Ban/Gaguritan Bhima Swargga 03

Deskripsi

Naskah

[ 1 ]Gag Bhimaswargga.
Pnj.40 cm 47 1b
Kututambahan
[ ᭑ 1A]
᭚ᬪᬷᬫᬲ᭄ᬯᬃᬕ᭟ [ 2 ][ ᭑ 1B]
᭑᭞
ᬑᬁ᭞ᬅᬯᬶᬖ᭄ᬦᬫᬲ᭄ᬢᬸ᭟ᬇᬣᬶᬕᬕᬸᬭᬶᬢᬦ᭄ᬪᬶᬫᬲ᭄ᬯᬃᬕᬲᬫᬧ᭄ᬢ᭞ᬧᬸᬧᬸᬄᬅᬤ᭄ᬭᬶ᭟᭐᭟ᬧᬸᬧᬸᬄᬅᬤ᭄ᬭᬷ᭟᭐᭟ᬢᬩᬾᬢᬶᬢ᭄ᬬᬂᬧ᭄ᬭᬫᬸᬓᬯᬶᬦᬸᬯᬸᬲ᭄᭞ᬢᬦ᭄ᬓᭂᬦᬾᬂᬢᬶᬦᬸᬮᬄ᭞ᬳᬧᬦ᭄ᬧᬯᬾᬳᬶᬂᬳ᭄ᬬᬂᬯᬶᬤᬶ᭞ᬦᬶᬰᬵᬲ᭄ᬢ᭄ᬭᬯᬷᬭᬢᬸ
ᬤᬸᬄ᭞ᬘᬶᬢ᭄ᬭᬕᭀᬢ᭄ᬭᬲᭂᬗ᭄ᬓᭂᬃᬢᬸᬯᬸᬄ᭞ᬲ᭄ᬯᬓᬃᬫᬲᬗ᭄ᬓᭂᬧᬶᬦᬸᬚᬾᬦ᭄᭞ᬳᬶᬮᬳᬶᬮᬘᭂᬦ᭄ᬤᭂᬓ᭄ᬢᬸᬯᬸᬄ᭞ᬯᬲ᭄ᬢᬸᬢᬢᬦ᭄ᬧᬍᬢᭂᬳᬦ᭄᭞ᬲᬚᬸᬫ᭄ᬩᬸᬳᬂᬳᬸᬘᬧᬸᬘᬧ᭄᭟᭐᭟ᬳᬦᬕᬦ᭄ᬢ᭄ᬬᬦ᭄ᬯᬲ᭄ᬢ᭄ᬬᬦᬶᬂᬯᬸᬯᬸᬲ᭄᭞
ᬳ᭄ᬬᬂᬧᬡ᭄ᬥᬸᬧᭀᬮᬳᬾ᭞ᬢᬩᬓᬳᬕᬵᭂᬓ᭄ᬓᬶᬂᬓᬶᬂ᭞ᬢᬦ᭄ᬲᬄᬤᬾᬯᬷᬫᬤ᭄ᬭᬷᬳᬦᬹᬢ᭄᭞ᬲᬂᬧᭂᬚᬳᬶᬭᬳ᭄ᬬᬂᬧᬡ᭄ᬥᬸ᭞ᬫᬗ᭄ᬓᬶᬦ᭄ᬳᬫᬗ᭄ᬕᬶᬄᬲᬗ᭄ᬲᬭ᭞ᬪᬝᬵᬭᬬᬫᬓᬢᬸᬤᬸᬄ᭞ᬤᬾᬦᬶᬭᬳ᭄ᬬᬂᬫᬳᬾ
ᬰ᭄ᬯᬭ᭞ᬅᬢ᭄ᬫᬢᬶᬦᬶᬩᬾᬂᬚᬫ᭄ᬩᬗᬦ᭄᭟᭐᭟ᬲᬶᬦᬫ᭄ᬩᬸᬢᬢ᭄ᬫᬦᬶᬭᬳ᭄ᬬᬂᬧᬡ᭄ᬥᬸ᭞ᬢᬶᬦᬶᬩᬓᭂᬦ᭄ᬫᬗ᭄ᬓᬾ᭞ᬇᬂᬦ᭄ᬕᬵᭂᬂᬅᬕ᭄ᬦᬶ᭞ᬤᬾᬯᬷᬫᬤ᭄ᬭᬷᬢᬦ᭄ᬓᬦ᭄ᬢᬸᬦ᭄᭞ᬓᬶᬓᬮᬳᬯᬓᬾᬮᬸᬤᬸᬄ᭞ᬳᬕᬦ᭄ᬢᬶ
[ ᭒ 2A]
ᬕᬦ᭄ᬢᬶᬢᬗᬶᬲᬾ᭞ᬲᬲᬵᬫ᭄ᬩᬢᬾᬬᬬᬄᬳᬶᬩᬸ᭞ᬳᬦᬓ᭄ᬳᬶᬗ᭄ᬲᬸᬦ᭄ᬲᬂᬧᬡ᭄ᬥᬯ᭞ᬫ᭄ᬯᬂᬤᬾᬯᬷᬓᬸᬦ᭄ᬢᬷᬫᬾᬢᬶᬗ᭄ᬯᬂ᭟᭐᭟ᬪᬝᬵᬭᬬᬫᬯᬸᬯᬸᬲᬾᬳᬰ᭄ᬭᬸ᭞ᬲᬦ᭄ᬤᬗᭂᬦ᭄ᬮᬭᬦᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬳᬶᬤᬶᬧ᭄ᬓᬶ
ᬢᬭᬳᬬᬸ᭞ᬳᬯᬾᬳᬮᬦᬾᬲᬢᬸᬯᬸᬓ᭄᭞ᬩᬸᬤᬶᬤᬸᬃᬬᬰᬢᬦ᭄ᬧᬶᬦᬾᬢ᭄᭞ᬯᬷᬭᬕᬮ᭄ᬩᬦᬾᬓᬲᬸᬫ᭄ᬩᬸᬂ᭞ᬍᬯᬶᬄᬧᬶᬦᬮᬩᬮᬗᬦ᭄᭞ᬯᬭᬦᬾᬢᬦ᭄ᬓᬲᬸᬭᬸᬳᬦ᭄᭟᭐᭟ᬯᬷᬭᬓᬺᬢᬶᬲᬢ᭄ᬯᬶᬲ᭄ᬢᬶᬭᬶᬗᬬᬸᬦ᭄᭞
ᬕᬗ᭄ᬕᬵᬳᬦᬸᬲ᭄ᬯᬦᬾ᭞ᬓᬢᬮᬦ᭄ᬢ᭄ᬭᬯᬷᬭᬧᬶᬗᬶᬢ᭄᭞ᬯᬷᬭᬓᬺᬢᬶᬳᬦᭂᬫᬸᬭᬳᬬᬸ᭞ᬓᬺᬢᬬᬸᬓ᭄ᬢᬶᬦᬾᬢᬦ᭄ᬢᬶᬭᬸ᭞ᬫᬗ᭄ᬓᬾᬢᬦ᭄ᬤᬗᬦ᭄ᬮᬭᬦᬾ᭞ᬓᬶᬦᬸᬩᬸᬂᬕ᭄ᬦᬶᬳᬫᬸᬭᬸᬩ᭄᭞ᬫ᭄ᬯᬂᬩ᭄ᬯᬾᬄᬦᬶᬂᬚᬫ᭄ᬩᬗᬦ᭄᭞ᬅᬢ᭄ᬫᬦᬾ
ᬮᬭᬧᬓ᭄ᬭᬓ᭄᭟᭐᭟ᬪᬝᬵᬭᬧᬦ᭄ᬤᬸᬯᬸᬯᬸᬲᬾ ᬳᬮᬸᬲ᭄᭞ᬥᬸᬄᬳᬶᬭᬶᬦᬶᬗ᭄ᬲᬸᬦ᭄ᬫᬗ᭄ᬓᬾ᭞ᬳᬫᬾᬢᭂᬦᬶᬗ᭄ᬲᬸᬦ᭄ᬤᬾᬦᬕ᭄ᬮᬶᬲ᭄᭞ᬰ᭄ᬭᬶᬦᬭᬭᬵᬚᬲᬸᬗ᭄ᬲᬸᬢ᭄᭞ᬳᬶᬦᬯᬾᬄᬧᬢᬶᬲᬧᬗᬸᬢ᭄᭞ [ 3 ][ ᭒ 2B]
᭒᭞
ᬰ᭄ᬭᬶᬥᬃᬫᬵᬢ᭄ᬫᬚᬳᬶᬦᬯᬾ᭞ᬭᬤᬾᬦᬃᬬ᭄ᬬᬪᬷᬫᬦᬓᬸᬮ᭞ᬲᬳᬤᬾᬯᬅᬃᬚᬸᬦᬗᬬᭀ᭞ᬢᬦ᭄ᬯ᭄ᬭᬶᬂᬳᬶᬮᬭ᭟᭐᭟ᬋᬗᬓᭂᬦᬲᬫ᭄ᬩᬢᬶᬭᬾᬗ᭄ᬲᬸᬦ᭄᭞ᬲᬥᬸᬭᬶᬂᬭᬵᬢ᭄ᬓᬩᬾᬳᬵ᭞ᬯᬷ
ᬭᬓ᭄ᬭᬫᬢᬶᬢᬶᬪᬓ᭄ᬢᬶ᭞ᬳᬾᬮᬶᬂᬭᬶᬂᬩᬧᬳᬶᬩᬸ᭞ᬤᬸᬓ᭄ᬤᬸᬤᬸᬲ᭄ᬳᬶᬥᭂᬧ᭄ᬭᬳᬬᬸ᭞ᬢᬦ᭄ᬯ᭄ᬭᬸᬄᬧᬦᬗ᭄ᬓᬦ᭄ᬮᬭᬦᬾ᭞ᬪᬝᬵᬭᬬᬫᬳᬫᬸᬯᬸᬲ᭄᭞ᬳᬶᬓᬶᬢᬳᬕᬸᬗᬗᬯᬕ᭄᭞ᬲᬧᭀᬮᬄᬓᬶᬢᬳᬗ
ᬯᬕ᭄᭟᭐᭟ᬬᬾᬦ᭄ᬓᬶᬢᬳᬋᬧ᭄ᬦᭂᬫᬸᬭᬳᬬᬸ᭞ᬧᬾᬢᭂᬦ᭄ᬓᬂᬭᬩᬶᬦᬾ᭞ᬫ᭄ᬯᬳᬦᬓ᭄ᬢᬮᬶᬫᬂᬲᬶᬓᬶᬂ᭞ᬳᬰ᭄ᬭᬸᬄᬮᬭᬦᬶᬭᬾᬲᬸᬦ᭄᭞ᬩᬶᬮᬶᬲᬶᬩᬓᬶᬢᬭᬳᬬᬸ᭞ᬲᬢᬳᬸᬦ᭄ᬯᬶᬚᬶᬦᭂᬦ᭄ᬓ
ᬩᬾᬄ᭞ᬳᬧᬦᬶᬓ᭄ᬭᬫᬳᬦ᭄ᬳᬶᬧᬸᬦ᭄᭞ᬲᬮ᭄ᬯᬶᬭᬶᬂᬭᭀᬕᬧᬢᬓ᭞ᬍᬩᬸᬭᬾᬂᬢᬦᬧᬭᬶᬓ᭄ᬭᬫ᭟᭐᭟ᬳᬧᬦ᭄ᬓᬶᬢᬢᬦ᭄ᬯ᭄ᬭᬸᬄᬭᬶᬂᬧᬮᬸᬗ᭄ᬕᬸᬄ᭞ᬫ᭄ᬯᬂᬲᬶᬗ᭄ᬳᬵᬲᬦᬦᬾ᭞ᬳᬧᬦ᭄ᬓᬶᬦᬸᬩᬸᬗᬦ᭄ᬓᬧ᭄ᬢᬶ
[ ᭓ 3A]
᭞ᬫᬃᬫᬓ᭄ᬯᬾᬢᬦ᭄ᬮᬫ᭄ᬧᬸᬲ᭄᭞ᬳᭂᬦ᭄ᬢᬶᬩ᭄ᬭᬦ᭄ᬢᬳᬕᬸᬂᬳᬸᬬᬸᬂ᭞ᬓᬸᬭᬂᬓᬢᬯᬍᬤᬶᬦᬾ᭞ᬢᬦ᭄ᬯᬶᬓᬦᬶᬂᬳᬮᬳᬬᬸ᭞ᬭᬶᬂᬯᬤ᭄ᬯᬭᬶᬂᬯᬦ᭄ᬯᬢᬦ᭄ᬧᬉᬧᬫ᭞ᬳᭀᬜ᭄ᬚᬄᬢᬶᬦᬸᬃᬬᬧ᭄ᬭᬧᬜ᭄ᬘ᭟᭐᭟
ᬓᬸᬭᬂᬯᬶᬯᬾᬦᬶᬓ᭄ᬓᬭᬾᬂᬳᬬᬸᬦ᭄᭞ᬭᬶᬂᬪᭀᬕᬲᬤᬦ᭞ᬢᬦ᭄ᬓᬸᬭᬂᬯᬶᬪᬸᬄᬪᬶᬦᬸᬓ᭄ᬢᬶ᭞ᬭᬜ᭄ᬘᬓ᭄ᬢᬸᬢᬸᬃᬓᬳᬶᬢᬸᬂ᭞ᬢᬦᬢᬹᬢ᭄ᬭᬲᬢᬦᬢᬹᬢ᭄᭞ᬲᬶᬦᬶᬥᭂᬧ᭄ᬓᬯᬾᬤᬶᬤᬾᬯᬾᬓ᭄᭞ᬓᬘ᭄ᬯᬳᬦᬶᬂᬯᭀᬂᬓᬢᭂᬫᬸ᭞ᬧᬸᬧᬸᬮ᭄ᬫ
ᬦᬾᬓᬯᬶᬭᬗᬦ᭄᭞ᬲᬥᬸᬩᭂᬦᭂᬃᬫᬭᬶᬂᬳᬯᬓ᭄᭟᭐᭟ᬢᬦ᭄ᬧᬢᬺᬧ᭄ᬭᬲᬦᬶᬂᬭᬢᬸᬧᬸᬗ᭄ᬕᬸᬂ᭞ᬢᬦ᭄ᬲᬶᬤᬓᬬᬦᬾ᭞ᬓᬲᬸᬭᬸᬳᬦ᭄ᬮᬭᬓᬶᬂᬓᬶᬂ᭞ᬧᬾᬦ᭄ᬤᬄᬳᬸᬤᬸᬦᬸᬭᬸᬦ᭄᭞ᬢᬦ᭄ᬓᬯᬲ᭄ᬢᬶᬢᬾᬭᬶᬂᬗᭂ
ᬫ᭄ᬧᬸ᭞ᬧᬶᬦᬭᬂᬧᬭᬂᬩᬸᬤᬶᬦᬾ᭞ᬯᬶᬓᬦ᭄ᬓᬦᬶᬲᬭᬾᬦᬬᬸᬦ᭄᭞ᬧᬸᬧᬸᬢ᭄ᬦᬶᬂᬓᬺᬢᬯᬶᬸᬳᬸᬧᬬ᭞ᬲ᭄ᬭᬗ᭄ᬕᬮᬸᬦᬸᬕ᭄ᬭᬳᬦᬶᬂᬳ᭄ᬬᬂ᭟᭐᭟ᬓᬮᬶᬂᬪᬝᬵᬭᬬᬫᬫᬸᬯᬸᬲ᭄᭞ᬓᬧᬶᬋᬗᬵᭂᬦ᭄ᬢ᭄ᬯᬲᬾ᭞ᬦ᭄ᬤ [ 4 ][ ᭓ 3B]
ᬢᬦ᭄ᬓᬯᬃᬡᬳᬢᬾᬓᬶ᭞ᬰ᭄ᬭᬷᬓᬸᬦ᭄ᬢᬶᬭᬵᬚᬯᬸᬯᬸᬲ᭄᭞ᬲᬶᬦᬾᬩᬲᬓ᭄ᬯᬾᬳᬶᬂᬲᬸᬦᬸ᭞ᬭᬶᬂᬫᬥ᭄ᬬᬧᬤᬧᬺᬡᬳᬾ᭞ᬭᬶᬂᬇᬦ᭄ᬤ᭄ᬭᬧ᭄ᬭᬲ᭄ᬢᬭᬦᬶᬧᬸᬦ᭄᭞ᬧᭂᬧᭂᬓ᭄ᬓᬂᬧ᭄ᬭᬭᬵᬚᬧᬸᬢ᭄ᬭ᭞ᬲᬶᬦᬾ ᬩᬳᭂᬩ᭄ᬦᬶᬂᬳᬗ᭄ᬲᭀ
ᬓ᭟᭐᭟ᬰ᭄ᬭᬷᬥᬃᬫᬯᬗ᭄ᬰᬦᬸᬮ᭄ᬬᬢᬦ᭄ᬓᬦ᭄ᬢᬸᬦ᭄᭞ᬭᬤᬾᬦ᭄ᬪᬷᬫᬋᬓᬾ᭞ᬓᬭᬂᬬ᭄ᬬᬵᬃᬚᬸᬦᬢᬾᬓᬵᬳᬶ᭞ᬦᬓᬸᬮᬲᬳᬤᬾᬯᬵᬦᬹᬢ᭄᭞ᬰ᭄ᬭᬷᬤᬾᬯᬷᬓᬸᬦ᭄ᬢᬶᬮᬶᬂᬦ᭄ᬬᬮᬸᬲ᭄᭞ᬩᬧᬥᬃᬫᬫᬺᬢᬫᬗ᭄ᬓᬾ᭞ᬳᬶ
ᬗ᭄ᬲᬸᬦᬗ᭄ᬭᬸᬗ᭄ᬯᬯᬸᬯᬸᬲ᭄᭞ᬰᬩ᭄ᬤᬲᬓᬾᬂᬳᬯᬗᬯᬂ᭞ᬯᬦ᭄ᬓᬧᬺᬘᬬᬭᬶᬂᬭᬵᬕ᭟᭐᭟ᬫᬗ᭄ᬓᬾᬪᬝᬵᬭᬧᬡ᭄ᬥᬸᬳᬳᬸᬬᬸᬂ᭞ᬫᬦᭂᬫᬸᬮᬭᬦᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬓᬮᬶᬄᬤᬾ
ᬯᬷᬫᬤ᭄ᬭᬷᬳᬦᬹᬢ᭄᭞ᬪᬝᬵᬭᬬᬫᬫᬶᬤᬸᬤᬸ᭞ᬢᬶᬦᬶᬩᬫᬭᬶᬂᬚᬫ᭄ᬩᬗᬦ᭄᭞ᬋᬩᬫᬯᬓᬶᬦᬸᬭᬸᬧᬸᬢ᭄᭞ᬅᬢ᭄ᬫᬧᬢᬶᬲᬲᬫ᭄ᬩᬢ᭄᭞ᬦᬮᬦᬶᬗ᭄ᬲᬸᬦ᭄ᬩ᭄ᬭᬲᬋᬗ᭄ᬯ᭟᭐᭟ᬦᬮᬶᬂ
[ ᭔ 4A]
ᬰ᭄ᬭᬶᬓᬸᬦ᭄ᬢᬶᬳᬲᬯᬸᬃᬫᬦᬸᬓ᭄᭞ᬲᬂᬧᬡ᭄ᬥᬯᬓᬩᬾᬳᬵ᭞ᬧᬥᬲᭂᬫᬸᬲᭂᬫᬸᬢᬗᬶᬲ᭄᭞ᬥᬸᬄᬧᬭᬦ᭄ᬧᭀᬮᬄᬳᬶᬗ᭄ᬲᬸᬦ᭄᭞ᬢ᭄ᬦᬫ᭄ᬭᬶᬂᬭᬶᬲᬓᬃᬬ᭄ᬬᬧᬸᬓᬸᬮᬸᬦ᭄᭞ᬰ᭄ᬭᬷᬓᬸᬦ᭄ᬢᬶᬳᬮᭀ
ᬦᬸᬚᬭᬾ᭞ᬫᬗ᭄ᬓᬾᬓᬳᬋᬧᬦᬶᬗ᭄ᬲᬸᬦ᭄᭞ᬳᬗᬸᬮᬢᬫᬭᬶᬂᬓᬯᬄ᭞ᬲᬧᬯᭂᬦᬂᬉᬫᬗ᭄ᬓᬢ᭟᭐᭟ᬓᬋᬧᬶᬗ᭄ᬲᬸᬦ᭄ᬲᬶᬭᬓᭀᬦᬗ᭄ᬭᬸᬭᬸᬄ᭞ᬭᬶᬂᬬᬫᬦᬶᬮᭀᬓ᭞ᬰ᭄ᬭᬷᬥᬃᬫ
ᬯᬗ᭄ᬰᬢᬦᬧ᭄ᬢᬶ᭞ᬮᬶᬗᬾᬳᬲᭂᬫᬸᬳᬮᬸᬲ᭄᭞ᬯ᭄ᬭᬸᬄᬫᬭᬶᬂᬦᬮᬦᬶᬗ᭄ᬲᬸᬦ᭄᭞ᬢᬦᬗ᭄ᬕᬫᬗ᭄ᬓᬢᬫᬗ᭄ᬓᬾ᭞ᬭᬤᬾᬦᬃᬬ᭄ᬬᬵᬃᬚᬸᬦᬫᬸᬯᬸᬲ᭄᭞ᬫᬢᬸᬃᬭᬶᬂᬳ᭄ᬬᬂᬦᬭᬭᬵᬚ᭞ᬢᬦ᭄ᬯ᭄ᬭᬸᬄᬳᬶᬗ᭄ᬲᬸᬦ᭄ᬫᬭᬶᬂ
ᬳᬯᬦ᭄᭟᭐᭟ᬭᬤᬾᬦ᭄ᬭ᭄ᬬ᭄ᬬᬵᬃᬚᬸᬦᬫᬢᬸᬃ᭞ᬧᬢᬶᬓ᭄ᬧ᭄ᬭᬫᬾᬰ᭄ᬯᬭᬷ᭞ᬢᬦ᭄ᬤ᭄ᬭᬸᬄᬧᬭᬦᬶᬂᬳ᭄ᬬᬂᬫᬫᬶ᭞ᬰ᭄ᬭᬷᬓᬸᬦ᭄ᬢᬶᬭᬵᬚᬫᬸᬯᬸᬲ᭄᭞ᬲᬧᬯᭂᬦᬂᬮᬸᬗ᭄ᬳᬗ᭄ᬭᬸᬭᬸᬄ᭞ᬅᬢ᭄ᬫᬦᬶᬂᬳ᭄ᬬᬂᬧᬡ᭄ᬥᬸᬋᬓᬾ᭞ [ 5 ][ ᭔ 4B]
ᬭᬤᬾᬦᬃᬬ᭄ᬬᬪᬷᬫᬫᬸᬯᬸᬲ᭄᭞ᬦ᭄ᬤᬄᬳᬓᬸᬫᬗ᭄ᬓᬢᬫᬗ᭄ᬓᬾ᭞ᬳᬓᬸᬯ᭄ᬭᬸᬄᬫᬭᬶᬂᬤᬮᬦ᭄᭟᭐᭟ᬗᬹᬦᬶᬤᬸᬓᬓᬸᬢᬸᬫ᭄ᬭᬧᬾᬂᬕᬸᬦᬸᬂ᭞ᬭᬶᬂᬕᬶᬭᬶᬯᬦᬭᬦᬾ᭞ᬫᬸᬗ᭄ᬕᬸᬳᬾᬭᬦᬾᬫᬭᬶᬂ᭞ᬳᬸᬳᬸ
ᬦᬦ᭄ᬓᬫᬶᬤᬾᬯᬷᬓᬸᬦ᭄ᬢᬷᬢᬸᬫᬸᬭᬸᬦ᭄᭞ᬉᬫᬸᬗ᭄ᬕᬸᬄᬳᬗᬦ᭄ᬢᬸᬦᬦ᭄ᬢᬸᬦ᭄᭞ᬪᬝᬵᬭᬓᬸᬦ᭄ᬢᬶᬯᬸᬯᬸᬲᬾ᭞ᬢᬩᬾᬢᬩᬾᬬᬶᬸᬂᬢᬳ᭄ᬬᬂᬩᬬᬸ᭞ᬉᬫᬸᬗ᭄ᬕᬸᬳᬾᬭᬶᬂᬩᬸᬦ᭄ᬩᬸᬦᬦ᭄᭞ᬢᬦ᭄ᬓᭂᬦᬾᬂᬭᬵᬚᬧᬦᬸᬮᬄ᭟᭐᭟
ᬰ᭄ᬭᬷᬥᬃᬫᬲᬸᬢᬫᬸᬗ᭄ᬕᬸᬄᬢᬦᬰ᭄ᬭᬹ᭞ᬭᬶᬦᬾᬢ᭄ᬭᬧ᭄ᬭᬡᬦᬾ᭞ᬢᬩᬾᬦᬶᬳ᭄ᬬᬂᬩᬬᬸᬫᬫᬶ᭞ᬭᬤᬾᬦᬃᬚᬸᬦᬉᬫᬸᬗ᭄ᬕᬸᬄ᭞ᬭᬶᬗᬗᭂᬦᬗᭂᬦ᭄ᬧᬸᬦᬶᬓᬸ᭞ᬓᬓᬸᬮᬲᬤᬾᬯᬋᬓᬾ᭞ᬭᬶᬢᭂᬗᭂᬦ᭄ᬓᬶᬯᬓᬂᬧᬸᬧᬸ᭞ᬲᬫᬢᬲᬸᬂᬳ
ᬦᬸᬕ᭄ᬭᬳ᭞ᬢᬩᬾᬳᬶᬗ᭄ᬲᬸᬦ᭄ᬩᬬᬸᬢ᭄ᬫᬚ᭟᭐᭟ᬧ᭄ᬭᬲᬶᬥᬫᬗ᭄ᬓᬾᬲᬵᬫᬵᬧᬸᬦ᭄ᬲᬶᬦᬸᬲᬸᬧ᭄᭞ᬭᬶᬂᬧᬕᬸᬂᬓᬂᬭᬵᬕᬦᬾ᭞ᬜᬭᬫᬭᬳᬫ᭄ᬩᭂᬓᬼᬯᬶᬄ᭞ᬢᬦ᭄ᬲᬄᬲᬶᬭᬫᬮᬘᬸᬢ᭄᭞ᬳᬫᬂᬕᬧᬸᬘᬸᬓᬶᬂᬢᬭᬸ᭞
[ ᭕ 5A]
ᬢᬢᬦ᭄ᬧᬦᭀᬮᬶᬄᬮᬓᬸᬦᬾ᭞ᬢᬦ᭄ᬲᬄᬘᬭᬓᬳᬤᬸᬮᬸᬃ᭞ᬳᬗᬤ᭄ᬭᬲᬤ᭄ᬭᬲᬓᭂᬤᬧ᭄᭞ᬳᭂᬤᬧ᭄ᬕᬦ᭄ᬢᬶᬧᬶᬦᬸᬭᬾᬓ᭄ᬱ᭟᭐᭟ᬭᬤᬾᬦᬃᬬ᭄ᬬᬪᬷᬫᬮᬶᬂᬦ᭄ᬬᬫᬸᬯᬸᬲ᭄᭞ᬢᬦᬰ᭄ᬭᬹᬤᬮᬦ᭄ᬫᬗ᭄ᬓᬾ᭞ᬲᬂᬅᬃᬚᬸᬦ
ᬳᬦᬯᬸᬭᬶᬦ᭄᭞ᬇᬦᬶᬤᬸᬓ᭄ᬫᬫᬶᬭᬶᬂᬕᬸᬦᬸᬂ᭞ᬳᬧᬢᬧᬾᬂᬇᬦ᭄ᬤ᭄ᬭᬓᬶᬮᬳᬶᬓᬸ᭞ᬮᬸᬗ᭄ᬳᬫᬭᬶᬂᬓᬾᬫᬗ᭄ᬓᬾ᭞ᬢᬦ᭄ᬧᬳᬾᬮᬵᬳᬶᬂᬳᬶᬲᬸᬦ᭄᭞ᬳᬧᬦ᭄ᬗᬹᬦᬷᬢᬦ᭄ᬧᬫᬢᬺ᭞ᬰ᭄ᬭᬷᬥᬃᬫᬯᬗ᭄ᬰᬯᬶᬫᭀᬚᬃ᭟᭐᭟ᬗᬹᬦᬷᬳᬶᬗ᭄ᬲᬸᬦ᭄ᬤᬢᭂ
ᬗᬭᬶᬂᬕᬸᬦᬸᬂ᭞ᬭᬶᬂᬕᬶᬭᬶᬓᬸᬲᬸᬫ᭞ᬮᬸᬗ᭄ᬳᬫᬭᬶᬂᬲ᭄ᬯᬃᬕᬫᬫᬶ᭞ᬫᬗ᭄ᬓᬾᬢᬦ᭄ᬯ᭄ᬭᬸᬳᬶᬂᬳᬶᬗ᭄ᬲᬶᬦ᭄᭞ᬭᬳᬤᬾᬦ᭄ᬪᬷᬫᬳᬫᬸᬯᬸᬲ᭄᭞ᬳᬓᬸᬉᬫᬗ᭄ᬓᬢᬫᬗ᭄ᬓᬾ᭞ᬳᬗ᭄ᬳᬶᬂᬲᬶᬭᬲᬫᬳᬦᬹᬢ᭄᭞ᬫ᭄ᬯᬂᬳᬶᬩᬸᬂᬦᬭᬷᬭᬵᬚ᭞ᬧᬋᬂᬲᬶ
ᬬᬓ᭄ᬱᬮᬸᬗ᭄ᬳ᭟᭐᭟ᬰ᭄ᬭᬷᬓᬸᬦ᭄ᬢᬶᬫᬗ᭄ᬓᬾ ᬯᬸᬯᬸᬲᬾᬳᬮᬸᬲ᭄᭞ᬫᬶᬯᬄᬢᬲᬵᬦᬓᬾ᭞ᬲᬯᬸᬃᬧᬓ᭄ᬱᬶᬳᬦᬯᬸᬭᬶᬦ᭄᭞ᬧ᭄ᬭᬲᬫᬓᭂᬦᬦᬸᬳᬸᬦ᭄᭞ᬭᬤᬾᬦ᭄ᬪᬷᬫᬳᬫᬸᬯᬸᬲ᭄᭞ᬲ᭄ᬯᬕᬢᬋᬓᬾᬉᬚᬭᬾ᭞ᬫᬗ᭄ᬓᬾ [ 6 ][ ᭕ 5B]
᭕᭞ᬲ᭄ᬬᬓᬸᬳᬗ᭄ᬭᬹᬭᬸᬄ᭞ᬓᬳᭂᬗ᭄ᬕᭀᬦᬾᬩᬧ᭞ᬓᬤ᭄ᬬᬦᬶᬂᬢᬫ᭄ᬩ᭄ᬭᬕᭀᬫᬸᬓ᭟᭐᭟ᬤᬾᬯᬷᬓᬸᬦ᭄ᬢᬶᬫᬾᬭᬾᬦᬾᬤᬾᬓᬰ᭄ᬭᬸ᭞ᬮᬸᬫᬫ᭄ᬧᬄᬤᬺᬲ᭄ᬓᬸᬗ᭄ᬓᬸᬮᬦ᭄᭞ᬫᬫᬥ᭄ᬬᬧᬤᬮᬫ᭄ᬧᬳᬾ᭞ᬢᬦ᭄ᬲᬄᬲᬶᬭᬫᬮ
ᬘᬸᬢ᭄᭞ᬳᬫᬃᬕᬧᬸᬘᬸᬓᬶᬂᬢᬭᬸ᭞ᬢᬢᬦ᭄ᬧᬦᭀᬮᬄᬮᬓᬸᬦᬾ᭞ᬢᬦ᭄ᬲᬄᬘᬭᬓᬳᬤᬸᬮᬸᬃ᭞ᬲᬃᬫᬢᬲᬸᬂᬳᬦᬸᬕ᭄ᬭᬳ᭞ᬢᬩᬾᬳᬶᬗ᭄ᬲᬸᬦ᭄ᬩᬬ᭄ᬯᬢ᭄ᬫᬚ᭟᭐᭟ᬧᬸᬧᬸᬄᬧᬸᬘᬸᬂ᭟᭐᭟
ᬍᬧᬲ᭄ᬫᬗ᭄ᬓᬾ᭞ᬮᬫ᭄ᬧᬳᬶᬭᬢᬦᬲᬦ᭄ᬢᬸᬦ᭄᭞ᬓᭀᬗ᭄ᬓᬸᬮᬦ᭄ᬦᬵᬕᬭ᭞ᬧ᭄ᬭᬧ᭄ᬢᬾᬂᬳᬯᬸᬦᬯᬸᬦ᭄ᬕᭂᬮᬶᬲ᭄᭞ᬕᭂᬢᬸᬕᭂᬢᬸ᭞ᬳᬗᬸᬫ᭄ᬩᬂᬫᬭᬶᬂᬳᬫ᭄ᬩᬭ᭟᭐᭟ᬳᬓ᭄ᬯᬾᬄᬳᭂᬦᬸ᭞ᬓᬧᬸᬗ᭄ᬓᬸᬃᬢᬦᬦᬓᬾᬢᬸᬂ᭞ᬧ᭄ᬭ
ᬧ᭄ᬢᬾᬂᬘᬢᬸᬃᬧᬢ᭞ᬳᬭᬃᬬ᭄ᬬᬦ᭄ᬲᬶᬭᬓᬳᬶᬭᬶᬤ᭄᭞ᬫᬃᬕᬘᬢᬸᬃ᭞ᬳᬧᬦ᭄ᬢᬦ᭄ᬤ᭄ᬭᬸᬳᬶᬮᬸᬫᬫ᭄ᬧᬄ᭟᭐᭟ᬢᬦ᭄ᬲᬄᬫᬍᬘᬸᬢ᭄᭞ᬭᬳᬤᬾᬦ᭄ᬪᬷᬫᬳᬦ᭄ᬤᬭᬸᬂ᭞ᬗᬮᭀᬃᬮᬸᬫᬫ᭄ᬧᬄ᭞ᬫᬾᬄᬧ᭄ᬭᬧ᭄ᬢ
[ ᭖ 6A]
ᬫᬭᬶᬂᬯᬯᬤᬶᬂ᭞ᬢᬦ᭄ᬓᬳᬶᬢᬸᬂᬧ᭄ᬭᬧ᭄ᬢᬾᬢᭂᬕᬮ᭄ᬧᬦᬗ᭄ᬲᬭᬦ᭄᭟᭐᭟ᬭᬳᬤᬾᬦ᭄ᬪᬷᬫ᭞ᬫᬶᬤᭂᬃᬮᬫ᭄ᬧᬳᬾᬳᬘᭂᬫᬸᬳᬰ᭄ᬭᬸ᭞ᬳᬗᬮᭀᬭᬗᬾᬢᬦ᭄᭞ᬳᬗᬸᬮᭀᬦᬗᬶᬤᬸᬮ᭄ᬢᬾᬓᬶ᭞ᬳᬩ᭄ᬭᬸ
ᬗᬸ᭞ᬢᬗᬶᬲ᭄‌‌ᬦ᭄ᬤᬶᬓᬦᬶᬂᬦᬫ᭟᭐᭟ᬧᬸᬧᬸᬄᬅᬤ᭄ᬭᬷ᭟᭐᭟ᬢᬦ᭄ᬓᬯᬃᬡᬲᬂᬪᬷᬫᬳᬗ᭄ᬮᬸᬭᬸᬄ᭞ᬓᬯᬸᬯᬸᬲ᭄ᬫᬗ᭄ᬓᬾ᭞ᬲᬂᬚᭀᬕᭀᬃᬫᬡᬶᬓ᭄ᬢᬶᬦᬗ᭄ᬓᬶᬮ᭄᭞ᬧᭂᬧᭂᬓ᭄ᬓᬤᬂᬓᬲᬸᬫ᭄ᬩᬸᬂ᭞ᬯᬶᬭᬲᬸᬭᬵᬢ᭄ᬫᬢ
ᬦ᭄ᬓᬦ᭄ᬢᬸᬦ᭄᭞ᬕᭀᬭᬯᬶᬓ᭄ᬭᬫᬯᬶᬓᬶᬗᬾ᭞ᬗᬮᬉᬢ᭄ᬧᬢᬢᬦ᭄ᬓᬦ᭄ᬢᬸᬦ᭄᭞ᬧ᭄ᬭᬲᬫᬧ᭄ᬭᬲᬫᬮᬦᬂ᭞ᬫᬸᬓᬦ᭄ᬬᬳᬫᬗᬧ᭄ᬫᬗᬧ᭄᭟᭐᭟ᬚᭂᬸᬂᬲᬂᬚᭀᬕᭀᬃᬫᬡᬶᬓ᭄ᬯᬸᬯᬸᬲᬾᬳᬰ᭄ᬭᬹ᭞ᬥᬸᬄᬬᬬᬶᬲᬸᬭᬵ
ᬢ᭄ᬫ᭞ᬧᬸᬦᬧᬤᬾᬭᬗ᭄ᬭᬲᬦᬶᬦ᭄᭞ᬲᬵᭂᬓ᭄ᬲᬵᭂᬓᬺᬤᬦᬶᬗ᭄ᬲᬸᬦ᭄᭞ᬢᬦ᭄ᬲᬶᬧᬶᬳᬓ᭄ᬯᬾᬄᬅᬢ᭄ᬫᬭᬯᬸᬄ᭞ᬢᬦ᭄ᬧᬳᬫ᭄ᬧᭂᬢ᭄ᬧ᭄ᬭᬧ᭄ᬢᬦᬾ᭚ᬭᭀᬂᬳᬯᬸᬲᭀᬮᬸᬭᭀᬂᬗᬾᬬᬸ᭞ᬤᭂᬤᭂᬢ᭄ᬫᬭᬶᬂᬧᬦᬗ᭄ᬲᬭᬦ᭄᭞ [ 7 ][ ᭖ 6B]
᭖᭞
ᬳᬋᬧᬶᬗᭀᬂᬳᬫᬶᬤᬦ᭄ᬤ᭟ᬢᬶᬸᬂᬓᬶᬸᬩᬶᬸᬭᬶᬸᬓᭀᬕᭀᬭᬯᬶᬓ᭄ᬭᬫᬫᬢᬸᬃᬳᬲᭂᬫᬸ᭞ᬫ᭄ᬯᬂᬩᬮᬉᬢ᭄ᬧᬢᬶ᭞ᬯᬸᬯᬸᬲ᭄ᬧ᭄ᬭᬓᬲᬳᬗ᭄ᬭᬶᬓ᭄‌᭞ᬧᬸᬓᬸᬮᬸᬦ᭄ᬤᬾᬯᬧ᭄ᬭᬪᬸ᭞ᬲᬢᬸᬭᬦ᭄ᬧᬢᬶᬓᬸᬮᬸᬦ᭄᭞ᬫᬗ᭄ᬓᬾ
ᬧᬶᬦᬶᬤᬸᬤᬸᬋᬓᬾ᭞ᬢᬶᬦᬶᬩᬭᬶᬂᬓᬯᬄᬳᬕᬸᬂ᭞ᬲᬶᬦᭂᬫ᭄ᬧᬮ᭄ᬲᭂᬫ᭄ᬧᬮ᭄ᬓᬸᬚᬗ᭄ᬕ᭞ᬢᬶᬦᬩᬫᬭᬶᬕᭀᬫᬸᬓ᭟᭐᭟ᬧᬢᭂᬄᬳᬢᬸᬭᬾᬫᬧᬢᬶᬄᬳᬕᬸᬂ᭞ᬲᬭᬵᬢ᭄ᬫᬉᬚᬭᬾ᭞ᬓᬋ
ᬧᬶᬗᭀᬂᬳᬗᬭᬦ᭄ᬢᬶ᭞ᬲ᭄ᬯᬦ᭄ᬢᬢᬶᬩᬾᬦᬵᬕ᭄ᬲᬸᬲᬸᬤᬸᬓ᭄᭞ᬩᬚ᭄ᬭᬢᬶᬓᬦᬓᬯᬶᬓᬸ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬫᭂᬦᬾᬘᬭᬓᬦᬶᬗ᭄ᬲᬸᬦ᭄᭞ᬳᬲ᭄ᬭᬂᬓᬶᬢᬫᬭᬶᬂᬳᬮᬲ᭄᭞ᬳᬢᬕᬦ᭄ᬯᬢᭂᬓ᭄ᬭᬓ᭄ᬱᬲ᭟
᭐᭟ᬲᬂᬯᬢᭂᬓ᭄ᬘᬶᬓ᭄ᬭᬩᬮᬓᭀᬦ᭄ᬫᭂᬢᬸ᭞ᬫᬶᬤᬦ᭄ᬤᬱᬢ᭄ᬫᬦᬾ᭞ᬘᬭᬓᬳᬢᬸᬃᬯᭀᬢ᭄ᬲᬭᬶ᭞ᬮᬸᬗ᭄ᬳᬳᬲᭂᬫᬸᬳᬲ᭄ᬭᬶᬳᬲ᭄ᬭᬸ᭞ᬧ᭄ᬭᬧ᭄ᬢᬫᬭᬶᬂᬳᬮᬲ᭄ᬕᬸᬦᬸᬂ᭞ᬲᬶᬸᬂᬰᬹᬦ᭄ᬬᬫᬭᬶᬕ᭄ᬓᬬᬗᬦᬾ᭞ᬧ᭄ᬭᬲᬫᬮᬸᬗ᭄ᬳᬫᬸ
[ ᭗ 7A]
ᬫᬸᬦᬸᬄ᭞ᬓᭂᬩᭀᬲᬫ᭄ᬧᬶᬫᬢᬶᬓᬳᬜᬃ᭞ᬬᬤ᭄ᬬᬯᭀᬂᬢᬫᬸᬧᬶᬦᬗᬦ᭄᭟᭐᭟ᬉᬢᬸᬲᬦᬸᬫᬸᬗ᭄ᬕᬄᬭᬶᬂᬮᬸᬳᬸᬃ᭞ᬭᬶᬂᬯᬭᬶᬗᬶᬦᬺᬓᬾ᭞ᬳᬦᭂᬫ᭄ᬩᬂᬢᭂᬗᭂᬭᬕᬶᬧᬶᬄ᭞ᬫᬸᬦᬶᬧᬢᬶᬲᬧᬶᬭᬶᬬᬸᬂ᭞ᬲᬂᬘᬶ
ᬓ᭄ᬭᬩᬮᬳᬗ᭄ᬭᬸᬗᬸ᭞ᬕᬾᬕᬾᬃᬧ᭄ᬭᬲᬫᬲᬵᬦᬓᬾ᭞ᬳᬗᬸᬘᬧ᭄ᬭᬶᬂᬳᭂᬦᬸ᭞ᬲᬧᬳᬧᬳᬦᭂᬫ᭄ᬩᬂᬢᭂᬗᭂᬭ᭞ᬳᬗᬸᬘᬧ᭄ᬲᬫᬢᬦ᭄ᬯ᭄ᬭᬸᬳ᭟᭐᭟ᬕᬜ᭄ᬘᬂᬲᬂᬘᬶᬓ᭄ᬭᬩᬮᬳᬗᬸᬯᬸᬄ᭞ᬧᬋᬂᬮᬦ᭄ᬲᬵᬦᬓᬾ
