Ban/Gaguritan Cacangkriman 02

Deskripsi

Naskah

[ 1 ][PERPUSTAKAAN KTR.DOKBUD BALI PROP. BALI
G/IV/3/DOKBUD
Judul : Gaguritan Cacangkriman 2
Panjang : 34 Cm. Lb.:3,5 Cm. Jumlah:11 Lembar
Asal: I Wayan Samba, Kubuanyar, Kubutambahan.]
[᭑ 1A]
᭚ᬓᬶᬤᬸᬂᬘᬘᬗ᭄ᬓ᭄ᬭᬶᬫᬦ᭄᭟ [ 2 ][᭑ 1B]
ᬑᬁᬅᬯᬶᬖ᭄ᬦᬫᬲ᭄ᬢᬸ᭟᭜᭟ᬧᬸᬄᬧᬸᬘᬸᬂ᭟᭜᭟ᬤᬾᬭᬫᭂᬢᬸ᭞ᬤᬸᬓ᭄ᬓᬭᬶᬤᬶᬕᭂᬤᭀᬂᬩᬢᬸ᭞ᬳᬦᬓᬯᬸᬯᬸᬲᬦ᭄᭞ᬲᬂᬓᬫᬧᭂᬝᬓ᭄ᬧᬸᬦᬶᬓᬶ᭞ᬓᬫᬤᬤᬸ᭞ᬓᬫᬩᬵᬂ
ᬮᬭᬵᬕᬤᬾᬯ᭟᭜᭟ᬗᬾᬓᬩᬬᬸ᭞ᬭᬶᬂᬚ᭄ᬭᭀᬦᬶᬂᬯᭂᬢᭂᬂᬧᬸᬦᬶᬓᬸ᭞ᬲᬂᬳ᭄ᬬᬂᬫᬺᬢᬪᬸᬯᬦ᭞ᬳᬲᬸᬂᬢᬥᬄᬲᬳᬶᬲᬳᬶ᭞ᬭᭀᬂᬲᬶᬢᬗ᭄ᬲᬸ᭞ᬲᬸᬩᬫᬭᬾᬓ᭠
ᬫᬵᬦᬸᬱ᭟᭜᭟ᬦᬾᬫᬦᬸᬗ᭄ᬕᬸ᭞ᬤᬸᬓ᭄ᬓᬭᬶᬤᬶᬕᭂᬤᭀᬂᬩᬢᬸ᭞ᬲᬂᬳ᭄ᬬᬂᬘᬢᬸᬃᬪᬸᬯᬦ᭞ᬲᬵᬦᬓᬶᬭᬧᭂᬢᬂᬤᬶᬭᬶ᭞ᬤᬶᬢᬸᬦᬸᬗ᭄ᬕᬸ᭞ᬲᬂᬳ᭄ᬬᬂᬭᬭᬾᬭᬶᬂᬯᬮᬓᬂ᭟
᭐᭟ᬜᬫᬘᬢᬸᬃ᭞ᬲᬫᬶᬫᬦᬸᬗ᭄ᬕᬸᬬᬤᬶᬢᬸ᭞ᬲᬫᬶᬧᬥᬬᬢ᭄ᬦ᭞ᬫᬲᬶᬓᭂᬧ᭄ᬩᬚ᭄ᬭᬫᬗᭂᬦ᭄ᬤᬶᬄ᭞ᬤᬦᬾᬘᬸᬘᬸ᭞ᬫᬲᬶᬓᭂᬧ᭄ᬲᬤᬸᬗᬭᬜᬩ᭄᭟᭜᭟
[᭒ 2A]
ᬦᬾᬳᬩᭂᬲᬶᬓ᭄᭞ᬫᭂᬦ᭄ᬢᬂᬦᬵᬕᬧᬵᬰᬳᬶᬓᬸ᭞ᬳᬤᬗᬕᭂᬫ᭄ᬘᬓ᭄ᬭ᭞ᬗᬗ᭄ᬕᬃᬧᭂᬤᬂᬗᬸᬦᬸᬲ᭄ᬓ᭄ᬭᬶᬲ᭄᭞ᬤᬦᬾᬘᬸᬘᬸ᭞ᬫᬲᬶᬓᭂᬧ᭄ᬲᬤᬸᬫᬗᬩᬃ᭟᭜᭟ᬧᬥᬯ᭄ᬭᬸᬄ᭞ᬫ
ᬗᭂᬫᬶᬢ᭄ᬳᬶᬩᬭᬓ᭄ᬤᬶᬢᬸ᭞ᬤᬶᬕᭂᬤᭀᬂᬧᬢᬮ᭞ᬧᬤᬬᬢ᭄ᬦᬧᬥᬬᬬᬶ᭞ᬤᬶᬢᬸᬦᬸᬗ᭄ᬕᬸ᭞ᬲᬵᬫ᭄ᬧᬸᬦ᭄ᬦᭂᬫ᭄ᬩᬸᬮᬦ᭄ᬳᬶᬭᬶᬓ᭟᭜᭟ᬧᬥᬳᬲᬸᬂ᭞ᬧᬤᬾᬯᬰᬲᬂᬫᬦᬸ
ᬗ᭄ᬕᬸ᭞ᬫᬤᬸᬮᬸᬭᬦ᭄ᬲᬥ᭄ᬬ᭞ᬤᬤᬶᬧᬥᬮᬸᬮᬸᬢ᭄ᬳᬲᬶᬄ᭞ᬲᬦᬾᬘᬢᬸᬃ᭞ᬫᬓᬳᭂᬗᬦ᭄ᬗᬚᬓ᭄ᬫᬤᬮ᭄᭟᭜᭟ᬩᬭᬓ᭄ᬩᬕᬸᬲ᭄᭞ᬚᬮᬦ᭄ᬫᬤᬮ᭄ᬓᬫᬥ᭄ᬬᬳᬶᬓᬸ᭞ᬢᬶ
ᬢ᭄ᬬᬂᬗᭂᬫ᭄ᬩᬦᬶᬤᬾᬯ᭞ᬭᬶᬂᬫᬥ᭄ᬬᬧᬤᬮᬸᬫᬭᬶᬲ᭄᭞ᬩᬭᬓ᭄ᬩᬕᬸᬲ᭄᭞ᬧᬲᬯᬸᬭᬾᬢᬦ᭄ᬳᬧᬜ᭄ᬚᬂ᭟᭜᭟ᬳᭂᬗ᭄ᬓᬾᬦ᭄ᬤᬸᬫᬸᬦ᭄᭞ᬦᬢᬲᬂᬭᬸᬭᬸᬗᬾᬲᬵᬫ᭄ᬧᬸ [ 3 ][᭒ 2B]
᭒᭟
ᬦ᭄᭞ᬫᬃᬕ᭄ᬕᬦᬾᬩᭂᬲ᭄ᬲᭂᬗ᭄ᬓ᭞ᬮᬶᬬᬸᬤᬸᬯᬶᬲᬸᬗ᭄ᬕᬧᬸᬮᬶᬂ᭞ᬬᬦ᭄ᬢᬦ᭄ᬯᭂᬭᬸᬄ᭞ᬢᭀᬂᬫ᭠ᬳᬦ᭄ᬗᬮᬶᬄᬫᬫ᭄ᬩᬳᬦ᭄᭟᭜᭟ᬬᬦ᭄ᬢᬦ᭄ᬳᬶᬧᬸᬦ᭄᭞ᬳᬶᬫᭀᬓᬳᬶᬃᬫᭂᬢᬸᬤᬸᬫᬸᬦ᭄᭞
ᬳᬧᬦ᭄ᬫᬭᬵᬕᬬᬾᬄᬜᭀᬫ᭄᭞ᬳᭂᬦ᭄ᬢᭀᬢᬸᬢᬸᬕ᭄ᬳᬚᬓ᭄ᬲᬫᬶ᭞ᬳᬶᬫᭀᬓᬳᬶᬃ᭞ᬩᬋᬂᬳᬚᬓᬳᬶᬩᬭᬓ᭄᭟᭜᭟ᬳᬶᬚᭂᬮᬳᬶᬃ᭞ᬭᬭᬶᬲ᭄ᬲᬋᬂᬫᭂᬤᬮ᭄ᬦᬸ
ᬢᬸᬕ᭄᭞ᬳᬶᬲᬮᬩᬶᬃᬳᬶᬓ᭞ᬧᬦᭂᬮᬲ᭄ᬮᬸᬳᬸᬦᬾᬲᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬩᬭᬓ᭄‌ᬬᬓᬧ᭄ᬭᬾᬢᬾᬓ᭟᭜᭟ᬜᬫᬦ᭄ᬳᬶᬧᬸᬦ᭄᭞ᬧᬸᬦ᭄ᬤᬸᬳᬂᬬᬫᬓᬘ
ᬢᬸᬃ᭞ᬯᬤᬳᬶᬦ᭄ᬓᬮᬧ᭞ᬩᬩᬢᭂᬓ᭄ᬯᬾᬦ᭄ᬢᭂᬦ᭄ᬫᬗᭂᬫᬶᬢ᭄᭞ᬲᬗ᭄ᬕᬄᬳᬶᬧᬸᬦ᭄᭞ᬲᬳᬶᬫᬦᭂᬓᬬᬂᬚᭀᬢᬦ᭄᭟᭜᭟ᬫᬾᬫᬾᬕᬸᬭᬸ᭞ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄ᬫ
[᭓ 3A]
ᬢᬸᬃ᭞ᬲᬵᬫ᭄ᬧᬸᬦ᭄ᬗᬮᬮᬶᬬᬂ᭞ᬜᬫᬦ᭄ᬢᬶᬢ᭄ᬬᬗᬾᬬᬤᬶᬦᬶ᭞ᬫᬲᬦᬶᬧᬸᬦ᭄᭞ᬫᬲᬶᬄᬢᬜ᭄ᬚᬾᬦᬶᬦ᭄ᬫᬤᬳᬃ᭟᭜᭟ᬯᬯᬸᬫᭂᬢᬸ᭞ᬜᬮᬦ᭄ᬢᬭᬦᬸᬚᬸᬧᬶᬢᬸᬂ᭞ᬳᬶ
ᬤᭂᬧᬾᬯᬶᬰᬾᬱ᭞ᬰᬓ᭄ᬢᬶᬦᬾᬢᬦ᭄ᬲᬶᬧᬶᬲᬶᬧᬶ᭞ᬬᬦᬶᬂᬢᬦ᭄ᬯᭂᬭᬸᬄ᭞ᬢᬶᬢ᭄ᬬᬂ᭠ᬓᬶᬦᬮ᭄ᬓᬭᬫᬸᬳᬦ᭄᭟᭜᭟ᬧᬮᬶᬂᬩᬸᬤᬸᬄ᭞ᬧᬢᬶᬕ᭄ᬭᬧᬾᬧᬢᬳᬸᬲᬸᬤ᭄᭞ᬳᭂᬗ᭄ᬲ
ᬧ᭄ᬢᭂᬓᬾᬦ᭄ᬜᬫ᭞ᬫᭀᬫᭀᬩᬸᬤ᭄ᬟᬶᬦᬾᬢᬸᬳᬸᬓᬶᬦ᭄᭞ᬫᬧᬶᬯᭂᬭᬸᬄ᭞ᬢᭂᬓᬾᬦ᭄ᬧᬗᬶᬲᬶᬦᬶᬂᬳᬯᬓ᭄᭟᭜᭟ᬦᬯᬂᬮᬶᬬᬸ᭞ᬯᬭᬶᬕᬉᬋᬥᬳᬶᬓᬸ᭞ᬤᬸᬯᭂᬕ᭄ᬫᬩ
