Ban/Gaguritan Anak Bekung

Deskripsi

Naskah

[ 1 ][Judul : GAGURITAN ANAK BEKUNG.
Pnj. 45 cm. Lb. 3,3 cm. Jml. 35 lb
Asal: Griya Pendem, Kr.asem]
[᭑ 1A] [ 2 ][᭑ 1B]
᭑
᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬸᬧᬸᬄᬕᬶᬦᬤ᭟᭜᭟ᬳᬤᬚᬦᬶᬓᬘᬭᬶᬢ᭞ᬳᬦᬓ᭄ᬩᭂᬓᬸᬂᬗᬲᬶᬳᬵᬲᬶᬄ᭞ᬕᬯᬾᬦᬾᬫᬤᬕᬂᬧᬫᭀᬃ᭞ᬮᬸᬤᬶᬦ᭄ᬢᬶᬯᬲ᭄ᬢᬦᬶᬫᬫ᭄ᬧᬸᬄ᭞ᬫᬤᬕᬂᬧᬶᬚᭂᬋᬦ᭄‌‌ᬲᭀᬦᬃ᭞ᬲᬶᬂᬚᬕ᭄ᬚᬕᬶᬦ᭄᭞ᬫᬓᭂᬚᬂᬬᬧᬤᬲᭀ
ᬦᬃ᭟ᬫᬮᬮᬶᬬᬓᬸᬫᬄᬫᬶᬲᬦ᭄᭞ᬦᬸᬦᬲ᭄ᬚᬕᬸᬗᬾᬓᬓᬮᬶᬄ᭞ᬦᭂᬓᭂᬤ᭄ᬥᬶᬦᬢᬄᬦᬾᬜᭀᬗ᭄ᬓᭀᬓ᭄᭞ᬫᬶᬲᬦᬾᬫᬲᬯᬸᬢ᭄ᬋᬗᬸᬢ᭄᭞ᬓᬮᬶᬂᬚᬕᬸᬂᬧᬓᬶᬤᬶᬳᬂ᭞ᬤᬚ᭄ᬯᬭᬶ᭞ᬫᬜ᭄ᬮᬸᬓ᭄ᬱᬸᬓ᭄ᬳᬸᬫᬄᬳᬦᬓ᭄᭟ᬮᬦ᭄ᬢᬲ᭄ᬚᬦᬶᬫᬮᬶᬧᭂᬢᬦ᭄
᭞ᬓᬚᬸᬫᬄᬫᬶᬦ᭄ᬤᭀᬦᬾᬚᬦᬶ᭞ᬢᭂᬓᭂᬤ᭄ᬥᬶᬦᬢᬄᬦᬾᬜᭀᬗ᭄ᬓᭀᬓ᭄᭞ᬳᬤᬫᬦᬕᬶᬄᬫᬗᭂᬩᬸᬕ᭄᭞ᬳᬤᬫᬦᬕᬶᬄᬫᬦᬶᬜ᭄ᬚᬓ᭄᭞ᬮᬾᬦ᭄ᬦᬸᬗ᭄ᬕᬶᬗᬶᬦ᭄᭞ᬳᬤᬗᬸᬩᭂᬢᬂᬚᬮᬦᬦ᭄᭟ᬲᬶᬂᬳᭀᬚᭀᬕ᭄‌‌ᬬᬢᬦᬶᬳᭀᬮ
ᬲ᭄᭞ᬫᬓᭂᬚᬂᬗᭂᬤᭂᬕᬂᬳᬢᬶ᭞ᬩ᭄ᬭᬬᬦᬾᬧᬤᬳᭀᬚᭀᬕ᭄᭞ᬳᬤᬫᬦᬕᬶᬄᬫᬗᭂᬩᬸᬕ᭄᭞ᬳᬤᬫᬦᬕᬶᬄᬫᬦᬶᬜ᭄ᬚᬓ᭄᭞ᬮᬾᬦ᭄ᬦᬸᬗ᭄ᬕᬶᬗᬶᬦ᭄᭞ᬳᬤᬗᬸᬩᭂᬢᬶᬦ᭄ᬚᬮᬦᬦ᭄᭟ᬧᬚᭂᬗᬄᬚᭂᬗᬄᬫᬓᬮᬄ᭞ᬬᬾᬄᬫᬢᬦᬾᬚ᭄ᬯᬳᬸᬲᬧᬶᬦ᭄᭞

[᭒ 2A]
᭒
ᬢᭂᬓᭂᬤ᭄‌‌ᬬᬚᬸᬫᬄᬫᬜᭀᬗ᭄ᬓᭀᬓ᭄᭞ᬓᬢᬸᬗ᭄ᬕᬮᬶᬦ᭄ᬢᬦᬶᬫᬫ᭄ᬧᬸᬄ᭞ᬜᬫᬩ᭄ᬭᬬᬧᬥᬗᬸᬢᬂ᭞ᬫᬗᭂᬤᭂᬕᬶᬦ᭄᭞ᬫᬓᭂᬚᬂᬢ᭄ᬯᬭᬗ᭄ᬭᬸᬗᬸᬯᬂ᭟ᬳᭂᬦᭂᬗᬵᬓ᭄ᬦᬓᭀᬘᬧ᭞ᬧᬹᬃᬡ᭄ᬦᬫᬓᬧᬢᬾᬫᬗ᭄ᬓᬶᬦ᭄᭞ᬫᬲᬦ᭄ᬳᬦᬓᬾᬫᬗᬗ᭄ᬕᭀ
᭞ᬧᬥᬬᬫᬲᬶᬲᬶᬕ᭄ᬫᬫ᭄ᬩᬸᬄ᭞ᬫᬲᬦ᭄ᬳᬦᬓ᭄ᬫᬸᬚᬳᬲ᭄ᬫᬭ᭞ᬳᬕᬸᬂᬳᬮᬶᬢ᭄᭞ᬫᬗᬾᬱ᭄ᬝᬶᬭᬳᬶᬦᬵᬫᭂᬮᬄ᭟ᬫᬾᬦ᭄ᬩᭂᬓᬸᬂᬫᬮᬶᬄᬓᭀᬘᬧᬂ᭞ᬗᬮᬶᬄᬤᬯᬸᬦ᭄ᬓᬮᬗᬶᬤᬶᬂ᭞ᬓᬢᭂᬗᬄᬳᬮᬲᬾᬋᬓᭀ᭞ᬳᬓᬾᬄᬤᬯᬸᬦᬾᬓᬢᭂᬧᬸ
ᬓ᭄᭞ᬲᬬᬦ᭄ᬕᬶᬭᬂᬬᬫᬗᬮᬧ᭄᭞ᬳᬓᬾᬄᬧᭀᬮᬶᬄ᭞ᬫᬭᬾᬭᬾᬦ᭄ᬩᭂᬗᭀᬂᬫᬦᭂᬕᬓ᭄᭟ᬩᬸᬓᬄᬯᬶᬥᬶᬫᬦᬸᬤᬸᬳᬂ᭞ᬲᬕᬾᬢ᭄ᬓᬭᬸᬗᬸᬓᬂᬢᬗᬶᬲ᭄᭞ᬢᬗᬶᬲ᭄ᬭᬭᬾᬦᬾᬗᬭᭀᬤ᭄ᬗᬭᭀᬤ᭄᭞ᬦᬵᬗ᭄ᬳᬶᬂᬤᭀᬄᬲᬤᬓᬭᬸᬗᬸ᭞ᬩᭂᬗᭀᬂᬭ
ᬭᬶᬲ᭄‌‌ᬦᬍᬓ᭄ᬢᭂᬓᬂ᭞ᬧᭂᬤᬲ᭄ᬫᬗ᭄ᬓᬶᬦ᭄᭞ᬓᬭᬸᬗᬸᬫᬵᬭᬶᬂᬮᭀᬃ᭟ᬢᬗᬶᬲᬾᬫᬦᬸᬤᬸᬢ᭄ᬘᬶᬢ᭞ᬭᬲᬦ᭄ᬜᬫᬗᬲᬶᬳᬲᬶᬄ᭞ᬢᬦ᭄‌‌ᬭᬶᬫ᭄ᬭᬶᬫ᭄ᬫᬦᬳᬾᬋᬓᭀ᭞ᬤᬤᬶᬬᬚᬦᬶᬫᬗ᭄ᬮᬮᬸ᭞ᬤ᭄ᬬᬲ᭄ᬢᬸᬢᬾᬬᬢᭀᬜᬦ᭄ᬳᬮᬲ᭄᭞ᬭᬸᬭᬸᬄᬚᬦᬶ᭞ᬤᬸᬫ [ 3 ][᭒ 2B]
᭒
ᬤᬓ᭄ᬳᬶᬬᬲᬤ᭄ᬬ᭟ᬫᬚᬮᬦ᭄ᬗᬚᬓᬗᬶᬦᬂ᭞ᬳᬓᬾᬄᬩᬸᬭᭀᬦᬾᬓᬧᬗ᭄ᬕᬶᬄ᭞ᬧᬦᬸᬗ᭄ᬕᬸᬦ᭄ᬭᬭᬾᬦᬾᬋᬓᭀ᭞ᬳᬦᬗ᭄ᬭᬓ᭄ᬳᬦᬗᭂᬮᬸᬃ᭞ᬧᬤᬫᬧᬲ᭄ᬤᬶᬚᬮᬦ᭄᭞ᬓᬢᭀᬦ᭄ᬫᬗ᭄ᬓᬶᬦ᭄᭞ᬭᬭᬾᬮᬦᬂᬩᬕᬸᬲ᭄ᬧᬶᬲᬦ᭄᭟ᬫᬍᬤ᭄ᬧᬶᬢᭀᬮᬚᬶᬗ᭄ᬕ᭞
ᬫᬕᬍᬂᬧᬾᬃᬫᬲ᭄‌‌ᬯᬶᬮᬶᬲ᭄᭞ᬫᬦᬫ᭄ᬧᬶᬂᬬᬓ᭄ᬭᬶᬲ᭄ᬓᬯᭀᬢ᭄᭞ᬢᬢᬄᬳᬦᬾᬚᬕᬰᬢ᭄ᬭᬸ᭞ᬫᬳᬸᬭᬗ᭄ᬓᬧᬾᬮᬾᬢ᭄ᬚᬫ᭄ᬧ᭄ᬭᬄ᭞ᬢᬸᬳᬸᬭᬯᬶᬢ᭄᭞ᬤᬗᬦᬦᬾᬫᬵᬲ᭄ᬓᬜ᭄ᬘᬡ᭞ᬫᬲᬲᭀᬘᬯᬶᬦ᭄ᬢᭂᬦ᭄ᬫᬶᬭᬄ᭞ᬓᭂᬓᬦ᭄ᬤᭂᬮᬦ᭄ᬲᬶᬮᬶᬄᬳᬲᬶᬄ᭞
ᬫᬓᬓᬸᬤᬸᬂᬮᬸᬗ᭄ᬲᬶᬃᬓᬯᭀᬢ᭄᭞ᬯᬢᬸᬧᬸᬢᬶᬄᬳᬗ᭄ᬕᬾᬦ᭄ᬳᬶᬧᬸᬦ᭄᭞ᬫᬾᬦ᭄ᬩᭂᬓᬸᬂᬗᬸᬘᬧ᭄ᬭᬶᬂᬫᬦᬄ᭞ᬪᬬᬯᬶᬥᬶ᭞ᬓᬮᬶᬗᬦᬾᬢᬸᬢᬸᬭᬸᬦᬦ᭄᭟ᬮᬄᬢᬩᬾᬭᬢᬸᬫᬵᬲ᭄ᬫᬶᬭᬄ᭞ᬢᬦ᭄ᬓᭂᬦᬭᬶᬂᬢᬸᬮᬄᬲᬵᬭᬶ᭞ᬢᬦ᭄ᬓᭂᬦᬭᬶᬂᬳᬶᬮᬳᬶᬮ᭞ᬮᬸᬧᬸ᭠
ᬢᬦᬵᬢᬸᬚᬸᬢᭂᬮᬸᬄ᭞ᬢᬦ᭄ᬓᭂᬦᬭᬶᬂᬢ᭄ᬯᬧᬢ᭄ᬬ᭞ᬤᬶᬃᬕ᭄ᬖᬵᬬᬸᬲᬶᬂ᭞ᬢᬸᬃᬳᬦᬫ᭄ᬩᬸᬢ᭄ᬢᬸᬢᬸᬭᬸᬦᬦ᭄᭟ᬲᬶᬦᬫ᭄ᬩᬸᬢ᭄ᬭᬭᬾᬦᬾᬏᬗ᭄ᬕᬮ᭄᭞ᬭᬹᬧᬵᬦᬾᬢᬸᬳᬸᬳᬧᭂᬓᬶᬓ᭄᭞ᬓᬸᬫᬺᬢ᭄ᬫᬦᬳᬾᬋᬓᭀ᭞ᬮᬯᬸᬢ᭄‌‌ᬬᬫᬚᬮᬦ᭄ᬳᬶᬚᬸ᭞ᬲᬳᬸᬧ᭄ᬤᬯᬸ

[᭓ 3A]
᭓
ᬦᬾᬏᬗ᭄ᬕᬮᬂ᭞ᬢᬦ᭄ᬧᬦᭀᬮᬶᬄ᭞ᬲᬵᬫ᭄ᬧᬸᬦ᭄ᬓᬮᬯᬢᬦ᭄ᬳᬮᬲ᭄᭟ᬦᭂᬫᭀᬦᬶᬦ᭄‌‌ᬲᬸᬯᬸᬂᬤᬶᬚᬮᬦ᭄᭞ᬢ᭄ᬯᬭᬳᬤᬳᬦᬓ᭄ᬓᬧᬗ᭄ᬕᬶᬄ᭞ᬦᬾᬫ᭄ᬯᬦᬶᬗ᭄ᬭᬸᬓ᭄ᬭᬸᬓ᭄ᬤᬶᬧᬯᭀᬦ᭄᭞ᬧᬶᬦᬄᬚᬦᬶᬲᬸᬩᬢᭂᬤᬸᬄ᭞ᬳᬸᬩᬶᬗᭂᬤ᭄ᬢᭀᬮᬩ᭄ᬮᬩ᭞
ᬫᬲᬶᬄᬫᬦᬶᬲ᭄᭞ᬦᬾᬳᭂᬮᬸᬄᬲᬕᬾᬢ᭄ᬢᭂᬓ᭟ᬏᬯᬬᬗᭀᬚᭀᬕ᭄ᬫᬸᬮᬶᬳᬦ᭄᭞ᬓᬚᬸᬫᬄᬫᭂᬢᬾᬦ᭄ᬫᬗ᭄ᬭᬭᬶᬲ᭄᭞ᬭᬭᬾᬦᬾᬘᭂᬓᭀᬮᬂᬋᬓᭀ᭞ᬓᬧᬯᭀᬦ᭄ᬗᬮᬶᬄᬧᬦ᭄ᬩᭂᬓᬸᬂ᭞ᬤᬸᬄᬘᬳᬶᬦᬶᬭᬫᬩᬳᬦ᭄᭞ᬳᬦᬓ᭄ᬘᭂᬭᬶᬓ᭄
᭞ᬮᬦᬂᬤᬶᬢᭂᬗᬳᬶᬂᬳᬮᬲ᭄᭟ᬦᬾᬫ᭄ᬯᬦᬶᬫᬲᬯᬸᬢ᭄ᬘᬫ᭄ᬧᬄ᭞ᬫᬲᬓᭂᬤᬦᬦ᭄ᬢᬜᬳᬶ᭞ᬤᬚ᭄ᬯᬘᬳᬶᬘᬵᬫ᭄ᬧᬄᬋᬓᭀ᭞ᬚᬮᬦ᭄ᬓᬸᬫᬄᬫᭂᬢᬾᬦ᭄ᬫᬮᬸ᭞ᬮᬫᬸᬦ᭄ᬘᬳᬶᬫᬺᬤᭀᬦᬶᬭ᭞ᬦᬾᬫ᭄ᬯᬦᬶ᭞ᬫᬲᬯᬸᬢ᭄ᬤᬸᬫᬤᬓ᭄ᬲᬚ᭟᭠
ᬦᬾᬳᭂᬮᬸᬄᬚᬦᬶᬫᬸᬮ᭄ᬬᬦ᭄᭞ᬦᬾᬫ᭄ᬯᬦᬶᬏᬯᬦᬸᬢᬸᬢᬶᬦ᭄᭞ᬢᭂᬓᬬᬢᬗ᭄ᬓᭂᬚᬸᬢ᭄ᬩᭂᬗᭀᬂ᭞ᬳᬤᬸᬄᬜᬳᬶᬤᬾᬯᬭᬢᬸ᭞ᬓᬾᬦ᭄ᬓᬾᬦ᭄ᬚᬜᬳᬶᬓᬦ᭄ᬤᬜ᭞ᬲᬗ᭄ᬓᬦ᭄ᬧᭀᬮᬶᬄ᭞ᬦᬾᬳᭂᬮᬸᬄᬭᬭᬶᬲ᭄ᬗᬦ᭄ᬤᬬᬂ᭟ᬦᬶᬭᬜᬸᬲᬸᬧ᭄ᬓᬳ [ 4 ][᭓ 3B]
᭓
ᬮᬲ᭄ᬯᬬᬄ᭞ᬢᭀᬂᬢᬳᬾᬦ᭄ᬳᬦᬓ᭄ᬗᭂᬦ᭄ᬢᬲᬶᬦ᭄᭞ᬫᬘᬦᬾᬫᬗᭂᬮᬸᬃᬳᬸᬫᭀᬃ᭞ᬯᬭᬓ᭄᭞ᬦᬵᬕᬧᬤᬭᬯᬸᬄ᭞ᬢ᭄ᬯᬭᬵᬤᬦᬶᬭᬲᬗ᭄ᬰᬬ᭞ᬳᭂᬦ᭄ᬢᭀᬚᬦᬶ᭞ᬲᬸᬩᬬᬧᬤᬫᬓᬮᬄ᭟ᬓᬢᭂᬧᬸᬓ᭄ᬓᬮᬂᬩᬾᬲᬫᬄ᭞ᬲᬕᬾᬢ᭄ᬓᬭᬸᬗᬸ
ᬓᬂᬢᬗᬶᬲ᭄᭞ᬤᬶᬢᭂᬗᬄᬳᬮᬲᬾᬋᬓᭀ᭞ᬤᬤᬶᬬᬦᬶᬭᬫᬗ᭄ᬮᬮᬸ᭞ᬤ᭄ᬬᬲ᭄ᬢᬸᬳᬶᬬᬢᭀᬜᬦ᭄ᬳᬮᬲ᭄᭞ᬭᬸᬭᬸᬄᬚᬦᬶ᭞ᬤᬸᬫᬤᬓ᭄ᬳᬶᬬᬲᬤ᭄ᬬ᭞ᬤᬶᬢᬸᬏᬯᬦᬶᬭᬜᭂᬫᬓ᭄᭞ᬳᬾᬯᭂᬦᬶᬭᬮᬯᬸᬢ᭄ᬫᬸᬮᬶᬄ᭞ᬦᬾᬫ᭄ᬯᬦᬶᬓᬮᬶᬯᬢ᭄ᬕ
ᬯᭀᬓ᭄᭞ᬳᬤᬸᬄᬜᬳᬶᬤᬾᬯᬭᬢᬸ᭞ᬓᬾᬦ᭄ᬓᬾᬦ᭄ᬓᬦ᭄ᬤᬜᬲᬗ᭄ᬓᬦ᭄᭞ᬧᭀᬮᬶᬄᬜᬳᬶ᭟ᬩᬸᬓᬄᬓᬾᬢᭀᬭᬵᬩᬬᬦ᭄ᬜ᭟ᬓᭂᬫᬓᬾᬜᬳᬶᬫᬳᬸᬢᬂ᭞ᬫᬗᬗ᭄ᬕᭂᬄᬩᬳᬲ᭄ᬳᬓᬶᬓᬶᬢ᭄᭞ᬳᬧᬬᬚᬦᬶᬳᬗ᭄ᬓᬸᬳᬂ᭞ᬤᬾᬭᬾᬂᬧᭂᬕ
ᬢ᭄‌‌ᬥᬫᬢᬸᬢᬸᬃ᭞ᬲᬕᬾᬢ᭄ᬢᭂᬓᬤᬕᬂᬩᬳᬲ᭄᭞ᬩᬸᬓᬄᬯᬶᬥᬶ᭞ᬳᬦᬓ᭄ᬫᬗᬸᬳᬸᬧᬂᬩᬳᬲ᭄᭟ᬫᬗ᭄ᬮᬯᬸᬢ᭄ᬚᬦᬶᬫᬸᬮ᭄ᬬᬦ᭄᭞ᬓᬳᬸᬫᬄᬦᬾᬩᭂᬓᬸᬂᬗ᭄ᬭᬭᬶᬲ᭄᭞ᬢᭀᬂᬢᬳᬾᬦ᭄ᬜᬓ᭄ᬓᭂᬫᬋᬓᭀ᭞ᬦᬾᬄᬩᬶᬩᬶᬩᬳᬲ᭄ᬳᬘᬢᬸ᭞ᬧᬸᬳᬸᬧᬂᬤᬶᬦᬶ

[᭔ 4A]
᭔
ᬮ᭄ᬯᬲᬂ᭞ᬦᬾᬦᬾᬫᬦᬶ᭞ᬳᬶᬘᬂᬫᬳᬶᬲᬜ᭄ᬚᬲᬜ᭄ᬚ᭟ᬫᬾᬦ᭄ᬩᭂᬓᬸᬂᬭᬭᬶᬲ᭄ᬫᬦᬗ᭄ᬕᬧ᭄᭞ᬩᬾᬜ᭄ᬚᬂᬧᬫᭂᬮᬶᬦ᭄ᬜᬦᬾᬳᬫ᭄ᬩᬶᬮ᭄᭞ᬯᬸᬲ᭄ᬫᬤᬳᬃᬲᭂᬤᬄᬋᬓᭀ᭞ᬤᬕᬂᬩᬳᬲᬾᬬᬫᬦ᭄ᬢᬸᬓ᭄᭞ᬫᬾᬦ᭄ᬩᭂᬓᬸᬂᬏᬯᬗᬢᬶᬧᬢ᭄᭞ᬦᬾᬦᬾᬫ᭄ᬯᬦᬶ᭞ᬗᭂᬦ᭄ᬤᬶ
ᬳᬂᬳᬧᬶᬗᬾᬗ᭄ᬕᬵᬮᬂ᭟ᬦᬾᬓᬓᬸᬂᬗ᭄ᬭᬲᬩᬶᬗᬃ᭞ᬳᬾᬧᭀᬢ᭄ᬫᬗᭂᬦ᭄ᬤᬶᬳᬂᬳᬧᬶ᭞ᬫᬕᬯᬾᬤᭂᬤᬭᬦ᭄ᬋᬓᭀ᭞ᬗ᭄ᬕᬯᬾᬲᬫ᭄ᬩᭂᬮ᭄‌‌ᬗ᭄ᬕᬯᬾᬚᬸᬓᬸᬢ᭄᭞ᬚᬦᬶᬲᬸᬩᬧᬤᬧ᭄ᬭᬕᬢ᭄᭞ᬜᬶᬦ᭄ᬤᬸᬓ᭄ᬦᬲᬶ᭞ᬜᬶᬦ᭄ᬤᬸᬓ᭄ᬚᬸᬓᬸᬢ᭄ᬗᬮᬶᬄᬳᬸᬬᬄ᭟ᬓᬸᬫᬄᬫᭂ
ᬢᬾᬦ᭄ᬚᬦᬶᬓᬩ᭞ᬦᬾᬫ᭄ᬯᬦᬶᬗᬩᬲᭀᬓ᭄ᬦᬲᬶ᭞ᬍᬕᬦᬾᬓᬮᬶᬯᬢ᭄ᬋᬓᭀ᭞ᬫ᭄ᬥᬭᬶᬦ᭄ᬭᬭᬾᬕᬸᬧᬸᬄ᭞ᬭᬭᬾᬦᬾᬢᬸᬢᬸᬢ᭄ᬫᬤᬳᬂ᭞ᬢ᭄ᬯᬭᬧᬗ᭄ᬕᬶᬮ᭄᭞ᬭᬭᬾᬦᬾᬢ᭄ᬯᬭᬩᬸᬓᬄᬤᬾᬯ᭟ᬫᬾᬦ᭄ᬩᭂᬓᬸᬂᬚᬦᬶᬫᬤᬳᬃ᭞ᬳᬚᬓ᭄ᬓᭀᬦᬾᬦᬾᬫ᭄ᬯ
ᬦᬶ᭞ᬫᬤᬳᬃᬚᬦᬶᬤᬶᬧᬳᭀᬦ᭄᭞ᬩᬸᬓᬄᬢᭀᬂᬦᬾᬫ᭄ᬯᬦᬶᬩᭂᬓᬸᬂ᭞ᬫ᭄ᬭᬲᬳᬢᬶᬦᬾᬲᭂᬕᭂᬭᬦ᭄᭞ᬩᬸᬄᬳᬕᬶᬕᬶᬲ᭄᭞ᬢᬸᬫ᭄ᬩᬾᬦ᭄ᬓᭂᬦᬦᬲᬶᬫᭂᬮᬄ᭟ᬧᬶᬦᬄᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬳᬸᬲᬦ᭄‌‌ᬬᬫᬤᬳᬃᬫᬗ᭄ᬓᬶᬦ᭄᭞ᬫᬗ᭄ᬕᬾᬮᬾᬗᬶᬦ᭄ᬤ [ 5 ][᭔ 4B]
᭔
ᬯᬸᬦ᭄‌‌ᬏᬧᭀᬢ᭄᭞ᬲᬫ᭄ᬩᬶᬮ᭄ᬫᬦᬸᬗ᭄ᬕᬸᬳᬶᬩᬕᬸᬲ᭄᭞ᬲᬸᬯᬸᬦ᭄ᬳᬦᬾᬮᬸᬄ᭞᭐᭞ᬫᬗ᭄ᬯᬤᬳᬶᬦ᭄᭞ᬩᬓᬮ᭄ᬳᬩᬮ᭄ᬯᬲ᭄ᬫᬩ᭄ᬮᬜ᭄ᬚ᭟ᬲᬸᬭᬸᬧ᭄‌‌ᬲᬹᬃᬬ᭄ᬬᬦᬶᬯᬗ᭄ᬓᬭ᭞ᬓᭀᬘᬧᬜᬲᬵᬫ᭄ᬧᬸᬦ᭄ᬯᭂᬗᬶ᭞ᬢᬦ᭄ᬓᭀᬘᬧ᭄ᬧᭀᬮᬳᬾᬋᬓᭀ᭞ᬏᬜ᭄ᬚᬶᬂᬧᬲᭂᬫᭂᬗᬦ᭄ᬲᬵ
ᬫ᭄ᬧᬸᬦ᭄᭞ᬫᬓᬶᬭᬾᬮ᭄ᬯᬲ᭄ᬓᬧᬲᬃ᭞ᬳᬤᬸᬄᬘᬳᬶ᭞ᬤᬶᬦᬶᬚᬸᬫᬄᬳᬧᬂᬫᭂᬮᬄ᭟ᬲᬦ᭄ᬤᬶᬓᬦ᭄ᬚ᭄ᬭᭀᬦᬾᬳᬶᬫᬂ᭞ᬦᬾᬳᭂᬮᬸᬄᬳᬶᬫᬂᬫᬫᬵᬃᬕ᭄ᬕᬶ᭞ᬓᬧᬲᬃᬫᬤᭀᬮᬤᭀᬮᬦ᭄᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬭᬯᬸᬄ᭞ᬮᬶᬬᬸᬳᬦᬓᬾᬫᬜᬕ᭄ᬚᬕ᭄᭞
ᬦᬕᬶᬄᬫᭂᬮᬶ᭞ᬤᬾᬭᬾᬂᬧᬸᬧᬸᬢ᭄ᬫᬜᭀᬓᭀᬮᬂ᭟ᬏᬗ᭄ᬕᬍᬦ᭄ᬧᬤᬫᬚᬸᬭᬕ᭄᭞ᬮᬶᬬᬸᬧᬤᬫᬗ᭄ᬭᭀᬫ᭄ᬩᬾᬗᬶᬦ᭄᭞ᬳᬤᬫᬺᬩᬸᬢ᭄ᬲᬮᬶᬂᬕᭂᬢᭀᬓ᭄᭞ᬫᬾᬦ᭄ᬩᭂᬓᬸᬂᬜᬧᬢᬶᬦ᭄ᬳᬮᬸᬲ᭄᭞ᬤᬚ᭄ᬭᭀᬦᬾᬫᬳᬶᬩᬸᬓᬦ᭄᭞ᬤᬯᭂᬕ᭄ᬕᬸᬲ᭄ᬢᬶ᭞ᬦᬶ
ᬓᬶᬤᬯᬸᬦ᭄ᬓᬭᬶᬓᬢᬄ᭟ᬮᬯᬸᬢ᭄ᬳᬶᬬᬧᬤᬫᬬᬄ᭞ᬳᬦᬾᬫᬬᬄᬫᬍᬩᬶᬳᬶᬦ᭄᭞ᬳᬤᬢ᭄ᬯᬭᬧᭀᬮᬶᬄᬳ᭄ᬤᭀᬦ᭄᭞ᬳᬤᬩ᭄ᬭᬗ᭄ᬢᬶᬫᬗᬜᬸᬢ᭄ᬜᬸᬢ᭄᭞ᬧᬮᬶᬂᬮᬳᬶᬲᬫᬤᬕᬂᬫᬫᭂᬢᬾᬓᬶᬦ᭄᭞ᬲᬕᬾᬢ᭄ᬧᭀᬮᬶᬄᬳᬚᬶᬲᬢᬓ᭄᭟

[᭕ 5A]
᭕
ᬓᬂᬭᬭᬾᬫᬗ᭄ᬓᬶᬦ᭄ᬓᭀᬘᬧᬂ᭞ᬲᬶᬋᬧ᭄ᬫᬢᬾᬚᬭᬶᬂᬮᬗᬶᬢ᭄᭞ᬫᬾᬦ᭄ᬩᭂᬓᬸᬂᬲᬕᬾᬢᬦ᭄ᬢᬸᬫᭀᬦ᭄᭞ᬢᬾᬚᬦᬾᬜᬭᬩ᭄ᬭᬶᬂᬮᬸᬳᬸᬃ᭞ᬫᬾᬦ᭄ᬩᭂᬓᬸᬂᬗᬸᬘᬧ᭄ᬭᬶᬂᬫᬦᬄ᭞ᬬᬦ᭄ᬢᬾᬚᬦᬶ᭞ᬳᬶᬩᬕᬸᬲ᭄‌‌ᬤᬶᬚᬸᬫᬄᬲᬶᬋᬧ᭄᭟ᬫᬩ᭄ᬮᬜ᭄ᬚᬏᬗ᭄ᬕᬮᬾᬗ᭄ᬕᬮ᭄᭞ᬫᭂ᭠
ᬮᬶᬩᬸᬗᬩᬸᬭᬢ᭄ᬯᬗᬶ᭞ᬚᬚᬓᬸᬲ᭄ᬓᬸᬲ᭄ᬮᬦ᭄ᬓᬍᬧᭀᬦ᭄᭞ᬚᬚᬕᬶᬦᬮᬦ᭄ᬩᬸᬓᬬᬸ᭞ᬧᬘᬂᬤᬕᬶᬂᬧᬮᬗ᭄ᬓᬶᬭᬦ᭄᭞ᬲᬃᬯ᭄ᬯᬩᭂᬘᬶᬓ᭄᭞ᬢᭂᬮᬸᬂᬘᬢᬸᬗᬸᬳᬸᬧ᭄ᬩᬳᬲ᭄᭟ᬫᭂᬮᬶᬩᬾᬚᬶᬮᬶᬫᭀᬮᬲ᭄᭞ᬫᭂᬮᬶᬲᬮᬓ᭄ᬮᬵᬯᬦ᭄ᬫᬗ᭄ᬕᬶᬲ᭄᭞ᬩᬸᬲᬦ᭄ᬜᬬᬫᬩ᭄ᬮᬜ᭄ᬚ
ᬋᬓᭀ᭞ᬫᬜᬶᬫ᭄ᬧᭂᬦᬂᬭᬭᬶᬲ᭄ᬫᬦ᭄ᬢᬸᬓ᭄᭞ᬫᬫᬵᬃᬕ᭄ᬕᬶᬬᬕᬕ᭄ᬮᬶᬲᬦ᭄᭞ᬲᬃᬯ᭄ᬯᬶᬦᭀᬮᬶᬄ᭞ᬢᬾᬚᬦᬾᬫᬲᬶᬫᬗ᭄ᬭᬜᬩ᭄᭟ᬢᬸᬗ᭄ᬕᬮ᭄ᬫᬲᬭᬾᬫᬢᬾᬚ᭞ᬢᭂᬗᭂᬭᬦᬾᬲᬳᬶᬲᬳᬶ᭞ᬢᬦ᭄ᬓᭀᬘᬧ᭄ᬤᬶᬚᬮᬦ᭄ᬋᬓᭀ᭞ᬢᭂᬓᭂᬤ᭄‌‌ᬬᬤᬶᬚᬸᬫᬄ
ᬲᬵᬫ᭄ᬧᬸᬦ᭄᭞ᬦᬾᬗᭂᬮᬄᬩᬳᬲᬾᬢᭂᬓ᭞ᬦᬕᬶᬄᬧᬶᬧᬶᬲ᭄᭞ᬫᬾᬦ᭄ᬩᭂᬓᬸᬂᬭᬭᬶᬲ᭄ᬫᭂᬫ᭄ᬩᬬᬄ᭟ᬲᬳᬶᬬᬗᬤᭂᬧ᭄ᬤᭀᬦ᭄ᬓᬮᬂ᭞ᬧᭀᬮᬶᬄᬳᬚᬶᬲᬢᬓ᭄ᬱᬳᬶ᭞ᬲᭂᬓᬢ᭄ᬧᭀᬮᬶᬄᬭᬭᬾᬋᬓᭀ᭞ᬦᬵᬗ᭄ᬳᬶᬂᬢ᭄ᬯᬭᬳᬦᬓ᭄ᬢᬳᬸ᭞ᬫᬾᬦ᭄ᬩᭂᬓᬸᬂᬢᬦ᭄ᬓᬸᬭᬂ [ 6 ][᭕ 5B]
᭕
ᬧᬗᬦ᭄᭞ᬧᬶᬦᬄᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬮᬯᬲ᭄ᬲᬧᬸᬦᬶᬓᬵ᭟ᬫᬧᭂᬦᬄᬧᬢ᭄ᬩᭂᬮᬲ᭄ᬢᭂᬫ᭄ᬯᬂ᭞ᬓᬂᬭᬭᬾᬧᬶᬦᬳᭂᬦ᭄ᬓᭂᬮᬶᬄ᭞ᬫᬾᬦ᭄ᬩᭂᬓᬸᬂᬩᬸᬗᬄᬫᬗᬗ᭄ᬕᭀ᭞ᬓᬲᬸᬕᬶᬳᬦ᭄ᬜᬦᬾᬮᬶᬬᬸ᭞ᬳᬶᬩᬕᬸᬲ᭄ᬫᬲᬮᬶᬦ᭄ᬧᬭᬩ᭄᭞ᬯᬵᬱ᭄ᬝᬦᬾᬓᬶ᭞ᬫᬯᬵᬱ᭄ᬝᬩᬕᬸᬲ᭄ᬢᬸ᭠
ᬭᬸᬦᬦ᭄᭟ᬩᬕᬸᬲᬾᬢ᭄ᬯᬭᬫᬫᬥ᭞ᬧ᭄ᬭᬚ᭄ᬜᬵᬦ᭄ᬫᬓᬶᬤᬸᬂᬓᬓᬯᬶᬦ᭄᭞ᬮᬯᬸᬢ᭄ᬬᬫᬦᬗᬸᬦ᭄‌‌ᬚ᭄ᬭᭀ᭞ᬫᬢᬾᬫ᭄ᬩᭀᬓ᭄ᬫᬓᬸᬭᬶᬳᬕᬸᬂ᭞ᬩᬮᬾᬦᬾᬲᬃᬯ᭄ᬯᬫᬕᬫ᭄ᬩᬃ᭞ᬜᬦ᭄ᬤᬶᬂᬩᬾᬚᬶ᭞ᬩᬮᬾᬤᬡ᭄ᬝᬫᬩᬜ᭄ᬘᬶᬗᬄ᭟ᬫᬓᬸᬭᬶᬫᬘᬦ᭄ᬤᬶᬩᭂᬦ᭄ᬢᬃ᭞ᬫ
ᬚᭂᬦ᭄ᬤᬾᬮᬩᬢᬸᬃᬲᬭᬶ᭞ᬫᬳᬸᬧᬘᬭᬫᬧᭂᬮᭀᬓ᭄᭞ᬫᬕᬫ᭄ᬩᬃᬫᬢᭂᬩᬸᬲ᭄ᬕᬸᬬᬸᬦ᭄᭞ᬢᬢᬳᬦᬾᬓᬸᬫᬭᬦᬂ᭞ᬓᬸ᭠ᬫᬭᬶᬦᬶᬂ᭞ᬫᬶᬲᬶᬢᭀᬕᭀᬕ᭄ᬗᬶᬲᬶᬕᬥ᭟ᬧᬦ᭄ᬢᭂᬲ᭄ᬫᬩᬮᬳᬮᬓ᭄ᬱ᭞ᬤᬾᬩᭂᬓᬸᬂᬲᬸᬓᬢᬦ᭄ᬲᬶᬧᬶ᭞ᬲᭂᬓᬢ᭄ᬗᭂᬮᬄᬧ᭄ᬬᬦᬓ᭄ᬋᬓᭀ
᭞ᬮᬄᬫᬓᬓᬯᬶᬦ᭄ᬢᬾᬭᬢᬸ᭞ᬢᬶᬢ᭄ᬬᬂᬫᭂᬍᬤ᭄ᬫᬤᬶᬗᭂᬳᬂ᭞ᬦᬄᬢᭀᬚᬦᬶ᭞ᬳᬶᬩᬕᬸᬲ᭄ᬭᬭᬶᬲ᭄ᬫᬕᬶᬢ᭟ᬫᬓᬓᬯᬶᬦ᭄‌‌ᬚᬯᬶᬯᬳᬵ᭞ᬲ᭄ᬯᬭᬦᬾᬳᬭᬸᬫ᭄ᬫᬫᬦᬶᬲ᭄᭞ᬩᬩᬲᬦᬾᬦᬸᬯᬸᬢ᭄ᬰᬲ᭄ᬢ᭄ᬭ᭞ᬤᬸᬓ᭄‌‌ᬲᬂᬆᬃᬚ᭄ᬚᬸᬦᬵᬭᬶᬂᬕᬸᬦᬸᬂ᭞ᬇᬦ᭄ᬤ᭄ᬭᬓᬶᬮᬦ

