Ban/Gaguritan Cacangkriman
Deskripsi
editBahasa Indonesia
editGĕguritan adalah sebuah bentuk puisi tembang dalam bahasa sehari-hari. Gĕguritan Cacangkriman merupakan teks tutur yang disajikan dalam bentuk gĕguritan .
Bahasa Inggris
editGĕguritan is a form of metered poem in vernacular language. Gĕguritan Cacangkriman is a tutur text presented in the form of gĕguritan .
Naskah
edit[ 1 ][PERPUSTAKAAN KTR.DOKBUD BALI PROP.BALI
G/IV/2/DOKBUD
Judul: Gag. CACANGKRIMAN =
Panj. 30 cm. Leb. 3,5 cm. Jml. 47 lb.
Asal: Griya Jungutan, Bungaya,Kr. asem]
[᭑ 1A]
Judul: Gag. CACANGKRIMAN =
Panj. 30 cm. Leb. 3,5 cm. Jml. 47 lb.
Asal: Griya Jungutan, Bungaya, Kr.asem [ 2 ][᭑ 1B]
᭑
᭛᭜᭛ᬑᬁᬅᬯᬶᬖ᭄ᬦᬵᬫᬵᬲ᭄ᬢᬸ᭛᭜᭛ᬧᬸᬄᬧᬸᬘᬸᬂ᭛᭜᭛ᬲᬶᬗ᭄ᬕᬶᬄᬧᬸᬓᬸᬮᬸᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭᬾᬓᬶ᭞ᬭᬶᬂᬳ᭄ᬬᬂᬰ
ᬭᬰ᭄ᬯᬢ᭄ᬬ᭞ᬗᬧᬸᬲ᭄ᬘᬭᬶᬢ᭄ᬣᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂ᭠ᬓ᭄ᬦᬶᬭᬚᬵᬧᬶᬦᬸᬮᬄ᭟ᬳ᭄ᬤᬵᬧᬾᬭᬸᬄᬢ᭄ᬓᬾᬂᬦ᭄ᬓᬓᬶᬳᬯᬾᬄᬢᬸᬢᬹᬃ᭞ᬗᬸ
ᬭᬾᬘᬓ᭄ᬭᬧ᭄ᬢᬵᬧᬶᬮᬶᬄᬧᬶᬮᬶᬄᬳᬦᬾᬩ᭄ᬘᬶᬓ᭄᭞ᬧᬂᬤᬵᬲᬭᬸ᭞ᬩᬳᬦ᭄ᬘᭂᬦᬶᬂᬗᬭᬸᬦᬬᬂ᭟ᬤᬸᬓ᭄ᬢᬦ᭄ᬭᬾᬓᬸ᭞ᬧᬭᬦ᭄ᬧᬭᬦᬾᬳᬸᬫ᭄ᬢᬸ᭞ᬳ᭠
ᬦᬵᬲᬧ᭄ᬢᬲᬸᬦ᭄ᬬ᭞ᬦᬶᬃᬩ᭄ᬪᬡᬵᬗᬭᬦ᭄ᬧᬸᬦᬶᬓᬶ᭞ᬚᬕ᭄ᬳᬸᬫ᭄ᬢᬸ᭞ᬲᬂᬳ᭄ᬬᬂᬰᬶᬯᬭᬾᬓᬵᬦᬵᬫᬵ᭟ᬘ᭄ᬦᬶᬂᬩᬕᬸᬲ᭄᭞ᬘᬸᬘᬸᬦ᭄ᬓᬓᬶᬘ᭄ᬦᬶᬂᬩᬕᬸᬲ᭄᭞ᬳ᭄ᬤᭃ
[᭒ 2A]
ᬘ᭄ᬦᬶᬂᬫᬾᬤ᭄ᬟᬵ᭞ᬫᬗᬸᬕᭀᬦᬶᬦ᭄ᬤᬬᬭᬸᬲᬶᬢ᭄᭞ᬘ᭄ᬦᬶᬂᬩᬕᬸᬲ᭄ᬢᬸᬢᬹᬃᬓᬓᬶᬦᬾᬳᬶᬘᬧᬂ᭟ᬰᬶᬯ᭄ᬯᬭᬾᬓᬸ᭞ᬬᭀᬖᬦᬶᬭᬲᬫ᭄ᬧᬸᬦ᭄ᬧᬸᬧᬸᬢ᭄᭞᭠
ᬫᬶᬚᬶᬮ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬳ᭄ᬬᬂᬧ᭄ᬭᬫᬯᬶᬰᬾᬱᬫᬶᬚᬶᬮ᭄᭞ᬲᬤ᭄ᬟᬫ᭄ᬢᬸᬘᬶᬦ᭄ᬢ᭄ᬬᬰᬶᬯ᭄ᬯᬤᬾᬯᬲᬗ᭄ᬳᬵ᭟ᬇᬰ᭄ᬯᬭᬾᬓᬸ᭞ᬫᬾᬲᭀᬭᬩ᭄ᬭ᭠
ᬳ᭄ᬫᬵᬮᭀᬤ᭄ᬭᬾᬓᬸ᭞ᬫᬳᬵᬤᬾᬯᬲᬗ᭄ᬓᬭ᭞ᬯᬶᬱ᭄ᬡᬸᬲᬫ᭄ᬩᬸᬫᬦᬸᬮᬸᬭᬶᬦ᭄᭞ᬰᬶᬯ᭄ᬯᬳᬶᬓᬸ᭞ᬲᬤ᭄ᬟᬵᬰᬶᬯ᭄ᬯᬧ᭄ᬭᬫᬰᬶᬯ᭄ᬯᬵ᭟ᬰᬶᬯ᭄ᬯᬢ᭄ᬮᬸᬫᬬᭀ
ᬖ᭄ᬕᬵᬳᬶᬤᬵᬫᬓᬢ᭄ᬮᬸ᭞ᬳᬶᬤᬵᬲᬂᬳ᭄ᬬᬂᬰᬶᬯ᭄ᬯᬵ᭞ᬬᭀᬖ᭄ᬕᬦᬶᬭᬯᬸᬲ᭄ᬤᬤᬶ᭞ᬤᬤ᭄ᬬᬫ᭄ᬢᬸ᭞ᬉᬗ᭄ᬓᬭᬫᬭᬶᬂᬧᬬᭀᬖ᭄ᬕᬦ᭄᭟ᬫᬮᬶᬄᬳᬶᬓᬸ᭞ᬲ [ 3 ][᭒ 2B]
᭒
ᬤ᭄ᬟᬵᬰᬶᬯ᭄ᬯᬦᬾᬧᬸᬦᬶᬓᬸ᭞ᬫᬬᭀᬖᬢᬵᬲᬶᬭ᭞ᬉᬫ᭄ᬓᬭᬲᬶᬭᬳᬸᬫᬶᬚᬶᬮ᭄᭞ᬫᬶᬯᬄᬳᬶᬓᬸ᭞ᬳ᭄ᬬᬂᬰᬶᬯ᭄ᬯᬭᬾᬓᬵᬫᬬᭀᬖᬵ᭟ᬅᬁᬓ᭠
ᬯᬶᬱ᭄ᬡᬸ᭞ᬧᬫᬤᬵᬘᬭᬶᬓ᭄ᬳᬸᬫ᭄ᬢ᭞ᬫᬤᬸᬮᬸᬃᬢ᭄ᬗᭂᬦᬦ᭄᭞ᬳ᭄ᬬᬂᬰᬶᬯ᭄ᬯᬭᬾᬓᬵᬗᬯᬾᬦᬶᬦ᭄᭞ᬇᬰ᭄ᬯᬭᬾᬓᬸᬬᭀᬖᬦᬶᬭᬳᬸᬯᬸᬲ᭄ᬢᬲᬓ᭄᭟ᬕ᭄ᬮᬶᬲ᭄ᬫᭂ
ᬢᬸ᭞ᬦᬵᬕᬭᬦ᭄ᬪᬕᬯᬦ᭄ᬩᭂᬃᬕ᭄ᬕᬸ᭞ᬫ᭄ᬢᬸᬢᬂᬯᬭᬶᬤᬶᬸᬕᬵ᭞ᬲᬸᬦ᭄ᬤᬭᬶ᭠ᬢ᭄ᬭᬸᬲ᭄ᬗᬭᬦᬾᬓᬶ᭞ᬧᬸᬢᬸᬲᬶᬓᬸ᭞ᬫᬓᬵᬧᬹᬃᬯ᭄ᬯᬦᬶᬂᬯᬭᬶᬕᬵ᭟ᬓᬮᬵ
ᬭᬳᬸ᭞ᬲᬂᬳ᭄ᬬᬂᬮᬶᬘᬶᬦ᭄ᬲᬂᬳ᭄ᬬᬂᬓᬾᬢᬸ᭞ᬗᭂᬫ᭄ᬧ᭄ᬯᬦᬶᬂᬯᬭᬶᬕᬵ᭞ᬲᬂᬳ᭄ᬬᬂᬰᬶᬯ᭄ᬯᬕᭀᬢ᭄ᬭᬫᬶᬚᬶᬮ᭄᭞ᬯᬾᬤ᭄ᬟᬵᬫ᭄ᬢᬸ᭞ᬧᬫᬮᬶᬫᬶᬯᬄᬧᬫ
[᭓ 3A]
ᬧᬫᬮᬵ᭟ᬫᬮᬶᬄᬫ᭄ᬢᬸ᭞ᬫᬡᬶᬓ᭄ᬲᭂᬥᬯᬶᬓᬵᬫᬸᬭᬸᬩ᭄᭞ᬫ᭄ᬢᬸᬪ᭄ᬯᬡᬢᬶᬕᬵᬳᬓᬰᬳᭂᬫ᭄ᬩᬂᬧᬺᬣᬶᬯᬶ᭞ᬫᬮᬶᬄᬫ᭄ᬢᬸ᭞ᬓᬳ᭄ᬬᬗᬦ᭄ᬲᬧᬸᬮᬸᬄᬳᬶᬓᬵ᭟
ᬕᬸᬦᬸᬂᬳᬕᬸᬂᬓᬘᬾᬯᬢᬦ᭄ᬫᬶᬯᬄᬩᬢᬹᬃ᭞ᬫᬮᬶᬄᬧᬦᬢᬭᬦ᭄᭞ᬧᬲᭂᬓ᭄ᬩᭀᬦ᭄ᬫᬚᬵᬧᬳᬶᬢ᭄᭞ᬧᬸᬲᭂᬄᬳᬶᬓᬸᬩᬗᬸᬦ᭄ᬰᬓ᭄ᬢᬶᬳ᭄ᬫᬲᬶ᭠
ᬓᬵ᭟ᬫᬮᬶᬄᬳᬶᬓᬸ᭞ᬳ᭄ᬬᬂᬧ᭄ᬭᬫᬰᬶᬯ᭄ᬯᬫᬓᬳ᭄ᬬᬸᬦ᭄᭞ᬫᬬᭀᬖᬢᬲᬶᬭᬵ᭞ᬫ᭄ᬢᬸᬳᬓ᭄ᬱᬭᬓᬢ᭄ᬭᬶᬡᬶ᭞ᬫᭀᬤ᭄ᬭᬾᬳᬶᬓᬸ᭞ᬯ᭄ᬭᬾ
ᬳᬲ᭄ᬢ᭄ᬭᬲ᭄ᬯᬮᬮᬶᬝ᭟ᬫ᭄ᬢᬸᬢᬸᬢᬹᬃᬧᬸᬦᬧᬶᬳᬭᬦ᭄ᬧᬸᬦᬶᬓᬸ᭞ᬢᬸᬢᬹᬃᬧᬦ᭄ᬮᬲᬦ᭄᭞ᬦᬾᬲᬲ᭄ᬢ᭄ᬭᬬᬲᬫᬶᬫᬶᬚᬶᬮ᭄᭞ᬢᬸᬢᬹᬃᬳᬶᬓᬸᬦᬸ᭠ [ 4 ][᭓ 3B]
᭓
ᬢᬸᬭᬂᬳᬸᬭᬶᬧ᭄ᬮᬦ᭄ᬧ᭄ᬚᬄ᭟ᬲᬲ᭄ᬢ᭄ᬭᬢ᭄ᬮᬸ᭞ᬗᬸᬫ᭄ᬧᬸᬮᬶᬦᬾᬦᬾᬢᬢ᭄ᬮᬸ᭞ᬫᭀᬤ᭄ᬭᬾᬯ᭄ᬭᬾᬳᬲ᭄ᬢ᭄ᬭ᭞ᬲ᭄ᬯᬮᬮᬶᬣᬫᬗᬯᬶᬢᬶᬦ᭄᭞ᬲᬸᬩᬢ᭄ᬮᬸ᭞ᬳᬶ
ᬗᬭᬦᬦ᭄ᬢ᭄ᬭ᭄ᬬᬵᬓ᭄ᬱᬭᬵ᭟ᬲᬸᬩᬵᬢ᭄ᬮᬸ᭞ᬫᬲᬶᬄᬳᬶᬬᬵᬦᬸᬢᬢ᭄ᬮᬸ᭞᭠ᬮᬶᬡ᭄ᬝᬂᬢᬭᬗ᭄ᬕᬡᬵ᭞ᬲᬸᬃᬬ᭄ᬬᬘᬡ᭄ᬟ᭄ᬭᬫᬜᬋᬗᬶᬦ᭄᭞ᬲᬸᬩᬵᬢ᭄ᬮᬸᬧᭂᬧᭂ
ᬓ᭄ᬤᬕᬶᬗᬶᬂᬳᬕᬫᬵ᭟ᬲᬸᬩᬵᬢ᭄ᬮᬸ᭞ᬫᬲᬶᬄᬬᬦᬸᬢᬢ᭄ᬮᬸ᭞ᬫᬦ᭄ᬢᬶᬕᬫᬦ᭄ᬢᬬ᭞ᬫᬓᬃᬬ᭄ᬬᬩ᭄ᬯᬶᬦ᭄ᬳᬩ᭄ᬲᬶᬓ᭄᭞ᬲᬸᬩᬵᬢ᭄ᬮᬸᬧᭂᬤᬕᬶᬗᬦ᭄ᬭᬶᬓᬂᬚ᭠
ᬕᬢ᭄᭟ᬲᬸᬩᬵᬢ᭄ᬮᬸ᭞ᬫᬲᬶᬄᬳ᭄ᬬᬦᬸᬢᬢ᭄ᬮᬸ᭞ᬲᬶᬯ᭄ᬯᬲᬤ᭄ᬟᬵᬰᬶᬯ᭄ᬯᬵᬧ᭄ᬭᬫᬰᬶᬯ᭄ᬯᬫᬜᬋᬗᬶᬦ᭄᭞ᬳ᭄ᬦᬸᬢ᭄ᬮᬸ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬳ᭄ᬬᬂᬳᬶᬰ᭄ᬯᬭ᭟
[᭔ 4A]
ᬲᬸᬩᬵᬢ᭄ᬮᬸᬫᬲᬶᬄᬳᬶᬬᬦᬸᬢᬢ᭄ᬮᬸ᭞ᬫᬦᬸᬱᬧᬸᬦᬶᬓᬵ᭞ᬦᬂᬯᬤᭀᬦ᭄ᬫᬶᬯᬄᬓ᭄ᬤᬶ᭞ᬲᬸᬩᬵᬢ᭄ᬮᬸᬢᬶᬕᬚ᭄ᬜᬦᬵᬢᭀᬳᬤᬜ᭟ᬲᬸᬩᬵ
ᬢ᭄ᬮᬸᬫᬲᬶᬄᬳᬶᬬᬦᬢᬢ᭄ᬮᬸ᭞ᬳᬶᬤᬵᬮᬦ᭄ᬧᬶᬗ᭄ᬕᬮᬵᬲᬸᬲᬸᬫ᭄ᬦᭃᬫᬜᬋᬗᬶᬦ᭄᭞ᬲᬸᬩᬵᬢ᭄ᬮᬸᬳᬶᬧᬲᬶᬦ᭄ᬟᬸᬢᬶᬂᬰᬲ᭄ᬢ᭄ᬭ᭟ᬰᬶᬯ᭄ᬯᬢ᭄ᬮᬸᬫᬓᬵᬢ᭄ᬮᬸ
ᬗᬯᬾᬢᬸᬢᬹᬃ᭞ᬫᬬᭀᬖᬵᬳ᭄ᬬᬂᬩ᭄ᬭᬳ᭄ᬫᬵ᭞ᬫᬶᬚᬶᬮ᭄ᬧᬸᬢ᭄ᬭᬮᬦᬂᬲ᭄ᬯᬶᬚᬶ᭞ᬩᬸᬤ᭄ᬟᬵᬳᬶᬓᬸ᭞ᬦᬫᬦᬶᬭᬲᬂᬩᬸᬩᬸᬓ᭄ᬱᬄ᭟ᬳ᭄ᬬᬂᬯᬶᬱ᭄ᬡᬸ
ᬫᬧᬸᬢ᭄ᬭᬳᬶᬤᬵᬳᬳᬸᬓᬸᬤ᭄᭞ᬰᬶᬯ᭄ᬯᬵᬧᬡ᭄ᬟ᭄ᬬᬳᬶᬓᬵ᭞ᬫᬗᬭᬦ᭄ᬲᬂᬳᭂᬫ᭄ᬧᬸᬢᬶᬓᬶᬂ᭞ᬲᬸᬩᬵᬯ᭄ᬭᬸᬄ᭞ᬧᬥᬵᬫᬤᬸᬤ᭄ᬬᬶᬸᬤ᭄ᬯᬦ᭄ᬓ᭄ᬭᬫᬵ᭟ [ 5 ][᭔ 4B]
᭔
ᬦᬾᬳᬳᬸᬓᬸᬤ᭄ᬳ᭄ᬬᬂᬳᬶᬰ᭄ᬯᬭᬓᬯᬸᬯᬸᬲ᭄᭞ᬫᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬫᬗᬭᬦ᭄ᬳ᭄ᬬᬂᬚᬮᬵᬋᬱᬶ᭞ᬧᬸᬢᬸᬲ᭄ᬳᬶᬓᬸ᭞ᬤᬤᬶᬲᬶᬭᬫᬜ
ᬫ᭄ᬩᬸᬓᬵ᭟ᬮᬾᬦᬶᬂᬢᬸᬢᬹᬃ᭞ᬧᬜ᭄ᬘᬓ᭄ᬲᬭᬢᬸᬢᬹᬃᬳᬶᬓᬸ᭞ᬮᬮᬶᬫᬧᬸᬦᬶᬓᬵ᭞ᬚᬩᬵᬚ᭄ᬭᭀᬕ᭄ᬦᬄᬦᬾᬓᬶ᭞ᬧ᭄ᬚᬄᬳᬶᬓᬸ᭞ᬫᬗᬭᬦ᭄ᬲᬶᬭᬵ᭠
ᬓᬯᬃᬕ᭄ᬕᬵ᭟ᬓᬯᬃᬕ᭄ᬕᬾᬓᬸ᭞ᬓᬓᬵᬕᬕ᭄ᬬᬸᬗᬧᬸᬦᬶᬓᬸ᭞ᬤᬤᬶᬘᬃᬫ᭄ᬫᬢᬸᬮᬂ᭞ᬓ᭄ᬯᬃᬕᬵᬮᬾᬦ᭄ᬗᬭᬦᬾᬓᬶ᭞ᬕᬦᬮᬮᬶᬢ᭄ᬭᬶᬂᬰᬭᬶᬭᬵ᭟ᬢ
ᬯᬃᬕ᭄ᬕᬾᬓᬸᬢᬣᬤᬥᬸᬦᬾᬧᬸᬦᬶᬓᬸ᭞ᬤᬤᬶᬬᬭᬸᬦᬶᬭᬵ᭞ᬤ᭠ᬤᬶᬳ᭄ᬬᬂᬩ᭄ᬯᬶᬦᬾᬓᬶ᭞ᬓᬭᭀᬳᬶᬓᬸᬳᬕᬦᬮ᭄ᬫᬭᬶᬂᬰᬭᬶᬭᬵ᭟ᬢ᭄ᬯᬃ
[᭕ 5A]
ᬕ᭄ᬕᬾᬓᬸ᭞ᬢᬣᬤᬥᬸᬦᬾᬧᬸᬦᬶᬓᬸ᭞ᬯᬺᬤ᭄ᬟᬬᬫ᭄ᬯᬂᬳᬸᬯᬢ᭄᭞ᬲᬳᬶᬲᬶᬦᬶᬂᬲᬃᬯ᭄ᬯᬲᬦ᭄ᬤᬶ᭞ᬤᬤᬶᬳᬶᬓᬸᬓᬮᭀᬓᬭᬶᬂᬫᬺᬘ᭄ᬙᬧᬥᬵ᭟ᬧ
ᬯᬃᬕ᭄ᬕᬾᬓᬸ᭞ᬧᬧᬵᬩᬳᬸᬫᬧᬸᬦᬶᬓᬸ᭞ᬬᬫᬸᬗ᭄ᬕᬸᬄᬧᬸᬦᬶᬓᬵ᭞ᬭᬶᬭᭀᬳᬶᬤᬵᬫᬫᬸᬓ᭄ᬢᬶ᭞ᬳᬭᬦᬶᬓᬸ᭞ᬧᬜ᭄ᬘᬯᬶᬗ᭄ᬰᬓ᭄ᬱᬭᬵᬯᬃᬕ᭄ᬕᬵ᭟ᬫ
ᬮᬶᬄᬢᬸᬢᬹᬃ᭞ᬅᬓ᭄ᬱᬭᬵᬮᬯᬬᬳᬶᬓᬸ᭞ᬳᬧᬯᬦ᭄ᬤᬤᬶᬦ᭄ᬬ᭞ᬓᬨᬮᬵᬩᬮᬸᬂᬫᬦ᭄ᬤᬤᬶ᭞ᬲᬫ᭄ᬧᬸᬦᬶᬓᬸ᭞ᬓᬢᬸᬢᬹᬭᬦ᭄ᬩ᭄ᬯᬶᬦ᭄ᬢᬸᬢᬹᬭᬂ᭟᭠
ᬫᬹᬃᬤ᭄ᬟᬦ᭄ᬭᬾᬦᬶᬸᬓᬸ᭞ᬅᬓᬱᬗᬭᬦ᭄ᬧᬸᬦᬶᬓᬸ᭞ᬯᬶᬘᬭᬦᬶᬂᬳᬗ᭄ᬕᬵ᭞ᬧᬲᬸᬓ᭄ᬯᭂᬢᬸᬳᬭᬦᬾᬓᬶ᭞ᬕ᭄ᬦᬄᬳᬶᬓᬸᬭᬶᬂᬕᭂᬫ᭄ᬩᬸᬭᬗ᭄ᬮᬬᬂᬳᬶᬓᬵ᭟᭠ [ 6 ][᭕ 5B]
᭕
ᬳᬶᬢᬮᬵᬯᬾᬓᬸ᭞ᬫᬢ᭄ᬫᬳᬦ᭄ᬓᬸᬮᬶᬢᬶᬓᬸ᭞ᬤᬕᬶᬂᬧᬤ᭄ᬤᬤᬶᬦ᭄ᬬ᭞ᬲᬕᬦᬮ᭄ᬕᬦᬮ᭄ᬫᬃᬕ᭄ᬕᬾᬦᬶ᭞ᬭᬶᬂᬚ᭄ᬭᭀᬳᬶᬓᬸᬲᬧᬸᬦᬶᬓᬓᬢᬸᬢᬹᬭ
ᬦ᭄᭟ᬅᬗ᭄ᬓᬭᬾᬓᬸ᭞ᬧᬦ᭄ᬢᬭᬦᬶᬂᬩᬬᬸᬫᬮᬸᬗ᭄ᬕᬸᬄ᭞ᬢᬸᬭᬸᬦ᭄ᬫᬶᬯᬄᬫᬸᬗ᭄ᬕᬄ᭞ᬧᬲᬶᬦ᭄ᬤᬸᬢᬵᬭᬶᬂᬢ᭄ᬭᬶᬦᬥᬶ᭞ᬲᬸᬩᬵᬤᬶᬢᬸ᭞ᬫᬗᬭᬦ᭄ᬲ᭄ᬯᬭᬯ᭄ᬬ
ᬜ᭄ᬚᬦᬵ᭟ᬇᬓᬂᬉᬉ᭞ᬧᬸᬦᬶᬓᬵᬫᬦ᭄ᬤᬤᬶᬲᬸᬓᬸ᭞ᬰᬲ᭄ᬢ᭄ᬭᬏᬏᬳᬶᬳᬶᬓᬵ᭞ᬢᬮᬶᬗᬦ᭄ᬲᬶᬭᬫᬦ᭄ᬤᬶ᭞ᬑᬑᬳᬶᬓᬸ᭞ᬧᬸᬦᬶᬓᬵᬬᬩᬳᬸ
ᬤᬦ᭄ᬤᬵ᭟ᬇᬇᬳᬶᬓᬸ᭞ᬤᬪᬯᬦᬤ᭄ᬬᬦᬶᬭᬾᬓᬸ᭞ᬅᬫ᭄ᬓᬭᬦᬾᬚᬶᬝ᭞ᬫᭂᬃᬢ᭄ᬣᬲᬜ᭄ᬚᬶᬯᬭᬦᬾᬓᬶ᭞ᬲᬩ᭄ᬟᬵᬩᬬᬸ᭞ᬳᬶᬥᭂᬧ᭄ᬳᬗᭂᬫ᭄ᬧ᭄ᬯ
[᭖ 6A]
ᬦ᭄ᬰᬭᬶᬭᬵ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬢᬸᬢᬹᬃᬚᬦ᭄ᬫᬦᬾᬳᬳᬸᬓᬸᬤ᭄᭞ᬩ᭄ᬯᬶᬦ᭄ᬳᬶᬬᬫᬗᬾᬓᬵ᭞ᬭᭀᬂᬧᬸᬮᬸᬄᬓ᭄ᬱᬭᬵᬍᬯᬶᬄ᭞ᬩᭂᬲᬶᬓ᭄ᬳᬶᬢᬸᬂ
ᬦᬾᬗᬭᬦ᭄ᬤᬤᬭᬶᬓᬺᬱ᭄ᬡᬵ᭟ᬚᬢᬶᬦᬶᬧᬸᬦ᭄᭞ᬭᬗ᭄ᬤᬚᬶᬭᬳᬾᬧ᭄᭠ᬦᬶᬓᬸ᭞ᬫᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬗᬭᬦᬶᬭᬢ᭄ᬦᬵᬫᬗ᭄ᬕᬮᬶ᭞ᬲᬶᬲ᭄ᬬᬦᬾ