᭞ᬳᬗᬭᬓ᭄ᬲᬫᬳᬗ᭄ᬭᬶᬓ᭄᭞ᬧ᭄ᬭᬲᬫᬓᬧᬮᬬᬸ᭞ᬧ᭄ᬭᬧ᭄ᬢᬶᬯᬾᬰ᭄ᬫᬵᬕ᭄ᬭᬲᬫᬸᬦ᭄᭞ᬧ᭄ᬭᬧ᭄ᬢᬳᬩᬩᭂᬍᬓ᭄ᬫᬗ᭄ᬓᬾ᭚ᬲᬫᬳᬗᬸᬦ᭄ᬤᬂᬲᬲᬗᬸ᭞ᬉᬚᬭᬾᬲᬧᬭᬶᬂᬳᬸᬫᬄ᭞ᬫᬶᬯᬄᬳᬗᬸᬦ᭄ᬤᬂᬢᭂᬗᭂᬭ᭟᭐᭟ᬪᬸ
ᬢᬳᬗ᭄ᬕᬭᬭᬾᬲᬯᬸᬭᬾᬳᬮᬸᬲ᭄᭞ᬳᬦᬫ᭄ᬩᬂᬢᭂᬗᭂᬭ᭞ᬧᬸᬦᬂᬳᬸᬢᬸᬲᬦ᭄ᬧᬸᬦᬶᬓᬶ᭞ᬳᬧᬦ᭄ᬤᬶᬓᬦ᭄ᬲᬂᬧ᭄ᬭᬪᬸ᭞ᬳᬸᬢᬸᬲᬦᬰ᭄ᬭᬸᬲᬫᬯᬸ᭞ᬳᬶᬗᭀᬂᬢᬗᬢᬕ᭄ᬢᬫᬗ᭄ᬓᬾᬮᬸᬗ᭄ᬓᬓᬶᬢᬳᬫᬶᬤᬸᬤᬸ᭞ᬅᬢ᭄ᬫᬫ [ 8 ][᭗ 7B]
᭗᭞
ᬭᬶᬂᬧᬦᬗ᭄ᬲᬭᬦ᭄᭞ᬳᬚᬓᬶᬢᬏᬫᬦᬾᬫᬦ᭄᭟᭐᭟ᬲᬂᬘᬶᬓ᭄ᬭᬩᬮᬉᬫᬗ᭄ᬓᬢᬰ᭄ᬭᬸ᭞ᬤᬸᬫᬶᬮᬄᬰᭀᬘᬦᬾ᭞ᬧᬢᬶᬓ᭄ᬭᬤᬧᬫᬸᬭᬶᬭᬓ᭄᭞ᬪᬸᬢᬢᬶᬢᬶᬲ᭄ᬪᬸᬢᬤᬸᬤᬸᬲ᭄᭞ᬪᬸᬢᬭᬾᬦ᭄ᬢᬾ
ᬢᬕᬕᬾᬓ᭄ᬚᬭᬸᬂ᭞ᬫ᭄ᬯᬂᬪᬹᬢᬚᬭᬾᬂᬳᬭᬦᬾ᭞ᬪᬹᬢᬓᬤᭀᬫ᭄ᬧᭀᬮ᭄ᬢᬦ᭄ᬓᬦ᭄ᬢᬸᬦ᭄᭞ᬮᬯᬵᬦ᭄ᬪᬹᬢᬧ᭄ᬭᬢᬫ᭞ᬫᬗ᭄ᬤᬶᬭᬓ᭄ᬱᬪᬹᬢᬩᬵᬂ᭟᭐᭟ᬩᬸᬭᬾᬭᬾᬂᬪᬹᬢᬳᬗ᭄ᬓᬸᬢᬗ᭄ᬓᬸᬢ᭄᭞ᬮᬦ᭄ᬪᬹᬢᬭᬾᬭᬾᬕᬾᬓ᭄᭞
ᬪᬹᬢᬫᭀᬂᬪᬹᬢᬯᬶᬮᬶᬲ᭄᭞ᬤᬸᬗ᭄ᬕᬭᬭᬾᬳᬦᬹᬢ᭄᭞ᬪᬹᬢᬳᬶᬋᬂᬪᬹᬢᬫᬭᬸᬗᬸᬢ᭄᭞ᬪᬹᬢᬲᬭᬂᬮᬦ᭄ᬕᬾᬕᬾᬩᬾᬮ᭄᭞ᬪᬹᬢᬲᬶᬬᬸᬢᬦ᭄ᬤᬭᬸᬂ᭞ᬩᬦᬲ᭄ᬧᬢᬶᬕᬕᬓ᭄ᬰᭀᬦ᭞ᬳᬜ᭄ᬚᬳᬜ᭄ᬚᬪᬹᬢᬭᬸᬕ᭟
᭐᭟ᬪᬹᬢᬯᬶᬓᬮ᭄ᬧᬫ᭄ᬯᬂᬚᬬᬳᬕᬸᬂ᭞ᬫ᭄ᬯᬂᬧᬓ᭄ᬱᬶᬭᬵᬚ᭞ᬦᬾᬪᬹᬢᬲᬶᬫ᭄ᬩᬃᬢᬦ᭄ᬓᬭᬶ᭞ᬪᬹᬢᬢᬭᬶᬓᬢᬦ᭄ᬓᬦ᭄ᬢᬸᬦ᭄᭞ᬪᬹᬢᬩᭂᬂᬩᭂᬂᬲ᭄ᬭᬂᬕᬭᬸᬂ᭞ᬫ᭄ᬯᬂᬘᬾᬮᬾᬂᬲᬶᬤᬫᬮᬸᬗᬶ᭞ᬲᭂᬲᭂᬓ᭄ᬭᬶᬗᬯᬦ᭄ᬲᬤᬸᬮᬸᬃ᭞ᬧ
[ ᭘ 8A]
ᬥᬲᬸᬓᬯᬶᬚᬄᬢᬶᬚᬄ᭞ᬧ᭄ᬭᬧ᭄ᬢᬾᬂᬢᭂᬕᬮ᭄ᬧᬦᬗ᭄ᬲᬭᬦ᭄᭟᭐᭟ᬤᬸᬓ᭄ᬢᭂᬓᬾᬂᬧᬦᬗ᭄ᬲᬭᬦᬗᬸᬤᬸᬄ᭞ᬳᬶᬗᭀᬦ᭄ᬳᬶᬗᭀᬦ᭄ᬓᬩᬾᬄ᭞ᬅᬢ᭄ᬫᬦᬾᬳᬶᬩᭂᬓ᭄ᬫᬗᬶᬮᬶ᭞ᬧ᭄ᬭᬲᬫᬗ᭄ᬭᬲᬢᬓᬸᬢ᭄᭞ᬳᬦᬗᬶ
ᬲᬫ᭄ᬮᬲᬬᬸᬦ᭄᭞ᬳᬲᬫ᭄ᬩᬢ᭄ᬲᬫ᭄ᬩᬢᬶᬩᬸᬦᬾ᭞ᬢᬦ᭄ᬤ᭄ᬭᬸᬄᬉᬗ᭄ᬕ᭄ᬯᬦᬶᬂᬭᬳᬬᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬘᬶᬓ᭄ᬭᬩᬮ᭞ᬳᬗ᭄ᬭᬓᭀᬄᬅᬢ᭄ᬫᬢᭂᬓ᭟᭐᭟ᬩᬶᬦᬸᬭᬸᬧ᭄ᬭᬅᬢ᭄ᬫᬓᬧᬮᬬᬸ᭞ᬧᬶᬦᬸᬓᬸ
ᬮ᭄ᬕᬶᬕᬭᬾ᭞ᬳᬦᬳᬦᬳᬸᬢᬗᬫ᭄ᬩᬶᬢ᭄᭞ᬳᬦᬲᬺᬗᭂᬦᬶᬗᬸᬢ᭄ᬕᬸᬢ᭄᭞ᬳᬦᬦᬶᬜ᭄ᬚᬓ᭄ᬳᬦᬜᭂᬓᬸᬓ᭄᭞ᬳᬦᬫᬫᬳᬶᬤ᭄ᬗᬭᬾᬤᬾᬕ᭄᭞ᬅᬢ᭄ᬫᬦᬾᬳᬜ᭄ᬚ᭄ᬭᬶᬢ᭄ᬫᬗᬤᬸᬄ᭞ᬭᬫᬾᬲ᭄ᬯᬭᬫᬳᬸ
ᬭᬳᬢ᭄᭞ᬓᬕᬸᬮᬸᬂᬕᬸᬮᬸᬂᬓᬚᭂᬗ᭄ᬓ᭟᭐᭟ᬲᬂᬘᬶᬓ᭄ᬭᬩᬮᬯᬸᬯᬸᬲᬾᬳᬲ᭄ᬭᬸ᭞ᬢᬦ᭄ᬤᬗᬦ᭄ᬮᬭᬦᬾ᭚ᬳᬶᬥᭂᬧ᭄ᬕᬫ᭄ᬧᬂᬳᬫᬶᬭᬦ᭄ᬢᬶ᭞ᬥᬸᬥᬸᬕᬫ᭄ᬧᬂᬭᬳᬬᬸ᭞ᬳᬶᬗᭀᬂᬳᬫᬶᬤᬦ᭄ᬤᬓᬫᬸ [ 9 ][ ᭘ 8B]
᭘᭞
ᬢᬦᬸᬭᬸᬂᬢᬶᬦᬶᬩᬫᬗ᭄ᬓᬾ᭞ᬭᬶᬂᬬᬫᬦᬶᬮᭀᬓᬳᬶᬓᬸ᭞ᬳᬯᬓ᭄ᬢᬮᬕᬶᬩᬶᬦᬓ᭄ᬢ᭞ᬤᭀᬲᬦ᭄ᬓᬶᬢᬢᬦ᭄ᬧ᭄ᬭᬘᬸᬭ᭟᭐᭟ᬬᬦ᭄ᬓᬶᬢᬳᬋᬧ᭄ᬦᭂᬫᬸᬭᬳᬬ᭄᭟ᬢᬸᬢᬸᬃᬳᬧᬂᬢᬾᬢᬾᬄ᭞ᬅᬢ᭄ᬫᬦᬾᬦᬗᬶᬲ᭄ᬧ
ᬚ᭄ᬭᬶᬢ᭄᭞ᬮᬾᬦ᭄ᬳᬦᬳᬸᬮᬸᬦᬸᬮᬸᬦ᭄᭞ᬲᭂᬕᬶᬲᭂᬕᬶᬲᭂᬕᬸᬲᭂᬕᬸ᭞ᬫᬮᬶᬳᬕᬭᬾᬂᬕᬭᬾᬂ᭞ᬳᬤᬳᬦᭂᬫᬄᬫᬫᬶᬲᬸᬄ᭞ᬢᬦᬾᬭᬶᬂᬢᭂᬓᬾᬦᬶᬂᬮᬭ᭞ᬳᬦᬦᬗᬶᬲᬫᭂᬮᬲᬃᬱ᭟᭐᭟ᬩᬶᬦᬸᬭᬸᬳ
ᬦᬗᬮᭀᬃᬳᬗᬶᬤᬸᬮ᭄᭞ᬳᬦᬗᬸᬮᭀᬦᬺᬓᬾ᭞ᬳᬗᬾᬢᬦ᭄ᬢᬶᬦᬹᬢᬕᭂᬮᬶᬲ᭄᭞ᬢᬶᬦᭂᬩᬄᬕᬶᬕᬶᬃᬳᬶᬧᬸᬦ᭄᭞ᬧᬓ᭄ᬱᬶᬭᬵᬚᬲᬋᬂᬳᬫ᭄ᬩᬸᬭᬸ᭞ᬢᬦ᭄ᬲᬄᬓᬶᬦᭀᬘᭀᬓᬢ᭄ᬫᬦᬾ᭞ᬘᬾᬮᬾᬗᬾᬢᭂᬓᬫᬗᬸᬢ᭄ᬕᬸᬢ᭄᭞
ᬅᬢ᭄ᬫᬦᬾᬓᬧᬮᬬ᭄ᬯ᭞ᬅᬢ᭄ᬫᬦᬾᬢᬶᬩᬭᬶᬂᬓᬯᬄ᭟᭐᭟ᬲᬂᬘᬶᬓ᭄ᬭᬩᬮᬳᬗᬸᬘᬧᬰ᭄ᬭ᭞ᬢᬦ᭄ᬤᬗᬦ᭄ᬮᬭᬦᬾ᭞ᬭᬶᬂᬬᬫᬮᭀᬓᬳᬶᬓᬶ᭞ᬥᬸᬥᬸᬕᬫ᭄ᬧᬂᬦᭂᬫᬸ᭞ᬳᭂᬚᭀᬄᬲ᭄ᬯᬃᬕᬦᬾᬢᬶᬦᬸᬚᬸ᭞

[ ᭙ 9A]
ᬲᬸᬓᭂᬄᬤᬤᬶᬚᬮ᭄ᬫᬦᬾ᭞ᬮᬫᬸᬦ᭄ᬫᬓᬶᬢᬭᬳᬬᬸ᭞ᬳᬧᬂᬢᬾᬢᬾᬄᬳᬧᬂᬘᭂᬮᬂ᭞ᬢᬸᬢᬸᬭᬾᬭᬚᬸᬕᬶᬲ᭄ᬬᬂ᭟᭐᭟ᬓ᭄ᬭᬫᬦᬶᬂᬤᬤᬶᬚᬦ᭄ᬫᬢᬸᬫᬸᬯᬸᬄ᭞ᬳᭂᬤᬢᭂᬓᬗᭂᬗᭂᬲᬾᬄ᭞ᬳᬯᬓᬾᬲᬳᬶᬭᬶᬲᬓᬶ
ᬦ᭄᭞ᬳᭂᬤᬫᬗ᭄ᬮᬸᬮᬸ᭞ᬗᬸᬮᬄᬕᬳᬾᬧᬢᬶᬓᭂᬧᬸᬕ᭄᭞ᬕᭂᬤᬢᭂᬓᬏᬮᬾᬫᬾᬜ᭄ᬚᭀᬃ᭞ᬲᬧᬭᬶᬓ᭄ᬭᬫᬦᬾᬢᬸᬳᬸ᭞ᬳᭂᬤᬳᬶᬭᬶᬢᭂᬦᬾᬦ᭄ᬩ᭄ᬭᬬ᭞ᬢᬦᬸᬭᬸᬂᬲ᭄ᬯᬃᬕᬤᬶᬦᬸᬗ᭄ᬓᬧ᭄᭟᭐᭟ᬳᬧᬦ᭄ᬓᬶᬢᬢᬦ᭄ᬯ᭄ᬭᬸᬄᬫᬭᬶᬂᬢᬸᬢᬸᬃ
᭞ᬳᬶᬤᬦ᭄ᬤᬉᬧᬢ᭞ᬫᬸᬜᬶᬦᬾᬢᬦ᭄ᬧᬰ᭄ᬭᬸᬢᬶ᭞ᬳᬶᬫᬾᬫᬾᬩᬧᬳᬸᬦ᭄ᬤᬸᬄ᭞ᬢᬮᬓ᭄ᬢᬓ᭄ᬢᭂᬫᬳᬶᬦ᭄ᬧᬶᬲᬸᬄ᭞ᬤᬤᬶᬓᬶᬯᬦᭂᬫᬸᬤᬾᬤᬾ᭞ᬢ᭄ᬯᬭᬓᬶᬢᬦᬸᬯᬸᬢ᭄ᬲᬶᬓᬸᬢ᭄᭞ᬓᬸᬤ᭄ᬬᬂᬢᬦᬶᬫᬫᬶᬭᭀᬕ᭞ᬳᬸ
ᬮᬸᬢᬳᬸᬦ᭄ᬫᬭᬶᬂᬓᬯᬄ᭟᭐᭟ᬳᬓᬾᬄᬓᬂᬅᬢ᭄ᬫᬳᬦᬸᬫ᭄ᬧᬸᬮ᭄᭞ᬳᬦᬗᬶᬲᬮᬭ᭞ᬲᬯᬢᬭᬢᬶᬕᬂᬢᬮᬶ᭞ᬢᬗᬶᬲᬾᬲᬧᬭᬶᬬᬸᬂ᭞ᬧᭂᬂᬧᭂᬗᬦ᭄ᬧᬸᬦᬂᬳᬗ᭄ᬭᬸᬗᬸ᭞ᬳᬲᬲᬫ᭄ᬩᬢ᭄ᬩᬧᬫᬾᬫᬾ [ 10 ][ ᭙ 9B]
᭙᭞
᭞ᬢᭀᬦ᭄ᬢᭀᬦ᭄ᬓᬧᬶᬮᬭᬦᬶᬗ᭄ᬲᬸᬦ᭄᭞ᬳᬶᬤᬸᬧᬾᬦᭂᬫᬸᬲᬗ᭄ᬲᬭ᭞ᬢᬦ᭄ᬧᬓᬺᬢᬶᬳᬯᬓᬶᬗ᭄ᬯᬂ᭟᭐᭟ᬕᬚᬄᬭᬵᬓᬶᬂᬚᬢᭂᬓᬫ᭄ᬩᬸᬭᬸᬳᬰ᭄ᬭᬹ᭞ᬤᬶᬦᭂᬤᭂᬧᬢ᭄ᬫᬦᬾ᭞ᬧᬓ᭄ᬱᬶᬦᬾᬢᭂᬓᬜᬦ᭄ᬤᭂᬭᬶᬦ᭄᭞ᬅᬢ᭄ᬫᬦᬾ
ᬧᬲᬮᬫ᭄ᬩ᭄ᬬᬸᬂ᭞ᬧᬢᬶᬲ᭄ᬭᬶᬬᬂᬧᬢᬶᬲ᭄ᬭᬶᬬᬸᬂ᭞ᬅᬢ᭄ᬫᬮᬬ᭄ᬯᬧᬥᬧᬘᬾᬕ᭄ᬘᬾᬕ᭄᭞ᬳᬦᬢᭀᬂᬤᬤᬶᬫᬬᬸᬯᭀᬦ᭄᭞ᬮᬩᬸᬄᬲᭂᬗᬮ᭄ᬲᭂᬗᬮ᭄᭞ᬮᬾᬦ᭄ᬳᬤᬗᬢᬸᬭᬂᬲᭂᬫ᭄ᬩᬄ᭟᭐᭟ᬲᬂᬘᬶᬓ᭄ᬭᬩᬮᬳᬗᬸᬘᬧ᭄ᬳᬮᬸ
ᬲ᭄᭞ᬍᬲᬸᬓᬶᬢᬫᬗ᭄ᬓᬾ᭞ᬅᬢ᭄ᬫᬦᬾᬳᬗ᭄ᬮᬶᬂᬳᬲᭂᬫᬸᬢᬗᬶᬲ᭄᭞ᬓᬯᬰᬳᬯᬓᬶᬗ᭄ᬲᬸᬦ᭄᭞ᬳᬸᬭᬶᬧᭂᬦ᭄ᬳᬯᬓᬶᬭᬶᬗ᭄ᬲᬸᬦ᭄᭞ᬲᬂᬘᬶᬓ᭄ᬭᬩᬮᬉᬚᬭᬾ᭞ᬲᬸᬓᬳᬗᭀᬂᬗᬸᬭᬶᬧ᭄ᬫᬸ᭞ᬫᬾᬭᬾᬦᬾᬓᬶᬢᬫᬬᬸᬩ
ᬦ᭄᭞ᬭᬶᬂᬲᭀᬭᬶᬂᬢᬭᬸᬘᬸᬭᬶᬕ᭟᭐᭟ᬅᬢ᭄ᬫᬦᬾᬕᬶᬭᬂᬲᬫᬳᬦᬸᬯᬸᬢ᭄᭞ᬳᬕᬶᬭᬂᬳᬢᬶᬦᬾ᭞ᬳᬶᬥᭂᬧ᭄ᬯᬮᬲ᭄‌ᬯᭀᬂᬫᬶᬲᬓᬶᬢ᭄᭞ᬧᭂᬲᬸᬫᬬᬸᬩ᭄ᬲᭀᬭᬶᬂᬢᬭᬸ᭞ᬏᬦᬓ᭄ᬳᬢᬶᬦᬾᬲᭂᬮᬾᬂᬢᬸᬢᬸᬃ᭞ᬤᬤ᭄ᬬ
[ ᭑᭐ 10A]
ᬓᬶᬦᭀᬘᭀᬓᬂᬢᬭᬸᬦᬾ᭞ᬢᬶᬩᬓ᭄ᬭᬶᬲ᭄ᬦ᭄ᬬᬳᬜᬸᬤᬸᬓ᭄᭞ᬫᬭᬶᬂᬰᬭᬷᬭᬦᬶᬂᬅᬢ᭄ᬫ᭞ᬳᬶᬓᬸᬗᬭᬦ᭄ᬧᬧᬲᬗᬦ᭄᭟᭐᭟ᬲᬂᬪᬹᬢᬲ᭄ᬬᬸᬂᬯᬸᬯᬸᬲᬾᬳᬮᬸᬲ᭄᭞ᬳᬶᬄᬓᬶᬢᬧᬭᬅᬢ᭄ᬫ᭞ᬬᬾᬦ᭄ᬓᬶᬢ
ᬳᬋᬧ᭄ᬳᬗᬶᬮᬶ᭞ᬳᬶᬗᭀᬂᬳᬗᬸᬭᬶᬧᬫᬸ᭞ᬫᬾᬭᬾᬦᬾᬓᬶᬢᬤᬾᬦ᭄ᬳᬰ᭄ᬭᬸ᭞ᬲᬂᬅᬢ᭄ᬫᬳᬮᭀᬦ᭄ᬮᬫ᭄ᬧᬳᬾ᭞ᬳᬗᬶᬮᬶᬓᬋᬧᬦᬶᬧᬸᬦ᭄᭞ᬳᬫ᭄ᬧᬂᬢ᭄ᬯᬭᬓᭂᬦᬾᬂᬮᬭ᭞ᬲᬂᬪᬹᬢᬲ᭄ᬬᬂᬳᬗᬸᬘᬧ᭄᭟᭐᭟
ᬫᬾᬭᬾᬦᬾᬓᬶᬢᬅᬢ᭄ᬫᬳᬮᬸᬗ᭄ᬕᬸᬄ᭞ᬭᬶᬂᬚ᭄ᬭᭀᬰᬾᬮᬫᬗ᭄ᬓᬾ᭞ᬳᬧᬦ᭄ᬧᬲᬬᬸᬩᬦ᭄ᬳᭂᬢᬶᬲ᭄᭞ᬅᬢ᭄ᬫᬕᬶᬭᬂᬳᬫᬬᬸᬩᬦ᭞ᬭᬶᬂᬢᭂᬗᬄᬰᬾᬮᬳᬶᬓᬸ᭞ᬲᬫᬏᬦᬓᬂᬳᬗᭂᬦᬾ᭞ᬢᬦᬦᬳᬗ᭄ᬭᬲᬏᬯᬸᬄ᭞ᬲᬂᬪᬸᬢᬲ᭄ᬬᬸᬂ
ᬉᬚᬭᬾ᭞ᬢᬲ᭄ᬢᬸᬫᬢᬓᭂᬫ᭄ᬩᬂᬰᬾᬮ᭟᭐᭟ᬢ᭄ᬯᬓᭂᬦ᭄ᬰᬾᬮᬅᬢ᭄ᬫᬳᬗᬤᬸᬄ᭞ᬫᬮᭀᬤ᭄ᬮᭀᬢ᭄ᬫᬢᬦᬾ᭞ᬮᬶᬫᬦᬾᬧᬢᬕᬸᬭᬫᬶᬲ᭄᭞ᬧᬓ᭄ᬭᬓᬤᬸᬄᬳᬤᬸᬄ᭞ᬲᬲᬫ᭄ᬩᬢᬾᬧᬢᭂᬚ᭄ᬮᬫᬸᬢ᭄᭞ᬲᬂᬪᬹᬢᬲ᭄ᬬᬸᬂ [ 11 ][ ᭑᭑ 10B]
᭑᭑᭞
ᬉᬚᬭᬾ᭞ᬯᬲ᭄ᬢᬸᬓᬶᬢᬲ᭄ᬬᬸᬢᬳᬸᬦ᭄᭞ᬓᬧᬶᬮᬭᬫᬭᬶᬂᬰᬾᬮ᭞ᬤᭀᬱᬦᬾᬦ᭄ᬤᬢᬦ᭄ᬳᬮᬗᬮᬂ᭟᭐᭟ᬪᬹᬢᬲᬶᬫ᭄ᬩᬃᬧᬲᬯᬸᬭᬾᬳᬮᬸᬲ᭄᭞ᬥᬸᬄᬓᬶᬢᬧᬭᬅᬢ᭄ᬫ᭞ᬬᬦ᭄ᬓᬶᬢᬳᬋᬧᬗᬸᬲᬶ᭞ᬲ᭄ᬯᬃᬕᬳᬶ
ᬗᭀᬂᬳᬦᬸᬦ᭄ᬢᬸᬦ᭄᭞ᬫᬭᬶᬂᬢᬶᬢᬶᬲᭂᬗ᭄ᬓᬢᬸᬯᬸᬢ᭄᭞ᬳᬧᬂᬤᬢᬶᬩᬳᬯᬓᬾ᭞ᬅᬢ᭄ᬫᬦᬾᬕᭂᬭᬂᬦᬸᬦ᭄ᬢᬸᬦ᭄᭞ᬓ᭄ᬦᬶᬦᬾᬭᬶᬂᬲᭀᬂᬫᬮᬩᬵᬂ᭞ᬳᬮᬂᬢᬚᬶᬓ᭄ᬯᬾᬄᬳᬗᬤᬂ᭟᭐᭟ᬤᬸᬓ᭄ᬓᬢᭂᬗᬄᬢᬶᬢᬶᬩᬶᬦ
ᬜ᭄ᬘᬸᬢ᭄᭞ᬢᬶᬩᬓᬂᬅᬢ᭄ᬫᬦᬾ᭞ᬮᬶᬦᬶᬧᬸᬢ᭄ᬧᬸᬦᬂᬳᬕ᭄ᬦᬶ᭞ᬧᬥᬗᭂᬫᬲᬶᬦ᭄ᬤᬸᬥᬸ᭞ᬲᬪᬹᬢᬲᬶᬫ᭄ᬩᬭᬦ᭄ᬫᬸᬯᬸᬲ᭄᭞ᬯᬲ᭄ᬢᬸᬢᬦ᭄ᬧᬓᬺᬢᬶᬫᬗ᭄ᬓᬾ᭞ᬳᬸᬮᬸᬢᬳᬸᬦ᭄ᬮᬯᬲ᭄ᬳᬶᬧᬸᬦ᭄᭞ᬤᭀᬱᬧᬵᬢᬶᬓᬸᬭᬂᬳᬯ
ᬓ᭄᭞ᬓᭂᬦᬓᬂᬤᬦ᭄ᬤᬉᬧᬢ᭟᭐᭟ᬳᬦᬅᬢ᭄ᬫᬫᬦᬸᬳᬸᬓᬶᬦ᭄ᬓᬬᬸᬦ᭄᭞ᬳᬗ᭄ᬓᬭᬩᬸᬤᬶᬦᬾ᭞ᬳᬸᬦᬶᬤᬸᬓ᭄ᬳᬸᬭᬶᬧ᭄ᬚᬸᬦᬭᬶᬂ᭞ᬘᬶᬓ᭄ᬭᬩᬮᬫᬶᬤᬸᬤᬸ᭞ᬮᬭᬦᬾᬢᬦ᭄ᬓᭂᬦᬢᬯᬸᬃ᭞ᬩᬶᬦᭂᬩᭂᬦ᭄ᬫ
[ ᭑᭑ 11A]
ᬗ᭄ᬓᬾᬅᬢ᭄ᬫᬦᬾ᭞ᬭᬶᬦᬓᬸᬭᬶᬂᬓᭂᬧᬸᬄᬳᬕᬸᬂ᭞ᬭᭀᬂᬢᬳᬸᬦᬺᬓᬾᬮᬯᬲ᭄ᬦ᭄ᬬ᭞ᬢ᭄ᬦᬸᬢᬸᬕ᭄ᬓᬂᬭᭀᬕᬧᬢᬓ᭟᭐᭟ᬅᬢ᭄ᬫᬦᬾᬯᭀᬂᬯᬶᬱᬬᬳᬗᭂᬜ᭄ᬚᬸᬢ᭄᭞ᬭᬯᬸᬄᬳᬸᬫᬄᬩᬺᬬᬦᬾ᭞
ᬓᬧᬶᬮᬭᬢᬦᬶᬕᬶᬕᬶᬲ᭄᭞ᬪᬹᬢᬤᬸᬤᬸᬲᬫᬶᬤᬸᬤᬸ᭞ᬢᬶᬦᬸᬤᬸᬄᬰᬭᬶᬭᬦ᭄ᬳᬶᬧᬸᬦ᭄᭞ᬪᬸᬢᬤᬸᬤᬸᬲ᭄ᬧᬗᬸᬘᬧᬾ᭞ᬳᬦᬓᬶᬢᬢᬦ᭄ᬧᬢᬸᬢᬸᬃ᭞ᬩᭂᬲᬶᬭᬶᬢᭂᬓᬾᬦ᭄ᬯᬱᬡ᭞ᬚᬦᬶᬓᬶᬢᬦᭂᬫᬸ
ᬮᬭ᭟᭐᭟ᬯᬸᬲ᭄ᬢᬶᬦᬸᬢᬸᬄᬢᬶᬦᬸᬩᬓᬦ᭄ᬲᬫ᭄ᬧᬦ᭄᭞ᬭᬶᬂᬓᬯᬄᬕ᭄ᬦᬶᬦᬾ᭞ᬯᬲ᭄ᬢᬸᬧᭂᬢᬂᬢᬳᬸᬦᬶᬓᬶ᭞ᬢᬦ᭄ᬓᭀᬘᬧᬦᬦᭂᬫ᭄ᬯ᭞ᬅᬢ᭄ᬫᬯᭀᬂᬳᬜᭂᬢᬶᬓᬶᬓᬸ᭞ᬪᬹᬢᬭᬾᬦ᭄ᬢᬾᬕ
ᬮᬶᬸᬂᬭᬶᬸᬂ᭟ᬫᬶᬮᬭ᭞ᬳᬶᬦᬸᬦ᭄ᬢᬮᬦ᭄ᬫᭂᬤᭂᬂᬧᭂᬢᬸᬂ᭞ᬲᬶᬦᬸᬚᬾᬦ᭄ᬧᬸᬚᬾᬦ᭄ᬭᬶᬂᬢᭂᬗᬄ᭞ᬲᬶᬦᭀᬭᭀᬓ᭄ᬳᬸᬲᬸᬲ᭄ᬭᬶᬂᬢᭂᬗᬄ᭟᭐᭟ᬪᬹᬢᬭᬾᬦ᭄ᬢᭂᬕ᭄ᬧᬗᬸᬘᬧᬾᬳᬰ᭄ᬭᬸ᭞ᬢᭂᬫᬸᬓᬂᬮᬭ [ 12 ][ ᭑᭑ 11B]
᭑᭑᭞
ᬦᬾ᭞ᬢᬶᬕᬂᬳᬢᬸᬲ᭄ᬮᬯᬲ᭄ᬦᬾᬓᬶ᭞ᬬᬦ᭄ᬢᬸᬢᬸᬕ᭄ᬲᭂᬗ᭄ᬓᭂᬃᬳᬶᬧᬸᬦ᭄᭞ᬢᬸᬫᬶᬢᬶᬲ᭄ᬫᬭᬶᬂᬓᬤᬂᬫᬸ᭞ᬫᬭᬶᬂᬫᬥ᭄ᬬᬧᬤᬋᬓᬾ᭞ᬩ᭄ᬭᬕ᭄ᬢᬾᬕᬾᬕ᭄ᬢᬳᬯᬓ᭄ᬫᬸ᭞ᬳᬧᬦᬶᬗᭀᬂᬫᬫᬶᬮᬭ᭞ᬫᬲᬓᬸᬭᬂ
ᬲᬲᬓᬧᬦ᭄᭟᭐᭟ᬅᬢ᭄ᬫᬦᬾᬯᭀᬂᬯᬶᬱᬬᬳᬫᬸᬧᬸᬕ᭄᭞ᬭᬶᬂᬧᬳᬸᬫᬳᬦᬾ᭞ᬪᬹᬢᬚᬭᬾᬂᬳᬗ᭄ᬮᬭᬦᬶᬦ᭄᭞ᬍᬯᬶᬄᬮᬭᬦᬾᬲᬮᬸᬓ᭞ᬲᬾᬢ᭄ᬭᬩᬕᬦᬾᬲᬺᬜᬸᬄ᭞ᬘᬶᬦᬘᬃᬘᬘᬃᬋᬫ᭄ᬧᬸᬳᬾ᭞ᬲᬂ
ᬪᬹᬢᬚᬭᬾᬂᬳᬫᬲ᭄ᬢᬸ᭞ᬯᬲ᭄ᬢᬸᬢᬶᬦᭂᬫᬸᬮᬭ᭞ᬲᬢᬳᬸᬦ᭄ᬓᬶᬢᬳᬜᬦ᭄ᬫ᭟᭐᭟ᬳᬗᬶᬂᬓᬶᬢᬳᬜᬦ᭄ᬫᬦᬾᬲᬸᬓ᭄᭞ᬧᬭᬦ᭄ᬢᬭᬲᬦᬾ᭞ᬳᬯᬦᬶᬗᭀᬂᬳᬗ᭄ᬮᬭᬦᬶᬦ᭄᭞ᬯᬸᬯᬸᬲ᭄ᬲᬫ᭄ᬧᬸᬦᬦᭂ
ᬫᬸ᭞ᬲᬂᬚᭀᬕᭀᬃᬫᬦᬶᬓ᭄ᬯᬸᬯᬸᬲ᭄᭞ᬳᬫᬦ᭄ᬢᭂᬲ᭄ᬲᬶᬲᬶᬧᬢ᭄ᬫᬦᬾ᭞ᬬᬦ᭄ᬥᬸᬤᬸᬲᬶᬭᬭᬳᬬᬸ᭞ᬯᬾᬳᬶᬦ᭄ᬓᬯᬶᬃᬬ᭄ᬬᬦ᭄᭞ᬬᬦ᭄ᬤᬸᬤᬸᬢᬶᬦᭂᬫᬸᬮᬭ᭟᭐᭟ᬯᬷᬭᬲᬸᬭᬢ᭄ᬫᬢᬦ᭄ᬓᬭᬶᬲᬵᬫ᭄ᬧᬸᬦ᭄᭞ᬧᬋᬂ
[ ᭑᭒ 12A]
ᬮᬦ᭄ᬭᬓᬦᬾ᭞ᬕᭀᬭᬯᬶᬓ᭄ᬭᬫᬢᬦ᭄ᬓᬭᬶ᭞ᬗᬮᬳᬹᬢ᭄ᬧᬢᬲᬵᬫ᭄ᬧᬸᬦ᭄᭞ᬳᬫᬋᬓ᭄ᬚᭂᬂᬲᬗᬳᬸᬮᬸᬦ᭄᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬧᬸᬦᬂᬅᬢ᭄ᬫ᭞ᬧᬫᬃᬕᬶᬦᬾᬲᬤᬳᬮᬸᬲ᭄᭞ᬩᬸᬓᬢ᭄ᬯᬭᬦᭂᬫᬸᬧᬵᬧ᭞ᬧᬮᬸᬗ᭄ᬕᬸᬄᬗᬢᬸ
ᬭᬂᬲᭂᬫ᭄ᬩᬄ᭟᭐᭟ᬲᬂᬚᭀᬕᭀᬃᬫᬡᬶᬓᬗᬸᬘᬧᬰ᭄ᬭᬸ᭞ᬕᬾᬢ᭄ᬕᬾᬢ᭄ᬧᬗᬸᬘᬧᬾ᭞ᬅᬢ᭄ᬫᬮᬦᬂᬓᬶᬢᬧ᭄ᬭᬧ᭄ᬢᬶ᭞ᬫᬢᬶᬳᬗᬧᬢᬶᬓᬸ᭞ᬢᬭᬳᬳᬶᬗᭀᬂᬤᬾᬦᬰ᭄ᬭᬸ᭞ᬲᬂᬅᬢ᭄ᬫᬳᬮᭀᬦᬸᬚᬭᬾ᭞ᬧᬤ
ᬦᬶᬭᬲᬂᬲᬶᬦᬸᬳᬸᬦ᭄᭞ᬫᬢᬶᬳᬕ᭄ᬭᬶᬂᬫᬭᬶᬂᬓᬸᬦ᭞ᬳᬧᬦ᭄ᬢᬦ᭄ᬓᭂᬦᬢᬶᬦᬫ᭄ᬩᬦ᭄᭟᭐᭟ᬯᬶᬱᬬᬦ᭄ᬓᬶᬢᬯᬭᬄᬤᬾᬦᬰ᭄ᬭᬸ᭞ᬗᬹᬦᬶᬤᬸᬓ᭄ᬳᬸᬭᬶᬧᬾ᭞ᬲᬂᬅᬢ᭄ᬫᬦᭂᬫ᭄ᬩᬄᬢᬸᬃᬳᬗ᭄ᬮᬶᬂ᭞ᬧᬸᬓᬸᬮᬸᬦ᭄ᬲᬂᬲᬶᬦᬸ
ᬳᬸᬦ᭄᭞ᬳᬶᬗ᭄ᬲᬸᬦ᭄ᬯᬶᬱᬬᬳᬦᬸᬤᬸᬓ᭄᭞ᬳᬫᬢᬾᬦᬶᬦ᭄ᬯᬂᬲᬫᬦᬾ᭞ᬥᬸᬥᬸᬩᭂᬦᭂᬃᬓᬂᬲᬶᬦᬸᬤᬸᬓ᭄᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬓᬶᬢᬲᬂᬅᬢ᭄ᬫᬧ᭄ᬭᬕᬮ᭄ᬩ᭟᭐᭟ᬲᬵᬫ᭄ᬧᬸᬦ᭄ᬓᬶ [ 13 ][ ᭑᭒ 12B]
᭑᭒᭞
ᬢᬳᬫ᭄ᬭᬲᬫᬶᬢᬸᬮᬸᬲ᭄᭞ᬜᬮᬸᬓ᭄ᬢᭀᬬᬋᬓᬾ᭞ᬲᬂᬧᬡ᭄ᬥᬶᬢᬢᬾᬓᬶ᭞ᬰ᭄ᬭᬶᬯᬩᬸᬤᬫ᭄ᬯᬂᬲᭂᬗ᭄ᬕᬸᬳᬸ᭞ᬭᬶᬂᬤᬾᬯᬫ᭄ᬯᬂᬓᬳᬶᬩᬸ᭞ᬲᬂᬅᬢ᭄ᬫᬳᬳᭀᬦ᭄ᬳᬢᬸᬭᬾ᭞ᬢᬦ᭄ᬩᭀᬦ᭄ᬢᭂᬦ᭄ᬤᬸᬄᬲᬂᬲᬶᬦᬸᬳᬸᬦ᭄᭞ᬲᬂ
ᬚᭀᬕᭀᬃᬫᬡᬶᬓᬗᬸᬘᬧ᭄᭞ᬳᬓᬸᬮᬭᬓᬶᬢᬢᭂᬫ᭄ᬯ᭟᭐᭟ᬯᬲ᭄ᬢᬸᬓᬶᬢᬯᬸᬮᬸᬤᬰᬢᬳᬸᬦ᭄᭞ᬫᬮᬭᬫᬗ᭄ᬓᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬪᬹᬢᬓᬤᭀᬫ᭄ᬧᭀᬮ᭄ᬦᬸᬗ᭄ᬕᬸ᭞ᬫᬭᬶᬂᬓᬯᬄᬳᬫᬶᬤᬸ
ᬤᬸ᭞ᬓᬶᬦᭂᬮᬫᬗ᭄ᬓᬾᬅᬢ᭄ᬫᬦᬾ᭞ᬢᬦ᭄ᬓᭀᬘᬧ᭄ᬲᬵᬫ᭄ᬧᬸᬦᬦᭂᬫᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬅᬢ᭄ᬫᬮᬦᬂ᭞ᬲᬂᬚᭀᬕᭀᬃᬫᬡᬶᬓᬗᬸᬘᬧ᭄᭟᭐᭟ᬫᬢᬶᬳᬗᬧᬅᬢ᭄ᬫᬅᬓᬸ᭞ᬫ᭄ᬯᬄᬓᬯᬶᬱᬬᬦᬾ᭞
ᬢᬭᬳᬳᬶᬗᭀᬤᬾᬕᬢᬶ᭞ᬅᬢ᭄ᬫᬉᬫᬢᬸᬃᬳᬮᬸᬲ᭄᭞ᬫᬢᬶᬢᬶᬦᬸᬯᭂᬓᬶᬭᬶᬗ᭄ᬲᬸᬦ᭄᭞ᬢᬦ᭄ᬓᬦ᭄ᬢᭂᬦ᭄ᬫᬗ᭄ᬓᬾᬲᬶᬲᬶᬧᬾ᭞ᬳᬦᬓ᭄ᬯᬶᬱᬬᬦᬶᬗ᭄ᬲᬸᬦ᭄᭞ᬲᬤᬶᬦᬤᬶᬦᬫᬓᬃᬬ᭄ᬬ᭞ᬲᬸᬕᬶᬄᬳᬶᬗ᭄ᬲᬸᬦ᭄ᬢᬦ᭄ᬧ
[ ᭑᭓ 13A]
ᬳᬶᬗᬦ᭄᭟᭐᭟ᬫᬵᬲ᭄ᬧᬶᬧᬶᬲ᭄ᬲ᭄ᬮᬓᬦᬾᬢᬦ᭄ᬓᬾᬢᬸᬂ᭞ᬲᬸᬕᬶᬄᬋᬦ᭄ᬤᬄᬋᬓᬾ᭞ᬳᬧᬦ᭄ᬢᬦ᭄ᬓᬸᬭᬂᬪᬶᬦᬸᬓ᭄ᬢᬶ᭞ᬧ᭄ᬬᬦᬓ᭄ᬲᬘᬭᬸᬗᬸᬂ᭞ᬘᬸᬘᬸᬫᬋᬧ᭄ᬮᬶᬫᬮᬶᬓᬸᬃ᭞ᬫᬧ᭄ᬭᬲᬫᬳᬓᬾᬄᬤᬺᬯᬾᬦᬾ᭞ᬳᬶᬗ᭄ᬲᬸᬦᬯᬾᬄᬯᬾ
