Ban/Gaguritan Berayut 02

Deskripsi

Naskah

[ 1 ][PERPUSTAKAAN KTR.DOKBUD BALI PROP.BALI
G/III/5/DOKBUD
Nama / Judul : Gaguritan BERAYUT.
Panj. 45 cm. Leb. 3,5 cm. Jml. 13 lb.
Asal : Griya Buda, Subagan. Kr.asem.]

[᭑ 1A]
G/III/5
G. BERAYUT
Nama / Judul : Gaguritan BERAYUT.
Panj. 45 cm. Leb. 3,5 cm. Jml. 13 lb.
Asal : Griya Buda, Subagan. Kr.asem.] [ 2 ][᭑ 1B]
᭛᭜᭛ᬲᬶᬦᭀᬫ᭄᭟ᬳᬤᬵᬓᬶᬤᬸᬂᬕᬕᬸᬭᬶᬢᬦ᭄᭞ᬫᬢᭂᬫ᭄ᬩᬂᬢᬶᬓᬸᬲ᭄ᬓᬩᬦ᭄ᬢᬶᬂ᭞ᬦᬾᬓᭀᬘᬧ᭄ᬚᬮ᭄ᬫᬵᬪᭀᬤᭀ᭞ᬩ᭄ᬢᬄᬢᬦᬶᬗᬶᬥᭂᬧ᭄‌ᬫᬸᬜᬶ᭞ᬩᬩᭀᬢᭀᬄᬳᬸᬮᬶᬂᬘ᭄ᬦᬶᬓ᭄᭞ᬫᬳ᭄ᬬᬸᬲ᭄ᬮᬸᬤᬶᬦ᭄ᬢᬦᬶᬫᬫ᭄ᬧᬸᬄ᭞ᬧ᭄ᬬᬦᬓ᭄ᬫᬓᬸᬭᬫ᭄ᬩᬾᬬᬦ᭄᭞ᬦᬾᬳᬶᬩᬸᬓᬂᬮᬸᬄᬫ᭄ᬯᬦᬶ᭞ᬳᬶᬸ
ᬳᬧ᭄ᬮᭂᬓᬸᬢᬸᬲ᭄᭞ᬢ᭄ᬓᬦᬶᬂᬳ᭄ᬦᬸᬤᬶᬩᬲᬂ᭟ᬳᬶᬩᬸᬓ᭄ᬫᬗᬶᬢᬸᬗᬂᬳᬯᬓ᭄᭞ᬲᬶᬂᬳᬗ᭄ᬓᬸᬄᬢ᭄ᬯᬄᬧᬢᬸᬳᬸᬢᬶᬦ᭄᭞ᬓᬢ᭄ᬯᬦ᭄ᬳᬯᬓᬾᬩᭀᬗᬾᬲ᭄᭞ᬫᬤᬕᬂᬢᬦᬶᬫᬩᬢᬶ᭞ᬚᬦᬶᬢᬸᬮᬸᬲ᭄ᬫᬗ᭄ᬮᬶᬲ᭄ᬢᬶᬂ᭞ᬳᬸᬫᬄᬳᭀᬜᬭᬶᬗ᭄ᬕᬂᬭᬶᬗ᭄ᬕᬸᬂ᭞ᬭᬳᬧᬾᬧᬘᬵᬮᭀᬫ᭄ᬧᭀᬂ᭞ᬧᬤᬳᭂᬗ᭄ᬲᬸᬩᬶ
ᬩᬦ᭄ᬳᬸᬧᬶᬄ᭞ᬢᬸᬗ᭄ᬕᬮ᭄ᬳᬸᬚᬦ᭄᭞ᬫ᭄ᬮᬳᬶᬩ᭄ᬓᬩᬢᬦ᭄ᬳᬸᬫᬄ᭟ᬳᬢᬸᬢ᭄ᬫᬗ᭄ᬮᬄᬳᬸᬫᬄ᭞ᬩᬳᬦ᭄ᬫᬩᬳᬦ᭄ᬤᬶᬚᬦᬶ᭞ᬓᬯᬶᬲᬬᬦᬾᬫᬗᬾᬗ᭄ᬕᭀ᭞ᬓᬧᬶᬲᬕ᭄ᬕᬵᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬢᬧᬶᬳᬾᬲᬸᬲᬂᬓᬵᬧᬶᬂ᭞ᬲᬭᬸᬗᬶᬦ᭄ᬲᬸᬫᬗ᭄ᬓᬦ᭄ᬲᭂᬭᬩᬸᬤ᭄᭞ᬲᬸᬩᬳᬕᬕ᭄ᬧᬘᬮᭀᬬᭀᬂ
ᬲᬶᬂᬓᬫ᭄ᬩᭂᬦ᭄ᬳᬗ᭄ᬕᭀᬦᬫ᭄ᬩᬮᬶᬦ᭄᭞ᬧᬲᬭᬶᬗ᭄ᬓᬸᬢ᭄᭞ᬚᬚᬳᬶᬬᬢᬦᬾᬗᬮᬶᬧᬦ᭄᭟ᬩᬲ᭄ᬓᬤᬸᬭᬸᬲ᭄ᬩᬦᬾᬧᭀᬗᬄ᭞ᬩᬸᬓᬵᬢ᭄ᬯᬭᬦᬯᬂᬳᬶᬫ᭄ᬩᬶᬄ᭞ᬤᬓᬶᬦ᭄ᬳᬯᬓᬾᬫᬜᬮᭀᬦ᭄᭞ᬓ᭄ᬮᬲ᭄ᬓᬲᬦ᭄ᬓᬾᬲ᭄ᬓᬲ᭄ᬕᬸᬤᬶᬕ᭄᭞ᬢᬭᬦᬯᬂᬮᬳᬤ᭄‌ᬍᬗᬶᬲ᭄᭞ᬩᭀᬓᬾᬩᬭᬓ᭄ᬮᬸᬤᬶ
[᭒ 2A]
ᬦ᭄ᬧᬸᬚᬸᬢ᭄᭞ᬕᬶᬮᬶᬂᬫᬓᬵᬩ᭄ᬭᬾᬂᬩ᭄ᬭᬾᬂᬗᬦ᭄᭞ᬜᭀᬜᭀᬦᬾᬩᬾᬦ᭄ᬓᬾᬳᬦ᭄ᬢᭂᬗᬶᬦ᭄᭞ᬲᬮᬂᬯᬮᬸᬄ᭞ᬓᬭᬶᬳᬸᬯᬢ᭄ᬧᬲᬸᬮᬾᬗ᭄ᬓᬢ᭄᭟ᬢ᭄ᬯᬄᬓᬢᬸᬤᬸᬄᬓᬾᬦ᭄ᬢᭀᬜᬳᬦ᭄᭞ᬳᬭᬂᬬᬾᬦ᭄ᬢᭀᬂᬢᬦᬶᬩ᭄ᬮᬶᬂ᭞ᬲᬾᬧᬦ᭄ᬫᬫ᭄ᬮᬲ᭄ᬫᬍᬦ᭄ᬤᭀᬂ᭞ᬩᬲᬗᬾᬲᬸᬩᬫᬳᬶᬲᬶ᭞ᬢᭀᬂᬓᭀ
ᬩᭂᬃᬳᬗᬦ᭄ᬗᬦ᭄ᬢᬶᬄ᭞ᬓᬮᬶᬂᬫᬗ᭄ᬮᬶᬓᬲ᭄ᬫᬦᬸᬦᬸᬦ᭄᭞ᬚᬦᬶᬢᬸᬮᬸᬲ᭄ᬫᬗᬾᬩᭀᬂ᭞ᬧ᭄ᬬᬦᬓᬾᬩᭂᬓ᭄ᬧᬕᬸᬮᬦ᭄ᬢᬶᬂ᭞ᬫ᭄ᬤᭂᬫ᭄ᬩᬗᬸᬦ᭄᭞ᬳᬯᬓᬾᬮᬸᬤᬶᬦ᭄ᬮᬶᬫᬸᬳᬦ᭄᭟ᬮ᭄ᬯᬶᬃᬬᬦ᭄ᬫᬲᬦ᭄ᬕᬸᬮᬸᬗᬦ᭄᭞ᬦᬾᬫ᭄ᬯᬦᬶᬢ᭄ᬯᬄᬫᬧᬸᬮᬶᬮᬶᬢ᭄᭞ᬳᬾᬧᭀᬢ᭄ᬫᬕᬤᬂᬤᬶᬧᬯᭀᬦ᭄᭞ᬜᬸᬯᬂᬬᬾᬄᬗᭂ
ᬦ᭄ᬤ᭄ᬬᬳᬧᬶ᭞ᬦᬸᬫ᭄ᬧᭂᬂᬮᬦ᭄ᬢᬲ᭄‌ᬫᬢᬦ᭄ᬤᬶᬂ᭞ᬓᬘᬂᬓᭀᬫᬓ᭄ᬲᬸᬤᬂᬢᬮᬸᬄ᭞ᬓᬘᬶᬘᬂᬩ᭄ᬮᬡ᭄ᬥᬶᬗᬦ᭄᭞ᬲᬫ᭄ᬩᭂᬮ᭄ᬚᬸᬗ᭄ᬕᬸᬮᬦ᭄ᬓᭂᬘᬳᬶ᭞ᬤᭀᬦ᭄ᬕᭂᬜ᭄ᬘᬭᬸᬫ᭄᭞ᬧᬾᬲ᭄ᬜᬦᬾᬕᬕᭂᬦ᭄ᬤᬾᬭᬦ᭄‌ᬲᬸᬩᬢᬸᬢᬸᬕ᭄ᬳᬲᭀᬭᭀᬳᬦ᭄᭞ᬩᬦ᭄ᬜᬦᬾᬘ᭄ᬦᬶᬓ᭄ᬘᭂᬦᬶᬓ᭄᭞ᬳᬦᬾᬫᬲᬵᬲᬢᬾᬘᬮᭀᬦ᭄᭞ᬳᬸᬭᬩᬭ
ᬓ᭄ᬳᬸᬭᬩ᭄ᬧᬸᬢᬶᬄ᭞ᬩᬩᬶᬧᬵᬤᬵᬫᬢ᭄ᬩᬶᬄ᭞ᬩᬮᬸᬂᬮᬦ᭄ᬤᬤᭂᬍᬕ᭄ᬫᬭᬸᬲ᭄᭞ᬩᬲᬾᬧᬥᬫᬧᭀᬭᭀᬲ᭄᭞ᬢᬧᬾᬩ᭄ᬬᬸᬚᬚᬳᬸᬮᬶ᭞ᬓ᭄ᬧᭂᬮ᭄ᬳᬩᬸᬕ᭄᭞ᬢᬸᬫ᭄ᬧᭂᬗᬾᬧᬤᬫᬤᬤ᭄ᬯᬵ᭟‌ᬲᬸᬩᬫᬮᬸᬫᬧ᭄ᬭᬬᬵ᭞ᬜᬢ᭄ᬮᬫᬓ᭄ᬲᬸᬩᬳᬶᬩᬶ᭞ᬭᬭᬶᬗ᭄ᬕᬶᬢᬦ᭄ᬕᬶᬕᬶᬦ᭄ᬩᬭᭀᬂ᭞ᬳᬂᬦ᭄ᬕᬾᬘᬭ [ 3 ][᭒ 2B]
᭒
ᬧ᭄ᬘᬧ᭄ᬤᬶᬲᬶᬲᬶ᭞ᬦᬾᬤᬶᬢ᭄ᬗᬄᬫᬭᬶᬗ᭄ᬕᬶᬢ᭄᭞ᬧᬧᬢᭀᬮᬦ᭄ᬮᬶᬓᬶᬂᬧᬓᬸ᭞ᬲᬸᬩᬫᬢ᭄ᬭᬧ᭄ᬕᬾᬦ᭄ᬤᭀᬗᬦ᭄᭞ᬢᬢᬫ᭄ᬬᬗᬦ᭄ᬧᬕᬸᬮᬦ᭄ᬢᬶᬂ᭞ᬯ᭄ᬦᬶᬕᬳᬦ᭄‌ᬤᭀᬦ᭄ᬓᬬᬸᬦᬾᬕᬮ᭄ᬮᬶᬓᬦ᭄᭟ᬮ᭄ᬯᬲ᭄ᬫᬦ᭄ᬤᬸᬲ᭄‌ᬓᬓᬬᭂᬳᬦ᭄᭞ᬤᬲ᭄ᬍᬫᬄᬫᬵᬫ᭄ᬩᬸᬄᬫᬲᬶᬲᬶᬕ᭄᭞ᬩᬳᬸᬢ᭄ᬓᬦᬾᬓᬧᬯᭀᬦ᭄
ᬮᬦ᭄ᬫᭂᬫᬳᭂᬦᬂᬳᬧᬶ᭞ᬳᬲᭂᬧ᭄‌ᬫ᭄ᬜᬦ᭄ᬳᬱ᭄ᬝᬗ᭄ᬕᬶ᭞ᬲᬳᬂᬤᬧ᭄ᬕᬧ᭄ᬫᬚᬕᬳᬸ᭞ᬗ᭄ᬮᬄᬲᬧᬸᬢ᭄ᬳᬪᬦᬂ᭞ᬢ᭄ᬫᭀᬦ᭄ᬢᭂᬫᭀᬦ᭄ᬳᬸᬮᬶᬗᬸᬦᬶ᭞ᬲᬸᬩᬵᬩᬸᬳᬸᬓ᭄‌ᬳ᭄ᬬᬚ᭄ᬯᬲᬭᬾᬩᬾᬢᬂ᭟ᬲᬕᬾᬢ᭄ᬲᬸᬳᬸᬤ᭄ᬫᬩᬦ᭄ᬢᬦᬦ᭄‌ᬗᬮ᭄ᬬᬂᬢᭀᬬᬫᬗᭂᬢᬶᬲᬶᬦ᭄᭞ᬢ᭄ᬓᬦᬶᬂᬩᬦ᭄ᬢᭂᬦ᭄ᬓᬩᬾᬮᭀᬂ᭞ᬢᬦᬸᬘᬧᬦᬾ
