Ban/Gaguritan Candrakirana

Deskripsi

Naskah

[ 1 ][PERPUSTAKAAN KTR. DOKBUD BALI PROP.BALI
G/IV/6/DOKBUD
Judul : Gag. Candrakirana.
Panj.40 cm. Leb.3,5 cm. Jl 67 lb
Asal : Padangkerta, Karangasem.]
[᭑ 1A]
Judul:Gag.Candrakirana, Panj.60 cm.Jl 67 lb.
Asal : Padangkerta, Karangasem [ 2 ][᭑ 1B]
᭑
ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭞ᬧᬸᬦᬶᬓᬶᬮᭀᬦ᭄ᬢᬃᬘᬦᬺᬓᬶᬭᬡ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬫᬗ᭄ᬭᬭᬶᬲ᭄‌ᬗ᭄ᬭᬗ᭄ᬲᬸᬓ᭄ᬩᬸᬱᬡ᭞ᬲᬵᬫ᭄ᬬᬦ᭄ᬧᬟᬕᬶᬭᬶᬧᬸᬢ᭄ᬭᬶ᭞ᬧᬗᬗ᭄ᬕᭀᬳᬦᬸᬢ᭄ᬳᬦᬸᬢ
ᬦ᭄᭞ᬯᬃᬡ᭄ᬦᬦᬾᬗᬜᬸᬤᬂᬳᬢᬶ᭞ᬳᬲᬶᬂᬫᭂᬩᬮᬶᬄᬭᬶᬂᬫᬃᬕ᭄ᬕᬶ᭞ᬢᬦᬸᬭᬸᬗᭂᬦ᭄ᬲ᭄ᬟᬶᬄᬮᬶᬗ᭄ᬮᬸᬂ᭞ᬩᬦ᭄ᬤᬸᬯᭂᬕ᭄ᬗᬦᬸᬢᬂᬧᬬᬲ᭄᭞ᬯᬃᬡ᭄ᬦᬦᬾᬲ᭄ᬥᭂᬂᬗᬬᭀᬦᬶᬦ᭄᭞ᬗᬯᬾᬘᬸᬫ᭄ᬧᬸ᭞ᬦᬸᬭᬄᬭᬢᬸᬕᭂᬕ
ᬫ᭄ᬩᬭᬦ᭄᭟ᬤᬾᬯᬶᬘᬦᬺᬓᬶᬭᬡᬫᬳ᭄ᬬᬲ᭄᭞ᬫᬯᬲ᭄ᬢᬺᬧ᭄ᬭᬜ᭄ᬘᬶᬲ᭄ᬫᬢ᭄ᬮᬸᬓᬶ᭞ᬫᬲᬶᬜ᭄ᬚᬂᬯᬾᬯᬗ᭄ᬕᭂᬲᬸᬢᬻ᭞ᬫᬢᭂᬧᬶᬫᬧ᭄ᬭᬤᬗ᭄ᬭᬵᬯᬶᬢ᭄᭞ᬓᬸᬭᬸᬩᬾᬯᬶᬚᬶᬮᬶᬂᬓᭂᬮᬶᬂ᭞ᬫᬧ᭄ᬭᬤᬫᬢᬶᬧᬶᬳ
ᬮᬸᬲ᭄᭞ᬫᬲᭂᬗ᭄ᬓᬂᬳᭂᬫᬵᬲ᭄ᬫᬲᭀᬘ᭞ᬲᭀᬘᬯᬶᬦ᭄ᬢᭂᬦᬾᬗᬾᬤᬦᬶᬦ᭄᭞ᬳᬮᬶᬲ᭄ᬳᬮᬸᬲ᭄᭞ᬲ᭄ᬫᬶᬦᬾᬗᬶᬫ᭄ᬩᬸᬳᬶᬦ᭄ᬫᭂᬮᬄ᭟ᬫᬲᭂᬓᬃᬩ᭄ᬩᬦ᭄ᬢᬸᬜ᭄ᬚᬸᬂᬳᭂᬫᬵᬲ᭄᭞ᬫᬰᬭᬶᬯᬶᬦ᭄ᬢᭂᬦ᭄ᬫᬗ᭄ᬭᬯᬶᬢ᭄᭞

[᭒ 2A]
᭒
ᬩᬩᬃᬰᬸᬃᬬ᭄ᬬᬫᬶᬭᬶᬩ᭄ᬩᬶᬦ᭄ᬢᬂ᭞ᬧᬓ᭄ᬮᬾᬜ᭄ᬘᭀᬓ᭄ᬜᬭᬶᬦᬶᬂᬧᬸᬭᬶ᭞ᬮᬮ᭄ᬬᬢᬾᬬᬮᬸᬭᬸᬫᬦᬶᬲ᭄᭞ᬓᭂᬜᭂᬫᬾᬫᬗᬯᬾᬳᬶᬗᬸᬄ᭞ᬫᬧᬶᬗ᭄ᬕᭂᬮ᭄‌ᬬᬓᬓᬯᬢᬦ᭄᭞ᬳᬦᬸᬢ᭄ᬲᭀᬘᬫᬶᬭᬳᬤᬶ
᭞ᬮ᭄ᬯᬶᬃᬲᬂᬳᬬᬸ᭞ᬭᬸᬧᬦᬾᬫᭂᬗᬬᬂᬗᬬᬂ᭟ᬳᬶᬕᬮᬸᬄᬳᬚᭂᬂᬫᬧᬬᬲ᭄᭞ᬭᬓᬦᬾᬤᬶᬢᬸᬫᬬᬲᬶᬦ᭄᭞ᬫᬯᬲ᭄ᬢᬺᬧ᭄ᬭᬜ᭄ᬘᬶᬲ᭄ᬕᬤᬂ᭞ᬫᬧ᭄ᬭᬤᬫᬭᬾᬡ᭄ᬥᭂᬗᭂᬦ᭄ᬥᬶᬄ᭞ᬲᬶᬜ᭄ᬚᬗᬾᬧᬶᬢᭀᬍᬗ᭄ᬭᬯᬶ
ᬢ᭄᭞ᬫᬧ᭄ᬭᬤᬫᬗᭂᬡ᭄ᬥᬶᬄᬫᬸᬭᬸᬩ᭄᭞ᬫᬓᬸᬭᬸᬩ᭄ᬕᬸᬫᬶᬮᬂᬲᬸᬢᬻ᭞ᬫᬘᬯᬶᬫᬩᬶᬦ᭄ᬢᬂᬗᭂᬡ᭄ᬥᬶᬄ᭞ᬳᬍᬧ᭄ᬳᬮᬸᬲ᭄᭞ᬰ᭄ᬭᬶᬦᬵᬣᬦᬾᬲ᭄ᬮᭂᬫ᭄‌ᬫᬍᬜᬤ᭄᭟ᬳᭂᬩᭀᬓᬾᬲᬫᬄᬫᬕᬾᬫ᭄ᬩᬮ᭄᭞ᬫᬘᭂ
ᬘᬸᬦ᭄ᬤᬸᬓ᭄ᬳᬗ᭄‌ᬕ᭄ᬭᬾᬓ᭄ᬱᬰᬶᬄ᭞ᬫᬲᭂᬮᬕ᭄ᬩᬵᬦ᭄ᬲᬶᬫ᭄ᬗᬃᬳᬫᬵᬲ᭄᭞ᬫᬗ᭄ᬭᬜᬩ᭄ᬫᬲᬯᬂᬗᭂᬡ᭄ᬥᬶᬄ᭞ᬗᭂᬦᬄᬲᬸᬩᭂᬗᬾᬬᬓᬸᬦᬶᬂ᭞ᬫᬲᭀᬘᬯᬶᬦ᭄ᬢᭂᬦᬾᬫᬸᬭᬸᬩ᭄᭞ᬢᬸᬮᬾᬦ᭄ᬤᬥᬭᬶᬮᭀᬢᬫᬵ᭞ᬲᬶᬂ [ 3 ][᭒ 2B]
᭒
ᬩᬶᬓᬲᬂᬫᬗᬾᬤᬦᬶᬦ᭄᭞ᬬᬳᬶᬕᬮᬸᬄ᭞ᬳᬚᭂᬬᬦ᭄ᬲᬦ᭄ᬤᬶᬗᬂᬓᬲᭀᬭᬦ᭄᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬲᬵᬫᬶᬲᬵᬫ᭄ᬧᬸᬦ᭄‌ᬬᬫᬧᬬᬲ᭄᭞ᬗᬫ᭄ᬩᬶᬮ᭄ᬫᬶᬜᬓ᭄‌ᬩᭀᬦᬾᬗᭂᬩᭂ
ᬓᬶᬦ᭄ᬕᬸᬫᬶ᭞ᬫᬶᬳᬶᬓ᭄ᬭᬲ᭄ᬲᬤᬜᬗ᭄ᬮᬸᬄ᭞ᬳᬶᬕᬮᬸᬄᬮᬦ᭄ᬳᬶᬧᬋᬓᬦ᭄᭞ᬮᬾᬦ᭄ᬢᭀᬩᬸᬯᬶᬦ᭄ᬫᬳᬸᬭᬧ᭄ᬳᬸᬭᬧ᭄ᬱᬋᬩᬸᬓ᭄᭞ᬲᬦᬾᬫᬓ᭄ᬢᭂᬳᬸᬧᬘᬭᬵ᭞ᬩᬚᬂᬩᬚᬂᬫᬗᬾᬤᬦᬶᬦ᭄᭟
ᬭᬳᬶᬦᬾᬫᬵᬢᬹᬃᬫᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄‌ᬦᬸᬦᬲ᭄ᬭᬵᬢᬸᬫᬫᬃᬕ᭄ᬕᬶ᭞ᬧᬋᬓ᭄ᬭᬶᬂᬳᬶᬤᬳ᭄ᬬᬂᬳᬶᬪᬸ᭞ᬫᬸᬗ᭄ᬧᬸᬂᬓᬭᬶᬬᬲᭂᬫᭂᬗᬦ᭄᭞ᬭᬤᬾᬦ᭄ᬤᬾᬯᬷᬗᬦ᭄ᬤᬶᬓᬫᬢᬸᬂᬢᬸᬂᬓᬜᬸᬂ᭞ᬦᬸᬦᬲ᭄ᬓᬾ
ᬲᬋᬂᬫᬫᬃᬕ᭄ᬕᬵ᭞ᬢᬗᬦ᭄ᬭᬳᬶᬦᬾᬓᬳᬫ᭄ᬩᬶᬮ᭄᭟ᬫᬫᬃᬕ᭄ᬕᬶᬫᭂᬤᬦ᭄ᬤᬦ᭄ᬢᬵᬗᬦ᭄᭞ᬤᬶᬧᬸᬗ᭄ᬓᬸᬃᬳᬸᬧᬘᬭᬦᬾᬫᬗᬶᬭᬶᬂ᭞ᬢᬹᬃᬭᬸᬧᬦᬾᬮᬸᬳᬸᬂᬮᬸᬳᬸᬂ᭞ᬢᬗ᭄ᬓᭂᬧᬾᬫᬗᬯᬾᬫᬾᬡ᭄ᬥᬻ᭞ᬭᬵᬚ

[᭓ 3A]
᭓
ᬧᬸᬢ᭄ᬭᬷᬫᬫᬃᬕ᭄ᬕᬶᬳᬶᬤᬭᬶᬂᬳᬬᬸᬦ᭄᭞ᬮ᭄ᬯᬶᬃᬪᬸᬮᬦ᭄ᬓᭂᬫ᭄ᬩᬃᬦ᭄ᬓᬦ᭄ᬢᭂᬦᬂ᭞ᬧᬋᬓᬦᬾᬫᬫᬶᬦ᭄ᬢᬵᬗᬶᬦ᭄᭟ᬢᬦᬸᬘᬧᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬫᬭᬶᬂᬳᬬᬸᬦ᭄ᬳᬶᬤᬲᬂᬧ᭄ᬭᬫᬷᬰ᭄ᬯᬭᬷ᭞ᬲᬂᬭᬵᬚᬧᬸᬢᬺᬫᬵ
ᬢᬹᬃ᭞ᬦᬸᬦᬲ᭄ᬮᬸᬕᬺᬭᬶᬂᬳᬶᬪᬸᬦ᭄ᬬ᭞ᬧ᭄ᬭᬫᬷᬰ᭄ᬯᬭᬷᬳᬕ᭄ᬮᬶᬲ᭄ᬭᬭᬶᬲ᭄‌ᬬᭂᬫᬜᬧᬸᬧ᭄᭞ᬓᬳᬩᬶᬦ᭄ᬓᭂᬳᬭᬲ᭄ᬳᬭᬲ᭄᭞ᬩᬵᬦ᭄ᬱᬬᬗᬾᬢᬦ᭄ᬱᬶᬦᬶᬧᬶ᭟ᬳᬶᬮᬶᬓᬸᬫᬵᬮᬶᬄᬗᬾᬗ᭄ᬕᬵᬮᬂ᭞ᬗᬵᬫ᭄ᬩᬶ
ᬮ᭄ᬧᬸᬢᬺᬳᬶᬕᬮᬸᬄᬢᬡ᭄ᬦᬃᬓ᭄ᬓᬵᬩᬶᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬦᬄᬚᬮᬦ᭄ᬚᬵᬦᬶᬫᭂᬚᬮᬦ᭄᭞ᬲᬯᬸᬃᬫ᭄ᬫᬵᬦᬸᬓ᭄ᬫᬫᬃᬕ᭄ᬕᬶᬱᬋᬂᬫᬩ᭄ᬭᬶᬬᬸᬓ᭄᭞ᬧᬫᬃᬕ᭄ᬕᬶᬦᬾᬢ᭄ᬯᬄᬫᬓᬡ᭄ᬥᬵ᭞ᬗᬃᬬ᭄ᬬ
ᬦᬶᬦᬺᬲᬶᬓ᭄ᬤᬶᬫᬃᬕ᭄ᬕᬶ᭟ᬲᬦᬾᬭᬶᬂᬳᬃᬱᬫᬫᬃᬕ᭄ᬕᬵ᭞ᬧ᭄ᬭᬫᬷᬰ᭄ᬯᬭᬷᬳᬶᬮᬶᬓᬸᬱᬋᬂᬫᬗᬶᬭᬶᬂ᭞ᬳᬸᬧᬘᬭᬦᬾᬭᬶᬂᬧᬸᬗ᭄ᬓᬸᬃ᭞ᬮᬮᬜ᭄ᬘᬗᬦ᭄ᬫᬵᬲ᭄ᬫᬲᭀᬘ᭞ᬯᬶᬦ᭄ᬢᭂᬦᬾᬧᬓ᭄ᬭᬵᬜᬩ᭄ᬗᭂᬡ᭄ᬥᬶᬄ᭟ᬳᬶ [ 4 ][᭓ 3B]
᭓
ᬮᬶᬓᬸᬫᬶᬭᬶᬂᬗᬦ᭄ᬳᬧᬓ᭄᭞ᬫᬲᭀᬘᬫᬶᬭᬳᬾᬳᬦᬾᬫᬗᭂᬡ᭄ᬥᬶᬄ᭞ᬫᬲ᭄ᬮᬕ᭄‌ᬯᬶᬦ᭄ᬢᭂᬦ᭄ᬧᬓ᭄ᬭᬜᬩ᭄ᬳᬮᬸᬲ᭄᭞ᬫᬕᬾᬮᭀᬳᬦ᭄ᬲᬂᬗᬶᬭᬶᬗᬂ᭞ᬭᬶᬂᬧᬸᬗ᭄ᬓᬸᬃᬱᬵᬫᬶᬫᬢᬕᭂᬮᬦ᭄ᬧᬸᬲᬸᬂ᭞ᬢᬸᬯᬸ
ᬳᬾᬬᭂᬩᬚᬂᬩᬚᬂ᭞ᬦᬗ᭄ᬳᬶᬂᬧᬢᬸᬄᬧᬬᬲᬾᬲᬵᬫᬶ᭟᭜᭟ᬧᬸᬧᬸᬄᬤᬗ᭄ᬥᬂ᭟᭜᭟ᬲᬂᬭᬵᬚᬧᬸᬢ᭄ᬭᬷᬫᬩ᭄ᬭᬶᬬᬸᬓ᭄ᬫᬗ᭄ᬓᬶᬦ᭄᭞ᬬᭂᬫᬫᬃᬕ᭄ᬕᬵ᭞ᬧᬗᬶᬭᬶᬗᬾᬫᭂᬫ᭄ᬩᬄ᭞ᬮ᭄ᬯᬶᬃᬓᬤᬶᬪᬸᬮᬦ᭄‌ᬯᬃᬡ᭄ᬦᬦᬾ᭞ᬦᬾᬗᬺ
ᬦ᭄ᬢᭂᬩᬶᬦ᭄ᬤᬶᬧᬸᬗ᭄ᬓᬸᬃ᭞ᬩᬚᬂᬩᬚᬗᬾᬫᬗᬾᬤᬦᬶᬦ᭄᭞ᬲᬵᬫᬶᬫᬓ᭄ᬢᭂᬳᬸᬧᬘᬭᬵ᭞ᬯᬯᬸᬫᬸᬗ᭄ᬕᬄᬤᬸᬳᬸᬃ᭞ᬫᬲᭂᬫᬶᬬᭂᬧᭂᬧᬢᭂᬳᬦ᭄᭞ᬗᬯᬾᬭᬭᬲ᭄᭞ᬦᬵᬫ᭄ᬧᭂᬩᭀᬓᭀᬃᬫ᭄ᬫᬵᬲ᭄ᬫᭂᬲᬗ᭄ᬮᬶᬂ᭞ᬫᬲᭀᬘᬵ
ᬯᬶᬦ᭄ᬢᭂᬦ᭄ᬤᬸᬫᬶᬮᬄ᭟ᬮᬮᬜ᭄ᬘᬗᬾᬫᬗᬶᬫ᭄ᬩᬸᬳᬶᬦ᭄ᬩᭂᬘᬶᬓ᭄᭞ᬗᭂᬦᬄᬢᬶᬗ᭄ᬕᬃ᭞ᬲᭀᬘᬦᬾᬧᬓ᭄ᬭᬜᬄ᭞ᬳᭂᬦ᭄ᬢᭀᬗ᭄ᬮᬶᬬᬩᬶᬦ᭄ᬧᬸᬲᬸᬗᬾ᭞ᬜᬸᬫᬗ᭄ᬓᬶᬦ᭄ᬫᬵᬯᬸᬯᬸᬄᬳᬮᬸᬲ᭄᭞ᬓᬩᭂᬘᬶᬓᬦᬾᬬᬫᭂᬩ

[᭔ 4A]
᭔
ᬮᬶᬄ᭞ᬲᬸᬩᭂᬗᬾᬬᬧᬸᬢᬶᬄᬲᭂᬦ᭄ᬢᬓ᭄᭞ᬓᬢᭂᬢᭂᬳᬦ᭄ᬧᬸᬲᬸᬂ᭞ᬫᬶᬭᬶᬩ᭄‌ᬪᬸᬮᬦ᭄ᬓᬕᬸᬡ᭄ᬦᬫᬦ᭄᭞ᬬᬦ᭄ᬧᬃᬡ᭄ᬦᬬᬂ᭞ᬮᬮᬶᬬᬢᬾᬳᬮᬸᬲ᭄ᬫᬵᬦᬶᬲ᭄᭞ᬗ᭄ᬭᬾᬤᬾᬧ᭄ᬳᬲᬸᬦ᭄ᬤᬭᬦ᭄ᬲᬸᬃᬬ᭄ᬬ᭟ᬧᭂᬧᬢᬸᬳᬦ᭄ᬳᭂᬩᭀ
ᬦᬾᬬᭂᬫᬶᬳᬶᬓ᭄᭞ᬫᬮᬶᬧᬸᬕᬦ᭄᭞ᬗᭂᬩᭂᬓᬶᬦ᭄ᬩᬜ᭄ᬘᬶᬗᬄ᭞ᬫᬕᬾᬮᭀᬳᬦ᭄ᬧᬫᬃᬕ᭄ᬕᬶᬦᬾ᭞ᬧᬂᬮ᭄ᬬᬸᬳᬦᬓᬾᬮᬶᬗ᭄ᬮᬸᬂ᭞ᬦᬾᬫᬩᬮᬶᬄᬢᭂᬧᬶᬦᬶᬂᬫᬃᬕ᭄ᬕᬶ᭞ᬲᬵᬫᬶᬧᬥᬫᭂᬗᬯᭀᬓᬂ᭞ᬳᬤᭂᬦᬕᬶᬄ
ᬦᬸᬢᬸᬕ᭄᭞ᬮᬾᬦ᭄ᬳᬤᭂᬫᬗ᭄ᬮᬶᬂᬫᬕᬸᬬᬂ᭞ᬢ᭄ᬯᬭᬩᬶᬲᬵ᭞ᬦᬗ᭄ᬓᭂᬗᬶᬦ᭄ᬓᭂᬡᬳᬾᬧᬮᬶᬂ᭞ᬫᭂᬜᬧ᭄ᬘᬧ᭄‌ᬦᬕᬶᬄᬧᬤᬶᬓᬂ᭟᭜᭟ᬧᬸᬧᬸᬄᬟᬹᬃᬫ᭄ᬫᬵ᭟᭜᭟ᬤᬶᬧᬸᬗ᭄ᬓᬸᬭᬦ᭄ᬲᬂᬧ᭄ᬭᬪᬸᬫᭂᬧᬬᬸᬂᬓᭂᬫ᭄ᬩᬃ᭞ᬧᭂᬧᬢᬶᬳᬾ
ᬓ᭄ᬯᬾᬄᬫᬗᬶᬭᬶᬂ᭞ᬗᬺᬦ᭄ᬢᭂᬩᬶᬦ᭄ᬲᬂᬦᬵᬣ᭞ᬧᬋᬓᬦᬾᬲᬵᬫ᭄ᬬᬦ᭄ᬳᬢᬧ᭄᭞ᬧᬗᬗ᭄ᬕᭀᬦᬾᬩᬸᬗᬄᬲᬵᬫᬶ᭞ᬗᭂᬡ᭄ᬥᬶᬄᬤᬸᬫᬶᬮᬄ᭞ᬲᭀᬮᬳᬾᬬᭂᬗᬸᬮᬗᬸᬦᬶᬦ᭄᭟ᬢᬦ᭄ᬓᭀᬘᬧᬫᬗ᭄ᬓᬶᬦ᭄ᬳᬶᬤᬫᬭᬶ [ 5 ][᭔ 4B]
᭔
ᬚᬮᬦ᭄᭞ᬭᬯᬸᬄᬫᬭᬶᬂᬢᬫᬦ᭄ᬱᬭᬷ᭞ᬧᬋᬓᬦᬾᬲᬵᬫ᭄ᬭᬕ᭄᭞ᬫᬯᬸᬕᬦ᭄ᬤᬶᬚ᭄ᬭᭀᬦᬶᬂᬢᬫᬦ᭄᭞ᬧᬟᬫᬸᬧᭀᬦᬶᬦ᭄ᬱᬰᬭᬷ᭞ᬦᬾᬩᬚᬂᬩᬚᬂ᭞ᬧᬟᬫᬗ᭄ᬮᬕᬦᬶᬦ᭄ᬳᬢᬶ᭟ᬗᬮᬧ᭄ᬩᬸᬗᬧᬟ
ᬫᭂᬳᬦᬸᬢ᭄ᬳᬦᬸᬢᬦ᭄᭞ᬳᬤᭂᬓᬢ᭄ᬮᬜ᭄ᬚᬸᬃᬳᬩᭂᬲᬶᬓ᭄᭞ᬢᬭᬸᬦᬦᬾᬜᬕ᭄ᬚᬕ᭄᭞ᬭᬢᬸᬢᬶᬢ᭄ᬬᬂᬫᬦᬯᭂᬕᬂ᭞ᬦᬸᬦᬲ᭄ᬮᬵᬜ᭄ᬚᬭᬦ᭄ᬳᬲᬶᬓᬶ᭞ᬲᬵᬫ᭄ᬧᬸᬦᬂᬫᭂᬗ᭄ᬕᬄ᭞ᬢᬶᬢ᭄ᬬᬂᬮᬸᬘᬸᬭᬶᬂᬳᬫᬵᬡᬶᬓ᭄᭟
ᬫᬗᬫ᭄ᬩ᭄ᬭᬾᬲᬂᬤᬳᬦᬾᬫᬫᬸᬜᬶᬕᭂᬢᬃ᭞ᬓᬦᬧᭂᬤᬤᬶᬚᬸᬯᬭᬶ᭞ᬢ᭄ᬯᬭᬦᬯᬂᬳᬧᬵ᭞ᬫᬓ᭄ᬮᬶᬯᭂᬲ᭄ᬗᬢ᭄ᬬᬂᬫᭂᬓᬳᬤ᭄᭞ᬢᬭᬸᬦᬦᬾᬫᭂᬜᬕ᭄ᬚᬵᬕᬶᬦ᭄᭞ᬓᬧᬭᬶᬓᭀᬲ᭞ᬢᬶᬗ᭄ᬓᬳᬾᬬᭂᬗᬸᬮ
ᬗᬸᬦᬶᬦ᭄᭟ᬮᬯᬸᬢ᭄‌‌ᬢᭂᬤᬸᬦ᭄ᬚᬸᬓ᭄ᬤᬳᬦᬾᬗ᭄ᬮᬶᬂᬫᬕᬸᬬᬂ᭞ᬢᬭᬸᬦᬦᬾᬫᭂᬮᬳᬶᬩᬶᬦ᭄᭞ᬜᬭᬸᬗᬮᬧ᭄ᬩᬸᬗ᭞ᬮᬾᬦ᭄ᬳᬤᭂᬤᬶᬢᬸᬫᬦᬕᬓ᭄᭞ᬤᬶᬩᬢᬦ᭄ᬧᬸᬤᬓᬾᬗᭂᬧᬶᬮ᭄᭞ᬗᬚᬓ᭄ᬓᬵᬲᬶᬳᬦ᭄᭞

[᭕ 5A]
᭕
ᬲᬮᬾᬂᬳᬭᬲ᭄ᬲᬍᬂᬕᭂᬦ᭄ᬢᬶ᭟ᬮᬾᬦ᭄ᬢᭀᬳᬦᬾᬗᬮᬧ᭄ᬱ᭄ᬓᬃᬫ᭄ᬫᬳᬶᬍᬳᬦ᭄᭞ᬲᬵᬫ᭄ᬭᬕ᭄‌‌ᬲᭀᬮᬳᬾᬫᬶᬚᬶᬮ᭄᭞ᬲ᭄ᬫᬶᬦ᭄ᬜᬦᬾᬩᬸᬬᬃ᭞ᬲᬲᬶᬧᬢᬦᬾᬬᭂᬳᬶᬮᬂ᭞ᬩᬵᬦ᭄ᬓᭂᬩᬸᬲᬾᬢᬦ᭄ᬱᬶᬦᬶᬧᬶ
᭞ᬧᬦᬲ᭄ᬗᬶᬬᬲᬂ᭞ᬳᬤᭂᬦᬾᬫᬗ᭄ᬮᬶᬫᬸᬄᬧᬮᬶᬂ᭟ᬲᬬᬦ᭄ᬧᬦᬲ᭄ᬤᬵᬯᬸᬄᬢ᭄ᬮᬸᬲᬗ᭄ᬳ᭄ᬬᬂᬲᬸᬃᬬ᭄ᬬ᭞ᬧᬋᬓᬦᬾᬬᭂᬫᬕᬶᬮᬶᬄ᭞ᬗᬶᬗᭂᬢᬶᬦ᭄ᬕᬸᬲ᭄ᬢᬶᬦ᭄ᬜᬵ᭞ᬧᬟᬫᬗᬮᬶᬄᬧᬬᬸᬩᬦ᭄᭞ᬤᬶᬩᬢᬦ᭄ᬓᬬᬸᬦᬾ
ᬗᭂᬢᬶᬲ᭄᭞ᬗᬚᬓ᭄ᬓᬵᬲᬶᬳᬦ᭄᭞ᬓ᭄ᬭᬡᬲᬮᬾᬂᬧᬲᬯᬸᬢᬶᬦ᭄᭟ᬳᬤᬸᬄᬲᬬᬗᬾᬤᭀᬂᬦᬄᬓᬾᬱᬧᬳᬂᬳ᭄ᬬᬂ᭞ᬘᬶᬭᬶᬦ᭄ᬜᬦᬾᬧᬟᬓᬰᬶᬄ᭞ᬢᬺᬱ᭄ᬡᬵᬫᬓᬰᬶᬳᬦ᭄᭞ᬤᬶᬢᬸᬭᬭᬶᬲ᭄ᬫᬸᬭ᭄ᬱᭂᬧᬄ᭞
ᬲᬚᭂᬦ᭄ᬭᬶᬫᭂᬱᬓᬶᬂᬚᬢᬶ᭞ᬫᬕᭂᬕᬬᬫᬦ᭄᭞ᬓᬾᬢᭀᬢᬶᬗ᭄ᬓᬄᬜᬦᬾᬚᬦᬶ᭟ᬳᬤᭂᬦᬾᬫᭂᬳᬤᬦ᭄ᬓᭂᬤᬶᬲ᭄ᬗᬧᬸᬤᬂ᭞ᬫᬩᬸᬮᬸᬳᬮᬸᬲ᭄‌‌ᬗ᭄ᬭᬯᬶᬢ᭄᭞ᬗᬶᬫ᭄ᬩᬂᬚ᭄ᬭᭀᬦᬶᬂᬢᬵᬫᬦ᭄᭞ᬳᬶᬕᬮᬸᬄᬳ [ 6 ][᭕ 5B]
᭕
ᬚᭂᬬᭂᬧ᭄ᬥᬲ᭄᭞ᬜᬶᬗᬓᬶᬦ᭄ᬓᬤᬶᬲᬾᬩᭂᬘᬶᬓ᭄᭞ᬩᬗᬸᬦ᭄‌‌ᬗᬾᬗ᭄ᬕᬮᬂ᭞ᬧᬋᬓᬦᬾᬬᭂᬫᬗᬶᬭᬶᬂ᭟ᬧᬥᬗᬸᬮᬄᬓᭂᬤᬶᬲᬾᬫᬩᬸᬤᬶᬜᭂᬫᬓ᭄᭞ᬫᬶᬤᭂᬃᬫ᭄ᬫᬶᬤᭂᬃᬓ᭄ᬓᬓᭂᬧᬸᬗᬶᬦ᭄᭞ᬢ᭄ᬯᬭᬫᬜᬶᬤ᭄ᬥᬬᬂ
᭞ᬳᬶᬤᬾᬯᬷᬘᬡᬺᬓᬶᬭᬡ᭞ᬓᬚᬸᬚᬸᬃᬳᬦ᭄ᬢᬸᬓ᭄ᬳᬶᬓᭂᬤᬶᬲ᭄᭞ᬓᭂᬤᬓᭂᬧ᭄ᬩᬓᬢ᭄᭞ᬓᭂᬤᬶᬲᬾᬮᬸᬯᭂᬲ᭄‌‌ᬢᬹᬃᬩ᭄ᬘᬶᬓ᭄᭟ᬭᬭᬶᬲ᭄ᬜᬕ᭄ᬚᬕ᭄ᬳᬶᬕᬮᬸᬄᬳᬚᭂᬂᬫᬜᬸᬫ᭄ᬩᬄ᭞ᬧᭂᬲᬸᬳᬢᬸᬭᬾᬫᬦᬶᬲ᭄᭞ᬫᬵ
ᬢᬹᬃᬗᭀᬮᬲ᭄ᬳᭀᬮᬲᬂ᭞ᬭᬢᬸᬢᬶᬢ᭄ᬬᬂᬫᬦᬯᭂᬕᬂ᭞ᬗ᭄ᬮᬗ᭄ᬲᬸᬃᬧᬓ᭄ᬱᬶᬦᬾᬧᬸᬦᬶᬓᬶ᭞ᬬᬾᬦ᭄ᬭᬢᬸᬲ᭄ᬯᬾᬘᬵ᭞ᬲᬸᬤ᭄ᬥᬶᬮᬾᬤᬫᬗᬶᬘᬾᬦᬶᬦ᭄᭟ᬧᬲᬯᬸᬭᬾᬭᬤᬾᬦ᭄ᬤᬾᬯᬷᬫᬦᬯᭂᬕᬂ᭞ᬳ
ᬫ᭄ᬧᬸᬭᬬᬂᬢᬶᬢ᭄ᬬᬂᬳᬤᬶ᭞ᬲᬵᬫ᭄ᬧᬸᬦᬂᬗᬃᬱᬬᬂ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬗᬢᬸᬭᬂ᭞ᬧᬓ᭄ᬱᬶᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬲᬵᬫ᭄ᬧᬸᬦᬂᬫᭂᬗ᭄ᬕᬄ᭞ᬳᬶᬕᬮᬸᬄᬳᬚᭂᬂᬫᬗᭂᬮᬶᬂ᭟ᬓᬘᬶᬗᬓᬦ᭄ᬤᬶᬢᬸᬭᬭᬶᬲ᭄ᬫᬸᬭᬸᬧ᭄ᬱᭂᬧᬄ

[᭖ 6A]
᭖
ᬲᬚᭂᬦ᭄ᬭᬶᬫᭂᬱᬓᬶᬂᬚᬢᬶ᭞ᬢ᭄ᬯᬄᬫᬕᬕᬬᬫᬦ᭄᭞ᬓᬾᬢᭀᬢᬶᬗ᭄ᬓᬳᬾᬤᬤᬶᬩᬚᬂ᭞ᬳᬦᬓ᭄‌ᬓᬾᬢᭀᬘᬭᬚᬦᬶ᭞ᬳᬶᬤᬧ᭄ᬭᬫᬷᬰ᭄ᬯᬭ᭞ᬳᬚᬓ᭄ᬩᬋᬂᬬᭂᬳᬶᬳᬤᬶ᭟ᬭᬤᬾᬦ᭄ᬤᬾᬯᬷ
ᬜᬸᬫ᭄ᬩᬄᬢᬶᬢ᭄ᬬᬂᬤᬯᭂᬕ᭄ᬫᬶᬦ᭄ᬤᬄ᭞ᬢᬶᬢ᭄ᬬᬂᬫᬦ᭄ᬭᬸᬯᬾᬳᬲᬶᬓᬶ᭞ᬧᬘᬂᬧᭂᬮᬮᬶᬬᬦ᭄᭞ᬭᬯᬸᬳᬾᬢᬶᬢ᭄ᬬᬂᬭᬶᬧᬸᬭ᭄ᬬ᭞ᬳᬶᬮᬶᬓᬸᬕᭂᬤᭂᬕ᭄‌ᬦᬾᬫᬗ᭄ᬓᬶᬦ᭄᭞ᬮᬯᬸᬢ᭄ᬜᬮᬶᬦ᭄ᬢᬄ᭞ᬳᬯᬓ᭄ᬫᬸᬮᬳᬶᬭᬶᬳ
ᬢᬶ᭟ᬩᭂᬗᭀᬂᬫᭂᬗᬯᬲᬂᬳᬶᬮᬶᬓᬸᬤᬸᬄᬓᬶᬢ᭄ᬣᬵ᭞ᬲᬵᬫ᭄ᬧᬸᬦ᭄ᬲᬜ᭄ᬚᭂᬓᭀᬘᬧ᭄ᬫᬗ᭄ᬓᬶᬦ᭞ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬦᬄᬓᬾᬚᬮᬦ᭄ᬚᬵᬦᬶᬩᬸᬤᬮ᭄᭞ᬤᬩ᭄ᬤᬩᬂᬲᬸᬩᭂᬚᬦᬶ᭞ᬧᬘᬂᬫᭂᬚᬮᬦ᭄᭞ᬫᭂᬤᬩ᭄ᬤ
ᬩᬦ᭄ᬮᬵᬯᬸᬢ᭄ᬫᬗ᭄ᬓᬶᬦ᭄᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬦᬾᬫᬗ᭄ᬓᬶᬦ᭄ᬩᬸᬤᬮ᭄ᬱᬕ᭄ᬭᬳᬦ᭄᭞ᬬᬦ᭄ᬲᬯᬗᬂᬫᬶᬭᬶᬩ᭄ᬤᬶᬕᬸᬦᬸᬂᬰᬭᬷ᭞ᬤᬶᬫᬃᬕ᭄ᬕᬶᬦᬾᬩᭂᬓ᭄ᬫᬗᭂᬫ᭄ᬧᬸᬃ᭞ᬢᬵᬫ᭄ᬩᬸᬮᬶᬮᬶᬗᬦᬾᬳᭀᬱᬄ᭞ [ 7 ][᭖ 6B]
᭖
ᬗᬤᭂᬓ᭄ᬳᭂᬩᭀᬦ᭄ᬩᬸᬗᬦᬾᬫᬶᬳᬶᬓ᭄ᬫᭂᬗᬮᬸᬩ᭄᭞ᬧᬕ᭄ᬭᬶᬬᭂᬂᬦᬸᬢᬸᬕ᭄ᬤᬶᬚᬮᬦ᭄᭞ᬧᬥᬗᬸᬮᬄᬗᬶᬲᭂᬧ᭄ᬱᬭᬷ᭟ᬢᬦ᭄ᬓᭀᬘᬧᬫᬭᬶᬂᬚᬮᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄᬦᬾᬫᬗ᭄ᬓᬶᬦ᭄᭞
ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬓᬓᬧᬢᬶᬄᬓᭂᬫᭂᬩᬸᬤᬮ᭄᭞ᬧᬥᬜᬸᬫ᭄ᬩᬄᬫᬧᬫᬶᬢ᭄ᬭᬶᬂᬲᬂᬗᬳᬸᬮᬸᬦ᭄᭞ᬲᬂᬧ᭄ᬭᬪᬸᬫᬵᬦ᭄ᬢᬸᬓᬧᬸᬭ᭞ᬲᬖ᭄ᬭᬳᬦ᭄ᬲᬳᬶᬲᬶᬦ᭄ᬧᬸᬭᬶ᭟ᬳᬶᬮᬶᬓᬸᬚᬦᬶᬳᬸ
ᬘᬧᬂ᭞ᬢ᭄ᬯᬭᬲᬸᬳᬸᬤ᭄ᬳᬶᬤᭂᬧ᭄ᬜᭂᬳᬶᬭᬶᬬᬢᬶ᭞ᬫᭀᬫᭀᬦᬾᬓᬤᬸᬂᬫᬗ᭄ᬭᬗ᭄ᬲᬸᬓ᭄᭞ᬩᬳᬦ᭄ᬚᬵᬢ᭄ᬫᬦᬾᬤᬸᬄᬓᬶᬢ᭄ᬣᬵ᭞ᬫᬗᬸᬗ᭄ᬕᬸᬮᬂᬓᭂᬲᬬᬗᬂᬩᬦ᭄ᬲᬂᬧ᭄ᬭᬪᬸ᭞ᬫᬦᬳᬾᬧᬤᬶᬤᬶᬦᬶᬢᬄ᭞ᬫᬓᭂ
ᬚᬂᬲᬳᬶᬲᬶᬦ᭄ᬧᬸᬭᬶ᭟ᬧ᭄ᬭᬫᬷᬰ᭄ᬯᬭᬷᬓᬳᬾᬓᬦᬂ᭞ᬩᬵᬦ᭄ᬳᬶᬮᬶᬓᬸᬳᬧᬂᬲᬶᬤ᭄ᬥᬗᭂᬫᬲᬶᬦ᭄᭞ᬭᬭᬶᬲ᭄ᬫᬗ᭄ᬭᬾᬓᬬᬂᬭᬘᬸᬦ᭄᭞ᬋᬭᬘᬶᬓᬦ᭄ᬓᬵᬤᬶᬉᬧᬲ᭄᭞ᬳᬲᬶᬂᬦᬤᬄᬢ᭄ᬯᬭᬩᬸᬳᬸᬂᬧᬵᬘᬂ

[᭗ 7A]
᭗
ᬮᬵᬫ᭄ᬧᬸᬲ᭄᭞ᬭᬭᬶᬲ᭄ᬓᬳᬤᬸᬓᬶᬦ᭄‌‌ᬭᬸᬚᬓ᭄᭞ᬓᭂᬳᬢᬸᬭᬶᬦ᭄ᬧ᭄ᬭᬫᬷᬰ᭄ᬯᬭᬷ᭟ᬫᭂᬢᬢᬓᬦ᭄ᬩᭀᬓᭀᬃᬳᭂᬫᬵᬲ᭄᭞ᬚᭂᬫ᭄ᬩᬸᬂᬲᬸᬢᬺᬫᬢᬓᭂᬧ᭄ᬱᬳᬩ᭄ᬫᬢ᭄ᬮᬸᬓᬶ᭞ᬳᬶᬮᬶᬓᬸᬗᬦ᭄ᬤᬶᬓᬳᬮᬸᬲ᭄᭞
ᬳᬶᬩᬬᬦ᭄ᬓᭂᬫᭀᬫᭂᬚᬮᬦ᭄᭞ᬦᬾᬳᬢᬸᬭᬂᬭᬶᬂᬧ᭄ᬭᬫᬷᬰ᭄ᬯᬭᬷᬬᭂᬤᬶᬢᬸ᭞ᬳᬶᬩᬬᬦ᭄ᬫᬵᬢᬹᬃᬫ᭄ᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬕᬸᬲ᭄ᬢᬶ᭟᭜᭟ᬧᬸᬧᬸᬄᬕᬶᬦᬤ᭟᭜᭟ᬳᬶᬩᬬᬦ᭄ᬚᬵᬦᬶᬫᬚᬮ
ᬦ᭄᭞ᬦᬫ᭄ᬧᬶᬩᭀᬓᭀᬃᬫ᭄ᬫᬵᬲ᭄ᬫᭂᬲᬗ᭄ᬮᬶᬂ᭞ᬧᭂᬚᬮᬦᬾᬕᬕᬗ᭄ᬲᬭᬦ᭄᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬭᬶᬲ᭄ᬳᬶᬧᬸᬦ᭄ᬫᬵᬢᬹᬃᬜᬸᬫ᭄ᬩᬄ᭞ᬫᬵᬢᬹᬃᬰᬶᬱᬶᬧ᭄᭞ᬲ᭄ᬯᬾᬘᬳᬶᬤᬾᬯᬗᬵᬫ᭄ᬧᬸᬭᬵ᭟ᬕᬸᬲ᭄ᬢᬶ
ᬮᬶᬦᬸᬗᬸᬢᬸᬲ᭄ᬢᬶᬢ᭄ᬬᬂ᭞ᬫᬗᬢᬸᬭᬂᬲᬧᬸᬦᬶᬓᬶ᭞ᬬᬾᬦᬧᬶᬫ᭄ᬥᬕᬶᬂᬧᬸᬦᬶᬓᬶ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬳᬸᬦᬶᬂᬭᬢᬸ᭞ᬧ᭄ᬭᬫᬷᬰ᭄ᬯᬭᬷᬫᬗᬦ᭄ᬤᬶᬓ᭞ᬫᬳᬶᬜᬳᬶ᭞ᬤᬶᬦᬶᬮᬯᬸᬢᬂᬕᭂᬦᬳᬂ᭟ᬳᬶᬩᬬᬦ᭄ᬫᭂᬧᬫᬶ [ 8 ][᭗ 7B]
᭗
ᬢ᭄ᬩᬸᬤᬮ᭄᭞ᬧᬫᬃᬕ᭄ᬕᬶᬦᬾᬲᬤᭂᬕᭂᬮᬶᬲ᭄᭞ᬲᬭᬯᬸᬳᬾᬫᬭᬶᬂᬧᬸᬭ᭄ᬬ᭞ᬫᬵᬢᬹᬃᬭᬶᬂᬳᬶᬕᬸᬲ᭄ᬢᬶᬮᬶᬓᬸ᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᭂᬗᬢᬸᬭᬂ᭞ᬳᬶᬤᬗᬫ᭄ᬩᬶᬮ᭄᭞ᬭᬭᬶᬲ᭄ᬢᬶᬢ᭄ᬬᬂᬧᬫᬶᬢ᭄ᬩᬸᬤᬮ᭄᭟ᬧ᭄ᬭᬫᬷᬰ᭄ᬯ
ᬭᬷᬫᬗ᭄ᬓᬶᬦ᭄ᬓᭀᬘᬧ᭄᭞ᬗᬦ᭄ᬤᬶᬓᬭᬶᬂᬩᬬᬦ᭄ᬱᬗ᭄ᬳᬶᬢ᭄᭞ᬚᭂᬫᬓ᭄‌‌ᬓᬾᬭᬸᬚᬓᬾᬳᭂᬦ᭄ᬢᭀ᭞ᬳᬶᬩᬬᬦ᭄ᬲᬗ᭄ᬳᬶᬢ᭄ᬫᬢᬹᬃ᭞ᬲᬡ᭄ᬥᬶᬓᬦ᭄ᬘᭀᬓᭀᬃᬳᬶᬤᬾᬯᬵ᭞ᬭᬭᬶᬲ᭄ᬗᬵᬫ᭄ᬩᬶᬮ᭄᭞ᬭᬸᬚᬓ᭄‌‌ᬫ᭄ᬯᬤᬄ
ᬩᭀᬓᭀᬃᬳᭂᬫᬵᬲ᭄᭟ᬕᭂᬮᬶᬲ᭄ᬫᬗ᭄ᬓᬶᬦ᭄ᬫᭂᬗᬢᬸᬭᬂ᭞ᬫᬭᬶᬂᬳᬤᬧ᭄ᬭᬫᬷᬰ᭄ᬯᬭᬷ᭞ᬭᬭᬶᬲ᭄ᬫᭂᬗᬚᭂᬗᬂᬧᬺᬜ᭄ᬚᬓ᭄᭞ᬯᬾᬦ᭄ᬢᭂᬦ᭄‌‌ᬯᬳᬸᬓᬮᬶᬄᬲᬶᬤᬸ᭞ᬫ᭄ᬭᬲᬯᭂᬢᭂᬗᬾᬲᬸᬗ᭄ᬓᬦ᭄᭞ᬩᬬᬦ᭄ᬲᬗ᭄ᬳᬶᬢ᭄᭞ᬢᬸᬮᬸᬂ
ᬦᬶᬋᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭟ᬢᬦᬸᬭᬸᬗᭂᬦ᭄‌‌ᬦᬶᬋᬧᭂᬚᬄ᭞ᬦᬾᬩᬲᬂᬦᬶᬭᬦᬾᬱᬓᬶᬢ᭄᭞ᬧᬜ᭄ᬭᭀᬯᬦᬾᬧᬥᬳᬾᬗ᭄ᬕᬮ᭄᭞ᬫᬫᭂᬘᬶᬓᬶᬦ᭄ᬮᬾᬦ᭄‌‌ᬫᬜᬶᬫ᭄ᬩᬸᬄ᭞ᬭᬤᬾᬦ᭄ᬤᬾᬯᬷᬳᬶᬤᬜᬸᬦ᭄ᬤᬂ᭞

[᭘ 8A]
᭘
ᬧ᭄ᬭᬫᬷᬰ᭄ᬯᬭᬷ᭞ᬫᭂᬦᬗᬶᬲ᭄ᬫᬗ᭄ᬭᬭᬶᬲᬾᬤ᭄ᬥᬵ᭟ᬢᬗᬶᬲᬾᬫᬩ᭄ᬬᬬᬸᬯᬦ᭄᭞ᬳᬤᬜᭂᬭᬶᬢ᭄‌‌ᬬᭂᬫᬗ᭄ᬮᬶᬮᬶᬂ᭞ᬲᬳᬶᬲᬶᬦ᭄‌‌ᬚ᭄ᬭᭀᬦᬾᬳᭀᬜᬗᬦ᭄᭞ᬢᬗᬶᬲᬾᬫᬦᬸᬤᬸᬢ᭄ᬓᬬᬸᬦ᭄᭞ᬰ᭄ᬯᬭᬓᬤᬶᬳᬶᬲ
ᬤ᭄ᬧᬥᬵ᭞ᬫᬗ᭄ᬭᭂᬋᬗᬶ᭞ᬧᬕ᭄ᬭᬶᬬᭂᬂᬗᭂᬜᬕᬂᬫᬦᬄ᭞ᬭᬤᬾᬦ᭄ᬤᬾᬯᬷᬩᬄᬫᬕᬸᬬᬂ᭞ᬤᬶᬦᬢᬳᬾᬬᭂᬫᬗ᭄ᬮᬶᬮᬶᬂ᭞ᬢᬗᬦ᭄ᬘᭀᬓᭀᬭᬾᬫᬗᭂᬚᭂᬃ᭞ᬢᬗᬶᬲᬾᬫᬗᭂᬢᬸᬲ᭄ᬓᬬᬸᬦ᭄᭞ᬓᬤᬶᬲᬸᬡ᭄ᬥᬭᬶᬓ
ᬗᬶᬦᬦ᭄᭞ᬫᬗᬺᬋᬗᬶᬄ᭞ᬗᬰᬶᬳᬰᬶᬄᬗᬫ᭄ᬮᬲ᭄ᬧ᭄ᬭᬡᬵ᭟ᬲᬲᬵᬫ᭄ᬩᬢᬾᬦᬸᬤᬸᬢ᭄ᬘᬶᬢ᭄ᬣᬵ᭞ᬫᭂᬕᬢ᭄ᬫᭂᬕᬢ᭄ᬫᬶᬚᬶᬮ᭄‌‌ᬯᬸᬯᬸᬲ᭄ᬭᬭᬶᬲ᭄᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬜᭂᬡᬂ᭞ᬚᬦᬶᬓᬢᬶᬗ᭄ᬕᬵᬮᬦ᭄ᬳᬶᬪᬸ᭞ᬬᬾᬦᬶᬂᬩ᭄ᬬᬂ
ᬓᬭᬶᬲᭀᬯᬾᬘ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬱᬋᬂᬧ᭄ᬚᬄ᭟ᬬᬤᬶᬦ᭄ᬳᬶᬤᬸᬧ᭄ᬗᬯᬾᬳᬾᬭᬂ᭞ᬱᬧᭂᬲᬶᬭᬫᬗᭀᬮᬲᬶᬦ᭄᭞ᬓᬲᬗ᭄ᬲᬭᬦ᭄ᬢᬶᬢ᭄ᬬᬂᬤᬾᬯ᭞ᬲᬂᬧ᭄ᬭᬪᬸᬢ᭄ᬯᬭᬫᬗ᭄ᬭᬸᬗᬸ᭞ [ 9 ][᭘ 8B]
᭘
ᬤᬾᬯᬭᬢᬸᬳᬫ᭄ᬩᬶᬮ᭄ᬢᬶᬢ᭄ᬬᬂ᭞ᬫᬗ᭄ᬤᬾᬕᭂᬮᬶᬲ᭄᭞ᬢᬶᬢ᭄ᬬᬂᬓᬧᬗ᭄ᬕᬶᬄᬭᬶᬂᬳᬶᬩ᭄ᬬᬂ᭟ᬓᬾᬦᬾᬯᬶᬥᬶᬦᬾᬦᬸᬤᬸᬳᬂ᭞ᬫᬗ᭄ᬤᭂᬧᬗ᭄ᬕᬶᬄᬓᬤᬶᬫᬗ᭄ᬓᬶᬦ᭄᭞ᬓᬾᬦ᭄ᬓᬾᬦ᭄ᬧᬓᬾᬃᬢ᭄ᬣᬶᬦᬾᬲᬸᬩ᭞ᬲᬗ᭄ᬲ
ᬭᬢᬶᬢ᭄ᬬᬂᬦᬸᬳᬶᬤᬸᬧ᭄᭞ᬢᬹᬃᬤᬤᬶᬳᬸᬘᬧ᭄ᬳᬸᬘᬧᬦ᭄᭞ᬜᬾᬦ᭄ᬫᬦᭀᬮᬶᬄ᭞ᬳᬯᬓ᭄ᬤᬤᬶᬓᬓᬸᬢᬗᬦ᭄᭟ᬯᭀᬂᬚ᭄ᬭᭀᬦᬾᬧᬥᬫᭂᬜᬕ᭄ᬚᬕ᭄᭞ᬳᬶᬩᬬᬦ᭄ᬫᬶᬯᬄᬳᬶᬲᬗ᭄ᬳᬶᬢ᭄᭞ᬧᬲᬸᬳ
ᬢᬹᬃᬜᬦᬾᬤᬫ᭄ᬤᬫ᭄᭞ᬳᬤᬸᬄᬤᬾᬯᬢᬶᬢ᭄ᬬᬂᬭᬢᬸ᭞ᬳᬸᬲᬦᬂᬳᬶᬤᬾᬯᬮᬭᬵ᭞ᬤᬸᬄᬫᬵᬲ᭄ᬫᬡᬶᬓ᭄᭞ᬳᬧᬗ᭄ᬥᭂᬘᬬᬦᬾᬳᬶᬮᬂ᭟ᬢᬹᬃᬓᬗᭂᬦ᭄ᬢᬶᬢ᭄ᬬᬂᬦᬶᬗᭂᬳᬂ᭞ᬩᬲ᭄ᬗᬸᬮᬸᬭᬶᬦ᭄ᬓᬬᬸᬦ᭄ᬱ᭄ᬥᬶᬄ᭞ᬲᬂᬗ
ᬬᬸᬗᬦ᭄ᬤᬶᬓᬳᬮᭀᬦ᭄᭞ᬳᬧᬧ᭄ᬯᬭᬦᬶᬭᬳᬶᬤᬸᬧ᭄᭞ᬫᬦᬤᬶᬳᬸᬘᬧᬦ᭄ᬚᬵᬕᬢ᭄᭞ᬲᬳᬶᬲᬳᬶ᭞ᬲᬸᬓᬬᬦ᭄ᬗᭂᬫᬲᬶᬦ᭄ᬧ᭄ᬚᬄ᭟᭜᭟ᬧᬸᬧᬸᬄᬓᬸᬫᬫ᭄ᬩᬂ᭟᭜᭟ᬫᬯᬸᬯᬸᬄᬯᬸᬯᬸᬄᬮᬭ

[᭙ 9A]
᭙
ᬦᬾᬭᬤᬾᬦ᭄ᬤᬾᬯᬷ᭞ᬓᬓᬸᬯᬸᬗᬾᬳᬶᬮᬂ᭞ᬯᬲ᭄ᬢᬺᬓᬸᬭᬸᬩ᭄ᬤᬵᬓᬶᬩᭂᬗᬶᬮ᭄᭞ᬕ᭄ᬮᬸᬂᬓᬮᬸᬓᬃᬢ᭄ᬣᬦ᭄ᬓᬳᬾᬢᬂ᭟ᬭᬭᬶᬲ᭄ᬭᬯᬸᬄᬢᬸᬫᬶᬦᬾᬫᬗᬰᬶᬳᬰᬶᬄ᭞ᬤᬸᬄᬭᬢᬸᬫᬵᬲ᭄ᬢᬶᬢ᭄ᬬᬂ᭞ᬩᭀ
ᬬᬘᬶᬗᬓ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬚᬮᬦ᭄ᬩᬋᬂᬫᬗᬵᬲ᭄ᬢᬵᬧ᭟ᬭᬤᬾᬦ᭄ᬤᬾᬯᬷᬳᬢᬸᬭᬾᬓᬯ᭄ᬮᬲ᭄ᬳᬰᬶᬄ᭞ᬳᬶᬗ᭄ᬕᬶᬄᬲᬸᬃᬬ᭄ᬬᬦᬶᬦ᭄ᬩ᭄ᬬᬂ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬭᬶᬳᬾᬮᬶᬂ᭞ᬗᬗ᭄ᬕᬾᬦ᭄ᬢᬶᬢ᭄ᬬᬂᬳᭀᬓᬲᬲᬃ᭟ᬲᬶᬭ
ᬩᬬᬦ᭄ᬲᬗ᭄ᬳᬶᬢ᭄ᬤᬶᬢᬸᬫᬦᬸᬮᬸᬭᬶᬦ᭄᭞ᬫᬜᬗ᭄ᬓᭀᬮ᭄ᬭᬳᬤ᭄ᬬᬦ᭄᭞ᬯᬲ᭄ᬢ᭄ᬭᬺᬭᬸᬭᬸᬩ᭄ᬓᬮᬸᬕᬲᬶᬦ᭄᭞ᬭᬭᬶᬲ᭄ᬳᬶᬤᬓᬲᬶᬭᬫᬂ᭟ᬘᬬᬦ᭄ᬳᬶᬤᬘᬘᬶᬗᬓᬾᬮᬸᬭᬸᬫᬵᬦᬶᬲ᭄᭞ᬓᬳᭂᬲᬾᬳᬶᬦ᭄ᬯ
ᬲ᭄ᬢ᭄ᬭᬺ᭞ᬓ᭄ᬳᬸᬗ᭄ᬕᬳᬂᬭᬶᬂᬓᬲᬸᬃᬰᬭᬷ᭞ᬭᬭᬶᬲ᭄ᬓᬵᬢᬸᬭᬦ᭄ᬳᬬᬸᬦᬦ᭄᭟᭜᭟ᬧᬸᬧᬸᬄᬥᬹᬃᬫ᭄ᬫᬵ᭟᭜᭟ᬢᬦ᭄ᬘᬭᬶᬢ᭄ᬣᬵᬧᭀᬮᬳᬾᬲᬂᬧᬸᬢ᭄ᬭᬷᬮᬭᬵ᭞ᬲᬂᬮᬶᬡᬲᬵᬫ᭄ᬧᬸᬦ᭄ᬓᭂᬩᬱ᭄ᬫᬶ᭞ᬧᬸᬧᬸᬢᬶᬂᬧᬺᬢᬾᬓ [ 10 ][᭙ 9B]
᭙
᭞ᬯᬾᬦ᭄ᬢᭂᬦ᭄ᬫᬵᬮᬶᬄᬘᬭᬶᬢᬬᬂ᭞ᬧ᭄ᬭᬪᬸᬓᭀᬭᬶᬧᬦ᭄ᬓᬯᬃᬡ᭄ᬦᬶ᭞ᬲᬸᬩᬤᬯᬸᬄᬧᬶᬲᬦ᭄᭞ᬭᬶᬂᬩᬜ᭄ᬘᬶᬗᬄᬓᬢᬗ᭄ᬓᬶᬮᬶᬦ᭄᭟ᬧᭂᬧᭂᬓ᭄ᬧᬸᬗ᭄ᬕᬯᬫᬦᬗ᭄ᬓᬶᬮᬶᬦ᭄ᬲᬂᬦᬵᬣ᭞ᬩ᭄ᬭᬵᬳ᭄ᬫᬵᬦᬱᬢ᭄ᬭ᭄ᬬᬲᬸᬮᬶ
ᬗ᭄ᬕᬶᬄ᭞ᬧᬬᬲᬾᬤᬸᬫᬶᬮᬄ᭞ᬓᬲᬸᬦ᭄ᬤᬵᬭᬦ᭄ᬢᬾᬚᬲᬸᬃᬬ᭄ᬬ᭞ᬢᭀᬂᬳᬤᬩᬓᬮ᭄ᬘᬾᬤᬦᬶᬦ᭄᭞ᬩᬵᬦ᭄ᬓᬯᬶᬩᬯᬦ᭄᭞ᬲᬯᬗᬂᬭᬢᬸᬤᬶᬢᬸᬮᬶᬲ᭄᭟ᬭᬭᬶᬲ᭄ᬳᬶᬤᬲᬂᬧ᭄ᬭᬪᬸᬗᬦ᭄ᬤᬶᬓᬩᬦ᭄ᬩᬦ᭄᭞ᬫ
ᬋᬧ᭄ᬭᬶᬂᬳᬶᬕᬸᬲ᭄ᬢᬶᬧᬢᬶᬄ᭞ᬩᬧᬦᬶᬗᭂᬄᬳᭀᬃᬢ᭄ᬣᬵ᭞ᬓᭀᬘᬧ᭄ᬳ᭄ᬬᬤᬶᬫᬭᬶᬂᬤᬳ᭞ᬓᬢᬶᬗ᭄ᬕᬮᬦ᭄ᬧ᭄ᬭᬫᬷᬰ᭄ᬯᬭᬷ᭞ᬳᬶᬮᬶᬓᬸᬗᭂᬮᬄ᭞ᬯᬯᬾᬓᬦᬾᬫᬗ᭄ᬭᬘᬸᬦᬶᬦ᭄᭟ᬭᬭᬶᬲ᭄ᬫᬵᬢᬹᬃᬳᬶᬧᬢᬶᬄᬳᬢᬸ
ᬭᬾᬲᭂᬫ᭄ᬧ᭄ᬬᬃ᭞ᬳᬶᬗ᭄ᬕᬶᬄᬭᬢᬸᬦ᭄ᬭᬧᬢᬶ᭞ᬢᬶᬢ᭄ᬬᬂᬫᭂᬗᬢᬸᬭᬂ᭞ᬧᬫᬃᬕ᭄ᬕᬶᬦ᭄ᬭᬳᬶᬦ᭄ᬳᬶᬤᬾᬯ᭞ᬳᬶᬮᬶᬓᬸᬲᬦᬾᬓᬧᬸᬚᬶ᭞ᬫᬸᬗ᭄ᬕᬄᬭᬶᬂᬧᬸᬭ᭞ᬓᬚᭂᬦᬗᬂᬧ᭄ᬭᬫᬷᬰ᭄ᬯᬭᬷ᭟ᬓᬮᬶᬄᬳᬶᬤᬳᬶᬤᬾᬯᬷᬘᬡ᭄ᬥᬺ