[᭖ 6A]
᭖
ᬗᬸᬦ᭄ᬢᬧ᭞ᬯᬶᬤ᭄ᬬᬥᬭᬶ᭞ᬯᬶᬥ᭄ᬬᬥᬭᬦᬾᬫᬗᭀᬥ᭟ᬧᬸᬦᬶᬓᬫᬗ᭄ᬓᬶᬦ᭄ᬩᬲᬬᬂ᭞ᬫᬵᬦᬸᬱᬦᭀᬭᬦᬦ᭄ᬤᬶᬗᬶᬦ᭄᭞ᬰ᭄ᬯᬪᬯᬜᬲᬸᬓᬋᬓᭀ᭞ᬲᬕᬾᬢ᭄ᬮᬶᬬᬸᬳᬦᬓ᭄ᬢᬳᬸ᭞ᬤᬾᬩᭂᬓᬸᬂᬦᬸᬤᬸᬓ᭄ᬧ᭄ᬬᬦᬓ᭄᭞ᬩᬕᬸᬲ᭄ᬭᬶᬭᬶᬄ᭞ᬫᬵᬦᬸᬱ
ᬢᭀᬂᬳᬤᬧᬥ᭟ᬧᬥᬦᬓᭀᬦ᭄ᬦᬓᭀᬦᬂ᭞ᬧᬥᬓᭂᬫᬫᬦᭂᬮᭀᬓᬶᬦ᭄᭞ᬫᬮᬶᬧᭂᬢᬦ᭄ᬧᬥᬕᬯᭀᬓ᭄᭞ᬓᬲᭂᬫᬭᬦᬾᬩᬸᬤᬸᬄ᭞ᬫᬗᭂᬦᭀᬢ᭄ᬩᬕᬸᬲ᭄ᬢᬸᬭᬸᬦᬦ᭄᭞ᬘᬾᬦ᭄ᬢᬾᬭᬸᬗᬶᬄ᭞ᬧᬥᬕᬯᭀᬓ᭄ᬲᬂᬢᬸᬫᬶᬗ᭄ᬳᬵᬮ᭄᭟ᬮᬶᬬᬸᬧᬥ
ᬫᬦᬸᬢᬸᬭᬂ᭞ᬦᬸᬢᬸᬭᬂᬤᬾᬩᭂᬓᬸᬂᬲᬸᬕᬶᬄ᭞ᬧᬶᬦᬄᬚᬦᬶᬗᭂᬮᬄᬚ᭄ᬭᭀ᭞ᬫᬗᬗ᭄ᬕᭀᬬᬳᭂᬦ᭄ᬤᬶᬄᬫᬸᬭᬸᬩ᭄᭞ᬓᬲᬸᬕᬶᬳᬦ᭄ᬜᬦᬾᬓᬢᬄ᭞ᬧ᭄ᬬᬦᬓ᭄ᬧᭂᬓᬶᬓ᭄᭞ᬯᬶᬯᬾᬓᬭᬶᬭᬶᬄᬢᬸᬃᬧ᭄ᬭᬚ᭄ᬜᬦ᭄‌᭟ᬓᬮᬶᬂᬓᬾᬳᬦᬓᬾᬩᬚᬂ᭞ᬢᬦᬶᬬᬓᬾᬧᬥᬧ
ᬮᬶᬂ᭞ᬦᬾᬲᬸᬩᬢ᭄ᬯᬫᬗ᭄ᬮᭀᬘᭀᬓ᭄᭞ᬫᬲᬶᬄᬩᬋᬂᬳᬶᬬᬩᬸᬤᬸᬄ᭞ᬫᬗᭂᬦᭀᬢ᭄ᬩᬕᬸᬲ᭄ᬢᬸᬭᬸᬦᬦ᭄᭞ᬧᬥᬲᭂᬤᬶᬄ᭞ᬤᬾᬦᬶᬂᬢ᭄ᬯᬭᬓᭂᬦᬶᬘᭀᬗᬄ᭟ᬳᬓᬾᬄᬧᬓᬶᬭᬶᬫᬾᬢᭂᬓ᭞ᬳᬤᬗᬩᬩᬸᬗᬫᬶᬳᬶᬓ᭄᭞ᬳᬤᬗᬩᬲᭂᬤᬄᬋᬓᭀ [ 7 ][᭖ 6B]
᭖
᭞ᬳᬤᬗᬩᬩᬸᬭᬵᬢ᭄ᬳᬭᬸᬫ᭄᭞ᬢ᭄ᬯᬭᬤᬦᬾᬓᭂᬦᬾᬂᬳᭀᬩᬄ᭞ᬩᬦ᭄ᬧᬯᬾᬲ᭄ᬢ᭄ᬭᬶ᭞ᬮᬶᬬᬸᬳᬦᬓ᭄ᬫᬗᬾᬭᬸᬢᬂ᭟ᬳᬤᬬᬫᬸᬮᬶᬄᬫᭂᬘᬭ᭞ᬫᬳᬶᬩᬸᬓᬦ᭄‌‌ᬲᬳᬶᬲᬳᬶ᭞ᬳᬢᬶᬦᬾᬓᬤᬸᬂᬗᬩᬾᬭ᭞ᬢ᭄ᬯᬭᬳᬤᬓᬧᬤᬦ᭄ᬓᬬᬸᬦ᭄᭞ᬳᬤᬮ᭄ᬯᬲ᭄ᬗᬸᬢᬂ
ᬳᬯᬓ᭄᭞ᬲᬫ᭄ᬩᬶᬮ᭄ᬗᭂᬮᬶᬂ᭞ᬳᭂᬦ᭄ᬤᬶᬄᬦᬦᬗᬾᬦᬓᭀᬦᬂ᭟ᬩ᭄ᬭᬬᬦ᭄ᬤᬾᬩᭂᬓᬸᬗᬾᬓᭀᬘᬧ᭄᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬜᬮᬸᬄᬫ᭄ᬯᬦᬶ᭞ᬧᬤᬫᬤᭂᬓᭂᬲᬦ᭄ᬋᬓᭀ᭞ᬏᬮᬶᬂᬭᬶᬂᬧᭀᬮᬳᬾᬫᬮᬸ᭞ᬤᬸᬕᬲ᭄ᬤᬾᬩᭂᬓᬸᬗᬾᬮᬭ᭞ᬧᬥᬲᭂᬗᬶᬢ᭄᭞ᬧᬥᬫ
ᬢᬸᬢᬸᬃᬚᬸᬫᬄᬜ᭟ᬲᬶᬂᬳᬮᬶᬄᬜᬢᬦᬶᬳᭀᬮᬲ᭄᭞ᬫᬓᭂᬚᬂᬗᭂᬤᭂᬕᬂᬳᬢᬶ᭞ᬧᬶᬦᬄᬚᬦᬶᬗᭂᬮᬄᬚ᭄ᬭᭀ᭞ᬫᬶ᭠ᬭᬶᬩ᭄‌‌ᬚ᭄ᬭᭀᬦ᭄ᬳᬦᬓ᭄ᬳᬕᬸᬂ᭞ᬧᬦ᭄ᬢᭂᬲ᭄ᬫᬩᬮᬳᬮᬓ᭄ᬱ᭞ᬓᬸᬤ᭄ᬬᬂᬚᬦᬶ᭞ᬫᬫᬮᬶᬓᬂᬦᬾᬦᬾᬲᬸᬩ᭟ᬗᬸᬤ᭄ᬬᬂᬢᬳᬶᬩᬜᬳᬸ᭠
ᬮᬧ᭄᭞ᬦᬾᬦᬾᬲᬸᬩᬧᬥᬲᭂᬗᬶᬢ᭄᭞ᬳᬗ᭄ᬕᭀᬦ᭄ᬳᬶᬬᬩ᭄ᬭᬬᬩᭀᬤ᭞ᬢ᭄ᬯᬭᬵᬤᬦᭀᬮᬶᬄᬓᬧᬸᬗ᭄ᬓᬸᬃ᭞ᬲᭀᬓ᭄ᬫᬮᬸᬩᬦ᭄ᬫᬮᬶᬬᬢ᭄᭞ᬧᬓ᭄ᬱᬗᬮᬶᬄ᭞ᬳ᭄ᬬᬲᬸᬩᬚ᭄ᬭᭀᬧᬶᬲᬦ᭄᭟ᬳᬧᬳᬶᬬᬚᬦᬶᬓᬸᬭᬂ᭞ᬫᬓᭂᬚᬂᬬᬲᬸᬩᬦᬫ᭄ᬧᬶᬂ᭞ᬢ

[᭗ 7A]
᭗
ᬦ᭄ᬓᬸᬭᬂᬥ᭄ᬭᬸᬯᬾᬫ᭄ᬯᬂᬗᬗ᭄ᬕᭀ᭞ᬢᬸᬃᬫᬦᬸᬤᬸᬓ᭄ᬧ᭄ᬬᬦᬓ᭄ᬩᬕᬸᬲ᭄᭞ᬤᬶᬚᬳᬳᬦᬓᬾᬫᬥ᭞ᬳᬕᬸᬂᬳᬮᬶᬢ᭄᭞ᬳᭀᬓᬦ᭄ᬭᬢᬸᬫᬲᬧᬥ᭟ᬢᬦ᭄ᬓᭀᬘᬧᬯᭀᬂᬳᬜᬫ᭄ᬩᬢ᭄᭞ᬤᬾᬩᭂᬓᬸᬂᬓᭀᬘᬧᬂᬫᬮᬶᬄ᭞ᬍᬫᭂᬂᬍᬫᬄᬲᬸᬩᬳᭀᬳᭀᬦ᭄᭞ᬗᭂᬦᭂ
ᬫᬶᬦ᭄ᬳᬦᬓᬾᬭᬯᬸᬄ᭞ᬳᭂᬮᬾᬦ᭄ᬗᬚᬂᬕᭂᬮᬾᬦ᭄ᬢᬸᬯ᭞ᬢᬦᬶᬓᬶᬓᬶᬢ᭄᭞ᬧᬥᬫᬫᭂᬚᬂᬕᬯᬾᬜ᭟ᬳᭂᬦᭂᬂᬳᬓ᭄ᬦᬓᭀᬘᬧ᭞ᬧᬹᬃᬡ᭄ᬦᬫᬓᬧᬢᬾᬫᬗ᭄ᬓᬶᬦ᭄᭞ᬫᬲᬦ᭄ᬳᬦᬓᬾᬫᬗᬗ᭄ᬕᭀ᭞ᬧᬥᬬᬫᬲᬶᬲᬶᬕ᭄ᬫᬫ᭄ᬩᬸᬄ᭞ᬫᬗᬾᬱ᭄ᬝᬶᬭᬳᬶᬦᬫᭂ
ᬮᬄ᭞ᬮᬦᬂᬳᬶᬲ᭄ᬢ᭄ᬭᬶ᭞ᬧᬥᬬᬫᬫᬸᬚᬲ᭄ᬫᬭ᭟ᬩᬕᬸᬲ᭄ᬢᬸᬭᬸᬦᬦ᭄‌‌ᬓᭀᬘᬧ᭞ᬳᬸᬲᬦ᭄ᬫᬓᬸᬭᬫᬲ᭄ᬫᬗ᭄ᬓᬶᬦ᭄᭞ᬫᬯᬸᬯᬸᬄᬩᬕᬸᬲᬾᬋᬓᭀ᭞ᬲᭂᬤᭂᬓᬦ᭄ᬤᬦᬾᬳᬢᬸᬭᬸ᭞ᬲᬯᬢᬭᬤᬯᬸᬄᬳᭂᬫ᭄ᬧᬢ᭄᭞ᬫᬥ᭄ᬬᬮᬢ᭄ᬭᬶ᭞ᬲᬕᬾᬢ᭄ᬤᬦᬾᬫᬜᬸᬧ᭄ᬦ᭟
ᬫᬗᬶᬲᬶᬫᬜᬗ᭄ᬕᬵᬩᬸᬮᬦ᭄᭞ᬲᬸᬗᬾᬗᬾᬬᬲᬯᬸᬧ᭄ᬧᭂᬮᬶᬄ᭞ᬳᬸᬮᬸᬂᬤᬶᬧᬩᬶᬦᬦ᭄ᬋᬓᭀ᭞ᬮᬯᬸᬢ᭄ᬤᬤᬶᬧᬸᬢ᭄ᬭᬶᬳᬬᬸ᭞ᬫᭂᬮᬄᬢ᭄ᬯᬭᬫᬫᬥ᭞ᬦᬸᬫᬳᬩᬶᬦ᭄᭞ᬭᬭᬶᬲ᭄ᬩᬗᬸᬦ᭄ᬫᬗᬸᬮᬾᬧᬢ᭄᭟ᬢᬸᬫᬸᬮᬶᬳᬗᬕᬧᬵᬕᬧ᭄᭞ᬫᬮᬸᬗ᭄ᬕᬸᬄ [ 8 ][᭗ 7B]
᭗
ᬳᬗᭂᬫᬶᬢ᭄ᬢᬗᬶᬲ᭄᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬦ᭄ᬧᬦᭀᬦ᭄᭞ᬓ᭄ᬮᬧ᭄ᬓᭂᬮᬧ᭄ᬩᬸᬓᬄᬓᭂᬜᬸᬂ᭞ᬢᬸᬫᬸᬮᬶᬳᬜᬫ᭄ᬩᬢ᭄ᬜᬫ᭄ᬩᬢ᭄᭞ᬤᬾᬯᬕᬸᬲ᭄ᬢᬶ᭞ᬤᬶᬚᬳᬶᬫᬶᬭᬄᬫᬕᭂᬦᬄ᭟ᬢᬸᬫ᭄ᬩᬾᬦ᭄ᬳᬶᬫᬶᬭᬄᬓᬲᬸᬧ᭄ᬦ᭞ᬤᬶᬳᭂᬗ᭄ᬓᬾᬦ᭄ᬫᬶᬭᬄᬫᬮᬶᬗ᭄ᬕᬶᬄ᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬂᬧ
ᬦᭀᬦ᭄᭞ᬓ᭄ᬮᬧ᭄ᬓᭂᬮᬧ᭄ᬩᬸᬓᬄᬓᭂᬜᬸᬂ᭞ᬫᬗ᭄ᬕᬯᬾᬮᬭᬢᬸᬭᬶᬤ᭞ᬳᬕᬸᬂᬓᬶᬂᬓᬶᬂ᭞ᬩᬸᬓᬮᬯᬢᬾᬤᬶᬫᭂᬓ᭟ᬫᬾᬦ᭄ᬩᭂᬓᬸᬂᬩᬗᬸᬦ᭄ᬗᬸᬮᬾᬧᬢ᭄᭞ᬮᬯᬸᬢ᭄ᬫᬦᬸᬦ᭄ᬤᬸᬦ᭄ᬦᬾᬫ᭄ᬯᬦᬶ᭞ᬏᬗ᭄ᬕᬮᬂᬓᬸᬤᬫᭂᬢᬓᭀᬦ᭄᭞ᬮᬸᬄᬫ᭄ᬯᬦᬶᬧᬥᬕᬸᬧᬸᬄ᭞ᬤᬾ
ᬯᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬮᬄᬦᬶᬓᬳᬶᬦ᭄᭞ᬧᬸᬦᬧᬶᬫᬵᬃᬕ᭄ᬕᬦᬶᬂᬮᬭ᭟ᬥᬹᬄᬫᬾᬫᬾᬢᬶᬬᬂᬜᬸᬧ᭄ᬦ᭞ᬧᬶᬦ᭄ᬥ᭠ᬗᬶᬧᬶᬜᬗ᭄ᬕᬰᬰᬶᬄ᭞ᬲᬳᬸᬧ᭄ᬲᬳᬸᬧ᭄ᬧᭂᬮᬶᬄᬋᬓᭀ᭞ᬮᬯᬸᬢ᭄ᬤᬶᬧᬩᬶᬦᬦ᭄ᬳᬸᬮᬸᬂ᭞ᬤᬤᬶᬳᬦᬓ᭄ᬮᬸᬄᬫᭂᬮᬄ᭞ᬧᬸᬢ᭄ᬭᬶᬍᬯᬶᬄ᭞
ᬧᬸᬢ᭄ᬭᬦ᭄ᬭᬢᬸᬫᬸᬢᭂᬃᬚᬕᬢ᭄᭟ᬧᬶᬦ᭄ᬤᬜᬤᬶᬧᬗᬶᬧ᭄ᬬᬦ᭄᭞ᬤᬶᬩᬮᬾᬧᬗᬭᬶᬗᬭᬶᬂ᭞ᬧᬶᬗ᭄ᬕᬶᬭᬶᬂᬢᬮᬕᬋᬓᭀ᭞ᬧᬶᬦ᭄ᬤᬜᬫᬗᬮᬧ᭄ᬢᬸᬜ᭄ᬚᬸᬂ᭞ᬫᬧᬜ᭄ᬘᭀᬭᬦ᭄ᬩᬦ᭄ᬲᬮᬓ᭞ᬦᬶᬓᬫᬗ᭄ᬓᬶᬦ᭄᭞ᬕᭂᬦᬳᬾᬫᬭᬶᬂᬮᭀᬃᬯᬾᬢᬦ᭄᭟

[᭘ 8A]
᭘
ᬫᬾᬫᬾᬩᬧᬤᬶᬦᬶᬚᬸᬫᬄ᭞ᬳᬸᬩᭂᬢ᭄ᬚᬦ᭄ᬤᬾᬮᬦᬾᬲᬫᬶ᭞ᬳᬯᬲᬂᬢᬸᬜ᭄ᬚᬸᬗᬾᬳᭂᬦ᭄ᬢᭀ᭞ᬦᬾᬓᭂᬫ᭄ᬩᬂᬢᭂᬗᬳᬶᬂᬤᬦᬸ᭞ᬬᬾᬦ᭄ᬜᬮᬬᬸᬓᬧᬦᬲᬦ᭄᭞ᬢᬶᬬᬂᬫᬢᬶ᭞ᬬᬦ᭄‌‌ᬲᭂᬕᭂᬃᬤᬲᬗ᭄ᬰᬬ᭟ᬧᬦ᭄ᬩᭂᬓᬸᬂᬢᬦ᭄ᬓᭂᬦᬾᬂᬗᬸᬘᬧ᭄᭞ᬬᬾᬄ
ᬫᬢᬦᬾᬤᭂᬋᬲ᭄ᬫᬶᬚᬶᬮ᭄᭞ᬮᬸᬄᬫ᭄ᬯᬦᬶᬗᭂᬫ᭄ᬩᭂᬂᬧᬦᭀᬦ᭄᭞ᬲᬂᬩᬕᬸᬲ᭄ᬫᬳᭂᬲᬾᬄᬓᬫ᭄ᬧᬸᬄ᭞ᬫᭂᬲᬾᬄᬯᬵᬲ᭄ᬢ᭄ᬭᬕᬕᭂᬮᬶᬲᬦ᭄᭞ᬜᬸᬗ᭄ᬓᭂᬮᬶᬢ᭄ᬓᭂᬭᬶᬲ᭄᭞ᬓᬾᬢᭀᬚᬸᬚᬸᬫᬄᬳᬶᬗᭂᬢᬂ᭟ᬬᬾᬦ᭄ᬢᬶᬬᬂᬤᬾᬭᬾᬂᬓᬢᭂᬓᬦ᭄᭞ᬓᬵᬤᬶᬳᬶᬧ᭄ᬬ
ᬦᬾᬦᬸᬦᬶ᭞ᬫᬲᬏᬗ᭄ᬕᬮ᭄ᬫᬸᬮᬶᬄᬋᬓᭀ᭞ᬲᬸᬫᬗ᭄ᬓᬶᬦ᭄ᬫᬾᬦ᭄ᬩᭂᬓᬸᬂᬕᭂᬮᬸ᭞ᬦᬧᬶᬲᬶᬧ᭄ᬯᬭᬦ᭄ᬢᬶᬢ᭄ᬬᬂ᭞ᬓᬵᬭᬶᬳᬸᬭᬶᬧ᭄᭞ᬢᬦ᭄ᬳᬸᬭᬸᬗᭂᬦ᭄ᬫᬢᬶᬩᭂᬭᬕ᭄᭟ᬢ᭄ᬬᬂᬮ᭄ᬯᬲ᭄ᬢᬶᬕᬂᬤᬶᬦᬵ᭞ᬳᭂᬤᬫᬾᬫᬾᬚᭂᬚᭂᬄᬳᬢᬶ᭞ᬲᬵᬫ᭄ᬧᬸᬦ᭄ᬫᬗ᭄ᬭᬗ᭄ᬲᬸᬓ᭄ᬧᬗᬗ᭄ᬕᭀ᭞ᬩᬸᬓᬄ
ᬤᬾᬯᬦᬾᬢᬸᬫᬸᬭᬸᬦ᭄᭞ᬭᬭᬶᬲ᭄ᬫᬶᬚᬶᬮ᭄ᬓᬩᬜ᭄ᬘᬶᬗᬄ᭞ᬳᬲᭂᬫᬸᬢᬗᬶᬲ᭄᭞ᬫᬫᬵᬃᬕ᭄ᬕᬶᬗᬚᬓᬗᬶᬦᬂ᭟᭠ᬫᬦᬸᬚᬸᬲᭂᬧᬶᬫᬫᬵᬃᬕ᭄ᬕ᭞ᬢ᭄ᬯᬭᬵᬳᬤᬳᬦᬓ᭄ᬧᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬮᬶᬯᬢ᭄ᬤᬾᬰᬋᬓᭀ᭞ᬳᬓᬾᬄᬩᬸᬭᭀᬦᬾᬫᬫᭂᬦ᭄ᬤ [ 9 ][᭘ 8B]
᭘
ᬓ᭄᭞ᬧᬤᬜᭂᬭᬶᬢ᭄᭞ᬯᬭᬓ᭄ᬫᬘᬦ᭄᭞ᬦᬕᬧᬲᬄ᭟ᬩᬕᬸᬲ᭄ᬢᬸᬭᬸᬦᬦ᭄‌‌ᬗᬦ᭄ᬤᬶᬓ᭞ᬬᬦ᭄ᬓᭀᬕᭂᬫᭂᬲ᭄ᬢᬤᬄᬓᬫᬶ᭞ᬩᬸᬭᭀᬦᬾᬧᬤᬫᬫᬾᬗᭀᬲ᭄᭞ᬲᬯᬢᬭᬤᬯᬸᬄᬢᭂᬮᬸ᭞ᬧ᭄ᬭᬵᬧ᭄ᬢᬭᬶᬂᬢᭂᬍᬗᬶᬂᬳᬮᬲ᭄᭞ᬬᬓ᭄ᬱᬬᬓ᭄ᬱᬶ᭞
ᬧᬤᬫᬧᬧᬲ᭄ᬤᬶᬚᬮᬦ᭄᭟ᬲᬂᬬᬓ᭄ᬱᬕᭂᬮᬶᬲ᭄ᬫᬜᬦ᭄ᬢ᭄ᬭ᭞ᬲᬕᬾᬢ᭄ᬓᬢᭀᬦ᭄ᬧᬸᬦᬂᬓ᭄ᬭᬶᬲ᭄᭞ᬦᬾᬲᬸᬂᬓ᭄ᬮᬶᬢ᭄‌‌ᬳᬶᬩᬕᬸᬲ᭄ᬋᬓᭀ᭞ᬓᬳᬶᬮᬶᬗᬦ᭄ᬋᬓᬾᬲᬵᬫ᭄ᬧᬸᬦ᭄᭞ᬧᬕᬯᬾᬦ᭄ᬧᬦ᭄ᬤᬾᬮᬶᬫ᭄ᬲᬶᬫᬦ᭄᭞ᬲᬶᬭᬬᬓ᭄ᬱᬶ᭞ᬢᬸᬫᬸᬮᬶ
ᬳᬕ᭄ᬮᬶᬲ᭄ᬳᬦᭂᬫ᭄ᬩᬄ᭟ᬓᬮᬶᬗᬦᬶᬂᬭᬢᬸᬦᬶᬂᬯ᭄ᬯᬂ᭞ᬓᬚᬳᬚ᭄ᬯᬧᬸᬢᬸᬫᬗ᭄ᬓᬶᬦ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬮᬶᬂᬦ᭄ᬬᬳᬮᭀᬦ᭄᭞ᬮᬫᬸᬦ᭄ᬓᬓᬶᬲᬸᬓᬂᬳᬓᬸ᭞ᬫᬢᬸᬚ᭄ᬯᬶᬦ᭄ᬳᬶᬗ᭄ᬲᬸᬦ᭄ᬫᬵᬃᬕ᭄ᬕ᭞ᬗᬮᬶᬄᬧᬸᬢ᭄ᬭᬶ᭞ᬳᬤᬋᬓᬾᬧᬸᬢ᭄ᬭᬶᬫᭂᬮᬄ᭟ᬲᬂᬬᬓ᭄ᬱᬭᬭᬶᬲ᭄ᬳᬗᬸᬘ
ᬧ᭄᭞ᬬᬦ᭄‌‌ᬳᭀᬃᬣᬦᬾᬢᭂᬓᬾᬦ᭄ᬓᬓᬶ᭞ᬤᬶᬢᬸᬓᬚᬓᬗᬶᬦ᭄ᬋᬓᭀ᭞ᬦᬾᬫᬡᬶᬓ᭄ᬓᬓᬶᬦᬾᬓᬤᬸᬢ᭄᭞ᬳᬧᬂᬘᬳᬶᬧᭀᬮᬶᬄᬫᬵᬃᬕ᭄ᬕ᭞ᬏᬗ᭄ᬕᬮ᭄ᬧ᭄ᬭᬵᬧ᭄ᬢᬶ᭞ᬫᬦᭂᬫᬸᬕᬮᬂᬳᬧᬤᬂ᭟ᬮᬫᬸᬦ᭄ᬘᬳᬶᬤᬶᬢᬸᬢᭂᬓ᭞ᬦᭂᬧᬸᬓᬶᬦ᭄ᬓᬬᭂᬳ

[᭙ 9A]
᭙
ᬦ᭄ᬩᭂᬘᬶᬓ᭄᭞ᬫᭂᬜᬦ᭄ᬤᬶᬂᬢᭂᬮᬕᬋᬓᭀ᭞ᬧᬶᬗ᭄ᬕᬶᬃᬜᬦᬾᬩᬮᬾᬮᬸᬳᬸᬂ᭞ᬩᬮᬾᬧᬗᬭᬶᬗᬵᬭᬶᬗᬦ᭄᭞ᬭᬤᬾᬦ᭄ᬤᬾᬯᬶ᭞ᬭᬶᬂᬓᬤᬶᬭᬶᬫᬦᬺᬯᬾᬦᬂ᭟ᬭᬹᬧᬦᬾᬢ᭄ᬯᬭᬫᭂᬧᬤ᭞ᬤᬦᬾᬓᭂᬫᬓᬬᭂᬄᬲᬳᬶ᭞ᬬᬦ᭄ᬓᬓᬶᬗᬢᭂᬳᬂᬋᬓᭀ᭞
ᬢᭀᬂᬦᬸᬕᬘᬳᬶᬫᬢᭂᬫᬸ᭞ᬢᬦ᭄ᬳᬸᬭᬸᬂᬳᭂᬗᭂᬩ᭄ᬫᬓᭂᬚᬂ᭞ᬢᭀᬂᬓᬧᬗ᭄ᬕᬶᬄ᭞ᬳᬶᬭᬶᬗᬦᬾᬘᭀᬦ᭄ᬤᭀᬂᬩᬬᬦ᭄᭟ᬧᬤᬤᬶᬤᬶᬘᬳᬶᬓᭂᬫ᭞ᬳᬧᬂᬜᬏᬗ᭄ᬕᬮ᭄ᬓᬧᬗ᭄ᬕᬶᬄ᭞ᬓᬓᬶᬮ᭄ᬯᬲ᭄ᬚᬦᬶᬋᬓᭀ᭞ᬮᬶᬯᬢ᭄ᬳᬮᬲ᭄ᬮᬶᬯᬢ᭄ᬕᬸᬦᬸᬂ᭞ᬓᬓᬶᬦᬸᬫᬸᬧᬸᬢᬂᬢ
ᬧ᭞ᬦᬸᬳᬰᬰᬶᬄ᭞ᬫᬲᬘᬳᬶᬳᬭᬲᬤ᭄ᬬ᭟ᬲᬂᬬᬓ᭄ᬱᬭᬭᬶᬲ᭄ᬫᬫᬵᬃᬕ᭄ᬕ᭞ᬩᬕᬸᬲ᭄ᬢᬸᬭᬸᬦᬦ᭄ᬫᬫᬵᬃᬕ᭄ᬕᬶ᭞ᬢᬦ᭄ᬓᭀᬘᬧ᭄‌‌ᬲᬂᬬᬓ᭄ᬱᬋᬓᭀ᭞ᬩᬕᬸᬲ᭄ᬢᬸᬭᬸᬦᬦ᭄ᬓᬯᬸᬯᬸᬲ᭄᭞ᬳᬦ᭄ᬤᬭᬸᬂᬦᬸᬚᬸᬮᭀᬃᬯᬾᬢᬦ᭄᭞ᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬧᬫᬵᬃᬕ᭄ᬕᬶ
ᬦᬾᬢᬶᬕᬂᬤᬶᬦᬵ᭟ᬢᬦ᭄ᬓᭀᬘᬧᬦ᭄ᬳᬦᬾᬂᬤᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬂᬓᬵᬤᬶᬭᬶ᭞ᬧᬶᬗ᭄ᬕᬶᬭᬶᬂᬩᬾᬚᬶ᭠ᬚᬸᬫᭀᬚᭀᬕ᭄᭞ᬢ᭄ᬯᬭᬳᬤᬳᬦᬓ᭄ᬓᬢᭂᬧᬸᬓ᭄᭞ᬢᬮᬕᬦᬾᬭᬯᬶᬢ᭄ᬚᬶᬫ᭄ᬩᬃ᭞ᬜᬦ᭄ᬤᬶᬂᬩᬾᬚᬶ᭞ᬩᬮᬾᬧᬗᬭᬶᬗᬭᬶᬗ [ 10 ][᭙ 9B]
᭙
ᬭᬶᬗᬦ᭄᭟ᬳᬓᬾᬄᬢᭂᬢᬦ᭄ᬥᬸᬭᬦ᭄ᬲᭂᬓᬃ᭞ᬲᬃᬯ᭄ᬯᬳᬭᬸᬫ᭄‌‌ᬲᬃᬯ᭄ᬯᬫᬶᬳᬶᬓ᭄᭞ᬦᬕᬲᬭᬶᬦᬾᬫᭂᬗᬬᭀᬦ᭄᭞ᬧᬜ᭄ᬘᭀᬭᬦ᭄ᬢᬮᬕᬫᭂᬦᬸᬄ᭞ᬩᭀᬦ᭄ᬜᬦᬾᬫᬮᬶᬫ᭄ᬧᬸᬕᬦ᭄᭞ᬫᭂᬂᬧᭂᬂᬲᬭᬶ᭞ᬳᬧᬦ᭄ᬳᬶᬧᬹᬃᬡ᭄ᬦᬫᬾᬂᬓᬧᬢ᭄‌᭟ᬤᬯᬸᬄᬧᬶᬲ
ᬦ᭄ᬤᬸᬓᬶᬂᬧ᭄ᬭᬵᬧ᭄ᬢ᭞ᬲᬶᬂᬢᬶᬗ᭄ᬳᬵᬮᬶᬦ᭄ᬲᬃᬯ᭄ᬯᬍᬯᬶᬄ᭞ᬢᬦ᭄ᬧᬾᬦ᭄ᬤᬄᬤᬶᬲ᭄ᬯᬃᬕ᭄ᬕᬵᬦ᭄ᬋᬓᭀ᭞ᬢᬦ᭄ᬓᭀᬘᬧᬲᬂᬳᬩᬕᬸᬲ᭄᭞ᬭᬳᬤᬾᬦ᭄ᬕᬮᬸᬄᬓᭀᬘᬧ᭞ᬭᬶᬂᬓᬵᬤᬶᬭᬶ᭞ᬤᬦᬾᬓᬬᭂᬄᬫᬓᬸᬭᬫᬲ᭄᭟ᬫᬳᬶᬭᬶᬗᬦ᭄‌‌ᬘᭀᬦ᭄ᬤᭀᬂᬩᬬᬦ᭄
᭞ᬲᬕᬺᬳᬦ᭄‌‌ᬯᭀᬂᬚ᭄ᬭᭀᬧᬸᬭᬶ᭞ᬳᬤᬢᭂᬮᬸᬂᬤᬰᬋᬓᭀ᭞ᬫᬗᬶᬭᬶᬂᬭᬤᬾᬦ᭄ᬕᬮᬸᬄ᭞ᬢᬦ᭄ᬓᭀᬘᬧᬭᬶᬂᬦᬵᬕᬭ᭞ᬢᬫ᭄ᬧᭂᬓ᭄ᬫᬗ᭄ᬓᬶᬦ᭄᭞ᬫᬭᬾᬭᬾᬦ᭄ᬫᭂᬦᬬᬂᬧᬬᬲ᭄᭟ᬫᬲᬸᬯᭂᬂᬫᬵᬲ᭄ᬢᬸᬮᬓ᭄ᬫᬸᬜ᭄ᬘᬃ᭞ᬫᬕ᭄ᬮᬂᬫᬵᬲ᭄ᬲᬶᬦᬗ᭄ᬮᬶᬂ᭞ᬢᬓᭂ
ᬫᭂᬓᬵᬦ᭄ᬤᬶᬢ᭄ᬗᬩᬤᭀᬂ᭞ᬫᬯᬵᬲ᭄ᬢ᭄ᬭᬲᬸᬢ᭄ᬭᬳᬯᬸᬦᬵᬯᬸᬦ᭄᭞ᬩᬸᬓᬤᬥᬭᬶᬮᭀᬢ᭄ᬢᬫ᭞ᬫᬗᬾᬤᬦᬶᬦ᭄᭞ᬳᬓᬾᬄᬯᭀᬂᬚ᭄ᬭᭀᬓᬍᬂᬍᬂᬗᬦ᭄᭟ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕ᭞ᬧ᭄ᬭᬵᬧ᭄ᬢᬭᬶᬂᬓᬬᭂᬳᬦ᭄ᬕᭂᬮᬶᬲ᭄᭞ᬲᬕᬾᬢ᭄ᬢᬾᬚᬫ

