Ban/Gaguritan Bhima Swargga 01

Deskripsi

Naskah

[ 1 ][PERPUSTAKAAN KTR.DOKBUD BALI PROP.BALI
G/III/7/DOKBUD
Judul :Gaguritan Bhima Swarga
Panjang : 44 Cm., Lb.: 3,5 cm. Jumlah: 48 Lembar.
Asal : I Wayan Samba, Kubuanyar, Kubutambahan.]

[᭑ 1A]
᭚ᬕᬕᬸᬭᬶᬢᬦ᭄ᬪᬷᬫᬲ᭄ᬯᬃᬕ᭄ᬕ᭟
G/III/7
Bima Swarga [ 2 ][᭑ 1B]
᭑᭟
᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭟ᬇᬣᬶᬕᬕᬸᬭᬶᬢᬦ᭄ᬪᬶᬫᬲ᭄ᬯᬃᬕ᭄ᬕᬲᬫᬧ᭄ᬢ᭟᭜᭟ᬧᬸᬧᬸᬄᬅᬤ᭄ᬭᬷ᭟᭜᭟ᬢᬩᬾᬢᬶᬢ᭄ᬬᬧ᭄ᬭᬫᬸᬓᬯᬶᬦᬸᬯᬸᬲ᭄᭞ᬢᬦ᭄ᬓᭂᬦᬾᬂᬢᬶᬦᬸᬮᬄ᭞ᬳᬧᬦ᭄ᬧᬯᬾᬳᬶᬂᬳ᭄ᬬᬂᬯᬶᬥᬶ᭞ᬦᬶᬰᬵᬲ᭄ᬢ᭄ᬭᬯᬷᬭᬢᬸ
ᬤᬸᬄ᭞ᬘᬶᬢ᭄ᬭᬕᭀᬢ᭄ᬭᬲᭂᬗ᭄ᬓᭂᬃᬢᬸᬯᬸᬄ᭞ᬲ᭄ᬯᬓᬃᬫ᭄ᬫᬲᬗ᭄ᬓᭂᬧᬶᬦᬸᬚᬾᬦ᭞ᬳᬶᬮᬳᬶᬮᬘᭂᬦ᭄ᬤᭂᬓ᭄ᬢᬸᬯᬸᬄ᭞ᬯᬲ᭄ᬢᬸᬢᬢᬦ᭄ᬧᬍᬢᭂᬳᬦ᭄᭞ᬲᬚᬸᬫ᭄ᬩᬸᬳᬶᬂᬳᬸᬘᬧᬸᬘᬧ᭄᭟᭜᭟ᬳᬦᬕᬦ᭄ᬢ᭄ᬬᬦ᭄ᬯᬺᬲ᭄ᬢ᭄ᬬᬦᬶᬂᬯᬸᬯᬸᬲ᭄᭞ᬳ᭄ᬬᬂᬧᬡ᭄ᬥᬸ
ᬲᭀᬮᬳᬾ᭞ᬢᬶᬩᬓᬳᬕᭂᬓ᭄ᬓᬶᬂᬓᬶᬂ᭞ᬢᬦ᭄ᬲᬄᬤᬾᬯᬷᬫᬤ᭄ᬭᬷᬳᬦᬹᬢ᭄᭞ᬲᬂᬧᭂᬚᬳᬶᬭᬳ᭄ᬬᬂᬧᬡ᭄ᬥᬸ᭞ᬫᬗ᭄ᬓᬶᬦ᭄ᬳᬫᬗ᭄ᬕᬶᬄᬲᬗ᭄ᬲᬭ᭞ᬪᬝᬭᬬᬫᬓᬢᬸᬤᬸᬄ᭞ᬤᬾᬦᬶᬭᬳ᭄ᬬᬂᬫᬳᬾᬰ᭄ᬯᬭ᭞ᬅᬢ᭄ᬫᬢᬶᬦᬩᬾᬂᬚ
ᬫ᭄ᬩᬗ᭄᭟᭜᭟ᬲᬶᬦᬫ᭄ᬩᬸᬢᬢ᭄ᬫᬦᬶᬭᬳ᭄ᬬᬂᬧᬡ᭄ᬥᬸ᭞ᬢᬶᬦᬶᬩᬓᭂᬦ᭄ᬫᬗ᭄ᬓᬾ᭞ᬳᬶᬂᬚᬫ᭄ᬩᬗᬦ᭄ᬕᭂᬂᬳᬕ᭄ᬦᬶ᭞ᬤᬾᬯᬷᬫᬤ᭄ᬭᬷᬢᬦ᭄ᬓᬦ᭄ᬢᬸᬦ᭄᭞ᬓᬶᬦᬮᬳᬯᬓᬾᬮᬸᬤᬸᬄ᭞ᬳᬕᬦ᭄ᬢᬶᬕᬦ᭄ᬢᬶᬢᬗᬶᬲᬾ᭞ᬲᬲᬵᬫ᭄ᬩᬢᬾᬬᬬᬄᬳᬶᬩᬸ᭞
[᭒ 2A]
ᬳᬦᬓᬶᬗ᭄ᬲᬸᬦ᭄ᬲᬂᬧᬡ᭄ᬟᬯ᭞ᬫ᭄ᬯᬂᬤᬾᬯᬷᬓᬸᬦ᭄ᬢᬷᬫᬾᬢᬶᬗ᭄ᬯᬂ᭟᭜᭟ᬪᬝᬭᬬᬫᬯᬸᬯᬸᬲᬾᬳᬰ᭄ᬭᬸ᭞ᬲᬦ᭄ᬤᬗᬦ᭄ᬮᬭᬦᬾ᭞ᬭᬶᬂᬬᬫᬦᬶᬂᬮᭀᬓᬳᬶᬓᬶ᭞ᬳᬶᬥᭂᬧ᭄ᬓᬶᬢᬭᬳᬬᬸ᭞ᬳᬯᬾᬳᬮᬦᬾᬲᬢᬸ
ᬯᬸᬓ᭄᭞ᬩᬸᬤ᭄ᬟᬶᬤᬸᬃᬬᬰᬢᬦ᭄ᬧᬶᬦᬾᬢ᭄᭞ᬯᬷᬭᬕᬮ᭄ᬪᬦᬾᬓᬲᬸᬫ᭄ᬩᬸᬂ᭞ᬍᬯᬶᬄᬧᬶᬦᬮᬗᬮᬗᬦ᭄᭞ᬯᬷᬭᬦᬾᬢᬦ᭄ᬓᬲᬸᬭᬸᬳᬦ᭄᭟᭜᭟ᬯᬶᬭᬓᬺᬢᬶᬲᬢ᭄ᬯᬶᬲ᭄ᬢᬶᬭᬶᬂᬳᬬᬸᬦ᭄᭞ᬕᬗ᭄ᬕᬳᬓᬸᬂᬲ᭄ᬯᬭᬾ᭞ᬓᬢᬮ
ᬦ᭄ᬢ᭄ᬭᬯᬷᬭᬧᬶᬗᬶᬢ᭄᭞ᬯᬷᬭᬓᬺᬢᬶᬳᬦᭂᬫᬸᬳᬬᬸ᭞ᬓᬺᬢᬬᬸᬓ᭄ᬢᬶᬦᬾᬢᬦ᭄ᬢᬶᬭᬸ᭞ᬫᬗ᭄ᬓᬾᬢᬦ᭄ᬤᬗᬦ᭄ᬮᬭᬦᬾ᭞ᬓᬶᬦᬸᬩᬸᬂᬕ᭄ᬦᬶᬳᬫᬸᬭᬸᬩ᭄᭞ᬫ᭄ᬯᬂᬩ᭄ᬯᬾᬦᬶᬂᬚᬫ᭄ᬩᬗᬦ᭄᭞ᬅᬢ᭄ᬫᬦᬾᬮᬭᬧᬓ᭄ᬭᬓ᭄᭟᭜᭟ᬪᬝᬭᬧ᭠
ᬡ᭄ᬥᬸᬯᬸᬯᬸᬲᬾᬳᬮᬸᬲ᭄᭞ᬥᬸᬄᬳᬭᬶᬦᬶᬗ᭄ᬲᬸᬦ᭄ᬫᬗ᭄ᬓᬾ᭞ᬳᬫᬾᬢᬶᬦᬶᬗ᭄ᬲᬸᬦ᭄ᬤᬾᬦᬕ᭄ᬮᬶᬲ᭄᭞ᬰ᭄ᬭᬶᬦᬭᬶᬭᬵᬚᬲᬸᬗ᭄ᬲᬸᬢ᭄᭞ᬳᬦᬯᬾᬄᬧᬢᬶᬲᬋᬗᬸᬢ᭄᭞ᬰ᭄ᬭᬷᬥᬃᬫ᭄ᬫᬵᬢ᭄ᬫᬚᬳᬶᬦᬯᬾᬄ᭞ᬭᬤᬾᬦᬃᬬ᭄ᬬᬪᬷᬫᬦᬓᬸᬮ᭞ᬲ [ 3 ][᭒ 2B]
᭒᭟
ᬳᬤᬾᬯᬅᬃᬚ᭄ᬚᬸᬦᬗᬬᭀ᭞ᬢᬦ᭄ᬯ᭄ᬭᬶᬗᬶᬢᬶᬩᬾᬂᬮᬭ᭟᭜᭟ᬋᬗᭃᬓ᭄ᬦᬲᬫ᭄ᬩᬢᬶᬭᬾᬗ᭄ᬲᬸᬦ᭄᭞ᬲᬤᬸᬳᬸᬭᬶᬂᬭᬵᬢ᭄ᬓᬩᬾᬄ᭞ᬯᬷᬭᬓ᭄ᬭᬫᬢᬶᬢᬶᬪᬓ᭄ᬢᬶ᭞ᬳᬾᬮᬶᬂᬭᬶᬂᬩᬧᬳᬶᬩᬸ᭞ᬤᬸᬓ᭄ᬤᬸᬤᬸᬲᬶᬥᭂᬧ᭄ᬭᬳᬬᬸ᭞ᬢᬦ᭄ᬯ᭄ᬭᬸᬄ
ᬧᬦᬗ᭄ᬓᬦ᭄ᬮᬭᬦᬾ᭞ᬪᬝᬭᬬᬫᬳᬫᬸᬯᬸᬲ᭄᭞ᬳᬶᬄᬓᬶᬢᬳᬕᬸᬂᬳᬗᬯᬕ᭄᭞ᬲᬧᭀᬮᬄᬓᬶᬢᬳᬗᬯᬕ᭄᭟᭜᭟ᬬᬾᬦ᭄ᬓᬶᬢᬳᬋᬧ᭄ᬦᭂᬫᬸᬭᬳᬬᬸ᭞ᬧᬾᬢᭂᬦ᭄ᬓᬂᬭᬩᬶᬦᬾ᭞ᬫ᭄ᬯᬂᬳᬦᬓ᭄ᬢᬮᬶᬫᬂᬲᬶᬓᬶ᭞
ᬳᬰ᭄ᬭᬸᬄᬮᬭᬦᬶᬭᬾᬲᬸᬦ᭄᭞ᬩᬶᬮᬶᬲᬶᬩᬓᬶᬢᬭᬳᬬᬸ᭞ᬲᬢᬳᬸᬦ᭄ᬯᬶᬚᬶᬦ᭄ᬓᬩᬾᬄ᭞ᬳᬧᬦᬶᬂᬓ᭄ᬭᬫᬳᬦᬶᬧᬸᬦ᭄᭞ᬲᬮ᭄ᬯᬶᬭᬶᬂᬭᭀᬕᬧᬢᬓ᭞ᬍᬩᬸᬭᬾᬂᬢᬦᬧᬭᬶᬓ᭄ᬭᬫ᭟᭜᭟ᬳᬧᬦ᭄ᬓᬶᬢᬢᬦ᭄ᬯ᭄ᬭᬸᬄᬭᬶᬂᬧ
ᬮᬸᬗ᭄ᬕᬸᬄ᭞ᬫ᭄ᬯᬂᬲᬶᬗ᭄ᬳᬲᬵᬦᬦᬾ᭞ᬳᬧᬦ᭄ᬓᬶᬦᬸᬩᬸᬦ᭄ᬓᬧ᭄ᬢᬶ᭞ᬫᬃᬫ᭄ᬫᬓ᭄ᬯᬾᬳᬦ᭄ᬮᬫ᭄ᬧᬸᬲ᭄᭞ᬳᭂᬦ᭄ᬢᬶ᭠ᬩ᭄ᬭᬦ᭄ᬢᬳᬕᬸᬗᬸᬬᬸᬂ᭞ᬓᬸᬭᬂᬓᬢᬯᬩᬸᬤ᭄ᬟᬶᬦᬾ᭞ᬢᬦ᭄ᬯᬶᬓᬦᬶᬂᬳᬮᬳᬬᬸ᭞ᬭᬶᬂᬯᬤ᭄ᬯᬭᬶᬂᬯᬦ᭄ᬯᬢᬦ᭄ᬧᬳᬸ
[᭓ 3A]
ᬧᬫ᭞ᬳᭀᬜ᭄ᬚᬄᬢᬶᬦᬸᬃᬬᬧ᭄ᬭᬧᬜ᭄ᬘ᭟᭜᭟ᬓᬸᬭᬂᬯᬶᬯᬾᬦᬶᬦᬶᬸᬂᬲ᭄ᬓᬭᬾᬂᬳᬬᬸᬦ᭄᭞ᬭᬶᬂᬪᭀᬕᬲᬤᬦ᭞ᬢᬦ᭄ᬓᬸᬭᬂᬯᬶᬪᬸᬄᬪᬶᬦᬸᬓ᭄ᬢᬶ᭞ᬭᬜ᭄ᬘᬓ᭄ᬢᬸᬢᬸᬃᬓᬳᬶᬢᬸᬂ᭞ᬬᬳᬢᬹᬢ᭄ᬭᬲᬢᬦᬢᬹᬢ᭄
᭞ᬲᬶᬦᬶᬤᭂᬧ᭄ᬓᬯᬾᬤᬶᬤᬾᬯᬾᬓ᭄᭞ᬓᬘᬸᬳᬦᬶᬂᬯᭀᬂᬳᬦᭂᬫᬸ᭞ᬧᬸᬧᬸᬮ᭄ᬫᬦᬾᬓᬯᬶᬭᬗᬦ᭄᭞ᬲᬥᬸᬩᭂᬦᭂᬃᬫᬭᬶᬂᬳᬯᬓ᭄᭟᭜᭟ᬢᬦ᭄ᬧᬢᬺᬧ᭄ᬭᬲᬦᬶᬂᬭᬢᬸᬧᬸᬗ᭄ᬕᬸᬂ᭞ᬢᬦ᭄ᬲᬶᬤ᭄ᬟᬓᬬᬦᬾ᭞
ᬓᬲᬸᬭᬸᬳᬦ᭄ᬮᬭᬓᬶᬂᬓᬶᬂ᭞ᬧᭂᬦ᭄ᬤᬄᬳᬸᬤᬸᬦᬸᬭᬸᬦ᭄᭞ᬢᬦ᭄ᬓᬯᬱ᭄ᬝᬶᬢᬾᬭᬶᬂᬗᭂᬫ᭄ᬧᬸ᭞ᬧᬶᬦᬭᬂᬧᬭᬂᬩᬸᬤ᭄ᬟᬶᬦᬾ᭞ᬯᬶᬓᬦ᭄ᬓᬦᬶᬲᬭᬾᬂᬳᬬᬸᬦ᭄᭞ᬧᬸᬧᬸᬢ᭄ᬦᬶᬂᬓᬺᬢᬉᬧᬬ᭞ᬰ᭄ᬭᬗ᭄ᬕᬮᬸᬦᬸᬕ᭄ᬭᬳᬦᬶᬂᬳ᭄ᬬᬂ᭟
᭐᭟ᬦᬮᬶᬂᬪᬝᬭᬬᬫᬫᬸᬯᬸᬲ᭄᭞ᬓᬧᬶᬋᬗᭃᬦ᭄ᬢ᭄ᬯᬲᬾ᭞ᬦ᭄ᬤᬢᬦ᭄ᬓᬯᬃᬡ᭄ᬦᬳᬢᬾᬓᬶ᭞ᬰ᭄ᬭᬷᬓᬸᬦ᭄ᬢᬶᬭᬵᬚᬫᬸᬯᬸᬲ᭄᭞ᬲᬶᬦᬾᬪᬲᬓ᭄ᬯᬾᬳᬶᬂᬲᬸᬦᬸ᭞ᬭᬶᬂᬫᬥ᭄ᬬᬧᬤᬧᬺᬡᬳᬾ᭞ᬭᬶᬂᬇᬦ᭄ᬤ᭄ᬭᬧ᭄ᬭ [ 4 ][᭓ 3B]
᭓᭟
ᬱ᭄ᬝᬵᬭᬦᬶᬧᬸᬦ᭄᭞ᬧᭂᬧᭂᬓ᭄ᬓᬂᬧᬭᬭᬵᬚᬧᬸᬢ᭄ᬭ᭞ᬲᬶᬦᬾᬪᬳᭂᬩ᭄ᬦᬶᬂᬅᬗ᭄ᬰᭀᬓ᭟᭜᭟ᬰ᭄ᬭᬷᬥᬃᬫ᭄ᬫᬯᬗ᭄ᬰᬦᬸᬮ᭄ᬬᬢᬦ᭄ᬓᬦ᭄ᬢᬸᬦ᭄᭞ᬭᬤᬾᬦ᭄ᬪᬷᬫᬋᬓᬾ᭞ᬦᬭᬃᬬ᭄ᬬᬅᬃᬚ᭄ᬚᬸᬦᬢᬾᬓᬶ᭞ᬦᬓᬸᬮᬲᬤᬾᬯᬳ
ᬦᬹᬢ᭄᭞ᬰ᭄ᬭᬷᬤᬾᬯᬷᬓᬸᬦ᭄ᬢᬷᬮᬶᬂᬦ᭄ᬬᬵᬮᬸᬲ᭄᭞ᬩᬧᬥᬃᬫ᭄ᬫᬵᬫᬺᬢᬫᬗ᭄ᬓᬾ᭞ᬳᬶᬗ᭄ᬲᬸᬦ᭄ᬳᬗ᭄ᬭᬸᬗ᭄ᬯᬯᬸᬯᬸᬲ᭄᭞ᬰᬩ᭄ᬤᬲᬓᬾᬂᬳᬯᬂᬳᬯᬂ᭞ᬢᬦ᭄ᬓᬧᬺᬘᬬᬭᬶᬂᬭᬵᬕ᭟᭜᭟ᬫᬗ᭄ᬓᬾᬪᬝᬭᬧᬡ᭄ᬥᬸᬳᬳᬸᬬᬸᬂ᭞
ᬫᬦᭂᬫᬸᬮᬭᬦᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬓᬮᬶᬄᬤᬾᬯᬷᬫᬤ᭄ᬭᬷᬳᬦᬹᬢ᭄᭞ᬪᬝᬭᬬᬫᬫᬶᬤᬸᬤᬸ᭞ᬢᬶᬦᬶᬩᬫ᭄ᬧᬶᬂᬚᬫ᭄ᬩᬗᬦ᭄᭞ᬋᬩᬫᬯᬓᬶᬦᬸᬭᬸᬧᬸᬢ᭄᭞ᬅᬢ᭄ᬫᬧᬢᬶᬲᬲᬫ᭄ᬩᬢ᭄᭞
ᬦᬮᬦᬶᬗ᭄ᬲᬸᬦ᭄ᬗ᭄ᬭᬲᬋᬗ᭄ᬯ᭟᭜᭟ᬦᬮᬶᬂᬰ᭄ᬭᬷᬓᬸᬦ᭄ᬢᬶᬳᬲᬯᬸᬃᬫᬦᬸᬓ᭄᭞ᬲᬂᬧᬡ᭄ᬟᬯᬓᬩᬾᬄ᭞ᬧᬥᬲᭂᬫᬸᬲᭂᬫᬸᬢᬗᬶᬲ᭄᭞ᬥᬸᬄᬧᬭᬦ᭄ᬧᭀᬮᬄᬳᬶᬗ᭄ᬲᬸᬦ᭄᭞ᬢᬫ᭄ᬭᬶᬂᬭᬶᬲᬓᬃᬬ᭄ᬬᬧᬸᬓᬸ
[᭔ 4A]
ᬮᬸᬦ᭄᭞ᬰ᭄ᬭᬷᬓᬦ᭄ᬢᬷᬳᬮᭀᬦᬸᬚᬭᬾ᭞ᬫᬗ᭄ᬓᬾᬓᬳᬋᬧᬦᬶᬗ᭄ᬲᬸᬦ᭄᭞ᬳᬗᬸᬮᬢᬫᬭᬶᬂᬓᬯᬄ᭞ᬲᬧᬯᭂᬦᬂᬉᬫᬗ᭄ᬓᬢ᭟᭜᭟ᬓᬋᬧ᭄ᬳᬶᬗ᭄ᬲᬸᬦ᭄ᬲᬶᬭᬓᭀᬦᬗ᭄ᬭᬸᬭᬸᬄ᭞ᬭᬶᬂᬬᬫᬦᬶᬮᭀ
ᬓ᭞ᬰ᭄ᬭᬶᬥᬃᬫ᭄ᬫᬯᬗ᭄ᬰᬢᬦᬧ᭄ᬢᬶ᭞ᬮᬶᬗᬾᬳᬲᭂᬫᬸᬳᬮᬸᬲ᭄᭞ᬢ᭄ᬭᬸᬄᬫᬭᬶᬂᬓᬮᬦᬶᬗ᭄ᬲᬸᬦ᭄᭞ᬢᬦᬗ᭄ᬕᬫᬗ᭄ᬓᬢᬫᬗ᭄ᬓᬾ᭞ᬭᬤᬾᬦᬃᬬ᭄ᬬᬅᬃᬚ᭄ᬚᬸᬦᬫᬸᬢᬸᬲ᭄᭞ᬫᬢᬸᬃᬭᬶᬂᬳ᭄ᬬᬂᬦᬭᬶᬭᬵᬚ᭞ᬢᬦ᭄ᬯ᭄ᬭᬸᬄ
ᬳᬶᬗ᭄ᬲᬸᬦ᭄ᬫᬭᬶᬂᬳᬯᬦ᭄᭟᭜᭟ᬭᬤᬾᬦᬃᬬ᭄ᬬᬅᬃᬚ᭄ᬚᬸᬦᬫᬵᬢᬸᬃ᭞ᬧᬝᬶᬓ᭄ᬧᬭᬫᬾᬰ᭄ᬯᬭ᭞ᬢᬦ᭄ᬭᬸᬄᬧᬭᬦᬶᬂᬳ᭄ᬬᬂᬫᬫᬶ᭞ᬰ᭄ᬭᬷᬓᬸᬦ᭄ᬢᬶᬭᬵᬚᬫᬸᬯᬸᬲ᭄᭞ᬲᬧᬯᭂᬦᬂᬮᬸᬗ᭄ᬳᬗᬭᬸᬭᬸᬄ᭞ᬅᬢ᭄ᬫᬦᬶᬂᬳ᭄ᬬᬂ
ᬧᬡ᭄ᬥᬸᬋᬓᬾ᭞ᬭᬤᬾᬦᬃᬬ᭄ᬬᬪᬷᬫᬫᬸᬯᬸᬲ᭄᭞ᬦ᭄ᬤᬄᬳᬓᬸᬫᬗ᭄ᬓᬢᬫᬗ᭄ᬓᬾ᭞ᬳᬓᬸᬯ᭄ᬭᬸᬄᬫᬭᬶᬂᬤᬮᬦ᭄᭟᭜᭟ᬳᬸᬦᬶᬤᬸᬓ᭄ᬳᬓᬸᬢᬸᬫ᭄ᬭᬧᬾᬂᬕᬸᬦᬸᬂ᭞ᬭᬶᬂᬕᬶᬭᬶᬯᬦᬭᬦᬾ᭞ᬫᬸᬗ᭄ᬕᬸᬄᬳᬭ [ 5 ][᭔ 4B]
᭔᭟
ᬦᬾᬫᬭᬶᬂ᭞ᬳᬸᬳᬸᬦᬦ᭄ᬓᬫᬶᬤᬾᬯᬷᬓᬸᬦ᭄ᬢᬷᬢᬸᬫᬸᬭᬸᬦ᭄᭞ᬳᬸᬫᬸᬗ᭄ᬕᬸᬄᬳᬗᬦ᭄ᬢᬸᬦᬦ᭄ᬢᬸᬦ᭄᭞ᬪᬝᬭᬷᬓᬸᬦ᭄ᬢᬷᬯᬸᬯᬸᬲᬾ᭞ᬢᬩᬾᬢᬩᬾᬢᬳ᭄ᬬᬂᬩᬬᬸ᭞ᬳᬸᬫᬸᬗ᭄ᬕᬸᬳᬭᬶᬂᬩᬳᬸᬩᬸᬦᬦ᭄᭞ᬢᬦ᭄ᬓᭂᬦᬾᬂᬭᬵᬚ
ᬧᬦᬸᬮᬄ᭟᭜᭟ᬰ᭄ᬭᬷᬥᬃᬫ᭄ᬫᬲᬸᬢᬫᬸᬗ᭄ᬕᬸᬄᬢᬦᬰ᭄ᬭᬸ᭞ᬭᬶᬂᬦᬾᬢ᭄ᬭᬧ᭄ᬭᬡᬳᬾ᭞ᬢᬩᬾᬦᬶᬳ᭄ᬬᬂᬩᬬᬸᬫᬫᬶ᭞ᬭᬤᬾᬦᬃᬚ᭄ᬚᬸᬦᬳᬸᬫᬸᬗ᭄ᬕᬸᬄ᭞ᬭᬶᬗᬗᭂᬦᬗᭂᬦ᭄ᬧᬸᬦᬶᬓᬸ᭞ᬦᬓᬸᬮᬲᬤᬾᬯᬋᬓᬾ᭞
ᬭᬶᬢᭂᬗᭂᬦ᭄ᬓᬶᬯᬓᬂᬧᬸᬧᬸ᭞ᬲᬫᬢᬲᬸᬂᬳᬦᬸᬕ᭄ᬭᬳ᭞ᬢᬩᬾᬳᬶᬗ᭄ᬲᬸᬦ᭄ᬩᬬ᭄ᬯᬢ᭄ᬫᬚ᭟᭜᭟ᬧ᭄ᬭᬲᬶᬤ᭄ᬟᬫᬗ᭄ᬓᬾᬲᬵᬫ᭄ᬧᬸᬦ᭄ᬲᬶᬦᬸᬲᬸᬧ᭄᭞ᬭᬶᬂᬧᬕᬸᬂᬓᬂᬭᬵᬕᬦᬾ᭞ᬜᬭᬫᬭᬳᬫ᭄ᬩᭂᬓ᭄ᬮᭂᬯᬶᬄ᭞ᬢᬦ᭄ᬲᬄ
ᬲᬶᬭᬫᬮᬘᬸᬢ᭄᭞ᬳᬫᬃᬕ᭄ᬕᬧᬸᬘᬸᬓᬶᬂᬢᬭᬸ᭞ᬢᬢᬦ᭄ᬧᬦᭀᬮᬶᬄᬮᬓᬸᬦᬾ᭞ᬢᬦ᭄ᬲᬄᬘᬭᬓᬳᬤᬸᬮᬸᬃ᭞ᬳᬗᬤ᭄ᬭᬤᬤ᭄ᬭᬲᬓᭂᬤᬧ᭄᭞ᬳᭂᬤᬧ᭄ᬕᬦ᭄ᬢᬶᬧᬦᬸᬭᬾᬓ᭄ᬱ᭟᭜᭟
[᭕ 5A]
ᬭᬤᬾᬦᬃᬬ᭄ᬬᬮᬶᬸᬂᬦ᭄ᬬᬶᬂᬪᬷᬫᬮᬶᬂᬦ᭄ᬬᬫᬸᬯᬸᬲ᭄᭞ᬢᬦᬰ᭄ᬭᬸᬤᬮᬦ᭄ᬫᬗ᭄ᬓᬾ᭞ᬲᬂᬅᬃᬚ᭄ᬚᬸᬦᬳᬦᬯᬸᬭᬶᬦ᭄᭞ᬗᬹᬦᬷᬤᬸᬓ᭄ᬫᬫᬶᬭᬶᬂᬕᬸᬦᬸᬂ᭞ᬳᬧᬢᬧᬾᬂᬇᬦ᭄ᬤ᭄ᬭᬓᬶᬮᬳᬶᬓᬸ᭞ᬮᬸᬗ᭄ᬳᬫᬭᬶᬂᬋᬓᬾᬫᬗ᭄ᬓᬾ᭞ᬢ
ᬦ᭄ᬧᬳᬾᬮᬶᬂᬳᬶᬲᬸᬦ᭄᭞ᬳᬧᭀᬦ᭄ᬗᬸᬦᬶᬢᬦ᭄ᬧᬫᬢ᭄ᬭ᭞ᬰ᭄ᬭᬷᬥᬃᬫ᭄ᬫᬢᬗ᭄ᬰᬯᬶᬫᭀᬚᬃ᭟᭜᭟ᬗᬹᬦᬷᬳᬶᬗ᭄ᬲᬸᬦ᭄ᬤᬢᭂᬗᬭᬶᬂᬕᬸᬦᬸᬂ᭞ᬭᬶᬂᬕᬶᬭᬓᬸᬲᬸᬫ᭞ᬮᬸᬗ᭄ᬳᬫᬭᬶᬂᬲ᭄ᬯᬃᬕ᭄ᬕᬫᬫᬶ᭞ᬫᬗ᭄ᬓᬾᬢᬦ᭄ᬯ᭄ᬭᬸᬳᬶᬂᬭᬶᬗ᭄ᬲᬸᬦ᭄
᭞ᬭᬳᬤᬾᬦ᭄ᬪᬷᬫᬳᬫᬸᬯᬸᬲ᭄᭞ᬳᬓᬸᬉᬫᬗ᭄ᬓᬢᬫᬗ᭄ᬓᬾ᭞ᬳᬗ᭄ᬳᬶᬂᬲᬶᬭᬲᬫᬳᬦᬹᬢ᭄᭞ᬫ᭄ᬯᬂᬳᬶᬩᬸᬂᬓᬸᬦᬭᬶᬭᬵᬚ᭞ᬧᬋᬂᬲᬶᬬᬓ᭄ᬱᬮᬸᬗ᭄ᬳ᭟᭜᭟ᬰ᭄ᬭᬷᬓᬸᬦ᭄ᬢᬷᬫᬗ᭄ᬓᬾᬯᬸᬯᬸᬲᬾᬳᬮᬸᬲ᭄᭞ᬫᬶᬯᬄ
ᬢᬲᬵᬦᬓᬾ᭞ᬲᬯᬸᬃᬧᬓ᭄ᬱᬶᬳᬦᬯᬸᬭᬶᬦ᭄᭞ᬧ᭄ᬭᬲᬫᬓ᭄ᬦᬦᬸᬳᬸᬦ᭄᭞ᬭᬤᬾᬦ᭄ᬪᬷᬫᬳᬫᬸᬯᬸᬲ᭄᭞ᬲ᭄ᬯᬕᬢᬋᬓᬾᬉᬚᬭᬾ᭞ᬫᬗ᭄ᬓᬾᬲ᭄ᬬᬓᬸᬳᬗ᭄ᬭᬸᬭᬸᬄ᭞ᬓᬳᭂᬗ᭄ᬕᭀᬦᬾᬩᬧ᭞ᬦᬤ᭄ᬬᬦᬶᬂᬢ [ 6 ][᭕ 5B]
᭕᭟
ᬫ᭄ᬩ᭄ᬭᬕᭀᬫᬸᬓ᭟᭜᭟ᬤᬾᬯᬷᬓᬸᬦ᭄ᬢᬶᬫᬾᬭᬾᬦᬾᬤᬾᬦᬰ᭄ᬭᬸ᭞ᬮᬸᬫᬫ᭄ᬧᬄᬤᬺᬲ᭄ᬓᭀᬗ᭄ᬓᬸᬮᬦ᭄᭞ᬫᬫᬥ᭄ᬬᬧᬤᬲ᭄ᬯᬃᬕ᭄ᬕᬫᬫᬶ᭞ᬧ᭄ᬭᬲᬫᬓ᭄ᬦᬦᬸᬳᬸᬦ᭄᭞ᬭᬤᬾᬦ᭄ᬪᬷᬫᬳᬫᬸᬯᬸᬲ᭄᭞ᬲ᭄ᬯᬕᬢᬋᬓᬾᬉᬚ
ᬭᬾ᭞ᬫᬗ᭄ᬓᬾᬲ᭄ᬬᬓᬸᬳᬗ᭄ᬭᬸᬭᬸᬄ᭞ᬓᬳᭂᬗ᭄ᬕᭀᬦᬾᬩᬧᬳᬶᬓ᭞ᬦᬤ᭄ᬬᬦᬶᬂᬢᬫ᭄ᬩ᭄ᬭᬕᭀᬫᬸᬓ᭟᭜᭟ᬧᬸᬧᬸᬄᬧᬸᬘᬸᬂ᭟᭜᭟ᬍᬧᬲ᭄ᬫᬗ᭄ᬓᬾ᭞ᬮᬫ᭄ᬧᬳᬶᬭᬢᬦᬲᬦ᭄ᬢᬸᬦ᭄᭞ᬓᭀᬗ᭄ᬓᬸᬮᬦ᭄ᬦᬵᬕᬭ᭞ᬧ᭄ᬭᬧ᭄ᬢᬾᬂᬳᬯᬸᬦᬯᬸ
ᬦᭂᬮᬶᬲ᭄᭞ᬕᭂᬢᬸᬕᭂᬢᬸ᭞ᬳᬗᬸᬫ᭄ᬩᬂᬫᬭᬶᬂᬳᬫ᭄ᬩᬭ᭟᭜᭟ᬳᬓ᭄ᬯᬾᬄᬳᭂᬦᬸ᭞ᬓᬧᬸᬗ᭄ᬓᬸᬃᬢᬦᬦᬓᬾᬢᬸᬂ᭞ᬧ᭄ᬭᬧ᭄ᬢᬾᬂᬘᬢᬸᬃᬧᬢ᭞ᬳᬭᬭ᭄ᬬᬦ᭄ᬲᬶᬭᬓᬳᬶᬭᬶᬤ᭄᭞ᬫᬃᬕ᭄ᬕᬘᬢᬸᬃ᭞ᬳᬧᬦ᭄ᬢᬦ᭄ᬭᬸᬳᬶᬮᬸᬫ
ᬫ᭄ᬧᬄ᭟᭜᭟ᬢᬦ᭄ᬲᬄᬫᬍᬘᬸᬢ᭄᭞ᬭᬳᬤᬾᬦ᭄ᬪᬷᬫᬳᬦ᭄ᬤᬭᬸᬂ᭞ᬗᬮᭀᬃᬮᬸᬫᬫ᭄ᬧᬄ᭞ᬫᬾᬄᬧ᭄ᬭᬧ᭄ᬢᬫᬭᬶᬂᬯᬯᬤᬶᬂ᭞ᬤᬦ᭄ᬓᬳᬶᬢᬸᬂ᭞ᬧ᭄ᬭᬧ᭄ᬢᬾᬢᭂᬕᬮ᭄ᬧᬦᬗ᭄ᬲᬭᬦ᭄᭟᭜᭟
[᭖ 6A]
ᬭᬳᬤᬾᬦ᭄ᬪᬷᬫ᭞ᬫᬶᬤᭂᬃᬮᬫ᭄ᬧᬳᬾᬳᬲᭂᬫᬸᬳᬰ᭄ᬭᬸ᭞ᬳᬗᬮᭀᬃᬳᬗᬾᬢᬦ᭄᭞ᬳᬗᬸᬮᭀᬦᬗᬶᬤᬸᬮ᭄ᬢᬾᬓᬶ᭞ᬳᬗ᭄ᬭᬸᬗᬸ᭞ᬢᬗᬶᬲ᭄‌ᬦ᭄ᬤᬷᬓᬵᬦᬾᬂᬦᬵᬫ᭟᭜᭟ᬧᬸᬧᬸᬄᬅᬤ᭄ᬭᬷ᭟᭜᭟
ᬢᬦ᭄ᬓᬯᬃᬡ᭄ᬦᬲᬂᬪᬷᬫᬳᬗ᭄ᬮᬸᬭᬸᬄ᭞ᬓᬯᬸᬯᬸᬲ᭄ᬫᬗ᭄ᬓᬾ᭞ᬲᬂᬚᭀᬕᭀᬃᬫᬡᬶᬓ᭄ᬢᬶᬦᬗ᭄ᬓᬶᬮ᭄᭞ᬧᭂᬧᭂᬓ᭄ᬓᬤᬂᬓᬲᬸᬫ᭄ᬩᬸᬂ᭞ᬯᬷᬭᬲᬸᬭᬵᬢ᭄ᬫᬢᬦ᭄ᬓᬦ᭄ᬢᬸᬦ᭄᭞ᬖᭀᬭᬯᬶᬓ᭄ᬭᬫᬯᬶᬗ᭄ᬓᬶᬗᬾ᭞ᬩᬮᬉᬢ᭄ᬧᬢᬢᬦ᭄ᬓ
ᬦ᭄ᬢᬸᬦ᭄᭞ᬧᬺᬲᬫᬧᬺᬲᬫᬮᬦᬂ᭞ᬫᬸᬓᬦ᭄ᬬᬳᬫᬗᬧ᭄ᬫᬗᬧ᭄᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬯᬸᬯᬸᬲᬾᬳᬰ᭄ᬭᬸ᭞ᬥᬸᬄᬬᬬᬶᬲᬸᬭᬵᬢ᭄ᬫ᭞ᬧᬸᬦᬧᬤᬾᬭᬗ᭄ᬭᬲᬦᬶ᭞ᬲᭂᬓ᭄ᬱᭂᬓᬺᬤᬬᬦᬶᬗ᭄ᬲᬸᬦ᭄᭞ᬢᬦ᭄ᬲᬶᬧᬶ
ᬳᬓ᭄ᬯᬾᬄᬅᬢ᭄ᬫᬭᬯᬸᬄ᭞ᬢᬦ᭄ᬧᬳᬫ᭄ᬧᬢ᭄ᬧ᭄ᬭᬧ᭄ᬢᬦᬾ᭞ᬭᭀᬗᬢᬸᬲ᭄ᬯᭀᬮᬸᬭᭀᬂᬗᬾᬬᬸ᭞ᬤᭂᬤᭂᬢ᭄ᬫᬭᬶᬂᬧᬦᬗ᭄ᬲᬸᬭᬦ᭄᭞ᬳᬋᬯᬶᬗᭀᬂᬳᬫᬶᬦᬦ᭄ᬟ᭟᭜᭟ᬖᭀᬭᬯᬶᬓ᭄ᬭᬫᬫᬢᬸᬭᬲᭂᬫᬸ᭞ᬫ᭄ᬯᬂᬩᬮ [ 7 ][᭖ 6B]
᭖᭟
ᬉᬢ᭄ᬧᬢᬶ᭞ᬯᬸᬯᬸᬲ᭄ᬧ᭄ᬭᬓᬰᬳᬗ᭄ᬭᬶᬓ᭄᭞ᬧᬸᬓᬸᬮᬸᬦ᭄ᬤᬾᬯᬧ᭄ᬭᬪᬸ᭞ᬲᬢᬸᬭᬦ᭄ᬧᬝᬶᬓ᭄ᬧᬸᬓᬸᬮᬸᬦ᭄᭞ᬫᬗ᭄ᬓᬾᬧᬶᬦᬶᬤᬸᬤᬸᬋᬓᬾ᭞ᬢᬶᬦᬶᬩᬭᬶᬂᬓᬯᬄᬳᬕᬸᬂ᭞ᬲᬶᬦᭂᬫ᭄ᬧᬮ᭄ᬲᭂᬫ᭄ᬧᬮ᭄ᬓᬸᬚᬗ᭄ᬕ᭞ᬢᬶᬦᬶᬩᬫᬭᬶᬂᬕᭀᬫᬸ
ᬓ᭟᭜᭟ᬧᬢᭂᬄᬳᬢᬸᬭᬾᬫᬧᬢᬶᬄᬳᬕᬸᬂ᭞ᬲᬸᬭᬵᬢ᭄ᬫᬉᬚᬭᬾ᭞ᬓᬋᬧᬶᬗᬾᬂᬳᬗ᭄ᬭᬦ᭄ᬢᬶ᭞ᬲ᭄ᬯᬦ᭄ᬢᬢᬶᬩᬾᬂᬲᬸᬲᬸᬤᬸᬓ᭄᭞ᬩᬚ᭄ᬭᬢᬶᬓ᭄ᬱ᭄ᬡᬓᬯᬶᬓᬸ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬫᭂᬦᬾᬘᬭᬓᬦ᭄ᬳᬶᬗ᭄ᬲᬸ
ᬦ᭄᭞ᬳᬲ᭄ᬭᬂᬓᬶᬢᬫᬭᬶᬂᬳᬮᬲ᭄᭞ᬳᬢᬕᭂᬦ᭄ᬯᬢᭂᬓ᭄ᬭᬓ᭄ᬱᬲ᭟᭜᭟ᬲᬂᬯᬢᭂᬓ᭄ᬘᬶᬓ᭄ᬭᬩᬮᬓᭀᬦ᭄ᬫᭂᬢᬸ᭞ᬫᬶᬤᬦ᭄ᬟᬅᬢ᭄ᬫᬦᬾ᭞ᬘᬭᬓᬳᬢᬸᬯᭀᬢ᭄ᬲᬭᬶ᭞ᬮᬸᬗ᭄ᬳᬳᬲᭂᬫᬸᬳᬲ᭄ᬭᬶᬰ᭄ᬭᬸ᭞ᬧ᭄ᬭᬧ᭄ᬢᬫᬭᬶᬂᬳᬮ
ᬲᬕᬸᬂ᭞ᬰᬹᬦ᭄ᬬᬫᬭᬶᬂᬓᬬᬗᬦᬾ᭞ᬧ᭄ᬭᬲᬫᬮᬸᬗ᭄ᬳᬫᬸᬫᬸᬦᬸᬄ᭞ᬓᭂᬩᭀᬲᬫ᭄ᬧᬶᬫᬢᬶᬓᬳᬜᬂ᭞ᬬᬤ᭄ᬬᬯᭀᬂᬢᬫᬸᬧᬶᬦᬗᬦ᭄᭟᭜᭟ᬳᬸᬢᬸᬲᬦᬸᬫᬸᬗ᭄ᬕᬸᬄᬫᬭᬶᬂᬮᬸᬳᬸᬃ᭞ᬭᬶᬂᬯᬭᬶᬗᬶᬦᬺᬓᬾ᭞ᬳᬦᭂᬫ᭄ᬩᬂ
[᭗ 7A]
ᬢᭂᬗᭂᬭᬕᬶᬧᬶᬄ᭞ᬫᬸᬦᬶᬧᬢᬶᬲᬧᬶᬭᬶᬬᬸᬂ᭞ᬲᬂᬘᬶᬓ᭄ᬭᬩᬮᬳᬗ᭄ᬭᬸᬗᬸ᭞ᬕᬾᬕᬾᬃᬧ᭄ᬭᬲᬫᬲᬵᬦᬓᬾ᭞ᬳᬗᬸᬘᬧ᭄ᬭᬶᬂᬳᭂᬦᬸ᭞ᬲᬧᬳᬧᬳᬦᭂᬫ᭄ᬩᬂᬢᭂᬗᭂᬭ᭞ᬳᬗᬸᬘᬧ᭄ᬲᬫᬢᬦ᭄ᬯ᭄ᬭᬸᬳ᭟᭜᭟ᬕ