ᬤᬶᬮᬗ᭄ᬓᬶᬃ᭞ᬤᬶᬧᬯᭀᬦ᭄ᬲᬧᬶᬂᬓᬸᬭᬶ᭞ᬤᬶᬢᬋᬢᭂᬧᬦ᭄ᬓᬧᬸᬮᬸ᭞ᬤᬶᬬᬾᬄᬓᭀᬩᬢᬸᬪᬱᬵ᭞ᬢ᭄ᬓᬦᬶᬂᬓᬩᬤᬦ᭄ᬲᬫ᭄ᬧᬶ᭞ᬲᬾᬫ᭄ᬩᬾᬍᬲᬸᬂ᭞ᬢ᭄ᬓᬦᬶᬂᬲ᭄ᬤᬳᬦ᭄ᬧᬩ᭄ᬯᬦ᭄᭟ᬦᬾᬦᬾᬮᬸᬄᬢ᭄ᬯᬭᬵᬳᬸᬦᬶᬗᬵ᭞ᬬᬵᬦᬸᬫ᭄ᬤᭂᬫ᭄ᬳᭂᬗ᭄ᬓᬶᬲ᭄ᬳᭂᬗ᭄ᬓᬶᬲ᭄᭞ᬫᬜ᭄ᬚ᭄ᬭᬧᬧᬕᭂᬭᭀᬓ᭄ᬕᭂᬭᭀᬓ᭄᭞ᬧ᭄ᬬᬦᬓ᭄ᬜᬦᬾᬧᬕᬸᬮᬦ᭄ᬢᬶᬂ᭞
ᬳᬤᬵᬫ᭄ᬕᭂᬫᬜᬫ᭄ᬧᬶᬂ᭞ᬮᬾᬦᬸᬗ᭄ᬓᬬᬓ᭄ᬫᬜᬺᬓᬸᬢᬸᬢ᭄᭞ᬳᬦᬫᬳᭂᬧ᭄ᬓᬢᭂᬩᬾᬦᬦ᭄᭞ᬦᬾᬧᬮᬶᬂᬓ᭄ᬢᬸᬢ᭄ᬗᬓ᭄ᬩᬶᬦ᭄᭞ᬗ᭄ᬮᬸᬢ᭄ᬩᬯᭀᬂ᭞ᬢᬸᬗ᭄ᬕᬮ᭄ᬗᭂᬦ᭄ᬤᬸᬲᬶᬦ᭄ᬓᭀᬘᭀᬓᬂ᭟ᬦᬳᬶᬓ᭄ᬢᬸᬢ᭄ᬩᬗᬸᬦ᭄ᬗᬸᬮᬾᬧᬢ᭄᭞ᬕᬸᬢ᭄ᬕᬸᬢᬸᬫᬵᬫᬗᭂᬢ᭄ᬓᬶᬄ᭞ᬫᬗ᭄ᬮᬶᬂᬢᭀᬂᬤᬤᬶᬓᭀᬘᭀᬓ᭄᭞ᬫᬗᬸᬮᬮᬂᬫᬗᬸ
[᭓ 3A]
ᬮᬮᬶᬂ᭞ᬦᬾᬮᬾᬦᬦ᭄ᬧᬤᬗ᭄ᬮᬶᬂ᭞ᬳᬤᬗ᭄ᬯᬓᬯᬸᬓ᭄ᬓᬯᬸᬓ᭄᭞ᬮᬾᬦᬾᬫᬦ᭄ᬳᭀᬳᭀᬂᬤᭀᬳᭀᬂ᭞ᬦᬾᬦᬾᬲ᭄ᬭᬓ᭄‌ᬲ᭄ᬗᬶᬲ᭄ᬗᬶ᭞ᬦᬾᬦᬾᬩᬾᬳᬾᬂᬕ᭄ᬭᬾᬂᬕ᭄ᬭᬾᬂᬤᬶᬢ᭄ᬩᬾᬦᬦ᭄᭟ᬳᬤᬵᬫᭂᬘᬸᬓᬓ᭄ᬲᬵᬓ᭄ᬱᭀᬓᬦ᭄᭞ᬫᬕᬸᬬᬂᬦᬕᬶᬄᬩᬾᬕᬸᬮᬶᬂ᭞ᬦᬾᬫᬜᬶᬂᬩᬩᬃᬫᬕᬦ᭄ᬤᭀᬂ᭞ᬗᬸᬲᬸᬤ᭄ᬩᬯᭀᬂ
ᬫᬗᬭᬶᬜᬶ᭞ᬢᬦᬶᬫᬦᬶᬗᭂᬄᬫᬸᬜᬶ᭞ᬫᬗ᭄ᬮᬶᬂᬫᬗᬸᬮᬸᬦ᭄ᬳᬸᬮᬸᬦ᭄᭞ᬦᬕᬶᬄᬲᬲᬢᬾᬘᬮᭀᬦ᭄᭞ᬦᬾᬩᬗ᭄ᬓᭂᬂᬓ᭄ᬯᬢ᭄ᬫᬫᭂᬦ᭄ᬕᬶᬮ᭄᭞ᬧᬶᬦᬄᬩᭂᬓᬸᬢ᭄ᬦᬕᬶᬄᬩᬮᬸᬂᬕᬕᬵᬭᬾᬗᬦ᭄᭟ᬮᬾᬦᬾᬩᬗᬸᬦ᭄ᬫᬦᭂᬮᬦᬂ᭞ᬩᬯᬸᬲ᭄ᬤᬸᬓ᭄ᬦᬕᬶᬄᬦᬰᬶ᭞ᬳᬤᬵᬫᬋᬩᬸᬢᬶᬦ᭄ᬜᭀᬜᭀ᭞ᬫᬕᬸᬚᭂᬂᬧ
ᬤᬵᬫᬗ᭄ᬮᬶᬂ᭞ᬮᬾᬦᬾᬫᬗᬭᬶᬂᬳᬸᬭᬶᬂ᭞ᬫᬘᬭᬫᬦ᭄ᬢᬶᬕᬂᬩᬸᬩᬸᬂ᭞ᬳᬤᬵᬗᭀᬘᭀᬓᬓᭀᬘᭀᬃ᭞ᬦᬾᬜᭀᬫᬦ᭄ᬫᬗᬲ᭄ᬕᬲ᭄ᬤᬶᬂᬤᬶᬂ᭞ᬫᬩ᭄ᬬᬬᬸᬳᬦ᭄᭞ᬳ᭄ᬮᬶᬗᬾᬫᬢ᭄ᬭᬬᬸᬳᬦ᭄᭟ᬲᬕᬾᬢ᭄ᬗᭂᬦ᭄ᬤᬸᬲᬶᬦ᭄ᬗᭂᬭᬫᬂ᭞ᬫᬦᬶᬗᭂᬄᬧ᭄ᬬᬦᬓᬾᬗ᭄ᬮᬶᬂ᭞ᬓᬧᬸᬧᬸᬗᬦ᭄‌ᬳᭀᬬᭀᬂᬳᭀᬬᭀᬂ᭞ᬳᬸ
ᬲᬧ᭄ᬫᬢᬦᬾᬦᬸᬓᬧᬶᬢ᭄᭞ᬓᭀᬭᬾᬲ᭄ᬫᬗᭂᬦ᭄ᬢᬄᬕ᭄ᬦᬶᬢ᭄᭞ᬫᬕᬲ᭄ᬕᬲᬦ᭄ᬕᭂᬭᬓ᭄ᬕᭂᬭᬸᬓ᭄᭞ᬢᬧᬶᬳᬾᬩᭂᬓ᭄ᬫᬢᬸᬫ᭄ᬫᬵ᭞ᬩᬸᬓᬵᬢᭀᬂᬓ᭄ᬬᬂᬳᬓ᭄ᬝᬶ᭞ᬮᬾᬦ᭄ᬫᬢᬮᬸᬄ᭞ᬧ᭄ᬬᬦᬓ᭄ᬜᬦᬾᬫᬩᬸᬬᬕ᭄᭟ᬳᬸᬓᬸᬄᬩᬗᬸᬦ᭄ᬢᬦᬶᬮᭀᬕᬲ᭄᭞ᬦᬸᬫᬢᬸᬫᬲᬶᬓ᭄ᬲᬶᬓ᭄ᬲᬶᬓ᭄ᬲᬶᬓ᭄᭞ᬓᬸᬢᬸᬦᬾ‌ [ 4 ][᭓ 3B]
᭓
ᬢ᭄ᬓᭂᬤ᭄ᬓᬩᬯᭀᬂ᭞ᬧᬕᬸᬭᬬᬂᬧᬕᬸᬭᬶᬤᬶᬧ᭄᭞ᬕᬸᬭᬾᬓ᭄ᬱ᭄ᬬᬓ᭄ᬧᬢᬶᬲᬶᬲᬶᬓ᭄᭞ᬮᬶᬫᬦ᭄ᬜᬦᬾᬫ᭄ᬦᬾᬓ᭄ᬢᬸᬳᬸᬳᬸᬦ᭄᭞ᬚᬦᬶᬫᬫᬶᬗ᭄ᬲᭂᬕ᭄ᬳᬾᬧᭀᬢ᭄᭞ᬧ᭄ᬬᬦᬓ᭄ᬜᬦᬾᬫᬋᬩᬸᬢᬶᬦ᭄᭞ᬮᬾᬦ᭄ᬫᬫᬸᬗ᭄ᬕᬸᬢ᭄᭞ᬘ᭄ᬧᭂᬢ᭄ᬩᬸᬗᬸᬢ᭄ᬧᬫᬶᬧᬶᬲᬦ᭄᭟ᬩᬸᬓᬵᬢᭀᬂᬫᬦᬯᬂᬳᭀᬜ᭞ᬓᬵᬮᬶ
ᬬᬸᬦᬦ᭄ᬜᭂᬫᬳᭂᬦ᭄ᬢᬶᬧ᭄᭞ᬚᬦᬶᬧ᭄ᬲᬸᬬᬵᬫᬗᬾᬩᭀᬂ᭞ᬧ᭄ᬬᬦᬓ᭄ᬜᬦᬾᬫᬦᬸᬢᬶᬦ᭄᭞ᬫᬤᬦ᭄ᬤᬦ᭄ᬩᬶᬮᬂᬲᬫ᭄ᬧᬶᬂ᭞ᬤᬶᬤᬸᬭᬶᬳᬤᬤᬶᬫᬮᬸ᭞ᬮᬾᬦᬾᬫᬜ᭄ᬫᬓ᭄ᬜᭀᬜᭀ᭟ᬳᬤᬗ᭄ᬮᬸᬢ᭄ᬦᬶᬫᬦ᭄ᬧᬶᬧᬶ᭞ᬧᬕᬭᬾᬬᭀᬂ᭞ᬭᭀᬩᭂᬤ᭄ᬩᬶᬮᬂᬳᬢᬶᬦ᭄ᬤᬓᬦ᭄᭟ᬢᭀᬂᬤᬤᬶᬢᬦᬶᬫᬚᬮᬦ᭄᭞
ᬳᬶᬓ᭄ᬢᬸᬢ᭄ᬲ᭄ᬭᬶᬂᬫᬗ᭄ᬯᬶᬥᬷ᭞ᬗᬚᬓᬶᬦ᭄ᬫᬩᬮᬶᬄᬩᬭᭀᬂ᭞ᬦᬾᬮᬾᬦᬦ᭄ᬕᬶᬭᬶᬫᬦᬕᬶᬄ᭞ᬧᬤᬬᬳᭂᬫ᭄ᬩᬶᬳᭂᬫ᭄ᬩᬶ᭞ᬦᬦᬗᬮ᭄ᬯᬲ᭄ᬫᬗᬗ᭄ᬕᬸᬃ᭞ᬩᬦ᭄ᬢᭂᬦ᭄ᬳᬗ᭄ᬕᭀᬦᬸᬗ᭄ᬓᬸᬮᬂ᭞ᬧᬭᬶᬤᬂᬧᬤᬵᬫᬢᬦ᭄ᬤᬶᬂ᭞ᬲᭀᬓ᭄ᬳᬶᬓ᭄ᬢᬸᬢ᭄ᬲᬗ᭄ᬓᭀᬮ᭄ᬳᬚᬓ᭄ᬫᬓᭂᬫ᭄ᬩᬸᬮᬦ᭄᭟ᬧᬭᬶᬤᬂᬩᬦ᭄ᬢᭂᬦ᭄ᬓᭂᬫ᭄ᬩᬸᬮᬦ᭄᭞ᬳᭀᬜᬂ
ᬓᬵᬢ᭄ᬮᬸᬂᬢᬦ᭄ᬤᬶᬂ᭞ᬜᬭᬶᬕ᭄ᬚᬶᬕ᭄ᬗᬩᬓᬵᬧᬯᭀᬦ᭄᭞ᬩᬯᬸᬢ᭄ᬓᭂᬫᬸᬦ᭄ᬤᭂᬩ᭄ᬓᭀᬭᬶ᭞ᬮᬦ᭄ᬢᬲ᭄ᬗᬕᬄᬲᭀᬓᬲᬶ᭞ᬫᬳᬶᬲᬶᬚᭂᬫ᭄ᬩᬸᬂᬧᬭᬸᬂᬧᬸᬂ᭞ᬘᭀᬩᬾᬓᬾᬓᬓᬄᬫᬳᭀᬂ᭞ᬳ᭄ᬮᬸᬤᬶᬦ᭄ᬳᬶᬮᬂᬳᬢ᭄ᬩᬶᬄ᭞ᬧᬳᬸᬳᬬᬦ᭄᭞ᬘᬯᬦᬸᬳᬧᬢ᭄ᬮᬸᬯᬦ᭄᭟ᬗᭀᬕᭀᬧᬰᭀᬗᬮᬶᬄᬳᬸᬬᬄ᭞ᬲᬸ
[᭔ 4A]
ᬬᬵᬲᬸᬳᬸᬤ᭄ᬫᬲᬕᬶ᭞ᬫᬗᬸᬗ᭄ᬓᬩ᭄ᬧᬦᬾᬧᬗᬭᭀᬦ᭄᭞ᬤᬶᬓᬸᬫᬭᬗᬾᬕᬶᬲᬶ᭞ᬍᬢ᭄ᬮᭂᬢ᭄ᬲᬲᬢᬾᬕᬸᬦ᭄ᬢᬶᬂ᭞ᬩᬮᬸᬂᬮᬦ᭄ᬤᬤᭂᬍᬕ᭄ᬫᬭᬸᬲ᭄᭞ᬳᬶᬕ᭄ᬕᬵᬲᬲᬢᬾᬘᬮᭀᬦ᭄᭞ᬮᬾᬦ᭄ᬓᬓᬸᬯᬸᬂᬚ᭄ᬧᬶᬢ᭄ᬩᬶᬩᬶ᭞ᬳᬸᬮᬫ᭄ᬳᭂᬗ᭄ᬓᬸᬓ᭄᭞ᬲᭀᬗᭀᬳᬗ᭄ᬕᬾᬦ᭄ᬋᬋᬩᬲᬦ᭄᭟ᬩᬦᬾᬜᬫᬸ
ᬢ᭄ᬓᬦᬳᬢᬦ᭄᭞ᬳᭀᬜᬗ᭄ᬕᬾᬦ᭄ᬳᬫᬳᬂᬦᬲᬶ᭞ᬳᬚᬓ᭄ᬧ᭄ᬬᬦᬓᬾᬤᬶᬧᬯᭀᬦ᭄᭞ᬦᬾᬦᭂᬫ᭄ᬩᭂᬮᬲ᭄‌ᬫᬗᬸᬭᬶᬜᬶ᭞ᬤᬶᬯᬗᬤ᭄ᬳᬜ᭄ᬘᬓ᭄ᬲᬚᬶ᭞ᬫᬗ᭄ᬮᬶᬂᬧᬦᬧᬲ᭄ᬕᬸ᭞ᬢᭀᬂᬩᬳᬗᬓᬧᬯᭀᬦ᭄᭞ᬳᬶᬩᬸᬭᬬᬸᬢ᭄‌ᬫᬗ᭄ᬯᬾᬮᬶᬦ᭄᭞ᬲᬶᬓ᭄ᬲᬶᬓᬸᬲᬸᬂ᭞ᬓᬾᬢᭀᬓᭀᬳᬤᬓᬾ