ᬓᬸᬫᬗᬭᬦ᭄ᬦᬶᬚᬭᬦ᭄ᬕᬸᬬᬂ᭟ᬮᬾᬦ᭄ᬦᬶᬭᬭᬸᬂ᭞ᬦᬶᬯᭂᬓ᭄ᬲᬶᬃᬱᬦᬶᬍᬦ᭄ᬤ᭠ᬳᬶᬓᬸ᭞ᬦᬶᬍᬦ᭄ᬤ᭄ᬬᬮᬦ᭄ᬫᬶᬱ᭞ᬯᬥᬓᬵᬧᬸᬦᬶᬓᬵᬲᬫᬶ᭞ᬰᬶᬯ᭄ᬯᬦᬶᬧᬸ᭠
ᬦ᭄ᬫᬗᬭᬦ᭄ᬪᬝᬭᬶᬤᬹᬃᬕ᭄ᬕ᭄᭟ᬕᬯᬾᬦᬶᬧᬸᬦ᭄᭞ᬗᬯᬾᬕ᭄ᬭᬶᬗᬾᬲᬢᬸ᭠ᬯᬸᬓ᭄᭞ᬲᬲᬩ᭄ᬫ᭄ᬭᬡᬵᬳᬶᬓᬵ᭞ᬯᬶᬱ᭄ᬬᬕ᭄ᬮᭂᬄᬓᬕᬸᬕ᭄ᬯᬦᬶᬦ᭄᭞ᬳᬶᬭᬗ᭄ᬤᬾ [ 7 ][᭖ 6B]
᭖
ᬓᬸ᭞ᬫᬫᬢᬶᬯᭀᬂᬢᬦ᭄ᬧᬤᭀᬱ᭟ᬉᬫ᭄ᬝᬂᬢᬸᬢᬹᬃ᭞ᬲᬂᬳ᭄ᬬᬂᬫ᭠ᬳᬵᬤᬾᬯᬳᬶᬓᬸ᭞ᬫᬬᭀᬖᬵᬢᬲᬶᬭᬵ᭞ᬫ᭄ᬢᬸᬪᬕᬯᬦ᭄ᬯ᭄ᬭᬲ᭄ᬨᬢᬶ᭞
ᬕᬫᬯ᭄ᬯᬶᬸᬫ᭄ᬢᬸ᭞ᬳᬥᬶᬕᬫᬵᬤᬾᬯᬕᬫᬵ᭟ᬢᬸᬢᬹᬃᬳᬶᬓᬸ᭞ᬫᬓᬓᬺᬢ᭄ᬢᬦ᭄ᬚᬕᬢ᭄ᬳᬕᬸᬂ᭞ᬳᬮᬵᬳᬬᬸᬳᬶᬓᬵ᭞ᬧᬸᬦᬶᬓᬵᬗᭀᬭᬳᬂᬲᬫᬶ᭞ᬓᭂᬃ
ᬢ᭄ᬣᬳᬶᬓᬵᬲᬂᬗ᭄ᬳ᭄ᬬᬂᬓᬸᬡ᭄ᬟᬮᬶᬡᬶᬦᬵᬫᬵ᭟ᬲᬂᬳ᭄ᬬᬂᬯᬶᬱ᭄ᬡᬸᬫᬬᭀ᭠ᬕᬵᬢᬲᬶᬭᬵᬧᬸᬢᬸᬲ᭄᭞ᬫ᭄ᬢᬸᬅᬓ᭄ᬱᬭᬵᬫᬺᬢ᭄ᬢᬵ᭞ᬲᬜ᭄ᬚᬶᬯᬭᬗᬭ᭠
ᬦᬾᬓᬶ᭞ᬫ᭄ᬯᬄᬫ᭄ᬢᬸ᭞ᬉᬱᬥᬥᬃᬫ᭄ᬫᬉᬱᬥᬵ᭟ᬢᬸᬢᬹᬃᬳᬶᬓᬸ᭞ᬢᬦ᭄ᬲᬸᬭᬸᬤ᭄ᬗᬯᬾᬭᬳᬬᬸ᭞ᬧᬗᭂᬫ᭄ᬧᬸᬦᬶᬂᬮᬭᬵ᭞ᬲᬳᬦᬦᬶᬂᬮᬭᬲᬫᬶ᭞
[᭗ 7A]
ᬧᬥᬵᬢᬓᬸᬢ᭄᭞ᬭᬶᬂᬩᬮ᭄ᬬᬦᬾᬦᬾᬢᬢᬶᬕᬵ᭟ᬩᬮ᭄ᬬᬦ᭄ᬢ᭄ᬮᬸ᭞ᬫᬯᬓ᭄ᬕᭂᬡ᭄ᬝᬧᬶᬦᬭᬧᬶᬢᬸ᭞ᬩᬸᬤ᭄ᬟᬵᬓᭂᬘᬧᬶᬳᬶᬓᬵ᭞ᬰᬲ᭄ᬢ᭄ᬭᬲᬗ᭄ᬳᬵᬫ
ᬜᬋᬗᬶᬦ᭄᭞ᬧ᭄ᬚᬄᬳᬶᬓᬸ᭞ᬕ᭄ᬦᬄᬦ᭄ᬬᬩᬸᬯᬶᬦ᭄ᬳᭀᬭᬳᬂ᭟ᬅᬧᬸᬦᬶᬓᬸ᭞ᬭᬶᬂᬯᬺᬤ᭄ᬟᬬᬢᭀᬗᭀᬲᬶᬓᬸ᭞ᬦᬵᬤᬾᬭᬶᬂᬩᬲᬂ᭞ᬘᬦᬾᬭᬶᬂ᭠
ᬫᬸᬓᬵᬫᬮᬶᬗ᭄ᬕᬶᬄ᭞ᬭᬦᬾᬳᬶᬓᬸᬓᬸᬭᬶᬂᬳᬸᬭᬸᬂᬕᬥᬶᬂᬫᬕ᭄ᬦᬄ᭟ᬓᬧᬸᬦᬶᬓᬸᬭᬶᬂᬦᬪᬶᬲᬶᬭᬫᬮᬸᬗ᭄ᬕᬸᬄ᭞ᬲᬦᬾᬭᬶᬂᬧᬧ᭄ᬮᭂᬤᬦ᭄᭞ᬯᬦᬾᬭᬶᬂᬳᬫ᭄ᬧ᭄ᬭᬸ
ᬫᬮᬶᬗ᭄ᬕᬶᬄ᭞ᬮᬧᬸᬦᬶᬓᬸᬭᬶᬂᬯᬺᬤ᭄ᬟᬬᬳᬶᬓᬵᬫᬕ᭄ᬦᬄ᭟ᬗᬭᬶᬂᬳᬶᬭᬸᬂᬧᬦᬾᬫᬕ᭄ᬦᬄᬭᬶᬂᬩᬬᬸ᭞ᬤᬦᬾᬧᬸᬦᬶᬓᬵ᭞ᬭᬶᬂᬍᬧᬦᬶᬂᬢᬗᬦ᭄ᬫᬮᬶ [ 8 ][᭗ 7B]
᭗
ᬗ᭄ᬕᬶᬄ᭞ᬚᬭᬶᬂᬲᬸᬫ᭄ᬲᬸᬫ᭄᭞ᬬᬭᬶᬂᬲᬩ᭄ᬟᬵᬜᬭᬶᬂᬳᬢ᭄ᬫᬵ᭟ᬫᬧᬸᬦᬶᬓᬸᬭᬶᬂᬓᬩ᭄ᬯᬳᬦ᭄ᬫᬮᬸᬗ᭄ᬕᬸᬄ᭞ᬕᬦᬾᬧᬶᬸᬦᬶᬸᬓᬶᬸᬭᬶᬂᬲ᭄ᬫᬭ᭞ᬩᬦᬾᬭᬶᬂᬓ
ᬦ᭄ᬢᬫᬮᬶᬗ᭄ᬕᬶᬄ᭞ᬢᬧᬸᬦᬶᬓᬸ᭞ᬭᬶᬂᬦᬾᬢ᭄ᬭᬲᬶᬭᬫᬕ᭄ᬦᬄ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᭀᬗᭀᬲ᭄ᬰᬲ᭄ᬢ᭄ᬭᬲᬗ᭄ᬳᬵᬳᬶᬓᬸ᭞ᬬᬰᬲ᭄ᬢ᭄ᬭᬲᬗ᭄ᬳ᭞ᬢᭀᬗᭀᬲ᭄ᬰᬲ᭄ᬢ᭄ᬭᬲᬗ᭄ᬳᬵᬳᬶᬓᬸ᭞ᬬᬰᬲ᭄ᬢ᭄ᬭᬲᬗ᭄ᬳ᭞ᬢᭀ
ᬗᭀᬲ᭄ᬜᬦᬾᬚ᭄ᬯᬳᬾᬮᬶᬗᬶᬦ᭄᭞ᬳᬧᬦ᭄ᬮ᭄ᬬᬸᬪᬹᬱᬡᬦᬾᬫᬮᬾᬦ᭄ᬮᬾᬦᬦ᭄᭟ᬦᬾᬩ᭄ᬯᬶᬦ᭄ᬢᬸᬢᬹᬃ᭞ᬕᭂᬡ᭄ᬝᬧᬶᬦᬭᬧᬶᬢᬸ᭞ᬬᬲᬧ᭄ᬢᬳᭀ
ᬫ᭄ᬓᬭ᭞ᬤᬤ᭄ᬬᬂᬳᭂᬦ᭄ᬢᭀᬩ᭄ᬯᬶᬦ᭄ᬳᬩᭂᬲᬶᬓ᭄᭞ᬯᬸᬲ᭄ᬫᬓᬸᬫ᭄ᬧᬸᬮ᭄᭞ᬭᬂᬦᬶᬃᬩ᭄ᬪᬦᬵᬕ᭄ᬦᬄᬳᬶᬓᬵ᭟ᬫᬮᬶᬄᬢᬸᬢᬹᬃ᭞ᬩᬸᬤ᭄ᬟᬓ᭄ᬥᬯᬶᬦᬾᬳᬶᬓᬸ᭞ᬦᭀ
[᭘ 8A]
ᬭᬬᬓᬯ᭄ᬤᬃ᭞ᬓᬭᬶᬲᬚ᭄ᬭᭀᬦᬶᬂᬧᬸᬭᬶ᭞ᬗᬫᭂᬮ᭄ᬢᬸᬢᬹᬃ᭞ᬗᬭᬦᬶᬭᬲᬂᬩᬸᬩᬸᬓ᭄ᬱ᭄ᬬᬄ᭟ᬦᬾᬓᬳᭂᬫ᭄ᬧᬸ᭞ᬲ᭄ᬯᬮᬮᬶᬢᬵᬗᬭᬦᬾᬓᬸ᭞ᬫᭀ
ᬤ᭄ᬭᬾᬫ᭄ᬯᬂᬳᬗ᭄ᬓᬵ᭞ᬯᬶᬡ᭄ᬥᬸᬘᬭᬶᬓ᭄ᬫᬜᬋᬗᬶᬦ᭄᭞ᬢ᭄ᬗᭂᬦᬦᬶᬓᬸ᭞ᬉᬓᬭᬵᬑᬫ᭄ᬓᬭᬫᬸᬓᬵ᭟ᬫᬸᬮᬵᬳᬶᬓᬸᬰ᭄ᬯᬮᬮᬶᬢᬵᬦᬾᬧᬸᬦᬶᬓᬸ᭞ᬭᬶᬂᬉ
ᬢᭂᬓ᭄ᬫᬕ᭄ᬦᬄ᭞ᬫᭀᬤ᭄ᬭᬾᬧᬩᬳᬦ᭄ᬫᬮᬶᬗ᭄ᬕᬶᬄ᭞ᬳᬗ᭄ᬓᬳᬶᬓᬸᬭᬶᬂᬧᬲ᭄ᬬᬓᬦᬶᬂᬯᬺᬤ᭄ᬟᬬ᭟ᬯᬶᬱ᭄ᬡᬸᬳᬶᬓᬸᬭᬶᬂᬯᬶᬢ᭄ᬦᬶᬂᬕᬸᬮᬸᬫᬮᬸᬗ᭄ᬕᬸᬄ᭞ᬘᬭᬶ
ᬓᬾᬧᬸᬦᬶᬓᬵ᭞ᬭᬶᬂᬲᬸᬡ᭄ᬬᬳᬶᬥᭂᬧ᭄ᬫᬮᬶᬗ᭄ᬕᬶᬄ᭞ᬧᬫᬥᬾᬓᬸᬭᬶᬂᬳᬸᬲᬸᬲ᭄ᬲᬶᬭᬵᬫᬕ᭄ᬦᬄ᭟ᬫᬮᬶᬄᬳᬶᬓᬸ᭞ᬢ᭄ᬗᭂᬦᬦᬾᬗᬮᬶᬄᬮᬸᬗ᭄ᬕᬸᬄ᭞ᬭᬶᬂ᭠ [ 9 ][᭘ 8B]
᭘
ᬢᬸᬂᬢᬸᬗᬶᬂᬮᬶᬤᬄ᭞ᬮᬸᬗ᭄ᬕᬸᬄᬉᬫ᭄ᬓᬭᬭᬶᬂᬳᬢᬶ᭞ᬉᬓᬭᬓᬸ᭞ᬭᬶᬂᬳᬫ᭄ᬧ᭄ᬭᬸᬲᬶᬭᬄᬫᬕ᭄ᬦᬄ᭟ᬫᬮᬶᬄᬳᬶᬓᬸ᭞ᬉᬫ᭄ᬓᬭᬫᬸᬮᬧᬸᬦᬶᬓᬸ᭞
ᬭᬶᬂᬉᬢᭂᬓ᭄ᬫᬕ᭄ᬦᬄ᭞ᬧᬢᬶᬦᬶᬂᬳᬓ᭄ᬧᬭᬾᬦᬾᬓᬶ᭞ᬦᬭᬶᬂᬢᬸᬢᬸ᭠ᬤ᭄᭞ᬳᬶᬭᬶᬓᬵᬲᬶᬭᬫᬕ᭄ᬦᬄ᭟ᬉᬧᬸᬦᬶᬓᬸ᭞ᬭᬶᬂᬳᬚ᭄ᬜᬡᬕ᭄ᬦᬄᬳᬶᬧᬸ
ᬦ᭄᭞ᬭᬶᬂᬧᬦᬸᬗ᭄ᬕᬮᬦᬓ᭄ᬱᬭᬵ᭞ᬭᬶᬂᬘᬦ᭄ᬢᭂᬂᬮᬶᬤᬄᬫᬮᬶᬗ᭄ᬕᬶᬄ᭞ᬧ᭠ᬥᬵᬧᬢᬸᬢ᭄ᬫᬗᬾᬭᬶᬸᬮᬶᬗᬶᬦ᭄᭞ᬕ᭄ᬦᬄᬳᬶᬓᬵ᭞ᬥᬃᬫ᭄ᬫᬵᬢ᭄ᬭᬸᬲ᭄᭞ᬳᬢ᭄ᬫ
ᬦᬾᬭᬶᬂᬳᬸᬭᬸᬂᬳᬸᬭᬸᬂ᭞ᬩᬢᬹᬃᬓᬮᬯᬲᬦ᭄᭞ᬭᬶᬧᬧᬸᬲᬸᬄᬕ᭄ᬦᬄᬦᬾᬓᬶ᭞ᬫ᭄ᬯᬄᬳᬶᬓᬸ᭞ᬫᬫᬦ᭄ᬢᭂᬦ᭄ᬮᬶᬤᬄᬭᬶᬂᬦᬾᬢ᭄ᬭ᭟ᬫᬮᬶᬄᬳᬶᬓᬸ᭞ᬓ᭄ᬭ
[᭙ 9A]
ᬦ᭄ᬢᬵᬩᬾᬮᭀᬂᬧᬸᬦᬶᬓᬸ᭞ᬭᬶᬂᬳᬶᬥᭂᬧ᭄ᬫᬕ᭄ᬦᬄ᭞ᬧᬜ᭄ᬘᬩ᭄ᬭᬳ᭄ᬫᬵᬫᬭᬶᬂᬳᬢᬶ᭞ᬫᬮᬶᬄᬳᬶᬓᬸᬧᬢᬶᬦᬶᬂᬲᬤ᭄ᬭᬱᬯᬶᬮᬂ᭟ᬕ᭄ᬦᬄᬳᬶᬓᬸ᭞ᬭᬶᬂᬧ
ᬧ᭄ᬮᭀᬤᬦ᭄ᬧᬸᬦᬶᬓᬸ᭞ᬰᬭᬵᬲᬫᬸᬰ᭄ᬘᬬ᭞ᬭᬶᬂᬢᬾᬚᬵᬲᬶᬭᬫᬮᬶᬗ᭄ᬕᬶᬄᬫᬮᬶᬄᬳᬶᬓᬸ᭞ᬭᬚᬵᬧᬾᬦᬶᬂᬭᬶᬂᬯᬸᬦ᭄ᬯᬸᬦᬦ᭄᭟ᬯᬸᬲ᭄ᬫᬦᬸᬫ᭄ᬧᬸᬮ᭄᭞
ᬫᬮᬶᬄᬩᭂᬜ᭄ᬘᬄᬧᬸᬦᬶᬓᬸ᭞ᬓᬢᬄᬧᬦᬤᬶᬦ᭄ᬬ᭞ᬫᬲᬺᬤᬄᬬᬦᬭᬶᬂᬜᬮᬶ᭞ᬳ᭄ᬚᬵᬂᬪᬶᬭᬸ᭞ᬭᬶᬂᬳᬶᬋᬂᬦᬾᬢᬺᬫᬕ᭄ᬦᬄ᭟ᬳᬦᬳᬶᬓᬸ᭞ᬦ
ᬫᬦᬵᬕᬭᬸᬦ᭄ᬢᬶᬂᬳᬶᬓᬸ᭞ᬭᬶᬂᬢᬸᬢᬸᬤ᭄ᬫᬕ᭄ᬦᬄ᭞ᬓᬮᬚᬕ᭄ᬭᬫᬜᬋᬗᬶᬦ᭄᭞ᬮᬸᬗ᭄ᬕᬸᬄᬳᬶᬓᬸᬭᬶᬂᬳᭀᬢᭀᬢ᭄ᬲᬶᬭᬫᬕ᭄ᬦᬄ᭟ᬳ᭄ᬮᬾᬦᬶᬓᬸ᭞ᬰᬦ᭄ᬬ [ 10 ][᭙ 9B]
᭙
ᬢᬦ᭄ᬧᬫᬬᬳᬶᬓᬸ᭞ᬭᬶᬂᬰᬩ᭄ᬟᬫᬕ᭄ᬦᬄ᭞ᬧᬲᬸᬓ᭄ᬯᬾᬢᬸᬗᬭᬦᬾᬓᬶ᭞ᬢᬸᬢᬹᬃᬳᬶᬓᬸ᭞ᬧᬲᬸᬓ᭄ᬯᭂᬢᬸᬦᬶᬂᬉᬢ᭄ᬢᬫᬵ᭟ᬦᭀᬭᬮ᭄ᬬᬸ᭞ᬅᬓ᭄ᬱᬭ
ᬦᬾᬧᬘᬂᬳᬶᬢᬸᬂ᭞ᬢᬢᬶᬕᬭᬶᬂᬭᬱ᭞ᬪᬹᬝᬤᬾᬯᬫᬦᬸᬱᬾᬓᬶ᭟ᬳᬧᬂᬧᬢᬸᬢ᭄᭞ᬢᬢ᭄ᬮᬸᬤᬤᬶᬲᬦᬸᬗ᭄ᬕᬮ᭄᭟ᬫᬮᬶᬄᬳᬶᬢᬸᬂ᭞ᬉᬭᬶᬧ᭄ᬪᬸ
ᬝᬦᬾᬧᬸᬦᬶᬓᬸ᭞ᬫᬳᬸᬭᬶᬧ᭄ᬳᬲ᭄ᬬ᭞ᬫᬦᬸᬱᬤᬾᬯᬯᬶᬮᬗᬶᬦ᭄᭞᭠ᬳᬶᬓᬵᬧᬢᬸᬢ᭄᭞ᬉᬭᬶᬧ᭄ᬜᬦᬾᬲᬫᬶᬢᬸᬗ᭄ᬕᬮ᭄᭟ᬳ᭄ᬮᬾᬦᬶᬢᬸᬂ᭞ᬅ᭠
ᬓ᭄ᬱᬭᬦᬾᬢ᭄ᬯᬄᬢᬢ᭄ᬮᬸ᭞ᬰ᭄ᬯᬮᬮᬶᬢᬵᬳᬶᬓᬵ᭞ᬉᬭᬶᬧ᭄ᬜᬦᬾᬢ᭄ᬯᬄᬳᬩᭂᬲᬶᬓ᭄᭞ᬫᭀᬤ᭄ᬭᬾᬳᬶᬓᬸ᭞ᬉᬭᬶᬧ᭄ᬜᬦᬾᬳᬤᬰ᭟ᬩ᭄ᬯᬶᬦ᭄ᬳᬶᬢᬸᬂ
[᭑᭐ 10A]
ᬉᬭᬶᬧ᭄ᬯ᭄ᬭᬾᬳᬲ᭄ᬢ᭄ᬭᬦᬾᬳᬶᬓᬸ᭞ᬫᬸᬭᬶᬧ᭄ᬬᬮᬮᬶᬫᬵ᭞ᬢ᭄ᬭᬶᬧᬸᬭᬸᬱᬗᬭᬦᬾᬓᬶ᭞ᬦᬾᬢᬢ᭄ᬮᬸ᭞ᬫᬸᬮᬶᬄᬬᬚᬢᬶᬑᬫ᭄ᬓᬭᬵ᭟ᬘ᭄ᬦᬶᬂᬩᬕᬸ
ᬲ᭄᭞ᬳᬫᬸᬦ᭄ᬢᭀᬓᬓᬶᬫᬦᬸᬢᬹᬃ᭞ᬳᬶᬗᭂᬢᬂᬤᬶᬫᬦᬄ᭞ᬢᬸᬢᬹᬃᬓᬓᬶ᭠ᬦᬾᬧᬸᬦᬶᬓᬶ᭞ᬗᬭᬦ᭄ᬢᬸᬢᬸᬃ᭞ᬭᬚᬧᬾᬦᬶᬮᬯᬦ᭄ᬤᬦ᭄ᬫᬵ᭟ᬘ᭄ᬦᬶᬂᬩᬕᬸᬲ᭄ᬢᭂᬧᭂ
ᬢ᭄ᬓᭂᬦᭂᬄᬲᬳᬶᬭᬸᬭᬸᬄ᭞ᬓᬓᬶᬩ᭄ᬯᬶᬦ᭄ᬦᬸᬢᬹᬭᬂ᭞ᬳᬦᬳᬓ᭄ᬱᬭᬓᬓᬮᬶᬄ᭞ᬧᬲᬸᬓ᭄ᬯᭂᬢᬸ᭞ᬗᬭᬦ᭄ᬳ᭄ᬬᬂᬭ᭄ᬯᬪᬶᬦᬾᬤ᭄ᬟᬵ᭟ᬘ᭄ᬦᬶᬂᬩᬕᬸᬲ᭄᭞ᬬᬦ᭄ᬳᬋ
ᬧᬧᬜ᭄ᬚᬂᬢᬸᬯᬸᬄ᭞ᬅᬫ᭄ᬗᬾᬫᬭᬶᬂᬩ᭄ᬭᬳ᭄ᬫᬵ᭞ᬳᬶᬓᬵᬳᬶᬬ᭠ᬕ᭄ᬮᬃᬳᬸᬭᬶᬧ᭄᭞ᬬᬾᬦᬶᬂᬢᬶᬫᬹᬃ᭞ᬅᬄᬓᬭᬦᬾᬫᬭᬶᬂᬰᬂᬯ᭄ᬯᬵ᭟ᬘ᭄ᬦᬶᬂᬩ [ 11 ][᭑᭐ 10B]
᭑᭐
ᬕᬸᬲ᭄᭞ᬬᬾᬦᬶᬂᬘ᭄ᬦᬶᬂᬤᬸᬭᬸᬂᬯ᭄ᬭᬸᬄ᭞ᬓᬓᬶᬩ᭄ᬯᬶᬦ᭄ᬗᭀᬭᬳᬂ᭞ᬳᬓᬲ᭄ᬭᭀᬦᬶᬂᬦᬪᬶ᭞ᬫᬃᬕ᭄ᬕᬲᬸᬦᬸᬢ᭄᭞ᬲᬬᬸᬲᬲ᭄ᬢ᭄ᬬᬩ᭄ᬦᭂᬄᬧᬹᬃᬯ᭄ᬯ᭟ᬢᬸᬢᬹᬃᬳᬶᬓᬸ
ᬧᬧᬸᬧᬸᬮᬦ᭄ᬳᬭᬦᬾᬓᬸ᭞ᬳᬦᬵᬘᬢᬸᬲ᭄ᬧᬢᬵ᭞ᬲᬓᬶᬂᬭᬶᬓᬵᬢᬢᬲ᭄ᬲᬫᬶ᭞ᬬᬦ᭄ᬓᬓᬶᬤᬸᬮ᭄ᬓᬢᭀᬦ᭄ᬢᬾᬚᬪᬂᬤᬸᬫᬶᬮᬄ᭟ᬢᬸᬢᬹᬃᬳᬶᬓᬸ᭞᭠
ᬲ᭄ᬯᬃᬕ᭄ᬕᬦ᭄ᬳ᭄ᬬᬂᬩ᭄ᬭᬳ᭄ᬫᬵᬳᬶᬓᬸ᭞ᬬᬦᬶᬂᬓᬸᬮᭀᬦᬶᬓᬵ᭞ᬢᬾᬚᬵᬚ᭄ᬦᬃᬓᬢᭀᬦ᭄ᬳᬦ᭄ᬤᬶᬄ᭞ᬢᬸᬢᬹᬃᬳᬶᬓᬸ᭞ᬲ᭄ᬯᬃᬕ᭄ᬕᬦ᭄ᬳ᭄ᬬᬂᬫᬳᬵᬤᬾᬯ᭟ᬬᬦ᭄ᬓᬤᬸᬮᬸ
᭞ᬋᬢ᭄ᬢᬭᬳᬶᬋᬗᬾᬫᬸᬭᬸᬩ᭄᭞ᬓᬢᬸᬢᬸᬭᬦᬶᬓᬵ᭞ᬲ᭄ᬯᬃᬕ᭄ᬕᬳ᭄ᬬᬂᬯᬶ᭠ᬱ᭄ᬡᬸᬚᬢᬶ᭞ᬬᬦ᭄ᬓᬤᬸᬮᬸᬭᬶᬂᬧᬹᬃᬯ᭄ᬯᬫᬳᭂᬦ᭄ᬤᬶᬄᬲ᭄ᬯᬾᬢ᭄ᬣᬵ᭟ᬢᬸᬢᬹᬃᬳᬶᬓᬸᬰ᭄ᬯᬃᬕ᭄ᬕ
[᭑᭑ 11A]
ᬦ᭄ᬳ᭄ᬬᬂᬇᬰ᭄ᬯᬭᬳᬶᬓᬸ᭞ᬧᬸᬦᬶᬓᬵᬢᬸᬯᬸᬢᬂ᭞ᬳ᭄ᬤᭂᬫ᭄ᬮᬶᬳᬶᬦ᭄ᬦᬾᬓᬗᬶᬦ᭄᭞ᬘ᭄ᬦᬶᬂᬩᬕᬸᬲ᭄ᬢᬸᬢᬸᬃᬓᬓᬶᬦᬾᬳᬶᬤᭂᬧᬂ᭟ᬳᬦᬸᬂᬳᬦᬸᬂ᭞ᬧᬸᬦᬧᬶᬳᬭᬦᬶᬂᬳ᭠
ᬦᬸᬂ᭞ᬚᬸᬢᬶᬃᬓᬳᬭᬦ᭄ᬬ᭞ᬓᬸᬫᬺᬩ᭄ᬬᬓ᭄ᬲᬚ᭄ᬭᭀᬦᬶᬂᬳᬢᬶ᭞ᬧᬸᬢᬶᬄᬢᬶᬫᬸᬃ᭞ᬳᬪᬂᬯᬾᬢᬦ᭄ᬳ᭄ᬬᬂᬳᬶᬰ᭄ᬯᬭᬵ᭟ᬳ᭄ᬜᬾᬦ᭄ᬤᬶᬢᬸ᭞ᬤᬶᬓᬸᬤᬸᬂᬳᬢᬶᬫ
ᬮᬸᬗ᭄ᬕᬸᬄ᭞ᬰᬶᬯᬦᬾᬫᬦᬸᬗ᭄ᬕᬮ᭄᭞ᬭᬶᬂᬢ᭄ᬗᬄᬧᬸᬢᬶᬳᬶᬂᬳᬢᬶ᭞ᬢᭀᬦᬾᬧᬸᬢᬸᬲ᭄᭞ᬫᬗᬶᬫ᭄ᬧᬸᬫᬭᬶᬂᬰᬭᬶᬭᬵ᭟ᬳ᭄ᬜᬾᬦ᭄ᬤᬶᬢᬸ᭞ᬗᭂᬫ᭄ᬧᬸᬫᬭᬶᬂᬕ᭄ᬤᭀᬂ
ᬳᬶᬓᬸ᭞ᬬᬦ᭄ᬢᬸᬭᬫᬦᬯᬂ᭞ᬤᬶᬢᬸᬢᬓᭀᬦᬂᬧᬂᬧᬲ᭄ᬢᬶ᭞ᬬᬦᬾᬧᬸ᭠ᬢᬸᬲ᭄᭞ᬫᬦᬸᬗ᭄ᬕᬸᬬᬫᬭᬶᬭᬕᬵ᭟ᬦᬶᬬᬂᬗᭂᬫ᭄ᬧᬸ᭞ᬓᬓᬶᬗᭂᬫ᭄ᬧᬸᬩᬧᬵ [ 12 ][᭑᭑ 11B]
᭑᭑
ᬗᭂᬫ᭄ᬧᬸ᭞ᬳᬶᬫᬾᬫᬾᬫᬗᭂᬫ᭄ᬩᬦ᭄᭞ᬮᬦ᭄ᬬᬫᬦᬾᬧᬧᬢ᭄ᬲᬫᬶ᭞ᬧᬕᭂᬄᬗᭂᬫ᭄ᬧᬸ᭞ᬲᬂᬳ᭄ᬬᬂᬭᬭᬾᬭᬶᬂᬧᬫᬺᬫᬦ᭄᭟ᬦᬶᬬᬂᬗᭂᬫ᭄ᬧᬸ᭞ᬳᬶ
ᬦᬶᬦᬶᬫᬲᬶᬓᭂᬧ᭄ᬲᬥᬸ᭞ᬳᬶᬓᬓᬶᬗᬕᭂᬫ᭄ᬧ᭄ᬤᬂ᭞ᬳᬶᬩᬧᬵᬫᬗ᭠ᬕᭂᬫ᭄ᬓ᭄ᬭᬶᬲ᭄᭞ᬲᬫᬶᬗᭂᬫ᭄ᬧᬸ᭞ᬳᬶᬫᬾᬫᬾᬫᬗᬕᭂᬫ᭄ᬘᬓᬺ᭟ᬜᬫᬘ᭠
ᬢᬹᬃ᭞ᬢᭂᬦ᭄ᬢᭀᬲᬫᬶᬧᬥᬗᭂᬫ᭄ᬧᬸ᭞ᬫᬋᬧ᭄ᬯᬾᬢᬦ᭄ᬓᬸᬮᭀᬦ᭄᭞ᬮᭀᬃᬓᬶᬤᬸᬮ᭄ᬧᬥᬵᬗ᭄ᬫᬶᬢ᭄᭞ᬭᬳᬶᬦᬵᬤᬮᬸ᭞ᬳᬶᬓᬵᬲᬫᬫ
ᬯᬶᬰᬾᬱ᭟ᬲᬢᭀᬗᭂᬫ᭄ᬧᬸ᭞ᬲᬶᬗ᭄ᬳᬵᬩᬭᭀᬂᬧᬥᬗᭂᬫ᭄ᬧᬸ᭞ᬕᬚᬄᬯᬭᬓ᭄ᬫᬘᬦ᭄᭞ᬫᬭᬂᬲᭀᬃᬪᬤᬯᬂᬧᬸᬢᬶᬄ᭞ᬫᬭᬶᬂᬮᬸᬳᬸᬃᬕᬭᬸ