ᬳᬶᬦ᭄ᬧᬸᬢᬸ᭞ᬲᬫᬦᭂᬫᬸᬓᬂᬓᬲᬸᬓᬦ᭄᭞ᬲᬂᬚᭀᬕᭀᬃᬫᬡᬶᬓᬗᬸᬘᬧ᭄᭟᭐᭟ᬲᬵᬫ᭄ᬧᬸᬦ᭄ᬓᬶᬢᬳᬫ᭄ᬭᬲᬫᬶᬢᬸᬮᬸᬲ᭄᭞ᬫ᭄ᬯᬂᬲᬭᬚᬤᬺᬯᬾᬦᬾ᭞ᬳᬗ᭄ᬮᬸᬯᭂᬂᬳᬬᬚ᭄ᬜᬤᬾᬯᬷ᭞ᬫᬓᬶᬳᬶᬲ᭄ᬫ᭄ᬯᬂᬗ᭄ᬕᬫᬗ᭄ᬕᬸᬂ
᭞ᬫᬳᬶᬗ᭄ᬓᬸᬧᬂᬧᬶᬢ᭄ᬭᬳᬶᬓᬸ᭞ᬫ᭄ᬯᬂᬪᬹᬢᬬᬚ᭄ᬜᬳᬋᬳᬋᬓᬾ᭞ᬳᬗᬸᬦ᭄ᬤᬂᬩ᭄ᬭᬵᬳ᭄ᬫᬡᬫ᭄ᬧᬸ᭞ᬰᬶᬯᬗᬸᬤᬫ᭄ᬯᬂᬓᬩᬬᬦ᭄᭞ᬲᭂᬗ᭄ᬕᬸᬳᬸᬫ᭄ᬯᬂᬩ᭄ᬮᬂᬲᬶᬗ᭄ᬳ᭟᭐᭟ᬬᬦ᭄ᬲᬵᬫ᭄ᬧᬸᬦ᭄ᬲᬶᬭᬲᬫᬳᬳᬢᬸᬃ᭞ᬗ
ᬬᬸᬩᬶᬓᬃᬬ᭄ᬬᬦᬾ᭞ᬫ᭄ᬯᬂᬗᬍᬧᬂᬳᭂᬫᬵᬲ᭄ᬧᬶᬧᬶᬲ᭄᭞ᬅᬢ᭄ᬫᬳᬢᬸᬭᬾᬳᬮᬸᬲ᭄᭞ᬢᬦ᭄ᬦᬾᬦ᭄ᬢᭂᬦ᭄ᬤᬸᬄᬲᬂᬓᬲᬸᬳᬸᬦ᭄᭞ᬲᬂᬚᭀᬕᭀᬃᬫᬡᬶᬓ᭄ᬬᬯᬸᬲᬾ᭞ᬅᬢ᭄ᬫᬦᬶᬤᭀᬦ᭄ᬢᬦ᭄ᬧᬢᬸᬢᬸᬃ᭞ᬚᭂᬮᬾᬫᭂ [ 14 ][ ᭑᭓ 13B]
᭑᭓᭞
ᬮᬄᬢ᭄ᬯᬭᬓᬢᬯᬂ᭞ᬳᭂᬫᬵᬲ᭄ᬧᬶᬧᬶᬲ᭄ᬧᬘᬘᬭᬂ᭟᭐᭟ᬳᬧᬦ᭄ᬢ᭄ᬯᬄᬓᬶᬢᬩᬕ᭄ᬬᬳᬦ᭄ᬭᬸᬲ᭄᭞ᬢᭂᬧᬸᬤ᭄ᬢᭂᬓᬾᬦ᭄ᬩᬸᬬᬸᬢᬾ᭞ᬳᬯᬓᬾᬢ᭄ᬯᬭᬭᬶᬲᬓᬶᬦ᭄᭞ᬫᬸᬜᬶᬦᬾᬢᬦ᭄ᬧᬳᬸᬦ᭄ᬤᬸᬓ᭄᭞ᬢ᭄ᬯ
ᬭᬳᬶᬗᭂᬦᬾᬢᭂᬓᬾᬦ᭄ᬢᬸᬢᬸᬃ᭞ᬲᭀᬓ᭄ᬗᬸᬮᬄᬓᬃᬬ᭄ᬬᬦᬾᬋᬓᬾ᭞ᬳᬯᬓ᭄ᬭᬶᬕᭂᬢ᭄ᬢᬦᬶᬢᬳᬸ᭞ᬤᬓᬶᬘᬸᬯᬶᬮ᭄ᬓᬺᬂᬗᬫᬄ᭞ᬧᬤᬶᬮ᭄ᬬᬸᬧᬢᬸᬫ᭄ᬩᬗᬂ᭟᭐᭟ᬯᬲ᭄ᬢᬸᬓᬶᬢᬭᭀᬂᬢᬳᬸᬦ᭄ᬮᬶᬦᭂᬩᬸᬃ᭞ᬫᬭᬶᬂᬕᭀᬫᬸ
ᬓᬦᬾ᭞ᬧᬸᬧᬸᬢᬶᬂᬲᭂᬗ᭄ᬓᭂᬃᬢᬸᬫᬶᬢᬶᬲ᭞ᬳᬓᬶᬂᬳᬯᬓᬾᬳᭂᬢᬸᬄ᭞ᬪᬹᬢᬧ᭄ᬭᬾᬢᬢᬫᬶᬤᬸᬤᬸ᭞ᬲᬗ᭄ᬓᬦᬶᬂᬩ᭄ᬭᬕᬯᬓᬾ᭞ᬲᬲᬓᬧᬦ᭄ᬩᬶᬮᬂᬩᬸᬓᬸ᭞ᬫᬘᬭᬸᬗᬤᬂᬲᬩᬸᬮᬦ᭄᭞ᬩᬳᬗᬶᬦᬶᬪᬹᬢᬧ᭄ᬭᬾ
ᬢ᭟᭐᭟ᬬᬬᬶᬲᬸᬭᬵᬢ᭄ᬫᬫᬾᬭᬾᬦᬾᬤᬾᬦᬰ᭄ᬭᬸ᭞ᬳᬶᬓᬶᬓᬂᬅᬢ᭄ᬫᬦᬾ᭞ᬲᬶᬭᬄᬦ᭄ᬬᬲᬶᬭᬫᬦᬸᬮᬶᬲ᭄᭞ᬳᬶᬓᬶᬧᬫᬲ᭄ᬢᬸᬦᬶᬗ᭄ᬲᬸᬦ᭄᭞ᬭᭀᬂᬢᬳᬸᬦ᭄ᬭᬶᬂᬓᬯᬄᬳᬶᬓᬸ᭞ᬫᬭᬶᬂᬥ᭄ᬬᬧᬤᬋᬓᬾ᭞
[ ᭑᭔ 14A]
ᬲᬗ᭄ᬳᬢᬳᬸᬦ᭄ᬮᬯᬲᬶᬧᬸᬦ᭄᭞ᬲᬸᬭᬵᬢ᭄ᬫᬕᭂᬮᬶᬲᬦᬸᬭᬵᬢ᭞ᬓᬢᬸᬤᬸᬄᬓᭂᬫᬸᬲᬗ᭄ᬲᬭ᭟᭐᭟ᬯᬸᬲᬶᬦᬸᬭᬵᬢ᭄ᬕᭂᬮᬶᬲᬶᬦᭂᬩᬸᬃ᭞ᬫᬭᬶᬂᬓᬯᬄᬋᬓᬾ᭞ᬪᬹᬢᬧ᭄ᬭᬾᬢᬾᬳᬗᬫᭀᬗᬶᬦ᭄᭞ᬢᬦ᭄ᬓᭀᬘ
ᬧᬦᬦᭂᬫᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬅᬢ᭄ᬫᬳᭂᬮᬸᬄ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬅᬢ᭄ᬫᬯᬤᭀᬦ᭄ᬓᬶᬢᬭᬯᬸᬄ᭞ᬫᬵᬢᬶᬳᬗᬧᬭᬶᬂᬫᬥ᭄ᬬ᭞ᬫ᭄ᬯᬄᬓᬯᬶᬱᬬᬦᬶᬭ᭟᭐᭟ᬲᬂᬅᬢ᭄ᬫᬫᬗ᭄ᬓᬾᬳᬢᬸᬭᬾᬳᬮᬸ
ᬲ᭄᭞ᬲᬂᬲᬶᬦᬸᬳᬸᬦᬺᬓᬾ᭞ᬫᬢᬶᬲᭂᬤᬶᬄᬦᬶᬂᬳ᭄ᬬᬂᬫᬫᬶ᭞ᬢᬦ᭄ᬓᭂᬦᬲᬶᬦᬮᬶᬫᬸᬃ᭞ᬧ᭄ᬬᬦᬦ᭄ᬫᬵᬢᬶᬧᬸᬲᬸᬄᬧᬸᬲᬸᬄ᭞ᬤ᭄ᬯᬂᬧᬸᬮᬸᬄᬋᬓᬾᬓᬢᬳᬾ᭞ᬭᭀᬂᬧᬸᬮᬸᬄᬤᬶᬦᬲᬧᬸᬮᬸᬄ᭞ᬭᭀᬂᬯᬸᬮᬦᬫᬵᬢᬶᬮᬦᬂ᭞ᬲᬯᬶ
ᬚᬶᬯᬦᬓᬦ᭄ᬢᬸᬦ᭟᭐᭟ᬳᬤᬰᬤᬶᬦᬭᭀᬂᬤᬶᬦᬳᬶᬓᬸ᭞ᬫᬶᬯᬄᬭᬶᬂᬢᭂᬢᭂᬗᬾ᭞ᬧ᭄ᬭᬬᬫᬗᭂᬫᬲᬶᬦ᭄ᬧᬵᬢᬶ᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞ᬳᬕᭂᬂᬦᬵᬭᬓᬓᬢᭂᬫᬸ᭞ᬬᬬᬶᬲᬸᬭᬵᬢ᭄ᬫᬤᬶᬦᬕᬾ [ 15 ][ ᭑᭔ 14B]
᭑᭔᭞
᭞ᬳᬗᬫᬾᬢ᭄ᬓᬤ᭄ᬰᬳᬶᬭᬾᬓᬸ᭞ᬲᬸᬭᬵᬢ᭄ᬫᬳᬰ᭄ᬭᬸᬮᬸᬫᬫ᭄ᬧᬄ᭞ᬧ᭄ᬭᬧ᭄ᬢᬳᬫ᭄ᬩᬓ᭄ᬢᬓᬤ᭄ᬕ᭟᭐᭟ᬲᬸᬭᬵᬢ᭄ᬫᬫᬗ᭄ᬓᬾᬳᬗᬸᬘᬧ᭄ᬳᬰ᭄ᬭᬸ᭞ᬳᬶᬓᬶᬢᬲᬂᬅᬢ᭄ᬫ᭞ᬳᬕᭂᬫ᭄ᬤᬾᬦᬩᭂᬘᬶᬓ᭄᭞ᬅᬢ᭄ᬫᬕᭂ
ᬮᬶᬲᬦᬫ᭄ᬩᬸᬢ᭄᭞ᬳᬶᬗᬕᭂᬫ᭄ᬤᬾᬦᬾᬳᬓᬸᬓᬸᬄ᭞ᬕᭂᬮᬶᬲ᭄ᬓᬶᬦᭂᬢᬓᬭᬶᬲᬾ᭞ᬲᬂᬅᬢ᭄ᬫᬜᭂᬭᬶᬢᬗᬤᬸᬄ᭞ᬢᬶᬩᬮᬭᬶᬲ᭄ᬧᬧᭂᬢᭂᬗᬦ᭄᭞ᬢᬗᬦ᭄ᬤᬶᬗᬲᭂᬫᬲᭂᬫᬦ᭄᭟᭐᭟ᬳᬸᬮᬶᬸᬂ
ᬗ᭄ᬮᬶᬂᬮᬶᬃᬅᬢ᭄ᬫᬮᬭᬶᬲ᭄ᬓᬧᬲ᭄ᬢᬸ᭞ᬯᬲ᭄ᬢᬸᬓᬶᬢᬫᬗ᭄ᬓᬾ᭞ᬤᬤᬶᬘᬦ᭄ᬢᬦᬓᬓᬓᭂᬮᬶᬓ᭄᭞ᬪᬹᬢᬤᬭᬶᬓ᭄ᬘᬶᬤᬸᬤᬸ᭞ᬲ᭄ᬬᬢᬳᬸᬦ᭄ᬮᬯᬲᬶᬧᬸᬦ᭄᭞ᬳᬬᬸᬦ᭄ᬫᬤᬤᬶᬧᬓ᭄ᬱᬶᬦᬾ᭞ᬓᬫᬺᬘᬧᬤᬢᬸᬃᬫᬸ
ᬯᬸᬄ᭞ᬢᬸᬫᬶᬢᬶᬲ᭄ᬢᭂᬓᬾᬦ᭄ᬯᬲᬫ᭞ᬭᭀᬭᬲ᭄ᬢᬳᬸᬦ᭄ᬦᭂᬫᬸᬧᭂᬚᬄ᭟᭐᭟ᬳᬧᬸᬭᬸᬯᬃᬡᬦᬾᬳᬶᬲ᭄ᬢ᭄ᬭᬷᬳᬬᬸ᭞ᬦᭂᬤᭂᬂᬢᬭᬸᬡᬶᬦᬾ᭞ᬤᬸᬓ᭄ᬫᬵᬢᬶᬓᬂᬲᬶᬦᬸᬤᬸᬓ᭄᭞ᬫᬭᬶᬂᬲᬾᬢ᭄ᬭᬕᬦ᭄ᬤᬫᬬᬸ᭞ᬅ

[ ᭑᭕ 15A]
ᬢ᭄ᬫᬯᬤᭀᬦ᭄ᬫᬗ᭄ᬓᬾ᭞ᬧ᭄ᬭᬧ᭄ᬢᬧᬭᬦ᭄ᬓᬯᬶᬱᬬᬦ᭄ᬫᬸ᭞ᬗᬹᬦᬷᬫᬭᬶᬂᬫᬥ᭄ᬬᬧᬤ᭞ᬲᬂᬅᬢ᭄ᬫᬳᬲᬯᬸᬃᬲᭂᬫ᭄ᬩᬄ᭟᭐᭟ᬫᬵᬢᬶᬳᬕ᭄ᬭᬶᬂᬳᬶᬗ᭄ᬲᬸᬦ᭄ᬳ᭄ᬬᬂᬲᬶᬦᬸᬳᬸᬦ᭄᭞ᬫᬶᬯᬄᬯᬶᬱᬬᬦᬾ᭞ᬳᬗ᭄ᬮᬾ
ᬬᬓ᭄ᬫᬸᬄᬳᬦ᭄ᬤᬾᬲ᭄ᬢᬶ᭞ᬦᬭᬜ᭄ᬚᬦᬳᬦᭂᬮᬸᬄ᭞ᬳᬫᬢᬾᬓᬶᬦ᭄ᬯᭀᬂᬢᬦ᭄ᬓᬾᬢᬸᬂ᭞ᬯᬾᬦ᭄ᬢᭂᬦ᭄ᬮᬶᬫᬂᬳᬢᬸᬲᬺᬓᬾ᭞ᬢᬦ᭄ᬧᬶᬕᬮᬓᬶᬂᬭᬶᬗ᭄ᬲᬸᬦ᭄᭞ᬳᬧᬦ᭄ᬧᬯᬾᬄᬤᬾᬯᬷᬤᬸᬃᬕ᭞ᬲᬂᬚᭀᬕᭀᬃᬫ
ᬡᬶᬓᬗᬸᬘᬧ᭄᭟᭐᭟ᬯᬲ᭄ᬢᬸᬓᬶᬢᬤᬶᬦᬫᬸᬦᭂᬫᬸ᭞ᬧᬸᬮᬸᬢᬳᬸᬦᬺᬓᬾ᭞ᬫᬶᬯᬄᬫᭂᬤᭂᬧ᭄ᬫᭂᬤᭂᬧ᭄ᬢᬾᬓᬾ᭞ᬲᬾᬯᬸᬢᬳᬸᬦ᭄ᬧᬸᬦᬶᬓᬸ᭞ᬯᬸᬲ᭄ᬲᬫᬗ᭄ᬓᬦᬢᬸᬫᬸᬯᬸᬄ᭞ᬢᬸᬫᬢᬶᬓᬮᬸᬂᬤᬤᬶ
ᬦᬾ᭞ᬭᭀᬂᬗᬢᬸᬲ᭄ᬲᬾᬯᬸᬭᭀᬂᬢᬳᬸᬦ᭄᭞ᬯᬸᬲ᭄ᬫᬗ᭄ᬓᬦᬫᬭᬶᬂᬫᬥ᭄ᬬ᭞ᬲᬃᬯᬕᬢᭂᬮ᭄ᬧᬤᬤᬶᬦ᭄ᬢ᭟᭐᭟ᬲᬵᬫᬵᬧᬸᬦ᭄ᬲᬶᬦᬸᬭᬵᬢᬢ᭄ᬫᬳᬦᭂᬫᬸ᭞ᬪᬹᬢᬩᬵᬂᬫᬶᬮᬭ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬅᬢ᭄ᬫᬢᬾ [ 16 ][ ᭑᭕ 15B]
᭑᭕᭞
ᬓᬶ᭞ᬮᬦᬗᬯᬃᬡᬳᬩᬕᬸᬲ᭄᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞ᬅᬢ᭄ᬮᬦᬂᬓᬶᬢᬋᬓᬾ᭞ᬫᬵᬢᬶᬳᬗᬧᬳᬶᬓᬸ᭞ᬯᬭᬄᬳᬶᬗᭀᬂᬢᬦ᭄ᬤᬾᬦᬾᬗ᭄ᬕᬮ᭞ᬫᬶᬯᬄᬯᬶᬱᬬᬦᬾᬫᬥ᭄ᬬ᭟᭐᭟ᬲᬂᬫᬦᭂᬫ᭄ᬩᬄ
ᬳᬢᬸᬭᬾᬳᬮᬸᬲ᭄᭞ᬲᬸᬗ᭄ᬲᬸᬢ᭄ᬲᬧᭀᬮᬳᬾ᭞ᬧᬸᬓᬸᬮᬸᬦ᭄ᬤᬾᬦᬾᬳ᭄ᬬᬂᬫᬫᬶ᭞ᬫᬵᬢᬶᬩᬜ᭄ᬘᬦᬳᬶᬓᬸ᭞ᬫᬭᬶᬂᬳᬶᬲ᭄ᬢ᭄ᬭᬷᬮᬶᬲ᭄ᬢᬸᬳᬬᬸ᭞ᬧᬶᬦᬢᬾᬦ᭄ᬤᬾᬦᬶᬂᬭᬫᬦᬾ᭞ᬫ᭄ᬯᬄᬓᬯᬶᬱᬬᬦᬶᬗ᭄ᬲᬸᬦ᭄᭞ᬳᬩᬸᬩᬸᬭᬸᬫᬭᬶᬂ
ᬳᬮᬲ᭄᭞ᬳᬜ᭄ᬚᬭᬶᬂᬫ᭄ᬯᬂᬳᬧᬶᬓᬢ᭄᭟᭐᭟ᬳᬓᬾᬄᬓᬂᬩᬸᬭᭀᬦ᭄ᬲᬶᬦᬫ᭄ᬩᬸᬢ᭄᭞ᬢᬦ᭄ᬧᬳᬶᬗᬦᬺᬓᬾ᭞ᬲᬂᬚᭀᬕᭀᬃᬫᬡᬶᬓᬦᬯᬸᬭᬶᬦ᭄᭞ᬲᬵᬫ᭄ᬧᬸᬦ᭄ᬓᬶᬢᬳᬫᬶᬢᬸᬮᬸᬲ᭄᭞ᬳᬜ᭄ᬚᬮᬸᬓ᭄ᬢᭀᬬᬦ᭄ᬲᬂᬯᬶᬓᬸ᭞
ᬲᬂᬅᬢ᭄ᬫᬳᬮᭀᬦᬸᬚᬭᬾ᭞ᬢᬦ᭄ᬩᭀᬦ᭄ᬢᭂᬦ᭄ᬤᬸᬄᬲᬂᬲᬶᬦᬸᬳᬸᬦ᭄᭞ᬲᬂᬚᭀᬕᭀᬃᬫᬡᬶᬓᬗᬸᬘᬧ᭄᭞ᬍᬯᬶᬄᬦᬵᬭᬓᬦᬾᬓᬶᬢ᭟᭐᭟ᬪᬹᬢᬫᭀᬂᬳᬫᬶᬮᬭᬫᬸ᭞ᬭᭀᬂᬢᬳᬸᬦ᭄ᬪᬹᬢᬕᬕᬓ᭄᭞ᬲᬸᬦᬯᭂᬮᬸᬯᭂ
[ ᭑᭖ 16A]
ᬮᬲᬗ᭄ᬮᬭᬦᬶᬦ᭄᭞ᬯᬲ᭄ᬢᬸᬓᬶᬢᬳᬜᬸᬲᬸᬧ᭄᭞ᬫᬭᬶᬂᬳᬮᬲ᭄ᬕᭂᬂᬧᬸᬦᬶᬓᬸ᭞ᬤᬤ᭄ᬬᬫᭀᬂᬕᬮᬓ᭄ᬲᭀᬮᬳᬾᬲᬵᬫ᭄ᬧᬸᬦ᭄ᬲᬶᬭᬳᬦᬦᭂᬫᬸ᭞ᬅᬢ᭄ᬫᬳᬶᬲ᭄ᬢ᭄ᬭᬷᬓᬜ᭄ᬘᬶᬢ᭄ᬧ᭄ᬭᬧ᭄ᬢ᭞ᬢᬬᬸᬗᬦᬾᬫ᭄ᬩᬫ᭄ᬩᬢ᭄ᬫᬫᬩᬢ᭄᭟᭐᭟
ᬲᬂᬚᭀᬕᭀᬃᬫᬡᬶᬓᬗᬸᬘᬧᬰ᭄ᬭᬸ᭞ᬅᬢ᭄ᬫᬯᬤᭀᬦ᭄ᬓᬶᬢ᭞ᬧᬭᬦ᭄ᬯᬶᬱᬬᬦᬾᬗᬹᬦᬷ᭞ᬦᬾᬦᬾᬫᬗ᭄ᬓᬾᬫᬵᬢ᭄ᬬᬳᬶᬓᬸ᭞ᬲᬂᬅᬢ᭄ᬫᬳᬢᬸᬭᬾᬜᬸᬜᬸᬃ᭞ᬳᬶᬗ᭄ᬲᬸᬦ᭄ᬧᬥᭂᬫ᭄ᬲᬸᬗ᭄ᬓᬦᬺᬓᬾ᭞ᬢᬶᬢ᭄ᬬᬂᬅᬢ᭄ᬫᬦᬶᬂᬯᭀᬂᬩᭂᬓᬸᬂ᭞
ᬢᭀᬂᬤᬤᬶᬫᬤᬺᬯᬾᬯᭂᬓ᭞ᬓᬗᭂᬦ᭄ᬢᬶᬢ᭄ᬬᬂᬢᭂᬓᬾᬦ᭄ᬭᬕᬵ᭟᭐᭟ᬳᬦᬓ᭄ᬫ᭄ᬯᬦᬶᬫ᭄ᬯᬦᬶᬳᬓᬾᬄᬮᬸᬮᬸᬢ᭄᭞ᬭᬶᬂᬭᬵᬕᬦ᭄ᬢᬶᬢ᭄ᬬᬗᬾ᭞ᬲᬵᬫ᭄ᬧᬸᬦ᭄ᬓᬳᭂᬦᭂᬫᬦ᭄ᬲᬫᬶ᭞ᬩᭀᬘᭀᬓ᭄ᬩᬕᬸᬲ᭄ᬢᬦ᭄ᬓᬾᬢᬸᬂ᭞ᬩᬸᬓᬯᬾᬦ᭄ᬢᭂ
ᬦᬗᬦ᭄ᬲᬢᬸᬲ᭄᭞ᬩᭂᬲ᭄ᬓᬲᬸᬩ᭄ᬓᬺᬂᬢᬶᬢ᭄ᬬᬂᬗᬾ᭞ᬲᬓ᭄ᬯᬢ᭄ᬓ᭄ᬯᬢ᭄ᬯᭀᬂᬓᬓᬸᬂ᭞ᬩᬸᬓᬢ᭄ᬯᬭᬢᬶᬢ᭄ᬬᬂᬓ᭄ᬮᬲ᭄᭞ᬧ᭄ᬭᬤᬾᬢ᭄ᬯᬭᬗᭂᬮᬄᬧᬸᬢ᭄ᬭ᭟᭐᭟ᬲᬂᬚᭀᬕᭀᬃᬫᬡᬶᬓᬗᬸᬘᬧᬘᭂᬫᬸᬕᬸᬬᬸ᭞ᬓᬶᬩᭂ [ 17 ][ ᭑᭖ 16B]
᭑᭖᭞
ᬓᬸᬂᬋᬓᬾ᭞ᬳᬋᬧ᭄ᬓᬶᬢᬓᬶᬲᬸᬲ᭄ᬯᬶᬦ᭄᭞ᬳᬶᬗᭀᬂᬳᬯᬾᬄᬮᬯᬵᬦ᭄ᬫᬸ᭞ᬮᬭᬾᬳᬮᬶᬢᬶᬲ᭄ᬢ᭄ᬭᬷᬳᬬᬸ᭞ᬲᬂᬅᬢ᭄ᬫᬳᬚᬾᬃᬳᬢᬸᬭᬾ᭞ᬦᬸᬦᬲ᭄ᬢᬶᬢ᭄ᬬᬂᬤᬾᬯᬭᬢᬸ᭞ᬳᬶᬘᬦ᭄ᬘᭀ
ᬓᬵᬃᬳᬶᬤᬾᬯ᭞ᬢᬶᬢ᭄ᬬᬂᬗᬧᬾᬗᬧᬾᬧ᭄ᬬᬦᬓ᭄᭟᭐᭟ᬲᬸᬭᬵᬢ᭄ᬫᬧ᭄ᬭᬧ᭄ᬢᬲᭂᬫᬸᬳᬰ᭄ᬭᬸ᭞ᬳᬫ᭄ᬩᬓ᭄ᬢᬮᬭᬾᬦᬾ᭞ᬳᬶᬓᬶᬧᬶᬲᬸᬲᬸᬤᬾᬓᬕᭂᬮᬶᬲ᭄᭞ᬲᬂᬅᬢ᭄ᬫᬕᭂᬮᬶᬲᬦᬫ᭄ᬩᬸᬢ᭄᭞ᬩᬶ
ᬚᬮᬾᬫᬜᬧ᭄ᬮᭀᬓ᭄ᬲᬸᬲᬸ᭞ᬳᬶᬩᭂᬓᬸᬂᬮᬭᬶᬲ᭄ᬗᬢᬾᬬ᭞ᬫᬦᭂᬫᬄᬦᭂᬫᬄᬫᬫᬶᬲᬸᬄ᭞ᬲᬂᬚᭀᬕᭀᬃᬫᬡᬶᬓᬗᬸᬘᬧ᭄᭞ᬯᬲ᭄ᬢᬸᬓᬶᬢᬫᬭᬶᬂᬓᬯᬄ᭟᭐᭟ᬲᬢᬳᬸᬦ᭄ᬓᬶᬢᬮ
ᬭᬶᬲ᭄ᬢᬸᬫᬸᬯᬸᬄ᭞ᬫᬭᬶᬂᬫᬥ᭄ᬬᬋᬓᬾ᭞ᬪᬸᬢᬗ᭄ᬕᬭᬭᬾᬗᬮᬭᬦᬶᬦ᭄᭞ᬢᬦ᭄ᬓᭀᬘᬧᬦ᭄ᬦᭂᬦᭂᬫᬸ᭞ᬓᬕᬾᬢᬢ᭄ᬫᬢᭀᬂᬳᬦᬸᬓᬸᬄ᭞ᬧ᭄ᬭᬧ᭄ᬢᬳᬩᭀᬢ᭄ᬧᬫᬃᬕᬶᬦᬾ᭞ᬗᬤᬸᬢ᭄ᬧ᭄ᬬᬧ᭄ᬜᬗ᭄ᬓᬶ
[ ᭑᭗ 17A]
ᬮ᭄ᬓᬸᬮᬸᬓ᭄‌᭞ᬢᬢᭂᬕᭂᬦᬦ᭄ᬜᬲᬭᬵᬢ᭄᭞ᬕᭂᬦᭂᬧ᭄ᬲᬳᬶᬦᬶᬂᬳᬸᬫᬄ᭟᭐᭟ᬲᬂᬚᭀᬕᭀᬃᬫᬡᬶᬓᬗᬸᬘᬧᬰ᭄ᬭᬸ᭞ᬅᬢ᭄ᬫᬩᬸᬬᬸᬢ᭄ᬧ᭄ᬭᬧ᭄ᬢ᭞ᬫᬵᬢᬶᬳᬗᬧᬢᬢᬾ
ᬓᬶ᭞ᬫ᭄ᬯᬂᬓᬯᬶᬱᬬᬦ᭄ᬫᬸ᭞ᬳᬶᬩᬸᬬᬸᬢᬢᬸᬭᬾᬳᬶᬚᬸᬓ᭄᭞ᬢᬶᬢ᭄ᬬᬂᬫᬵᬢᬶᬮᬩᬸᬄᬋᬓᬾ᭞ᬫᬭᬶᬂᬧᬗ᭄ᬕᬸᬂᬩᬮᬧ᭄ᬲᬫ᭄ᬮᬸᬂ᭞ᬲᬫ᭄ᬧᬶᬦ᭄ᬢᬶᬢ᭄ᬬᬂᬯᬸᬲ᭄ᬫᬢᭂᬓᬧ᭄᭞ᬫᬦᬕᬶᬄᬳᬫᬳ
ᬫᬳᬦ᭄᭟᭐᭟ᬯᬶᬃᬱᬬᬦ᭄ᬢᬶᬢ᭄ᬬᬂᬢ᭄ᬯᬄᬫᬫᬘᬸᬮ᭄᭞ᬍᬫᬄᬍᬫᭂᬂᬋᬓᬾ᭞ᬍᬫᬄᬫᬗᭂᬩᬾᬢ᭄ᬓᬸᬮᬤᬶ᭞ᬍᬫᭂᬂᬍᬫ᭄ᬩᬸᬗᬶᬦ᭄ᬩᬶᬬᬸ᭞ᬫᬮᬶᬗᬾᬋᬓᬾᬩᬲ᭄ᬮᬶᬬᬸ᭞ᬢᬢᬦ᭄ᬤᬸᬭᬦ᭄ᬢᬶᬢ᭄ᬬᬂᬫᬓᬾᬄ᭞ᬩᭀᬢᭀᬃᬓᭀᬫ
ᬓ᭄ᬓᬘᬂᬚᬕᬸᬂ᭞ᬓᬘᬂᬭᬶᬚᬶᬕ᭄ᬮᬦ᭄ᬧᬕ᭄ᬧᬕᬦ᭄᭞ᬓᬮᬤᬶᬓᬸᬜᬶᬢ᭄ᬓᬲᬾᬮ᭟᭐᭟ᬢᭂᬩᬸᬫ᭄ᬯᬂᬩ᭄ᬬᬯᬸᬂᬳᬸᬦ᭄ᬤᬶᬲ᭄ᬚᬕᬸᬂ᭞ᬓᬓᬭᬧᬲᬾᬮᬾᬢ᭄᭞ᬧᬤᬶᬕᬕᬚᬕᬸᬂᬚᬮᬶ᭞ᬫᬗ᭄ᬓᬶᬦ᭄ᬧᬸᬦᬶᬓᬓᬦ᭄ᬢᬸᬦ᭄᭞ᬓᬸᬤ᭄ᬬᬂ [ 18 ][ ᭑᭗ 17B]
᭑᭗᭞
ᬢᬶᬢ᭄ᬬᬂᬤᬾᬯᬭᬢᬸ᭞ᬳᬶᬘᬾᬦᬶᬦ᭄ᬢᬶᬢ᭄ᬬᬂᬲ᭄ᬯᬃᬕᬦᬾ᭞ᬧᬘᬂᬧᬫᬸᬮᬳᬶᬜ᭄ᬚᬕᬸᬂ᭞ᬢᬶᬢ᭄ᬬᬂᬢ᭄ᬯᬄᬚᬵᬢᬶᬫᬢᬸᬫ᭄ᬩᬲ᭄᭞ᬧᬳᬶᬘᬦ᭄ᬘᭀᬓᭀᬃᬳᬶᬤᬾᬯ᭟᭐᭟ᬲᬓᬬᬸᬦ᭄ᬘᭀᬓᭀᬃᬳᬶᬤᬾᬯᬭᬢᬸ᭞ᬗᬫ᭄ᬩᬶᬮ᭄ᬧᬦᬸᬓᬸᬦᬾ
᭞ᬳᭂᬫᬵᬲ᭄ᬧᬶᬧᬶᬲ᭄ᬲᬫ᭄ᬧᬸᬦ᭄ᬫᬕᬶ᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞ᬲᬸᬕᬶᬄᬢᭂᬫᭂᬦ᭄ᬓᬶᬢᬦ᭄ᬩᬸᬬᬸᬢ᭄᭞ᬬᬬᬶᬲᬸᬭᬵᬢ᭄ᬫᬤᬶᬦᬓᬾ᭞ᬫᬭᬶᬂᬧᬸᬭᬢᬧᬸᬦᬶᬓᬸ᭞ᬳᬫᬾᬢᭂᬦ᭄ᬳᭂᬫᬵᬲᬶᬭᬶᬗ᭄ᬯᬂ᭞ᬢᬦᬯᭀᬭᬦᬢ᭄ᬫᬲᬂ
ᬅᬢ᭄ᬫ᭟᭐᭟ᬯᬶᬭᬲᬸᬭᬵᬢ᭄ᬫᬉᬫᬗ᭄ᬓᬢᬰ᭄ᬭᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬫᬗ᭄ᬓᬾ᭞ᬳᬫ᭄ᬩᬓ᭄ᬢᬓᭂᬫᬵᬲᬧᭂᬢᬶ᭞ᬳᬶᬤᬯᭀᬭᬦ᭄ᬤᬾᬦᬰ᭄ᬭᬸ᭞ᬳᭂᬫᬵᬲᬾᬲᬶᬭᬲᬂᬩᬸᬬᬸᬢ᭄᭞ᬧ᭄ᬭᬲᬫᬳᬭᭀᬓ᭄ᬭᬧᬦᬾ᭞ᬢᬦ᭄ᬓᬢᭂᬗ᭄ᬭᬓᬶᬧᬸ
ᬦ᭄᭞ᬳᬶᬩᬸᬬᬸᬢᬼᬫᭂᬤᬗᬸᬘᬧ᭄᭞ᬫᬗᬸᬤᬲᬗ᭄ᬓᬦᬯᭀᬭᬂ᭟᭐᭟ᬫᬲᬢᬦ᭄ᬓᭂᬦᬤᬾᬤᬾᬳᬶᬭᬶᬗ᭄ᬲᬸᬦ᭄᭞ᬫᬦᬗᬵᬳᭂᬫᬵᬲᬾ᭞ᬧᬸᬦᬶᬓᬶᬳᭂᬫᬵᬲ᭄ᬲᬶᬭᬾᬓᬶ᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞

[ ᭑᭘ 18A]
ᬢᬸᬳᬸᬅᬢ᭄ᬫᬓᬸᬫᭂᬤᬶᬓᬸ᭞ᬲᬫᬢᬶᬦᬗ᭄ᬭᬦ᭄ᬫᬵᬲᬾ᭞ᬳᬗᬶᬂᬢᬓᬶᬢᬳᬸᬫᬦ᭄ᬢᬸᬓ᭄᭞ᬳᬳᬸᬫᬭᬭᬶᬂᬫᬥ᭄ᬬᬧᬤ᭞ᬥᬦᬳᬶᬦ᭄ᬲᬲᬫᬦ᭄ᬓᬶᬢ᭟᭐᭟ᬤᬤᭂᬫᭂᬢ᭄ᬫᬭᬶᬂᬓᬤᬂᬧᬸᬦᬶᬓᬸ᭞ᬘᬘᬭᬶᬦ᭄ᬤ᭄ᬭᬸ
ᬯᬾᬳᬾᬦᬾ᭞ᬳᬓᬾᬄᬲᬂᬳᬶᬭᬶᬲᬢᬶᬦ᭄᭞ᬫᬶᬯᬄᬫᬓᬃᬬ᭄ᬬᬳᬬᬸ᭞ᬫᬗᭂᬮᬸᬂᬯᭂᬮᬶᬢᬫᬫᬗ᭄ᬕᬸᬂ᭞ᬳᬩ᭄ᬕ᭄ᬬᬚ᭄ᬜᬤᬾᬯᬳᬫᬗ᭄ᬓᬾ᭞ᬫᬳᬶᬗ᭄ᬓᬸᬧᬶᬂᬤᬾᬯᬳᬶᬓᬸ᭞ᬳᬯᬓ᭄ᬮᬦ᭄ᬢᬲ᭄ᬧᬯᬶᬦ᭄ᬢᭂᬦᬂ᭞ᬳᭂᬫᬵᬲ᭄ᬧᬶᬧᬶᬲ᭄ᬳᭂᬤᬜᬬᬗᬂ᭟
᭐᭟ᬩ᭄ᬭᬬᬦᬾᬳᬸᬦ᭄ᬤᬂᬳᬚᬓ᭄ᬫᬫᬸᬦ᭄ᬤᬸ᭞ᬢᬫ᭄ᬧᬳᬂᬧᬂᬳᬓᬾᬄ᭞ᬕᬫ᭄ᬩᬂᬳᭂᬕᭀᬂᬧᬥᬳᬮᬶᬄ᭞ᬳᬸᬧᬶᬢ᭄ᬲᭀᬮᬶᬂᬢᬍᬫ᭄ᬧᬸᬂ᭞ᬯᬬᬂᬕᭂᬤᭀᬕ᭄ᬮᬯᬦ᭄ᬕᬫ᭄ᬩᬸᬄ᭞ᬯᬬᬂᬧᬃᬯᬢᭀᬦᬾᬳᬗ᭄ᬕᬾ᭞ᬳᬧᬦ᭄ᬓᬲᬚᬶ
ᬥᬸᬢᬸᬢᬸᬃ᭞ᬳᬧᬦ᭄ᬢ᭄ᬯᬄᬗᭂᬜ᭄ᬚᬶᬂᬜ᭄ᬚᭂᬓ᭄ᬤᬶᬢᬢ᭄ᬯ᭞ᬳᬶᬗᭀᬂᬚᬕᬶᬫᬦ᭄ᬢᭀᬦ᭄ᬢᭀᬦᬦ᭄᭟᭐᭟ᬰᬶᬯᬩᭀᬤᬓᬩᬬᬦ᭄ᬲᭂᬗ᭄ᬕᬸᬳᬸ᭞ᬫ᭄ᬯᬂᬚᬓ᭄ᬱᬥᬍᬫᬾ᭞ᬩᬮ᭄ᬬᬦ᭄ᬫᬓᭀᬦ᭄ᬢᭀᬂᬳᬮᬶᬄ᭞ᬅᬥᬶᬧ [ 19 ][ ᭑᭘ 18B]
᭑᭘᭞
ᬯᬫ᭄ᬯᬂᬧᬸᬢ᭄ᬭᬸ᭞ᬳᬧᬦ᭄ᬧᬓᬃᬬ᭄ᬬᬦ᭄ᬓᬶᬢᬳᬕᬸᬂ᭞ᬳᬢᬸᬭᬶᬦ᭄ᬧᬥᬫ᭄ᬧᬸᬦᬾ᭞ᬫᬗ᭄ᬕᬸᬄᬗᬬᬸᬦᬶᬦ᭄ᬧᬓᬃᬬ᭄ᬬᬦ᭄ᬫᬸ᭞ᬗᬢᬸᬭᬶᬦ᭄ᬧᬶᬢ᭄ᬭᬫᬤᬳᬂ᭞ᬫ᭄ᬯᬂᬧᬭᬯᬢᭂᬓ᭄ᬤᬾᬯᬢ᭟᭐᭟ᬩᬮ᭄ᬬᬦ᭄ᬫᬓᭀᬦ᭄ᬤᬾᬭᬶᬂᬤᬮᬵ
ᬦ᭄ᬕᬸᬂ᭞ᬜᬕᭂᬳᬶᬦ᭄ᬩᬦ᭄ᬢᭂᬦᬾ᭞ᬳᬧᬜᬫᬋᬧ᭄ᬮᭀᬤ᭄ᬓᬗᬶᬦ᭄᭞ᬳᬧᬦ᭄ᬘᬭᬸᬧᬸᬦᬶᬓᬸ᭞ᬲᬂᬪᬹᬢᬳᬶᬋᬂᬳᬫᬸᬦᬸᬄ᭞ᬬᬦᭂᬩᬳᬶᬂᬘᬭᬸᬦᬾ᭞ᬳᬦᬓ᭄ᬬᬤᬤᬶᬗᬤᭂᬧᬸᬓ᭄᭞ᬧᬕᭂᬤᬾᬦ᭄ᬓᬃᬬ᭄ᬬᬦᬾᬭᬵᬓ᭄ᬱ᭞