[᭑᭐ 10A]
᭑᭐
ᬓᬶᬭᬡ᭞ᬲᬦᬾᬓᬢᬶᬗ᭄ᬕᬮᬦ᭄ᬩᬶᬩᬶ᭞ᬦᬾᬦ᭄ᬢᭂᬦ᭄ᬓᬭᬸᬗᬸᬯᬂ᭞ᬜᬩ᭄ᬭᬦ᭄ᬤᬶᬦᬳᬶᬤᬮᬭᬵ᭞ᬳᬬᬸᬦᬾᬮ᭄ᬯᬶᬃᬓ᭄ᬓᬤᬶᬭᬢᬶᬄ᭞ᬢᭀᬂᬜᬦ᭄ᬤᬂᬧᬥ᭞ᬤᬶᬚᬕᬢᬾᬢᬦ᭄ᬧᬢᬦ᭄ᬤᬶᬂ᭟ᬳᬫᬸᬂᬳᬶᬕ
ᬮᬸᬄᬳᬚᭂᬫᬗ᭄ᬓᬶᬦ᭄ᬓᭂᬲᬬᬗᬂ᭞ᬳᭀᬓᬦᬾᬲᬦᬾᬧᬦᬯᬶᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬚᬦᬶᬓᬾᬦ᭄ᬓᬾᬦ᭄ᬩᬵᬦ᭄ᬫᬤᬬ᭞ᬫᬗᬮᬶᬳᬂᬓᬤᬶᬓᬤᬶ᭞ᬫᬗ᭄ᬤᭂᬓᬲᬶᬤᬦ᭄᭞ᬩᬧᬫᬓᭂᬡᬄᬫᬫᬤᬶ
ᬓ᭄᭟ᬭᬭᬶᬲ᭄ᬳᬶᬤᬗᭂᬲᬾᬗᬶᬦ᭄ᬲᬂᬭᬵᬚᬧᬸᬢᬻ᭞ᬭᬤᬾᬦ᭄ᬲ᭄ᬫᬭᬦᬸᬲᬧᬢᬶ᭞ᬧᬋᬓ᭄ᬓᬩᭂᬜ᭄ᬘᬶᬗᬄ᭞ᬳᬦ᭄ᬢᬸᬓ᭄‌‌ᬯᬾᬦ᭄ᬢᭂᬦ᭄ᬩᬯᭀᬲ᭄ᬩᬸᬯᬢ᭄᭞ᬧᬋᬓᬦᬾᬘ᭄ᬭᬶᬓ᭄ᬗᬢᬸᬭᬶᬦ᭄᭞ᬭᬶᬂᬧᬸᬭᬶᬳᬜᬃ
ᬕᭂᬦᬄᬳᬶᬤᬬᭂᬫᬮᬶᬗ᭄ᬕᬶᬄ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬂᬭᬵᬚᬧᬸᬢ᭄ᬭᬶᬫᬧᬬᬲ᭄᭞ᬧᬗᬗ᭄ᬕᭀᬦᬾᬲᬃᬯ᭄ᬯᬡ᭄ᬦᬯᬶᬄ᭞ᬫᭂᬓᬵᬫ᭄ᬧᬸᬄᬕᬕᬸᬮᬂᬕᬤᬂ᭞ᬫᬧ᭄ᬭᬤᬫᭂᬤᬲᬃᬢ᭄ᬣᬵᬗᬶ᭞ᬫᭂ [ 11 ][᭑᭐ 10B]
᭑᭐
ᬤᬲ᭄ᬢᬃᬲᭀᬂᬓᬾᬢᬾᬡ᭄ᬦᬯᬶᬄ᭞ᬫᬩᬸᬮᬂᬲᬸᬢ᭄ᬭᬦᬾᬤᬤᬸ᭞ᬮᬦ᭄ᬤᬾᬬᬦᬾᬢᭀᬕᭀᬕ᭄ᬳᭂᬫᬵᬲ᭄᭞ᬫᬲᭀᬘᬯᬶᬦ᭄ᬢᭂᬦ᭄ᬗᬾᬤᬦᬶᬦ᭄᭞ᬗᭂᬡ᭄ᬥᬶᬄᬫᬸᬭᬸᬩ᭄᭞ᬲᬵᬫ᭄ᬧᬶᬭᬦᬾᬧᬾᬮᬾᬢ᭄ᬫᬩᭂᬗᭂ
ᬤ᭄᭟ᬲᬶᬧᬢ᭄ᬳᬮᬶᬲᬾᬫᬍᬜᬤ᭄᭞ᬗᭂᬦ᭄ᬢᬶᬓᬂᬘᬘᬶᬗᬓ᭄ᬫᬵᬦᬶᬲ᭄᭞ᬫᬲᭂᬧᬶᬤ᭄ᬢᬫ᭄ᬩᬸᬮᬶᬮᬶᬗᬦ᭄᭞ᬳᬸᬦ᭄ᬢᬸᬦᬾᬫᬓᬤᭂᬩᭂᬘᬶᬓ᭄᭞ᬫᭂᬕᬢᬺᬕᬢᬺᬓ᭄ᬭᬵᬯᬶᬲ᭄᭞ᬓᭂᬘᬸᬳᬦ᭄ᬮᬫ᭄ᬩᬾᬦᬾᬜᬸ
ᬜᬸᬃ᭞ᬯᬮᬸᬬᬲᬗ᭄ᬳ᭄ᬬᬂᬲ᭄ᬫᬭ᭞ᬧ᭄ᬭᬕᬬᬦ᭄ᬤᬾᬯᬢ᭄ᬣᬵᬡ᭄ᬦᬯᬶᬄ᭞ᬗᬯᬾᬘᬸᬫ᭄ᬧᬸ᭞ᬦᬸᬭᬄᬭᬢᬸᬕᭂᬕᬫ᭄ᬩᬵᬭᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬤᬫᭂᬧᬬᬲ᭄᭞ᬭᬯᬸᬄᬧᬋᬓᬦ᭄ᬗᬵᬢᬸᬭᬶᬦ᭄᭞ᬳᬸᬢᬸᬲᬦ᭄ᬳᬶ
ᬤᬲᬂᬦᬵᬣ᭞ᬲᬂᬭᬵᬚᬧᬸᬢᬺᬫᬫᬃᬕ᭄ᬕᬶ᭞ᬲᬸᬧᬘᬭᬦᬾᬫᬗᬶᬭᬶᬂ᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬮᬸᬳᬸᬂ᭞ᬲᬭᬯᬸᬳᬾᬭᬶᬂᬩᬜ᭄ᬘᬶᬗᬄ᭞ᬲᬂᬭᬵᬚᬧᬸᬢᬺᬗᬸᬪᬓ᭄ᬢᬶ᭞ᬳᬶᬤᬤ᭄ᬯᬕᬸᬂ᭞ᬗᬦ᭄ᬤᬶᬓᬫᬳᬶᬫᭂᬦᬾ

[᭑᭑ 11A]
᭑᭑
ᬓᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬸᬗ᭄ᬕᬳᬦ᭄᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬩᭂᬘᬶᬓ᭄᭞ᬢᬗ᭄ᬓᬶᬮᬦᬾᬭᬶᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬓᬾᬦ᭄ᬓᬾᬦ᭄ᬓᭂᬡᬄᬩᬧᬚᬦᬶ᭞ᬢᭀᬳᬤᭂᬫᬶᬲᬦ᭄ᬳᬶᬩ
ᬕᬸᬲ᭄᭞ᬳᬶᬕᬮᬸᬄᬘᬡ᭄ᬥᬺᬓᬶᬭᬡ᭞ᬳᬬᬸᬦᬾᬢᬦ᭄ᬲᬶᬧᬶᬲᬶᬧᬶ᭞ᬮᬶᬦ᭄ᬢᬂᬳᬬᬸ᭞ᬭᬸᬧᬦᬾᬫᭂᬗᬬᬂᬗᬬᬂ᭟ᬳᭀᬓᬦ᭄ᬳᬶᬬᬚᬶᬭᬶᬂᬤᬳ᭞ᬦᬗ᭄ᬳᬶᬂᬢ᭄ᬯᬭᬗᭂᬮᬄᬩᬶᬩᬶ᭞ᬳᬶᬬᬚᬶᬢ᭄ᬯᬭᬗ᭄ᬭᬸ
ᬗᬸᬯᬂ᭞ᬬᬾᬦ᭄‌‌ᬢ᭄ᬯᬭᬳᬶᬤᬾᬯᬗᬵᬫ᭄ᬩᬶᬮ᭄᭞ᬢᬦᬸᬭᬸᬗᭂᬦ᭄‌‌ᬚ᭄ᬗᬄᬢᭂᬧᬸᬓᬶᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬵᬢᬹᬃᬳᬮᬸᬲ᭄᭞ᬫᬶᬯᬄᬢ᭄ᬓᬾᬦ᭄‌‌ᬢᭀᬕᭀᬕ᭄ᬳᬧᬲᬂ᭞ᬲ᭄ᬚᬯᬦᬶᬂᬫᭂᬦᬾᬓ᭄ᬤᬶᬢᬸᬮᬶᬲ᭄᭞ᬳᬶᬤ
ᬤ᭄ᬯᬕᬸᬂ᭞ᬫᬵᬮᬶᬄᬳᬶᬤᬫᭂᬗᬦ᭄ᬤᬶᬓ᭟ᬳᬶᬧᬢᬶᬄᬚᬦᬶᬫᭂᬚᬮᬦ᭄᭞ᬜᬯᬸᬫᬦ᭄ᬗᬵᬢᬸᬭᬂᬢᬸᬮᬶᬲ᭄᭞ᬫᬶᬯᬄᬢ᭄ᬓᬾᬦ᭄‌‌ᬢᭀᬕᭀᬕ᭄ᬳᬧᬲᬂ᭞ᬲ᭄ᬚᬯᬦᬶᬂᬫᭂᬦᬾᬓ᭄ᬤᬶᬢᬸᬮᬶᬲ᭄᭞ᬩᬶᬲᭂᬳᬶᬧᬢᬶᬄ [ 12 ][᭑᭑ 11B]
᭑᭑
ᬗᭂᬡᬳᬶᬦ᭄᭞ᬳᬶᬧᬢᬶᬄᬫᬜᬸᬫ᭄ᬩᬄᬫᬵᬢᬹᬃ᭞ᬲᬦ᭄ᬤᬶᬓᬦ᭄‌‌ᬘᭀᬓᭀᬃᬳᬶᬤᬾᬯ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕᬺᬧᬫᬶᬢ᭄᭞ᬧᬥᬫᬵᬦ᭄ᬢᬸᬓ᭄᭞ᬢᬗ᭄ᬓᬶᬮᬦᬾᬫᬮᬸᬘᬭᬦ᭄᭟ᬳᬶᬧᬢᬶᬄᬕᭂᬮᬶᬲ᭄ᬫᭂ
ᬚᬮᬦ᭄᭞ᬫᬡᬕᬓᬶᬦ᭄ᬓᬸᬤᬧᬸᬢᬶᬄ᭞ᬧᬗᬶᬭᬶᬗᬾᬢᬶᬕᬂᬤᬵᬰ᭞ᬮᬧᬳᬾᬭᬳᬶᬦᬯᭂᬗᬶ᭞ᬫᭂᬕᬢ᭄ᬳᬮᬲ᭄ᬕᬸᬦᬸᬂᬰ᭄ᬭᬶᬧᬶᬢ᭄᭞ᬢᬦ᭄ᬳᬸᬘᬧᬂᬲᬵᬫ᭄ᬧᬸᬦ᭄ᬭᬵᬯᬸᬄ᭞ᬫᬭᬶᬂᬢ᭄ᬧᬶᬦᬕᬭᬤᬳ
᭞ᬲᬂᬧ᭄ᬭᬪᬸᬲ᭄ᬥᭂᬓ᭄‌‌ᬓᬢᬗ᭄ᬓᬶᬮ᭄᭞ᬲᬕᬾᬢ᭄ᬭᬯᬸᬄ᭞ᬳᬸᬢᬸᬲᬦᬾᬭᬶᬩᬜ᭄ᬘᬶᬗᬄ᭟ᬕᭂᬮᬸᬲᬂᬧ᭄ᬭᬪᬸᬫᬜᬶᬗᬓ᭄᭞ᬢᬗ᭄ᬓᬶᬮᬦᬾᬲᬵᬫᬶᬕᬶᬮᬶᬄ᭞ᬳᬶᬧᬶᬄᬜᭀᬂᬓᭀᬓ᭄ᬫᬵᬜᬸᬫ᭄ᬩᬄ᭞ᬢᬶᬢ᭄ᬬᬂ
ᬦᬸᬦᬲ᭄ᬮᬸᬕᬺᬫᬗ᭄ᬓᬶᬦ᭄᭞ᬓᭂᬜᭂᬫ᭄ᬲᬂᬧ᭄ᬭᬪᬸᬜᬯᬸᬭᬶᬦ᭄᭞ᬫᬳᬶᬫᭂᬦᬾᬓᬦ᭄ᬫᬵᬮᬸᬗ᭄ᬕᬸᬄ᭞ᬫᬳᬶᬧᬳᬓᬂᬫᬡᬕᬓ᭄᭞ᬳᬶᬧᬢᬶᬄᬓᬵᬮᬶᬄᬜᬸᬫ᭄ᬩᬄᬕ᭄ᬮᬶᬲ᭄᭞ᬳᬶᬤᬤ᭄ᬯᬕᬸᬂ᭞ᬓᭂᬜᭂ

[᭑᭒ 12A]
᭑᭒
ᬫ᭄‌‌ᬫᬮᬶᬄᬫᭂᬗᬦ᭄ᬤᬶᬓ᭟ᬢᬸᬫ᭄ᬩᬾᬦ᭄ᬱᬦ᭄ᬳᬶᬧᬢᬶᬄᬢ᭄ᬓᬵ᭞ᬓᬳᬸᬢᬸᬲ᭄ᬩᬳᬦ᭄ᬳᬶᬩᭂᬮᬶ᭞ᬲᬶᬦᬳᬤᭂᬧᬘᬂᬩ᭄ᬯᬢ᭄᭞ᬓᬃᬱᬬᬂᬳᬶᬩᭂᬮᬶᬤᬶᬦᬶ᭞ᬳᬶᬧᬢᬶᬄᬬᭂᬫᬵᬢᬹᬃᬪᬓ᭄ᬢᬶ᭞ᬯᬾᬦ᭄ᬢᭂᬦ᭄‌‌
ᬧᬶᬲᬦ᭄ᬭᬢᬸᬤ᭄ᬯᬕᬸᬂ᭞ᬧᬗᬃᬱᬦ᭄ᬭᬓᬦ᭄ᬳᬶᬤᬾᬯ᭞ᬫᬯᬶᬦᬦ᭄ᬚᭂᬢᬶᬢ᭄ᬬᬂᬢᬗ᭄ᬓᬶᬮ᭄᭞ᬭᬢᬸᬤ᭄ᬯᬕᬸᬂ᭞ᬦᬶᬓᬶᬲᬸᬭᬢ᭄ᬭᬓᬦ᭄ᬳᬶᬤᬵ᭟ᬲᬂᬧ᭄ᬭᬪᬸᬭᬭᬶᬲ᭄ᬫᬵᬜᬶᬗᬓ᭄᭞ᬲᬸᬭᬢᬾᬭᬭᬶᬲ᭄‌‌ᬓ᭄ᬧᬯᭀᬲᬶ
ᬦ᭄᭞ᬲᬵᬫ᭄ᬧᬸᬦ᭄ᬫᬶᬤᬃᬢ᭄ᬣᬭᬶᬂᬲᬸᬭᬢ᭄᭞ᬲᭂᬤᬕᬶᬂᬲᬸᬭᬢᬾᬲᬵᬫᬶ᭞ᬳᬶᬧᬢᬶᬄᬫᬵᬢᬹᬃᬗ᭄ᬮᬸᬦ᭄ᬢᬸᬭᬶᬦ᭄᭞ᬲᬧᬸᬦᬶᬓᬭᬢᬸᬤ᭄ᬯᬕᬸᬂ᭞ᬳᬫ᭄ᬧᬸᬭᬭᬓᬦ᭄ᬳᬶᬤᬾᬯ᭞ᬲ᭄ᬯᬾᬘᬳᬶᬤᬾᬯᬦᬕᬶᬗᬶᬦ᭄᭞
ᬫᬗ᭄ᬤᬾᬦᬸᬮᬸᬲ᭄᭞ᬓ᭄ᬬᬸᬦ᭄‌‌ᬘᭀᬓᭀᬃᬤᬾᬯᬫᭂᬭᬓ᭟ᬲᬂᬧ᭄ᬭᬪᬸᬓᭂᬜᭂᬫᬶᬋᬂᬗᬂ᭞ᬳᬢᬸᬭᬾᬳᬶᬧᬢᬶᬄᬓᬮᬶᬄ᭞ᬓ᭄ᬬᬸᬦᬾᬧᬘᬂᬫᬜᭂᬭᬳᬂ᭞ᬓᬮᬶᬂᬓᬾᬫᬵᬤᬦ᭄ᬳᬩᭂᬲᬶᬓ᭄᭞ᬫ [ 13 ][᭑᭒ 12B]
᭑᭒
ᬓᭂᬤᬤ᭄ᬯᬓᭂᬳᬢᬸᬭᬶᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬳᬢᬸᬭᬂᬩᬧᬗᬢᬸᬭᬂ᭞ᬧᬶᬤᬦ᭄ᬓᬬᬸᬦ᭄ᬳᬶᬤᬗᬫ᭄ᬩᬶᬮ᭄᭞ᬳᬧᬂᬭᬯᬸᬄ᭞ᬳᬶᬪᬕᬸᬲ᭄ᬫᬳᬶᬜᬸᬯᬂ᭟ᬳᬶᬧᬢᬶᬄᬳᬾᬕᬃᬦᬶᬗᭂᬳᬂ
᭞ᬧᬗᬦ᭄ᬤᬶᬓᬦ᭄ᬱ᭄ᬭᬷᬪᬸᬧᬢᬶ᭞ᬳᬦ᭄ᬢᬸᬓᬾᬓᬲᬶᬤᬦ᭄ᬓᬃᬬ᭄ᬬ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬫᬵᬮᬶᬄ᭞ᬚᬮᬦ᭄ᬳᬶᬧᬢᬶᬄᬓᬧᬸᬭᬶ᭞ᬢᬗ᭄ᬓᬶᬮᬦᬾᬩᬸᬤᬮ᭄ᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬗ᭄ᬭᬜ᭄ᬚᬶᬂᬓᬧᬸᬭ᭞ᬳᬶᬧᬢᬶᬄ
ᬢᬦ᭄ᬱᬄᬫᬗᬶᬭᬶᬂ᭞ᬲᬂᬓᬳᬸᬢᬸᬲ᭄᭞ᬫᬗ᭄ᬭᬜ᭄ᬚᬶᬂᬓᬧᭂᬲᬗ᭄ᬭᬳᬦ᭄᭟ᬲᬵᬫ᭄ᬧᬸᬦ᭄ᬲᭀᬭᬾᬫᭂᬤᬩ᭄ᬤᬩᬦ᭄᭞ᬳᬢᬸᬭᬶᬦ᭄ᬳᬶᬕᬸᬲ᭄ᬢᬶᬧᬢᬶᬄ᭞ᬧᬗᬬᬳᬾᬲᬲᭂᬮᬶᬭᬦ᭄᭞ᬳᬓᬾᬄᬳᬶᬧᬸᬦ᭄ᬧ᭄ᬢᬂ
ᬤᬭᬶ᭞ᬲᬵᬫᬶᬯᬯᬸᬫᬸᬗ᭄ᬕᬄᬓᭂᬮᬶᬄ᭞ᬢᬹᬃᬭᬸᬧᬦᬾᬮᬸᬳᬸᬂᬮᬸᬳᬸᬂ᭞ᬩᬶᬓᬲᬾᬫᭂᬗᬯᬾᬫᬾᬡ᭄ᬥᬻ᭞ᬳᬲᬶᬂᬲᭀᬮᬳᬂᬢ᭄ᬯᬶᬩᭂᬘᬶᬓ᭄᭞ᬭᬸᬧᬧᬰᬸᬄ᭞ᬧᬥᬦᬵᬫ᭄ᬧᭂᬩᭀᬓᭀᬃᬳ᭄ᬫᬵᬲ᭄᭟

[᭑᭓ 13A]
᭑᭓
ᬫᬗᭀᬚᭀᬕ᭄ᬓᬧᭂᬲᬗ᭄ᬭᬳᬦ᭄᭞ᬫᬵᬢᬹᬃᬭᬶᬂᬳᬶᬕᬸᬲ᭄ᬢᬶᬧᬢᬶᬄ᭞ᬓᭂᬜᭂᬫ᭄‌‌ᬜᭀᬂᬓᭀᬓ᭄ᬗᬯᬾᬭᬭᬲ᭄᭞ᬧᭂᬲᬸᬳᬢᬹᬃᬜ᭄ᬜᬦᬾᬫᬦᬶᬲ᭄᭞ᬳᬶᬗ᭄ᬕᬶᬄᬕᬸᬲ᭄ᬢᬶᬧᬢᬶᬄᬓᬮᬶᬄ᭞ᬢᬶᬢ᭄ᬬᬂᬳᬸᬢᬸᬲ
ᬦ᭄ᬲᬂᬧ᭄ᬭᬪᬸ᭞ᬧᬋᬓ᭄ᬗᬵᬢᬸᬭᬂᬳᬬᬸᬦᬦ᭄᭞ᬓᭂᬜᬶᬂᬳᬶᬧᬢᬶᬄᬜᬯᬸᬭᬶᬦ᭄᭞ᬫᬳᬶᬮᬯᬸᬢ᭄᭞ᬫᬳᬶᬓᬾᬜᬳᬶᬫᭂᬦᬾᬓᬦ᭄᭟ᬭᬭᬶᬲ᭄ᬳᬶᬧᬢᬶᬄᬫᬦᬤᬄ᭞ᬫᬜᭂᬭᬾᬭᬾᬬᭂᬫᬓᭂᬜᬶᬂ᭞ᬩ
ᬲᬗᭂᬢ᭄ᬓᭂᬡᬳᬾᬫᬾᬡ᭄ᬥᬻ᭞ᬢ᭄ᬓᬾᬦᬶᬂᬦᬾᬦᬾᬫᭂᬗᬬᬳᬶᬦ᭄᭞ᬩᬵᬦ᭄ᬭᬸᬧᬦᬾᬳᬬᬸᬩᬗ᭄ᬓᬶᬢ᭄᭞ᬦᬾᬗᬬᬳᬶᬦ᭄ᬤᬤᬶᬗᬸᬦ᭄ᬢᬸᬓ᭄᭞ᬳᬮᬶᬲᬾᬮᬯᬸᬢ᭄ᬧᬘᬸᬓᬂ᭞ᬢᬗ᭄ᬓᭂᬧᬾᬗᬜᬸᬤᬂᬳᬢᬶ
᭞ᬯᬶᬭᬾᬳᬦᬸᬢ᭄᭞ᬩᬳᬦ᭄‌‌ᬜᬦ᭄ᬢᭂᬧᬂᬧᬮᬶᬬᬢ᭄᭟ᬯᬸᬲᬦ᭄ᬳᬶᬧᬢᬶᬄᬗᬚᭂᬗᬂ᭞ᬢ᭄ᬓᬾᬦᬶᬂᬳᬶᬭᬶᬗᬦᬾᬲᬵᬫᬶ᭞ᬧᬗᬬᬳᬾᬲᬵᬫᬶᬩᬸᬤᬮ᭄᭞ᬲᬂᬧ᭄ᬭᬪᬸᬫᬵᬮᬶᬄᬓᬾᬯᬃᬡ᭄ᬦᬶ᭞ᬳᬶᬕᬮᬸᬄᬳ [ 14 ][᭑᭓ 13B]
᭑᭓
ᬚᭂᬂᬓᬲᬾᬗᬶᬦ᭄᭞ᬓᬮᬶᬄᬤᬦᬾᬕᬸᬲ᭄ᬢᬶᬮᬶᬓᬸ᭞ᬲᬭᬯᬸᬳᬾᬜᭀᬂᬓᭀᬓ᭄ᬜᬸᬫ᭄ᬩᬄ᭞ᬦᬸᬦᬲ᭄ᬮᬸᬕᬺᬭᬶᬂᬳᬶᬬᬚᬶ᭞ᬳᬶᬤᬤ᭄ᬯᬕᬸᬂ᭞ᬗᬦ᭄ᬤᬶᬓᬫᬳᬶᬫᭂᬦᬾᬓᬦ᭄᭟ᬫᬳᬶᬧᬳᬓᬂᬫᬡᬕ
ᬓ᭄᭞ᬳᬶᬕᬮᬸᬄᬳᬚᭂᬂᬫᬳᬩᬶᬦ᭄᭞ᬦᬾᬳᬤᭂᬤᬾᬯᬭᬭᬧᬦ᭄᭞ᬦᬾᬢᭀᬕᭀᬕ᭄‌‌ᬢ᭄ᬯᬄᬓᬮᬶᬄᬲᬶᬓᬶ᭞ᬚᬸᬯᬂᬬᭂᬧᬥᬫᬩᭂᬲᬶᬓ᭄᭞ᬧᬓᬶᬭᬶᬫ᭄ᬳᬶᬩᭂᬮᬶᬪᬕᬸᬲ᭄᭞ᬳᬸᬮᬶ
ᬦᬕᬭᬓᭀᬭᬶᬧᬦ᭄᭞ᬳᬶᬤᬾᬯᬚᬦᬶᬫᬶᬮᬶᬳᬶᬦ᭄᭞ᬦᬾᬳᬳᬸᬓᬸᬤ᭄᭞ᬩᬳᬂᬳᬶᬘᬡ᭄ᬥᬺᬓᬶᬭᬡ᭟ᬳᬶᬕᬮᬸᬄᬳᬚᭂᬂᬫᬜᭂᬫᬓ᭄᭞ᬦᬾᬓᬧᬸᬢᬦᬾᬲᬸᬢᬺᬓᬸᬦᬶᬂ᭞ᬫᬧᭂᬜ᭄ᬚ
ᬳᬶᬢ᭄ᬓᬯᬢ᭄ᬳᭂᬫᬵᬲ᭄᭞ᬍᬕᭂᬓᬬᬸᬦᬾᬢᬦ᭄ᬲᬶᬧᬶ᭞ᬓᬭᬶᬢᭀᬕᭀᬕᬾᬳᬲᬶᬓᬶ᭞ᬫᬓᬧᬸᬢ᭄ᬩᬵᬦ᭄ᬲᬸᬢᬺᬩᬸᬮᬸᬓ᭄᭞ᬫᭂᬚᬳᬶᬢ᭄ᬩᬵᬦ᭄ᬩᭂᬦᬂᬩᭀᬮ᭞ᬭᬸᬧᬦ᭄ᬜᬵᬦᬾᬤᬓᬶᬩᭂᬗᬶ

[᭑᭔ 14A]
᭑᭔
ᬮ᭄᭞ᬳᬶᬤᬤ᭄ᬯᬕᬸᬂ᭞ᬭᬭᬶᬲ᭄ᬳᬶᬤᬫᭂᬗᬦ᭄ᬤᬶᬓ᭟ᬳᬶᬩᬬᬦ᭄ᬓᭂᬫᭂᬫᭂᬚᬮᬦ᭄᭞ᬩᬋᬂᬢ᭄ᬓᬾᬦᬶᬂᬳᬶᬲᬗ᭄ᬳᬶᬢ᭄᭞ᬢᭀᬕᭀᬕᬾᬓᭂᬫᭂᬳᬢᬸᬭᬂ᭞ᬢ᭄ᬓᬾᬦᬶᬂᬳᬶᬤᬭᬤᬾᬦ᭄ᬤᬾᬯᬷ᭞ᬳᬶᬩᬬ
ᬦ᭄ᬲᬗ᭄ᬳᬶᬢ᭄ᬗᬪᬓ᭄ᬢᬶ᭞ᬲᬵᬦ᭄ᬤᬶᬓᬦ᭄ᬳᬶᬤᬲᬂᬧ᭄ᬭᬪᬸ᭞ᬢᭀᬕᭀᬕᬾᬮᬦ᭄ᬢᬲ᭄ᬓᬲᬶᬗᬮ᭄᭞ᬧᬚᬮᬦᬾᬗᭀᬮᬄᬢᬗ᭄ᬓᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬜᭀᬂᬓᭀᬓ᭄ᬗᬵᬢᬸᬭᬶᬦ᭄ᬲᬂᬭᬢ᭄ᬡᬵ᭟᭜᭟ᬧᬸᬧᬸᬄ
ᬧᬗ᭄ᬓᬸᬃ᭟᭜᭟ᬳᬶᬗ᭄ᬕᬶᬄᬭᬢᬸᬭᬤᬾᬦ᭄ᬤᬾᬯ᭄ᬬ᭞ᬢᬶᬢ᭄ᬬᬂᬓᬸᬢᬸᬲ᭄ᬳᬦ᭄ᬢᬸᬓ᭄ᬱ᭄ᬭᬷᬦᬭᬧᬢᬶ᭞ᬫᭂᬗᬢᬸᬭᬂᬢᭀᬕᭀᬕ᭄ᬭᬢᬸ᭞ᬭᬭᬧᬦ᭄ᬲᬓᬶᬂᬓᭀᬭᬶᬧᬦ᭄᭞ᬭᬤᬾᬦ᭄ᬤᬾᬯᬶᬗᬵᬦ᭄ᬤᬶᬓᬫᭂᬲᬯᬂ
ᬗᬺᬗᬸᬢ᭄᭞ᬦᬾᬢᭀᬕᭀᬕ᭄ᬲᬶᬲᬦ᭄ᬧᬶᬮᬶᬳᬵ᭞ᬜᬳᬶᬓᬸᬢᬸᬲ᭄ᬗᬵᬩᭂᬫᬳᬶ᭟ᬳᬶᬩᬬᬦ᭄ᬲᬗ᭄ᬳᬶᬢ᭄ᬫᬵᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬤᬯᭂᬕ᭄ᬫᬵᬢᬹᬃᬰᬶᬱᬶᬧ᭄᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬳᬸᬦᬶᬂᬭ [ 15 ][᭑᭔ 14B]
᭑᭔
ᬢᬸ᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬗᬢᬸᬭᬂ᭞ᬧ᭄ᬭᬫᬷᬰ᭄ᬯᬭᬷᬫᬦᬶᬫ᭄ᬩᬮ᭄ᬳᬢᬸᬭᬾᬳᬮᬸᬲ᭄᭞ᬲᬵᬫ᭄ᬧᬸᬦᬂᬭᬢᬸᬫᬜ᭄ᬚᬗᬂ᭞ᬢ᭄ᬓᬢᬸᬦᬲᬶᬦ᭄ᬳᬶᬬᬚᬶ᭟ᬫᬵᬗ᭄ᬤᬲᬵᬫ᭄ᬧᬸᬦ᭄ᬳᬶᬤᬤᬸᬓ᭞ᬭᬭᬶᬲ᭄ᬫᬵᬢᬹᬃᬳᬶᬩᬬ
ᬦ᭄ᬲᬗ᭄ᬳᬶᬢ᭄ᬫᬧᬫᬶᬢ᭄᭞ᬢᬸᬮᬓ᭄ᬫᬵᬢᬹᬃᬭᬶᬂᬲᬂᬧ᭄ᬭᬪᬸ᭞ᬫᬚᬮᬦ᭄ᬕᬕᬜ᭄ᬘᬗᬦ᭄᭞ᬲᬭᬯᬸᬳᬾᬫᬵᬢᬹᬃᬜᬸᬫ᭄ᬩᬄᬭᬶᬂᬲᬂᬧ᭄ᬭᬪᬸ᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬫᭂᬗᬢᬸᬭᬂ᭞ᬭᬶᬂᬳᬶᬤᬭᬳᬤᬾᬦ᭄ᬤᬾᬯᬷ᭟ᬩᬾᬜ᭄ᬚᬂ
ᬲᭂᬫᭂᬗᬦ᭄ᬳᬸᬘᬧᬂ᭞ᬕᬸᬲ᭄ᬢᬶᬧᬢᬶᬄᬫᭂᬤᬩ᭄ᬤᬩ᭄ᬧᬘᬗ᭄ᬫᭂᬧᬫᬶᬢ᭄᭞ᬭᬭᬶᬲ᭄ᬧᬋᬓ᭄‌‌ᬭᬶᬂᬲᬂᬧ᭄ᬭᬪᬸ᭞ᬲᬭᬯᬸᬳᬾᬫᬵᬢᬹᬃᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᭂᬧᬫᬶᬢ᭄‌‌ᬦᬾᬫᬗ᭄ᬓᬶᬦ᭄ᬫᬵᬦ᭄ᬢᬸᬓ᭄᭞ᬲᬂᬧ᭄ᬭᬪᬸᬭ
ᬭᬶᬲ᭄ᬗᬵᬦ᭄ᬤᬶᬓ᭞ᬓᭂᬜᭂᬫ᭄ᬓᭂᬜᭂᬫ᭄ᬫᬜᬯᬸᬭᬶᬦ᭄᭟ᬳ᭄ᬦᬾᬩᬧᬫᬳᬂᬯᬲ᭄ᬢᬻ᭞ᬢ᭄ᬓᬾᬦ᭄ᬓᬵᬫ᭄ᬧᬸᬄᬫᬟᬸᬮᬸᬭᬦ᭄‌‌ᬍᬗᬶᬲ᭄ᬫᬶᬳᬶᬓ᭄᭞ᬳᭂᬩᭀᬦᬾᬫᬶᬳᬶᬓ᭄ᬫᬗᬮᬸᬩ᭄᭞ᬫᬗᭂᬩᭂᬓᬶᬦ᭄‌‌ᬚ᭄ᬭᭀᬧᬸᬭᬵ᭞ᬕᬸ

[᭑᭕ 15A]
᭑᭕
ᬲ᭄ᬢᬶᬧᬢᬶᬄᬫᬵᬢᬹᬃᬜᬸᬫ᭄ᬩᬄᬭᬶᬂᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬃᬱᬧᬳᬶᬘᬵ᭞ᬳᬶᬧᬢᬶᬄᬓᭂᬚᬩᬭᬭᬶᬲ᭄᭟ᬲᬭᬯᬸᬳᬾᬭᬶᬂᬩᬜ᭄ᬘᬶᬗᬄ᭞ᬳᬶᬭᬶᬗᬦᬾᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄ᬲᬵᬫᬶ᭞ᬳᬾᬕᬃᬧᬟᬧᬘᬂ
ᬫᬵᬦ᭄ᬢᬸᬓ᭄᭞ᬳᬶᬧᬢᬶᬄᬓᬮᬶᬄᬫᬫᬃᬕ᭄ᬕᬵ᭞ᬕ᭄ᬮᬶᬲ᭄ᬳᭂᬤᭀᬄᬧᬫᬃᬕ᭄ᬕᬶᬦᬾᬲᬤ᭄ᬥᬦᬯᬸᬲ᭄᭞ᬫᬜᬸᬲᬸᬧ᭄ᬢᭂᬗᬳᬶᬂᬳᬮᬲ᭄᭞ᬫᬫᬃᬕ᭄ᬕᬶᬭᬳᬶᬦᬯᭂᬗᬶ᭞ᬭᬶᬂᬓᭀᬭᬶᬧᬦ᭄ᬫᬵᬗ᭄ᬓᬶᬦ᭄ᬓᭀᬘᬧᬂ᭞ᬳᬶᬤᬲᬂᬧ᭄ᬭᬪᬸ
ᬭᬶᬂᬩᬜ᭄ᬘᬶᬗᬄᬓ᭄ᬢᬗ᭄ᬓᬶᬮ᭄᭞ᬫᭂᬫᬯᭀᬲᬂᬦᬾᬓᬳᬸᬢᬸᬲ᭄᭞ᬫᬓᭂᬮᭀᬢ᭄ᬯᬭᬬᭂᬢ᭄ᬓᬵ᭞ᬫᬕᬺᬤᭂᬕᬦ᭄ᬳᬶᬧᬢᬶᬄᬲᬕᬾᬢᬦ᭄ᬭᬯᬸᬄ᭞ᬗ᭄ᬭᬭᬶᬲ᭄ᬫᬸᬗ᭄ᬕᬄᬓᬩᬜ᭄ᬘᬶᬗᬄ᭞ᬦᬸᬦᬲ᭄ᬮᬸᬕᬺᬭᬶᬂᬲᬂᬳᬚᬶ᭟ᬳᬶᬧᬢᬶᬄ
ᬭᬭᬶᬲ᭄ᬫᬸᬗ᭄ᬕᬳᬦ᭄᭞ᬫᬵᬢᬹᬃᬱᭂᬫ᭄ᬩᬄᬳᬶᬗ᭄ᬕᬶᬄᬯᬾᬦ᭄ᬢᭂᬦ᭄ᬱᬶᬄᬯᬶᬥᬶ᭞ᬧᬶᬤᬦ᭄ᬧᬓᬬᬸᬦᬦ᭄ᬭᬢᬸ᭞ᬳᬶᬤᬜᬤ᭄ᬬᬫᬗᬢᬸᬭᬂ᭞ᬲᬧᬸᬦᬶᬓᬧᬶᬯᭂᬓᬲ᭄ᬭᬳᬶᬦ᭄ᬳᬶᬭᬢᬸ᭞ᬓᬾᬦᬓ᭄ᬲᬂᬧ᭄ᬭᬪᬸᬫᬶᬋᬗᬂ᭞ᬦᬄ [ 16 ][᭑᭕ 15B]
᭑᭕
ᬚᬮᬦ᭄ᬤᬩ᭄ᬤᬩᬂᬚᬦᬶ᭟᭜᭟ᬧᬸᬧᬸᬄᬤᬗ᭄ᬤᬂ᭟᭜᭟ᬓᬯᬃᬡ᭄ᬦᬳᬶᬤᬭᬳᬤᬾᬦ᭄ᬤᬾᬯᬷ᭞ᬦᬾᬭᬶᬂᬤᬳ᭞ᬓᬮᬶᬄᬧ᭄ᬭᬫᬷᬰ᭄ᬯᬭ᭞ᬗᬕᬄᬓᬧᬸᬢᬦ᭄ᬢᭀᬕᭀᬕᬾ᭞ᬳᬶᬩᬬᬦ᭄ᬲᬗ᭄ᬳᬶᬢ᭄ᬕᭂᬮᬸ᭞ᬫᬗᭂᬦᭀ
ᬢᬂᬢᭀᬕᭀᬕᬾᬩᭂᬘᬶᬓ᭄᭞ᬳᬦ᭄ᬢᬸᬓᬦᬾᬫᬵᬲ᭄ᬥᬸᬫᬶᬮᬄ᭞ᬫᬢᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬘᬬᬦᬾᬫᭂᬗᬬᬂᬗᬬᬂ᭞ᬫᬓᬮᬗᬦ᭄᭞ᬭᬭᬶᬲ᭄ᬳᬶᬤᬫᬧᬲᬶᬳᬶᬦ᭄᭞ᬓᬤᬶᬢᬶᬗ᭄ᬓᬳᬾᬫᬳᭀᬓ᭟
ᬯᬶᬘᬓ᭄ᬱᬦᬳᬚᬶᬦ᭄ᬳᬶᬕᬸᬲ᭄ᬢᬶ᭞ᬗᬯᬾᬳᬓᬮ᭄᭞ᬫᬗ᭄ᬤᬾᬦᬾᬓᬲᬶᬤᬦ᭄᭞ᬓᬢᭂᬧᬸᬓ᭄‌‌ᬢ᭄ᬓᬾᬦ᭄ᬳᬶᬪᬸᬦᬾ᭞ᬤᬤᬶᬧᬜ᭄ᬮᬶᬫᬸᬃᬇᬩᬸᬓ᭄᭞ᬧᭂᬘᬓ᭄ᬢᬶᬢ᭄ᬬᬂᬲᬳᬶᬲ᭄ᬥᬶᬄ᭞ᬚᬦᬶᬳᬶᬤᬾᬯᬦᬸᬗ᭄ᬓᬸᬮᬂ᭞ᬗᭂᬦ᭄ᬢᬶᬦᬶᬦ᭄ᬩ᭄ᬬᬂ
ᬇᬪᬸ᭞ᬓᬾᬢᭀᬧᬧᬰᬶᬄᬲᬂᬭᬢ᭄ᬡᬵ᭞ᬫᬜᬂᬓ᭄ᬭᬶᬫᬂ᭞ᬓᬾᬦᬓᬬᬸᬦᬾᬢᬦ᭄ᬱᬶᬧᬶ᭞ᬢᬦ᭄ᬫᬭᬶᬫᭂᬗᬭᬲ᭄ᬳᬭᬲ᭄᭟ᬚᬬᬲ᭄ᬫᬭᬓᬺᬢᬧᬥᬢᬸᬯᬶ᭞ᬭᬶᬂᬓᭀᬭᬶᬧᬦ᭄᭞ᬢᭀᬳᬚᬶᬦ᭄ᬳᬶᬤᬾᬯ᭞ᬓᬲᬸ

[᭑᭖ 16A]
᭑᭖
ᬪᬕᬸᬲ᭄ᬤᬶᬕᬸᬫᬶᬦᬾ᭞ᬮ᭄ᬯᬶᬃᬪᬝᬭᬲ᭄ᬫᬭᬦᬸᬭᬸᬦ᭄᭞ᬢ᭄ᬯᬭᬳᬤᬫᭂᬦᬦ᭄ᬤᬶᬗᬶᬦ᭄᭞ᬚᬦᬶᬳᬶᬘᬡ᭄ᬥᬺᬓᬶᬭᬡ᭞ᬳᬗ᭄ᬕᬾᬦ᭄ᬳᬶᬤᬇᬪᬸ᭞ᬤᬶᬦᬶᬫᬗᭂᬫ᭄ᬧᬸᬳᬶᬤᬾᬯ᭞ᬧᭂᬢᭂᬂᬍᬫᬄ᭞ᬳᬶᬩᬬᬦ᭄ᬲᬗ᭄ᬳᬶ
ᬢ᭄ᬗᭂᬤᬾᬓᬶᬦ᭄᭞ᬯᬶᬓᬦ᭄ᬳᬶᬤᬾᬯᬜᬂᬓ᭄ᬭᬶᬫᬂ᭟ᬲᬓᬶᬂᬫᬗ᭄ᬓᬶᬦ᭄‌‌ᬭᬢᬸᬧᭂᬮᬚᬳᬶᬦ᭄᭞ᬗᭂᬫ᭄ᬩᬦ᭄ᬳᭀᬓ᭞ᬧᬸᬗ᭄ᬓᬸᬃᬱᬶᬜᭂᬲᬤ᭄ᬬ᭞ᬓᬢᭂᬫᬸᬢᭂᬓᬾᬦ᭄‌‌ᬭᬓᬦᬾ᭞ᬫᬗ᭄ᬤᬾᬲᬵᬫ᭄ᬧᬸᬦᬂᬓᬶ
ᬫᬸᬤ᭄᭞ᬭᬳᬤᬾᬦ᭄ᬤᬯᬷᬫᭂᬜᬯᬸᬭᬶᬦ᭄᭞ᬳᬭᬄᬤᬢᭂᬲᬵᬫ᭄ᬩᬢ᭄ᬳᬶᬩ᭞ᬧ᭄ᬭᬫᬷᬰ᭄ᬯᬭᬷᬓᭂᬜᬸᬂ᭞ᬫᬳᬶᬫᬮᬸᬬᭂᬧᬳᬓᬂ᭞ᬫᬳᬶᬚᬸᬯᬂ᭞ᬭᬤᬾᬦ᭄ᬤᬾᬯᬶᬫᭂᬜᬯᬸᬭᬶᬦ᭄᭞ᬤᬢᭂᬳᬦᬓᬾ
ᬤᬩ᭄ᬤᬩᬂ᭟ᬓᬯᬃᬡ᭄ᬦᬳᬶᬕᬮᬸᬄᬳᬚᭂᬂᬗᬶᬦ᭄ᬢᬶᬧ᭄᭞ᬲᬓᬶᬂᬮᬯᬂ᭞ᬯᬲ᭄ᬧᬥᬓᬘᬶᬗᬓ᭄᭞ᬮᬶᬦ᭄ᬢᬂᬍᬯᬶᬄᬭᬸᬧᬦ᭄ᬢᭀᬕᭀᬕᬾ᭞ᬓᭂᬘᬂᬓ᭄ᬭᬶᬫᬂᬩᬶᬲᭂᬓᭂᬜᬸᬂ᭞ᬤᬤᬶᬫᭂᬢᬸᬓᬬᬸᬦᬾᬧᬶᬭᬶ [ 17 ][᭑᭖ 16B]
᭑᭖
᭞ᬫᬗᭂᬮᬶᬲᬂᬬᬫᬜᬕ᭄ᬚᬕ᭄᭞ᬢᬦ᭄ᬥ᭄ᬬᬸᬲ᭄‌‌ᬭᬭᬶᬲ᭄ᬫᬵᬢᬸᬃ᭞ᬳᭂᬫ᭄ᬩᭀᬓ᭄ᬢᬶᬢ᭄ᬬᬂᬫᭂᬦᬯᭂᬕᬂ᭞ᬕᬸᬂᬳᬫ᭄ᬧᬸᬭᬵ᭞ᬢᬶᬢ᭄ᬬᬂᬫᬫᬶᬢᬂᬧᬸᬦᬶᬓᬶ᭞ᬢᭀᬕᭀᬕ᭄ᬳᭂᬫ᭄ᬩᭀᬓᬾᬳᬶᬦᬸᬦ᭄ᬬᬦ᭄᭟ᬭᬓᬦᬾᬭᬭᬶᬲ᭄ᬫ
ᬜᬯᬸᬭᬶᬦ᭄᭞ᬢ᭄ᬬᬂᬦᬯᭂᬕᬂ᭞ᬦᬸᬦᬲ᭄ᬕᬸᬂᬳᬫ᭄ᬧᬸᬭᬵ᭞ᬦᬶᬓᬶᬲᬶᬲᬦ᭄ᬧᬶᬮᬶᬳᬦᬾ᭞ᬓᬳᬶᬘᬾᬦ᭄ᬳᬦ᭄ᬢᬸᬓ᭄ᬲᬂᬧ᭄ᬭᬪᬸ᭞ᬳᬤᬶᬓᬘᬾᬦ᭄ᬤᬶᬢᬸᬫᬶᬮᬶᬳᬶᬦ᭄᭞ᬫᬗ᭄ᬓᬶᬦ᭄‌ᬩ᭄ᬯᬶᬦ᭄ᬳᬤᬶᬗᬃᬱᬬᬂ᭞ᬭᬳᬶᬦᬾ
ᬫᬳᬢᬹᬃ᭞ᬲᬂᬧ᭄ᬭᬪᬸᬫᬗᬶᬘᬾᬦᬶᬦ᭄ᬢᬶᬢ᭄ᬬᬂ᭞ᬫᬱᬧᬸᬭᬸᬦ᭄᭞ᬢᬶᬢ᭄ᬬᬂᬧᬘᬂᬫᬫᬶᬮᬶᬳᬶᬦ᭄᭞ᬬᬦ᭄ᬢᬦ᭄ᬲᬂᬧ᭄ᬭᬪᬸᬫᬶᬘᬬᬂ᭟ᬭᬤᬾᬦ᭄ᬤᬾᬯᬷᬭᬭᬶᬲ᭄ᬫᬜᬯᬸᬭᬶᬦ᭄᭞ᬢ᭄ᬬᬂᬦᬯᭂᬕᬂ᭞ᬲᬵᬫ᭄ᬧᬸᬦ᭄ᬳᬤᬶ
ᬫᭂᬗ᭄ᬕᬄ᭞ᬩᬗᭂᬢ᭄ᬭᬶᬂᬤᬾᬯᬾᬓ᭄ᬢᬶᬢ᭄ᬬᬗᬾ᭞ᬢᭀᬕᭀᬕ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬇᬪᬸ᭞ᬳᬗ᭄ᬕᬾᬦ᭄ᬫᬜ᭄ᬮᬶᬫᬸᬭᬂᬲ᭄ᬥᬶᬄ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬗᬢᬸᬭᬂ᭞ᬬᬤᬶᬦ᭄ᬳᬤᬶᬩᭂᬦ᭄ᬥᬸ᭞ᬢᬶᬢ᭄ᬬᬂᬦᬸᬦᬲ᭄ᬕᬸᬂᬳᬫ᭄ᬧᬸᬭᬵ᭞ᬢᬶ

[᭑᭗ 17A]
᭑᭗
ᬢ᭄ᬬᬂᬮᬶᬬᬂ᭞ᬢᬺᬱ᭄ᬡᬫᭂᬜᬫᬭᬶᬂᬳᬤᬶ᭞ᬲᬶᬬᭀᬲᬦ᭄ᬓᬃᬱᬳᬶᬦ᭄ᬢᬶᬢ᭄ᬬᬂ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬳᬶᬕᬮᬸᬄᬳᬚᭂᬂᬬᭂᬩᬸᬤᬮ᭄᭞ᬫᬗᬫ᭄ᬩ᭄ᬭᬾᬲ᭄ᬩᬦ᭄ᬕᭂᬤᭂᬕᬾᬢᬦ᭄ᬱᬶᬦᬶᬧᬶ᭞ᬭᬭᬶᬲ᭄ᬫᬜᬕ᭄ᬚᬕᬶ
ᬦ᭄ᬳᬶᬮᬶᬓᬸ᭞ᬧᬢ᭄ᬭᬾᬩᬾᬲ᭄ᬧᭂᬲᬸᬬᬾᬄᬢᬶᬗᬮ᭄᭞ᬕᬸᬲ᭄ᬢᬶᬮᬶᬓᬸᬜᬶᬗᬓᬶᬦ᭄ᬳᭀᬓᬦᬾᬩᭂᬦ᭄ᬥᬸ᭞ᬓᭂᬦᬧᬳᬶᬤᬾᬯᬮᬭᬵ᭞ᬳᭂᬜᬾᬦ᭄ᬗᬯᬾᬮᬂᬳᬶᬫᬡᬶᬓ᭄᭟ᬲᬵᬗ᭄ᬓᬦ᭄ᬫᬦᭀᬗᭀᬲ᭄‌‌ᬬᭂᬚᬸ
ᬫᬄ᭞ᬳᭂᬤᬫᬮᬮᬶᬳᬦᬓ᭄ᬮᬶᬬᬸᬦᬦ᭄ᬕᬢᬶᬮ᭄᭞ᬳᬶᬕᬮᬸᬄᬳᬚᭂᬂᬫᬲᬯᬸᬃ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬗᬯᬾᬮᬂ᭞ᬦᬶᬓᬶᬳᬶᬫ᭄ᬩᭀᬓ᭄‌‌ᬦᬸᬯᬾᬢᭀᬕᭀᬕ᭄ᬮᬶᬦ᭄ᬢᬂᬳᬮᬸᬲ᭄᭞ᬫᬍᬤ᭄ᬢᬶ
ᬢ᭄ᬬᬗᬾᬓᬮᬶᬦ᭄ᬢᬂ᭞ᬳᬶᬮᬶᬓᬸᬭᬭᬶᬲ᭄ᬜᬯᬸᬭᬶᬦ᭄᭟ᬤᭀᬂᬓᭂᬫᭂᬳᬶᬤᬾᬯᬦᬸᬦᬲ᭄᭞ᬢ᭄ᬓᬾᬦ᭄ᬳᬶᬫ᭄ᬩᭀᬓ᭄‌‌ᬗᬸᬤ᭄ᬬᬂᬤᬤᬶᬫᬸᬮᬶᬄᬗᭂᬮᬶᬂ᭞ᬳᬶᬕᬮᬸᬄᬳᬚᭂᬂᬫᭂᬲᬯᬸᬃ᭞ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬧᬸ [ 18 ][᭑᭗ 17B]
᭑᭗
ᬮᬶᬄᬦᬸᬦᬲ᭄᭞ᬫᬡᬕ᭄ᬢᭂᬕᬂᬢᬍᬃᬳᬶᬫ᭄ᬩᭀᬓ᭄‌‌ᬦᬾᬦ᭄ᬢᭂᬦ᭄ᬓᬵᬬᬸᬦ᭄᭞ᬕᭂᬤᭂᬕ᭄ᬳᬶᬮᬶᬓᬸᬦᬶᬗᭂᬳᬂ᭞ᬳᬭᬄᬤᬢᭂᬧᬺᬩᬸᬢᬶᬦ᭄᭟ᬳᬶᬕᬮᬸᬄᬦᬗᬶᬲ᭄ᬫᬵᬕᬸᬬᬂ᭞ᬭᬭᬶᬲ᭄ᬭᬯᬸᬄᬲᬂᬧ᭄ᬭᬪᬸᬫᭂ
ᬧᬲᬶᬳᬶᬦ᭄᭞ᬫᬶᬚᬶᬮ᭄‌‌ᬯᬘᬦᬦᬾᬳᬮᬸᬲ᭄᭞ᬓᭂᬦᬧᭂᬳᬶᬤᬾᬯᬮᬭᬵ᭞ᬟᭂᬫᬘᬭᬳᬶᬕᬮᬸᬄᬲᬶᬕ᭄ᬲᬶᬕᬦ᭄ᬫᬵᬢᬹᬃ᭞ᬳᬶᬫ᭄ᬩᭀᬓ᭄‌‌ᬫᬤ᭄ᬭᬸᬯᬾᬢᭀᬕᭀᬕ᭄ᬫᬵᬲ᭄᭞ᬳᬶᬦᬸ
ᬦ᭄ᬬᬦ᭄ᬢᬶᬢ᭄ᬬᬂᬫᬗ᭄ᬕᬶᬳᬶᬦ᭄᭟ᬢᬹᬃᬧᭀᬮᬶᬄᬢᬶᬢ᭄ᬬᬂᬫᬦᬸᬦᬲ᭄᭞ᬩᬦ᭄ᬫᭂᬍᬤᬾᬳᬶᬫ᭄ᬩᭀᬓ᭄‌‌ᬦᬾᬦ᭄ᬢᭂᬦ᭄ᬗᬶᬘᬦᬶᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬦᬄᬤᭂᬧᬂᬳᬚᬶᬦᬕᬶᬳᬂ᭞ᬦᬄᬘ
ᬳᬶᬩᬬᬦ᭄ᬲᬗ᭄ᬳᬶᬢ᭄ᬫᬳᬶᬓᬾᬫᬮᬸ᭞ᬦᬾᬚᬦᬶᬓᭂᬫᭂᬫᬚᬮᬦ᭄᭞ᬧᬋᬓ᭄ᬢᭂᬓᬾᬦ᭄ᬭᬤᬾᬦ᭄ᬤᬾᬯᬷ᭟ᬳᭀᬭᬳᬂᬓᬳᬶᬦᬸᬦ᭄ᬤᬾᬦᬂ᭞ᬦᬸᬦᬲ᭄ᬢᭀᬕᭀᬕ᭄ᬳᬾᬗ᭄ᬕᬮᬂᬗᬩᭂᬫᬳᬶ᭞ᬳᬶᬩ

[᭑᭘ 18A]
᭑᭘
ᬬᬦ᭄ᬲᬗ᭄ᬳᬶᬢ᭄ᬫᬳᬢᬹᬃ᭞ᬲᬡ᭄ᬥᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬕ᭄ᬮᬶᬲ᭄ᬫᭂᬚᬮᬦ᭄ᬕᭂᬕᬜ᭄ᬘᬗᬦ᭄ᬮᬵᬫ᭄ᬧᬳᬶᬧᬸᬦ᭄᭞ᬧᬋᬓ᭄ᬭᬶᬂᬭᬳᬤᬾᬦ᭄ᬤᬾᬯ᭄ᬬ᭞ᬢᬦ᭄ᬤᬸᬫᬤᬾᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟ᬲᬭᬯᬸᬳᬾᬜᭀᬂ
ᬓᭀᬓ᭄ᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬳᬸᬢᬸᬲᬦᬺᬧᬢᬶ᭞ᬧᬋᬓ᭄ᬭᬶᬂᬮᬶᬗ᭄ᬕᬶᬄᬳᬶᬭᬢᬸ᭞ᬫᬫᬶᬢᬂᬢᭀᬕᭀᬕ᭄ᬧᬸᬦᬶᬓᬶ᭞ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬓᬬᬸᬦᬾᬭᬳᬤᬾᬦ᭄ᬕᬮᬸᬄ᭞ᬫᬗ᭄ᬭᬱᬧᬘᬂᬩ
ᬜ᭄ᬘᬡᬵ᭞ᬭᬭᬶᬲ᭄ᬳᬶᬤᬫᬜᬯᬸᬭᬶᬦ᭄᭟ᬳᬢᬸᬭᬂᬧᬯᭂᬓᬲ᭄‌‌ᬦᬶᬭ᭞ᬭᬶᬂᬲᬂᬧ᭄ᬭᬪᬸᬤᬯᭂᬕ᭄‌‌ᬦᬶᬭᬫᬵᬢᬹᬃᬰᬶᬰᬶᬧ᭄᭞ᬓᬳᬶᬘᬾᬦ᭄ᬢᭀᬕᭀᬕ᭄ᬳᬯᬸᬓᬸᬤ᭄᭞ᬤᬤᬶᬧᬜᬮᬶᬫᬸᬃᬮᬭᬵ᭞ᬦᬾᬦᬾ
ᬚᬦᬶᬓᭂᬤᭂᬄᬓᬬᬸᬦᬾᬲᬂᬧ᭄ᬭᬪᬸ᭞ᬗᬃᬱᬬᬂᬢᭀᬕᭀᬕᬾᬦᬸᬦᬲ᭄᭞ᬦᬶᬭᬢᬸᬲᬶᬂᬫᭂᬗᬢᬸᬭᬶᬦ᭄᭟ᬬᬦ᭄ᬭᬯᬸᬄᬲᬂᬧ᭄ᬭᬪᬸᬜᬸᬯᬂ᭞ᬲᬸᬓᬦᬶᬭᬧᬘᬂᬗᭂᬫᬲᬶᬦ᭄ᬫᬢᬶ᭞ᬩᬦ᭄ᬱᬬᬂᬢᭀᬕᭀ [ 19 ][᭑᭘ 18B]
᭑᭘
ᬕᬾᬢᬸᬳᬸ᭞ᬳᬶᬩᬬᬦ᭄ᬲᬗ᭄ᬳᬶᬢ᭄ᬭᬭᬶᬲ᭄ᬩᬸᬤᬮ᭄᭞ᬧ᭄ᬭᬧ᭄ᬢᬾᬂᬧᬸᬭᬶᬫᬵᬢᬹᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᭂᬗᬢᬸᬭᬂ᭞ᬧᬯᭂᬓᬲ᭄ᬳᬦᬓ᭄‌‌ᬦᬺᬧᬢᬶ᭟ᬳᬶᬤᬦᬸᬦᬲ᭄ᬧᭂᬗᬫ᭄ᬧᬸᬭ᭞ᬲᬵᬫ᭄ᬧᬸᬦ᭄ᬥᬸ
ᬓᬳᬶᬤᬦᬾᬦ᭄ᬢᭂᬦ᭄ᬗᬵᬢᬸᬭᬶᬦ᭄᭞ᬲᬂᬧ᭄ᬭᬪᬸᬓᬬᬸᬦᬾᬩᭂᬦ᭄ᬤᬸ᭞ᬢ᭄ᬯᬭᬫᬓᬬᬸᬦ᭄ᬲᭂᬦ᭄ᬢᭀᬱᬵ᭞ᬩᬦ᭄ᬤᬸᬓᬦᬾᬦᬾᬚᬦᬶᬕᭂᬮᬶᬲ᭄ᬫᬘᭂᬩᬸᬃ᭞ᬬᬦ᭄ᬚᬵᬦᬶᬢ᭄ᬯᬭᬩᬳᬗᬵ᭞ᬢᬦᬸᬭᬸᬗᭂᬦ᭄ᬫᬗᭂᬫᬲᬶᬦ᭄᭟ᬧ
ᬫᬃᬕ᭄ᬕᬶᬦᬾᬕᭂᬕᬜ᭄ᬘᬗᬦ᭄᭞ᬭᬯᬸᬳᬾᬗᬦ᭄ᬤᬶᬓᬢᬦ᭄ᬧᬧᬓᬾᬭᬶᬂ᭞ᬤᭀᬂᬓᬾᬦ᭄ᬓᬾᬦ᭄ᬫᬸᬜᬶᬦᬾᬩᬯᬸ᭞ᬜᬳᬶᬢ᭄ᬯᬭᬮᬓᬃᬫ᭄ᬫᬳᬂ᭞ᬤᬤᬶᬕᭂᬮᬸᬳᬶᬕᬮᬸᬄᬫᬜᬸᬫ᭄ᬩᬄᬫᬵᬢᬹᬃ᭞ᬜᬸᬗ᭄ᬓᭂᬫᬶᬦ᭄ᬘᭀᬓᭀᬃ
ᬲᬂᬦᬵᬣ᭞ᬳᬢᬸᬭᬾᬫᬦᬸᬦᬲ᭄ᬳᬸᬭᬶᬧ᭄᭟ᬭᬭᬶᬲᬂᬧᬟᬫᬂᬢᬶᬢ᭄ᬬᬂ᭞ᬚᬕᭂᬦᬧᬶᬓᬭᬶᬳᬸᬭᬶᬧ᭄ᬫᬗᬾᬭᬗᬶᬦ᭄᭞ᬬᬾᬦ᭄ᬲᬶᬄᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬮᬵᬫ᭄ᬧᬸᬲ᭄᭞ᬢᭀᬕᭀᬕᬾᬭᬭᬶᬲ᭄ᬧᬶᬘᬬᬂ᭞