[᭑᭒ 12A]
ᬥᬵᬧᬸᬢᬶᬄᬳᬶᬭᬶᬓᬵ᭟ᬤᬹᬃᬕ᭄ᬕᬧᬢᬸᬄ᭞ᬲᬃᬯᬳᬳᬾᬂᬧᬥᬧᬢᬸᬄ᭞ᬦᬾᬕᬮᬓ᭄ᬬᬯ᭄ᬮᬲ᭄᭞ᬲᬃᬯ᭄ᬯᬫᬦ᭄ᬤᬶᬧᬥᬳᬲᬶᬄ᭞ᬲᬫᬶᬧᬢᬸᬄᬫᬓ᭄ᬚᬂ
ᬧᬥᬵᬫᬦᭂᬫ᭄ᬩᬄ᭟ᬭᬭᬾᬦᬶᬗ᭄ᬲᬸᬦ᭄᭞ᬫᬲᬭᬾᬤᬶᬕ᭄ᬤᭀᬂᬩᬢᬸ᭞ᬓᬮᬲᬦᬾᬓᭀᬘᬧ᭄᭞ᬯᬢᬸᬓᬸᬫᬮᬰᬳᬶᬓᬶ᭞ᬓᬭᬂᬳ᭄ᬮᬸ᭞ᬯ᭠
ᬢᬸᬳᬶᬢᭂᬫᬾᬧᬸᬦᬶᬓᬵ᭟ᬤᭀᬤᭀᬢ᭄ᬳᬶᬧᬸᬦ᭄᭞ᬓᬤᭀᬤᭀᬢ᭄ᬢᬫ᭄ᬩᬕᬳᬸᬮᬸ᭞ᬳᬶᬍᬳᬶᬤ᭄ᬲᬕᬭᬵ᭞ᬕ᭄ᬦᬶᬫᬸᬭᬸᬩ᭄ᬫᬗᬶᬍᬳᬶᬦ᭄᭞ᬕᬸᬦᬸᬂ
ᬧᬶᬢᬸ᭞ᬳᬲ᭄ᬮᬢ᭄ᬲᬕᬭᬲᬗ᭄ᬳᬵ᭟ᬤᬾᬯᬤᬶᬢᬸ᭞ᬪᬝᬭᬲᬫᬶᬫᬗᭂᬫ᭄ᬧᬸ᭞ᬧᬜ᭄ᬘᬋᬱᬶᬢᬶᬓᬵ᭞ᬯᬢᭂᬓ᭄ᬦᬯᬲᬗ᭄ᬳᬗ᭄ᬫᬶᬢ᭄᭞ᬧᬥᬗᭂᬫ᭄ᬧᬸ᭞ [ 13 ][᭑᭒ 12B]
᭑᭒
ᬲᬂᬳ᭄ᬬᬂᬭᬭᬾᬭᬶᬂᬧᬫᬺᬫᬦ᭄᭟ᬫᬮᬶᬄᬓᬯᬸᬯᬸᬲ᭄᭞ᬭᬭᬾᬫ᭄ᬤᬮ᭄ᬭᬶᬂᬳᬶᬢᬶᬸᬭᬢᬳᬕᬸᬂ᭞ᬢ᭄ᬯᬄᬜᬫᬦᬾᬧᬢ᭄ᬧᬢ᭄᭞ᬓᭀᬘᬧ᭄ᬲᬋᬂᬫ᭄ᬤᬮ᭄ᬲ
ᬫᬶ᭞ᬲᬫᬶᬗᬶᬫ᭄ᬧᬸ᭞ᬳᬦᬸᬗ᭄ᬕᬸᬭᬭᬾᬧᬸᬦᬶᬓᬵ᭟ᬬᬦᬶᬂᬯ᭄ᬭᬸᬄ᭞ᬭᬶᬂᬳᬶᬜᬫᬦᬾᬓᬘᬢᬹᬃ᭞ᬬᬦ᭄ᬢ᭄ᬯᬭᬫᬦᬯᬂ᭞ᬤᬶᬢᬸᬢᬓᭀᬦᬂᬧᬂᬧᬲ᭄ᬢᬶ᭞ᬢᬸ
ᬦ᭄ᬤᬾᬦ᭄ᬗᭂᬫ᭄ᬧᬸ᭞ᬜᬮᬸᬂᬮᬸᬂᬧᬢᬶᬳᬸᬭᬶᬧ᭄ᬢᬵ᭟ᬬᬦ᭄ᬢᬯ᭄ᬭᬸᬄ᭞ᬭᬶᬂᬜᬫᬦᬾᬳᬚᬓ᭄ᬫᭂᬢᬸ᭞ᬬᬤᬤ᭄ᬬᬫᬕᬮᬓ᭄᭞ᬫᬫ᭄ᬧᭂᬄᬭᬳᬶᬦᬵᬯ᭄ᬗᬶ᭞ᬬᬦ᭄ᬢᬸᬄ᭠
ᬧᬢᬸᬢ᭄᭞ᬯᬾᬳᬶᬦ᭄ᬫᭂᬃᬢ᭄ᬣᬭᬶᬂᬲ᭄ᬫᬭᬵ᭟ᬤᬤᬶᬧᬢᬸᬄ᭞ᬭᬶᬂᬳᬸᬭᬶᬧ᭄ᬢᬜᬮᬸᬗ᭄ᬮᬸᬂ᭞ᬧᬕᭂᬄᬬᬫᬗᭂᬫ᭄ᬩᬦ᭄᭞ᬲᬃᬯ᭄ᬯᬤᬹᬃᬚ᭄ᬚᬦᬦᬾᬯ᭄ᬤᬶ᭞ᬤᬹᬃᬕ᭄ᬕᬵᬧᬢᬸᬄ
[᭑᭓ 13A]
ᬲᬃᬯ᭄ᬯᬳᬳᬾᬂᬧᬥᬵᬦᭂᬫ᭄ᬩᬄ᭟ᬭᬭᬾᬦᬶᬗ᭄ᬲᬸᬦ᭄᭞ᬓᬶᬦ᭄ᬫᬶᬢ᭄ᬤᬾᬦᬶᬂᬳ᭄ᬬᬂᬘᬢᬹᬃ᭞ᬳᬗ᭄ᬕᬧᬢᬶᬳᬶᬓᬵ᭞ᬫ᭄ᬭᬚᬵᬧᬢᬶᬩᬦᬲ᭄ᬧᬢᬶ᭞ᬩᬦᬲ᭄ᬧᬢᬶᬭ
ᬚᬵ᭞ᬢᭀᬧᬬᬫᬯᬶᬰᬾᬱ᭟ᬲᬫᬶᬦᬸᬗ᭄ᬕᬸ᭞ᬭᬶᬂᬯᬾᬢᬦ᭄ᬓᬸᬮᭀᬦ᭄ᬮᭀᬓᬶᬤᬸᬮ᭄᭞ᬯ᭄ᬤᬶᬲᬃᬯ᭄ᬯᬳᬮᬵ᭞ᬲᬃᬯ᭄ᬯᬳᬳᬾᬂᬧᬥᬯ᭄ᬤᬶ᭞ᬢᬸᬚᬸᬢ᭄ᬮᬸᬄ᭞᭠
ᬲᬃᬯ᭄ᬯᬫᬦ᭄ᬤᬶᬢᬭᬦ᭄ᬚᬦᬵ᭟ᬲᬫᬶᬫᬸᬦ᭄ᬤᬸᬃ᭞ᬧᬥᬫᬗᬾᬮᬶᬳᬶᬦ᭄ᬮᬸᬗ᭄ᬕᬸᬄ᭞᭠ᬯᬾᬢᬦ᭄ᬓᬸᬮᭀᬦᬶᬓᬵ᭞ᬮᭀᬃᬓᬶᬤᬸᬮ᭄ᬳᬶᬓᬵᬲᬫᬶ᭞ᬧᬥᬧᬢᬸᬄ᭞ᬲᬫᬶ
ᬫᬗᬾᬮᬶᬗᬶᬦ᭄ᬳᬸᬫᬄ᭟ᬓᭂᬲ᭄ᬬᬄᬓᭂᬲ᭄ᬬᬄ᭞ᬲ᭄ᬭᬦᬦᬶᬦ᭄ᬫᬲ᭄ᬯᬶᬲᬫ᭄ᬧᬸᬦ᭄᭞ᬲᭂᬫ᭄ᬩᬃᬯᬾᬢᬦ᭄ᬓᬸᬮᭀᬦ᭄ᬮᭀᬃᬓᬶᬤᬸᬮᬾᬫ᭄ᬦᬾᬓ᭄ᬩᬮᬶᬓ᭄᭞ᬢᬸ [ 14 ][᭑᭓ 13B]
᭑᭓
ᬮᬓ᭄ᬧᬢᬸᬄ᭞ᬲᬫᬶᬯ᭄ᬤᬶᬲᬶᬋᬧ᭄ᬭᬶᬂᬳᬸᬫᬄ᭟᭛᭜᭛ᬳᬫ᭄ᬧᬸᬭᬬᬂᬓᬸᬤᬢᬶᬢ᭄ᬬᬂᬭᬢᬸ᭞ᬧᬓ᭄ᬱᬓᬯ᭄ᬭᬸᬳᬾ᭞ᬫᬶᬢᬸᬢᬹᬭᬶᬦ᭄ᬧ᭄ᬬᬦᬓ᭄ᬘ
ᬦᬶᬓ᭄᭞ᬦᬗᬶᬂᬢᬬᬫᬢ᭄ᬭᬯᬸᬄ᭞ᬦᬶᬗᭂᬄᬫᬸᬜᬶᬦ᭄ᬳᬦᬓᬾᬧᬸᬢᬸᬲ᭄᭞ᬧ᭄ᬭᬚ᭄ᬜᬦ᭄ᬲᬮ᭄ᬯᬶᬭᬶᬂᬢᬢ᭄ᬯᬦᬾ᭞ᬧᬸᬦᬶᬓᬵᬳᬗ᭄ᬕᬾᬦ᭄ᬧᬧᬸᬘᬸᬓ᭄᭞ᬫᬶᬢ᭄ᬓᭂᬢᬶ
ᬦ᭄ᬢᭀᬧᬦᬓᬾ᭞ᬧ᭄ᬬᬃᬲᬬᬂᬧᬯᬭᬄᬩᬧᬵ᭟ᬧᬶᬮᬶᬄᬲᬶᬂᬜᬓ᭄ᬦᬵᬬᬫᬦᬸᬧ᭄ᬢᬸᬧ᭄᭞ᬩᬳᬦ᭄ᬢᬶᬦ᭄ᬤᬓ᭄ᬩᬧᬦᬾᬩᬧᬵᬫᬦᬫ᭄ᬧᬬᬂᬜᬳᬶ᭞ᬦ
ᬗ᭄ᬳᬶᬂᬢᬾᬜᬳᬶᬮᬘᬹᬃ᭞ᬢᬸᬫ᭄ᬩᬸᬄᬤᬤᬶᬚᬤ᭄ᬫᬵᬳ᭄ᬮᬸᬄ᭞ᬢᭀᬂᬓᬲᬤ᭄ᬬᬦ᭄ᬩᬳᬦ᭄ᬩᬧᬵ᭞ᬦᬫ᭄ᬧᬶᬂᬜᬳᬶᬲᬢᬸᬯᬸᬓ᭄᭞ᬤᭀᬦᬶᬂᬜᬳᬶᬲ᭄ᬮᬢ᭄ᬢᬸᬓ᭠
[᭑᭔ 14A]
ᬤ᭄᭞ᬢᭀᬂᬓᬘᬓᬺᬩᬳᬦ᭄ᬩᬧᬵ᭟ᬬᬦ᭄ᬓᬢᬸᬦᬦ᭄ᬜᬳᬶᬧᬗᬦ᭄ᬓᬶᬦᬸᬫ᭄᭞ᬕᬶᬲᬶᬚ᭄ᬯᬩ᭄ᬦᭂᬳᬾ᭞ᬤ᭄ᬬᬲ᭄ᬢᬸᬦ᭄ᬫᬳᬸᬢᬂᬫᬜᬶᬮᬶᬄ᭞ᬦᬗᬶᬂᬢᬾᬬ᭠
ᬳᬧᬂᬢᬸᬳᬸ᭞ᬳᬦᬓ᭄ᬬᬢ᭄ᬯᬄᬧᬥᬵᬓ᭄ᬤᬸᬄ᭞ᬲᬸᬕᬶᬄᬢ᭄ᬓᬾᬦᬶᬂᬤᬳᬓᬾ᭞ᬳᬦᬓ᭄ᬬᬧᬥᬫᬢᬸᬢᬹᬃ᭞ᬬᬦ᭄ᬲᬸᬕᬶᬄᬤᬧᬢᬂᬩᬗ᭄ᬕᬵ᭞ᬬᬦ᭄ᬢᬶ
ᬯᬲ᭄ᬤᬵᬧᬢᬶᬤᬸᬄᬓᬵ᭟ᬳᬦᬓᬾᬢ᭄ᬯᬄᬧᬥᬬᬫᬢ᭄ᬚᬸ᭞ᬚ᭄ᬮᬾᬢ᭄ᬓᬾ᭠ᬦᬶᬂᬫ᭄ᬮᬄ᭞ᬳ᭄ᬮᬸᬄᬢ᭄ᬓᬾᬦᬶᬂᬫ᭄ᬯᬦᬶ᭞ᬫ᭄ᬦᬾᬓ᭄ᬓᬮᬯᬦ᭄ᬢᬸᬯᬸᬦ᭄᭞ᬲᬗ᭄ᬓᬦ᭄ᬜᬦᬾᬤ
ᬤᬶᬢᬸᬫ᭄ᬩᬸᬄ᭞ᬰᬶᬯ᭄ᬯᬩᬸᬤ᭄ᬟᬵᬤᬤᬶᬦ᭄ᬜᬦᬾ᭞ᬬᬦ᭄ᬭᬶᬂᬰᬲ᭄ᬢ᭄ᬭᬫᬯᬓ᭄ᬯᬶᬡ᭄ᬟᬸ᭞ᬮᬢ᭄ᬭᬶᬢ᭄ᬓᬦᬶᬂᬭᬳᬶᬦᬵ᭞ᬲᬗ᭄ᬓᬦᬶᬂᬳᬤᬵᬫᬦᬸᬱ᭟ᬓᬾᬦ᭄ᬫᬦᬸᬱᬦᬾ [ 15 ][᭑᭔ 14B]
᭑᭔
ᬲ᭄ᬤᭂᬂᬢᬶᬭᬸ᭞ᬳᬮᬶᬄᬢᭀᬗᭀᬲ᭄ᬜᬦᬾ᭞ᬦᬫᬗ᭄ᬕᬾᬤᬦᬵᬯᬭᬢᬶ᭞ᬬᬦ᭄ᬧᭂᬧᭂᬤ᭄ᬢᬸᬯᬭᬕᬶᬲᬸ᭞ᬬᬦ᭄ᬯᬤᬵᬢᭀᬂᬳᬤᬵᬳᬶᬩᬸᬓ᭄᭞
ᬬᬦ᭄ᬳᬍᬫ᭄ᬢᭀᬂᬳᬤᬵᬍᬧᬶᬸᬕᬵ᭞ᬓᬤᬶᬲᬂᬳ᭄ᬬᬂᬲᬹᬃᬬ᭄ᬬᬫ᭄ᬢᬸ᭞ᬢᭀᬂ᭠ᬳᬤᬵᬫᬧᬶᬮᬶᬄᬫᬃᬕ᭄ᬕᬵ᭞ᬫᬗ᭄ᬮᬗ᭄ᬮᬗᬶᬦ᭄ᬲᬪ᭄ᬯᬖᬵ᭟ᬦᬾᬓᬾᬦ᭄ᬢᭀ
ᬫᬦᬸᬱᬦᬾᬲ᭄ᬤᭂᬢᬶᬭᬸ᭞ᬮᬂᬮᬂᬤᬶᬳᬢᬶᬦᬾ᭞ᬓᬤᬶᬲᬂᬳ᭄ᬬᬂᬲᬸᬃᬬ᭄ᬬᬫᬶᬚᬶᬮ᭄᭞ᬬᬤ᭄ᬬᬦ᭄ᬚᬸᬭᬂᬫ᭄ᬯᬄᬧᬗ᭄ᬓᬸᬂ᭞ᬢᬦ᭄ᬳᬸᬘᬧᭂᬦ᭄ᬫᬭᬶᬂᬕᬸᬦᬸᬂ᭞ᬫᬲᬶᬄᬮᬂᬮᬂ
ᬤᬶᬳᬢᬶᬦᬾ᭞ᬳᭂᬦ᭄ᬢᭀᬫᬯᬓ᭄ᬲᬂᬳ᭄ᬬᬂᬫ᭄ᬢᬸ᭞ᬦᬤᬾᬦ᭄ᬬᬓᬤᬶ᭠ᬲᬕᬭᬵ᭞ᬳᬸᬩᭂᬓ᭄ᬢᭀᬂᬳᬤᬵᬧᬸᬢᭂᬓ᭄ᬦ᭄ᬬ᭟ᬬᬦ᭄ᬓᭂᬦᭂᬳᬾᬢᭀᬕ
[᭑᭕ 15A]
ᬫᭂᬮ᭄ᬲᬢᬸᬯᬸᬓ᭄᭞ᬳᭂᬦ᭄ᬢᭀᬫᬲ᭄ᬫᬡᬶᬓᬾ᭞ᬫᬤᬦ᭄ᬓᬲᬸᬕᬶᬳᬦ᭄ᬮᭂᬯᬶᬄ᭞ᬢᭀᬂᬓ᭄ᬦᬵᬬᬚ᭄ᬯᬂᬧᬦ᭄ᬤᬸᬂ᭞ᬳᬧᬦ᭄ᬢᭀᬂᬗᭀᬲ᭄ᬜᬦᬾᬓᬾᬬᬸᬄ᭞ᬤᬶᬚ᭄ᬭᭀ
ᬧᬸᬭᬶᬢᭀᬗᭀᬲ᭄ᬜ᭞ᬦᬾᬫᬓ᭄ᬫᬶᬢ᭄ᬧᬥᬤᬶᬢᬸ᭞ᬫᬗ᭄ᬤᬸᬲᬶᬦ᭄ᬫᬓᬮᬦ᭄ᬢ᭠ᬲ᭄᭞ᬫᬃᬕ᭄ᬕᬜᬢᭀᬂᬓ᭄ᬦᬵᬚ᭄ᬯᬂ᭟ᬳᬦᬾᬓᬾᬢᭀᬫᬓᬵᬩ᭄ᬓᭂᬮᬾᬫᬦ᭄ᬢᬸ
ᬓ᭄᭞ᬕᬯᬾᬭᬶᬂᬳᬸᬫᬳᬾ᭞ᬳᭂᬦ᭄ᬢᭀᬓᬲᬸᬕᬶᬳᬦ᭄ᬮᭂᬯᬶᬄ᭞ᬬᬤᬶᬦ᭄ᬲᬸᬕᬶᬄᬧᬗᬦ᭄ᬓᬶᬦᬸᬫ᭄᭞ᬍᬯᬶᬄᬧᬗᬗ᭄ᬕᭀᬦᬾᬫᬸᬭᬸᬩ᭄᭞ᬮ᭄ᬬᬸᬤ᭄ᬫᭂᬦ᭄ᬫᭂᬦ᭄ᬩ᭄ᬭ᭠
ᬬᬦ᭞ᬳᬤᬵᬗᬍᬫ᭄ᬳᬤᬵᬗᬚᬸᬫ᭄᭞ᬬᬦ᭄ᬫᬢᬶᬮ᭄ᬬᬸᬩ᭄ᬭᬬᬦᬾ᭞ᬗᬢᭂᬳᬂᬢ᭄ᬓᭂᬤ᭄ᬤᬶᬲ᭄ᬫᬵ᭟ᬮᬯᬸᬢ᭄ᬧᬥᬫᬮᬶᬧ᭄ᬢᬦ᭄ᬫᬦ᭄ᬢᬸᬓ᭄᭞ᬜᬫᬩ᭄ᬭ᭠ [ 16 ][᭑᭕ 15B]
᭑᭕
ᬬᬓᬩᬾᬄ᭞ᬳᬯᬓᬾᬢᬸᬮᬸᬲ᭄ᬢ᭄ᬯᬄᬧᬮᬶᬂ᭞ᬧᬚᬮᬦᬾᬧᬢᬶᬢᭂᬦ᭄ᬢᬸᬮ᭄᭞ᬓᬧᬗ᭄ᬕᬶᬄᬫᬵᬃᬕ᭄ᬕᬦᬾᬲᬸᬦᬸᬓ᭄᭞ᬤᬶᬢᬸᬫᬗ᭄ᬭᬱᬳᬯᬓᬾ᭞ᬳᬶᬗᭂ
ᬢ᭄ᬢᭂᬓᬾᬦ᭄ᬗᭂᬮᬄᬮ᭄ᬬᬸ᭞ᬦᬗᬶᬂᬢᭀᬂᬳᬤᬵᬕᬯᬾᬦ᭄ᬬ᭞ᬦᬾᬫᬗ᭠ᬢᭂᬄᬧᬥᬦᬸᬗ᭄ᬓᬓ᭄᭟ᬓᬕᬾᬢ᭄ᬳᬤᬵᬳᬦᬓ᭄ᬢ᭄ᬯᬘᬕ᭄ᬮᬸᬓ᭄᭞ᬢᬦ᭄ᬓᬭ᭄ᬯᬦ᭄ᬲ
ᬗ᭄ᬓᬦᬵ᭞ᬘᬳᬶᬢᬾᬫᬗᬸᬤᬤᬶᬦᬶ᭞ᬫᬲᬳᬸᬢ᭄ᬬᬲᬤ᭄ᬟᬵᬳᬮᬸᬲ᭄᭞ᬢᬶᬢ᭄ᬬᬂᬧᬮᬶᬂᬧᬢᬶᬳᭂᬦ᭄ᬢᬸᬮ᭄᭞ᬧᬢᬸᬚ᭄ᬯᬶᬦ᭄ᬢᬶᬢ᭄ᬬᬂᬫᬃᬕ᭄ᬕᬵ᭞ᬳᭂᬗ᭄ᬓᬾᬦ᭄ᬢᬾ᭠
ᬫᬃᬕ᭄ᬕᬶᬦᬾᬮᬸᬯᬸᬂ᭞ᬘᬳᬶᬓᬶᬚᬵᬫᬗᬢ᭄ᬬᬂ᭞ᬢᬶᬢ᭄ᬬᬂᬫᬸᬮᬶᬄᬓᬳᬸᬫᬄᬢᬶᬢ᭄ᬬᬂ᭟ᬤᬶᬦᬶᬦ᭄ᬤᬾᬦ᭄ᬳᬦ᭄ᬢᭀᬲ᭄ᬦᬶᬭᬵᬦᬸᬫᬦ᭄ᬤᬸᬲ᭄᭞ᬳᬮᭀᬦ᭄ᬧᬫᬃ
[᭑᭖ 16A]
ᬕ᭄ᬕᬶᬦᬾ᭞ᬳᬸᬘᬧᭂᬦ᭄ᬤᬦᬾᬯᬸᬲ᭄ᬧ᭄ᬭᬧ᭄ᬢᬶ᭞ᬳᬢᬓᬾᬦ᭄ᬳᬲ᭄ᬫᬸᬕᬸᬬᬸ᭞ᬤᬸᬓ᭄ᬥᬳᬶᬦᬾᬳ᭄ᬦᬾᬳᬶᬤᬸᬧ᭄᭞ᬩᬲ᭄ᬮᬶᬫ᭄ᬧᬤ᭄ᬓᬋᬧ᭄ᬥᬳᬶᬦᬾ᭞ᬮᬕᬸᬢᬾᬫᬗ᭄ᬮᬄ᭠
ᬮ᭄ᬬᬸ᭞ᬫᬸᬜᬶᬦᬾᬢᬦ᭄ᬓᬭ᭄ᬯᬦ᭄ᬓᬭ᭄ᬯᬦ᭄᭞ᬢ᭄ᬯᬭᬫᬗᬗ᭄ᬕᭀᬓᬥᬃᬫ᭄ᬫᬦ᭄᭟ᬳᬶᬭᬗᭀᬭᬳᬶᬦ᭄ᬘᬳᬶᬢᬸᬢᬹᬃ᭞ᬤᬸᬓ᭄ᬳᬸᬭᬶᬧ᭄ᬘᬳᬶᬦᬾ᭞ᬳᬧᬂᬳ᭄ᬤᬵᬘᬳᬶᬧ
ᬮᬶᬂ᭞ᬧᬫᬸᬜᬶᬦᬾᬳᬧᬂᬳᬮᬸᬲ᭄᭞ᬍᬯᬶᬄᬢ᭄ᬓᬾᬦ᭄ᬳᬦᬓ᭄ᬤᬸᬲᬸᬦ᭄᭞ᬳᬧᬂᬫ᭄ᬮᬄᬚ᭄ᬯᬫᬸᬜᬶᬦᬾ᭞ᬢ᭄ᬓᬾᬦ᭄ᬳᬫ᭄ᬩᭂᬓ᭄ᬳᬧᬂᬢᬶᬦᬸᬢ᭄᭞ᬤᬵᬧᬶᬜ᭄ᬘᬓ᭄ᬢ᭄ᬓᬾ
ᬦ᭄ᬲᬲᬫᬦ᭄᭞ᬳ᭄ᬤᬵᬩᬗ᭄ᬕᬵᬢ᭄ᬓᬾᬦᬶᬂᬳᬯᬓ᭄᭟ᬳ᭄ᬤᬵᬤ᭄ᬫᬶᬢ᭄ᬢᭂᬓᬾᬦ᭄ᬳᬦᬓ᭄ᬤᬚᬮᬸᬓ᭄᭞ᬬᬦ᭄ᬧᬳᬶᬢᬸᬗᬦᬾ᭞ᬧᬶᬗᬦ᭄ᬲᬶᬄᬳᬯᬓᬾᬗᬮᬶᬄ᭞᭠ [ 17 ][᭑᭖ 16B]
᭑᭖
ᬳᬧᬦ᭄ᬗᭂᬮᬄᬲᬸᬩᬵᬮ᭄ᬬᬸ᭞ᬳᭂᬦ᭄ᬢᭀᬫᬯᬓ᭄ᬫᬃᬕ᭄ᬕᬶᬲᬸᬦᬸᬢ᭄᭞ᬢᬶᬭᬸᬜᬩᬶᬓᬲ᭄ᬳᬯᬓᬾ᭞ᬫᬦᬄᬕᬮᬂᬫᬃᬕ᭄ᬕᬵᬮᬦᬸᬲ᭄᭞ᬫᬃᬕ᭄ᬕᬵᬢᭀᬗᭀ᭠
ᬲ᭄ᬜᬭᬶᬂᬳᬯᬓ᭄᭞ᬢ᭄ᬯᬄᬳᬶᬤᭂᬄᬳᬶᬤᭂᬄᬬᬳᬩᬵ᭟ᬬᬦ᭄ᬫᬦᬳᬾᬢ᭄ᬭ᭠ᬭᬕᬮᬂᬳᬶᬩᬸᬓ᭄᭞ᬮᬂᬮᬂᬤᬶᬳᬢᬶᬦᬾ᭞ᬫᬃᬕ᭄ᬕᬦᬾᬓᬕᬸᬦᬸᬂᬓᬯᬶ᭞ᬳᭂ
ᬦ᭄ᬢᭀᬢ᭄ᬯᬄᬦᬾᬦᬾᬢᬸᬚᬸ᭞ᬳᭂᬦ᭄ᬢᭀᬤᬤᬶᬫᬃᬕ᭄ᬕᬳᬕᬸᬂ᭞ᬤᬶᬢᬸᬓᬧ᭠ᬗ᭄ᬕᬶᬄᬳᬸᬫᬳᬾ᭞ᬳᬶᬫᬾᬫᬾᬳᬶᬩᬧᬵᬤᬶᬢᬸ᭞ᬓᬾᬢᭀᬘᬳᬶᬢᬸᬢᬹᬭᬜ᭞ᬢᬶᬗ᭄ᬓᬳᬾᬤᬤᬶᬫᬦᬸᬱ᭟ᬳᬗᬶᬂᬳᬭᬂᬳᬦᬓᬾᬫᬢᬸᬢᬹᬃ᭞ᬗᬗ᭄ᬕᭀᬩᬸᬓᬵᬓᬾᬦᬾ᭞ᬳᬦᬓᬾᬢ᭄ᬯᬄᬢᬸᬳᬸᬓ᭄ᬢᬶᬮ᭄᭞ᬩᬩᬾᬤ
[᭑᭗ 17A]
ᬦ᭄ᬜᬦᬾᬩᬲ᭄ᬬᬸ᭞ᬳᬸᬮᬶᬤᬶᬦᭀᬭᬶᬤᬶᬫᬮᬸ᭞ᬤᬶᬳᬋᬧ᭄ᬮᬾᬦ᭄ᬤᬶ᭠ᬲᬫ᭄ᬧᬶᬗᬦ᭄᭞ᬢ᭄ᬓᬦ᭄ᬜᬦᬾᬧᬩᬮᬸᬲ᭄ᬩᬸᬲ᭄᭞ᬢᭀᬓ᭄ᬦᬵᬳᭂᬫ᭄ᬧᭂᬢᬶᬦ᭄ᬧᬶ
ᬲᬦ᭄᭞ᬳᬧᬦ᭄ᬓᬮ᭄ᬬᬸᬦᬦ᭄ᬩᬾᬤᬵ᭟ᬮ᭄ᬬᬸᬩᬾᬤᬦᬾᬢᬦ᭄ᬓᭂᬦᬶ᭠ᬳᬶᬢᬸᬂ᭞ᬲᬮ᭄ᬬᬸᬦ᭄ᬮ᭄ᬬᬸᬦᬾ᭞ᬫᬓᬸᬫ᭄ᬧᬸᬮ᭄ᬤᬤᬶᬲᬯᬶᬚᬶ᭞ᬳᬗᬶᬂᬲ᭄ᬤᭂᬓᬦ᭄᭠
ᬕᬸᬭᬸ᭞ᬬᬦ᭄ᬲᬶᬭᬲᬫ᭄ᬧᬸᬦ᭄ᬳᬸᬗᬹ᭞ᬤᬰᬾᬦ᭄ᬤ᭄ᬭᬶᬬᬤᬤᬶᬦ᭄ᬜᬦᬾ᭞ᬬᬲᬳᬶᬢᭀᬳᬗ᭄ᬕᭀᬦ᭄ᬫᬸᬲᬸᬄ᭞ᬬᬾᬦ᭄ᬬᬓᬮᬄᬤᬤᬶᬭ᭄ᬯᬂ᭞ᬫᬋᬗᬶᬦ᭄ᬲᬶ
ᬭᬳᬧ᭄ᬭᬂ᭟ᬲᬗ᭄ᬓᬦ᭄ᬳᬮᬶᬄᬓᬤᬸᬢᬦᬾᬮᬸᬳᬸᬂ᭞ᬦᬾᬫ᭄ᬮᬄᬧᬗᬦᬾ᭠᭞ᬳᬧᬦ᭄ᬫᬸᬲᬸᬄᬲᬳᬶᬤᬫ᭄ᬧᬶᬂ᭞ᬳᭂᬦ᭄ᬢᭀᬲᬚᬬᬂᬦᬾᬭᬸᬭᬸᬄ᭞ᬮᬫᬸ [ 18 ][᭑᭗ 17B]
᭑᭗
ᬦ᭄ᬜᬲᬸᬩᬵᬓᬢ᭄ᬧᬸᬓ᭄᭞ᬫᬗ᭄ᬭᬱᬓᭂᬦ᭄ᬤᭂᬮ᭄ᬳᬢᬶᬦᬾ᭞ᬗᬗ᭄ᬕᭀᬓᬤᬸᬢᬦ᭄ᬩᬩᬸᬭᬸ᭞ᬫᬧᬭᬩ᭄ᬓᬸᬦ᭄ᬢᬸᬮ᭄ᬳᬗ᭄ᬮᬬᬂ᭞ᬤ᭄ᬭᬸᬯᬾᬦ᭄ᬲᬂᬳᬶᬲ᭄ᬢ᭄ᬭᬶᬳᬸᬢ᭄ᬢᬫ᭟
ᬦ᭄ᬢᭀᬳᬗ᭄ᬕᭀᬦ᭄ᬗᬫᬢ᭄ᬬᬂᬫᬸᬲᬸᬄ᭞ᬲᬮ᭄ᬬᬸᬦ᭄ᬫᬸᬲᬸᬳᬾ᭞ᬢᭀᬦ᭄ᬤᬾ᭠ᬦ᭄ᬢᭂᬩᭂᬓ᭄ᬲᬸᬩᬵᬫᬢᬶ᭞ᬳᬧᬦ᭄ᬢᬸᬳᬸᬬᬩᬩᬭᬸ᭞ᬦᬗ᭄ᬳᬶᬂᬳᬭᬂᬳᬦᬓ᭄ᬢ᭠
