Ban/Gaguritan Cokoratu 01

Deskripsi

Bahasa Indonesia

Gaguritan Cokoratu merupakan gaguritan yang menceritakan mengenai kehidupan Dewa Agung. Selain itu gaguritan ini juga menceritakan mengenai Dyah Jwittha.

Naskah

[ 1 ][PERPUSTAKAAN
KTR. DOKBUD BALI
PROP. BALI
G/IV/12/DOKBUD
Judul : GAGURITAN COKORATU
Panj. 50 cm. Jl. 74 lb.
Asal : Gria Kecicang, Karangasem.] [ 2 ][᭑ 1B]
᭑
᭚ᬧᬗ᭄ᬓᬸᬃ᭚ᬭᬵᬢᬸᬤ᭄ᬯᬕᬸᬂᬢᬯᬄᬢᬯᬄ᭞ᬮᬶᬦ᭄ᬢᬂᬳᬤᭀᬄᬫᬦᬄᬢᬶᬢ᭄ᬬᬗᬾᬯ᭄ᬬᬓ᭄ᬢᬶ᭞ᬓᬤᬶᬯᬘ᭄ᬙᬦᬦ᭄‌ᬤᬾᬯᬕᬸᬂ᭞ᬦᬸᬦᬲ᭄ᬢᬾᬫᬲᬲᬜ᭄ᬚᬦ᭄᭞ᬳᬶᬤᬾᬯᬕᬸᬂᬭᬳᬷᬫᬜᬳᬸᬭᬶᬦ᭄ᬳᬮᬸᬲ᭄᭞ᬓᬃᬓᬶᬚᬫᬮᬮᬶᬢ᭄ᬯᬦ᭄᭞ᬳᬶᬫᬬᭂᬃᬫᬳᬢᬸᬃᬫᬮᬶᬄ᭟ᬳᬦ᭄ᬢᭂᬦᬃᬫ᭄ᬭᬶᬬᬸᬓᬶᬦ᭄ᬲ
ᬫ᭄ᬬᬦ᭄᭞ᬭᬶᬂᬩᬜ᭄ᬘᬶᬗᬄᬫᬗᬓ᭄ᬱᬶᬧᬲᬃᬯ᭄ᬬᬓ᭄ᬢᬶ᭞ᬧᬭᬧᬸᬢ᭄ᬭᬦᬶᬫ᭄ᬩᬮ᭄‌ᬩ᭄ᬭᬶᬬᬸᬓ᭄᭞ᬲᬵᬫ᭄ᬧᬸᬦ᭄ᬜᭂᬦ᭄ᬲᬋᬂᬲᬫ᭄ᬬᬦ᭄᭞ᬜᭂᬦ᭄ᬫᬢᬗᬶᬭᬓᬦ᭄‌ᬤ᭄ᬯᬕᬸᬂᬲᬸᬯᬸᬂᬕᭂᬫ᭄ᬧᬸᬂ᭞ᬧᬸᬦᬶᬓᬳᬯᬦᬦ᭄ᬫᭂᬗ᭄ᬢᬄ᭞ᬳᬶᬤ᭄ᬯᬕᬸᬂᬭᬳᬶᬜᬳᬸᬭᬶᬦ᭄᭟ᬯᬢᭂᬓ᭄ᬢᭀᬳᬶᬚᬶᬯᬵᬭᬕ᭄ᬕᬵ᭞ᬳ᭄ᬤᬗᬚᬓᬵᬲᬃᬯ᭄ᬯᬳᬶᬤ
ᬦᬯᬸᬳᬶᬦ᭄᭞ᬧ᭄ᬭᬧᬸᬢᬺᬫ᭄ᬭᬶᬬᬸᬓᬶᬦ᭄ᬳᬮᬸᬲ᭄᭞ᬩᬶᬄᬳᬶᬩᬚᬓ᭄ᬫᬓ᭄ᬚᬂ᭞ᬤᭂᬜᭂᬦ᭄ᬫᬮᬮᬶ᭞ᬬᬦ᭄ᬓᭀᬤᬮ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬓᬮᬶᬄᬓᬳᬶᬤᬶᬩᬜ᭄ᬘᬶᬗᬄ᭞ᬘᭀᬓᭀᬃᬫᬜᭂᬫ᭄ᬩᬄᬲᬳᬶᬭᬶᬂ᭟ᬳᬶᬤ᭄ᬯᬕᬸᬂᬧᬺᬧᬸᬢ᭄ᬭ᭞ᬮᬾᬦ᭄ᬳᬦ᭄ᬢᭂᬦᬃᬩ᭄ᬭᬶᬬᬸᬓ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬾᬓᭀᬃᬫᬕᬺᬥᭂᬕᬦ᭄ᬩ᭄ᬬᬸ
ᬧᬤᬫᬯᬳᬶᬭᬶᬗᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬩᬜ᭄ᬘᬶᬗᬄᬳᬶᬤᬾᬯᬕᬸᬂ᭞ᬫᬗ᭄ᬭᬭᬶᬲ᭄ᬓᬓᬺᬢ᭄ᬣᬵᬕᭀᬰᬵ᭞ᬫᬸᬗ᭄ᬕᬳᬦ᭄ᬲᬫᬶᬫᬮᬶᬗ᭄ᬕᬶᬄ᭟ᬓᬤᬶᬳᬾᬤᬂᬲᬋᬂᬲᬫ᭄ᬬᬦ᭄᭞ᬜᬶᬗᬓ᭄ᬧᬲᬃᬳᬸᬫ᭄ᬬᬂᬮᬶᬦ᭄ᬢᬂᬢᬦ᭄ᬲᬶᬧᬶ᭞ᬢᬾᬓᭀᬃᬫᬚᬚᬃᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬧᬳᬸᬢ᭄ᬫᬗᬧᬶ
[᭒ 2A]
ᬢᬃᬕ᭄ᬕᬵ᭞ᬤᬕᬗᬾᬦᬾᬦᭀᬫᭂᬃᬲᬢᬸᬢᬹᬃᬓᬲᬸᬩ᭄᭞ᬓᬲᭀᬃᬢᭀᬓᭀᬲᬸᬭᬩᬬ᭞ᬲ᭄ᬩᬭᬂᬫᬘᭂᬫ᭄ᬲᬯ᭄ᬬᬓ᭄ᬢᬶ᭟ᬳ᭄ᬦᭂᬃᬦᬾᬦᬾᬦᭀᬦ᭄ᬢᭀᬦ᭄ᬧᬲᬃ᭞ᬳᬶᬤᬾᬯᬕᬸᬂᬧᬸᬢ᭄ᬭᬳᬸᬘᬧᬂᬚᬦᬶ᭞ᬲᬬᬦ᭄‌ᬲᭂᬲᭂᬓᬾᬤᬶᬓᬬᬸᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬫᬃ᭞ᬫ᭄ᬓᬸᬮ᭄ᬳᬭᬶᬗᭂ