[᭑᭐ 10A]
᭑᭐
ᬗ᭄ᬓᬶᬦ᭄ᬓᬢᭀᬦ᭄᭞ᬳᬸᬫᬋᬧ᭄ᬤᬸᬳᬸᬭᬶᬂᬓᬬᬸ᭞ᬢᬾᬚᬗᬤᭂᬕ᭄ᬲᬂᬧᬗᬾᬭᬦ᭄᭞ᬩᬸᬓᬄᬓᭂᬜᬶᬂ᭞ᬓᬵᬗ᭄ᬕᭂᬓ᭄ᬤᬦᬾᬢᬸᬃᬳᬭᬭ᭄ᬬᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓ᭞ᬘᭀᬦ᭄ᬤᭀᬂᬩᬬᬦ᭄‌‌ᬢᭀᬳᬶᬯᬲᬶᬦ᭄᭞ᬢᬸᬲᬶᬂᬓᬳᬶᬢᬳᬾᬦ᭄ᬢᬸᬫᭀᬦ᭄᭞ᬢᬦ᭄ᬳᬸ
ᬭᬸᬂᬩᬜ᭄ᬘᬦᬭᬯᬸᬄ᭞ᬳᬢᬶᬗ᭄ᬓᬳᬾᬫᭂᬲ᭄ᬯᬃᬲ᭄ᬯᬃ᭞ᬫᬶᬮᬶᬄᬓᬳᬶ᭞ᬓᬬᭂᬄᬢ᭄ᬯᬭᬢᬳᬾᬦ᭄ᬗᭂᬦᬄ᭟ᬘᭀᬦ᭄ᬤᭀᬂᬩᬬᬦ᭄ᬲᬯᬸᬃᬦᭂᬫ᭄ᬩᬄ᭞ᬯ᭄ᬬᬓ᭄ᬢᬶᬤᬾᬭᬾᬂᬩᬸᬓᬫᬗ᭄ᬓᬶᬦ᭄᭞ᬧᬸᬦᬧᬶᬫᬢᬾᬚᬋᬓᭀ᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬚᬮᬦ᭄ᬧᬾ
ᬢ᭄ᬓᬓᬫᬲᬶᬭᬫ᭄᭞ᬯᬸᬲᬾᬫᬸᬮᬶᬄ᭞ᬳᬢᬸᬃᬢᭂᬓᬾᬦ᭄ᬲᬂᬦᬵᬣ᭟ᬩᬕᬸᬲ᭄ᬢᬸᬭᬸᬦᬦ᭄ᬓᭀᬘᬧ᭞ᬢᬸᬫᭀᬦᬶᬂᬭᬶᬂᬭᬤᬾᬦ᭄ᬤᬾᬯᬶ᭞ᬫᬓ᭄ᬮᬧ᭄ᬫᬩ᭄ᬮᬶᬫᬭᬾᬭᬾᬦ᭄᭞ᬓᬤᬶᬥᬥᬭᬶᬢᬸᬫᬸᬭᬸᬦ᭄᭞ᬕᬶᬧᬶᬄᬗᬮᬶᬄᬲᬲᬗᬶᬤᬦ᭄᭞ᬲᭀᬃᬩ
ᬳᬶᬗᬶᬦ᭄᭞ᬩᬢᬦ᭄ᬓᬮᬗᬶᬤᬶᬦ᭄ᬦᭂᬕᬓ᭄᭟ᬤᬶᬢᬸᬋᬓᬾᬫᬳᬶᬮᬶᬤᬦ᭄᭞ᬭᬤᬾᬦ᭄ᬕᬮᬸᬄᬢᬦ᭄ᬮ᭄ᬯᬧ᭄ᬭᬵᬧ᭄ᬢᬶ᭞ᬢ᭄ᬯᬭᬲᬗ᭄ᬰᬬᬭᬶᬂᬫᬦᬄ᭞ᬤᬾᬦᬶᬂᬲᬳᬶᬓᬬᭂᬄᬲᬸᬯᬸᬂ᭞ᬚᬸᬫᭀᬚᭀᬕ᭄ᬧᬶᬗ᭄ᬕᬶᬃᬢᬮᬕ᭞ᬗᭂᬮᬸᬲ᭄ᬲᬫᬶ᭞ᬗᭂᬮᬸᬲ᭄‌‌ᬯᬫᭂᬚᬂᬕᭂᬮᬂ᭟ [ 11 ][᭑᭐ 10B]
᭑᭐
ᬗᭂᬮᬸᬲ᭄ᬲᬩᬸᬓ᭄ᬗᭂᬚᬂᬯᬵᬲ᭄ᬢ᭄ᬭ᭞ᬯᬸᬲ᭄ᬫᬮᬸᬕᬲ᭄ᬲᬶᬜ᭄ᬚᬂᬫᬗ᭄ᬓᬶᬦ᭄᭞ᬢᭂᬓᬦᬶᬂᬧᬤᬯᭀᬂᬚ᭄ᬭᭀ᭞ᬯᬸᬲ᭄ᬫᬮᬸᬕᬲ᭄ᬲᬶᬜ᭄ᬚᬂᬲᬵᬫ᭄ᬧᬸᬦ᭄᭞ᬩᬕᬸᬲ᭄ᬢᬸᬭᬸᬦᬦ᭄‌‌ᬓᭀᬘᬧ᭄᭞ᬧ᭄ᬭᬵᬧ᭄ᬢᬫᬗ᭄ᬓᬶᬦ᭄᭞ᬭᬤᬾᬦ᭄ᬕᬮᬸᬄᬓᬘᬶᬗᬓᬦ᭄᭟ᬭᬹᬧᬵᬦᬾᬫᬜᬦ᭄ᬤᬢ᭄ᬫ
ᬬᬂ᭞ᬤᭂᬓ᭄ᬤᭂᬓ᭄‌‌ᬍᬫ᭄ᬧᬸᬂᬫᬗᬾᬤᬦᬶᬦ᭄᭞ᬢᬗᬦ᭄ᬮᭂᬫᭂᬢ᭄‌‌ᬚ᭄ᬭᬶᬚᬶᬫ᭄ᬭᭀᬲ᭄᭞ᬢᬶᬦᭀᬦ᭄ᬓᬤᬶᬳᭂᬫ᭄ᬩᬸᬢᬦ᭄ᬕᬥᬸᬂ᭞ᬫᬗᭂᬍᬍᬢᬾᬓᬧᬦᬲᬦ᭄᭞ᬍᬫ᭄ᬧᬸᬂᬕᬥᬶᬂ᭞ᬓᬵᬤᬶᬕᭂᬥᬄᬧᬶᬦᬭᬦ᭄ᬤ᭟ᬩᬶᬮᬂᬤᬗ᭄ᬓᬯᬵᬲ᭄ᬧᬥ᭞ᬧᭀᬮᬳᬾᬭᬳᬤᬾ
ᬦ᭄ᬤᬾᬯᬶ᭞ᬭᬫᬾᬧᬤᬫᬦ᭄ᬥᬸᬲ᭄ᬋᬓᭀ᭞ᬳᬤᬫᬗᬶᬮᭀᬭᬶᬂᬩᬜᬸ᭞ᬭᬫᬾᬳᬧᬸᬦᬂᬕᬕᬸᬬ᭄ᬯᬦ᭄᭞ᬭᬤᬾᬦ᭄ᬤᬾᬯᬶ᭞ᬭᬹᬧᬦᬾᬫᬗᬬᬂᬗᬬᬂ᭟ᬓᬵᬤᬶᬢᭂᬫᬸᬕᬶᬦᭀᬫ᭄ᬩᬾᬢᬦ᭄᭞ᬧᬸᬧᬸᬦᬾᬮ᭄ᬯᬶᬃᬢᬫ᭄ᬩᭂᬮᬂᬕᬥᬶᬂ᭞ᬢᬗᬦ᭄ᬮᭂᬫᭂᬢ᭄ᬚᬭᬶᬚᬶᬫᭂᬭᭀ
ᬲ᭄᭞ᬳᬦᬋᬧ᭄ᬲᬲᬶᬦᭀᬫ᭄ᬳᬶᬧᬸᬦ᭄᭞ᬭᬫᬾᬳᬓᭀᬩᭀᬓ᭄ᬗᭀᬩᭀᬓᬦ᭄᭞ᬭᬤᬾᬦ᭄ᬤᬾᬯᬶ᭞ᬲᬫᬶᬢᭂᬮᬲ᭄ᬓᬯᬵᬲ᭄ᬧᬥ᭟ᬲᬯᬢᬭᬳᬫᬶᬂᬢᭂᬗᬄ᭞ᬧᬲᬶᬭᬫᬦᬾᬭᬤᬾᬦ᭄ᬤᬾᬯᬶ᭞ᬲᬂᬩᬕᬸᬲ᭄ᬫᭂᬫᬮᬶᬂᬋᬓᭀ᭞ᬲᬸᬯᬶᬗᬾᬫᬗ᭄ᬓᬶ

[᭑᭑ 11A]
᭑᭑
ᬦ᭄ᬤᬶᬦᬸᬫ᭄ᬧᬸᬢ᭄᭞ᬤᬾᬦᬶᬂᬓᬢᬯᭂᬗᬦ᭄ᬧᬸᬥᬓ᭄᭞ᬢᬸᬃᬫᬯᬶᬮᬶᬤ᭄᭞ᬤᬤᬶᬢ᭄ᬯᬭᬓᬢᬶᬗ᭄ᬕᬮᬦ᭄᭟ᬲᬵᬫ᭄ᬧᬸᬦ᭄‌‌ᬯᬸᬲ᭄ᬫᬗ᭄ᬓᬶᬦ᭄ᬫᬲᬶᬭᬫ᭄᭞ᬫᬗᬤᭂᬕ᭄ᬢᭂᬧᬶᬦᬶᬂᬯᬭᬶᬄ᭞ᬲᬂᬩᬕᬸᬲ᭄ᬢᬍᬃᬫᬦᭀᬦ᭄ᬢᭀᬦ᭄᭞ᬓᬢᭀᬦ᭄ᬲᬶᬲᬶᬦᭀᬫᬾᬗ᭄ᬭᬸᬗᬸ᭞ᬭ
ᬭᬶᬲ᭄ᬫᬲᬶᬜ᭄ᬚᬂᬫᬯᬵᬲ᭄ᬢ᭄ᬭ᭞ᬫᬸᬯᬄᬭᬯᬶᬢ᭄᭞ᬘᭀᬦ᭄ᬤᭀᬂᬩᬬᬦ᭄‌‌ᬯᬸᬲ᭄ᬫᬯᬵᬲ᭄ᬢ᭄ᬭ᭟ᬢᬸᬫᬸᬮᬶᬳᬗᬫᬾᬢ᭄ᬕᭂᬮᬂ᭞ᬲᬸᬯᬶᬗᬾᬦᭀᬭᬧᬗ᭄ᬕᬶᬄ᭞ᬢᬸᬫᬸᬮᬶᬢᬗ᭄ᬓᭂᬚᬸᬢ᭄ᬩᭂᬗᭀᬂ᭞ᬫᬭᬾᬗᬂᬦᭀᬭᬓᬢᭂᬫᬸ᭞ᬫᬵᬢᬶᬳᬶᬩᬓᬓᬩᬬᬦ᭄᭞ᬢᬸᬮᬸᬂ
ᬓᬳᬶ᭞ᬲᬸᬯᬶᬂᬓᬳᬶᬦᬾᬬᬳᬶᬮᬂ᭟ᬭᬤᬾᬦ᭄ᬕᬮᬸᬄᬜᭂᬭᬶᬢ᭄ᬓᬮᬭᬦ᭄᭞ᬕᬸᬧᬸᬄᬧᬜ᭄ᬚᬓᬾᬗᬮᬶᬳᬶᬦ᭄᭞ᬩ᭄ᬭᬶᬬᬸᬕ᭄ᬓᬚᬩ᭄ᬭᬶᬬᬸᬓ᭄ᬓᭂᬮᭀᬤ᭄᭞ᬗᬭᬸᬭᬸᬄᬦᭀᬭᬓᬢᭂᬫᬸ᭞ᬯ᭄ᬯᬂᬳᬧᬚᬦᬶᬫᬜᬸᬯᬂ᭞ᬦᬶᬓᬶᬫᬗ᭄ᬓᬶᬦ᭄᭞ᬧᬜ᭄ᬚᬓ᭄ᬳᬶᬤᬾ
ᬯᬦᬾᬕᬸᬭᬄ᭟ᬲᬫᬶᬧᬜ᭄ᬚᬓᬾᬗᬩᬩᬂ᭞ᬓᬫ᭄ᬩᭂᬦᬾᬦᭀᬭᬓᬧᬗ᭄ᬕᬶᬄ᭞ᬓᭂᬫᬸᬭᬸᬭᬸᬄᬤᬶᬦ᭄ᬢᭀᬤᬶᬦ᭄ᬢᭀ᭞ᬲᬯᬸᬃᬫᬵᬦᬸᬓ᭄ᬧᬥᬗ᭄ᬭᬸᬭᬸᬄ᭞ᬧᬶᬦᬄᬫᬗ᭄ᬓᬶᬦ᭄ᬤᬯᬸᬄᬢᬶᬕ᭞ᬢᬦ᭄ᬓᬧᬗ᭄ᬕᬶᬄ᭞ᬢᬦ᭄ᬳᬸᬭᬸᬂᬲᬂᬧ᭄ᬭᬪᬸᬤᬸᬓ᭟ᬩᬕᬸᬲ᭄ᬢᬸᬭᬸᬦᬦ᭄᭠ [ 12 ][᭑᭑ 11B]
᭑᭑
ᬓᭀᬘᬧ᭞ᬮᬶᬯᬢ᭄ᬕᬸᬫᬸᬬᬸᬭᬶᬂᬳᬢᬶ᭞ᬳᭂᬮᬶᬗᬾᬫᬗᬭᭀᬤ᭄ᬳᬭᭀᬤ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬫᬓᬶᬤᬸᬂ᭞ᬫᬓᭂᬓᬯᬶᬦ᭄ᬚᬶᬯᬶᬯᬳ᭞ᬲ᭄ᬯᬭᬫᬦᬶᬲ᭄᭞ᬤᬸᬓ᭄‌‌ᬲᬂᬆᬃᬚ᭄ᬚᬸᬦᬵᬭᬶᬂᬲ᭄ᬯᬃᬕ᭄ᬕᬦ᭄᭟ᬦᬶᬓᬫᬗ᭄ᬓᬶᬦ᭄ᬓᭂᬓᬯᬶᬦᬂ᭞ᬫᬧᬶᬬᬗᬮᬮᬶᬮᬮᬶ᭞ᬫᬧᬶᬢᬦ᭄‌‌ᬯ᭄ᬭᬸᬄᬲ
ᬬᬦ᭄ᬗᭂᬚᭀᬄ᭞ᬭᬳᬤᬾᬦ᭄ᬕᬮᬸᬄᬗᬭᬸᬗᬸ᭞ᬩᭂᬗᭀᬂᬲᬃᬯ᭄ᬯᬶᬦᬍᬓ᭄ᬢᭂᬓᬂ᭞ᬧᭂᬤᬲ᭄ᬫᬗ᭄ᬓᬶᬦ᭄᭞ᬭᬹᬧᬩᬕᬸᬲ᭄ᬢᭂᬫ᭄ᬩᬂᬫᭂᬮᬄ᭟ᬭᬤᬾᬦ᭄ᬕᬮᬸᬄᬓᬍᬂᬍᬗᬦ᭄᭞ᬢᬸᬫᭀᬦᬶᬂᬭᬹᬧᬳᬧᭂᬓᬶᬓ᭄᭞ᬢᭀᬂᬦᬸᬕᬳᭂᬮᬾᬦᬦ᭄ᬋᬓᭀ᭞ᬫᭂᬫᬮᬶᬗᬶᬦ᭄
ᬦᬶᬭᬩᬯᬸ᭞ᬢᬸᬃᬳᬯᬓᬾᬬᬳᬶᬦ᭄ᬢᬶᬧ᭞ᬩᬯᬸᬤᬶᬦᬶ᭞ᬚᭂᬗᬄᬲᬦ᭄ᬳᬢᬶᬦᬶᬭ᭟ᬓᭂᬫᭀᬄᬓᬓᬘᭀᬦ᭄ᬤᭀᬂᬩᬬᬦ᭄᭞ᬢᬓᭀᬦᬶᬦ᭄ᬳᬦᬓᬾᬚᬦᬶ᭞ᬳ᭄ᬬᬢ᭄ᬯᬄᬜᬧᬶᬜ᭄ᬘᬸᬮ᭄ᬋᬓᭀ᭞ᬢᬕᬶᬄᬧᬾᬢ᭄ᬤᬶᬢᬸᬫᬦ᭄ᬤᬸᬲ᭄᭞ᬦᬤ᭄ᬬᬦ᭄ᬳᬸᬮᬶᬫᬵᬲ᭄ᬳᬃ᭠
ᬣ᭞ᬮᬄᬲᬦ᭄ᬤᬗᬶᬦ᭄᭞ᬳᬦᬓ᭄ᬳ᭄ᬬᬢ᭄ᬯᬄᬫᬜᬸᬯᬂ᭟ᬓᬾᬦ᭄ᬘᭀᬦ᭄ᬤᭀᬂᬩᬬᬦ᭄ᬫᬚᬮᬦ᭄᭞ᬫᬵᬢᬸᬃᬭᬶᬂᬲᬂᬩᬕᬸᬲ᭄ᬕᭂᬮᬶᬲ᭄᭞ᬢᬶᬢ᭄ᬬᬂᬢᬾᬓᬳᬸᬢᬸᬲ᭄ᬋᬓᭀ᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬳᬶᬤᬓᬾᬧᬶᬜ᭄ᬘᬸᬮ᭄ᬩᬸᬲᬦ᭄᭞ᬫᬫᬮᬶᬗᬶᬦ᭄᭞

[᭑᭒ 12A]
᭑᭒
ᬤᬦᬾᬲᬸᬯᬶᬫᬵᬲ᭄ᬘᬭᬗ᭄ᬘᬂ᭟ᬩᬕᬸᬲ᭄ᬢᬸᬭᬸᬦᬦ᭄ᬗᬵᬦ᭄ᬤᬶᬓ᭞ᬳᬸᬚᬭᬾᬳᬭᬸᬫ᭄ᬳᬫᬦᬶᬲ᭄᭞ᬩ᭄ᬬᬦᬳᬤᬩᭂᬮᬶᬢᬸᬫᭀᬦ᭄᭞ᬳᬦᬓ᭄ᬩᭂᬮᬶᬫᬭᬭᬯᬸᬄ᭞ᬓᬮᬶᬓᬾᬦ᭄ᬓᬾᬦ᭄ᬩᭂᬮᬶᬓᭂᬫ᭞ᬩᭂᬮᬶᬚᬢᬶ᭞ᬲᬧᬸᬦᬶᬓᬚᬳᬢᬸᬭᬂ᭟ᬘᭀ
ᬦ᭄ᬤᭀᬂᬩᬬᬦ᭄ᬫᬮᬶᬧᭂᬢᬦ᭄᭞ᬫᬵᬢᬸᬃᬭᬶᬂᬭᬳᬤᬾᬦ᭄ᬤᬾᬯᬶ᭞ᬤᬦᬾᬩᬯᬸᬭᬯᬸᬄᬋᬓᭀ᭞ᬩ᭄ᬬᬦᬋ᭠ᬓᬾᬤᬦᬾᬫᬶᬜ᭄ᬘᬸᬮ᭄᭞ᬭᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬧᬩ᭄ᬯᬶᬦ᭄᭞ᬳᬦᬓ᭄ᬳ᭄ᬬᬢ᭄ᬯᬄᬫᬜᬸᬯᬂ᭟ᬓ᭄ᬫᬄᬓᬓᬫᬮᬶᬧᭂᬢᬦ᭄᭞
ᬢᬸᬦ᭄ᬤᬾᬦᬂᬳᬧᬗᬫᬳᬶ᭞ᬦᬶᬭᬫᬫᬦ᭄ᬢᭂᬲᬂᬋᬓᭀ᭞ᬲᬗ᭄ᬓᬦ᭄ᬜᬬᬫᬳᬶᬭᬯᬸᬄ᭞ᬤᬾᬰᬦ᭄ᬜᬫᬶᬯᬄᬳ᭠ᬤᬦ᭄ᬜ᭞ᬳᬧᬂᬓᬳᬶ᭞ᬫᬦᬯᬂᬚᬦᬶᬓᬦ᭄ᬤᬜ᭟ᬓᬳᬶᬚᬦᬶᬫᭂᬦᬦ᭄ᬢᭂᬲᬂ᭞ᬲᬗ᭄ᬓᬦ᭄ᬳ᭄ᬬᬢᭂᬓᭂᬤ᭄ᬥᬶᬦᬶ᭞ᬤᬾᬦᬶᬂᬢᭂᬫ᭄ᬩᬾᬓᬳᬶᬢᬸ
ᬫᭀᬦ᭄᭞ᬢᭀᬂᬢᬳᬾᬦ᭄ᬓᬳᬶᬫᬦᭂᬫᬸ᭞ᬚᬦᬶᬓᬳᬶᬫᬫᬦ᭄ᬢᭂᬲᬂ᭞ᬬᬾᬦ᭄ᬢᭀᬚᬦᬶ᭞ᬳᬧᬂᬬᬫᬳᬶᬢᭂᬓ᭟ᬓᬾᬘᭀᬦ᭄ᬤᭀᬂᬩᬬᬦ᭄ᬫᬚᬮᬦ᭄᭞ᬫᬵᬢᬸᬃᬭᬶᬂᬲᬂᬩᬕᬸᬲ᭄ᬕᭂᬮᬶᬲ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬫᬮᬶᬄᬗᭀᬦ᭄ᬓᭀᬦ᭄᭞ᬫᬵᬃᬕ᭄ᬕᬶᬓᬾ᭠ [ 13 ][᭑᭒ 12B]
᭑᭒
ᬫᬭᬶᬓᬤᬸᬫᬸᬦ᭄᭞ᬤᬦᬾᬓᬬᬸᬦ᭄ᬫᬢᬢᬲᬦ᭄᭞ᬭᬶᬂᬳᬶᬕᬸᬲ᭄ᬢᬶ᭞ᬤᭂᬭᬶᬓᬢ᭄ᬯᬄᬲᬯᬓ᭄ᬱᬯᬓ᭄᭟ᬫᬵᬃᬕ᭄ᬕᬶᬩᭂᬮᬶᬫᬗᬶᬭᬶᬗᬂ᭞ᬢᬸᬫᬸᬮᬶᬲᬋᬂᬫᬫᬵᬃᬕ᭄ᬕᬶ᭞ᬲᬧ᭄ᬭᬵᬧ᭄ᬢᬦᬾᬓᬧᭂᬦ᭄ᬤᬓ᭄ᬧᬦᭀᬦ᭄᭞ᬭᬤᬾᬦ᭄ᬕᬮᬸᬄᬲᬬᬦ᭄ᬳᬜᬸᬤ᭄᭞ᬩᬸᬓᬄᬓᬳᬶ
ᬮᬗᬦ᭄ᬚᬶᬯ᭞ᬤᬾᬦᬶᬂᬧᭂᬓᬶᬓ᭄᭞ᬳᬓᬾᬄᬫᬦ᭄ᬢ᭄ᬭᬶᬢ᭄ᬯᬭᬧᬤ᭟ᬳ᭄ᬦᬾᬢᬘᬳᬶᬯᭀᬂᬳᬧ᭞ᬲᬗ᭄ᬓᬦ᭄ᬘᬳᬶᬢᭂᬓᭂᬤ᭄ᬥᬶᬦᬶ᭞ᬬᬦ᭄‌‌ᬲᬶᬂᬘᬳᬶᬳᬦᬓ᭄ᬓᬯᭀᬢ᭄᭞ᬩᭂᬦᭂᬄᬩᬳᬦ᭄ᬘᬳᬶᬭᬯᬸᬄ᭞ᬬᬾᬦ᭄ᬲᬶᬂᬘᬳᬶᬳᬦᬓ᭄ᬱᬸᬤ᭄ᬭ᭞ᬩᭀᬬᬢᬦ᭄ᬥᬸ
ᬕᬶ᭞ᬘᬳᬶᬧᬘᬂᬤᬶᬦᬶᬢᭂᬓ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬢᬸᬭᬂ᭞ᬤᬯᭂᬕ᭄ᬢᬶᬢ᭄ᬬᬗᬾᬦᬸᬘᭂᬭᬶᬓ᭄᭞ᬓᬤᬸᬤᬸᬓ᭄ᬩᬵᬦ᭄ᬤᬕᬂᬧᬫᭀᬃ᭞ᬓᬤᬸᬤᬸᬓ᭄ᬤᬶᬳᬮᬲ᭄ᬳᬕᬸᬂ᭞ᬲᭂᬤᭂᬓ᭄ᬦ᭄ᬬᬗᬮᬶᬄᬓᬮᬂ᭞ᬦᬶᬓᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬩ᭄ᬬᬦᬦᬯᬂᬓᬦ᭄ᬥ᭟ᬭᬳᬤᬾ
ᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬓᬮᬶᬂᬦᬾᬲᬶᬯᭀᬂᬍᬯᬶᬄ᭞ᬳᭂᬜᬾᬦ᭄ᬧᬶᬜ᭄ᬘᬸᬮ᭄ᬤᬶᬦᬶᬋᬓᭀ᭞ᬫᬜᬸᬯᬂᬲᬸᬯᬶᬢ᭄ᬳᬶᬩ᭠ᬯᬸ᭞ᬤᬾᬯᬭᬢᬸᬢᬶᬢ᭄ᬬᬂᬫᬶᬦ᭄ᬤᬄ᭞ᬢᬶᬢ᭄ᬬᬂᬚᬢᬶ᭞ᬢᬶᬢ᭄ᬬᬂᬯᬯᬸᬫᬭᬢᭂᬓᬵ᭟ᬢᭀᬂᬦᬸᬕᬳᬦᬓ᭄ᬮᬾᬦᬦ᭄᭞ᬮᬫᬸᬦ᭄ᬘᬳᬶ

[᭑᭓ 13A]
᭑᭓
ᬢ᭄ᬯᬄᬫᬫᬮᬶᬂ᭞ᬳᭂᬫ᭄ᬩᭀᬓ᭄ᬱᬸᬓᬦᭂᬩᬸᬲ᭄ᬋᬓᭀ᭞ᬦᬤ᭄ᬬᬦ᭄ᬳᬸᬮᬶᬫᬵᬲ᭄ᬩᬸᬗ᭄ᬓᬸᬂ᭞ᬦᬤ᭄ᬬᬦ᭄ᬳᬸᬮᬶᬯᬶᬦ᭄ᬢᭂᬦ᭄ᬫᬶᬭᬄ᭞ᬫᬶᬯᬄᬧᬶᬧᬶᬲ᭄᭞ᬳᬸᬮᬶᬳᬧᬳᭂᬫ᭄ᬩᭀᬓ᭄ᬱᬸᬓ᭟ᬦᬤ᭄ᬬᬦ᭄ᬳᬸᬮᬶᬧᬜ᭄ᬚᭀᬭᭀᬯᬦ᭄᭞ᬫᬓᭂᬚᬂᬳᭂᬫ᭄ᬩᭀᬓ᭄ᬜᬸᬓᬦᬶᬦ᭄᭞ᬤᬘᬳᬶᬫ
ᬢᬶᬮᬲ᭄ᬋᬓᭀ᭞ᬲᬂᬩᬕᬸᬲ᭄ᬫᬲᬯᬸᬃᬓᭂᬜᬸᬂ᭞ᬓᭂᬜᬶᬗᬾᬫᬢᬸᬂᬢᬸᬂᬫᬶᬭᬄ᭞ᬤᬾᬯᬕᬸᬲ᭄ᬢᬶ᭞ᬳᬸᬮᬶᬂᬲᬫᬶᬢᬶᬢ᭄ᬬᬂᬫᬶᬦ᭄ᬤᬄ᭟ᬦᬤ᭄ᬬᬦ᭄ᬳᬸᬮᬶᬫᬵᬲ᭄ᬫᬶᬭᬄ᭞ᬧᬶᬧᬶᬲ᭄ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬲᬫᬶ᭞ᬬᬦ᭄ᬳᬶᬤᬾᬯᬳᬶᬘᬋᬓᭀ᭞ᬳᭀᬮᬶᬄᬧᬸᬦᬶᬓᬳᬳᬸᬓᬸᬤ᭄᭞
ᬳᬦᬾᬢ᭄ᬯᬭᬧᬤᬧᬤ᭞ᬢᬶᬢ᭄ᬬᬂᬗᬶᬭᬶᬂ᭞ᬗᬢᬸᬭᬂᬤᬸᬯᬾᬦ᭄ᬳᬶᬤᬾᬯ᭟ᬭᬤᬾᬦ᭄ᬕᬮᬸᬄᬗ᭄ᬭᬲᬾᬂᬘᬶᬢ᭞ᬢᬦ᭄‌‌ᬲᬸᬭᬸᬤ᭄ᬫᬦᬳᬾᬫᬗ᭄ᬓᬶᬦ᭄᭞ᬯᬶᬥᬶᬫᬫᬜ᭄ᬘᬦᬋᬓᭀ᭞ᬦᬤ᭄ᬬᬦ᭄ᬢᬾᬳᬸᬮᬶᬳᬯᬸᬓᬸᬤ᭄᭞ᬳᭂᬫ᭄ᬩᭀᬓ᭄‌‌ᬲᬸᬓᬧᬘᬂᬦᭂ᭠
ᬩᬲ᭄᭞ᬢᭂᬓᬾᬦ᭄ᬘᬳᬶ᭞ᬪᬬᬘᬳᬶᬯᭀᬂᬉᬢ᭄ᬢᬫ᭟ᬫᬳᬶᬢᬾᬘᬳᬶᬫᭂᬦᬾᬓᬦ᭄᭞ᬤᬶᬩᬮᬾᬧᬗᬭᬶᬗᬭᬶᬂ᭞ᬫᬗᬸᬤᬤᬶᬢᬸᬫᬦᭀᬗᭀᬲ᭄᭞ᬫᬳᬶᬫᬮᬶᬗ᭄ᬕᬶᬄᬤᬶᬤᬸᬯᬸᬃ᭞ᬳᭂᬫ᭄ᬩᭀᬓ᭄ᬫᬲᬮᬶᬦ᭄ᬩᬱ᭞ᬢᭂᬓᬾᬦ᭄ᬘᬳᬶ᭞ᬩᬵ [ 14 ][᭑᭓ 13B]
᭑᭓
ᬬᬘᬳᬶᬯᭀᬂᬉᬢ᭄ᬢᬫ᭟ᬫᬮᬶᬄᬢᬾᬘᬳᬶᬫᭂᬦᬾᬓᬦ᭄᭞ᬮᬫᬸᬦ᭄ᬳᬦᬓ᭄ᬰᬸᬤ᭄ᬭᬫᬳᬶ᭞ᬢᭀᬂᬬᬲᬓᬶᬢ᭄ᬫᬢᬶᬋᬓᭀ᭞ᬢᭀᬂᬧᬮᬶᬂᬫᬦᭂᬫᬸᬩᬸᬤᬸᬄ᭞ᬤᬾᬦᬶᬂᬦᬶᬓᬶᬢᭂᬗᭂᬢ᭄ᬧᬶᬲᬦ᭄᭞ᬢ᭄ᬯᬄᬢᭀᬂᬤᬤᬶ᭞ᬳᬦᬓ᭄ᬢᬫ᭄ᬩᬃᬫᬳᬶᬢᭂᬓ᭟ᬩᬕᬸᬲ᭄ᬢᬸ
ᬭᬸᬦᬦ᭄ᬗᬵᬦ᭄ᬤᬶᬓ᭞ᬳᬶᬗ᭄ᬕ᭄ᬬᬦ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬭᬭᬶᬲ᭄ᬫᭂᬦᬾᬓᬦ᭄ᬲᬭᭀᬭᭀᬦ᭄᭞ᬢᬸᬫᬸᬮᬶᬫᬗᭂᬮᬸᬲ᭄ᬲᬩᬸᬓ᭄᭞ᬗᭂᬮᬸᬲ᭄ᬲᬸᬯᬶᬕᬕᭂᬮᬶᬲᬦ᭄᭞ᬦᬶᬓᬶᬫᬗ᭄ᬓᬶᬦ᭄᭞ᬤᬸᬯᬾᬦᬾᬢᬶᬢ᭄ᬬᬂᬗᬢᬸᬭᬂ᭟ᬭᬳᬤᬾᬦ᭄ᬕᬮᬸᬄᬢᬦᬗ᭄ᬕᬧ᭄᭞ᬲᬶᬦᬫ᭄ᬩᬸᬢ᭄ᬭ
ᬳᬤᬾᬦ᭄ᬤᬾᬯᬶ᭞ᬧᬶᬦᭂᬓᬸᬮ᭄ᬳᬶᬗᬭᬲ᭄ᬲᬭᬲ᭄᭞ᬧᬗ᭄ᬭᬸᬫ᭄ᬭᬸᬫᬾᬳᬫᭂᬮᬲ᭄ᬓᬬᬸᬦ᭄᭞ᬧᬸᬧᬸᬦᭂᬦ᭄ᬢᬶᬢ᭄ᬬᬂᬓᬕ᭄ᬭᬶᬗᬦ᭄᭞ᬤᬳᬢ᭄ᬓᬶᬂᬓᬶᬂ᭞ᬗᬲᬶᬳᬲᬶᬄᬲᬫ᭄ᬩᬶᬮ᭄ᬗᬭᬲ᭄᭟ᬘᭀᬦ᭄ᬤᭀᬂᬩᬬᬦ᭄ᬧᬓᬸᬭᬾᬬᬓ᭄᭞ᬕᬸᬫᭂᬢᭂᬄᬳᬲᭂᬫᬸᬢᬗᬶᬲ᭄᭞ᬫᬦ᭄ᬤ
ᬬᬦᬶᬦ᭄ᬭᬸᬲᬓ᭄ᬋᬓᭀ᭞ᬦᬯᬶᬭᬯᬸᬄᬤᭂᬫᬂᬤᭂᬫᬸᬂ᭞ᬧᬭᬦ᭄ᬧᭀᬮᬳᬾᬤᬶᬢᬫᬦ᭄᭞ᬳᬸᬭᬸᬂᬫᬵᬢᬶ᭞ᬳᬤᬫᬵᬢᬸᬃᬫᬫᬶᬦ᭄ᬤᬳᬂ᭟ᬘᭀᬦ᭄ᬤᭀᬂᬩᬬᬦ᭄‌‌ᬮᬶᬂᬓ᭄ᬯᬵᬗᬸᬘᬧ᭄᭞ᬮᬾᬩᬂᬓᬸᬤᬭᬤᬾᬦ᭄ᬤᬾᬯᬶ᭞ᬧᬸᬦᬧᬶᬧᭀᬮᬳᬾᬋ᭠