ᬳᬸ᭞ᬤᬶᬕᬸᬦᬸᬂᬓᬯᬶᬢᭀᬗᭀᬲᬾ᭞ᬤᬶᬢᬸᬫᬢᬫ᭄ᬩᬸᬦ᭄ᬩᬩᬭᬸ᭞᭠ᬳᬯᬓ᭄ᬲᬶᬂᬗᬗ᭄ᬕᬾᬦ᭄ᬫᬬᬸᬤ᭄ᬟᬵ᭞ᬬᬸᬤ᭄ᬟᬵᬗᬭᬘ᭄ᬧᬪᬭᬢᬦ᭄᭟ᬳᬦᬾ
ᬓᬾᬦ᭄ᬢᭀᬓᬩ᭄ᬮᭂᬢᬂᬩᬳᬦ᭄ᬢᬸᬢᬸᬃᬩᬳᬦ᭄ᬢᬶᬦ᭄ᬤᬓ᭄ᬳᬯᬓᬾ᭞ᬳᬶᬥᭂᬧᬦ᭄ᬫᬗᬯᬾᬣᬶᬣᬶ᭞ᬧᬶᬮᬶᬄᬬᬓ᭄ᬦᬵᬩᬳᬦ᭄ᬦᬸᬯᬸᬢ᭄᭞ᬳᬢᬶᬦᬾ᭠
[᭑᭘ 18A]
ᬢ᭄ᬯᬄᬩᬦᬶᬢᬓᬸᬢ᭄᭞ᬩᬦ᭄ᬢᬶᬢᬶᬦᬾᬓᬬᬸᬭᬸᬲᬓ᭄᭞ᬢᭂᬧᬸᬢ᭄ᬯᬄᬢᬦ᭄ᬳᬸᬭᬸᬂᬳ᭄ᬮᬸᬂ᭞ᬢᬸᬯᬭᬫᬧᬗᬜ᭄ᬘᬦ᭄᭞ᬮᬩᬸᬄᬢ᭄ᬯᬄᬭᬫᬕᬦ᭄ᬢᬸᬮᬦ᭄᭞ᬲᬸ
ᬩᬵᬳᬫᬸᬦ᭄ᬢᭀᬩᬦ᭄ᬗᬯᬾᬢᬸᬢᬹᬃ᭞ᬦᬸᬢᬸᬭᬶᬦ᭄ᬳᬯᬓᬾ᭞ᬫᬲᬶᬄᬳ᭄ᬦᬸᬦᬦ᭄ᬤᬂᬩ᭄ᬭᬦ᭄ᬢᬶ᭞ᬩᬬᬵᬓᬾᬦ᭄ᬢᭀᬢ᭄ᬯᬄᬢᬸᬤᬸᬄ᭞ᬢᬦ᭄ᬳᬸᬭᬸᬂᬢ᭄ᬯᬄᬜᬤᬸᬫᬸ᭠
ᬦᬸᬂ᭞ᬫᬭᬶᬂᬬᬫᬦᬶᬮᭀᬓᬦᬾ᭞ᬫᬓᭂᬦ᭄ᬢᬵᬓᭂᬦ᭄ᬢᬵᬫᬢ᭄ᬕᬸᬮ᭄᭞ᬫᬳᬶᬫ᭄ᬩᬸᬄᬫᬲᬲᬫ᭄ᬩᬢᬦ᭄᭞ᬫᬗ᭄ᬮᬶᬂᬫᬜᭂᬮ᭄ᬲᭂᬮ᭄ᬳᬯᬓ᭄᭟ᬬᬦ᭄ᬓᭂᬦᬵᬩᬦ᭄ᬫᬮᬶ
ᬓᬶᬦ᭄ᬳᬗ᭄ᬓᬸᬄ᭞ᬕᬯᬾᬦᬂᬩ᭄ᬦᭂᬳᬾ᭞ᬚ᭄ᬮᬾᬦᬾᬳᬧᬗᬵᬧ᭄ᬮᬶᬄ᭞ᬲᬗ᭄ᬓᬵᬦ᭄ᬜᬦᬾᬳ᭄ᬦᬸᬳᬶᬤᬸᬧ᭄᭞ᬳ᭄ᬤᬵᬳᭂᬗ᭄ᬲᬧ᭄ᬳᭂᬤᬵᬲᬸᬳᬸᬤ᭄᭞ᬗᬯᬾᬦᬂᬩ᭄ᬦᭂᬄᬳ [ 19 ][᭑᭘ 18B]
᭑᭘
ᬢᬶᬦᬾ᭞ᬧᬂᬤᬵᬳᬯᬓᬾᬓᬕᬸᬮ᭄ᬕᬸᬮ᭄᭞ᬫᬗᬯᬾᬦᬂᬩᬓᬮ᭄ᬳᬫᬄ᭞ᬫᬓ᭄ᬦᭂᬄᬧᬥᬲᬫ᭄ᬩᬶᬮᬂ᭟ᬦᬾᬦᬾᬓᬾᬢᭀᬳᬾᬱ᭄ᬝ᭄ᬬᬂᬲᬢᬸᬯᬸᬓ᭄᭞ᬲ
ᬢᬸᬗ᭄ᬕᬸᬦ᭄ᬳᬸᬭᬶᬧᬾ᭞ᬲᬂᬳ᭄ᬬᬂᬳᬬᬸᬤᬶᬚ᭄ᬭᭀᬧᬹᬭᬶ᭞ᬬᬦ᭄ᬬᬲᬸᬜᬬᬓᬢ᭄ᬧᬸᬓ᭄᭞ᬳᭂᬦ᭄ᬢᭀᬲ᭄ᬤᭂᬂᬲᭂᬫ᭄ᬩᬄᬲᬸᬳᬸᬦ᭄᭞ᬳᬦᬓ᭄ᬓᬾᬢᭀᬧᬥᬫᬹᬮᬵ᭞ᬲ
ᬫᬹᬮᬵᬜᬲᬸᬩᬢᭂᬧᬸᬓ᭄᭞ᬲᬶᬂᬚᬮᬦ᭄ᬚᬦ᭄ᬬᬗᭂᬦᬄ᭞ᬮ᭄ᬬᬸᬳᬦᬓ᭄ᬢ᭄ᬯᬭᬦᬯᬂ᭟ᬢᭀᬦ᭄ᬤᬾᬦ᭄ᬳᬮᬶᬄᬬᬲᬸᬩᬵᬓᬢᭂᬧᬸᬓ᭄᭞ᬧᬳᭂᬓ᭄ᬢᬾᬗᭀᬲ᭄ᬜᬦᬾ᭞
ᬫᬲ᭄ᬮᬢ᭄ᬤ᭄ᬯᬂᬤᬰᬕᬸᬮᬶ᭞ᬳᬮᬶᬄᬬᬲᬚᬬᬂᬭᬸᬭᬸᬄ᭞ᬫᬲᬢ᭄ᬯᬭᬬᬓᬢᭂᬧᬸᬓ᭄᭞ᬢᭀᬦ᭄ᬤᬾᬦ᭄ᬳᬮᬶᬄᬳᬶᬬᬢ᭄ᬓᬵ᭞ᬳᬦᬓ᭄ᬬᬢᭀᬗᭀᬲ᭄ᬜᬤᬶ᭠
[᭑᭙ 19A]
ᬢᬸ᭞ᬚᬮᬦ᭄ᬫᬸᬮᬵᬳᬤᬵᬥᬃᬫ᭄ᬫᬵ᭞ᬫᬜᬸᬮᬸᬳᬶᬦ᭄ᬓᬲᬸᬮᬸᬳᬦ᭄᭟ᬲᬸᬩᬕᬮᬂᬫᬲᬶᬄᬢ᭄ᬯᬭᬢᭂᬧᬸᬓ᭄᭞ᬳᬶᬮᬶᬤ᭄ᬢᭀᬗᭀᬲ᭄ᬜᬦᬾ᭞ᬳᬮᬶᬄᬧᭂᬲᬸ᭠
ᬳᬶᬬᬫᬸᬮᬶᬄ᭞ᬳᬮᬶᬄᬫ᭄ᬦᬾᬓ᭄ᬳᬶᬬᬢᬸᬯᬸᬦ᭄᭞ᬳᬮᬶᬄᬢᬸᬯᬸᬦ᭄ᬳᬶᬬᬫ᭄ᬦᬾᬓᬦ᭄᭞ᬫᬲᬤᬦᬦ᭄ᬬᬓᬢᭂᬧᬸᬓ᭄᭞ᬬᬦ᭄ᬬᬢᭂᬧᬸᬓ᭄ᬩᬓᬮ᭄ᬕᭂᬦᬵ᭞ᬳᬭᬦ᭄ᬤᬗ
ᬭᬦᬶᬂᬢᬢᬓᬦ᭄᭟ᬢᬦ᭄ᬧᬾᬦ᭄ᬤᬄᬬᬲᬓᬤᬶᬤᬤᬮᬸ᭞ᬤᬶᬢ᭄ᬗᬄᬚᬶᬦᭂᬗᬾ᭞ᬫᬲᬬᬫᬗᬫᬄᬧᬤᬶ᭞ᬢᬸᬬᬸᬄᬢ᭄ᬯᬄᬲᬳᬶᬢᬸᬬᬸᬄ᭞ᬢᬦ᭄ᬧᬫ
ᬗᬦ᭄ᬢᬦ᭄ᬧᬢᬸᬭᬸ᭞ᬩᬸᬓᬵᬫᬩᬮᬶᬄᬩᬸᬮᬦᬾ᭞ᬮᬶᬬᬢᬶᬦ᭄ᬢᭀᬂᬩ᭠ᬓᬢ᭄ᬤᬸᬤᬸᬓ᭄᭞ᬲᬫᬵᬓᬾᬦ᭄ᬢᭀᬢ᭄ᬯᬭᬱᬦᬾ᭞ᬳᬯᬓᬾᬢᬸᬦᬵᬧ᭠ [ 20 ][᭑᭙ 19B]
᭑᭙
ᬗ᭄ᬭᬱ᭟ᬩᬸᬓᬵᬳᬯᬓᬾᬫᬜᬸᬯᬸᬦ᭄ᬫᬥᬸ᭞ᬫᬯᬤᬄᬕ᭄ᬮᬲᬾ᭞ᬢᭀᬂᬢᬳᬾᬦ᭄ᬳᬗᬦ᭄ᬜᬶᬘᬶᬧᬶᬦ᭄᭞ᬬᬦ᭄ᬫᬲᭂᬫ᭄ᬢ᭄ᬯᬭᬤᬵᬢᬳᬸ᭞ᬬᬦ᭄ᬫᬦᬶᬲ᭄ᬢᭀᬂᬳ
ᬤᬵᬢ᭄ᬧᬸᬓ᭄᭞ᬲᬳᬶᬢᬸᬬᬸᬄᬜᬸᬯᬸᬦ᭄ᬤᭀᬕᬦ᭄᭞ᬲᬸᬩᬢᬾᬫᬜᬸᬯᬸᬦ᭄ᬫᬥᬸ᭞ᬲᬳᬶᬫᬓᭂᬦ᭄ᬤᭂᬮᬶᬦ᭄ᬳᬯᬓ᭄᭞ᬭᬱᬜᬢᭀᬂᬳᬤᬵᬢᬯᬂ᭟ᬳᬢᬸ
ᬢ᭄ᬳᬯᬓᬾᬩᬶᬲᬵᬫᬓᬶᬤᬸᬂ᭞ᬫᬦᬯᬂᬰᬲ᭄ᬢ᭄ᬭᬦᬾ᭞ᬩᬶᬱᬦᬾᬳᬶᬗᬦ᭄ᬤᬶ᭠ᬩᬶᬩᬶᬄ᭞ᬫᬲᬶᬄᬳᬯᬓᬾᬮᬶᬗ᭄ᬮᬸᬂ᭞ᬫᬗ᭄ᬭᬱᬦᬶᬦ᭄ᬢᭀᬂᬓᬢᭂᬧᬸᬓ᭄᭞ᬩᬸ
ᬓᬳᬦᬓᬾᬫᬜᬾᬲᬾᬃ᭞ᬗᬮᬶᬄᬩᬾᬦᬾᬩᬓᬮ᭄ᬲᬗᬹ᭞ᬲᬾᬲᬾᬃᬓᬺᬧ᭄ᬤᬸᬗ᭄ᬓᬶᬮᬗᬄ᭞ᬮᬶᬬᬸᬩᬓᬮ᭄ᬩᬾᬦᬳᬶᬮᬂ᭟ᬮᬯᬸᬢ᭄ᬩᭂᬗᭀᬂ
[᭒᭐ 20A]
ᬢ᭄ᬯᬭᬩᬓᬢ᭄ᬧᬸᬧᬸ᭞ᬳᬶᬮᬂᬧᬥᬩᬾᬦᬾ᭞ᬚᬦᬶᬫᬗ᭄ᬭᬱᬓᬳᬸᬭᬶ᭞ᬳᬲᬶᬂᬩᬓᬢ᭄ᬮᬯᬸᬢ᭄ᬓᬤᬸᬢ᭄᭞ᬢ᭄ᬓᭂᬓᬂᬤᬵᬩᬗᬵᬮᬗᬄ᭞ᬤ᭄ᬬᬲ᭄ᬢᬸᬦ᭄ᬩ᭠
ᬜᬫ᭄ᬭᬾᬭᬾᬦᬦ᭄᭞ᬫᬚᬮᬦ᭄ᬤᬵᬧᬢᬶᬕᬶᬲᬸ᭞ᬢᬗᬭᬶᬦ᭄ᬳᬶᬩᬾᬦᬾᬳᬶᬮᬂ᭞ᬧᬢ᭄ᬮᬦᬦ᭄ᬳᬧᬂᬬᬢ᭄ᬦᬵ᭟ᬳᬗ᭄ᬳᬶᬂᬩᬾᬢ᭄ᬯᬭᬧᬢᬶᬮᬸᬳᬸᬂ᭞᭠
ᬩᬳᬦ᭄ᬳᬶᬲᬶᬦ᭄ᬢᬸᬓᬤᬾ᭞ᬓᭀᬘᬧᬦᬾᬳᬶᬲᬶᬦ᭄ᬧᬲᬶᬄ᭞ᬳᬧᬦ᭄ᬢᭀᬂᬳᬤᬵᬤᬶᬢᬸ᭞ᬮᬫᬸᬦ᭄ᬜᬩᬶᬲᬫᬗ᭄ᬚᬸᬓ᭄᭞ᬲᬤ᭄ᬟᬵᬓᬾᬬᬸᬄᬧᬗ᭄ᬚᬸ
ᬓᬾ᭞ᬮᬫᬸᬦ᭄ᬢᭀᬳᬯᬓ᭄ᬗᭂᬮᬓᬸ᭞ᬫᬗ᭄ᬤᬸᬓ᭄ᬲᬶᬂᬜᬩᬓᬢ᭄᭞ᬳᬧᬦ᭄ᬓᬤᬍᬫᬦ᭄ᬢᭀᬬᬵ᭟ᬤᬶᬢᬸᬓᬤᬾᬳᬢᬸᬢ᭄ᬕᬫ᭄ᬧᬂᬫᬗ᭄ᬚᬸᬓ᭄᭞ᬩ᭠ [ 21 ][᭒᭐ 20B]
᭒᭐
ᬓᬢ᭄ᬧᬥᬩᬾᬦᬾ᭞ᬳ᭄ᬦᬸᬩᬜᬫᬫᬶᬮᬶᬳᬶᬦ᭄᭞ᬳᬦᬾᬫ᭄ᬮᬄᬫ᭄ᬮᬄᬳ᭄ᬚᬸᬓ᭄᭞ᬬᬸᬬᬸᬩᬢᬸᬦᬾᬬᬢ᭄ᬚᬸᬓ᭄᭞ᬳᭂᬦ᭄ᬢᭀᬦᬾᬓᬤᬭᬂᬦ
ᬲᬶ᭞ᬦᬾᬮᬾᬦᬦ᭄ᬢ᭄ᬯᬭᬳᬤᬵᬮᬸᬯᬸᬂ᭞ᬳᬧᬦ᭄ᬩᬾᬦᬾᬢᬶᬤᭀᬂ᭠ᬓᬃᬭ᭄ᬯᬦ᭄᭞ᬢ᭄ᬯᬭᬳᬤᬵᬫᬓᬤᬵᬫᬺᬢ᭄ᬢᬵ᭟ᬓᬩᬸᬤ᭄ᬬᬂᬳᭂᬦ᭄ᬢᭀᬫᬗ
ᬯᬾᬓᬶᬤᬸᬂ᭞ᬢ᭄ᬯᬭᬗ᭄ᬮᬄᬢᬾᬓ᭄ᬢᬾᬓ᭄᭞ᬓᬾᬯᬮᬵᬧᬥᬫᬲᬲᬶ᭠ᬫ᭄ᬩᬶᬂ᭞ᬢ᭄ᬯᬭᬵᬓᬭ᭄ᬯᬦ᭄ᬦᬾᬓᬳᬧᬸᬲ᭄᭞ᬧᬢᬶᬚᬓ᭄ᬧᬢᬶᬲᬳᬸᬧ᭄᭞ᬤᬾᬦᬶᬂ
ᬓᭀᬲᭂᬓᬦ᭄ᬫᬦᬳᬾ᭞ᬓᬭᬦᬶᬂᬢᭀᬲᬮᬄᬲᬸᬭᬸᬧ᭄᭞ᬳᬤᬵᬚᬦᬶᬮᬾᬦ᭄ᬓᭀᬘᬧᬦ᭄᭞ᬓᭀᬘᬧ᭄ᬳᬦᬓ᭄ᬘᭂᬦᬶᬓ᭄ᬢ᭄ᬯ᭟ᬫᬦᭀᬗᭀᬲᬺ
[᭒᭑ 21A]
ᬓᬾᬤᬶᬫᬃᬕ᭄ᬕᬶᬳᬕᬸᬂ᭞ᬤᬶᬢᬗ᭄ᬕᬸᬦ᭄ᬤᬾᬰᬦᬾ᭞ᬮ᭄ᬬᬸᬳᬦᬓ᭄ᬫᬦᭂᬧᬸᬓᬶᬦ᭄᭞ᬦᬗᬶᬂᬢᬾᬧᬥᬢᬦ᭄ᬯ᭄ᬭᬸᬄ᭞ᬳᭂᬦ᭄ᬢᭀᬳᬦᬓ᭄ᬘᭂᬦᬶᬓ᭄ᬧᬸᬢᬸᬲ᭄᭞ᬢᬳᬸ
ᬢ᭄ᬓᬾᬦ᭄ᬧᬗ᭄ᬭᬱᬦᬾ᭞ᬫᬓ᭄ᬚᬂᬢ᭄ᬯᬄᬧᬥᬤᬶᬢᬸ᭞ᬓ᭄ᬫᬵᬮᬓᬸᬫᬲᬾᬯᬓᬵ᭞᭠ᬢ᭄ᬓᬾᬦ᭄ᬳᬦᬾᬘ᭄ᬦᬶᬓ᭄ᬢᬸᬯᬵ᭟ᬚᬦᬶᬲᬓ᭄ᬱ᭄ᬬᬂᬦᬾᬚ᭄ᬯᬫᬮᬸ᭞ᬲᬓᬵᬯᬶᬱᬬ
ᬦᬾ᭞ᬢ᭄ᬓᬾᬦᬶᬂᬳᬦᬓᬾᬘ᭄ᬦᬶᬓ᭄᭞ᬦᬾᬦᭀᬗᭀᬲ᭄ᬕᬬᬸᬂᬕᬬᬸᬂ᭞ᬬ᭠ᬘ᭄ᬦᬶᬓ᭄ᬳᭂᬦᬸᬫᬮᬮᬸᬂ᭞ᬦᬾᬫᬦᭀᬗᭀᬲ᭄ᬤᬶᬕᭀᬦ᭄ᬤᬗᬾ᭞ᬳᭂᬦ᭄ᬢᭀᬫ
ᬗᭀᬭᬳᬶᬦ᭄ᬤᬶᬢᬸ᭞ᬲᬩ᭄ᬭᬦ᭄ᬤᬶᬦᬵᬓᬳᬢᬹᬭᬦ᭄᭞ᬤᬤᬭᬦᬾᬲᬃᬯ᭄ᬯᬧᬾᬮᬕ᭄᭟ᬗᬶᬂᬕᬯᬾᬦ᭄ᬬᬢ᭄ᬯᬄᬕᬬᬸᬂᬕᬬᬸᬂ᭞ᬤᬶᬕᭀᬦ᭄ᬤᬗᬾ [ 22 ][᭒᭑ 21B]
᭒᭑
ᬢᭀᬗᭀᬲ᭄ᬜ᭞ᬤᬤᬶᬩ᭄ᬭᬳ᭄ᬫᬵᬡᬩ᭄ᬭᬳ᭄ᬫᬡᬶ᭞ᬳᬶᬤᬵᬬᭀᬕ᭄ᬬᬫᬗᬮ᭄ᬩᬸᬃ᭞ᬲᬮ᭄ᬯᬶᬭᬶᬂᬮᬭᬦᬾᬮ᭄ᬩᬸᬃ᭞ᬲᬮ᭄ᬬᬸᬦ᭄ᬧᬧᬵᬓ᭄ᬮᬾᬱᬦᬾ᭞ᬳᬗᬶᬂᬢᬾ
ᬬᬢᬗ᭄ᬕᬸᬦ᭄ᬲᬸᬦ᭄ᬤᬸᬓ᭄᭞ᬓᬮᬯᬦ᭄ᬢᬗ᭄ᬕᬸᬦ᭄ᬓᬜ᭄ᬘᬶᬗᬾ᭞ᬧᬸᬦᬶᬓᬵᬳᬗ᭄ᬮᬸ᭠ᬓᬢ᭄ᬫᬮᬵ᭟ᬲᬸᬩᬵᬚᬦᬶᬤᬤ᭄ᬯᬬᬓᬳᬶᬢᬸᬂ᭞ᬲᭀᬓ᭄ᬳᬩᭂᬲᬶᬓ᭄ᬳᬾ
ᬩ᭄ᬓᬦ᭄᭞ᬬᬚ᭄ᬯᬳᬾᬱ᭄ᬢ᭄ᬬᬂᬲᬳᬶ᭞ᬦᬾᬫᬦᭀᬗᭀᬲ᭄ᬕᬬᬸᬂᬕᬬᬸᬂ᭞᭠ᬦᬾᬘ᭄ᬦᬶᬓ᭄ᬢ᭄ᬯᬄᬬᬧᬸᬢᬸᬲ᭄᭞ᬮᬓᬸᬦᬾᬦᬸᬦᬲ᭄ᬮᬸᬕ᭄ᬭᬦᬾ᭞ᬳᬗ᭄ᬤᬾᬦ᭄ᬬ᭠
ᬫᬳᬬᬸᬲᬯᬸᬂ᭞ᬳᭂᬦ᭄ᬢᭀᬚ᭄ᬦᭂᬂᬧᬜᬭᬶᬓᬦ᭄᭞ᬓ᭄ᬫᬵᬮᬓᬸᬫᬜᬧᬬᬂ᭟ᬬᬦ᭄ᬲᬸᬩᬩᬶᬲᬵᬜᬧᬬᬂᬤᬶᬢᬸ᭞ᬓᬗ᭄ᬕᭀᬧᬗᬤᬸᬦᬾ᭞ᬬ
[᭒᭒ 22A]
ᬦᬸᬮᬶᬲ᭄ᬢ᭄ᬯᬭᬚᬢᬶ᭞ᬲᭀᬓ᭄ᬩᬜᬦᬶᬗᭂᬄᬢᬸᬢᬹᬃ᭞ᬳᬧᬦ᭄ᬤᬳᬢ᭄ᬩᭂᬮᭀᬕ᭄ᬧᬸᬗ᭄ᬕᬸᬂ᭞ᬕᬕᬸᬭᬶᬢᬦ᭄ᬳᬦᬓ᭄ᬧᬸᬜᬄ᭞ᬲᬮᬄᬧᬭᬩᬦ᭄ᬫᬜᬸ᭠
ᬭᬵᬢ᭄᭟ᬬᬤᬶᬦ᭄ᬩᬱᬢᬸᬢᬹᬃᬩᬱᬓᬶᬤᬸᬂ᭞ᬫᬦ᭄ᬢ᭄ᬭᬚᬧᬵᬬᭀᬖᬵ᭞ᬲ᭄ᬫᬤ᭄ᬟᬶᬢᬸᬭᬸᬲᬦᬶᬂᬯᬶᬥᬶ᭞ᬲᬸᬩᬵᬫᬢᬶᬩ᭄ᬯᬶᬦ᭄ᬳᬶᬤᬸᬧ᭄᭞ᬦᬭᬵᬰ᭄ᬭᬬᬤ
ᬤᬶᬦᬶᬓᬸ᭞ᬓᬫᭀᬓ᭄ᬱᬦ᭄ᬫᬃᬕ᭄ᬕᬵᬫᭀᬢ᭄ᬢᬫᬵ᭞ᬮᬭᬯᬮᬸᬬᬓᬢ᭄ᬫᬸ᭞ᬓᬾᬦ᭄ᬢᭀᬓᬮᬶᬗᬦᬶᬂᬰᬲ᭄ᬢ᭄ᬭ᭞ᬢᬸᬢᬹᬃᬳᬦᬓ᭄ᬳᬦᬾᬧ᭄ᬭᬚ᭄ᬜᬦ᭄᭟
ᬳᬧᬦ᭄ᬓᭀᬘᬧ᭄ᬢ᭄ᬯᬭᬤᬤᬶᬢᬸᬢᬹᬃ᭞ᬬᬦ᭄ᬩᬶᬓᬲ᭄ᬳᬯᬓᬾ᭞ᬳᬧᬂᬳᬶᬬᬵᬢᬦ᭄ᬲᬓᬾᬂᬘᬳᬶ᭞ᬳᬧᬦ᭄ᬳᬶᬤᬵᬲᬸᬩᬧᬸᬢᬸᬲ᭄᭞ᬮᬸᬧᬸᬢ᭄ᬳᬸᬗ᭄ᬲᬶ [ 23 ][ᬍᬑ 23B]
ᬍᬑ
ᬮᬸᬧᬸᬢ᭄ᬢᬸᬢᬹᬃ᭞ᬮᬸᬧᬸᬢ᭄ᬧᬶᬦᬾᬢᬶᬂᬳᬯᬓᬾ᭞ᬮᬸᬧᬸᬢ᭄ᬳᬸᬗ᭄ᬲᬶᬮᬸᬧᬸᬢ᭄ᬢᬸᬚᬸ᭞ᬯᬶᬦᬲ᭄ᬢᬸᬳᬶᬤᬵᬢᬦ᭄ᬓᭂᬦᬵ᭞ᬮᬸᬧᬸᬢᬶᬂᬘᬢ᭄ᬭᬶᬳᬸᬧᬬᬵ᭟ᬲᬗ᭄ᬓᬦ᭄ᬜ
ᬦᬾᬫᬢ᭄ᬫᬳᬦ᭄ᬮᬸᬧᬸᬢ᭄᭞ᬓᬦ᭄ᬢᭂᬦ᭄ᬧᬲᭂᬭᬶᬭᬵ᭞ᬳᬦᬫ᭄ᬩᬸᬢ᭄ᬢᬦ᭄ᬳᬦᬳᬾᬮᬶᬂ᭞ᬢᬦ᭄ᬳᬫᬗᬦ᭄ᬢᬦ᭄ᬳᬢᬹᬭᬸ᭞ᬢᬦ᭄ᬳᬦᬵᬲᭀᬫ᭄ᬬᬭᬶᬂᬢᬸᬢᬹᬃ᭞ᬓ
ᬗᬶᬦ᭄ᬓᬯᬸᬄᬓᬚᬵᬓ᭄ᬮᭀᬤ᭄᭞ᬫᬲᬵᬢ᭄ᬯᬭᬓᬤᬶᬤᬢᬸ᭞ᬳᬧᬦ᭄ᬰ᭠ᬭᬶᬭᬦᬾᬳᬶᬮᬂ᭞ᬯᬲ᭄ᬢᬸᬳᬶᬬᬳᬸᬭᬶᬧᬶᬂᬚᬯᬵ᭟ᬤᬶᬚᬳᬮᬶᬄᬳᬦ
ᬓᬾᬢ᭄ᬯᬄᬭᬸᬭᬸᬄ᭞ᬦᬾᬢᬦ᭄ᬧᬲᭂᬭᬶᬭᬵ᭞ᬳᬓ᭄ᬯᬾᬄᬢᬸᬳᬸᬓ᭄ᬢᬶᬮ᭄᭞ᬬᬦ᭄ᬢᬦ᭄ᬩᬜᬫᬗ᭄ᬮᬮᬸ᭞ᬲᬶᬂᬜᬩᬶᬮᬶᬄᬬᬓᬢ᭄ᬧᬸᬓ᭄᭞ᬢ᭄ᬯᬶᬳᭀᬮ
[᭒᭓ 23A]
ᬦ᭄ᬢ᭄ᬯᬭᬩᬶᬲᬵᬫᬲᬓ᭄ᬱᬶ᭞ᬢ᭄ᬯᬭᬕᬯᬾᬦ᭄ᬬᬗᬥᬸ᭞ᬲᬮ᭄ᬯᬶᬭᬶᬂᬲ᭠ᬯᬸᬗᬾᬳᬥᬸ᭞ᬢ᭄ᬯᬭᬓᬗ᭄ᬕᭀᬧᬗᬥᬸᬦᬾ᭞ᬲᬳᬶᬳᬯᬓᬾᬓ
ᬢᬸᬗ᭄ᬓᬸᬮ᭄᭞ᬗᬮᬶᬄᬲᬯᬸᬂᬮᬓᬃᬳᬸᬭᬦ᭄᭞ᬮ᭄ᬬᬸᬗᬥᬸᬳᬯᬓ᭄ᬤᭀᬱ᭟ᬬᬦ᭄ᬢᬸᬳᬸᬲᬸᬩᬩᬶᬲᬵᬫᬗᬥᬸ᭞ᬳᬧᬓᬾᬲᬓ᭄ᬱᬶᬦᬾ᭞ᬤᬶ
ᬢᬸᬜᬧᬬᬗᬾᬓ᭄ᬢᬶᬮ᭄᭞ᬫᬸᬜᬶᬦᬾᬲᬮᬄᬲᬸᬭᬸᬧ᭄᭞ᬫᬸᬜᬶ᭠ᬓᬶᬓᬶᬢ᭄ᬤᬤᬶᬮ᭄ᬬᬸ᭞ᬓᬤᬶᬕᬺᬄᬓᬃᬣᬶᬓᬦᬾ᭞ᬫᬸᬜᬶᬦᬾᬢ᭄ᬯᬭᬫᬳᬸ
ᬦ᭄ᬤᬸᬓ᭄᭞ᬤᬤᬶᬫ᭄ᬦᭂᬂᬳ᭄ᬦᬸᬦᬃᬱ᭞ᬳᬧᬦ᭄ᬫᬸᬜᬶᬢᬦ᭄ᬧᬰᬲ᭄ᬢ᭄ᬭ᭟ᬲ᭠ᬗ᭄ᬓᬚᬧᬦᬾᬚᬦᬶᬢᭀᬯᬗᬸᬦ᭄᭞ᬕᬸᬮᬶᬓ᭄ᬳᬧᬂᬲᬚᬵ᭞ᬚ᭄ᬮᬾᬫ᭄ᬮᬄ᭠ [ 24 ][᭒᭓ 23B]
᭒᭓
ᬧᬘᬤᬶᬦᬶ᭞ᬉᬮᬄᬳᬯᬓᬾᬓᬤᬸᬭᬸᬲ᭄᭞ᬳᬮᬵᬳᬸᬮᬄᬳᬮᬢ᭄ᬫᬸ᭞ᬳᬬᬸᬳᬸᬮᬳᬾᬲᬢᬢᬵ᭞ᬳᬬᬸᬓᬢ᭄ᬧᬸᬓ᭄ᬲᬢᬸᬯᬸᬓ᭄᭞ᬓ
ᬤᬶᬳᬗ᭄ᬕᬦᬶᬂᬢᬢᬦ᭄ᬤᬸᬭᬦ᭄᭞ᬲᬫᬵᬓᬾᬦ᭄ᬢᭀᬧᬦ᭄ᬫᬸᬦ᭄ᬜ᭟ᬬᬾᬦ᭄ᬢᬧᬵᬧᬕᭂᬳᬂᬲᬢᬸᬯᬸᬓ᭄᭞ᬳᬬᬸᬧᬦ᭄ᬫᬸᬦ᭄ᬬ᭞ᬓᬾᬦ᭄ᬢᬾᬘᬳᬶᬳᬧᬂ
ᬳᬾᬮᬶᬂ᭞ᬲᬳᬸᬭᬶᬧᬾᬦ᭄ᬢᭀᬦᬾᬭᬸᬭᬸᬄ᭞ᬓᬢᭀᬦᬂᬫᬸᬮᬦᬶᬂᬢᬸ᭠ᬯᬸᬄ᭞ᬰᬸᬦ᭄ᬬᬦᬾᬢᬓᭀᬦ᭄ᬢᬓᭀᬦᬂ᭞ᬳᬧᬤᬦᬾᬲᬸᬩᬵᬤᬶ᭠