ᬫ᭄ᬩᭂᬂᬯᬲ᭄ᬧᬗᬦ᭄ᬤᬶᬓᬳᬮᬸᬲ᭄᭞ᬗᬦ᭄ᬤᬶᬓᬵᬫᬫ᭄ᬮᬲ᭄ᬫᭂᬮᬲ᭄᭞ᬗ᭄ᬢᬸᬲ᭄ᬓᬬᬸᬦ᭄ᬗᬳᬾᬲ᭄ᬤᬶᬄ᭟ᬫᬾᬦᬓᬕᬸᬂᬜᬫᬦ᭄ᬢ᭄ᬬᬂ᭞ᬜᬾᬦ᭄ᬲᬾᬲᬬᬂᬤᬵᬧᬶᬲᬦ᭄ᬧᬶᬯᬮ᭄ᬳᭂᬗ᭄ᬕᬶᬄ᭞ᬦᬓᬕᬸᬂᬓᬤᬤᬾᬦ᭄ᬧᬢᬸᬄ᭞ᬫᬸᬮ᭄ᬬᬢ᭄ᬓᬾᬦᬶᬂᬢ᭄ᬬᬂ᭞ᬓ᭄ᬭᬡᬓᬾᬦᬾᬲᬢᬢᬵᬫᬦ᭄ᬫᬸᬳᬶᬩᬸᬓ᭄᭞ᬧᬤᬵᬓᬢᬶᬗ᭄ᬕᬮ
ᬦ᭄ᬜᬫᬵ᭞ᬚᬮᬦ᭄ᬢᬸᬢᬸᬕ᭄‌ᬳᬕᬸᬂᬳᭂᬗ᭄ᬕᬶᬄ᭟ᬦᬶᬦᬶᬚᬦᬶᬢᭀᬗᭀᬲ᭄‌ᬧ᭄ᬚᬄ᭞ᬦᬄᬳᬭᬶᬦ᭄ᬤᬳᭂᬗ᭄ᬲᭂᬓᬕ᭄ᬬᬢ᭄ᬫᬶᬬᬃᬱᬶ᭞ᬤᬸᬭᬸᬂᬕᬦ᭄ᬢᬲ᭄ᬳᬶᬤᬵᬫᬢᬹᬃ᭞ᬭᬾᬄᬳᬓᬾᬄᬓᬧᬶᬦᭂᬳᬂ᭞ᬳᬶᬤᬵᬳᬚᬶᬦ᭄ᬤᬩ᭄ᬬᬂᬤᬵᬓᬮᬶᬦ᭄ᬢᬂᬮᬘᬸᬃ᭞ᬓᬧ᭄ᬮᬦ᭄ᬧ᭄ᬮᬦ᭄ᬓᬚᬯᬵ᭞ᬳᬢᬢᬢᬕᭀᬦ᭄ᬤᭀᬓᬭᬶ᭟ᬢᭀᬂ
ᬯᬶᬓ᭄ᬳᬶᬤᬵᬫᬶᬦ᭄ᬢᬂ᭞ᬧᬗᬦ᭄ᬤᬶᬓᬦ᭄ᬭᬓᬦ᭄ᬤᬵᬗᬰᬶᬄᬳᬲᬶᬄ᭞ᬢᭀᬬᬦ᭄ᬳᬓ᭄ᬱᬶᬤᬺᬱ᭄ᬫᭂᬢᬸ᭞ᬳᬶᬤᬵᬳᬶᬤ᭄ᬯᬕᬸᬂᬮᬦᬂ᭞ᬲᭂᬓᬮᬗ᭄ᬓᬸᬂᬢᭀᬂᬤᬤᭀᬲ᭄ᬳᬶᬤᬵᬫᬳᬢᬹᬃ᭞ᬓᬾᬯᬦ᭄ᬢᭂᬦ᭄ᬫᬫ᭄ᬓᬸᬮ᭄ᬧᬥᬵ᭞ᬭᬓᬦ᭄ᬤᬵᬫᬍᬲ᭄ᬗᬓᭂᬩᬶᬦ᭄᭞᭚ᬥᬂᬥᬂ᭚ᬲᬃᬯ᭄ᬯᬳᬶᬤᬵᬓᬵᬗᬰᬶᬳᬲᬶᬄ [ 3 ][᭒ 2B]
᭒
ᬯ᭄ᬬᬓ᭄ᬢᬶ᭞ᬫᬗᬦ᭄ᬤᬶᬓᬵ᭞ᬫᬾᬦᬓᬕᬸᬂᬲᬬᬂ᭞ᬲᬳᬸᬢᬶᬦ᭄ᬫᬸᬜᬶᬦ᭄ᬢ᭄ᬬᬗᬾ᭞ᬳ᭄ᬚᬫᭂᬦ᭄ᬤᭂᬧ᭄ᬳᬦᬓᬕᬸᬂ᭞ᬧ᭄ᬤᬲ᭄ᬳᬕᬸᬂᬮᬓᬃᬫᬸᬘᬶᬗᬶᬦ᭄᭞ᬬᬦ᭄ᬮᬓᬃᬜᬓ᭄ᬦᬸᬢᬸᬕ᭄ᬢ᭄ᬬᬂ᭞ᬢ᭄ᬬᬂᬧᬫᬶᬢ᭄ᬓᬕᬸᬂ᭞ᬤ᭄ᬧᬷᬦ᭄ᬫᬢᬶᬧᬤᬶᬤ᭄ᬬᬦ᭄᭞ᬢ᭄ᬯᬳᬾᬲᬚᬵ᭞ᬜᬦ᭄ᬤᬂᬭᬵᬢᬸᬢᬓᬸᬢ᭄ᬫᬢᬶ᭞ᬫᬢᬶᬦ᭄ᬤᬶᬄᬩᬸᬓᬳ᭄ᬬᬂ᭟ᬩ᭄ᬯᬶᬦᬜᬧ
ᬬᬸᬕᬢᬶᬕᬢᬶ᭞ᬦᬾᬧᬗᭂᬦᬂ᭞ᬓᬮ᭄ᬓᬮᬳᬶᬦ᭄ᬳᬶᬤᬵ᭞ᬭᬾᬄᬓᬕᬾᬮᬦᬓᬕᬸᬗᬾ᭞ᬢ᭄ᬯᬭᬵᬤᬫᬶᬮᬸᬮᬫ᭄ᬧᬲ᭄᭞ᬦ᭄ᬢᭀᬫᬓ᭄ᬭᬡᬵᬲ᭄ᬭᬦ᭄ᬢᬵᬜᬳᬸᬢᬶᬦ᭄᭞ᬳᬭᬶᬦ᭄ᬥᬵᬕ᭄ᬮᬶᬲ᭄ᬜᭂᬫ᭄ᬩᬄ᭞ᬮᭀᬕᬲ᭄ᬫᬢᬹᬃᬳᬮᬸᬲ᭄᭞ᬲᬃᬯ᭄ᬯᬶᬢᭀᬬᬦ᭄ᬳᬓ᭄ᬱᬶᬲᬫ᭄ᬩ᭄ᬭᬕ᭄᭞ᬭᬵᬢᬸᬤ᭄ᬯᬕᬸᬂ᭞ᬩᭀᬬᬲᬓᬾᬂᬢᬶ
ᬢ᭄ᬬᬂᬳᬚ᭄ᬭᬶᬄ᭞ᬗᬶᬭᬶᬂᬚᭂᬂᬲᬲᬸᬳᬸᬦᬦ᭄᭟ᬩ᭄ᬬᬂᬳᬚᬶᬧᬸᬦᬶᬓᬧᬶᬦ᭄ᬳᬶᬦ᭄᭞ᬲᬵᬫ᭄ᬧᬸᬦ᭄‌ᬮᭀᬮ᭄ᬬᬵ᭞ᬧᬸᬦᬧᬶᬯᬱ᭄ᬝᬜ᭞ᬧᬸᬧᬸᬢ᭄ᬧᬶᬲᬜ᭄ᬚᬮᬘᬸᬭᬾ᭞ᬧᬶᬲᬗᬵᬭᬵᬢᬸᬤ᭄ᬯᬕᬸᬂ᭞ᬬᬦ᭄ᬓᬧᬢᬸᬢ᭄‌ᬩ᭄ᬘᬶᬓ᭄ᬮᬶᬗ᭄ᬕᬶᬳᬶᬦ᭄᭞ᬦᬸᬦᬲ᭄ᬢᬸᬳᬸᬃᬲᬫ᭄ᬬᬦ᭄᭞ᬳᬷᬭᬶᬂᬓ᭄ᬦᬶᬧᬸᬧᬸᬢ᭄᭞ᬤᬭᬓᬦ᭄ᬥᬵᬭᬾᬄ
ᬓᬕᭂᬗᬦ᭄ᬮᬭᬦ᭄ᬳᬶᬤᬵ᭞ᬳᬯᬶᬦᬜ᭄ᬘᭂᬦ᭄ᬤᭂᬢ᭄ᬲᬯ᭄ᬬᬓ᭄ᬢᬶ᭞ᬓᬬᬸᬦ᭄ᬳᬶᬤᬵᬭᬓᬦ᭄ᬥᬵ᭟ᬫᬾᬦᬓᬕᬸᬂᬳᬭᬄᬮ᭄ᬬᬶᬕᬢᬶᬚᭂᬓ᭄ᬦᭂᬢᬂ᭞ᬬᬾᬦᬶᬂᬳᬸᬦᬶᬗᬬᬂ᭞ᬩᬸᬓᬭᬯᭀᬲ᭄ᬦᬓᬕᬸᬗᬾ᭞ᬭᬲᬵᬢᭀᬂᬧᬬᬸᬮᬫ᭄ᬧᬸᬲ᭄᭞ᬢᬢᬲ᭄‌ᬮ᭄ᬬᬸᬮᬓᬃᬗᬮᬗᬶᬦ᭄᭞ᬭᬾᬄᬓ
[᭓ 3A]
ᬬᬸᬦ᭄ᬫᬮᬾᬦ᭄ᬮᬾᬦᬦ᭄᭞ᬓᬾᬦᬾᬩᬸᬓᬦᬓᬕᬸᬂ᭞ᬗᬾᬫᬦ᭄ᬳᬸᬭᬶᬧ᭄ᬓᬮᬶᬦ᭄ᬢᬂ᭞ᬓ᭄ᬭᬡᬵᬮᬦ᭄ᬢᬂ᭞ᬫᬓ᭄ᬚᬂᬧᬧᬓ᭄ᬦᭂᬳᬶᬦ᭄᭞ᬳᬧᬦ᭄ᬓᬾᬩ᭄ᬓᬶᬂᬮᬂᬕᬂ᭟ᬭᬾᬳᬷᬂᬢ᭄ᬬᬂᬓᬕ᭄ᬥᬾᬦ᭄ᬲᬓᬶᬢ᭄᭞ᬓᬚᬦ᭄ᬢᬓᬵ᭞ᬢᭀᬂᬩᬶᬱᬵᬦᬳᬦᬂ᭞ᬦ᭄ᬢᭀᬓ᭄ᬭᬡᬵᬮᬫ᭄ᬧᬸᬲ᭄ᬢ᭄ᬬᬗᬾ᭞ᬳᬤᬬᬦ᭄ᬢ᭄ᬬᬗᬼᬩᬸᬃ᭞ᬩ᭄ᬯᬶ
ᬦ᭄ᬳᬯ᭄ᬓᬲ᭄ᬤᬶᬢᬸᬯᬯᭀᬦᬶᬦ᭄᭞ᬦᬸᬫᬶᬢᬶᬲ᭄ᬤᬤᬶᬚᬤ᭄ᬫᬵ᭞ᬳᬓᬾᬢᭀᬦᬓᬕᬸᬂ᭞ᬓ᭄ᬦᭂᬄᬢ᭄ᬬᬂᬓᬚᬢ᭄ᬬᬦ᭄᭞ᬦᬾᬦᬾᬚᬦᬶ᭞ᬓᬸᬤᬸᬳᬤᬲ᭄ᬯᬾᬘ᭄ᬙᬦ᭄ᬯᬶᬤ᭄ᬥᬶ᭞ᬫᬦ᭄ᬤᬤᬶᬭᬵᬚᬧᬸᬢᬺ᭟ᬳᭀᬓᬦᬵᬣᬦᬸᬗ᭄ᬲᬸᬂᬪᬹᬧᬢᬶ᭞ᬢᬹᬃᬦᬶᬦᬸᬘᬧ᭄᭞ᬭᬵᬢᬸᬫᬉᬢ᭄ᬢᬵᬫ᭞ᬳᬭᬄᬓᬍᬩᬶᬄ