ᬜ᭄ᬚᬂᬲᬂᬘᬶᬓ᭄ᬭᬩᬮᬳᬗᬸᬯᬸᬄ᭞ᬧᬋᬂᬮᬦ᭄ᬲᬵᬦᬓᬾ᭞ᬳᬗᬭᬓ᭄ᬲᬫᬳᬗ᭄ᬭᬶᬓ᭄᭞ᬧ᭄ᬭᬲᬫᬓᬧᬮᬬᬸ᭞ᬧ᭄ᬭᬧ᭄ᬢᬶᬯᬾᬰ᭄ᬫᬵᬕ᭄ᬭᬲᬫᬸᬦ᭄᭞ᬧ᭄ᬭᬧ᭄ᬢᬳᬩᬩᭂᬍᬓ᭄ᬫᬗ᭄ᬓᬾ᭞ᬲᬫᬳᬗᬸᬦ᭄ᬤᬂᬲᬲᬗᬸ᭞ᬉᬚᬭᬾᬲ
ᬧᬭᬶᬂᬳᬸᬫᬄ᭞ᬫᬶᬯᬄᬳᬗᬸᬦ᭄ᬤᬂᬢᬗᭂᬭ᭟᭜᭟ᬪᬹᬢᬅᬗ᭄ᬕᬭᬭᬾᬲᬯᬸᬭᬾᬳᬮᬸᬲ᭄᭞ᬳᬦᬫ᭄ᬩᬂᬢᭂᬗᭂᬭ᭞ᬧᬸᬦᬂᬳᬸᬢᬸᬲᬦ᭄ᬧᬸᬦᬶᬓᬶ᭞ᬳᬧᬦ᭄ᬤᬶᬓᬦ᭄ᬲᬧ᭄ᬭᬪᬸ᭞ᬳᬸᬢᬸᬲᬦᬰ᭄ᬭᬸᬲᬸᬫᬯᬸᬃ᭞ᬳᬶᬗᭀᬃᬢ
ᬗᬢᬕ᭄ᬢᬫᬗ᭄ᬓᬾ᭞ᬮᬸᬗ᭄ᬳᬓᬶᬢᬳᬫᬶᬤᬸᬤᬸ᭞ᬅᬢ᭄ᬫᬫᬭᬶᬂᬧᬦᬗ᭄ᬲᬭᬦ᭄᭞ᬳᬚᬓᬶᬢᬳᬾᬫᬦ᭄ᬤᬾᬫᬦ᭄᭟᭜᭟ᬲᬂᬘᬶᬓ᭄ᬭᬩᬮᬳᬸᬫᬗ᭄ᬓᬢᬰ᭄ᬭᬸ᭞ᬤᬸᬫᬶᬮᬄᬲᭀᬘᬦᬾ᭞ᬧᬢᬶᬓ᭄ᬭᬤᬧ᭄ᬳᬫᬸᬭᬶᬭᬓ᭄᭞ [ 8 ][᭗ 7B]
᭗᭟
ᬪᬹᬢᬢᬶᬢᬶᬲ᭄ᬪᬹᬢᬤᬸᬤᬸᬲ᭄᭞ᬪᬹᬢᬭᬾᬦ᭄ᬢᬾᬢ᭄ᬳᬕᬕᭂᬓ᭄ᬚᬭᬸᬂ᭞ᬫ᭄ᬯᬂᬪᬹᬢᬚᬭᬾᬂᬳᬭᬦᬾ᭞ᬪᬹᬢᬓᬤᭀᬫ᭄ᬧᭀᬮ᭄ᬢᬦ᭄ᬓᬦ᭄ᬢᬸᬦ᭄᭞ᬮᬯᬦ᭄ᬪᬹᬢᬧ᭄ᬭᬢᬫ᭞ᬫᬦ᭄ᬤᬶᬭᬵᬓ᭄ᬱᬪᬹᬢᬩᬵᬂ᭟᭜᭟ᬩᬸᬭᬾᬭᬾᬂᬪᬹᬢᬳ
ᬗ᭄ᬓᬸᬢ᭄ᬳᬗ᭄ᬓᬸᬢ᭄᭞ᬮᬦ᭄ᬪᬹᬢᬭᬾᬭᬾᬕᬵᬓ᭄᭞ᬪᬹᬢᬫᭀᬂᬮᬦ᭄ᬪᬹᬢᬯᬶᬮᬶᬲ᭄᭞ᬤᬸᬗ᭄ᬕᬭᬭᬾᬳᬦᬹᬢ᭄᭞ᬪᬹᬢᬳᬶᬋᬂᬪᬹᬢᬫ᭄ᬭᬸᬗᬸᬢ᭄᭞ᬪᬹᬢᬲᬭᬂᬮᬦ᭄ᬕᬾᬕᬾᬩᬾᬮ᭄᭞ᬪᬹᬢᬲᬶᬯᬸᬢ᭄ᬳᬦ᭄ᬤᬭᬸᬂ᭞ᬩᬦᬲ᭄ᬧᬢᬶᬕᬕᬓ᭄ᬲᭀᬦ᭞ᬳ
ᬜ᭄ᬚᬳᬜ᭄ᬚᬪᬹᬢᬭᬹᬕ᭟᭜᭟ᬪᬹᬢᬯᬶᬓᬮ᭄ᬧᬫ᭄ᬯᬚᬬᬳᬕᬸᬂ᭞ᬫ᭄ᬯᬂᬧᬓ᭄ᬱᬶᬭᬵᬚ᭞ᬦᬾᬪᬹᬢᬲᬶᬫ᭄ᬩᬃᬢᬦ᭄ᬓᬭᬶ᭞ᬪᬹᬢᬢᬭᬶᬓᬢᬦ᭄ᬓᬦ᭄ᬢᬸᬦ᭄᭞ᬪᬹᬢᬩᬾᬂᬩᬾᬂᬲ᭄ᬭᬗ᭄ᬕᬭᬸᬂ᭞ᬫ᭄ᬯᬂᬘᬾᬮᬾᬂᬲᬶᬤ᭄ᬟᬫᬮᬸᬗᬶ᭞ᬲᭂᬲᭂᬓ᭄ᬭᬶᬂᬳ᭠
ᬯᬦᬤᬸᬮᬸᬃ᭞ᬧᬥᬲᬸᬓᬯᬶᬚᬄᬯᬶᬚᬄ᭞ᬧ᭄ᬭᬧ᭄ᬢᬾᬂᬢᬕᬮ᭄ᬧᬦᬗ᭄ᬲᬭᬦ᭄᭟᭜᭟ᬤᬸᬓ᭄ᬢᭂᬓᬾᬂᬧᬦᬗ᭄ᬲᬭᬦᬗᬸᬤᬸᬄ᭞ᬳᬶᬗᭀᬦ᭄ᬳᬶᬗᭀᬦ᭄ᬓᬩᬾ᭞ᬅᬢ᭄ᬫᬦᬾᬳᬶᬩᭂᬓ᭄ᬫᬗᬶᬮᬶ᭞ᬧ᭄ᬭᬲᬫᬗ᭄ᬭᬲᬢᬓᬸᬢ᭄᭞
[᭘ 8A]
ᬳᬦᬗᬶᬲ᭄ᬳᬫᭂᬮᬲ᭄ᬳᬬᬸᬦ᭄᭞ᬳᬲᬫ᭄ᬩᬢ᭄ᬲᬫ᭄ᬩᬢ᭄ᬳᬶᬩᬸᬦᬾ᭞ᬢᬦ᭄ᬯ᭄ᬭᬸᬄᬳᬸᬗ᭄ᬕ᭄ᬯᬦᬶᬂᬳᬬᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬘᬶᬓ᭄ᬭᬩᬮ᭞ᬳᬗ᭄ᬭᬓᭀᬄᬅᬢ᭄ᬫᬢᭂᬓ᭟᭜᭟ᬩᬶᬦᬸᬭᬧᬭᬅᬢ᭄ᬫᬓᬧᬮᬬᬸ᭞ᬧᬶᬦᬸ᭠
ᬓᬸᬮ᭄ᬕᬶᬕᬶᬭᬾ᭞ᬳᬦᬳᬦᬯᬸᬢ᭄ᬳᬗᬫ᭄ᬩᬶᬢ᭄᭞ᬳᬦᬲᬺᬗᭂᬦ᭄ᬳᬗᬸᬢ᭄ᬕᬸᬢ᭄᭞ᬳᬦᬦᬶᬜ᭄ᬚᬓ᭄ᬳᬦᬜᭂᬓᬸᬓ᭄᭞ᬳᬦᬫᬫᬳᬶᬤ᭄ᬗᬭᬾᬤᬾᬕ᭄᭞ᬅᬢ᭄ᬫᬦᬾᬳᬜ᭄ᬚ᭄ᬭᬶᬢ᭄ᬫᬗᬤᬸᬄ᭞ᬭᬫᬾᬲ᭄ᬯᬭᬫᬳᬸᬭᬳᬦ᭄᭞ᬓ
ᬕᬸᬮᬸᬂᬕᬸᬮᬸᬂᬓᬚᭂᬗ᭄ᬓ᭟᭜᭟ᬲᬂᬘᬶᬓ᭄ᬭᬩᬮᬯᬸᬯᬸᬲᬾᬳᬰ᭄ᬭᬸ᭞ᬢᬦ᭄ᬤᬗᭂᬦ᭄ᬮᬭᬦᬾ᭞ᬳᬶᬥᭂᬧ᭄ᬕᬫ᭄ᬧᬂᬳᬫᬶᬭᬦ᭄ᬢᬶ᭞ᬤᬸᬤᬸᬕᬫ᭄ᬧᬂᬭᬳᬬᬸ᭞ᬳᬶᬗᭀᬂᬳᬫᬶᬤᬦ᭄ᬟᬓᬫᬸ᭞ᬢᬦᬸᬭᬸᬂᬢᬶᬦᬶᬗᬫᬗ᭄ᬓᬾ᭞᭠
ᬭᬶᬂᬬᬫᬦᬶᬮᭀᬓᬳᬶᬓᬸ᭞ᬳᬯᬓ᭄ᬢᬮᬕᬶᬩᬶᬦᬓ᭄ᬢ᭞ᬤᭀᬱᬦ᭄ᬓᬶᬢᬢ᭄ᬧ᭄ᬭᬘᬸᬭ᭟᭜᭟ᬬᬦ᭄ᬓᬶᬢᬳᬋᬧ᭄ᬦᭂᬫᬸᬭᬳᬬᬸ᭞ᬢᬸᬢᬸᬃᬳᬧᬂᬢᬾᬢᬶᬸᬄᬢᬄ᭞ᬅᬢ᭄ᬫᬦᬾᬦᬗᬶᬲ᭄ᬧᬚ᭄ᬭᬶᬢ᭄᭞ᬮᬾᬦ᭄ᬳ [ 9 ][᭘ 8B]
᭘᭟
ᬦᬳᬸᬮᬸᬦ᭄ᬳᬸᬮᬸᬦ᭄᭞ᬲᭂᬕᬶᬲᭂᬕᬶᬲᭂᬕᬸᬲᭂᬕᬸ᭞ᬫᬮᬶᬄᬳᬕᬭᬾᬂᬕᬭᬾᬂ᭞ᬳᬤᬳᬦᭂᬫᬄᬫᬫᬶᬲᬸᬄ᭞ᬢᬦ᭄ᬳᬾᬭᬂᬢᭂᬓᬾᬦᬶᬂᬮᬭ᭞ᬳᬦᬦᬗᬶᬲ᭄ᬳᬫᭂᬮᬲ᭄ᬳᬃᬱ᭟᭜᭟ᬩᬶᬦᬸᬭᬸᬳᬦᬗᬮᭀᬃᬳᬗᬶᬤᬸᬮ᭄
᭞ᬳᬦᬗᬸᬮᭀᬦᬺᬓᬾ᭞ᬳᬗᬾᬢᬦ᭄ᬢᬶᬦᬹᬢᬕᭂᬮᬶᬲ᭄᭞ᬢᬶᬦᭂᬩᬄᬕᬶᬕᬶᬃᬳᬶᬧᬸᬦ᭄᭞ᬧᬓ᭄ᬱᬶᬭᬵᬚᬲᬺᬂᬳᬫ᭄ᬩᬸᬭᬸ᭞ᬢᬦ᭄ᬲᬄᬓᬶᬦᭀᬘᭀᬓᬢ᭄ᬫᬦᬾ᭞ᬘᬾᬮᬾᬗᬾᬢᭂᬓᬫᬗᬸᬢ᭄ᬕᬸᬢ᭄᭞ᬅ᭠
ᬢ᭄ᬫᬦᬾᬓᬧᬮᬬ᭄ᬯ᭞ᬅᬢ᭄ᬫᬦᬾᬢᬶᬩᬭᬶᬂᬓᬯᬄ᭟᭜᭟ᬲᬂᬘᬶᬢ᭄ᬭᬩᬮᬳᬗᬸᬘᬧ᭄ᬳᬲ᭄ᬭᬸ᭞ᬢᬦ᭄ᬤᬗᭂᬦ᭄ᬮᬭᬦᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬤᬸᬤᬸᬕᬫ᭄ᬧᬂᬳᬦᭂᬫᬸ᭞ᬳᭂᬚᭀᬄᬲ᭄ᬯᬃᬕ᭄ᬕᬦᬾ
ᬢᬶᬦᬸᬚᬸ᭞ᬲᬸᬓᭂᬄᬤᬤᬶᬚᬮ᭄ᬫᬦᬾ᭞ᬮᬫᬸᬦ᭄ᬫᬓᬶᬢᬭᬳᬬᬸ᭞ᬳᬧᬂᬢᬾᬢᬾᬄᬳᬧᬂᬘᭂᬮᬂ᭞ᬢᬸᬢᬸᬭᬾᬚ᭄ᬯᬕᬶᬲ᭄ᬬᬂ᭟᭜᭟ᬓ᭄ᬭᬫᬦᬶᬂᬤᬤᬶᬚᬦ᭄ᬫᬢᬸᬫᬸᬯᬸᬄ᭞ᬳᭂᬤᬢᭂᬓᬗᬗᭂ
[᭙ 9A]
ᬲᬾᬄ᭞ᬳᬯᬓᬾᬲᬳᬶᬭᬶᬲᬓᬶᬦ᭄᭟ᬳᬶᬤᬩᬦᬲᬳᬶᬫᬗ᭄ᬮᬸᬮᬸ᭞ᬗᬸᬮᬄᬕᬯᬾᬧᬢᬶᬓᭂᬧᬸᬕ᭞ᬳᭂᬤᬢᭂᬓᬳᬾᬮᬾᬫᬾᬜ᭄ᬚᬾᬃ᭞ᬲᬧᬭᬶᬓ᭄ᬭᬫᬦᬾᬢᬸᬳᬸ᭞ᬳᭂᬤᬳᬶᬭᬶᬢᭂᬓᬾᬦ᭄ᬩ᭄ᬭᬬ᭞ᬢᬦ᭄ᬳᬸ᭠
ᬭᬸᬂᬲ᭄ᬯᬃᬕ᭄ᬕᬤᬶᬦᬸᬗ᭄ᬓᬧ᭄᭟᭜᭟ᬳᬧᬦ᭄ᬓᬶᬢᬢᬦ᭄ᬯ᭄ᬭᬸᬄᬫᬭᬶᬂᬢᬸᬢᬸᬃ᭞ᬳᬶᬤᬦ᭄ᬟᬉᬧᬢ᭞ᬫᬸᬜᬶᬦᬾᬢᬦ᭄ᬧᬲᬭᬸᬢᬶ᭞ᬳᬶᬫᬾᬫᬾᬩᬧᬳᬸᬦ᭄ᬤᬸᬄ᭞ᬢᬮᬓ᭄ᬢᬓ᭄ᬢᭂᬫᬳᬶᬦ᭄ᬧᬶᬲᬸᬄ᭞ᬤᬤᬶᬓᬶᬢ
ᬦᭂᬫᬸᬤᬾᬤᬾ᭞ᬢ᭄ᬯᬭᬓᬶᬢᬦᬸᬯᬸᬢ᭄ᬲᬶᬓᬸᬢ᭄᭞ᬓᬸᬤ᭄ᬬᬂᬢᬦᬶᬫᬫᬶᬭᭀᬕ᭞ᬯᬸᬮᬸᬢᬯᬸᬦ᭄ᬫᬭᬶᬂᬓᬯᬄ᭟᭜᭟ᬳᬓᬾᬄᬓᬂᬅᬢ᭄ᬫᬳᬓᬸᬫ᭄ᬧᬸᬮ᭄ᬓᬸᬫ᭄ᬧᬸᬮ᭄᭞ᬳᬦᬗᬶᬲ᭄ᬳ
ᬮᬭ᭞ᬲᬯᬢᬭᬢᬶᬕᬂᬢᬮᬶ᭞ᬢᬗᬶᬲᬾᬲᬧᬭᬶᬬᬸᬂ᭞ᬧᭂᬂᬧᭂᬗᬦ᭄ᬧᬸᬦᬂᬳᬗ᭄ᬭᬸᬗᬸ᭞AAAAᬳᬲᬲᬫ᭄ᬩᬢ᭄ᬩᬧᬫᬾᬫᬾ᭞ᬢᭀᬦ᭄ᬢᭀᬦ᭄ᬓᬯᬶᬮᬭᬦ᭄ᬳᬶᬗ᭄ᬲᬸᬦ᭄᭞ᬳᬶᬤᬸᬦᬶᬸᬂᬧᬦᭂᬫᬸᬲ [ 10 ][᭙ 9B]
᭙᭟
ᬗ᭄ᬲᬭ᭞ᬢᬦ᭄ᬧᬓᬺᬢᬶᬳᬯᬓᬶᬗ᭄ᬯᬂ᭟᭜᭟ᬕᬚᬄᬭᬵᬚᬢᭂᬓᬫ᭄ᬩᬸᬭᬸᬳᬰ᭄ᬭᬸ᭞ᬤᬶᬦᭂᬤᭂᬧ᭄ᬳᬢ᭄ᬫᬦᬾ᭞ᬧᬓ᭄ᬱᬶᬦᬾᬢᭂᬦᬜᬦ᭄ᬤᭂᬭᬶᬦ᭄᭞ᬅᬢ᭄ᬫᬦᬾᬧᬲᬮᬫ᭄ᬩᬶᬬᬸᬂ᭞ᬧᬢᬶᬲ᭄ᬭᬶᬬᬂᬧᬢᬶᬲ᭄ᬭᬶᬬᬸᬂ᭞
ᬅᬢ᭄ᬫᬮᬬ᭄ᬯᬧᬥᬧᬘᬾᬕ᭄ᬘᬾᬕ᭄᭞ᬳᬦᬢᭀᬂᬤᬤᬶᬫᬬᬸᬳᭀᬦ᭄᭞ᬮᬩᬸᬄᬲᭂᬗᬮ᭄ᬲᭂᬗᬮ᭄᭞ᬮᬾᬦ᭄ᬳᬤᬗᬢᬸᬭᬂᬲᭂᬫ᭄ᬩᬄ᭟᭜᭟ᬲᬂᬘᬶᬓ᭄ᬭᬩᬮᬳᬗᬸᬘᬧ᭄ᬳᬮᬸᬲ᭄᭞ᬍᬲᬸᬓᬶᬢᬫ
ᬗ᭄ᬓᬾ᭞ᬅᬢ᭄ᬫᬦᬾᬳᬗ᭄ᬮᬶᬂᬳᬲᭂᬫᬸᬢᬗᬶᬲ᭄᭞ᬓᬯᬰᬳᬯᬓ᭄ᬳᬶᬗ᭄ᬲᬸᬦ᭄᭞ᬳᬸᬭᬶᬧᭂᬦ᭄ᬳᬯ᭠ᬓ᭄ᬳᬶᬭᬶᬗ᭄ᬲᬸᬦ᭄᭞ᬲᬂᬘᬶᬓ᭄ᬭᬩᬮᬉᬚᬭᬾ᭞ᬓᬸᬓᬳᬶᬗᭀᬂᬗᬸᬭᬶᬧ᭄ᬫᬸ᭞ᬭᬶᬸᬫᬭᬾᬦᬾᬓᬶᬢᬫᬬᬸᬩ
ᬦ᭄᭞ᬭᬶᬂᬲᭀᬭᬶᬂᬢᬭᬸᬘᬸᬭᬶᬕ᭟᭜᭟ᬅᬢ᭄ᬫᬦᬾᬕᬶᬭᬂᬲᬫᬳᬦᬸᬯᬸᬢ᭄᭞ᬳᬕᬶᬭᬂᬳᬢᬶᬦᬾ᭞ᬳᬶᬥᭂᬧ᭄ᬯᬮᬲ᭄ᬯᭀᬂᬫᬶᬲᬓᬶᬢ᭄᭞ᬧᬲᬸᬫᬬᬸᬩ᭄‌ᬲᭀᬭᬶᬂᬢᬭᬸ᭞ᬳᬾᬦᬓ᭄ᬳᬢᬶᬦᬾᬲᭂᬮᬾᬂᬢᬸ
[᭑᭐ 10A]
ᬢᬸᬃ᭞ᬤᬤ᭄ᬬᬓᬶᬦᭀᬘᭀᬓᬂᬢᬭᬸᬦᬾ᭞ᬢᬶᬩᬓ᭄ᬭᬶᬦᬶᬸᬂᬲ᭄ᬦ᭄ᬬᬳᬜᬸᬤᬸᬓ᭄᭞ᬫᬭᬶᬂᬰᬭᬶᬭᬶᬂᬦᬶᬂᬅᬢ᭄ᬫ᭞ᬳᬶᬓᬸᬗᬭᬦ᭄ᬧᬧᬲᬗᬦ᭄᭟᭜᭟ᬲᬂᬪᬹᬢᬲ᭄ᬬᬸᬂᬯᬸᬯᬸᬲᬾᬳᬮᬸᬲ᭄᭞ᬳᬶᬄᬓᬶ
ᬢᬧᬭᬅᬢ᭄ᬫ᭞ᬬᬾᬦ᭄ᬓᬶᬢᬳᬋᬧ᭄ᬳᬗᬶᬮᬶ᭞ᬳᬶᬗᭀᬂᬳᬗᬸᬭᬶᬧᬫᬸ᭞ᬫᬾᬭᬾᬦᬾᬓᬶᬢ᭠ᬤᬾᬦᬰ᭄ᬭᬸ᭞ᬲᬂᬅᬢ᭄ᬫᬳᬮᭀᬦ᭄ᬮᬫ᭄ᬧᬳᬾ᭞ᬳᬗᬶᬮᬶᬦᬋᬧᬦᬶᬧᬸᬦ᭄᭞ᬳᬧᬂᬢ᭄ᬯᬭᬓᭂᬦᬾᬮᬭ᭞
ᬲᬂᬪᬹᬢᬲ᭄ᬬᬸᬂᬳᬗᬸᬘᬧ᭄᭟᭜᭟ᬫᬾᬭᬾᬦᬾᬓᬶᬢᬅᬢ᭄ᬫᬳᬮᬸᬗ᭄ᬕᬸᬄ᭞ᬭᬶᬂᬚ᭄ᬭᭀᬰᬾᬮᬫ᭠ᬗ᭄ᬓᬾ᭞ᬳᬧᬦ᭄ᬧᬲᬬᬸᬩᬦ᭄ᬳᭂᬢᬶᬲ᭄᭞ᬅᬢ᭄ᬫᬕᬶᬭᬂᬳᬫᬬᬸᬩᬦ᭞ᬭᬶᬂᬢᭂᬗᬄᬰᬾᬮᬳᬶᬓᬸ᭞ᬲᬫᬳᬾᬦᬓᬶᬂᬳ
ᬗᭂᬦᬾ᭞ᬢᬦᬦᬳᬗ᭄ᬭᬲᬳᬾᬯᬸᬄ᭞ᬲᬂᬪᬹᬢᬲ᭄ᬬᬸᬂᬉᬚᬭᬾ᭞ᬯᬲ᭄ᬢᬸᬫᬢᬓᭂᬫ᭄ᬩᬂᬰᬾᬮ᭟᭜᭟ᬢ᭄ᬯᬓᭂᬦ᭄ᬰᬾᬮᬅᬢ᭄ᬫᬳᬗᬤᬸᬄ᭞ᬫᬮᭀᬤ᭄ᬮᭀᬤ᭄ᬫᬢᬦᬾ᭞ᬮᬶᬫᬦᬾᬧᬢᬶᬕᬸᬭᬫᬶᬲ᭄᭞ᬧᬓ᭄ᬭᬓ᭄ᬳᬤᬸᬳ [ 11 ][᭑᭐ 10B]
᭑᭐᭟
ᬤᬸᬄ᭞ᬲᬲᬫ᭄ᬩᬢᬾᬧᬢᬶᬚ᭄ᬮᬫᬸᬢ᭄᭞ᬲᬂᬪᬹᬢᬲ᭄ᬬᬸᬃᬉᬚᬭᬾ᭞ᬯᬲ᭄ᬢᬸᬓᬶᬢᬲ᭄ᬬᬸᬢᬯᬸᬦ᭄᭞ᬓᬧᬶᬮ᭠ᬭᬫᬭᬶᬂᬰᬾᬮ᭞ᬤᭀᬱᬦᬾᬦ᭄ᬤᬢᬦ᭄ᬳᬮᬗᬮᬂ᭟᭜᭟ᬪᬹᬢᬲᬶᬫ᭄ᬩᬃᬧᬲᬯᬸᬢᬾᬳᬮᬸᬲ᭄᭞ᬤᬸᬄᬓᬶᬢ
ᬧᬭᬅᬢ᭄ᬫ᭞ᬬᬦ᭄ᬲᬶᬭᬳᬭᬳᬋᬧ᭄ᬳᬗᬸᬲᬶ᭞ᬲ᭄ᬯᬃᬕ᭄ᬕᬳᬶᬗᭀᬂᬳᬦᬸᬦ᭄ᬢᬸᬦ᭄᭞ᬫᬭᬶᬂᬢᬶᬢᬶᬲᭂᬗ᭄ᬓᬢᬸᬯᬸᬢ᭄᭞ᬳᬧᬂᬤᬢᬶᬩᬳᬯᬓᬾ᭞ᬅᬢ᭄ᬫᬦᬾᬕᬶᬭᬂᬦᬸᬦ᭄ᬢᬸᬦ᭄᭞ᬕ᭄ᬦᬶᬦᬾᬭᬶᬂᬲᭀᬃᬫᬮᬩᬂ᭞ᬳᬮᬂᬢᬚᬶᬓ᭄ᬯᬾᬄᬘᬸᬫᬤᬂ᭟
᭐᭟ᬤᬸᬓ᭄ᬓᬢᭂᬗᬄᬢᬶᬢᬶᬩᬶᬦᬜ᭄ᬘᬸᬢ᭄᭞ᬢᬶᬩᬓᬂᬅᬢ᭄ᬫᬦᬾ᭞ᬮᬶᬦᬾᬧᬸᬢ᭄ᬧᬸᬦᬂᬳᬕ᭄ᬦᬶ᭞ᬧ᭠ᬥᬗᭂᬫᬲᬶᬦ᭄ᬤᬸᬤᬸ᭞ᬲᬂᬪᬹᬢᬲᬶᬫ᭄ᬩᬭᬦ᭄ᬫᬸᬯᬸᬲ᭄᭞ᬯᬲ᭄ᬢᬸᬢᬦ᭄ᬧᬓᬺᬢᬶᬫᬗ᭄ᬓᬾ᭞ᬯᬸᬮᬸᬢᬯᬸᬦ᭄ᬮᬲᬲ᭄ᬳᬶᬧᬸᬦ᭄᭞ᬤᭀᬱᬧ
ᬢᬶᬓᬸᬭᬂᬳᬯᬓ᭄᭞ᬓᭂᬦᬓᬂᬤᬾᬦ᭄ᬟᬉᬧᬢ᭟᭜᭟ᬳᬦᬅᬢ᭄ᬫᬫᬦᬸᬯᬸᬓᬶᬦ᭄ᬓᬳ᭄ᬬᬸᬦ᭄᭞ᬅᬗ᭄ᬓᬭᬩᬸᬤ᭄ᬟᬶᬦᬾ᭞ᬳᬸᬦᬶᬤᬸᬓ᭄ᬳᬸᬭᬶᬧ᭄ᬚᬸᬦᬭᬶᬂ᭞ᬘᬶᬓ᭄ᬭᬩᬮᬫᬶᬤᬸᬤᬸ᭞ᬮᬭᬦᬾᬢᬦ᭄ᬓᭂᬦᬢᬯᬸᬃ᭞ᬩᬶᬦᭂᬩᭂᬤ᭄ᬫ
[᭑᭑ 11A]
ᬗ᭄ᬓᬾᬅᬢ᭄ᬫᬦᬾ᭞ᬭᬶᬦᬓᬸᬭᬶᬂᬓᭂᬧᬸᬄᬳᬕᬸᬂ᭞ᬭᭀᬂᬢᬯᬸᬦᬺᬓᬾᬮᬯᬲ᭄ᬦ᭄ᬬ᭞ᬢᬸᬢᬸᬕ᭄ᬓᬂᬭᭀᬕᬧᬢᬓ᭟᭜᭟ᬅᬢ᭄ᬫᬦᬾᬯᭀᬂᬯᬶᬱᬬᬳᬗᭂᬜᬢ᭄᭞ᬭᬯᬸᬳᬸᬫᬄᬩᬸᬭᬬᬦᬾ᭞ᬓᬧᬶᬮᬭᬢᬦᬶ
ᬕᬶᬕᬶᬲ᭄᭞ᬪᬹᬢᬤᬸᬤᬸᬲ᭄ᬫᬶᬤᬸᬤᬸ᭞ᬢᬶᬦᬸᬢᬸᬄᬰᬭᬷᬭᬦᬶᬧᬸᬦ᭄᭞ᬪᬹᬢᬤᬸᬤᬸᬲ᭄ᬧᬗᬸᬘᬧᬾ᭞ᬳᬦᬓᬶᬭᬢᬦ᭄ᬧᬢᬸᬢᬸᬃ᭞ᬩᬶᬲ᭄ᬳᬶᬭᬶᬢᭂᬓᬾᬦ᭄ᬯᬲᬫ᭞ᬚᬦᬶᬓᬶᬢᬦᭂᬫᬸᬮᬭ᭟᭜᭟ᬯᬸᬲ᭄ᬢᬶᬦᬸᬢᬸᬄᬢᬶᬦᬶ
ᬩᬓᬦ᭄ᬲᬵᬫ᭄ᬧᬸᬦ᭄᭞ᬭᬶᬂᬓᬯᬄᬕ᭄ᬦᬶᬦᬾ᭞ᬯᬲ᭄ᬢᬸᬧᭂᬢᬂᬢᬯᬸᬦ᭄ᬳᬶᬓᬶ᭞ᬢᬦ᭄ᬓᭀᬘᬧᬦ᭄ᬳᬦᭂᬫ᭄ᬯ᭞ᬅᬢ᭄ᬫᬯᭀᬂᬳᬜᭂᬢᬶᬓ᭄ᬭᬯᬸᬄ᭞ᬪᬹᬢᬭᬾᬦ᭄ᬢᬾᬕ᭄ᬳᬫᬶᬮᬭ᭞ᬳᬶᬦᬸᬦ᭄ᬢᬮᬦ᭄ᬫᭂᬤᬂᬧᭂᬢᬸᬂ᭞ᬲᬶᬦᬸᬚᬾᬦ᭄ᬲᬸᬚᬾᬦ᭄ᬭᬶᬂᬢᭂᬗᬄ᭞
ᬲᬶᬦᭀᬭᭀᬓ᭄ᬳᬸᬲᬸᬲ᭄ᬭᬶᬂᬢᭂᬗᬄ᭟᭜᭟ᬪᬹᬢᬭᬾᬦ᭄ᬢᬾᬕ᭄ᬧᬗᬸᬘᬧᬾᬳᬰ᭄ᬭᬸ᭞ᬢᭂᬫᭀᬓᬂᬮᬭᬦᬾ᭞ᬢᬶᬕᬂᬳᬢᬸᬲ᭄ᬮᬯᬲ᭄ᬦᬾᬓᬶ᭞ᬬᬦ᭄ᬢᬸᬢᬸᬕ᭄ᬲᭂᬗ᭄ᬓᭂᬃᬳᬧᬸᬦ᭄᭞ᬢᬸᬫᬶᬢᬶᬲ᭄ᬫᬭᬶᬂᬓᬤᬂᬫᬸ᭞ᬫᬭᬶᬂᬫᬥ᭄ᬬᬧᬤᬋ [ 12 ][᭑᭑ 11B]
᭑᭑᭟
ᬓᬾ᭞ᬩ᭄ᬭᬕ᭄ᬢᬾᬕᬾᬕ᭄ᬢᬳᬯᬓ᭄ᬫᬸ᭞ᬳᬧᬦᬶᬗᭀᬂᬳᬫᬶᬮᬭ᭞ᬫᬲᬓᬸᬭᬂᬲᬲᬓᬧᬦ᭄᭟᭜᭟ᬅᬢ᭄ᬫᬦᬾᬯᭀᬂᬯᬶᬱᬬᬳᬫᬸᬧᬸᬕ᭄᭞ᬭᬶᬂᬧᬳᬸᬫᬳᬦᬾ᭞ᬪᬹᬢᬚᬭᬾᬂᬳᬗ᭄ᬮᬭᬦᬶᬦ᭄᭞ᬍᬯᬶᬄᬮᬭᬦᬾᬓᬲᬮᬸ
ᬓ᭄᭞ᬲᬾᬢ᭄ᬭᬪᬕᬦᬾᬲᬋᬜᬸᬄ᭞ᬘᬶᬦᬘᬃᬘᬘᬃᬋᬫ᭄ᬧᬸᬳᬾ᭞ᬲᬂᬪᬹᬢᬚᬭᬾᬂᬳᬫᬲ᭄ᬢᬸ᭞ᬯᬲ᭄ᬢᬸᬢᬶᬦᭂᬫᬸᬮᬭ᭞ᬲᬢᬯᬸᬦ᭄ᬓᬶᬢᬳᬜᬤ᭄ᬫ᭟᭜᭟ᬳᬗ᭄ᬳᬶᬂᬓᬶᬢᬳᬜᬚ᭄ᬫᬩᬾᬲᬸᬓ᭄᭞ᬧᬭᬦ᭄ᬢᬭᬲᬦᬾ᭞
ᬳᬯᬦᬦᬶᬗᭀᬂᬳᬗ᭄ᬮᬭᬦᬶᬦ᭄᭞ᬳᬸᬯᬸᬲ᭄ᬲᬵᬫ᭄ᬧᬸᬦ᭄ᬳᬦᭂᬫᬸ᭞ᬲᬂᬚᭀᬕᭀᬃᬫᬡᬶᬓ᭄ᬳᬯᬸᬯᬸᬲ᭄᭞ᬳᬫᬦ᭄ᬢᭂᬲ᭄ᬲᬶᬲᬶᬧᬢ᭄ᬫᬦᬾ᭞ᬬᬦ᭄ᬤᬤᬸᬲᬶᬭᬭᬳᬬᬸ᭞ᬯᬾᬳᬶᬦ᭄ᬓᬯᬶᬃᬬ᭄ᬬᬦ᭄᭞ᬬᬦ᭄ᬤᬸᬤᬸᬢᬶᬦᭂᬫᬸᬮᬭ᭟
᭐᭟ᬯᬷᬭᬲᬸᬭᬵᬢ᭄ᬫᬢᬦ᭄ᬓᬭᬶᬲᬵᬫ᭄ᬧᬸᬦ᭄᭞ᬧᬋᬂᬮᬦ᭄ᬭᬓᬦᬾ᭞ᬕᭀᬭᬯᬶᬓ᭄ᬭᬫᬢᬦ᭄ᬓᬭᬶ᭞ᬩᬮᬉᬢ᭄ᬧᬢᬲᬵᬫ᭄ᬧᬸᬦ᭄᭞ᬳᬫᬋᬓ᭄ᬚᭂᬂᬲᬗ᭄ᬳᬳᬸᬮᬸᬦ᭄᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬧᬸᬦᬂᬅᬢ᭄ᬫ᭞ᬧᬫᬃᬕ᭄ᬕᬶ
[᭑᭒ 12A]
ᬦᬾᬲᬤᬳᬮᬸᬲ᭄᭞ᬩᬸᬓᬢ᭄ᬯᬭᬦᭂᬫᬸᬧᬵᬧ᭞ᬧᬮᬸᬗ᭄ᬕᬸᬄᬗᬢᬸᬭᬂᬲᭂᬫ᭄ᬩᬄ᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄ᬳᬰ᭄ᬭᬸ᭞ᬕᬾᬢ᭄ᬕᬾᬢ᭄ᬧᬗᬸᬘᬧᬾ᭞ᬅᬢ᭄ᬫᬮᬦᬂᬓᬶᬢᬧ᭄ᬭᬧ᭄ᬢᬶ᭞ᬫᬢᬶᬳᬗ
ᬧᬳᬶᬓᬸ᭞ᬯᬭᬳᬳᬶᬗᭀᬂᬤᬾᬦ᭄ᬳᬰ᭄ᬭᬸ᭞ᬲᬂᬅᬢ᭄ᬫᬳᬮᭀᬦᬸᬚᬭᬾ᭞ᬧᬵᬤᬦᬶᬭᬲᬂᬲᬶᬦᬸᬳᬸᬦ᭄᭞ᬫᬢᬶᬳᬕ᭄ᬭᬶᬂᬫᬭᬶᬂᬓᬸᬦ᭞ᬳᬧᬦ᭄ᬢᬦ᭄ᬓᭂᬦᬢᬶᬦᬫ᭄ᬩᬦ᭄᭟᭜᭟ᬯᬶᬱᬬᬦ᭄ᬓᬶᬢᬯᬭᬄᬤᬾᬦ᭄ᬳᬰ᭄ᬭᬸ᭞ᬗᬹ
ᬦᬷᬤᬸᬓ᭄ᬳᬸᬭᬶᬧᬾ᭞ᬲᬂᬅᬢ᭄ᬫᬦᭂᬫ᭄ᬩᬄᬢᬸᬃᬳᬗ᭄ᬮᬶᬂ᭞ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬳᬶᬗ᭄ᬲᬸᬦ᭄ᬯᬶᬱᬬᬳᬦᬸᬤᬸᬓ᭄᭞ᬳᬫᬢᬾᬦᬶᬦ᭄‌ᬯ᭄ᬯᬂᬲᬫᬦᬾ᭞ᬤᬸᬤᬸᬩᭂᬦᭂᬃᬓᬂᬲᬶᬦᬸᬤᬸᬓ᭄᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬓᬶ
ᬢᬲᬂᬅᬢ᭄ᬫᬧ᭄ᬭᬕᬮ᭄ᬩ᭟᭜᭟ᬲᬵᬫ᭄ᬧᬸᬦ᭄ᬓᬶᬢᬳᬫ᭄ᬭᬲᬫᬶᬢᬸᬮᬸᬲ᭄᭞ᬜᬮᬸᬓ᭄‌ᬢᭀᬬᬋᬓᬾ᭞ᬲᬂᬧᬡ᭄ᬟᬶᬢᬢᬾᬓᬶ᭞ᬰᬶᬯᬩᬸᬤ᭄ᬟᬫ᭄ᬯᬂᬲᭂᬗ᭄ᬕᬸᬳᬸ᭞ᬭᬶᬂᬤᬾᬯᬫ᭄ᬯᬂᬓᬳᬶᬩᬸ᭞ᬲᬂᬅᬢ᭄ᬫᬳᬮᭀᬦ᭄ᬳᬢᬸᬭᬾ᭞ [ 13 ][᭑᭒ 12B]
᭑᭒᭟
ᬢᬦ᭄ᬩᭀᬦ᭄ᬢᭂᬦ᭄ᬤᬸᬄᬲᬂᬲᬶᬦᬸᬳᬸᬦ᭄᭞ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭞ᬳᬓᬸᬮᬭᬓᬶᬢᬢᭂᬫ᭄ᬯ᭟᭜᭟ᬯᬲ᭄ᬢᬸᬓᬶᬢᬯᬸᬮᬸᬤᬰᬢᬯᬸᬦ᭄᭞ᬦᭂᬫᬸᬮᬭᬫᬗ᭄ᬓᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬪᬹᬢᬓᬤᭀᬫ᭄ᬧᭀ
ᬮ᭄ᬦᬸᬗ᭄ᬕᬸ᭞ᬫᬭᬶᬂᬓᬯᬄᬳᬫᬶᬤᬸᬤᬸ᭞ᬓᬶᬦᭂᬮᬫᬗ᭄ᬓᬾᬅᬢ᭄ᬫᬦᬾ᭞ᬢᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄ᬳᬦᭂᬫᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬅᬢ᭄ᬫᬮᬦᬂ᭞ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭟᭜᭟ᬫᬢᬶᬳᬗᬧᬅᬢ᭄ᬫᬳᬶᬓᬸ᭞ᬫ᭄ᬯᬄᬓᬯᬶ
ᬋᬬᬦᬾ᭞ᬯᬭᬳᬳᬶᬗᭀᬂᬤᬾᬕᬢᬶ᭞ᬅᬢ᭄ᬫᬉᬫᬵᬢᬸᬃᬳᬮᬸᬲ᭄᭞ᬫᬢᬶᬢᬶᬦᬸᬯᭂᬓ᭄ᬳᬶᬭᬶᬗ᭄ᬲᬸᬦ᭄᭞ᬢᬦ᭄ᬓᬦ᭄ᬢᭂᬦ᭄ᬫᬫᬾᬗ᭄ᬓᬾᬲᬶᬲᬶᬧᬾ᭞ᬳᬦᬓᬯᬶᬱᬬᬦ᭄ᬳᬶᬗ᭄ᬲᬸᬦ᭄᭞ᬲᬤᬶᬦᬤᬶᬦᬫᬓᬃᬬ᭄ᬬ᭞ᬲᬸᬕᬶᬄᬳᬶᬗ᭄ᬲᬸ
ᬦ᭄ᬢᬦ᭄ᬧᬳᬶᬗᬦ᭄᭟᭜᭟ᬫᬵᬲ᭄ᬧᬶᬧᬶᬲ᭄ᬲᬮᬓᬦᬾᬢᬦ᭄ᬓᬾᬢᬸᬂ᭞ᬲᬸᬕᬶᬄᬋᬦ᭄ᬤᬄᬋᬓᬾ᭞ᬳᬧᬦ᭄ᬢᬦ᭄ᬓᬸᬭᬂᬪᬶᬦᬸᬓ᭄ᬢᬶ᭞ᬧ᭄ᬬᬦᬓ᭄ᬧᬘᬭᬸᬗᬸᬂ᭞ᬘᬸᬘᬸᬫᬋᬧ᭄ᬮᬶᬫᬮᬶᬓᬸᬃ᭞ᬫᬧ᭄ᬭᬲᬫᬳᬓᬾᬄᬤᬺᬯᬾᬦᬾ᭞