ᬪᬲᬦ᭄᭞ᬲᬸᬩᬗᬤᬾᬦ᭄ᬳᬯᬓ᭄ᬭᬶᬭᬶᬄ᭞ᬦᬾᬦᬾᬘᬢᬸᬃ᭞ᬫᬲᬶᬄᬢᬦ᭄ᬓᬘᬭᬶᬢ᭟᭜᭟ᬦᬾᬫ᭄ᬧ᭄ᬮᭀᬓ᭄ᬤᬶᬢᬸ᭞ᬲᬶᬂᬚᬮᬦ᭄ᬚᬮᬦ᭄ᬫᬮᬸᬗ᭄ᬕᬸᬄ᭞ᬢ᭄ᬯᬭᬳᬶᬗᭂ [ 4 ][᭓ 3B]
᭓᭟
ᬢ᭄ᬫᬢ᭄ᬭ᭞ᬳᬶᬩᬭᬓ᭄‌ᬬᬚᬸᬂᬚᬸᬂᬲᬳᬶ᭞ᬧᬮᬶᬂᬳᬚᬸᬃ᭞ᬳᬯᬓ᭄ᬧᬥᬍᬓᬤᬗ᭟᭜᭟ᬢᬦ᭄ᬯᭂᬭᬸᬄᬕᬸᬭᬸ᭞ᬢᭂᬓᬾᬦ᭄ᬧ᭄ᬬᬦᬓᬾᬦᬾᬘᬢᬸᬃ᭞ᬧᬥᬮᬾᬦᬕᭀᬩ᭠
ᬜ᭞ᬤᬤᬶᬩᬧᬢ᭄ᬯᬭᬳᬸᬦᬶᬂ᭞ᬓᬮᬶᬄᬳᬶᬧᬸᬦ᭄᭞ᬳᬶᬍᬕᬧ᭄ᬭᬡᬫᬦᬯᬂ᭟᭜᭟ᬓᬸᬤ᭄ᬬᬂᬢᬳᬸ᭞ᬳᬯᬓᬾᬘᭀᬦᭀᬮ᭄ᬫᬫᭂᬭᬸᬤ᭄᭞ᬫᬸᬮᬢ᭄ᬯᬸᬮᬢ᭄ᬦᬯᬂ᭞
ᬧᬗᬶᬲᬶᬦ᭄ᬳᬯᬓᬾᬍᬯᬶᬄ᭞ᬫᬗᬭᬸᬲᬸᬓ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭟᭜᭟ᬢᬸᬳᬸᬢᬦ᭄ᬯᭂᬭᬸᬄ᭞ᬢᭂᬓᬾᬦ᭄ᬧ᭄ᬬᬦᬓ᭄ᬮᭂᬓᬤ᭄ᬫᬮᬸ᭞ᬦᬾᬤᬤᬶᬳᬦ᭄ᬤᭂᬮᬂ᭞ᬦᬾᬦᬾ
ᬢᬸᬦ᭄ᬤᬾᬦ᭄ᬲᬳᬶᬲᬳᬶ᭞ᬢᭀᬂᬓᬢᭂᬧᬸᬓ᭄᭞ᬜᬫᬦ᭄ᬜᬦᬾᬢ᭄ᬯᬭᬢᬯᬂ᭟᭜᭟ᬩᭂᬮᬶᬩᬕᬸᬲ᭄᭞ᬚᬮᬦ᭄ᬧ᭄ᬭᬪᬾᬤᬳᬶᬕᬸᬭᬸ᭞ᬫ᭄ᬯᬂᬫᬋᬂᬳᬶᬩᬭᬓ᭄᭞ᬳᬶ
[᭔ 4A]
ᬅᬗ᭄ᬕᬧᬢᬶᬳᬲᬶᬓᬶ᭞ᬧ᭄ᬭᬚᬧᬢᬶ᭞ᬬᬾᬄᬜᭀᬫᬭᬵᬕᬮᬫᬲ᭄᭟᭜᭟ᬩᬦᬲ᭄ᬧᬢᬶ᭞ᬳᬭᬶᬳᬭᬶᬦᬾᬧᬸᬦᬶᬓᬸ᭞ᬩᬦᬲ᭄ᬧᬢᬶᬭᬵᬚ᭞ᬕᭂᬢᬶᬳᬾ
ᬭᬶᬂᬚ᭄ᬭᭀᬫᬶᬚᬶᬮ᭄᭞ᬮᬫᬸᬦ᭄ᬯᭂᬭᬸᬄ᭞ᬉᬗ᭄ᬕᬸᬳᬂᬧᭂᬚᬂᬤᬶᬭᬵᬕ᭟᭜᭟ᬧᬳᭂᬓ᭄ᬤᬶᬢᬸ᭞ᬉᬮᬬᬢᬾᬫᬢᬗ᭄ᬕᬸᬄ᭞ᬢᭀᬂᬢᬯᬂᬕᭂᬦᬄᬜ᭞ᬤᬤᬶᬧᬮᬶᬂᬓᬸ᭠
ᬫᬭᬶᬢᬶᬧ᭄᭞ᬉᬮᬢ᭄ᬢᬳᬸ᭞ᬫᬲᬶᬄᬳᬬᬸᬓᬧ᭄ᬭᬪᬾᬤ᭟᭜᭟ᬲᬗ᭄ᬓᬦ᭄ᬩᬶᬗᬸᬂ᭞ᬫᬕ᭄ᬭᬶᬬᬸᬂᬳᬢᬶᬦᬾᬳᬶᬩᬸᬓ᭄᭞ᬫᬓᭂᬚᬂᬗ᭄ᬭᬸᬪᬾᬤ᭞ᬗ᭄ᬕᬯᬾᬉᬮᬄᬲᬮᬄ
ᬢᬦ᭄ᬤᬶᬂ᭞ᬗᬶᬫᬸᬭᬶᬫᬸᬃ᭞ᬲᬮᬄᬢᭀᬦ᭄ᬫᬗ᭄ᬭᬫ᭄ᬩᬂᬲᬯᬂ᭟᭜᭟ᬚᬸᬫᬄᬢᬸᬬᬸᬄ᭞ᬉᬮᬶᬂᬗᬾᬓᬩᬦ᭄ᬫᬗᭂᬫ᭄ᬧᬸ᭞ᬚᬦᬶᬓ᭄ᬮᬾᬲᬶᬜ᭞ᬢᭀᬂᬳᬶᬗᭂᬢ᭄ᬳᬗ [ 5 ][᭔ 4B]
᭔᭟
ᬳ᭄ᬳᬓᬶᬤᬶᬓ᭄᭞ᬲᬳᬶᬢᬦ᭄ᬤ᭄ᬭᬸᬄ᭞ᬫᬓᭂᬚᬂᬢᭂᬓᬾᬦᬶᬂᬜᬫ᭟᭜᭟ᬩᭂᬮᬶᬩᬕᬸᬲ᭄᭞ᬚᬮᬦ᭄ᬧᬾᬢ᭄ᬓᬮᬳᬶᬦ᭄ᬗᬗ᭄ᬕᬸᬃ᭞ᬮᬸᬯᬲ᭄ᬢᬶᬩᬧᬭ᭞ᬓᬸᬢᬂᬬᬳᬶᬩ
ᬭᬓ᭄ᬤᬶᬦᬶ᭞ᬤ᭄ᬬᬧᬶᬦ᭄ᬳᭂᬫ᭄ᬧᬸ᭞ᬢ᭄ᬯᬭᬳᬤᬗᬋᬲᭂᬧᬂ᭟᭜᭟ᬳᬤᬶᬩᬕᬲ᭄᭞ᬓᬮᬳᬶᬦ᭄ᬚᬦᬶᬳᬶᬢᬸᬢᬸᬃ᭞ᬤᬤᬶᬢᬦ᭄ᬧᬧ᭄ᬯᬭ᭞ᬢᬸᬬᬸᬄᬗᭂᬫ᭄ᬧᬸᬉᬮᬶᬂᬘᭂ
ᬦᬶᬓ᭄᭞ᬳᬶᬮᬳᬶᬮᬸ᭞ᬤᬸᬓ᭄ᬗᬾᬓᬭᬶᬂᬓᬫᬧᭂᬝᬓ᭄᭟᭜᭟ᬚᬦᬶᬮᬫ᭄ᬧᬸᬲ᭄᭞ᬓᬮᬳᬶᬦᬶᬬᬳᬶᬢᬸᬢᬸᬃ᭞ᬳᭂᬗ᭄ᬲᬧᬂᬫᬜᬫ᭞ᬩᬦ᭄ᬘᭀᬦᭀᬮᬾ
ᬢᬶᬤᭀᬂᬕᬶᬕᬶᬲ᭄᭞ᬩᭂᬮᭀᬕ᭄ᬧᬸᬗ᭄ᬕᬸᬂ᭞ᬢ᭄ᬯᬭᬦᬯᬂᬧᬚᬕᬢᬦ᭄᭟᭜᭟ᬤᬤᬶᬮᬫ᭄ᬧᬸᬲ᭄᭞ᬜᬫᬦᬾᬧ᭄ᬧᬢ᭄‌ᬬᬫᬸᬦ᭄ᬤᬸᬃ᭞ᬮᬸᬯᬲ᭄ᬢᬶᬩᬧᬭ᭞ᬫᬗᬾ
[᭕ 5A]
ᬢᬦ᭄ᬫᬗᬸᬮᭀᬦᬕ᭄ᬮᬶᬲ᭄᭞ᬗᬮᭀᬃᬗᬶᬤᬸᬮ᭄᭞ᬧᬋᬓ᭄ᬭᬶᬂᬳᬶᬤᬪᬝᬭ᭟᭜᭟ᬲᬵᬫ᭄ᬧᬸᬦ᭄ᬭᬯᬸᬄ᭞ᬧᬋᬓ᭄ᬭᬶᬂᬪᬝᬭᬳᬶᬓᬸ᭞ᬭᬭᬶᬲ᭄ᬓᬯᬘᬦᬦ᭄᭞ᬳ
ᬧᬳᬮᬶᬄᬘᬳᬶᬫᬳᬶ᭞ᬤᬾᬯᬭᬢᬸ᭞ᬢᬢ᭄ᬬᬂᬦᬸᬦ᭄ᬧᬦᬸᬕ᭄ᬭᬳᬦ᭄᭟᭜᭟ᬘᬳᬶᬗ᭄ᬮᬫ᭄ᬧᬸᬲ᭄᭞ᬗᬸᬤᬓᬮᬳᬶᬦᬶᬢᬸᬢᬸᬃ᭞ᬤᭀᬂᬓᬤᭀᬂᬢᬸᬬᬸᬳᬂ
᭞ᬳᬚᬳᬶᬦ᭄ᬫᬗ᭄ᬭᬯᭀᬲ᭄ᬧᬶᬗᬶᬢ᭄᭞ᬓᭂᬫᬫᬦ᭄ᬢᬸᬓ᭄᭞ᬚᬕ᭄ᬚᬕᬶᬦᬶᬍᬕᬧ᭄ᬭᬡ᭟᭜᭟ᬳᬚᬄᬳᬶᬧᬸᬦ᭄᭞ᬫᬗ᭄ᬭᬯᭀᬲ᭄ᬧᬶᬗᬶᬢᬶᬢᬸᬢᬸᬃ᭞ᬩᬳᬂᬳᬦᬸ
ᬕ᭄ᬭᬳᬦ᭄᭞ᬢᬸᬢᬸᬃᬯᬾᬥᬦᬾᬦᬾᬍᬯᬶᬄ᭞ᬳᬧᬂᬢᬳᬸ᭞ᬳᬶᬗᭂᬢ᭄ᬢᭂᬓᬾᬦᬶᬂᬫᬜᬫ᭟᭜᭟ᬤᬸᬄᬧᬸᬓᬸᬮᬸᬦ᭄᭞ᬧᬦᬸᬕ᭄ᬭᬳᬦᬶᬘᬾᬦ᭄ᬤᬸᬫᬸᬦ᭄᭞ [ 6 ][᭕ 5B]
ᬦᬾᬲᬸᬓ᭄ᬱ᭄ᬫᬭᬶᬂᬫᬦᬄ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬗᬸᬭᬸᬓ᭄ᬫᬗ᭄ᬓᬶᬦ᭄᭞ᬫᬗ᭄ᬤᬾᬢᬳᬸ᭞ᬳᬶᬧᬸᬦ᭄ᬫᬜᬫᬭᬶᬂᬢᬶᬢ᭄ᬬᬂ᭟᭜᭟ᬭᬭᬲ᭄ᬫᬦ᭄ᬢᬸᬓ᭄᭞ᬓᬶᬘᬾᬦ᭄ᬯᬭᬦᬸᬕ᭄ᬭᬳᬬᬸ᭞