ᬲᬶᬗ᭄ᬲᬮᬾ᭞ᬢ᭄ᬓᬾᬦᬾᬓᬸᬘᬧ᭄ᬢᬸᬳᬸ᭞ᬤᬤᬶᬭᬵᬢᬸᬫᬦ᭄ᬫᬸᬓᬶᬂᬓᬶᬂ᭞ᬓᬮᬶᬄᬲᬶᬂᬗ᭄ᬮᬄᬢ᭄ᬕᬓ᭄᭞ᬲᬶᬂᬓᬾᬓᬾᬢᭀᬓᬕᬸᬂ᭞ᬓ᭄ᬭᬡᬵᬫᬢᬶᬲᬶᬂᬲᬶᬂᬚᬮᬦ᭄᭞ᬩᬬᬳᬧ᭞ᬧᬓᬶᬃᬢ᭄ᬢᬶᬦ᭄ᬢ᭄ᬬᬗᬾᬗᬸᬦᬶ᭞ᬓ᭄ᬭᬡᬚᬵᬓᬾᬦᬾᬢᭂᬫᭀᬓᬂ᭟ᬮᬫᬸᬦ᭄‌ᬢ᭄ᬯᬭᬭᬵᬢᬸᬫᬶᬮᬸᬫᬢᬶ᭞ᬗ᭄ᬕᬶᬄᬧᭂᬲ᭄ᬭ
ᬦ᭄᭞ᬗ᭄ᬳᬶᬂᬤᬵᬯᬾᬭᬵᬲᬬᬂ᭞ᬦᬸᬢᬸᬭᬂᬳᬶᬥᭂᬧ᭄ᬢ᭄ᬬᬗᬾ᭞ᬓᬧᬶᬂᬓᬮᬶᬄᬤᭂᬜᭂᬦ᭄ᬫᬢᬸᬃ᭞ᬢ᭄ᬓᬾᬦ᭄ᬳᬚᬶᬓ᭄ᬳᬶᬩ᭄ᬬᬂᬲᬫᬶ᭞ᬬᬦ᭄ᬲᬸᬩᬳᬷᬩ᭄ᬬᬂᬧ᭄ᬚᬄ᭞ᬳᬸᬦᬶᬗᬬᬂᬳᬢᬸᬃ᭞ᬬᬾᬦᬶᬂᬢ᭄ᬬᬂᬳᬶᬤᬸᬧ᭄ᬲᬬᬂ᭞ᬢᬦ᭄ᬳᬸᬭᬸᬗᬦ᭄᭞ᬗᬢᬹᬭᬂᬧᬓᭀᬩᭂᬢ᭄ᬕᬢᬶ᭞ᬫᬳᬂᬓᬕᬸᬂᬤᬸᬄᬓᬶᬢᬵ᭟ᬗ᭄ᬳᬶᬂᬤᬵᬧᬶᬲᬦ᭄ᬫᬜᭂ [ 4 ][᭓ 3B]
᭓
ᬮ᭄ᬲ᭄ᬮᬂᬳᭂᬗ᭄ᬕᬶᬄ᭞ᬩᬢᭂᬓ᭄ᬢᬶᬢᬄ᭞ᬓᬾᬯᬮᬮ᭄ᬕᬬᬂ᭞ᬧᬗ᭄ᬕᭂᬮᬶᬧᬸᬃᬲᬸᬗ᭄ᬲᬸᬢ᭄ᬳᬚᬶᬅᬳᬾ᭞ᬩᬶᬱᬩᬶᬱᬵᬦᬓᬕᬸᬂ᭞ᬧᬭᬶᬲᬓ᭄ᬱᬢ᭄ᬫᬢᬶᬢ᭄ᬬᬂᬚᬦᬶ᭞ᬭᬣᬵᬢᭀᬂᬧᬧᬵᬢ᭄ᬬ᭞ᬲᬢ᭄ᬯᬧ᭄ᬭᬂᬢᬸᬳᬸ᭞ᬢᬸᬳᬸᬓᬾᬢᭀᬳᬸᬧᬫᬜ᭞ᬭᬾᬳᬶᬂᬢ᭄ᬬᬂ᭞ᬲᬶᬂᬧᬶᬲᬦ᭄ᬫᬗᬾᬫᬦ᭄ᬳᬸᬭᬶᬧ᭄᭞ᬫᬦᬶᬦ᭄ᬤᬶᬳᬂᬓ᭄ᬱᬢ᭄ᬭᬶ
ᬬᬦ᭄᭚ᬥᬹᬃᬫ᭄ᬫᬵ᭚ᬤᬳᬭᬶᬦ᭄ᬤᬫᬶᬦᭂᬄᬭᬕᬵᬓᬕᭂᬕᬶᬭᬲ᭄᭞ᬫᬜᭂᬫ᭄ᬩᬄᬫᬢᬹᬃᬕ᭄ᬮᬶᬲ᭄‌᭞ᬲᬃᬯ᭄ᬯᬶᬫ᭄ᬓᬸᬮ᭄ᬧᬤ᭄ᬥᬵ᭞ᬤᬾᬯᬕᬸᬂᬧᬦᭂᬫ᭄ᬩᬳᬦ᭄᭞ᬤᭀᬄᬢᬶᬢ᭄ᬬᬂᬧᬲᬂᬫᬶᬯᬮᬶᬦ᭄᭞ᬓᬤᬶᬯᬘᬦ᭞ᬢᬶᬢ᭄ᬬᬂᬢ᭄ᬮᬲᬳᬶᬭᬶᬂ᭟ᬤᬭᬓᬦ᭄ᬥᬵᬫᬦᬶᬫ᭄ᬩᬮ᭄ᬲᬃᬯ᭄ᬯᬶᬫᬗᬭᬲ᭄᭞ᬦᬄᬚᬮᬦ᭄‌ᬚᬦᬶᬫ
ᬢᬶ᭞ᬳᬧᬂᬲᬸᬯᬸᬤ᭄ᬮᬭ᭞ᬦᬄᬓᬾᬯᬮᬍᬕᬬᬂ᭞ᬳᬧᬂᬢ᭄ᬧᬸᬓ᭄ᬳᬕᬸᬂᬳᬮᬶᬄ᭞ᬲᬓᬮᬶᬄᬢ᭄ᬬᬂ᭞ᬳᬧᬂᬲᬶᬤ᭄ᬥᬵᬦ᭄ᬧᬸᬓᬶᬦ᭄᭟ᬢᭀᬗᭀᬲ᭄ᬢᬸᬤᬾᬅᬳᬭᬶᬦ᭄ᬥᬵᬫᬮᬶᬄᬫᬜᭂᬫ᭄ᬩᬄ᭞ᬫᬳᬢᬸᬃᬲᬤᬓᬮᬶᬲ᭄᭞ᬭᬾᬄᬲᬯᬯᬤᬶᬦᬵ᭞ᬲᬫᬶᬫᬫᬶᬦᭂᬄᬳᬗ᭄ᬕᬵ᭞ᬳᬧᬂᬢᬸᬭᬸᬦᬦ᭄ᬳᬲᬶᬓᬶ᭞ᬳᬯ
ᬦᬦ᭄ᬳᬶᬤᬵ᭞ᬢᬦ᭄ᬯᬾᬦ᭄ᬢᭂᬦ᭄ᬧᬧᬓ᭄ᬳᬶᬭᬶᬂ᭟ᬳᬢᬹᬃᬳᬭᬶᬤᬾᬯᬕᬸᬂᬲᬵᬫ᭄ᬧᬸᬦ᭄ᬫᬜ᭄ᬚᬗᬂ᭞ᬬᬤᬶᬦ᭄ᬢᬾᬬᬫᬦᬶ᭞ᬤᬤᭀᬲ᭄ᬳᬦ᭄ᬢᭂᬧ᭄ᬓᬯᬄ᭞ᬢᬶᬢ᭄ᬬᬂᬲᬳᬶᬭᬶᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬲᬸᬫᬦ᭄ᬤᬾᬬᬫᬮᬶᬄ᭞ᬦᬸᬦᬲ᭄ᬫᬳ᭄ᬬᬲ᭄᭞ᬗᬗ᭄ᬕᬾᬧ᭄ᬢᬓ᭄ᬦᬾᬫᬗ᭄ᬓᬶᬦ᭄᭟ᬤᬭᬓᬦ᭄ᬤᬫᬦᬶᬫ᭄ᬩᬮ᭄ᬲᬃᬯ᭄ᬯᬶᬫᬗᬭᬲ᭄
[᭔ 4A]
᭞ᬫᬃᬕ᭄ᬕᬶᬓᬾᬦᬓᬕᬸᬂᬚᬦᬶ᭞ᬲᬂᬓᬮᬶᬄᬫᬳ᭄ᬬᬲ᭄᭞ᬦᬗ᭄ᬳᬶᬂᬕᬮᬸᬂᬧ᭄ᬢᬓ᭄ᬳ᭄ᬬᬲ᭄᭞ᬮᬶᬦ᭄ᬢᬂᬧᬳᬸᬢ᭄ᬗᬸᬮᬗᬸᬦᬶᬦ᭄᭞ᬓᬫᬫᬶᬜᬓ᭄᭞ᬗᬾᬮᭀᬗᬋᬧᬶᬦ᭄‌ᬘᬺᬫᬶ᭟ᬲᬳᬳᬶᬤᬵᬫᬫ᭄ᬢᬶᬓᬂᬧᬧᬭᬲᬦ᭄‌᭞ᬢ᭄ᬯᬭᬩᬓᬢ᭄ᬘᬾᬤᬦᬶᬦ᭄᭞ᬯᬸᬲ᭄ᬗᬬᬸᬦᬂᬲ᭄ᬥᬄ᭞ᬯᬸᬲ᭄ᬢᬶᬦᬭᬶᬫᬾᬂᬲ᭄ᬧᬄ᭞ᬳᬲᬸᬳᬶᬤ
ᬲᬓᬾᬂᬮᬢᬶ᭞ᬯᬸᬲ᭄ᬫᬶᬫ᭄ᬬᬦᬶᬫ᭄ᬬᬦ᭄᭞ᬭᬓᬦ᭄ᬥᬵᬗᬦ᭄ᬤᬶᬓᬳᬭᬶᬲ᭄᭟ᬭᬶᬂᬳᬭᬶᬦ᭄ᬥᬵᬤᬵᬕ᭄ᬥᭂᬕ᭄ᬦᬓᬕᬸᬂᬲᬬᬂ᭞ᬢ᭄ᬬᬂᬦᬸᬮᬶᬲ᭄ᬳᬓᬶᬓᬶᬢ᭄᭞ᬢ᭄ᬓᬾᬦᬶᬂᬳᬶᬫᬸᬲ᭄ᬓᬦ᭄᭞ᬭᬾᬄᬕ᭄ᬮᬄᬜᬦᬾᬚ᭄ᬯᬂ᭞ᬦᬾᬦᬾᬳᬗ᭄ᬕᭀᬦᬓᬚᬦᬶ᭞ᬳᬭᬶᬦ᭄ᬥᬵᬜᭂᬫ᭄ᬩᬄ᭞ᬤᬸᬭᬸᬲᬂᬜᬸᬭᬵᬢ᭄ᬳᬶᬗ᭄ᬕᬶᬄ᭟ᬤᬵᬭ