ᬢᬸ᭞ᬓᬸᬫᬫ᭄ᬩᬂᬫᬭᬶᬂᬲᬩ᭄ᬟᬦᬾ᭞ᬲᬓ᭄ᬤᬧ᭄ᬳᬓᬶᬭᬢ᭄ᬫᬬᬵ᭟ᬤᬶᬢᬗ᭄ᬕᬸᬦ᭄ᬲᬸᬯᬸᬗᬾᬦ᭄ᬢᭀᬭᬸᬭᬸᬄ᭞ᬓᬾᬦ᭄ᬢᭀᬓᭀᬘᬧᬦ᭄ᬬ᭞ᬳᬦᬾᬫ᭠
[᭒᭔ 24A]
ᬲ᭄ᬬᬫᬢᬓᭀᬦ᭄᭞ᬫᬲᬓᬧᬗ᭄ᬕᬶᬄᬦᬾᬧᬸᬢᬸᬲ᭄᭞ᬬᬜᬧᬗ᭄ᬕᬶᬄᬳᬗ᭄ᬕᭀᬦ᭄ᬕᭂᬦᬵ᭞ᬳᬗ᭄ᬤᬾᬗᬭᬦᬶᬂᬢᬢᬓᬦ᭄᭟᭛᭜᭛
᭞ᬤᬹᬃᬫ᭄ᬫᬵ᭛ᬰᬶᬯ᭄ᬯᬢᬶᬕᬤᬤᬶᬬᬬᬄᬳᬶᬩᬸᬭᬕ᭞ᬢ᭄ᬭᬶ᭠ᬦᬘᬶᬯᬸᬲ᭄ᬫᬳ᭄ᬦᬶᬂ᭞ᬦᬸᬗ᭄ᬕᬮ᭄ᬤᬤᬶᬰᬩ᭄ᬟᬵ᭞ᬰᬩ᭄ᬟᬦᬾᬤᬤᬶᬳᬢ᭄ᬫᬵ᭞ᬳ᭠
ᬢ᭄ᬫᬦᬾᬫᬦᬤᬶᬳᬗᬶᬦ᭄᭞ᬫᬸᬮᬶᬄᬭᬶᬂᬰᬸᬦ᭄ᬬᬵ᭞ᬬᬫᬦ᭄ᬤᬤᬶᬰᬶᬯ᭄ᬯᬧᬢᬶ᭟ᬬᬦᬶᬂᬫᬢᬶᬫᭀᬓ᭄ᬱᬄᬳᬢ᭄ᬫᬦᬾᬭᬶᬂᬢᬯᬸᬮᬦ᭄᭞ᬳ
ᬦᬫᬵᬃᬕ᭄ᬕᬦᬾᬘ᭄ᬦᬶᬓ᭄᭞ᬫᬃᬕ᭄ᬕᬲᬲᬸᬦᬸᬢᬦ᭄᭞ᬩ᭄ᬦᭂᬃᬓᬗᬶᬦ᭄ᬢᬦ᭄ᬲᬶᬫ᭄ᬧᬂ᭞ᬫᬦᬸᬯᬸᬢ᭄ᬲ᭄ᬮᬦᬶᬂᬩᬸᬓᬶᬢ᭄᭞ᬫᬃᬕ᭄ᬕᬳᬸᬢ᭄ᬢᬫ᭞ᬫᬵᬃᬕ᭄ᬕᬦᬶᬭ [ 25 ][᭒᭔ 24B]
᭒᭔
ᬗ᭄ᬓᬲᬭᬶᬂ᭟ᬩᬶᬳᬫᬵᬦ᭄ᬢᬭᬮᭀᬓᬵᬣᬢ᭄ᬭᬸᬲ᭄ᬧᬝᬮᬵ᭞ᬦᬢᬃᬤᬶᬩ᭄ᬬᬢ᭄ᬫᭀᬦᬶᬦ᭄᭞ᬳᬤᭀᬄᬧᬸᬦᬂᬓᬯᬄ᭞ᬓᬸᬓᬲ᭄ᬢᬦ᭄ᬳᬦᬵ
ᬳᬶᬭᬶᬓᬵ᭞ᬭᬶᬂᬘᬢᬹᬃᬮᭀᬓᬵᬳᬫᬸᬱ᭄ᬝᬶ᭞ᬳᬶᬬᬤᬾᬰᬦᬶᬭ᭞ᬧᬶ᭠ᬝᬭᬫᬗ᭄ᬕᬶᬄᬚᬢᬶ᭟ᬦ᭄ᬬᬢᬭᬵᬢ᭄ᬦᬵᬉᬧᬤᬰᬓᬢᬸᬢᬹᬭᬦ᭄᭞
ᬳᬭᬂᬯᭀᬂᬫᬗᬯ᭄ᬭᬸᬳᬶᬦ᭄᭞ᬳᬗ᭄ᬳᬶᬂᬩ᭄ᬭᬣᬦᬶᬭ᭞ᬳ᭄ᬦᬶᬂᬳᬚ᭄ᬜᬡᬰᬸᬓ᭄ᬮ᭞ᬳᬬ᭄ᬯᬫᬾᬫᬾᬩᬭᬶᬩᬭᬶ᭞ᬲᬸᬓᬵᬢ᭄ᬯᬲᬶᬭᬵ᭞ᬦᬶᬚᭂᬫ᭄ᬧᬶᬭᬶᬂᬫ
ᬜᬯᬸᬭᬶᬦ᭄᭟ᬳᭂᬫ᭄ᬩᭀᬓ᭄ᬫᬾᬫᬾᬲᬸᬓᭂᬄᬫᬗᬮᬶᬄᬦᬾᬲᬸᬓ᭄ᬮ᭞ᬭᬱᬦ᭄ᬜᬢᭀᬂᬓᬧᬗ᭄ᬕᬶᬄ᭞ᬤᬶᬚᬵᬓᬤᬾᬦ᭄ᬰᬸᬓ᭄ᬮ᭞ᬬᬦ᭄ᬳᬮᬶᬄᬭᬶᬂ
[᭒᭕ 25A]
ᬢᭀᬬ᭞ᬫᬶᬡᬵᬬᬗᬸᬬᬸᬄᬳᬗᬶᬲᬶᬂ᭞ᬦᭀᬭᬦᬰᬸᬓ᭄ᬮ᭞ᬬᬤᬶᬦ᭄ᬭᬶᬂᬢᬸᬜ᭄ᬚᬸᬂᬮᬶᬄ᭟ᬩᬸᬗᬦ᭄ᬢᬸᬜ᭄ᬚᬸᬂᬩᬶᬲᬧᬸᬲᬸᬄᬩᬶᬲᬓᭂᬫ᭄ᬩᬂ᭞ᬩ᭄ᬭᬳ᭄ᬫᬵᬭᬵ
ᬗᬶᬲᭂᬧ᭄ᬲᬭᬶ᭞ᬗᬶᬲᬶᬂᬳᬗᬸᬬᬸᬳᬦ᭄᭞ᬓ᭄ᬭᬡᬦᭀᬭᬦᬰᬸᬓ᭄ᬮᬵ᭞᭠ᬬᬤᬶᬦ᭄ᬭᬶᬂᬳᬸᬮᬦ᭄ᬳᬮᬶᬄ᭞ᬧᬶᬦᬜ᭄ᬥᬤᬲ᭄ᬬ᭞ᬤᬾᬦᬶᬭᬲᬂᬫᬳᬵᬋᬱᬶ᭟
ᬩᬸᬮᬦ᭄ᬧᬹᬃᬡ᭄ᬦᬫᬵᬧᬶᬦᬗᬦ᭄ᬭᬳᬸᬓᬵᬮ᭞ᬳᬶᬦ᭄ᬮᭂᬤ᭄ᬓᬯᬗ᭄ᬲᬸᬮᬶ᭠ᬦ᭄᭞ᬓ᭄ᬭᬡᬦᭀᬭᬰᬸᬓ᭄ᬮᬵ᭞ᬬᬦ᭄ᬫᬭᬶᬂᬲᬂᬧᬡ᭄ᬟᬶᬢ᭄ᬣᬵ᭞ᬭᬭᬾᬦᬶᬭᬫ
ᬭᬶᬂᬗᬹᬦᬶ᭞ᬫᬲᬸᬲ᭄ᬯᬦ᭄ᬤᬓᬵ᭞ᬳᬶᬗᬸᬤᬮ᭄ᬧᬶᬮᬶᬄᬕᬦ᭄ᬢᬶ᭟ᬲᬕᬾᬢ᭄ᬤᬸᬫᬸᬦ᭄ᬲᬕᬾᬢ᭄ᬤᬸᬭᬶᬓᬓᬫ᭄ᬩᬸᬳᬦ᭄᭞ᬫᬃᬫ᭄ᬫᬦᬾᬦᭀᬭᬰᬸᬘᬶ᭞ᬓᭀ [ 26 ][᭒᭕ 25B]
᭒᭕
ᬘᬧ᭄ᬭᬶᬂᬰᬲ᭄ᬢ᭄ᬭᬜ᭞ᬳᬫ᭄ᬩᭂᬓ᭄ᬯᭂᬢᬸᬧᬯᬶᬢ᭄ᬭ᭞ᬓᬤᬶᬯᬶᬱ᭄ᬡᬸᬲᬸᬩᬵᬮᬶ᭠ᬘᬶᬦ᭄᭞ᬲᬶᬲ᭄ᬬᬦᬶᬂᬰᬸᬓ᭄ᬮᬵ᭞ᬫᬚᬮᬦ᭄ᬢᬦ᭄ᬧᬩᬢᬶᬲ᭄᭟ᬩᬶᬲᬜᭂᬫ
ᬓ᭄ᬢᬦ᭄ᬧᬢᬗᬦ᭄ᬤᬤᬶᬫ᭄ᬮᬄ᭞ᬫᬦᬶᬗᭂᬄᬢᬦ᭄ᬧᬓᭀᬧᬶᬂ᭞ᬜᬶᬗ᭠ᬓ᭄ᬢᬦ᭄ᬧᬦᬾᬢ᭄ᬭ᭞ᬫᬫᬗᬦ᭄ᬢᬦ᭄ᬧᬫᬸᬓᬵ᭞ᬢᬦ᭄ᬧᬖ᭄ᬭᬡᬩᬶᬲ
ᬗᬘᬶᬃ᭞ᬲᬶᬲ᭄ᬬᬦᬶᬂᬰᬸᬓ᭄ᬮ᭞ᬳ᭄ᬬᬂᬰᬸᬓ᭄ᬮᬫᬭᬶᬂᬲᬶᬤ᭄ᬟᬶ᭟ᬲᬶᬤ᭄ᬟᬵᬲᬶᬤ᭄ᬟᬶᬳᬚ᭄ᬜᬦᬶᬭᬧ᭄ᬭᬫᬰᬹᬦ᭄ᬬ᭞ᬧᬶᬣᬭᬳᬫᬗ᭄ᬕᬶᬄᬳ᭄ᬦᬶᬂ᭞ᬭᬶᬂᬕᬫ᭄ᬩᬸ᭠
ᬭᬗ᭄ᬮᬬᬂ᭞ᬦᬶᬰᬾᬓᬵᬦᬶᬭᬫᭀᬚᬃ᭞ᬯ᭄ᬬᬓ᭄ᬢᬶᬤᬤᬶᬮᬶᬗᬶᬂᬳᬚᬶ᭞ᬰᬹᬦ᭄ᬬᬢᬦ᭄ᬧᬧᬫ᭞ᬳᬶᬬᬵᬉᬢ᭄ᬢᬫᬵᬫᬗ᭄ᬕᬶᬄᬳ᭄ᬦᬶᬂ᭟ᬭᬭᬫ᭠
[᭒᭖ 26A]
ᬜᬲᬸᬫᬳᬸᬃᬳᬦᬸᬤᬸᬢ᭄ᬥᬶᬢᬵ᭞ᬤᬾᬯᬲᬂᬤᬶᬭᬢᬶᬄ᭞ᬰᭀᬓᬳᬦᬓᬶᬗ᭄ᬯᬂ᭞ᬳᬬ᭄ᬯᬲᬸᬭᬸᬤ᭄ᬳᬯᬭᬄ᭞ᬳᬧᬦ᭄ᬫᬾᬫᬾᬫᬹᬤᬵᬩᬸ
ᬤ᭄ᬟᬶ᭞ᬲᬺᬗᬶᬂᬫᬦᬄ᭞ᬓᬢᬸᬦᬦ᭄ᬰᬲ᭄ᬢ᭄ᬭᬳᬚᬶ᭟ᬳᬧᬦ᭄ᬤᬾᬯᬫᬹᬮ᭠ᬦ᭄ᬜᬦᬾᬤᬤᬶᬚᬤ᭄ᬫᬵ᭞ᬦᬶᬰᭀᬓᬫᬜᬯᬸᬭᬶᬦ᭄᭞ᬫᬾᬫᬾᬤᬶ
ᬰᬲ᭄ᬢ᭄ᬭᬜ᭞ᬫᬭᬾᬓᬵᬓᬢᬸᬢᬹᬭᬂ᭞ᬯᬾᬦ᭄ᬢᭂᬦᬶᬂᬳ᭄ᬬᬂᬢ᭄ᬭᬶᬦᬥᬶ᭞ᬫᬭᬸᬧᬳᬩᬵᬂ᭞ᬥᬥᬸᬢ᭄ᬓᬾᬦᬶᬂᬧᬸᬢᬶᬄ᭟ᬦᬄᬦᬾᬳᬩᬵᬂᬫᬾ
ᬫᬾᬤᬤᬶᬲᬝᬾᬗ᭄ᬓᬭᬵ᭞ᬰᭀᬤᬶᬢᬳᬭᬦ᭄ᬚᬢᬶ᭞ᬗ᭄ᬮᬄᬫᬾᬫᬾᬜᬫ᭞ᬧᬢ᭄ᬧᬢ᭄ᬬᬧᬧᬢᬸᬳᬦ᭄᭞ᬳᭂᬦ᭄ᬢᭀᬦᬾᬳᬓ᭄ᬫᬶ᭠ [ 27 ][᭒᭖ 26B]
᭒᭖
ᬚᬶᬮ᭄᭞ᬳᬭᬦᬾᬪᬹᬝ᭞ᬧ᭄ᬭᬾᬣᬓᬮᬵᬥ᭄ᬗᬶᬦ᭄ᬲᬫᬶ᭟ᬤᬤᬶᬘᬢᬹᬃᬮᭀᬓᬵᬥᬮᬫᬯᬓ᭄ᬤᬾᬯ᭞ᬭᬶᬂᬤᬍᬫ᭄ᬲᬗ᭄ᬕᬃᬓᬯᬶᬢ᭄᭞ᬍᬩᬸ᭞
ᬤᬤᬶᬫᬦᬸᬱᬬᬢ᭄ᬧᬢ᭄᭞ᬕ᭄ᬦᬄᬳᬶᬭᬓᬦᬦ᭄ᬓᬾ᭠ᬭᬶ᭞ᬳᬋᬧ᭄ᬭᬶᬂᬳᬸᬦ᭄ᬢᬢ᭄᭞ᬳᭂᬦ᭄ᬢᭀᬫᬾᬫᬾᬳᬤᬦᬶᬦ᭄᭟ᬲᬸᬩ
ᬧᬢ᭄ᬧᬢ᭄ᬧᬸᬦ᭄ᬤᬸᬳᬂᬤᬤᬶᬲᬦᬸᬗ᭄ᬕᬮ᭄᭞ᬫᬳᬤᬦ᭄ᬟᬸᬓᬸᬄᬰᬓ᭄ᬢᬶ᭞ᬢᬸᬦ᭄ᬤᬾᬦ᭄ᬗ᭄ᬭᬓ᭄ᬱᬚᬶ᭞ᬉᬭᬶᬧᬾᬢᬦ᭄ᬓᬋᬲ᭄ᬬᬦ᭄᭞ᬤᬸᬱ᭄ᬝᬤᬹᬃᬚ᭄ᬚᬦᬦᬾ᭠
ᬯ᭄ᬤᬶ᭞ᬳ᭄ᬤᬵᬮᬫᬾᬦᬄ᭞ᬬᬦ᭄ᬮᬮᬶᬫᬗ᭄ᬭᬡᬳᬶᬦ᭄᭟ᬳᭂᬦ᭄ᬢᭀᬤᬤᬶᬗᬯᬾᬕ᭄ᬭᬶᬂᬲᬭᬧ᭄ᬳᬾᬤᬦ᭄᭞ᬭᬶᬂᬳᬯᬓ᭄ᬗᬸᬲᬓ᭄ᬳᬲᬶᬓ᭄᭞ᬤᬤᬶᬧᬾ
[᭒᭗ 27A]
ᬦᬶᬸᬜ᭄ᬥᬦ᭄ᬤ᭄ᬭ᭄ᬬᬵ᭞ᬬᬦ᭄ᬧᬢᬸᬢ᭄ᬩᬦ᭄ᬦᬶᬗ᭄ᬓᬳᬂ᭞ᬯᬾᬳᬶᬦ᭄ᬫᬺᬢ᭄ᬢᬲᬳᬶᬲᬳᬶ᭞ᬤᬤᬶᬬᬋᬡᬵ᭞ᬲᬮᬸᬗ᭄ᬮᬸᬂᬧᬢᬶᬳᬸᬭᬶᬧ᭄᭟ᬓᬾᬦ᭄ᬢᭀᬫᬾᬫᬾ
ᬓᬤᬤ᭄ᬬᬦ᭄ᬜᬦᬾᬤᬤᬶᬚᬦ᭄ᬫᬵ᭞ᬥᬸᬓᬸᬄᬳᬦᬾᬓᬸᬦᬶᬂ᭞ᬚ᭄ᬭᭀᬧ᭄ᬭᬫᬰᬹᬦ᭄ᬬ᭞ᬳᭂᬦ᭄ᬢᭀᬭᬱᬭᬶᬂᬭᬕ᭞ᬢ᭄ᬭᬸᬲ᭄ᬫᬭᬶᬂᬦᬾᬢ᭄ᬭᬓᬮᬶᬄ᭞᭠
ᬲᬫᬦᬸᬱᬦ᭄ᬬ᭞ᬧᬯᬶᬢᬦᬾᬬᬸᬓ᭄ᬢᬶ᭟ᬳᬚᬶᬰ᭄ᬯᬭᬰ᭄ᬯᬢᬶᬦᬾᬫᬮᬸᬭᬗ᭄ᬓᬸᬲᬂ᭞ᬫᬹᬮᬦᬶᬂᬓᬦ᭄ᬢᭂᬦ᭄ᬢᬫ᭄ᬕᬶᬮ᭄᭞ᬐᬭᬯᬦ᭄ᬭᬶᬂᬳᬯᬓ᭄᭞
ᬰᬲ᭄ᬢ᭄ᬭᬯᬦᬾᬚ᭄ᬯᬧᬢᬯᬗᬂ᭞ᬤ᭄ᬯᬂᬤᬰᬗᭂᬲᬶᬓ᭄ᬩᭂᬲᬶᬓ᭄᭞ᬤᬸᬫᬸ᭠ᬦ᭄ᬰ᭄ᬯᬮᬮᬶᬣ᭞ᬅᬭᬶᬯᬦ᭄ᬢᭀᬢᬲ᭄ᬢ᭄ᬭᬦᬶᬦ᭄᭟ᬳᬱ᭄ᬝᬧᬸᬮᬸᬄᬓ᭄ᬯᬾᬄ [ 28 ][᭒᭗ 27B]
᭒᭗
ᬦ᭄ᬬᬬᬦ᭄ᬯᬶᬦᬶᬮᬂ᭞ᬳᬸᬦ᭄ᬢᬢ᭄ᬢᬬᬦᬾᬫᭀᬤ᭄ᬭᬾᬚᬢᬶ᭞ᬳᬸᬦᬶᬰ᭄ᬯᬮᬵᬮᬶᬢ᭄ᬣᬵ᭞ᬢ᭄ᬫᭀᬦᬶᬂᬭ᭄ᬯᬪᬶᬦᬾᬤᬵ᭞ᬓᬤᬶᬧᬓ᭄ᬱᬶᬳᬸᬤᬦ᭄ᬫᬸᬦᬶ
᭞ᬫᭀᬤ᭄ᬭᬾᬲ᭄ᬯᬭᬦ᭄ᬬ᭞ᬓᬤᬶᬕᬺᬳᬦᬶᬂᬧᬲᬶᬃ᭟ᬳᬸᬦᬶᬳᬶᬓᬂᬯ᭄ᬭᬾ᭠ᬳᬲ᭄ᬢ᭄ᬭᬦᬾᬲᬃᬯ᭄ᬯᬳᬾᬦ᭄ᬤᬄ᭞ᬓᬤᬶᬓᬶᬤᬸᬂᬓᬓᬯᬶᬦ᭄᭞ᬯᬾᬥᬚ
ᬧᬫᬵᬦ᭄ᬢ᭄ᬭ᭞ᬫᬳᬸᬭᬳᬦ᭄ᬫᬭᬶᬂᬚᬕᬢ᭄᭞ᬳᭂᬦ᭄ᬢᭀᬮ᭄ᬬᬸᬳᬦ᭠ᬓ᭄ᬳᬸᬦᬶᬂ᭞ᬰᬲ᭄ᬢ᭄ᬭᬦᬾᬤᬤ᭄ᬯᬲᬸᬓᭂᬄᬩᬳᬦ᭄ᬗ᭄ᬭᬱᬦᬶᬦ᭄᭟ᬲᬂᬳ᭄ᬬᬂᬫᬾ
ᬗᭂᬢ᭄ᬫᬸᬗ᭄ᬕᬸᬄᬫᬭᬶᬂᬧ᭄ᬭᬚ᭄ᬜᬦ᭄ᬰᬸᬓ᭄ᬮᬵ᭞ᬲᬂᬳ᭄ᬬᬂᬮᬮᬶᬫᬭᬶᬂᬲ᭄ᬧᬶ᭞ᬤᬸᬯᬸᬭᬶᬂᬧ᭄ᬭᬫᬰᬹᬦ᭄ᬬ᭞ᬳᬦᬵᬢᬢᬸᬜ᭄ᬚᬸᬂᬓᬺᬱ᭄ᬡ᭞ᬫᬹᬮᬦᬶᬂᬲᬶᬋᬧ᭄ᬳᬢᬗᬶ᭞
[᭒᭘ 28A]
ᬳᬯᬓ᭄ᬢᬦ᭄ᬧᬯᬓ᭄᭞ᬭᬶᬂᬫᬹᬮᬵᬦᬶᬂᬑᬗ᭄ᬓᬭᬲᬭᬶ᭟ᬫᬲᬭᬶᬭᬵᬲᬂᬳ᭄ᬬᬂᬳ᭄ᬦᬶᬂᬓᬤᬶᬳᬫᭂᬃᬢ᭄ᬣᬵ᭞ᬉᬗ᭄ᬕ᭄ᬯᬦᬶᬂᬲᬭᬰ᭄ᬯᬢᬶ᭞ᬲᬶᬦ᭄ᬟᬸᬓᬫᬦᬮᬶᬬ᭞
ᬫᭂᬃᬢ᭄ᬣᬦᬶᬂᬤᬤᬶᬚᬤ᭄ᬫᬵ᭞ᬫᬭᬶᬂᬮᬫᬤ᭄ᬲᬶᬭᬫᬶᬚᬶᬮ᭄᭞ᬉᬭᬶᬧᬶᬂᬭᬵ᭠ᬢ᭄ᬦᬵ᭞ᬤᬸᬓ᭄ᬫᬭᬶᬂᬕ᭄ᬤᭀᬂᬲᬭᬶ᭟ᬲᬶᬭᬵᬰᭀᬓᬢᬸᬭᬸᬦ᭄ᬫᬭᬗᬸᬗ᭄ᬲᬶᬢᭀ
ᬬ᭞ᬗᬮᬸᬓᬃᬯᬲ᭄ᬢ᭄ᬭᬭᬭᬶᬲ᭄᭞ᬓᬗᬸᬤᬮᬦ᭄ᬲᬶᬜ᭄ᬚᬂ᭞ᬭᬭᬶᬲᬶᬤᬵᬫᬲᬶᬭᬫ᭄᭞ᬲᬶᬦᬶᬗ᭄ᬲᭂᬢᬭᬕᬵᬲᭂᬧᬶ᭞ᬍᬲᬸᬧ᭄ᬭᬪᬯ᭞ᬓᬂᬩᬜᬸᬫᬭᬶᬂᬕ᭄ᬦᬶ
᭟ᬤᬤᬶᬓᬸᬓᬸᬲ᭄ᬢᬶᬩᬵᬭᬶᬂᬳᬚ᭄ᬜᬡᬰᬸᬓ᭄ᬮᬵ᭞ᬮᬸᬳᬸᬭᬶᬂᬰᬶᬯᬧᬢᬶ᭞᭠ᬫᬸᬗ᭄ᬕᬸᬄᬫᬭᬶᬂᬰᬾᬮᬵ᭞ᬤᬤᬶᬫᬦᬸᬱᬤᬶᬩ᭄ᬬ᭞ᬧᬭᭀᬓᬦᬶᬬᬬᬄ᭠ [ 29 ][᭒᭘ 28B]
᭒᭘
ᬩᬶᬩᬶ᭞ᬲᬵᬫ᭄ᬧᬸᬦ᭄ᬫᬦᬸᬗ᭄ᬕᬮ᭄᭞ᬚᬤ᭄ᬫᬮᬦᬂᬫ᭄ᬯᬂᬳᬶᬲ᭄ᬢ᭄ᬭᬶ᭟ᬲᬶᬦᭀᬫ᭄᭟ᬳᬦᬢᬓᬯᬶᬗᬺᬜ᭄ᬘᬡᬵ᭞ᬢᬭᬱᬦᬶᬂᬯᭀᬂᬫᬤᬳᬶᬮ᭄᭞ᬢᬢᬵᬓ᭄ᬭ
ᬫᬳᬬ᭄ᬯᬮᬸᬧᬵ᭞ᬭᬶᬂᬲᬫᬦᬶᬂᬫᬦᬸᬱᬳᬶᬓᬶ᭞ᬳᬧᬦ᭄ᬓᬮᬶᬃᬳ᭄ᬬᬂᬯᬶᬥᬶ᭟ᬭᬶᬂᬫᬦᬸᬱᬓᬩᬾᬄᬳᬶᬓᬸ᭞ᬮᬄᬭᬱᬦᬦᬵᬋᬓᭀ᭞ᬭᬶᬂᬫᬸᬮᬦᬶᬂᬚᬲ
ᬤ᭄ᬦᬾᬓᬶ᭞ᬫᬲᬯ᭄ᬭᬸᬄᬬᬦ᭄ᬢᬦ᭄ᬯᬶᬥᬶᬲᬓᬶᬂᬯᬭᬵ᭟ᬳᬾᬯᬸᬄᬤᬵᬢ᭄ᬤᬤᬶᬯ᭄ᬯᬂ᭞ᬦᭀᬭᬯ᭄ᬭᬸᬄᬫᬹᬮᬵᬦᬶᬂᬧᬢᬶ᭞ᬫ᭄ᬯᬂᬫᬹᬮᬦᬶᬂᬉᬭᬶᬧ᭄ᬋᬓᭀ᭞ᬳᬶ
ᬓᬸᬮᬶᬯᬢ᭄ᬋᬓᭀᬍᬯᬶᬄ᭞ᬮᬄᬢᬢᬓᭀᬦ᭄ᬤᬾᬦ᭄ᬚᬢᬶ᭞ᬭᬶᬂᬯᭀᬂᬢᬢᬲᬶᬂᬧᬗᬯ᭄ᬭᬸᬄ᭞ᬳᬚᬢᬵᬬᬕᭂᬫ᭄ᬩᬵᬕᭂᬫ᭄ᬩᬵ᭞ᬳᬚᬵᬮᬮᬶ᭠ [ 30 ][᭒᭙ 29B]
᭒᭙
ᬢᬶᬓᬸ᭞ᬳᬯᬃᬕ᭄ᬕᬭᬶᬂᬢ᭄ᬮᭂᬗᬶᬂᬢᬯᬂ᭟ᬳᬬ᭄ᬯᬯ᭄ᬤᬶᬳᬬ᭄ᬯᬕᬶᬮᬵ᭞ᬚ᭄ᬜᬦᬵᬕᬶᬗ᭄ᬰᬶᬭᬶᬂᬧᬢᬶ᭞ᬢ᭄ᬭᬸᬲ᭄ᬳᬦ᭄ᬢᬧ᭄ᬲᬸᬦ᭄ᬬᬯᭀᬂ᭞ᬯᭀᬂᬯᬸᬲ᭄ᬢᭂᬓᬾᬂᬳᬶᬮ᭄ᬫᬸ
ᬧᬸᬦᬶᬓᬶ᭞ᬮᬄᬢᬢᬲᭂᬦ᭄ᬤᬾᬦᬚᬢᬶ᭞ᬓᬮᬦᬶᬂᬳᬕ᭄ᬲᬂᬳᬶᬓᬸ᭞ᬫ᭠ᬭᬶᬂᬧᬢᬾᬮᬦ᭄ᬧᬓᬾᬓᬢ᭄᭞ᬳᬧᬦ᭄ᬲᬓᬶᬂᬳᬮᬄᬓᬓᬶ᭞ᬧᬦ᭄ᬯᭀᬂ
ᬢᬸᬳᬸ᭞ᬳᬯᬲᬶᬂᬭᬱᬦᬶᬂᬓ᭄ᬬᬧ᭄᭟ᬤᬸᬓ᭄ᬢᬦ᭄ᬳᬦᬵᬧᬭᬦ᭄ᬧᬭᬦ᭄᭞ᬦᭀᬭᬪᬹᬫᬶᬦᭀᬭᬵᬮᬗᬶᬢ᭄᭞ᬳᬦᬦᬸᬃᬳᬶᬓᬸᬋᬓᭀ᭞ᬬᬤᬤᬶ
ᬪᬹᬫᬶᬮᬦ᭄ᬮᬗᬶᬢ᭄᭞ᬳᬦᬵᬫᬦᬸᬱᬳᬶᬓᬶ᭞ᬮᬯᬦ᭄ᬰᬲ᭄ᬢ᭄ᬭᬳᬚᬶ᭠ᬓᬸ᭞ᬫᬶᬯᬄᬳᬓᬂᬳᬕᬫᬵ᭞ᬳᬶᬲ᭄ᬮᬫ᭄ᬓᬮᬯᬦ᭄ᬓᬧᬶᬃ᭞ᬳᬧᬦᬶᬓᬸᬧ
[᭓᭐ 30A]
ᬦᬸᬕ᭄ᬭᬳᬦ᭄ᬳ᭄ᬬᬂᬲᬸᬓ᭄ᬱ᭄ᬫᬵ᭟ᬲᬚᬯᬶᬦᬶᬂᬕᬫᬳᬶᬲ᭄ᬮᬫ᭄᭞ᬦᭀᬭᬮ᭄ᬬᬕᬫᬦᬶᬂᬓᬧᬶᬃ᭞ᬚᬢᬶᬦ᭄ᬬᬧ᭄ᬭᬲᬫᬢᬸᬗ᭄ᬕᬮ᭄᭞ᬲᬯᭀᬲᬾᬰᬶᬮᬦᬾᬓ
ᬓᬶ᭞ᬳᬕᬫᬦᬾᬳᬶᬓᬸᬫᬗ᭄ᬓᬶᬦ᭄᭞ᬦᭀᬭᬭ᭄ᬯᬢ᭄ᬮᬸᬧᬸᬦᬶᬓᬸ᭞ᬢᬸᬗ᭄ᬕᬮ᭄ᬳᬕᬫᬳᬶᬓᬵ᭞ᬲᬢᬸᬗ᭄ᬓᭂᬭᬶᬂᬚᬕᬢ᭄ᬳᬶᬓᬶ᭞ᬭᬶᬂᬯᭀᬗᬶᬓᬸ᭞ᬲᬪ᭄ᬯᬡᬢᬸᬗ᭄ᬕᬮ᭄ᬳᬸᬭᬶ
ᬧ᭄ᬦ᭄ᬬ᭟ᬓᬭᬦᬦᬶᬂᬳᬦᬵᬯᭀᬂᬳᬶᬲ᭄ᬮᬫ᭄᭞ᬫᬶᬯᬄᬯᭀᬂᬓᬧᬶᬃᬧᬸᬦᬶᬓᬶ᭞ᬢᬸᬗ᭄ᬕᬮ᭄ᬲᬗ᭄ᬓᬦᬶᬭᬋᬓᭀ᭞ᬢᬸᬗ᭄ᬕᬮ᭄ᬧᬭᬦᬶᬭᬵᬓᬓᬶ᭞ᬲᬫ᭠
ᬬᬦᭀᬭᬚᬢᬶ᭞ᬫᬹᬮᬦᬶᬂᬫᬹᬮᬵᬧᬸᬦᬶᬓᬸ᭞ᬳᬧᬦ᭄ᬳᬭᬂᬯᭀᬂᬯᬶᬓᬦ᭄᭞ᬬᬦ᭄ᬢᬦ᭄ᬮᬸᬕ᭄ᬭᬳᬦᬾᬂᬯᬶᬥᬶ᭞ᬧᬶᬮᬶᬄᬳᬶᬓᬸᬚᬦ᭄ᬫᬳᬲᬸᬗᬶᬂᬳ᭄ᬬᬂᬲᬸ᭠ [ 31 ][᭓᭐ 30B]