[᭑᭙ 19A]
᭑᭙
ᬬᬦᬶᬂᬢᬶᬢ᭄ᬬᬂᬓᬭᬶᬳᬸᬭᬶᬧ᭄ᬩᭀᬬᬓᬵᬢᬹᬃ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬜ᭄ᬮᬶᬫᬸᬃᬫᬦᬄ᭞ᬳᬢᬸᬭᬾᬫᬦᬸᬦᬲ᭄ᬳᬸᬭᬶᬧ᭄᭟ᬤ᭄ᬯᬦᬶᬂᬳᬶᬩ᭄ᬬᬂᬲᬵᬫ᭄ᬧᬸᬦᬶᬗ᭄ᬕᬮ᭄᭞ᬲᬂᬧ᭄ᬭᬪᬸᬫᬯᬸᬯᬸᬄᬤᬸᬓᬫᬗ᭄ᬓᬶᬦ᭄᭞ᬗᬵᬫ᭄ᬩᬶᬮ᭄ᬕᬸᬦ᭄ᬢᬶᬂ
ᬭᬭᬶᬲ᭄ᬓᬘᬸᬓᬸᬃ᭞ᬭᬤᬾᬦ᭄ᬕᬮᬸᬄᬫᬫᬸᬮᬶᬱᬄ᭞ᬗᭂᬦ᭄ᬢᬓ᭄ᬗᭂᬦ᭄ᬢᬓ᭄ᬢᬗᬶᬲᬾᬳᬫᭂᬮᬲ᭄ᬓᬬᬸᬦ᭄᭞ᬳᬤᬸᬄᬤᬾᬯᬕ᭄ᬮᬶᬲ᭄ᬧᬸᬧᬸᬢᬂ᭞ᬲᬂᬲᬭᬢᬶᬢ᭄ᬬᬂᬦᬸᬳᬸᬭᬶᬧ᭄᭟᭜᭟ᬧᬸᬧᬸᬄᬲ᭄ᬫᬭᬡ᭄ᬥᬡᬵ᭟᭜᭟ᬓᬾᬫᭂᬂ
ᬧᬟᬫᬦᬶᬗ᭄ᬕᬮᬶᬦ᭄᭞ᬳᭂᬦ᭄ᬢᬶᬓᬯ᭄ᬮᬲᬶᬂᬫᬦᬄ᭞ᬳᬤᬸᬄᬫᬵᬲ᭄ᬫᬶᬭᬄᬳᬶᬭᬢᬸ᭞ᬲᬂᬧ᭄ᬭᬪᬸᬫᬦᬸᬦ᭄ᬤᬸᬂᬩᬸᬤᬮ᭄᭞ᬲᬂᬤᬾᬯᬷᬢᬡ᭄ᬥ᭄ᬭᬸᬄᬳᬶᬂᬢ᭄ᬯᬲ᭄᭞ᬧᬦᬲ᭄ᬩᬵᬭᬓᬂᬩᬶᬦᬸᬦ᭄ᬤᬸᬂ᭞ᬳᬾᬭᬗᬾᬢᬦ᭄ᬓᭂᬦᬾᬂᬳᬸᬘᬧ᭄
᭟ᬢᭀᬕᭀᬕᬾᬢᬦ᭄ᬱᬄᬓᭂᬲᬗ᭄ᬓᬶᬮ᭄᭞ᬧᬶᬢᬸᬢᬸᬭᬶᬦ᭄ᬤᬶᬧᬩᬶᬦᬦ᭄᭞ᬢᭀᬬᬦ᭄ᬳᬓ᭄ᬱᬶᬦᬾᬧᬢ᭄ᬭᭀᬩᭀᬲ᭄᭞ᬮᬘᬸᬃᬳᬶᬤᬾᬯᬦᬾᬮᬶᬦ᭄ᬢᬂ᭞ᬫᬇᬪᬸᬢᭂᬓᬾᬦᬶᬂᬢᬶᬢ᭄ᬬᬂ᭞ᬚᬦᬶᬫᬵᬲᬶᬦ᭄ᬢᬶᬢ᭄ᬬᬂ [ 20 ][᭑᭙ 19B]
᭑᭙
ᬕᬸᬡ᭄ᬥᬸᬮ᭄᭞ᬚᬮᬭᬦ᭄ᬱᬓᬶᬂᬳᬶᬤᬾᬯ᭟ᬳᬚᬶᬦ᭄ᬳᬶᬤᬾᬯᬦᬾᬮᬮᬶ᭞ᬢ᭄ᬯᬭᬩᬶᬱᬫᬜᬸᬫ᭄ᬧ᭄ᬦᬵ᭞ᬢᬶᬢ᭄ᬬᬂᬦᬸᬮᬫᬾᬳᬶᬭᬢᬸ᭞ᬢᬹᬃᬡ᭄ᬦᬧᬸᬓᬶᬦ᭄ᬓᭂᬲᬗ᭄ᬱᬭᬦ᭄᭞ᬍᬕᭂᬧᭂᬲᬦ᭄ᬓᬵᬬᬸᬦᬾᬚᬸ
ᬫᬄ᭞ᬫᬗᬸᬮᬸᬭᬶᬦ᭄ᬳᬶᬦ᭄ᬤ᭄ᬭᬶᬬᬦ᭄ᬓᬵᬬᬸᬦ᭄᭞ᬤᬸᬓᬶᬢᬦᬾᬢ᭄ᬯᬭᬢᬯᬂ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬭᬤᬾᬦ᭄ᬤᬾᬯᬷᬓᬭᬶᬗᬸᬬᬂ᭞ᬤᬶᬦᬢᬳᬾᬓᬭᬶᬦᬗᬶᬲ᭄᭞ᬳᬦ᭄ᬢᬸᬓ᭄ᬲᭂᬤᬶᬳᬾᬓ
ᬮᬶᬦ᭄ᬢᬂ᭞ᬓᭂᬧᬦᬱᬦ᭄ᬭᬤᬾᬦ᭄ᬤᬾᬯᬷ᭞ᬳᬾᬭᬗᬾᬢᬦ᭄ᬲᬶᬦᬶᬧᬶ᭞ᬫᭂᬦᬗᬶᬲ᭄ᬗᬯ᭄ᬮᬲ᭄ᬓᬵᬬᬸᬦ᭄᭞ᬩᬶᬩᬶᬗᬯ᭄ᬮᬲ᭄ᬢᭂᬲᬶᬭ᭞ᬧᬢᬾᬡᬦᬶᬭᬇᬓᬶ᭞ᬭᬶᬂᬲᬗᬭᬸᬫ᭄᭞ᬲᬳᬶᬤᬸᬧᬾᬦᬦ᭄ᬤᬂᬮᬭᬵ᭟ᬓᬾᬫᭂ
ᬢ᭄ᬯᬲᬾᬂᬘᬶᬢ᭄ᬣᬵ᭞ᬓᬧᬶᬯ᭄ᬮᬲᬦ᭄ᬭᬶᬂᬳᬢᬶ᭞ᬟᬸᬄᬫᬵᬲ᭄ᬫᬶᬭᬄᬰᬶᬄᬧᬗᬾᬭᬦ᭄᭞ᬩᭀᬬᬧᬦᬶᬢᬳᬶᬂᬯᬶᬥᬶ᭞ᬲᬵᬫ᭄ᬧᬸᬦᬂᬩᬲ᭄ᬩᬗᭂᬢ᭄ᬱ᭄ᬥᬶᬄ᭞ᬧᬫᬸᬮᬶᬳᬾᬫᬭᬶᬂᬇᬪᬸ᭞ᬳᬬ᭄ᬯ᭄ᬱᬶᬭᬧᬗᬾᬭᬦ᭄

[᭒᭐ 20A]
᭒᭐
᭞ᬫᬵᬗ᭄ᬓᬡᬲᬶᬭᬳᬦᬓ᭄ᬩᬶᬩᬶ᭞ᬭᬵᬢ᭄ᬡᬳᬬᬸ᭞ᬳᬦᬗᬶᬲ᭄ᬓᬭᬶᬭᬶᬂᬦᬢᬃ᭟ᬫᬵᬢᬹᬃᬭᬭᬶᬲ᭄‌‌ᬬᭂᬳᬶᬩᬬᬦ᭄᭞ᬱᬋᬂᬢ᭄ᬓᬾᬦᬶᬂᬳᬶᬲᬗ᭄ᬳᬶᬢ᭄᭞ᬫᬶᬄᬭᬢᬸᬫᬵᬲ᭄ᬕᬸᬲ᭄ᬢᬶᬢᬶᬢ᭄ᬬᬂ᭞ᬳᬸᬲᬦᬂᬳᬶᬤᬾᬯᬦᬗᬶᬲ᭄
᭞ᬧᬩᬶᬦᬦᬾᬧᬶᬦᬲ᭄ᬮᭂᬘᬶᬂ᭞ᬯᬲ᭄ᬢᬺᬓᬸᬭᬸᬩ᭄ᬲᬵᬫᬶᬩᭂᬮᬸᬲ᭄᭞ᬘᬬᬦ᭄ᬳᬶᬤᬾᬯᬦᬾᬳᬶᬮᬂ᭞ᬮᬶᬮᬬᬂᬓᬬᬸᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧᭂᬗ᭄ᬓᬸᬂ᭞ᬲᬮᬶᬫᬸᬭᬂᬳᬦ᭄ᬢᬸᬓ᭄ᬱᬱ᭄ᬢᬻ᭟ᬭᬤᬾᬦ᭄ᬕᬮᬸᬄᬗᬦ᭄ᬤᬶᬓ
᭞ᬭᬶᬂᬢᬸᬫᬶᬦᬾᬗᬰᬶᬳᬰᬶᬄ᭞ᬦᭀᬗᭀᬲ᭄ᬲᬵᬫ᭄ᬧᬸᬦ᭄‌‌ᬩ᭄ᬬᬂᬚᬸᬫᬄ᭞ᬢᬶᬢ᭄ᬬᬂᬫᬧᬫᬶᬢ᭄‌‌ᬦᬾᬫᬵᬗ᭄ᬓᬶᬦ᭄᭞ᬭᬸᬫᬲᬢᬂᬢᬶᬢ᭄ᬬᬂᬫᬵᬢ᭄ᬣᬶ᭞ᬫᬜᬸᬲᬸᬧ᭄ᬭᬶᬂᬳᬮᬲᬾᬳᬕᬸᬂ᭞ᬧ᭄ᬭᬫᬷᬰ᭄ᬯᬭᬫᭂᬗᬵᬦ᭄ᬤᬶ
ᬓ᭞ᬳᬢᬸᬭᬾᬫᬢᬸᬂᬢᬸᬂᬢᬵᬗᬶᬲ᭄᭞ᬦᬤ᭄ᬬᬦ᭄ᬧᬸᬧᬸᬢ᭄᭞ᬢᬶᬢ᭄ᬬᬂᬢ᭄ᬯᬭᬧᬘᬂᬧᬱᬄ᭟ᬳᬶᬩᬬᬦ᭄ᬲᬗ᭄ᬳᬶᬢ᭄ᬫᬜᬸᬫ᭄ᬩᬄ᭞ᬢᬶᬢ᭄ᬬᬂᬯᬵᬦ᭄ᬢᬄᬗᬶᬭᬶᬂᬳᬸᬕᬶ᭞ᬬᬤ᭄ᬬᬦ᭄ᬫᬳᬯᬦᬦ᭄ᬭᬸᬱᬓ᭄᭞ᬯ᭄ᬬᬤᬶᬦ᭄ᬳ [ 21 ][᭒᭐ 20B]
᭒᭐
ᬮᬫᬶᬯᬄᬩᭂᬘᬶᬓ᭄᭞ᬢᬶᬢ᭄ᬬᬂᬲᬸᬓᬫᬫᬾᬮᬦᬶᬦ᭄᭞ᬓᬾᬯᬦ᭄ᬢᭂᬦ᭄‌‌ᬗᬶᬭᬶᬂᬳᬶᬭᬢᬸ᭞ᬯ᭄ᬬᬤᬶᬦ᭄ᬳᬶᬤᬸᬧ᭄ᬓᬾᬦᬾᬚᭂᬗᬄ᭞ᬓᬬᬂᬧᬓᬾᬃᬢ᭄ᬣᬶᬦᬾᬧᭂᬮᬶᬄ᭞ᬩ᭄ᬯᬶᬦ᭄ᬓᬯ᭄ᬓᬵᬲ᭄‌‌ᬤᬶᬢᬸᬚᬸᬫᬸᬯᬶᬦ᭄ᬫᬜ᭄ᬚᬵᬤ᭄ᬫᬵ
᭟ᬭᬤᬾᬦ᭄ᬤᬾᬯᬷᬫᭂᬗᬵᬦ᭄ᬤᬶᬓ᭞ᬦᬄᬚᬮᬦ᭄ᬚᬵᬦᬶᬢᬵᬦ᭄ᬤᬶᬗᬶᬦ᭄᭞ᬓᭂᬫᭀᬓᬾᬜᬳᬶᬫᭂᬚᬮᬦ᭄᭞ᬳᭀᬭᬳᬂᬢ᭄ᬓᬾᬦ᭄ᬩᬵᬧᬧᬢᬶᬄ᭞ᬲᬢᬶᬗ᭄ᬓᬳᬾᬩᬸᬓᭂᬚᬦᬶ᭞ᬩᬶᬱᬜᬳᬶᬤᬶᬢᬸᬫᬵᬢᬹᬃ᭞ᬬ
ᬦ᭄ᬳᬶᬧᬢᬶᬄᬲᬸᬓᬳᭀᬮᬲ᭄᭞ᬗᬗ᭄ᬕᭀᬦ᭄ᬧᬵᬦᬓ᭄ᬩᬸᬓᬚᬦᬶ᭞ᬳᬧᬂᬢ᭄ᬭᬸᬲ᭄᭞ᬫᭂᬗᬢᭂᬳᬂᬦᬶᬭᬮᬸᬯᬲ᭄᭟ᬲᬵᬡ᭄ᬥᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬓᭂᬚᬩᭂᬫᭂᬚᬮᬦ᭄ᬕᭂᬮᬶᬲ᭄᭞ᬢ᭄ᬯᬭᬳᬤᭂᬳᬦᬓ᭄ᬦ
ᬯᬂ᭞ᬢᬦ᭄ᬤᬸᬫᬤᬾᬲᬕᬾᬢ᭄ᬧ᭄ᬭᬧ᭄ᬢᬶ᭞ᬫᬵᬢᬹᬃᬭᬶᬂᬳᬶᬕᬸᬲ᭄ᬢᬶᬧᬢᬶᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬓᬸᬢᬸᬲ᭄᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬤᬾᬯ᭄ᬬ᭞ᬬᬦ᭄ᬳᬶᬭᬢᬸᬢ᭄ᬭᬸᬲ᭄ᬲᬸᬪᬓ᭄ᬢᬶ᭞ᬫᬵᬗ᭄ᬤᬦᬸᬮᬸᬲ᭄᭞ᬢᬺᬱ᭄ᬡᬦ᭄ᬩᬧᬢ᭄ᬓᬾᬦᬶᬦ᭄ᬳᬶ

[᭒᭑ 21A]
᭒᭑
ᬤ᭟ᬫᬗᬶᬭᬶᬗᬂᬳᬶᬤᬮᬸᬗᬵ᭞ᬧᬘᬂᬗᬶᬘᬮ᭄ᬱᬓᬶᬂᬧᬸᬭᬶ᭞ᬫᬜᬸᬲᬸᬧ᭄ᬭᬶᬂᬢᭂᬗᬳᬮᬲ᭄᭞ᬳᬶᬧᬢᬶᬄᬓᭂᬜᭂᬫ᭄ᬜᬵᬯᬸᬭᬶᬦ᭄᭞ᬦᬄᬳᬢᬸᬭᬂᬩᬧᬗᬶᬭᬶᬂ᭞ᬧᭂᬓᬬᬸᬦᬦ᭄ᬭᬤᬾᬦ᭄ᬕᬵᬮᬸᬄ᭞ᬭᬭᬶᬲᬂᬲᬵᬫ᭄ᬧᬸ
ᬦ᭄ᬫᬫᬃᬕ᭄ᬕᬵ᭞ᬩᬧᬫᭂᬜᬦ᭄ᬢᭀᬲ᭄‌‌ᬭᬶᬂᬫᬃᬕ᭄ᬕᬶ᭞ᬗᬶᬭᬶᬂᬲᬵᬫ᭄ᬧᬸᬦ᭄᭞ᬳᬶᬩᬬᬦ᭄ᬫᭂᬧᬫᬶᬢ᭄ᬩᬸᬤᬮ᭄᭟ᬕᭂᬮᬶᬲ᭄ᬳᬶᬩᬬᬦ᭄ᬓᭂᬚᬩᬵ᭞ᬫᭂᬢᬸᬮᬓ᭄ᬭᬭᬶᬲ᭄ᬓᬧᬸᬭᬶ᭞ᬲᬭᬯᬸᬳᬾᬜᭀᬂᬓᭀᬓ᭄ᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶᬬᭂ
ᬫᬗᬶᬭᬶᬂ᭞ᬭᬭᬶᬲᬂᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬳᬗᬦ᭄ᬯᬯᬸᬢᭂᬗᬄᬤᬮᬸ᭞ᬦᬵᬗ᭄ᬳᬶᬂᬲᬵᬫᬶᬫᬗ᭄ᬤᭂᬢ᭄ᬭᬕ᭄ᬬ᭞ᬳᬶᬕᬸᬲ᭄ᬢᬶᬜᬦ᭄ᬢᭀᬲ᭄ᬭᬶᬂᬫᬃᬕ᭄ᬕᬶ᭞ᬭᬤᬾᬦ᭄ᬕᬮᬸᬄ᭞ᬗᬵᬦ᭄ᬤᬶᬓᬚᬮᬦ᭄ᬤᬵᬩ᭄ᬤᬵᬩᬂ᭟᭜᭟ᬧᬸᬧᬸᬄᬫᬶᬚᬶᬮ᭄᭟᭜᭟
ᬢ᭄ᬗᬄᬤᬮᬸᬫᭂᬤᬩ᭄ᬤᬵᬩᬦ᭄ᬫᬶᬚᬶᬮ᭄᭞ᬧᬗᬗ᭄ᬕᭀᬦᬾᬓᬯᭀᬢ᭄ᬧᬶᬲᬦ᭄᭞ᬜᬸᬂᬓ᭄ᬮᬶᬢ᭄ᬓᭂᬭᬶᬲ᭄ᬳᭂᬡ᭄ᬥᬶᬄᬫᬸᬭᬸᬩ᭄᭞ᬘᬋᬮᬦᬂᬧᭂᬗᬗ᭄ᬕᬾᬦᬾᬲᬵᬫᬶ᭞ᬢᬸᬲᬶᬂᬳᬤᭂᬫᬦᬦ᭄ᬤᬶᬗᬶᬦ᭄᭞ᬭᬶᬂᬤᬸᬳᬸᬃᬢᬾᬫ᭄ᬩᭀ [ 22 ][᭒᭑ 21B]
᭒᭑
ᬓᬾᬢᭂᬤᬸᬦ᭄᭟ᬭᬭᬶᬲ᭄ᬭᬯᬸᬄᬳᬶᬧᬢᬶᬄᬜᬕ᭄ᬚᬵᬕᬶᬦ᭄᭞ᬳᬕ᭄ᬮᬶᬲ᭄‌‌ᬦᬸᬮᬸᬂᬜᬗ᭄ᬓᭀᬮ᭄ᬳᬶᬤ᭞ᬲᬵᬫ᭄ᬧᬸᬦ᭄ᬢᭂᬮᬲ᭄ᬲᬵᬫᬶᬢᭂᬤᬸᬦ᭄᭞ᬱᬋᬂᬧᬢ᭄ᬧᬢ᭄ᬫᬗ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬫᬵᬦᬸᬮᬶᬄᬳᬸᬫᬄᬩᬸᬯᬶᬦ᭄᭞
ᬧᬫᬃᬕ᭄ᬕᬶᬦᬾᬲᬤᭂᬦᬯᬸᬲ᭄᭟ᬢ᭄ᬯᬭᬗ᭄ᬭᬸᬗᬸᬩᬜ᭄ᬘᬵᬡᬭᬶᬂᬫᬃᬕ᭄ᬕᬶ᭞ᬕ᭄ᬮᬶᬲ᭄ᬲᬵᬫ᭄ᬧᬸᬦ᭄ᬳᭂᬤᭀᬄᬧᬶᬲᬦ᭄᭞ᬫᬗ᭄ᬮᬶᬦ᭄ᬢᬵᬗᬶᬦ᭄ᬢᬸᬓᬤ᭄ᬳᬕᬸᬂ᭞ᬢᬢᬲ᭄ᬮᬵᬫ᭄ᬧᬄᬲᬗ᭄ᬳ᭄ᬬᬂᬲᬸᬃᬬ᭄ᬬᬫᬶᬚᬶᬮ᭄᭞ᬫᬳᬢᬹᬃᬭᬭᬶᬲ᭄ᬳᬶ
ᬧᬢᬶᬄ᭞ᬦᬯᬶᬲᬵᬫ᭄ᬧᬸᬦ᭄ᬳᬶᬤᬍᬲᬸ᭟ᬭᬤᬾᬦ᭄ᬕᬮᬸᬄᬯᭂᬘᬦᬦᬾᬫᬦᬶᬲ᭄᭞ᬩᬧᬧᬢᬶᬄᬢ᭄ᬬᬂᬳᭀᬳᭀᬦ᭄ᬧᬶᬲᬦ᭄᭞ᬦᬸᬦᬲ᭄ᬓᬾᬫᬭᬭ᭄ᬬᬦ᭄ᬤᬸᬫᬸᬦ᭄᭞ᬧᬥᬦᬕᬓ᭄ᬲᬫᬶᬗᬶᬦᬂᬲᬶ
ᬭᬶᬄ᭞ᬲᬵᬫᬶᬧᬥᬬᭂᬦᬵᬗ᭄ᬓᬶᬮ᭄᭞ᬦᬸᬦᬲ᭄ᬓᬾᬫᬫᬃᬕ᭄ᬕᬶᬭᬢᬸ᭟ᬭᬤᬾᬦ᭄ᬕᬮᬸᬄᬍᬲᬸᬳᬶᬤᬭᬶᬂᬫᬃᬕ᭄ᬕᬶ᭞ᬧ᭄ᬓᬬᬸᬦᬦᬾᬓᬵᬮᬲᭀᬦ᭄ᬧᬶᬲᬦ᭄᭞ᬫᬜᬸᬲᬸᬧ᭄ᬭᬶᬂᬳᬮᬲ᭄ᬳᬕᬸᬂ᭞ᬗᬢᭂᬗᬳᬂ

[᭒᭒ 22A]
᭒᭒
ᬩᬸᬭᭀᬦᬾᬧᬚ᭄ᬭᬶᬢ᭄᭞ᬫᬸᬜᬶᬦᬾᬫᬗᬺᬲᬂᬳᬢᬶ᭞ᬭᬤᬾᬦ᭄ᬕᬮᬸᬄᬢ᭄ᬯᬭᬓᬾᬗ᭄ᬕᬸᬄ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬳᬮᬲᬾᬧᬶᬗᬶᬢ᭄᭞ᬩᬳᬶᬗᬶᬦᬾᬕᭂᬤᬾᬧᬶᬲᬦ᭄᭞ᬳᬶᬭᬶᬓᬳᬶᬤᬫᬮᬸᬗ᭄ᬕᬸᬄ᭞
ᬜᬵᬦ᭄ᬤᬶᬂᬢᬸᬓᬤ᭄ᬢᭀᬬᬦᬾᬳᬗ᭄ᬭᬯᬶᬢ᭄᭞ᬭᬭᬶᬲ᭄ᬳᬶᬤᬫᬩ᭄ᬭᬰᬶᬄ᭞ᬳᬶᬧᬢᬶᬄᬗᬃᬬ᭄ᬬᬦᬂᬤᬶᬢᬸ᭟᭜᭟ᬧᬸᬧᬸᬄᬤᬡ᭄ᬥᬂ᭟᭜᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬸᬭᬶᬦᬾᬩᭂᬘᬶᬓ᭄᭞ᬫᬩᭂᬜ᭄ᬘᬶᬗᬄ᭞ᬭᬶᬂᬢ᭄ᬗᬳᬶᬂ
ᬳᬮᬲ᭄᭞ᬓᬮᬶᬢᬂᬲᬓᬦ᭄ᬓᬬᬸᬦᬾ᭞ᬧᬫᬺᬫᬦᬾᬫ᭄ᬭᬶᬓ᭄ᬳᬭᬸᬫ᭄᭞ᬢᬾᬫ᭄ᬩᭀᬓᬾᬫᬕᬫ᭄ᬩᬃᬱᬵᬫᬶ᭞ᬓᭀᬭᬶᬦᬾᬬᭂᬫᬧ᭄ᬭᬤ᭄ᬥᬵ᭞ᬫᬚᭂᬦ᭄ᬤᬾᬮᬳᬮᬲ᭄᭞ᬓᭀᬭᬶᬦᬾᬧᬢᬺᬳᭀᬮᬡ᭄ᬥᬵ᭞ᬗ
ᬧᬶᬢ᭄ᬮᬯᬂ᭞ᬓᬾᬦᬓᬬᬸᬦᬾᬢ᭄ᬯᬦ᭄ᬤᬾᬯᬷ᭞ᬧᬸᬭᬶᬦᬾᬓᬤᬶᬭᬶᬂᬲ᭄ᬯᬃᬕ᭄ᬕᬦ᭄᭟ᬭᬤᬾᬦ᭄ᬤᬾᬯᬷᬯᭂᬘᬦᬦᬾᬫᬦᬶᬲ᭄᭞ᬳᬶᬗ᭄ᬕᬶᬄᬩᬧ᭞ᬫᬵᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬧ᭄ᬭᬕᬢ᭄᭞ᬳᬸᬫᬄᬢᬶᬢ᭄ᬬᬂᬤᬶᬳ [ 23 ][᭒᭒ 22B]
᭒᭒
ᬮᬲ᭄᭞ᬫ᭄ᬭᬶᬓᭂᬩᬧᬫᬵᬗ᭄ᬓᬶᬦ᭄ᬫᬵᬦ᭄ᬢᬸᬓ᭄᭞ᬩ᭄ᬗᬵᬬᬂᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬳᬶᬭᬶᬓᬶ᭞ᬲᬸᬫᬲᬢᬂᬢᬶᬢ᭄ᬬᬂᬧ᭄ᬚᬄ᭞ᬲᬵᬫ᭄ᬧᬸᬦ᭄ᬩᬧᬢᬦ᭄ᬤ᭄ᬭᬸᬄ᭞ᬳᬧᬦ᭄ᬢᬶᬢᬄᬯᬶᬥᬶᬳᬤᬜᬵ᭞ᬫᬫᬶᬤᬡ᭄ᬥᬵ᭞ᬫᬵᬗ᭄ᬤ
ᬫᬵᬗ᭄ᬕᬶᬄᬓᬤᬶᬫᬵᬗ᭄ᬓᬶᬦ᭄᭞ᬗᬶᬂᬲᬵᬫ᭄ᬧᬸᬦᬂᬩᬧᬯᬾᬭᬵ᭟ᬩᬾᬜ᭄ᬚᬂᬧᬸᬗ᭄ᬓᬸᬃᬡ᭄ᬦᬯᬶᬯᬾᬦ᭄ᬢᭂᬦ᭄ᬱᬶᬄᬯᬶᬥᬶ᭞ᬦᬾᬭᬶᬂᬢᬶᬢ᭄ᬬᬂ᭞ᬓᬭᬶᬢᬶᬢ᭄ᬬᬂᬩᬧ᭞ᬜᭂᬫ᭄ᬧᭀᬮᬾᬄᬓᬬᬸᬦ᭄ᬩᬵᬧᬦᬾ᭞ᬳᬶᬧᬢᬶᬄᬲ᭄ᬥᬶᬄ
ᬫᬳᬢᬹᬃ᭞ᬓᬗᭂᬦ᭄ᬢᬶᬢ᭄ᬬᬂᬬᭂᬫᬶᬭᬕᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬢᬶᬢ᭄ᬬᬂᬫᭂᬧᬫᬶᬢ᭄ᬭᬢᬸ᭞ᬳᬶᬧᬢᬶᬄᬭᬭᬶᬲ᭄ᬓᭂᬚᬩᬵ᭞ᬗᭂᬫᬵᬦ᭄ᬢᬸᬓᬂ᭞ᬢᬦ᭄ᬱᬄᬗᬗᭂᬦ᭄ᬳᬗᭂᬦ᭄ᬕᬸᬲ᭄ᬢᬶ᭞ᬤᬤᬶᬧᭂᬚᬮᬦᬾᬲᬮ᭄ᬲ
ᬮ᭄᭟ᬲᬯᬢᬭᬯᬾᬦ᭄ᬢᭂᬦ᭄ᬢᭂᬗᬄᬯᭂᬗᬶ᭞ᬭᬯᬸᬄᬚᬸᬫᬄ᭞ᬭᬤᬾᬦ᭄ᬤᬾᬯᬷᬓᭀᬘᬧ᭄᭞ᬮᬶᬦ᭄ᬢᬂᬲᬸᬓᬭᬶᬂᬳᬮᬲᬾ᭞ᬢᭀᬕᭀᬕᬾᬲᬳᬶᬓᬭᬸᬫ᭄ᬭᬸᬫ᭄᭞ᬭᬶᬂᬧᬫᬺᬫᬦ᭄ᬮᬶᬦ᭄ᬢᬂᬳᬰᬶᬄ᭞ᬩᬾᬜ᭄ᬚᬂᬲᬵᬫ᭄ᬧᬸᬦ᭄

[᭒᭓ 23A]
᭒᭓
ᬧᬲᭂᬫᭂᬗᬦ᭄᭞ᬲᬂᬭᬵᬢ᭄ᬡᬵᬬᭂᬳᬮᬸᬗ᭄ᬕᬸᬄ᭞ᬳᬶᬩᬬᬦ᭄ᬫᭂᬱᬋᬗᬦ᭄᭞ᬧᬟᬫᬶᬬᬲ᭄᭞ᬫᭂᬤᬮ᭄ᬓᬩᬜ᭄ᬘᬶᬗᬄᬭᬭᬶᬲ᭄᭞ᬱᬋᬂᬢᬢᬶᬕᭂᬓᬚᬩᬵ᭟ᬲᬭᬯᬸᬳᬾᬭᬶᬂᬩᬜ᭄ᬘᬶᬗᬄᬕᭂᬮᬶᬲ᭄᭞ᬧ
ᬟᬡᬕᬓ᭄᭞ᬭᬶᬂᬩᬮᬾᬦᬾᬳᬜᬃ᭞ᬭᬳᬤᬾᬦ᭄ᬤᬾᬯᬷᬲᬩ᭄ᬥᬦᬾ᭞ᬫ᭄ᬥᬮ᭄ᬯᬘᬦᬦᬾᬳᬮᬸᬲ᭄᭞ᬓᭂᬡᬄᬦᬶᬭᬦᬾᬦᬾᬚᬦᬶ᭞ᬧᬘᬂᬗᬗ᭄ᬕᭀᬳᬦᬓ᭄ᬮᬵᬦᬂ᭞ᬳᬧᬗ᭄ᬤᬤᬶᬲᬭᬸ᭞ᬲᬶ
ᬦᬳᬤᭂᬳᬦᬓ᭄ᬢᭂᬓ᭞ᬧᬘᬂᬗ᭄ᬮᬶᬯᬢ᭄᭞ᬕᬶᬕᬶᬲᬦ᭄ᬚᭂᬗᬳᬾᬢᭂᬧᬸᬓᬶᬦ᭄᭞ᬳᬶᬲᬗ᭄ᬳᬶᬢ᭄ᬧᬥᬚᬓ᭄ᬫᬵᬓ᭄ᬚᬂ᭟ᬳᬶᬩᬬᬦ᭄ᬲᬗ᭄ᬳᬶᬢ᭄ᬫᬵᬢᬸᬢᬂᬭᬭᬶᬲ᭄᭞ᬭᬤᬾᬦ᭄ᬤᬾᬯ᭄ᬬ᭞ᬓᬤᬶᬧᭂᬗᬵᬦ᭄ᬤᬶᬓ᭞ᬫᬵᬗ᭄ᬤ
ᬲᬶᬮᬶᬩ᭄ᬭᬶᬂᬳᬮᬲᬾ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬗᬶᬭᬶᬂᬭᬢᬸ᭞ᬭᬤᬾᬦ᭄ᬤᬾᬯᬷᬓᭂᬜᭂᬫ᭄ᬜᬵᬯᬸᬭᬶᬦ᭄᭞ᬭᬭᬶᬲ᭄ᬳᬶᬤᬗᬧᬸᬭᬶᬬᬂ᭞ᬳᬶᬩᬬᬦ᭄ᬫᬵᬦᬸᬦ᭄ᬢᬸᬦ᭄᭞ᬲᬭᬯᬸᬳᬾᬭᬶᬂᬧᬸᬭᬶᬬᬦ᭄᭞ᬭᬤᬾᬦ᭄ᬤᬾᬯ᭄ᬬ᭞ᬗᬵᬫ᭄ᬩᬶ [ 24 ][᭒᭓ 23B]
᭒᭓
ᬮ᭄ᬢᬶᬬᬸᬓ᭄ᬫᬶᬯᬄᬕᬸᬦ᭄ᬢᬶᬂ᭞ᬭᬶᬂᬳᬫ᭄ᬩᬾᬦᬾᬧᬥᬡᬕᬓ᭄᭟ᬳᬶᬩᬬᬦ᭄ᬲᬗ᭄ᬳᬶᬢ᭄ᬚᬵᬦᬶᬓᬕᬸᬦ᭄ᬢᬶᬂ᭞ᬘᬋᬮᬦᬂ᭞ᬢᬕ᭄ᬢᬕ᭄ᬩᭀᬓᬾᬳᬢᬧ᭄᭞ᬯᬮᬸᬬᭂᬮᬦᬂᬭᬸᬧᬦᬾ᭞ᬳᬢᬾᬦ᭄ᬳᬢᬾᬦᬾᬫ
ᬍᬘᬸᬓ᭄᭞ᬧᭂᬧᬬᬲᬦ᭄ᬗᬶᬫ᭄ᬩᬸᬳᬶᬦ᭄ᬩᬵᬗ᭄ᬓᬶᬢ᭄᭞ᬲᭀᬮᬳᬾᬫᭂᬗᬯᬾᬭᬭᬲ᭄᭞ᬧᬵᬦ᭄ᬢᭂᬲ᭄ᬚᬬᬾᬂᬱᬢ᭄ᬭᬸ᭞ᬢ᭄ᬯᬭᬳᬤᭂᬧᬘᬂᬘᬾᬤ᭄ᬥᬵ᭞ᬬᬦ᭄ᬳᬯᬲᬂ᭞ᬢᬸᬭᬸᬦᬦ᭄ᬥᬾᬯᬣᬍᬯᬶᬄ᭞ᬭᬭᬶᬲ᭄ᬫᬵᬗ᭄ᬭᬗ᭄ᬲᬸᬓ᭄ᬩᬸ
ᬱᬡ᭟ᬯᬸᬲ᭄ᬫᬵᬯᬲ᭄ᬢᬺᬫᬕᭂᬕᬸᬮᬸᬂᬢᬗᬶ᭞ᬱᬲᭀᬗ᭄ᬓᬾᬢᬦ᭄᭞ᬫ᭄ᬓᬫ᭄ᬧᬸᬄᬲᬸᬢᬺᬕᬤᬂ᭞ᬮᬶᬦ᭄ᬢᬂᬍᬯᬶᬄᬧᬗᬗ᭄ᬕᬾᬦᬾ᭞ᬜᬸᬂᬓ᭄ᬮᬶᬢ᭄‌ᬓ᭄ᬭᬶᬲ᭄ᬧᬾᬮᬾᬢ᭄ᬳᬮᬸᬲ᭄᭞ᬫᭂᬤᬗᬦᬦ᭄‌‌ᬢᭀᬕᭀᬕ᭄ᬫᬵ
ᬲ᭄ᬗᭂᬡ᭄ᬥᬶᬄ᭞ᬧᭂᬜᬫ᭄ᬩᬸᬗᬾᬫᬵᬲ᭄ᬫᭂᬢᬢᬄ᭞ᬲᭀᬘᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬫᬗ᭄ᬭᬗ᭄ᬲᬸᬓ᭄ᬩᬸᬱᬡᬮᬦᬂ᭞ᬧᭂᬧᬢᭂᬳᬦ᭄᭞ᬫᭂᬯᬲ᭄ᬢᬺᬕᬕᬸᬮᬸᬂᬯᬶᬮᬶᬲ᭄᭞ᬫᭂᬢᬗ᭄ᬕᬸᬲᭀᬗ᭄ᬓᬾᬢ᭄ᬫᬧ᭄ᬭᬤ᭄ᬥ᭟ᬫᬓᬵ

[᭒᭔ 24A]
᭒᭔
ᬫ᭄ᬧᬸᬄᬕᬸᬫᬶᬮᬂᬢᬗᬶ᭞ᬫᬧ᭄ᬭᬤ᭄ᬥᬵ᭞ᬓ᭄ᬭᬶᬲᬾᬧᭂᬧᬢᭂᬳᬦ᭄᭞ᬳᬸᬭᬗ᭄ᬓᬍᬯᬶᬄᬧᬾᬮᬾᬢᬾ᭞ᬫ᭄ᬮᬦ᭄ᬤᬾᬬᬦ᭄‌‌ᬢᭀᬕᭀᬕ᭄ᬫᬸᬭᬸᬩ᭄᭞ᬫᬲᬲᭀᬘᬦ᭄ᬯᬶᬦ᭄ᬢᭂᬦᬾᬗᭂᬡ᭄ᬥᬶᬄ᭞ᬯᬃᬡ᭄ᬦᬦᬾᬫᬗᬬᬂᬗᬬᬂ᭞
ᬮ᭄ᬯᬶᬃᬳ᭄ᬬᬂᬲ᭄ᬫᬭᬦᬸᬭᬸᬦ᭄᭞ᬤᬶᬕᬸᬫᬶᬦᬾᬢ᭄ᬯᬭᬵᬤᭂᬧᬥᬵ᭞ᬭᬕᬦ᭄ᬳᬶᬤ᭞ᬭᬕᬮᬗ᭄ᬲᬶᬂᬍᬫ᭄ᬧᬸᬂᬓᬸᬦᬶᬂ᭞ᬢᬗᬦ᭄ᬘᭀᬓᭀᬃᬫ᭄ᬫᬵᬧᬶᬗ᭄ᬕᭂᬮ᭄ᬫᬵᬲ᭄᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬦᬄᬚᬦᬶᬫᬕᭂᬦ᭄ᬢᬶ
ᬳᬤᬦ᭄᭞ᬦᬾᬳᬶᬩᬬᬦ᭄ᬭᬸᬧᬪᬕᬸᬲ᭄‌‌ᬦ᭄ᬭᬧᬢᬶ᭞ᬳᬶᬓᬸᬤᬧᬺᬯᬶᬭᬳᬦᬸᬢ᭄᭞ᬧᬵᬦ᭄ᬢᭂᬲ᭄ᬚᬵᬬᭂᬤᬶᬧᬲ᭄ᬬᬢᬦ᭄᭞ᬦᬾᬳᬶᬲᬗ᭄ᬳᬶᬢ᭄‌‌ᬳᬶᬓᬸᬤᬧᬺᬯᬶᬭᬪᬕᬸᬲ᭄᭞ᬢᬵᬗ᭄ᬓᬧᬾᬧᬺᬢ
ᬫᬾᬂᬬᬸᬤ᭄ᬥᬵ᭞ᬲᬶᬂᬩᬩᬃᬢ᭄ᬣᬵᬦᬸᬭᬸᬂᬩ᭄ᬭᬰᬶᬄ᭟ᬚᬦᬶᬦᬶᬭᬫᬕᭂᬦ᭄ᬢᬶᬳᬤᬦ᭄᭞ᬳᬶᬧᬜ᭄ᬚᬶᬲ᭄ᬫᬶᬭᬂᬦᬶᬭᬦ᭄ᬭᬧᬢᬶ᭞ᬲᬵᬫ᭄ᬧᬸᬦ᭄ᬓᬩᬶᬱᬾᬓᬧᬸᬧᬸᬢ᭄᭞ᬭᬭᬶᬲ᭄ᬧᬋᬓ᭄ᬭᬶᬂᬳᬶᬤᬳ᭄ᬬᬂ᭞ᬱᬋᬂᬢᬶ [ 25 ][᭒᭔ 24B]
᭒᭔
ᬕᭂᬲᬭᬯᬸᬳᬾᬜᬸᬫ᭄ᬩᬄᬫᬵᬢᬹᬃ᭞ᬕᭂᬮᬸᬧ᭄ᬭᬫᬷᬰ᭄ᬯᬭᬷᬜᬶᬗᬓ᭄᭞ᬫᬘᭂᬩᬸᬃᬗ᭄ᬗᬵᬬᬢ᭄ᬫᬪᬓ᭄ᬢᬶ᭟ᬓ᭄ᬱᬶᬡᬗ᭄ᬕᬸᬄᬯᬢᭂᬓ᭄ᬥᬾᬯᬢ᭄ᬣᬵ᭞ᬕ᭄ᬮᬶᬲ᭄ᬫᬜᬕ᭄ᬚᬵᬕ᭄ᬧᬜ᭄ᬚᬶᬲ᭄ᬫᬶᬭᬂᬗᬪᬓ᭄ᬢᬶ᭞ᬲᬵᬫ᭄ᬧᬸᬦ᭄ᬲᬧᬸᬦᬶᬓ
ᬇᬪᬸ᭞ᬢᬶᬢ᭄ᬬᬂᬳᬶᬘᬡ᭄ᬥᬺᬓᬶᬭᬡᬵ᭞ᬓᬾᬗᬶᬦ᭄‌‌ᬫ᭄ᬯᬦᬶᬫᬵᬗ᭄ᬤᬲᬵᬫ᭄ᬧᬸᬦ᭄ᬳᬦᬓ᭄ᬢᬯᬸ᭞ᬢᬶᬢ᭄ᬬᬂᬫᭂᬜᬭᬸᬯᬂᬳᬯᬓ᭄᭞ᬳᬶᬩᬬᬦ᭄ᬲᬗ᭄ᬳᬶᬢ᭄ᬜᬵᬋᬗᬶᬦ᭄᭟ᬤᬤᬶᬓᭂᬤᬾᬓᬾᬫᬩ᭄ᬭᬶᬬᬓ᭄᭞ᬧ᭄ᬭ
ᬫᬷᬰ᭄ᬯᬭᬷᬯᬶᬚᬶᬮ᭄‌‌ᬯᬘᬦᬫᬦᬶᬲ᭄᭞ᬫᭂᬦᬾᬓᬦ᭄ᬳᬶᬤᬾᬯᬮᬯᬸᬢ᭄᭞ᬤᬶᬦᬶᬢᭀᬗᭀᬲ᭄ᬫᭂᬗᬚᭂᬗᬂ᭞ᬧ᭄ᬭᬫᬷᬰ᭄ᬯᬭᬷᬭᬾᬧᭀᬢ᭄ᬫᬜᭀᬤᬬᬂᬲᭂᬓᬸᬮ᭄᭟ᬱᬋᬂᬢᬢᬶᬕᭂᬗᬚᭂᬗᬂ᭞ᬓᬾᬦᬓ
ᬬᬸᬦᬾᬢᬦ᭄ᬱᬶᬧᬶ᭟ᬧ᭄ᬭᬫᬷᬰ᭄ᬯᬭᬷᬫᭂᬗᬦ᭄ᬤᬶᬓ᭞ᬳᬟᬸᬄᬤᬾᬯᬜᬾᬦ᭄ᬧᬂᬓᬸᬲᬦᬾᬫᬵᬗ᭄ᬓᬶᬦ᭄᭞ᬳᬶᬕᬮᬸᬄᬫᬲᬯᬸᬃᬓ᭄ᬓᭂᬜᬸᬂ᭞ᬢᬶᬢ᭄ᬬᬂᬯᬵᬦ᭄ᬢᬄᬧᬜ᭄ᬚᬶᬲ᭄ᬫᬶᬭᬂ᭞ᬬᭂᬳᬶᬩᬬᬦ᭄ᬳᬶᬓᬸᬤᬧᬺᬯᬶᬭᬭ

[᭒᭕ 25A]
᭒᭕
ᬢᬸ᭞ᬳᬶᬲᬗ᭄ᬳᬶᬢ᭄ᬓᬸᬤᬧ᭄ᬭᬫᬵᬜ᭄ᬘᬵ᭞ᬫᬢᬶᬳᬶᬦ᭄ᬢᬶᬢ᭄ᬬᬂᬳᬶᬭᬶᬓᬶ᭟ᬩ᭄ᬬᬗᬾᬩᭂᬗᭀᬂᬫᬫᬶᬋᬗᬂ᭞ᬫᬸᬍᬚᬢᬶᬳᬶᬤᬾᬯᬉᬢᬫᬍᬯᬶᬄ᭞ᬯᬢᭂᬓ᭄‌‌ᬤᬾᬯᬢᬦᬾᬢᬸᬭᬸᬦ᭄᭞ᬚᬵᬤ᭄ᬫᬫᬳᬶ
ᬦ᭄ᬤᬳᬶᬤᬾᬯ᭞ᬲᬗ᭄ᬓᬵᬦ᭄ᬫᭂᬢᬸᬓᬬᬸᬦᬾᬢᭀᬂᬩᬓᬢᬶᬭᬸ᭞ᬳᬶᬧᬜ᭄ᬚᬶᬫᬵᬢᬹᬃᬫ᭄ᬫᭂᬡᬗᬂ᭞ᬫᬮᬶᬗ᭄ᬕᬶᬄᬩ᭄ᬬᬂᬭᬶᬂᬧᬸᬭᬶ᭟ᬲᬵᬫ᭄ᬧᬸᬦ᭄ᬳᬸᬲᬦ᭄ᬳᬶᬤᬗᬚᭂᬗᬂ᭞ᬗᬶᬦᬂᬲᬶᬭᬶᬄᬫᭂᬧᬫᬶᬢ᭄ᬓᭂᬚᬩᬭᬭᬶᬲ᭄᭞ᬗᭀ
ᬚᭀᬕ᭄ᬓᬧᭂᬫᬺᬫᬦ᭄ᬳᬭᬸᬫ᭄᭞ᬳᬶᬧᬢᬶᬄᬓᬮᬶᬄᬱᬋᬂ᭞ᬫᭂᬫᬯᭀᬲᬂᬧᬘᬂᬗᬵᬮᬶᬄᬫᬸᬲᬸᬄ᭞ᬳᬧᬂᬳᬾᬗ᭄ᬕᬮ᭄ᬫᭂᬦᬂᬓᬵᬮᬄ᭞ᬤᬤᬶᬩᬵᬮᬓ᭄ᬮᬵᬡᬱᬓ᭄ᬢᬶ᭟ᬳᬶᬧᬢᬶᬄᬚᬦᬶᬫᬲᬵᬫ᭄ᬩᬂ᭞ᬤᬶᬩᬜ᭄ᬘᬶᬗᬄᬦ
ᬗ᭄ᬳᬶᬳᬧᬂᬬᬢ᭄ᬦᬕᬢᬶ᭞ᬲᬶᬦᬳᬤᭂᬚᬵᬢ᭄ᬫᬵᬗᬮᬸ᭞ᬳᬶᬧᬢᬶᬄᬤᬶᬢᬸᬫᭂᬜᬤᬂ᭞ᬮᬯᬸᬢ᭄ᬢᬸᬯᬂᬩᭂᬩᬦ᭄ᬤᬵᬭᬦ᭄ᬜᬵᬦᬾᬤᬸᬟᬸᬓ᭄᭞ᬲᬶᬜᭂᬬᭂᬩᬦᬶᬫᬗ᭄ᬮᬵᬯᬦ᭄᭞ᬮᬯᬸᬢᬂᬳᬫᬸᬓ᭄ᬧᬢᬾᬦᬶᬦ᭄᭟ [ 26 ][᭒᭕ 25B]
᭒᭕
ᬬᬾᬦ᭄ᬫᬵᬜ᭄ᬭᬄᬫᬳᬶᬳᬢᭂᬳᬂᬤᭂᬧᬂᬦᬶᬭᬩ᭄ᬯᬶᬦ᭄ᬤᬶᬦᬶᬦᬓᭀᬦᬶᬦ᭄᭞ᬳᬶᬧᬢᬶᬄᬓᬮᬶᬄᬫᬳᬢᬹᬃ᭞ᬳᬶᬗ᭄ᬕᬶᬄᬲᬡ᭄ᬥᬶᬓᬦ᭄ᬳᬶᬤᬾᬯ᭞ᬭᬭᬶᬲ᭄‌ᬫᬺᬫ᭄ᬱᬋᬂᬢᬢᬶᬕᭂᬫᭂᬓᬸᬧ᭄ᬓᬸᬧ᭄᭞ᬢᭀᬕᭀ
ᬕᬾᬢᬦ᭄ᬱᬄᬲᬡ᭄ᬥᬶᬗᬂ᭞ᬤᬤᬶᬧᬜᭂᬮᬶᬫᬹᬃᬲ᭄ᬥᬶᬄᬩᬾᬜ᭄ᬚᬂᬲᭂᬫᭂᬗᬦ᭄ᬓᭀᬘᬧᬂ᭞ᬫᭂᬤᬩ᭄ᬤᬵᬩᬦ᭄ᬳᬶᬧᬢᬶᬄᬱᬋᬂᬓᬮᬶᬄ᭞ᬤᬶᬩᬢᬦ᭄ᬩᬶᬗᬶᬦᬾᬡᬂᬓᬸᬮ᭄᭞ᬫᬭᬶᬂᬚᬩᬬᬦ᭄ᬩᬵᬜ᭄ᬘᬶᬗᬄ᭞ᬢᬦ᭄ᬯᬸᬲ᭄ᬭ
ᬯᬸᬄᬧᭂᬗᬮᬸᬫᬩᬺᬤ᭄ᬮᬶᬬᬸ᭞ᬳᬶᬧᬢᬶᬄᬤᬶᬢᬸᬫᭂᬜᬕ᭄ᬚᬵᬕ᭄᭞ᬲᬬᬕᭂᬭᬭᬶᬲ᭄‌‌ᬦᬓᭀᬦᬶᬦ᭄᭟ᬦᬾᬢᬾᬘᬳᬶᬯᭀᬂᬳᬧᬵ᭞ᬗ᭄ᬮᬶᬯᬢ᭄ᬤᬶᬦᬶᬧᬘᬂᬓᬶᬚᭂᬦᬾᬚᬦᬶ᭞ᬳᬶᬧᬗᬮᬸᬫᬵᬢᬹᬃᬳᬮᬸᬲ᭄‌‌ᬗᬸᬤ
ᬕᬸᬲ᭄ᬢᬶᬲᬧᬸᬦᬶᬓ᭞ᬧᬘᬂᬫᬾᬕᬮ᭄ᬧᬤ᭄ᬭᬸᬯᬾᬬᬦ᭄ᬳᬦᬓ᭄ᬤᬸᬲᬸᬦ᭄᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬗᬵᬢᬸᬭᬂ᭞ᬬᬤᬶᬦ᭄ᬫᬵᬲᬶᬦ᭄ᬢᬶᬢ᭄ᬬᬂᬫᬢᬶ᭟ᬳᬶᬧᬢᬶᬄᬫᬗᬸᬦᬸᬲ᭄ᬧᭂᬤᬂ᭞ᬧᭂᬗᬮᬸᬦᬾᬲᬵᬫ᭄ᬬᬦ᭄ᬫᬗᬸᬦᬸᬲ᭄ᬓ᭄ᬭᬶᬲ᭄᭞

[᭒᭖ 26A]
᭒᭖
ᬫᬬᬸᬤ᭄ᬥᬧᬲᬮᬾᬂᬲᬸᬟᬸᬓ᭄᭞ᬳᬓᬾᬄᬧᬗᬮᬸᬦᬾᬧᭂᬚᬄ᭞ᬦᬾᬦᬾᬓᬦᬶᬦ᭄ᬫᭂᬮᬳᬶᬩ᭄‌‌ᬬᭂᬧᬢᬶᬧᬸᬭᬸᬕ᭄᭞ᬳᬶᬧᬢᬶᬄᬤᬶᬢᬸᬜᬚᬬᬂ᭞ᬗᬫᬹᬓ᭄ᬕᬜ᭄ᬘᬂᬩᬸᬓᭂᬢᬢᬶᬢ᭄᭟ᬢ᭄ᬯᬭᬜᬵᬦ᭄ᬤᬂᬧᬘᬂᬮ
ᬯᬦ᭄᭞ᬧᬤᬜ᭄ᬭᬄᬧᭂᬗᬮᬸᬦᬾᬲᬶᬲᬦ᭄ᬫᬵᬢᬶ᭞ᬮᬸᬄᬫ᭄ᬯᬦᬶᬧᬟᬫᬵᬢᬹᬃ᭞ᬢᬶᬢ᭄ᬬᬂᬦᬸᬦᬲ᭄ᬧᬗᬵᬫ᭄ᬧᬸᬭ᭞ᬢᬶᬢ᭄ᬬᬂᬳᬚ᭄ᬭᬶᬄᬫᬫᭂᬲᭂᬄᬭᬶᬂᬳᬶᬭᬢᬸ᭞ᬲᬵᬫ᭄ᬧᬸᬦᬂᬫᬤᭂᬫᬂᬢᬶᬢ᭄ᬬᬂ᭞ᬳᬶᬧᬢᬶᬄᬗᬚᬓᬧᬸᬭᬶ
᭟ᬚᬮᬦ᭄ᬩᬵᬗᬸᬦ᭄ᬚᬵᬓ᭄ᬫᬓᭂᬚᬂ᭞ᬦᬾᬫᭂᬢᬢᬸᬦᬸᬯᬸᬄᬫᭂᬦᬦ᭄ᬤᬂᬱᬓᬶᬢ᭄᭞ᬳᬶᬧᬢᬶᬄᬗᬢᭂᬳᬂᬤᬶᬧᬸᬗ᭄ᬓᬸᬃ᭞ᬳᬶᬧᬗᬮᬸᬤᬶᬳᬋᬧᬦ᭄᭞ᬧᬥᬗᭂᬮᬶᬂᬧᬕ᭄ᬭᬶᬬᭂᬂᬗᬯᬾᬳᬸᬮᬗᬸᬦ᭄᭞ᬭᬭᬶᬲ᭄ᬫᬗ᭄ᬭᬜ᭄ᬚᬶᬂᬓᬧᬸᬭ᭞
ᬳᬶᬧᬜ᭄ᬚᬶᬤᬶᬢᬸᬜᬶᬗᬓᬶᬦ᭄᭟ᬳᬶᬧᬢᬶᬄᬫᬵᬢᬹᬃᬫ᭄ᬫᬵᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬗᬢᬸᬭᬂᬧᬶᬓᭀᬮᬶᬄ᭞ᬳᬶᬧᬜ᭄ᬚᬶᬲ᭄ᬫᬶᬭᬂᬬᭂᬓᭂᬜᬸᬂ᭞ᬦᬾᬫᭂᬢᬢᬸᬓᬶᬘᬾᬦ᭄ᬳᬸᬩᬤ᭄᭞ᬳᬶᬧᭂᬗᬮᬸᬍᬕᭂᬗᭂᬮᬄ [ 27 ][᭒᭖ 26B]
᭒᭖
ᬕᬸᬲ᭄ᬢᬶᬪᬕᬸᬲ᭄᭞ᬮᬯᬸᬢ᭄ᬓᬳᬶᬘᬾᬦ᭄ᬳᬚᭂᬗᬦ᭄᭞ᬫᬶᬯᬄᬳᬸᬫᬄᬲ᭄ᬯᬶᬚᬶᬯᬶᬚᬶ᭟ᬧᬶᬂᬢᭂᬮᬸᬓᬳᬶᬘᬾᬦᬤᬄ᭞ᬳᬶᬧᭂᬗᬮᬸᬓ᭄ᬭᬵᬡᬪᬓ᭄ᬢᬶᬫᬕᬸᬲ᭄ᬢᬶ᭞ᬧᭂᬘᬓ᭄ᬲᬳᬶᬲᬳᬶᬢᬸᬬᬸᬄ᭞ᬚᬦᬶᬓᬳᬶᬘᬾ
ᬦ᭄ᬓᬲᬸᬓᬦ᭄᭞ᬤᬤᬶᬳᭂᬗ᭄ᬲᬧ᭄ᬢᭂᬓᬾᬦᬶᬂᬟᬾᬱᬦᬾᬫᬮᬸ᭞ᬲᬳᬶᬫᬳᬶᬧᬸᬓ᭄ᬳᬶᬧᬸᬓᬦ᭄᭞ᬧᬟᬫᬗ᭄ᬮᭂᬕᬦᬶᬦ᭄ᬳᬢᬶ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬯᬾᬦ᭄ᬢᭂᬦ᭄ᬧᭂᬗᬮᬸᬓᭀᬭᬶᬧᬦ᭄᭞ᬓ
ᬘᬦ᭄ᬤᬵᬓ᭄ᬳᬦ᭄ᬢᬸᬓ᭄ᬳᬶᬧᬢᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᭂᬢᬗ᭄ᬕᬮ᭄᭞ᬲᬯᬢᬭᬲᬢᬸᬲ᭄ᬤᬶᬭᬶ᭞ᬧᬟᬬᭂᬫᬦᬸᬦᬲ᭄ᬳᬸᬭᬶᬧ᭄᭞ᬳᬢᬸᬭᬾᬗᭀᬮᬲᬂᬓᬬᬸᬦ᭄᭞ᬢᬶᬢ᭄ᬬᬂᬮᬶᬦ᭄ᬢᬂᬳᬚ᭄ᬭᬶᬄᬧᬶᬲᬦ᭄᭞ᬤᬾᬲᬦ᭄ᬢᬶ
ᬢ᭄ᬬᬂᬭᬶᬂᬧᬦᬧᬶ᭞ᬳᬶᬗ᭄ᬕᬶᬄᬭᬢᬸ᭞ᬢᬶᬢ᭄ᬬᬂᬓᬯᬸᬮᬓᭀᬭᬶᬧᬦ᭄᭟ᬳᬶᬧᬢᬶᬄᬭᬭᬶᬲ᭄ᬗᬵᬦ᭄ᬤᬶᬓ᭞ᬮᬫᬸᬦ᭄ᬓᬾᬢᭀᬳᬶᬟᭂᬧ᭄‌‌ᬜᬳᬶ᭞ᬚᬮᬦ᭄ᬓᬾᬧᬋᬓ᭄ᬓᬧᬸᬭᬵ᭞ᬳᬶᬧᭂᬗᬮᬸᬫᬵᬢᬹᬃᬭᬭᬶ