[᭑᭔ 14A]
᭑᭔
ᬓᭀ᭞ᬦᬯᬶᬭᬯᬸᬄᬤᬲᬂᬧ᭄ᬭᬪᬸ᭞ᬢᬦ᭄ᬳᬸᬭᬸᬂᬳᬶᬤᬾᬯᬲᬾᬤ᭞ᬤᬾᬯᬕᬸᬲ᭄ᬢᬶ᭞ᬦᬯᬶᬭᬯᬸᬄᬤᭂᬫᬸᬂᬤᭂᬫᬂ᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓ᭞ᬤᬸᬫᬤᬓ᭄ᬚᬤᬦᬾᬫᬳᬶ᭞ᬢᬸᬲᬶᬂᬳᬶᬘᬂᬯᭂᬤᬶᬋᬓᭀ᭞ᬓᭂᬫᬲᬸᬩᬩᬶᬩᬶᬫᬦ᭄ᬢᬸᬓ᭄᭞ᬳᬢᬸᬭᬂᬢᭂᬓᬾ
ᬦ᭄ᬲᬂᬦᬵᬣ᭞ᬕᬸᬲ᭄ᬢᬶᬩᬶᬩᬶ᭞ᬭᬤᬾᬦ᭄ᬕᬮᬸᬄᬤᬶᬦᬶᬤᭂᬧᬂ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬬᬦ᭄ᬓᬓᬲᬸᬓᬓᬾᬦ᭄ᬓᬳᬶ᭞ᬳᬦᬓ᭄ᬱᬸᬓᬦ᭄ᬓᬳᬶᬋᬓᭀ᭞ᬳᬦᬓ᭄ᬓᬳᬶᬧᬘᬂᬦᬯᬸᬃ᭞ᬢᭂᬓᬾᬦ᭄ᬤᬦᬾᬫᬦᬶᬧᬸᬯᬦ᭄᭞ᬳᬯᬓ᭄ᬓᬳᬶ᭞ᬤᬦᬾ
ᬧᬘᬂᬫᬗᬮᬳᬂ᭟ᬳᭂᬦᬾᬳᬶᬩᬵᬚᬦᬶᬧᬥ᭞ᬳᬫ᭄ᬩᬸᬮ᭄ᬳᬧᬢᭂᬓᬾᬦ᭄ᬓᬳᬶ᭞ᬮᬫᬸᬦ᭄ᬳᬶᬩᬧᬤᬳᭂᬮᭀᬂ᭞ᬓᭂᬫᬧᬾᬢᭂᬦ᭄ᬧᬥᬫᬦ᭄ᬢᬸᬓ᭄᭞ᬲᬯᬸᬃᬫᬵᬦᬸᬓ᭄ᬧᬥᬵᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬯ᭄ᬬᬤᬶᬦ᭄ᬢᬶᬢ᭄ᬬᬂᬧᬘᬂᬭᬸᬲᬓ᭄᭟ᬬᬦ᭄ᬳᬶ
ᬤᬾᬯᬧᬘᬂᬲᬾᬤ᭞ᬳᬦ᭄ᬢᬸᬓ᭄ᬳᬶᬤᬰ᭄ᬭᬶᬪᬸᬧᬢᬶ᭞ᬲᬫᬶᬢᬶᬢ᭄ᬬᬂᬗᬶᬭᬶᬂᬋᬓᭀ᭞ᬲᬯᬸᬃᬫᬵᬦᬸᬓ᭄ᬩᬋᬂᬧᬸᬧᬸᬢ᭄᭞ᬳᭂᬦᬄᬮᬫᬸᬦ᭄ᬓᬓᬲᬸᬓ᭞ᬳᭂᬦ᭄ᬢᭀᬚᬦᬶ᭞ᬳᬶᬤᬶᬄᬓᬳᬶᬢᭂᬓᬾᬦ᭄ᬳᬶᬩ᭟ᬳᬤᬫᬓᬶᬲᬶᬕᬶᬕᬶᬲᬂ᭞ᬤᬸᬫᬤᬓ᭄ᬓᬬᬸᬦᬾᬫᬧ [ 15 ][᭑᭔ 14B]
᭑᭔
ᬗ᭄ᬕᬶᬄ᭞ᬢ᭄ᬯᬭᬩᬜᬢᬳᬾᬦ᭄ᬢᬸᬫᭀᬦ᭄᭞ᬫᬗᭂᬦᭀᬢ᭄ᬳᬦᬓᬾᬩᬕᬸᬲ᭄᭞ᬚᬦᬶᬲᬸᬩᬩᬜᬦᬯᬂ᭞ᬚᬯᬢ᭄ᬗᬮᬶᬄ᭞ᬫᬲᬫᬳᬦ᭄ᬧᬘᬂᬧᬥ᭟ᬳᬓᬾᬢᭀᬚ᭄ᬭᭀᬓᬍᬍᬗᬦ᭄᭞ᬢᬸᬫᭀᬦᬶᬂᬯᬃᬡ᭄ᬦᬳᬧᭂᬓᬶᬓ᭄᭞ᬦᬾᬦᬾᬫᬸᬮᬫᬸ
ᬮᬏᬜᭀᬃ᭞ᬲᭂᬮᬾᬂᬕᭂᬢᭂᬮ᭄ᬲᭂᬮᬾᬂᬲᬸᬯᬸᬓ᭄᭞ᬗᭂᬦᭀᬢ᭄ᬤᬦᬾᬤᬶᬧᬩᬶᬦᬦ᭄᭞ᬢ᭄ᬯᬭᬯᭂᬥᬶ᭞ᬩᬸᬓᬄᬤᬾᬯᬶᬮᬵᬯᬦ᭄ᬤᬾᬯ᭟ᬭᬭᬶᬲ᭄ᬤᬦᬾᬳᬲᬸᬂᬲᭂᬧᬄ᭞ᬫᭂᬘᬶᬓ᭄ᬱᬸᬲᬸᬗᬭᬲ᭄ᬧᬶᬧᬶ᭞ᬯᭀᬂᬚ᭄ᬭᭀᬕᬕᬺᬢᬦ᭄ᬢᬸᬫᭀᬦ᭄᭞ᬓᭂᬤᬾ
ᬓᬾᬫᬦᭂᬓᭂᬧ᭄ᬩᬸᬗᬸᬢ᭄᭞ᬘᭀᬦ᭄ᬤᭀᬂᬩᬬᬦ᭄ᬤᬶᬳᬋᬧᬦ᭄᭞ᬳᬸᬮᬢ᭄ᬳᬶᬫ᭄ᬩᬶᬄ᭞ᬓᭂᬦᭂᬄᬜᬦᬾᬩᬸᬓᬄᬕᬶᬯᬂ᭟ᬩᬕᬸᬲ᭄ᬢᬸᬭᬸᬦᬦ᭄ᬳᬗᬸᬘᬧ᭄᭞ᬦᬶᬓᬢᬸᬂᬢᬸᬗᬾᬘᬶᬗᬓᬶᬦ᭄᭞ᬤᬶᬢᭀᬬᬦᬾᬫᬶᬭᬶᬩ᭄ᬩᭂᬗᭀᬂ᭞ᬳᬸᬮᬢᬾᬫᬦᬕᬶᬄᬓᭂ
ᬢᬸᬲ᭄᭞ᬕᬶᬧᬶᬄᬫᬦᬕᬶᬄᬩᬸᬗᬬᬂ᭞ᬫᬶᬭᬶᬩ᭄ᬲᭂᬤᬶᬄ᭞ᬕᭂᬩᬸᬕ᭄ᬧᬦᬲ᭄‌‌ᬜᬢᬦ᭄ᬢᭀᬬ᭟ᬭᬳᬤᬾᬦ᭄ᬕᬮᬸᬄᬫᬗ᭄ᬭᬲ᭞ᬲᬶᬲᬶᬫ᭄ᬩᬶᬗᬾᬲᬂᬳᬧᭂᬓᬶᬓ᭄᭞ᬚ᭄ᬦᭂᬂᬩᭂᬮᬶᬫᬦ᭄ᬤᬮᭀᬮᭀ᭞ᬫᬶᬭᬶᬩ᭄ᬢᬶᬤᭀᬂᬳᭂᬜᬄᬭᬢᬸ᭞ᬤᬶᬦᬵᬕᬭᬧᬾᬢ᭄ᬲᬤ᭄ᬬ

[᭑᭕ 15A]
᭑᭕
ᬬᬂ᭞ᬩᭂᬮᬶᬧᭀᬮᬶᬄ᭞ᬗᬬᬸᬦᬂᬢᬸᬜ᭄ᬚᬸᬗᬾᬦᬶᬓᬵ᭟ᬮᬫᬸᬦ᭄ᬩᭂᬮᬶᬢ᭄ᬯᬄᬮᬓ᭄ᬱᬡ᭞ᬢ᭄ᬯᬭᬚᭂᬚᭂᬄᬓᬧᬸᬘᬶᬗᬶᬦ᭄᭞ᬗᬬᬸᬦᬂᬢᬸᬜ᭄ᬚᬸᬗᬾᬦᬶᬓᬵ᭞ᬦᬵᬗ᭄ᬳᬶᬂᬩᭂᬮᬶᬓᬭᬶᬢᬸᬬᬸᬄ᭞ᬳᬧᬦ᭄ᬢᭀᬗᭀᬲ᭄ᬜᬦᬾᬮᬶᬓᬤ᭄᭞ᬜᬦ᭄ᬤᬶᬂᬩᭂᬤᬶᬮ᭄᭞ᬳᬧᬶ
ᬢ᭄ᬓᭂᬭᬶᬲ᭄ᬜᬦ᭄ᬤᬶᬂᬢᬸᬫ᭄ᬩᬓ᭄᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓ᭞ᬩᭀᬬᬢᬶᬢ᭄ᬬᬂᬧᬘᬂᬯᭂᬥᬶ᭞ᬓᬮᬶᬂᬓᬾᬫᬭᬳᬓᬾᬢᭀ᭞ᬦᬤ᭄ᬬᬦ᭄ᬢᬾᬤ᭄ᬯᬂᬧᬸᬦᬶᬓᬸ᭞ᬢᬶᬢ᭄ᬬᬂᬭᬯᬸᬄᬫᬮᬓ᭄ᬱᬡ᭞ᬦᬾᬦᬾᬫᬗ᭄ᬓᬶᬦ᭄᭞ᬩᬶᬦ᭄ᬧᬶᬤᬦ᭄‌‌ᬲᬶᬢᬶᬢ᭄ᬬᬂᬫᬭᬶᬓᬵ᭟
ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬩᬸᬯᬶᬦ᭄ᬢᭂᬮᬸᬦ᭄ᬩᭂᬮᬶᬫᬫᬵᬃᬕ᭄ᬕᬶ᭞ᬳᭀᬤᬮᬦ᭄ᬤᬭᬶᬓᬋᬓᭀ᭞ᬲᬫ᭄ᬩᬶᬮᬂᬫᬩᬮᬶᬄᬕᬫ᭄ᬩᬸᬄ᭞ᬳᭀᬤᬮᬦ᭄ᬤᬶᬚ᭄ᬭᭀᬳᬭ᭄ᬬ᭞ᬕᬫ᭄ᬩᬸᬄᬫᬶᬚᬶᬮ᭄᭞ᬳᭂᬕᭀᬂᬭᬫᬾᬤᬶᬩᬜ᭄ᬘᬶᬗᬄ‌᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬲ
ᬦ᭄ᬤᬶᬓᬦ᭄ᬫᬶᬭᬄᬤ᭄ᬬᬄᬳᬭᬶ᭞ᬧᬶᬋᬗᬂᬳᬸᬮᬶᬤᬶᬚ᭄ᬭᭀ᭞ᬬᬦ᭄ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬧᭂᬲᬸ᭞ᬬᬦ᭄ᬭᬫᬾᬧᬸᬦᬂᬕᬕᬸᬬ᭄ᬯᬦ᭄᭞ᬯᬦ᭄ᬢᬯᬦ᭄ᬢᬶ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬤᬶᬩᬜ᭄ᬘᬶᬗᬄ᭟ᬧᬸᬦᬶᬓᬳᬗ᭄ᬕᬾᬦ᭄ᬢᭂᬗᭂᬭᬦ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬩᭂᬮᬶ᭞ᬬᬦ᭄ᬤᬾᬭᬾᬂᬭ [ 16 ][᭑᭕ 15B]
᭑᭕
ᬫᬾᬕᬕᬸᬬ᭄ᬯᬦ᭄᭞ᬲᬵᬫ᭄ᬧᬸᬦᬂᬳᬶᬫᬶᬭᬄᬧᭂᬲᬸ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬓᬬᬸᬦ᭄ᬩᭂᬮᬶ᭞ᬫᬵᬃᬕ᭄ᬕᬶᬩᭂᬮᬶᬫᬗ᭄ᬓᬶᬦ᭄ᬩᬸᬤᬮ᭄᭟ᬦᬯᬶᬳᬤᬳᬦᬓ᭄ᬢᭂᬓ᭞ᬤᬾᬦᬶᬂᬬᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬲᬦ᭄ᬤᬶᬓᬦ᭄ᬫᬵᬲ᭄ᬫᬶᬭᬄᬳᬶᬗᭀᬂ᭞ᬫᬗᬭᬲ᭄ᬧᬶᬦ᭄ᬤᭀᬧᬶᬂᬢᭂᬮᬸ᭞
ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬲᬶᬜᬦᬯᬶ᭞ᬳᬶᬤᬾᬯᬫᬗᬧᬸᬲ᭄ᬢᬶᬢ᭄ᬬᬂ᭟ᬗᬸᬤᬩᭂᬮᬶᬓᬢᬄᬧᬜ᭄ᬚᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬜᬶᬭᬶᬓᬶᬦ᭄᭞ᬦᬶᬓᬶᬩᬸᬗ᭄ᬓᬸᬂᬩᭂᬮᬶᬳᬗ᭄ᬕᭀᬦ᭄᭞ᬦᬾᬫᬲᭀᬘᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬘᬶᬭᬶᬦ᭄ᬢᬶᬢ᭄ᬬᬗᬾᬧᬲᬚ᭞ᬗᬦ᭄ᬢᬶᬩᭂ
ᬮᬶ᭞ᬲᬵᬫ᭄ᬧᬸᬦ᭄ᬩᭂᬮᬶᬲᬸᬫᬗ᭄ᬰᬬ᭟ᬩᬸᬗᬲᬸᬩᬢ᭄ᬯᬄᬩᬸᬗᬬᬂ᭞ᬫᬲᬶᬄᬩᭂᬮᬶᬳᬸᬮᬢ᭄ᬮᭂᬗᬶᬢ᭄᭞ᬩᬲ᭄ᬮᬶᬬᬸᬦᬦ᭄ᬤᬬᬋᬓᭀ᭞ᬤᬬᬚᭂᬮᬶᬄᬧᬸᬬᬸᬂᬢᬤᬸᬢ᭄᭞ᬓᬸᬤ᭄ᬬᬂᬢᬦᬶᬫᬫᬭᬸᬫ᭄ᬩᬂ᭞ᬦᬾᬳᬩᭂᬲᬶᬓ᭄᭞ᬤᬬᬦᬾᬯ᭄ᬦᬂᬫᬵᬃᬕ᭄ᬬᬂ᭟ᬩᬕᬸᬲ᭄ᬢᬸᬭᬸ
ᬦᬦ᭄ᬗᬦ᭄ᬤᬶᬓ᭞ᬢᬶᬢ᭄ᬬᬂᬯᬦ᭄ᬢᬄᬫᬵᬢᬸᬃᬲᬶᬲᬶᬧ᭄᭞ᬳᬫ᭄ᬧᬸᬭᬳᬸᬕᬶᬯᬵᬓ᭄ᬳᬶᬗᭀᬂ᭞ᬭᬤᬾᬦ᭄ᬕᬮᬸᬄᬳᬲᭂᬫᬸᬓᭂᬜᬸᬂ᭞ᬳᬧᬂᬫᬲᬶᬄᬓᬮᬯᬢᬦ᭄᭞ᬲᬂᬳᬧᭂᬓᬶᬓ᭄᭞ᬳᬗᬲᬶᬳᬲᬶᬄᬳᬗᬸᬘᬧ᭄᭟ᬭᬤᬾᬦ᭄ᬕᬮᬸᬄᬮᬶᬦ᭄ᬢᬂᬲᬸᬓ᭞ᬢᬸᬃᬗᭂᬜ᭄ᬚᬸᬯᬂ

[᭑᭖ 16A]
᭑᭖
ᬳᬮᬶᬳᬮᬶ᭞ᬦᬶᬓᬶᬩᬸᬗ᭄ᬓᬸᬂᬩᭂᬮᬶᬳᬗ᭄ᬕᭀᬦ᭄᭞ᬫᬓᬘᬶᬭᬶᬦ᭄ᬢᬶᬢ᭄ᬬᬂᬢᬸᬳᬸ᭞ᬗᬦ᭄ᬢᬶᬩᭂᬮᬶᬤᬶᬦᬵᬕᬭ᭞ᬲᬂᬳᬧᭂᬓᬶᬓ᭄᭞ᬭᬭᬶᬲ᭄‌‌ᬦᬵᬗ᭄ᬕᬧᬶᬦ᭄ᬮᭂᬧᬶᬓᬵ᭞ᬫᬲᬲᭀᬘᬦ᭄‌‌ᬯᬶᬦ᭄ᬢᭂᬦ᭄ᬫᬶᬭᬄ᭞ᬧᬢᬶᬓ᭄ᬭᬾᬤᬾᬧ᭄ᬓᬸᬫᬭᬶᬦᬶᬂ᭞ᬭᬳᬤᬾ
ᬦ᭄ᬕᬮᬸᬄᬫᬲᭂᬭᭀᬤ᭄᭞ᬗᬦ᭄ᬤᬶᬓᬳᬲᭂᬫᬸᬓᭂᬜᬸᬂ᭞ᬫᬦ᭄ᬢᬸᬓᬾᬩᭂᬮᬶᬕᭂᬮᬶᬲᬂ᭞ᬢᬶᬢ᭄ᬬᬂᬧᬫᬶᬢ᭄᭞ᬏᬮᬶᬗᬂᬳᬸᬕᬶᬲᬬ᭟ᬲᬂᬩᬕᬸᬲ᭄ᬢᬦ᭄ᬫᭂᬤᬮ᭄ᬰᬩ᭄ᬤ᭞ᬲᬃᬯ᭄ᬯᬶᬗᭂᬫ᭄ᬩᭂᬂᬗᭂᬫ᭄ᬩᭂᬂᬢᬗᬶᬲ᭄᭞ᬭᬤᬾᬦ᭄ᬕᬮᬸᬄᬲᬵᬫ᭄ᬧᬸᬦ᭄ᬳᬤᭀᬄ᭞ᬓᬯᭀᬦ᭄ᬓᬤᬶ
ᬲᬹᬃᬬ᭄ᬬᬲᬸᬭᬸᬧ᭄᭞ᬲᬵᬫ᭄ᬧᬸᬦ᭄ᬦᭀᬭᬓᬢᬶᬗ᭄ᬳᬵᬮᬦ᭄᭞ᬲᬂᬳᬧᭂᬓᬶᬓ᭄᭞ᬫᬦ᭄ᬢᬸᬓ᭄ᬢᬸᬃᬳᬗᭂᬫ᭄ᬩᬵᬯᬵᬱ᭄ᬧ᭟ᬢᬦ᭄ᬓᭀᬘᬧᬦ᭄ᬤᬶᬚᬮᬦ᭄᭞ᬭᬤᬾᬦ᭄ᬕᬮᬸᬄᬧ᭄ᬭᬵᬧ᭄ᬢᬾᬂᬧᬸᬭᬶ᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬦ᭄ᬧᬦᭀᬦ᭄᭞ᬓ᭄ᬮᬧ᭄ᬓᭂᬮᬧ᭄ᬲᬂᬳᬩᬕᬸ
ᬲ᭄᭞ᬤᬧᭂᬢᬂᬕᬯᬾᬦᬾᬓᬢᬄ᭞ᬩᭂᬓ᭄ᬤᬶᬧᬸᬭᬶ᭞ᬫᬦᭂᬧᬸᬂᬫᬜ᭄ᬭᬸᬄᬩᬳᬲ᭄‌᭟ᬳᬤᬫᬾᬩᬩᬢ᭄ᬳᬤᬫᬗ᭄ᬕᬂ᭞ᬫᬦᬶᬫ᭄ᬩᬸᬂᬮᬵᬯᬦ᭄ᬫᬗᬸᬮᬶᬂ᭞ᬳᬤᬜᬳᬶᬢ᭄ᬩᬸᬲᬸᬂᬳᭂᬭᭀᬦ᭄᭞ᬭᬤᬾᬦ᭄ᬕᬮᬸᬄᬳᬲᬸᬭᬸ᭞ᬳᭂᬕᭀᬂᬭᬫᬾᬤᬶᬩᬜ᭄ᬘᬶ [ 17 ][᭑᭖ 16B]
᭑᭖
ᬗᬄ᭞ᬭᬫᬾᬲᬳᬶᬢᬦ᭄ᬓᭀᬘᬧᬦ᭄ᬳᬶᬚ᭄ᬭᭀᬧᬸᬭ᭟ᬩᬕᬸᬲ᭄ᬢᬸᬭᬸᬦᬦ᭄ᬓᭀᬘᬧ᭞ᬫᬦ᭄ᬢᬸᬓ᭄ᬗᭂᬫ᭄ᬩᭂᬂᬗᭂᬫ᭄ᬩᭂᬂᬢᬗᬶᬲ᭄᭞ᬫᬾᬦ᭄ᬩᭂᬓᬸᬂᬓᭀᬘᬧ᭄ᬋᬓᭀ᭞ᬫᬕᭂᬦ᭄ᬢᬶᬫᬢᬶᬜ᭄ᬚᭀᬧᭂᬲᬸ᭞ᬢᬦ᭄ᬳᬦᬢᬸᬭᬸᬫ᭄ᬯᬂᬫᬗᬦ᭄᭞ᬲᬳᬶᬗᭂᬮᬶᬂ᭞ᬳᬢᬶᬳ
ᬢᬶᬧᭂᬢᭂᬂᬍᬫᬄ᭟ᬢᬸᬜ᭄ᬚᬸᬗᬾᬳᬗ᭄ᬕᭀᬦ᭄ᬢᭂᬗᭂᬭᬦ᭄᭞ᬬᬦ᭄ᬧᬩᬮᬶᬄᬲᬳᬶᬲᬳᬶ᭞ᬲᬸᬫᬗ᭄ᬓᬶᬦ᭄ᬜᬲᭂᬕᭂᬃᬋᬓᭀ᭞ᬳ᭄ᬬᬜᬮᬶᬫᬸᬭᬂᬳᬶᬩᬸᬓ᭄᭞ᬲᬵᬫ᭄ᬧᬸᬦ᭄ᬢᬸᬢᬸᬕ᭄ᬢᬶᬕᬂᬤᬶᬦᬵ᭞ᬗᬸᬩᭂᬢ᭄ᬓᭀᬭᬶ᭞ᬤᬶᬚ᭄ᬭᭀᬫᬮᬶᬫ᭄ᬧᬸᬭᬦ᭄᭟ᬳᬶᬩᬕᬸ
ᬲ᭄‌‌ᬲᬕᬾᬢ᭄ᬢᭂᬓ᭞ᬳᬯᬸᬗᬯᬸᬂᬦᭀᬕ᭄ᬤᭀᬕ᭄ᬓᭀᬭᬶ᭞ᬫᬾᬦ᭄ᬩᭂᬓᬸᬂᬫᭂᬫ᭄ᬩᬸᬓᬄᬋᬓᭀ᭞ᬭᬯᬸᬄᬲᬚᬓᭀᬳᬶᬭᬢᬸ᭞ᬍᬕᬲᬦ᭄ᬓᭀᬳᬢᬶᬦ᭄ᬢᬶᬢ᭄ᬬᬂ᭞ᬦᬾᬫ᭄ᬯᬦᬶ᭞ᬫᬗᬶᬕᭂᬮ᭄‌‌ᬬᬳᬩ᭄ᬭᬶᬬᬓᬦ᭄᭟ᬦᬾᬳᭂᬮᬸᬄᬤᬶᬢᬸᬗᭂᬤᬾᬓᬂ᭞ᬳᬶ
ᬩᬕᬸᬲ᭄ᬕᬸᬬᬸᬢᬦ᭄ᬲᬶᬧᬶ᭞ᬢᬶᬢ᭄ᬬᬂᬲᬯᬸᬤ᭄ᬫᬸᬜᬶᬋᬓᭀ᭞ᬤᬸᬫᬤᬓ᭄ᬳᬶᬤᬾᬯᬭᬯᬸᬄ᭞ᬢᬶᬢ᭄ᬬᬂᬗᬶᬕᭂᬮ᭄ᬳᬩ᭄ᬭᬶᬬᬓᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄‌‌ᬦᬯᬸᬃᬳᬸᬢᬂ᭟ᬗᬮᬶᬄᬢᭀᬬᬧᬲᬶᬭᬫᬦ᭄᭞ᬫ᭄ᬯᬤᬄᬕ᭄ᬥᬳᬾᬗ᭄ᬭᬯᬶᬢ᭄᭞

[᭑᭗ 17A]
᭑᭗
ᬢᬸᬫᬸᬮᬶᬫᬲᬶᬭᬫ᭄ᬋᬓᭀ᭞ᬦᬾᬓᬓᬸᬂᬗᬸᬲᬸᬳᬶᬦ᭄ᬱᬸᬓᬸ᭞ᬦᬾᬳᬶᬲ᭄ᬢ᭄ᬭᬶᬗᬸᬲᬸᬳᬶᬦ᭄ᬢᬗᬦ᭄᭞ᬳᬸᬲᬦ᭄ᬫᬗ᭄ᬓᬶᬦ᭄᭞ᬦᬾᬳᭂᬮᬸᬄᬦᬸᬦᬲᬂᬢᬶᬃᬣ᭟ᬓᬯᬸᬄᬓᬕ᭄ᬭᬶᬬᬦ᭄ᬧᬤᬦ᭄ᬤ᭞ᬦᬓᬶᬮ᭄ᬩᬳᬲ᭄ᬫᬶᬯᬄᬧᬶᬧᬶᬲ᭄᭞ᬫᬢᬶᬫ᭄ᬧᬮ᭄ᬲᭂᬤᬄᬢᬸᬩᬸᬗᬦ᭄᭞ᬮ᭄ᬯ
ᬲ᭄‌ᬲᬓᬕ᭄ᬭᬶᬬᬵᬓᬯᬸᬄ᭞ᬤᬶᬕ᭄ᬭᬶᬬᬧᬤᬦ᭄ᬥ᭞ᬲᬂᬲᬸᬮᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬫᬗᬶᬘᬦᬶᬦ᭄ᬢᬶᬃᬣ᭟ᬭᬭᬶᬲ᭄ᬫᬦ᭄ᬢᬸᬓ᭄ᬗᬩᬢᬶᬃᬣ᭞ᬢᭂᬓᭂᬤ᭄ᬳ᭄ᬬᬤᬶᬚᬸᬫᬄᬕ᭄ᬮᬶᬲ᭄᭞ᬓᬵᬢᬸᬃᬭᬶᬂᬲᬂᬩᬕᬸᬲ᭄ᬋᬓᭀ᭞ᬫᬢᬶᬃᬣᬤᬶᬩᬮᬾᬫᬸᬚᬸᬃ᭞ᬲᬳᬸᬲᬦ᭄ᬫᬗ᭄ᬓᬶᬦ᭄ᬫᬢᬶᬃ
ᬣ᭞ᬫᬸᬯᬸᬄᬧᭂᬓᬶᬓ᭄᭞ᬭᬹᬧᬵᬦᬾᬫᬗᬬᬗᬬᬂ᭟ᬤᬾᬩᭂᬓᬸᬂᬫᬮᬶᬄᬫᬳᬢᬸᬭ᭞ᬢ᭄ᬯᬄᬓᬶᬚᬳᭂᬫᬵᬲ᭄ᬫᬦᭀᬓ᭄᭞ᬮᬸᬗ᭄ᬳᬵᬦᬾᬳᬶᬤᬾᬯᬋᬓᭀ᭞ᬩᬕᬸᬲ᭄ᬢᬸᬭᬸᬦᬦ᭄ᬫᬲᬳᬸᬢ᭄᭞ᬳᬤᬸᬄᬫᬾᬫᬾᬳᬤᭀᬄᬧᬶᬲᬦ᭄᭞ᬲᭂᬮ
ᬢ᭄ᬩᬸᬓᬶᬢ᭄᭞ᬢᬶᬕᬂᬕᬸᬦᬸᬂᬢᬶᬕᬂᬳᬮᬲ᭄᭟ᬓᬾᬦ᭄ᬓᬾᬦ᭄ᬫᬶᬭᬄᬲᬗ᭄ᬓᬦ᭄ᬮᬯᬲ᭄᭞ᬮᬸᬗᬦ᭄ᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬮᬸᬗ᭄ᬳᬵᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬤᬹᬄᬫᬾᬫᬾᬲᬗ᭄ᬓᬦ᭄ᬫᬓᭂᬮᭀ᭞ᬭᬤᬾᬦ᭄ᬕᬮᬸᬄᬬᬓᬢᭂᬧᬸᬓ᭄᭞ᬓᬧᬗ᭄ᬕᬶᬳᬾᬤᬶ [ 18 ][᭑᭗ 17B]
᭑᭗
ᬓᬬᭂᬳᬦ᭄᭞ᬲᬗ᭄ᬓᬦ᭄ᬮᬫᬶ᭞ᬳᬶᬭᬶᬗᬦᬾᬘᭀᬦ᭄ᬤᭀᬂᬩᬬᬦ᭄᭞ᬳᭂᬦᭂᬗᬵᬓ᭄ᬦᬧᬸᬦᬶᬓᬵ᭞ᬳᬶᬩᬕᬸᬲ᭄ᬓᭀᬘᬧᬫᬮᬶᬄ᭞ᬏᬮᬶᬂᬭᬶᬂᬲᬫᬬᬋᬓᭀ᭞ᬲᬵᬫ᭄ᬧᬸᬦ᭄ᬢᬸᬢᬸᬕ᭄ᬫᬓᭂᬢᭂᬮᬸᬦ᭄᭞ᬭᬭᬶᬲ᭄ᬫᬓᬶᬭᬾᬫᬚᬮᬦ᭄᭞ᬩᬧᬚᬦᬶ᭞ᬤᬶ
ᬦᬶᬚᬸᬫᬄᬳᬧᬂᬫᭂᬮᬄ᭟ᬫᬾᬦ᭄ᬩᭂᬓᬸᬂᬭᬭᬶᬲ᭄ᬳᬗᬸᬘᬧ᭄᭞ᬧᬲᭂᬤᭂᬕ᭄ᬢᬦᬦᬗᭂᬮᬶᬂ᭞ᬳᬶᬤᬾᬯᬮᬓᬃᬓᬶᬚᬳᬵ᭞ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬤᬸᬫᬸᬦ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬩᬧᬳᬫ᭄ᬩᬶ᭞ᬢᬶᬢ᭄ᬬᬂᬦᬸᬯᭀᬦᬶᬦ᭄ᬲᬸᬩᬬ᭟ᬢᬶᬢ᭄ᬬᬂᬮᬸᬯᬲ᭄ᬢᬶᬕᬂᬤᬶ
ᬦᬵ᭞ᬮᬸᬯᬲ᭄ᬢᬶᬬᬂᬓᬓᭂᬤᬶᬭᬶ᭞ᬭᬭᬶᬲ᭄ᬤᬦᬾᬫᭂᬲᬾᬄᬯᬵᬲ᭄ᬢ᭄ᬭ᭞ᬫᬯᬵᬲ᭄ᬢ᭄ᬭᬧᬾᬃᬫᬵᬲ᭄ᬩᬶᬭᬸ᭞ᬓᬫ᭄ᬧᬸᬳᬾᬲᬸ᭠ᬢ᭄ᬭᬫᬧ᭄ᬭᬥ᭞ᬫ᭄ᬯᬄᬧᭂᬓᬶᬓ᭄᭞ᬧᬸᬦᬶᬓᬕ᭄ᬮᬶᬲᬶᬂᬘᬭᬶᬢ᭟ᬭᬭᬶᬲ᭄ᬤᬦᬾᬗᬚᬸᬫ᭄ᬧᬬᬲ᭄᭞ᬤᬗᬦᬦᬾᬫᬵᬲ᭄ᬕᬭᬦ᭄ᬢᬶᬫ᭄᭞ᬫᬲᭀ
ᬲᭀᬘᬯᬶᬦ᭄ᬢᭂᬦ᭄ᬫᬶᬭᬄ᭞ᬓᬓᬦ᭄ᬤᭂᬮᬦᬾᬫᬵᬲ᭄ᬫᬸᬭᬸᬫᬶᬸᬩ᭄᭞ᬫᬳᬸᬭᬗ᭄ᬓᬧᬾᬯᬶᬸᬮᬾᬢ᭄ᬚᬫ᭄ᬧ᭄ᬭᬄ᭞ᬫᬗᬾᬤᬦᬶᬦ᭄᭞ᬩᬕᬸᬲᬾᬢ᭄ᬯᬭᬫᬫᬥ᭟ᬧᬫᬵᬃᬕ᭄ᬕᬶᬗᬚᬓᬗᬶᬦᬂ᭞ᬢᬦ᭄ᬓᬘᬭᬶᬢᬭᬶᬂᬫᬵᬃᬕ᭄ᬕᬶ᭞ᬧ᭄ᬭᬧ᭄ᬢᬭᬶᬂᬦᬕᬭᬋᬓᭀ᭞ᬓᬧᭂ

[᭑᭘ 18A]
᭑᭘
ᬫᬬᬲᬦ᭄ᬫᬜᬸᬚᬸᬃ᭞ᬲᬯᬢᬭᬤᬯᬸᬄᬧᬶᬲᬦ᭄᭞ᬭᬯᬸᬄᬫᬗ᭄ᬓᬶᬦ᭄᭞ᬧ᭄ᬭᬕᬶᬦᬧᬥᬓᬯᭂᬗᬦ᭄᭟ᬧ᭄ᬭᬕᬶᬦᬢᬸᬲᬦ᭄ᬫᬧᬬᬲ᭄᭞ᬕᬕᬫᭂᬮᬦ᭄‌‌ᬦᬸᬤᬸᬢ᭄ᬳᬢᬶ᭞ᬮᬯᬸᬢ᭄‌‌ᬬᬫᬜᬮᬸᬓ᭄ᬧᬬᬲ᭄᭞ᬭᬭᬶᬲ᭄‌‌ᬬᬫᬓᬶᬭᬾᬧᭂᬲᬸ᭞ᬲᬂ
ᬩᬕᬸᬲ᭄‌‌ᬭᬭᬶᬲ᭄ᬗᬵᬦ᭄ᬤᬶᬓᬵ᭞ᬤᬾᬯᬕᬸᬲ᭄ᬢᬶ᭞ᬦᬸᬦᬲ᭄ᬢᬶᬢ᭄ᬬᬂᬜᬮᬸᬓ᭄ᬱ᭄ᬫᬃ᭟ᬦᬶᬩᬬᬦ᭄ᬫᬢᭂᬮᬶᬓ᭄ᬓᬚᬩᬵ᭞ᬧᭂᬲᬸᬬᬲᬃᬯ᭄ᬯᬶᬫᬗᬮᬶᬄ᭞ᬭᬤᬾᬦ᭄ᬕᬮᬸᬄᬦᬸᬤᬶᬚ᭄ᬭᭀ᭞ᬓᬭᬶᬫᬧᬗᬗ᭄ᬕᭀᬓᬸᬲᬸᬄ᭞ᬮᬮᬶᬮᬮᬶᬤᬶᬚ᭄ᬭᭀᬧᬸᬭ᭞ᬫ
ᬗᬶᬍᬳᬶᬦ᭄᭞ᬢ᭄ᬮᬕᬦᬾᬭᬯᬶᬢ᭄ᬚᬶᬫ᭄ᬩᬃ᭟ᬕᬫ᭄ᬩᬸᬳᬾᬫᬮᬶᬄᬓᭀᬘᬧ᭞ᬚᭂᬮ᭄ᬚᭂᬮ᭄ᬳᬦᬓᬾᬫᬩᬮᬶᬄ᭞ᬳᬶᬲ᭄ᬢ᭄ᬭᬶᬓᬓᬸᬂᬧᬭᬫᬾᬦᬓ᭄᭞ᬧᬭᬫᬦ᭄ᬢ᭄ᬭᬶᬧᬭᬭᬢᬸ᭞ᬕᬫ᭄ᬩᬸᬳᬾᬦᭂᬥᭂᬂᬫᬲᭀᬮᬄ᭞ᬢᬸᬳᬸᬳᬓ᭄ᬭᬶ᭞ᬲᬲᭂᬦ᭄ᬤᭀᬦᬾᬢ᭄ᬯᬶᬢ
ᬗ᭄ᬭᬭᬲ᭄᭟ᬲᭂᬫᬭᬾᬲᬕᬾᬢᬦ᭄ᬩᬶᬤᬕ᭄᭞ᬓᬢᭀᬦ᭄ᬫᬩᬸᬗᬸᬢ᭄ᬤᬶᬲᬵᬫ᭄ᬧᬶᬂ᭞ᬫᬢᬦᬾᬧᬸᬢᬶᬄᬫᬮᭀᬧᭀᬄ᭞ᬢᬶᬦ᭄ᬤᬓᬦᬾᬲᬤᬢᬚᬸᬲ᭄᭞ᬲᬲᭂᬦ᭄ᬤᭀᬦᬾᬜᬮᬕᬶᬤᬕ᭄᭞ᬫᬶᬭᬶᬩ᭄ᬗᬸᬯᬶᬮ᭄᭞ᬓᭂᬤᬾᬓᬾᬲᬕᬾᬢ᭄ᬫᬩ᭄ᬭᬶᬬᬕ᭄᭟ [ 19 ][᭑᭘ 18B]
᭑᭘
ᬫᬓᬸᬯᬸᬕ᭄ᬫᬢᬸᬮ᭄ᬯᬦ᭄᭞ᬓᬭᬸᬗᬸᬫᬭᬶᬂᬚ᭄ᬭᭀᬧᬸᬭᬶ᭞ᬕᬸᬫᬸᬭᬸᬄᬓᬸᬦᬂᬕᬸᬕᬸᬬᭀᬦ᭄᭞ᬭᬳᬤᬾᬦ᭄ᬕᬮᬸᬄᬳᬗ᭄ᬭᬸᬗᬸ᭞ᬬᬾᬦ᭄ᬧᬗᬸᬘᬧᬾᬭᬶᬂᬫᬦᬄ᭞ᬬᬢᭀᬚᬦᬶ᭞ᬳᬶᬩᭂᬮᬶᬬᬲᬸᬩᬢᭂᬓᬵ᭟ᬬᬦ᭄ᬤᬾᬭᬾᬂᬕᬸᬬᬸᬲᬳᬶᬓ᭞ᬓᬭᬸᬗᬸᬭᬶᬂᬚ᭄ᬭᭀ
ᬧᬸᬭᬶ᭞ᬭᬤᬾᬦ᭄ᬕᬮᬸᬄᬫᬲᬮᬶᬦ᭄ᬧᬗᬗ᭄ᬕᭀ᭞ᬲᬃᬯ᭄ᬯᬫᬵᬲ᭄‌‌ᬲᬃᬯ᭄ᬯᬫᬸᬭᬸᬩ᭄᭞ᬩᬸᬓᬄᬤᭂᬥᬭᬶᬮᭀᬢ᭄ᬢᬫ᭞ᬫᬗᬾᬤᬦᬶᬦ᭄᭞ᬮ᭄ᬯᬶᬃᬫᬸᬓ᭄ᬧᬄ᭞ᬓᬤᬧᭂᬢᬓ᭄ᬦ᭟ᬲᬵᬫ᭄ᬧᬸᬦ᭄‌‌ᬯᬸᬲ᭄ᬗ᭄ᬭᬗ᭄ᬲᬸᬓ᭄ᬪᬸᬱᬡ᭞ᬫᬗ᭄ᬭᬭᬶᬲ᭄ᬓᬚᬩᬫᬗ᭄ᬓᬶᬦ᭄᭞ᬳᬓᬾᬄᬧ᭄ᬭᬫᬾ
ᬦᬓ᭄ᬫᬗᭂᬮᭀᬄ᭞ᬫᬗᬶᬭᬶᬂᬭᬳᬤᬾᬦ᭄ᬕᬮᬸᬄ᭞ᬘᭀᬦ᭄ᬤᭀᬂᬩᬬᬦ᭄‌‌ᬯᭀᬂᬚ᭄ᬭᭀᬓᭀᬘᬧ᭄᭞ᬧᬤᬵᬗᬶᬭᬶᬂ᭞ᬧ᭄ᬭᬵᬧ᭄ᬢᬫᬭᬶᬂᬚᬩᬢᭂᬗᬄ᭟ᬓᬵᬗ᭄ᬕᭂᬓ᭄ᬤᬦᬾᬭᬶᬂᬮᬯᬗᬦ᭄᭞ᬜᬶᬗᬓ᭄ᬩᬸᬗᬦᬾᬳᬗ᭄ᬭᬯᬶᬢ᭄᭞ᬤᬮᬶᬫᬯᬵᬦ᭄ᬢᬦᬾᬗᬲᭀ
ᬦ᭄᭞ᬫᬗᬸᬗ᭄ᬓᬸᬮᬶᬦ᭄ᬓᭀᬭᬶᬳᬕᬸᬂ᭞ᬩᬸᬗᬦᬾᬫᬦᭂᬥᭂᬂᬓᭂᬫ᭄ᬩᬂ᭞ᬭᬤᬾᬦ᭄ᬤᬾᬯᬶ᭞ᬗᬦ᭄ᬤᬶᬓᬭᬶᬂᬘᭀᬦ᭄ᬤᭀᬂᬩᬬᬦ᭄᭟ᬓᬳᬶᬤᬶᬦᬶᬧᬾᬢᭂᬦ᭄ᬫᬸᬗ᭄ᬕᬄ᭞ᬲᬫ᭄ᬩᬶᬮᬂᬓᬳᬶᬫᬩᬮᬶᬄ᭞ᬕᬫ᭄ᬩᬸᬳᬾᬤᬶᬚᬩᬋᬓᭀ᭞ᬤᬾᬦᬶᬂᬓᬳᬶᬢᬓᬸᬢ᭄ᬧᭂᬲᬸ᭞᭠