ᬓᬦ᭄ᬤᬵᬫᬦᬫ᭄ᬩᬸᬢ᭄ᬧᬾᬦ᭄ᬓᬺᬢᬲ᭄᭞ᬫᬜᬸᬭᬶᬢ᭄ᬳᬶᬤᬵᬕ᭄ᬮᬶᬲ᭄᭞ᬲᬃᬯ᭄ᬯᬶᬗᭂᬫ᭄ᬩᭂᬂᬣ᭄ᬧᬵ᭞ᬳᬾᬮᬶᬂᬢ᭄ᬓᬾᬦᬶᬂᬢ᭄ᬯᬦ᭄‌ᬭᬚᬵ᭞ᬭᬾᬄᬓᬬᬸᬦ᭄ᬓᬧᬶᬬᬸᬕ᭄‌ᬯ᭄ᬬᬓ᭄ᬢᬶ᭞ᬓᬮᬶᬄᬭᬶᬂᬳᬶᬤᬵ᭞ᬪᬝᬵᬭᬶᬕᬶᬭᬶᬧᬸᬢ᭄ᬭᬶ᭟ᬫᬸᬜᬶᬦ᭄ᬢᬸᬮᬶᬲ᭄‌ᬦᬾᬧᬘᬢ᭄ᬓᬾᬦᬶᬂᬢ᭄ᬯᬦ᭄᭞ᬭᬵᬚᬳᬯᬓᬾᬢ᭄ᬬᬂ
ᬧᬫᬶᬢ᭄᭞ᬤᬶᬦᬶᬳᬧᬂᬫ᭄ᬮᬄ᭞ᬜᬸᬮᬸᬭᬶᬦ᭄ᬫᬓᬲᬸᬓᬦ᭄᭞ᬧᬂᬲᬶᬂᬳᬤᬫᬗ᭄ᬮᬶᬓᬤᬶᬦ᭄᭞ᬲᬓᬮᬶᬳᬜ᭞ᬢ᭄ᬬᬂᬦᬯ᭄ᬕᬂᬕᬢᬶ᭟ᬭᬾᬳᬶᬂᬮ᭄ᬬᬸᬕ᭄ᬮᬄᬳᬯᬓᬾᬢᬸᬦᬲ᭄ᬢ᭄ᬬᬂ᭞ᬓᬮᬶᬄᬳᬸᬫᬳᬾᬩ᭄ᬯᬶᬦ᭄᭞ᬢᭀᬗᭀᬲ᭄ᬢ᭄ᬬᬂᬧ᭄ᬚᬄ᭞ᬧᬶᬂᬲ᭄ᬬᬸᬬᬾᬘᬭᬶᬢᬬᬂ᭞ᬫᬸᬜᬶᬦ᭄ᬢᬸᬮᬶᬲ᭄ᬫᬾᬄ [ 5 ][᭔ 4B]
᭔
ᬫ᭄ᬕᬢ᭄ᬲᬷᬄ᭞ᬳᬧᬦ᭄ᬧᬘᬂᬦᬶᬫ᭄ᬩᬮ᭄᭞ᬗᬮᬳᬶᬦᬾᬤ᭄ᬫᭂᬦᬶᬦ᭄᭞᭚ᬥᬂᬥᬂ᭚ᬫᬸᬜᬶᬦ᭄ᬢᬸᬮᬶᬲ᭄ᬗᬰᬶᬄᬳᬲᬶᬄᬯ᭄ᬬᬓ᭄ᬢᬶ᭞ᬗ᭄ᬕᬳᬾᬭᬕᬦ᭄᭞ᬳᬯᬓᬾᬧᬶᬋᬗᬂ᭞ᬢ᭄ᬭᬶᬫᬢᬸᬮᬶᬲ᭄ᬢ᭄ᬬᬗᬾ᭞ᬢ᭄ᬬᬂᬗᬮᬳᬶᬦ᭄ᬮᬫ᭄ᬧᬸᬲ᭄᭞ᬭᬾᬄᬳᬯᬓᬾᬗᬳᬾᬢ᭄ᬬᬂᬫᬢᬶ᭞ᬢ᭄ᬮᬲ᭄ᬗᬮᬳᬶᬦ᭄ᬢ᭄ᬬᬂ᭞ᬢᬸᬃ
ᬢ᭄ᬬᬂᬓᬾᬦ᭄ᬲᬗ᭄ᬕᬸᬧ᭄᭞ᬲᬗ᭄ᬕᬸᬧ᭄ᬳᬯᬓᬾᬓᬾᬦ᭄ᬢ᭄ᬬᬂ᭞ᬢ᭄ᬯᬭᬧᬲᬄ᭞ᬩ᭄ᬯᬶᬦᬓᭂᬦ᭄ᬤᭂᬓᬂᬦᬶᬓ᭞ᬢ᭄ᬯᬭᬵᬤᬫ᭄ᬩᬳᬂᬢᬸᬮᬓ᭄᭞ᬓ᭄ᬭᬡᬵᬢ᭄ᬬᬂᬘᭂᬦ᭄ᬤᭂᬢ᭄ᬫᬜᬗ᭄ᬕᬸᬧᬶᬦ᭄᭞ᬢᬸᬃᬜᬧᬳᬂ᭞ᬫᬢᬶᬳᬶᬤᬸᬧ᭄ᬢ᭄ᬬᬂ᭞ᬳᬧᬂᬤᬶᬕᬸᬫᬶᬦ᭄ᬳᬯᬓᬾ᭞ᬳᬭᬄᬍᬩᬶᬄᬢᬓᬸᬢ᭄᭞ᬮᬓᬃᬧᬧᬩᬦᬶᬦ᭄ᬢ᭄ᬬᬾᬂᬫᬸᬜᬶ᭞
ᬳᬩ᭄ᬲᬶᬓ᭄ᬢᬸᬦᬲ᭄ᬢ᭄ᬬᬂ᭞ᬳᬧᬂᬳᬶᬗᭂᬢᬸᬳᬸ᭞ᬬᬾᬄᬫᬢᬩ᭄ᬓᭂᬮᬶᬦ᭄ᬢ᭄ᬬᬂ᭞ᬩ᭄ᬯᬶᬦᬜ᭞ᬩᬗ᭄ᬓᬾᬦ᭄ᬢ᭄ᬬᬂᬚ᭄ᬫᬓ᭄ᬳᭂᬗ᭄ᬕᬶᬄ᭞ᬳᭂᬦ᭄ᬢᭀᬲᬗᬸᬉᬢ᭄ᬢᬫᬵ᭟ᬦᬄᬳᬓᬾᬢᭀᬲᬸᬭᬵᬢ᭄ᬳᬶᬤᬵᬬ᭄ᬯᬓ᭄ᬢᬶᬓᬾᬦ᭄ᬢ᭄ᬯᬦ᭄ᬭᬚᬵ᭞ᬫᬮᬶᬄᬗᬃᬬ᭄ᬬᬲᬹᬭᬵᬢ᭄᭞ᬗ᭄ᬢᬸᬲ᭄ᬓᬬᬸᬦ᭄ᬓᬓᬘᬧᬾ᭞ᬳᬧᬦ᭄ᬭᬾᬄᬧᬘᬂᬓᬢᬹᬃ᭞ᬭᬶᬂᬳᬶᬤ
ᬲᬂᬫ᭄ᬯᬱ᭄ᬝᬶᬓᬾᬋᬥᬶ᭞ᬳᬶᬤᬵᬲᬂᬗᬯᬾᬧᬸᬲᬂ᭞ᬗᬯᬾᬓᬧᬶᬮᬸᬳᬸᬢ᭄᭞ᬫᬾᬄᬪᬝᬵᬭᬭᬶᬧᬦᭂᬫ᭄ᬩᬳᬦ᭄᭞ᬜᭀᬜᬄᬭᬵᬚ᭞ᬢ᭄ᬭᬶᬫᬲᬸᬭᬵᬢ᭄ᬬᬗᬾᬳᭂᬗ᭄ᬕᬶᬄ᭞ᬧᬯᭀᬲ᭄ᬤᬶᬚ᭄ᬭᭀᬦᬶᬂᬋᬤ᭄ᬥᬵ᭟ᬭᬾᬳᬶᬂᬢᬶᬢ᭄ᬬᬂᬫᬧᬫᬶᬢ᭄ᬦᬾᬫᬗ᭄ᬓᬶᬦ᭄᭞ᬳᬸᬲᬦ᭄ᬫᭂᬗ᭄ᬕᬄ᭞ᬭᬾᬄᬢᬶᬢ᭄ᬬᬗᬾᬯᭀᬦᬂ᭞ᬢᭀᬂ
[᭕ 5A]
ᬫᬫ᭄ᬧᬸᬄᬦᬳᭂᬦ᭄ᬮᬭᬦᬾ᭞ᬳᬶᬭᬢᬸᬗᬳᬾᬳᬶᬩᬸᬓ᭄᭞ᬓ᭄ᬭᬡᬢᬶᬢ᭄ᬬᬂᬩᬸᬤᬸᬄ᭞ᬧᬶᬤᬤ᭞ᬗᬸᬤᬸᬄᬗᭂᬳᬂᬳᬶᬤᬵ᭞ᬳᬶᬭᬢᬸᬢᭀᬂᬓᬬᬸᬦ᭄᭞ᬦᬶᬫ᭄ᬩᬮᬶᬦ᭄ᬩᬦ᭄ᬢᬲ᭄‌ᬘᬘᬶᬗᬓ᭄᭞ᬢ᭄ᬯᬄᬢᬾᬬᬓ᭄ᬢᬶ᭞ᬭᬩᬶᬦ᭄ᬪᬝᬵᬭᬶᬗᬾᬤᬦᬶᬦ᭄᭞ᬩᬕᬸᬲ᭄ᬜᬶᬲᬬᬂᬭᬭᬲ᭄᭟ᬳᬓ᭄ᬚᬬᬢᬹᬃᬓᬾᬩ᭄ᬓᬶᬂᬫᬦᬶᬲ᭄᭞
ᬯᬵᬱ᭄ᬝᬦ᭄ᬢᬶᬢ᭄ᬬᬂ᭞ᬚᬤ᭄ᬫᬵᬦ᭄ᬤᭀᬓᭂᬦ᭄ᬤᭀᬓᬦ᭄᭞ᬤᬸᬲᬸᬦ᭄ᬲᬓᬮᬶᬄᬦᬶᬱ᭄ᬝᬦᬾ᭞ᬜᬦ᭄ᬤᬂᬦᬵᬣᬭᬶᬂᬳᬕᬸᬂ᭞ᬤᬾᬦ᭄ᬢᭂᬦ᭄ᬲᬸᬤᬶᬫᬧᬧᬲ᭄ᬳᬓ᭄ᬱᬶ᭞ᬳᭂᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬧ᭄ᬚᬄ᭞ᬳᬸᬲᬦ᭄ᬲ᭄ᬩᭂᬢ᭄‌ᬓᬬᬸᬦ᭄᭞ᬭᬾᬳᬶᬂᬢᬶᬢ᭄ᬬᬫᬳᬯᬦᬦ᭄᭞ᬭᬢᬸᬫᭂᬗ᭄ᬕᬄ᭞ᬭᬾᬄᬭᬓᬦ᭄‌ᬪᬝᬵᬭᬶᬭᬢᬶᬄ᭞ᬢᬶᬢ᭄ᬬᬂᬲ᭄ᬭᬶᬂ᭞ᬳᬗᬚᬓ᭄᭟