ᬰᬩ᭄ᬤᬦᬶᬂᬒᬁᬓᬵᬭ᭞ᬲᬦᬾᬲᬸᬓ᭄ᬱ᭄ᬫᬢᬦ᭄ᬲᬶᬦᬶᬧᬶ᭞ᬭᬹᬧᬦᬶᬧᬸᬦ᭄᭞ᬲ᭄ᬯᬾᬢᬩᬵᬂᬳᬶᬋᬂᬫ᭄ᬯᬂᬚᭂᬦᬃ᭟᭜᭟ᬭᬭᬶᬲ᭄ᬫᬵᬢᬸᬃ᭞ᬳᬶᬅᬗ᭄ᬕᬧᬢᬶᬲᬥᬭᬮᬸᬲ᭄᭞ᬩᬦ
ᬲ᭄ᬧᬢᬶᬲᬶᬭ᭞ᬧ᭄ᬭᬚᬧᬢᬶᬧᬥᬫᬸᬮᬶᬄ᭞ᬲᬫᬳᬦᬹᬢ᭄᭞ᬲᬋᬂᬭᬂᬳᬶᬍᬕᬧ᭄ᬭᬡ᭟᭜᭟ᬲᬫᬶᬫᬦ᭄ᬢᬸᬓ᭄᭞ᬧᬧᬢᬸᬳᬦ᭄ᬫᬓᬘᬢᬸᬃ᭞ᬲᬵᬫ᭄ᬧᬸᬦᬾᬭᬶᬂᬳᬯ
ᬦ᭄᭞ᬳᬧᬦ᭄ᬢᬦ᭄ᬓᬯᬃᬡ᭄ᬦᬫᬮᬶᬄ᭞ᬦᬾᬓᬯᬸᬯᬸᬲ᭄᭞ᬳᬶᬍᬕᬧ᭄ᬭᬡᬭᬶᬂᬫᬥ᭄ᬬ᭟᭜᭟ᬲᬸᬗ᭄ᬓᬦ᭄ᬓᬸᬭᬸ᭞ᬳᬶᬩᬧᬬᬫ᭄ᬭᬄᬫ᭄ᬭᬸᬄ᭞ᬦᬳᭂᬦ᭄ᬧᬘᬂᬭᬸᬲᬓ᭄᭞
[᭖ 6A]
ᬢᬦᬸᬭᬸᬗᬦ᭄ᬧᬘᬂᬫᬢᬶ᭞ᬤᬳᬄᬤᬸᬳᬸᬄ᭞ᬳᬶᬫᬾᬫᬾᬬᬫᬫᬸᬮᬶᬲᬄ᭟᭜᭟ᬧᬢᬓᬘᬸᬄ᭞ᬫᬸᬜᬶᬦᬾᬧᬢᬶᬚ᭄ᬮᬫᬸᬢ᭄᭞ᬫᬦᬸᬗᬤᬄᬩᭀᬬ᭞
ᬓᭂᬦᭂᬳᬾᬫᬦᬳᭂᬦ᭄ᬫᬢᬶ᭞ᬩᬭᬓ᭄ᬩᬕᬸᬲ᭄᭞ᬮᬮᬶᬲ᭄ᬲᬦᬶᬤᬾᬯᬲᬾ᭠ᬤ᭟᭜᭟ᬕᬥᬂᬮᬬᬸ᭞ᬳᬶᬩᬭᬓ᭄‌ᬬᬮᬾᬫ᭄ᬮᬾᬫ᭄ᬓᭂᬘᬸᬤ᭄᭞ᬤᬸᬃᬕ᭄ᬕᬦᬩᬲ᭄ᬕ
ᬮᬓ᭄᭞ᬗᬋᬩᬸᬢᬶᬩᬭᬓ᭄ᬫᬳᬶ᭞ᬧᬕᬭᬶᬬᬸᬢ᭄᭞ᬤᬸᬃᬕ᭄ᬕᬦᬾᬢᭂᬓᬫᬗᬭᬂ᭟᭜᭟ᬕ᭄ᬮᬃᬕ᭄ᬮᬸᬃ᭞ᬫᬢᬶᬢᬶᬢ᭄ᬬᬂᬤᬾᬯᬭᬢᬸ᭞ᬧᬶᬲᬕᬦᬾᬫᬭᬲ᭄᭞ᬜ
ᬕ᭄ᬚᬕᬶᬦ᭄ᬓᭂᬫᬫᬳᬓᬶᬦ᭄᭞ᬧᬥᬢᬓᬸᬢ᭄᭞ᬗᭂᬢᭀᬃᬢᭀᬂᬤᬤᬶᬫᬚᬮᬦ᭄᭟᭜᭟ᬢᬸᬫ᭄ᬧᬂᬢᭂᬮᬸᬢᬸᬫ᭄ᬧᬂᬮᬶᬫᬢᬸᬫ᭄ᬧᬂᬧᬶᬢᬸ᭞ᬫᬮᬶᬄᬢᬸᬫ᭄ᬧᬂ᭠ [ 7 ][᭖ 6B]
᭖᭟
ᬲᬶᬬ᭞ᬢᬸᬫ᭄ᬧᬂᬲᭀᬮᬲ᭄ᬲᬸᬩᬤᬤᬶ᭞ᬕᭂᬥᬾᬦᬶᬧᬸᬦ᭄᭞ᬪᬵᬃᬕ᭄ᬕᬯᬮᬦ᭄ᬲᬶᬗ᭄ᬳᬩᬭ᭄ᬯᬂ᭟᭜᭟ᬫᬜ᭄ᬘᬯᬃᬡ᭄ᬦ᭞ᬭᬸᬧᬦ᭄ᬤᬾᬲ᭄ᬢᬶᬦᬾᬗᬋᬩᬸᬢ᭄᭞ᬲᬫᬶᬫᬯᬶᬰᬾ
ᬱ᭞ᬩᬦ᭄ᬘᭂᬦᬶᬂᬬᬫᬸᬗ᭄ᬓ᭄ᬭᬂᬫᬗ᭄ᬓ᭄ᬭᬶᬂ᭞ᬤᬾᬯᬩᬕᬸᬲ᭄᭞ᬢᬸᬮᬸᬂᬚᬜᬫᬦᬶᬤᬾᬯ᭟᭜᭟ᬲᬕᬾᬢ᭄ᬭᬯᬸᬄ᭞ᬜᬫᬦᬾᬫᬵᬧᬶᬢᬦ᭄ᬯᭂᬭᬸᬄ᭞ᬫᬜᬧᬜᬭ᭄ᬯᬂ᭞ᬕᬸᬭᬸ
ᬗᬸᬤᬫᬸᬗ᭄ᬓ᭄ᬭᬂᬫᬗ᭄ᬓ᭄ᬭᬶᬂ᭞ᬬᬢᬗ᭄ᬓᭂᬚᬸᬢ᭄᭞ᬓᬤᬾᬦ᭄ᬤᬸᬃᬕ᭄ᬕᬫᬮᬶᬄᬧ᭄ᬭᬧ᭄ᬢ᭟᭜᭟ᬜᬾᬦ᭄ᬫᬲᬯᬸᬢ᭄᭞ᬫᬗᬸᬤᬬᬜᬭᬸᬜᬭᬸ᭞ᬳᬶᬩᬕᬸᬲᬗᬸᬘᬧ᭄᭞ᬓᭂᬜᬸᬂᬓᭂ
ᬜᬸᬂᬫᬜᬯᬸᬭᬶᬦ᭄᭞ᬫᬾᬫᬾᬕᬸᬭᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬲᬸᬩᬢᭂᬓ᭟᭜᭟ᬤᬾᬯᬭᬢᬸ᭞ᬢᭂᬓᬲᬚᬤᬾᬯᬩᬕᬸᬲ᭄᭞ᬮᬮᬶᬲᬦᬶᬤᬾᬯ᭞ᬗᬮ
[᭗ 7A]
ᬳᬶᬦ᭄ᬳᬤᬶᬦᬾᬤᬶᬦᬶ᭞ᬲᬸᬩᬩᬸᬯᬸᬢ᭄᭞ᬕᬭᬂᬤᬸᬃᬕ᭄ᬕᬲᬜ᭄ᬚᬲᬜ᭄ᬚ᭟᭜᭟ᬫᬾᬫᬾᬕᬸᬭᬸ᭞ᬳᭂᬤᬓᬸᬤᬧᬢᬶᬓᬘᬸᬄ᭞ᬢᭀᬂᬫᬗᭂᬮᬄᬲᬢ᭄ᬯ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫ
ᬗᭂᬦᭂᬫᬶᬦ᭄᭞ᬫᬾᬫᬾᬕᬸᬭᬸ᭞ᬭᬵᬕᬦᬾᬚ᭄ᬯᬧᬢᬶᬍᬲᬂ᭟᭜᭟ᬦᭀᬭᬓᬾᬗ᭄ᬕᬸᬄ᭞ᬳᬦ᭄ᬢᬸᬓ᭄ᬤᬸᬃᬕ᭄ᬕᬦᬾᬫᬗᬺᬩᬸᬢ᭄᭞ᬳᬓᬸᬤᬳᬚᬓ᭄ᬜ᭞ᬬᬤᬶᬦ᭄ᬮᬶᬫᬂᬳᬢᬸ
ᬲ᭄ᬧ᭄ᬭᬧ᭄ᬢᬶ᭞ᬦᭀᬭᬓᬾᬗ᭄ᬕᬸᬄ᭞ᬕᬭᬂᬤᬸᬃᬕ᭄ᬕᬫᬯᬶᬰᬾᬱ᭟᭜᭟ᬦᬾᬳᬳᬸᬓᬸᬤ᭄᭞ᬗᬕᬫ᭄ᬘᬓ᭄ᬭᬳᭂᬦ᭄ᬤᬶᬄᬫᬸᬭᬸᬩ᭄᭞ᬫᬢᬦ᭄ᬤᬶᬗᬦ᭄‌ᬬᬰ᭞ᬢ᭄ᬯᬭᬤᬦᬾᬩᬶ
ᬲᬕᬶᬗ᭄ᬲᬶᬃ᭞ᬧᬥᬭᬯᬸᬄ᭞ᬤᬸᬃᬕ᭄ᬕᬦᬾᬦᬾᬕᬮᬓ᭄ᬕᬮᬓ᭄᭟᭜᭟ᬧᬥᬦᭂᬫᬸ᭞ᬤᬸᬃᬕᬦᬾᬭᬶᬂᬤᬾᬯᬩᬕᬸᬲ᭄᭞ᬧᬥᬫᬯᬶᬰᬾᬱ᭞ᬭᬫᬾᬳᬧ᭄ᬭᬂᬲᬶ [ 8 ][᭗ 7B]
᭗᭟
ᬮᬶᬄᬕᬶᬢᬶᬓ᭄᭞ᬲᬶᬮᬶᬄᬳᬭᬸᬕ᭄᭞ᬓᬲᭀᬃᬤᬸᬃᬕ᭄ᬕᬦᬾᬫᬓᭂᬚᬂ᭟᭜᭟ᬤᬤᬶᬫᬸᬦ᭄ᬤᬸᬃ᭞ᬤᬸᬃᬕ᭄ᬕᬦᬾᬬᬓᬸᬫᬭᬸᬤᬸᬓ᭄᭞ᬓᬢᬶᬕ᭄ᬢᬶᬕ᭄ᬩᬦ᭄ᬩᬚ᭄ᬭ᭞ᬓᬘᬓ᭄ᬭᬓᬧᬦᬄ
ᬲᬫᬶ᭞ᬧᬥᬫᬲᬸᬓ᭄᭞ᬭᬶᬂᬕᬕᬡᬗᬯᬂᬗᬯᬂ᭟᭜᭟ᬓᬢᬹᬢ᭄ᬩᬸᬭᬶ᭞ᬭᬶᬂᬕᬕᬡᬓᬧᬮᬬᬸ᭞ᬧᬥᬫᬗ᭄ᬮᬮᬬᬂ᭞ᬭᬶᬂᬕᬕᬡᬫᬫᭂᬦ᭄ᬤᬓᬶᬦ᭄᭞ᬧᬥᬦᭂ
ᬫᬸ᭞ᬓᬢᬶᬕ᭄ᬢᬶᬕ᭄ᬓᬚᭂᬗ᭄ᬓᬚᭂᬗ᭄ᬓ᭟᭜᭟ᬧᬥᬓᭀᬦ᭄ᬤᬸᬃ᭞ᬮᬾᬬᬓ᭄ᬫᬜ᭄ᬘᬯᬃᬡᬓᭀᬦ᭄ᬤᬸᬃ᭞ᬓᬲᭀᬭᬦ᭄ᬩᬦ᭄‌ᬬᬸᬤ᭄ᬟ᭞ᬧᬘᬾᬕ᭄ᬘᬾᬕ᭄‌ᬬᬓᬢᬄᬫᬢᬶ᭞ᬕᬸᬫᬭᬸ
