Ban/Gaguritan Bagus Anggastya

Deskripsi

Naskah

[ 1 ][ ᭑1A]
Nama/judul:-Gag. Bag. Anggastya-
Panjang: 45 cm
Lebar: 3,5 cm
Jumlah: 14 lembar
Asal: Geriya Jlantik, Subagan, Karangasem. [ 2 ][᭑ 1B]
᭑
᭚᭐᭚ᬅᬯᬶᬖ᭄ᬦᬫᬲ᭄ᬢᬸ᭚᭐᭚ᬲᬶᬦᭀᬫ᭄᭚᭐᭚ᬇᬲᭂᬂᬚᬸᬫᬄᬧ᭄ᬢᭂᬂᬍᬫᬄ᭞ᬫᬗᬗ᭄ᬕᬸᬃᬢ᭄ᬯᬭᬵᬤᬵᬦᬶ᭞ᬫᬓᬶᬤᬸᬗᬦ᭄ᬕᬦ᭄ᬤᬂᬕᬦ᭄ᬤᬂ᭞ᬗᬫᬾᬳᬫᬾᬦᬾᬤ᭄ᬫᭂᬦᬶᬦ᭄᭞ᬫᬜᬸᬲᬸᬧ᭄ᬫᬗᬯᬾᬧᬮᬶᬂ᭞ᬲᬭᬸᬲᬭᬸᬯᬂᬩᬦ᭄ᬓᬶᬤᬸᬂ᭞ᬓᬢᬸᬚᬸᬳᬦᬵᬦᬸ᭠
ᬦ᭄ᬤᬾᬦᬂ᭞ᬫᬦᬸᬭᬸᬦ᭄ᬲᬢ᭄ᬯᬵᬳᬓᬶᬤᬶᬓ᭄᭞ᬓᬓᬶᬤᬸᬗᬦ᭄ᬫᬵᬫᬯᬲ᭄ᬢᬵᬳᬗ᭄ᬕᬲ᭄ᬢ᭄ᬬᬧᬃᬯ᭄ᬯᬵ᭟ᬓᬸᬤᬸᬩᬳᬦ᭄ᬫᬦᬸᬗ᭄ᬓᬲᬂ᭞ᬳᬧᬂᬲᬶᬤᬵᬲᬳᬶᬦᬸᬮᬶᬲ᭄᭞ᬤᬾᬦᬶᬂᬓᬩᬢᭂᬓ᭄ᬧᬶᬢᬺᬱ᭄ᬡᬵ᭞ᬳᬧᬂᬫᬮᬶᬄᬳᬤᬵᬘᬶᬭᬶ᭞ᬲᬶᬤᬵᬩᬳᬦ᭄ᬫᬗ᭄ᬮᬫ᭄ᬧᬳᬶᬦ᭄᭞ᬗᬶᬂ
ᬳᬫ᭄ᬧᬸᬭᬵᬲᬲ᭄ᬢ᭄ᬭᬵᬩᬦ᭄ᬥᬸᬂ᭞ᬲᬮᬄᬧᬲᬂᬢᭂᬫ᭄ᬩᬂᬓᬶᬢᬮ᭄᭞ᬳᬲᬶᬂᬫ᭄ᬩᬯᭀᬲ᭄‌ᬗ᭄ᬯᬄᬳᬸᬯᬸᬳᬶᬦ᭄᭞ᬢ᭄ᬮᬸᬓᭀᬘᬧ᭄‌ᬦᬾᬤᬤ᭄ᬯ᭞ᬢᭀᬂᬤᬤᬶᬩᭂᬮᬲ᭄᭟ᬦᬾᬳᬩ᭄ᬲᬶᬓᬫᬯᬸᬤᬸᬳᬂ᭞ᬢᬶᬗ᭄ᬓᬄᬚᬤ᭄ᬫᬦᬾᬦᬸᬫᬤᬶ᭞ᬲᬗ᭄ᬓᬦ᭄ᬳᬤᬵᬚᭂᬮᬾᬫ᭄ᬮᬄ᭞ᬲᬂ
ᬧᬡ᭄ᬥᬶᬢᬻᬫᬶᬦᬓᬤᬶ᭞ᬦᬸᬤᬸᬄᬯᬶᬢ᭄ᬭᬦᬾᬲᬫᬶ᭞ᬫᬗ᭄ᬭᬕᬬᬂᬧᬲᬸᬓ᭄ᬯᭂᬢᬸ᭞ᬉᬧ᭄ᬢᬶᬲ᭄ᬢᬶᬢᬶᬧ᭄ᬭᬵᬮᬶᬦᬵ᭞ᬦᬵᬗ᭄ᬳᬶᬂᬫᬵᬤᬚ᭄ᬱᬶᬡ᭄ᬦᬲᬫᬶ᭞ᬧᬤᬵᬫᬦᬸᬢ᭄ᬦᬶᬲ᭄ᬢᬵᬫᬥ᭄ᬬᬵᬫ᭄ᬯᬂᬉᬢᬫ᭄ᬫᬵ᭟ᬤᬶᬢᬸᬫᬵᬗᬮᬶᬄᬧᬯᬓᬦ᭄᭞ᬳᬧᬂᬓᬃᬯ᭄ᬯᬦ᭄
[ ᭒ 2A]
ᬫᭂᬲᭀᬃᬲᬶᬗ᭄ᬕᬶᬄ᭞ᬤᭀᬢᬓᬸᬢ᭄ᬧᬘᬂᬓᬩᬾᬬᬦ᭄᭞ᬤᬸᬮᬸᬭᬶᬦ᭄ᬧᬶᬢᬺᬱ᭄ᬡᬦ᭄ᬲᬸᬩᬓ᭄ᬢᬶ᭞ᬭᬶᬂᬳᬶᬤᬵᬲᬂᬫᬗ᭄ᬯᬾᬤᬳᬶᬦ᭄᭞ᬢᭀᬂᬦᬸᬕᬵᬫᬗ᭄ᬕᬸᬄᬭᬳᬬᬸ᭞ᬦᬾᬓᭀᬳᬤᬵᬳᬶᬫ᭄ᬩᬸᬜᬵ᭞ᬦᬾᬦᬾᬢ᭄ᬯᬭᬵᬫᬦᬸᬢ᭄ᬳᬶᬦ᭄ᬤᬶᬓ᭄᭞ᬧᬢᬶᬓᬘᬸᬄᬩ
ᬦ᭄ᬜᬸᬮᬦᬂᬳᬸᬧᬵᬓᬭᬵ᭟ᬬᬦ᭄ᬭᬶᬂᬓᬚᬂᬲᬾᬓᭂᬢ᭄ᬧᬢ᭄ᬧᬢ᭄᭞ᬦᬵᬗᬶᬂᬫ᭄ᬥᬓ᭄ᬱᬶᬦᬦ᭄ᬫᬸᬜᬶ᭞ᬢᭂᬓᬾᬦᬶᬂᬢᭀᬬᬵᬧᬗᭂᬦ᭄ᬢᬲ᭄᭞ᬫᬮᬶᬄᬫ᭄ᬤᬓ᭄ᬱᬶᬦᬦ᭄ᬫᬸᬜᬶ᭞ᬳᭂᬦ᭄ᬢᭀᬤᬶᬚᬵᬭᬸᬭᬸᬄᬳᬮᬶᬄ᭞ᬢᬸᬫᬶᬢᬶᬲᬦᬾᬭᬳᬬᬸ᭞ᬢᭀᬓᬳᬶᬘᬾᬦ᭄ᬳᬸᬯᬓ᭄᭞
ᬧᬺᬮᬶᬦᬦᬶᬂᬲᬃᬯ᭄ᬯᬧ᭄ᬭᬡ᭄ᬡᬶ᭞ᬓ᭄ᬭᬦᬵᬢᬸᬫ᭄ᬩᬸᬄ᭞ᬮ᭄ᬬᬸᬫᬧᬾᬮᬕ᭄‌ᬧᬾᬮᬕᬦ᭄᭟ᬲᬮ᭄ᬯᬶᬭᬶᬂᬫᬤᬦ᭄‌ᬯᭀᬤᬗ᭄ᬕᬵ᭞ᬲᬓᬶᬂᬧᬵᬕᬯᬾᬦᬾᬗᬸᬦᬶ᭞ᬲᬾᬗ᭄ᬓᭀᬓ᭄ᬕᭀᬦ᭄ᬤᭀᬂᬩ᭄ᬯᬶᬦ᭄ᬗᭀᬦ᭄ᬢᬓ᭄᭞ᬓᭀᬧᬶᬂᬧ᭄ᬭᬸᬢ᭄ᬩᬶᬩᬶᬄᬘᬸᬗᬶᬄ᭞ᬚᬸᬕᭂᬤ᭄ᬮᬶᬫᬦᬾᬤᬶᬫ᭄ᬧᬶᬮ᭄
᭞ᬢᭀᬧᬮᬜᬵᬲᬮᬄᬳᬸᬓᬸᬃ᭞ᬢᬶᬂᬓᬳᬾᬗᬸᬧᬵᬓᬭᬵ᭞ᬩᬓᬢ᭄ᬯᬤᬳᬾᬩ᭄ᬬᬦᬶᬦ᭄᭞ᬢ᭄ᬯᬭᬵᬢᬳᬸᬧᬶᬢ᭄ᬭᬦᬾᬳᬗ᭄ᬕᭀᬦ᭄ᬲᬫ᭄ᬩᬶᬮᬦ᭄᭟ᬳᬢᬸᬢ᭄ᬗᬢᬸᬭᬂᬤᬓ᭄ᬱᬶᬦᬵ᭞ᬗᬚᬓ᭄ᬲᭀᬫᬄᬧ᭄ᬬᬦᬓ᭄ᬘᭂᬦᬶᬓ᭄᭞ᬫᬢᬶᬫ᭄ᬧᬸᬄᬫᬦᬸᬦᬲ᭄ᬳᬶ [ 3 ][ ᭒ 2B]
᭒
ᬘᬵ᭞ᬗᭀᬤᬕ᭄ᬲᬲᬦ᭄ᬳᬸᬦᬾᬲᬫᬶ᭞ᬳᬦᬓ᭄ᬢ᭄ᬯᬭᬵᬧᬶᬲᬦ᭄ᬤᬤᬶ᭞ᬢᬦ᭄ᬲᬶᬤᬵᬕᬦ᭄ᬧᬲᭂᬲᬦ᭄ᬢᬸᬦ᭄᭞ᬬᬦᬶᬂᬢᬦ᭄ᬲᬓᬶᬂᬮᬸᬕ᭄ᬭᬳᬵ᭞ᬧᬮᬜᬫᬗᬸᬦ᭄ᬢᬗᬦ᭄ᬢᬶᬂ᭞ᬤᬤ᭄ᬬᬜᬵᬢᬸᬫᬶᬢᬶᬲᬦᬾᬕᬯᬾᬦᬂ᭟ᬓ᭄ᬭᬦᬵᬦᬾᬰᬦᬶᬧᬢᬸᬢᬂ᭞ᬢᬶ
ᬗ᭄ᬓᬳᬾᬧᬘᬂᬫ᭄ᬩᬾᬬᬦᬶᬦ᭄᭞ᬢᬶᬃᬢᬻᬓᬾᬲᭂᬥᭂᬂᬩ᭄ᬯᬢᬂ᭞ᬓᬚᬂᬤᬤ᭄ᬬᬂᬳᬩ᭄ᬲᬶᬓ᭄ᬫᬫᬕᬶ᭞ᬦᬶᬲ᭄ᬢᬦ᭄ᬜᬦᬾᬧᬶᬢᬸᬗᬢᬸᬲ᭄᭞ᬧ᭄ᬢᬂᬢᬮᬶᬳᬗ᭄ᬕᭀᬫᬥ᭄ᬬᬵ᭞ᬉᬢᬫᬜᬵᬓᬸᬢᬸᬲ᭄ᬢᬮᬶ᭞ᬲᬸᬩᭂᬫᬦᬸᬢ᭄ᬳᬸᬢᬫᬦ᭄ᬬᬵᬲᬸᬤ᭄ᬭᬵᬯᬗ᭄ᬰᬵ
᭟ᬧ᭄ᬢᬗ᭄ᬢᬮᬶᬳᬗ᭄ᬕᭀᬦ᭄ᬦᬶᬲ᭄ᬢᬵ᭞ᬫᬬ᭄ᬬᬜᬵᬳᬓᬸᬢᬸᬲ᭄ᬢᬮᬶ᭞ᬉᬢᬫᬦ᭄ᬜᬦᬾᬦᭂᬫ᭄‌ᬩ᭄ᬮᬲ᭄᭞ᬭᬯᬸᬯᬶᬂᬫᬸᬗ᭄ᬕᬄᬳᬧᬭᬶᬧᬶᬄ᭞ᬳᬗᬶᬂᬤᬤᭀᬲ᭄ᬫᬮᬶᬄᬩᬕᬶ᭞ᬓᬾᬯᬮᬵᬲᬫ᭄ᬧᬸᬦ᭄ᬫᬳᬦᬸᬢ᭄᭞ᬤᬓ᭄ᬱᬶᬦᬦ᭄ᬜᬵᬫᬗ᭄ᬤᬵᬜᬸᬧᬢ᭄᭞ᬫᬵᬓᬤᬶᬓᬸ᭠
ᬤᬸᬧᬶᬂᬳᬚᬶ᭞ᬫᬗ᭄ᬤᬵᬫ᭄ᬢᬸᬲᬓᬶᬂᬳᬤ᭄ᬜᬡᬵᬦᬶᬂᬫ᭄ᬫᬮᬵ᭟ᬤᭀᬂᬤᬯᬤᬄᬓ᭄ᬭᬦᬵᬜᬸᬧᬢ᭄᭞ᬧᬢᬸᬮᬗᬦᬾᬫᬜ᭄ᬚᭂᬕᬶᬃ᭞ᬫᬧᬶᬦ᭄ᬤᬦ᭄ᬫᬧᬾᬮᬕ᭄ᬳᬾᬦ᭄ᬤᬄ᭞ᬕᬚᬄᬫᬶᬦᬵᬩᬯᬶᬲᬺᬂᬕᬶ᭞ᬫ᭄ᬯᬂᬲᬂᬲᬶᬗ᭄ᬳᬵᬫᬓᬫ᭄ᬧᬶᬤ᭄᭞ᬚᬮᬦᬾᬓᬲᬸᬮᬵᬮ

[ ᭓ 3A]
