᬓᬸᬫᬫ᭄ᬩᬂ᭚᭐᭚ᬳᬫᬭᬦᬶᬤᬾᬯᬶᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬢᬦ᭄ᬕᬶᬗ᭄ᬲᬶᬃᬳᬸᬩᬵᬬ᭞ᬳᬦᭂᬓᬦᬶᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬧᬗ᭄ᬕᬶᬄᬳᬕᬕᬾᬦ᭄ᬤᭀᬮᬦ᭄᭟᭐ᬤᬾᬦᬾᬳᬶᬜᬧᬭᬳᬶᬩᬸ
ᬲᬫᬶᬦᬗᬶᬲ᭄᭞ᬫᬾᬄᬲᬸᬭᬸᬧ᭄ᬳ᭄ᬬᬂᬗᬵᬃᬓ᭄ᬓ᭞ᬳᬯᬦᬸᬗ᭄ᬕᬦᬶᬂᬳᬘᬶᬮᬶ᭞ᬧᬧᭂᬢᬾᬦ᭄‌ᬯᬸᬲᬗᬬ᭄ᬯᬦ᭄᭟᭐ᬲᬂᬭᬢ᭄ᬦᬵᬬᬸᬫᬗ᭄ᬓᬾᬳᬶᬗᬃᬖ᭄ᬕᬲᬭᬶ᭞ᬬᬢᬳᬲᬸᬂᬲ᭄ᬫᬶᬢᬵ᭞ᬳ᭄ᬬᬭᬤᬾᬦ᭄ᬲᬫ᭄ᬧᬸᬦ᭄ᬯᭂᬗᬶ᭞ᬓᬯᬸᬮᬫᬋ
ᬓ᭄ᬳᬦ᭄ᬤᬶᬓ᭟᭐ᬬᬢᬫᬍᬲᬢ᭄ᬫᬗ᭄ᬓᬾᬤᬾᬯᬶᬋᬗ᭄ᬕᬦᬶᬲ᭄᭞ᬦ᭄ᬤᬳᬗ᭄ᬮᬶᬂᬭᬳᬤ᭄ᬬᬦ᭄᭞ᬓᬤᬶᬧᬓ᭄ᬱᬶᬢᬥᬄᬳᬲᬶᬄ᭞ᬤᬢᭂᬂᬳᬶᬩᬸᬲᬤᬬ᭟᭐ᬧᬦ᭄ᬓᬯᬸᬮᬳᬸᬘᬸᬍᬦᬵᬫᬗ᭄ᬓᬾᬲᬫᬶ᭞ᬯᬸᬲ᭄ᬳᬶᬫᬸᬢᬶᬂᬭᬕ᭞ [ 32 ][᭓᭑ 31B]
᭓᭑
ᬲ᭄ᬫᬭᬦ᭄᭞ᬤᬾᬯᬶᬫᬃᬧᬶᬦ᭄ᬢᬸᬮᬶᬂᬦ᭄ᬬᬳᬭᬶᬲ᭄᭞ᬳᬮᬄᬲᬸᬓᬸᬃᬕᬸᬲ᭄ᬢᬶᬦᬶᬗᭀᬂ᭟᭐ᬳᬾᬮᬶᬢ᭄ᬫᭂᬦ᭄ᬯᬮᬸᬬᬳᬾᬕᬃᬓᬗᬢᬶ᭞ᬳᬗ᭄ᬕᭂᬦ᭄ᬢᬾᬦᬶᬦ᭄ᬭᬫ᭞ᬳᬫᭂᬗ᭄ᬕᬸᬄᬳᬶᬓᬂᬦᬕᬭᬶ᭞ᬳᬩᬕᬸᬲ᭄ᬢᬦ᭄ᬧᬢᬦ᭄ᬤᬶᬗᬦ᭄᭚᭐
