Ban/Gaguritan Bhima Swargga 02

Deskripsi

Naskah

[ 1 ]Judul: GAGURITAN BHIMA SWARGGA.2
Pnj.40 cm. Lb.3,5 cm, Jml. 40 1b.
Asal: Ksimpar , Abang, Kr.asem. 253
[ ᭑ 1A]
Judul: GAGURITAN BHIMA SWARGGA.2
Pnj.40 cm. Lb.%,5 cm, Jml. 40 1b.
Asal: Ksimpar , Abang, Kr.asem. [ 2 ][ ᭑ 1B]
᭑᭞
᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛ᬤᬸᬃᬫ᭄ᬫ᭟ᬤᬸᬃᬫ᭄ᬫᬗ᭄ᬕᬮ᭞ᬢᬶᬢ᭄ᬬᬂᬗᬮᬸᬂᬲᬸᬃᬮᬸᬕ᭄ᬭᬳ᭞ᬭᬶᬂᬳᬶᬤᬳ᭄ᬬᬂᬲᬭᬲ᭄ᬯᬢᬶ᭞ᬓᬮᬶᬄᬭᬶᬂᬳ᭄ᬬᬂᬲᬹᬃᬬ᭄ᬬ᭞ᬲᬂᬫᬗ᭄ᬕᬲᬳᬲ᭄ᬭᬲᬸᬦᬦ᭄᭞ᬗᬮᬗᬶᬦ᭄ᬚᬕᬢᬾᬲᬫᬶ᭞ᬓᬮᬶᬄᬗᬸᬭᬶᬧᬂ᭞ᬲᬂᬮ᭄ᬯᬶᬃᬪᬸᬣ
ᬦᬾᬬᬸᬓ᭄ᬢᬶ᭟ᬫᬤᬓ᭄‌ᬲ᭄ᬯᬾᬘ᭞ᬮᬗᬮᬗᬶᬦ᭄ᬫᬦᬄᬢᬶᬢ᭄ᬬᬂ᭞ᬲᬶᬤ᭄ᬥᬮᬦᬸᬲ᭄ᬢᬶᬢ᭄ᬬᬂᬗᬸᬭᬶᬢ᭄᭞ᬫᬤᬓ᭄ᬢᬦ᭄ᬲᬮᬄᬧᬭ᭞ᬧᬫᬗ᭄ᬤᬢᬦ᭄ᬧᬢᬶᬧᬸᬭᬸᬕ᭞ᬲᬫᬮᬶᬄᬢᬦ᭄ᬗᬸᬯᬾᬭᬸᬲᬶᬢ᭄᭞ᬫᬗ᭄ᬤᬲᬵᬫ᭄ᬧᬸᬃᬡ᭄ᬦ᭞ᬲ᭄ᬯᬲ᭄ᬢ᭄ᬬ
ᬲ᭄ᬢᬓᬂᬧᬶᬦᬗ᭄ᬕᬶᬄ᭟ᬓᬂᬓᬭᬶᬧ᭄ᬢ᭞ᬫᬗᬭᬦ᭄‌ᬪᬶᬫᬲ᭄ᬯᬃᬕ᭄ᬕ᭞ᬤᬸᬓ᭄ᬲᬂᬪᬶᬫᬦᬾᬗᬸᬦᬶ᭞ᬗ᭄ᬭᬸᬭᬸᬄᬳᬚᬶᬦ᭄ᬳᬶᬤ᭞ᬤᬸᬓᬾᬧᬮᬶᬗ᭄ᬕᬭᬶᬂᬓᬯᬄ᭞ᬓᬮᬶᬄᬳᬶᬤᬤᬾᬯᬶᬫᬤ᭄ᬭᬶ᭞ᬕ᭄ᬮᬶᬲᬂᬘᬭᬶᬢ᭞ᬤᬾᬯᬶᬓᬸᬦ᭄ᬢᬶ
ᬗᬦ᭄ᬤᬶᬓᬳᬶᬦ᭄᭟ᬳᬸᬤᬸᬄᬤᬾᬯ᭞ᬲᬂᬧᬡ᭄ᬥᬯᬚᬓ᭄ᬫᬓᭂᬚᬂ᭞ᬲᬶᬭᬓᬾᬤᬾᬯᬦᬾᬚᬦᬶ᭞ᬫᬜᬦ᭄ᬥᬬᬂᬮᬸᬗ᭄ᬳ᭞ᬗ᭄ᬭᬸᬭᬸᬄᬳᬚᬶᬦ᭄ᬳᬶᬤᬾᬯ᭞ᬭᬶᬂᬦᬶᬲ᭄ᬓᬮᬳᬶᬤᬮᬮᬶᬗ᭄ᬕᬶᬄ᭞ᬭᬭᬶᬲ᭄ᬳᬜᭂᬫ᭄ᬩᬄ᭞
[ ᭒ 2A]
ᬲᬂᬪᬶᬫᬫᬗᬢᬸᬃᬳᬭᬶᬲ᭄᭟ᬳᬶᬗ᭄ᬕᬶᬄᬩ᭄ᬬᬂ᭞ᬲ᭄ᬬᬓᬸᬦᬾᬲᬸᬫᬗ᭄ᬕᬸᬧ᭄᭞ᬗ᭄ᬭᬸᬭᬸᬄᬳᬢ᭄ᬫᬦ᭄ᬳᬶᬳᬚᬶ᭞ᬚᭂᬢ᭄ᬤᬶᬚᬫᬮᬶᬗ᭄ᬕ᭞ᬤ᭄ᬬᬲ᭄ᬢᬸᬭᬶᬂᬘᬫ᭄ᬩ᭄ᬭᬕᭀᬄᬫᬸᬓ᭞ᬩ᭄ᬬᬗ᭄ᬕᬾᬦᬦ᭄ᬤᬶᬓᬫᬮᬶᬄ᭞ᬤᬸᬄᬲᬤ᭄ᬬᬧᬶᬲᬦ᭄᭞ᬤᬸ
ᬫᬤᬓ᭄‌ᬲᬶᬤ᭄ᬥᬓᬧᬗ᭄ᬕᬶᬄ᭟ᬭᬸᬓᬭᬳᬶ᭞ᬲᬯᬸᬃᬫᬦᬸᬓ᭄ᬳᬸᬫᬢᬸᬭ᭞ᬲᬂᬥᬃᬫ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬩ᭄ᬮᬶᬫᬶᬮᬸᬤᬾᬯ᭞ᬳᬭᬶᬦᬾᬫᬳᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬲᬋᬂᬗᬶᬭᬶᬩ᭄ᬮᬶ᭞ᬕ᭄ᬮᬶᬲᬶᬂᬘᬭᬶ
ᬢ᭞ᬲᬂᬪᬶᬫᬫᬢᬸᬃᬫᬮᬶᬄ᭟ᬳᬶᬗ᭄ᬕᬶᬄᬩ᭄ᬬᬂ᭞ᬳᬸᬫᬜ᭄ᬚᬫᬭᬶᬂᬩᬸᬦ᭄ᬩᬸᬦᬦ᭄᭞ᬩ᭄ᬬᬗᬾᬗᬦ᭄ᬤᬶᬓᬳᬭᬶᬲ᭄᭞ᬤᬾᬯᬩᬬᬸᬲᬸᬢ᭞ᬫᬾᬫᬾᬧᬲᬂᬢᬩᬾᬬ᭞ᬧᬘᬂᬫᬗ᭄ᬭᬜ᭄ᬚᬤᬶᬕ᭄ᬮᬶᬲ᭄᭞ᬤᬸᬫᬤ
ᬓ᭄ᬩ᭄ᬬᬂ᭞ᬢᬦ᭄ᬓᭂᬦᬂᬢᬸᬮᬄᬧᬫᬶᬤᬶ᭟ᬤᬵᬲᬃᬥᬃᬫ᭄ᬫ᭞ᬧᬘᬂᬫᬜ᭄ᬚᬂᬫᬭᬦᬾᬢ᭄ᬭᬂ᭞ᬧᬲᬢᬩᬾᬩ᭄ᬮᬶᬳᬤᬶ᭞ᬫᭀᬕᬦᬢᬦ᭄ᬢᬸᬮᬄ᭞ᬲᬂᬲᬃᬣᬫᬗ᭄ᬓᬶᬦ᭄ᬓᭀᬘᬧᬦ᭄᭞ᬭᬶᬂᬳᬗᭂᬦ᭄ᬧ [ 3 ][ ᭒ 2B]
᭒᭞
ᬘᬂᬗ᭄ᬭᬜ᭄ᬚᬶᬂ᭞ᬢᬸᬃᬫᬢᬸᬃᬲᭂᬫ᭄ᬩᬄ᭞ᬧᬲᬂᬢᬩᬾᬢᬶᬢ᭄ᬬᬂᬩ᭄ᬮᬶ᭟ᬤᬵᬲᬂᬭ᭄ᬯ᭞ᬲᬂᬦᬓᬸᬮᬲᬳᬤᬾᬯ᭞ᬭᬶᬂᬧᬸᬧᬸᬓᬦᬦ᭄‌ᬓᬾᬭᬶ᭞ᬢᬸᬭᬶᬂᬫᬢᬸᬲᭂᬫ᭄ᬩᬄ᭞ᬮᬸᬕ᭄ᬭᬳᬶᬢ᭄ᬬᬂᬩᬬᬸᬲᬸᬯ᭞ᬤ
ᬲᬂᬓᬮᬄᬭᬭᬶᬲ᭄‌ᬗ᭄ᬭᬜ᭄ᬚᬶᬂ᭞ᬫᬗ᭄ᬓᬶᬦ᭄ᬲᬂᬪᬶᬫ᭞ᬳᬕᬸᬂᬮ᭄ᬯᬶᬃᬕᬸᬦᬸᬂᬫᬹᬃᬣ᭟ᬚᬕ᭄ᬫᬗᬸᬘᬢ᭄᭞ᬲᬂᬪᬶᬫᬫᬭᬶᬂᬳᬓᬕ᭞ᬢ᭄ᬯᬭᬚᬧᬧᬓᬾᬭᬶ᭞ᬯᬦ᭄ᬢᬄᬗᬦ᭄ᬤᭂᬮ᭄ᬳᬗ᭄ᬕ᭞ᬢᬦ᭄ᬮ᭄ᬬᬦ᭄‌ᬲᬦᬾ
ᬗᬶᬭᬶᬗᬂ᭞ᬯᬦ᭄ᬢᬄᬧᬋᬓᬦ᭄ᬓᬓᬮᬶᬄ᭞ᬳᬶᬢ᭄ᬯᬮᬾᬦ᭄‌ᬯᬺᬤᬄ᭞ᬭᬶᬂᬘᭀᬓᭀᬃᬗᬢᭂᬓᬸᬮ᭄‌ᬗ᭄ᬮᬦ᭄ᬢᬶᬂ᭟᭐᭟ᬧᬗ᭄ᬓᬸᬃ᭟ᬧᬫᬃᬕ᭄ᬕᬶᬦ᭄‌ᬳᬶᬤᬲᬂᬪᬶᬫ᭞ᬮ᭄ᬯᬶᬃᬳᬗᬶᬦ᭄ᬳᬯᬺᬱ᭄ᬫᬭᬶᬂᬮᬗᬶ
[ ᭓ 3A]
ᬲ᭄ᬫᬗ᭄ᬓᬶᬦ᭄‌ᬘᬭᬶᬢᬬᬂ᭞ᬤᬾᬦᬶᬂᬲᬵᬫᬵᬧᬸᬦ᭄ᬳᬶᬤᬲᬸᬯᬾᬫᬫᬃᬕ᭄ᬕᬶ᭞ᬧᬫ᭄ᬧᬢᬦ᭄ᬫᬗ᭄ᬓᬶᬦ᭄ᬓᬧᬗ᭄ᬕᬶᬄ᭞ᬢᬸᬃᬲᬵᬲ᭄ᬫ᭄ᬧᬸᬦ᭄ᬓᬮᬶᬦ᭄ᬢᬗᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄᭞ᬫᬃᬕ᭄ᬕᬲᬗᬫᬗ᭄ᬓᬶᬦ᭄ᬧᬗ᭄ᬕᬸᬄ᭞ᬢᬍᬃ
ᬲᬵᬫ᭄ᬧᬸᬦ᭄ᬓᬮᬶᬦ᭄ᬢᬗᬦ᭄᭞ᬦᬾᬫᬗ᭄ᬓᬶᬦ᭄‌‌ᬭᬭᬶᬲ᭄ᬓᬧᬗ᭄ᬕᬶᬄ᭟ᬢᭂᬕᬮ᭄ᬧᬦᬗ᭄ᬲᬭᬦ᭄ᬦᬄᬘᬧ᭄‌ᬳᬶᬭᬶᬓᬳᬶᬤᬫᬭᬬ᭄ᬬᬦ᭄ᬕᭂᬮᬶᬲ᭄᭞ᬓᬗᭂᬦ᭄ᬳᬶᬤᬫᬗ᭄ᬭᬸᬗᬸ᭞ᬳᬢ᭄ᬫᬦᬾᬫᬲᬲ
ᬫ᭄ᬩᬢᬦ᭄᭞ᬳᬤᬸᬄᬩᬧᬓᬾᬦᬾᬮᬭᬦ᭄‌ᬢᬶᬢ᭄ᬬᬂᬧᬗ᭄ᬕᬸᬄ᭞ᬦ᭄ᬭᬓᬦᬾᬢᬦ᭄‌ᬓᭀᬤᬕ᭄‌ᬓᭀᬤᬕ᭄᭞ᬢᬦ᭄ᬲᬶᬤ᭄ᬥᬢᬶᬢ᭄ᬬᬂᬦᬦ᭄ᬤᬗᬶᬦ᭄᭟ᬳᬤᬸᬄᬫᬾᬫᬾᬢᬸᬮᬸᬂᬢᬶᬢ᭄ᬬᬂ᭞ᬳᬤᬸᬄᬩ
ᬧᬚᬸᬳᬂᬢᬶᬢ᭄ᬬᬂᬭᬶᬂᬕ᭄ᬮᬶᬲ᭄᭞ᬲᬧᬸᬦᬶᬓᬶᬢᬶᬢ᭄ᬬᬂᬮᬘᬸᬃ᭞ᬓᭂᬩᬸᬲ᭄ᬩᬳᬗᭂᬦ᭄ᬢᬓ᭄ᬗᭂᬦ᭄ᬢᬓ᭄᭞ᬢᬦ᭄ᬓᬯᬱᬢᬶᬢ᭄ᬬᬂᬫᬦᬳᬦᬂᬓᭂᬩᬸᬲ᭄᭞ᬩᬲ᭄ᬢᬦ᭄‌ᬯᬾᬦ᭄ᬢᭂᬦ᭄ᬧᬲᬬᬸᬩᬦ᭄᭞ᬍᬫᭂᬂᬍᬫᬄᬦᬦ᭄ᬤᬂᬲ᭄ᬤᬶᬄ᭟ᬳᬤᬸ [ 4 ][ ᭓ 3B]
᭓᭞
ᬭᬢᬸᬢᬸᬮᬸᬂᬢᬶᬢ᭄ᬬᬂ᭞ᬤᬸᬄᬳᭀᬮᬲᬶᬦ᭄ᬢᬶᬢ᭄ᬬᬂᬲᭂᬥᬶᬄᬓᬶᬗ᭄ᬓᬶᬂ᭞ᬦᬧᬶᬳᬶᬯᬂᬢᬶᬢ᭄ᬬᬂᬭᬢᬸ᭞ᬤᬸᬓᬾᬓᬭᬶᬫ᭄ᬭᬘᬧᬤ᭞ᬤᬸᬄᬓᬾᬦᬾᬲᬦ᭄ᬧᬗ᭄ᬕᬸᬄᬢᬶᬢ᭄ᬬᬂᬭᬢᬸᬳᬕᬸᬂ᭞ᬦᬯᭂᬕᬂᬚᬲᬸᬧᬢ᭄
ᬢᬶᬢ᭄ᬬᬂ᭞ᬫᬾᬧᬢᬶᬢ᭄ᬬᬂᬚᬕ᭄ᬚᬕᬶᬦ᭄᭟ᬳᬢ᭄ᬫᬳᬢ᭄ᬫᬦᬾᬫᬗᭂᬗ᭄ᬓᬓ᭄᭞ᬫᬗᬶᬲᭂᬓ᭄ᬳᬶᬲᭂᬓ᭄‌ᬲᬫᬶᬲᬶᬕ᭄ᬲᬶᬕᬦ᭄‌ᬲ᭄ᬥᬶᬄ᭞ᬫᬾᬫ᭄ᬩᭀᬦ᭄ᬭᬶᬂᬫᬤᭀᬭᬶᬮᬸᬢᬸᬓ᭄᭞ᬫᬤᭀᬭᬶᬓᬧᬦᭂ
ᬲᬦ᭄᭞ᬭᬾᬕᬾᬲ᭄ᬮᬶᬕᬶᬃ᭞ᬢᭀᬂᬳᬤᬓᬬᬸᬗᬋᬫ᭄ᬩᬸᬦ᭄᭞ᬤᬸᬄᬧᬤᬍᬫ᭄ᬧᬶᬲᬦ᭄ᬧᬶᬲᬦ᭄᭞ᬓᬗᭂᬦ᭄ᬢᬶᬢ᭄ᬬᬂᬫᬫᬶᬭᬕᬶ᭟ᬢᬦ᭄ᬓᭀᬘᬧᬦ᭄᭞ᬳᬢ᭄ᬫᬳᬢ᭄ᬫᬦᬾᬫᬗᭂᬗ᭄ᬓᬓ᭄᭞ᬓᬘ
ᬭᬶᬢᬲᬦᬾ ᬫᬗ᭄ᬓᬶᬦ᭄᭞ᬧᬮᬜ᭄ᬘᬄᬪᬝᬵᬭ᭞ᬲᬂᬚᭀᬮᭀᬫᬦᬶᬓ᭄ᬫᬗᬭᬦ᭄᭞ᬭᬶᬲ᭄ᬥᭂᬓ᭄ᬳᬶᬤᬓᬢᬗ᭄ᬓᬶᬮ᭄᭞ᬩᭂᬓ᭄ᬭᬶᬂᬩᬜ᭄ᬘᬶᬗᬄ᭞ᬫᬚᬚᬃᬚᬚᬃᬫᬮᬶᬗ᭄ᬕᬶᬄ᭟ᬲᬂᬲᬸᬭ
[ ᭔ 4A]
ᬢ᭄ᬫ᭞ᬯᬭᬯᬶᬓ᭄ᬭᬫᬧ᭄ᬭᬲᬫ᭞ᬓᬮᬳᬸᬧᬢᬫᬜᬦ᭄ᬤᬶᬂ᭞ᬧᬥᬧᬥᬲᬬᬕ᭞ᬲᬂᬚᭀᬕᭀᬃᬫᬦᬶᬓ᭄ᬳᬗᬸᬘᬧ᭄᭞ᬳᬩᬂᬘᬘᬶᬗᬓᬾᬗᭂᬦ᭄ᬤᬶᬄ᭞ᬧ᭄ᬭᬪᬯᬤᬸᬫᬶᬮᬄ᭞ᬘᬗ᭄ᬓᭂᬫᬾ
ᬜᭂᬩᬓ᭄ᬗᬗᭀᬩᬶᬦ᭄᭟ᬢᬸᬃᬗᬦ᭄ᬤᬶᬓ᭞ᬳᬶᬄᬫᬫᬦ᭄ᬧᬥᬫᬓᭂᬚᬂ᭞ᬦᬄᬳᭂᬦ᭄ᬢᭀᬢᬾᬢᬶᬗ᭄ᬳᬮᬶᬦ᭄᭞ᬳᬢ᭄ᬢᬳᬢ᭄ᬫᬢᭂᬓ᭞ᬫᬭᬶᬂᬢ᭄ᬕᬮ᭄ᬧᬦᬗ᭄ᬲᬭᬦ᭄᭞ᬓ᭄ᬯᬾᬄᬜᬢᬦ᭄ᬓᭂᬦᬯᬶᬮᬗᬶᬦ
᭄᭞ᬜᭂᬓ᭄ᬚᭂᬚᭂᬮ᭄ᬧᬶᬲᬦ᭄᭞ᬓᬾᬦ᭄ᬓᬾᬦᬂᬚᬦᬶᬗᬶᬢᬸᬗᬶᬦ᭄᭟ᬳᬋᬧ᭄ᬤᬶᬗ᭄ᬯᬂ᭞ᬧᬘᬂᬫᬶᬮᬭᬫᬓᭂᬚᬂ᭞ᬤᭀᬫᬱᬦ᭄ᬜᬦᬾᬢᬦᬶᬕᬶᬕᬶᬲ᭄᭞ᬲᬸᬫᬯᬸᬃᬯᬶᬓ᭄ᬭᬫ᭞ᬲᬫ᭄ᬩᬶᬮ᭄ᬫᬗᬗ᭄ᬕᬃᬧ᭄ᬤᬂ᭞ᬩᬗᬸᬦ᭄ᬢᬸ
ᬫᬸᬮᬶᬫᬜ᭄ᬭᬶᬢ᭄᭞ᬓᬮ᭄ᬲᭂᬫ᭄ᬧᬮ᭄‌ᬧᬂᬚᭂᬗ᭄ᬓᬃ᭞ᬓᬧᬸᬮᬂᬭᬶᬂᬓᬯᬄᬕ᭄ᬦᬶ᭟ᬲᬂᬲᬸᬭᬢ᭄ᬫ᭞ᬫᬮᬶᬄᬗᭂᬭᬓ᭄‌ᬓ᭄ᬭᬸᬭᬓᬭ᭞ᬫᬸᬜᬶᬦ᭄ᬦᬾᬗᭂᬦ᭄ᬦᬾᬗᭂᬜᭂᬓᬶᬦ᭄ᬕᬸᬫᬶ᭞ᬧᬘᬂᬧᬳᬶᬤ᭄ᬢᬶᬢ᭄ᬬᬂ᭞ᬧᬸᬮᬂᬭᬶᬂ [ 5 ][ ᭔ 4B]
᭔᭞
ᬕᭀᬄᬫᬸᬓ᭞ᬢᬸᬃᬧᬘᬂᬓᬳᬶᬳᬶᬲ᭄ᬳᬶᬳᬶᬲ᭄᭞ᬧᬂᬳᬶᬧᬸᬦ᭄ᬚᭂᬗ᭄ᬓᬂ᭞ᬳᬦ᭄ᬢᬸᬓ᭄ᬢᬶᬢ᭄ᬬᬫᬜᬓᬶᬢᬶᬦ᭄᭟ᬤᭀᬲᬦ᭄ᬜᬦᬾ᭞ᬯᭂᬭᬢ᭄ᬧᬶᬲᬦ᭄ᬫᬭᬶᬂᬍᬫᬄ᭞ᬳᬯᬶᬦᬦ᭄ᬧᬢᬸᬢ᭄‌ᬲᬓᬶᬢᬶᬦ᭄᭞ᬧᬸ
ᬦᬶᬓᬳᬸᬧᬄᬦ᭄ᬬ᭞ᬤᭀᬲᬦ᭄ᬜᬗᬸᬮᬸᬭᬶᬦ᭄ᬫᬦᬄ᭞ᬲᬧᬸᬦᬶᬓᬲᬃᬯ᭄ᬯᬶᬦᬶᬗ᭄ᬓ᭄ᬭᬶᬓ᭄᭞ᬫᬮᬶᬄᬗᬦ᭄ᬤᬶᬓ᭞ᬲᬂᬚᭀᬄᬕᬵᬃᬫᬦᬶᬓ᭄ᬫᬜᭂᬭᬶᬢ᭄᭟ᬮᬫᬸᬦ᭄ᬓᬾᬢᭀ᭞ᬓᭂᬫᬓᬾᬫᬫᬦ᭄ᬳᬾᬗ᭄ᬕᬮᬂ᭞
ᬢᭂᬧᬓ᭄ᬢᭂᬗᭂᬭᬦᬾᬕ᭄ᬮᬶᬲ᭄᭞ᬳᬧᬂᬧᬥᬢᭂᬓ᭞ᬧᬮᬜ᭄ᬘᬄᬪᬝᬵᬭᬲᬫ᭄ᬬᬦ᭄᭞ᬧᬸᬢᬸᬲᬦᬾᬫᬸᬗ᭄ᬕᬄᬭᬭᬶᬲ᭄᭞ᬫᬭᬶᬂᬯᬦ᭄ᬤᬶᬭ᭞ᬓᬸᬮ᭄ᬓᬸᬮᬾᬫᬗᭂᬫ᭄ᬩᬸᬢ᭄ᬫᬗ᭄ᬓᬶᬦ᭄᭟ᬫᬩ᭄ᬬᬬ᭄ᬯᬦ᭄᭞ᬫᬸᬜᬶᬦ᭄ᬓᬸᬮ᭄ᬓᬸ
ᬮᬾᬫᬸᬭᬳᬦ᭄᭞ᬧᬜ᭄ᬚᬓᬾᬭᬯᬸᬄᬧᬤᬶᬗ᭄ᬓ᭄ᬭᬶᬓ᭄᭞ᬯᬾᬦ᭄ᬢᭂᬦ᭄ᬗᬸᬦᬸᬲ᭄ᬧᭂᬤᬂ᭞ᬯᬾᬦ᭄ᬢᭂᬦ᭄ᬗᬸᬦᬸᬲ᭄ᬧᭂᬤᬂ᭞ᬯᬾᬦ᭄ᬢᭂᬦ᭄ᬳᬗ᭄ᬕᬭᬂᬢᬄ᭞ᬯᬾᬦ᭄ᬢᭂᬦ᭄ᬦᬾᬗᬸᬬᭂᬂᬕᬕᬶᬢᬶᬓ᭄᭞ᬫᬗᬗ᭄ᬕᬃᬩᭀᬓᬢ᭄᭞ᬯᬾᬦ᭄ᬢᭂᬦ᭄ᬢᬸᬫ᭄ᬩᬓ᭄‌ᬯᬾᬦ᭄ᬢᭂᬦ᭄
[ ᭕ 5A]
ᬓ᭄ᬭᬶᬲ᭄᭟ᬲᬫᬶᬗ᭄ᬭᬓ᭄᭞ᬫᬲᬸᬃᬬ᭄ᬬᬓ᭄‌ᬗᭀᬜᬗᬂᬓᭂᬮᬢ᭄᭞ᬲᬃᬯ᭄ᬯᬶᬬᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬗᬶᬕᭂᬮᬂᬲᬜ᭄ᬚᬢ᭞ᬕᬮᬓ᭄ᬜᬫᬫᬓ᭄ᬧᬓ᭄ᬫᬫ᭄ᬧᬓ᭄᭞ᬓ᭄ᬭᬸᬭᬫᬗᬺᬲᬺᬲᬶᬂᬳᬢᬶ᭞ᬓᬦ᭄ᬤᬸᬕᬶᬓᭀᬘ
ᬧ᭄᭞ᬭᬶᬂᬧᬸᬭᬶᬲᬸᬯᬸᬂᬲᬶᬧᬶ᭟ᬓᬘᬭᬶᬢ᭞ᬯᬸᬲ᭄ᬭᬯᬸᬄᬭᬶᬂᬧᬦᬗ᭄ᬲᬭᬦ᭄᭞ᬲᬚᭀᬕᭀᬃᬫᬦᬶᬓ᭄ᬫᬜᭂᬭᬶᬢ᭄᭞ᬳᬸᬤᬸᬄᬫᬫᬦ᭄ᬧᬥ᭞ᬦᬾᬚᬦᬶᬫᬗᬳᬦ᭄ᬕᬮᬄ᭞ᬫᬺᬚᬬᬳᬢ᭄ᬫᬦᬾᬲᬫᬶ᭞ᬤᭀ
ᬲᬦ᭄ᬬᬘᭀᬭᬄ᭞ᬳᬢ᭄ᬫᬦᬾᬫ᭄ᬮᬳᬶᬩ᭄ᬫᬗᬶᬮᬶᬤ᭄᭟᭐᭟ᬳᬤ᭄ᬭᬶ᭟ᬓᬩᬶᬦᬸᬭᬸᬳᬢ᭄ᬫᬦᬾᬫᬮᬳᬶᬩ᭄ᬮᬩᬸᬄ᭞ᬓᬮᬦ᭄ᬢᬶᬕ᭄‌ᬢᬸᬦ᭄ᬤᬸᬦ᭄ᬦᬾ᭞ᬳᬦᬓᬲᬳᬸᬧ᭄ᬓᬧᬦ᭄ᬘᬶᬂ᭞ᬳᬤᬢ᭄ᬓᬚᬕ᭄ᬫᬗᬸᬢ᭄ᬕᬸᬢ᭄
᭞ᬳᬤᬦᬶᬜ᭄ᬚᬓ᭄ᬳᬤᬜᭂᬓᬸᬓ᭄᭞ᬳᬤᬫᬳᬶᬤ᭄ᬫᬫᬺᬕᬾᬤᬾᬕ᭄᭞ᬓᬦ᭄ᬢᬶᬫᬜᭂᬭᬶᬢ᭄ᬫᬗᬤᬸᬄ᭞ᬳᬸᬬᬸᬢ᭄ᬳᬢ᭄ᬫᬦᬾᬫᬗᭂᬗ᭄ᬓᬓ᭄᭞ᬓᬕᬸᬮᬸᬂᬓᬚᭂᬗ᭄ᬓᬚᭂᬗ᭄ᬓ᭟ᬲᬂᬘᬶᬓ᭄ᬭᬩᬮᬫᬫᬸ [ 6 ][ ᭕ 5B]
᭕᭞
ᬜᬶᬗᭂᬮᬸᬃ᭞ᬢᬳᬦᬂᬤᭀᬲᬦᬾ᭞ᬓᬤᬾᬦ᭄ᬕᬫ᭄ᬧᬂᬦᭀᬗᭀᬲ᭄ᬤᬶᬦᬶ᭞ᬓᬤᬾᬦᬵᬕᬫ᭄ᬧᬂᬗᬮᬶᬄᬳᬬᬸ᭞ᬢᬸᬢᬸᬃᬚᬢᬶᬢ᭄ᬯᬭᬕᬸᬕᬸ᭞ᬳᬢ᭄ᬫᬦᬾᬦᬗᬶᬲ᭄‌ᬦ᭄ᬤᬸᬮᬫᬾ᭞ᬮᬾᬦ᭄ᬳᬤ
ᬫᬗᬸᬮᬸᬦ᭄ᬳᬸᬮᬸᬦ᭄᭞ᬲᬶᬕ᭄ᬲᬶᬕᬦ᭄ᬧᬥᬫᬕᬸᬬᬂ᭞ᬳᬤᬗᭂᬮᬶᬂᬕᬸᬯᬕᬸᬯᬃ᭟ᬓᬓᭂᬧᬸᬂᬳᬢ᭄ᬫᬦᬾᬓᬗᬶᬦ᭄ᬓᬯᬸᬄ᭞ᬧᬩᬼᬲᬢ᭄ᬧ᭄ᬮᬳᬶᬩ᭄ᬦᬾ᭞ᬓᬚᬓ᭄ᬚᭀᬤ᭄ᬤᬤᬶᬧᬮᬶᬂ᭞ᬚᬕ᭄ᬓᬢᭂᬩᬄᬢᬸ
ᬦ᭄ᬤᬸᬦ᭄ᬳᬶᬧᬸᬦ᭄᭞ᬧᬓ᭄ᬱᬶᬭᬚᬦᬾ ᬫᬫ᭄ᬩᬸᬭᬸ᭞ᬢᬦ᭄ᬲᬄᬓᬘᭀᬢᭀᬮ᭄ᬫᬢᬦ᭄ᬦᬾ᭞ᬘᬾᬮᬾᬗᬾᬢ᭄ᬓᬫᬗᬸᬢ᭄ᬕᬸᬢ᭄᭞ᬤᭀᬲᬦ᭄ᬜᬦᬾᬮᬶᬦ᭄ᬢᬂᬩ᭄ᬭᬢ᭄᭞ᬤ᭄ᬫᭂᬦ᭄ᬜᬓᬶᬢᬶᬦ᭄ᬩᬗᬸᬭ᭄ᬯᬦ᭄᭟ᬲᬂᬘᬶ
ᬓ᭄ᬭᬩᬮᬫᬮᬶᬄᬫᬗᭂᬮᬸᬂ᭞ᬢᬳᬦᬂᬳᬶᬩᬦᬾ ᭞ᬳ᭄ᬬᬂᬬᬫᬦᬶᬮᭀᬓᬳᬶᬓᬶ᭞ᬢᬶᬤᭀᬂᬰ᭄ᬯᬃᬕ᭄ᬕᬧᬘᬂᬧᬗ᭄ᬕᬸᬄ᭞ᬳᬤᭀᬄᬰ᭄ᬯᬃᬕ᭄ᬕᬦᬾᬓᬢᭂᬧᬸᬓ᭄᭞ᬲᬸᬓᭂᬄᬤᬤᬶᬚᬼᬫᬦᬾ᭞ᬢ᭄ᬯᬭᬤ᭄ᬫᭂ