ᬤᬸᬕ᭄᭞ᬩᬩᬳᬶᬦᬾᬓᬸᬫᬋᬲ᭄ᬯᬓ᭄᭟᭜᭟ᬲᬸᬩᬲᬸᬯᬸᬂ᭞ᬤᬸᬃᬕ᭄ᬕᬦᬾᬲᬫᬶᬫᬮᬶᬂᬮᬬᬸ᭞ᬳᬤᭀᬄᬫᬭᬄᬤᬾᬰ᭞ᬢ᭄ᬯᬭᬦᬸᬦᬂᬳᬤᬶᬭᬶ᭞ᬧᬥᬭᬯᬸᬄ᭞
[᭘ 8A]
ᬳᬶᬩᬕᬸᬲ᭄‌ᬬᬫᬓᬧᬢ᭄ᬧᬢ᭄᭟᭜᭟ᬤᭂᬮᭀᬓᬶᬦ᭄ᬤᬶᬢᬸ᭞ᬜᬫᬦᬾᬦᬸᬫᬲᬶᬄᬓᬸᬭᬸ᭞ᬚᭂᬫᬓ᭄ᬩᬩᬬᭀᬦ᭄ᬬ᭞ᬳᬚᬓ᭄ᬧᬢ᭄ᬧᬢ᭄ᬲᭂᬮᬕᭂᬦ᭄ᬢᬶ᭞ᬫᬡᬂ
ᬩᬬᬸ᭞ᬤᬤᬶᬩᬗᬸᬦ᭄ᬫᬗᬸᬭᬫᬂ᭟᭜᭟ᬳᬸᬲᬸᬤᬸᬲᬸᬤ᭄᭞ᬳᬭᬤ᭄ᬩᬬᬸᬦᬾᬫᬧᬸᬦ᭄ᬤᬸᬄ᭞ᬤᬸᬫᬭᬳᬶᬢᭂᬢᬦ᭄᭞ᬫᬢᬸᬧ᭄ᬢᬸᬧ᭄ᬫᬦᬳᬾᬚᬦᬶ᭞ᬩᬧᬕᬸᬭᬸ᭞ᬳᬶᬩᭂ
ᬮᬶᬤᬦᬾᬤᬶᬚ᭟᭜᭟ᬲᬯᬸᬃᬓᭂᬜᬸᬂ᭞ᬳᬶᬅᬗ᭄ᬕᬧᬢᬶᬧᬸᬦᬶᬓᬸ᭞ᬳᬧᬓᬢᬓᭀᬦᬂ᭞ᬩᭂᬮᬶᬚᬸᬫᬄᬦᬸᬗ᭄ᬕᬸᬘᬳᬶ᭞ᬳᭂᬜᬾᬦ᭄ᬧᬸᬭᬸᬦ᭄᭞ᬤᬸᬃᬕ᭄ᬕᬦᬾᬬ
ᬧᬩᬍᬲᬢ᭄᭟᭜᭟ᬲᬬᬦ᭄ᬗ᭄ᬭᬸᬗᬸ᭞ᬉᬚᬃᬜᬫᬦᬾᬳᬮᬸᬲ᭄᭞ᬬᬦ᭄ᬓᭂᬦᭂᬄᬓᭂᬦᭂᬳᬂ᭞ᬧᬦ᭄ᬢᭂᬲ᭄ᬢ᭄ᬯᬄᬧᬶᬢᬸᬢᬸᬃᬧᬶᬗᬶᬢ᭄᭞ᬩᭂᬮᬶᬩᬕᬸᬲ᭄᭞ᬳᬚᬳᬶᬦ᭄ᬚᬓᬸᬤ [ 9 ][᭘ 8B]
᭘᭟
ᬢᬶᬢ᭄ᬬᬂ᭟᭜᭟ᬫᬓᬘᬢᬸᬃ᭞ᬗᬚᬳᬶᬦᬶᬍᬕᬢᬸᬢᬸᬃ᭞ᬧ᭄ᬭᬬᬢ᭄ᬦᬫᬶᬋᬗᬂ᭞ᬫᬸᬜᬶᬦ᭄ᬤᬦᬾᬫᬶᬢᬸᬢᬸᬭᬶᬦ᭄᭟ᬯᬾᬢᬦᬗᬸᬩ᭄᭞ᬓᬸᬮᭀᬦ᭄ᬚᭂᬦᬂᬢᭀᬯᬃ
ᬡ᭄ᬦᬦ᭄ᬬ᭟᭜᭟ᬭᬓ᭄ᬢᬓᬶᬤᬸᬮ᭄᭞ᬳᬶᬋᬂᬮᭀᬃᬧᬭᬹᬧᬦᬶᬧᬸᬦ᭄᭞ᬫᬥ᭄ᬬᬫᬜ᭄ᬘᬯᬃᬡ᭄ᬦ᭞ᬳᬶᬤᭂᬃᬧᬜ᭄ᬘᬦᬾᬧᬸᬦᬶᬓᬶ᭞ᬲᬸᬩᬢᭂᬭᬸᬲ᭄᭞ᬩᬳᬦ᭄ᬘᬳᬶᬫ
ᬗ᭄ᬭᬸᬗᬸᬯᬂ᭟᭜᭟ᬰᬩ᭄ᬤᬦᬶᬧᬸᬦ᭄᭞ᬯᬾᬢᬦ᭄᭞ᬅ᭞ᬧᬫᬸᬜᬶᬦᬶᬧᬸᬦ᭄᭞ᬇᬄ᭞ᬓᬶᬤᬸᬮ᭄ᬲ᭄ᬯᬭᬦ᭄ᬬ᭞ᬓᬸᬮᭀᬦ᭄᭞ᬉᬄ᭞ᬫᬸᬜᬶᬦ᭄ᬜᬢᬸᬯᬶ᭞ᬳᬄ᭞ᬮᭀᬃᬳᬶᬓᬸ᭞
ᬓᬾᬢᭀᬘᬳᬶᬳᬧᬂᬢᬢᬲ᭄᭟᭜᭟ᬓᭀᬘᬧᬶᬧᬸᬦ᭄᭞ᬦᬾᬫᬭᬶᬂᬫᬥ᭄ᬬᬓᬯᬸᬯᬸᬲ᭄᭞ᬏᬦ᭄ᬤᬄᬧᬫᬸᬜᬶᬦ᭄ᬜ᭞ᬓᬾᬯᭀᬘᬳᬶᬫᬗ᭄ᬤᬾᬗᬶᬮᬶᬲ᭄᭞
[᭙ 9A]
ᬇᬥᭂᬧ᭄ᬕᬸᬭᬸ᭞ᬳᭂᬗᭂᬢᬂᬚᬳᬧᬂᬫᭂᬮᬄ᭟᭜᭟ᬳᬶᬥᭂᬧ᭄ᬧᬜ᭄ᬘ᭞ᬤᬾᬯᬲᬗ᭄ᬳᬦᬾᬧᬸᬦᬶᬓᬸ᭞ᬫᬕᭂᬦᬄᬭᬶᬂᬭᬵᬕ᭞ᬭᬲᬭᬲᬬᬂᬧᬂᬧᬲ᭄ᬢᬶ᭞ᬤᬜᬮᬶᬗ᭄ᬲ
ᬢ᭄᭞ᬕᭂᬦᬄᬤᬾᬯᬦᬾᬫᬮᬶᬗ᭄ᬕ᭟᭜᭟ᬩᭂᬮᬶᬩᬕᬸᬲ᭄᭞ᬧᭂᬢ᭄ᬧᭂᬢᬂᬮᬶᬗ᭄ᬕᬶᬳᬾᬤᬶᬢᬸ᭞ᬦᬾᬭᬶᬂᬳᬯᬓ᭄ᬢᬶᬢ᭄ᬬᬂ᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬲᬮᬄᬮᬶᬗ᭄ᬕᬶᬄ᭞ᬕᬸᬮᬶ
ᬕᬸᬮᬶ᭞ᬩᭂᬮᬶᬢᬶᬢ᭄ᬬᬂᬧᬮᬚᬳᬂ᭟᭜᭟ᬍᬕᬧ᭄ᬭᬡ᭞ᬳᬧᬂᬫᭂᬮᬄᬗᬶᬥᭂᬧ᭄ᬢᬸᬢᬸᬃ᭞ᬢᭀᬂᬚᬵᬢᬚᬵᬢ᭄ᬬ᭞ᬫᬗ᭄ᬤᬾᬤᬲᬮᬄᬮᬶᬗ᭄ᬕᬶᬄ᭞ᬘᬳᬶᬩᬕᬸᬲ᭄᭞ᬳ
ᬧᬂᬬᬢ᭄ᬦᬫᬤᬶᬗᭂᬳᬂ᭟᭜᭟ᬳᬮᬶᬢᬕᬸᬂ᭞ᬕᬸᬫᬶᬦᬾᬘᬳᬶᬢᭀᬭᬸᬗᬸ᭞ᬪᬸᬯᬦᬦᬾᬭᬶᬂᬭᬵᬕ᭞ᬬᬢ᭄ᬦᬬᬂᬘᬳᬶᬫᬶᬭᬕᬶ᭞ᬮᬸᬗ᭄ᬕᬸᬄᬳᬶᬓᬸ᭞ᬤᬾᬯᬦᬾ [ 10 ][᭙ 9B]
᭙᭟
ᬫᬭᬶᬂᬰᬭᬷᬭ᭟᭜᭟ᬬᬢ᭄ᬦᬲᬵᬫ᭄ᬧᬸᬦ᭄᭞ᬩᬦ᭄ᬘᬳᬶᬧᬘᬂᬫᬗ᭄ᬭᬸᬗᬸ᭞ᬇᬓᬮᬶᬗ᭄ᬕᬶᬄᬤᬾᬯ᭞ᬭᬶᬂᬦᬸᬯᬦᬳᬮᬶᬢ᭄ᬫᬮᬶᬗ᭄ᬕᬶᬄ᭞ᬬᬦᬶᬂᬧᬢᬹᬢ᭄᭞ᬮᬶᬗ᭄ᬕᬶᬄ
ᬤᬾᬯᬦᬾᬫᬓᭂᬚᬂ᭟᭜᭟ᬳᭂᬜᬾᬦ᭄ᬧᬸᬭᬸᬦ᭄᭞ᬢᭂᬓᬾᬦ᭄ᬘᬳᬶᬚᭂᬕ᭄ᬫᬫᬸᬢᬸᬓ᭄᭞ᬳᬧᬢᭀᬗ᭄ᬭᬡᬬᬂ᭞ᬤᬾᬯᬲᬸᬩᬧᬥᬕᬶᬲᬶ᭞ᬢᭀᬜᬾᬦ᭄ᬧᬸ
ᬭᬸᬦ᭄᭞ᬰᬓ᭄ᬢᬶᬦᬾᬫᬗᭀᬜᬂᬳᬲ᭟᭜᭟ᬲᬗ᭄ᬓᬦ᭄ᬫᬸᬦ᭄ᬤᬸᬃ᭞ᬤᬸᬃᬕ᭄ᬕᬦᬾᬫᬓᭂᬚᬂᬭᬭᬸᬤ᭄᭞ᬢᭂᬮᬲ᭄ᬦᬶᬗ᭄ᬕᬮ᭄ᬕᬺᬳ᭞ᬓᬲᭀᬭᬦ᭄ᬯᬶᬰᬾᬱᬰᬓ᭄ᬢᬶ᭞ᬬᬦ᭄ᬓᬘᬸ
ᬦ᭄ᬤᬸᬓ᭄᭞ᬓᬢᬶᬕ᭄ᬢᬶᬕ᭄‌ᬬᬓᬩ᭄ᬮᬕᬦ᭄ᬤᬂ᭟᭜᭟ᬩᬭᬓ᭄ᬩᬕᬸᬲ᭄᭞ᬲᭂᬕᭂᬃᬤᬤᬶᬮᬸᬦᬲ᭄᭞ᬩᭂᬮᬶᬫᬰᬩ᭄ᬤᬤ᭞ᬢᬸᬢᬸᬃᬲᬢ᭄ᬯᬤᬳᬢ᭄ᬧᬶᬗᬶ᭠
[᭑᭐ 10A]
ᬢ᭄᭞ᬲᭂᬓᬸᬂᬲᭂᬓᬸᬂ᭞ᬲᬸᬓ᭄ᬱ᭄ᬫᬦ᭄ᬜᬦᬾᬭᬶᬂᬰᬭᬷᬭ᭟᭜᭟ᬬᬦ᭄ᬢ᭄ᬯᬄᬳᬦᬸᬢ᭄᭞ᬤᬾᬯᬲᬗᬦᬾᬫᬮᬸᬗ᭄ᬕᬸᬄ᭞ᬬᬦ᭄ᬫᬭᬶᬂᬰᬭᬶᬭ᭞ᬚᬵᬢᬶᬯᬃᬡ᭄ᬦᬦ᭄ᬜᬦᬾ
ᬧᬸᬢᬶᬄ᭞ᬭᬶᬂᬧᬸᬧᬸᬲᬸᬄ᭞ᬯᬾᬢᬦ᭄ᬢᭀᬧᬗᬭᬦᬶᬭ᭟᭜᭟ᬖᬾᬬᬳᬶᬓᬸ᭞ᬳ᭄ᬬᬂᬫᬳᬾᬲᭀᬭᬫᬮᬸᬗ᭄ᬕᬸᬄ᭞ᬬᬦ᭄‌ᬬᬭᬶᬂᬰᬭᬷᬭ᭞ᬭᬶᬂᬧᬧᬭᬸᬮᬸᬗ᭄ᬕᬸᬄᬓ᭄ᬬᬾᬓᬶ