ᬩᬸᬄ᭞ᬗᬸᬮᬄᬳᬾᬗ᭄ᬕᬮ᭄ᬫᬵᬚᬮᬦ᭄᭞ᬓᬧᬗ᭄ᬕᬸᬳᬂᬩᬸᬓᬵᬚᬦᬶ᭞ᬲᬮᬄᬤᬸᬦᬸᬂᬧᬶᬢ᭄ᬭᬦᬾᬤᬤᬶᬗᬸᬫᬦ᭄ᬤᬂ᭟ᬲᭀᬓ᭄ᬦᭀᬕ᭄ᬢᭀᬕᬂᬳᬶᬲᬶᬦ᭄ᬳᬸᬫᬄ᭞ᬗ᭄ᬕᬳᬾᬯᬤᬄᬳᬧᬂᬧᬲ᭄ᬢᬶ᭞ᬫᬲᬶᬫ᭄ᬩᬃᬫᬧᬯᬮᬶᬳᬦ᭄᭞ᬢᬤᬵᬳᬮᬲ᭄‌ᬫ᭄ᬦᬾᬓ᭄ᬭᬶᬂᬭᬶᬂ᭞
ᬫᬳᬸᬜ᭄ᬘᬃᬫᬓᬓᬶᬢᬶᬃ᭞ᬧ᭄ᬭᬲ᭄ᬩᬳᬦᬾᬫᬢᬸᬭᬸᬢ᭄᭞ᬫᭂᬗᬗ᭄ᬕᭀᬲᬃᬯ᭄ᬯᬵᬲᬸᬢ᭄ᬭᬵ᭞ᬫ᭄ᬦᬾᬓ᭄ᬩᭂᬦ᭄ᬤᬾᬃᬧᬓᬵᬭᬶᬤᬶᬂ᭞ᬫᬩ᭄ᬬᬬ᭄ᬯᬦ᭄ᬫᭂᬦᬾᬓᬂᬤᬮᬂᬫᬫᬜ᭄ᬚᬂ᭟ᬲᬲᬢ᭄ᬫᬫᬺᬱᬶᬦ᭄ᬧᬧᬵᬗᬦ᭄᭞ᬳᬯᬓ᭄ᬮ᭄ᬬᬸᬗᬸᬢᬂᬧᬶᬧᬶᬲ᭄᭞ᬫᬓ᭄ᬚᬂᬢ᭄ᬯᬭᬵᬕᬯᬾᬜᬵ
᭞ᬤᬶᬧᭂᬢᭂᬗᬾᬫᬲᬶᬄᬕᬶᬧᬶᬄ᭞ᬫᬗᭂᬜ᭄ᬘᬦᬂᬩᬦ᭄ᬢᭂᬦ᭄ᬲᬸᬘᬶ᭞ᬢ᭄ᬓᬾᬦᬶᬂᬧᬶᬧᬶᬲ᭄ᬲᬲᬦ᭄ᬢᬸᬦ᭄᭞ᬧᬘᬂᬫᬜᬸᬤᬵᬫ᭠ᬮᬵ᭞ᬤᬾᬤᬮᬂᬲᬸᬩᬵᬫᬜ᭄ᬚᭂᬕᬶᬃ᭞ᬫᬧᬭᬸᬘᬸᬢ᭄᭞ᬫᬗᬋᬧᬶᬦ᭄ᬲᬗ᭄ᬓᬸᬢᬵᬫ᭄ᬩᬕᬵ᭟ᬳᭂᬦ᭄ᬢᭀᬤᬶᬚᬵᬳᬤᬵᬲᬲ᭄ᬢ᭄ᬭᬵ᭞ᬚᬯ
ᬢ᭄ᬤᬶᬓᬶᬤᬸᬂᬓᬵᬓᬯᬶᬦ᭄᭞ᬲᬸᬧᬢ᭄ᬜᬢᭀᬬᬚ᭄ᬤᬮᬂ᭞ᬳᬤᬵᬲᬲ᭄ᬢ᭄ᬭᬵᬫᬜ᭄ᬚᭂᬧᬢᬶᬦ᭄᭞ᬫᬳᬶᬢᬸᬭᬸᬦ᭄ᬓᬵᬩ᭠ᬮᬶ᭞ᬤᬃᬫ᭄ᬫᬵᬧᭂᬯᬬᬗᬦ᭄ᬫᬸᬗ᭄ᬕᬸᬄ᭞ᬓ᭄ᬭᬦᬵᬫᬜᬸᬤᬵᬫᬮᬵ᭞ᬲᬮ᭄ᬯᬶᬭᬶᬂᬕᬯᬾᬩᬩᬮᬶ᭞ᬕᬯᬾᬳᬬᬸᬲᬶᬤᬵᬲᬂᬫᬗ᭄ᬯᬗᬸᬦ᭄ᬓᬃ [ 4 ][᭓ 3B]
᭓
ᬬ᭄ᬬᬵ᭟ᬩ᭄ᬯᬶᬦ᭄ᬓᬮᬦᬶᬂᬯᬓ᭄ᬭᭀᬭᬲ᭄᭞ᬳᭂᬦ᭄ᬢᭀᬲᬸᬩᬵᬫᬯᬓ᭄ᬱᬸᬘᬶ᭞ᬲᬗ᭄ᬓᬦ᭄ᬢᭀᬜᬦ᭄ᬤᬂᬩ᭄ᬯᬢᬗ᭄᭞ᬧᬦᬸᬭᬵᬢ᭄ᬦᬵᬫᬦᬾᬗ᭄ᬳᬚᬶ᭞ᬬᬾᬦ᭄ᬜᬲᬶᬤᬵᬩᬦ᭄ᬦᬸᬮᬸᬭᬶᬦ᭄᭞ᬫᬧᬹᬡ᭄ᬬᬓᬾᬯᬮᬵᬢ᭄ᬤᬸᬦ᭄᭞ᬫᬶᬗ᭄ᬓᬶᬦ᭄ᬓᬾᬬᬦ᭄ᬳᬤᬵᬯᬲ᭄ᬢ᭄ᬭᬵ᭞ᬢ᭄ᬓᬾᬦᬶᬂᬫ᭄ᬜ
ᬦ᭄ᬳᬲ᭄ᬢᬗ᭄ᬕᬶ᭞ᬤᬶᬢᬸᬧᬸᬧᬸᬢ᭄ᬲ᭄ᬓᬮᬵᬦᬶᬲ᭄ᬓᬮᬵᬢᭂᬫ᭄ᬯᬂ᭟ᬭᬳᬬᬸᬲᬂᬫᬗᬯᬾᬦᬂ᭞ᬫᬶᬗ᭄ᬓᬶᬦ᭄ᬓᬾᬲᬂᬲᬫ᭄ᬧᬸᬦ᭄ᬮᬶᬘᬶᬦ᭄᭞ᬫᬓᬵᬓᬮᬶᬄᬧᬸᬮᬶᬄᬥᬮᬵ᭞ᬭᬕᬵᬲᬫ᭄ᬧᬸᬦ᭄ᬓᬯᬾᬤᬳᬶᬦ᭄᭞ᬫᬸᬗ᭄ᬕᬄᬲᬶᬤᬭᬶᬂᬤᭀᬦ᭄ᬩᬶᬗᬶᬦ᭄᭞ᬓ᭄ᬭᬦᬵᬲᬸᬳᬸᬤᬂᬫᬦᬸᬢᬸᬃ᭞
ᬬᬦᬶᬂᬓᬮᬦᬶᬂᬫᬮᬶᬕ᭄ᬬ᭞ᬓᬃᬬ᭄ᬬᬦ᭄ᬲᬗᬫᬢ᭄ᬯᬪᬸᬫᬶ᭞ᬲ᭄ᬤᭂᬂᬢᬸᬳᬸᬃᬯᬶᬢ᭄ᬭᬦᬾᬤᬶᬢᬸᬳᬶᬭᬶᬗᬂ᭟ᬲᬗ᭄ᬓᬜᬵᬤᬶ᭠ᬢᬸᬢᬓᭀᬦᬂ᭞ᬤᬶᬗᭂᬳᬂᬲᬫᬶᬧᬶᬂᬲᬫ᭄ᬧᬶᬗᬶᬦ᭄᭞ᬢᬶᬗ᭄ᬓᬳᬾᬘᬸᬘᬸᬘᬸᬤ᭄ᬭᬶᬂᬯᬶᬢ᭄ᬭᬵ᭞ᬳᬧᬂᬤᬵᬲᬸᬩᬵᬦᬦ᭄ᬧᬮᬶᬂ᭞ᬤᬾᬦᬶᬂᬳᬯᬓᬩᬸᬯ
ᬓᬵᬚᬦᬶ᭞ᬢ᭄ᬯᬭᬵᬦᬯᬂᬓᬗᬶᬦ᭄ᬓᬯᬸᬄ᭞ᬬᬾᬦᬶᬂᬓᬮᬦᬶᬂᬕᬮᬸᬗᬦ᭄᭞ᬢᭀᬕ᭄ᬢᭀᬕ᭄ᬧᬶᬢ᭄ᬭᬦᬾᬓᬳᬸᬓᬶᬦ᭄᭞ᬩᬳᬂᬧᬸᬜ᭄ᬚᬸᬂᬧᭂᬧᭂᬢᬂᬳᬾᬩᬢ᭄ᬳᬾᬩᬢᬦ᭄᭟ᬩᬸᬯᬶᬦ᭄ᬓᬮᬦᬶᬂᬓᬸᬦᬶᬗᬦ᭄᭞ᬦᬸᬦ᭄ᬤᬸᬂᬧᬶᬢ᭄ᬭᬗᭂᬢᭀᬕ᭄ᬢᬶᬢᬶᬄ᭞ᬧ᭄ᬲᬸ

[ 4A]
ᬫᬵᬗᬩᬵᬲ᭄ᬕᭂᬳᬦ᭄᭞ᬫᭂᬓᭂᬮᬶᬦ᭄ᬧᬶᬢ᭄ᬭᬦᬾᬲᬫᬶ᭞ᬫ᭄ᬦᬲᬶᬧᬸᬢᬶᬄᬓᬸᬦᬶᬂ᭞ᬢᬸᬭᬸᬢᬦ᭄ᬲᬲᬢᬾᬚᬸᬯᬸᬂ᭞ᬧᭂᬧᭂᬓᬂᬫᬭᬦ᭄ᬢᬲᬦ᭄᭞ᬫᬲᭂᬲᬧᬦ᭄ᬫᬗᬫᬶᬓ᭄ᬫᬶᬓ᭄᭞ᬓ᭄ᬫᬸᬓ᭄‌ᬓ᭄ᬫᬸᬓ᭄‌ᬓ᭄ᬜᬢ᭄ᬮᬶᬫᬦᬾᬗᬬᬩᬂ᭟ᬩ᭄ᬘᬶᬓᬂᬳᬸᬕᬶᬭᬶᬂᬫᬃᬕ᭄ᬕᬵ᭞ᬧᬸᬦᬶᬓᬶ
ᬩᭂᬓᭂᬮ᭄ᬭᬶᬂᬫᬃᬕ᭄ᬕᬶ᭞ᬢᬸᬫ᭄ᬮᬯᬃᬲᬵᬲᬢᬾᬘᬮᭀᬦ᭄᭞ᬳᬸᬭᬩ᭄ᬩᬭᬓ᭄ᬳᬸᬭᬩ᭄ᬧᬸᬢᬶᬄ᭞ᬲᬫ᭄ᬩᭂᬮ᭄ᬧᬾᬮᬲ᭄ᬩᬵᬮᬦ᭄ᬤᬶᬂ᭞ᬓᬘᬂᬢᭀᬫᬓ᭄ᬱᬸᬤᬂᬢᬮᬸᬄ᭞ᬧᬸᬦᬶᬓᬶᬢ᭄ᬯᬓ᭄ᬪᬭᬓ᭄᭞ᬩ᭄ᬘᬶᬓᬂᬫᬮᬶᬄᬦᬸᬫᬤᬶ᭞ᬮᬯᬸᬢ᭄ᬩᬗᬸᬦ᭄ᬫᬜᬸᬫ᭄ᬩᬄᬮᬯᬸᬢ᭄ᬫᬸᬮ᭄ᬬᬦ᭄᭟᭠
ᬳᬸᬧᬓᬭᬦᬾᬫᬵᬓᬤᬵ᭞ᬕᬕᬸᬮᬓᬾᬘᬭᬵᬢᬦᬶ᭞ᬫᬜᬸᬬᬵᬕ᭄ᬫᬗᭀᬕᬄᬧᬶᬢ᭄ᬭᬵ᭞ᬳᬗ᭄ᬕᭀᬦ᭄ᬕᬯᬾᬳᬸᬫᭀᬧᬂᬳᬫ᭄ᬧᬶᬂ᭞ᬓᬳᬸᬓᬶᬦ᭄ᬓᭂᬫᭀᬫᬳᬶ᭞ᬳᭂᬦ᭄ᬢᭀᬓ᭄ᬭᬦᬵᬤᬤᬶᬩᬳᬸᬃ᭞ᬲᬸᬘᬶᬦᬾᬫᬯᭀᬃᬘᬫᬄ᭞ᬫ᭄ᬯᬮᬵᬫᬗᬸᬦ᭄ᬢᬗ
ᬦ᭄ᬢᬶᬂ᭞ᬲᬓᬾᬢᬸᬫ᭄ᬩᬸᬄ᭞ᬮᬶᬬᬸᬫᬧᬾᬮᬕ᭄‌ᬧᬾᬮᬕᬦ᭄᭟ᬳᬸᬮᬶᬤᬶᬢᬸᬗᬮᬶᬄᬢᭂᬗ᭄ᬭᬦ᭄᭞ᬳᬤᬓᬾᬢ᭄ᬓᬾᬦᬸᬫᬤᬶ᭞ᬬᬜᬵᬫᭂᬧᭂᬓ᭄ᬳᬸᬧᬓᬭᬵ᭞ᬳᬾᬢᬾᬄᬫᬵᬦᬩ᭄ᬯᬂᬫᬸᬜᬶ᭞ᬩᬕᬸᬲ᭄ᬫᬯᬗ᭄ᬰᬵᬭᬶᬭᬶᬄ᭞ᬳᬮᬵᬧ᭄ᬧᬗᬸᬲᬧᬾ [ 5 ][ ᭔ 4B]
᭔
ᬳᬮᬸᬲ᭄᭞ᬲᬸᬕᬶᬄᬤᬃᬫ᭄ᬫᬵᬢᬸᬃᬧ᭄ᬮᬧᬦ᭄᭞ᬧᬸᬭᬸᬰᬵᬲᬬᬗᬂᬕᬸᬲ᭄ᬢᬶ᭞ᬢ᭄ᬯᬶᬓᬲᬸᬫ᭄ᬩᬸᬂ᭞ᬚᬦᬸᬭᬕᬵᬱ᭄ᬞᬓᭀᬲᬮ᭟ᬳᭂᬦ᭄ᬢᭀᬳᭂᬤᬵᬫᬫᬶᬭ᭄ᬬᬂ᭞ᬲᬲᬭᬦ᭄ᬳᬦᬓᬾᬍᬯᬶᬄ᭞ᬳᭂᬤᬵᬢᬦ᭄ᬤ᭄ᬭᬸᬄᬢ᭄ᬓᬾᬦ᭄ᬳᬯᬓ᭄᭞ᬓ᭄ᬭᬦᬵᬦᬾᬚᬦᬶᬚᬸᬫ᭄ᬯᬶᬦ᭄᭞ᬫᬵᬕᬯᬾ
ᬳᬧᬂᬢᬶᬢᬶᬓ᭄᭞ᬫᬸᬗ᭄ᬧᬸᬂᬲ᭄ᬓᬮᬂᬦᬸᬳᬶᬤᬸᬧ᭄᭞ᬫᬶᬗ᭄ᬓᬶᬦ᭄ᬬᬾᬦᬶᬂᬓᬫᬸᬭᬗᬦ᭄᭞ᬢ᭄ᬯᬭᬵᬫᬗ᭄ᬯᬗᬸᬦᬂᬢᬶᬃᬢ᭄ᬢᬶ᭞ᬤᬶᬚᭂᬭᬸᬭᬸᬄᬫᭂᬮᬳᬾᬧᬘᬂᬢᭂᬫᬬᬂ᭟ᬓ᭄ᬭᬦᬵᬢᬸᬢᬸᬭᬾᬳᬶᬗᭂᬢᬂ᭞ᬧ᭄ᬢᭂᬂᬍᬫᬄᬧᬵᬩᬮᬶᬓᬶᬦ᭄᭞ᬬᬲᬬᬂᬳᬧᬂᬤᬵᬧᬸᬜᬄ᭞ᬦᬾ
