Ban/Gaguritan Candi Kusuma C

Deskripsi

Naskah

[ 1 ]Judul: GAGURITAN CANDI KUSUMA
Pnj. 35 cm , Jlm. 47 lb.
Asal: Abang, Karangasem

[ ᭑ 1A] [ 2 ][ ᭑ 1B]
᭑᭞
᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬲ᭄ᬯᬳ᭛᭜᭛ᬧᬸᬧᬸᬄᬲᬶᬦᭀᬫ᭄᭟᭐᭟ᬳᬲᭂᬂᬢᬶᬢ᭄ᬬᬂᬗᬸᬭᬶᬢ᭄ᬕᬶᬢ᭞ᬢᭂᬫ᭄ᬩᬂᬲᬶᬦᭀᬫ᭄‌ᬫᬸᬦᬶᬩᬮᬷ᭞ᬧᬤᬶᬤᬶᬳᬦ᭄ᬦᭂᬦᬓ᭄ᬚᬸᬫᬄ᭞ᬲᭂᬥᭂᬓ᭄ᬫᬦᬦ᭄ᬤᬗᬶ
ᬦ᭄ᬲᬓᬶᬢ᭄᭞ᬗᬶᬮᬸᬢ᭄ᬩᬲᬗᬾᬗᬧᭂᬤᬶᬄ᭞ᬤᬳᬄᬤᬸᬳᬸᬄᬧᬢᬶᬚ᭄ᬮᬫᬸᬢ᭄᭞ᬲᬭᬸᬯᬂ᭞ᬫᬜᭂᬫᬓ᭄ᬘᭂᬦ᭄ᬢᬮ᭄᭞ᬲᬡ᭄ᬥᬶᬓᬸᬲᬸᬫᬦᬾᬧᬗᬶᬢ᭄᭞ᬳᬦ᭄ᬢᬾᬳᬗ᭄ᬕᭀᬦ᭄᭞ᬜᬮᬶᬫᬸᬭᬂ
ᬲᬓᬶᬢ᭄ᬫᬦᬄ᭟᭐᭟ᬦᬸᬚᬸᬤᬶᬦᬲᭀᬫᬓ᭄ᬮᬶᬯᭀᬦ᭄᭞ᬳᬸᬓᬸᬓᬸᬦᬶᬗᬦ᭄ᬦᭂᬫᬸᬦᬶᬦ᭄᭞ᬢᬗ᭄ᬕᬮ᭄ᬧᬶᬂᬭᬄᬮᬶᬫᬵᬢᬸᬗ᭄ᬮᬾᬄ᭞ᬲᬤ᭄ᬯᬭᬦ᭄ᬜᬦᬾᬜᬋᬗᬶᬦ᭄᭞ᬰᬰᬶᬄᬓᬤᬰᬦᭂ
ᬫᭀᬦᬶᬦ᭄᭞ᬢᭂᬗ᭄ᬕᭂᬓ᭄ᬰᬵᬓᬵᬦᬾᬓᬯᬸᬯᬸᬲ᭄᭞ᬢᭂᬗ᭄ᬕᭂᬓ᭄ᬢᬶᬕᬰᬓᬚᬾᬱ᭄ᬝ᭞ᬲ᭄ᬬᬸᬤᭀᬫᬲ᭄ᬧᬶᬢᬸᬂᬩᬗ᭄ᬲᬶᬢ᭄᭞ᬦᬶᬓᬳᬗ᭄ᬕᭀᬦ᭄‌ᬫᬯᬶᬮᬗᬦ᭄ᬢᬸᬯᬸᬄᬚᬕᬢ᭄᭟᭐᭟ᬚᬸᬫ᭄ᬦᭂᬂ
[ ᭒ 2A]
᭒᭞
ᬭᬶᬂᬳᬬᭀᬥ᭄ᬬᬧᬸᬭ᭞ᬕᭂᬫᬸᬄᬮᬦ᭄ᬤᬸᬄᬓᬦᭀᬕᬭᬶ᭞ᬕᭂᬫᬸᬄᬮᬦ᭄ᬤᬸᬄᬓᬂᬦᬵᬕᬭᬶ᭞ᬢᬦᬦᬯᭀᬂᬇᬱ᭄ᬬᬦᬶᬂᬭᬢ᭄᭞ᬢᬧᬩ᭄ᬭᬢ᭄ᬦᬾᬓᬳᬾᬱ᭄ᬝᬶ᭞ᬲᬂᬦᬵᬣᬵᬦᬗᬸᬦ᭄ᬓᬶᬃᬢ᭄ᬢᬷ᭞ᬧᬡ᭄ᬥᬶᬢᬯᬶᬓᬸᬦᬾᬯᬶᬪᬸᬄ᭞
ᬪᬕᬯᬦ᭄ᬦᬷᬮᭀᬘᬡ᭞ᬫ᭄ᬯᬂᬪᬕᬯᬵᬦ᭄ᬯᬺᬱ᭄ᬧᬢᬷ᭞ᬳᬧᬦ᭄ᬳᬶᬤ᭞ᬫᬗᬃᬢᬶᬲᬶᬦ᭄ᬲᬂᬳ᭄ᬬᬂᬯᬾᬥᬵ᭟᭐᭟ᬯᬢᭂᬓ᭄ᬋᬱᬶᬭᬶᬂᬧᬢᬧᬦ᭄᭞ᬲᬫᬶᬬᬦ᭄ᬭᬯᬸᬄᬫᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸ
ᬘᬜ᭄ᬥᬶᬓᬸᬲᬸᬫᬵ᭞ᬭᬳᬶᬦᬯᭂᬗᬶᬓᬢᬗ᭄ᬓᬶᬮ᭄᭞ᬫᬗ᭄ᬕᬮᬵᬲᬶᬭᬧᬢᬶᬄ᭞ᬲᬸᬭᬚᬬᬓᬂᬚᬚᬸᬮᬸᬓ᭄᭞ᬫᬶᬯᬄᬲᬂᬧᬭᬩᬳᬸᬤᬩ᭄ᬥ᭞ᬲᬫᬗᬋᬧᬓᭂᬦ᭄ᬮᬶᬗ᭄ᬕᬶᬄ᭞ᬰ᭄ᬭᬶᬦ
ᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬭᬶᬂᬫᬳᬵᬤ᭄ᬯᬷᬚᬵ᭟᭐᭟ᬳᬶᬗ᭄ᬕᬶᬄᬧ᭄ᬭᬡ᭄ᬥᬲᬶᬦᬫᬶᬬᬦ᭄᭞ᬢᬶᬢ᭄ᬬᬂᬚᬕᬦᬗᬸᬓ᭄ᬓᬶᬃᬢ᭄ᬢᬶ᭞ᬗᬲ᭄ᬢᬯᬬᬚ᭄ᬜᬧᬸᬦᬶᬓ᭞ᬋᬱᬶᬬᬚ᭄ᬜᬦᬾᬗᬯᬶᬢᬶᬦ᭄᭞ᬫ [ 3 ][ ᭒ 2B]
᭒᭞
ᬦᬸᬯᬬᬚ᭄ᬜᬫᬓᬵᬤᬶ᭞ᬪᬸᬢᬬᬚ᭄ᬜᬵ᭞ᬧᬶᬦᬶᬄᬧᬸᬗ᭄ᬓᬸᬃ᭞ᬧᬢᬸᬢᬾᬲᬧᬸᬦᬶᬓᬵ᭞ᬲᬂᬋᬱᬶᬲᬸᬫᬳᬸᬃᬲᬫᬶ᭞ᬯᬦ᭄ᬢᬄᬧᬢᬸᬢ᭄᭞ᬧᬓᬬᬸᬦ᭄ᬘᭀᬓᭀᬃᬳᬶᬤᬾᬯ᭟᭐᭟ᬲᬂᬦᬵᬣ
ᬫᬮᬶᬄᬗᬦ᭄ᬤᬶᬓ᭞ᬳᬶᬂᬳᬶᬧᬢᬶᬄᬫᬗ᭄ᬓᬸᬪᬸᬫᬷ᭞ᬫᬗ᭄ᬤᬫᬗ᭄ᬯᬗᬸᬦ᭄ᬧᬬᬚ᭄ᬜᬦ᭄᭞ᬲᬶᬭᬧᬢᬶᬄᬫᬵ ᬢᬸᬃᬪᬓ᭄ᬢᬶ᭞ᬢᬶᬢ᭄ᬬᬂᬓᬮᬶᬦ᭄ᬢᬂᬲᬳᬶᬭᬶᬂ᭞ᬓᬤᬶᬓᬬᬸᬦ᭄ᬘᭀᬓᭀᬃᬭᬢᬸ᭞ᬫ
ᬗ᭄ᬓᬶᬦ᭄ᬘᬶᬢ᭄ᬬᬂᬗᬯᬗᬸᬦᬂ᭞ᬚᬮᬶᬂᬯᬘᬦᬦ᭄ᬫᬺᬧᬢᬶ᭞ᬲᬫᬶᬩᬸᬩᬃ᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭟᭐᭟ᬢᬦ᭄ᬤ᭄ᬯᬓᭀᬘᬧ᭄ᬓᬂᬓᬯᬃᬡ᭄ᬦ᭞ᬧᬸᬧᬸᬢ᭄ᬧᬬᬚ᭄ᬜᬦᬾᬲᬫᬶ᭞ᬧᬗᬗ᭄ᬕᬾᬦᬾᬲᬃᬯ᭄ᬯ
ᬧᭂᬝᬵᬳᬓ᭄᭞ᬲᬂᬦᬵᬣᬫᬶᬚᬶᬮ᭄ᬓᬝᬵᬗ᭄ᬓᬶᬮ᭄᭞ᬤᬶᬧᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬯᬢᭂᬓ᭄ᬋᬱᬶᬲᬫᬶᬭᬯᬸᬄ᭞ᬳᬦᬾ ᬩᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬲᬶᬗ᭄ᬕᬶᬄᬧ᭄ᬭᬡ᭄ᬥ᭞ᬧᬶ
[ ᭓ 3A]
ᬦᬲ᭄ᬫᬮᬶᬄᬢᬶᬕᬂᬤᬶᬦ᭟᭐᭟ᬢᬢᭂᬓ᭄ᬋᬱᬶᬭᬶᬂᬧᬢᬧᬦ᭄᭞ᬤᬸᬭᬸᬂᬯᬾᬦ᭄ᬢᭂᬦ᭄ᬭᬯᬸᬄᬫ᭄ᬭᬶᬓᬶ᭞ᬪᬕᬯᬦ᭄‌ᬯᬺᬱ᭄ᬧᬢᬶᬗᬸᬘᬧ᭄᭞ᬳᬶᬗ᭄ᬕᬶᬄᬭᬢᬸᬰ᭄ᬭᬷᬪᬹᬧᬢᬶ᭞ᬫᬮᬶᬄᬓᬮᬶᬄᬓᬶᬤᬶ
ᬦᬫᬗ᭄ᬓᬶᬦ᭄᭞ᬳᬶᬤᬲᬫᬶᬧᬘᬂᬭᬯᬸᬄ᭞ᬗᬶᬭᬶᬗᬂᬰ᭄ᬭᬷᬦᬭᬦᬵᬣ᭞ᬧᬸᬧᬸᬢ᭄ᬗᬩᬯᭀᬲᬾᬫᬗ᭄ᬓᬶᬦ᭄᭞ᬲᬫᬶᬩᬸᬤᬮ᭄᭞ᬧᬡ᭄ᬥᬶᬢᬓᬮᬶᬄᬲᬂᬦᬵᬣ᭟᭐᭟ᬭᬯᬸᬶᬂᬳᬶᬦᬓᬃ
ᬬ᭄ᬬ᭞ᬯᬢᭂᬓ᭄ᬢᬧᬭᬯᬸᬄᬦᬗ᭄ᬓᬶᬮ᭄᭞ᬧ᭄ᬭᬬᬫᬗᬲ᭄ᬢᬯᬬᬚ᭄ᬜᬵ᭞ᬓᬧᬬᬚ᭄ᬜᬦ᭄ᬗᭀᬚᭀᬕ᭄ᬲᬫᬶ᭞ᬲᬂᬦᬵᬣᬦᬸᬮᬶᬫᬶᬚᬶᬮ᭄᭞ᬭᬶᬂᬧ᭄ᬬᬚ᭄ᬜᬦ᭄ᬳᬶᬤᬫᬮᬸᬗ᭄ᬕᬸᬄ᭞ᬓᬢᬗ᭄ᬓᬶᬮ᭄ᬳᬦ᭄ᬢᬸ
ᬓ᭄ᬧᬡ᭄ᬥᬶᬢ᭞ᬲᬂᬋᬱᬶᬗᬲ᭄ᬢᬯᬲᬫᬶ᭞ᬜ᭄ᬚᬬᬵᬚᬬ᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭟᭐᭟ᬕ᭄ᬭᬶᬬᭂᬗᬦ᭄ᬯᬾᬥᬦ᭄ᬧᬤᬡ᭄ᬥ᭞ᬮ᭄ᬯᬶᬃᬩ᭄ᬭᬳ᭄ᬫᬭᬗᬶᬲᭂᬧ᭄ᬲᬭᬶ᭞ᬮᬾᬤᬂᬲᬂᬦᬵᬣᬓᬸᬲᬸᬫ [ 4 ][ ᭓ 3B]
᭓᭞
᭞ᬓᬳᬲ᭄ᬢᬯᬤᬾᬲᬂᬋᬱᬶ᭞ᬋᬡ᭄ᬬᬵᬪᬯᬓᬵᬢᬸᬃᬲᬫᬶ᭞ᬲᬫᬪᬵᬯᬲᬗᬯᬶᬓᬸ᭞ᬳᬗᬸᬜ᭄ᬘᬭᬓᭂᬦ᭄ᬯᬾᬥᬵ᭞ᬧᬜ᭄ᬘᬬᬦ᭄ᬧᬹᬡ᭄ᬬᬦᬾᬲᬫᬶ᭞ᬗᬲ᭄ᬢᬯᬬᬂ᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫᬵ
᭟᭐᭟ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓᬵ᭞ᬧᬸᬧᬸᬢᬶᬂᬬᬚ᭄ᬜᬧᬸᬦᬶᬓᬶ᭞ᬢᬶᬢ᭄ᬬᬂᬫᬮᬶᬄᬗ᭄ᬯᬗᬸᬦ᭄‌ᬬᬚ᭄ᬜ᭞ᬲᬦ᭄ᬢᬶᬓᬵᬫᭀᬲ᭄ᬢᬓᬫ᭄ᬓᬤᬶ᭞ᬲᬂᬋᬱᬶᬫᬜᬯᬸᬭᬶᬦ᭄᭞ᬧᬢᬸᬢ᭄ᬧᬶᬲᬦ᭄ᬭᬢᬸᬳ
ᬕᬸᬂ᭞ᬫᬗ᭄ᬮᬦ᭄ᬤᬸᬳᬂᬦᬵᬕᬭ᭞ᬧᬜᬶᬭᬫᬦ᭄ᬚᬕᬢᬾᬲᬫᬶ᭞ᬳᭀᬫᬬᬚ᭄ᬜᬵ᭞ᬫᬓᬧ᭄ᬭᬫᬡᬦᬶᬂᬚᬕᬢ᭄᭟᭐᭟ᬲᬂᬋᬱᬶᬓᬢᬸᬭᬦ᭄ᬪᬾᬚᬦ᭞ᬫᬪᭀᬚᬦᬳᬶᬤᬲᬫᬶ᭞ᬕ
ᬬᬸᬂᬧᬾᬦ᭄ᬤᬾᬢ᭄ᬫᬲ᭄ᬮᬶᬬᬸᬭᬦ᭄᭞ᬓᬾᬦᬓ᭄ᬲᬦᬵᬱᬜᬶᬗᬓᬶᬦ᭄᭞ᬦᬾᬜᭀᬦ᭄ᬤᭀᬂᬍᬫᬸᬄᬧᬗᬶᬤ᭄᭞ᬧ᭄ᬭᬕᬶᬦᬦᬾᬧᬥᬳᬬᬸ᭞ᬢᬬᬸᬗᬦᬾᬫᬕᬾᬮᭀᬳᬦ᭄᭞

[ ᭔ 4A]

ᬦᬜ᭄ᬚᭂᬓᬶᬦ᭄ᬕᭀᬗᬾᬫᬫᬸᬜᬶ᭞ᬢᬦ᭄ᬘᬭᬶᬢ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬓᬂᬓᬃᬬ᭄ᬬ᭟᭐᭟ᬭᬳᬶᬦᬢᬢᬲ᭄ᬓᬫᬦ᭄ᬢ᭄ᬬᬦ᭄᭞ᬲᬂᬧ᭄ᬭᬪᬸᬫᭂᬤᬮ᭄ᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬦᬂᬧᬦᬗ᭄ᬓᬶᬮᬦ᭄
᭞ᬫᬶᬯᬄᬪᬸᬚᬗ᭄ᬕᬲᬗᬚᬶ᭞ᬫᬗ᭄ᬕᬮᬲᬶᬭᬲᬂᬧᬢᬶᬄ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬲᬶᬗ᭄ᬕᬶᬄᬋᬱᬶᬦᬮᭀᬘᬡ᭞ᬲᬧᬸᬦᬫᬶᬓᬤᬶᬫᬗ᭄ᬓᬶᬦ᭄᭞ᬧ᭄ᬭᬯᬾᬰᬦᬾ᭞ᬓᭂ
ᬤᬲ᭄ᬕᬮᬂᬢᬦ᭄ᬫᭂᬗᬦ᭄᭟᭐᭟ᬲᬹᬃᬬ᭄ᬬᬫᬓᬮᬗᬦ᭄ᬢᬾᬚ᭞ᬩᬶᬦ᭄ᬢᬗᬾᬳᬶᬦᬩ᭄ᬜᬋᬗᬶᬦ᭄᭞ᬲᬂᬧᬡ᭄ᬥᬶᬢᬫᬵᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬰᬢ᭄ᬭᬸᬫᬗ᭄ᬭᬯᬸᬳᬶᬦ᭄᭞ᬓᭂᬦᬶᬲᬗ᭄ᬕ᭄ᬭᬲ
ᬦᬾᬫᬗ᭄ᬓᬶᬦ᭄᭞ᬰᬢ᭄ᬭᬸᬦᬯᬸᬲ᭄ᬳᬦᬾᬯᬗᬸᬦ᭄‌ᬫᬸᬂᬧᬸᬂᬤᬸᬭᬸᬂᬓᬭᬯᬸᬳᬦ᭄᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬘᬳᬶᬧᬢᬶᬄ᭞ᬫᬘᬭᬸᬩᬦ᭄ᬩᬜᬓ᭄ᬮᬦᬂ᭟᭐᭟ᬳᬶᬧᬢᬶᬄᬫ [ 5 ][ ᭘ 4B]
᭔᭞
ᬳᬢᬸᬃᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬗᬚᬶ᭞ᬭᬭᬶᬲ᭄ᬲᬫᬶᬫᬮᬸᬯᬭᬦ᭄᭞ᬲᬯᭂᬗ᭄ᬓᭀᬦ᭄ᬤᬾᬰᬦᬾ ᬲᬫᬶ᭞ᬕ᭄ᬮᬶᬲᬶᬂᬘᬭᬶᬢᬦᬾᬫᬗ᭄ᬓᬶᬦ᭄᭞ᬩᬶᬮᬂᬩᬜ᭄ᬚᬃᬫᬗᬸᬜ᭄ᬘᬭᬸ᭞
ᬫᬓᬓᭀᬩᭀᬓ᭄ᬳᬦ᭄ᬢᬸᬓ᭄ᬳᭂᬭᬄ᭞ᬲᬜ᭄ᬚᬢᬦᬾ ᬢᬢᬤᬳᬶᬦ᭄᭞ᬲᬡ᭄ᬥᬾᬓᬵᬮ᭞ᬧᬸᬧᬸᬢ᭄ᬘᬭᬸᬫᬮᬸᬯᬭᬦ᭄᭟᭐᭟ᬧᬸᬧᬸᬄᬤᬹᬃᬫ᭄ᬫ᭟ᬓᬯᬃᬡ᭄ᬦᬳᬵᬲᬶᬭᬲᬂᬭᬵᬚ
ᬦᬳᬸᬱ᭞ᬳᬕᬸᬗᬾᬭᬶᬂᬥᬺᬱ᭄ᬝᬚᬸᬢᬶ᭞ᬫᭀᬫᭀᬦᬾᬓᬮᬶᬦ᭄ᬢᬂ᭞ᬢ᭄ᬯᬭᬫᬵᬫ᭄ᬩᭂᬓ᭄ᬓᬥᬃᬫ᭄ᬫᬦ᭄᭞ᬢ᭄ᬯᬭᬤᬾᬯᬵᬢ᭄ᬯᬭᬋᬱᬶ᭞ᬢ᭄ᬯᬭᬲᬦ᭄ᬢᭀᬱ᭞ᬳᬯᬓᬾᬦᬾᬧᬮᬶᬂᬰᬓ᭄ᬢᬶ᭞᭐
᭟ᬧᬲᭂᬫᭂᬗᬦ᭄ᬩᬳᬸᬫᬭᬤᬯᬸᬄᬧᬶᬲᬦ᭄᭞ᬫᬶᬚᬶᬮ᭄ᬤᬦᬾᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬩᬮᬯᬤ᭄ᬯ᭞ᬳᬶᬧᬢᬶᬄᬓᬮᬫᬹᬃᬓ᭄ᬓ᭞ᬫᬜ᭄ᬘᬧᬸᬗ᭄ᬕᬯᬦᬾᬲᬫᬶ᭞ᬭᬵᬚᬦᬵᬳᬸᬱ᭞ᬗᬦ᭄ᬤᬶᬓ
[ ᭕ 5A]
ᬭᬶᬂᬳᬶᬧᬢᬶᬄ᭟᭐᭟ᬤᭀᬳᬶᬧᬢᬶᬄᬩᭂᬮᬶᬩᬳᬸᬦᬶᬗᭂᬳᭀᬃᬢ᭄ᬢ᭞ᬤᬶᬳᬬᭀᬥ᭄ᬬᬭᬢᬸᬍᬯᬶᬄ᭞ᬰᬓ᭄ᬢᬶᬩᬮᬯᬶᬃᬬ᭄ᬬ᭞ᬯᬶᬱᬬᬥᬃᬫ᭄ᬫᬦᬶᬂᬭᬵᬢ᭄᭞ᬓᭂᬦᭂᬄᬩᭂᬮᬶᬫᬗᬗ᭄ᬓᬢᬶᬦ᭄
᭞ᬘᬳᬶᬦᬩ᭄ᬤᬩᬂ᭞ᬤᬯᬸᬳᬶᬦ᭄ᬧᬜ᭄ᬚᬓᬾᬲᬫᬶ᭟᭐᭟ᬧᬘᬂᬗ᭄ᬭᬶᬱ᭄ᬝᬦᬾᬫᬦᬶᬧᬲᭂᬫᭂᬗᬦ᭄᭞ᬳᬢᬕᬂᬓᬤᬾᬰᬚᬶᬫ᭄᭞ᬢᬸᬫᬸᬮᬶᬫᬗᬭᬄ᭞ᬦᬾᬚᬦᬶᬘᬳᬶᬫᬚᬮᬦ᭄᭞
ᬫᬦᬶᬲᭂᬫᭂᬂᬦᬧᬓ᭄ᬤᬶᬦᬶ᭞ᬫᬭᬶᬗᬦ᭄ᬭᭀᬯᬂ᭞ᬳᬶᬧᬢᬶᬄᬫᬫᬸᬘᬸᬓᬶᬦ᭄᭟᭐᭟ᬲᬯᬸᬃᬲᭂᬫ᭄ᬩᬄᬧᬋᬓᬦᬾᬲᬫᬶᬕᬶᬭᬂ᭞ᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂ᭞ᬜᬥ᭄ᬬᬫᭂᬢᭀᬄᬚᬶᬯ᭞ᬗᭂᬦ᭄ᬤᭀᬦ᭄ᬓ
ᬬᭀᬥ᭄ᬬᬦᬵᬕᬭ᭞ᬢᬶᬢ᭄ᬬᬂᬳᬬᬓ᭄ᬫᬜᬭᬳᬶᬦ᭄᭞ᬧ᭄ᬭᬪᬸᬳᬬᭀᬥ᭄ᬬ᭞ᬘᭂᬗ᭄ᬓ᭄ᬮᬶᬂᬢᬶᬢ᭄ᬬᬂᬧᬭᬫᬗ᭄ᬓᬶᬦ᭄᭟᭐᭟ᬧᬤᬳᬾᬕᬃᬧᬸᬗ᭄ᬕᬯᬦᬾᬫᬫᬶᬋᬗᬂ᭞ᬧ᭄ᬭᬚᬸᬭᬶᬢᬾᬫᬗᬸᬮᬧᬶᬦ᭄ [ 6 ][ ᭕ 5B]
᭕᭞
ᬮᬯᬸᬢ᭄ᬦᭂᬗᬶᬓ᭄ᬗᬸᬫ᭄ᬩᬂ᭞ᬧᬥᬫᬗᬲ᭄ᬕᬲ᭄ᬢᬗ᭄ᬓᬄ᭞ᬘᬭ᭄ᬯᬂᬢᬶᬢ᭄ᬬᬂᬤᬾᬯᬳᬚᬶ᭞ᬭᬶᬂᬭᬡᬬᬚ᭄ᬜᬵ᭞ᬫᬗ᭄ᬮᬯᬦ᭄ᬰᬢ᭄ᬭᬸᬰᬓ᭄ᬢᬶ᭟᭐᭟ᬤᬦᬾᬕᬃᬲᬶᬭᬧ᭄ᬭᬪᬸᬦᬳᬸᬱ᭞ᬫᬶᬋᬂᬲᬗ᭄ᬕᬸᬧ᭄ᬧᬜ᭄ᬚ
ᬦᬾᬲᬫᬶ᭞ᬦ᭄ᬤᬵᬢᬦ᭄ᬘᬶᬦᬭᬶᬢ᭞ᬲᭂᬥᭂᬓ᭄ᬫᬳᬶᬫ᭄ᬬᬦᬶᬫ᭄ᬬᬦᬦ᭄᭞ᬓᬳᬶᬧᬸᬓ᭄ᬧᬜ᭄ᬚᬓᬾᬲᬫᬶ᭞ᬫᬧᬸᬜᬄᬧᬸᬜᬳᬦ᭄᭞ᬓᬦ᭄ᬢᭀᬲ᭄ᬲᬸᬭᬸᬧ᭄ᬲᬂᬳ᭄ᬬᬂᬭᬯᬶ᭟᭐᭟ᬫᬓᬍᬫᬄᬫ
ᬳᬾᬦᬓ᭄ᬫᬮᬮᬕᬭᬦ᭄᭞ᬲᭂᬫᭂᬂᬓᭀᬘᬧᬦᬾᬫᬗ᭄ᬓᬶᬦ᭄᭞ᬲᬫᬶᬗ᭄ᬭᬗ᭄ᬲᬸᬓ᭄ᬧᬬᬲ᭄᭟ᬫᬪᬸᬱᬡᬩᭂᬘᬶᬓ᭄ᬧᬶᬲᬦ᭄᭞ᬢᭂᬓᬦᬶᬂᬧᬓᬓᬲ᭄ᬚᬸᬭᬶᬢ᭄᭞ᬭᬵᬚᬓᬯᬸᬱ᭞ᬭᬶᬂ
ᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭟᭐᭟ᬗᬫᬃᬕ᭄ᬕ᭄ᬬᬂᬲᬶᬓᭂᬧᬾᬫᬓᬡ᭄ᬥᬓᬡ᭄ᬥ᭞ᬳᬶᬧᬢᬶᬄᬫᬫᬸᬘᬸᬓᬶᬦ᭄᭞ᬢᬦ᭄ᬓᬯᬃᬡ᭄ᬦᬾᬂᬫᬃᬕ᭄ᬕ᭞ᬳᬮᬲᬾᬲᬫᬶᬕᬮᬂ᭞ᬢᬫ᭄ᬧᬓ᭄ᬚᬢ᭄ᬫᬦᬾᬗᭂᬦ᭄ᬢᬲᬶᬦ᭄
[ ᭖ 6A]
᭞ᬍᬧᬸᬕᬤᬶᬦ᭞ᬭᬵᬚᬦᬳᬸᬱᬫᬫᬃᬕ᭄ᬕᬶ᭟᭐᭟ᬮᬶᬢᬢ᭄ᬤᬾᬰᬧᭂᬢᭂᬂᬤᭂᬤᭂᬢ᭄ᬲᬳᬓᬶᬮᬧ᭄᭞ᬕᬸᬍᬫᬾᬫᬜᬧᬸᬢᬶᬦ᭄᭞ᬳᬗᬶᬦᬾᬗᬹᬢᬭ᭞ᬢᬸᬗ᭄ᬕᬸᬮ᭄ᬭᬵᬚᬦᬵᬯᬱ᭞ᬧᬸ
ᬗ᭄ᬤᭂᬮ᭄ᬩᬸᬩᬃᬳᬗᬶᬦ᭄ᬢᬭᬶᬓ᭄᭞ᬧᬬᬸᬗᬾᬕ᭄ᬭᬾᬫᬾᬦᬵᬕ᭄᭞ᬓᬢᬶᬩᬾᬦᬦ᭄ᬳᬸᬚᬦ᭄ᬕᭂᬢᬶᬄ᭟᭐᭟ᬲᬓᬶᬂᬕᭂᬮᬶᬲ᭄ᬧᬫᬃᬕ᭄ᬕᬶᬦ᭄ᬭᬵᬚᬦᬵᬯᬸᬱ᭞ᬭᬯᬸᬄᬭᬶᬂᬢᭂᬧᬶᬲᬶᬭᬶᬂ᭞ᬤᬶᬢᬸᬗ᭄ᬯᬗᬸᬦ᭄ᬤᭂᬮᬃ
᭞ᬤᬶᬢᭂᬧᬶᬮ᭄ᬯᬄᬤᬾᬰᬫᬸᬦ᭄ᬤ᭄ᬭ᭞ᬳᬶᬧᬢᬶᬄᬗᬤ᭄ᬯᬂᬫᬗ᭄ᬓᬶᬦ᭄᭞ᬳᬜᬭᬄᬤᬾᬰ᭞ᬳᬫᬶᬥᬡ᭄ᬥᬵᬫᬗ᭄ᬮᬭᬦᬶ᭟᭐᭟ᬧᬥᬭᬭᬸᬤ᭄ᬢᭂᬧᬶᬲᬶᬭᬶᬗᬾᬓᬤᬾᬰ᭞ᬦᬾ
ᬯᬦᬾᬦ᭄ᬫᬢᬗ᭄ᬕᬮ᭄ᬢᬦ᭄ᬤᬶᬂ᭞ᬫᬲ᭄ᬬᬢ᭄ᬫᬳᬸᬩᭂᬭᬸᬩᭂᬭᬦ᭄᭞ᬲᬮᬾᬲᭂᬧᭂᬕ᭄ᬲᬮᬾᬂᬚᬫ᭄ᬩᬓ᭄᭞ᬳᬤᬗᬫᬸᬓ᭄ᬩᬦ᭄ᬕᬕᬶᬢᬶᬓ᭄᭞ᬲᬳᬲᬦᬸᬚᬄ᭞ᬩᬦ᭄ᬢᭀᬫᬭᬲᬸᬮᬶᬕᬶ [ 7 ][ ᭖ 6B]
᭖᭞
᭟᭐᭟ᬧᭂᬲᬸᬕᭂᬢᬶᬄᬍᬗᬭᬾᬫᬓᭂᬘᬄᬓᭂᬘᬄ᭞ᬮᬾᬦ᭄ᬳᬤᬢᬶᬫ᭄ᬧᬂᬜᬕ᭄ᬚᬕᬶᬦ᭄᭞ᬗᬶᬕᭂᬮ᭄ᬗᬫᬮᬸᬯᬂ᭞ᬢᬦ᭄ᬫᬵᬦᬓ᭄ᬮᬸᬄᬗᭂᬧᭂᬮᬓ᭄᭞ᬓᬫᭂᬫᭂᬕᬦ᭄ᬫᬜᬸᬗ᭄ᬓᬶᬭᬶᬢ᭄᭞