ᬲ᭄ᬫᬭᬦ᭄ᬤᬦ᭚᭐᭚ᬯᬸᬲᬸᬭᬸᬧ᭄ᬲᬂᬳ᭄ᬬᬂᬭᬯᬶ᭞ᬕᬶᬦᭂᬦ᭄ᬢᬂᬧᬤᬗᬶᬂᬘᬦ᭄ᬤ᭄ᬭ᭞ᬓᬤᬶᬭᬳᬶᬦᬵᬧᬤᬗᬾ᭞ᬩᬶᬦᬓ᭄ᬢᬫ᭄ᬭᬶᬂᬧᬫᬋᬓᬦ᭄᭞ᬲᬶᬭᬲᬂᬭᬚᬧᬶᬦᬸᬢ᭄ᬭ᭞ᬤᬾᬦᬾᬳᬶᬜᬧᬋᬂᬳᬶᬩᬸ᭞ᬮᬗ᭄ᬓᬸᬂᬤᬾ
ᬦᬶᬭᬓᬭᬓ᭄ᬱ᭟᭐ᬤᬸᬫᬢᭂᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬂᬤᬮᬸᬓᬮᬯᬦ᭄ᬱ᭄ᬬᬂ᭞ᬲᬫ᭄ᬧᬸᬦ᭄ᬓᬂᬤᬮᬸᬯᬬᬳᬾ᭞ᬳᬧᬦ᭄ᬲᬫ᭄ᬧᬸᬦ᭄ᬳᬶᬤ᭄ᬭᬦ᭄᭞ᬤᬾᬦᬶᬭᬦᬶᬫᬲ᭄ᬭᬢ᭄ᬦᬵ᭞ᬲᬓᬢᬳᬾᬧᬭᬳᬶᬩᬸ᭞ᬓᭂᬦᬳᬶᬂ
ᬧᬗᬯᬶᬪᬯᬵ᭟᭐ᬧ᭄ᬭᬲᬫ᭄ᬬᬦᬶᬩᬳᬕᬸᬮᬶᬂ᭞ᬳᬕ᭄ᬮᬭᬦᬾᬫᬦ᭄ᬥᬧ᭞ᬲᬓᬶᬂᬲᬗᭂᬢ᭄ᬲᬲᬶᬋᬧᬾ᭞ᬢᬦᬦᬳᬲᬭᬾᬧᬺᬦᬄ᭞ᬲᬳᭂᬗ᭄ᬕᬾᬦᭂᬗ᭄ᬕᬾᬦ᭄ᬬᬦᬶᬤ᭄ᬭ᭞ᬳᬗᬶᬂᬢᬲᬂᬭᬚᬲᬸᬦᬸ᭞ᬫᬗ᭄ᬓᬾ
[᭓᭒ 32A]
ᬢᬦ᭄ᬓᭂᬦᬳᬦᬶᬤᬺ᭟᭐ᬳᬗᬶᬂᬲᬂᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬧ᭄ᬦᭂᬤ᭄ᬳᬶᬭᬶᬓᬓᬾᬯᬮ᭞ᬲᬦ᭄ᬤᬧᬶᬂᬧᬸᬱ᭄ᬧᬶᬢᬗᬬᭀᬦ᭄᭞ᬬᬢᬭᬳᬤᬾᬦ᭄ᬲᬸᬯᭀᬗ᭄ᬰ᭞ᬳᬫᬭᬦᬶᬦ᭄ᬲᬭᬢ᭄ᬦᬵ᭞ᬲᬦ᭄ᬤᬧᬶᬂᬯᬶᬢ᭄ᬦᬶᬓᬂᬲᬦ᭄ᬢᬸᬦ᭄ ᬲᬂᬭ