ᬧᬢᬸᬢ᭄ᬧᬶᬮᬶᬄᬧᬶᬮᬶᬳᬶᬦ᭄᭞ᬢᬢᬲᬂᬩ᭄ᬲᬶᬓ᭄‌ᬩ᭄ᬲᬶᬓ᭄᭞ᬢᬶᬗ᭄ᬓᬳᬾᬫᬓ᭄ᬚᬂᬤᬶᬢᬸ᭞ᬳ᭄ᬦᬾᬳᬤᬵᬮᬶᬂᬦᬶᬂᬲᬲ᭄ᬢ᭄ᬭᬵ᭞ᬲ᭄ᬤᭂᬂᬕᬸᬕᬸᬲᬋᬂᬲᬫᬶ᭞ᬳᬗ᭄ᬕᭀᬦ᭄ᬢᭂᬤᬸᬂᬆᬗ᭄ᬕᬲ᭄ᬢ᭄ᬬᬵᬧᬃᬯ᭄ᬯᬵᬘᬭᬶᬢᬻ᭟ᬦᬾᬲᬓᬶᬢ᭄ᬢᭀᬂᬤᬤᬶᬲᬫ᭄ᬩᬢ᭄᭞ᬩᬢᭂᬓ᭄ᬧᬵᬕᬯᬾ
ᬦᬾᬗᬸᬦᬶ᭞ᬫᬫᬸᬕ᭄ᬧᬸᬕ᭄ᬫᬜᬸᬜ᭄ᬚᬢ᭄ᬧᬗ᭄ᬕᬄ᭞ᬲᬗ᭄ᬓᬜᬵᬢᭂᬫ᭄ᬯᬂᬚᬦᬶ᭞ᬲᬓᬶᬢᭀᬂᬤᬤᬶᬳᬸᬩᬤᬶᬦ᭄᭞ᬫ᭠ᬯᬓ᭄ᬳᬸᬧᬲ᭄ᬘᭂᬢᬶᬓ᭄ᬭᬘᬸᬦ᭄᭞ᬓᭀᬘᬧ᭄ᬫᬗᬼᬢᭂᬳᬶᬜ᭄ᬚᬕᬢ᭄᭞ᬫᬗ᭄ᬤᬾᬲᬬᬄᬢᬦ᭄ᬧᬩᬸᬓ᭄ᬢᬶ᭞ᬮ᭄ᬯᬶᬄᬓᬢᬸᬤᬸᬄ᭞ᬓ᭄ᬭᬦᬵᬢᭀᬂ

[᭕ 5A]
ᬓᬗ᭄ᬕᭀᬯᬂᬤᬾᬰᬵ᭟ᬲᬦᬾᬩᭀᬗ᭄ᬓᭀᬓ᭄ᬕᭂᬤᬾᬤᬾᬯᬓ᭄᭞ᬫᬲᬶᬄᬧᬕᬯᬾᬦᬾᬗᬸᬦᬶ᭞ᬬᬫᬫᬮᬶᬂᬲᬃᬯ᭄ᬯᬵᬯᬶᬚᬵ᭞ᬲᬗ᭄ᬓᬜᬵᬢᭂᬫ᭄ᬯᬂᬚᬦᬶ᭞ᬦᬾᬦᬾᬕᭀᬦ᭄ᬤᭀᬂᬩᭂᬗ᭄ᬓᬮ᭄ᬩᭂᬂᬓᬶᬮ᭄᭞ᬩᭀᬦ᭄ᬢᬓ᭄ᬩ᭄ᬭᬸᬢ᭄ᬩᭂᬗ᭄ᬓᬸᬓ᭄ᬩᬵᬲᬸᬃ᭞ᬫᬵᬫᬮᬶᬂᬩᬩᬸᬗ᭄ᬓᬶᬮᬦ᭄
᭞ᬦᬾᬫᬯᬓ᭄ᬧᬕᬶᬦ᭄ᬢᬶᬮ᭄᭞ᬩ᭄ᬮᬂᬤᬤᬸ᭞ᬓ᭄ᬤᬤᬾᬦ᭄ᬳᬦᬓ᭄ᬗᬮᭀᬫ᭄ᬧᬂ᭟ᬓᭀᬧᬶᬂᬧ᭄ᬭᬸᬢ᭄ᬫᬧ᭄ᬭᬶᬋᬢᬦ᭄᭞ᬲᭀᬓ᭄ᬩᬾᬓᬦ᭄‌ᬗᭂᬦᬄᬗᬘᬶᬗᬶᬮ᭄᭞ᬩᭀᬗᭀᬮ᭄ᬢ᭄ᬯᬭᬵᬦᬶᬗᭂᬄᬧᬭᬦ᭄᭞ᬢᬍᬃᬧᬕᬯᬾᬦᬾᬗᬸᬦᬶ᭞ᬕ᭄ᬤᭂᬕ᭄ᬫᬦᬶᬗᭂᬄᬓᬓᬯᬶᬦ᭄᭞ᬲᬮ᭄ᬯᬶᬭᬶᬂ
ᬲᬲ᭄ᬢ᭄ᬭᬵᬓᬶᬤᬸᬂ᭞ᬤᭂᬫᭂᬦ᭄ᬦᬶᬗᭂᬄᬦᭂᬓᭀᬢᭀᬃ᭞ᬤᬾᬫᭂᬦ᭄ᬫᬶᬲᬸᬄᬩᬧᬵᬓᬸᬫ᭄ᬧᬶ᭞ᬲᬗ᭄ᬓᬦ᭄ᬧ᭄ᬭᬸᬢ᭄᭞ᬢᬸᬫᬶᬢᬶᬲᬦᬾ᭠ᬫᬜ᭄ᬚᬤ᭄ᬫᬵ᭟ᬬᬦ᭄ᬦᬾᬮᬦ᭄ᬤᬸᬂᬲᬮᬄᬲᬸᬓᬢ᭄᭞ᬢᬶᬢᬄᬧ᭄ᬕᬯᬾᬦᬾᬗᬸᬦᬶ᭞ᬫᬜᭀᬮᭀᬂᬫᬗᭂᬗ᭄ᬓᬤ᭄ᬳᭂᬗ᭄ᬓᬤ᭄᭞ᬲᬸᬘᬶᬦᬾ
ᬤᬢᬵᬳᬤᬸᬓᬶᬦ᭄᭞ᬲᬗ᭄ᬓᬜ᭄ᬚᬦᬶᬦᬸᬫᬶᬢᬶᬲ᭄᭞ᬕᭀᬮᬾᬂᬮᬦ᭄ᬤᬸᬂᬲᬮᬄᬲᬶᬓᬸᬢ᭄᭞ᬩᬸᬓᬵᬳᭂᬚᬦᬾᬲᬤᬳᬂ᭞ᬲᬶᬂᬳ᭄ᬓᬧᬤᬵᬗᭂᬤᬾᬓᬶᬦ᭄᭞ᬫᬗ᭄ᬮᬸᬬᬸᬂᬢᬳ᭄ᬬᬸᬗᬦᬾᬗ᭄ᬮᬾᬯᬂ᭟ᬦᬾᬦᬾᬩᬕᬸᬲ᭄ᬫᬗ᭄ᬭᬦᬂ᭞ᬜᬮ᭄ᬬᭀᬕ᭄ᬫᬲ᭄ᬩᭂᬂᬓ᭄ᬜᬶᬂ᭞ [ 6 ][᭕ 5B]
᭕
ᬗᬶᬂᬢᬍᬓ᭄ᬢᭂᬓ᭄ᬩᬕᬸᬲ᭄ᬫᬢᬄ᭞ᬫᬲᬶᬄᬧᬕᬯᬾᬦᬾᬗᬸᬦᬶ᭞ᬲᭀᬓ᭄ᬫᬓ᭄ᬫᬸᬮᬦ᭄ᬦᬯᬶᬢ᭄᭞ᬢ᭄ᬯᬭᬵᬫᬗᬶᬢᬸᬗᬂᬢᬸᬯᬸᬄ᭞ᬫᬜᬫ᭄ᬧᬢ᭄ᬫᬭᬵᬭᬶᬲᬓ᭄᭞ᬗ᭄ᬳᬶᬂᬢ᭄ᬯᬭᬵᬳᬚᬶᬦ᭄ᬓᬾᬦ᭄ᬯᬶᬤᬶ᭞ᬲᬗ᭄ᬓᬦ᭄ᬩᬕᬸᬲ᭄‌ᬩ᭄ᬮᭀᬕ᭄ᬢ᭄ᬯᬭᬵᬗ᭄ᬮᬄᬯᬗ᭄ᬰᬵ᭟ᬳᬤᬵᬩᬓ᭄ᬢᬶᬦᬾ
ᬦ᭄ᬪᬵᬪᬭᬵ᭞ᬢᬶᬢᬶᬢ᭄ᬫᬵᬳᬢᬸᬭᬦ᭄ᬲᬳᬶ᭞ᬢ᭄ᬯᬭᬵᬫᬤᬸᬮᬸᬭᬦ᭄ᬤᬸᬧᬵ᭞ᬓᬸᬫᭂᬮ᭄ᬗᬗ᭄ᬕᭀᬦ᭄ᬓᬫ᭄ᬩᭂᬦ᭄‌ᬤ᭄ᬓᬶᬮ᭄᭞ᬲᬗ᭄ᬓ᭠ᬜ᭄ᬚᬤᬶᬫᬦᬸᬫᬤᬶ᭞ᬲᬸᬕᬶᬄᬦᬗᬶᬂᬲᬓᬶᬢ᭄‌ᬭᬸᬫ᭄ᬧᬸᬄ᭞ᬢᭀᬂᬤᬤᬶᬫᬢᬶᬦ᭄ᬤᬓᬦ᭄᭞ᬓᬾᬯᬮᬵᬇᬤᬸᬧ᭄ᬫᬫᬸᬜᬶ᭞ᬫ᭄ᬤᭂᬫ᭄ᬩᬗᬸᬦ᭄
᭞ᬲᭀᬓ᭄ᬢ᭄ᬯᬭᬵᬓᭀᬯᬗᬦ᭄ᬳᬫᬄ᭟ᬦᬾᬩᬕᬸᬲ᭄ᬚᭂᬕᬾᬕ᭄ᬫᬵᬗᬬᬂ᭞ᬢᬸᬃᬫᬵᬓᬭᬵᬢ᭄ᬧ᭄ᬭᬚ᭄ᬜᬾᬂᬓᬯᬶ᭞ᬓᬚᬦᬵᬆᬱ᭄ᬞᬵᬓᭀᬰᬮᬵ᭞ᬓᬾᬦᬾᬓ᭄ᬭᬦᬦ᭄ᬜᬦᬾᬍᬯᬶᬄ᭞ᬫᬵᬩ᭄ᬭᬢ᭄ᬣᬵᬰᬶᬯᬵᬮᬢ᭄ᬭᬶ᭞ᬢᬼᬩ᭄ᬪᬓ᭄ᬢᬶᬭᬶᬂᬤᬂᬕᬸᬭᬸ᭞ᬫᬓᬵᬤᬶᬭᬶᬂᬲᬂᬧᬡ᭄ᬥᬶ
ᬢ᭄ᬣᬵ᭞ᬭᬶᬂᬳᬶᬤᬵᬪᬣᬵᬭᬵᬯᬶᬥᬶ᭞ᬲᬗ᭄ᬓᬦ᭄ᬫᭂᬮᬄᬫᬯᬓ᭄ᬓᬵᬓᬲᬸᬩᬂᬚᬕᬢ᭄᭟ᬳᬤᬵᬩᭀᬗ᭄ᬓᭀᬓ᭄‌ᬓᬄᬓᬄᬤᬸᬗ᭄ᬓᬄ᭞ᬢᬶᬗ᭄ᬓᬳᬾᬳᬮᬵᬧ᭄ᬫᬫᬸᬜᬶ᭞ᬢᬍᬃᬧᬵᬕᬯᬾᬦᬾᬓᬸᬦᬵ᭞ᬳᬶᬯᬲ᭄ᬭᭀᬂᬢᬳᬾᬦ᭄ᬫᬫᬮᬶᬂ᭞ᬓᬧᬶᬲ
[᭖ 6A]
ᬕᬵᬫᬵᬮᬮᬶ᭞ᬤ᭄ᬫᭂᬦ᭄ᬫᬦᬶᬗᭂᬳᬂᬓᬶᬤᬸᬂ᭞ᬲᬗ᭄ᬓᬜᬵᬩ᭄ᬮᭀᬕ᭄ᬧᬯᬓᬦ᭄᭞ᬧᬳᬶᬢᬸᬗᬦ᭄ᬜᬦᬾᬭᬶᬭᬶᬄ᭞ᬢᬶᬗ᭄ᬓᬄᬳᬬᬸ᭞ᬩᭀᬘᭀᬓ᭄ᬢ᭄ᬯᬭᬵᬤᬵᬫᬯᬗ᭄ᬰᬵ᭟ᬦᬾᬦᬾᬧ᭄ᬬᭀᬲ᭄ᬲᬾᬗ᭄ᬓᭀᬓ᭄ᬗᭀᬭᬂ᭞ᬢᬸᬤᬸᬄᬧᬕᬯᬾᬦᬾᬗᬸᬦᬶ᭞ᬮ
ᬗ᭄ᬓᬲ᭄ᬢᭂᬓᬾᬦᬶᬂᬓᬯᬶᬢᬦ᭄᭞ᬓᭀᬤ᭄ᬫᭂᬜ᭄ᬚᭂᬓ᭄ᬚᭂᬓ᭄ᬦᬶᬜ᭄ᬚᬓᬶᬦ᭄᭞ᬳᭂᬦ᭄ᬢᭀᬢ᭄ᬫᬸᬜᬵᬚᬦᬶ᭞ᬫᭂᬮᬄᬜᬦᬾᬓᬶᬓᬶᬮ᭄ᬚᬸᬓᬸᬂ᭞ᬦᬾᬦᬾᬫᬢᬶᬲ᭄ᬓᭂᬮᬯᬲ᭄᭞ᬧᬕᬯᬾᬦ᭄ᬜᬦᬾᬫᬵᬫᬵᬮᬶᬄᬤᬕᬶᬂᬢ᭄ᬩᬸ᭞ᬓ᭄ᬭᬦᬵᬚᬦᬶᬬᬵᬢᭂᬫ᭄ᬯᬂ᭟ᬦᬾᬧᬾᬘᬾᬂᬧ᭄ᬮᬸᬤ᭄ᬪᬸ
ᬢᬶᬓᬦ᭄᭞ᬫᬲᬶᬄᬧᬕᬯᬾᬦᬾᬗᬸᬦᬶ᭞ᬕ᭄ᬤᭂᬕ᭄ᬢᭂᬓᬾᬦ᭄ᬳᬦᬓ᭄ᬥᬃᬫ᭄ᬫᬵ᭞ᬢᭀᬂᬓᭀᬤᬕ᭄ᬳᬗᬦ᭄ᬗᭂᬦᭀᬢᬶᬦ᭄᭞ᬦᬾᬦᬾᬜᬦ᭄ᬥᬶᬂᬓᬤ᭄ᬫᭂᬦᬶᬦ᭄᭞ᬜ᭄ᬮᬬᬂᬢ᭄ᬓᬵᬫᬗ᭄ᬭᬸᬭᬸᬄ᭞ᬫᬵᬩᬮᬶᬄᬫᬾᬂᬫ᭄ᬩᬾᬂᬫᬢᬵ᭞ᬳᬧᬂᬧ᭄ᬥᬲ᭄ᬩᬦ᭄ᬗᬶᬯᬲᬶᬦ᭄᭞ᬲᬗ᭄ᬓᬦ᭄ᬢᬸ