ᬓ᭄ᬱ᭄ᬫᬵ᭟ᬮᬗᬶᬢ᭄ᬓᬂᬧᬧᬶᬢᬸᬧᬸᬦᬶᬓᬵ᭞ᬰᬭᬶᬭᬜᬦᭀᬭᬓᬧᬗ᭄ᬕᬶᬄ᭞ᬳᬶᬓᬸᬳᬸᬮᬢ᭄ᬳᬦᬫᬗ᭄ᬓᭀ᭞ᬭᬶᬂᬮᭀᬦ᭄ᬢᬭᬾᬢᬦ᭄ᬧᬢᬸᬮᬶᬲ᭄᭞
ᬲ᭄ᬕᬵᬭᬳᬕᬸᬂᬢᬦ᭄ᬧᬢ᭄ᬧᬶ᭞ᬳᬶᬗᭂᬦ᭄ᬤᬶᬧᬺᬦᬳᬾᬳᬶᬓᬸ᭞ᬳᬶᬧᬕᬸᬭ᭄ᬯᬓ᭄ᬦᬵ᭞ᬭᬶᬂᬯᭀᬂᬧ᭄ᬭᬢᬫᬾᬂᬳᬚᬶ᭞ᬢᬶᬗ᭄ᬓᬳᬶᬂᬕᬸᬭᬸ᭞ᬤᬾᬦᬶᬂᬪᬓ᭄ᬢᬶᬦᬾ
ᬲᬢᬢᬵ᭟ᬬᬯᭀᬂᬢᬦ᭄ᬯ᭄ᬭᬸᬄᬭᬶᬂᬰᬭᬶᬭ᭞ᬲᬫᬮᬯᬦ᭄ᬲᬢᭀᬓᬓᬶ᭞ᬩᬶᬦᬦ᭄ᬬᬳᬫᬗᬦ᭄ᬲ᭄ᬕᬵ᭞ᬳᬕᬸᬂᬤᬦ᭄ᬟᬦᬶᬧᬸᬦ᭄ᬓᬓᬶ᭞ᬯᭀᬂ
ᬯ᭄ᬭᬸᬳᬶᬂᬭᬕᬦᬾᬓᬶ᭞ᬓᬮᬶᬯᬢ᭄ᬳᬸᬢ᭄ᬢᬫᬦᬶᬧᬸᬦ᭄᭞ᬲᬮ᭄ᬯᬶᬭᬶᬂᬦᭀᬱᬳᬶᬮᬶ᭞ᬤᬾᬦᬶᬂᬳᬯᭀᬭᬶᬂᬳ᭄ᬬᬂᬯᬶᬥᬶ᭞ᬳᬧᬶᬮᬶᬳᬵᬚᬤ᭄ᬫᬵᬯ᭄ᬭᬸ
[᭓᭑ 31A]
ᬳᬭᬶᬂᬰᬭᬶᬭᬵ᭟ᬧ᭄ᬭᬢᬶᬗ᭄ᬓᬳᬶᬂᬚᬤ᭄ᬫᬦᬶᬤ᭄ᬭ᭞ᬭᬶᬲ᭄ᬤᭂᬗᬶᬂᬫᬢᬵᬳᬭᬶᬧ᭄᭞ᬫ᭄ᬲᬢ᭄ᬳᬶᬭᬢ᭄ᬗᭂᬢᬦ᭄ᬢᬵ᭞ᬮᬸᬧᬵᬮᬦ᭄ᬫᬾᬗᭂᬢᬾᬳᬶᬓᬶ᭞ᬦ᭄ᬤᬶᬗᬶᬧᬶ
ᬦᭀᬭᬗᬶᬧᬶ᭞ᬦ᭄ᬤᬶᬧᬺᬡᬳᬶᬦᬶᬭᬾᬓᬸ᭞ᬭᬶᬂᬳᬯᬓ᭄ᬦ᭄ᬤᬢ᭠ᬦ᭄ᬧᬯᬓ᭄᭞ᬳᬶᬓᬸᬳᬸᬮᬢᬦᬵᬓᬓᬶ᭞ᬚᬢᬶᬳᬶᬓᬸ᭞ᬧᬦᭀᬭᬦ
ᬭᬶᬂᬯᭀᬂᬯᬶᬓᬦ᭄᭟ᬯᭀᬯ᭄ᬭᬸᬳᬶᬂᬮ᭄ᬓᬲ᭄ᬧ᭄ᬚᬄ᭞ᬦᭀᬭᬳᬓᬾᬄ᭠ᬓᬂᬧᬶᬦᬸᬚᬶ᭞ᬓᬭᬶᬭᬕᬲ᭄ᬧᬶᬢᬸᬗ᭄ᬕᬮ᭄᭞ᬮᬸᬧᬳᬶᬬᬵᬭᬶᬂᬤᬸᬦ᭄ᬬᬵᬳᬶ
ᬓᬶ᭞ᬯᬾᬢᬦ᭄ᬧᬸᬮᭀᬭᬵᬢ᭄ᬦᬵᬤᬶ᭞ᬧᬺᬡᬳᬾᬯ᭄ᬓᬲᬶᬂᬳᬬᬸ᭞ᬲᬮ᭄ᬯᬶᬃᬭᬱᬦᬾᬳᬾᬦᬓ᭄᭞ᬳᬶᬭᬶᬓᬵᬧᬺᬡᬳᬾᬓᬓᬶ᭞ᬭᬶᬂᬯᬾ᭠ [ 32 ][᭓᭑ 31B]
᭓᭑
ᬤ᭄ᬟᬵᬳᬶᬓᬸ᭞ᬫᬶᬚᬶᬮ᭄ᬭᬶᬂᬢᬸᬂᬢᬸᬗᬶᬂᬫᬢᬵ᭟ᬓᬤ᭄ᬬᬵᬗ᭄ᬕᬦᬶᬂᬯᭀᬂᬳᬦᬾᬫ᭄ᬩᬓ᭄᭞ᬦ᭄ᬤᬶᬓᬂᬫᬶᬫᬶᬲ᭄ᬮᬦ᭄ᬩ᭄ᬤᬶᬮ᭄᭞ᬫᬶᬯᬄᬳᭀᬩᬢᬾᬮᬦ᭄ᬳ᭠
ᬧ᭄ᬬᬦ᭄ᬤᬶᬓᬯᬤᬾᬦᬶᬓᬓᬶ᭞ᬮᬫᬢ᭄ᬮᬯᬦ᭄ᬧᬢᬶᬢᬶᬲ᭄᭞ᬭᬸᬭᬸ᭠ᬳᬦᬾᬤᬾᬦᬾᬢ᭄ᬭᬸᬲ᭄᭞ᬳᬧᬦ᭄ᬢᬦ᭄ᬤᭀᬄᬕ᭄ᬦᬄᬦ᭄ᬬ᭞ᬳᬦᬭᬶᬂᬕᬃᬯ᭄ᬯ
ᬦᬶᬭᬾᬓᬶ᭞ᬚᬢᬶᬦ᭄ᬓᬬᬸᬦ᭄᭞ᬳ᭄ᬬᬂᬓᬮᬯᬦ᭄ᬧ᭄ᬭᬫᬦᬯ᭄ᬬ᭟ᬧᬸᬚᬶᬓᬮᬯᬦ᭄ᬲᭂᬫ᭄ᬩᬄᬳ᭄ᬬᬂ᭞ᬧᬸᬦᬶᬓᬵᬳᬯᬲ᭄ᬤᬾᬦ᭄ᬚᬢᬶ᭞ᬫᬲᬶᬕᬶᬢ᭄ᬓᬮ
ᬯᬦ᭄ᬓᬢᬄ᭞ᬭᬶᬦᬓ᭄ᬱᬾᬂᬫᬮᬾᬓᬢ᭄ᬓᬓᬶ᭞ᬫᬶᬄᬓᬂᬧᬭᬵᬦᬪᬶ᭞᭠ᬳᬫᬸᬚᬶᬲᬶᬭᬳ᭄ᬬᬂᬳᬕᬸᬂ᭞ᬭᬲᬸᬮ᭄ᬓᬮᬯᬦ᭄ᬩᬕᬶᬦ᭄ᬟᬵ᭞ᬢᬦᬤᭀᬄ᭠
[᭓᭒ 32A]
ᬲᬓᬶᬂᬲᬃᬯ᭄ᬯᬾᬓᬶ᭞ᬲᬫᬶᬳᬬᬸ᭞ᬫᬮᬶᬄᬧᬸᬧᬸᬳᬵᬭᬶᬗᬸᬦ᭄ᬢᬢ᭄᭟ᬧᬗ᭄ᬓᬹᬃ᭟ᬳᬦᬵᬓᬯᬃᬡ᭄ᬦᬲᬶᬭ᭞ᬲᬓᬶᬂᬳᬭᬩ᭄ᬯᬶᬚᬶᬮᬾᬓᬂᬍᬯᬶᬄ᭞ᬫᬮ
ᬦᬶᬂᬫᬦᬸᬱᬳᬶᬓᬸ᭞ᬮᬦ᭄ᬓᬫᬸᬮᬦᬶᬂᬤᬾᬯ᭞ᬢᬦ᭄ᬓᭀᬘᬧ᭞ᬧᬭᬵᬦᬪᬶᬧᬤᬜᬸᬂᬲᬸᬂ᭞ᬧ᭄ᬭᬲᬫ᭄ᬬᬫᬦ᭄ᬢᬸᬓᬶᬳᬭᬩ᭄᭞ᬧᬓᭀᬦᬶᬂᬳ᭄ᬬᬂ
ᬢᬦ᭄ᬓᬳᬓ᭄ᬱᬶ᭟ᬳᬶᬗ᭄ᬭᬢ᭄ᬓᬮᬯᬦ᭄ᬤᬸᬦ᭄ᬬ᭞ᬢᬢᬲᬓ᭄ᬦᬵᬳᬶᬗᬯ᭄ᬭᬸᬳᬶᬓᬓᬶ᭞ᬦ᭄ᬤᬶᬓᬫᬹᬮᬦᬶᬓᬸ᭞ᬬᭀᬕ᭄ᬬᬢᬢᬓᭀᬦᬦᬵ᭞ᬬᬢᬦ᭄ᬯ᭄ᬭᬸ
ᬳᬵ᭞ᬦᭀᬭᬮᬮᬫ᭄ᬳᬭᬦᬶᬧᬸᬦ᭄᭞ᬲᬮᬄᬧᬫᬹᬚᬶᬢᬲᬶᬭᬵ᭞ᬧᬥᬢᬦ᭄ᬧᬓᬃᬬ᭄ᬬᬓᬓᬶ᭟ᬫᬹᬮᬦᬶᬂᬲᬗ᭄ᬓᬦᬶᬂᬲᬗ᭄ᬓᬦ᭄᭞ᬬᬦ᭄ᬢᬦ᭄ᬳᬦᬵ [ 33 ][᭓᭒ 32B]
᭓᭒
ᬧᬡ᭄ᬟᬶᬢᬵᬳᬗᬯ᭄ᬭᬸᬳᬶ᭞ᬦᭀᬭᬵᬧᬡ᭄ᬟᬶᬢᬵᬳᬭᬦᬶᬓᬸ᭞ᬲᬮᬄᬓᬧᬸᬢᬸᬲᬦ᭄ᬬ᭞ᬯᭀᬂᬫᬗ᭄ᬓᬦᬵ᭞ᬬᭀᬕ᭄ᬬᬢᬓᭀᬦ᭄ᬭᬶᬂᬲᬂᬧᬸ᭠
ᬢᬸᬲ᭄᭞ᬓᬂᬯᬸᬲ᭄ᬫᬗ᭄ᬕᬶᬄᬓᬂᬲᬶᬦᬤ᭄ᬬᬦ᭄᭞ᬧᬦ᭄ᬲᬶᬭᬵᬍᬯᬶᬳᬶᬂᬤᬯᬶᬸᬥᬶ᭟ᬧ᭄ᬭᬣᬶᬯᬶᬚᬢᬶᬘᬭᬶᬢ᭄ᬣ᭞ᬳᬶᬓᬵᬗᬭᬦᬶᬂᬧᬸᬮᭀᬫᬚᭂᬢᬶ᭞ᬧᬺ
ᬡᬳᬾᬲᬚ᭄ᬭᭀᬦᬶᬭᬦᬸ᭞ᬳᬭᬂᬯᭀᬂᬯᬶᬓᬦ᭄ᬯ᭄ᬭᬸᬳᬵ᭞ᬬᬦ᭄ᬯᬶᬓᬦᬵ᭞ᬳᬶᬓᬸᬢᬢᬫ᭄ᬩᬭᬦᬶᬧᬸᬦ᭄᭞ᬲᬮ᭄ᬯᬶᬃᬕ᭄ᬭᬶᬂᬢ᭄ᬓᬵᬯᬭᬲ᭄᭞ᬳᬧᬦ᭄ᬬ
ᬓᬮᬶᬦ᭄ᬢᬂᬍᬯᬶᬄ᭟ᬳᬦᬢᬗᬦ᭄ᬤᭂᬮᬶᬚᬲᬤ᭄᭞ᬫ᭄ᬮᭂᬂᬫ᭄ᬮᭂᬂᬳ᭄ᬦᬶᬂᬦᭀ᭠ᬭᬵᬫᬥᬦᬶ᭞ᬉᬭᬶᬧᬶᬂᬲᬃᬯ᭄ᬯᬫᬗᬬᬸ᭞ᬭᬶᬂᬳ᭄ᬦᬶᬂᬲᬗ᭄ᬓᬦ᭄ᬬᬢ᭄ᬓ᭞ᬧᬭᬦᬶᬓ
[᭓᭓ 33A]
ᬯ᭄ᬭᬸᬄᬳᬶᬓᬵᬗᬭᬦᬶᬂᬕᬸᬭᬸ᭞ᬢᭀᬧᬓ᭄ᬦᬶᬬᬓᬲᭂᬫ᭄ᬩᬄ᭞ᬬᬧᬶᬦᬸᬚᬦᬶᬂᬪᬹᬫᬶ᭟ᬳᬶᬓᬶᬭᬭᬾᬘᬶᬮ᭄ᬬᬭᭀᬭᭀ᭞ᬯᬶᬚᬶᬮ᭄ᬲᬓᬶᬂᬫᭂᬓᬄ᭠
ᬳᬶᬓᬵᬯᭀᬂᬳᬧ᭄ᬓᬶᬓ᭄᭞ᬘᬄᬬ᭄ᬬᬦᬾᬕᬮᬂᬤᬶᬦᬸᬮᬸ᭞ᬬᬳᬭᬦ᭄ᬤᬢᬶᬰ᭄ᬯᬭᬵ᭞ᬳᬶᬓᬵᬚᬢᬶ᭞ᬧᬥᬓᬭᭀᬦᬶᬂᬧᬮᬓᬸ᭞ᬢᬦ᭄ᬢᬶᬫ᭄ᬧᬂᬲ᭠
ᬓᬶᬂᬦᬵᬕᬭᬵ᭞ᬬᬫᬹᬮᬵᬦᬶᬂᬳᬗᬚᬶ᭟ᬳᭂᬦ᭄ᬤᬶᬓᬂᬳᬶᬗᬭᬦᬦ᭄ᬫᭂᬓᬄ᭞ᬳᬦᬾᬂᬭᬵᬳᬦᬶᬭᬧᬸᬦᬶᬓᬓᬓᬶ᭞ᬳᬶᬓᬶᬪᬹᬫᬶᬰᬸᬘᬶᬳᬶᬓᬸ᭞ᬧ
ᬭᬦᬶᬂᬲ᭄ᬮᬫ᭄ᬳᬰᬸᬘ᭄ᬬ᭞ᬰᬸᬘᬶᬳᬶᬓᬸ᭞ᬢᬦ᭄ᬓᬭᬭᬩᬦᬶᬂᬍᬢᬸᬄ᭞ᬳᬶᬗᬸ᭠ᬗ᭄ᬲᬶᬤᬾᬦᬶᬂᬧᬡ᭄ᬟᬶᬢᬵ᭞ᬧ᭄ᬭᬤᬾᬦᬾᬦᭀᬭᬓᬧᬗ᭄ᬕᬶᬄ᭟ᬬᬦ᭄ᬲᬵ [ 34 ][᭓᭓ 33B]
᭓᭓
ᬫ᭄ᬧᬸᬦ᭄ᬓᬧᬗ᭄ᬕᬶᬄᬳᬶᬓᬵ᭞ᬬᭀᬕ᭄ᬬᬲᬓ᭄ᬱ᭄ᬬᬂᬫᬭᬶᬂᬧᬡ᭄ᬟᬶᬢᬵᬍᬯᬶᬄ᭞ᬳᬶᬮᬵᬓ᭄ᬭᬫᬦᬾᬧᬸᬦᬶᬓᬸ᭞ᬤᬾᬦ᭄ᬢᭂᬕᬸᬄᬭᬶᬂᬳᬕᬫᬵ᭞ᬬᬳᬶᬓᬵ᭞ᬯᭀᬂ
ᬯ᭄ᬭᬸᬄᬭᬶᬂᬭᬕᬦᬶᬓᬸ᭞ᬢᬦᬸᬭᬸᬂᬫᬫᬗ᭄ᬕᬶᬄᬰ᭄ᬯᬃᬕ᭄ᬕᬵ᭞ᬳᬶᬓᬵᬓᬫᬹᬮᬵᬦᬶᬂᬍᬯᬶᬄ᭟ᬭᬹᬧᬦᬶᬂᬳᬸᬭᬶᬧ᭄ᬯᬲ᭄ᬧᬥᬵ᭞ᬢ᭄ᬯᬭᬓ᭄ᬦᬵᬕᬯᬦ᭄ᬤᬶᬯᬦᬾᬓᬓᬶ
᭞ᬳᬶᬓᬹᬢ᭄ᬢᬫᬗᬭᬦᬶᬧᬸᬦ᭄᭞ᬲᬵᬭᬶᬦᬶᬂᬭᬱᬦᬶᬂᬫᬹᬮ᭄ᬬ᭞ᬳᬶᬓᬵᬚᬢᬶ᭞ᬢᬦ᭄ᬧ᭄ᬚᬄᬲᬧᬭᬦᬶᬧᬸᬦ᭄᭞ᬫ᭄ᬯᬂᬢᬦ᭄ᬓᭂᬦᬾᬂᬲᬸᬓᬵᬤᬸᬓᬵ᭞ᬧᬸᬧᬸᬄ
ᬲ᭄ᬫᬭᬵᬤᬳᬦᬶ᭟ᬲ᭄ᬫᬭᬦ᭄ᬟᬦᬵ᭟ᬯᭂᬦ᭄ᬢᬳᬶᬦᬸᬘᬧ᭄ᬫᬮᬶᬄ᭞ᬢ᭄ᬮᭂᬗᬶᬂᬮᬶᬭᬶᬂᬫᬲ᭄ᬤᬾᬯ᭞ᬭᬶᬂᬢᬸᬂᬢᬸᬗᬶᬂᬳᬸᬮᬢ᭄ᬱᬓᭀ᭞ᬳ᭄ᬦᭂᬂᬳ᭄ᬦᬶᬂᬫᬯᬓ᭄ᬰᬸᬦ᭄ᬬ᭞ᬳᬶ᭠
[᭓᭔ 34A]
ᬓᬵᬫᬹᬮᬦᬶᬂᬳᬾᬭᬢ᭄᭞ᬫᭂᬃᬢ᭄ᬢᬯᭀᬂᬓᬯ᭄ᬮᬲ᭄ᬳ᭄ᬬᬸᬦ᭄᭞ᬓᬲ᭄ᬬᬲᬶᬄᬧᬶᬮᬶᬄᬓᬲᬶᬳᬦ᭄᭟ᬲᬢ᭄ᬲᬢ᭄ᬲᬭᬶᬦᬶᬂᬫᬳ᭄ᬦᬶᬂ᭞ᬳᬶᬓᬵᬢᬫᬤᬕᬶᬂ
ᬦᭀᬭᬵ᭞ᬭᬕᬰᬸᬦ᭄ᬬᬮᬸᬫᬂᬤᬯᬓ᭄᭞ᬳᬭᬶᬭᬶᬲ᭄ᬭᬶᬭᬶᬲ᭄ᬫᬥᬸᬫᬵᬃ᭞ᬳᬮᬄᬳᬮᬳᬶᬂᬳᬶᬮ᭄ᬫᬸᬓᬵ᭞ᬳᬫᬸᬚᬵᬧᬶᬦᬸᬚᬳᬶᬓᬸ᭞ᬳᬚᬸᬃᬧᬭᭀ᭠
ᬓ᭄ᬧᬯᬓᬦ᭄ᬬ᭟ᬪᬬᬭᬶᬂᬰᬸᬦ᭄ᬬᬦᬶᬂᬳᬓ᭄ᬱᬶ᭞ᬧᬺᬡᬳᬾᬲᬂᬳ᭄ᬬᬂᬳᬶᬲ᭄ᬫᬭᬵ᭞ᬭᬶᬂᬕᬫ᭄ᬩᬸᬭᬵᬗ᭄ᬮᬬᬂᬋᬓᭀ᭞ᬳᬭᬶᬗᬾᬓᬦ᭄ᬳᬫᬯᬂᬭᬵ
ᬢ᭄᭞ᬕᬸᬫᬯᬾᬳ᭄ᬬᬸᬦᬶᬓᬂᬯ᭄ᬯᬂ᭞ᬭᬶᬂᬳᬸᬮᬢᬢᬦ᭄ᬓᬢ᭄ᬫᬸ᭞ᬳᬦᬵᬭᬶᬂᬳᬸᬮᬢ᭄ᬢᬦ᭄ᬫᬸᬮᬢ᭄᭟ᬢᬸᬦ᭄ᬚᬸᬂᬢᬸᬯᬸᬳᬶᬂᬮᬗᬶᬢ᭄᭞ᬲᬵᬭᬷᬦᬾᬦᭀᬭᬯᭀᬂ [ 35 ][᭓᭔ 34B]
᭓᭔
ᬯᬶᬓᬦ᭄᭞ᬲᬓ᭄ᬢ᭄ᬬᬵᬦᭀᬭᬭᭀᬭᭀ᭞ᬳᬶᬬᬫᬸᬮᬦᬶᬓᬗᬾᬭᬲ᭄᭞ᬫᬭᬶᬬᬫᬾᬗᭂᬢ᭄ᬳᬶᬭᬶᬓᬵ᭞ᬦᭀᬭᬕᬮᬂᬫᬯᬓ᭄ᬲᬸᬯᬸᬂ᭞ᬢᬦ᭄ᬳᬦ
ᬫᬺᬢ᭄ᬢᬫ᭄ᬯᬄᬳᬶᬮᬂ᭟ᬦᭀᬭᬲᬮ᭄ᬯᬶᬭᬶᬂᬗᬳᬸᬭᬶᬧ᭄᭞ᬢᬦ᭄ᬳᬦᬵᬲᬮ᭄ᬯᬶᬭᬶᬂᬢᬯᬂ᭞ᬳᬸᬮᬢ᭄ᬭᬶᬂᬳᬸᬮᬢ᭄ᬢᬦ᭄ᬳᬦᬵ᭞ᬚᬩᬵᬚ᭄ᬭᭀᬦᭀᬭᬵᬳᬦᬵ᭞
ᬓᬩᬾᬳᬦᬓᬮᬶᬯᬢᬦ᭄᭞ᬤᭀᬦᬶᬂᬳᬭᬂᬚᬦ᭄ᬫᬵᬯ᭄ᬭᬸᬄ᭞ᬓ᭠ᬮᬯᬦ᭄ᬮᬶᬯᬢᬶᬂᬤᭀᬦ᭄᭟ᬳᬚ᭄ᬜᬦᬵᬓᬮᬯᬦ᭄ᬲᬫᬵᬥᬶ᭞ᬬᭀᬖ
ᬓᬮᬯᬦ᭄ᬳᬚ᭄ᬜᬦᬵ᭞ᬧᬸᬚᬶᬮᬯᬦᬦᬶᬂᬲᭂᬫ᭄ᬩᬄ᭞ᬳ᭄ᬬᬂᬳᬶᬓᬵᬓᬩᬾᬄᬓᬸᬗ᭄ᬓᬸᬮᬦ᭄᭞ᬍᬬᭂᬧ᭄ᬮᬗᬶᬢ᭄ᬲᬫ᭄ᬩᬭᬦ᭄ᬬ᭞ᬢᬦ᭄ᬧᬭᬯᬢ᭄ᬭᬯᬢᬶᬓᬸ᭞
[᭓᭕ 35A]
ᬭᬕᬭᬕᬦᬶᬂᬳᬯᬓ᭄᭟ᬳᬯ᭄ᬢᬸᬓᭂᬫ᭄ᬩᬗᬶᬂᬮᬗᬶᬢ᭄᭞ᬯᬗᬶᬦᬾᬦᭀᬭᬦᬵᬳᬦᬵ᭞ᬢᬦ᭄ᬧᬳᬫ᭄ᬩᬦ᭄ᬳᬦᬵᬋᬓᭀ᭞ᬳᬢᬢᬢᬵᬢᬭᬶᬢᬵ
᭞ᬓᬮᬗᭂᬦᬶᬓᬂᬧᬝᬓᬵ᭞ᬧᬥᬳᬗᬶᬧ᭄ᬬᬂᬧᬸᬦᬶᬓᬸ᭞ᬦᬶᬂᬭᬵᬢ᭄ᬧᬶᬦᬗ᭄ᬕᬶᬄᬦᬶᬭᬵ᭟ᬫᬮᬓᬸᬧᬓ᭄ᬱᬫᬗᬯᬶ᭞ᬓᬤ᭄ᬬᬯᭀᬂᬢᬢᬲᬶᬂᬰᬲ᭄ᬢ᭄ᬭ
ᬢ᭄ᬯᬦ᭄ᬲᭂᬫᬾᬭᬸᬢᬋᬓᭀ᭞ᬳᬗᬶᬓᭂᬢ᭄ᬳᬶᬓᭂᬢ᭄ᬧ᭄ᬭᬮᬫ᭄ᬩᬂ᭞ᬓᬤ᭄ᬬᬵᬗ᭄ᬕᬦᬶᬂᬓᬸᬦᬂᬓᬸᬦᬂ᭞ᬳᬦ᭄ᬤᬭᬸᬂᬓ᭄ᬜᬭᬶᬂᬲᬶᬢᬗ᭄ᬲᬸ᭞ᬤᬸᬭᬦ᭄ᬧᬘᬲᬂᬓᬯ᭄ᬬ᭟
ᬯᬸᬲ᭄ᬓᬳᬶᬓᭂᬢ᭄ᬓᭂᬫ᭄ᬩᬗᬶᬂᬮᬗᬶᬢ᭄᭞ᬳᬭᬦᬶᬂᬧ᭄ᬭᬮᬫ᭄ᬩᬂᬳᬶᬓᬵ᭞ᬓᬂᬓᬸᬓᬸᬲ᭄ᬓᭀᬘᬧᬶᬂᬕᬶᬢ᭞ᬳᬓ᭄ᬯᬾᬄᬦᭀᬭᬯᭀᬂᬯᬶᬓᬦ᭄᭞ᬦᬗᬶᬂᬫᬭ [ 36 ][᭓᭕ 35B]
᭓᭕
ᬱᬭᬱ᭞ᬳᬸᬦ᭄ᬤᬸᬓᬶᬂᬧ᭄ᬭᬮᬫ᭄ᬩᬂᬳᬶᬓᬸ᭞ᬲᬫᬶᬧᬥᬢᬦ᭄ᬯᬲ᭄ᬨᬥᬵ᭟᭛ᬤᬹᬃᬫ᭄ᬫᬵ᭛ᬚᬦᬶᬜᬸᬫᬸᬳᬶᬲᭂᬂᬳᬶᬲᭂᬗᬦ᭄ᬫᬜᬸᬭᬢ᭄᭞ᬳᬗᬶᬂᬢᬦ᭄ᬧ
ᬢᬸᬢᬶᬂᬳᬶᬦ᭄ᬤᬶᬓ᭄᭞ᬫ᭄ᬯᬂᬢᬸᬦᬵᬩᬱ᭞ᬓ᭄ᬭᬸᬦᬦᬾᬫᬤᬸᬓᬦ᭄᭞ᬓᬾᬯᬮᬕᬶᬭᬂᬫᬗᬯᬶ᭞ᬫᬗᬶᬢᬾᬩᬶᬱ᭞ᬲᬶᬦᬫ᭄ᬧᬹᬭᬭᬢᬸᬳᬚᬶ᭟ᬫᬗ᭄ᬓᬾ
ᬓᭀᬘᬧ᭄ᬳᬦᬵᬢᬸᬢᬹᬃᬲᬭᬵᬰ᭄ᬯᬢ᭄ᬬ᭞ᬲᬗᬋᬧ᭄ᬢᬸᬫᬓᬶᬢᬓᬶ᭞ᬯ᭄ᬭᬸᬄᬭᬶᬂᬅᬓ᭄ᬱᬭᬵ᭞ᬧ᭄ᬭᬚ᭄ᬜᬦ᭄ᬭᬶᬂᬢᬢ᭄ᬯᬘᬭᬶᬢ᭄ᬣ᭞ᬤᬺᬱ᭄ᬝᬶᬦᬶᬭᬵᬳ᭄ᬬᬂᬢ᭄ᬭᬶᬤᬥᬶ᭞ᬰ᭄ᬯᬮ᭠
ᬮᬶᬢᬵ᭞ᬫᭀᬤ᭄ᬭᬾᬯ᭄ᬭᬾᬳᬲ᭄ᬢ᭄ᬭᬕᬸᬮᬶᬓ᭄᭟ᬲᬂᬳ᭄ᬬᬂᬭᬾᬓᬵᬓᬯᬶᬰ᭄ᬯᬭᬵᬲᬭᬰ᭄ᬯᬢ᭄ᬬ᭞ᬲᬂᬳ᭄ᬬᬂᬢᬶᬕᬚ᭄ᬜᬦᬵᬳ᭄ᬦᬶᬂ᭞ᬳᬗᬯᬘᬭᬶᬢ᭄ᬣᬵ᭞ᬭᬶᬂᬅᬓ᭄ᬱ
[᭓᭖ 36A]
ᬭᬢᬦ᭄ᬧᬓ᭄ᬱᬭᬵ᭞ᬳᬧᬦ᭄ᬧᬶᬗᬶᬢ᭄ᬤᬾᬦᬶᬂᬯᬶᬥᬶ᭞ᬳᬭᬂᬯᭀᬂᬯᬶᬓᬦ᭄᭞ᬭᬶᬂᬢᬸᬢᬹᬃᬓᬤᬶᬂᬧᬸᬦᬶᬓᬶ᭟ᬧᬦᬫ᭄ᬩᬗᬦ᭄ᬳᬶᬤᬲᬂᬳ᭄ᬬᬂᬕᬸᬭᬸᬭᬾᬓ᭞
ᬫᬹᬮᬦᬶᬂᬲᬶᬋᬧ᭄ᬳᬢᬗᬶ᭞ᬓᬩ᭄ᬬᬲᬫᬦᬄᬚᬸᬕᬵ᭞ᬤᬾᬦᬶᬂᬳ᭄ᬬᬂ᭠ᬚᬶᬯᬫᬯ᭄ᬬ᭞ᬳᬦᬦᬾᬭᬶᬂᬩᬲᬸᬦᬭᬶ᭞ᬳᬧᬄᬳᬓᬱ᭞ᬳᬾᬩᭂᬓ᭄ᬢᭂ
ᬓᬾᬂᬤᬕᬶᬂᬦᬾᬓᬶ᭟ᬇᬓᬂᬰᬲ᭄ᬢ᭄ᬭᬫᬶᬫᬶᬢᬦ᭄ᬫᬶᬚᬶᬮ᭄ᬢᬢᬶᬕᬵ᭞ᬲᬂᬳ᭄ᬬᬂᬢᬶᬕᬵᬢ᭄ᬯᬄᬫᬓᬃᬤ᭄ᬟᬶ᭞ᬮ᭄ᬯᬶᬃᬦ᭄ᬬᬰ᭄ᬯᬮᬮᬶᬣ᭞ᬳᬶᬓᬂᬫᭀᬤ᭄ᬭᬾᬰ᭠
ᬲ᭄ᬢ᭄ᬭᬧᬢᬶ᭞ᬤᬰᬯᬶᬓ᭄ᬭᬫᬵ᭞ᬢᬶᬦᬶᬯᬓ᭄ᬦ᭄ᬬᬫᬭᬶᬂᬩᬮᬶ᭟ᬧ᭄ᬯᬂᬰᬲ᭄ᬢ᭄ᬭᬳᬓ᭄ᬯᬾᬄᬦ᭄ᬬᬤ᭄ᬯᬂᬤᬰ᭞ᬭᭀᬭᭀᬢᬦ᭄ᬳᬦᬵᬳᬸᬦᬶᬂ᭞ᬤᬾᬦᬶᬂᬓᬲᬶ [ 37 ][᭓᭖ 36B]