ᬢ᭄ᬦᬵᬬᬸᬲᬶᬦᬦ᭄ᬤᬓ᭄᭟᭐ᬤᬾᬯᬶᬋᬗ᭄ᬕᬦᬶᬲ᭄ᬗᬗ᭄ᬕᬢᬶ᭞ᬲᬂᬤ᭄ᬬᬄᬲᬃᬯ᭄ᬯᬶᬳᬗᬦ᭄ᬤᬶᬓᬵ᭞ᬫᬭᬶᬗᭂᬦ᭄ᬤᬶᬢᬧᬺᬦᬳᬾ᭞ᬦᭀᬭᬓ᭄ᬦᬢᬶᬦᬶᬗ᭄ᬕᬮᬦ᭄᭞ᬲᬓᬶᬂᬲᬾᬩᬧᬭᬳᬶᬜ᭞ᬓᬃᬱᬦᬸᬮᬶᬄᬳᬫᬸᬭᬸᬕᬸᬮ᭄᭞ᬬ
ᬥᬥᬦᬾᬯᬾᬳ᭟᭐ᬬᬾᬦ᭄ᬕᭂᬍᬫᬳᬧᬧᬗ᭄ᬕᬶᬄ᭞ᬧᭀᬮᬳᬾᬓᬬᬯᭀᬂᬚᬯ᭞ᬳᬲ᭄ᬢᬦ᭄ᬬᬳᬦ᭄ᬢᭂᬦ᭄ᬢᬸᬮᬮᬾ᭞ᬲᬯ᭄ᬬᬓ᭄ᬢᬶᬮᬫᭀᬦ᭄ᬩᬦ᭄ᬤᬦ᭞ᬯᭀᬂᬩᬕᬸᬲᬯᬢᬭ᭞ᬤᬾᬦᬾᬦᭀᬭᬩᬶᬲᬗᬗ᭄ᬕᬸᬃ᭞ᬕᬸᬫᬸ
ᬬᬸᬭᬚᬧᬶᬦᬸᬢ᭄ᬭ᭟᭐ᬳᬚᬲᬶᬭᬳᬶᬓᬸᬬᬬᬶ᭞ᬯᭀᬂᬓᬧᬶᬓᬦ᭄ᬥᬤᬤᬶᬯᬲ᭄ᬯᬲ᭄᭞ᬢᬦ᭄ᬗᬗ᭄ᬕᬾᬲᬯᭂᬢᬭᬦᬾ᭞ᬦᭀᬭᬓᬬᬫᬓᬤ᭄ᬫ᭞ᬬᬬᬶᬋᬗ᭄ᬕᬦᬶᬲᬶᬭ᭞ᬮᬫᬦᬶᬧᬸᬦ᭄ᬤᬯᬸᬮ᭄ᬤᬯᬸᬮ᭄᭞ᬯᭀᬂᬩᬕᬸ [ 33 ][᭓᭒ 32B]
᭓᭒
ᬲ᭄ᬧᬦᬲ᭄ᬩᬭᬦ᭄᭟᭐ᬮᬄᬫᬭᬦᬶᬦ᭄ᬫᬲ᭄ᬕᬸᬲ᭄ᬢᬶ᭞ᬤᬾᬦ᭄ᬧᬤᬓᬧᬭᬾᬂᬳᬃᬱ᭞ᬓᬂᬍᬯᬶᬄᬳᬧᬶᬓᬾᬳᬓᬾᬄ᭞ᬲᬧᬬᬦ᭄ᬤ᭄ᬭᬸᬯᬾᬩᬦ᭄ᬤᬭ᭞ᬩᬬᬳᬶᬫᬦ᭄ᬲᬸᬯᭀᬗ᭄ᬰ᭞ᬕᬸᬲ᭄ᬢᬶᬳᭂᬗ᭄ᬕᬾᬦ᭄ᬫᬭᬳᬜᬢᬸ᭞ᬦᭀᬭᬯᬾᬄ