ᬦᬾᬮᬸᬄᬫᬗᬸᬫ᭄ᬩᬂ᭞ᬫᬗᬸᬤᬳᬶᬩᬫᬮᬳᬶᬩ᭄᭟᭐᭟ᬫᬮᬸᬯᬭᬦ᭄ᬧᬲ᭄ᬬᬢᬾᬲᬸᬭᬸᬧ᭄ᬲᬃᬬ᭄ᬬ᭞ᬢᭂᬧᬶᬲᬶᬭᬶᬗᬾᬫᬗ᭄ᬓᬶᬦ᭄᭞ᬫᬗ᭄ᬯᬗᬸᬦᬂᬕᭂᬮᬃ᭞ᬫᬢᬾᬫ᭄ᬩᭀ
ᬓ᭄ᬗᬦ᭄ᬢᭀᬫᬭ᭞ᬚᭀᬗ᭄ᬓᭀᬓᬲᬸᬫᬦᭀᬗᭀᬲᬶᬦ᭄᭞ᬢᭀᬗᭀᬲ᭄ᬫᬜᬦ᭄ᬥᬶᬂ᭞ᬫᬸᬲᬸᬳᬾᬦᬾᬫᬫᬭᬦᬶᬦ᭄᭟᭐᭟ᬳᬶᬓᬬᬂᬮᬶᬫᬜ᭄ᬚᬮᬦᬂᬧᬸᬢᬶᬄᬭᬢ᭞
ᬧᬋᬓ᭄ᬓᬬᭀᬥ᭄ᬬᬧᬸᬭᬶ᭞ᬫᬵ ᬢᬸᬃᬧᬳᬸᬦᬶᬗ᭞ᬭᬶᬂᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭ᭞ᬳᬦ᭄ᬢᬸᬓ᭄ᬰᬢ᭄ᬭᬸᬫᬗ᭄ᬭᬯᬸᬳᬶᬦ᭄᭞ᬭᬵᬚᬦᬵᬯᬸᬱ᭞ᬧᭂᬲᬾᬗᬦᬾᬲᬗᬚᬶ᭟᭐᭟ᬓᬘᬭᬶ
[ ᭗ 7A]
ᬢᬳᬶᬤᬰ᭄ᬭᬶᬘᬡ᭄ᬥᬶᬓᬸᬲᬸᬫ᭞ᬭᬶᬂᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬭᬵᬪᬸᬚᬗ᭄ᬕ᭞ᬳᬶᬧᬢᬶᬄᬫ᭄ᬯᬂᬲᬗᬃᬬ᭄ᬬ᭞ᬲᬫᬗᬋᬧᬓᭂᬦ᭄ᬮᬶᬗ᭄ᬕᬶᬄ᭞ᬫᬲᬶᬤ᭄ᬬᬓ᭄ᬭᬫ᭞ᬧᬢᬶᬄᬕᬢ
ᬦᬃᬫ᭄ᬩᬄᬳᬕ᭄ᬮᬶᬲ᭄᭟᭐᭟ᬭᬢᬸᬳᬕᬸᬂᬢᬶᬢ᭄ᬬᬂᬦᬸᬦᬲ᭄ᬧᬗᬫ᭄ᬧᬸᬭ᭞ᬦ᭄ᬭᭀᬚᭀᬕ᭄ᬲᭂᬥᭂᬓ᭄‌ᬰ᭄ᬭ᭄ᬬᬵᬕᬸᬗᬚᬂ᭞ᬳᬢᬸᬃᬧᬗᬯ᭄ᬭᬸᬳᬵ᭞ᬢᭂᬧᬶᬲᬶᬭᬶᬂᬧᬸᬦᬶᬓᬵ ᭞ᬰᬢ᭄ᬭᬸ
ᬳᬕᬸᬂᬫᬗ᭄ᬭᬯᬸᬳᬶᬦ᭄᭞ᬭᬵᬚᬦᬯᬸᬲ᭞ᬧᭂᬲᬾᬗᬦ᭄ᬳᬶᬤᬲᬗᬚᬶ᭟ᬧᭀᬮᬶᬄᬫ᭄ᬬᬥᬵᬓᬯᬸᬮᬦ᭄ᬘᭀᬓᭀᬃᬳᬶᬤᬾᬯ᭞ᬩᬾᬘᬾᬓ᭄ᬲᬫᬶᬦᬦ᭄ᬤᬂᬓᬦᬶᬦ᭄᭞ᬲᬂ
ᬦᬣᬭᬭᬶᬲ᭄ᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄᬲᬸᬭᬩᬬ᭞ᬮᬯᬸᬢᬂᬚᬦᬶᬢᬦ᭄ᬤᬶᬗᬶᬦ᭄᭞ᬓ᭄ᬬᬬᬶᬧᬢᬶᬄᬫᬗ᭄ᬓᬢ᭄᭞ᬳᭂᬤᬵ ᬲᬗ᭄ᬕᬄᬩᬸᬯᬶᬦ᭄ᬫᬸᬮᬶᬄ᭟᭐᭟ᬫᬭᬦ᭄ᬢᬩᬦ᭄ᬚᬢ᭄ᬫ [ 8 ][ ᭗ 7B]
᭗᭞
ᬦᬧᬥᬫᬜᬕ᭄ᬚᬕ᭄᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬫᬫᬸᬜᬶ᭞ᬲᬶᬓᭂᬧ᭄ᬳᬲ᭄ᬮᬶᬬᬸᬭᬦ᭄᭞ᬫᬓᬦ᭄ᬤᬓᬤᬶᬭᬶᬲᬸᬭᬢ᭄᭞ᬧᬫᬃᬕ᭄ᬕᬶᬦᬾᬰ᭄ᬭᬶᬪᬸᬧᬢᬶ᭞ᬘᬡ᭄ᬥᬶᬓᬸᬲᬸᬫᬵ᭞ᬲᬂᬋᬱᬶᬗᭂᬫᬶᬢ᭄ᬤᬶᬧᬸᬭᬶ᭟
᭐᭟ᬲᬓᬶᬂᬕᭂᬮᬶᬲ᭄ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬬᬸᬥᬦ᭄᭞ᬢᬸᬫᬸᬮᬶᬫᬢᬗ᭄ᬓᭂᬧ᭄ᬚᬸᬭᬶᬢ᭄᭞ᬳᬶᬧᬢᬶᬄᬓᬮᬫᬹᬃᬓ᭄ᬓ᭞ᬫᬗ᭄ᬮᬯᬦ᭄ᬧᬢᬶᬄᬲᬸᬭᬚᬬᬵ᭞ᬫᬲ᭄ᬬᬢ᭄ᬧᬲᭂᬮᬾᬂᬧᬦ᭄ᬢᬶᬂ᭞ᬫ
ᬕᬸᬦᬸᬂᬓᬸᬦᬧᬵᬫᬲᬵᬕᬭᬩᬳᬦ᭄ᬕᭂᬢᬶᬄ᭟᭐᭟ᬓᬤᬮᬸᬭᬸᬂᬧᬫᬸᬓ᭄ᬧᬢᬶᬄᬓᬮᬫᬹᬃᬓ᭄ᬓ᭞ᬧᭂᬚᬄᬢᬦ᭄ᬧᬗᬸᬦ᭄ᬤᬶᬮᬶ᭞ᬳᬸᬫᬸᬂᬢᬢᬩᬸᬳᬦ᭄᭞ᬕᭀᬂᬪᬾᬭᬶ
ᬮᬯᬦ᭄ᬲᬸᬭᬓ᭄᭞ᬭᬵᬚᬦᬯᬸᬲᬦᬸᬮ᭄ᬬᬵᬗ᭄ᬮᬶᬂ᭞ᬦᬸᬤᬸᬳᬂᬩᬮ᭞ᬳᬗᬋᬧᬓᭂᬦ᭄ᬚᬭᬶᬢ᭄᭟᭐᭟ᬧᭂᬢᭂᬂᬍᬫᬄᬲ᭄ᬬᬢᬾᬫᬤᬸᬓᬤᬸᬓᬦ᭄᭞ᬢ᭄ᬯᬭᬗᬶᬢᬸᬂᬫᬢᬢᬸ
[ ᭘ 8A]
ᬫᬢᬶ᭞ᬰ᭄ᬭᬶᬘᬡ᭄ᬥᬶᬓᬸᬲᬸᬫᬵ ᭞ᬓᬳᬋᬧ᭄ᬲᬳᬵᬲᬜ᭄ᬚᬢ᭞ᬭᬵᬚᬦᬯᬸᬲᬜᬕ᭄ᬚᬕᬶᬦ᭄᭞ᬫᬢᬓᭀᬦ᭄ᬩᬗ᭄ᬕ᭄ᬭᬲ᭄᭞ᬳᭂᬩᬾᬦ᭄ᬳᬶᬩᬢᭂᬓᬫᬳᬶ᭟᭐᭟ᬮᬶᬦ᭄ᬢᬂᬧᬗ᭄ᬓᬄ
ᬫᬜᬩᬸᬭᬶᬦ᭄ᬳᬧᬶᬫᬗᬧ᭄᭞ᬲᬂᬧ᭄ᬭᬪᬸᬫᬜᬯᬸᬭᬶᬦ᭄᭞ᬳᬧᬦ᭄ᬫᬸᬮᬓᬾᬢᭀ᭞ᬢᬶᬗ᭄ᬓᬄᬳᬦᬓᬾ ᬧᬸᬭᬸᬱ᭞ᬢᬦᬗᬶᬢᬸᬂᬩᬬᬧᬢᬶ,ᬬᬤᬸᬓᬯᬶᬪᬸ
ᬚᬦ᭄᭞ᬫᬍᬫᬸᬭᬸᬤ᭄ᬩᬳᬦ᭄ᬫᬶᬫᬶᬲᬶ᭟᭐᭟ᬫᬓᬓᭀᬲᭀᬓ᭄‌ᬬᬯᬢ᭄ᬫᬦ᭄ᬤᬸᬲ᭄ᬩᬦ᭄ᬘᬭᬶᬕ᭞ᬫᬫ᭄ᬩᬸᬄᬩᬦ᭄ᬳᬦ᭄ᬤᬸᬲ᭄ᬩᭂᬤᬶᬮ᭄᭞ᬓᬺᬗᭂᬦ᭄ᬲᬂᬦᬯᬸᬲ᭞ᬮᬯᬸᬢ᭄ᬫᬦᭂ
ᬫᬓ᭄ᬢᬸᬫ᭄ᬗᬓ᭄᭞ᬓᬢᬸᬫ᭄ᬩᬓ᭄‌ᬰ᭄ᬭᬶᬦᬭᬧᬢᬶ᭞ᬢ᭄ᬯᬭᬵᬤᬓᭂᬥᬲ᭄᭞ᬲᬂᬦᬵᬣᬦᬸᬮ᭄ᬬᬳᬗ᭄ᬮᬶᬂ᭟᭐᭟ᬳᭂᬦᬾᬓᬳᬶᬳᬧᬂᬳᬶᬩᬢᬢᬲ᭄ᬦᬯᬂ᭞ᬓᬳᬶᬰ᭄ᬭᬷᬦᬭ [ 9 ][ ᭘ 8B]
᭘᭞
ᬧᬢᬶ᭞ᬲᬂᬘᬡ᭄ᬥᬶᬓᬸᬲᬸᬫᬵ᭞ᬳᬫᬗ᭄ᬓᬸᬳᬢᭀᬥ᭄ᬬᬧᬸᬭᬵ᭞ᬭᬵᬚᬦᬯᬸᬲᬜᬯᬸᬭᬶᬦ᭄᭞ᬘᬡ᭄ᬥᬶᬓᬸᬲᬸᬫ᭞ᬳᬶᬩᬓᭀᬦᬾᬓᬲᬸᬩ᭄ᬰᬓ᭄ᬢᬶ᭟᭐᭟ᬲᬮᬾᬂᬢᬸᬫ᭄ᬩ
ᬓ᭄ᬲᬂᬦᬵᬣᬘᬡ᭄ᬥᬶᬓᬸᬲᬸᬫ᭞ᬤᬸᬳᬸᬢᭂᬕᬸᬄᬲᬗᬚᬶ᭞ᬓᬲᬸᬭᬸᬧᬦ᭄ᬲᬹᬃᬬ᭄ᬬᬵ᭞ᬧᬬᬸᬥᬦᬾᬫᬮᬸᬯᬭᬦ᭄᭞ᬧᬥᬗᬸᬗ᭄ᬲᬶᬓᬸᬝᬵᬦᬾᬓᬶ᭞ᬯᭂᬗᬶᬦᬾᬓᭀ
ᬘᬧ᭄᭞ᬭᬵᬚᬦᬯᬸᬲᬧ᭄ᬭᬶᬳᬢᬶᬦ᭄᭟᭐᭟ᬧᬭᬬᭀᬥᬫᬩ᭄ᬭᬶᬬᬸᬓ᭄ᬲᬫᬶᬫᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬤᬾᬯᬳᬚᬶ᭞ᬲᬵ ᬫ᭄ᬧᬸᬦ᭄ᬤᬵᬗᬾᬯᭂᬳᬂ᭞ᬢᬶᬢ᭄ᬬᬂ
ᬗᬗ᭄ᬓᬢᬦ᭄ᬦᬾᬩᬾᬜ᭄ᬚᬂ᭞ᬢᬦᬸᬭᬸᬂᬳᬶᬧᬸᬦ᭄ᬫᬘᬗ᭄ᬓ᭄ᬮᬶᬂ᭞ᬘᬡ᭄ᬥᬶᬓᬸᬲᬸᬫᬵ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬦ᭄ᬤᬶᬗᬶᬦ᭄᭟᭐᭟ᬭᬵᬚᬦᬯᬸᬲᬫᬗᭂᬲᬾᬗᬂᬦ᭄ᬫᬢᭂᬓ᭄ᬯᬶᬭ᭞ᬫ
[ ᭙ 9A]
ᬤᬸᬫ᭄ᬧᬶᬮᬶᬄᬫᬦᬶᬫ᭄ᬩᬗᬶᬦ᭄᭞ᬧᬺᬧᬸᬗ᭄ᬕᬯᬲᬫ᭄ᬬᬦ᭄᭞ᬫᬶᬯᬄᬩ᭄ᬭᬬᬦᬾᬫᬓᭂᬚᬂ᭞ᬓᬾᬦ᭄ᬓᬾᬦ᭄ᬩᬦ᭄ᬦᬬᬦᬂᬚᬦᬶ᭞ᬧᭀᬳᭀᬲ᭄ᬧᭀᬳᭀᬲᬂ᭞ᬤᬾᬦᬶᬂᬦᬸ
ᬳᬚᬓ᭄ᬳᬓᬶᬓᬶᬢ᭄᭟᭐᭟ᬧᬲᭂᬫᭂᬗᬦ᭄ᬩᬳᬸᬫᬭᬳᬮᬂᬢᬦᬄ᭞ᬲᬂᬧ᭄ᬭᬪᬸᬦᬸᬮᬶᬫᬶᬚᬶᬮ᭄᭞ᬗᬫ᭄ᬩ᭄ᬬᬂᬓᬂᬓᬯᬸᬮ᭞ᬲᬸᬭᬓ᭄ᬳᬸᬫᬸᬂᬳᬲᬯᬸᬭᬦ᭄᭞ᬢᬫ᭄ᬩᬸᬃᬕᭀᬗ᭄
ᬪᬾᬭᬦᬫ᭄ᬩᬸᬗᬶᬦ᭄᭞ᬯᬢᭂᬓ᭄ᬳᬬᭀᬥ᭄ᬬᬵ᭞ᬫᬩ᭄ᬭᬶᬬᬸᬓ᭄ᬢᭂᬓᬗᬗ᭄ᬓᬢᬶᬦ᭄᭟᭐᭟ᬫᬘᬸᬦ᭄ᬤᬸᬓ᭄‌ᬯᬢᭂᬓ᭄ᬩᬮᬭᬵᬚᬦᬯᬸᬲ᭞ᬮᬯᬦ᭄ᬯᭀᬂᬳᬬᭀᬥ᭄ᬬᬵ
ᬧᬸᬭᬶ᭞ᬧᬥᬢ᭄ᬬᬦ᭄ᬢᬾᬂᬮᬕ᭞ᬢᬸᬳᬸᬓᬧ᭄ᬭᬓᭀᬰᬾᬂᬭᬡᬵ᭞ᬯᭀᬂᬤᬺᬱ᭄ᬝᬵᬚᬸᬢᬶᬓᬮᬶᬮᬶᬄ᭞ᬳᬦᬦ᭄ᬤᬂᬮᬭᬵ᭞ᬓᬩᬡ᭄ᬥᬵᬓᬢᬶᬕ᭄ᬢᬶᬕᬶᬦ᭄᭟᭐᭟ [ 10 ][ ᭙ 9B]
᭙᭞
ᬮᬾᬦ᭄ᬓᬚᭂᬓ᭄ᬚᭂᬓ᭄ᬓᬧᬳᬶᬤ᭄ᬳᬚᬓ᭄ᬓᬧᭀᬦ᭄ᬤᭀᬓ᭄᭞ᬫᬢᭂᬕᬸᬮ᭄ᬢᬸᬃᬫᬢᬫ᭄ᬗᬶ᭞ᬲᬂᬭᬵᬚᬦᬯᬸᬲᬵ ᭞ᬤᬳᬢ᭄ᬓ᭄ᬭᭀᬥᬦᬾᬓᬮᬶᬦ᭄ᬢᬂ᭞ᬫᬜᭂᬭᬶᬢ᭄ᬦᬕᬶᬄᬧᭂᬲᬸᬳᬶᬦ᭄᭞ᬰ᭄ᬭᬶ
ᬦᬭᬦᬵᬣ᭞ᬕᭂᬮᬶᬲ᭄ᬳᬶᬤᬩᬫᭂᬤᬮᬶᬓ᭄᭟᭐᭟ᬫᬘᬸᬦ᭄ᬤᬸᬓ᭄ᬭᬶᬂᬲᬂᬭᬵᬚᬦᬯᬸᬲ᭞ᬲᬂᬦᬵ ᬣᬳᬗ᭄ᬮᬶᬂᬳᬭᬶᬲ᭄᭞ᬳᬄᬭᬵᬚᬦᬯᬸᬲ᭞ᬢᬸᬳᬸᬓᭀᬘᬫᬬ
ᬦ᭄ᬢ᭞ᬫᬢᭂᬫᬸᬧᬥᬧᬺᬚᬸᬭᬶᬢ᭄᭞ᬫᬕᭂᬮᭀᬜ᭄ᬚᬓᬦ᭄᭞ᬫᬲᬶᬮᬸᬃᬲᬶᬓᭂᬧ᭄ᬢᬦ᭄ᬚ᭄ᬭᬶᬄ᭟᭐᭟ᬲᬂᬦᬯᬸᬲᬲᭂᬩᭂᬗᬾᬫᬲᭂᬫᬸᬫᬾᬭᬂ᭞ᬳᬕ᭄ᬮᬶᬲ᭄ᬦᬫ᭄ᬩᬸᬢ᭄ᬢᭀᬫᬭᬗᭂ
ᬦ᭄ᬤᬶᬄ᭞ᬰ᭄ᬭᬶᬘᬡ᭄ᬥᬶᬓᬸᬲᬸᬫ᭞ᬢᬦ᭄ᬲᬄᬫᬦᬫ᭄ᬩᬸᬢ᭄ᬧᬦᬄ᭞ᬩᬚ᭄ᬭᬵᬕ᭄ᬦᬶᬓᬵᬧᬂᬫᬗ᭄ᬓᬶᬦ᭄᭞ᬰ᭄ᬭᬶᬘᬡ᭄ᬥᬶᬓᬸᬲᬸᬫᬵ᭞ᬢᬸᬳᬸᬢᬦ᭄ᬢᭂᬢᭂᬲᬶᬂᬓᬦᬶᬦ᭄᭟᭐᭟ᬲᬦᬯᬸᬲᬵ
[ ᭑᭐ 10A]
᭑᭐᭞
ᬓᬧᬦᬄᬓ᭄ᬦᬭᬶᬢᬗ᭄ᬓᬄ᭞ᬭᬳᬾᬫᭂᬫ᭄ᬩᬄᬫᬶᬚᬶᬮ᭄᭞ᬮᬄᬫᬜᬸᬮᬾᬫ᭄ᬧᬂ᭞ᬢᬸᬫᬸᬮᬶᬭᬭᬶᬲ᭄ᬓᬧᬸᬗ᭄ᬕᬮ᭄᭞ᬲᬸᬭᬓ᭄ᬢᬢᬩᬸᬳᬦ᭄ᬢᬭᬶᬓ᭄᭞ᬲᬶᬲᬦᬶᬂᬧᭂᬚᬄ᭞ᬧᬥᬫᬦᬸ
ᬦᬲ᭄ᬳᬸᬭᬶᬧ᭄᭟᭐᭟ᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬤᬦᬾᬧᬢᬶᬄᬲᬸᬭᬚᬬ᭞ᬢᬦ᭄ᬤᬸᬫᬢᬸᬮᬓ᭄ᬤᬮᬶᬄ᭞ᬳᬬᬢ᭄ᬓᬤ᭄ᬭᬱ᭄ᬝᬵᬤᬾᬰ᭞ᬓᬂᬓᬦᬶᬦ᭄ᬦᬸᬮᬶᬢᬶᬦᬫ᭄ᬩᬦ᭄᭞ᬓᬧᭂᬚᬄᬧᭂᬦᭂᬦ᭄ᬤᭂᬫ᭄ᬲᬫᬶ
ᬢᭂᬮᬸᬂᬧ᭄ᬭᬓᬭ᭞ᬤᬦᬾᬲᬋᬂᬳᬶᬧᬢᬶᬄ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫᬵ ᭞ᬩᬸᬤᬮ᭄ᬓᬧᬸᬭᬶᬧ᭄ᬭᬫᬗ᭄ᬓᬶᬦ᭄᭞ᬤᬺᬱ᭄ᬝᬵᬚᬸᬢᬶᬓ᭄ᬯᬾᬄᬗᬶᬭᬶᬗᬂ᭞ᬓᬵ
ᬢᬹᬃᬭᬶᬂᬰ᭄ᬭᬶᬦᬭᬧᬢᬶ᭞ᬲᬂᬦᬵᬣᬳᬗ᭄ᬮᬶᬂᬳᬭᬶᬲ᭄᭞ᬤᬾᬧᬢᬶᬄᬢᬓᭀᬦᬶᬦ᭄ᬫᬮᬸ᭞ᬓᬾ ᬦ᭄ᬓᬾᬦ᭄ᬫᬩᬸᬤ᭄ᬥᬶᬧᭂᬚᬄ᭞ᬳᬦᬓᬮᬯᬦ᭄ᬫᬳᬸᬭᬶᬧ᭄ [ 11 ][ ᭑᭐ 10B]
᭑᭐᭞ᬯᭀᬂᬦᬯᬸᬱ᭞ᬤᬧᭂᬕ᭄ᬦᬸᬦᬲ᭄ᬮᬮᬸᬧᬸᬢᬦ᭄᭟᭐᭟ᬢᬸᬫᬸᬮᬶᬭᬭᬶᬲ᭄ᬓᬕᬕᬄ᭞ᬲᬓ᭄ᬭᬄᬚᬢ᭄ᬫᬦᬾᬫᬢᬮᬶ᭞ᬭᬯᬸᬄᬤᬾᬯᬲᬲᬸᬳᬸᬦᬦ᭄᭞ᬧᬸᬦᬶᬓᬶᬯᬾ
ᬦ᭄ᬢᭂᬦ᭄ᬳᬲᬶᬓᬶ᭞ᬧᬸᬢ᭄ᬭᬦ᭄ᬳᬶᬤᬲᬗᬚᬶ᭞ᬥᬃᬫ᭄ᬫᬬᬸᬥᬵᬓᬂᬚᬚᬸᬮᬸᬓ᭄᭞ᬳᬶᬤᬫᬦᬸᬗ᭄ᬕᬸᬤᬾᬰ᭞ᬩᬯᬸᬫᬭᬦᬫ᭄ᬩᬸᬢ᭄ᬓᭂᬭᬶᬲ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶ
ᬓᬭᬶᬂᬧᬢᬶᬂᬲᬸᬭᬚᬬ᭟᭐᭟ᬳᬶᬧᬢᬶᬄᬮᬯᬸᬢ᭄ᬗᬢᬸᬭᬂ᭞ᬦᬾᬮᬸᬯᬲ᭄ᬓᬥᬺᬱ᭄ᬝᬵᬚᬸᬢᬶ᭞ᬧᬘᬂᬫᬜᭂᬫᬓ᭄ᬚᬚᬭᬳᬦ᭄᭞ᬥᬃᬫ᭄ᬫᬵᬬᬸᬥᬳ
ᬚᬓ᭄ᬫᬳᬶ᭞ᬳᬶᬧᬢᬶᬄᬫᬢᬹᬃᬪᬓ᭄ᬢᬶ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬭᬢᬸ᭞ᬫᬶᬯᬄᬦᬾᬩ᭄ᬭᬬᬫᬓᭂᬚᬂ᭞ᬲᬋᬂᬮᬦ᭄ᬯᭀᬂᬥᬺᬱ᭄ᬝᬵᬚᬸᬢᬶ᭞ᬰ᭄ᬭᬶᬦᬭᬾᬦ᭄ᬤ᭄ᬭᬵᬗ

[ ᭑᭑ 11A]
ᬦ᭄ᬤᬶᬓᬩᭂᬦᭂᬄᬫᭂᬚᬮᬦ᭄᭟᭐᭟ᬳᬶᬧᬢᬶᬄᬫᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬫᬗᬶᬭᬶᬂᬳᬃᬬ᭄ᬬᬳᬬᭀᬤ᭄ᬬ᭞ᬢᬦᬲᬸᬯᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬶᬂᬤᬾᬰᬤᬺᬱ᭄ᬝᬵᬦᬕᬭᬶ᭞ᬳᬶ
ᬥᬃᬫ᭄ᬫᬬᬸᬥᬵᬲ᭄ᬤᭂᬓ᭄ᬫᬮᬸᬗ᭄ᬕᬸᬄ᭞ᬗᭂᬮᬶᬂᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬓᬢᬸᬗ᭄ᬕᬮᬶᬦ᭄ᬩᬸᬓᬵᬚᬦᬶ᭞ᬢᬦᬶᬩᬕ᭄ᬬᬵ᭞ᬳᬶᬧᬢᬶᬄᬦᬸᬮᬶᬳᬗᬸᬘᬧ᭄᭟᭐᭟ᬳᬬ᭄ᬯᬢ
ᬦ᭄ᬤ᭄ᬭᬸᬄᬤᬾᬦ᭄ᬢᬲᬶᬭᬵ᭞ᬧᬦᬶᬢᬳᬂᬧ᭄ᬭᬫᬦᬯᬶ᭞ᬲᬸᬓᬤᬸᬓᬢᬦ᭄ᬓᬲᬄ᭞ᬦᬾᬚᬦᬶᬩᬸᬯᬶᬦ᭄ᬳᬯᬶᬢᬶᬦ᭄᭞ᬓᬲ᭄ᬢᬧᬬᬂᬦᬾᬚᬦᬶ᭞ᬭᬶᬂᬮᬶᬗ᭄ᬕᬶᬄ
ᬳᬶᬲᬂᬧ᭄ᬭᬪᬸ᭞ᬳᬶᬭᬶᬂᬧᬓᬬᬸᬦᬦ᭄ᬳᬶᬤ᭞ᬳᭂᬤᬘᬳᬶᬫᬦᬶᬯᬮᬶᬦ᭄᭞ᬫᬸᬮᬓᬾᬢᭀ᭞ᬢᬶᬗ᭄ᬓᬳᬾᬦᬸᬫᬤᬶᬚᬢ᭄ᬫ᭟᭐᭟ᬘ᭄ᬦᬶᬓ᭄ᬢᬸᬯᬳᬶᬤᬸᬧ᭄ᬫᬢᬧ᭞ [ 12 ][ ᭑᭑ 11B]
᭑᭑᭞
ᬧᬗᬦ᭄ᬤᬶᬓᬦ᭄ᬤᬶᬤᬲᬂᬋᬱᬶ᭞ᬲᬹᬃᬬ᭄ᬬᬘᬦ᭄ᬤ᭄ᬭᬧᭂᬢᭂᬂᬍᬫᬄ᭞ᬓᬶᬢ᭄ᬢᬶᬬᬂᬳᬯᬓᬾᬚᬦᬶ᭞ᬳᬸᬭᬵᬧᬾᬫᬗᬦ᭄ᬢᬶᬳᬦ᭄ᬢᬶ᭞ᬲᬫ᭄ᬩᬶᬮᬂᬗᬯᬗᬸᬦ᭄ᬳᬬᬸ᭞ᬳᬶᬥᬃᬫ᭄ᬫᬬᬸᬥᬳᬗᬸ
ᬘᬧ᭄᭞ᬢᬶᬢ᭄ᬬᬂᬗᬶᬭᬶᬂᬕᬸᬲ᭄ᬢᬶᬧᬢᬶᬄ᭞ᬢᬸᬫᬸᬲ᭄ᬮᬦᬸᬲ᭄᭞ᬫᬗ᭄ᬤᬫᭀᬮᬶᬄᬓᬰᬹᬦ᭄ᬬᬢᬦ᭄᭟᭐᭟ᬲᬳᬦᬦᬶᬂᬭᬚᬩ᭄ᬭᬡ᭞ᬓᬸᬩᭀᬦ᭄ᬘᬭᬶᬓ᭄ᬲ᭄ᬬᬓᭂᬢᬶ
ᬢᬶᬢ᭄ᬬᬂᬜᬤ᭄ᬬᬫᬗᬢᬸᬭᬂ᭞ᬭᬶᬂᬳᬶᬤᬰ᭄ᬭᬷᬦᬭᬧᬢ᭄᭞ᬳᬶᬤᬗᭀᬤᬕᬂᬲᬫᬶ᭞ᬳᬸᬤᬸᬄᬳᬤᬶᬮᬶᬦ᭄ᬢᬂᬧᬢᬹᬢ᭄᭞ᬦᬾᬚᬦᬶᬳᬤᬶᬫᬚᬮᬦ᭄᭞
ᬓᬬᭀᬤ᭄ᬬᬧᬸᬭᬫᬦᬗ᭄ᬓᬶᬮ᭄᭞ᬭᬢᬸᬳᬕᬸᬂ᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬗᬂ᭟᭐᭟ᬢᬦᬓᬲᬭᬶᬢᬾᬂᬫᬃᬕ᭄ᬕ᭞ᬭᬯᬸᬄᬭᬶᬂᬳᬬᭀᬥ᭄ᬬᬧᬸᬭᬶ᭞ᬤᬸᬫᬸᬦᬸᬂᬳ
[ ᭑᭒ 12A]
ᬦᬾᬂᬩᬜ᭄ᬘᬶᬗᬄ᭞ᬲᬂᬦᬵᬱᬲᭂᬥᭂᬓ᭄ᬓᬢᬗ᭄ᬓᬶᬮ᭄᭞ᬰ᭄ᬭᬷᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬓᬾᬦ᭄‌ᬬᬳᬶᬥᬃᬫ᭄ᬫᬵᬬᬸᬥ᭞ᬳᬶᬧᬢᬶᬄᬗᭂᬲᬾᬗᬶᬦ᭄ᬳᬭᬶᬲ᭄᭞ᬤᬾᬦᬕᭂ
ᬮᬶᬲ᭄᭞ᬳᬶᬥᬃᬫ᭄ᬫᬬᬸᬥᬫᭂᬦᬾ ᬓᬂ᭟᭐᭟ᬲᬂᬲᬶᬦᬾ ᬗᬦ᭄ᬦᬸᬮ᭄ᬬᬦᭂᬫ᭄ᬩᬄ᭞ᬲᬂᬦᬵᬣᬫᭂᬦ᭄ᬤᬓᬶᬂᬮᬶᬭᬶᬂ᭞ᬮᬳᬮᬸᬗ᭄ᬕᬸᬄᬲᬶᬭᬓᬓ᭄ᬬ᭞ᬳᬶᬥᬃᬫ᭄ᬫᬬᬸᬥᬫ
ᬢᬸᬃᬪᬓ᭄ᬢᬶ᭞ᬢᬸᬫᬸᬮᬶᬲᬶᬭᬳᬮᬶᬗ᭄ᬕᬶᬄ᭞ᬭᬶᬂᬳᬬᬸᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬸᬫᬦ᭄ᬤᬶᬮᬦᬂᬧᬢ᭄ᬬᬵ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬮᬄᬢᬓᬓ᭞ᬫᬗ᭄ᬓᬶᬦ᭄ᬲᬶ
ᬭᬗᬤᭂᬕ᭄ᬦᬵᬣ᭟᭐᭟ᬢᬸᬫᬸᬮᬶᬭᬯᬸᬄᬢᬤᬳᬦ᭄᭞ᬳᬦᬤᬄᬲᬶᬭᬲᬗᬚᬶ᭞ᬳᬶᬥᬃᬫ᭄ᬫᬵᬬᬸᬥᬳᬦᬤᬄ᭞ᬲᬋᬂᬮᬦ᭄ᬭᬓ᭄ᬭ᭄ᬬᬦᬧᬢᬶᬄ᭞ᬧ [ 13 ][ ᭑᭒ 12B]