ᬫ᭄ᬩᬸᬄ᭞ᬧ᭄ᬮᬸᬤ᭄ᬥᬶᬍᬂᬩᭀᬮᬂᬲᬾᬗᬢ᭄᭟ᬦᬾᬦᬾᬩᬜ᭄ᬚᬶᬄᬲᬮᬄᬩᬶᬓᬲ᭄᭞ᬢᬍᬃᬧᬕᬯᬾᬦᬾᬗ᭄ᬕᬸᬦᬶ᭞ᬫᬫᬮᬶᬂᬩᬸᬲᬦᬦ᭄ᬥᬾᬯ᭄ᬯᬵ᭞ᬫ᭄ᬯᬄᬤᬶᬧᬸᬭᬵᬫᬵᬲᭂᬲᬓᬶ᭞ᬢᭀᬓ᭄ᬭᬦᬵᬦ᭄ᬥᬤᬶᬩᬜ᭄ᬚᬶᬄ᭞ᬢᭀᬗ᭄ᬥᬤᬶᬳᬗ᭄ᬕᭀᬦ᭄ᬫᬢ᭄ᬫᬸ᭞ [ 7 ][ 6B]
᭖
ᬢᬶᬤᭀᬂᬄᬮᬸᬄᬢ᭄ᬯᬭᬵᬮᬤᬂ᭞ᬫᬧᬶᬦ᭄ᬥᬵᬧᬤᬵᬫᬓᬶᬓᬶᬢ᭄᭞ᬩᬬᬵᬢᬸᬤᬸᬄ᭞ᬢᬶᬗ᭄ᬓᬳᬾᬤᬤᬶᬫᬦᬸ᭠ᬱᬵ᭟ᬲᬦᬾᬍᬓ᭄‌ᬍᬓᬩᬤᬶᬮ᭄‌ᬩ᭄ᬕᭃ᭞ᬳᬸᬜᬸᬤ᭄ᬫᬦᬩᬸᬳᬂᬫᬸᬜᬶ᭞ᬫᬲᬶᬄᬧᬕᬯᬾᬦᬾᬓᬸᬦᬵ᭞ᬲᬳᬶᬗ᭄ᬯᬾᬮ᭄ᬫᬫᬶᬲ᭄ᬯᬶ
ᬓ᭄᭞ᬦᬾᬦᬾᬚᬦᬶᬬᬵᬭᬵᬲᬦᬶᬦ᭄᭞ᬤᭀᬲᬦᬾᬓᬺᬂᬫᬫᬶᬲᬸᬄ᭞ᬩᬤᬾᬗ᭄ᬯᬾᬮ᭄ᬗᬜ᭄ᬚᬄᬗᬦ᭄ᬥᬂ᭞ᬩᬶᬩᬶᬳᬾᬚᬦᬶᬗ᭄ᬫᬲᬶᬦ᭄᭞ᬧᬕᬵᬭᬸᬫᬸᬲ᭄᭞ᬩ᭄ᬭᬸᬂᬓᬸᬲ᭄ᬢᬵᬫᬵᬓᬮᬗᬦ᭄᭟ᬦᬾᬩᬸᬄᬩᬸᬲᬸᬂᬩᬲᬂᬩᬭᬄ᭞ᬲᬓᬶᬂᬧᬕᬯᬾᬦᬾᬗᬸᬦᬶ᭞
ᬗ‌ᬗ᭄ᬕᭀᬩᬸᬗᬄᬩᬦ᭄ᬫᬫᬶᬭᬵᬢ᭄᭞ᬓ᭄ᬗᬾᬭᬂᬫᬵᬧᬬᬲ᭄ᬲᬳᬶ᭞ᬤ᭄ᬫᭂᬦ᭄ᬓᬳᬤᬦᬶᬦ᭄ᬲᬸᬕᬶᬄ᭞ᬚᬢᬶᬦ᭄ᬜᬦᬾᬢ᭄ᬯᬭᬵᬗ᭄ᬮᬄᬳᭂᬮᬸᬤ᭄᭞ᬦᬾᬦᬾᬚᬦᬶᬬᭂᬢᭂᬫ᭄ᬯᬂ᭞ᬩᬲᬂᬤᭀᬗ᭄ᬓᬂᬫ᭄ᬭᬤᬶᬕ᭄ᬥᬶᬕ᭄᭞ᬕ᭄ᬤ᭄ᬚᬾᬗᬜ᭄ᬚᬸᬄᬫᬵᬮᬶᬗᬗ᭄ᬚᬳᬶᬲᬵᬢᬢᬵ᭟ᬲᬮ᭄ᬯᬶ
ᬭᬶᬂᬦᬾᬳᭀᬮᬕᬦ᭄᭞ᬫᬵᬓᬤᬶᬦᬾᬮ᭄ᬗᬃᬜᬗ᭄ᬮᬶᬂ᭞ᬓᬺᬂᬫᬜ᭄ᬮᬸᬧᬶᬦ᭄ᬲᭀᬫ᭄ᬩᬄ᭞ᬫᬫᭀᬂᬧᭀᬂᬢᬾᬫ᭄ᬩᭀᬓ᭄‌ᬫᬵᬫᬮᬶᬂ᭞ᬫᬮᬶᬄᬦᬾᬮ᭄ᬗᬃᬘᬧᬶᬢ᭄᭞ᬤᬾᬮᬕ᭄ᬮᬕ᭄‌ᬢ᭄ᬓᭂᬤ᭄ᬓᬘᬶᬓᬸᬢ᭄᭞ᬫᬮᬶᬄᬧᬕᬯᬾᬦᬾᬓᬸᬦᬵ᭞ᬲᬳᬶᬤ᭄ᬫᭂᬦ᭄ᬫᬜᬸ
[ 7A]
ᬭᬕᬶᬦ᭄᭞ᬧᬶᬧᬶᬲ᭄ᬚᭂᬧᬸᬦ᭄᭞ᬩᭂᬓᭂᬮ᭄ᬩᬗ᭄ᬓᬾᬦᬾᬤᬶᬲ᭄ᬫᬵ᭟ᬳᬤᬵᬕᬸᬯᬵᬓᬭᬵᬤᬾᬯᬵ᭞ᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄‌ᬢ᭄ᬓᬾᬦ᭄ᬯᬶᬤᬶ᭞ᬢ᭄ᬓᬦ᭄ᬯᬶᬤᬶ᭞ᬜᬳᬢᬂᬕᬯᬾᬤᬶᬲᬗ᭄ᬕᬄ᭞ᬫᬲᭂᬧᬸᬄᬗᭂᬦ᭄ᬢᭂᬕ᭄ᬤᬢᬶᬳᬶᬲ᭄᭞ᬫᬓᬲ᭄ᬓᬬᬵᬩᬦ᭄ᬫᬵᬮᬶᬂ᭞ᬫᬫᬶᬭᬢ᭄ᬫᬗ᭄ᬕᬧᬸ᭠
ᬓ᭄ᬓᬯᬸᬓ᭄᭞ᬳ᭄ᬦᬾᬲᬸᬩᬵᬢ᭄ᬫᬳᬜᬵ᭞ᬫᬦᬤᬶᬫᬫ᭄ᬯᬢ᭄ᬫᬳᬶᬢ᭄᭞ᬗᬦ᭄ᬥᬂᬗᬜ᭄ᬚᬸᬄ᭞ᬧ᭄ᬭᬵᬢᬶᬫᬵᬩᬓᬢ᭄ᬲᬦ᭄ᬥᬬᬂ᭟ᬓᬢᬶᬩᬤᬶᬦ᭄ᬲᬫ᭄ᬧᬢ᭄ᬓᬯᬢ᭄᭞ᬫᬤᬸᬮᬸᬭᬦ᭄ᬢᬸᬮᬸᬤ᭄‌ᬩ᭄ᬲᬶ᭞ᬲᬗ᭄ᬓᬦ᭄ᬥᬤᬶᬳᬸᬮᬸᬦ᭄‌ᬓᬾᬮᭀᬃ᭞ᬢᭂᬓᬾᬦᬶᬂᬦᬾᬘ᭄ᬦᬶᬓ᭄ᬘᭂᬦᬶ
ᬓ᭄᭞ᬩ᭄ᬭᬾᬭᬾᬦᬾᬫᬜᬮᬸᬤᬶᬦ᭄᭞ᬢᬾᬗ᭄ᬢᬾᬗ᭄ᬳᬩᬵᬳᬶᬬᬸᬢ᭄ᬳᬶᬬᬸᬢ᭄᭞ᬓ᭄ᬭᬦᬵᬫᬵᬯᬭᬄ᭞ᬲᬶᬂᬚᬮᬦ᭄ᬚ᭠ᬮᬦ᭄ᬫᬗᭂᬫᬶᬮ᭄᭞ᬓ᭄ᬭᬦᬵᬤᬶᬢᬸ᭞ᬤᬸᬄᬓᬶᬢᬵᬕ᭄ᬥᬾᬢᬫᬬᬂ᭟ᬳᬤᬵᬲᬸᬕᬶᬄᬲᬤᬵᬩᬾᬢᬓ᭄᭞ᬗᬸᬓᬸᬭᬂᬳᬧᬓᬾᬲᬳᬶ᭟
ᬓᬤᬾᬦ᭄ᬢ᭄ᬯᬭᬵᬩᬶᬰᬵᬳᭀᬜ᭞ᬬᬾᬦ᭄ᬢ᭄ᬯᬭᬵᬩᬶᬲᬵᬫᬵᬫᬕᬶ᭞ᬧᬜ᭄ᬘᬵᬩᬬᬵᬦᬾᬓᬳᬶᬦ᭄᭞ᬤᬾᬘᬘ᭠ᬓᬦ᭄ᬜᬦᬾᬳᬶᬢᬸᬂ᭞ᬦᬾᬫᬳᬤᬜ᭄ᬘᭀᬭᬄᬩᬬᬵ᭞ᬦᬾᬦᬾᬢ᭄ᬮᬄᬚ᭄ᬯᬂᬫᬮᬶᬂ᭞ᬚᬭᬄᬫᬸᬲᬸᬄ᭞ᬳᭂᬦ᭄ᬢᭀᬫᬤᬦ᭄ᬭᬶᬧᬸ᭠ [ 8 ][ ᭗ 7B]
᭗
ᬩᬬᬵ᭟ᬦᬾᬦᬾᬫᬤᬦ᭄‌ᬕ᭄ᬦ᭄ᬦᬶᬫᬬᬵ᭞ᬢ᭄ᬮᬄᬧᬸᬳᬸᬦ᭄ᬥᬶᬮᬄᬳᬧᬶ᭞ᬩ᭄ᬯᬶᬦᬾᬫᬤᬦ᭄ᬭᬚᬵᬩᬬᬵ᭞ᬓᬭᬤ᭄ᬥᬳᬦ᭄ᬕᬕᬸᬭᬳᬶᬦ᭄᭞ᬓᬾᬢᭀᬬᬵᬩᬬᬵᬫᬮᬶᬄ᭞ᬢ᭄ᬮᬄᬳᬜᬸᬤ᭄ᬩᬩᬃᬕᭂᬦ᭄ᬢᬸᬄ᭞ᬦ᭄ᬢᭀᬫᬤᬦ᭄ᬧᬜ᭄ᬘᬩᬬᬵ᭞ᬲᭂᬗ᭄ᬓᬵ
ᬫᬤᬤᬶᬯᭀᬂᬲᬸᬕᬶᬄ᭞ᬬᬦ᭄ᬢᬦ᭄ᬫᬦᬸᬢ᭄᭞ᬤᬦᬥᬂᬆᬲᬓ᭄ᬱᬦᬬᬦ᭄᭟ᬩᬸᬓᬵᬢᬢᬶᬢ᭄ᬳᬸᬧᬫᬜᬵ᭞ᬫᬤᬤᬶᬤᬫᬸᬄᬗᬸᬭᬶᬢᬶᬲ᭄᭞ᬫᬵᬢᬢᬓᬦ᭄ᬥᭀᬦ᭄ᬓᬳᬸᬫ᭄ᬩᬂ᭞ᬩ᭄ᬮᬶᬕ᭄ᬓᬮᬶᬲ᭄ᬫᬗ᭄ᬭᬶᬢᬶᬲ᭄᭞ᬲᬗ᭄ᬓᬦ᭄ᬗᬵᬦᭂᬗ᭄ᬳᬦᬾᬩᬕᬶ᭞ᬓᬲᬸᬕ᭄ᬬᬦᬾᬧ
ᬧᬄᬢ᭄ᬮᬸ᭞ᬦᬾᬳᬩᬕᬶᬧᬵᬤᬦᬥᬂ᭞ᬦᬾᬳᬩᬕᬶᬬᬵᬩᬢᬶᬢᬶᬢ᭄᭞ᬤᬫ᭄ᬧᬶᬂᬓᬸᬧ᭄ᬓᬸᬧ᭄᭞ᬳᬗ᭄ᬕᭀᬦ᭄ᬫᬵᬕᬳᬾᬳᬩᬕ᭄ᬬᬦ᭄᭟ᬳᬗ᭄ᬕᭀᬦ᭄ᬜᬸᬓᬤᬶᬦ᭄ᬩ᭄ᬭᬬᬵ᭞ᬫᬓᬤᬶᬦᬾᬲᬂᬳ᭄ᬬᬂᬯᬶᬤᬶ᭞ᬢᭂᬓᬾᬦ᭄ᬕᬸᬲ᭄ᬢᬶᬫᬳᬢᬸᬭᬵᬦ᭄᭞ᬳᬗ᭄ᬕᭀᬜ᭄ᬘᬶᬭᬶ
ᬢᬺᬱ᭄ᬡᬵᬪᬓ᭄ᬢᬶ᭞ᬳᭂᬜᬾᬦ᭄ᬩᬦᬶᬫᬦ᭄ᬮᭀᬓᬶᬦ᭄᭞ᬤᬶᬓᬯᬦ᭄ᬬᬵᬢ᭄ᬯᬭᬵᬓᬸᬓᬸᬄ᭞ᬓᬲᬸᬓᬦᬾᬬᬵᬢᬫᬬᬂ᭞ᬢᭂᬓᭂᬤ᭄ᬢᭂᬓᬾᬜ᭄ᬘᬸᬘᬸᬓᬸᬫ᭄ᬧᬶ᭞ᬢ᭄ᬭᬸᬲ᭄ᬢᬸᬫᬸᬲ᭄᭞ᬲᬮᬯᬲᬾᬦ᭄ᬫᬸᬲᬤ᭄ᬬᬵ᭟ᬳᬤᬵᬲᬸᬕᬶᬄᬓᬫᬸᬭᬗᬦ᭄᭞ᬲᭀᬓ᭄ᬤᭂᬫᭂᬦ᭄ᬦ

[᭘ 8A]
ᬫ᭄ᬩᬸᬦᬂᬧᬶᬧᬶᬲ᭄᭞ᬢᭀᬂᬤ᭄ᬫᭂᬦ᭄ᬗᬗ᭄ᬕᭀᬯᬶᬦ᭄ᬳᬯᬓ᭄᭞ᬓᬫ᭄ᬩᭂᬦ᭄ᬜᬵᬯᬾᬓ᭄ᬧᬲᬸᬭᬦ᭄ᬢᬶᬂ᭞ᬳᬸᬫᬦᬾᬬᬵᬧᬕᬸᬭᬶᬤᬶᬧ᭄,ᬤᬓᬶᬫᬤᬶᬕᬮ᭄ᬩᭀᬍᬩᬸᬓ᭄᭞ᬢᭀᬂᬢᬳᬾᬦ᭄ᬳᬹᬦ᭄ᬢᬸᬕ᭄ᬢᭀᬬᬵ᭞ᬢ᭄ᬯᬭᬵᬳᬚᬶᬦ᭄ᬢᭂᬓᬾᬦ᭄ᬯᬶᬤᬶ᭞ᬲᬃᬯ᭄ᬯᬵᬧ᭠