ᬮᬸᬗᬵᬮᬸᬗᭂᬳᬵ᭟᭐ᬳᬸᬫᬢᬸᬃᬭᬢ᭄ᬦᬵᬋᬗ᭄ᬕᬦᬶᬲ᭄᭞ᬲᬧᬸᬮᬸᬤᬾᬦ᭄ᬋᬋᬧᬳᬦ᭄᭞ᬫᬸᬂᬲᬕᭂᬧᭀᬓᬧᬶᬗ᭄ᬕᬶᬭᬾ᭞ᬳᬸᬚᬃᬳᬦᬓᬂᬲᬸᬦ᭄ᬢᬤᬵ᭞ᬤᬸᬫᬢᭂᬂᬳᬶᬗᬦ᭄ᬤᬶᬓᬵ᭞ᬬᬾᬦ᭄ᬢᭂᬦᬓᬦ᭄ᬢᬵᬳᬶᬂᬩᬾᬲᬸᬓ᭄᭞ᬧᬦ᭄ᬓ
ᬯᬸᬮᬳᬫᬯᭀᬗᬦ᭄᭟᭐ᬲᬫ᭄ᬧᬸᬦ᭄ᬲ᭄ᬬᬂᬬᬤ᭄ᬬᬦ᭄ᬮᬢ᭄ᬭᬶ᭞ᬲᬭᬶᬭᬲᬧᬦ᭄ᬳᬸᬯᬾᬬ᭞ᬢᬦ᭄ᬗᬗ᭄ᬕᬦᬲᬓᬃᬱᬦᬾ᭞ᬳᬫ᭄ᬩᬲᬤ᭄ᬬᬳᬗᬯᬸᬮ᭞ᬫᬋᬓᬦ᭄ᬳᬫᬯᭀᬗᬦ᭄᭞ᬫᬦᬶᬭᬭᬶᬂᬲᬗᬩᬕᬸᬲ᭄᭞ᬳᬗᬶᬂ
ᬓᬂᬓᬯᬸᬮᬢ᭄ᬥ᭟᭐ᬳᬦᬓᬾᬭᬵᬚᬫᬸᬓᬵᬚᬶ᭞ᬧᬸᬦᬶᬓᬳᬦ᭄ᬤᬓᬮᬫᬃ᭞ᬦᬶᬓᬤᬃᬫᬦᬶᬓ᭄ᬯᬱ᭄ᬝᬦᬾ᭞ᬓᬂᬤᬤᭀᬲ᭄ᬫᬭᬸᬓᬯᬸᬮ᭞ᬲᬫᭀᬂᬲᬓᬮᬓᭀᬦᬦ᭄᭞ᬓᬯᬸᬮᬢᬶᬦᬦ᭄ᬤᬶᬂᬫᬭᬸ᭞ᬮᬯᬦ᭄
[᭓᭓ 33A]
ᬧᬸᬢ᭄ᬭᬶᬳᬶᬂᬫᬸᬓᬵᬤᬫ᭄᭟ᬓᬯᬸᬮᬥᬢᭂᬂᬗ᭄ᬮᬓᭀᬦᬶᬦ᭄᭞ᬳᬶᬗ᭄ᬕᬶᬄᬓᬂᬧᬸᬦᬓᬵᬃᬱ᭞ᬭᬚᬧᬶᬦᬸᬢ᭄ᬭᬢᭂᬫ᭄ᬩᬸᬗᬾ᭞ᬫᬲᬦᭀᬭᬓ᭄ᬮᬓᭀᬦᬦ᭄᭞ᬳᬶᬗᬢᬶᬯᬸᬲ᭄ᬓᬭᬲ᭞ᬧᬲ᭄ᬢᬢᬫᬗ᭄ᬓᬾᬓᬂᬳᬸᬭᬸ᭞ᬧᬧᬘᬗᬦ᭄ᬮᬯᬦ᭄ᬲᬶᬭ᭟᭐