᭞ᬬᬦ᭄ᬭᬶᬂᬓᬶᬤᬸᬮ᭄᭞ᬩ᭄ᬭᬵᬳ᭄ᬫᬭᬶᬂᬢᬶᬫᬕᭂᬄ᭟᭜᭟ᬭᬶᬂᬦᬾᬭᬶᬢᬶᬚᬶᬗ᭄ᬕᬭᬹᬧᬦᬶᬤᬤᬶᬢᬸ᭞ᬭᬶᬂᬳᬸᬲᬸᬲ᭄ᬫᬕᭂᬦᬄ᭞ᬪᬝᬭᬮᬸᬤ᭄ᬭᬫᬮᬶᬗ᭄ᬕᬶᬄ᭞ᬭᬶᬂᬧᬰ᭄ᬘᬶᬫ᭞
ᬳ᭄ᬬᬂᬫᬳᬵᬤᬾᬯᬳᬶᬭᬶᬓ᭟᭜᭟ᬰᬭᬷᬭᬾᬓᬸ᭞ᬭᬶᬂᬉᬗ᭄ᬲᬶᬮᬦ᭄‌ᬬᬫᬮᬸᬗ᭄ᬕᬸᬄ᭞ᬭᬶᬸᬂᬬᬦ᭄ᬫᬭᬶᬂᬯᬬᬩ᭄ᬬ᭞ᬲᬗ᭄ᬓᬭᬳᬶᬤᬫᬮᬶᬗ᭄ᬕᬶᬄ᭞ᬭᬶᬂᬭᬵᬕᬾᬓᬸ᭞ᬭᬶᬂᬮᬶ [ 11 ][᭑᭐ 10B]
᭑᭐᭟
ᬫ᭄ᬧᬳᬶᬤᬫᬕᭂᬦᬄ᭟᭜᭟ᬭᬶᬂᬮᭀᬃᬳᬶᬓᬸ᭞ᬳ᭄ᬬᬂᬯᬶᬱ᭄ᬡᬸᬳᬶᬤᬫᬮᬸᬗ᭄ᬕᬸᬄ᭞ᬭᬶᬂᬳᬫ᭄ᬧ᭄ᬭᬸᬮᬶᬗ᭄ᬕᬶᬄᬦ᭄ᬬ᭞ᬐᬃᬱᬰᬫ᭄ᬩᬸᬫᬮᬶᬗ᭄ᬕᬶᬄ᭞ᬭᬶᬂᬭᬵᬕᬾᬓᬸ᭞ᬳᬶᬦᭂᬩᬦ᭄ᬧ
ᬮᬶᬗ᭄ᬕᬶᬄᬦᬶᬭ᭟᭜᭟ᬳ᭄ᬬᬂᬦᬶᬃᬕᬸᬭᬸ᭞ᬭᬶᬂᬫᬥ᭄ᬬᬡᬶᬤᬫᬮᬸᬗ᭄ᬕᬸᬄ᭞ᬕᬸᬭᬸᬦᬶᬂᬯᬶᬰᬾᬱ᭞ᬫᬕᭂᬦᬄᬭᬶᬂᬯᬶᬢ᭄ᬦᬶᬂᬳᬢᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬤᬾᬯᬲᬗ᭄ᬳᬦᬾ᭠
ᬫᬮᬶᬗ᭄ᬕ᭟᭜᭟ᬳᬤᬶᬩᬕᬸᬲ᭄᭞ᬳᬧᬂᬫᭂᬮᬄᬗᬫᭂᬮ᭄ᬤᬶᬢᬸ᭞ᬢᭀᬭᬲᬭᬲᬬᬂ᭞ᬳᬮᬶᬳᬮᬶᬳᬶᬦ᭄ᬤᬶᬳᬢᬶ᭞ᬩᭂᬮᬶᬗ᭄ᬯᬗᬸᬦ᭄᭞ᬗᬳᬸᬩᬂᬤᬸᬃᬕ᭄ᬕᬫᬓᭂᬚᬂ
᭟᭜᭟ᬲᬫᬶᬳᬳᬸᬩ᭄᭞ᬳᬶᬲᬶᬦ᭄ᬚᬕᬢ᭄ᬧᬥᬳᬳᬸᬩ᭄᭞ᬫ᭄ᬯᬂᬳᬶᬲᬶᬦ᭄ᬲᬵᬕᬭ᭞ᬳᬶᬲᬶᬦᬮᬲ᭄ᬳᬳᬸᬲᬫᬶ᭞ᬓᭂᬦᬧᬶᬦᬸᬓᬸᬮ᭄᭞ᬳᬦ᭄ᬢᬸᬓ᭄ᬪᬝᬭᬇᬰ᭄ᬯᬭ᭟᭜
[᭑᭑ 11A]
᭟ᬧᬤᬳᬦᬹᬢ᭄᭞ᬲᬃᬯ᭄ᬯᬤᬸᬃᬕ᭄ᬕᬧᬥᬧᬢᬸᬄ᭞ᬤᬤᬶᬧᬥᬢᬺᬱ᭄ᬡ᭞ᬤᬤᬶᬕᬸᬕᬸᬢ᭄ᬳᭀᬦᭂᬂᬳᬲᬶᬄ᭞ᬓᭂᬓᬧᬫᬢᬸᬄ᭞ᬳᬦ᭄ᬢᬸᬓ᭄ᬪᬝᬭᬳ᭄ᬬᬂᬩ᭄ᬭᬵᬳ᭄᭟᭜᭟ᬤᬤᬶ
ᬩᬶᬗᬸᬂ᭞ᬳᬶᬘᬶᬦᬮᬲ᭄ᬩᬸᬭᭀᬦᬕᬸᬂ᭞ᬢᬺᬱ᭄ᬡᬧᬥᬗᭂᬩᬕ᭄᭞ᬢᭀᬂᬮᬮᬶᬲ᭄ᬩᬸᬤᬮᬲᬶᬗ᭄ᬓᬶᬤ᭄᭞ᬧᬥᬮᬸᬮᬸᬢ᭄᭞ᬪᬝᬭᬯᬶᬱ᭄ᬡᬸᬗᬢᬹᬢᬂ᭟᭜᭟ᬲᬸᬩᬮᬶᬂᬮᬸᬂ᭞
ᬳᬶᬲᬶᬦ᭄ᬚᬕᬢ᭄ᬧᬥᬮᬶᬂᬮᬸᬂ᭞ᬢᭀᬂᬮᬮᬶᬲ᭄ᬫᬢᬶᬗ᭄ᬕᬮ᭄᭞ᬤᬸᬃᬕ᭄ᬕᬲᬫᬶᬲᬸᬩᬧᬮᬶᬂ᭞ᬓᭂᬦᬧᬶᬦᬸᬗ᭄ᬓᬸᬮ᭄᭞ᬳᬦ᭄ᬢᬸᬓ᭄ᬲᬂᬳ᭄ᬬᬂᬫᬳᬵᬤᬾᬯ᭟᭜᭟ᬳᬤᬶᬩᬕᬸᬲ᭄᭞ᬳᬓᬾᬄ
ᬫᬤᬸᬯᬾᬧᬦᬸᬗ᭄ᬕᬸ᭞ᬲᬫᬶᬧᬥᬳᭀᬮᬲ᭄᭞ᬧᬥᬢᬓᬸᬢ᭄ᬧᬥᬚ᭄ᬭᬶᬄ᭞ᬢᬺᬱ᭄ᬡᬦᬶᬧᬸᬦ᭄᭞ᬳᭂᬜᬓ᭄ᬧᬢᬸᬄᬬᬫᬓᭂᬚᬂ᭟᭜᭟ᬩᭂᬮᬶᬩᬕᬸᬲ᭄᭞ᬤᬾᬯᬲᬗ᭄ᬳᬦᬾ [ 12 ][᭑᭑ 11B]
᭑᭑᭞
ᬫᬮᬸᬗ᭄ᬕᬸᬄ᭞ᬬᬦ᭄‌ᬬᬭᬶᬂᬰᬭᬷᬭ᭞ᬯᬘᬦᬬᬂᬳᬧᬂᬧᬲ᭄ᬢᬶ᭞ᬬᬦ᭄ᬢᬦ᭄ᬩᭂᬮᬶ᭞ᬏᬫᭂᬂᬢᬶᬢ᭄ᬬᬂᬗᬮᬸᬗ᭄ᬕᬸᬳᬂ᭟᭜᭟ᬳᬤᬶᬩᬕᬸᬲ᭄᭞ᬳᬧᬂᬬᬢ᭄ᬦᬳᬤᬶᬗ᭄ᬭᬸᬗᬸ᭞
ᬢᬦ᭄ᬤᬤᬶᬫᬶᬭᭀᬯᬂ᭞ᬫᬚᬭᬂᬤᬾᬯᬫᬮᬶᬗ᭄ᬕᬶᬄ᭞ᬯᬾᬢᬦᬶᬓᬸ᭞ᬳ᭄ᬬᬂᬇᬰ᭄ᬯᬭᬭᬶᬂᬧᬧᬸᬲ᭄ᬯᬦ᭄᭟᭜᭟ᬖ᭄ᬦᬾᬬᬳᬶᬓᬸ᭞ᬳ᭄ᬬᬂᬫᬳᬾᬲᬵᬭᬫᬮᬸᬗ᭄ᬕᬸᬄ᭞
ᬭᬶᬂᬧᬧᬭᬸᬳᬶᬓ᭞ᬳᬗ᭄ᬳᬶᬂᬭᬹᬧᬦᬶᬭᬧᭂᬓᬶᬓ᭄᭞ᬤᭂᬫ᭄ᬤᭂᬫ᭄ᬮᬫ᭄ᬧᬸᬂ᭞ᬲᬶᬤ᭄ᬟᬶᬫᬦ᭄ᬤᬶᬲᬯᬘᬦ᭟᭜᭟ᬤᬓ᭄ᬱᬶᬡᬾᬓᬸ᭞ᬳ᭄ᬬᬂᬩ᭄ᬭᬵᬳ᭄ᬫᬤᬶᬢᬸᬫᬮᬸᬗ᭄ᬕᬸᬄ᭞ᬬᬦ᭄
ᬬᬭᬶᬂᬰᬭᬷᬭ᭞ᬭᬶᬂᬳᬢᬶᬳᬶᬤᬫᬮᬶᬗ᭄ᬕᬶᬄ᭞ᬯᬃᬡ᭄ᬦᬳᬩᬵᬂ᭞ᬲᬶᬤ᭄ᬟᬶᬲ᭄ᬯᬭᬮᬩ᭄ᬟᬯᬓ᭄ᬬ᭟᭜᭟ᬦᬿᬭᬶᬢ᭄ᬬᬳᬶᬓᬸ᭞ᬳ᭄ᬬᬂᬮᬸᬤ᭄ᬭᬫᬮᬸᬗ᭄ᬕᬸᬄᬤᬶᬢᬸ᭞ᬬᬦ᭄
[᭑᭒ 12A]
ᬬᬭᬶᬂᬰᬭᬷᬭ᭞ᬭᬶᬂᬳᬸᬲᬸᬲ᭄ᬳᬶᬤᬫᬮᬶᬗ᭄ᬕᬶᬄ᭞ᬚᬶᬗ᭄ᬕᬯᬃᬡ᭄ᬦ᭞ᬲᬶᬤ᭄ᬟᬶᬲ᭄ᬯᬭᬮᬩ᭄ᬤᬯᬓ᭄ᬬ᭟᭜᭟ᬬᬦ᭄ᬭᬶᬂᬓᬸᬮᭀᬦ᭄᭞ᬳ᭄ᬬᬂᬫᬳᬵᬤᬾᬯᬉᬫᬸᬗ᭄ᬕᬸᬄ᭞ᬬᬾᬦ᭄ᬫ
ᬭᬶᬂᬰᬭᬷᬭ᭞ᬭᬶᬂᬉᬗ᭄ᬲᬶᬮᬦ᭄‌ᬬᬫᬮᬶᬗ᭄ᬕᬶᬄ᭞ᬭᬹᬧᬓᬸᬦᬶᬂ᭞ᬲᬶᬤ᭄ᬟᬶᬫᬦ᭄ᬤᬶᬲᬶᬤ᭄ᬟᬗᬸᬘᬧ᭄᭟᭜᭟ᬭᬶᬂᬩᬬᬩ᭄ᬬ᭞ᬳ᭄ᬬᬂᬲᬗ᭄ᬓᬭᬳᬶᬤᬫᬸᬗ᭄ᬕᬸᬄ᭞ᬬᬦ᭄‌ᬬᬭᬶᬂ
ᬰᬭᬷᬭ᭞ᬭᬶᬂᬮᬶᬫ᭄ᬧᬳᬶᬤᬫᬮᬶᬗ᭄ᬕᬶᬄ᭞ᬭᬹᬧᬳᬶᬚᭀ᭞ᬲᬶᬤ᭄ᬟᬶᬫᬦ᭄ᬤᬶᬳᬶᬤᬗᬸᬘᬧ᭄᭟᭜᭟ᬲᬂᬳ᭄ᬬᬂᬯᬶᬱ᭄ᬡᬸ᭞ᬫᬭᬶᬂᬮᭀᬃᬳᬶᬤᬫᬮᬸᬗ᭄ᬕᬸᬄ᭞ᬬᬦ᭄ᬫᬭᬶᬂᬰᬭᬷ