ᬓᭀᬳᬦᬓᬾᬫᬦᬓ᭄᭟ᬫᬾᬫᬾᬜᬢ᭄ᬯᬭᬵᬳᬸᬦᬶᬗᬵ᭞ᬲᬕᬾᬢ᭄ᬓᬵᬦᬾᬦᬾᬫ᭄ᬯᬦᬶ᭞ᬮᬯᬸᬢ᭄ᬫᬜᬕ᭄ᬚᬕ᭄ᬓᬧᬯᭀᬦ᭄᭞ᬤᬧ᭄ᬢᬂᬧ᭄ᬬᬦᬓᬾᬗ᭄ᬮᬶᬂ᭞ᬚ᭄ᬫᬢ᭄ᬧᬤᬓᬲᬶᬳᬶᬦ᭄᭞ᬦᬾᬧᬮᬶᬂᬜᭀᬫᬦ᭄ᬫᬲᬥᬸ᭞ᬢᭀᬂᬩᬳᬗᬵᬓᬧᬯᭀᬦ᭄᭞ᬳᬶᬫᬾᬫᬾᬫᬗᬮᬶᬄᬦᬲᬶ᭞ᬤᬤᬶᬫᬺᬗᭂᬢ᭄᭞ᬦᬦ
ᬗᬾᬦᬸᬗ᭄ᬓᬚ᭄ᬮᬦᬦ᭄᭟ᬫᬜᭂᬮᬸᬓᬶᬦ᭄ᬧᬬᭂᬧ᭄ᬮᬦ᭄᭞ᬢ᭄ᬯᬭᬵᬦᬸᬳᬦᬂᬳᬓᬶᬢᬶᬓᬶᬢ᭄᭞ᬢ᭄ᬓᬦᬶᬂᬲᬲᬢᬾᬘᬮᭀᬦ᭄᭞ᬲᬧ᭄ᬭᬓᬭᬦᬾᬩ᭄ᬮᬲᬶᬦ᭄᭞ᬮᬜ᭄ᬘᬂᬫᬗ᭄ᬭᬓ᭄ᬤᭂᬮᬓ᭄ᬤᭂᬮᬶᬓ᭄᭞ᬕ᭄ᬫᬄᬫᬾᬦ᭄ᬩᬸᬭᬯᬸᬢ᭄᭞ᬗᬫᬄᬫᬗᬾᬫᭀᬮ᭄ᬮᬾᬫᭀᬮ᭄᭞ᬩᬳᬦ᭄ᬳᬶᬩᬦᬾᬫᬗᭀᬧᬶ [ 5 ][᭔ 4B]
᭔
ᬧᬶᬦ᭄᭞ᬓᬳᬶᬢᬸᬬᬸᬄ᭞ᬫᬗᬯᬾᬩᬦ᭄ᬢᭂᬦ᭄ᬧ᭄ᬤᭂᬫᬦ᭄᭟ᬩᬲ᭄ᬢ᭄ᬯᬭᬫᬯᬸᬢ᭄ᬳᬶᬩᬵ᭞ᬕᭀᬩᬦ᭄ᬩᬩᬸᬓᬵᬫᬫ᭄ᬤᬶ᭞ᬳᬫ᭄ᬩᭂᬓᬾᬘᬭᬵᬲᭂᬕᬯᭀᬦ᭄᭞ᬢ᭄ᬯᬭᬵᬦᬯᬂᬳᭀᬮᬲ᭄ᬳᬢᬶ᭞ᬧ᭄ᬬᬦᬓᬾᬩᬦᬾᬚᬦᬶ᭞ᬩᬸᬓᬵᬢᭀᬂᬪᬶᬱᬵᬫᬗᭂᬫ᭄ᬧᬸ᭞ᬬᬓᬾᬫᬗᬸᬧᬵᬧᬶᬭᬵ᭞ᬢ᭄ᬯᬄᬤᭀᬗ᭄ᬓᬗᬾᬦᬸᬫᬥᬶ᭞ᬳᬶᬢᬸᬫ᭄ᬩᬸᬄ᭞ᬓᬾᬯᬮᬵᬜᬓ᭄ᬫᬦᬓᬦ᭄᭟ᬳᬤᬵᬧᬥᬮᬾᬦ᭄ᬢᭀᬳᬤᬵ᭞ᬳᬧᬂᬜᬚᬦᬶᬫᬕ᭄ᬤᬶ᭞ᬧᬂᬧᬶᬲᬦ᭄‌ᬢ᭄ᬯᬭᬵᬳ᭄ᬦᭀᬢ᭄᭞ᬲᭂᬢᬵᬢᬫᬗ᭄ᬭᭀᬩ᭄ᬤᬶᬦ᭄᭞ᬓᬶᬚᬳᭂᬳᬶᬩᬫᬸᬮᬶᬄ᭞ᬬᬦ᭄ᬓᬯᬸᬳᬦ᭄ᬓᬲᬮᬸᬫ᭄ᬩᬂ᭞ᬬᬾᬦ᭄ᬫᬸᬮᬶᬄᬓᬮᬾᬫ᭄ᬩᬾᬬᬦ᭄᭞ᬲᬶᬂᬜᬳᬤᬵᬩ᭄ᬭᬬᬵᬲᬸᬤᬶ
ᬢ᭄ᬓᬾᬦ᭄ᬚᬗ᭄ᬓᬸᬂ᭞ᬤᬶᬢᬸᬮᬓᬸᬫᬲ᭄ᬦᭂᬢᬦ᭄᭟ᬳᬶᬤᭀᬂᬓᬳᬶᬓᬘᬘᬸᬗᬦ᭄᭞ᬮ᭄ᬯᬲ᭄ᬩᭂᬮᬲᬶᬦ᭄ᬫᬫ᭄ᬤᬶ᭞ᬫᬱᬩᬸᬳᬸᬂᬓᬳᬶᬳᬩᭀᬢ᭄᭞ᬲᬫᬩᬮᬸᬲᬳᬶᬲᬳᬶ᭞ᬧᬕᬯᬾᬦ᭄‌ᬩᬳᬶᬗᭂᬢᬶᬦ᭄᭞ᬲᬶᬂᬜᬳᬤᬵᬓᬵᬫ᭄ᬩᭂᬦ᭄ᬲᬧᬸᬢ᭄᭞ᬓᬓᬲᬂᬬᬾᬦ᭄ᬓᬓᬦ᭄ᬢᭀᬂ᭞ᬍᬯᬶᬄᬲᬩᬸᬓᬾ
ᬳᬩ᭄ᬲᬶᬓ᭄᭞ᬳᬸᬮᬶᬂᬳᬶᬮᬸᬢ᭄ᬯᬄᬓᬳᬶᬫᬓ᭄ᬚᬂᬓ᭄ᬚᬂ᭟ᬫᬾᬦ᭄ᬩᬸᬭᬬᬸᬢ᭄ᬫᬲᬶᬄᬧᭀᬗᬄ᭞ᬩᬸᬓᬵᬢ᭄ᬯᬭᬦᬯᬂᬳᬶᬫ᭄ᬩᬶᬄ᭞ᬫᬫᬶᬲ᭄ᬩᬶᬲ᭄ᬲᬲᬢᬾᬘᬮᭀᬦ᭄᭞ᬢᬸᬮᬂᬲᭀᬗᭀᬦᬾᬚ᭄ᬯᬮᬸᬓᬶᬲ᭄᭞ᬧᭀᬮᭀᬲᬲᬢᬾᬕᬸᬦ᭄ᬢᬶᬂ᭞ᬍᬢ᭄ᬮᭂᬢ᭄ᬮᬦ᭄ᬩᬮᬸᬂᬓᬓᬸᬯᬸᬂ᭞ᬬᬓᬾᬚᬚᭂᬧᬶᬢ᭄ᬳᬶᬕ᭄ᬕᬵ᭞ᬳᬸ
[᭕ 5A]
ᬮᬳᭂᬗ᭄ᬓᬸᬓ᭄ᬚᭂᬧᬶᬢ᭄ᬩᬩᬶ᭞ᬲᬸᬩᬜᬫᬸᬢ᭄᭞ᬦᬾᬚᬦᬶᬬᬵᬧᬸᬤ᭄ᬫᬗᬫᬄ᭟ᬫᬜᭀᬕᬃᬧᬦᬲᭂᬳᬦ᭄᭞ᬧᬲᭀᬩ᭄ᬮᬄᬲᬸᬩᬤ᭄ᬓᬶᬮ᭄᭞ᬫ᭄ᬫᬓ᭄ᬩᬲᬾᬳᬧᭀᬭᭀᬲ᭄᭞ᬫᬲᬯᬸᬃᬢᭀᬂᬳᬤᬳᬶᬫ᭄ᬩᬶᬄ᭞ᬦᬦᬗᬵᬗᬸᬤᬚᬦᬶ᭞ᬳᬸᬮᬢ᭄ᬫᬗ᭄ᬭᬱᬵᬗᬤᬸᬳᬸᬂ᭞ᬜᬾᬦ᭄‌ᬚ᭄ᬯ
ᬫᬫᭂᬲᭂᬦᬂ᭞ᬫᬗᬸᬦᬂᬗᭀᬦ᭄ᬓᭀᬦ᭄ᬫᬫᬤᬶᬓ᭄᭞ᬳᬶᬭᬳᬶᬮᬸᬤᬸᬓᬾᬦᬸᬚᬸᬫᬄᬳᬶᬩᬧᬵ᭟ᬬᬦ᭄ᬲᬶᬢᬸᬦ᭄ᬤᬸᬘᬳᬶᬳᬶᬭᬵ᭞ᬮ᭄ᬯᬲ᭄ᬫᬮᬶᬧ᭄ᬤᬦ᭄ᬫᬸᬮᬶᬄ᭞ᬜᬾᬦ᭄ᬳᬮᬶᬄᬳᬶᬭᬓᬯᬦ᭄᭞ᬳᬶᬩᬧᬵᬲᬸᬩᬫ᭄ᬮᬲᬶᬦ᭄᭞ᬳᬶᬫᬾᬫᬾᬲᬸᬫᬢᬶ᭞ᬳᬶᬤᬢᭀᬂᬳᬤᬳᬶᬮᬸ᭞ᬳᭂᬗᭀᬦ᭄
ᬚᬮᬦᬶᬭ᭞ᬓᬮᬶᬦᬦ᭄ᬓᬾᬮᬲᬸᬤ᭄ᬤᬶ᭞ᬧᬦ᭄ᬩᬸᬭᬬᬸᬢ᭄‌ᬲᬲᬳᬶᬳᬫ᭄ᬩᬸᬮᬧᬵ᭟ᬢᭀᬫᬫ᭄ᬧᬸᬄᬦᬶᬭᬦᬾᬩᬢ᭄ᬩᬢ᭄ᬩᬢ᭄᭞ᬮᬕᬸᬢ᭄ᬦᬶᬭᬩᬸᬓᬵᬚᬦᬶ᭞ᬤᬸᬕᬲ᭄ᬦᬶᬭᬦᬾᬦᬸᬳᭂᬜᭀᬫ᭄᭞ᬚᬸᬫᬄᬳᬶᬩᬧᬵᬤᬶᬚᬦᬶ᭞ᬩᬸᬓᬵᬢᭀᬃᬳᬶᬭᬳᬶᬫ᭄ᬩᬶᬄ᭞ᬲᬶᬂᬧᬕᬯᬾᬦ᭄ᬳᬦᬓᬮᬸᬄ᭞ᬫ
ᬩᬢ᭄ᬓᬾᬤᬶᬧᬯᭀᬘ᭄᭞ᬫᬗᬲᬸᬫ᭄ᬩᬵᬓᬾᬫᬗᬦ᭄ᬢᬶᬄ᭞ᬕ᭄ᬮᬶᬲ᭄ᬦᬸᬦᬸᬦ᭄᭞ᬦᬾᬩᬸᬮᬸᬲᬸᬮᬤᬶᬂᬜ᭟ᬍᬯᬶᬄᬬᬦ᭄ᬫᬭᬭᬶᬗ᭄ᬕᬶᬢᬦ᭄᭞ᬫᬗᬜ᭄ᬘᬦ᭄ᬩᬶᬱᬵᬫᬜᬢ᭄ᬭᬶ᭞ᬗᭂᬦ᭄ᬤᭂᬓᬾᬘ᭄ᬧᬸᬓ᭄ᬭᬶᬂᬭᬂᬭᭀᬂ᭞ᬮᬗᬄᬬᬾᬦ᭄ᬳᬤᬦᬦ᭄ᬳᬶᬗᬶᬦ᭄᭞ᬬᬦ᭄ᬓᭀᬧᬸᬤᬓᬾᬫᬶᬫᬶ᭞ᬮᬸᬩᬾᬂᬓᭀᬯᭀ [ 6 ][᭕ 5B]
᭕
ᬤ᭄ᬧᬸᬓ᭄ᬫᬥᬸ᭞ᬳᬸᬓᭂᬮᬦᬾᬫᬩᭂᬗ᭄ᬓᭂᬦ᭄᭞ᬘ᭄ᬭᬘᬧᬪᬸᬓᬵᬢᬸᬮᬶᬲ᭄᭞ᬬᬦ᭄ᬢᬢᬸᬗ᭄ᬓᬸᬮ᭄᭞ᬋᬘᬄᬩᬮᬸᬂᬫᬡ᭄ᬥᬶᬮᬓᬵ᭟ᬗᭂᬦ᭄ᬤᭂᬓᬾᬦᬾᬩᬓᬮ᭄ᬩᬶᬓᬲ᭄᭞ᬅᬱᬡ᭄ᬦᬵᬮᬾᬦ᭄ᬕᬸᬮᬫᬶᬮᬶᬂ᭞ᬫᬦᬸᬓ᭄ᬤᬾᬯᬢ᭄ᬣᬵᬧᭂᬧᭂᬜᭀᬦ᭄᭞ᬲᬸᬫᬕᬸᬦᬦᬾᬫᬭᬶᬗ᭄ᬕᬶᬢ᭄᭞ᬩᬸᬓᬵᬢᭀᬂ
ᬦᬶᬭᬳᬶᬫ᭄ᬩᬶᬄ᭞ᬬᬓᬾᬦᬗ᭄ᬕᬧ᭄ᬳᬸᬧᬄᬦᬸᬦᬸᬦ᭄᭞ᬓᬫ᭄ᬩᭂᬦᬾᬓᬾᬕᬧᬢᬶᬳᬦ᭄᭞ᬧᬦ᭄ᬤᬦ᭄ᬓᬬᭀᬦ᭄ᬢ᭄ᬬᬓᬾᬲᬦ᭄ᬢ᭄ᬭᬶ᭞ᬚᬯᬢ᭄ᬲᬶᬗᬸᬩ᭞ᬫᬗ᭄ᬕᬶᬲ᭄ᬋᬫ᭄ᬧᬸᬄᬓᬧᬢ᭄ᬬᬦ᭄᭟ᬬᬦ᭄ᬕᬓᬂᬩᬜᬸᬫᬲ᭄᭞ᬩ᭄ᬬᬲ᭄ᬫᬫ᭄ᬩᬄᬓᬾᬬᬵᬕᬶᬦᬶᬜᬶᬂ᭞ᬓᬳᬤ᭄ᬟᬤᬂᬲ᭄ᬩᬶᬢᬦ᭄ᬤᭀᬂ᭞ᬮᬳᬤ᭄ᬮᬶᬫᬵ
ᬦᬾᬫᬳᬗᬶᬤ᭄᭞ᬬᬓᬾᬘᬵᬡ᭄ᬟᬡ᭄ᬦᬵᬓᬯ᭞ᬲᬧᬸᬢ᭄ᬘᬫ᭄ᬧᬓᬵᬲᬯᬓᬸᬮ᭄᭞ᬬᬦ᭄ᬢᬗᬶᬓᬭᬂᬕᭀᬜ᭄ᬚᭀᬂ᭞ᬫᬾᬕᬵᬫᭂᬡ᭄ᬥᬸᬂᬓᬾᬲᬸᬭᬶᬦ᭄ᬤᬶᬢ᭄᭞ᬕᭀᬩᬮᬸᬳᬸᬂ᭞ᬫᬓ᭄ᬚᬂᬲᬩᬶᬓᬲ᭄ᬩᬶᬓᬲ᭄᭟ᬬᬾᬦ᭄ᬫᬗᭂᬓᬾᬩᭂᬤ᭄ᬩᭂᬤᬂ᭞ᬦᬾᬦᬾᬩᬓᬮ᭄ᬳᬗ᭄ᬕᭀᬦ᭄ᬢᬧᬶᬄ᭞ᬘᬘᭂ