[ ᭖ 6A]
ᬦ᭄ᬓᬃᬤ᭄ᬥᬶᬳᬬᬸ᭞ᬢ᭄ᬯᬭᬫᬦᬸᬢ᭄ᬧᬭᬶᬓ᭄ᬭᬫ᭞ᬤ᭄ᬫᭂᬦ᭄ᬦᬸᬗ᭄ᬓᬲᬶᬦ᭄ᬳᬕᬫ᭟ᬮᬫᬸᬦ᭄ᬫᬦᬤᬶᬫᬦᬸᬱᬳᬶᬤᬸᬧ᭄᭞ᬤᬚᬢᭂᬓᬗᭂᬢᬾᬄ᭞ᬩ᭄ᬯᬶᬦ᭄‌ᬤᬚᬗᬍᬗᬶᬢ᭄᭞ᬩ᭄ᬯᬶᬦ᭄ᬳᭂᬤᬤ᭄ᬫᭂᬦ᭄ᬧᭂᬗ᭄ᬓᬸᬂ᭞ᬗ
ᬮᬶᬄᬩ᭄ᬭᬢᬳᬸᬮᬶᬳᬮᬸᬄ᭞ᬳᭂᬤᬤ᭄ᬫᭂᬦ᭄ᬗᬯᬾᬚᭂᬮᬾ ᭞ᬰᬩ᭄ᬤᬦ᭄ᬲᬂᬭᬫᬦᬾᬢᬸᬢᬸᬢ᭄᭞ᬳᭂᬤᬫ᭄ᬮᭀᬕ᭄‌ᬫ᭄ᬮᭀᬕ᭄ᬢᬶᬫ᭄ᬧᬮ᭄᭞ᬲᬶᬦᬄᬰ᭄ᬯᬃᬕ᭄ᬕᬦᬾᬧᬸᬧᬸᬳᬂ᭟ᬳᬓ᭄ᬯᬾᬄᬳᬢ᭄ᬫᬦᬾᬫᬓᬸᬫ᭄ᬧᬸ
ᬮ᭄ᬓᬸᬫ᭄ᬧᬸᬮ᭄᭞ᬦᬗᬶᬲ᭄ᬓᬳᬾᬭᬗᬾ᭞ᬲᬫᬶᬧᬥᬲ᭄ᬥᬶᬄᬓᬶᬗ᭄ᬓᬶᬂ᭞ᬳᬤᬳᬦᬾᬢᬸᬮᬸᬂᬢᬸᬮᬸᬂ᭞ᬦᬗᬶᬂᬯᭀᬂᬳᬤᬗᬭᬸᬗᬸ᭞ᬤᬸᬄᬭᬢᬸᬢᬶᬢ᭄ᬬᬓᬓᬾᬦᬾ᭞ᬘᬶᬗᬓ᭄ᬢᬶᬢ᭄ᬬᬂᬭᬢᬸᬳᬕᬸᬂ᭞ᬲᬤᬶᬦᬦᬦ᭄ᬤᬂ
ᬲᬗ᭄ᬲᬭ᭞ᬢᭀᬂᬲᬶᬤ᭄ᬥᬩᬳᬦ᭄ᬦᬳᬦᬂ᭟ᬕᬚᬄᬚᬭᬦᬾᬢ᭄ᬓᬫᬫ᭄ᬩᬸᬭᬸ᭞ᬓᬚᭂᬓ᭄ᬚᭂᬓ᭄‌ᬳᬢ᭄ᬫᬦᬾ᭞ᬧᬓ᭄ᬱᬶᬭᬚᬦᬾᬜᬦ᭄ᬤᭂᬭᬶᬦ᭄᭞ᬳᬢ᭄ᬫᬦᬾᬧᬥᬜᬮᬸᬩ᭄ᬲᬸᬩ᭄᭞ᬳᬤᬮ [ 7 ][ ᭖ 6B]
᭖᭞
ᬩᬸᬄᬩᬩᬓ᭄ᬩᭂᬮᬸᬃ᭞ᬮᬮᬳᬶᬩ᭄ᬧᬥᬕᬾᬭᬾᬢ᭄ᬓᬾᬢ᭄ᬓᬾᬢ᭄᭞ᬳᬤᬓᬾᬧᬾᬓ᭄ᬳᬤᬳᭂᬮᬸᬂ᭞ᬳᬤᬧᬳᬦ᭄ᬜᬦᬾᬳ᭄ᬜᬕ᭄᭞ᬳᬤᬦᬾᬗᬢᬸᬭᬂᬲᭂᬫ᭄ᬩᬄ᭟ᬲᬂᬘᬶᬓ᭄ᬭᬩᬮᬫᬮᬶᬄ
ᬫᬗᭂᬧᬸᬂ᭞ᬧᬗᬼᬲᬢ᭄ᬳᬢ᭄ᬫᬦᬾ ᭞ᬓᬚᭂᬓ᭄ᬚᭂᬓ᭄ᬓᬧᬸᬦ᭄ᬢᬂᬧᬦ᭄ᬢᬶᬂ᭞ᬳᬤᬮᬾᬦ᭄ᬢᭂᬳᬫᬗᬧ᭄ᬮᬓ᭄᭞ᬳᬤᬦᬶᬦ᭄ᬚᬓ᭄ᬳᬤᬜᬕᬸᬂ᭞ᬳᬤᬓᬩᬓᬍᬲᬸᬗᬾ᭞ᬳᬢ᭄ᬫᬦᬾᬤᬶᬢᬸᬓᬳᬶ
ᬜ᭄ᬘᬸᬓ᭄᭞ᬮᬾᬦ᭄ᬳᬤᬳᬦᬾᬓᬧᭂᬦ᭄ᬢᬂ᭞ᬳᬢ᭄ᬫᬦᬾᬗᭂᬮᬶᬂᬧᬓ᭄ᬭ᭄ᬬᬓ᭄᭟ᬳᬸᬮᬸᬦ᭄ᬳᬢᬶᬦ᭄ᬜᬦᬾᬓᬢᬸᬲᬸᬓ᭄ᬢᬸᬲᬸᬓ᭄᭞ᬗᬤᬦᬾᬓᬮᬦ᭄ᬢᬾ᭞ᬤᬶᬢ᭄ᬕᬮᬾᬧᬕᬸᬮᬶᬮᬶᬂ᭞ᬧᬤᬢᬸᬲᬶᬂ
ᬤᬤᬶᬩᬗᬸᬦ᭄᭞ᬫᬗ᭄ᬮᬶᬂᬧᬥᬧᬳᭂᬗ᭄ᬓᬸᬄ᭞ᬮᬶᬤᬶᬦ᭄ᬓᭂᬩᬾᬲ᭄‌ᬓᬾᬩᬾᬃᬓᬾᬩᬾᬃ᭞ᬓᭂᬩᬸᬲ᭄ᬩᬳᬂᬩᬸᬓᬢᬫ᭄ᬩᬸᬲ᭄᭞ᬳᬾ ᬮᬶᬗᬾᬫᬗᭂᬢᬸᬲ᭄ᬫᬦᬄ᭞ᬧᬚ᭄ᬭᬶᬢ᭄ᬫᬦᬕᬶᬄᬲᬸᬧᬢ᭄᭟ᬮ
[ ᭗ 7A]
ᬬᭀᬦ᭄ᬲᬭᬶ᭟ᬳᬮᬶᬳᬂᬘᬭᬶᬢᬩ᭄ᬯᬶᬦ᭄᭞ᬳᬢ᭄ᬫᬦᬾᬓᬮᬭᬦ᭄᭞ᬫᬕᬦ᭄ᬢᬸᬂᬤᬶᬢᬶᬬᬶᬂᬲ᭄ᬢᬸᬂ᭞ᬬᬾᬦ᭄ᬳᬤᬤᬶᬚᬫ᭄ᬩᬗᬦ᭄᭞ᬮᬾᬦ᭄ᬳᬤᬫᬭᬶᬂᬗᭂᬦ᭄ᬤᬶᬢ᭄᭞ᬮᬾᬦ᭄ᬳᬤᬫᬭᬶᬂᬯᬢᬸ᭞ᬮᬾᬦ᭄ᬳᬤᬤᬶᬩᬢ
ᬦ᭄ᬓᬬᬸᬘᬸᬭᬶᬕ᭟ᬧᬚ᭄ᬭᬶᬢ᭄ᬧᬤᬫᬗ᭄ᬮᬶᬂ᭞ᬦᬕᬶᬄᬤᬸᬤᬸᬓ᭄ᬦᬕᬶᬄᬲᬸᬧᬢ᭄᭞ᬲᬓᬶᬢ᭄ᬲᬦ᭄ᬢᬶᬢ᭄ᬬᬂᬫᬕᬦ᭄ᬢᬸᬂ᭞ᬳᭂᬜᬾᬦ᭄ᬲᬶᬄᬳᬦᬓᬾᬗᭀᬮᬲ᭄᭞ᬫᬂᬳᬗ᭄ᬓᬶᬤᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬲ᭄ᬧᬶᬧᬶᬲ᭄ᬢᬶᬢ᭄ᬬᬂ
ᬮ᭄ᬬᬸ᭞ᬧᬘᬂᬳᬸᬧᬄᬳᬤᬸᬄᬳᬧᬚ᭄ᬯᬫᬓᬤ᭟ᬳᬤᬦᬾᬫᬗᬸᬮᬸᬦ᭄ᬗᭂᬮᬶᬂ᭞ᬓᬲᬄᬓᬲᬧᬾᬢᬶᬲᬫ᭄ᬩᬢ᭄᭞ᬳᬤᬩᬗ᭄ᬓ᭄ᬬᬂᬜᬦᬾᬳᭂᬮᬸᬂ᭞ᬳᬤᬳᬯᬓ᭄ᬜᬦᬾᬧᬾᬘᬮ᭄᭞ᬮᬾᬦ᭄ᬳᬤᬫᬕᬸᬮᬶ
ᬮᬶᬂ᭞ᬮᬾᬦ᭄ᬫᬢᬦ᭄ᬜᬦᬾ ᬧᭂᬲᬸ᭞ᬮᬾᬦ᭄ᬳᬤᬲᭂᬲᬸᬩᬲᬂᬫᬩ᭄ᬭᬭᬓᬦ᭄᭟ᬳᬤᬸᬄᬭᬢᬸᬤᭀᬂᬢᬸᬮᬸᬗᬶᬦ᭄᭞ᬢᬶᬢ᭄ᬬᬂᬓᬲᬓᬶᬢᬦ᭄᭞ᬤᬾᬯᬾᬓᬵᬢᬶᬢ᭄ᬬᬂᬋᬜᬸᬄ᭞ᬳᬶᬗ᭄ᬕᬶᬄᬫᬾᬫᬾᬢᬸᬮᬸᬂ [ 8 ][ ᭗ 7B]
᭗᭞
ᬢᬶᬢ᭄ᬬᬂᬕ᭄ᬮᬶᬲ᭄ᬕᭂᬮᬶᬲ᭄‌ᬫᬾᬫᬾᬫ᭄ᬭᬶᬓᬶ᭞ᬓᬾᬦᬾᬢᬶᬢ᭄ᬬᬂᬦᬦ᭄ᬤᬂᬓᭂᬩᬸᬲ᭄᭞ᬳᬤᬸᬄᬤᬾᬯᬪᬝᬵᬭᬮᬮᬸᬳᬸᬃᬢᬶᬢ᭄ᬬᬂ᭟ᬲᬂᬘᬶᬓ᭄ᬭᬩᬮᬫᬦᭂᬗ᭄ᬓᬶᬓ᭄᭞ᬢᬫ᭄ᬧᬶᬩ᭄ᬯᬶᬦ᭄‌ᬦᬾᬦᬾᬦ
ᬦ᭄᭞ᬲᬂᬳᬢ᭄ᬫᬫᬳᬢᬸᬃᬳᬮᬸᬲ᭄᭞ᬢᬦ᭄ᬓᬯᬰᬭᬢᬸᬢᬶᬢ᭄ᬬᬂ᭞ᬫᬦᬳᬦᬂᬲᬧᬸᬦᬶᬓᬶ᭞ᬤᬾᬯᬾᬓ᭄ᬢᬶᬢ᭄ᬬᬂᬮᬾᬧᬾᬓᬵᬮᬬᬸ᭞ᬳᬤᬸᬄᬤᬾᬯᬢᬗᬶᬲ᭄ᬦ᭄ᬬᬫᬗᭂᬢᬸᬲ᭄ᬫᬦᬄ᭟
ᬯᬾᬦ᭄ᬢᭂᬦ᭄ᬳᬢ᭄ᬫᬫᬗ᭄ᬓᭂᬩ᭄ᬗᬶᬮᬶᬤ᭄᭞ᬫᬦᬦ᭄ᬤᬂᬓᬮᬭᬦ᭄᭞ᬤᬶᬩᭀᬗ᭄ᬓᭀᬮ᭄ᬓᬬᬸᬦᬾᬗᭂᬗ᭄ᬲᬸᬩ᭄᭞ᬳ᭄ᬮᬾᬦ᭄ᬓᬤᬓᬬᬓ᭄ᬓᬬᬓ᭄᭞ᬩ᭄ᬯᬶᬦ᭄ᬳᬤᬲᭂᬗᬶᬲᭂᬗᬶ᭞ᬤᬶᬢᬸᬬᬓᬳᬫ᭄ᬩᬶ
ᬮ᭄ᬮᬯᬸᬢ᭄᭞ᬓᬘᬼᬫ᭄ᬧᬸᬗᬂᬤᬶᬚᬫ᭄ᬩᬗᬦ᭄‌ᬓ᭄ᬮᬾᬧᬢ᭄ᬓᭂᬮ᭄ᬧᬢ᭄᭟ᬲᬂᬘᬶᬓ᭄ᬭᬩᬮᬦᬾᬚᬦᬶ᭞ᬳᬶᬚᬸᬫᬗ᭄ᬮᬾᬤᭀᬓᬂ᭞ᬓᬄᬳᬢ᭄ᬫᬦᬾᬲ᭄ᬬᬸᬢᬮᬶ᭞ᬚᬫ᭄ᬩᬗᬦᬾᬫᬮ᭄ᬯᬩ᭄

[ ᭘ 8A]
ᬮ᭄ᬯᬩ᭄᭞ᬳᬢ᭄ᬫᬦᬾᬫᬗᬤᬸᬄᬜᭂᬭᬶᬢ᭄᭞ᬢᬸᬮᬸᬂᬢᬶᬢ᭄ᬬᬂᬭᬢᬸᬳᬕᬸᬂ᭞ᬩᬲ᭄ᬓᬮᬶᬯᬢ᭄ᬳᬶᬭᬢᬸᬜᬓᬶᬢᬶᬦ᭄ᬢᬶᬢ᭄ᬬᬂ᭟ᬲᬂᬘᬶᬓ᭄ᬭᬩᬮᬫᬦᭂᬗ᭄ᬓᬶᬓ᭄᭞ᬳᬶᬄᬫᬭᬗ᭄ᬭᬲ᭞ᬲᬓᬶᬂᬳᬶᬩᬳ
ᬢ᭄ᬫᬮᬸᬘᬸ᭞ᬲᬂᬳᬢ᭄ᬫᬫᬳᬢᬸᬃᬲᭂᬫ᭄ᬩᬄ᭞ᬭᬢᬸᬢᬶᬢ᭄ᬬᬂᬭᬭᬲ᭄ᬳᬸᬭᬶᬧ᭄᭞ᬲᬸᬧᬢ᭄ᬢᬶᬢ᭄ᬬᬂᬤᬾᬯᬭᬢᬸ᭞ᬓᬧᭀᬓ᭄ᬢᬶᬢ᭄ᬬᬂᬧᬘᬂᬫᬮᬓ᭄ᬱᬡᬘᭀᬭᬄ᭟ᬲᬂᬓᬮᬗᬦ᭄ᬤᬶᬓᬫᬗ᭄ᬓᬶᬦ᭄
᭞ᬦᬾᬳᬢ᭄ᬫᬫᬓᭂᬚᬂ᭞ᬳᬶᬭᬲᬤ᭄ᬬᬳᬜᬸᬧᬢ᭄ᬫᬸ᭞ᬓᬶᬫᬳᬶᬩᬫᬲᬬᬸᬩᬦ᭄᭞ᬤᬶᬩᬢᬦ᭄ᬓᬬᬸᬦᬾᬗᭂᬢᬶᬲ᭄᭞ᬳᬢ᭄ᬫᬦᬾᬫᬮᬳᬶᬩ᭄ᬮᬯᬸᬢ᭄᭞ᬍᬕᬧᬶᬲᬦ᭄ᬤᬶᬩᬢᬦ᭄ᬓ
ᬬᬸᬘᬸᬭᬶᬕ᭟ᬪᬸᬢᬲᬶᬫ᭄ᬩᬂᬫ᭄ᬦᬾᬓ᭄ᬭᬭᬶᬲ᭄᭞ᬳᬕᬾᬫᬗᭀᬘᭀᬓᬂ᭞ᬓ᭄ᬭᬶᬲ᭄ᬢᬸᬫ᭄ᬩᬓ᭄ᬧᬥᬳᬸᬮᬸᬂ᭞ᬫᬦᬶᬩᬦᬶᬧᬸᬦᬂᬳᬢ᭄ᬫ᭞ᬤᬶᬢᬸᬧᬥᬬᬫᬜᭂᬭᬶᬢ᭄᭞ᬲᬫᬶᬧ [ 9 ][ ᭘ 8B]
᭘᭞
ᬨᬢᬸᬮᬸᬂᬢᬸᬮᬸᬂ᭞ᬳᬤᬸᬄᬤᬾᬯᬫᬮᬶᬄᬢᬶᬢ᭄ᬬᬂᬓᬲᬗ᭄ᬲᬭᬦ᭄᭟ᬳᬤᬮᬾᬦ᭄ᬓᬘ᭄ᬭᬶᬢᬩᬸᬯᬶᬦ᭄᭞ᬳᬢ᭄ᬫᬦᬾᬫᬧᬲᬄ᭞ᬳᬤᬳᬦᬾᬚᭂᬧᬶᬢ᭄ᬩᬢᬸ᭞ᬧᬚ᭄ᬭᬶᬢ᭄‌ᬬᬳᭂᬗ᭄ᬓᬓ᭄
ᬳᭂᬗ᭄ᬓᬓ᭄᭞ᬢᭂᬦ᭄ᬤᬲ᭄ᬦᬾᬬᬩᬸᬓᬳᬸᬮᬶᬕ᭄᭞ᬲᬲᬫ᭄ᬩᬢᬾᬧᬢᬶᬚᭂᬮᬫᬸᬢ᭄᭞ᬓᬳᬶᬮᬭᬤᭀᬱᬦᬾ ᬢᬦ᭄ᬫᬦᬸᬢ᭄‌ᬓ᭄ᬭᬫ᭟ᬲᬂᬪᬸᬢᬗᬦ᭄ᬤᬶᬓᬩᬸᬯᬶᬦ᭄᭞ᬤᬸᬄᬦᬾᬳᬶᬩ
ᬳᬢ᭄ᬫ᭞ᬓᬰ᭄ᬯᬃᬕ᭄ᬕᬦ᭄ᬤᬶᬢᬸᬫᬗᬬᬸᬩ᭄᭞ᬳ᭄ᬦᬾᬢᬶᬢᬶᬦᬾᬳᬶᬗᬫ᭄ᬩᬄ᭞ᬳᬢ᭄ᬫᬦᬾᬭᬭᬶᬲ᭄ᬫᬫᬃᬕ᭄ᬕᬶ᭞ᬤᬶᬩᭂᬢᬾᬦ᭄ᬦᬾᬕ᭄ᬦᬶᬫᬸᬭᬸᬩ᭄᭞ᬯᬸᬲ᭄ᬤᬶᬢ᭄ᬗᬄᬤᬶᬢᬸᬮᬯᬸᬢ᭄ᬓᬢᬸᬮᬸᬤᬂ᭟᭐᭟
ᬲ᭄ᬫᬭᬦ᭄ᬥᬦ᭞ᬓᭀᬘᬧ᭄ᬦᬾᬗᬸᬮᬸᬭᬶᬦ᭄ᬩᬸᬤᬶ᭞ᬤᬶᬫᬺᬘᬧᬤᬫᬲᭀᬮᬄ᭞ᬫᬗᬾᬦ᭄ᬤᬄᬧᬾᬮᬄ᭞ᬲᭀᬮᬳᬾ᭞ᬓᬲᬶᬲᬶᬧᬂᬲ᭄ᬬᬸᬢᭂᬫ᭄ᬯᬂ᭞ᬤᭀᬱᬦ᭄ᬜᬦᬾᬩ᭄ᬭᬢ᭄ᬧᬶᬲᬦ᭄

[ ᭙ 9A]
᭞ᬓᬩᭂᬤ᭄ᬩᭂᬤ᭄ᬭᬶᬂᬓᭂᬧᬸᬄᬭᬗ᭄ᬤᬸ᭞ᬚ᭄ᬭᬢ᭄ᬚ᭄ᬭᬶᬢ᭄‌ᬦᬦ᭄ᬤᬂᬮᬭ᭟ᬳᬦᬾᬤ᭄ᬫᭂᬦ᭄‌ᬫᬦᬸᬜ᭄ᬚᭂᬮᬶᬦ᭄᭞ᬧᬸᬭᬲᬗ᭄ᬕᬄᬫ᭄ᬯᬂᬳᬸᬫᬄ᭞ᬓᬮᬶᬦ᭄ᬢᬂᬮᬶᬦ᭄ᬢᬂᬲᬶᬲᬶᬧᬾ᭞ᬓᬢᬸᬜ᭄ᬚᬮ᭄‌ᬢ᭄ᬯᬭᬚᬗ᭄ᬓᬬᬦ᭄᭞ᬩ
ᬲ᭄ᬳᬶᬭᬶᬢ᭄ᬓᬾᬦ᭄‌ᬩ᭄ᬭᬬ᭞ᬮᬶᬫᬩᬢᬶᬲᬾᬓᬳᬶᬫ᭄ᬧᬸᬲ᭄᭞ᬪᬸᬢᬤᬸᬤᬸᬫᬫᬶᬮᬭᬦᬾᬤ᭄ᬫᭂᬦ᭄‌ᬗᬸᬯᬸᬕᬂᬕᬸᬫᬶ᭞ᬓ᭄ᬦᭂᬄᬦᬾᬮᬶᬯᬢ᭄‌ᬘᬸᬮᬶᬓ᭞ᬢᬦ᭄ᬫᬭᬶᬗᬯᬾᬋᬩᬢᬾ᭞ᬭᬶᬂ
ᬤᬰᬢ᭄ᬯᬶᬦ᭄ᬭᬶᬂᬩᬜ᭄ᬚᬃ᭞ᬪᬸᬢᬚᬶᬭᬂᬫᬜᬶᬲᬶᬧᬂ᭞ᬮᬸᬯᬶᬄᬦ᭄ᬭᬓᬦᬾᬓᬲᬮᬸᬓ᭄᭞ᬓᬤᬾᬭᬾᬲ᭄ᬤᬾᬭᬾᬲ᭄ᬳᬯᬓ᭄ᬦ᭄ᬬ᭟ᬯᬾᬦ᭄ᬢᭂᬦ᭄ᬳᬢ᭄ᬫᬩᬕᬸᬲ᭄ᬕᭂᬜ᭄ᬚᬶᬂ᭞ᬲᬦᬾᬫᬗ᭄ᬓᬶᬦ᭄ᬯᬳᬸᬧ᭄ᬭᬧ᭄ᬢ᭞
ᬢᬸᬫᬸᬮᬶᬗᬮᬸᬲ᭄ᬳᬢᬸᬭᬾ᭞ᬢᬶᬢ᭄ᬬᬂᬫᬗᬢᬸᬭᬂᬲᭂᬫ᭄ᬩᬄ᭞ᬳᬢᬸᬃᬦ᭄ᬬᬫᬗ᭄ᬮᬤ᭄ᬧ᭄ᬭᬡ᭞ᬫᬶᬦᬩ᭄ᬳᬶᬧᬸᬦ᭄‌ᬦᬾᬦ᭄ᬢᭂᬦ᭄ᬢᬳᬸ᭞ᬤᬾᬯᬾᬓᬵᬜᬧᬘᬓᬮᬭᬦ᭄᭟ᬲᬂᬚᭀᬕᭀᬃᬫᬦᬶ [ 10 ][ ᭙ 9B]
᭙᭞
ᬓ᭄ᬫᬦᭂᬗ᭄ᬓᬶᬓ᭄᭞ᬧᬗᬸᬘᬧᬾ ᬓ᭄ᬭᬸᬭᬓᬭ᭞ᬩᬗ᭄ᬭᬲ᭄ᬧᬶᬲᬦ᭄ᬧᬶᬢᬓᭀᬦᬾ᭞ᬳᬶᬄᬳᬢ᭄ᬫᬳᬶᬩᬧ᭄ᬭᬧ᭄ᬢ᭞ᬫᬢᬶᬓᬾᬦ᭄ᬓᬾᬦ᭄‌ᬳ᭄ᬦᬾᬳᬶᬩ᭞ᬲᬂᬳᬢ᭄ᬫᬳᬮᭀᬦ᭄ᬳᬸᬫᬢᬸᬃ᭞ᬢᬶᬢ᭄ᬬᬂᬫᬢᬶᬓ
ᬕ᭄ᬭᬶᬗᬦ᭄᭟ᬯᬶᬱᬬᬳᭀᬭᬳᬂᬚᬦᬶ᭞ᬤᬸᬓᬾ ᬳᬶᬤᬸᬧᬾᬤᬶᬍᬫᬄ᭞ᬢᬶᬢ᭄ᬬᬂᬤ᭄ᬫᭂᬦ᭄ᬫᬫᬜ᭄ᬘᬦᬾᬦ᭄᭞ᬫᬦᭂᬩᭂᬓ᭄ᬜᬫᬩ᭄ᬭᬬ᭞ᬤ᭄ᬫᭂᬦ᭄ᬫᬫᬭᬜ᭄ᬘᬩᬦ᭄᭞ᬬᬾᬦ᭄ᬳᬶᬧᬸᬦ᭄ᬢᬦ᭄ᬳᭂᬜ
ᬓ᭄ᬢᬸᬭᬸᬢ᭄᭞ᬲᬧᬸᬦᬶᬓᬕᬯᬾᬦ᭄ᬢᬶᬢ᭄ᬬᬂ᭟ᬲᬂᬚᭀᬕᭀᬃᬫᬦᬶᬓ᭄‌ᬦᬾᬫᬗ᭄ᬓᬶᬦ᭄ᬫᬗᭂᬭᬓ᭄‌ᬗᭀᬜᬗᬂᬓᬶᬮᬢ᭄᭞ᬚᬦᬶᬢᬳᬦᬂᬳᬶᬩᬦᬾ ᭞ᬦᬾ ᬓᬳᬶᬫᬳᬂᬳᬸᬧᬄ᭞ᬓ
ᬚᭂᬫᬓ᭄ᬓᬘᭂᬍᬫ᭄ᬧᬸᬗᬂ᭞ᬭᬶᬂᬚᬫ᭄ᬩᬗᬦᬾᬗᬭᬸᬤᬸᬓ᭄᭞ᬲᬕᬾᬢ᭄‌ᬓᬼᬫ᭄ᬲᬕᬾᬢ᭄ᬗᭂᬦᬄ᭟ᬯᬾᬦ᭄ᬢᭂᬦ᭄ᬳᬢ᭄ᬫᬭᬯᬸᬄᬫᬮᬶᬄ᭞ᬲᬂᬚᭀᬕᭀᬃᬫᬦᬶᬓ᭄ᬳᬗᬸᬘᬧ᭄᭞ᬳᬧᬲᬶᬕᬯᬾ
[ ᭑᭐ 10A]
ᬦ᭄ᬳᬶᬩᬦᬾ ᭞ᬤᬸᬓᬾᬫᬦᭀᬗᭀᬲ᭄ᬤᬶᬍᬫᬄ᭞ᬳᬫ᭄ᬧᬸᬭᬚᬢᬶᬢ᭄ᬬᬂᬤᬾᬯ᭞ᬢᬶᬢ᭄ᬬᬂᬲᬸᬕᬶᬄᬯ᭄ᬬᬓ᭄ᬢᬶᬓᬲᬸᬩ᭄᭞ᬤ᭄ᬯᬾᬫᬲ᭄ᬕᭂᬤᭀᬂᬕ᭄ᬤᭀᬗᬦ᭄᭟ᬲᬂᬚᭀᬕᭀᬃᬳᬗᬸᬘᬧ᭄ᬫᬮᬶᬄ᭞ᬲᬸᬩᬓᬾᬫᬤᬦ
ᬧᬸᬡ᭄ᬬ᭞ᬢ᭄ᬓᬾᬦᬵᬳᬶᬂᬜᬫᬩ᭄ᬭᬬᬦᬾ ᭞ᬳᬫᬶᬢ᭄ᬭᬳᬦ᭄ᬤᬾᬯᬬᬤ᭄ᬜ᭞ᬤᬸᬄᬳᬫ᭄ᬧᬸᬭᬭᬢᬸᬢᬶᬢ᭄ᬬᬂ᭞ᬚᬶᬦᬄᬢᬶᬢ᭄ᬬᬂᬧᬸᬓᬸᬮᬸᬦ᭄᭞ᬲᬬᬂᬧᬶᬲᬦ᭄ᬧᬓᬶᬤ᭄ᬬᬂ᭟ᬤ᭄ᬯᬦᬶᬂᬓᬾ ᬢᭀᬳᬶᬩᬚᬦᬶ᭞ᬳᬶᬩ
ᬳᬢ᭄ᬫᬤ᭄ᬫᬶᬢ᭄ᬧᬶᬲᬦ᭄᭞ᬚᬦᬶᬢᬳᬦᬂᬤᭀᬱᬦᬾ᭞ᬳᬶᬩᬳᬢ᭄ᬫᬢᬦ᭄ᬧᬢ᭄ᬯ᭞ᬢᭀᬂᬦᬯᬂᬢᬸᬢᬸᬃᬳᬕᬫ᭞ᬲᬶᬲᬶᬧ᭄ᬳᬶᬩᬮ᭄ᬬᬢᬳᬸᬦ᭄᭞ᬢᬗᬦ᭄ᬲᬸᬓᬸᬦᬾ ᬓᬧᭂᬦ᭄ᬢᬂ᭟ᬭᬭᬶᬲ᭄ᬲᬶᬕ᭄ᬲᬶ
ᬕᬦ᭄ᬫᬗ᭄ᬮᬶᬂ᭞ᬫᬧᬗᭂᬦᬦ᭄ᬜᭂᬮ᭄ᬲᭂᬮ᭄ᬳᬯᬓ᭄᭞ᬳᬾᬮᬶᬂᬭᬶᬂᬳᬕᬸᬂᬤᭀᬱᬦᬾ᭚ᬲ᭄ᬥᬶᬄᬳᬶᬧᬸᬦ᭄ᬫᬫᬸᬮᬮᬄ᭞ᬫᬢᬸᬃᬲᬶᬲᬶᬧ᭄ᬢᬶᬢ᭄ᬬᬂᬤᬾᬯ᭞ᬳᬢᬸᬃᬦ᭄ᬬᬧᬢᬶᬚ᭄ᬮᬫᬸᬢ᭄‌ᬓᬧᭀᬓ᭄ᬢᬶᬢ᭄ᬬᬂᬓ [ 11 ][ ᭑᭐ 10B]
᭑᭐᭞
ᬧᭀᬓ᭄ᬢᬶᬢ᭄ᬬᬂ᭟ᬯᬾᬦ᭄ᬢᭂᬦ᭄ᬳᬢ᭄ᬫᬳᬦᬓ᭄ᬲᬸᬕᬶᬄ᭞ᬲᬢᬢᬫᬗᬓᬸᬢᬶᬯᬲ᭄᭞ᬫᬦᬶᬮᬲ᭄ᬧᬶᬘᬦ᭄‌ᬯᬶᬤ᭄ᬥᬶᬦᬾ᭞ᬪᬸᬢᬢᭂᬭᬓ᭄ᬫᬜᬶᬲᬶᬧᬂ᭞ᬓᬮᬜ᭄ᬚᬓ᭄ᬓᬚᭂᬗ᭄ᬓᬚᭂᬗ᭄ᬓ᭞ᬩᬶᬩᬶᬄᬜ
ᬓᬕᬧ᭄ᬮᬸᬓ᭄ᬕᬧ᭄ᬮᬸᬓ᭄᭞ᬤᭀᬱᬦ᭄ᬜᬦᬾᬦᬶᬮᬲ᭄ᬧᬶᬘ᭟᭐᭟ᬕᬶᬦᬤ᭟ᬕᬶᬦᬤᬫᬗ᭄ᬓᬶᬦ᭄‌ᬗ᭄ᬮᬦ᭄ᬢᬸᬭᬂ᭞ᬢᬶᬗ᭄ᬓᬄᬳᬢ᭄ᬫᬳᬢ᭄ᬫᬲᬫᬶ᭞ᬦᬾᬫᬕ᭄ᬦᬄᬫᬭᬶᬂᬓᬯᬄ᭞ᬭᬾᬄᬲᭀᬮᬳᬾᬲ
ᬮᬮᬄᬮᬓᬸ᭞ᬤᭀᬱᬦ᭄ᬬᬗᬸᬮᬸᬭᬶᬦ᭄ᬫᬦᬄ᭞ᬓᬗᭂᬦ᭄ᬚᬢᬶ᭞ᬯ᭄ᬬᬓ᭄ᬢᬶᬢᬶᬢ᭄ᬬᬂᬫᬶᬭᬕ᭄ᬬᬂ᭟ᬯᬾᬦ᭄ᬢᭂᬦ᭄ᬓᬧᬦ᭄ᬢᬶᬕ᭄ᬧᬦ᭄ᬢᬶᬕᬂ᭞ᬯᬾᬦ᭄ᬢᭂᬦ᭄ᬦᬾ ᬓᬳᬶᬳᬶᬲ᭄ᬳᬶᬳᬶᬲ᭄᭞ᬯᬾᬦ᭄ᬢᭂᬦ᭄ᬫᬳᬦ᭄ᬢᬾᬩ
ᬦ᭄ᬯᬚ᭞ᬫᬢᬦ᭄ᬦ᭄ᬬᬫᬮᭀᬤ᭄ᬮᭀᬤ᭄ᬧᭂᬲᬸ᭞ᬯᬾᬦ᭄ᬢᭂᬦ᭄ᬫᬧ᭄ᬮᬗ᭄ᬓᬳᬤᭂᬧ᭞ᬲ᭄ᬥᬶᬄᬓᬶᬗ᭄ᬓᬶᬂ᭞ᬲ᭄ᬥᬶᬳᬾᬗᭂᬜᬕᬂᬫᬦᬄ᭟ᬯᬾᬦ᭄ᬢᭂᬦ᭄ᬳᬢ᭄ᬫᬤ᭄ᬳᬩᬚᬂ᭞ᬳᬯᬓ᭄ᬜᬦᬾᬲ᭄ᬦᬶᬓ᭄ᬮᬗ᭄ᬲᬶᬂ᭞ᬓᬕᬦ᭄ᬢᬸᬂ
[ ᭑᭑ 11A]
᭑᭑᭞