ᬧᬦᬶᬗ᭄ᬲᬸᬦᭀᬭᬳᬸᬤᬦᬶ᭞ᬢᬦᬄᬦᬕᬭᬾᬂᬫᬸᬓᬵᬤᬫ᭄᭞ᬳᬫᬶᬤ᭄ᬗᭂᬃᬮᬕᬶᬫᬗ᭄ᬓᬾ᭞ᬧᬲ᭄ᬢᬶᬳᬾᬯᭂᬄᬮᬶᬦᬫ᭄ᬧᬳᬦ᭄᭞ᬳ᭄ᬬᬮᬫᭀᬦᬓᬃᬱ᭞ᬧᬸᬢ᭄ᬭᬶᬫᬸᬓᬤᬫᬭᬾᬂᬲᬸᬦ᭄᭞ᬬᬦ᭄ᬢᬶᬦᬫ᭄ᬧᬶᬓ᭄ᬳᬫᬶᬫᬶᬭᬂ
᭟᭐ᬧᬦᬶᬗ᭄ᬲᬸᬦ᭄ᬲᬸᬕᬶᬄᬓᬂᬧᬶᬘᬶᬲ᭄᭞ᬳᬦᬢᬩᬶᬦᬯᬾᬮᬫᬃ᭞ᬤᬤᬶᬢᬸᬓᭀᬦᭀᬭᬦ᭄ᬤᬸᬯᬾ᭞ᬳᬮᬄᬳᬸᬭᬸᬂᬓᬧᬓ᭄ᬦ᭞ᬧᬧᬗᬦ᭄ᬮᬦ᭄ᬲᬶᬭ᭞ᬳᬓ᭄ᬥᭂᬄᬢᬶᬓᬂᬚᬶᬦᬮᬸᬓ᭄᭞ᬫᬦᬶᬭᬦᭀᬭᬓᬤᬸᬕᬵ᭟᭐
ᬓᬧᬶᬦ᭄ᬤᭀᬦᬾᬦᭀᬭᬳᬸᬦᬶᬂ᭞ᬢᬦᬄᬦ᭄ᬕᬭᬾᬂᬫᬸᬓᬵᬤᬫ᭄᭞ᬤᬤᬶᬢ᭄ᬓᬵᬳᬶᬯᬸᬄᬩᬳᬾ᭞ᬬᬬᬶᬓᬂᬓᬬᬫᬦᬶᬭ᭞ᬤᬸᬫᬤᬶᬗᬬᬂᬗᬬᬂ᭞ᬢ᭄ᬓᬾᬂᬧᬢᬶᬳᬯᬓᬶᬗ᭄ᬲᬸᬦ᭄᭞ᬍᬩᭂᬢᬾᬤ᭄ᬫᭂᬦᬶᬂᬲᬶᬭ᭟᭐ᬲᬸᬦ᭄ᬓ [ 34 ][᭓᭓ 33B]
᭓᭓
ᬧᬓᭂᬦᬫᬲ᭄ᬬᬬᬶ᭞ᬫᬲᬦᭀᬭᬓ᭄ᬮᬓᭀᬦᬦ᭄᭞ᬤᬾᬯᬶᬋᬗ᭄ᬕᬦᬶᬲ᭄ᬢᭂᬫ᭄ᬩᬸᬗᬾ᭞ᬧᬗᬾᬭᬦ᭄ᬮᬄᬲᬫ᭄ᬧᬸᬦ᭄ᬫᬭᬲ᭄᭞ᬫᬲᬮᬳᬶᬂᬧᬺᬩᬾᬬ᭞ᬳᬧᬦ᭄ᬲᬸᬓᬳᬯᬓᬶᬗ᭄ᬲᬸᬦ᭄᭞ᬤᬤ᭄ᬬᬢᬸᬦᭀᬦᬦ᭄ᬭᬫᬵ᭟᭐ᬤᬾ
ᬦᬾᬳᬦ᭄ᬤᬶᬓᬵᬢᬦ᭄ᬳᬸᬦᬶᬂ᭞ᬢᬦᬄᬦ᭄ᬕᬭᬾᬂᬫᬸᬓᬵᬤᬫ᭄᭞ᬲᬫ᭄ᬧᬸᬦ᭄ᬫᬭᬲ᭄ᬤᬮᬦᬾ᭞ᬓᬯᬸᬮᬳᬗᬶᬭᬶᬤ᭄ᬮᬫ᭄ᬧᬄ᭞ᬳᬗᬢᭂᬭᬶᬂᬫᬸᬓᬵᬤᬫ᭄᭞ᬯᬾᬦ᭄ᬢᭂᬦ᭄ᬤᬾᬦᬾᬲᬗᬩᬕᬸᬲ᭄᭞ᬫᬭᬲ᭄ᬫᬦᬯᬢᬶᬦᬸᬮᬓ᭄᭟᭐ᬓ