ᬭ᭞ᬭᬶᬂᬳᬫ᭄ᬧ᭄ᬭᬸᬳᬶᬤᬫᬮᬶᬗ᭄ᬕᬶᬄ᭞ᬭᬹᬧᬉᬮᬸᬂ᭞ᬮᬩ᭄ᬤᬦᬶᬤᬫᬦ᭄ᬟᬶᬗᬸᬘᬧ᭄᭟᭜᭟ᬲᬂᬳ᭄ᬬᬂᬲᬵᬫ᭄ᬪᬸ᭞ᬐᬃᬱᬡ᭄ᬬᬳᬶᬤᬉᬫᬸᬗ᭄ᬕᬸᬄ᭞ᬫᬬᬭᬶᬂᬰᬭᬷᬭ᭞ᬇᬦᭂ [ 13 ][᭑᭒ 12B]
᭑᭒᭟ᬩᬦ᭄ᬳᬶᬤᬫᬮᬶᬗ᭄ᬕᬶᬄ᭞ᬭᬹᬧᬪᬶᬭᬸ᭞ᬲᬶᬤ᭄ᬟᬶᬫᬦ᭄ᬟᬶᬳᬶᬤᬗᬸᬘᬧ᭄᭟᭜᭟ᬭᬶᬂᬫᬤ᭄ᬬᬾᬓᬸ᭞ᬪᬝᬭᬰᬶᬯᬫᬮᬸᬗ᭄ᬕᬸ᭞ᬬᬦ᭄ᬫᬭᬶᬂᬰᬭᬷᬭ᭞ᬯᬶᬢᬶᬂᬳᬢᬶᬳᬶᬤᬫᬮᬶ
ᬗ᭄ᬕᬶᬄ᭞ᬢᭀᬓᬕᬸᬭᬸ᭞ᬲᬶᬤ᭄ᬟᬶᬲ᭄ᬯᬭᬳᬶᬤᬗᬸᬘᬧ᭄᭟᭜᭟ᬩᬶᬩᬶᬢᬶᬧᬸᬦ᭄᭞ᬲᬓᬶᬂᬓᬫᬧᭂᬝᬓ᭄ᬫᭂᬢᬸ᭞ᬤᬤᬶᬦᬾᬯᭀᬂᬮᬦᬂ᭞ᬫᬗᬾᬓᬘᬃᬘ᭄ᬙᬯᭀ
ᬲᬶᬤ᭄ᬟᬶ᭞ᬬᬦ᭄ᬯᭀᬂᬯᬥᬸ᭞ᬓᬫᬩᬵᬂᬋᬓᬾᬯᭂᬢᬸᬦ᭄ᬬ᭟᭜᭟ᬩᬜ᭄ᬘᬶᬄᬳᬶᬓᬸ᭞ᬲᬓᬶᬂᬓᬫᬤᬤᬸᬫᭂᬢᬸ᭞ᬭᬶᬂᬥᬍᬫ᭄ᬫᬢᬶᬗ᭄ᬓᬄ᭞ᬮᬦᬂᬯᬤᭀᬦ᭄ᬫᬶᬯᬄ᭠
ᬓᭂᬤᬶ᭞ᬤᬸᬯᭂᬕ᭄ᬚᬸᬕᬸᬮ᭄᭞ᬧᬥᬫᬗᬶᬗᭂᬢᬂᬳᬯᬓ᭄᭟᭜᭟ᬩᭂᬮᬶᬩᬕᬸᬲ᭄᭞ᬧᬸᬧᬸᬢ᭄ᬫᬦᬾᬉᬫᭂᬢᬸ᭞ᬫᬭᬶᬂᬫᬥ᭄ᬬᬧᬤ᭞ᬲᬓᬶᬂᬓᬫᬫᭂᬤᬮ᭄ᬲ
[᭑᭓ 13A]
ᬫᬶ᭞ᬳᬚᬓᬶᬧᬸᬦ᭄᭞ᬜᬫᬦ᭄ᬜᬦᬾᬫᬓᬧᬢ᭄ᬧᬢ᭄᭟᭜᭟ᬩᭂᬮᬶᬩᬕᬸᬲ᭄᭞ᬲᬵᬫ᭄ᬧᬸᬦᬺᬲᭂᬧ᭄ᬢᬶᬢ᭄ᬬᬂᬭᬸᬗᬸ᭞ᬫᬮᬶᬄᬓᬾᬲᬾᬚᬾᬦᬂ᭞ᬫᭂᬗᬧᭂᬧᭂᬢᬾᬧᬸᬦᬾ
ᬓᬶ᭞ᬏᬫᭂᬂᬳᬶᬗ᭄ᬲᬸᬦ᭄᭞ᬲᬓᬾᬂᬤᬶᬚᬧᬦᬗ᭄ᬓᬦ᭄ᬜ᭟᭜᭟ᬳᬤᬶᬩᬕᬸᬲ᭄᭞ᬳᬧᬂᬬᬢ᭄ᬦᬳᬤᬶᬗ᭄ᬭᬸᬗᬸ᭞ᬩᭂᬮᬶᬫᬗᭀᬭᬳᬂ᭞ᬫᭂᬗᬧᭂᬧᭂᬢᬾᬫᬶᬸᬦᬾ
ᬫᬗ᭄ᬓᬶᬦ᭄᭞ᬭᬯᬸᬄᬳᬶᬧᬸᬦ᭄᭞ᬭᬳᬶᬦᬯᭂᬗᬶᬗᬤᬓᬂ᭟᭜᭟ᬭᬶᬂᬭᬵᬳᬾᬓᬸ᭞ᬳᭂᬦᬄᬧᭂᬧᭂᬢᬾᬉᬫᬸᬗ᭄ᬕᬸᬄ᭞ᬫ᭄ᬯᬂᬕᭂᬦᬄᬦᬶᬂᬫᭂᬗ᭞ᬭᬸᬭᬸᬳᬂᬧᭂᬚᬂᬤᬶᬳᬢᬶ᭞
ᬧᬥᬤᬶᬢ᭄᭞ᬢ᭄ᬯᬭᬤᭀᬄᬳᬶᬤᬗᬦ᭄ᬢᭀᬲᬂ᭟᭜᭟ᬕᭂᬦᬄᬳᬶᬧᬸᬦ᭄᭞ᬭᬶᬂᬳᬢᬶᬫ᭄ᬯᬭᬶᬂᬳᬫ᭄ᬧ᭄ᬭᬸ᭞ᬢᭀᬭᬳᬦᬯᭂᬗ᭄ᬬ᭞ᬳᬧᬦᬶᬤᬲᬶᬮᬶᬄᬕᭂ [ 14 ][᭑᭓ 13B]
᭑᭓᭟
ᬦ᭄ᬢᬶ᭞ᬫᭂᬤᬮ᭄ᬫᬦ᭄ᬢᬸᬓ᭄ᬧᬥᬗᬩᬤᬤᬯᬸᬳᬦ᭄᭟᭜᭟ᬩᭂᬮᬶᬩᬕᬸᬲ᭄᭞ᬕᭂᬦᬄᬭᬹᬧᬦᬾᬧᬸᬦᬶᬓᬸ᭞ᬗᬮᬶᬗ᭄ᬕᬬᬂᬤᬾᬯ᭞ᬏᬫᭂᬂᬢᬶᬢ᭄ᬬᬂᬫᬫᬶᬭᬕᬶ᭞ᬩᭂᬮᬶᬤᬸ
ᬭᬸᬲ᭄᭞ᬩᬦ᭄ᬤᬶᬓᬬᬂᬢᭂᬓᬾᬦ᭄ᬢᬶᬢ᭄ᬬᬂ᭟᭜᭟ᬳᬤᬶᬩᬕᬸᬲ᭄᭞ᬳᬧᬂᬬᬢ᭄ᬦᬘᬳᬶᬗᬭᬸᬗᬸ᭞ᬩᭂᬮᬶᬫᬶᬤᬃᬣᬬᬂ᭞ᬕᭂᬦᬄᬭᬹᬧᬦᬾᬧᬸᬦᬶᬓᬶ᭞ᬳᬤᭂᬕᬕᬸᬂ᭞
ᬘᬳᬶᬗᭂᬦᬳᬂᬭᬶᬂᬭᬵᬕ᭟᭜᭟ᬩᭂᬮᬶᬩᬕᬸᬲ᭄᭞ᬜᬫᬦ᭄ᬢᬶᬢ᭄ᬬᬂᬫᬓᬘᬢᬸᬃ᭞ᬤᬶᬚᬳᬫᬕᭂᬦᬄ᭞ᬦ᭄ᬤᬶᬓᬬᬂᬚᬳᬧᬂᬧᬲ᭄ᬢᬶ᭞ᬲᬮᬄᬲᬸᬭᬧ᭄᭞ᬩᭂᬮᬶᬫ᭠
ᬜᬫᬭᬶᬂᬢᬶᬢ᭄ᬬᬂ᭟᭜᭟ᬢᬶᬢ᭄ᬬᬂᬤᬸᬲᬸᬦ᭞ᬢ᭄ᬯᬭᬦᬯᬂᬓᬗᬶᬦ᭄ᬓᬯᬸᬄ᭞ᬬᬦ᭄ᬢᬦ᭄ᬩᭂᬮᬶᬲ᭄ᬯᬾᬘ᭞ᬫᬶᬢᬸᬤᬸᬳᬶᬦᬧᬂᬧᬲ᭄ᬢᬶ᭞ᬫᬗ᭄ᬤᬾᬢᬳᬸ᭞ᬩᭂᬮᬶᬢᬶᬢ᭄ᬬᬂᬢᭂ᭠
[᭑᭔ 14A]
ᬓᬾᬦ᭄ᬜᬫᬂ᭟᭜᭟ᬳᬤᬶᬩᬕᬸᬲ᭄᭞ᬕᭂᬦᬄᬩᭂᬮᬶᬦᬾᬫᬮᬸᬗ᭄ᬕᬸᬄ᭞ᬳᭂᬦ᭄ᬢᭀᬓᬢᬓᭀᬦᬂ᭞ᬩᭂᬮᬶᬫᬢᬸᬢᬸᬭᬶᬦ᭄ᬘᬳᬶ᭞ᬳᬧᬂᬯ᭄ᬭᬸᬄ᭞ᬩᭂᬮᬶᬦᭀᬗᭀ
ᬲ᭄ᬭᬶᬂᬰᬭᬷᬭ᭟᭜᭟ᬭᬶᬂᬧᬧᬸᬲᬸᬄ᭞ᬳᬶᬅᬗ᭄ᬕᬧᬢᬶᬫᬮᬸᬗ᭄ᬕᬸᬄ᭞ᬫᭂᬤᬮᬾᬭᬶᬂᬕᬃᬪ᭞ᬭᬶᬂᬉᬗ᭄ᬲᬶᬮᬦ᭄ᬧ᭄ᬭᬚᬧᬢᬶ᭞ᬤᬶᬢᬸᬫᬸᬗ᭄ᬕᬸᬄ᭞ᬫᭂᬤᬮᬶᬧᬸᬦᬾᬭᬶᬂᬓᬃ
ᬡ᭄ᬦ᭟᭜᭟ᬦᬾᬭᬶᬂᬳᬫ᭄ᬧ᭄ᬭᬸ᭞ᬳᬶᬩᬦᬲ᭄ᬧᬢᬶᬫᬮᬸᬗ᭄ᬕᬸᬄ᭞ᬭᬶᬂᬳᬶᬭᬸᬂ᭠ᬫᭂᬤᬮ᭄ᬦ᭄ᬬ᭞ᬩᬦᬲ᭄ᬧᬢᬶᬭᬵᬚᬳᬶᬓᬶ᭞ᬳᬢᬶᬧᬸᬢᬶᬄ᭞ᬫᭂᬤᬮᬶᬭᬫᬭᬶᬂᬦᬾ
ᬢ᭄ᬭ᭟᭜᭟ᬲᬵᬫ᭄ᬧᬸᬦ᭄ᬯᭂᬭᬸᬄ᭞ᬘᬳᬶᬍᬕᬧ᭄ᬭᬡᬗ᭄ᬭᬸᬗᬸ᭞ᬧᬰᬩ᭄ᬤᬦ᭄ᬜᬫᬦ᭄ᬜ᭞ᬳᬬ᭄ᬯᬮᬮᬶᬳᬬ᭄ᬯᬕᬶᬗ᭄ᬲᬶᬃ᭞ᬫᬭᬲ᭄ᬓᬬᬸᬦ᭄᭞ᬢ᭄ᬯᬭᬜᬦ᭄ᬤᬂᬓᬾᬄᬢ᭠ [ 15 ][᭑᭔ 14B]
᭑᭔᭟
ᬓᬸᬢᬂ᭟᭜᭟ᬢ᭄ᬯᬭᬲᬸᬯᬸᬤ᭄᭞ᬫᬗᬯᬸᬓᬶᬦ᭄ᬜᬫᬦᬶᬧᬸᬦ᭄᭞ᬳᬚᬓᬶᬦ᭄ᬫᬤᬳᬃ᭞ᬲᬮ᭄ᬯᬶᬂᬕᬯᬾᬓᬯᬸᬓᬶᬦ᭄᭞ᬫᬗ᭄ᬤᬾᬢᬸᬢᬹᬢ᭄᭞ᬳᬤᬶᬬᬢᬺᬱ᭄ᬡᬫᬜᬫ