ᬬᬧ᭄ᬭᬚᬦᬶᬳᬦ᭄᭞ᬲᬮᬄᬜᬦᬾᬲᬳᬶᬦᭂᬮᬸᬄ᭞ᬦᭂᬧ᭄ᬤᭂᬧ᭄ᬳᬦᬓ᭄‌ᬤᬶᬧᬲᬭᬾᬳᬦ᭄᭞ᬬᬫᬦ᭄ᬤᬾᬱ᭄ᬝᬶ᭞ᬓᬕᬦ᭄ᬢᬸᬂᬬᬲ᭄ᬬᬸᬢᭂᬫ᭄ᬯᬂ᭟ᬳᬢ᭄ᬫᬢ᭄ᬯᬫᬮᬶᬄᬧ᭄ᬭᬧ᭄ᬢ᭞ᬫᬫᬃᬕ᭄ᬕᬶᬬᬲᬫ᭄ᬩᬶᬮ᭄ᬲ᭄ᬗᬶ᭞ᬲᬂ
ᬚᭀᬕᭀᬃᬫᬦᬶᬓ᭄ᬳᬦ᭄ᬤᬶᬓ᭞ᬫᬢᬶᬓᬾᬦ᭄ᬓᬾᬦᬵᬳᬶᬩᬤᬶᬢᬸ᭞ᬲᬂᬳᬢ᭄ᬫᬳᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬧᬤᭂᬫ᭄‌ᬲ᭄ᬥᬶᬄᬢᬶᬢ᭄ᬬᬂᬤᬾᬯ᭟ᬢᬶᬢ᭄ᬬᬂᬦ᭄ᬤ᭄ᬯᬾᬧ᭄ᬬᬦᬓ᭄ᬓᬢᬄ᭞ᬲᬫᬶᬫᬗᭂᬫ
ᬲᬶᬦ᭄ᬫᬢᬶ᭞ᬧᬸᬦᬶᬓᬓᬲ᭄ᬥᬶᬳᬂᬢᬶᬢ᭄ᬬᬂ᭞ᬓᬦ᭄ᬤᬸᬕᬶᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬲᬂᬪᬸᬢᬓᬮᬗ᭄ᬓᬤᬶᬓ᭞ᬲᬶᬲᬶᬧ᭄ᬳᬶᬩᬢᭂᬢᭂᬄᬩᬦ᭄ᬢᬂ᭟ᬲᬂᬪᬸᬢᬓᬮᬗᬦ᭄ᬤᬶᬓ᭞ᬓᬄᬦᬳ
ᬦᬓ᭄ᬫᬢᬶᬲ᭄ᬥᬶᬄ᭞ᬩ᭄ᬯᬶᬦ᭄ᬧᬶᬤᬦ᭄‌ᬬᬾᬦᬶᬂᬫᬜᬤ᭄ᬫ᭞ᬲᬶᬦᬄᬳᬶᬩᬓ᭄ᬦᬧᬲ᭄ᬢᬸ᭞ᬫᬦᬤᬶᬓᬓ᭄ᬮᬶᬓ᭄ᬳᬶᬩ᭞ᬤᭀᬱᬦ᭄‌ᬲ᭄ᬥᬶᬄ᭞ᬢᭀᬂᬦᬯᬂᬢᬸᬢᬸᬃᬳᬕᬫ᭞ᬲᬕᬾᬢ᭄ᬯᬾᬦ᭄ᬢᭂ [ 12 ][ ᭑᭑ 11B]
᭑᭑᭞
ᬦ᭄ᬳᬢ᭄ᬫᬧ᭄ᬭᬧ᭄ᬢ᭞ᬫᬫᬋᬓ᭄ᬲᬃᬯ᭄ᬯᬶᬬᬲ᭄ᬥᬶᬄ᭞ᬲᬂᬚᭀᬕᭀᬃᬫᬦᬶᬓ᭄ᬗᬦ᭄ᬤᬶᬓ᭞ᬫᬢᬶᬓᬾᬦ᭄ᬓᬾᬦ᭄ᬳᬶᬩᬤᬶᬢᬸ᭞ᬲᬂᬳᬢ᭄ᬫᬫᬳᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬧᬤᭂᬫ᭄ᬢᬶᬢ᭄ᬬᬂᬓᬕ᭄ᬭᬶᬗᬦ᭄᭟
ᬳᬧᬕᬯᬾᬦᬾᬤᬶᬍᬫᬄ᭞ᬲᬂᬳᬢ᭄ᬫᬫᬗᬢᬸᬃᬳᬭᬶᬲ᭄᭞ᬫᬢᬸᬃᬲᬶᬲᬶᬧ᭄ᬢᬶᬢ᭄ᬬᬂᬤᬾᬯ᭞ᬢᬶᬢ᭄ᬬᬂᬯᬦ᭄ᬢᬄᬳᬦᬓ᭄ᬩᭂᬓᬸᬂ᭞ᬫᬼᬤ᭄‌ᬢᬶᬢ᭄ᬬᬂᬦ᭄ᬤ᭄ᬯᬾᬧ᭄ᬬᬦᬓ᭄᭞ᬲᬯ᭄ᬬᬓ᭄ᬢᬶ᭞ᬦ᭄ᬤᬢᭂ
ᬕ᭄ᬭᬢᬸᬧᬳᬶᬘᬬᬂ᭟ᬲᬂᬲᬸᬭᬢ᭄ᬫᬗᬦ᭄ᬤᬶᬓ᭞ᬳ᭄ᬦᬾ ᬧᬦᬓ᭄ᬧᬜᭀᬳᬶᬦ᭄᭞ᬭᬭᬶᬲ᭄ᬫᬾ ᬦ᭄ᬩᭂᬓᬸᬂᬫᬜᬶᬗᬮ᭄᭞ᬫᬜᭀᬜᭀᬳᬶᬦ᭄ᬫᬗ᭄ᬓᬶᬦ᭄ᬮᬯᬸᬢ᭄᭞ᬲᬕᬾᬢ
ᬦ᭄ᬤᬤᬶᬩᬩᬶᬚᬮ᭄᭞ᬓᬸᬮᬂᬓᬸᬮᬶᬂ᭞ᬫᬾᬦ᭄ᬩᭂᬓᬸᬂᬗᭂᬮᬶᬂᬗᬭᬭᬧ᭄᭞ᬯᬾᬦ᭄ᬢᭂᬦ᭄ᬳᬢ᭄ᬫᬫᬮᬶᬄᬧ᭄ᬭᬧ᭄ᬢ᭞ᬓᬦ᭄ᬤᬶᬓᬳᬶᬦ᭄ᬧ᭄ᬭᬚᬦᬶ᭞ᬳᬧᬕᬦᬾᬤᬶᬍᬫᬄ᭞ᬲᬂᬳᬢ᭄ᬫᬭᬭᬶ
[ ᭑᭒ 12A]
ᬲ᭄ᬳᬸᬫᬢᬸᬃ᭞ᬯᬶᬱᬬᬦ᭄ᬢᬶᬢ᭄ᬬᬂᬗᬮᬾᬬᬓ᭄᭞ᬦ᭄ᬤᭂᬮᬸᬄᬦ᭄ᬤᬾᬱ᭄ᬝᬶ᭞ᬫᬢᬗᬭᬭᬾᬢᬦ᭄ᬚᬗ᭄ᬓᬬᬦ᭄᭟ᬜᬤᬶᬦᬶᬦ᭄ᬳᬦᬓ᭄ᬫᬦᬓᬦ᭄᭞ᬜᬓᬩ᭄ᬦᭂᬄᬜᬓᬧᭂᬮᬶᬄ᭞ᬳᬦᬓ᭄ᬩᬚᬂᬳᬦᬓ᭄‌ᬢ᭄ᬯ
᭞ᬢᬦ᭄ᬯᬾᬦ᭄ᬢᭂᬦ᭄ᬫᬧᬶᬮᬶᬄᬩᬸᬮᬸ᭞ᬧᬸᬦᬶᬓᬤᬤᭀᬬᬦ᭄‌ᬢᬶᬢ᭄ᬬᬂ᭞ᬗᬯᬾᬲᬓᬶᬢ᭄᭞ᬳᬫ᭄ᬧᬸᬭᬬᬂᬭᬢᬸᬢᬶᬢ᭄ᬬᬂ᭟ᬲᬂᬓᬮᬫᭂᬗ᭄ᬕᬄᬫᬶᬋᬗᬂ᭞ᬢᬗᬦ᭄ᬲᬸᬓᬸᬦᬾᬫᬗᬶᬚᬶᬓ᭄᭞ᬧᬜᬶ
ᬗᬓᬦ᭄ᬫᬫᬸᬭᬶᬭᬓ᭄᭞ᬲᬂᬳᬢ᭄ᬫᬭᬭᬶᬲ᭄ᬓᬳᬶᬜ᭄ᬘᬸᬓ᭄᭞ᬭᬶᬂᬍᬲᬸᬂᬩᬲᬓᬘᬮ᭄ᬘᬮ᭄᭞ᬲ᭄ᬥᬶᬄᬓᬶᬗ᭄ᬓᬶᬂ᭞ᬲᬓᬶᬢ᭄ᬓᭂᬩᬸᬲ᭄ᬓᬪᬶᬦᬯ᭟ᬯᬸᬲ᭄ᬓᬶᬜ᭄ᬘᬸᬓ᭄ᬭᬭᬶᬲ᭄ᬓᬘᬓ᭄ᬘᬓ᭄᭞ᬓᬩᬾᬲ᭄ᬩᬾ
ᬲ᭄ᬓᬳᬶᬳᬶᬲ᭄‌ᬳᬶᬳᬶᬲ᭄᭞ᬮ᭄ᬬᬸᬢᬯᬸᬦ᭄ᬫᬓᭂᬮᭀᬦ᭄ᬦ᭄ᬬ᭞ᬯᬸᬲ᭄ᬢᬸᬢᬸᬕ᭄ᬭᬭᬶᬲ᭄ᬓᬧᬲ᭄ᬢᬸ᭞ᬳᬧᬂᬫᬦᬤᬶᬮᬮᬶᬦ᭄ᬢᬄ᭞ᬳᬸᬮᬤ᭄ᬳᬮᬶᬤ᭄᭞ᬳᭂᬦ᭄ᬢᭂᬓ᭄ᬳᭂᬦ᭄ᬢᭂᬓ᭄ᬓᬮᬶᬫᬦ᭄ᬢᭂᬓ᭄᭟ᬫᬮᬶᬄᬯᬾ [ 13 ][ ᭑᭒ 12B]
᭑᭒᭞
ᬦ᭄ᬢᭂᬦ᭄ᬳᬢ᭄ᬫᬦ᭄ᬭᬓ᭞ᬮᭀᬤ᭄ᬮᭀᬤ᭄‌ᬩᭀᬮ᭄ᬦᬾᬫᬧᬳᬶᬤ᭄᭞ᬓᬺᬂᬫᬗᭂᬦ᭄ᬢᬸᬢᬶᬦ᭄ᬢᬶᬫ᭄ᬧᬮ᭄᭞ᬳᬯᬶᬦᬦ᭄ᬩᭀᬮ᭄ᬜᬦᬾᬧᭂᬲᬸ᭞ᬓᬓᭂᬧᬸᬂᬩᬦ᭄ᬳᬲᬸᬳᬚᬕ᭄᭞ᬫᬗᬸᬮᬶᬮᬶᬂ᭞ᬕᬭᬂᬳ
ᬲᬸᬓᬬᬓ᭄ᬓᬬᬓ᭄᭟᭐᭟ᬓᬸᬫᬫ᭄ᬩᬂ᭟ᬳᬤᬸᬄᬭᬢᬸᬓᬗᭂᬦ᭄ᬢᬶᬢ᭄ᬬᬂᬫᬫᬶᬭᬕᬶ᭞ᬳᬢ᭄ᬫᬦᬾ ᬫᬗᭂᬗ᭄ᬓᬓ᭄᭞ᬫᬗᭂᬢᬸᬲ᭄ᬫᬦᬄᬯ᭄ᬬᬓ᭄ᬢᬶ᭞ᬫᬗᭂᬮᬶᬂᬓᬮᬭᬮᬭ᭟ᬧ᭄ᬢᭂᬂᬍᬫᬄ
᭞ᬲᬶᬕ᭄ᬲᬶᬕᬦ᭄‌ᬬᬲᬳᬶᬗᭂᬮᬶᬂ᭞ᬢᬸᬫᬲᬲᬫ᭄ᬩᬢᬦ᭄᭞ᬫᬸᬜᬶᬦ᭄ᬜᬦᬾᬧᬸᬮᬂᬧᬮᬶᬂ᭞ᬳᬭᬸᬄᬫᬾᬫᬾᬢᬸᬮᬸᬂᬢᬶᬢ᭄ᬬᬂ᭟ᬭᬢᬸᬳᬕᬸᬂ᭞ᬓᬗᭂᬦ᭄ᬢᬶᬢ᭄ᬬᬂᬫᬫᬶᬭᬕᬶ᭞ᬳᭂᬮᬶᬂ
ᬫᬩ᭄ᬬᬬ᭄ᬯᬦ᭄᭞ᬲ᭄ᬥᬶᬳᬾᬗᭂᬜᬕᬂᬳᬢᬶ᭞ᬗᬶᬭᬶᬂᬦᬾᬫᬗ᭄ᬓᬶᬦ᭄ᬲᬭ᭄ᬯᬂ᭟ᬲᬕᬾᬢ᭄ᬯᬾᬦ᭄ᬢᭂᬦ᭄᭞ᬳᬢ᭄ᬫᬳᭂᬮᬸᬄᬭᬯᬸᬄᬫᬗ᭄ᬓᬶᬦ᭄᭞ᬫᬢᬧᬶᬄᬩᬮᬸᬮᬂ᭞ᬳᬲᬸᬕᬫ᭄ᬮᭀ

[ ᭑᭓ 13A]
ᬗᬗᭂᬧᬸᬗᬶᬦ᭄᭞ᬤᬾᬯᬾᬓ᭄ᬦ᭄ᬬᬓᬕᬭᬂᬕᬭᬂ᭟ᬓᬦ᭄ᬢᬶᬳᭂᬩᬄ᭞ᬳᬢ᭄ᬫᬦᬾᬓᬕᬭᬂᬘᬶᬘᬶᬂ᭞ᬲᬭᬶᬭᬦᬾᬗᭂᬦᬄ᭞ᬤᭀᬱᬦ᭄ᬜᬤ᭄ᬫᭂᬦ᭄ᬗᬮᬫᬶᬢ᭄᭞ᬫᬓᬫ᭄ᬩᭂᬦ᭄ᬳᭀᬮᬶᬄᬗᬮᭀ
ᬮᬶᬄᬗᬮᭀᬫ᭄ᬧᬂ᭟ᬯᬾᬦ᭄ᬢᭂᬦ᭄ᬳᬢ᭄ᬫ᭞ᬤᬶᬳᬢ᭄ᬫᬫᬗ᭄ᬓᬶᬦ᭄ᬧ᭄ᬭᬧ᭄ᬢᬶ᭞ᬋᬗᬲ᭄ᬧᬫᬃᬕ᭄ᬕᬦ᭄ᬜ᭞ᬓᬯᬸᬗᬾᬬᬫᬗᭂᬦ᭄ᬤᭂᬭᬶᬦ᭄‌᭞ᬘᬧ᭄ᬮᬸᬓ᭄ᬘᬧ᭄ᬮᬸᬓ᭄‌ᬫᬫᭂᬍᬢᬂ᭟ᬚᬮ᭄ᬓᬚᬦ᭄ᬢ᭄ᬭ᭞ᬳᬢ᭄ᬫᬦᬾᬢ᭄ᬯᬗᬮᬶᬮᬶᬂ᭞ᬤᬶᬢᬸᬬ
ᬓᬳᬸᬬᬓ᭄᭞ᬢᬸᬬᬓᬲᬶᬦᬗ᭄ᬕᬫᬳᬶᬦ᭄᭞ᬤᭀᬱᬦ᭄ᬜᬦᬾᬤ᭄ᬳᬢ᭄ᬯ᭟ᬳᬢ᭄ᬫᬩᬮ᭄ᬬᬦ᭄᭞ᬲᬦᬾᬯᬶᬱᬬᬦ᭄ᬜᬚᬸᬢᬶ᭞ᬫᭂᬲ᭄ᬧᭂᬲ᭄ᬩᬩᭂᬮᬶᬗᬦ᭄᭞ᬫᬢᬶᬭᬭᬾᬚ᭄ᬭᭀᬦᬶᬂᬕᬃᬪᬶ᭞ᬢᬦ᭄ᬲᬄᬫᬕᬯᬾ
ᬦᭂᬗᬓ᭟ᬓᬧᬶᬮᬭ᭞ᬫᬦᭀᬗᭀᬲ᭄‌ᬤᬶᬓᬯᬄᬕᭂᬦ᭄ᬢᬶᬧ᭄᭞ᬓᬢᬸᬕᭂᬮ᭄ᬮᬶᬫᬦ᭄ᬦᬾ᭞ᬫᬭᬶᬂᬧᬫ᭄ᬧᬢᬦ᭄ᬓᬚᭂᬧᬶᬢ᭄᭞ᬫᬓ᭄ᬮᬾᬢᬾᬓ᭄‌ᬲ᭄ᬬᬸᬢᬶᬩᬦ᭄᭟ᬳᬢ᭄ᬫᬳᬫᭂᬲ᭄᭞ᬲᬦᬾ ᬫᬗ᭄ᬓᬶᬦ᭄ᬫᬮᬄᬧ᭄ᬭᬧ᭄ᬢᬶ᭞ [ 14 ][ ᭑᭓ 13B]
᭑᭓᭞
ᬩᭀᬚᭀᬕᬾᬫᬜᬕ᭄ᬚᬕ᭄᭞ᬗᭂᬮᬜ᭄ᬚᬓ᭄ᬢᬸᬃᬫᬦᬶᬜ᭄ᬚᬓᬶᬦ᭄᭞ᬫᬫ᭄ᬭᬕᬾᬤᬾᬕ᭄ᬫᬭᬶᬓᭀᬱ᭟ᬢᬦ᭄ᬚᬗ᭄ᬓᬬᬦ᭄᭞ᬩᬳᬦ᭄ᬳᬶᬩᭀᬚᭀᬕ᭄ᬜᬓᬶᬢᬶᬦ᭄᭞ᬲᬭᬶᬭᬦ᭄ᬜᬲᬫ᭄ᬧ᭄ᬮᬄ᭞ᬢᬧᬶᬜᬾᬮᬯᬸᬢ᭄ᬓᬲᬶ
ᬢ᭄ᬲᬶᬢ᭄᭞ᬓᬦ᭄ᬢᬶᬧᭂᬲᬸᬩᭀᬮᬦᬓᬦ᭄᭟ᬫᬮᬶᬄᬯᬾᬦ᭄ᬢᭂᬦ᭄᭞ᬳᬦᬓ᭄ᬓᭂᬋᬂᬦᬸᬮᬸᬧ᭄ᬧᬓ᭄ᬱᬶ᭞ᬫᬘᬸᬦ᭄ᬤᬂᬧᬸᬦᬶᬓ᭞ᬓᬳᬤᭀᬮ᭄ᬫᬗᬸᬗ᭄ᬲᬶᬧᬶᬧᬶᬲ᭄᭞ᬲᬂᬧᬓ᭄ᬱᬶᬭᬚᬜᬶᬲᬶᬧᬂ᭟ᬓᬧᬶᬥᬡ᭄ᬥ᭞ᬫᬢ
ᬦ᭄ᬜᬓᬘᭀᬢᭀᬢ᭄ᬚᬦᬶ᭞ᬬᬦ᭄ᬫᬮᬶᬄᬫᬜᬤ᭄ᬫ᭞ᬫᬦᬤᬶᬯᭀᬂᬩᬸᬢᬘᬸᬯᬶᬮ᭄᭞ᬤᭀᬱᬦ᭄ᬜᬦᬾᬢᬦ᭄ᬧᬢᬢ᭄ᬯ᭟᭐᭟ᬤᬗ᭄ᬥᬂ᭟ᬯᬾᬦᬵᬢᭂᬦ᭄ᬳᬢ᭄ᬫᬫᬮᬧᬤᬶ᭞ᬫᬗ᭄ᬓᬶᬦ᭄ᬧ᭄ᬭᬧ᭄ᬢ᭞ᬳᬕᬾ
ᬓᬲᬶᬲᬶᬧᬂ᭞ᬓᬧᬲ᭄ᬢᬸᬫᬗ᭄ᬓᬶᬦ᭄ᬳᬢ᭄ᬫᬦᬾ᭞ᬓᬳᬸᬤᬸᬄᬧ᭄ᬭᬫᬗ᭄ᬓᬶᬦ᭄ᬫᬦ᭄ᬢᬸᬓ᭄᭞ᬓᬫᬤ᭄ᬬᬧᬤᬦᬸᬫᬤᬶ᭞ᬲᬗ᭄ᬲᬭᬬᬓᬧᬗ᭄ᬕᬸᬄᬜ᭞ᬤᬾᬯᬾᬓ᭄ᬜᬦᬾᬓᭂᬩᬸᬲ᭄᭞ᬓ᭄ᬭᭀᬓ᭄ᬓᭀᬗᬾᬂᬫ
[ ᭑᭔ 14A]
ᬢᬾᬢᬾᬲᬦ᭄᭞ᬩᭂᬭᬸᬂᬦᬶᬭᬧ᭞ᬢᬦ᭄ᬓᭂᬦᬾᬂᬢᬶᬦᬫ᭄ᬩᬦᬶᬦ᭄᭞ᬦᬫᬮᬭᬓᬦ᭄ᬢᬶᬩ᭄ᬭᬕ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬳᬢ᭄ᬫᬭᬯᬸᬄᬫᬗ᭄ᬓᬶᬦ᭄ᬲᬤᬳᬾᬕᬃ᭞ᬓᬺᬂᬦᬸᬮᬓ᭄ᬥᬦ᭞ᬫᬶᬦᬩ᭄ᬢᬦ᭄ᬫᬗ᭄ᬕᬸᬄᬤᭀᬱᬦᬾ᭞
ᬳᬢ᭄ᬫᬦᬾᬓᬫ᭄ᬩᬶᬮ᭄ᬓᬳᬶᬫ᭄ᬧᬸᬲ᭄᭞ᬓᬍᬫ᭄ᬧᬕ᭄ᬩᬳᬦ᭄ᬕᬕᬶᬢᬶᬓ᭄᭞ᬢᬸᬃᬭᬭᬶᬲ᭄ᬓᬧᬸᬮᬂ᭞ᬢᬸᬫᬸᬮᬶᬓᬳᬶᬜ᭄ᬘᬸᬓ᭄᭞ᬦᬸᬮᬶᬗᭂᬮᬶᬂᬕ᭄ᬯᬂᬕ᭄ᬯᬂ᭞ᬧᬢᬶᬲᬫ᭄ᬩᬫᬶᬸᬢ᭄᭞ᬫᬦᬳᬦᬂᬲᬓᬶᬢ᭄‌ᬧᭂᬤᬶᬄ᭞ᬭᬶᬂ
ᬍᬮᬸᬗᬾᬦᬦ᭄ᬤᬂᬮᬭ᭟ᬫᬗ᭄ᬓᬶᬦ᭄ᬮᬶᬸᬭᬶᬸᬦ᭄ᬯᬾᬦ᭄ᬢᭂᬦ᭄ᬳᬢ᭄ᬫᬭᬯᬸᬄᬫᬮᬶᬄᬕᬕᬜ᭄ᬘᬗᬦ᭄᭞ᬤᬸᬓᬾᬬᬤᬶᬍᬫᬄ᭞ᬤᭀᬢ᭄ᬢᭂᬓᬾᬦᬵᬕᭂᬮᬄᬢᬶᬫ᭄ᬧᬮᬾ᭞ᬤ᭄ᬫᭂᬦ᭄‌ᬬᬗᬮᬸᬲᬸᬮᬸᬲᬸ᭞ᬕ᭄ᬮᬄᬢᭂᬫ᭄ᬧᬮᬾ
ᬓᬢᬸᬩᬢᬶᬢᬶᬢ᭄᭞ᬳᬕᭂᬂᬕᬭᬦ᭄ᬦ᭄ᬬᬢᭀᬢᭀᬦᬦ᭄᭞ᬤᬶᬢᬸᬬᬓᬃᬕᬧ᭄ᬮᬸᬓ᭄᭞ᬢᭂᬦ᭄ᬤᬲ᭄ᬢᬸᬦ᭄ᬤᬸᬦ᭄ᬜᬦᬾᬩᭂᬦ᭄ᬢᬃ᭞ᬢᬸᬃᬓᬧ᭄ᬮᬗ᭄ᬓ᭞ᬢᬗᬦ᭄ᬲᬸᬓᬸᬓᬢᬮᬶᬦᬶᬦ᭄᭞ᬓᬚᭂᬫᬸᬄᬬᬗᭂ [ 15 ][ ᭑᭔ 14B]
᭑᭔᭞
ᬗ᭄ᬓᬓ᭄ᬳᭂᬗ᭄ᬓᬓ᭄᭟ᬲᬕᬾᬢ᭄‌ᬯᬾᬦ᭄ᬢᭂᬦ᭄ᬳᬢ᭄ᬫᬳᬬᬸᬭᬯᬸᬄᬫᬮᬶᬄᬚ᭄ᬕᬾᬕ᭄ᬫᬗᬬᬂ᭞ᬩᬾᬦ᭄ᬤᬬᬾᬫᬧᬬᬲ᭄᭞ᬫᬤᬕᬶᬂᬬᬕᬶᬦᬦ᭄ᬜᬦᬾ᭞ᬦᬗ᭄ᬳᬶᬂᬬᬤ᭄ᬫᭂᬦ᭄ᬫᬫᬶᬲᬸᬄ᭞ᬫᭂᬲ᭄ᬯᬂᬫᬸᬜᬶᬢᬦ᭄ᬧᬲ᭄ᬭᬸᬢᬶ᭞
ᬤᬶᬦᬸᬚᬸᬓᬮᬫᬶᬢᬦ᭄᭞ᬩᭂᬕ᭄ᬩᭂᬕ᭄ᬧᬢᬶᬓᬘᬸᬄ᭞ᬪᬸᬢᬲᬭᬂᬫᬜᬶᬲᬶᬧᬂ᭞ᬓᬧᬶᬮᬭ᭞ᬳᬯᬓ᭄ᬜᬦᬾᬬᬓᬚᭂᬧᬶᬢ᭄᭞ᬮᬬᬄᬜᬓᬲᬶᬩᬓ᭄‌ᬲᬶᬩᬓ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬳᬢ᭄ᬫᬫ
ᬗ᭄ᬓᬶᬦ᭄ᬧ᭄ᬭᬧ᭄ᬢᬶᬫᬕᬫ᭄ᬩᬳᬦ᭄᭞ᬫᬜᬸᬦᬸᬢ᭄ᬕᬯᬾᬦᬾ᭞ᬫᬗᬶᬦ᭄ᬢᬶᬧ᭄ᬳᬶᬦ᭄ᬢᬶᬧ᭄‌ᬲᭀᬮᬳᬾ᭞ᬓᬧᬲ᭄ᬢᬸᬤᬾᬦ᭄ᬲᬂᬳ᭄ᬬᬂᬢᬸᬥᬸᬄ᭞ᬫᬦ᭄ᬢᬸᬓ᭄ᬫᬭᬶᬂᬍᬫᬄᬫᬮᬶᬄ᭞ᬫᬦᬤᬶᬩᬩᬶᬚᬮ᭄᭞ᬕᭂᬳᭂᬂᬳᬸᬍᬤ᭄ᬫᬩᬸ
ᬮᬸᬫ᭄ᬳᬧᬦ᭄ᬢᬦ᭄ᬦᬯᬂᬳᬕᬫ᭞ᬫᬚᬳᬶᬮᬦ᭄᭞ᬤ᭄ᬫᭂᬦ᭄‌ᬬᬫᬗᬶᬦ᭄ᬢᬶᬧ᭄‌᭞ᬲ᭄ᬥᭂᬓ᭄ᬳᬦᬓ᭄ᬫᬲᬗ᭄ᬕᬫ᭟ᬯᬾᬦ᭄ᬢᭂᬦ᭄ᬳᬢ᭄ᬫᬤ᭄ᬫᭂᬦ᭄ᬫᬗᬸᬫᬶᬓ᭄ᬫᬶᬫ᭄ᬲᬕᬾᬢ᭄ᬧ᭄ᬭᬧ᭄ᬢ᭞ᬤᬸᬓᬾᬬᬤᬶᬍᬫᬄ᭞ᬫ
[ ᭑᭕ 15A]
ᬗ᭄ᬭᬾᬫᭀᬦ᭄ᬲᬳᬶᬕᬯᬾᬦᬾ ᭞ᬲᬶᬂᬚᬮᬦ᭄ᬚᬮᬦ᭄ᬫᬮᬤᬸ᭞ᬢ᭄ᬓᬾᬦ᭄ᬢᬶᬫ᭄ᬧᬮ᭄ᬕᬶᬮᬕᭂᬢᬶᬂ᭞ᬲᬂᬚᭀᬕᭀᬃᬫᬦᬶᬓ᭄ᬗᬦ᭄ᬤᬶᬓ᭞ᬤᬾᬯᬪᬸᬢᬫᬭᬸᬗᬸᬢ᭄᭞ᬳ᭄ᬦᬾᬳᬢ᭄ᬫᬦᬾᬧᬶᬮᬭᬂ᭞ᬤᭀᬱᬩ᭄ᬭᬢ᭄᭞
ᬩᬶᬩᬶᬄᬜᬦᬾᬢᭂᬩᬶᬄᬢᭂᬩᬶᬄ᭞ᬳᬧᬂᬬᬩᬶᬱᬗᬭᬲ᭟ᬳᬢ᭄ᬫᬦᬬᬭᬯᬸᬄᬲᬦᬾᬫᬗ᭄ᬓᬶᬦ᭄ᬢᬦ᭄ᬤᬂᬧᬶᬲᬦ᭄᭞ᬪᬯᬧᬫᬃᬕ᭄ᬕᬶᬦ᭄ᬜ᭞ᬗ᭄ᬳᬶᬂᬫᬮᬶᬢ᭄ᬧᬶᬢ᭄ᬕᬯᬾᬦ᭄ᬜᬦᬾ᭞ᬫᬸᬜᬶᬦ᭄ᬳᬶᬧᬸᬦ᭄ᬫᬧᬶᬲ
ᬤᬸ᭞ᬦᬸᬚᬸᬧᬘᬂᬗᬮᬶᬄᬪᬸᬓ᭄ᬢᬶ᭞ᬭᭀᬯᬂᬜᬓ᭄ᬲᬓᬦᬂ᭞ᬳᬧᬂᬫᬳᬦᬮ᭄ᬬᬸ᭞ᬓᬾᬢᭀᬲᭀᬮᬄᬜᬤᬶᬍᬫᬄ᭞ᬗᬾ ᬓᬤᬬ᭞ᬲᬂᬚᭀᬕᭀᬃᬫᬦᬶᬓ᭄ᬫᬶᬗ᭄ᬲᬶᬲᬶᬧ᭄᭞ᬓᬧᬶᬮᬭ
ᬲ᭄ᬬᬸᬢᭂᬫ᭄ᬯᬂ᭟᭐᭟ᬳᬤ᭄ᬭᬶ᭟ᬯᬾᬦ᭄ᬢᭂᬦ᭄ᬳᬢ᭄ᬫᬫ᭄ᬯᬢ᭄ᬫᬧᬶᬢ᭄ᬭᬢᬸᬄ᭞ᬫᬸᬗ᭄ᬕᬄᬭᬶᬂᬳᭂᬫ᭄ᬧ᭄ᬮᬦᬾ᭞ᬪᬸᬢᬮᬶᬦ᭄ᬢᬄᬳᬗ᭄ᬮᬭᬦᬶᬦ᭄᭞ᬓᬲᬶᬦᭂᬲᭂᬩ᭄ᬧᬸᬭᬸᬲ᭄ᬳᬶᬧᬸᬦ᭄᭞ᬲᬂᬳᬢ᭄ᬫᬜ᭄ᬭᬶᬢ᭄ᬳᬗᬸᬮᬸ [ 16 ][ ᭑᭕ 15B]
᭑᭕᭞
ᬦ᭄᭞ᬜᭂᬳᭂᬕ᭄ᬗᭂᬦᭀᬢ᭄ᬮᬮᬶᬦ᭄ᬢᬳᬾ᭚ᬦ᭄ᬤᬢᬦ᭄ᬓᬲ᭄ᬭᬶᬢᬧᬸᬦᬶᬓᬸ᭞ᬲᬕᬾᬢ᭄ᬭᬯᬸᬄᬳᬢ᭄ᬫᬮᬦᬂ᭞ᬳᬗ᭄ᬓᬩ᭄ᬳᬗ᭄ᬓᬩ᭄ᬲᬤᬫᬺᬓᬓ᭄᭟ᬲᬂᬘᬶᬓ᭄ᬭᬩᬮᬭᬭᬶᬲ᭄ᬫᬗᭂᬚᬸᬓ᭄᭞ᬗᬶ
ᬢᭂᬧ᭄ᬧ᭄ᬭᬦᬦ᭄ᬜᬦᬾ᭞ᬤᭀᬱᬦ᭄ᬜᬫᬫᬶᬢ᭄ᬭᬲᬳᬶ᭞ᬳᬤᬗᭂᬢᭀᬓ᭄ᬩᬦ᭄ᬧᬫᬸᬗ᭄ᬓᬸᬮ᭄᭞ᬓᬤᬶᬢᬶᬗ᭄ᬓᬄᬗᭂᬢᭀᬓ᭄ᬓᬸᬮ᭄ᬓᬸᬮ᭄᭞ᬳᬢ᭄ᬫᬦᬾ ᬦᬗᬶᬲ᭄ᬫᬗᭂᬗ᭄ᬓᬓ᭄᭞ᬳᬦᬗᬶᬫ᭄ᬧᬸ
ᬲ᭄ᬳᬤᬗᬦ᭄ᬢᬸᬂ᭞ᬩᬸᬓᬳᬦᬓ᭄‌ᬗᬸᬮᬸᬂᬢᬸᬯᬓ᭄᭞ᬲᬓᬶᬢ᭄ᬜᬢᬦ᭄‌ᬓ᭄ᬦᬾᬂᬮᬯᬦ᭄᭟ᬳᬢ᭄ᬫᬳᭂᬮᬸᬄᬫᬗ᭄ᬓᬶᬦ᭄ᬲᬕᬾᬢ᭄ᬭᬯᬸᬄ᭞ᬳᬚᬾᬃᬲᬲᭀᬮᬳᬾ ᭞ᬗᬦ᭄ᬤᬶᬓᬲᬂ