ᬫᬗᬮᬗᬶᬦ᭄‌ᬮᬾᬤᬗᬾᬳᬶᬫᬡᬶᬓ᭄᭞ᬗᬭᬓ᭄ᬭᬓᬵ᭞ᬓᬺᬡᬵᬭᬵᬢᬸᬳᬶᬤᬵ᭞ᬫᬗ᭄ᬯᬍᬲ᭄ᬗᭂᬓᬧ᭄ᬭᬓᬦᬾ᭞ᬗᬸᬮᬸᬭᬶᬦ᭄‌ᬮᬾᬤᬂᬓᬬᬸᬦ᭄᭞ᬗ᭄ᬕᬶᬄᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬢ᭄ᬬᬂᬫᬢᬶ᭞ᬧᬂᬲᬸᬳᬸᬤ᭄ᬓᬧᬺᬩᬸᬢᬦ᭄᭞ᬲᬓᬾᬯᬦ᭄ᬢᭂᬦ᭄ᬭᬢᬸ᭞ᬧᬶᬦᬸᬦᬲ᭄ᬢ᭄ᬬᬗᬾᬫᬶᬭᬄ᭞ᬳᬧᬂᬳᬶᬤᬵ᭞ᬲᬫᬢᬺᬳᬰᬶᬄᬭᬾᬄᬫ
ᬢᬶ᭞ᬫᬗᬓ᭄ᬱᬶᬩᬗ᭄ᬓᬾᬦ᭄ᬢᬶᬢ᭄ᬬᬂ᭟ᬲᬵᬫ᭄ᬧᬸᬦ᭄ᬧᬹᬧᬸᬢ᭄ᬲᬸᬭᬵᬢ᭄ᬳᬤᬵᬲᬯ᭄ᬬᬓ᭄ᬢᬶ᭞ᬭᬶᬂᬲᬂᬤ᭄ᬬᬄ᭞ᬕ᭄ᬮᬶᬲ᭄ᬫᬗᭂᬦᬳᬂ᭞ᬢᬦ᭄ᬫᬭᬶᬤᬸᬳᬸᬃᬫᬾᬚᬦᬾ᭞ᬭᬭᬶᬲ᭄ᬗᬦ᭄ᬤᬶᬓᬳᬮᬸᬲ᭄᭞ᬫᬾᬄᬕᬸᬂᬳᬦᬂᬗᬳᬾᬢᬸᬮᬶᬲ᭄᭞ᬳᭂᬗ᭄ᬕᬶᬄᬢᬸᬮᬶᬲ᭄ᬫᬧᬫᬶᬢ᭄᭞ᬢᬸᬮᬶᬲ᭄ᬫᬧᬫᬶᬢ᭄᭞ᬧᬘᬂᬢ᭄ᬬᬂᬫᬲᬶᬄᬫᬶᬮᬸ᭞ᬫᬧᬫᬶᬢ᭄ᬓᬾᬦ᭄ᬳᬚᬶᬓ᭄ᬩ᭄ᬬᬂ᭞ᬓᬮᬶᬳᬜ [ 6 ][᭕ 5B]
᭕
᭞ᬫᬲᬤᬸᬢᬦ᭄ᬯᬾᬦᬰᬶᬄ᭞ᬳᬭᬶᬦ᭄ᬥᬵᬫᭂᬧᭂᬲ᭄ᬜᬸᬫ᭄ᬩᬄ᭟ᬤᬵᬲᬂᬓᬮᬶᬄᬜᬫ᭄ᬩᬸᬢ᭄ᬧᬾᬦ᭄ᬯᬗ᭄ᬓᭂᬦ᭄᭞ᬗᬃᬬ᭄ᬬᬲᬹᬭᬵᬢ᭄᭞ᬧᬢᭂᬄᬳᬢᬸᬃᬳᬶᬤᬵ᭞ᬢᬦ᭄ᬫᬭᬶᬢ᭄ᬓᬾᬦ᭄ᬳᬚᬶᬦᬾ᭞ᬭᬶᬂᬩ᭄ᬬᬂᬲᬵᬫ᭄ᬧᬸᬦ᭄‌ᬫᬸᬗ᭄ᬕᬸᬄ᭞ᬭᬵᬢᬸᬤ᭄ᬯᬶᬕᬸᬂᬢᬶᬢ᭄ᬬᬂᬫᬧᬫᬶᬢ᭄᭞ᬧᬤᬵᬫᬦ᭄ᬢᬸᬓ᭄ᬭᬶᬳᬶᬦ᭄᭞ᬧᬸᬦ᭄ᬓᬸᬭᬦ᭄‌ᬤᬾᬯᬕᬸᬂ᭞ᬭᬾᬄᬢᬶᬢ᭄ᬬᬂ
ᬧᬘᬂᬫᬫᬜ᭄ᬚᬓ᭄᭞ᬲᬋᬂᬓᬸᬤᬾᬅ᭞ᬤᬾᬯᬕᬸᬂᬩ᭄ᬘᬶᬓ᭄ᬳᬶᬭᬶᬓᬶ᭞ᬗᬃᬲᬬᬂᬗᬃᬬ᭄ᬬᬳᬶᬫ᭄ᬫᬵ᭟᭚ᬧᬗ᭄ᬓᬸᬃ᭚ᬫᬯᬶᬦᬦ᭄ᬢᬶᬢ᭄ᬬᬂᬭᬶᬳᬶᬦᬦ᭄᭞ᬩᭀᬬᬤᬤᭀᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬳᭂᬦᬶᬦ᭄᭞ᬓᬕᭂᬗᬦ᭄ᬮᬭᬤᬾᬯᬕᬸᬂ᭞ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄᬧᬶᬲᬦ᭄᭞ᬬᬦᬶᬂᬧᬤᬾᬢᬶᬢ᭄ᬬᬂᬫᬳᬸᬭᬶᬧ᭄ᬤᬾᬯᬕᬸᬂ᭞ᬢᬦᬸᬭᬸᬂᬗ
ᬢᬹᬭᬂᬳᬾᬭᬂ᭞ᬧᬓᭀᬩᭂᬢ᭄ᬫᬓᬃᬬ᭄ᬬᬓᬮᬶ᭟ᬓᬢᬹᬃᬩᬦᬾᬓᬸᬮᬗᬸᬦᬦ᭄᭞ᬲᬸᬭᬵᬢ᭄ᬧᬸᬧᬸᬢ᭄‌ᬦᬾᬧᬘᬂᬓᬢᬹᬃᬯ᭄ᬬᬓ᭄ᬢᬶ᭞ᬫᬮᬶᬄᬫᬓᬃᬬ᭄ᬬᬳᬶᬤ᭄ᬯᬕᬸᬂ᭞ᬧᬘᬂᬓᬶᬘᬾᬦ᭄ᬳᬭᬶᬦ᭄ᬥᬵ᭞ᬦᬾᬦ᭄ᬢᭂᬦ᭄ᬢ᭄ᬬᬂᬫᬮ᭄ᬯᬦ᭄ᬗᬮᬳᬶᬦ᭄ᬮᬫ᭄ᬧᬸᬲ᭄᭞ᬦᬓᬕᬸᬂᬳᬚᬶᬅ᭄ᬳᬶᬭᬶᬗᬂ᭞ᬓᬮᬶᬄᬭᬶᬂᬭᬩᬶᬦ᭄ᬥᬵᬲᬫᬶ᭟ᬤᬕᬶᬂᬓ᭄ᬦᬶᬗᬶᬭᬶᬂᬲᬫ᭄ᬬ
ᬦ᭄᭞ᬦᬄᬓᬾᬢᭀᬳᬶᬤ᭄ᬯᬕᬸᬂᬮᬦᬂᬫᬗ᭄ᬓᬶᬦ᭄᭞ᬲ᭄ᬲᬸᬭᬵᬢ᭄ᬳᬶᬤᬵᬗ᭄ᬢᬸᬲ᭄ᬓᬬᬸᬦ᭄᭞ᬓᬢᬸᬃᬢ᭄ᬓᬾᬦ᭄ᬳᬚᬶᬦ᭄ᬤᬵ᭞ᬭᬶᬂᬩ᭄ᬬᬂᬤᬵ᭞ᬢᬶᬢ᭄ᬬᬂᬫᬧᬫᬶᬢ᭄ᬤᬾᬯᬕᬸᬂ᭞ᬗ᭄ᬭᬶᬳᬶᬦᬶᬦ᭄‌ᬘᭀᬓᭀᬃᬳᬶᬤᬾᬯ᭄ᬯᬵ᭞ᬢᬶᬢ᭄ᬬᬂᬧᬘᬂᬫᬫᭂᬦ᭄ᬤᬓᬶᬦ᭄᭟ᬗᬶᬭᬶᬂᬦᬓ᭄ᬘᭀᬓᭀᬃᬳᬶᬤᬾᬯ᭄ᬯ᭞ᬳᬶᬤᬾᬯᬕᬸᬂᬧᬸᬢᬺᬗ᭄ᬭᬕ᭄ᬕᬵᬲᬯ᭄ᬬᬓ᭄ᬢᬶ᭞ᬲᬵᬫ᭄ᬧᬸ
[᭖ 6A]
ᬦᬂᬫᭂᬗ᭄ᬕᬄᬤᬾᬯᬕᬸᬂ᭞ᬳᬚᬶᬓ᭄ᬫᬦ᭄ᬢᬸᬓ᭄ᬧᬸᬗ᭄ᬓᬸᬭᬦ᭄᭞ᬦᬄᬳᬓᬾᬢᭀ᭞ᬲᬸᬭᬵᬢᬾᬦᬾᬧᬘᬂᬓᬢᬹᬃ᭞ᬫᬮᬶᬄᬳᬶᬤᬵᬗᬃᬬ᭄ᬬᬲᬹᬭᬵᬢ᭄᭞ᬧᬘᬂᬭᬶᬂᬢᬢᬕᭀᬦ᭄ᬮᬓᬶ᭟ᬫᬶᬭᬵᬢᬸᬪᬝᬵᬭᬶᬲᬬᬂ᭞ᬢ᭄ᬬᬂᬧᬫᬶᬢ᭄‌ᬭᬾᬄᬭᬵᬢᬸᬫᬗ᭄ᬭᬶᬳᬶᬦᬶᬦ᭄᭞ᬲᬵᬫ᭄ᬧᬸᬦ᭄ᬫᭂᬗ᭄ᬕᬄᬳᬦᬓᬕᬸᬂ᭞ᬢᬦ᭄ᬲᬓᬾᬂᬢ᭄ᬬᬂᬳ᭄ᬮᬲ᭄᭞