ᬫ᭄ᬧᬓᬦᬾᬚ᭄ᬯᬓᬗ᭄ᬕᭀ᭞ᬧᬧᬢᭀᬮᬤᬾᬫ᭄ᬧ᭄ᬮᭀᬂᬳᭀᬃᬣᬶ᭞ᬲᬩᬶᬓᬲ᭄ᬩᬶᬓᬲ᭄ᬢᬧᬶᬄ᭞ᬩᬸᬓᬵᬢᬶᬤᭀᬂᬦᬶᬭᬓᬾᬗ᭄ᬕᬸᬄ᭞ᬬᬓᬾᬦᬸᬦᬸᬦ᭄ᬓᬓᬲᬂ᭞ᬳᬗ᭄ᬕᬾᬢᬸᬢᬸᬩᬾᬤᬶᬚᬦᬶ᭞ᬫᬓᬵᬢ᭄ᬮᬸᬦ᭄‌ᬧ᭄ᬭᬕᬳᬜᬂᬮᬶᬫᭀᬮᬲ᭄᭟ᬍᬯᬶᬄᬕᬸᬦᬦᬾᬫᬜᬸᬮ
[᭖ 6A]
ᬩᬜᬸᬫᬲ᭄ᬳᬗ᭄ᬕᭀᬦᬲᬭᬶᬦ᭄᭞ᬢᬸᬢᬸᬩ᭄ᬜᬦᬾᬲᬸᬢ᭄ᬭᬳᬶᬚᭀ᭞ᬲᬸᬢ᭄ᬭᬩᬭᬓᬾᬬᬾᬦ᭄ᬢᬗᬶ᭞ᬢ᭄ᬭᬯᬂᬧᬢ᭄ᬭᬲᬭᬶ᭞ᬓᬭᬂᬲᬶᬫ᭄ᬩᬃᬓᬾᬦ᭄ᬤᬸᬮᬸ᭞ᬬᬦ᭄ᬳᬗ᭄ᬕᭀᬭᬭᬾᬦ᭄ᬢᬗᬦ᭄᭞ᬤᬩ᭄ᬤᬩ᭄ᬳᬮᬸᬲ᭄ᬩᬸᬓᬵᬢᬸᬮᬶᬲ᭄᭞ᬕ᭄ᬤᬄᬋᬫ᭄ᬧᬸᬄ᭞ᬳᬗ᭄ᬕᬾᬦ᭄ᬧᬧᭂᬮᭀᬓᬸᬫ᭄ᬭᬜᬩ᭄᭟ᬳᬶᬤᭀᬂ
ᬲᬦ᭄ᬳᬶᬭᬵᬫᬫᭀᬩᬤ᭄᭞ᬫᬗᬓᬸᬩᬶᬱᬵᬦᬶᬚᬦᬶ᭞ᬤᬸᬕᬲ᭄ᬦᬶᬭᬦᬾᬳ᭄ᬦᬸᬳ᭄ᬜᭀᬫ᭄᭞ᬢᬶᬤᭀᬂᬩᬸᬓᬵᬓᬮᬶᬚᬦᬶ᭞ᬳᬶᬩᬸᬭᬶᬸᬭᬯᬸᬢ᭄ᬦᬸᬘ᭄ᬦᬶᬓ᭄᭞ᬳᬾᬗ᭄ᬕᬮᬦ᭄ᬤᬤᬶᬜᬮ᭄ᬬᬸ᭞ᬧᬤᬵᬢᭀᬂᬤᬤᬢᬕᭀᬦ᭄᭞ᬦᬶᬭᬫᬓᬸᬮᬂᬫᬓᬮᬶᬂ᭞ᬫᬶᬜ᭄ᬘᬂᬫᬶᬜ᭄ᬘᬸᬂ᭞ᬗᬮᬳᬶᬦ᭄ᬫᬓᬭᬾᬜ᭄ᬘᭀ
ᬗᬦ᭄᭟ᬫᬧᬕᬯᬾᬦᬾᬤᬶᬩ᭄ᬦᬂ᭞ᬬᬦ᭄ᬢᭀᬂᬗᬶᬤᬫᬦᬓ᭄ᬩᬮᬶᬂ᭞ᬩᬸᬓᬵᬢᭀᬂᬢᬳᬾᬦ᭄ᬓᬭᬸᬭᭀᬦ᭄᭞ᬍᬓᬤ᭄ᬦᬸᬧᬘᬮᬶᬘᬶᬄ᭞ᬕᬺᬢ᭄ᬕᭂᬢ᭄ᬳᬢᬶᬦᬾᬧ᭄ᬮᬶᬄ᭞ᬫᬓᬶᬢ᭄ᬣᬵᬦᬦᬓ᭄ᬫᬗᬸᬳᬸᬢ᭄᭞ᬗᬮ᭄ᬬᬂᬩᬮ᭄ᬬᬦ᭄ᬳᬾᬧᭀᬢ᭄᭞ᬧᬦ᭄ᬗᬸᬭᬬᬸᬢ᭄ᬫᬶᬢᬸᬢᬸᬭᬶᬦ᭄᭞ᬲ᭄ᬬᬸᬢᬳᬸᬦ᭄‌ᬦ᭄ᬭ
ᬓᬦ᭄ᬜᬦᬾᬢ᭄ᬫᭀᬓᬂ᭟ᬚᬦᬶᬤᭀᬂᬦᬶᬭᬓᬾᬮᬶᬓᬤ᭄᭞ᬓᬾᬦᬾᬲᬮᬄᬓᬾᬦ᭄ᬢᭀᬧ᭄ᬮᬶᬄ᭞ᬬᬾᬦᬶᬭᬧᬓ᭄ᬱᬦᬭᭀᬩᭀᬲ᭄᭞ᬓᬢᭀᬦ᭄ᬢᬦᬗᬶᬤᭂᬧ᭄ᬫᬸᬜᬶ᭞ᬦᬾᬩᬸᬓᬵᬓᬮᬶᬚᬦᬶ᭞ᬓᬢᭀᬦ᭄ᬢᭀᬦ᭄ᬢᬦᬶᬫᬫ᭄ᬧᬸᬄ᭞ᬜᬾᬦ᭄‌ᬚ᭄ᬯᬦᬾᬦᬾᬮᬳᬂ᭞ᬧ [ 7 ][᭖ 6B]
᭖
ᬦ᭄ᬩᬸᬭᬬᬸᬢ᭄ᬓᬬᬂᬚᬦᬶ᭞ᬩᬲ᭄ᬓᬤᬸᬭᬸᬲ᭄᭞ᬳᬸᬮᬶᬂᬩᬯᬸᬧᬗᬦ᭄ᬢᬾᬦᬦ᭄᭟ᬩᬲ᭄ᬫᬗᬯᬾᬲᬦ᭄ᬢᬸᬢᬸᬭᬦ᭄᭞ᬓᬸᬯᬢ᭄ᬯᬭᬵᬦᬶᬗᭂᬄᬫᬸᬜᬶ᭞ᬯᬗ᭄ᬓᬶᬤᬶᬦ᭄ᬳᬧᬶᬲᬦ᭄ᬧᬶᬦ᭄ᬤᭀ᭞ᬬᬾᬦ᭄ᬓᬧᬶᬲᬕ᭄ᬕᬵᬫ᭄ᬮᬮᬶ᭞ᬢ᭄ᬓᬵᬢ᭄ᬯᬄᬫᬗᭂᬫ᭄ᬩᬸᬲᬶᬦ᭄᭞ᬢᬫ᭄ᬧᬃᬬᬾᬦ᭄ᬤᬧᭂᬢᬂᬦᬸᬦᬸᬦ᭄᭞ᬬᬾᬦ᭄ᬓᬢᭂᬧᬸᬓ᭄ᬤᬶ
ᬧᬯᭀᬦ᭄᭞ᬳᬶᬭᬫᬗᭂᬦ᭄ᬤᬶᬳᬂᬳᬧᬶ᭞ᬢ᭄ᬯᬄᬦᬭᬸᬭᬸᬂ᭞ᬢᭀᬂᬤᬸᬲᬶᬦ᭄ᬩᬸᬳᬸᬂᬫᬜᬓᬦ᭄᭟ᬓᬾᬢᭀᬫᬸᬜᬶᬦ᭄ᬜᬦᬾᬧᭀᬗᬄᬦᬦᬗᬫᬗᬮᬶᬄᬢᬗ᭄ᬓᬶᬲ᭄᭞ᬬᬫᬗᬸᬤᬲᬶᬕᬵᬓᬾᬦ᭄ᬢᭀ᭞ᬬᬓᭀᬮᬵᬲᬮᬳᬂᬦᬤᬶ᭞ᬢ᭄ᬯᬄᬰᬶᬕ᭄ᬕᬵᬢᭀᬦᬾᬚᬦᬶᬫᬗᬶᬤᬫ᭄ᬗᬫᬄᬓᬵ
ᬬᬸᬬᬸ᭞ᬬᬦᬾᬫᬦᬓᬦ᭄ᬓᬾᬦ᭄ᬢᭀ᭞ᬲᬶᬂᬜᬬᬫᬗ᭄ᬮᬮᬳᬶᬦ᭄᭞ᬲᬗ᭄ᬓᬦ᭄ᬮᬶᬬᬸ᭞ᬧ᭄ᬬᬦᬓᬾᬫᬓᬺᬜᭂᬤᬦ᭄᭟ᬤᬤᬶᬳᭂᬦ᭄ᬤᬸᬄᬫᬓᬵᬤᬤ᭄ᬯ᭞ᬧᬤᬫᬗ᭄ᬮᬕᬬᬂᬳᬢ᭄ᬣᬷ᭞ᬢᬦ᭄ᬓᭀᬘᬧ᭄‌ᬲᬸᬩᬫᬓ᭄ᬮᭀ᭞ᬧ᭄ᬬᬦᬓ᭄ᬜᬦᬾᬧᬤᬓ᭄ᬮᬶᬄ᭞ᬧ᭄ᬬᬦᬓᬾᬫ᭄ᬯᬦᬶᬫ᭄ᬯᬦᬶ᭞ᬫᬓᬲ᭄ᬓᬬ
ᬧᬤᬫᬵᬫ᭄ᬧᬸᬄ᭞ᬫᬓ᭄ᬚᬂᬢᬸᬢᬸᬩᬤᬄ᭞ᬦᬾᬳ᭄ᬮᬸᬄᬳ᭄ᬮᬸᬄᬲᬸᬩᬓ᭄ᬮᬶᬄ᭞ᬳᬬᬸᬳᬬᬸ᭞ᬲ᭄ᬬᬸᬳᬦᬓᬾᬜᬳᬸᬫᬂ᭟ᬜᬳᬶᬫᬦ᭄ᬪᬬᬸᬦᬾᬓᭀᬘᬧ᭄᭞ᬩᬲ᭄ᬫᭂᬮᬄᬗᭂᬜᬸᬤᬂᬳᬢ᭄ᬣᬷ᭞ᬳᬩᭀᬓᬾᬗ᭄ᬮᬶᬯᬢᬶᬦ᭄ᬯᬗ᭄ᬓᭀᬂ᭞ᬳᬮᬶᬲᬾᬢᬚᭂᬧ᭄ᬫᬳᬶᬗᬶᬤ᭄᭞ᬳᬸᬍᬲ᭄ᬫᬲᬯᬂᬢᬗᬶ᭞
[᭗ 7A]
ᬫᬤᬧᬦ᭄ᬳᬗ᭄ᬲᭀᬓᬵᬳᬸᬗᬸ᭞ᬬᬦ᭄ᬜᬭᬾᬭᬾᬫᬮ᭄ᬬᬢ᭄᭞ᬫᬲ᭄ᬮᭂᬤᬾᬢ᭄ᬩᬸᬓᬵᬢᬢᬶᬢ᭄᭞ᬬᬦ᭄ᬫᬢ᭄ᬫᬸᬧᬧᬦ᭄ᬢᭂᬲᬾᬢ᭄ᬯᬄᬤᬋᬫᬦ᭄᭟ᬍᬯᬶᬄᬕᭀᬩᬦᬾᬫᬤᬾᬦᬦ᭄᭞ᬩᬸᬓᬵᬳ᭄ᬫᬲᬾᬫᬲᬗ᭄ᬮᬶᬂ᭞ᬫᬗ᭄ᬭᬜᬩ᭄ᬭᬯᬶᬢ᭄ᬩᭀᬜᭀ᭞ᬳᬸᬦ᭄ᬢᬸᬦᬾᬫᬕᬶᬯᬂᬗᭂᬦ᭄ᬤᬶᬄ᭞ᬗ᭄ᬭᬾᬤᬾᬧ᭄ᬩᬸᬓᬵ
ᬢᬢᬶᬢ᭄᭞ᬢᬢᬶᬗᬮᬾᬦᬸᬜ᭄ᬚᬸᬂᬪᬶᬭᬸ᭞ᬳᬮᬶᬲ᭄ᬢᬚᭂᬧ᭄ᬫᬩ᭄ᬗᬤ᭄᭞ᬗᬲᭀᬭᬂᬓᬫ᭄ᬧᬶᬤ᭄ᬲᬸᬭᬶᬦ᭄ᬤᬶᬢ᭄᭞ᬳᬸᬮᬢ᭄ᬋᬗᬸᬓ᭄ᬜᬶᬗᬾᬫᬦᬶᬲ᭄ᬫᬍᬜᬤ᭄᭟ᬩᬦᬾᬳᬬᬸᬓᬵᬤᬳᬢᬦ᭄᭞ᬦᬾᬜᭀᬫᬦ᭄‌ᬢ᭄ᬯᬭᬵᬦᬦ᭄ᬤᬶᬗᬶᬦ᭄᭞ᬩᭀᬓᬾᬲᬫᬄᬗ᭄ᬭᬾᬩᭀ᭞ᬮᬗ᭄ᬲᬶᬂᬮᬜ᭄ᬚᬃᬲᬤᬵ
ᬲᬤᬵᬳᬭᬶᬂ᭞ᬳᬯᬓ᭄ᬗᬸᬭᬵᬗ᭄ᬓᬭᬫ᭄ᬧᬶᬂ᭞ᬫ᭄ᬯᬦ᭄ᬜᬦᬾᬫ᭄ᬮᭀᬓ᭄ᬮᬸᬫ᭄ᬮᬸᬫ᭄᭞ᬩᬸᬓᬵᬩᬸᬮᬦᬾᬧᬸᬃᬡ᭄ᬦᬫ᭄ᬫᬵ᭞ᬢᬢᬶᬗ᭄ᬕᬮᬾᬜᬸᬜᬸᬃᬫᬦᬶᬲ᭄᭞ᬳᬸᬍᬲ᭄‌ᬍᬫ᭄ᬩᬸᬢ᭄᭞ᬫ᭄ᬤᬧᬦ᭄ᬳᬗ᭄ᬲᭀᬓᬵᬮᬶᬫᬦ᭄᭟ᬜᬳᬶᬓ᭄ᬢᬸᬢ᭄ᬦᬾᬓ᭄ᬮᬶᬳᬦ᭄᭞ᬳᬸᬍᬲᬾᬫᬕᬢ᭄ᬭᬯᬶᬮᬶᬲ᭄᭞ᬩᭀᬓᬾᬲᬫᬄᬢᬸᬃᬳᬶᬚᭀ᭞ᬨ
ᬮᬦᬾᬦ᭄ᬭᬚᬸᬦ᭄ᬧᬲ᭄ᬢᬶ᭞ᬜᭀᬜᭀᬩᬸᬦ᭄ᬢᭂᬃᬢᬸᬃᬭᬸᬧᬶᬢ᭄᭞ᬩᬸᬮᬸᬦ᭄ᬫᬢᬦᬾᬦ᭄ᬭᬪᬸ᭞ᬳᬮᬶᬲ᭄ᬢᬚᭂᬧ᭄ᬫᬩ᭄ᬗᬤ᭄᭞ᬲᬶᬂᬭᬭᬲᬂᬗᬯᬾᬧᬮᬶᬂ᭞ᬫᬗ᭄ᬮᭂᬮᬶᬬᭂᬃ᭞ᬢᬦ᭄ᬧᬾᬦ᭄ᬤᬄᬩᬶᬦ᭄ᬢᬂᬓᬃᬢᬶᬓᬵ᭟ᬜᬫᬦ᭄ᬜᬦᬾᬦᬾᬘ᭄ᬦᬶᬓᬦ᭄᭞ᬧᬢ᭄ᬧᬢ᭄ᬧᬤᬵᬩᬗ᭄ᬓᬶᬢ᭄ᬩᬗ᭄ᬓᬶᬓ᭄ᬩᬗ᭄ᬓᬶᬢ᭄᭞ᬮᬫ᭄ᬬᬤ᭄ᬮᬫ᭄ᬬᬤ᭄ᬧ [ 8 ][᭗ 7B]