[᭒᭗ 27A]
᭒᭗
ᬲ᭄᭞ᬢᬶᬢ᭄ᬬᬂᬲᬡ᭄ᬥᬶᬓᬦ᭄ᬳᬶᬕᬸᬲ᭄ᬢᬶ᭞ᬩᬗᬸᬦ᭄ᬫᬚᬮᬦ᭄ᬫᬵᬩ᭄ᬭᬶᬬᬸᬓ᭄᭞ᬲᬭᬯᬸᬳᬾᬭᬶᬚ᭄ᬭᭀᬧᬸᬭ᭞ᬓᭂᬜᭂᬫ᭄ᬳᬶᬧᬜ᭄ᬚᬶᬜᬶᬗᬓᬶᬦ᭄᭞ᬭᬭᬶᬲ᭄ᬫᬵᬢᬹᬃ᭞ᬳᬶᬧᬢᬶᬄᬓᬮᬶᬄᬫᬜᬸᬫ᭄ᬩᬄ᭟ᬧᬸᬦᬶᬓᬶᬢᬶᬢ᭄ᬬᬂ
ᬗᬢᬸᬭᬂ᭞ᬧᬶᬓᭀᬮᬶᬄᬫᬵᬮᬶᬄᬳᬓᬶᬤᬶᬓ᭄᭞ᬓᬯᬸᬮᬱᬓᬶᬂᬓᭀᬭᬶᬧᬦ᭄᭞ᬳᬶᬧᬸᬦ᭄ᬫᬵᬜ᭄ᬭᬄᬱᬋᬂᬲᬵᬫᬶ᭞ᬳᬶᬧᬜ᭄ᬚᬶᬗᬵᬦ᭄ᬤᬶᬓᬳᬭᬶᬲ᭄᭞ᬓᭂᬫᭂᬩᬳᬂᬳᬸᬫᬄᬤᬶᬢᬸ᭞ᬓᬮᬶᬄᬩᬳᬂᬬᭂ
ᬳᬦᬤᬄ᭞ᬳᬧᬂᬍᬕᭂᬧᬥᬤᬶᬦᬶ᭞ᬳᬶᬧᭂᬗᬮᬸ᭞ᬧᬥᬍᬕᭂᬫᬦᬶᬗᭂᬳᬂ᭟ᬫᬩ᭄ᬭᬶᬬᬸᬓ᭄ᬧᬥᬫᬜᬸᬫ᭄ᬩᬄ᭞ᬳᬶᬧᭂᬗᬮᬸᬱᬋᬂᬲᬵᬫᬶ᭞ᬧᬥᬫᬗᬺᬋᬄᬬᭂᬕᭂᬦᬄ᭞ᬳᬶᬧᬢᬶᬄᬤᬶᬢᬸᬗᬶᬘᬾᬦᬶᬦ᭄᭞
ᬳᬸᬫᬄᬧᬥᬬᭂᬗᬭᬗᬶᬦ᭄᭞ᬫᬗᬶᬍᬳᬶᬦ᭄‌‌ᬚ᭄ᬭᭀᬲᬵᬫ᭄ᬧᬸᬦ᭄᭞ᬢᬸᬗ᭄ᬕᬮ᭄‌‌ᬲᭀᬭᬾᬓᬶᬘᬾᬦ᭄ᬢᬤᬸᬄ᭞ᬓᬍᬕᬦ᭄ᬫᬵᬦᬳᬾᬲᬳᬶ᭞ᬧᭂᬘᬓ᭄ᬢᬸᬬᬸᬄ᭞ᬚᬦᬶᬦᬧᬸᬓᬶᬦ᭄ᬓᬵᬲᬸᬓᬦ᭄᭟ᬜᬩ᭄ᬭᬦ᭄ᬤᬶᬦᬲ [ 28 ][᭒᭗ 27B]
᭒᭗
ᬧᬸᬦᬶᬓ᭞ᬧᭂᬓᬃᬬ᭄ᬬᬦ᭄ᬳᬶᬧᬢᬶᬄᬓᬮᬶᬄ᭞ᬫᭂᬜᬵᬦ᭄ᬤᬓ᭄ᬳᬦᬓ᭄ᬫᬚᬮᬦ᭄᭞ᬤᬤᬶᬯᬾᬦ᭄ᬢᭂᬦ᭄ᬫᬵᬮᬶᬄᬧ᭄ᬭᬧ᭄ᬢᬶ᭞ᬲᬯᬢᬭᬲᬢᬸᬲ᭄ᬤᬶᬭᬶ᭞ᬚᬵᬢ᭄ᬫᬫᭂᬢᬯᬸᬦ᭄ᬫᬗᬮᬸ᭞ᬮᬾᬦ᭄ᬳᬤᭂᬳᬸᬮᬶᬤᬶᬤᬳ᭞ᬫ
ᬩ᭄ᬭᬶᬬᬸᬓ᭄ᬱᬋᬂᬫᬫᬃᬕ᭄ᬕᬶ᭞ᬭᬭᬶᬲ᭄ᬭᬵᬯᬸᬄ᭞ᬳᬶᬧᬢᬶᬄᬤᬶᬢᬸᬫᭂᬜᬵᬦ᭄ᬤᬓ᭄᭟ᬓᭂᬳᬦ᭄ᬤᭂᬕᬂᬤᬶᬢᬸᬫᬓ᭄ᬚᬂ᭞ᬧᭂᬗᬮᬸᬦᬾᬚᭂᬚᭂᬄᬳᬶᬲᬶᬲ᭄᭞ᬧᬥᬗ᭄ᬭᬵᬱᬧᬘᬂᬭᬸᬱᬓ᭄᭞ᬳᬤᭂᬗᭂᬢᭀᬃᬫ᭄ᬫᬶ
ᬯᬄᬗᭂᬮᬶᬂ᭞ᬮᬾᬦ᭄ᬳᬤᭂᬳᬦᬾᬫᬗᭂᬧᬶᬮ᭄᭞ᬳᬶᬧᬢᬶᬄᬓᬮᬶᬄᬳᬫᬸᬯᬸᬲ᭄᭞ᬦᬾᬘᬳᬶᬧᬥᬫᬓᭂᬚᬂ᭞ᬩᭂᬮᬶᬜᬵᬦ᭄ᬤᬓ᭄‌‌ᬘᬳᬶᬤᬶᬦᬶ᭞ᬭᬭᬶᬲ᭄ᬫᬵᬢᬹᬃ᭞ᬧᭂᬗᬮᬸᬦᬾᬫᬵᬢᬹᬃ
ᬜᭂᬫ᭄ᬩᬄ᭟ᬚᬕᬦᬧᬶᬢᬶᬢ᭄ᬬᬂᬘᬵᬦ᭄ᬤᬓ᭄᭞ᬳᬶᬧᬢᬶᬄᬓᬮᬶᬄᬜᬯᬸᬭᬶᬦ᭄᭞ᬧᬘᬂᬳᬗ᭄ᬕᭀᬦᬶᬭᬭᭀᬯᬂ᭞ᬳᬶᬘᬂᬮᬘᬸᬃᬪᬸᬓᭂᬚᬦᬶ᭞ᬢ᭄ᬯᬭᬳᬤᭂᬦᬓ᭄ᬫᬋᬗᬶᬦ᭄᭞ᬫᬦᭀᬗᭀ

[᭒᭘ 28A]
᭒᭘
ᬲ᭄ᬤᬶᬳᬮᬲᬾᬳᬕᬸᬂ᭞ᬬᬦ᭄ᬱᬶᬄᬘᬳᬶᬢ᭄ᬯᬭᬲᬸᬓ᭞ᬦᬄᬳᭀᬭᬳᬶᬦ᭄ᬳᬶᬘᬂᬚᬦᬶ᭞ᬭᬭᬶᬲ᭄ᬫᬵᬢᬹᬃ᭞ᬳᬶᬧᭂᬗᬮᬸᬜᭀᬂᬓᭀᬓ᭄ᬜᬸᬫ᭄ᬩᬄ᭟ᬢᬶᬢ᭄ᬬᬂᬫᭂᬦᬯᭂᬕᬂᬧᬶᬲᬦ᭄᭞ᬬᬦ᭄ᬢᬦ᭄ᬫᬵᬯᬦᬦ᭄ᬱᬶᬲᬶᬧ᭄᭞ᬢᬶ
ᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬗᬵᬢᬸᬭᬂ᭞ᬓᬮᬶᬄᬗᬶᬭᬶᬂᬓᬬᬸᬦ᭄ᬕᬸᬲ᭄ᬢᬶ᭞ᬚᬸᬫᬄᬯᬾᬦ᭄ᬢᭂᬦ᭄ᬳᬦᬓ᭄ᬳᬮᬶᬢ᭄᭞ᬲᬧᬱᬶᬋᬧᬘᬂᬗ᭄ᬭᬸᬗᬸ᭞ᬳᬶᬧᬢᬶᬄᬭᬭᬶᬲ᭄ᬫᬵᬦᬶᬫ᭄ᬩᬮ᭄᭞ᬓᭂᬫᭂᬳᬮᬶᬳᬚᬓ᭄ᬫᬳᬶ᭞ᬳᭂᬤᭂᬢᬓᬸ
ᬢ᭄᭞ᬤᬶᬦᬶᬳᬶᬘᬂᬫᬳᬂᬗᬫᬄ᭟ᬳᬶᬧᭂᬗᬮᬸᬭᬭᬶᬲ᭄‌‌ᬦᬶᬫ᭄ᬩᬮ᭄᭞ᬬᬤ᭄ᬬᬦ᭄ᬲᬧᬸᬦᬶᬓᬕᬸᬲ᭄ᬢᬶ᭞ᬢᬶᬢ᭄ᬬᬂᬫᭂᬦᬯᭂᬕᬂᬧᬶᬲᬦ᭄᭞ᬳᬶᬧᬢᬶᬄᬋᬗᭂᬢ᭄ᬜᬵᬯᬸᬭᬶᬦ᭄᭞ᬢᬳᬦᬂᬳᬶᬩᬦᬾᬚᬦᬶ᭞ᬧ᭄ᬥ
ᬗᬾᬭᬭᬶᬲ᭄ᬓᬳᬸᬦᬸᬲ᭄᭞ᬳᬶᬧᭂᬗᬮᬸᬲᬵᬫ᭄ᬩᭂᬄᬩᬸᬬᬃ᭞ᬳᬤᭂᬦᬾᬩᬦᬶᬦᬶᬫ᭄ᬧᬮᬶᬦ᭄᭞ᬤᬢᬸᬮᬯᬸᬢ᭄᭞ᬫᬬᬸᬤ᭄ᬥᬧᬲᬮᬶᬂᬢᬸᬚᬄ᭞ᬳᬶᬧᬢᬶᬄᬤᬶᬢᬸᬗᬸᬮᬳᬂ᭞ᬗᬫᬹᬓ᭄ᬢᭀᬂᬩᬓᬢ᭄ᬩᬵᬦᬗ᭄ᬓᬶ [ 29 ][᭒᭘ 28B]
᭒᭘
ᬲ᭄᭞ᬳᬶᬧᭂᬗᬮᬸᬮᬶᬬᬸᬧᭂᬚᬄ᭞ᬦᬾᬫᬢᬢᬸᬚ᭄ᬭᬢ᭄‌ᬚ᭄ᬭᬶᬢ᭄᭞ᬧᭂᬲᬸᬫᬸᬜᬶᬦᬾᬬᭂᬧᬮᬶᬂ᭞ᬢᬶᬢ᭄ᬬᬂᬦᬸᬦᬲ᭄ᬳᬸᬭᬶᬧ᭄ᬭᬢᬸ᭞ᬫᬵᬗ᭄ᬓᬶᬦ᭄ᬢᬶᬢ᭄ᬬᬂᬳᬚ᭄ᬭᬶᬄᬧᬶᬲᬦ᭄᭞ᬢᬶᬢ᭄ᬬᬂᬫᬫᭂᬲᭂᬄᬭᬶᬂᬕᬸᬲ᭄ᬢᬶ᭞ᬫᬩᬭᬶ
ᬬᬸᬓ᭄᭞ᬳᬚᬓ᭄ᬢᬶᬧᬮᬾᬫᬓᭂᬚᬂ᭟ᬲᭂᬓᬭᬶᬦ᭄ᬳᬶᬧᬸᬦᬾᬧᭂᬚᬄ᭟ᬳᬶᬧᬢᬶᬄᬤᬶᬢᬸᬜᬯᬸᬭᬶᬦ᭄᭞ᬦᬄᬦᬶᬭᬚᬦᬶᬦᬭᬶᬫᬵ᭞ᬗᬶᬤᬶᬄᬳᬸᬭᬶᬧ᭄ᬢᭂᬓᬾᬦ᭄ᬓᬳᬶ᭞ᬦᬄᬫᬢᬫ᭄ᬩᬸᬦ᭄ᬲᬸᬩᭂᬚᬦᬶ᭞ᬳᬓᬸᬤᭂ
ᬦᬾᬦᬾᬫᬢᬢᬸ᭞ᬓᭂᬢᬫ᭄ᬩᬦᬶᬦ᭄ᬧᬥᬯᬭᬲ᭄᭞ᬭᬭᬶᬲ᭄ᬓᬳᬚᬓ᭄ᬓᬧᬸᬭᬶ᭞ᬫᬩᬭᬶᬬᬸᬓ᭄᭞ᬧᬋᬓ᭄ᬭᬶᬂᬩᬕᬾᬡ᭄ᬥᬺᬧᬸᬢᬻ᭟ᬳᬶᬧᬢᬶᬄᬓᬮᬶᬄᬫᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬲᬂᬳᬧᭂᬓᬶᬓ᭄᭞ᬧᬸᬦᬶᬓᬶ
ᬢᬶᬢ᭄ᬬᬂᬗᬢᬸᬭᬂ᭞ᬚᭂᬚᬭᬳᬦ᭄ᬫᬵᬮᬶᬄᬓᬶᬤᬶᬓ᭄᭞ᬲᬯᬢᬭᬲᬢᬸᬲ᭄ᬤᬶᬭᬶ᭞ᬳᬶᬧᬜ᭄ᬚᬶᬗᬦ᭄ᬤᬶᬓᬳᬮᬸᬲ᭄᭞ᬦᬄᬩᬳᬂᬳᬶᬬᭂᬫᭂᬗᬫᬄ᭞ᬫᬶᬯᬄᬯᬲ᭄ᬢᬺᬧᬶᬤᬤᬭᬶᬦ᭄᭞ᬭᬭᬶᬲ᭄ᬫᬵᬢᬹᬃ᭞ᬢᬶᬢ᭄ᬬᬂᬲᬵᬡ᭄ᬥᬶ

[᭒᭙ 29A]
᭒᭙
ᬓᬦ᭄ᬳᬶᬤᬾᬯᬵ᭟ᬲᭂᬫᬵᬮᬶᬄᬦᬾᬲᬧᬸᬦᬶᬓ᭞ᬯᬾᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬢᬶᬕᬂᬰᬰᬶᬄ᭞ᬭᬭᬶᬲ᭄ᬫᬵᬳᬶᬧᬸᬓ᭄ᬳᬶᬧᬸᬓᬦ᭄᭞ᬓᬲᬸᬓᬦ᭄ᬧᬜ᭄ᬚᬓᬾᬲᬵᬫᬶ᭞ᬕᬫ᭄ᬩᬸᬳᬾᬫᬗᬶᬕᭂᬮ᭄ᬲᬳᬶ᭞ᬮᬾᬦ᭄ᬮᬾᬕᭀᬂᬫ
ᬗᬶᬕᭂᬮ᭄ᬳᬮᬸᬲ᭄᭞ᬭᬸᬧᬦᬾᬗᬜᬸᬤᬂᬫᬦᬄ᭞ᬯᬯᬸᬫᬸᬗ᭄ᬕᬄᬫᭂᬦᬾᬓᭂᬮᬶᬄ᭞ᬳᬶᬕᭂᬮ᭄ᬳᬮᬸᬲ᭄᭞ᬲᬶᬂᬭᬭᬲᬂᬗᬯᬾᬫᬾᬡ᭄ᬥᬻ᭟᭜᭟ᬧᬸᬧᬸᬄᬥᬹᬃᬫ᭄ᬫᬵ᭟᭜᭟ᬫᬵᬗ᭄ᬓᬶᬦ᭄ᬓᭀᬘᬧ᭄ᬳᬶᬤᬲᬂᬧ᭄ᬭᬪᬸᬫᬢ
ᬯᬦ᭄᭞ᬤᬶᬩᬜ᭄ᬘᬶᬗᬄᬲ᭄ᬥᭂᬓ᭄ᬓᬢᬗ᭄ᬓᬶᬮ᭄᭞ᬧᬸᬗ᭄ᬕᬯᬦᬾᬳᬢᬧ᭄᭞ᬫᬦᬵᬗ᭄ᬓᬶᬮ᭄ᬫᬵᬭᬶᬂᬩᬜ᭄ᬘᬶᬗᬄ᭞ᬤ᭄ᬫᬂᬢᬸᬫᭂᬗ᭄ᬕᬸᬂᬳᬶᬧᬢᬶᬄ᭞ᬲᬢ᭄ᬭ᭄ᬬᬩᬸᬚᬗ᭄ᬕᬵ᭞ᬩ᭄ᬭᬳ᭄ᬫᬵᬡᬧᬋᬕᬸᬲ᭄ᬢᬶ᭟ᬲᭂᬲᭂᬓ᭄ᬚᭂᬚᭂᬮ᭄ᬢᬂᬓᬶᬮᬦ᭄ᬳᬶᬤᬲᬂᬦᬵ
ᬣ᭞ᬲᬂᬧ᭄ᬭᬪᬸᬗᬵᬦ᭄ᬤᬶᬓᬭᬭᬶᬲ᭄᭞ᬩᭂᬮᬶᬫᬶᬋᬂᬳᭀᬃᬢ᭄ᬣᬵ᭞ᬧᬫᬸᬜᬶᬦᬾᬳᬶᬯᭀᬂᬤᬕᬂ᭞ᬤᬶᬢᭂᬗᬳᬮᬲᬾᬧᬶᬗᬶᬢ᭄᭞ᬳᬤᭂᬫᬵᬦᬹᬱᬵ᭞ᬳᬓᬾᬳᬶᬧᬸᬦ᭄ᬢᬶᬕᬂᬤᬶᬭᬶ᭟ᬓᭀᬘᬧ᭄ᬳᬶᬧᬸᬦ᭄ᬫᬵ [ 30 ][᭒᭙ 29B]
᭒᭙
ᬤᬦ᭄ᬳᬶᬪᬵᬮᬓᭂᬮᬡᬵ᭞ᬱᬓ᭄ᬢᬶᬦᬾᬢᬦ᭄ᬧᬢᬦ᭄ᬤᬶᬂ᭞ᬳᭂᬦ᭄ᬢᭀᬚᬦᬶᬗ᭄ᬭᬸᬱᬓ᭄᭞ᬧᭂᬗᬮᬸᬦᬾᬗ᭄ᬮᬶᬯᬢ᭄ᬳᬮᬲ᭄᭞ᬳᬲᬶᬂᬢ᭄ᬓᬓᭂᬚᬭᬳᬶᬦ᭄᭞ᬦᬾᬩᬦᬶᬗ᭄ᬮᬯᬦ᭄᭞ᬮᬶᬬᬸᬧᬶᬲᬦ᭄‌ᬦᬾᬗᭂ
ᬫᬲᬶᬦ᭄᭟ᬦᬾᬦᬾᬢᬓᬸᬢ᭄ᬮᬶᬬᬸᬫᬜ᭄ᬭᬳᬂᬳᬯᬓ᭄᭞ᬓᬾᬢᭀᬳᭀᬃᬢ᭄ᬣᬵᬦᬾᬚᬢᬶ᭞ᬦᬄᬚᬦᬶᬭᬯᭀᬲᬂ᭞ᬳᬶᬧᬢᬶᬄᬤᬶᬦᬶᬫᬓᭂᬚᬂ᭞ᬳᬧᬂᬜᬶᬤ᭄ᬥᬬᬂᬬᭂᬫᬢᬶ᭞ᬤᬶᬢᬸᬫᬓᭂᬚᬂ᭞ᬢᭀᬚ
ᬢ᭄ᬫᬵᬦᬾᬢᬶᬕᬂᬤᬶᬭᬶ᭟ᬬᬦ᭄ᬢᬦ᭄ᬧᭂᬚᬄᬢᬓᬸᬢ᭄ᬚᬵᬢ᭄ᬫᬵᬦᬾᬫᬗ᭄ᬮᬶᬯᬢ᭄᭞ᬳᬶᬧᬢᬶᬄᬫᬳᬢᬹᬃᬪᬓ᭄ᬢᬶ᭞ᬤᬶᬢᬸᬳᬩ᭄ᬭᬶᬬᬸᬓᬦ᭄᭞ᬲᬵᬫ᭄ᬧᬸᬦᬂᬭᬢᬸᬗᭀᬩᭂᬢᬂ᭞ᬩᬗᬬᬂᬢᬶᬢ᭄ᬬᬂᬫᬫᬃᬕ᭄ᬕᬶ᭞ᬧᬘᬂᬫ
ᬗ᭄ᬭᬸᬱᬓ᭄᭞ᬢᬦᬸᬭᬸᬗᭂᬦ᭄ᬳᬶᬧᬸᬦ᭄ᬫᬢᬶ᭟ᬳᬓᬸᬤᬚᬢ᭄ᬫᬵᬦᬾᬫᭂᬫᬦᬄᬫᬂᬓᬓ᭄᭞ᬗᬵᬦ᭄ᬤᬶᬓᬲᬂᬰ᭄ᬭᬷᬪᬸᬧᬢᬶ᭞ᬦᬄᬓᭂᬫᭂᬫᭂᬚᬮᬦ᭄᭞ᬦᬵᬗ᭄ᬳᬶᬂᬳᬧᬂᬧᬺᬬᬢ᭄ᬦᬵ᭞ᬩᬳᬦ᭄ᬳᬯᬓ᭄ᬫᬵᬩ᭄ᬬᬧᬢ᭄ᬣᬶ᭞ᬳᬶ

[᭓᭐ 30A]
᭓᭐
ᬧᬢᬶᬄᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬲᬵᬦ᭄ᬥᬶᬓᬦᬺᬧᬢᬶ᭟ᬫᬮᬸᬯᬭᬦ᭄ᬢᬂᬓᬶᬮᬦᬾᬭᬶᬂᬩᬜ᭄ᬘᬶᬗᬄ᭞ᬫᬡᬧᭂᬓ᭄ᬢᭂᬂᬕᭂᬭᬦ᭄ᬕᭂᬮᬶᬲ᭄᭞ᬓᬸᬮ᭄ᬓᬸᬮᬾᬫᬰ᭄ᬯᬭᬵ᭞ᬩᬮᬦᬾᬕᭂᬮᬶᬲ᭄ᬫᭂᬤᬩ᭄ᬤᬵᬩ᭄᭞ᬧᭂᬲᬸᬫᭂᬜᬕ᭄ᬚᬵᬕᬶ
ᬦ᭄ᬕᬸᬲ᭄ᬢᬶ᭞ᬧᬥᬲᬬᬕᬵ᭞ᬧ᭄ᬮᬶᬗ᭄ᬕᬶᬳᬦ᭄ᬲᬵᬫ᭄ᬧᬸᬦ᭄ᬘᬸᬫᬯᬶᬲ᭄᭟ᬲᬶᬭᬧᬢᬶᬄᬤ᭄ᬫᬂᬢᬸᬫᬗ᭄ᬕᬸᬂᬓᭂᬚᬩ᭞ᬢᬦ᭄ᬯᬸᬲ᭄‌ᬭᬭᬶᬲ᭄ᬫᬫᬃᬕ᭄ᬕᬶ᭞ᬭᬭᬶᬲ᭄‌ᬦᬸᬗ᭄ᬕᬂᬓᬸᬤ᭞ᬪᬮᬦᬾᬤᬶᬢᬸᬫᬲᬸᬃᬬ᭄ᬬᬓ᭄᭞ᬫᬳᬗ᭄ᬓᬵᬩᬦ᭄ᬱ
ᬋᬂᬲᬵᬫᬶ᭞ᬫᬶᬭᬶᬩ᭄ᬱᬕᬭᬵ᭞ᬫᬡᬫ᭄ᬧᬸᬄᬲᬸᬓᬸᬦᬶᬂᬳᬸᬓᬶᬃ᭟ᬲᬸᬫ᭄ᬩᬃᬲᬸᬫ᭄ᬩᬃᬚ᭄ᬚᬵᬤ᭄ᬫᬵᬦᬾᬧᬥᬧᬚᬶᬂᬓ᭄ᬭᬓ᭄᭞ᬦᬄᬚᬦᬶᬓᬳᬶᬢᬶᬫ᭄ᬧᬮᬶᬦ᭄᭞ᬳᬶᬩᬫᬯᬶᬱᬾᬰᬵ᭞ᬓᬲᬸᬩ᭄ᬢᭀᬂᬩᬶᬱᭂᬓᬵᬮᬄ᭞ᬦᬾ
ᬚᬦᬶᬓᬳᬶᬢᬶᬫ᭄ᬧᬮᬶᬦ᭄᭞ᬢᭀᬫᬸᬲᬸᬄᬢ᭄ᬓᬵ᭞ᬲᬸᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭟ᬤᬤᬶᬓᭂᬜᬸᬂᬳᬶᬧᬢᬶᬄᬫᬵᬢᬹᬃᬫ᭄ᬫᬜᬸᬫ᭄ᬩᬄ᭞ᬢᬶᬗ᭄ᬓᬳᬂᬳᬦᬓ᭄ᬧ᭄ᬭᬚᬸᬭᬶᬢ᭄᭞ᬲᬵᬫ᭄ᬧᬸᬦᬂᬗᭀᬩᭂᬢᬂ᭞ᬲᬩᬸᬤᬶᬦ᭄ᬳᬶ [ 31 ][᭓᭐ 30B]
᭓᭐
ᬧᬸᬦ᭄ᬫᬬᬸᬤ᭄ᬥᬵ᭞ᬩᬗᬬᬂᬢᬶᬢ᭄ᬬᬂᬦᬶᬫ᭄ᬧᬮᬶᬦ᭄᭞ᬳᬶᬧᬜ᭄ᬚᬶᬦᬶᬫ᭄ᬩᬮ᭄᭞ᬚᬮᬦ᭄ᬩᬵᬋᬂᬬᭂᬧᭂᬲᬸᬯᬶᬦ᭄᭟ᬭᬭᬶᬲ᭄ᬫᬶᬚᬶᬮ᭄ᬓᭂᬚᬩᬲᬂᬯᬶᬭᬢᬶᬕᬵ᭞ᬧ᭄ᬮᬶᬗ᭄ᬕᬶᬳᬦ᭄ᬲᬵᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬲᬵᬫᬶᬗᬵᬫ᭄ᬩᬶᬮ᭄ᬓᬸᬤ᭞
ᬫᬧᭂᬗᬗ᭄ᬕᭀᬫᬵᬲ᭄ᬫᬲᭀᬘ᭞ᬳᬶᬧᬜ᭄ᬚᬶᬤᬶᬢᬸᬗ᭄ᬮᬶᬂᬕᬶᬳᬶᬦ᭄᭞ᬓᬸᬤᬦᬾᬧᭂᬣᬓ᭄᭞ᬫᬧᭀᬮᬄᬢᬦ᭄ᬤᬗᬾᬧᬱ᭄ᬢᬶ᭟ᬜᬩᬶᬢ᭄ᬧᭂᬥᬂᬫᬳᬶᬭᬶᬩ᭄‌ᬯᬢᭂᬓ᭄ᬤᬾᬯᬢ᭄ᬣᬵ᭞ᬧᬸᬗ᭄ᬓᬸᬭᬦ᭄ᬳᬶᬧᬢᬶᬄᬓᬮᬶᬄ᭞
ᬦᬸᬗ᭄ᬕᬂᬓᬸᬤᬩᬭᬓ᭄᭞ᬭᬭᬶᬲ᭄ᬫᬵᬜᬶᬓᭂᬧᬂᬧᭂᬥᬂ᭞ᬩᭂᬲᬶᬦᬾᬗᬮᬾᬮᬫ᭄ᬗᭂᬡ᭄ᬥᬶᬄ᭞ᬓᬸᬤᬫᬲᭀᬮᬄ᭞ᬭᬱᬢ᭄ᬯᬭᬦᬵᬫ᭄ᬧᬓ᭄ᬕᬸᬫᬶ᭟ᬢ᭄ᬯᬭᬩᬶᬱᬲᬸᬭᬸᬤ᭄ᬓᭂᬭᬯᬸᬳᬦ᭄ᬩᬬᬵ᭞ᬦᬶᬃᬫ᭄ᬫᬵᬮᬓᬬᬸᬦᬾᬳ᭄ᬦᬶᬂ᭞
ᬧᬘᬂᬲᬤ᭄ᬬᬫᬧᬕ᭄᭞ᬫᬸᬲᬸᬳᬾᬧᬥᬫᭂᬗᬫ᭄ᬩ᭄ᬬᬃ᭞ᬳᬶᬧᬜ᭄ᬚᬶᬭᬭᬶᬲ᭄ᬗᬸᬮᬧᬶᬦ᭄᭞ᬢᬹᬃᬗᬶᬮᬓ᭄ᬓᬸᬤᬵ᭞ᬕᬜ᭄ᬘᬗᬾᬳᬫ᭄ᬩᬸᬮᬦ᭄ᬳᬗᬶᬦ᭄᭟ᬲᬾᬧ᭄ᬫᬢᬶᬗ᭄ᬓᬄᬫᬸᬲᬸᬳᬾᬭᬭᬶᬲ᭄ᬓᬢ᭄ᬭᬚᬂ᭞ᬓᬸᬤᬦᬾ

[᭓᭑ 31A]
᭓᭑
ᬬᭂᬫᬗᬶᬤᭂᬭᬶᬦ᭄᭞ᬳᬶᬧᬜ᭄ᬚᬶᬫᬜᭂᬫ᭄ᬧᬮ᭄᭞ᬳᬲᬶᬫᭂᬧᬧᬲ᭄ᬲᬵᬫᬶᬧ᭄ᬚᬄ᭞ᬳᬶᬧᬢᬶᬄᬓᬮᬶᬄᬗᬸᬮᬳᬶᬦ᭄᭞ᬓᬸᬤᬦᬾᬫᬧᭂᬓᭂᬓ᭄᭞ᬭᬸᬧᬦᬾᬫᬗᬺᬲᬂᬳᬢᬶ᭟ᬲᬶᬲᬦ᭄ᬧᭂᬚᬄᬪ
ᬮᬫᭂᬢᬯᬸᬦᬾᬋᬗᬲ᭄᭞ᬫᭂᬮᬳᬶᬩ᭄ᬧᬢᬶᬩᬩᬭᬶᬦ᭄᭞ᬮᬶᬬᬸᬓᬩᬜ᭄ᬘᬵᬭᬦ᭄᭞ᬳᬶᬧᬢᬶᬄᬤ᭄ᬫᬂᬫᭂᬗᬯᬲ᭄᭞ᬪᬮᬦᬾᬫᬓ᭄ᬚᬂᬫᭂᬮᬳᬶᬩ᭄᭞ᬭᬭᬶᬲ᭄ᬗᬵᬦ᭄ᬤᬶᬓ᭞ᬓᬾᬦ᭄ᬓᬾᬦᬂᬚᬦᬶ
ᬦᬶᬫ᭄ᬧᬮᬶᬦ᭄᭟ᬧᬓ᭄ᬱᬮᬯᬦ᭄ᬢᬦᬸᬭᬸᬗᭂᬦ᭄ᬧᬘᬂᬧᭂᬚᬄ᭞ᬳᬶᬢᬸᬫᭂᬗ᭄ᬕᬸᬂᬫᭂᬜᬯᬸᬭᬶᬦ᭄᭞ᬩᭂᬡᬄᬓᬾᬢᭀᬓᬓᬂ᭞ᬫᬸᬲᬸᬄᬢ᭄ᬯᬭᬜᬵᬦ᭄ᬤᬂᬮᬯᬦ᭄᭞ᬚᬮᬦ᭄ᬓᬾᬳᬾᬗ᭄ᬕᬮ᭄ᬓᬵᬮᬳᬶᬦ᭄᭞ᬦᬸᬫ
ᬢᭀᬮᬶᬳᬦ᭄᭞ᬳᬶᬧᬢᬶᬄᬲᬕᬾᬢ᭄ᬜᬕ᭄ᬚᬵᬕᬶᬦ᭄᭟ᬤᬤᬶᬩᭂᬗᭀᬂᬳᬶᬧᬢᬶᬄᬬᭂᬫᬓᭂᬤᬤ᭄ᬯᬵ᭞ᬧ᭄ᬭᬬᬦᬾᬧᬘᬂᬫᬮᬳᬶᬩ᭄᭞ᬳᬾᬗ᭄ᬕᬵᬮᬦ᭄ᬓᬕᬶᬲ᭄ᬬᬂ᭞ᬓᬩᬱ᭄ᬢᭂᬫᬓᭂᬤᬤ᭄ᬯᬵ᭞ᬳᬶᬧᬜ᭄ᬚᬶᬗᬵ [ 32 ][᭓᭑ 31B]
᭓᭑
ᬦ᭄ᬤᬶᬓᬭᬭᬶᬲ᭄᭞ᬗᭂᬘᬸᬳᬂᬕᬸᬡᬵ᭞ᬓᬾᬦ᭄ᬓᬾᬦ᭄ᬳᬶᬥᭂᬧ᭄ᬫᬫᬦ᭄ᬚᬵᬦᬶ᭟ᬬᬦᬶᬂᬫᬢ᭄ᬣᬶᬫᬶᬯᬄᬳᬶᬤᬸᬧ᭄‌‌ᬦᬄᬳᭀᬭᬳᬂ᭞ᬳᬧᬂᬧ᭄ᬭᬕᬢ᭄‌ᬦᬾᬦᬾᬚᬦᬶ᭞ᬳᬶᬓᬸᬤᬧᬺᬯᬶᬭ᭞ᬓᬮᬶᬄᬳᬶᬓᬸᬤ
ᬧ᭄ᬭᬫᬜ᭄ᬘᬵ᭞ᬫᬫᬸᬜᬶᬮᬦ᭄ᬢᬲ᭄ᬫᬵᬦᬸᬤᬶᬂ᭞ᬦᬄᬓᬾᬳᭀᬭᬳᬂ᭞ᬤᬾᬄᬢᭂᬦ᭄ᬤᬲᬾᬘᬂᬧᭂᬤᬗᬶᬦ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬤᬤᬶᬗᬸᬦ᭄ᬢᬸᬓ᭄ᬫᬵᬓᬤᬤ᭄ᬯ᭞ᬬᬾᬄᬫᬢᬦᬾᬤᬺᬲ᭄ᬫᬶᬚᬶ
ᬮ᭄᭞ᬧᭂᬲᬸᬳᬢᬸᬭᬾᬩᬦ᭄ᬩᬵᬦ᭄᭞ᬫᭂᬕᬢ᭄ᬫᭂᬕᬢ᭄ᬩᬳᬦ᭄ᬳᭂᬮᬶᬂ᭞ᬳᬶᬗ᭄ᬕᬶᬄᬭᬢᬸᬤᬾᬯᬕᬸᬲ᭄ᬢᬶ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬭᬢᬸ᭞ᬫᬵᬗ᭄ᬓᬶᬦ᭄ᬢᬶᬢ᭄ᬬᬂᬳᬚ᭄ᬭᬶᬄᬧᬶᬲᬦ᭄᭞ᬧᬘᬂᬧᬸᬭᬸᬦ᭄ᬭᬶᬂᬳᬶᬕᬸᬲ᭄ᬢᬶ᭞ᬗᬶᬂᬤᬸᬭᬸᬲᬂ
᭞ᬲ᭄ᬯᬾᬘᬦᬾᬫᬜ᭄ᬚᬵᬓᬂᬢᬶᬢ᭄ᬬᬂ᭟ᬢᬶᬢ᭄ᬬᬂᬫᬦᬯᭂᬕᬂᬧᬶᬲᬦ᭄᭞ᬳᬕᬸᬂᬫᬧᭂᬗ᭄ᬮᬸᬗ᭄ᬲᬸᬃᬳᬸᬭᬶᬧ᭄᭞ᬲᬵᬫ᭄ᬧᬸᬦ᭄ᬗᭂᬫᬤᭂᬫᬂᬢᬶᬢ᭄ᬬᬂ᭞ᬲᭂᬓᬬᬸᬦ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬯ᭄ᬬᬤᬶᬦ᭄ᬳᬤᬸᬯᬂᬦᬾᬫᬵᬗ᭄ᬓᬶ

[᭓᭒ 32A]
᭓᭒
ᬦ᭄᭞ᬲᬵᬫ᭄ᬧᬸᬦ᭄ᬫᬗᬶᬭᬶᬂᬳᬶᬭᬢᬸ᭞ᬩᬗᬬᬂᬢᬶᬢ᭄ᬬᬂᬧᬸᬘᬸᬓᬂ᭞ᬳᬶᬤᬾᬯᬫᬗ᭄ᬤᬾᬗᬚᭂᬗᬶᬦ᭄᭞ᬬᬾᬦ᭄ᬜᭂᬫᬸᬦ᭄ᬥᬸᬃ᭞ᬭᬭᬶᬲᬂᬢᬶᬩᬓᬶᬦ᭄ᬧᭂᬟᬂ᭟ᬓᭂᬜᭂᬫ᭄ᬳᬶᬧᬜ᭄ᬚᬶᬫᬶᬋᬗᬂ᭞ᬳᬢᬸᬭᬾᬳᬶᬧ
ᬢᬶᬄᬲᭂᬤᬶᬄ᭞ᬳᭂᬦᬄᬮᬫᬸᬦ᭄ᬓᬾᬢᭀᬫᬫᬦ᭄᭞ᬦᬾᬚᬦᬶᬚᬮᬦ᭄ᬫᬩᬮᬶᬓ᭄᭞ᬓᬫᭂᬢᬯᬸᬦ᭄ᬦᬕᬭᬶ᭞ᬦᬶᬭᬚᬦᬶᬧᬘᬂᬗᭂᬩᬸᬕ᭄᭞ᬚᬦᬶᬫᬫᬦ᭄ᬫᭂᬗᬢᭂᬳᬂ᭞ᬳᬶᬧᬢᬶᬄᬬᭂᬫᬵᬢᬹᬃ
ᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸ᭞ᬢᬶᬢ᭄ᬬᬂᬫᬗᬶᬭᬶᬗᬂᬧᬶᬲᬦ᭄᭟ᬢᬦ᭄ᬧᬜᬦ᭄ᬢᭀᬲ᭄ᬤᬶᬦᬮᬾᬦᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬳᬡᬫᬮᬶᬄᬓᬯᬃᬡ᭄ᬦᬳᬵ᭞ᬧ᭄ᬭᬪᬸᬫᭂᬢᬯᬸᬦ᭄ᬓᭂᬢᬗ᭄ᬓᬶᬮ᭄᭞
ᬳᬢᬧ᭄ᬧᬋᬲᬸᬮᬶᬗ᭄ᬕᬶᬄ᭞ᬫ᭄ᬦᬵᬗ᭄ᬓᬶᬮᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬧᭂᬧᭂᬓ᭄ᬧᬭᬧᬸᬗ᭄ᬕᬯᬵ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬲᬯᬂᬲᭂᬦ᭄ᬥᬸ᭞ᬤ᭄ᬯᬦᬶᬂᬲᭂᬩᭂᬢ᭄‌ᬚ᭄ᬭᭀᬦᬶᬂᬳᬃᬱᬵ᭟ᬦᬄᬓᬤᬾᬬᬦ᭄ᬚᬵᬦᬶᬓᭂᬦ [ 33 ][᭓᭒ 32B]
᭓᭒
ᬳᬂ᭞ᬓᬾᬦ᭄ᬓᬾᬦ᭄ᬧᭂᬚᬮᬦ᭄ᬳᬶᬧᬢᬶᬄ᭞ᬫᬓᭂᬮᭀᬬᭂᬢ᭄ᬯᬭᬢ᭄ᬓᬵ᭞ᬬᬾᬦ᭄ᬲᬤ᭄ᬬᬓᭂᬮᬯᬦ᭄ᬢᬸᬲᬶᬂ᭞ᬓᬤᬾᬬᬦᬾᬫᬵᬢᬹᬃᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬳᬢᬸᬲᬂᬧ᭄ᬭᬪᬸ᭞ᬦᬵᬗ᭄ᬳᬶᬂᬳᭀᬃᬢ᭄ᬣᬶᬦ᭄ᬳᬶᬯᭀᬂᬤᬕᬂ
᭞ᬧᬫᬃᬕ᭄ᬕᬶᬦ᭄ᬳᬶᬕᬸᬲ᭄ᬢᬶᬧᬢᬶᬄ᭞ᬤᬦᬾᬗᬬᬸᬄ᭞ᬢᬹᬃᬲᬵᬫ᭄ᬧᬸᬦ᭄ᬜᭂᬭᬳᬂᬭᬕᬵ᭟ᬪᬵᬮᬦ᭄ᬤᬵᬦᬾᬲᬵᬫ᭄ᬧᬸᬦ᭄ᬢᭂᬮᬲ᭄᭞ᬲᬶᬲᬦ᭄ᬧᭂᬚᬄᬲᬵᬫᬶᬮᬶᬮᬶᬄ᭞ᬲᬂᬧ᭄ᬭᬪᬸᬫᬗᬺᬲᬾᬂᬘᬶᬢ᭄ᬣᬵ᭞ᬬᬾᬦ᭄ᬜᭂᬗ᭄ᬮᬯᬸᬢ᭄‌‌
ᬢ᭄ᬓᬵᬫᬳᬶ᭞ᬢᬢᬲ᭄ᬧᬘᬂᬓᬚᬸᬤ᭄ᬥᬶ᭞ᬯᬶᬚᬶᬮ᭄ᬯᬘᬦᬦᬾᬳᬮᬸᬲ᭄᭞ᬦᬾᬦᬾᬚᬦᬶᬓᭂᬡᬄᬦᬶᬭ᭞ᬤᬦᬾᬢᬢᬲ᭄‌‌ᬭᬯᬸᬄᬫᬳᬶ᭞ᬦᬶᬭᬗᬬᬸᬄ᭞ᬢᭂᬓᬾᬦ᭄ᬕᬸᬫᬶᬦᬾᬲᭂᬭᬳᬂ᭟ᬬᬾᬦ᭄ᬧ
ᬓ᭄ᬱᬦᬶᬭᬫᬗ᭄ᬮᬯᬦ᭄᭞ᬢᬦᬸᬭᬸᬗᭂᬦ᭄ᬧᬘᬂᬩᬺᬰᬶᬄ᭞ᬦᬕᬭᬦᬾᬤᬶᬫᭂᬦ᭄ᬢᬯᬦ᭄᭞ᬓᬤᬾᬬᬦᬾᬫᬵᬢᬹᬃᬪᬓ᭄ᬢᬶ᭞ᬢᬶᬢ᭄ᬬᬂᬢᬦ᭄ᬧᬜ᭄ᬚᬂᬲᬶᬭᬶᬂ᭞ᬲᬕᬾᬢ᭄ᬤᬶᬧᬲᬭᬾᬩᬶᬬᬸᬃᬲᬂᬪᬵᬮ

[᭓᭓ 33A]
᭓᭓
ᬗᭂᬮᭀᬄᬧ᭄ᬭᬧ᭄ᬢᬵ᭞ᬚᬵᬤ᭄ᬫᬫᭂᬢᬯᬸᬦᬾᬩᬶᬳᬶᬤ᭄᭞ᬤᬤᬶᬩᬶᬬᬸᬃ᭞ᬮᬶᬮᬶᬄᬢᭂᬓᭂᬤ᭄ᬓᬩᭂᬜ᭄ᬘᬶᬗᬄ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬲᬂᬧ᭄ᬭᬪᬸᬭᬭᬶᬲ᭄ᬗᬵᬦ᭄ᬤᬶᬓ᭞ᬦᬄᬳᬸᬮᬳᬂᬫᬫᭀᬕᭀᬮ᭄ᬧᬥᬲᬵᬫᬶ᭞
ᬚᬮᬦ᭄ᬧᭂᬡ᭄ᬥᬵᬓᬶᬦ᭄ᬳᬶᬪᬕᬸᬲ᭄᭞ᬳᬢᬸᬭᬶᬦ᭄‌‌ᬬᭂᬓᬩᭂᬜ᭄ᬘᬶᬗᬄ᭞ᬭᬭᬶᬲ᭄ᬢᭂᬤᬸᬦ᭄ᬫᬫᬃᬕ᭄ᬕᬶᬳᬶᬤᬲᬂᬧ᭄ᬭᬪᬸ᭞ᬳᬶᬧᬢᬶᬄᬲᬕᬾᬢᬦ᭄ᬢᭂᬓᬵ᭞ᬓᬬᬸᬦ᭄ᬲᬂᬧ᭄ᬭᬪᬸᬦᬾᬫᬵᬗ᭄ᬓᬶᬦ᭄᭟ᬳᬶᬧᬜ᭄ᬚᬶᬲ᭄ᬫᬶᬭᬂᬗᬦ᭄ᬤᬶᬓ
᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬮᬶᬦ᭄ᬢᬂᬫᬶᬲᬶᬗ᭄ᬕᬶᬄ᭞ᬬᬾᬦ᭄ᬳᬶᬤᬾᬯᬓᬬᬸᬦᬸᬗ᭄ᬓᬸᬮ᭄᭞ᬢᬶᬢ᭄ᬬᬂᬮᬶᬦ᭄ᬢᬂᬢ᭄ᬭᬶᬫᭂᬧᬶᬲᬦ᭄᭞ᬩᭀᬬᬱᬓᬶᬂᬢᬶᬢ᭄ᬬᬂᬫ᭄ᬭᬶᬓᬶᬭᬯᬸᬄᬗᭂᬩᬸᬕ᭄᭞ᬢᬶᬢ᭄ᬬᬂᬫᬶᬲᬤ᭄ᬬᬦᬢᬲᬂᬓᬬᬸᬦ᭄ᬲᬂᬧ᭄ᬭ
ᬪᬸᬦᬾᬫᬵᬗ᭄ᬓᬶᬦ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬫᬵᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬭᬢᬸᬦᬸᬦᬲ᭄ᬓᬾᬫᬸᬗ᭄ᬕᬳᬦ᭄ᬫᬵᬗ᭄ᬓᬶᬦ᭄᭞ᬭᬶᬂᬩᬜ᭄ᬘᬶᬗᬄᬦᬸᬦᬲ᭄ᬭᬢᬸ᭞ᬳᬶᬭᬶᬓᬢᬶᬢ᭄ᬬᬂᬗᬶᬭᬶᬗᬂ᭞ᬫᬵᬗ᭄ᬤᬦᬸᬮᬸᬲ᭄ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂᬗᬾ [ 34 ][᭓᭓ 33B]
᭓᭓
ᬭᬢᬸ᭞ᬫᭂᬫᬋᬓᬦ᭄ᬭᬶᬂᬳᬶᬤᬾᬯ᭞ᬳᬶᬧᬜ᭄ᬚᬶᬫᬵᬢᬹᬃᬱᬳᬶᬭᬶᬂ᭟ᬫᬸᬗ᭄ᬕᬳᬦ᭄ᬫᬵᬗ᭄ᬓᬶᬦ᭄‌‌ᬭᬦ᭄ᬢᭂᬩᬦ᭄᭞ᬓᬩᬜ᭄ᬘᬶᬗᬄᬫ᭄ᬮᬶᬗ᭄ᬕᬶᬄᬭᬶᬂᬩᬮᬾᬫᬡᬶᬓ᭄᭞ᬲᭂᬤᬳᬾᬲᬕᬾᬢᬦ᭄ᬭᬯᬸᬄ᭞ᬭᬭᬶᬲ᭄ᬓᬵᬢᬸᬭ
ᬦ᭄ᬫᭂᬜᬤᬂ᭞ᬯᬸᬲ᭄ᬫᬵᬜᭂᬟᬄᬲᬂᬧ᭄ᬭᬪᬸᬫᬳᬢᬹᬃᬳᬮᬸᬲ᭄᭞ᬧᬸᬦᬶᬓᬶᬤᬾᬯᬧ᭄ᬬᬃᬱᬬᬂ᭞ᬳᬢᬸᬭᬦ᭄ᬢᬶᬢ᭄ᬬᬗᬾᬧᬶᬗᬶᬢ᭄᭟ᬬᬾᬦ᭄ᬳᬶᬭᬢᬸᬤᬸᬭᬸᬲ᭄‌‌ᬲ᭄ᬯᬾᬘ᭞ᬢᬶᬢ᭄ᬬᬂᬦ᭄ᬭᬸᬯᬾᬧ᭄ᬬᬦᬓ᭄ᬳᭂᬮᬸᬄᬓᭂᬓᬮᬶᬄ
᭞ᬤ᭄ᬬᬄᬧᬸᬱ᭄ᬧᬚ᭄ᬯᬶᬢ᭄ᬣᬵᬭᬢᬸ᭞ᬧᬸᬦᬶᬓᬳᬶᬧᬸᬦ᭄ᬓᭂᬮᬶᬳᬦ᭄᭞ᬦᬾᬳᬮᬶᬢᬦ᭄ᬳᬶᬤ᭄ᬬᬄᬧᬸᬱ᭄ᬧᬰᬭᬷᬭᬢᬸ᭞ᬧᬸᬦᬶᬓᬳᬢᬸᬭᬂᬢᬶᬢ᭄ᬬᬂ᭞ᬫᬓᭂᬓᬮᬶᬄᬤᬾᬯᬗᬵᬫ᭄ᬩᬶᬮ᭄᭟ᬧᬸᬦᬶᬓᭂᬳᬗ᭄ᬕᬾᬦ᭄ᬢᬶᬢ᭄ᬬᬂ
ᬱ᭄ᬓᬃ᭞ᬓ᭄ᬯᬗᬾᬦ᭄ᬩᬓ᭄ᬢᬶᬫᭂᬫᬋᬓᬦ᭄ᬓᬵᬤᬶᬫᬵᬗ᭄ᬓᬶᬦ᭄᭞ᬳᬶᬧᬜ᭄ᬚᬶᬓᭂᬜᭂᬫ᭄ᬳᬗ᭄ᬭᬸᬗᬸ᭞ᬳᬢᬸᬭᬾᬫᬗᭂᬢᬸᬲ᭄ᬫᬵᬦᬄ᭞ᬢᬶᬢ᭄ᬬᬂᬗᬶᬭᬶᬂᬬᬦ᭄ᬲᬸᬤᬶᬳᬶᬭᬢᬸᬦᬸᬤᬸᬓ᭄᭞ᬚᬵᬤ᭄ᬫᬦᬶᬱ᭄ᬢᬭᬢᬸᬢᬶᬢ᭄ᬬᬂ᭞ᬳ

[᭓᭔ 34A]
᭓᭔
ᬫ᭄ᬧᬸᬭᬬᬂᬢᬶᬢ᭄ᬬᬂᬫᬶᬲ᭄ᬓᬶᬦ᭄᭟ᬲᬂᬧ᭄ᬭᬪᬸᬫᬵᬢᬹᬃᬗ᭄ᬮᬦ᭄ᬢᬭᬂ᭞ᬳᬶᬗ᭄ᬕᬶᬄᬭᬢᬸᬲᬵᬫ᭄ᬧᬸᬦ᭄ᬫᬵᬜ᭄ᬚᬗᬂᬫᬮᬶᬄ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬸᬦᬶᬂᬭᬢᬸ᭞ᬭᬭᬶᬲ᭄ᬫᬗᭂᬲᬾᬗᬶᬦ᭄ᬧᬸᬢᬻ᭞ᬳᬶᬩᭂᬘ᭄ᬭᬓᬳᬢᬸᬭᬶᬦ᭄ᬳᬶᬦᬦᬓ᭄ᬕᬮᬸᬄ
᭞ᬳᬢᬸᬭᬂᬧᬫᬸᬜᬶᬦ᭄ᬦᬶᬭ᭞ᬳᬧᬂᬳᬾᬗ᭄ᬕᬮ᭄ᬳᬶᬬᭂᬫᬳᬶ᭟᭜᭟ᬧᬸᬧᬸᬄᬤᬡ᭄ᬥᬂ᭟᭜᭟ᬓᬘ᭄ᬭᬶᬢ᭄ᬣᬳᬶᬤᬲᬂᬤᬶᬬᬄᬓᬮᬶᬄ᭞ᬭᬶᬂᬧᬸᬭᬶᬬᬦ᭄᭞ᬲᭂᬓᭂᬦ᭄ᬫᬶᬋᬂᬳᭀᬃᬢ᭄ᬣᬵ᭞ᬩᬸᬓᬫᬸᬜᬶᬦ᭄ᬧᬜ᭄ᬭᭀ
ᬯᬦ᭄᭞ᬬᬦ᭄ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄‌‌ᬦᬸᬗ᭄ᬓᬸᬮ᭄᭞ᬳᬶᬤᬧᬘᬂᬓᭂᬳᬗ᭄ᬕᬾᬦ᭄‌‌ᬓ᭄ᬯᬗᬶ᭞ᬳᬓᬾᬢᭀᬬᭂᬧᬫᬸᬜᬶᬦ᭄ᬜᬵ᭞ᬳᬶᬤᬭᬤᬾᬦ᭄ᬕᬮᬸᬄ᭞ᬮᬶᬦ᭄ᬢᬂᬲ᭄ᬥᬶᬄᬤᬶᬧᬫᬺᬫᬦ᭄᭞ᬓᭂᬲᬂᬲᬭᬦ᭄᭞ᬦᭀ
ᬭᬦᬤᬄᬢᬦᬕᬸᬮᬶᬂ᭞ᬳᬦ᭄ᬢᬸᬓ᭄ᬱᭂᬩᭂᬢᬾᬫᬶᬋᬗᬂ᭟ᬓᬾᬦ᭄ᬓᬾᬦ᭄ᬩᬳᬦ᭄ᬢᬶᬢ᭄ᬬᬂᬦᬾᬦᬾᬚᬦᬶ᭞ᬫᬧᭂᬗ᭄ᬭᬱᬵ᭞ᬗᬶᬭᬶᬂᬧᬓᬬᬸᬦᬦ᭄᭞ᬓᬤᬸᬂᬳᬶᬯᬂᬢ᭄ᬓᬾᬦ᭄ᬫᬸᬲᬸᬳᬾ᭞ᬭᬳᬶᬦᬾᬫᬵᬢᬹᬃᬋᬗᬸᬢ᭄ [ 35 ][᭓᭔ 34B]
᭓᭔
᭞ᬬᬾᬦ᭄ᬓᬾᬗᬶᬦ᭄ᬢᬶᬢ᭄ᬬᬂᬫᭂᬧᬫᬶᬢ᭄᭞ᬫᬗᬶᬭᬶᬂᬓᬬᬸᬦ᭄ᬲᬂᬦᬵᬣ᭞ᬬᬾᬦ᭄ᬳᭀᬃᬢ᭄ᬣᬵᬦᬾᬭᬢᬸ᭞ᬭᬸᬧᬦ᭄ᬚᬵᬤ᭄ᬫᬳᬍᬧᬶᬲᬦ᭄᭞ᬢᭀᬜᬦ᭄ᬳᬮᬲ᭄᭞ᬪᬮᬓ᭄ᬮᬦᬓᭂᬯᬲ᭄ᬢᬦᬶᬦ᭄᭞ᬢᭀᬢᭀᬲ᭄ᬧᬺᬯᬶᬭ
ᬭᬶᬂᬬᬸᬤ᭄ᬥᬵ᭟ᬩ᭄ᬭᬶᬲ᭄ᬓᬵᬧᬾᬂᬫᬢᬦᬾᬓᬸᬦᬶᬂ᭞ᬳᬤᭂᬕ᭄ᬘᭂᬧᬕ᭄᭞ᬧᬫᬸᬮᬸᬦᬾᬓᬄᬓᬄ᭞ᬲᬧᬸᬦᬶᬓᭂᬓᬾᬳᭀᬃᬢ᭄ᬣᬶᬦᬾ᭞ᬲᬸᬓᬬᬦ᭄ᬢᬶᬢ᭄ᬬᬂᬮᬵᬫ᭄ᬧᬸᬲ᭄᭞ᬭᬶᬂᬫᭂᬜᬵᬦ᭄ᬤᬶᬂᬚᬵᬤ᭄ᬫᬫᬫᭂᬤ᭄ᬥᬶ᭞ᬲᬬᬂᬧᬶᬲᬦ᭄‌‌ᬬ
ᬦ᭄ᬲᬦ᭄ᬤᬶᬗᬂ᭞ᬳᭂᬫ᭄ᬩᭀᬓ᭄ᬢᬶᬢ᭄ᬬᬂᬳᬬᬸ᭞ᬯᬦ᭄ᬢᬄᬤᬤᬶᬱᬭᬶᬦ᭄‌‌ᬦ᭄ᬕᬭᬵ᭞ᬭᬶᬫᭂᬦ᭄ᬢᬯᬦ᭄᭞ᬓᬲᬵᬦ᭄ᬤᬶᬂᬩᬵᬦ᭄ᬚᬵᬤ᭄ᬫᬩᭂᬗᬶᬮ᭄᭞ᬓᬮᬶᬄᬢ᭄ᬯᬭᬓᬦ᭄ᬢᭂᬦ᭄ᬩᬗ᭄ᬱᬵ᭟ᬲᬕᬾᬢ᭄ᬭᬯᬸᬄᬧᬋᬓᬦ᭄ᬗᬵᬢᬸᬭᬶᬦ᭄‌‌ᬜᭀᬂᬓᭀ
ᬓ᭄ᬜᬸᬫ᭄ᬩᬄ᭞ᬫᬵᬢᬹᬃᬭᬶᬂᬲᬂᬤᬶᬬᬄ᭞ᬢᬶᬢ᭄ᬬᬂᬳᬸᬢᬸᬲᬦ᭄ᬳᬚᬶᬦᬾ᭞ᬓᭂᬲᬾᬗᬦ᭄ᬓᭂᬚᬩᬭᬢᬸ᭞ᬕᭂᬮᬶᬲᬂᬤᬾᬯᬫᬫᬃᬕ᭄ᬕᬶ᭞ᬯᬾᬦ᭄ᬢᭂᬦ᭄ᬧᬶᬲᬦ᭄ᬓᬃᬬ᭄ᬬᬩᬸᬯᬢ᭄᭞ᬲᬂᬤ᭄ᬬᬄᬗᬺᬲᬾᬂᬓᬬᬸᬦ᭄᭞ᬓᬸᬤ᭄ᬬᬂᬚᬦᬶᬫᬓᭂ