ᬲᬸ᭞ᬢᬸᬫᬶᬢᬶᬲ᭄ᬥᬤᬶᬫᬦᬸᬰᬵ᭟ᬕᬦ᭄ᬢᬶᬦ᭄ᬮᬘᬸᬭᬾᬫᬵᬳᬯᬓ᭄᭞ᬭᬚᬵᬩᬬᬦᬾᬦᭂᬓᬳᬶᬦ᭄᭞ᬳᭂᬗᭀᬦ᭄ᬳᬦᬓᬾᬫᬫᬦᬂ᭞ᬫᬸᬂᬫᬗᭂᬦᬂᬩᬸᬓᬚᬦᬶ᭞ᬲᬚᬡᬦᬶᬂᬚᭂᬕ᭄ᬫᬗ᭄ᬮᬶᬂ᭞ᬫᬢᬚᬸᬄᬫᬗᬸᬭᬸᬢ᭄ᬳᭂᬦ᭄ᬢᬸᬤ᭄᭞ᬲᬶᬂᬧᬜ᭄ᬚᬓᬶᬦ᭄ᬫᬗᭀ
ᬮᬾᬥᬂ᭞ᬲᬶᬂᬢ᭄ᬓᬵᬫᬵᬂᬕᬚᬸᬮᬶᬦ᭄᭞ᬩᭂᬲ᭄ᬓᬤᬸᬭᬸᬲ᭄᭞ᬧᬶᬤᬶᬓᬾᬢᭂᬓᬾᬦᬶᬂᬢᬶᬫ᭄ᬧᬮ᭄᭟ᬫᬸᬮᬵᬲᭂᬗ᭄ᬓᬵ᭠ᬤᬤᬶᬚᬤ᭄ᬫᬵ᭞ᬩᭂᬲ᭄ᬗᬦ᭄ᬥᭂᬮᬂᬩᬦᬾᬲᬸᬕᬶᬄ᭞ᬗ‌ᬗ᭄ᬕᭀᬕ᭄ᬮᬄᬳᬂᬕᭀᬦ᭄ᬥᭀᬰᬵ᭞ᬲᬗ᭄ᬓᬦ᭄ᬮᬶᬬᬸᬧᬮᬚᬳᬶᬦ᭄᭞ᬦᬾ
ᬦᬾᬢ᭄ᬯᬭᬵᬫ᭄ᬗᬳᬦ᭄ᬗᬶᬤᬶᬄ᭞ᬳᭂᬦ᭄ᬢᭀᬩᬓᬢ᭄ᬳᬗ᭄ᬕᭀᬦ᭄ᬫᬸᬲᬸᬄ᭞ᬢᬦ᭄ᬫᬭᬶᬓᬯᬶᬯᬶᬢᬂ᭞ᬫᬵᬗᬯᬾᬦᬂᬓᬤᬶ᭠ᬓᬤᬶ᭞ᬳᬦᬓ᭄ᬮ᭄ᬬᬸ᭞ᬫᬩᬸᬤᬶᬫᬦᬫ᭄ᬧᬄᬢᬶᬫ᭄ᬧᬮ᭄᭟ᬫᬶᬗ᭄ᬓᬶᬦ᭄ᬥᬤᬶᬯᭀᬂᬲᬸᬤ᭄ᬭᬵ᭞ᬢ᭄ᬯᬭᬵᬫᬗ᭄ᬯᬗᬸᬦᬂᬓᬾᬃᬢ᭄ᬢᬶ᭞ᬯᬶ᭠ [ 9 ][ ᭘ 8B]
᭘
ᬢᬸᬯᬶᬲᬂᬘᬢᬸᬃᬯᬗ᭄ᬰᬵ᭞ᬫᬮᬶᬄᬫᬗ᭄ᬯᬗᬸᬦᬂᬓᬾᬃᬢ᭄ᬢᬶ᭞ᬲᬲ᭄ᬢ᭄ᬭᬦᬾᬲᬦᬾᬳᬶᬭᬶᬂ᭞ᬳᬗ᭄ᬕᭀᬦ᭄ᬲᬸᬮᬸᬄᬫᬢᬶᬳᬶᬤᬸᬧ᭄᭞ᬳᬲᬶᬂᬦᬾᬫᬦᬸᬮᬓ᭄ᬱᬲ᭄ᬢ᭄ᬭᬵ᭞ᬢᭀᬂᬤᬤᬶᬫᬦᬸᬱᬫᬮᬶᬄ᭞ᬚᬦᬶᬳᬶᬢᬸᬂ᭞ᬦᬾᬫᬵᬳᬤᬜ᭄ᬘᬢᬸᬃᬯᬃ᭠
ᬡ᭄ᬦᬵ᭞ᬲᬂᬩ᭄ᬭᬳ᭄ᬫᬵᬡ᭄ᬦᬵᬗᬫᭀᬂᬲᬰ᭄ᬢᬵ᭞ᬲᬳᬶᬦ᭄ᬥᬶᬓᬦ᭄ᬲᬂᬳ᭄ᬬᬂᬆᬚᬶ᭞ᬫᬓᬤᬶᬲᬂᬳ᭄ᬬᬂᬓᬫᭀᬓ᭄ᬱᬦ᭄᭞ᬫᬵᬩ᭄ᬭᬢ᭄ᬣᬵᬬᭀᬕᬲᬫᬥᬶ᭞ᬓ᭄ᬭᬦᬵᬧᬶᬢ᭄ᬭᬦᬾᬚᬤᬶ᭞ᬲᬂᬧᬡ᭄ᬥᬶᬢ᭄ᬣᬵᬬᭀᬕ᭄ᬬᬵᬦᬸᬤᬸᬄ᭞ᬲᬓᬶᬂᬦᬸᬕ᭄ᬭᬳᬦ᭄ᬪᬵᬢᬵᬭᬵ᭞ᬲᬗ᭄ᬓ
ᬦ᭄ᬥᬶᬤᬶᬢ᭄ᬫᬸᬚᬦᬶ᭞ᬳᬧᬂᬧᬢᬸᬢ᭄᭞ᬧᬦᬸᬫᬤ᭄ᬬᬦᬶᬂᬫᬵᬜ᭄ᬚᬤ᭄ᬫᬵ᭟ᬫᬮᬶᬄᬬᬦᬶᬂᬯᬗ᭄ᬰᬵᬲᬢ᭄ᬭᬶᬬᬵ᭞ᬧᬸᬭᬸᬰᬵᬦᬦ᭄ᬥᬗᬶᬦ᭄ᬧᬢᬶ᭞ᬉᬢᬫᬦᬾᬭᬶᬂᬧᬬᬸᬤᬦ᭄᭞ᬭᬡᬵᬬᬚ᭄ᬜᬵᬦᬾᬧᬢᬶᬢᬶᬲ᭄᭞ᬧᬸᬭᬸᬰᬵᬫᬫ᭄ᬭᬶᬄᬧᬶᬓᭀᬮᬶᬄ
᭞ᬚᬬᬵᬫᬵᬗᬮᬳᬂᬫᬸᬲᬸᬄ᭞ᬓᬲᬸᬓᬦᬾᬢ᭄ᬯᬶᬩᬓᬢᬂ᭞ᬓᬚᬬᬵᬗ᭄ᬫᬲᬶᬦ᭄ᬫᬢᬶ᭞ᬤᬶᬢᬸᬧᬸᬧᬸ᭞ᬲ᭄ᬓ᭠ᬮᬵᬦᬶᬲ᭄ᬓᬮᬵᬢᭂᬫ᭄ᬯᬂ᭟ᬫᬮᬶᬄᬬᬦᬶᬂᬯᬗ᭄ᬰᬵᬯᬾᬲ᭄ᬬᬵ᭞ᬗᬫᬗ᭄ᬕᭂᬳᬂᬗ᭄ᬕᬯᬾᬩᬸᬓ᭄ᬢᬶ᭞ᬓᬵᬘᬭᬶᬓ᭄‌ᬫᬶᬯᬄᬓᬵᬳᬩ᭄ᬬ
[ ᭙ 9A]
ᬦ᭄᭞ᬫᬵᬩᬲᬦ᭄ᬓᬶᬤᬸᬗ᭄ᬓᬵᬓᬯᬶᬦ᭄᭞ᬤᭂᬦ᭄ᬥᬶᬂᬧᬶᬍᬢ᭄ᬧᬶᬮ᭄ᬬᬲᬶᬄ᭞ᬲᬃᬯ᭄ᬯᬵᬲᬲ᭄ᬢ᭄ᬭᬵᬕᭂᬦ᭄ᬥᬶᬂᬘᬭᬸᬓ᭄᭞ᬫᬵᬫᬲᬦᬶᬦ᭄ᬗᬜ᭄ᬚᭂᬗᬄ᭞ᬫᬵᬗᬯᬾᬋᬓᬦᬶᬂᬪᬹᬫᬶ᭞ᬚᬸᬭᬸᬓᬶᬤᬸᬂ᭞ᬉᬢᬫᬦ᭄ᬦᬾᬬᬦ᭄ᬭᬶᬂᬯᬾᬲ᭄ᬬᬵ᭟ᬫᬮᬶᬄᬬᬦ᭄ᬭᬶᬂᬯᬗ᭄ᬰᬵᬲᬸᬤ᭄ᬭᬵ᭞
ᬯ᭄ᬦᬂᬫᬵᬓᬃᬬ᭄ᬬᬵᬫᬺᬢᬶᬯᬶ᭞ᬗᬸᬮᬓ᭄ᬗᬶᬮᬓ᭄ᬫᬵᬤᬕᬗᬦ᭄᭞ᬫᬗ᭄ᬤᬾᬗᬵᬢ᭄ᬧᬸᬓᬶᬦ᭄ᬪᬓ᭄ᬢᬶ᭞ᬳᬗᬶᬂᬢᬾᬳᬧᬂᬢᬶᬢᬶ᭠ᬓ᭄᭞ᬢᬶᬗ᭄ᬓᬳᬾᬫᬵᬕᬯᬾᬆᬬᬸ᭞ᬢᬢᬵᬢᬢ᭄ᬯᬵᬦᬾᬚᬮᬦᬂ᭞ᬲᬳᬶᬫᬗ᭄ᬯᬗᬸᬦᬂᬓᬶᬃᬢ᭄ᬢᬶ᭞ᬩᬶᬮᬶᬄᬲᬸᬯᬸᬤ᭄᭞ᬦᬸᬫᬶᬢᬶᬲ᭄ᬥᬤᬶ
ᬯᭀᬂᬲᬸᬤ᭄ᬭᬵ᭟ᬲᬮ᭄ᬯᬶᬭᬶᬂᬕᬯᬾᬤᬶᬲᬗ᭄ᬕᬄ᭞ᬤᬶᬢᬸᬜᬦ᭄ᬥᬂᬩᬜᬵᬗᬶᬭᬶᬂ᭞ᬫᬯᬶᬦ᭄ᬢᭂᬦ᭄ᬦᭂᬮᬳᬶᬦ᭄ᬳᬯᬓ᭄᭞ᬧᬹᬃᬡ᭄ᬦᬵᬫ᭄ᬫᬵᬢᬶᬍᬫ᭄ᬫᬵᬩᬺᬰᬶᬄ᭞ᬫᬗ᭄ᬤᬵᬓᬲᬶᬤ᭄ᬥᬤ᭄ᬥᬤᬶ᭞ᬫᬵᬜᭂᬫᬓ᭄ᬫᬵᬫᬘᬢᬸᬢᬹᬃ᭞ᬳᬢ᭄ᬫᬦᬾᬳᬧᬂᬢ᭄ᬮᬄ᭞ᬫᬸᬧᬵᬓᬭᬵᬳᬸᬮᬶᬂᬚᬦᬶ᭞ᬳᬧᬂᬓ᭄ᬥ
ᬲ᭄᭞ᬧᬶᬢ᭄ᬭᬦᬾᬓᬬᬂᬤᬸᬭ᭄ᬬᬦ᭄᭟ᬦᬾᬦᬾᬢ᭄ᬯᬭᬵᬫᬦᬸᬢ᭄ᬪᬫ᭄ᬫᬵ᭞ᬢᬶᬗ᭄ᬓᬳᬾᬢ᭄ᬓᬦᬶᬂᬧᬢᬶ᭞ᬲᬂᬳ᭄ᬬᬂᬬᬫ᭄ᬫᬵᬫᬫᬶᬤ᭠ᬤ᭄ᬤᬵ᭞ᬤᬹᬃᬕ᭄ᬕᬫᬵᬧᬘᬂᬢ᭄ᬧᬸᬓᬶᬦ᭄᭞ᬦᬾᬦᬾᬲᬮᬄᬫᬵᬫᬮᬶᬂ᭞ᬧᬓᬸᬃᬬ᭄ᬬᬓ᭄ᬢᬸᬮᬸᬂᬢᬸᬮᬸᬂ᭞ᬤᬶᬢ᭄ᬕᬮᬾᬫᬩᬦ᭄ᬥᬵ᭞ᬩᭂᬤᬓ᭄ᬮᬬᬄ᭠ [ 10 ][ ᭙ 9B]
᭙
ᬧᬤᬵᬗ᭄ᬮᬶᬂ᭞ᬲᬹᬃᬬ᭄ᬬᬵᬲ᭄ᬬᬸ᭞ᬗᭂᬩᬸᬲᬶᬦ᭄ᬳᬮᬄᬫᬵᬜᬄᬜᬄ᭟ᬮᬸᬤᬶᬦ᭄ᬳᬸᬬᬓ᭄ᬘᬾᬮᬾᬂᬳᬮᬲ᭄᭞ᬧᬕ᭄ᬮᬸᬃᬧᬤᬵᬫᬵᬮᬳᬶᬩ᭄᭞ᬓᬵᬘᬤᬂᬩᬳᬦ᭄‌ᬭᬵᬓ᭄ᬱᬲᬵ᭞ᬮᬾᬦ᭄ᬕᭀᬯᬓ᭄ᬫᬲᬸᬓ᭄ᬱᬸᬓ᭄‌ᬯ᭄ᬲᬶ᭞ᬢ᭄ᬓᬵᬫᬗᬸᬩᬢ᭄ᬳᬩᬶᬢ᭄᭞ᬮᬾᬦ᭄ᬳᬤᬵᬩ
ᬢᬸᬫᬵᬧᬮᬸ᭞ᬫᬳᬶᬭᬶᬩ᭄ᬓᬶᬮᬧ᭄ᬫᬵᬘᬦ᭄ᬥᬵ᭞ᬫᬲᭂᬫ᭄ᬩᬭᬦ᭄‌ᬧ᭄ᬲᬸᬳᬧᬶ᭞ᬆᬮᬄᬢᬸᬦᬸ᭞ᬧᬶᬢ᭄ᬭᬦᬾᬯ᭄ᬓᬵᬲᬶᬂᬮᬭᬵ᭟ᬫᬮᬶᬄᬯᬾᬦ᭄ᬢᭂᬦ᭄ᬓᬘᬭᬶᬢᬻ᭞ᬲᬦᬾᬫᬢᬶᬲᬮᬄᬧᬢᬶ᭞ᬫᬚᭂᬧᬶᬢ᭄ᬢᬸᬃᬫᬧᬳᭀᬓᬦ᭄᭞ᬫᬢᬶᬕ᭄ᬢᬶᬕ᭄ᬗᬦ᭄ᬓᬬᬸᬘᬗᬶᬂ᭞ᬫᬮᬶᬄᬦᬾᬲᬮᬄ᭠
ᬫᬦ᭄ᬢᬶᬓ᭄᭞ᬫᬧᬸᬮᬂᬓᬵᬓᬵᬯᬄᬳᭂᬦ᭄ᬥᬸᬢ᭄᭞ᬧᬕ᭄ᬮᬸᬃᬧᬓᬸᬮᬶᬚᬄ᭞ᬫᬵᬗᬳᬸᬓᬶᬦ᭄ᬜᬫᬵᬓᬸᬫ᭄ᬧᬶ᭞ᬦᬕᬶᬄᬢᬸᬮᬸᬂ᭞ᬫᬸᬜᬶᬦᬾᬦᬸᬦ᭄ᬥᬾᬦ᭄ᬗᬯᬾᬦᬂ᭟ᬳᬯᬵᬦᬾᬜ᭄ᬢᬶᬓ᭄ᬧ᭄ᬤᬭᬫᬵ᭞ᬤᬶᬓᬯᬳᬾᬤᬤᬶᬳᭂᬦ᭄ᬢᬶᬧ᭄᭞᭟ᬓᬢᬸᬤᬸᬄᬢᭀᬂᬤᬤᬶᬲᬸᬧᬢ᭄᭞ᬢᭂᬓᬾᬦᬶᬂ