ᬫᬗᬮᬳᬶᬦ᭄ᬳᬶᬭᬵᬢᬸᬪᬝᬵᬭᬶᬳᬕᬸᬂ᭞ᬭᬾᬳᬶᬂᬢ᭄ᬬᬂᬓᬢᬓᬸᬢᬦ᭄᭞ᬭᬶᬂᬳᬶᬤ᭄ᬯᬕᬸᬂᬧᬸᬢᬺᬯ᭄ᬬᬓ᭄ᬢᬶ᭟ᬲᬂᬓᬮᬶᬄᬧᬤᬍᬫ᭄ᬢ᭄ᬬᬂ᭞ᬳᬶᬤᬵᬧᬘᬂᬫᬦ᭄ᬢᬸᬓ᭄ᬫᬦ᭄ᬢᬸᬓ᭄ᬫᬗ᭄ᬭᬕᬫᬗ᭄ᬓᬶᬦ᭄᭞ᬚᬦᬶᬢᭀᬂᬲᬶᬤᬵᬓᬢ᭄ᬧᬸᬓ᭄‌᭞ᬗᬶᬭᬶᬂᬪᬝᬵᬭᬶᬲᬬᬂ᭞ᬩ᭄ᬯᬶᬦᬯ᭄ᬓᬲ᭄᭞ᬢ᭄ᬓᭂᬤᬶᬢᬸᬳᬦᬓᬕᬸᬂ᭞ᬧᬂᬢ᭄ᬬᬂᬲᬶᬤ᭄ᬥᬵᬫᬋᬓᬦ᭄᭞ᬤᬾᬯ
ᬕᬸᬂᬗᬶᬭᬶᬂᬩ᭄ᬬᬂᬳᬚᬶᬓ᭄᭟ᬧᬸᬧᬸᬢ᭄ᬤᬶᬢ᭄ᬗᬳᬶᬂᬳᭀᬫ᭞ᬭᬢᬸᬢᬶᬢ᭄ᬬᬂᬫᬦᬤᬓ᭄ᬪᬣᬵᬭᬶᬭᬢᬶᬄ᭞ᬧᬢᬸᬭᬸᬅᬢ᭄ᬫᬵᬓᬢ᭄ᬧᬸᬓ᭄᭞ᬳᬓᬾᬢᭀᬜᬶᬦ᭄ᬲᬸᬭᬵᬢ᭄᭞ᬕ᭄ᬮᬶᬲ᭄ᬳᬶᬤᬵᬗᬢᬹᬭᬂᬭᬶᬂᬭᬭᬓᬵᬲᬵᬫ᭄ᬧᬸᬦ᭄᭞ᬳᬶᬤᬵᬳᬶᬤᬾᬯᬕᬸᬂᬧᬸᬢᬺ᭞ᬗᬫ᭄ᬮᬶᬮᬶᬦ᭄ᬲᬳᬫᬳᭀᬲᬶᬦ᭄᭟ᬓᬧᬢᬸᬢ᭄ᬳᬦ᭄ᬢᬸ
ᬓ᭄ᬭᬓᬦ᭄ᬤᬵ᭞ᬤᬵᬭᬓᬦ᭄ᬥᬵᬫᬗᬶᬘᬾᬦ᭄ᬲᬸᬭᬵᬢ᭄ᬫᬗ᭄ᬓᬶᬦ᭄᭞ᬦᬾᬩᬮᬶᬳᬶᬦ᭄ᬳᬦᬓᬕᬸᬂ᭞ᬓᬾᬦ᭄ᬓᬾᬦ᭄ᬳᬤᬧ᭄ᬮᬶᬳ᭞ᬤᬵᬳᬭᬶᬦ᭄ᬥᬵᬫᬫᬶᬢᬂᬫᬫᬯᭀᬲᬵᬫ᭄ᬧᬸᬦ᭄᭞ᬯᬸᬲᬮᬶᬂᬢᬭᬾᬓᬶᬦ᭄‌ᬲᬸᬭᬵᬢ᭄᭞ᬳᬭᬶᬤ᭄ᬥᬵᬫᬫᬢᬸᬢ᭄‌ᬬ᭄ᬯᬓ᭄ᬢᬶ᭟ᬲᬸᬭᬵᬢ᭄ᬳᬶᬤᬦᬾᬭᬓᬦ᭄ᬥᬵ᭞ᬲᬸᬭᬵᬢ᭄ᬲᬫᬶᬭᬶᬂ [ 7 ][᭖ 6B]
᭖
ᬫᬾᬚᬕ᭄ᬦᬄᬯ᭄ᬬᬓ᭄ᬢᬶ᭞ᬳᬭᬶᬦ᭄ᬤᬜᭂᬫ᭄ᬩᬄᬫᬳᬢᬸᬃ᭞ᬤᬾᬯᬕᬸᬂᬤᬶᬚᬕ᭄ᬦᬄ᭞ᬧᬘᬂᬧᬸᬧᬸᬢ᭄ᬭᬓᬦ᭄ᬥᬵᬦᬶᬫ᭄ᬩᬮ᭄ᬫᬫ᭄ᬓᬸᬮ᭄᭞ᬩ᭄ᬢᬾᬦ᭄ᬢᭀᬗᭀᬲ᭄ᬫᬢᬶᬲᬬᬂ᭞ᬫᬗ᭄ᬤᬲᬗᭂᬢ᭄ᬫᬗᭀᬢᭀᬭᬶᬦ᭄᭟ᬭᬾᬄᬧ᭄ᬤᭂᬫᬦ᭄ᬳᬦᬓ᭄‌ᬫ᭄ᬮᬄ᭞ᬤᬵᬫᬕᬍᬂᬭᬾᬳᬶᬂᬳᬯᬓ᭄ᬫᬗᭂᬫ᭄ᬧᬶ᭞ᬳᬫ᭄ᬧᬸᬭᬭᬾᬄᬳᬯᬓ᭄ᬮᬘᬸᬃ᭞ᬧ᭄ᬭᬫᬶᬥᬫᬶ
ᬓ᭄ᬩᬢᬂ᭞ᬧᬂᬓᬶᬓᬶᬢᬦ᭄ᬫᬗᬳᬾᬦᬂᬳᬦᬓ᭄ᬢᬸᬬᬸᬄ᭞ᬭᬾᬄᬲᬸᬩᬜ᭄ᬩᭂᬮᬶᬦ᭄ᬳᬸᬫᬄ᭞ᬳᬭᬶᬦ᭄ᬤᬵᬳᭃᬫ᭄ᬩᬄᬲᬳᬶᬭᬶᬂ᭟ᬕ᭄ᬮᬶᬲ᭄ᬳᬭᬶᬦ᭄ᬤᬵᬗᭂᬩᬢᬂ᭞ᬧ᭄ᬭᬫᬶᬤᬫᬶᬓ᭄ᬮᬫ᭄ᬩᬸᬫᬕᬸᬮᬸᬂᬲᬫᬶ᭞ᬮᬶᬦ᭄ᬢᬂᬢᬗᬃᬳᬶᬤᬾᬯᬕᬸᬂ᭞ᬳᬧᬂᬤᬓᬲ᭄ᬭᬄᬫᬾᬚᬵ᭞ᬓᬸᬃᬲᬶᬫᬜᬫ᭄ᬧᬶᬂᬜᬗ᭄ᬓᭂᬍᬓ᭄ᬤᬶᬩᬸᬘᬸ᭞ᬳᬧᬦ᭄ᬭᬾᬄᬓᬧᬶᬦᭂᬄᬳᬦᬓ᭄
᭞ᬳᬶᬤᬵᬢ᭄ᬯᬦ᭄ᬭᬚᬵᬪᬹᬧᬢᬶ᭟ᬲᬵᬫ᭄ᬧᬸᬦ᭄ᬫᬜᬫ᭄ᬧᬶᬂᬲᬫ᭄ᬬᬦ᭄᭞ᬦᬢᬄᬓᬫᬃᬗ᭄ᬮᬸᬦᬂᬕᬮᬂᬢᬦ᭄ᬲᬶᬧᬶ᭞ᬭᬓᬦ᭄ᬥᬵᬗᬦ᭄ᬤᬶᬓᬵᬳᬮᬸᬲ᭄᭞ᬦᬾᬚᬦᬶᬚᬮᬦ᭄ᬲᬬᬂ᭞ᬤᬵᬳᬭᬶᬦ᭄ᬥᬵᬫᬜᭂᬫ᭄ᬩᬄᬗᬶᬭᬶᬂᬤᬾᬯᬕᬸᬂ᭞ᬤᬵᬲᬂᬓᬮᬶᬄᬕ᭄ᬮᬶᬲ᭄ᬜᭂᬫ᭄ᬩᬄ᭞ᬫᬜᬢᬸᬃᬕ᭄ᬦᬳᬾᬯ᭄ᬬᬓ᭄ᬢᬶ᭟ᬭᬶᬂᬳᬶᬤᬵᬳ᭄ᬬᬂᬲᬲᬸᬳᬸ
ᬦᬦ᭄᭞ᬚᭂᬂᬪᬝᬵᬭᬦᬭᬶᬫᬳᬶᬤᬵᬲᬫᬶ᭞ᬭᬾᬄᬳᬶᬭᬶᬓᬵᬳᬶᬤᬵᬳᬶᬤᬵᬓᬸᬫ᭄ᬧᬸᬮ᭄᭞ᬩ᭄ᬭᬶᬬᬸᬓ᭄ᬗᬫ᭄ᬩᬶᬮ᭄᭞ᬩ᭄ᬭᬶᬬᬸᬓ᭄ᬗᬫ᭄ᬩᬶᬮ᭄‌ᬓ᭄ᬭᬶᬲ᭄ᬳᬶᬤᬵ᭞ᬲᬫᬶᬮᬾᬤᬂᬫᬜᬶᬗᬓ᭄ᬯᬃᬡᬦ᭄ᬤᬾᬯᬕᬸᬂ᭞ᬤᬵᬲᬂᬓᬮᬶᬄᬲᬫᬶᬳᬾᬕᬃ᭞ᬢᬦ᭄ᬫᬭᬶᬳᬶᬦᬸᬲᬄᬧᬢᬶ᭟ᬧᬤᬗᬸᬦᬸᬲ᭄ᬧᬚ᭄ᬜᭂᬗᬦ᭄᭞ᬫᬩ᭄ᬭᬶᬬᬸᬓ᭄ᬗᬦ᭄ᬤᬶᬓᬵᬧᬢᭂᬄ
[᭗ 7A]