[᭓᭕ 35A]
᭓᭕
ᬡᬳᬦ᭄᭞ᬳᬾᬫᭂᬂᬧᬶᬲᬦ᭄᭞ᬳᬤᬶᬓᬾᬦ᭄ᬓᬾᬦ᭄ᬩᬳᬦ᭄ᬚᬦᬶ᭞ᬫᬵᬢᬹᬃᬭᬶᬂᬳᬶᬤᬲᬂᬦᬵᬣ᭟ᬬᬦ᭄ᬫᭂᬧᬫᬶᬢ᭄ᬓᬭᭀᬯᬦ᭄ᬧᬘᬂᬲᬶᬲᬶᬧ᭄᭞ᬢᬹᬃᬢᬮ᭄ᬧᬓᬵ᭞ᬭᬶᬂᬳᬶᬤᬲᬂᬦᬵᬣ᭞ᬭᬳᬶᬦᬾᬮᬸᬯᭂᬲ᭄ᬳ
ᬢᬸᬭᬾ᭞ᬗᬸᬤ᭄ᬬᬂᬲᬧᬸᬦᬶᬓᬭᬢᬸ᭞ᬓᬾᬯᭂᬄᬧᬶᬲᬦ᭄ᬫᬵᬫᬶᬡᬳᬶᬦ᭄᭞ᬭᬕᬲᬵᬫ᭄ᬧᬸᬦ᭄ᬓᭂᬢᬭᬾᬓᬦ᭄᭞ᬳᬶᬭᬶᬓᬫᬳᬢᬹᬃ᭞ᬩᭀᬬᬳᬶᬤᬫᬫᬶᬋᬗᬂ᭞ᬫᬳᬶᬘᬬᬂ᭞ᬦᬸᬦᬲ᭄ᬓᬾᬧᬋᬓ᭄‌‌
ᬦᬾᬫᬵᬗ᭄ᬓᬶᬦ᭄᭞ᬫᬵᬗ᭄ᬥᬲᬵᬫ᭄ᬧᬸᬦ᭄ᬳᬶᬤᬤᬸᬓᬵ᭟ᬧᬢ᭄ᬭᬾᬩᬾᬲ᭄‌‌ᬢᭀᬬᬦ᭄ᬘᬶᬗᬓᬾᬫᬶᬚᬶᬮ᭄᭞ᬳᬸᬲᬧ᭄ᬳᬸᬲᬧ᭄᭞ᬢ᭄ᬯᬭᬩᬶᬲᭂᬧᭂᬕᬢ᭄᭞ᬳᭀᬜᭂᬩ᭄ᬮᬸᬲ᭄ᬱᬧᬸᬢ᭄ᬢᬵᬗᬦᬾ᭞ᬧᬜᬶᬗᬓᬦ᭄ᬧ
ᬥᬩᭂᬮᬸᬲ᭄᭞ᬲᬸᬫᬵᬗ᭄ᬓᬶᬦ᭄ᬫᬵᬯᬸᬯᬸᬄᬩᭂᬘᬶᬓ᭄᭞ᬮᬸᬭᬸᬗᬯᬾᬳᬸᬮᬗᬸᬦ᭄ᬫᬦᬄ᭞ᬧᬫᬃᬕ᭄ᬕᬶᬦᬾᬗᬸᬦ᭄ᬢᬸᬓ᭄᭞ᬲᬭᬯᬸᬳᬾᬭᬶᬂᬩᬜ᭄ᬘᬶᬗᬄ᭞ᬲᬶᬭᬭᬳᬤ᭄ᬬᬦ᭄᭞ᬫᬡᬫ᭄ᬩᬄᬳᬶᬤᬲᬂᬳᬚᬶ᭞ [ 36 ][᭓᭕ 35B]
᭓᭕
ᬲᬂᬧ᭄ᬭᬪᬸᬕᭂᬮᬶᬲ᭄ᬫᬵᬜᭂᬫᬓ᭄᭟ᬓᬳᭂᬫ᭄ᬩᬦ᭄ᬧᬸᬢ᭄ᬭᬦᬾᬫᬓᭂᬓᬮᬶᬄ᭞ᬤᬶᬧᬩᬶᬦᬦ᭄᭞ᬭᬭᬶᬲ᭄ᬗᬸᬲᬧ᭄ᬳᬸᬲᬧ᭄᭞ᬫᬦᬶᬲ᭄ᬜᬸᬜᬸᬃᬯ᭄ᬯᬘᬦᬦᬾ᭞ᬫᬶᬭᬄᬤᬲᬮᬄᬓᬬᬸᬦ᭄᭞ᬩᭀᬬᬚᭂᬱ
ᬓᬾᬂᬳᬚᬶᬮᬮᬶ᭞ᬫᬧ᭄ᬬᬦᬓ᭄ᬢᭂᬓᬾᬦ᭄ᬳᬶᬤᬾᬯ᭞ᬗᬯᬾᬦᬶᬦ᭄ᬭᬳᬬᬸ᭞ᬳᬶᬤᬾᬯᬳᬢᬸᬭᬂᬩᬧᬵ᭞ᬫᬓᬤᬤ᭄ᬯᬵ᭞ᬤᬤᬶᬧᬗᬬᬄᬳᬶᬧᬜ᭄ᬚᬶ᭞ᬳᬧᬂᬤᭂᬕᬸᬫᬶᬦᬾᬭᬸᬱᬓ᭄᭟ᬦᬵᬗ᭄ᬳᬶᬧᬦ᭄ᬢᭂ
ᬲ᭄ᬲᬸᬩᭂᬬᭂᬲᬸᬫᭂᬦ᭄ᬥᬶ᭞ᬢ᭄ᬓᬾᬦ᭄ᬳᬶᬤᬾᬯ᭞ᬮ᭄ᬯᬶᬃᬲᬗ᭄ᬳ᭄ᬬᬂᬲ᭄ᬫᬭ᭞ᬫᭂᬜᬵᬦ᭄ᬤᬶᬂᬲᬗ᭄ᬳ᭄ᬬᬂᬭᬢᬶᬳᬾ᭞ᬦᬄᬤᬾᬯᬗᬯᬲ᭄ᬤᬶᬢᬸ᭞ᬤᭂᬫᭂᬘᬭᬲᬸᬳᬸᬤᬂᬦᬗᬶᬲ᭄᭞ᬳᬶᬕᬮᬸᬄᬗᬸᬲᬧ᭄‌‌ᬬᬾᬄᬢᬶᬗᬮ᭄᭞ᬗᬯᬲ᭄ᬲᬵ
ᬫ᭄ᬩᬶᬮ᭄ᬗᬸᬦ᭄ᬢᬸᬓ᭄᭞ᬗᭂᬦᬄᬳᬶᬧᬜ᭄ᬚᬶᬫᬓ᭄ᬮᬶᬬᬩ᭄᭞ᬫᬓᭂᬮᬗᬦ᭄᭞ᬤᬶᬩᬜ᭄ᬘᬶᬗᬄᬓᬢᭀᬦ᭄‌‌ᬍᬯᬶᬄ᭞ᬓᬤᬶᬳᬶᬤᬲᬗ᭄ᬳ᭄ᬬᬂᬲ᭄ᬫᬭᬵ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬕᭂᬮᬸᬓᬬᬸᬦᬾᬫ

[᭓᭖ 36A]
᭓᭖
ᬜᬶᬗᬓ᭄᭞ᬓᬧ᭄ᬭᬦᬦ᭄ᬓᬬᬸᬦᬾᬲᬶᬢ᭄ᬱᬶᬢ᭄᭞ᬲ᭄ᬥᬶᬳᬾᬫᭂᬩᬮᬶᬓ᭄ᬮᭂᬕᬵ᭞ᬟᬸᬓᬶᬢᬦᬾᬤᬤᬶᬳ᭄ᬦᬶᬂ᭞ᬩᬸᬟᬸᬄᬓᬬᬸᬦᬾᬧᬺᬫᬵᬗ᭄ᬓᬶᬦ᭄᭞ᬭᬭᬶᬲ᭄ᬫᬵᬢᬹᬃᬭᬶᬂᬲᬂᬧ᭄ᬭᬪᬸ᭞ᬲᬵᬡ᭄ᬥᬶᬓᬢᬶᬢ᭄ᬬᬂ
ᬗᬶᬭᬶᬗᬂ᭞ᬲᬂᬧ᭄ᬭᬪᬸᬳᬾᬕᬃᬫ᭄ᬫᬶᬬᬃᬱᬶ᭞ᬲᬶᬤ᭄ᬥᬓᬬᬸᬦ᭄᭞ᬲᬧᬗᬸᬟᬸᬄᬢ᭄ᬯᬭᬧᬶᬯᬮ᭄᭟ᬚᬦᬶᬲᬸᬩᭂᬲᬶᬤ᭄ᬥᬓᬃᬬ᭄ᬬ᭞ᬫᬵᬢᬹᬃᬭᬶᬂᬳᬶᬧᬜ᭄ᬚᬶᬫᬵᬗ᭄ᬓᬶᬦ᭄᭞ᬧᬸᬦᬶᬓᭂᬭᬢᬸᬢᬭᬶᬫᬵ᭞ᬧᬸᬱ᭄ᬧᬦ᭄ᬢᬶ
ᬢ᭄ᬬᬗᬾᬲᬸᬪᬓ᭄ᬢᬶ᭞ᬫᭂᬫᬋᬓᬦ᭄ᬓᬵᬤᬶᬫᬵᬗ᭄ᬓᬶᬦ᭄᭞ᬢᬸᬮᬸᬲᬂᬲ᭄ᬯᬾᬘᬦᬾᬭᬢᬸ᭞ᬦᬸᬦᬲ᭄ᬓᬾᬫᬵᬗ᭄ᬓᬶᬦ᭄ᬓᬧᬸᬭ᭞ᬓᭂᬜᭂᬫ᭄ᬫᬵᬢᬹᬃᬬᭂᬳᬶᬧᬜ᭄ᬚᬶ᭞ᬫᬦᬶᬲ᭄ᬜᬸᬜᬸᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭟ᬢᬗ᭄ᬓᬶ
ᬮᬦᬾᬲᬵᬫᬶᬩᬸᬤᬮ᭄᭞ᬲᬂᬧ᭄ᬭᬪᬸᬗ᭄ᬭᬵᬜ᭄ᬚᬶᬂᬓᬧᬸᬭᬶ᭞ᬳᬶᬧᬜ᭄ᬚᬶᬱᬋᬂᬓᬧᬸᬭ᭞ᬮᬦ᭄ᬳᬶᬕᬮᬸᬄᬫᬓᭂᬓᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᭂᬭᬶᬂᬧᬸᬭᬶ᭞ᬫᬭᬶᬂᬧᬫᬺᬫᬦᬾᬳᬮᬸᬲ᭄᭞ᬩᬸᬱᬦᬦ᭄ᬩ [ 37 ][᭓᭖ 36B]
᭓᭖
ᬮᬾᬦᬾᬫᭂᬮᬄ᭞ᬲᬃᬯ᭄ᬯᬰᬸᬢᬺᬫᬗᬾᬤᬦᬶᬦ᭄᭞ᬭᬤᬾᬦ᭄ᬕᬮᬸᬄ᭞ᬲᬵᬫ᭄ᬧᬸᬦ᭄ᬫᬵᬗ᭄ᬭᬲᬸᬓ᭄ᬩᬸᬱᬡᬵ᭟ᬲᬵᬫᬶᬫᭂᬗ᭄ᬭᬯᭀᬲ᭄ᬭᬶᬂᬘᬶᬢ᭄ᬣ᭞ᬧᬘᬂᬫᬭᬦᬶᬦ᭄ᬳᬶᬧᬜ᭄ᬚᬶ᭞ᬭᬓᬦᬾᬭᬭᬶᬲ᭄ᬗᬵᬦ᭄ᬤᬶᬓ᭞ᬳᬤᬶ
ᬚᬮᬦ᭄ᬓᭂᬫᭂᬦᬵᬗ᭄ᬓᬶᬮ᭄᭞ᬳᬶᬤᬢᭂᬫ᭄ᬩᬾᬭᬯᬸᬄᬫᬳᬶ᭞ᬘᬶᬭᬶᬦ᭄ᬲᬸᬪᬓ᭄ᬢᬶᬦᬾᬦᬸᬮᬸᬲ᭄᭞ᬫᭂᬫᬋᬓᬦ᭄ᬢᭂᬓᬾᬦ᭄ᬳᬶᬤ᭞ᬭᬳᬶᬦᬾᬫᬳᬢᬹᬃᬪᬓ᭄ᬢᬶ᭞ᬫᬦᬶᬲ᭄ᬜᬸᬜᬸᬃ᭞ᬫᬓᭂᬫ᭄ᬧ᭄ᬬᬂᬲ᭄ᬯᬭᬦᬾᬕᭂᬢᬃ᭟ᬳᬶ
ᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬦᬸᬦᬲ᭄ᬓᬾᬫᬵᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬫᬘᭂᬩᬸᬃᬫ᭄ᬫᭂᬤᬦ᭄ᬤᬦ᭄ᬢᬗᬦ᭄᭞ᬮ᭄ᬯᬶᬃᬚᬫ᭄ᬩᬾᬧᬶᬦᬭᭀᬓᬮᬶᬄ᭞ᬧᬗᬶᬭᬶᬗᬾᬮᬸᬳᬸᬂᬲᬵᬫᬶ᭞ᬳᬸᬧᬘᬭᬦᬾᬤᬶᬧᬸᬗ᭄ᬓᬸᬃ᭞ᬲᭀᬭᭀᬄᬩᭀᬓᭀᬃᬫ᭄ᬫᬵᬲ᭄ᬫ
ᬲᭀᬘ᭞ᬳᬶᬲᬶᬦ᭄ᬜᬵᬦᬾᬲᬃᬯ᭄ᬯᬍᬯᬶᬄ᭞ᬫᬩᬭᬶᬬᬸᬓ᭄᭞ᬭᬯᬸᬄᬭᬶᬂᬳᬬᬸᬦ᭄ᬳᬶᬭᬓᬵ᭟ᬕᭂᬮᬸᬳᬶᬧᬜ᭄ᬚᬶᬫᬜᬶᬗᬓ᭄᭞ᬯᬃᬡ᭄ᬦᬦᬾᬫᬗ᭄ᬬᬸᬦ᭄‌‌ᬬᬸᬦᬶᬦ᭄᭞ᬭᬤᬾᬦ᭄ᬕᬮᬸᬄᬜᭀᬂᬓᭀᬓ᭄ᬜᬸᬫ᭄ᬩᬄ᭞ᬳᬶᬗ᭄ᬕᬶᬄ

[᭓᭗ 37A]
᭓᭗
ᬭᬢᬸᬲᬂᬲᬶᬦᬶᬯᬶ᭞ᬢᬶᬢ᭄ᬬᬂᬗᬢᬸᬭᬂᬧᭂᬱᬚᬶ᭞ᬧᬘᬂᬳᬬᬸᬦᬦ᭄ᬳᬶᬭᬢᬸ᭞ᬮᬜ᭄ᬚᬭᬦ᭄ᬱᭂᬟᬄᬢᬸᬩᬸᬗᬦ᭄᭞ᬭᬯᬶᬂᬳᬶᬭᬶᬗᬦᬾᬲᬵᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬭᬶᬓᬶᬱᬋᬂᬗᬦ᭄ᬢᬶᬢ᭄ᬬᬂ᭟ᬳᬶᬧᬜ᭄ᬚᬶᬢᭂ
ᬤᬸᬦ᭄ᬗᭂᬮᬶᬲᬂ᭞ᬓ᭄ᬮᬯᬦ᭄ᬳᬶᬧᬢᬶᬄᬓᬮᬶᬄ᭞ᬓᬚᭂᬫᬓ᭄‌‌ᬬᭂᬫᬓᭂᬤᬤ᭄ᬯᬵ᭞ᬫᬸᬗ᭄ᬕᬳᬦ᭄ᬭᬢᬸᬫᬵᬲ᭄ᬫᬵᬡᬶᬓ᭄᭞ᬳᬶᬭᬶᬓᬶᬱᬋᬂᬫᬮᬶᬗ᭄ᬕᬶᬄ᭞ᬭᬭᬶᬲ᭄ᬳᬶᬤᬬᭂᬫᬮᬸᬗ᭄ᬕᬸᬄ᭞ᬫᬸᬗ᭄ᬕᬳᬦ᭄ᬳᬩ᭄ᬭᬶᬬᬸᬓᬦ᭄᭞ᬲᬸᬫ
ᬗ᭄ᬓᬶᬦ᭄ᬫᬵᬯᬸᬯᬸᬄᬍᬯᬶᬄ᭞ᬩᬮᬾᬫᬸᬭᬸᬩ᭄᭞ᬫᬳᬶᬭᬶᬩ᭄ᬤᬶᬇᬦ᭄ᬥᬺᬮᭀᬓ᭟᭜᭟ᬧᬸᬧᬸᬄᬤᬗ᭄ᬥᬂ᭟᭜᭟ᬧᬥᬲᬸᬓᬓᬬᬸᬦᬾᬦᬾᬫᬵᬗ᭄ᬓᬶᬦ᭄᭞ᬤᬶᬧᬸᬭᬶᬬᬦ᭄᭞ᬢ᭄ᬯᬭᬳᬤᬧᬥ᭞ᬇᬲ᭄ᬢ᭄ᬭᬶᬓᬓᬸᬂᬮᬶ
ᬦ᭄ᬢᬂᬮ᭄ᬯᬶᬳᬾ᭞ᬲᭀᬮᬳᬾᬧᬺᬢᬫᬾᬂᬭᬸᬫ᭄ᬭᬸᬫ᭄᭞ᬳᬲᬶᬂᬩᬶᬓᬲᬂᬢ᭄ᬯᬶᬗᬾᬤᬦᬶᬦ᭄᭞ᬳᬸᬲᬦᬾᬫᭂᬗᬬᬸᬦᬂ᭞ᬭᬭᬶᬲ᭄‌‌ᬗ᭄ᬭᬜ᭄ᬚᬶᬂᬭᬢᬸ᭞ᬫᬱᬋᬗᬦ᭄ᬭᬶᬂᬧᬫᬺᬫᬦ᭄᭞ᬭᬤᬾᬦ᭄ᬧᬸᬢᬻ᭞ᬓᬢᬸ [ 38 ][᭓᭗ 37B]
᭓᭗
ᬦ᭄ᬢᬸᬦ᭄ᬲᬂᬧᬸᬢ᭄ᬭᬶᬓᬮᬶᬄ᭞ᬮ᭄ᬯᬶᬃᬳ᭄ᬬᬂᬲ᭄ᬫᬭᬮᬯᬦ᭄ᬪᬸᬮᬦ᭄᭟ᬳᬶᬭᬶᬓᬲᬂᬭᬵᬚᬧᬸᬢᬺᬓᭂᬜᬶᬂ᭞ᬫᬗᬦ᭄ᬤᬶᬓ᭞ᬫᭂᬫ᭄ᬩᬄᬫᬟᬸᬤ᭄ᬭᬯᬵ᭞ᬫᬦᬶᬲ᭄ᬜᬸᬜᬸᬃᬯᭂᬘᬦᬦᬾ᭞ᬳᬟᬸᬄᬭᬢᬸᬫᬵᬲ᭄ᬓᬮᬸᬂ᭞ᬩᭀᬬ
ᬳᭀᬮᬶᬄᬢᬶᬢ᭄ᬬᬂᬦᬾᬫᬵᬗ᭄ᬓᬶᬦ᭄᭞ᬗᬸᬤᬭᬢᬸᬫᬗ᭄ᬭᬗᬸᬯᬂ᭞ᬳᬸᬮᬢ᭄ᬳᬶᬤᬩᭂᬡ᭄ᬥᬸ᭞ᬳᬭᬄᬲᬵᬫ᭄ᬧᬸᬦᬂᬫᭂᬘᬭᬵ᭞ᬤ᭄ᬯᬕᬸᬂᬱᬬᬂ᭞ᬧᬶᬓᭀᬮᬶᬳᬶᬦ᭄ᬢᬶᬢ᭄ᬬᬂᬫᬵᬗ᭄ᬓᬶᬦ᭄᭞ᬤ᭄ᬯᬦᬶᬂᬢᭂᬫ᭄ᬩᬾᬫᬋᬓ᭄ᬳᬶ
ᬤ᭟ᬤᬤᬶᬩᭂᬗᭀᬂᬲᬂᬧᬸᬢ᭄ᬭᬶᬓᬮᬶᬄ᭞ᬳᬸᬮᬢ᭄ᬫᬭᬲ᭄᭞ᬫᬵᬢᬹᬃᬜᬸᬫ᭄ᬩᬄᬩᬦ᭄ᬩᬦ᭄᭞ᬫᬦᬶᬲᬺᬫ᭄ᬧᬸᬄᬯᭂᬘᬦᬦᬾ᭞ᬳᬶᬗ᭄ᬕᬶᬄᬭᬢᬸᬤᬾᬯᬕᬸᬂ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬳᬶᬯᬂᬢᬵᬫ᭄ᬧᬶ᭞ᬓᬧᬶᬡᬄᬢᬦ᭄ᬱᬸ
ᬪᬓ᭄ᬢ᭄ᬬ᭞ᬧᬘᬂᬗᭂᬗᭀᬂᬲᬵᬗ᭄ᬕᬸᬧ᭄᭞ᬫᭂᬫᬋᬓᬦ᭄ᬭᬶᬂᬳᬶᬤᬾᬯ᭞ᬳᬾᬮᬶᬂᬢᬶᬢ᭄ᬬᬂ᭞ᬓᬾᬗᬶᬦ᭄ᬚᬵᬤ᭄ᬫᬮᬶᬦ᭄ᬢᬂᬩᭂᬗᬶᬮ᭄᭞ᬢᬶᬢ᭄ᬬᬂᬫᭂᬜᬦ᭄ᬤᬶᬂᬳᬶᬤᬾᬯᬵ᭟ᬓᬾᬗᬶᬦ᭄‌‌ᬗ᭄ᬭᬱᬢᬶᬢ᭄ᬬᬂᬓᬤᬶᬫ

[᭓᭘ 38A]
᭓᭘
ᬗ᭄ᬓᬶᬦ᭄᭞ᬩᭀᬬᬜᬵᬦ᭄ᬤᬂ᭞ᬳᬶᬧᬜ᭄ᬚᬶᬫᬶᬋᬗᬂ᭞ᬮᬶᬦ᭄ᬢᬂᬓᬗᭂᬦ᭄ᬭᬶᬂᬳᬸᬚᬭᬾ᭞ᬢᬦ᭄ᬯᬸᬲ᭄ᬫᬵᬓᬓᬮᬶᬄᬲᬯᬸᬧ᭄᭞ᬓᭂᬲᬗ᭄ᬓᭀᬮ᭄ᬓᭂᬳᬭᬲ᭄ᬧᬲᬶᬳᬶᬦ᭄᭞ᬳᬟᬸᬄᬲᬵᬫ᭄ᬧᬸᬦᬂᬫᬜ᭄ᬚᬗᬂ᭞ᬫᭂᬡᬂᬭ
ᬢᬸᬳᬕᬸᬂ᭞ᬤᭀᬂᬦᬄᬓᬾᬲᭂᬧᬳᬂᬢᬶᬢ᭄ᬬᬂ᭞ᬭᬢᬸᬱᬬᬂ᭞ᬢᬸᬢᬸᬢ᭄ᬳᬶᬤᬧᬸᬢ᭄ᬭᬶᬓᬮᬶᬄ᭞ᬘᬶᬄᬦᬦ᭄ᬭᬶᬫᬱᬓᬶᬂᬮᬢ᭄ᬬ᭟ᬧᬟᬲᬸᬓᬓᬬᬸᬦᬾᬲᬶᬮᬶᬄᬳᬰᬶᬄ᭞ᬤᬶᬧᬫᬺᬫᬦ᭄᭞ᬗᬭᬲ᭄ᬳᬶᬗ
ᬭᬲᬦ᭄᭞ᬲᬵᬫᬶᬩᭂᬘᬶᬓ᭄ᬧᬗᬸᬮᬢᬾ᭞ᬦᬵᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄ᬫᬵᬦ᭄ᬭᬸᬲ᭄᭞ᬲ᭄ᬯᬶᬭᬾᬄᬳᬶᬧᬜ᭄ᬚᬶᬫ᭄ᬭᬕᭂᬇᬲ᭄ᬢ᭄ᬭᬶ᭞ᬓᬸᬤ᭄ᬬᬂᬭᬭᬶᬲ᭄ᬢᬶᬩᭂᬲ᭄ᬫᬭᬵ᭞ᬳᬶᬤᬭᬤᬾᬦ᭄ᬕᬮᬸᬄ᭞ᬫᬓᭂᬓᬮᬶᬄᬢ᭄ᬯᬭᬯᬶ
ᬓᬦ᭄᭞ᬳᬶᬤᬓᬦ᭄ᬬ᭞ᬓᬲᬶᬡᬗ᭄ᬕᬸᬄᬚᬢᬶᬫ᭄ᬯᬦᬶ᭞ᬢᬦ᭄ᬱᬄᬓᬬᬸᬦᬾᬢᬗᬃ᭟ᬢᬦᬸᬘᬧᬂᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᭂᬯᭂᬗᬶ᭞ᬭᬶᬫᭂᬦ᭄ᬢᬯᬦ᭄᭞ᬤᬸᬭᬸᬂᬢᬶᬩᭂᬲ᭄ᬫᬭ᭞ᬲᬂᬧᬸᬢ᭄ᬭᬶᬓᬮᬶᬄᬳᬢᬸᬭᬾ [ 39 ][᭓᭘ 38B]
᭓᭘
᭞ᬳᬶᬗ᭄ᬕᬶᬄᬭᬢᬸᬤᬾᬯᬕᬸᬂ᭞ᬫ᭄ᬭᬕᬱᬲᬸᬳᬸᬦᬦ᭄ᬕᬸᬫᬶ᭞ᬳᬗᭀᬩ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭞ᬭᬶᬂᬓᬬᬸᬦ᭄ᬳᬶᬭᬢᬸ᭞ᬫᭂᬫᬕᭂᬳᬂᬫᬗᬺᬢ᭄ᬭᬕᬵ᭞ᬳᬯᭀᬃᬲ᭄ᬫᬭ᭞ᬧᬶᬡᬄᬲᬵᬫ᭄ᬧᬸᬦ᭄ᬧᬶᬢᬸᬂᬯᭂᬗᬶ᭞
ᬤᬸᬭᬸᬂᬢᬶᬢ᭄ᬬᬂᬓᬢᬶᬩᬾᬦᬦ᭄᭟ᬬᬤᬶᬦ᭄ᬳᬶᬯᬂᬳᬢᬹᬃᬢ᭄ᬬᬗᬾᬭᬶᬳᬶᬦ᭄᭞ᬭᬶᬂᬳᬶᬤᬾᬯ᭞ᬫᬵᬗ᭄ᬓᬶᬦ᭄ᬢᬶᬢ᭄ᬬᬂᬗ᭄ᬭᬱᬵ᭞ᬓᬢᬸᬦᬭᬸᬧᬦ᭄ᬢᬶᬢ᭄ᬬᬗᬾ᭞ᬳᬶᬬᬚᬶᬩᬲ᭄ᬓᬮᬵᬗ᭄ᬓᬸᬂ᭞ᬫᬦᭀᬜ᭄ᬚᭀᬓᬂᬳᭀ
ᬓᬦᬾᬩᭂᬗᬶᬮ᭄᭞ᬓᬾᬦᬾᬲᬸᬩᬧᬳᬮᬦ᭄ᬜᬵ᭞ᬳᬶᬧᬜ᭄ᬚᬶᬫᬗ᭄ᬭᬸᬗᬸ᭞ᬓᭂᬲᬯᬸᬧ᭄‌‌ᬬᭂᬫᬓᭂᬤᬤ᭄ᬯᬵ᭞ᬓᬭᬲ᭄ᬳᬭᬲ᭄᭞ᬟᬸᬄᬭᬢᬸᬫᬵᬲ᭄ᬫᬓᭂᬓᬮᬶᬄ᭞ᬰᬭᬶᬦ᭄ᬕᬵᬭᬫᭂᬦ᭄ᬢᬯᬦ᭄᭟ᬲᬵᬫ᭄ᬧᬸᬦ᭄ᬩ
ᬗᭂᬢ᭄ᬳᬶᬤᬳᬶᬯᬂᬢᬵᬫ᭄ᬧᬶ᭞ᬦᬾᬭᬶᬂᬢᬶᬢ᭄ᬬᬂ᭞ᬜᭂᬗ᭄ᬕᬸᬄᬢᬦ᭄ᬧᬶᬢᬺᬱ᭄ᬡᬵ᭞ᬗᬯᭀᬭᬂᬚᬶᬯ᭄ᬯᬭᬕᬦᬾ᭞ᬧᬸᬦᬶᬓᬶᬢ᭄ᬬᬂᬓᭂᬕᬦ᭄ᬢᬸᬂ᭞ᬳᬦ᭄ᬢᬸᬓ᭄‌‌ᬩ᭄ᬭᬢᬮᬶᬦ᭄ᬢᬵᬗᬶᬂᬍᬯᬶᬄ᭞ᬩ᭄ᬬᬡᬚᭂᬤᬤᭀᬲ᭄ᬳᭀ

[᭓᭙ 39A]
᭓᭙
ᬩᬳᬂ᭞ᬳᬗᬶᬂᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬢᬦ᭄ᬱᬾᬬᭀᬲ᭄‌‌ᬯᬦ᭄ᬢᬄᬳᬶᬤᬾᬯ᭞ᬫᬦ᭄ᬭᬸᬯᬾᬬᬂ᭞ᬫᬸᬧᭀᬦᬶᬦ᭄ᬱᬭᬶᬦ᭄ᬕᬸᬫᬶ᭞ᬫᬵᬗ᭄ᬓᬶᬦ᭄‌‌ᬢ᭄ᬬᬂᬡᬢᭂᬧᬂᬩ᭄ᬭᬢ᭄ᬣᬵ᭟ᬲ᭄ᬮᬾᬂᬳᬭᬲ᭄ᬤᬶᬧᬫᬺᬫᬦ᭄ᬱ᭄ᬮᭂᬂᬕᭂᬦ᭄ᬢᬶ᭞ᬭᬶᬂᬧ
ᬢᬸᬭ᭄ᬯᬦ᭄᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬫᭂᬗ᭄ᬕᬄ᭞ᬳᬶᬤᬭᬶᬂᬤᬾᬯᬾᬓ᭄ᬢᬶᬢ᭄ᬬᬗᬾ᭞ᬟᬸᬄᬭᬢᬸᬰᬭᬶᬦ᭄ᬳᬸᬮᬗᬸᬦ᭄᭞ᬦᬸᬦᬲ᭄ᬫᭂᬧᬫᬶᬢ᭄ᬭᬶᬂᬲᬂᬳᬚᬶ᭞ᬫᬵᬦ᭄ᬢᬸᬓ᭄‌‌ᬓᭂᬚᬕᬢ᭄ᬲ᭄ᬫᬶᬭᬂ᭞ᬚᬸᬫᬄᬢᬶᬢ᭄ᬬᬂᬲᬸᬯᬸᬂ᭞ᬲᬸᬯᬾᬲᬦ᭄ᬓ
ᬯᭀᬦᬶᬦ᭄ᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯ᭞ᬳᬢᬸᬭᬾᬢᬶᬢ᭄ᬬᬂᬫᬗᬶᬭᬶᬂ᭞ᬩᭀᬬᬢᬶᬢ᭄ᬬᬂᬧᬸᬭᬸᬦ᭄ᬢᬸᬮᬓ᭄᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬳᬶᬧᬢᬶᬄᬫᬵᬢᬹᬃᬫ᭄ᬫᬵᬜᬸᬫ᭄ᬩᬄ᭞ᬦᬸᬦᬲ᭄ᬭᬢᬸᬫᭂᬤᬮ᭄ᬲᬵᬫ᭄ᬧᬸᬦ᭄ᬢᭂᬗᬳᬶ
᭞ᬫᭂᬧᬫᬶᬢ᭄ᬭᬶᬂᬲᬂᬧ᭄ᬭᬪᬸ᭞ᬫᬩ᭄ᬭᬶᬬᬸᬓ᭄ᬱᬋᬂᬫᬫᬃᬕ᭄ᬕᬵ᭞ᬧ᭄ᬭᬧ᭄ᬢᬾᬂᬚᬩᬲᬂᬧ᭄ᬭᬪᬸᬲᭂᬤᭂᬓ᭄ᬫᬵᬮᬸᬗ᭄ᬕᬸᬄ᭞ᬲᬧ᭄ᬭᬧ᭄ᬢᬦᬾᬗ᭄ᬮᬸᬂᬲᬸᬃᬮᬸᬃᬕ᭄ᬕᬵ᭞ᬫᬸᬗ᭄ᬕᬳᬦ᭄ᬭᬶᬂᬉᬓᬶᬃᬓᬯᬶ᭟ᬯᬃᬡ᭄ᬦᬦᬾᬫᭂᬗᬬᬂᬗᬬᬂ᭞ᬮ᭄ᬯᬶᬃᬳ᭄ᬬᬂᬲ᭄ᬫᬭᬜ [ 40 ][᭓᭙ 39B]
᭓᭙
ᬦ᭄ᬤᬶᬂᬪᬝᬭᬭᬢᬶᬄ᭞ᬳᬶᬧᬜ᭄ᬚᬶᬫᬳᬢᬹᬃᬳᬮᬸᬲ᭄᭞ᬳᬶᬗ᭄ᬕᬶᬄᬭᬢᬸᬲᬂᬦᬵᬣ᭞ᬗᬶᬂᬳᬫ᭄ᬧᬸᬭᬢᬶᬢ᭄ᬬᬂᬧᬫᬶᬢ᭄ᬧᬘᬂᬫᬵᬦ᭄ᬢᬸᬓ᭄᭞ᬱᬋᬂᬭᬶᬂᬳᬦᬓ᭄ᬳᬶᬤᬾᬯ᭞ᬧᬸᬗ᭄ᬓᬸᬭᬦ᭄ᬢ᭄ᬬᬂᬫᬮᬶᬄᬫ᭄ᬭᬶᬓᬶ᭟
ᬓᬗ᭄ᬕᭂᬓ᭄ᬲᬂᬧ᭄ᬭᬪᬸᬫᬶᬋᬗᬂ᭞ᬓᬫᭂᬫᭂᬕᬦ᭄ᬩᭂᬮ᭄ᬩᭂᬍᬦ᭄‌‌ᬳᬲᭂᬫᬸᬢᬗᬶᬲ᭄᭞ᬫᬶᬚᬶᬮ᭄ᬯᬘᬦᬦᬾᬳᬮᬸᬲ᭄᭞ᬳᬟᬸᬄᬭᬢᬸᬲᬲᬸᬳᬸᬦᬦ᭄᭞ᬗᬸᬤᬮᬮᬶᬫᭂᬗᬯᭀᬦᬶᬦ᭄ᬢᬶᬢ᭄ᬬᬂᬫᬵᬦ᭄ᬢᬸᬓ᭄᭞
ᬚᬦᬶᬱᬶᬋᬧᬮᬃᬢᬶᬢ᭄ᬬᬂ᭞ᬧᬘᬂᬜᭂᬡᬂᬤᬶᬦᬕᬭᬶ᭟ᬳᬶᬧᬜ᭄ᬚᬶᬫᬵᬢᬹᬃᬫ᭄ᬫᬵᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬭᬯᬸᬄᬧᬸᬗ᭄ᬓᬸᬭᬦ᭄ᬫᬵᬮᬶᬄᬫ᭄ᬭᬶᬓᬶ᭞ᬲᬵᬫ᭄ᬧᬸᬦᬂᬓᭀᬩᭂᬢ᭄ᬭᬶᬂᬓᬬᬸᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶ
ᬓ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬗᬶᬭᬶᬂᬭᬢᬸ᭞ᬳᬶᬧᬜ᭄ᬚᬶᬫᬵᬢᬹᬃᬫ᭄ᬫᬵᬜᬸᬫ᭄ᬩᬄ᭞ᬢᬶᬢ᭄ᬬᬂᬲᬵᬡ᭄ᬥᬶᬓᬦ᭄ᬲᬂᬳᬚᬶ᭟ᬫᭂᬫᬃᬕ᭄ᬕᬶᬫᬵᬗ᭄ᬓᬶᬦ᭄ᬱᬕ᭄ᬭᬳᬦ᭄᭞ᬗᭀᬮᬄᬭᬭᬲ᭄ᬳᬓᬾᬄᬳᬦᬓ᭄ᬫᭂᬩᬮᬶᬄ᭞

[᭔᭐ 40A]
᭔᭐
ᬧᬟᬬᭂᬩᬸᬤᬸᬳᬸᬮᬗᬸᬦ᭄᭞ᬫᬗᭂᬢᭀᬦ᭄ᬳᬶᬧᬜ᭄ᬚᬶᬲ᭄ᬫᬶᬭᬂ᭞ᬫᭂᬗᬬᬂᬗᬬᬂᬮ᭄ᬯᬶᬃᬲᬗ᭄ᬳ᭄ᬬᬂᬲ᭄ᬫᬭᬦᬸᬭᬸᬦ᭄᭞ᬲᬶᬂᬭᬭᬲᬂᬗᬯᬾᬫᬾᬦᬻ᭞ᬲᬸᬫᬡ᭄ᬥᬶᬂᬭᬳᬤᬾᬦ᭄ᬤᬾᬯᬶ᭟ᬢᬦᬸᬘᬧᬂᬬᭂᬭᬶᬂᬚᬮᬦ᭄
᭞ᬧ᭄ᬭᬧ᭄ᬢᬾᬂᬳᬮᬲ᭄ᬫᬫᬃᬕ᭄ᬕᬶᬢᬦᭀᬮᬶᬄᬳᬸᬭᬶ᭞ᬭᬯᬸᬄᬭᬶᬂᬩᬜ᭄ᬘᬶᬗᬄᬲᬵᬫ᭄ᬧᬸᬦ᭄᭞ᬳᬶᬧᬜ᭄ᬚᬶᬫᬗ᭄ᬭᬜ᭄ᬚᬶᬂᬓᬧᬸᬭ᭞ᬧᬸᬢ᭄ᬭᬶᬓᬮᬶᬄᬢᬦ᭄ᬱᬄᬳᬶᬭᬶᬓᭂᬓᬢᬸᬦ᭄ᬢᬸᬦ᭄᭞ᬳᬶᬧᬢᬶᬄᬓᬮᬶᬄᬱᬋᬗ
ᬦ᭄᭞ᬱᬋᬂᬫᬗ᭄ᬭᬜ᭄ᬚᬶᬂᬓᬧᬸᬭᬶ᭟ᬧ᭄ᬭᬫᬷᬰ᭄ᬯᬭᬷᬫᬵᬗ᭄ᬓᬶᬦ᭄‌‌ᬓ᭄ᬯᬤᬮ᭄᭞ᬫᭂᬦᬓᬾᬦᬶᬦ᭄‌‌ᬳᭀᬓᬦᬾᬯᬯᬸᬧ᭄ᬭᬧ᭄ᬢᬶ᭞ᬳᬶᬧᬜ᭄ᬚᬶᬭᬭᬶᬲ᭄ᬫᬳᬢᬹᬃ᭞ᬧᬸᬦᬶᬓᬶᬧᬸᬢ᭄ᬭᬶᬦᬾᬤᬤ᭄ᬯᬵ᭞ᬤᬤᬶᬓᭂᬜᭂᬫ᭄‌‌ᬩ᭄ᬬ
ᬗᬾᬫᬗᬦ᭄ᬤᬶᬓᬳᬮᬸᬲ᭄᭞ᬫᬳᬶᬓᬾᬤᬾᬯᬫᭂᬦᬾᬓᬦ᭄᭞ᬤᬶᬩᬮᬾᬮᬸᬚᬶᬫ᭄ᬮᬶᬗ᭄ᬕᬶᬄ᭟ᬳᭂᬦᬾᬧᬸᬢ᭄ᬭᬶᬳᬸᬮᬶᬤᬶᬚ᭞ᬧᬟᬜᬸᬫ᭄ᬩᬄᬳᬶᬧᬜ᭄ᬚᬶᬫᬵᬢᬹᬃᬓᭂᬜᬶᬂ᭞ᬳᬶᬗ᭄ᬕᬶᬄᬭᬢᬸᬩ᭄ᬬᬂᬇᬪᬸ᭞ᬧᬸ [ 41 ][᭔᭐ 40B]
᭔᭐
ᬦᬶᬓᬶᬧᬸᬢ᭄ᬭᬶᬫᭂᬦ᭄ᬢᬯᬦ᭄᭞ᬳᬚᬶᬦ᭄ᬤᬦᬾᬳᬶᬭᬶᬓᬫᬜᭂᬡᬂᬧ᭄ᬭᬪᬸ᭞ᬫᬵᬗ᭄ᬓᬶᬦ᭄ᬢᬶᬢ᭄ᬬᬂᬳᬶᬘᬾᬦ᭄ᬳᬶᬤ᭞ᬧᬘᬂᬳᬗ᭄ᬕᬾᬦ᭄ᬢᬶᬢ᭄ᬬᬂᬰ᭄ᬯᬫᬷ᭟ᬧᬧᬲᬶᬄᬳᬶᬤᬦᬾᬲᬂᬦᬵᬣ᭞ᬦᬾᬟᬸᬳᬸᬭᬦ᭄ᬳᬶᬤᬾᬯ
ᬫᬺᬢ᭄ᬣᬰᬭᬷ᭞ᬫᬺᬢ᭄ᬣᬯᬢᬶᬦᬾᬳᬮᬶᬢᬦ᭄ᬭᬢᬸ᭞ᬧᬸᬢ᭄ᬭᬶᬦᬾᬫᬵᬢᬹᬃᬫ᭄ᬫᬵᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬳᬫ᭄ᬧᬸᬭᬢᬶᬢ᭄ᬬᬂᬳᬶᬤᬸᬲᬸᬦ᭄᭞ᬢᬶᬢ᭄ᬬᬂᬦᬶᬲ᭄ᬢᭂᬢᬦ᭄ᬧᭂᬓᬭᬢ᭄᭞ᬫᭂᬫᬋᬓᬦ᭄ᬓᬵᬤᬶ
ᬫᬵᬗ᭄ᬓᬶᬦ᭄᭟ᬧ᭄ᬭᬫᬷᬰ᭄ᬯᬭᬷᬫᭂᬗᬦ᭄ᬤᬶᬓ᭞ᬲᬵᬫ᭄ᬧᬸᬦ᭄ᬧᬜ᭄ᬚᬂᬫᬳᬶᬤᬶᬦᬶᬫᬮᬶᬗ᭄ᬕᬶᬄ᭞ᬫᭂᬯᬲ᭄ᬢᭂᬧᬢᬸᬭᬸᬮᬘᬸᬃ᭞ᬭᬭᬶᬲ᭄ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬯᬦ᭄᭞ᬢᬦᬸᬘᬧᭂᬲᬗ᭄ᬳ᭄ᬬᬂᬲᬸᬃᬬ᭄ᬬᬲᬵᬫ᭄ᬧᬸᬦ᭄ᬲᬸᬭᬸᬧ᭄᭞
ᬫᬩᬺᬤ᭄ᬭᬯᬸᬄᬳᬬᬸᬦᬦ᭄᭞ᬦᬄᬗᬬᬸᬦᬂᬱᬋᬂᬲᬵᬫᬶ᭟ᬫᬩ᭄ᬭᬶᬬᬸᬓ᭄ᬧᬟᬗᬬᬸᬦᬂ᭞ᬮᬶᬦ᭄ᬢᬂᬲᬸᬓᬓᬬᬸᬦᬾᬱᬋᬂᬲᬵᬫᬶ᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬳᬶᬤᬜᭂᬓᬸᬮ᭄᭞ᬢᭀᬕᭀᬕᬾᬚᬦᬶᬘᬂᬓ᭄ᬭᬶᬫᬂ

[᭔᭑ 41B]
᭔᭑
᭞ᬲᬮᬶᬂᬢᬶᬫ᭄ᬩᬮ᭄ᬫᭂᬜᬗ᭄ᬓᭀᬂᬤᬶᬚ᭄ᬭᭀᬦᬶᬂᬓᬲᬸᬃ᭞ᬮᬶᬬᬸᬢᬶᬗ᭄ᬓᬄᬤᬶᬧᬫᬺᬫᬦ᭄᭞ᬲᭀᬮᬳᬾᬧᬲᬶᬮᬶᬳᬰᬶᬄ᭟᭜᭟ᬧᬸᬧᬸᬄᬥᬹᬃᬫ᭄ᬫ᭟᭜᭟ᬲᬦᬾᬫᬵᬗ᭄ᬓᬶᬦ᭄‌‌ᬓᬘ᭄ᬭᬶᬢ᭄ᬣᬳᬶᬤᬲᬂᬧᬸᬢᬻ᭞
ᬫᬭᬶᬂᬓᭀᬭᬶᬧᬦ᭄‌‌ᬦᬕᬭᬶ᭞ᬦᬩ᭄ᬤᬩ᭄ᬲᬸᬧᬘᬭ᭞ᬧᬘᬂᬫᬩᬸᬜ᭄ᬘᬶᬂᬓᭂᬤᬳ᭞ᬳᬶᬧᬢᬶᬄᬓᬳᬸᬢᬸᬲ᭄ᬫᬵᬗ᭄ᬓᬶᬦ᭄᭞ᬧᬘᬂᬗᬾᬦ᭄ᬢᭂᬭᬂ᭞ᬲᬳᬸᬧᬘᬭᬦᬾᬲᬵᬫᬶ᭟ᬮᬾᬦ᭄ᬳᬶᬧᬸᬦ᭄ᬢᭂᬗᬾᬦ᭄ᬢᭂᬭᬂᬤᬶᬢᬸ
ᬤᬶᬫᬃᬕ᭄ᬕᬵ᭞ᬫᭂᬧᬫᬶᬢ᭄ᬭᬭᬶᬲ᭄ᬲᬵᬫᬶ᭞ᬧᬟᬦᬸᬗ᭄ᬕᬂᬓᬸᬤ᭞ᬧᬗᬗ᭄ᬕᬾᬦᬾᬫᬵᬲ᭄ᬫᬲᭀᬘ᭞ᬭᬸᬧᬦᬾᬫᬗᬺᬲᬂᬳᬢᬶ᭞ᬮᬵᬫ᭄ᬧᬳᬾᬕᬜ᭄ᬘᬂ᭞ᬲᬵᬫ᭄ᬧᬸᬦ᭄ᬳᭂᬤᭀᬬᭂᬫᬫᬃᬕ᭄ᬕᬶ᭟ᬢᬦᬸᬘᬧᬂᬳᬶᬧ
ᬜ᭄ᬚᬶᬚᬦᬶᬳᬸᬘᬧᬂ᭞ᬗᬵᬦ᭄ᬤᬶᬓᭂᬭᬶᬂᬧᬢᬶᬄᬓᬮᬶᬄ᭞ᬚᬦᬶᬩ᭄ᬯᬶᬦ᭄ᬫᭂᬚᬕ᭞ᬚᬯᬦᬶᬂᬭᭀᬯᬂᬫᭂᬦ᭄ᬢᬯᬦ᭄᭞ᬮᬯᬸᬢᬂᬲᬸᬩᭂᬩᬾᬕᬮᬶᬦ᭄᭞ᬬᬾᬦ᭄ᬩᬦᬶᬗ᭄ᬮᬯᬦ᭄᭞ᬩᭂᬩᬦ᭄ᬤᬭᬦ᭄ᬜᬵᬦᬾᬳᬫ᭄ᬩᬶᬮ᭄᭟ [ 42 ][᭔᭑ 41B]
᭔᭑
ᬭᬭᬶᬲ᭄ᬜᬸᬫ᭄ᬩᬄᬳᬶᬧᬢᬶᬄᬬᭂᬫᬓᭂᬤᬤ᭄ᬯᬵ᭞ᬲᬵᬦ᭄ᬥᬶᬓᬢᬶᬢ᭄ᬬᬂᬫᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬫᬗᭀᬩᭂᬢᬂ᭞ᬳᬶᬧᬢᬶᬄᬓᬮᬶᬄᬫᬜᬸᬫ᭄ᬩᬄ᭞ᬳᬶᬧᬜ᭄ᬚᬶᬗᬚ᭄ᬭᭀᬯᬂᬭᬭᬶᬲ᭄᭞ᬳᬶᬧᬢᬶᬄᬓᭀᬘᬧ᭄᭞
ᬤᬶᬩᬜ᭄ᬘᬶᬗᬄᬬᭂᬫᬗᬦ᭄ᬢᬶ᭟ᬫᬵᬗ᭄ᬓᬶᬦ᭄‌‌ᬓᭀᬘᬧ᭄ᬳᬶᬧᬢᬶᬄᬱᬓᬶᬂᬓᭀᬭᬶᬧᬦ᭄᭞ᬭᬶᬂᬳᬲ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬳᬕ᭄ᬮᬶᬲᬶᬂᬮᬸᬫᬫ᭄ᬧᬄ᭞ᬭᬯᬸᬄᬫᬭᬶᬂᬳᬮᬲ᭄ᬲ᭄ᬫᬶᬭᬂ᭞ᬓᬗ᭄ᬕᭂᬓ᭄ᬳᬶᬧᬢᬶᬄᬫᭂ
ᬗᬓ᭄ᬱᬶ᭞ᬓᬢᭀᬦ᭄ᬩᬜ᭄ᬘᬶᬗᬄ᭞ᬍᬯᬶᬳᬾᬢᬦ᭄ᬲᬶᬧᬶᬲᬶᬧᬶ᭟ᬤᬤᬶᬓᬗ᭄ᬕᭂᬓ᭄ᬳᬶᬧᬢᬶᬄᬤᭂᬫᬂᬫᬫᬃᬕ᭄ᬕᬶ᭞ᬳᬶᬓᬸᬤᬧᬺᬘᬡ᭄ᬥᬜᬕ᭄ᬚᬵᬕᬶᬦ᭄᭞ᬮᬦ᭄ᬓᬸᬤᬧᬺᬯᬶᬭ᭞ᬫᬦᬶᬓᬾᬦ᭄ᬧᬘᬂᬦᬢᬲᬂ
᭞ᬧᭀᬮᬳᬾᬫᬗᬺᬲᬂᬳᬢᬶ᭞ᬘᬳᬶᬯᭀᬂᬳᬧ᭞ᬫᭂᬭᬾᬭᬾᬦ᭄‌‌ᬬᭂᬫᬮᬸᬤᬶᬦᬶ᭟ᬤᬤᬶᬕᭂᬮᬸᬳᬶᬧᬢᬶᬄᬤᭂᬫᬂᬫᬫᬃᬕ᭄ᬕᬵ᭞ᬳᬶᬢᬸᬫᬗ᭄ᬕᬸᬂᬫᭂᬜᬯᬸᬭᬶᬦ᭄᭞ᬦᬾᬘᬳᬶᬯᭀᬂᬳᬧ᭞

[᭔᭒ 42A]
᭔᭒
ᬫᭂᬦᬕᬶᬄᬗ᭄ᬭᬾᬭᬾᬦᬂᬳᬶᬘᬂ᭞ᬓᬮᬓᭀᬦ᭄ᬩᬵᬦ᭄ᬳᬶᬩᭂᬚ᭄ᬯᬭᬶ᭞ᬫᬓᭂᬡᬄᬫᬵᬗ᭄ᬓᬓ᭄᭞ᬫᬫᬸᬜᬶᬢᭂᬓᬾᬦᬶᬂᬓᬳᬶ᭟ᬳᭂᬦᬾᬓᬳᬶᬧᭂᬧᬢᬶᬄᬳᬸᬮᬶᬓᭀᬭᬶᬧᬦ᭄᭞ᬳᬶᬧᬢᬶᬄᬓᬮᬶᬄᬜ
ᬯᬸᬢᬶᬦ᭄᭞ᬳᭂᬤᭂᬳᬶᬩᭂᬳᬫ᭄ᬧᬄ᭞ᬯᬶᬬᬤᬶᬦ᭄ᬧᬢᬶᬄᬓᭀᬭᬶᬧᬦ᭄᭞ᬢ᭄ᬯᬭᬓᬳᬶᬫᭂᬦᬓᬸᬢᬶᬦ᭄᭞ᬲᬵᬫ᭄ᬩᬸᬗᬦ᭄ᬘᭀᬢ᭞ᬓᬳᬶᬧᬘᬂᬫᬦᬶᬫ᭄ᬧᬮᬶᬦ᭄᭟ᬳᭂᬦᬾᬓᬳᬶᬫᬸᬍᬢᭀ
ᬢᭀᬲ᭄‌‌ᬪᬵᬮᬓ᭄ᬮᬡ᭞ᬳᭂᬦᬄᬫ᭄ᬭᬾᬭᬾᬦ᭄ᬳᬶᬩᭂᬚᬦᬶ᭞ᬳᬶᬧᬸᬦ᭄ᬢᭂᬫᬵᬦᬶᬫ᭄ᬩᬮ᭄᭞ᬓᬳᬶᬢ᭄ᬯᬭᬚᭂᬳᭂᬜᬓ᭄᭞ᬗᬸᬤ᭄ᬬᬂᬳᬶᬩᭂᬜᬾᬭᬾᬄᬓᬳᬶ᭞ᬲᬘᬶᬢᬦ᭄ᬳᬶᬩ᭞ᬓᬳᬶᬧᬘᬂᬫᭂᬦᬶᬫ᭄ᬧ
ᬮᬶᬦ᭄᭟ᬗᬸᬦᬸᬲ᭄ᬧᭂᬥᬂᬳᬶᬧᬢᬶᬄᬓᬮᬶᬄᬫᬦ᭄ᬭᬚᬂ᭞ᬫᭂᬗᬫᬹᬓ᭄ᬫᬗᬸᬩᬢ᭄ᬳᬩᬶᬢ᭄᭞ᬳᬲᬶᬂᬩᬩᬃᬩᬸᬗ᭄ᬓᬄ᭞ᬩᬶᬳᬶᬤ᭄ᬫᭂᬗᬮᬶᬳᬮᬶᬗᬦ᭄᭞ᬪᬵᬮᬓᭀᬭᬶᬧᬦᬾᬲᬵᬫᬶ᭞ᬳᬶᬧᬢᬶᬄᬤᭂ [ 43 ][᭔᭒ 42B]
᭔᭒
ᬫᬂ᭞ᬮᬯᬦ᭄ᬢᬸᬫᭂᬗ᭄ᬕᬸᬂᬜᬕ᭄ᬚᬵᬕᬶᬦ᭄᭟ᬳᬶᬧᬢᬶᬄᬫᬦᬶᬫ᭄ᬧᬮᬶᬦ᭄ᬧᬲᬮᬾᬂᬢᬸᬚᬄ᭞ᬧᬟᬘᭂᬮᬂᬬᭂᬫᬓᭂᬮᬶᬤ᭄᭞ᬤᬶᬢᬸᬫᬳᬸᬤᭂᬭᬦ᭄᭞ᬳᬶᬤᭂᬫᬂᬓᬲᬾᬧ᭄ᬫᬢᬶᬗ᭄ᬓᬄ᭞ᬓᬲᭂᬧᭂᬕ᭄ᬩᬯᬸ
ᬦᬾᬓᭂᬦᬶ᭞ᬗᬶᬂᬢ᭄ᬯᬭᬩᬶᬂᬓ᭄ᬮᬓ᭄᭞ᬩᬗᬸᬦᬫᬗᬸᬮᬳᬂᬫ᭄ᬮᬳᬶᬩ᭄᭟ᬗᬸᬢᬂᬚᬭᬦ᭄ᬧᭂᬮᬳᬶᬩᬾᬫᬗᬸᬮᬳᬂ᭞ᬢ᭄ᬯᬭᬫᬦᭀᬮᬶᬄᬓᬳᬸᬭᬶ᭞ᬳᬶᬢᬸᬫᭂᬗ᭄ᬕᬸᬂᬗᬯᬲ᭄᭞ᬜᬫᬦᬾᬫᭂᬮᬳᬶᬩ᭄‌‌
ᬳᬾᬗ᭄ᬕᬮ᭄᭞ᬤᬶᬢᬸᬭᬭᬶᬲ᭄ᬓᭂᬢᬸᬢ᭄ᬳᬸᬭᬶ᭞ᬳᬶᬧᬸᬦ᭄ᬓᬵᬲᬾᬧᬦ᭄᭞ᬳᬾᬗ᭄ᬕᬮᬦ᭄ᬳᬶᬬᭂᬓᬕᬶᬲᬶ᭟ᬤᬶᬢᬸᬜ᭄ᬭᬶᬢ᭄ᬳᬶᬧᬸᬦ᭄ᬢᭂᬫᬫᬸᬜᬶᬦᬯᭂᬕᬂ᭞ᬭᬢᬸᬢᬶᬢ᭄ᬬᬂᬦᬸᬦᬲ᭄ᬳᬸᬭᬶᬧ᭄᭞ᬧᬶᬂᬓᬮᬶᬄᬧᬶᬂᬢᬶᬕ᭞
ᬲᬵᬫ᭄ᬧᬸᬦᬂᬗᬭᬸᬱᬓ᭄ᬢᬶᬢ᭄ᬬᬂ᭞ᬬᬤ᭄ᬬᬦ᭄ᬓᬾᬳᬗ᭄ᬕᬾᬦ᭄ᬧᬓᭂᬢᬶ᭞ᬢᬶᬢ᭄ᬬᬂᬢᬦ᭄ᬧᬶᬯᬮ᭄᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬦᬸᬳᬸᬭᬶᬧ᭄᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬳᬶᬧᬢᬶᬄᬓᬮᬶᬄᬳᬗᬸᬘᬧ᭄᭞