ᬦᬾᬜᬦ᭄ᬥᬓ᭄‌ᬗ᭄ᬮᬶᬂ᭞ᬧᬫᬸᬜᬶᬦᬾᬗᬲᬶᬳᬲᬶᬄ᭞ᬦᬕᬶᬄᬲᬸᬧᬢ᭄ᬩᬳᬦ᭄ᬩᬸᬩᬸᬄ᭞ᬳᭂᬦ᭄ᬢᭀᬓᬸᬤ᭄ᬬᬂᬫᬵᬗᬯᬾᬦᬂ᭞ᬳᬧᬦ᭄ᬲᬸᬩᬵᬫᬯᬓ᭄‌ᬘ᭄ᬢᬶᬓ᭄᭞ᬮᬶᬯᬢᬼᬢᬸᬄ᭞ᬓᬤᬤᬾᬦ᭄‌ᬗ᭄ᬭᬶᬗᬶᬜ᭄ᬚᬕᬢ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬕᬸᬦᬸᬂᬯᬶᬲ᭄ᬬᬵ᭞ᬧᬤᬂᬜ

[ ᭑᭐ 10A]
ᬦᬾᬚᬯᬸᬫ᭄ᬢᬚᬶ᭞ᬫᬵᬓᬬᬸᬯᬢᬺᬘᬸᬭᬶᬕᬵ᭞ᬤᬶᬢᬸᬧᬶᬢ᭄ᬭᬦᬾᬧᬚ᭄ᬭᬶᬢ᭄᭞ᬢᭀᬂᬳᬤᬵᬢᭀᬗᭀᬲ᭄ᬫᬓ᭄ᬮᬶᬤ᭄᭞ᬓ᭄ᬦᬵᬓᬤᬸᬢᬦ᭄ᬧᬤᬸᬯᬸᬄ᭞ᬢᭀᬦᬾᬫ᭄ᬮᬳᬶᬩ᭄ᬓᬤᬸᬲ᭄ᬢᬵ᭞ᬫᬫᬾᬕᬮ᭄ᬫᬵᬫᬢᬶᬫᬢᬶ᭞ᬳᬦᬓ᭄ᬧᬢᬹᬢ᭄᭞ᬫᬩᬮᬶᬓ᭄ᬱᬶᬭᬵ
ᬜᭂᬂᬓᬮᬵ᭟ᬳᬤᬵᬓᬯᬄᬫᬤᬹᬃᬕ᭄ᬕᬫ᭄ᬫᬵ᭞ᬫᬳᭀᬫ᭄ᬩᬓᬦ᭄ᬧᬲᬶᬄᬩᬘᬶᬦ᭄᭞ᬓ᭄ᬭᬸᬭᬵᬳᭂᬩᬾᬦ᭄ᬜᬦᬾᬦᭂᬗᭀᬓ᭄᭞ᬭᬯᬶᬲ᭄ᬭᬾᬗ᭄ᬕᬄᬢᬸᬃᬫᬚᭂᬧᬶᬢ᭄᭞ᬳᭂᬩᬾᬚᬕᬸᬮ᭄ᬦᬾᬫᬵᬘᬮᬶᬂ᭞ᬩᬯᬸᬜᭂᬕ᭄ᬥᬾᬫᬵᬢᬦ᭄ᬥᬸᬓ᭄᭞ᬉᬮᬶᬭᬦᬾᬫᬵᬳᬗ᭄ᬕᬃ᭞ᬯᬓᬍ
ᬩᬸᬄᬜᬦ᭄ᬥᭂᬭᬶᬦ᭄᭞ᬫᬩᬶᬬᬬᬸ᭞ᬧᬶᬢ᭄ᬭᬦᬾᬬᬵᬧᬕᬸᬮᬬᬄ᭟ᬳᬮᬸᬦᬾᬕᬮᬓ᭄ᬫᬵᬜᬭᬧ᭄᭞ᬫᬦᬫ᭄ᬧᬾᬮ᭄‌ᬫᬗᬸᬩᬢ᭄ᬳᬩᬶᬢ᭄᭞ᬗᬚᭂᬗᬶᬢ᭄ᬫᬵᬫᬓ᭄ᬧᬓ᭄ᬧᬶᬢ᭄ᬭᬵ᭞ᬲᬩ᭄ᬥᬗᬶᬂᬫᬉᬮᬃᬘᬘᬶᬂ᭞ᬳᬤᬵᬫᬜᬶᬍᬫ᭄ᬫᬵᬓ᭄ᬮᬶᬤ᭄᭞ᬩᬤᬸᬤᬵᬕᬮᬓ᭄ᬫ
ᬢᬦ᭄ᬥᬸᬓ᭄᭞ᬓᬸᬮᬶᬭᬦᬾᬫᬵᬚᬗ᭄ᬕᬃ᭞ᬩᭂᬮ᭄ᬯᬂᬜᭂᬲᭂᬩ᭄‌ᬗᬺᬕᬚᬶ᭞ᬧᬢᬶᬓ᭄ᬧᬸᬕ᭄,ᬧᬶᬢ᭄ᬭᬦᬾᬗ᭄ᬮᬶᬤᬂᬳᬯᬓ᭄᭟ᬲᬮᬄᬫ᭄ᬚᬸᬤᬶᬓᬬᬗᬦ᭄᭞ᬲᬵᬢᬵᬢᬵᬫᬜᭀᬮᭀᬂᬧᬤᬶ᭞ᬫᬵᬫᬢᬶᬦᬶᬦ᭄ᬩᬩᭂᬮᬜ᭄ᬚᬦ᭄᭞ᬢᬸᬃᬓᬺᬂᬫᬦᬸᬩᬵᬩ᭄ᬮᬶᬂ᭞ᬩ [ 11 ][ 10B]
᭑᭐
ᬢᬾᬢᬾᬦᬾᬫᬗᭂᬮᬗᬶ᭞ᬫᬕᬸᬮᬸᬗᬦ᭄ᬲᬮᬾᬂᬧ᭄ᬮᬸᬧ᭄᭞ᬳᬢ᭄ᬫᬦᬾᬧᬓᬸᬃᬬ᭄ᬬᬓ᭄᭞ᬓ᭄ᬭᬧᬸᬦᬾᬍᬗᬃᬰᬸᬦ᭄ᬤᬶᬮ᭄᭞ᬫᬩᬶᬬᬬᬸ᭞ᬧᬶᬢ᭄ᬭᬦᬾᬬᬵᬩ᭄ᬥᬓ᭄ᬮᬬᬄ᭟ᬢᬶᬳᬶᬂᬧ᭄ᬢᬸᬗᬾᬫᬚᬚᬃ᭞ᬫᬶᬲᬶᬧᬶᬢ᭄ᬭᬵᬧᬕᬸᬮᬦ᭄ᬢᬶᬂ᭞ᬳᬗᬶᬦ᭄ᬗᬋᬢ᭄ᬫᬵᬗᬜᬸ
ᬦᬂ᭞ᬳᬤᬵᬧ᭄ᬕᬢ᭄ᬧᬮᬵᬓᭂᬢᬶᬓ᭄᭞ᬳᬦᬵᬫᬜᬸᬗ᭄ᬲᬸᬂᬫᬦᬸᬗ᭄ᬕᬶᬂ᭞ᬫᬤᬶᬕ᭄ᬥᬕ᭄ᬗᬸᬮᬸᬗᬶᬦ᭄ᬧᬗ᭄ᬓᬸᬂ᭞ᬫᬦ᭄ᬧᬾᬦ᭄ᬗᬢᬸᬯᬶᬮᬄ᭞ᬗ᭄ᬕᬶᬂᬯᬭᬗᬦ᭄ᬫᬕᬶᬕᬶ᭞ᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬥᬮᬦᬾᬬᬵᬧ᭄ᬕᬢ᭄ᬯᬗ᭄ᬰᬵ᭟ᬳᬤᬵᬧᬶᬢ᭄ᬭᬵᬓᬵᬲᬓᬶᬢᬦ᭄᭞ᬫᬳᬸᬜ᭄ᬚᬸᬓ᭄ᬦᭂᬕᬓᬶ
ᬦ᭄ᬧ᭄ᬮᬂᬓᬶᬃ᭞ᬫᬗᬶᬮ᭄ᬕᬶᬮ᭄᭞ᬜᭀᬗ᭄ᬓᭀᬓ᭄ᬥᬶᬧᬯᭀᬦ᭄᭞ᬫᬳᭀᬕᬭᬦ᭄ᬦᬸᬗ᭄ᬕᬢ᭄ᬢᬸᬗ᭄ᬕᬶᬢ᭄᭞ᬳᬶᬗ᭄ᬓᬭᬦᬾᬗ᭄ᬮᬦ᭄ᬢᬶᬗᬶᬦ᭄᭞ᬦᬶᬕ᭄ᬢᬶᬕ᭄ᬗᬳᬦ᭄ᬮᬢᭂᬂᬜ᭄ᬬᬸ᭞ᬫᬮᬶᬲᬄᬫᬵᬕᬲ᭄ᬕᬲᬦ᭄᭞ᬮᬶᬫᬦᬾᬓᬳᭂᬧ᭄ᬓᬓᬸᬭᬶ᭞ᬫ᭄ᬦᬾᬓ᭄ᬢᬸᬳᬸᬦ᭄᭞ᬗ᭄ᬫᬲᬶᬦ᭄ᬲᬮᬄᬫᬶᬲᬸᬦᬵ᭟
ᬳᬦᬵᬫᬸᬮᬸᬃᬫᬳᭀᬬᬕᬦ᭄᭞ᬭᬾᬗ᭄ᬕᬄᬮᬶᬫᬦᬾᬗᬧᬶᬢᬶᬂ᭞ᬫᬓᭂᬚᬸᬢᬦ᭄ᬧᬢᬶᬕᬩᬕ᭄᭞ᬢ᭄ᬓᬵᬓᬶᬮᬯᬾᬜᬦ᭄ᬥᭂᬭᬶᬦ᭄᭞ᬓᬸᬮᬶᬢᬾᬧ᭄ᬲᬸᬭᬦ᭄ᬢᬶᬂ᭞ᬲᬮᬄᬢᬫ᭄ᬧᬕ᭄‌ᬓ᭄ᬦᭂᬧᬲ᭄ᬢᬸ᭞ᬫᬵᬢᬩᭂᬳᬶᬦ᭄‌ᬦᬾᬦᬾᬲᬮᬄ᭞ᬓᬵᬮᬤ᭄ᬭᬫ᭄ᬩᬦᬵ
[ 11A]
ᬗ᭄ᬮᬸᬤᬶᬦ᭄᭞ᬗᬩᬢᬸᬳᬸᬦ᭄᭞ᬫᬦᭂᬓ᭄ᬢᭂᬓ᭄ᬫᬫᬸᬢᬂᬫᬸᬢᬂ᭟ᬳᬤᬵᬳᬢ᭄ᬫᬵᬫᬩ᭄ᬮᬕ᭄ᬩᬕ᭄᭞ᬫᬩ᭄ᬮᭀᬓ᭄ᬫᬳᬦ᭄ᬢᬾᬩ᭄ᬲᬶ᭞ᬗ᭄ᬮᬸᬃᬧᬶᬢ᭄ᬭᬦᬾᬫᬲᬸᬦᬢ᭄᭞ᬫᬲᬋᬗᬦ᭄ᬮᬸᬄᬫ᭄ᬯᬦᬶ᭞ᬦᬾᬦᬾᬫ᭄ᬯᬦᬶᬫᬋᬕᬚᬶ᭞ᬢ᭄ᬯᬲᬾᬯ᭄ᬫᭂᬦ᭄ᬓᬓᭂᬓᬭᬸᬄ᭞ᬫᬗ᭄ᬭᬗ᭄ᬓᬢᬂᬲᭀᬫᬄ
ᬳᬦᬓ᭄᭞ᬳ᭄ᬦᬾᬮᬸᬄᬫᬳᬶᬭᬸᬓ᭄ᬫᬕᬶᬳᬶᬲ᭄᭞ᬲᬮᬄᬚᬭᬸᬄ᭞ᬫᬘᭀᬓᬾᬢᬦ᭄ᬓᬧᬶᬲᬲ᭄ᬕᬵ᭟ᬳᬤᬵᬳᬢ᭄ᬫᬵᬩᬯᬸ᭠ᬢ᭄ᬓᬵ᭞ᬫᬗᭀᬚᭀᬕ᭄ᬥᬶᬩᬮᬾᬳᬭᬶᬂ᭞ᬫᬧᬶᬢᬸᬗᬦ᭄ᬧᬵᬤᬤ᭄ᬯᬦᬦ᭄᭞ᬫᬫᬶᬮᬶᬄᬲ᭄ᬯᬃᬕ᭄ᬕᬦᬾᬮ᭄ᬯᬶᬄ᭞ᬩᬸᬫᬭᬵᬕᭂᬦ᭄ᬫᬵᬫᬃᬕ᭄ᬕᬶ᭞ᬲ
ᬕᬾᬢ᭄‌ᬰ᭄ᬭᬶᬭᬵᬕᬯᬵᬦ᭄ᬭᬯᬸᬄ᭞ᬫᬵᬗᬗ᭄ᬕᭀᬲᬫ᭄ᬩᬵᬭᬦᬵ᭞ᬫᬲ᭄ᬮᬶᬫ᭄ᬧᭂᬢ᭄ᬫᬕᬦᬶᬢ᭄ᬭᬶ᭞ᬮᬯᬸᬢ᭄ᬢᬸᬯᬸᬦ᭄᭞ᬲᬗ᭄ᬧᬶᬢ᭄ᬭᬵᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄ᭟ᬲᬂᬰ᭄ᬭᬶᬭᬵᬕᬯᬵᬦ᭄ᬗᬦ᭄ᬥᬶᬓᬵ᭞ᬘᬳᬶᬓ᭄ᬚᬵᬧᬘᬂᬚᬦᬶ᭞ᬳᬸᬮᬢ᭄ᬩᬋᬂᬧᬤᬤ᭄ᬯᬦᬦ᭄᭞ᬬᬦ᭄ᬯᬗ᭄ᬰ᭄ᬰᬵᬳᭀ