[᭑᭓ 13A]
ᬳᬶᬗ᭄ᬲᬸᬦ᭄ᬳᬯᬾᬄᬯᬾᬳᬶᬦ᭄ᬧᬸᬢᬸ᭞ᬲᬫᬦᭂᬫᬸᬓᬂᬓᬲᬸᬓᬦ᭄᭞ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭟᭜᭟ᬲᬵᬫ᭄ᬧᬸᬦ᭄ᬓᬶᬢᬳᬫ᭄ᬭᬲ᭄ᬳᬫᬶᬢᬸᬮᬸᬲ᭄᭞ᬫ᭄ᬯᬂᬲᬭᬵᬚᬤᬺᬯᬾ᭞ᬳᬗ᭄ᬮᬸᬯᭂᬃᬳᬬᬚ᭄ᬜᬵᬤᬾᬯᬶ᭞ᬫ
ᬓᬶᬬᬶᬲ᭄ᬫ᭄ᬯᬂᬗ᭄ᬕᬫᬗ᭄ᬕᬸᬂ᭞ᬫᬳᬶᬗ᭄ᬓᬸᬧᬂᬧᬶᬢ᭄ᬭᬳᬶᬓᬸ᭞ᬫ᭄ᬯᬂᬪᬹᬢᬬᬚ᭄ᬜᬵᬅᬃᬘ᭄ᬙᬋᬓᬾ᭞ᬳᬗᬸᬦ᭄ᬤᬂᬩ᭄ᬭᬵᬳ᭄ᬫᬡᬫ᭄ᬧᬸ᭞ᬰᬶᬯᬩᬸᬤ᭄ᬟᬫ᭄ᬯᬂᬓᬩᬬᬦ᭄᭞ᬲᭂᬗ᭄ᬕᬸᬳᬸᬫ᭄ᬯᬂᬩ᭄ᬮᬂᬲᬶᬗ᭄ᬳ᭟᭜᭟ᬬᬦ᭄ᬲᬫ᭄ᬧᬸᬦ᭄ᬲᬶᬭᬲᬫ
ᬳᬓᬵᬢᬸᬃ᭞ᬗᬬᬸᬩᬶᬓᬃᬬ᭄ᬬᬦᬾ᭞ᬫ᭄ᬯᬂᬗᬮᬧᬂᬫᬵᬲ᭄ᬧᬶᬧᬶᬲ᭄᭞ᬅᬢ᭄ᬫᬳᬢᬸᬭᬾᬳᬮᬸᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬸᬄᬲᬂᬓᬲᬸᬳᬸᬦ᭄᭞ᬲᬂᬚᭀᬕᭀᬃᬫᬡᬶᬓ᭄ᬯᬸᬯᬸᬲᬾ᭞ᬅᬢ᭄ᬫᬦᬶᬃᬤᭀᬦ᭄ᬢᬦ᭄ᬧᬢᬸᬢᬸᬃ᭞
ᬚᭂᬮᬾᬫᭂᬮᬄᬢ᭄ᬯᬭᬢᬯᬂ᭞ᬳᭂᬫᬵᬲ᭄ᬧᬶᬧᬶᬲ᭄ᬧᬘᬘᬭᬂ᭟᭜᭟ᬳᬧᬦ᭄ᬢ᭄ᬯᬄᬓᬶ᭠ᬢᬪᬕ᭄ᬬᬳᬦ᭄ᬭᬸᬲ᭄᭞ᬢᭂᬧᬸᬤ᭄ᬢᭂᬓᬾᬦ᭄ᬩᬸᬬᬸᬢᬾ᭞ᬳᬯᬓᬾᬢ᭄ᬯᬭᬭᬶᬲᬓᬶᬦ᭄᭞ᬫᬸᬜᬶᬦᬾᬢᬦ᭄ᬧ [ 14 ][᭑᭓ 13B]
᭑᭓᭟
ᬳᬸᬦ᭄ᬤᬸᬦ᭄᭞ᬢ᭄ᬯᬭᬳᬶᬗᭂᬦᬾᬢᭂᬓᬾᬦ᭄ᬢᬸᬢᬸᬃ᭞ᬲᭀᬓ᭄ᬗᬸᬮᬄᬓᬃᬬ᭄ᬬᬦᬾᬋᬓᬾ᭞ᬳᬯᬓ᭄ᬭᬕᭂᬢ᭄ᬢᬦᬶᬢᬳᬸ᭞ᬤᬓᬶᬘᬸᬯᬶᬮ᭄ᬓᭂᬋᬂᬗᬫᬄ᭞ᬧᬤᬶᬮᬶᬬᬸᬳᬢᬶᬫ᭄ᬩᬗᬂ᭟᭜᭟ᬯᬲ᭄ᬢᬸᬓᬶᬢᬭᭀᬂ
ᬢᬯᬸᬦ᭄ᬮᬶᬦᭂᬩᬸᬃ᭞ᬫᬭᬶᬂᬕᭀᬫᬸᬓᬦᬾ᭞ᬧᬸᬧᬸᬢᬶᬂᬲᭂᬗ᭄ᬓᭂᬃᬢᬸᬫᬶᬢᬶᬲ᭞ᬳᬓᬶᬂᬳᬯᬓᬾᬳᭂᬢᬸᬄᬪᬹᬢᬧ᭄ᬭᬾᬢᬢᬫᬶᬤᬸᬤᬸ᭞ᬲᬗ᭄ᬓᬦᬶᬂᬩ᭄ᬭᬕ᭄ᬳᬯᬓᬾ᭞ᬲᬲᬓᬧᬦ᭄ᬩᬶᬮᬂᬩᬸᬓᬸ᭞ᬫᬘᬭᬸᬗᬤᬂᬲᬸᬩ
ᬮᬦ᭄᭞ᬩᬳᬗᬶᬦ᭄ᬳᬶᬪᬹᬢᬧ᭄ᬭᬾᬢ᭟᭜᭟ᬬᬬᬶᬬᬶᬸᬂᬲᬸᬭᬵᬢ᭄ᬫᬫᬾᬭᬾᬦᬾᬤᬾᬦ᭄ᬳᬕ᭄ᬭᬸ᭞ᬳᬶᬓᬶᬓᬂᬅᬢ᭄ᬫᬦᬾ᭞ᬰᬶᬭᬄᬦ᭄ᬬᬲᬶᬭᬳᬦᬸᬮᬶᬲ᭄᭞ᬳᬶᬓᬶᬧᬫᬲ᭄ᬢᬸᬦᬶᬗ᭄ᬲᬸᬦ᭄᭞ᬭᭀᬂᬢᬯᬸᬦ᭄ᬭᬶᬂᬓᬯᬄᬳᬶᬓᬸ
᭞ᬫᬭᬶᬂᬥ᭄ᬬᬧᬤᬋᬓᬾ᭞ᬲᬗ᭄ᬳᬢᬯᬸᬦ᭄ᬮᬯᬲ᭄ᬳᬶᬧᬸᬦ᭄᭞ᬲᬸᬭᬵᬢ᭄ᬫᬕᭂᬮᬶᬲ᭄ᬳᬦᬸᬭᬢ᭞ᬓᬢᬸᬤᬸᬄᬦᭂᬫᬸᬲᬗ᭄ᬲᬭ᭟᭜᭟ᬯᬸᬲᬶᬦᬸᬭᬵᬢ᭄ᬳᬕᭂᬮᬶᬲ᭄ᬮᬶᬦᭂᬩᬸᬃ᭞ᬫᬭᬶᬂᬓᬯᬄᬋᬓᬾ᭞ᬪᬹᬢᬧ᭄ᬭᬾᬢ᭠
[᭑᭔ 14A]
ᬳᬗᬫᭀᬗᬶᬦ᭄᭟ᬢᬦ᭄ᬓᭀᬘᬧ᭄ᬳᬦᭂᬫᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬅᬢ᭄ᬫᬳᭂᬮᬸᬄ᭞ᬲᬂᬚᭀᬕᭀᬃᬫᬡᬶᬓ᭄ᬳᬸᬚᬭᬾ᭞ᬅᬢ᭄ᬫᬯᬤᭀᬦ᭄ᬓᬶᬢᬭᬯᬸᬄ᭞ᬫᬢᬶᬳᬗᬧᬭᬶᬂᬫᬥ᭄ᬬ᭞ᬫ᭄ᬯᬄᬓᬯᬶᬱᬬᬦᬶᬭ᭟᭜᭟ᬲᬂᬅ
ᬢ᭄ᬫᬫᬗ᭄ᬓᬾᬳᬢᬸᬭᬾᬳᬮᬸᬲ᭄᭞ᬲᬂᬲᬶᬦᬸᬳᬸᬦᬺᬓᬾ᭞ᬫᬢᬶᬲᭂᬤᬶᬄᬦᬶᬂᬳ᭄ᬬᬂᬫᬫᬶ᭞ᬢᬦ᭄ᬓᭂᬦᬲᬶᬦ᭠ᬮᬶᬫᬸᬃ᭞ᬧ᭄ᬬᬦᬓ᭄ᬫᬢᬶᬧᬸᬲᬸᬄᬧᬸᬲᬸᬄ᭞ᬤ᭄ᬯᬂᬧᬸᬮᬸᬄᬋᬓᬾᬢᬳᬾ᭞ᬭᭀᬂᬧᬸᬮᬸᬄᬤᬶᬦᬲᬧᬸᬮᬸᬄ᭞ᬭᭀᬂᬯᬸ
ᬮᬦᬫᬢᬶᬮᬦᬂ᭞ᬲᬯᬶᬚᬶᬢᬦᬓᬦ᭄ᬢᬸᬦ᭟᭜᭟ᬳᬤᬰᬤᬶᬦᬭᭀᬂᬤᬶᬦᬳᬶᬓᬸ᭞ᬫᬶᬯᬄᬭᬶᬂᬯᭂᬢᭂᬗᬾ᭞ᬧ᭄ᬭᬬᬫᬗᭂᬫᬲᬶᬦ᭄ᬧᬢᬶ᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬳᬕᭂᬂᬦᬵᬭᬓᬓᬢᭂᬫᬸ᭞
ᬬᬬᬶᬲᬸᬭᬵᬢ᭄ᬫᬤᬶᬦᬕᬾ᭞ᬳᬗᬫᬾᬢ᭄ᬓᬤ᭄ᬕᬳᬶᬭᬾᬓᬸ᭞ᬲᬸᬭᬵᬢ᭄ᬫᬳᬰ᭄ᬭᬸᬮᬸᬫᬫ᭄ᬧᬄ᭞ᬧ᭄ᬭᬧ᭄ᬢᬳᬫ᭄ᬩᬓ᭄ᬢᬓᬤ᭄ᬕ᭟᭜᭟ᬲᬸᬭᬵᬢ᭄ᬫᬫᬗ᭄ᬓᬾᬳᬗᬸᬘᬧ᭄ᬳᬰ᭄ᬭᬸ᭞ᬳᬶᬓᬶᬢᬲᬂᬅᬢ᭄ᬫ᭞ᬓᬳ [ 15 ][᭑᭔ 14B]
᭑᭔᭟
ᬕᭂᬫ᭄ᬤᬾᬦᬩᭂᬘᬶᬓ᭄᭞ᬅᬢ᭄ᬫᬕᭂᬮᬶᬲ᭄ᬳᬦᬫ᭄ᬩᬸᬢ᭄᭞ᬳᬶᬗᬕᭂᬫ᭄ᬤᬾᬦᬾᬳᬓᬸᬓᬸᬄ᭞ᬕᭂᬮᬶᬲ᭄ᬓᬶᬦᭂᬢᬓ᭄ᬳᬮᬶᬲᬾ᭞ᬲᬂᬅᬢ᭄ᬫᬜᭂᬭᬶᬢ᭄ᬳᬗᬤᬸᬄ ᬢᬶᬩᬮᬭᬶᬲ᭄‌ᬧᬧᭂᬢᭂᬗᬦ᭄᭞ᬢᬗᬦ᭄ᬤᬶᬗᬲᭂᬫᬲᭂᬫᬦ᭄᭟᭜᭟
ᬳᬗ᭄ᬮᬶᬂᬭᬶᬸᬂᬮᬶᬃᬅᬢ᭄ᬫᬮᬭᬶᬲ᭄ᬓᬧᬲ᭄ᬢᬸ᭞ᬯᬲ᭄ᬢᬸᬓᬶᬢᬫᬗ᭄ᬓᬾ᭞ᬤᬤᬶᬘᬦ᭄ᬢᬓᬓ᭄ᬮᬶᬓ᭄᭞ᬪᬹᬢᬤᬭᬶᬓ᭄ᬫᬶᬤᬸᬤᬸ᭞ᬲᬶᬬᬸᬢᬯᬸᬦ᭄ᬮᬯᬲ᭄ᬳᬶᬧᬸᬦ᭄᭞ᬳᬬᬸᬦ᭄ᬫᬦᬤᬶᬧᬓ᭄ᬱᬶᬦᬾ᭞ᬓᬫᬺᬘᬧᬤᬢᬸᬃᬫᬸᬯᬸᬄ᭞ᬢᬸᬫᬶᬢᬶᬲ᭄ᬢᭂᬓᬾᬦ᭄ᬯ᭠
ᬲᬫ᭞ᬭᭀᬭᬲ᭄ᬢᬯᬸᬦ᭄ᬦᭂᬫᬸᬧᭂᬚᬄ᭟᭜᭟ᬳᬧᬸᬭᬸᬯᬃᬡ᭄ᬦᬦᬾᬳᬶᬲ᭄ᬢ᭄ᬭᬷᬳᬬᬸ᭞ᬦᭂᬤᭂᬂᬢᬭᬸᬡᬶᬦᬾ᭞ᬩᬜ᭄ᬘᬦᬭᬶᬂᬯᭀᬂᬮᬓᬶ᭞ᬥᬸᬓ᭄ᬫᬢᬶᬓᬂᬲᬶᬦᬸᬤᬸᬓ᭄᭞ᬫᬭᬶᬂᬲᬾᬢ᭄ᬭᬕᬦ᭄ᬟᬫᬬᬸ᭞ᬅᬢ᭄ᬫᬯᬤᭀᬦ᭄ᬫᬗ᭄ᬓᬾ᭞
ᬧ᭄ᬭᬧ᭄ᬢᬧᬭᬦ᭄ᬓᬯᬶᬱᬬᬦ᭄ᬫᬸ᭞ᬗᬹᬦᬷᬫᬭᬶᬂᬫᬥ᭄ᬬᬧᬤ᭞ᬲᬂᬅᬢ᭄ᬫᬳᬲᬯᬸᬃᬲᭂᬫ᭄ᬩᬄ᭟᭜᭟ᬫᬢᬶᬳᬕ᭄ᬭᬶᬂᬳᬶᬗ᭄ᬲᬸᬦ᭄ᬳ᭄ᬬᬂᬲᬶᬦᬸᬳᬸᬦ᭄᭞ᬫᬶᬯᬄᬯᬶᬱᬬᬦᬾ᭞ᬳᬗ᭄ᬮᬾᬬᬓ᭄ᬫᬶᬯᬄᬳᬦ᭄ᬤᬾᬲ᭄ᬢᬶ᭞ᬦᬭᬜ᭄ᬚᬦᬳ
[᭑᭕ 15A]
ᬦᭂᬮᬸᬄ᭞ᬳᬫᬢᬾᬦᬶᬦ᭄‌ᬯᭀᬂᬢᬦ᭄ᬓᬾᬢᬸᬂ᭞ᬯᬾᬦ᭄ᬢᭂᬦ᭄ᬮᬶᬫᬂᬳᬢᬸᬲᬺᬓᬾ᭞ᬢᬦ᭄ᬧᬶᬕᬮᬦᬶᬂᬭᬶᬗ᭄ᬲᬸᬦ᭄᭞ᬳᬧᬦ᭄ᬧᬯᬾᬄᬤᬾᬯᬶᬤᬸᬃᬕ᭄ᬕ᭞ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭟᭜᭟ᬯᬲ᭄ᬢᬸᬓᬶᬢᬤᬶᬦᭂ
ᬫᬸᬦᭂᬫᬸ᭞ᬧᬸᬮᬸᬄᬢᬯᬸᬦᬺᬓᬾ᭞ᬫᬶᬯᬄᬫᭂᬤᭂᬧ᭄ᬫᭂᬤᭂᬧ᭄ᬢᬶᬓᬶ᭞ᬲᬾᬬᬸᬢᬯᬸᬦ᭄ᬢᬯᬸᬦ᭄ᬧᬸᬦᬶᬸ᭞ᬯᬸᬲ᭄ᬲᬫᬗ᭄ᬓᬦᬢᬸᬫᬸᬯᬸᬄ᭞ᬢᬸᬫᬢᬶᬓᬮᬸᬂᬤᬤᬶᬦᬾ᭞ᬭᭀᬂᬗᬢᬸᬲ᭄ᬲᬾᬯᬸᬭᭀᬂᬢᬯᬸᬦ᭄᭞ᬯᬸᬲ᭄ᬫᬗ᭄ᬓᬾᬦ
ᬫᬭᬶᬫᬥ᭄ᬬ᭞ᬲᬃᬯ᭄ᬯᬕᬢᭂᬮ᭄ᬧᬤᬤᬶᬦ᭄ᬢ᭟᭜᭟ᬲᬵᬫ᭄ᬧᬸᬦ᭄ᬲᬶᬦᬸᬭᬵᬢᬢ᭄ᬫᬳᬦᭂᬫᬸ᭞ᬪᬹᬢᬩᬵᬂᬫᬶᬮᬭ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬅᬢ᭄ᬫᬢᬾᬓᬶ᭞ᬮᬦᬂᬳᬯᬃᬡ᭄ᬦᬳᬩᬕᬸᬲ᭄᭞ᬲᬂᬚᭀ
ᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬅᬢ᭄ᬫᬮᬦᬂᬓᬶᬢᬋᬓᬾ᭞ᬫᬢᬶᬳᬗᬧᬳᬶᬓᬸ᭞ᬯᬭᬄᬳᬶᬗᭀᬂᬢᬦ᭄ᬤᬾᬦ᭄ᬳᬾᬗ᭄ᬕᬮ᭞ᬫᬶᬯᬄᬯᬶᬱᬬᬦᬾᬫᬥ᭄ᬬ᭟᭜᭟ᬲᬂᬫᬦᭂᬫ᭄ᬩᬄᬳ᭠ [ 16 ][᭑᭕ 15B]
᭑᭕᭟
ᬮᬶᬸᬂᬢᬸᬭᬾᬳᬮᬸᬲ᭄᭞ᬲᬸᬗ᭄ᬲᬸᬢ᭄ᬲᬧᭀᬮᬳᬾ᭞ᬧᬸᬓᬸᬮᬸᬦ᭄ᬤᬾᬦᬾᬳ᭄ᬬᬂᬫᬫᬶ᭞ᬫᬢᬶᬩᬜ᭄ᬘᬦᬳᬶᬓᬸ᭞ᬫᬭᬶᬂᬳᬶᬲ᭄ᬢ᭄ᬭᬷᬮᬶᬲ᭄ᬢᬸᬳᬬᬸ᭞ᬧᬶᬦᬢᬾᬦ᭄ᬤᬾᬦᬶᬂᬭᬵᬫᬦᬾ᭞ᬫ᭄ᬯᬄᬓᬯᬶᬱᬬᬦ᭄ᬳᬶᬗ᭄ᬲᬸᬦ᭄᭞
ᬳᬩᬸᬩᬸᬭᬸᬫᬭᬶᬂᬳᬮᬲ᭄᭞ᬳᬜ᭄ᬚᬭᬶᬂᬫ᭄ᬯᬂᬳᬧᬶᬓᬢ᭄᭟᭜᭟ᬳᬓᬾᬄᬓᬂᬩᬸᬭᭀᬦ᭄ᬲᬶᬦᬫ᭄ᬩᬸᬢ᭄᭞ᬢᬦ᭄ᬧᬳᬶᬗᬦᬺᬓᬾ᭞ᬲᬂᬚᭀᬕᭀᬃᬫᬡᬶᬓ᭄ᬳᬦᬯᬸᬭᬶᬦ᭄᭞ᬲᬵᬫ᭄ᬧᬸᬦ᭄ᬓᬶᬢᬳ
ᬫᬶᬢᬸᬮᬸᬲ᭄᭞ᬳᬜ᭄ᬚᬮᬸᬦ᭄ᬢᭀᬬᬦ᭄ᬲᬂᬯᬶᬓᬸ᭞ᬲᬂᬅᬢ᭄ᬫᬳᬮᭀᬦᬸᬚᬭᬾ᭞ᬢᬦ᭄ᬩᭀᬦ᭄ᬢᭂᬦ᭄ᬤᬸᬄᬲᬂᬲᬶᬦᬸᬳᬸᬦ᭄᭞ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭞ᬍᬯᬶᬦᬵᬭᬓᬦᬾᬓᬶᬢ᭟᭐
᭟ᬪᬹᬢᬫᭀᬂᬳᬫᬶᬮᬭᬫᬸ᭞ᬭᭀᬂᬢᬯᬸᬦ᭄ᬩᬹᬢᬕᬕᬓ᭄᭞ᬲᬸᬦᬯᭂᬮᬸᬯᭂᬮᬲ᭄ᬳ᭠ᬗ᭄ᬮᬭᬦᬶᬦ᭄᭞ᬯᬲ᭄ᬢᬸᬓᬶᬢᬳᬜᬸᬲᬸᬧ᭄᭞ᬫᬭᬶᬂᬳᬮᬲ᭄ᬕᭂᬂᬧᬸᬦᬶᬓᬸ᭞ᬤᬤ᭄ᬬᬫᭀᬂᬕᬮᬓ᭄ᬲᭀ᭠
[᭑᭖ 16A]
ᬮᬳᬾ᭞ᬲᬵᬫ᭄ᬧᬸᬦ᭄ᬲᬶᬭᬳᬦᬦᭂᬫᬸ᭞ᬅᬢ᭄ᬫᬳᬶᬲ᭄ᬢ᭄ᬭᬷᬓᬜ᭄ᬘᬶᬢ᭄ᬧ᭄ᬭᬧ᭄ᬢ᭞ᬢᬬᬸᬗᬦᬾᬫ᭄ᬩᬫ᭄ᬩᬢ᭄ᬫᭂᬫ᭄ᬩᬢ᭄᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄ᬳᬰ᭄ᬭᬸ᭞ᬅᬢ᭄ᬫᬯᬤᭀᬦ᭄ᬓᬶᬢ᭞ᬧᬭᬦ᭄ᬯᬶᬱ
ᬬᬦᬾᬇᬦᬶ᭞ᬦᬾᬦᬾᬫᬗ᭄ᬓᬾᬫᬢ᭄ᬬᬳᬶᬓᬸ᭞ᬲᬂᬅᬢ᭄ᬫᬳᬢᬸᬭᬾᬜᬸᬜᬸᬃ᭞ᬳᬶᬗ᭄ᬲᬸᬦ᭄ᬫᬥᭂᬫ᭄ᬲᬸᬗ᭄ᬓᬦᬺᬓᬾ᭞ᬢᬶᬢ᭄ᬬᬂᬅᬢ᭄ᬫᬦᬶᬂᬯᭀᬂᬩᭂᬓᬸᬂ᭞ᬢᭀᬂᬤᬤᬶᬫᬤᬺᬯᬾᬯᭂᬓ᭞ᬓᬗᭂᬦ᭄ᬢᬶᬢ᭄ᬬᬂᬢᭂ
ᬓᬾᬦ᭄ᬭᬵᬕ᭟᭜᭟ᬳᬦᬓ᭄ᬫ᭄ᬯᬦᬶᬫ᭄ᬯᬦᬶᬳᬓᬾᬄᬮᬸᬮᬸᬢ᭄᭞ᬭᬶᬂᬭᬵᬕᬦ᭄ᬢᬶᬢ᭄ᬬᬗᬾ᭞ᬲᬵᬫ᭄ᬧᬸᬦ᭄ᬓᬳᬦᬾᬫᬦ᭄ᬲᬫᬶ᭞ᬩᭀᬘᭀᬓ᭄ᬩᬕᬸᬲ᭄ᬢᬦ᭄ᬓᬾᬢᬸᬂ᭞ᬩᬸᬓᬯᬾᬦ᭄ᬢᭂᬦ᭄ᬳᬗᬦ᭄ᬲᬢᬸᬲ᭄᭞ᬩ
ᬲ᭄ᬓᬲᬸᬩ᭄ᬓ᭄ᬭᬂᬢᬶᬢ᭄ᬬᬗᬾ᭞ᬲᬓ᭄ᬯᬢ᭄ᬓᬸᬯᬢ᭄ᬯᭀᬂᬓᬓᬸᬂ᭞ᬩᬸᬓᬢ᭄ᬯᬭᬢᬶᬢ᭄ᬬᬂᬓᭂᬮᬲ᭄᭞ᬧ᭄ᬭᬤᬾᬢ᭄ᬯᬭᬗᭂᬮᬄᬧᬸᬢ᭄ᬭ᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄ᬳᬲᭂᬫᬸᬕᬸᬬᬸ᭞ᬓᬶᬩᭂᬓᬸᬂ [ 17 ][᭑᭖ 16B]
᭑᭖᭟
ᬋᬓᬾ᭞ᬳᬋᬧ᭄ᬓᬶᬢᬫᬶᬲᬸᬲᬸᬳᬶᬦ᭄᭞ᬳᬶᬗᭀᬂᬳᬯᬾᬄᬮᬯᬦ᭄ᬫᬸ᭞ᬮᬭᬾᬳᬮᬶᬢ᭄ᬳᬶᬲ᭄ᬢ᭄ᬭᬷᬳᬬᬸ᭞ᬲᬂᬅᬢ᭄ᬫᬳᬚᬾᬃᬳᬢᬸᬭᬾ᭞ᬦᬸᬦᬲ᭄ᬢᬶᬢ᭄ᬬᬂᬤᬾᬯᬭᬢᬸ᭞ᬳᬶᬘ᭄ᬙᬲᬦ᭄ᬘᭀᬓᭀᬃᬳᬶᬤᬾᬯ
᭞ᬢᬶᬢ᭄ᬬᬂᬗᬧᬾᬳᬧᬾᬧ᭄ᬬᬦᬓ᭄᭟᭜᭟ᬲᬸᬭᬵᬢ᭄ᬫᬧ᭄ᬭᬧ᭄ᬢᬲᭂᬫᬸᬳᬰ᭄ᬭᬸ᭞ᬳᬫ᭄ᬩᬓ᭄ᬢᬮᬭᬦᬾ᭞ᬳᬶᬓᬶᬧᬶᬲᬸᬲᬸᬤᬾᬦᬕᭂᬮᬶᬲ᭄᭞ᬲᬂᬅᬢ᭄ᬫᬕᭂᬮᬶᬲ᭄ᬳᬦᬫ᭄ᬩᬸᬢ᭄᭞ᬩᬶᬚᬮᬾᬫᬜᬧ᭄ᬮᭀᬓ᭄ᬲᬸᬲᬸ᭞
ᬳᬶᬩᭂᬓᬸᬂᬮᬭᬶᬲ᭄ᬗᬢᬾᬬ᭞ᬫᬦᭂᬫᬄᬦᭂᬫᬄᬫᬫᬶᬲᬸᬄ᭞ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭞ᬯᬲ᭄ᬢᬸᬓᬶᬢᬫᬭᬶᬂᬓᬯᬄ᭟᭜᭟ᬲᬢᬯᬸᬦ᭄ᬓᬶᬢᬮᬭᬶᬲ᭄ᬢᬸᬫᬸᬯᬸᬄ᭞ᬫᬭᬶᬂᬤ᭄ᬬᬋᬓᬾ᭞ᬪᬹᬢᬗ᭄ᬕ
ᬭᬭᬾᬗᬮᬭᬦᬶᬦ᭄᭞ᬢᬦ᭄ᬓᭀᬘᬧᬦ᭄ᬦᬦᭂᬫᬸ᭞ᬓᬕᬾᬢᬢ᭄ᬫᬯᭀᬂᬳᬦᬸᬓᬸᬄ᭞ᬧ᭄ᬭᬧ᭄ᬢᬳᬩᭀᬢ᭄ᬧᬫᬃᬕ᭄ᬕᬶᬦᬾ᭞ᬗᬤᬸᬢ᭄ᬲ᭄ᬬᬧ᭄ᬜᬗ᭄ᬓᬶᬮ᭄ᬓᬸᬮᬸᬓ᭄᭞ᬢᬢᭂᬕᭂᬦᬦᬲᬭᬵᬢ᭄᭞ᬕᭂ
[᭑᭗ 17A]
ᬦᭂᬧ᭄ᬲᬳᬶᬲᬶᬦᬶᬂᬳᬸᬫᬄ᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄ᬳᬰ᭄ᬭᬸ᭞ᬅᬢ᭄ᬫᬩᬸᬬᬸᬢ᭄ᬧ᭄ᬭᬧ᭄ᬢ᭞ᬫᬢᬶᬳᬗᬧᬢᬢᬾᬓᬶ᭞ᬫ᭄ᬯᬂᬓᬯᬶᬱᬬᬦ᭄ᬫᬸ᭞ᬳᬶᬗᬸᬬᬸᬢ᭄ᬳᬢᬸᬭᬾᬳᬶᬚᬸᬓ᭄᭞ᬢᬶᬢ᭄ᬬᬂ
ᬫᬢᬶᬮᬩᬸᬄᬋᬓᬾ᭞ᬫᬭᬶᬂᬧᬗ᭄ᬓᬸᬂᬗᬮᬧ᭄ᬲᬫ᭄ᬮᬸᬂ᭞ᬲᬫ᭄ᬧᬶᬦ᭄ᬢᬶᬢ᭄ᬬᬂᬯᬸᬲ᭄ᬫᬢᭂᬓᬧ᭄᭞ᬫᬦᬕᬶᬄᬳᬫᬳᬫᬳᬦ᭄᭟᭜᭟ᬯᬶᬱᬬᬦ᭄ᬢᬶᬢ᭄ᬬᬗᬾᬢ᭄ᬯᬄᬫᬫᬘᬸᬮ᭄᭞ᬍᬫᬄᬍᬫᭂᬂᬋᬓᬾ᭞
ᬍᬫᬄᬫᬗᭂᬩᬾᬢ᭄ᬓᬮᬤᬶ᭞ᬍᬫᭂᬂᬜᬫ᭄ᬩᬸᬗᬶᬦ᭄ᬩᬶᬬᬸ᭞ᬫᬮᬶᬗᬾᬋᬓᬾᬩᬲ᭄ᬮᬶᬬᬸ᭞ᬢᬢᬦ᭄ᬤᬸᬭᬦ᭄ᬢᬶᬢ᭄ᬬᬂᬫᬓᬾᬄ᭞ᬩᭀᬢᭀᬃᬓᭀᬫᬓ᭄ᬓᬘᬂᬚᬕᬸᬂ᭞ᬓᬯᬂᬭᬶᬚᬶᬕ᭄ᬮᬦ᭄ᬧᬕ᭄ᬧᬕᬦ᭄᭞ᬓᬮᬤᬶ
ᬓᬸᬜᬶᬢ᭄ᬓᬲᬾᬮ᭟᭜᭟ᬢᭂᬩᬸᬫ᭄ᬯᬂᬩ᭄ᬬᬯᬸᬂᬳᬸᬦ᭄ᬤᬶᬲ᭄ᬚᬕᬸᬂ᭞ᬓᬓᬭᬧᬲᬾᬮᬾᬢ᭄᭞ᬧᬤᬶᬕᬕᬚᬕᬸᬂᬲᬶᬸᬂᬚᬮᬶ᭞ᬫᬗ᭄ᬓᬶᬦ᭄ᬧᬸᬦᬶᬓᬓᬦ᭄ᬢᬸᬦ᭄᭞ᬓᬸᬤ᭄ᬬᬂᬢᬶᬢ᭄ᬬᬂᬤᬾᬯᬭᬢᬸ᭞ᬳᬶ [ 18 ][᭑᭗ 17B]
᭑᭗᭟
ᬘᬾᬦᬶᬦ᭄ᬢᬶᬢ᭄ᬬᬂᬲ᭄ᬯᬃᬕ᭄ᬕᬦᬾ᭞ᬧᬘᬂᬧᬫᬸᬮᬳᬶᬦ᭄ᬚᬕᬸᬂ᭞ᬢᬶᬢ᭄ᬬᬂᬢ᭄ᬯᬄᬚᬢᬶᬫᬢᬸᬫ᭄ᬩᬲ᭄᭞ᬧᬳᬶᬘᬦ᭄ᬘᭀᬓᭀᬃᬳᬶᬤᬾᬯ᭟᭜᭟ᬲᬓᬬᬸᬦ᭄ᬘᭀᬓᭀᬃᬳᬶᬤᬾᬯᬭᬢᬸ᭞ᬗᬫ᭄ᬩᬶᬮ᭄ᬧᬦᬸᬓᬸᬦᬾ
᭞ᬳᭂᬫᬵᬲ᭄ᬧᬶᬧᬶᬲ᭄ᬲᬵᬫ᭄ᬧᬸᬦ᭄ᬫᬕᬶ᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬲᬸᬕᬶᬄᬢᭂᬫᭂᬦ᭄ᬓᬶᬢᬦ᭄ᬩᬸᬬᬸᬢ᭄᭞ᬬᬬᬶᬲᬸᬭᬵᬢ᭄ᬫᬤᬶᬦᬕᬾ᭞ᬫᬭᬶᬧᬸᬭᬢᬧᬸᬦᬶᬓᬸ᭞ᬳᬫᬾᬢᭂᬦ᭄ᬳᭂᬫᬵᬲ᭄ᬳᬶᬭᬶᬗ᭄ᬯᬂ᭞ᬢᬶ
ᬦᬯᭀᬂᬭᬦ᭄ᬫᬲᬂᬅᬢ᭄ᬫ᭟᭜᭟ᬯᬷᬭᬲᬸᬭᬵᬢ᭄ᬫᬳᬸᬫᬗ᭄ᬓᬢ᭄ᬳᬰ᭄ᬭᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬫᬗ᭄ᬓᬾ᭞ᬳᬫ᭄ᬩᬓ᭄ᬢᬳᭂᬫᬵᬲ᭄ᬳᬧᭂᬢᬶ᭞ᬳᬶᬤᬯᭀᬭᬦ᭄ᬤᬾᬦ᭄ᬳᬰ᭄ᬭᬸ᭞ᬳᭂᬫᬵᬲᬾᬲᬶᬭᬲᬂᬩᬸᬬᬸᬢ᭄᭞ᬧ᭄ᬭ
ᬲᬫᬳᬭᭀᬓ᭄ᬭᬸᬧᬦᬾ᭞ᬢᬦ᭄ᬓᬢᭂᬗᭂᬭᬦᬶᬧᬸᬦ᭄᭞ᬳᬶᬩᬸᬬᬸᬢ᭄ᬮᬾᬫᬾᬤ᭄ᬳᬗᬸᬘᬧ᭄᭞ᬫᬗᬸᬤᬲᬗ᭄ᬓᬦ᭄ᬳᬯᭀᬭᬂ᭟᭜᭟ᬭᬲᬢᬦ᭄ᬓᭂᬦᬥᬾᬦᬾᬳᬶᬭᬶᬗ᭄ᬲᬸᬦ᭄᭞ᬫᬦᬗᬳᭂᬫᬵᬲᬾ᭞
[᭑᭘ 18A]
ᬧᬸᬦᬶᬓᬶᬳᭂᬫᬵᬲᬶᬸᬂᬲ᭄ᬲᬶᬭᬾᬓᬶ᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬢᬸᬳᬸᬅᬢ᭄ᬫᬓᬸᬫᭂᬤ᭄ᬳᬶ᭠ᬓᬸ᭞ᬲᬫᬢᬶᬦᬗᭂᬭᬦ᭄ᬫᬵᬲᬾ᭞ᬳᬗ᭄ᬳᬶᬂᬢᬓᬶᬢᬳᬸᬫᬦ᭄ᬢᬸᬓ᭄᭞ᬳᬳᬸᬫᬭᬭᬶᬫᬥ᭄ᬬᬧᬤ᭞ᬥᬦᬳᬶ
ᬦ᭄ᬯᬲᬫᬦ᭄ᬓᬾᬢ᭟᭜᭟ᬤᬤᭂᬫᬶᬢ᭄ᬫᬭᬶᬂᬓᬤᬂᬧᬸᬦᬶᬓᬸ᭞ᬘᬘᬭᬶᬦ᭄ᬤᬺᬯᬾᬦᬾ᭞ᬳᬓᬾᬄᬲᬂᬳᬶᬭᬶᬲᬢᬶᬦ᭄᭞ᬫᬶᬯᬄᬫᬓᬃᬬ᭄ᬬᬳᬬᬸ᭞ᬫᬗᭂᬮᬸᬃᬯᭂᬮᬶᬢᬫᬫᬗ᭄ᬕᬸᬂ᭞ᬳᬗ᭄ᬕᬶᬬᬚ᭄ᬜᬵᬤᬾᬯᬳᬫᬗ᭄ᬓᬾ᭞
ᬫᬳᬶᬗ᭄ᬓᬸᬧᬶᬂᬤᬾᬢᬳᬶᬓᬸ᭞ᬳᬯᬓ᭄ᬮᬦ᭄ᬢᬲ᭄ᬧᬢᬶᬦ᭄ᬢᭂᬦᬂ᭞ᬳᭂᬫᬵᬲ᭄ᬧᬶᬧᬶᬲ᭄ᬤᬜᬬᬗᬂ᭟᭜᭟ᬩ᭄ᬭᬬᬦᬾᬳᬸᬦ᭄ᬤᬂᬳᬚᬓ᭄ᬫᬫᬸᬦ᭄ᬤᬸ᭞ᬢᬫ᭄ᬧᬳᬂᬧᬂᬳᬓᬾᬄ᭞ᬕᬫ᭄ᬩᬂᬳᭂᬕᭀᬂᬧᬥᬳᬮᬶᬄ᭞ᬕᬸᬧᬶᬢ᭄ᬲᬸᬮᬶᬂᬘᬍ
ᬫ᭄ᬧᬸᬂ᭞ᬯᬬᬂᬕᭂᬤᭀᬕ᭄ᬮᬯᬦ᭄ᬕᬫ᭄ᬩᬸᬄ᭞ᬬᬶᬸᬂᬯᬬᬂᬧᬃᬯ᭄ᬯᬢᭀᬦᬾᬳᬗ᭄ᬕᬾ᭞ᬳᬧᬦ᭄ᬓᬲᬚᬶᬤᬶᬢᬸᬢᬸᬃ᭞ᬳᬧᬦ᭄ᬢ᭄ᬯᬄᬗᭂᬜ᭄ᬚᭂᬓ᭄ᬤᬶᬢᬢ᭄ᬯ᭞ᬳᬶᬗᭀᬂᬚᬕᬶᬫᬦ᭄ᬢᭀᬦ᭄ᬢᭀᬦᬦ᭄᭟᭜᭟ᬰᬶᬯᬩᭀᬤ᭄ᬟᬓᬩᬬ [ 19 ][᭑᭘ 18B]
᭑᭘᭟
ᬦ᭄ᬲᭂᬗ᭄ᬕᬸᬳᬸ᭞ᬫ᭄ᬯᬂᬚᬓ᭄ᬱᬥᬍᬫᬾ᭞ᬩᬮ᭄ᬬᬦ᭄ᬫᬓᭀᬦ᭄ᬢᭀᬂᬳᬮᬶᬄ᭞ᬅᬤᬶᬧᬃᬯ᭄ᬯᬫ᭄ᬯᬂᬧᬸᬢ᭄ᬭᬸ᭞ᬳᬧᬦ᭄ᬧᬓᬃᬬ᭄ᬬᬦ᭄ᬓᬶᬢᬳᬕᬸᬂ᭞ᬳᬢᬸᬭᬶᬦ᭄ᬧᬥᬳᭂᬫ᭄ᬧᬸᬦᬾ᭞ᬫᬸᬗ᭄ᬕᬄᬗᬬᬸᬦᬶᬦ᭄ᬓᬃᬬ᭄ᬬᬦ᭄ᬫᬸ᭞ᬗᬢᬸᬭᬶᬦ᭄ᬧᬶᬢᬺ
ᬫᬥᬳᬃ᭞ᬫ᭄ᬯᬂᬧᬭᬯᬢᭂᬓ᭄ᬤᬾᬯᬢ᭟᭜᭟ᬩᬮ᭄ᬬᬦ᭄ᬫᬓᭀᬦ᭄ᬤᬾᬭᬶᬂᬤᬮᬦ᭄ᬕᬸᬂ᭞ᬜᭂᬕᭂᬳᬶᬦ᭄ᬩᬦ᭄ᬢᭂᬦᬾ᭞ᬳᬧᬜᬫᬋᬧ᭄ᬮᭀᬤ᭄ᬓᬗᬶᬦ᭄᭞ᬳᬧᬦ᭄ᬘᬭᬸᬧᬸᬦᬶᬓᬸ᭞ᬲᬂᬪᬹᬢᬳᬶᬋᬂᬳᬫᬸᬦᬸᬄ᭞ᬬ