[᭔᭓ 43A]
᭔᭓
ᬘᬳᬶᬧᬸᬦ᭄ᬢᭂᬳᬶᬟᭂᬧ᭄ᬘᬳᬶᬗᬶᬤᬶᬄᬳᬸᬭᬶᬧ᭄᭞ᬩᬦ᭄ᬤᬭᬦᬾᬓᭂᬫᭀᬢᬸᬧ᭄ᬢᬸᬧ᭄᭞ᬘᬳᬶᬤᬶᬢᬸᬫᭂᬦᬵᬫ᭄ᬩᬸᬦᬂ᭞ᬱᬶᬋᬧᬸᬦ᭄ᬢᭂᬦᬵᬫ᭄ᬩᬸᬦᬂᬩᬦ᭄ᬤᬭᬦ᭄ᬳᬶᬧᬸᬦ᭄᭞ᬲᬮ᭄ᬯᬶᬭᬶᬂᬳᬸᬧᬓᬭᬦ᭄ᬬ᭞ᬓᬢᬹᬃ
ᬭᬶᬂᬳᬶᬧᬜ᭄ᬚᬶᬲᬵᬫᬶ᭟ᬲᬵᬫ᭄ᬧᬸᬦ᭄ᬲᬵᬫᬶᬓᬢᬭᬶᬫ᭞ᬓᬘ᭄ᬭᬶᬢᬢᬶᬗ᭄ᬓᬄᬳᬶᬧᬢᬶᬄᬓᬮᬶᬮᬶᬄ᭞ᬧᭂᬮᬳᬶᬩᬾᬳᭂᬩᬄᬩᬗᬸᬦ᭄᭞ᬲᬭᬯᬸᬳᬾᬭᬶᬂᬦᬕᬭ᭞ᬗ᭄ᬭᬜ᭄ᬚᬶᬂᬧᬸᬭᬶᬧᬋᬓ᭄ᬭᬶᬂᬭ
ᬳᬤᬾᬦ᭄ᬲᬵᬫ᭄ᬧᬸᬦ᭄᭞ᬳᬗ᭄ᬓᬶᬳᬦᬾᬲᭂᬗᬮ᭄ᬲᭂᬗᬮ᭄᭞ᬲᬸᬯᬾᬢᭀᬂᬤᬤᬶᬫᬫᬸᬜᬶ᭟ᬲᬂᬭᬵᬚᬧᬸᬢᬺᬫᬜᬶᬗᬓ᭄᭞ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬓᬵᬬᬸᬦᬾᬜᬶᬗᬓ᭄ᬳᬶᬧᬢᬶᬄ᭞ᬩᬦ᭄ᬱᭂᬩᭂᬗᬾᬮᬶ
ᬦ᭄‌ᬢᬂᬓᭂᬘᬸᬤ᭄᭞ᬭᬭᬶᬲ᭄ᬳᬶᬤᬫᭂᬗᬦ᭄ᬤᬶᬓ᭞ᬩᬧᬧᬢᬶᬄᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬫᬵᬮᬶᬄᬭᬯᬸᬄ᭞ᬓᬮᬶᬄᬲᭂᬩᭂᬂᬩᬧᬓᬸᬲ᭄ᬬ᭞ᬓᬾᬦ᭄ᬓᬾᬦ᭄ᬲᭂᬂᬓᬵᬮᬤᬶᬫᬃᬕ᭄ᬕᬶ᭟ᬳᬶᬧᬢᬶᬄᬓᬮᬶᬄᬫᬜᬸᬫ᭄ᬩᬄ᭞ [ 44 ][᭔᭓ 43B]
᭔᭓
ᬓᬤᬶᬤᬕᬶᬂᬯᭂᬘᬦᬦᬾᬮᬶᬦ᭄ᬢᬂᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬤᬯᭂᬕ᭄‌ᬗ᭄ᬮᬸᬗ᭄ᬲᬸᬃᬮᬸᬧᬸᬢ᭄᭞ᬲ᭄ᬚᬯᬦᬶᬂᬯᬡᬄᬫᬵᬜ᭄ᬚᬓᬂ᭞ᬢᭀᬂᬓᬢᬗ᭄ᬕᬮ᭄ᬭᬵᬯᬸᬄᬭᬶᬂᬳᬮᬲᬾᬳᬕᬸᬂ᭞ᬢᬦ᭄ᬧᬲᬗ᭄ᬓᬦ᭄ᬩᬵᬮᬓ᭄ᬮᬡ᭞
ᬭᬯᬸᬄᬫᬺᬓᭀᬱᬗᬺᬩᬸᬢᬶᬦ᭄᭟ᬲᬸᬧᬘᬭᬢ᭄ᬮᬲ᭄ᬓᬩᬾᬕᬮ᭄᭞ᬳᬸᬮᬶᬄᬢᬶᬢ᭄ᬬᬂᬦᬵᬗ᭄ᬓᭂᬧᬶᬦ᭄‌‌ᬗ᭄ᬮᬵᬯᬦ᭄ᬳᬚᬸᬭᬶᬢ᭄᭞ᬓᬮᬶᬦ᭄ᬢᬂᬓᭀᬧᬧ᭄ᬭᬂᬳᬶᬧᬸᬦ᭄᭞ᬢᬦ᭄ᬧᬾᬦ᭄ᬤᬄᬫᬓᬤᬶᬓᬶᬮᬧ᭄᭞ᬮᬶ
ᬦ᭄ᬢᬂᬳᬾᬭᬂᬲᬂᬭᬵᬚᬧᬸᬢᬻᬫᬗ᭄ᬭᬸᬗᬸ᭞ᬢᬦ᭄ᬧᬗᬦ᭄ᬤᬶᬓᬮᬾᬦᬦ᭄᭞ᬗᬵᬫ᭄ᬩᬶᬮ᭄ᬓᬸᬤᬚᬕ᭄ᬫᬫᬃᬕ᭄ᬕᬶ᭟ᬮᬶᬬᬸᬪᬵᬮᬦᬾᬗᬶᬭᬶᬗᬂ᭞ᬲᬸᬫ᭄ᬩᬃᬲᬸᬫ᭄ᬩᬃᬦᬾᬧᬟᬧᬚ᭄ᬭᬶᬢ᭄᭞ᬳᬶᬩᭂᬫᬵᬗ᭄ᬓᬓ᭄ᬫᬵᬓ᭄ᬦᬄᬚᬸᬫ᭄ᬩᬸᬄ
ᬫᬗᬾᬤᬾᬗᬂᬓᬚ᭄ᬯᬭᬶᬬᬦ᭄᭞ᬳᭂᬦᬾᬮᬯᬦ᭄‌‌ᬤᬾᬯᬧᬸᬢᬺᬚᬦᬶᬭᬯᬸᬄ᭞ᬲᬦᬶᬢᬦ᭄ᬳᬶᬩᬦᬾᬳᬧ᭄ᬭᬂ᭞ᬲᬶᬤ᭄ᬥᬩᬳᬦ᭄ᬫᬵᬦᬶᬫ᭄ᬧᬮᬶᬦ᭄᭟ᬧᬫᬃᬕ᭄ᬕᬶᬦᬾᬕᭂᬕᬜ᭄ᬘᬵᬗᬦ᭄᭞ᬩᬦ᭄‌‌ᬓ᭄ᬭᭀ

[᭔᭔ 44A]
᭔᭔
ᬤᬦᬾᬢ᭄ᬯᬭᬤᬤᬶᬳᬫ᭄ᬧᭂᬢᬶᬦ᭄᭞ᬭᬶᬂᬢᭂᬧᬶᬦ᭄ᬳᬮᬲᬾᬭᬯᬸᬄ᭞ᬭᬭᬶᬲ᭄ᬫᬵᬗ᭄ᬯᬗᬸᬦᬂᬲᬸᬃᬬ᭄ᬬᬓ᭄᭞ᬢᬦ᭄ᬧᭂᬕᬢᬦ᭄‌‌ᬲ᭄ᬯᬭᬦ᭄ᬩᭂᬤᬶᬮᬾᬫᬗ᭄ᬭᬸᬤᬸᬕ᭄᭞ᬳᬶᬧᬜ᭄ᬚᬶᬲ᭄ᬫᬶᬭᬂᬫᬶᬋᬗᬂ᭞ᬗᬦ᭄ᬤᬶᬓᬭᬶᬂᬧ
ᬢᬶᬄᬓᬮᬶᬄ᭟ᬦᬾᬘᬳᬶᬓᬸᬤᬧᬺᬯᬶᬭ᭞ᬩᬋᬂᬢᭂᬓᬾᬦ᭄ᬓᬸᬤᬧᬺᬘᬡ᭄ᬥᬚᬦᬶ᭞ᬦᬾᬳᬶᬩᭂᬮᬶᬧᭂᬟᬲ᭄ᬭᬵᬯᬸᬄ᭞ᬓᬬᬸᬦᬾᬤᬸᬓᬧᬶᬲᬦ᭄᭞ᬬᬦᬶᬂᬮᬯᬦ᭄‌‌ᬢ᭄ᬯᬭᬩᬸᬳᬸᬂᬤᭂᬓ᭄ᬤᭂᬓᬺᬫᬸᬓ᭄
᭞ᬓᭂᬡᬄᬦᬶᬭᬧᬘᬂᬫᭂᬡ᭄ᬥᬓ᭄᭞ᬗᬶᬂᬫᬫᭀᬕᭀᬮ᭄ᬱᬋᬂᬲᬵᬫᬶ᭟ᬳᬶᬧᬸᬦ᭄ᬢᭂᬳᬗ᭄ᬕᭀᬦ᭄ᬚᬮᬭᬦ᭄᭞ᬗᬩᬢᬸᬮᬶᬲ᭄ᬗᬵᬢᬸᬭᬂᬢᭂᬓᬾᬦ᭄ᬳᬶᬩ᭄ᬮᬶ᭞ᬗᬶᬂᬢᬸᬢᬸᬢᬶᬦ᭄ᬳᬸᬮᬶᬧᬸᬗ᭄ᬓᬸᬃ᭞ᬳᬶᬧᬸᬦ᭄ᬢᭂᬗᬕᬯᭂᬲᬸᬭ
ᬢ᭄᭞ᬧᬢᬶᬄᬓᬮᬶᬄᬳᬢᬸᬭᬾᬲᬵᬫ᭄ᬧᬸᬦ᭄ᬫᭂᬫᬢᬸᬢ᭄᭞ᬳᬶᬧᬜ᭄ᬚᬶᬫᬓᬃᬬ᭄ᬬᬲᬸᬃᬬ᭄ᬬᬓ᭄᭞ᬢᬲ᭄ᬢᬺᬫᭂᬮᬄᬫᬸᬜᬶᬫᬵᬦᬶᬲ᭄᭟ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬫᬸᬟ᭄ᬭᬦ᭄ᬚᬵᬕᬢ᭄ᬭᬶᬂᬓᭀᬭᬶᬧᬦ᭄‌‌ᬦ [ 45 ][᭔᭔ 44B]
᭔᭔
ᬕᬭᬶ᭞ᬱᬓ᭄ᬢᬶᬓᬲᬸᬩ᭄ᬳᬶᬤᬢᬸᬳᬸ᭞ᬭᬶᬂᬚᬕᬢᬾᬢ᭄ᬯᬭᬧᬟ᭞ᬢᬶᬢ᭄ᬬᬂᬤᬾᬯᬗ᭄ᬮᬸᬗ᭄ᬲᬸᬃᬧᬗᬵᬫ᭄ᬧᬸᬭᬭᬢᬸ᭞ᬲ᭄ᬚᬯᬦᬶᬂᬯᬡᬄᬫᬵᬜ᭄ᬚᬓᬂ᭞ᬢᬶᬢ᭄ᬬᬂᬮᬶᬦ᭄ᬢᬂᬮᬶᬦ᭄ᬢᬂᬳᬚ᭄ᬭᬶᬄ᭟ᬫᬫᭂᬲᭂᬄᬘᭀ
ᬓᭀᬃᬳᬶᬤᬾᬯᬵ᭞ᬧᬸᬦᬶᬓᬳᬢᬸᬭᬾᬫᬸᬗ᭄ᬕᬸᬄᬭᬶᬂᬢᬸᬮᬶᬲ᭄᭞ᬳᬶᬧᬸᬦ᭄ᬢᭂᬫᭂᬫᬓ᭄ᬢᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬳᬶᬧᬸᬦ᭄‌ᬬᭂᬫᬫᬃᬕ᭄ᬕᬵ᭞ᬫᭂᬤᬩ᭄ᬤᬵᬩᬦ᭄ᬳᬶᬧᬜ᭄ᬚᬶᬦᬸᬢᬸᬕ᭄ᬤᬶᬧᬸᬗ᭄ᬓᬸᬃ᭞ᬲᬵᬫᬶᬫᬗ᭄ᬮᬶᬗ᭄ᬕᬶᬳᬶᬦ᭄‌
ᬓᬸᬤ᭞ᬱᬋᬂᬢᬢᬶᬕᭂᬫᬫᬃᬕ᭄ᬕᬶ᭟ᬳᬶᬧᬸᬦ᭄ᬢᭂᬕᭂᬮᬶᬲ᭄ᬮᬸᬫᬫ᭄ᬧᬄ᭞ᬕᭂᬮᬶᬲ᭄ᬭᬵᬯᬸᬄᬭᬶᬂᬳᬬᬸᬦ᭄ᬭᬤᬾᬦ᭄ᬫᬵᬦ᭄ᬢ᭄ᬭᬶ᭞ᬲᬶᬓᬧᬾᬓᭂᬳᬦ᭄ᬤᭂᬕ᭄ᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬧᬋᬓ᭄ᬭᬶᬂᬕᬸᬲ᭄ᬢᬶᬦ᭄ᬜᬵ᭞ᬫᬵᬢᬹᬃᬜᬸᬫ᭄ᬩᬄᬳᬶᬗ᭄ᬕᬶᬄ
ᬭᬢᬸᬤᬾᬯᬳᬕᬸᬂ᭞ᬢᬶᬢ᭄ᬬᬂᬓᬸᬢᬸᬲ᭄ᬗᬵᬢᬸᬭᬂᬲᬸᬭᬢ᭄᭞ᬫᬦᬸᬗ᭄ᬓᬸᬮ᭄ᬗᬵᬢᬸᬭᬂᬳᬸᬭᬶᬧ᭄᭟ᬤᬦᬾᬮᬶᬦ᭄ᬢᬂᬳᬚ᭄ᬭᬶᬄᬧᬶᬲᬦ᭄᭞ᬭᬶᬂᬤᬾᬯ᭄ᬯᬕᬸᬂᬧᬘᬂᬫᬘᬸᬘᬸᬄᬚᬸᬭᬶᬢ᭄᭞ᬲᬂᬭᬵᬚᬧᬸᬢᬺᬫᬗ᭄ᬭᬸᬗᬸᬮ

[᭔᭕ 45A]
᭔᭕
᭞ᬓᬤᬶᬳᬢᬹᬃᬳ᭄ᬬᬳᬶᬧᬸᬦ᭄ᬢᬵ᭞ᬓᬢᭂᬭᬶᬫᭂᬲᬸᬭᬢᬾᬓᭂᬧᬯᭀᬲ᭄ᬤᬶᬢᬸ᭞ᬲᬵᬫ᭄ᬧᬸᬦ᭄ᬢᬢᬲ᭄ᬓᬵᬯᬶᬦᬘ᭞ᬲᭂᬤᬕᬶᬂᬲᬸᬭᬢᬾᬲᬵᬫᬶ᭟ᬧᬫᭂᬂᬕᬳᬾᬤᬤᬶᬧᬸᬦᬄ᭞ᬜᭂᬍᬕ᭄ᬱᬶᬓᬧ᭄ᬭᬤᬾ
ᬦ᭄ᬫᬵᬦ᭄ᬢ᭄ᬭᬶᬗ᭄ᬭᬶᬳᬶᬦᬶᬦ᭄᭞ᬪᬵᬮᬦᬾᬗᬺᬤᭂᬕ᭄ᬤᬶᬧᬸᬗ᭄ᬓᬸᬃ᭞ᬳᬶᬧᬜ᭄ᬚᬶᬲ᭄ᬫᬶᬭᬂᬫᬗᬯᬲ᭄᭞ᬫᬭᬶᬂᬯᬃᬡ᭄ᬦᬦ᭄ᬜᬵᬦᬾᬳᬶᬫᬦ᭄ᬢ᭄ᬭᬶᬤᬶᬢᬸ᭞ᬢᬸᬮᬾᬦ᭄ᬩᬸᬓᬲᬗ᭄ᬳ᭄ᬬᬂᬲ᭄ᬫᬭ᭞ᬓᬳᬶᬭᬶᬂᬳᬦ᭄ᬢᬸᬓ᭄ᬧ᭄ᬭᬚᬸᬭᬶᬢ᭄᭟ᬲᬂᬭᬵ
ᬚᬧᬸᬢᬺᬫᬜᬶᬗᬓ᭄᭞ᬯᬃᬡ᭄ᬦᬦ᭄ᬳᬶᬤᬦᬾᬫᬗᬜᬸᬤᬂᬳᬢᬶ᭞ᬮᬸᬯᬶᬃᬲᬗ᭄ᬳ᭄ᬬᬂᬲ᭄ᬫᬭᬦᬸᬭᬸᬦ᭄᭞ᬫᬳᬶᬦ᭄ᬤᭂᬤᬤᬶᬫᬦᬹᬱᬵ᭞ᬲᬵᬫ᭄ᬧᬸᬦ᭄ᬢᬵᬫ᭄ᬧᭂᬓ᭄‌‌ᬓᬬᬸᬦᬾᬫᬯᬸᬯᬸᬄᬯᬸᬯᬸᬄ᭞ᬤᬤ᭄ᬬ
ᬜᭂᬫᭂᬧᬧᬲ᭄ᬢᭂᬗᬮ᭄᭞ᬓᭂᬜᭂᬫ᭄ᬳᬶᬧᬜ᭄ᬚᬶᬜᬶᬗᬓᬶᬦ᭄᭟ᬭᬤᬾᬦ᭄ᬫᬵᬦ᭄ᬢ᭄ᬭᬶᬡ᭄ᬦᬂᬡ᭄ᬦᬂᬜᬶᬗᬓ᭄᭞ᬢᬦ᭄ᬧᬩᬬᬸᬓᬮᬲᭀᬦ᭄ᬓᬵᬬᬸᬦᬾᬭᬶᬫ᭄ᬭᬶᬫ᭄᭞ᬭᬳᬤᬾᬦ᭄ᬫᬵᬦ᭄ᬢ᭄ᬭᬶᬫᬘᭂᬩᬸᬃ᭞ᬮᬶᬫᬸᬄ [ 46 ][᭔᭕ 45B]
᭔᭕
ᬓ᭄ᬦᬓᭂᬫᬦᬶᬲᬦ᭄᭞ᬕᭂᬮᬶᬲ᭄ᬜᬕ᭄ᬚᬕ᭄‌‌ᬓᬤᬾᬬᬦ᭄ᬧᬟᬫᬗ᭄ᬭᬸᬜ᭄ᬘᬸᬂ᭞ᬳᬶᬧᬜ᭄ᬚᬶᬲ᭄ᬫᬶᬭᬂᬫᬜᬶᬗᬓ᭄᭞ᬫᬘᭂᬩᬸᬃᬕ᭄ᬕᭂᬮᬶᬲ᭄ᬜᬕ᭄ᬚᬵᬕᬶᬦ᭄᭟ᬳᬶᬧᬢᬶᬄᬓᬮᬶᬄᬫᬜᬶᬗᬓ᭄᭞ᬲᭂᬭᬯᬸᬳᬾ
ᬫᭂᬜᬕ᭄ᬚᬕ᭄ᬫᬵᬢᬹᬃᬫ᭄ᬫᬵᬦᬶᬲ᭄᭞ᬳᬶᬗ᭄ᬕᬶᬄᬭᬢᬸᬤᬾᬯᬳᬕᬸᬂ᭞ᬧᬜᬶᬯᬶᬬᬦ᭄ᬧᬸᬲᭂᬃᬚᬕᬢ᭄᭞ᬩᭀᬬᭂᬘᬶᬗᬓ᭄ᬧᬋᬓᬦᬾᬫᭂᬦ᭄ᬤᬓ᭄ᬭᬢᬸ᭞ᬜᬤ᭄ᬬᬫᬗᬢᬸᬭᬂᬳᬯᬓ᭄᭞ᬲᬶᬜᭂᬓ
ᬬᬸᬦ᭄ᬭᬢᬸᬦᬵᬫ᭄ᬧᬶ᭟ᬲᬶᬲᬶᬧ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭞ᬮᬂᬕ᭄ᬬᬮᬸᬘᬸᬫᬫᬾᬕᬮ᭄‌‌ᬤ᭄ᬭᬸᬯᬾᬦᬾᬲᬵᬫᬶ᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬭᬢᬸᬩᭂᬡ᭄ᬥᬸ᭞ᬫᬵᬗ᭄ᬓᬶᬦ᭄ᬢᬶᬢ᭄ᬬᬂᬫᭂᬗᬢᬸᬭᬂ᭞ᬧᬤ᭄ᬭᬸᬯᬾᬬᬦ᭄ᬳᬶᬭ
ᬢᬸᬫᬵᬗ᭄ᬓᬶᬦ᭄ᬤᬾᬯᬕᬸᬂ᭞ᬳᬶᬧᬜ᭄ᬚᬶᬲ᭄ᬫᬶᬭᬂᬫᬵᬢᬸᬭᬵ᭞ᬦᬸᬦᬲ᭄ᬲᬶᬫ᭄ᬧᬂᬭᬢᬸᬫᬵᬗ᭄ᬓᬶᬦ᭄᭟ᬭᬳᬤᬾᬦ᭄ᬫᬵᬦ᭄ᬢ᭄ᬭᬶᬫ᭄ᬬᬃᬱᬬᬂ᭞ᬳᬢᬹᬃᬳᬶᬧᬜ᭄ᬚᬶᬲ᭄ᬫᬶᬭᬂᬓᬯ᭄ᬮᬲ᭄ᬳᬰᬶᬄ᭞ᬓᬬᬸᬦ᭄ᬳᬶᬤᬓᬤᬶᬢᬸ

[᭔᭖ 46A]
᭔᭖
ᬦ᭄ᬢᬸᬦ᭄᭞ᬭᬭᬶᬲ᭄ᬳᬶᬤᬫᭂᬗᬦ᭄ᬤᬶᬓ᭞ᬳᬶᬗ᭄ᬕᬶᬄᬤᬾᬯᬩᭀᬬᬢᬶᬢ᭄ᬬᬂᬫᬶᬯᬮ᭄ᬓᬵᬬᬸᬦ᭄᭞ᬓᬤᬸᬂᬢᬶᬢ᭄ᬬᬂᬫᭂᬗᬘᭂᬧᬂ᭞ᬓᭂᬤᬳᬧᬘᬂᬫᬩᬸᬜ᭄ᬘᬶᬂ᭟ᬭᬶᬂᬫ᭄ᬢᬸᬮᬓ᭄ᬢᬶᬢ᭄ᬬᬗᬾᬲᬶᬫ᭄ᬧᬂ᭞ᬲᬦᬾᬫ
ᬗ᭄ᬓᬶᬦ᭄ᬢᬶᬢ᭄ᬬᬂᬫᭂᬧᬫᬶᬢ᭄ᬭᬶᬂᬳᬤᬶ᭞ᬫᬫᬃᬕ᭄ᬕᬶᬭᬭᬶᬲ᭄ᬫᬩ᭄ᬭᬶᬬᬸᬓ᭄᭞ᬭᬭᬶᬲ᭄ᬫᬵᬗ᭄ᬮᬶᬂᬕᬶᬳᬶᬦ᭄ᬓᬸᬤ᭞ᬫᭂᬚᬚᬃᬧᭂᬫᬃᬕ᭄ᬕᬶᬦᬾᬳᬮᭀᬦ᭄ᬳᬮᬸᬲ᭄᭞ᬯᬃᬡ᭄ᬦᬓᬤᬶᬲ᭄ᬫᬭᬓᭂᬫ᭄ᬩᬃ᭞ᬧᬢᬶᬄᬢᭀᬂᬩᬓᬢ᭄ᬳᬶᬗᭂ
ᬢᬶᬦ᭄᭟ᬲᬵᬫ᭄ᬧᬸᬦ᭄ᬤᭀᬄᬳᬶᬤᬫᬫᬃᬕ᭄ᬕᬵ᭞ᬭᬭᬶᬲ᭄ᬭᬯᬸᬄᬭᬶᬂᬩᬜ᭄ᬘᬶᬗᬄᬳᬶᬧᬜ᭄ᬚᬶ᭞ᬓᬸᬤᬦᬾᬫᭂᬫᬵᬗ᭄ᬓᭂᬮ᭄ᬤᬶᬢᬸ᭞ᬢ᭄ᬯᬭᬳᭂᬜᬓ᭄‌‌ᬬᭂᬫᭂᬚᬮᬦ᭄᭞ᬓᬭᬕ᭄ᬓᬶᬭᬶᬕ᭄ᬳᬶᬫᬦ᭄ᬢ᭄ᬭᬶᬗᬵᬦ᭄ᬤᬶᬓᬳᬮᬸ
ᬲ᭄᭞ᬫᬋᬚᬦᬶᬳᬶᬩᭂᬫᬫᬾᬤ᭞ᬳᬶᬩᭂᬚᬭᬦᬺᬂᬕᭂᬭᬗ᭄ᬕᬄ᭟᭜᭟ᬧᬸᬧᬸᬄᬕᬶᬦᬦ᭄ᬢᬶ᭟᭜᭟ᬳᬶᬧᬜ᭄ᬚᬶᬗᬦ᭄ᬤᬶᬓᬳᬮᬸᬲ᭄᭞ᬓᬸᬤᬦᬾᬳᬗ᭄ᬕᭀᬦ᭄ᬲᬲᬶᬫ᭄ᬩᬶᬂ᭞ᬚᬭᬦ᭄ᬬᬫᬩᬸᬤᬶᬲᬶᬗ᭄ᬕᬄ᭞ᬲᬵ [ 47 ][᭔᭖ 46B]
᭔᭖
ᬗ᭄ᬓᬦ᭄‌‌ᬬᭂᬫᬫᬾᬤ᭄ᬥᬤᬶᬦᬶ᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬗᬺᬲᬾᬂᬘᬶᬢ᭄ᬣᬵ᭞ᬯᬶᬚᬶᬮ᭄ᬯᬘᬦᬦᬾᬫᬦᬶᬲ᭄᭟ᬳᬤᬶᬳᬢ᭄ᬫᬵᬚ᭄ᬯᬶᬢ᭄ᬣᬭᬢᬸ᭞ᬲᬵᬫ᭄ᬧᬸᬦ᭄ᬳᬤᬶᬫᬲᭂᬲᬶᬫ᭄ᬩᬶᬂ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄‌‌ᬗ᭄ᬭᬵᬲᭂᬲᬮᬄ᭞ᬭ
ᬭᬶᬲᬂᬭᬢᬸᬫᭂᬗ᭄ᬕᬳᬶᬦ᭄᭞ᬫᬵᬗ᭄ᬓᬶᬦ᭄ᬢᬶᬢ᭄ᬬᬂᬗᬶᬭᬶᬂᬳᬶᬤ᭞ᬦᬸᬦᬲ᭄ᬓᬾᬭᬢᬸᬓᬧᬸᬭᬶ᭟ᬫᬫᬃᬕ᭄ᬕᬶᬫᭂᬤᬦ᭄ᬤᬦ᭄ᬲᬵᬫ᭄ᬧᬸᬦ᭄᭞ᬲᭀᬮᬳᬾᬗᬯᬾᬧᬶᬭᬦ᭄ᬢᬶ᭞ᬲᬭᬯᬸᬳᬾᬭᬶᬂᬧᬸᬭᬶᬬᬦ᭄᭞ᬭᬶᬂ
ᬩᬮᬾᬳᬜᬃᬫ᭄ᬫᬵᬮᬶᬗ᭄ᬕᬶᬄ᭞ᬫᬩᬺᬤ᭄‌‌ᬬᭂᬲᭂᬤᬳᬾᬢ᭄ᬓᬵ᭞ᬩᭀᬓᭀᬭᬾᬫᬓᭂᬚᬂᬓᬸᬦᬶᬂ᭟ᬳᬶᬧᬜ᭄ᬚᬶᬲ᭄ᬫᬶᬭᬂᬬᭂᬓᭂᬜᬸᬂ᭞ᬳᬢᬸᬭᬾᬗᭀᬮᬲᬂᬳᬢᬶ᭞ᬤᬸᬭᬸᬲᬂᬲᬵᬫ᭄ᬧᬸᬦ᭄ᬗᬵᬬᬸᬦᬂ᭞ᬲᬢ᭄ᬜᬶᬫ᭄ᬧ
ᬗᬶᬦ᭄ᬳᬸᬫᬄᬓᭂᬤᬶᬲ᭄᭞ᬳᬶᬫᬦ᭄ᬢ᭄ᬭᬶᬗᭂᬡᬂᬡᬂᬜᭂᬫᬶᬋᬗᬂ᭞ᬧᬫᬸᬦᬳᬾᬚ᭄ᬭᭀᬦᬶᬂᬳᬢᬶ᭟ᬟᬸᬄᬭᬢᬸᬫᬵᬲ᭄ᬳᬶᬗᬸᬮᬸᬦ᭄᭞ᬜᬶᬗᬓ᭄ᬳᬶᬭᬢᬸᬫᬫᬸᬜᬶ᭞ᬲᬶᬂᬩᬶᬓᬲᬂᬗᬯᬾᬫᬾᬡ᭄ᬥᬻ᭞ᬬᬦ᭄ᬳᬶ

[᭔᭗ 47A]
᭔᭗
ᬭᬢᬸᬤᬤᬶᬇᬲ᭄ᬢ᭄ᬭᬶ᭞ᬧᭂᬤᬲ᭄ᬢᬶᬢ᭄ᬬᬂᬗᬮᬧ᭄ᬭᬩ᭄ᬬ᭞ᬲᬧᬸᬦᬶᬓᭂᬤ᭄ᬯᬕᬸᬂᬫᬵᬡᬶᬓ᭄᭟ᬫ᭄ᬮᬳᬶᬤᬾᬯᬦᬾᬭᬢᬸ᭞ᬫᬲᬶᬓᬶᬬᬦ᭄ᬧᬢᬶᬳᬸᬭᬶᬧ᭄᭞ᬳᬸᬮᬗᬸᬦ᭄ᬓᬵᬬᬸᬦᬾᬮᬶᬦ᭄ᬢᬂ᭞ᬓᬾᬢᭀᬧ
ᬧᬶᬡᬄᬭᬶᬂᬳᬢᬶ᭞ᬯᬶᬚᬶᬮ᭄ᬯᬘᬦᬦᬾᬗᬲᬩ᭄᭞ᬢᬵᬫ᭄ᬧᭂᬓᬂᬳᬤᬶᬫᬮᬶᬗ᭄ᬕᬶᬄ᭟ᬲᬸᬭᬸᬧ᭄ᬲᬸᬃᬬ᭄ᬬᬧᭂᬢᭂᬂᬲᬵᬫ᭄ᬧᬸᬦ᭄᭞ᬭᬯᬸᬳᬬᬸᬦᬦᬾᬍᬯᬶᬄ᭞ᬳᬸᬮᬫᬾᬫᬧᬾᬮᬕᬾᬡ᭄ᬥᬄ᭞ᬭ
ᬯᬶᬂᬳᬶᬭᬶᬗᬦᬾᬲᬵᬫᬶ᭞ᬤᬸᬭᬸᬲᬂᬭᬢᬸᬳᬬᬸᬦᬂ᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᬜᬯᬸᬭᬶᬦ᭄᭟ᬫ᭄ᬭᬶᬓᬶᬱᬋᬂᬚᭂᬳᬮᬸᬗ᭄ᬕᬸᬄ᭞ᬘᬶᬭᬶᬦ᭄ᬧᬶᬢᬺᬱ᭄ᬡᬲᬸᬪᬓ᭄ᬢᬶ᭞ᬧᬳᬰᬶᬳᬦᬾᬭᬶᬂᬢᬶᬢ᭄ᬬᬂ᭞ᬳᬶᬧᬜ᭄ᬚᬶᬫ
ᬳᬢᬸᬃᬪᬓ᭄ᬢᬶ᭞ᬗᬸᬤ᭄ᬬᬂᬲᬧᬸᬦᬶᬓᬤᬾᬯ᭞ᬢᬶᬢ᭄ᬬᬂᬳᭂᬫᬶᬲ᭄ᬮᬸᬳᬸᬦ᭄ᬫᬃᬕ᭄ᬕᬶ᭟ᬩᭀᬬᬢᬸᬮᬸᬄᬭᬢᬸᬤ᭄ᬯᬕᬸᬂ᭞ᬳᬶᬤᬾᬯᬲᬸᬳᬸᬦᬦ᭄ᬕᬸᬫᬶ᭞ᬭᬵᬚᬧᬸᬢᬺᬫᭂᬗᬬᬸᬦᬂ᭞ᬳᬶᬧᬜ᭄ᬚᬶᬤᬢᬸᬗᬬ [ 48 ][᭔᭗ 47B]
᭔᭗
ᬳᬶᬦ᭄᭞ᬢᬦ᭄ᬱᬄᬫᬕᭀᬜ᭄ᬚᬓ᭄‌‌ᬕᭀᬜ᭄ᬚᬵᬓᬦ᭄᭞ᬩᬯᭀᬲᬾᬲᬮᬾᬂᬲᬶᬫ᭄ᬩᬶᬗᬶᬦ᭄᭟ᬦ᭄ᬭᬸᬲ᭄ᬳᬶᬤᬗᬬᬸᬦᬂᬲᬵᬫ᭄ᬧᬸᬦ᭄᭞ᬳᬶᬧᬜ᭄ᬚᬶᬫᬗ᭄ᬮᬸᬗ᭄ᬲᬸᬃᬭᬭᬶᬲ᭄᭞ᬯᬸᬲᬦ᭄ᬲᬵᬫ᭄ᬧᬸᬦ᭄ᬳᬶᬤᬜᬤᬂ᭞ᬧ
ᬦᬮᬶᬓᬡ᭄ᬥᬢ᭄ᬗᬄᬯᭂᬗᬶ᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᭂᬗᬦ᭄ᬤᬶᬓ᭞ᬢᬸᬮᬸᬲᬂᬓᬾᬦᬓᬾᬫᬵᬗ᭄ᬓᬶᬦ᭄᭟᭜᭟ᬧᬸᬧᬸᬄᬓᬸᬫᬫ᭄ᬩᬂ᭟᭜᭟ᬭᬢᬸᬳᬕᬸᬂᬲᬵᬫ᭄ᬧᬸᬦ᭄ᬩᬵᬗᭂᬢ᭄ᬳᬶᬯᬂᬢᬫ᭄ᬧᬶ᭞ᬢᬶᬢ᭄ᬬᬂᬱᬓᬶᬢ᭄ᬭᬳᬢ᭄᭞
ᬢᬦ᭄ᬯᬾᬦ᭄ᬢᭂᬦ᭄‌‌ᬓᬾᬗᬶᬦ᭄‌‌ᬦᬵᬫ᭄ᬩᬦᬶᬦ᭄᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬓᭂᬡ᭄ᬦᬡ᭄ᬦᬳᬦ᭄᭟ᬓᬾᬢᭀᬳᬢᬹᬃᬳᬶᬧᬜ᭄ᬚᬂᬳᬲ᭄ᬫᬸᬢᬗᬶᬲ᭄᭞ᬳᬾᬮᬶᬂᬢ᭄ᬓᬾᬦᬶᬂᬭᬕ᭞ᬢᬦ᭄ᬧᭂᬕᬢ᭄ᬓᬵᬬᬸᬦᬾᬲᭂᬤᬶᬄ᭞ᬱᬓᬶᬢ᭄ᬢᭀᬂ
ᬩᬓᬢ᭄ᬓᭂᬡᬳᬂ᭟ᬤᬤᬶᬓᬗᭂᬦ᭄ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᬫᬶᬭᬕᬶ᭞ᬗᭂᬫ᭄ᬩᭂᬂᬢᭀᬬᬦ᭄ᬢᬶᬗᬮ᭄᭞ᬓᬬᬸᬦᬾᬓᬲ᭄ᬫᬭᬦ᭄ᬧᬮᬶᬂ᭞ᬭᬭᬶᬲ᭄‌‌ᬗ᭄ᬭᬜ᭄ᬚᬶᬂᬓᬧᬫᬺᬫᬦ᭄᭟ᬯᬯᬸᬢᬸᬭᬸᬳᬶᬤᬭᬳᬤᬾᬦ᭄ᬫᬵ

[᭔᭘ 48A]
᭔᭘
ᬦ᭄ᬢ᭄ᬭᬶ᭞ᬳᬶᬧᬜ᭄ᬚᬶᬬᭂᬩᬸᬤᬮ᭄᭞ᬓᬧᭂᬫᬺᬫᬦ᭄ᬮᬦ᭄ᬳᬶᬧᬢᬶᬄ᭞ᬢᭀᬕᭀᬕᬾᬭᬭᬶᬲ᭄ᬘᬗ᭄ᬓ᭄ᬭᬶᬫᬂ᭟ᬧᬧᬲᬶᬳᬾᬫᬦᬶᬲ᭄ᬜᬸᬜᬸᬃᬗᬲᬶᬳᬰᬶᬄ᭞ᬳᬚᬶᬦ᭄ᬳᬶᬤᬢ᭄ᬓᬵ᭞ᬭᬤᬾᬦ᭄ᬧᬸᬢᬺᬲ᭄ᬫᬭᬧᬢᬶ᭞ᬚᬦᬶᬫᭂᬋᬫ᭄ᬤᬶ
ᬚᬩᬬᬦ᭄᭟ᬫᬮᬶᬄᬓᬾᬘᬧ᭄ᬭᬤᬾᬦ᭄ᬧᬸᬢᬺᬕᭂᬮᬸᬫᭂᬢᬗᬶ᭞ᬓᬬᬸᬦᬾᬢ᭄ᬮᬲ᭄ᬭᬸᬱᬓ᭄᭞ᬳᬶᬧᬜ᭄ᬚᬶᬫᬭᬦᬶᬂᬳᬢᬶ᭞ᬫᭂᬕᬢ᭄‌ᬢᬺᬱ᭄ᬡᬭᬭᬶᬲ᭄ᬢᬶᬗᬮ᭄᭟ᬫ᭄ᬭᬄᬫ᭄ᬭᬸᬄᬕᬕᬸᬮᬶᬗᬾᬓᬕᭂᬮᬸᬢ᭄ᬧᬲᬶ
ᬳᬶᬦ᭄᭞ᬫᬶᬄᬭᬢᬸᬫᬵᬲ᭄ᬫᬶᬭᬄ᭞ᬳᭂᬮᬲ᭄ᬳᬶᬤᬫᭂᬗᬮᬳᬶᬦ᭄᭞ᬢᬶᬢ᭄ᬬᬂᬤᬶᬦᬶᬧᬤᬶᬤᬶᬬᬦ᭄᭟ᬕᬮᬂᬓᬗᬶᬦ᭄ᬭᬤᬾᬦ᭄ᬫᬵᬦ᭄ᬢ᭄ᬭᬶᬢᬦ᭄ᬳᬕᬸᬮᬶᬂ᭞ᬢᬸᬭᬸᬢᬸᬭᬸᬳᬬᬫ᭄᭞ᬳᬶᬧᬜ᭄ᬚᬶᬲ᭄ᬫᬶᬭᬂᬬᭂᬧ᭄ᬭᬧ᭄ᬢᬶ᭞
ᬭᬭᬶᬲ᭄ᬫᬵᬢᬹᬃᬱᬳᬜᭂᬫ᭄ᬩᬄ᭟ᬭᬢᬸᬳᬕᬸᬂᬫᭂᬢᬗᬶᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬫᬵᬗ᭄ᬥᬲᬵᬫ᭄ᬧᬸᬦ᭄ᬳᬶᬘᬮ᭄᭞ᬘᬬᬦᬾᬧᬘᬂᬫᬩᬸᬜ᭄ᬘᬶᬂ᭞ᬫᬺᬭᬯᬸᬧ᭄ᬭᬢᬸᬓᬯᬤᬮ᭄᭟ᬭᬤᬾᬦ᭄ᬧᬸᬢᬺᬫᬧᬶᬫᬺᬫ᭄ᬢᬦ᭄ᬫᬶᬭ [ 49 ][᭔᭘ 48B]
᭔᭘
ᬕᬶ᭞ᬢ᭄ᬯᬭᬫᬓ᭄ᬭᬶᬲᬶᬓᬦ᭄᭞ᬳᬶᬧᬜ᭄ᬚᬶᬭᬭᬶᬲ᭄ᬫᬗ᭄ᬭᬜ᭄ᬚᬶᬂ᭞ᬗᬵᬫ᭄ᬩᬶᬮ᭄ᬫᬤ᭄ᬬᬓᬓᭀᬘᭀᬓᬂ᭟ᬭᬤᬾᬦ᭄ᬧᬸᬢᬺᬫᬓ᭄ᬮᬶᬬᬸᬤ᭄ᬭᬭᬶᬲ᭄ᬫᬗᬶᬲᬶ᭞ᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬫ᭄ᬭᬶᬓᬶᬫᭂᬋᬫ᭄ᬱᬋᬂᬳᬤᬶ᭞ᬫᭂᬍ
ᬤ᭄ᬢᬶᬢ᭄ᬬᬂᬗᬚᬓ᭄ᬳᬶᬤ᭟ᬤᬤᬶᬕᭂᬮᬸᬳᬶᬧᬜ᭄ᬚᬶᬤᬶᬢᬸᬓᬕᬶᬲᬶ᭞ᬫᬗ᭄ᬭᬱᬓᭂᬢᬭᬵ᭞ᬫᬗᭂᬢᭀᬃᬓᬬᬸᬦᬾᬳᬶᬲᬶᬲ᭄᭞ᬤᬶᬢᬸᬫᬵᬢᬹᬃᬫ᭄ᬫᭂᬫ᭄ᬩᬄᬕᬸᬮᬵ᭟᭜᭟ᬧᬸᬧᬸᬄᬤ᭄ᬫᬸᬂ᭟᭜᭟ᬗᬸᬤ᭄ᬬᬂᬭ
ᬢᬸᬲᬧᬸᬦᬶᬓᬢ᭄ᬓᬾᬦ᭄ᬢᬶᬢ᭄ᬬᬂ᭞ᬫᬩᬯᭀᬲ᭄ᬭᬢᬸᬤᬸᬫᬸᬦ᭄᭞ᬢ᭄ᬬᬂᬫᬧ᭄ᬭᬬᬫᬵᬢᬹᬃ᭞ᬭᬭᬶᬲᬂᬭᬢᬸᬧᬶᬡᬳᬶᬦ᭄᭞ᬧᬸᬗ᭄ᬓᬸᬭᬦ᭄ᬱᬶᬋᬦ᭄ᬭᬸᬯᬾᬬᬂ᭞ᬫ᭄ᬭᬶᬓᬶᬮᬸᬗᭂᬭᬢᬸᬤᬸᬫᬸᬦ᭄᭞ᬩᬸᬯᬢ᭄ᬫᭂᬧ
ᬫ᭄ᬩᬶᬮᬦ᭄᭞ᬓᭂᬤᬳᬘᬂᬫᬩᬸᬜ᭄ᬘᬶᬂ᭞ᬱᬋᬂᬭᬶᬂᬭᬳᬶᬦ᭄ᬳᬶᬤᬾᬯ᭞ᬭᬤᬾᬦ᭄ᬤᬾᬯ᭄ᬬ᭞ᬦᬾᬓᬶᬭᬶᬫᬶᬦ᭄ᬢᭀᬕᭀᬕᬾᬫᬮᬸ᭟ᬳᬶᬘᬡ᭄ᬥᬺᬓᬶᬭᬡᬫᬵᬗ᭄ᬓᬶᬦ᭄‌‌ᬢ᭄ᬯᬭᬮᬾᬦᬦ᭄᭞ᬬᬦ᭄ᬲᬵ

[᭔᭙ 49A]
᭔᭙
ᬫ᭄ᬧᬸᬦ᭄ᬭᬢᬸᬫᬢᭂᬫᬸ᭞ᬢᬶᬢ᭄ᬬᬂᬱᬋᬂᬤᬶᬢᬸ᭞ᬫᬓᬭᭀᬦ᭄‌‌ᬚ᭄ᬭᭀᬦᬶᬂᬕᬕᬸᬮᬶᬂ᭞ᬦᬵᬗ᭄ᬳᬶᬂᬭᬢᬸᬕᭂᬮᬶᬲ᭄ᬢᬸᬮᬓ᭄᭞ᬲᬚ᭄ᬭᭀᬦᬶᬂᬬᭂᬫᬓᭂᬢᭂᬮᬸᬦ᭄᭞ᬢᬶᬢ᭄ᬬᬂᬫᬗᬦ᭄ᬢᭀᬲᬂ᭞ᬗᬶᬲᬵᬫ᭄ᬧᬸᬦᬂᬕᬸ
ᬲ᭄ᬢᬶᬮᬮᬶ᭞ᬫᬜ᭄ᬚᬵᬓᬂᬢᬶᬢ᭄ᬬᬂᬳᬶᬦ᭄ᬭᬓ᭞ᬭᬤᬾᬦ᭄ᬫᬵᬦ᭄ᬢ᭄ᬭ᭄ᬬ᭞ᬫᬵᬗ᭄ᬤᬢᬶᬢ᭄ᬬᬂᬕ᭄ᬮᬶᬲ᭄ᬫᬢᭂᬫᬸ᭟ᬓᬾᬦᬓ᭄ᬓᬵᬬᬸᬦ᭄ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᬫᬶᬋᬗᬂ᭞ᬳᬾᬕᬃᬓᬬᬸᬦᬾᬫᬗ᭄ᬭᬸᬗᬸ᭞ᬢᬹᬃᬗᬦ᭄ᬤᬶᬓᬳᬮᬸᬲ᭄᭞ᬳᭂᬤᭂ
ᬳᬤᬶᬧᬘᬂᬮᬮᬶ᭞ᬫᬜᬸᬩᬬᬳᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬗᭂᬮᭀᬂᬲᬗ᭄ᬕᬸᬧ᭄᭞ᬳᬶᬧᬜ᭄ᬚᬶᬫᬦᬶᬫ᭄ᬩᬮ᭄᭞ᬧᬸᬦᬶᬓᬶᬘᬶᬄᬦᬪᬓ᭄ᬢᬶ᭞ᬢᬶᬢ᭄ᬬᬂᬫᭂᬫᬜ᭄ᬚᬓ᭄ᬭᬶᬂᬳᬶᬤ᭞ᬭᬤᬾᬦ᭄ᬧᬸᬢᬻ᭞ᬳᬧᬂᬤᭂ
ᬦᬸᬗ᭄ᬕᬮᬂᬓᬬᬸᬦ᭄᭟ᬦᬶᬓᬶᬲᬩᬸᬓ᭄ᬲᬸᬢᬺᬓᬸᬦᬶᬂᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬳᬢᬸᬭᬦ᭄ᬢᬶᬢ᭄ᬬᬗᬾᬭᬢᬸ᭞ᬲᬧᬸᬢᬗᬦ᭄ᬤᬤᬸ᭞ᬧᬶᬦ᭄ᬤᬬᬂᬢᬶᬢ᭄ᬬᬂᬫᬗᬶᬭᬶᬂ᭞ᬤᬤᬶᬚᬸᬭᬸᬗᬸᬲᬧ᭄ᬳᬸᬲᬧ᭄᭞ᬬᬦ᭄ᬳᬶᬭᬢᬸ [ 50 ][᭔᭙ 49B]
᭔᭙
ᬯᬶᬚᬶᬮ᭄ᬧᭂᬮᬸᬄ᭞ᬭᬳᬤᬾᬦ᭄ᬦᬭᬶᬫᬵ᭞ᬢᬹᬃᬳᭂᬩᭀᬦᬾᬫᬶᬳᬶᬓ᭄ᬫᬦᬶᬲ᭄᭞ᬭᬭᬶᬲ᭄ᬭᬤᬾᬦ᭄ᬫᬵᬦ᭄ᬢ᭄ᬭᬶᬓᭂᬜᭂᬫ᭄᭞ᬫᬗᬦ᭄ᬤᬶᬓ᭞ᬢᬶᬢ᭄ᬬᬂᬫᭂᬗᬢᬸᬭᬂᬩᬸᬗ᭄ᬓᬸᬂ᭟ᬳᬗ᭄ᬕᬾᬦ᭄ᬘᬶᬭᬶᬢᬺᬱ᭄ᬡᬦ᭄ᬳᬤᬶᬓᬸᬫᭂ
ᬜᬫ᭞ᬲᬸᬩᬬᬦᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬶᬢ᭄ᬬᬂᬧᬫᬶᬢ᭄ᬭᬢᬸ᭞ᬫᬘᭂᬩᬸᬃᬭᬭᬶᬲ᭄ᬫᬫᬃᬕ᭄ᬕᬶ᭞ᬳᬶᬤᬫᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬢᬶᬦ᭄ᬤᬓᬾᬩᬸᬓᭂᬫᬓᭂᬩᬸᬃ᭞ᬓᬤᬾᬬᬦ᭄ᬗᬶᬭᬶᬗᬂ᭞ᬫᬓ᭄ᬢᭂᬳᬸᬧᬘ
ᬭᬲᬵᬫᬶ᭞ᬧᬫᬃᬕᬶᬦᬾᬕᭂᬕᬜ᭄ᬘᬵᬗᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬯᬸᬄᬭᬶᬂᬦᬕᬭᬲᬵᬫ᭄ᬧᬸᬦ᭄᭟ᬲᬂᬧ᭄ᬭᬪᬸᬲ᭄ᬥᭂᬓ᭄‌‌ᬓᭂᬢᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄ᭞ᬧᬸᬗ᭄ᬕᬯᬦᬾᬲᬵᬫᬶᬓᬸᬫ᭄ᬧᬸᬮ᭄᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬭ
ᬯᬸᬄ᭞ᬜᭀᬂᬓᭀᬓ᭄ᬫᬵᬢᬹᬃᬱᬳᭂᬪᬓ᭄ᬢᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬫᭂᬜᬕ᭄ᬚᬕ᭄᭞ᬫ᭄ᬭᬶᬓᬶᬫᬸᬗ᭄ᬕᬄᬦᬦᬓ᭄ᬩᬕᬸᬲ᭄᭞ᬢᬹᬃᬫᭂᬤᬦ᭄ᬤᬦ᭄ᬢᬵᬗᬦ᭄᭞ᬫᬸᬗ᭄ᬕᬳᬦ᭄ᬲᬵᬫᬶᬫᬮᬶᬗ᭄ᬕᬶᬄ᭞ᬢᬗ᭄ᬓᬶᬮᬦ᭄ᬫᬵᬯᬸᬯᬸᬄᬫᭂᬮᬄ

[᭕᭐ 50A]
᭕᭐
᭞ᬭᬤᬾᬦ᭄ᬧᬸᬢᬻ᭞ᬕᬮᬂᬧᬗᬗ᭄ᬕᭀᬦᬾᬫᬸᬭᬸᬩ᭄᭟ᬭᬯᬸᬄᬲᭂᬟᬄᬱᬓᬶᬂᬧᬸᬭᬶᬳᬩᬺᬤᬦ᭄᭞ᬧᬗᬬᬳᬾᬩᬚᬂᬧᬢᬸᬄ᭞ᬭᬸᬧᬮᬸᬳᬸᬂᬮᬸᬳᬸᬂ᭞ᬦᬵᬫ᭄ᬧᭂᬩᭀᬓᭀᬃᬫ᭄ᬫᬵᬲ᭄ᬫᬢ᭄ᬮᬸᬓᬶ᭞
ᬤᬳᬸᬦ᭄ᬤᬵᬕᬾᬬᭂᬫᬦᬕᬓ᭄᭞ᬲᭂᬟᬳᬾᬲᬵᬫ᭄ᬧᬸᬦ᭄ᬓᬳᬢᬹᬃ᭞ᬳᬶᬫᬦ᭄ᬢ᭄ᬭᬶᬫᬦᬸᬦᬲ᭄᭞ᬲᬂᬧ᭄ᬭᬪᬸᬗᬵᬦ᭄ᬤᬶᬓᬭᬭᬶᬲ᭄᭞ᬦᬦᬓ᭄ᬩᬕᬸᬲ᭄ᬧ᭄ᬬᬦᬓ᭄ᬩᬧᬵ᭞ᬚᬦᬶᬚᬮᬦ᭄᭞ᬓᬧᬸᬭᬶᬬᬦ᭄ᬮᬵᬯᬸᬢ᭄ᬫ
ᬮᬸ᭟ᬧᬸᬗ᭄ᬕᬯᬦᬾᬫᬢᬹᬃᬪᬓ᭄ᬢᬶᬫᬧᬫᬶᬢ᭄ᬩᬸᬤᬮ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬢᭂᬤᬸᬦ᭄᭞ᬳᬶᬫᬦ᭄ᬢ᭄ᬭᬶᬫᬘᭂᬩᬸᬃ᭞ᬳᬢᬸᬦ᭄ᬢᬸᬦ᭄ᬢᬵᬗᬦ᭄ᬫᬫᬃᬕ᭄ᬕᬶ᭞ᬳᬶᬮᬶᬓᬸᬬᭂᬫᬫᭂᬦ᭄ᬥᬓ᭄᭞ᬧᭂᬲᬸᬳᬢᬸᬃᬜᬦᬾᬳ
ᬮᬸᬲ᭄᭞ᬭᬭᬶᬲᬂᬫᬸᬗ᭄ᬕᬳᬦ᭄᭞ᬭᬶᬂᬕᭂᬤᭀᬗᬾᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬫᬵᬦ᭄ᬢ᭄ᬭᬶᬗᬵᬦ᭄ᬤᬶᬓ᭞ᬯᬘᬦᬦ᭄ᬦ᭄ᬬ᭞ᬫᬦᬶᬲ᭄ᬜᬸᬜᬸᬃᬮᬶᬦ᭄ᬢᬂᬳᬮᬸᬲ᭄᭟ᬦᬸᬦᬲ᭄ᬮᬸᬕᬺᬭᬶᬂᬲᬂᬳᬚᬶᬭᬭᬶᬲ᭄ᬫᬸᬗ᭄ᬕᬄ᭞ᬳᬶᬭᬶᬓᬲᬵᬫᬶᬫ [ 51 ][᭕᭐ 50B]
᭕᭐
ᬓᬸᬫ᭄ᬧᬸᬮ᭄᭞ᬫᭂᬓᬤᬶᬲᬂᬧ᭄ᬭᬪᬸ᭞ᬱᬋᬂᬫᬤᬾᬭᬾᬓ᭄ᬫᬮᬶᬗ᭄ᬕᬶᬄ᭞ᬳᬶᬕᬮᬸᬳᬚᭂᬂᬬᭂᬧ᭄ᬭᬧ᭄ᬢᬵ᭞ᬫᭂᬜᬧᭂᬳᬢᬸᬭᬾᬳᬮᬸᬲ᭄᭞ᬳᬫ᭄ᬧᬸᬭᬬᬂᬧᬶᬲᬦ᭄᭞ᬓᬲᬾᬧᬦ᭄ᬢᬶᬢ᭄ᬬᬂᬦᬵᬗ᭄ᬓᬶᬮ᭄᭞ᬤᬸᬭᬸᬲᬂ
ᬗᬬᬸᬦᬂᬘᬦᬂ᭞ᬭᬭᬶᬲ᭄ᬳᬶᬤ᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬫ᭄ᬱᬯᬸᬃᬳᬮᬸᬲ᭄᭟ᬳᬶᬗ᭄ᬕᬶᬄᬲᬡ᭄ᬥᬶᬓᬦ᭄ᬳᬤᬶᬢᬶᬢ᭄ᬬᬂᬫᬦᬸᬦᬲ᭄᭞ᬭᬭᬶᬲ᭄ᬫᭂᬗᬫ᭄ᬩ᭄ᬭᬾᬲᬂᬓᬬᬸᬦ᭄᭞ᬢᭂᬓᬾᬦ᭄ᬳᬤᬶᬕᬮᬸᬄ᭞ᬘᬡ᭄ᬥᬺᬓᬶᬭᬡᬢ᭄ᬯᬭᬤᬶ
ᬦᬶ᭞ᬧᭂᬟᬲ᭄ᬳᬶᬬᭂᬦᬾᬤᬶᬳᬮᬲ᭄᭞ᬤᬤᬶᬪᬵᬮᬓ᭄ᬮᬡᬪᬕᬸᬲ᭄᭞ᬢ᭄ᬯᬭᬳᬤᭂᬮᬾᬦᬦ᭄᭞ᬲᬗ᭄ᬓᬦ᭄‌‌ᬢ᭄ᬯᬭᬗᭂᬦᬄᬤᬶᬦᬶ᭞ᬫᬓ᭄ᬮᭀᬢᬶᬢ᭄ᬬᬂᬫᬗᬦ᭄ᬢᭀᬲᬂ᭞ᬭᬤᬾᬦ᭄ᬤᬾᬯ᭄ᬬ᭞ᬫᬓ᭄ᬮᭀᬧᬶ
ᬲᬦ᭄‌‌ᬢ᭄ᬯᬭᬭᬯᬸᬄ᭟ᬲᬵᬫ᭄ᬧᬸᬦ᭄ᬲᭀᬭᬾᬦᬾᬫᬗ᭄ᬓᬶᬦ᭄ᬲᬸᬭᬸᬧ᭄ᬲᬸᬃᬬ᭄ᬬ᭞ᬳᬬᬸᬦᬦᬾᬲᬵᬫ᭄ᬧᬸᬦ᭄ᬭᬯᬸᬄ᭞ᬳᬸᬮᬫ᭄ᬲᬃᬯ᭄ᬯᬳᬮᬸᬲ᭄᭞ᬳᬶᬕᬮᬸᬄᬳᬚᭂᬂᬗᬬᬳᬶᬦ᭄᭞ᬲᬵᬫ᭄ᬧᬸᬦ᭄‌‌ᬯᬸᬲᬦ᭄ᬫᭂᬗᬬᬸ