ᬲᬦ᭄ᬢᬸᬦ᭄ᬲᬢᬓ᭄ᬮᬸᬂᬩᭂᬦᬂ᭟᭐᭟ᬩᬮ᭄ᬬᬦ᭄ᬗᬮᬧᬂᬲ᭄ᬬᬸᬲᬢᬸᬲ᭄᭞ᬢᬹᬢᬶᬲᬶᬦ᭄ᬩᬦ᭄ᬢᭂᬦᬾ᭞ᬧ᭄ᬭᬲᬶᬤᬕᬯᬾᬦᬾᬩᭂᬘᬶᬓ᭄᭞ᬓᬩᬬᬦ᭄ᬧᬢ᭄ᬯᬲᬶᬧᬸᬦ᭄᭞ᬢ᭄ᬯᬄᬜᬲᬢᬓ᭄ᬧᬶᬢᬸᬮᬶᬓᬸᬃ᭞ᬲᭂᬗ᭄ᬕᬸᬳᬸᬲᬫᬲ᭄ᬧ
ᬮᬯᬾ᭞ᬧᬜᬭᬶᬓᬦ᭄ᬥᬍᬫᬶᬓᬸ᭞ᬢᭂᬮᬸᬂᬳᬢᬸᬲ᭄ᬓᬶᬭᬂᬧᬢ᭄ᬧᬢ᭄᭞ᬳᬶᬤᬩᭀᬤᬢᬶᬕᬂᬮᬓ᭄ᬱ᭟᭐᭟ᬳᬶᬤᬰᬶᬯᬗᬮᬧᬂᬲᬲᬦ᭄ᬢᬸᬦ᭄᭞ᬧᬶᬢᬸᬂᬢᬮᬶᬋᬓᬾ᭞ᬲᬂᬳᬧᬸᬢ᭄ᬭᬧᬶᬢᬸᬂᬩᬗ᭄ᬲᬶ

[ ᭑᭙ 19A]
ᬢ᭄᭞ᬲᬂᬅᬤᬶᬧᬃᬯᬯᬳᬶᬓᬸ᭞ᬲᬲᬦ᭄ᬢᬸᬦ᭄ᬜᬧᬶᬢᬸᬂᬳᬢᬸᬲ᭄᭞ᬢᭀᬳᬶᬗᭂᬢᬧᬂᬢᬾᬢᬾᬄ᭞ᬮᬫᬸᬦ᭄ᬲᬸᬩᬧᬥᬧᬸᬧᬸᬢ᭄᭞ᬓᬃᬬ᭄ᬬᬦᬾᬲᬫᬢᬶᬦᬗ᭄ᬕᬧ᭄᭞ᬤᬾᬦᬶᬂᬧ᭄ᬭᬯᬢᭂᬓ᭄ᬤᬾᬯᬢ᭟᭐᭟ᬤᬶᬢᬸᬬᬾᬦ᭄ᬲᬶᬭᬧᭂ
ᬚᬄᬭᬶᬂᬏᬲᬸᬓ᭄᭞ᬭᬶᬂᬤᬶᬦᬧ᭄ᬭᬂᬩᬓᬢ᭄᭞ᬢᬦ᭄ᬲᬶᬧᬶᬲ᭄ᬯᬃᬕᬧᬶᬦᬗ᭄ᬕᬶᬄ᭞ᬯᬶᬥ᭄ᬬᬥᬭᬢᬸᬫᬸᬭᬸᬦ᭄᭞ᬯᬶᬥ᭄ᬬᬥᬭᬷᬫᬶᬦᬸᬭᬸᬦ᭄᭟ᬫ᭄ᬯᬂᬧᬭᬯᬢᭂᬓ᭄ᬤᬾᬯᬢ᭞ᬫ᭄ᬩᬓ᭄ᬢᬚᭂᬫ᭄ᬧᬦᬳᭂᬫᬵᬲ᭄ᬳᬮᬸᬲ᭄᭞ᬳᬫᬧᬕ᭄ᬓᬶᬢᬭᬶᬂᬤᬮ
ᬦ᭄᭞ᬫᬸᬗ᭄ᬕᬄᬓᬶᬢᬭᬶᬂᬲ᭄ᬯᬃᬕᬦ᭄᭟᭐᭟ᬭᬶᬂᬫᬾᬭᬸᬢᬸᬫ᭄ᬧᬂᬲᬯᭂᬮᬲᬶᬓᬸ᭞ᬲᬶᬭᬧᬮᬸᬗ᭄ᬕᬸᬳᬾ᭞ᬲᬂᬩᬸᬬᬸᬢ᭄ᬳᬢᬸᬭᬾᬳᬭᬶᬲ᭄᭞ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬲᬸᬓᬲᬂᬅᬢ᭄ᬫᬉᬫᬦ᭄ᬢᬸᬓ᭄᭞ᬲᬂᬚᭀᬕᭀᬃᬫᬡᬶ
ᬉᬚᬭᬾ᭞ᬯᬲ᭄ᬢᬸᬓᬶᬢᬦᭂᬫᬸᬭᬳᬬᬸ᭞ᬉᬫᬦ᭄ᬢᬸᬓ᭄ᬭᬶᬂᬫᬥ᭄ᬬᬧᬤ᭞ᬲᬂᬅᬢ᭄ᬫᬦᭂᬫ᭄ᬩᬄᬮᬸᬫᬫ᭄ᬧᬄ᭟᭐᭟ᬲ?ᬳᬂᬳᬩᬸᬬᬸᬢ᭄᭞ᬧᬫᬂᬕᬶᬦᬾᬲᬤᬳᬮᬸᬲ᭄᭞ᬲᬧ᭄ᬭᬧ᭄ᬪᬾᬂᬫᬥ᭄ᬬᬧᬤ᭞ᬳᬧᬦ᭄ᬢ [ 20 ][ ᭑᭙ 19B]
᭑᭙᭞
ᬦ᭄ᬓᬯᬃᬡᬳᬢᬾᬓᬶ᭞ᬓᬜ᭄ᬘᬶᬢ᭄ᬭᬯᬸᬄ᭞ᬅᬢ᭄ᬫᬳᬶᬲ᭄ᬢ᭄ᬭᬷᬗᬬᬂᬗᬬᬂ᭟᭐᭟ᬭᬵᬕᬍᬫ᭄ᬧᬸᬂᬧᬫᬸᬮᬸᬦᬾᬩᬂᬩᬂᬳᬮᬸᬲ᭄᭞ᬲᬂᬚᭀᬕᭀᬃᬫᬡᬶᬓᬗᬸᬘᬧ᭄᭞ᬅᬢ᭄ᬫᬳᬶᬲ᭄ᬢ᭄ᬭᬶᬓᬶᬢᬧ᭄ᬭᬧ᭄ᬢᬶ᭞ᬯᬭᬄᬳᬶᬗ᭄ᬲᬸ
ᬦ᭄᭞ᬫᬵᬢᬶᬳᬗᬧᬭᬶᬂᬓᬸᬦ᭟᭐᭟ᬓᬯᬶᬲᬦ᭄ᬓᬶᬢ᭞ᬢᬭᬳᬤᬾᬦᬰ᭄ᬭᬸ᭞ᬲᬂᬅᬢ᭄ᬫᬳᬗᬸᬘᬧ᭄᭞ᬧᬸᬓᬸᬮᬸᬦᬶᬗ᭄ᬲᬸᬦ᭄ᬳ᭄ᬬᬂᬫᬫᬶ᭞ᬧᭂᬚᬄᬳᬶᬗ᭄ᬲᬸᬦ᭄᭞ᬲᬶᬦᬤᬓᬯᬳᬶᬭᬶᬗ᭄ᬯᬂ᭟᭐
᭟ᬭᬭᬾᬫᭂᬢᬸ᭞ᬫᬭᬶᬂᬚ᭄ᬭᭀᬢᭂᬢᭂᬂᬧᬸᬦᬶᬓᬸ᭞ᬫ᭄ᬯᬂᬭᬄᬢᬦ᭄ᬧᬧᭂᬕᬢᬦ᭄᭞ᬧᭂᬚᬄᬲᬤᬶᬦᬳ᭄ᬬᬂᬫᬫᬶ᭞ᬳᬧᬦᬶᬗ᭄ᬲᬸᬦ᭄᭞ᬓᬧᭀᬚᬭᬸᬄᬭᬶᬂᬯᭀᬂᬮᬦᬂ᭟᭐᭟ᬧᬸᬧᬸᬄᬅᬤ᭄ᬭᬷ᭟
ᬲᬂᬚᭀᬕᭀᬃᬫᬡᬶᬓᬗᬸᬘᬧᬰ᭄ᬭᬸ᭞ᬲᬧᬸᬦᬶᬓᬶᬋᬓᬾ᭞ᬳᬫ᭄ᬭᬲᬫᬶᬢᬸᬢᬸᬲ᭄ᬢᬾᬓᬶ᭞ᬅᬢ᭄ᬫᬳᬢᬸᬭᬾᬳᬮᬸᬲ᭄᭞ᬢᬦ᭄ᬩᭀᬦ᭄ᬢᬦ᭄ᬤᬸᬄᬲᬗ᭄ᬳᬸᬮᬸᬦ᭄᭞ᬯᬶᬦᬸᬳᬸᬦ᭄ᬲᬂᬚᭀᬕᭀᬃ
[ ᭒᭐ 20A]
ᬫᬡᬶᬓ᭄᭞ᬉᬚᬭᬾᬓᬶᬢᬅᬢ᭄ᬫ᭞ᬦᬶᬃᬤᭀᬦ᭄ᬤᬸᬲᬸᬦ᭄ᬳᬳᬸᬶᬂᬕᬵᭂᬂᬬᬭ᭞ᬢᬶᬦᭂᬫᬸᬦ᭄ᬢᬳᬧᬦ᭄ᬓᬶᬢᬶᬓᬧᬶᬭᭀᬳ᭟᭐᭟ᬯᬲ᭄ᬢᬸᬓᬶᬢᬕᬸᬫᬦ᭄ᬢᬸᬂᬭᬶᬂᬧᭂᬢᬸᬂ᭞ᬯᬸᬮᬸᬢᬳᬸᬦᬺᬓᬾ᭞ᬩᬶᬓᬸ
ᬮᬾᬫᬜᬶᬳᬶᬢ᭄ᬢᬮᬶ᭞ᬅᬢ᭄ᬫᬦᬾᬳᬬᬸᬦᬬᬸᬦ᭄᭞ᬳᬗᬶᬦᬾᬗᬋᬢ᭄ᬫᬕ᭄ᬭᬸᬲ᭄᭞ᬢᬮᬶᬦᬾᬘᭂᬓᬶᬂᬧᬓᬾ᭞ᬳ᭄ᬦᬶᬦᬾᬳᬕᭂᬂᬳᬫᬸᬭᬸᬩ᭄᭞ᬳᬲᬸᬕᭂᬥᬾᬧᬢᬸᬗᬤᬄ᭞ᬜᬤᬗᬶᬦ᭄ᬳᬸᬮᬸᬗᬦ
ᬢ᭄ᬫ᭟᭐᭟ᬪᬹᬢᬯᬶᬓᬫ᭄ᬧᬋᬓᬾᬫᬶᬤᬸᬤᬸ᭞ᬬᬾᬦ᭄ᬢᬸᬢᬸᬕ᭄ᬲᭂᬗ᭄ᬓᭂᬭᬾ᭞ᬭᬶᬂᬫᬥ᭄ᬬᬧᬤᬢᬸᬫᬶᬢᬶᬲ᭄᭞ᬲᬢᬢᬫᬫᬗ᭄ᬕᬶᬄᬓᬾᬯᬸᬄ᭞ᬪᬹᬢᬯᬶᬓᬮ᭄ᬧᬳᬗ᭄ᬭᬸᬗ᭄ᬲᬸᬓ᭄᭞ᬲᬗ᭄ᬓᬦ᭄ᬫᬦᭂᬫᬸᬯᬶᬓ
ᬮ᭄ᬧ᭞ᬯᬶᬭᬲᬸᬭᬵᬢ᭄ᬫᬳᬦᬸᬭᬸᬢ᭄᭞ᬰᬶᬭᬳᬶᬭᬲᬂᬧ᭄ᬭᬆᬢ᭄ᬫ᭞ᬢᬦ᭄ᬓᭀᬘᬧ᭄ᬫᬦᭂᬫᬸᬮᬭ᭟᭐᭟ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬅᬢ᭄ᬫᬦᬶᬂᬯᭀᬂᬧᬸᬢᬸᬲ᭄᭞ᬲᭀᬓ᭄ᬩᬓᬲᬾᬤᬸᬯᬾᬦ᭄᭞ᬢ᭄ᬯᬭᬦ [ 21 ][ ᭒᭐ 20B]
᭒᭐᭞
ᬯᬂᬓ᭄ᬭᬶᬓᬶᬲ᭄ᬦᬶᬂ᭞ᬢᬍᬃᬫᬩᬸᬗᬚᭂᬧᬸᬦ᭄᭞ᬫᬳᬦ᭄ᬤᭂᬂᬧᬸᬢᬶᬳᬾᬫᬸᬃᬫᬸᬃ᭞ᬫᬓᬫ᭄ᬩᭂᬦ᭄ᬩᬦ᭄ᬤᭀᬭᬶᬢᬾᬕᬾᬲ᭄᭞ᬲᬫᬗᬺᬕᭂᬧᬸᬮᬢ᭄ᬢᬳᬸ᭞ᬢᭂᬓᬾᬦ᭄ᬧᬗᬶᬲᬶᬦᬭᬓ᭄᭞ᬢ᭄ᬯᬭᬓᬯᬂᬧᬚᬕᬢᬦ᭄᭟
᭐᭟ᬫᬦᭂᬫᬄᬫᬫᬶᬲᬸᬄᬫᬲᬶᬄᬓᬲᬸᬩ᭄᭞ᬘᭂᬘᭂᬧ᭄ᬲᬦ᭄ᬩᬶᬩᬶᬳᬾ᭞ᬧᬦᭂᬲ᭄ᬩᬦ᭄ᬤᭂᬂᬤᬾᬦ᭄ᬢᭂᬫᬳᬶᬦ᭄᭞ᬳᬸᬚᬦ᭄ᬫᬲᬶᬄᬓᬧᬶᬲᬸᬄ᭞ᬕᬶᬕᬶᬳᬫᬲᬶᬄᬓᬧᬶᬲᬸᬄ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬅᬢ᭄ᬫ
ᬳᬶᬲ᭄ᬢ᭄ᬭᬷᬳᬶᬓᬶᬭᬯᬸᬄ᭞ᬫᬵᬢᬶᬳᬗᬧᬭᬶᬂᬫᬥ᭄ᬬ᭞ᬫ᭄ᬯᬄᬓᬯᬶᬱᬬᬦᬶᬭ᭟᭐᭟ᬲᬂᬳᬢ᭄ᬫᬳᬢᬸᬭᬾᬲᭂᬦ᭄ᬤᬸ᭞ᬥᬸᬄᬲᬂᬲᬸᬲᬸᬳᬸᬦᬦ᭄᭞ᬫᬵᬢᬶᬗᬶᬧᬶᬳ᭄ᬬᬂᬫᬫᬶ᭞ᬫᬦᬯᬶᬯᬶᬱᬬᬦᬶᬧᬸᬦ᭄᭞ᬫ
ᬦᬶᬭᬸᬢᬶᬓᬲ᭄ᬯᭀᬂᬧᬸᬢᬸᬲ᭄᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬯᬭᬳᬳᬶᬗᭀᬂᬤᬾᬦᬕ᭄ᬭᬸ᭞ᬢᬶᬢᬶᬓᬺᬢᬰᬶᬮᬓ᭄ᬭᬫ᭞ᬮᬸᬤ᭄ᬭᬫ᭄ᬯᬂᬢᬶᬯᬶᬤᬗᬦ᭄᭟᭐᭟ᬮᭀᬃᬓᬶᬤᬸᬮ᭄ᬓᬸᬮᭀᬦ᭄ᬯᬾ
[ ᭒᭑ 21A]
ᬢᬦᬶᬓᬸ᭞ᬫᬷᬯᬄᬫᬭᬶᬂᬢᭂᬗᬄ᭞ᬯᬶᬭᬢᬦ᭄ᬢ᭄ᬭᬯᬶᬭᬯᬶᬗᬶᬢ᭄᭞ᬘᬢᬸᬃᬯᬲ᭄ᬢ᭄ᬭᬳᬶᬓᬸ᭞ᬲᬂᬯᬭᬵᬲ᭄ᬢ᭄ᬭᬢᬾᬗᬬᬸᬦ᭄᭞ᬭᬶᬂᬧᬗᬦ᭄ᬲ᭄ᬯᬕᬢᬲ᭄ᬯᬭᬾ᭞ᬫᬯᭂᬦ᭄ᬢᬶᬄᬧᬸᬦᬂᬧᬸᬧᬸᬦ᭄ᬤᬸᬢ᭄᭞ᬤᭂᬲ᭄ᬫᬦᬶᬂᬯᬶᬗᬶᬢ᭄ᬤ
ᬭᬫᬦ᭄᭞ᬓᬺᬢᬭᬶᬂᬭᬵᬕᬓᬸᬭᬸᬗᬦ᭄᭟᭐᭟ᬲᬂᬅᬢ᭄ᬫᬳᬢᬸᬭᬾᬲᭂᬫᬸᬯᬮᬸᬲ᭄᭞ᬲᬶᬗ᭄ᬕᬶᬄᬲᬂᬲᬶᬦᭂᬫ᭄ᬩᬄ᭞ᬢᬦ᭄ᬤ᭄ᬯᬧᬶᬲᬦᬶᬂᬲᬂᬫᬫᬶ᭞ᬲᬂᬚᭀᬕᭀᬃᬫᬡᬶᬓᬰ᭄ᬭᬸ᭞ᬧᬗᬸᬘᬧᬾᬅᬢ᭄ᬫᬤᬸᬤᬸ᭞
ᬯᬲ᭄ᬢᬸᬓᬶᬢᬦᭂᬫᬸᬫᬗ᭄ᬓᬾ᭞ᬧᬵᬧᬳᬸᬮᬸᬤᬰᬢᬳᬸᬦ᭄᭞ᬪᬹᬢᬯᬶᬭᬂᬳᬫᬶᬮᬭ᭞ᬳᬦᬸᬲᬸᬧ᭄ᬫᬭᬶᬂᬰᬭᬷᬭ᭟᭐᭟ᬢᬦ᭄ᬓᭀᬘᬧ᭄ᬲᬫ᭄ᬧᬸᬦᬦᭂᬫᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬋᬓᬾ᭞ᬅᬢ᭄ᬫᬲᬂᬢᬸ
ᬢᬸᬮᬓ᭄ᬢᬶᬓᬶ᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞ᬫᬵᬢᬶᬳᬗᬧᬳᬶᬓᬸ᭞ᬫ᭄ᬯᬄᬓᬯᬶᬱᬬᬦ᭄ᬓᬶᬢ᭞ᬲᬂᬅᬢ᭄ᬫᬉᬫᬢᬸᬃᬳᬮᬸᬲ᭄᭞ᬳᬫᬢᭂᬂᬳᬕ᭄ᬭᬶᬂᬫᬭᬶᬂᬓᬸᬮ᭞ᬯᬶᬱᬬᬦᬶᬭᬫᬶᬲᬸᬦ᭟᭐᭟ᬫ᭄ᬯᬂ [ 22 ][ ᭒᭑ 21B]
᭒᭑᭞
ᬬᬦᬦ᭄ᬧᬵᬦᬦᬶᬭᬶᬗ᭄ᬲᬸᬦ᭄᭞ᬧ᭄ᬭᬲᬫᬢᬶᬮᬓ᭄᭞ᬢᬦ᭄ᬳᬋᬧᬶᬗ᭄ᬲᬸᬦ᭄ᬳᬗᬫ᭄ᬩᬶᬮ᭄᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞ᬳᬶᬓᬶᬢᬪᬹᬢᬫᬋᬗᬸᬢ᭄᭞ᬳᬶᬓᬶᬳᬫᬾᬢ᭄ᬓᬂᬅᬢ᭄ᬫᬦᬾ᭞ᬳᭂᬮᬸᬂᬳᭂᬮᬸᬂᬩᬶ
ᬮᬂᬩᬸᬓᬸ᭞ᬲᬂᬪᬹᬢᬫᬭᬸᬗᬸᬢ᭄ᬳᬫᬶᬮᬭ᭞ᬅᬢ᭄ᬫᬳᭂᬮᬸᬂᬩᬶᬮᬂᬤᬗ᭄ᬓ᭟᭐᭟ᬍᬫᭂᬢ᭄ᬓᬶᬓ᭄ᬭᬓᬾᬢᬬᬸᬂᬢᬬᬸᬂ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬯᬲ᭄ᬢᬸᬫᬭᬶᬫᬥ᭄ᬬᬢᬾᬓᬶ᭞ᬢᬸᬫᬶᬢᬶᬲ᭄ᬭᬶᬂᬓᬤᬂᬫᬸ᭞ᬫᬦᭂ
ᬫᬸᬮᬭᬲᬢᬸᬯᬸᬓ᭄᭞ᬭᬶᬂᬫᬥ᭄ᬬᬧᬤᬋᬓᬾ᭞ᬳᬧᬦ᭄ᬲᬂᬪᬹᬢᬫᬭᬸᬗᬸᬢ᭄᭞ᬳᬫᬶᬮᬭᬫᬭᬶᬂᬫᬥ᭄ᬬ᭞ᬍᬫᭂᬢ᭄ᬢᭀᬤᬤᬶᬫᬚᬮᬦ᭄᭟᭐᭟ᬳᬧᬦ᭄ᬲᬲᬩᬧᬦᬾᬩᬲ᭄ᬮᬶᬬᬸ᭞ᬫᬤᬸᬲ᭄ᬫᬩᬾ
ᬮᬾᬢ᭄᭞ᬓᬳᬸᬮᬸᬦ᭄ᬲᬾᬢ᭄ᬭᬓᬩᬦ᭄ᬢᬶᬂ᭞ᬫᬘᬭᬸᬦᬸᬦᬸᬓᬸᬮᬸᬓ᭄᭞ᬫᬮᬦᬶᬂᬯᬸᬓᬸᬧᬸᬦᬶᬓᬸ᭞ᬢᬦ᭄ᬤᭂᬮᬤ᭄ᬲᬓᬧᬦᬾ᭞ᬓᬧ᭄ᬩ᭄ᬭᬦᬮᬲᬗ᭄ᬓᬶᬂᬢᬸᬯᬸᬄ᭞ᬓᬧᬺᬢᬶᬯᬷᬫ᭄ᬯᬂᬭᬶᬂᬧᬗ᭄ᬕᬄ᭞ᬫᬲᬶᬄᬢᭀᬂᬤᬤᬶᬦᬫ
[ ᭒᭒ 22A]
ᬚᬮᬦ᭄᭟᭐᭟ᬅᬢ᭄ᬫᬦᬶᬂᬯᭀᬂᬢᬦ᭄ᬩᬶᬲᬦᬸᬦᬸᬦ᭄᭞ᬭᬯᬸᬄᬳᬩᭀᬢ᭄ᬧᬫᬃᬕᬶᬦᬾ᭞ᬫᬓᬫ᭄ᬩᭂᬦ᭄ᬩᬮᬸᬮᬂᬓᬫ᭄ᬩᬶᬂ᭞ᬘᬶᬘᬶᬂᬕᬮᬓ᭄ᬫᬗᬸᬢ᭄ᬕᬸᬢ᭄᭞ᬢᬧᬶᬄᬜᬋᬜᬄᬋᬜᬸᬄ᭞ᬲᬕᬾᬢ᭄ᬫᬗᭂ
ᬦᬄᬤ᭄ᬭᬸᬯᬾᬦᬾ᭞ᬦᬲᬸᬗᬶᬲᬂᬅᬢ᭄ᬫᬳᬰ᭄ᬭᬸ᭞ᬜᭂᬮ᭄ᬲᭂᬮᬯᬓ᭄ᬢᬦ᭄ᬬᬢᬦ᭄᭞ᬧᬓᬺᬢᬶᬯᬓᬶᬂᬯ᭄ᬯᬂ᭟᭐᭟ᬓᬧᬲ᭄ᬢᬸᬭᬶᬂᬓᬯᬄᬳᬕᬸᬂ᭞ᬳᬢᬳᬸᬦ᭄ᬮᬯᬲᬾ᭞ᬧᬸᬧᬸᬢᬶᬂᬲᭂᬗ᭄ᬓᭂᬃᬢᬸᬫᬶᬢᬶᬲ᭄᭞ᬪᬹᬢᬢ᭄ᬭᬸᬂᬫᬶᬤᬸᬤᬸ᭞
ᬳᬗ᭄ᬭᬗ᭄ᬲᬸᬓ᭄ᬰᬭᬷᬭᬦᬶᬧᬸᬦ᭄᭞ᬲᬫ᭄ᬩᬤᬦᭂᬫᬸᬋᬓᬾ᭞ᬅᬢ᭄ᬫᬯᬶᬱᬬᬳᬦᬸᬮᬸᬧ᭄᭞ᬲᬂᬧᬓ᭄ᬱᬶᬭᬵᬚᬫᬶᬭᬸᬤ᭞ᬲᬢᬳᬸᬦ᭄ᬫᬦ᭄ᬢᬸᬓ᭄ᬭᬶᬂᬫᬥ᭄ᬬ᭟᭐᭟ᬭᬶᬂᬫᬥ᭄ᬬᬧᬤᬭᭀᬂᬤᬰᬢᬳᬸᬦ᭄᭞ᬧᭂᬚᬄᬳᬕ᭄ᬭᬶᬂᬋᬓᬾ
᭞ᬳᬧᬦ᭄ᬫᬗ᭄ᬓᬦᬢᬶᬦᬸᬮᬶᬲ᭄᭞ᬤᬾᬦᬾᬲᬸᬭᬵᬢ᭄ᬫᬳᬶᬓᬸ᭞ᬓᬭᬦ᭄ᬲᬶᬭᬲᬢᬸᬤᬸᬄ᭞ᬲᬗ᭄ᬓᬦ᭄ᬢᬶᬦᭂᬫᬸᬮᬭᬦᬾ᭞ᬤᬾᬦᬾᬲᬶᬭᬲᬂᬲᬶᬦᬸᬳᬸᬦ᭄᭞ᬲᬕᬾᬢ᭄ᬧ᭄ᬭᬧ᭄ᬢᬅᬢ᭄ᬫᬚᬕᬮ᭄᭞ᬘᬾᬮᬾᬗᬾᬫ᭄ᬧᬸᬂᬤᬕᬮᬓ᭄᭞ [ 23 ][ ᭒᭒ 22B]
᭒᭒᭞
᭐᭟ᬅᬢ᭄ᬫᬫᬤᬶᬂᬤᬶᬂᬮᬦ᭄ᬢᬲ᭄ᬮᬩᬸᬄ᭞ᬘᬾᬮᬾᬗᬾᬦᬭᬚᬂ᭞ᬫᬗᬫ᭄ᬩᬶᬲ᭄ᬮᬦ᭄ᬢᬲ᭄ᬗᬮᬸᬫ᭄ᬩᬶᬄ᭞ᬓᬸᬘᬶᬢᬾᬧᬘᬭᬸᬗᬸᬂ᭞ᬫᬦᬶᬓᬶᬮᬦ᭄ᬢᬲ᭄ᬫᬗ᭄ᬮᬸᬮᬸ᭞ᬓᬮᬸᬫ᭄ᬩᬶᬮᬸᬫ᭄ᬩᬶᬄᬅᬢ᭄ᬫᬦᬾ᭞ᬢᬶᬩᬭᬶᬂᬕ᭄ᬦᬶᬳᬫᬸᬭᬸᬩ᭄᭞ᬲᬂᬚᭀᬕᭀᬃ
ᬫᬡᬶᬓ᭄ᬫᬶᬭᭀᬕ᭞ᬅᬢ᭄ᬫᬢᬦ᭄ᬤ᭄ᬭᭀᬤᬸᬓᬶᬂᬫᬥ᭄ᬬ᭟᭐᭟ᬳᬧᬦ᭄ᬢ᭄ᬯᬭᬳᬫ᭄ᬭᬲᬫᬶᬢᬸᬮᬸᬲ᭄᭞ᬲᬗ᭄ᬓᬦ᭄ᬦᭂᬫᬸᬮᬭ᭞ᬭᭀᬂᬳᬢᬸᬲ᭄ᬢᬳᬸᬦᬫᬗ᭄ᬕᬶᬄ᭞ᬅᬢ᭄ᬫᬉᬦ᭄ᬤᬕᬶᬭᬯᬸᬄ᭞ᬤᬸᬭᬸᬂᬳᬫ᭄ᬭᬲᬫᬶᬢᬸᬮᬸᬲ᭄᭞ᬲᬭᬵᬢ
ᬫ᭄ᬩᬓ᭄ᬢᬧ᭄ᬭᬩᭀᬢᬾ᭞ᬓᬧᬲ᭄ᬢᬸᬤᬾᬦᬶᬂᬳ᭄ᬬᬂᬲᬶᬦᬸᬳᬸᬦ᭄᭞ᬳᬤᬤᬶᬧᬓ᭄ᬱᬶᬘᬘᬓ᭄ᬭ᭞ᬳᬸᬮᬸᬂᬢᬳᬸᬦ᭄ᬧᬦᭂᬫᬸᬦ᭄ᬬ᭟᭐᭟ᬅᬢ᭄ᬫᬳᬦᬓ᭄ᬢ᭄ᬭᬸᬡᬢ᭄ᬯᬭᬯᬸᬄ᭞ᬫᬸᬭᬾᬗᬂᬫᬢᬦᬾ᭞ᬩᬗ᭄ᬓᬸᬂᬢᭂᬓᬫᬩᬶᬓᬶ᭞ᬫᬕ
ᬳᬸᬰ᭄ᬘᬧ᭄ᬮᬸᬓ᭄ᬘᬧ᭄ᬮᬸᬓ᭄᭞ᬮᬦ᭄ᬢᬲ᭄ᬳᭂᬦ᭄ᬢᬸᬗᬶᬦ᭄ᬩᬶᬮᬸᬮᬸᬓ᭄᭞ᬯᬸᬲ᭄ᬫᬫᬗᬦ᭄ᬩᬶᬮᬸᬮᬸᬓᬾ᭞ᬫᬵᬦᬭᬚᬂᬮᬦ᭄ᬢᬲ᭄ᬗᬸᬢ᭄ᬕᬸᬢ᭄᭞ᬅᬢ᭄ᬫᬳᬶᬗᭂᬮᬶᬂᬕᬭᬓ᭄ᬕᬭᬓ᭄᭞ᬓᬢ᭄ᬮᬗ᭄ᬕᬮᬶᬂᬢᬦᬶᬩ᭄ᬕ᭄ᬬ᭟᭐᭟ᬳᬧᬦ᭄ᬢᬦᬦᬳᬫ᭄ᬭ
[ ᭒᭓ 23A]
ᬲᬫᬶᬢᬸᬮᬸᬲ᭄᭞ᬫ᭄ᬯᬂᬜ᭄ᬚᬮᬸᬓᭀᬬᬦᬾ᭞ᬫᬭᬶᬂᬲᬂᬯᬶᬓᬸᬢᬾᬓᬶ᭞ᬲᬂᬚᭀᬕᭀᬃᬫᬡᬶᬓ᭄ᬓᬫᬲ᭄ᬢᬸ᭞ᬢᬩᬶᬫᬭᬶᬂᬓᬯᬄᬳᭂᬦ᭄ᬤᬸᬢ᭄᭞ᬲᬵᬫ᭄ᬧᬸᬦ᭄ᬫᬦᭂᬫᬸᬮᬭᬦᬾ᭞ᬲᬢᬳᬸᬦ᭄ᬮᬯᬲ᭄ᬬ
ᬦᭂᬫᬸ᭞ᬅᬢ᭄ᬫᬳᬦᭂᬤᭂᬂᬫᬶᬢ᭞ᬲᭂᬤᬄᬫᬦᬤᬶᬫᬫᭂᬤᬶᬦ᭄ᬫᬃᬕ᭟᭐᭟ᬅᬢ᭄ᬫᬦᬶᬂᬯᭀᬂᬧᬫᭂᬲᬦ᭄ᬲᬕᬾᬢ᭄ᬭᬯᬸᬄ᭞ᬳᬩᭀᬢ᭄ᬧᬫᬃᬕᬶᬦᬾ᭞ᬧᬬᬸᬓ᭄ᬩᭂᬮᬗᬾᬲᬕ᭄ᬓᬶᬮ᭄᭞ᬢᬍᬃᬫ
ᬜᬸᬳᬸᬦ᭄ᬢᬳᬸᬦ᭄᭞ᬫᬭᬫᬭᬶᬂᬫᬥ᭄ᬬᬧᬤ᭞ᬲᬸᬫᬸᬲ᭄ᬭᬶᬂᬳᬮᬲᬳᬸᬂ᭞ᬳᬦ᭄ᬤᬤᬶᬳᭀᬭᬾᬫᬕᬮᬓ᭄᭞ᬲᬶᬬᬸᬢᬳᬸᬦ᭄ᬫᬭᬶᬂᬳᬮᬲ᭄᭟᭐᭟ᬅᬢ᭄ᬫᬦᬶᬯᭀᬂᬫ᭄ᬩᬾᬕᬮ᭄ᬓᬕᬾᬢ᭄ᬭᬯᬸᬄ᭞ᬪᬹᬢᬲᬭᬂᬋᬓᬾ
᭞ᬳᬫᬶᬮᬭᬢᬶᬤᭀᬂᬕᬶᬕᬶᬲ᭄᭞ᬓᬕᬦ᭄ᬢᬸᬂᬫᬭᬶᬂᬓᭂᬧᬸᬄ᭞ᬲᬂᬚᭀᬕᭀᬃᬫᬡᬶᬓ᭄ᬓᬫᬲ᭄ᬢᬸ᭞ᬢᬦ᭄ᬧᬲᭂᬗ᭄ᬓᭂᬃᬓᬂᬮᬭᬾ᭞ᬅᬢ᭄ᬫᬯᭀᬂᬫᬫᬮᬶᬂᬢᬮᬸᬄ᭞ᬓᬧᬲ᭄ᬢᬸᬫᬦ᭄ᬢᬸᬓ᭄ᬭᬶᬂᬫᬤ᭄ᬬ᭞ᬕᭀᬦ᭄ᬤᭀᬂᬢᬮᬸᬄᬩᬶᬮᬂᬤᬗ᭄ᬓ᭟ [ 24 ][ ᭒᭓ 23B]
᭒᭓᭞
᭐᭟ᬅᬢ᭄ᬫᬦᬶᬂᬯᭀᬂᬲᬸᬓᬦ᭄ᬫᬜᬮᬸᬓ᭄᭞ᬓᬳᬦ᭄ᬤᬃᬅᬢ᭄ᬫᬦᬾ᭞ᬭᬶᬂᬲᭀᬫ᭄ᬩᬄᬦᬾᬢᬾᬓᬶ᭞ᬪᬹᬢᬦ᭄ᬤᬭᬸᬂᬫᬶᬤᬸᬤᬸ᭞ᬓᬮᬶᬄᬮᬦ᭄ᬤᬹᬢᬵᬗ᭄ᬓᬸᬢᬗ᭄ᬓᬸᬢ᭄᭞ᬅᬢ᭄ᬫᬯᭀᬂᬩᬮ᭄ᬬᬦᬺᬓᬾ᭞ᬦᬾᬦᬾᬓᬯᬶᬱᬬᬦ᭄ᬗᬸ
ᬯᬸᬢ᭄᭞ᬳᬜᬤᬓ᭄ᬭᬭᬾᬭᬶᬂᬩᬲᬂ᭞ᬪᬹᬢᬯᬶᬮᬶᬲᬫᬶᬮᬭ᭟᭐᭟ᬅᬢ᭄ᬫᬦᬾᬢᬶᬩᬭᬶᬂᬓᬯᬄᬳᬕᬸᬂ᭞ᬭᬭᬾᬦᬾᬲᬸᬭᬓᬦᬦᬾ᭞ᬓᬲᬤᬓ᭄ᬭᬶᬂᬗᬹᬦᬶ᭞ᬫᬩᬶᬓᬶᬃᬫᬭᬶᬂᬮᬸᬳᬸᬃ᭞ᬘᬭᬶᬓ᭄ᬧᬘᬭᬸᬗᬸᬂ᭞ᬦᬾᬦᬾ
ᬲᬶᬦᬤᬓ᭄ᬭᬶᬂᬓᬸᬦ᭞ᬳᬗᬸᬘᬧᬫᬭᬶᬂᬮᬸᬳᬸᬃ᭞ᬢᬦ᭄ᬤᬗᬶᬦ᭄ᬤᭀᬱᬦᬾᬜᬤᬓ᭄᭞ᬲᬶᬥᬕᬫ᭄ᬧᬂᬫᬭᬶᬂᬫᬥ᭄ᬬ᭟᭐᭟ᬲᬂᬚᭀᬕᭀᬃᬫ᭄ᬡᬶᬓ᭄ᬭᬭᬶᬲᬫᬲ᭄ᬢᬸ᭞ᬢᬦ᭄ᬲᭂᬗ᭄ᬓᭂᬃᬋᬓᬾ᭞ᬫᬭᬶᬂᬓᬯᬄᬳᬜᬸᬂᬢᬾ
ᬓᬶ᭞ᬅᬢ᭄ᬫᬦᬶᬯᭀᬂᬳᬜ᭄ᬚᬭᬸᬄ᭞ᬧᬸᬭᬸᬲᬾᬳᬗ᭄ᬕᬾᬦ᭄ᬘᬸᬘᬸᬦ᭄ᬤᬸᬓ᭄᭞ᬢᬶᬦᬶᬩᬫᬗ᭄ᬤᬾᬅᬢ᭄ᬫᬦᬾ᭞ᬭᬶᬂᬬᬫᬦᬶᬮᭀᬓᬳᬶᬓᬸ᭞ᬪᬹᬢᬳᬶᬋᬂᬳᬫᬶᬮᬭ᭞ᬧᬶᬢᬸᬂᬢᬳᬸᬦ᭄ᬫᬭᬶᬂᬓᬯᬄ᭟᭐᭟ᬅᬢ᭄ᬫ

[ ᭒᭔ 24A]
ᬦᬶᬂᬯᭀᬂᬫᬮᬶᬂᬧᬤᬶᬭᬯᬸᬄ᭞ᬓᬧᬲ᭄ᬢᬸᬅᬢ᭄ᬫᬦᬾ᭞ᬉᬫᬦ᭄ᬢᬸᬓ᭄ᬭᬶᬂᬫᬥ᭄ᬬᬢᬾᬓᬵᬳᬶ᭞ᬮᬭᬳᬯᬓᬾ ᬓᭂᬩᬸᬲ᭄᭞ᬫᬦᭂᬲᬶᬦ᭄ᬓᬦ᭄ᬢᬧᬸᬦᬶᬓᬸ᭞ᬅᬢ᭄ᬫᬯᭀᬂᬫᬫᬮᬶᬂᬓᬧᬲ᭄᭞ᬢᬸᬫᬶᬢᬶᬲᬯᬓᬾᬜᬾ
ᬗ᭄ᬮᭀᬦ᭄᭞ᬅᬢ᭄ᬫᬳᬦᬓ᭄ᬤᬳᬢᬸᬯ᭞ᬢᭂᬓᬧᬫᬃᬕᬶᬦᬾᬯᬾᬗᬲ᭄᭟᭐᭟ᬭᬤᬾᬦᬾᬚᬦᬶᬢᭂᬓᬫᬗᭂᬧᬸᬂ᭞ᬅᬢ᭄ᬫᬦᬾᬫᬓᬶᬭᬾ᭞ᬜᬶᬗ᭄ᬘᬶᬗᬂᬓᬫ᭄ᬩᭂᬦ᭄ᬫᬮᬳᬶᬩ᭄᭞ᬫᬗᭂᬮᭀᬤᬂᬢᬸᬮᬸᬂ
ᬢᬸᬮᬸᬂ᭞ᬲᬫ᭄ᬩᬶᬮᬂᬗᭂᬦ᭄ᬢᬸᬗᬂᬩᬶᬮᬸᬮᬸᬓ᭄᭞ᬭᬤᬾᬦᬾᬢ᭄ᬯᬭᬫᬭᬾᬭᬾᬦ᭄᭞ᬢ᭄ᬯᬭᬗᬭᬸᬗᬸᬩᬶᬮᬸᬮᬸᬓ᭄᭞ᬅᬢ᭄ᬫᬦᬾᬚᬸᬓᬳᬸᬗᬲ᭄᭞ᬅᬢ᭄ᬫᬦᬾᬢᬸᬬᬸᬄᬫᬗ᭄ᬲᭂᬕᬦ᭄᭟᭐᭟ᬓᬢᬸᬢᬸᬕᬦᬢ᭄ᬫ