ᬦᭂᬩᬳᬶᬂᬘᬭᬸᬦᬾ᭞ᬳᬦᬓ᭄‌ᬬᬤᬤᬶᬗᬤᭂᬧᬸᬓ᭄᭞ᬧᬕᭂᬤᬾᬦ᭄ᬓᬃᬬ᭄ᬬᬦᬾᬭᬵᬓ᭄ᬱ᭞ᬲᬦ᭄ᬢᬸᬦ᭄ᬲᬢᬓ᭄ᬮᬸᬂᬩᭂᬦᬂ᭟᭜᭟ᬩᬮ᭄ᬬᬦ᭄ᬗᬮᬧᬂᬲ᭄ᬬᬸᬲᬢᬸᬲ᭄᭞ᬢᬸᬢ᭄ᬳᬶᬲᬶᬦ᭄ᬩᬦ᭄ᬢᭂᬦᬾ᭞ᬧ᭄ᬭᬲᬶᬤ᭄ᬟᬕ
ᬯᬾᬦᬾᬩᭂᬘᬶᬓ᭄᭞ᬓᬩᬬᬦ᭄ᬧᬢ᭄ᬯᬲ᭄ᬳᬶᬧᬸᬦ᭄᭞ᬢ᭄ᬯᬄᬜᬲᬢᬓ᭄ᬧᬶᬢᬸᬮᬶᬓᬸᬃ᭞ᬲᭂᬗ᭄ᬕᬸᬳᬸᬲᬫᬲ᭄ᬲᬮᬳᬾ᭞ᬧᬜᬭᬶᬓᬦ᭄ᬟᬍᬫ᭄ᬳᬶᬓᬸ᭞ᬢᭂᬮᬸᬂᬗᬢᬸᬲ᭄ᬓᬶᬭᬂᬧᬢ᭄ᬧᬢ᭄᭞ᬳᬶᬤᬩᭀᬤ᭄ᬟ
[᭑᭙ 19A]
ᬢᬶᬕᬂᬮᬓ᭄ᬱ᭟᭜᭟ᬳᬶᬤᬰᬶᬯᬗᬮᬧᬂᬲᬲᬦ᭄ᬢᬸᬦ᭄᭞ᬧᬶᬢᬸᬂᬢᬮᬶᬋᬓᬾ᭞ᬲᬂᬳᬧᬸᬢ᭄ᬭᬸᬧᬶᬢᬸᬂᬩᬗ᭄ᬲᬶᬢ᭄᭞ᬲᬶᬅᬤᬶᬧᬃᬯ᭄ᬯᬳᬶᬓᬸ᭞ᬲᬲᬦ᭄ᬢᬸᬦ᭄ᬜᬧᬶᬢᬸᬂᬗᬢᬸᬲ᭄᭞ᬢᭀᬳᬶᬗᭂᬢ᭄ᬳ
ᬧᬂᬢᬾᬢᬾᬄ᭞ᬮᬫᬸᬦ᭄ᬲᬸᬩᬧᬥᬧᬸᬧᬸᬢ᭄᭞ᬓᬃᬬ᭄ᬬᬦᬾᬧᬥᬢᬶᬦᬗ᭄ᬕᬧ᭄᭞ᬤᬾᬦᬶᬂᬧ᭄ᬭᬯᬢᭂᬓ᭄ᬤᬾᬯᬢ᭟᭜᭟ᬤᬶᬢᬸᬬᬾᬦ᭄ᬲᬶᬭᬧᭂᬚᬄᬭᬶᬂᬳᬾᬲᬸᬓ᭄᭞ᬭᬶᬤᬶᬦᬧ᭄ᬭᬗ᭄ᬩᬓᬢ᭄᭞ᬢᬦ᭄ᬲᬶᬧᬶ
ᬲ᭄ᬯᬃᬕ᭄ᬕᬧᬶᬦᬗ᭄ᬕᬶᬄ᭞ᬯᬶᬥ᭄ᬬᬥᬭᬷᬢᬸᬫᬸᬭᬸᬦ᭄᭞ᬯᬶᬥ᭄ᬬᬥᬭᬲᬫᬶᬦᬸᬭᬸᬦ᭄᭞ᬫ᭄ᬯᬂᬧᬭᬯᬢᭂᬓ᭄ᬤᬾᬯᬢ᭞ᬫ᭄ᬩᬓ᭄ᬢᬚᬫ᭄ᬧᬦᬳᬮᬸᬲ᭄᭞ᬳᬫᬧᬕ᭄ᬓᬶᬢᬭᬶᬂᬤᬮᬦ᭄᭞ᬫᬸᬗ᭄ᬕᬄᬓᬶᬢᬭᬶᬂᬲ᭄ᬯᬃᬕ᭄ᬕ᭟᭜᭟
ᬭᬶᬂᬫᬾᬭᬸᬢᬸᬫ᭄ᬧᬂᬲᬯᭂᬮᬲ᭄ᬳᬶᬓᬸ᭞ᬲᬶᬭᬧᬮᬸᬗ᭄ᬕᬸᬳᬾ᭞ᬲᬂᬩᬸᬬᬸᬢ᭄ᬳᬢᬸᬭᬾᬳᬭᬶᬲ᭄᭞ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬲᬸᬓᬲᬂᬅᬢ᭄ᬫᬉᬫᬦ᭄ᬢᬸᬓ᭄᭞ᬲᬂᬚᭀᬕᭀᬃᬫᬡᬶᬓ᭄ᬳᬸᬚᬭᬾ᭞ᬯᬲ᭄ᬢᬸᬓᬶ [ 20 ][᭑᭙ 19B]
᭑᭙᭟
ᬢᬦᭂᬫᬸᬭᬳᬬᬸ᭞ᬉᬫᬦ᭄ᬢᬸᬓ᭄ᬭᬶᬂᬫᬥ᭄ᬬᬧᬤ᭞ᬲᬂᬅᬢ᭄ᬫᬦᭂᬫ᭄ᬩᬄᬮᬸᬫᬫ᭄ᬧᬄ᭟᭜᭟ᬧᬸᬧᬸᬄᬧᬸᬘᬸᬂ᭟᭜᭟ᬲᬗᬩᬸᬬᬸᬢ᭄᭞ᬧᬫᬃᬕ᭄ᬕᬶᬦᬾᬲᬤᬳᬮᬸᬲ᭄᭞ᬲᬧ᭄ᬭᬧ᭄ᬢᬾᬂᬫᬤ᭄ᬬᬧᬤ᭞ᬳᬧᬦ᭄ᬢᬦ᭄ᬓ
ᬯᬃᬡ᭄ᬦᬢᬾᬓᬶ᭞ᬓᬜ᭄ᬘᬶᬢ᭄ᬭᬯᬸᬄ᭞ᬅᬢ᭄ᬫᬳᬶᬲ᭄ᬢ᭄ᬭᬷᬗᬬᬂᬗᬬᬂ᭟᭜᭟ᬭᬵᬕᬍᬫ᭄ᬧᬸᬂ᭞ᬧᬫᬸᬮᬸᬦᬾᬩᬂᬩᬂᬳᬮᬸᬲ᭄᭞ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭞ᬅᬢ᭄ᬫᬳᬶᬲ᭄ᬢ᭄ᬭᬶᬓᬶᬢᬧ᭄ᬭᬧ᭄ᬢᬶ᭞ᬯᬭᬳᬶᬗ᭄ᬲᬸᬦ
᭞ᬫᬢᬶᬳᬗᬧᬭᬶᬂᬓᬸᬦ᭟᭜᭟ᬓᬯᬶᬲᬦ᭄ᬓᬶᬢ᭞ᬯᬭᬳᬤᬾᬦᬰ᭄ᬭᬸ᭞ᬲᬂᬅᬢ᭄ᬫᬳᬗᬸᬘᬧ᭄᭞ᬧᬸᬓᬸᬮᬸᬦ᭄ᬳᬶᬗ᭄ᬲᬸᬦ᭄ᬳ᭄ᬬᬂᬫᬫᬶ᭞ᬧᭂᬚᬄᬳᬶᬗ᭄ᬲᬸᬦ᭄᭞ᬲᬶᬦᬤᬓᬯᬳᬶᬭᬶᬗ᭄ᬯᬂ᭟᭜᭟ᬭᬭᬾᬫᬢᬸ᭞
ᬫᬭᬶᬂᬚ᭄ᬭᭀᬯᭂᬢᭂᬂᬧᬸᬦᬶᬓᬸ᭞ᬫ᭄ᬯᬂᬭᬄᬢᬦ᭄ᬧᭂᬕᬢᬦ᭄᭞ᬧᭂᬚᬄᬲᬤᬶᬦᬳ᭄ᬬᬂᬫᬫᬶ᭞ᬳᬧᬦ᭄ᬳᬶᬗ᭄ᬲᬸᬦ᭄᭞ᬓᬧᭀᬚᬭᬸᬄᬭᬶᬂᬯᭀᬂᬮᬦᬂ᭟᭜᭟ᬧᬸᬧᬸᬄᬅᬤ᭄ᬭᬷ᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳ
[᭒᭐ 20A]
ᬗᬸᬘᬧ᭄ᬳᬰ᭄ᬭᬸ᭞ᬲᬧᬸᬦᬶᬓᬶᬋᬓᬾ᭞ᬳᬫ᭄ᬭᬲ᭄ᬳᬫᬶᬢᬸᬮᬸᬲ᭄ᬢᬾᬓᬶ᭞ᬅᬢ᭄ᬫᬳᬢᬸᬭᬾᬳᬮᬸᬲ᭄᭞ᬢᬦ᭄ᬩᭀᬦ᭄ᬢᭂᬦ᭄ᬤᬸᬄᬲᬗ᭄ᬳᬸᬮᬸᬦ᭄᭞ᬳᬸᬯᬶᬦᬸᬳᬸᬦ᭄ᬲᬂᬚᭀᬕᭀᬃᬫᬡᬶᬓ᭄᭞ᬉᬚᬭᬾᬓᬶᬢᬅᬢ᭄ᬫᬵᬬᬸ᭞ᬦᬶᬃᬤᭀᬦ᭄ᬤᬸᬲᬸ
ᬦ᭄ᬳᬕᭂᬂᬮᬭ᭞ᬢᬶᬦᭂᬫᬸᬦ᭄ᬢᬓᬶᬢᬓᬧᬶᬭᭀᬕ᭟᭜᭟ᬯᬲ᭄ᬢᬸᬓᬶᬢᬕᬸᬫᬦ᭄ᬢᬸᬂᬭᬶᬂᬧᭂᬢᬸᬂ᭞ᬯᬸᬮᬸᬢᬯᬸᬦᬺᬓᬾ᭞ᬩᬶᬓᬸᬮᬾᬫᬜᬶᬕᬶᬢ᭄ᬢᬮᬶ᭞ᬅᬢ᭄ᬫᬦᬾᬳᬬᬸᬦᬬᬸᬦ᭄᭞ᬳᬗᬶᬦᬾᬩᬋᬢ᭄ᬫᬕ᭄ᬭᬸᬲ᭄᭞ᬢ
ᬮᬶᬦᬾᬘᭂᬓᬶᬂᬋᬓᬾ᭞ᬕ᭄ᬦᬶᬦᬾᬳᬕᭂᬂᬳᬫᬸᬭᬸᬩ᭄᭞ᬳᬲᬸᬕᭂᬥᬾᬧᬢᬸᬗᬥᬄ᭞ᬜᬤᬗᬶᬦ᭄ᬳᬸᬮᬸᬗᬦᬢ᭄ᬫ᭟᭜᭟ᬪᬹᬢᬯᬶᬓᬫ᭄ᬧᬋᬓᬾᬫᬶᬤᬸᬤᬸ᭞ᬬᬾᬦ᭄ᬚᬸᬢᬸᬕ᭄ᬲᭂᬗ᭄ᬓᭂᬭᬾ᭞ᬭᬶᬂᬫᬥ᭄ᬬᬧᬤᬢᬸᬫᬶᬢᬶᬲ᭄᭞
ᬲᬢᬢᬫᬗ᭄ᬕᬶᬄᬓᬾᬯᬸᬄ᭞ᬪᬹᬢᬯᬶᬓᬮ᭄ᬧᬳᬗ᭄ᬭᬗ᭄ᬲᬸᬓ᭄᭞ᬲᬗ᭄ᬓᬦ᭄ᬫᬦᭂᬫᬸᬯᬶᬓᬮ᭄ᬧ᭞ᬯᬷᬭᬲᬸᬭᬵᬢ᭄ᬫᬳᬦᬸᬭᬹᬢ᭄᭞ᬰᬶᬭᬄᬳᬶᬭᬲᬂᬧ᭄ᬭᬅᬢ᭄ᬫ᭞ᬢᬦ᭄ᬓᭀᬘᬧ᭄ᬫᬦᭂᬫᬸᬮᬭ᭟᭜᭟ᬓᬜ᭄ᬘᬶᬢ᭄ᬧ᭄ᬭᬧ᭄ᬢ [ 21 ][᭒᭐ 20B]
᭒᭐᭟
ᬅᬢ᭄ᬫᬦᬶᬂᬯᭀᬂᬧᬸᬢᬸᬲ᭄᭞ᬲᭀᬓ᭄ᬩᬶᬓᬲᬾᬤᬸᬯᬾᬦ᭄᭞ᬢ᭄ᬯᬭᬦᬯᬂᬓ᭄ᬭᬶᬓᬶᬲ᭄ᬦᬶᬂ᭞ᬢᬍᬃᬫᬩᬸᬗ᭄ᬳᬚᭂᬧᬸᬦ᭄᭞ᬫᬳᬦ᭄ᬤᭂᬂᬧᬸᬢᬶᬳᬾᬫᬸᬃᬫᬸᬃ᭞ᬫᬓᬫ᭄ᬩᭂᬦ᭄ᬩᬦ᭄ᬤᭀᬭᬶᬢᬾᬕᬾᬲ᭄᭞ᬲᬫᬗᬋᬕᭂᬧᬸᬮᬢ᭄ᬢᬳᬸ᭞ᬢᭂᬓᬾᬦ᭄ᬧᬗᬶ
ᬲᬶᬦ᭄ᬳᬭᬓ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭟᭜᭟ᬫᬦᭂᬫᬄᬫᬫᬶᬲᬸᬄᬫᬲᬶᬄᬓᬲᬸᬩ᭄᭞ᬘᭂᬘᭂᬧ᭄ᬲᬦ᭄ᬩᬶᬩᬶᬳᬾ᭞ᬧᬦᭂᬲ᭄ᬩᬦ᭄ᬤᭂᬂᬤᬾᬦ᭄ᬢᭂᬫᬳᬶᬦ᭄᭞ᬳᬸᬚᬦ᭄ᬫᬲᬶᬓᬾᬧᬶᬲᬸᬄ᭞ᬕᬶᬕᬶᬳᬫᬲᬶᬄᬫᬫᬶᬲᬸᬄ᭞ᬲᬂᬚᭀ
ᬕᭀᬃᬫᬡᬶᬓᬸᬚᬭᬾ᭞ᬅᬢ᭄ᬫᬳᬶᬲ᭄ᬢ᭄ᬭᬷᬳᬶᬓᬶᬭᬯᬸᬄ᭞ᬫᬢᬶᬳᬗᬧᬭᬶᬂᬫᬥ᭄ᬬ᭞ᬫᬶᬯᬄᬓᬯᬶᬱᬬᬦ᭄ᬦᬶᬭ᭟᭜᭟ᬲᬂᬅᬢ᭄ᬫᬳᬢᬸᬭᬾᬳᬲᭂᬫᬸᬲᭂᬦ᭄ᬤᬸ᭞ᬥᬸᬄᬲᬂᬲᬸᬲᬸᬳᬸᬦᬦ᭄᭞ᬫᬢᬶᬗᬶᬧᬶᬳ᭄ᬬᬂᬫᬫᬶ᭞᭠
ᬫᬦᬯᬶᬯᬶᬱᬬᬦ᭄ᬳᬶᬗ᭄ᬲᬸᬦ᭄᭞ᬫᬦᬶᬭᬸᬦᬶᬓᬲ᭄ᬯᭀᬂᬧᬸᬢᬸᬲ᭄᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬯᬭᬳᬳᬶᬗᭀᬂᬤᬦ᭄ᬳᬰ᭄ᬭ᭞ᬢᬶᬢᬶᬓᬺᬢᬰᬶᬮᬓ᭄ᬭᬫ᭞ᬮᬸᬤ᭄ᬭᬫ᭄ᬯᬂᬯᬶᬯᬶᬚᬗᬦ᭄᭟᭜᭟
[᭒᭑ 21A]
ᬭᬶᬂᬮᭀᬃᬓᬶᬤᬸᬮ᭄ᬓᬸᬮᭀᬦ᭄ᬯᬾᬢᬦ᭄ᬳᬶᬓᬸ᭞ᬫᬶᬯᬄᬫᬭᬶᬂᬢᭂᬗᬄ᭞ᬯᬶᬓᬢᬦ᭄ᬢ᭄ᬭᬯᬶᬭᬯᬶᬗᬶᬢ᭄᭞ᬘᬢᬸᬃᬯᬲ᭄ᬢ᭄ᬭᬳᬶᬓᬸ᭞ᬲᬂᬯᬭᬲ᭄ᬢ᭄ᬭᬢᬾᬗᬬᬸᬦ᭄᭞ᬭᬶᬂᬧᬗᬦ᭄ᬲ᭄ᬯᬕᬢᬲ᭄ᬯᬭᬾ᭞ᬯᬯᭂᬦ᭄ᬢᬶᬄᬯᭂᬦᬂᬧᬸᬧᬸᬦ᭄ᬤᬸᬢ᭄᭞
ᬤᭂᬲ᭄ᬫᬦᬶᬂᬯᬶᬗᬶᬢ᭄ᬤᬭᬫᬦ᭄᭞ᬓᬺᬢᬭᬶᬂᬭᬵᬕᬓᬸᬭᬸᬗᬦ᭄᭟᭜᭟ᬲᬂᬳᬢ᭄ᬫᬳᬢᬸᬭᬾᬲᭂᬫᬸᬳᬮᬸᬲ᭄᭞ᬲᬶᬗ᭄ᬕᬶᬄᬲᬂᬲᬶᬦᭂᬫ᭄ᬩᬄ᭞ᬢᬦ᭄ᬤ᭄ᬯᬧᬶᬲᬦᬶᬂᬳ᭄ᬬᬂᬫᬫᬶ᭞ᬲᬂᬚᭀᬕᭀᬃᬫᬡᬶᬓ᭄ᬳᬰ᭄ᬭᬸ᭞ᬧᬗᬸᬘᬧᬾᬅ
ᬢ᭄ᬫᬤᬸᬤᬸ᭞ᬯᬲ᭄ᬢᬸᬓᬶᬢᬦᭂᬫᬸᬫᬗ᭄ᬓᬾ᭞ᬧᬵᬧᬯᬸᬮᬸᬂᬤᬰᬢᬯᬸᬦ᭄᭞ᬪᬹᬢᬯᬶᬭᬂᬳᬫᬶᬮᬭ᭞ᬦᬶᬸᬂᬳᬦᬸᬲᬸᬧ᭄ᬫᬭᬶᬂᬰᬭᬷᬭ᭟᭜᭟ᬢᬦ᭄ᬓᭀᬘᬧ᭄ᬲᬵᬫ᭄ᬧᬸᬦ᭄ᬳᬦᭂᬫᬸ᭞ᬓᬜ᭄ᬘᬶᬧ᭄ᬭᬧ᭄ᬢᬋᬓᬾ᭞ᬅᬢ᭄ᬫ
ᬲᬂᬢᬸᬢᬸᬬᬓ᭄ᬢᬶᬓ᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬫᬢᬶᬳᬗᬧᬳᬶᬓᬸ᭞ᬫ᭄ᬯᬄᬓᬯᬶᬱᬬᬦ᭄ᬓᬶᬢ᭞ᬲᬂᬅᬢ᭄ᬫᬉᬫᬢᬸᬃᬳᬮᬸᬲ᭄᭞ᬳᬫᬢᬶᬂᬳᬕ᭄ᬭᬶᬂᬫᬭᬶᬂᬓᬸᬦ᭞ᬯᬶᬫᬬᬦᬶ᭠ [ 22 ][᭒᭑ 21B]
᭒᭑᭟
ᬭᬫᬶᬲᬸᬦ᭟᭜᭟ᬫ᭄ᬯᬂᬬᬦ᭄ᬳᬦᬧᬳᬦᬓ᭄ᬳᬶᬭᬶᬗ᭄ᬲᬸᬦ᭄᭞ᬧ᭄ᬭᬲᬫᬢᬶᬮᬓ᭄᭞ᬢᬦ᭄ᬳᬋᬧ᭄ᬳᬶᬗ᭄ᬲᬸᬦ᭄ᬳᬗᬫ᭄ᬩᬶᬮ᭄᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬳᬶᬓᬶᬢᬪᬹᬢᬫᬭᬸᬗᬸᬢ᭄᭞ᬳᬶᬓᬶᬳᬫᬾᬢ᭄ᬓᬃᬅ
ᬢ᭄ᬫᬦᬾ᭞ᬳᭂᬮᬸᬂᬳᭂᬮᬸᬂᬩᬶᬮᬂᬩᬸᬓᬸ᭞ᬲᬂᬪᬹᬢᬫᬭᬸᬗᬸᬢ᭄ᬳᬫᬶᬮᬭ᭞ᬅᬢ᭄ᬫᬳᭂᬮᬸᬂᬩᬶᬮᬂᬤᬗ᭄ᬓ᭟᭜᭟ᬍᬫᭂᬢ᭄ᬓᬶᬓᬺᬓᬾᬢᬬᬸᬂᬢᬬᬸᬂ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬯᬲ᭄ᬢᬸᬫᬭᬶᬂᬫᬥ᭄ᬬᬢᬾᬓᬶ᭞ᬢᬸᬫᬶᬢᬶ
ᬲ᭄ᬭᬶᬂᬓᬤᬂᬫᬸ᭞ᬫᬦᭂᬫᬸᬮᬭᬲᬢᬸᬯᬸᬓ᭄᭞ᬭᬶᬂᬫᬥ᭄ᬬᬧᬤᬋᬓᬾ᭞ᬳᬧᬦ᭄ᬲᬂᬪᬹᬢᬫᬭᬸᬗᬸᬢ᭄ ᬳᬫᬶᬮᬭᬫᬭᬶᬂᬫᬥ᭄ᬬ᭞ᬍᬫᭂᬢ᭄ᬢᭀᬂᬤᬤᬶᬫᬚᬮᬦ᭄᭟᭜᭟ᬳᬧᬦ᭄ᬲᬲᬩᬧᬦᬾᬩᬲ᭄ᬮᬶᬬᬸ᭞ᬫᬤᬸᬤᬸᬲ᭄ᬫᬩᬾᬮᬾ
ᬢ᭄᭞ᬓᬯᬸᬮᬸᬦ᭄ᬲᬾᬢ᭄ᬭᬓᬧᬦ᭄ᬢᬶᬂ᭞ᬫᬘᬭᬸᬦᬸᬦᬸᬓᬸᬮᬸᬓ᭄᭞ᬫᬮᬦᬶᬂᬯᬸᬓᬸᬧᬸᬦᬶᬓᬸ᭞ᬢᬦ᭄ᬳᭂᬮᬤ᭄ᬲᬓᬧᬦᬾ᭞ᬓᬧ᭄ᬩ᭄ᬭᬦᬮᬲᬗ᭄ᬓᬶᬃᬢᬸᬯᬸᬄ᭞ᬓᬧᬺᬣᬶᬯᬷᬫ᭄ᬯᬂᬭᬶᬂᬧᬗ᭄ᬕᬄ᭞ᬫᬲᬶᬄᬢᭀᬂᬤᬤᬶᬦᬫᬚᬮᬦ᭄᭟᭜᭟
[᭒᭒ 22A]
ᬅᬢ᭄ᬫᬦᬶᬂᬯᭀᬂᬢᬦ᭄ᬩᬶᬲᬦᬸᬦᬸᬦ᭄᭞ᬭᬯᬸᬄᬳᬩᭀᬢ᭄ᬧᬫᬃᬕᬶᬦᬾ᭞ᬫᬓᬫᭂᬦ᭄ᬩᬮᬸᬮᬂᬓᬫ᭄ᬩᬶᬂ᭞ᬘᬶᬘᬶᬂᬕᬮᬓ᭄ᬫᬗᬸᬢ᭄ᬕᬸᬢ᭄᭞ᬢᬧᬶᬄᬳᭀᬜᬋᬜᬄᬋᬜᬄ᭞ᬲᬕᬾᬢ᭄ᬫᬗᭂᬦᬄᬤᬺᬯᬾᬦᬾ᭞ᬦᬲᬸᬗᬶᬲᬂᬅᬢ᭄ᬫᬳ
ᬰ᭄ᬭᬸ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬩ᭄ᬬᬢᬦ᭄᭞ᬧᬓᬺᬢᬶᬯᬓᬶᬂᬯ᭄ᬯᬂ᭟᭜᭟ᬓᬧᬲ᭄ᬢᬸᬭᬶᬂᬓᬯᬄᬳᬕᬸᬂ᭞ᬳᬢᬯᬸᬦ᭄ᬮᬯᬲᬾ᭞ᬧᬸᬧᬸᬢᬶᬂᬲᭂᬗ᭄ᬓᭂᬃᬢᬸᬫᬶᬢᬶᬲ᭄᭞ᬪᬹᬢᬢ᭄ᬭᬂᬫᬶᬤᬸᬤᬸ᭞ᬳᬗ᭄ᬭᬓ᭄ᬲᬸᬓ᭄ᬭᬶᬂᬭᬦ᭄ᬳᬶᬧᬸᬦ᭄᭞ᬲᬵᬫ᭄ᬩᬤᬦᭂᬫᬸᬋ
ᬓᬾ᭞ᬅᬢ᭄ᬫᬯᬶᬱᬬᬳᬦᬸᬮᬸᬧ᭄᭞ᬲᬂᬧᬓ᭄ᬱᬶᬭᬵᬚᬫᬶᬭᬸᬤ᭞ᬲᬢᬯᬸᬦ᭄ᬫᬦ᭄ᬢᬸᬓ᭄ᬭᬶᬂᬫᬥ᭄ᬬ᭟᭜᭟ᬫᬥ᭄ᬬᬧᬤᬭᭀᬂᬤᬰᬢᬯᬸᬦ᭄᭞ᬧᭂᬚᬄᬋᬓᬾ᭞ᬳᬧᬦ᭄ᬫᬗ᭄ᬓᬦᬢᬶᬦᬸᬮᬶᬲ᭄᭞ᬤᬾᬦᬾᬲᬸᬭᬵᬢ᭄ᬫᬳᬶᬓᬸ᭞
ᬓᬭᬦ᭄ᬲᬶᬭᬲᬢᬸᬤᬸᬄ᭞ᬲᬗ᭄ᬓᬦ᭄ᬢᬶᬦᭂᬫ᭄ᬯᬮᬭᬦᬾ᭞ᬤᬾᬦᬾᬲᬶᬭᬲᬂᬲᬶᬦᬸᬳᬸᬦ᭄᭞ᬲᬕᬾᬢ᭄ᬧ᭄ᬭᬧ᭄ᬢᬅᬢ᭄ᬫᬚᬕᬮ᭄᭞ᬘᬾᬮᬾᬗᬾᬫ᭄ᬧᬸᬗ᭄ᬤᬕᬮᬓ᭄᭟᭜᭟ᬅᬢ᭄ᬫᬫᬤᬶᬂᬤᬶᬂᬮᬦ᭄ᬢᬲ᭄ᬮᬩᬸᬄ᭞ᬘᬾ [ 23 ][᭒᭒ 22B]
᭒᭒᭟
ᬮᬾᬗᬾᬦᬭᬚᬃ᭞ᬫᬗᬫ᭄ᬩᬶᬲ᭄ᬮᬦ᭄ᬢᬲ᭄ᬗᬮᬸᬫ᭄ᬩᬶᬄ᭞ᬓᬸᬘᬶᬢᬾᬧᬘᬭᬸᬗᬸᬂ᭞ᬫᬦᬶᬓᬶᬮᬦ᭄ᬢᬲ᭄ᬫᬗ᭄ᬮᬸᬮᬸ᭞ᬓᬮᬸᬫ᭄ᬩᬶᬮᬸᬫ᭄ᬩᬶᬄᬅᬢ᭄ᬫᬦᬾ᭞ᬢᬶᬩᬭᬶᬂᬕ᭄ᬦᬶᬬᬫᬸᬭᬸᬩ᭄᭞ᬲᬂᬚᭀᬕᭀᬃᬫᬡᬶᬓ᭄ᬫᬶᬭᭀᬕ᭞ᬅᬢ᭄ᬫᬢᬦ᭄ᬤ᭄ᬭᭀᬤᬸᬓᬶᬂᬫ
ᬥ᭄ᬬ᭟᭜᭟ᬳᬧᬦ᭄ᬢ᭄ᬯᬭᬳᬫ᭄ᬭᬲ᭄ᬳᬫᬶᬢᬸᬮᬸᬲ᭄᭞ᬲᬗ᭄ᬓᬦ᭄ᬦᭂᬫᬸᬮᬭ᭞ᬭᭀᬂᬳᬢᬸᬲ᭄ᬢᬯᬸᬦ᭄ᬳᬫᬗ᭄ᬕᬶᬄ᭞ᬅᬢ᭄ᬫᬳᬸᬦ᭄ᬤᬕᬶᬭᬯᬸᬄ᭞ᬤᬸᬭᬸᬂᬳᬫ᭄ᬭᬲ᭄ᬳᬫᬶᬢᬸᬮᬸᬲ᭄᭞ᬲᬭᬵᬢ᭄ᬳᬫ᭄ᬩᬓ᭄ᬢᬧ᭄ᬭᬩᭀᬢᬾ᭞ᬓᬧᬲ᭄ᬢᬸᬤᬾᬦᬶᬂᬳ᭄ᬬᬂᬲᬶᬦᬸᬳᬸ
ᬦ᭄᭞ᬳᬤᬤᬶᬧᬓ᭄ᬱᬶᬘᬘᬓ᭄ᬭ᭞ᬯᬸᬮᬸᬂᬢᬯᬸᬦ᭄ᬧᬦᭂᬫᬸᬦ᭄ᬬ᭟᭜᭟ᬅᬢ᭄ᬫᬳᬦᬓ᭄ᬢᬭᬸᬡᬢ᭄ᬯᬭᬯᬸᬄ᭞ᬫᬸᬭᬾᬗᬂᬫᬢᬦᬾ᭞ᬩᬗ᭄ᬓᬸᬂᬢᭂᬓᬫᬩᬾᬓᬶ᭞ᬫᬕᬯᬸᬲ᭄ᬘᬧ᭄ᬮᬸᬓ᭄ᬘᬧ᭄ᬮᬸᬓ᭄᭞ᬮᬦ᭄ᬢᬲ᭄ᬳᭂᬦ᭄ᬢᬸᬗᬶᬦ᭄ᬩᬶᬮᬸᬮᬸᬓ᭄᭞
ᬯᬸᬲ᭄ᬫᬫᬗᬦ᭄ᬩᬶᬮᬸᬮᬸᬓᬾ᭞ᬫᬦᬭᬚᬂᬮᬦ᭄ᬢᬲ᭄ᬗᬸᬢ᭄ᬕᬸᬢ᭄᭞ᬅᬢ᭄ᬫᬳᬶᬗᭂᬮᬶᬂᬕᬭᬓ᭄ᬕᬭᬓ᭄᭞ᬓᬢ᭄ᬮᬗ᭄ᬕᬮᬶᬂᬢᬦᬶᬦᬕ᭄ᬬ᭟᭜᭟ᬳᬧᬦ᭄ᬢᬦᬦᬳᬫ᭄ᬭᬲ᭄ᬳᬫᬶᬢᬸᬮᬸᬲ᭄᭞ᬫ᭄ᬯᬂᬜ᭄ᬚᬮᬸᬓᭀᬬᬦᬾ᭞ᬫᬭᬶᬂ
[᭒᭓ 23A]
ᬲᬂᬯᬶᬓᬸᬢᬾᬓᬶ᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬲ᭄ᬢᬸ᭞ᬢᬶᬩᬫᬭᬶᬂᬓᬯᬄᬳᭂᬦ᭄ᬤᬸᬢ᭄᭞ᬲᬵᬫ᭄ᬧᬸᬦ᭄ᬫᬦᭂᬫᬸᬮᬭᬦᬾ᭞ᬲᬢᬯᬸᬦ᭄ᬮᬯᬲ᭄ᬦ᭄ᬬᬦᭂᬫᬸ᭞ᬅᬢ᭄ᬫᬳᬦᭂᬤᭂᬂᬫᬶᬢ᭞ᬲᭂᬥᬄᬫᬦ᭄ᬤᬤᬶᬫᬫᭂ
ᬤᬶᬓ᭄ᬫᬃᬕ᭄ᬕ᭟᭜᭟ᬅᬢ᭄ᬫᬦᬶᬂᬯᭀᬂᬧᬫᭂᬲᬦ᭄ᬓᬕᬾᬢ᭄ᬭᬯᬸᬄ᭞ᬳᬩᭀᬢ᭄ᬧᬫᬃᬕ᭄ᬕᬶᬦᬾ᭞ᬧᬬᬸᬓ᭄ᬩᭂᬮᬗᬾᬲᬗ᭄ᬓᬶᬮ᭄᭞ᬢᬍᬃᬫᬜᬸᬯᬸᬦ᭄ᬢᬯᬸᬫ᭄᭞ᬓᬧᬲ᭄ᬢᬸᬤᬾᬲᬂᬲᬶᬦᬸᬳᬸᬦ᭄᭞ᬫᬭᬫᬭᬶᬂᬫ
ᬥ᭄ᬬᬧᬤ᭞ᬲᬸᬫᬸᬲ᭄ᬭᬶᬂᬳᬮᬲ᭄ᬳᬕᬸᬂ᭞ᬳᬦ᭄ᬤᬤᬶᬳᭀᬭᬾᬫᬕᬮᬓ᭄᭞ᬲᬶᬬᬸᬢᬳᬸᬦ᭄ᬫᬭᬶᬂᬳᬮᬲ᭄᭟᭜᭟ᬅᬤ᭄ᬫᬦᬶᬯᭀᬂᬫ᭄ᬩᬾᬕᬶᬸᬂᬕᬮ᭄ᬓᬕᬾᬢ᭄ᬭᬯᬸᬄ᭞ᬪᬹᬢᬲᬭᬂᬋᬓᬾ᭞ᬳᬫᬶᬮ
ᬭᬢᬶᬄᬤᭀᬂᬕᬶᬕᬶᬲ᭄᭞ᬓᬕᬦ᭄ᬢᬸᬂᬫᬭᬶᬂᬓᭂᬧᬸᬄ᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬲ᭄ᬢᬸ᭞ᬢᬦ᭄ᬧᬲᭂᬗ᭄ᬓᭂᬃᬓᬂᬮᬭᬾ᭞ᬅᬢ᭄ᬫᬯᭀᬂᬫᬫᬮᬶᬂᬢᬮᬸᬄ᭞ᬓᬧᬲ᭄ᬢᬸᬫᬦ᭄ᬢᬸᬓ᭄ᬭᬶᬂᬫᬥ᭄ᬬ᭞ᬕᭀᬦ᭄ᬤᭀᬂᬢᬮᬸᬄ [ 24 ][᭒᭓ 23B]
᭒᭓᭟
ᬩᬶᬮᬂᬤᬗ᭄ᬓ᭟᭜᭟ᬅᬢ᭄ᬫᬦᬶᬂᬯᭀᬂᬲᬸᬓᬦ᭄ᬫᬜᬮᬸᬓ᭄᭞ᬓᬳᬦ᭄ᬤᬃᬅᬢ᭄ᬫᬦᬾ᭞ᬭᬶᬂᬲᭀᬫ᭄ᬩᬄᬩᭂᬲᬶᬦᬾᬧᬶᬸᬓᬶᬸᬢᬾᬓᬶ᭞ᬪᬹᬢᬦ᭄ᬤᬭᬸᬂᬫᬶᬤᬸᬤᬸ᭞ᬓᬮᬶᬄᬮᬦ᭄ᬪᬹᬢᬗ᭄ᬓᬸᬢᬗ᭄ᬓᬸᬢ᭄᭞ᬅ
ᬢ᭄ᬫᬯᭀᬂᬩᬮ᭄ᬬᬦᬺᬓᬾ᭞ᬦᬾᬦᬾᬓᬯᬶᬱᬬᬗᬸᬯᬸᬢ᭄᭞ᬳᬜᬤᬓ᭄ᬭᬭᬾᬭᬶᬂᬩᬲᬂ᭞ᬪᬹᬢᬯᬶᬮᬶᬸᬂᬮᬶᬲ᭄ᬳᬫᬶᬮᬭ᭟᭜᭟ᬅᬢ᭄ᬫᬦᬾᬢᬶᬩᬭᬶᬂᬓᬯᬄᬳᬕᬸᬂ᭞ᬭᬭᬾᬦᬾᬲᬸᬭᬓᬦᬦᬾ
᭞ᬓᬲᬤᬓ᭄ᬭᬶᬂᬗᬹᬦᬷ᭞ᬫᬩᬶᬓᬶᬃᬫᬭᬶᬂᬮᬸᬳᬸᬃ᭞ᬘᬭᬶᬓ᭄ᬧᬘᬭᬸᬗᬸᬂ᭞ᬦᬾᬦᬾᬲᬶᬦᬤᬓ᭄ᬭᬶᬂᬓᬸᬦ᭞ᬳᬗᬸᬘᬧᬫᬭᬶᬂᬮᬸᬳᬸᬃ᭞ᬢᬦ᭄ᬤᬗᬶᬦ᭄ᬤᭀᬱᬦᬾᬜᬤᬓ᭄᭞ᬲᬶᬤ᭄ᬟᬕᬫ᭄ᬧᬂᬫᬭᬶᬂᬫᬥ᭄ᬬ᭟᭜
᭟ᬲᬂᬚᭀᬕᭀᬃᬫᬡᬶᬓ᭄ᬭᬭᬶᬲ᭄ᬳᬫᬲ᭄ᬢᬸ᭞ᬢᬦ᭄ᬧᬲᭂᬗ᭄ᬓᭂᬃᬋᬓᬾ᭞ᬫᬭᬶᬂᬓᬯᬄᬳᬜᬸᬂᬢᬾᬓᬶ᭞ᬅᬢ᭄ᬫᬦᬶᬂᬯᭀᬂᬳᬜ᭄ᬚᬭᬸᬄ᭞ᬧᬸᬭᬸᬲᬾᬳᬗ᭄ᬕᬾᬦ᭄ᬘᬸᬘᬸᬦ᭄ᬤᬸᬓ᭄᭞ᬢᬶᬦᬶᬩᬫᬗ᭄ᬓᬾᬅᬢ᭄ᬫᬦᬾ᭞ᬭᬶᬂ
[᭒᭔ 24A]
ᬬᬫᬦᬶᬮᭀᬓᬳᬶᬓᬸ᭞ᬪᬹᬢᬳᬶᬋᬂᬳᬫᬶᬮᬭ᭞ᬧᬶᬢᬸᬂᬢᬯᬸᬦ᭄ᬫᬭᬶᬂᬓᬯᬄ᭟᭜᭟ᬅᬢ᭄ᬫᬦᬶᬂᬯᭀᬂᬫᬮᬶᬂᬧᬤᬶᬭᬯᬸᬄ᭞ᬓᬧᬲ᭄ᬢᬸᬅᬢ᭄ᬫᬦᬾ᭞ᬳᬸᬫᬦ᭄ᬢᬸᬓ᭄ᬭᬶᬂᬫᬥ᭄ᬬᬢᬾᬓᬶ᭞ᬮᬭᬳ᭠
ᬯᬓᬾᬓᭂᬩᬸᬲ᭄᭞ᬫᬦᭂᬲᬶᬦ᭄ᬓᬦ᭄ᬢᬧᬸᬦᬶᬓᬸ᭞ᬅᬢ᭄ᬫᬯᭀᬂᬫᬫᬮᬶᬂᬓᬧᬲ᭄᭞ᬢᬸᬫᬶᬢᬶᬲ᭄ᬳᬯᬓᬾᬩᬵᬗ᭄ᬮᭀᬦ᭄᭞ᬳᬢ᭄ᬫᬳᬦᬓ᭄ᬤᬳᬢᬢᬸᬯ᭞ᬢᭂᬓᬧᬫᬃᬕ᭄ᬕᬶᬦᬾᬧᬾᬗᬲ᭄᭟᭜᭟
ᬭᬤᬾᬦᬾᬚᬦᬶᬢᭂᬓᬫᬗᭂᬧᬸᬂ᭞ᬅᬢ᭄ᬫᬦᬾᬫᬓᬶᬭᬾ᭞ᬜᬶᬗ᭄ᬘᬶᬗᬂᬓᬫ᭄ᬩᭂᬦ᭄ᬫᬮᬳᬶᬩ᭄᭞ᬫᬗᬮᭀᬤᬂᬢᬸᬮᬸᬂᬢᬸᬮᬸᬂ᭞ᬲᬫ᭄ᬩᬶᬮᬂᬗᭂᬦ᭄ᬢᬸᬗᬶᬦ᭄ᬩᬶᬮᬸᬮᬸᬓ᭄᭞ᬭᬤᬾᬦᬾᬢ᭄ᬯᬭᬫᬭᬾᬭᬾ
ᬦ᭄᭞ᬢ᭄ᬯᬭᬗᬭᬸᬗᬸᬩᬶᬮᬸᬮᬸᬓ᭄᭞ᬅᬢ᭄ᬫᬦᬾᬚᬸᬓᬳᬸᬗᬲ᭄᭞ᬅᬢ᭄ᬫᬦᬾᬢᬸᬬᬸᬄᬫᬗ᭄ᬲᭂᬕᬦ᭄᭟᭜᭟ᬓᬢᬸᬢᬸᬕᬦᬢ᭄ᬫᬦᬾᬫᬗᬤᬸᬄ᭞ᬓᬶᬦᬫ᭄ᬩᬶᬢ᭄ᬭᬵᬕᬦᬾ᭞ᬅ [ 25 ][᭒᭔ 24B]