᭑᭒᭞
ᬭᬓᬯᬸᬮᬜᬋᬗᬶᬦ᭄᭞ᬳᬾ ᬦᬓ᭄ᬢᬲᬶᬭᬳᬦᬬᬸᬩ᭄᭞ᬲᬮ᭄ᬯᬶᬭᬶᬂᬭᬲᬉᬢ᭄ᬢᬫ᭞ᬲᬵ ᬫ᭄ᬧᬸᬦ᭄ᬳᬶᬦᬚᭂᬗᬦ᭄ᬲᬫᬶ᭞ᬭᬶᬦᬲᬬᬂ᭞ᬢᬦᬓᬶᬭᬂᬲᭂᬓᬸᬮ᭄ᬳᬸᬮ
ᬫ᭄᭟᭐᭟ᬲᭀᬮᬳᬶᬂᬭᬢᬸᬉᬢ᭄ᬢᬫ᭞ᬩᭂᬲᬶᬓ᭄ᬳᬬᬸᬳᬍᬧ᭄ᬲᬫᬶ᭞ᬢᬢᬩᬸᬳᬦ᭄ᬳᬮᬸᬲ᭄ᬳᬮᭀᬦ᭄᭞ᬕᬬᬸᬂᬧᬾ ᬦ᭄ᬤᬾᬢᬾᬮᬸᬫᬭᬶᬲ᭄᭞ᬯᭀᬂᬚ᭄ᬭᭀᬫ
ᬦᭀᬦ᭄ᬢᭀᬦ᭄ᬲᬫᬶ᭞ᬳᬾᬩᭂᬓ᭄ᬤᬶᬩᬜ᭄ᬘᬶᬗᬄᬲᬵᬫ᭄ᬧᬸᬦ᭄᭞ᬳᬦᬶᬜ᭄ᬚᭀᬯᬶᬦ᭄ᬮᬮᬾ ᬬᬦ᭄᭞ᬲᬂᬦᬵᬣᬗᬦ᭄ᬤᬶᬓᬵᬳᬭᬶᬲ᭄᭞ᬮᬄᬢᬓᬓᬶ᭞ᬤᬾ
ᬦᬶᬭᬲᬫᬳᬭᬭ᭄ᬬᬦ᭄᭟᭐᭟ᬢᬸᬫᬸᬮᬶᬳᬸᬲᬦ᭄ᬳᬦᬤᬄ᭞ᬦᬾᬜᭀᬓᭀᬃᬫᬜᬕ᭄ᬚᬕ᭄ᬫᬗ᭄ᬓᬶᬦ᭄᭞ᬦᬸᬮᬾᬗᭂᬓ᭄ᬫᬢᬦᬾᬲᬾᬗᬢ᭄᭞ᬦᬜ᭄ᬚᭂ
[ ᭑᭓ 13A]
ᬦᬶᬦ᭄ᬕᭀᬂᬫᬫᬸᬩᬶᬭᬫᬮᬸᬯᬭᬦ᭄ᬦᬾᬫᬩᬮᬶᬄ᭞ᬧᬥᬗᬸᬗ᭄ᬲᬶᬳᬸᬫᬳᬶᬧᬸᬦ᭄᭞ᬲᬂᬦᬵ ᬣᬫᬗᬦ᭄ᬤᬶᬓᬵ ᭞ᬓᬤᬸᬦᬸᬗᬦ᭄ᬓᭂᬫᬘᬳᬂ᭞ᬓᬾᬦᬶᬧᬢᬶᬄ᭞ᬲᬸᬭᬚᬬᬵ
ᬫᬤᬸᬦᬸᬗᬦ᭄᭟᭐᭟ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭞ᬯᭂᬗᬶᬓᭀᬘᬧᬦᬫᬗ᭄ᬓᬶᬦ᭄᭞ᬢᬸᬫᬸᬮᬶᬢᬢᬲ᭄ᬭᬳᬶᬦ᭞ᬳᬶᬥᬃᬫ᭄ᬫᬬᬸᬥᬫᬦᬗ᭄ᬓᬶᬮ᭄᭞ᬲᬂᬦᬵᬣᬳᬦᬸ
ᬮᬶᬫᬶᬚᬶᬮ᭄᭞ᬧ᭄ᬭᬪᬸᬚᬗ᭄ᬕᬲᬫᬶᬭᬯᬸᬄ᭞ᬦᬗ᭄ᬓᬶᬮ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬥᬸᬄᬧᬤᬡ᭄ᬥ᭞ᬤᬸᬭᬸᬲ᭄ᬢᬶᬢ᭄ᬬᬂᬦᬗᬸᬦ᭄ᬢᭀᬫ᭟᭐᭟ᬳᬶᬥᬃ
ᬫ᭄ᬫᬬᬸᬥᬫᬜᬸᬫ᭄ᬩᬄ᭞ᬳᬸᬥᬄᬭᬢᬸᬤᬾᬯᬳᬚᬶ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂᬲᬂᬦᬵᬣᬗᬦ᭄ᬤᬶᬓᬵᬳᬭᬶᬲ᭄᭞ᬘᬳᬶᬢᬾᬚᬦᬶᬗᬮᬶᬄ᭞ᬫᬥᬸᬭᬶᬂᬳᬸ [ 14 ][ ᭑᭓ 13B]
᭑᭓᭞
ᬧᬘᬭᬫᬸᬗ᭄ᬕᬸᬄ᭞ᬫᬓᬫᬶᬯᬄᬓᬬᬸᬘ᭄ᬦᬦ᭞ᬩᬶᬮᬵᬦᬕᬭᬶᬲᬫᬶ᭞ᬯᬶᬮᬗ᭄ᬓᬦ᭄ᬜ᭞ᬓᬢᬄᬧᬥᬜᬢᬸᬲ᭄ᬲᭀᬮᬄ᭟᭐᭟ᬳᬢᬹᬃᬲᭂᬫ᭄ᬩᬄᬳᬶᬧᬢ᭄ᬬ᭞ᬲᬶ
ᬗ᭄ᬕᬶᬄᬭᬢᬸᬰ᭄ᬭᬷᬪᬹᬧᬢᬶ᭞ᬧᬸᬦᬧᬶᬢᬶᬢ᭄ᬬᬂᬗᬬ᭄ᬬᬦᬂ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬳᭂᬦ᭄ᬢᭀᬧᬬᬚ᭄ᬜᬦᬾᬘᬳᬶ᭞ᬲᬳᬢᬂᬫᬮᬸᬯᬂᬲᬫ᭄ᬩᬢ᭄᭞
ᬳᬧᬂᬳᭂᬤᬵᬓᬧᬺᬧᭂᬓᬦ᭄᭞ᬯᬶᬭᬾᬄᬕᬳᬾᬧᬘᬂᬕᭂᬮᬶᬲ᭄᭞ᬫᬯᬶᬲᬦᬦ᭄᭞ᬘᬳᬶᬫᬗ᭄ᬯᬗᬸᬦᬂᬓᬸᬡ᭄ᬥ᭟ᬳᬶᬥᬃᬫ᭄ᬫᬬᬸᬤ᭄ᬥᬵᬓᭀᬘᬧ᭞ᬚᬸᬫᭂᬦᭂᬂᬭᬶᬂᬤᬺᬱ᭄ᬝᬵ
ᬚᬸᬢᬶ᭞ᬲᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬗᬦ᭄ᬤᬶᬓᬬᬂᬫᬗᬕᬸᬗᬶᬦ᭄᭞ᬓᬳᬯᬸᬕ᭄ᬦᬾ ᬦᬾ ᬫᬗ᭄ᬓᬶᬦ᭄᭞ᬪᬕᬯᬵᬦ᭄‌ᬯᬺᬱ᭄ᬧᬢᬶᬲᬵᬫ᭄ᬧᬸᬦ᭄᭞ᬜᬓᬚᬬᬳᬶᬥᬃᬫ᭄ᬫᬬᬸᬥᬵ᭞
[ ᭑᭔ 14A]
ᬲᬵᬫ᭄ᬧᬸᬦ᭄ᬓᬳᬯᭂᬕ᭄ᬢᬸᬧᬢᬶ᭞ᬢᬦ᭄ᬘᬭᬶᬢ᭞ᬥᬃᬫ᭄ᬫᬬᬸᬥᬓᬂᬪᬶᬱᬾᬓ᭟᭐᭟ᬲᬂᬧ᭄ᬭᬪᬸᬫᬗ᭄ᬓᬶᬓᬧᬸᬭ᭞ᬩᬸᬩᬃᬢᬗ᭄ᬓᬶᬮᬦᬾᬲᬫᬶ᭞ᬲᬸᬭᬸᬧ᭄ᬫᬗ᭄ᬓᬶᬦ᭄ᬲᬂᬳ᭄ᬬᬂᬲᬹᬃᬬ᭄ᬬᬵ᭞ᬯᭀᬂ
ᬥᬃᬱ᭄ᬝᬵᬚᬸᬢᬶᬦᬾᬲᬫᬶ᭞ᬫᬧᭂᬢᭂᬂᬧᭂᬢᭂᬗᬦ᭄ᬫᬸᬮᬶᬄ᭞ᬢᬢᬲᬼᬫᬄᬲᬵᬫ᭄ᬧᬸᬦ᭄ᬭᬯᬸᬄ᭞ᬧᬜᬬᬚᬬᬳᬾᬗ᭄ᬕᬮᬂ᭞ᬲᬳᬸᬧᬓᬵᬭᬦᬾᬲᬫᬶ᭞ᬲ
ᬕᬢ᭄ᬭᬯᬸᬄ᭞ᬲᬫᬶᬫᬓ᭄ᬢᬩᬜᬦ᭄ᬢᭂᬦᬦ᭄᭟᭐᭟ᬳᬶᬥᬃᬫ᭄ᬫᬬᬸᬥᬮᬸᬫᬫ᭄ᬧᬄ᭞ᬫᬢᬸᬮᬓ᭄ᬓᬬᭀᬥ᭄ᬬᬧᬸᬭᬶ᭞ᬗᬢᬸᬭᬂᬓᬬᬸᬘᬦᬦ᭞ᬭᬶᬂᬳᬶᬤᬰ᭄ᬭᬷᬦᬭᬧ
ᬢᬶ᭞ᬲᬓᬶᬂᬕᭂᬮᬶᬲᬶᬂᬧᬫᬃᬕ᭄ᬕᬶ᭞ᬳᬶᬥᬃᬫ᭄ᬫᬵᬬᬸᬥᬵᬯᬸᬲ᭄ᬭᬯᬸᬄ᭞ᬚᬸᬫᬸᬚᬸᬕ᭄ᬳᬦᬾᬂᬩᬜ᭄ᬘᬶᬗᬂ᭞ᬲᬂᬧ᭄ᬭᬪᬸᬦᬸᬚᬸᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧᬸᬦᬂ᭞ᬪᬸᬚᬗ᭄ᬕᬫᬶᬯ [ 15 ][ ᭑᭔ 14B]
᭑᭔᭞
ᬲᬢ᭄ᬭᬶᬬ᭟᭐᭟ᬳᬶᬧᬢᬶᬄᬫᬢᬸᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬤᬾᬯᬳᬚᬶ᭞ᬳᬶᬥᬃᬫ᭄ᬫᬬᬸᬥᬧᬸᬦᬶᬓᬵ᭞ᬲᬂᬦᬵ ᬣᬗᬦ᭄ᬤᬶᬓᬵᬳᬭᬶᬲ᭄᭞ᬮᬯᬸᬢᬂᬢᬸᬦ᭄ᬤᬾ
ᬦ᭄ᬫᬳᬶ᭞ᬲᬶᬭᬧᬢᬶᬄᬦᭂᬫ᭄ᬩᬄᬫᬢᬸᬃ᭞ᬳᬶᬥᬃᬫ᭄ᬫᬬᬸᬥᬓᬲᬾᬗᬦ᭄᭞ᬢᬸᬫᬸᬮᬶᬤᬾᬦᬶᬭᬦᬗ᭄ᬓᬶᬮ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬲᬫᬵᬲ᭄ᬫᬶᬢ᭟᭐᭟ᬳᬾ
ᬗ᭄ᬕᬮ᭄ᬦᬾᬲᬳᬶᬢᭂᬓᬵ ᭞ᬲᬂᬮᬶᬦᬶᬗᬦ᭄ᬫᬢᬸᬃᬲᬶᬗ᭄ᬤᬶᬄ᭞ᬢᬶᬢ᭄ᬬᬂᬫᬜᬭᬢᬂᬧᬶᬲᬦ᭄᭞ᬓᭂᬦᬶᬫᬜᭂᬤᬬᬂᬳᬸᬕᬶ᭞ᬲᬂᬦᬵ ᬣᬫᬜᬯᬸᬭᬶᬦ᭄᭞ᬩᭂᬦᭂᬄᬲ
ᬚᬓᬾᬢᭀᬩᬕᬸᬲ᭄᭞ᬯᬶᬭᬾᬄᬧᬲᬂᬳᬗ᭄ᬕᭀᬦ᭄ᬩᬸᬯᬢ᭄᭞ᬦᬄᬳᬓᬾᬢᭀᬲᬸᬩᬲᬳᬶ᭞ᬩ᭄ᬯᬶᬦᬩᬸᬮᬦ᭄᭞ᬘᬳᬶᬯᭂᬓᬲᬕ᭄ᬭᬳᬦ᭄
[ ᭑᭕ 15A]
᭟᭐᭟ᬳᬶᬥᬃᬫ᭄ᬫᬬᬸᬥᬫᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬦᬺᬧᬢᬶ᭞ᬬᬦ᭄ᬢᬦ᭄ᬢᬶᬢ᭄ᬬᬂᬲᬶᬦᬵᬗ᭄ᬓᬯᭀᬦ᭄᭞ᬢᬶᬢ᭄ᬬᬂᬫᬜᬳᬢᬂᬳᬕᬶ᭞ᬓᭂᬦᬶᬢᬶᬢ᭄ᬬᬂᬧᭀᬮᬶᬄᬗᬶᬭᬶᬂ᭞ᬫᬮᬶ
ᬗ᭄ᬕᬶᬄᬘᭀᬓᭀᬃᬳᬶᬭᬢᬸ᭞ᬜᬤ᭄ᬬᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬳᭀᬫᬤ᭄ᬭᬸᬯᬾᬓᬤᬶᬫᬗ᭄ᬓᬶᬦ᭄᭞ᬲᬧᬸᬦᬧᬶ᭞ᬢᬢᬶᬗ᭄ᬓᬳᬦ᭄ᬫᬗᬸᬦ᭄ᬳᭀᬫ᭟᭐᭟ᬲᬂᬦᬵᬣᬭᬭᬶᬲ᭄ᬗᬵ
ᬦ᭄ᬤᬶᬓᬵ᭞ᬓᭀᬦᬾᬓᬢᬢ᭄ᬯᬦ᭄ᬜᬘᬳᬶ᭞ᬢᬶᬗ᭄ᬓᬄᬳᬕᬸᬂᬫᬸᬯᭂᬃᬚᬕᬢ᭄᭞ᬫᬬᬚ᭄ᬜᬦᬾᬳᬧᬂᬢᬶᬮᬶᬂ᭞ᬳᭂᬦ᭄ᬢᭂᬕ᭄ᬓᬕᬸᬗᬦᬾᬘᬳᬶ᭞ᬩ᭄ᬯᬶᬦᬯᭂᬓᬲ᭄ᬧᬲᬂ
ᬢᭂᬫᬸ᭞ᬭᬾᬄᬢ᭄ᬯᬭᬲᬳᬸᬤ᭄ᬫᬜ᭄ᬚᬢ᭄ᬫ᭞ᬓ᭄ᬭᬫᬦᬶᬂᬫᬫᬸᬮᬧᬤᬶ᭞ᬢ᭄ᬯᬄᬢᭀᬂᬦᬸᬕᬵ᭞ᬧᬘᬂᬫᬸᬧᬸᬩᬸᬯᬄᬚᬭᬓ᭄᭟᭐᭟ᬤᬸᬮᬸᬭᬶᬦ᭄ᬗᬦ᭄ᬦᬗᬸᬦ᭄ᬩ᭄ᬭᬢ᭞ᬬ [ 16 ][ ᭑᭕ 15B]
᭑᭕᭞
ᬰᬓᬶᬃᬣᬶᬦᬾᬫᬓᬤᬶ᭞ᬫᬗ᭄ᬯᬗᬸᬦᬂᬩᬮᬾ ᬤᬦ᭞ᬧᬜ᭄ᬘᭀᬭᬦ᭄ᬫᬃᬕ᭄ᬕᬩᭂᬦᬳᬶᬦ᭄᭞ᬧᭂᬗ᭄ᬕᬓ᭄ᬧᭂᬓᭂᬦᬾᬫᬓᬤᬶ᭞ᬤᬩᭂᬮᬲ᭄ᬘᭂᬓᬾᬦ᭄ᬲᬂᬯᬶᬓᬸ᭞ᬳᬧᬦ᭄ᬢᬸ
ᬯᬄᬥᬃᬫ᭄ᬫᬦᬶᬓᬵ᭞ᬦᬾᬢᭀᬓᬢᬢ᭄ᬯᬦ᭄ᬜᬘᬳᬶ᭞ᬳᭂᬦᬸᬳᬸᬢᬂ᭞ᬧᬚᬮᬦ᭄ᬤᬦᬾᬳᬶᬩᬧ᭟᭐᭟ᬳᬶᬥᬃᬫ᭄ᬫᬬᬸᬥᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬗᬚᬶ᭞
ᬢᬶᬢ᭄ᬬᬂᬗᬶᬭᬶᬂᬧᬓᬬᬸᬦᬦ᭄᭞ᬓᬃᬤ᭄ᬥ᭄ᬬᬂᬢᬶᬢ᭄ᬬᬂᬲᬓᬶᬂᬫᬗ᭄ᬓᬶᬦ᭄᭞ᬪᬕᬯᬦ᭄‌ᬯ᭄ᬭᬲ᭄ᬧᬢᬶᬜᬯᬸᬭᬶᬦ᭄᭞ᬧᬢᬸᬢ᭄ᬧᬶᬲᬦ᭄ᬭᬢᬸᬩᬕᬸᬲ᭄᭞ᬫᬸᬂᬧᬸᬂᬭᬕᬳᭂᬦᬸ
ᬩᬚᬂ᭞ᬳᬾᬱ᭄ᬭ᭄ᬬᬂᬫᬗ᭄ᬯᬗᬸᬦᬂᬓᬶᬃᬢ᭄ᬢᬶ᭞ᬢᬦ᭄ᬧᬕᬸᬡ᭞ᬭᬢᬸᬳᬕᬸᬂᬓᬸᬭᬂᬬᬰ᭟᭐᭟ᬮᬫᬸᬦ᭄ᬢ᭄ᬯᬭᬩ᭄ᬬᬲᬬᬂ᭞ᬓᬲᬸᬕ᭄ᬬᬦ᭄ᬢᬸᬯᬄᬬᬓᬮᬶᬲ᭄᭞ᬢᭀᬂᬢᭂ
[ ᭑᭖ 16A]
ᬓᭂᬓ᭄ᬩᬳᬦ᭄ᬫᬗᬩ᭞ᬩᬸᬓᬬᬾᬳᬾᬤᬶᬤᭀᬦ᭄‌ᬓ᭄ᬮᬤᬶ᭞ᬫᬭᭀᬗ᭄ᬕᬾᬗᬦ᭄ᬳᬕᬶᬕᬶᬲ᭄᭞ᬢ᭄ᬯᬭᬓᭀᬫᬢᬫ᭄ᬧᬓ᭄ᬤᬶᬢᬸ᭞ᬳᬓᬾᬢᭀᬳᬸᬧᬫᬶᬦ᭄ᬜ᭞ᬫᬸᬜᬶ
ᬦ᭄ᬩᬧᬦᬾᬓᬾᬦ᭄ᬕᬸᬲ᭄ᬢᬶ᭞ᬲᬯᬸᬃᬓᭂᬜᬸᬂ᭞ᬳᬶᬤᬳ᭄ᬭ᭄ᬫ᭄ᬫᬬᬸᬥᬫᬜᬸᬫ᭄ᬩᬄ᭟᭐᭟ᬯ᭄ᬬᬓ᭄ᬢᬶᬧᬶᬲᬦ᭄ᬭᬢᬸᬧ᭄ᬭᬡ᭄ᬥ᭞ᬯ᭄ᬭᬸᬯᬾᬦᬾᬫᬤᬾᬯᬾᬓ᭄ᬳᬗᭂᬦ᭄᭞ᬢᬦ᭄ᬧᬲᬗ᭄ᬓ
ᬦ᭄ᬭᬯᬸᬄᬳᬶᬘᬮ᭄᭞ᬯᬦ᭄ᬢᬄᬢᭂᬓᭂᬓ᭄ᬳᬦ᭄ᬢᬸᬓ᭄ᬓᬶᬃᬢ᭄ᬢᬶ᭞ᬬᬢᬦ᭄ᬯᬾᬦ᭄ᬢᭂᬦ᭄ᬲᬫ᭄ᬩᬸᬗᬶᬦ᭄᭞ᬓᬶᬃᬢ᭄ᬢᬶᬦ᭄ᬳᬶᬤᬲᬗᬳᬸᬮᬸᬦ᭄᭞ᬚᬤ᭄ᬢᭂᬦ᭄ᬧᬶᬲᬦ᭄ᬫᬭᬭᬤᬦ᭄᭞ᬢᬦ᭄ᬗᬶᬦ
ᬓᬤᬶᬜᬺᬯᬥᬶ᭞ᬲᬮᬄᬲᬸᬳᬸᬧ᭄᭞ᬢᬵᬦᬓᬦ᭄ᬢᭂᬦ᭄ᬲᬫ᭄ᬧᬸᬦ᭄ᬢᭂᬮᬲ᭄᭟᭐᭟ᬓᬭᬣᬫᬯᬲᬡ᭞ᬦᬾ ᬩᬶᬦ᭄ᬲᬸᬯᬜ᭄ᬘᬳᬶᬫᬸᬮᬶᬄ᭞ᬳᬶᬥᬃᬫ᭄ᬫᬵ [ 17 ][ ᭑᭖ 16B]
᭑᭖᭞
ᬬᬸᬥᬫᬦᭂᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬗᬚᬶ᭞ᬲᬶᬓᬸᬢ᭄ᬧᬬᬚ᭄ᬜᬦᬾᬫᬦᬶ᭞ᬫᬗᬶᬭᬶᬂᬳᬶᬤᬲᬂᬯᬶᬓᬸ᭞ᬳᬧᬂᬳᬾᬗ᭄ᬕᬮ᭄ᬯᬗᬸᬦ᭄ᬓᬸᬡ᭄ᬥ᭞ᬗᬯᬶᬢ᭄ᬜᬫ᭄ᬩᬸ
ᬢ᭄ᬓᬬ᭄ᬬᬲᬫᬶ᭞ᬓᭂᬦᭂᬄᬩᬧ᭞ᬳᬾᬗ᭄ᬕᬮ᭄ᬧᬘᬂᬫᬫ᭄ᬮᬲ᭄ᬧᬲ᭄᭟ᬲᬂᬦᬵ ᬣᬭᬭᬶᬲ᭄ᬓᬧᬸᬭ᭞ᬯᭀᬂᬢᬗ᭄ᬓᬶᬮᬦ᭄ᬩᬸᬩᬃᬲᬫᬶ᭞ᬳᬶᬥᬃᬫ᭄ᬫᬬᬸᬥᬓ
ᬧᭀᬦ᭄ᬤᭀᬓ᭄᭞ᬭᬶᬂᬳᬶᬧᬢᬶᬄᬫᬗ᭄ᬓᬸᬪᬸᬫᬶ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬯᭂᬗᬶ᭞ᬩᬾᬜ᭄ᬚᬂᬧᬲᭂᬫᭂᬗᬦ᭄ᬩᬗᬸᬦ᭄᭞ᬫᬗ᭄ᬭᬭᬶᬲ᭄ᬜᬓᬢ᭄ᬲᬬᬚ᭄ᬜᬦ᭄᭞ᬫᬗᬶ
ᬭᬶᬂᬳᬶᬤᬲᬂᬋᬱᬶ᭞ᬫᬦᬯᬲᬾᬦ᭄᭞ᬧᬘᬂᬫᬗ᭄ᬯᬗᬸᬦᬂᬓᬸᬡ᭄ᬥ᭟᭐᭟ᬢᭂᬗᬳᬶᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬲᬋᬂᬧᬢᬶᬄᬫᬗ᭄ᬓᬸᬪᬸᬫᬶ᭞ᬭᬭᬶᬲ᭄ᬓᬧᭀᬦ᭄ᬤᭀ
[ ᭑᭗ 17A]
ᬓ᭄ᬗᬚᭂᬗᬂ᭞ᬧᬢᬫ᭄ᬬᬸᬦᬾᬳᬍᬧ᭄ᬳᬰ᭄ᬭᬶ᭞ᬳᬭᬓ᭄ᬩᬺᬫᬾᬢᬸᬫᬶᬦ᭄ᬤᬶᬄ᭞ᬳᬾᬦᬓ᭄ᬤᬾᬦᬶᬭᬳᬦᬬᬸᬩ᭄᭞ᬓᬸᬧᬶᬮᬦ᭄ᬲᬲᬗᬦ᭄᭞ᬯ᭄ᬯᬂᬚ᭄ᬭᭀᬲᬫᬶᬗᬬᬳᬶ
ᬦ᭄᭞ᬳᬰ᭄ᬭᬶᬳᬮᬸᬲ᭄᭞ᬧᬘᬭᬳᬬᭀᬥ᭄ᬬᬧᬸᬭ᭟᭐᭟ᬯᬸᬲ᭄ᬧᬲᬭᬤᬯᬸᬄᬮᬶᬫ᭞ᬳᬶᬥᬃᬫ᭄ᬫᬬᬸᬥᬫᬦᬗ᭄ᬓᬶᬮ᭄᭞ᬲᬋᬂᬧᬢᬶᬄᬲᬸᬭᬚᬬ᭞ᬰ᭄ᬭᬶᬦᬭᬾᬦ᭄ᬤ᭄ᬭ
ᬦᬸᬮᬶᬫᬶᬚᬶᬮ᭄᭞ᬧᭂᬧᭂᬓ᭄ᬢᬸᬚᬗ᭄ᬕᬋᬱᬶ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬲᬳᬶᬧᬢᬶᬄᬯᬶᬮᬗᬂ᭞ᬩᭂᬮᬶᬧᬘᬂᬗ᭄ᬯᬗᬸᬦ᭄ᬋᬱᬶ᭞ᬫᬪᭀᬚᬡᬵ᭞ᬫᬦᬸᬳᬸᬃᬧᬤᬡ᭄ᬥᬧ
ᬢ᭄ᬧᬢ᭄᭟᭐᭟ᬳᭂᬦᬾᬘᬳᬶᬥᬃᬫ᭄ᬫᬬᬸᬥ᭞ᬜᬮᬄᬘᬳᬶᬧᬘᬂᬫᬸᬮᬶᬄ᭞ᬤᬶᬲᬸᬳᬸᬤ᭄ᬗᬧᬫᬗᬺᬱᬶᬳᬵ᭞ᬤᬶᬢᬸᬘᬳᬶᬮᬯᬸᬢ᭄ᬫᬸᬮᬶᬄ᭞ᬳᬶᬥᬃᬫ᭄ᬫᬬᬸᬥᬫᬢᬸᬃ [ 18 ][ ᭑᭗ 17B]
᭑᭗᭞
ᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬗᬶᬭᬶᬂᬬᬸᬲ᭄ᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬫᬫᬦᬄᬗᬦ᭄ᬢᭀᬲᬂ᭞ᬲᬓᬃᬬ᭄ᬬᬵᬦ᭄‌ᬳᬶᬤᬲᬂᬳᬚᬶ᭞ᬲᬧᬸᬦᬧᬶ᭞ᬫᬯᬲ᭄ᬢᬵᬋᬱᬶᬪᭀᬚᬡᬵ᭟᭐᭟ᬓᭂᬜᬶᬂᬧᬢᬶᬄᬲᬸᬭ
ᬚᬬ᭞ᬩᭀᬬᬤᬸᬭᬸᬂᬳᬤᬶᬫᬗ᭄ᬕᬶᬄ᭞ᬓᬃᬬ᭄ᬬᬧᬗᬺᬱᬶᬩᭀᬚᬦ᭞ᬳᬶᬥᬃᬫ᭄ᬫᬬᬸᬥᬜᬯᬸᬭᬶᬦ᭄᭞ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬫᬗ᭄ᬕᬸᬳᬶᬦ᭄᭞ᬓᬃᬬ᭄ᬬᬗᬺᬱᬶᬩᭀ
ᬚᬦᬭᬢᬸ᭞ᬬᬯᬢᬫᬗ᭄ᬓᬶᬗ᭄ᬕᬸᬄᬢᬸᬢᬸᬭᬦ᭄᭞ᬬᬦ᭄ᬢᬦ᭄ᬳᬶᬤᬰ᭄ᬭᬶᬪᬸᬧᬢᬶ᭞ᬗᬦ᭄ᬤᬶᬓᬬᬂ᭞ᬯᬢᭂᬓ᭄ᬳᬕᬸᬂᬦᬗᬸᬦ᭄‌ᬬᬚ᭄ᬜᬵ᭟᭐᭟ᬩᭀᬬᬳᬸᬦᬶᬂ
ᬢᬶᬢ᭄ᬬᬂᬭᬶᬂᬓᬃᬬ᭄ᬬ᭞ᬲᬳᬢ᭄ᬫᬦᬄᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬗᬯᬸᬮᬭᬶᬂᬘᭀᬓᭀᬃᬳᬶᬤᬾᬯ᭞ᬭᬶᬂᬧᬗ᭄ᬮᬶᬗ᭄ᬕᬦ᭄‌ᬰ᭄ᬭᬶᬪᬸᬧᬢᬶ᭞ᬓᬮᬶᬄᬲ᭄ᬯᬾᬘ᭄ᬘᬵᬦᬾᬢᬦ᭄ᬫᬭᬶ
[ ᭑᭘ 18A]
ᬗᬯᬸᬮᬬᬂᬚᬢ᭄ᬫᬤᬸᬭᬸᬲ᭄᭞ᬢᬫ᭄ᬩᭂᬢ᭄ᬓᬢᬸᬦᬦ᭄ᬫᬦᬄ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬯᬶᬢᬶᬦ᭄᭞ᬦᬯᬶᬲᬶᬤ᭄ᬥ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬶᬭᬶᬗᬂ᭟᭐᭟ᬤ᭄ᬯᬦᬶᬂᬯᭂᬗᬶ
ᬓᬵᬮᬢᭂᬓ᭞ᬲᬂᬦᬵᬣᬦᬸᬮᬶᬓᬧᬸᬭᬶ᭞ᬳᬶᬥᬃᬫ᭄ᬫᬬᬸᬥᬓᬚᬩ᭞ᬲᬋᬂᬮᬯᬦ᭄ᬲᬶᬭᬧᬢᬶᬄ᭞ᬓᬧᬲᬗ᭄ᬕ᭄ᬭᬳᬦ᭄ᬫᬗ᭄ᬭᬭᬶᬲ᭄᭞ᬳᬾᬦᬓ᭄ᬤᬾ
ᬦᬶᬭᬢᬸᬫᭂᬕᬸᬮ᭄᭞ᬲᬫ᭄ᬩᬶᬮ᭄ᬤᬾᬦᬶᬭᬭᬭᬲᬦ᭄᭞ᬳᬶᬥᬃᬫ᭄ᬫᬬᬸᬥᬫᬚᬶᬜ᭄ᬚᬶᬦ᭄᭞ᬫᬦᬓᭀᬦᬂ᭞ᬫᬤᬦ᭄ᬓᬃᬬ᭄ᬬᬋᬱᬶᬬᬚ᭄ᬜ᭟᭐᭟ᬧᬢᬶᬄ