ᬦᬾᬫᬗᬬᬸᬄ᭞ᬓᬶᬦᬫ᭄ᬩᬶᬢ᭄ᬭᬕᬦᬾ᭞ᬅᬢ᭄ᬫᬦᬗᬶᬲᬜ᭄ᬚ᭄ᬭᬶᬢ᭄᭞ᬭᬤᬾᬦᬾᬫᬗᬮᬸᬮᬸ᭞ᬢᬶᬩᬫᬭᬶᬂᬓᬯᬄᬳᬕᬸᬂ᭞ᬧᬶᬢᬸᬂᬢᬳᬸᬦ᭄ᬓᬂᬮᬯᬲᬾ᭞ᬅᬢ᭄ᬫᬳᬦᬓ᭄ᬩᬜ᭄ᬘᬶᬭᬯᬸᬄ᭞ᬓᬧᬲ᭄ᬢᬸᬓᬲᬭᬶ [ 25 ][ ᭒᭔ 24B]
᭒᭔᭞
ᬦ᭄ᬓᬯᬄ᭞ᬮᬭᬦ᭄ᬜᬢᬦ᭄ᬓᭂᬦᬩᬶᬮᬂ᭟᭐᭟ᬅᬢ᭄ᬫᬦᬶᬂᬯᭀᬂᬯᬶᬱᬬᬳᬗᭂᬜ᭄ᬚᬸᬦ᭄᭞ᬭᬯᬸᬄᬫᬗᭂᬫ᭄ᬧᬸᬓ᭄᭞ᬭᭀᬯᬗᬓᬧᬶᬮᬭᬢᬶᬤᭀᬂᬕᬶᬕᬶᬲ᭄᭞ᬓᬧᬲ᭄ᬢᬸᬤᬾᬲᬂᬢᬸᬤᬸᬄ
᭞ᬫᬦ᭄ᬢᬸᬓ᭄ᬫᬭᬶᬂᬫᬥ᭄ᬬᬳᬶᬓᬸ᭞ᬳᭂᬩᭀᬮᬾᬫᬮᭀᬤ᭄ᬮᭀᬤᬺᬓᬾ᭞ᬳᬧᬦ᭄ᬬᬢᬦ᭄ᬧᬢᬸᬢᬸᬃ᭞ᬤᭀᬱᬦ᭄ᬜᬗᭂᬫ᭄ᬧᬸᬦ᭄ᬭᭀᬯᬗᬾ᭞ᬚᬦᬶᬳᭂᬫᬲᬶᬦ᭄ᬲᬗ᭄ᬲᬭ᭟᭐᭟ᬅ
ᬢ᭄ᬫᬓᬦᬓ᭄ᬢᬦ᭄ᬧᬩᬾᬬᬭᬯᬸᬄ᭞ᬓᬧᬲ᭄ᬢᬸᬅᬢ᭄ᬫᬦᬾ ᭞ᬫᬓᬤᬶᬓᬸᬫᬦ᭄ᬤᬂᬢᬾᬓᬶ᭞ᬭᬶᬂᬫᬃᬕᬳᬸᬮᬸᬦᬸᬮᬸᬦ᭄᭞ᬲ᭄ᬬᬢᬳᬸᬦ᭄ᬮᬯᬲᬶᬧᬸᬦ᭄᭞ᬅᬢ᭄ᬫᬳᬦᬓ᭄ᬓᭂᬦᬾᬂᬲᬧ᭞ᬮᬭᬦᬾᬢᬦ᭄ᬓᭂ
ᬦᬢᬯᬸᬃ᭞ᬭᬤᬲᬂᬓᬯᬄᬕᭀᬫᬸᬓ᭞ᬳᬗᭂᬦ᭄ᬢᬓᭂᬦ᭄ᬢᬓ᭄ᬓᬂᬮᬭ᭟᭐᭟ᬅᬢ᭄ᬫᬲᬂᬳᬧᬸᬢᬸᬲ᭄ᬲᬕᬾᬢ᭄ᬭᬯᬸᬄ᭞ᬤᬩ᭄ᬤᬩ᭄ᬧᬫᬃᬕᬶᬦᬾ᭞ᬫᬲᬲᬦ᭄ᬤᭂᬂᬯᬸᬲ᭄ᬫᬲᬶᬲᬶᬕ᭄᭞ᬜᭂᬍᬧ᭄ᬭᬫ᭄ᬩᬸ
[ ᭒᭕ 25A]
ᬢ᭄ᬫᬍᬘᬸᬢ᭄᭞ᬳᭂᬩᭀᬦᬾᬫᬶᬬᬶᬓ᭄ᬫᬗᬮᬸᬩ᭄᭞ᬫᬩᬸᬗᬘᬫ᭄ᬧᬓᬧᬶᬗᬾ᭞ᬫᬗᬺᬋᬕᭂᬧ᭄ᬗᬦ᭄ᬢᬸᬦᬦ᭄ᬢᬸᬦ᭄᭞ᬧᬸᬲᬸᬂᬜᭂᬍᬧ᭄ᬫᬳᬶᬮᬸᬢᬦ᭄᭞ᬢᬬᬸᬗᬦᬾᬫᭂᬫ᭄ᬩᬢ᭄ᬫᬫ᭄ᬩᬢ᭄᭟᭐᭟
ᬲᬂᬚᭀᬕᭀᬃᬫᬡᬶᬓᬗᬸᬘᬧᬮᬸᬲ᭄᭞ᬳᬶᬄᬓᬶᬢᬲᬂᬅᬢ᭄ᬫ᭞ᬫᬵᬢᬶᬳᬗᬧᬓᬶᬢᬢᬾᬓᬶ᭞ᬫ᭄ᬯᬂᬓᬓᬯᬶᬱᬬᬦ᭄ᬢᬾᬓᬸ᭞ᬯᬭᬳᬳᬶᬗᭀᬂᬤᬾᬦᬰ᭄ᬭᬸ᭞ᬲᬂᬅᬢ᭄ᬫᬳᬮᭀᬦ
ᬢᬸᬭᬾ᭞ᬥᬸᬄᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬳᬶᬗ᭄ᬲᬸᬦ᭄ᬗᬤᭀᬓᬂᬯ᭄ᬭᬸᬳᬦ᭄᭞ᬢᬸᬢᬸᬃᬬᬸᬓ᭄ᬢᬶᬓᬺᬢᬩᬲ᭟᭐᭟ᬢᬢᬯᬶᬓᬺᬢᬲᬢ᭄ᬯᬶᬲ᭄ᬢᬶᬭᬳᬬᬸ᭞ᬫᬶᬫᬶᬢᬦ᭄ᬯᭂᬢᬸᬦᬾ᭞ᬳᬶᬦᬶᬲ᭄ᬢᬶᬤᬾ
ᬦᬾᬳ᭄ᬬᬂᬫᬫᬶ᭞ᬯᬲ᭄ᬢ᭄ᬭᬦᬾᬢᬦ᭄ᬓᬦ᭄ᬢᬸᬦ᭄᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞ᬢᬢᬲ᭄ᬓᬶᬢᬭᬶᬂᬭᬵᬕᬦᬾ᭞ᬲᬹᬃᬬ᭄ᬬᬯᬸᬮᬦᬾᬲᬸᬫᬸᬲᬸᬧ᭄᭞ᬫᬭᬶᬂᬰᬭᬷᬭᬦᬶᬂᬓᬶᬢ᭞ᬯᬶᬦ᭄ᬢᬂᬓᬸᬫᭂᬤᬧ᭄ᬭᬶᬂᬭᬵᬕ᭟᭐᭟ [ 26 ][ ᭒᭕ 25B]
᭒᭕᭞
ᬲᬸᬭᬯᬶᬓᬸᬓᬸᬲ᭄ᬲᭂᬓᬃᬳᬭᬹᬫ᭄᭞ᬢᬶᬢᬶᬧᬫ᭄ᬭᬫᬦᬾ᭞ᬚᬕᬢ᭄ᬪ᭄ᬯᬦᬕᬸᬂᬓᬢ᭄ᬭᬶᬦᬶᬂ᭞ᬉᬓᬶᬃᬫᬡᬶᬓ᭄ᬧ᭄ᬯᬭᬭᬹᬫ᭄᭞ᬫᬸᬓ᭄ᬬᬧ᭄ᬭᬬᬗ᭄ᬕᬦᬶᬳᬸᬭᬸ᭞ᬢᬮᬦᬵᬕᬭᬇᬤᬸᬦᬾ᭞ᬭᬶᬘᬓ᭄ᬱᬸᬧᬶᬢ᭄ᬭᬧᬸᬦᬶᬓᬸ᭞ᬭᬳᬶᬦᬤᬶᬦ
ᬧᬯᬶᬢ᭄ᬭ᭞ᬭᬮᬢ᭄ᬭᬶᬭᬵᬕᬉᬢ᭄ᬢᬫ᭟᭐᭟ᬲᬲᬭᬯᬗᬶᬚᬂᬧ᭄ᬭᬕᬥᬸᬂ᭞ᬢᭂᬢᭂᬩᬸᬭᭀᬭᭀᬩᬾ᭞ᬲᬸᬢ᭄ᬧ᭄ᬯᬭᬲᬲ᭄ᬭᬶᬮᬸᬗᬶᬢ᭄᭞ᬫᭂᬗ᭄ᬕᭂᬧ᭄ᬭᬸᬦᬾᬳᬾᬓᬸᬭᬸ᭞ᬳᬶᬗᭀᬂᬢᬢᬓᬶᬢᬾᬂᬗᬬᬸᬦ᭄᭞ᬭᬶᬂᬫᬥ᭄ᬬᬧᬤᬲ
ᬗ᭄ᬓᬦᬾᬲᬂᬅᬢ᭄ᬫᬲᬯᬸᬭᬾᬳᬮᬸᬲ᭄᭞ᬯ᭄ᬭᬸᬄᬳᬶᬗ᭄ᬲᬸᬦ᭄ᬧᬥᬦᬶᬂᬳ᭄ᬬᬂ᭞ᬲᬯᬶᬯᬶᬢ᭄ᬭᬶᬚᬕᬢ᭄ᬭᬵᬕ᭟᭐᭟ᬭᬶᬂᬢᬶᬢᬶᬫᭀᬮᬄᬮᬶᬤᬄᬧᬸᬦᬶᬓᬸ᭞ᬯᬶᬗ᭄ᬓᬶᬂᬲᭂᬗ᭄ᬓᭂᬭᬦᬾ᭞ᬲᬶᬮ᭄ᬬᬧᬶᬦᬧᭂᬓ᭄ᬫᬸᬓ᭄ᬬᬭᬶ᭞ᬢᬦ᭄ᬯᬦ
ᬓᬤ᭄ᬕᬳᬕᬸᬂ᭞ᬢᬾᬦ᭄ᬬᬭᬲᬯᭀᬂᬗᬸᬯᬸᬄ᭞ᬫ᭄ᬯᬂᬚᬬᬲ᭄ᬯᬃᬕᬯᬶᬭᬕᬾ᭞ᬗᬶᬂᬢᬦᭀᬘᬓᬦ᭄ᬧᬸᬦᬶᬓᬸ᭞ᬲᬭᬢ᭄ᬭ᭄ᬬᬕᬸᬡᬯᬶᬚᬬ᭞ᬲᬸᬲᬸᬓᬧ᭄ᬯᬭᬶᬰᬶᬯᬩᭀᬤ᭟᭐᭟ᬲᬂᬅᬢ᭄ᬫᬓᬩ᭄ᬬᬦᬶᬂᬥᬥᬄᬲᭂ
[ ᭒᭖ 26A]
ᬓᬸᬮ᭄᭞ᬳᬳᬸᬲ᭄ᬯᬲᬦ᭄ᬓᬢᬳᬾ᭞ᬲᬂᬚᭀᬕᭀᬃᬫᬡᬶᬓ᭄ᬮᬶᬂᬦ᭄ᬬᬵᬭᬶᬲ᭄᭞ᬢᬸᬳᬸᬓᬶᬢᬯᭀᬂᬗᬯ᭄ᬭᬸᬄ᭞ᬯ᭄ᬭᬸᬲ᭄ᬩᬾᬢᬾᬮ᭄ᬫᬭᬶᬂᬢᬸᬢᬸᬃ᭞ᬓᬯᬯᬫᬗ᭄ᬓᬾᬪᬸᬓ᭄ᬢᬶᬦᬾ᭞ᬳᬧᬦ᭄ᬓᬶᬢᬗᬸᬗ᭄ᬲᬶᬭᬳᬬᬸ᭞ᬦᬾᬦᬾᬫᭂᬮᬄᬢ᭄ᬯ
ᬭᬬᬩᬓᬢ᭄᭞ᬮ᭄ᬯᬶᬃᬯᭀᬗᬫᬢᬢᬦ᭄ᬤᬸᬭᬦ᭄᭟᭐᭟ᬫᬓᬃᬬ᭄ᬬᬮᬶᬗ᭄ᬕᬄᬫᬗᬮᬧ᭄ᬮ᭄ᬬᬸ᭞ᬓᬶᬓᬶᬢ᭄ᬧᬓᬃᬬ᭄ᬬᬦᬾ᭚ᬫᬗᬮᬧ᭄ᬢ᭄ᬯᬄᬜᬳᬓᬶᬓᬶᬢ᭄᭞ᬳᬓᭂᬢᬶᬮ᭄ᬦᬾᬮᬸᬲ᭄᭞ᬯᭀᬂᬓᭂᬓᭂᬢᬾᬦ᭄ᬲᬯᬶᬯ᭄ᬭᬸᬄ᭞
ᬳᬶᬗᭀᬂᬳᬗ᭄ᬯᬶᬳᬶᬢ᭞ᬫᬗ᭄ᬓᬾᬘᬘᬓ᭄ᬭᬶᬫᬦ᭄ᬯᬭᬄᬳᬶᬓᬸ᭞ᬓᬧᬾᬦᬵᬕᬶᬦ᭄ᬲᬭᬾᬗ᭄ᬯ᭞ᬮᬶᬂᬅᬢ᭄ᬫᬳᬶᬓᬋᬗ᭄ᬯᬦᭂᬦ᭄᭟᭐᭟ᬳᬦᬤᬦ᭄ᬢᬤᬦ᭄ᬢᬶᬤᬸᬤᬸᬳᬶᬓᬸ᭞ᬤᬦ᭄ᬢᬤᬸᬕ᭄ᬤᬗᬾ᭞ᬧᬶᬲᬂᬕᬥᬶᬂᬳᬭᬦᬾ
ᬓᬶ᭞ᬳᬫᬶᬍᬢ᭄ᬢᬦ᭄ᬧᬦᬳᬸᬢ᭄᭞ᬳᬸᬯᬳᬸᬯᬶᬳᬭᬦᬶᬧᬸᬦ᭄᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬲᬸᬩᬳᬶᬄᬳᬗ᭄ᬭᬸᬗᬸ᭞ᬯᬲ᭄ᬢᬸᬓᬶᬢᬫᬗ᭄ᬕᬶᬄᬲ᭄ᬯᬃᬕ᭞ᬫᬭᬶᬂᬫᬾᬭᬸᬢᬸ᭞ᬫ᭄ᬧᬂᬮᬶᬫ᭟᭐᭟ᬳᬶᬓᬶᬮᭀᬃ [ 27 ][ ᭒᭖ 26B]
᭒᭖᭞
ᬯᬾᬢᬦ᭄ᬢᬶᬦᬸᬬᬸᬓ᭄ᬫᬸ᭞ᬫᬃᬕᬓᬲ᭄ᬯᬃᬕᬦᬾ᭚ᬲᬧᬯᬦᬶᬳᬗᬮᬗᬶᬦ᭄᭞ᬲᬂᬅᬢ᭄ᬫᬦᭂᬫ᭄ᬩᬄᬳᬮᬸᬲ᭄᭞ᬧᬸᬓᬸᬮᬸᬦ᭄ᬤᬾᬲᬂᬲᬶᬦᬸᬳᬸᬦ᭄᭞ᬳᬦᬶᬂᬳ᭄ᬬᬂᬲᬸᬦ᭄ᬫᬗ᭄ᬓᬾ᭞ᬮᬸᬫᬫ᭄ᬧᬄᬳᬗᬦ᭄ᬢᬸᬦᬦ᭄ᬢᬸᬦ᭄᭞ᬧ᭄ᬭᬧ᭄ᬢᬭᬶᬂᬩ
ᬜ᭄ᬚᬃᬲᭂᬓᬃᬳᬭᬃᬬ᭄ᬬᬦ᭄ᬲᬶᬭᬭᬶᬂᬬᬰ᭟᭐᭟ᬳᬓᬾᬄᬅᬢ᭄ᬫᬢᬫᬮᬓᬸᬳᬦᬹᬢ᭄᭞ᬳᬢᬯᬦ᭄ᬢᬗᬲᬾ᭞ᬳᬧᬦ᭄ᬯ᭄ᬭᬸᬄᬫᬭᬶᬂᬫᬃᬕᬶ᭞ᬗᬸᬘᬧ᭄ᬲᬂᬳᬧᬸᬢᬸᬲ᭄᭞ᬯᭂᬮᬲᬶᬭᬮᬯᬵᬦᬶᬗ᭄ᬲᬸᬦ᭄᭞
ᬳᬧᬦᬶᬂᬦᭂᬫᬸᬚᭂᬮᬾ᭞ᬮᬫᬸᬦ᭄ᬳᬸᬭᬶᬧ᭄ᬫᬭᬶᬂᬩᬾᬲᬸᬓ᭄᭞ᬳᬶᬗ᭄ᬲᬸᬦᬦᬯᬸᬭᬳᬸᬢᬂ᭞ᬲᬂᬯᬶᬓᬸᬳᬮᭀᬦᬗᬸᬘᬧ᭄᭟᭐᭟ᬳᬗᬸᬘᬧ᭄ᬲᬶᬭᬳᬲᭂᬫᬸᬲᭂᬦ᭄ᬤᬸ᭞ᬓᬗᭂᬦᬶᬂᬅᬢ᭄ᬫᬦᬾ᭞ᬲ᭄ᬯ
ᬭᬦᬾᬳᬗᬲᬶᬄᬳᬲᬶᬄ᭞ᬥᬸᬄᬳᬚᬲᬶᬭᬫᬶᬮᬸ᭞ᬳᬧᬦ᭄ᬢ᭄ᬯᬭᬯᬶᬥᬶᬭᬳᬬᬸ᭞ᬲᬂᬅᬢ᭄ᬫᬳᬮᭀᬦ᭄ᬮᬫ᭄ᬧᬳᬾ᭞ᬧ᭄ᬭᬧ᭄ᬢᬭᬶᬂᬩᬓᬢ᭄ᬫ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬯᬶᬥ᭄ᬬᬥᬭ᭞ᬳᬫ᭄ᬩᬓ᭄ᬢᬚᬫ᭄ᬧᬦᬳᭂ
[ ᭒᭗ 27A]
ᬫᬵᬘ᭄᭟᭐᭟ᬯᬶᬥ᭄ᬬᬥᬭᬷᬧ᭄ᬭᬲᬫᬢᬸᬫᬸᬭᬸᬦ᭄᭞ᬳᬫ᭄ᬩᬯᬅᬢ᭄ᬫᬦᬾ᭞ᬫ᭄ᬯᬂᬧ᭄ᬭᬯᬢᭂᬓ᭄ᬲ᭄ᬯᬃᬕᬢᬾᬓᬶ᭞ᬢᬢᬩᬸᬳᬦ᭄ᬕᬸᬫᬸᬭᬸᬄ᭞ᬲᭀᬭᬶᬂᬭᬩᬤ᭄ᬤᬸᬂᬢᬍᬫ᭄ᬧᬸᬃ᭞ᬧᬭᬾᬭᬾᬢ᭄ᬯᬃᬕ
ᬲᬭᬷᬦᬾ᭞ᬕᭂᬦ᭄ᬤᬶᬂᬕᭀᬂᬫᬸᬗᬸᬶᬦ᭄ᬬᬳᬗ᭄ᬮᬗᬸᬦ᭄᭞ᬕᬸᬦ᭄ᬢᬂᬓᬸᬫ᭄ᬭᬶᬜ᭄ᬘᬶᬂᬋᬗᬦ᭄ᬬ᭞ᬘᬸᬭᬶᬂᬫᬸᬦ᭄ᬬᬓᬓ᭄ᬮᬦ᭄ᬢᬶᬗᬦ᭄᭟᭐᭟ᬲᬶᬦᬫ᭄ᬩᬸᬢᬢ᭄ᬫᬦᬾᬲᬗᬧᬸᬢᬸᬲ᭄᭞ᬕᭂᬦᬯᬫᬗ᭄ᬓᬾ᭞ᬭᬶᬂ
ᬚᬮᬦᬵᬗ᭄ᬭᬯᬶᬢ᭄᭞ᬳᬗ᭄ᬭᬶᬂᬭᬶᬂᬲᬸᬢ᭄ᬭᬯᬸᬗᬸ᭞ᬳᬭᬩ᭄ᬩᬵᬂᬳᬶᬚᭀᬫᬸᬗᬸᬩ᭄᭞ᬓᬮᬲᬲᬸᬢ᭄ᬭᬚᬶᬚᬶᬗ᭄ᬕᬳ᭞ᬲᬫᬶᬧᬧᬢ᭄ᬭᬫ᭄ᬳᬮᬸᬲ᭄᭞ᬘᬶᬦᬭᬜ᭄ᬘᬗᬶᬂᬓᭀᬫᬮ᭞ᬓᬸᬫᬸᬧᬲᭂ
ᬗᬶᬂᬓᭀᬫ᭄ᬩᬮ᭟᭐᭟ᬯᬶᬥ᭄ᬬᬥᬭᬧ᭄ᬭᬲᬫᬳᬗ᭄ᬭᬸᬗᬸ᭞ᬳᬫᬸᬫᬸᬦ᭄ᬤᬸᬢ᭄ᬓᬩᬾᬄ᭞ᬧᬧᬦ᭄ᬤᭀᬦᬓᬾᬄᬭᬶᬂᬫᬶᬳᬶᬦ᭄᭞ᬓᬢᬗ᭄ᬕᬸᬄᬳᬗ᭄ᬮᬸᬗᬸ᭞ᬲᭀᬧᬘᬭᬫᬸᬗ᭄ᬕ᭄ᬯᬶᬗᬬᬸᬦ᭄᭞ᬳᬗᬺ [ 28 ][᭒᭗ 27B]
᭒᭗᭞
ᬲᬂᬳᬢᬶᬧᭀᬮᬳᬾ᭞ᬲ᭄ᬯᬭᬦᬶᬂᬕᬸᬧᬶᬢ᭄ᬗ᭄ᬭᬋᬗᬸ᭞ᬘᬸᬭᬶᬂᬋᬤᭂᬧ᭄ᬫᬭᬶᬂᬳᬃᬱ᭞ᬕᬸᬦ᭄ᬢᬂᬫᬸᬦ᭄ᬬᬓᬓᬼᬦ᭄ᬢᬶᬗᬦ᭄᭟᭐᭟ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬲᬂᬅᬢ᭄ᬫᬓᬶᬦᬸᬦᬸᬂ᭞ᬭᬶᬂᬚᭂᬫ᭄ᬧᬦᬋᬓᬾ᭞ᬫᬤᬸᬮᬸᬃᬮᬫ᭄ᬧ
ᬳᬾᬢᬭᬶᬲ᭄᭞ᬧ᭄ᬭᬢᬢᭂᬓ᭄ᬳ᭄ᬬᬂᬭᬶᬗᬬᬸᬦ᭄᭞ᬕᬸᬫᬋᬩᬶᬕ᭄ᬓᬂᬮᬸᬫᬓᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬫᬭᬶᬂᬲ᭄ᬯᬃᬕ᭞ᬢᬸᬫᬸᬭᬸᬳᬓᬾᬄᬳᬩ᭄ᬭᬸᬩᬸᬂ᭞ᬫᬗ᭄ᬕᬄᬫᬭᬾᬂᬯᬾᬢᬦ᭄᭞ᬳᬕᬕᭂᬦ᭄ᬢᭂᬂᬫᬵᬲ᭄ᬓᭀᬫᬮ᭟᭐᭟ᬢᬶᬦᬭᬶᬕᭂ
ᬦ᭄ᬯᬾᬤᬸᬃᬬ᭄ᬬᬳᬗ᭄ᬮᬗᬸᬦ᭄᭞ᬘᬦ᭄ᬤᬦᬩᬢᬸᬭᬾ᭞ᬭᬶᬂᬓᬢᬃᬳᬍᬧᬗ᭄ᬭᬧᬶᬓ᭄᭞ᬫᬾᬭᬸᬓᬢᭀᬦ᭄ᬲᬸᬦᬶᬸᬫᬸᬦᬸᬂ᭞ᬫᬗ᭄ᬮᬾᬓᭀᬫᬮᬯᬸᬗᬸ᭞ᬓᬸᬫᬭᬜᬄᬧᬓᬤᬾᬧ᭄ᬤᬾᬧ᭄᭞ᬓᬸᬫᬭᬶᬦᬶᬂᬫᬡᬶᬓ᭄ᬩᬜᬸ᭞ᬏᬦ᭄ᬤᬄ
ᬧᬾᬮᬕ᭄ᬲᬃᬯ᭄ᬯᬫᬸᬮ᭄ᬬ᭞ᬭᬳᬶᬦᬭᬢ᭄ᬭᬶᬢᬦ᭄ᬓᬢᭂᬗᭂᬭᬦ᭄᭟᭐᭟ᬢᬦ᭄ᬓᭀᬘᬧ᭄ᬋᬓᬾ᭞ᬲᬂᬳᬦᭂᬫᬸ᭞ᬲ᭄ᬯᬃᬕᬳᬮᬋᬓᬾ᭞ᬲᬂᬩᬬᬸᬲᬸᬢᬕᬶᬦᬸᬧᬶᬢ᭄᭞ᬭᬶᬂᬧᬦᬗ᭄ᬲᬭᬦ᭄ᬗᬭᬸᬭᬸᬄ᭞ᬅᬢ᭄ᬫᬦᬾᬪᬝᬵᬭ

[᭒᭘28A]
ᬧᬡ᭄ᬥᬸ᭞ᬢᬦ᭄ᬲᬄᬘᬭᬓᬢᬶᬦᬸᬢᬾ᭞ᬓᬭᬸᬗᬸᬲ᭄ᬯᬭᬳᬸᬫᬸᬂ᭞ᬫᬭᬶᬂᬢᭂᬕᬮ᭄ᬧᬦᬗ᭄ᬲᬭᬦ᭄᭞ᬚᬸᬫᬸᬚᬸᬕ᭄ᬲᬶᬭᬭᬳᬤ᭄ᬬᬦ᭄᭟᭐᭟ᬕᬾᬰᬾᬃᬲᬂᬅᬢ᭄ᬫᬲᬫᬩᬶᬦᬸᬭᬸ᭞ᬤᬾᬦᬾᬘᬶᬓ᭄ᬭᬩᬮ᭞ᬭᬳᬤ᭄ᬬᬦ᭄ᬮᬓᬸ
ᬦᬾᬳᬗ᭄ᬮᬶᬲ᭄᭞ᬓᬤᬸᬂᬓᬧᬺᬡᬄᬳᬶᬧᬸᬦ᭄᭞ᬉᬗ᭄ᬕ᭄ᬯᬦ᭄ᬲᬂᬘᬶᬓ᭄ᬭᬳᬩᬸᬭᬸ᭞ᬓᬧᬧᬕ᭄ᬲᬂᬪᬷᬫᬋᬓᬾ᭞ᬲᬂᬘᬶᬓ᭄ᬭᬩᬮᬳᬫᬸᬯᬸᬲ᭄᭞ᬅᬢ᭄ᬫᬧᬭᬦ᭄ᬓᬶᬢᬧ᭄ᬭᬧ᭄ᬢ᭞ᬭᬳᬤᬾᬦ᭄ᬪᬷᬫᬳᬗᬸᬘᬧ᭄᭟᭐᭟ᬥᬸᬥᬸᬳᬓᬸᬅ
ᬢ᭄ᬫᬧᬸᬦᬶᬓᬸ᭞ᬢᬦ᭄ᬯ᭄ᬭᬸᬄᬓᬶᬢᬋᬓᬾ᭞ᬳᬦᬸᬫᬦᬸᬱᬳᬚᬵᬢᬶ᭞ᬲᬂᬘᬶᬓ᭄ᬭᬩᬮᬳᬰ᭄ᬭᬸ᭞ᬳᬗ᭄ᬭᬓ᭄ᬭᬭᬶᬲᬦᬳᬸᬢ᭄᭞ᬭᬶᬦᭂᬩᬸᬢ᭄ᬲᬂᬩᬬᬸᬫᬗ᭄ᬓᬾ᭚ᬲᬯᬢᭂᬓ᭄ᬘᬶᬓ᭄ᬭᬳᬗᬺᬩᬸᬢ᭄᭞ᬢᬸᬳᬸᬲᬶᬭᬤᬾᬦ᭄ᬪᬷᬫ᭞ᬭᬶᬦᭂᬩᬸᬢ᭄ᬢ
ᬦᬓᬾᬢ᭄ᬭᬦ᭄᭟᭐᭟ᬲᬂᬘᬶᬓ᭄ᬭᬩᬮᬳᬗᬸᬘᬧᬰ᭄ᬭᬹ᭞ᬫᬲᬳᬸᬭᬶᬧ᭞ᬓᬶᬢᬫᬭᬶᬂᬢᭂᬕᬮᬶᬓᬶ᭞ᬭᬤᬾᬦ᭄ᬪᬷᬫᬳᬗᬬᬸᬄ᭞ᬳᬗᬕᭂᬫ᭄ᬕᬥᬳᬗᬸᬯᬸᬄ᭞ᬚᬶᬦᬫ᭄ᬩᬓ᭄ᬫᬤᭂᬤᭂᬮᬺᬓᬾ᭞ᬩᬶᬦᬦ᭄ᬢᬶᬂᬲᭀᬘ [ 29 ][ ᭒᭘ 28B]
᭒᭘᭞
ᬦᬾᬫᭂᬢᬸ᭞ᬳᬓᬾᬄᬧᭂᬚᬄᬓᬲᬸᬮᬬᬄ᭞ᬰᬾᬱᬦᬶᬂᬧᭂᬚᬄᬫᬮᬬ᭄ᬯ᭟᭐᭟ᬭᬳᬤᬾᬦ᭄ᬪᬷᬫᬳᬗᬸᬘᬧᬰ᭄ᬭᬸ᭞ᬳᬗᬧᬫᬮᬬ᭄ᬯ᭞ᬋᬩᬸᬢ᭄ᬲᬸᬚᬓᬸᬤᬾᬦᬕ᭄ᬮᬶᬲ᭄᭞ᬭᬤᬾᬦ᭄ᬪᬷᬫᬳᬦ᭄ᬤᬭᬸ᭞ᬳᬗᬕᭀᬃ
ᬮᬫ᭄ᬧᬳᬾᬳᬰ᭄ᬭᬸ᭞ᬲᬂᬘᬶᬓ᭄ᬭᬩᬮᬉᬚᬭᬾ᭞ᬳᬫᬲ᭄ᬢᬢᬶᬦᬶᬩᬾᬦ᭄ᬧᬲᬸᬂ᭞ᬳᬗᬭᬦ᭄ᬧᬲᬂᬧᬲᬗᬦ᭄᭞ᬳᬗᬭᬦ᭄ᬓᬬᬸᬘᬸᬭᬶᬕ᭟᭐᭟ᬭᬳᬤᬾᬦ᭄ᬪᬷᬫᬓᬗ᭄ᬕᭂᬓ᭄ᬮᬸᬫᬓᬸ᭞ᬓᬮᬶᬄᬘᬭᬓᬦᬾ᭞ᬉᬫᬢᬸᬃ
ᬲᬳᬉᬢ᭄ᬲᬭᬶ᭞ᬧᬸᬓᬸᬮᬸᬦ᭄ᬤᬾᬯᬭᬢᬸ᭞ᬧᬸᬦᬧᬶᬓᬗ᭄ᬕᭂᬓ᭄ᬧᬸᬓᬸᬮᬸᬦ᭄᭞ᬭᬳᬤᬾᬦᬰ᭄ᬭᬸᬧᭀᬮᬳᬾ᭞ᬧᬧᬲᬗᬦ᭄‌ᬫᬭᬶᬂᬳᬬᬸᬦ᭄᭞ᬭᬳᬤᬾᬦ᭄ᬲᬺᬗᭂᬦᬗᬸᬘᬧ᭄᭞ᬯᬲ᭄ᬢᬸᬳᬶᬮᬂᬧᬲᬗᬦ᭄᭟᭐᭟ᬢ
ᬦ᭄ᬓᬢᬶᬗ᭄ᬳᬮ᭄ᬧᬲᬗᬦᬶᬓᬸ᭞ᬭᬳᬤᬾᬦ᭄ᬮᬸᬫᬫ᭄ᬧᬄ᭞ᬳᬗᬮᭀᬃᬮᬫ᭄ᬧᬄᬉᬫᬜ᭄ᬚᬶᬂ᭞ᬘᬶᬢ᭄ᬲᬂᬘᬶᬓ᭄ᬭᬩᬮᬗᬋᬩᬸᬢ᭄᭞ᬓᬧᬸᬗ᭄ᬓᬸᬃᬢᬦᬦᬓᬾᬢᬸᬂ᭞ᬳᬦᬦᬸᬯᭂᬓ᭄ᬭᬶᬂᬢᭀᬫᬭ᭞ᬳᬦᬦᬸᬤᬸᬓ᭄ᬧᬮᬸᬧᬮᬸ᭞
[ ᭒᭙ 29A]
ᬳᬤᬺᬱᬤ᭄ᬭᬮᬸᬫᬓ᭄ᬯ᭞ᬲᬶᬂᬓᬧᬧᬕ᭄ᬓᬧᬮᬬ᭄ᬯ᭟᭐᭟ᬲᬂᬘᬶᬓ᭄ᬭᬩᬮᬓᬂᬓᬧᬮᬬᬸ᭞ᬳᬯᭂᬤᬶᬳᬋᬓᬾ᭞ᬳᬦᭀᬦ᭄ᬢᭀᬲᬂᬩᬬᬸᬢᬾᬓᬶ᭞ᬳᬓ᭄ᬭᬲ᭄ᬦᬾᬢ᭄ᬭᬢᬸᬢᬸᬳᬸ᭞ᬯᭀᬓ᭄ᬩ᭄ᬭᭀᬗᭀᬲᬕᭂᬂᬳᬮᬸᬳᬸᬂ᭞
ᬢᬮᬶᬂᬓᬸᬭᬦᬗᬺᬭᬯᬾ᭞ᬭᬵᬕᬘᭂᬫᭂᬂᬭᬫ᭄ᬩᬸᬢ᭄ᬫᬮᬢᬸᬓ᭄᭞ᬯᬥᬦᬓᬡ᭄ᬬᬭᬘᬯᬸᬧ᭄ᬭᬄ᭞ᬲᬶᬂᬓᬧᬧᬕ᭄ᬓᬧ᭄ᬭᬯᬃᬱ᭟᭐᭟ᬧ᭄ᬭᬲᬫᬓᬧᬬᬸᬕᬕᬸᬫᬸᬭᬸᬄ᭞ᬳᬶᬗ᭄ᬲᬶᬢᬸᬯᬦᬾ᭞ᬧᬓᬸᬮᬸᬦ᭄ᬲᬂᬲᬶᬦᬸᬳᬸ
ᬦ᭄᭞ᬅᬢ᭄ᬫᬲᬯᬶᬚᬶᬧᬸᬦᬶᬓᬸ᭞ᬢᬢᬗ᭄ᬕᬩᬶᬦᬸᬭᬸᬋᬓᬾ᭞ᬫᬗ᭄ᬕᭂᬄᬲᬸᬭᬲᬭᬾᬂᬳᬬᬸᬦ᭄᭞ᬢᬶᬢᬶᬧ᭄ᬭᬢᬶᬲᬸᬭᬸᬧ᭄ᬭᬶᬂᬧ᭄ᬭᬂ᭞ᬳᬕᬸᬮᬕᬸᬮ᭄ᬫᬭᬶᬂᬯᬃᬡ᭟᭐᭟ᬲᬂᬚᭀᬕᭀᬃᬫᬡᬶᬓᬗᬸᬘᬧ᭄ᬰ᭄ᬭᬸ᭞ᬇᬂᬳᭂᬦ᭄ᬤᭂᬧᬺᬡ
ᬳᬾ᭞ᬧᬶᬭᬓᬯᬷᬭᬦᬾᬢᬾᬓᬶ᭞ᬫᬲᬫᬤᬦᬶᬗᬸᬮᬸᬦ᭄᭞ᬯᬷᬭᬲᬭᬵᬢ᭄ᬫᬳᬫᬸᬯᬸᬲ᭄᭞ᬳᬶᬗᭀᬂᬳᬫᬧᬕᬫᬗ᭄ᬓᬾ᭞ᬖᭀᬭᬯᬶᬓ᭄ᬭᬫᬲᬸᬫᬳᬸᬃ᭞ᬫᬶᬯᬄᬲᬂᬩᬮᬯᬸᬢ᭄ᬧᬢ᭄ᬭ᭞ᬧᬸᬓᬸᬮᬸᬦ᭄ᬲᬂᬲᬸᬲᬸᬳᬸ [ 30 ][ ᭒᭙ 29B]
᭒᭙᭞
ᬦᬦ᭄᭟᭐᭟ᬬᬦ᭄ᬢᬸᬳᬸᬫᬗ᭄ᬓᬦᬲᬂᬲᬶᬦᬸᬳᬸᬦ᭄᭞ᬧᬤᬸᬓᬪᬝᬵᬭ᭞ᬲᬂᬧᬢᬶᬄᬧᬵᬢᬶᬭᬶᬫᬶᬳᬶᬦ᭄᭞ᬲᬸᬓᬧᬶᬓᬘᬭᬸᬧᬶᬸᬦᬶᬸᬂᬓᬶᬸᬗᬭᬦ᭄ᬧᬸᬦᬶᬓᬸ᭞ᬓᬜ᭄ᬘᬶᬢ᭄ᬧ᭄ᬭᬧ᭄ᬢᬭᬤᬾᬦ᭄ᬪᬷᬫ᭞ᬧᬫᬃᬕᬶᬦᬾᬲᬤᬳ
ᬰ᭄ᬭᬹ᭞ᬢᬦᬦᬗᬶᬢᬸᬂᬪᬶᬸᬭᬶᬂᬪᬬ᭞ᬚᬕᬗᬤᭂᬕ᭄ᬫᬭᬶᬗ᭄ᬓᬦ᭞ᬳᬕᬸᬮᬕᬸᬮ᭄ᬫᬭᬶᬂᬯᬃᬡ᭟᭐᭟ᬲᬂᬚᭀᬕᭀᬃᬫᬡᬶᬓᬗᬸᬘᬧᬰ᭄ᬭᬸ᭞ᬅᬢ᭄ᬫᬧᬭᬦᬺᬓᬾ᭞ᬫᬵᬢᬶᬳᬗᬧᬭᬶᬂᬗᬹᬦᬷ᭞ᬫ᭄ᬯᬄᬢᬯᬶᬱᬬᬦ᭄ᬫᬸ᭞ᬯ
ᬭᬳᬳᬶᬗᭀᬂᬤᬾᬦᬰ᭄ᬭᬹ᭞ᬭᬳᬤ᭄ᬬᬦᬓᬲᬸᬚᬦᬾ᭞ᬤᬸᬤᬸᬲᬂᬅᬢ᭄ᬫᬲ᭄ᬬᬓᬸ᭞ᬳᬧᬦᬓᬸᬲᬂᬫᬵᬦᬸᬱ᭞ᬲᬶᬦᬗ᭄ᬕᬸᬄᬲ᭄ᬬᬓᬸᬅᬢ᭄ᬫ᭟᭐᭟ᬲᬂᬚᭀᬕᭀᬃᬫᬡᬶᬓᬲᭂᬫᬸᬋᬗᬹ᭞ᬤᬸᬫᬶᬮᬄᬰᭀ
ᬘᬦᬾ᭞ᬓᬶᬢᬫᬵᬦᬸᬱᬳᬚᬵᬢᬶ᭞ᬧᬭᬦ᭄ᬓᬃᬬ᭄ᬬᬦᬾᬭᬯᬸᬄ᭞ᬫᬭᬶᬂᬧᬦᬗ᭄ᬲᬭᬦᬶᬓᬸ᭞ᬫ᭄ᬯᬄᬲᬗᬧᬳᬭᬦᬾ᭞ᬯᬭᬳᬳᬶᬗᭀᬂᬤᬾᬦᬰ᭄ᬭᬸ᭞ᬭᬳᬤᬾᬦᬃᬬ᭄ᬬᬳᬗᬸᬘᬧ᭄᭞ᬲ᭄ᬬᬓᬸᬳᬗᬭ
[ ᭒᭐ 30A]
ᬦ᭄ᬪᬷᬫ᭟᭐᭟ᬳᬓᬸᬳᬗ᭄ᬮᬸᬭᬸᬄᬅᬢ᭄ᬫᬦᬶᬂᬳ᭄ᬬᬂᬧᬡ᭄ᬥᬸ᭞ᬗᭂᬦ᭄ᬤᬶᬧᬺᬡᬳᬾ᭞ᬲᬂᬚᭀᬕᭀᬃᬫᬦᬶᬓ᭄ᬦᬯᬸᬭᬶᬦ᭄᭞ᬥᬸᬥᬸᬓᬶᬢᬪᬷᬫᬓᬸ᭞ᬳᬗᬓᬸᬳᬓᬸᬧᬸᬦᬶᬓᬸ᭞ᬳᬶᬗᭀᬂᬯ᭄ᬭᬸᬄᬭᬶᬂᬪᬷᬫᬋᬓᬾ
ᬳᬘᭂᬧᬢᬢ᭄ᬧᬸᬢᬶᬳᬾᬳᬦ᭄ᬭᬸᬲ᭄᭞ᬓᬶᬢᬲᬂᬪᬶᬫᬘᬘᬬ᭞ᬓᬶᬢᬪᬷᬫᬢᬢᬶᬭᭀᬦᬦ᭄᭟᭐᭟ᬥᬸᬥᬸᬓᬶᬢᬳᬭᬦ᭄ᬪᬷᬫᬳᬶᬓᬸ᭞ᬪᬷᬫᬧᬭᬦ᭄ᬋᬓᬾ᭞ᬳᬕᭂᬂᬳᬭᬸᬳᬸᬂᬧᬸᬦᬶᬓᬶ᭞ᬳᬩᬵᬂ