ᬚᭀᬕᭀᬃᬫᬦᬶᬓ᭄᭞ᬳᬢ᭄ᬫᬓᬾᬦ᭄ᬓᬾᬦ᭄ᬳᬶᬩᬭᬯᬸᬄ᭞ᬫᬢᬶᬓᬾᬦ᭄ᬓᬾᬦ᭄ᬳᬶᬩᬤᬶᬢᬸ᭞ᬲᬂᬳᬢ᭄ᬫᬳᬮᬸᬲ᭄ᬳᬢᬸᬭᬾ ᭞ᬤᬸᬄᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬢᬶᬢ᭄ᬬᬂᬫᬢᬶ
[ ᭑᭖ 16A]
ᬓᬧᬺᬩᬸᬢᬦ᭄᭞ᬭᬾᬄᬢᬶᬢ᭄ᬬᬂᬤ᭄ᬫᭂᬦ᭄ᬫᬧᬬᬲ᭄᭟ᬲᬢᬢᬢᬶᬢ᭄ᬬᬂᬤᬸᬄᬧᬸᬓᬸᬮᬸᬦ᭄᭞ᬦᬩ᭄ᬤᬩᬂᬧᬬᬲᬾ᭞ᬦᬾᬦᬵᬢᭂᬦ᭄ᬗᭂᬫ᭄ᬩᬗᬶᬦ᭄ᬳᬯᬳᬶ᭞ᬭᬶᬂᬧᬲᬭᬾᬦ᭄ᬮᬦ᭄‌ᬯᭀᬂᬩᬕᬸᬲ᭄᭞ᬲ
ᬧᬸᬦᬶᬓᬲᬂᬲᬶᬦᬸᬳᬸᬦ᭄᭞ᬢᬦ᭄ᬦᬳᭂᬦ᭄‌ᬯᬦᬾᬄᬫᬦᬳᬾ᭞ᬦᬾ ᬦ᭄ᬢᭂᬦ᭄ᬗᬢᬸᬂᬓᬗᬶᬦ᭄ᬓᬯᬸᬄ᭞ᬮᬮᬶᬭᬶᬂᬳᬚᭂᬂᬳᬚᭂᬗᬦ᭄᭞ᬳᬾᬮᬶᬂᬭᬶᬂᬳᬦᬓ᭄ᬮᬦᬂ᭟ᬲᬂᬚᭀᬕᭀᬃᬫᬦᬶ
ᬓ᭄ᬳᬗᬸᬘᬧ᭄ᬕᬗ᭄ᬲᬸᬄ᭟ᬩᬸᬤᬸᬄᬢᬾᬦᬾ᭞ᬳ᭄ᬦᬾ ᬧᬸᬭᬸᬲ᭄ᬢᭂᬮᬸᬂᬢᬮᬶ᭞ᬪᬸᬢᬓᬤᭀᬫ᭄ᬧᭀᬮ᭄‌ᬫᬦᬸᬲᬸᬓ᭄᭞ᬮᬭᬦᬾᬢᬦ᭄ᬓᭂᬦᬾᬦᬵᬕ᭄ᬢᬯᬸᬃ᭞ᬢᬦ᭄ᬧᬭᬬ᭄ᬬᬦ᭄ᬩᬜ᭄ᬘᬗᬦᬾ
᭞ᬲᬭᬶᬭᬦᬾᬩᭂᬓ᭄ᬩᬦ᭄ᬧᬸᬭᬸᬲ᭄᭞ᬤᬶᬧᬳᬦ᭄ᬜᬫᬕᭂᬮᬾᬤᬄ᭞ᬮᬸᬤᬶᬦ᭄‌ᬩᭀᬦ᭄ᬦᬾᬮᬶᬯᬢ᭄ᬮᬶᬯᬢ᭄᭟ᬲᬫᬶᬳᬢ᭄ᬫᬦᬾ ᬫᬓᬸᬫ᭄ᬧᬸᬮ᭄ᬓᬸᬫ᭄ᬧᬸᬮ᭄᭞ᬲᬫᬶᬓᬲ [ 17 ][ ᭑᭖ 16B]
᭑᭖᭞
ᬗ᭄ᬲᬭᬦ᭄᭞ᬓᬲᬓᬶᬢᬦ᭄ᬩ᭄ᬭᬕ᭄ᬳᬓᬶᬂ᭞ᬲᬂᬪᬶᬫᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬫᬶᬋᬂᬳᭂᬮᬶᬂᬤᬳᬄᬤᬸᬯᬸᬄ᭞ᬓᬧᬶᬯ᭄ᬮᬲᬦ᭄ᬳᬶᬤᬋᬓᬾ᭞ᬲᬂᬚᭀᬕᭀᬃᬫᬦᬶᬓ᭄ᬳᬫᬸᬯᬸᬲ᭄᭞
ᬳᬢ᭄ᬫᬧᬭᬦ᭄ᬓᬶᬢᬢ᭄ᬓ᭞ᬕᭂᬥᬾᬲᭂᬍᬫ᭄ᬳᬯᬓ᭄ᬧᬜ᭄ᬚᬂ᭟᭐᭟ᬤᬸᬃᬫ᭄ᬫ᭟ᬤᬲᬂᬤᬶᬫᬦᬾᬫᬗ᭄ᬓᬶᬦ᭄ᬫᬲᬯᬸᬃᬦᬶᬫ᭄ᬩᬮ᭄᭞ᬲ᭄ᬬᬓᬸᬫᬦᬸᬱᬲᬸᬚᬢᬶ᭞ᬩᭀᬬᬲ᭄ᬬᬓᬸᬳᬢ᭄ᬫ᭞ᬲᬂ
ᬚᭀᬕᭀᬃᬫᬡᬶᬓ᭄ᬳᬗᬸᬘᬧ᭄᭞ᬩᬾᬄᬗᬸᬤ᭄ᬬᬂᬳᬶᬩᬫᬳᬶ᭞ᬢᬸᬢᬸᬭᬂᬤᬶᬳᬾᬗ᭄ᬕᬮ᭄᭞ᬳᬧᬂᬳᬶᬭᬢᬢᬲ᭄ᬳᬸᬦᬶᬂ᭟ᬤᬲᬂᬪᬶᬫᬲᬦᬾᬫᬗ᭄ᬓᬶᬦ᭄ᬫᬦᬸᬢᬸᬭᬂ᭞ᬲᬗ᭄ᬓᬦ᭄ᬲ᭄ᬬᬓᬸ
ᬫᬳᬶ᭞ᬫᬗᬮᬶᬄᬳᬶᬩᬧ᭞ᬓᬮᬶᬄᬫᬗᬮᬶᬄᬳᬶᬩ᭄ᬬᬂ᭞ᬳᬧᬂᬳᬶᬤᬫᬗ᭄ᬕᬶᬄᬮᬸᬯᬶᬄ᭞ᬫᬭᬶᬂᬦᬶᬲ᭄ᬓᬮ᭞ᬦᬄᬳᭀᬭᬳᬶᬂᬳᬸᬗ᭄ᬕᬸᬳᬦᬾᬓᬶ᭟ᬚᭀᬕᭀᬃᬫᬦᬶᬓ᭄᭞ᬦᬾ
[ ᭑᭗ 17A]
ᬫᬗ᭄ᬓᬶᬦ᭄ᬫᬲᬯᬸᬃᬩᬗ᭄ᬭᬲ᭄᭞ᬜᬦ᭄ᬤᬂᬳᬶᬩᬦ᭄ᬤᬢᬦ᭄ᬳᬸᬦᬶᬂ᭞ᬭᬾᬄᬳᬶᬩᬚᬼᬫᬫᬢᬄ᭞ᬚᬼᬫᬍᬢᬸᬄᬢᬦ᭄ᬧᭀᬭᬢ᭄᭞ᬓᬲᬲᬃᬢ᭄ᬓᬫᬳᬶ᭞ᬚᬦᬶᬢᬳᬦ᭞ᬫᬢᬶᬳᬶᬩ
ᬩᬳᬦ᭄ᬓᬳᬶ᭟ᬓᬳᬶᬦᬯᬂ᭞ᬦᬾᬫᬤᬦ᭄ᬪᬶᬫᬲᬲᬚᬦ᭄᭞ᬳᬦᬓ᭄‌ᬬᬩᬕᬸᬲ᭄ᬕᭂᬜ᭄ᬚᬶᬂ᭞ᬪᬯᬓ᭄ᬭᬸᬭᬓᬭ᭞ᬦᬾᬳᬶᬩᬪᬶᬫᬫᬢᬶᬭᭀᬦᬦ᭄᭞ᬫᬘᬘᬬᬢ᭄ᬓᬫᬳᬶ᭞ᬦᬄ
ᬳ᭄ᬦᬾᬢᬗ᭄ᬕᬧ᭄᭞ᬕᬕᬶᬢᬶᬓ᭄ᬓᬳᬶᬦᬾ ᬚᬦᬶ᭟ᬤᬲᬂᬪᬶᬫ᭞ᬫᭂᬗ᭄ᬕᬄᬧᬶᬲᬦ᭄ᬫᬫᬶᬧᬗᬂ᭞ᬗᭂᬢᭀᬃᬢᬗᬦ᭄ᬲᬸᬓᬸᬓᬮᬶᬄ᭞ᬧᬓᬚᬸᬢ᭄ᬚᬸᬢ᭄ᬳᬗ᭄ᬕᬦ᭄ᬜ᭞ᬘᬘᬶᬗᬓᬾᬫᬸᬭᬶᬭᬓ
᭄᭞ᬤᬾᬦᬶᬂᬳᬶᬤᬓᬢᬦ᭄ᬤ᭄ᬭᬸᬳᬶᬦ᭄᭞ᬢᬸᬃᬓᬦᬶᬱ᭄ᬝᬬᬂ᭞ᬫᭂᬗ᭄ᬕᬄᬢᬦ᭄ᬤᬤᭀᬲ᭄ᬳᬫ᭄ᬧᬢᬶᬦ᭄᭟ᬚᭀᬕᭀᬃᬫᬦᬶᬓ᭄᭞ᬫᬮᬶᬄᬦᬾᬫᬗ᭄ᬓᬶᬦ᭄ᬗᬦ᭄ᬤᬶᬓ᭞ᬬᬦ᭄ᬢᬸᬳᬸᬪᬶᬫᬚᬢᬶ᭞ᬳᬶᬭ [ 18 ][ ᭑᭗ 17B]
᭑᭗᭞
ᬫᬓᭀᬦ᭄ᬜᬸᬯᬢ᭄᭞ᬳᬢ᭄ᬫᬮᬸᬯᬫ᭄ᬯᬦᬶᬤᬤ᭄ᬯ᭞ᬲᬂᬪᬶᬫᬫᬲᬯᬸᬃᬚᭂᬗᬶᬲ᭄᭞ᬦᬄᬲ᭄ᬬᬓᬸᬜᬸᬧᬢ᭄᭞ᬳᬢ᭄ᬫᬳᬦᬾᬳᭂᬮᬸᬄᬫ᭄ᬯᬦᬶ᭟ᬲ᭄ᬫᬭᬦ᭄ᬥᬦ᭟ᬳᬢ᭄ᬫᬦᬾᬧᬚ᭄ᬭᬶᬢ᭄ᬗᭂᬮᬶᬂ᭞
ᬲ᭄ᬥᬶᬄᬓᬗᭂᬦ᭄ᬫᬧᬗᭂᬦᬦ᭄᭞ᬦ᭄ᬤᬸᬮᬄᬫᬫᬾᬫᬾᬩᬧᬦᬾ᭞ᬭᬢᬸᬳᬕᬸᬂᬲᬸᬧᬢ᭄ᬢᬶᬢ᭄ᬬᬂ᭞ᬢᬦ᭄ᬲᬶᬤ᭄ᬥᬢᬶᬢ᭄ᬬᬂᬦᬳᬦᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬮᬶᬦ᭄ᬢᬂᬓᭂᬩᬸᬲ᭄᭞ᬓᭂᬩᬸᬲᬾᬢᬦ᭄ᬓᭂ
ᬦᬾᬦᬵᬕ᭄ᬮᬯᬦ᭄᭟ᬢᬦ᭄ᬫᬭᬶᬫᬗᬲᬶᬄᬳᬲᬶᬄ᭞ᬫᬸᬜᬶᬦᬾ ᬫᬦᬸᬤᬸᬢ᭄ᬫᬦᬄ᭞ᬜᬕ᭄ᬓᬬᬸᬦ᭄ᬲᬂᬫᬫᬶᬧᬗᬂ᭞ᬳᬤᬸᬄᬭᬢᬸᬢᬸᬮᬸᬂᬢᬶᬢ᭄ᬬᬂ᭞ᬓᬾᬦᬾᬢᬶᬢ᭄ᬬᬂᬓᬲᬂᬲᬭᬦ᭄
᭞ᬫᬾ ᬫᬾᬩᬧᬦᬾᬦ᭄ᬢᭂᬦ᭄ᬭᬯᬸᬄ᭞ᬦᬸᬮᬸᬂᬢᬶᬢ᭄ᬬᬂᬲ᭄ᬥᭂᬂᬮᬭ᭟ᬳᬤᬸᬄᬭᬢᬸᬩ᭄ᬬᬂᬳᬚᬶ᭞ᬤᭀᬂᬚᬕ᭄ᬚᬕᬶᬦ᭄ᬭᬢᬸᬢᬶᬢ᭄ᬬᬂ᭞ᬓᬓᬾᬦᬾᬲᬓᬶᬢ᭄ᬢᬶᬢ᭄ᬬᬗᬾ᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬦ
[ ᭑᭘ 18A]
ᬳᬦᬂ᭞ᬲᬧᬲᬶᬭᬲᬦᬾᬳᭀᬮᬲ᭄᭞ᬫᬜᬸᬧᬢ᭄ᬢᬶᬢ᭄ᬬᬂᬳᬶᬮᬘᬸᬃ᭞ᬢᬶᬢ᭄ᬬᬂᬲᬗ᭄ᬕᬸᬧ᭄ᬓᬧᬜ᭄ᬚᬓᬂ᭟ᬲᬂᬪᬶᬫᬓᬗᭂᬦ᭄ᬫᬱᬶ᭞ᬳᬢ᭄ᬫᬦᬾ ᬲ᭄ᬥᬶᬫᬗᭂᬗ᭄ᬓᬓ᭄᭞ᬢᬓᭂᬢᬸᬲ᭄ᬓᬬᬸᬦ᭄ᬳᬶᬤᬦᬾ
ᬤᬶᬢᬸᬳᬶᬤᬢᬦ᭄ᬚᬗ᭄ᬓᬬᬦ᭄᭞ᬳᬢ᭄ᬫᬳᬢ᭄ᬫᬦᬾᬓᬚᭂᬫᬓ᭄᭞ᬮᬸᬄᬫ᭄ᬯᬦᬶᬬᬓᬤᬸᬤᬸᬓ᭄᭞ᬓᬲᬸᬧᬢ᭄‌ᬬᬧ᭄ᬭᬚᬦ᭄ᬬᬦ᭄᭟ᬲᬫᬶᬳᬢ᭄ᬫᬦᬾᬫᬦᬶᬗ᭄ᬓ᭄ᬭᬶᬓ᭄᭞ᬍᬕᬦ᭄ᬜᬦᬾᬢᬦ᭄ᬲᬧᬶᬭ
᭞ᬢᬸᬫᬸᬮᬶᬫᬢᬸᬲᭂᬫ᭄ᬩᬳᬾ᭞ᬤᬸᬄᬲᬶᬦᬸᬳᬸᬦ᭄‌ᬤᬾᬯᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄ᬫᬫᬜ᭄ᬚᬓ᭄᭞ᬳ᭄ᬤᬚᬩ᭄ᬯᬶᬦ᭄‌ᬮ᭄ᬬᬸᬢᬸᬢᬸᬃ᭞ᬓᭂᬫᬚᬫᬸᬮᬶᬄᬓᬍᬫᬄ᭟ᬓᬘᬭᬶᬢᬲᬦᬾ
ᬫᬗ᭄ᬓᬶᬦ᭄᭞ᬳᬢ᭄ᬫᬦᬾᬳᬓᬶᬤᬶᬓ᭄ᬧᬶᬲᬦ᭄᭞ᬦᬾᬓᬦ᭄ᬢᬸᬦ᭄ᬭᬶᬂᬚᬫ᭄ᬩᬗᬦᬾ᭞ᬯᬦ᭄ᬢᬄᬦᬾᬩᬜ᭄ᬘᬶᬗᬄᬓᬾᬯᬮ᭞ᬮᬸᬄᬫ᭄ᬯᬦᬶᬲᬵᬫ᭄ᬧᬸᬦ᭄ᬢᭂᬮᬲ᭄᭞ᬓᬲᬸᬧᬢ᭄ᬲᬵᬫ᭄ᬧᬸᬦ᭄ᬧᬸᬦᬶᬓᬸ᭞ [ 19 ][ ᭑᭘ 18B]
᭑᭘᭞
ᬳᬦ᭄ᬢᬸᬓ᭄ᬲᬂᬪᬶᬫᬧ᭄ᬭᬓᬰ᭟ᬧᬋᬓᬦ᭄ᬗᬸᬦᬶᬳᬕ᭄ᬮᬶᬲ᭄᭞ᬫᬭᬶᬂᬲᬂᬧᬦᬸᬗ᭄ᬕᭀᬦ᭄ᬓᬯᬄ᭞ᬧᬸᬮᬸᬓᬸᬦ᭄ᬢᭂᬮᬲ᭄ᬳᬢ᭄ᬫᬦᬾᬳᬶᬭᬶᬓᬫᬶᬂᬭᬶᬂᬚᬫ᭄ᬩᬗᬦ᭄᭞ᬓᬲᬸᬧᬢ᭄ᬳᬦ᭄ᬢᬸᬓ᭄ᬲᬂᬪᬶᬫ᭞ᬓ
ᬯᬳᬾᬲᬫᬶᬓᬕᭂᬩᬸᬃ᭞ᬲᬂᬚᭀᬕᭀᬃᬫᬦᬶᬓ᭄‌ᬫᬸᬭᬶᬭᬓ᭄᭟ᬢᬸᬫᬸᬮᬶᬫᬮᬳᬶᬩ᭄ᬕᭂᬮᬶᬲ᭄᭞ᬫᬦᬸᬚᬸᬕ᭄ᬦᬲᬂᬪᬶᬫ᭞ᬢᬦ᭄ᬓᬘᬭᬶᬢᬮᬫ᭄ᬧᬳᬾ᭞ᬲᬕᬾᬢᬵᬓᬧᬗ᭄ᬕᬸᬄᬲᬂᬪᬶᬮ
᭞ᬲ᭄ᬥᭂᬓ᭄ᬗᬓ᭄ᬱᬶᬧᬸᬦᬂᬳᬢ᭄ᬫ᭞ᬫᬭᬾᬭᭀᬤ᭄ᬧᬘᬂᬫᬦ᭄ᬢᬸᬓ᭄᭞ᬲᬂᬚᭀᬕᭀᬃᬫᬦᬶᬓ᭄ᬫᬗᭂᬭᬓ᭄᭟᭐᭟ᬲᬶᬦᭀᬫ᭄‌‌ᬯᬬᬄ᭞ᬳᬶᬄᬳᬶᬩᬢᬾᬯᬺᬓᭀᬥᬭ᭞ᬤᬤᬶᬳᬶᬩ
ᬮᬶᬯᬢ᭄‌ᬚ᭄ᬯᬭᬶ᭞ᬳᬶᬩᬮᬶᬜᭀᬓ᭄‌ᬩ᭄ᬯᬶᬦ᭄ᬩᬺᬕᬄ᭞ᬫᬘᬘᬬᬢ᭄ᬓᬾᬦ᭄ᬓᬳᬶ᭞ᬢᬳᬦᬂᬳᬶᬩᬦᬾᬚᬦᬶ᭞ᬢᬸᬲᬶᬂᬩᬸᬯᬸᬂᬳᬶᬩᬮᬫ᭄ᬧᬸᬲ᭄᭞ᬤᭀᬱᬦ᭄ᬳᬶᬩᬩ᭄ᬭᬢ᭄ᬧᬶᬲ
[ ᭑᭙ 19A]
ᬦ᭄᭞ᬢᬸᬭᬶᬂᬮᬶᬜᭀᬓ᭄ᬢᭂᬓᬾᬦ᭄ᬫᬸᬜᬶ᭞ᬢ᭄ᬓᬾᬦ᭄ᬳᬓᬸ᭞ᬳᬶᬩᬚ᭄ᬯᬭᬶᬫᬗᬮᭀᬫ᭄ᬧᬂ᭟ᬓᬳᬶᬓᬸᬦ᭄ᬤᬾᬦᬂᬫᬜᬸᬧᬢ᭄᭞ᬳᬢ᭄ᬫᬤᬤ᭄ᬯᬮᬸᬄᬫ᭄ᬯᬦᬶ᭞ᬤᬤᬶᬳᬶᬩᬤᭂᬕᬕ᭄ᬧᬶᬲᬦ᭄᭞ᬳᭀᬜ
ᬳᬢ᭄ᬫᬦᬾ ᬩᬦ᭄ᬘᬳᬶ᭞ᬫᬭᬶᬂᬚᬫ᭄ᬩᬗᬦᬾ ᬚᬦᬶ᭞ᬢᬸᬯᬶᬦ᭄ᬤᬶᬩᬚᬼᬫᬩᬸᬤᬸᬄ᭞ᬢᬸᬭᬶᬂᬫᬤᬬᬘᭀᬭᬄ᭞ᬢᬳᬦᬂᬳᬶᬩᬦᬾᬚᬦᬶ᭞ᬮᬸᬢ᭄ᬫᬲᬯᬸᬃ᭞ᬲᬂᬪᬶᬫᬲᬃᬯ᭄ᬯᬶᬫᬸᬭᬶᬭᬓ᭄᭟
ᬳᬶᬢᬸᬦᬶᬳᬶᬩᬦᬸᬦ᭄ᬤᬾᬦᬂ᭞ᬜᬸᬧᬢ᭄ᬳᬢ᭄ᬫᬮᬸᬄᬫ᭄ᬯᬦᬶ᭞ᬦᬾᬩᬜ᭄ᬘᬶᬄᬲᬶᬲᬸᬧᬢ᭄ᬓᬳᬶ᭞ᬤᬾᬦᬶᬂᬲ᭄ᬬᬓᬸᬢᬸᬳᬸᬲᬥᬸ᭞ᬳᬓᬾᬢᭀᬧᬂᬳᬶᬩᬦᬯᬂ᭞ᬲᬂᬚᭀᬕᭀᬃᬫᬦᬶᬓ᭄‌ᬩ᭄ᬭᬗ᭄ᬢᬶ᭞ᬧᭂ
ᬲᬸᬧᭂᬮᬸᬄ᭞ᬓᬘᬗ᭄ᬓᬶᬢ᭄ᬩᬳᬦ᭄ᬲᬂᬪᬶᬫ᭟ᬢᬸᬫᬸᬮᬶᬕᬺᬕᭂᬢᬦ᭄ᬧᬶᬲᬦ᭄᭞ᬢᬗᬦ᭄ᬲᬸᬓᬸᬦᬾᬫᬚᬶᬚᬶᬓ᭄᭞ᬳᬶᬄᬳᬶᬩᬲᬂᬯᬺᬓᭀᬥᬭ᭞ᬳᬶᬩᬓᬮ᭄ᬤᬤᬶᬧᬲᬶᬮᬶᬄ᭞ᬩᭂᬦ᭄ᬢᬶᬦᬶᬦ᭄‌ᬤᬶᬓ [ 20 ][ ᭑᭙ 19B]
᭑᭙᭞
ᬯᬄᬳᭂᬦ᭄ᬢᬶᬧ᭄᭞ᬓᬾᬢᭀᬲᬂᬚᭀᬕᭀᬃᬳᬫᬸᬯᬸᬲ᭄᭞ᬳᬸᬤᬸᬄᬘᬭᬓᬲᬫ᭄ᬬᬦ᭄᭞ᬚᬮᬦ᭄‌ᬋᬩᬸᬢ᭄ᬪᬶᬫᬚᬦᬶ᭞ᬚᬮᬦ᭄‌ᬳᭂᬚᬸᬓ᭄᭞ᬢᬸᬃᬧᬸᬮᬂᬫᬭᬶᬂᬚᬫ᭄ᬩᬗᬦ᭄᭞ᬲᬂᬪᬶᬫᬳᬾᬭᬂᬫ᭄ᬬᬃ
ᬱ᭞ᬫᬸᬜᬶᬦ᭄ᬜᬲᬂᬚᭀᬕᭀᬃᬫᬦᬶᬓ᭄᭞ᬓᬾᬯᬮᬫᬫᬍᬄᬳᬃᬱ᭞ᬢᬗᬦ᭄ᬲᬸᬓᬸᬗᭂᬢᭀᬃᬗᬶᬚᬶᬚᬶᬓ᭄᭞ᬧ᭄ᬭᬭᬳᬶᬦᬾᬩᬭᬓ᭄ᬩᬶᬳᬶᬂ᭞ᬳᬗ᭄ᬕᬦᬾᬳᬧᬓᬚᬸᬢ᭄ᬚᬸᬢ᭄᭞ᬳᬲ᭄ᬯ
ᬲᬫᬤᭀᬳᭀᬲᬦ᭄᭞ᬘᬭᬓᬓᬘ᭄ᬭᬶᬢᬚᬦᬶ᭞ᬚᬕ᭄ᬫᬗᬺᬩᬸᬢ᭄᭞ᬗᭂᬫ᭄ᬩᬸᬮᬶᬦ᭄‌ᬢ᭄ᬯᬭᬚᬗ᭄ᬓᬬᬦ᭄᭟ᬲᬂᬚᭀᬕᭀᬃᬯᬶᬓ᭄ᬭᬫᬗᬭᬦ᭄᭞ᬓᬮᬳᬸᬧᬢᬬᬫᬮᬶᬄ᭞ᬓ
ᬮᬪᬸᬢᬢᬦ᭄ᬓᬶᬤᬶᬓᬦ᭄᭞ᬗᬺᬩᬸᬢ᭄ᬲᬂᬪᬶᬫᬦᬾᬫᬗ᭄ᬓᬶᬦ᭄᭞ᬳᬤᬳᬦᬾᬫᬦᬶᬕ᭄ᬢᬶᬕᬶᬦ᭄᭞ᬳᬤᬦᭀᬦ᭄ᬢᭀᬦ᭄ᬩᬳᬦ᭄ᬧᬮᬸ᭞ᬳᬤᬳᬦᬾᬫᬫᬓ᭄ᬧᬓ᭄᭞ᬳᬤᬗᬸᬢ᭄ᬕᬸᬢ᭄ᬳᬸᬮᬶᬤᬸ
[ ᭒᭐ 20A]
ᬭᬶ᭞ᬢᬸᬃᬳᬫᬸᬯᬸᬲ᭄᭞ᬢᬳᬦᬂᬚᬦᬶᬓᭀᬂᬪᬶᬫ᭟ᬲᬂᬚᭀᬕᭀᬃᬫᬗᭂᬮᬸᬃᬕᬮᬓ᭄᭞ᬮᬯᬸᬢᬂᬳᭂᬚᬸᬓ᭄‌ᬢᬮᬶᬦᬶᬦ᭄᭞ᬲᬸᬮᬂᬤᬶᬢᬸᬤᬶᬚᬫ᭄ᬩᬗᬦ᭄᭞ᬳᬗ᭄ᬕᭀᬦ᭄ᬫᬲᬶᬮᬶᬳᬶᬦ᭄‌ᬧᬢᬶ᭞ᬤᭀ
ᬱᬦ᭄ᬜᬤᭂᬕᬕ᭄‌ᬓᬾᬦ᭄ᬓᬳᬶ᭞ᬘᬭᬓᬫᬲᬯᬸᬃᬫᬦᬸᬓ᭄᭞ᬮᬶᬗ᭄ᬕᬶᬄᬧᬸᬓᬸᬮᬸᬦ᭄ᬪᬝᬵᬭ᭞ᬜᬦᬦ᭄ᬢᬶᬢ᭄ᬬᬂᬫᬦᬮᬶᬦᬶᬦ᭄᭞ᬬᬾᬦᬶᬂᬲᬵᬫᬵᬧᬸᬦ᭄᭞ᬲᬶᬤ᭄ᬥᬓᬯᭀᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬲᬂ
ᬪᬶᬫᬫᬗ᭄ᬓᬶᬦ᭄ᬫᬦᬶᬫ᭄ᬩᬮ᭄᭞ᬦᬾᬧᬶᬮᬶᬳᬶᬦ᭄ᬲ᭄ᬬᬓᬸᬚᬦᬶ᭞ᬲᬃᬯ᭄ᬯᬶᬫᬗᬧᬾᬃᬫᬦᬶᬜ᭄ᬚᬓ᭄᭞ᬫᬜᬶᬗ᭄ᬕᬸᬓ᭄ᬫᬜᬕᬸᬃᬩ᭄ᬯᬶᬦ᭄᭞ᬲᬂᬫᬗᬺᬩᬸᬢ᭄ᬲᬫᬶᬮᬶᬮᬶᬄ᭞ᬧᬤᬫ᭄ᬮᬳᬶᬩ᭄ᬳᭂᬩᬄᬩᬗᬸᬦ᭄᭞ᬲᬂ
ᬓᬮᬯᬶᬓ᭄ᬭᬫᬗᬾᬭᬗᬂ᭞ᬫᬸᬜᬶᬩ᭄ᬮᬤ᭄ᬲᬯᬂᬚ᭄ᬭᬶᬄ᭞ᬢᬸᬓᬕᬧ᭄ᬮᬸᬓ᭄᭞ᬤᬶᬢᬸᬬᬩᬄᬫᬦᬸᬗ᭄ᬓᬬᬓ᭄᭟ᬲᬪᬶᬫᬗᬦ᭄ᬤᬶᬓᬩᬗ᭄ᬕ᭄ᬭᬲ᭄᭞ᬳᬶᬄᬲᬸᬭᬢ᭄ᬫᬧᬳᭂᬓᬂᬤᬶᬦᬶ᭞ᬮᬸᬗ [ 21 ][ ᭒᭐ 20B]
᭒᭐᭞
ᬢ᭄ᬫᬗᬗ᭄ᬕᬭᬂᬧ᭄ᬤᬂ᭞ᬓᬲᭂᬫ᭄ᬧᬮ᭄ᬲᬂᬪᬶᬫᬫᬗ᭄ᬓᬶᬦ᭄᭞ᬦᬗ᭄ᬳᬶᬂᬢ᭄ᬯᬭᬤᬫᬶᬦ᭄ᬢᬸᬮᬶᬦ᭄᭞ᬲᬂᬪᬶᬫᬢ᭄ᬯᬭᬚᬩ᭄ᬮᬸᬃ᭞ᬩᬮᬶᬓ᭄ᬲᬸᬭᬢ᭄ᬫᬓᬚᬫ᭄ᬩᬓ᭄᭞ᬢᬸᬃᬓᬚᭂᬧᬶᬢ᭄ᬳᬦ᭄ᬢᬸᬓ᭄ᬓᬾᬭᬶ᭞ᬩᬯᭀᬲ᭄ᬳᬶᬧᬸᬦ᭄᭞
ᬭᬭᬶᬲ᭄‌ᬬᬦᬸᬦᬲ᭄‌ᬳᬫ᭄ᬧᬸᬭ᭟ᬤᬲᬂᬪᬶᬫᬢ᭄ᬯᬭᬮᬸᬕ᭄ᬭ᭞ᬓᬕᭂᬢᭂᬧ᭄ᬩᬯᭀᬂᬜᬫᬗ᭄ᬓᬶᬦ᭄᭞ᬕ᭄ᬢᬶᬄᬜᬦᬾᬧᬲᭂᬫ᭄ᬩᬸᬭᬢ᭄᭞ᬤᬶᬢᬸᬬᬗᭂᬫᬲᬶᬦ᭄ᬫᬢᬶ᭞ᬲᬂᬚᭀᬕᭀᬃᬫᬦᬶᬓ᭄ᬫᬦᭂᬗ᭄ᬓᬶ
ᬓ᭄᭞ᬲᬂᬪᬶᬫᬜᬕ᭄ᬚᬕ᭄ᬫᬜᭂᬓᬸᬓ᭄᭞ᬢᬸᬭᬶᬂᬤᬶᬢᬸᬓᬫᬢ᭄ᬬᬂ᭞ᬲᬂᬚᭀᬕᭀᬃᬗᭂᬫᬲᬶᬦ᭄ᬫᬢᬶ᭞ᬫᬗ᭄ᬓᬶᬦ᭄ᬭᬭᬸᬤ᭄‌ᬘᬭᬓᬫᬓᬲᬫ᭄ᬬᬦ᭄᭟ᬲᬂᬘᬶᬓ᭄ᬭᬩᬮᬳᬗᬸᬘᬧ᭄᭞ᬚᬮᬦ᭄ᬳᬶᬦᬶ
ᬗᬂᬦᬾᬚᬦᬶ᭞ᬭᬶᬂᬳᬶᬤᬪᬝᬵᬭᬬᬫ᭞ᬢᬦ᭄ᬓᬘᬭᬶᬢᬭᬶᬂᬫᬃᬕ᭄ᬕᬶ᭞ᬲᬕᬾᬢᬦ᭄ᬲᬵᬫᬵᬧᬸᬦ᭄ᬧ᭄ᬭᬧ᭄ᬢᬶ᭞ᬪᬝᬵᬭᬬᬫᬳᬫᬸᬯᬸᬲ᭄᭞ᬢᭀᬗᬸᬤᬳᬶᬩᬘᬓ᭞ᬫᬗᬗ᭄ᬲᬸᬃᬢ᭄ᬓᬦᬾᬫᬳᬶ