[᭑᭙ 19A]
᭑᭙
ᬳᬧᬦ᭄ᬳᬦᬓᬾᬩᬲ᭄ᬓᬢᬄ᭞ᬓᭂᬫᭀᬄᬚᬦᬶ᭞ᬚᬯᬸᬗᬂᬓᬾᬓᬳᬶᬳᭂᬚᬦ᭄᭟ᬓᬾᬦ᭄ᬩᬬᬦ᭄ᬳᬗᬫᬾᬢ᭄ᬳᭂᬚᬦ᭄᭞ᬢᬸᬃ᭠ᬫᬜᬤᬳᬂᬤᬶᬕᭂᬮᬶᬲ᭄᭞ᬭᬤᬾᬦ᭄ᬕᬮᬸᬄᬫᬸᬗ᭄ᬕᬄᬳᬮᭀᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬮᬸᬳᬸᬃ᭞ᬲᬃᬯᬶᬫᬕᬬᬸᬂᬕᬬᬸᬗᬦ᭄᭞ᬓ
ᬢᭀᬦ᭄ᬫᬗ᭄ᬓᬶᬦ᭄᭞ᬳᬦᬓᬾᬦᬾᬤᬶᬩᬜ᭄ᬘᬶᬗᬄ᭟ᬩᬕᬸᬲ᭄ᬢᬸᬭᬸᬦᬦ᭄ᬓᭀᬘᬧ᭞ᬢᬸᬫᭀᬦᬶᬂᬭᬳᬤᬾᬦ᭄ᬤᬾᬯᬶ᭞ᬭᬭᬶᬲ᭄ᬫᬳᬶᬮᬶᬤᬦ᭄ᬋᬓᭀ᭞ᬩᬳᬦ᭄ᬳᬦᬓᬾᬬᬮᬶᬬᬸ᭞ᬭᬤᬾᬦ᭄ᬕᬮᬸᬄᬦᬍᬓ᭄ᬢᭂᬓᬂ᭞ᬲᬂᬳᬧᭂᬓᬶᬓ᭄᭞ᬤᬤᬶᬢ᭄ᬯᬭᬓᬢᬶ
ᬗ᭄ᬳᬮᬦ᭄᭟ᬳᬤᬓᬵᬮᬶᬄᬧᬗᬶᬦᬗᬦ᭄᭞ᬩᬶᬮᬂᬳᬤᬶᬳᬶᬘᬶᬗᬓ᭄ᬘᬶᬗᬓᬶᬦ᭄᭞ᬲᬂᬳᬩᬕᬸᬲ᭄ᬢᬸᬯᬭᬓᬢᭀᬦ᭄᭞ᬓᬮᬶᬦ᭄ᬢᬂᬢᬸᬃᬳᬶᬤᬲᭂᬦ᭄ᬥᬸ᭞ᬤᬾᬦᬶᬂᬢ᭄ᬯᬭᬧᭂᬤᬲ᭄ᬘᬶᬗᬓ᭄᭞ᬲᬂᬳᬧᭂᬓᬶᬓ᭄᭞ᬓᬘᬶᬗᬓ᭄ᬦᬾᬫᬜᭂᬫᬃ᭟ᬳᬓᬾᬄᬧ᭄ᬭ
ᬫᬦ᭄ᬢ᭄ᬭᬶᬭᬶᬂᬚᬩ᭞ᬢᬸᬫᭀᬦᬶᬂᬭᬤᬾᬦ᭄ᬤᬾᬯᬶ᭞ᬧᬥᬍᬍᬲᬦᬾᬢᬸᬫᭀᬦ᭄᭞ᬤᬾᬦᬶᬂᬩᬲ᭄ᬓᬮᬶᬦ᭄ᬢᬂᬳᬬᬸ᭟ᬓ᭄ᬭᬫᬦᬶᬂᬫᬗᬮᬶᬄᬩᬸᬮᬦ᭄᭞ᬚ᭄ᬭᭀᬦᬶᬂᬮᬗᬶᬢ᭄᭞ᬩᬸᬯᬶᬦ᭄ᬧᬶᬤᬦ᭄ᬲᬶᬩᬓᬢ᭄ᬚᭂᬫᬓ᭄᭟ᬢᬦ᭄ᬓᭀᬘᬧᬯᭀᬂᬓᬾ [ 20 ][᭑᭙ 19B]
᭑᭙
ᬤᬦᬦ᭄᭞ᬕᬫ᭄ᬩᬸᬳᬾᬓᭀᬘᬧ᭄ᬫᬮᬶᬄ᭞ᬲᭀᬮᬄᬜᬦᬾᬳᬮᬸᬲ᭄ᬋᬓᭀ᭞ᬩᬕᬸᬲ᭄ᬢᬸᬭᬸᬦᬦ᭄ᬫᬫᬯᬸᬤ᭄᭞ᬯᬯᬸᬫᬭᬫᭂᬗᬩᭂᬢᬂ᭞ᬫᬓᬲᬫᬶ᭞ᬓᭂᬤᬾᬓᬾᬢᬦ᭄ᬧᬾᬦ᭄ᬤᬄᬲᬸᬭᬓ᭄᭟ᬳᬦᬬᬧᬲᬸᬪᬬᬦ᭄᭞ᬳᬤᬗᭀᬭᬂᬩᬲᬂᬲᬓᬶᬢ᭄᭞
ᬫᬯᬵᬦ᭄ᬢᬶᬯᬵᬦ᭄ᬢᬶᬕᬕᬸᬬᭀᬦ᭄᭞ᬭᬤᬾᬦ᭄ᬕᬮᬸᬄᬢ᭄ᬯᬭᬓᭂᬜᬸᬂ᭞ᬤᬾᬦᬶᬂᬢ᭄ᬯᬭᬓᬘᬶᬗᬓ᭄᭞ᬲᬂᬳᬧᭂᬓᬶᬓ᭄᭞ᬓᬘᬶᬗᬓᬦ᭄ᬦᬾᬫᬜᭂᬫᬵᬃ᭟ᬫᬳᬶᬫᭂᬦᬾᬓ᭄ᬘᭀᬦ᭄ᬤᭀᬂᬩᬬᬦ᭄᭞ᬓᬳᬶᬢᬾᬫᬢᬓᭀᬦ᭄ᬚᬦᬶ᭞ᬯ᭄ᬯᬂᬳᬧᬫᬜᭂᬫᬃᬳᭂ
ᬦ᭄ᬢᭀ᭞ᬘᭀᬦ᭄ᬤᭀᬂᬩᬬᬦ᭄ᬫᭂᬦᬾᬓ᭄ᬕᬸᬧᬸᬄ᭞ᬢᭂᬓᭂᬤ᭄ᬥᬶᬤᬸᬳᬸᬃᬫᬮᬶᬬᬢ᭄᭞ᬦᬶᬓᬫᬗ᭄ᬓᬶᬦ᭄᭞ᬫᬳᬶᬭᬶᬩ᭄ᬭᬓ᭠ᬦ᭄ᬳᬶᬤᬾᬯ᭟ᬓ᭄ᬭᬶᬲᬾᬳᬶᬮᬶᬗᬶᬦ᭄ᬢᬶᬢ᭄ᬬᬂ᭞ᬤᬗᬦᬦᬾᬫᬕ᭄ᬭᬦ᭄ᬢᬶᬫ᭄᭞ᬫᬯᬵᬲ᭄ᬢ᭄ᬭᬧᬾᬃᬫᬵᬲ᭄ᬳᬶᬚᭀ᭞ᬭᬳᬤᬾᬦ᭄ᬕᬮᬸᬄᬳᬫᬸ
ᬯᬸᬲ᭄᭞ᬩᬢᬂᬓᬳᬶᬢ᭄ᬯᬄᬢᭀᬂᬤᬸᬕ᭞ᬳᬦᬓ᭄ᬮᭂᬯᬶᬄ᭞ᬫᬲᬤᬦᬾᬜᬓ᭄ᬫᬜᭂᬫᬃ᭟ᬲᬸᬩᬤᬢᬳᬯᬲ᭄ᬦᬶᬭ᭞ᬳᬦᬓᬾᬦᬾᬦᬾᬫᬩᬮᬶᬄ᭞ᬢ᭄ᬯᬭᬤᬦᬾᬗᭂᬦᬄᬋᬓᭀ᭞ᬫᬶᬯᬄᬢᭂᬓᬾᬦ᭄ᬦᬾᬫᬗᬫ᭄ᬩᬸᬄ᭞ᬫᬲᬶᬄᬢ᭄ᬯᬭᬤᬦᬾᬗᭂᬦᬄ᭞

[᭒᭐ 20A]
᭒᭐
ᬫᬶᬭᬶᬩ᭄ᬚᬦᬶ᭞ᬤᬦᬾᬢ᭄ᬯᬄᬫᬗᬧᬸᬲ᭄ᬦᬶᬭ᭟ᬦᬶᬭᬗᬦ᭄ᬢᬶᬩᬸᬯᬶᬦ᭄ᬜᬦᬦ᭄᭞ᬮᬫᬸᬦ᭄ᬜᬕᬫ᭄ᬩᬸᬳᬾᬫᬸᬮᬶᬄ᭞ᬬᬾᬦ᭄ᬜᬧᭂᬲᬸ᭠ᬩ᭄ᬯᬶᬦ᭄ᬳᬘᭂᬧᭀᬓ᭄᭞ᬮᬫᬸᬦ᭄ᬢᬸᬯᬭᬗᭂᬦᬄᬤᬶᬢᬸ᭞ᬦᬶᬭᬫᬸᬮᬶᬄᬓᬚ᭄ᬭᭀᬧᬸᬭ᭞ᬩ᭄ᬯᬶᬦ᭄ᬳᬰᬰᬶᬄ᭞ᬕᬫ᭄ᬩᬸᬳᬾᬤᬶᬦᬶᬫᬲᭀᬮᬄ᭟
ᬫᬲᬢᬾᬦᬶᬭᬓᬚᬩ᭞ᬓᬤᬸᬂᬳᬢᬶᬦᬶᬭᬩ᭄ᬭᬂᬢᬶ᭞ᬘᭀᬦ᭄ᬤᭀᬂᬩᬬᬦ᭄ᬫᬢᬸᬃᬳᬮᭀᬦ᭄᭞ᬫᬶᬭᬶᬩ᭄ᬦᬾᬜᭂᬫᬃᬤᬶᬧᬸᬗ᭄ᬓᬸᬃ᭞ᬩᬸᬗ᭄ᬓᬸᬂᬳᬶᬤᬾᬯᬦᬾᬘᬶᬗᬓ᭄᭞ᬦᬶᬓᬘᬶᬭᬶ᭞ᬯᬲ᭄ᬢᬸᬓ᭄ᬭᬶᬲ᭄ᬮᬦ᭄ᬤᬗᬦᬦ᭄᭟ᬦᬶᬓᬳᬗ᭄ᬕᬾᬦ᭄ᬢᬶᬢ᭄ᬬᬂᬢᬦ᭄ᬤ᭞ᬭᬤᬾᬦ᭄ᬕᬮᬸᬄᬢ᭄ᬯᬭ
ᬜᬤᬶᬦ᭄᭞ᬕᬫ᭄ᬩᬸᬳᬾᬫᬮ᭄ᬯᬭᬦ᭄ᬋᬓᭀ᭞ᬲ᭄ᬫᬭᬾᬓᬭᬶᬫᬫᬯᬸᬤ᭄᭞ᬦᬾᬫᬦᬸᬭᬲ᭄ᬘᭂᬧᭂᬢ᭄ᬧᬶᬲᬦ᭄᭞ᬫᬦᬶᬫ᭄ᬧᬮᬶᬦ᭄᭞ᬩᬯᬸᬫᬭᬫᬗᬩᭂᬢ᭟ᬤᬶᬢᬸᬓᭂᬤᬾᬓᬾᬫᬩ᭄ᬭᬶᬬᬓᬦ᭄᭞ᬢᬸᬃᬗ᭄ᬮᬶᬬᬗᬶᬦ᭄ᬳᬢᬶ᭞ᬤᬾᬦᬶᬂᬳᬓᬾᬄᬕᬕᬸᬬᭀᬦ᭄᭞
ᬤᬾᬦᬶᬂᬓᬤᬸᬭᬸᬲ᭄ᬫᬕᬸᬬᬸ᭞ᬧᬺᬫᬾᬦᬓ᭄‌‌ᬲᬸᬲᬸᬧᬜᬸᬳᬦ᭄᭞ᬳᬕᬸᬂᬳᬮᬶᬢ᭄᭞ᬳᭂᬢᭀᬬᬩ᭄ᬯᬶᬦ᭄ᬓᬓᭂᬤᬾᬓᬂ᭟ᬳᬤᬩᬸᬗ᭄ᬓᭂᬃᬲᬓᬶᬢ᭄ᬩᬲᬂ᭞ᬧᬋᬓᬦᬾᬧᭂᬲᬸᬢᬳᬶ᭞ᬓᬤᬸᬭᬸᬲ᭄ᬕᬸᬬᭀᬦᬾᬋᬓᭀ᭞ᬲᬂᬧ᭄ᬭᬪᬸᬮᬶᬯᬢ᭄ᬕᬸᬫᬸᬬᬸ᭞ᬫᬶᬮᬶᬄᬓᬳᬶᬗᭂ᭠ [ 21 ][᭒᭐ 20B]
᭒᭐
ᬦᬾᬯᬢ᭄ᬲᭂᬫᬃ᭞ᬬᬦ᭄ᬢᭀᬚᬦᬶ᭞ᬢ᭄ᬯᬭᬢᬳᬾᬦ᭄‌‌ᬬᬫᬗᭂᬦᬄ᭟ᬫᬳᬶᬭᬶᬩ᭄ᬚᬍᬫᬢᬯᬄ᭞ᬢᬢᬲᬂᬬᬢᬓᭀᬦᬶᬦ᭄᭞ᬕᬫ᭄ᬩᬸᬳᬾᬓᭀᬘᬧᬋᬓᭀ᭞ᬫᬮᬶᬄᬬᬫᬓᬶᬭᬾᬧᭂᬲᬸ᭞ᬭᬫᬾᬬᬫᬧᭂᬢᬶᬧᭂᬢᬶ᭞ᬮᬄᬳᬢᬸᬭᬶᬦ᭄᭞ᬭᬯᬸᬄ
ᬤᬦᬾᬤᬾᬫᬜᭂᬫᬃ‌᭟ᬳᬧᬂᬤᬦᬾᬫᬗᭂᬫ᭄ᬩᬦᬂ᭞ᬳᬢᬸᬭᬶᬦ᭄ᬤᬦᬾᬫᭂᬫᬜ᭄ᬚᬶᬂ᭞ᬧᬫᬸᬧᬸᬢ᭄ᬳᬢᬶᬦᬾᬓᬯᭀᬢ᭄᭞ᬤᬸᬭᬸᬂᬓᬫᬗ᭄ᬓᬦᬬᬾᬓᬸ᭞ᬳᬓᬾᬄᬧ᭄ᬭᬕᬶᬦᬦᬾᬜᬕ᭄ᬜᬕ᭄᭞ᬫᬗᬢᬸᬭᬶᬦ᭄᭞ᬳᬧᬂᬤᬦᬾᬫᬗᭂᬫ᭄ᬩᬦᬂ᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦᬸᬦ
ᬲᬂ᭞ᬤᬸᬭᬸᬲᬂᬕᬸᬲ᭄ᬢᬶᬫᬫᬜ᭄ᬚᬶᬂ᭞ᬲᬂᬩᬕᬸᬲ᭄ᬫᬲᬯᬸᬃᬳᬮᭀᬦ᭄᭞ᬓᭂᬜᬸᬗᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬦᬯᬶᬍᬧᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬢᭂᬫ᭄ᬩᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦᭂᬕᬃᬦᭂᬕᬭᬂ᭟ᬳᬶᬗ᭄ᬕᬶᬄᬓᬾᬕᬸᬲ᭄ᬢᬶᬤᬸᬭᬸᬲᬂ᭞ᬤ᭄ᬬᬲ᭄ᬢᬸᬦ᭄ᬮᭂᬧᬲ᭄ᬢᬶᬢ᭄ᬬᬂᬗᬶᬭᬶᬂ᭞ᬮᬾᬦ᭄ᬳᬤᬫᬓᬶ
ᬲᬶᬋᬓᭀ᭞ᬓᬮᬶᬫᬫᬫᬜᬶᬂᬢᭀᬮᬸᬳᬸᬂ᭞ᬩᬕᬸᬲᬾᬢ᭄ᬯᬭᬫᬫᬥ᭞ᬲᬂᬳᬧᭂᬓᬶᬓ᭄᭞ᬗᬦ᭄ᬤᬶᬓᬢᬶᬢ᭄ᬬᬂᬦᭂᬕᬭᬂ᭟ᬢᬸᬫᬸᬮᬶᬫᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬭᬭᬶᬲ᭄ᬤᬦᬾᬜᬮᬸᬓ᭄ᬧᬜ᭄ᬚᬶ᭞ᬕᬯᭀᬓ᭄ᬳᬦᬓᬾᬫᬦᭀᬦ᭄ᬢᭀᬦ᭄᭞ᬭᬹᬧᬵᬦᬾ

[᭒᭑ 21A]
᭒᭑
ᬮ᭄ᬯᬶᬃᬤᬾᬯᬵᬦᬸᬭᬸᬦ᭄᭞ᬓᭂᬜᬶᬂᬫᬦᬶᬲ᭄ᬮᬗ᭄ᬲᬶᬂᬮᬜ᭄ᬚᬃ᭞ᬳᬗᬾᬤᬦᬶᬦ᭄᭞ᬯᬸᬲ᭄ᬫᬧᬬᬲ᭄ᬭᬭᬶᬲ᭄ᬫᬤᬮ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬓᭂᬫᭀᬄᬦᬾᬫᬜᭂᬫᬃᬳᬮᬶᬄ᭞ᬓᭂᬦᭂᬄᬓᬳᬶᬦᬾᬫᬢᬓᭀᬦ᭄᭞ᬳᬶᬧᬢᬶᬄᬕᭂᬮᬶᬲ᭄ᬮᬸᬫᬓᬸᬄ᭞ᬲ
ᬕᬾᬢ᭄ᬫᬧᬧᬲ᭄ᬤᬶᬚᬮᬦ᭄᭞ᬜᬮᬸᬓ᭄ᬧᬜ᭄ᬚᬶ᭞ᬓᬵᬗ᭄ᬕᭂᬓ᭄ᬭᬭᬶᬲ᭄ᬫᬮᬶᬧᭂᬢᬦ᭄᭟ᬫᬵᬢᬸᬃᬭᬶᬂᬳᬶᬤᬲᬂᬦᬵᬣ᭞ᬧᬸᬦᬶᬓᬦᬾᬜᬮᬸᬓ᭄ᬧᬜ᭄ᬚᬶ᭞ᬦᬤ᭄ᬬᬦ᭄‌‌ᬬᬜᬳᬦ᭄ᬋᬓᭀ᭞ᬤᬶᬚᬮᬦ᭄ᬕᬫ᭄ᬩᬸᬳᬾᬲᬸᬯᬸᬤ᭄᭞ᬓᭂᬦᭂᬄᬓᬳᬶᬫᬦᬢᬲᬂ᭞ᬳᭂ
ᬦ᭄ᬢᭀᬚᬦᬶ᭞ᬤ᭄ᬬᬲ᭄ᬢᬸᬦᭂᬦ᭄ᬢᬾᬳ᭄ᬬᬳᬦᬓ᭄᭟ᬕᬫ᭄ᬩᬸᬳᬾᬫᬗ᭄ᬓᬶᬦ᭄ᬓᭀᬘᬧ᭞ᬫᬓᬦ᭄ᬤᬓᬭᬶᬤᬶᬫᬵᬃᬕ᭄ᬕᬶ᭞ᬤᬾᬭᬾᬂᬫᬸᬗ᭄ᬕᬄᬓᬩᬜ᭄ᬘᬶᬗᬄ᭞ᬦᬾᬫᬫᬜ᭄ᬚᬶᬂᬬᬤᬶᬫᬮᬸ᭞ᬭᬹᬧᬦᬾᬫᬗᬬᬂᬗᬬᬂ᭞ᬲᭂᬦ᭄ᬢᬾᬂᬭᬸᬗᬶᬄ᭞ᬧ᭄ᬭᬭᬳᬶᬫᬸᬮᬦ᭄ᬧᬹᬃᬡ᭄ᬦᬫ᭟ᬲᬂ
ᬧ᭄ᬭᬪᬸᬫᬮᬶᬄᬗᬦ᭄ᬤᬶᬓᬵ᭞ᬓᭂᬫᭀᬄᬓᬾᬢᬓᭀᬦᬶᬦ᭄ᬚᬦᬶ᭞ᬳᬧᬮᬫ᭄ᬧᬳᬗᬋᬓᭀ᭞ᬳᬶᬧᬢᬶᬄᬕ᭄ᬮᬶᬲ᭄ᬮᬸᬫᬓᬸᬄ᭞ᬧ᭄ᬭᬵᬧ᭄ᬢᬭᬭᬶᬲ᭄ᬫᬦᬓᭀᬦᬂ᭞ᬳᬧᬚᬦᬶ᭞ᬤᬶᬓᬾᬦ᭄ᬓᬾᬦᬾᬓᬮᬫ᭄ᬧᬳᬂ᭟ᬲᬯᬸᬃᬫᬦᬸᬓ᭄ᬫᬗᬢᬸᬭᬂ᭞ᬧᬸᬦᬂᬓᬶᬲᬓᬶ [ 22 ][᭒᭑ 21B]
᭒᭑
ᬢ᭄ᬳᬶᬧᬜ᭄ᬚᬶ᭞ᬳᬶᬧᬢᬶᬄᬫᬯᬮᬶᬋᬓᭀ᭞ᬫᬵᬢᬸᬃᬭᬶᬂᬳᬶᬤᬲᬂᬦᬵᬣ᭞ᬮᬫ᭄ᬧᬳᬦ᭄ᬳᬶᬧᬸᬦ᭄ᬧᬸᬦᬶᬓᬵ᭞ᬲᬓᬶᬢ᭄ᬳᬶᬧᬜ᭄ᬚᬶ᭞ᬦᬄᬳᭂᬦ᭄ᬢᭀᬲᬸᬩᬫᭂᬮᬄ᭟ᬳᬦᬓᬾᬬᬲᬬᬦ᭄ᬢᭂᬓ᭞ᬤᬶᬩᬜ᭄ᬘᬶᬗᬄᬲᭂᬲᭂᬓ᭄ᬢᬶᬢᬶᬩ᭄᭞ᬢ᭄ᬯᬭᬵᬤᬮ᭄ᬯᬗᬦ᭄ᬋᬓᭀ᭞ᬕ
ᬫ᭄ᬩᬸᬳᬾᬬᬲᬵᬫ᭄ᬧᬸᬦ᭄ᬢᭂᬤᬸᬦ᭄᭞ᬳᬓᬾᬳᬦ᭄ᬳᬦᬓᬾᬧᬸᬦᬶᬓᬵ᭞ᬧᬥᬲᭂᬤᬶᬄ᭞ᬮᬸᬄᬫ᭄ᬯᬦᬶᬧᬥᬏᬤᬦ᭄᭟ᬲᬸᬮᬶᬗᬾᬳᬜ᭄ᬭᬶᬢ᭄ᬫᬲ᭄ᬯᬭ᭞ᬕᬕᬫᭂᬮᬦ᭄‌‌ᬦᬸᬤᬸᬢ᭄ᬳᬢᬶ᭞ᬕᬫ᭄ᬩᬸᬳᬾᬫᭂᬦᬾᬓᬦ᭄ᬋᬓᭀ᭞ᬩᬯᬸᬮᬶᬯᬢ᭄ᬳᬮᬸᬦᬮᬸᬦ᭄᭞ᬢᬗ᭄ᬓᭂᬚᬸᬢ᭄ᬳ
ᬦᬓᬾᬧᬥ᭞ᬭᬤᬾᬦ᭄ᬤᬾᬯᬶ᭞ᬢᬸᬫᭀᬦᬶᬂᬓᬶᬮᬗᬦ᭄ᬚᬶᬧᬶᬸᬓᬶᬸᬯ᭟ᬓᬾᬦ᭄ᬓᬾᬦ᭄ᬚᬦᬶᬘᭀᬦ᭄ᬤᭀᬂᬩᬬᬦ᭄᭞ᬤᬓᬾᬦ᭄ᬦᬾᬦᬾᬫᭂᬫᬜ᭄ᬚᬶ᭞ᬘᭀᬦ᭄ᬤᭀᬂᬩᬬᬦ᭄ᬫᬵᬢᬸᬃᬳᬮᭀᬦ᭄᭞ᬤᬦᬾᬲᬵᬫ᭄ᬧᬸᬦ᭄‌‌ᬤᬲᬂᬩᬕᬸᬲ᭄᭞ᬓ᭄ᬭᬶᬲ᭄ᬓᬫ᭄ᬧᬸᬄᬤ
ᬦᬾᬘᬶᬗᬓ᭄᭞ᬦᬶᬓᬫᬮᬶᬄ᭞ᬤᬗᬦᬦᬾᬕᭂᬕ᭄ᬭᬦ᭄ᬢᬶᬫᬦ᭄᭟ᬳᬶᬗᭂᬢ᭄ᬓᬳᬶᬘᭀᬦ᭄ᬤᭀᬂᬩᬬᬦ᭄᭞ᬫᬸᬜᬶᬦ᭄ᬳᬶᬩᬦᬾᬳᬶᬢᬸᬦᬶ᭞ᬤᬤᬶᬬᬜᬓ᭄ᬓᬳᬶᬧᬺᬤᭀ᭞ᬲᬸᬩᬲᬸᬳᬸᬤᬂᬫᬢᬸᬢᬸᬃ᭞ᬫᬓᭂᬦᭂᬄᬓᬳᬶᬦᬾᬲᬸᬲ᭄ᬬᬄ᭞ᬢᬸᬯᬄᬳᬶᬩᭂᬮᬶ᭞

[᭒᭒ 22A]
᭒᭒
ᬫᬗᬯᬾᬦᬂᬓᬳᬶᬕᬶᬗ᭄ᬕᬂ᭟ᬕᬫ᭄ᬩᬸᬳᬾᬚᬦᬶᬫᬲᭀᬮᬄ᭞ᬳᬶᬮᬾᬦ᭄ᬳᬶᬮᬾᬦ᭄ᬢᬸᬳᬸᬩᭂᬘᬶᬓ᭄᭞ᬧᬜ᭄ᬚᬶᬦᬾᬚᬦᬶᬫᬜᭂᬦ᭄ᬤᭀᬦ᭄᭞ᬲ᭄ᬯᬭᬦᬾᬮ᭄ᬯᬶᬃᬫᬥᬸᬚᬸᬭᬸᬄ᭞ᬳᬓᬾᬄᬧᬺᬫᬾᬦᬓ᭄‌‌ᬏᬦᬓᬦ᭄᭞ᬮᬦᬂᬳᬶᬲ᭄ᬢ᭄ᬭᬶ᭞ᬦᬾᬩᭂᬗᬮ᭄ᬫᬗᬓᬸᬭᭀᬯᬂ᭟
ᬤᬾᬭᬾᬂᬧᬜ᭄ᬚᬶᬓᬬᬳᬶᬓᬵ᭞ᬲᭂᬓᬢ᭄ᬫᬜᭂᬦᭂᬂᬓᬤᬶᬭᬶ᭞ᬲᬂᬧ᭄ᬭᬪᬸᬓᬮᬶᬯᬢ᭄ᬕᬯᭀᬓ᭄᭞ᬧᬢᬶᬄᬫᬦ᭄ᬢ᭄ᬭᬶᬤᭂᬫᬂᬤᭂᬫᬸᬂ᭞ᬲᬫᬶᬧᬥᬫᬗᬯᭀᬓ᭞ᬦᬾᬫᬫᬜ᭄ᬚᬶ᭞ᬧᬥᬦᬓᭀᬦ᭄ᬦᬓᭀᬦᬂ᭞ᬳᬶᬩᬕᬸᬲ᭄ᬓᬧᭂᬦ᭄ᬤᬓ᭄ᬢᬶᬗ᭄ᬳᬮ᭄᭞ᬢᭂᬓᬾᬦ᭄ᬦᬶᬭᬭ
ᬤᬾᬦ᭄ᬤᬾᬯᬶ᭞ᬭᬭᬶᬲ᭄ᬗᬮᬧ᭄ᬩᬸᬗᬋᬓᭀ᭞ᬳᬧᬲᬂᬕᬶᬲᬶᬤᬶᬤᬸᬳᬸᬃ᭞ᬲᬃᬯ᭄ᬯᬫᬕᬬᬸᬂᬕᬬᬸᬗᬦ᭄᭞ᬳᭂᬦ᭄ᬢᭀᬚᬦᬶ᭞ᬳᬶᬩᬕᬸᬲ᭄‌‌ᬯ᭄ᬭᬸᬳᬶᬂᬘᬶᬢ᭄ᬢ᭟ᬤᬶᬕᬦ᭄ᬢᬶᬦ᭄ᬧᬜ᭄ᬚᬶᬦᬾᬮᬭ᭞ᬫᬧᬧᬶᬦ᭄ᬤᬬᬂᬗᭂᬮᬶᬂ᭞ᬓᬤᬾᬄᬳᬦᬾᬗᬺᬗᬸᬢ᭄ᬋᬓᭀ᭞ᬗᬾ
ᬗ᭄ᬕᬮᬂᬧᬥᬗᬭᬸᬜᬸᬂ᭞ᬳᬓᬾᬄᬧ᭄ᬯᬜᬳᬶᬦᬾᬮᬭ᭞ᬧᬥᬵᬦᬗᬶᬲ᭄᭞ᬭᬤᬾᬦ᭄ᬕᬮᬸᬄᬗᭂᬫ᭄ᬩᭂᬂᬯᬵᬱ᭄ᬧ᭟ᬕᬫ᭄ᬩᬸᬳᬾᬯᬸᬲ᭄ᬫᬮᬶᬂᬮᬶᬗᬦ᭄᭞ᬲᬬᬦ᭄ᬚᭂᬚᭂᬦ᭄‌‌ᬯ᭄ᬯᬂᬫᬩᬮᬶᬄ᭞ᬳᬤᬫᭂᬦᬾᬓᬶᬦ᭄ᬢᬾᬫ᭄ᬩᭀᬓ᭄᭞ᬳᬤᬮᬩᬸᬄᬩᬩᬓ᭄ᬩᭂᬮᬸᬃ᭞ᬲ᭄ᬮᬾᬂᬚᭂᬧᬶ᭠ [ 23 ][᭒᭒ 22B]
᭒᭒
ᬢ᭄‌‌ᬲᭂᬮᬾᬂᬲ᭄ᬯᬮ᭄᭞ᬮᬦᬂᬳᬶᬲ᭄ᬢ᭄ᬭᬶ᭞ᬕᭂᬦᬳᬾᬫᬤᬸᬓ᭄ᬳᬤᬸᬓᬦ᭄᭟ᬳᬤᬮᬯᬸᬢ᭄ᬫᬳᬶᬩᬸᬓᬦ᭄᭞ᬲ᭄ᬮᬾᬂᬕᬫ᭄ᬧᭀᬓ᭄‌‌ᬲᭂᬮᬾᬂᬢᬶᬕ᭄ᬢᬶᬕ᭄᭞ᬳᬦᬾᬫᬋᬩᬸᬢ᭄ᬢᭀᬗᭀᬲ᭄᭞ᬳᬤᬫᬗᬋᬧᬶᬦ᭄ᬲᬸᬲᬸ᭞ᬳᬤᬫᬢᬶᬜ᭄ᬚᭀᬭᬶᬂᬮᬗ᭄ᬓᬂ᭞ᬮᬾᬦ᭄ᬫᬓᬶᬲᬶ᭞ᬳ
ᬤᬦᭂᬕᬓᬶᬦ᭄ᬕᬕᬾᬮᬦ᭄᭟ᬢᬦ᭄ᬓᭀᬘᬧᬯᭀᬂᬳᬜᬫ᭄ᬩᬢ᭄᭞ᬕᬫ᭄ᬩᬸᬳᬾᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬫᬜᭂᬦ᭄ᬤᭀᬦ᭄᭞ᬜᬶᬫ᭄ᬩᬶᬗᬶᬦ᭄ᬭᬳᬤᬾᬦ᭄ᬕᬮᬸᬄ᭞ᬳᬸᬮᬸᬂᬚᬤᬮᬶᬫᬯᬵᬦ᭄ᬢ᭞ᬢᭀᬳᬓᬢᬶᬄ᭞ᬫᬸᬜᬶᬦ᭄ᬲᬸᬮᬶᬂᬓᬧᬶᬂᬧᬢ᭟
ᬭᬫᬾᬓᬤᬶᬢᭂᬗᬳᬶᬂᬧᬲᬃ᭞ᬤᬶᬭᬶᬓᬶᬢᬶᬢ᭄ᬬᬂᬫᬗᬦ᭄ᬢᬶ᭞ᬲᬶᬲᬶᬫ᭄ᬩᬶᬂᬫᬸᬗ᭄ᬕ᭄ᬯᬶᬂᬲᬲᭂᬦ᭄ᬤᭀᬦ᭄᭞ᬭᬤᬾᬦ᭄ᬕᬮᬸᬄᬯ᭄ᬭᬸᬄᬭᬶᬂᬓᬬᬸᬦ᭄᭟ᬇᬗ᭄ᬕᬶᬄᬳᬦ᭄ᬢᬶᬳᬸᬕᬶᬢᬶᬢ᭄ᬬᬂ᭞ᬤᭂᬫᭂᬮᬲᬶᬦ᭄᭞ᬢᬶᬢ᭄ᬬᬂᬢᬸᬯᭀᬦᬶᬦᬜᬳᬦ᭄᭟ᬧᬶᬦᬄᬮᬶᬗ᭄ᬲᬶᬃᬲᬵᬫ᭄ᬧᬸ
ᬦ᭄ᬲᬦ᭄ᬚ᭞ᬓᭀᬘᬧ᭄ᬫᬗ᭄ᬓᬶᬦ᭄ᬳᬶᬧᬜ᭄ᬚᬶ᭞ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬳᬸᬲᬦ᭄ᬋᬓᭀ᭞ᬲᬂᬳᬩᬕᬸᬲ᭄ᬗᭂᬮᬸᬲ᭄ᬕᭂᬮᬸᬂ᭞ᬓᬓᭂᬢᭂᬕᬾᬚᬦᬶᬳᬮ᭞ᬭᬭᬶᬲ᭄ᬕᬶᬫᬶᬄ᭞ᬫᬗ᭄ᬮᬶᬗ᭄ᬓᬸᬂᬫᬦᬶᬗ᭄ᬕᬮ᭄ᬤᬾᬰ᭟ᬢᭂᬧᬸᬓ᭄ᬓᬸᬩᬸᬫᭂᬫᬮᬲ᭄᭞ᬤᬶᬧᬩ᭄ᬬᬦᬦ᭄‌‌ᬲᬤᬦᬗ᭄ᬓᬶᬤ᭄᭞