᭗
ᬦᬫ᭄ᬭᭀᬲ᭄᭞ᬳᬦᭂᬕ᭄ᬮᬜ᭄ᬚᬃᬭᬫ᭄ᬧᬶᬭᬂᬫ᭄ᬧᬶᬂ᭞ᬳᬸᬍᬲ᭄ᬫᬲᬯᬂᬕᬤᬶᬂ᭞ᬜᬫ᭄ᬩᬃᬜᬫ᭄ᬧ᭄ᬯᬄᬧᬸᬢᬶᬄᬍᬫ᭄ᬩᬸᬢ᭄᭞ᬫᬲᬯᬂᬲᬤ᭄ᬤᬢ᭄ᬫᬬᬂ᭞ᬲ᭄ᬮᭂᬫ᭄ᬲ᭄ᬮᭂᬫ᭄ᬲᬤᬩᬗ᭄ᬓᬶᬢ᭄᭞ᬳᬗ᭄ᬕᬍᬫ᭄ᬧᬸᬂ᭞ᬢᬦ᭄ᬓᬄᬲᭀᬭᬦ᭄ᬳᬗ᭄ᬕᬮᬸᬗ᭄ᬕᬂ᭟ᬦᬾᬧᬮᬶᬂᬓ᭄ᬢᬸᬢ᭄ᬫᬗᭀᬜᬂ᭞ᬫ᭄ᬮᬳᬾᬫᬲᬯᬂᬰᬰᬶᬄ᭞ᬓᬨᬢ᭄ᬳᬸᬚᬦᬾ
ᬦᬾᬫᬗ᭄ᬮᭀᬄ᭞ᬬᬾᬄᬫᬢᬦ᭄ᬢ᭄ᬭᬸᬡ᭄ᬦᬦᬾᬲ᭄ᬤᬶᬄ᭞ᬓᬲ᭄ᬫᬭᬦ᭄ᬮᬶᬂᬮᬸᬂᬧᬮᬶᬂ᭞ᬕᬸᬍᬫ᭄ᬧ᭄ᬢᭂᬂᬳᬢᬶᬮᬶᬩᬸᬢ᭄᭞ᬦᬾᬦᬾᬢᬸᬫ᭄ᬩᬾᬦ᭄ᬫᬮ᭄ᬬᬢ᭄᭞ᬫᬲ᭄ᬮᭂᬤᬾᬢ᭄ᬩᬸᬓᬵᬢᬢᬶᬢ᭄᭞ᬓ᭄ᬭᬸᬕ᭄ᬭᬫᬾᬫᬸᬜᬶᬦ᭄ᬳᬦᬓᬾᬗ᭄ᬕᬯᭀᬓᬂ᭟ᬫ᭄ᬯᬦᬾᬩᬸᬮᬦ᭄ᬧᬃᬡ᭄ᬦᬵᬫ᭄ᬫᬵ᭞ᬕᬸᬫᬶᬯᬂᬗ᭄ᬩᭂᬓᬶᬦ᭄ᬮᬗᬶᬢ᭄᭞ᬳᬣᬶ
ᬦ᭄ᬢᬭᬸᬦᬦᬾᬮᭀᬤᭀᬄ᭞ᬓᬤᬘᬸᬘᬸᬃᬢᬤᬳᬰᬶᬄ᭞ᬧᬤᬫᬗᬲᬶᬄᬳᬲᬶᬄ᭞ᬤᬶᬧᬲᬯᬗᬦ᭄ᬫᬗ᭄ᬭᬸᬫ᭄ᬭᬸᬫ᭄᭞ᬪᬬᬵᬳᬶᬫᬶᬭᬄᬓᬾᬦ᭄ᬢᭀ᭞ᬤᬾᬯ᭄ᬯᬦ᭄ᬫᬤᬸᬦᬾᬳᬧᬲᬶᬄ᭞ᬕᬸᬦᬸᬂᬮᬵ᭞ᬩ᭄ᬮᬩᬸᬃᬤᬸᬭᬸᬄᬳᬢᬸᬓᬤ᭄᭟ᬮᬾᬦ᭄ᬧᬶᬲᬕᬦᬾᬗ᭄ᬕᬯᭀᬓᬂ᭞ᬫᬓᭂᬳᭂᬗ
ᬦ᭄ᬮᬸᬄᬫ᭄ᬯᬦᬶ᭞ᬩᬳᬦ᭄ᬩᬕ᭄ᬬᬦ᭄ᬜᬦᬾᬓᬾᬦ᭄ᬢᭀ᭞ᬗᬫᬄᬚᬸᬓᬸᬢ᭄ᬧᭂᬲᬸᬦᬲᬶ᭞ᬦᬾᬳᭀᬤᬄᬮᬸᬄᬫ᭄ᬯᬦᬶ᭞ᬩᬸᬓᬵᬢᭀᬂᬫᬚᬶᬢᬢ᭄ᬮᬸ᭞ᬪᬬᬫᬗᭀᬜᬂᬩ᭄ᬭᬣᬵ᭞ᬫᬫᬸᬜᬶᬲ᭄ᬫᬭᬵᬤᬶᬚᬦᬶ᭞ᬲᬗ᭄ᬓᬦ᭄ᬳᬬᬸ᭞ᬧ᭄ᬬᬦᬓᬾᬫᬗᬬᬂᬗᬬᬂ᭟ᬲ᭄ᬤᭂᬂᬢ᭄ᬯᬄᬧᬤᬵᬗ᭄ᬕᬯᭀᬓᬂ᭞ᬧ᭄ᬬᬓ᭄ᬦᬾ
[᭘ 8A]
ᬫ᭄ᬯᬦᬶᬫ᭄ᬯᬦᬶ᭞ᬕᭀᬩᬦ᭄ᬜᬦᬾᬧᬤᬵᬓᬯᭀᬓ᭄᭞ᬳᬶᬯᬬᬦ᭄ᬢᭀᬦᬾᬦᬾᬓᬸᬫᬶᬲ᭄᭞ᬲ᭄ᬮᭂᬕᬫᬲᬯᬂᬢᬗᬶ᭞ᬳᬸᬍᬲᬾᬫᬓᭂᬜᬩ᭄‌‌ᬍᬫ᭄ᬩᬸᬢ᭄᭞ᬧ᭄ᬚᬮᬦᬾᬫᬦ᭄ᬯᬓ᭄᭞ᬳᬸᬮᬢᬾᬕᬮᬓᬵᬫᬦᬶᬲ᭄᭞ᬢ᭄ᬯᬄᬩᬲ᭄ᬩᬕᬸᬲ᭄ᬧᬦ᭄ᬢᭂᬲ᭄‌ᬕᬾᬦ᭄ᬢᬭᬸᬡ᭄ᬦᬵᬫᬫᬲ᭄᭟ᬍᬯᬶᬄᬕᭀᬩᬦᬾᬫᬤᬾ
ᬦᬦ᭄᭞ᬬᬾᬦ᭄ᬜᬫᬲᬵᬧᬸᬢ᭄ᬲᬸᬪᬕᬶ᭞ᬩᬸᬓᬵᬫ᭄ᬭᬓᬾᬫᬗᬶᬮᭀ᭞ᬚᬚᬚᬫ᭄ᬧ᭄ᬭᬄᬭᬾᬡᭀᬭᬶᬭᬶᬲ᭄᭞ᬢᬮᬶᬓᬸᬭᬦ᭄ᬢᬸᬃᬓᬸᬫᬶᬲ᭄᭞ᬚᭂᬫ᭄ᬧᭀᬗᬾᬲᬫᬄᬫᬗᭂᬫᬸᬓ᭄᭞ᬧᬫᬸᬮᬸᬩᬂᬩᬂᬳᬯᬓ᭄᭞ᬚᬚᭂᬮᭂᬕ᭄ᬢᬦ᭄ᬤᬗᬾᬳᬲᬶᬦ᭄᭞ᬫᬜᬮᬾᬬᭀᬕ᭄᭞ᬢᬶᬦ᭄ᬤᬓᬾᬩᬸᬓᬵᬫᬍᬘᬢ᭄᭟
ᬩᬦᬾᬩᬕᬸᬲ᭄ᬓᬤᬳᬢᬦ᭄᭞ᬦᬾᬜᭀᬫᬦ᭄ᬢ᭄ᬯᬭᬵᬦᬦ᭄ᬤᬶᬗᬶᬦ᭄᭞ᬚᬚᬫ᭄ᬩᬸᬮᬦᬾᬫᬕᭂᬦᬮ᭄᭞ᬮᬗ᭄ᬲᬶᬂᬮᬜ᭄ᬚᬃᬲᬤᬕᭂᬜ᭄ᬚᬶᬂ᭞ᬧ᭄ᬚᬮᬦᬾᬳᬲᬶᬦ᭄᭞ᬫᬢᬦ᭄ᬤᬂᬘᬵᬭᬵᬮᬾᬃᬕᬸᬦᬸᬂ᭞ᬧᬫᬸᬮᬸᬦ᭄ᬜᬦᬾᬜᬦ᭄ᬤᬢ᭄᭞ᬢᬮᬶᬓᬸᬭᬦ᭄ᬩᬸᬓᬵᬢᬸᬮᬶᬲ᭄᭞ᬧᬘᬸᬮᬮᬾᬂ᭞ᬓᬸᬫᬶᬲᬾ
ᬲ᭄ᬮᭂᬫᬩ᭄ᬗᬤ᭄᭟ᬫ᭄ᬯᬄᬳᬶᬓ᭄ᬢᬸᬢ᭄ᬓᭂᬮᬶᬳᬦ᭄᭞ᬫ᭄ᬯᬦᬾᬩᬸᬓᬵᬘᬯᬶᬭᬶᬂ᭞ᬫᬕᬫ᭄ᬩᬳᬦ᭄ᬩᭀᬓᬾᬭᬾᬩᭀᬂ᭞ᬫᬭᭂᬗᭂᬲ᭄ᬫᬢᬦᬾᬗᭂᬦ᭄ᬤᬶᬄ᭞ᬫᬓ᭄ᬜᬩ᭄ᬩᬸᬓᬵᬢᬢᬶᬢ᭄᭞ᬢᬦ᭄ᬤᬗᬾᬩᬸᬓᬵᬫᬜᬳᬸᬧ᭄᭞ᬬᬵᬕ᭄ᬥᬾᬕᬗ᭄ᬕᬲ᭄‌ᬚᬾᬗ᭄ᬕᭀᬢ᭄᭞ᬩ᭄ᬭᬶᬲ᭄ᬢᬗ᭄ᬓᬳᬾᬢᬸᬃᬓᬸᬫᬶᬲ᭄᭞ᬩᬕᬸ [ 9 ][᭘ 8B]
᭘
ᬲ᭄ᬳᬳᬾᬂᬕᭀᬩᬦᬾᬫᬾᬫ᭄ᬧᭂᬃᬗᬢ᭄ᬫᬚᬵ᭟ᬧᬧᬢ᭄ᬦᬸᬦᬾᬘ᭄ᬦᬶᬓᬦ᭄᭞ᬳᬸᬍᬲᬾᬫᬲᬯᬂᬕᬤᬶᬂ᭞ᬮᬾᬦ᭄ᬜᬦ᭄ᬤᬢ᭄ᬫᭂᬤᬧᬦ᭄ᬧᭀᬄ᭞ᬲ᭄ᬮᭂᬫ᭄ᬲ᭄ᬮᭂᬫ᭄ᬧᬤᬮᬗ᭄ᬲᬶᬂ᭞ᬬᬾᬦ᭄ᬢᬦ᭄ᬤᬂᬢᬦ᭄ᬤᬶᬂ᭞ᬕᭀᬩᬦ᭄ᬜᬦᬾᬩᬕᬸᬲ᭄ᬩᬕᬸᬲ᭄᭞ᬧᬮ᭄ᬬᬢᬾᬗᭂᬤᬄᬘᬓ᭄ᬘᬓ᭄᭞ᬢᬮᬶᬓᬸᬭᬦ᭄ᬧᬤ
ᬓᬸᬫᬶᬲ᭄᭞ᬫᬢᬸᬮᬮᬾᬂ᭞ᬚᬚᬫ᭄ᬩᬸᬮᬦᬾᬫᬕᭂᬦᬮ᭄᭟ᬲᭀᬓ᭄ᬘᬳᬶᬓ᭄ᬢᬸᬢ᭄ᬲᭂᬤᬬᬵ᭞ᬦᬾᬯᬯᬂᬢ᭄ᬯᬭᬵᬦᬦ᭄ᬤᬶᬗᬶᬦ᭄᭞ᬳᬯᬓᬾᬩᬢ᭄ᬓᭂᬮ᭄ᬩᭀᬗ᭄ᬓᭀᬢ᭄᭞ᬩᬸᬭᬶᬓ᭄ᬘᬧᬸᬄᬩᭀᬓᬾᬮᬶᬕ᭄ᬮᬶᬕ᭄᭞ᬚᬳᬂᬫᬲᬯᬂᬕᬤᬶᬂ᭞ᬩᬶᬩᬶᬄᬧᬦᬾᬳᬶᬲᬶᬢ᭄ᬪᬶᬭᬸ᭞ᬧᬮ᭄ᬬᬢᬾ
ᬦᬸᬗᬤᬄ᭞ᬫ᭄ᬮᬾᬤ᭄ᬭᬸᬫᬫᬢ᭄ᬣᬵᬓᬵᬫ᭄ᬩᬶᬂ᭞ᬕᬶᬕᬶᬕᬶᬗ᭄ᬲᬸᬮ᭄᭞ᬩᬢᬶᬲ᭄ᬢᬸᬩᬸᬕ᭄ᬓᬘᬶᬘᬶᬗᬦ᭄᭟ᬧ᭄ᬭᬤᬾᬦᬾᬳᬤᬵᬗᬸᬤᬶᬕᬂ᭞ᬓᬵᬮᬫᬓ᭄ᬩᬦᬾᬲᬸᬕᬶᬄ᭞ᬫᬧᬳ᭄ᬬᬲ᭄ᬫᬳᬗ᭄ᬕᭀᬳᬗ᭄ᬕᭀ᭞ᬫᬓᬦ᭄ᬤᭂᬮᬦ᭄ᬲᬶᬮᬶᬄᬳᬲᬶᬄ᭞ᬫᬲᬧᬸᬢ᭄ᬩᬶᬚᬸᬫᬲ᭄ᬗᭂᬦ᭄ᬤᬶᬄ᭞ᬫᬤᬗᬤᬦ᭄ᬫᬲᬲ᭄ᬮᬸ
ᬢ᭄᭞ᬢᬸᬮ᭄ᬬᬳᭂᬗ᭄ᬲᬸᬢ᭄ᬤᬶᬧᬕᭂᬳᬦ᭄᭞ᬫᬮᬫᬓᬦ᭄ᬩᬤᬾᬲᬸᬕᬶᬄ᭞ᬳᬤᬵᬗᬸᬕᬸ᭞ᬫᬲᬶᬄᬧᬬᬸᬫᬧᬸᬫᬳᬦ᭄᭟ᬲᬸᬩᬢᬸᬢᬸᬕ᭄ᬫᬧᬸᬫᬳᬦ᭄᭞ᬳᬗ᭄ᬓᬸᬳᬗᬮᬸᬄᬫ᭄ᬯᬦᬶ᭞ᬩᬦ᭄ᬩᬕ᭄ᬬᬦ᭄ᬜᬦᬾᬓᬾᬦ᭄ᬢᭀ᭞ᬲᬗ᭄ᬓᬦ᭄ᬜᬢᭀᬂᬳᬤᬵᬳᬶᬫ᭄ᬩᬶᬄ᭞ᬫᬦ᭄ᬫᬸᬲᬸᬓᬵᬲᬸᬕᬶᬄ᭞
[᭙ 9A]