[ ᭒᭑ 21A]
ᬗ᭄ᬕᬶᬄᬧᬸᬓᬸᬮᬸᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬸᬦᬶᬗᬬᬂ᭟ᬲᬂᬲᬸᬭᬢ᭄ᬫᬲᬵᬫᬵᬧᬸᬦ᭄ᬧ᭄ᬚᬄ᭞ᬲᬂᬚᭀᬕᭀᬃᬫᬦᬶᬓ᭄ᬗᭂᬫᬲᬶᬦ᭄᭞ᬓᬯᬸᬮᬲᬫᬶᬧᬩᬼᬲᬢ᭄᭞ᬲᬫᬶᬧᬥᬦᬦ᭄ᬤᬂᬓᬦᬶᬦ᭄᭞ᬧᬬᬸ
ᬤᬦᬾᬢᬦ᭄ᬲᬶᬧᬶ᭞ᬤᬾᬦᬶᬂᬲᬂᬪᬶᬫᬗᬫᬸᬓ᭄᭞ᬭᬶᬂᬢ᭄ᬕᬮ᭄ᬧᬦᬗ᭄ᬲᬭᬦ᭄᭞ᬳ᭄ᬬᬂᬬᬫᬫᭂᬗ᭄ᬕᬄᬫ᭄ᬬᬃᬱᬶ᭞ᬚᬕ᭄ᬮᬸᬫᬓᬸ᭞ᬳᬦ᭄ᬢᬸᬓ᭄ᬓᬬᬸᬦᬾᬓᬾᬭᬗᬦ᭄᭟᭐᭟ᬤᬸᬃᬫ᭄ᬫ᭟ᬲᬂᬳ᭄ᬬᬂᬬ
ᬫ᭞ᬢᬸᬲ᭄ᬭᬯᬸᬄᬭᬶᬂᬳᬦᬗ᭄ᬲᬭᬦ᭄᭞ᬓᬘᬸᬦ᭄ᬤᬸᬓ᭄ᬲᬂᬪᬶᬫᬫᬗ᭄ᬓᬶᬦ᭄᭞ᬳ᭄ᬬᬂᬬᬫᬗᬦ᭄ᬤᬶᬓ᭞ᬳᬶᬄᬓᭀᬳᬶᬩᬪᬶᬫ᭞ᬢᬗ᭄ᬕᬧ᭄ᬕᬥᬦ᭄ᬓᬳᬶᬦᬾᬚᬦᬶ᭞ᬲᬂᬪᬶᬫᬫᭀᬚᬃ᭞ᬲ᭄ᬬᬓᬸ
ᬗ᭄ᬭᬸᬭᬸᬄᬩ᭄ᬬᬂᬳᬚᬶ᭟ᬳᬸᬤᬸᬄᬤᬶᬚ᭞ᬫᬮᬸᬗ᭄ᬕᬸᬄᬳᬶᬳᬚᬶᬩ᭄ᬬᬂ᭞ᬦᬄᬳᭀᬭᬳᬂᬚᬤᬶᬕ᭄ᬮᬶᬲ᭄᭞ᬬᬦ᭄ᬲᬶᬂᬫᬗᭀᬭᬳᬂ᭞ᬚᬦᬶᬮᬓᬃᬓᬧ᭄ᬭᬚᬬ᭞ᬳᬶᬄᬳᬶᬩᬪᬶᬫᬤᬸᬲ᭄ᬓᬺᬢᬶᬄ [ 22 ][ ᭒᭑ 21B]
᭒᭑᭞
ᬜᬾᬦ᭄ᬲᬶᬦᬾᬦᬾᬦᬦ᭄᭞ᬪᬝᬵᬭᬬᬫᬦᬾ ᬓᬳᬶ᭟ᬗᬯᬕ᭄ᬗᬯᬕ᭄᭞ᬦᬾᬳᬶᬩᬫᭂᬲ᭄ᬯᬂᬧᭂᬢ᭞ᬦᬾᬕᬕᬶᬢᬶᬓ᭄ᬓᬳᬶᬦᬾᬢᬫ᭄ᬧᬶ᭞ᬓᬳᬶᬫᬸᬲᬸᬄᬳᬶᬩ᭞ᬬᬾᬦ᭄ᬲᬸᬩ
ᬓᬓᬳᬶᬓᬦ᭄ᬤᬧ᭄᭞ᬓᬳᬶᬜ᭄ᬭᬳᬂ᭞ᬓᬾᬦ᭄ᬓᬳᬶ᭞ᬲᬂᬪᬶᬫᬫᭀᬚᬂ᭞ᬳᬄᬤᬾᬯᬬᬫᬤᬸᬲ᭄ᬓᬺᬣᬶ᭟ᬤᬾᬯᬬᬫ᭞ᬳᬶᬄᬩᬲ᭄ᬓᬍᬩᬶᬳᬦ᭄ᬳᬸᬚᬃ᭞ᬲ᭄ᬬᬓᬸᬧᬘᬂᬫᬗᬮᬶᬄ᭞
ᬳᬶᬳᬚᬶᬩ᭄ᬬᬂ᭞ᬤᬶᬚᬳᬶᬤᬓᬮᬶᬗ᭄ᬕᬶᬳᬂ᭞ᬲᬂᬪᬶᬫᬲᬕᬾᬢ᭄ᬓᬮᬦ᭄ᬢᬶᬕ᭄᭞ᬢᬸᬃᬬᬓᬳᬶᬜ᭄ᬘᬓ᭄᭞ᬦᬗ᭄ᬳᬶᬂᬢᭀᬂᬳᬤᬫᬶᬦ᭄ᬢᬸᬮᬶᬦ᭄᭞ᬫᬮᬶᬄᬓᬢ᭄ᬯᭂᬓ᭄᭞ᬲᬂᬪᬶᬫᬦᬢ
ᬦ᭄ᬓᬾᬯ᭄ᬭᬦ᭄᭞ᬭᬫ᭄ᬧ᭄ᬭᬾᬗᬾᬲᬮᬶᬂᬢᬗ᭄ᬓᬶᬲ᭄᭞ᬩᬸᬭᬸᬓᬩᬸᬭ᭄ᬯᬂ᭞ᬧᬥᬬᬲᬮᬶᬄᬲᬶᬗ᭄ᬲᬾᬳᬂ᭞ᬧ᭄ᬢᭂᬂᬤᭂᬤᭂᬢ᭄ᬫᬭᬶᬂᬚᬸᬭᬶᬢ᭄᭞ᬩᬸᬓᬾᬫᬲᬫ᭄ᬩᬸᬭᬢ᭄᭞ᬓᬲᭀᬃᬳ᭄ᬬᬂ

[ ᭒᭒ 22A]
ᬬᬫᬦᬾᬫᬗ᭄ᬓᬶᬦ᭄᭟ᬚᬕ᭄ᬓᬤᬓᭂᬧ᭄᭞ᬳ᭄ᬬᬂᬬᬫᬢᬦ᭄ᬤᬤᬶᬗ᭄ᬭᬾᬚᬢ᭄᭞ᬦᬸᬮᬶᬦᬗᬶᬲ᭄ᬗᬲᬶᬄᬳᬲᬶᬄ᭞ᬳᬸᬭᬶᬧ᭄ᬩᬧᬤᬾᬯ᭞ᬚᬮᬦ᭄ᬚᬦᬶᬫᬓᬦ᭄ᬢᬾᬦᬦ᭄᭞ᬬᬾᬦᬶᬂᬩᬧ
ᬲᬚᬳᬸᬭᬶᬧ᭄᭞ᬩᬧᬗᬮᬶᬳᬂ᭞ᬳᬶᬩ᭄ᬬᬂᬫ᭄ᬯᬄᬳᬶᬳᬚᬶ᭟ᬤᬲᬂᬪᬶᬫᬲᬦᬾᬫᬗ᭄ᬓᬶᬦ᭄ᬫᬮᬶᬄᬫᭀᬚᬃ᭞ᬲ᭄ᬬᬓᬸᬢ᭄ᬯᬭᬳᬲᬶᬄ᭞ᬫᬸᬜᬶᬦ᭄ᬳᬶᬩᬦᬾᬩᭀᬩᬪ᭄᭞ᬬᬾᬦ᭄ᬲ᭄ᬬᬓᬸ
ᬚᬦᬶᬗᬮᬩᬂ᭞ᬧ᭄ᬤᬲ᭄ᬲᬦ᭄ᬳᬶᬩᬫᬮᬳᬶᬩ᭄᭞ᬲ᭄ᬬᬓᬸᬓᬤᬬᬦᬂ᭞ᬳᬶᬩᬫᬸᬤᬶᬮᬚᭂᬗᬳᬶᬦ᭄᭟ᬳᬦᬾᬚᬦᬶ᭞ᬳᬶᬩᬮᬓᬃᬓᬫᬢ᭄ᬬᬂ᭞ᬓᬸᬓᬸᬦ᭄ᬲ᭄ᬬᬓᬸᬦᬾᬮ᭄ᬬᬢᬶᬦ᭄᭞
ᬯᬮᬸᬬᬫᬮᬾᬮ᭞ᬤᬲᬂᬬᬬᬶᬸᬫᬦᬸᬦᬲ᭄ᬳᬶᬘ᭄ᬙ᭞ᬳᬸᬭᬶᬧ᭄ᬩᬧᬤᬾᬯᬚᬦᬶ᭞ᬩᬧᬲᬗ᭄ᬕᬸᬧ᭄‌ᬜᬸᬧᬢ᭄᭞ᬲᬂᬧᬡ᭄ᬥᬸᬫ᭄ᬯᬂᬤᬾᬯᬶᬫᬤ᭄ᬭᬶ᭞ᬮᬓᬃᬳᬩ᭞ᬤᬶᬫᬾᬭᬸᬦᬾ [ 23 ][ ᭒᭒ 22B]
᭒᭒᭞
ᬢᬸᬫ᭄ᬧᬂᬲᭀᬮᬲ᭄᭞ᬩᬧᬢ᭄ᬯᬭᬫᬗ᭄ᬮᬶᬜᭀᬓᬶᬦ᭄᭞ᬩᬧᬢᬸᬲᬢ᭄ᬬ᭞ᬧᬦ᭄ᬩᬧᬫᬗ᭄ᬕᬤᬾᬯᬢ᭞ᬢᬸᬲᬶᬂᬤᬤᬶᬮᬶᬜᭀᬓ᭄ᬚᬜ᭄ᬚᬶ᭞ᬩᬧᬗᬫᭀᬂᬥᬃᬫ᭄ᬫ᭞ᬚᬢᬶᬩ
ᬧᬲᬥᬸᬩᬸᬤ᭄ᬥᬶ᭟ᬤᬲᬂᬪᬶᬫ᭞ᬲᬦᬾ ᬫᬗ᭄ᬓᬶᬦ᭄ᬳᬶᬤᬗᬸᬘᬧ᭄᭞ᬤᬸᬄᬳ᭄ᬬᬂᬬᬫᬚᬢᬶ᭞ᬳᭂᬤᬚᬫᬫᭀᬩᬩ᭄᭞ᬲᬸᬧᬢ᭄ᬚᬳᬶᬳᬚᬶᬩ᭄ᬬᬂ᭞ᬳᬩᬓᬰ᭄ᬯᬃᬕ᭄ᬕᬦ᭄ᬤᬶᬕ᭄ᬮᬶᬲ᭄᭞ᬳ᭄ᬬᬂᬬᬫ
ᬓᬮᬾᬩᬂ᭞ᬢᬸᬫᬸᬮᬶᬳᬶᬤᬫᬤᬶᬤᬶᬂ᭟ᬕᬕ᭄ᬮᬶᬲᬦ᭄᭞ᬳ᭄ᬬᬂᬬᬫᬭᬯᬸᬄᬭᬶᬂᬓᬯᬄ᭞ᬳᬢ᭄ᬫᬦᬾᬲᬫᬶᬧᬚ᭄ᬭᬶᬢ᭄᭞ᬯᬾᬦᬵᬢᭂᬦ᭄ᬦᬾ ᬫᬗᭂᬗ᭄ᬓᬓ᭄᭞ᬳᬸᬬᬸᬢ᭄ᬫᬩ᭄ᬬᬬᬸᬳᬦ᭄ᬭᬶᬂᬓᬯᬄ᭞ᬚ
ᬫ᭄ᬩᬗᬦᬾᬓᬤᭂᬲᭂᬓᬶᬦ᭄᭞ᬢᬸᬃᬓᬮᬾᬤᭀᬓᬂ᭞ᬳᬦ᭄ᬢᬸᬓ᭄ᬳ᭄ᬬᬂᬬᬫᬤᬶᬧᬢᬶ᭟ᬯᬺᬓᭀᬥᬭ᭞ᬦᬺᬕ᭄ᬢᭂᬕ᭄ᬧᬫᬃᬕ᭄ᬕᬶᬦ᭄ᬳ᭄ᬬᬂᬬᬫ᭞ᬓᬢ᭄ᬫᬸᬳ᭄ᬬᬂᬬᬫᬫᬗ᭄ᬓᬶᬦ᭄᭞ᬲᬕᬾᬢ᭄ᬗᭂᬩᬕ᭄ᬲᬂ
[ ᭒᭓ 23A]
ᬳᬢ᭄ᬫ᭞ᬢᬸᬃᬲ᭄ᬥᭂᬓ᭄ᬫᬗ᭄ᬮᬾ ᬤᭀᬓᬂ᭞ᬲᬂᬯᬺᬓᭀᬥᬭᬫᬦᭂᬗ᭄ᬓᬶᬓ᭄᭞ᬳᬶᬄᬬᬫᬩᭀᬩᬪ᭄᭞ᬤᬾᬯᬮᬶᬜᭀᬓ᭄ᬢᭂᬓᬾᬦ᭄ᬫᬸᬜᬶ᭟ᬲᬗ᭄ᬕᬸᬧ᭄ᬳᬶᬩ᭞ᬫᬜᬸᬧᬢ᭄ᬳᬶᬳᬚᬶᬳᬶᬩ᭄ᬬᬂ᭞ᬢᭀᬗᬸᬤᬤᬶ
ᬦᬶᬫᬦᭂᬮᬶᬓ᭄᭞ᬫᬲᬯᬸᬃᬳ᭄ᬬᬂᬬᬫ᭞ᬲᬚᬳᬓᬸᬩᭀᬩᬤ᭄᭞ᬦᬓ᭄ᬫᬸᬲᬸᬄᬯ᭄ᬦᬂᬮᬶᬜᭀᬓᬶᬦ᭄᭞ᬓᬾᬢᭀᬮᬶᬂᬳᬕᬫ᭞ᬧᬜ᭄ᬘᬦᬺᬢ᭄ᬣᬢᭀᬓᬤᬦᬶᬦ᭄᭟ᬤᬤᬶᬫᭂᬗ᭄ᬕᬄ᭞ᬦᬾ
ᬫᬗ᭄ᬓᬶᬦ᭄ᬲᬂᬯᬺᬓᭀᬥᬭ᭞ᬫᬗ᭄ᬭᬓ᭄ᬢᬸᬂᬫᬦᬸᬤᬶᬂ᭞ᬚᬫ᭄ᬩᬗᬦᬾ ᬓᬕᭀᬩᬕᬂ᭞ᬫᬸᬜ᭄ᬘ᭄ᬭᬢ᭄‌ᬬᬾᬄᬜᬦᬾ ᬫᬸᬜ᭄ᬘᬃ᭞ᬲᬂᬳ᭄ᬬᬂᬬᬫᬓᬮᬫ᭄ᬩᬾᬲᬶᬲᬶᬸᬦ᭄᭞ᬦᬸᬮᬶᬳᬶᬤᬩᬩᬂ᭞ᬫ᭄ᬮᬳᬶ
ᬩ᭄ᬢᬦ᭄‌ᬦᭀᬮᬶᬄᬓᬸᬭᬶ᭟᭐᭟ᬲᬶᬦᭀᬫ᭄᭟ᬢᬦ᭄ᬓᭀᬘᬧᬦ᭄ᬭᬶᬂᬫᬃᬕ᭄ᬕ᭞ᬳᬶᬤᬳ᭄ᬬᬂᬬᬫᬫᬮᬳᬶᬩ᭄᭞ᬲᬵᬫᬵᬧᬸᬦ᭄ᬭᬯᬸᬄᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬕᬾᬕᬾᬃᬲᬯᬢᭂᬓ᭄ᬫ᭄ᬬᬂᬱᬶ᭞ᬳ᭄ᬬᬂᬕᬸᬭᬸᬗ [ 24 ][ ᭒᭓ 23B]
᭒᭓᭞
ᬦ᭄ᬤᬶᬓᬳᬭᬶᬲ᭄᭞ᬢᭀᬗᬸᬤᬳᬶᬤᬾᬯᬗᬗ᭄ᬲᬸᬃ᭞ᬲᬂᬳ᭄ᬬᬂᬬᬫᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬳ᭄ᬬᬂᬧ᭄ᬭᬫᭀᬱ᭄ᬝᬶ᭞ᬦᬸᬦᬲ᭄ᬮᬸᬧᬸᬢ᭄᭞ᬢᬶᬢ᭄ᬬᬂᬫᬦᭂᬥᬮᬸᬕ᭄ᬭᬳ᭟ᬫᬭᬶᬂᬢ᭄ᬕᬮ᭄ᬧᬦ
ᬗ᭄ᬲᬭᬦ᭄᭞ᬯᬾᬦ᭄ᬢᭂᬦ᭄ᬢᬤ᭄ᬫᬫᬗ᭄ᬭᬸᬩᬸᬳᬶᬦ᭄᭞ᬫᬯᬱ᭄ᬝᬳᬶᬪᬶᬫᬲᬾᬦ᭞ᬓᬯᬳᬾᬓᬭᬸᬕ᭄ᬭᬸᬕ᭄ᬲᬫᬶ᭞ᬚᬫ᭄ᬩᬗᬦᬾᬫᬓᬲᬫᬶ᭞ᬓᬢᬶᬗ᭄ᬓᭂᬩᬂᬳᬦ᭄ᬢᬸᬓ᭄ᬳᬶᬧᬸᬦ᭄᭞ᬳᬢ᭄ᬫᬦᬾᬢ᭄ᬮ
ᬲ᭄ᬧᬩᬼᬲᬢ᭄᭞ᬲᬧᬸᬦᬶᬓᬭᬢᬸᬯ᭄ᬬᬓ᭄ᬢᬶ᭞ᬚᬤ᭄ᬫᬢᭂᬕᬸᬄ᭞ᬢᬦ᭄ᬓᬾᬗ᭄ᬕᬸᬄᬫᬭᬶᬂᬧᬧ᭄ᬭᬗᬦ᭄᭟ᬫᬗᬫᬸᬓ᭄‌ᬓ᭄ᬭᬸᬭᬓᬭ᭞ᬓᬋᬩᬸᬢ᭄ᬢᬦ᭄ᬧᬧᬓᬾᬭᬶᬂ᭞ᬲᬶᬂᬓᬯᬭᬕ᭄ᬧᬚᬸᬕᬾᬕ
ᬕ᭄᭞ᬲᬶᬂᬓᬩᬩᬃᬲᬫᬶᬮᬶᬮᬶᬄ᭞ᬓᬢᭂᬩᭂᬓ᭄‌ᬦᬢᬦ᭄ᬫᬶᬦ᭄ᬢᬸᬮᬶᬦ᭄᭞ᬓᬢᬸᬲᬸᬓ᭄‌ᬳᬶᬧᬸᬦ᭄ᬢᬦ᭄ᬓᬾᬗ᭄ᬕᬸᬄ᭞ᬧᬭᬧᬢᬶᬄᬲᬫᬶᬧ᭄ᬚᬄ᭞ᬲᬦᬾᬓᬦ᭄ᬢᬸᬦ᭄ᬲᬫᬶᬫ᭄ᬮᬳᬶᬩ᭄᭞ᬭᬢᬸᬳᬕᬸᬂ᭞

[ ᭒᭔ 24A]
ᬢᬶᬢ᭄ᬬᬂᬧᭀᬮᬶᬄᬓᬕᬶᬲ᭄ᬬᬂ᭟ᬳᬯᬶᬦᬦ᭄ᬲᬂᬯᬺᬓᭀᬥᬭ᭞ᬓᬧᬦᬗ᭄ᬲᬭᬦ᭄‌ᬯ᭄ᬬᬓ᭄ᬢᬶᬗᬋᬋᬄᬫᬾᬫᬾᬩᬧᬦ᭄ᬜ᭞ᬲᬂᬧᬡ᭄ᬥᬸᬫ᭄ᬯᬂᬤᬾᬯᬶᬫᬤ᭄ᬭᬶ᭞ᬧᬘᬂᬓᬩᬓ᭄ᬢᬫᬕᬶᬗ᭄ᬲᬶᬃ᭞ᬫᬭᬶᬂᬰ᭄ᬯᬃᬕ᭄ᬕᬦ᭄ᬫᬮᬸ
ᬗ᭄ᬕᬸᬄ᭞ᬲᬧᬸᬦᬶᬓᬳᬶᬗ᭄ᬕᬶᬄᬤᬾᬯ᭞ᬳ᭄ᬬᬂᬚᬸᬭᬸᬗᬦ᭄ᬤᬶᬓᬕ᭄ᬮᬶᬲ᭄᭞ᬤᬚᬓᬾ ᬗ᭄ᬕᬸᬄ᭞ᬓᭂᬫᬢᭂᬗᭂᬭᬦᬾᬢᭂᬧᬓ᭄᭟ᬳᬸᬢᬸᬲᬦ᭄ᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬓᬘᬭᬶᬢᬭᬶᬂᬫᬃᬕ᭄ᬕᬶ᭞ᬲᬕᬾᬢᬵᬲᬫ᭄ᬧᬸᬦ᭄ᬳᬶᬧᬸᬦ᭄ᬫᬸᬗ᭄ᬕᬄ᭞ᬫᬭᬶᬂ
ᬳᬶᬢᬭᬸᬯᬭᬶᬗᬶᬦ᭄᭞ᬓᬸᬮ᭄ᬓᬸᬮᬾᬫᬗᭂᬦ᭄ᬩᬸᬢ᭄ᬭᬭᬶᬲ᭄᭞ᬯᬢᭂᬓ᭄ᬤᬾᬯᬢᬦᬾᬢᭂᬤᬸᬦ᭄᭞ᬕᬾᬕᬾᬃᬲᬫᬶᬫᬩ᭄ᬬᬬ᭄ᬯᬦ᭄᭞ᬳ᭄ᬬᬂᬚᬸᬭᬸᬗᬦ᭄ᬤᬶᬓᬫᬮᬶᬄ᭞ᬓᭂᬫᬋᬩᬸᬢ᭄᭞ᬲᬂᬪᬶᬫᬮᬯᬸᬢ᭄ᬫᬢ᭄ᬬᬂ᭟
ᬤᭀᬱᬦ᭄ᬜᬦᬾ ᬩᬺᬕᬄᬧᬶᬲᬦ᭄᭞ᬧᬢᬸᬢ᭄‌ᬬᬗᭂᬫᬲᬶᬦ᭄ᬫᬢᬶ᭞ᬲᬮᬄᬫᬗ᭄ᬭᬸᬭᬸᬄᬭᬶᬂᬓᬯᬄ᭞ᬓᭂᬫᬚᬲᬬᬕᬚᬦᬶ᭞ᬲᬶᬓᭂᬧᬾ ᬬᬧᬥᬳᬗ᭄ᬩᬶᬮ᭄᭞ᬯᬢᭂᬓ᭄ᬤᬾᬯᬢᬳᬸᬫᬢᬸᬃ [ 25 ][ ᭒᭔ 24B]
᭒᭔᭞
ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬪᬝᬵᬭ᭞ᬢᬦ᭄ᬓᭀᬘᬧ᭄ᬲᬦᬾᬫᬗ᭄ᬓᬶᬦ᭄᭞ᬦᬾᬓᬯᬸᬯᬸᬲ᭄᭞ᬲᬂᬪᬶᬫᬫᬗ᭄ᬓᬶᬦ᭄‌ᬓᭀᬘᬧᬦ᭄᭟ᬓᬗᭂᬦ᭄ᬳᬶᬤᬫᬭᬶᬂᬳᬃᬱ᭞ᬫᬫᬶᬋᬗᬂᬳᬦᬓ᭄ᬲ᭄ᬥᬶᬄ᭞ᬦᬗ᭄ᬳᬶᬂᬦᬾᬬᬳᭂ
ᬚᭀᬄᬲᬯᬢ᭄᭞ᬢᬦ᭄ᬫᬭᬶᬫᬗᬲᬶᬄᬳᬲᬶᬄ᭞ᬤᬲᬂᬪᬶᬫᬓᭀᬘᬧ᭄ᬫᬗ᭄ᬓᬶᬦ᭄᭞ᬫᬢᬸᬃᬭᬶᬂᬩ᭄ᬬᬗᬾ ᬳᬮᬸᬲ᭄᭞ᬳᬶᬗ᭄ᬕᬶᬄᬩ᭄ᬬᬂᬳᬤᬶᬭᬓ᭞ᬫᬶᬚᬶᬮ᭄ᬤᬾᬯᬕ᭄ᬮᬶᬲ᭄ᬕᭂᬮᬶᬲ᭄᭞ᬚᬕ᭄ᬧᬩ᭄ᬮᬸᬲ᭄ᬩᬸᬲ᭄
᭞ᬲᬫᬶᬫ᭄ᬤᬮ᭄ᬲᬓᬶᬂᬳᬗ᭄ᬕ᭟ᬲᬂᬪᬶᬫᬲᬾᬦᬕᬕ᭄ᬮᬶᬲᬦ᭄᭞ᬗᬸᬗ᭄ᬲᬶᬳᬦᬓᬾᬦᬾᬲ᭄ᬥᬶᬄ᭞ᬳᬚᬳᬦ᭄ᬳᬶᬤᬯᬸᬲ᭄ᬧ᭄ᬭᬧ᭄ᬢ᭞ᬓᬧᬗ᭄ᬕᬶᬄᬚᬫ᭄ᬩᬗᬦ᭄ᬫᬮᬶᬄ᭞ᬳᬢ᭄ᬫᬳᬢ᭄ᬫᬲ᭄ᬥᬶᬄᬓᬶᬗ᭄ᬓᬶᬂ᭞ᬦ᭄ᬤᬯᭂᬕ᭄ᬲᬸᬧ
ᬢ᭄ᬢᬶᬢ᭄ᬬᬂᬭᬢᬸ᭞ᬯᬾᬦ᭄ᬢᭂᬦ᭄ᬫᬜᬫ᭄ᬩᬢ᭄ᬲᬂᬪᬶᬫ᭞ᬳᬶᬭᬶᬓᬲᬂᬪᬶᬫᬕ᭄ᬮᬶᬲ᭄᭞ᬚᬕ᭄ᬫᬘᭂᬩᬸᬃ᭞ᬭᬶᬂᬚᬫ᭄ᬩᬗᬦᬾᬫᬮ᭄ᬯᬩ᭄᭟ᬓᬢ᭄ᬫᬸᬳᬢ᭄ᬫᬲᬂᬓᬭ᭄ᬯ᭞ᬢᬸᬃᬲᬵᬫᬵᬧᬸᬦ᭄ᬫᬲᬯᬂᬕᬮᬶᬄ᭞ᬲᬂ
[ ᭒᭕ 25A]
ᬪᬶᬫᬓᬗᭂᬦ᭄ᬭᬶᬂᬳᬃᬱ᭞ᬢᭀᬬᬦ᭄ᬧᬦᭀᬦ᭄ᬫᭂᬫ᭄ᬩᬄᬫᬶᬮᬶ᭞ᬕᬮᬶᬓᬾᬤᬸᬤᬸᬓ᭄ᬕᭂᬮᬶᬲ᭄᭞ᬧᬘᬂᬓᬢᬸᬭᬂᬭᬶᬂᬳᬶᬩᬸ᭞ᬫᬗ᭄ᬓᬶᬦ᭄ᬳᬶᬤᬫᬤᬩ᭄ᬤᬩᬦ᭄᭞ᬲᬧᬸᬦᬶᬓᬓᬯᬶᬦᬃᬡ᭄ᬦᬶ᭞ᬢᬦ᭄ᬓᬯᬸᬯᬸ
ᬲ᭄᭞ᬲᬂᬥᬃᬫ᭄ᬫᬫᬗ᭄ᬓᬶᬦ᭄‌ᬓᭀᬘᬧᬦ᭄᭟ᬫᬳᬢᬸᬃᬭᬶᬂᬩ᭄ᬬᬂᬳᬶᬤ᭞ᬳᬶᬗ᭄ᬕᬶᬄᬩ᭄ᬬᬂᬧᬭᬫᬾᬰ᭄ᬯᬭᬶ᭞ᬢᬶᬢ᭄ᬬᬂᬫᬫᬶᬢ᭄ᬫᬗ᭄ᬓᬶᬦ᭄ᬩ᭄ᬬᬂ᭞ᬦᬺᬕ᭄ᬢᭂᬕ᭄ᬳᬶᬳᬤᬶᬭᬶᬂᬕ᭄ᬮᬶᬲ᭄᭞ᬫᬗ᭄ᬤᬾᬦᬾᬲᬋᬂᬗᭂᬫᬲᬶᬦ᭄‌᭞ᬧᬶ
ᬲᬦ᭄ᬲᬋᬂᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬩ᭄ᬬᬗᬾᬭᬭᬶᬲ᭄ᬗᬦ᭄ᬤᬶᬓ᭞ᬫᬾᬫᬾᬫᬶᬮᬸᬦᬸᬢᬸᬕ᭄ᬘᭂᬦᬶᬂ᭞ᬲᬯᬸᬃᬫᬦᬸᬓᬄ᭞ᬭᬳᬶᬦᬾ ᬫᬓᬲᬫ᭄ᬬᬦ᭄᭟᭐᭟ᬧᬗ᭄ᬓᬸᬃ᭟ᬓᭀᬘᬧᬦ᭄ᬧ᭄ᬭᬬᬫᬫᬃᬕ᭄ᬕ᭞ᬲ
ᬕᬢ᭄ᬯᬾᬦ᭄ᬢᬶᬦ᭄ᬧ᭄ᬭᬘᬶᬭᬶ᭟ᬳᬗᬶᬦ᭄ᬮᬶᬮᬸᬲ᭄ᬲᬕᬾᬢ᭄ᬭᬯᬸᬄ᭞ᬮᬶᬦ᭄ᬢᬂᬫᬪᬶᬦᬯᬧᬶᬲᬦ᭄᭞ᬢᬦ᭄ᬳᬲ᭄ᬯᬾᬤᬲᬂᬪᬶᬫᬭᬭᬶᬲ᭄ᬭᬯᬸᬄ᭞ᬳᬫᬸᬦ᭄ᬤᬸᬢ᭄ᬕᬮᬶᬄᬲᬂᬭ᭄ᬯ᭞ᬫᬢᬸᬃᬭᬶᬂᬩ᭄ᬬᬗᬾ ᬳᬭᬶᬲ᭄᭟ᬳᬶᬗ᭄ᬕᬶᬄ [ 26 ][ ᭒᭕ 25B]
᭒᭕᭞
ᬩ᭄ᬬᬂᬲᬥ᭄ᬬᬧᬶᬲᬦ᭄᭞ᬲ᭄ᬬᬓᬸᬫᭀᬮᬶᬄᬕᬮᬶᬄᬲᬂᬓᬮᬶᬄ᭞ᬩ᭄ᬬᬂᬫᬤ᭄ᬭᬶᬮᬦ᭄ᬳ᭄ᬬᬂᬧᬡ᭄ᬥᬸ᭞ᬤᬾᬯᬶᬓᬸᬦ᭄ᬢᬶᬫᬗᬦ᭄ᬤᬶᬓ᭞ᬳᬸᬤᬸᬄᬤᬾᬯᬲᬤ᭄ᬬᬧᬶᬲᬦ᭄ᬘᭂᬦᬶᬂᬩᬕᬸᬲ᭄᭞ᬳᬶᬤᬾᬯᬓᬲ᭄ᬯᬾ
ᬘᬦᬦ᭄᭞ᬫᭀᬮᬶᬳᬂᬕᬮᬶᬄᬲᬂᬓᬮᬶᬄ᭟ᬤᬾᬯᬶᬓᬸᬦ᭄ᬢᬶᬫᬦᬭᬶᬫ᭞ᬕᬮᬶᬄᬳ᭄ᬬᬂᬧᬡ᭄ᬥᬸᬫ᭄ᬯᬂᬤᬾ ᬯᬶᬫᬤ᭄ᬭᬶ᭞ᬢᬸᬫᬸᬮᬶᬓᬢᬸᬧ᭄ᬢᬸᬧ᭄ᬲᬫ᭄ᬧᬸᬦ᭄᭞ᬲᬓᬤᬶᬭᬭᬾᬓᬬᬦ᭄᭞ᬢᬸᬃ
ᬗᬦ᭄ᬤᬶᬓ᭞ᬓ᭄ᬦᭂᬄᬫᬾᬫᬾᬓᬾᬦᬾᬩᬕᬸᬲ᭄᭞ᬚᬮᬦ᭄ᬚᬓ᭄ᬫᬓᭂᬚᬂᬜᬸᬫ᭄ᬩᬄ᭞ᬫᬭᬶᬂᬳᬶᬤᬩ᭄ᬬᬂᬳᬚᬶ᭟ᬲᬯᬸᬃᬫᬦᬸᬓ᭄ᬲᬶᬦᬫ᭄ᬬᬦ᭄᭞ᬢᬶᬢ᭄ᬬᬂᬗᬶᬭᬶᬂᬲᬦ᭄ᬤᬶᬓᬦ᭄ᬩ᭄ᬬᬗᬾᬫᬗ᭄ᬓᬶᬦ᭄᭞