᭒᭔᭟
ᬢ᭄ᬫᬦᬗᬶᬲ᭄ᬳᬜ᭄ᬭᬶᬢ᭄᭞ᬭᬤᬾᬦᬾᬫᬗᬮᬸᬮᬸ᭞ᬢᬶᬩᬫᬭᬶᬂᬓᬯᬄᬳᬕᬸᬂ᭞ᬧᬶᬢᬸᬂᬢᬯᬸᬦ᭄ᬓᬂᬮᬯᬲᬾ᭞ᬅᬢ᭄ᬫᬳᬦᬓ᭄ᬩᬜ᭄ᬘᬶᬭᬯᬸᬄ᭞ᬓᬧᬲ᭄ᬢᬸᬦᬲᬭᬶᬦ᭄ᬓᬯᬄ᭞ᬮᬭᬦ᭄ᬜᬢᬦ᭄ᬓᭂᬦᬩᬶᬮᬂ᭟
᭐᭟ᬅᬢ᭄ᬫᬦᬶᬂᬯᭀᬂᬯᬶᬱᬬᬳᬗᭂᬦ᭄ᬢᬸᬦ᭄᭞ᬭᬯᬸᬄᬫᬗᭂᬫ᭄ᬧᬸᬓ᭄᭞ᬭᭀᬯᬗᬓᬧᬶᬮᬭᬢᬶᬤᭀᬂᬕᬶᬕᬶᬲ᭄᭞ᬓᬧᬲ᭄ᬢᬸᬤᬾᬲᬂᬢᬸᬤᬸᬄ᭟ᬫᬦ᭄ᬢᬸᬓ᭄ᬫᬭᬶᬂᬫᬥ᭄ᬬᬳᬶᬓᬸ᭞ᬳᭂᬩᭀᬮᬾᬫᬮᭀᬤ᭄ᬮᭀᬤᬺ
ᬓᬾ᭞ᬳᬧᬦ᭄‌ᬬᬢᬦ᭄ᬧᬢᬸᬢᬸᬃ᭞ᬤᭀᬱᬦ᭄ᬜᬗᭂᬫ᭄ᬧᬸᬓ᭄ᬭᭀᬯᬗᬾ᭞ᬚᬦᬶᬗᭂᬫᬲᬶ᭠ᬦ᭄ᬲᬗ᭄ᬲᬭ᭟᭜᭟ᬅᬢ᭄ᬫᬳᬦᬓ᭄ᬢᬦ᭄ᬧᬩᬾᬬᬭᬯᬸᬄ᭞ᬓᬧᬲ᭄ᬢᬸᬅᬢ᭄ᬫᬦᬾ᭞ᬫᬦᬤᬶᬓᬸ
ᬫᬦ᭄ᬤᬂᬢᬾᬓᬶ᭞ᬭᬶᬂᬫᬃᬕ᭄ᬕᬳᬸᬮᬸᬦ᭄ᬳᬸᬮᬸᬦ᭄᭞ᬲᬶᬬᬸᬢᬯᬸᬦ᭄ᬮᬯᬲ᭄ᬳᬶᬧᬸᬦ᭄᭞ᬅᬢ᭄ᬫᬳᬦᬓ᭄ᬓᭂᬦᬾᬂᬲᬧ᭞ᬮᬭᬦᬾᬢᬦ᭄ᬓᭂᬦᬢᬯᬸᬃ᭞ᬭᬶᬂᬤᬲᬃᬓᬯᬄᬕᭀᬫᬸᬓ᭞ᬳᬗᭂᬦ᭄ᬢᬓ᭄ᬳᭂᬦ᭄ᬢᬓ᭄ᬓᬂᬮᬭ
[᭒᭕ 25A]
᭟᭜᭟ᬅᬢ᭄ᬫᬲᬂᬳᬧᬸᬯᬸᬲ᭄ᬲᬕᬾᬢ᭄ᬭᬯᬯᬸᬄ᭞ᬤᬩ᭄ᬤᬩ᭄ᬧᬫᬃᬕ᭄ᬕᬶᬦᬾ᭞ᬫᬲᬲᬦ᭄ᬤᭂᬂᬯᬸᬲ᭄ᬫᬲᬶᬲᬶᬕ᭄᭞ᬜᭂᬍᬧ᭄ᬭᬫ᭄ᬩᬸᬢ᭄ᬫᬍᬘᬸᬢ᭄᭞ᬳᭂᬩᭀᬦᬾᬫᬶᬬᬶᬓ᭄ᬫᬗᬮᬸᬩ᭄᭞ᬫᬩᬸᬗ᭄ᬳᬘᬫ᭄ᬧ
ᬓᬧᬶᬗᬾ᭞ᬫᬗᬺᬋᬕᭂᬧ᭄ᬗᬦ᭄ᬗᬦ᭄ᬢᬸᬦᬦ᭄ᬢᬸᬦ᭄᭞ᬧᬸᬲᬸᬂᬜᭂᬍᬧ᭄ᬫᬳᬶᬮᬸᬢᬦ᭄᭞ᬢᬬᬸᬗᬦᬾᬫᭂᬫ᭄ᬩᬢ᭄ᬫᭂᬫ᭄ᬩᬢ᭄᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄ᬳᬮᬸᬲ᭄᭞ᬳᬶᬄᬓᬶᬢᬲᬂᬅᬢ᭄ᬫ᭞ᬫᬢᬶ
ᬳᬗᬧᬓᬶᬢᬢᬾᬓᬶ᭞ᬫ᭄ᬯᬂᬓᬓᬯᬶᬱᬬᬦ᭄ᬢᬾᬓᬸ᭞ᬯᬭᬳᬳᬶᬗᭀᬤᬾᬦ᭄ᬳᬰ᭄ᬭᬸ᭞ᬲᬂᬅᬢ᭄ᬫᬳᬮᭀᬦ᭄ᬳᬢᬸᬭᬾ᭞ᬥᬸᬄᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬳᬶᬗ᭄ᬲᬸᬦ᭄ᬫᬗᬤᭀᬓᬂᬯ᭄ᬭᬸᬳᬦ᭄᭞ᬢᬸᬢᬸᬃ᭠
ᬬᬸᬓ᭄ᬢᬶᬓᬺᬢᬪᬲ᭟᭜᭟ᬢᬢᬯᬶᬓᬺᬢᬲᬢ᭄ᬯᬶᬲ᭄ᬢᬶᬭᬳᬬᬸ᭞ᬫᬶᬫᬶᬢᬦ᭄ᬯᭂᬢᬸᬦᬾ᭞ᬳᬶᬦᬶᬲ᭄ᬢᬶᬤᬾᬦᬾᬳ᭄ᬬᬂᬫᬫᬶ᭞ᬯᬲ᭄ᬢ᭄ᬭᬦᬾᬢᬦ᭄ᬓᬦ᭄ᬢᬸᬦ᭄᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬢᬢᬲ᭄ᬓᬶ [ 26 ][᭒᭕ 25B]
᭒᭕᭟
ᬢᬭᬶᬂᬭᬵᬕᬦᬾ᭞ᬲᬹᬃᬬ᭄ᬬᬯᬸᬮᬦᬾᬲᬸᬫᬸᬲᬸᬧ᭄᭞ᬫᬭᬶᬂᬰᬭᬷᬭᬦᬾᬓᬶᬢ᭞ᬯᬶᬦ᭄ᬢᬂᬓᬸᬫᬸᬤᬧ᭄ᬭᬶᬂᬭᬵᬕ᭟᭜᭟ᬲᬸᬭᬯᬶᬓᬸᬓᬸᬲ᭄ᬲᭂᬓᬃᬫ᭄ᬭᬶᬓ᭄ᬳᬭᬹᬫ᭄᭞ᬢᬶᬢᬶᬧᬫ᭄ᬭᬫᬦᬾ᭞ᬚᬕᬢ᭄ᬪᬸᬯᬦᬕᬸᬂᬓ
ᬢ᭄ᬭᬶᬦᬶᬂ᭞ᬉᬓᬶᬃᬫᬡᬶᬓ᭄ᬧ᭄ᬯᬭᬭᬹᬫ᭄᭞ᬫᬸᬓ᭄ᬬᬧ᭄ᬭᬬᬗ᭄ᬕᬦᬶᬭᬶᬸᬂᬳᬸᬭᬸ᭞ᬢᬮᬦᬵᬕᬭᬳᬶᬤᬸᬦᬾ᭞ᬭᬶᬂᬘᬓ᭄ᬱᬸᬧᬶᬢ᭄ᬭᬧᬸᬦᬶᬓᬸ᭞ᬭᬳᬶᬦᬤᬶᬦᬧᬯᬶᬢ᭄ᬭ᭞ᬭᬶᬂᬮᬢ᭄ᬭᬶᬭᬵᬕᬉᬢ᭄ᬢᬫ᭟᭜᭟ᬲᬲᬭ
ᬯᬗᬶᬚᬂᬧ᭄ᬭᬕᬥᬸᬂ᭞ᬢᬢᭂᬩᬸᬭᭀᬭᭀᬩᬾ᭞ᬲᬸᬢ᭄ᬧ᭄ᬯᬭᬲᬲ᭄ᬭᬶᬮᬸᬗᬶᬤ᭄᭞ᬫᭂᬗ᭄ᬕᭂᬧ᭄ᬭᬸᬦᬾᬳᬾᬓᬸᬭᬸ᭞ᬳᬶᬗᭀᬂᬢᬢᬓᬢᬾᬂᬳᬬᬸᬦ᭄᭞ᬭᬶᬂᬫᬥ᭄ᬬᬧᬤᬲᬗ᭄ᬓᬦᬾ᭞ᬲᬂᬅᬢ᭄ᬫᬲᬯᬸᬭᬾᬳᬮᬸ
ᬲ᭄᭞ᬯ᭄ᬭᬸᬄᬳᬶᬗ᭄ᬲᬸᬦ᭄ᬧᬤᬦᬶᬂᬳ᭄ᬬᬂ᭞ᬲᬯᬶᬯᬶᬢᬶᬚᬕᬢ᭄ᬭᬵᬕ᭟᭜᭟ᬭᬶᬂᬢᬶᬢᬶᬫᭀᬮᬄᬮᬶᬤᬄᬧᬸᬦᬶᬓᬸ᭞ᬯᬶᬗ᭄ᬓᬶᬂᬲᭂᬗ᭄ᬓᭂᬭᬦᬾ᭞ᬲᬶᬮ᭄ᬬᬧᬶᬦᬧᬶᬦᬧᭂᬓ᭄ᬫᬸᬓ᭄ᬬᬭᬶ᭞ᬢᬦ᭄ᬯᬦᬓᬤ᭄ᬕᬳᬕᬸᬂ᭞
[᭒᭖ 26A]
ᬯᬾᬦ᭄ᬬᬭᬲᬯᭀᬂᬗᬸᬯᬸᬄ᭞ᬫ᭄ᬯᬂᬚᬬᬲ᭄ᬯᬃᬕ᭄ᬕᬯᬶᬭᬕᬾ᭞ᬗᬶᬂᬢᬦᭀᬘᬓᬦ᭄ᬧᬸᬦᬶᬓᬸ᭞ᬲᬸᬭᬢ᭄ᬭᬶᬬᬕᬸᬡᬯᬶᬚᬬ᭞ᬲᬸᬲᬸᬓᬧ᭄ᬯᬭᬶᬰᬶᬯᬩᭀᬤ᭄ᬟ᭟᭜᭟ᬲᬂᬅᬢ᭄ᬫᬓᬩ᭄ᬬᬦᬶᬂᬤᬤᬄᬲᭂᬓᬸ
ᬮ᭄᭞ᬳᬳᬸᬲ᭄ᬯᬲᬦ᭄ᬓᬯᬳᬾ᭞ᬲᬂᬚᭀᬕᭀᬃᬫᬡᬶᬤ᭄ᬮᬶᬂᬦ᭄ᬬᬭᬶᬲ᭄᭞ᬢᬸᬳᬸᬓᬶᬢᬯᭀᬂᬳᬶᬸᬂᬗᬯ᭄ᬭᬸᬄ᭞ᬢ᭄ᬭᬸᬲ᭄ᬩᬾᬢᬾᬮ᭄ᬫᬭᬶᬂᬢᬸᬢᬸᬃ᭞ᬓᬯᬯᬫᬗ᭄ᬓᬾᬪᬸᬓ᭄ᬢᬶᬦᬾ᭞ᬳᬧᬦ᭄ᬓᬶᬢᬗᬸᬗ᭄ᬲᬶᬭᬳᬬᬸ᭞ᬦᬾᬦᬾᬫᭂᬮᬄᬢ᭄ᬯ
ᬭᬜᬩᬓᬢ᭄᭞ᬮ᭄ᬯᬶᬃᬯᭀᬂᬗᬫᬢᬢᬦ᭄ᬤᬸᬭᬦ᭄᭟᭜᭟ᬫᬓᬃᬬ᭄ᬬᬮᬶᬗ᭄ᬕᬄᬫᬗᬮᬧ᭄ᬮᬶᬬᬸ᭞ᬓᬶᬓᬶᬢ᭄ᬧᬓᬃᬬ᭄ᬬᬦᬾ᭞ᬫᬗᬮᬧ᭄ᬢ᭄ᬯᬄᬜᬳᬓᬶᬓᬶᬢ᭄᭞ᬳᬓᭂᬢᬶᬮ᭄ᬦᬾᬦᬸᬮᬸᬲ᭄᭞ᬯᭀᬂᬓᭂᬓᭂᬢᬾ
ᬦ᭄ᬲᬯᬶᬯ᭄ᬭᬸᬄ᭞ᬳᬶᬗᭀᬂᬳᬗ᭄ᬯᬶᬳᬶᬢ᭞ᬫᬗ᭄ᬓᬾᬘᬘᬓ᭄ᬭᬶᬂᬫᬦ᭄ᬯᬭᬄᬳᬶᬓᬸ᭞ᬓᬧᬾᬗᬶᬦ᭄ᬲᬸᬋᬗ᭄ᬯ᭞ᬮᬶᬂᬅᬢ᭄ᬫᬳᬶᬓᬶᬧᬹᬗ᭄ᬯᬓᭂᬦ᭄᭟᭜᭟ᬳᬦᬤᬦ᭄ᬢᬤᬦ᭄ᬢᬶᬤᬸᬤᬸᬳᬶᬓᬸ᭞ᬤᬦ᭄ᬢᬤᬸᬕ᭄ᬤᬗᬾ᭞ᬧᬶ [ 27 ][᭒᭖ 26B]
᭒᭖᭟
ᬲᬂᬕᬥᬶᬂᬳᬭᬦ᭄ᬦᬾᬓᬶ᭞ᬳᬫᬶᬍᬢ᭄ᬢᬦ᭄ᬧᬦᬯᬸᬢ᭄᭞ᬳᬸᬯᬳᬸᬯᬶᬳᬭᬦ᭄ᬳᬶᬧᬸᬦ᭄᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬲᬸᬩᬳᬶᬄᬳᬗ᭄ᬭᬸᬗᬸ᭞ᬯᬲ᭄ᬢᬸᬓᬶᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬫᬭᬶᬂᬫᬾᬭᬸᬢᬸᬫ᭄ᬧᬂᬮᬶᬫ᭟᭜᭟ᬳᬶᬓᬶᬮᭀᬃᬯᬾ
ᬢᬦ᭄ᬢᬶᬦᬸᬬᬸᬓ᭄ᬫᬸ᭞ᬫᬃᬕ᭄ᬕᬓᬲ᭄ᬯᬃᬕ᭄ᬕᬦᬾ᭞ᬲᬧᬯᬦᬶᬳᬗᬮᬗᬶᬦ᭄᭞ᬲᬂᬅᬢ᭄ᬫᬦᭂᬫ᭄ᬩᬄᬳᬮᬸᬲ᭄᭞ᬧᬸᬓᬸᬮᬸᬦ᭄‌ᬤᬾᬲᬂᬲᬶᬦᬸᬳᬸᬦ᭄᭞ᬳᬦᬶᬂᬳ᭄ᬬᬂᬲᬸᬦ᭄ᬫᬗ᭄ᬓᬾ᭞ᬮᬸᬫᬫ᭄ᬧᬄᬳᬗᬦ᭄ᬢᬸᬦ᭄ᬳᬦ᭄ᬢᬸᬦ᭄᭞ᬧ᭄ᬭᬧ᭄ᬢᬭᬶᬂᬩᬜ᭄ᬚᬃᬲᭂᬓᬃ᭞ᬳᬭᬭ᭄ᬬᬦ᭄ᬲᬶᬭᬭᬶᬂ᭠
ᬬᬰ᭟᭜᭟ᬳᬓᬾᬄᬅᬢ᭄ᬫᬢᬫᬮᬓᬸᬳᬦᬹᬢ᭄᭞ᬳᬢᬯᬦ᭄ᬢᬗᬶᬲᬾ᭞ᬅᬧᬦ᭄ᬯ᭄ᬭᬸᬄᬫᬭᬶᬂᬫᬃᬕ᭄ᬕᬶ᭞ᬗᬸᬘᬧ᭄ᬲᬂᬳᬧᬸᬢᬸᬲ᭄᭞ᬯᭂᬮᬲ᭄ᬲᬶᬭᬮᬯᬦ᭄ᬳᬶᬗ᭄ᬲᬸᬦ᭄᭞ᬳᬧᬦᬶᬂᬦᭂᬫᬸᬚᭂᬮᬾ᭞ᬮᬫᬸᬦ᭄ᬳᬸᬭᬶᬧ᭄ᬫᬭᬶᬂᬩᬾᬲᬸ
ᬓ᭄᭞ᬳᬶᬗ᭄ᬲᬸᬦ᭄ᬳᬦᬯᬸᬭᬳᬸᬢᬂ᭞ᬲᬂᬯᬶᬓᬸᬳᬮᭀᬦ᭄ᬳᬗᬸᬘᬧ᭄᭟᭜᭟ᬳᬗᬸᬲᬧ᭄ᬲᬶᬭᬳᬲᭂᬫᬸᬲᭂᬦ᭄ᬤᬸ᭞ᬓᬗᭂᬦᬶᬂᬅᬢ᭄ᬫᬦᬾ᭞ᬲ᭄ᬯᬭᬦᬾᬳᬗᬲᬶᬳᬲᬶᬄ᭞ᬥᬸᬄᬳᬚᬲᬶᬭᬫᬶᬮᬸ᭞ᬳᬧ
[᭒᭗ 27A]
ᬦ᭄ᬢ᭄ᬯᬭᬯᬶᬤᬶᬭᬳᬬᬸ᭞ᬲᬂᬅᬢ᭄ᬫᬳᬮᭀᬦ᭄ᬮᬫ᭄ᬧᬳᬾ᭞ᬧ᭄ᬭᬧ᭄ᬢᬭᬶᬂᬩᬓᬢ᭄ᬫᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬯᬶᬥ᭄ᬬᬥᬭ᭞ᬳᬫ᭄ᬩᬓ᭄ᬢᬚᬫ᭄ᬧᬦ᭄ᬳᭂᬫᬵᬲ᭄᭟᭜᭟ᬯᬶᬥ᭄ᬬᬥᬭᬷᬧ᭄ᬭᬲᬫᬢᬸᬫᬸᬭᬸᬦ᭄᭞ᬳᬫ᭄ᬩᬯ
ᬅᬢ᭄ᬫᬦᬾ᭞ᬫ᭄ᬯᬂᬧ᭄ᬭᬯᬢᭂᬓ᭄ᬲ᭄ᬯᬃᬕ᭄ᬕᬢᬾᬓᬶ᭞ᬢᬢᬩᬸᬳᬦ᭄ᬕᬸᬫᬸᬭᬸᬄ᭞ᬲᭀᬭᬶᬂᬭᬩᬤ᭄ᬤ᭄ᬯᬂᬢᬍᬫ᭄ᬧᬸᬂ᭞ᬧᬭᬾᬭᬾᬢ᭄ᬯᬃᬕ᭄ᬕᬲᬭᬶᬦᬾ᭞ᬕᭂᬦ᭄ᬤᬶᬂᬕᭀᬂᬫᬸᬦ᭄ᬬᬳᬗ᭄ᬮᬗᬸᬦ᭄᭞ᬕᬸᬦ᭄ᬢᬂᬓᬸᬫᭂᬭᬶᬜ᭄ᬘᬶᬂᬋᬗᭃᬦ᭄ᬬ᭞ᬘᬸᬭᬶᬂ᭠
ᬫᬸᬦ᭄ᬬᬓᬓ᭄ᬮᭂᬦ᭄ᬢᬶᬗᬦ᭄᭟᭜᭟ᬲᬶᬦᬫ᭄ᬩᬸᬢᬢ᭄ᬫᬦᬾᬲᬂᬳᬧᬸᬢᬸᬲ᭄᭞ᬕᬶᬦᬯᬫᬗ᭄ᬓᬾ᭞ᬭᬶᬂᬚᬫ᭄ᬧᬦᬮᬸᬲ᭄ᬳᬗ᭄ᬭᬯᬶᬢ᭄᭞ᬳᬭᬶᬂᬭᬶᬂᬲᬸᬢ᭄ᬭᬳᬸᬗᬸ᭞ᬳᬭᬩ᭄ᬩᬵᬂᬳᬶᬚᭀᬫᬸᬗᬸᬩ᭄᭞ᬓᬮᬲᬲᬸᬢ᭄ᬭᬚᬶᬚᬶᬗ᭄ᬕ
ᬳ᭞ᬲᬫᬶᬧᬧᬢ᭄ᬭᬦ᭄ᬳᬮᬸᬲ᭄᭞ᬘᬶᬦᬭᬜ᭄ᬘᬗᬶᬂᬓᭀᬫᬮ᭞ᬓᬸᬫᬧᬲᭂᬗᬶᬂᬓᭀᬫ᭄ᬩᬮ᭟᭜᭟ᬯᬶᬥ᭄ᬬᬥᬭᬧ᭄ᬭᬲᬫᬳᬗ᭄ᬭᬸᬗᬸ᭞ᬳᬫᬸᬫᬸᬦ᭄ᬤᬸᬢ᭄ᬓᬩᬾᬄ᭞ᬧᬧᬦ᭄ᬤᭀᬦ᭄ᬳᬓᬾᬄᬭᬶᬂᬫᬶᬳᬶ [ 28 ][᭒᭗ 27B]
᭒᭗᭟
ᬦ᭄᭞ᬓᬢᬸᬗ᭄ᬕᬸᬄᬳᬗ᭄ᬮᬸᬗᬸ᭞ᬲᭀᬧᬘᬭᬫᬸᬗ᭄ᬕ᭄ᬯᬶᬂᬳᬬᬸᬦ᭄᭞ᬳᬗᬺᬲᬂᬳᬢᬶᬧᭀᬮᬳᬾ᭞ᬲ᭄ᬯᬭᬦᬶᬂᬕᬸᬧᬶᬢ᭄ᬳᬗᬺᬋᬗᬸ᭞ᬘᬸᬭᬶᬂᬗ᭄ᬭᬾᬤᬾᬧ᭄ᬫᬭᬶᬂᬳᬃᬱ᭞ᬕᬸᬦ᭄ᬢᬂᬫᬸᬦ᭄ᬬᬓᬓ᭄ᬮᭂᬦ᭄ᬢᬶᬗᬦ᭄᭟᭜᭟ᬲᬵᬫ᭄ᬧᬸᬦ᭄ᬫᬸᬗ᭄ᬕᬸᬄᬲᬂᬅ
ᬢ᭄ᬫᬓᬶᬦᬸᬦᬸᬂ᭞ᬭᬶᬂᬚᬫ᭄ᬧᬦᬋᬓᬾ᭞ᬫᬤᬸᬮᬸᬃᬮᬫ᭄ᬧᬳᬾᬳᬭᬶᬲ᭄᭞ᬧ᭄ᬭᬯᬢᭂᬓ᭄ᬳ᭄ᬬᬂᬭᬶᬂᬳᬬᬸᬦ᭄᭞ᬕᬸᬫᬋᬩᭂᬕ᭄ᬓᬂᬮᬸᬫᬓᬸ᭞ᬓᬜ᭄ᬚᬶᬢ᭄ᬧ᭄ᬭᬧ᭄ᬢᬫᬭᬶᬂᬲ᭄ᬯᬃᬕ᭄ᬕ᭞ᬢᬸᬫᬸᬭᬸᬳᬓᬾᬄᬳᬗ᭄ᬭᬸᬩᬸᬂ᭞ᬫᬸᬗ᭄ᬕᬸᬄᬫᬭᬾᬂᬯᬾᬢᬦ᭄᭞ᬳᬕ
ᬕᭂᬦ᭄ᬢᭂᬂᬫᬵᬲ᭄ᬓᭀᬫᬮ᭟᭜᭟ᬢᬶᬦᬭᬶᬕᭂᬦ᭄ᬯᬾᬤᬸᬃᬬ᭄ᬬᬳᬗ᭄ᬮᬗᬸᬦ᭄᭞ᬘᬦ᭄ᬤᬦᬩᬢᬸᬭᬾ᭞ᬭᬶᬂᬦᬢᬃᬳᬍᬧ᭄ᬳᬗ᭄ᬭᬧᬶᬢ᭄᭞ᬫᬾᬭᬸᬓᬢᭀᬦ᭄ᬲᬸᬫᬸᬦᬸᬂ᭞ᬳᬫᬗ᭄ᬮᬾᬓᭀᬫᬮᬢᬸᬗᬸ᭞ᬓᬫᬭᬜᬄᬧᬦ᭄ᬤᬾ
ᬧ᭄ᬤᬾᬧ᭄᭞ᬓᬸᬫᬭᬶᬦᬶᬂᬫᬡᬶᬓ᭄ᬩᬜᬸ᭞ᬏᬦ᭄ᬤᬄᬧᬾᬮᬕ᭄ᬲᬃᬯ᭄ᬯᬫᬸᬮ᭄ᬬ᭞ᬭᬳᬶᬦᬭᬢ᭄ᬭᬶᬢᬦ᭄ᬓᬢᭂᬗᭂᬭᬦ᭄᭟᭜᭟ᬢᬦ᭄ᬓᭀᬘᬧ᭄ᬲᬶᬸᬂᬧᬺᬓᬾᬲᬶᬭᬲᬂᬳᬦᭂᬫᬸ᭞ᬲ᭄ᬯᬃᬕ᭄ᬕᬳᬮᬋᬓᬾ᭞ᬲᬂᬩᬬᬸᬲᬸ
[᭒᭘ 28A]
ᬢᬕᬶᬦᬸᬧᬶᬢ᭄᭞ᬭᬶᬂᬧᬦᬗ᭄ᬲᬭᬦ᭄ᬗᬭᬸᬭᬸ᭞ᬅᬢ᭄ᬫᬦᬾᬪᬝᬭᬧᬡ᭄ᬥᬸ᭞ᬢᬦ᭄ᬲᬄᬘᬭᬓᬢᬶᬦᬸᬢᬾ᭞ᬓᬭᬸᬗᬸᬲ᭄ᬯᬭᬳᬸᬫᬸᬂ᭞ᬚᬸᬫᬸᬚᬸᬕ᭄ᬲᬶᬭᬭᬳᬤ᭄ᬬᬦ᭄᭟᭜᭟ᬕᬾᬕᬾᬃᬲᬂᬅᬢ᭄ᬫᬲᬫᬪᬶ
ᬦᬸᬭᬸ᭞ᬤᬾᬦᬾᬘᬶᬓ᭄ᬭᬩᬮ᭞ᬭᬳᬤ᭄ᬬᬦ᭄ᬮᬓᬸᬦᬾᬳᬕᭂᬮᬶᬲ᭄᭞ᬓᬤᬸᬂᬓᬧᬺᬡᬄᬳᬶᬧᬸᬦ᭄᭞ᬳᬸᬗ᭄ᬕ᭄ᬯᬦ᭄ᬲᬂᬘᬶᬓ᭄ᬭᬳᬩᬸᬭᬸ᭞ᬓᬧᬧᬕ᭄ᬲᬂᬪᬷᬫᬋᬓᬾ᭞ᬲᬂᬘᬶᬓ᭄ᬭᬩᬮᬳᬫᬸᬯᬸᬲ᭄᭞ᬅᬢ᭄ᬫᬧᬭᬦ᭄ᬓᬶ
ᬢᬧ᭄ᬭᬧ᭄ᬢ᭞ᬭᬳᬤᬾᬦ᭄ᬪᬷᬫᬳᬗᬸᬘᬧ᭄᭟᭜᭟ᬤᬸᬤᬸᬲ᭄ᬬᬸᬓᬸᬅᬢ᭄ᬫᬧᬸᬦᬶᬓᬸ᭞ᬢᬦ᭄ᬯ᭄ᬭᬸᬄᬓᬶᬢᬋᬓᬾ᭞ᬳᬓᬸᬫᬵᬦᬸᬱᬳᬚᬵᬢᬶ᭞ᬲᬂᬘᬶᬓ᭄ᬭᬩᬮᬳᬰ᭄ᬭᬸ᭞ᬳᬗ᭄ᬭᬓ᭄ᬭᬭᬶᬲ᭄ᬳᬦᬯᬸ
ᬢ᭄᭞ᬭᬶᬦᭂᬩᬸᬢ᭄ᬲᬂᬩᬬᬸᬫᬗ᭄ᬓᬾ᭞ᬲᬯᬢᭂᬓ᭄ᬘᬶᬓ᭄ᬭᬳᬗᬺᬩᬸᬢ᭄᭞ᬢᬸᬳᬸᬲᬶᬭᬤᬾᬦ᭄ᬪᬷᬫ᭞ᬭᬶᬦᭂᬩᬸᬢ᭄ᬢᬦᬓᬾᬯ᭄ᬭᬦ᭄᭟᭜᭟ᬲᬂᬘᬶᬓ᭄ᬭᬩᬮᬳᬗᬸᬘᬧ᭄ᬳᬰ᭄ᬭᬸ᭞ᬫᬲᬳᬸᬭᬶᬧ᭞ᬓᬶᬢ [ 29 ][᭒᭘ 28B]
᭒᭘᭟
ᬫᬭᬶᬂᬢᭂᬕᬮ᭄ᬳᬶᬓᬶ᭞ᬭᬤᬾᬦ᭄ᬪᬷᬫᬳᬗᬬᬸᬄ᭞ᬳᬗᬕᭂᬫ᭄ᬕᬥᬳᬗᬸᬯᬸᬄ᭞ᬚᬶᬦᬫ᭄ᬩᬓ᭄ᬫᬤᭂᬮ᭄ᬤᭂᬮᬺᬓᬾ᭞ᬩᬶᬦᬦ᭄ᬢᬶᬂᬲᭀᬘᬦᬾᬫᭂᬢᬸ᭞ᬳᬓᬾᬄᬧᭂᬚᬄᬓᬲᬸᬮᬬᬄ᭞ᬰᬾᬱᬦᬶᬂᬧᭂᬚᬄᬫᬮᬬ᭄ᬯ᭟᭐
᭟ᬭᬳᬤᬾᬦ᭄ᬪᬷᬳᬶᬸᬂᬫᬳᬗᬸᬘᬧ᭄ᬳᬰ᭄ᬭᬸ᭞ᬳᬗᬧᬫᬮᬬ᭄ᬯ᭞ᬋᬩᬸᬢ᭄ᬲᬸᬚᬓᬸᬤᬾᬦ᭄ᬳᬕᭂᬮᬶᬲ᭄᭞ᬭᬤᬾᬦ᭄ᬪᬷᬫᬳᬦ᭄ᬓᬭᬸ᭞ᬳᬗᬮᭀᬃᬮᬫ᭄ᬧᬳᬾᬳᬰ᭄ᬭᬸ᭞ᬲᬂᬘᬶᬓ᭄ᬭᬩᬮᬉᬚᬭᬾ᭞ᬳᬫᬲ᭄ᬢᬢᬶᬦᬶᬩᬾᬦ᭄ᬧ
ᬲᬸᬂ᭞ᬳᬗᬭᬦ᭄ᬧᬲᬂᬧᬲᬗᬦ᭄᭞ᬳᬗᬭᬦ᭄ᬓᬬᬸᬘᬸᬭᬶᬕ᭟᭜᭟ᬭᬳᬤᬾᬦ᭄ᬪᬷᬫᬓᬗ᭄ᬕᭂᬓ᭄ᬮᬸᬫᬓᬸ᭞ᬓᬮᬶᬄᬘᬭᬓᬦᬾ᭞ᬳᬸᬫᬵᬢᬸᬃᬲᬳᬉᬢ᭄ᬲᬭᬶ᭞ᬧᬸᬓᬸᬮᬸᬦ᭄ᬤᬾᬯᬭᬢᬸ᭞ᬧᬸᬦᬧᬶᬓᬵᬗ᭄ᬕᭂᬓ᭄ᬧᬸᬓᬸ
ᬮᬸᬦ᭄᭞ᬭᬳᬤᬾᬦ᭄ᬳᬰ᭄ᬭᬸᬧᭀᬮᬳᬾ᭞ᬧᬧᬲᬗᬦ᭄ᬫᬭᬶᬂᬳᬬᬸᬦ᭄᭞ᬭᬳᬤᬾᬦ᭄ᬲᬺᬗᭂᬦ᭄ᬳᬗᬸᬘᬧ᭄᭞ᬯᬲ᭄ᬢᬸᬳᬶᬮᬂᬧᬲᬗᬦ᭄᭟᭜᭟ᬢᬦ᭄ᬓᬶᬢᬶᬗ᭄ᬳᬮ᭄ᬧᬲᬗᬦ᭄ᬳᬶᬓᬸ᭞ᬭᬳᬤᬾᬦ᭄ᬮᬸᬫᬫ᭄ᬧᬄ
[᭒᭙ 29A]
᭞ᬳᬗᬮᭀᬃᬮᬫ᭄ᬧᬄᬳᬸᬫᬜ᭄ᬚᬶᬂ᭞ᬘᬶᬢ᭄ᬲᬂᬘᬶᬢ᭄ᬭᬩᬮᬳᬗᬺᬩᬸᬢ᭄᭞ᬓᬧᬸᬗ᭄ᬓᬸᬃᬢᬦ᭄ᬳᬦᬓᬾᬢᬸᬂ᭞ᬳᬦᬦᬸᬯᭂᬓ᭄ᬭᬶᬂᬢᭀᬫᬭ᭞ᬳᬦᬦᬸᬤᬸᬓ᭄ᬧᬮᬸᬧᬮᬸ᭞ᬳᬗᬤᬺᬲ᭄ᬳᬤ᭄ᬭᬮᬸᬫᬓ᭄ᬯ᭞ᬲᬶᬂᬓᬧᬧᬕ᭄ᬓᬧᬮᬬ᭄ᬯ᭟
᭐᭟ᬲᬂᬘᬶᬓ᭄ᬭᬩᬮᬓᬂᬓᬧᬮᬬᬸ᭞ᬳᬯᭂᬤᬶᬳᬋᬓᬾ᭞ᬳᬦᭀᬦ᭄ᬢᭀᬦ᭄ᬲᬂᬩᬬᬸᬢᬾᬓᬶ᭞ᬳᬓ᭄ᬭᬲ᭄ᬦᬾᬢ᭄ᬭᬢᬸᬢᬸᬳᬸ᭞ᬯᭀᬓ᭄ᬩ᭄ᬭᭀᬗᭀᬲ᭄ᬳᬕᭂᬂᬳᬮᬸᬳᬸᬃ᭞ᬢᬮᬶᬓᬸᬭᬦ᭄ᬳᬗᬺᬭᬯᬾ᭞ᬭᬵᬕᬘᭂᬫᭂᬂᬭᬫ᭄ᬩᬸᬢ᭄ᬫ᭠
ᬮᬯᬸᬓ᭄᭞ᬯᬤᬦᬓᬦ᭄ᬬᬭᬭᬯᬸᬧ᭄ᬭᬄ᭞ᬲᬶᬂᬓᬧᬧᬕ᭄ᬓᬧ᭄ᬭᬯᬃᬱ᭟᭜᭟ᬧ᭄ᬭᬲᬫᬓᬧ᭄ᬭᬬᬸᬕᬕᬸᬫᬸᬭᬸᬄ᭞ᬳᬶᬗᬸᬗ᭄ᬲᬶᬢ᭄ᬯᬦᬾ᭞ᬧ᭄ᬭᬲᬲᬫᬳᬢᬸᬃᬯᭀᬢ᭄ᬲᬭᬶ᭞ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬅᬢ᭄ᬫᬲᬯᬶᬚᬶᬧᬸ
ᬦᬶᬓᬸ᭞ᬢᬢᬗ᭄ᬕᬩᬶᬦᬸᬭᬸᬋᬓᬾ᭞ᬫᬗ᭄ᬕ᭄ᬕᭂᬄᬲᬸᬭᬲᬭᬾᬂᬳᬬᬸᬦ᭄᭞ᬢᬶᬢᬶᬧ᭄ᬭᬢᬶᬲᬸᬭᬸᬧ᭄ᬭᬶᬂᬧ᭄ᬭᬂ᭞ᬳᬕᬸᬮᬕᬸᬮ᭄ᬫᬭᬶᬂᬯᬃᬡ᭄ᬦ᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄ᬳᬰ᭄ᬭᬸ᭞ᬳᬶᬳᭂᬦ᭄ᬤᬶᬧᬺᬡᬳᬾ᭞ᬧᬶᬭᬓᬯᬷ [ 30 ][᭒᭙ 29B]
᭒᭙᭟
ᬭᬦᬾᬢᬾᬓᬶ᭞ᬫᬲᬫᬤᬦᬶᬗᬸᬮᬸᬦ᭄᭞ᬯᬶᬭᬲᬸᬭᬵᬢ᭄ᬫᬳᬫᬸᬯᬸᬲ᭄᭞ᬳᬶᬗᭀᬂᬳᬫᬧᬕᬫᬗ᭄ᬓᬾ᭞ᬖᭀᬭᬯᬶᬓ᭄ᬭᬫᬲᬸᬫᬯᬸᬃ᭞ᬫᬶᬯᬄᬲᬂᬩᬮᬯᬸᬢ᭄ᬧᬢ᭄ᬭ᭞ᬧᬸᬓᬸᬮᬸᬦ᭄ᬲᬂᬲᬸᬳᬸᬦᬦ᭄᭟᭜᭟ᬬᬦ᭄ᬢᬸᬳᬸᬫᬗ᭄ᬓᬦ
ᬲᬂᬲᬶᬦᬸᬳᬸᬦ᭄᭞ᬧᬤᬸᬓᬪᬝᬭ᭞ᬲᬂᬧᬢᬶᬄᬧᬢᬶᬭᬶᬫᬶᬳᬶᬦ᭄᭞ᬲᬸᬓᬧᬶᬓᬘᬭᬸᬗᬭᬦ᭄ᬧᬸᬦᬓᬸ᭞ᬅᬢ᭄ᬫᬲᬯᬶᬚᬶᬧᬸᬦᬓᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬭᬤᬾᬦ᭄ᬪᬷᬫ᭞ᬧᬫᬃᬕ᭄ᬕᬶᬦᬾᬲᬤᬳᬰ᭄ᬭᬸ᭞ᬢᬦᬦᬗᬶᬢᬸᬂᬭᬶᬂᬪᬬ᭞ᬚᬕ᭄ᬳᬗᬤᭂ
ᬕ᭄ᬫᬭᬶᬗ᭄ᬓᬦ᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄ᬰ᭄ᬭᬸ᭞ᬅᬢ᭄ᬫᬧᬭᬦᬺᬓᬾ᭞ᬫᬢᬶᬳᬗᬧᬭᬶᬗᬹᬦᬷ᭞ᬫ᭄ᬯᬄᬢᬯᬶᬱᬬᬦ᭄ᬫᬸ᭞ᬯᬭᬳᬳᬶᬗᭀᬂᬤᬾᬦ᭄ᬳᬰ᭄ᬭᬸ᭞ᬳᬤ᭄ᬬᬦ᭄ᬳᬓᬲᬸᬚᬭᬾ᭞ᬤᬸᬤᬸᬲᬂᬅᬢ᭄ᬫᬲ᭄ᬬᬓᬸ᭞
ᬳᬧᬦ᭄ᬳᬓᬸᬲᬂᬫᬵᬦᬸᬱ᭞ᬲᬶᬦᬗ᭄ᬕᬸᬄᬲ᭄ᬬᬓᬸᬅᬢ᭄ᬫ᭟᭜᭟ᬲᬂᬚᭀᬕᭀᬃᬫᬡᬶᬓ᭄ᬳᬲᭂᬫ᭄ᬋᬗᬸ᭞ᬤᬸᬫᬶᬮᬄᬲᭀᬘᬦᬾ᭞ᬓᬶᬢᬫᬵᬦᬸᬱᬳᬚᬵᬢᬶ᭞ᬧᬭᬦ᭄ᬓᬃᬬ᭄ᬬᬦᬾᬭᬯᬸᬄ᭞ᬫᬭᬶᬂᬧᬦᬗ᭄ᬲᬭᬦ᭄ᬳᬶᬓᬸ᭞ᬫ᭄ᬯᬄ
[᭓᭐ 30A]
ᬲᬗᬧᬳᬭᬦᬾ᭞ᬯᬭᬳᬳᬶᬗᭀᬂᬤᬾᬦ᭄ᬳᬰ᭄ᬭᬸ᭞ᬭᬳᬤᬾᬦᬃᬬ᭄ᬬᬳᬗᬸᬘᬧ᭄᭞ᬲ᭄ᬬᬓᬸᬳᬗᬭᬦ᭄ᬪᬷᬫ᭟᭜᭟ᬳᬓᬸᬳᬗ᭄ᬮᬸᬭᬸᬄᬅᬢ᭄ᬫᬾᬳ᭄ᬬᬂᬧᬡ᭄ᬥᬸ᭞ᬗᭂᬦ᭄ᬤᬶᬧᬺᬡᬳᬾ᭞ᬲᬂᬚᭀᬕᭀᬃᬫᬡᬶ
ᬓ᭄ᬦᬯᬸᬭᬶᬦ᭄᭞ᬤᬸᬤᬸᬓᬶᬢᬪᬷᬫᬓᬸ᭞ᬳᬗᬓᬸᬳᬓᬸᬧᬸᬦᬶᬓᬸ᭞ᬳᬶᬗᭀᬂᬯ᭄ᬭᬸᬄᬭᬶᬂᬪᬷᬫᬋᬓᬾ᭞ᬳᬘᭂᬧᬯᬢ᭄ᬧᬸᬢᬶᬳᬾᬦᭂᬭᬸᬲ᭄᭞ᬓᬶᬢᬲᬂᬪᬷᬫᬘᬘᬬ᭞ᬓᬶᬢᬪᬷᬫᬢᬢᬶᬭᭀᬦᬦ᭄᭟