[᭕᭑ 51A]
᭕᭑
ᬦᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬤᬶᬦᬶᬫᬺᬫ᭄ᬳᬶᬤᬾᬯ᭞ᬩᬧᬧᬘᬂᬗᬮᬳᬶᬦ᭄᭞ᬭᬭᬶᬲ᭄ᬳᬶᬤᬭᬤᬾᬦ᭄ᬧᬸᬢᬻ᭞ᬫᬵᬢᬹᬃᬜᬸᬫ᭄ᬩᬄ᭞ᬲᬡ᭄ᬥᬶᬓᬦ᭄ᬳᬶᬤᬲᬂᬧ᭄ᬭᬪᬸ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟
ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᭂᬧᬗᭂᬦᬦ᭄᭞ᬳᬶᬧᬜ᭄ᬚᬶᬢᬦ᭄ᬱᬄᬭᬶᬂᬳᬢᬶ᭞ᬭᬭᬶᬲ᭄‌‌ᬗ᭄ᬭᬜ᭄ᬚᬶᬂᬓᬧᬫᬺᬫᬦ᭄᭞ᬫᭂᬕᬩ᭄ᬬᬸᬕ᭄ᬳᬮᬸᬄᬓᬧᭀᬢᬶᬦ᭄᭞ᬍᬍᬄᬓᬬᬸᬦᬾᬢᬦ᭄ᬱᬶᬧᬶ᭞ᬭᬤᬾᬦ᭄ᬕᬮᬸᬄᬳᬚᭂᬂᬭᬯᬸᬄ
᭞ᬚᬕ᭄ᬗᭂᬮᬸᬢ᭄ᬫᭂᬗᬭᬲ᭄ᬳᬭᬲ᭄᭞ᬳᬢᬸᬭᬾᬬᭂᬳᬭᬸᬫ᭄ᬫᬦᬶᬲ᭄᭞ᬩᭂᬮᬶᬪᬕᬸᬲ᭄᭞ᬩᭀᬬᬘᬶᬗᬓ᭄ᬭᬢᬸᬢᬶᬢ᭄ᬬᬂ᭟ᬗᬸᬤ᭄ᬬᬂᬫ᭄ᬦᭂᬂᬳᬸᬮᬢ᭄ᬯᬭᬲ᭄᭞ᬢ᭄ᬯᬭᬩᬶᬱᬧᭂᬲᬸᬫᬸᬜᬶ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬗᬶ
ᬭᬶᬂᬳᬶᬤ᭞ᬤᬶᬧᬫᬺᬫᬦ᭄ᬫᭂᬗᬬᬳᬶᬦ᭄᭞ᬧᬸᬦᬧᬶᬓᬶᬭᬗᬦ᭄ᬫᬵᬮᬶᬄ᭞ᬭᬓᬦᬾᬫᬲᬯᬸᬃᬳᬮᬸᬲ᭄᭞ᬦᬧᬶᬚ᭄ᬯᬧᬘᬂᬩᬯᭀᬲᬂ᭞ᬢ᭄ᬬᬂᬢᬸᬲᬶᬂᬩᬶᬱᬫᬫᬸᬜᬶ᭞ᬩᭂᬮᭀᬕ᭄ᬢᬸᬕᬸᬮ᭄᭞ᬓᬾ [ 52 ][᭕᭑ 51B]
᭕᭑
ᬦ᭄ᬓᬾᬦ᭄ᬩᬦ᭄ᬢᬶᬢ᭄ᬬᬂᬫᬓ᭄ᬭᬸᬡᬵ᭟ᬳᬶᬕᬮᬸᬄᬳᬚᭂᬂᬫᬦᬶᬫ᭄ᬩᬮ᭄᭞ᬗᬸᬤ᭄ᬬᬂᬲᬧᬸᬦᬶᬓᬩᭂᬮᬶ᭞ᬧ᭄ᬭᬳᬦᬓ᭄ᬤᬶᬧᬫᬺᬫᬦ᭄᭞ᬫᬰᬶᬄᬧᬲᬮᬶᬂᬓᬜᬶᬗᬶᬦ᭄᭞ᬧᬟᬗᬮᬧ᭄ᬱᬶᬮᬶᬳᬰᬶᬄ᭞
ᬭᬭᬶᬲ᭄ᬫᬲᬸᬯᬂᬧᬗ᭄ᬭᬸᬫ᭄ᬭᬸᬫ᭄᭞ᬓᬾᬢᭀᬲᭀᬮᬄᬤᬶᬧᬫᬺᬫᬦ᭄᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᭂᬜᬯᬸᬭᬶᬦ᭄᭞ᬓᬸᬤ᭄ᬬᬂᬭᬢᬸ᭞ᬫᬗ᭄ᬭᬸᬫ᭄ᬭᬸᬫ᭄ᬳᬦᬓᬾᬳᬾᬕᬃ᭟ᬦᬾᬦᬾᬤᬶᬗᭂᬄᬭᬢᬸᬢᬶᬢ᭄ᬬᬂ᭞ᬢ᭄ᬯᬄᬫᬗ᭄ᬭᬸᬫ᭄ᬭᬸᬫ᭄‌‌ᬦᬾᬫᬗᭂ
ᬮᬶᬂ᭞ᬳᬦᬓᬾᬗᭂᬮᬄᬧᬶᬬᬦᬓ᭄᭞ᬓᬭᬶᬳᬮᬶᬢ᭄ᬳᬶᬧᬸᬦ᭄ᬗᭂᬮᬶᬂ᭞ᬤᬶᬢᬸᬫᬭᬫᬧᬲᬶᬳᬶᬦ᭄᭞ᬗᬸᬤ᭄ᬬᬂᬤᬤᬶᬩᭂᬮᭀᬕ᭄ᬭᬢᬸ᭞ᬳᬶᬕᬮᬸᬄᬳᬚᭂᬂᬳᬗᬸᬘᬧ᭄᭞ᬦᬸᬦᬲ᭄ᬢᬶᬢ᭄ᬬᬂᬗ᭄ᬭᬸᬫ᭄ᬭᬸᬫ᭄ᬩᭂᬮᬶ᭞ᬭᬤᬾ
ᬦ᭄ᬧᬸᬢᬺᬧᬲᬯᬸᬭᬾᬕᭂᬤᭂᬕ᭄ᬧᬶᬲᬦ᭄᭟ᬢᬸᬲᬂᬧ᭄ᬭᬳᬦᬓ᭄ᬮᬵᬦᬂ᭞ᬓᬭᬸᬫ᭄ᬭᬸᬫ᭄ᬩᬵᬦ᭄ᬳᬦᬓ᭄‌‌ᬇᬲ᭄ᬢ᭄ᬭᬶ᭞ᬗᬸᬤ᭄ᬬᬂᬳᬤᬶᬓᭂᬟᭂᬄᬧᬶᬲᬦ᭄᭞ᬳᬶᬕᬮᬸᬄᬳᬚᭂᬂᬫᭂᬦᬗᬶᬲ᭄᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬬᭂᬫᭂᬗᬓ᭄ᬱᬶ

[᭕᭒ 52A]
᭕᭒
᭞ᬕᬶᬍᬓᬬᬸᬦᬾᬓᬮᬗ᭄ᬓᬸᬂ᭞ᬭᬭᬶᬲ᭄ᬳᬶᬤᬫᭂᬗᬦ᭄ᬤᬶᬓ᭞ᬫ᭄ᬦᭂᬂᬳᬤᬶᬗᬸᬤ᭄ᬬᬂᬦᬗᬶᬲ᭄᭞ᬫᬶᬭᬶᬩ᭄ᬫᬵᬘᬦ᭄ᬤᬶᬳᬮᬲ᭄ᬓᬾᬮᬦ᭄ᬧ᭄ᬬᬦᬓ᭄᭟ᬕ᭄ᬭᬂᬕᬺᬂᬤᬶᬗᬄᬢᬶᬢ᭄ᬬᬂ᭞ᬳᬶᬕᬮᬸᬄᬭᬭᬶᬲ᭄ᬜᬸᬫᬶᬗ᭄ᬓᬶᬦ᭄᭞ᬫᬗᭂᬮᬶᬂᬭᬭᬶ
ᬲ᭄ᬫᬕᬸᬬᬂ᭞ᬢ᭄ᬯᬭᬳᬤᭂᬳᬦᬓ᭄ᬦᭀᬮᬶᬄ᭞ᬢᬢᬲ᭄ᬮᭂᬫᬄᬲᬵᬫ᭄ᬧᬸᬦ᭄ᬫᬵᬗ᭄ᬓᬶᬦ᭄᭞ᬳᬶᬫᬦ᭄ᬢ᭄ᬭᬶᬢᬦ᭄ᬧᭀᬮᬶᬳᬢᬸᬭᬸ᭞ᬳᬶᬕᬮᬸᬄᬫᬮᬶᬄᬳᬗᬸᬘᬧ᭄᭞ᬦᬸᬦᬲ᭄ᬓᬾᬭᬢᬸᬫᭂᬢᬗᬶ᭞ᬱᬋᬂᬧᭂᬲᬸ᭞ᬓᬩᬾ
ᬚᬶᬭᬢᬸᬫᬲᬶᬭᬫ᭄᭟ᬱᬋᬂᬱᬋᬂᬳᬚᬓ᭄ᬢᬶᬢ᭄ᬬᬂ᭞ᬳᬶᬫᬦ᭄ᬢ᭄ᬭᬶᬭᬭᬶᬲ᭄ᬜᬵᬯᬸᬭᬶᬦ᭄᭞ᬫ᭄ᬭᬶᬓᭂᬳᬤᬶᬧᬤᬶᬤᬶᬬᬦ᭄᭞ᬳᬶᬧᬸᬦ᭄ᬢᭂᬢᬸᬦ᭄ᬤᬾᬦ᭄ᬗᬢᭂᬳᬶᬦ᭄᭞ᬳᬶᬕᬮᬸᬄᬗᬫ᭄ᬩ᭄ᬭᬾᬲ᭄ᬫᬫᬃᬕ᭄ᬕᬶ᭞ᬭᬳᬤᬾᬦ᭄ᬫᬵ
ᬦ᭄ᬢ᭄ᬭᬶᬓᬯᬸᬯᬸᬲ᭄᭞ᬤᬶᬧᬫᬺᬫᬦ᭄ᬕᬵᬤᬓ᭄ᬳᬸᬬᬂ᭞ᬳᬶᬧᬜ᭄ᬚᬶᬢᬦ᭄ᬱᬄᬭᬶᬂᬳᬢᬶ᭞ᬢ᭄ᬯᬳᬶᬕᬮᬸᬄ᭞ᬳ᭄ᬬᬤᬶᬘᬡ᭄ᬥᬺᬓᬶᬭᬡ᭟ᬤᬤᬶᬬᭂᬫᬗ᭄ᬮᬶᬤᬂᬳᬯᬓ᭄᭞ᬢᬶᬢ᭄ᬬᬂᬓᭂᬫᭀᬫᬜᬶᬗ᭄ᬕᬳᬶᬦ᭄᭞ᬧᬶ [ 53 ][᭕᭒ 52B]
᭕᭒
ᬡᬄᬲᬵᬫ᭄ᬧᬸᬦ᭄ᬧ᭄ᬢᬂᬤᬶᬡ᭞ᬮᬶᬯᬢ᭄ᬚᬜ᭄ᬚᬶᬦᬾᬳᬯᬳᬶ᭞ᬳᬶᬧᬜ᭄ᬚᬶᬓᭀᬘᬧ᭄ᬫᬵᬮᬶᬄ᭞ᬭᬶᬂᬳᬮᬲᬾᬫ᭄ᬭᬄᬫ᭄ᬭᬸᬄ᭞ᬧᬧᬶᬡᬳᬾᬢᭂᬮᬲ᭄ᬭᬸᬱᬓ᭄᭞ᬗᬦ᭄ᬤᬶᬓᬭᬶᬂᬧᬢᬶᬄᬓᬮᬶᬄ᭞ᬓᬾᬦ᭄ᬓᬾᬦ᭄ᬮᬯᬸ
ᬢ᭄᭞ᬳᬶᬩᭂᬮᬶᬢ᭄ᬯᬭᬳᬤᭂᬢ᭄ᬓᬵ᭟ᬚᬦᬶᬜᬦ᭄ᬤᬶᬂᬧᬸᬢ᭄ᬭᬶᬫᭂᬮᬄ᭞ᬢ᭄ᬯᬭᬳᭂᬦᬸᬳᬮᬂᬳᬾᬮᬶᬂ᭞ᬳᬶᬧᬢᬶᬄᬫᬳᬢᬹᬃᬪᬦ᭄ᬩᬦ᭄᭞ᬳᬶᬭᬢᬸᬳᬶᬯᬦᬾᬭᬶᬳᬶᬦ᭄᭞ᬳᬶᬤᬭᬯᬸᬄᬲᬶᬫ᭄ᬧᬂᬫ᭄ᬭᬶᬓᬶ᭞ᬳᬶ
ᬭᬢᬸᬭᬭᬶᬲ᭄ᬫᬦᬸᬦ᭄ᬥᬸᬂ᭞ᬦᬾᬫᬗ᭄ᬓᬶᬦ᭄ᬱᬶᬋᬲᭂᬮ᭄ᬲᭂᬮᬂ᭞ᬳᬶᬧᬜ᭄ᬚᬶᬤᬶᬢᬸᬜᬯᬸᬭᬶᬦ᭄᭞ᬯ᭄ᬬᬤᬶᬦ᭄ᬓᬾᬢᭀᬮᬫᬸᬦ᭄ᬳᬦᬓ᭄ᬳᭂᬦᬸᬢᬺᬱ᭄ᬡᬵ᭟ᬗᬸᬤ᭄ᬬᬂᬢ᭄ᬯᬭᬳᬾᬗ᭄ᬕᬮ᭄ᬢᬸᬮᬓ᭄᭞ᬧᬘᬂᬫᬦᬸᬯᭀᬦᬶᬦ᭄ᬚᬜ᭄ᬚᬶ᭞ᬳᭂ
ᬦᬄᬢ᭄ᬯᬭᬱᬓᬾᬂᬢᬶᬢ᭄ᬬᬂ᭞ᬗᬸᬢᬂᬧᬶᬢᬺᬱ᭄ᬡᬦ᭄ᬲᬸᬪᬓ᭄ᬢᬶ᭞ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬱᬓᬾᬂᬩᭂᬮᬶ᭞ᬢᬶᬢ᭄ᬬᬂᬫᭂᬧᬫᬶᬢ᭄‌‌ᬤ᭄ᬯᬕᬸᬂ᭞ᬧᬂᬩᭂᬘᬶᬓ᭄ᬩᭂᬮᬶᬭᬶᬂᬧᬸᬭ᭄ᬬᬦ᭄᭞ᬢᬶᬢ᭄ᬬᬂᬧᬫᬶᬢ᭄ᬱᬦᬾᬫᬗ᭄ᬓᬶᬦ᭄᭞ᬳᭂᬤᭂ

[᭕᭓ 53A]
᭕᭓
ᬩᭂᬡ᭄ᬥᬸ᭞ᬭᬭᬶᬲ᭄ᬫᭂᬤᬩ᭄ᬤᬩ᭄ᬫᭂᬚᬮᬦ᭄᭟ᬲᬂᬧᬸᬢ᭄ᬭᬶᬫᬱᬋᬗᬦ᭄᭞ᬓᭂᬮᬯᬦ᭄ᬳᬶᬧᬢᬶᬄᬓᬮᬶᬄ᭞ᬭᬭᬶᬲ᭄ᬫᬗᭂᬦ᭄ᬢᭀᬲᬶᬦ᭄ᬧᬭᬩ᭄᭞ᬳᬧᬂᬢ᭄ᬯᬭᬳᬦᬓ᭄ᬳᬸᬦᬶᬂ᭞ᬳᬩᬶᬂᬧᬫᬃᬕ᭄ᬕᬶᬦᬾᬜᬶᬮᬶᬩ᭄᭞ᬫ
ᬜᬸᬲᬸᬧ᭄ᬭᬶᬂᬳᬮᬲ᭄ᬳᬕᬸᬂ᭞ᬳᬶᬕᬫ᭄ᬩᬸᬄᬟᬃᬫ᭄ᬫᬲ᭄ᬯᬭᬵ᭞ᬧᭂᬧᬰᬶᬄᬳᬶᬤᬦᬾᬫᬵᬗ᭄ᬓᬶᬦ᭄᭞ᬭᬭᬶᬲ᭄ᬧᭂᬲᬸ᭞ᬱᬋᬂᬮᬮᬶᬫᭂᬫᬫᬃᬕ᭄ᬕᬵ᭟ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬳᬦ᭄ᬢᬸᬓ᭄ᬲᬸᬂᬲᬸᬢᬾᬢᬦ᭄ᬱᬶ
ᬧᬶ᭞ᬲᬵᬫ᭄ᬩᬶᬮᬂᬫᬲᭂᬲᬵᬫ᭄ᬩᬢᬦ᭄᭞ᬢ᭄ᬯᬭᬓᬾᬤᬤᬶᬓᭂᬮᬶᬤᬶᬦ᭄᭞ᬍᬩᬶᬬᬦ᭄ᬢᭂᬓᬾᬦᬶᬂᬫᬢ᭄ᬣᬶ᭞ᬦᬾᬳᬫ᭄ᬩᬳᬶᬦ᭄ᬢᬶᬢ᭄ᬬᬂᬮᬵᬫ᭄ᬧᬸᬲ᭄᭞ᬫᬢ᭄ᬣᬶᬢᬶᬢ᭄ᬬᬂᬧᬤᬶᬤᬶᬬᬦ᭄᭞ᬦᬾᬓᬡᬳᬂᬢ᭄ᬯᬭᬳᬸ
ᬦᬶᬂ᭞ᬤᬾᬯᬭᬢᬸ᭞ᬩᭀᬬᬘᬶᬗᬓ᭄ᬭᬢᬸᬢᬶᬢ᭄ᬬᬂ᭟᭜᭟ᬧᬸᬧᬸᬄᬓᬸᬫᬫ᭄ᬩᬂ᭟᭜᭟ᬓᬾᬦᬾᬢᬶᬢ᭄ᬬᬂᬦᭀᬭᬦᬤᬄᬢᬦᬕᬸᬮᬶᬂ᭞ᬜᬸᬲᬸᬧ᭄ᬢᭂᬗᬳᬮᬲ᭄᭞ᬓᬮᬸᬦ᭄ᬢᭂᬮᬸᬦ᭄ᬢᭂᬫᬫᬃᬕ᭄ᬕᬶ᭞ᬤᬶᬚᭂᬢᬶ [ 54 ][᭕᭓ 53B]
᭕᭓
ᬢ᭄ᬬᬂᬗᬮᬶᬄᬤᬳᬃ᭟ᬳᬫᬸᬂᬯᭀᬄᬯᭀᬳᬦ᭄ᬢᬸᬦᬲ᭄ᬢ᭄ᬬᬂᬲᬳᬶᬲᬳᬶ᭞ᬜᬾᬦ᭄ᬳᬦᬓᬾᬳᭀᬮᬲ᭄᭞ᬢ᭄ᬯᬭᬲᬩᬾᬂᬚᬤ᭄ᬫᬤᬶᬦᬶ᭞ᬢᬦ᭄ᬧᭂᬕᬢ᭄ᬱ᭄ᬥᬶᬄᬤᬶᬳᬮᬲ᭄᭟᭜᭟ᬧᬸᬧᬸᬄᬲ᭄ᬫᬭᬦ᭄ᬥᬵᬦ᭟᭜᭟
ᬭᬤᬾᬦ᭄ᬫᬵᬦ᭄ᬢ᭄ᬭᬶᬓᭀᬘᬧ᭄ᬫᬮᬶᬄ᭞ᬳᬾᬮᬶᬂᬭᬶᬂᬚᬜ᭄ᬚᬶᬦᬾᬮᬶᬦ᭄ᬢᬂ᭞ᬫᬓᭂᬲ᭄ᬬᬩ᭄ᬓᬵᬬᬦᬾᬕᭂᬮᬸ᭞ᬢ᭄ᬯᬭᬩᬸᬳᬸᬂᬧᬘᬂᬚᭂᬗᬄ᭞ᬳᬾᬮᬶᬂᬭᬶᬂᬳᬶᬧᬜ᭄ᬚᬶᬲ᭄ᬫᬶᬭᬂ᭞ᬳᬦ᭄ᬢᭀᬲ᭄ᬢᬶᬢ᭄ᬬᬂᬤᬾᬯᬭᬢᬸ᭞ᬲᬵᬫ᭄ᬧᬸᬦᬂ
ᬗᬯᭀᬦᬶᬦ᭄ᬢᬶᬢ᭄ᬬᬂ᭟ᬳᬾᬮᬶᬂᬢᬶᬢ᭄ᬬᬂᬢ᭄ᬓᬾᬦᬶᬂᬲᬶᬲᬶᬧ᭄᭞ᬫᬸᬗ᭄ᬓᬶᬃᬚᬜ᭄ᬚᬶᬭᬶᬂᬳᬶᬤᬾᬯ᭞ᬓᭂᬩᬢᭂᬓ᭄ᬳᬦ᭄ᬢᬸᬓ᭄ᬳᬶᬩᬸᬓ᭄᭞ᬳᬶᬤᬤᭂᬫᭂᬦ᭄ᬫᬗᬾᬦᬾᬬᬂ᭞ᬲᬸᬩᭂᬫᭂᬮᬄᬢᬶᬢ᭄ᬬᬂᬱᬋᬂ᭞ᬓᬢᭂᬓᬦ᭄ᬳᬶᬭᬢᬸ
ᬦᬸᬦ᭄ᬥᬸᬂ᭞ᬚᬦᬶᬓᬾᬦᬾᬢᬫᬳᬦ᭄ᬜᬵ᭟ᬓᬾᬢᭀᬧᬧᬶᬡᬄᬭᬶᬂᬳᬢᬶ᭞ᬫᭂᬗᬦ᭄ᬤᬶᬓᬭᬶᬂᬳᬶᬧᬸᬦ᭄ᬢᭂ᭞ᬓᬓᭂᬳᭀᬭᬳᬶᬦ᭄ᬧᬢᬶᬄᬫᬮᬸ᭞ᬳᬧᬂᬲᬬᬕᭂᬬᭂᬫᬓᭂᬚᬂ᭞ᬦᬾᬚᬦᬶᬦᬶᬭᬧᬘᬂᬩᬸ

[᭕᭔ 54A]
᭕᭔
ᬤᬮ᭄᭞ᬳᬶᬧᬸᬦ᭄ᬢᭂᬫᬜᬸᬫ᭄ᬩᬄᬫᬵᬢᬹᬃ᭞ᬲᬡ᭄ᬥᬶᬓᬦ᭄ᬘᭀᬓᭀᬃᬳᬶᬤᬾᬯ᭟ᬳᬶᬧᬸᬦ᭄ᬢᭂᬓᭂᬚᬩᬕᭂᬮᬶᬲ᭄᭞ᬧᬫᬃᬕᬶᬦᬾᬲᬲᬶᬮᬶᬩᬦ᭄᭞ᬗ᭄ᬯᬂᬲᬶᬢᬶᬦ᭄ᬓᬤᬾᬬᬦᬺᬓᭀ᭞ᬲᬵᬫᬶᬲᬵᬫ᭄ᬧᬸᬦ᭄ᬫᭂᬤᬩ᭄ᬤ
ᬩᬦ᭄᭞ᬧᬟᬫᭂᬗᬦ᭄ᬢᬶᬕᬸᬲ᭄ᬢᬶᬦ᭄ᬜᬵ᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬭᬭᬶᬲ᭄ᬭᬯᬸᬄ᭞ᬭᬭᬶᬲ᭄ᬩᬸᬤᬮ᭄ᬢᬦ᭄ᬧᭂᬲᬗ᭄ᬓᬦ᭄᭟ᬢ᭄ᬯᬭᬳᬤᭂᬳᬦᬓ᭄ᬳᬸᬦᬶᬂ᭞ᬧᬫᬃᬕ᭄ᬕᬶᬦᬾᬕᬕᬜ᭄ᬘᬵᬗᬦ᭄᭞ᬕᭂᬮᬶᬲ᭄ᬳᭂᬤᭀᬄᬦ᭄ᬕᬭᬦᬾᬲᬵᬫ᭄ᬧᬸᬦ᭄᭞ᬭ
ᬯᬸᬄᬭᬶᬂᬳᬮᬲ᭄ᬲ᭄ᬫᬶᬭᬂ᭞ᬫᬗᭀᬚᭀᬕ᭄ᬭᬭᬶᬲ᭄ᬓᬩᭂᬜ᭄ᬘᬶᬗᬄ᭞ᬲᬸᬯᬸᬂᬢ᭄ᬯᬭᬳᬤᭂᬢᭂᬧᬸᬓ᭄᭞ᬚᬤ᭄ᬫᬦᬾᬫᬓᭂᬚᬂᬳᬶᬮᬂ᭟ᬭᬭᬶᬲ᭄ᬫᬵᬗ᭄ᬭᬜ᭄ᬚᬶᬂᬓᬧᬸᬭᬶ᭞ᬓᭂᬤᭂᬮᭀᬓᬶᬦ᭄ᬤᬶᬧᬫᬺᬫᬦ᭄᭞ᬭᬶᬂᬕᭂᬦᬄᬳᬶᬧ
ᬜ᭄ᬚᬶᬦᬾᬫᬮᬸ᭞ᬫᬲᬶᬄᬲᬸᬯᬸᬂᬳᬸᬗᬂᬧᬶᬲᬦ᭄᭞ᬳᭂᬂᬲᭂᬓ᭄ᬓᬵᬬᬸᬦᬾᬳᬶᬭᬓ᭞ᬫᬓᬲ᭄ᬬᬩ᭄ᬓᬵᬬᬸᬦᬾᬗ᭄ᬮᬶᬫᬸᬄ᭞ᬍᬫᬢ᭄ᬭᬱᬢᬦ᭄ᬧᬢᬸᬮᬂ᭞ᬲᭂᬱᬵᬫ᭄ᬩᬢᬾᬓᬯ᭄ᬮᬲ᭄ᬳᬰᬶᬄ᭞ᬟᬸᬄᬤᬾᬯᬲᬂᬫ᭄ᬭᬕᬫᬺ [ 55 ][᭕᭔ 54B]
᭕᭔
ᬢ᭄ᬣ᭞ᬗ᭄ᬢᬶᬲᬶᬦ᭄ᬫᬵᬦᬄᬢᬶᬢ᭄ᬬᬂᬭᬢᬸ᭞ᬗᬸᬤ᭄ᬬᬂᬳᬶᬤᬮᬲ᭄ᬫᬗᬸᬢᬂ᭞ᬫᭂᬗᬮᬳᬶᬦ᭄ᬢᬶᬢ᭄ᬬᬂᬩᬸᬤᬮ᭄᭞ᬤᬶᬚᬳᬶᬤᬾᬯᬫᬮᬸᬗ᭄ᬕᬸᬄ᭞ᬩᭀᬬᬳᬦ᭄ᬢᭀᬲ᭄ᬭᬢᬸᬢᬶᬢ᭄ᬬᬂ᭟ᬳᬧᬧ᭄ᬯᬭᬦ᭄ᬢᬶᬢ᭄ᬬᬂᬫ
ᬗ᭄ᬓᬶᬦ᭄᭞ᬳᬶᬤᬾᬯᬗᭂᬮᬶᬤᬂᬭᬕ᭞ᬩᬶᬓᬲᬾᬫ᭄ᬮᬕᬾᬦ᭄ᬤᬄᬲᬵᬫ᭄ᬧᬸᬦ᭄᭞ᬜᬭᬸᬤᬤᬶᬳᬦᬓ᭄ᬮᬵᬦᬂ᭞ᬲᬦᬾᬫᬵᬗ᭄ᬓᬶᬦ᭄ᬲᬵᬫ᭄ᬧᬸᬦ᭄‌ᬫ᭄ᬭᬜ᭄ᬘᬵᬡ᭞ᬫᬸᬮᬶᬄᬓᭂᬤᬳᬫᬗ᭄ᬭᬸᬭᬸᬄ᭞
ᬢᬶᬢ᭄ᬬᬂᬳᭂᬜᬓ᭄ᬫᬵᬰᬶᬄᬲᬮᬄ᭟ᬲᬾᬧ᭄ᬢᬶᬢ᭄ᬬᬂᬧᬋᬓ᭄ᬳᬯᬳᬶ᭞ᬳᬶᬤᬾᬯᬗᬯᭀᬦᬶᬦ᭄ᬢᬶᬢ᭄ᬬᬂ᭞ᬢ᭄ᬯᬭᬧᬶᬲᬦ᭄ᬗᭂᬮᬳᬫ᭄ᬧᬸᬦ᭄᭞ᬤᬶᬚᬚᬦᬶᬳᬮᬶᬄᬢᬶᬢ᭄ᬬᬂ᭞ᬲᬶᬭᬚ᭄ᬯᬢᬓᭀ
ᬦᬶᬦ᭄ᬢᬶᬢ᭄ᬬᬂ᭞ᬢᬦᬸᬭᬸᬗᭂᬦ᭄ᬢᬶᬢ᭄ᬬᬂᬮᬵᬫ᭄ᬧᬸᬲ᭄᭞ᬚᬮᬭᬦ᭄ᬱᬓᬶᬂᬳᬶᬤᬾᬯ᭟ᬧᭂᬧᬢᬶᬳᬾᬢᬸᬦ᭄ᬤᬸᬂᬲᬵᬫᬶ᭞ᬘᬳᬶᬧᬢᬶᬄᬧᬟᬫᬓ᭄ᬚᬂ᭞ᬓ᭄ᬮᬵᬯᬦ᭄‌ᬭᭀᬯᬂᬧᬟᬫᬶᬮᬸ᭞ᬫᬗᬶ

[᭕᭕ 55A]
᭕᭕
ᬭᬶᬂᬓᭂᬫᭂᬓᬦᬕᬭ᭞ᬳᬢᬸᬭᬂᬢ᭄ᬓᬾᬦᬶᬂᬲᬂᬦᬵᬣ᭞ᬦᬶᬭᬦᬸᬢᬸᬕ᭄ᬭᬤᬾᬦ᭄ᬕᬮᬸᬄ᭞ᬬᬦ᭄ᬢᬦ᭄ᬢᭂᬧᬸᬓ᭄‌ᬦᭀᬭᬢᬸᬮᬓ᭄᭟ᬧᬧᬢᬶᬳᬾᬲᭂᬟᬶᬄᬲᬵᬫᬶ᭞ᬫᬵᬢᬹᬃᬭᬶᬂᬲᬂᬭᬵᬚᬧᬸᬢᬻ᭞ᬢᬶᬢ᭄ᬬᬂᬗᬶ
ᬭᬶᬂᬢᬶᬩᬦ᭄ᬳᬶᬭᬢᬸ᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬢᬸᬮᬓ᭄᭞ᬗᬸᬢᬂᬕᬸᬲ᭄ᬢᬶᬫᬭᬶᬂᬳᬮᬲ᭄᭞ᬢᬦᬸᬭᬸᬂᬲᬂᬧ᭄ᬭᬪᬸᬩᭂᬦ᭄ᬤᬸ᭞ᬢᬶᬢ᭄ᬬᬂᬗᬶᬭᬶᬂᬚᭂᬮᬾᬫᭂᬮᬄ᭟ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᬜᬯᬸᬭᬶᬦ᭄᭞ᬳᬶᬟᭂᬧᬂᬧ
ᬫᬸᬜᬶᬦᬶᬭᬵ᭞ᬳᭂᬤᬘᬳᬶᬧᬟᬧᭂᬗ᭄ᬓᬸᬂ᭞ᬭᬳᬤᬾᬦ᭄ᬫᬵᬦ᭄ᬢ᭄ᬭᬶᬫᬫᬃᬕ᭄ᬕᬵ᭞ᬳᬶᬧᬢᬶᬄᬢᬦ᭄ᬧᬸᬭᬸᬦ᭄ᬢᬸᬮᬓ᭄᭞ᬫᬜᭂᬮ᭄ᬱᭂᬮᬂᬳᬯᬓ᭄ᬮᬘᬸᬃ᭞ᬧᬟᬲᭂᬟᬶᬄᬗᭂᬫᬦ᭄ᬢᬸᬓᬂ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟
ᬧᬫᬃᬕ᭄ᬕᬶᬦᬾᬢ᭄ᬯᬭᬮᭀᬕᬲ᭄᭞ᬢᭀᬮᬄᬢᭀᬮᬶᬄᬳᬶᬫᬵᬦ᭄ᬢ᭄ᬭᬶᬫᬭᬭᬶᬂᬳᬢᬶ᭞ᬧᬚᬮᬦᬾᬬᭂᬫᬢᬸᬦ᭄ᬢᬸᬦ᭄᭞ᬲᬭᬯᬸᬳᬾᬭᬶᬂᬦᬕᬭᬵ᭞ᬓᬩᭂᬜ᭄ᬘᬶᬗᬄ [ 56 ][᭕᭕ 55B]
᭕᭕
ᬧᬋᬓ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞ᬳᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬳᬕᬸᬂᬲᬶᬲᬶᬧ᭄᭟ᬧᬯᭂᬓᬲ᭄ᬳᬦᬓ᭄ᬳᬶᬤᬾᬯ᭞ᬳᬶᬤᬮᬸᬗᬫᬗᬺᬋᬄᬭᬤᬾᬦ᭄ᬤᬾᬯᬶ᭞ᬜᬸᬲᬸᬧ᭄ᬭᬶᬂᬳᬮᬲᬾᬳ
ᬕᬸᬂ᭞ᬳᬶᬤᬳᬶᬘᬮ᭄ᬱᬓᬶᬂᬦᬕᬭᬵ᭞ᬢᬶᬢ᭄ᬬᬂᬗᬶᬭᬶᬂᬢᬦ᭄ᬯᬾᬦ᭄ᬢᭂᬦ᭄ᬳᬶᬘᬾᬦ᭄ᬤᬾᬯᬕᬸᬂ᭞ᬳᬶᬧᬸᬦ᭄ᬢᭂᬗᬶᬭᬶᬂᬲᬦᬸᬗ᭄ᬕᬮ᭄᭞ᬬᬦ᭄ᬢᬦ᭄ᬜᬶᬤ᭄ᬥᬬᬂᬓᬧᬗ᭄ᬕᬶᬄ᭟ᬳᬶᬤᬦᬾᬦ᭄ᬢᭂᬦ᭄ᬧᬘᬂᬢᬸᬮᬓ᭄᭞ᬳᬶᬤᬲᬂᬧ᭄ᬭᬪᬸ
ᬫ᭄ᬦᭂᬂᬢᬦ᭄ᬫᬜᬯᬸᬭᬶᬦ᭄᭞ᬩᭂᬕ᭄ᬩᭂᬕᭂᬦ᭄ᬓᬵᬬᬸᬦᬾᬗ᭄ᬭᬸᬗᬸ᭞ᬭᬭᬶᬲ᭄ᬩᬸᬤᬮ᭄ᬓᬧᬸᬭᬶᬬᬦ᭄᭞ᬫ᭄ᬭᬄᬫ᭄ᬭᬸᬄᬦᭀᬭᬦᬤᬄᬢᬦ᭄ᬳᬢᬸᬭᬸ᭞ᬧᭂᬧᬢᬶᬳᬾᬲᬵᬫᬶᬩᬸᬤᬮ᭄᭞ᬭᬤᬾᬦ᭄ᬫᬵᬦ᭄ᬢ᭄ᬭᬶᬓᭀᬘᬧ᭄ᬫᬵᬮᬶᬄ᭟ᬭᬭᬶ
ᬲ᭄ᬳᬶᬤᬫᭂᬗᬦ᭄ᬤᬶᬓ᭞ᬭᬶᬂᬳᬶᬧᬸᬦ᭄ᬢᭂᬯᬘᬦᬦᬾᬢᬸᬂᬢᬸᬂᬢᬗᬶᬲ᭄᭞ᬓᬓᭂᬧᬸᬦ᭄ᬢᭂᬚᬮᬦ᭄ᬜᬭᬸ᭞ᬳᬧᬂᬳᭂᬤᭂᬓᬘᬘᬓᬦ᭄᭞ᬳᬦᬾᬚᬦᬶᬫᬳᬤᬦ᭄ᬳᬶᬩᭂᬳᬶᬯᬶᬭᬸᬦ᭄᭞ᬳᬶᬘᬂᬚᬦᬶᬚᬬᭂᬲ᭄ᬫᬭ᭞ᬳ

[᭕᭖ 56A]
᭕᭖
ᬢᬹᬃᬳᬶᬧᬸᬦ᭄ᬢᭂᬫᭂᬗᬶᬭᬶᬂ᭟ᬧᭂᬫᬃᬕ᭄ᬕᬶᬦᬾᬗᬢᭂᬗᬳᬂ᭞ᬳᬓᬾᬄᬩᬸᬭᭀᬦᬾᬧᬗ᭄ᬕᬶᬄᬧᬟᬫ᭄ᬮᬳᬶᬩ᭄᭞ᬫᬦᬸᬳᬸᬢ᭄ᬱᬾᬮᭀᬯᬦ᭄ᬕᬸᬦᬸᬂ᭞ᬲᭂᬲᬵᬫ᭄ᬩᬢᬾᬳᬫ᭄ᬮᬲ᭄ᬧ᭄ᬭᬡᬵ᭞ᬳᬢ᭄ᬫᬚ᭄ᬯᬶᬢ᭄ᬣᬤᬶᬚᭂᬳᬶᬤᬾᬯᬫ
ᬮᬸᬗ᭄ᬕᬸᬄ᭞ᬩᭀᬬᬳᬦ᭄ᬢᭀᬲ᭄ᬭᬢᬸᬢᬶᬢ᭄ᬬᬂ᭞ᬓᬾᬦᬾᬧᭂᬢᭂᬂᬍᬫᬄᬲ᭄ᬥᬶᬄ᭟ᬲ᭄ᬥᬶᬄᬫᬗᬺᬋᬄᬳᬶᬤᬾᬯ᭞ᬬᬦ᭄ᬳᬶᬤᬾᬯᬲᬸᬓᬗᭂᬫᬲᬶᬦ᭄ᬫᬢᬶ᭞ᬢᬶᬢ᭄ᬬᬂᬱᬋᬂᬦᬸᬢᬸᬕ᭄ᬭᬢᬸ᭞ᬬᬤ᭄ᬬᬦ᭄ᬢᬶᬩᭂᬫᬭᬶᬂᬓᬯᬄ᭞ᬱ
ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬱᬋᬂᬭᬶᬂᬳᬶᬭᬢᬸ᭞ᬯ᭄ᬬᬤᬶᬦ᭄ᬳᬶᬟᬸᬧ᭄‌‌ᬓᬾᬦᬾᬚᭂᬗᬄ᭞ᬧᭂᬢᭂᬂᬍᬫᬄᬱᬓᬶᬢ᭄ᬳᬢᬶ᭟ᬓᬮᬶᬄᬢᬦ᭄ᬧᭀᬮᬶᬄᬳᬦᬟᬄ᭞ᬳᬫᬸᬂᬯᭀᬄᬯᭀᬳᬦ᭄ᬢᬸᬦᬲ᭄ᬢᬶᬢ᭄ᬬᬂᬲᬳᬶ᭞ᬫᬜᬸᬲᬸᬧ᭄ᬭᬶᬂᬳ
ᬮᬲ᭄ᬳᬕᬸᬂ᭞ᬢ᭄ᬯᬭᬳᬤᭂᬢᭂᬧᬸᬓ᭄ᬤᬾᬱᬵ᭞ᬤᬶᬧᭂᬢᭂᬗᬾᬳᬢᬸᬭᬸᬤᬶᬕᭀᬳᭀᬓᬬᬸ᭞ᬩᬩᬃᬳᬸᬚᬦ᭄ᬤᬫᬸᬄᬓ᭄ᬭᬲ᭄᭞ᬤᬫᬸᬳᬾᬮᬫ᭄ᬧ᭄ᬬᬲ᭄ᬜᬵᬫ᭄ᬩᭂᬳᬶᬦ᭄᭟ᬯᬯᬸᬓᬮᬶᬄᬤᬶᬦᬭᬶᬂᬳᬮᬲ᭄᭞ᬢ᭄ᬯᬭᬧ᭄ᬕᬢ᭄ᬭ [ 57 ][᭕᭖ 56B]
᭕᭖
ᬳᬶᬦᬾᬢᬦ᭄ᬱᬄᬓᬳᬾᬲ᭄ᬢᬶ᭞ᬦᬕᬭᬚᬦᬶᬓᬢᭂᬧᬸᬓ᭄᭞ᬫᭂᬯᬲ᭄ᬢᭂᬭᬶᬂᬕᬕᭂᬮᬂ᭞ᬓᬓᭂᬯᬶᬭᬸᬦ᭄‌‌ᬚᬮᬦ᭄ᬳᭂᬦ᭄ᬢᭀᬚᬦᬶᬚᬸᬚᬸᬃ᭞ᬳᬶᬯᬶᬭᬸᬦ᭄ᬫᬵᬢᬹᬃᬫ᭄ᬫᬵᬜᬸᬫ᭄ᬩᬄ᭞ᬲᬡ᭄ᬥᬶᬓᬢᬶᬢ᭄ᬬᬂᬫᬗᬶᬭᬶᬂ᭟
ᬲᬂᬧ᭄ᬭᬪᬸᬲ᭄ᬥᭂᬓ᭄ᬭᬶᬂᬯᭂᬤᬮ᭄᭞ᬲᬢ᭄ᬭ᭄ᬬᬤᬶᬓ᭄ᬱᬧᬸᬗ᭄ᬕᬯᬧᭂᬧᭂᬓ᭄ᬫᭂᬦᬗ᭄ᬓᬶᬮ᭄᭞ᬗ᭄ᬭᬯᭀᬲᬂᬕᬸᬫᬶᬦᬾᬮᬦ᭄ᬥᬸᬄ᭞ᬫᬓᭂᬚᬂᬜᭂᬲᬃᬯ᭄ᬯᬫᬸᬭᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬳᬶᬚᬬᬲ᭄ᬫᬭᬳᬶᬯᬶᬭᬸᬦ᭄᭞ᬚᬕ᭄ᬫᬗ᭄ᬕᬳᬦ᭄‌‌
ᬭᬶᬂᬩᬜ᭄ᬘᬶᬗᬄ᭞ᬕᭂᬮᬸᬲᬂᬧ᭄ᬭᬪᬸᬫᭂᬗᬓ᭄ᬱᬶ᭟ᬳᬶᬚᬬᬲ᭄ᬫᬭᬫᬜᬸᬫ᭄ᬩᬄ᭞ᬦᬸᬦᬲ᭄ᬮᬸᬕᬺᬭᬶᬂᬳᬶᬤᬰ᭄ᬭᬷᬪᬸᬧᬢᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬫᬳᬶᬪᬕᬸᬲ᭄‌‌ᬬᭂᬫᭂᬦᬾᬓᬦ᭄᭞ᬤᬶᬦᬶᬡᬕ
ᬓ᭄‌‌ᬩᬋᬂᬢ᭄ᬓᬾᬦ᭄ᬩᬧᬪᬕᬸᬲ᭄᭞ᬳᬶᬚᬬᬲ᭄ᬫᬭᬫᬸᬗ᭄ᬕᬳᬦ᭄᭞ᬭᬶᬂᬳᬬᬸᬦ᭄ᬳᬶᬤᬫᬮᬶᬗ᭄ᬕᬶᬄ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬵᬦ᭄ᬤᬶᬓ᭞ᬢᬸᬳᬸᬲᬚᭂᬩᬧᭂᬢᬦ᭄ᬥ᭄ᬭᬸᬄᬢ᭄ᬓᬾᬦ᭄ᬘᬳᬶ᭞ᬲᬧᭂᬲᬶᬋᬘᬳᬶᬪᬕᬸᬲ᭄᭞

[᭕᭗ 57A]
᭕᭗
ᬳᬶᬚᬬᬲ᭄ᬫᬭᬫᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬯᭀᬂᬧᬤᬲᬦ᭄ᬕᬸᬦᬸᬂ᭞ᬫᭂᬯᬲ᭄ᬢᭂᬳᬶᬚᬬᬲ᭄ᬫᬭ᭞ᬫᬶᬯᬄᬳᬶᬯᬶᬭᬸᬦ᭄ᬧᬸᬦᬶᬓᬶ᭟ᬢᬶᬢ᭄ᬬᬂᬯᬢᭂᬓ᭄ᬩᬵᬮᬓ᭄ᬮᬡ᭞ᬤ᭄ᬯᬦᬶᬂᬢᬶᬢ᭄ᬬᬂᬧᬋᬓ᭄ᬭᬶᬂᬰ᭄ᬭᬷ
ᬪᬸᬧᬢᬶ᭞ᬦᬯᬶᬲ᭄ᬯᬾᬘᬭᬢᬸᬦᬸᬤᬸᬓ᭄᭞ᬧᬘᬂᬓᭂᬳᬗ᭄ᬕᬾᬦ᭄ᬧᬋᬓᬦ᭄᭞ᬳᬶᬤᬲᬂᬧ᭄ᬭᬪᬸᬯᬶᬚᬶᬮ᭄‌‌ᬯᬘᬦᬦᬾᬳᬮᬸᬲ᭄᭞ᬳᭂᬦᬄᬩᬧᬲᬸᬓᬧᬶᬲᬦ᭄᭞ᬗᬚᬓ᭄ᬘᬳᬶᬩᬋᬂᬤᬶᬦᬶ
᭟ᬭᬭᬶᬲ᭄ᬳᬶᬤᬗᬶᬘᬾᬦ᭄ᬕᭂᬦᬄ᭞ᬮᬦ᭄ᬳᬬᬸᬦᬦ᭄ᬲᬳᬶᬲᬳᬶᬱᬓᬶᬂᬧᬸᬭᬶ᭞ᬭᬶᬂᬢᭂᬧᬶᬦ᭄ᬤᬾᬱᬦᬾᬓᬯᬸᬄ᭞ᬤᬶᬓᬭᬂᬧᬲᬢ᭄ᬭᬶᬬᬦ᭄᭞ᬧᬸᬭᬶᬩᭂᬘᬶᬓ᭄‌‌ᬩᬜ᭄ᬘᬶᬗᬳᬾᬫᬮᬸᬦ᭄ᬳᬮᬸᬦ᭄᭞ᬳᬶᬭᬶᬓᬳᬶᬤᬫ
ᬕᭂᬦᬄ᭞ᬓᬬᬸᬦᬾᬢᬦ᭄ᬲᬸᬭᬸᬤ᭄ᬲ᭄ᬥᬶᬄ᭟᭜᭟ᬧᬸᬧᬸᬄᬕᬶᬦᬤ᭄ᬥ᭟᭜᭟ᬳᬶᬕᬮᬸᬄᬘᬡ᭄ᬥᬺᬓᬶᬭᬡ᭞ᬓᬯᬃᬡ᭄ᬦᬭᬶᬂᬳᬮᬲ᭄ᬫᬵᬗ᭄ᬓᬶᬦ᭄᭞ᬓᭀᬘᬧ᭄ᬭᬶᬂᬳᬮᬲᬾᬳᬶᬤ᭞ᬮᬦ᭄ᬳᬶᬧᬢᬶᬄᬯᬃᬕ᭄ᬕᬵᬦᬸᬭᬸ [ 58 ][᭕᭗ 57B]
᭕᭗
ᬦ᭄᭞ᬳᬶᬧᬢᬶᬄᬯᬃᬕ᭄ᬕᬲᬸᬫᬶᬭᬢ᭄᭞ᬧᬸᬢ᭄ᬭᬶᬓᬮᬶᬄ᭞ᬢᬦ᭄ᬧᭂᬕᬢ᭄ᬲ᭄ᬥᬶᬄᬓᬲ᭄ᬫᬭᬦ᭄᭟ᬲᬲᬵᬫ᭄ᬩᬵᬢᬾᬦᬸᬤᬸᬢ᭄ᬘᬶᬢ᭄ᬣᬵ᭞ᬢᬦ᭄‌‌ᬮ᭄ᬬᬦ᭄ᬗᬵᬗᭂᬦ᭄ᬭᬤᬾᬦ᭄ᬫᬵᬦ᭄ᬢ᭄ᬭᬶ᭞ᬘᬶᬗᬓ᭄ᬢᬶᬢ᭄ᬬᬂᬳᬶᬓᬮᬭᬦ᭄᭞ᬦᭀ
ᬭᬫᬹᬓ᭄ᬢᬶᬢᬦᬢᬸᬭᬸ᭞ᬓᬾᬦᬓ᭄ᬱᬦ᭄ᬓᬵᬬᬸᬦᬾᬚᬸᬫᬄ᭞ᬗᬚᬓ᭄ᬭᬩᬶ᭞ᬢ᭄ᬯᬭᬳᬾᬮᬶᬂᬢ᭄ᬓᬾᬦᬶᬂᬢᬶᬢ᭄ᬬᬂ᭟ᬲᬸᬩᬬᬦ᭄ᬩᭂᬮᬶᬦᬾᬲᬸᬩ᭞ᬲᬗ᭄ᬕᬸᬧ᭄ᬩᬋᬂᬳᬮᬩᭂᬘᬶᬓ᭄᭞ᬗᬸᬤ᭄ᬬᬂᬩᭂᬮᬶᬢ᭄ᬯᬭᬢ᭄ᬓᬵ᭞
ᬢ᭄ᬯᬭᬫᬦᬶᬦ᭄ᬤᬶᬳᬂᬲᬗ᭄ᬕᬸᬧ᭄᭞ᬩᭂᬮᬶᬗᬸᬢᬂᬢᬶᬢ᭄ᬬᬂᬦ᭄ᬭᬓᬵ᭞ᬲᬳᬶᬲ᭄ᬥᬶᬄ᭞ᬭᬶᬂᬳᬮᬲ᭄ᬢᬶᬢ᭄ᬬᬂᬫᭂᬧᬱᬄ᭟ᬓᬤᬾᬦ᭄ᬢᬶᬢ᭄ᬬᬂᬚᬢᬶᬢᬺᬱ᭄ᬡᬵ᭞ᬩᭂᬮᬶᬮᬶᬜᭀᬓ᭄‌‌ᬢ᭄ᬓᬾᬦᬶᬂᬫᬸᬜᬶ᭞ᬩᭂᬮᬶᬲᬗ᭄ᬕᬸᬧ᭄ᬧᬘᬂᬢ᭄ᬓᬵ
᭞ᬧᬬᬸᬢᬶᬢ᭄ᬬᬂᬓᬾᬦᬾᬩᬸᬤᬸᬄ᭞ᬱᬓᬶᬢ᭄ᬱᬳᬶᬫᬓᭂᬡᬳᬦ᭄᭞ᬳᬸᬬᬂᬧᬮᬶᬂ᭞ᬲᬶᬂᬚᬮᬦ᭄ᬚᬮᬦ᭄ᬫᬕᭂᬦᬄ᭟ᬭᬭᬶᬲ᭄ᬫᭂᬗᬲ᭄ᬢᬸᬢᬶᬤᬾᬯᬵ᭞ᬳᬶᬗ᭄ᬕᬶᬄᬭᬢᬸᬲᬗ᭄ᬳ᭄ᬬᬂᬯᬶᬥᬶ᭞ᬦᬧᬶᬲᬶᬲᬶᬧ᭄ᬢᬶᬢ᭄ᬬᬂᬤᬾ

[᭕᭘ 58A]
᭕᭘
ᬯᬵ᭞ᬦᬾᬭᬶᬂᬓᬸᬡᬚᬦᬶᬢᭂᬧᬸᬓ᭄᭞ᬧᬶᬢᬭᬦᬾᬓᬤᭀᬄᬤᭀᬳᭂᬦ᭄᭞ᬫᬦᬸᬫᬤᬶ᭞ᬲᬗ᭄ᬓᬦ᭄ᬚᭂᬗᬳᬾᬫᬮᬶᬫ᭄ᬩᬄ᭟ᬯᬾᬦ᭄ᬢᭂᬦ᭄ᬫᬵᬗ᭄ᬓᬶᬦ᭄‌‌ᬓᬯᬃᬡ᭄ᬦᬳ᭞ᬤᬾᬯᬷᬩᬾᬓᭀᬕᬡ᭄ᬥᬰᬭᬷ᭞ᬭᬶᬂᬢ
ᬧᬦᬾᬓᬯᭀᬢ᭄‌‌ᬫ᭄ᬧᬕᬸᬭᬸᬦ᭄᭞ᬭᬶᬂᬕᬸᬦᬸᬂᬯᬶᬮᬶᬲ᭄ᬫᬵᬮᬸᬗ᭄ᬕᬸᬄ᭞ᬱᬓ᭄ᬢᬶᬢ᭄ᬯᬭᬳᬤᭂᬧᬥ᭞ᬲᭀᬭᬶᬂᬮᬗᬶᬢ᭄᭞ᬓᬮᬶᬄᬳᬶᬤᬩᬾᬢᬾᬮ᭄ᬢᬶᬗᬮ᭄᭟ᬤᬶᬢᬸᬳᬶᬤᬫᭂᬧᬯᬲᬦ᭄᭞ᬗᭂᬦᬄᬭᬤᬾ
ᬦ᭄ᬤᬾᬯᬷᬲ᭄ᬥᬶᬄ᭞ᬫᭂᬗᬗᭂᬦ᭄ᬭᬓᬦᬾᬤᬾᬯ᭞ᬭᬭᬶᬲ᭄ᬳᬶᬤᬕᭂᬮᬶᬲ᭄ᬢᭂᬤᬸᬦ᭄᭞ᬢᬦ᭄ᬲᬸᬯᬾᬲᬵᬫ᭄ᬧᬸᬦ᭄‌‌ᬧ᭄ᬭᬧ᭄ᬢᬵ᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬭᬶᬲ᭄ᬳᬶᬤᬫᭂᬗᬦ᭄ᬤᬶᬓ᭟ᬫᬶᬄᬭᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬚᭂᬕᬾᬕ᭄ᬱᬬᬂᬮ᭄ᬯᬶᬃᬳ᭄ᬬᬂ
ᬭᬢᬶᬄ᭞ᬗᬸᬤ᭄ᬬᬂᬳᬶᬤᬾᬯᬓᭂᬮᬭᬦ᭄᭞ᬚᬮᬦ᭄ᬳᬶᬤᬾᬯᬓᬕᬸᬦᬸᬂ᭞ᬤᬶᬢᬸᬢᬶᬢ᭄ᬬᬂᬫᬧᬯᬭᬄ᭞ᬭᬤᬾᬦ᭄ᬤᬯᬷ᭞ᬫᬵᬢᬹᬃᬢᬶᬢ᭄ᬬᬂᬫᬗᬶᬭᬶᬂ᭟ᬭᬭᬶᬲ᭄ᬳᬶᬤᬓᬳᬫ᭄ᬧᭂᬳᬂ᭞ᬭᬯᬶᬂᬳᬶᬭᬶᬗᬦᬾ [ 59 ][᭕᭘ 58B]
᭕᭘
ᬲᬵᬫᬶ᭞ᬢᬦ᭄ᬓᭀᬘᬧᬫᬭᬶᬂᬚᬮᬦ᭄᭞ᬭᬯᬸᬄᬭᬶᬂᬧᬸᬘᬓᬶᬂᬕᬸᬦᬸᬂ᭞ᬳᬶᬭᬓᬭᬭᬶᬲ᭄ᬗᬵᬚᭂᬗᬂ᭞ᬱᬋᬂᬲᬵᬫᬶ᭞ᬯᬯᬸᬫᬤ᭄ᬭᬸᬯᬾᬳᬶᬢᬸᬗᬦ᭄᭟ᬓᬳᬶᬘᬾᬦ᭄ᬧᬗ᭄ᬮᬧᬲ᭄ᬮᬭ᭞ᬓᬾᬦᬓ᭄‌‌ᬓᬬᬸ
ᬦᬾᬧᬺᬫᬗ᭄ᬓᬶᬦ᭄᭞ᬓᬲᬸᬓᬦᬾᬢᬦᬸᬮᬸᬱ᭞ᬳᬾᬮᬶᬂᬭᬶᬂᬳᬶᬩᭂᬮᬶᬪᬕᬸᬲ᭄᭞ᬫᬕᬢᬺᬕᬢᬺᬭᬶᬂᬢᬶᬗᬮ᭄᭞ᬳᬓ᭄ᬤᬧ᭄ᬲ᭄ᬥᬶᬄ᭞ᬫᬺᬢ᭄ᬣᬯᬶᬲ᭄ᬬᬢ᭄ᬯᬭᬩᭂᬮᬲ᭄᭟ᬲᬵᬫ᭄ᬧᬸᬦ᭄ᬢᬸᬢᬸᬕ᭄ᬧᬶᬢᬸᬂᬤᬶᬡ᭞ᬳᬶ
ᬤᬭᬶᬂᬕᬸᬦᬸᬂᬫᬮᬶᬗ᭄ᬕᬶᬄ᭞ᬢᬹᬃᬓᬳᬶᬘᬾᬦ᭄‌‌ᬭᬭᬶᬲ᭄ᬧ᭄ᬯᬭᬄ᭞ᬯᬶᬚᬬᬓᬸᬲᬸᬫᬢᬸᬫᬸᬢ᭄᭞ᬧᬗ᭄ᬮᬩᬸᬭᬦ᭄ᬲᬃᬯ᭄ᬯᬫᬵᬮ᭞ᬧᬸᬧᬸᬢ᭄ᬲᬵᬫᬶ᭞ᬢᬶᬗ᭄ᬓᬄᬢᬸᬢᬸᬭᬾᬓᬫᭀᬓ᭄ᬱᬦ᭄᭟ᬭᬭᬶᬲ᭄ᬳᬶᬤᬫᭂ
ᬗᬦ᭄ᬤᬶᬓ᭞ᬤᬾᬯᬷᬩᬾᬓᭀᬕᬦ᭄ᬤᬰᬭᬷ᭞ᬳᬟᬸᬄᬤᬾᬯᬦ᭄ᬢᬶᬢ᭄ᬬᬂᬤᬾᬯ᭞ᬕᭂᬮᬶᬲᬂᬳᬶᬤᬾᬯᬢᭂᬤᬸᬦ᭄᭞ᬓᭂᬫᭂᬳᬸᬂᬲᬶᬤᬶᬕᬕᭂᬮᬂ᭞ᬳᬧᬂᬜᬶᬮᬶᬩ᭄᭞ᬭᬓᬦ᭄ᬳᬶᬤᬾᬯᬳᬶᬭᬶᬓ᭞ᬲ᭄ᬥᬶᬄᬫ

[᭕᭙ 59A]
᭕᭙
ᬗᬺᬋᬄᬳᬶᬤᬾᬯ᭞ᬫᬳᬶᬭᬶᬗᬦ᭄‌‌ᬢ᭄ᬯᬳᬩᭂᬲᬶᬓ᭄᭞ᬬᬦ᭄ᬢᬦ᭄ᬳᬶᬤᬾᬯᬗᭂᬮᬶᬲᬂ᭞ᬫᬶᬭᬶᬩ᭄ᬫᬗᭂᬫᬲᬶᬦ᭄ᬮᬵᬫ᭄ᬧᬸᬲ᭄᭞ᬦᭀᬭᬢᬸᬭᬸᬮᬦ᭄ᬳᬦᬥᬄ᭞ᬲᬳᬶᬲ᭄ᬥᬶᬄ᭞ᬫᭂᬗᬚᬧ᭄ᬳᬚᬧ᭄ᬳᬶᬤᬾᬯ᭟ᬚᬦᬶ
ᬜᬫᬃᬢ᭄ᬓᬓᭂᬫ᭞ᬳᬧᬂᬢ᭄ᬯᬭᬳᬦᬓ᭄ᬳᬸᬦᬶᬂ᭞ᬢᬶᬢ᭄ᬬᬂᬫᭂᬗᬢᭂᬳᬂᬤᬾᬯ᭞ᬫᬗ᭄ᬮᬮᬯᬂᬤᬤᬶᬕᬫ᭄ᬩᬸᬄ᭞ᬳᬶᬕᬮᬸᬄᬫᬵᬢᬹᬃᬗᬶᬭᬶᬗᬂ᭞ᬯᬸᬲ᭄ᬫᬫᬃᬕ᭄ᬕᬶ᭞ᬲᬂᬢᬧᬭᬭᬶᬲ᭄ᬗᬶᬭᬶᬗᬂ᭟᭜᭟ᬧᬸᬧᬸᬄ
ᬓᬸᬫᬫ᭄ᬩᬂ᭟᭜᭟ᬫᭂᬗᬫ᭄ᬩᬋᬮᬫ᭄ᬧᬳᬾᬭᬳᬤᬾᬦ᭄ᬤᬾᬯᬷ᭞ᬮᬯᬦ᭄ᬲᬂᬗᬶᬭᬶᬗᬂ᭞ᬓᬢᭂᬄᬩᬦ᭄ᬢᬵᬧᬦᬾᬕᭂᬮᬶᬲ᭄᭞ᬭᬯᬸᬄᬭᬶᬂᬢᭂᬧᬶᬦ᭄ᬕᬕᭂᬮᬂ᭟ᬧᬫᬶᬢ᭄ᬩᬸᬤᬮ᭄‌‌ᬤᬾᬯᬷᬩᬾᬓᭀᬕ
ᬡ᭄ᬥᬰᬭᬷ᭞ᬩᬸᬤᬮ᭄ᬫᭂᬗᬫ᭄ᬩᬵᬭ᭞ᬫᬗᬸᬂᬲᬶᬓᬕᬸᬦᬸᬂᬯᬶᬮᬶᬲ᭄᭞ᬦᬾᬮᬮᬶᬫᭂᬫᬭᬭᬲᬦ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬳᬶᬕᬮᬸᬄᬯᬃᬕ᭄ᬕᬲ᭄ᬫᬭᬵ᭞ᬯᬶᬚᬶᬮ᭄ᬯᬘᬦᬦᬾᬫᬦᬶᬲ᭄᭞ᬚᬮ [ 60 ][᭕᭙ 59B]
᭕᭙
ᬦ᭄ᬚᬦᬶᬓᬦᬕᬭ᭞ᬲᬂᬧᬸᬢ᭄ᬭᬶᬜᬸᬫ᭄ᬩᬄᬫᬗᬶᬭᬶᬂ᭞ᬓ᭄ᬮᬯᬦ᭄ᬧᬭᬧᬢᬶᬄᬓᬮᬶᬄ᭞ᬫᬢᬶᬗ᭄ᬓᬄᬧᬺᬕᬶᬡᬕᬫ᭄ᬩᬸᬄ᭞ᬧᬫᬃᬕ᭄ᬕᬶᬦᬾᬗᬢᭂᬗᬳᬂ᭞ᬮ᭄ᬬᬸᬳᬦᬓᬾᬓᬧᬗ᭄ᬕᬶᬄ᭞ᬧᬟᬳᬸᬫᬸᬂ᭞ᬫ
ᬗ᭄ᬭᬯᭀᬲ᭄ᬳᬚᬓ᭄ᬢᬶᬫ᭄ᬧᬍ᭟ᬳᭂᬜᬾᬦ᭄ᬳᭂᬦ᭄ᬢᭀᬦᬾᬫᭂᬚᬮᬦ᭄᭞ᬭᬸᬧᬦᬾᬪᬕᬸᬲ᭄ᬳᬧᭂᬓᬶᬓ᭄᭞ᬳᬶᬗᬸᬄᬳᬢᬶᬦᬾᬗᭂᬦᭀᬢᬂ᭞ᬮᬾᬦ᭄ᬳᬤᭂᬩᬸᬯᬶᬦ᭄ᬜᬯᬸᬭᬶᬦ᭄᭞ᬳᬶᬢᬸᬦ᭄ᬬᬳᬤᬦᬸᬢᬸ
ᬭᬶᬦ᭄᭞ᬢᭀᬓᭀᬘᬧ᭄ᬧᬺᬕᬶᬦᬕᬫ᭄ᬩᬸᬄ᭞ᬢ᭄ᬓᬫᬳᬶᬫᬗ᭄ᬮᬮᬯᬂ᭞ᬩᬸᬤᬸᬄᬳᬶᬘᬂᬫᬗᬶᬯᬲᬶᬦ᭄᭞ᬳᬤᭂᬦᬸᬢᬸᬕ᭄᭞ᬗᬢᬸᬭᬂᬳᬯᬓ᭄ᬱᬧᬶᬲᬦ᭄᭟ᬮᬶᬬᬸᬳᬦᬓᬾᬳᬾᬤᬦ᭄᭞ᬳ
ᬤᭂᬗᭂᬮᬶᬂᬚᭂᬭᬢ᭄ᬚᭂᬭᬶᬢ᭄᭞ᬮᬾᬦ᭄ᬳᬤᭂᬦᬕᬶᬄᬫᬦ᭄ᬭᬚᬂ᭞ᬤᬳᬢᬸᬯᭂᬧᬟᬧᬮᬶᬂ᭞ᬳᬤᭂᬗᬸᬢᬂᬧ᭄ᬬᬦᬓ᭄ᬘᭂᬦᬶᬓ᭄᭞ᬫᬗᭂᬧᬸᬂᬧᬺᬕᬶᬦᬕᬫ᭄ᬩᬸᬄ᭞ᬳᬤᭂᬫᭂᬟᭂᬫ᭄‌‌ᬬᭂᬫᬜᬯᬂ᭞ᬧᬺ