ᬤᬾᬯᬶᬓᬸᬦ᭄ᬢᬶᬜᭂᬫ᭄ᬩᬄᬤᬸᬫᬸᬦ᭄᭞ᬯᬸᬲ᭄ᬧᬸᬦᬶᬓᬲᬂᬥᬃᬫ᭄ᬫ᭞ᬲᬂᬳᬃᬚ᭄ᬚᬸᬦᬦᬓᬸᬮᬲᬳᬤᬾᬯᬢᬸᬫᬸᬢ᭄᭞ᬓᬾᬯᬮᬳᬶᬤᬲᬂᬪᬶᬫ᭞ᬢᬦ᭄ᬓᬬᬸᬦ᭄‌ᬜᭂᬫ᭄ᬩᬄᬯ᭄ᬓᬢᬶ᭟ᬭᬶᬢ

[ ᭒᭖ 26A]
ᬢ᭄ᬓᬮᬧᬸᬦᬶᬓ᭞ᬳᬶᬤᬲᬂᬓᬮᬶᬄᬯᬸᬲ᭄ᬲᬶᬤ᭄ᬥᬫᬮᬶᬗ᭄ᬕᬶᬄ᭟ᬗ᭄ᬳᬶᬂᬤᬸᬭᬸᬂᬲᬶᬤ᭄ᬥᬫᬯᬸᬯᬸᬲ᭄᭞ᬬ᭄ᬬᬦ᭄ᬢᬸᬓ᭄ᬳᬶᬤᬲᬂᬪᬶᬫ᭞ᬦᬾᬦ᭄ᬢᭂᬦ᭄ᬲᬸᬯ᭞ᬳᬜᭂᬫ᭄ᬩᬄᬲᬂᬬᬬᬄᬳᬶᬩᬸ᭞ᬤᬾᬯᬶᬓᬸᬦ᭄ᬢᬶᬲᬸᬗ᭄ᬲᬸ
ᬢ᭄ᬧᬶᬲᬦ᭄᭞ᬭᬶᬂᬲᬂᬪᬶᬫᬲᬦᬾᬫᬗ᭄ᬓᬶᬦ᭄᭟᭐᭟ᬳᬤ᭄ᬭᬶ᭟ᬫᬮᬶᬗ᭄ᬕᬶᬄᬫᬗ᭄ᬓᬶᬦ᭄ᬳᬶᬤᬲᬂᬧᬡ᭄ᬥᬸ᭞ᬭᬶᬯᬸᬲ᭄ᬓᬲᭂᬫ᭄ᬩᬳᬾ᭞ᬲᬃᬯ᭄ᬯᬶᬳᬶᬤᬗᬤᭂᬕ᭄ᬕᭂᬮᬶᬲ᭄᭞ᬦᬗ᭄ᬳᬶᬂᬢᬦ᭄ᬲᬶᬤ᭄ᬥᬮᬸᬫᬓᬸᬫ᭄ᬯᬂᬤᬾᬯᬶ
ᬫᬤ᭄ᬭᬶᬳᬶᬓᬸ᭞ᬲᬫᬶᬢᬦ᭄ᬗᬦ᭄ᬤᬶᬓᬋᬓᬾ᭞ᬓᬭᬶᬲᬗ᭄ᬲᬬᬲᬂᬳᬶᬩᬸ᭞ᬤᬾᬦᬶᬂᬫᬗᬤᭂᬕ᭄ᬓᬾᬯᬮ᭞ᬭᬾᬄᬲᬂᬪᬶᬫᬦᬾᬦ᭄ᬢᭂᬦ᭄ᬜᭂᬫ᭄ᬩᬄ᭟ᬤᬾᬯᬶᬓᬸᬦ᭄ᬢᬶᬫᬗᬶᬦ᭄ᬤᬶᬓᬳᬮᬸᬲ᭄᭞ᬗᬲᬶᬄᬳᬲᬶᬄᬋ
ᬓᬾ᭞ᬳᬸᬤᬸᬄᬤᬾᬯᬪᬶᬫᬰᬓ᭄ᬢᬶ᭞ᬫᬢᬸᬃᬲᭂᬫ᭄ᬩᬄᬭᬶᬂᬲᬂᬧᬡ᭄ᬥᬸ᭞ᬦᬸᬦᬲ᭄ᬕᬸᬂᬳᬫ᭄ᬧᬸᬭᬩᬕᬸᬲ᭄᭞ᬜᬲ᭄ᬲ᭄ᬯᬾᬦᬦ᭄ᬤᬂᬲᬗ᭄ᬲᬭ᭞ᬲᬂᬪᬶᬫᬢᬍᬃᬢᬦ᭄ᬓᬬᬸᬦ᭄᭞ᬫ᭄ᬯᬩᬭᬓ᭄‌ᬲ᭄ᬫᬸᬕᬮᬓ᭄᭞ [ 27 ][ ᭒᭖ 26B]
ᬦᬾᬦ᭄ᬢᭂᬦ᭄‌ᬗ᭄ᬭᬸᬗᬸᬳᬸᬚᬃᬳᬸᬚᬃ᭟ᬲᬂᬥᬃᬫ᭄ᬫᬯᬵᬗ᭄ᬰᬗᬦ᭄ᬤᬶᬓᬳᬮᬸᬲ᭄᭞ᬢᬦ᭄ᬯᬶᬓᬦ᭄‌ᬓ᭄ᬭᬡᬦᬾᬳᬯᬶᬦᬦ᭄ᬲᬂᬪᬶᬫᬩ᭄ᬭᬗ᭄ᬢᬶ᭞ᬢᬦ᭄ᬓᬬᬸᬦ᭄ᬜᭂᬫ᭄ᬪᬄᬲᬂᬧᬡ᭄ᬥᬸ᭞ᬲᬂᬥᬃᬫ᭄ᬫᬫᬮᬶᬄᬫᬶᬢᬸᬢᬸᬃᬳᬤᬶ
ᬲᬂᬪᬶᬫᬲᬾᬦᬦᬾ᭞ᬧᬢᬸᬢ᭄ᬲᭂᬫ᭄ᬩᬄᬤᬲᬂᬧᬡ᭄ᬥᬸ᭞ᬚᬮᬭᬦ᭄ᬦᬯᬸᬃᬳᬸᬢᬗᬾ᭞ᬫᬭᬶᬂᬲᬂᬕᬸᬭᬸᬭᬸᬧᬓ᭟ᬭᬳᬤᬾᬦᬵᬪᬶᬫᬳᬗᬸᬘᬧ᭄ᬕᬗ᭄ᬲᬸᬄ᭞ᬲ᭄ᬬᬓᬸᬢᬦ᭄ᬜᭂᬫ᭄ᬩᬳᬾ᭞ᬬᬤᬶᬦ᭄ᬫᬳᬶᬃᬂᬲᬂ
ᬳ᭄ᬬᬂᬕᬸᬭᬸ᭞ᬢᬦ᭄ᬯᭂᬦᬂᬲ᭄ᬬᬓᬸᬳᬜᭂᬫ᭄ᬩᬄ᭞ᬳᬧᬦ᭄ᬲ᭄ᬬᬓᬸᬩᬬᬸᬲᬸᬢ᭟ᬤᬾᬯᬶᬓᬸᬦᬸᬦ᭄ᬢᬶᬫᬗ᭄ᬓᬶᬦ᭄ᬢᬦ᭄ᬧᬲᬯᬸᬃ᭞ᬳᭂᬗ᭄ᬲᭂᬓ᭄ᬭᬶᬂᬳᬗᬶᬦᬾ ᭞ᬲᬂᬤᬃᬫ᭄ᬫᬗᬦ᭄ᬤᬶᬓᬫᬮᬶᬄ᭞ᬫᬲᬶᬄᬳᬲᬶᬄᬮᬶᬦ᭄ᬢᬂᬲᬸᬗ᭄ᬲᬸ
ᬢ᭄᭞ᬓᬍᬲᭀᬦ᭄ᬳᬶᬤᬭᬶᬂᬓᬬᬸᬦ᭄᭞ᬦᬓᬸᬮᬫᬦᬶᬲ᭄ᬳᬸᬚᬭᬾ᭞ᬤᬸᬄᬓᬓᬥᬃᬫ᭄ᬫᬧᬸᬓᬸᬮᬸᬦ᭄᭞ᬲᬧᬸᬦᬧᬶᬓᬓᬪᬶᬫ᭞ᬚ᭄ᬭᬶᬚᬶᬦ᭄ᬳᬶᬤᬦᬾᬢᬦ᭄ᬲᬫᬵ᭟ᬘᬶᬗᬓᬶᬦ᭄ᬜᬲᬳᬤᬾᬯᬫ
[ ᭒᭗ 27A]
ᬮᬸ᭞ᬚ᭄ᬭᬶᬚᬶᬦ᭄ᬓᬦᬾ᭞ᬲᬂᬲᬳᬤᬾᬯᬜᬯᬸᬭᬶᬦ᭄᭞ᬯ᭄ᬬᬓ᭄ᬢᬶᬢᬦ᭄ᬧᬢᭂᬄᬧᬸᬦᬶᬓᬸ᭞ᬲᬂᬲᬳᬤᬾᬯᬓᬧᬸᬗ᭄ᬓᬸᬃ᭞ᬲᬂᬪᬶᬫᬫᬗ᭄ᬓᬶᬦ᭄ᬳᬸᬚᬭᬾ᭞ᬳᬤᬶᬲᬶᬂᬩᬶᬦᬧᬸᬦᬶᬓᬸ᭞ᬳᭀᬭᬳᬂᬳᬤᬶ
ᬢᬦ᭄ᬧᬥ᭞ᬦᭀᬂᬳᬶᬯᬲᬶᬦ᭄‌ᬦᬾᬓᬸᬮ᭟ᬤᬲᬂᬪᬶᬫᬢᬦ᭄ᬢᬳᬸᬓ᭄ᬦᬾᬂᬳᬧᬸᬮ᭄᭞ᬓᭂᬤᭂᬗᬂᬢᬗᬦᬾ ᭞ᬓᬳᬫ᭄ᬩᬶᬮ᭄ᬭᬭᬶᬲ᭄ᬤᬶᬕ᭄ᬮᬶᬲ᭄᭞ᬳᬦ᭄ᬢᬸᬓ᭄ᬲᬂᬲᬤᬾᬯᬳᬶᬓᬸ᭟ᬓᬲᬸᬫ᭄ᬩᬳᬂᬭᬶᬂᬲᬂᬧ
ᬡ᭄ᬥᬸ᭞ᬳᬫᭂᬗ᭄ᬕᬄᬲᬂᬪᬶᬫᬗ᭄ᬓᬾ᭞ᬭᬤᬾᬦᬵᬦᬓᬸᬮᬫᬘᭂᬩᬸᬃ᭞ᬲᬋᬂᬭᬤᬾᬦ᭄‌ᬲᬳᬤᬾᬯ᭞ᬭᬭᬶᬲ᭄ᬫᭂᬮᬳᬶᬩ᭄ᬕᬕ᭄ᬮᬶᬲᬦ᭄᭟᭐᭟ᬧᬸᬘᬸᬂ᭟ᬓᬩᬶᬦᬸᬭᬸ᭞ᬲᬳᬫᬗᬦ᭄ᬤᬶᬓᬕ
ᬗ᭄ᬲᬸᬄ᭞ᬳᬦ᭄ᬢᬶᬲ᭄ᬬᬓᬸᬲᬾᬢᬦ᭄᭞ᬚᬼᬫᬍᬢᬸᬄᬢᬸᬤᬸᬲ᭄ᬓᬺᬣᬶ᭞ᬳᬦ᭄ᬢᬶᬲ᭄ᬬᬓᬸ᭞ᬦᬢᬦ᭄ᬳᬸᬭᬸᬂᬳᬶᬩᬧ᭄ᬚᬄ᭟ᬥᬃᬫᬲᬸᬦᬸ᭞ᬕ᭄ᬮᬶᬲ᭄ᬫᬗᬫ᭄ᬩᬶᬮ᭄ᬫᬫᭂᬮᬸᬓ᭄᭞ᬲᬋᬂᬲᬂᬳᬃᬚᬸᬦ᭞ᬢᬸᬫᬸ [ 28 ][ ᭒᭗ 27B]
᭒᭗᭞
ᬮᬶᬫᬗᬲᬶᬄᬳᬲᬶᬄ᭞ᬳᬤᬶᬳᬕᬸᬂ᭞ᬳᭂᬤᬳᬤᬶᬧᬭᬶᬓᭀᬱ᭟ᬤᬲᬂᬳᬶᬩᬸ᭞ᬫᬲᬶᬄᬫᬶᬮᬸᬫᬧᬶᬢᬸᬢᬸᬃ᭞ᬫᬫᬦᬶᬲ᭄ᬳᬸᬚᬭᬾ᭞ᬢᬦ᭄ᬫᬭᬶᬫᬦᬸᬤᬸᬢ᭄ᬳᬢᬶ᭞ᬲ᭄ᬦᭂᬂᬩᬕᬸᬲ᭄᭞ᬦᬯᭂᬕᬂᬮ᭄ᬬᬗᬂᬤᬾ
ᬯ᭟ᬘ᭄ᬦᭂᬂᬩᬕᬸᬲ᭄᭞ᬳᬫ᭄ᬧᬸᬭᬬᬂᬘ᭄ᬦᬶᬂᬩᬕᬸᬲ᭄᭞ᬳᬸᬲᬦ᭄ᬤᬾᬯᬫᭂᬗ᭄ᬕᬄ᭞ᬭᬶᬂᬳᬭᬶᬦ᭄ᬤᬾᬯᬦᬾᬓᬮᬶᬄ᭞ᬫᬗ᭄ᬓᬶᬦ᭄‌ᬳᭂᬦ᭄ᬤᬸᬓ᭄᭞ᬲᬂᬪᬶᬫᬯᬸᬲ᭄ᬲᬶᬤ᭄ᬥᬧᬹᬃᬡ᭄ᬦ᭟ᬭᬭᬶᬲ᭄ᬭᬯᬸᬄ᭞ᬲᬂᬦᬓᬸᬮ
ᬜᬭᬸᬜᬭᬸ᭞ᬲᬳᬤᬾᬯᬧᬥ᭞ᬲᬂᬪᬶᬫᬦᬸᬲ᭄ᬫᬸᬚᭂᬗᬶᬲ᭄᭞ᬗ᭄ᬳᬶᬂᬢᬦ᭄ᬧᬸᬭᬸᬦ᭄᭞ᬭᬶᬂᬭᬓᬓᬮᬶᬄᬭᬶᬂᬩ᭄ᬬᬂ᭟ᬤᬲᬂᬧᬡ᭄ᬥᬸ᭞ᬓᬮᬶᬄᬤᬾᬯᬶᬫᬤ᭄ᬭᬶᬳᬶᬓᬸ᭞ᬭᬶᬲᬵᬫᬵᬧᬸᬦ᭄ᬓᬲᭂᬫ᭄ᬩᬄ᭞
ᬳᬦ᭄ᬢᬸᬓ᭄ᬲᬂᬪᬶᬫᬗᬸᬦᬶ᭞ᬲᬶᬤ᭄ᬥᬲᬫ᭄ᬧᬸᬦ᭄᭞ᬫᬗᬤᭂᬕ᭄ᬢᬸᬭᬶᬂᬧᬫᬃᬕ᭄ᬕ᭟ᬦᬗ᭄ᬳᬶᬂᬤᬸᬭᬸᬂ᭞ᬳᬶᬤᬦᬾᬫᬗ᭄ᬓᬶᬦ᭄ᬫᬯᬸᬯᬸᬲ᭄᭞ᬓᬶᬗᭂᬮ᭄ᬓᬶᬗᭂᬮ᭄ᬓᬾᬯᬮ᭞ᬤᬾᬯᬶᬓᬸᬦ᭄ᬢᬶᬓᬦ᭄ᬢᬸᬦ᭄ᬲᭂᬤᬶᬄ᭞ᬓᬦ᭄ᬢᬸ

[ ᭒᭘ 28A}
ᬦ᭄ᬲᬸᬗ᭄ᬲᬸᬢ᭄᭞ᬬᬾᬦ᭄ᬳᬶᬤᬤᬸᬭᬸᬂᬗᬦ᭄ᬤᬶᬓ᭟ᬦᬄᬦᬾᬩᬕᬸᬲ᭄᭞ᬚᬦᬶᬧᬓᬬᬸᬦ᭄ᬳᬶᬩᬸ᭞ᬗᬭᬸᬭᬸᬄᬳᬫᬺᬢ᭄ᬣ᭞ᬗ᭄ᬕᬾᬦ᭄ᬫᬺᬢᬶᬱ᭄ᬝᬳᬚᬶᬦ᭄ᬘᭂᬦᬶᬂ᭞ᬫᬗ᭄ᬤᬢᬸᬮᬸᬲ᭄᭞ᬳᬶᬤᬲᬶᬤ᭄ᬥᬫᬗᬦ᭄ᬤᬶᬓ᭟ᬚᬦᬶ
ᬩᬕᬸᬲ᭄᭞ᬲᬶᬭᬓᬾᬲᬗ᭄ᬕᬸᬕᬶᬸᬧ᭄ᬗᬭᬸᬭᬸᬄ᭞ᬤᬲᬂᬥᬃᬫ᭄ᬫᬜᭂᬫ᭄ᬩᬄ᭞ᬢᬶᬢ᭄ᬬᬂᬧᬫᬶᬢ᭄ᬳᬶᬩᬸᬤᬾᬯᬶ᭞ᬲᬯᬸᬃᬫᬦᬸᬓ᭄‌ᬳᬭᬶᬂᬦᬾᬫᬓᬲᬫ᭄ᬬᬦ᭄᭟ᬚᬕ᭄ᬳᬫᬸᬯᬸᬲ᭄᭞ᬤᬲᬂᬪᬶᬫᬲ᭄ᬬᬓᬸᬲᬗ᭄ᬕᬸᬕ᭄᭞
ᬗᬮᬶᬄᬓᬂᬳᬫᬺᬢ᭄ᬯ᭞ᬲ᭄ᬬᬓᬸᬢᬸᬲᬶᬂᬢᬓᬸᬢ᭄ᬫᬢᬶ᭞ᬳᬤᬶᬩᬸᬤᬸᬄ᭞ᬫᬓᭂᬚᬂᬬᬕ᭄ᬢᬧ᭄ᬕᭂᬢᬧ᭄᭟ᬦᭀᬗᭀᬲ᭄ᬳᬶᬩᬸ᭞ᬲ᭄ᬬᬓᬸᬦᬾᬚᬦᬶᬗᬭᬸᬭᬸᬄ᭞ᬭᬶᬂᬤᬶᬚᬕ᭄ᬦᬄᬜ᭞ᬲ᭄ᬬᬓᬸᬲᬗ᭄ᬕᬸᬧ᭄ᬫᬗ
ᬮᬶᬄ᭞ᬬᬾᬦᬵᬢᬦ᭄ᬧᬗ᭄ᬕᬸᬄ᭞ᬳᬶᬤᭀᬂᬳᬶᬤᭀᬂᬲ᭄ᬬᬓᬸᬪᬶᬫ᭟᭐᭟ᬤᬹᬃᬫ᭄ᬫ᭟ᬚᬕ᭄ᬫᬕᬾ ᬩ᭄ᬭᬲ᭄᭞ᬲᬂᬪᬶᬫᬦᬸᬮᬶᬫᬍᬲᬢ᭄᭞ᬫᬫᬃᬕ᭄ᬕᬶᬦᬾᬓᬤᬶᬳᬗᬶᬦ᭄᭞ᬮ᭄ᬯᬶᬃᬕᬸᬦᬸᬂᬳᬗ᭄ᬮᬬᬂ [ 29 ][ ᭒᭘ 28B]
᭒᭘᭞
᭞ᬢᬭᬸᬦᬾᬢ᭄ᬮᬄᬩᬮ᭄ᬩᬮ᭄᭞ᬦᬾᬫᬗ᭄ᬓᬶᬦ᭄ᬘᬭᬶᬢᬕ᭄ᬮᬶᬲ᭄᭞ᬲᬕᬾᬢ᭄ᬫᬗ᭄ᬕᬸᬄᬢᬫᬦ᭄᭞ᬳ᭄ᬩᭂᬓ᭄ᬤᬾᬦᬶᬂᬲ᭄ᬓᬃᬫᬶᬬᬶᬓ᭄᭟ᬫᬗ᭄ᬓᬶᬦ᭄‌ᬓᭀᬘᬧ᭄᭞ᬕᬾᬕᬾᬃᬲᬯᬢᭂᬓ᭄ᬤᬾᬯᬢ᭄᭞ᬫ
ᬩ᭄ᬬᬸᬬ᭄ᬯᬦ᭄‌ᬲᬫᬶᬜ᭄ᬭᬶᬢ᭄᭞ᬧᬭᬯᬶᬤ᭄ᬬᬤᬭ᭞ᬲᬫᬶᬫᬲᬸᬃᬬ᭄ᬬᬓ᭄ᬲᬸᬃᬬ᭄ᬬᬓ᭄᭞ᬳᬸᬫᬸᬂᬭᬶᬂᬰ᭄ᬯᬃᬕ᭄ᬕᬦ᭄ᬯ᭄ᬬᬓ᭄ᬢᬶ᭞ᬚᬕ᭄ᬳᬩ᭄ᬭ᭄ᬬᬸᬓᬦ᭄᭞ᬲᬂᬪᬶᬫᬓᬺᬩᬸᬢ᭄ᬓᭂᬫ᭄ᬩᬸᬮᬶᬦ᭄᭟ᬤᬲᬂᬪᬶᬫ
᭞ᬭᬶᬦᬶᬩᬸᬢ᭄‌ᬢ᭄ᬯᬭᬗ᭄ᬓᬬᬦ᭄᭞ᬯᬢᭂᬓ᭄ᬤᬾᬯᬢ᭄ᬗᬶᬤᭂᬭᬶᬦ᭄᭞ᬢᬸᬭᬶᬂᬫᬲᬲᬸᬫ᭄ᬩᬃ᭞ᬳ᭄ᬦᬾ ᬳᬶᬩᬪᬶᬫᬢ᭄ᬓ᭞ᬫᬲᬳᬶᬤᬸᬧ᭄ᬳᬶᬩᬚᬦᬶ᭞ᬲᬂᬪᬶᬫᬗ᭄ᬭᬓ᭄᭞ᬦᬾᬲᬸᬩᬚᬦᬶᬧᬶᬮᬶ
ᬳᬶᬦ᭄᭟ᬦ᭄ᬤᬢᬦ᭄‌ᬋᬋᬤ᭄᭞ᬤᬲᬂᬪᬶᬫᬓᬳᬶᬤ᭄ᬭᬦ᭄᭞ᬫᬕᬶᬮᬶᬄᬧᬥᬦᬶᬕ᭄ᬢᬶᬢ᭄᭞ᬧ᭄ᬢᭂᬂᬤᭂᬤᭂᬢ᭄ᬳᬚᬳᬦ᭄᭞ᬩᬸᬓᬾᬧᬲᬸᬫᬶᬭᬢ᭄᭞ᬩᬢᬸᬦᬾᬬᬧᬍᬓ᭄ᬢᬶ
[ ᭒᭙ 29A]
ᬓ᭄᭞ᬲᬗ᭄ᬚᬢᬢᬢᬦ᭄ᬧ᭄ᬕᬢ᭄᭞ᬮ᭄ᬯᬶᬃᬧᬾᬦ᭄ᬤᬄᬳᬸᬚᬦ᭄ᬳᬗᬶᬦ᭄᭟ᬤᬲᬂᬪᬶᬫ᭞ᬢ᭄ᬯᬭᬓᬾᬗ᭄ᬕᬸᬄᬓᬓᭂᬫ᭄ᬩᬸᬮᬦ᭄᭞ᬢᬵᬦᬂᬳᬶᬩᬦᬾ ᬚᬦᬶᬤᭀᬱᬦ᭄ᬳᬶᬩᬩᬺᬕᬄ᭞ᬫᬗ᭄ᬓᬓ᭄ᬫᬳᬶᬓ
ᬰ᭄ᬯᬃᬕ᭄ᬕᬦ᭄᭞ᬢᬸᬫᬸᬮᬶᬯᬾᬦ᭄ᬢᭂᬦ᭄ᬦᭂᬩᭂᬓᬶᬦ᭄᭞ᬯᬾᬦ᭄ᬢᭂᬦ᭄ᬫᬦᬸᬫ᭄ᬩᬓ᭄᭞ᬯᬾᬦ᭄ᬢᭂᬦ᭄ᬫᬸᬮᬗᬶᬦ᭄ᬕᬕᬶᬢᬶᬓ᭄᭟ᬧᬗ᭄ᬓᬶᬦ᭄ᬳᬾᬭᬂ᭞ᬓᬬᬸᬦ᭄ᬲᬂᬯᬺᬓᭀᬥᬭ᭞ᬢᬸᬫᬸᬮᬶᬗᬯᬍᬲ᭄ᬕᭂᬮᬶᬲ᭄᭞
ᬲᬳᬲᬫᬦᬶᬜ᭄ᬚᬓ᭄᭞ᬫᬵᬜᬕᬸᬃᬢᬸᬃᬫᬜᬾᬧᬓ᭄᭞ᬫᬵᬜᬶᬓᬸᬫᬦᬫ᭄ᬧᬾᬮ᭄‌ᬫᬮᬶᬄ᭞ᬗᬫᬸᬓ᭄ᬢᭀᬂᬭᬾᬭᬾᬦᬦ᭄᭞ᬯᬢᭂᬓ᭄ᬤᬾᬯᬢᬦᬾᬮᬶᬮᬶᬄ᭟ᬓᬪᬶᬦᬯ᭞ᬤᬲᬂ
ᬪᬶᬫᬲ᭄ᬥᭂᬂᬕᬮᬓ᭄᭞ᬓᬤᬶᬕᬚᬄᬗᬸᬩᬢ᭄ᬳᬩᬶᬢ᭄᭞ᬫᬸᬲᬸᬳᬾᬧᬩᬼᬲᬢ᭄᭞ᬓᬓᭂᬧᬸᬂᬢᬦ᭄ᬭᬾᬭᬾᬦᬦ᭄᭞ᬳᬦ᭄ᬢᬶᬤᬶᬢᬸᬓᬳᬶᬚᬦᬶ᭞ᬳᬶᬄᬳᬶᬩᬩᬺᬕᬄ᭞ᬳ᭄ᬦᬾᬧᬩᬸ [ 30 ][ ᭒᭙ 29B]
᭒᭙᭞
ᬢ᭄ᬓᬳᬶᬚᬦᬶ᭟ᬓᬚᬓ᭄ᬮᭀᬤ᭄᭞ᬓᬗᬶᬦ᭄ᬓᬯᬸᬄᬬᬓᬳᬸᬩᭂᬃ᭞ᬓᬳᬫᬸᬓ᭄ᬗᬦ᭄ᬢᭂᬕ᭄ᬓᬧᬸᬭᬶ᭞ᬕᬾᬕᬾᬃᬭᬶᬂᬧᬸᬭ᭄ᬬᬦ᭄᭞ᬲᬫᬶᬚ᭄ᬭᬶᬄᬭᬶᬂᬲᬂᬪᬶᬫ᭞ᬧᬭᬳᬶᬲ᭄ᬢ᭄ᬭᬶᬦᬾᬫᬮᬳᬶᬩ᭄᭞ᬫᬲᬾᬧ
ᬦ᭄ᬲᬾᬧᬦ᭄᭞ᬤ᭄ᬭᬸᬯᬾᬦᬾᬲᬬᬓ᭄ᬗᬲᬶᬗᬶᬮ᭄᭟ᬯᬾᬦ᭄ᬢᭂᬦ᭄ᬓᭀᬘᬧ᭄᭞ᬲᬦᬾᬫᬗᬸᬦᭂᬩ᭄ᬚᭂᬮᬦᬦ᭄᭞ᬢᬸᬫᬸᬮᬶᬫᬓᬜ᭄ᬘᬶᬂᬓᬸᬭᬶ᭞ᬤᬶᬢᬸᬮᬯᬸᬢ᭄ᬓᬢᬶᬜ᭄ᬚᬓ᭄᭞ᬓᭀᬭᬶᬦᬾᬩᬄᬫᬩ᭄ᬭ᭄ᬬ
ᬓ᭄᭞ᬮᬾᬦ᭄ᬳᬤᬓᬧᬸᬦᬧᬶ᭞ᬮᬾᬦ᭄ᬳᬤᬫᬸᬗ᭄ᬕᬄ᭞ᬢᬭᬸᬦᬾ ᬓᬓᭀᬘᭀᬓᭂᬮᬶᬲ᭄᭟ᬤᬲᬂᬪᬶᬫ᭞ᬫᬗᬫᬸᬓ᭄‌ᬢᬦ᭄ᬭᬾᬭᬾᬦᬦ᭄᭞ᬯᬢᭂᬓ᭄ᬋᬱᬶᬲᬫᬶᬫ᭄ᬮᬳᬶᬩ᭄᭞ᬲᬂᬋᬱᬶ
ᬚᬦᬓ᭞ᬲᬂᬋᬱᬶᬯᬺᬱ᭄ᬧᬢ᭄ᬬ᭞ᬲᬫᬶᬧᬥᬫᭂᬗ᭄ᬓᭂᬩ᭄ᬗᭂᬮᬶᬤ᭄᭞ᬚ᭄ᬭᬶᬄᬭᬶᬂᬲᬂᬪᬶᬫ᭞ᬫᬗᬸᬬᭂᬂᬕᬤᬗᭂᬧᬸᬗᬶᬦ᭄᭟᭐᭟ᬫᬶᬚᬶᬮ᭄᭟ᬲᬬᬦ᭄ᬫᬸᬯᬸᬕ᭄᭞ᬧᬲ᭄ᬬᬢᬾᬦᬾᬫ

[ ᭓᭐ 30A]
ᬗ᭄ᬓᬶᬦ᭄᭞ᬯᬢᭂᬓ᭄ᬤᬾᬯᬗᭂᬤᭀᬄ᭞ᬫᬗᭂᬫ᭄ᬩᬸᬮᬶᬦ᭄ᬧᬗᬫᬸᬓ᭄ᬪᬶᬫᬦᬾ᭞ᬳᬦᬦᬸᬫ᭄ᬩᬓ᭄‌ᬳᬤᬳᬦᬾᬗ᭄ᬮᬦ᭄ᬢᬶᬕ᭄᭞ᬳᬤᬦᬾᬫᬗᭂᬭᬶᬲ᭄᭞ᬩ᭄ᬯᬶᬦ᭄ᬳᬦᬦᬾᬫᬗᭂᬭᬸ᭟ᬧ᭄ᬢᭂᬂᬳᬶ
ᬩᬸᬢ᭄᭞ᬤᬶᬰ᭄ᬯᬃᬕ᭄ᬕᬦ᭄ᬦᬾᬚᬦᬶ᭞ᬲᬂᬳ᭄ᬬᬂᬰᬶᬯᬋᬓᭀ᭞ᬫᬓᬫᬶᬯᬄᬳᬶᬤᬳ᭄ᬬᬂᬓᬮᬦᬾ᭞ᬲᬂᬳ᭄ᬬᬂᬯᬶᬱ᭄ᬡᬸ᭞ᬲᬂᬳ᭄ᬬᬂᬮᬸᬤ᭄ᬭᬫᬮᬶᬄ᭞ᬧ᭄ᬭᬲᬫᬗᭂᬫ᭄ᬩᬸᬮᬶᬦ᭄᭞ᬳᬤᬜᬓ᭄ᬭᬳᬤᬜᬸ
ᬤᬸᬓ᭄᭟ᬦᬢᬦ᭄ᬓᬾᬗ᭄ᬕᬸᬄ᭞ᬲᬂᬪᬶᬫᬭᬶᬂᬚᬸᬭᬶᬢ᭄᭞ᬳᬾ ᬕᬃᬳᬶᬤᬋᬓᭀ᭞ᬢ᭄ᬯᬭᬩᬶᬦ᭄ᬢᬸᬮ᭄‌ᬚ᭄ᬯᬳᬗ᭄ᬕᬦ᭄ᬳᬶᬤᬦᬾ᭞ᬲᬮᬶᬂᬘᭂᬓᬸᬓ᭄‌ᬲᬕᬾᬢ᭄ᬲᬮᬶᬂᬲᬩᬶᬢ᭄᭞ᬲᬕᬾᬢ᭄ᬲᬮᬶᬂ
ᬢᬶᬕ᭄ᬢᬶᬕ᭄᭞ᬲᬂᬪᬶᬫᬗᬦ᭄ᬤᭂᬮ᭄ᬭᬶᬂᬓᬬᬸᬦ᭄᭟ᬧᬥᬓᬸᬓᬸᬄ᭞ᬢ᭄ᬯᬭᬧᬧᬓᬾᬭᬶᬂ᭞ᬧᬥᬚᬬᬋᬓᭀ᭞ᬤᬲᬂᬪᬶᬫᬫᬗ᭄ᬭᬓ᭄ᬳᬸᬚᬭᬾ᭞ᬋᬩᬸᬢ᭄ᬲ᭄ᬬᬓᬸᬳ᭄ᬦᬾ ᬚ᭄ᬯᬧᬶᬮᬶᬳᬶᬦ᭄᭞ [ 31 ][ ᭓᭐ 30B]
᭓᭐᭞
ᬲᬂᬪᬶᬫᬫᬦ᭄ᬭᬶᬢ᭄᭞ᬮ᭄ᬯᬶᬃᬧᬾᬦ᭄ᬤᬄᬓᬮᬫᬸᬭᬸᬩ᭄᭟ᬤᬶᬢᬸᬮᬯᬸᬢ᭄᭞ᬯᬢᭂᬓ᭄ᬤᬾᬯᬮᬶᬮᬶᬄ᭞ᬲᬫᬶᬫᬸᬦ᭄ᬤᬸᬃᬋᬓᭀ᭞ᬤᬲᬂᬪᬶᬫᬫᬗᭂᬮᬸᬃᬳᬸᬚᬭᬾ᭞ᬗᬸᬤᬳᬶᬚᬸᬢᭀᬧ
ᬥᬫ᭄ᬮᬳᬶᬩ?᭞ᬳᬦ᭄ᬢᬶᬲ᭄ᬬᬓᬸᬚᬦᬶ᭞ᬳ᭄ᬦᬾᬫᬦᬸᬱᬳᬳᬸᬓᬸᬤ᭄᭟ᬲᬂᬳ᭄ᬬᬂᬕᬸᬭᬸ᭞ᬕ᭄ᬮᬶᬲ᭄ᬫᬗᭂᬲᬾᬦᬵᬕᬶᬦ᭄᭞ᬲᬂᬳ᭄ᬬᬂᬩᬬᬸᬋᬓᭀ᭞ᬫᬗ᭄ᬤᬫᬫᭂᬦ᭄ᬤᬓ᭄ᬧᬸᬢ᭄ᬭᬦ᭄ᬳᬶᬤᬦᬾ ᭞ᬤᬾᬦᬶᬂᬲᬵᬫᬵᬧᬸᬦ᭄ᬤᬾ
ᬯᬲᬫᬶᬮᬶᬮᬶᬄ᭞ᬓᬲᭀᬃᬫᬭᬶᬂᬚᬸᬭᬶᬢ᭄᭞ᬭᬾᬲᬂᬪᬶᬫᬮᬶᬦ᭄ᬢᬂᬢᭂᬕᬸᬄ᭟ᬤᬸᬄᬳ᭄ᬬᬂᬩᬬᬸ᭞ᬳᬶᬤᬾᬯᬦᬾ ᬚᬦᬶ᭞ᬯᬦ᭄ᬢᬄᬤᬾᬯᬋᬓᭀ᭞ᬦᬾ ᬧᬢᬸᬢ᭄ᬫᭂᬦ᭄ᬤᬓ᭄ᬧᬸᬢ᭄ᬭᬦ᭄ᬳᬶᬤᬦᬾ᭞ᬫ