ᬲᬸᬭᬚᬬᬗᬸᬘᬧ᭄᭞ᬲᬗ᭄ᬕᬃᬢᬯᬂᬯᬗᬸᬦᬂᬳᬤᬶ᭞ᬫᬦᬸᬳᬸᬃᬳᬶᬤᬲᬂᬤ᭄ᬯᬶᬚ᭞ᬫᬗ᭄ᬤᬲᬫᬶᬗ᭄ᬭᬯᬸᬳᬶᬦ᭄᭞ᬳᬢᬸᬭᬶᬦ᭄ᬪᭀᬚᬦᬲᬫᬶ [ 19 ][ ᭑᭘ 18B]
᭑᭘᭞
᭞ᬫᬶᬯᬄᬧᬸᬡ᭄ᬬᬭᬸᬦ᭄ᬢᬸᬢᬦ᭄ᬳᬶᬧᬸᬦ᭄᭞ᬦᬾᬫᬦᬶᬳᬤᬶᬢᬢᬲᬂ᭞ᬤᬶᬩᬜ᭄ᬘᬶᬗᬄᬯᭀᬗᭀᬲ᭄ᬳᬤᬶ᭞ᬳᬚᬓ᭄ᬩᭂᬮᬶ᭞ᬲᬫ᭄ᬩᬶᬮᬂᬗᬢᬸᬭᬂᬧᬸᬡ᭄ᬬ
᭟᭐᭟ᬲᭂᬫᭂᬂᬳᬶᬧᬢᬶᬄᬦᬩ᭄ᬤᬩᬂ᭞ᬧᬘᬂᬧᬸᬡ᭄ᬬᬦ᭄‌ᬰ᭄ᬭᬶᬪᬸᬧᬢᬶ᭞ᬫᬶᬯᬄᬜᭀᬚᬦᬩᬯᬳᬦ᭄᭞ᬲᬺᬕᭂᬧ᭄ᬲᬫᬶᬘᬸᬫᬯᬶᬲ᭄᭞ᬲᬶᬭᬧᬢᬶᬄᬗ
ᬢᬶᬄᬫᬶᬚᬶᬮ᭄᭞ᬧᬡ᭄ᬥᬶᬢᬦᬾᬲᬦᬾᬭᬯᬸᬄ᭞ᬲᬫᬶᬫᬸᬗ᭄ᬕᬄᬓᬩᬜ᭄ᬘᬶᬗᬄ᭞ᬲᬂᬦᬵᬣᬢᬸᬫᬸᬮᬶᬫᬶᬚᬶᬮ᭄᭞ᬲᬫ᭄ᬧᬸᬦ᭄ᬧᭂᬧᭂᬓ᭄᭞ᬲᬂᬧᬡ᭄ᬥᬶᬢ
ᬯᬢᭂᬓ᭄ᬢᬧ᭟᭐᭟ᬳᬶᬧᬢᬶᬳᬦᬸᬮᬂᬦᭂᬫ᭄ᬩᬄ᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞ᬳᬶᬥᬃᬫ᭄ᬫᬬᬸᬥᬵᬬᬤᬶᬚ᭞ᬓᬭᬶᬧᬸᬗ᭄ᬓᬸᬭᬦ᭄ᬤᬾᬯᬵᬚᬶ᭞ᬗ
[ ᭑᭙ 19A]
ᬢᭂᬄᬧᬸᬡ᭄ᬬᬦᬾᬲᬫᬶ᭞ᬲᬋᬗᬦ᭄ᬧ᭄ᬭᬫᬜ᭄ᬘᬭᬢᬸ᭞ᬫᬓᬤᬶᬢᬶᬃᬣᬦ᭄ᬳᬶᬤᬾᬯ᭞ᬋᬱᬶᬦᬶᬮᭀᬘᬡᬫᬗ᭄ᬓᬶᬦ᭄᭞ᬲᬫᬫᬸᬗ᭄ᬕᬄ᭞ᬫᬫᬸᬢᬸᬲᬂᬋ
ᬱᬶᬬᬚ᭄ᬜ᭟᭐᭟ᬲᬂᬧ᭄ᬭᬪᬸᬦᬸᬮᬶᬢᬶᬦᬶᬃᬣᬦ᭄᭞ᬧᬡ᭄ᬥᬶᬢᬢᬧᬗ᭄ᬭᬦ᭄ᬢᭂᬩᬶᬦ᭄᭞ᬜᬋᬗᬶᬦ᭄ᬫᬜ᭄ᬚᬬᬚᬬ᭞ᬗᬲ᭄ᬢᬸᬯᬸᬗ᭄ᬓᬸᬰ᭄ᬭᬷ᭞ᬪᬹᬧᬢᬶ᭞ᬕ᭄ᬭᬶᬬᭂᬗ
ᬦ᭄ᬯᬾᬤᬦᬾᬲᬫᬶ᭞ᬧᬢᬶᬫᬗᬲ᭄ᬢᬯᬲᬵ ᬫ᭄ᬧᬸᬦ᭄᭞ᬲᬂᬧ᭄ᬭᬳᬸᬯᬸᬲᬦ᭄ᬫᬢᬶᬃᬣ᭞ᬧᬡ᭄ᬥᬶᬢᬦᬾᬲᬫᬶᬫᬮᬶᬗ᭄ᬕᬶᬄ᭞ᬓᬳᬢᬸᬭᬦ᭄᭞ᬪᭀᬚᬦ
ᬧᬸᬡ᭄ᬬᬩᬯᬳᬦ᭄᭟᭐᭟ᬲᬂᬋᬱᬶᬗᬬᬸᬦᬶᬦ᭄ᬧᬸᬡ᭄ᬬ᭞ᬫᬩᬧᬳᬦᬶᬤᬲᬫᬶ᭞ᬳᬶᬥᬃᬫ᭄ᬫᬬᬸᬥᬗᬦ᭄ᬢᭂᬦᬂ᭞ᬕᬾᬯᭀᬓ᭄ᬫᬦᬳᬾᬢᬦ᭄ᬲᬶᬧᬶ᭞ᬳᬦ᭄ᬢᬸ [ 20 ][ ᭑᭙ 19B]
᭑᭙᭞
ᬓ᭄ᬢᭂᬫ᭄ᬩᬾᬦᬾᬫᬗ᭄ᬕᬶᬄ᭞ᬋᬱᬶᬬᬚ᭄ᬜᬦᬾᬲᬂᬧ᭄ᬭᬪᬸ᭞ᬰ᭄ᬭᬶᬦᬭᬾᬦ᭄ᬤ᭄ᬭᬗᬦ᭄ᬤᬶᬓᬵ᭞ᬭᬶᬂᬳᬶᬧᬢᬶᬄᬫᭂᬗ᭄ᬓᬸᬪᬸᬫᬶ᭞ᬘᬳᬶᬧᬢᬶᬄ᭞ᬩᬸᬯᬶᬦ᭄ᬭᭀᬭᬲ᭄ᬤᬶᬦᬳᭀᬫ
᭟᭐᭟ᬳᭂᬦ᭄ᬢᭀᬋᬳᬂᬋᬱᭂᬧᬂ᭞ᬳᬭᬳᬂᬳᬸᬮᬶᬚᬦᬶ᭞ᬳᬧᬗᬳ᭄ᬬᬧᬥᬦᬯᬂ᭞ᬩᭂᬮᬶᬫᬢᬸᬃᬓᬾ ᬦ᭄ᬲᬂᬋᬱᬶ᭞ᬫᬸᬂᬧᬸᬂᬳᬶᬤᬳᭂᬦᬸᬤᬶᬦᬶ᭞ᬧᬡ᭄ᬥᬶᬢ
ᬢᬧᬦᬾᬮᬶᬬᬸ᭞ᬲᬫ᭄ᬧᬸᬦ᭄ᬳᬸᬲᬦ᭄ᬫᬩᬯᬳᬦ᭄᭞ᬲᬂᬋᬱᬶᬭᬭᬶᬲ᭄ᬫᬦᬶᬗ᭄ᬓᬮ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬬᬂᬳᬦ᭄ᬢᬸᬓ᭄ᬓᬃᬬ᭄ᬬ᭟᭐᭟ᬲᬶᬗ᭄ᬕᬶᬲᬂᬋᬱᬶᬲᬶᬦᬫ᭄ᬬᬦ᭄
᭞ᬢᬶᬢ᭄ᬬᬂᬫᬢᬸᬃᬲᬓᬶᬂᬫᬗ᭄ᬓᬶᬦ᭄᭞ᬳᭀᬫᬫᬮᬶᬄᬭᭀᬭᬲ᭄ᬤᬶᬦ᭞ᬳᬶᬭᬶᬓᬳᬶᬤᬗ᭄ᬭᬯᬸᬳᬶᬦ᭄᭞ᬲᬂᬋᬱᬶᬫᬢᬸᬃᬲᬫᬶ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬭᬢᬸ᭞ᬳᬶ
[ ᭒᭐ 20A]
ᬥᬃᬫ᭄ᬫᬬᬸᬥᬫᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬶᬪᬸᬧᬢᬶ᭞ᬢᬶᬢ᭄ᬬᬂᬧᬫᬶᬢ᭄᭞ᬓᭂᬦᬶᬢᬶᬬᬂᬕᭂᬮᬶᬲ᭄ᬢᬸᬮᬓ᭄᭟᭐᭟ᬧᭂᬤᭂᬓ᭄ᬭᬶᬂᬘᭀᬓᭀᬃᬳᬶᬤᬾᬯ᭞ᬲᬂᬦᬵᬣᬗ
ᬦ᭄ᬤᬶᬓᬳᬭᬶᬲ᭄᭞ᬦᬄᬫᬚᬮᬦ᭄ᬳᬧᬂᬫᭂᬮᬄ᭞ᬓᬮᬶᬄᬲᬂᬧᬡ᭄ᬥᬶᬢᬲᬫᬶ᭞ᬩᬸᬤᬮ᭄ᬳᬶᬤᬲᬋᬂᬲᬫᬶ᭞ᬳᬶᬧᬢᬶᬄᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬗᬮᬶᬗ᭄ᬕᬶᬳᬂᬧᬭ
ᬫᬾᬦᬓ᭄᭞ᬭᬶᬂᬩᬜ᭄ᬘᬶᬗᬄᬲᬋᬂᬲᬫᬶ᭞ᬫᬳᬾᬦᬓᬦ᭄᭞ᬫᬕᬸᬦᭂᬫ᭄‌ᬲᬫᬕᬸᬡᬶᬢᬵ᭟᭐᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬲᬸᬭᬸᬧ᭄ᬲᬸᬃᬬ᭄ᬬ᭞ᬲᬗᬕᬸᬦᭂᬫ᭄ᬩᬸᬗᬃᬲ
ᬫᬶ᭞ᬲᬤᬕᬶᬗᬶᬂᬯ᭄ᬯᬗᬶᬂᬧᬸᬭ᭞ᬲᬫᬮᬶᬮᬫᬚᬂᬰᬰᬶᬄ᭞ᬧᬥᬧᬲ᭄ᬮᬾᬂᬲᬾ ᬮᬾᬭᬶᬦ᭄᭞ᬫᬧᭀᬲᭀᬗᬦ᭄ᬧᬢᬸᬭᬸᬮᬸᬄ᭞ᬦᬾᬫᬭᬦᬸᬢᬸᬕ᭄ᬩᬚᬂ᭞ᬓ [ 21 ][ ᭒᭐ 20B]
᭒᭐᭞
ᬕᭀᬜ᭄ᬚᬓᬶᬦ᭄‌ᬬᬲᭂᬗᬶᬢ᭄᭞ᬮᬸᬢ᭄ᬫᬘᬭ᭞ᬫᬗᬫ᭄ᬩᬸᬮ᭄ᬦᬕᬶᬄᬤᬸᬧ᭄ᬤᬸᬧᬂ᭟᭐᭟ᬮᬶᬬᬸᬤᬩ᭄ᬤᬩᬾᬤᬶᬧᬸᬭ᭞ᬯᬯᭂᬓ᭄ᬧᬺᬯᬶᬦᬶᬦᬾᬲᬫᬶ᭞ᬳᬤᬗᬸᬯᬶᬦ᭄ᬗᬤᬸᬭ
ᬲ᭞ᬫᭂᬍᬤ᭄ᬫᬩᬸᬤ᭄ᬥᬶᬫᬓᬾᬃᬢ᭄ᬢᬶ᭞ᬯᭂᬍᬩ᭄ᬫᬦᬳᬾᬫᬩᬸᬤ᭄ᬥᬶ᭞ᬗᬶᬭᬶᬂᬳᬶᬤᬲᬂᬧ᭄ᬭᬪᬸ᭞ᬳᬧᬦ᭄ᬧᬦᬶᬲ᭄ᬢᬶᬲ᭄‌ᬉᬢ᭄ᬢᬫ᭞ᬧᬦᬸᬚᬸᬦᬾᬤᬤᬶᬍᬯᬶᬄ᭞ᬫᬸᬮᬓᬾ
ᬢᭀ᭞ᬳᬲ᭄ᬢᬶᬢᬶᬦᬾᬓᬫᬦᬹᬱᬦ᭄᭟᭐᭟ᬳᭂᬦᭂᬗᬓ᭄ᬦᬧᬸᬦᬶᬓ᭞ᬢᬶᬗ᭄ᬓᬳᬦᬶᬂᬯᭀᬗᬶᬂᬧᬸᬭᬶ᭞ᬓᭀᬘᬧᬦ᭄ᬳᬶᬥᬃᬫ᭄ᬫᬬᬸᬥ᭞ᬳᬕᬾ ᬤᬾᬦᬶᬭᬮᬸᬫ
ᬭᬶᬲ᭄᭞ᬭᬯᬸᬄᬭᬶᬂᬳᬬᭀᬥ᭄ᬬᬧᬸᬭᬶ᭞ᬫᬗᭀᬚᭀᬕ᭄ᬳᬶᬧᬢᬶᬄᬮᬯᬸᬢ᭄᭞ᬳᬶᬭᬶᬓᬳᬶᬤᬫᬲᬗ᭄ᬕ᭄ᬭᬳᬦ᭄᭞ᬢᬸᬳᬸᬢᬦ᭄ᬮᬸᬄᬮᬸᬳᬾᬲᬫᬶ᭞ᬗᬩ
[ ᭒᭑ 21A]
ᬩ᭄ᬭᬡ᭞ᬜᬥᬗᬂᬲᬤᬕᬶᬂᬧᬹᬦ᭄ᬬ᭟᭐᭟ᬫᬗᬶᬭᬶᬂᬫᬶᬮᬸᬫᬧᬹᬦ᭄ᬬ᭞ᬲᬫᬢ᭄ᬭᬗᬶᬭᬶᬂᬲᬗᬚᬶ᭞ᬫᬫᬾᬜ᭄ᬚᬗᬂᬓᬃᬬ᭄ᬬᬳᭀᬫ᭞ᬳᬶᬥᬃᬫ᭄ᬫᬬᬸᬥᬫᬦᬗ᭄ᬓᬶᬮ᭄
᭞ᬭᬶᬂᬧᬬᬤ᭄ᬜᬦ᭄‌ᬰ᭄ᬭᬷᬪᬹᬧᬢᬶ᭞ᬧᭂᬧᭂᬓ᭄ᬪᬸᬚᬗ᭄ᬕᬦᬾᬭᬯᬸᬄ᭞ᬦᬗ᭄ᬓᬶᬮ᭄ᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬚᭂᬗᬶᬦ᭄ᬳᬸᬧᬘᬭᬲᬫᬶ᭞ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬦ᭄ᬤᬶᬓᬭᬶᬂ
ᬧᬢᬶᬄᬲᬸᬭ᭟᭐᭟ᬘᬳᬶᬳᬧᬶᬢᬶᬄᬲᬸᬭᬚᬬ᭞ᬓᭂᬫᬜ᭄ᬯᬂᬩᬩᬦ᭄ᬢᭂᬦ᭄ᬰᬸᬘᬶ᭞ᬢᬦᬲ᭄ᬓᬾᬦ᭄ᬧᬤᬡ᭄ᬥᬵᬢᬸᬓᬂ᭞ᬫᭂᬮᬳᬂᬮᬯᬸᬢ᭄ᬳᬩᬫᬳᬶ᭞ᬧᬭᬶᬓ᭄ᬱᬳ
ᬧᬗᬧᬲ᭄ᬢᬶ᭞ᬧᭂᬚᬂᬭᬶᬂᬓᬸᬡ᭄ᬥᬦᬾ ᬮᬯᬸᬢ᭄᭞ᬦᬾᬦᬾᬫᬦᬶᬧᬲᭂᬫᭂᬗᬦ᭄᭞ᬮᬯᬸᬢᬂᬲᬳᬶᬗᬢᬸᬭᬶᬦ᭄᭞ᬮᬯᬸᬢ᭄ᬦᬸᬯᬸᬃ᭞ᬧᬡ᭄ᬥᬶᬢᬦᬾᬫᬸᬗ᭄ᬕᬄᬫ [ 22 ][ ᭒᭑ 21B]
᭒᭑᭞
ᬧᬹᬚ᭟᭐᭟ᬳᬶᬥᬃᬫ᭄ᬫᬬᬸᬥᬬᬮᬸᬯᬲ᭄᭞ᬩ᭄ᬭᬬᬤᬶᬦᬶᬫᬫᬋᬗᬶᬦ᭄᭞ᬕᭂᬮᬶᬓ᭄ᬧ᭄ᬭᬫᬾᬦᬓᬾᬳᬚᬓ᭄᭞ᬫᬗ᭄ᬤᬫᬢᬶᬃᬣᬲᬋᬂᬲᬫᬶ᭞
ᬧᬤᬡ᭄ᬥᬢᬸᬓᬂᬦᬾᬚᬦᬶ᭞ᬗᬶᬭᬶᬂᬧ᭄ᬭᬶᬬᬦᬶᬤᬲᬂᬧ᭄ᬭᬪᬸ᭞ᬩᬚᬂᬩᬦ᭄ᬢᭂᬦ᭄ᬓᬧᬬᬤ᭄ᬜᬦ᭄᭞ᬲᬂᬯᬶᬓᬸᬲᬫᬶᬫᬗᬶᬭᬶᬂ᭞ᬩᬩᬦ᭄ᬢᭂᬦᬦ᭄᭞ᬦᬾᬫᬸᬗ᭄ᬕᬄ
ᬓᬕᬸᬭᬸᬓ᭄ᬭᬫ᭟᭐᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬲᬂᬦᬫᬶᬬᬦ᭄᭞ᬩᬩᬦ᭄ᬢᭂᬦ᭄ᬫᬓᭂᬚᬂᬲᬫᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭ᭞ᬘ᭄ᬭᬶᬢᬓᭀᬘᬧ᭄ᬲᬫ᭄ᬧᬸᬦ᭄ᬮᬢ᭄ᬭᬶ
᭞ᬩᬸᬤᬮ᭄ᬢᬗ᭄ᬓᬶᬮᬦᬾᬲᬫᬶ᭞ᬗᬸᬗ᭄ᬲᬶᬓᬸᬯᬵᬦᬶᬭᬳᬸᬯᬸᬲ᭄᭞ᬳᬾᬦᬓ᭄ᬢᭂᬲᬶᬭᬳᬦᬶᬤ᭄ᬭ᭞ᬗᬦ᭄ᬢᭀᬲᬂᬳᬶᬤᬲᬗᬚᬶ᭞ᬢ᭄ᬯᬭᬳᬤ᭞ᬦᬦ᭄ᬤᬶᬗᬶ
[ ᭒᭒ 22A]
ᬓ᭄ᬓᬾᬃᬢ᭄ᬢᬶᬲᬂᬦᬵᬣ᭟᭐᭟ᬦᬾᬫᬗ᭄ᬓᬶᬦ᭄ᬢᬢᬲ᭄ᬭᬳᬶᬦ᭞ᬧᬺᬫᬾᬦᬓᬾᬫᬶᬚᬶᬮ᭄ᬲᬫᬶ᭞ᬦᬾᬧᬘᬂᬫᬸᬧᬸᬦᬶᬦ᭄ᬳᭀᬫ᭞ᬳᬶᬥᬃᬫ᭄ᬫᬬᬸᬥᬗ᭄ᬭᬶᬳᬶᬦᬶᬦ᭄᭞ᬤᬶᬧ
ᬬᬤ᭄ᬜᬦ᭄ᬫᬗᬦ᭄ᬢᬶ᭞ᬭᬓ᭄ᬭ᭄ᬬᬦ᭄ᬧᬢᬶᬄᬲᬶᬭᬭᬯᬸᬄ᭞ᬫᬶᬯᬄᬲᬂᬧᬭᬤᬶᬫᬦ᭄ᬢ᭄ᬭ᭄ᬬᬵ᭞ᬳᬗᬶᬭᬶᬗᬂᬭᬓ᭄ᬭ᭄ᬬᬦ᭄ᬧᬢᬶᬄ᭞ᬲᬕᬾᬢ᭄ᬭᬯᬸᬄᬲᬶᬭᬲᬂᬧᬢᬶᬄᬲ
ᬰᬺᬳᬦ᭄᭟᭐᭟ᬧᬘᬂᬫᬸᬦ᭄ᬤᬸᬢ᭄ᬧᬯᬾᬤᬬᬦ᭄᭞ᬳᬗᬶᬭᬶᬗᬂᬲᬶᬭᬧᬢᬶᬄ᭞ᬓᬕ᭄ᬭᬶᬬᬦᬸᬳᬸᬃᬧᬤᬡ᭄ᬥ᭞ᬰ᭄ᬭᬷᬦᬭᬾᬦ᭄ᬤ᭄ᬭᬲᬫ᭄ᬧᬸᬦ᭄ᬫᬶᬚᬶᬮ᭄᭞ᬭᬶᬂᬧ
ᬬᬤ᭄ᬜᬦ᭄ᬳᬶᬤᬫᬮᬶᬗ᭄ᬕᬶᬄ᭞ᬧᭂᬧᭂᬓ᭄ᬧᬡ᭄ᬥᬶᬢᬦᬾᬲᬫ᭄ᬧᬸᬦ᭄᭞ᬗᬶᬭᬶᬂᬲᬂᬘᬡ᭄ᬥᬶᬓᬸᬲᬸᬫ᭞ᬧᬡ᭄ᬥᬶᬢᬦᬾᬫᬗᬚᭂᬗᬶᬦ᭄᭞ᬫᬸᬗ᭄ᬕᬄᬫᬯᬾᬥ᭞ᬗᬃ [ 23 ][ ᭒᭒ 22B]
᭒᭒᭞
ᬘ᭄ᬘᬗᬋᬧᬶᬦ᭄ᬢᭀᬫ᭟᭐᭟ᬳᭀᬫᬦᬾᬫᬗᬶᬮᬩᬶᬮᬩ᭄᭞ᬲᬂᬧ᭄ᬭᬪᬸᬦᬫ᭄ᬧᭂᬦᬶᬦ᭄ᬭᬭᬶᬲ᭄᭞ᬫᬫᬸᬮᬂᬧᬢᭂᬮᬳᬦ᭄᭞ᬲᬂᬋᬱᬶᬗᬲ᭄ᬢᬯᬲᬫᬶ᭞ᬗᬸᬜ᭄ᬘᬭᬓᭂᬦ᭄ᬰᬶᬯᬵᬕ᭄ᬦᬶ
᭞ᬤᬸᬫᬶᬫᬄᬓᬪ᭄ᬯᬦᬦᬫᬸᬭᬸᬩ᭄᭞ᬯᬶᬭᬾᬄᬯᬾᬥᬦᬾᬧᬫᬸᬦ᭄ᬢᬢ᭄᭞ᬘᬢᬸᬃᬧᬾᬥᬦᬾᬜᭂᬮᬕᬶᬦ᭄᭞ᬲᬧᬸᬧᬸᬢᬵ᭞ᬲ᭄ᬧᬺᬢᬾᬦᬦᬶᬂᬗᬲ᭄ᬢᬯ᭟᭐᭟ᬧᬸᬧᬸ
ᬢ᭄ᬫᬗᬋᬧᬶᬦ᭄ᬢᭀᬫ᭞ᬢᬶᬦᬶᬱᬦ᭄ᬤᬶᬤᬲᬗᬚᬶ᭞ᬧᬸᬧᬸᬢ᭄ᬲᬂᬧ᭄ᬭᬪᬸᬫᬢᬶᬃᬣ᭞ᬓᬢᬸᬭᬦ᭄ᬧᬹᬡ᭄ᬬᬲᬂᬋᬱᬶ᭞ᬗ᭄ᬭᬶᬬᭂᬂᬧᬾᬥᬦᬾᬲᬫᬶ᭞ᬮ᭄ᬯᬶᬃᬩ᭄ᬭᬳ᭄ᬫᬭᬗᬶᬲᭂᬧ᭄ᬲᬦ᭄ᬢᬸᬦ᭄᭞ᬧᬸ
ᬧᬸᬢ᭄ᬘᬭᬓᬶᬂᬧᬹᬡ᭄ᬬ᭞ᬲᬂᬋᬱᬶᬫ᭄ᬭᬮᬷᬡᬲᬫᬶ᭞ᬳᬯᬸᬦ᭄ᬳᭀᬫ᭞ᬓᬜᬸᬢ᭄ᬭᬶᬂᬕᬸᬦᬸᬂᬳᬶᬫᬮᬬ᭟᭐᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬓᬂᬓᬃᬬ᭄ᬬ᭞ᬲᬂᬧ᭄ᬭᬪᬸᬫᬦ᭄ᬢᬸᬓ᭄ᬓᬧᬸᬭᬶ᭞ᬳᬶᬥᬃ
[ ᭒᭓ 23A]
ᬫ᭄ᬫᬬᬸᬥᬧᬫᬶᬢ᭄ᬩᬸᬤᬮ᭄᭞ᬢᬦ᭄ᬓᭀᬘᬧᬦᬭᬶᬂᬫᬃᬕ᭄ᬕᬶ᭞ᬭᬯᬸᬄᬭᬶᬂᬤᬺᬱ᭄ᬝᬚᬸᬢᬶ᭞ᬮ᭄ᬬᬂᬫᬦᬳᬾᬓᬮᬗ᭄ᬓᬸᬂ᭞ᬧᭀᬮᬶᬄᬗᬶᬭᬶᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬯᬗᬸᬦ᭄‌ᬬᬤ᭄ᬜᬫ
ᬓᬾᬃᬢ᭄ᬢᬶ᭞ᬤᬤᬶᬳᬦᬸᬢ᭄᭞ᬓᭂᬦᭂᬳᬾᬫᬗ᭄ᬯᬗᬸᬦ᭄‌ᬬᬤ᭄ᬜ᭟᭐᭟ᬦ᭄ᬤᬦᬓᭀᬘᬧ᭄ᬭᬶᬂᬲ᭄ᬯᬃᬕ᭄ᬕᬦ᭄᭞ᬳᬶᬤᬲᬂᬳ᭄ᬬᬂᬰᬶᬯᬫᬗ᭄ᬓᬶᬦ᭄᭞ᬳᬾᬧᭂᬄᬧᬓᬬᬸᬦᬦ᭄ᬳᬶᬤ᭞ᬳ
ᬦ᭄ᬢᬸᬓ᭄ᬭᬶᬂᬧᬶᬱ᭄ᬩᬸᬮᭀᬓᬲᭂᬧᬶ᭞ᬪᬝᬵᬳᬭᬯᬶᬱ᭄ᬡᬸᬜᬺᬯᬤᬶ᭞ᬭᬶᬂᬳᬬᭀᬥ᭄ᬬᬜᭂᬦᭂᬂᬭᬢᬸ᭞ᬪᬝᬵᬭᬰᬶᬯᬗᬦ᭄ᬤᬶᬓᬵ᭞ᬭᬶᬂᬪᬕᬯᬦ᭄ᬧᬰᬸᬧᬢᬶ᭞ᬓᭂᬫᬤᬾᬯᬵ᭞ᬢᬸ
ᬳᬸᬦᬦ᭄ᬳᬬᭀᬥ᭄ᬬᬧᬸᬭ᭟᭐᭟ᬭᬕᬯᬵᬦ᭄ᬦᬭᬤᬮᬸᬗ᭄ᬳ᭞ᬓᬳᬬᭀᬤ᭄ᬬᬧᬸᬭᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬲᬶᬄᬦᬩᬭᬶᬂᬧᬜ᭄ᬚᬦᬶᬣᬶ᭞ᬧᭂᬧᭂᬓ᭄ [ 24 ][ ᭒᭓ 23B]
ᬲᬂᬯᬶᬓᬸᬫᬃᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬦ᭄ᬤᬸᬮᬸ᭞ᬪᬳᬶᬸᬕᬯᬵᬦ᭄ᬦᬭᬤᬧ᭄ᬭᬧ᭄ᬢ᭞ᬢᬸᬫᭂᬤᬸᬦ᭄ᬦᭂᬭᬲᬗᬚᬶ᭞ᬳᬸᬥᬸᬄᬧ᭄ᬭᬡ᭄ᬥᬵ᭞ᬤᬸᬭᬸᬲ᭄ᬫᬸᬗ᭄ᬕᬳᬶᬂᬲᬶᬦ᭄ᬗ᭄ᬳᬵᬲᬡ᭟᭐᭟ᬪ
ᬕᬯᬵᬦ᭄ᬦᬭᬤᬫᬸᬗ᭄ᬕᬄ᭞ᬫᬮᬸᬗ᭄ᬕᬸᬄᬭᬶᬂᬧᬜ᭄ᬘᬦᬶᬣᬶ᭞ᬲᬦᬾᬦᬗ᭄ᬓᬶᬮ᭄ᬧᬥᬩᭂᬗᭀᬂ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬦᬾᬫᬗ᭄ᬕᬶᬳᬶᬦ᭄᭞ᬳ᭄ᬬᬂᬦᬭᬤᬗᭂᬮᬶᬂᬳᬭᬶᬲ᭄᭞ᬚᬮ
ᬦ᭄ᬓᬾᬳᬶᬤᬾ ᬯᬫᬦ᭄ᬢᬸᬓ᭄᭞ᬤᬶᬯᬶᬱ᭄ᬡᬸᬮᭀᬓᬲᬸᬯᬸᬂᬧᬶᬲᬦ᭄᭞ᬧᬦ᭄ᬤᬶᬓᬦ᭄ᬳ᭄ᬬᬂᬧᬰ᭄ᬭᬸᬧᬢᬶ᭞ᬳᬧᬂᬤᬾᬯ᭞ᬫᬦ᭄ᬢᬸᬓ᭄ᬳᬸᬕᬶᬓᬲ᭄ᬯᬃᬕ᭄ᬕᬦ᭄᭟᭐᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ
ᬓ᭞ᬭᬶᬂᬯᬢᭂᬓ᭄ᬲᬗᬦᬗ᭄ᬓᬶᬮ᭄᭞ᬳᬦ᭄ᬢᬸᬓ᭄ᬳᬶᬤᬚᬕᬩᬸᬤᬮ᭄᭞ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄ᬫᬗ᭄ᬓᬶᬦ᭄᭞ᬪᬕᬯᬵᬦ᭄ᬦᬶᬮᭀᬘᬡᬵᬕ᭄ᬮᬶᬲ᭄᭞ᬫᬳᬢᬸᬃᬭᬶᬂᬲᬗᬳᬸᬮᬸᬦ᭄᭞ᬳᬶᬗ᭄ᬕᬶᬄ
[ ᭒᭔ 24A]
ᬭᬢᬸᬲᬂᬓᬢᭀᬂ᭞ᬢᬶᬢ᭄ᬬᬂᬲᬧᬸᬦᬧᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭟ᬯ᭟ᬲᬵᬫ᭄ᬧᬸᬦᬂᬧᬤᬡ᭄ᬥᬮᬸᬗ᭄ᬳ᭞ᬳᬶᬭᬶᬓᬶᬭᬶᬂᬕᬡ᭄ᬥᬶᬯᭂᬲᬶ᭞ᬲᬋᬂᬭᬶᬂᬢᬶᬤᬺᬱ᭄ᬝ
ᬦᬮ᭞ᬲᬧᬋᬓᬦ᭄ᬲᬫᬶᬗᬶᬭᬶᬂ᭞ᬳᬶᬭᬵᬖᬸᬓᬭᬶᬳᬶᬭᬶᬓᬶ᭞ᬧᬤᬡ᭄ᬥᬫᬲᬯᬸᬃᬳᬮᬸᬲ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬤᬾᬯᬵ᭞ᬲᬂᬧ᭄ᬭᬪᬸᬭᬭᬶᬲ᭄ᬗᭂᬲᬾᬗᬶᬦ᭄᭞ᬧ᭄ᬭᬫᬶᬰ᭄ᬯᬃᬬ᭄ᬬᬲ