᭐᭟ᬤᬸᬤᬓᬶᬢᬳᬭᬦ᭄ᬪᬷᬫᬳᬶᬓᬸ᭞ᬪᬷᬫᬧᬭᬦᬋᬓᬾ᭞ᬳᬕᭂᬂᬳᬭᬸᬳᬸᬃᬧᬸᬦᬶᬓᬶ᭞ᬳᬩᬵᬂᬦᬾᬢ᭄ᬭᬢᬸᬢᬸᬳᬸ᭞ᬧᬫᬸᬮᬸᬳᬶᬋᬂᬳᬋᬗᬸ᭞ᬯᭀᬓ᭄ᬩ᭄ᬭᬾᬗᭀᬲ᭄ᬓᬧᬾᬂᬭᬭᬯᬾ᭞ᬫᬭᬶᬂᬯᬃᬡ᭄ᬦᬳᬕᬸᬮ
ᬕᬸᬮ᭄᭞ᬬᬦ᭄ᬢᬸᬳᬸᬓᬶᬢᬭ᭄ᬪᬷᬫ᭞ᬲᬸᬧᬢᭂᬦᬢ᭄ᬫᬭᬶᬂᬓᬯᬄ᭟᭜᭟ᬳᬗ᭄ᬳᬶᬂᬭᭀᬭᭀᬲᬶᬦᬸᬧᬢ᭄ᬳᬶᬓᬸ᭞ᬬᬓ᭄ᬓᬯᬰᬋᬓᬾ᭞ᬢᬸᬳᬸᬗᬭᬦ᭄ᬪᬷᬫᬢᬾᬓᬶ᭞ᬬᬦ᭄ᬢᬦ᭄ᬲᬶᬦᬸᬧᬢ᭄ᬤᬾᬦ᭄ᬫᬸ᭞ [ 31 ][᭓᭐ 30B]
᭓᭐᭟
ᬤᬸᬤᬸᬓᬶᬢᬪᬷᬫᬳᬶᬓᬸ᭞ᬭᬳᬤᬾᬦ᭄ᬪᬷᬫᬲᬯᬸᬭᬾ᭞ᬫᬲᬢᬦ᭄ᬲᬶᬦᬸᬧᬢ᭄ᬤᬾᬦ᭄ᬓᬸ᭞ᬏᬫᬦ᭄ᬤᬾᬦ᭄ᬓᬸᬳᬜᬸᬧᬢ᭄᭞ᬭᬳᬤᬾᬦ᭄ᬳᬰ᭄ᬭᬸᬮᬸᬫᬫ᭄ᬧᬄ᭟᭜᭟ᬤᬸᬢ᭄ᬓᬂᬓᬯᬄᬳᬰ᭄ᬭᬸᬢᬸᬫᬸᬭᬸᬦ᭄᭞
ᬭᬤᬾᬦ᭄ᬪᬷᬫᬋᬓᬾ᭞ᬢᭂᬓᬾᬂᬲᭀᬃᬅᬢ᭄ᬫᬳᬶᬗᬫ᭄ᬩᬶᬮ᭄᭞ᬧ᭄ᬭᬲᬫᬓᬂᬲᬶᬦᬫ᭄ᬩᬸᬢ᭄᭞ᬕᬶᬦᬯᬳᬸᬫᬭᬾᬂᬮᬸᬳᬸᬃ᭞ᬇᬂᬲᭀᬃᬓᬂᬢᭂᬮᬲᬢ᭄ᬫᬦᬾ᭞ᬲᬯᬶᬚᬶᬢᬦᬦᬓᬦ᭄ᬢᬸᬦ᭄᭞ᬲᬯᬢᬭᬧᬸᬮᬸᬄᬮᬓ᭄ᬱ᭞
ᬕᬶᬦᬯᬭᬶᬂᬧᬦᬗ᭄ᬲᬭᬦ᭄᭟᭜᭟ᬤᬸᬓ᭄ᬢᭂᬓᬾᬂᬧᬦᬗ᭄ᬲᬭᬦ᭄ᬳᬓᬸ᭞ᬫᬧᬸᬧᬸᬮ᭄ᬲᬂᬧᬶᬝᬭ᭞ᬋᬓᬾᬲᬫᬳᬦᬗᬶᬲ᭄᭞ᬓᬲ᭄ᬬᬲᬶᬄᬲᬸᬧᬢ᭄ᬳᬯᬓ᭄ᬳᬶᬭᬶᬗ᭄ᬲᬸᬦ᭄᭞ᬫᬢᬶᬢᬦ᭄ᬫᬢᬶᬧᬸᬓᬸᬮᬸᬦ᭄᭞ᬲᬂᬪᬷᬫ
ᬳᬰ᭄ᬭᬸᬧᭀᬮᬳᬾ᭞ᬳᬍᬓᬲ᭄ᬲᬶᬭᬭᬶᬗᬬᬸᬦ᭄᭞ᬳᬢᬶᬢᬶᬲ᭄ᬓ᭄ᬭᬡᬲᬶᬂᬓᬧ᭄ᬭᬫ᭄ᬬᬲ᭄ᬢᬶᬭᬵᬕᬉᬢ᭄ᬢᬫ᭟᭜᭟ᬲᬵᬫ᭄ᬧᬸᬦ᭄ᬧᬶᬦᬲ᭄ᬢᬶᬓᬭᬶᬂᬲ᭄ᬯᬃᬬ᭄ᬬᬭᬹᬫ᭄᭞ᬲᬶᬦᬫ᭄ᬩᬸᬢ᭄ᬳᬗ᭄ᬕᬦᬾ᭞ᬲᬶᬦᬶᬭᬢ᭄ᬲᬂᬅᬢ᭄ᬫᬢᬾ
[᭓᭑ 31A]
ᬓᬶ᭞ᬯᬸᬲ᭄ᬲᬶᬦᬶᬭᬵᬢ᭄ᬢᬸᬫᬫᬳᬲᬸᬂ᭞ᬲᬫ᭄ᬧᬄᬭᬶᬂᬲᬂᬪᬷᬫᬳᬶᬓᬸ᭞ᬳᬸᬫᬦ᭄ᬢᬸᬓᬶᬂᬫᬥ᭄ᬬᬧᬤ᭞ᬧ᭄ᬭᬲᬫᬳᬤᬸᬮᬸᬃᬤᬸᬮᬸᬃ᭞ᬢᬸᬫᬶᬢᬶᬲ᭄ᬢᭂᬓᬾᬦᬶᬂᬓᬤᬂ᭞ᬲᬫᬳᬲᭂᬫᬸᬓᬲᬸᬓᬦ᭄᭟᭜᭟
ᬲᬂᬚᭀᬕᭀᬃᬫᬡᬶᬓᬲᭂᬫᬸᬳᬰ᭄ᬭᬸ᭞ᬳᬦᭀᬦ᭄ᬢᭀᬦᬢ᭄ᬫᬦᬾ᭞ᬢᭂᬮᬲ᭄ᬫᬭᬶᬂᬓᬯᬄᬢᬾᬓᬶ᭞ᬯᬷᬭᬲᬸᬭᬵᬢ᭄ᬫᬫᬸᬯᬸᬲ᭄᭞ᬓᬓᬳᬚᬷᬯᬶᬭᬂᬳᬗ᭄ᬲᬸᬦ᭄᭞ᬭᬶᬂᬓᬯᬄᬢᭂᬮᬲᬢ᭄ᬫᬦᬾ᭞ᬖᭀᬭ
ᬯᬶᬓ᭄ᬭᬫᬳᬸᬫᬵᬢᬸᬃ᭞ᬧᬸᬦᬧᬲᬶᬭᬲᬂᬅᬢ᭄ᬫ᭞ᬢᭂᬮᬲ᭄ᬭᬶᬂᬢᬫ᭄ᬩ᭄ᬭᬕᭀᬫᬸᬓ᭟᭜᭟ᬭᬳᬤᬾᬦ᭄ᬪᬷᬫᬳᬗᬸᬘᬧ᭄ᬳᬲ᭄ᬭᬹ᭞ᬯᬸᬲᬓᬸᬳᬜᬸᬧᬢ᭄᭞ᬫᬮᬦᬶᬂᬅᬢ᭄ᬫᬧᬸᬦᬶᬓᬶ᭞ᬢᭂᬮᬲ᭄ᬫᬭᬶᬂᬓ
ᬯᬄᬳᬕᬸᬂ᭞ᬲᬂᬚᭀᬕᭀᬃᬫᬡᬶᬓ᭄ᬳᬫᬸᬯᬸᬲ᭄᭞ᬲᬺᬗᭂᬦ᭄ᬳᬗ᭄ᬭᬓᬸᬚᬭᬾ᭞ᬢᬗᬦᬾᬳᬗᬶᬫᬸᬭᬶᬫᬸᬃ᭞ᬢᬤᬦᬓᬤ᭄ᬬᬭᬭᬯᬸᬧ᭄ᬭᬄ᭞ᬰᬭᬷᬭᬳᬶᬋᬂᬓᬩᬗᬦ᭄᭟᭜᭟ᬳᬶᬄᬓᬶᬢᬲᬂᬪᬷ [ 32 ][᭓᭑ 31B]
᭓᭑᭟
ᬫᬳᬫ᭄ᬩᭂᬓᬓ᭄ᬤᬸᬤᬸ᭞ᬢᬦ᭄ᬧᬢᬹᬢ᭄ᬓᬋᬧᬾ᭞ᬳᬶᬗᭀᬂᬫᬓᭀᬦ᭄ᬓᬶᬢᬗᬹᬦᬷ᭞ᬜᬸᬧᬢ᭄ᬫᬧᬸᬦᬶᬓᬸ᭞ᬭᭀᬂᬲᬶᬓᬶᬤᬤ᭄ᬬᬢᬦ᭄ᬓᬦ᭄ᬢᬸᬦ᭄᭞ᬤᬤᬶᬢᭂᬮᬲ᭄ᬓᬂᬅᬢ᭄ᬫᬦᬾ᭞ᬘᭂᬫᭂᬃᬘᬫ᭄ᬧᬸᬃᬓᬶᬢᬢᬸᬳᬸ᭞ᬰᬸ
ᬤ᭄ᬭᬲᬢ᭄ᬭᬧᬮᬶᬗ᭄ᬕᬶᬄᬢ᭞ᬧᬫᬦᬗᬓᬸᬓ᭄ᬱᬢ᭄ᬭᬶᬬ᭟᭜᭟ᬲᬂᬪᬷᬫᬳᬗᬺᬗᭃᬢ᭠ᬦ᭄ᬧᬲᬯᬸᬃ᭞ᬲᬺᬗᭂᬦ᭄ᬭᬶᬂᬳᬢᬶᬦᬾ᭞ᬲᭀᬘᬦ᭄ᬬᬳᬩᬵᬂᬫᬸᬭᬶᬭᬶᬂ᭞ᬰᬭᬷᬭᬦ᭄ᬬᬓᬸᬫᬸᬢᬸᬕ᭄᭞ᬮ᭄ᬯᬶᬃᬲᬶᬦᬶᬭ
ᬫᬦ᭄ᬫᬭᬸᬲ᭄᭞ᬳᬗᬜ᭄ᬚᬳᬜ᭄ᬚᬧᬸᬧᬸᬦᬾ᭞ᬢᬗᬦᬾᬳᬗᬶᬫᬸᬭᬶᬫᬸᬭ᭄᭞ᬮ᭄ᬯᬶᬃᬲᬶᬗᬢᬶᬓᬸᬢᬶᬂᬕᬚᬄ᭞ᬳᬗᬸᬘᬧ᭄ᬧᬺᬗᭂᬦ᭄ᬓᬩᬵᬗᬦ᭄᭟᭜᭟ᬳᬶᬄᬓᬶᬢᬚᭀᬕᭀᬃᬫᬡᬶᬓ᭄ᬯᬸᬯᬸ
ᬲ᭄ᬫᬸ᭞ᬭᬶᬂᬲᬶᬭᬵᬓᬸᬋᬓᬾ᭞ᬳᬜᬸᬧᬢᬢ᭄ᬫᬭᭀᬂᬲᬶᬓᬶ᭞ᬩ᭄ᬬᬓ᭄ᬢᬮᬶᬂᬲ᭄ᬬᬓᬸ᭞ᬮᬦᬂᬯᬤᭀᬦ᭄ᬓᬂᬲᬸᬧᬢ᭄ᬓᬸ᭞ᬯᭀᬂᬓᭂᬤᬶᬓᬭᬶᬳᬫᬗ᭄ᬓᬾ᭞ᬦᬳᬦ᭄ᬯᬸᬯᬸᬲ᭄ᬪᬷᬫᬳᬶᬓᬸ᭞ᬩᬮᬉᬢ᭄ᬧ
[᭓᭒ 32A]
ᬢᬮᬸᬫᬫ᭄ᬧᬄ᭞ᬤᬶᬦᭂᬤᭂᬮ᭄ᬲᬶᬭᬭᬳᬤ᭄ᬬᬦ᭄᭟᭜᭟ᬭᬳᬤᬾᬦ᭄ᬪᬷᬫᬢᬶᬩᬓᬧᬸᬧᬸᬄ᭞ᬲᬺᬗᭂᬦ᭄ᬧᭀᬮᬳᬾ᭞ᬉᬫᬍᬲ᭄ᬪᬷᬫᬳᬗᬶᬢᬶᬓ᭄᭞ᬚᬶᬦᬫ᭄ᬩᬓ᭄ᬫ᭄ᬯᬂᬕᬶᬦᬸᬢᬸᬓ᭄᭞ᬧᭂᬚᬄᬋᬓᬾᬢ
ᬦ᭄ᬧᬢᬢᬸ᭞ᬩᬮᬉᬢ᭄ᬧᬢᬳᬭᬦᬾ᭞ᬖᭀᬭᬯᬶᬓ᭄ᬭᬫᬳᬗᬸᬬᬸᬄ᭞ᬩᭂᬭᬓ᭄ᬲ᭄ᬯᬭᬳᬯᬸᬭᬳᬦ᭄᭞ᬫᬸᬓᬦ᭄ᬬᬳᬫᬗᬧ᭄ᬫᬗᬧ᭄᭟᭜᭟ᬲᬶᬦᬯᬸᬭᬦ᭄ᬤᬦ᭄ᬪᬷᬫᬫᬍᬘᬸᬢ᭄᭞ᬲᬶᬦᬶᬮᬓᭂᬦ᭄ᬫ
ᬗ᭄ᬓᬾ᭞ᬲᬶᬦᬫ᭄ᬩᬸᬢ᭄ᬧᬸᬧᬸᬦᬾᬓᬮᬶᬄ᭞ᬩᬶᬦᬦ᭄ᬢᬶᬂᬫᬭᬾᬂᬯᬢᬸ᭞ᬋᬫᭂᬓ᭄ᬰᬶᬭᬄᬦ᭄ᬬᬓᬩᬢᬸᬃ᭞ᬫᭂᬲᬢ᭄ᬧ᭄ᬭᬲᬫᬶᬸᬂᬫᬳᬸᬢᭂᬓᬾ᭞ᬭᬄᬦ᭄ᬬᬭᬶᬗᬯᬓ᭄ᬲᬸᬫᬧᬸᬢ᭄᭞ᬭᬄᬭᬫᬾᬧ᭄ᬭᬂᬭᬶᬂᬧᬦᬗ᭄ᬲᬭᬦ᭄᭞
ᬖᭀᬭᬯᬶᬓ᭄ᬭᬫᬯᬸᬲ᭄ᬧᭂᬚᬄ᭟᭜᭟ᬲᬺᬗᭂᬦ᭄ᬲᬂᬚᭀᬕᭀᬃᬫᬡᬶᬓᬫᬸᬭᬸ᭠ᬩ᭄᭞ᬭᬳᬤᬾᬦᬗᬸᬫ᭄ᬩᬂ᭞ᬮᬶᬦᬾᬲᬦ᭄ᬲᬂᬚᭀᬕᭀᬃᬫᬡᬶᬓ᭄᭞ᬭᬳᬤᬾᬦ᭄ᬪᬷᬫᬳᬫᬸᬯᬸᬲ᭄᭞ᬢ [ 33 ][᭓᭒ 32B]
᭓᭒᭟
ᬦ᭄ᬲᬸᬭᬸᬤ᭄ᬳᬓᬸᬫᬧᬕ᭄ᬫᬸ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬫᬗᭂᬭᬓ᭄ᬫ᭄ᬯᬄᬳᬗᬸᬯᬸᬄ᭞ᬲᬶᬬᬸᬗᬾᬮᬸᬗᬶᬤ᭄ᬓᬸᬫᬭᬜᬩ᭄᭞ᬮ᭄ᬯᬶᬃᬢᬢᬶᬢ᭄ᬮᬢ᭄ᬭᬶᬂᬓᭀᬫᬶᬢ᭄ᬬ᭟᭜᭟ᬳᬶᬄᬓᬶᬢᬲᬂᬪᬶᬫᬳᬫ᭄ᬩᭂᬓ᭄ᬢᬦ᭄ᬧ
ᬢᬸᬢᬸᬃ᭞ᬅᬗ᭄ᬓᬭᬩᬸᬤ᭄ᬟᬶᬦᬾ᭞ᬤᬾᬦ᭄ᬧ᭄ᬭᬬᬢ᭄ᬦᬓᬶᬢᬚᬸᬭᬶᬢ᭄᭞ᬭᬫᬾᬓᬂᬧ᭄ᬭᬂᬓᬂᬓᬋᬗ᭄ᬕᬸᬢ᭄᭞ᬲᬶᬮᬶᬄᬤᭂᬤᭂᬮ᭄ᬲᬶᬮᬶᬄᬧᬸᬓᬸᬮ᭄᭞ᬲᬶᬦᬾᬧᬦᬺᬓᬾᬢᬗ᭄ᬓᬶᬲᬾ᭞ᬲᬂᬚᭀᬕᭀᬃᬫᬡᬶᬓ᭄ᬓᬋᬗ᭄ᬕᬸᬢ᭄᭞ᬢᬶᬩᬋ
ᬓᬾᬓᬲᬸᬮᬬᬄ᭞ᬚᬶᬦᬫ᭄ᬩᬓ᭄ᬤᭂᬤᭂᬮ᭄ᬓᬢᬫ᭄ᬧ᭄ᬬᬮ᭄᭟᭜᭟ᬲᬂᬚᭀᬕᭀᬃᬫᬡᬶᬓᬓ᭄ᬢᬶᬩᬤᬶᬦᭂᬓᬸᬓ᭄᭞ᬳᬦᭂᬮᬾᬧ᭄ᬦᬾᬢ᭄ᬭᬦᬾ᭞ᬓᬲᬸᬂᬲᬂᬫᬭᬶᬂᬧᬺᬣᬶᬯᬷ᭞ᬭᬤᬾᬦ᭄ᬪᬶᬫᬳᬫᬸᬧᬸᬄ᭞ᬧᭂᬚᬄᬲᬂᬚᭀ
ᬕᭀᬃᬫᬡᬶᬓ᭄ᬧᬸᬦᬶᬸᬂᬦᬶᬓᬸ᭞ᬢᬦ᭄ᬧᬗᬸᬦ᭄ᬤᬶᬮᬶᬧᭂᬚᬳᬾ᭞ᬯᬷᬭᬲᬸᬭᬵᬢ᭄ᬫᬢᬦ᭄ᬓᬦ᭄ᬢᬸᬦ᭄᭞ᬢᬦ᭄ᬲᬶᬧᬶᬋᬓᬾᬩ᭄ᬭᬵᬳ᭄ᬫᬦ᭄ᬢ᭄ᬬᬦ᭄᭞ᬭᬳᬤᬾᬦ᭄ᬪᬷᬫᬧᬶᬦᬭᬦ᭄᭟᭜᭟ᬳᬫ᭄ᬩᬓ᭄ᬢᬧᭂᬥᬂᬮ
[᭓᭓ 33A]
ᬫ᭄ᬧᬳᬾᬳᬰ᭄ᬭᬸ᭞ᬳᬶᬦᬸᬲᭂᬩ᭄ᬭᬳᬤᬾᬦ᭄᭞ᬩᬬ᭄ᬯᬢ᭄ᬫᬚᬓᬂᬧᬶᬦ᭄ᬭᬶᬄ᭞ᬧᬶᬦᬸᬢᭂᬃᬧᭂᬥᬂᬳᬶᬧᬦ᭄᭞ᬭᬳᬤᬾᬦ᭄ᬯᬺᬓᭀᬥᬭᬦᬫ᭄ᬩᬸᬢ᭄᭞ᬲᬂᬲᬸᬭᬵᬢᬚ᭄ᬭᬶᬄᬋᬓᬾ᭞ᬧᬫᬸᬯᬸᬲᬾᬳᬫᬮᬓᬸ
᭞ᬢᬶᬩᬋᬓᬾᬓᬲᬸᬮᬬᬄ᭞ᬳᬸᬭᬶᬧᬶᬂᬯᭀᬂᬳᬗᬢᬸᬭᬂᬲᭂᬫ᭄ᬩᬄ᭟᭜᭟ᬲᬂᬪᬷᬫᬫᬗ᭄ᬓᬾᬢᬦ᭄ᬓᬸᬦᬮᬸᬮᬸᬢ᭄᭞ᬳᬜᬶᬩᬓ᭄ᬯᬸᬮᬸᬦᬾ᭞ᬭᬄᬦ᭄ᬬᬫᬶᬚᬶᬮᬸᬫᬶᬚᬶᬮᬶ᭞ᬧᭂᬚᬄᬧ᭄ᬭᬲᬫᬳᬶᬓᬸ᭞ᬓ
ᬭᬶᬘᬭᬓᬫᬮᬬᬸ᭞ᬪᬝᬭᬬᬫᬳᬶᬦᬸᬗ᭄ᬲᬶ᭞ᬳᬦᬗᬶᬲ᭄ᬳᬗᬯᬸᬗᬯᬸᬂ᭞ᬳᬚ᭄ᬭᬶᬄᬦᭀᬦ᭄ᬢᭀᬦ᭄ᬭᬤᬾᬦ᭄ᬪᬶᬫ᭞ᬪᬝᬭᬬᬫᬳᬰ᭄ᬭᬸᬫᭀᬚᬃ᭟᭜᭟ᬧᬭᬦ᭄ᬲᬗ᭄ᬓᬢᬓᬧᬮᬬᬸ᭞ᬕᬾᬕᬾᬃ
ᬧᬮᬬᬸᬦᬾ᭞ᬫ᭄ᬯᬂᬳᬢᬯᬦ᭄ᬢᬸᬯᬦ᭄ᬢᬗᬶᬲ᭄᭞ᬲᬂᬘᬭᬓᬳᬸᬫᬵᬢᬸᬃ᭞ᬫᬵᬦᬸᬱᬧᬸᬦᬶᬓᬭᬯᬸᬄ᭞ᬫᬭᬶᬂᬢᭂᬕᬮ᭄ᬧᬦᬗ᭄ᬲᬭᬦ᭄᭞ᬳᬫᬸᬋᬓᬾᬧᬸᬓᬸᬮᬸᬦ᭄᭞ᬢᬦ᭄ᬕᬶᬗ᭄ᬲᬶᬃᬫᬭᬶᬂᬲᬜ᭄ᬚᬢ᭞ᬭᬶᬦᭂ [ 34 ][᭓᭓ 33B]
᭓᭓᭟
ᬩᬸᬢ᭄ᬲᬸᬫᬗ᭄ᬓᬶᬦ᭄ᬩᬶᬦ᭄ᬤᬃ᭟᭜᭟ᬲᬂᬧᬢᬶᬄᬧᬸᬦᬶᬓᬢᬦᬦᬓᬦ᭄ᬢᬸᬦ᭄᭞ᬫ᭄ᬯᬂᬳᬶᬜᭀᬦᬶᬗᭀᬦᬾ᭞ᬧ᭄ᬭᬲᬫᬗᭂᬫᬲᬶᬦ᭄ᬧᬢᬶ᭞ᬯᬷᬭᬲᬸᬭᬵᬢ᭄ᬫᬳᬶᬓᬸ᭞ᬲᬂᬚᭀᬕᭀᬃᬫᬡᬶᬓ᭄ᬧᬸᬓᬸᬮᬸᬦ᭄᭞ᬖᭀᬭᬯᬶᬓ᭄ᬭᬫᬋᬓᬾ
᭞ᬩᬮᬉᬢ᭄ᬧᬢᬧᬸᬦᬶᬓᬸ᭞ᬲᬫᬳᬗᭂᬫᬲᬶᬦ᭄ᬧᭂᬚᬄ᭞ᬪᬝᬭᬬᬫᬓᬩᬵᬗᬦ᭄᭟᭜᭟ᬓᬋᬗᭃᬳᬢᬸᬃᬘᬭᬓᬳᬶᬓᬸ᭞ᬤᬸᬫᬶᬮᬄᬲᭀᬘᬦᬾ᭞ᬫᬺᬗᭂᬢ᭄ᬯᬤᬤᬢ᭄ᬯᬭᬳᬜ᭄ᬚ᭄ᬭᬶᬳᬶᬦ᭄᭞ᬮᬦᬶᬭᬕᬕᭂᬢᬸ
ᬭᬳᬶᬓᬸ᭞ᬮ᭄ᬯᬶᬃᬬᬫᬦᬶᬭᬫᬭᬸᬲ᭄᭞ᬳᬗ᭄ᬭᬓᬜ᭄ᬭᬶᬢᬋᬓᬾ᭞ᬳᬗᬸᬧ᭄ᬲᬺᬗᬦᬋᬗᬸ᭞ᬅᬢ᭄ᬫᬧᬭᬦ᭄ᬓᬫᬵᬦᬸᬱᬦ᭄᭞ᬳᬶᬗᭀᬂᬳᬫᬧᬕᬬᬸᬤ᭄ᬟ᭟᭜᭟ᬲᬂᬪᬷᬫᬗᬮᭀᬃᬮᬫ᭄ᬧᬳᬾᬳᬰ᭄ᬭᬸ᭞ᬓ
ᬤᬸᬗ᭄ᬓᬧ᭄ᬧᬺᬡᬳᬾ᭞ᬬᬫᬦᬶᬮᭀᬓᬯᬸᬦᬶᬓᬶ᭞ᬚᬕ᭄ᬗᬤᭂᬕ᭄ᬧᬸᬦᬶᬓᬸ᭞ᬭᬶᬂᬳᬋᬧ᭄ᬲᬂᬬᬫᬢᬾᬓᬸ᭞ᬲᬂᬬᬫᬳᬰ᭄ᬭᬸᬳᬸᬚᬭᬾ᭞ᬓᬶᬢᬳᬬᬦ᭄ᬪᬷᬫᬳᬶᬓᬸ᭞ᬧᬭᬦ᭄ᬧ᭄ᬯᬓᬃᬬ᭄ᬬᬦᬾᬓᬶᬢ᭞ᬳᬸᬫᬶᬸᬭᬶᬸᬂ
[᭓᭔ 34A]
ᬫᬭᬭᬶᬂᬧᬦᬗ᭄ᬲᬭᬦ᭄᭟᭜᭟ᬲᬂᬪᬷᬫᬳᬗᬸᬘᬧᬲᭂᬫᬸᬳᬰ᭄ᬭᬸ᭞ᬳᬓᬸᬳᬗᬸᬮᬢ᭞ᬅᬢ᭄ᬫᬦᬶᬂᬳ᭄ᬬᬂᬧᬡ᭄ᬥᬸᬢᬾᬓᬶ᭞ᬓᬭᬸᬗᬸᬤᬾᬲ᭄ᬬᬓᬸ᭞ᬳᬮᬭᬋᬓᬾᬲᬂᬧᬡ᭄ᬥᬸ᭞ᬭᬶᬂᬬᬫᬦᬶᬮᭀᬓᬦᬾ᭞
ᬓᬶᬸᬂᬢᬶᬸᬂ᭞ᬓᬶᬢᬋᬓᬾᬳᬫᬶᬤᬸᬤᬸ᭞ᬫᬭᬗ᭄ᬓᬾᬳᬶᬗᭂᬦ᭄ᬤᬶᬲᬂᬩᬧ᭞ᬓᬳᬋᬧ᭄ᬳᬓᬸᬳᬗ᭄ᬕᬸᬕᬄ᭟᭜᭟ᬲᬂᬬᬫᬳᬗᬸᬘᬧ᭄ᬳᬲᭂᬫᬸᬳᬰ᭄ᬭᬸ᭞ᬢᬸᬳᬸᬲᬫᬗ᭄ᬓᬦ᭞ᬋᬓᬾᬳᬫᬶᬲᬶᬲᬶᬧ᭄ᬫᬗ᭄ᬓᬾ᭞ᬧᬭᬦ᭄ᬳᬶᬓᬸ
ᬓᬋᬧ᭄ᬫᬸ᭞ᬳᬗᬸᬕᬄᬅᬢ᭄ᬫᬧᬸᬦᬶᬓᬸ᭞ᬳᬶᬗᭀᬂᬢᬸᬳᬫᬗᬮᬂᬋᬓᬾ᭞ᬬᬦ᭄ᬲᬵᬫ᭄ᬧᬸᬦ᭄ᬫ᭠ᬢᬶᬳᬶᬗᬸᬮᬸᬦ᭄᭞ᬳᬫᬾᬢᬫᬭᬶᬂᬕᭀᬫᬸᬓ᭞ᬳᬶᬗᭀᬂᬧᬯᬾᬮᬯᬦ᭄ᬓᬶᬢ᭟᭜᭟ᬫᬗ᭄ᬓᬦ
ᬯᬸᬯᬸᬲ᭄ᬲᬂᬬᬫᬳᬰ᭄ᬭᬸ᭞ᬭᬳᬤ᭄ᬬᬦᬸᬚᬭᬾ᭞ᬳᬶᬓᬶᬢᬲᬂᬬᬫᬢᬶᬓᬶ᭞ᬳᬚᬓᬳᬓᬾᬄᬳᬯᬸᬯᬸᬲ᭄᭞ᬲ᭄ᬬᬓᬸᬳᬋᬧ᭄ᬳᬗ᭄ᬮᬸᬭᬸᬄ᭞ᬭᬶᬂᬬᬫᬦᬶᬮᭀᬓᬋᬓᬾ᭞ᬲᬂᬬᬫᬲᬺᬗᭂᬦ᭄ᬤᬶᬦᬯᬸᬢ᭄᭞ᬧᬶᬦ᭄ᬭᬂᬤᬶᬦᭂ [ 35 ][᭓᭔ 34B]
᭓᭔᭟
ᬤᭂᬮ᭄ᬭᬳᬤ᭄ᬬᬦ᭄᭞ᬓᬸᬫᬸᬢᬸᬕ᭄ᬭᬶᬂᬧᬦᬗ᭄ᬲᬭᬦ᭄᭟᭜᭟ᬲᬶᬦ᭄ᬭᬂᬭᬤᬾᬦ᭄ᬪᬷᬫᬓᬂᬓᬶᬤᬸᬤᬸᬓ᭄᭞ᬢᬦ᭄ᬓᬦᬶᬦ᭄ᬭᬵᬕᬦᬾ᭞ᬭᬫᬾᬓᬂᬧ᭄ᬭᬂᬘᬶᬸᬂᬲᭂᬮᬾᬘᬓᬶ᭞ᬓᬓᬲᭂᬧ᭄ᬲᭀᬃᬲᬶᬦᬸᬭᬸᬂ᭞ᬲᬸᬭᬯᬶᬯᬾᬓᬲᭂᬮᬾᬂᬲᬫ᭄ᬩ
ᬢ᭄᭞ᬳᬕᭂᬦ᭄ᬢᬸᬭᬦ᭄ᬲ᭄ᬯᬪᬯᬦᬾ᭞ᬤᭂᬤᭂᬧ᭄ᬢᬶᬂᬭᬶᬬᬢ᭄ᬭᬶᬬᬸᬢ᭄᭞ᬲᬸᬓᬸᬂᬮᬶᬄᬓᬗᭂᬦ᭄ᬯᬶᬮᬦ᭄᭞ᬢᬶᬩᬲᬂᬪᬝᬭᬬᬫ᭟᭜᭟ᬲᬶᬦᬶᬓᭂᬧ᭄ᬲᬂᬬᬫᬓᬲᬶᬤᭂᬓᬸᬂ᭞ᬓᬸᬫᭂᬭᬶᬸᬢᭂᬭᬳᬦᬾ᭞ᬳᬦᬗᬶᬲ᭄ᬳᬗᬲᬶ
ᬳᬲᬶᬄ᭞ᬳᬸᬭᬶᬧ᭄ᬳᬶᬗ᭄ᬲᬸᬦ᭄ᬲᬂᬩᬬᬸ᭞ᬳᬫᬶᬢ᭄ᬭᬓᬮᬦᬶᬓᬸ᭞ᬇᬂᬩᬾᬲᬸᬓ᭄‌ᬬᬦ᭄ᬳᬸᬭᬶᬧᬺᬓᬾ᭞ᬳᬶᬗᭀᬂᬢᬦᬯᬸᬃᬧᬸᬦᬶᬓᬸ᭞ᬫ᭄ᬯᬄᬲᬂᬧᬡ᭄ᬥᬸᬭᬶᬂᬓᬯᬄ᭞ᬳᬶᬗ᭄ᬲᬸᬦ᭄ᬳᬗ᭄ᬕᬯᬭᬶᬂᬲ᭄ᬯᬃᬕ᭄ᬕ᭟᭜᭟ᬲᬂ
ᬯᬺᬓᭀᬥᬭᬳᬗᬸᬘᬧ᭄ᬳᬲ᭄ᬭᬸ᭞ᬧᬭᬦ᭄ᬢᬳᬸᬚᬭᬾ᭞ᬲ᭄ᬬᬓᬸᬢᬦ᭄ᬓᭂᬦᬳᬲᬶᬄ᭞ᬫᬲᬢᬸᬳᬸᬯᬸᬯᬸᬲ᭄ᬫᬸ᭞ᬲᬶᬭᬳᬗᬧᬸᬲ᭄ᬲ᭄ᬬᬓᬸᬳᬓᬸ᭞ᬦᬶᬃᬤᭀᬦ᭄ᬫᬸᬤᬾᬯᬾᬓ᭄᭞ᬬᬦᬸᬘᬸᬮᬦᬧᬸᬦᬶᬓᬸ᭞ᬢ
[᭓᭕ 35A]
ᬦᬸᬭᬸᬂᬲᬶᬭᬫᬫᬮᬬ᭄ᬯ᭞ᬳᬓᬸᬫᬸᬤᬓᬯᬶᬭᬗᬦ᭄᭟᭜᭟ᬓᬳᬋᬧ᭄ᬲ᭄ᬬᬓᬸᬳᬫᭂᬚᬄᬫᬸ᭞ᬢᭀᬦ᭄ᬢᭀᬦ᭄ᬢᬦᬓᬦᬾ᭞ᬗᬭᬦ᭄ᬯᭂᬲᬶᬯᬺᬲᬦᬶ᭞ᬪᬝᬭᬪᬷᬫᬥᬸᬄᬢᬸᬫᭀᬦ᭄᭞ᬇᬂᬦ
ᬓᬧᬸᬦᬶᬓᬸ᭞ᬳᬸᬭᬶᬧ᭄ᬚᬸᬕᬳᬶᬗ᭄ᬲᬸᬦᬺᬓᬾ᭞ᬳᬶᬗ᭄ᬲᬸᬦ᭄ᬳᬜᬸᬧᬢ᭄ᬲᬂᬧᬡ᭄ᬥᬸ᭞ᬫ᭄ᬯᬂᬳᬦᬹᬢᬤᬾᬯᬶᬫᬤ᭄ᬭᬷᬬ᭞ᬫᬸᬗ᭄ᬕᬄᬭᬶᬂᬫᬾᬭᬸᬫᬵᬲ᭄ᬭᬢ᭄ᬦ᭟᭜᭟ᬢᬦᬦᬳᬶᬗ᭄ᬲᬸᬦ᭄ᬫᭀᬫᭀᬮᬯᬦ᭄ᬫᬸ᭞ᬚᬵᬢᬶᬳᬶᬗᭀᬂ
ᬋᬓᬾ᭞ᬢ᭄ᬯᬭᬤᬾᬯᬳᬫᬶᬭᬦ᭄ᬢᬶ᭞ᬳᬗ᭄ᬮᬶᬜᭀᬓ᭄ᬭᬶᬂᬯᭀᬂᬲᬥᬸ᭞ᬪᬝᬭᬗᬤᬸᬳᬢᬸᬢᬸᬃ᭞ᬳᬗᬗ᭄ᬕᬾᬲᬶᬧᬢ᭄ᬲᬶᬓᬸᬦᬾ᭞ᬢᬢᬓᬺᬢᬯᬶᬢ᭄ᬭᬗᬗᬬᬸᬦ᭄᭞ᬤᬸᬤᬸᬩᭂᬦᭂᬃᬲᬶᬧ᭄ᬢᬾᬂᬲ᭄ᬯᬭ᭞ᬳᬕᬸᬂᬮᬭᬾᬲ᭄ᬢ᭄ᬭᬷᬉᬢ᭄ᬢᬫ
᭟᭜᭟ᬭᬳᬤᬾᬦ᭄ᬪᬷᬫᬯᭂᬮᬲᬗ᭄ᬭᬸᬗᬸ᭞ᬓᬧᬺᬡᬄᬳᬗᭂᬦᬾ᭞ᬲᬂᬬᬫᬳᬗᬲᬶᬳᬲᬶᬄ᭞ᬍᬂᬍᬂᬦ᭄ᬤ᭄ᬬᬫᬤᬦᬸ᭞ᬳᬗᬸᬳᬸᬚᬃᬫ᭄ᬭᬶᬓᬭᬹᬫ᭄᭞ᬓᬧᬺᬡᬄᬋᬓᬾᬳᬗᭂᬦᬾ᭞ᬢᬦ᭄ᬯ᭄ᬭᬸᬄᬫᬭᬶᬂᬓᭂᬦᬾᬂᬳᬧᬸᬲ᭄᭞ [ 36 ][᭓᭕ 35B]
᭓᭕᭟
ᬲᬶᬦᭂᬗ᭄ᬕᬸᬄᬢᬢᬦ᭄ᬢᬘᭀᬭᬄ᭞ᬳᬶᬦᬸᬧᬶᬭᬸᬧᬶᬃᬓᬾᬦᬓᬦ᭄᭟᭜᭟ᬲᬂᬪᬷᬫᬳᬗᬸᬦᬧ᭄ᬫᬸᬳᬮᬸᬲ᭄᭞ᬥᬸᬄᬲᬂᬬᬫᬋᬓᬾ᭞ᬳᬗ᭄ᬮᬶᬜᭀᬓ᭄ᬫᬭᬶᬂᬓᬫᬶ᭞ᬳᬫᬾᬢ᭄ᬪᬝᬭᬧᬡ᭄ᬥᬸ᭞ᬫ᭄ᬯᬂᬤᬾᬯᬷᬫᬤ᭄ᬭᬶᬧᬸᬦᬶᬓᬸ᭞ᬓᬶ
ᬢᬜᬸᬧᬢᬢ᭄ᬫᬦᬾ᭞ᬕᬯᬫᬭᬶᬂᬲ᭄ᬯᬃᬕᬳᬶᬓᬸ᭞ᬲᬂᬬᬫᬳᬮᭀᬦ᭄ᬳᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬓᬶᬢᬦᬮᬳᬲ᭟᭜᭟ᬫᬗ᭄ᬓᬾᬳᬶᬗ᭄ᬲᬸᬦ᭄ᬳᬜᬸᬧᬢ᭄ᬲᬂᬧᬡ᭄ᬥᬸ᭞ᬭᬤᬾᬦ᭄ᬪᬷᬫᬋᬓᬾ᭞ᬲᬂᬬᬫᬳᬕᬮᬶᬲᬸᬘᬸᬮᬶᬦ᭄
᭞ᬪᬝᬭᬬᬫᬫᬍᬘᬸᬢ᭄᭞ᬫᬭᬶᬂᬓᬯᬄᬳᬲ᭄ᬫᬸᬳᬰ᭄ᬭᬸ᭞ᬓᬢᭂᬫᬸᬳ᭄ᬬᬂᬧᬡ᭄ᬥᬸᬋᬓᬾ᭞ᬫ᭄ᬯᬂᬤᬾ᭠ᬯᬶᬫᬤ᭄ᬭᬷᬧᬸᬦᬶᬓᬸ᭞ᬕᭂᬦᬶᬦᬾᬳᬕᭂᬂᬫᬮᬩᬃ᭞ᬅᬢ᭄ᬫᬦᬾᬧᬢᬶᬲᬋᬗᬓ᭄᭟᭜᭟ᬪᬝᬭᬬᬫᬳᬗᬸ᭠
ᬘᬧ᭄ᬳᬰ᭄ᬭᬸ᭞ᬭᬶᬂᬲᬂᬧᬡ᭄ᬥᬸᬋᬓᬾ᭞ᬢᬦ᭄ᬤᬗᬦ᭄ᬤᭀᬱᬦᬾᬗᬹᬦᬷ᭞ᬳᬶᬥᭂᬧ᭄ᬕᬫ᭄ᬧᬂᬭᬳᬬᬸ᭞ᬧᬶᬦᬸᬫ᭄ᬧᬸᬮ᭄ᬕᭂᬦᬶᬫᬸᬭᬸᬩ᭄᭞ᬅᬢ᭄ᬫᬦᬾᬧᬢᬶᬕᬸᬭᬧᬾ᭞ᬲᬂᬬᬫᬋᬓᬾᬳᬗ᭄ᬕᭂᬩᬸᬃ᭞ᬅᬢ᭄ᬫᬦᬾᬫᬭᬶᬂᬚᬫ᭄ᬩᬗᬦ᭄᭞ᬕᭂ
[᭓᭖ 36A]
ᬦᬶᬳᬦᬸᬭᬸᬩ᭄ᬩᬳᬦ᭄ᬫᬶᬜᬓ᭄᭟᭜᭟ᬲᬂᬪᬷᬫᬧ᭄ᬭᬧ᭄ᬢᬳᬲᭂᬫᬸᬳᬰ᭄ᬭᬸ᭞ᬚᭂᬕ᭄ᬳᬗᬤᭂᬕᬺᬓᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬓᬢᭀᬦ᭄ᬲᬂᬬᬫᬳᬦᬸᬗ᭄ᬕᬸ᭞ᬅᬢ᭄ᬫᬦᬾᬪᬝᬭᬧᬡ᭄ᬥᬸ᭞ᬳᬶᬗᬤᬸᬓᬋᬓᬾ
ᬅᬢ᭄ᬫᬦᬾ᭞ᬫ᭄ᬯᬂᬤᬾᬯᬷᬫᬤ᭄ᬭᬷᬢᬦ᭄ᬓᬦ᭄ᬢᬸᬦ᭄᭞ᬲᬫᬦᭂᬫᬸᬓᬲᬗ᭄ᬲᬭ᭞ᬲᬺᬗᭂᬦ᭄ᬭᬤᬾᬦ᭄ᬯᬺᬓᭀᬥᬭ᭟᭜᭟ᬳᬶᬄᬓᬶᬢᬪᬝᬭᬬᬫᬤᬸᬤᬸ᭞ᬘᭂᬫᭂᬂᬘᬫ᭄ᬧᬸᬃᬩᭀᬲᬾᬢ᭄᭞ᬩᬕᭀᬃᬳᬲᬸᬯᬶᬓ
ᬓᬶᬭᬶᬓ᭄᭞ᬮᬶᬜᭀᬓ᭄ᬓᬶᬢᬮᬯᬦ᭄ᬓᬸ᭞ᬤᬸᬤᬸᬤᬾᬯᬧᬦᭂᬗᭂᬭᬦ᭄ᬫᬸ᭞ᬓᬶᬢᬳᬲᬗ᭄ᬕᬸᬧᬋᬓᬾ᭞ᬳᬜᬸᬧᬢ᭄ᬪᬝᬭᬧᬡ᭄ᬥᬸ᭞ᬫ᭄ᬯᬂᬪᬝᬭᬷᬫᬤ᭄ᬭᬷᬳᬓ᭞ᬪᬝᬭᬬᬫᬳᬗᬸᬘᬧ᭄᭟᭜᭟ᬢᬸ
ᬳᬸᬳᬶᬗᭀᬂᬮᬶᬜᭀᬓ᭄ᬮᬯᬦ᭄ᬫᬸ᭞ᬳᬧᬦ᭄ᬯᭂᬦᬂᬋᬓᬾ᭞ᬰᬢ᭄ᬭᬸᬧᬯᭂᬦᬂᬮᬶᬜᭀᬓᬶᬦ᭄᭞ᬢᬶᬕᬯᭂᬦᬂᬧᬸᬦᬶᬓᬸ᭞ᬳᬶᬲ᭄ᬢ᭄ᬭᬷᬬᬶᬸᬂᬳᬬᬸᬫᬶᬢ᭄ᬭᬳᬶᬓᬸ᭞ᬯᬯᬸᬄᬫᬗ᭄ᬓᬳᬋᬓᬾ᭞ᬯᬸᬯᬸᬲ᭄ᬪᬝᬭᬬᬫᬓᬸ᭞ [ 37 ][᭓᭖ 36B]
᭓᭖᭟
ᬮᬸᬫᬫ᭄ᬧᬢ᭄ᬭᬤᬾᬦ᭄ᬪᬷᬫ᭞ᬮᬶᬦᬫ᭄ᬩᬾᬲ᭄ᬪᬝᬭᬬᬫ᭟᭜᭟ᬫᬸᬜ᭄ᬘ᭄ᬭᬢ᭄ᬯᬾᬦᬶᬂ᭞ᬚᬫ᭄ᬩᬗᬦ᭄ᬫᬋᬫ᭄ᬩᬸᬩᬸᬮ᭄᭞ᬢᬶᬦᬶᬩᬓᭂᬦ᭄ᬫᬗ᭄ᬓᬾ᭞ᬪᬝᬭᬬᬫᬳᬜ᭄ᬭᬶᬢ᭄᭞ᬫᬮᬬ᭄ᬯᬗᬯᬸᬃᬗᬯᬸᬃ᭞ᬢ