ᬗ᭄ᬤᬲᬵᬫ᭄ᬧᬸᬦ᭄‌ᬰ᭄ᬯᬃᬕ᭄ᬕᬦᬾᬗᭂᬫᬲᬶᬦ᭄᭞ᬮᬶᬦᭂᬩᬸᬃᬦᬾᬚᬦᬶ᭞ᬲᬶᬦᬄᬲᬫᬶᬧᬥᬳᭂᬭᬸᬕ᭄᭟ᬤᬳ᭄ᬬᬂᬩᬬᬸ᭞ᬫᬫᬃᬕ᭄ᬕᬭᬶᬂᬕ᭄ᬮᬶᬲ᭄᭞ᬓᬜ᭄ᬘᬶᬢ᭄ᬫᬗ᭄ᬓᬶᬦ᭄ᬋᬓᭀ᭞ᬓᬘᬸᬦ᭄ᬤᬸᬓ᭄ᬲᬵᬫᬵᬧᬸᬦ᭄ᬧᬸ
[ ᭓᭑ 31A]
ᬢ᭄ᬭᬦ᭄ᬳᬶᬤ᭞ᬲ᭄ᬥᭂᬓ᭄ᬗᭂᬧᬸᬂᬤᬾᬯᬢᬦᬾᬮᬶᬮᬶᬄ᭞ᬳ᭄ᬬᬂᬩᬬᬸᬫᭂᬜᭂᬭᬶᬢ᭄᭞ᬳᬸᬤᬸᬄᬳᬶᬩᬪᬶᬫᬧᬸᬗ᭄ᬕᬸᬂ᭟ᬳᬦ᭄ᬢᬶᬫᬮᬸ᭞ᬤᬚᬳᬶᬚᬸᬫ᭄ᬮᬳᬶᬩ᭄᭞ᬪᬶᬫᬓᭀᬘᬧ᭄ᬫᬗ᭄ᬓᭀ᭞ᬫᬩᬮᬶᬓ᭄ᬫᬗᬋᬧᬶᬦ᭄ᬳ
ᬚᬦᬶ᭞ᬤᬾᬯᬭᬢᬸᬩᬧᬚᬦᬶᬧᬗ᭄ᬕᬶᬄ᭞ᬍᬕᬲ᭄ᬬᬓᬸᬚᬦᬶ᭞ᬫᬧ᭄ᬭᬂᬗ᭄ᬮᬯᬦ᭄ᬲᬸᬓᬸᬮᬸᬦ᭄᭟ᬲᬂᬳ᭄ᬬᬂᬩᬬᬸ᭞ᬢᬸᬫᬸᬮᬶᬫᬦᬶᬕ᭄ᬢᬶᬕ᭄᭞ᬲᬫᬯᬃᬡ᭄ᬦᬋᬓᭀ᭞ᬤᬶᬫᬮᬯᬦ᭄ᬪᬶᬫᬲᬦᬾ
ᬫᬗ᭄ᬓᬾ᭞ᬧᬤᬢᭂᬕᬸᬄᬢᬸᬭᬶᬂᬧᬥᬰᬓ᭄ᬢᬶ᭞ᬧᬤᬓᬺᬂᬲᬫᬶ᭞ᬧᬤᬧᬥᬢ᭄ᬯᬭᬓᬾᬗ᭄ᬕᬸᬄ᭟ᬓᬤ᭄ᬢᬸᬢᬸᬃ᭞ᬓᬸᬤ᭄ᬬᬂᬗᬮᬳᬂᬳᬚᬶ᭞ᬫᬗ᭄ᬓᬶᬦ᭄ᬓᭀᬘᬧ᭄ᬋᬓᭀ᭞ᬲᬂᬪᬶᬫᬓᬦ᭄ᬤᬂᬧ᭄ᬫ
ᬭᬶᬂᬚᬸᬭᬶᬢᬾ᭞ᬓ᭄ᬦᬲᬸᬤᬸᬓ᭄ᬫᬗᭂᬫᬲᬶᬦ᭄ᬫᬢᬶ᭞ᬦᬗ᭄ᬳᬶᬂᬓᭀᬘᬧ᭄ᬫᬗ᭄ᬓᬶᬦ᭄᭞ᬮᬬᭀᬦᬾᬳᬶᬸᬓᬤᬶᬳᬢᬸᬭᬸ᭟᭐᭟ᬧᬗ᭄ᬓᬸᬂ᭟ᬲᬲᬾᬤ᭄ᬥᬦ᭄ᬳᬶᬤᬲᬂᬪᬶᬫ᭞ᬯ᭄ᬬᬓ᭄ᬢᬶᬦ᭄ᬬᬮᬬᭀ [ 32 ][ ᭓᭑ 31B]
᭓᭑᭞
ᬦᬾᬜᭂᬍᬧ᭄ᬫᬍᬗᬶᬲ᭄᭞ᬓᬤᬶᬯᭀᬂᬲ᭄ᬥᭂᬂᬳᬢᬸᬭᬸ᭞ᬲᬦᬾᬫᬗ᭄ᬓᬶᬦ᭄ᬓᬘᬭᬶᬢ᭞ᬲᬂᬳ᭄ᬬᬂᬘᬶᬦ᭄ᬢ᭄ᬬᬢᬦ᭄ᬤᬸᬫᬤᬾᬳᬶᬤᬭᬯᬸᬄ᭞ᬫᬗᬸᬭᬶᬧ᭄ᬳᬶᬤᬲᬂᬪᬶᬫ᭞ᬭᬭᬶᬲ᭄‌ᬫᬸᬱ᭄ᬡᬳᬶᬤ
ᬕ᭄ᬮᬶᬲ᭄᭟ᬲᬂᬪᬶᬫᬫᬗ᭄ᬓᬶᬦ᭄ᬫᬗ᭄ᬭᬓ᭄᭞ᬚᬕ᭄ᬫᬢᬗᬶᬲᬃᬯ᭄ᬯᬶᬫᬗᬫᬸᬓ᭄ᬫᬮᬶᬄ᭞ᬯᬢᭂᬓ᭄ᬤᬾᬯᬢᬦᬾᬓᬮᬸᬭᬸᬕ᭄᭞ᬕᬾᬕᬾᬫᬮᬶᬄᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬲᬫᬶᬓᭂᬲ᭄ᬬᬩ᭄ᬫᬗᬸᬦᭂᬩ᭄ᬓᭀᬭᬶᬫ
ᬘᭂᬮᬸᬓ᭄᭞ᬜᬾᬦ᭄ᬢᭀᬦᬾᬗ᭄ᬮᬾᬩᬂᬪᬶᬫ᭞ᬦᬄᬳᬶᬢᬸᬦᬶᬲᬸᬩᬫᬢᬶ᭟ᬪᬝᬵᬭᬩᬬᬸᬫ᭄ᬬᬃᬱ᭞ᬤᬲᬂᬪᬶᬫᬲᬕᬾᬢᬵᬫᬳᬸᬭᬶᬧ᭄ᬫᬮᬶᬄ᭞ᬮᬸᬗ᭄ᬳᬳᬶᬤᬲᬳᬲᭂᬦ᭄ᬤᬸ᭞ᬓᬧᬗ᭄ᬕᬸᬄᬲᬂ
ᬪᬶᬫᬕᬮᬓ᭄᭞ᬗᬶᬤᭂᬫ᭄ᬗᬫᬸᬓ᭄᭞ᬪᬝᬵᬭᬗᬦ᭄ᬤᬶᬓᬕᬗ᭄ᬲᬸᬄ᭞ᬳᬶᬤᬾᬫᬩ᭄ᬯᬶᬦ᭄‌ᬫᬸᬭᬶᬧ᭄᭞ᬓᬕᬤᬳᬶᬤᬦᬾᬫᬗ᭄ᬓᬶᬦ᭄᭟ᬲᬂᬪᬶᬫᬲᬾᬤ᭄ᬥᬗᬮᬾᬫ᭄ᬧᬂ᭞ᬳᬗ᭄ᬕᬦ᭄ᬳᬶᬤᬧᬢᭂᬄ
[ ᭓᭒ 32A]
ᬓᬤᬶᬳᬶᬦᬸᬦᬶ᭞ᬲᬼᬫ᭄‌ᬢᬸᬭᬶᬂᬜᭂᬍᬧ᭄ᬮᬸᬫ᭄ᬮᬸᬫ᭄᭞ᬲᬂᬳ᭄ᬬᬂᬘᬶᬦ᭄ᬢ᭄ᬬᬫᬮᬶᬄᬧ᭄ᬭᬧ᭄ᬢ᭞ᬢᬸᬃᬫᬗᬺᬕᭂᬧ᭄‌ᬫᭀᬖᬳᬸᬭᬶᬧ᭄‌ᬘ᭄ᬦᬶᬂᬩᬕᬸᬲ᭄᭞ᬲᬂᬪᬶᬫᬫᬮᬶᬄᬗ᭄ᬭᬾᬚᬢ᭄᭞ᬢᬸᬃᬫᬗᬫᬸᬓ᭄ᬗᬸᬩᬢ᭄ᬳᬩᬶ
ᬢ᭄᭟ᬳ᭄ᬬᬂᬩᬬᬸᬲᬸᬫᬶᬗ᭄ᬓᬶᬦ᭄‌ᬳᬾᬭᬂ᭞ᬲᬳᬦ᭄ᬢᬸᬓᬦ᭄ᬲᬂᬪᬶᬫᬫᬳᬸᬭᬶᬧ᭄ᬫᬮᬶᬄ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬳᬸᬤᬸᬄᬤᬾᬯᬧ᭄ᬬᬦᬓ᭄ᬩᬧ᭞ᬫᬳᬶᬦᬦᬓ᭄‌ᬩᬧᬢᬾᬫᬢᬓᭀᬦ᭄ᬫ
ᬮᬸ᭞ᬦᬄᬦᬾᬚᬦᬶᬤᬾᬯ᭞ᬫᬸᬤᬶᬳᬶᬤᬸᬧ᭄ᬳᬧᬫᬢᬶ᭟᭐᭟ᬓᬸᬫᬫ᭄ᬩᬂ᭟ᬤᬲᬂᬪᬶᬫ᭞ᬫᬢᬸᬃᬳᬶᬤᬲᬦᬾᬫᬗ᭄ᬓᬶᬦ᭄᭞ᬦ᭄ᬤᬢᭂᬕ᭄ᬕᬸᬂᬳᬫ᭄ᬧᬸᬭ᭞ᬲ᭄ᬬᬓᬸᬦᬾᬦ᭄ᬢᭂᬦ᭄ᬲᬸᬓᬫᬢᬶ᭞ᬳᭂᬫᭂᬤ᭄
ᬧᬶᬲᬦ᭄ᬲ᭄ᬬᬓᬸᬧ᭄ᬚᬄ᭟ᬤᬪᬝᬵᬭ᭞ᬫᬮᬶᬄᬫᬗᬦ᭄ᬤᬶᬓᬳᬭᬶᬲ᭄᭞ᬦᬦᬓ᭄ᬧᭂᬗ᭄ᬓᬸᬂᬧᭂᬲᬦ᭄᭞ᬦᬦᬓ᭄ᬧᬢᬸᬢ᭄‌ᬩ᭄ᬯᬶᬦ᭄ᬫᬢᬶ᭞ᬩᬲ᭄ᬗᬭᬸᬕᬤᬧᭂᬲᬦ᭄᭟ᬳᬦᬾᬚᬦᬶ᭞ᬩ [ 33 ][ ᭓᭒ 32B]
᭓᭒᭞
ᬧᬜ᭄ᬯᬂᬩᬬᬸᬦ᭄ᬘᭂᬦᬶᬂ᭞ᬭᬾᬄᬩᬧᬗᭂᬮᬳᬂ᭞ᬳᬶᬭᬶᬓᬓᬳᬲ᭄ᬢ᭄ᬭᬾᬦ᭄ᬕᭂᬮᬶᬲ᭄᭞ᬩᬸᬦ᭄ᬩᬸᬦᬦ᭄ᬳᬶᬤᬲᬂᬪᬶᬫ᭟ᬤᬸᬓ᭄ᬧᬸᬦᬶᬓ᭞ᬩᬬᬸᬦ᭄ᬜᬓᬳᬸᬬᬸᬧ᭄ᬭᬭᬶᬲ᭄᭞ᬧ᭄ᬭᬫᬗ᭄ᬓᬶᬦ᭄ᬤᬾᬯ
ᬢ᭞ᬮᬬᭀᬦᬾᬲᬓᬤᬶᬗᬸᬦᬶ᭞ᬜᬮᬂᬮᬸᬫ᭄ᬮᬸᬫ᭄ᬚᬢᬶᬫᬸᬮ᭟ᬳ᭄ᬬᬂᬩᬬ᭄ᬯ᭞ᬫᬗ᭄ᬓᬶᬦ᭄ᬫᬍᬲᬢ᭄ᬤᬶᬕ᭄ᬮᬶᬲ᭄᭞ᬧ᭄ᬤᭂᬓ᭄ᬭᬶᬂᬳ᭄ᬬᬂᬰᬶᬯ᭞ᬓᭂᬜ᭄ᬚᭂᬓᬦ᭄ᬳᬶᬤ᭄ᬢᬶᬦᬗ᭄ᬓᬶᬮ᭄᭞ᬳᬦ᭄ᬢᬸᬓ᭄ᬧ᭄ᬭᬯᬢᭂᬓ᭄ᬤᬾ
ᬯᬢ᭟ᬳ᭄ᬩᭂᬓ᭄‌ᬚᭂᬚᭂᬮ᭄᭞ᬧᬲᬾᬩᬦᬾᬲᬦᬾᬫᬗ᭄ᬓᬶᬦ᭄᭞ᬕᬸᬫᬦ᭄ᬢᬶᬜᬦ᭄ᬢᭀᬲᬂ᭞ᬫᬼᬤ᭄ᬫᭀᬮᬶᬄᬳᭀᬃᬣᬚᬢᬶ᭞ᬧᬬᬸᬥᬦᬾᬭᬶᬂᬲᬂᬪᬶᬫ᭟ᬲᬕᬾᬢ᭄ᬧ᭄ᬭᬧ᭄ᬢ᭞
ᬲᬳ᭄ᬬᬂᬩᬬᬸᬓᬤᬶᬫᬗ᭄ᬓᬶᬦ᭄᭞ᬦᬸᬮᬶᬫᬢᬸᬃᬲᭂᬫ᭄ᬩᬄ᭞ᬭᬶᬂᬳ᭄ᬬᬂᬕᬸᬭᬸᬫᬗᬪᬓ᭄ᬢᬶ᭞ᬦᬯᭂᬕᬂᬫᬫᬶᬢᬂᬮᬸᬕ᭄ᬭ᭟ᬳᬶᬧᬸᬦ᭄ᬪᬶᬫ᭞ᬲᬫ᭄ᬧᬸᬦ᭄ᬧ᭄ᬚᬄᬲᬦᬾ ᬫᬗ᭄ᬓᬶᬦ᭄᭞ᬧ᭄ᬭᬫᬩᬦᬾ
[ ᭓᭓ 33A]
ᬢ᭄ᬮᬲ᭄᭞ᬳᬸᬬᬸᬧ᭄ᬢᬶᬢ᭄ᬬᬂᬲᬦᬾ ᬦᬸᬦᬶ᭞ᬫᬳᬯᬶᬦᬦ᭄ᬳᬶᬧᬸᬦ᭄ᬧ᭄ᬚᬄ᭟ᬬᬦ᭄ᬢᬦ᭄ᬳᬸᬬᬸᬧ᭄᭞ᬲᬶᬦᬄᬳᬶᬧᬸᬦ᭄ᬫᬸᬭᬶᬧ᭄ᬫᬮᬶᬄ᭞ᬲᬦ᭄ᬢᬸᬓᬦ᭄ᬪᬶᬫ᭞ᬓᬲ᭄ᬯᬾᬦᬦ᭄ᬲᬂᬳ᭄ᬬᬂᬮᬶᬘᬶᬦ᭄᭞ᬳᬶᬤᬢᭂᬢᭂᬧ᭄ᬫ
ᬗᬸᬭᬶᬧᬂ᭟ᬤᬳ᭄ᬬᬂᬕᬸᬭᬸ᭞ᬮᬾᬤᬂᬳᬶᬤᬫᬫ᭄ᬬᬂᬱᬶ᭞ᬲᬂᬪᬶᬫᬯᬸᬲ᭄ᬧ᭄ᬚᬄ᭞ᬓᬘ᭄ᬭᬶᬢᬭᬶᬂᬲ᭄ᬯᬃᬕ᭄ᬕᬦ᭄ᬫᬗ᭄ᬓᬶᬦ᭄᭞ᬧ᭄ᬭᬘᬶᬭᬶᬦᬾᬫᬳᬾᬦ᭄ᬤᬳᬦ᭄᭐᭟᭐ᬳᬤ᭄ᬭᬶ᭟ᬲᬂᬯ᭄ᬯᬕᬸᬫᬶᬢᬶᬢᬾᬦᬦ᭄ᬧ
ᬩᬬᬸ᭞ᬫ᭄ᬯᬄᬫᬦᬸᬱᬦᬾ ᭞ᬳᬮᬾᬜᭀᬄᬧ᭄ᬭᬲᬫᬳᬮᬶᬂ᭞ᬮᬮᬶᬫᬭᬶᬂᬤᬾᬯᬓ᭄ᬳᬶᬧᬸᬦ᭄᭞ᬲᬫᬶᬢᭀᬂᬳᬤᬫᬩᬬᬸ᭞ᬍᬫᭂᬢ᭄ᬲᬫᬶᬫᬗ᭄ᬮᬮᬾᬧᬾ ᭞ᬯᬾᬦ᭄ᬢᭂᬦ᭄ᬗᬸᬬᬸᬓ᭄‌ᬯᬾ
ᬦ᭄ᬢᭂᬦ᭄ᬮᬩᬸᬄ᭞ᬳᭂᬩᬄᬧᬥᬳᬚ᭄ᬮᬾᬫ᭄ᬧᬂ᭞ᬢᭀᬂᬤᬤᬶᬬᬫᬧ᭄ᬮᬯᬦᬦ᭄᭟ᬳᬭᬸᬦᬬᬲᬃᬯ᭄ᬯᬲᬂᬫᬶᬮᬬᬸ᭞ᬩᬸᬭᭀᬦᬾ ᬧᬚᭂᬗ᭄ᬓᭂᬮ᭄᭞ᬧᬮᬶᬂᬧᬥᬓ᭄ᬯᬗᬦ᭄ᬳᬗᬶᬦ᭄᭞ᬩᬸᬭᭀ [ 34 ][ ᭓᭓ 33B]
᭓᭓᭞
ᬦ᭄ᬳᬮᬶᬢ᭄ᬩᬸᬭᭀᬦ᭄ᬳᬕᬸᬂ᭞ᬧᬓ᭄ᬱᬶᬦᬾ ᬲᬫᬶᬫᬗᬺᬫᬸᬓ᭄᭞ᬢᬦ᭄ᬧᬩᬬᬸᬲᬫᬶᬗ᭄ᬮᬾᬢᬾᬕ᭄᭞ᬲᬢᬦᭂᬫ᭄ᬢᬸᬯᬸᬳᬾ ᬮᬬᬸ᭞ᬳᬧᬶᬦᬾᬢ᭄ᬯᬭᬤᬧᬦᭂᬲ᭄᭞ᬋᬫ᭄ᬋᬫ᭄ᬳᬶᬤᬲᬂᬳ᭄ᬬᬂᬲᬹᬃᬬ᭄ᬬ
᭟ᬭᬶᬂᬰ᭄ᬯᬃᬕ᭄ᬕᬦ᭄ᬯᬢᭂᬓ᭄ᬤᬾᬯᬳᬶᬓᬸ᭞ᬢᬦ᭄ᬧᬺᬫᬡᬋᬓᬾ᭞ᬫᬮᬶᬂᬧ᭄ᬭᬲᬫᬭᬶᬂᬫᬃᬕ᭄ᬕᬶ᭞ᬧᬮᬾᬗᭀᬄᬧᬲᬮᬾᬂᬢᬸᬦ᭄ᬢᬸᬦ᭄᭞ᬲᬫᬶᬢᬦ᭄ᬲᬂᬤ᭄ᬥᬮᬸᬫᬓᬸ᭞ᬧᬕ᭄ᬭᬾᬧᬾᬫᬭᬶᬂᬫᬃᬕ᭄ᬕᬶᬦᬾ᭞ᬮ
ᬦᬯᬂᬤᭀᬦ᭄ᬲᬮᬶᬂᬲᬸᬮ᭄ᬲᬸᬮ᭄᭞ᬲᬫᬶᬲᬫᬶᬗ᭄ᬭᬱᬲᬾᬤ᭄ᬥ᭞ᬫᬫᬃᬕ᭄ᬕᬶᬳᭀᬬᭀᬂᬳᭀᬬᭀᬗᬦ᭄᭟ᬪᬝᬵᬭᬕᬸᬭᬸᬫᬗ᭄ᬓᬶᬦ᭄ᬳᬫᬸᬯᬸᬲ᭄᭞ᬤᬸᬄᬳ᭄ᬬᬂᬩᬬᬸᬫᬗ᭄ᬓᬾ ᭞ᬳᬸᬭᬶᬧ᭄ᬚᬲᬂ
ᬪᬶᬫᬩ᭄ᬯᬶᬦ᭄᭞ᬭᬸᬲᬓ᭄‌ᬰ᭄ᬯᬃᬕ᭄ᬕᬦᬾ ᬧᬸᬦᬶᬓᬸ᭞ᬫᬓ᭄ᬚᬂᬢᬦ᭄‌ᬗᭂᬮᬄᬩᬬᬸ᭞ᬢ᭄ᬓᭂᬤ᭄ᬓᬫᬤ᭄ᬬᬧᬤᬦᬾ ᭞ᬬᬦ᭄ᬭᬸᬲᬓ᭄ᬚᬕᬢ᭄ᬧᬸᬦᬶᬓᬸ᭞ᬩᬧᬢ᭄ᬯᬭᬗ᭄ᬮᬄᬤᬬ᭞ᬓᬾᬦ᭄ᬓᬾᬦ᭄ᬓᬾᬯᬢᭂ
[ ᭓᭔ 34A]
ᬓ᭄ᬤᬾᬯᬢ᭟ᬦᬄᬳᬸᬭᬶᬧᬂᬬᬲᬂᬪᬶᬫᬫᬮᬸ᭞ᬩᬧᬓᬮ᭄ᬫᬢᬓᬾᬦ᭄᭞ᬳᬤᬢ᭄ᬯᬂᬓᬮᬶᬯᬢ᭄ᬧᬶᬗᬶᬢ᭄᭞ᬢᬦ᭄ᬧᬯᬲ᭄ᬢ᭄ᬭᬫᬮᬮᬸᬂ᭞ᬬᬾᬦ᭄ᬳᬸᬦᬶᬂᬲᬂᬪᬶᬫᬳᬶᬓᬸ᭞ᬯ᭄ᬦᬂᬫᭀᬮᬶᬄᬳᬫᬺᬢ᭄ᬯ
ᬦᬾ᭞ᬫᬶᬯᬄᬧᬶᬢ᭄ᬭᬲᬂᬧᬡ᭄ᬥᬸ᭞ᬲᬶᬤ᭄ᬥᬫᬸᬗ᭄ᬕᬄᬫᬭᬰ᭄ᬯᬃᬕ᭄ᬕᬦ᭄᭞ᬭᬶᬂᬫᬾᬭᬸᬦᬾᬢᬸᬫ᭄ᬧᬂᬲᭀᬮᬲ᭄᭟ᬲᬧᬸᬦᬶᬓᬰᬩ᭄ᬤᬦ᭄ᬲᬂᬲᬶᬦᬸᬳᬸᬦ᭄᭞ᬳ᭄ᬬᬂᬩᬬᬸᬳᬸᬢᬭᬾ᭞ᬢᬶᬢ᭄ᬬᬂᬯᬦ᭄ᬢᬄᬲᬤ᭄ᬬᬗᬶ
ᬭᬶᬂ᭞ᬫᬜᭂᬚᭂᬭᬂᬳ᭄ᬬᬸᬦ᭄ᬧᬓᬸᬮᬸᬦ᭄᭞ᬲᬳᬸᬧᬸᬦᬶᬓᬳᬶᬗ᭄ᬕᬶᬄᬭᬢᬸ᭞ᬲᬂᬳ᭄ᬬᬂᬩᬬᬸᬜᭂᬫ᭄ᬩᬄᬫᬗ᭄ᬓᬾ᭞ᬢᬶᬢ᭄ᬬᬂᬧᬫᬶᬢ᭄ᬲᬂᬲᬶᬦᬸᬳᬸᬦ᭄᭞ᬪᬝᬵᬭᬪᬬᬸᬫᬍᬘᬢ᭄᭞ᬧ᭄ᬭᬧ᭄ᬢᬭᬶᬂᬮᬬᭀᬦ᭄ᬲᬂ
ᬪᬶᬫ᭟ᬓᬳᬲ᭄ᬢ᭄ᬭᬾᬦᬶᬦ᭄ᬮᬬᭀᬦ᭄ᬲᬂᬳᬮᬫ᭄ᬧᬸᬲ᭄᭞ᬫᬗᬮᬶᬮᬶᬫᬗ᭄ᬓᬾ᭞ᬢᬸᬫᬸᬮᬶᬲᬂᬪᬶᬫᬳᬸᬭᬶᬧ᭄᭞ᬳ᭄ᬬᬂᬩᬬᬸᬫᬗ᭄ᬤᬶᬓᬳᬮᬸᬲ᭄᭞ᬩᬧᬫᬗᬸᬮ᭄ᬬᬂᬩᬬᬸ᭞ᬭᬤᬾᬦ᭄ᬪᬶᬫ [ 35 ][ ᭓᭔ 34B]
᭓᭔᭞
ᬳᬢᬸᬭᬾ᭞ᬳᬧᬓ᭄ᬭᬩᬲ᭄ᬬᬓᬸᬳᬶᬤᬸᬧ᭄᭞ᬲ᭄ᬬᬓᬸᬍᬕᬧᭂᬲᬦ᭄ᬧ᭄ᬚᬄ᭞ᬤ᭄ᬫᭂᬦ᭄ᬲ᭄ᬬᬓᬸᬤᬶᬦᬶᬲ᭄ᬓᬮ᭟ᬪᬝᬵᬭᬩᬬᬸᬯᬸᬯᬸᬲᬳᬮᬸᬲ᭄᭞ᬳᬸᬤᬸᬄᬲ᭄ᬦᬶᬂᬫᬗ᭄ᬓᬾ᭞ᬳ᭄ᬬᬂᬕᬸᬭᬸᬫᬗ᭄ᬓᭀ
ᬫᬗᬸᬭᬶᬧ᭄᭞ᬲᬕᬾᬢᬦ᭄ᬧᬋᬓᬦ᭄ᬭᬯᬸᬄ᭞ᬳᬸᬢᬸᬲᬦ᭄ᬳᬶᬤᬳ᭄ᬬᬂᬕᬸᬭᬸ᭞ᬦᬸᬮᬶᬫᬢᬸᬃᬲᬭᬓᬦᬾ᭞ᬤᬸᬄᬧᬸᬓᬸᬮᬸᬦ᭄ᬲᬂᬪᬬᬸ᭞ᬕ᭄ᬮᬶᬲ᭄ᬫᬦ᭄ᬢᬸᬓ᭄ᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬲᬋᬂᬳᬶᬤᬯᬺᬓᭀᬥ
ᬭ᭟᭐᭟ᬤᬂᬤᬂ᭟ᬲᬂᬳ᭄ᬬᬂᬪᬬᬸᬫᬗ᭄ᬓᬶᬦ᭄ᬳᬸᬫᬦ᭄ᬢᬸᬓ᭄‌ᬕ᭄ᬮᬶᬲ᭄‌ᬫᬭᬶᬂᬰ᭄ᬯᬃᬕ᭄ᬕᬦ᭄᭞ᬲᬋᬂᬤᬲᬂᬪᬶᬫ᭞ᬪᬝᬵᬭᬕᬸᬭᬸᬳᬸᬚᬭᬾ᭞ᬤᬸᬄᬤᬾᬯᬲᬂᬪᬬᬸᬲᬸᬦᬸ᭞ᬗᬸᬤᬤᬾᬯᬢ᭄ᬓᬫᬳᬶ᭞
ᬫᬭᬶᬂᬢ᭄ᬕᬮ᭄ᬧᬦᬗ᭄ᬲᬭᬦ᭄᭞ᬦᬄᬢᬸᬢᬸᬭᬂᬘ᭄ᬦᬩᬕᬸᬲ᭄᭞ᬤᬲᬂᬪᬶᬫᬫᬢᬸᬃᬲᭂᬫ᭄ᬩᬄ᭞ᬤᬸᬄᬪᬝᬵᬭ᭞ᬲ᭄ᬬᬓᬸᬗ᭄ᬭᬸᬭᬸᬄᬤᬾᬯᬶᬫᬤ᭄ᬭᬶ᭞ᬓᬮᬯᬦ᭄ᬳᬶᬤᬳᬶᬩᬧ᭟ᬯᬸᬲ᭄ᬓᬧᬗ᭄ᬕᬸᬄ
[ ᭓᭕ 35A]
ᬜᬧᬳᬶᬩᬸᬦᬶᬂᬳᬸᬮᬸᬦ᭄᭞ᬫᬭᬶᬓᬯᬄ᭞ᬲ᭄ᬬᬓᬸᬗ᭄ᬭᬸᬭᬸᬄᬫᬺᬣ᭞ᬭᬶᬂᬤᬶᬚᬓᬳᬸᬗ᭄ᬕᬸᬳᬦᬾ᭞ᬧᬘᬂᬳᬗ᭄ᬕᬾᬦ᭄‌ᬜᬸᬧᬢ᭄ᬭᬢᬸᬳ᭄ᬬᬂᬕᬸᬭᬸᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬤᬾᬯᬲᬂᬪᬶᬫ᭞ᬬᬾᬦ᭄ᬓᬾᬤᬾ
ᬯᬯ᭄ᬭᬸᬄ᭞ᬫᬭᬶᬂᬰᬩ᭄ᬤᬲᬹᬓ᭄ᬱ᭄ᬫ᭞ᬫᬳᬸᬢ᭄ᬢᬫ᭞ᬲ᭄ᬯᬭᬦᬶᬂᬯᬡ᭄ᬥᬸᬲᬸᬚᬢᬶ᭞ᬲᬂᬪᬶᬫᬫᬳᬢᬸᬃᬲᭂᬫ᭄ᬩᬄ᭟ᬯ᭄ᬭᬸᬄᬲ᭄ᬬᬓᬸᬲ᭄ᬯᬭᬦᬶᬂᬯᬶᬡ᭄ᬥᬸᬚᬢᬶᬤᬸᬪᬝᬵᬭ᭞ᬳ᭄ᬬᬂᬕᬸᬭᬸᬗᬦ᭄ᬤᬶᬓ᭞ᬦᬄᬧᬢᬸ
ᬢ᭄ᬫᬳᬦ᭄‌‌ᬫᬺᬣᬦᬾ᭞ᬤᬾᬦᬶᬂᬓᬾᬳᬶᬤᬾᬯᬢᬳᬸ᭞ᬫᬭᬶᬂᬳᬗ᭄ᬕᬦᬾᬲᬸᬚᬢᬶ᭞ᬯᬸᬲ᭄ᬲᬂᬪᬶᬫᬓᬶᬘᬾᬦ᭄‌ᬫᬺᬣ᭞ᬕ᭄ᬮᬶᬲ᭄ᬳᬶᬤᬫᬓᭂᬩᬸᬃ᭞ᬓᬘᬭᬶᬢᬯᬸᬲ᭄ᬧ᭄ᬭᬧ᭄ᬢ᭞ᬫᬭᬶᬂᬢ᭄ᬕᬮ᭄᭞
ᬤᬾᬯᬶᬓᬸᬦ᭄ᬢᬶᬗᬦ᭄ᬤᬶᬓᬵᬭᬶᬲ᭄‌ᬤᬸᬄᬳᬶᬤᬾᬯᬲᬤ᭄ᬬᬢᭂᬓ᭟ᬦᬦᬓ᭄ᬩᬕᬸᬲ᭄‌ᬓᬾᬦ᭄ᬓᬾᬦ᭄ᬓᬾᬳᬶᬤᬾᬯᬚᬦᬶᬦᬄᬢᬸᬢᬸᬭᬂ᭞ᬳᭀᬮᬶᬄᬓᬾᬳᬫᬺᬣ᭞ᬲᬂᬪᬶᬫᬳᬮᬸᬲ᭄ᬳᬢᬸᬭᬾ [ 36 ][ ᭓᭕ 35B]
᭓᭕᭞
᭞ᬲᬤ᭄ᬬᬫᭀᬮᬶᬄᬤᬾᬲᬂᬳᬶᬩᬸ᭞ᬫᬺᬣᬦᬾᬓᬳᬢᬸᬃᬕ᭄ᬮᬶᬲ᭄᭞ᬦᬸᬮᬶᬓᬲᬶᬭᬢᬂᬳᬢ᭄ᬫᬦ᭄ᬲᬂᬓᬮᬶᬄᬲᬵᬫ᭄ᬧᬸᬦ᭄᭞ᬲᬸᬘᬶᬳᬰ᭄ᬭᬶᬲᬸᬤᬫᬮ᭞ᬦᬶᬂᬫᬮᬶᬮᬂ᭞ᬮ᭄ᬯᬶᬃᬓᬤᬶᬲᬂᬳ᭄ᬬᬂᬭᬢᬶᬄ
᭞ᬓᬮᬯᬦ᭄ᬲᬂᬳ᭄ᬬᬂᬲᬫᬭ᭟ᬓᬘᬭᬶᬢᬳᬶᬤᬲᬂᬧᬶᬝᬵᬭᬓᬮᬶᬄᬯᬸᬲ᭄ᬲᬶᬦᬸᬧᬢ᭄᭞ᬫᬦᬤᬶᬤᬾᬯᬢ᭞ᬫᬮᬶᬗ᭄ᬕᬫᬭᬶᬂᬫᬾᬭᬸᬦᬾ ᭞ᬤᬾᬯᬶᬓᬸᬦ᭄ᬢᬶᬜᭂᬫ᭄ᬩᬄᬤᬸᬫᬸᬦ᭄᭞ᬲᬂ