ᬧᬂᬧᬢᬶᬄᬲᬸᬭᬚᬬ᭟᭐᭟ᬧ᭄ᬭᬫᬶᬰ᭄ᬯᬭᬶᬭᬭᬶᬲ᭄ᬓᭀ᭄᭞ᬳᬶᬧᬢᬂᬦᬧᬓ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ ᭞ᬳᬸᬥᬹᬳᬤᬶᬚᬦᬶᬫᬸᬮᬶᬄ᭞ᬢᬸᬢᬸᬢᬶᬦ᭄ᬩᭂᬮᬶᬚᬦᬶ
᭞ᬓᬯᬶᬱ᭄ᬡᬸᬮᭀᬓᬫᬗ᭄ᬮᬯᬸᬢ᭄᭞ᬧᬋᬓ᭄ᬭᬶᬂᬲᬂᬳ᭄ᬬᬂᬰᬶᬯᬵ ᭞ᬲᬸᬳᬸᬤ᭄ᬫᬦᭀᬗᭀᬲ᭄ᬤᬶᬦᬶ᭞ᬤᬶᬲ᭄ᬯᬃᬕ᭄ᬕᬦ᭄᭞ᬢᭀᬗᭀᬲ᭄ᬫᬸᬱ᭄ᬝᬶᬓᬯᬶᬪᬵᬯᬦ᭄᭟᭐᭟ᬳᬾᬕᬃᬓᬬᬸᬦ᭄ᬧ᭄ᬭᬫᬶ [ 25 ][ ᭒᭔ 24B]
᭒᭔᭞
ᬰ᭄ᬯᬾᬃᬬ᭄ᬬ᭞ᬮᬦᬶᬧᬢᬶᬄᬫᬗ᭄ᬓᬸᬪᬸᬫᬶ᭞ᬧᬘᬂᬫᬢᬸᬮᬓ᭄ᬓᬲ᭄ᬯᬃᬕ᭄ᬕᬦ᭄᭞ᬫᬸᬮᬶᬄᬓᬾ ᬗᬶᬦ᭄ᬯᬢᭂᬓ᭄ᬋᬱᬶ᭞ᬧ᭄ᬭᬫᬶᬰ᭄ᬯᬭᬶᬯᬶᬤ᭄ᬬᬥᬭᬶ᭞ᬳᬧᬦ᭄ᬢᬦ᭄ᬢᬫᬸᬧᬸᬓᬸᬮᬗᬸᬦ᭄᭞ᬫᬯᬮᬶ
ᬓᬤᬶᬓᬸᬦ᭞ᬤᬸᬓᬾ ᬓᬾ ᬗᬶᬦ᭄ᬲᬂᬳ᭄ᬬᬂᬰ᭄ᬭᬷ᭞ᬢ᭄ᬯᬭᬧᬤ᭞ᬲᬸᬓᬦᬾᬤᬶᬯᬶᬱ᭄ᬡᬸᬮᭀᬓ᭟᭐᭟ᬲᬗᬦᬗ᭄ᬓᬶᬮ᭄ᬫᬗ᭄ᬓᬶᬦ᭄ᬓᭀᬘᬧ᭄᭞ᬲᬫᬶᬗᬯᭂᬢᬸᬯᬂᬲᭂᬤᬶᬄ᭞ᬫᬓᬵᬤᬶᬲᬂ
ᬯᬢᭂᬓ᭄ᬢᬧ᭞ᬲᬂᬦᬵ ᬣᬦᬸᬮᬶᬳᬗᭂᬮᬶᬂ᭞ᬮᬶᬬᬗᬂᬓᬬᬸᬦᬾᬲᬫᬶ᭞ᬯᬶᬭᬾᬄᬢᬶᬢ᭄ᬬᬂᬧᬘᬂᬫᬦ᭄ᬢᬸᬓ᭄᭞ᬭᬭᬶᬲᬂᬫᬗ᭄ᬓᬶᬦ᭄ᬩᬸᬤᬮ᭄᭞ᬲᬂᬧᬡ᭄ᬥᬶᬢᬦᬸᬮᬶᬫᬧᬫᬶᬢ᭄᭞ᬢ
ᬦ᭄ᬘᬭᬶᬢ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬰ᭄ᬭᬫᬦ᭄᭟᭐᭟ᬲᬂᬭᬖᬸᬫᬧᬫᬶᬢ᭄ᬜᬸᬫ᭄ᬩᬄ᭞ᬫᬦ᭄ᬢᬸᬓ᭄ᬓᬧᬸᬭᬶᬫᬦᬗᬶᬲ᭄᭞ᬫᬶᬯᬄᬤᬾ ᬯᬶᬤᬺᬱ᭄ᬝᬦᬮ᭞ᬫᬦᬗᬶᬲ᭄ᬲᬮᬶᬂᬢᬫ᭄ᬩᬸ
[ ᭒᭕ 25A]
ᬗᬶᬦ᭄᭞ᬲᬫ᭄ᬧᬸᬦ᭄ᬳᬤᬤᬶᬚ᭄ᬭᭀᬧᬸᬭᬶ᭞ᬓᭀᬘᬧᬳᬶᬤᬲᬂᬧ᭄ᬭᬪᬸ᭞ᬫᬫᬃᬕ᭄ᬕᬫᬸᬗ᭄ᬕᬄᬓᬲ᭄ᬯᬃᬕ᭄ᬕᬦ᭄᭞ᬪᬕᬯᬦ᭄ᬦᬭᬤᬗᬶᬭᬶᬂ᭞ᬲᬋᬂᬮᬶᬫ᭞ᬧ᭄ᬭᬪᬵᬯᬦᬾᬓᬸᬫ᭄ᬥᬧ᭄ᬕᬮᬂ
᭟᭐᭟ᬲᬂᬧ᭄ᬭᬪᬸᬘᬡ᭄ᬥᬶᬓᬸᬲᬸᬫ᭞ᬫ᭄ᬯᬂᬪᬕᬯᬵᬦ᭄‌ᬯᬺᬳᬲ᭄ᬧᬢᬶ᭞ᬳ᭄ᬬᬂᬦᬵᬭᬤᬫᬜᬤᬗᬂ᭞ᬩᬩᬦ᭄ᬢᭂᬦ᭄ᬧᬺᬢᬶᬱ᭄ᬝᬲᬫᬶ᭞ᬲᬺᬕᭂᬧ᭄ᬲᬸᬧᬘᬭᬲᬫᬶ᭞ᬯᬢᭂᬓ᭄ᬤᬾᬯᬢᬾᬦᬓ᭄ᬢᬸᬭᬸ
ᬦ᭄᭞ᬳᬦ᭄ᬢ᭄ᬬᬦ᭄ᬢᬧᬦᬸᬂᬲᬸᬗᬶᬭ᭞ᬲᬤᬢᭂᬗᬶᬭᬲᬗᬚᬶ᭞ᬯᬶᬤ᭄ᬬᬥᬭ᭞ᬫᬳᬾᬮᬾᬕ᭄ᬗᬢᬸᬭᬂᬧᬫᭂᬦ᭄ᬤᬓ᭄᭟᭐᭟ᬲᬤᬕᬶᬗᬶᬂᬳᬸᬧᬘᬭᬸ᭞ᬯᬶᬤ᭄ᬬᬥᬭᬫᬗᬋᬧᬶᬦ᭄
᭞ᬳᬢᬧ᭄ᬲᬫᬶᬭᬶᬂᬩᬜ᭄ᬘᬶᬗᬄ᭞ᬲᬂᬳ᭄ᬬᬂᬇᬦ᭄ᬤ᭄ᬭᬫᬗ᭄ᬮᬶᬗ᭄ᬕᬦᬶᬦ᭄᭞ᬳ᭄ᬬᬂᬘᬡ᭄ᬥᬶᬓᬸᬲᬸᬫᬧ᭄ᬭᬧ᭄ᬢᬶ᭞ᬭᬶᬂᬩᬜ᭄ᬘᬶᬗᬄᬳᬶᬤᬫᬮᬸᬗ᭄ᬕᬸᬄ᭞ᬫᬗᬶᬭᬶᬂᬲᬂᬳ᭄ᬬᬂᬇᬦ᭄ᬤ᭄ᬭ᭞ᬦᬸᬮᬶᬳᬮᭀᬦ᭄ᬮᭀᬦ᭄ᬮᬸᬫ [ 26 ][᭒᭕ 25B]
᭒᭕᭞
ᬭᬶᬲ᭄᭞ᬢᬦᬲᬸᬯᬾ ᭞ᬭᬯᬸᬄᬭᬶᬂᬇᬦ᭄ᬤ᭄ᬭᬪᬯᬦ᭟᭐᭟ᬓᭀᬘᬧ᭄ᬫᬗ᭄ᬓᬶᬦ᭄ᬭᬶᬗᬬᭀᬥ᭄ᬬᬵ᭞ᬲᬂᬭᬖᬸᬤᬳᬢ᭄ᬧ᭄ᬭᬶᬳᬢᬶ᭞ᬗᬦ᭄ᬤᬶᬓᬭᬶᬂᬓᬯᬸᬮᬦ᭄ᬳᬶᬤ᭞ᬳᬢᬸᬭᬂᬭᬳᬤᬾ
ᬦ᭄ᬤᬾᬯᬶ᭞ᬮᬸᬯᬲ᭄ᬩᬧᬓᬡ᭄ᬥᬧᭂᬲᬶ᭞ᬳᬶᬭᬶᬗᬂᬭᬳᬤᬾᬦ᭄ᬕᬮᬸᬄ᭞ᬭᬶᬂᬪᬕᬯᬵᬦ᭄ᬦᬶᬮᭀᬘᬡ᭞ᬩᬧᬤᬶᬢᬸᬫᬦᭀᬗᭀᬲᬶᬦ᭄᭞ᬳᬧᬂᬢ᭄ᬯᬭ᭞ᬚ᭄ᬯᬗᬩᬦ᭄ᬳᬶ
ᬥᬃᬫ᭄ᬫᬬᬸᬥ᭟᭐᭟ᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬫᬃᬕ᭄ᬕ᭞ᬲᬂᬤᬾ ᬯᬶᬓᬕᬡ᭄ᬥᬯᭂᬲᬶ᭞ᬓᬳᬶᬭᬶᬂᬤᬾᬦ᭄ᬓᬯᬸᬮᬦᬶᬤ᭞ᬲᬂᬭᬖᬸᬫᬦᬸᬗ᭄ᬕᬸᬧᬸᬭᬶ᭞ᬓᬮᬸᬫ᭄ᬩ᭄ᬭᬄᬯᬺᬢᬳᬶᬂᬬᬯᬶ᭞ᬓᬜ᭄ᬘᬶ
ᬢ᭄ᬥᬃᬫ᭄ᬫᬬᬸᬥᬭᬯᬸᬄ᭞ᬤᭀᬦᬶᬂᬢᬢᬲ᭄ᬓᬧᬶᬋᬗᬂ᭞ᬧᬸᬧᬸᬢ᭄ᬯᬺᬢᬯᭀᬗᬶᬂᬧᬸᬭᬶ᭞ᬲᬗᬧ᭄ᬭᬪᬸ᭞ᬳᬶᬤᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄᭟᭐᭟ᬧ᭄ᬭᬫᬗ᭄ᬓᬶᬦ᭄ᬭᬭᬶᬲ᭄ᬓᬧᬸᬭ᭞ᬫᬦ᭄ᬢᬸᬓ᭄ᬓᬳ
[ ᭒᭖ 26A]
ᬬᭀᬥ᭄ᬬᬵᬧᬸᬭᬶ᭞ᬫᬗᬫ᭄ᬩᬶᬮ᭄ᬲᬂᬭᬖᬸᬢ᭄ᬢᬫ᭞ᬮᬦ᭄ᬲᬳᬲᬶᬓᭂᬧ᭄ᬮᬫᬶᬭᬶᬂ᭞ᬲᬓᬶᬂᬳᭂᬮᬶᬲᬶᬂᬫᬃᬕ᭄ᬕᬶ᭞ᬭᬯᬸᬄᬗᬬᭀᬥ᭄ᬬᬲᬫ᭄ᬧᬸᬦ᭄᭞ᬩᬜ᭄ᬘᬶᬗᬄᬲᬸᬯᬸᬂᬓᭂᬚᬂ᭞ᬳᬶ
ᬥᬃᬫ᭄ᬫᬬᬸᬥᬫᬗ᭄ᬭᬭᬶᬲ᭄᭞ᬫᬗ᭄ᬭᬜ᭄ᬚᬶᬗᬶᬦ᭄᭞ᬓᬧᬸᬭᬶᬦ᭄ᬲᬂᬭᬖᬸᬢ᭄ᬢᬫ᭟᭐᭟ᬚᭂᬚᭂᬄᬓᬬᬸᬦ᭄ᬲᬂᬭᬖᬸᬲᬸᬢ᭞ᬳᬶᬥᬃᬫ᭄ᬫᬬᬸᬥᬫᬫᬸᬜᬶ᭞ᬳᬸᬤᬸᬄᬳᬶᬤᬲᬋᬂᬢᬶᬢ᭄ᬬᬂ᭞ᬫᬦ᭄ᬢᬸ
ᬓ᭄ᬓᬯᬺᬱ᭄ᬝᬵᬚᬸᬢᬶ᭞ᬲᬶᬗ᭄ᬕᬶᬄᬤᬾᬦᬶᬭᬮᬸᬫᬭᬶᬲ᭄᭞ᬢᬦ᭄ᬫᬋᬦ᭄ᬲᬶᬗᬳᬓᭂᬫᬸᬮ᭄᭞ᬗᭂᬮᬶᬂᬫᬲᬲᬫ᭄ᬩᬢᬦ᭄᭞ᬮᬘᬸᬃᬢᬶᬢ᭄ᬬᬂᬩᭂᬮᬶᬳᬢᬶ᭞ᬓᬢᬶᬗ᭄ᬕᬮᬦ᭄᭞ᬭᬶᬂᬳᬶ
ᬤᬰ᭄ᬭᬷᬦᬭᬾᬦ᭄ᬤ᭄ᬭ᭟᭐᭟ᬢᬦ᭄ᬓᭀᬘᬧᬫᬭᬶᬂᬫᬃᬕ᭄ᬕ᭞ᬭᬯᬸᬄᬭᬶᬂᬤᬺᬱ᭄ᬝᬵᬚᬸᬢᬶ᭞ᬓᬧᬸᬭᬶᬫᬗ᭄ᬭᬭᬶᬲ᭄ᬋᬓᭀ᭞ᬳᬶᬥᬃᬫ᭄ᬫᬬᬸᬥᬓᬵᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧ᭄ᬭᬧᬸᬗ᭄ᬕᬯᬲᬫᬶ [ 27 ][ ᭒᭖ 26B]
᭒᭖᭞
᭞ᬳᬶᬤᬃᬫ᭄ᬫᬬᬸᬥᬳᬫᬸᬯᬸᬲ᭄᭞ᬓᭂᬦᭂᬄᬦᬶᬭᬓᬶᬧᬢ᭄ᬬ᭞ᬫᬗ᭄ᬮᬸᬧᭂᬭᬶᬂᬳᬶᬤᬲᬗᬚᬶ᭞ᬫᬳᬵᬭᬵᬚ᭞ᬳᬶᬤᬭᬸᬲᬓ᭄ᬭᬶᬂᬧᬧ᭄ᬭᬗᬦ᭄᭟᭐᭟ᬳᭂᬦ᭄ᬢᭀᬘᬳᬶᬧᬥᬧᬶᬮ
ᬗᬂ᭞ᬳᬚᬓ᭄ᬜᬫᬩ᭄ᬭᬬᬲᬫᬶ᭞ᬗᬮᬶᬄᬧᬘᬂᬳᬸᬧᬓᬵᬭ᭞ᬲᬤᬦᬦ᭄ᬓᬃᬬ᭄ᬬᬦᬾᬍᬯᬶᬄ᭞ᬓᬮᬶᬄᬜᬾᬦ᭄ᬜᬦ᭄ᬤᬂᬦᬸᬓᬗᬶᬦ᭄᭞ᬳᬶᬧᬢᬶᬄᬦᭂᬫ᭄ᬩᬄᬳᬸᬫᬢᬸᬃ᭞ᬳᬶᬗ᭄ᬕᬶᬄ
ᬭᬢᬸᬲᬲᬸᬳᬸᬦᬦ᭄᭞ᬯᬾᬦ᭄ᬢᭂᬦ᭄ᬳᭀᬓᬦ᭄‌ᬰ᭄ᬭᬷᬪᬹᬧᬢᬶ᭞ᬳᬬᬸᬍᬯᬶᬄ᭞ᬫᬧᬭᬗ᭄ᬲᬂᬤᬺᬱ᭄ᬝᬵᬓᬮ᭟᭐᭟ᬢᬓᬾᬦᬂᬘᭀᬓᭀᬃᬳᬶᬤᬾᬯ᭞ᬭᬶᬂᬳᬶᬤᬲᬂᬭᬖᬸᬢ᭄ᬢ
ᬫᬶ᭞ᬳᬶᬥᬃᬫ᭄ᬫᬬᬸᬥᬳᬗᬸᬘᬧ᭄᭞ᬦ᭄ᬤᬾᬦ᭄ᬓᬳᬶᬦᬢᬲᬂᬚᬦᬶ᭞ᬫᬮ᭄ᬯᬭᬦ᭄ᬲᬦᬾᬦᬗ᭄ᬓᬶᬮ᭄᭞ᬲᬂᬥᬃᬫ᭄ᬫᬬᬸᬥᬯᬸᬲ᭄ᬫᬦ᭄ᬢᬸᬓ᭄᭞ᬲᬭᬯᬸᬢᬭᬶᬂᬧᬸᬭ᭞ᬦᬸᬮᬶᬫ
[ ᭒᭗ 27A]
ᬗᬦ᭄ᬤᬶᬓᬳᬭᬶᬲ᭄᭞ᬳᬤᬶᬭᬖᬸ᭞ᬓᭀᬘᬧ᭄ᬳᬤᬶᬗᭂᬮᬄᬜᬫ᭟᭐᭟ᬓᬶᬚᬚᬦᬶᬢ᭄ᬯᬭᬗᭂᬦᬄ᭞ᬲᬂᬭᬖᬸᬦᬸᬮᬶᬜᬯᬸᬭᬶᬦ᭄᭞ᬢᬦ᭄ᬫᬓᬦ᭄ᬢᭂᬦ᭄ᬧᬮᬓ᭄ᬯᬦ᭄ᬜ᭞ᬳᬶᬥᬃᬫ᭄ᬫᬬᬸ
ᬥᬫᬫᬸᬜᬶ᭞ᬜᭂᬮᬶᬗᬸᬢᬸᬲᬤᬶᬚᬦᬶ᭞ᬗᬮᬶᬳᬶᬯᬓ᭄ᬦᬾᬦᬾᬮᬸᬯᬸᬂ᭞ᬳᬶᬤᭂᬧ᭄ᬩᭂᬮᬶᬦᬗᬸᬦ᭄ᬓᬃᬬ᭄ᬬ᭞ᬲᬭᬢᬂᬳᬤᬶᬫᬫᬃᬕ᭄ᬕᬶ᭞ᬳᬧᬂᬧᬸᬮᬶᬄ᭞ᬳᬤᬶᬗᬺᬋᬄᬳᬶᬯᬓ᭄ᬳᬸᬢ᭄ᬢ
ᬫ᭟᭐᭟ᬓᬲ᭄ᬢᬸᬭᬶᬳᬚᬄᬫᬶᬡ᭞ᬫᬓᬵᬤᬶᬦ᭄ᬜᬘᬾᬮᬾᬂᬰ᭄ᬭᬗ᭄ᬕᬶ᭞ᬬᬦ᭄ᬤᬶᬚᬫᬳᭀᬃᬢ᭄ᬢᬳᬤ᭞ᬲᬳᬢᬂᬳᬤᬶᬫᬗᬮᬶᬄ᭞ᬲᬂᬭᬖᬸᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄
ᬩ᭄ᬮᬶᬳᬕᬸᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬫᬋᬦ᭄ᬫᬲᬩᬸᬲᭂᬥᬶᬄ᭞ᬳᬤᭀᬄᬲᬫ᭄ᬧᬸᬦ᭄᭞ᬮᬫ᭄ᬧᬳᭀᬫᬜ᭄ᬚᬶᬗᬶᬂᬳᬮᬧ᭄᭟᭐᭟ᬧᬸᬄᬧᬗ᭄ᬓᬸᬃ᭟᭐᭟ᬧᬫᬃᬕ᭄ᬕᬶᬦᬾᬫᬮᭀ [ 28 ][ ᭒᭗ 27B]
᭒᭗᭞
ᬦ᭄ᬮᬵᬦᬦ᭄᭞ᬦᭀᬮᬶᬄᬓᬸᬭᬶᬭᬕᬦᬾᬚᬸᬯᬓᬳᬾᬱ᭄ᬝᬶ᭞ᬫᬗ᭄ᬭᬜ᭄ᬚᬶᬂᬓᬳᬮᬲᬕᬸᬂ᭞ᬫᬗᬫᬾᬯᬢᭂᬓ᭄ᬤᬾᬯᬢ᭞ᬭᬢᬸᬤᬾᬯᬵᬮᬘᬸᬃᬲᬦ᭄ᬢᬶᬢ᭄ᬬᬂᬢᬸᬫᬸᬯᬸᬄ᭞ᬧᬶ
ᬦ᭄ᬧᭂᬚᬄᬤᬸᬓᬶᬂᬭᬭᬾ ᭞ᬢᬦ᭄ᬯᬾᬦ᭄ᬢᭂᬦ᭄ᬓᬯᬗ᭄ᬕᬶᬄᬩᭂᬘᬶᬓ᭄᭟᭐᭟ᬓᬳᬸᬚᬦᬦ᭄ᬓᬧᬦᬲᬦ᭄᭞ᬧᬤᬶᬤᬶᬳᬶ᭞ᬤᬶᬳᬮᬲᬾᬦᬦ᭄ᬤᬂᬲᭂᬥᬶᬄ᭞ᬳᬤᬢᭀᬫᬘᬦ᭄ᬓᬢᭂᬧᬸᬓ᭄᭞
ᬫᬗᭂᬮᬸᬃᬢᭂᬗᬳᬶᬂᬳᬮᬲ᭄᭞ᬢᭀᬓᬳᭀᬚᭀᬕ᭄‌ᬳᬦ᭄ᬢᬸᬓ᭄ᬲᬂᬭᬵᬚᬧᬸᬢ᭄ᬭᬭᬖᬸ᭞ᬲᬂᬭᬖᬸᬫᬗᬦ᭄ᬤᬶᬓᬵ᭞ᬧ᭄ᬭᬡᬫ᭄ᬬᬳᬶᬫᬘᬦ᭄ᬢᬸᬃᬪᬓ᭄ᬢᬶ᭟᭐᭟ᬮᬶᬄᬲᬂᬭᬖᬸᬗᬦ᭄ᬤᬶ
ᬓᬵ᭞ᬓᬓᬶᬫᬘᬦ᭄‌ᬬᬦ᭄ᬲᬶᬄᬳᭀᬮᬲ᭄ᬲᬸᬚᬢᬶ᭞ᬳᬶᬫᬘᬦ᭄ᬫᬳᬢᬸᬃᬳᬢᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬚᬕᬶᬓᬶᬚᬵᬧᬮᬸᬗ᭄ᬳᬦ᭄ᬘᭀᬓᭀᬃᬳᬶᬭᬢᬸ᭞ᬲᬂ
[ ᭒᭘ 28A]
ᬭᬖᬸᬢ᭄ᬢᬫᬗᬸᬘᬧ᭄᭞ᬫᬦᬶᬭᬓᬳᬸᬢᬸᬲ᭄ᬫᬳᬶ᭟᭐᭟ᬗᬮᬶᬄᬧᬘᬂᬳᬶᬯᬓᬶᬯᬓᬦ᭄᭞ᬘᬾᬮᬾᬂᬰᬺᬗ᭄ᬕᬶ᭞ᬢ᭄ᬯᬭᬦᬶᬭᬦᭂᬧᬸᬓᬶᬦ᭄᭞ᬳᬶᬫᬘᬦ᭄ᬫᬮᬶᬄᬫᬳᬢᬸᬃ᭞ᬳᬶᬗ᭄ᬕᬶᬄ
ᬧᬸᬦᬶᬓᬤᬾᬯ᭞ᬫᬭᬶᬂᬲ᭄ᬯᬃᬕ᭄ᬕᬦ᭄‌ᬓᬢᬄᬧᬶᬲᬦ᭄ᬭᬢᬸᬳᬕᬸᬂ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬤᬦᬯ᭞ᬫᬤᬸᬯᬾᬧᬸᬢ᭄ᬭᬳᬲᬶᬓᬶ᭟᭐᭟ᬫᬧᬸᬭᬶᬢᭂᬗᬳᬶᬗᬮᬲ᭄᭞ᬗᬦ᭄ᬤᬬᬸᬢᬵᬧᭂ
ᬲᬾᬗᬗᬶᬤᬗᬚᬶ᭞ᬭᬶᬂᬦᬵ ᬕᬭᬲᬩ᭄ᬭᬂᬭᬢᬸ᭞ᬳᬶᬭᬶᬓᬘᭀᬓᭀᬃᬳᬶᬤᬾ ᬯ᭞ᬫᬗᬃᬱᬬᬂᬭᬶᬂᬲᬶᬗ᭄ᬕ᭄ᬕᬶᬄᬳᬶᬤᬲᬗᬬᬸ᭞ᬳᬗ᭄ᬕᬭᬢ᭄ᬦᬧᭂᬲᬾᬗᬦ᭄ᬳᬶᬤ᭞ᬩᬬᬦᬾ
ᬳᬶᬬᬗ᭄ᬕᬵᬭᬕᬶ᭟᭐᭟ᬲᬂᬭᬖᬸᬫᬮᬶᬄᬗᬦ᭄ᬤᬶᬓᬵ ᭞ᬳᭂᬗ᭄ᬓᬾᬦ᭄ᬳᬫ᭄ᬩᬄ᭞ᬤᬾᬦᬶᬂᬫᬲᭂᬮᬢ᭄ᬧᬲᬶᬄ᭞ᬳᬶᬫᬘᬦ᭄ᬫᬳᬢᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ [ 29 ][ ᭒᭘ 28B]
᭒᭘᭞
ᬯᬦ᭄ᬢᭂᬦ᭄ᬚᬤ᭄ᬫᬶ᭞ᬳᬶᬭᬶᬓᬳᬶᬧᬸᬦ᭄ᬫᬗᬮᬸᬃ᭞ᬳᬶᬤᭂᬫ᭄ᬧᬸᬯᬯᬂᬳᬦᬫᬶ᭟᭐᭟ᬫᬲᬋᬗᬦ᭄ᬧ᭄ᬬᬦᬓ᭄ᬤᭂᬳ᭞ᬓᬮᬶᬄᬤᬶᬭᬶᬓᬭᬶᬩᬚᬂᬩᬚᬂᬳᬮᬶᬢ᭄᭞ᬳᬶᬲᬦᬾᬓᬶ
ᬯᬲ᭄ᬢᬦᬶᬧᬸᬦ᭄᭞ᬧᬸᬦᬶᬓᬦᬾ ᬓᭂᬮᬶᬳᬦ᭄᭞ᬳᬶᬲᬭᭀᬦᬶᬧᬸᬦᬶᬓᬦᬾᬧᬶᬦᬶᬄᬓᬲᬸᬩ᭄᭞ᬫᬫᬃᬕ᭄ᬕᬘᭀᬓᭀᬃᬳᬶᬤᬾᬯ᭞ᬗ᭄ᬭᭀᬤᬂᬫᬗ᭄ᬕᬶᬄᬧᬲᬶᬲᬶ᭟᭐᭟ᬳᬶ
ᬭᬶᬓᬭᬢᬸᬫᬦᬸᬫ᭄ᬧᬂ᭞ᬫᬗᬃᬱᬬᬂᬘᭀᬓᭀᬃᬳᬶᬤᬾᬯᬧᬫᬃᬕ᭄ᬕᬶ᭞ᬳᬶᬓᬮᬶᬓ᭄ᬬᬚᬸᬭᬕᬶᬦᬧᬸᬦ᭄᭞ᬳᭂᬦᬄᬭᬢᬸᬫᬸᬧᬸᬢᬂ᭞ᬩᬩᬯᭀᬲᬾᬓᭂᬦᬶᬫᬜᬶᬤ
ᬬᬂᬭᬢᬸ᭞ᬘᭀᬓᭀᬃᬳᬶᬤᬾᬯᬫᬦᬸᬫ᭄ᬧᬂ᭞ᬳᬶᬭᬢᬸᬭᬯᬸᬄᬓᬚᬯᬶ᭟᭐᭟ᬲᬂᬭᬖᬸᬫᬗᬦ᭄ᬤᬶᬓᬵ᭞ᬚᬦᬶᬓᬳᬶᬧᬘᬮᬸᬯᬲ᭄ᬗᬮᬳᬶᬦ᭄᭞ᬳᬶᬫᬘᬦ᭄ᬫᬧᬫᬶ
[ ᭒᭙ 29A]
ᬢ᭄ᬲᬫ᭄ᬧᬸᬦ᭄᭞ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬘᬭᬶᬢᬭᬯᬸᬄᬭᬶᬂᬧᬲᬶᬲᬶᬲᬫᬶᬲᬫ᭄ᬧᬸᬦ᭄᭞ᬳᬶᬓᬮᬶᬓ᭄ᬬᬲᭂᬤᭂᬓ᭄ᬫᬲᬂᬲᬂ᭞ᬕᬯᭀᬓ᭄ᬫᬦ᭄ᬤᬸᬮᬸᬲᬂᬧ᭄ᬭᬧ᭄ᬢᬶ᭟᭐᭟ᬢᬸᬫᬸᬮᬶᬢᭂᬥᬸᬦ᭄ᬭᬦ᭄ᬢ
ᬩᬦ᭄᭞ᬭᬭᬶᬲ᭄ᬜᬧᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬧᬲᬶᬭᬧᬸᬦᬶᬓᬶᬭᬯᬸᬄ᭞ᬢᭂᬫ᭄ᬩᬾᬢᬶᬢ᭄ᬬᬂᬗᬦ᭄ᬢᭂᬦᬂ᭞ᬚᬕᬶᬓᬶᬚᬳᬬᬢ᭄ᬧᬮᬸᬗᬦ᭄ᬳᬶᬭᬢᬸ᭞ᬳᬾᬫᬦ᭄ᬲᬦ᭄ᬧ᭄ᬭᬭ
ᬕᬬᬦ᭄᭞ᬲᬂᬭᬖᬸᬫᬲᬯᬸᬃᬳᬭᬶᬲ᭄᭟᭐᭟ᬫᬦᬶᬭᬳᭀᬲᬦ᭄ᬲᬂᬦᬵᬣ᭞ᬭᬶᬗᬬᭀᬥ᭄ᬬᬵᬯᬲ᭄ᬢᬦᬶᬓᬂᬦᬵ ᬕᬭᬶ᭞ᬫᬦᬶᬭᬓᬮᬶᬦ᭄ᬢᬂᬮᬘᬸᬃ᭞ᬰ᭄ᬭᬷᬦᬭᬾᬦ᭄ᬤ᭄ᬭᬳᬶᬤᬮᬸ
ᬗ᭄ᬳᬵ᭞ᬫᬦᬶᬗ᭄ᬕᬮᬶᬦ᭄‌ᬓᬯᬶᬱ᭄ᬡᬸᬮᭀᬓᬫᬦ᭄ᬢᬸᬓ᭄᭞ᬫᬦᬶᬭᬤᬤᬶᬚᬭᬳᬦ᭄᭞ᬫᬦ᭄ᬢᬸᬓ᭄ᬓᬤᬺᬱ᭄ᬝᬚᬸᬢᬶ᭟᭐᭟ᬚᬦᬶᬦᬶᬭᬓᬸᬢᬸᬲ᭄ᬮᬸᬯᬲ᭄᭞ᬳᬵᬮᬲ᭄ᬲᬩ᭄ᬭᬂᬩ᭄ᬯᬢ᭄ᬗᬮᬶᬄ [ 30 ][ ᭒᭙ 29B]
᭒᭙᭞
ᬘᬾᬮᬾᬂᬰᬺᬗ᭄ᬕᬶ᭞ᬳᬶᬓᬮᬶᬓ᭄ᬬᬦᭂᬫ᭄ᬩᬄᬫᬢᬸᬃ᭞ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬬᬦ᭄ᬧᬸᬦᬶᬓᬵᬓᬃᬱᬳᬶᬜ᭄ᬘᭀᬓᭀᬃᬳᬶᬭᬢᬸ᭞ᬳᬾᬧᭂᬄᬧᬶᬲᬦ᭄ᬭᬢᬸᬤᬾᬯᬵ᭞ᬦᬾᬗᬶᬗᭀ
ᬦᬶᬦ᭄ᬧᬸᬢ᭄ᬭᬶᬍᬯᬶᬄ᭟᭐᭟ᬳᬚᬶᬦᬾᬭᬢᬸᬯᬦᬯ᭞ᬓᬲ᭄ᬯᬃᬕ᭄ᬕᬦ᭄‌ᬳᬶᬤᬲ᭄ᬭᬶᬫᬮᬮᬶ᭞ᬲᬂᬭᬖᬸᬗᬦ᭄ᬤᬶᬓᬳᬮᬸᬲ᭄᭞ᬬᬦ᭄ᬯᬦ᭄ᬢᭂᬄᬧᬥᬳᭀᬮᬲ᭄᭞ᬦᬶᬭᬦᬸᬫ᭄ᬧᬵᬂ
ᬳᬶᬓᬮᬶᬓ᭄ᬬᬕᭂᬮᬶᬲ᭄ᬫᬢᬸᬃ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬤᬾᬯᬵ᭞ᬭᬭᬶᬲ᭄ᬳᬶᬤᬫᬸᬗ᭄ᬕᬄᬕᭂᬮᬶᬲ᭄᭟᭐᭟ᬳᬶᬓᬮᬶᬓ᭄ᬬᬮᬯᬸᬢ᭄ᬫᬮᬬᬃ᭞ᬗᬢᭂᬗᬳᬂᬧᬮᬬᬭᬾᬦᬭᬶᬲ᭄ᬤᬶ