᭓᭖
ᬗᬶᬤᬂ᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬰᬶᬯᬢᬶᬕᬵ᭞ᬬᬦ᭄ᬳᬦᬵᬯᭀᬂᬓᬲᬸᬩ᭄ᬭᬢᬶ᭞ᬧᬕᭂᬄᬫᬩ᭄ᬭᬢᬵ᭞ᬫᬬᬰᬦᬗᬸᬦ᭄ᬓᬾᬃᬢ᭄ᬢᬶ᭟ᬳ᭄ᬤᬵᬚᭂᬚᭂᬄᬫᬗ᭄ᬯᬗᬸ᭠
ᬦ᭄ᬳᬚ᭄ᬜᬦᬵᬢᬧᬵ᭞ᬦ᭄ᬤᬢᬦ᭄ᬳᬦᬗᬯᬶᬱ᭄ᬬᬦᬶᬦ᭄᭞ᬮᬫᬸᬦ᭄ᬲᬵᬫ᭄ᬧᬸᬦ᭄ᬚᬕ᭄ᬭ᭞ᬳᬧᬂᬳ᭄ᬤᬵᬧ᭄ᬭᬧᬜ᭄ᬘ᭞ᬢᬦ᭄ᬳᬸᬭᬸᬂᬮᬩ᭄ᬟᬓᬧᬗ᭄ᬕᬶᬄ᭞ᬳᬲᬶᬂᬧᬶ᭠
ᬦᬶᬦ᭄ᬢᬵ᭞ᬢᬸᬭᬸᬦ᭄ᬲᬂᬳ᭄ᬬᬂᬫᬗᬶᬘᬾᬦᬶᬦ᭄᭟ᬲᬶᬦᭀᬫ᭄᭟ᬤᬸᬓ᭄ᬢᬦᬦᬵᬧᬭᬦ᭄ᬧᬭᬦ᭄᭞ᬦᭀᬭᬵᬕᬸᬫᬶᬦᭀᬭᬮᬗᬶᬢ᭄᭞᭠
ᬦᭀᬭᬦᬲᬹᬃᬬ᭄ᬬᬫ᭄ᬯᬂᬘᬦ᭄ᬤ᭄ᬭ᭞ᬮᬶᬡ᭄ᬝᬂᬢᬭᬗ᭄ᬕᬡᬫᬮᬶᬄ᭞ᬢᬦᬫᬶᬚᬶᬮ᭄ᬢᭀᬪᬝᬭᬶ᭞ᬲᬓᬶᬂᬧ᭄ᬢᬵᬰᬸᬦ᭄ᬬᬳᬶᬓᬸ᭞ᬫᬮᬶᬗ᭄ᬕᬵᬭᬶᬂ
[᭓᭗ 37A]
ᬕᬸᬫ᭄ᬩᬭᬵᬗ᭄ᬮᬬᬂ᭞ᬯᬃᬡ᭄ᬦᬳᬶᬤᬵᬓᬤᬶᬩᬸᬤ᭄ᬟᬶ᭞ᬲ᭄ᬯᬭᬵᬋᬫ᭄ᬧᬸᬄ᭞ᬗᬭᬦ᭄ᬲᬂᬳ᭄ᬬᬂᬕᬸᬭᬸᬭᬾᬓᭀ᭟ᬳᬶᬭᬶᬓᬵᬫᬶᬚᬶᬮ᭄ᬪᬝᬭ᭞ᬫᬬᭀᬕ᭄ᬕ
ᬭᬶᬂᬲᬦ᭄ᬤᬶᬳ᭄ᬦᬶᬂ᭞ᬳᬦᬓᬵᬪᬝᬭᬇᬰ᭄ᬯᬭᬵ᭞ᬭᬶᬂᬧᬹᬃᬯ᭄ᬯᬳᬶᬤᬵᬫᬮᬶᬗ᭄ᬕᬶᬄ᭞ᬪᬝᬭᬩ᭄ᬭᬳ᭄ᬫᬾᬫᬶᬚᬶᬮ᭄᭞ᬭᬶᬂᬓᬶᬤᬸᬮ᭄ᬳᬶᬤᬵᬳᬮᬸᬗ᭄ᬕᬸᬄ᭞ᬫᬳᬵᬤᬾᬯᬵ
ᬭᬭᬶᬲ᭄ᬫᭂᬤᬮ᭄᭞ᬭᬶᬂᬓᬸᬮᭀᬦ᭄ᬳᬶᬤᬵᬫᬮᬶᬗ᭄ᬕᬶᬄ᭞ᬫ᭄ᬯᬂᬳ᭄ᬬᬂᬯᬶᬱ᭄ᬡᬸ᭞ᬭᬶᬂᬉᬢ᭄ᬢᬭᬮᬶᬗ᭄ᬕᬶᬄᬳᬶᬤᬵ᭟ᬮᬸᬤᬺᬲᬗ᭄ᬓᬭᬵᬫᬳᬾᬲᭀᬭᬵ᭞ᬲᬫ᭄ᬩᬸᬐᬃ
ᬲᬦ᭄ᬬᬃᬫᬮᬶᬗ᭄ᬕᬶᬄ᭞ᬦᬾᬭᬶᬣᬶᬯᬬᬩ᭄ᬬᬵ᭞ᬦᬾᬳᬦᬓᭀᬫᬭᬓᭀᬫᬭᬶ᭞ᬯᬶᬥ᭄ᬬᬤᬭᬯᬶᬥ᭄ᬬᬤᬭᬶ᭞ᬫ᭄ᬯᬂᬤᬾᬢ᭄ᬬᬤᬦᬯ᭠ [ 38 ][᭓᭗ 37B]
᭓᭗
ᬳᬶᬓᬸ᭞ᬫ᭄ᬯᬂᬘᬢᬹᬃᬮᭀᬓᬨᬮᬵ᭞ᬲᬂᬕᬃᬕ᭄ᬡᬫᬶᬯᬄᬲᬂᬫᬾᬢ᭄ᬭᬶ᭞ᬧ᭄ᬭᬢᬜ᭄ᬚᬮᬸ᭞ᬫ᭄ᬯᬄᬳᬶᬤᬵᬓᬸᬭᬸᬱ᭄ᬬ᭟ᬩᬸᬫᬭᬳᬶᬤᬵᬳᬓᬱ᭞ᬫ᭄ᬯᬂᬲᬂ
ᬳ᭄ᬬᬂᬩᬲᬸᬦ᭄ᬤᬭᬶ᭞ᬫᬶᬚᬶᬮ᭄ᬳᬕ᭄ᬮᬶᬲ᭄ᬢᬩᬗᬯᬦ᭄᭞ᬫᬗᬭᬲ᭄ᬲᬂᬯ᭄ᬭᬲ᭄ᬨᬢᬶ᭞ᬫᭂᬃᬤ᭄ᬟᬓᬱ᭄ᬬᬧᬦᬾᬫᬮᬶᬄ᭞ᬫᭂᬃᬘ᭄ᬮᬸᬓᬸᬡ᭄ᬟᬦᬾᬓᬯᬸᬯᬸᬲ᭄᭞ᬧ
ᬥᬫᬦ᭄ᬤᬺᬱ᭄ᬝᬶᬯᬶᬱᬬ᭞ᬓᭀᬘᬧ᭄ᬪᬕᬯᬵᬦ᭄ᬯᬺᬳᬲ᭄ᬨᬢᬶ᭞ᬳᬶᬤᬵᬫᬲ᭄ᬢᬸ᭞ᬳᬕᬫᬵᬮᬦ᭄ᬤᬾᬯᬵᬕᬫᬵ᭟ᬫᭂᬃᬘ᭄ᬘᬸᬓᬸᬡ᭄ᬟᬵᬗᬯᬾᬯᬾᬥ᭞ᬲᬃ
ᬯ᭄ᬯᬗ᭄ᬮᬾᬄᬲᬃᬯ᭄ᬯᬲᬦ᭄ᬟᬶ᭞ᬫ᭄ᬯᬂᬮᬾᬬᬓ᭄ᬮ᭄ᬯᬶᬃᬦ᭄ᬬ᭞ᬲᬮ᭄ᬯᬶᬭᬶᬂᬕ᭄ᬭᬶᬂᬧᬫᬢᬶ᭞ᬕᬸᬭᬸᬦ᭄ᬮᬾᬬᬓᬾᬯ᭄ᬬᬓ᭄ᬢᬶ᭞ᬯᬦ᭄ᬢᬄᬳ᭄ᬬᬂᬩ᭄ᬭᬳ᭄ᬫᬵᬫᬦᬸᬤᬸᬄ᭞ᬫᬚᬮᬭᬦ᭄ᬭᬶᬂ
[᭓᭘ 38A]
ᬳ᭄ᬬᬂᬤᬹᬃᬕ᭄ᬕᬵ᭞ᬳᬶᬤᬵᬫᬗᬶᬘᬾᬦ᭄ᬓᬩᬮᬶ᭞ᬲᬗ᭄ᬓᬦ᭄ᬮ᭄ᬬᬸᬚᬤ᭄ᬫᬯᬤᭀᬦᬾᬗᬮᬾᬬᬓ᭄᭟ᬫ᭄ᬯᬂᬪᬕᬯᬦ᭄ᬓᬱ᭄ᬬᬧ᭞ᬯᬶᬱᬥᬳᬶᬤᬵᬫᬓᬃ᭠
ᬤ᭄ᬤᬶ᭞ᬫ᭄ᬯᬂᬥᬃᬫ᭄ᬫᬦᬶᬂᬳᬸᬲᬤ᭄ᬟᬵ᭞ᬮᬶᬫᬳᬸᬲᬤ᭄ᬟᬵᬦᬾᬬᬸᬓ᭄ᬢᬶ᭞ᬳ᭄ᬬᬂᬲ᭠ᬤᬵᬰᬶᬯ᭄ᬯᬫᬗ᭄ᬓᬶᬦ᭄᭞ᬤᬺᬱ᭄ᬝᬶᬦ᭄ᬳᬶᬤᬵᬦᬾᬓᬯᬸᬯᬸᬲ᭄᭞ᬫᬓᬵᬃᬬ᭄ᬬ
ᬢᬸᬢᬹᬃᬓᬫᭀᬓ᭄ᬱᬦ᭄᭞ᬳᬤᬲᬵᬲᬹᬓ᭄ᬱ᭄ᬫᬬᬸᬓ᭄ᬢᬶ᭞ᬮ᭄ᬯᬶᬭᬶᬧᬸᬦ᭄᭞ᬳᬾᬢᭀᬳᬾᬢᭀᬢ᭄ᬭᬸᬲ᭄ᬲᬂᬳᬢ᭄ᬫᬵ᭟ᬩᬢᬹᬃᬓᬮᬯᬲᬦ᭄
ᬧᭂᬢᬓ᭄᭞ᬭᬫᬭᬾᬡᬓᬸᬡ᭄ᬟᬮᬶᬦᬶ᭞ᬚᭀᬂᬪᬶᬭᬸᬓᬸᬭᬡ᭄ᬝᬩᭀ᭠ᬮᭀᬂ᭞ᬫᬵᬲ᭄ᬭᬤᬦᬶᬥᬃᬫ᭄ᬫᬬᭀᬕᬶ᭞ᬭᬶᬸᬱᬶᬸᬢᬶᬸᬄᬫᬶᬄᬲᬭᬵᬰ [ 39 ][᭓᭘ 38B]
᭓᭘
ᬫᬸᬲ᭄ᬘᬬᬫᬮᬶᬄ᭞ᬧᬜᬫ᭄ᬩ᭄ᬭᬫᬦᬾᬧᬸᬦᬶᬓᬸ᭞ᬫ᭄ᬯᬄᬧᬢᬶᬦᬶᬂᬲᬤ᭄ᬭᬱ᭞ᬓᬸᬦᬂᬳᬓ᭄ᬯᬾᬄᬭᬚᬵᬧᬾᬦᬶ᭞ᬳᬶᬦᬶᬓᭂᬢᬶᬓᬸ᭞ᬢᬸᬢᬹᬭᬦᬶᬂᬥᬃ
ᬫ᭄ᬫᬬᭀᬖᬵ᭟ᬫᬮᬶᬄᬳᬦᬵᬢᭀᬓᭀᬘᬧᬦ᭄᭞ᬮᬶᬗᬶᬂᬰ᭠ᬲ᭄ᬢ᭄ᬭᬘᬢᬹᬃᬳᬶᬓᬶ᭞ᬤᬸᬓ᭄ᬩᬧᬵᬳᬶᬩᬸᬦᬾᬮᬭᬵ᭞ᬫᬶᬚᬶᬮ᭄ᬲᬓᬶᬂᬰᬸᬦ᭄ᬬ
ᬳ᭄ᬦᬶᬂ᭞ᬳᬦ᭄ᬭᬸᬲ᭄ᬫᬭᬶᬂᬢᬃᬚ᭄ᬚᬓᬮᬶᬄ᭞ᬲᬫ᭄ᬧᬸᬦ᭄ᬦᬥᬵᬫᬸᬗ᭄ᬕᬸᬄᬤᬶᬢᬸ᭞ᬳᬃᬤ᭄ᬟᬲ᭄ᬫᬭᬦᬭᬾᬰ᭄ᬯᬭᬵ᭞ᬧᬦ᭄ᬤᬸᬂᬧ᭄ᬭᬬᬤᬦᬾᬫᬗ᭄ᬓᬶᬦ᭄᭞ᬳᬯᭀᬃᬮᬸ
ᬮᬸᬢ᭄᭞ᬳᬦᬵᬳᬶᬓᬵᬓᬫᬰ᭄ᬯᬾᬢᬵ᭟ᬫᬶᬚᬶᬮ᭄ᬲᬓᬶᬂᬚ᭄ᬯᬩᬧᬦ᭄ᬢ᭞ᬓᬫᬵᬳᬩᬵᬂᬳᬸᬮᬶᬄᬩᬶᬩᬶ᭞ᬲᬯᬸᬲᬦᬺᬓᬾᬫᬓᬭᭀᬦ᭄᭞ᬳ᭄ᬬᬂ
[᭓᭙ 39A]
ᬪᬲ᭄ᬓᬭᬵᬭᬾᬓᬵᬫᬶᬚᬶᬮ᭄᭞ᬭᭀᬂᬳᬸᬮᬦ᭄ᬳᬧᬸᬮᬂᬓᬲᬶᬄ᭞ᬳᬦᬵᬩᬬᬸᬰᬩ᭄ᬟᬳᬶᬓᬸ᭞ᬢᬶᬕᬂᬳᬸᬮᬦ᭄ᬮᬫᬶᬦ᭄ᬬ᭞ᬳᬦᬵᬧᬜ᭄ᬘᬯᬃᬡ᭄ᬦᬚᬢᬶ᭞
ᬲᬕᬾᬢ᭄ᬫᭂᬢᬸ᭞ᬧ᭄ᬢᬂᬯᬸᬮᬦ᭄ᬦᬯᬵᬲᬗ᭄ᬳᬵ᭟ᬧᬜ᭄ᬘᬯᬸᬮᬦ᭄ᬮᬯᬲ᭄ᬦ᭄ᬬ᭞ᬫ᭄ᬢᬸᬩᬸᬫᬶᬫ᭄ᬯᬄᬮᬗᬶᬢ᭄᭞ᬢᬸᬗ᭄ᬕᬮᬦ᭄ᬫᬗ᭄ᬭᬾᬓᬵᬚᬤ᭄ᬫ᭞ᬢ᭄ᬕᭂᬧ᭄ᬫᬮᬶᬫᬫ
ᬩᬢᬶᬲ᭄᭞ᬫᬲᭀᬘᬵᬳᬶᬭᬸᬂᬫᬓᭀᬧᬶᬂ᭞ᬧᬸᬭᬸᬲ᭄ᬲᬶᬮᬶᬢ᭄ᬧᬸᬗ᭄ᬲᭂᬤ᭄ᬳᬶᬓᬸ᭞ᬫᬗᬭᬦ᭄ᬤᬦᬾᬧᬸᬦᬶᬓᬵ᭞ᬲᬂᬳ᭄ᬬᬂᬧᬸᬢᬶᬄᬚᬢᬶᬍᬯᬶᬄ᭞ᬦᭂ
ᬫ᭄ᬮᬾᬓ᭄ᬯᬸᬯᬸᬲ᭄᭞ᬲᬶᬭᬵᬳᬯᭀᬃᬭᬶᬂᬚ᭄ᬭᭀᬕᬃᬩ᭄ᬩᬵ᭟ᬩᬩᬸᬝᬦ᭄ᬫᬶᬚᬶ᭠ᬮᬂᬲᬦᬓ᭄᭞ᬓᭂᬓ᭄ᬭᬾᬦᬾᬳᬭᬦᬶᬓᬶ᭞ᬲᬧ᭄ᬢᬮᬾᬓ᭄ᬭᬶᬂᬚ᭄ᬭᭀᬕᬃᬩ᭄ᬪ [ 40 ][᭓᭙ 39B]
᭓᭙
ᬲᬦᬓ᭄ᬫᬶᬚᬶᬮ᭄ᬲᬓᬶᬂᬮᬓᬶ᭞ᬩᬩᬸᬳᬃᬩ᭄ᬪᬵᬳᬭᬦᬾᬓᬶ᭞ᬳᬱ᭄ᬝᬮᬾᬓ᭄ᬲᬶᬭᬵᬳᬢ᭄ᬫᬸ᭞ᬫ᭄ᬯᬄᬳᬸᬫᬶᬚᬶᬮ᭄ᬯᬂᬲᬦᬓ᭄᭞ᬗᬭᬦ᭄ᬲᬂᬩᬩᬸᬍᬫ᭄ᬩᬦᬶ
᭞ᬮᬶᬯᬢ᭄ᬮᬸᬧᬸᬢ᭄ᬲᬫᬵᬫᬢᬸᬗ᭄ᬕᬮᬦ᭄ᬧᬗᬦ᭄᭟ᬳᬫᬗᬦ᭄ᬮᬸᬫᬸᬢ᭄ᬭᬶᬂᬲᬾᬮᬵ᭞ᬢᬶᬢᬶᬲᬶᬂᬓᬸᬡ᭄ᬟᬶᬫᬡᬶᬓ᭄᭞ᬳᬫᬺᬢ᭄ᬢᬦ᭄ᬫᬭᬦ᭄ᬲᬶᬬᬲᬸᬓ
᭞ᬫᬗ᭄ᬓᬳᬋᬧ᭄ᬲᬶᬭᬵᬫᬶᬚᬶᬮ᭄᭞ᬢᬶᬩᬵᬫᬭᬶᬂᬩᬲᬸᬦ᭄ᬤᬭᬶ᭞ᬢ᭠ᬦ᭄ᬲᬄᬳᬶᬦᬸᬬᬸᬳᬸᬬᬸ᭞ᬤᬾᬦᬶᬂᬮᬶᬯᬢ᭄ᬓᬶᬦᬲᬶᬳᬦ᭄᭞ᬤᬾᬦᬶᬂᬲ᭠
ᬦᬓ᭄ᬤᬦᬾᬲᬫᬶ᭞ᬧᬸᬗ᭄ᬲᭂᬤ᭄ᬓᭂᬧᬸᬲ᭄᭞ᬫᬮᬶᬄᬳᬧ᭄ᬭᬪᬾᬤᬳᬭᬦ᭄᭟ᬳᬶᬚ᭄ᬮᬳᬶᬃᬳᬭᬦᬶᬓᬵ᭞ᬳᬶᬲᬮᬩᬶᬃᬳᬶᬫᭀᬓᬳᬶᬃ᭞ᬳᬶᬫ᭠
[᭔᭐ 40A]
ᬓᬳᬶᬃᬢᭀᬳᬭᬦ᭄ᬬ᭞ᬳᬯᬦᬶᬭᬵᬢᬃᬓ᭄ᬓᬚᬢᬶ᭞ᬫᬗᬭᬦ᭄ᬲᬂᬮ᭄ᬕᬵᬧ᭄ᬭᬡᬶ᭞ᬯᬢᬭᬢᬶᬕᬂᬲᬶᬢᬗ᭄ᬕᬸ᭞ᬮᬮᬶᬳᬶᬭᬵᬚ᭄ᬯᬭᬶᬂᬲᬦᬓ᭄᭞ᬲ
ᬦᬓ᭄ᬤᬦᬾᬢᬍᬮᬮᬶ᭞ᬢᬶᬕᬂᬢᬳᬸᬦ᭄᭞ᬲ᭄ᬮᬮᬮᬶᬚ᭄ᬯᬫᬲᬦᬓ᭄᭟ᬫᬲᬶᬄᬳᬧᬺᬪᬤ᭄ᬟᬳᬭᬦ᭄᭞ᬫᬶᬯᬄᬭᬹᬧᬦᬶᬧᬸᬦ᭄ᬲᬫᬶ᭞ᬮᬯᬸ
ᬢ᭄ᬧᬥᬤᬦᬾᬓᬾᬲᬄ᭞ᬓᬬᬸᬦ᭄ᬤᬦᬾᬫᬗᬲ᭄ᬢᬶᬢᬶ᭞ᬢᬦ᭄ᬲᬄᬤᬦᬾᬳᬶᬚᬮᬳᬶᬃ᭞ᬭᬶᬂᬧᬹᬃᬯ᭄ᬯᬧᬗᬸᬗ᭄ᬲᬶᬦᬶᬧᬸᬦ᭄᭞ᬳᬶᬲᬮᬩᬶᬃᬢᭀᬧᬸ᭠
ᬦᬶᬓᬵ᭞ᬓᬸᬮᭀᬦᬾᬋᬓᭀᬢᬳᬸᬗ᭄ᬲᬶ᭞ᬳᬦᬾᬗᬶᬤᬸᬮ᭄ᬳᬶᬫ᭄ᬓᬵ᭠ᬳᬶᬃᬚ᭄ᬯᬫᬭᬶᬓᬵ᭟ᬳᬶᬫᭀᬓᬳᬶᬃᬢᭀᬧᬸᬦᬶᬓᬵ᭞ᬳᬸᬢᬭᬦᬾᬚ᭄ᬯ [ 41 ][᭔᭐ 40B]
᭔᭐
ᬓᬳᬸᬗ᭄ᬲᬶ᭞ᬲᬢᬳᬸᬦ᭄ᬋᬓᬾᬮᬯᬲ᭄ᬦ᭄ᬬ᭞ᬳᬶᬓᬵᬲᬫᬶᬧᬥᬍᬯᬶᬄ᭞ᬳᭀᬮᬶᬄᬧᬦᬸᬕ᭄ᬭᬳᬦ᭄ᬯᬶᬥᬶ᭞ᬢᬹᬃᬫᬲᬮᬶᬦ᭄ᬭᬸᬧᬦᬶᬧᬸᬦ᭄᭞᭠
ᬯ᭄ᬬᬓ᭄ᬢᬶᬫᬢ᭄ᬫᬳᬦ᭄ᬤᬾᬢ᭄ᬬ᭞ᬳᬗ᭄ᬕᬧᬢᬶᬫ᭄ᬭᬚᬵᬧᬢᬶ᭞ᬩᬦᬲ᭄ᬧᬢᬶ᭞ᬫ᭄ᬯᬂᬩᬦᬲ᭄ᬧᬢᬶᬭᬵᬚ᭟ᬤᬾᬦᬶᬂᬲᬫᬶᬭᬹᬧᬵᬤᬾᬢ᭄ᬬ᭞ᬳᬶᬓᬸᬫᬮᬶᬄ
ᬦᬗᬸᬦ᭄ᬓᬶᬃᬢ᭄ᬢᬶ᭞ᬜᬢᬹᬃᬗᬲ᭄ᬢᬸᬗ᭄ᬓᬭᬲᬶᬭᬵ᭞ᬢᬦᬲ᭄ᬯᬾᬫᬗᬲ᭄ᬢᬶᬢᬶᬢᬸᬭᬸᬦ᭄ᬲᬂᬳ᭄ᬬᬂᬰᬶᬯ᭄ᬯᬚᬢᬶ᭞ᬳᬲᬸᬂᬮᬸᬕ᭄ᬭᬮᬯᬦ᭄ᬳᬶᬧᬸᬦ᭄᭞ᬢᬹᬃᬫᬮᬶᬄᬫᬲ
ᬮᬶᬭᬸᬧᬵ᭞ᬢ᭄ᬫᬳᬦ᭄ᬲᬂᬚᭀᬕᭀᬃᬫᬡᬶᬓ᭄᭞ᬦᭀᬭᬓᬮᬵ᭞ᬫᬳᬓᬮᬵᬲᬂᬲᬸᬭᬵᬢ᭄ᬫᬵ᭟ᬧᬸᬦᬶᬓᬲᬂᬘᬢᬹᬃᬲᬦᬓ᭄᭞ᬲᬫ᭄ᬧᬸᬦ᭄ᬤᬤᬶ
[᭔᭑ 41A]
ᬤᬾᬯᬚᬦᬶ᭞ᬳᬸᬫᬦ᭄ᬢᬸᬓ᭄ᬭᬶᬂᬰᬶᬯᬮᭀᬓᬵ᭞ᬳ᭄ᬬᬂᬰᬶᬯᬗᬦ᭄ᬤᬶᬓᬳᬭᬶᬲ᭄᭞ᬤᬸᬄᬘᬳᬶᬫᬓᬵᬘᬢᬸᬃᬢᬶ᭞ᬲᬶᬭᬵᬧᬥᬓᬶᬦᭀᬦᬶᬗ᭄ᬲᬸ
ᬦ᭄᭞ᬫᬫ᭄ᬭᬶᬓ᭄ᬱᬳᬢ᭄ᬫᬯᭀᬂᬧᬤᬵ᭞ᬦᬾᬳᬮᬵᬢ᭄ᬓᬾᬦᬶᬂᬬᬸᬓ᭄ᬢᬶ᭞ᬮ᭄ᬯᬶᬃᬲᬶᬭᬵᬢᬸ᭞ᬲᬂᬩ᭄ᬭᬳ᭄ᬫᬵᬡᬯᬾᬱ᭄ᬬᬲᬸᬤᬺ᭟ᬫᬦᬶᬂᬳᬮᬵᬧᬕᬯᬾ
ᬦ᭄ᬬ᭞ᬳᬮᬵᬢ᭄ᬫᬸᬦ᭄ᬬᬯ᭄ᬬᬓ᭄ᬢᬶ᭞ᬳᬬᬸᬳᬸᬮᬳᬾᬲᬢᬢᬵ᭞ᬳ᭠ᬬᬸᬢ᭄ᬫᬸᬦ᭄ᬬᬚᬢᬶ᭞ᬲᬂᬘᬢᬹᬃᬳᬦᭂᬫ᭄ᬩᬄᬳᬭᬶᬲ᭄᭞ᬳᬄᬳᬄᬳᬾᬄᬳᬾᬄ
ᬳᬶᬄᬳᬶᬄᬳᬸᬄᬳᬸᬄ᭞ᬲᬶᬗ᭄ᬕᬶᬄᬧᬥᬸᬓᬪᬝᬭᬵ᭞ᬲᬦᬶᬓᬦ᭄ᬤᬾᬯᬳ᭄ᬬᬂᬫᬫᬶ᭞ᬢᬦ᭄ᬓᬯᬸᬯᬸᬲ᭄᭞ᬲᬂᬘᬢᬸᬃᬭᬶᬂᬰᬶᬯ᭄ᬯᬮᭀᬓᬵ᭟ᬬᬦ᭄ᬓᬵ᭠ [ 42 ][᭔᭑ 41B]
᭔᭑
ᬳᬶᬥᭂᬧ᭄ᬭᬱᬦᬶᬂᬗ᭄ᬯᬂ᭞ᬘᬢᬹᬃᬚᬦ᭄ᬫᬦᬾᬳᭂᬦ᭄ᬢᭀᬕᬸᬮᬶᬓ᭄᭞ᬤᬾᬦᬶᬂᬳᬓ᭄ᬯᬾᬄᬋᬓᬾᬲᬦᬓ᭄᭞ᬬᬸᬦ᭄ᬪᬓ᭄ᬢᬶᬤᬾᬦᬶᬭᬵᬲᬫᬶ᭞ᬦ᭄ᬤᬢᬦ᭄ᬳᬦ
ᬫᬗ᭄ᬯᬶᬱ᭄ᬬᬦᬶᬦ᭄᭞ᬢᬦ᭄ᬧᬲᬲᬃᬚᬢᬶᬦᬶᬓᬸ᭞ᬫ᭄ᬯᬄᬢᬦ᭄ᬓᭂᬦᬾᬂᬚᬭᬵᬫ᭄ᬭᬡ᭞ᬯᭀᬂᬲᬚᬕᬢ᭄ᬧᬥᬳᬲᬶᬄ᭞ᬲᬧᬭᬦ᭄ᬮᬓᬸ᭞ᬩ᭄ᬬᬓ᭄ᬢᬦ᭄ᬫᬸᬨᬮ
ᬪᭀᬕᬵ᭟ᬓᭀᬘᬧ᭄ᬋᬓᬾᬮᬶᬗᬶᬂᬰᬲ᭄ᬢ᭄ᬭ᭞ᬧ᭄ᬭᬲᬦᬓᬾᬳᬸᬫᬶᬚᬶᬮ᭄᭞ᬲᬓᬶᬂᬳᬶᬥᭂᬧ᭄ᬲᬓᬶᬂᬫᬦᬄ᭞ᬲᬓᬶᬂᬲᬩ᭄ᬟᬩᬬᬸᬩᬸᬤ᭄ᬟᬶ᭞ᬲᬓᬶᬂᬢᬸ
ᬢᬹᬃᬲᬹᬓ᭄ᬱ᭄ᬫᬵᬦᬾᬓᬶ᭞ᬫ᭄ᬯᬂᬮᬶᬗ᭄ᬕᬶᬄᬢᬧᬸᬦᬶᬓᬸ᭞ᬢ᭄ᬯᬶᬗᬺᬄᬭᬶᬂᬩ᭄ᬯᬡᬦ᭄ᬢᬵ᭞ᬳᬚᬵᬲᬶᬭᬮᬮᬶᬮᬮᬶ᭞ᬲ᭄ᬕᭂᬄᬲᬸᬕᬸᬄ᭞ᬭᬶᬂᬫᬃᬕᬦᬶᬂᬧᬋᬫ᭄ᬧᬢ
[᭔᭒ 42A]
ᬦ᭄᭟ᬫᬲᬶᬯᬾᬦ᭄ᬢᭂᬦ᭄ᬗᭂᬦ᭄ᬢᬶᬦᬶᬦ᭄ᬲᬸᬢ᭄ᬯ᭞ᬯᬢᭂᬓ᭄ᬤᬾᬯᬢᬦᬾᬲᬫᬶ᭞ᬫᬶᬯᬄᬯᬢᭂᬓ᭄ᬋᬱᬶᬋᬓᭀ᭞ᬕᬦ᭄ᬟᬃᬯ᭄ᬯᬮᬯᬦ᭄ᬕᬦ᭄ᬟᬃᬯ᭄ᬯᬶ᭞ᬲᬫᬶᬲ᭠
ᬫᬶᬧᬥᬲ᭄ᬤᬶᬄ᭞ᬫᬾᬮᬶᬂᬳᬶᬤᬵᬫᬭᬶᬂᬓᬬᬸᬦ᭄᭞ᬓ᭄ᬦᬵᬧᬫᬲ᭄ᬢᭀ᭠ᬦᬶᬂᬳ᭄ᬬᬂ᭞ᬲᬸᬓ᭄ᬱ᭄ᬫᬧᬶᬦᬾᬱ᭄ᬝᬶ᭞ᬯᬶᬥᬶᬳᬶᬓᬸ᭞ᬲᬸᬂᬲᬸᬢ᭄ᬗᬲ᭄ᬢᬯᬳ᭄ᬬᬂᬲᬹᬓ᭄ᬧ᭄ᬫᬵ᭟
ᬲᬫᬶᬳᬫᬗᬸᬦ᭄ᬧ᭄ᬭᬬᭀᬖᬵ᭞ᬫᬬᬰᬫᬬᭀᬖᬵᬫᬓᬾᬃᬢ᭄ᬢᬶ᭞ᬫᬦᬸᬗ᭄ᬕᬮᬤᬲᬾᬦ᭄ᬤ᭄ᬭᬶᬬ᭞ᬧᬜ᭄ᬘᬯᬶᬱᬬᬦᬾᬫᬗ᭄ᬓᬶᬦ᭄