ᬯᬸᬮᬫᬗ᭄ᬓᬾᬳᬗ᭄ᬮᬓᭀᬦᬶᬦ᭄᭞ᬬᬾᬦ᭄ᬓᬯᬸᬮᬢᬶᬦᬫ᭄ᬧᬶᬓᬦ᭄᭞ᬲᬂᬭᬚᬧᬸᬢ᭄ᬭᬤᬦ᭄ᬮᬶᬗᬾ᭞ᬯᬶᬦᬭᬰᬶᬄᬬᬦ᭄ᬫᬗ᭄ᬓᬦ᭞ᬳᬦᬧᬭᬦᬯᭀᬂᬓ᭄ᬭᬫ᭞ᬤᬺᬫᬮᬸᬫᬓᬸᬯᬓᬶᬗ᭄ᬲᬸᬦ᭄᭞ᬕᬸᬫᬸᬬᬸᬓᬸᬲᬸᬫᬵᬂᬭᬭ᭟᭐
ᬲᬶᬗ᭄ᬕᬶᬄᬫᬦᬶᬭᬳᬧᬫᬶᬢ᭄᭞ᬫᬦ᭄ᬢᬸᬓ᭄ᬳᬶᬗᬵᬃᬖ᭄ᬕᬓᬜ᭄ᬘᬦ᭞ᬢᭂᬫ᭄ᬩᬾᬦᬾᬫᬮᬶᬄᬫᬾᬭᬾᬦᬾ᭞ᬳᬗ᭄ᬮᬶᬂᬲᬂᬭᬚᬧᬶᬦᬸᬢ᭄ᬭ᭞ᬬᬬᬶᬲᬶᬄᬬᬦ᭄ᬫᬗ᭄ᬓᬦ᭞ᬯᭀᬗᬬᬸᬫᬦᬶᬭᬢᬸᬫᬸᬢ᭄᭞ᬤᬢᭂᬂᬫ᭄ᬭᬶᬂᬳᬃᬖ᭄ᬕᬓᭂᬜ᭄ᬘᬦ᭟᭐
[᭓᭔ 34A]
ᬰᬶᬦᭀᬫ᭄᭞ᬫᬦᬶᬭᬳᬃᬱᬳᬸᬤᬦᬶ᭞ᬬᬬᬶᬫᬭᬶᬂᬧ᭄ᬭᬚᬦᬶᬭ᭞ᬳᬧᬢᬩᬵᬬᬭᬸᬧᬦᬾ᭞ᬧᬢᬧᬦ᭄ᬳᬶᬗᬃᬖ᭄ᬕᬓᭂᬜ᭄ᬘᬦ᭞ᬲᬫᬮᬶᬄᬬᬦ᭄ᬳᬸᬦᬶᬗ᭞ᬲᬸᬥᬃᬫ᭄ᬫᬦᬶᬭᬯᭀᬗᬬᬸ᭞ᬤᬾᬦᬾᬬᬸᬦ᭄ᬢᬶᬮᬃᬰ᭄ᬭᬶᬦᬵᬣ᭚᭐᭚ᬲᬶᬦᭀ
ᬫ᭄᭚᭐᭚ᬮᬫᭀᬦᬶᬂᬲᬸᬦ᭄ᬮᬸᬫᬓ᭄ᬯ᭞ᬳᭂᬦ᭄ᬤᬶᬤᬤᬮᬦᬾᬬᬬᬶ᭞ᬫᬭᬶᬂᬤᬍᬫ᭄ᬢᬶᬦᬸᬗ᭄ᬕ᭄ᬯ᭞ᬳᬶᬂᬲ᭄ᬬᬂᬓᬮᬯᬦ᭄ᬮᬢ᭄ᬭᬶ᭞ᬮᬯᬦᬶᬗ᭄ᬲᬸᬦ᭄ᬳᬸᬦ᭄ᬤᬗᬶ᭞ᬲᬓᬢᬳᬾᬧᬭᬭᬢᬸ᭞ᬲᬫᬶᬓᬶᬦᬾᬦ᭄ᬳᬗ᭄ᬭᬓ᭄ᬱᬵ᭞ᬫᬲᬲᬶᬦᬸᬗ