ᬢᬦ᭄ᬧᬦᭀᬮᬶᬄᬫᬮᬬᬸ᭞ᬧ᭄ᬭᬧ᭄ᬢᬫᬭᬶᬲ᭄ᬯᬃᬕ᭄ᬕᬋᬓᬾ᭞ᬕᬾᬕᬾᬃᬧ᭄ᬭᬯᬢᭂᬓ᭄ᬳᬗ᭄ᬭᬸᬗᬸ᭞ᬪᬝᬭᬬᬫᬫᬮᬬ᭄ᬯ᭞ᬧᬭᬦ᭄ᬲᬗ᭄ᬓᬦᬶᬂᬫᬗ᭄ᬓᬦ᭟᭜᭟ᬳ᭄ᬬᬂᬧ᭄ᬭᬫᬾᬲ᭄ᬢᬶᬕᬸᬭᬸᬓᬂᬳᬸᬫᬢᬸᬃ᭞ᬲᬶ
ᬦᭂᬩᬳᬋᬓᬾ᭞ᬤᬾᬦᬾᬧ᭄ᬭᬯᬢᭂᬓ᭄ᬲ᭄ᬯᬃᬕ᭄ᬕᬶ᭞ᬲᭂᬲᭂᬓ᭄ᬓᬤᬂᬫ᭄ᬯᬂᬲᬸᬦᬸ᭞ᬧᬶᬦᬋᬓ᭄ᬲᭀᬭᬶᬂᬧᬸᬱ᭄ᬧᬵᬭᬹᬫ᭄᭞ᬫ᭄ᬯᬂᬯᬢᭂᬓ᭄ᬧᬸᬗ᭄ᬕᬯᬋᬓᬾ᭞ᬪᬝᬭᬇᬦ᭄ᬤ᭄ᬭᬭᬶᬂᬳᬬᬸᬦ᭄᭞ᬳ᭄ᬬᬂᬯᬶᬱ᭄ᬡᬸᬫ᭄ᬯᬂ
ᬳ᭄ᬬᬂᬩ᭄ᬭᬵᬳ᭄ᬫ᭞ᬪᬝᬭᬭᬸᬤ᭄ᬭᬳ᭄ᬬᬂᬓᬵᬮ᭟᭜᭟ᬪᬝᬭᬩᬬᬸᬇᬰ᭄ᬯᬭᬳᬶᬓᬸ᭞ᬯᬶᬰ᭄ᬯᬓᬃᬫ᭄ᬫᬋᬓᬾ᭞ᬳ᭄ᬬᬂᬫᬳᬤᬾᬯᬢᬦ᭄ᬓᬭᬶ᭞ᬳ᭄ᬬᬂᬲ᭄ᬫᬭᬲᬫᬭᬯᬸᬄ᭞ᬪᬝᬭᬓᬵᬮᬢ᭠
[᭓᭗ 37A]
ᬦ᭄ᬓᬦ᭄ᬢᬸᬦ᭄᭞ᬫ᭄ᬯᬂᬢᬢᭂᬓᬺᬱᬶᬦᬾ᭞ᬯᬶᬥ᭄ᬬᬥᬭᬲᬫᬧᬸᬧᬸᬮ᭄᭞ᬢᭂᬮᬲ᭄ᬧ᭄ᬭᬯᬢᭂᬓ᭄ᬤᬾᬯᬢ᭞ᬪᬝᬭᬬᬫᬭᬶᬂᬳᬃᬱ᭟᭜᭟ᬧ᭄ᬭᬫᬾᬱ᭄ᬝᬶᬕᬸᬭᬸᬯᬸᬯᬸᬲᬾᬳᬰ᭄ᬭᬸ᭞ᬥᬸᬄᬲᬂᬬᬫᬋᬓᬾ᭞ᬧ
ᬭᬦ᭄ᬧᭀᬮᬄᬲᬶᬭᬳᬶᬓᬶ᭞ᬫᬮᬬ᭄ᬯᬗᬯᬸᬭᬯᬸᬃ᭞ᬳᬧᬦ᭄ᬳᬲᭂᬫᬸᬕᬕᭂᬢᬸᬦ᭄᭞ᬪᬝᬭᬬᬫᬳᬢᬸᬭᬾ᭞ᬧᬸᬓᬸᬮᬸᬦ᭄ᬥᬸᬄᬳ᭄ᬬᬂᬲᬶᬦᬸᬳᬸᬦ᭄᭞ᬫᬵᬦᬸᬱᬭᬶᬂᬧᬦᬗ᭄ᬲᬭᬦ᭄᭞ᬳᬗᬸᬗ᭄ᬕᬄᬅᬢ᭄ᬫᬭᬶᬂᬓ
ᬯᬄ᭟᭜᭟ᬳᬗᬭᬦᬾᬋᬓᬾᬪᬷᬫᬧᬸᬓᬸᬮᬸᬦ᭄᭞ᬯᬷᬭᬦᬶᬂᬧ᭄ᬭᬂᬋᬓᬾ᭞ᬳᬗᬫᬸᬓ᭄ᬢᬦ᭄ᬕᬸᬫᬶᬲᬶᬦ᭄᭞ᬭᬶᬦᭂᬩᬸᬢ᭄ᬢᬦ᭄ᬳᬗᬾᬢᬸᬂ᭞ᬫᬗ᭄ᬕᭂᬄᬲᬸᬭᬲᬋᬂᬳᬬᬸᬦ᭄᭞ᬲᬶᬂᬓᬧᬭᬢ᭄ᬧᭂᬚᬄᬋᬓᬾ᭞
ᬓᬓᬲᬸᬮᬸᬂᬲᬸᬮᬸᬂᬧᬶᬦᬸᬧᬸᬄ᭞ᬲᬂᬚᭀᬕᭀᬃᬫᬡᬶᬓ᭄ᬯᬸᬲ᭄ᬧᭂᬚᬄ᭞ᬫ᭄ᬯᬂᬳᬶᬗᭀᬦᬶᬗᭀᬦᬸ᭠ᬧᬤᬬ᭟᭜᭟ᬧᬝᬶᬓ᭄ᬪᬝᬭᬲᬶᬦᬶᬓᭂᬧ᭄ᬲᬵᬫ᭄ᬧᬸᬦ᭄᭞ᬢᭂᬳᭂᬃᬳᬶᬗ᭄ᬲᬸᬦᬺᬓᬾ᭞ᬢᬦ᭄ᬓᭂᬦ [ 38 ][᭓᭗ 37B]
᭓᭗᭟
ᬢᬶᬦᬹᬢᬫᬮᬶᬄ᭞ᬲᬂᬪᬶᬫᬲᬥ᭄ᬬᬦ᭄ᬳᬶᬧᬸᬦ᭄᭞ᬳᬗ᭄ᬭᬋᬄᬅᬢ᭄ᬫᬲᬂᬧᬡ᭄ᬥᬸ᭞ᬫᬶᬯᬄᬤᬾᬯᬶᬫᬤ᭄ᬭᬷᬋᬓᬾ᭞ᬳᬧᬦ᭄ᬳᬶᬓᬬᬳᬶᬩᬸ᭞ᬓᬭᬦᬶᬂᬳᬲᭂᬫᬸᬗᬸᬮᬢ᭄ᬬ᭞ᬚᬕᬩᬶᬦᬓ᭄ᬢᬭᬶᬂᬲ᭄ᬯᬃᬕ᭄ᬕ᭟᭜᭟
ᬪᬝᬭᬧ᭄ᬭᬫᬾᬱ᭄ᬝᬶᬲᬯᬸᬃᬳᬮᬸᬲ᭄᭞ᬢᭂᬫ᭄ᬩᭂᬂᬢᭂᬗᭂᬭᬦᬾ᭞ᬘᬤᬗᭂᬦ᭄ᬤᬾᬦᬾᬳᬕᭂᬮᬶᬲ᭄᭞ᬫᬭᬶᬂᬩᬮᬾᬢᬢᭂᬫᬸ᭞ᬳᬸᬢᬸᬲ᭄ᬳᬦᭂᬫ᭄ᬩᬂᬧᬗ᭄ᬭᬸᬗᬸ᭞ᬫᬸᬦ᭄ᬬᬘᬸᬫᬓᬶᬭᬂᬋᬓᬾ᭞ᬕᬾᬕᬾᬃᬭᬶᬂᬲ᭄ᬯᬃᬕ᭄ᬕᬓᬫᬸᬢᬸᬕ᭄᭞
ᬳᬓᬩᭂᬍᬓᬂᬲᬜ᭄ᬚᬢ᭞ᬭᬶᬂᬩᬮᬾᬢᬫᬸᬳᬭᬦ᭄ᬬᬦ᭄᭟᭜᭟ᬢᬦ᭄ᬓᭀᬘᬧᬦ᭄ᬤᬾᬯᬢᬓᬸᬫ᭄ᬧᬸᬮ᭄᭞ᬭᬶᬂᬩᬮᬾᬢᭂᬫᬸᬦᬾ᭞ᬭᬳᬤᬾᬦ᭄ᬪᬷᬫᬕᬶᬦᬸᬧᬶᬢ᭄᭞ᬭᬶᬂᬧᬦᬗ᭄ᬲᬭᬦ᭄ᬳᬶᬓᬸ᭞ᬭᬶᬂ
ᬬᬫᬦᬶᬮᭀᬓᬳᬶᬓᬸ᭞ᬲᬸᬲᬸᬢᬺᬓᬾᬲᬲᭀᬮᬳᬾ᭞ᬳᬦᭀᬦ᭄ᬢᭀᬦ᭄ᬪᬝᬭᬧᬡ᭄ᬥᬸ᭞ᬧᬋᬂᬮᬯᬦ᭄ᬤᬾᬯᬶᬫᬤ᭄ᬭᬶᬬ᭞ᬮᬄᬳᬗᬶᬲ᭄ᬫᬭᬶᬂᬕᭀᬫᬸᬓ᭟᭜᭟ᬭᬳᬤᬾᬦ᭄ᬯᬺᬓᭀ
[᭓᭘ 38A]
ᬥᬭᬳᬫᬸᬯᬸᬲ᭄᭞ᬳᬮᭀᬦ᭄ᬧᬗᬸᬘᬧᬾ᭞ᬥᬸᬄᬳᬶᬩᬸᬤᬾᬯᬷᬰ᭄ᬭᬷᬓᬸᬦ᭄ᬢᬷ᭞ᬫᭂᬢ᭄ᬯᬲᬶᬭᬧᬸᬓᬸᬮᬸᬦ᭄᭞ᬢᭀᬦ᭄ᬢᭀᬦᭂᬦ᭄ᬪᬝᬭᬧᬡ᭄ᬥᬸ᭞ᬫ᭄ᬯᬂᬤᬾᬯᬷᬫᬤ᭄ᬭᬷᬋᬓᬾ᭞ᬓᬓᬥᬃᬫ᭄ᬫᬫ᭄ᬭᬢ᭄ᬫᭂᬢᬸ᭞ᬫᬶ
ᬯᬄᬭᬳᬤᬾᬦᬃᬚ᭄ᬚᬸᬦ᭞ᬦᬓᬸᬮᬬᬬᬶᬲᬤᬾᬯ᭟᭜᭟ᬰ᭄ᬭᬷᬓᬸᬦ᭄ᬢᬷᬤᬾᬯᬷᬫᭂᬢᬸᬭᬶᬂᬮᬸᬳᬸᬃ᭞ᬫᬭᬶᬂᬩᬳᬸᬜ᭞ᬰ᭄ᬭᬷᬥᬃᬫ᭄ᬫᬲᬸᬢᬧᬸᬦᬶᬓᬶ᭞ᬫᭂᬢᬸᬭᬶᬂᬫᬸᬓᬳᬶᬓᬸ᭞ᬭᬳᬤᬾᬦᬃᬚ᭄ᬚᬸᬦᬳᬶ
ᬓᬸᬫᭂᬢᬸᬫᬭᬶᬂᬳᬗᭂᬦᬺᬓᬾ᭞ᬦᬓᬸᬮᬲᬤᬾᬯᬫᭂᬢᬸ᭞ᬧᬸᬧᬸᬢᭂᬗᭂᬦ᭄ᬫ᭄ᬯᬂᬭᬶᬂᬓᬶᬯ᭞ᬧ᭄ᬭᬢᬫᬲᬶᬭᬳᬢᬢ᭟᭜᭟ᬢᬶᬦᭀᬦ᭄ᬢᭀᬦᬢ᭄ᬫᬦᬶᬭᬲᬂᬧᬡ᭄ᬥᬸ᭞ᬫᬭᬶᬂᬓᬯᬄᬋᬓᬾ᭞ᬧ᭄ᬭᬲᬫᬲᬶᬭ᭠
ᬳᬦᬗᬶᬲ᭄᭞ᬓᬗᭂᬦ᭄ᬭᬵᬕᬤᬶᬦᬸᬤᬸᬢ᭄᭞ᬭᬳᬤᬾᬦ᭄ᬪᬷᬫᬢᬸᬫᬸᬭᬸᬦ᭞ᬭᬶᬂᬢᬫ᭄ᬩ᭄ᬭᬕᭀᬫᬸᬓᬦᬾ᭞ᬳᬗᬫᬾᬢ᭄ᬪᬝᬭᬧᬡ᭄ᬥᬸ᭞ᬳᬲ᭄ᬯᬾᬲᬶᬭᬦᬶᬂᬓᬯᬄ᭞ᬰ᭄ᬭᬷᬤᬾᬯᬷᬓᬸᬦ᭄ᬢᬷᬳᬗᬸᬘᬧ᭄᭟ [ 39 ][᭓᭘ 38B]
᭓᭘᭟
᭐᭟ᬥᬸᬄᬩᬧᬰ᭄ᬭᬷᬥᬃᬫ᭄ᬫᬵᬫᬺᬢᬳᬶᬓᬸ᭞ᬫ᭄ᬯᬂᬭᬳᬤᬾᬦᬃᬚ᭄ᬚᬸᬦ᭞ᬦᬓᬸᬮᬲᬤᬾᬯᬢᬾᬓᬶ᭞ᬭᬤᬾᬦ᭄ᬪᬷᬫᬢᬦ᭄ᬭᬯᬸᬄ᭞ᬫᬾᬄᬫᬢᬶᬭᬶᬂᬓᬯᬄᬕᬸᬂ᭞ᬢᬦ᭄ᬓᭂᬦᬋᬓᬾᬧᬺᬡᬳᬾ᭞ᬬ
ᬦ᭄ᬫᬢ᭄ᬬᬳᬶᬗ᭄ᬲᬸᬦ᭄ᬢᬦ᭄ᬓᬦ᭄ᬢᬸᬦ᭄᭞ᬲᬢ᭄ᬬᬫᬭᬶᬂᬭᬤᬾᬦ᭄ᬪᬷᬫ᭞ᬲᬶᬧᬸᬦ᭄ᬮᬸᬫᬩᬸᬃᬭᬶᬂᬓᬯᬄ᭟᭜᭟ᬰ᭄ᬭᬷᬥᬃᬫ᭄ᬫᬵᬫᬺᬢᬳᬢᬸᬭᬾᬳᬮᬸᬲ᭄᭞ᬥᬸᬄᬲᬂᬳᬶᬩᬸᬋᬓᬾ᭞ᬳᬶᬗ᭄ᬲᬸᬦ᭄ᬫᬍᬩᬸᬭᬶᬫᬶᬳᬶᬦ᭄᭞ᬭᬳᬤᬾᬦᬃᬚ᭄ᬚᬸ
ᬦᬫᬸᬯᬸᬲ᭄᭞ᬧᬝᬶᬓ᭄ᬧ᭄ᬭᬫᬾᬰ᭄ᬯᬭᬷᬫᬶᬸᬂᬯᬶᬸᬂᬲᬶᬸᬂᬢᬸᬫᬸᬢ᭄᭞ᬭᬳᬤᬾᬦ᭄ᬦᬓᬸᬮᬲᬤᬾᬯ᭞ᬧ᭄ᬭᬲᬫ᭠ᬫᬮᬓᬸᬳᬦᬹᬢ᭄᭞ᬧᬧᬋᬧ᭄ᬮᬲᬢ᭄ᬯᬭᬶᬂᬓᬯᬄ᭞ᬧ᭄ᬭᬲᬫᬳᬮᬍᬓᬲᬦ᭄᭟᭜᭟ᬰ᭄ᬭᬷᬓᬸᬦ᭄ᬢᬶᬳᬗᬺ
ᬕᭂᬧ᭄ᬳᬲᭂᬫᬸᬲᭂᬦ᭄ᬤᬸ᭞ᬧᬋᬂᬭᬶᬂᬳᬦᬓᬾ᭞ᬫᬫᬸᬲ᭄ᬢᬶᬗᬾᬱ᭄ᬝᬶᬭᬲ᭄ᬧᬢᬶ᭞ᬓᬜ᭄ᬘᬶᬢ᭄ᬲᬂᬪᬷᬫᬭᬯᬸᬄ᭞ᬳᬫᬸᬦ᭄ᬤᬸᬢ᭄ᬕᬮᬶᬄᬲᬂᬧᬡ᭄ᬥᬸ᭞ᬫᬶᬯᬄᬤᬾᬯᬶᬫᬤ᭄ᬭᬷᬋᬓᬾ᭞ᬧ᭄ᬭᬧ᭄ᬢᬲᬶᬭᬫᬭᬶᬂᬮᬸᬳᬸᬃ᭞ᬏᬓᬶᬸᬃ᭠
[᭓᭙ 39A]
ᬦᬓ᭄ᬩᭂᬓ᭄ᬪᬝᬭᬵᬚ᭞ᬫ᭄ᬯᬂᬲᬶᬭᬧᬜ᭄ᬘᬧᬡ᭄ᬟᬯ᭟᭜᭟ᬪᬝᬭᬷᬓᬸᬦ᭄ᬢᬷᬕᭂᬮᬶᬲ᭄ᬲᬶᬦᬫ᭄ᬩᬸᬢ᭄᭞ᬢᬶᬦᬗᬶᬲᬦᬺᬓᬾ᭞ᬪᬝᬭᬧᬡ᭄ᬥᬸᬓᬶᬦᬭᬶᬲ᭄᭞ᬤᬾᬯᬷᬫᬤ᭄ᬭᬷᬢᬦ᭄ᬓᬦ᭄ᬢᬸᬦ᭄᭞ᬧ᭄ᬭᬲ
ᬫᬦᬗᬶᬲ᭄ᬳᬫᭂᬮᬲ᭄ᬳᬬᬸᬦ᭄᭞ᬢᬶᬦᬸᬧ᭄ᬢᬸᬧᬓᭂᬦ᭄ᬕᬮᬶᬳᬾ᭞ᬲᬵᬫ᭄ᬧᬸᬦ᭄ᬧ᭄ᬭᬢᬫᬳᬓᬸᬫ᭄ᬧᬸᬮ᭄᭞ᬰ᭄ᬭᬷᬤᬾᬯᬭᬵᬚᬲᬃᬯ᭄ᬯᬶᬫᭀᬚᬃ᭞ᬥᬸᬄᬩᬧᬧᬜ᭄ᬘᬧᬡ᭄ᬟᬯ᭟᭜᭟ᬓᬳᬋᬧ᭄ᬳᬶᬗ᭄ᬲᬸᬦ᭄ᬳ᭠
ᬦᭂᬫ᭄ᬩᬄᬤᬸᬫᬸᬦ᭄᭞ᬲᬂᬧᬡ᭄ᬟᬯᬓᬩᬾᬄ᭞ᬲᬯᬸᬃᬧᬓ᭄ᬱᬶᬳᬦᬯᬸᬢᬶᬦ᭄᭞ᬧᬸᬓᬸᬮᬸᬦ᭄ᬤᬾᬯᬭᬢᬸ᭞ᬳᬩᭂᬦᭂᬂᬤᬾᬦᬾᬧᬸᬓᬸᬮᬸᬦ᭄᭞ᬲᬶᬦᭂᬫ᭄ᬩᬄᬳ᭄ᬬᬂᬧᬡ᭄ᬥᬸᬋᬓᬾ᭞ᬧ᭄ᬭᬲᬫᬳᬢᬢᬮᬸᬗ᭄ᬕᬸᬄ᭞ᬳᬫᬢᬶ
ᬲᬩ᭄ᬭᬡᬓᬶᬢᬶᬸᬂᬓ᭞ᬰ᭄ᬭᬷᬓᬸᬦ᭄ᬢᬷᬦᭂᬫ᭄ᬩᬄᬭᬶᬂᬳᬬ᭄ᬯᬦ᭄᭟᭜᭟ᬯᬸᬲ᭄ᬤᬾᬯᬷᬓᬸᬦ᭄ᬢᬷᬦᭂᬫ᭄ᬩᬄᬲᬂᬧᬡ᭄ᬥᬸ᭞ᬫᬶᬯᬄᬤᬾᬯᬷᬫᬤ᭄ᬭᬶᬬ᭞ᬓᬾᬯᬰᬓᬮᬶᬄᬓᬶᬦᬸᬮᬶᬢ᭄᭞ᬰ᭄ᬭᭀᬥᬃᬫ᭄ᬫᬵᬫ᭄ᬭᬢᬳᬲᬸᬂ᭞ᬲᭂ [ 40 ][᭓᭙ 39B]
᭓᭙᭟
ᬫ᭄ᬩᬳᬤᬕᬶᬂᬲᬂᬧᬡ᭄ᬥᬸ᭞ᬭᬤᬾᬦᬃᬚ᭄ᬚᬸᬦᬋᬓᬾ᭞ᬳᬲᬸᬂᬲᭂᬫ᭄ᬩᬄᬯᬸᬲ᭄ᬲᬂᬩᬬᬸ᭞ᬲᬂᬧᬡ᭄ᬥᬸᬮᬦ᭄ᬤᬾᬯᬶᬫᬤ᭄ᬭᬷᬬ᭞ᬭᬤᬾᬦ᭄ᬦᬓᬸᬮᬳᬲᬸᬂᬲᭂᬫ᭄ᬩᬄ᭟᭜᭟ᬳᬮᬶᬗ᭄ᬕᬶᬄᬋᬓᬾᬲᬂᬧᬡ᭄ᬥᬸᬳᬶᬓᬸ᭞ᬲᬂᬲᬤᬾᬯᬦᭂᬫ᭄ᬩᬄ᭞
ᬳᬗᬤᭂᬕ᭄ᬲᬂᬧᬡ᭄ᬟᬸᬢᬾᬓᬶ᭞ᬢᬦ᭄ᬓᬯᬰᬢᬫᬸᬯᬸᬲ᭄᭞ᬫ᭄ᬯᬄᬤᬾᬯᬷᬫᬤ᭄ᬭᬷᬧᬸᬦᬶᬓᬸ᭞ᬓᬮᬶᬄᬢᬦ᭄ᬧᬯᬸᬯᬸᬲᬋᬓᬾ᭞ᬫ᭄ᬯᬂᬢᬦ᭄ᬓᬯᬰᬮᬸᬫᬓᬸ᭞ᬳᬗ᭄ᬳᬶᬂᬳᬗᬤᭂᬕ᭄ᬓᬾᬯᬮ᭞ᬭᬤᬾᬦ᭄ᬪᬷᬫᬢᬦ᭄ᬧᬦᭂᬫ᭄ᬩᬄ᭟
᭐᭟ᬧᬸᬧᬸᬄᬧᬸᬘᬸᬂ᭟᭜᭟ᬤᬾᬯᬷᬓᬸᬦ᭄ᬢᬷ᭞ᬗᬲᬶᬳᬲᬶᬄᬳᬫᬸᬯᬸᬲ᭄᭞ᬤᬸᬄᬭᬳᬤᬾᬦ᭄ᬪᬷᬫ᭞ᬲᭂᬫ᭄ᬩᬳᬦ᭄ᬲᬂᬧᬡ᭄ᬥᬸᬢᬾᬓᬶ᭞ᬯᭂᬮᬲ᭄ᬳᬶᬗ᭄ᬲᬸᬦ᭄᭞ᬳᬦᭀᬦ᭄ᬢᭀᬦ᭄‌ᬦ᭄ᬤᬶᬓᬦᬶᬂᬩᬧ᭟᭜᭟ᬲᬯᬸ
ᬭᬘ᭞ᬯᬘᬦᬦᬶᬭᬲᬂᬳᬶᬩᬸ᭞ᬫᬾᬭᬾᬦᬾᬬᬩᬧ᭞ᬗᬢᬸᬭᬂᬲᭂᬫ᭄ᬩᬄᬧᬸᬦᬶᬓᬶ᭞ᬭᬶᬂᬲᬂᬧᬡ᭄ᬥᬸ᭞ᬳᬲᬸᬯᬾᬦ᭄ᬫᬲᬂᬲᬗ᭄ᬲᬭ᭟᭜᭟ᬢᬦ᭄ᬧᬯᬸᬯᬸᬲ᭄᭞ᬭᬳᬤᬾᬦ᭄ᬪᬷᬫᬲᭂᬫᬸᬳᬰ᭄ᬭᬸ᭞ᬕᬕᭂ᭠
[᭔᭐ 40A]
ᬢᬸᬭᬶᬧᭀᬮᬄ᭞ᬜᬂᬳᬶᬓᬂᬲᭀᬘᬫᬸᬭᬶᬭᬶᬂ᭞ᬫᬧᬶᬢᬦ᭄ᬤ᭄ᬭᬸᬄ᭞ᬢᬦᬦᬗᬺᬗᭃᬯᬘᬦ᭟᭜᭟ᬥᬃᬫ᭄ᬫᬵᬫᬺᬢ᭞ᬳᬗᬸᬘᬧ᭄ᬳᬲᭂᬫᬸᬲᭂᬦ᭄ᬤᬸ᭞ᬢᬦ᭄ᬤ᭄ᬭᬸᬄᬭᬶᬂᬤᬤᬮᬦ᭄᭞ᬭᬳᬤᬾᬦ᭄ᬪᬷᬫ᭠
ᬳᬭᬸᬦ᭄ᬢᬶᬓ᭄᭞ᬲᬯᬸᬃᬫᬦᬸᬓ᭄᭞ᬓᬶᬦᭀᬦ᭄ᬳᬗᬢᬸᬭᬂᬲᭂᬫ᭄ᬩᬄ᭟᭜᭟ᬧᬸᬧᬸᬄᬅᬤ᭄ᬭᬷ᭟᭜᭟ᬭᬳᬤᬾᬦ᭄ᬪᬷᬫᬳᬗᬸᬘᬧ᭄ᬳᬰ᭄ᬭᬸ᭞ᬢᬦ᭄ᬧᬦᭂᬫ᭄ᬩᬄᬋᬓᬾ᭞ᬳᬓᬸᬭᬶᬂᬲᬂᬧᬡ᭄ᬟᬸᬢᬶᬓᬶ᭞ᬫᬶᬯᬄ
ᬭᬶᬂᬤᬾᬯᬷᬫᬤ᭄ᬭᬷᬳᬶᬓᬸ᭞ᬢᬦ᭄ᬳᬋᬧ᭄ᬳᬶᬗ᭄ᬲᬸᬦ᭄ᬲ᭄ᬬᬓᬸ᭞ᬢᬦ᭄ᬯᭂᬦᬂᬲᬶᬦᭂᬫ᭄ᬩᬄᬋᬓᬾ᭞ᬳᬶᬓᬪᬝᬭᬧᬡ᭄ᬥᬸ᭞ᬳ᭄ᬬᬂᬕᬸᬭᬸᬳᬓᬸᬢᬦ᭄ᬲᬸᬫ᭄ᬩᬄ᭞ᬳᬧᬦ᭄ᬩ᭄ᬭᬢᬦᬶᬸᬂᬭᬶᬂᬧᬯᬗ᭄ᬲᬸᬦ᭄᭟᭜᭟ᬰ᭄ᬭᬷᬤᬾᬯᬷᬓᬸ
ᬦ᭄ᬢᬷᬋᬓᬾᬢᬦ᭄ᬲᬯᬸᬃ᭞ᬲᭂᬲᭂᬓᬦ᭄ᬓᬦ᭄ᬢᬦᬾ᭞ᬰ᭄ᬭᬷᬥᬃᬫ᭄ᬫᬵᬫ᭄ᬭᬢᬗᬢᬸᬭᬶᬦ᭄᭞ᬗᬲᬶᬳᬲᬶᬄᬲᭂᬫᬸᬲᭂᬦ᭄ᬤᬸ᭞ᬢᬦᬦᬉᬚᬃᬓᬭᬸᬗᬸ᭞ᬦᬓᬸᬮᬳᬭᬶᬲᬸᬚᬭᬾ᭞ᬥᬸᬄᬓᬓᬳᬚᬶᬧᬸᬓᬸᬮᬸᬦ᭄᭞ᬧᬸ [ 41 ][᭔᭐ 40B]
᭔᭐᭟
ᬦᬧᬭᬤᬾᬦ᭄ᬪᬷᬫ᭞ᬚᬭᬶᬚ᭄ᬬᬓᬢᭀᬦ᭄ᬢᬦ᭄ᬲᬫ᭄ᬬ᭟᭜᭟ᬢᭀᬦ᭄ᬢᭀᬦᭂᬦ᭄᭞ᬬᬬᬶᬲᬤᬾᬯᬳᬶᬓᬸ᭞ᬚᬭᬶᬚ᭄ᬬᬲᬂᬓᬓ᭞ᬭᬤᬾᬦ᭄ᬲᬤᬾᬯᬦᬯᬸᬭᬶᬦ᭄᭞ᬢᬸᬳᬸᬢᬦ᭄ᬲᬫᬧᬸᬦᬶᬓᬸ᭞ᬭᬤᬾ
ᬦ᭄ᬲᬤᬾᬯᬭᬶᬂᬧᬸᬗ᭄ᬓᬸᬃ᭞ᬲᬂᬪᬷᬫᬋᬓᬾᬲᬯᬸᬭᬾ᭞ᬬᬬᬶᬢᬦ᭄ᬳᬶᬯᬂᬧᬸᬦᬶᬓᬸ᭞ᬲᬶᬦᭂᬗ᭄ᬕᬸᬄᬲᬶᬭᬢᬦ᭄ᬲᬫ᭞ᬳᬶᬓᬾᬢᭀᬦ᭄ᬢᭀᬦᭂᬦ᭄ᬦᬓᬸᬮ᭟᭜᭟ᬭᬳᬤᬾᬦ᭄ᬪᬷᬫᬢᬦ᭄ᬯ᭄ᬭᬸᬄᬳᬶᬦᬧᬸᬲ᭄᭞ᬲᬫᬬᬂᬢ
ᬗᬦᬾ᭞ᬲᬶᬦᬫ᭄ᬩᬸᬢ᭄ᬢᬗᬦᬾᬳᬕᭂᬮᬶᬲ᭄᭞ᬤᬾᬦᬾᬲᬤᬾᬯᬳᬶᬓᬸ᭞ᬲᬶᬦᭂᬫ᭄ᬩᬄᬫᬭᬶᬂᬲᬂᬧᬡ᭄ᬥᬸ᭞ᬲᬺᬗᭂᬦ᭄ᬲᬂᬪᬷᬫᬳᬫᬗ᭄ᬓᬾ᭞ᬭᬳᬤᬾᬦ᭄ᬦᬓᬸᬮᬫᬮᬬᬸ᭞ᬧᬋᬂᬮᬦ᭄ᬭᬤᬾᬦ᭄ᬲᬤᬾᬯ᭞ᬩᬶᬦᬸ
ᬭᬸᬓᬂᬓᬧᬮᬬ᭄ᬯ᭟᭜᭟ᬲᬂᬯᬺᬓᭀᬥᬭᬲᬯᬸᬭᬾᬳᬰ᭄ᬭᬸ᭞ᬧᬗᬾᬭᬳᬓᬸᬋᬓᬾ᭞ᬓᬲᭂᬫᭂᬃᬓᬶᬢᬫᬶᬫᬶᬭᬶᬗᬶᬦ᭄᭞ᬮᬮᬶᬳᬓᬸᬮᬯᬦ᭄ᬫᬸ᭞ᬫᬗ᭄ᬓᬾᬳᬚᬦᬫᬮ
[᭔᭑ 41A]
ᬬ᭄ᬯ᭞ᬳᬓᬸᬳᬶᬢᬹᬢᭂᬦ᭄ᬯᬲᬾ᭞ᬫᬲᬢᬦ᭄ᬫᬢ᭄ᬬᬳᬶᬂᬩᬾᬲᬸᬓ᭄᭞ᬰ᭄ᬭᬷᬥᬃᬫ᭄ᬫᬵᬫᬺᬢᬓᬾᬫᭂᬗᬦ᭄᭞ᬲᬶᬦᬫ᭄ᬩᬸᬢ᭄ᬲᬶᬭᬭᬤ᭄ᬬᬦ᭄᭟᭜᭟ᬭᬤᬾᬦᬃᬚ᭄ᬚᬸᬦᬲᬋᬂᬳᬗᬺᬩᬸᬢ᭄᭞ᬫ᭄ᬯᬂᬰ᭄ᬭᬷᬤᬾᬯᬷ
ᬓᬩᬾᬄ᭞ᬲᬫᬲᬯᬸᬃᬫᬶᬢᬸᬢᬸᬭᬶᬦ᭄᭞ᬧ᭄ᬭᬲᬫᬯᬘᬦᬳᬭᬹᬫ᭄᭞ᬓᬾᬫᭂᬗᬦ᭄ᬭᬳᬤ᭄ᬬᬦ᭄ᬳᬗ᭄ᬭᬸᬗᬸ᭞ᬫᬳᭂᬦ᭄ᬢ᭄ᬬᬳᭂᬦ᭄ᬢ᭄ᬬᬦᬸᬚᬭᬾ᭞ᬢᬦ᭄ᬲᬦ᭄ᬢᬋᬓᬾᬧᬸᬦᬶᬓᬸ᭞ᬋᬡᬲᬶᬭᬭᬤᬾᬦ᭄ᬪᬷᬫ᭞ᬗᬺᬗᬯ
ᬘᬦᬲᬂᬭᬵᬓ᭟᭜᭟ᬭᬤᬾᬦ᭄ᬲᬤᬾᬯᬦᬓᬸᬮᬭᬯᬸᬄ᭞ᬏᬭᬶᬲᬧᭀᬮᬳᬾ᭞ᬢᬦ᭄ᬮᬮᬶᬤᭀᬱᬦᬾᬗᬹᬦᬷ᭞ᬭᬤᬾᬦ᭄ᬪᬷᬫᬲᭂᬫᬸᬋᬗᬹ᭞ᬯᬸᬯᬸᬲ᭄ᬲᬂᬪᬝᬭᬧᬡ᭄ᬥᬸ᭞ᬤᬸᬓ᭄ᬩᬶᬦᬲᬸᬂᬲᭂᬫ᭄ᬩᬄᬋᬓᬾ᭞
ᬓᬯᬰᬲᬶᬭᬮᬸᬫᬓᬸ᭞ᬢᬦ᭄ᬧᬲᬯᬸᬭᬢᬸᬮᬶᬧᬶᬲᬦ᭄᭞ᬤᬶᬦᭂᬍᬂᬤᬍᬂᬓᬾᬯᬮ᭟᭜᭟ᬰ᭄ᬭᬷᬤᬾᬯᬷᬓᬸᬦ᭄ᬢᬶᬯᬸᬯᬸᬲᬾᬳᬮᬸᬲ᭄᭞ᬳᬦᬓ᭄ᬳᬶᬗ᭄ᬲᬸᬦ᭄ᬓᬩᬾᬄ᭞ᬧᬸᬦᬧᬤᬾᬭᬗ᭄ᬭᬲᬦᬶᬦ᭄᭞ᬳᬶᬓᬶᬪᬝᬭᬧ [ 42 ][᭔᭑ 41B]
᭔᭑᭟
ᬡ᭄ᬥᬸ᭞ᬳᬧᬦ᭄ᬢᬦ᭄ᬓᬯᬰᬳᬶᬓᬸ᭞ᬳᬗᬸᬘᬧᬋᬓᬾᬤᬸᬤᬸ᭞ᬋᬡᬦᬮᬶᬦ᭄ᬳᬶᬗ᭄ᬲᬸᬦ᭄᭞ᬮᬭᬦᬾᬓᬭᬶᬂᬳᬯᬓ᭄᭞ᬲᬢᬢᬳᬶᬗ᭄ᬲᬸᬦ᭄ᬲᬗ᭄ᬲᬭ᭟᭜᭟ᬓᬳᬋᬧ᭄ᬳᬶᬗ᭄ᬲᬸᬦ᭄ᬳᬗ᭄ᬭᬸᬭᬸᬄ᭞ᬫᬭᬶᬂᬲ᭄ᬯᬃᬕ᭄ᬕᬋᬓᬾ᭞
ᬢᬷᬃᬣᬓᬫᬦ᭄ᬤᬮᬸᬢᬾᬓᬶ᭞ᬬᬦ᭄ᬳᭀᬮᬶᬄᬲᬶᬭᬗᬭᬸᬭᬸᬄ᭞ᬓᬯᬰᬫᬸᬯᬸᬲ᭄ᬳ᭄ᬬᬂᬧᬡ᭄ᬥᬸ᭞ᬲᬶᬦᬸᬧᬢᬺᬓᬾᬅᬢ᭄ᬫᬦᬾ᭞ᬬᬦ᭄ᬢᬦ᭄ᬳᭀᬮᬶᬄᬢᬧᬸᬦᬶᬓᬸ᭞ᬢᬦᬸᬭᬸᬂᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞ᬢᬦ᭄ᬳᭂᬮᬤ᭄ᬭᬭᬭᬶᬂᬭᬵᬕ᭟
᭐᭟ᬲᬧᬯᭂᬦᬂᬫᬧᬮᬸᬗ᭄ᬳᬳᬶᬓᬸ᭞ᬫᬶᬸᬂᬭᬶᬸᬂᬲ᭄ᬯᬶᬸᬃᬕᬶᬸᬂᬧᬶᬸᬂᬓᬶᬸᬂ᭞ᬗᬋᬋᬄᬅᬫᬺᬢᬦᬾ᭞ᬰ᭄ᬭᬷᬥᬃᬫ᭄ᬫᬲᬸᬢᬦᬯᬸᬭᬶᬦ᭄᭞ᬥᬸᬄᬧᬸᬓᬸᬮᬸᬦ᭄ᬲᬂᬳᬶᬩᬸ᭞ᬳᬶᬗ᭄ᬲᬸᬦ᭄ᬢᬦ᭄ᬳᬋᬧ᭄ᬳᬗ᭄ᬭᬸᬭᬸᬄ᭞ᬳᬧᬦ᭄ᬓᬾᬫᭂᬗᬦ᭄ᬧᭀᬮ
ᬳᬾ᭞ᬭᬳᬤᬾᬦᬃᬚ᭄ᬚᬸᬦᬫᬸᬯᬸᬲ᭄᭞ᬲᬶᬭᬧᬢᬶᬧ᭄ᬭᬫᬾᬰ᭄ᬯᬭ᭄ᬬ᭞ᬢᬦ᭄ᬳᬋᬧ᭄ᬮᬸᬗ᭄ᬳᬭᬶᬂᬲ᭄ᬯᬃᬕ᭄ᬕ᭟᭜᭟ᬭᬤᬾᬦ᭄ᬦᬓᬸᬮᬲᬤᬾᬯᬳᬶᬓᬸ᭞ᬧ᭄ᬭᬲᬫᬢᬦᬗ᭄ᬕ᭞ᬭᬤᬾᬦ᭄ᬪᬷᬫᬫᬦᬯᬸᬭᬶᬦ᭄᭞ᬥᬸᬄᬲᬂ
[᭔᭒ 42A]
ᬧᬡ᭄ᬟᬯᬾᬳᬶᬓᬸ᭞ᬲᬤᬬᬓᬶᬢᬳᬢᬓᬸᬢ᭄᭞ᬤᬶᬯᭃᬭᬶᬂᬧᬢᬶᬋᬓᬾ᭞ᬧ᭄ᬭᬲᬫᬳᬗ᭄ᬭᬲᬓᬾᬯᬸᬄ᭞ᬳᬚ᭄ᬭᬶᬄᬮᬸᬗ᭄ᬳᬫᬭᬶᬂᬲ᭄ᬯᬃᬕ᭄ᬕ᭞ᬓᬦ᭄ᬢᬸᬦ᭄ᬳᬶᬩᬸᬳᬶᬗ᭄ᬲᬸᬦ᭄ᬫᬗ᭄ᬓᬢ᭄᭟᭜᭟ᬭᬤᬾᬦ᭄ᬪᬷᬫᬳ
ᬰ᭄ᬭᬸᬲᭂᬫᬸᬕᬕᭂᬢᬸ᭞ᬳᬗᬺᬋᬄᬅᬫᬺᬢᬦᬾ᭞ᬫᬍᬘᬸᬢ᭄ᬮᬸᬫᬫ᭄ᬧᬄᬳᬕ᭄ᬮᬶᬲ᭄᭟ᬧ᭄ᬭᬧ᭄ᬢᬾᬂᬩᬜ᭄ᬚᬃᬲ᭠ᬦ᭄ᬢᬸᬦ᭄᭞ᬳᬗᬤᬺᬲ᭄ᬮᬸᬫᬓᬸ᭞ᬧ᭄ᬭᬧ᭄ᬢᬩᬮᬢᬫᬸᬋᬓᬾ᭞ᬕᬾᬕᬾᬃᬧ᭄ᬭᬯᬢᭂᬓ᭄ᬳ᭄ᬬᬂᬳᬶᬓᬸ᭞ᬭᬸᬫᬓᬧ᭄ᬭᬂᬕᬸᬃᬡ᭄ᬦᬶᬢ
᭞ᬭᬶᬦᭂᬩᬸᬢ᭄ᬭᬳᬤᬾᬦ᭄ᬪᬷᬫ᭟᭜᭟ᬯᬢᭂᬓ᭄ᬯᬶᬥ᭄ᬬᬥᬭᬲᬺᬗᭂᬦ᭄ᬗᬋᬩᬸᬢ᭄᭞ᬕᬫᬋᬩᭂᬕᬺᬓᬾ᭞ᬭᬳᬤᬾᬦ᭄ᬪᬷᬫᬢᬦ᭄ᬕᬶᬗ᭄ᬲᬶᬃ᭞ᬯᬢᭂᬓ᭄ᬯᬶᬥ᭄ᬬᬥᬭᬳᬰ᭄ᬭᬸ᭞ᬳᬶᬄᬓᬶᬢᬲᬂᬪᬷᬫᬭᬯᬸᬄ᭞ᬫᬲᬳᬸᬭᬶᬧ᭄ᬓᬶ
ᬢᬋᬓᬾ᭞ᬳᬯᬮᬶᬓᬶᬢᬤᬾᬦ᭄ᬳᬰ᭄ᬭᬸ᭞ᬫᬲᬲᬂᬧᬡ᭄ᬥᬸᬭᬶᬂᬲ᭄ᬯᬃᬕ᭄ᬕ᭞ᬳᬶᬗᭀᬂᬳᬗᬮᬗᬮᬗ᭟᭜᭟ᬢᬦ᭄ᬓᬦ᭄ᬢᭂᬦ᭄ᬭᬳᬤ᭄ᬬᬦᬶᬦᬸ᭞ᬧᭂᬢᭂᬂᬢᬦ᭄ᬧᬦ᭄ᬢᬭ᭞ᬍᬩᬸᬫᭂᬍᬓ᭄ᬢᬓᬷᬭᬶᬂ᭞ᬲᬸᬭᬢ᭄ᬫᬢᬦ᭄ᬢᬯ [ 43 ][᭔᭒ 42B]
᭔᭒᭟
ᬦ᭄ᬢᬸ᭞ᬲᬜ᭄ᬚᬢᬮ᭄ᬯᬶᬃᬳᬸᬦ᭄ᬤᬦᬸᬭᬸᬦ᭄᭞ᬳᬕᭂᬦ᭄ᬢᬸᬭᬦ᭄ᬲ᭄ᬯᬪᬯᬦᬾ᭞ᬭᬫᬾᬓᬂᬧ᭄ᬭᬂᬲᬶᬦᬸᬭᬸᬂᬲᬸᬭᬸᬂ᭞ᬲᬜ᭄ᬚᬢᬢᬦ᭄ᬧᬧᭂᬕᬢᬦ᭄᭞ᬘᬓ᭄ᬭᬩᬚ᭄ᬭᬤᬸᬓ᭄ᬤᬸᬓ᭄ᬓᭀᬦ᭄ᬢ᭟᭜᭟ᬢ᭄ᬭᬶᬲᬸᬮᬳ᭄ᬭᬶᬢ
ᬫᬾᬂᬳᬶᬓᬸ᭞ᬓᬦ᭄ᬢᬃᬧᭂᬥᬂᬋᬓᬾ᭞ᬧᬢᬶᬓ᭄ᬭᬤᬧ᭄ᬳᬦᬶᬩᬦᬶᬦ᭄᭞ᬭᬤᬾᬦ᭄ᬪᬷᬫᬢ᭄ᬲᬸᬭᬸᬤ᭄᭞ᬳᬗᬫᬸᬓ᭄ᬢᬦ᭄ᬤᬗᬾᬳᬕᬸᬂ᭞ᬮᬾᬗᬄᬮᭀᬗᭀᬄᬢᬧᭀᬮᬳᬾ᭞ᬢᬦᬦᬫᬗ᭄ᬭᬲᬓᬾᬯᬸᬄ᭞ᬭᬶᬦᭂᬩᬸᬢ᭄ᬧᬶᬦᬭᬂᬧ᭄ᬭᬂ᭞ᬢᬦ᭄ᬢᬓᬸ
ᬢ᭄ᬲᬶᬭᬭᬳᬤ᭄ᬬᬦ᭄᭟᭜᭟ᬳᬦᬫᬗᬸᬦ᭄ᬢᬮ᭄ᬳᬦᬫᬦᬸᬤᬸᬓ᭄᭞ᬳᬫᬗᭂᬭᬶᬲᬺᬓᬾ᭞ᬳᬦᬳᬫᬢᬗᬫ᭄ᬭᬾᬲᬶ᭞ᬳᬦᬥᬭᬳᬜᬸᬤᬸᬓ᭄᭞ᬢᬦ᭄ᬧᬳᭂᬕᬢᬦ᭄ᬧᬦᬄᬳᬗᬩᬸᬢ᭄᭞ᬳᬦᬤᬧ᭄ᬫᬶᬯᬄᬩᬚ᭄ᬭᬦᬾ