ᬦᬾᬢ᭄ᬭᬢᬸᬢᬸᬳᬸ᭞ᬧᬫᬸᬮᬸᬳᬶᬋᬂᬳᬋᬗᬹ᭞ᬯᭀᬓ᭄ᬩᬺᬗᭀᬲ᭄ᬓᬧᬾᬂᬭᬭᬯᬾ᭞ᬫᬭᬶᬂᬯᬃᬡᬳᬕᬸᬮᬕᬸᬮ᭞ᬬᬦ᭄ᬢᬸᬳᬸᬓᬶᬢᬵᬭᬦ᭄ᬪᬷᬫ᭞ᬲᬸᬧᬢᭂᬦᬢ᭄ᬫᬭᬶᬂᬓᬯᬄ᭟᭐᭟ᬳ
ᬗ᭄ᬳᬶᬂᬭᭀᬭᭀᬲᬶᬦᬸᬧᬢᬶᬓᬸ᭞ᬬᬦ᭄ᬓᬯᬰᬋᬓᬾ᭞ᬢᬸᬳᬸᬗᬭᬦ᭄ᬪᬷᬫᬢᬾᬓᬶ᭞ᬬᬦ᭄ᬢᬦ᭄ᬲᬶᬦᬸᬧᬢ᭄ᬤᬾᬦ᭄ᬫᬸ᭞ᬥᬸᬥᬸᬳᬶᬓᬪᬷᬫᬳᬶᬓᬸ᭞ᬭᬳᬤᬾᬦ᭄ᬪᬷᬫᬲᬯᬸᬭᬾ᭞ᬫᬲᬢᬦ᭄ᬲᬶᬓᬸᬧᬢ᭄ᬤᬾᬦ᭄ᬓᬸ [ 31 ][ ᭓᭐ 30B]
᭓᭐᭞
ᬏᬫᬦ᭄ᬤᬾᬦᬓᬸᬳᬦᬸᬧᬢ᭄᭞ᬭᬳᬤᬾᬦ᭄ᬰ᭄ᬭᬹᬮᬸᬫᬫ᭄ᬧᬄ᭟᭐᭟ᬤᬸᬢ᭄ᬓᬂᬓᬯᬄᬳᬰ᭄ᬭᬸᬢᬸᬫᬸᬭᬸᬦ᭄᭞ᬭᬤᬾᬦ᭄ᬪᬷᬫᬋᬓᬾ᭞ᬢᭂᬓᬾᬂᬲᭀᬃᬅᬢ᭄ᬫᬳᬶᬗᬫ᭄ᬩᬶᬮ᭄᭞ᬧ᭄ᬭᬲᬫᬓᬂᬲᬶᬦᬫ᭄ᬩᬸᬢ᭄᭞ᬕᬶᬦ
ᬯᬉᬫᬭᬾᬂᬮᬸᬳᬸᬃ᭞ᬗᬂᬲᭀᬃᬓᬂᬢᭂᬮᬲᬢ᭄ᬫᬦᬾ᭞ᬲᬯᬶᬚᬶᬢᬦᬦᬓᬦ᭄ᬢᬸᬦ᭄᭞ᬲᬯᬯᬭᬧᬸᬮᬸᬄᬮᬓ᭄ᬱ᭞ᬕᬶᬦᬯᬭᬶᬂᬧᬦᬗ᭄ᬲᬭᬦ᭄᭟᭐᭟ᬤᬸᬓ᭄ᬢᭂᬓᬾᬂᬧᬦᬗ᭄ᬲᬭᬦᬶᬓᬸ᭞ᬫᬧᬸᬧᬸᬮ᭄ᬲᬂᬧᬶᬢᬭ᭞ᬋ
ᬓᬾᬲᬫᬳᬦᬗᬶᬲ᭄᭞ᬓᬲ᭄ᬬᬲᬶᬄᬲᬸᬧᬢᬯᬓᬶᬭᬶᬗ᭄ᬲᬸᬦ᭄᭞ᬫᬵᬢᬶᬢᬦ᭄ᬫᬵᬢᬶᬧᬸᬓᬸᬮᬸᬦ᭄᭞ᬲᬂᬪᬷᬫᬳᬰ᭄ᬭᬸᬧᭀᬮᬳᬾ᭞ᬳᬍᬓᬲ᭄ᬲᬶᬭᬭᬶᬗᬬᬸᬦ᭄᭞ᬳᬢᬶᬢᬶᬲ᭄ᬓ᭄ᬭᬡᬲᬶᬂᬓᬧ᭄ᬭᬫ᭄ᬬᬲ᭄ᬢᬶᬭᬵᬕᬉᬢ᭄ᬢᬫ᭟
᭐᭟ᬲᬵᬫ᭄ᬧᬸᬦ᭄ᬧᬶᬦᬲ᭄ᬢᬶᬓᬭᬶᬂᬲ᭄ᬯᬃᬬ᭄ᬬᬭᬹᬫ᭄᭞ᬲᬶᬦᬫ᭄ᬩᬸᬢᬗ᭄ᬕᬦᬾ᭚ᬲᬶᬦᬭᬵᬢᬵᬲᬂᬅᬢ᭄ᬫᬢᬓᬶ᭞ᬯᬸᬲ᭄ᬲᬶᬦᬶᬭᬵᬢ᭄ᬢᬸᬫᬫᬳᬲᬸᬂ᭞ᬲᬫ᭄ᬧᬄᬭᬶᬂᬲᬂᬪᬷᬫᬳᬶᬓᬸ᭞ᬉᬫᬦ᭄ᬢᬸᬓᬶᬂᬫᬥ᭄ᬬᬧᬤ᭞ᬧ᭄ᬭᬲᬫ

[ ᭓᭑ 31A]
ᬳᬤᬸᬮᬸᬃᬤᬸᬮᬸᬃ᭞ᬢᬸᬫᬶᬢᬶᬲ᭄ᬢᭂᬓᬾᬦᬶᬂᬓᬤᬂ᭞ᬲᬫᬳᬲᭂᬫᬸᬓᬲᬸᬓᬦ᭄᭟᭐᭟ᬲᬂᬚᭀᬕᭀᬃᬫᬡᬶᬓᬲᭂᬫᬸᬳᬰ᭄ᬭᬸ᭞ᬳᬦᭀᬦ᭄ᬢᭀᬦᬢ᭄ᬫᬦᬾ᭞ᬢᭂᬮᬲ᭄ᬫᬭᬶᬂᬓᬯᬄᬢᬾᬓᬶ᭞ᬯᬷᬭᬲᬸᬭᬵᬢ᭄ᬫᬫᬸᬯᬸᬲ᭄
᭞ᬓᬓᬳᬚᬷᬯᬭᬂᬳᬶᬗ᭄ᬲᬸᬦ᭄᭞ᬭᬶᬂᬓᬯᬄᬢᭂᬮᬲᬢ᭄ᬫᬦᬾ᭞ᬖᭀᬭᬯᬶᬓ᭄ᬭᬉᬫᬢᬸᬃ᭞ᬧᬸᬦᬧᬲᬶᬭᬲᬂᬅᬢ᭄ᬫ᭞ᬢᭂᬮᬲ᭄ᬭᬶᬂᬢᬫ᭄ᬩ᭄ᬭᬕᭀᬫᬸᬓ᭟᭠᭟ᬭᬳᬤᬾᬦ᭄ᬪᬷᬫᬳᬗᬸᬘᬧᬰ᭄ᬭᬸ᭞ᬯᬸᬲᬓᬸ
ᬳᬜᬸᬧᬢ᭄᭞ᬫᬮᬦᬶᬂᬅᬢ᭄ᬫᬧᬸᬦᬶᬓᬶ᭞ᬢᭂᬮᬲ᭄ᬫᬭᬶᬂᬓᬯᬄᬳᬕᬸᬂ᭞ᬲᬂᬚᭀᬕᭀᬃᬫᬡᬶᬓᬫᬸᬯᬸᬲ᭄᭞ᬲᬺᬗᭂᬦᬗ᭄ᬭᬓᬸᬚᬭᬾ᭞ᬢᬗᬦᬾᬳᬩᬶᬫᬸᬃᬳᬶᬫᬸᬃ᭞ᬯᬤᬦᬓᬤᬶᬭᬭᬳᬸᬧ᭄ᬭᬄ᭞ᬰᬭᬷᬭ
ᬳᬶᬋᬂᬓᬩᬵᬗᬦ᭄᭟᭐᭟ᬳᬶᬓᬶᬢᬲᬂᬪᬷᬫᬳᬫ᭄ᬩᬶᬸᬫ᭄ᬩᭂᬓ᭄ᬥᬸᬥᬸ᭞ᬢᬦ᭄ᬧᬢᬹᬢ᭄ᬓᬋᬧᬾ᭞ᬳᬶᬗᭀᬂᬫᬓᭀᬦ᭄ᬓᬶᬢᬚᬸᬦᬶ᭞ᬜᬸᬧᬢᬢ᭄ᬫᬧᬸᬦᬶᬓᬸ᭞ᬭᭀᬂᬲᬶᬓ᭄ᬬᬤᬤ᭄ᬬᬢᬦ᭄ᬓᬦ᭄ᬢᬸᬦ᭄᭞ᬤᬤᬶᬢᭂ [ 32 ][ ᭓᭑ 31B]
᭓᭑᭞
ᬮᬲ᭄ᬓᬃᬅᬢ᭄ᬫᬦᬾ᭚ᬘᭂᬫᭂᬂᬘᬫ᭄ᬧᬸᬃᬓᬶᬢᬢᬸᬳᬸ᭞ᬰᬸᬤ᭄ᬭᬲᬢ᭄ᬭᬧᬮᬶᬗ᭄ᬕᬶᬄᬢ᭞ᬏᬫᬦᬗᬓᬸᬲᬢ᭄ᬭ᭄ᬬ᭟᭐᭟ᬲᬂᬪᬶᬫᬳᬗᬺᬂᬢᬦ᭄ᬧᬲᬯᬸᬃ᭞ᬲᬺᬗᭂᬦ᭄ᬭᬶᬂᬳᬢᬶᬦᬾ᭞ᬰᭀᬘᬦ᭄ᬬᬳᬩᬵᬂᬫᬸᬭᬶᬭᬶᬂ᭞ᬰ
ᬭᬷᬭᬦ᭄ᬬᬓᬸᬫᬸᬢᬸᬕ᭄᭞ᬮ᭄ᬯᬶᬃᬲᬶᬦᬶᬭᬫᬦ᭄ᬫᬭᬸᬲ᭄᭞ᬳᬗᬜ᭄ᬚᬳᬜ᭄ᬚᬧᬸᬧᬸᬦᬾ᭞ᬢᬗᬦᬾᬳᬗᬶᬫᬸᬭᬶᬫᬸᬃ᭞ᬮ᭄ᬯᬶᬃᬲᬶᬗ᭄ᬳᬢᬶᬓᬸᬢᬶᬂᬕᬚᬄ᭞ᬳᬗᬸᬘᬧᬺᬗᭂᬦ᭄ᬓᬩᬵᬗᬦ᭄᭟᭐᭟ᬳᬶᬄᬓᬶᬢᬚᭀ
ᬕᭀᬃᬫᬡᬶᬓ᭄ᬯᬸᬯᬸᬲ᭄ᬫᬸ᭞ᬭᬶᬂᬲᬶᬭᬓᬸᬋᬓᬾ᭚ᬳᬜᬸᬧᬢᬢ᭄ᬫᬭᭀᬂᬲᬶᬓᬶ᭞ᬩ᭄ᬬᬓ᭄ᬢᬮᬶᬂᬲ᭄ᬬᬓᬸ᭞ᬮᬦᬂᬯᬤᭀᬦ᭄ᬓᬂᬲᬸᬧᬢ᭄ᬓᬸ᭞ᬢᭀᬂᬓᭂᬥᬶᬓ᭄ᬓᬳᬸᬶᬭᬶᬳᬫᬗ᭄ᬓᬾ᭞ᬦᬳᬦ᭄ᬯᬸᬯᬸᬲ᭄ᬪᬶᬫᬳᬶᬓᬸ᭞ᬩᬮᬉᬢ᭄ᬧᬢᬮᬸᬫᬫ᭄ᬧᬄ
᭞ᬤᬶᬦᭂᬤᭂᬮ᭄ᬲᬶᬭᬭᬳᬤ᭄ᬬᬦ᭄᭟᭐᭟ᬭᬳᬤᬾᬦ᭄ᬪᬷᬫᬢᬶᬩᬓᬧᬸᬧᬸᬄ᭞ᬲᬋᬗᭂᬦ᭄ᬧᭀᬮᬳᬾ᭞ᬉᬫᬍᬲ᭄ᬲᬂᬪᬶᬫᬳᬗᬶᬢᬶᬓ᭄᭞ᬚᬶᬦᬫ᭄ᬩᬓ᭄ᬫ᭄ᬯᬂᬕᬶᬦᬸᬢᬸᬓ᭄᭞ᬧᭂᬚᬄᬋᬓᬾᬢᬦ᭄ᬧᬢᬢᬸ᭞ᬩᬮ
[ ᭓᭒ 32A]
ᬉᬢ᭄ᬧᬢᬳᬭᬦᬾ᭞ᬖᭀᬭᬯᬶᬓ᭄ᬭᬫᬳᬗᬸᬯᬸᬄ᭞ᬗ᭄ᬭᬓ᭄ᬱ᭄ᬯᬭᬳᬯᬸᬭᬳᬦ᭄᭞ᬫᬸᬓᬦ᭄ᬬᬳᬫᬗᬧ᭄ᬫᬗᬧ᭄᭟᭐᭟ᬲᬶᬦᬯᬸᬭᬦ᭄ᬤᬾᬦ᭄ᬪᬷᬫᬫᬍᬘᬸᬢ᭄᭞ᬲᬶᬦᬶᬮᬓᭂᬦ᭄ᬫᬗ᭄ᬓᬾ᭞ᬲᬶᬦᬫ᭄ᬩᬸᬢ᭄ᬧᬸᬧᬸ
ᬦᬓᬮᬶᬄ᭞ᬩᬶᬦᬦ᭄ᬢᬶᬂᬫᬭᬾᬂᬯᬢᬸ᭞ᬋᬫᭂᬓ᭄ᬰᬶᬭᬄᬦ᭄ᬬᬓᬩᬢᬸᬃ᭞ᬫᭂᬲᬢ᭄ᬧ᭄ᬭᬲᬫᬳᬸᬢᭂᬓᬾ᭞ᬭᬄᬦ᭄ᬬᬭᬶᬗᬯᬓ᭄ᬦ᭄ᬬᬲᬸᬫᬧᬸᬢ᭄᭞ᬭᬄᬭᬫᬾ ᬧ᭄ᬭᬂᬭᬶᬂᬧᬦᬗ᭄ᬲᬭᬶᬦ᭄᭞ᬖᭀᬭᬯᬶᬓ᭄ᬭᬫᬯᬸᬲ᭄ᬧᭂᬚᬄ᭟᭐᭟
ᬲᬺᬗᭂᬦ᭄ᬲᬂᬚᭀᬕᭀᬃᬫᬡᬶᬓᬫᬸᬭᬸᬩ᭄᭞ᬭᬳᬤᬾᬦ᭄ᬪᬷᬫᬳᬗᬸᬫ᭄ᬩᬂᬮᬶᬦᬾᬲᬦ᭄ᬲᬂᬚᭀᬕᭀᬃᬫᬡᬶᬓ᭄᭞ᬭᬳᬤᬾᬦ᭄ᬪᬷᬫᬳᬫᬸᬯᬸᬲ᭄᭞ᬢᬦ᭄ᬲᬸᬭᬸᬤᬓᬸᬫᬧᬕ᭄ᬫᬸ᭞ᬲᬂᬚᭀᬕᭀᬃᬫᬡᬶᬓᬸᬚᬭᬾ᭞ᬫᬗ᭄ᬭᬓ᭄ᬫ᭄ᬯᬄ
ᬳᬗᬸᬯᬸᬄ᭞ᬲ᭄ᬬᬸᬗᬾᬮᬸᬗᬶᬤ᭄ᬓᬸᬫᬭᬜᬩ᭄᭞ᬮ᭄ᬯᬶᬃᬢᬢᬶᬢ᭄ᬮᬢ᭄ᬭᬶᬂᬓᭀᬫᬶᬢ᭄ᬬ᭟᭐᭟ᬳᬶᬄᬓᬶᬢᬲᬂᬪᬷᬫᬳᬫ᭄ᬩᭂᬓ᭄ᬢᬦ᭄ᬧᬢᬸᬢᬸᬃ᭞ᬅᬗ᭄ᬓᬭᬩᬸᬤᬶᬦᬾ᭞ᬤᬾᬦ᭄ᬧ᭄ᬭᬚᬸᬶᬬᬢ᭄ᬦᬓᬶᬢᬚᬸᬭᬶᬢ᭄᭞ᬭ [ 33 ][ ᭓᭒ 32B]
᭓᭒᭞
ᬫᬾᬓᬂᬧ᭄ᬭᬂᬓᬂᬓᬋᬗ᭄ᬕᬸᬢ᭄᭞ᬲᬶᬮᬶᬄᬤᭂᬤᭂᬮ᭄ᬲᬶᬮᬶᬄᬧᬸᬓᬸᬮ᭄᭞ᬲᬶᬦᬾᬧᬦᬺᬓᬾᬢᬗ᭄ᬓᬶᬲᬾ᭞ᬲᬂᬚᭀᬕᭀᬃᬫᬡᬶᬓ᭄ᬓᬋᬗ᭄ᬕᬸᬢ᭄᭞ᬢᬶᬩᬋᬓᬾᬓᬲᬸᬮᬬᬄ᭞ᬚᬶᬦᬫ᭄ᬩᬓ᭄ᬤᭂᬓ᭄ᬤᭂᬤᭂᬮ᭄ᬓᬢᬫ᭄ᬧ᭄ᬬᬮ᭄᭟᭐᭟
ᬲᬂᬚᭀᬕᭀᬃᬫᬡᬶᬓ᭄ᬢᬶᬩᬤᬶᬦᭂᬓᬸᬓ᭄᭞ᬳᬦᭂᬮᬾᬧ᭄ᬦᬾᬢ᭄ᬭᬦᬾ᭞ᬓᬲᬸᬂᬲᬂᬫᬭᬶᬂᬧᬺᬣᬶᬯᬶ᭞ᬭᬤᬾᬦ᭄ᬪᬷᬫᬳᬫᬸᬧᬸᬄ᭞ᬧᭂᬚᬄᬲᬂᬚᭀᬕᭀᬃᬫᬡᬶᬓ᭄ᬧᬸᬦᬶᬓᬸ᭞ᬢᬦ᭄ᬧᬗᬸᬦ᭄ᬤᬶᬮᬶᬧᭂᬚᬳᬾ᭞ᬯᬷᬭᬲᬸᬭᬵ
ᬢ᭄ᬫᬢᬦ᭄ᬓᬦ᭄ᬢᬸᬦ᭄᭞ᬢᬦ᭄ᬲᬶᬧᬶᬋᬓᬾᬩ᭄ᬭᬵᬳ᭄ᬫᬦ᭄ᬢ᭄ᬬᬦ᭄᭞ᬭᬳᬤᬾᬦ᭄ᬪᬷᬫᬧᬶᬦᬭᬦ᭄᭟᭐᭟ᬳᬫ᭄ᬩᬓ᭄ᬢᬧᭂᬤᬂᬮᬫ᭄ᬧᬳᬾᬳᬰ᭄ᬭᬸ᭞ᬳᬶᬦᬸᬘᭂᬩ᭄ᬭᬳᬤ᭄ᬬᬦ᭄᭞ᬩᬬ᭄ᬯᬢ᭄ᬫᬚᬓᬂᬧᬶᬦ᭄ᬭᬶᬄ᭞ᬧᬶᬦᬸᬢᭂᬃᬧᭂᬤᬂᬳᬶᬧᬸᬦ᭄᭞
ᬭᬳᬤᬾᬦ᭄ᬯᬺᬓᭀᬥᬭᬦᬫ᭄ᬩᬸᬢ᭄᭞ᬲᬂᬲᬸᬭᬵᬢ᭄ᬫᬳᬚ᭄ᬭᬶᬄᬋᬓᬾ᭞ᬧᬫᬸᬯᬸᬲᬾᬳᬫᬮᬓᬸ᭞ᬢᬶᬩᬋᬓᬾᬓᬲᬸᬮᬬᬄ᭞ᬳᬸᬭᬶᬧᬶᬂᬯᭀᬂᬳᬗᬢᬸᬭᬂᬲᭂᬫ᭄ᬩᬄ᭟᭐᭟ᬲᬂᬪᬷᬫᬫᬗ᭄ᬓᬾᬢᬦ᭄ᬓᬸᬦᬮᬸ
[ ᭓᭓ 33A]
ᬮᬸᬢ᭄᭞ᬳᬜᬶᬩᬓ᭄ᬳᬸᬮᬸᬦᬾ᭞ᬭᬄᬦ᭄ᬬᬫᬶᬚᬶᬮᬸᬫᬶᬚᬶᬮᬶ᭞ᬧᭂᬚᬄᬧ᭄ᬭᬲᬫᬳᬶᬓᬸ᭞ᬓᬭᬶᬘᬭᬓᬫᬮᬬᬸ᭞ᬪᬝᬵᬭᬬᬫᬳᬶᬦᬸᬗ᭄ᬲᬶ᭞ᬳᬦᬗᬶᬲᭂᬗᬯ᭄ᬦᬗᬯᬸᬂ᭞ᬳᬚ᭄ᬭᬶᬄᬦᭀᬦ᭄ᬢᭀᬦ᭄ᬭᬤᬾᬦ᭄ᬪᬷᬫ
ᬪᬝᬵᬭᬬᬫᬰ᭄ᬭᬹᬫᭀᬚᬃ᭟᭐᭟ᬧᬭᬦ᭄ᬲᬗ᭄ᬓᬦ᭄ᬢᬓᬧᬮᬬᬸ᭞ᬕᬾᬕᬾᬃᬧᬮᬬᬸᬦᬾᬫ᭄ᬯᬂᬳᬢᬯᬦ᭄ᬢᬯᬦ᭄ᬢᬗᬶᬲ᭄᭞ᬲᬂᬘᬭᬓᬉᬫᬢᬸᬃ᭞ᬫᬵᬦᬸᬱᬧᬸᬦᬶᬓᬭᬯᬸᬄ᭞ᬫᬭᬶᬂᬢᭂᬕᬮ᭄ᬧᬦᬗ᭄ᬲ
ᬭᬦ᭄᭞ᬳᬫᬸᬋᬓᬾᬧᬸᬓᬸᬮᬸᬦ᭄᭞ᬢᬦ᭄ᬕᬶᬗ᭄ᬲᬶᬃᬫᬭᬶᬂᬲᬜ᭄ᬚᬢ᭞ᬭᬶᬦᭂᬩᬸᬢ᭄ᬲᬸᬫᬗ᭄ᬓᬶᬦ᭄ᬩᬶᬦ᭄ᬤᬃ᭟᭐᭟ᬲᬂᬧᬢᬶᬄᬧᬸᬦᬶᬓᬢᬦᬦᬓᬦ᭄ᬢᬸᬦ᭄᭞ᬫ᭄ᬯᬂᬳᬶᬗᭀᬦᬶᬗᭀᬦᬾ᭞ᬧ᭄ᬭᬲᬫᬗᭂᬫ
ᬲᬶᬦ᭄ᬫᬵᬢᬶ᭞ᬯᬷᬭᬲᬸᬭᬵᬢ᭄ᬫᬳᬶᬓᬸ᭞ᬲᬂᬚᭀᬕᭀᬃᬫᬡᬶᬓ᭄ᬧᬸᬓᬸᬮᬸᬦ᭄᭞ᬖᭀᬭᬯᬶᬓ᭄ᬭᬫᬋᬓᬾ᭞ᬩᬮᬉᬢ᭄ᬧᬢᬧᬸᬦᬶᬓᬸ᭞ᬲᬫᬳᬗᭂᬫᬲᬶᬦ᭄ᬧᭂᬚᬄ᭞ᬪᬝᬵᬭᬬᬫᬓᬩᬵᬂᬗᬦ᭄᭟᭐᭟ [ 34 ][ ᭓᭓ 33B]
᭓᭓᭞
ᬦᬋᬗᬵᬳᬢᬸᬃᬘᬭᬓᬳᬶᬓᬸ᭞ᬤᬸᬫᬶᬮᬄᬲᭀᬘᬦᬾ᭚ᬫᬺᬗᭂᬢ᭄ᬯᬤᬦᬢ᭄ᬯᬭᬳᬜ᭄ᬭᬶᬳᬶᬦ᭄᭞ᬮᬦᬶᬭᬕᬕᭂᬢᬸᬭᬦᬶᬓᬸ᭞ᬮ᭄ᬯᬶᬃᬬᬫᬦᬶᬭᬫᬭᬸᬲ᭄᭞ᬳᬗ᭄ᬭᬲᬜ᭄ᬭᬶᬢᬋᬓᬾ᭞ᬳᬗᬸᬧ᭄ᬲᬺᬗᬦᬋᬗᬹ᭞ᬅ
ᬢ᭄ᬫᬧᬭᬦ᭄ᬓᬫᬵᬦᬸᬱᬦ᭄᭞ᬳᬶᬗᭀᬂᬳᬫᬧᬕᬬᬸᬥ᭟᭐᭟ᬲᬂᬪᬷᬫᬗᬮᭀᬃᬮᬫ᭄ᬧᬳᬾᬰ᭄ᬭᬹ᭞ᬓᬤᬸᬗ᭄ᬓᬧ᭄ᬧᬺᬡᬳᬾ᭞ᬬᬫᬦᬶᬮᭀᬓᬧᬸᬦᬶᬓᬶ᭞ᬚᭂᬕ᭄ᬗᬤᭂᬕ᭄ᬧᬸᬦᬶᬓᬸ᭞ᬭᬶᬂᬳᬋᬧ᭄ᬲᬂᬬᬫᬢᬾᬓᬸ᭞ᬲᬂᬬ
ᬫᬳᬰ᭄ᬭᬸᬉᬚᬭᬾ᭞ᬓᬶᬢᬳᬬᬦ᭄ᬪᬷᬫᬳᬶᬓᬸ᭞ᬧᬭᬦ᭄ᬧ᭄ᬯᬓᬃᬬ᭄ᬬᬦᬾᬓᬶᬢ᭞ᬳᬸᬫᬭᬭᬶᬂᬧᬦᬗ᭄ᬲᬭᬦ᭄᭟᭐᭟ᬲᬂᬪᬷᬫᬳᬗᬸᬘᬧᬘᭂᬫᬸᬳᬰ᭄ᬭᬸ᭞ᬳᬓᬸᬳᬗᬸᬮᬢ᭞ᬅᬢ᭄ᬫᬦᬶᬂᬳ᭄ᬬᬂᬧᬡ᭄ᬥᬸᬢᬾᬓᬶ᭞ᬓᬭᬸ
ᬗᬸᬤᬾᬲ᭄ᬬᬓᬸ᭞ᬳᬮᬭᬋᬓᬾᬲᬂᬧᬡ᭄ᬥᬸ᭞ᬭᬶᬂᬬᬫᬦᬮᭀᬓᬦᬾ᭞ᬓᬶᬢᬋᬓᬾᬳᬫᬶᬤᬸᬤᬸ᭞ᬫᬭᬗ᭄ᬓᬾᬇᬂᬗᭂᬦ᭄ᬤᬶᬲᬂᬩᬧ᭞ᬓᬳᬋᬧᬓᭂᬳᬗᬸᬕᬄ᭟᭐᭟ᬲᬂᬬᬫᬳᬗᬸᬘᬧᬘᭂᬫᬸᬳᬰ᭄ᬭᬸ᭞ᬢᬸᬳᬸ
[ ᭓᭔ 34A]
ᬲᬫᬗ᭄ᬓᬦ᭞ᬋᬓᬾᬳᬫᬶᬲᬶᬲᬶᬧ᭄ᬫᬗ᭄ᬓᬾ᭞ᬧᬭᬦᬶᬓᬸᬓᬋᬧ᭄ᬫᬸ᭞ᬳᬗᬸᬕᬄᬅᬢ᭄ᬫᬧᬸᬦᬶᬓᬸ᭞ᬳᬶᬗᭀᬂᬢᬸᬳᬸᬫᬗᬮᬂᬋᬓᬾ᭞ᬬᬦ᭄ᬲᬵᬫ᭄ᬧᬸᬦ᭄ᬫᬵᬢᬶᬳᬶᬗᬸᬮᬸᬦ᭄᭞ᬳᬃᬫᬾᬢᬫᬭᬶᬂᬕᭀᬫᬸᬓ᭞ᬳᬶᬗᭀᬂᬧᬯᬾᬄᬮᬯᬦ᭄ᬓᬶᬢ᭟
᭐᭟ᬫᬗ᭄ᬓᬦᬯᬸᬯᬸᬲ᭄ᬲᬂᬬᬫᬳᬰ᭄ᬭᬸ᭞ᬭᬳᬤ᭄ᬬᬦᬸᬚᬭᬾ᭞ᬳᬶᬓᬶᬢᬲᬂᬬᬫᬢᬶᬓᬶ᭞ᬳᬚᬓᬳᬓᬾᬳᬯᬸᬯᬸᬲ᭄᭞ᬲ᭄ᬬᬓᬸᬳᬋᬧᬗ᭄ᬮ᭄ᬯᬭᬸᬄ᭞ᬭᬶᬂᬬᬫᬦᬶᬮᭀᬓᬋᬓᬾ᭞ᬲᬂᬬᬫᬲᬺᬗᭂᬦ᭄ᬤᬶᬦᬳᬸᬢ᭄᭞ᬧᬶᬦ᭄ᬭᬂ
ᬤᬶᬦᭂᬤᭂᬮ᭄ᬭᬳᬤ᭄ᬬᬦ᭄᭞ᬓᬸᬫᬸᬢᬸᬕ᭄ᬭᬶᬂᬧᬦᬗ᭄ᬲᬭᬦ᭄᭟᭐᭟ᬲᬶᬦ᭄ᬭᬂᬭᬤᬾᬦ᭄ᬪᬷᬫᬓᬂᬲᬶᬦᬸᬤᬸᬓ᭄᭞ᬢᬦ᭄ᬓᬦᬶᬦ᭄ᬭᬕᬦᬾ᭞ᬭᬫᬾᬓᬂᬧ᭄ᬭᬂᬲᭂᬮᬾᬂᬘᬓᬶ᭞ᬓᬓᬲᬾᬧ᭄ᬲᭀᬃᬲᬶᬦᬸᬭᬸᬂ᭞ᬲᬸᬭᬯᬶᬯᬾᬓᬲᭂᬮᬂᬲᬫ᭄ᬩᬸᬢ᭄᭞
ᬳᬕᭂᬦ᭄ᬢᬸᬭᬦ᭄ᬲ᭄ᬯᬪᬯᬦᬾ᭞ᬤᭂᬤᭂᬧ᭄ᬢᬶᬂᬭᬶᬬᬢ᭄ᬭᬶᬬᬸᬢ᭄᭞ᬲᬸᬓᬸᬂᬮᬶᬄᬓᬂᬗᭂᬦ᭄ᬯᬮᬦ᭄᭞ᬢᬶᬩᬲᬂᬪᬝᬵᬭᬬᬫ᭟᭐᭟ᬲᬶᬦᬶᬓᭂᬧ᭄ᬲᬂᬬᬫᬓᬲᬶᬤᭂᬓᬸᬂ᭞ᬓᬸᬫᭂᬢᭂᬭᬦᬾ᭞ᬳᬦᬗᬶᬲᬗᬲᬶᬳᬲᬶᬄ᭞ᬳᬸᬭᬶᬧᬶᬗ᭄ᬲᬸ [ 35 ][᭓᭔ 34B]
᭓᭔᭞
ᬦ᭄ᬲᬂᬩᬬᬸ᭞ᬳᬫᬶᬢ᭄ᬭᬓᬵᬮᬦᬶᬓᬸ᭞ᬇᬂᬩᬾᬲᬸᬓ᭄ᬬᬦ᭄ᬳᬸᬭᬶᬧ᭄ᬋᬓᬾ᭞ᬳᬶᬗᭀᬂᬢᬦᬯᬸᬃᬧᬸᬦᬶᬓᬸ᭞ᬫ᭄ᬯᬄᬲᬶᬧᬡ᭄ᬥᬸᬭᬶᬂᬓᬯᬄ᭞ᬳᬶᬗ᭄ᬲᬸᬦᬗ᭄ᬕᬯᬭᬶᬂᬲ᭄ᬯᬃᬕ᭟᭐᭟ᬲᬂᬯᬺᬓᭀᬥᬭᬳᬗᬸᬘᬧᬰ᭄ᬭᬸ᭞ᬧᬭᬦ᭄ᬢᬉᬚ
ᬭᬾ᭞ᬲ᭄ᬬᬓᬸᬢᬦ᭄ᬓᭂᬦᬳᬲᬶᬄ᭞ᬫᬲᬢᬸᬳᬸᬯᬸᬯᬸᬲ᭄ᬫᬸ᭞ᬲᬶᬭᬳᬗᬧᬸᬲ᭄ᬲ᭄ᬬᬓᬸᬳᬓᬸ᭞ᬦᬶᬃᬤᭀᬦ᭄ᬫᬸᬤᬾᬯᬾᬓ᭄᭞ᬬᬦᬸᬘᬸᬮᬦᬧᬸᬦᬶᬓᬸ᭞ᬢᬦᬸᬭᬸᬂᬲᬶᬭᬫᬫᬮᬬ᭄ᬯ᭞ᬳᬓᬸᬫᬸᬤᬓᬯᬶᬭᬗᬦ᭄᭟᭐᭟ᬓᬳᬋᬧ᭄ᬲ᭄ᬬᬓᬸ
ᬳᬫᭂᬚᬄᬫᬸ᭞ᬢᭀᬦ᭄ᬢᭀᬦ᭄ᬢᬦᬓᬦᬾ᭞ᬗᬭᬦ᭄ᬯᭂᬲᬶᬯᬺᬱᬦᬶ᭞ᬪᬝᬵᬭᬪᬷᬫᬥᬸᬄᬢᬸᬫᭀᬦ᭄᭞ᬇᬂᬦᬓᬧᬸᬦᬶᬓᬸ᭞ᬳᬸᬭᬶᬧ᭄ᬚᬸᬕᬳᬶᬗ᭄ᬲᬸᬦᬺᬓᬾ᭞ᬳᬶᬗ᭄ᬲᬸᬦ᭄ᬳᬜᬸᬧᬢ᭄ᬲᬂᬧᬡ᭄ᬥᬸ᭞ᬫ᭄ᬯᬂᬳᬶᬦᬹᬢᬤᬾᬯᬷᬫᬤ᭄ᬬ᭞ᬫᬸᬗ᭄ᬕᬄ
ᬭᬶᬂᬫᬾᬭᬸᬫᬵᬲ᭄ᬭᬢ᭄ᬦ᭟᭐᭟ᬢᬦᬦᬳᬶᬗ᭄ᬲᬸᬦ᭄ᬫᭀᬫᭀᬮᬯᬦ᭄ᬫᬸ᭞ᬚᬵᬢᬶᬳᬶᬗᭀᬂᬋᬓᬾ᭞ᬢ᭄ᬯᬭᬤᬾᬯᬳᬫᬶᬭᬦ᭄ᬢᬶ᭞ᬳᬗ᭄ᬮᬶᬜᭀᬓ᭄ᬭᬶᬂᬯᭀᬂᬲᬥᬸ᭞ᬪᬝᬵᬭᬗᬤᬸᬄᬳᬢᬸᬢᬸᬃ᭞ᬳᬗᬗ᭄ᬕᬾᬲᬶᬧᬢ᭄ᬲᬶᬓᬸᬦᬾ᭞ᬢ
[ ᭓᭕ 35A]
ᬢᬯᬶᬘᬶᬢ᭄ᬭᬾᬂᬳᬬᬸᬦ᭄᭞ᬥᬸᬥᬸᬩᭂᬦᭂᬃᬲᬶᬧ᭄ᬢᬾᬂᬲ᭄ᬯᬭ᭞ᬳᬕᬸᬂᬮᬭᬾᬲ᭄ᬢ᭄ᬭᬷᬉᬢ᭄ᬢᬫ᭟᭐᭟ᬭᬳᬤᬾᬦ᭄ᬪᬷᬫᬯᭂᬮᬲᬗ᭄ᬭᬸᬗᬸ᭞ᬓᬧᬺᬡᬄᬳᬗᭂᬦᬾ᭞ᬲᬂᬬᬫᬳᬗᬲᬶᬳᬲᬶᬄ᭞ᬍᬂᬍᬂᬦ᭄ᬤ᭄ᬬᬫᬤᬦᬸ᭞ᬳᬗᬸᬉᬚᬃᬫ᭄ᬭᬶᬓ
ᬭᬹᬫ᭄᭞ᬓᬧᬺᬡᬄᬋᬓᬾᬳᬗᭂᬦᬾ᭞ᬢᬦ᭄ᬯ᭄ᬭᬸᬄᬫᬭᬶᬂᬓᭂᬦᬾᬂᬳᬧᬸᬲ᭄᭞ᬲᬶᬦᭂᬗ᭄ᬕᬸᬄᬢᬢᬦ᭄ᬢᬘᭀᬭᬄᬳᬶᬦᬸᬧᬶᬭᬸᬧᬶᬃᬓᬦᬦᬓᬦ᭄᭟᭐᭟ᬲᬂᬪᬷᬫᬳᬗᬸᬘᬧ᭄ᬫᬸᬳᬮᬸᬲ᭄᭞ᬥᬸᬄᬲᬂᬬᬫᬧᬺᬓᬾ᭞ᬳᬗ᭄ᬮᬶᬜᭀ
ᬓ᭄ᬫᬭᬶᬓᬫᬶ᭞ᬳᬫᬾᬢ᭄ᬪᬝᬵᬭᬧᬡ᭄ᬥᬸ᭞ᬫ᭄ᬯᬂᬤᬾᬯᬷᬫᬤ᭄ᬭᬷᬧᬸᬦᬶᬓᬸ᭞ᬓᬶᬢᬜᬸᬧᬢᬢ᭄ᬫᬦᬾ᭞ᬕᬯᬫᬭᬶᬂᬲ᭄ᬯᬃᬕᬳᬶᬓᬸ᭞ᬲᬂᬬᬫᬳᬮᭀᬦᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬓᬶᬢᬓᬮᬳᬲ᭟᭐᭟ᬫᬗ᭄ᬓᬾᬳᬶᬗ᭄ᬲᬸᬦ᭄ᬳ
ᬜᬸᬧᬢ᭄ᬲᬂᬧᬡ᭄ᬥᬸ᭞ᬭᬤᬾᬦ᭄ᬪᬷᬫᬫᬋᬓᬾ᭞ᬲᬂᬬᬫᬳᬕ᭄ᬮᬶᬲᬸᬘᬸᬮᬶᬦ᭄᭞ᬪᬝᬵᬭᬬᬫᬍᬘᬸᬢ᭄᭞ᬫᬭᬶᬂᬓᬯᬄᬳᬲᭂᬫᬸᬳᬰ᭄ᬭᬸ᭞ᬓᬢᭂᬫᬸᬳ᭄ᬬᬂᬧᬡ᭄ᬥᬸᬋᬓᬾ᭞ᬫ᭄ᬯᬂᬤᬾᬯᬷᬫᬤ᭄ᬭᬷᬧᬸᬦᬶᬓᬸ᭞ᬕ᭄ᬦᬶᬦᬾᬳᬕᭂᬂᬫᬮᬩᬃ᭞ [ 36 ][ ᭓᭕ 35B]
ᬅᬢ᭄ᬫᬦᬾ ᬧᬵᬢᬶᬲᬋᬗᬓ᭄᭟᭐᭟ᬪᬝᬵᬭᬬᬫᬳᬗᬸᬘᬧᬰ᭄ᬭᬸ᭞ᬭᬶᬂᬲᬂᬧᬡ᭄ᬥᬸᬋᬓᬾᬢᬦ᭄ᬤᬗᬦ᭄ᬤᭀᬱᬦᬾᬗᬹᬦᬷ᭞ᬳᬶᬥᭂᬧ᭄ᬕᬫ᭄ᬧᬂᬭᬳᬬᬸ᭞ᬧᬶᬦᬸᬧᬸᬮ᭄ᬕᭂᬦᬶᬫᬸᬭᬸᬩ᭄᭞ᬅᬢ᭄ᬫᬦᬾᬧᬢᬶᬕᬸᬭᬧᬾ᭞ᬲᬂ
ᬬᬫᬋᬓᬾᬳᬗ᭄ᬕᭂᬩᬸᬃ᭞ᬅᬢ᭄ᬫᬦᬾᬫᬭᬶᬂᬚᬫ᭄ᬩᬗᬦ᭄᭞ᬕ᭄ᬦᬶᬳᬦᬸᬭᬸᬩ᭄ᬩᬳᬦ᭄ᬫᬶᬜᬓ᭄᭟᭐᭟ᬲᬂᬪᬶᬫᬧ᭄ᬭᬧ᭄ᬢᬳᬲᭂᬫᬸᬳᬰ᭄ᬭᬸ᭞ᬚᭂᬕᬗᬤᭂᬕ᭄ᬋᬓᬾ᭞ᬭᬶᬂᬬᬫᬦᬶᬮᭀᬓᬳᬶᬓᬶ᭞ᬓᬢᭀᬦ᭄ᬲᬂᬬᬫᬦᬸᬗ᭄ᬕᬸ᭞ᬅ
ᬢ᭄ᬫᬦᬾᬪᬝᬵᬭᬧᬡ᭄ᬥᬸ᭞ᬳᬶᬗᬤᬸᬓᬋᬓᬾᬅᬢ᭄ᬫᬦᬾ᭞ᬫ᭄ᬯᬂᬤᬾᬯᬷᬫᬤ᭄ᬭᬷᬢᬦ᭄ᬓᬦ᭄ᬢᬸᬦ᭄᭞ᬲᬫᬦᭂᬫᬸᬓᬲᬗ᭄ᬲᬭᬦ᭄᭞ᬲᬺᬗᭂᬦ᭄ᬭᬤᬾᬦ᭄ᬯᬺᬓᭀᬥᬭ᭟᭐᭟ᬳᬶᬓᬶᬢᬪᬝᬵᬭᬷᬫᬤ᭄ᬭᬷᬋᬓᬾ᭞ᬪᬝᬵᬭᬬᬫᬳ
[ ᭓᭖ 36A]
ᬗᬸᬘᬧ᭄᭟᭐᭟ᬢᬸᬳᬸᬳᬶᬗᭀᬂᬮᬶᬄᬜᬵᬓ᭄ᬮᬯᬵᬦ᭄ᬫᬸ᭞ᬳᬧᬦ᭄ᬯᭂᬦᬂᬋᬓᬾ᭞ᬓᬢ᭄ᬭᬸᬧᬯᭂᬦᬂᬮᬶᬜᭀᬓᬶᬦ᭄᭞ᬢᬶᬕᬯᭂᬦᬂᬧᬸᬦᬶᬓᬸ᭞ᬳᬶᬲ᭄ᬢ᭄ᬭᬷᬳᬬᬸᬫᬶᬢ᭄ᬭᬳᬶᬓᬸ᭞ᬯᬯᬸᬄᬫᬗ᭄ᬓᬳᬋᬓᬾ᭞ᬯᬸᬯᬸᬲ᭄ᬪᬝᬵᬭ
ᬬᬫᬓᬸ᭞ᬮᬸᬫᬸᬫ᭄ᬧᬢ᭄ᬭᬤᬾᬦ᭄ᬪᬷᬫ᭞ᬮᬶᬦᬫ᭄ᬩᬾᬲ᭄ᬪᬝᬵᬭᬭᬬᬫ᭟᭐᭟ᬫᬸᬜ᭄ᬘ᭄ᬭᬢ᭄ᬯᬾᬦᬶᬂᬚᬫ᭄ᬩᬗᬦ᭄ᬫ᭄ᬭᬫ᭄ᬩᬸᬗᬸᬮ᭄᭞ᬢᬶᬦᬶᬩᬓᬦ᭄ᬫᬗ᭄ᬓᬾ᭞ᬪᬝᬵᬭᬬᬫᬳᬜ᭄ᬭᬶᬢ᭄᭞ᬫᬮᬬ᭄ᬯᬗᬯᬸᬃᬗᬯᬸᬃ᭞ᬢᬢᬦ᭄ᬧᬦᭀ