ᬭᬳᬶᬦ᭄ᬓᬓᬶ᭞ᬲᬂᬧᬶᬢ᭄ᬭᬵᬫᬢᬸᬃᬩᬓ᭄ᬢᬶ᭞ᬢᬶᬢ᭄ᬬᬂᬲᬂᬩ᭄ᬭᬳ᭄ᬫᬵᬡ᭄ᬦᬵᬢᬸᬳᬸ᭞ᬫᬗ᭄ᬓᬶᬦ᭄ᬓᭂᬚᭂᬮᬓᬸᬦ᭄ᬢᬶᬢ᭄ᬬᬂ᭞ᬳᭂᬗ᭄ᬓᬾᬦ᭄ᬲ᭄ᬯᬃᬕ᭄ᬕ᭄ᬦᬾᬍᬯᬶᬄ᭞ᬲᬦᬾᬧᬸᬢᬸᬲ᭄᭞ᬉᬢᬫᬦᬶᬂᬲᬂᬧᬡ᭄ᬥᬶᬢ᭄ᬣᬵ᭟ᬤᬾᬦᬶᬂᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬦᬧᬓ᭄᭞ᬫᬰᬸᬰ᭄ᬬᬵᬳᬲ᭄ᬬᬤᬶᬭᬶ᭞ [ 12 ][ 11B]
᭑᭑
ᬢᬸᬃᬫᬸᬚᬳᬶᬦ᭄ᬦᬕ᭄ᬕᬵᬩᬡ᭄ᬥᬵ᭞ᬫᬗᭂᬦ᭄ᬢᭂᬕ᭄ᬫᬶᬯᬄᬫᬢᬶᬳᬶᬲ᭄᭞ᬰ᭄ᬭᬶᬪᬕᬯᬦ᭄‌ᬓ᭄ᬜᬸᬂ᭞ᬓᬧᬶᬘᬳᬶᬲᬸᬩᬵᬯᬶᬓᬸ᭞ᬍᬯᬶᬄᬲᬸᬩᬵᬗ᭄ᬮᬄᬰᬶᬰ᭄ᬬᬵ᭞ᬗᬸᬤᬵᬧᬮᬶᬂᬩᬸᬓᬵᬚᬦᬶ᭞ᬧᬢᬶᬳᭂᬦ᭄ᬢᬸᬮ᭄᭞ᬢᭀᬂᬦᬯᬂᬲ᭄ᬯᬃᬕ᭄ᬕᬵᬉᬢᬫ᭄ᬫᬵ᭟ᬓᬸᬤ᭄ᬬᬂᬘᬳᬶᬦᬕᬶᬄᬦ
ᬯᬂ᭞ᬲ᭄ᬯᬃᬕ᭄ᬕᬦᬾᬯ᭄ᬓᬲᬶᬂᬍᬯᬶᬄ᭞ᬤᭀᬂᬤᬵᬩᬦᬾᬗᭂᬮᬄᬰᬶᬰ᭄ᬬ᭞ᬲ᭄ᬯᬃᬕ᭄ᬕᬦᬾᬢ᭄ᬧᬸᬓᬶᬜ᭄ᬘᬳᬶ᭞ᬚᬦᬶᬓᬓᬶᬗ᭄ᬢᬾᬓᬶᬦ᭄᭞ᬤᬶᬧᬶᬧᬶᬮ᭄ᬘᬳᬶᬦᬾᬫᬸᬗ᭄ᬕᬸᬄ᭞ᬘᬳᬶᬧᬶᬤᬶᬓ᭄‌ᬧᭂᬗ᭄ᬓᬸᬂᬮᭀᬩᬵ᭞ᬩ᭄ᬮᭀᬕ᭄ᬢ᭄ᬯᬭᬵᬦᬯᬂᬳᬚᬶ᭞ᬲᬹᬓ᭄ᬱ᭄ᬫᬵᬢ᭄ᬮᬸ᭞ᬜᬮᬦᬂᬦᬾᬢ᭄ᬯᬭᬵᬢ
ᬯᬂ᭟ᬫ᭄ᬯᬄᬘᬳᬶᬯᬶᬓᬸᬤᬤᬓᬦ᭄᭞ᬫᬲᬾᬯᬦ᭄ᬲᬾᬯᬦ᭄ᬫᬩᬺᬰᬶᬄ᭞ᬗᬸᬮᬳᬂᬦᬫ᭄ᬧᬶᬥᬓ᭄ᬱᬶᬡ᭄ᬦᬵ᭞ᬢᭀᬂᬦᬯᬂᬉᬘᬧᬦ᭄ᬳᬚᬶ᭞ᬫᬦᬸᬗ᭄ᬕᬮᬂᬧᬢᬶᬉᬭᬶᬧ᭄᭞ᬫᬗ᭄ᬭᬦᬬᬂᬧᬲᬸᬓ᭄‌ᬯ᭄ᬢᬸ᭞ᬢ᭄ᬯᬄᬗᬸᬮᬳᬂᬫᬧᬸᬚᬵ᭞ᬲᭀᬓ᭄ᬫᬗᬼᬧᬶᬲᬂᬩᬶᬩᬶᬄ᭞ᬩᭂᬲ᭄ᬫᬵᬜ
ᬫᬸᬦ᭄᭞ᬢ᭄ᬯᬭᬵᬫᬇᬥᭂᬧ᭄ᬇᬥ᭄ᬧᬦ᭄᭟ᬧᬶᬢ᭄ᬭᬦᬾᬫᬵᬳᬢᬸᬃᬕ᭄ᬢᬃ᭞ᬫᬫᭂᬧᭂᬲ᭄ᬫᬳᬢᬸᬃᬩᬓ᭄ᬢᬶ᭞ᬢᬩᬾᬲᬲᬸᬳᬸᬤᬦ᭄ᬢᬶᬢ᭄ᬬᬂ᭞ᬫᬗ᭄ᬭᬫ᭄ᬩᬂᬯᬾᬤᬦᬾᬲᬫᬶ᭞ᬧᬮᬓ᭄ᬯᬦ᭄‌ᬢ᭄ᬥᬸᬂᬢᬮᬶᬂ᭞ᬉᬮᬸᬫᬶᬯᬵᬲᬸᬓᬸᬓᭂᬫ᭄ᬩᬸᬂ᭞ᬢᬸᬃᬫᬦᭂᬢᭂᬧᬂᬢᬗᬵᬦ

[ 12A]
ᬦ᭄᭟ᬓ᭄ᬦᬶᬳᬦ᭄ᬢᬸᬓ᭄ᬢᬶᬢ᭄ᬬᬂᬲᬫᬶ᭞ᬫᬵᬧᬫᬸᬢᬸᬲ᭄᭞ᬫᬦ᭄ᬢᬸᬓᬾᬭᬶᬂᬩ᭄ᬯᬦᬵᬫᬵᬩᬄ᭟ᬲᬂᬰ᭄ᬭᬶᬪᬕᬯᬵᬦ᭄ᬗᬦ᭄ᬤᬶᬓᬵ᭞ᬩ᭄ᬦᭂᬄᬘᬳᬶᬢ᭄ᬓᬵᬫᬳᬶ᭞ᬫᬗᭀᬚᭀᬕ᭄ᬥᬶᬩᬮᬾᬢᬶᬫ᭄ᬩᬂ᭞ᬩᬦᬾᬜᬫᬸᬤ᭄ᬲᬳᬶᬲᬳᬶ᭞ᬦ᭄ᬢᭀᬦᬾᬚᬦᬶᬳᬶᬯᬲᬶᬦ᭄᭞ᬯᬢᭂᬓ᭄
ᬧᬡ᭄ᬥᬶᬢᬦᬾᬧᬸᬢᬸᬲ᭄᭞ᬲᬂᬧᬶᬢ᭄ᬭᬵᬮᬯᬸᬢ᭄ᬫᬯᬲᬦ᭄᭞ᬩᬸᬓᬵᬳ᭄ᬫᬲ᭄‌ᬫᬗᬸᬮᬧᬶᬦ᭄᭞ᬗᭂᬡ᭄ᬥᬶᬄᬫᬸᬭᬸᬩ᭄᭞ᬮᬶᬗ᭄ᬕᬶᬄᬳᬤᬵᬲᬂᬧᬡ᭄ᬥᬶᬢ᭄ᬣᬵ᭟ᬯᬾᬦ᭄ᬢᭂᬦ᭄ᬫᬾᬭᬸᬢᬸᬫ᭄ᬧᬂᬲᭀᬮᬲ᭄᭞ᬫᬩᬸᬲᬦᬵᬲᬃᬯ᭄ᬯᬵᬫᬡᬶᬓ᭄᭞ᬮᬶᬗ᭄ᬕᬶᬄᬳᬶᬤᬵᬲᬂᬓ᭄ᬱᬢ᭄ᬭᬶᬬᬵ᭞ᬧᬸ
ᬭᬸᬰᬵᬗᬵᬭᬶᬩᬸᬧᬢᬶ᭞ᬩᬦ᭄ᬮᭀᬩᭀᬦᬾᬯᬾᬦ᭄ᬢᭂᬦ᭄ᬫᬮᬶᬄ᭞ᬫᬾᬭᬸᬦᬾᬫᬢᬸᬫ᭄ᬧᬂᬧᬶᬢᬸ᭞ᬳᬸᬗ᭄ᬕ᭄ᬯᬦ᭄ᬯᬢᭂᬓᬶᬂᬯᬾᬲ᭄ᬬᬵ᭞ᬲᬦᬾᬥᬃᬫ᭄ᬫᬵᬧ᭄ᬭᬚ᭄ᬜᬾᬂᬓᬯᬶ᭞ᬲᬸᬩᭂᬧᬸᬢᬸᬲ᭄᭞ᬩᬸᬲᬦᬵᬲᬃᬯᬵᬲ᭄ᬮᬓᬵ᭟ᬫᬮᬶᬄᬯᬾᬦ᭄ᬢᭂᬦ᭄ᬗᬤ᭄ᬮᭀᬤᬦ᭄᭞ᬧ᭄ᬭᬧ᭄ᬤᬗ᭄ᬕ
ᬦᬾᬲᬃᬯ᭄ᬯᬵᬫᬸᬓᬶᬃ᭞ᬳᬘᬶᬦ᭄ᬫᬾᬭᬸᬢᬸᬫ᭄ᬧᬂᬮᬶᬫᬵ᭞ᬕ᭄ᬦᬄᬧᬭᬵᬲᬸᬤᬬᬸᬦᬾ᭞ᬦᬾᬦᬾᬪᬓ᭄ᬢᬶᬢ᭄ᬓᬾᬦ᭄ᬯᬶᬤᬶ᭞ᬲᬮ᭄ᬯᬶᬭᬶᬂᬧᬵᬕᬯᬾᬳᬬᬸ᭞ᬓᭀᬘᬧ᭄ᬫᬮᬶᬄᬰ᭄ᬭᬶᬪᬕᬯᬵᬦ᭄᭞ᬗᬢᬕ᭄ᬘᬶᬗ᭄ᬓᬭᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬧᭂᬧᭂᬓ᭄ᬫᬗ᭠ [ 13 ][ 12B]
᭑᭓
ᬩᬵᬕᬕᬫᬦ᭄᭟ᬫᬓᬤᬶᬓ᭄ᬓᬮᬵᬤᬺᬫ᭄ᬩᬦᬵ᭞ᬢ᭄ᬓᬾᬦᬶᬂᬳᬶᬤᬹᬃᬕ᭄ᬕᬵᬤᬾᬦᬶᬂ᭞ᬩᬸᬗᬄᬍᬗᬃᬜᬦᬾᬗᬩᬃ᭞ᬧ᭠ᬓᭂᬤᬾᬧ᭄ᬥᬾᬧ᭄ᬓᬤᬶᬢᬢᬶᬢ᭄᭞ᬯᭀᬓ᭄ᬓᬧᬾᬂᬚᬾᬗ᭄ᬕᭀᬢ᭄ᬗ᭄ᬭᬶᬲ᭄᭞ᬓᬸᬫᬶᬲ᭄ᬢᬗ᭄ᬓᬳᬾᬫᬩᬸᬮᬸ᭞ᬋᬗᬲ᭄ᬢᬦ᭄ᬥᬗᬾᬩ᭄ᬭᬓᬧᬓ᭄᭞
ᬲᬢ᭄ᬲᬢ᭄ᬫᬺᬢ᭄ᬬᬸᬫᬓᬵᬓᬮᬶᬄ᭞ᬗᬕᭂᬫ᭄ᬳ᭄ᬭᬸ᭞ᬗᬾᬦ᭄ᬢᭂᬭᬂᬯᬢᭂᬓ᭄ᬭᬓ᭄ᬱᬲᬵ᭟ᬳᬤᬵᬗᬩᬵᬓᬦ᭄ᬥᬶᬓ᭄ᬢᬶᬫ᭄ᬧᬲ᭄᭞ᬩᭀᬜ᭄ᬘᬾᬂᬫᬳᬶᬯᬭᬵᬕᬚᬶ᭞ᬳᬦ᭄ᬢᬾᬢᭂᬓᬾᬦᬶᬂᬩ᭄ᬮᬕ᭄ᬩᬕ᭄᭞ᬫᬢᬶᬗ᭄ᬓᬄᬧᬤᬵᬫᬢᬗ᭄ᬓᬶᬲ᭄᭞ᬓᬾᬯᬮᬵᬓᬭᬶᬫᬵᬗᬦ᭄ᬢᬶ᭞ᬯᬘᬦ
ᬦ᭄ᬧᬵᬤᬡ᭄ᬥᬵᬳᬵᬕᬸᬂ᭞ᬰ᭄ᬭᬶᬪᬕᬯᬵᬦ᭄ᬗᬦ᭄ᬥᬶᬓᬵ᭞ᬦᬾᬧᬮᬜ᭄ᬘᬳᬶᬦᬾᬢᬫ᭄ᬧᬶ᭞ᬯᬶᬓᬸᬤᬵᬫᬸᬦ᭄‌ᬢᭀᬂᬦᬯᬂᬳᬸᬘᬧᬦ᭄ᬲᬲ᭄ᬢ᭄ᬭᬵ᭟ᬦᬾᬚᬦᬶᬓᬬᭀᬕ᭄ᬬᬵᬤᬵᬦ᭄ᬥᬵ᭞ᬫᬗ᭄ᬭᬭᬶᬲ᭄ᬓᬳᬶᬘᬾᬦ᭄ᬧᬶᬧᬶᬮ᭄᭞ᬘᬶᬭᬶᬦ᭄ᬲᬸᬭᬵᬢ᭄ᬧᬧ᭄ᬕᬢᬦ᭄᭞ᬳᬶᬤᬹᬃᬕ᭄ᬕᬵᬤᬾ
ᬦᬶᬂᬫᬵᬫᬳᬶᬤ᭄᭞ᬫᬜ᭄ᬓᬸᬓ᭄ᬮᬯᬸᬢ᭄ᬫᬦᬸᬤᬶᬂ᭞ᬓᬾᬦᬾᬓᭀᬯᬶᬓᬸᬦᬾᬜᬫᬸᬦ᭄᭞ᬫᬦᬶᬗ᭄ᬕᬭᬂᬲᬩᬸᬓ᭄ᬥᬤ᭄ᬯᬵᬫᬭᬾᬗᬂᬫᬦᭀᬮᬄᬦᭀᬮᬶᬄᬮ᭄ᬧᬢᬶᬓᬘᬸᬄ᭞ᬫᬧᬸᬚᬵᬫᬦᬫ᭄ᬧᬶᬂᬳᭂᬦ᭄ᬢᬮ᭄᭟ᬗᭀᬘᭀᬓ᭄ᬕᭂᬦ᭄ᬢᬵᬢᬦᬶᬢᬯᬂ᭞
[ 13A]