ᬲ᭄᭞ᬢᬦ᭄ᬓᭀᬘᬧᬭᬶᬂᬮᬯᬸᬢ᭄᭞ᬦᬾ ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬘᬂᬘᬂ᭞ᬭᬶᬂᬧᬲᬶᬲᬶᬳᬶᬭᬶᬓᬳᬶᬤᬫᬮᬩᬸᬄ᭞ᬳᬶᬓᬮᬶᬓ᭄ᬬᬫᬸᬮᬂᬫᬗ᭄ᬕᬃ᭞ᬓᭂᬤᬸᬦᬂᬭᬳᬤᬾᬦ᭄ᬫᬦ᭄ᬢ᭄ᬭᬶ
[ ᭓᭐ 30A]
᭟᭐᭟ᬳᬶᬓᬮᬶᬓ᭄ᬬᬫᬜᬶᬫ᭄ᬧᬗᬂ᭞ᬭᬵᬚᬧᬸᬢ᭄ᬭᬜᬶᬫ᭄ᬧᬗᬶᬦ᭄ᬳᬶᬓᬓᬶ᭞ᬳᬶᬓᬮᬶᬓᬶᬗᬶᬭᬶᬂᬫᬦ᭄ᬢᬸᬓ᭄᭞ᬲᬢᭂᬓᭂᬤᬾᬤᬤᬶᬚᬸᬫᬄ᭞ᬭᬭᬶᬲᬾᬧᭀᬢ᭄‌ᬲᬳᬫᬤᬩ᭄ᬤᬩᬂᬕᬸᬧᬸᬄ
᭞ᬲᬂᬭᬖᬸᬓᬳᬢᬸᬭᬦ᭄᭞ᬭᬶᬂᬩᬮᬾ ᬫᬮᬂᬫᬮᬶᬗ᭄ᬕᬶᬄ᭟᭐᭟ᬳᬶᬤᭂᬫ᭄ᬧᬸᬯᬯᬂᬳᬗᬸᬘᬧ᭄᭞ᬜᬳᬶᬳᭂᬮᬸᬄᬘᬦᬂᬳᬢᬸᬭᬂᬜᬳᬶ᭞ᬫᬾᬦᬵᬓᬮᬶᬓᬶᬲᬕᬾᬢᬵᬭᬯᬸᬄ᭞ᬗ
ᬢᬸᬭᬶᬦ᭄ᬲᬂᬭᬖᬸᬘᬦᬂ᭞ᬳᬶᬓᬮᬶᬓ᭄ᬬᬵᬫᬧᬸᬦ᭄ᬤᬸᬢ᭄ᬭᬬᬸᬦᬦ᭄ᬭᬯᬸᬄ᭞ᬲᬂᬭᬖᬸᬓᬳᬢᬸᬭᬦ᭄᭞ᬳᬾ ᬦᬓ᭄ᬤᬾ ᬦᬶᬭᬳᬫᬸᬓ᭄ᬢᬶ᭟᭐᭟ᬳᬶᬓᬮᬶᬓ᭄ᬬᬫᬢᬸᬃᬲᭂᬫ᭄ᬩᬄ᭞ᬭᬢᬸᬤᬾᬯᬵ
ᬦᬾᬩᬾᬜ᭄ᬚᬂᬭᬢᬸᬫᬫᬃᬕ᭄ᬕᬶ᭞ᬲᬂᬭᬖᬸᬫᬲᬯᬸᬳᬮᬸᬲ᭄᭞ᬬᬤ᭄ᬬᬦᬾᬫᬦᬶᬫᬚᬮᬦ᭄᭞ᬦᬶᬭᬲᬸᬓᬵᬦᬶᬭᬤᬶᬦᬶᬫᬤᭂᬤᬸᬦᬸᬂ᭞ᬢᬦ᭄ᬓᭀᬘᬧᬲᬸᬩᬲᬜ᭄ᬚ᭞ᬳᬶᬤᭂᬫ᭄ᬧᬸᬯ [ 31 ][ ᭓᭐ 30B]
᭓᭐᭞
ᬯᬂᬫᬫᬸᬜᬶ᭟᭐᭟ᬦᬾᬲᬳᬶᬳᬶᬓᬮᬶᬓ᭄ᬬ᭞ᬓᭂᬫᬢᬸᬦ᭄ᬤᬾᬦ᭄ᬦᬶᬮᬸᬄᬫᬗᭂᬜ᭄ᬚᬶᬢ᭄ᬲᬸᬦ᭄ᬤᬶᬄ᭞ᬳᬶᬲᬦᬾ ᬓᬶᬲᬕᬾᬢ᭄ᬭᬯᬸᬄ᭞ᬫᬗᭂᬢᬢᬂᬧᬫᬺᬫᬦ᭄᭞ᬳᬶᬲᬭᭀᬦᬶᬢᬦ᭄ᬲᬄᬫ
ᬩᬩᬘᬸᬮᬸᬄ᭞ᬦᬸᬦᬲ᭄ᬮᬸᬕ᭄ᬭᬭᬶᬂᬭᬳᬤ᭄ᬬᬦ᭄᭞ᬲᬂᬭᬖᬸᬗᬦ᭄ᬤᬶᬓᬳᬭᬶᬲ᭄᭟᭐᭟ᬫᬵᬮᬶᬄᬭᬯᬸᬄᬧᬲᭀᬤᬬᬦ᭄᭞ᬳᬶᬓᬮᬶᬓ᭄ᬬ᭞ᬲᬳᬵᬗᬢᬸᬭᬂᬕᭂᬮᬶᬲ᭄᭞ᬧ᭄ᬭᬡᬫ᭄ᬬᬦᭂᬫ᭄ᬩᬄ
ᬫᬢᬸᬃ᭞ᬥᬸᬄᬤᬾ ᬯᬲᬲᬸᬳᬸᬦᬦ᭄᭞ᬲᬫ᭄ᬧᬸᬭᬬᬂ᭞ᬓᬳᬸᬮᬦ᭄ᬘᭀᬓᭀᬃᬳᬶᬭᬢᬸ᭞ᬧᬸᬦᬶᬓᬶᬧ᭄ᬬᬦᬓ᭄ᬢᬶᬢ᭄ᬬᬂᬤᭂᬳᬵ᭞ᬓᭂᬦᬶᬳᬶᬧᬸᬦ᭄ᬫᬗᬬᬳᬶᬦ᭄᭟᭐᭟ᬳᬶᬲᬦᬾ
ᬓᬶᬳᬶᬲᬭᭀᬦᬶ᭞ᬲᬋᬂᬓᬵᬮᬶᬄ᭞ᬗᬬᬳᬶᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬦᬲᬸᬯᬾᬯᬸᬲᬜᭂᬓᬸᬮ᭄᭞ᬲᬫ᭄ᬩᬶᬮ᭄ᬫᬭᬭᬯᭀᬲᬦ᭄᭞ᬗᬦ᭄ᬤᬶᬓᬬᬂ᭞ᬳᬬᬢ᭄ᬧᬫᬃᬕ᭄ᬕᬶᬦᬾ
[᭓᭑ 31A]
ᬓᬸᬢᬸᬲ᭄᭞ᬳᬦ᭄ᬢᬸᬓ᭄ᬲᬂᬥᬃᬫ᭄ᬫᬬᬸᬥᬵ᭞ᬳᬕᬸᬗᬾᬭᬶᬂᬤᬺᬱ᭄ᬝᬵᬚᬸᬢᬶ᭟᭐᭟ᬳᬶᬤᭂᬫ᭄ᬧᬸᬯᬯᬂᬫᬢᬸᬃᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬗᬢᬸᬭᬂᬧᬸᬦᬶᬓᬶ᭞ᬳᬗ᭄ᬕᬾᬦ᭄ᬳᬸᬕᬶᬚᬸ
ᬭᬸᬲᬧᬸᬄ᭞ᬧ᭄ᬬᬦᬓ᭄ᬢᬶᬢ᭄ᬬᬂᬓᬭᬶᬤᭂᬳ᭞ᬫᬓᬓᬵᬮᬶᬄᬲᬂᬭᬖᬸᬫᬲᬯᬸᬃᬳᬮᬸᬲ᭄᭞ᬦ᭄ᬤᬾᬦ᭄ᬚᬫᬮᬸᬧᬫᬦ᭄᭞ᬤᬶᬲᭂᬤ᭄ᬥᬦᬾᬫᬳᬦ᭄ᬗᬮᬶᬄ᭟᭐᭟ᬓᬲ᭄ᬢᬸᬭᬶᬕᬚᬄᬫᬶᬡ᭞
ᬘᬾᬮᬾᬂᬰᬺᬗ᭄ᬕᬶᬤᬶᬢᬸᬦᬶᬭᬗ᭄ᬯᬯᬦᬶᬦ᭄᭞ᬫᬜᬤ᭄ᬬᬫᬗ᭄ᬮᬫᬃᬩᬾᬲᬸᬓ᭄᭞ᬳᬧᬂᬫᬲᬶᬄᬢᬶᬗ᭄ᬓᬄ᭞ᬫᬦᬹᬢ᭄ᬕᬫᬩᬸᬓᬧᬚᬮᬦᬾᬮ᭄ᬬᬸ᭞ᬓᭀᬘᬧ᭄ᬲᬫ᭄ᬧᬸ
ᬦ᭄ᬢᬢᬲ᭄ᬭᬳᬶᬦ᭞ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕᬶ᭟᭐᭟ᬫᬲᬶᬲᬶᬦᬸᬯᬸᬢ᭄ᬧᬭᬗᬦ᭄᭞ᬲᬕᬾᬢ᭄ᬭᬯᬸᬄᬤᬶᬢᭂᬗᬄᬳᬮᬲᬾᬧᬶᬗᬶᬢ᭄᭞ᬓᬢᭀᬦ᭄ᬗᬜ᭄ᬘᬶᬗᬳᬾ [ 32 ][ ᭓᭑ 31B]
᭓᭑᭞
ᬫᬸᬭᬸᬩ᭄᭞ᬧᬧᭂᬮᭀᬓᬾᬗᬭᬜᬩ᭄᭞ᬧᬓᬜᬶᬢ᭄ᬜᬶᬢ᭄‌ᬓᭂᬥᬾᬧᬦ᭄ᬯᬶᬦ᭄ᬢᭂᬦᬾᬫᬸᬭᬸᬩ᭄᭞ᬫᬗᬲᭀᬭᬂᬘᬬᬦ᭄ᬲᬹᬃᬬ᭄ᬬ᭞ᬕᬯᭀᬓ᭄ᬲᬂᬭᬖᬸᬜᬶᬗᬓᬶᬦ᭄
᭟᭐᭟ᬳᬜ᭄ᬘᬓ᭄ᬲᬚᬶᬦᬾᬫᬕᭂᬦᬄ᭞ᬘᬡ᭄ᬥᬶᬩᭂᬦ᭄ᬢᬃᬫᬧᬸᬘᬓ᭄ᬫᬡᬶᬓ᭄ᬧᬸᬢᬶᬄ᭞ᬢᬾᬫ᭄ᬩᭀᬓᬾᬲ᭄ᬮᬓᬫᭂᬦᬸᬄ᭞ᬓᭀᬭᬶᬦᬾᬫᬵᬲ᭄ᬫᬢᬢᬄ᭞ᬲᭂᬤᭂᬄᬓᬗᭂ
ᬦ᭄᭞ᬲᬂᬭᬖᬸᬤᬶᬢᬸᬫᬮᬸᬗ᭄ᬕᬸᬄ᭞ᬓᬧᬶᬦᭂᬄᬚ᭄ᬭᭀᬦᬶᬂᬧ᭄ᬭᬥᬬ᭞ᬓᭀᬘᬧ᭄ᬭᬳᬤᬾᬦ᭄ᬤᬾᬯᬶ᭟᭐᭟ᬳᬶᬤᬫᭂᬋᬫ᭄ᬤᬶᬩᬮᬾᬫᬵᬲ᭄᭞ᬫᬜᬸᬫ᭄ᬧᭂᬦᬲᬹᬃᬬ᭄ᬬᬦᬾ
ᬫᬗ᭄ᬮᬩᬸᬳᬶᬦ᭄᭞ᬲᬳᬸᬧ᭄ᬤᬤᬶᬳᬦᬓ᭄ᬩᬕᬸᬲ᭄᭞ᬫᬢᬗᬶᬭᬭᬶᬲ᭄ᬭᬳᬤ᭄ᬬᬦ᭄᭞ᬩᭂᬗᭀᬂᬲᬯᬢ᭄‌ᬳ᭄ᬬᬗ᭄ᬕᬭᬗ᭄ᬕᬳᬸᬫᬢᬸᬃ᭞ᬭᬢᬸᬤᬾᬯᬲᬲᬸᬳᬸᬦᬦ᭄᭞
[ ᭓᭒ 32A]
ᬧᬸᬦᬧᬶᬲᬸᬗ᭄ᬲᬸᬢᬂᬕᬸᬲ᭄ᬢᬶ᭟᭐᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬵ ᭞ᬦᬭᬶᬗᬶᬧᬶᬲᬹᬃᬬ᭄ᬬᬦᬾ ᬫᬗ᭄ᬮᬩᬸᬳᬶᬦ᭄᭞ᬳ᭄ᬬᬗ᭄ᬕᬭᬗ᭄ᬕᬳᬫᬢᬸᬃ᭞ᬬᬦ᭄ᬯᬦ᭄ᬢᬄᬲᬧᬸᬦᬶᬓ᭞ᬭᬢᬸ
ᬤᬾᬯᬢᬫ᭄ᬬᬸᬮᬦᬂᬚᬕᬭᬯᬸᬄ᭞ᬲᬕᬾᬢ᭄ᬫᬶᬳᬶᬓ᭄ᬫᬮᬶᬫ᭄ᬧᬸᬕᬦ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬶ᭟᭐᭟ᬳᬫᭂᬩᭀᬫᬶᬳᬶᬓ᭄ᬧᬶᬲᬦ᭄᭞ᬓᭂᬫᬢᬸᬢᬸ
ᬕ᭄‌ᬳ᭄ᬬᬗ᭄ᬕᬭᬗ᭄ᬕᬵᬦᭂᬮᭀᬓᬶᬦ᭄᭞ᬤᬾᬦᬕᬾᬲᬶᬭᬮᬸᬫᬓᬸ᭞ᬫᬓᭂᬮᭀᬓᬶᬦ᭄ᬓᬩᬜ᭄ᬘᬶᬗᬄ᭞ᬲᬕᬾᬢᬵᬓᬢᭀᬦ᭄‌‌ᬲᬂᬭᬖᬸᬧᬸᬢ᭄ᬭᬫᬮᬸᬗ᭄ᬕᬸᬄ᭞ᬩᭂᬗᭀᬂ
ᬧᬭᬭᬕᬬᬦ᭄᭞ᬳ᭄ᬬᬗ᭄ᬕᬭᬗ᭄ᬕᬦᬓᭀᬦᬶᬦ᭄᭟᭐᭟ᬢᬸᬳᬸᬢ᭄ᬯ᭄ᬭᬸᬄᬢᬶᬢ᭄ᬬᬂᬚᭂᬭᭀ᭞ᬲᬧᬶᬲᬶᬭᬚ᭄ᬭᭀᬦᬾᬭᬯᬸᬄᬫᬭᬶᬓᬶ᭞ᬲᬂᬭᬖᬸᬦᬸᬮᬶᬫᬲᬯᬸᬃ [ 33 ][ ᭓᭒ 32B]
᭓᭒᭞
᭞ᬲᬶᬗ᭄ᬕᬶᬄᬢ᭄ᬬᬂᬯᭀᬂᬓᬮᬭᬦ᭄᭞ᬫᬦᬸᬫ᭄ᬧᬗᬶᬦ᭄‌ᬚᬸᬓᬸᬂᬧᬗᬮᬸᬦᬾᬯᬳᬸ᭞ᬜᬥ᭄ᬬᬫᬗᬢᬸᬭᬂᬳᬯᬓ᭄᭞ᬲᬥ᭄ᬬᬦ᭄ᬢᬶᬢ᭄ᬬᬗᬾᬫᬭᬶᬓᬶ᭟᭐᭟ᬳ᭄ᬬᬗ᭄ᬕᬭᬗ᭄ᬕᬵ
ᬳᬗᬸᬘᬧ᭄᭞ᬳᬶᬗ᭄ᬕᬶᬄᬤᬶᬚᬵᬳᬸᬗ᭄ᬕ᭄ᬯᬦ᭄ᬧᬸᬭᬶᬦᬾᬗᬹᬦᬶ᭞ᬲᬂᬭᬖᬸᬫᬲᬯᬸᬃᬳᬮᬸᬲ᭄᭞ᬢᬶᬢ᭄ᬬᬂᬧᬸᬢ᭄ᬭᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬭᬶᬗᬬᭀᬥ᭄ᬬᬳᬸᬫᬄᬢ᭄ᬬᬗᬾᬤᬸ
ᬫᬸᬦ᭄᭞ᬦᬾᬦᬾ ᬫᬗ᭄ᬓᬶᬦ᭄ᬲᬫ᭄ᬧᬸᬦᬶᬘᬮ᭄᭞ᬤ᭄ᬯᬦᬶᬂᬢ᭄ᬬᬂᬫᬦᬶᬮᬭᬶᬦ᭄᭟᭐᭟ᬳ᭄ᬬᬗ᭄ᬕᬭᬗ᭄ᬕᬫᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬕᬸᬂᬳᬫ᭄ᬧᬸᬭᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳ
ᬦ᭄ᬢᭀᬲ᭄ᬳᬸᬕᬶᬢᬶᬢ᭄ᬬᬂᬤᬸᬫᬸᬦ᭄᭞ᬳ᭄ᬬᬂᬗ᭄ᬕᬭᬗ᭄ᬕᬫᬢᬸᬮᬓ᭄᭞ᬫᬗᬢᬸᬭᬂᬭᬶᬂᬳᬶᬭᬳᬤᬾᬦ᭄ᬕᬮᬸᬄ᭞ᬲᬭᬯᬸᬳᬾᬚ᭄ᬭᭀᬧᬸᬭ᭞ᬳ᭄ᬬᬗ᭄ᬕᬭᬗ᭄ᬕᬵᬫᬢᬸᬭᬭᬶ
[ ᭓᭓ 33A]
᭟᭐᭟ᬳᬶᬗ᭄ᬕᬶᬄᬳᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬢ᭄ᬯᬭᬳᬶᬯᬂᬳᬳᬸᬃᬢ᭄ᬬᬗᬾᬗᬸᬦᬶ᭞ᬲᬕᬾᬢ᭄ᬢᬫ᭄ᬬᬸᬲᬫ᭄ᬧᬸᬦ᭄ᬭᬯᬸᬄ᭞ᬩᬕᬸᬲ᭄ᬳᬦᭀᬫ᭄ᬗᬬᬗᬬᬂ᭞ᬯᬦ᭄ᬢᬄᬜᬦ᭄ᬤᬂᬧᬘᬂᬓᬃ
ᬫ᭄ᬫᬶᬦ᭄ᬘᭀᬓᭀᬃᬭᬢᬸ᭞ᬳᬶᬤᬧᬸᬢ᭄ᬭᬦ᭄‌ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬭᬶᬗᬬᭀᬥ᭄ᬬᬲᬦᬾᬗᬹᬦᬶ᭟᭐᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬵ ᭞ᬬᬾᬦ᭄ᬢ᭄ᬯᬄᬓᬾᬢᭀᬢᬸᬦ᭄ᬤᬾ
ᬦᬫᬗ᭄ᬮᬯᬸᬢ᭄ᬫᬳᬶ᭞ᬳ᭄ᬬᬗ᭄ᬕᬭᬗ᭄ᬕᬳᬸᬫᬢᬸᬃ᭞ᬫᬧᬗ᭄ᬕᬶᬄᬭᬶᬂᬭᬳᬤ᭄ᬬᬦ᭄᭞ᬤᬾᬯᬩᬕᬸᬲ᭄‌ᬢᬶᬢ᭄ᬬᬂᬫᬗᬶᬭᬶᬂᬳᬶᬭᬢᬸ᭞ᬦᬸᬦᬲ᭄ᬭᬢᬸᬗᬧᬸᬭ᭄ᬬᬂ᭟
ᬳᬶᬭᬶᬓᬵᬭᬢᬸᬫᬮᬶᬗ᭄ᬕᬶᬄ᭟᭐᭟ᬲᬂᬭᬖᬸᬭᬭᬶᬲ᭄ᬓᬧᬸᬭ᭞ᬓᬳᬶᬭᬶᬋᬂᬦ᭄ᬳ᭄ᬬᬗ᭄ᬕᬭᬕᬂ᭞ᬭᬤᬾᬦ᭄ᬤᬾᬯᬶᬕᬯᭀᬓ᭄ᬳᬦ᭄ᬤᬸᬮᬸ᭞ᬯᭂᬢᬸᬓᬬᬸᬦᬾ [ 34 ][ ᭓᭓ 33B]
᭓᭓᭞
ᬫᬾᬦ᭄ᬤ᭄ᬭ᭞ᬫᬗᬦ᭄ᬤᬶᬓᬫ᭄ᬩᬶᬮᬂᬳᬶᬤᬫᬗᬸᬦ᭄ᬢᬸᬓ᭄᭞ᬳ᭄ᬬᬗ᭄ᬕᬭᬗ᭄ᬕᬵᬮᬯᬸᬢ᭄ᬫᭂᬦᬾᬓᬦ᭄᭞ᬩᬋᬂᬳᬚᬓ᭄ᬦᬶᬭᬤᬶᬦᬶ᭟᭐᭟ᬲᬂᬭᬖᬸᬭᬶᬲ᭄ᬓᬯᬸᬭ᭞ᬫ
ᬗᬦ᭄ᬤᬶᬓᬢᬶᬢ᭄ᬬᬂᬓᬯᭂᬕᬂᬦᬾ ᬫᬗ᭄ᬓᬶᬦ᭄᭞ᬲ᭄ᬯᬾᬘᬳᬸᬕᬶᬭᬢᬸᬳᬬᬸ᭞ᬗᭀᬮᬲᬶᬦ᭄ᬯᭀᬂᬓᬲᬲᬃ᭞ᬢᬶᬢ᭄ᬬᬂᬦᬸᬦᬲ᭄ᬩᬯᬶᬰ᭄ᬭᬗ᭄ᬕᬶᬭᬶᬂᬳᬶᬭᬢᬸ᭞ᬓᬲ᭄ᬢᬸᬭᬶ
ᬕᬚᬄᬫᬶᬡ᭞ᬧᬸᬦᬶᬓᬵᬲᬫᬶᬫᬲᬶᬓᬶ᭟᭐᭟ᬤᬾ ᬯᬶᬳᬗ᭄ᬕᬭᬢ᭄ᬦᬗᬸᬘᬧ᭄᭞ᬳᬶᬗ᭄ᬕᬶᬄᬩᭂᬮᬶᬧᬸᬦᬶᬓᬬᬦ᭄ᬋᬋᬄᬫᬗ᭄ᬓᬶᬦ᭄᭞ᬓᬯᬶᬲᬶᬤ᭄ᬥᬧᬘᬂᬓᬢᬸᬃ᭞ᬲᬫᬶᬓᬵ
ᬭᬶᬭᬶᬂᬲ᭄ᬯᬃᬕ᭄ᬕᬦ᭄᭞ᬬᬦ᭄ᬲᬶᬄᬩᭂᬮᬶᬲ᭄ᬯᬾᬘ᭄ᬘᬭᬶᬂᬯᭀᬂᬓᬯᭂᬮᬰ᭄ᬬᬸᬦ᭄᭞ᬢᬶᬢ᭄ᬬᬂᬫᬗᬢᬸᬭᬂᬳᬯᬓ᭄᭞ᬗᬶᬭᬶᬂᬩᭂᬮᬶᬧᬢᬶᬳᬸᬭᬶᬧ᭄᭟᭐᭟ᬳ᭄ᬬᬗ᭄ᬕᬭᬗ᭄ᬕᬳ
[ ᭓᭔ 34A]
ᬗᬸᬘᬧ᭄᭞ᬲᬶᬗ᭄ᬕᬶᬄᬤᬾᬯᬓᬬᬸᬦ᭄ᬳᬸᬕᬶᬭᬢᬸᬫᬗ᭄ᬓᬶᬦ᭄᭞ᬬᬦ᭄ᬳᬶᬭᬢᬸᬲᬫ᭄ᬧᬸᬦ᭄ᬓᬬᬸᬦ᭄᭞ᬲᬧᬓᬬᬸᬦᬦ᭄ᬳᬶᬤᬾᬯ᭞ᬓᬤᬕᬶᬗᬦ᭄‌ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬕ
ᬮᬸᬄ᭞ᬫᬲᬢᬾᬓᬸᬭᬂᬧᬸᬦᬧ᭞ᬲᬂᬭᬖᬸᬭᬭᬶᬲ᭄ᬗᬤ᭄ᬬᬦᬶᬦ᭄᭟᭐᭟ᬧᬳᬶᬗᬦᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬧᬘᬂᬭᬯᬸᬄᬢᬸᬫᬸᬮᬶᬳᬶᬤᬲᬂᬤᬾᬯᬶ᭞ᬓᭂᬜᬶᬃ
ᬲᬲ᭄ᬫᬶᬢᬫᬢᬸᬃ᭞ᬗᬶᬭᬶᬂᬩᭂᬮᬶᬫᬲᬗᬶᬤᬦ᭄᭞ᬭᬶᬂᬕ᭄ᬥᭀᬂᬩᬢᬸᬳᬶᬭᬶᬓᬩᭂᬮᬶᬫᬲᭂᬮᬸᬧ᭄᭞ᬫᭂᬗᬵᬳᬶᬓᬂᬩᬢᬸᬫᬲ᭄ᬧᬓ᭄᭞ᬳᬶᬭᬶᬓᬳᬶᬤᬫᬗ᭄ᬭ
ᬜ᭄ᬚᬶᬂ᭟᭐᭟ᬰ᭄ᬭᬷᬦᬭᬾᬦ᭄ᬤ᭄ᬭᬦᭂᬧᬓ᭄‌ᬤ᭄ᬯᬭ᭞ᬜᬳᬶᬲᬶᬮᬶᬩᬸᬓᬓᬶᬦ᭄ᬩᬧᬕᭂᬮᬶᬲ᭄᭞ᬭᬤᬾᬦ᭄ᬤᬾᬯᬶᬫᬸᬓᬓ᭄ᬲᬫ᭄ᬧᬸᬦ᭄᭞ᬰ᭄ᬭᬶᬦᬭᬾᬦ᭄ᬤ᭄ᬭᬗᬦ᭄ᬤᬶᬓᬵ᭞ᬫᭂᬩᭀᬚ [ 35 ][ ᭓᭔ 34B]
ᬢ᭄ᬫᬭᬳᬤᬾᬦ᭄ᬤᬾ ᬯᬶᬳᬸᬫᬢᬸᬃ᭞ᬳᬶᬗ᭄ᬕᬶᬄᬩᬧᬳᬮ᭄ᬬᬂᬢᬶᬢ᭄ᬬᬂ᭞ᬕᬚᬄᬫᬶᬡᬘᬾᬮᬾᬂᬰᬺᬗ᭄ᬕᬶ᭟᭐᭟ᬰ᭄ᬭᬷᬦᬭᬾᬦ᭄ᬤ᭄ᬭᬫᬮᬶᬄᬮᬸᬗ᭄ᬳ᭞ᬓᬲ᭄ᬯᬃᬕ᭄ᬕᬦ᭄‌ᬫᬗ
ᬮᬶᬄᬘᬾᬮᬾᬂᬰᬺᬗ᭄ᬕᬶ᭞ᬲᬂᬭᬖᬸᬫᬮᬶᬄᬳᬸᬫᭂᬢᬸ᭞ᬲᬓᬶᬂᬕᭂᬥᭀᬂᬧᬲᬗᬶᬤᬦ᭄᭞ᬲᬕᬾᬢ᭄ᬭᬯᬸᬄᬳ᭄ᬬᬗ᭄ᬕᬭᬗ᭄ᬕᬵᬲᭂᬫᬸᬕᬸᬬᬸ᭞ᬩᬸᬮᬦᬾᬗᬍ
ᬫᬳᬂ᭞ᬓᬬᬸᬦᬶᬤᬭᬤᬾᬦ᭄ᬤᬾᬯᬶ᭟᭐᭟ᬲᬂᬭᬖᬸᬭᬭᬶᬲ᭄ᬗᬦ᭄ᬤᬶᬓ᭞ᬭᬢᬸᬤᬾᬯᬳᬶᬭᬶᬓᬶᬚᬭᬢᬸᬫᬮᬶᬗ᭄ᬕᬶᬄ᭞ᬫᬓᬭᭀᬦᬦ᭄ᬳᬶᬤᬫᬮᬸᬗ᭄ᬕᬸᬄ
᭞ᬲᬫ᭄ᬩᬶᬮ᭄ᬫᬭᬭᬯᭀᬲᬦ᭄᭞ᬳᭂᬗ᭄ᬓᬾᬦᬫ᭄ᬩᬄᬩᭂᬮᬶᬓᬳᬬᭀᬥ᭄ᬬᬫᬦ᭄ᬢᬸᬓ᭄᭞ᬭᬳᬤᬾᬦᬵᬤᬾᬯᬶᬳᬗᬸᬘᬧ᭄᭞ᬲᬫ᭄ᬧᬸᬦ᭄ᬩᭂᬮᬶᬫᬾᬯᭂᬄᬫᬗ᭄ᬓᬶ

[ ᭓᭕ 35A]
ᬦ᭄᭟᭐᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧᬳᬶᬗᬦᬦ᭄᭞ᬧᬘᬂᬭᬯᬸᬄᬰ᭄ᬭᬷᬪᬹᬧᬢᬶᬲᬓᬶᬃᬲ᭄ᬯᬃᬕ᭄ᬕᬶ᭞ᬭᬳᬤᬾᬦ᭄ᬤᬾ ᬯᬶᬳᬸᬫᬢᬸᬃ᭞ᬳᬶᬗ᭄ᬕᬶᬄᬩᭂᬮᬶᬫᬲᬗᬶᬤᬦ᭄᭞ᬰ᭄ᬭᬶᬦ
ᬭᬾᬦ᭄ᬤ᭄ᬭᬚᬦ᭄ᬢᭂᬦ᭄ᬳᬶᬤᬕᭂᬮᬶᬲ᭄ᬭᬯᬸᬄ᭞ᬲᬂᬭᬖᬸᬗ᭄ᬭᬜ᭄ᬚᬶᬂᬫᬦ᭄ᬢᬸᬓᬦ᭄᭞ᬭᬶᬂᬰᬾᬮᬫᬘᭂᬧᬓ᭄ᬕᭂᬮᬶᬲ᭄᭟᭐᭟ᬰ᭄ᬭᬷᬦᬭᬾᬦ᭄ᬤ᭄ᬭᬗᭂᬢᭀᬓ᭄ᬤ᭄ᬯᬭ᭞ᬜᬳᬶᬲᬶᬮᬶ
ᬩᬸᬓᬓᬶᬦ᭄ᬩᬧᬕᭂᬮᬶᬲ᭄᭞ᬭᬤᬾ ᬦ᭄ᬤᬾ ᬯᬶᬫᬸᬓᬓ᭄ᬲᬫ᭄ᬧᬸᬦ᭄᭞ᬲᬂᬦᬵᬣᬳᬶᬤᬫᬦ᭄ᬢ᭞ᬕᬚᬄᬫᬶᬡᬫᬶᬯᬄᬘᬾᬮᬾᬂᬰ᭄ᬭᬸᬗ᭄ᬕᬲᬫ᭄ᬧᬸᬦ᭄᭞ᬭ
ᬤᬾᬦ᭄ᬤᬾ ᬯᬶᬫᬦᬭᬶᬫ᭞ᬩᬯᬶᬰᬺᬗ᭄ᬕᬶᬦᬾ ᬳᬲᬶᬓᬶ᭟᭐᭟ᬓᬱ᭄ᬝᬸᬭᬶᬕᬚᬄᬫᬶᬡᬵ᭞ᬓᬧᬭᬶᬓ᭄ᬱᬳ᭄ᬬᬗ᭄ᬕᬫᬦᬸᬦᬲ᭄ᬕᭂᬮᬶᬲ᭄᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬜ [ 36 ][ ᭓᭕ 35B]
᭓᭕᭞
ᬳᬶᬘᬶᬮᬶᬧ᭄ᬬᬦᬓ᭄ᬩᬧ᭞ᬦᬄᬫᬲᭀᬤᬩᬲᬂᬩᬧᬦᬾ ᬩᬲ᭄ᬲᭂᬤᬸᬓ᭄᭞ᬢᬸᬬᬸᬄᬫᬚᬮᬦ᭄ᬮᬸᬯᬲ᭄᭞ᬓᬲ᭄ᬯᬃᬕ᭄ᬕᬦ᭄ᬦᬸᬦᬲ᭄ᬩᬯᬶ᭟᭐᭟ᬭᬳᬤᬾᬦ᭄ᬤᬾ ᬯᬶᬫᬲᭀᬤ᭞ᬢᬦᬲᬸ
ᬯᬾᬳ᭄ᬬᬗ᭄ᬕᬭᬗ᭄ᬕᬫᬫᬓ᭄ᬢᬲᬫᬶ᭞ᬜᬸᬳᬸᬦ᭄ᬧᬮᭀᬤᬬᬦ᭄ᬲᬫ᭄ᬧᬸᬦ᭄᭞ᬲᬓᬮ᭄ᬯᬶᬭᬶᬂᬭᬲᬉᬢ᭄ᬢᬫ᭞ᬭᬤᬾᬦᬵᬤᬾᬯᬶᬗᬬᬳᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬳᬾᬦᬓ᭄ᬢᬲᬂᬦᬭ