᭞ᬳᬦᬳᬗᬺᬩᬸᬢ᭄ᬳᬫᬸᬧᬸᬄ᭞ᬢᬦ᭄ᬓᬦᬶᬦ᭄ᬭᬳᬤᬾᬦ᭄ᬪᬷᬫ᭞ᬢᬦ᭄ᬧᬫ᭄ᬬᬢᬶᬓᬂᬲᬜ᭄ᬚᬢ᭟᭜᭟ᬭᬳᬤᬾᬦ᭄ᬪᬷᬫᬳᬲᭂᬫᬸᬋᬗᬹ᭞ᬧᭂᬢᭂᬂᬢᬢᬗᭂᬦᬾ᭞ᬳᬗᬶᬧᬸᬓ᭄ᬳᬦ᭄ᬤᭂᬤᭂᬮ᭄ᬳᬗᬶᬢᬶᬓ᭄᭞ᬳᬦᬫ᭄ᬧ᭄ᬬᬮ᭄ᬯᬂᬗ
[᭔᭓ 43A]
ᬦ᭄ᬤᭂᬓᬸᬂ᭞ᬓᬲᬸᬮᬸᬂᬲᬸᬮᬸᬂᬩᬶᬦᬸᬭᬸ᭞ᬋᬫ᭄ᬧᬓ᭄ᬭᬶᬧᭂᬓ᭄ᬭᬶᬳᭂᬓ᭄ᬤᬾᬗ᭄ᬓᬾᬮ᭄᭞ᬯᬶᬦᬸᬧᬸᬄᬭᬶᬂᬕᬥᬋᬫ᭄ᬧᬸᬄ᭞ᬓᬕᬶᬮᬂᬕᬶᬮᬂᬓᬚᬗ᭄ᬓ᭞ᬓᭀᬦ᭄ᬤᬸᬃᬯᬢᭂᬓ᭄ᬯᬶᬥ᭄ᬬᬥ᭟᭜᭟ᬩᬸᬩᬃᬋᬯᬶᬦᬺᬯᬶᬦ᭄ᬲᬲᬓᬧ
ᬮᬬᬸ᭞ᬢᬦ᭄ᬧᬦᭀᬮᬶᬄᬓᬩᬾᬄ᭞ᬰᬾᬱᬦᬶᬂᬮᬬᬸᬓᬭᬶ᭞ᬳᬦᭂᬫ᭄ᬩᬄᬫᬧᬶᬮᬬᬸ᭞ᬭᬳᬤᬾᬦ᭄ᬪᬷᬫᬢᬦ᭄ᬓᬾᬢᬸᬂ᭞ᬧᬶᬦᬸᬓᬸᬮ᭄ᬧᬸᬓᬸᬮ᭄ᬢᭂᬦ᭄ᬤᬲᬾ᭞ᬢᬶᬦᬹᬢᬶᬂᬲᬫᬫᬮᬬᬸ᭞ᬭᬤᬾᬦᬃᬬ᭄ᬬᬯᬺᬓᭀᬥᬭ
᭞ᬮ᭄ᬯᬶᬃᬲᬶᬗ᭄ᬳᬳᬶᬦᬹᬢᬶᬂᬕᬚ᭟᭜᭟ᬲᬂᬪᬷᬫᬳᬗᬸᬘᬧ᭄ᬳᬲᭂᬫᬸᬋᬗᬹ᭞ᬧᬗᬾᬃᬳᬓᬸᬫᬗ᭄ᬓᬾ᭞ᬳᬧᬓᬭᬦᬶᬂᬳᬕᬶᬗ᭄ᬲᬶᬃ᭞ᬫᬾᬭᬾᬦᬾᬋᬩᬸᬢ᭄ᬲ᭄ᬬᬓᬸ᭞ᬳᬓᬸᬫᬸᬥᬮᬶᬯᬢ᭄ᬤᬸᬲᬸᬦ᭄᭞ᬫᬲᬓᬶᬢᬭᬶᬋ
ᬓᬾ᭞ᬢᬦᬸᬭᬸᬂᬲ᭄ᬯᬃᬕ᭄ᬕᬕᬶᬦᭂᬩᬸᬃ᭞ᬳᬓᬸᬳᬗᬫᬾᬢᬵᬫᬺᬢ᭞ᬬᬦ᭄ᬢᬦ᭄ᬳᭀᬮᬶᬄᬳᬓᬸᬧᭂᬚᬄ᭟᭜᭟ᬩᬶᬦᬸᬭᬸᬳᬗᬮᭀᬃᬓᬧᬶᬮᬬᬸ᭞ᬳᬕᬾᬕᬾᬃᬲ᭄ᬯᬃᬕ᭄ᬕᬦᬾ᭞ᬳᬯᭂᬤᬶᬲᬂᬪᬷᬫᬧ᭄ᬭᬧ᭄ᬢᬶ᭞ᬯᭀᬂ [ 44 ][᭔᭓ 43B]
᭔᭓᭟
ᬳᬶᬲ᭄ᬢ᭄ᬭᬷᬓᬧᬮᬬᬸ᭞ᬢᬶᬩᬫᬭᬶᬂᬓᭀᬭᬶᬳᬕᬸᬂ᭞ᬳᬳᬕᭂᬮᬶᬲ᭄ᬗᭂᬦᬄᬤᬺᬯᬾᬦᬾ᭞ᬳᬦᬳᬗᬶᬦᭂᬩ᭄‌ᬓᭀᬭᬶᬳᬕᬸᬂᬲᭂᬓ᭄ᬱᭂᬓᬸᬫᬸᬂᬫᬭᬶᬂᬲ᭄ᬯᬃᬕ᭄ᬕ᭞ᬲᬸᬮᬕ᭄ᬭᬲᭂᬲᭂᬧᬶᬦᬂᬢᬂ᭟᭜᭟ᬲᬂᬯᬺᬓᭀᬥᬭ
ᬳᬫ᭄ᬩᬸᬭᬸᬳᬰ᭄ᬭᬸ᭞ᬧᬶᬦᬸᬃᬢᭂᬳᬤᬦᬾ᭞ᬧ᭄ᬭᬧ᭄ᬢᬭᬶᬂᬩᬮᬾᬧᬗᬸᬭᬶᬧ᭄᭞ᬧᬺᬯᬢᭂᬓᬺᬱ᭄ᬬᬗᬫᬸᬓ᭄᭞ᬓᬯᭂᬲ᭄ᬚᬦᬓᬧᬸᬦᬶᬓᬸ᭞ᬦᬵᬭᬤᬯᬺᬳᬲ᭄ᬧᬢᬶᬓᬩᬾᬄ᭞ᬲᬂᬪᬷᬫᬢᬦ᭄ᬚ᭄ᬭᬶᬄᬳᬗᬫᬸᬓ᭄᭞ᬲᬶᬂᬧᬧ
ᬕ᭄ᬓᬲᬸᬮᬬᬄ᭞ᬋᬫᬸᬓ᭄ᬓᬶᬦ᭄ᬤᬮᭀᬳᬶᬢ᭟᭜᭟ᬯᬢᭂᬓ᭄ᬧᬜ᭄ᬘᬋᬱᬶᬓᬧᬮᬬᬸ᭞ᬩᬶᬦᬸᬭᬸᬳᬋᬓᬾ᭞ᬧ᭄ᬭᬧ᭄ᬢᬭᬶᬂᬩᬮᬾᬧᬗᬦ᭄ᬢᬶ᭞ᬯᬢᭂᬓᬶᬦ᭄ᬤ᭄ᬭᬓᬸᬫᬸᬘᬸᬧ᭄᭞ᬳᬫ᭄ᬭᬂᬳᬫᬸᬓᬸᬮ᭄ᬳᬦᬸᬤᬸᬄ᭞ᬢᬦ᭄ᬓ
ᬧ᭄ᬭᬡᬭᬳᬤ᭄ᬬᬦ᭄᭞ᬢᬦ᭄ᬲᬸᬭᬸᬤ᭄ᬫᬗᬫᬸᬓ᭄ᬫᬦᬸᬯᬸᬓ᭄᭞ᬓᭀᬮᬳᬮᬓᬂᬯᭀᬂᬲ᭄ᬯᬃᬕ᭄ᬕ᭞ᬓᭀᬦ᭄ᬤᬸᬃᬓᬂᬯᬢᭂᬓ᭄ᬳ᭄ᬬᬂᬇᬦ᭄ᬤ᭄ᬭ᭟᭜᭟ᬫᬮᬬᬸᬳᬕᭂᬫ᭄ᬧᬸᬂᬓᬂᬩᬶᬦᬸᬭᬸ᭞ᬕᬾᬕᬾᬃᬳᬯᬸᬭᬳᬦ᭄᭞
[᭔᭔ 44A]
ᬲᬫᬧᬥᬮᬯᬦ᭄ᬓᬦᬶᬦ᭄᭞ᬩᬶᬦᬸᬭᬸᬓᬂᬧᬶᬦᬸᬓᬸᬮ᭄᭞ᬲᬶᬂᬓᬧᬭᬕ᭄ᬓᬧᬮᬬᬸ᭞ᬮᬶᬯᬢ᭄ᬩᬮᬾᬧᬗᬦ᭄ᬢᬶᬦᬾ᭞ᬭᬳᬤ᭄ᬬᬦ᭄ᬗᬮᭀᬃᬳᬫ᭄ᬩᬸᬭᬸ᭞ᬧ᭄ᬭᬧ᭄ᬢᬭᬶᬂᬩᬮᬾᬢ᭄ᬭᬸᬲᬾ᭞ᬳ᭄ᬬᬂᬯᬢᭂᬓ᭄ᬕᬸᬭᬸᬢᬸᬫᬦ᭄ᬤᬂ᭟
᭐᭟ᬪᬝᬭᬇᬦ᭄ᬤ᭄ᬭᬯᬶᬱ᭄ᬡᬸᬢᬦ᭄ᬓᬦ᭄ᬢᬸᬦ᭄᭞ᬫ᭄ᬯᬂᬪᬝᬭᬓᬵᬮ᭞ᬪᬝᬭᬭᬸᬤ᭄ᬭᬯᬶᬰ᭄ᬯᬳᬶᬓᬶ᭞ᬧ᭄ᬭᬫᬓᬂᬳᬫᬓᬂᬗᬫᬸᬓ᭄᭞ᬳᬦᬫᬫᬦᬄᬫ᭄ᬯᬂᬳᬫᬸᬓᬸᬮ᭄᭞ᬘᬓ᭄ᬭᬢᬦ᭄ᬧᬧᭂᬕᬢᬦ᭄᭞ᬮᬓᬸ
ᬦᬾᬤᬦ᭄ᬤᬕᬥᬓᭀᬦ᭄ᬢ᭞ᬢᬸᬢᬸᬓ᭄ᬕᬦ᭄ᬤᬾᬯᬧᭂᬤᬂᬓᬸᬫᬸᬧᬓ᭄᭞ᬋᬫᬺᬫ᭄ᬭᬶᬂᬲ᭄ᬯᬃᬕ᭄ᬕᬓᬳ᭄ᬬᬗᬦ᭄᭟᭜᭟ᬳᬗᬬᬸᬂᬲᬂᬯᬺᬓᭀᬥᬭᬗᬫᬸᬓ᭄᭞ᬢᬦ᭄ᬓᬦᬶᬦ᭄ᬭᬵᬕᬦᬾ᭞ᬳᬓᬭᬶᬳᬶᬤᬸᬧ᭄ᬧ᭄ᬭᬂᬲ᭄ᬮᬾᬂᬓ᭄ᬭᬶᬲ᭄᭞
ᬳᬲᬸᬯᬾᬲᭂᬮᬾᬂᬤᬸᬗ᭄ᬓ᭄ᬭᬸᬓ᭄᭞ᬳᬋᬧ᭄ᬢᬶᬦᬫ᭄ᬧ᭄ᬬᬦ᭄ᬳᬓᬸ᭞ᬭᬳᬤᬾᬦ᭄ᬪᬷᬫᬉᬚᬭᬾ᭞ᬲᬂᬪᬷᬫᬢᬦ᭄ᬚ᭄ᬭᬶᬄᬳᬗᬫᬸᬓ᭄᭞ᬓᭀᬮᬳᬮᬓᬂᬯᭀᬂᬲ᭄ᬯᬃᬕ᭄ᬕ᭞ᬲᭂᬓ᭄ᬱᭂᬓ᭄ᬧᬶᬦᬾᬪᬦ᭄ᬤᬾᬦᬶᬂᬳ᭄ᬬᬂ᭟᭜᭟ [ 45 ][᭔᭔ 44B]
᭔᭔᭟
ᬧ᭄ᬭᬲᬫᬯᬢᭂᬓ᭄ᬤᬾᬯᬢᬭᬯᬸᬄ᭞ᬳᬢᬢᬭᬶᬂᬦᬢᬃ᭞ᬪᬝᬭᬕᬸᬭᬸᬮᬶᬂᬦ᭄ᬬᬳᬭᬶᬲ᭄᭞ᬳᬥᬸᬄᬳᬦᬓᬶᬭᬾᬗ᭄ᬲᬸᬦ᭄᭞ᬳ᭄ᬬᬂᬩᬬᬸᬢᬦᬦᬭᬯᬸᬄ᭞ᬪᬶᬸᬂᬝᬶᬸᬂᬭᬶᬸᬂᬚᬶᬸᬂᬕᬶᬸᬂᬢ᭄ᬦᬶᬸᬂᬯᬶᬸᬂᬳᬶᬸᬂᬗᬶᬸᬂᬘᬶᬸᬂᬧᬶᬸᬂ᭞ᬫᬗ᭄ᬓᬦᬋᬓᬾ
ᬓᬜ᭄ᬘᬶᬢ᭄᭞ᬧ᭄ᬭᬧ᭄ᬢᬦᬶᬳ᭄ᬬᬂᬩᬬᬸ᭞ᬪᬝᬭᬚᬕᬢ᭄ᬦᬵᬣᬳᬗᬸᬘᬧ᭄᭞ᬳᬮᬶᬗ᭄ᬕᬶᬳᬲᬶᬭᬩᬧ᭟᭜᭟ᬪᬝᬭᬩᬬᬸᬲᬯᬸᬃᬯᭀᬢ᭄ᬲᬦ᭄ᬢᬸᬦ᭄᭞ᬲᬫᬮᬸᬗ᭄ᬕᬸᬄᬋᬓᬾ᭞ᬪᬝᬭᬩᬬᬸᬳᬢᬸᬪᬓ᭄ᬢᬶ
᭞ᬧᬸᬓᬸᬮᬸᬦ᭄ᬳ᭄ᬬᬂᬲᬶᬦᬸᬳᬸᬦ᭄᭞ᬲᬂᬪᬷᬫᬧᭂᬚᬄᬧᬸᬓᬸᬮᬸᬦ᭄᭞ᬳᬶᬗᬫᬾᬢᬋᬓᬾᬩᬬᬸᬦᬾ᭞ᬬᬦ᭄ᬢᬦ᭄ᬳᬶᬦᬫᬾᬢ᭄ᬧᬸᬦᬶᬓᬸ᭞ᬢᬦ᭄ᬫᬢᬶᬤᬾᬦᬶᬂᬲᬜ᭄ᬚᬢ᭞ᬢᬦᬸᬭᬸᬂᬩᬸᬩᬸᬃᬓᬂᬲ᭄ᬯᬃᬕ᭄ᬕ᭟᭜᭟ᬧ᭄ᬭᬲᬫ
ᬳᬾᬦᬓ᭄ᬧᬸᬦᬂᬳᬗ᭄ᬭᬸᬗᬸ᭞ᬳᬢᬸᬃᬳ᭄ᬬᬂᬩᬬᬸᬦᬾ᭞ᬧ᭄ᬭᬲᬫᬢᬸᬢᬸᬃᬭᬶᬂᬗᬹᬦᬷ᭞ᬢᬦ᭄ᬯᬸᬯᬸᬲ᭄ᬧᬦ᭄ᬧᬸᬦᬶᬓᬸ᭞ᬯᬢᭂᬓ᭄ᬢ᭄ᬭᬶᬮᭀᬓᬧᬸᬦᬶᬓᬸ᭞ᬯᬸᬲᬸᬲᭂᬦ᭄ᬲᬂᬪᬷᬫᬋᬓᬾ᭞ᬲᬧᭂᬚᬄᬳᬶᬭᬧᬸᬦᬶᬓᬸ᭞ᬢᬸᬢᬸᬫ᭠
[᭔᭕ 45A]
ᬭᬶᬂᬫᬥ᭄ᬬᬧᬤ᭞ᬧ᭄ᬭᬲᬫᬓᬕᬶᬮᬂᬕᬶᬮᬂ᭟᭜᭟ᬲᬃᬯ᭄ᬯᬢᬸᬫᬢᬶᬲ᭄ᬢ᭄ᬯᬭᬫᬩᬬᬸ᭞ᬫ᭄ᬯᬄᬫᬵᬦᬸᬱᬦᬾ᭞ᬧᬮᬾᬗᭀᬄᬧ᭄ᬭᬲᬫᬧᬮᬶᬂ᭞ᬲᬮᬶᬂᬭᬶᬭᬵᬕᬦᬶᬧᬸᬦ᭄᭞ᬢᬦᬶᬓᬗᬶᬦ᭄ᬢᬦᬶᬓᬯᬸᬄ᭞ᬍᬫᭂᬢ᭄ᬫᬚ
ᬮᬧᬾᬫᬗ᭄ᬮᬾᬮᬾᬬᬾ᭞ᬓᬢᬗᬸᬬᬸᬓ᭄᭞ᬳᬤᬢᬶᬩᬧᬚᬸᬮᬾᬫ᭄ᬧᬂ᭞ᬯᭀᬦ᭄ᬢᭀᬂᬤᬤᬶᬫᬧ᭄ᬮᬯᬦᬦ᭄᭟᭜᭟ᬓᬬᬸᬦᬾᬲᬫᬮᬬᬸ᭞ᬫ᭄ᬯᬂᬢᬸᬢᬸᬲ᭄ᬫᬘᬦᬾ᭞ᬧᬕ᭄ᬭᬾᬂᬧᬮᬶᬂᬧᬢᬶᬩᬩᬃᬳᬾᬓᬶ᭞ᬲ
ᬗ᭄ᬕᬳᬾᬳᬸᬮᬸᬦᬸᬮᬸᬦ᭄᭞ᬳᬾᬗᬄᬳᬾᬜᬶᬸᬂᬗᭀᬄᬧᬢᬶᬳᭂᬦ᭄ᬢᬸᬮ᭄᭞ᬩᭀᬚᭀᬕᬾᬧᬢᬶ᭠ᬕ᭄ᬭᬧᬾ᭞ᬧᭂᬢᬸᬦᬾᬦᭂᬕᬓ᭄ᬤᬶᬤᬸᬳᬸᬃ᭞ᬫᬗᬸᬬᬸᬓ᭄ᬫᬳᬶᬭᬶᬩ᭄ᬓᬶᬬᬧ᭄᭞ᬲᭂᬫᬮᬾᬦᭀᬫ᭄ᬧ᭄ᬮᭀᬓ᭄ᬜᬸᬕᬾᬕᬕ᭄᭟᭜
᭟ᬧᬓ᭄ᬱᬶᬦᬾᬲᬫᬢᬦ᭄ᬓᭂᬦᬾᬂᬮᬓᬸ᭞ᬲᬢ᭄ᬤᬭᬸᬳᬭ᭞ᬧᭂᬢᭂᬂᬤᭂᬤᭂᬢ᭄ᬳᬸᬚᬦ᭄ᬳᬗᬶᬦ᭄᭞ᬓᭂ᭠ᬢᬸᬕ᭄ᬮᬶᬦᬸᬄᬓᬫᬸᬯᬸᬲ᭄᭞ᬢᬾᬚᬕᬸᬮᬶᬂᬓᬸᬯᬸᬂᬓᬸᬯᬸᬂ᭞ᬋᬫᬺᬫ᭄ᬳ᭄ᬬᬂᬅᬤᬶᬢ᭄ᬬᬋᬓᬾ᭞ᬧᬮᬶᬂᬧ᭄ᬭᬲᬫᬭᬶᬂᬫᬃᬕ᭄ᬕᬶ᭞ [ 46 ][᭔᭕ 45B]
᭔᭕᭟
ᬧᬮᬾᬗᭀᬄᬢᬦ᭄ᬧᬩᬬᬸ᭞ᬧ᭄ᬭᬲᬫᬳᬦᬕᬶᬄᬢᬸᬦ᭄ᬢᬸᬦ᭄ᬳᬯᬸᬭᬳᬦ᭄᭟᭜᭟ᬪᬝᬭᬚᬕᬢ᭄ᬦᬵᬣᬳᬯᬸᬯᬸᬲ᭄᭞ᬥᬸᬄᬲᬂᬩᬬᬸᬋᬓᬾ᭞ᬳᬸᬭᬶᬧ᭄ᬲᬂᬪᬷᬫᬧᬸᬦᬶᬓᬶ᭞ᬫᬢᬶᬯᭀᬲ᭄ᬯᬃᬕ᭄ᬕᬳᬶ
ᬓᬸ᭞ᬲᬫᬢᬦ᭄ᬳᬤᬺᬯᬾᬩᬬᬸ᭞ᬫᬶᬯᬄᬫᬭᬶᬂᬫᬥ᭄ᬬᬧᬤ᭞ᬬᬦ᭄ᬭᬸᬲᬓ᭄ᬫᬥ᭄ᬬᬧᬸᬦᬶᬓᬸ᭞ᬳᬶᬗ᭄ᬲᬸᬦᬺᬓᬾᬢᬦ᭄ᬧᬓᬺᬢᬶ᭞ᬧᬭᬦ᭄ᬧᭀᬮᬳᬾᬫᬗ᭄ᬓᬦ᭟᭜᭟ᬬᬦ᭄ᬢᬦ᭄ᬳᬸᬭᬶᬧᬲᬂᬪᬷᬫᬧᬸᬦᬶᬓᬸ᭞ᬳᬶ
ᬗ᭄ᬲᬸᬦ᭄ᬳᬢᬢᬓᬾᬦ᭄᭞ᬫᬘᬦᬲᭂᬤᭂᬂᬓᬧᬗᬶᬢ᭄᭞ᬢᬢᬯᬶᬲ᭄ᬢ᭄ᬭᬾᬂᬲᬶᬓᭂᬓᬸᬂ᭞ᬬᬦ᭄ᬯ᭄ᬭᬸᬄᬲᬂᬪᬷᬫᬳᬶᬓᬸ᭞ᬯᭂᬓᬶᬸᬂᬦᬂᬓᬂᬳᭀᬮᬶᬄᬢᬶᬃᬣᬦᬾ᭞ᬫᬶᬯᬄᬢᬪᬝᬭᬧᬡ᭄ᬥᬸ᭞ᬫᬸᬗ᭄ᬕᬄᬫᬭᬶᬂᬫᬾᬭᬸᬯᬾᬢᬦ᭄᭞ᬢᬸ
ᬫ᭄ᬧᬂᬲᬯᭂᬮᬲ᭄ᬧᬮᬶᬗ᭄ᬕᬶᬄᬦ᭄ᬬ᭟᭜᭟ᬲᬫᬗ᭄ᬓᬦᬧᬗᬸᬘᬧ᭄ᬳ᭄ᬬᬂᬕᬸᬭᬸ᭞ᬳ᭄ᬬᬂᬩᬬᬸᬳᬢᬸᬭᬾ᭞ᬧᬸᬓᬸᬮᬸᬦ᭄ᬲᬶᬗ᭄ᬕᬶᬳᬩᭂᬘᬶᬓ᭄᭞ᬧᬕᭂᬄᬮᬶᬗ᭄ᬕᬶᬄᬧᬸᬓᬸᬮᬸᬦ᭄᭞ᬬᬦ᭄ᬫᬗ᭄ᬓᬦᬲᬂᬲᬶᬦᬸᬳᬸᬦ᭄᭞ᬳ᭄ᬬᬂᬩᬬᬸᬳᬦᭂᬫ᭄ᬩᬄᬋ
[᭔᭖ 46A]
ᬓᬾ᭞ᬳᬫᬶᬢ᭄ᬧᬝᬶᬓ᭄ᬲᬂᬲᬶᬦᬸᬳᬸᬦ᭄᭞ᬪᬝᬭᬩᬬᬸᬮᬸᬫᬫ᭄ᬧᬄ᭞ᬧ᭄ᬭᬱ᭄ᬢᬭᬶᬂᬮᬬᭀᬦ᭄ᬲᬂᬪᬶᬫ᭟᭜᭟ᬳᬶᬗᬸᬮᬶᬳᬸᬮᬶᬄᬧᬸᬦᬂᬲᬂᬩᬬᬸ᭞ᬳᬗ᭄ᬮᬶᬮᬶᬃᬭᬳᬤ᭄ᬬᬦ᭄᭞ᬳᬲᭂᬫᬸᬓᬧᬸᬧᬸᬗᬦ᭄ᬳᬗᬶᬢᬶᬓ᭄᭞
ᬪᬝᬭᬩᬬᬸᬫᬸᬯᬸᬲ᭄᭞ᬳᬶᬗ᭄ᬲᬸᬦ᭄ᬳᬗᬦ᭄ᬢᬸᬓᬂᬩᬬᬸ᭞ᬭᬳᬤᬾᬦ᭄ᬪᬷᬫᬉᬚᬭᬾ᭞ᬧᬭᬦ᭄ᬓᬭᬦᬶᬂᬳᬸᬫᬦ᭄ᬢᬸᬓ᭄᭞ᬲ᭄ᬬᬓᬸᬲᬸᬓᬧᭂᬚᬳ᭞ᬦᬳᬸᬫᬭᬶᬂᬇᬦ᭄ᬤ᭄ᬭᬮᭀᬓ᭟᭜᭟ᬪᬝᬭᬩᬬᬸᬯᬸᬯᬸᬲᬾᬳ
ᬮᬸᬲ᭄᭞ᬥᬸᬄᬲᬂᬪᬷᬫᬋᬓᬾ᭞ᬪᬝᬭᬚᬕᬢ᭄ᬦᬵᬣᬗᬸᬭᬶᬧ᭄᭞ᬓᬘ᭄ᬭᬓᬭᬤᬸᬄᬳᬸᬢᬸᬲ᭄᭞ᬳᬶ᭠ᬤᬳ᭄ᬬᬂᬕᬸᬭᬸᬫᬵᬢᬸᬃ᭞ᬓᬂᬘᬭᬓᬦᬾᬭᬶᬂᬳᬶᬤ᭞ᬪᬝᬭᬩᬬᬸᬧᬸᬓᬸᬮᬸᬦ᭄᭞ᬲᬂᬚᬕᬢ᭄ᬦᬵᬣᬲᬸᬲᬸᬳᬦᬦ᭄
᭞ᬬᬦ᭄ᬳᬸᬭᬶᬧ᭄ᬭᬳᬤᬾᬦ᭄ᬩᬷᬫ᭟᭜᭟ᬳᬸᬫᭂᬤᭂᬓ᭄ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬭᬶᬂᬳ᭄ᬬᬂᬚᬕᬢ᭄ᬦᬵᬦᬶᬸᬂᬣ᭞ᬧᬋᬂᬭᬶᬂᬲᬂᬪᬷᬫᬳᬶᬓᬶ᭞ᬪᬝᬭᬩᬬᬸᬳᬦᬸᬳᬸᬦ᭄᭞ᬫᬋᬓ᭄ᬭᬶᬂᬲᬂᬓᬲᬸᬳᬸᬦ᭄᭞ᬧᬋᬂᬮᬦ᭄ᬲᬂ [ 47 ][᭔᭖ 46B]
᭔᭖᭟
ᬪᬷᬫᬋᬓᬾ᭞ᬫᬾᬄᬧ᭄ᬭᬧ᭄ᬢᬫᬭᬶᬂᬧᬗᬸᬦ᭄ᬢᬸᬃ᭞ᬚᬸᬫᭀᬚᭀᬕ᭄ᬫᬭᬶᬂᬚ᭄ᬭᭀᬫᬥ᭄ᬬ᭞ᬓᬢᭂᬫᬸᬳ᭄ᬬᬂᬚᬕᬢ᭄ᬦᬵᬣ᭟᭜᭟ᬪᬝᬭᬚᬕᬢ᭄ᬦᬵᬣᬫᬸᬯᬸᬲ᭄᭞ᬯᬭᬳᬤᬾᬦ᭄ᬪᬷᬫ᭞ᬲ᭄ᬯᬭᬦᬾᬳᬗᬲᬶᬳᬲᬶᬄ᭞ᬥᬸᬄ
ᬭᬤᬾᬦ᭄ᬪᬶᬫᬳᬶᬓᬸ᭞ᬧᬭᬦ᭄ᬕᬯᬾᬦᬶᬭᬭᬯᬸᬄ᭞ᬫᬭᬶᬂᬢᭂᬕᬮ᭄ᬧᬦᬗ᭄ᬲᬭᬦ᭄᭞ᬫᬶᬯᬄᬭᬶᬂᬲ᭄ᬯᬃᬕ᭄ᬕᬳᬗᭂᬩᬸᬃ᭞ᬯᬭᬳᬶᬗ᭄ᬲᬸᬦ᭄ᬤᬾᬦ᭄‌ᬳᬾᬗ᭄ᬕᬮ᭄᭞ᬭᬳᬤᬾᬦ᭄ᬪᬷᬫᬳᬗᬸᬘᬧ᭄᭟᭜᭟ᬧᬸᬓᬸᬮᬸᬦ᭄ᬥᬸᬄᬲᬶᬭᬲᬂ
ᬲᬶᬦᬸᬳᬸᬦ᭄᭞ᬯᭀᬦ᭄ᬢᭂᬦ᭄ᬓᬃᬬ᭄ᬬᬦᬾ᭞ᬲ᭄ᬬᬓᬸᬚᬕᬗᬸᬮᬢᬶ᭞ᬧᬸᬓᬸᬮᬸᬦᬢ᭄ᬫᬦᬶᬭᬳ᭄ᬬᬂᬧᬡ᭄ᬥᬸ᭞ᬫ᭄ᬯᬂᬤᬾᬯᬷᬫᬤ᭄ᬭᬷᬧᬸᬓᬸᬮᬸᬦ᭄᭞ᬢᬦ᭄ᬲᬶᬧᬶᬦᭂᬫᬸᬮᬭᬦᬾ᭞ᬓᬕᬶᬮᬂᬕᬶᬮᬂᬧᬸᬮᬸᬦ᭄᭞ᬲᬵᬕ᭄ᬧᬸᬦ᭄ᬲ᭄ᬬᬓᬸᬗᬫᬾᬢ᭞ᬭᬶᬂᬓᬯᬄᬢ
ᬫ᭄ᬩ᭄ᬭᬕᭀᬫᬸᬓ᭟᭜᭟ᬲᬶᬦᬸᬧᬢ᭄ᬳᬶᬓᬸᬢᬦ᭄ᬤᬤ᭄ᬬᬫᬸᬯᬸᬲ᭄᭞ᬢᬦ᭄ᬲᬶᬤ᭄ᬟᬓᬃᬬ᭄ᬬᬦᬾ᭞ᬬᬦ᭄ᬳᭀᬮᬶᬄᬳᬓᬸᬗᬸᬮᬢᬶ᭞ᬅᬫ᭄ᬭᬢᬦᬶᬭᬳ᭄ᬬᬂᬕᬸᬭᬸ᭞ᬓᬯᬰᬩᬧᬓᬸᬫᬸᬯᬸᬲ᭄᭞ᬓᬮᬶᬄᬤᬾᬯᬷᬫᬤ᭄ᬭᬷᬳᬶᬓ᭞ᬬᬦ᭄ᬲᬵ
[᭔᭗ 47A]
ᬫ᭄ᬧᬸᬦ᭄ᬦᭂᬫᬸᬭᬳᬬᬸ᭞ᬓᬮᬶᬄᬕᬶᬦᬯᬦᬾᬂᬲ᭄ᬯᬃᬕ᭄ᬕ᭞ᬳᬸᬫᬋᬓ᭄ᬧᬵᬤᬦᬶᬭᬳ᭄ᬬᬂ᭟᭜᭟ᬪᬝᬭᬚᬕᬢ᭄ᬦᬵᬣᬳᬫᬸᬯᬸᬲ᭄᭞ᬥᬸᬄᬳᬕᭂᬂᬤᬦ᭄ᬟᬦᬾ᭞ᬪᬝᬭᬧᬡ᭄ᬥᬸᬭᬶᬂᬗᬹᬦᬷ᭞ᬲᭂᬤᭂᬓ᭄ᬳᬶᬗ᭄ᬲᬸᬦ᭄ᬢᬸᬫᬸᬭᬸᬦ᭄
᭞ᬫᬭᬶᬂᬫᬥ᭄ᬬᬧᬤᬳᬶᬓᬸ᭞ᬫᬦᬤᬶᬲᬸᬓ᭄ᬭᬶᬓᭂᬦᬲ᭄ᬯᬾᬢ᭞ᬢᬦ᭄ᬲᬶᬧᬶᬳᬸᬮᬗᬸᬦ᭄ᬳᬶᬗ᭄ᬲᬸᬦ᭄᭞ᬫᬭᬶᬂᬭᬶᬡᬲ᭄ᬯᬾᬢᬳᬶᬲ᭄ᬢ᭄ᬭᬷᬬ᭞ᬢᬶᬦᭂᬫᬸᬦ᭄ᬳᬶᬗ᭄ᬲᬸᬦ᭄ᬫᬘᬸᬫ᭄ᬩᬦ᭄᭟᭜᭟ᬪᬝᬭᬧᬡ᭄ᬥᬸᬲᭂᬤᭂᬓ᭄ᬩᬸᬩᬸᬭᬸ᭞ᬧᬶᬦᬦᬄ
ᬲᬸᬦᬺᬓᬾ᭞ᬫᬢᬶᬲᬂᬭᬶᬡᬳᬶᬲ᭄ᬢ᭄ᬭᬷ᭞ᬘᬢ᭄ᬮᬭᬶᬲ᭄ᬳᬫᬲ᭄ᬢᬸ᭞ᬪᬝᬭᬧᬡ᭄ᬥᬸᬧᬸᬦᬶᬓᬸ᭞ᬢᬦ᭄ᬤᬤᬶᬫᬘᬸᬫ᭄ᬩᬸᬯᬦᬦᬾ᭞ᬬᬦ᭄ᬫᬘᬸᬫ᭄ᬩᬸᬯᬦᬧᬸᬦᬶᬓᬸ᭞ᬳᬧᬢ᭄ᬯᬄᬬᬦᭂᬫᬸᬧᭂᬚᬄ᭞ᬫᬗ᭄ᬓᬦᬲᬧᬭᬶᬓᬸᬦ᭟᭜᭟
ᬪᬝᬭᬧᬡ᭄ᬥᬸᬢᬦ᭄ᬲᬶᬧᬶᬲᬸᬗ᭄ᬲᬸᬢ᭄᭞ᬤᬸᬓᬢᬶᬦᬶᬩᬂᬲᬧ᭞ᬲᬸᬯᬾᬦ᭄ᬫᬗ᭄ᬕᬶᬄᬯᭀᬂᬳᬶᬲ᭄ᬢ᭄ᬭᬷ᭞ᬮᬦ᭄ᬤᬮᬦ᭄ᬫᬢᭂᬫᬸ᭞ᬭᬶᬂᬤᬾᬯᬷᬫᬤ᭄ᬭᬷᬧᬸᬦᬓᬸ᭞ᬧᭂᬚᬄᬳᬸᬧᬢᬢᬸᬋᬓᬾ᭞ᬫᬵᬕᭂᬂᬮᬭᬓᬢᭂᬫᬸ᭞ᬢᬦᬦ [ 48 ][᭔᭗ 47B]
᭔᭗᭟
ᬓᬃᬯ᭄ᬯᬦ᭄ᬲᬃᬓᭂᬦ᭄ᬬ᭞ᬬᬦ᭄ᬢᬦ᭄ᬓᬶᬢᬫᬭᬶᬓᭀᬰ᭟᭜᭟ᬲᬂᬪᬷᬫᬲᬯᬸᬭᬾᬳᬲᭂᬫᬳᬮᬸᬲ᭄᭞ᬢᬦ᭄ᬯ᭄ᬭᬸᬄᬳᬓᬸᬋᬓᬾ᭞ᬫᬭᬶᬂᬤᬤᬮᬦᬾᬗᬹᬦᬷ᭞ᬫᬗ᭄ᬓᬾᬳᬓᬸᬢᭂᬓᬳᬰ᭄ᬭᬸ᭞ᬜ᭄ᬚᭂᬦᭂᬗᬪᬝᬭᬧᬡ᭄ᬥᬸ᭞ᬳᬸᬫ
ᬭᬶᬂᬲ᭄ᬯᬃᬕ᭄ᬕᬋᬓᬾ᭞ᬫᬶᬯᬄᬤᬾᬯᬷᬫᬤ᭄ᬭᬷᬳᬶᬓᬸ᭞ᬪᬝᬭᬚᬕᬢ᭄ᬳᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬫᬗ᭄ᬓᬦᬭᬳᬤ᭄ᬬᬦ᭄᭟᭜᭟ᬳᬶᬗ᭄ᬲᬸᬦᬢᬢᬓᬯᬶᬱ᭄ᬝᬾᬂᬳᬬᬸᬦ᭄᭞ᬢᬶᬢᬶᬰᬷᬮᬓ᭄ᬭᬫ᭞ᬯᭂᬢᬸᬦᬶᬂᬪᬸᬯᬦᬓᬂᬢ᭄ᬭᬶᬦᬶ᭞
ᬓᬲ᭄ᬬᬲ᭄ᬯᬾᬕᬭᬶᬂᬯᭂᬢᬸᬂ᭞ᬢ᭄ᬯᬦ᭄ᬭᬚ᭄ᬬᬭᬭᬯᭂᬢ᭄᭞ᬭᬾᬬᬸᬓ᭄᭞ᬫ᭄ᬯᬂᬰᬭᬷᬭᬦ᭄ᬢᬋᬓᬾ᭞ᬰᬸᬤ᭄ᬭᬍᬯᬶᬄᬳᬲᬸᬦᬶᬓ᭞ᬫ᭄ᬯᬄᬧᬮᬦᬶᬂᬰᬭᬷᬭ᭞ᬮᭀᬃᬯᬾᬢᬦ᭄ᬧᬭᬯᬃᬡ᭄ᬦᬦ᭄ᬬ᭟᭜᭟ᬭᬶᬂᬓᬸᬮᭀᬦ᭄ᬢᬂᬳᬓᬶᬤᬸᬮ᭄ᬧᬸᬦᬶᬓᬸ
᭞ᬧᬭᬦ᭄ᬢᬭᬹᬧᬦᬾ᭞ᬢᬢᬲ᭄ᬓᬶᬢᬯᬶᬢ᭄ᬓᬲᬦ᭄ᬢ᭄ᬭᬶ᭞ᬢᬸᬢᬸᬃᬯᬶᬰ᭄ᬭᬯᬶᬯᬶᬓᬸ᭞ᬫᬜ᭄ᬘᬵᬫᬺᬢᬫᬭᬶᬂᬓᬸᬭᬸᬂ᭞ᬕᬕᭂᬢᭂᬃᬧᬯᬦᬲᬓᬾᬦ᭄᭞ᬫ᭄ᬯᬂᬕ᭄ᬦᬯᬶᬧ᭄ᬡᬸ᭞ᬢᬢᬫᬸᬤᬶᬢ᭄ᬬᬤᬸᬮᬦ᭄ᬢ᭞ᬢ
[᭔᭘ 48A]
ᬯᬶᬕ᭄ᬢ᭄ᬭᬶᬬᬫ᭄ᬩᬸᬕᬸᬂᬭᬭᬭᬾᬉᬢ᭄ᬢᬫ᭟᭜᭟ᬳᬗ᭄ᬳᬶᬂᬫᬯᬃᬡ᭄ᬦᬳᬸᬗ᭄ᬕ᭄ᬯᬦᬾᬳᬶᬓᬸ᭞ᬫᬸᬗ᭄ᬕᬸᬄᬭᬶᬂᬭᬵᬕᬦᬾ᭞ᬭᬳᬤᬾᬦ᭄ᬪᬷᬫᬦᬯᬸᬭᬶᬦ᭄᭞ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬯ᭄ᬭᬸᬄᬳᬓᬸᬲᬮ᭄ᬯᬶᬭᬶᬂᬢᬸᬢᬸᬃ᭞ᬧ᭄ᬭ
ᬲᬫᬢᬢᬲ᭄ᬓᬸᬫᬗ᭄ᬓᬾ᭞ᬯᬶᬢᬦ᭄ᬢ᭄ᬭᬯᬷᬭᬢᬸᬥᬸᬄ᭞ᬕᭂᬕᭂᬃᬮᬸᬤ᭄ᬭᬫ᭄ᬯᬂᬯᬶᬦ᭄ᬢᬂ᭞ᬕᬸᬫᬶᬳᬮᬶᬢ᭄ᬭᬶᬓᬭᬭᬚᬦ᭄᭟᭜᭟ᬤᬶᬢ᭄ᬬᬭᬶᬂᬗ᭄ᬕ᭄ᬯᬦᬸᬮᬦ᭄ᬧᬸᬦᬶᬓᬸ᭞ᬳᬭᬶᬧᬭᬧ᭄ᬯᬭᬾ᭞ᬕᬕᭂᬢᭂᬃᬧᬯᬦᬕᬢᬶ᭞
ᬧᬸᬭᬶᬧᬸᬭᬶᬧᬸᬦᬶᬓᬸ᭞ᬯᬶᬯᬶᬲ᭄ᬭᬾᬂᬤᬶᬢᬓᬯᬶᬓᬸ᭞ᬮᭀᬃᬯᬾᬢᬦ᭄ᬯᬃᬡ᭄ᬦᬳᬶᬋᬗᬾ᭞ᬯᬾᬢᬦ᭄ᬲ᭄ᬯᬾᬢᬧᬸᬦᬶᬓᬸ᭞ᬭᬶᬂᬓᬶᬤᬸᬮ᭄ᬩᬵᬂᬯᬃᬡ᭄ᬦᬦ᭄ᬬ᭞ᬓᬸᬮᭀᬦ᭄ᬚᭂᬦᬃᬧᬫᬸᬮᬸᬦ᭄ᬬ᭟᭜᭟ᬢᬸᬢᬸᬃᬧᬸᬦᬶᬓᬋᬓᬾᬧᬸ
ᬓᬸᬮᬸᬦ᭄᭞ᬰᬵᬲ᭄ᬢ᭄ᬭᬂᬯᬶᬯᬶᬢᬦᬾ᭞ᬚᬷᬯᬷᬭᬳᬭᬶᬧᬹᬃᬯ᭄ᬯᬦᬶᬂ᭞ᬲᬲᭂᬧᬾᬦ᭄ᬯᬷᬭᬢᬸᬥᬸᬄ᭞ᬓᬢᭂᬕ᭄ᬫᬭᬶᬂᬩᬶᬸᬂᬪᬹᬫᬶᬳᬕᬸᬂ᭞ᬲᬋᬂᬭᬜ᭄ᬘᬓ᭄ᬩᬸᬤ᭄ᬟᬶᬦᬾ᭞ᬢᬷᬃᬣᬲ᭄ᬯᬭᬾᬂᬢᬶᬢᬶᬲᬥᬸ᭞ᬲᬸᬓᭂᬢᬶᬂᬢᬶᬢᬶᬢᬶ᭠ [ 49 ][᭔᭘ 48B]
᭔᭘᭟
ᬢᬢᬭ᭞ᬧ᭄ᬭᬳᬬᬸᬭᬶᬂᬭᬵᬕᬉᬢ᭄ᬢᬫ᭟᭜᭟ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬤᬶᬦ᭞ᬩᬸ᭞ᬧ᭞ᬯᬭᬯᬭᬶᬕ᭞ᬢᬂ᭞᭓᭞ᬭᬄ᭞᭓᭞ᬢᭂᬂ᭞᭑᭒᭞ᬰᬰᬶᬄᬓᬯᬸᬮᬸ᭞ᬇᬰᬓ᭞᭑᭙᭑᭑᭟ᬫᬲᬾᬳᬶᬢᬗ᭄ᬕᬮ᭄
᭞᭒᭘᭞ᬧᬾᬩ᭄ᬭᬸᬳᬭᬶ᭞᭑᭙᭙᭐᭟ᬓ᭄ᬱᬫᬢᬶᬢ᭄ᬬᬂᬲᬦᬾᬦᬸᬮᬶᬲ᭄ᬮᭀᬦ᭄ᬢᬃᬧᬸᬦᬶᬓᬶ᭞ᬳᬶᬯᬬᬦ᭄ᬲᬫ᭄ᬩ᭞ᬲᬓᬶᬂᬩᬜ᭄ᬚᬃᬓᬸᬩᬸᬳᬜᬃ᭞ᬤᬾᬰᬓᬸᬩᬸᬢᬫ᭄ᬩᬳᬦ᭄᭞ᬓᬘᬫᬢᬦ᭄ᬓᬸᬩᬸᬢᬫ᭄ᬩᬳᬦ᭄᭞ᬤᬏᬭᬄᬢᬶ᭠
ᬗ᭄ᬓᬢ᭄᭞᭒᭞ᬩᬸᬮᬾᬮᬾᬂ᭟᭜᭟ᬧᬸᬧᬸᬢ᭄᭟᭜᭟