ᬮᬶᬄᬫᬮᬬᬸ᭞ᬧ᭄ᬭᬧ᭄ᬢᬫᬭᬶᬂᬲ᭄ᬯᬃᬕᬋᬓᬾ᭞ᬕᬾᬕᬾᬃᬧ᭄ᬭᬯᬢᭂᬓᬗ᭄ᬭᬸᬗᬸ᭞ᬪᬝᬵᬭᬬᬫᬫᬮᬬ᭄ᬯ᭞ᬧᬭᬦ᭄ᬲᬗ᭄ᬓᬦᬶᬂᬫᬗ᭄ᬓᬦ᭟᭐᭟ᬳ᭄ᬬᬂᬧ᭄ᬭᬫᬾᬲ᭄ᬢᬶᬕᬸᬭᬸᬓᬂᬉᬫᬢᬸᬃ᭞ᬲᬶᬦᭂᬩᬳᬋᬓᬾ᭞ᬤᬾᬦᬾ
ᬧ᭄ᬭᬯᬢᭂᬓ᭄ᬲ᭄ᬯᬃᬕᬶ᭞ᬲᭂᬲᭂᬓ᭄ᬓᬤᬂᬫ᭄ᬯᬂᬲᬸᬦᬸ᭞ᬧᬶᬦᬋᬓ᭄ᬲᭀᬭᬶᬂᬧᬸᬱ᭄ᬧᬵᬭᬹᬫ᭄᭞ᬫ᭄ᬯᬂᬯᬢᭂᬓ᭄ᬧᬸᬗ᭄ᬕᬯᬋᬓᬾ᭞ᬪᬝᬵᬭᬇᬦ᭄ᬤ᭄ᬭᬭᬶᬂᬳᬬᬸᬦ᭄᭞ᬳ᭄ᬬᬂᬯᬶᬱ᭄ᬡᬸᬫ᭄ᬯᬂᬳ᭄ᬬᬂᬩ᭄ᬭᬵᬳ᭄ᬫ᭞ᬪᬝᬵᬭᬭᬸᬤ᭄ᬭᬳ᭄ᬬᬂᬓᬵᬮ [ 37 ][ ᭓᭖ 36B]
᭓᭖᭞
᭟᭐᭟ᬪᬝᬵᬭᬩᬬᬸᬇᬰ᭄ᬯᬭᬳᬶᬓᬸ᭞ᬯᬶᬲ᭄ᬯᬓᬃᬫᬋᬓᬾ᭞ᬳ᭄ᬬᬂᬫᬳᬵᬤᬾᬯᬢᬦ᭄ᬓᬭᬶ᭞ᬳ᭄ᬬᬂᬲ᭄ᬫᬭᬲᬫᬭᬯᬸᬄ᭞ᬪᬝᬵᬭᬓᬵᬮᬢᬦ᭄ᬓᬦ᭄ᬢᬸᬦ᭄᭞ᬫ᭄ᬯᬂᬯᬢᭂᬓ᭄ᬋᬱᬶᬦᬾ᭞ᬯᬶᬥ᭄ᬬᬥᬭᬲᬫᬧᬸᬧᬸ
ᬮ᭄᭞ᬢᭂᬮᬲ᭄ᬧ᭄ᬭᬯᬢᭂᬓ᭄ᬤᬾᬯᬢ᭞ᬪᬝᬵᬭᬬᬫᬭᬶᬗᬃᬱ᭟᭐᭟ᬧ᭄ᬭᬫᬾᬲ᭄ᬢᬶᬕᬸᬭᬸᬯᬸᬯᬸᬲᬾᬳᬰ᭄ᬭᬸ᭞ᬥᬸᬄᬲᬂᬬᬫᬋᬓᬾ᭞ᬧᬭᬦ᭄ᬧᭀᬮᬄᬲᬶᬭᬳᬶᬓᬶ᭞ᬫᬮᬬ᭄ᬯᬗᬢᬸᬃᬗᬯᬸᬃ᭞ᬳᬧᬦᬲᭂᬫᬸᬕ
ᬳᭂᬢᬸᬦ᭄᭞ᬪᬝᬵᬭᬬᬫᬳᬢᬸᬭᬾ᭞ᬧᬸᬓᬸᬮᬸᬦ᭄ᬥᬸᬄᬳ᭄ᬬᬂᬲᬶᬦᬸᬳᬸᬦ᭄᭞ᬫᬵᬦᬸᬱᬭᬶᬂᬧᬦᬗ᭄ᬲᬭᬦ᭄᭞ᬳᬗᬸᬕᬄᬅᬢ᭄ᬫᬭᬶᬂᬓᬯᬄ᭟᭐᭟ᬳᬗᬭᬦᬾᬋᬓᬾᬪᬶᬫᬧᬸᬓᬸᬮᬸᬦ᭄᭞ᬯᬷᬭᬦᬶᬂᬧ᭄ᬭᬂᬋ
ᬓᬾ᭞ᬳᬗᬫᬸᬓ᭄ᬢᬦ᭄ᬕᬸᬫᬶᬲᬶᬦ᭄᭞ᬭᬶᬦᭂᬩᬸᬢ᭄ᬢᬦᬗᬾᬢᬸᬂ᭞ᬫᬗ᭄ᬕᭂᬄᬲᬸᬭᬲᬭᬾᬗᬬᬸᬦ᭄᭞ᬲᬶᬂᬓᬧᬭᬕ᭄ᬧᭂᬚᬄᬋᬓᬾ᭞ᬓᬓᬲᬸᬮᬸᬂᬲᬸᬮᬸᬂᬧᬶᬦᬸᬧᬸᬄ᭞ᬲᬂᬚᭀᬕᭀᬃᬫᬡᬶᬓ᭄ᬯᬸᬲ᭄ᬧᭂᬚᬄ᭞ᬫ᭄ᬯᬂᬳᭀᬗᭀ
[ ᭓᭗ 37A]
ᬦᬶᬗᭀᬦᬸᬧᬤᬬ᭟᭐᭟ᬧᬝᬵᬳᬶᬓ᭄ᬪᬝᬭᬲᬶᬦᬶᬓᭂᬧ᭄ᬲᬵᬫ᭄ᬧᬸᬦ᭄᭞ᬢᭂᬳᭂᬃᬳᬶᬗ᭄ᬲᬸᬦ᭄ᬋᬓᬾ᭞ᬢᬦ᭄ᬓᭂᬦᬢᬶᬦᬹᬢᬫᬮᬶᬄ᭞ᬲᬂᬪᬷᬫᬲᬥ᭄ᬬᬦᬶᬧᬸᬦ᭄᭞ᬳᬗᬺᬋᬄᬅᬢ᭄ᬫᬲᬂᬧᬡ᭄ᬥᬸ᭞ᬫᬶᬯᬄᬤᬾᬯᬷ
ᬫᬤ᭄ᬭᬷᬋᬓᬾ᭞ᬳᬧᬦᬶᬓᬬᬳᬶᬩᬸ᭞ᬓᬭᬡᬶᬂᬳᬲᭂᬫᬸᬗᬸᬮᬢ᭄ᬬ᭞ᬚᬕᬩᬶᬦᬓ᭄ᬢᬭᬶᬲ᭄ᬯᬃᬕᬦ᭄᭟᭐᭟ᬪᬝᬵᬭᬧ᭄ᬭᬫᬾᬲ᭄ᬢᬶᬲᬯᬸᬃᬳᬮᬸᬲ᭄᭞ᬢᭂᬫ᭄ᬩᬂᬢᭂᬗᭂᬭᬦᬾ᭞ᬘᬤᬗᬦ᭄ᬤᬾᬦᬾᬳᬕ᭄ᬮᬶᬲ᭄᭞ᬫᬭᬶᬂᬩ
ᬮᬾᬢᬢᭂᬫᬸ᭞ᬳᬸᬢᬸᬲ᭄ᬧᬦᭂᬩᬂᬧᬗ᭄ᬭᬸᬗᬸ᭞ᬫᬸᬦ᭄ᬬᬘᬸᬫᬓᬶᬭᬂᬋᬓᬾ᭞ᬕᬾᬕᬾᬃᬭᬶᬂᬲ᭄ᬯᬃᬕᬓᬸᬫᬸᬢᬸᬕ᭄᭞ᬳᬓᬩᬼᬓᬂᬲᬜ᭄ᬚᬢ᭞ᬭᬶᬂᬩᬮᬾᬢᬫᬸᬳᬭᬦ᭄ᬬᬦ᭄᭟᭐᭟ᬢᬦ᭄ᬓᭀᬘᬧᬦ᭄ᬤᬾᬯᬢᬓᬸ
ᬫ᭄ᬧᬸᬮ᭄᭞ᬭᬶᬂᬩᬮᬾᬢᭂᬫᬸᬦᬾ᭞ᬭᬳᬤᬾᬦ᭄ᬪᬷᬫᬕᬶᬦᬸᬧᬶᬢ᭄᭞ᬭᬶᬂᬧᬦᬗ᭄ᬲᬭᬦᬶᬓᬸ᭞ᬭᬶᬂᬬᬫᬦᬶᬮᭀᬓᬚᬶᬓᬸ᭞ᬲᬸᬲᬸᬢ᭄ᬋᬓᬾᬲᬲᭀᬮᬳᬾ᭞ᬳᬦᭀᬦ᭄ᬢᭀᬦ᭄ᬪᬝᬵᬭᬧᬡ᭄ᬥᬸ᭞ᬧᬋᬂᬮᬯᬵᬦ᭄ᬤᬾ [ 38 ][ ᭓᭗ 37B]
᭓᭗᭞
ᬯᬷᬫᬤ᭄ᬭᬷ᭞ᬮᬄᬳᬗᬶᬲ᭄ᬫᬭᬶᬂᬕᭀᬫᬸᬓ᭟᭐᭟ᬭᬳᬤᬾᬦ᭄ᬯᬺᬓᭀᬥᬭᬳᬫᬸᬯᬸᬲ᭄᭞ᬳᬮᭀᬦ᭄ᬧᬗᬸᬘᬧᬾ᭞ᬥᬸᬄᬳᬶᬩᬸᬤᬾᬯᬷᬰ᭄ᬭᬶᬓᬸᬦ᭄ᬢᬷ᭞ᬫᬢᬸᬃᬲᬶᬭᬧᬸᬓᬸᬮᬸᬦ᭄᭞ᬢᭀᬦ᭄ᬢᭀᬦᬦ᭄ᬪᬝᬵᬭᬧ
ᬡ᭄ᬥᬸ᭞ᬫ᭄ᬯᬂᬤᬾᬯᬷᬫᬤ᭄ᬭᬷᬋᬓᬾ᭞ᬓᬓᬥᬃᬫᬫ᭄ᬭᬢ᭄ᬫᭂᬢᬸ᭞ᬫᬶᬯᬄᬭᬳᬤᬾᬦᬃᬚᬸᬦ᭞ᬦᬓᬸᬮᬬᬬᬶᬲᬤᬾᬯ᭟᭐᭟ᬰ᭄ᬭᬷᬓᬸᬦ᭄ᬢᬷᬤᬾᬯᬷᬫᭂᬢᬸᬭᬶᬂᬮᬸᬳᬸᬃ᭞ᬫᬭᬶᬂᬩᬯᬸᬜ᭞ᬰ᭄ᬭᬷᬥᬃᬫᬲᬸᬢᬧᬸᬦᬶᬓᬶ᭞ᬫᭂᬢᬸ
ᬭᬶᬂᬫᬸᬓᬳᬶᬓᬸ᭞ᬭᬳᬤᬾᬦᬃᬚᬸᬦᬳᬶᬓᬸᬫᭂᬢᬸ᭞ᬫᬭᬶᬂᬳᬗᭂᬦ᭄ᬋᬓᬾ᭞ᬦᬓᬸᬮᬲᬤᬾᬯᬫᭂᬢᬸ᭞ᬧᬸᬧᬸᬢᭂᬗᭂᬦ᭄ᬫ᭄ᬯᬂᬭᬶᬂᬓᬶᬯ᭞ᬧ᭄ᬭᬢᬫᬲᬶᬭᬳᬢᬢ᭟᭐᭟ᬢᬶᬦᭀᬦ᭄ᬢᭀᬦ᭄ᬢᬫᬦᬶᬭᬲᬂᬧ
ᬡ᭄ᬥᬸ᭞ᬫᬭᬶᬂᬓᬯᬄᬋᬓᬾ᭞ᬧ᭄ᬭᬲᬫᬲᬶᬭᬳᬦᬗᬶᬲ᭄᭞ᬓᬗᭂᬦ᭄ᬭᬵᬭᬤᬶᬦᬸᬤᬸᬢ᭄᭞ᬭᬳᬤᬾᬦ᭄ᬪᬷᬫᬢᬸᬫᬸᬭᬸᬦ᭞ᬭᬶᬂᬢᬫ᭄ᬩ᭄ᬭᬕᭀᬫᬸᬓᬦᬾᬳᬗᬫᬾᬢ᭄᭞ᬪᬝᬵᬭᬧᬡ᭄ᬥᬸ᭞ᬳᬲᬸᬯᬾᬲᬶᬭᬭᬶᬂᬓᬯᬄ᭞ᬰ᭄ᬭᬷ
[ ᭓᭘ 38A]
ᬤᬾᬯᬷᬓᬸᬦ᭄ᬢᬷᬳᬗᬸᬘᬧ᭄᭟᭐᭟ᬥᬸᬄᬩᬧᬰ᭄ᬭᬷᬥᬃᬫᬵᬫᬺᬳᬶᬓᬸ᭞ᬫ᭄ᬯᬂᬭᬳᬤᬾᬦᬃᬚᬸᬦ᭞ᬦᬓᬸᬮᬲᬤᬾᬯᬢᬾᬓᬶ᭞ᬭᬤᬾᬦ᭄ᬪᬷᬫᬢᬦ᭄ᬭᬯᬸᬄ᭞ᬫᬾᬄᬫᬵᬢᬶᬭᬶᬂᬓᬯᬄᬕᬸᬂ᭞ᬢᬦ᭄ᬓᭂᬦᬋᬓᬾ
ᬧᬺᬡᬳᬾ᭞ᬬᬦ᭄ᬫᬵᬢ᭄ᬬᬳᬶᬗ᭄ᬲᬸᬦ᭄ᬢᬦ᭄ᬓᬦ᭄ᬢᬸᬦ᭄᭞ᬲᬢ᭄ᬬᬫᬭᬶᬂᬭᬤᬾᬦ᭄ᬪᬷᬫ᭞ᬲᬶᬧᬸᬦ᭄ᬮᬸᬫᬩᬸᬃᬭᬶᬂᬓᬯᬄ᭟᭐᭟ᬰ᭄ᬭᬷᬥᬃᬫᬵᬫᬺᬢᬳᬢᬸᬭᬾᬳᬮᬸᬲ᭄᭞ᬥᬸᬄᬲᬂᬳᬶᬩᬸᬋᬓᬾ᭞ᬫᬫᬸᬲ᭄ᬢᬶᬗᬾᬲ᭄ᬢᬶᬭᬲ᭄ᬧ
ᬢᬶ᭞ᬓᬜ᭄ᬘᬶᬢ᭄ᬲᬂᬪᬷᬫᬭᬯᬸᬄ᭞ᬳᬫᬸᬦ᭄ᬤᬸᬢ᭄ᬕᬮᬶᬄᬲᬂᬧᬡ᭄ᬥᬸ᭞ᬫᬶᬯᬄᬤᬾᬯᬶᬫᬤ᭄ᬭᬷᬋᬓᬾᬧ᭄ᬭᬧ᭄ᬢᬲᬶᬭᬫᬭᬶᬂᬮᬸᬳᬸᬃ᭞ᬏᬓᬫ᭄ᬩᭂᬓ᭄ᬪᬝᬵᬭᬷᬭᬵᬚ᭞ᬫ᭄ᬯᬂᬲᬶᬭᬧᬜ᭄ᬘᬧᬡ᭄ᬥᬯ᭟᭐᭟ᬪᬝᬵᬭᬷᬓᬸᬦ᭄ᬢᬶᬕᭂ
ᬮᬶᬲ᭄ᬲᬶᬦᬫ᭄ᬩᬸᬢ᭄᭞ᬢᬶᬦᬗᬶᬲᬦ᭄ᬋᬓᬾ᭞ᬪᬝᬵᬭᬧᬡ᭄ᬥᬸᬓᬶᬦᬭᬶᬲ᭄᭞ᬤᬾᬯᬷᬫᬤ᭄ᬭᬷᬢᬦ᭄ᬓᬦ᭄ᬢᬸᬦ᭄᭞ᬧ᭄ᬭᬲᬫᬦᬗᬶᬲᬫ᭄ᬮᬲ᭄ᬬᬸᬦ᭄᭞ᬢᬶᬦᬸᬧ᭄ᬢᬸᬧᬓᭂᬦ᭄ᬳᬮᬶᬳᬾ᭞ᬲᬵᬫ᭄ᬧᬸᬦ᭄ᬧ᭄ᬭᬢᬫᬳᬓᬸᬫ᭄ᬧᬸᬮ᭄᭞ᬰ᭄ᬭᬶᬤᬾᬯᬭᬵ [ 39 ][ ᭓᭘ 38B]
᭓᭘᭞
ᬚᬲᬃᬯᬶᬫᭀᬚᬃ᭞ᬥᬸᬄᬩᬧᬧᬡᬶᬸᬜ᭄ᬘᬧᬡ᭄ᬥᬯ᭟᭐᭟ᬓᬳᬋᬧᬶᬗ᭄ᬲᬸᬦ᭄ᬦᭂᬫ᭄ᬩᬄᬤᬸᬫᬸᬦ᭄᭞ᬲᬂᬧᬡ᭄ᬥᬯᬓᬩᬾᬄ᭞ᬲᬯᬸᬃᬧᬓ᭄ᬱᬶᬳᬦᬯᬭᬶᬦ᭄᭞ᬧᬸᬓᬸᬮᬸᬦ᭄ᬤᬾᬯᬭᬢᬸ᭞ᬳᬩᭂᬦᭂᬂᬤᬾᬦᬾᬧᬸᬓᬸᬮᬸᬦ᭄᭞
ᬲᬶᬦᭂᬫ᭄ᬩᬄᬳ᭄ᬬᬂᬧᬡ᭄ᬥᬸᬋᬓᬾ᭞ᬧ᭄ᬭᬲᬫᬳᬢᬢᬮᬸᬗ᭄ᬕᬸᬄ᭞ᬳᬫᬶᬢᬲᬩ᭄ᬭᬡᬓᬶᬓ᭞ᬰ᭄ᬭᬷᬓᬸᬦ᭄ᬢᬷᬦᭂᬫ᭄ᬩᬄᬭᬶᬗᬬ᭄ᬯᬦ᭄᭟᭐᭟ᬯᬸᬲ᭄ᬤᬾᬯᬷᬓᬸᬦ᭄ᬢᬷᬦᭂᬫ᭄ᬩᬄᬲᬂᬧᬡ᭄ᬥᬸ᭞ᬫᬶᬯᬄᬤᬾᬯᬷᬫᬤ᭄ᬭ᭄ᬬ᭞ᬓᬾᬯᬲᬓᬮᬶᬄ
ᬓᬶᬦᬸᬮᬶᬢ᭄᭞ᬰ᭄ᬭᬷᬥᬃᬫᬵᬫᬺᬢᬳᬲᬸᬂ᭞ᬲᭂᬫ᭄ᬩᬳᬤᬕᬶᬂᬲᬂᬧᬡ᭄ᬥᬸ᭞ᬭᬤᬾᬦᬃᬚᬸᬦᬋᬓᬾ᭞ᬳᬲᬸᬂᬲᭂᬫ᭄ᬩᬄᬯᬸᬲ᭄ᬲᬂᬩᬬᬸ᭞ᬲᬂᬧᬡ᭄ᬥᬸᬮᬦ᭄ᬤᬾᬯᬶᬫᬤ᭄ᬭ᭄ᬬ᭞ᬭᬤᬾᬦ᭄ᬦᬓᬸᬮᬳᬲᬸᬂᬲᭂᬫ᭄ᬩᬄ᭟᭐᭟ᬳᬮᬶ
ᬗ᭄ᬕᬶᬄᬋᬓᬾᬲᬂᬧᬡ᭄ᬥᬸᬳᬶᬓᬸ᭞ᬲᬂᬲᬤᬾᬯᬦᭂᬫ᭄ᬩᬄ᭞ᬳᬗᬤᭂᬕ᭄ᬲᬂᬧᬡ᭄ᬥᬸᬢᬾᬓᬶ᭞ᬢᬦ᭄ᬓᬯᬰᬢᬫᬸᬯᬸᬲ᭄᭞ᬫ᭄ᬯᬄᬤᬾᬯᬶᬫᬤ᭄ᬭᬷᬧᬸᬦᬶᬓᬸ᭞ᬓᬮᬶᬄᬢᬦ᭄ᬧᬯᬸᬯᬸᬲ᭞ᬋᬓᬾᬫ᭄ᬯᬂᬢᬦ᭄ᬓᬯᬰ᭞ᬮᬸᬫᬓᬸ
[ ᭓᭙ 39A]
ᬳᬗ᭄ᬳᬶᬂᬳᬗᬤᭂᬕ᭄ᬓᬾᬯᬮ᭞ᬭᬤᬾᬦ᭄ᬪᬷᬯᬶᬸᬂᬫᬢᬦ᭄ᬧᬦᭂᬫ᭄ᬩᬄ᭟᭐᭟ᬧᬸᬧᬸᬄᬧᬸᬘᬸᬂ᭟᭐᭟ᬰ᭄ᬭᬷᬤᬾᬯᬷᬓᬸᬦ᭄ᬢᬷ᭞ᬗᬲᬶᬳᬲᬶᬳᬫᬸᬯᬸᬲ᭄᭞ᬥᬸᬄᬭᬳᬤᬾᬦ᭄ᬪᬷᬫ᭞ᬲᭂᬫ᭄ᬩᬳᭂᬦ᭄ᬲᬂᬧᬡ᭄ᬥᬸᬢᬾᬓᬶ᭞ᬯᭂ
ᬮᬲᬶᬗ᭄ᬲᬸᬦ᭄᭞ᬳᬦᭀᬦ᭄ᬢᭀᬦ᭄ᬤᬶᬓᬦᬶᬂᬩᬧ᭟᭐᭟ᬲᬯᬸᬭᬦ᭞ᬯᬘᬦᬦᬶᬭᬲᬂᬳᬶᬩᬸ᭞ᬫᬾᬭᬾᬦᬾᬩᬧ᭞ᬗᬢᬸᬭᬂᬲᭂᬫ᭄ᬩᬄᬧᬸᬦᬶᬓᬶ᭞ᬭᬶᬂᬲᬂᬧᬡ᭄ᬥᬸ᭞ᬳᬲᬸᬯᬾᬦ᭄ᬫᬲᬂᬲᬗ᭄ᬲᬭ᭟᭐᭟ᬢᬦ᭄ᬧᬯᬸ
ᬯᬸᬲ᭄᭞ᬭᬳᬤᬾᬦ᭄ᬪᬷᬫᬲᭂᬫᬸᬳᬰ᭄ᬭᬸ᭞ᬕᬕᭂᬢᬸᬭᬶᬂᬧᭀᬮᬄ᭞ᬩᬵᬂᬳᬶᬓᬂᬰᭀᬘᬫᬸᬭᬶᬭᬶᬂ᭞ᬫᬧᬶᬢᬦ᭄ᬤ᭄ᬭᬸᬄ᭞ᬢᬦᬦᬗᬋᬗᬵᬯᬘᬦ᭟᭐᭟ᬰ᭄ᬭᬷᬥᬃᬫᬵᬫᬺᬢ᭞ᬳᬗᬸᬘᬧᬲᭂᬫᬸᬲᭂᬦ᭄ᬤᬸ᭞ᬢᬦ᭄ᬤ᭄ᬭᬸᬄ
ᬭᬶᬂᬤᬤᬮᬦ᭄᭞ᬭᬳᬤᬾᬦ᭄ᬪᬷᬫᬳᬭᬸᬦ᭄ᬢᬶᬓ᭄᭞ᬲᬯᬸᬃᬫᬦᬸᬓ᭄᭞ᬓᬶᬦᭀᬦᬗᬢᬸᬭᬂᬲᭂᬫ᭄ᬩᬄ᭟᭐᭟ᬧᬸᬧᬸᬄᬅᬤ᭄ᬭᬷ᭟᭐᭟ᬭᬳᬤᬾᬦ᭄ᬪᬷᬫᬳᬗᬸᬘᬧᬰ᭄ᬭᬸ᭞ᬢᬦ᭄ᬧᬦᭂᬫ᭄ᬩᬄᬋᬓᬾ᭞ [ 40 ][ ᭓᭙ 39B]
᭓᭙᭞
ᬳᬓᬸᬭᬶᬂᬲᬂᬧᬡ᭄ᬥᬸᬳᬶᬓᬶ᭞ᬫᬶᬯᬄᬭᬶᬂᬤᬾᬯᬷᬫᬤ᭄ᬭᬷᬳᬶᬓᬸ᭞ᬢᬦᬋᬧᬶᬗ᭄ᬲᬸᬦ᭄ᬲ᭄ᬬᬓᬸ᭞ᬢᬦ᭄ᬯᭂᬦᬂᬲᬶᬦᭂᬫ᭄ᬩᬄᬋᬓᬾ᭞ᬳᬶᬓᬾᬪᬝᬵᬭᬧᬡ᭄ᬥᬸ᭞ᬳ᭄ᬬᬂᬕᬸᬭᬸᬳᬓᬸᬲᬸᬫ᭄ᬩᬄ᭞ᬳᬧᬦ᭄ᬪ᭄ᬭᬢᬭᬶᬂᬧᬯᬗ᭄ᬲᬦ᭄᭟᭐
᭟ᬰ᭄ᬭᬷᬤᬾᬯᬷᬓᬸᬦ᭄ᬢᬶᬋᬓᬾᬢᬦ᭄ᬲᬯᬸᬃ᭞ᬲᭂᬲᭂᬓᬦ᭄ᬓᬦ᭄ᬢᬦᬾ᭞ᬰ᭄ᬭᬷᬥᬃᬫᬵᬫᬺᬢᬗᬢᬸᬭᬶᬦ᭄᭞ᬗᬲᬶᬳᬲᬶᬄᬲᭂᬫᬸᬲᭂᬦ᭄ᬤᬸ᭞ᬢᬦᬦ᭄ᬉᬚᬃᬓᬭᬸᬗᬸ᭞ᬦᬵᬓᬸᬮᬳᬭᬶᬲᬸᬚᬭᬾ᭞ᬥᬸᬄᬓᬓᬳᬚᬷᬧᬸᬓᬸᬮᬸᬦ᭄᭞
ᬧᬦᬯᬭᬤᬾᬦ᭄ᬪᬷᬫ᭞ᬚᬭᬶᬚᬶᬦ᭄ᬬᬓᬢᭀᬦ᭄ᬢᬦ᭄ᬲᬫ᭄ᬬ᭟᭐᭟ᬢᭀᬦ᭄ᬢᭀᬦᭂᬦ᭄ᬬᬬᬶᬲᬤᬾᬯᬳᬶᬓᬸ᭞ᬚᬭᬶᬬᬶᬦ᭄ᬬᬲᬂᬓᬓ᭞ᬭᬤᬾᬦ᭄ᬲᬤᬾᬯᬦᬯᬸᬭᬶᬦ᭄᭞ᬢᬸᬳᬸᬢᬦ᭄ᬲᬫᬳᬶᬓᬸ᭞ᬭᬤᬾᬲᬤᬾ
ᬯᬭᬶᬂᬧᬸᬗ᭄ᬓᬸᬃ᭞ᬲᬂᬪᬷᬫᬋᬓᬾᬲᬯᬸᬭᬾ᭞ᬬᬬᬶᬢᬦᬶᬯᬂᬧᬸᬦᬶᬓᬸ᭞ᬲᬶᬦᭂᬫ᭄ᬩᬄᬲᬶᬭᬢᬦ᭄ᬲᬫ᭞ᬳᬶᬓᬾᬢᭀᬦ᭄ᬢᭀᬦᭂᬦ᭄ᬦᬓᬸᬮ᭟᭐᭟ᬭᬳᬤᬾᬦ᭄ᬪᬷᬫᬢᬦ᭄ᬯ᭄ᬭᬸᬄᬳᬶᬦᬧᬸᬲ᭄᭞ᬲᬲᬫᬬᬂᬢᬗᬦᬾ᭞
[ ᭔᭐ 40A]
ᬲᬶᬦᬫ᭄ᬩᬸᬢ᭄ᬢᬗᬦᬾᬳᬕ᭄ᬮᬶᬲ᭄᭞ᬤᬾᬦᬾᬲᬤᬾᬯᬳᬶᬓᬸ᭞ᬲᬶᬦᭂᬫ᭄ᬩᬄᬫᬭᬶᬂᬲᬂᬧᬡ᭄ᬥᬸ᭞ᬲᬺᬗᭂᬦ᭄ᬲᬂᬪᬷᬫᬳᬫᬗ᭄ᬓᬶᬦ᭄᭞ᬭᬳᬤᬾᬦ᭄ᬦᬓᬸᬮᬫᬮᬬᬸ᭞ᬧᬋᬂᬮᬦ᭄ᬭᬤᬾᬦ᭄ᬲᬤᬾᬯ᭞ᬩᬶᬦᬸᬭᬸᬓᬂᬓᬧᬮᬬ᭄ᬯ᭟᭐᭟
ᬲᬂᬯᬺᬓᭀᬥᬭᬲᬯᬸᬭᬾᬳᬰ᭄ᬭᬸ᭞ᬧᬗᬾᬭᬓᬸᬋᬓᬾ᭞ᬓᬘᭂᬫᭂᬂᬓᬶᬢᬫᬶᬫᬶᬭᬶᬗᬶᬦ᭄᭞ᬮᬮᬶᬳᬓᬸᬮᬯᬵᬦ᭄ᬫᬸ᭞ᬫᬗ᭄ᬓᬾᬳᬚᬦᬫᬮᬬ᭄ᬯ᭞ᬳᬓᬸᬳᬶᬢᬹᬢᭂᬦ᭄ᬯᬲᬾ᭞ᬫᬲᬢᬦ᭄ᬫᬵᬢ᭄ᬬᬇᬂᬩᬾᬲᬸᬓ᭄᭞ᬰ᭄ᬭᬷᬥᬃᬫᬵ
ᬫᬺᬢᬓᬾᬫᭂᬗᬦ᭄᭞ᬲᬶᬦᬫ᭄ᬩᬸᬢ᭄ᬲᬶᬭᬭᬳᬤ᭄ᬬᬦ᭄᭟᭐᭟ᬭᬤᬾᬦᬃᬚᬸᬦᬧᬋᬂᬳᬗᬺᬩᬸᬢ᭄᭞ᬫ᭄ᬯᬂᬰ᭄ᬭᬷᬤᬾᬯᬷᬓᬩᬾᬳᬵ᭞ᬲᬫᬲᬯᬸᬃᬫᬶᬢᬸᬢᬸᬭᬶᬦ᭄᭞ᬧ᭄ᬭᬲᬫᬯᬘᬦᬳᬭᬹᬫ᭄᭞ᬓᬾᬫᭂᬗᬦ᭄ᬭᬳᬤ᭄ᬬᬦᬩᬺᬗᬸ
᭞ᬫᬳᭂᬦ᭄ᬢ᭄ᬬᬳᭂᬦ᭄ᬢ᭄ᬬᬦᬸᬚᬭᬾ᭞ᬢᬦ᭄ᬰᬦ᭄ᬢᬋᬓᬾᬧᬸᬦᬶᬓᬸ᭞ᬋᬡᬲᬶᬭᬭᬤᬾᬦ᭄ᬪᬷᬫ᭞ᬗᬺᬗᬯᬘᬦᬲᬂᬭᬵᬓ᭟᭐᭟ᬭᬤᬾᬦ᭄ᬲᬤᬾᬯᬦᬓᬸᬮᬭᬯᬸᬄ᭞ᬳᬾᬭᬶᬲᬧᭀᬮᬳᬾ᭞ᬢᬦ᭄ᬮᬮᬶᬤᭀ [ 41 ][ ᭔᭐ 40B]
᭔᭐᭞
ᬋᬦᬾᬗᬹᬦᬷ᭞ᬭᬤᬾᬦ᭄ᬪᬷᬫᬲᭂᬫᬸᬋᬗᬹ᭞ᬯᬸᬯᬸᬲ᭄ᬲᬂᬪᬝᬵᬭᬧᬡ᭄ᬥᬸ᭞ᬤᬸᬓ᭄ᬩᬶᬦᬲᬸᬂᬲᭂᬫ᭄ᬩᬄᬋᬓᬾ᭞ᬓᬯᬰᬲᬶᬭᬮᬸᬫᬓᬸ᭞ᬢᬦ᭄ᬧᬲᬯᬸᬭᬢᬸᬮᬶᬧᬶᬲᬦ᭄᭞ᬤᬶᬦᭂᬍᬂᬤᭂᬍᬓᬾᬯᬮ᭟᭐᭟ᬰ᭄ᬭᬷᬤᬾᬯᬷ
ᬓᬸᬦ᭄ᬢᬶᬯᬸᬯᬸᬲᬾᬳᬮᬸᬲ᭄᭞ᬳᬦᬓᬶᬗ᭄ᬲᬸᬦ᭄ᬓᬩᬾᬄ᭞ᬧᬸᬓᬧᬤᬾᬭᬗ᭄ᬭᬲᬦᬶᬦ᭄᭞ᬳᬶᬓᬶᬪᬝᬵᬭᬧᬡ᭄ᬥᬸ᭞ᬳᬧᬦ᭄ᬢᬦ᭄ᬓᬯᬰᬳᬶᬓᬸ᭞ᬳᬗᬸᬘᬧᬋᬓᬾᬤᬸᬤᬸ᭞ᬋᬡᬦᬮᬦᬶᬗ᭄ᬲᬸᬦ᭄᭞ᬮᬭᬦᬾᬓᬭᬶᬳᬯ
ᬓ᭄᭞ᬲᬢᬢᬳᬶᬗ᭄ᬲᬸᬦ᭄ᬲᬗ᭄ᬲᬭ᭟᭐᭟ᬓᬳᬋᬧᬶᬗ᭄ᬲᬸᬦᬓᬸᬳᬗ᭄ᬭᬸᬭᬸᬄ᭞ᬫᬭᬶᬂᬲ᭄ᬯᬃᬕᬋᬓᬾ᭞ᬢᬷᬃᬣᬫᬦ᭄ᬤᬮᬸᬢᬾᬓᬶ᭞ᬬᬦᭀᬮᬶᬄᬲᬶᬭᬗᬭᬸᬭᬸᬄ᭞ᬓᬯᬰᬫᬸᬯᬸᬲ᭄ᬳ᭄ᬬᬂᬧᬡ᭄ᬥᬸ᭞ᬲᬶᬦᬸᬧᬢ᭄ᬋᬓᬾᬅᬢ᭄ᬫᬦᬾ
᭞ᬬᬦ᭄ᬢᬦᭀᬮᬶᬄᬢᬧᬸᬦᬶᬓᬸ᭞ᬢᬦᬸᬭᬸᬂᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞ᬢᬓᭂᬮᬤ᭄ᬭᬭᬭᬶᬂᬭᬕ᭟᭐᭟ᬲᬧᬯᭂᬦᬂᬫᬧᬮᬸᬗᬳᬶᬓᬸ᭞ᬳᬗᬺᬋᬄᬅᬫᬺᬢᬦᬾ᭞ᬰ᭄ᬭᬷᬥᬃᬫᬲᬸᬢᬦᬯᬸᬭᬶᬦ᭄᭞ᬥᬸᬄᬧᬸᬓᬸᬮᬸᬦ᭄ᬲᬂᬳᬶ

[ ᭔᭑ 41A]

ᬩᬸ᭞ᬳᬶᬗ᭄ᬲᬸᬦ᭄ᬢᬦ᭄ᬳᬋᬧᬗ᭄ᬭᬸᬭᬸᬄ᭞ᬳᬧᬦ᭄ᬓᬾᬫᭂᬗᬦ᭄ᬧᭀᬮᬳᬾ᭞ᬭᬳᬤᬾᬦᬃᬚᬸᬦᬫᬸᬯᬸᬲ᭄᭞ᬲᬶᬭᬧᬵᬢᬶᬧ᭄ᬭᬫᬾᬲᬹᬃᬬ᭄ᬬ᭞ᬢᬦ᭄ᬳᬋᬧ᭄ᬮᬸᬗᬭᬶᬂᬲ᭄ᬯᬃᬕ᭟ᬭᬤᬾᬦ᭄ᬦᬓᬸᬮᬲᬤᬾᬯᬳᬶᬓᬸ᭞ᬧ᭄ᬭᬲ
ᬫᬢᬦᬗ᭄ᬕ᭞ᬭᬤᬾᬦ᭄ᬪᬷᬫᬫᬦᬯᬸᬭᬶᬦ᭄᭞ᬥᬸᬄᬲᬂᬧᬡ᭄ᬥᬯᬾᬳᬶᬓᬸ᭞ᬲᬤᬬᬓᬶᬢᬳᬢᬓᬸᬢ᭄᭞ᬤᬶᬯᭂᬭᬶᬂᬧᬵᬢᬶᬋᬓᬾ᭞ᬧ᭄ᬭᬲᬫᬳᬗ᭄ᬭᬲᬓᬾᬯᬸᬄᬮᬸᬗ᭄ᬳᬫᬭᬶᬂᬲ᭄ᬯᬃᬕ᭞ᬓᬦ᭄ᬢᬸᬦᬶᬩᬸᬳᬶᬗ᭄ᬲᬸ
ᬦ᭄ᬫᬗ᭄ᬓᬢ᭄᭟᭐᭟ᬭᬤᬾᬦ᭄ᬪᬶᬫᬳᬰ᭄ᬭᬸᬲᭂᬫᬸᬕᬕᭂᬢᬸᬦ᭄᭞ᬳᬗᬺᬋᬳᬗᬺᬢᬦᬾ᭞ᬫᬍᬘᬸᬢ᭄ᬮᬸᬫᬫ᭄ᬧᬳᬾᬳᬕ᭄ᬮᬶᬲ᭄᭞ᬧ᭄ᬭᬧ᭄ᬢᬾᬂᬩᬜ᭄ᬚᬃᬲᬦ᭄ᬢᬸᬦ᭄᭞ᬳᬗᬤᬺᬱ᭄ᬮᬸᬫᬓᬸ᭞ᬧ᭄ᬭᬧ᭄ᬢᬩᬮᬢ
ᬫᬸᬋᬓᬾ᭞ᬕᬾᬕᬾᬃᬧ᭄ᬭᬯᬢᭂᬓ᭄ᬳ᭄ᬬᬂᬳᬶᬓᬸ᭞ᬭᬸᬫᬕᬧ᭄ᬭᬂᬖᬸᬃᬡᬶᬢ᭞ᬭᬶᬦᭂᬩᬸᬢ᭄ᬭᬳᬤᬾᬦ᭄ᬪᬷᬫ᭟᭐᭟ᬯᬢᭂᬓ᭄ᬯᬶᬥ᭄ᬬᬥᬭᬲᬺᬗᭂᬦ᭄ᬗᬋᬩᬸᬢ᭄᭞ᬕᬸᬫᬋᬩᬸᬕ᭄ᬋᬓᬾ᭞ᬭᬳᬤᬾᬦᬵᬪᬷᬫᬢᬦ᭄ᬕᬶ [ 42 ][ ᭔᭒ 42B]
᭔᭒᭞
ᬗ᭄ᬲᬶᬃ᭞ᬯᬢᭂᬓ᭄ᬯᬶᬥ᭄ᬬᬥᬭᬳᬰ᭄ᬭᬸ᭞ᬳᬶᬄᬓᬶᬢᬲᬂᬪᬷᬫᬭᬯᬸᬄ᭞ᬫᬲᬳᬸᬭᬶᬧ᭄ᬓᬶᬢᬋᬓᬾ᭞ᬳᬯᬮᬶᬓᬶᬢᬤᬾᬦᬰ᭄ᬭᬸ᭞ᬫᬲᬲᬂᬧᬡ᭄ᬥᬸᬭᬶᬂᬲ᭄ᬯᬃᬕ᭞ᬳᬶᬗᭀᬳᬗᬮᬗᬮᬗ᭟᭐᭟ᬢᬦ᭄ᬓ
ᬦ᭄ᬢᭂᬦ᭄ᬭᬳᬥ᭄ᬬᬳᬶᬦᬸ᭞ᬧᭂᬢᭂᬂᬢᬦ᭄ᬧᬦ᭄ᬢᬭ᭞ᬍᬩᬸᬫᬾᬬᬮᬾᬢᬾᬓᬶᬭᬶᬂ᭞ᬲᬸᬭᬓ᭄ᬫᬯᬦ᭄ᬢᬸᬯᬦ᭄ᬢᬸ᭞ᬲᬜ᭄ᬚᬢᬮ᭄ᬯᬶᬃᬳᬸᬦ᭄ᬤᬦᬸᬭᬸᬦ᭄᭞ᬳᬕᭂᬦ᭄ᬢᬸᬭᬦ᭄ᬲ᭄ᬯᬪᬯᬦᬾ᭞ᬭᬫᬾᬓᬂᬧ᭄ᬭᬂᬲᬶᬦᬸᬭᬸᬂᬲᬶᬦᬸᬭᬸᬂ᭞ᬲᬜ᭄ᬚᬢᬦ᭄ᬧᬧᭂ
ᬕᬢᬦ᭄᭞ᬘᬓ᭄ᬭᬩᬚ᭄ᬭᬤᬸᬓ᭄ᬤᬸᬓ᭄ᬓᭀᬦ᭄ᬢ᭟᭐᭟ᬢ᭄ᬭᬶᬰᬹᬮᬳ᭄ᬭᬶᬢᬫᬾᬂᬳᬶᬓᬸ᭞ᬓᬦ᭄ᬢᬃᬧᬤᬂᬋᬓᬾ᭞ᬧᬢᬶᬓ᭄ᬭᬧᬦᬶᬩᬦᬶᬦ᭄᭞ᬭᬤᬾᬦ᭄ᬪᬷᬫᬢᬦ᭄ᬲᬸᬭᬸᬤ᭄᭞ᬳᬗᬫᬸᬓ᭄ᬢᬦ᭄ᬤᬗᬾᬳᬕᬸᬂ᭞ᬮᬾ
ᬗᬄᬮᭀᬗᭀᬄᬢᬧᭀᬮᬳᬾ᭞ᬢᬦᬦᬫᬗ᭄ᬭᬲᬓᬾᬯᬸᬄ᭞ᬭᬶᬦᭂᬩᬸᬢ᭄ᬧᬶᬦ᭄ᬭᬂᬧ᭄ᬭᬂ᭞ᬢᬦ᭄ᬢᬓᬸᬢ᭄ᬲᬶᬭᬭᬳᬤ᭄ᬬᬦ᭄᭟᭐᭟ᬳᬦᬳᬫᬗᬸᬦ᭄ᬢᬮ᭄ᬳᬦᬳᬦᬸᬤᬸᬓ᭄᭞ᬳᬗ᭄ᬭᬶᬲᬺᬓᬾ᭞ᬳᬦᬳᬫ
[ ᭔᭒ 42A]
ᬢᬂᬳᬫ᭄ᬭᬾᬲᬶ᭞ᬳᬦᬥᬭᬳᬜᬤᬸ᭞ᬢᬦ᭄ᬧᬧᭂᬕᬢᬦ᭄ᬧᬦᬄᬳᬗᬩᬸᬢ᭄᭞ᬳᬦᬤᬧ᭄ᬫᬶᬯᬄᬩᬚ᭄ᬭᬦᬾ᭞ᬳᬦᬳᬗᬺᬩᬸᬢᬫᬸᬧᬸᬄ᭞ᬢᬦ᭄ᬓᬦᬶᬦ᭄ᬭᬳᬤᬾᬦ᭄ᬪᬷᬫ᭞ᬢᬦ᭄ᬧᬫ᭄ᬬᬢᬶᬓᬂᬲᬜ᭄ᬚ