ᬦᬵᬣ᭞ᬤᬶᬩᬮᬾ ᬫᬵ ᬲᬾ ᬫᬮᬶᬗ᭄ᬕᬶᬄ᭟᭐᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬜᬳᬶᬘᬶᬮᬶᬬᬦ᭄ᬲᬶᬄᬳᬤᬢᭂᬓᬫᬳᬶ᭞ᬳᬶᬬᬫᬳᬤᬦ᭄ᬳᬶᬭᬖᬸ᭞ᬲᭂᬥᭂᬂᬳᬗ᭄ᬕᭀᬦ᭄ᬜᬳᬶᬓᬃ
ᬫ᭄ᬫ᭞ᬭᬾᬄᬫᬫᬶᬲᬦ᭄‌ᬦᬵᬗ᭄ᬳᬶᬂᬩᬧᬢᭀᬦ᭄ᬤᬾᬦᬵᬢᬳᬸ᭞ᬤᬾᬦᬵᬳᬶᬂᬚᭀᬄᬲᭂᬮᬢ᭄‌ᬲᬵᬕᬭ᭞ᬢᬸᬤᬸᬄᬓᬃᬫ᭄ᬫᬦᬾ ᬦᬸᬮᬸᬭᬶᬦ᭄᭟᭐᭟ᬓᬾᬢᭀᬘᭂᬦᬶᬂᬩᬧᬮᬸᬯᬲ᭄᭞
[ ᭓᭖ 36A]
ᬗᬦᬦ᭄ᬢ᭄ᬬᬂᬫ᭄ᬮᬮᬶᬓᬳᬮᬲ᭄ᬳᬸᬥᬥᬶ᭞ᬲᬂᬦᬵᬣᬫᬫᬃᬕ᭄ᬕᬶᬲᬫ᭄ᬧᬸᬦ᭄᭞ᬤᬾᬯᬶᬭᬗ᭄ᬕᬭᬢ᭄ᬦᬶᬓᭀᬘᬧ᭄᭞ᬫᬗᬭᬤ᭄ᬲᬂᬭᬕᬭᬸᬥᬵ᭞ᬲᬂᬕᬭᬸᬥᬲᬕᬾᬢ᭄ᬭᬯᬸᬄ᭞ᬭᬤᬾᬦᬵᬤᬾᬯ
ᬫᬤᬩ᭄ᬤᬩᬦ᭄᭞ᬲᬂᬭᬖᬸᬢᬸᬫᬸᬮᬶᬫᬶᬚᬶᬮ᭄᭟᭐᭟ᬳ᭄ᬬᬗ᭄ᬕᬭᬗ᭄ᬕᬦᬩ᭄ᬤᬩᬂ᭞ᬩᬩᬦ᭄ᬤᬭᬦ᭄‌ᬤᬶᬢᬸᬦ᭄ᬤᬸᬦ᭄ᬕᬭᬸᬥᬦᬾᬲᬫᬶ᭞ᬲᬋᬂᬢᬶᬕᬫᬸᬗ᭄ᬕᬄᬲᬫ᭄ᬧᬸᬦ᭄᭞ᬤᬶᬢᬸ
ᬦ᭄ᬤᬸᬦ᭄ᬲᬂᬕᬭᬸᬥ᭞ᬫᬗ᭄ᬮᬫᬬᬂᬲᬂᬕᬭᬸᬥᬦᬸᬮ᭄ᬬᬫᬫ᭄ᬩᬸᬃ᭞ᬓᬳᬸᬗ᭄ᬓᬸᬮᬦ᭄ᬲᬸᬭᬦᬥ᭄ᬬ᭞ᬓᬢᭀᬦ᭄ᬳᬶᬤᬲᬂᬦᬺᬧᬢᬶ᭟᭐᭟ᬲᬂᬦᬭᬾᬦ᭄ᬤ᭄ᬭᬭᬭᬶᬲ᭄ᬗᭂᬭᬓ᭄᭞ᬳᬶᬦ᭄ᬢᬶᬓ᭄ᬳᬶᬲ
ᬳᬲᬗᭂᬢᬸᬢ᭄ᬩᬸᬭᬶ᭞ᬓᬩᭂᬮᬢ᭄ᬲᬕᬭᬳᬕᬸᬂ᭞ᬭᬭᬶᬲ᭄ᬳᬶᬤᬫᬢᬸᬮᬓ᭄᭞ᬢᬦ᭄ᬓᬯᬃᬡ᭄ᬦᬵᬧᬫᬃᬕ᭄ᬕᬶᬦᬾ ᬭᬤᬾᬦ᭄ᬕᬮᬸᬄ᭞ᬲᬫ᭄ᬧᬸᬦ᭄ᬗᬮᬶᬦ᭄ᬢᬂᬲᬵᬕᬭ᭞ᬭᬯᬸᬄᬭᬶᬂᬦᬵᬕ [ 37 ][ ᭓᭖ 36B]
᭓᭖᭞
ᬭᬯᭂᬲᬶ᭟᭐᭟ᬲᬂᬭᬖᬸᬫᬗᬦ᭄ᬤᬶᬓᬵ᭞ᬳᬶᬗ᭄ᬕᬶᬄᬭᬢᬸᬓᬕᬡ᭄ᬥᬯᭂᬲᬶᬗ᭄ᬭᬲᬶᬓ᭄᭞ᬳᬶᬭᬶᬓᬵᬫᬭᬵᬃᬬ᭄ᬬᬦ᭄ᬤᬸᬫᬸᬦ᭄᭞ᬭᬶᬂᬪᬕᬯᬵᬦ᭄ᬦᬶᬮᭀᬘᬡ᭞ᬳᬶᬭᬶᬓᬢ᭄ᬬᬂᬫᬲᬗ᭄ᬕ᭄ᬭ
ᬳᬶᬦ᭄ᬗᬶᬭᬶᬂᬳᬶᬭᬢᬸ᭞ᬲᬋᬂᬭᬶᬂᬭᬓᬦ᭄ᬳᬶᬤᬾᬯᬵ ᭞ᬯᬾᬦ᭄ᬢᭂᬦ᭄ᬜᬫᬦ᭄ᬢᬶᬢ᭄ᬬᬂᬳᬶᬲ᭄ᬢ᭄ᬭ᭄᭟᭐᭟ᬫᬋᬓᬦ᭄ᬭᬶᬂᬧᬤᬡ᭄ᬥ᭞ᬲᬓᬶᬂᬳᬮᬶᬢ᭄‌ᬫᬦᬯᬶᬳᬶᬤᬓᬭᬶ᭞ᬤᬾ ᬯᬶᬳᬗ᭄ᬕᬭᬢ᭄ᬦᬶ
ᬫᬢᬸᬃ᭞ᬲᬶᬭᬗᬸᬢᬸᬲ᭄ᬩᭂᬮᬶᬮᬸᬗ᭄ᬳᬵ ᭞ᬗᬺᬋᬄᬘᬾᬮᬾᬂᬲᬤᭀᬳᬾᬫᬲᭂᬮᬢ᭄ᬮᬯᬸᬢ᭄᭞ᬲᬂᬭᬖᬸᬫᬗᬦ᭄ᬤᬶᬓᬵ᭞ᬳᬕᬸᬗᬾᬤᬶᬤᬺᬱ᭄ᬝᬚᬸᬢᬶ᭟᭐᭟ᬫᬯᬱ᭄ᬝᬳᬶ
ᬥᬃᬫ᭄ᬫᬬᬸᬥ᭞ᬫᬫᬶᬓᭂᬤᭂᬄᬓᭂᬦᬶᬢᬶᬢ᭄ᬬᬂᬧᭀᬮᬶᬄᬳᬸᬕᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬶᬫᬢᬸᬃ᭞ᬚᬕᬳᬶᬧᬸᬦ᭄ᬫᬓᬃᬬ᭄ᬬ᭞ᬫᬗ᭄ᬮᬸᬯᭂᬭᬂᬩᬧᬦ᭄ᬳᬶᬧᬸᬦᬾᬓᬯᬸᬗ᭄ᬓᬸᬃ᭞ᬓᬭᬶ
[ ᭓᭗ 37A]
ᬫᬕᭂᬦᬄᬭᬶᬂᬬᬫ᭞ᬤᬲᬭᬶᬦ᭄ᬓᬯᬳᬾ ᬫᬗ᭄ᬓᬶᬦ᭄᭟᭐᭟ᬓᬱ᭄ᬝᬸᬭᬶᬕᬚᬄᬫᬶᬡ᭞ᬘᬾᬮᬾᬂᬰ᭄ᬭᬗ᭄ᬕᬶᬳᬶᬯᬓᬶᬯᬓᬦᬾ ᬓᬧᬹᬚᬶ᭞ᬢ᭄ᬯᬭᬧᬶᬲᬦ᭄ᬤᬤᬶᬮᬸᬧᬸ
ᬢ᭄᭞ᬲᬂᬭᬖᬸᬫᬦᭂᬢᬲᬂ᭞ᬧᬗ᭄ᬮᬸᬯᭂᬭᬾᬤᬶᬓᬬᬗᬗᭂᬦᬄᬳᬶᬧᬸᬦ᭄᭞ᬤᬾᬯᬶᬭᬗ᭄ᬕᬭᬢ᭄ᬦᬶᬗᬸᬘᬧ᭄᭞ᬧᬸᬦᬶᬓᬢᬢᬲᬂᬩᭂᬮᬶ᭟᭐᭟ᬧᬗ᭄ᬮᬸᬯᭂᬭᬦ᭄ᬭᬶᬫᬺ
ᬘᬧᬵᬤ᭞ᬧᬜ᭄ᬚᬂᬬᬸᬱᬩᬕᬸᬲ᭄ᬲᬸᬕᬶᬄᬢᬸᬃᬰᬓ᭄ᬢᬶ᭞ᬳᭂᬦ᭄ᬢᭂᬕ᭄ᬓᬕᬸᬗᬦᬾ ᬢᬦ᭄ᬮᬸᬧᬸᬢ᭄᭞ᬲᬂᬓᬯᬶᬢᬦ᭄ᬓᬲᬸᬧᬢ᭄᭞ᬩ᭄ᬯᬶᬦ᭄ᬫᬯᬮᬶᬢᬸᬭᬸᬦ᭄ᬫᬦᬤᬶᬳᬕᬸᬂ᭞ᬳᬶᬥᬃᬫ᭄ᬫᬬᬸᬥ
ᬬᬦᬯᬂ᭞ᬳᬧᬦ᭄ᬬᬢᬶᬲ᭄ᬢᬶᬲᬶᬂᬮᬸᬯᬶᬄ᭟᭐᭟ᬓᬾ ᬢᭀᬳᬢᬸᬃᬚᬤᬾᬦ᭄ᬤᬾᬯ᭄ᬬ᭞ᬭᬶᬂᬲᬂᬭᬖᬸ᭞ᬳᬚᬳᬦ᭄ᬭᬯᬸᬄᬕᭂᬮᬶᬲ᭄᭞ᬓᬧᬸᬭᬕᬡ᭄ᬥᬫᬗ᭄ᬮᬯᬸᬢ᭄᭞ [ 38 ][ ᭓᭗ 37B]
᭓᭗᭞
ᬤᬾᬯᬶᬤᬺᬱ᭄ᬝᬦᬮᬫᬫᭂᬦ᭄ᬤᬓ᭄᭞ᬤᬤᬶᬓᬕ᭄ᬬᬢ᭄‌ᬗᬢᭀᬦᬂᬭᬳᬶᬦᬾᬭᬯᬸᬄ᭞ᬫᬲᬋᬗᬦ᭄ᬤᬾ ᬯᬶᬦᬮ᭞ᬧᬋᬓᬦᬾ ᬫᬢᬸᬃᬕᭂᬮᬶᬲ᭄᭟᭐᭟ᬭ
ᬢᬸᬭᬯᬸᬄᬲᬓᬶᬂᬤᬶᬚ᭞ᬓᬶᬓᬶᬲᬶᬭᬦᬾ ᬦᬾᬳᬶᬲ᭄ᬢ᭄ᬭᬶᬓᬓᬮᬶᬄ᭞ᬲᬂᬭᬖᬸᬫᬲᬯᬸᬃᬳᬮᬸᬲ᭄᭞ᬢ᭄ᬬᬂᬳᬸᬮᬶᬤᬶᬲᬪ᭄ᬭ᭞ᬢ᭄ᬬᬂᬓᬳᬸᬢᬸᬲ᭄‌ᬳᬦ᭄ᬢᬸᬓ᭄ᬳᬶᬤᬲᬗᬳᬸᬮᬸ
ᬦ᭄᭞ᬗᬮᬶᬄᬧᬘᬂᬳᬶᬯᬓᬶᬯᬓ᭄᭞ᬓᬱ᭄ᬝᬸᬭᬶᬮᬜ᭄ᬘᬾᬮᬾᬂᬰᬺᬗ᭄ᬕᬶ᭟᭐᭟ᬦᬶᬓᬶᬳᬶᬤᬧ᭄ᬭᬫᬶᬦ᭄ᬢ᭄ᬬᬂ᭞ᬭᬤᬾᬦ᭄ᬤᬾ ᬯᬶᬤᬺᬱ᭄ᬝᬦᬮᬫᬦᬗᬶᬲ᭄᭞ᬓᬗᭂᬦ᭄ᬢ᭄ᬬᬂᬳᬤᬶ
ᬭᬖᬸ᭞ᬩᬸᬓᬤᬶᬧᬗᬶᬧᬶᬬᬦ᭄᭞ᬩ᭄ᬯᬶᬦ᭄ᬓᬢᭂᬧᬸᬓ᭄‌ᬫᬜᬫᬧᬢᬸᬭᬸᬳᬸᬩᬸᬄ᭞ᬍᬕᬦᬾᬢᬦ᭄ᬯᬯᬢ᭄ᬫᬢ᭄ᬭ᭞ᬳᬤᬫᬗᭀᬮᬶᬲᬶᬦ᭄ᬤᬤᬶ᭟᭐᭟ᬢᬦ᭄ᬘ
[ ᭓᭘ 38A]
ᬭᬶᬢᬫᬓᬲᬸᬓᬦ᭄᭞ᬧᬯᬶᬯᬳᬦ᭄‌ᬳᬶᬤᬲᬂᬭᬖᬸᬢ᭄ᬢᬫᬶ᭞ᬪᬕᬯᬵᬦ᭄ᬦᬶᬮᭀᬘᬡᬫᬸᬯᬸᬲ᭄᭞ᬫᬳᬶᬤᬾᬯᬫᬢᭀᬬᬵ᭞ᬯᬢᭂᬓ᭄ᬋᬱᬶᬭᬶᬂᬧᬢᬧᬦ᭄ᬲᬫᬶᬭ
ᬯᬸᬄ᭞ᬫᬦᬶᬜ᭄ᬚᭀᬲᬂᬭᬖᬸᬢ᭄ᬢᬫ᭞ᬲᬋᬂᬲᬫᬶᬫᬦᬶᬃᬣᬳᬶᬦ᭄᭟᭐᭟ᬲᬳᬸᬲᬵᬦ᭄ᬳᬶᬤᬫᬢᬶᬃᬣ᭞ᬫᬳᬯᭀᬭᬦ᭄‌ᬲᬋᬂᬭᬳᬤᬾᬦ᭄ᬤᬾᬯᬶ᭞ᬧᬸᬧᬸᬢ᭄ᬧᬳᬶᬘ᭄ᬙᬦ᭄ᬲᬂ
ᬧ᭄ᬭᬪᬸ᭟ᬳᬦ᭄ᬢᬸᬓ᭄ᬳᬶᬤᬲᬂᬤ᭄ᬯᬶᬚ᭞ᬫᬦᬶᬗ᭄ᬓᬳᬂᬧᬭᬶᬓ᭄ᬭᬫᬦᬶᬂᬲᬂᬭᬢᬸ᭞ᬯᬶᬭᬾᬄᬜ᭄ᬚᬸᬫᭂᬦᭂᬗᬂᬭᬕ᭞ᬨᬮᬦᬶᬂᬓᬫ᭄ᬧᭂᬓᬶᬦ᭄ᬲᬂᬋᬲᬶ᭟᭐᭟ᬤᬶᬤᬺᬱ᭄ᬝᬵᬚᬸᬢᬶᬓᭀ
ᬘᬧ᭞ᬥᬃᬫ᭄ᬫᬬᬸᬥᬭᬳᬶᬦᬧᭂᬗᬶᬓᬢᬗ᭄ᬓᬶᬮ᭄᭞ᬫᬧᭀᬲᬂᬳᬶᬤᬲᬂᬭᬖᬸ᭞ᬳᬦ᭄ᬢᬸᬓ᭄ᬧᬫᬃᬕ᭄ᬕᬶᬦᬾ ᬮᬸᬗ᭄ᬳᬵ᭞ᬢᬦ᭄ᬫᬓᬦ᭄ᬢᭂᬦ᭄‌ᬧᬫᬃᬕ᭄ᬕᬶᬦ᭄ᬳᬶᬤᬲᬂᬭᬖᬸ᭞ᬓᬜ᭄ᬘᬶ [ 39 ][ ᭓᭘ 38B]
᭓᭘᭞
ᬢ᭄ᬲᬂᬭᬖᬸᬧ᭄ᬭᬧ᭄ᬢᬵ᭞ᬫᬓ᭄ᬢᬵᬩᬸᬭᭀᬦ᭄ᬩᬯᬶᬰᬺᬗ᭄ᬕᬶ᭟᭐᭟ᬮᬶᬬᬂᬲᬂᬥᬃᬫ᭄ᬫᬬᬸᬥ᭞ᬫᬗᬦ᭄ᬤᬶᬓᬵᬕᭂᬮᬶᬲᬂᬳᬤᬶᬫᬭᬶᬓᬶ᭞ᬲᬂᬭᬖᬸᬫᬲᬯᬸᬃᬳᬮᬸᬲ᭄᭞ᬧᬸᬦᬶᬓᬶᬩᭂᬮᬶᬜᬶᬤᬬᬂ᭞
ᬢᬶᬢ᭄ᬬᬂᬧᭀᬮᬶᬄᬫᬗᬺᬋᬳᬂᬩᭂᬮᬶᬳᬕᬸᬂ᭞ᬓᬱ᭄ᬝᬸᬭᬶᬕᬚᬄᬫᬶᬡ᭞ᬫᬓᬤᬶᬦ᭄ᬜᬗᬯᬶᬰ᭄ᬭᬗ᭄ᬕᬶ᭟᭐᭟ᬳᬶᬥᬃᬫ᭄ᬫᬬᬸᬥᬳᬗᬸᬘᬧ᭄᭞ᬳᬸᬥᬹᬄᬳᬤᬶᬤᬸᬭᬸᬲ᭄ᬫᬲᬗ᭄ᬕ᭄ᬭᬳᬦ᭄ᬳ
ᬤᬶ᭞ᬫᬭᬃᬬ᭄ᬬᬦᬦ᭄ᬳᬤᬶᬤᬸᬫᬸᬦ᭄᭞ᬳᬶᬭᬶᬓᬳᬤᬶᬫᬩᬯᭀᬲᬦ᭄᭞ᬲᬕᬾᬢ᭄ᬭᬯᬸᬄᬭᬓ᭄ᬭ᭄ᬬᬦ᭄ᬧᬢᬶᬄᬦᭂᬫ᭄ᬩᬄᬫᬢᬸᬃ᭞ᬲᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞
ᬧᭀᬮᬶᬄᬓᭀᬳᬶᬭᬢᬸᬗᬯᬶ᭟᭐᭟ᬲᬂᬭᬥᬹᬓᬧᬲᬗ᭄ᬕ᭄ᬭᬳᬦ᭄᭞ᬫᬓᬮᬶᬳᬦ᭄‌ᬲᬋᬂᬳᬶᬤᬭᬤᬾᬦ᭄ᬤᬾᬯᬶ᭞ᬫᬦᬤᬶᬧᬭᬦᬶᬂᬓᬬᬸᬦ᭄᭞ᬫᬓᬵᬓᭂᬫ᭄ᬩᭂᬗᬶᬂ
[ ᭓᭙ 39A]
ᬧᬦᭀᬦ᭄᭞ᬭᬲᬵᬭᬲᬵᬳᬶᬤᬾᬯᬲᬋᬂᬫᬦᬸᬢᬸᬕ᭄᭞ᬢᬶᬢ᭄ᬬᬂᬓᬤᬺᬱ᭄ᬝᬦᬵᬕᬭ᭞ᬧᬋᬓ᭄ᬭᬶᬂᬳᬶᬤᬲᬗᬚᬶ᭟᭐᭟ᬢᬦ᭄ᬮᬦᬓᬬᬸᬦᬦ᭄ᬳᬶᬤ᭞ᬫᬗᬸᬘᬯ
ᬢ᭄‌ᬧᭂᬗᬬᬳᬾᬦᬓᭀᬦᬶᬦ᭄᭞ᬲᬧᬸᬦᬧᬶᬭᬢᬸᬳᬕᬸᬂ᭞ᬢᬦ᭄ᬳᬾ ᬦᬓ᭄ᬧᬓᬬᬸᬦᬦ᭄᭞ᬭᬹᬧᬯᬾᬦ᭄ᬢᭂᬦ᭄‌‌ᬲᬸᬗ᭄ᬲᬸᬢᬂᬘᭀᬓᭀᬃᬳᬶᬭᬢᬸ᭞ᬦᬯᬶᬳᬶ
ᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬂᬭᬖᬹᬗᬦ᭄ᬤᬶᬓᬳᬭᬶᬲ᭄᭟᭐᭟ᬜᬳᬶᬤᭂᬫᭂᬦ᭄ᬫᬕᬕᬸᬬᭀᬦ᭄᭞ᬦᬶᬭᬢᬸᬬᬸᬄᬫᬚᬮᬦ᭄ᬲᬳᬶᬲᬳᬶ᭞ᬧᭂᬢᭂᬂᬍᬫᬄᬦᬶᬃᬳᬮᬸᬫ
ᬓᬸ᭞ᬢᭀᬂᬢᬳᬾᬦ᭄ᬫᬭᬃᬬ᭄ᬬᬦ᭄᭞ᬜᬸᬲᬸᬧ᭄ᬳᬮᬲ᭄‌ᬫᭂᬦᬾᬓ᭄ᬚᬸᬭᬂᬢᬸᬳᬸᬦ᭄ᬧᬗ᭄ᬓᬸᬂ᭞ᬓᬳᬸᬚᬦᬦ᭄ᬓᬧᬦᬲᬦ᭄᭞ᬩᬳᬦ᭄ᬜᬳᬢᬂᬫᬫᬃᬕ᭄ᬕᬶ᭟᭐᭟ᬓᬜ᭄ᬘᬶᬢ᭄ᬥᬃ [ 40 ][ ᭓᭐ 39B]
᭓᭙᭞
ᬫ᭄ᬫᬬᬸᬥᬧ᭄ᬭᬧ᭄ᬢ᭞ᬳᬤᬶᬭᬖᬸᬩᭂᬮᬶᬫᬮᬶᬄᬗᬸᬢᬸᬲ᭄ᬳᬤᬶ᭞ᬗᬮᬶᬄᬓᬸᬮᬶᬢ᭄ᬲᬃᬧ᭄ᬧᬳᬕᬸᬂ᭞ᬦᬾᬫᬤᬦ᭄ᬲᬃᬃᬧ᭄ᬧᬯᬃᬮᬂ᭞ᬬᬦ᭄ᬢᬦ᭄ᬧᭀᬮᬶᬄᬲᬫ᭄ᬧᬸᬦᬂᬫᬢᬸ
ᬮᬓ᭄ᬫᬦ᭄ᬢᬸᬓ᭄᭞ᬧᬘᬂᬫᬗᬶᬓᭂᬢ᭄ᬧᬸᬱ᭄ᬧ᭞ᬲᬭᬢᬂᬳᬤᬶᬫᬗᬮᬶᬄ᭟᭐᭟ᬲᬂᬭᬖᬸᬦᬸᬮ᭄ᬬᬮᬸᬫᬫ᭄ᬧᬄ᭞ᬢᬦᬲᬸᬯᬾᬭᬯᬸᬄᬭᬶᬂᬕᬡ᭄ᬥᬯᭂᬲᬶ᭞ᬤᬾᬯᬶᬳᬗ᭄ᬕ
ᬭᬢ᭄ᬦᬶᬫᬢᬸᬃ᭞ᬲᬂᬭᬖᬸᬗᬦ᭄ᬤᬶᬓᬵ᭞ᬤᬾᬯᬳᬬᬸᬢ᭄ᬫᬸᬂᬩᬸᬯᬶᬦ᭄ᬮᬸᬯᬲ᭄ᬓᬳᬸᬢᬸᬲ᭄᭞ᬗᬮᬶᬄᬓᬸᬮᬶᬢ᭄ᬲᬃᬧ᭄ᬧᬯᭂᬮᬂ᭞ᬫᬗ᭄ᬤᬢ᭄ᬬᬂᬧᭀᬮᬶᬄᬳᬸᬕᬶ᭟᭐᭟ᬬᬦ᭄ᬢᬶᬢ᭄ᬬᬂ
ᬢ᭄ᬯᬭᬫᬳᬦ᭄᭞ᬢ᭄ᬯᬭᬤᬤᬶᬢ᭄ᬬᬂᬫᬢᬸᬮᬓ᭄ᬫᬸᬮᬶᬄ᭞ᬤ᭄ᬬᬂᬳᬗ᭄ᬕᬭᬢ᭄ᬦᬫᬢᬸᬃ᭞ᬳᬄᬤᬢᬵᬚᬭᬸᬗᬸᬯᬂ᭞ᬦᬶᬓᬶᬲᬩᬸᬓ᭄‌ᬲᬸᬢ᭄ᬭᬧᬸᬢᬶᬳᬾᬦᬾᬩ
[ ᭔᭐ 40A]
ᬳᬸ᭞ᬧᬸᬦᬶᬓᬩᭂᬮᬶᬲᭂᬭᬳᬂ᭞ᬫᬗ᭄ᬤᬤᬶᬲᬃᬧ᭄ᬧᬗᬮᬶᬮᬶᬢ᭄᭟᭐᭟ᬧᬋᬓᬦ᭄ᬩᭂᬮᬶᬦᬾᬳᬚᬓ᭄ᬳᬧᬂᬳᬤᬳᬗ᭄ᬕᭀᬦ᭄ᬩᭂᬮᬶᬘᬶᬳ᭄ᬦᬵᬯ᭄ᬬᬓ᭄ᬢᬶ᭞ᬲᬂᬭᬖᬸᬫᬘᬳᬸᬃ
ᬳᬮᬸᬲ᭄᭞ᬳᬶᬗ᭄ᬕᬶᬄᬳᬤᬶᬧᬜᬸᬗ᭄ᬲᬸᬗᬦ᭄᭟ᬤ᭄ᬭᬶᬓᬶᬳᬶᬤᬩᭂᬮᬶᬫᬧᬫᬶᬢ᭄ᬭᬶᬂᬳᬶᬭᬢᬸ᭞ᬤᬶᬦᬶᬳᬚᬓ᭄ᬤᬾᬯᬶᬤᬺᬱ᭄ᬝᬵ᭞ᬳᬧᬂᬢ᭄ᬬᬂᬕᭂᬮᬶᬲ᭄ᬫᬯᬮᬶ᭟᭐᭟
ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬘᬭᬶᬢᬵᬳᬶᬤᬓᬲᬸᬯᬾᬦ᭄ᬤᬶᬫᬃᬕ᭄ᬕᬶ᭞ᬲᬂᬥᬃᬫ᭄ᬫᬬᬸᬥᬓᬯᬸᬯᬸᬲ᭄᭞ᬓᬢᬗ᭄ᬓᬶᬮ᭄ᬤᬶᬩᬜ᭄ᬘᬶᬗᬄ᭞ᬫᬗ᭄ᬭᬯᭀᬲᬂᬧᬫᬃᬕ᭄ᬕᬶᬦ᭄ᬳᬶᬤᬲᬂᬭ
ᬖᬸ᭞ᬲᬸᬯᬾᬢᬦ᭄ᬫᬓᬦ᭄ᬢᭂᬦᬦ᭄᭞ᬳᬶᬧᬢᬶᬄᬫᬳᬢᬸᬃᬪ᭄ᬓᬢᬶ᭟᭐᭟ᬚᬦ᭄ᬢᭂᬦ᭄ᬳᬶᬤᬢᬦ᭄ᬜᬶᬤᬬᬂ᭞ᬜᬾᬬᬭᬸᬂᬧᬸᬭᬸᬦ᭄‌ᬳᬶᬤᬧᬘᬂᬦᭂᬲᭂᬓᬶᬦ᭄᭞ᬫᬗ᭄ᬤ [ 41 ][ ᭔᭐ 40B]
᭔᭐᭞
ᬢᬾᬧᬘᬂᬫᬜᬫ᭄ᬕᬸᬢ᭄᭞ᬲᬃᬧ᭄ᬧᬳᬶᬧᬸᬦ᭄ᬕᬮᬓ᭄ᬧᬶᬲᬦ᭄᭞ᬲᬕᬾᬢ᭄ᬭᬯᬸᬄᬲᬂᬭᬖᬸᬫᬫᬓ᭄ᬢᬵᬓᬫ᭄ᬧᬸᬄ᭞ᬓᬸᬮᬶᬢᬶᬂᬲᬃᬧ᭄ᬧᬯᭂᬮᬂ᭞ᬳᬶᬥᬃᬫ᭄ᬫᬬᬸᬥᬵᬗ᭄ᬮᬶᬗᬭᬶᬲ᭄᭟᭐᭟
ᬫᬭᬶᬓᬶᬳᬤᬶᬕᭂᬮᬶᬲᬂ᭞ᬲᬯᬾ ᬢᬶᬢ᭄ᬬᬂᬗᬦ᭄ᬢᭀᬳᬤᬶᬳᬶᬭᬶᬓᬶ᭞ᬲᬂᬭᬖᬸᬢ᭄ᬢᬫᬫᬲᬯᬸᬃ᭞ᬧᬸᬦᬶᬓᬶᬫᬜᬶᬤᬬᬂ᭞ᬓᬤᬶᬓᬬᬸᬦ᭄‌ᬧᬮᬸᬗ᭄ᬕᬸᬄᬳᬶᬩᭂ
ᬮᬶᬳᬕᬸᬂ᭞ᬳᬶᬥᬃᬫ᭄ᬫᬬᬸᬥᬫᬜᭂᬫᬓ᭄᭞ᬢᬸᬫᬸᬮᬶᬭᬳᬶᬃᬲ᭄ᬗᬮᬶᬮᬶᬢ᭄᭟᭐᭟ᬩᬯᭀᬗᬾᬳᬶᬥᬃᬫ᭄ᬫᬬᬸᬥ᭞ᬭᬭᬶᬲᬳᬕ᭄᭞ᬧᬦᬗ᭄ᬓᬶᬮᬦᬾᬲᬫᬶᬫᬩ᭄ᬬ
ᬬᬸᬳᬦ᭄ᬧᬕ᭄ᬭᬸᬤᬸᬕ᭄᭞ᬫᬮᬳᬶᬩ᭄ᬓᬩᬢᬦ᭄ᬮᭀᬗᬦ᭄᭞ᬳᬶᬥᬃᬫ᭄ᬫᬬᬸᬥ᭞ᬫᬜᭂᬭᬶᬢ᭄ᬫᬦᬕᬶᬄᬢᬸᬮᬸᬂ᭞ᬳᬤᬶᬭᬖᬸᬢᬸᬮᬸᬂᬢᬶᬢ᭄ᬬᬂ᭞ᬫᬢᬶᬢᬶᬢ᭄ᬬᬂᬳ
[ ᭔᭑ 41A]
ᬤᬶᬫᬗ᭄ᬓᬶᬦ᭄᭟᭐᭟ᬲᬂᬭᬖᬸᬭᬭᬶᬲ᭄ᬫᬜᬕ᭄ᬚᬕ᭄᭞ᬫᬗᭂᬫ᭄ᬩᬸᬲᬶᬦ᭄‌ᬳᬶᬥᬃᬫ᭄ᬫᬬᬸᬥᬕᭂᬮᬶᬲ᭄᭞ᬩᬯᭀᬂᬤᬦᬾᬓᬦ᭄ᬢᭀᬲ᭄ᬲᭂᬩᬸᬄ᭞ᬢᬫ᭄ᬧᬓ᭄ᬮᬮᬶᬧᬶᬯᭂᬮᬂ᭞ᬗᬸ
ᬢᬄᬕᭂᬢᬶᬄᬫᬗᬫ᭄ᬩᬄᬳᬸᬮᬶᬤᬶᬘᬸᬗᬸᬄ᭞ᬩᭂᬗᬾᬓ᭄ᬫᬸᬜᬶᬦᬾᬳᬶᬩᬦᬃ᭞ᬮᬶᬬᬸᬧᬗᬬᬄᬜᬕ᭄ᬚᬕᬶᬦ᭄᭟᭐᭟ᬳᬕᬸᬂᬧᬳᬶᬲᬦ᭄ᬳᬸᬢᬂᬢᬶᬢ᭄ᬬᬂ᭞ᬳᬤᬶᬭᬩ᭄ᬕᬸᬤᬶᬲᬸ
ᬯᬸᬤ᭄ᬓᬃᬬ᭄ᬬᬦᬾ ᬚᬦᬶ᭞ᬤᬶᬢᬸᬧᬘᬂᬩᭂᬮᬶᬦᬯᬸᬃ᭞ᬦᬾᬚᬦᬶᬳᬤᬶᬢᬸᬮᬸᬲᬂ᭞ᬩᭂᬮᬶᬗᬸᬢᬸᬲ᭄‌ᬳᬤᬶᬦᬸᬯᬸᬃᬲᬂᬯᬶᬓᬸ᭞ᬤᬶᬚᬵᬚᬳᬤᬶᬫᬳᬦ᭄᭞ᬲᬸᬮᬶᬗ᭄ᬕᬶᬄᬧᬸᬢᬸᬲᬶ
ᬗᬚᬶ᭟᭐᭟ᬲᬂᬭᬖᬸᬭᬭᬶᬲ᭄ᬫᬫᬃᬕ᭄ᬕ᭞ᬢᬦᬲᬸᬯᬾ ᬭᬯᬸᬄᬭᬶᬂᬕᬡ᭄ᬥᬯᭂᬲᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬦᬸᬮᬸ᭞ᬬᬦ᭄ᬭᬓᬦᬾᬲᬶᬤ᭄ᬥᬧ᭄ᬭᬧ᭄ᬢ᭞ᬲᬗᬗᬶᬭᬶᬂᬓᭂᬤᬾᬓ᭄‌ᬬ [ 42 ][ ᭔᭑ 41B]
᭔᭑᭞
ᬓᬦ᭄ᬢᬶᬩᭂᬓᬸᬢ᭄᭞ᬫᬢᬸᬃᬭᬶᬂᬤᬾᬯᬶᬤᬺᬱ᭄ᬝᬵ᭞ᬳᬶᬥᬃᬫ᭄ᬫᬬᬸᬥᬓᬮᬶᬮᬶᬢ᭄᭟᭐᭟ᬗᭂᬮᬶᬂᬳᬶᬧᬸᬦ᭄ᬕᬭᭀᬂᬕᬭᭀᬂ᭞ᬧᬜ᭄ᬚᬓ᭄ᬲᬫᬶᬳᬓᬾᬄᬧᬥᬫᬮᬳᬶᬩ᭄
᭞ᬭᬩᬶᬦ᭄ᬭᬢᬸᬗᬄᬕᬄᬳᬶᬚᬸ᭞ᬲᬃᬧ᭄ᬧᬦᬾᬭᬭᬶᬲ᭄ᬳᬶᬘᬮ᭄᭞ᬩᬯᭀᬂᬩᭂᬲᭂᬄᬫᭂᬤᬮ᭄ᬕᭂᬢᬶᬄᬲᬓᬶᬂᬘᬸᬗᬸᬄ᭞ᬭᬭᬶᬲ᭄ᬳᬶᬧᬸᬦ᭄ᬲᬳᬸᬤ᭄ᬧᬚᬃ᭞ᬭᬶᬂᬳᬶᬤᬳᬭᬶᬦ᭄ᬳᬶ
ᬕᬸᬲ᭄ᬢᬶ᭟᭐᭟ᬲᬂᬭᬖᬸᬭᬭᬶᬲ᭄ᬗᬦ᭄ᬤᬶᬓᬵ ᭞ᬭᬶᬂᬭᬳᬶᬦᬾ ᬤᬾ ᬯᬳᬬᬸᬳᬗ᭄ᬕᬭᬢ᭄ᬦᬶ᭞ᬓᬾᬦ᭄ᬓᬾᬦ᭄ᬩᬦ᭄ᬫᬥᬬᬭᬢᬸ᭞ᬤ᭄ᬯᬦᬶᬂᬢ᭄ᬬᬂᬓᬧᬶᬓᭂᬥᭂᬄ᭞ᬦᬸᬳᬸᬃᬋᬱᬶ᭞ᬧᬡ᭄ᬥᬶᬢ
ᬦᬾᬲᬸᬩᬧᬸᬢᬸᬲ᭄᭞ᬓᬶᬚᬳᬮᬓᬸᬯ᭄ᬬᬂ᭞ᬭᬤᬾᬦ᭄ᬤᬾᬯᬶᬫᬜᬯᬸᬭᬶᬦ᭄᭟᭐᭟ᬳᬶᬗ᭄ᬕᬶᬄᬬᬦ᭄ᬲᬧᬸᬦᬶᬓᬤᬾᬯ᭞ᬫ᭄ᬭᬶᬓᬩᭂᬮᬶᬓᬕᬸᬦᬸᬂᬲᬩ᭄ᬭᬂᬫᬗ᭄ᬭᬭᬶᬲ᭄᭞