᭞ᬩᬬᬸᬰᬩ᭄ᬟᬵᬳᬶᬥᭂᬧ᭄ᬢᬸᬗ᭄ᬕᬶᬮ᭄᭞ᬫᬭᬕᬵᬧ᭄ᬭᬮᬶᬡᬲᬫ᭄ᬧᬸᬦ᭄ᬧ᭄ᬭᬡᬩᬬᬸᬫᬶᬯᬄᬳᬢ᭄ᬫᬵ᭞ᬫ᭄ᬭᬕᬧ᭄ᬭᬮᬶᬡᬵᬲᬫᬶ᭞ᬳ᭄ᬦᬶᬂᬓᬳ᭄ᬬᬸ [ 43 ][᭔᭒ 42B]
᭔᭒
ᬦ᭄᭞ᬲᬫᬶᬳᬶᬤᬵᬜᬸᬓ᭄ᬮᬵᬭᬵᬕ᭟ᬢᬸᬯᬶᬲᬶᬤ᭄ᬟᬶᬦᬗᬸᬦ᭄ᬩ᭄ᬭᬢᬵ᭞ᬳᬶᬘᬮᬸᬕᬺᬳᬵᬳ᭄ᬬᬂᬯᬶᬥᬶ᭞ᬫᬗ᭄ᬓᬶᬦ᭄ᬓᬳ᭄ᬬᬸᬦ᭄ᬳᬶᬤᬵᬜᬸᬧᬢ᭄᭞ᬦ᭄ᬭᬓ
ᬦ᭄ᬤᬾᬯᬦᬾᬲᬫᬶ᭞ᬕᬦ᭄ᬟᬃᬯ᭄ᬯᬫᬶᬯᬄᬕᬦ᭄ᬟᬃᬯ᭄ᬯᬶ᭞ᬓᬯᬶᬮᬸᬕ᭄ᬭᬫᬗ᭄ᬕᬶᬄᬳᬬᬸ᭞ᬢᬶᬦᬶᬩᬦ᭄ᬧᬹᬚᬵᬯᬾᬤ᭄ᬟᬵ᭞ᬫᬳᬃᬤ᭄ᬟᬶᬓᬵᬓᬤᬶᬗᬹᬦᬶ᭞ᬦᬾ
ᬦᬾᬓᬦ᭄ᬢᬸᬦ᭄᭞ᬳ᭄ᬬᬂᬰᬶᬯ᭄ᬯᬳ᭄ᬬᬮᬸᬫᬗ᭄ᬮᬂ᭞ᬪᬕᬯᬵᬦ᭄ᬮᬸᬫᬗ᭄ᬮᬂᬓᭀᬘᬧ᭄᭞ᬓᬦ᭄ᬢᬸᬦ᭄ᬤᬤᭀᬲ᭄ᬕᬕᬓ᭄ᬧᬸᬢᬶᬄ᭞ᬫᬗ᭄ᬮᬬᬂᬗᬸᬫ᭄ᬩᬭᬤᬾᬰ
᭞ᬗᬶᬤᬸᬮ᭄ᬮᬾᬗᬸᬮᭀᬦ᭄ᬯᬾᬢᬦᬶ᭞ᬳᬶᬤᬵᬳ᭄ᬬᬂᬰᬶᬯ᭄ᬯᬫᬗ᭄ᬓᬶ᭠ᬦ᭄᭞ᬓᬭᬶᬤᬤᭀᬲ᭄ᬢᬶᬢᬶᬭᬦ᭄ᬩ᭄ᬭᬸᬦ᭄ᬩᬸᬦ᭄᭞ᬫᬓ᭄ᬩᭂᬃᬗ᭄ᬮᬬᬂᬭᬶᬂᬤᬰ
[᭔᭓ 43A]
ᬢ᭄ᬮᬲ᭄ᬕᬸᬫᬶᬳᬶᬍᬳᬶᬦ᭄᭞ᬢᬶᬗ᭄ᬕᬄᬢᬸᬭᬸᬦ᭄᭞ᬓᬰ᭄ᬯᬃᬕ᭄ᬕᬦ᭄ᬓᬫᭂᬃᬘ᭄ᬘᬧᬥᬵ᭟ᬯᬢᭂᬓ᭄ᬪᬕᬯᬦ᭄ᬘᬭᬶᬢᬵ᭞ᬢᬸᬭᬸᬦ᭄ᬳᬶᬤᬵᬫᬭᬶᬂᬕᬸᬫᬶ᭞ᬫ᭠
ᬭᬶᬂᬫᬦᬸᬱᬋᬓᭀ᭞ᬲᬫᬶᬧᬥᬢᬺᬱ᭄ᬡᬂᬳᬢᬶ᭞ᬲᬮᬶᬂᬧᬥᬫᬶ᭠ᬓᭀᬮᬶᬳᬶᬦ᭄᭞ᬪᬕᬯᬵᬦ᭄ᬲᬸᬓᬵᬭᬶᬂᬓᬳ᭄ᬬᬦ᭄᭞ᬫᬕᭂᬦ᭄ᬢᭂᬦ᭄ᬭᬶᬂ
ᬫᬦᬸᬱᬋᬓᭀ᭞ᬲᬸᬓᬵᬳᬶᬥᭂᬧ᭄ᬲᬶᬮᬶᬄᬳᬲᬶᬄ᭞ᬫᬮᬶᬄᬲᬸ᭠ᬦ᭄ᬤᬸᬮ᭄᭞ᬓᬳ᭄ᬬᬸᬦ᭄ᬳᬶᬤᬵᬦᬾᬪᬕᬯᬵᬦ᭄᭟ᬫᬗ᭄ᬓᬶᬦ᭄ᬳᬶᬤᬵᬫᬦᬸᬭᬸ
ᬦᬂ᭞ᬓᬦ᭄ᬤᬦ᭄ᬕᬕᬫᬦᬾᬲᬫᬶ᭞ᬧᬹᬃᬯ᭄ᬯᬳᬕᬫᬵᬓᬫᭀᬓ᭄ᬱᬦ᭄᭞ᬯᬭᬶᬕᬵᬢᬸᬢᬹᬃᬲᬬᬸᬓ᭄ᬢᬶ᭞ᬥᬃᬫ᭄ᬫᬰᬲ᭄ᬢ᭄ᬭᬦᬾᬢᬦ᭄ᬓᬭᬶ᭞ᬯᬶᬲᬥᬵ [ 44 ][᭔᭓ 43B]
᭔᭓
ᬤᬾᬯ᭄ᬯᬧᬫᬲ᭄ᬢᬸ᭞ᬩᬸᬤ᭄ᬟᬵᬓ᭄ᬘᬧᬩᬩ᭄ᬭᬢᬦ᭄᭞ᬯᬶᬲᬤ᭄ᬟᬵᬫ᭄ᬯᬄᬓ᭄ᬮᬶᬫᭀᬱᬥᬶ᭞ᬲᬫᬶᬲᬵᬫ᭄ᬧᬸᬦ᭄ᬓᬮᬸᬕ᭄ᬭᬳᬭᬶᬂᬫᬦᬸᬱ᭟ᬫ᭄ᬯᬄᬰᬲ᭄ᬢ᭄ᬭᬯ᭄ᬬᬜ᭄ᬚ᭠
ᬡ᭞ᬤᬰᬓ᭄ᬱᬭᬵᬳᬶᬓᬵᬲᬫᬶ᭞ᬧᬜ᭄ᬘᬓ᭄ᬱᬭᬵᬓᭀᬘᬧ᭄ᬋᬓᭀ᭠᭞ᬢ᭄ᬭ᭄ᬬᬵᬓ᭄ᬱᬭᬵᬲᬵᬫ᭄ᬧᬸᬦ᭄ᬬᬸᬓ᭄ᬢᬶ᭞ᬫᬶᬯᬄᬮᬦ᭄ᬓᬶᬤᬸᬂᬓᬤᬯᬶᬦ᭄᭞
ᬧ᭄ᬭᬣᬶᬣᬶᬲᬸᬡ᭄ᬟᬭᬶᬢ᭄ᬭᬸᬲ᭄᭞ᬫᬦ᭄ᬓᬾᬓᭂᬃᬢ᭄ᬣᬓᬂᬦᬵᬕᬭᬵ᭞ᬲᬵᬫ᭄ᬧᬸᬦ᭄ᬓ᭠ᬮᬸᬕ᭄ᬭᬳᬦ᭄ᬫᬗ᭄ᬓᬶᬦ᭄᭞ᬓᬾᬦᬓ᭄ᬓᬳ᭄ᬬᬸᬦ᭄ᬪᬕᬯᬵᬦ᭄ᬳᬶᬘᬵᬧᬶᬦᬸᬕ᭄ᬭ᭟ᬧᬢᬸ᭠
ᬢ᭄ᬧ᭄ᬭᬓᬺᬢ᭄ᬢᬦᬶᬂᬚᬕᬢ᭄᭞ᬭᬶᬂᬭᬳᬶᬦᬵᬫᬶᬯᬄᬭᬶᬂᬯ᭄ᬗᬶ᭞ᬯ᭄ᬬᬓ᭄ᬢᬶᬜᬦᭀᬭᬘᬶᬦᬾᬤᬵ᭞ᬲᬫᬧᬢᬸᬄᬫᬓᬵᬪᬹᬫᬶ᭞ᬧᬫᬹᬃᬢ᭄ᬢᬶᬦ᭄ᬚᬕᬢᬾ
[᭔᭔ 44A]
ᬍᬯᬶᬄ᭞ᬫ᭄ᬮᭂᬢᬶᬓ᭄ᬓᬂᬲᬃᬯ᭄ᬯᬢᬶᬦᬦ᭄ᬤᬸᬃ᭞ᬚᬕᬢᬾᬦᭀᬭᬓᬫ᭄ᬭᬡᬦ᭄᭞ᬳᬦ᭄ᬢᬸᬓ᭄ᬳᬶᬤᬵᬳᬶᬤᬵᬍᬯᬶᬄ᭞ᬫᬗᬹᬦ᭄ᬳᬬᬸ᭞ᬚᬕᬢᬾᬭᬶᬂᬫᬥ᭄ᬬᬧᬥᬵ
᭟ᬳᬦ᭄ᬢᬸᬓ᭄ᬲᬫᬶᬓᬢᬺᬱ᭄ᬡᬬᬦ᭄᭞ᬪᬕᬯᬵᬦ᭄ᬳᬶᬘᬵᬭᬶᬂᬳᬢᬶ᭞ᬫᬓᬭᭀᬦᬦ᭄ᬭᬶᬂᬫᬦᬸᬱ᭞ᬧᬥᬵᬲᬶᬮᬶᬄᬧᬓᭀᬮᬶᬳᬶᬦ᭄᭞ᬪᬕᬯᬵᬦ᭄ᬳᬶ᭠
ᬤᬵᬢᬦ᭄ᬓᬭᬶ᭞ᬮᬾᬤᬂᬓᬬᬸᬦᬾᬲᬢᬸᬯᬸᬓ᭄᭞ᬫᬲᬶᬲ᭄ᬬᬧᬥᬵᬫᬲᬶᬲ᭄ᬬᬦ᭄᭞ᬳᭂᬦ᭄ᬤᬸᬄᬳᬶᬓᬂᬪᬸᬫᬶ᭞ᬓ᭄ᬱᬢ᭄ᬭ᭄ᬬᬵᬯᬾᬱ᭄ᬬᬮᬦ᭄ᬩ᭄ᬭᬳ᭄ᬫᬡ
᭟ᬲᬫᬶᬧᬥᬵᬧ᭄ᬭᬫᬵᬲᬸᬓᬵ᭞ᬮ᭄ᬯᬶᬄᬧᬫᬸᬓ᭄ᬢᬶᬦᬶᬂᬩᬸᬫᬶ᭞ᬚᬯᬩᬮᬶᬫᬶᬯᬄᬳᬭᬩ᭄᭞ᬘᬶᬦᬵᬳᬶᬗ᭄ᬕ᭄ᬭᬶᬲ᭄ᬮᬦ᭄ᬯᬮᬦ᭄ᬤᬶ᭞ᬤᬕᬶᬂᬓᬸᬧᬭᬵᬦᬾᬫ [ 45 ][᭔᭔ 44B]
᭔᭔
ᬗ᭄ᬓᬶᬦ᭄᭞ᬧᬥᬵᬲᬫᬶᬲᬸᬓᬾᬂᬓᬳ᭄ᬬᬸᬦ᭄᭞ᬋᬖᬵᬧᬓᬺᬢ᭄ᬢᬦᬶᬂᬚᬕᬢ᭄᭞ᬧᬢᬸᬄᬚᬤ᭄ᬫᬵᬫᬓᬵᬪᬹᬫᬶ᭞ᬲᬫᬶᬫᬸᬧᬸ᭞ᬓᬳ᭄ᬬᬸᬦ᭄ᬲᬂᬳ᭄ᬬᬂᬯᬶ᭠
ᬥᬶᬯᬰ᭟ᬦᬾᬫᬗ᭄ᬓᬶᬦ᭄ᬫᬮᬶᬄᬘ᭄ᬭᬶᬢᬬᬂ᭞ᬢᬗ᭄ᬓᬄᬲᬂᬩᬕᬾᬦ᭄ᬟᬮᬶ᭞ᬫᬸᬂ᭠ᬧᬸᬂᬓᬲ᭄ᬫᬭᬦᬾᬫᬗ᭄ᬓᭀ᭞ᬲᬢ᭄ᬬᬂᬲᬫᬶᬮᬦᬂᬳᬶᬲ᭄ᬢ᭄ᬭᬶ᭞ᬓᬤᬶᬓᬸᬫ᭄ᬩᬂᬗᬶᬲᭂ
ᬧ᭄ᬲᬭᬶ᭞ᬳᬸᬮᬗᬹᬦ᭄ᬧᬥᬲᬮᬸᬮᬸᬢ᭄᭞ᬫᬢᭂᬫ᭄ᬯᬂᬳᬲ᭄ᬢ᭄ᬭᬲ᭄ᬫᬭᬵ᭞ᬳᬗᬺᬕᭂᬧ᭄ᬳᬚ᭄ᬜᬡᬵᬲᬫᬶ᭞ᬲᬓ᭄ᬢᬶᬢ᭄ᬭᬸᬲ᭄ᬫᬗᬺᬕᭂᬧ᭄ᬋᬱᬶᬩᬕᬾᬦ᭄ᬤᬵ᭟ᬓᬲ᭄ᬯᬾᬦ᭄ᬳᬶ
ᬤᬵᬫᬭᬩ᭄ᬬᬦ᭄᭞ᬮᬯᬦ᭄ᬤᬾᬯᬶᬲᬸᬓᬵᬲᬾᬦᬶ᭞ᬭᬭᬶᬲ᭄ᬫᬗ᭄ᬓᬶᬦ᭄ᬳᬶᬤᬫᭀᬜᭀᬢ᭄᭞ᬫ᭄ᬢᬸᬧᬸᬢ᭄ᬭᬦ᭄ᬜᬦᬾᬫᬗ᭄ᬓᬶᬦ᭄᭞ᬳᬓ᭄ᬯᬾᬄᬧ᭄ᬭᬘᬶᬭᬶ
[᭔᭕ 45A]
ᬦᬾᬮ᭄ᬯᬶᬄ᭞ᬩᬕᬾᬦ᭄ᬟᬵᬲᬸᬓᬭᬶᬂᬓᬳ᭄ᬬᬸᬦ᭄᭞ᬩᬕᬸᬲ᭄ᬯᬃᬖ᭄ᬦᬦᬾᬕᬸᬫᬶᬮᬂ᭞ᬓᬤᬶᬯᭀᬂᬲ᭄ᬯᬃᬕ᭄ᬕᬦ᭄ᬳᬦ᭄ᬮᭂᬳᬶᬦ᭄᭞ᬲᬫᬶᬳᬸᬢᬸᬤ᭄ᬫᬳᬭᬦ᭄ᬭᬤᬾ
ᬦ᭄ᬫᬸᬳᬫᬤ᭄᭟ᬲᬓᬢᬳᬶᬂᬓᬤᬂᬫᬶᬢ᭄ᬭ᭞ᬲᬫᬶᬳᬲᬶᬄᬮᬦᬂᬳᬶᬲ᭄ᬢ᭄ᬭᬶ᭞ᬧᬥᬵᬋᬓᬾᬫᬜᬬᬗᬂ᭞ᬭᬭᬾᬦᬾᬗᬜᬸᬤᬂᬳᬢᬶ᭞ᬳᬦ᭠
ᬓ᭄ᬳᭀᬥᬄᬘᬭᬶᬢᬵᬫᬗ᭄ᬓᬶᬦ᭄᭞ᬫ᭄ᬬᬃᬱᬩᬕᬾᬦ᭄ᬟᬳᬶᬓᬸ᭞ᬳᬦ᭠ᬓ᭄ᬳᭀᬥᬄᬮᬶᬦ᭄ᬢᬂᬲᬸᬓᬵ᭞ᬭᬶᬂᬳᬶᬤᬵᬲᬂᬩᬕᬾᬦ᭄ᬟᬮᬶ᭞ᬢᬹᬃᬓᬳᬢᬹᬃ᭞᭠
ᬫᬮᬶᬗ᭄ᬕᬶᬄᬭᬶᬂᬦᬵᬕᬭᬾᬂᬲᬶᬬᬫ᭄᭟ᬓᬳᬸᬭᬸᬕ᭄ᬩᬦ᭄ᬭᬚᬵᬡ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬲᬳᬶᬭᬶᬂ᭞ᬫᬶᬯᬄᬧᬸᬭᬶᬳᬧᬍᬩᬄ᭞ᬲᬵ [ 46 ][᭔᭕ 45B]
᭔᭕
ᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬳ᭄ᬬᬘᬸᬫᬯᬶᬲ᭄᭞ᬫᬓᬵᬧᬢᬶᬃᬢ᭄ᬢᬦᬶᬓᬂᬪᬹᬫᬶ᭞ᬳᬶᬭᬶ᭠ᬓᬶᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬲ᭄ᬯᬾᬲᬵᬫ᭄ᬧᬸᬦ᭄ᬳᬶᬤᬵᬭᬶᬂᬲ᭄ᬬᬫ᭄᭞ᬭᬩᬶᬦᬾᬫᬮᬶᬄ
ᬕᬃᬩ᭄ᬪᬶᬦᬶ᭞ᬭᬭᬶᬲ᭄ᬫᭂᬢᬸ᭞ᬓᬂᬳᬭᬶᬦᬾᬭᬤᬾᬦ᭄ᬳᬵᬫᬤ᭄᭟ᬩᬕᬾᬦ᭄ᬟᬲᬸᬓᬵᬭᬶᬂᬫᬦᬄ᭞ᬮᬯᬦᬾᬯᬲᬸᬓᬵᬲᬫᬶ᭞ᬧᬥᬵᬬᬫᬸᬧᬸᬓᬲ᭄ᬫᬭ
ᬦ᭄᭞ᬢᬦ᭄ᬘᬭᬶᬢ᭄ᬣᬲᬵᬫ᭄ᬧᬸᬦ᭄ᬮᬫᬶ᭞ᬫᬮᬶᬄᬳᬶᬤᬵᬲᬂᬳ᭄ᬬᬂᬓᬯᬶ᭞ᬗᬯᬾᬮᬮᬫ᭄ᬧᬳᬦᬶᬓᬸ᭞ᬧᬘᬂᬓᬢ᭄ᬭᬗᬦ᭄ᬭᬶᬂᬚᬕᬢ᭄᭞ᬳᬗ᭄ᬕᬾᬦ᭄ᬢᬸᬢᬹᬃ᭠
ᬲᬢ᭄ᬯᬕᬸᬭᬶᬢ᭄᭞ᬲᬮᬶᬂᬲᬸᬦ᭄ᬤᬸᬮ᭄᭞ᬮᬮᬫ᭄ᬧᬳᬦ᭄ᬳ᭄ᬬᬂᬲᬹᬓ᭄ᬱ᭄ᬫᬵ᭟ᬲᬂᬳ᭄ᬬᬂᬓᬯᬶᬫᬗᬃᬬ᭄ᬬᬦᬂ᭞ᬮᬮᬫ᭄ᬧᬳᬦ᭄ᬲᬓᬶᬂᬪᬹᬫᬶ᭞ᬲᬫᬶᬭ
[᭔᭖ 46A]
ᬢᬸᬫᬭᬶᬂᬤᬸᬦ᭄ᬬ᭞ᬓ᭄ᬱᬢ᭄ᬭ᭄ᬬᬵᬯᬾᬱ᭄ᬬᬩ᭄ᬭᬳ᭄ᬫᬵᬡᬲᬫᬶ᭞ᬭᬯᬸᬄᬭᬶᬂᬭᬢᬸᬳ᭄ᬚᬶᬦ᭄᭞ᬲᬫᬶᬬᬧᬥᬵᬓᬯᬸᬯᬸᬲ᭄᭞ᬤᬤᭀᬲ᭄ᬲᬫᬶᬮᬮ
ᬫ᭄ᬧᬳᬦ᭄᭞ᬳᬶᬘᬵᬳᬶᬤᬵᬲᬂᬳ᭄ᬬᬂᬓᬯᬶ᭞ᬗᬯᬶᬢ᭄ᬜᬸᬫᬸ᭞ᬩᬕᬾᬦ᭄ᬤᬮᬶᬓᬘᬭᬶᬢᬵ᭞ᬚᬜ᭄ᬚᬶᬦ᭄ᬳᬶᬤᬵᬫᬲᬸᬭᬹᬧᬦ᭄᭞ᬫᬮᬶᬄᬲᬶᬭᬫᭀ
ᬓ᭄ᬢᬄᬫᬗ᭄ᬓᬶᬦ᭄᭞ᬲᬤᬓᬵᬫᬮᬶᬄᬳᬩᬸᬮᬦ᭄᭞ᬲᬵᬫ᭄ᬧᬸᬦ᭄ᬫᬧᬶ᭠ᬢᬸᬢᬹᬃᬫᬗ᭄ᬓᬶᬦ᭄᭞ᬧᬗᬦ᭄ᬤᬶᬓᬳᬶᬤᬵᬫᬦᬶᬲ᭄᭞ᬳᬢ᭄ᬫᬵᬚᬶᬯᬕᬭᬦᬶ
ᬗ᭄ᬲᬸᬦ᭄᭞ᬲᬸᬓᬵᬲᬾᬦᬶᬳᬢ᭄ᬫᬚᬶᬯ᭞ᬩ᭄ᬮᬶᬲᬵᬫ᭄ᬧᬸᬦ᭄ᬦᬫ᭄ᬧᭂᬓ᭄ᬚᬦ᭄ᬤᬶ᭞ᬧᬘᬂᬫᬦ᭄ᬢᬸᬓ᭄᭞ᬦᬶᬗ᭄ᬕᬮᬶᬦ᭄ᬳᬶᬤᬾᬯᬲᬤ᭄ᬟᬵᬫᬓᬃᬕ᭄ᬕᬦ᭄ᬩᭂᬮᬶ [ 47 ][᭔᭖ 46B]
᭔᭖
ᬫᭀᬦ᭄ᬢᬄ᭞ᬫᬦᬸᬚᬸᬰᬸᬓ᭄ᬭᬦ᭄ᬫᬭᬓᬶᬄ᭞ᬰᬰᬶᬄᬓᬤᬰᬦᬾᬓᭀᬘᬧ᭄᭞ᬢᬗ᭄ᬕᬮ᭄ᬧᬶᬂᬢ᭄ᬮᬸᬮᬲ᭄ᬯᬓ᭄ᬢᬶ᭞ᬲᬤᬬᬢᬦᬵᬧ᭄ᬭᬣᬶᬣᬶ᭞ᬫᬓᬫᬃᬕ᭄ᬕ᭠
ᬦ᭄ᬩᭂᬮᬶᬮᬫ᭄ᬧᬸᬲ᭄᭞ᬫᬸᬮᬶᬄᬭᬶᬂᬓᬤᬾᬯᬢᬦ᭄᭞ᬳᬤᬶᬓᬭᬶᬳᬧᬂᬩ᭄ᬲᬶᬓ᭄᭞ᬫᬗ᭄ᬤᬵᬲᬫ᭄ᬧᬸᬦ᭄᭞ᬳᬤᬶᬳ᭄ᬮᬲ᭄ᬢᭂᬓᬾᬦ᭄ᬧᬸᬢ᭄ᬭ᭟ᬲᬋᬂᬳᬩᬶᬦ᭄ᬫ
ᬢᬹᬃᬦᭂᬫ᭄ᬩᬄ᭞ᬤᬸᬄᬤᬾᬯᬦ᭄ᬢᬶᬢ᭄ᬬᬂᬳᬶᬕᬸᬲ᭄ᬢᬶ᭞ᬗᬸᬤᬵᬕ᭄ᬮᬶᬲ᭄ᬫᬗ᭄ᬕᬶᬄᬰ᭄ᬯᬃᬕ᭄ᬕᬦ᭄᭞ᬤᬸᬭᬸᬂᬯᬦᬾᬄᬢᬶᬢ᭄ᬬᬂᬬᬸᬓ᭄ᬢᬶ᭞ᬫᬮᬶᬄᬧᬸᬢ᭄ᬭᬓᬭᬶᬳᬮᬶᬢ᭄᭞ᬲᬵᬫ᭄ᬧᬸ
ᬦᬂᬳᬸᬕᬶᬳᬶᬭᬢᬸ᭞ᬮᬲ᭄ᬧᬘᬂᬦᬶᬗ᭄ᬕᬮ᭄ᬤᬾᬰ᭞ᬧᬥᬦᭂᬫ᭄ᬩᬄᬲᬃᬯ᭄ᬯᬶᬦᬗᬶᬲ᭄᭞ᬗ᭄ᬮᬸᬢ᭄ᬲᬸᬓᬸ᭞ᬩᬕᬾᬦ᭄ᬤᬵᬭᬭᬶᬲ᭄ᬗᬦ᭄ᬤᬶᬓᬵ᭟ᬧᬸᬢ᭄ᬭᬦᬾᬳᬩᬶ᭠
[᭔᭗ 47A]
ᬦ᭄ᬢᬸᬃᬳᬭᬲ᭄᭞ᬫᬲᬶᬄᬕᬸᬭᬸᬤᬾᬯᬕᬸᬲ᭄ᬢᬶ᭞ᬫᭀᬕᬵᬲᬶᬭᬵᬫᬗ᭄ᬕᬶᬄᬩᬕ᭄ᬬ᭞ᬓᬲᬫ᭄ᬧᭀᬮᬶᬄᬭᬶᬂᬳ᭄ᬬᬂᬯᬶᬥᬶ᭞ᬫᬗ᭄ᬕᬶᬄᬫᬳᬵᬃᬤ᭄ᬟᬶᬓᬵᬮ᭄ᬯᬶᬄ᭞ᬓᬲᬶ
ᬦᬸᬗᬦ᭄ᬭᬶᬂᬳ᭄ᬬᬂᬢᬸᬥᬸᬄ᭞ᬫᬗ᭄ᬕᬶᬄᬓᬯᬶᬃᬬ᭄ᬬᬦ᭄ᬚᬕᬢ᭄᭞ᬓᬶᬦᬲᬶᬳᬦ᭄ᬤᬾᬦᬶᬂᬪᬹᬫᬶ᭞ᬯᬲ᭄ᬢᬸᬲᬶᬭᬵᬫᬫᬗ᭄ᬕᬶᬄᬉᬢ᭄ᬢᬫᬵ᭟ᬫᬗ᭄ᬓᬶᬦ᭄ᬦᬫ᭄ᬧᬓ᭄ᬧᬲᬸᬩ᭠
ᬬᬵ᭞ᬫᬮᬶᬄᬢᬶᬕᬂᬤᬶᬦᬵᬯ᭄ᬬᬓ᭄ᬢᬶ᭞ᬩᬕᬾᬦ᭄ᬟᬳᬸᬫᬚᬃᬢ᭄ᬭᬂ᭞ᬫᬭᬶ᭠ᬳᬦᬓ᭄ᬳᭀᬤᬄᬫᬗ᭄ᬓᬶᬦ᭄᭞ᬓᭀᬤᬄᬫᬦᬶᬭᬵᬧᬫᬶᬢ᭄᭞ᬲᬶᬤ᭄ᬟᬦᬶᬂ
ᬫᭀᬓ᭄ᬢᬄᬫᬗ᭄ᬓᭀᬓᬸ᭞ᬭᬾᬄᬫᬗ᭄ᬓᬶᬦ᭄ᬚᬜ᭄ᬚᬶᬦᬶᬗ᭄ᬯᬂ᭞ᬤᬶᬫᭂᬃᬘ᭄ᬘᬧᬥᬫᬳᬸᬭᬶᬧ᭄᭞ᬳᬶᬗ᭄ᬲᬸᬦ᭄ᬫᬦ᭄ᬢᬸᬓ᭄᭞ᬫᬦᬸᬗ᭄ᬓᬧ᭄ᬭᬶᬂᬲ᭄ᬯᬃᬕ᭄ᬕᬪᬯᬡᬵ᭟ᬦᬓᭀᬤ [ 48 ][᭔᭗ 47B]
᭔᭗
ᬫᬵᬢᬹᬃ ᬳᬦᭂᬫ᭄ᬩᬄ᭞ᬗᬸᬤᬵᬮᬮᬶᬲ᭄ᬲᬦ᭄ᬳᬶᬕᬸᬲ᭄ᬢᬶ᭞ᬫᬦᬶᬗ᭄ᬕᬮᬶᬦ᭄ᬧᬸᬢ᭄ᬭᬋᬓᭀ᭞ᬤᬾᬦᬶᬂᬓᬦ᭄ᬢᬸᬦ᭄ᬳᬮᬶᬢ᭄ᬳᬮᬶᬢ᭄᭞ᬫᬮᬶᬄᬤ᭄ᬬᬄᬲᬸᬓᬵᬲᬾᬦᬶ᭞ᬫ
ᬦᬗᬶᬲ᭄ᬳᬗ᭄ᬮᬸᬢ᭄ᬲᬸᬓᬸ᭞ᬬᬾᬄᬧᬦᭀᬦ᭄ᬧᬢᬸᬭᬫ᭄ᬩ᭄ᬬᬲ᭄᭞ᬢ᭄ᬮᬲ᭄ᬧ᭠ᬗ᭄ᬕᭀᬦ᭄ᬓᬲ᭄ᬬᬫᬶᬦ᭄᭞ᬬᬓ᭄ᬢᬶᬢᬸᬳᬸ᭞ᬲᬫᬶᬲᬢ᭄ᬬᬾᬂᬭᬶᬂᬩᬕᬾᬦ᭄ᬤᬵ᭛
᭐᭛ᬧᬸᬦᬶᬓᬶᬢᬸᬢᬹᬃᬘᬘᬗ᭄ᬓ᭄ᬭᬶᬫᬦ᭄᭞ᬓᬲᬸᬭᬵᬢ᭄ᬳᭀᬮᬶᬄᬳᬶᬤᬵᬩᬕᬸᬲ᭄ᬓᭂᬢᬸᬢ᭄ᬭᬳᬶ᭞ᬕ᭄ᬭ᭄ᬬᬵᬚᬸᬗᬸᬢᬦ᭄᭞ᬩᬸᬗ᭄ᬳᬵᬬᬵ᭞ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂ᭠
ᬭᬳᬶᬦᬵ᭞ᬰᬸ᭞ᬧᬹ᭞ᬯᬭᬫ᭄ᬤᬂᬲ᭄ᬬ᭞ᬰᬰᬶᬄ᭞ᬓ᭞᭗᭟ᬢᬂ᭞ᬧᬶᬂ᭞᭑᭒᭟ᬳᬶᬰᬓᬵ᭞᭑᭙᭐᭙᭛᭜᭛