[᭒᭓ 23A]
᭒᭓
ᬤᬶᬢᬸᬤᬦᬾᬭᬭᬶᬲ᭄ᬜᭀᬗ᭄ᬓᭀᬓ᭄᭞ᬢᬦ᭄ᬓᭀᬘᬧᬲᬂᬳᬩᬕᬸᬲ᭄᭞ᬲᬂᬧ᭄ᬭᬪᬸᬫᬮᬶᬄᬓᭀᬘᬧᬂ᭞ᬧᬢᬶᬄᬫᬦ᭄ᬢ᭄ᬭᬶ᭞ᬫᬵᬢᬸᬃᬭᬶᬂᬳᬶᬤᬲᬂᬦᬵᬣ᭞ᬧᬸᬦᬶᬓᬶᬫᬦᬳᬂᬢᬶᬢ᭄ᬬᬂ᭟ᬲᬲᬦ᭄ᬤᭀᬦᬾᬳᬸᬮᬢ᭄ᬲᬶᬫ᭄ᬩᬶᬂ᭞ᬢᬸᬃᬫᬶᬍᬄᬓᬧᭂ
ᬦ᭄ᬤᬓ᭄ᬧᬦᭀᬦ᭄᭞ᬭᬶᬂᬳᬦᬓ᭄ᬘᭀᬓᭀᬃᬳᬶᬭᬢᬸ᭞ᬲᬲᭂᬩᭂᬗᬾᬳᬍᬧ᭄ᬧᬶᬲᬦ᭄᭞ᬰ᭄ᬭᬷᬪᬸᬧᬢᬶ᭞ᬗᬦ᭄ᬤᬶᬓᬳᬫᬶᬸᬮᬶᬄᬫᬢᬶᬬᬂ᭟ᬓᭂᬫᭂᬄᬧᬢᬶᬄᬫᬦ᭄ᬢ᭄ᬭᬶᬧᬥ᭞ᬳᬮᬶᬄᬢᭀᬦᬾᬦᬾᬫᬜ᭄ᬚᬶ᭞ᬓᬢᭂᬧᬸᬓ᭄ᬫᬢᬶᬬᬂᬋᬓᭀ᭞ᬳᭀ᭠
ᬜᬗᬂᬳᬚᬓ᭄ᬫᬗ᭄ᬭᬸᬭᬸᬄ᭞ᬳᬚᬓ᭄ᬧᬜ᭄ᬚᬓᬾᬫᬓᭂᬚᬂ᭞ᬦᬾᬫᬩᬮᬶᬄ᭞ᬫᬦ᭄ᬢᬸᬓ᭄ᬧᬤᬲᭀᬯᬂᬲᭀᬯᬂ᭟ᬭᬤᬾᬦ᭄ᬕᬮᬸᬄᬧ᭄ᬭᬵᬧ᭄ᬢᬾᬂᬧᬸᬭ᭞ᬲᬕᬺᬳᬦ᭄ᬯᭀᬂᬚ᭄ᬭᭀᬧᬸᬭᬶ᭞ᬮᬸᬫ᭄ᬭᬄᬓᬂᬳᭀᬃᬣᬋᬓᭀ᭞ᬲᬂᬩᬕᬸᬲ᭄ᬩᬶᬓᬲᬾᬤᬸ
ᬤᬸ᭞ᬫᬲᬲᬶᬫ᭄ᬩᬶᬂᬤᬶᬩᬜ᭄ᬘᬶᬗᬄ᭞ᬯᭀᬂᬓᬤᬶᬭᬶ᭞ᬳᬓᬾᬄᬜᬮᬸᬓ᭄ᬱᬸᬓ᭄ᬜᬮᬓ᭄ᬱᬓ᭄᭟ᬧᬤᬫᬗ᭄ᬮᬶᬯᬢᬶᬦ᭄ᬤᬾᬰ᭞ᬫᬗ᭄ᬭᬸᬭᬸᬄᬦᭀᬭᬓᬧᬗ᭄ᬕᬶᬄ᭞ᬩᬶᬮᬂᬤᬗ᭄ᬓᬩᬶᬮᬂᬲᭀᬮᭀᬄ᭞ᬳᬤᬓᬳᬮᬲ᭄ᬜᬮᬸᬓ᭄ᬱᬸᬓ᭄᭞ᬓᬢᭂᬕᬮ᭄ᬢᭂᬕ᭠ [ 24 ][᭒᭓ 23B]
᭒᭓
ᬮ᭄ᬧᬩ᭄ᬬᬦᬦ᭄᭞ᬫ᭄ᬯᬂᬓᬳᬸᬓᬶᬃ᭞ᬧᭂᬮᬶᬄᬫᬭᬶᬂᬧᬲᬗᬶᬤᬦ᭄᭟ᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓᬵ᭞ᬩᬶᬮᬂᬤᬗ᭄ᬓᬬᬢᭀᬗᭀᬲᬶᬦ᭄᭞ᬳᬤᬮᬯᬸᬢ᭄ᬗᬶᬢᭂᬃᬚ᭄ᬭᭀ᭞ᬕᬩᬕ᭄ᬤᬶᬫᬵᬃᬕ᭄ᬕᬦᬾᬳᬕᬸᬂ᭞ᬩᬮᬦᬾᬧᬥᬜᬭᬫ᭄ᬩ᭄ᬬᬄ᭞ᬧᬢᬶᬫᬦ᭄ᬢ᭄ᬭᬶ᭞ᬧᬥ
ᬗᭂᬩᬕ᭄ᬤᬶᬩᬜ᭄ᬘᬶᬗᬄ᭟ᬲᬫᬶᬦᬫ᭄ᬧᬧᬗᬦ᭄ᬤᬶᬓᬵ᭞ᬬᬦ᭄ᬳᬤᬳᬦᬓ᭄ᬫᬦ᭄ᬤᬶᬳᬶ᭞ᬢᭂᬓᬢᬸᬫ᭄ᬩᬓᬶᬦ᭄ᬳᬶᬬᬋᬓᭀ᭞ᬳᬶᬩᬘᬶᬭᬶᬦᬶᬦ᭄ᬦᬾᬤᬶᬢᬸ᭞ᬳᬚᬳᬶᬩᬧᬢ᭄ᬧᬢ᭄ᬧᬢ᭄ᬧᬢ᭄᭞ᬤᬫᬦ᭄ᬤᬶᬳᬶ᭞ᬳᬶᬬᬳᬗ᭄ᬕᭀᬦ᭄ᬧᬢᭂᬗᭂᬭᬦ᭄᭟ᬲᬂᬧ᭄ᬭ
ᬪᬸᬳᬮᭀᬦ᭄ᬳᬗᬸᬘᬧ᭄᭞ᬳᬶᬬᬢᭀᬢᭂᬓᬢᬸᬫ᭄ᬩᬓᬶᬦ᭄᭞ᬲᬯᬸᬃᬫᬵᬦᬸᬓ᭄ᬢᬧᬸᬦᬂᬯᭀᬂ᭞ᬲᬦ᭄ᬤᬶᬓᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬂᬦᬵᬣᬫᬦ᭄ᬢᬸᬓ᭄ᬓᬧᬸᬭᬵ᭞ᬩᬮᬲᬫᬶ᭞ᬲᬵᬫ᭄ᬧᬸᬦ᭄ᬧᬤᬲᭀᬯᬂᬲᭀᬯᬂ᭟ᬩᬕᬸᬲ᭄ᬢᬸᬭᬸᬦᬦ᭄‌‌ᬓᭀᬘᬧ᭞ᬧᭂ
ᬢᭂᬂᬢᬸᬫᬸᬮᬶᬫᬫᬵᬃᬕ᭄ᬕᬶ᭞ᬓᬦᬵᬕᬭᬭᬭᬶᬲ᭄ᬗᭀᬚᭀᬕ᭄᭞ᬭᬯᬸᬄᬤᬶᬧᬲᬭᬾᬲᬵᬫ᭄ᬧᬸᬦ᭄᭞ᬦᭀᬮᬗᬶᬦ᭄ᬳᬦᬓᬾᬲᭂᬮ᭞ᬲᭂᬮᬲᭂᬧᬶ᭞ᬲᬫ᭄ᬩᬗᬦ᭄ᬲᬵᬫ᭄ᬧᬸᬦ᭄ᬫᬓᬮᬄ᭞ᬤᬶᬢᬸᬭᬭᬶᬲ᭄ᬫᬳᬶᬮᬶᬤᬦ᭄᭞ᬢᭂᬤᬸᬂᬫᬳᬗ᭄ᬕᭀᬦ᭄ᬤᬶᬂᬤᬶᬂ᭞ᬫᬗᭂᬧᬶ

[᭒᭔ 24A]
᭒᭔
ᬮ᭄ᬤᬶᬩᬸᬘᬸᬦ᭄ᬢᬾᬫ᭄ᬩᭀᬓ᭄᭞ᬤᬶᬩᬸᬘᬸᬲᬶᬓ᭄ᬮᭀᬤ᭄ᬓᬯᬸᬄ᭞ᬤ᭄ᬭᬶᬓᬓᬢᬯᭂᬗᬦ᭄᭞ᬲᬕᬾᬢ᭄ᬧ᭄ᬭᬵᬧ᭄ᬢᬶ᭞ᬲᬵᬫ᭄ᬩᬗᬦᬾᬲᬋᬂᬧᬢ᭄ᬧᬢ᭄᭟ᬤᬶᬧᭂᬓᭂᬦᬾᬫᬲ᭄ᬮᬶᬯᭂᬭᬦ᭄᭞ᬫᬲᬶᬗ᭄ᬲᭂᬢ᭄ᬫᬓᬜ᭄ᬘᬸᬢ᭄ᬕᬶᬦ᭄ᬢᬶᬂ᭞ᬤᬶᬧᭂᬓᭂᬦᬾᬬᬫᬜᭀᬗ᭄ᬓᭀᬓ᭄᭞ᬤᬾ
ᬦᬶᬂᬧᭂᬢᭂᬂᬲᬫᬶᬲᬭᬸ᭞ᬢ᭄ᬯᬭᬓᬢᭀᬦ᭄ᬧᬚᬕᬢᬦ᭄᭞ᬫᬤ᭄ᬬᬮᬢ᭄ᬭᬶ᭞ᬭᬤᬾᬦ᭄ᬕᬮᬸᬄᬓᬯᬸᬯᬸᬲᬦ᭄᭟............᭞......................᭞ᬢᬦ᭄ᬧᭀᬮᬶᬄᬳᬢᬸᬭᬸᬋᬓᭀ᭞ᬓᭂᬫᭀᬄᬘᭀᬦ᭄ᬤᭀᬂᬩᬬᬦ᭄ᬧᭂᬲᬸ
ᬢᬶᬜ᭄ᬚᭀᬯᬶᬦ᭄ᬩᬶᬮᬂᬳᭂᬫ᭄ᬩᬓᬦ᭄᭞ᬦᬾᬫᬳᬶᬲᬶ᭞ᬕᭂᬩᬕᬦ᭄ᬓᬮᬯᬦ᭄ᬢ᭄ᬯᬭ᭟ᬕᬸᬧᬸᬄᬓᬾᬦ᭄ᬩᬬᬦ᭄ᬫᬚᬮᬦ᭄᭞᭠ᬳᬤᬳᬚᬓ᭄ᬮᬶᬫᬂᬤᬶᬭᬶ᭞ᬤᭂᬍᬓᬶᬦ᭄ᬩᬶᬮᬂᬮᬮᭀᬫ᭄ᬧᭀᬂ᭞ᬲᭂᬲᭂᬓ᭄ᬚᭂᬚᭂᬮ᭄‌‌ᬯ᭄ᬯᬂᬳᬦᬸᬗ᭄ᬕᬸ᭞ᬲᬯᬶᬚᬶᬢ᭄ᬯᬭᬳᬤᬳᬶᬸᬮᬶᬸᬲᭂᬮ᭞
ᬦᬾᬦᬾᬓᬗᬶᬦ᭄᭞ᬳᭂᬦ᭄ᬢᭀᬩᬾᬦ᭄ᬢᭀᬗᭀᬲᬾᬳᭂᬫ᭄ᬩᬂ᭟ᬤᬾᬦᬶᬂᬢ᭄ᬯᬭᬤᬤᬶᬳᬫ᭄ᬩᬄ᭞ᬫᬵᬃᬕ᭄ᬕᬦ᭄ᬳᬦᬓ᭄ᬗᬸᬢᬂᬳᭂᬫᬶᬲ᭄᭞ᬢᭂᬕᭂᬳᬾᬲ᭄ᬬᬤᭂᬧᬋᬓᭀ᭞ᬓᬮᬶᬂᬓᬾᬳᬦᬓᬾᬳᭂᬮᬸᬄ᭞ᬳᬦᬓ᭄ᬫᬸᬯᬦᬶᬢ᭄ᬯᬭᬜᭀᬗ᭄ᬕᬄ᭞ᬫᬗᬫ᭄ᬩᬳᬶᬦ᭄᭞ [ 25 ][᭒᭔ 24B]
᭒᭔
ᬓᬾᬩᬬᬦ᭄ᬫᬗᭀᬚᭀᬕ᭄ᬓᭂᬫ᭟ᬳᭂᬦ᭄ᬢᭀᬩᬾᬦ᭄ᬓᬧᬗ᭄ᬕᬶᬄᬲᭂᬮ᭞ᬫᬳᬢᬸᬃᬓᬚ᭄ᬭᭀᬧᬸᬭᬶ᭞ᬲᬫᬶᬚᭂᬚᭂᬮ᭄ᬩᬶᬮᬂᬲᬾᬮᭀᬄ᭞ᬓᬧᬗ᭄ᬕᬶᬄᬦᬾᬓᬗᬶᬦ᭄ᬲᬸᬯᬸᬂ᭞ᬤᬾᬦᬶᬂᬢ᭄ᬯᬭᬳᬦᬜᭀᬗ᭄ᬕᬄ᭞ᬫᬗᬫ᭄ᬩᬳᬶᬦ᭄᭞ᬢᭂᬕᭂᬄᬯᬾᬦ᭄ᬢᭂᬦ᭄‌‌ᬲ᭄ᬬᬤᭂᬧ᭟
ᬦᬄᬮᬫᬸᬦ᭄ᬜᬳᭂᬦ᭄ᬢᭀᬳᭂᬫ᭄ᬩᬂ᭞ᬚᬮᬦ᭄ᬕᬯᬾᬦᬂᬬᬚᬦᬶ᭞ᬳᬧᬂᬤᬤᬶᬧᭂᬲᬸᬋᬓᭀ᭞ᬳᬮᬶᬄᬢᬂᬕᬤᭀᬕ᭠ᬦ᭄ᬲᬵᬫ᭄ᬩᬸᬂ᭞ᬳᭂᬦ᭄ᬢᭀᬢᬸᬯᬸᬢ᭄ᬫᬦᬸᬯᬸᬦᬂ᭞ᬲᬓᬤᬶᬭᬶ᭞ᬤᬶᬤᬸᬯᬸᬃᬧᬸᬕᭂᬄᬢᭂᬓᭂᬓᬂ᭟ᬓᬳᬚᬓᬶᬦ᭄ᬫᬫᭂᬤᬲᬂᬲᬸᬓᬦ᭄ᬳᬶᬩᬦᬾᬓᬾ
ᬦ᭄ᬓᬳᬶ᭞ᬓᬸᬤᬤᬶᬳᬶᬫᬶᬮᬸᬋᬓᭀ᭞ᬧᬘᬂᬩᬋᬂᬫᬢᬶᬳᬶᬤᬸᬧ᭄᭞ᬦᬵᬗ᭄ᬳᬶᬂᬳᭂᬤᬧᬾᬜ᭄ᬘᭀᬂᬤᬬ᭞ᬢᭂᬓᬾᬦ᭄ᬓᬳᬶ᭞ᬮᬫᬸᬦ᭄ᬳᬶᬩᬢᬸᬳᬸᬳᭀᬮᬲ᭄᭟ᬲᬯᬸᬃᬫᬦᬸᬓ᭄ᬫᬗᬢᬸᬭᬂ᭞ᬧᬘᬂᬩᬋᬂᬲᬸᬓᬫᬢᬶ᭞ᬬᬤ᭄ᬬᬦ᭄ᬫᬢᬶᬤᬶᬦ᭄ᬢᭀᬤᬶᬦ᭄ᬢᭀ᭞
ᬳᬤᬲᬳᭀᬮᬲ᭄ᬫᬲᬗ᭄ᬕᬸᬧ᭄᭞ᬳᭂᬦᬄᬮᬫᬸᬦ᭄ᬓᬓᬲᬸᬓ᭞ᬚᬮᬦ᭄ᬚᬦᬶ᭞ᬧᭂᬦᬮᬶᬓᬦ᭄‌ᬲᬸᬩᬧᬶᬂᬧᬢ᭄᭟᭠ᬳᬶᬚᬸᬫᬜᬫ᭄ᬩᬸᬂᬕᭂᬤᭀᬕᬦ᭄᭞ᬳᬓᭂᬲᭂᬧ᭄‌‌ᬬᬧ᭄ᬭᬕᬢ᭄ᬲᬫᬶ᭞ᬲᭂᬧᬶᬳᬦᬓᬾᬤᬶᬚ᭄ᬭᭀ᭞ᬓᬵᬮᬮᭀᬫ᭄ᬧᭀᬗᬾᬫᬚᬸᬚᬸᬃ

[᭒᭕ 25A]
᭒᭕
ᬲᬸᬩᬢᭂᬓᭂᬓ᭄ᬫᬫᬸᬕᭂᬳᬂ᭞ᬢᬗ᭄ᬕᬸᬦ᭄ᬢᬮᬶ᭞ᬧ᭄ᬭᬕᬢ᭄ᬫᬫᬸᬕᭂᬄᬕᭂᬤᭀᬕᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓ᭞ᬓᭂᬫᭂᬄᬓᬾᬧᬤᬢᬸᬳᬸᬦᬶᬦ᭄᭞ᬧᬫᭂᬂᬧᭂᬂᬲᭂᬧᬶᬦᬾᬤᬶᬚ᭄ᬭᭀ᭞ᬓᬳᬶᬤᬶᬧᬜᬸᬳᬸᬤ᭄ᬢᬸᬯᬸᬦ᭄᭞ᬦᬸᬯᬸᬢ᭄ᬧ᭄ᬮᬦ᭄ᬢᬶᬂᬦᬸᬯᬸᬦᬂ᭞ᬲᬓᬤᬶᬭᬶ᭞ᬤᬤᬶ
ᬫᬓᭂᬮᭀᬤᬶᬚᬮᬦ᭄᭟ᬩᬸᬫᬭᬢ᭄ᬮᬲ᭄ᬮᬶᬫᭀᬮᬲ᭄᭞ᬧᬶᬦᬄᬳᭂᬦᬲ᭄ᬮᭂᬫᬄᬫᬗ᭄ᬓᬶᬦ᭄᭞ᬫᬸᬜᬶᬦ᭄ᬧᬦᬮᬶᬓᬦ᭄ᬋᬓᭀ᭞ᬧᬶᬂᬦᭂᬫ᭄ᬓᬢᬳᬾᬫᬸᬯᬸᬕ᭄᭞ᬫᬜᭀᬗ᭄ᬓᭀᬓ᭄ᬫᭂᬤ᭄ᬧᭂᬤᬂᬍᬫᬄ᭞ᬭᬤᬾᬦ᭄ᬤᬾᬯᬶ᭞ᬤᬾᬭᬾᬂᬢᭂᬮᬲ᭄ᬗᬸᬦ᭄ᬤᬧᬜ᭄ᬚᬓ᭄᭟ᬩ
ᬕᬸᬲ᭄ᬢᬸᬭᬸᬦᬦ᭄ᬓᭀᬘᬧ᭄᭞ᬤᬶᬧᭂᬓᭂᬦᬾᬳᬢᬶᬳᬢᬶ᭞ᬫ᭄ᬭᬲᬓᬳᬧᬸᬲ᭄ᬋᬓᭀ᭞ᬩᬳᬦ᭄‌‌ᬲᬫ᭄ᬩᬗᬦᬾᬮᬶ᭠ᬬᬸ᭞ᬲᬶᬜᬯᬓᬾᬓᬕᬯᬾᬦᬂ᭞ᬚᬦᬶᬫᬢᬶ᭞ᬫᬓ᭄ᬭᬡᬢᬗᭂᬄᬲᬂᬦᬵᬣ᭟ᬲᬫ᭄ᬩᬗᬦᬾᬫᬲ᭄ᬮᬶᬯᭂᬭᬦ᭄᭞ᬤᬶᬧᭂᬓᭂᬦᬾᬫ
ᬗᬮᬶᬳᬶᬦ᭄᭞ᬳᬤᬮᬯᬸᬢ᭄ᬗᬶᬢᭂᬃᬚ᭄ᬭᭀ᭞ᬤᬧᭂᬢᬗᬲᬸᬩᬲᬸᬯᬸᬂ᭞ᬳᬶᬩᬕᬸᬲ᭄ᬫᬗ᭄ᬭᬭᬲ᭄ᬫᭂᬤᬮ᭄᭞ᬲᬸᬳᬸᬂᬲᭂᬧᬶ᭞ᬗ᭄ᬭᬲᬤᬦᬾᬓᬩᬜ᭄ᬘᬦ᭟ᬗ᭄ᬭᬭᬶᬲ᭄ᬫᬫᬵᬃᬕ᭄ᬕᬶᬗᬾᬗ᭄ᬕᬮᬂ᭞ᬢᬦ᭄ᬧᬦᭀᬮᬶᬄᬬᬓᬳᬸᬭᬶ᭞ᬲᬵᬫ᭄ᬧᬸᬦ᭄ᬧᭂᬤᬲ᭄ᬕᬮᬂᬋᬓᭀ [ 26 ][᭒᭕ 25B]
᭒᭕
ᬳᬦᬸᬯᬸᬢ᭄ᬧᬶᬗ᭄ᬕᬶᬃᬚᬸᬭᬂᬧᬗ᭄ᬓᬸᬂ᭞ᬢᬦ᭄ᬓᭀᬘᬧᬦᬤᬶᬚᬮᬦ᭄᭞ᬲᬂᬳᬧᭂᬓᬶᬓ᭄᭞ᬫᬗ᭄ᬭᬦ᭄ᬢᬸᬦ᭄ᬤᬦᬾᬫᬫᬵᬃᬕ᭄ᬕᬵ᭟ᬭᬳᬤᬾᬦ᭄ᬕᬮᬸᬄᬓᭀᬘᬧ᭞ᬭᬭᬶᬲ᭄ᬫᬦᬸᬳᬸᬢ᭄ᬧᭂᬮᬦ᭄ᬢᬶᬂ᭞ᬲᬸᬩᬢᬫ᭄ᬧᭂᬓ᭄ᬢᬸᬯᬸᬦ᭄ᬋᬓᭀ᭞ᬧᭂᬕᬢ᭄ᬬᬮᬯᬸᬢ᭄ᬫᬘᭂᬩᬸᬕ᭄᭞ᬧ
ᬜ᭄ᬚᬓᬾᬧᬥᬫᬜᬕ᭄ᬚᬕ᭄᭞ᬫᬗᬸᬲᬧᬶᬦ᭄᭞ᬫᬜᭂᬫᬓ᭄ᬮᬯᬸᬢ᭄ᬫᬗᬸᬦᬂ᭟ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬩᬸᬓᬓᬾᬦᬾᬲᭂᬗ᭄ᬓᬓᬳᬶ᭞ᬳᬓᬾᬳᬦ᭄ᬧᭀᬮᬳᬾᬋᬓᭀ᭞ᬢᬦᬶᬤᬸᬲᬶᬦ᭄ᬩᬩᬓ᭄ᬩᭂᬮᬸᬃ᭞ᬢᬸᬬᬸᬳᬾᬢ᭄ᬯᬭᬕᬯᬾᬜ
᭞ᬳᬶᬢᬸᬂᬓᬳᬶ᭞ᬳᬶᬩᭂᬮᬶᬲᬸᬩᬫᬓᬮᬄ᭟ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕ᭞ᬲᬕ᭄ᬭᬦ᭄ᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬲᬸᬩᬳᭂᬚᭀᬄᬢᭂᬓᬾᬦ᭄ᬚ᭄ᬭᭀ᭞ᬳᬦᬸᬯᬸᬢ᭄ᬫᬵᬃᬕ᭄ᬕᬵᬳᬕᬸᬂ᭞ᬓᬢᬫᬦ᭄ᬚᬦᬶᬫᬗᬫ᭄ᬩᬄ᭞ᬲᬤᬲᭂᬧᬶ᭞ᬧᬫᬃᬕ᭄ᬕᬶᬦᬾᬦᬸᬚᬸᬲᭂ
ᬮ᭟ᬮᬯᬸᬢ᭄ᬫᬜᬸᬚᬸᬃᬓᬧᬲᬃ᭞ᬲᬧ᭄ᬭᬵᬧ᭄ᬢᬦᬾᬭᬤᬾᬦ᭄ᬤᬾᬯᬶ᭞ᬲᬢᭂᬓᬦᬾᬭᬭᬶᬲ᭄ᬩᭂᬗᭀᬂ᭞ᬲᬶᬂᬢᬶᬗ᭄ᬳᬵᬮᬶᬦ᭄ᬲᬫᬶᬲᬸᬯᬸᬂ᭞ᬲᬂᬳᬩᬕᬸᬲ᭄ᬢᬸᬯᬭᬗᭂᬦᬄ᭞ᬢᬦ᭄ᬓᬧᬗ᭄ᬕᬶᬄ᭞ᬭᬤᬾᬦ᭄ᬕᬮᬸᬄᬳᬲᭂᬦᬤᬸᬓ᭟ᬚᬦᬶᬓᬾᬦ᭄ᬓᬾ᭠

[᭒᭖ 26A]
᭒᭖
ᬦ᭄ᬩᬵᬦ᭄ᬫᬤᬬ᭞ᬳᬶᬩᭂᬮᬶᬲᬸᬩᬗᬮᬳᬶᬦ᭄᭞ᬮᬶᬯᬢ᭄ᬫᬦᬫᬬᬋᬓᭀ᭞ᬲᭂᬗ᭄ᬓᬾᬢᬦᬾᬢᭂᬗᬄᬤᬮᬸ᭞ᬚᬦᬶᬲᬸᬩᬓᬮᬶᬯᬢᬦ᭄᭞ᬕᬮᬂᬓᬗᬶᬦ᭄᭞ᬩᭂᬦᭂᬄᬩᬵᬦ᭄ᬤᬦᬾᬫᬓᬮᬄ᭟ᬢᬸᬮᬄᬫᬦᬸᬄᬓᬧᭀᬦᬶᬭ᭞ᬧᬶᬲᬦ᭄ᬧᬶᬲ
ᬦ᭄ᬓᬳᬶᬫᬵᬢᬶ᭞ᬓᬳᬶᬦᬸᬢᬸᬕ᭄ᬤᬦᬾᬋᬓᭀ᭞ᬬᬾᬦ᭄ᬤᬦᬾᬢ᭄ᬯᬭᬓᬢᭂᬧᬸᬓ᭄᭞ᬫᬲᬓᬳᬶᬫᬮᬶᬧᭂᬢᬦ᭄᭞ᬩᬶᬦᬫᬵᬢᬶ᭞ᬚᬯᬢ᭄ᬫᬸᬮᬶᬄᬫᬲᬶᬄᬧᭂᬚᬄ᭟ᬤᬾᬦᬶᬂᬓᬳᬶᬦᬶᬗ᭄ᬕᬮ᭄ᬧᬸᬭᬵ᭞ᬓᬾᬦ᭄ᬓᬾᬦ᭄ᬩᬳᬦ᭄ᬗᬓᬸᬚᬦᬶ᭞ᬳᬘᭂᬘᭂᬓᬦ᭄ᬓᬳᬶ
ᬮᬶᬜᭀᬓ᭄᭞ᬲᬸᬩᬓᬳᬶᬚᬗ᭄ᬮᬮᬸ᭞ᬳᬶᬩᬚᬦᬶᬳᬫ᭄ᬩᬸᬮ᭄ᬳᬧ᭞ᬢᭂᬓᬾᬦ᭄ᬓᬳᬶ᭞ᬲᬯᬸᬃᬫᬦᬸᬓ᭄‌‌ᬬᬫᬓᭂᬚᬂ᭟ᬦᬤ᭄ᬬᬦ᭄ᬢᬶᬢ᭄ᬬᬂᬩᬶᬦᬳᬧ᭞ᬫᬲᬶᬄᬩᬓᬮ᭄ᬧᬘᬂᬫᬢᬶ᭞ᬓᬮᬶᬂᬢᬶᬢ᭄ᬬᬂᬧᬜ᭄ᬚᬓ᭄ᬘᭀᬮᭀᬂ᭞ᬫᬲᬢᬶᬢ᭄ᬬᬂᬧᬘᬂᬳᬶᬤᬸᬧ᭄
᭞ᬮᬸᬳᬸᬂᬧᬶᬲᬦ᭄ᬢᬶᬢ᭄ᬬᬂᬮᬸᬯᬲ᭄᭞ᬗᬶᬭᬶᬂᬕᬸᬲ᭄ᬢᬶ᭞ᬢᬺᬱ᭄ᬡᬫᬕᬸᬲ᭄ᬢᬶᬫᬤᬾᬯ᭟ᬮᬫᬸᬦ᭄ᬓᬓᬧᬥᬲᬸᬓ᭞ᬚᬮᬦ᭄ᬓᬾᬏᬗ᭄ᬕᬮᬂᬚᬦᬶ᭞ᬏᬗ᭄ᬕᬮᬦ᭄ᬮᭂᬫᬳᬦ᭄ᬋᬓᭀ᭞ᬲᬶᬜᬳᬤᬳᬦᬓ᭄ᬢᬳᬸ᭞ᬢᬸᬫᬸᬮᬶᬕ᭄ᬮᬶᬲ᭄ᬫᬫᬵᬃᬕ᭄ᬕ᭞ᬢᬦ᭄ᬧᬦᭀᬮᬶᬄ᭞ᬧ [ 27 ][᭒᭖ 26B]
᭒᭖
ᬫᬵᬃᬕ᭄ᬕᬶᬦᬾᬜᬸᬚᬸᬃᬳᬮᬲ᭄᭟ᬲᬵᬫ᭄ᬧᬸᬦ᭄ᬗ᭄ᬭᬜ᭄ᬚᬶᬂᬫᬭᬶᬂᬳᬮᬲ᭄᭞ᬳᬦᬭᬸᬂᬮᬵᬫ᭄ᬧᬄᬦ᭄ᬬᬵᬕ᭄ᬮᬶᬲ᭄᭞ᬍᬫᬳᬦ᭄ᬭᬶᬂᬳᬮᬲ᭄ᬋᬓᭀ᭞ᬧᬦᭀᬗᭀᬲᬦ᭄ᬩᬸᬭᭀᬦ᭄ᬳᬕᬸᬂ᭞ᬯᬭᬓ᭄ᬫᬘᬦ᭄‌‌ᬦᬕᬧᬲᬄ᭞ᬭᬤᬾᬦ᭄ᬤᬾᬯᬶ᭞ᬫᬭᬾᬭᬾᬦ᭄ᬤᬾᬦᬶᬂ
ᬓᬍᬲ᭄ᬯᬦ᭄᭟ᬳᬓᬾᬄᬧᬓ᭄ᬱᬶᬦᬾᬫᬲ᭄ᬯᬭ᭞ᬢᬸᬳᬸᬢᬸᬳᬸᬢᬤᬄᬳᬲᬶᬄ᭞ᬫᬶᬭᬶᬩ᭄ᬩᭂᬮᬶᬓᬍᬲᭀᬦ᭄᭞ᬓᬮᬶᬦ᭄ᬤᬸᬗᬦ᭄ᬤᭂᬗᬓ᭄ᬤᭂᬗᭀᬓ᭄᭞ᬫᬶᬭᬶᬩ᭄ᬩᭂᬮᬶᬩᭂᬮᬶᬓᬩᬩᬲ᭄ᬤᬶᬢᬸ᭞ᬫᬗ᭄ᬤᬩᭂᬮᬶᬯᬵᬲ᭄ᬧᬤ᭞ᬳᬓᬾᬄᬩᬸᬗᬧᬤᬵᬓᭂᬫ᭄ᬩᬂ᭞ᬭ
ᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕ᭞ᬳᬓᬾᬄᬩᬸᬭᭀᬦᬾᬓᬧᬗ᭄ᬕᬶᬄ᭞ᬫᬄᬫᬄᬭᬲᬾᬮᬵᬯᬦ᭄ᬮᬦ᭄ᬤᬓ᭄᭞ᬓᬍᬲᬶᬄᬮᬵᬯᬦ᭄ᬢᭂᬗᬵᬮᬸᬦ᭄᭞ᬧᬥᬫᬮᬳᬶᬩ᭄ᬧᬢᬶᬗ᭄ᬮᬓ᭄᭞ᬲᬫᬯᭂᬤᬶ᭞ᬧᬤᬗᬸᬗ᭄ᬲᬶᬧᬲᬗᬶᬤᬦ᭄᭟ᬭᬳᬤᬾᬦ᭄ᬕ
ᬮᬸᬄᬗᬦ᭄ᬤᬶᬓᬵ᭞ᬳᬸᬚᬭᬾᬳᬢᬸᬂᬢᬸᬂᬢᬗᬶᬲ᭄᭞ᬤᬶᬚᬳᬩᭂᬮᬶᬫᬦᭀᬗᭀᬲ᭄᭞ᬢᭀᬂᬓᬢᭂᬧᬸᬓ᭄ᬩᬵᬦ᭄ᬫᬦᬸᬢᬸᬕ᭄᭞ᬫᬗᭂᬮᬶᬂᬫᬲᬲᬫ᭄ᬩᬢᬦ᭄᭞ᬗᬸᬤᬓᬮᬶᬲ᭄᭞ᬩᭂᬮᬶᬫᬫᭂᬮᬲᬶᬦ᭄ᬢᬶᬢ᭄ᬬᬂ᭟ᬢ᭄ᬯᬭᬓᭀᬢᬶᬢ᭄ᬬᬂᬢᭂᬫᬦ᭄᭞ᬦᬸᬯᭀ