ᬫᬲ᭄ᬫᬶᬭᬄᬲ᭄ᬮᬓᬵᬮ᭄ᬬᬸ᭞ᬮᬾᬦ᭄ᬢᭀᬦᬾᬳᬫᬄᬳᬗ᭄ᬕᭀ᭞ᬤᬾᬩᬸᬭᬬᬸᬢ᭄ᬮᬸᬄᬫ᭄ᬯᬦᬶ᭞ᬳᬗ᭄ᬕᭀᬦ᭄ᬢᬸᬢᬸᬃ᭞ᬲᬸᬩᬫᬫᬮᬶᬓᬶᬦ᭄ᬮᬫ᭄ᬧᬄ᭟ᬲᬸᬩᬲᬸᬳᬸᬤ᭄ᬗᬸᬧᬵᬤᬾᬱᬵ᭞ᬫᬜ᭄ᬚᬸᬯᬂᬓᬤᬾᬱᬵᬓᬗᬶᬦ᭄᭞ᬓᭀᬘᬧ᭄ᬭᬶᬂᬧᬗᬾᬭᬦ᭄ᬚᭂᬫ᭄ᬩᭀᬂ᭞ᬓᬕ᭄ᬭᬶᬬᬩᬜ᭄ᬚᬃᬫᬫ᭄ᬤᬶ᭞
ᬢ᭄ᬯᬄᬩᭀᬤᬦᬾᬲᬶᬤ᭄ᬟᬶ᭞ᬧᬭᬦᬓᬦ᭄ᬜᬦᬾᬮ᭄ᬬᬸ᭞ᬢᬸᬃᬫᬮᬶᬫ᭄ᬧᬤ᭄ᬮᬶᬫ᭄ᬧᬤᬦ᭄᭞ᬳᬗᬶᬂᬢᭀᬂᬳᬤᬦᬦ᭄ᬤᬶᬗᬶᬦ᭄᭞ᬚᬕ᭄ᬫᬗ᭄ᬤᭀᬕ᭄ᬧᬳᬶᬢᬸᬗᬦ᭄᭟ᬧᬗ᭄ᬯᭂᬭᬸᬄᬳᬗ᭄ᬕᭀᬦ᭄ᬜᬸᬕᬭᬂ᭞ᬫᬲᬶᬧ᭄ᬢᬵᬓᬶᬤᬸᬂᬓᬓᬯᬶᬦ᭄᭞ᬜᬓᬵᬜᬜᬓᬵᬢᬶᬤᭀᬂ᭞ᬓᬮᬫᬦ᭄ᬓᬢᭀ
ᬦ᭄ᬭᬶᬭᬶ᭞ᬰᬶᬰ᭄ᬬᬦ᭄ᬳᬦᬓ᭄ᬮᬶᬮᬶᬄ᭞ᬳᬚᬓ᭄ᬫᬧ᭄ᬢᬸᬓ᭄ᬧᬂᬗ᭄ᬯᭂᬭᬸᬄ᭞ᬳᭂᬫ᭄ᬩᬳᬶᬦ᭄ᬫᬸᬜᬶᬍᬫ᭄ᬧᭀᬂ᭞ᬳᬧᬗᬳᭂᬜᬓ᭄ᬫᭂᬲᬮᬶᬦ᭄᭞ᬫ᭄ᬲᬾᬄᬕᬸᬭᬸ᭞ᬳᬗ᭄ᬕᭀᬦ᭄ᬲᬫ᭄ᬢᭀᬦ᭄ᬤᬶᬤᬃᬫ᭄ᬫᬵ᭟ᬤᬾᬗᬸᬭᬬᬸᬢ᭄‌ᬤᬸᬓᬾᬗᬬᬧ᭄᭞ᬫᬦᬸᬦᬲ᭄ᬩᭂᬓᭂᬮᬾᬫᬢᬶ᭞ᬫᬧᬗᬸᬭᬶᬕᬵᬩᬦ᭄ᬩᭀᬓᭀᬃ᭞ᬤ
ᬤᬃᬲᬢᬓᬾᬤᬶᬚᬦᬶ᭞ᬮᬾᬦᬾᬦᬫ᭄ᬧᬵᬳᬩ᭄ᬲᬶᬓ᭄᭞ᬓᭀᬘᬧ᭄ᬳᬚᬶᬢ᭄ᬮᬸᬂᬗᬢᬸᬲ᭄᭞ᬳᬶᬘᬵᬧᬗᬾᬭᬦ᭄ᬢᭂᬫ᭄ᬩᭀᬂ᭞ᬧᬦᬸᬕ᭄ᬭᬳᬵᬲᬗᬸᬧᬢᬶ᭞ᬲᬸᬩᬧᬸᬧᬸᬢ᭄᭞ᬫᬗ᭄ᬮᬶᬯᬢᬶᬦ᭄ᬢᬶᬢᬶᬕᭀᬗ᭄ᬕᬸᬂ᭟ᬳᬗ᭄ᬳᬶᬂᬓᬢᬸᬤᬸᬄᬗᬬᬳᬂ᭞ᬩ᭄ᬭᬯᬦᬾᬢᭀᬂᬤᬤᬶᬕᬶᬧᬶᬄ᭞ᬲ [ 10 ][᭙ 9B]
᭙
ᬫᬳᬶᬢᬦᬾᬚ᭄ᬯᬳᬗ᭄ᬕᭀᬦ᭄᭞ᬩ᭄ᬯᬢ᭄ᬪᬸᬤ᭄ᬥᬵᬧᬓ᭄ᬱᬦᬾᬍᬯᬶᬄ᭞ᬲᬸᬩᬮ᭄ᬯᬲ᭄ᬫᬧᬫᬶᬢ᭄᭞ᬦᬾᬦᬓ᭄ᬝᬶᬤᬶᬲ᭄ᬫᬳᬕᬸᬂ᭞ᬲᬶᬕ᭄ᬓᭂᬧᬸᬳᬾᬫᬕᭀᬳᭀᬓ᭄᭞ᬓᭀᬘᬧ᭄ᬬᬳᬸᬫᬄᬫᬫ᭄ᬤᬶ᭞ᬧᬩᬶᬬᬸᬭᬦ᭄᭞ᬕ᭄ᬯᬓᬾᬫᬲ᭄ᬮᬶᬯᭂᬭᬦ᭄᭟ᬕᬯᭀᬓ᭄ᬕᬯᭀᬓ᭄ᬧᬕᬸᬭᬾᬓ᭄ᬕᬕ᭄᭞
ᬫᬢᬶᬗ᭄ᬕᬄᬳᬤᬵᬗ᭄ᬮᬦ᭄ᬢᬶᬂ᭞ᬫᬗᬫᬄᬲᬶᬫ᭄ᬧᭂᬗᭂᬕᬮᭀᬓ᭄᭞ᬮᬾᬦ᭄ᬫᬗ᭄ᬫᬸᬓ᭄ᬦᭀᬮ᭄ᬢᭀᬮ᭄ᬳᬢᬶ᭞ᬳᬤᬗᭂᬩ᭄ᬭᬂᬓᬸᬮᬶᬢ᭄᭞ᬩᬩᬸᬳᬳᬦ᭄ᬮᬦ᭄ᬧᬧᬸᬲᬸᬄ᭞ᬩᬲᬂᬮᬦ᭄ᬚᭂᬚᬭᬶᬗᬦ᭄᭞ᬫᬢ᭄ᬣᬵᬩᭀᬮᬦ᭄ᬚᬭᬶᬚᬶ᭞ᬓᬓᭂᬫ᭄ᬩᬸᬗᬦ᭄᭞ᬲᬶᬕ᭄ᬓᭂᬧᬸᬳᬾᬧᬲᬸᬮᬾᬗ᭄ᬓ
ᬢ᭄᭟ᬋᬩᬸᬢ᭄ᬩᬸᬬᬸᬂᬧᬕᬸᬭᬬᬂ᭞ᬫᬳᭀᬕᬳᬦ᭄ᬢᭂᬫ᭄ᬧᬸᬄᬳᬗᬶᬦ᭄᭞ᬧᬓᭂᬢᬾᬮ᭄ᬢᬾᬮ᭄ᬧᬓᬵᬭᭀᬘᭀᬓ᭄᭞ᬩᬜᬶᬄᬗᬯᬾᬤᬸᬍᬕ᭄ᬳᬢᬶ᭞ᬓᬮᬸᬤ᭄ᬩᭀᬦ᭄ᬜᬦᬾᬳᬮᬶᬣ᭄᭞ᬫᬢ᭄ᬭᬄᬢᬺᬳᬦ᭄ᬩᭂᬗᬸ᭞ᬘᬶᬂᬘᬶᬂᬧᬕᬸᬭᬾᬗ᭄ᬕᬂ᭞ᬫᬓ᭄ᬭᬄᬲᬮᬾᬂᬮᬗ᭄ᬕᬸᬗᬶᬦ᭄᭞ᬗ᭄ᬯ
ᬗᬸᬯ᭄ᬩᬗ᭄ᬓᬾ᭞ᬲᬕ᭄ᬓᭂᬧᬸᬳᬾᬧᬕ᭄ᬭᬚᬕ᭄᭟ᬲᬸᬩᬢᬸᬢᬸᬕ᭄ᬲᬦ᭄ᬤᬾᬓᬵᬮᬾ᭞ᬲᬸᬬ᭄ᬬᬦᬾᬳᭂᬗ᭄ᬲᭂᬩ᭄ᬳᬶᬢᬸᬦᬶ᭞ᬩᬗᬸᬦ᭄ᬧᬤᬵᬗᬮᬶᬳᭂᬗ᭄ᬕᬾᬦ᭄᭞ᬓ᭄ᬤᬶᬲᬾᬦᬾᬲᬩᬾᬃᬯ᭄ᬗᬶ᭞ᬓᬺᬓ᭄ᬯᬓᭀᬓᭀᬓᬦ᭄ᬫᬮᬶᬂ᭞ᬤᬭᬾᬲ᭄ᬘᬳᬓ᭄ᬘᬍᬧᬸᬓ᭄᭞ᬓᬸᬕ᭄ᬓᬸᬕᬦ᭄ᬘᬕᬶᬗ
[᭑᭐ 10A]
ᬗᬦ᭄᭞ᬧᬕᬭᬸᬓ᭄ᬕᬸᬓᬓ᭄ᬧᬘᬵᬍᬗᬶᬢ᭄᭞ᬗᬯᬾᬢᬵᬓᬸᬢ᭄᭞ᬫᬸᬜᬶᬦ᭄ᬧ᭄ᬯᬮᬓᬾᬫᬗ᭄ᬭᬓ᭄᭟ᬳᭂᬜ᭄ᬚᭂᬓ᭄ᬧᬸᬧᬸᬧᬕᬺᬤᬩ᭄᭞ᬓᬸᬫᬂᬫᬂᬗᬺᬲᬂᬳᬢ᭄ᬣᬶ᭞ᬢᬗᬦ᭄ᬢᬗᬦᬾᬧᬕᬾᬬᭀᬢ᭄᭞ᬧᬲᬭᬶᬬᬸᬢ᭄ᬫᬜᬦ᭄ᬤᭂᬭᬶᬦ᭄᭞ᬮᬯᬾᬳᬦ᭄ᬗᬋᬩ᭄ᬕᬶᬦ᭄᭞ᬭᬗ᭄ᬕᬄᬮᬶᬫᬦᬾᬫ᭄ᬢᬓᬸᬢ᭄᭞
ᬓᬸᬫᬦ᭄ᬤᬗᬾᬫᬗᭂᬫ᭄ᬩᭀ᭞ᬳᬳᬾᬂᬫᬸᬜᬶᬦ᭄ᬜᬦᬾᬜ᭄ᬭᬶᬢ᭄᭞ᬓᬸᬫᬭᬸᬩᬸᬕ᭄‌ᬮᬾᬦ᭄ᬫᬫ᭄ᬤᬶᬧᬕᬸᬭᬾᬓ᭄ᬲ᭄ᬬᬓ᭄᭟ᬦᬾᬕᬸᬮ᭄‌ᬪᬸᬗᬩ᭄ᬮᭀᬄᬫᬢᬵ᭞ᬲᭀᬓ᭄ᬫᬢᬵᬕ᭄ᬥᬾᬫᬦ᭄ᬮᬶᬓ᭄᭞ᬦᬾᬲ᭄ᬮᬶᬯᬄᬩᬸᬓᬵᬲᭀᬭᭀᬢ᭄᭞ᬩᬤᭂᬂᬦᬾᬳᬲᬶᬩᬓ᭄ᬧᬸᬢᬶᬄ᭞ᬧᬧᭂᬗ᭄ᬓᬄᬩᬲᬂᬳᭂᬦ᭄ᬤᬶᬕ᭄᭞ᬗ᭄ᬕᬾᬜ
ᬓᭂᬦ᭄ᬤᬂᬫᬭᬵᬧᬸᬂᬧᬸᬂ᭞ᬓᬤᭀᬫ᭄ᬧᭀᬮ᭄ᬩᬲᬂᬩᬾᬬᭀᬤ᭄᭞ᬕ᭄ᬥᬾᬪᬯᬓ᭄ᬚᭂᬦᭂᬂᬓᬮᬶᬂ᭞ᬫ᭄ᬯᬩᬭᭀᬂᬳᬜ᭄ᬚᬳᬜ᭄ᬚᬦᬾᬫᬜᬸᬂᬲᬂ᭟ᬪᬹᬝᬩᬸᬳᬸᬂᬗᬩᬲᬶᬭᬄ᭞ᬪᬸᬝᬪᬂᬗᬶᬕ᭄ᬮᬂᬳᬢ᭄ᬣᬷ᭞ᬦᬾᬧᬸᬢᬶᬄᬓᭀᬱᬵᬫᬗᭂᬲᭀᬄ᭞ᬧᬧᬸᬰ᭄ᬯᬦᬾᬚ᭄ᬯᬕᬶᬲᬶ᭞ᬫ᭄ᬯᬄᬪᬸᬝᬦᬾᬓᬸᬦᬶᬂ᭞ᬩ
ᬩ᭄ᬯᬳᬦᬾᬚ᭄ᬯᬵᬋᬩᬸᬢ᭄᭞ᬧᬕᭂᬭᬾᬂᬧᬤᬵᬕᬶᬭᬂ᭞ᬫᬓ᭄ᬭᬄᬲ᭄ᬮᬾᬂᬋᬩᬸᬢᬶᬦ᭄᭞ᬗᬯᬾᬢᬦᬸᬢ᭄᭞ᬲᭀᬮᬳᬾᬓᬕᬶᬮᬕᬶᬮ᭟ᬤᬾᬩᬸᬭᬬᬸᬢ᭄‌ᬫᬗ᭄ᬮᭀᬬᭀᬓᬂ᭞ᬫᬲᬶᬍᬢᬶᬤᬶᬂᬫᬫᬸᬲ᭄ᬢᬶ᭞ᬲᬤ᭄ᬬᬦᬾᬋᬓᭀᬩᬲ᭄ᬓᬯᭀᬲ᭄᭞ᬲᬗ᭄ᬓᬦ᭄ᬜᬢᭀᬂᬳᬤᬵ [ 11 ][᭑᭐ 10B]
᭑᭐
ᬳᬶᬫ᭄ᬩᬶᬄ᭞ᬕᬕᭀᬤᬦᬾᬢᬦ᭄ᬲᬶᬧᬶ᭞ᬓᬤᬳᬢᬦ᭄ᬩᬦᬾᬧᬸᬕᬸᬄ᭞ᬇᬤᭂᬧ᭄ᬫᬕᬺᬩᭀᬂᬫᬾᬬᭀᬂ᭞ᬦᬾᬧᬸᬬᬸᬂᬓᬤᬾᬦ᭄ᬫᬳᬶᬲᬶ᭞ᬲᬸᬩᬧᬸᬧᬸᬢ᭄ᬲᬤ᭄ᬬᬦ᭄ᬜᬦᬾᬢᬦ᭄ᬓᭀᬘᬧᬵ᭟ᬤᬯᬸᬄᬧᬶᬢᬸᬲᬕᬾᬢ᭄ᬲᬸᬩ᭞ᬭᬫᬾᬳᬦᬓᬾᬗᭂᬢᬸᬗᬶᬦ᭞ᬫᬫᬮᬾᬕ᭄ᬩᬩᬳ