[ ᭔᭒ 42A]
ᬧᬋᬓ᭄ᬭᬶᬂᬩᬧᬳᬕᬸᬂ᭞ᬧᬸᬦᬶᬓᬩᬧᬦ᭄ᬢᬶᬢ᭄ᬬᬂ᭞ᬫᬗ᭄ᬤᬳᬶᬤᬫᬦᬸᬳᬸᬃᬪᬝᬵᬭᬕᬸᬭᬸ᭞ᬢᬦ᭄ᬯᬾᬦᬵᬢᭂᬦ᭄ᬜᬦ᭄ᬤᬂᬲᬶᬬᭀᬲᬦ᭄᭞ᬧᬲᬫᬸᬗ᭄ᬕᬄᬫᬗᬚᭂᬗᬶᬦ᭄
᭟᭐᭟ᬲᬂᬭᬖᬸᬫᬮᬶᬄᬗᬦ᭄ᬤᬶᬓᬵ ᬳᭂᬗ᭄ᬓᬾᬦᬵᬫ᭄ᬩᬄᬢᬶᬢ᭄ᬬᬂᬢᬦ᭄ᬳᬸᬦᬶᬂᬭᬶᬂᬫᬃᬕ᭄ᬕᬶ᭞ᬤᬾ ᬯᬶᬳᬗ᭄ᬕᬭᬢ᭄ᬦᬶᬫᬢᬸᬃ᭞ᬧᬸᬦᬶᬓᬶᬲᬂᬯᬶᬦᬵ ᬣ᭞ᬧᬘᬂᬫᬸᬯᬢ᭄‌ᬳᬶᬩᭂᬮᬶᬮᬸ
ᬗ᭄ᬳᬵᬓᬕᬸᬦᬸᬂ᭞ᬬᬦ᭄ᬩᭂᬮᬶᬓᬫᭂᬦᭂᬗᬦ᭄᭞ᬓᬦ᭄ᬢᭂᬦᬂᬩᬸᬗ᭄ᬓᬸᬂᬧᬸᬦᬶᬓᬶ᭟᭐᭟ᬲᬂᬤᬾᬯᬶᬭᬭᬶᬲ᭄ᬫᬗᬭᬤ᭄᭞ᬢᬦ᭄ᬲᬸᬯᬾ ᬲᬂᬯᬶᬦᬵᬣᬾᬧ᭄ᬭᬧ᭄ᬢᬶ᭞ᬭᬳᬤᬾᬦ᭄ᬤᬾᬯᬶ
ᬳᬫᬸᬯᬸᬲ᭄᭞ᬦᬾ ᬲᬂᬯᬶᬦᬵᬣᬾᬬᬵᬤᬾᬯᬮᬸᬯᬲ᭄‌ᬫᬸᬦ᭄ᬤᬸᬢ᭄ᬳᬶᬤᬲᬗᬳᬸᬮᬸᬦ᭄᭞ᬮᬸᬯᬲ᭄ᬓᬕᬸᬦᬸᬂᬲᬩ᭄ᬭᬂ᭞ᬧᬋᬓ᭄ᬭᬶᬂᬳᬶᬤᬳᬶᬬᬚᬶ᭟᭐᭟ᬲᬂᬭᬖᬸᬭᬭᬶ [ 43 ][ ᭔᭒ 42B]
᭔᭒᭞
ᬲ᭄ᬫᬸᬗᬄ᭞ᬓᬢᬸᬦ᭄ᬤᬸᬦᬾᬲᬂᬯᬶᬦᬵᬣᬾᬬᬕᬶᬮᬶᬲ᭄᭞ᬫᬓᭂᬩᬸᬃᬜᬸᬚᬸᬃᬳᬫᬸᬩᬸ᭞ᬲᬫ᭄ᬧᬸᬦ᭄ᬭᬯᬸᬶᬂᬧᬯᭂᬗᬦ᭄᭞ᬫᬗᬼᬫᬬᬂᬧᬓᭂᬩᬸᬭᬾᬗᭀᬚᭀᬕ᭄ᬓᬕᬸ
ᬦᬸᬂ᭞ᬲᬂᬯᬶᬦᬵᬣᬾᬳᬗᬸᬘᬧ᭄᭞ᬕᬸᬦᬸᬂᬲᬩ᭄ᬭᬗᬾᬧᬸᬦᬶᬓᬶ᭟᭐᭟ᬲᬂᬩᬡ᭄ᬥᬬᬸᬢᬓᭀᬤᬮ᭄᭞ᬓᬦ᭄ᬢᭂᬦ᭄ᬫᬗ᭄ᬓᬶᬦ᭄‌ᬲᬂᬯᬶᬦᬵᬣᬫᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬳᬮᭀ
ᬦ᭄ᬳᬫᬸᬯᬸᬲ᭄᭞ᬦᬾᬘᬳᬶᬲᬂᬯᬶᬦᬵᬣ᭞ᬘᬳᬶᬓᬶᬚᬵᬲᬂᬯᬶᬦᬵᬣᬾᬬᬳᬸᬫᬢᬸᬃ᭞ᬢᬶᬢ᭄ᬬᬂᬩ᭄ᬯᬢ᭄ᬧᬋᬓ᭄ᬭᬶᬂᬳᬶᬤᬾᬯ᭞ᬜᬸᬥ᭄ᬬᬧᬋᬓ᭄ᬫᬭᬶᬓᬶ᭟᭐᭟ᬲᬂ
ᬩᬡ᭄ᬥᬬᬸᬢᬳᬗᬸᬘᬧ᭄᭞ᬢ᭄ᬯᬭᬳᬤᬗᭂᬮᬄᬧᬦᬓ᭄ᬫᬸᬯᬦᬶ᭞ᬲᬂᬭᬖᬸᬫᭂᬲ᭄ᬯᬂᬩᬸᬗ᭄ᬓᬸᬂ᭞ᬲᬶᬫ᭄ᬧᬶᬫ᭄ᬤ᭄ᬬᬄᬳᬗ᭄ᬕᬭᬢ᭄ᬦ᭞ᬓᬘᬶᬗᬓᬦ᭄‌ᬳᬦ᭄ᬢᬸᬓ᭄ᬳᬶᬤᬲᬗ
[ ᭔᭓ 43A]
ᬳᬸᬮᬸᬦ᭄᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ ᭞ᬘᬳᬶᬭᬖᬸᬧᬳᭂᬓᬂᬤᬶᬦᬶ᭟᭐᭟ᬳᬧᬲᬤ᭄ᬬᬦ᭄ᬘᬳᬶᬢᭂᬓᬵ ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬳᬸᬃᬪᬝᬵᬭᬋᬱᬶ᭞ᬲᬂᬩᬡ᭄ᬥᬬᬸᬢᬫᬲᬯᬸᬃ᭞
ᬦ᭄ᬤᬾᬦ᭄ᬘᬳᬶᬳᬦ᭄ᬢᭀᬲᬂ᭞ᬤᬶᬦᬶᬘᬳᬶᬩᬧᬵᬓᬧᬹᬲᬵᬫᬦᬸᬯᬸᬃ᭞ᬲᬂᬩᬡ᭄ᬥᬬᬸᬢᬮᬸᬗ᭄ᬳᬵ᭞ᬫᬦᬸᬳᬸᬃᬪᬝᬵᬭᬕᭂᬮᬶᬲ᭄᭟᭐᭟ᬪᬝᬵᬭᬰᬶᬯᬗᬦ᭄ᬤᬶᬓᬵ᭞ᬩ᭄ᬯᬶᬦᬩᬸᬮᬦ᭄‌ᬩᬧᬵᬫᬦᭂ
ᬓᬳᬶᬦ᭄᭞ᬧᬗ᭄ᬮᬸᬯᭂᬭᬦᬾᬧᬸᬢᬸᬩᬕᬸᬲ᭄᭞ᬧᭂᬗᬳᬂᬩᬧᬤᬸᬦᬸᬗᬦ᭄᭞ᬳᬶᬩᬡ᭄ᬥᬬᬸᬢᬧᬘᬂᬩᬋᬂᬮᬸᬯᬲ᭄ᬢᭂᬤᬸᬦ᭄᭞ᬳᬶᬩᬡ᭄ᬥᬬᬸᬢᬵᬫᬦᭂᬫ᭄ᬩᬄ᭞ᬲᬦ᭄ᬤᬶᬓᬢᬶᬢ᭄ᬬᬂ
ᬫᬗᬶᬭᬶᬂ᭟᭐᭟ᬩᬡ᭄ᬥᬬᬸᬢᬵᬫᬮᬶᬄᬦᭂᬫ᭄ᬩᬄ᭞ᬢᬶᬢ᭄ᬬᬂᬧᬫᬶᬢ᭄‌ᬫᬚᬭᬶᬦ᭄ᬳᬶᬭᬩ᭄ᬕᬸᬫᬗ᭄ᬓᬶᬦ᭄᭞ᬪᬝᬭᬗᬦ᭄ᬤᬶᬓᬳᬮᬸᬲ᭄᭞ᬓᭂᬫᬓᬾ ᬳᬾᬗ᭄ᬕᬮᬾᬗ᭄ᬕᬮ᭄᭞ᬢ [ 44 ][ ᭔᭓ 43B]
᭔᭓᭞
ᬓ᭄ᬓᭀᬘᬧᬵᬲᬂᬩᬡ᭄ᬥᬬᬸᬢᬓᬯᬸᬯᬸᬲ᭄᭞ᬗᬦ᭄ᬤᬶᬓᬭᬶᬂᬭᬥᬹᬢ᭄ᬢᬫ᭞ᬜᭂᬫ᭄ᬩᬄᬲᬂᬭᬖᬹᬫᬧᬫᬶᬢ᭄᭟᭐᭟ᬢᬦ᭄ᬓᬯᬃᬡ᭄ᬦᬳᬭᬶᬂᬫᬃᬕ᭄ᬕ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬤᬺᬱ᭄ᬝᬚᬸᬢᬶ
ᬦᬵᬕᬭᬶ᭞ᬳᬶᬥᬃᬫ᭄ᬫᬬᬸᬥᬓᬢᭂᬧᬸᬓ᭄᭞ᬲᬂᬭᬖᬹᬫᬶᬤᬃᬣᬬᬂ᭞ᬧᬗᬦ᭄ᬤᬶᬓᬦ᭄‌ᬪᬝᬵᬭᬰᬶᬯᬦᬾ ᬲᬫ᭄ᬧᬸᬦ᭄᭞ᬭᬭᬶᬲ᭄ᬦᬩ᭄ᬤᬩ᭄ᬧᬲᬗ᭄ᬕ᭄ᬭᬳᬦ᭄᭞ᬳᬸᬗ᭄ᬕ᭄ᬯ
ᬦᬾᬭᬶᬂᬢᬫᬦ᭄ᬲᬭᬶ᭟᭐᭟ᬲᬫ᭄ᬧᬸᬦ᭄ᬲᬸᬲᬸᬧ᭄ᬢᬲᬗ᭄ᬕ᭄ᬭᬳᬦ᭄᭞ᬭᬭᬶᬲ᭄ᬜᬫ᭄ᬩᬸᬢ᭄‌ᬧᬬᬤ᭄ᬜᬦᬾ ᬓᬃᬬ᭄ᬬᬦᬶᬦ᭄᭞ᬳᬶᬥᬃᬫ᭄ᬫᬬᬸᬥᬓᬯᬸᬯᬸᬲ᭄᭞ᬗᬦ᭄ᬤᬶᬓᬭᬶᬂᬲᬂᬭᬖᬹ
ᬢ᭄ᬢᬫ᭞ᬳᬸᬤᬹᬄᬳᬤᬶᬚᬦᬶᬩᭂᬮᬶᬩ᭄ᬯᬶᬦ᭄ᬫᬗᬸᬢᬸᬲ᭄᭞ᬓᭂᬫᬓᬕᬸᬦᬸᬂᬫᬾ ᬦᬓᬵᬗ᭄ᬮᬯᬸᬢ᭄ᬓᬕᬡ᭄ᬥᬯᭂᬲᬶ᭟᭐᭟ᬦᬸᬯᬸᬃᬪᬕᬯᬵᬦ᭄ᬦᬶᬮᭀᬘᬡ᭞ᬯᬢᭂᬓ᭄ᬢᬧᬵ
[ ᭔᭔ 44A]
ᬓᭂᬦᬶᬳᬶᬤᬫᬗ᭄ᬭᬯᬸᬳᬶᬦ᭄᭞ᬩᭂᬮᬶᬧᬘᬂᬗᬺᬱᬶᬮᬯᬸᬢ᭄᭞ᬧᭂᬢᭂᬂᬓᬃᬬ᭄ᬬᬧᬗ᭄ᬮᬸᬯᭂᬭᬦ᭄᭞ᬓᬾᬢᭀᬳᬤᬶᬳᬢᬸᬭᬂᬭᬶᬂᬲᬂᬯᬶᬓᬸ᭞ᬲᬂᬭᬖᬹᬭᬭᬶᬲ᭄ᬫᬫᬃᬕ᭄ᬕ᭞
ᬢᬦ᭄ᬘᬶᬦᬭᬶᬢᬭᬶᬂᬫᬃᬕ᭄ᬕᬶ᭟᭐᭟ᬲᬵᬫᬵᬧᬸᬦ᭄ᬭᬯᬸᬄᬭᬶᬂᬧᬢᬧᬦ᭄᭞ᬫᬋᬓ᭄ᬳᬶᬤᬯᬢᭂᬓ᭄ᬋᬱᬶᬦᬾᬲᬫᬶ᭞ᬲᬂᬭᬖᬸᬫᬢᬸᬮᬓ᭄ᬫᬦ᭄ᬢᬸᬓ᭄᭞ᬤᬾᬯᬶᬳᬗ᭄ᬕᬵᬭᬢ᭄ᬦᬶ
ᬓᭀᬘᬧ᭄᭞ᬓᬬᬸᬦ᭄ᬧᬶᬲᬦ᭄‌ᬦᭀᬦ᭄ᬢᭀᬦ᭄ᬓᬃᬬ᭄ᬬᬦᬾ ᬲᬂᬧ᭄ᬭᬪᬸ᭞ᬫᬶᬯᬄᬤᬾ ᬯᬶᬤᬺᬱ᭄ᬝᬵᬦᬮ᭞ᬧᬋᬓᬦᬾᬫᬢᬸᬃᬳᬭᬶᬲ᭄᭟᭐᭟ᬲᬫ᭄ᬧᬸᬦᬂᬳᬶᬤᬾᬯᬮᬸᬗ᭄ᬳᬵ᭞
ᬜᬶᬦ᭄ᬓᬳᬫ᭄ᬩᬶᬮ᭄‌ᬳᬦ᭄ᬢᬸᬓ᭄ᬳᬶᬤᬲᬗᬚᬶ᭞ᬤᬾᬯᬶᬳᬗ᭄ᬕᬭᬢ᭄ᬦᬫᬸᬯᬸᬲ᭄᭞ᬤᬶᬚᬯᬦ᭄ᬬᬫᬜᬸᬯᬂ᭞ᬢᬶᬢ᭄ᬬᬂᬲᬋᬂᬓᬮᬶᬄᬬᬢᭀᬂᬦᬸᬕᬶᬧᬸᬭᬸᬦ᭄᭞ᬳᬓᬾᬦ᭄ᬓᬾᬦ᭄ᬓᬰ [ 45 ][ ᭔᭔ 44B]
᭔᭔᭞
ᬓ᭄ᬢ᭄ᬬᬦ᭄ᬜ᭞ᬳᬶᬥᬃᬫ᭄ᬫᬬ᭄ᬬᬥᬦᬾ ᬚᬦᬶ᭟᭐᭟ᬲᬂᬭᬵᬖᬹᬭᬭᬶᬲ᭄ᬗᬦ᭄ᬤᬶᬓᬵ ᭞ᬲᬕᬺᬳᬦ᭄‌ᬲᬋᬂᬮᬦ᭄ᬭᬤᬾ ᬦ᭄ᬤᬾ ᬯᬶ᭞ᬲᬋᬂᬮᬮᬶᬫᬮᬸᬫᬓᬸ᭞ᬗᬮᬶᬗ᭄ᬕᬶᬳᬶᬦ᭄ᬕᬭᬸᬥᬧᭂᬝᬵᬓ᭄
᭞ᬤᬾᬯᬶᬤᬺᬱ᭄ᬝᬵᬫᬶᬚᬶᬮ᭄ᬯᬘᬦᬦᬾ ᬳᬭᬹᬫ᭄᭞ᬓᬾ ᬦᬾ ᬳᬬᭀᬥ᭄ᬬᬵᬧᬸᬭ᭞ᬧᭂᬘᬓ᭄ᬳᬸᬫᬳᬾᬦᬾᬭᬶᬳᬶᬦ᭄᭟᭐᭟ᬲᬂᬭᬖᬸᬫᬳᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭ
ᬢᬸᬓᬭᬶᬤᭀᬄᬲᬓᬾᬂᬳᬶᬭᬶᬓᬶ᭞ᬫᬗ᭄ᬮᬶᬦ᭄ᬢᬂᬫᬮᬶᬄᬳᬕᬸᬦᬸᬂ᭞ᬓᬦ᭄ᬢᭂᬦ᭄ᬯᬭᬄᬯᬭᬄᬲᬫ᭄ᬬᬦ᭄᭞ᬤᬺᬱ᭄ᬝᬚᬸᬢᬶᬧᬦᬗ᭄ᬕᬸᬦᬾᬧᬶᬦᬶᬄᬓᬯᬸᬄ᭞ᬤᬗᬶᬦ᭄ᬧᬸᬦᬶᬓᬳ
ᬬᭀᬥ᭄ᬬ᭞ᬓᭂᬮᭀᬓᬗᬶᬦ᭄ᬢᬫ᭄ᬧᭂᬓ᭄ᬓᬧᬶᬗ᭄ᬕᬶᬃ᭟᭐᭟ᬲᬶᬦᭀᬫ᭄᭟᭐᭟ᬲᬶᬦᭀᬫ᭄᭟᭐᭟ᬦᬾ ᬫᬗ᭄ᬓᬶᬦ᭄ᬭᬳᬶᬦᬓᬃᬬ᭄ᬬ᭞ᬯᬢᭂᬦ᭄ᬋᬱᬶᬫᬗ᭄ᬭᬯᬸᬳᬶᬦ᭄᭞ᬲᬫᬶᬗᭀᬚᭀᬕ᭄ᬧᬬᬚ᭄ᬜᬦ᭄᭞ᬳᬶᬥᬃ

[ ᭔᭕ 45A]
ᬫ᭄ᬫᬬᬸᬥᬓᬢᬗ᭄ᬓᬶᬮ᭄᭞ᬤᬶᬧᬬᬚ᭄ᬜᬦ᭄ᬫᬮᬶᬗ᭄ᬕᬶᬄ᭞ᬕᬬᬸᬂᬧᬾᬦ᭄ᬤᬾᬢ᭄ᬭᬫᭂᬲ᭄ᬲᬫ᭄ᬧᬸᬦ᭄᭞ᬧᬥᬫᬗᬢᬸᬭᬂᬧᬸᬦ᭄ᬬᬵ᭞ᬭᬶᬂᬳᬶᬤᬲᬂᬫᬳᬵᬋᬱᬶ᭞ᬧᬕᭂᬭᬶᬬᭂᬂ᭞ᬋᬱᬶᬦᬾᬗ
ᬲ᭄ᬢ᭄ᬭᬾᬦᬶᬦ᭄ᬧᬸᬦ᭄ᬬᬵ᭟᭐᭟ᬪᬝᬵᬳᭂᬳᬰᬶᬯᬵᬓᭀᬘᬧᬵ᭞ᬭᬯᬸᬳᬾᬫᬳᬯᬵᬦᬗᬶᬦ᭄᭞ᬲᬂᬩᬡ᭄ᬥᬬᬸᬢᬵᬗᬶᬭᬶᬗᬂ᭞ᬭᬶᬂᬢᬫᬦ᭄ᬳᬶᬤᬗ᭄ᬭᬭᬶᬲ᭄᭞ᬓᬭᬶᬫᬗᬦ᭄ᬢᭀᬲ᭄ᬯᭂᬗᬶ᭞
ᬳᬶᬥᬃᬫ᭄ᬫᬬᬸᬥᬲᬳᬾ ᬢ᭄ᬭᬯᬸᬄ᭞ᬫᬦᬸᬦᬲ᭄ᬕᬸᬗᬫ᭄ᬧᬸᬭ᭞ᬳᬦ᭄ᬢᬸᬓ᭄ᬯᬦ᭄ᬳᬸᬦᬶᬂᬭᬶᬂᬫᬃᬕ᭄ᬕᬶ᭞ᬫᬫᭂᬦ᭄ᬤᬓᬶᬦ᭄᭞ᬮᬶᬗ᭄ᬕᬶᬄᬳᬶᬤᬲᬂᬳ᭄ᬬᬂᬰ᭄ᬭᬶᬯ᭟᭐᭟ᬦᬾᬫᬗ᭄ᬓᬶᬦ᭄ᬪᬝᬵᬭᬰᬶᬯ᭞ᬭᬭᬶᬲ᭄ᬫᬸ
ᬗ᭄ᬕᬄᬫᬗᬚᭂᬗᬶᬦ᭄᭞ᬬᬚ᭄ᬜᬦᬾᬲᬂᬥᬃᬫ᭄ᬫᬬᬸᬥ᭞ᬯᬳᬸᬫᬭᬢᭂᬗᬄᬯᭂᬗᬶ᭞ᬲᬂᬋᬱᬶᬗᬲ᭄ᬢᬯᬲᬫᬶ᭞ᬤᬲ᭄ᬭᬳᬶᬦᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬧ᭄ᬭᬪᬸᬦᬳᬸᬱᬵᬫᬍᬲᬢ᭄᭞ [ 46 ][ ᭔᭕ 45B]
᭔᭕᭞
ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬓᬼᬯᬶᬄ᭞ᬯᬶᬤ᭄ᬬᬥᬭ᭞ᬲᬫᬶᬗᬬᬢ᭄‌ᬰ᭄ᬭᬷᬓᬭᬾᬦ᭄ᬤ᭄ᬭ᭟᭐᭟ᬲᬂᬭᬖᬸᬦᬸᬮᬶᬢᬶᬦᬶᬃᬣᬦ᭄᭞ᬲᬤᬾᬯᬶᬳᬗ᭄ᬕᬭᬢ᭄ᬦᬶ᭞ᬫᬶᬯᬄᬤᬾ ᬯᬶᬤᬺᬱ᭄ᬝᬵᬓᬮ᭞ᬲᬂᬥᬃᬫ᭄ᬫ
ᬬᬸᬥᬫᬓᬤᬶ᭞ᬭᬳᬶᬦᬢᬢᬲ᭄ᬫᬗ᭄ᬓᬶᬦ᭄᭞ᬪᬝᬵᬭᬰᬶᬯᬳᬸᬫᬦ᭄ᬢᬸᬓ᭄᭞ᬫᬭᬶᬂᬰᬶᬯᬪᬸᬯᬦ᭞ᬳᬶᬥᬃᬫ᭄ᬫᬬᬸᬥᬓᬯᬃᬡ᭄ᬦᬶ᭞ᬫᬩᬩᬯᭀᬲ᭄᭞ᬭᬶᬂᬳᬶᬤᬲᬂᬭᬖᬸ
ᬢ᭄ᬢᬫ᭟᭐᭟ᬳᬤᬶᬭᬖᬸᬩᭂᬮᬶᬚᬦ᭄ᬬ᭞ᬫᬬᬄᬳᬸᬢᬂᬢᭂᬓᬾ ᬳᬤᬶ᭞ᬳᬤᬶᬫᬸᬮᬶᬄᬓᬳᬬᭀᬥ᭄ᬬ᭞ᬤᬶᬢᬸᬳᬤᬶᬫᬗᬕᬸᬗᬶᬦ᭄᭞ᬦᬵᬗ᭄ᬳᬶᬂᬳᬤᬶᬫᬕᭂᬦ᭄ᬢᬶ᭞ᬧᭂᬲᬾᬗᬦ᭄ᬳ
ᬤᬶᬦᬾᬲᬫ᭄ᬧᬸᬦ᭄᭞ᬳᬤᬶᬗᬭᬦ᭄ᬲᬂᬤᬰᬭᬣ᭞ᬩᭂᬮᬶᬫᬍᬃᬫᬗᭂᬦ᭄ᬢᭀᬲᬶᬦ᭄᭞ᬩᭂᬮᬶᬫᬤᬦ᭄᭞ᬲᬂᬧ᭄ᬭᬪᬸᬤᬰᬵᬳᬸᬡ᭟᭐᭟ᬤᬺᬱ᭄ᬝᬚᬸᬢᬶᬫᬕᭂᬦ᭄ᬢᭀᬲ᭄᭞ᬯᬲ᭄ᬢᬵ᭞
[ ᭔᭖ 46A]
ᬍᬗ᭄ᬓᬵᬦᬵᬕᬭᬶᬓᬂᬦᬫᬶ᭞ᬭᬭᬶᬲ᭄ᬓᬩ᭄ᬬᬓ᭄ᬢᬄᬭᬶᬂᬚᬩ᭞ᬯᬢᭂᬓ᭄ᬋᬱᬶᬫᬜᬓ᭄ᬱᬶᬦᬶᬦ᭄᭞ᬧ᭄ᬭᬪᬸᬩᬡ᭄ᬥᬬᬸᬢᬓᬳᬶᬭᬶᬂ᭞ᬫᬦ᭄ᬢᬸᬓ᭄ᬓᬳᬬᭀᬥ᭄ᬬᬵᬲᬫ᭄ᬧᬸᬦ᭄᭞ᬲᬋᬗᬦ᭄ᬲᬂ
ᬤᬰᬭᬣ᭞ᬲᬭᬯᬸᬄᬳᬶᬤᬭᬶᬂᬧᬸᬭᬶ᭞ᬫᬓᬲᬸᬓᬦ᭄᭞ᬭᬭᬶᬲ᭄ᬫᬗ᭄ᬯᬗᬸᬦ᭄ᬧᬸᬗ᭄ᬕᬯ᭟᭐᭟ᬕᭂᬫᬸᬄᬫᬦ᭄ᬤᬸᬄᬓᬂᬦᬵ ᬕᬭ᭞ᬦᬾ ᬭᬶᬂᬳᬬᭀᬥ᭄ᬬᬦᬵᬕᬭᬶ᭞ᬢᬦᬦ
ᬯᭀᬂᬫᬫ᭄ᬩᭂᬓ᭄ᬳᬶᬃᬱ᭄ᬬ᭞ᬲᬫᬗᬶᬤᭂᬧᬓᭂᬦ᭄ᬯᬶᬱ᭄ᬝᬶ᭞ᬲᬂᬤᬰᬭᬱᬓᬢᬗ᭄ᬓᬶᬮ᭄᭞ᬧᬸᬗ᭄ᬕᬯᬧᭂᬧᭂᬓ᭄ᬫᬮᬸᬗ᭄ᬕᬸᬄ᭞ᬫ᭄ᬯᬂᬲᬶᬭᬧᬢᬶᬄᬧᬺᬤ᭄ᬥ᭞ᬲᬫᬗᬋᬧᬓᭂᬦ᭄ᬮᬶᬗ᭄ᬕᬶᬄ᭞ᬳᬶᬓᬮᬶᬓ᭄ᬬ
᭞ᬲᬫ᭄ᬧᬸᬦ᭄ᬤᬦᬾᬧᭀᬮᬶᬄᬳᭀᬃᬣ᭟᭐᭟ᬬᬦ᭄ᬲᬂᬭᬖᬸᬗᬤᭂᬕ᭄ᬦᬵᬣ᭞ᬢᬦᬲᬸᬯᬾᬭᬯᬸᬄᬕᭂᬮᬶᬲ᭄᭞ᬫᬲᬋᬗᬦ᭄ᬧ᭄ᬬᬦᬓ᭄ᬲᭀᬫᬄ᭞ᬜᬥ᭄ᬬᬧᭂᬥᭂᬓ᭄ᬭᬶᬂᬲᬗᬚᬶ [ 47 ][ ᭔᭖ 46B]
᭔᭖᭞
᭞ᬲᬂᬦᬵᬣᬓᬧᭂᬦ᭄ᬤᬓ᭄ᬮᬶᬭᬶᬂ᭞ᬩᬧᬓᬮᬂᬓ᭄ᬬᬓᭀᬭᬯᬸᬄ᭞ᬤᬶᬦᬶᬧᬳᭂᬓᬂᬫᬦᭂᬕᬓ᭄᭞ᬫᬾᬫᬾᬓᬮᬶᬓᬶᬓᬧᬸᬭᬶ᭞ᬓᭂᬫᬵᬗ᭄ᬮᬯᬸᬢ᭄᭞ᬧᬋᬓ᭄ᬢᭂᬓᬾᬦ᭄ᬧ᭄ᬭᬫᬶᬲᭀᬃᬬ᭄ᬬᬵ
᭟᭐᭟ᬫᬾᬦ᭄ᬓᬮᬶᬓᬶᬫᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬤᬾᬯᬵᬚᬶ᭞ᬢᬸᬫᬸᬮᬶᬳᬭᬶᬲ᭄ᬓᬧᬸᬭ᭞ᬲᬋᬂᬭᬶᬂᬳᬶᬤᬲᬂᬤᬾᬯᬶ᭞ᬤᬾ ᬯᬶᬳᬗ᭄ᬕᬭᬢ᭄ᬦᬶᬳᬗ᭄ᬮᬶᬂ᭞ᬫᬾ ᬦ᭄ᬓᬮᬶᬓᬶᬩᬸᬫᬭ
ᬭᬯᬸᬄ᭞ᬳᭂᬦᬾ ᬦᬶᬭᬫᬳᬂᬮᬸᬗ᭄ᬲ᭄ᬯᬦ᭄᭞ᬢᭂᬓᬾᬦᬵᬫᬲ᭄ᬧᬥᬢᬫ᭄ᬧᬶ᭞ᬢᬸᬢᬶᬂᬩᬳᬲ᭄᭞ᬳᬩ᭄ᬯᬢᬦ᭄ᬧ᭄ᬭᬳᬸᬤᬕᬶᬂ᭟᭐᭟ᬫᬾᬦᬵᬓᬮᬶᬓᬶᬫᬧᬫᬶᬢ᭄ᬩᬸᬤᬮ᭄᭞ᬭᬶᬂᬍ
ᬗ᭄ᬓᬵᬫᬗ᭄ᬓᬶᬦ᭄ᬓᬯᬃᬡ᭄ᬦᬶ᭞ᬲᬂᬧ᭄ᬭᬪᬸᬤᬰᬕᬸᬡ᭞ᬲᬫ᭄ᬧᬸᬦ᭄ᬳᬶᬤᬗᬫᬾ ᬢ᭄ᬭᬩᬶ᭞ᬳᭀᬓᬦ᭄ᬧ᭄ᬭᬪᬸᬓᬺᬣᬓᬾᬱᬶ᭞ᬤᬶᬦᬵᬳᬭᬰ᭄ᬭᬢᬩᬬᬸ᭞ᬦᬫᬤᬾᬯᬶᬓᬺᬢ᭄ᬢᬵ
[ ᭔᭗ 47A]
ᬲᬵᬱ᭞ᬯᬃᬡ᭄ᬦᬦ᭄ᬳᬶᬤᬳᬬᬸᬍᬯᬶᬄ᭞ᬧᬫᬶᬮᬦᬵ᭞ᬯᭂᬓᬲᬦ᭄ᬳᬶᬤᬫᬧᬸᬢ᭄ᬭ᭟᭐᭟ᬯᭂᬢᬸᬧᬸᬢ᭄ᬭᬦᬾᬢᬢᬶᬕ᭞ᬮᬦᬂᬧᬸᬢ᭄ᬭᬦᬾᬳᬧᭂᬓᬶᬓ᭄᭞ᬫᬤᬦ᭄ᬭᬤᬾᬦ᭄ᬫᬮ᭄ᬬ
ᬯᬦ᭄᭞ᬲᬸᬫᬮᬵᬮᬦ᭄ᬲᬸᬫᬮᬶ᭞ᬲᬮᬸᬳᬸᬃᬧᬸᬢ᭄ᬭᬦᬾᬓᬶ᭞ᬢᬦ᭄ᬧᭂᬕᬢ᭄ᬳᬫᬗᬸᬦ᭄ᬰᬢ᭄ᬭᬸ᭞ᬯᬢᭂᬓ᭄ᬢᬧᬓᬭᬸᬲᬓᬂ᭞ᬳᬲᬶᬂᬰ᭄ᬭᬫᬓᬭᬸᬩᬸᬳᬶᬦ᭄᭞ᬧᬭᬯᬶᬓᬸᬭᬭᬶ
ᬦ᭄ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬦ᭄᭟᭛᭜᭛ᬇᬢᬶᬕᬕᬸᬭᬶᬢᬦ᭄᭞ᬘᬡ᭄ᬥᬶᬓᬸᬲᬸᬫ᭟᭐᭟ᬳᬶᬦᬧᬸᬦᬶᬓᬶᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬭᬳᬶᬦ᭞ᬩᬸ᭞ᬧ᭄ᬯ᭞ᬯᬭᬯᬢᬸᬕᬸᬦᬸᬂ᭞ᬢᬶᬢᬶ᭞ᬢᬂ᭞
ᬧᬶᬂ᭞᭑᭕᭞ᬰᬰᬶᬄ᭞᭕᭞ᬭᬄ᭞᭓᭞ᬢᭂᬂ᭞᭘᭞ᬇᬰᬓᬯᬃᬱ᭞᭑᭘᭘᭓᭟ᬤᬺᬯᬾᬦ᭄ᬳᬶᬯᬬᬦ᭄ᬩᬥᬸᬂ᭞ᬳᬶᬩᬂᬓᭂᬮᭀᬤ᭄᭞ᬓᬘᬫᬢᬦ᭄ᬳᬩᬂ᭟᭐᭟ᬧᬸᬧᬸᬢ᭄ᬲᬶᬦᬸᬭᬵ [ 48 ][ ᭔᭗ 47B]
᭔᭗᭞
ᬢ᭄ᬫᬦᭂᬥᬸᬦ᭄ᬭᬶᬂᬤᬶᬦ᭞ᬰ᭞ᬯ᭞ᬯᬭᬫ᭄ᬥᬗ᭄ᬲ᭄ᬬ᭞ᬢᬢᬶ᭞ᬧᬂᬧᬶᬂ᭞᭑᭕᭞ᬰᬰᬶᬄᬓᬲᬗ᭞ᬭᬄ᭞᭓ᬢᭂᬂ᭞᭒᭞ᬇᬰᬓᬵ᭞᭑᭙᭒᭓᭟ᬢᬗ᭄ᬕᬮ᭄ᬫᬰᬾᬳᬶ᭞᭒᭔᭞ᬫᬋᬢ᭄
᭞᭒᭐᭐᭑᭟ᬲᬶᬦᬸᬭᬢ᭄ᬤᬾᬲᬗᬧᬦ᭄ᬮᬄ᭞ᬳᬶᬓ᭄ᬢᬸᬢ᭄ᬲᭂᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕ᭞ᬓᬘᬫᬢᬦ᭄ᬳᬩᬂ᭞ᬓᬭᬗ᭄ᬳᬲᭂᬫ᭄᭛᭜᭛ᬗ᭄ᬳᬓ᭄ᬲᬫᬦ᭄ᬦ
ᬯᬶᬭᬹᬧᬦᬶᬂᬅᬓ᭄ᬱᬶᬭᬢᬸᬦᬍᬯᬶᬄ᭟