[᭒᭗ 27A]
᭒᭗
ᬦᬶᬦ᭄ᬭᬕᬦ᭄ᬳᬶᬩᭂᬮᬶ᭞ᬤᬾᬦᬶᬂᬢ᭄ᬯᬭᬳᬫ᭄ᬩᬄᬋᬓᭀ᭞ᬫᬗᬮᬶᬄᬳᬶᬩᭂᬮᬶᬧᭂᬲᬸ᭞ᬳᬢᬸᬢ᭄ᬧᭀᬮᬶᬄᬫᬵᬃᬕᬮᬶᬓᬤ᭄᭞ᬢᬸᬤᬸᬄᬫᬵᬢᬶ᭞ᬫᬢᬶᬢ᭄ᬯᬄᬲᬤ᭄ᬬᬬᬂᬢᬶᬬᬂ᭟ᬤᬶᬳᭂᬗ᭄ᬓᬾᬦ᭄ᬚᬩ᭄ᬮᬶᬗᬦ᭄ᬢᭀᬲᬂ᭞ᬢᬸᬬᬸᬄᬲᬦ᭄ᬢᬶᬢ᭄ᬬᬂᬫᬗᬮᬶᬄ᭞ᬳᬦ᭄ᬢᭀᬲ᭄ᬢᬶ
ᬢ᭄ᬬᬂᬤᬶᬦ᭄ᬢᭀᬤᬶᬦ᭄ᬢᭀ᭞ᬢᬦ᭄ᬧᬦᭀᬮᬶᬄᬩᭂᬮᬶᬮᬫ᭄ᬧᬸᬲ᭄᭞ᬢᬦᬶᬤᬸᬲᬶᬦ᭄ᬢᬶᬢ᭄ᬬᬂᬮᬬᬄ᭞ᬦᬸᬢᬸᬕ᭄ᬩᭂᬮᬶ᭞ᬚᬦᬶᬩᭂᬮᬶᬫᬲᬶᬦ᭄ᬢᬶᬢ᭄ᬬᬂ᭟ᬧ᭄ᬦᬄᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬦᬸᬯᬸᬢ᭄ᬚᬸᬭᬂᬫᭂᬗ᭄ᬕᭂᬮ᭄ᬩᬸᬓᬶᬢ᭄᭞ᬫᬤᬾᬭᬾᬢ᭄ᬤᬾᬭᬾᬢ᭄ᬫᬭᬾᬭᭀᬤ᭄᭞ᬧᬜ᭄ᬚᬓᬾ
ᬬᬧᬥᬢᬸᬬᬸᬄ᭞ᬍᬫ᭄ᬧ᭄ᬬᬄᬍᬫ᭄ᬧ᭄ᬬᬸᬄᬬᬫᬚᬮᬦ᭄᭞ᬭᬤᬾᬦ᭄ᬤᬾᬯᬶ᭞ᬍᬲᬸᬫᬜᬮᬾᬫ᭄ᬧᭀᬄᬦᭂᬕᬓ᭄‌᭟ᬢᭀᬦ᭄ᬫᬳᬶᬤᭂᬄᬳᬶᬤᭂᬳᬦ᭄᭞ᬮᬸᬭᬄᬮᬸᬭᬳᬶᬂᬓᬤᬶᬭᬶ᭞ᬲᬤᬭᬯᬢ᭄ᬭᬯᬢ᭄ᬓᬢᭀᬦ᭄᭞ᬭᬭᬶᬲ᭄‌‌ᬏᬮᬶᬂᬭᬶᬂᬲᬂᬧ᭄ᬭᬪᬸ᭞
ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬗᬲᬶᬳᬲᬶᬄ᭞ᬓᬗᭂᬦ᭄ᬤᬦᬾᬢᭂᬓᬾᬦ᭄ᬭᬕ᭟ᬬᬦ᭄ᬩᭂᬮᬶᬓᬵᬦ᭄ᬢᬸᬦ᭄ᬤᬶᬚᬮᬦ᭄᭞ᬧᬶᬋᬗᬂᬲᬵᬫ᭄ᬩᬶᬮ᭄ᬫᬫᬵᬃᬕ᭄ᬕᬶ᭞ᬢ᭄ᬯᬭᬢᬶᬢ᭄ᬬᬂᬦᬸᬤᬶᬚ᭄ᬭᭀ᭞ᬢ᭄ᬯᬭᬗᬶᬢᬸᬂᬬᬬᬄᬳᬶᬩᬸ᭞ᬯᬶᬥᬶᬗᬸᬤᬸᬄᬢᬶᬢ᭄ᬬᬂᬮ᭄ᬯᬲ᭄᭞ᬦᬸᬢᬸᬕ᭄ᬩᭂᬮᬶ᭞ [ 28 ][᭒᭗ 27B]
᭒᭗
ᬩᬬᬢ᭄ᬯᬄᬢᭀᬂᬓᬢᬸᬢᬸᬕᬦ᭄᭟ᬬᬦ᭄ᬢᬶᬢ᭄ᬬᬂᬫᬵᬢᬶᬤᬶᬚᬮᬦ᭄᭞ᬢᬶᬢ᭄ᬬᬂᬗᭂᬫᬲᬶᬦ᭄ᬳᬶᬩᭂᬮᬶ᭞ᬧᬶᬋᬗᬂᬚᬩᬸᬓᬓᬾᬢᭀ᭞ᬤᬾᬦᬶᬂᬢᬶᬢ᭄ᬬᬂᬮᬸᬗ᭄ᬳᬵᬮᬫ᭄ᬧᬸᬲ᭄᭞ᬦᬶᬗ᭄ᬕᬮ᭄ᬧᬸᬭᬗᬸᬢᬂᬳᬯᬓ᭄᭞ᬤᭂᬫᬓ᭄ᬧᬮᬶᬂ᭞ᬢ᭄ᬯᬭᬢᬶᬢ᭄ᬬᬂᬦᭂᬫᬸᬫᬵᬃᬕ᭄ᬕᬵ᭟
ᬬᬾᬦ᭄ᬩᭂᬮᬶᬢᬺᬱ᭄ᬡᬓᬾᬦ᭄ᬢᬶᬢ᭄ᬬᬂ᭞ᬬᬾᬦ᭄ᬢᬶᬢ᭄ᬬᬂᬓᬭᬶᬫᬳᬸᬭᬶᬧ᭄᭞ᬩᭂᬮᬶᬲᬾᬤᬤᬶᬦ᭄ᬢᭀᬤᬶᬦ᭄ᬢᭀ᭞ᬩ᭄ᬯᬶᬦ᭄ᬳᬢᭂᬫ᭄ᬩᬾᬢᬶᬢ᭄ᬬᬂᬦᬸᬢᬸᬕ᭄᭞ᬢᬺᬱ᭄ᬡᬦ᭄ᬢᬶᬢ᭄ᬬᬗᬾᬫᬫᬜ᭄ᬚᬓ᭄᭞ᬭᬶᬂᬳᬶᬩᭂᬮᬶ᭞ᬗᬫᭀᬂᬫᭀᬂᬢᬺᬱ᭄ᬡᬓᬲᬸᬓᬦ᭄᭟ᬲᬶᬜᬳᬤᬕᭂᬫᭂᬲ᭄ᬜᬭ
ᬧ᭄᭞ᬳᬯᬓ᭄ᬢᬶᬢ᭄ᬬᬗᬾᬳᬶᬭᬶᬓᬶ᭞ᬳᬧᬦ᭄ᬧᬢᭀᬗᭀᬲ᭄ᬩᬸᬭᭀᬦᬾ᭞ᬯᬭᬓ᭄‌‌ᬫᬘᬦ᭄ᬮᬵᬯᬦ᭄ᬧᬸᬳᬸᬦ᭄᭞ᬦᬕᬧᬲᬄᬧᬚᬸᬮᬾᬫ᭄ᬧᬂ᭞ᬬᬓ᭄ᬱᬬᬓ᭄ᬱᬶ᭞ᬧᬸᬦᬶᬓᬚ᭄ᬭᬶᬳᬶᬦ᭄ᬢᬶᬢ᭄ᬬᬂ᭟ᬲᬕᬾᬢ᭄ᬓᬢᭀᬦ᭄ᬫᬯᬢ᭄ᬫᬯᬢ᭄᭞ᬧᬩ᭄ᬬᬦᬦ᭄ᬕᭂᬦᭂᬧ᭄ᬲᬤ
ᬕᬶᬂ᭞ᬓᬢᬶᬗ᭄ᬳᬵᬮᬦ᭄ᬲᬤᬳᬤᭀᬄ᭞ᬫᬤᬕᬶᬂᬳᬸᬦ᭄ᬤᬶᬲ᭄ᬮᬦ᭄ᬚᬕᬸᬂ᭞ᬩᬸᬮᬾᬮᬾᬂᬮᬯᬦ᭄ᬓᬲᬾᬮ᭞ᬢᬸᬳᬸᬦ᭄ᬭᬯᬶᬢ᭄᭞ᬲᬫᬶᬧᬤᬦ᭄ᬤᬦ᭄ᬫᬗᬮᬧ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬚᬮᬦ᭄ᬓᭂᬫᬳᭂᬦ᭄ᬢᭀᬳᬮᬶᬄ᭞ᬢᭂᬓᬬᬚᬦᬶᬢᭀᬳᭀ

[᭒᭘ 28A]
᭒᭘
ᬚᭀᬕ᭄᭞ᬳᬧᬂᬩᬜᬢᭂᬓᭂᬤ᭄ᬥᬶᬢᬸ᭞ᬦᬤ᭄ᬬᬦ᭄ᬳᬤᬫᬗᭂᬮᬳᬂ᭞ᬚᬮᬦ᭄ᬫᬮᬶᬂ᭞ᬩᭂᬲ᭄ᬢᭀᬂᬜᬦ᭄ᬤᬂᬓᬳᬶᬮᬬᬄ᭟ᬮᬫᬸᬦ᭄ᬜᬤᬶᬢᬸᬦᬾᬗᭂᬮᬄ᭞ᬬᬍᬫᭂᬲᬶᬦ᭄ᬳᬶᬤᬶᬳᬶᬦ᭄᭞ᬬᬦ᭄ᬢ᭄ᬯᬭᬩᬳᬗᬋᬓᭀ᭞ᬳᬚᬓ᭄ᬫᬓᭂᬚᬂᬫᬢᬸᬗ᭄ᬕᬸ᭞ᬮᬫᬸᬦ᭄ᬳᬶᬩ
ᬧᬥᬲᬸᬓᬵ᭞ᬲᬯᬸᬃᬧᬓ᭄ᬱᬶ᭞ᬧᬜ᭄ᬚᬓᬾᬦᬕᬶᬄᬕᬤᬾᬬᬂ᭟ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬂᬳ᭄ᬬᬂᬲᬹᬃᬬ᭄ᬬ᭞ᬢᬸᬫᬸᬮᬶᬳᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬢᬫ᭄ᬧᭂᬓ᭄ᬭᬶᬂᬧᬩ᭄ᬬᬦ᭄ᬋᬓᭀ᭞ᬭᬤᬾᬦ᭄ᬕᬮᬸᬄᬍᬫ᭄ᬧ᭄ᬬᬄᬍᬫ᭄ᬧ᭄ᬬᬸᬄ᭞ᬳᬤᬗᬤᬸᬄᬢᬸᬲᬸᬓ᭄ᬮᬮᬂ᭞ᬧᭂᬮᬸᬄᬧᬶᬤᬶᬢ᭄᭞ᬳᬤᬮ
ᬫᬶᬸᬩᬸᬄᬫᬗᬸᬮᬬᬓ᭄᭟ᬮᬶᬬᬸᬧᬤᬫᬗᭂᬤᬾᬓᬂ᭞ᬲᬭᬸᬮᬫ᭄ᬧᬳᬾᬳᬕᬶᬕᬶᬲ᭄᭞ᬳᬤᬦᭂᬢᬸᬕᬸᬓ᭄ᬫᬲᭂᬭᭀᬤ᭄᭞ᬳᬤᬕᬶᬄᬕᬶᬄᬳᬤᬜᬗᬸᬄ᭞ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬭᬶᬂᬧᬳᬩ᭄ᬬᬦᬦ᭄᭞ᬭᬯᬸᬄᬫᬗ᭄ᬓᬶᬦ᭄᭞ᬲᬮᬾᬂᬮᬗ᭄ᬓᬸᬗᬶᬦ᭄ᬫᬚᬮᬦ᭄
᭟ᬳᬤᬦ᭄ᬭᬚᬂᬓᬲᬾᬮ᭞ᬳᬤᬗᬮᬧ᭄ᬤᬤᬄᬳᬸᬦ᭄ᬤᬶᬲ᭄᭞ᬭᬫᬾᬧᬤᬧᬓᬭᬾᬫᭀᬲ᭄᭞ᬳᬤᬬᬦ᭄ᬭᬚᬂᬮᬩᬸᬄ᭞ᬤᬤᬶᬓᭂᬤᬾᬓᬾᬫᬩ᭄ᬭᬶᬬᬕ᭄᭞ᬭᬤᬾᬦ᭄ᬤᬾᬯᬶ᭞ᬫᬮᬶᬗ᭄ᬕᬶᬄᬭᬶᬂᬓᬶᬮᬧᭂᬢᬓ᭄᭟ᬳᬓᬾᬄᬧᬜ᭄ᬚᬓᬾᬗᬢᬸᬭᬂ᭞ [ 29 ][᭒᭘ 28B]
᭒᭘
ᬓᬰᬾᬮᬮᬦ᭄ᬤᬤᬄᬳᬸᬦ᭄ᬤᬶᬲ᭄᭞ᬭᬫᬾᬧᬥᬧᬓᬭᬾᬫᭀᬲ᭄᭞ᬳᬤᬳᭂᬦᭂᬓ᭄ᬩᬲᬂᬳᬶᬧᬸᬦ᭄᭞ᬩᬲ᭄ᬓᬢᬳᬾᬩᬦ᭄ᬫᬗᬫᬄ᭞ᬤᬤᬄᬳᬸᬦ᭄ᬤᬶᬲ᭄᭞ᬤᬤᬄᬓᬘᬂᬮᬦ᭄ᬓᬰᬾᬮ᭟ᬳᬤᬢᭀᬂᬤᬤᬶᬫᬚᬮᬦ᭄᭞ᬳᭂᬫᬃᬮᬬᬄᬢᬦᬶᬫᭂᬧᬶᬄ᭞ᬏᬗ᭄ᬕᬮᬦ᭄ᬳ
ᬯᬓᬾᬧᭀᬬᭀᬓ᭄᭞ᬫ᭄ᬯᬦ᭄ᬜᬦᬾᬲᬸᬩᬲᭂᬩᬸᬄ᭞ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᭂᬦ᭄ᬢᭀᬚᬦᬶ᭞ᬓᭂᬫᬄᬢᬸᬮᬸᬗᬶᬦ᭄‌‌ᬏᬗ᭄ᬕᬮᬂ᭟ᬳᬩᬬᬂᬳᬸᬦ᭄ᬤᬶᬲ᭄ᬓᬲᬾᬮ᭞ᬏᬗ᭄ᬕᬮᬂᬳᬶᬬᬢᬸᬮᬸᬗᬶᬦ᭄᭞ᬬᬮᬬᬄᬏᬗ᭄ᬕᬮᬦ᭄ᬧᭀᬬᭀᬓ᭄᭞ᬮᬶᬬᬸᬧᬥᬫ
ᬗ᭄ᬭᬸᬜᬸᬂ᭞ᬳᬤᬫᭂᬲᭀᬧᬶᬦ᭄ᬓᬰᬾᬮ᭞ᬤᬤᬄᬳᬸᬦ᭄ᬤᬶᬲ᭄᭞ᬮᬯᬸᬢ᭄ᬳ᭄ᬬᬤᬤᬶᬜᬸᬮᬶᬗᬄ᭟ᬲᬸᬩᬍᬧᬸᬕ᭄ᬳᬶᬲᬶᬦ᭄ᬳᬩ᭄ᬬᬦ᭄᭞ᬤᬾᬦᬶᬂᬳᬓᬾᬄᬫᬗ᭄ᬭᬦ᭄ᬤᬳᬶᬦ᭄᭞ᬭᬫᬾᬧᬥᬧᬓᭀᬭᬾᬬᬓ᭄᭞ᬫᬦᭂᬕᬓ᭄ᬧᬤᬫᬧᬸᬦ᭄ᬤᬸᬄ᭞ᬩᬕᬸᬲ᭄ᬢᬸᬭᬸᬦᬦ᭄ᬓᭀ
ᬘᬧ᭞ᬮᬶᬯᬢ᭄ᬲᭂᬤᬶᬄ᭞ᬩᬦ᭄ᬤᬦᬾᬦᬾᬓᬢᬸᬗ᭄ᬓᬸᬮᬂ᭟ᬗ᭄ᬭᬲᬤᬦᬾᬓᬩᬶᬱᬾᬓ᭞ᬩᬦ᭄ᬭᬤᬾᬦ᭄ᬕᬮᬸᬄᬰᬤᬶᬭᬶ᭞ᬢᬦ᭄‌‌ᬲᬸᬭᬸᬤ᭄ᬭᬸᬦ᭄ᬢᬶᬓᬾᬋᬓᭀ᭞ᬫᬗ᭄ᬮᬶᬮᬮᬶᬮᬬᬂᬓᬬᬸᬦ᭄᭞ᬓᬢᬫᬦ᭄ᬫᬦᬶᬓᬸᬮ᭄‌‌ᬩ᭄ᬮᬓᬲ᭄᭞ᬢᬦ᭄ᬤ᭄ᬯᬧ᭄ᬭᬵᬧ᭄ᬢᬶ᭞

[᭒᭙ 29A]
᭒᭙
ᬤᬶᬧᬩ᭄ᬬᬦᬦ᭄ᬫᬘᬶᬗᬓᬦ᭄᭟ᬫᬳᬶᬭᬶᬩ᭄ᬚᬍᬫᬢᬯᬄ᭞ᬮᬸᬄᬮᬸᬄᬜᬶᬮ᭄ᬲᬶᬮ᭄ᬳᬸᬦ᭄ᬤᬶᬲ᭄᭞ᬭᬫᬾᬧᬤᬧᬓᬭᬾᬫᭀᬲ᭄᭞ᬢᬦ᭄ᬓᭀᬘᬧᬲᬂᬳᬩᬕᬸᬲ᭄᭞ᬤᬾᬦᬶᬂᬢ᭄ᬯᬭᬧᭂᬤᬲ᭄ᬜᬶᬗᬓ᭄᭞ᬤᬾᬦᬶᬂᬳᬶᬮᬶᬤ᭄᭞ᬓᭂᬢᬯᭂᬗᬦ᭄ᬧᬧᬕᭂᬭᬦ᭄᭟ᬲᬂᬳᬩ
ᬕᬸᬲ᭄‌‌ᬦᬍᬓ᭄ᬢᭂᬓᬂ᭞ᬲᬕᬾᬢ᭄ᬓᬢᭀᬦ᭄ᬭᬤᬾᬦ᭄ᬤᬾᬯᬶ᭞ᬦᬶᬩᬬᬦ᭄ᬮᬯᬦ᭄ᬦᬶᬘᭀᬦ᭄ᬤᭀᬂ᭞ᬗᬶᬭᬶᬗᬂᬭᬳᬤᬾᬦ᭄ᬕᬮᬸᬄ᭞ᬬᬾᬦ᭄ᬧᬗᬸᬘᬧᬾᬭᬶᬂᬫᬦᬄ᭞ᬢᬸᬳᬸᬳᬲᬶᬄ᭞ᬲᬗ᭄ᬓᬦ᭄ᬤᬦᬾᬫᬳᬶᬢᭂᬓ᭟ᬮᬯᬸᬢ᭄ᬤᬦᬾᬜᭂᬢᬸᬢᬶᬭᬹᬧᬵ᭞ᬫᬤᬳᬃᬩᬲᬾ
ᬳᬕᭂᬮᬶᬲ᭄᭞ᬧᭂᬳᭂᬲᬾᬳᬸᬲᬧᬂᬳᭀᬤᬃ᭞ᬤᬶᬫᬸᬯᬦᬾᬫᬓᬳᬸᬓᬸᬤ᭄᭞ᬤᬤᬶᬬᬫᬲᬮᬶᬦ᭄ᬭᬸᬧ᭞ᬤᬓᬶᬓ᭄ᬯᬶᬮ᭄᭞ᬭᬫ᭄ᬩᬸᬢᬾᬓᬧᬸᬢᬶᬦ᭄ᬓᬩᬂ᭟ᬫᬩᭀᬭᬾᬄᬕᭂᬢᬄᬚᬭᬓ᭄᭞ᬫᬓᬳᬸᬓᬸᬤ᭄ᬤᬓᬶᬘ᭄ᬯᬶᬮ᭄᭞ᬫᬓᬜ᭄ᬘᬸᬢ᭄ᬫᬫᭀᬗ᭄ᬓᭀ
ᬲ᭄ᬤᬤᬄ᭞ᬫᬦᬸᬯᬓ᭄ᬧᬕᭂᬳᬦ᭄ᬳᬶᬚᬸ᭞ᬮᬯᬸᬢ᭄ᬫᬦᬶᬓᬸᬮ᭄ᬩᭂᬮᬓᬲ᭄᭞ᬤᭂᬮᬓ᭄ᬤᭂᬮᬶᬓ᭄᭞ᬫᬢᬦ᭄ᬜᬦᬾᬓᬲᬧᭂᬢᬓ᭄᭟ᬮᬯᬸᬢ᭄ᬳ᭄ᬬᬫᬗᬧᬓ᭄ᬳᬧᬓ᭄᭞ᬫᬗ᭄ᬭᬸᬗᬸᬲᬂᬤᭂᬮᬓ᭄ᬤᭂᬮᬶᬓ᭄᭞ᬯ᭄ᬯᬂᬳᬧᬫᬗ᭄ᬭᬸᬲᬓ᭄ᬋᬓᭀ᭞ᬢᭂᬓᬕᭂᬫᬄᬫᬳᬶᬗ᭄ᬭᬸᬩᬸᬄ᭞ [ 30 ][᭒᭙ 29B]
᭒᭙
ᬢ᭄ᬯᬭᬗᬶᬤᬶᬄᬢ᭄ᬯᬭᬳᬧ᭞ᬢᭂᬓᬗᭂᬮᬶᬂ᭞ᬳᬶᬲᬶᬦ᭄ᬳᬩ᭄ᬬᬦ᭄‌‌ᬳᭀᬜᭀᬩ᭄ᬭᬱ᭄ᬝ᭟ᬫᬕᬶᬲᭂᬄᬮᬯᬸᬢ᭄ᬜᬚᬬᬂ᭞ᬭᬫᬾᬧᬥᬫᬓᬢᬶᬓᬶᬄ᭞ᬤᬾᬯᬭᬢᬸᬫᬢᬶᬢᬶᬢ᭄ᬬᬂ᭞ᬫ᭄ᬮᬳᬶᬩ᭄ᬧᬥᬧᬳᭂᬗ᭄ᬲᬸᬩ᭄᭞ᬳᬶᬩᬕᬸᬲ᭄ᬫᬲᬶᬄᬦᬸᬤᬸᬓ᭞ᬤᭂᬮᬓ᭄ᬤᭂᬮᬶᬓ᭄᭞
ᬫᬢᬦ᭄ᬜᬦᬾᬓᬲᬧᭂᬢᬓ᭄᭟ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬗᬦ᭄ᬤᬶᬓᬳᬲᭂᬫᬸᬢᬗᬶᬲ᭄᭞ᬲᬚᬲᬮᬄᬦᬶᬭᬫᬫᬦ᭄᭞ᬳᬶᬢᬸᬂᬧᬗᬚᬶᬦᬾᬫᬮᬸ᭞ᬳᬚᬶᬓᬸᬤᬳᬫᬄᬦᬶᬭ᭞ᬳᬶᬢᬸᬂᬳᬚᬶ᭞ᬦᬾᬧᬜ᭄ᬚᬓ᭄‌‌ᬦᬶᬭᬦᬾᬚᬸᬯᬂ᭟ᬳ
ᬳᬸᬓᬸᬤ᭄᭞ᬦᬤ᭄ᬬᬦ᭄ᬤᬤ᭄ᬯ᭞ᬦᬶᬭᬲᬸᬓᬫᬗ᭄ᬯᬾᬳᬶᬦ᭄᭞ᬲᬂᬩᬕᬸᬲ᭄ᬗᬦ᭄ᬤᬶᬓᬋᬓᭀ᭞ᬭᬳᬤᬾᬦ᭄ᬕᬮᬸᬄᬫᬶᬢᬸᬳᬸ᭞ᬩ᭄ᬬᬦᬫᬫᬦ᭄ᬫᬶᬲᬸᬓᬬᬂ᭞ᬗᬶᬢᬸᬂᬳᬚᬶ᭞ᬤᬾᬦᬶᬂᬩᭂᬲ᭄ᬓᬢᬳᬾᬢᭂᬮᬲ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬳᬸᬚᬭᬾ
ᬳᬢᬸᬂᬢᬸᬂᬢᬗᬶᬲ᭄᭞ᬬᬾᬦ᭄ᬲᬶᬂᬫᬫᬦ᭄ᬳᭀᬮᬲ᭄ᬋᬓᭀ᭞ᬫᬗᬸᬕᬸᬦᬶᬭᬫᬢᬸᬗ᭄ᬕᬸ᭞ᬳᬶᬩᬕᬸᬲ᭄ᬫᬲᬶᬄᬦᬸᬤᬸᬓ᭞ᬤᭂᬮᬓ᭄ᬤᭂᬮᬶᬓ᭄᭞ᬫᬗ᭄ᬭᬲᬕᬸᬬᬸᬭᬶᬂᬫᬦᬄ᭟ᬫᬲᬶᬄᬤᬦᬾᬗᬧᬓ᭄ᬳᬧᬓ᭄᭞ᬢᬦ᭄‌‌ᬲᬸᬭᬸᬤ᭄ᬫᬦᬳᬾᬭᬸᬦ᭄ᬢᬶᬓ᭄᭞

[᭓᭐ 30A]
᭓᭐
ᬲᬂᬩᬕᬸᬲ᭄ᬜᭂᬲᭂᬤ᭄ᬫᬢᬓᭀᬦ᭄᭞ᬓᬾᬦ᭄ᬓᬾᬦ᭄ᬓᬦ᭄ᬤᬦ᭄ᬜᬳᬶᬭᬯᬸᬄ᭞ᬤᬶᬚᬳᬜᬳᬶᬫᬤᬾᬰ᭞ᬳᭂᬜᬾᬦ᭄ᬓᬮᬶᬄ᭞ᬢᭂᬓᬢᭂᬓᬲᬫᬤᬸᬱ᭄ᬝ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓ᭞ᬳᬸᬚᬭᬾᬳᬲᭂᬫᬸᬢᬗᬶᬲ᭄᭞ᬳᬤᬢᬸᬢᬸᬕ᭄ᬦᬶᬭᬋᬓᭀ᭞ᬦᬶᬭᬦᬸ
ᬢᬸᬕ᭄ᬩᭂᬮᬶᬩᬕᬸᬲ᭄᭞ᬫ᭄ᬯᬱ᭄ᬝᬩᬕᬸᬲ᭄ᬢᬸᬭᬸᬦᬦ᭄᭞ᬦᬶᬭᬧᬮᬶᬂ᭞ᬢ᭄ᬯᬭᬦᬶᬭᬦᭂᬫᬸᬫᬵᬃᬕ᭄ᬕ᭟ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬲᬶᬓᬦ᭄ᬤᬜ᭞ᬲᬗ᭄ᬓᬦ᭄ᬢᬸᬢᬸᬕ᭄‌‌ᬬᬫᬳᬶ᭞ᬳᬧᬲᬗ᭄ᬕᬸᬧᬗᬋᬓᭀ᭞ᬲᬗ᭄ᬓᬦ᭄ᬜᬳᬶᬫᬳᬶᬦᬸᬢᬸᬕ᭄᭞ᬭᬳᬤᬾᬦ᭄ᬕ
ᬮᬸᬄᬗᬦ᭄ᬤᬶᬓ᭞ᬳᬲᭂᬫᬸᬢᬗᬶᬲ᭄᭞ᬓᬾᬦᬾᬲᬶᬫᬫᬦ᭄ᬓᬦ᭄ᬤᬜ᭟ᬦᬶᬭᬫᬮᬸᬫᬲᬗ᭄ᬓᬾᬢ᭞ᬤᬶᬧᭂᬓᭂᬦᬾᬤᬶᬓᬤᬶᬭᬶ᭞ᬫᬲᬗ᭄ᬕᬸᬧ᭄ᬫᬭᬗ᭄ᬓᬢ᭄ᬋᬓᭀ᭞ᬢ᭄ᬯᬭᬦᬶᬭᬫᬳᬦ᭄ᬧᭂᬲᬸ᭞ᬳᬢᬸᬢ᭄ᬧᭀᬮᬶᬄᬫᬵᬃᬕ᭄ᬕᬵᬮᬶᬓᬤ᭄᭞ᬢᬸᬤᬸᬄ
ᬫᬢᬶ᭞ᬫᬢᬶᬢ᭄ᬯᬄᬳᬫ᭄ᬩᬳᬶᬦ᭄ᬦᬶᬭ᭟ᬳᬤᬢᬮᬮᭀᬫ᭄ᬧᭀᬂᬲ᭄ᬮ᭞ᬧᬗᬸᬢᬂᬳᬸᬢᬗᬦ᭄ᬳᭂᬫᬶᬲ᭄᭞ᬢᭂᬕᭂᬄᬦᬾᬲ᭄ᬬᬤ᭄ᬧᬋᬓᭀ᭞ᬧᬬᬸᬧᬕᭂᬤᭀᬕᬦ᭄ᬲᬵᬫ᭄ᬩᬸᬂ᭞ᬬᬢᬸᬳᬸᬢ᭄ᬫᬦᬸᬳᬸᬦᬂ᭞ᬲᬓᬤᬶᬭᬶ᭞ᬲᬾᬧᬦ᭄ᬢᭂᬮᬲ᭄ᬕᬮᬂᬯᬾ [ 31 ][᭓᭐ 30B]
᭓᭐
ᬢᬦ᭄᭟ᬫᬗᭀᬚᭀᬕ᭄ᬦᬶᬭᬓᬧᬲᬃ᭞ᬳᬶᬩᭂᬮᬶᬦᭀᬭᬓᬧᬗ᭄ᬕᬶᬄᬮᬶᬯᬢᬦ᭄ᬲᬫᬬᬋᬓᭀ᭞ᬲᬗ᭄ᬓᬾᬢᬦᬾᬢᭂᬗᬄᬤᬮᬸ᭞ᬚᬦᬶᬲᬸᬩᬓᬮᬶᬯᬢᬦ᭄᭞ᬢᭂᬗᬄᬯᭂᬗᬶ᭞ᬩᭂᬦᭂᬄᬩᬦ᭄ᬤᬦᬾᬫᬓᬮᬄ᭟ᬓᬵᬗᭂᬦ᭄ᬳᬶᬩᬕᬸᬲ᭄ᬫᬶ
ᬋᬗᬂ᭞ᬗ᭄ᬭᬸᬗᬸᬳᬸᬚᬭᬾᬢ᭄ᬯᬦ᭄ᬤᬾᬯᬶ᭞ᬤᬶᬳᭂᬗ᭄ᬓᬾᬦ᭄ᬳᬫ᭄ᬩᬄᬤᬦᬾᬋᬓᭀ᭞ᬫᬦᬸᬢᬸᬕ᭄ᬓᬮᬫ᭄ᬧᬸᬮᬵᬫ᭄ᬧᬸ᭞ᬓᬗᭂᬦ᭄ᬳᬢᬶᬦᬾᬗᭂᬦᭂᬳᬂ᭞ᬭᬤᬾᬦ᭄ᬤᬾᬯᬶ᭞ᬲᭂᬤᬸᬓ᭄ᬮᬸᬯᬶᬃᬤᬦᬾᬓᬲᬢᬦ᭄᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ᭞ᬧᬗᬸᬘᬧᬾᬗ
ᬲᬶᬳᬲᬶᬄ᭞ᬳᬢᭂᬳᬂᬚ᭄ᬯᬦᬶᬭᬫᬫᬦ᭄᭞ᬳᬧᬂᬦᬶᬭᬦᭂᬓᭂᬤ᭄ᬥᬶᬢᬸ᭞ᬬᬾᬦ᭄ᬲᬚᬩᬸᬓᬫᬸᬜᬶᬦ᭄ᬜ᭞ᬲᬂᬳᬧᭂᬓᬶᬓ᭄᭞ᬢᬸᬫᬸᬮᬶᬳᬮᭀᬦ᭄ᬗᬦ᭄ᬤᬶᬓᬵ᭟ᬮᬫᬸᬦ᭄ᬧᬺᬤᭀᬫᬵᬃᬕ᭄ᬕᬶᬓᭂᬫᭀ᭞ᬩ᭄ᬬᬦᬤᬦᬾᬫᬗᬮᬳᬶᬦ᭄᭞ᬫᬫᬦ᭄
ᬩ᭄ᬬᬦᬩᬶᬲᬮᬶᬜᭀᬓ᭄᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬬᬦ᭄ᬲᬚᬩᬸᬓᬄᬫᬸᬜᬶᬦ᭄ᬜ᭞ᬲᬂᬳᬧᭂᬓᬶᬓ᭄᭞ᬢᬸᬫᬸᬮᬶᬭᬭᬶᬲ᭄ᬗᬦ᭄ᬤᬶᬓᬵ᭟ᬭᬳᬤᬾᬦ᭄ᬕᬮᬸᬄᬗ᭄ᬭᬲᬾᬂᬘᬶᬢ᭄ᬢ᭞ᬳᬗᬸᬘᬧ᭄ᬳᬲᭂᬫᬸᬢᬗᬶᬲ᭄᭞ᬳᬢᭂᬳᬂᬦᬶᬭᬳᬩᭀᬲ᭄ᬩᭀ