᭟᭜᭟ᬩᭂᬮᬶᬩᬕᬸᬲ᭄᭞ᬫᬶᬭᬶᬩ᭄ᬳᭂᬜᬓ᭄ᬤᬦᬾᬫᭂᬢᬸ᭞ᬗᬸᬤᬢ᭄ᬯᬭ᭠ᬳᭂᬜᬓ᭄᭞ᬲᬓᬾᬂᬢᬦ᭄ᬓᬢᭀᬦ᭄ᬧᬫᬃᬕ᭄ᬕᬶ᭞ᬳᭂᬜᬾᬦ᭄ᬧᬸᬭᬸᬦ᭄᭞ᬳᬦᬓᬾᬚ
ᬦᬶᬫᬗ᭄ᬭᬸᬲᬓ᭄᭟᭜᭟ᬲᬫᬶᬢᬓᬸᬢ᭄᭞ᬲᬮ᭄ᬯᬶᬭᬶᬂᬩᬜ᭄ᬘᬦᬳᬶᬓᬸ᭞ᬮᬫᬸᬦ᭄ᬩᬋᬂᬳᬚᬓ᭄᭞ᬢ᭄ᬯᬭᬤᬸᬃᬕ᭄ᬕᬡᬦᬶᬗ᭄ᬭᬸᬲᬶᬢ᭄᭞ᬲᬫᬶᬢᬓᬸᬢ᭄᭞ᬧᬢᬸᬄᬲᬓᬾᬂ
ᬧᬧᬗᬦᬦ᭄᭟᭜᭟ᬲᬫᬶᬳᬳᬸᬩ᭄᭞ᬓᭂᬩᭀᬲᬫ᭄ᬧᬶᬧᬥᬮᬸᬮᬸᬢ᭄᭞ᬤᬤᬶᬢᬺᬱ᭄ᬡᬗᭂᬩᬕ᭄᭞ᬲᬓ᭄ᬯᬾᬳᬶᬂᬫᬩᬬᬸᬲᬫᬶ᭞ᬫᬢᬢᬸᬗ᭄ᬕᬸ᭞ᬲᬫᬶ
[᭑᭕ 15A]
ᬢᬺᬱ᭄ᬡᬬᬫᬗ᭄ᬭᬓ᭄ᬱ᭟᭜᭟ᬩᭂᬮᬶᬩᬕᬸᬲ᭄᭞ᬳᬶᬤᭂᬃᬪᬸᬯᬦ᭠ᬦᬾᬳᬶᬓᬸ᭞ᬬᬦ᭄‌ᬬᬭᬶᬂᬰᬭᬷᬭ᭞ᬤᬶᬚᬳᬮᬸᬗ᭄ᬕᬸᬳᬲᬫᬶ᭞ᬳᬗ᭄ᬕᬾᬦ᭄ᬤᬸᬫᬸᬦ᭄᭞
ᬫᬸᬗ᭄ᬕᬸᬄᬳᬦᬭᬶᬂᬰᬭᬷᬭ᭟᭜᭟ᬳᬤᬶᬩᬕᬸᬲ᭄᭞ᬳᬶᬤᭂᬃᬪᬸᬯᬦᬦᬾᬧᬸᬦᬶᬓᬸ᭞ᬧᬸᬃᬯ᭄ᬯᬧᬧᬸᬲᬸᬳᬦ᭄᭞ᬧᬜ᭄ᬘᬓ᭄ᬱᬭᬲᬸᬩᬮᬶᬦᬶᬦ᭄᭞ᬤᬓ᭄ᬱᬶᬦᬾ
ᬓᬸ᭞ᬭᬶᬂᬳᬢᬶᬳᬶᬤᬫᬕᭂᬦᬄ᭟᭜᭟ᬬᬦ᭄ᬧᬰ᭄ᬘᬶᬫ᭞ᬉᬗ᭄ᬲᬶᬮᬦᬶᬤᬫᬮᬸᬗ᭄ᬕᬸᬄ᭞ᬬᬦ᭄ᬬᬭᬶᬂᬉᬢ᭄ᬢᬭ᭞ᬭᬶᬂᬳᬫ᭄ᬧ᭄ᬭᬸᬳᬶᬤᬫᬮᬶᬗ᭄ᬕᬶᬄ᭞ᬫᬤ᭄ᬬᬳᬶᬓᬸ᭞ᬯᬶ
ᬢ᭄ᬳᬢᬶᬳᬶᬤᬫᬕᭂᬦᬄ᭟᭜᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬤᭂᬃᬪᬸᬯᬦᬦᬾᬫᬮᬸᬗ᭄ᬕᬸᬄ᭞ᬢᭀᬮᬶᬦ᭄ᬢᬂᬧᬲᬚ᭞ᬳᬬ᭄ᬯᬮᬮᬶᬳᬤᬶᬗ᭄ᬕᬶᬲᬶ᭞ᬫᬗ᭄ᬤᬾᬢᬸ [ 16 ][᭑᭕ 15B]
᭑᭕᭟
ᬳᬸ᭞ᬧᬗ᭄ᬮᭂᬩᬸᬭᬦ᭄ᬫᬮᬯᬶᬖ᭄ᬦ᭟᭜᭟ᬳᭂᬜᬾᬦ᭄ᬤᬶᬢᬸ᭞ᬫᬦᬸᬤᬸᬳᬂᬳᬮᬳᬬᬸ᭞ᬪᬝᬭᬭᬶᬂᬫᬥ᭄ᬬ᭞ᬫᬦᬸᬤᬸᬳᬂᬧᬢᬶᬉᬭᬶᬧ᭄᭞ᬚᬯᬢ᭄ᬯᭂᬭᬸᬄ᭞ᬳᭂᬜᬾ
ᬦ᭄ᬜᬓ᭄ᬫᬗᭀᬭᬳᬂ᭟᭜᭟ᬤᬾᬭᬾᬂᬧᬸᬧᬸᬢ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬤᬾᬯᬩᬕᬸᬲ᭄᭞ᬦᬸᬦᬲ᭄ᬧᬦᬸᬕ᭄ᬭᬳᬦ᭄᭞ᬧᬗᬦ᭄ᬤᬶᬓᬦ᭄ᬩᭂᬮᬶᬫᬗ᭄ᬓᬶᬦ᭄᭞ᬧᬲᬸᬓ᭄ᬯᭂᬢᬸ᭞ᬚᬵᬢ᭄ᬬᬂ
ᬗᭀᬭᬳᬶᬦ᭄ᬢᬶᬢ᭄ᬬᬂ᭟᭜᭟ᬳᬤᬶᬩᬕᬸᬲ᭄᭞ᬧᬂᬬᬢ᭄ᬦᬳᬤᬶᬫᬗ᭄ᬭᬸᬗᬸ᭞ᬭᬶᬂᬧᬲᬸᬓ᭄ᬯᭂᬢᬸᬦ᭄ᬬ᭞ᬩᭂᬮᬶᬳᭀᬭᬳᬶᬦᬘᬳᬶ᭞ᬫᬸᬮᬶᬄᬧᭂᬲᬸ᭞ᬢᬢᬲᬂᬚᬦᬶ
ᬧᬶᬋᬗᬂ᭟᭜᭟ᬅᬗ᭄ᬕᬧᬢᬶ᭞ᬫᬕᭂᬦᬄᬫᬶᬂᬧᬧᬸᬲᬸᬄ᭞ᬓᬘᬗ᭄ᬓᭂᬫ᭄‌ᬬᬫᭂᬤᬮ᭄᭞ᬧᬗᭂᬫ᭄ᬩᬓ᭄ᬲ᭄ᬯᬭᬦᬾᬰᬓ᭄ᬢᬶ᭞ᬲ᭄ᬯᬭᬕᬸᬭᬸ᭞ᬲᬶᬤ᭄ᬟᬶᬫᬦ᭄ᬟᬶᬫᬗᬸ᭠
[᭑᭖ 16A]
ᬘᬧᬂ᭟᭜᭟ᬧ᭄ᬭᬚᬧᬢᬶ᭞ᬫᬸᬮᬶᬳᬾᬭᬶᬂᬳᬢᬶᬳᬶᬓᬸ᭞ᬫᭂᬤᬮ᭄ᬲᬓᬶᬂᬲᭀᬘ᭞ᬤᬸᬭᬸᬲ᭄ᬮᬓ᭄ᬱᬡᬫᬫᬃᬕ᭄ᬕᬶ᭞ᬲᬶᬦᬂᬓᬬᬸᬦ᭄᭞ᬲᬫᬶᬓᬢᭀᬦᬭᬳ
ᬭᬄ᭟᭜᭟ᬩᬦᬲ᭄ᬧᬢᬶ᭞ᬫᬸᬮᬶᬄᬭᬶᬂᬉᬗ᭄ᬲᬶᬮᬦ᭄ᬬᬾᬓᬸ᭞ᬫᭂᬤᬮ᭄ᬲᬓᬶᬂᬓᬃᬡ᭄ᬦ᭞ᬕᬸᬭᬸᬧᬗᬺᬗᬦᬾᬲᬫᬶ᭞ᬓᬢᬄᬳᬶᬧᬸᬦ᭄᭞ᬳᬓᬾᬄᬉᬚᬃᬓᬧᬶᬋ
ᬗᬂ᭟᭜᭟ᬩᬦᬲ᭄ᬧᬢᬶᬭᬵᬚᬫᬸᬮᬶᬄᬫᬭᬶᬂᬳᬫ᭄ᬧ᭄ᬭᬸ᭞ᬕᬸᬭᬸᬭᬲᬳᬶᬓ᭞ᬲᬮ᭄ᬯᬶᬭᬶᬂᬭᬲᬓᬧᬗ᭄ᬕᬶᬄ᭞ᬳᬮᬳᬬᬸ᭞ᬤᬤᬶᬲᬸᬩᬓᬫᬃᬕ᭄ᬬᬂ᭟᭜᭟ᬍᬕᬧ᭄ᬭᬡ᭞
ᬫᬸᬮᬶᬄᬭᬶᬂᬯᬶᬢ᭄ᬳᬢᬶᬳᬶᬓᬸ᭞ᬫᬓᬕᬸᬭᬸᬯᬭᬄ᭞ᬫᭂᬤᬮ᭄ᬭᬶᬂᬯᬸᬦ᭄ᬯᬦᬦ᭄ᬲᬭᬶ᭞ᬳᬮᬳᬬᬸ᭞ᬗᬫᭂᬮ᭄ᬧᬢᬶᬳᬸᬭᬶᬧ᭄ᬲᬶᬭ᭟᭜᭟ᬍᬕᬧ᭄ᬭᬡ᭞ᬢᬢᬲ᭄ᬩ [ 17 ][᭑᭖ 16B]
᭑᭖
ᬦ᭄ᬘᬳᬶᬫᬗ᭄ᬭᬸᬗᬸ᭞ᬋᬲᭂᬧ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬧᬯᬭᬄᬩᭂᬮᬶᬦᬾᬲᬫᬶ᭞ᬫᬓᬮᬸ᭠ᬗ᭄ᬕᬸᬄ᭞ᬳᭀᬭᬳᬶᬦ᭄ᬢᬶᬢ᭄ᬬᬂᬫᬓᭂᬚᬂ᭟᭜᭟ᬍᬕᬧ᭄ᬭᬡ᭞ᬢᬢᬲᬂᬚᬦᬶᬫᬗ᭄ᬭᬸ
ᬗᬸ᭞ᬩᭂᬮᬶᬫᬗᭀᬭᬳᬂ᭞ᬳᬶᬅᬗ᭄ᬕᬧᬢᬶᬢᭀᬘᬳᬶ᭞ᬦ᭄ᬤᬾᬯᬰ᭄ᬭᬬ᭞ᬢᭂᬤᬸᬦᬾᬗ᭄ᬕᬮ᭄ᬫᬗ᭄ᬕᬶᬄᬕᬮᬂ᭟᭜᭟ᬧ᭄ᬭᬚᬧᬢᬶᬕᬸᬭᬸᬦᬶᬂᬤᬾᬲ᭄ᬢᬶᬧᬸᬦᬶᬓᬸ᭞ᬲᬓ᭄ᬯᬾ᭠