ᬫᬲᬾᬧᬦ᭄ᬲᬾᬧᬦ᭄ᬫᬩᬺᬰᬶᬄ᭞ᬢᭀᬦ᭄ᬥᬾᬦ᭄ᬦᬯᬂᬗᭂᬦ᭄ᬢᬲ᭄ᬧᬶᬢ᭄ᬭᬵ᭞ᬢᭀᬓ᭄ᬭᬦᬦ᭄ᬬᬵᬫᬵᬩᬮᬶᬓ᭄᭞ᬳᭂᬦᬾᬲᬸᬩᬵᬚᬦᬶᬢᬫ᭄ᬧᬶ᭞ᬫᬧᬸᬮᬂᬤᬶᬓᬯᬄᬳᭂᬦ᭄ᬥᬸᬢ᭄᭞ᬳᬶᬗ᭄ᬓᬭᬦᬾᬫ᭄ᬭᬗ᭄ᬓᬩᬦ᭄᭞ᬫᬗ᭄ᬭᬸᬜᬸᬂᬜᭂᬫᬓ᭄ᬓᬓᬶᬜ᭄ᬘᬶᬢ᭄᭞ᬳᬤᬵᬗᬶᬫ᭄ᬧᬸᬲ᭄
ᬫᬵᬜᬗ᭄ᬓᭀᬮ᭄ᬥᬶᬢᬸᬢᬧᬸᬮᬂ᭟ᬫᬗ᭄ᬮᬸᬃᬫᬲᭂᬲᬫ᭄ᬩᬢᬦ᭄᭞ᬓᬓᬾᬦᬾᬢᭂᬧᬸᬓᬶᬜ᭄ᬚᬦᬶ᭞ᬤᬶᬓᬯᬳᬾᬕᬼᬕᬼ᭞᭠ᬫᬮᬄᬓᭀᬫᬶᬮᬸᬫᬩᬺᬰᬶᬄ᭞ᬲᬂᬳᬶᬲ᭄ᬢ᭄ᬭᬶᬫᬵᬗᬚᬓᬶᬦ᭄᭞ᬲᬸᬩᬵᬢᭀᬂᬜᬓ᭄ᬫᬲᬶᬄᬧᭂᬗ᭄ᬓᬸᬂ᭞ᬓᬾᬦᬾᬓᭀᬚᬦᬶᬢᬵᬫᬬᬂ᭞
ᬩᬶᬦ᭄ᬧᬶᬤᬦ᭄ᬧᬘᬂᬫᬵᬳᬂᬓᬶᬤ᭄᭞ᬓᬯᬸᬓ᭄ᬓᬯᬸᬓ᭄᭞ᬫᬸᬜᬶᬦᬾᬫᬜᭂᬮ᭄ᬧᭂᬮ᭄ᬳᬯᬓ᭄᭟ᬦᬾᬳᬳᬸᬓᬸᬤ᭄ᬫᬦᬸᬦ᭄ᬢᬸᬓᬂ᭞ᬚᭂᬚᭂᬄᬗ᭄ᬢᭀᬃᬩᬸᬢᬳᬶᬬᬶᬲ᭄᭞ᬲᬂᬰ᭄ᬭᬶᬪᬕᬯᬵᬦ᭄ᬗᬦ᭄ᬥᬶᬓᬵ᭞ᬗᬸᬤᬵᬘᬳᬶᬫᬶᬮᬸᬤᬶᬦᬶ᭞ᬳᭀᬭᬳᬂᬚᬦᬶᬢᭂᬓᬾᬦ᭄ᬓᬳᬶ᭞ᬲᬂᬧᬶ᭠
ᬢ᭄ᬭᬵᬫᭂᬧᭂᬲ᭄ᬫᬳᬢᬸᬃ᭞ᬫᬜᬸᬫ᭄ᬩᬄᬦᬸᬦᬲ᭄ᬯᬃᬕ᭄ᬕᬵ᭞ᬉᬢᬫᬦᬶᬂᬲᬸᬤ᭄ᬭᬵᬬᭀᬦᬶ᭞ᬳᬦ᭄ᬢᬸᬓ᭄ᬱᬫ᭄ᬧᬸᬦ᭄᭞ᬢᬶᬢ᭄ᬬᬂᬫᬵᬓᬃᬬ᭄ᬬᬵᬭᬶᬂᬲᬗ᭄ᬕᬄ᭟ᬫᬯᬶᬦ᭄ᬢᭂᬦ᭄ᬜᬫ᭄ᬩᬸᬢᬂᬩ᭄ᬭᬢ᭄ᬣᬵ᭞ᬗ᭄ᬭᬫ᭄ᬩᬂᬯᬾᬤ᭄ᬥᬵᬫᬗ᭄ᬓᬸᬮ᭄ᬧᬸᬢᬶᬄ᭞ᬤᬤᭀᬲ᭄ᬲᬸᬫ᭄ᬩᬸᬭᬶᬂᬓᬬᬗᬦ᭄᭞ᬳᬶᬭᬢᬸᬫᬡᬶ [ 14 ][ 13B]
᭑᭓
ᬓ᭄ᬩᬳᬶᬗᬶᬦ᭄᭞ᬲᬂᬰ᭄ᬭᬶᬪᬕᬯᬵᬦ᭄‌ᬓ᭄ᬜᬶᬂ᭞ᬲᬚᬵᬤᬶᬧᬶᬧᬶᬮᬾᬫᬸᬗ᭄ᬕᬸᬄ᭞ᬳ᭄ᬦᬾᬢᬫ᭄ᬧᬶᬬᬮᬵᬓᬃᬫ᭄ᬫᬵ᭞ᬫᬳᬶᬮᬓᬸᬩ᭄ᬦᭂᬂ᭠ᬓᬗᬶᬦ᭄᭞ᬮᬯᬸᬢ᭄ᬩᬗᬸᬦ᭄᭞ᬫᬜᬸᬩᬄᬮᬯᬸᬢ᭄ᬫᬵᬚᬮᬦ᭄᭟ᬫᬃᬕᬵᬕᬮᬂᬳᬮᬄᬲᬫ᭄ᬧᬢ᭄ᬣᬂ᭞ᬲᬃᬯ᭄ᬯᬵᬩᬸᬗᬵᬦᭂᬥᭂᬂᬫᬶᬬᬶᬓ᭄᭞
ᬳᬗᬶᬦᬾᬗᬲᬶᬃᬲᬶᬃᬳᬮᭀᬦ᭄᭞ᬉᬮᬢ᭄ᬦᬸᬦ᭄ᬥᬸᬦ᭄ᬫᬜᬧᬸᬢᬶᬦ᭄᭞ᬲᬕᬾᬢᬦ᭄ᬫᬓ᭄ᬮᬬᬸᬢᬶᬄ᭞ᬳᬦᬓ᭄‌ᬳᬦᬓ᭄ᬮᬶᬗ᭄ᬲᬶᬃᬜᬗ᭄ᬓᬶᬮ᭄ᬯᬓᬸᬮ᭄᭞ᬫᬵᬗᬮᬧ᭄ᬲᬃᬯ᭄ᬯᬵᬲ᭄ᬓᬃ᭞ᬧᬗᬗ᭄ᬕᬾᬦᬾᬲᬃᬯ᭄ᬯᬵᬧᬸᬢᬶᬄ᭞ᬫᬦᬶᬲ᭄ᬋᬫ᭄ᬧᬸᬄ᭞ᬫᬜᬯᬗᬦ᭄ᬥᭂᬕ᭄ᬫᬚᬮᬦ᭄᭟ᬳᬶᬫ᭠
ᬗ᭄ᬓᬸᬢᭀᬫᬭᬵᬢ᭄ᬓᬵ᭞ᬫᬳᬶᬦ᭄ᬥᬾᬜ᭄ᬚᬵᬫᬮᬸᬫᬸᬮᬶᬄ᭞ᬩᬋᬂᬤᬶᬢᬸᬚᬸᬫᬄᬓᬓ᭄ᬬᬂ᭞ᬳᭂᬦ᭄ᬢᭀᬲ᭄ᬯᬃᬕ᭄ᬕᬦᬾᬢᬶᬗᬮᬶ᭠ᬤ᭄᭞ᬧ᭄ᬗᬥᬂᬓᬓ᭄ᬬᬂᬘᬳᬶ᭞ᬭᭀᬭᭀᬄᬧᬵᬫᬗ᭄ᬓᬸᬦᬾᬧᬸᬢᬸᬲ᭄᭞ᬫᬾᬭᬸᬦᬾᬫᬢᬸᬫ᭄ᬧᬂᬮᬶᬫ᭄ᬫᬵ᭞ᬲᬂᬧᬶᬢ᭄ᬭᬵᬮ᭄ᬬᬂᬦᬶᬗᬮᬶᬦ᭄᭞ᬭᬭᬶ᭠
ᬲ᭄ᬫᬦ᭄ᬢᬸᬓ᭄᭞ᬫᬢᬸᬦ᭄ᬢᬸᬦ᭄ᬲᬫᬶᬫᬵᬫᬃᬕ᭄ᬕᬵ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬓᬬᬗᬦ᭄᭞ᬫᬦᬸᬚ᭄ᬯᬂᬍᬕᬦ᭄ᬦᬢᬶ᭞ᬢᬦ᭄ᬩᬶᬦᬵᬓᬤᬶᬧᬗᬶᬧ᭄ᬬᬦ᭄᭞ᬓ᭄ᬮᬗᭂᬦᬾᬢᬦ᭄ᬲᬶᬧᬶᬲᬶᬧᬶ᭞ᬕᬮᬂᬮ᭄ᬯᬶᬃᬧᬹᬃᬡ᭄ᬦᬵᬫ᭄ᬫᬵᬲᬕᬶ᭞ᬤᬦᬾᬫᬗ᭄ᬓᬸᬲ᭄ᬫᬸᬓᭂᬜᬸᬂ᭞ᬓᬬᬸᬦ᭄ᬥᬦᬾᬫᬵ

[ 14A]
ᬲᬋᬗᬦ᭄᭞ᬗᬚᬓ᭄ᬱᭀᬫᬄᬧ᭄ᬬᬦᬓ᭄‌ᬘ᭄ᬦᬶᬓ᭄᭞ᬢ᭄ᬯᬄᬓᬢᬸᬤᬸᬄ᭞ᬲ᭄ᬯᬃᬕᬵᬦ᭄ᬭᬓᬵᬓᬧᬶᬚᬶᬮᬦ᭄᭟ᬓᬾᬢᭀᬚᬦᬶᬬᬧᬂᬢᬯᬂ᭞ᬢ᭄ᬓᬾᬦ᭄ᬫᬤᬦ᭄‌ᬩ᭄ᬦᭂᬄᬧ᭄ᬮᬶᬄ᭞ᬳᭂᬗ᭄ᬓᬾᬦᬾᬦᬾᬫᬤᬦ᭄ᬓᬾᬢᭀ᭞ᬮᬓ᭄ᬱᬦᬦᬾᬲᬳᬶᬲᬳᬶ᭞ᬬᬦ᭄ᬩᭂᬦᭂᬄᬧ᭄ᬮ᭠
ᬓ᭄ᬱᬦᬲᬳᬶ᭞ᬲᬤᬵᬲ᭄ᬯᬃᬕ᭄ᬕᬵᬦᬾᬓᬢ᭄ᬧᬸᬓ᭄᭞ᬬᬦ᭄ᬲᬮᬄᬫᬵᬮᬓ᭄ᬱᬦᬵ᭞ᬦ᭄ᬭᬓᬦᬾᬩᬓᬢ᭄‌ᬘ᭄ᬩᬸᬭᬶᬦ᭄᭞ᬢ᭄ᬯᬄᬓᬢᬸᬤᬸᬄ᭞ᬤᬶᬓᬯᬳᬾᬕᬼᬕᬼ᭟ᬲᬧᬸᬦᬶᬓᬵᬮᬶᬂᬦᬶᬂᬲᬰ᭄ᬢ᭄ᬭᬵ᭞ᬫᬓᬵᬲᬸᬮᬸᬄᬧᬢᬶᬉᬭᬶᬧ᭄᭟ᬗᬶᬂᬳᬫ᭄ᬧᬸᬭᬵᬲᬂᬫᬜᬸᬭᬵᬢ᭄᭞
ᬩᭀᬬᬵᬲᬶᬤᬵᬗᬫᬃᬕ᭄ᬕᬶᬦᬶᬦ᭄᭞ᬩᬶᬲᬦᬾᬩᬦ᭄ᬢᬲ᭄ᬤᬶᬩᬶᬩᬶᬄ᭞ᬓ᭄ᬦᭂᬳᬾᬩᬶᬗᬸᬂᬫᬫᬸᬤᬸᬄ᭞ᬢᬸᬤᬸᬄᬩᬦ᭄ᬢᬸᬤ᭄ᬯᬂᬢᬶᬯᬄ᭞ᬓᬤᬶᬲ᭄ᬓᬃᬬᬦ᭄ᬳᬸᬧᬫᬶ᭞ᬢᬶᬗᬵᬢᬶᬗ᭞ᬧᬦ᭄ᬢᭂᬲ᭄ᬫᬶᬳᬶᬓ᭄ᬥᬤᬶᬧ᭄ᬗᬄ᭟ᬢᬸᬯᬶᬫᬦᬹᬱᬵᬧᬯᬓᬦ᭄᭞ᬧᬶᬓᭀᬮᬶᬳᬾᬲᬃᬯ᭄ᬯᬵᬧ᭄ᬭ
ᬡ᭄ᬦᬶ᭞ᬲᭀᬓ᭄ᬫᬗᬸᬮᬄᬩᭂᬢᭂᬓ᭄ᬩᬲᬂ᭞ᬢ᭄ᬯᬭᬵᬗᬶᬢᬸᬂᬩ᭄ᬦᭂᬄᬧ᭄ᬮᬶᬄ᭞ᬲᬚᬾᬚ᭄ᬮᬾᬚᬮᬦ᭄᭞ᬮᬶᬗ᭄ᬮᬸᬂᬢᭀᬂᬫᬗᬺᬱᭂᬧ᭄ᬢᬸᬢᬸᬃ᭞ᬗᬸᬩᬸᬗᬶᬦ᭄‌ᬮ᭄ᬕᭂᬤᬶᬤᬶᬬᬦ᭄᭞ᬦᬾᬧ᭄ᬮᬶᬄᬲᬳᬶᬚᬮᬦᬶᬦ᭄᭞ᬬᬦᬶᬂᬳᬶᬢᬸᬂ᭞ᬗᬗ᭄ᬕᭀᬳᬸᬘᬧᬶᬂᬲᬗ᭄ᬲᬭᬵ᭟᭐᭟ [ 15 ][ ᭑᭔ 14B]
᭑᭔
ᬢ᭄ᬮᬲ᭄᭟᭐᭟ᬧᬸᬧᬸᬢ᭄ᬭᬶᬂᬭᬳᬶᬦᬵ᭞ᬭ᭞ᬧ᭄ᬯ᭞ᬯᬭᬫ᭄ᬪᬂᬲ᭄ᬬᬵ᭞ᬢᬶᬢᬶ᭞ᬧᬂ᭞ᬧᬶᬂ᭞᭘᭞ᬰᬰᬶᬄ᭞ᬓ᭞᭓᭞ᬭᬄ᭞᭗᭞ᬢᭂᬂ᭞᭐᭞ᬇᬰᬓᬵ᭞᭑᭙᭐᭗᭟ᬓᬲᬸᬭᬵᬢ᭄ᬳᬦ᭄ᬢᬸᬓ᭄ᬳᬶᬤᬜᭀᬫᬦ᭄ᬩᭀᬤ᭄ᬥ᭞ᬲᬓᬶᬂᬲᬸᬩᬕᬦ᭄᭞ᬕ᭄ᬭᬶᬬᬵᬚ᭄ᬮᬡ᭄ᬞᬶᬓ᭄‌ᬩ
ᬮᬾᬃᬫᬃᬕ᭄ᬕᬶ᭟᭐᭟