ᬓᬢᭀᬦ᭄᭞ᬮᬗᬶᬢᬾᬦᬾᬫᬸᬮᬸᬓᬗᬶᬦ᭄᭞ᬘᬸᬮᬶᬓ᭄ᬘᬸᬮᬶᬓ᭄ᬫᬫᬸᬜᬶ᭞ᬫᬕᭂᬦ᭄ᬢᬶᬮᬦ᭄ᬢᬸᬳᬸᬢᬸᬳᬸ᭞ᬮᬾᬦᭀᬯᬓᬾᬗᬕᬮᭀᬓ᭞ᬘᬶᬘᬶᬗᬾᬩᬗᬸᬦ᭄ᬧᬘᭂᬗ᭄ᬓᬶᬂ᭞ᬳᬤᬵᬗᬸᬮᬸᬦ᭄᭞ᬮᬾᬦ᭄ᬫᬦ᭄ᬕᬄᬗᬕᬸᬭᬾᬗ᭄ᬤᬂ᭟ᬓᬲ᭄ᬯᬾᬓᬵᬢᭀᬦ᭄ᬭᬯᬂ᭞ᬅ
ᬢᬫ᭄ᬩᬸᬦᬾᬫᬜᬧᬸᬢᬶᬦ᭄᭞ᬫᬳᬶᬭᬶᬩ᭄ᬤᬸᬢᬦᬾᬓᬢᭀᬦ᭄᭞ᬫᬕᬫ᭄ᬩᬳᬦ᭄‌ᬩᭀᬓᬾᬕᬶᬮᬶᬂ᭞ᬩᬸᬮᬸᬦ᭄ᬳᬯᬶᬓ᭄ᬫᬫᬧᬶᬲ᭄᭞ᬧᬶᬧᬶᬲ᭄ᬧᬶᬧᬶᬲᬦ᭄ᬫᬭᬶᬗ᭄ᬗᬸᬢ᭄᭞ᬮᬸᬧᬸᬢ᭄ᬫᬲ᭄ᬭᬯᬾᬳᬦ᭄᭞ᬳᬯᭀᬃᬮᬦ᭄ᬚᬗ᭄ᬕᬸᬢᬗᬺᬘᬶᬓᬸᬫᬶᬲ᭄ᬚᬗ᭄ᬕᭀᬢ᭄᭞ᬩ᭄ᬭᬶ
ᬲᬾᬫᬲ᭄ᬭᬯᬾᬳᬦ᭄᭟ᬫᬢᬦ᭄ᬜᬦᬾᬢᬢᬶᬢ᭄ᬓᭂᬫ᭄ᬩᬃ᭞ᬫᬦ᭄ᬤᬾᬧ᭄ᬳᬫ᭄ᬧᬳᬂᬳᬗᬶᬦ᭄᭞ᬦᬾᬦᬾᬦᭂᬫ᭄ᬧᬸᬄᬍᬓ᭄ᬫᬗᭀᬚᭀᬕ᭄᭞ᬕᭀᬳᭀᬓᭂᬧᬸᬳᬾᬫᬫᬸᬜᬶ᭞ᬕᬺᬫ᭄‌ᬕᬺᬫ᭄ᬗᬯᬸᬓᬶᬦ᭄᭞ᬦᬾᬫᬜ᭄ᬘᬦᬵᬤᬾᬩᬸᬭᬬᬸᬢ᭄᭞ᬪᬸᬢᬦᬾᬫ᭄ᬭᬭᬤᬦ᭄᭞
[᭑᭑ 11A]
ᬫᬓ᭄ᬚᬂᬧᬤᬫᬕ᭄ᬤᬶ᭞ᬲᬕᬾᬢ᭄ᬲᬸᬳᬸᬂ᭞ᬧᬤᬢᭀᬂᬓᬃᬯ᭄ᬯᬦ᭄ᬮᬓᬸᬜ᭟ᬲᬸᬩᬢᬸᬢᬸᬕᬮᬂᬢᬦᬄᬲᬸᬫᬭᬜ᭄ᬘᬂᬫᬦᬤᬭᬶᬦ᭄᭞ᬲᬸᬃᬬ᭄ᬬᬦᬾᬓᬢᭀᬦ᭄ᬗᬘᭀᬭᭀᬂ᭞ᬤᬾᬩᬸᬭᬬᬸᬢ᭄‌ᬲᬸᬩᬫᬸᬮᬶᬄ᭞ᬲᬸᬩᬲᬸᬳᬸᬤ᭄ᬫᬩᬺᬲᬶᬄ᭞ᬲᬸᬓᬦ᭄ᬳᬢᬶᬓᬵᬧᬗ᭄ᬕᬸᬄ᭞ᬚ
ᬦᬶᬗ᭄ᬭᬱᬵᬲᬲᬤ᭄ᬬ᭞ᬩᬸᬓᬵᬤᬶᬩᬜ᭄ᬚᬭᬦ᭄ᬲᬭᬶ᭞ᬭᬭᬶᬲ᭄ᬫᬦ᭄ᬢᬸᬓ᭄᭞ᬫ᭄ᬚᬮᬦ᭄ᬳᬤᬾᬂᬳᬤᬾᬗᬦ᭄‌ᬚᬦᬶᬢᬦ᭄ᬓᭀᬘᬧ᭄ᬤᬶᬚᬮᬦ᭄᭞ᬫᬚᬮᬦ᭄ᬫᬗ᭄ᬮᬮᬶᬮᬮᬶ᭞ᬓᭀᬘᬧᬂᬧᬗᬾᬭᬦ᭄ᬚᭂᬫ᭄ᬩᭀᬂ᭞ᬫᬜᬬᬗᬗᬾᬢᬦ᭄ᬲᬶᬧᬶ᭞ᬓ᭄ᬜᬸᬲ᭄ᬮᬯᬸᬢ᭄ᬫᬫᬸᬜᬶ᭞ᬬᬾᬦ᭄ᬤᬶᬧᬭᬩ᭄
ᬲᬸᬩᬳᬤᬸᬢ᭄᭞ᬦᬦᬓ᭄ᬳᬶᬲᬸᬭᬤ᭄ᬜᬡ᭄ᬦ᭞ᬓᬤᬶᬭᬦᬾᬩᬸᬓᬵᬫᬢᬶ᭞ᬢ᭄ᬯᬄᬦ᭄ᬢᬦᬸᬭᬸᬂ᭞ᬓᬧᬗ᭄ᬕᬶᬄᬦᬾᬦᬾᬲᬤ᭄ᬬᬬᬂ᭟ᬩᬳᬦᬾᬢ᭄ᬯᬭᬵᬫᬲᬲ᭄ᬢ᭄ᬭ᭞ᬤᬤᬶᬢ᭄ᬯᬭᬵᬳᬶᬗᭂᬢ᭄ᬚᬢᬶ᭞ᬗᬡ᭄ᬥᬶᬓᬵᬧᬗᬾᬭᬤ᭄ᬚᭂᬫ᭄ᬩᭀᬂ᭞ᬬᬭᬭᬲᬦ᭄‌ᬢ᭄ᬯᬄᬳᬓᬶᬓᬶᬢ᭄᭞ᬲᬸᬩᬢ᭄ᬓᬫᬫᬸᬲ᭄ᬢᬶ᭞
ᬚ᭄ᬮᬾᬫ᭄ᬮᬄᬤᬵᬫᬗᬶᬢᬸᬂ᭞ᬢᭀᬳᬗ᭄ᬕᭀᬦ᭄ᬧᬗ᭄ᬮᭂᬩᬸᬭᬦ᭄᭞ᬤᬾᬪᬸᬭᬬᬸᬢ᭄‌ᬫᬗᬪᬓ᭄ᬢᬶ᭞ᬢ᭄ᬮᬲ᭄ᬦᬸᬳᬸᬦ᭄ᬳᬢᬸᬭᬾᬲᬧᬗᬦ᭄ᬤᬶᬓᬵ᭟ᬢᬸᬃᬓᬳᬸᬤᬸᬄᬗᬮᬶᬄᬳᬸᬫᬄ᭞ᬳᬧᬂᬮ᭄ᬯᬲ᭄‌ᬫᬦᬸᬓᬸᬳᬶᬦ᭄᭞ᬲᬧᬭᬶᬓ᭄ᬭᬫᬦᬾᬳᬗ᭄ᬕᭀ᭞ᬲᬸᬩᬢᬸᬢᬸᬕ᭄ᬓᬦᬶᬓᬳᬶᬦ᭄᭞ [ 12 ][᭑᭑ 11B]
᭑᭑
ᬚᬦᬶᬗᬬᬧ᭄ᬫᬧᬫᬶᬢ᭄᭞ᬫᬫᬸᬲ᭄ᬢᬶᬮᬯᬸᬤ᭄ᬫᬜᭂᬦ᭄ᬢᬸᬤ᭄᭞ᬳᬶᬘᬵᬧᬗᬾᬭᬦ᭄ᬚᭂᬫ᭄ᬩᭀᬂ᭞ᬗᬪᬓ᭄ᬝᬷᬧᬶᬲᬦ᭄ᬳᬸᬕᬶ᭞ᬮᬯᬸᬢ᭄ᬩᬗᬸᬦ᭄ᬲᬤᬵᬗᬶᬭᬶᬂᬬᬫᬚᬮᬦ᭄᭟ᬳᬗ᭄ᬳᬶᬂᬢᬦ᭄ᬓᭀᬘᬧ᭄ᬤᬶᬚᬮᬦ᭄᭞ᬓᭀᬘᬧᬦᬾᬦᬾᬩ᭄ᬮᬲᬶᬦ᭄᭞ᬧ᭄ᬬᬦᬓ᭄ᬫᬦ᭄ᬢᬸᬧᬤᬵᬳᬾᬧᭀᬢ᭄᭞ᬬᬫᬗᬺ
ᬩᬳᬂᬩᬾᬲᬫ᭄ᬧᬶ᭞ᬫᬗᬾᬩᬢ᭄ᬫᭂᬜ᭄ᬘᭀᬓᬸᬧᬶᬂ᭞ᬳᬘᬂᬳᬘᬂᬮᬾᬦ᭄ᬫᬦᬶᬫ᭄ᬩᬸᬂ᭞ᬳᬤᬵᬜᬫ᭄ᬩᭂᬮᬶᬦ᭄ᬳᬶᬲᭀ᭞ᬮᬾᬦ᭄ᬫᬗ᭄ᬮᬯᬃᬫᬫᬵᬕᭀᬦᬶᬦ᭄᭞ᬫᬶᬦ᭄ᬤᬩᬮᬸᬂ᭞ᬳᬤᬵᬜᬸᬤᬂᬮᬩ᭄ᬮᬩᬦ᭄᭟ᬮᬾᬦ᭄ᬜᬜᬢᬾᬳᬲᭂᬫ᭄‌ᬍᬫ᭄ᬩᬢ᭄᭞ᬳᬤᬵᬗ᭄ᬯᬘᬶᬓ᭄‌ᬩᬩᬜ᭄ᬘᬶ᭞ᬮᬾᬦᬾᬫ
ᬕᭀᬦᬶᬭᬭᬯᭀᬦ᭄᭞ᬳᬤᬫᬗᬶᬩᬸᬂᬫᬲᬕᬶ᭞ᬦᬲᬶᬦᬾᬧᬘᬵᬕᬶᬃᬕᬶᬃ᭞ᬮᬶᬫᬂᬤᬸᬮᬂᬲᬸᬩᬧᬸᬧᬸᬢ᭄᭞ᬩᬾᬦᬾᬲᬸᬩᬫᬳᬤᭀᬦ᭄᭞ᬧᬘᬵᬤᬾᬲ᭄ᬕᬾᬲ᭄ᬬᬫᬰᬕᬶ᭞ᬢ᭄ᬯᬓ᭄‌ᬩᬺᬫ᭄ᬳᬭᬓᬾᬲᬸᬩᬘᬸᬫᬤᬂ᭟ᬓᬲᬸᬩ᭄‌ᬮᬸᬳᬸᬂᬩᬦᬵᬗᬾᬩᬢ᭄᭞ᬩᭀᬦ᭄ᬜᬦᬾᬗᭂᬜᬸᬤᬂ
ᬳᬢ᭄ᬣᬶ᭞ᬤᬤᬶᬫᬗᬸᬧᬤᬕᬯᭀᬓ᭄᭞ᬫᬓ᭄ᬚᬂᬫᬗᬢᬶᬳᬢᬶ᭞ᬦᬾᬚᬦᬶᬲᬸᬩᬮᬶᬗ᭄ᬲᬶᬃ᭞ᬤᬦᬾᬚ᭄ᬭᭀᬦᬾᬢᭀᬦ᭄ᬤᬾᬦ᭄ᬭᬯᬸᬄ᭞ᬲᭀᬓ᭄ᬳᬶᬓ᭄ᬢᬸᬢ᭄ᬲᬪᬬᬵ᭞ᬗᬚᬓᬶᬦ᭄ᬗᭂᬦᬸᬳᬂᬲᬕᬶ᭞ᬢ᭄ᬯᬭᬵᬦᬸᬭᬸᬜᬶᬢ᭄ᬕᬵᬫᬦ᭄ᬜᬦᬾᬧᬘᬦᬢᬂ᭟ᬩᬦᬾᬓᬤᬸᬂᬩᬺᬩᬲᬗᬦ᭄
[᭑᭒ 12A]
ᬩᬓᬵᬢᭀᬂᬳᬶᬗᭂᬢ᭄ᬫᬗᬦ᭄ᬢᬶ᭞ᬳᬦᬓ᭄ᬳᭀᬤᬄᬲᬗ᭄ᬓᬦ᭄ᬩᭀᬘᭀᬢ᭄᭞ᬢ᭄ᬯᬄᬓᬾᬢᭀᬓᬾᬬᬚᬦᬶ᭞ᬫᬲᬶᬄᬢᭀᬂᬳᬤᬵᬳᬶᬫ᭄ᬩᬶᬄ᭞ᬤ᭄ᬮᭀᬓ᭄ᬫᬸᬮᬶᬄᬤ᭄ᬮᭀᬓ᭄ᬧᭂᬲᬸ᭞ᬦᬦᬗᬲᬕᬾᬢᭂᬓᬵ᭞ᬫᬓ᭄ᬚᬂᬧᬤᬵᬜᬕ᭄ᬚᬕᬶᬦ᭄᭞ᬧ᭄ᬬᬦᬓ᭄ᬫᬦ᭄ᬢᬸᬳᬢᬶᬦ᭄ᬜᬧᬤᬵᬕᬶᬭᬂ᭟ᬩᬯᬸᬓ᭄ᬓ
ᬦᬾᬫᬦ᭄ᬕᬓ᭄᭞ᬧ᭄ᬬᬦᬓᬾᬧᬤᬗᬬᬳᬶᬦ᭄᭞ᬳᬤᬵᬫᬜ᭄ᬫᬓᬓᭀᬘᭀᬃ᭞ᬳᬤᬵᬗᬩᬬᬂᬬᬾᬄᬲᬸᬕᬶ᭞ᬫᬦᬫ᭄ᬧᬳᬸᬲᬧ᭄ᬭᬳᬶ᭞ᬳᬤᬫᬗ᭄ᬭᬸᬓᬶᬦ᭄ᬧ᭄ᬮᬸᬄ᭞ᬮᬾᬦ᭄ᬫᬗᬶᬤ᭄ᬯᬶᬦ᭄ᬢᬸᬯᬓ᭄᭞ᬤᬦᬾᬚ᭄ᬭᭀᬧᬸᬢᬸᬇᬲ᭄ᬢ᭄ᬭᬷ᭞ᬗᬚᬩᬶᬦ᭄ᬫᬦᬾᬓ᭄ᬫᬤᬳᬃ᭟ᬫᬦ᭄ᬢᬸᬦᬾᬳᬚᬓ᭄ᬫᬤᬳᬃ᭞