ᬳᬶᬂᬯᬶᬰᬾᬱ᭞ᬳᬶᬧ᭄ᬭᬚᬧᬢᬶᬦᬸᬕ᭄ᬭᬳᬶᬦ᭄᭞ᬳᭂᬜᬾᬦ᭄ᬧᬸᬭᬸᬦ᭄᭞ᬬᬧᬗ᭄ᬭᬗ᭄ᬓᬸᬲᬦ᭄ᬯᬶᬰᬾᬱ᭟᭜᭟ᬩᬦᬲ᭄ᬧᬢᬶ᭞ᬮᬕᬸᬥᬃᬫ᭄ᬫᬦᬾᬫᬦ᭄ᬭᬸᬲ᭄᭞ᬢ᭄ᬯᬄᬢᭀᬂ
ᬢᬳᬾᬦ᭄ᬓᬦ᭄ᬤᬧ᭄᭞ᬩᬳᬦ᭄ᬓᬯᬶᬰᬾᬱᬦ᭄ᬧᬫᬶ᭞ᬧᬥᬢᬓᬸᬢ᭄᭞ᬤᬸᬃᬕ᭄ᬕᬦᬾᬭᬸᬲᬶᬢ᭄ᬫᬓᭂᬚᬂ᭟᭜᭟ᬩᬦᬲ᭄ᬧᬢᬶ᭞ᬭᬵᬚᬯᬶᬰᬾᬱᬦᬾᬓᬲᬸᬩ᭄᭞ᬲᬶᬂᬳ
[᭑᭗ 17A]
ᬤᬗᬲᭀᬭᬂ᭞ᬩᬩᬳᬶᬤᬸᬃᬕ᭄ᬕᬦᬾᬲᬫᬶ᭞ᬧᬥᬢᬓᬸᬢ᭄᭞ᬲᬃᬯ᭄ᬯᬪᬸᬢᬦᬾ᭞ᬫᬓᭂᬚᬂ᭟᭜᭟ᬩᭂᬮᬶᬩᬕᬸᬲ᭄᭞ᬓᬾᬦ᭄ᬓᬾᬦ᭄ᬩᬦ᭄ᬢᬶᬢ᭄ᬬᬂᬗᬭᬸᬗᬸ᭞ᬦᬸᬚ᭄ᬯᬂᬉᬢ᭄ᬢᬫ
᭞ᬬᬦ᭄ᬢᬦ᭄ᬩᭂᬮᬶᬫᬢᬸᬚ᭄ᬯᬶᬦ᭄᭞ᬕᬯᬂᬲᬭᬸ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬧᬘᬂᬜᭂᬫᬓ᭄᭟᭜᭟ᬍᬕᬧ᭄ᬭᬡ᭞ᬬᬦ᭄ᬘᬳᬶᬳᭂᬜᬓ᭄ᬭᬳᬬᬸ᭞ᬦᬾᬦᬾᬧᬸᬢᬶᬄᬚᭂᬫᬓ᭄᭞ᬅᬄ
ᬰᬩ᭄ᬤᬦᬾᬳᬧᬂᬍᬯᬶᬄ᭞ᬩᬭᬓ᭄ᬢᭂᬭᬸᬲ᭄᭞ᬇᬄᬫᬸᬜᬶᬦ᭄ᬜᬦᬾᬜᬶᬫ᭄ᬧᭂᬦᬂ᭟᭜᭟ᬓᬸᬦᬶᬂᬳᬶᬓᬸ᭞ᬉᬄᬧᬰᬩ᭄ᬤᬦᬾᬫᬦ᭄ᬭᬸᬲ᭄᭞ᬦᬾᬦᬾᬳᬶᬋᬂᬚᭂᬫᬓ᭄᭞ᬏᬄ
ᬰᬩ᭄ᬤᬦᬾᬤᬶᬢᬸᬘᬳᬶ᭞ᬲᬵᬫ᭄ᬧᬸᬦ᭄ᬲᬧᬸᬢ᭄᭞ᬧᬜᬶᬫ᭄ᬧᭂᬦᬾᬫᬭᬶᬂᬭᬵᬕ᭟᭜᭟ᬦᬾᬦᬾᬧᬸᬢᬶᬄᬧᬧᬸᬲᬸᬳᬦᬾᬫᬗᭂᬮᬸᬲ᭄᭞ᬳᭂᬦ᭄ᬢᭀᬦᬾᬩ [ 18 ][᭑᭗ 17B]
᭑᭗᭟
ᬭᬓ᭄᭞ᬤᬶᬳᬢᬶᬫᬕᬦ᭄ᬢᬸᬂᬲᬳᬶ᭞ᬦᬾᬦᬾᬓᬸᬦᬶᬂ᭞ᬤᬶᬉᬗ᭄ᬲᬶᬮᬦᬾᬫᬕᭂᬦᬄ᭟᭜᭟ᬦᬾᬦᬾᬳᬸᬮᬸᬂ᭞ᬤᬶᬳ᭄ᬧ᭄ᬭᬸᬫᬗᬦ᭄ᬢᬶᬤᬶᬢᬸ᭞ᬲᬸᬩᬘᬢᬸᬃᬯᬃᬡ᭄ᬦ
᭞ᬭᬵᬕᬦ᭄ᬘᬳᬶᬦᬾᬗᭂᬓᬶᬦ᭄᭞ᬫᬜ᭄ᬘᬯᬃᬡ᭄ᬦ᭞ᬯ᭄ᬭᬸᬳᬶᬂᬭᬹᬧᬯ᭄ᬭᬸᬳᬶᬂᬕᭂᬦᬄ᭟᭜᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬩᭂᬮᬶᬗᬶᬘᬾᬦ᭄ᬢᬶᬢ᭄ᬬᬂᬢᬸᬢᬸᬃ᭞ᬧᬥᬳᬶᬗᬦ᭄ᬭᬵ
ᬕ᭞ᬩᬶᬮᬶᬄᬦᬾᬉᬢ᭄ᬢᬫᬲᬫᬶ᭞ᬤᬾᬭᬾᬂᬧᬸᬧᬸᬢ᭄᭞ᬧᬜ᭄ᬘᬯᬭᬦᬾᬧᬸᬦᬶᬓ᭟᭜᭟ᬫᬦᬶᬲ᭄ᬳᬶᬓᬸ᭞ᬫᬭᬶᬂᬧᬧᬸᬲᬸᬳᬦ᭄ᬫᬮᬸᬗ᭄ᬕᬸᬄ᭞ᬲᬜ᭄ᬚᬢᬦ᭄ᬬᬩᬚ᭄ᬭ᭞
ᬕᬸᬭᬸᬬᭀᬦᬶᬥᬃᬫ᭄ᬫᬰᬓ᭄ᬢᬶ᭞ᬧᬳᬶᬂᬳᬶᬓᬸ᭞ᬭᬶᬂᬢᬶᬳᬶᬤᬫᬕᭂᬦᬄ᭟᭜᭟ᬲᬶᬓᭂᬧᬾᬓᬸ᭞ᬕᬥᬫᬯᬶᬰᬾᬱᬫᬸᬭᬸᬩ᭄᭞ᬫᬭᬶᬂᬲᬃᬯ᭄ᬯᬥᬸᬃᬕ᭄ᬕ᭞ᬲᬫᬶ᭠
[᭑᭘ 18A]
ᬬᬧᬥᬗᬪᬓ᭄ᬢᬶ᭞ᬳᬧᬦᬶᬓᬸ᭞ᬕᬸᬭᬸᬦᬶᬂᬳᬓᬶᬭᬓᬶᬭ᭟᭜᭟ᬬᬦ᭄ᬲᭀᬦᬶᬓᬸ᭞ᬭᬶᬂᬉᬗ᭄ᬲᬶᬮᬦ᭄‌ᬬᬫᬮᬸᬗ᭄ᬕᬸᬄ᭞ᬲᬶᬓᭂᬧ᭄ᬦᬵᬕᬧᬲᬄ᭞ᬕᬸᬭᬸᬮᬓ᭄ᬱ
ᬡᬦᬾᬰᬓ᭄ᬢᬶ᭞ᬬᬦ᭄ᬭᬶᬂᬰᬢ᭄ᬭᬸ᭞ᬅᬫ᭄ᬭᬚᬬᬢᬦ᭄ᬕᬶᬗ᭄ᬲᬶᬭ᭟᭜᭟ᬯᬕᬾᬬᬾᬓᬸ᭞ᬳᬶᬋᬂᬭᬹᬧᬦ᭄ᬜᬦᬾᬢ᭄ᬭᬸᬲ᭄᭞ᬕᬸᬭᬸᬦᬶᬂᬯᬶᬰᬾᬱ᭞ᬧ᭄ᬭᬚ᭄ᬜᬵᬦ᭄ᬯᬶᬘᬓ᭄ᬱᬡ
ᬮ᭄ᬯᬶᬄ᭞ᬢᬦ᭄ᬓᬲᬦ᭄ᬤᬸᬂ᭞ᬗᬕᭂᬫ᭄ᬘᬓ᭄ᬭᬦᬸᬦ᭄ᬤᬸᬂᬤᬸᬃᬕ᭄ᬕ᭟᭜᭟ᬓ᭄ᬮᬶᬬᭀᬦᬶᬓᬸ᭞ᬭᬶᬂᬯᬶᬢᬶᬂᬳᬢᬶᬫᬮᬸᬗ᭄ᬕᬸᬄ᭞ᬉᬭᬶᬧᬶᬂᬯᬶᬰᬾᬱ᭞ᬪᬯᬦᬶᬧᬸᬦ᭄ᬮᬶᬦ᭄ᬢᬂᬍᬯᬶᬄ᭞ᬫᬭᬵᬕ
ᬢᬸᬤᬸᬄ᭞ᬧᬳᬶᬘᬦ᭄ᬪᬝᬭᬓᬺᬱ᭄ᬡ᭟᭜᭟ᬍᬕᬧ᭄ᬭᬡ᭞ᬓᬾᬤᭂᬧ᭄ᬩᬦ᭄ᬘᬳᬶᬫᬗ᭄ᬭᬸᬗᬸ᭞ᬲᬢ᭄ᬯᬧᬧᬶᬗᬶᬢᬦ᭄᭞ᬭᬲᬭᬲᬬᬂᬧᬂᬧᬲ᭄ᬢᬶ᭞ᬲᭂᬓᬸᬂᬲᭂᬓᬸᬂ᭞ᬤᬶᬳᬢᬶ [ 19 ][᭑᭘ 18B]
᭑᭘᭟
ᬫᬲᬶᬄᬕᬦ᭄ᬢᬸᬗᬂ᭟᭜᭟ᬢᬶᬗ᭄ᬓᬄᬳᬶᬧᬸᬦᬾᬫᬜᬫᬳᬧᬂᬧᬢᬸᬄ᭞ᬳᭂᬤᬲᬮᬄᬫᬦᬄ᭞ᬜᬫᬦᬾᬚᬕᬮᬦ᭄ᬢᬶᬗᬶᬦ᭄᭞ᬫᬥᭂᬫ᭄ᬩᬗᬸᬦ᭄᭞ᬲᬳᬶᬳᬚᬓᬶ
ᬦ᭄ᬫᬥᬳᬃ᭟᭜᭟ᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬭᬳᬶᬦ᭞ᬅ᭞ᬯ᭞ᬯᬸᬓᬸᬉᬕᬸ᭞ᬇᬰᬓ᭞᭑᭙᭑᭑᭟ᬫᬲᬾᬳᬶ᭞ᬢᬗ᭄ᬕᬮ᭄᭞᭑᭒᭞ᬤᬾᬲᬾᬫ᭄ᬩᭂᬃ᭞᭑᭙᭘᭙᭟ᬓ᭄ᬱᬫ
ᬲᬦᬾᬦᬸᬮᬶᬲ᭄ᬮᭀᬦ᭄ᬢᬃᬧᬸᬦᬶᬓᬶ᭞ᬢᬶᬢ᭄ᬬ᭞ᬳᬶᬯᬬᬦ᭄ᬲᬫ᭄ᬩ᭞ᬲᬓᬶᬂᬩᬜ᭄ᬚᬃᬓᬸᬩᬸᬳᬜᬃ᭞ᬤᬾᬰᬓᬸᬩᬸᬢᬫ᭄ᬩᬳᬦ᭄᭞ᬓᬘᬫᬢᬦ᭄ᬓᬸᬩᬸᬢᬫ᭄ᬩᬳᬦ᭄᭞ᬓᬪᬹᬧᬢᬾᬦ᭄ᬩᬸ
ᬮᬾᬮᬾᬂ᭞ᬲᬶᬗ᭄ᬳᬭᬵᬚ᭟᭜᭟ᬧᬸᬧᬸᬢ᭄᭟᭜᭟