ᬯ᭄ᬬᬓ᭄ᬢᬶ᭞ᬫᬶᬘ᭄ᬓᭂᬢᬶᬦ᭄ᬢ᭄ᬭᬶᬲ᭄ᬢᬸᬳᬸ᭞ᬦᬸᬲᬄᬧᬢᬶᬦᬶᬗᭂᬳᬂ᭞ᬦᬄᬳᬮᬶᬬᬂᬫᬃᬕ᭄ᬕᬵᬧᬗ᭄ᬲᬶᬤ᭄ᬥᬵᬓᬢ᭄ᬧᬸᬓ᭄᭞ᬭᬾᬄᬜᬫᬫᬸᬮᬶᬄᬫᬮ᭄ᬯᬦ᭄᭞ᬳᬗ᭄ᬲᭂᬕᬂᬧᬂᬩᬓᬢ᭄ᬳᬸᬕᬶ᭟ᬫᬶᬦᬓᬤᬶᬓᬾᬦᬕᬾᬮᬦ᭄᭞ᬲᬵᬫ᭄ᬧᬸᬦ᭄ᬳᬶᬤᬵᬫᭂᬲ᭄ᬦᬶᬦ᭄‌ᬓ᭄ᬭᬶᬲ᭄ᬯ᭄ᬬᬓ᭄ᬢᬶ᭞ᬕ᭄ᬮᬶᬲ᭄ᬜᬸᬤᬸᬓ᭄ᬳᬗ᭄ᬕᬵᬩ᭄ᬭᬶᬬᬸᬓ᭄᭞ᬢᬦ᭄ᬲᬄᬳᬶᬮᬂᬳᬶᬮ
ᬗᬦ᭄᭞ᬳᭂᬦ᭄ᬤᬕ᭄ᬓᬸᬮᬶᬢ᭄ᬲᬂᬓᬮᬶᬳ᭄ᬩᬄᬫᬕᭂᬩ᭄ᬬᬸᬕ᭄᭞ᬲᬂᬳᭀᬯᬭᬳᬢ᭄ᬫᬵᬳᬸᬫᬫ᭄ᬩᬸᬃ᭞ᬳᬶᬤᬪᬝᬵᬭᬕ᭄ᬮᬶᬲ᭄ᬫᬗᬫ᭄ᬩᬶᬮ᭄᭟ᬲᬵᬢ᭄ᬫᬵᬦ᭄ᬳᬶᬤᬵᬲᬂᬧᬮᬢ᭄ᬭᬵ᭞ᬳᬫᬓᬓᬮᬶᬄᬧ᭄ᬭᬪᬯᬵᬫᬶᬚᬶᬮ᭄ᬫᬗ᭄ᬓᬶᬦ᭄᭞ᬳᬸᬚᬦ᭄ᬭᬚᬵᬫᬮᬶᬄᬮᬶᬦᬸᬄ᭞ᬓ᭄ᬭᬸᬕ᭄ᬓᬧᬾᬕ᭄ᬢᬦ᭄ᬧ᭄ᬕᬢ᭄᭞ᬢᬾᬚᬗᬤᭂᬕ᭄ᬫᬤᬸᬮᬸᬭᬦ᭄‌ᬢᭀᬬᬫ
ᬭᬹᬫ᭄᭞ᬧ᭄ᬭᬶᬂᬫᬃᬕ᭄ᬕᬵᬫᬜᬼᬫ᭄ᬧᬂ᭞ᬓᬸᬯᬸᬂᬓᬸᬯᬸᬂᬢᬾᬚᬕᬸᬮᬶᬂ᭟ᬳᬧᬦ᭄ᬭᬾᬄᬚᬢᬶᬧᬺᬪᬯᬵ᭞ᬲᬂᬫᬯᬵᬭᬵᬢ᭄‌ᬭᬢᬸᬯᬶᬚᬶᬮᬶᬂᬮ᭄ᬯᬶᬄ᭞ᬧᬥᬓᬕ᭄ᬬᬢ᭄ᬓᬮᬗ᭄ᬓᬸᬂ᭞ᬯᬸᬲ᭄ᬓᬧᬶᬦᭂᬄᬧ᭄ᬭᬪᬯᬵ᭞ᬩᬦᬾᬢᬯᬄᬢ᭄ᬯᬭᬢᬳᬾᬦ᭄ᬧᬤᬫᬗ᭄ᬕᬸᬄ᭞ᬳᬸᬚᬦ᭄ᬩᬍᬲ᭄‌ᬗᬺᬱᬂᬫᬦᬄ᭞ᬧᬗᬦ᭄ᬤᭂᬕ᭄ᬧᬤᬵᬫ
ᬫᬃᬕ᭄ᬕᬶ᭟ᬳᬶᬤᬾᬯᬕᬸᬂᬳᬚᬶᬳᬶᬤ᭞ᬲᬋᬂᬲᬫ᭄ᬬᬦ᭄ᬓᬬᬸᬦ᭄ᬭᬸᬲᬓ᭄ᬢᬦ᭄ᬲᬶᬧᬶ᭞ᬧᬧᬶᬦᭂᬄᬓ᭄ᬦᭂᬫᬓᬸᬫ᭄ᬧᬸᬮ᭄᭞ᬭᬶᬂᬳᭀᬓᬦ᭄ᬳᬶᬤᬵᬲᬫ᭄ᬬᬦ᭄᭞ᬮᬶᬦ᭄ᬢᬂᬓᬾᬫᬦ᭄ᬧᬘᬂᬫᬗᬸᬢᬸᬲ᭄ᬫᬦᬸᬳᬸᬃ᭞ᬭᬾᬄᬳᬸᬚᬦ᭄ᬓᬩᬶᬦᬩᬶᬦ᭞ᬭᬸᬕ᭄‌ᬓ᭄ᬮᬾᬧ᭄ᬫᬜᬦ᭄ᬤᭂᬭᬶᬦ᭄᭟ᬗ᭄ᬳᬶᬂᬧᬤᬲᬸᬗ᭄ᬲᬸᬢ᭄ᬤᬶᬋᬤ᭄ᬥᬵ᭞ᬦᭂᬂᬤᬶᬧᬸᬭᬶ [ 8 ][᭗ 7B]
᭗
ᬤᬶᬩᬜ᭄ᬘᬶᬗᬄᬩᬮᬶᬓᬶᬦ᭄᭞ᬧ᭄ᬭᬧᬸᬢ᭄ᬭᬓᬮᬶᬄᬳᬶᬤ᭄ᬯᬕᬸᬂ᭞ᬭᬳᬶᬓᬮᬶᬄᬳᬦ᭄ᬢᭂᬦᬃ᭞ᬫᬶᬦᬓᬕᬸᬂᬓᬸᬤ᭄ᬬᬂᬫᬸᬮᬶᬄᬦᬾᬚᬦᬶ᭞ᬩᬬᬸᬦ᭄ᬢ᭄ᬬᬂᬳᬦᬓᬕᬸᬂ᭞ᬓᬓᭂᬢᭂᬕ᭄ᬭᬸᬲᬓ᭄ᬧᬶᬲᬦ᭄᭞ᬫᬺᬧᬸᬢ᭄ᬫᬦᬾᬫ᭄ᬭᬶᬬᬸᬓᬶᬦ᭄ᬧᬲᬮᬶᬂᬢᭂᬫ᭄ᬩᬸᬂ᭞ᬬᬓ᭄ᬢᬶᬤ᭄ᬯᬕᬸᬂᬭᬸᬲᬓ᭄ᬧᬶᬲᬦ᭄᭞ᬫᬦᬄᬢᬶᬢ᭄ᬬᬗᬾᬦᬾᬫᬗ᭄ᬓᬶᬦ᭄᭟ᬳ
ᬦ᭄ᬢᭂᬦᬃᬧᬲᬮᬶᬂᬢᬶᬫ᭄ᬩᬮ᭄᭞ᬗᭂᬦᬶᬗᬬᬂᬓᬬᬸᬦ᭄ᬭᬸᬲᬓ᭄ᬱᬯ᭄ᬬᬓ᭄ᬢᬶ᭞ᬧ᭄ᬭᬧᬸᬢ᭄ᬭᬫᬮᬶᬄᬫᬳᬢᬸᬃ᭞ᬫᬮᬳᬶᬩ᭄ᬲᬵᬫ᭄ᬧᬸᬦᬸᬦᬲ᭄᭞ᬳᬦ᭄ᬢᭂᬦᬭᬾᬫᬗᬦ᭄ᬤᬶᬓᬵᬫᬗ᭄ᬓᬶᬦ᭄ᬤᬸᬫᬸᬦ᭄᭞ᬢᬶᬢ᭄ᬬᬂᬧᬘᬂᬫᬗᬾᬦ᭄ᬓᬾᬦᬂ᭞ᬫᬗᬫ᭄ᬩᬶᬮ᭄‌ᬳᬸᬗ᭄ᬓᬸᬮᬦ᭄‌ᬯ᭄ᬬᬓ᭄ᬢᬶ᭟ᬳᬦ᭄ᬢᭂᬦᬃᬕ᭄ᬮᬶᬲ᭄ᬦᬳᬸᬳᬂ᭞ᬢᬾᬓᭀᬃᬘ᭄ᬦᬶᬓ᭄‌ᬭᭀᬭᬲ᭄ᬫᬮᬳᬶᬩ᭄ᬓ
ᬧᬸᬭᬶ᭞ᬢᬦ᭄ᬓᭀᬘᬧᬢ᭄ᬓᭂᬤ᭄ᬲᬫ᭄ᬧᬸᬦ᭄᭞ᬯᬢᭂᬓ᭄ᬳᬶᬚᬶᬯᬵᬭᬗ᭄ᬕᬵ᭞ᬦ᭄ᬕᬓ᭄‌ᬓᬸᬫ᭄ᬧᬸᬮ᭄‌ᬬᬤᬶᬳᬫ᭄ᬩᬾᬦ᭄ᬫᬃᬤ᭄ᬥᬵᬢᬸᬳᬸ᭞ᬫᬚᬗ᭄ᬓᬵᬫᬗ᭄ᬭᬯᭀᬲ᭄‌ᬳ᭄ᬬ᭞ᬓᬤᬾᬜ᭄ᬚᬳᬶᬤ᭄ᬯᬕᬸᬂᬚᬢᬶ᭟ᬯᬶᬢ᭄ᬲᬓᬶᬂᬳᬢᬸᬭᬸᬳᬶᬤᬵ᭞ᬦᬾᬫᬗᬮᬶᬄᬳᬸᬗ᭄ᬓᬸᬮᬦ᭄ᬢᬸᬮᬓ᭄‌ᬕ᭄ᬮᬶᬲ᭄᭞ᬢᬦ᭄ᬓᭀᬘᬧ᭄ᬲᬫ᭄ᬧᬸᬦ᭄ᬓᬳᬢᬹᬃ᭞ᬩ᭄ᬭᬶᬬᬸᬓ᭄ᬫ
ᬫᬃᬕ᭄ᬕᬶᬳᬶᬤ᭞ᬚᬦᬶᬳᬶᬤᬵᬲᬧᬮᬢ᭄ᬭᬓᭀᬘᬧ᭄ᬫᬮᬸ᭞ᬫᬺᬫ᭄ᬧᬢᬸᬢ᭄ᬲᬢ᭄ᬫᬗ᭄ᬮᬸᬫᬄ᭞ᬫᬗ᭄ᬮᬮᬾᬧᬾᬗᬸᬮᬗᬸᬦᬶᬦ᭄᭟ᬍᬫᭂᬢ᭄ᬲᬢ᭄ᬫᬤᬧᬮᬬ᭄ᬣᬦ᭄᭞ᬮᬫ᭄ᬩᬾᬦ᭄ᬳᬶᬤᬵᬫᬳᬸᬮᬸᬢ᭄ᬳᬸᬮᬸᬢ᭄ᬫᬶᬗᬶᬲ᭄᭞ᬲᬲᬶᬭᬳ᭄ᬫᬩ᭄ᬗᬤ᭄ᬳᬮᬸᬲ᭄᭞ᬲᬯᬯᬧᬯᬸᬢ᭄ᬳᬶᬤ᭞ᬭᬾᬄᬲᬸᬤ᭄ᬦᬗᬶᬲ᭄᭞ᬧᬗᬭᬲᬦ᭄
[᭘ 8A]