ᬢ᭄ᬓᬾᬦ᭄ᬧ᭄ᬬᬦᬓ᭄ᬮᬸᬄᬫ᭄ᬯᬦᬶ᭞ᬧ᭄ᬢᬂᬤᬱᬵᬓ᭄ᬯᬂᬤᬤ᭄ᬯ᭞ᬫᬓ᭄ᬚᬂᬲᬸᬩᬫᬯᬚᬶᬓ᭄᭞ᬳᬤᬗᬸᬗ᭄ᬓᬩᬂᬦᬲᬶ᭞ᬲᬶᬂᬧᬩᬾᬮᬦ᭄ᬢᬫᬓ᭄ᬫᬮᬸ᭞ᬫᬤᬳᬃᬧᬓᬭᬾᬫᭀᬲ᭄᭞ᬳᬶᬤ᭄ᬭᬦ᭄ᬜᬦᬾᬫᬦᬶᬢᬶᬃ᭞ᬩᬦᬾᬧᬢᬸᬄ᭞ᬪᬕ᭄ᬬᬦ᭄ᬜᬦᬾᬗᭂᬜᬳᬶ᭟ᬍᬍᬧᬸᬳᬾᬲᬸᬩᬫᬩ᭞ᬓᬘᬂᬓᬘᬂᬧᭂᬜ᭄ᬘᭀ
ᬓᭀᬧᬶᬂ᭞ᬩᬮᬸᬂᬧᬶᬦ᭄ᬤᬂᬲᬫ᭄ᬩᭂᬮᬳᬮ᭄ᬳᬶᬲᭀ᭞ᬢ᭄ᬯᬓ᭄‌ᬩᬺᬫ᭄ᬳᬭᬓᬧᬶ᭞ᬫᬤᬸᬮᬸᬃᬢ᭄ᬓᬾᬦ᭄ᬳᬦᬶᬲ᭄᭞ᬍᬍᬧᬸᬳᬾᬫᬕᭀᬄᬫᬥᬸ᭞ᬭᬦ᭄ᬢᬸᬢᬶᬦ᭄ᬲᬲᬗᬦ᭄᭞ᬢᬢᬯᬦᬦ᭄‌ᬓ᭄ᬮᬸᬧᬚᬶᬓ᭄᭞ᬤᭀᬤᭀᬮ᭄ᬲᬢᬸᬄ᭞ᬢᬦ᭄ᬓᭀᬘᬧᬦᬾᬮᬾᬦ᭄ᬮᬾᬦᬦ᭄᭟ᬲᭀᬓ᭄ᬳᬶᬓ᭄ᬢᬸᬢ᭄ᬲᬸᬪᬬ᭞ [ 13 ][᭑᭒ 12B]
᭑᭒
ᬦᬾᬧᬸᬜᬄᬢ᭄ᬯᬭᬵᬫᬦᬫ᭄ᬧ᭄ᬮᬶᬓ᭄᭞ᬳᬶᬤ᭄ᬭᬦ᭄ᬫᬲᬶᬄᬮᭀᬕᭀᬓ᭞ᬢ᭄ᬯᬢ᭄ᬗᬺᬫ᭄ᬳᬭᬓ᭄ᬳᬧᬶ᭞ᬫ᭄ᬯᬦᬾᬩᬳᬩᬳᬶᬂ᭞ᬮᬶᬫᬦ᭄ᬜᬦᬾᬧᬢᬶᬳᬸᬲᬸᬤ᭄᭞ᬗᬚᬓ᭄ᬫᬳᬶᬥᭂᬃᬕᬶᬢ᭄ᬣᬵ᭞ᬮᬯᬸᬢ᭄ᬫᬜᭂᬳᭂᬤᬂᬓ᭄ᬭᬶᬲ᭄᭞ᬲ᭄ᬭᭀᬤ᭄ᬢᬸᬳᬸᬦ᭄ᬮᬯᬸᬗ᭄ᬮᬫ᭄ᬩᬶᬳᬂᬲᬲᬩᬸᬓᬦ᭄᭟
ᬩᬶᬓᬲᬾᬘᬵᬭᬩᬸᬂᬩᬸᬂᬗᬦ᭄᭞ᬫᬗᭀᬜᬂᬩᬕᬸᬲ᭄ᬤᬶᬳᬢ᭄ᬣᬷ᭞ᬗᬮᬶᬄᬭᬭᬲ᭄ᬳᬸᬮᬢ᭄ᬫᭂᬗ᭄ᬓᭀᬓ᭄᭞ᬳᬮᬶᬲ᭄ᬜᬦᬾᬓ᭄ᬚᬢ᭄ᬓᭂᬚᬶᬢ᭄᭞ᬫᬲᬯᬂᬯᬸᬢ᭄ᬓᬚᭂᬧᬶᬢ᭄᭞ᬳᬯᬓᭂᬜᬢ᭄ᬓᬶᬬᬤ᭄ᬓᬶᬬᬸᬤ᭄᭞ᬧ᭄ᬚᬮᬦᬾᬳᬾᬕᬄᬳᬾᬕᭀᬄ᭞ᬲᬳᬓ᭄ᬕᬶᬕᬶᬦᬾᬗᬚᭂᬗᬶᬢ᭄᭞
ᬫᬢᬬᬸᬗᬦ᭄‌ᬲᬾᬗ᭄ᬓᭀᬓ᭄ᬮᬶᬫᬦ᭄ᬜᬦᬾᬫᬩ᭄ᬯᬂ᭟ᬮᬯᬸᬢ᭄ᬫᬜ᭄ᬫᬓ᭄ᬩᬮᬩᬃ᭞ᬫᬓᬶᬫᬕᬸᬍᬕᬦ᭄ᬢᬶ᭞ᬤ᭄ᬫᬸᬂᬫᬮᬢ᭄ᬫᬜᬭᬾᬭᭀᬢ᭄᭞ᬲᬵᬫ᭄ᬩᬸᬗᬶᬦ᭄ᬢᭂᬫ᭄ᬩᬂᬓᬤᬶᬭᬶ᭞ᬗᬦ᭄ᬤᬫᬫ᭄ᬯᬢ᭄ᬫᬳᬶᬢ᭄᭞ᬳᬢᬶᬦ᭄ᬜᬦᬾᬲᬸᬩᬮᬶᬫᬸᬄ᭞ᬩ᭄ᬭᬫᬂᬳᭀᬬᭀᬂᬳᭀᬬᭀᬗᬦ᭄᭞
ᬫᬓᬶᬤᬸᬂᬫᬫᬳᬶᬤ᭄ᬫᬳᬶᬤ᭄᭞ᬢᬦ᭄ᬧᬳᬸᬦ᭄ᬤᬸᬓ᭄᭞ᬲᬕᬾᬢ᭄ᬓᭂᬤᬾᬓᬾᬫᬩ᭄ᬭᬶᬬᬕ᭄᭟ᬫᬲᬶᬄᬧᬬᬸᬗᬢᭂᬩᬾᬦᬂ᭞ᬧ᭄ᬚᬮᬦᬾᬭᬸᬕᬄᬭᬕᬶᬄ᭞ᬩᬯᬸᬫᬢᬶᬦ᭄ᬤᬓᬦ᭄ᬤᬾᬗ᭄ᬓᭀᬮ᭄᭞ᬲᬕᬾᬢ᭄ᬮᬩᬸᬄᬩᬸᬓᬧᬦ᭄ᬢᬶᬕ᭄᭞ᬜᬫᬦ᭄ᬜᬦᬾᬫᬜ᭄ᬭᬶᬢ᭄᭞ᬧᬲ
[᭑᭓ 13A]
ᬭᭀᬢ᭄ᬲᭀᬢᬸᬯᬸᬦ᭄᭞ᬳᬤᬫᬜ᭄ᬫᬓ᭄ᬜᬗ᭄ᬓᭀᬮ᭄᭞ᬤᬾᬩᬸᬭᬬᬸᬢ᭄ᬮᬸᬫ᭄ᬯᬦᬶ᭞ᬫ᭄ᬭᬄᬫ᭄ᬭᬸᬄ᭞ᬓᬤᬾᬦᬂᬧ᭄ᬬᬦᬓᬾᬦᬶᬯᬂ᭟ᬳᬾᬧᭀᬢ᭄ᬗᬮᬶᬧᬲ᭄ᬧᬮᬦ᭄᭞ᬫᬗᬕᬄᬲᬶᬦ᭄ᬢᭀᬓ᭄ᬫᬲ᭄ᬯ᭞ᬫᬫᬳᭂᬓᬓᬓᬧ᭄ᬮᬾᬓᭀᬅ᭄᭞ᬩᬦᬾᬳᬸᬬᬂᬩᬸ
ᬜᬫᬢᬶ᭞ᬫᬗᬸᬢᬳᬂᬩᬩᬜ᭄ᬘᬶ᭞ᬓᬤᬾᬦᬂᬢᬶᬯᬂᬪᬮᬩᬸᬃ᭞ᬳᬶᬲ᭄ᬩᬬᬵᬲᭂᬫ᭄ᬧᭀᬗᬦ᭄᭞ᬲᭀᬓ᭄ᬧᬕ᭄ᬮᬭᬦᬾᬫᬲᬶᬄ᭞ᬓ᭄ᬚᬓ᭄ᬚᬸᬢ᭄᭞ᬲᬕᬾᬓ᭄ᬓᭂᬤᬾᬓᬾᬫᬩ᭄ᬭᬶᬬᬕ᭄᭟ᬲᬸᬩᬢᬸᬢᬸᬕ᭄ᬲᬦ᭄ᬤᬾᬓᬵᬮᬵ᭞ᬳᬶᬲᭂᬩᬬᬳᬶᬗᭂᬢ᭄ᬚᬢᬶ᭞ᬭᬫᬾᬧᬤ
ᬫᬕᬕᬸᬬᭀᬦ᭄᭞ᬩᬳᬦᬾᬩᬲ᭄ᬢᬶᬤᭀᬂᬕᬶᬕᬶᬲ᭄᭞ᬳᬶᬫᬾᬫᬾᬫᬸᬜ᭄ᬘᬂᬫᬜ᭄ᬘᬶᬂ᭞ᬗᬭᬦᬶᬦ᭄ᬢᬶᬯᬂᬩᬮᬩᬸᬃ᭞ᬳᬶᬲ᭄ᬩᬬᬵᬫᬢᬓᭀᬦ᭄᭞ᬧᬸᬍᬲ᭄ᬓᬾᬳᬶᬘᬂᬳᬶᬢᬸᬦᬶ᭞ᬓᬧᬸᬧᬸᬗᬦ᭄ᬫᬗᬶᬧᬶᬗ᭄ᬮᬸᬢ᭄ᬳᬶᬜᭀᬫᬦ᭄᭟ᬩᬦᬾᬩᬳᬸᬤ᭄ᬓᬤᬳᬢᬦ᭄᭞
ᬩᬸᬓᬵᬫᬦᬯᬂᬳᬶᬫ᭄ᬩᬶᬄ᭞ᬳᬯᬓ᭄ᬧᭀᬗᬄᬩ᭄ᬯᬶᬦ᭄ᬩᭀᬘᭀᬓ᭄᭞ᬯᬶᬲᬬᬵᬫᬗᬯᬾᬫᬸᬜᬶ᭞ᬫᬓ᭄ᬚᬂᬫᬗ᭄ᬯᬾᬮᬶᬦ᭄᭞ᬜᬫᬦ᭄ᬜᬦᬾᬲᬯᬸᬃᬫᬦᬸᬓ᭄᭞ᬮᬯᬸᬢ᭄ᬓᭂᬤᬾᬓ᭄ᬫᬩ᭄ᬭᬶᬬᬕ᭄᭞ᬦᬾᬫᬤᬾᬦᬦ᭄‌ᬜᬫᬳᬶᬦ᭄᭞ᬤᭂᬓᬵᬤᬸᬭᬸᬲ᭄᭞ᬲᬤ᭄ᬬᬦᬾ [ 14 ][᭑᭓ 13B]
᭑᭓
ᬚ᭄ᬯᬳᬶᬗᭂᬢᬂ᭟ᬲᬫᬶᬦᬸᬭᬸᬢ᭄ᬧᬤᬦ᭄ᬕᬓ᭄᭞ᬢ᭄ᬓᬾᬦ᭄ᬳᬶᬧᬄᬮᬸᬄᬫ᭄ᬯᬦᬾ᭞ᬳᬤᬫᬦᬸᬦᬲ᭄ᬫᬢᬓᭀᬦ᭄᭞ᬚ᭄ᬭᭀᬯᬬᬦ᭄ᬲᬧᬸᬦᬧᬶ᭞ᬬᬦ᭄ᬓᬃᬱᬵᬦ᭄ᬢ᭄ᬭᭀᬦᬾᬫᬗ᭄ᬓᬶᬦ᭄᭞ᬳᬦᬓ᭄ᬚ᭄ᬭᭀᬦᬾᬲᬫᬶᬦᬸᬭᬸᬢ᭄᭟ᬤᬾᬩᬸᬭᬬᬸᬢ᭄ᬫᬗ᭄ᬭᬱᬵ᭞ᬩᬸᬓᬵᬰ᭄ᬯᬃᬕ᭄ᬕᬵᬧᬺᬚᬦᬶ᭞ᬗ᭄ᬦᭀ
ᬫᬦ᭄ᬢᬸ᭞ᬢ᭄ᬓᬾᬦ᭄ᬧ᭄ᬬᬓᬾᬫᬓ᭄ᬚᬂ᭟ᬮᬯᬸᬢ᭄ᬓᭂᬜᬸᬲ᭄ᬫᬳᭀᬭᬳᬦ᭄᭞ᬩᬧᬵᬮ᭄ᬯᬲ᭄ᬫᬦᬸᬓᬸᬳᬶᬦ᭄᭞ᬫᬦ᭄ᬢᬸᬦᬾᬧᬤᬗᬭᭀᬚᭀᬂ᭞ᬫᬜᬸᬓᬬᬂᬮᬸᬄᬫ᭄ᬯᬦᬶ᭞ᬧᬵᬢᬸᬢ᭄ᬜᬦᬾᬢᬦ᭄ᬲᬶᬧᬶ᭞ᬦᬾᬧᬮᬶᬂᬜᭀᬫᬦ᭄ᬫᬲᬯᬸᬢ᭄᭞ᬦᬶᬭᬵᬗᬭᬱᬵᬓᬾᬦ᭄ᬢᭀ᭞ᬲᬗ᭄ᬓᬦ᭄ᬳᬤᬦᬾ
ᬚᬦᬶ᭞ᬧᬤᬢ᭄ᬫᬸᬧᬕᬯᬾᬦ᭄ᬳᬦᬓ᭄ᬫᬢᬧᬵ᭟ᬚᬦᬶᬢᭀᬋᬩᬸᬢ᭄ᬕᬯᬾᬦᬂ᭞ᬳᬶᬓ᭄ᬢᬸᬢ᭄ᬮᬶᬯᬢ᭄ᬗᬲᬦᬶᬦ᭄᭞ᬳᬗ᭄ᬲᬶᬓ᭄ᬦᬸᬓᬭᬯᭀᬲ᭄᭞ᬚᬮᬦ᭄ᬢᭀᬗᭀᬲᬾᬦᬾᬩ᭄ᬘᬶᬓ᭄᭞ᬓᬾᬦ᭄ᬓᬦ᭄ᬩᬳᬦ᭄ᬫᬩᬮᬶᬄ᭞ᬦᬾᬧᬮᬶᬂᬯᬬᬦ᭄ᬫᬲᬯᬸᬢ᭄᭞ᬳᬤᬫ᭄ᬮᬄᬤᬶᬕ᭄ᬩᭀᬂ᭞ᬲᬶᬕ᭄ᬓᭂ
ᬧᬸᬳᬾᬫᬸᬮᬸᬓᬗᬶᬦ᭄᭞ᬓᬭᬂᬳᭂᬜ᭄ᬚᬸᬂᬫᬫᬳᭂᬓᬶᬦ᭄ᬯᬾᬄᬢ᭄ᬮᬩᬄ᭞᭛᭜᭛ᬤᬸᬓ᭄ᬧᬸᬧᬸᬢ᭄ᬲᬶᬦᬸᬭᬢ᭄᭞ᬭᬶᬂ᭞ᬭᬳᬶᬦ᭞ᬭ᭞ᬓ᭞ᬓᬸᬦᬶᬗᬦ᭄᭞ᬰᬰᬶᬄ᭞᭓᭞ᬭᬄ᭞ᬮ᭞ᬢᭂᬂ᭞ᬯᬶᬦ᭄ᬤᬸ᭞ᬇ᭞᭑᭙᭐᭗᭟ᬓᬂᬳᬦᬸᬭᬢ᭄᭟ᬳᬶᬤᬧ᭄ᬤᬡ᭄ᬥᬕ᭄ᬤᬾᬫᬤᬾᬯᬦᬲᬭᬶ᭟ᬲᬸᬩᬕᬦ᭄᭞