[᭓᭑ 31A]
᭓᭑
ᬲ᭄᭞ᬳᬧᬂᬦᬶᬭᬢᭂᬓᭂᬤ᭄ᬥᬶᬢᬸ᭞ᬫᬵᬃᬕ᭄ᬕᬶᬫᬫᬦ᭄ᬫᬗᬶᬭᬶᬗᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬮᬵᬫᬸᬦ᭄ᬢᬸᬯᬄᬜᬧᬲᬚ᭟ᬳᬓᬾᬄᬧᬜ᭄ᬚᬓᬾᬳᬗᬸᬘᬧ᭄᭞ᬤᬫᬫᬦ᭄ᬫᬜᬳᬶᬜᬳᬶ᭞ᬤᬦᬾᬳᭀᬓᬦ᭄ᬤᬲᬂᬓᬢᭀᬂ᭞ᬲᬂᬩᬕᬸᬲ᭄ᬳᬲᭂᬫᬸᬓᭂᬜᬸᬂ᭞
ᬫᬫᬦ᭄ᬢᬾᬫᬜᬶᬮᬶᬄᬩᬱ᭞ᬢ᭄ᬯᬄᬳᬓᬶᬓᬶᬢ᭄᭟ᬫᬫᬦ᭄ᬓᬧᭀᬓ᭄ᬩᬶᬦ᭄ᬳᬢᭂᬫ᭄ᬯᬂ᭟ᬳ᭄ᬤᬓᬾᬘᭀᬦ᭄ᬤᭀᬂᬩᬬᬦ᭄᭞ᬢ᭄ᬯᬭᬓᭀᬦᬶᬭᬧᬸᬧᬸᬚᬶ᭞ᬲᬸᬩᬳᭀᬮᬄᬜᬦᬾᬋᬓᭀ᭞ᬫᬗᬢᭂᬳᬂᬦᬶᬭᬫᬮᬸ᭞ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬭᬤᬾ
ᬦ᭄ᬤᬾᬯᬶ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬵ᭟ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕᬵ᭞ᬲᬕᬺᬳᬦ᭄ᬧᬜ᭄ᬚᬓᬾᬗᬶᬭᬶᬂ᭞ᬘᭀᬦ᭄ᬤᭀᬂᬩᬬᬦ᭄ᬫᬵᬢᬸᬃᬳᬮᭀᬦ᭄᭞ᬦᬯᬶᬳᬶᬤᬾᬯᬓᬳᬧᬸᬲ᭄᭞ᬳᭂᬦᬄᬲᬸᬩᬚᬦᬶᬤᭂᬧᬂ᭞ᬬᬾᬦ᭄ᬢᬓᬸᬢᬶᬦ᭄᭞ᬳᬯᬓ᭄ᬓᬤᬸ
ᬕᬩᭂᬮᬂᬢᭂᬗᬄ᭟ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬗᬸᬤᬤᬦᬾᬢ᭄ᬯᬭᬤᬶᬦᬶ᭞ᬮᬶᬜᭀᬓ᭄ᬓᬧᬲᬚᬫᬫᬦ᭄᭞ᬭᬳᬤᬾᬦ᭄ᬕᬮᬸᬄᬳᬲᭂᬫᬸᬋᬗᬸ᭞ᬫᬫᬦ᭄ᬢᬸᬯᬸᬄᬫᬗᬧᬸᬲ᭄ᬦᬶᬭ᭞ᬓᬋᬧ᭄ᬢᬸᬢᬶᬂ᭞ᬦᬶᬭᬢ᭄ᬯᬄᬓᬋᬧᬂᬫᬫᬦ᭄᭟ᬩᬲᬦᬶᬭᬩᬓ [ 32 ][᭓᭑ 31B]
᭓᭑
ᬮ᭄ᬳᭂᬜᬓ᭄᭞ᬦᬶᬭᬫᬗᬮᬶᬄᬳᬶᬩᭂᬮᬶ᭞ᬩᬦ᭄ᬕᭀᬩᬦ᭄ᬫᬫᬦᬾᬓᬾᬢᭀ᭞ᬢᬦ᭄ᬧᬾᬦ᭄ᬤᬄᬫᬫᭂᬤᬶᬩᬸᬤᬸᬄ᭞ᬫᬗᬓᬸᬩᬕᬸᬲ᭄ᬢᬸᬭᬸᬦᬦ᭄᭞ᬫᬶᬭᬶᬩ᭄ᬳᬸᬯᬶᬮ᭄᭞ᬬᬢᬦ᭄ᬧᬾᬦ᭄ᬤᬄᬧᬦᬸᬗ᭄ᬕᬸᬦ᭄ᬲᭂᬫ᭟ᬮᬮᬶᬳᬶᬤᬾᬯᬭᬶᬂᬢᬶᬢ᭄ᬬᬂ᭞ᬤᬯᭂᬕ᭄ᬢᬶᬢ᭄ᬬᬗᬾᬫᭂᬫ
ᬜ᭄ᬚᬶ᭞ᬫᬲᬗ᭄ᬓᬾᬢᭀᬤᬶᬲᬲᭂᬦ᭄ᬤᭀᬦ᭄᭞ᬧᬸᬧᬸᬢᬾᬤᬶᬧᬲᬃᬳᬕᬸᬂ᭞ᬲ᭄ᬯᬾᬩᬵᬦ᭄ᬢᬶᬢ᭄ᬬᬂᬗᬦ᭄ᬢᭀᬲᬂ᭞ᬕᬮᬂᬓᬗᬶᬦ᭄᭞ᬤᬾᬯᬢᬦ᭄ᬯᬾᬦ᭄ᬢᭂᬦ᭄ᬧ᭄ᬭᬵᬧ᭄ᬢ᭟ᬢᬶᬢ᭄ᬬᬂᬫᬜ᭄ᬚ᭄ᬭᬶᬳᬶᬦ᭄ᬲᬫ᭄ᬩᬗᬦ᭄᭞ᬫᬓᬳᬤ᭄ᬫᬗ᭄ᬭᬲᬫᬢᬶ᭞ᬭᬤᬾᬦ᭄ᬕᬮᬸᬄᬓᬕ᭄ᬬᬢ᭄ᬩᭂᬗᭀᬂ᭞
ᬫᬵᬢᬶᬓᭀᬦᬶᬭᬩᬦ᭄ᬳᬧᬸᬲ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬢᬶᬢ᭄ᬬᬂᬚᬢᬶ᭞ᬤᬯᭂᬕᬾᬫᬫᬮᬶᬂᬲᭂᬗ᭄ᬓᬂ᭟ᬢᬦ᭄ᬤ᭄ᬭᬸᬄᬳᬶᬤᬾᬯᬭᬶᬂᬢᬶᬢ᭄ᬬᬂ᭞ᬫᬗᬸᬤᬳᬶᬫᬶᬭᬄᬮᬮᬶ᭞ᬤᬸᬭᬸᬲᬂᬳᬶᬘᬦ᭄ᬲᬂᬳᬦᭀᬫ᭄᭞ᬳᬦ᭄ᬢᭀᬲ᭄ᬢᬶᬢ᭄ᬬᬂᬓᬭᬶᬫᬦ᭄ᬤᬸᬲ᭄᭞ᬜᬦ
ᬦ᭄‌‌ᬬᬢᬶᬢ᭄ᬬᬂᬢᭂᬓᬵ᭞ᬗᬮᬶᬄᬕᬸᬲ᭄ᬢᬶ᭞ᬢᬶᬢ᭄ᬬᬂᬩ᭄ᬬᬦᬩᬶᬲᬩᭀᬩᬤ᭄᭟ᬳᬶᬩᬕᬸᬲ᭄ᬭᬭᬶᬲ᭄ᬫᬲᬶᬭᬫ᭄᭞ᬭᬤᬾᬦ᭄ᬕᬮᬸᬄᬳᬲᭂᬫᬸᬭᬸᬦ᭄ᬢᬶᬓ᭄᭞ᬫᬗᬸᬤᬤᬶᬦᬶᬫᬦᭀᬗᭀᬲ᭄᭞ᬕᭂᬩᬕ᭄ᬓᭀᬳᬦᬓᬾᬫᬦ᭄ᬤᬸᬲ᭄᭞ᬳᬧᬳᬯᬓᬾᬧᬜ᭄ᬚᬓ᭞

[᭓᭒ 32A]
᭓᭒
ᬦᬾᬦᬾᬚᬦᬶ᭞ᬘᭀᬦ᭄ᬤᭀᬂᬩᬬᬦ᭄ᬚᬮᬦ᭄ᬮᬸᬯᬲ᭄᭟ᬲᬂᬳᬧᭂᬓᬶᬓ᭄‌‌ᬯᬸᬲ᭄ᬫᬲᬶᬭᬫ᭄᭞ᬭᬹᬧᬦᬾᬯᬮᬸᬬᬚᬢᬶ᭞ᬓᬤᬶᬫᬲᬶᬦᬗ᭄ᬮᬶᬂᬓᬢᭀᬦ᭄᭞ᬭᬤᬾᬦ᭄ᬕᬮᬸᬄᬫᭂᬜ᭄ᬚᬸᬄᬢᬸᬦ᭄ᬤᬸᬦ᭄᭞ᬳᬶᬩᬕᬸᬲ᭄ᬫᬗ᭄ᬭᬭᬶᬲ᭄ᬫᭂᬤᬮ᭄᭞ᬤᬾᬯᬕᬸᬲ᭄ᬢᬶ᭞ᬳᬦ᭄ᬢᭀᬲᬂ
ᬢᬶᬢ᭄ᬬᬂᬤ᭄ᬭᬶᬓ᭟ᬭᬤᬾᬦ᭄ᬕᬮᬸᬄᬫᬘᬶᬗᬓᬦ᭄᭞ᬭᬭᬶᬲ᭄ᬫᬦᭀᬮᬶᬄᬓᬳᬸᬭᬶ᭞ᬢᬦ᭄ᬧᬗᬸᬘᬧ᭄ᬢᭂᬓᬩᭂᬗᭀᬂ᭞ᬯᬮᬸᬬᬚᬵᬢᬶᬲᬂᬩᬕᬸᬲ᭄᭞ᬢᬸᬫᬸᬮᬶᬭᬭᬶᬲ᭄ᬫᬜᬕ᭄ᬚᬕ᭄᭞ᬲᬂᬳᬧᭂᬓᬶᬓ᭄᭞ᬢᬸᬫᬸᬮᬶᬭᬭᬶᬲ᭄ᬫᬗᭂᬫ᭄ᬩᬵᬦ᭄᭟ᬳᬧᬚᬫᬗᭀᬕᭀᬢᬶᬢ᭄ᬬᬂ᭞ᬢ
ᬦ᭄ᬤ᭄ᬭᬸᬄᬢᭂᬓᬾᬦᬶᬂᬩᭂᬮᬶ᭞ᬩᬦ᭄ᬭᬸᬧᬦ᭄ᬩᭂᬮᬶᬦᬾᬓᬢᭀᬦ᭄᭞ᬫᬸᬜᬶᬦ᭄ᬢᬶᬢ᭄ᬬᬗᬾᬜᭂᬮᬫᬸᬢ᭄᭞ᬳᭂᬜᬾᬦ᭄ᬚᬦᬶᬲᬮᬳᬂ᭞ᬳᬦᬓ᭄ᬩᭂᬮᬶ᭞ᬫᬗ᭄ᬕᬯᬾᬦᬂᬢᬶᬢ᭄ᬬᬂᬲᬮᬄ᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓ᭞ᬧᬗᬸᬘᬧᬾᬳᬲᭂᬫᬸᬢᬗᬶᬲ᭄᭞ᬓᬤᬶᬯᭂᬗᬶᬢᬶᬩᬾᬦ᭄
ᬲᬹᬃᬬ᭄ᬬ᭞ᬢᬸᬃᬫᬢᬶᬃᬣᬓᬫᬦ᭄ᬤᬮᬸ᭞ᬍᬕᬲᬦ᭄ᬓᭀᬳᬢᬶᬦ᭄ᬢᬶᬢ᭄ᬬᬂ᭞ᬢᬦ᭄ᬤ᭄ᬭᬸᬄᬢᭂᬓᬾᬦᬶᬂᬳᬶᬩᭂᬮᬶ᭞ᬩᬦ᭄ᬭᬸᬧᬵᬦ᭄ᬩᭂᬮᬶᬦᬾᬓᬯᭀᬦ᭄᭟ᬩᬕᬸᬲ᭄ᬢᬸᬭᬸᬦᬦ᭄ᬳᬗᬸᬘᬧ᭄᭞ᬗᬦ᭄ᬤᬶᬓᬰᬩ᭄ᬤᬦᬾᬫᬦᬶᬲ᭄᭞ᬤᬸᬄᬤᬾᬯᬫᬵᬲ᭄ᬫᬶᬭᬄᬳᬶᬗᭀᬂ᭞ᬫᬡᬶᬓ᭄ᬢᬶᬢ᭄ᬬᬂᬫ [ 33 ][᭓᭒ 32B]
᭓᭒
ᬲ᭄ᬓᬮᬸᬂ᭞ᬧᬸᬧᬸᬦᭂᬦ᭄ᬓᬯᬸᬮᬤᬾᬯ᭞ᬲᬂᬤ᭄ᬬᬄᬳᬭᬶ᭞ᬫᬵᬃᬕ᭄ᬕᬶᬫᬦ᭄ᬢᬸᬓ᭄ᬓᬚ᭄ᬭᭀᬧᬸᬭᬵ᭟ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕ᭞ᬲᬕ᭄ᬭᬳᬦ᭄ᬧᬥᬫᬗᬶᬭᬶᬂ᭞ᬫᬤᬾᬭᬾᬓ᭄ᬤᬾᬭᬾᬓ᭄ᬫᬭᬾᬭᭀᬤ᭄᭞ᬳᬶᬭᬶᬗᬦᬾᬭᬤᬾᬦ᭄ᬕᬮᬸᬄ᭞ᬲᬫᬶᬧᬥᬗᬮᬧ᭄ᬲᭂᬓᬃ᭞ᬭᬤᬾ
ᬦ᭄ᬤᬾᬯᬶ᭞ᬗᬮᬧ᭄ᬲᭂᬓᬃᬘᬦᬶᬕᬭ᭟ᬩᬕᬸᬲ᭄ᬢᬸᬭᬸᬦᬦ᭄‌‌ᬗᬦ᭄ᬤᬶᬓ᭞ᬫᬫᬵᬃᬕ᭄ᬕᬶᬓᬾᬫᬶᬭᬄᬫᬡᬶᬓ᭄᭞ᬲᬸᬯᬾ᭠ᬲᬦ᭄ᬤᬶᬚᬮᬦ᭄ᬋᬓᭀ᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬫᬵᬃᬕ᭄ᬕᬶᬓᬾᬩᭂᬮᬶᬤᬸᬫᬸᬦᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢ
ᬭᬶᬂᬩᬜ᭄ᬘᬶᬗᬄ᭟ᬭᬳᬤᬾᬦ᭄ᬕᬮᬸᬄᬓᬯᭂᬗᬦ᭄᭞ᬲᬶᬂᬢᬶᬗᬮᬶᬦ᭄ᬲᬵᬃᬯ᭄ᬯᬮ᭄ᬯᬶᬄ᭞ᬢᬦ᭄ᬧᬾᬦ᭄ᬤᬄᬤᬶᬲ᭄ᬯᬃᬕ᭄ᬕᬦ᭄ᬋᬓᭀ᭞ᬩᬮᬾᬦᬾᬓᬮᬶᬯᬢ᭄ᬮᬸᬳᬸᬂ᭞ᬩᬮᬾᬦᬾᬲᬃᬯ᭄ᬯᬫᬕᬫ᭄ᬩᬃ᭞ᬲᬃᬯ᭄ᬯᬳᬸᬓᬶᬃ᭞ᬫᬧᬧ᭄ᬮᭀᬓ᭄ᬫᬶᬭᬄᬭᬵᬢ᭄ᬦ᭟ᬩᬕᬸᬲ᭄ᬢᬸᬭᬸᬦᬦ᭄ᬳ
ᬗᬸᬘᬧ᭄᭞ᬗᬦ᭄ᬤᬶᬓᬰᬩ᭄ᬤᬦᬾᬫᬦᬶᬲ᭄᭞ᬤᬸᬄᬤᬾᬯᬭᬢᬸᬫᬵᬲ᭄ᬫᬶᬭᬄ᭞ᬫᬵᬃᬕ᭄ᬕᬶᬓᬧᬸᬭᬲᬂᬳᬭᬸᬫ᭄᭞ᬭᬤᬾᬦ᭄ᬤᬾᬯᬶᬢᬦ᭄ᬧᬗᬸᬘᬧ᭄᭞ᬩᭂᬗᭀᬂᬭᬭᬶᬲ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭟ᬦᬧᬶᬫᬵᬃᬕ᭄ᬕᬵᬦ᭄ᬓᬍᬍᬗᬦ᭄᭞ᬭᬳ

[᭓᭓ 33A]
᭓᭓
ᬤᬾᬦ᭄ᬕᬮᬸᬄᬢᬦ᭄ᬜᬯᬸᬭᬶᬦ᭄᭞ᬲᬂᬩᬕᬸᬲ᭄ᬗᬦ᭄ᬤᬶᬓᬳᬮᭀᬦ᭄᭞ᬫᬵᬃᬕ᭄ᬕᬶᬓᬾᬫᬦ᭄ᬢᬸᬓᬦ᭄ᬤᬸᬫᬸᬦ᭄᭞ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬭᬳᬤᬾᬦ᭄ᬕᬮᬸᬄᬫᬭᬶᬂᬧᬸᬭ᭟ᬭᬳᬤᬾᬦ᭄ᬕᬮᬸᬄᬓᬯᭂᬗᬦ᭄᭞ᬗᬦ᭄ᬤᬶᬓᬰᬩ᭄ᬤᬦᬾᬫᬦᬶ
ᬲ᭄᭞ᬫᬳᬶᬭᬶᬩ᭄ᬤᬶᬲ᭄ᬯᬃᬕ᭄ᬕᬵᬦ᭄ᬋᬓᭀ᭞ᬲ᭄ᬯᬃᬕ᭄ᬕᬦᬾᬚᬦᬶᬓᬢᭂᬧᬸᬓ᭄᭞ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬤᬾᬯᬕᬸᬲ᭄ᬢᬶ᭞ᬦᬧᬶᬫᬵᬃᬕ᭄ᬕᬦ᭄ᬓᬍᬂᬍᬗᬦ᭄᭟ᬭᬳᬤᬾᬦ᭄ᬕᬮᬸᬄᬢᬦ᭄ᬧᬗᬸᬘᬧ᭄᭞ᬫᬜᬶᬗᬓ᭄ᬩᬸᬗᬦᬾᬭᬯᬶᬢ᭄᭞ᬢᬦ᭄ᬧᬗᬸᬘᬧ᭄ᬢᭂᬓᬩᭂ
ᬗᭀᬂ᭞ᬫᬜᬶᬗᬓ᭄ᬩᬮᬾᬦᬾᬮᬸᬯᬸᬂ᭞ᬩᬮᬾᬦᬾᬲᬃᬯ᭄ᬯᬫᬕᬫ᭄ᬩᬃ᭞ᬲᬃᬯ᭄ᬯᬳᬸᬓᬶᬃ᭞ᬫᬢᭀᬕᭀᬕ᭄ᬫᬗᬶᬲᬶᬕᬥ᭟ᬤᬾᬩᭂᬓᬸᬂᬓᬕ᭄ᬬᬢ᭄ᬫᬜᬶᬗᬓ᭄᭞ᬮᬸᬄᬫ᭄ᬯᬦᬶᬫᬜᬕ᭄ᬚᬕᬶᬦ᭄᭞ᬜᬾᬦ᭄ᬳᬚᬓ᭄ᬳᬶᬤᬾᬯᬗᭂᬮᭀᬄ᭞ᬦᬶᬓᬳᬶᬦ᭄ᬦᬾᬢᬶᬢ᭄ᬬᬂᬭ
ᬢᬸ᭞ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬳᬲᭂᬫᬸᬓᭂᬜᬶᬂ᭞ᬤᬾᬩᭂᬓᬸᬂᬭᬭᬶᬲ᭄ᬳᬗᬸᬘᬧ᭄᭟ᬦᬾᬲᬸᬩᬓᬲ᭄ᬯᬧ᭄ᬦ᭞ᬳᭀᬓᬦ᭄ᬲᬂᬧ᭄ᬭᬪᬸᬓᬤᬶᬭᬶ᭞ᬤᬾᬩᭂᬓᬸᬂᬓᬮᬶᬯᬢ᭄ᬕᬯᭀᬓ᭄᭞ᬤᬸᬄᬫᬡᬶᬓ᭄ᬢᬶᬢ᭄ᬬᬗᬾᬭᬢᬸ᭞ᬳᬶᬤᬾᬯᬲᬶᬭᬢᬸᬦ᭄ᬢᬶᬢ᭄ᬬᬂ᭞ᬲᬂᬳᬧᭂ [ 34 ][᭓᭓ 33B]
᭓᭓
ᬓᬶᬓ᭄᭞ᬢᬸᬫᬸᬮᬶᬓᭂᬜᬸᬂᬳᬗᬸᬘᬧ᭄᭟ᬤᬾᬩᭂᬓᬸᬂᬭᬭᬶᬲ᭄ᬳᬗᬸᬘᬧ᭄᭞ᬤᬾᬯᬦ᭄ᬢᬶᬢ᭄ᬬᬗᬾᬫᬵᬲ᭄ᬫᬡᬶᬓ᭄᭞ᬫᬭᬶᬓᬶᬫᬶᬭᬄᬫᬵᬲ᭄ᬳᬶᬗᭀᬂ᭞ᬳᬶᬩᭂᬓᬸᬂᬫᬜᬕ᭄ᬚᬕ᭄ᬕᬸᬧᬸᬄ᭞ᬫᬜᬗ᭄ᬓᭀᬮ᭄ᬩᬕᬸᬲ᭄ᬢᬸᬭᬸᬦᬦ᭄᭞ᬦᬾᬦᬾᬳᬶᬲ᭄ᬢ᭄ᬭᬶ᭞ᬫᬜᬗ᭄ᬓᭀᬮ᭄ᬲᬶᬭ
ᬭᬳᬤ᭄ᬬᬦ᭄᭟ᬭᬭᬶᬲ᭄ᬫᬸᬗ᭄ᬕᬄᬓᬧᬫᬺᬫᬦ᭄᭞ᬤᬾᬩᭂᬓᬸᬂᬲᬸᬓᬢᬦ᭄ᬲᬶᬧᬶ᭞ᬢᬸᬫᬸᬮᬶᬫᬸᬗ᭄ᬕᬄᬲᬭᭀᬭᭀᬦ᭄᭞ᬤᬾᬩᭂᬓᬸᬂᬦᬾᬫ᭄ᬯᬦᬶᬕᬸᬧᬸᬄ᭞ᬗᬬᬳᬶᬦ᭄ᬩᬕᬸᬲ᭄ᬢᬸᬭᬸᬦᬦ᭄᭞ᬲᬸᬓᬲᬳᬶ᭞ᬲᭂᬓᬢᬾᬫᬗᭂᬮᬄᬧ᭄ᬬᬦᬓ᭄᭟ᬲᬳᬶᬫᬾᬩᬢ᭄‌‌ᬏᬩ
ᬢᬦ᭄᭞ᬫᬚᬸᬚᭀᬦ᭄ᬚᬸᬚᭀᬦᬦ᭄ᬲᬳᬶ᭞ᬢᬦ᭄ᬓᭀᬘᬧ᭄ᬤᬾᬩᭂᬓᬸᬂᬋᬓᭀ᭞ᬓᭀᬘᬧᬳᬶᬤᬲᬂᬧ᭄ᬭᬪᬸ᭞ᬫᬦᬸᬢᬸᬕ᭄ᬧᬸᬢ᭄ᬭᬦᬾᬳᬶᬮᬂ᭞ᬭᬤᬾᬦ᭄ᬤᬾᬯᬶ᭞ᬭᬶᬂᬓᬤᬶᬭᬶᬤᬦᬾᬳᬶᬮᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬓᬓᬤᭂᬫᬂᬤᭂᬫᬸᬂᬧᬢᬶᬄ᭞ᬫ
ᬳᬶᬧᬥᬓᬾᬧᬳᭂᬓᬂ᭞ᬳᬶᬧᬢᬶᬄᬮᬦ᭄ᬤᭂᬫᬂᬤᭂᬫᬸᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬤᭂᬫᬸᬂᬧᬢᬶᬄ᭞ᬧ᭄ᬭᬩᭂᬓᭂᬮ᭄ᬲᬫᬶᬓᬲᬾᬗᬦ᭄᭟ᬓᭂᬫᬄᬓᬓᬧᬢᬶᬄᬧᬥ᭞ᬳᬮᬶᬄᬬᬭᬳᬤᬾᬦ᭄ᬤᬾᬯᬶ᭞ᬓᬶᬚᬬᬢᬶᬩᬜᬋᬓᭀ᭞ᬢᭀᬳᭀᬜᬗᬂ

[᭓᭔ 34A]
᭓᭔
ᬳᬚᬓ᭄ᬫᬗ᭄ᬭᬸᬭᬸᬄ᭞ᬧᬢᬶᬄᬫᬦ᭄ᬢ᭄ᬭᬶᬤᭂᬫᬸᬂᬤᭂᬫᬂ᭞ᬧᬤᬗᬮᬶᬄ᭞ᬲᬯᬸᬃᬫᬦᬸᬓ᭄ᬧᬥᬦᭂᬫ᭄ᬩᬄ᭟ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓᬵ᭞ᬮᬫᬸᬦ᭄ᬜᬦᬾᬦᬾᬫᬫᬜ᭄ᬚᬶᬂ᭞ᬳᬚᬓ᭄‌‌ᬬᬫᬳᬶᬋᬓᭀ᭞ᬓᭂᬦᭂᬄᬦᬶᬭᬗᬗ᭄ᬕᭀᬦ᭄ᬲᬸᬦᬸ᭞ᬮᬫᬸᬦ᭄ᬢ᭄ᬯᬭᬳᬶᬬᬜᬸᬯᬂ᭞
ᬦᬾᬫᬫᬜ᭄ᬚᬶ᭞ᬓᬢᭂᬧᬸᬓ᭄ᬳ᭄ᬬᬫᬢᬶᬬᬂ᭟ᬮᬫᬸᬦ᭄ᬜᬳᬶᬬᬫᬜᬸᬯᬂ᭞ᬳᬦᬓᬾᬦᬾᬫᬫᬦ᭄ᬚᬶ᭞ᬬᬓᬤᬸᬤᬸᬓ᭄ᬧ᭄ᬬᬦᬓ᭄ᬋᬓᭀ᭞ᬢ᭄ᬯᬭᬦᬶᬭᬗᭂᬮᬄᬲᬸᬦᬸ᭞ᬮᬫᬸᬦ᭄‌‌ᬬᬜᬫᬜᬸᬯᬂ᭞ᬦᬾᬫᬫᬜ᭄ᬚᬶ᭞ᬲᬸᬩᬍᬕᬳᬢᬶᬦᬶᬭ᭟ᬳᬶᬤᭂᬫᬂᬤᭂᬫᬸᬂ
ᬓᭀᬘᬧ᭞ᬓᬮᬸᬦ᭄ᬢᬮᬸᬦ᭄ᬢᬫᬗᬮᬶᬄ᭞ᬤᬶᬳᬮᬲᬾᬤᬶᬦ᭄ᬢᭀᬤᬶᬦ᭄ᬢᭀ᭞ᬫᬗ᭄ᬭᬸᬭᬸᬄᬦᭀᬭᬓᬢᭂᬫᬸ᭞ᬳᬚᬓ᭄ᬤᬦᬾᬧᬤᬤ᭄ᬯᬦᬦ᭄᭞ᬤᭂᬫᬸᬂᬧᬢᬶᬄ᭞ᬓᬮᬸᬦ᭄ᬢᬮᬸᬦ᭄ᬢᬫᬫᬵᬃᬕ᭄ᬕᬵ᭟ᬢᬦ᭄ᬓᬘᬭᬶᬢᬭᬶᬂᬤᬮᬦ᭄᭞ᬧᬫᬵᬃᬕ᭄ᬕᬶᬦᬾᬲ
ᬤᬕᬢᬶ᭞ᬧᬫᬵᬃᬕ᭄ᬕᬶᬦᬾᬲᬵᬫ᭄ᬧᬸᬦ᭄ᬳᬤᭀᬄ᭞ᬢᬦ᭄ᬓᭀᬧ᭄‌‌ᬲᬵᬫ᭄ᬧᬸᬦ᭄ᬢᭂᬤᬸᬄ᭞ᬧ᭄ᬭᬵᬧ᭄ᬢᬭᬶᬂᬓᬭᬂᬦᬸᬭᭀᬚ᭞ᬤᭂᬫᬸᬂᬧᬢᬶᬄ᭞ᬧᬭᬵᬃᬬ᭄ᬬᬦᬾᬤᬶᬩᬜ᭄ᬘᬶᬗᬄ᭟ᬭᬭᬶᬲ᭄ᬤᬦᬾᬫᬘᬶᬗᬓᬦ᭄᭞ᬫᬓᭂᬚᬂᬭᬭᬶᬲ᭄ᬜᬶᬗᬓᬶᬦ᭄᭞ᬢᬦ᭄ᬧᬗᬸᬘ [ 35 ][᭓᭔ 34B]
᭓᭔
ᬧ᭄ᬢᭂᬓᬩᭂᬗᭀᬂ᭞ᬫᬜᬶᬗᬓ᭄ᬩᬮᬾᬦᬾᬫᬸᬭᬸᬩ᭄᭞ᬲᬃᬯ᭄ᬯᬳᬸᬓᬶᬃᬲᬃᬯ᭄ᬯᬕᬫ᭄ᬩᬃ᭞ᬜᬦ᭄ᬤᬶᬂᬩᬾᬚᬶ᭞ᬩᬮᬾᬦᬾᬤᬦ᭄ᬢ᭠ᬫᬩᭂᬜ᭄ᬘᬶᬗᬄ᭟ᬫᬾᬦ᭄ᬩᭂᬓᬸᬂᬫᬗ᭄ᬓᬶᬦ᭄ᬓᭀᬘᬧ᭞ᬭᬯᬸᬄᬲᬓᬶᬂᬧᬲᬃᬫᬗ᭄ᬓᬶᬦ᭄᭞ᬓᬸᬫᬺᬢᬕ᭄ᬫᬦᬳᬾᬋᬓᭀ᭞ᬲᬂᬧᬢᬶᬄᬲᬕᬾ
ᬢ᭄ᬫᬮᬸᬗ᭄ᬕᬸᬄ᭞ᬳᬶᬧᬢᬶᬄᬭᬭᬶᬲ᭄ᬗᬦ᭄ᬤᬶᬓᬵ᭞ᬤᬶᬦᬶᬩᬶᬩᬶ᭞ᬤᬾᬰᬦᬧᬶᬓᬾᬯᬵᬱ᭄ᬝᬜ᭟ᬧᬸᬦᬶᬓᬶᬓᬭᬂᬦᬸᬭᭀᬚ᭞ᬭᬢᬸᬳᬧᬜᭂᬦᭂᬂᬤᬶᬦᬶ᭞ᬩ᭄ᬬᬦᬳᬤᬭᬢᬸᬋᬓᭀ᭞ᬳᬸᬫᬄᬢᬶᬢ᭄ᬬᬂᬲᬓᬶᬂᬳᬶᬮᬸ᭞ᬢᬸᬫᬸᬮᬶᬫᬵᬢᬸᬃᬕ᭄ᬮᬶᬲᬂ᭞ᬭᬶᬂᬲᬂᬧᭂᬓᬶᬓ᭄᭞
ᬫᬾᬦ᭄ᬩᭂᬓᬸᬂᬭᬭᬶᬲ᭄ᬫᬢᬸᬭ᭟ᬤᬾᬯᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬳᬶᬤᬾᬯᬭᬢᬸᬓᬓᬮᬶᬄ᭞ᬯᬾᬦ᭄ᬢᭂᬦ᭄ᬢᬫ᭄ᬬᬸᬤᬶᬯᬂᬋᬓᭀ᭞ᬳᬸᬢᬸᬲᬦ᭄ᬳᬶᬤᬲᬂᬧ᭄ᬭᬪᬸ᭞ᬢᬦ᭄ᬳᬸᬭᬸᬂᬳᬶᬤᬾᬯᬲᬾᬤ᭞ᬭᬳᬤᬾᬦ᭄ᬤᬾᬯᬶ᭞ᬗᬦ᭄ᬤᬶᬓᬳᬲᭂᬫᬸᬳᬶᬘ᭟ᬫᬭᬶᬓᬩᭂᬮᬶᬓ
ᬚᬩ᭞ᬳᭂᬦᭂᬫᬶᬦ᭄ᬳᬶᬓᬓᬶᬧᬢᬶᬄ᭞ᬫᬲᬬᬩ᭄ᬭᬂᬢᬶᬋᬓᭀ᭞ᬫ᭄ᬭᬶᬓᬲᬵᬫ᭄ᬧᬸᬦ᭄ᬩᭂᬮᬶᬧᭂᬲᬸ᭞ᬦᬶᬓᬬᬂᬚᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬤ᭄ᬭᬶᬓᬶ᭞ᬲᬂᬩᬕᬸᬲ᭄ᬢᬦ᭄ᬧᬶᬯᬮ᭄ᬳᬃᬱ᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓ᭞ᬲᬦ᭄ᬤᬶᬓᬦ᭄ᬳᬶᬤᬾᬯᬤ᭄ᬬᬄᬳᬭᬶ᭞ᬲᬂᬩᬕᬸᬲ᭄ᬫᬳ

[᭓᭕ 35A]
᭓᭕
ᬢᬸᬃᬳᬮᭀᬦ᭄᭞ᬢᬶᬢ᭄ᬬᬂᬢᬦ᭄ᬧᬫᬶᬯᬮ᭄ᬓᬬᬸᬦ᭄᭞ᬢᬸᬫᬸᬮᬶᬳᬕ᭄ᬮᬶᬲ᭄ᬫᭂᬤᬮ᭄᭞ᬲᬂᬳᬧᭂᬓᬶᬓ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬂᬩᬜ᭄ᬘᬶᬗᬄ᭟ᬩᬕᬸᬲ᭄ᬢᬸᬭᬸᬦᬦ᭄ᬗᬦ᭄ᬤᬶᬓᬵ᭞ᬓᬓᬶᬧᬢᬶᬄᬓᭀᬬᬾᬦ᭄ᬧ᭄ᬭᬵᬧ᭄ᬢᬶ᭞ᬳᬶᬤᭂᬫᬂᬤᭂᬫᬸᬂᬫᬲᭂᬭᭀᬤ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂ
ᬤᬾᬯᬭᬢᬸ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬧ᭄ᬭᬪᬸ᭞ᬦᬾᬦᬾᬫᬗ᭄ᬓᬶᬦ᭄᭞ᬫᬦᬸᬢᬸᬕ᭄ᬧᬸᬢ᭄ᬭᬦᬾᬳᬶᬮᬂ᭟ᬢᬶᬦᬸᬢᬸᬕ᭄ᬢᬦ᭄ᬓᬢᬸᬢᬸᬕᬦ᭄᭞ᬢᬦ᭄ᬓᬭ᭄ᬯᬦ᭄ᬮᬓᬸᬦᬾᬫᬗ᭄ᬓᬶᬦ᭄᭞ᬲᬂᬩᬕᬸᬲ᭄ᬗᬦ᭄ᬤᬶᬓᬳᬮᭀᬦ᭄᭞ᬕᬸᬲ᭄ᬢᬶᬦ᭄ᬓᬳᬶᬭᬤᬾᬦ᭄ᬕᬮᬸᬄ᭞ᬲᬸᬩᬤᬶᬦᬶᬭᬓ᭄ᬱᬦ᭄ᬢᬶ
ᬢ᭄ᬬᬂ᭞ᬤᭂᬫᬸᬂᬧᬢᬶᬄᬧᬢᬶᬄ᭞ᬳᬗᬸᬘᬧ᭄‌‌ᬲᬸᬓᬦᬾᬮᬶᬯᬵᬢ᭄᭟ᬢᬶᬢ᭄ᬬᬂᬓᬳᬸᬢᬸᬲ᭄ᬫᬶᬢᬢᬲ᭄᭞ᬬᬦ᭄ᬓᬦ᭄ᬢᭂᬦ᭄ᬳᬶᬤᬾᬯᬗᬫ᭄ᬩᬶᬮ᭄᭞ᬧᬗᬦ᭄ᬤᬶᬓᬦ᭄ᬤᬲᬂᬓᬢᭀᬂ᭞ᬳᬶᬤᬾᬯᬓᬤᬸᬤᬸᬓ᭄ᬱᬸᬦᬸ᭞ᬧᬘᬂᬗᬦ᭄ᬢᬶᬧᬜᭂᬦᭂᬗᬦ᭄᭞ᬤᬶᬓᬤᬶᬭᬶ᭞ᬓᬾᬦ
ᬓ᭄ᬓᬬᬸᬦᬾᬲᬂᬦᬵᬣ᭟ᬭᬳᬤᬾᬦ᭄ᬕᬮᬸᬄᬓᬚᬩ᭞ᬲᬕᬺᬳᬦ᭄ᬧᬜ᭄ᬚᬓᬾᬗᬶᬭᬶᬂ᭞ᬭᬯᬸᬄᬫᬭᬶᬂᬚᬩᬋᬓᭀ᭞ᬗᬦ᭄ᬤᬶᬓᬰᬩ᭄ᬤᬦᬾᬳᬮᬸᬲ᭄᭞ᬓᬓᬶᬧᬢᬶᬄᬓᭀᬬᬾᬧ᭄ᬭᬵᬧ᭄ᬢ᭞ᬤᭂᬫᬸᬂᬧᬢᬶᬄ᭞ᬳᬗᬸᬘᬧ᭄ᬳᬲᭂᬫᬸᬳᬶᬘ᭟᭜᭟ [ 36 ][᭓᭕ 35B]
᭓᭕
ᬇᬢᬶᬕᬕᬸᬭᬶᬢᬦ᭄ᬳᬦᬓ᭄ᬩᭂᬓᬸᬂ᭞ᬇᬦᬵᬭᭀᬦ᭄ᬢᬮ᭄‌‌ᬥ᭄ᬭᬸᬯᬾᬦ᭄᭞ᬳᬶᬤᬩᬕᬸᬲ᭄‌‌ᬯᬬᬦ᭄ᬧᬸᬢᬸᬳᬤ᭄ᬜᬦ᭞ᬕ᭄ᬭᬶᬬᬧᭂᬦ᭄ᬤᭂᬫ᭄᭞ᬓᬭᬗᬲᭂᬫ᭄᭟ᬲᬦᬾᬦᭂᬤᬸᬦᬶᬦ᭄᭞ᬳᬶᬜᭀᬫᬦ᭄ᬤᭂᬕᭂᬂ᭞ᬓᬸᬯᬸᬫ᭄᭞ᬳᬫ᭄ᬮᬭᬵᬚ᭟ᬧᬸᬧᬸᬢ᭄ᬲᬶᬦᬸᬭᬵ
ᬢ᭄᭞ᬓᬵᬮᬤᬶᬦᬵ᭞ᬰ᭞ᬓ᭞ᬯᬭᬓ᭄ᬭᬸᬮᬸᬢ᭄᭞ᬰᬰᬶᬄᬓᬱ᭞ᬇᬰᬵᬓ᭞᭑᭙᭒᭑᭟᭜᭟