ᬦ᭄ᬓᬂᬫᬶᬚᬶᬮ᭄᭞ᬓᬬᬧᬭᬦ᭄᭞ᬳᭂᬗ᭄ᬕᬾᬦᬾᬲᬸᬦ᭄ᬓᬂᬫᬶᬚᬶᬮ᭟᭐ᬳᬢᬸᬭᬾᬮ᭄ᬯᬶᬃᬕᬸᬮᬤ᭄ᬭᬯ᭞ᬭᬢ᭄ᬦᬵᬬᬸᬳᬋᬗ᭄ᬕᬦᬶᬲ᭄᭞ᬫᬲᬓᬾᬯᬸᬳᬦᬶᬂᬫᬃᬕ᭄ᬕ᭞ᬓᬯᬸᬮᬲᬗ᭄ᬕᬸᬧ᭄ᬳᬜᬗ᭄ᬓᬶᬂ᭞ᬳᬗᬶᬂᬫᬦᬶᬭᬳᬚᬜ᭄ᬚᬶ᭞ᬲᬫ᭄ᬧᬸᬦ᭄ᬲᬶ
ᬭᬕᬗ᭄ᬕᬸᬕᬗ᭄ᬕᬸ᭞ᬢ᭄ᬓᬕᬾᬕᬾᬦ᭄ᬤᭀᬮᬦᬵ᭞ᬫ᭄ᬭᬶᬂᬲᬲᬫ᭄ᬧᬸᬃᬳᬶᬂᬲᬧᬸᬦᬶᬓᬶ᭞ᬳᬗᬗ᭄ᬕᬾᬬ᭞ᬓᬭᬓᬅ᭄ᬳᬮᬄᬓᬾᬯᬮ᭟᭐ᬳᬗ᭄ᬮᬶᬂᬲᬂᬭᬚᬧᬶᬦᬸᬢ᭄ᬭ᭞ᬳᬶᬗ᭄ᬕᬶᬄᬢᬲᬤ᭄ᬬᬧᬸᬦᬧᬶ᭞ᬳᬗ᭄ᬮᬶᬂᬓᬸᬲᬸᬫᬵᬂᬭᬭ᭞ [ 35 ][᭓᭔ 34B]
᭓᭔
ᬯᬸᬲ᭄ᬓᬧᭀᬓ᭄ᬳᬶᬗ᭄ᬲᬸᬦ᭄ᬳᬶᬗᬸᬦᬶ᭞ᬲᬸᬧᬢᬦᬭᬸᬫᬶᬳᬶᬦ᭄᭞ᬧᬶᬭᬲᬸᬯᬾᬦᬾᬯᭀᬂᬲᬗ᭄ᬕᬸᬧ᭄᭞ᬲᬸᬧᬫᬦᬾᬕᬗ᭄ᬕᬸᬯᬵ᭞ᬳᬫ᭄ᬩᬂᬗᬫ᭄ᬩᬄᬳᬶᬂᬯ᭄ᬬᬢᬶ᭞ᬧᬲ᭄ᬢᬶᬢᬶᬩ᭞ᬲᭀᬓ᭄ᬫᬦᬶᬭᬳᬾᬫᬹᬢ᭄ᬦᬵ᭟᭐ᬳᬗ᭄ᬮᬶᬂᬲᬂᬭᬚᬧᬶᬦᬸᬢ᭄ᬭ᭞ᬤ
ᬯᭂᬕ᭄ᬢᬫᬲᬬᬸᬲᬶᬗ᭄ᬕᬶᬄ᭞ᬤᬾᬯᬶᬋᬗ᭄ᬕᬦᬶᬲ᭄ᬳᬗᬸᬘᬧ᭄᭞ᬳᬦ᭄ᬤᬶᬓᬵᬫᬺᬫ᭄ᬓᬧᬢᬶ᭞ᬢᬦ᭄ᬓᭂᬦᬫ᭄ᬮᬾᬂᬩ᭄ᬮᬶᬓ᭄᭞ᬬᬦ᭄ᬭᬶᬜ᭄ᬓᭂᬮᬶᬂᬲᬲᬫ᭄ᬧᬸᬃ᭞ᬬᬾᬦ᭄ᬫᬺᬫᬺᬫ᭄ᬳᬬᬫ᭄᭞ᬧᬲ᭄ᬢᬶᬢᬶᬩᬦᬸᬮᬶᬄᬫᬢᬶ᭞ᬮᬫᭀᬦ᭄ᬫᭂᬋᬫ᭄᭞ᬓᬧᬢᬶ
ᬧᬦᭀᬭᬢᬶᬩᬵ᭟᭐