[᭖᭐ 60A]
᭖᭐
ᬕᬶᬦᬦᬾᬓᭀᬘᬧ᭄ᬫᬵᬮᬶᬄ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬲᬃᬭᬭᬶᬲ᭄ᬫᬵᬲᭀᬮᬄ᭟ᬳᬶᬕᬸᬲ᭄ᬢᬶᬧᬢᬶᬄᬫᬗᬸᬧᬄ᭞ᬮᬶᬬᬸᬳᬦᬓᬾᬫᬩᬮᬶᬄ᭞ᬘᭂᬭᬶᬓ᭄ᬘᭂᬭᬶᬓ᭄‌‌ᬩᬚᬂᬢᬸᬯᬵ᭞ᬳᬶᬯᬶᬭᬸ
ᬦ᭄ᬤᬶᬢᬸᬫᬜ᭄ᬭᬶᬢ᭄᭞ᬓᬘᭂᬩᬸᬭᬶᬦ᭄‌‌ᬫᬸᬜᬶᬦ᭄ᬲᬸᬮᬶᬂ᭞ᬮᬮᬫ᭄ᬧᬳᬦ᭄ᬮᬶᬦ᭄ᬢᬂᬳᬮᬸᬲ᭄᭞ᬲᬤᬸᬓ᭄ᬳᬶᬤᬦᬾᬭᬶᬂᬳᬮᬲ᭄᭞ᬓᬢᬸᬭᭀᬦᬶᬦ᭄ᬩᬦ᭄ᬳᬶᬫᬦ᭄ᬢ᭄ᬭᬶ᭞ᬮᬶᬦ᭄ᬢᬂᬳᬮᬸᬲ᭄᭞ᬚ
ᬤ᭄ᬫᬵᬦᬾᬧᬟᬦᬶᬗᭂᬳᬂ᭟ᬳᬶᬕᬫ᭄ᬩᬸᬄᬯᬃᬕ᭄ᬕᬲ᭄ᬫᬭ᭞ᬜᬮᬸᬓ᭄ᬧᬜ᭄ᬚᬶᬪᬕᬸᬲ᭄ᬧᭂᬓᬶᬓ᭄᭞ᬯᬮᬸᬬᬲᬗ᭄ᬳ᭄ᬬᬂᬲ᭄ᬫᬭ᭞ᬲᬲᭂᬦ᭄ᬤᭀᬦᬾᬦᬸᬤᬸᬢ᭄ᬳᬢᬶ᭞ᬦᬾᬫᬩᬮᬶᬄᬧᬟᬧᬮᬶᬂ
᭞ᬧᬟᬗᭂᬮᬶᬂᬓᬧᬶᬮᬸᬮᬸᬢ᭄᭞ᬳᬶᬯᬶᬭᬸᬦ᭄ᬚᬦᬶᬬᭂᬢ᭄ᬓᬵ᭞ᬫᬧ᭄ᬭᬬᬧᬘᬂᬫᭂᬮᬮᬶ᭞ᬤᬤᬶᬡᬫᬸ᭞ᬲᬲᭀᬮᬳᬦ᭄ᬮᬶᬦ᭄ᬢᬂᬫᭂᬮᬄ᭟ᬳᬗᭀᬩ᭄ᬤᬶᬢᬸᬫᭂᬗᬢᭀᬦᬂ᭞ᬢ᭄ᬯᬭᬢ [ 61 ][᭖᭐ 60B]
᭖᭐
ᬳᬾᬦ᭄‌‌ᬬᭂᬫᭂᬫᬗ᭄ᬕᬶᬄ᭞ᬲᬲᭀᬮᬳᬦ᭄‌‌ᬩᭂᬘᬶᬓ᭄ᬧᬶᬲᬦ᭄᭞ᬳᬸᬮᬶᬂᬘᭂᬭᬶᬓ᭄ᬧᬶᬦᬲ᭄ᬓᭂᬮᬶᬄ᭞ᬓ᭄ᬦᬳᬾᬬᭂᬫᬶᬮᬸᬧᬮᬶᬂ᭞ᬮᬯᬸᬢ᭄‌‌ᬬᭂᬫᭂᬢᬓᭀᬦ᭄ᬚᬸᬚᬸᬢ᭄᭞ᬳᭂᬦᬾᬕᬫ᭄ᬩᬸᬄᬳᬸ
ᬮᬶᬤᬶᬚ᭞ᬤᬤᬶᬳᬤᭂᬫᭂᬜᬯᬸᬢᬶᬦ᭄᭞ᬕᬫ᭄ᬩᬸᬄᬕᬸᬦᬸᬂ᭞ᬫ᭄ᬭᬶᬓᬶᬭᬯᬸᬄᬫᬗ᭄ᬮᬮᬯᬂ᭟ᬧᬸᬓᬸᬮ᭄ᬳᬶᬦᬫ᭄ᬲᬸᬭᬸᬧ᭄ᬲᬸᬃᬬ᭄ᬬ᭞ᬕᬫ᭄ᬩᬸᬳᬾᬫᬮ᭄ᬯᬭᬦ᭄ᬫᬵᬗ᭄ᬓᬶᬦ᭄᭞ᬳᬶᬯᬶᬭᬸᬦ᭄ᬩᬸᬤᬮ᭄‌‌
ᬗᬾᬗ᭄ᬕᬵᬮᬂ᭞ᬳᬗ᭄ᬓᬶᬬᬦᬾᬤᬶᬳᬶᬲ᭄ᬤᬶᬳᬶᬲ᭄᭞ᬳᬶᬚᬬᬲ᭄ᬫᬭᬫᭂᬗᬓ᭄ᬱᬶ᭞ᬯᬶᬚᬶᬮ᭄ᬯᬘᬦᬦᬾᬳᬮᬸᬲ᭄᭞ᬓᬓᭂᬯᬶᬭᬸᬦ᭄ᬳᬧᭂᬳᬤ᭞ᬳᬶᬯᬶᬭᬸᬦ᭄ᬫᬳᬢᬹᬃᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸ᭞
ᬯᬾᬦ᭄ᬢᭂᬦ᭄ᬕᬫ᭄ᬩᬸᬄᬩᭂᬘᬶᬓ᭄ᬧᬶᬲᬦ᭄᭟ᬭᬶᬂᬧᬲᬃᬯ᭄ᬯᬯᬸᬫᬲᭀᬮᬄ᭞ᬳᬶᬫᬦ᭄ᬢ᭄ᬭᬶᬫᭂᬲᬯᬸᬃᬓᬜᬶᬂ᭞ᬕᬫ᭄ᬩᬸᬄᬳᬸᬮᬶᬤᬶᬚᭂᬓᬓ᭞ᬳᬶᬯᬶᬭᬸᬦ᭄ᬫᬳᬢᬹᬃᬪᬓ᭄ᬢᬶ᭞ᬢᬶᬢ᭄ᬬᬂᬧᭀᬮᬶᬄ

[᭖᭑ 61A]
᭖᭑
ᬫᬦᬓᬾᬦᬶᬦ᭄᭞ᬓᭀᬘᬧ᭄ᬕᬵᬫ᭄ᬩᬸᬄᬱᬓᬶᬂᬕᬸᬦᬸᬂ᭞ᬳᬶᬚᬬᬲ᭄ᬫᬭᬫᬦᬶᬫ᭄ᬩᬮ᭄᭞ᬓ᭄ᬫᭀᬓᬓᭂᬚᬦᬶᬳᬮᬶᬄ᭞ᬚᬮᬦ᭄ᬳᬸᬧᬄᬤᬶᬦᬶᬢᬸᬦ᭄ᬤᬾᬦ᭄ᬫᬵᬗᬶᬕᭂᬮ᭄᭟ᬳᬶᬯᬶᬭᬸᬦ᭄‌‌ᬭᬭᬶᬲ᭄ᬫᭂᬚ
ᬮᬦ᭄᭞ᬫᬼᬗᬮᬶᬄᬕᬫ᭄ᬩᬸᬳᬾᬕᭂᬮᬶᬲ᭄᭞ᬓᬢᭂᬧᬸᬓ᭄ᬤᬶᬚᬮᬦ᭄ᬚᬵᬮᬦ᭄᭞ᬤᬶᬢᬸᬮᬯᬸᬢ᭄‌‌ᬬᭂᬫᬫᬸᬜᬶ᭞ᬧᭂᬲᬸᬫᬸᬜᬶᬦᬾᬫᬦᬶᬲ᭄᭞ᬳᬶᬗ᭄ᬕᬶᬄᬲᬂᬧᬺᬕᬶᬦᬕᬫ᭄ᬩᬸᬄ᭞ᬢᬶᬢ᭄ᬬᬂᬦᬯᭂᬕᬂ
ᬫᬗᬸᬧᬄ᭞ᬧᬺᬕᬶᬦᬦᬾᬫᭂᬜᬯᬸᬭᬶᬦ᭄᭞ᬳᬸᬧᬄᬫᬳᭂᬮ᭄ᬱᬢᬸᬲ᭄ᬚᬶᬦᬃᬳᬚᬮᬦᬦ᭄᭞ᬳᬶᬯᬶᬭᬸᬦ᭄ᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬬᬤ᭄ᬬᬦ᭄ᬫᬳᭂᬮ᭄ᬢᬶᬢ᭄ᬬᬂᬗᬶᬭᬶᬂ᭞ᬧᬟᬫᬩ᭄ᬭᬶᬬᬸᬓ᭄ᬫᭂᬚᬮᬦ᭄᭞ᬢ
ᬦ᭄ᬳᬸᬘᬧᬂᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬳᬶᬚᬬᬲ᭄ᬫᬭᬫᭂᬗᬓ᭄ᬱᬶ᭞ᬧᬺᬕᬶᬦᬦᬾᬪᬕᬸᬲ᭄ᬪᬕᬸᬲ᭄᭞ᬧᬟᬓᬸᬫᭂᬜᭂᬧ᭄‌‌ᬭᬶᬂᬫᬦᬄ᭞ᬱᬓᬶᬂᬧᬶᬢᬸᬤᬸᬳᬶᬂᬯᬶᬥᬶ᭞ᬲᬗ᭄ᬓᬦ᭄ᬢᭂᬧᬸᬓ᭄᭞ᬚᬦᬶᬤᬶᬳᬶᬕᭂ [ 62 ][᭖᭑ 61B]
᭖᭑
ᬮ᭄ᬳᬶᬕᭂᬮᬦ᭄᭟ᬕᬫ᭄ᬩᬸᬳᬾᬫᬗ᭄ᬓᬶᬦ᭄‌‌ᬫᬲᭀᬮᬄ᭞ᬓᬩᭂᬮᬢ᭄‌ᬬᭂᬳᬦ᭄ᬢᬸᬓ᭄ᬯᭂᬗᬶ᭞ᬮᬫ᭄ᬧᬸᬦᬾᬲᬵᬫ᭄ᬧᬸᬦ᭄ᬫᭂᬧᬲᬂ᭞ᬕᬮᬂᬢ᭄ᬯᬭᬳᬤᭂᬦᬦ᭄ᬤᬶᬗᬶᬦ᭄᭞ᬮᬮᬫ᭄ᬧᬳᬦ᭄ᬮᬶᬦ᭄ᬢᬂᬩᭂᬘᬶᬓ᭄
᭞ᬗ᭄ᬮᬫ᭄ᬧᬳᬂᬭᬤᬾᬦ᭄ᬧᬸᬢᬺᬤᬶᬢᬸ᭞ᬲᬤᬸᬓᬾᬲᬶᬫ᭄ᬧᬂᬭᬶᬂᬳᬮᬲ᭄᭞ᬳᬓᬶᬤᬶᬓ᭄‌‌ᬢ᭄ᬯᬭᬗᭂᬮᬾᬦᬶᬦ᭄᭞ᬮᬶᬦ᭄ᬢᬂᬧᬗᬸᬲ᭄᭞ᬳᬦ᭄ᬢᬸᬓ᭄ᬳᬶᬤᬫᬜᭀᬮᬳᬂ᭟ᬳᬶᬚᬬᬲ᭄ᬫᬭᬫᬜᬶᬗ
ᬓ᭄᭞ᬤᬤᬶᬫᬗ᭄ᬭᬱᬤᬶᬳᬢᬶ᭞ᬧᬧᬶᬡᬳᬾᬚ᭄ᬭᭀᬦᬶᬂᬳᬃᬱ᭞ᬢ᭄ᬯᬭᬮᬾᬦᬦ᭄‌‌ᬢ᭄ᬯᬳᬶᬬᬤᬶ᭞ᬭᬸᬧᬦᬾᬬᭂᬧᬢᬸᬄᬕᬢᬶ᭞ᬳᬶᬮᬾᬦᬾᬧᬺᬕᬶᬦᬕᬫ᭄ᬩᬸᬄ᭞ᬦᬵᬗ᭄ᬳᬶᬂᬢ᭄ᬯᬭᬤ
ᬤᬶᬮᬾᬦᬂ᭞ᬓᬬᬸᬦ᭄ᬳᬶᬫᬦ᭄ᬢ᭄ᬭᬶᬦᬾᬚᬦᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬕᬫ᭄ᬩᬸᬳᬾᬫᬗ᭄ᬓᬶᬦ᭄‌‌ᬫᬮ᭄ᬯᬭᬦ᭄᭟ᬤᬶᬢᬸᬓᬳᬶᬘᬾᬦ᭄‌‌ᬧᭀᬦ᭄ᬤᭀᬓᬦ᭄᭞ᬳᬸᬧᬳᬾᬲᬵᬫ᭄ᬧᬸᬦ᭄ᬓᭂᬢᬫ᭄ᬧᬶ᭞ᬲᬵ

[᭖᭒ 62A]
᭖᭒
ᬫ᭄ᬧᬸᬦ᭄‌‌ᬯᭂᬗᬶᬧᬸᬓᬸᬮ᭄ᬭᭀᬭᬲ᭄᭞ᬳᬶᬫᬦ᭄ᬢ᭄ᬭᬶᬭᬭᬶᬲ᭄ᬫᭂᬢᬗᬶ᭞ᬧᬢᭂᬮᬦ᭄ᬳᬶᬤᬫᬗᬶᬦ᭄ᬢᬶᬧ᭄᭞ᬧᭂᬤᬲ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬫᭂᬜᬂᬓ᭄ᬭᬶᬫᬂᬢᭀᬕᭀᬕ᭄ᬳᭂᬫᬵᬲ᭄᭞ᬧᬳᬶᬘᬦ᭄ᬭᬓᬦᬾ
ᬭᬶᬳᬶᬦ᭄᭞ᬳᬸᬓᬸᬢ᭄ᬳᬸᬓᬸᬢ᭄᭞ᬫᭂᬧᬲᬶᬳᬶᬦ᭄‌‌ᬤᬶᬧᬫᬺᬫᬦ᭄᭟ᬫᬶᬄᬭᬢᬸᬧ᭄ᬬᬦᬓ᭄ᬢᬶᬢ᭄ᬬᬂ᭞ᬳᬚᬶᬦ᭄ᬳᬶᬤᬾᬯᬦᬾᬤᬶᬦᬶ᭞ᬫᬾᬫᬾᬓᬳᬶᬘᬾᬦ᭄‌‌ᬧᭀᬦ᭄ᬤᭀᬓᬦ᭄᭞ᬦᬾᬚᬦᬶ
ᬫᬾᬫᬾᬓᬧᬗ᭄ᬕᬶᬄ᭞ᬢ᭄ᬓᬾᬦᬶᬂᬳᬚᬶᬦ᭄ᬳᬶᬫᬡᬶᬓ᭄᭞ᬳᬶᬫᬦ᭄ᬢ᭄ᬭᬶᬤᬶᬢᬸᬫᬗ᭄ᬭᬸᬗᬸ᭞ᬢ᭄ᬯᬭᬳᬾᬮᬶᬂᬢ᭄ᬓᬾᬦ᭄ᬭᬕᬵ᭞ᬓᬸᬭᬶᬦᬾᬓᬤ᭄ᬭᬸᬫ᭄ᬧᬓ᭄ᬭᬭᬶᬲ᭄᭞ᬓᬜ᭄ᬘᬶᬂᬳᭂᬮᬸᬂ᭞ᬧᬟᬲᬵᬫ᭄ᬩᭂᬄᬚ᭄ᬭᭀᬦᬶᬂ
ᬳᬸᬫᬄ᭟᭜᭟ᬧᬸᬧᬸᬄᬤ᭄ᬫᬸᬂ᭟᭜᭟ᬳᬶᬕᬮᬸᬄᬲᬾᬧ᭄ᬫᭂᬦᬂᬓᬶᬲ᭄‌‌ᬬᭂᬓᭂᬓᬩ᭄ᬮᭂᬢᬂ᭞ᬓᬕᬶᬲᬶᬤᬶᬢᬸᬓᬧᭂᬮᬸᬓ᭄᭞ᬳᬟᬸᬄᬭᬢᬸᬳᬕᬸᬂ᭞ᬗᬸᬤ᭄ᬬᬂᬳᬶᬤᬾᬯᬫᭂᬮᬳᬶᬩ᭄᭞ᬢᬶᬢ᭄ᬬᬂᬳᬶ [ 63 ][᭖᭒ 62B]
᭖᭒
ᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬜᬤ᭄ᬬᬫᬗᬺᬋᬄᬳᬶᬭᬢᬸ᭞ᬬᬦ᭄ᬳᬓᬸᬤᬂᬤᬶᬡ᭞ᬢᬶᬢ᭄ᬬᬂᬲᬳᬶᬲᬳᬶᬲ᭄ᬥᬶᬄ᭞ᬲᬵᬫ᭄ᬧᬸᬦ᭄ᬭᬢᬸᬩᬗᭂᬢ᭄ᬫᭂᬗ᭄ᬕᬄ᭞ᬳᬶᬗ᭄ᬕᬶᬄᬤᬾᬯ᭞ᬦᬾᬫᬗ᭄ᬓᬶᬦ᭄‌‌ᬧᭀᬗᭀᬃᬭᬶᬂᬭᬢᬸ᭟
ᬭᬳᬤᬾᬦ᭄ᬕᬮᬸᬄᬦᬗᬶᬲ᭄ᬢᬦ᭄ᬧᬗᬸᬘᬧ᭄᭞ᬲᬶᬕ᭄ᬲᬶᬕᭂᬦ᭄‌‌ᬬᭂᬫᬗᬸᬦ᭄ᬢᬸᬓ᭄᭞ᬳᬶᬫᬦ᭄ᬢ᭄ᬭᬶᬫᬗᭂᬮᬸᬢ᭄᭞ᬓᭂᬲᬗ᭄ᬓᭀᬮ᭄‌‌ᬭᬭᬶᬲ᭄ᬓᭂᬳᬩᬶᬦ᭄᭞ᬳᬸᬲᬦᬂᬳᬶᬭᬢᬸᬮᬭᬵ᭞ᬦᬾᬫᬮᬸᬲᬵᬫ᭄ᬧᬸᬦ᭄ᬓ
ᬢᭂᬧᬸᬓ᭄᭞ᬳᬶᬤᬫᬦᬸᬦ᭄ᬤᬾᬦᬂ᭞ᬢᬶᬢ᭄ᬬᬂᬓᭂᬤᬳᬫᬩᬸᬜ᭄ᬘᬶᬂ᭞ᬫᬲᬶᬄᬢᬶᬢ᭄ᬬᬂᬫᬗ᭄ᬓᬶᬦ᭄ᬲᬮᬄ᭞ᬢ᭄ᬓᬾᬦ᭄ᬳᬶᬤᬾᬯ᭞ᬫᬯᬶᬦᬦ᭄ᬳᬶᬭᬢᬸᬭᬭᬸᬤ᭄᭟ᬳᬶᬕᬮᬸᬄᬭᬭᬶᬲ᭄ᬜᬵᬯᬸᬭᬶᬦ᭄‌‌ᬩᭂᬮᬶᬩᭀ
ᬩᬤ᭄᭞ᬤᬶᬓᭀᬭᬧᬦ᭄‌‌ᬩᭂᬮᬓᬲᬸᬩ᭄᭞ᬲᬓ᭄ᬢᬶᬦᬾᬓᬯᬸᬯᬸᬲ᭄᭞ᬢ᭄ᬯᬭᬳᬤᭂᬫᭂᬦᬦ᭄ᬤᬶᬗᬶᬦ᭄᭞ᬤᬤᬶᬚᬦᬶᬩᭂᬮᭀᬕ᭄ᬧᬶᬲᬦ᭄᭞ᬦᬶᬗᭂᬄᬫᬸᬜᬶᬩᭂᬮᬶᬲᬶᬕᬸᬕ᭄᭞ᬓᬾᬦ᭄ᬓᬾᬦ᭄‌‌ᬓᬧᬶᬋᬗᬂ᭞

[᭖᭓ 63A]
᭖᭓
ᬳᬢᬹᬃᬢᬶᬢ᭄ᬬᬂᬢ᭄ᬓᬾᬦ᭄ᬩᭂᬮᬶ᭞ᬩᭂᬮᬶᬫᬦ᭄ᬢ᭄ᬭ᭄ᬬᬳᬮᬶᬄᬬᬵ᭞ᬘᬡ᭄ᬥᬺᬓᬶᬭᬡ᭞ᬬᬦ᭄ᬩᭂᬮᬶᬲᬵᬫ᭄ᬧᬸᬦ᭄ᬫᬢᭂᬫᬸ᭟ᬢᬶᬢ᭄ᬬᬂᬱᬋᬂᬗᬶᬭᬶᬂᬩᭂᬮᬶᬭᬶᬂᬧᬫᬺᬫᬦ᭄᭞ᬓᬾᬦ᭄ᬢᭂᬦ᭄ᬳᬢᬹᬃᬢᬶᬢ᭄ᬬᬂᬫᬮᬸ᭞ᬩᭂᬮᬶᬢ᭄ᬓᬵᬦᬭᬸᬂ᭞
ᬭᬭᬶᬲ᭄ᬫᬵᬗᭂᬮᭀᬗᬶᬦ᭄ᬚᬜ᭄ᬚᬶ᭞ᬫ᭄ᬭᬶᬓᬩᭂᬮᬶᬫᬗ᭄ᬓᬶᬦ᭄ᬩᬸᬤᬮ᭄᭞ᬗᬸᬤ᭄ᬬᬂᬫᬗ᭄ᬓᬶᬦ᭄ᬢᬶᬢ᭄ᬬᬂᬭᬸᬭᬸᬄ᭞ᬳᭂᬜᬾᬦ᭄ᬫᬵᬦᬸᬦ᭄ᬤᬾᬦᬂ᭞ᬫ᭄ᬭᬶᬓᬳ᭄ᬬᬤᬶᬫᬗ᭄ᬓᬶᬦ᭄ᬳᬮᬶᬄ᭞ᬭᬕᬧᬘᬂᬫᬗ᭄ᬕᬶᬄᬲᬤ᭄ᬬ᭞ᬬᭂᬳᬶᬭᬶᬓᬵ᭞ᬤᬧᬂ
ᬢᬶᬢ᭄ᬬᬂᬤᬶᬦᬶᬮᬘᬸᬃ᭟ᬭᬤᬾᬦ᭄ᬫᬵᬦ᭄ᬢ᭄ᬭᬶᬫᭂᬜᬯᬸᬭᬶᬦ᭄‌‌‌‌ᬳᬾᬭᬂᬧᬶᬲᬦ᭄᭞ᬫᬶᬚᬮ᭄‌‌ᬯᭂᬘᬦᬦᬾᬳᬮᬸᬲ᭄᭞ᬳᬟᬸᬄᬭᬢᬸᬳᬕᬸᬂ᭞ᬯ᭄ᬬᬓ᭄ᬢᬶᬭᬢᬸᬢᬶᬢ᭄ᬬᬂᬲᬶᬲᬶᬧ᭄᭞ᬦᬵᬗ᭄ᬳᬶᬂᬭᬢᬸᬢᬦ᭄ᬧᬓᬃᬬ᭄ᬬ᭞ᬓᬾ
ᬯᬦ᭄ᬢᭂᬦ᭄ᬱᬋᬂᬫᬢᬸᬭᬸ᭞ᬲᬵᬧᬸᬦᬶᬓᬤᬾᬯ᭞ᬢᬶᬢ᭄ᬬᬂᬧᬸᬭᬸᬦ᭄ᬓᬲᬸᬫ᭄ᬧᬳᬶᬦ᭄᭞ᬫᭂᬱᬓ᭄ᬱᬶᬪᬝᬭᬩ᭄ᬭᬵᬳ᭄ᬫ᭞ᬳᬶᬗ᭄ᬕᬶᬄᬤᬾᬯ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬳᬯᭀᬃᬮᬸᬮᬸᬢ᭄᭟ᬦᬾᬫᬗ᭄ᬓᬶᬦ᭄‌‌ᬯᬦ᭄ᬢᬄᬇᬫᬡᬶ [ 64 ][᭖᭓ 63B]
᭖᭓
ᬓ᭄ᬫᬵᬜ᭄ᬚᬓᬂ᭞ᬢᬶᬢ᭄ᬬᬂᬯᬦ᭄ᬢᬄᬱᬧᬦᬸᬭᬸᬢ᭄᭞ᬱᬋᬳᬶᬤᬫᬦᬸᬤᬸᬄ᭞ᬢᬶᬢ᭄ᬬᬂᬢᬦ᭄ᬧᬸᬭᬸᬦ᭄ᬫᬶᬯᬮᬶᬦ᭄᭞ᬭᬭᬶᬲ᭄ᬳᬶᬤᬓᬧ᭄ᬭᬶᬓᭀᬱ᭞ᬲᭀᬮᬳᬾᬧᬺᬢᬫᬾᬂᬭᬸᬫ᭄ᬭᬸᬫ᭄᭞ᬳᬸᬲᬦᬂᬭᬢᬸᬫᬵᬲ᭄᭞
ᬫᭂᬗ᭄ᬕᬄᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬗᬶᬭᬶᬂᬳᬤᬶᬓᬧᭂᬫᬺᬫᬦ᭄᭞ᬭᬤᬾᬦ᭄ᬤᬾᬯ᭞ᬯᭂᬘᬦᬦᬾᬫᬦᬶᬲ᭄ᬜᬸᬜᬸᬃ᭟ᬭᬭᬶᬲ᭄ᬳᬶᬤᬦᬾᬫᬗ᭄ᬓᬶᬦ᭄‌‌ᬓᬧᭂᬫᬺᬫᬦ᭄᭞ᬢᬦ᭄ᬱᬄᬳᬶᬤᬫᬮᬶᬄᬓᬭᬸᬫ᭄ᬭᬸᬫ᭄
᭞ᬭᬶᬂᬧᬫᬺᬫᬦ᭄ᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬓᬫᭂᬫᭂᬕᬦ᭄ᬭᬶᬂᬧᬫᬺᬫᬦ᭄᭞ᬢᬸᬫᬸᬮᬶᬳᬧᬸᬮᬂᬮᬸᬮᬸᬢ᭄᭞ᬭᬭᬶᬲ᭄ᬢᬶᬩᭂᬲ᭄ᬫᬭ᭞ᬭᬤᬾᬦ᭄ᬤᬾᬯᬷᬳᬲ᭄ᬫᬸᬢᬗᬶᬲ᭄᭞ᬭᬭᬶᬲ᭄ᬳᬶᬤᬭᬤᬾᬦ᭄ᬫᬵᬦ᭄ᬢ᭄ᬭ᭄ᬬ
᭞ᬫᭂᬗᬦ᭄ᬤᬶᬓ᭞ᬳᬸᬲᬦᬂᬳᬶᬭᬢᬸᬩᭂᬡ᭄ᬥᬸ᭟ᬲᬵᬫ᭄ᬧᬸᬦ᭄ᬢᬵᬫ᭄ᬧᭂᬓ᭄ᬢᬶᬕᬂᬯᭂᬗᬶᬭᬶᬂᬧᬢᬫ᭄ᬯᬦ᭄᭞ᬳᬾᬜ᭄ᬚᬂᬫ᭄ᬥᬩ᭄ᬤᬩ᭄ᬧᬘᬂᬫᬦ᭄ᬢᬸᬓ᭄᭞ᬧᬋᬓ᭄ᬭᬶᬂᬲᬂᬧ᭄ᬭᬪᬸ᭞ᬫᬩ᭄ᬭᬶᬬᬸᬓ᭄ᬲᬵᬫᬶᬫᬫᬃᬕ᭄ᬕᬶ᭞ᬭᬯᬸᬄᬳᬶᬤ

[᭖᭔ 64A]
᭖᭔
ᬭᬶᬂᬩᬜ᭄ᬘᬶᬗᬄ᭞ᬲ᭄ᬥᭂᬓ᭄‌‌ᬓᭂᬢᬗ᭄ᬓᬶᬮ᭄ᬲᬂᬧ᭄ᬭᬪᬸ᭞ᬧᬥᬜᭀᬂᬓᭀᬓ᭄ᬜᬸᬫ᭄ᬩᬄ᭞ᬢᬶᬢ᭄ᬬᬂᬦᬯᭂᬕᬂᬫᭂᬧᬫᬶᬢ᭄᭞ᬚᬕᬶᬫᬦ᭄ᬢᬸᬓ᭄‌‌ᬓᬓᭀᬭᬶᬧᬦ᭄᭞ᬭᬭᬶᬲ᭄ᬳᬶᬤ᭞ᬕᭂᬮᬸᬲᬂᬧ᭄ᬭᬪᬸᬳᬫᬸᬯᬸᬲ᭄
᭟ᬱᬧᭂᬲᬶᬭᬘᬳᬶᬕᬸᬲ᭄ᬢᬶᬫᬓᭂᬤᬤ᭄ᬯᬵ᭞ᬩᬚᬂᬳᬦᭀᬫ᭄ᬪᬕᬸᬲ᭄ᬪᬕᬸᬲ᭄᭞ᬳᬗᭀᬩ᭄‌‌ᬩᬧᬢᬸᬳᬸ᭞ᬳᬶᬫᬦ᭄ᬢ᭄ᬭᬶᬫᬳᬢᬹᬃᬪᬓ᭄ᬢᬶ᭞ᬢᬶᬢ᭄ᬬᬂᬳᬦᬓ᭄ᬳᬶᬤᬾᬯ᭞ᬫᬦ᭄ᬢ᭄ᬭᬶᬓᭀᬭᬶᬧᬦᬾᬲᬵᬫ᭄ᬧᬸᬦ᭄᭞
ᬳᬶᬘᬡ᭄ᬥᬺᬓᬶᬭᬡ᭞ᬫᬸᬂᬕ᭄ᬯᬶᬂᬧᬸᬦᬶᬓᬶᬳᬶᬬᬤᬶ᭞ᬳᭀᬓᬦ᭄ᬳᬶᬬᬚᬶᬭᬶᬂᬤᬳ᭞ᬳᬚᬓ᭄ᬢᬶᬢ᭄ᬬᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭟ᬦᬾᬭᬶᬳᬶᬦ᭄ᬗᬸᬤ᭄ᬬᬂᬫᬓ᭄ᬮᬶᬤᬦ᭄‌‌ᬢ᭄ᬓᬾᬦ᭄ᬩᬧ᭞ᬳᭂᬤᭂᬚ᭄ᬯᬲᬮᬶᬢ᭄ᬓᬵᬬᬸᬦ᭄
᭞ᬢᭀᬲᬶᬂᬩᬧᬗ᭄ᬭᬸᬗᬸ᭞ᬩᬧᬢ᭄ᬯᬭᬳᬸᬦᬶᬂᬕᬸᬲ᭄ᬢᬶ᭞ᬭᬤᬾᬦ᭄ᬲ᭄ᬫᬭᬫᬵᬢᬹᬃᬜᬸᬫ᭄ᬩᬄ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬱᬓᬶᬢ᭄ᬫᬵᬦᬄ᭞ᬧᬮᬶᬂᬫᬗᬺᬋᬄᬳᬶᬬᬤᬶ᭞ᬲᬵᬫ᭄ᬧᬸᬦ᭄ᬳᬚᬶᬩᬗᭂᬢ᭄ᬤᬸ [ 65 ][᭖᭔ 64B]
᭖᭔
ᬓ᭞ᬢ᭄ᬓᬾᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬧᬫᬶᬢ᭄ᬫᬵᬗ᭄ᬓᬶᬦ᭄ᬭᬢᬸ᭟᭜᭟ᬧᬸᬧᬸᬄᬥᬹᬃᬫ᭄ᬫᬵ᭟᭜᭟ᬭᬭᬶᬲ᭄ᬩᬸᬤᬮ᭄‌‌ᬭᬳᬤᬾᬦ᭄ᬫᬵᬦ᭄ᬢ᭄ᬭᬶᬭᬦ᭄ᬢᭂᬩᬦ᭄᭞ᬫᬶᬯᬄᬳᬶᬤᬭᬤᬾᬦ᭄ᬤᬾᬯᬷ᭞ᬓᬾᬦᬓ᭄ᬓᬵᬬᬸᬦᬾᬮᬶᬦ᭄ᬢᬂ᭞ᬧ
ᬟᬬᭂᬫᬕᭂᬕᭀᬜ᭄ᬚᬓᬦ᭄᭞ᬲᬵᬫ᭄ᬩᬶᬮᬂᬳᬶᬤᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬧ᭄ᬭᬧ᭄ᬢᬵ᭞ᬫᬭᬶᬂᬢᬧᬶᬦᬶᬂᬦᬕᬭᬶ᭟ᬭᬭᬶᬲ᭄ᬗᬸᬢᬸᬲ᭄ᬳᬶᬧᬸᬦ᭄ᬢᭂᬫᭂᬗᬩᭂᬲᬸᬭᬢ᭄᭞ᬧᬋᬓ᭄ᬭᬶᬂᬰ᭄ᬭᬷᬪᬸᬧᬢ᭄ᬣᬶ᭞ᬳᬦ᭄ᬢᬸᬓ᭄ᬱᬶᬥ
ᬓᬃᬬ᭄ᬬ᭞ᬭᬳᬤᬾᬦ᭄ᬕᬮᬸᬄᬫᬭᬭ᭄ᬬᬦ᭄᭞ᬳᬶᬧᬸᬦ᭄ᬢᭂᬫᭂᬚᬮᬦ᭄ᬕᭂᬮᬶᬲ᭄᭞ᬭᬯᬸᬄᬭᬶᬂᬤᬾᬱ᭞ᬭᬭᬶᬲ᭄ᬫᬗ᭄ᬭᬜ᭄ᬚᬶᬂᬓᬧᬸᬭᬶ᭟ᬳᬶᬤᬲᬂᬧ᭄ᬭᬪᬸᬲ᭄ᬥᭂᬓ᭄ᬳᬶᬤᬤᬶᬧᬫᬺᬫᬦ᭄᭞ᬫᬶᬯᬄᬳᬶᬤᬧ᭄ᬭᬫᬷᬰ᭄ᬯ
ᬭᬷ᭞ᬢ᭄ᬯᬭᬢᬳᬾᬦ᭄‌‌ᬓ᭄ᬯᬤᬮ᭄᭞ᬳᬶᬧᬸᬦ᭄ᬢᭂᬫᬳᬢᬹᬃᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬰ᭄ᬭᬶᬪᬸᬧᬢ᭄ᬣᬶ᭞ᬢᬶᬢ᭄ᬬᬂᬗᬢᬸᬭᬂ᭞ᬳᬦᬓ᭄ᬳᬶᬭᬢᬸᬧ᭄ᬭᬧ᭄ᬢᬶ᭟ᬓᬮᬶᬄᬳᬶᬤᬳᬶᬕᬮᬸᬄᬘᬡ᭄ᬥᬺᬓᬶᬭ

[᭖᭕ 65A]
᭖᭕
ᬡ᭞ᬲᬶᬬᭀᬲ᭄ᬧᬸᬢ᭄ᬭᬶᬬᭂᬓᭂᬓᬮᬶᬄ᭞ᬦᬶᬓᬶᬭᬢᬸᬲᬸᬭᬢ᭄᭞ᬲᬂᬧ᭄ᬭᬪᬸᬳᬾᬕᬃᬫ᭄ᬫᬶᬋᬗᬂ᭞ᬲᬸᬭᬢᬾᬕᭂᬮᬶᬲ᭄ᬧᬯᭀᬲᬶᬦ᭄᭞ᬲᬵᬫ᭄ᬧᬸᬦ᭄ᬓᬧᬶᬡᬄ᭞ᬲᭂᬤᬕᬶᬂᬲᬸᬭᬢᬾᬲᬵᬫᬶ᭟ᬘᬳᬶᬧᬸ
ᬦ᭄ᬢᭂᬓᭂᬫᭂᬘᬳᬶᬓᬩᭂᬜ᭄ᬘᬶᬗᬄ᭞ᬳᭀᬭᬳᬶᬦ᭄ᬧᬢᬶᬳᬾᬲᬵᬫᬶ᭞ᬮᬦ᭄ᬭᭀᬯᬗᬾᬫᬓ᭄ᬚᬂ᭞ᬳᬧᬂᬬᭂᬮᬸᬯᬲ᭄ᬫᬵᬫᭂᬦ᭄ᬤᬓ᭄᭞ᬫᬫᬲ᭄ᬕᭀᬂᬓ᭄ᬮᬯᬦ᭄ᬩᭂᬤᬶᬮ᭄᭞ᬓᭂᬫᭂᬳᬾᬗ᭄ᬕᬮᬂ᭞ᬳᬶᬧᬸᬦ᭄ᬢᭂᬭ
ᬭᬶᬲ᭄ᬫᭂᬧᬫᬶᬢ᭄᭟ᬗᭂᬚᬩᬬᬂᬳᬶᬧᬸᬦ᭄ᬫᬵᬭᬶᬂᬩᬜ᭄ᬘᬶᬗᬄ᭞ᬫᬵᬢᬹᬃᬭᬶᬂᬳᬶᬕᬸᬲ᭄ᬢᬶᬧᬢᬶᬄ᭞ᬭᬭᬶᬲ᭄ᬗᭂᬩᬸᬕ᭄ᬢᭂᬂᬕᭂᬭᬦ᭄᭞ᬚᬤ᭄ᬫᬵᬦᬾᬢᭂᬟᬸᬦ᭄ᬭᬦ᭄ᬢᭂᬩᬦ᭄᭞ᬫᭂᬡ᭄ᬥᬵᬓᬶᬦ᭄‌ᬭᬳᬤᬾᬦ᭄ᬫᬵᬦ᭄ᬢ᭄ᬭᬶ᭞ᬢ
ᬫ᭄ᬩᬸᬃᬮᬦ᭄ᬫᬵᬫᬲ᭄᭞ᬩᭂᬤᬶᬮ᭄ᬓᭂᬮᬯᬦ᭄ᬚᭀᬮᬶ᭟ᬭᬶᬂᬩᬜ᭄ᬘᬶᬗᬄᬩᬮᬶᬩᬮᬶᬬᬦᬾᬳᬢᬧ᭄᭞ᬧᬫᭂᬡ᭄ᬥᬓ᭄‌ᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬭᬶᬂᬚᬮᬦ᭄᭞ᬭᬯᬸᬄᬭᬶᬂᬢᭂᬧᬶᬦᬶᬂᬳᬮᬲ᭄ [ 66 ][᭖᭕ 65B]
᭖᭕
ᬳᬶᬫᬦ᭄ᬢ᭄ᬭᬶᬤᬶᬢᬸᬫᭂᬗᬦ᭄ᬢᬶ᭞ᬭᬯᬸᬄᬧᬫᭂᬡ᭄ᬥᬓ᭄᭞ᬲᬂᬓᬮᬶᬄᬫᬸᬕᬄᬭᬶᬂᬚᭀᬮᬶ᭟ᬭᬳᬤᬾᬦ᭄ᬕᬮᬸᬄᬓ᭄ᬮᬯᬦ᭄ᬲᬂᬭᬵᬚᬧᬸᬢᬻ᭞ᬫᬭᬶᬂᬚᭀᬮᬶᬫᬵᬲ᭄ᬫᬮᬶᬗ᭄ᬕᬶᬄ᭞ᬳᬗᭀᬩ᭄ᬱᬂᬗᬢᭀᬦᬂ᭞
ᬲᬂᬧᬸᬢ᭄ᬭᬶᬓᬮᬶᬄᬧᬸᬗ᭄ᬓᬸᬭᬦ᭄᭞ᬢᬍᬃᬫ᭄ᬫᬵᬗ᭄ᬮᬶᬗ᭄ᬕᬶᬳᬶᬦ᭄‌ᬚᭀᬮᬶ᭞ᬳᬶᬲᬗ᭄ᬳᬶᬢ᭄ᬩᬬᬦ᭄᭞ᬤᬶᬢᬸᬱᬋᬂᬬᭂᬫᬗᬶᬭᬶᬂ᭟ᬢᬦ᭄ᬳᬸᬘᬧᬂᬫᬸᬜᬶᬦ᭄ᬚᬵᬤ᭄ᬫᬦᬾᬤᬶᬚᬮᬦ᭄᭞ᬭᬶᬂᬩᬜ᭄ᬘᬶᬗᬄᬲᬵᬫ᭄ᬧᬸᬦ᭄ᬧ᭄ᬭ
ᬧ᭄ᬢᬶ᭞ᬰ᭄ᬭᬷᬪᬸᬧᬢ᭄ᬣᬶᬜᬶᬗᬓ᭄᭞ᬳᬶᬤᬓᬾᬦᬓ᭄ᬧᭂᬓᬬᬸᬦᬦ᭄᭞ᬧ᭄ᬭᬫᬷᬰ᭄ᬯᬭᬷᬲᬦᬾᬫᬗ᭄ᬓᬶᬦ᭄᭞ᬱᬋᬂᬓᬯᭂᬤᬮ᭄᭞ᬱᬋᬂᬭᬶᬂᬲᬂᬧ᭄ᬭᬪᬸᬫᬶᬚᬶᬮ᭄᭟ᬭᬭᬶᬲ᭄ᬫᭂᬜᬕ᭄ᬚᬵᬕᬶᬦ᭄ᬳᬶᬤᬲᬂᬦᬵᬣ᭞ᬗᬫ᭄ᬩᬶ
ᬮ᭄ᬢᬵᬗᬦ᭄‌‌ᬳᭀᬓᬦᬾᬓᬮᬶᬄ᭞ᬫᭂᬗᬦ᭄ᬤᬶᬓᬩᬦ᭄ᬩᬦ᭄᭞ᬳᭂᬜᬾᬦ᭄ᬳᭂᬦ᭄ᬢᭀᬳᬦᬾᬤᬤ᭄ᬯᬵ᭞ᬦᬄᬳᭀᬭᬳᬶᬦ᭄ᬩᬵᬧᬚᬦᬶ᭞ᬭᬳᬤ᭄ᬬᬦ᭄ᬜᭂᬫ᭄ᬩᬄ᭞ᬫᬵᬢᬹᬃᬭᬶᬂᬳᬶᬤᬲᬂᬳᬚᬶ᭟ᬳᬶᬗ᭄ᬕᬶᬄᬳᬚᬶ

[᭖᭖ 66A]
᭖᭖
ᬢᬦ᭄ᬯᬾᬦ᭄ᬢᭂᬦ᭄‌ᬢᬶᬢ᭄ᬬᬂᬗᭂᬦ᭄ᬬᬂᬧᬸᬦᬶᬓᬶᬳᬶᬬᬤᬶᬫᬡᬶᬓ᭄᭞ᬫᬕᭂᬦᬄᬭᬶᬂᬳᬮᬲ᭄᭞ᬢᬹᬃᬫ᭄ᬫᬵᬧᭂᬗᬗ᭄ᬕᭀᬮᬦᬂ᭞ᬫᬕᭂᬦ᭄ᬢᭀᬲ᭄ᬧᬲᬾᬗᬦ᭄ᬭᬭᬶᬲ᭄᭞ᬧᬜ᭄ᬚᬶᬲ᭄ᬫᬶᬭᬂ᭞ᬢᬹᬃᬫ᭄ᬫᬵᬦ᭄ᬭᬸᬯᬾᬧᬸᬭᬶᬩᭂᬘᬶ
ᬓ᭄᭟ᬓᭀᬘᬧ᭄ᬳᬶᬤᬳᬶᬭᬶᬓᬧᭀᬮᬶᬄᬫᬶᬬᬸᬤ᭄ᬥᬵ᭞ᬫᬫᭂᬲᭂᬄᬲᬂᬰ᭄ᬭᬷᬪᬸᬧᬢ᭄ᬣᬶ᭞ᬭᬶᬂᬧ᭄ᬭᬪᬸᬫᭂᬦ᭄ᬢᬯᬦ᭄᭞ᬓᬲᭀᬭᬦ᭄ᬳᬶᬤᬲᬂᬦᬵᬣ᭞ᬧᬸᬦᬶᬓᬳᬯᬦᬦ᭄ᬓᭂᬦᬶ᭞ᬧᬸᬢ᭄ᬭᬶᬧᬸᬦᬶᬓᬵ᭞ᬓᬲ᭄ᬭᬳᬂᬬᭂᬫ
ᬓᭂᬓᬮᬶᬄ᭟᭜᭟ᬧᬸᬧᬸᬄᬤᬡ᭄ᬥᬂ᭟᭜᭟ᬳᬶᬤᬭᬤᬾᬦ᭄ᬕᬮᬸᬄᬫᬵᬢᬹᬃᬭᬭᬶᬲ᭄᭞ᬭᬶᬂᬲᬂᬦᬵᬣ᭞ᬯ᭄ᬬᬓ᭄ᬢᬶᬲᬧᬸᬦᬶᬓᬵ᭞ᬢᬶᬢ᭄ᬬᬂᬫᬕ᭄ᬦᬄᬭᬶᬂᬳᬮᬲᬾ᭞ᬳ᭄ᬬᬚᬶᬢᬦ᭄ᬯᬾᬦ᭄ᬢᭂᬦ᭄‌ᬫᬗ᭄ᬭᬸᬗᬸ᭞ᬲᬂᬧ᭄ᬭᬪᬸ
ᬭᬭᬶᬲ᭄ᬫᭂᬜᬯᬸᬭᬶᬦ᭄᭞ᬫ᭄ᬦᬗᬂᬭᬢᬸᬫᬵᬲ᭄ᬫᭂᬡᬗᬂ᭞ᬓᬗᭂᬦ᭄ᬩᬵᬧᬫᬗ᭄ᬭᬸᬗᬸ᭞ᬚᬮᬦ᭄ᬳᬶᬤᬾᬯᬗᬚᭂᬗᬂ᭞ᬫᬶᬯᬄᬳᬶᬤ᭞ᬭᬤᬾᬦ᭄ᬧᬸᬢ᭄ᬭᬶᬫᬓᭂᬓᬮᬶᬄ᭞ᬢᬸᬫᬸᬮᬶᬭᬭᬶᬲ᭄ᬗᬵᬚᭂᬗᬂ᭟᭜᭟ᬧᬸᬧᬸᬄᬲᬶ [ 67 ][᭖᭖ 66B]
᭖᭖
ᬦᭀᬫ᭄᭟᭜᭟ᬢᬦ᭄ᬓᭀᬘᬧ᭄ᬳᬶᬤᬗᬚᭂᬗᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬭᬭᬶᬲ᭄᭞ᬫᬗᭂᬲᬾᬗᬶᬦ᭄‌ᬧ᭄ᬭᬧᬸᬗ᭄ᬕᬵᬯ᭞ᬫᬶᬯᬄᬧᭂᬧᬢᬶᬳᬾᬲᬵᬫᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬭᬭᬶᬲ᭄᭞ᬓᭂᬡᬄᬦᬶᬭᬚᬦᬶᬭᬸᬗᬸ᭞ᬧᬘᬂᬗᬃ
ᬬ᭄ᬬᬦᬂᬳᬶᬪᬕᬸᬲ᭄᭞ᬧᬺᬧᬢᬶᬄᬫᬶᬯᬄᬧᬸᬗ᭄ᬕᬯ᭞ᬫᬵᬢᬹᬃᬧᬢᬸᬢ᭄ᬲᬵᬫ᭄ᬧᬸᬦ᭄ᬫᬵᬗ᭄ᬓᬶᬦ᭄᭞ᬫᬗ᭄ᬤᬧᬸᬧᬸᬢ᭄᭞ᬧᬺᬲᬶᬤ᭄ᬥᬳᬦᬓ᭄ᬳᬶᬤᬾᬯ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬮᬫᬸᬦ᭄ᬓᬾᬢᭀᬳᬶᬥᭂᬧ᭄ᬘᬳᬶ᭞ᬓᭂ
ᬫᭂᬓᬾᬘᬳᬶᬤᬩ᭄ᬤᬩᬂ᭞ᬤᬯᬸᬳᬶᬦ᭄ᬧᬜ᭄ᬚᬵᬓᬾᬲᬵᬫᬶ᭞ᬳᬧᬂᬗᬬᬄᬲᬳᬶᬲᬳᬶ᭞ᬮᬸᬄᬫ᭄ᬯᬦᬶᬬᭂᬧᬥᬢᭂᬤᬸᬦ᭄᭞ᬳᬧᬂᬦᬾᬦᬾᬩᬚᬂᬩᬚᬂ᭞ᬩᬶᬲᭂᬘᬳᬶᬫᬗᭀᬭᬳᬶᬦ᭄᭞ᬧᬥᬤᬶᬢᬸ᭞
ᬮᬓᬃᬳᬗ᭄ᬕᭀᬦ᭄‌ᬩ᭄ᬯᬶᬦ᭄ᬳᬩᬸᬮᬦ᭄᭟᭜᭟ᬧᬸᬧᬸᬄᬤᬗ᭄ᬥᬂ᭟᭜᭟ᬢᭂᬫ᭄ᬩᬂᬤᬗ᭄ᬥᬂᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᭂᬜᬫ᭄ᬩᬸᬗᬂ᭞ᬦᬸᬦᬲ᭄ᬧᬗᬫ᭄ᬧᬸᬭᬵ᭞ᬳᬗ᭄ᬕᭀᬦᬲᬭᬶᬦ᭄ᬳᬢᬸᬭᬾ᭞ᬲᬲᬸᬭᬢᬦ᭄ᬲᬵᬫᬶ

[᭖᭗ 67A]
᭖᭗
ᬩᬡ᭄ᬥᬸᬂ᭞ᬩᭂᬘᬶᬓᬂᬳᬸᬕᬶᬫᭂᬫᬯᭀᬲᬶᬦ᭄᭞ᬲᬵᬫ᭄ᬧᬸᬦᬂᬳᬸᬕᬶᬦᬸᬳᬸᬢᬂ᭞ᬲᬵᬫᬶᬓᬶᬭᬂᬭᬗ᭄ᬓᬸᬂ᭞ᬧᬧᬶᬡᬄᬳᬗ᭄ᬕᬾᬦ᭄‌ᬡᬢᭂᬧᬂ᭞ᬫᬗ᭄ᬥᬢᬢᬲ᭄᭞ᬲᬸᬯᬾᬫᬯᭀᬲᬶᬦ᭄ᬧᬸᬦᬶᬓᬶ᭞ᬯᬶᬭᬾᬄᬯ
ᬯᬸᬧᬧ᭄ᬮᬵᬚᬳᬦ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬦᬲ᭄ᬧᭂᬗᬫ᭄ᬧᬸᬭᬶ᭞ᬭᬢᬸᬢᬶᬢ᭄ᬬᬂ᭞ᬲᬲᬸᬭᬢᬦ᭄ᬓᬲᬃ᭞ᬢᬹᬃᬫ᭄ᬫᬵᬜᬶᬭᬂᬭᬶᬭᬶᬕᬦᬾ᭞ᬢᬲ᭄ᬢ᭄ᬭᬦᬾᬲᬵᬫᬶᬫᭂᬕᬦ᭄ᬢᬸᬂ᭞ᬢᬦ᭄ᬧᬓᬭᬢ᭄‌ᬢᬸᬡᬲᬵᬫᬶ᭞ᬳ
ᬫ᭄ᬧᬸᬭᬬᬂᬧᬶᬲᬦ᭄ᬢᬶᬢ᭄ᬬᬂ᭞ᬳᬗ᭄ᬕᬾᬦ᭄ᬧᬜᭂᬮᬶᬫᬸᬃ᭞ᬗᬶᬂᬧᬶᬋᬗᬂᬳᬢᬹᬃᬢᬶᬢ᭄ᬬᬂ᭞ᬧ᭄ᬬᬃᬱᬬᬂ᭞ᬲᬗ᭄ᬓᬦ᭄ᬧᬸᬭᬸᬦ᭄ᬢᬶᬢ᭄ᬬᬂᬗᬯᬶ᭞ᬫᬦᬸᬭᬸᬦ᭄ᬳᬶᬧᬜ᭄ᬚᬶᬲ᭄ᬫᬶᬭᬂ᭟ᬳᬦ᭄ᬢᬸᬓ᭄ᬫᭂᬍᬤ᭄ᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭞ᬫᭂᬗᬯᬦᬂ᭞
ᬢᬶᬢ᭄ᬬᬂᬧᬗ᭄ᬓᬄᬧᬶᬲᬦ᭄᭞ᬫᬦᬸᬭᬸᬦ᭄ᬧᬜ᭄ᬚᬶᬲ᭄ᬫᬶᬭᬗᬾ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬳᬸᬭᬸᬓ᭄᭞ᬲᬗ᭄ᬓᬦ᭄‌ᬓᬾᬦᬾᬓᬢᭂᬧᬸᬓᬶᬦ᭄᭞ᬧᭂᬕᬳᬾᬦᬾᬢᬦ᭄ᬧᬕᭀᬩ᭞ᬢ᭄ᬯᬭᬗ᭄ᬭᬱᬲᬶᬕᬸᬕ᭄᭞ᬲᭀᬓ᭄ᬗᬵᬤᬸᬯᬂ [ 68 ][᭖᭗ 67B]
᭖᭗
ᬓᬚ᭄ᬯᬭᬶᬬᬦ᭄᭞ᬢ᭄ᬯᬭᬦᬯᬂ᭞ᬢ᭄ᬯᬭᬢᬓᬸᬢ᭄ᬓᬵᬓᭂᬤᬾᬓᬶᬦ᭄᭞ᬩᭂᬮᭀᬕ᭄ᬳᬚᬸᬫᬾᬗᭀᬜᬗᬂ᭟ᬲᬶᬕᬸᬕᬾᬫᭂᬗᬯᬾᬓᭂᬤᬾᬓ᭄ᬕᬸᬫᬶ᭞ᬲᬶᬂᬳᬩᭂᬢᬂ᭞ᬚᬤ᭄ᬫᬵᬮᬶᬦ᭄ᬢᬂᬮᬭ᭞ᬩᭂᬮᭀᬕ᭄ᬚᬸᬕᬸ
ᬮ᭄‌ᬬᭂᬩᬶᬓᬲᬾ᭞ᬚᬤ᭄ᬫᬵᬦᬶᬲ᭄ᬢᬢᬶᬯᬲ᭄ᬢᬸᬳᬸ᭞ᬓᬾᬦ᭄ᬓᬾᬦ᭄ᬩᬳᬦ᭄ᬢᬶᬢ᭄ᬬᬂᬗᬯᬾᬦᬶᬦ᭞ᬳᬧᬂᬳᬶᬬᭂᬧᬥᬲᬫᬃ᭞ᬢᭀᬂᬜᬶᬤ᭄ᬥᬬᬂᬭᬢᬸ᭞ᬤᬤᬶᬓᬾᬦᬾᬢᬦ᭄ᬧᬓᬾᬭᬲ᭄᭞ᬫᬍᬂᬓᬸᬦᬂ᭞ᬲᬶ
ᬋᬚᭂᬜᬶᬗᬓ᭄ᬧᬸᬦᬶᬓᬶ᭞ᬓᬬᬸᬦᬾᬳᬗ᭄ᬕᬾᬦ᭄ᬧᬓᬾᬭᬲ᭄᭟ᬢ᭄ᬮᬲ᭄᭟᭚᭜᭚ᬧᬸᬧᬸᬢ᭄ᬳᬜᬸᬭᬢ᭄‌ᬭᬶᬂᬥᬶᬡ᭞ᬰᬸ᭞ᬉ᭞ᬯᬭᬫ᭄ᬦᬳᬶᬮ᭄᭞ᬢᬶᬢᬶ᭞ᬧᬂ᭞ᬧᬶᬂ᭞᭔᭞ᬰᬰᬶᬄ᭞ᬓ᭞᭔᭞
ᬳᬶᬱᬓ᭞᭑᭙᭑᭐᭞᭚᭜᭚ᬓᬂᬳᬜᬸᬭᬢ᭄‌ᬳᬶᬕᬸᬲ᭄ᬢᬶᬜᭀᬫᬦ᭄ᬤᬵᬗᬶᬦ᭄᭞ᬱᬓᬶᬂᬧᬥᬂᬓᬺᬢ᭄ᬣᬵᬳᬫ᭄ᬮᬧᬸᬭᬵ᭟᭚᭜᭚

[᭖᭘ 68A]
᭖᭘
ᬩᬦ᭄ᬥᬸᬂ᭞ᬩᭂᬘᬶᬓᬂᬳᬸᬕᬶᬫᭂᬫᬯᭀᬲᬶᬦ᭄᭞ᬲᬵᬫ᭄ᬧᬸᬦᬂᬳᬸᬕᬶᬦᬸᬳᬸᬢᬂ᭞ᬲᬵᬫᬶᬓᬶᬭᬂᬭᬗ᭄ᬓᬸᬂ᭞ᬧᬧᬶᬡᬄᬳᬗ᭄ᬕᬾᬦ᭄‌ᬡᬢᭂᬧᬂ᭞ᬫᬗ᭄ᬥᬲᬵᬫ᭄ᬧᬸᬦ᭄᭞ [ 69 ][᭖᭘ 68B]
᭖᭘
᭖᭗