ᬤᬃᬫ᭄ᬫᬳᬃᬚ᭄ᬚᬸᬦᬗᬶᬭᬶᬂ᭞ᬮᬦ᭄ᬦᬓᬸᬮᬲᬳᬤᬾᬯ᭞ᬢᬍᬃᬫᬜᭂᬫ᭄ᬩᬄᬲᬫ᭄ᬧᬸᬦ᭄᭞ᬲᬓᬾᬯᬦ᭄ᬢᭂᬦ᭄‌ᬤᬲᬂᬪᬶᬫ᭞ᬦᬾ ᬦ᭄ᬢᭂᬦ᭄ᬜᭂᬫ᭄ᬩᬄ᭞ᬲᬫᬶᬸᬧᬸᬦᬶᬓᬓᬯᬶᬦᬃᬡ᭄ᬦᬶ᭞ᬲᬂᬪᬶᬫᬫᬗ᭄ᬓᬶᬦ᭄‌ᬓᭀ
ᬘᬧᬦ᭄᭟᭐᭟ᬧᬗ᭄ᬓᬸᬃ᭟ᬳᬶᬗ᭄ᬕᬶᬄᬩ᭄ᬬᬂᬤᭀᬂᬕ᭄ᬮᬶᬲᬂ᭞ᬗ᭄ᬭᬜ᭄ᬚᬶᬂᬩ᭄ᬬᬂᬭᬶᬂᬩᬸᬦ᭄ᬩᬸᬦᬦ᭄ᬫᬮᬶᬄ᭞ᬤᬾᬯᬶᬓᬸᬦ᭄ᬢᬶᬳᬫᬸᬯᬸᬲ᭄᭞ᬢᬩᬾᬩ᭄ᬬᬂᬤᬾᬯ᭞ᬫᬗ᭄ᬤᬦᬾᬦ᭄ᬢᭂᬦ᭄ᬓᭂᬦᬾᬂᬢᬸᬮ᭄‌ᬫᬾ

[ ᭓᭖ 36A]
ᬫᬾᬩᬕᬸᬲ᭄᭞ᬤᬾᬯᬶᬓᬸᬦ᭄ᬢᬶᬓᭀᬘᬧᬦ᭄᭞ᬭᬶᬂᬩᬸᬦ᭄ᬩᬸᬦᬦ᭄ᬯᬸᬲ᭄ᬫᬗ᭄ᬭᬜ᭄ᬚᬶᬂ᭟ᬳᬶᬤᬲᬂᬥᬃᬫ᭄ᬫᬯᬗ᭄ᬰ᭞ᬫᬭᬶᬂᬦᬾ ᬢ᭄ᬭᬳᬶᬤᬯᬸᬲ᭄ᬫᬗ᭄ᬭᬜ᭄ᬚᬶᬂ᭞ᬲᬂᬳᬃᬚ᭄ᬚᬸᬦᬗ᭄ᬭᬜ᭄ᬚᬶᬂᬲᬵᬫ᭄ᬧᬸᬦ᭄᭞ᬳᬶᬭᬶ
ᬓᬭᬶᬂᬳᬗᭂᬦ᭄‌ᬳᬶᬤ᭞ᬲᬂᬦᬓᬸᬮᬲᬳᬤᬾᬯᬯᬸᬲ᭄ᬫᬲᬸᬲᬸᬧ᭄᭞ᬢ᭄ᬯᬮᬾᬦ᭄ᬯᬺᬤᬄᬧᬥ᭞ᬲᬂᬪᬶᬫᬫᬍᬘᬢ᭄ᬕᭂᬮᬶᬲ᭄᭟ᬢᬦ᭄ᬓᭀᬘᬧ᭄ᬫᬭᬶᬂᬳᬫ᭄ᬩᬭ᭞ᬲᬦᬾᬫᬗ᭄ᬓᬶᬦ᭄ᬲᬂᬪᬶ
ᬫᬯᬸᬲ᭄ᬧ᭄ᬭᬧ᭄ᬢᬶ᭞ᬫᬭᬶᬂᬳᬲ᭄ᬢᬶᬦᬲᬵᬫ᭄ᬧᬸᬦ᭄᭞ᬚᬕ᭄‌ᬗᭀᬚᭀᬕ᭄ᬓᬧᬸᬭ᭄ᬬᬦ᭄᭞ᬭᬶᬂᬧᬡ᭄ᬥᬯᬯᬤ᭄ᬯᬦᬾᬲᬫᬶᬫᬓᬸᬫ᭄ᬧᬸᬮ᭄᭞ᬫᬫᭂᬦ᭄ᬤᬓ᭄ᬲᬂᬯᬯᬸᬧ᭄ᬭᬧ᭄ᬢ᭞ᬲᬂᬪᬶᬫᬫᬳᬢᬸᬳᬭᬶᬲ᭄᭟ᬩ᭄ᬬᬂ
ᬩ᭄ᬮᬶᬳᬤᬶᬧᬥ᭞ᬳᬶᬗ᭄ᬕᬶᬄᬩ᭄ᬬᬂᬩ᭄ᬮᬶᬫᭂᬤᬮ᭄ᬕᭂᬮᬶᬲ᭄ᬕᭂᬮᬶᬲ᭄᭞ᬳᬤᬶᬳᬤᬶᬫᬓᬢᭂᬮᬸ᭞ᬦᬄᬧᭂᬲᬸᬳᬤᬶᬳᬾᬗ᭄ᬕᬮᬂ᭞ᬓᬘᬭᬶᬢᬲᬫᬶᬧᬥᬧᬘᬩᬸᬃᬩᬸᬃ᭞ᬲᬧᬸᬦᬶᬓᬯᬶᬦᬃᬡ᭄ᬦ᭞ᬲ᭄ᬯᬲ᭄ᬢ᭄ᬬ [ 37 ][ ᭓᭖ 36B]
᭓᭖᭞
ᬲ᭄ᬢᬸᬲᬂᬫ᭄ᬬᬃᬱᬶ᭟᭐᭟ᬓᬸᬫᬫ᭄ᬩᬂ᭟ᬫᬲ᭄ᬓᬸᬫᬫ᭄ᬩᬂ᭞ᬳᬶᬓᬸᬫ᭄ᬩᬂᬫᬜᬢ᭄ᬯᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬘᬭᬶᬢᬲᬢ᭄ᬯ᭞ᬲᬯᬸᬲ᭄ᬲᬂᬪᬶᬫᬦᬾᬗᬸᬦᬶ᭞ᬫᬜᬸᬧᬢ᭄ᬳᬢ᭄ᬫᬦᬾᬧᬥ᭟ᬲᬫᬶᬮ᭄ᬬᬂ᭞ᬳᬢ᭄ᬫ
ᬦᬾᬫᬓᬶᬭᬾᬫᬸᬮᬶᬄ᭞ᬫᬭᬶᬂᬫᬺᬘᬧᬤ᭞ᬓᬳᬸᬤᬸᬄᬤᬸᬫᬤᬶᬫᬮᬶᬄ᭞ᬧᬘᬂᬫᬦᬫ᭄ᬢᬫᬶᬦ᭄ᬳᬶᬦ᭄ᬤ᭄ᬭ᭄ᬬ᭟ᬬᬢᬓᭀᬘᬧ᭄᭞ᬧᬫᬃᬕ᭄ᬕᬶᬦᬾ ᬧᬘᬂᬫᬸᬮᬶᬄ᭞ᬗᬮᬶᬦ᭄ᬢᬗᬶᬦ᭄ᬢᬸᬓᬤ᭄
᭞ᬢᬸᬓᬤ᭄ᬮᬶᬗ᭄ᬕᬄᬤᬍᬫ᭄ᬕᬢᬶ᭞ᬫᬯᬱ᭄ᬝᬢᬸᬓᬤ᭄‌ᬬᬫᬸᬦ᭟ᬢᭀᬬᬦ᭄ᬜᬦᬾ᭞ᬳᬕᭂᬂᬫᬮᬶᬄᬲᬸᬮᬸᬓ᭄‌ᬕᬢᬶ᭞ᬢᬶᬢᬶᬦ᭄ᬜᬦᬾᬓᭀᬘᬧ᭄᭞ᬳᬦ᭄ᬢᬸᬓ᭄‌ᬢᬶᬬᬂᬤ᭄ᬯᬂᬓᬢᬶᬄ᭞ᬳᬸᬕ
ᬮ᭄ᬳᬕᬶᬮ᭄‌ᬯᬱ᭄ᬝᬦ᭄ᬜ᭟ᬳᬢ᭄ᬫᬳᬢ᭄ᬫ᭞ᬫᬚᬚᬃᬮ᭄ᬯᬫ᭄ᬯᬦᬶ᭞ᬲᬫᬶᬜᬦ᭄ᬢᭀᬲ᭞ᬳᬦᬓᬾᬧᬘᬂᬗ᭄ᬮᬶᬦ᭄ᬢᬗᬶᬦ᭄᭞ᬯᬶᬭᬾᬄᬢᬶᬢᬶᬫᬤᬸᬃᬕ᭄ᬕᬫ᭄᭟᭐᭟ᬤᬂᬤᬂᬕᬸᬮ᭟ᬓᭀ
[ ᭓᭗ 37A]
ᬘᬧ᭄ᬯᬾᬦ᭄ᬢᭂᬦ᭄ᬳᬢ᭄ᬫᬳᬦᬓ᭄‌ᬫ᭄ᬯᬦᬶᬳᬧᬂᬗ᭄ᬮᬶᬯᬢ᭄᭞ᬜᬶᬗᬓ᭄ᬳᬢ᭄ᬫᬳᬢ᭄ᬫ᭞ᬫᬚᬚᬃᬲᬫ᭄ᬧᬶᬂᬢᬶᬢᬶᬦᬾ᭞ᬳᭂᬮᬸᬄᬳᭂᬮᬸᬄᬬᬫᬓᬸᬫ᭄ᬧᬸᬮ᭄᭞ᬯᬾᬦ᭄ᬢᭂᬦ᭄ᬦᬾᬫᬗᬲᬶᬄᬳᬲᬶᬄ᭞ᬦᬯᭂ
ᬕᬂᬮᬶᬦ᭄ᬢᬗᬂᬢᬶᬢ᭄ᬬᬂ᭞ᬦᬓᬾᬫ᭄ᬯᬦᬶᬫᬲᬯᬸᬃ᭞ᬮᬫᬸᬦ᭄ᬓᬾᬳᬤᬳᬸᬧᬄ᭞ᬢᬶᬢ᭄ᬬᬂᬲᬸᬓ᭞ᬲᬦᬾ ᬮᬸᬄᬜᬭᬾᬭᬾᬓᭂᬜᬶᬂ᭞ᬢᬶᬢ᭄ᬬᬂᬜᬤ᭄ᬬᬤᬤᭀᬲ᭄ᬳᬸᬧᬄ᭟ᬢᭀᬳᬯᬶᬦ
ᬦ᭄ᬭᬶᬂᬫᬺᬘᬧᬤᬫᬗ᭄ᬓᬶᬦ᭄‌ᬫᬓᬸᬋᬦᬦ᭄᭞ᬯᬶᬭᬾᬄᬫᬬᬄᬳᬸᬢᬂ᭞ᬳᬸᬢᬗᬾᬤᬸᬓ᭄ᬭᬶᬂᬢᬶᬢᬶᬦᬾ᭞ᬯᬾᬦ᭄ᬢᭂᬦ᭄ᬫᬮᬶᬄᬳᬢ᭄ᬫᬭᬯᬸᬄ᭞ᬳᬦᬓ᭄‌ᬫ᭄ᬯᬦᬶᬩᬕᬸᬲ᭄ᬕᭂᬜ᭄ᬚᬶᬂ᭞ᬜᬶᬗᬓ᭄ᬳ
ᬢ᭄ᬫᬤᭂᬳ᭞ᬗᬶᬭᬶᬂᬓᬾᬚ᭄ᬭᭀᬲᬂᬳᬶᬸᬳᬬᬸ᭞ᬢᬶᬢ᭄ᬬᬂᬲᬗ᭄ᬕᬸᬧ᭄ᬗᬮᬶᬦ᭄ᬢᬗᬂ᭞ᬳᬗ᭄ᬕᬦ᭄ᬤᬾᬯ᭞ᬦᬾᬳᬶᬲ᭄ᬢ᭄ᬭᬶᬗᬤᬾᬲᭂᬫ᭄‌ᬚᭂᬗᬶᬲ᭄᭞ᬢᬶᬢ᭄ᬬᬂᬩᬾᬩᬲ᭄ᬧᬤᬶᬤ᭄ᬬᬦ᭄᭟ᬢᭀ [ 38 ][ ᭓᭗ 37B]
᭓᭗᭞
ᬓ᭄ᬭᬡᬭᬶᬂᬫ᭄ᬭᬘᬧᬫᬗ᭄ᬓᬶᬦ᭄‌ᬤᭂᬳᬢᬸᬯ᭞ᬦᬾᬦ᭄ᬢᭂᬦ᭄ᬫᬬᬄᬳᬸᬢᬂ᭞ᬭᬾᬄᬢ᭄ᬯᬭᬗᭂᬮᬄᬳᬸᬢᬂ᭞ᬤᬶᬚᬜᭂᬦ᭄ᬧᬘᬂᬦᬯᬸᬃ᭞ᬓᬾᬢᭀᬯᬦ᭄ᬢᬄᬦᬾᬲᬸᬚᬢᬶ᭞ᬫᬮᬶᬄᬫᬗ᭄ᬓᬶᬦ᭄ᬘ
ᬭᬶᬢᬬᬂ᭞ᬯᬾᬦ᭄ᬢᭂᬦ᭄ᬳᬢ᭄ᬫᬳᭂᬮᬸᬄ᭞ᬓᬦ᭄ᬢᬶᬳᭂᬫᭂᬤ᭄ᬫᬜᬦ᭄ᬢᭀᬲᬂ᭞ᬳᬦᬓ᭄ᬜᬤᬂ᭞ᬫᬲᬶᬄᬢᭀᬂᬳᬤᬗᬚᬓᬶᬦ᭄᭞ᬚᬯᬦᬶᬂᬦᬄᬬᬢᬳᬦᬂ᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬳᬢ᭄ᬫᬳᬦᬓ᭄
ᬫ᭄ᬯᬦᬶᬲᬕᬾᬢᬵᬧ᭄ᬭᬧ᭄ᬢ᭞ᬫᬮᬶᬲᭀᬫ᭄ᬧᬸᬦ᭄‌ᬦᬦ᭄ᬤᬦ᭄᭞ᬳᬦᬓ᭄ᬳᭂᬮᬸᬄᬭᬶᬂᬲᬫ᭄ᬧᬶᬗᭂᬦᬾ᭚ᬯᬾᬦ᭄ᬢᭂᬦ᭄ᬳᬢ᭄ᬫᬓᬯᬸᬓ᭄ᬓᬯᬸᬓ᭄᭞ᬦᬯᭂᬕ᭄‌ᬢᬶᬢ᭄ᬬᬂᬳᬦ᭄ᬢᬶ᭞ᬮᬶᬦ᭄ᬢᬗᬂᬚᬓᬸᬤᬢᬶᬢ᭄ᬬᬂ
᭞ᬦᬾᬫ᭄ᬯᬦᬶᬫᬲᬯᬸᬃ᭞ᬫ᭄ᬭᬶᬓᬶᬚ᭄ᬭᭀᬤᭀᬂᬳᬾᬗ᭄ᬕᬮᬂ᭞ᬢᬶᬢ᭄ᬬᬂᬜᬦ᭄ᬢᭀᬲᬂ᭞ᬓᬾᬢᭀᬲᬗ᭄ᬓᬦ᭄‌ᬩᬸᬓᬚᬦᬶ᭞ᬳᬤᬳᬦᬓ᭄ᬗᬫᬤ᭄ᬯᬂ᭟ᬫᬮᬶᬄᬯᬾᬦ᭄ᬢᭂᬦ᭄ᬓᭀᬘᬧ

[ ᭓᭘ 38A]
ᬦ᭄‌ᬲᬦᬾᬫᬗ᭄ᬓᬶᬦ᭄‌ᬳᬢ᭄ᬫᬮᬦᬂ᭞ᬧᬘᬂᬫᬗᬮᬶᬯᬢ᭄᭞ᬲᬫᬶᬓᬤᭂᬲᭂᬓ᭄‌ᬤᬳᬦᬾ᭚ᬫᬭᬶᬓᬶᬚᬚ᭄ᬭᭀᬳᭂᬮᬸᬄ᭞ᬢᬶᬢ᭄ᬬᬂᬲᬗ᭄ᬕᬸᬧ᭄ᬫᬦᬦ᭄ᬤᬦᬶᬦ᭄᭞ᬲᬦᬾᬳᭂᬮᬸᬄᬫᬫᬾᬦ᭄ᬢᭀᬲᬂ
ᬢᬸᬃᬫᬲᬯᬂᬚᭂᬦ᭄ᬤᬸᬮ᭄᭞ᬢᬶᬢ᭄ᬬᬂᬗᬮᬶᬄᬳᬦᬓ᭄ᬮᬾᬦᬦ᭄᭞ᬳᬫ᭄ᬧᬸᬭᬬᬂ᭞ᬦᬾᬫ᭄ᬯᬦᬶᬗᬮᬶᬳᬶᬦ᭄‌ᬩ᭄ᬯᬶᬦ᭄᭞ᬫᬲᬶᬄᬢ᭄ᬯᬭᬬᬫᬩᬳᬦ᭄᭟ᬢᭀᬓᬾᬓ᭄ᬭᬡᬤᬶᬍᬫᬄᬬᬫᬦᬤᬶ
ᬢ᭄ᬭᬸᬡᬢᬸᬯ᭞ᬳᭂᬤᬫᬲᭂᬮ᭄ᬲᭂᬮᬦ᭄᭞ᬲᬯᬶᬭᬾᬄᬢᬫ᭄ᬧᬸᬫᬸᬜᬶᬦᬾ᭞ᬫᬮᬶᬄᬯᬾᬦ᭄ᬢᭂᬦ᭄‌ᬢ᭄ᬭᬸᬡᬩᬕᬸᬲ᭄᭞ᬮᬸᬄᬮᬸᬳᬾᬧᬥᬦᬗ᭄ᬢᬗᬶᬦ᭄᭞ᬮᬶᬦ᭄ᬢᬗᬂᬚᬚ᭄ᬭᭀᬢᬶᬢ᭄ᬬᬂ᭞ᬦᬾᬫ᭄ᬯ
ᬦᬶᬢᬦ᭄ᬓᬬᬸᬦ᭄᭞ᬢᬸᬭᬶᬂᬦᬾᬦ᭄ᬢᭂᬦ᭄ᬫᬢᭀᬮᬶᬳᬦ᭄᭞ᬚᬕ᭄ᬜᬋᬂᬲᭂᬂ᭞ᬓᬾᬢᭀᬧᬫᬃᬕ᭄ᬕᬶᬦᬾᬗᬸᬦᬶ᭞ᬳᬦᬓ᭄ᬩᬾᬩᬲ᭄‌ᬢ᭄ᬭᬸᬡᬢᬸᬯ᭟᭐᭟ᬕᬶᬦᬤ᭟ᬚ᭄ᬭᭀᬚ᭄ᬭᭀ [ 39 ][ ᭓᭘ 38B]
᭓᭘᭞
ᬳᬦᬓ᭄ᬮᬦᬂ᭞ᬦᬯᭂᬕᬂᬳᬦ᭄ᬢᭀᬲᬂᬳᬸᬕᬶ᭞ᬢᬶᬢ᭄ᬬᬂᬫᬦᬸᬦᬲ᭄ᬢᬸᬮᬸᬗᬦ᭄᭞ᬢᬸᬮᬸᬂᬢᬶᬢ᭄ᬬᬂᬚ᭄ᬭᭀᬩᬕᬸᬲ᭄᭞ᬮᬶᬦ᭄ᬢᬗᬂᬚᬓᬸᬤᬢᬶᬢ᭄ᬬᬂ᭞ᬲᬦᬾ ᬫᬗ᭄ᬓᬶᬦ᭄᭞ᬤᭀᬂᬧᬤᬍᬫ᭄ᬗᬸᬤᬢᬶ
ᬢ᭄ᬬᬂ᭟ᬳᬦᬓᬾᬮᬦᬂᬳᬗᭂᬘᬧ᭄᭞ᬦᬯᭂᬕ᭄‌ᬚ᭄ᬭᭀᬳᬦᬓ᭄ᬳᬶᬲ᭄ᬢ᭄ᬭᬶ᭞ᬮᬶᬫᬦ᭄ᬢᬶᬢ᭄ᬬᬂᬫᬓᬤᬤ᭄ᬯ᭞ᬯᬸᬲ᭄ᬫᬗᬶᬲᬶᬧᬥᬫᬸᬓᬸᬤ᭄᭞ᬲᬫᬸᬦᬶᬓᬳᬫ᭄ᬧᬸᬭᬬᬂ᭞ᬦᬓᬾᬳᬶᬲ᭄ᬢ᭄ᬭᬶ᭞ᬫᬲᬶᬄ
ᬮᬸᬘᬸᬫᬦᬯᭂᬕᬂ᭟ᬳᬦᬓᬾᬮᬦᬂᬫᬦᬶᬫ᭄ᬩᬮ᭄᭞ᬮᬫᬸᬦ᭄ᬓᬗ᭄ᬕᭀᬯᬂᬤᬶᬳᬸᬭᬶ᭞ᬦᬾᬲᬩᬸᬓ᭄ᬢᬶᬢ᭄ᬬᬂᬕᬶᬲ᭄ᬬᬂ᭞ᬳᬧᬂᬢ᭄ᬯᬭᬚ᭄ᬭᭀᬦᬾ ᬮᬩᬸᬄ᭞ᬳᬦᬓᬾ ᬳᭂᬮᬸᬄᬦᭂᬓᭂᬓᬂ᭞ᬓᬸ
ᬤ᭄ᬬᬂᬚᬦᬶ᭞ᬫᬤᬸᬢᭂᬮᬸᬦᬄᬓᬗ᭄ᬕᭀᬯᬂ᭟ᬯᬾᬦ᭄ᬢᭂᬦ᭄ᬦᬾᬲᬵᬫ᭄ᬧᬸᬦ᭄ᬫᬤᬦ᭄ᬤᬦ᭄᭞ᬤᬶᬢ᭄ᬗᬄᬢᬶᬢᬶᬦᬾᬯ᭄ᬬᬓ᭄ᬢᬶ᭞ᬦᬾ ᬳᭂᬮᬸᬄᬫᬗᬾᬦ᭄ᬤᬄᬧᬾᬮᬕ᭄᭞ᬦᬕᬶᬄᬮᬾᬩᬂᬳᬸᬲᬦ᭄ᬦᬸ
[ ᭓᭙ 39A]
ᬢᬸᬕ᭄᭞ᬭᬭᬶᬲ᭄‌ᬬᬧᬥᬫᬚᬮᬦ᭄᭞ᬦ᭄ᬤᬶᬭᬶᬦ᭄ᬤᬶᬭᬶ᭞ᬓᬾᬢᭀᬲᬗ᭄ᬓᬦ᭄‌ᬳᬤᬩ᭄ᬮᬲ᭄᭟ᬲᬶᬯᭀᬲ᭄ᬫᬮᬶᬄᬓᬘᬭᬶᬢ᭞ᬳᬦᬓ᭄ᬮᬦᬂᬮᬦ᭄ᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬜᬕᭂᬃᬓᬮ᭄ᬫᬤᬦ᭄ᬤᬦ᭄᭞ᬲ
ᬫ᭄ᬧᬸᬦ᭄ᬧᬥᬧᬥᬘᬸᬫ᭄ᬧᬸ᭞ᬬᬾᬦ᭄ᬧᬸᬦᬧᬶᬦᬾᬫᬓ᭄ᬭᬩ᭞ᬫᬗᬯᬾᬦᬶᬦ᭄᭞ᬢᭀᬂᬫᬤᬳᬲᬕᬾᬢ᭄ᬧᬲ᭄ᬧᬲ᭄᭟᭐᭟ᬕᬶᬦᬦ᭄ᬢᬶᬤᬶᬗ᭄ᬤᬂ᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬳᭂᬮᬸᬄ᭞ᬫᬜ
ᬦ᭄ᬢᭀᬲ᭄ᬭᬶᬂᬧᬶᬗ᭄ᬕᬶᬃᬢᬶᬢᬶ᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬳᬦᬓ᭄ᬮᬦᬂ᭞ᬦᬓᬾᬳᬶᬲ᭄ᬢ᭄ᬭᬶᬗᬲᬶᬄᬳᬲᬶᬄ᭞ᬦᬯᭂᬕᬂᬚ᭄ᬭᭀᬦᬯᭂᬕᬂ᭞ᬮᬶᬦ᭄ᬢᬗᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬳᬸᬤᬸᬄᬚ᭄ᬭᭀᬦᬾᬲᬳᬬᬸ᭞ᬢᬶᬢ᭄ᬬᬂ
ᬢᬸᬦᬲᬧᬸᬦᬶᬓᬶ᭞ᬢᬸᬦᬢᬶᬢ᭄ᬬᬂᬮᬶᬦ᭄ᬢᬂᬮᬶᬦ᭄ᬢᬂ᭞ᬢᬸᬦᬢᬶᬢ᭄ᬬᬂᬫᬓᬲᬫᬶ᭞ᬦᬾᬳᬶᬲ᭄ᬢ᭄ᬭᬶᬫᬮᬶᬄᬫᬦᬶᬫ᭄ᬩᬮ᭄᭞ᬚ᭄ᬭᭀᬩᬕᬸᬲ᭄‌ᬲᬧᬸᬦᬶᬓᬶ᭟ᬭᬶᬂᬤᬕᬶᬂᬢᬶᬢ᭄ᬬᬂᬢᬦ᭄ᬧᭂᬃᬮᬸ᭞ᬩ᭄ᬯ [ 40 ][ ᭓᭙ 39B]
᭓᭙᭞
ᬢ᭄ᬢᬶᬢ᭄ᬬᬂᬭᬶᬂᬳᬶᬕᬸᬲ᭄ᬢᬶ᭞ᬲᬧᬸᬦᬶᬓᬫᬩᬯᭀᬲᬦ᭄᭞ᬲᬦᬾᬳᬶᬲ᭄ᬢ᭄ᬭᬶᬘᬸᬫ᭄ᬧᬸᬕᬢᬶ᭞ᬩᬾᬩᬲ᭄ᬢᬶᬢ᭄ᬬᬂᬓᬧᬜ᭄ᬚᬓᬂ᭞ᬲᬧᬸᬦᬶᬓᬳᬶᬗ᭄ᬕᬶᬄᬕᬸᬲ᭄ᬢᬶ᭟ᬳᬢ᭄ᬫᬮᬦᬂᬫᬮᬶᬄᬭᬯᬸᬄ᭞ᬩᬩᬬᭀ
ᬦ᭄ᬜᬳᬾᬩᭂᬓ᭄‌ᬯ᭄ᬬᬓ᭄ᬢᬶ᭞ᬗᬚᬗᬶᬦ᭄ᬗᬮᬶᬄᬫ᭄ᬯᬢᬦ᭄᭞ᬢ᭄ᬯᬭᬓᬾᬗ᭄ᬕᬸᬄᬳᬗᬦ᭄ᬕᬶᬕᬶᬲ᭄᭞ᬩᬳᬦ᭄ᬳᬩᭂᬲᬶᬓ᭄‌ᬓᬤᬦ᭄ᬤᬦ᭄᭞ᬩᬸᬮᬓ᭄ᬩᬮᬶᬓ᭄ᬫᬗᬚᬗᬶᬦ᭄᭟ᬳᭂᬦ᭄ᬢᭀᬲᬗ᭄ᬓᬦ᭄‌ᬳ᭄ᬤᬢ
ᬦ᭄ᬤ᭄ᬭᬸᬄ᭞ᬤᬶᬚᬕᬢᬾᬩᬸᬓᬚᬦᬶ᭞ᬬᬤᬶᬦ᭄‌ᬮ᭄ᬬᬸᬗᬫᬤ᭄ᬯᬂ᭞ᬦᬓ᭄ᬫᬸᬮᬧᬕᬯᬾᬗᬸᬦᬶ᭞ᬚᬯᬦᬶᬂᬢ᭄ᬓᬢᬳᬦᬂ᭞ᬳᭂᬤᬧᬧᬓ᭄‌ᬧᬋᬩᬸᬢᬶᬦ᭄᭟ᬯᬾᬦ᭄ᬢᭂᬦ᭄ᬫᬮᬶᬄᬳᬢ᭄ᬫᬳᭂᬮᬸᬄ᭞
ᬲᭀᬮᬄᬜᬦᬾᬫᬜᬶᬂ᭞ᬮ᭄ᬬᬸᬦᬕᬶᬄᬗᬮᬶᬯᬢᬂ᭞ᬲᬯᬸᬢ᭄ᬜᬩᭂᬕ᭄ᬩᭂᬕ᭄ᬜᭂᬧᭂᬢᬶᬦ᭄᭞ᬳᭂᬦ᭄ᬢᭀᬲᬗ᭄ᬓᬦ᭄‌ᬬᬩᭀᬜ᭄ᬘᬄ᭞ᬫᬚᬸᬓᬸᬢ᭄‌ᬤᬶᬩᬜ᭄ᬚᬃᬤᬤ᭄᭟᭐᭟

[ ᭔᭐ 40A]
ᬕᬶᬦᬤ᭟ᬲᬧᬸᬦᬶᬓᬫᬭᬶᬂᬲᬢ᭄ᬯ᭞ᬧᬗᬦ᭄ᬤᬶᬓᬦ᭄ᬳᬦᬓ᭄ᬮᬶᬗ᭄ᬲᬶᬃ᭞ᬦᬗ᭄ᬳᬶᬂᬳᬫ᭄ᬧᬸᬭᬬᬂᬤᬾᬯ᭞ᬲᬫ᭄ᬧᬸᬦ᭄‌ᬤᬸᬓᬫᬭᬶᬂᬓᬬᬸᬦ᭄᭞ᬯᬦ᭄ᬢᬄᬲᬵᬫᬵᬧᬸᬦ᭄ᬫᬸᬮᬢᬶᬢᬄ᭞ᬲᬓᬶᬂᬭᬶ
ᬳᬶᬦ᭄᭞ᬤᬶᬚᬫᬸᬢᬂᬤᬶᬢᬸᬫᬬᬄ᭟ᬲᬧᬸᬦᬶᬓᬕᬸᬂᬳᬫ᭄ᬧᬸᬭ᭞ᬳᬢᬸᬃᬢᬶᬢ᭄ᬬᬂᬫᬭᬶᬂᬕᬸᬭᬶᬢ᭄᭞ᬩᬰᬓᬲᬃᬫᬳᬤᬸᬓᬦ᭄᭞ᬲᬓᬾᬯᬮᬲᬶᬤ᭄ᬥᬫᬸᬧᬸᬄ᭞ᬫᬸᬜᬶᬗᬮᬶᬧᬧᭀ
ᬮᭀᬲᬦ᭄᭞ᬗᬸᬮᬄᬜᬭᬶᬓ᭄᭞ᬳᬫ᭄ᬧᬸᬭᬤᬾᬯᬳᬫ᭄ᬧᬸᬭᬂ᭟ᬧᬸᬧᬸᬢ᭄᭟᭐᭟᭒᭑᭞᭒᭞᭑᭙᭗᭔᭟ᬕᬕᬸᬭᬶᬢᬦ᭄‌ᬪᬶᬫᬰ᭄ᬯᬃᬕ᭄ᬕᬧᬸᬦᬶᬓᬶ᭞ᬓᬧᬸᬧᬸᬮ᭄‌ᬳᭀᬮᬶᬄ᭞ᬳᬶᬜᭀ
ᬫᬦ᭄‌ᬓᬭᬾᬫ᭄ᬧᬂ᭞ᬭᬶᬂᬓᬲᬶᬫ᭄ᬧᬃ᭞ᬓᬯᭂᬤᬃᬳᭀᬮᬶᬄ᭞ᬤᬶᬦᬲ᭄‌ᬳᬕᬫᬳᬶᬡ᭄ᬥᬸᬮᬦ᭄‌ᬪᬸᬤ᭞ᬓᬪᬸᬧᬢᬾᬦ᭄‌ᬓᬭᬗ᭄ᬳᬲᭂᬫ᭄᭟ᬲᬲᬸᬭᬢᬦ᭄ᬭᬶᬂᬮᭀᬦ᭄ᬢᬃᬧᬸᬦᬶᬓᬶ [ 41 ][ ᭔᭐ 40B]
᭔᭐᭞
ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬯᬬᬦ᭄‌ᬕᭂᬩ᭄ᬬᬕ᭄᭞ᬓᬲᬶᬫ᭄ᬧᬃ᭞ᬧᬶᬤ᭄ᬧᬶᬤ᭄᭞ᬳᬩᬂ᭟ᬧᬸᬧᬸᬢ᭄ᬭᬶᬂᬭᬳᬶᬦᬅᬗ᭄ᬕᬭ᭞ᬚᬸᬮᬸᬂᬯᬗᬶ᭞ᬇᬰᬓ᭞᭑᭙᭑᭔᭟ᬫᬲᬾᬳᬶ᭞᭒᭐᭞᭖᭞᭑᭙᭙᭒᭟