ᬢ᭟᭐᭟ᬭᬳᬤᬾᬦ᭄ᬪᬷᬫᬳᬲᭂᬫᬸᬋᬗᬹ᭞ᬧᭂᬢᭂᬂᬢᬢᬗᭂᬦᬾ᭚ᬳᬗᬶᬧᬸᬓᬦ᭄ᬤᭂᬤᭂᬮᬗᬶᬢᬶᬓ᭄᭞ᬳᬦᬫ᭄ᬧ᭄ᬬᬮ᭄ᬯᬂᬗᬦ᭄ᬤᭂᬓᬸᬂ᭞ᬓᬲᬸᬮᬸᬂᬲᬸᬮᬸᬂᬩᬶᬦᬸᬭᬸ᭞ᬋᬫ᭄ᬧᬓ᭄ᬭᬶᬧᭂᬓ᭄ᬭᬶᬳᭂᬓ᭄ᬤᬾᬗ᭄ᬓᬾᬮ᭄᭞ᬧᬦᬸᬧᬸᬄᬭᬶᬂ
ᬕᬥᬋᬫ᭄ᬧᬸᬄ᭞ᬓᬕᬶᬮᬂᬕᬶᬮᬂᬓᬚᭂᬗ᭄ᬓ᭞ᬓᭀᬦ᭄ᬤᬸᬃᬯᬢᭂᬓ᭄ᬯᬶᬥ᭄ᬬᬥᬭ᭟᭐᭟ᬩᬸᬩᬃᬋᬯᬶᬦ᭄ᬋᬯᬶᬦ᭄ᬲᬲᬓᬧᬮᬬᬸ᭞ᬢᬦ᭄ᬧᬦᭀᬮᬶᬄᬓᬩᬾᬄ᭞ᬰᬾᬱᬦᬶᬂᬫᬮᬬᬸᬓᬭᬶ᭞ᬳᬦᭂᬫ᭄ᬩᬄᬫᬧᬶᬮᬬᬸ᭞
ᬭᬳᬤᬾᬦ᭄ᬪᬷᬫᬢᬦ᭄ᬓᬾᬢᬸᬂ᭞ᬧᬶᬦᬸᬓᬸᬮ᭄ᬧᬸᬓᬸᬮ᭄ᬢᭂᬦ᭄ᬤᬲᬾ᭞ᬢᬸᬦᬸᬢᬶᬂᬲᬫᬫᬮᬬᬸ᭞ᬭᬳᬤᬾᬦᬃᬬ᭄ᬬᬯᬺᬓᭀᬥᬭ᭞ᬮ᭄ᬯᬶᬃᬲᬶᬗ᭄ᬳᬳᬶᬦᬹᬢᬶᬂᬕᬚ᭟᭐᭟ᬲᬂᬪᬷᬫᬳᬗᬸᬘᬧ᭄ᬲᭂᬫᬸᬋᬗᬹ᭞ᬧᬗᬾᬃ [ 43 ][ ᭔᭒ 42B]
᭔᭒᭞
ᬳᬓᬸᬫᬗ᭄ᬓᬾ᭞ᬳᬧᬓᬭᬦᬶᬂᬳᬕᬸᬗ᭄ᬲᬶᬃ᭞ᬫᬾᬭᬾᬦᬾᬋᬩᬸᬢ᭄ᬲ᭄ᬬᬓᬸ᭞ᬳᬓᬸᬫᬸᬮᬮᬶᬯᬢ᭄ᬤᬸᬲᬸᬦ᭄᭞ᬫᬲᬓᬶᬢᬭᬶᬋᬓᬾ᭞ᬢᬦᬸᬭᬸᬂᬲ᭄ᬯᬃᬕᬕᬶᬦᭂᬩᬸᬃ᭞ᬳᬓᬸᬳᬗᬫᬾᬢᬵᬫᬺᬢ᭞ᬬᬦ᭄ᬢᬦᭀᬮᬶᬄ
ᬳᬓᬸᬧᭂᬚᬄ᭟᭐᭟ᬩᬶᬦᬸᬭᬸᬳᬗᬮᭀᬃᬓᬧᬮᬬᬸ᭞ᬳᬕᬾᬕᬾᬃᬲ᭄ᬯᬭᬦᬾ᭞ᬳᬯᭂᬤᬶᬲᬂᬪᬷᬫᬧ᭄ᬭᬧ᭄ᬢᬶ᭞ᬯᭀᬂᬳᬶᬲ᭄ᬢ᭄ᬭᬷᬓᬧᬮᬬᬸ᭞ᬢᬶᬩᬫᬭᬶᬂᬓᭀᬭᬶᬳᬕᬸᬂ᭞ᬳᬕ᭄ᬮᬶᬲ᭄ᬗᭂᬦᬄᬤᬺᬯᬾᬦᬾ᭞ᬳᬦ
ᬳᬗᬶᬦᭂᬩ᭄ᬓᭀᬭᬶᬳᬕᬸᬂ᭞ᬲᭂᬓ᭄ᬱᭂᬓᬸᬫᬸᬂᬫᬭᬶᬂᬲ᭄ᬯᬃᬕ᭞ᬲᬸᬮᬕ᭄ᬭᬲᭂᬲᭂᬧᬶᬦᬂᬢᬂ᭟᭐᭟ᬲᬂᬯᬺᬓᭀᬥᬭᬳᬫ᭄ᬩᬸᬭᬸᬳᬰ᭄ᬭᬸ᭞ᬯᬶᬓᬸᬃᬢᬾᬳᬤᬦᬾ᭞ᬧ᭄ᬭᬧ᭄ᬢᬭᬶᬂᬩᬮᬾᬧᬗᬸᬭᬶᬧ᭄᭞ᬧᬺᬯᬢᭂᬓ᭄ᬋᬱ᭄ᬬᬗᬫᬸᬓ᭄᭞
ᬓᬯᭂᬲ᭄ᬚᬦᬓᬧᬸᬦᬶᬓᬸ᭞ᬦᬭᬤᬯᬺᬳᬱ᭄ᬧᬢᬶᬓᬩᬾᬄ᭞ᬲᬂᬪᬷᬫᬫᬢᬦ᭄ᬚ᭄ᬭᬶᬄᬳᬗᬫᬸᬓ᭄᭞ᬲᬶᬂᬧᬧᬕ᭄ᬓᬲᬸᬮᬬᬄ᭞ᬋᬫᬸᬓ᭄ᬓᬶᬦ᭄ᬤᬮᭀᬳᬶᬢ᭟᭐᭟ᬯᬢᭂᬓ᭄ᬧᬜ᭄ᬘᬋᬧᬱᬶᬓᬧᬮᬬᬸ᭞ᬩᬶᬦᬸᬭᬸᬳᬋ
[ ᭔᭓ 43A]
ᬦᬾ᭞ᬧ᭄ᬭᬧ᭄ᬢᬭᬶᬂᬩᬮᬾᬧᬗᬦ᭄ᬢᬶ᭞ᬢᬢᭂᬓᬶᬦ᭄ᬤ᭄ᬭᬓᬸᬫᬸᬘᬸᬧ᭄᭞ᬳᬫ᭄ᬭᬂᬳᬫᬸᬓᬸᬮᬦᬸᬤᬸᬄ᭞ᬢᬦ᭄ᬓᬧ᭄ᬭᬡᬭᬳᬤ᭄ᬬᬦ᭄᭞ᬢᬦ᭄ᬲᬸᬭᬸᬤ᭄ᬫᬗᬫᬸᬓ᭄ᬫᬦᬸᬳᬸᬓ᭄᭞ᬓᭀᬮᬳᬮᬓᬂᬯᭀᬂᬲ᭄ᬯᬃᬕᬦ᭄᭞ᬓᭀᬦ᭄ᬤᬸᬂᬓᬂᬯ
ᬢᭂᬓ᭄ᬳ᭄ᬬᬂᬇᬦ᭄ᬤ᭄ᬭ᭟᭐᭟ᬫᬮᬬᬸᬳᬕᭂᬫ᭄ᬧᬸᬂᬓᬂᬩᬶᬦᬸᬭᬸ᭞ᬕᬾᬕᬾᬃᬳᬯᬸᬭᬳᬦ᭄᭞ᬲᬫᬧᬥᬢᬯᬦ᭄ᬓᬦᬶᬦ᭄᭞ᬩᬶᬦᬸᬭᬸᬓᬂᬧᬶᬦᬸᬓᬸᬮ᭄᭞ᬲᬶᬂᬓᬧᬭᬕ᭄ᬓᬧᬮᬬᬸ᭞ᬮᬶᬯᬢ᭄ᬩᬮᬾᬯᬗᬦ᭄ᬢᬶᬦᬾ᭞ᬭ
ᬳᬤ᭄ᬬᬦ᭄ᬗᬮᭀᬃᬳᬫ᭄ᬩᬸᬭᬸ᭞ᬧ᭄ᬭᬧ᭄ᬢᬭᬶᬂᬩᬮᬾᬢ᭄ᬭᬸᬲᬾ᭞ᬳ᭄ᬬᬂᬯᬢᭂᬓ᭄ᬕᬸᬭᬸᬢᬸᬫᬦ᭄ᬤᬂ᭟᭐᭟ᬪᬝᬵᬭᬇᬦ᭄ᬤ᭄ᬭᬯᬶᬱ᭄ᬡᬸᬢᬦ᭄ᬓᬦ᭄ᬢᬸᬦ᭄᭞ᬫ᭄ᬯᬂᬪᬝᬵᬭᬓᬵᬮ᭞ᬪᬝᬵᬭᬭᬸᬤ᭄ᬭᬯᬶᬲ᭄ᬯᬳᬶᬓᬶ᭞ᬧ᭄ᬭᬫᬓᬗᬫᬓᬂ
ᬗᬫᬸᬓ᭄᭞ᬳᬦᬫᬫᬦᬄᬫ᭄ᬯᬂᬳᬫᬸᬓᬸᬮ᭄᭞ᬘᬓ᭄ᬭᬢᬦ᭄ᬧᬧᭂᬕᬢᬦ᭄᭞ᬮᬓᬸᬦᬾᬤᬦ᭄ᬤᬕᬥᬓᭀᬦ᭄ᬢ᭞ᬢᬸᬢᬸᬓ᭄ᬕᬦ᭄ᬤᬾᬯᬧᭂᬤᬂᬓᬸᬫᬸᬧᬓ᭄᭞ᬋᬫ᭄ᬋᬫ᭄ᬭᬶᬂᬲ᭄ᬯᬃᬕᬓᬳ᭄ᬬᬗᬦ᭄᭟᭐᭟ᬳ [ 44 ][ ᭔᭓ 43B]
᭔᭓᭞
ᬗᬬᬸᬂᬲᬂᬯ᭄ᬭᬓᭀᬥᬭᬗᬫᬸᬓ᭄᭞ᬢᬦ᭄ᬓᬦᬶᬦ᭄ᬭᬕᬦᬾ᭞ᬓᬭᬶᬳᬶᬤᬸᬧ᭄ᬧ᭄ᬭᬂᬲᭂᬮᬂᬓ᭄ᬭᬶᬲ᭄᭞ᬳᬲᬸᬯᬾᬲᭂᬮᬾᬂᬤᬸᬗ᭄ᬓ᭄ᬭᬸᬓ᭄᭞ᬳᬋᬧ᭄ᬢᬶᬦᬫ᭄ᬧ᭄ᬬᬦᬓᬸ᭞ᬭᬳᬤᬾᬦ᭄ᬪᬷᬫᬉᬚᬭᬾ᭞ᬲᬂᬪᬷᬫᬢᬗ᭄ᬕᬸᬳᬗ
ᬫᬸᬓ᭄᭞ᬓᬮᬳᬮ᭄ᬓᬂᬯᭀᬂᬲ᭄ᬯᬃᬕ᭞ᬲᭂᬲᭂᬓ᭄ᬲᬶᬦᬾᬩᬦ᭄ᬤᬾᬦᬶᬂᬳ᭄ᬬᬂ᭟᭐᭟ᬧ᭄ᬭᬲᬫᬯᬢᭂᬓ᭄ᬤᬾᬯᬢᬭᬯᬸᬄ᭞ᬳᬢᬢᬭᬶᬂᬓᬢᬃ᭞ᬪᬝᬵᬭᬕᬸᬭᬸᬮᬶᬂᬦ᭄ᬬᬳᬭᬶᬲ᭄᭞ᬳᬤᬸᬄᬳᬦᬓᬶᬭᬶ
ᬗ᭄ᬲᬸᬦ᭄᭞ᬳ᭄ᬬᬂᬩᬬᬸᬢᬦᬦᬭᬯᬸᬄ᭞ᬫᬗ᭄ᬓᬳᬋᬓᬾᬓᬜ᭄ᬘᬶᬢ᭄᭞ᬧ᭄ᬭᬧ᭄ᬢᬳ᭄ᬬᬂᬩᬬᬸ᭞ᬪᬝᬵᬭᬚᬕᬢ᭄ᬦᬢᬳᬗᬸᬘᬧ᭄᭞ᬳᬮᬶᬗ᭄ᬕᬶᬳᬲᬶᬭᬩᬧ᭟᭐᭟ᬪᬝᬵᬭᬩᬬᬸᬲᬯᬸᬃ
ᬯᭀᬢ᭄ᬲᬦ᭄ᬢᬸᬦ᭄᭞ᬲᬫᬮᬸᬗ᭄ᬕᬸᬄᬋᬓᬾ᭞ᬪᬝᬵᬭᬩᬬᬸᬳᬢᬸᬃᬪᬓ᭄ᬢᬶ᭞ᬧᬸᬓᬸᬮᬸᬦ᭄ᬳ᭄ᬬᬂᬲᬶᬦᬸᬳᬸᬦ᭄᭞ᬲᬂᬪᬷᬫᬧᭂᬚᬄᬧᬸᬓᬸᬮᬸᬦ᭄᭞ᬳᬶᬗᬫᬾᬢᬋᬓᬾᬩᬬᬸᬦᬾ᭞ᬬᬦ᭄ᬢᬦᬶᬦᬫᬾᬢ᭄ᬧᬸ
[ ᭔᭔ 44A]
ᬦᬶᬓᬸ᭞ᬢᬦ᭄ᬫᬵᬢᬶᬤᬾᬦᬶᬂᬲᬜ᭄ᬚᬢ᭞ᬢᬦᬸᬭᬸᬂᬩᬸᬩᬸᬃᬓᬂᬲ᭄ᬯᬃᬕ᭟᭐᭟ᬧ᭄ᬭᬲᬫᬏᬦᬓ᭄ᬧᬸᬦᬂᬳᬗ᭄ᬭᬸᬗᬸ᭞ᬳᬢᬸᬃᬳ᭄ᬬᬂᬩᬬᬸᬦᬾ᭞ᬧ᭄ᬭᬲᬫᬢᬸᬢᬸᬃᬭᬶᬂᬗᬹᬦᬷ᭞ᬢᬦ᭄ᬯᬸᬯᬸᬲ᭄ᬧᬦ᭄ᬧᬸᬦᬶᬓᬸ᭞
ᬯᬢᭂᬓ᭄ᬢ᭄ᬭᬶᬮᭀᬓᬧᬸᬦᬶᬓᬸ᭞ᬯᬸᬯᬸᬲᭂᬦ᭄ᬲᬂᬪᬷᬫᬋᬓᬾ᭞ᬲᬧᭂᬚᬳᬶᬭᬧᬸᬦᬶᬓᬸ᭞ᬢᬸᬢᬸᬫᬭᬶᬂᬫᬥ᭄ᬬᬧᬤ᭞ᬧ᭄ᬭᬲᬫᬓᬕᬶᬮᬂᬕᬶᬮᬂ᭟᭐᭟ᬲᬂᬯᬢᬸᬫᬶᬢᬶᬲ᭄ᬢ᭄ᬯᬭᬫᬩᬬᬸ᭞ᬫ᭄ᬯᬄᬫᬵᬦᬸᬱᬦᬾ᭞
ᬧᬮᬾᬗᭀᬄᬧ᭄ᬭᬲᬫᬧᬮᬶᬂ᭞ᬲᬮᬶᬂᬭᬶᬭᬕᬦᬶᬧᬸᬦ᭄᭞ᬢᬦᬶᬓᬗᬶᬦ᭄ᬢᬦᬶᬓᬯᬸᬄ᭞ᬍᬫᭂᬢ᭄ᬫᬚᬮᬧᬾ᭞ᬫᬗᭂᬮᬾᬮᬾᬬᬾᬓᬢᬗᬸᬬᬸᬓ᭄᭞ᬳᬤᬢᬶᬩᬧᬚᬸᬮᬾᬫ᭄ᬧᬂ᭞ᬯᭀᬦ᭄ᬢᭀᬂᬤᬤᬶᬫᬧ᭄ᬮ
ᬢᬦᬦ᭄᭟᭐᭟ᬓᬬᬸᬦᬾᬧ᭄ᬭᬲᬫᬮᬬᬸ᭞ᬫ᭄ᬯᬂᬢᬸᬢᬸᬲ᭄ᬫᬘᬦᬾᬧᬕ᭄ᬭᬾᬂᬧᬢᬶᬸᬂᬮᬶᬂᬧᬢᬶᬩᬩᬃᬢᬾᬓᬶ᭞ᬲᬗ᭄ᬕᬳᬾᬳᬸᬮᬸᬦᬸᬮᬸᬦ᭄᭞ᬏᬗᬳᬾᬗᭀᬄᬧᬢᬶᬳᭂᬦ᭄ᬢᬸᬮ᭄᭞ᬩᭀᬚᭀᬕᬾᬧᬢᬶ [ 45 ][ ᭔᭔ 44B]
᭔᭔᭞
ᬳᬸᬭᬧᬾ᭞ᬧᭂᬢᬸᬦᬾᬦᭂᬕᬓ᭄ᬤᬶᬤᬸᬳᬸᬃ᭞ᬫᬗᬸᬬᬸᬓ᭄ᬫᬳᬶᬭᬶᬩ᭄ᬓᬶᬬᬧ᭄᭞ᬲᭂᬫᬮᬾᬦᭀᬫ᭄ᬧ᭄ᬮᭀᬓ᭄ᬜᭀᬕᬾᬕᬕ᭄᭟᭐᭟ᬧᬓ᭄ᬱᬶᬦᬾᬲᬫᬢᬦ᭄ᬓᭂᬦᬾᬂᬮᬓᬸ᭞ᬲᬢᬭᬸᬳᬭᬦᬾ᭞ᬧᭂᬢᭂᬂᬤᭂᬤᭂᬢ᭄ᬳᬸᬚᬦ
ᬗᬶᬦ᭄᭞ᬓᭂᬢᬸᬕ᭄ᬮᬶᬦᬸᬄᬓᬫᬸᬯᬸᬲ᭄᭞ᬢᬾᬚᬕᬸᬮᬶᬂᬓᬸᬯᬸᬂᬓᬸᬯᬸᬂ᭞ᬋᬫ᭄ᬋᬫ᭄ᬳ᭄ᬬᬂᬅᬤᬶᬢ᭄ᬬᬋᬓᬾ᭞ᬧᬮᬶᬧ᭄ᬭᬲᬫᬭᬶᬂᬫᬃᬕᬶ᭞ᬧᬮᬾᬗᭀᬄᬢᬦ᭄ᬧᬩᬬᬸ᭞ᬧ᭄ᬭᬲᬫᬦᬕᬶᬄᬢᬸᬦ᭄ᬢᬸᬦᬯᬸᬭᬳᬦ᭄᭟᭐᭟ᬪᬝᬵ
ᬭᬚᬕᬢ᭄ᬦᬢᬳᬫᬸᬯᬸᬲ᭄᭞ᬥᬸᬄᬲᬂᬩᬬᬸᬋᬓᬾ᭞ᬳᬭᬶᬧ᭄ᬲᬂᬪᬷᬫᬧᬸᬦᬶᬓᬶ᭞ᬫᬵᬢᬶᬯᭀᬂᬲ᭄ᬯᬃᬕᬳᬶᬓᬸ᭞ᬲᬫᬢᬦᬤᬺᬯᬾᬩᬬᬸ᭞ᬫᬶᬯᬄᬫᬭᬶᬂᬫᬥ᭄ᬬᬧᬤ᭞ᬬᬦ᭄ᬭᬸᬲᬓ᭄ᬫᬥ᭄ᬬᬧᬸᬦᬶᬓᬸ᭞ᬳᬶᬗ᭄ᬲᬸᬦ᭄ᬋᬓᬾ
ᬢᬦ᭄ᬧᬓᬾᬃᬣᬶ᭞ᬧᬭᬦ᭄ᬧᭀᬮᬳᬾᬫᬗ᭄ᬓᬦ᭟᭐᭟ᬬᬦ᭄ᬢᬦ᭄ᬳᬸᬭᬶᬧᬲᬂᬪᬷᬫᬳᬶᬓᬸ᭞ᬳᬶᬗ᭄ᬲᬸᬦᬢᬢᬓᬾᬦ᭄᭞ᬫᬘᬦᬲᭂᬤᭂᬂᬓᬧᬶᬗᬶᬢ᭄᭞ᬢᬢᬯᬶᬲ᭄ᬢ᭄ᬭᬾᬂᬲᬓᭂᬧᬸᬂ᭞ᬬᬦ᭄ᬯ᭄ᬭᬸᬄᬲᬂᬪᬷᬫᬳᬶᬓᬸ᭞ᬯᭂ
[ ᭔᭕ 45A]
ᬦᬂᬓᬂᬳᭀᬮᬶᬄᬢᬷᬃᬣᬦᬾ᭞ᬫᬶᬯᬄᬢᬪᬝᬵᬭᬧᬦ᭄ᬥᬸ᭞ᬫᬸᬗ᭄ᬕᬸᬄᬫᬭᬶᬂᬫᬾᬭᬸᬯᬾᬢᬦ᭄᭞ᬢᬸᬫ᭄ᬧᬂᬲᬯᭂᬮᬲ᭄ᬧᬮᬶᬗ᭄ᬕᬶᬄᬦ᭄ᬬ᭟᭐᭟ᬲᬫᬗ᭄ᬓᬦᬧᬗᬸᬘᬧ᭄ᬳ᭄ᬬᬂᬯᬶᬸᬕᬸᬭᬸ᭞ᬳ᭄ᬬᬂᬩᬬᬸᬳᬢᬸᬭᬾ᭞ᬧᬸᬓᬸᬮᬸᬦ᭄ᬲᬶ
ᬗ᭄ᬕᬶᬄᬳᬩᭂᬘᬶᬓ᭄᭞ᬧᬕᭂᬄᬮᬶᬗ᭄ᬕᬶᬄᬧᬸᬓᬸᬮᬸᬦ᭄᭞ᬬᬦ᭄ᬫᬗ᭄ᬓᬦᬲᬂᬲᬶᬦᬸᬳᬸᬦ᭄᭞ᬳ᭄ᬬᬂᬩᬬᬸᬳᬦᭂᬫ᭄ᬩᬄᬋᬓᬾ᭞ᬳᬫᬶᬢ᭄ᬧᬝᬶᬓ᭄ᬲᬂᬲᬶᬦᬸᬳᬸᬦ᭄᭞ᬪᬝᬵᬭᬩᬬᬸᬮᬸᬫᬫ᭄ᬧᬄ᭞ᬧ᭄ᬭᬧ᭄ᬢᬭᬶᬂᬮᬬᭀᬦ᭄ᬲᬂᬪᬷᬫ᭟᭐᭟
ᬳᬶᬗᭀᬮᬶᬳᬸᬮᬶᬄᬧᬸᬦᬂᬲᬂᬩᬬᬸ᭞ᬳᬗ᭄ᬮᬶᬮᬶᬃᬭᬳᬤ᭄ᬬᬦ᭄᭞ᬳᬲᭂᬫᬸᬓᬧᬸᬧᬸᬂᬳᬗᬶᬢᬶᬓ᭄᭞ᬪᬝᬵᬭᬩᬬᬸᬫᬸᬯᬸᬲ᭄᭞ᬳᬶᬗ᭄ᬲᬸᬦᬗᬦ᭄ᬢᬸᬓᬂᬩᬬᬸ᭞ᬭᬳᬤ᭄ᬬᬦ᭄ᬪᬷᬫᬉᬚᬭᬾ᭞ᬧᬭᬦ᭄ᬓᬭᬦᬶᬂᬉᬫᬦ᭄ᬢᬸᬓ᭄᭞ᬲ᭄ᬬ
ᬓᬸᬲᬸᬓᬧᭂᬚᬳ᭞ᬦᬯᬸᬫᬭᬶᬂᬇᬦ᭄ᬤ᭄ᬭᬮᭀᬓ᭟᭐᭟ᬪᬝᬵᬭᬩᬬᬸᬯᬸᬯᬸᬲᬾᬳᬮᬸᬲ᭄᭞ᬥᬸᬄᬲᬂᬪᬷᬫᬋᬓᬾ᭞ᬪᬝᬵᬭᬚᬕᬢ᭄ᬦᬢᬗᬸᬭᬶᬧ᭄᭞ᬓᬘᭂᬭᬓᬭᬤᬸᬄᬳᬸᬢᬸᬲ᭄᭞ᬳᬶᬤᬳ᭄ᬬᬂᬕᬸᬭᬸ [ 46 ][ ᭔᭕ 45B]
᭔᭕᭞
ᬫᬢᬸᬃ᭞ᬓᬂᬘᬭᬓᬦᬾᬭᬶᬂᬳᬶᬤ᭞ᬪᬝᬵᬭᬩᬬᬸᬧᬓᬸᬮᬸᬦ᭄᭞ᬲᬂᬚᬕᬢ᭄ᬦᬢᬲᬸᬲᬸᬳᬸᬦᬦ᭄᭞ᬬᬦ᭄ᬳᬸᬭᬶᬧ᭄ᬭᬳᬤᬾᬦ᭄ᬪᬷᬫ᭟᭐᭟ᬉᬫᭂᬤᭂᬓ᭄ᬧᬸᬓᬸᬮᬸᬦ᭄ᬲᬂᬦᬸᬳᬸᬦ᭄᭞ᬭᬶᬂᬳ᭄ᬬᬂᬚᬕᬢ᭄ᬦᬢᬦᬾ᭞
ᬧᬋᬂᬮᬦ᭄ᬲᬂᬪᬷᬫᬳᬶᬓᬶ᭞ᬪᬝᬵᬭᬩᬬᬸᬳᬦᬸᬳᬸᬦ᭄᭞ᬫᬋᬓ᭄ᬭᬶᬂᬲᬂᬓᬲᬸᬳᬸᬦ᭄᭞ᬧᬋᬂᬮᬦ᭄ᬲᬂᬪᬷᬫᬋᬓᬾ᭞ᬫᬾᬄᬧ᭄ᬭᬧ᭄ᬢᬫᬭᬶᬂᬧᬗᬸᬦ᭄ᬢᬸᬃ᭞ᬚᬸᬫᭀᬚᭀᬕ᭄ᬫᬭᬶᬂᬚ᭄ᬭᭀᬫᬥ᭄ᬬ᭞ᬓᬢᭂᬫᬸᬳ᭄ᬬᬂᬚᬕᬢ᭄ᬦᬢ᭟᭐᭟
ᬪᬝᬵᬭᬚᬕᬢ᭄ᬦᬢᬫᬸᬯᬸᬲ᭄᭞ᬢᬭᬳᬤᬾᬦ᭄ᬪᬷᬫ᭞ᬲ᭄ᬯᬭᬦᬾᬳᬗᬲᬶᬳᬲᬶᬄ᭞ᬥᬸᬄᬭᬤᬾᬦ᭄ᬪᬷᬫᬳᬶᬓᬸ᭞ᬧᬭᬦ᭄ᬕᬯᬾᬦᬶᬭᬭᬯᬸᬄ᭞ᬫᬭᬶᬂᬢᭂᬕᬮ᭄ᬧᬦᬗ᭄ᬲᬭᬦ᭄᭞ᬫᬶᬯᬄᬭᬶᬂᬲ᭄ᬯᬃᬕᬳᬗᭂᬩᬸᬃ᭞ᬯ
ᬭᬳᬳᬶᬗ᭄ᬲᬸᬦ᭄ᬤᬾᬦᬾᬗ᭄ᬕᬮ᭄᭞ᬭᬳᬤᬾᬦᬵᬪᬷᬫᬳᬗᬸᬘᬧ᭄᭟᭐᭟ᬧᬸᬓᬸᬮᬸᬦ᭄᭞ᬯᭀᬦ᭄ᬢᭂᬦ᭄ᬓᬃᬬ᭄ᬬᬦᬾ᭞ᬲ᭄ᬬᬓᬸᬚᬕᬗᬸᬮᬢᬶ᭞ᬧᬸᬓᬸᬮᬸᬦᬢ᭄ᬫᬦᬶᬭᬳ᭄ᬬᬂᬧᬡ᭄ᬥᬸ᭞ᬫ᭄ᬯᬂᬤᬾᬯᬷᬫ
[ ᭔᭖ 46A]
ᬤ᭄ᬭᬷᬧᬸᬓᬸᬮᬸᬦ᭄᭞ᬢᬦ᭄ᬲᬶᬧᬶᬦᭂᬫᬸᬮᬭᬦᬾ᭞ᬓᬕᬶᬮᬂᬕᬶᬮᬂᬧᬸᬓᬸᬮᬸᬦ᭄᭞ᬲᬵᬫ᭄ᬧᬸᬦ᭄ᬲ᭄ᬬᬓᬸᬗᬫᬾᬢ᭞ᬭᬶᬂᬓᬯᬄᬢᬩ᭄ᬭᬕᭀᬫᬸᬓ᭟᭐᭟ᬲᬶᬦᬸᬧᬢᬶᬓᬸᬢᬦ᭄ᬤᬤ᭄ᬬᬫᬸᬯᬸᬲ᭄᭞ᬢᬦ᭄ᬲᬶᬤ᭄ᬥᬓᬃᬬ᭄ᬬᬦᬾ᭞
ᬬᬦᭀᬮᬶᬄᬳᬓᬸᬗᬸᬮᬢᬶ᭞ᬅᬫᬺᬢᬦᬶᬭᬳ᭄ᬬᬂᬕᬸᬭᬸ᭞ᬓᬯᬰᬩᬧᬓᬸᬫᬸᬯᬸᬲ᭄᭞ᬓᬮᬶᬄᬤᬾᬯᬷᬫᬤ᭄ᬭᬷᬳᬶᬓ᭞ᬬᬦ᭄ᬲᬵᬫ᭄ᬧᬸᬦ᭄ᬦᭂᬫᬸᬭᬳᬬᬸ᭞ᬓᬮᬶᬄᬕᬶᬦᬯᬦᬾᬂᬲ᭄ᬯᬃᬕ᭞ᬉᬫᬋᬓ᭄ᬧᬤᬦᬶᬭᬳ᭄ᬬᬂ᭟᭐
᭟ᬪᬝᬵᬭᬚᬕᬢ᭄ᬦᬢᬳᬫᬸᬯᬸᬲ᭄᭞ᬥᬸᬄᬳᬕᭂᬂᬤᬦ᭄ᬥᬦᬾ᭞ᬪᬝᬵᬭᬧᬡ᭄ᬥᬸᬭᬶᬂᬗᬹᬦᬷ᭞ᬲᭂᬤᭂᬓᬶᬗ᭄ᬲᬸᬦ᭄ᬢᬸᬫᬸᬭᬸᬦ᭄᭞ᬫᬭᬶᬂᬫᬥ᭄ᬬᬧᬤᬳᬶᬓᬸ᭞ᬫᬦᬤᬶᬲᬸᬓ᭄ᬭᬶᬓᭂᬦᬲ᭄ᬯᬾᬢ᭞ᬢᬦ᭄ᬲᬶᬧᬶᬳᬸᬗᬸᬶᬂᬮᬗᬸᬦᬶ
ᬗ᭄ᬲᬸᬦ᭄᭞ᬫᬭᬶᬂᬭᬷᬡᬲ᭄ᬯᬾᬢᬳᬶᬲ᭄ᬢ᭄ᬭᬶᬬ᭞ᬢᬶᬦᭂᬫᬸᬦᬶᬗ᭄ᬲᬸᬦ᭄ᬫᬘᬸᬫ᭄ᬩᬦ᭟᭐᭟ᬪᬝᬵᬭᬧᬡ᭄ᬥᬸᬲᭂᬤᭂᬓ᭄ᬩᬸᬩᬸᬭᬸ᭞ᬧᬶᬦᬦᬄᬲᬸᬦᬺᬓᬾ᭞ᬫᬵᬢᬶᬲᬂᬭᬶᬡᬳᬶᬲ᭄ᬢ᭄ᬭᬷ᭞ᬘᬢ᭄ᬮᬭᬶᬲᬫ [ 47 ][ ᭔᭖ 46B]
᭔᭖᭞
ᬲ᭄ᬢᬸ᭞ᬪᬝᬵᬭᬧᬦ᭄ᬥᬸᬧᬸᬦᬶᬓᬸ᭞ᬢᬦ᭄ᬤᬤᬶᬫᬘᬸᬫ᭄ᬩ᭄ᬯᬦᬦᬾ᭚ᬬᬦ᭄ᬫᬘᬸᬫ᭄ᬩ᭄ᬯᬦᬳᬶᬦᬸ᭞ᬳᬧᬢ᭄ᬯᬄᬬᬦᭂᬫᬸᬧᭂᬚᬄ᭞ᬫᬗ᭄ᬓᬦᬲᬧᬭᬶᬂᬓᬸᬦ᭟᭐᭟ᬪᬝᬵᬭᬧᬡ᭄ᬥᬸᬢᬦ᭄ᬲᬶᬧᬶᬲᬸ
ᬗ᭄ᬲᬸᬢ᭄᭞ᬯᬸᬓ᭄ᬢᬶᬦᬶᬩᬂᬲᬧ᭞ᬲᬸᬯᬾᬦ᭄ᬫᬗ᭄ᬕᬶᬄᬯᭀᬂᬳᬶᬲ᭄ᬢ᭄ᬭᬷ᭞ᬮᬦ᭄ᬤᬮᬦ᭄ᬫᬦᭂᬫᬸ᭞ᬭᬶᬂᬤᬾᬯᬷᬫᬤ᭄ᬭᬷᬧᬸᬦᬶᬓᬸ᭞ᬧᭂᬚᬄᬉᬧᬢᬢᬸᬋᬓᬾ᭞ᬫᬵᬕᭂᬂᬮᬭᬓᬢᭂᬫᬸ᭞ᬢᬦᬦ᭄ᬓᬃᬯᬦ᭄ᬲᬃᬓᭂᬦ᭄ᬬ᭞ᬬᬦ᭄ᬢᬦ᭄ᬓᬶᬢ
ᬫᬭᬶᬓᭀᬰ᭟᭐᭟ᬲᬂᬪᬷᬫᬲᬯᬸᬭᬾᬳᬲᭂᬫᬸᬳᬮᬸᬲ᭄᭞ᬢᬦ᭄ᬯ᭄ᬭᬸᬄᬳᬓᬸᬋᬓᬾ᭞ᬫᬭᬶᬂᬤᬤᬮᬦᬾᬗᬹᬦᬷ᭞ᬫᬗ᭄ᬓᬾᬳᬓᬸᬢᭂᬓᬵᬰ᭄ᬭᬸ᭞ᬜ᭄ᬚᭂᬦᭂᬗᬪᬝᬵᬭᬧᬦ᭄ᬥᬸ᭞ᬉᬫᬭᬾᬲ᭄ᬯᬃᬕᬋᬓᬾ᭞ᬫᬶ
ᬯᬄᬤᬾᬯᬷᬫᬤ᭄ᬭᬷᬳᬶᬓᬸ᭞ᬪᬝᬵᬭᬚᬕᬢ᭄ᬦᬣᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬫᬗ᭄ᬓᬦᬭᬳᬤ᭄ᬬᬦ᭄᭟᭐᭟ᬳᬶᬗ᭄ᬲᬸᬦᬢᬢᬓᬯᬶᬲ᭄ᬢᬾᬂᬳᬬᬸᬦ᭄᭞ᬢᬶᬢᬶᬰᬷᬮᬓ᭄ᬭᬫᬦᬾ᭞ᬢᭂᬢᬸᬦᬶᬩᬸᬯᬦᬓᬂᬢ᭄ᬭᬶᬦᬶᬂ᭞ᬓ
[ ᭔᭗ 47A]
ᬲ᭄ᬬᬲ᭄ᬯᬾᬕᬭᬶᬂᬯᭂᬢᬸᬂ᭞ᬯ᭄ᬯᬦ᭄ᬭᬚ᭄ᬬᬭᬭᬯᭂᬢ᭄ᬭᬾᬬᬸᬓ᭄᭞ᬫ᭄ᬯᬂᬰᬭᬷᬭᬦ᭄ᬢᬋᬓᬾ᭞ᬰᬸᬤ᭄ᬭᬍᬯᬶᬄᬳᬲᬸᬓᬶᬦ᭞ᬫ᭄ᬯᬄᬧᬮᬦᬶᬂᬰᬭᬷᬭ᭞ᬮᭀᬃᬢᬾᬢᬦ᭄ᬧᬭᬯᬃᬡᬦ᭄ᬬ᭟᭐᭟ᬭᬶᬓᬸᬮᭀᬦ᭄ᬢᬂᬳᬓᬶᬤᬸᬮ᭄ᬧᬸ
ᬦᬶᬓᬸ᭞ᬧᬭᬦ᭄ᬢᬭᬹᬧᬦᬾ᭞ᬢᬢᬲ᭄ᬓᬶᬢᬯᬶᬢ᭄ᬓᬲᬦ᭄ᬢ᭄ᬭᬷ᭞ᬢᬸᬢᬸᬃᬯᬶᬲ᭄ᬭᬯᬶᬯᬶᬓᬸ᭞ᬫᬜ᭄ᬘᬵᬫᬺᬢᬫᬭᬶᬂᬓᬸᬭᬸᬂ᭞ᬕᭂᬕᭂᬢᭂᬃᬧᬯᬦᬲᬓᬾᬦ᭄᭞ᬫ᭄ᬯᬂᬕ᭄ᬦᬶᬯᬶᬱ᭄ᬡᬸ᭞ᬢᬢᬫᬸᬤᬶᬢ᭄ᬬᬤᬸᬮᬦ᭄ᬢ᭞ᬢᬯᬶᬕ᭄ᬢ᭄ᬭᬶᬬᬫ᭄ᬩᬸᬕᬸᬂᬭᬭ
ᬭᬾᬉᬢ᭄ᬢᬫ᭟᭐᭟ᬳᬗ᭄ᬳᬶᬂᬫᬯᬃᬡᬉᬗ᭄ᬕ᭄ᬯᬦᬶᬂᬳᬶᬓᬸ᭞ᬫᬸᬗ᭄ᬕᬄᬭᬶᬂᬭᬕᬦᬾ᭚ᬭᬳᬤᬾᬦ᭄ᬪᬶᬫᬓᬯᬸᬭᬶᬦ᭄᭞ᬧᬸᬓᬸᬮᬸᬦ᭄ᬲᬂᬲᬶᬦᬸᬳᬸᬦ᭄᭞ᬯ᭄ᬭᬸᬄᬳᬓᬸᬲᬮ᭄ᬯᬶᬭᬶᬂᬢᬸᬢᬸᬃ᭞ᬧ᭄ᬭᬲᬫᬢᬢᬲ᭄ᬓᬸᬫᬗ᭄ᬓᬾ᭞ᬯᬶᬢ
ᬦ᭄ᬢ᭄ᬭᬯᬷᬭᬢᬸᬤᬸᬄ᭞ᬕᭂᬕᭂᬃᬮᬸᬤ᭄ᬭᬫ᭄ᬯᬂᬩᬶᬦ᭄ᬢᬂ᭞ᬕᬸᬫᬶᬳᬮᬶᬢ᭄ᬭᬶᬓᬭᬭᬚᬦ᭄᭟᭐᭟ᬤᬶᬢ᭄ᬬᬭᬶᬗ᭄ᬕ᭄ᬯᬦ᭄ᬯᬸᬮᬦ᭄ᬧᬸᬦᬶᬓᬸ᭞ᬳᬭᬶᬧᬭᬧ᭄ᬯᬭᬾ᭞ᬕᭂᬕᭂᬢᭂᬃᬧᬯᬦᬕᬢᬶ᭞ᬧᬸᬭᬶᬧᬸᬭᬶᬧᬸᬦᬶᬓᬸ᭞ᬯᬶᬯᬶᬄᬰ᭄ᬭᬂᬤᬶ [ 48 ][ ᭔᭗ 47B]
ᬢᬓᬯᬶᬓᬸ᭞ᬮᭀᬃᬯᬾᬢᬦ᭄ᬯᬃᬡᬳᬶᬋᬗᬾ᭞ᬯᬾᬢᬦ᭄ᬲ᭄ᬯᬢᬧᬸᬦᬶᬓᬸ᭞ᬭᬶᬂᬓᬶᬤᬸᬮ᭄ᬩᬵᬂᬯᬃᬡᬦ᭄ᬬ᭞ᬓᬸᬮᭀᬦ᭄ᬚᭂᬦᬃᬧᬫᬸᬮᬸᬦ᭄ᬬ᭟᭐᭟ᬢᬸᬢᬸᬃᬧᬸᬦᬶᬓᬋᬓᬾᬧᬸᬓᬸᬮᬸᬦ᭄᭞ᬰᬵᬲ᭄ᬢ᭄ᬭᬾᬂᬯᬶᬯᬶᬢᬦᬾ᭞
ᬚᬷᬯᬷᬭᬳᬭᬶᬧᬹᬃᬯᬦᬶᬂ᭞ᬲᬲᭂᬧᬾᬦ᭄ᬯᬷᬭᬢᬸᬤᬸᬄ᭞ᬓᬢᭂᬕ᭄ᬫᬭᬶᬂᬫ᭄ᬩᬸᬫ᭄ᬬᬕᬸᬂ᭞ᬲᭂᬲᭂᬋᬂᬭᬜ᭄ᬘᬓ᭄ᬩᬸᬤᬶᬦᬾ᭞ᬢᬷᬃᬣᬲ᭄ᬯᬭᬾᬂᬢᬶᬢᬶᬲᬥᬸ᭞ᬲᬸᬓᭂᬢᬶᬂᬢᬶᬢᬶᬢᬶᬢᬢᬭ᭞ᬧ᭄ᬭᬳᬬᬸᬭᬶᬂᬕᬶᬸᬭᬵᬕᬉᬢ᭄ᬢᬫ᭟
᭐᭟ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬤᬶᬦ᭞ᬯᬺ᭞ᬉ᭞ᬯᬭᬕᬸᬫ᭄ᬩᬺᬕ᭄᭞ᬫᬲᬾᬳᬶᬢᬗ᭄ᬕᬮ᭄᭞᭒᭓᭞ᬦᭀᬧᬾᬫ᭄ᬩᭂᬃ᭞᭑᭙᭙᭕᭟ᬓ᭄ᬱᬫᬢᬶᬢ᭄ᬬᬂᬳᬶᬯᬬᬦ᭄ᬲᬫ᭄ᬩ᭞ᬲᬓᬶᬂᬤᬸᬲᬸᬦ᭄ᬓᬸᬩᬸᬳᬜᬃ᭞ᬕᬂᬲᬮᬓ᭞ᬤᬾᬰᬓᬸ
ᬩᬸᬢᬫ᭄ᬗᬳᬦ᭄᭞ᬓᬘᬫᬢᬦ᭄ᬓᬸᬩᬸᬢᬫ᭄ᬩᬳᬦ᭄᭞ᬓᬪᬹᬧᬢᬾᬦ᭄ᬩᬸᬮᬾᬮᬾᬂ᭞ᬲᬶᬗ᭄ᬳᬭᬵᬚ᭟᭐᭟ᬧᬸᬧᬸᬢ᭄᭟᭐᭟