ᬕᬥᬶᬂᬮᬸᬫ᭄ᬮᬸᬫ᭄᭞ᬧᬳᬸᬢ᭄ᬜᬦ᭄ᬤᬶᬂᬓ᭄ᬭᬶᬲ᭄ᬳᬶᬤᬵ᭞ᬩ᭄ᬭᬫᬭᬳᬓᬾᬄᬫᬗ᭄ᬭᬜ᭄ᬚᬶᬂ᭟ᬩᬳᬦ᭄ᬫᬶᬳᬶᬓᬾᬫᬶᬬᬸᬭᬦ᭄᭞ᬩ᭄ᬭᬳ᭄ᬫᬭᬦᬾᬧᬕ᭄ᬭᬶᬬᬸᬂᬲᬢ᭄ᬗ᭄ᬭᬸᬭᬸᬩᬶᬦ᭄᭞ᬓᬋᬂᬋᬂᬩ᭄ᬭᬳ᭄ᬫᬭᬵᬧᬯᬸᬢ᭄᭞ᬬᬦᬶᬂᬧᬃᬡ᭄ᬦᬵᬧᬦ᭄ᬢᭂᬲᬂ᭞ᬫᬶᬭᬶᬩ᭄ᬢᬗᬶᬲ᭄ᬫᬗᭂᬦᬂᬳᬶᬤᬵᬲᬂᬮᬫ᭄ᬧᬸᬲ᭄᭞ᬳ᭄ᬦᬗᬂᬳᬶᬤᬵᬲᬂᬮᬶᬡ᭄ᬦᬵ᭞ᬳᬶᬤ᭄ᬯᬕᬸᬂᬧᬺᬧᬸᬢᬺ
ᬲᬫᬶ᭟ᬢᬦ᭄ᬓᬤᬶᬯᬢᭂᬓ᭄ᬳᬦ᭄ᬢᭂᬦᬃ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬦᬢᬄᬫᬹᬃᬤ᭄ᬥᬵᬫᬡᬶᬓ᭄᭞ᬦᬾᬤᬶᬳᬫ᭄ᬩᬾᬦ᭄ᬧᬤᬢᬸᬳᬸᬦ᭄᭞ᬯᬢᭂᬓ᭄ᬳᬶᬚᬶᬯᬭᬕ᭄ᬕᬵ᭞ᬤᬵᬲᬂᬧ᭄ᬭᬧ᭄ᬢᬫᬸᬗ᭄ᬕᬳᬦ᭄ᬲᬫᬶᬫᬩ᭄ᬭᬶᬬᬸᬓ᭄᭞ᬧᬤᬫᬢᬓᬾᬦ᭄ᬗᬤᬾᬗᬂ᭞ᬧᬢᭂᬄᬧᬦ᭄ᬤᬶᬓᬦᬾᬲᬫᬶ᭟ᬩᬶᬄᬫᬳᬦ᭄ᬳᬶᬤ᭄ᬯᬕᬸᬂᬓᭀᬤᬮ᭄᭞ᬦᬾᬮᬮᬶ
ᬫᬵᬜᭂᬫ᭄ᬩᬄᬲᬮᬶᬂᬢᬶᬫ᭄ᬩᬮᬶᬦ᭄᭞ᬦᬾᬦ᭄ᬢᭂᬦ᭄ᬧᭀᬮᬶᬄᬭᬵᬢᬸᬤ᭄ᬯᬕᬸᬂ᭞ᬲᬶᬬᭂᬧᬶᬲᬦ᭄ᬭᬶᬂᬓᬫᬃ᭞ᬳᬶᬤᬾᬯᬕᬸᬂᬭᬳᬶᬫᬗᬶᬦ᭄ᬤᬓᬵᬳᬮᬸᬲ᭄᭞ᬢᬦ᭄ᬫᬭᬶᬭᬶᬂᬧᬭᬧᬸᬢᬺ᭞ᬘᭂᬦ᭄ᬤᭂᬢ᭄‌ᬓᬾᬦ᭄ᬓᬾᬦ᭄ᬩᬦ᭄ᬩᭂᬦ᭄ᬳᬶᬦ᭄᭟ᬭᬾᬄᬳᬶᬂᬲᬸᬩᬢ᭄ᬥᬸᬄᬧᬶᬲᬦ᭄᭞ᬲᬶᬂᬓᬾᬩᬦᬶᬮᬓᬃᬦᬗᬶᬦᬶᬦ᭄‌ᬚᬦᬶ᭞ᬧᬭᬧᬸᬢ᭄ᬭᬫᬵ
ᬢᬹᬃᬩ᭄ᬭᬶᬬᬸᬓ᭄᭞ᬫᬗ᭄ᬓᬶᬦ᭄ᬫᬮᬶᬄᬳᬚ᭄ᬧᬦ᭄᭞ᬬᬦᬶᬂᬦᬾᬦ᭄ᬢᭂᬦ᭄‌ᬢᬗᬶᬢᬗᬶᬦᬶᬦ᭄ᬳᬶᬤ᭄ᬯᬕᬸᬂ᭞ᬳᬦ᭄ᬢᭂᬦᬃᬫᬢᬹᬃᬳᬦᬶᬫ᭄ᬩᬮ᭄᭞ᬲ᭄ᬧᭂᬂᬓᬤᬯᬸᬄᬳᬶᬦᬸᬦᬶ᭟ᬬᬾᬦ᭄ᬲᬶᬂᬩᬗᬸᬦ᭄ᬢ᭄ᬬᬂᬜᬦᬦ᭄᭞ᬤᬵᬜᭂᬦ᭄ᬗᬶᬬᭂᬕ᭄‌ᬦᬾᬫᬦᬶᬢ᭄ᬬᬂᬫᬮᬮᬶ᭞ᬲᬧᬸᬦᬶᬓᬭᬵᬢᬸᬤ᭄ᬯᬕᬸᬂ᭞ᬯᬘᬦᬦ᭄ᬤᬵᬳᬶᬭᬓᬵ᭞ᬳᬶᬤᬾᬯᬕᬸᬂ [ 9 ][᭘ 8B]
᭘
ᬭᬳᬶᬫᬦᬶᬫ᭄ᬩᬮᬶᬦ᭄ᬳᬮᬸᬲ᭄᭞ᬬᬤᬶᬦ᭄ᬓᬾᬢᭀᬧᬗᬦ᭄ᬤᬶᬓ᭞ᬩᬦᬾᬳᬤᬩᬸᬓᬚᬦᬶ᭟ᬓ᭄ᬦᭂᬄᬳᬸᬲᬓ᭄ᬚᬓ᭄ᬫᬓ᭄ᬚᬂ᭞ᬧᬺᬧᬸᬢ᭄ᬭᬦᬾᬫᬮᬶᬄᬳᬶᬤᬵᬦᬫ᭄ᬩᬸᬗᬶᬦ᭄᭞ᬦᬶᬫ᭄ᬩᬮᬶᬦ᭄ᬳᬦ᭄ᬢᭂᬦᬃᬧᬢᬸᬄ᭞ᬦᬓᬕᬸᬂᬲᬚᬧᬶᬲᬦ᭄᭞ᬳᬦ᭄ᬢᭂᬦᬭᬾᬫᬮᬶᬄᬫᬩ᭄ᬭᬶᬬᬸᬓ᭄ᬫᬫᬢᬸᬢ᭄᭞ᬕᬸᬮᬸᬓ᭄ᬫᬩᬯᭀᬲᬫ᭄ᬬᬦ᭄᭞ᬗᬦ᭄ᬢᬶᬲᭀ
ᬭᬾᬓᬃᬦᬗᬶᬦᬶᬦ᭄᭟ᬳᬶᬤᬾᬯᬕᬸᬂᬭᬳᬶᬳᬶᬤᬵ᭞ᬫᬗᬸᬫᬗᬸᬤᭂᬓ᭄ᬤᭂᬓ᭄ᬭᬣᬦᬶᬂᬋᬤ᭄ᬥᬶ᭞ᬓᬬᬸᬦ᭄ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬢᬸᬳᬸ᭞ᬫᬗᬦ᭄ᬤᬶᬓᬵᬗᭂᬫ᭄ᬩᭂᬂᬯᬱ᭄ᬧ᭞ᬢᬦ᭄‌ᬲᬄᬗᬫᬾᬭᬓᬦ᭄ᬤ᭄ᬥᬵᬫᬗ᭄ᬤᬾᬫᬳᬸᬗᬸ᭞ᬧᬺᬧᬸᬢᬺᬓᬮᬶᬄᬳᬦ᭄ᬢᭂᬦᬃ᭞ᬧᬤᬵᬢᭀᬂᬩᬶᬱᬵᬫᬶᬦ᭄ᬳᬶᬦ᭄᭟ᬩᬦᬾᬲᬶᬋᬧ᭄ᬢᬃᬦᬢ᭄ᬭᬧ᭄᭞ᬧᬶᬦᭂᬄᬲᬜ᭄ᬚᬲᬩᭂᬄᬢ᭄ᬭᬂ
ᬦᬾᬫᬗ᭄ᬓᬶᬦ᭄᭞ᬳ᭄ᬦᭂᬗᬂᬦᬾᬬᬶᬤᬶᬫᬮᬸ᭞ᬲᬂᬦᬵᬣᬘᬭᬶᬢᬬᬂ᭞ᬲᬶᬗᬲ᭄ᬓᬃᬕ᭄ᬕ᭄ᬮᬂᬦᬗ᭄ᬓᬶᬮ᭄ᬫᬩ᭄ᬭᬶᬬᬸᬓ᭄᭞ᬦᬗ᭄ᬓᬶᬮ᭄ᬲᬂᬧ᭄ᬭᬪᬸᬓᭀᬭᬶᬧᬦ᭄᭞ᬳᭂᬳᬸᬲ᭄ᬳᬶᬤᬵᬫᬓᬸᬫ᭄ᬧᬸᬮ᭄‌ᬯ᭄ᬬᬓ᭄ᬢᬶ᭟ᬳᬶᬤᬾᬯᬕᬸᬂᬩ᭄ᬬᬂᬢᬶᬕ᭄ᬕᬵ᭞ᬢᬦᬧᬲᬄᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬓᭀᬭᬶᬧᬦ᭄ᬗᬦ᭄ᬤᬶᬓᬵᬳᬮᬸᬲ᭄᭞ᬳᬶᬤᬦᬧᬶ
ᬳᬤᬦ᭄ᬜᬵ᭞ᬦᬾᬳᬶᬢᬸᬦ᭄ᬬᬦ᭄‌ᬚ᭄ᬜᭂᬂᬧ᭄ᬭᬩᬯᬦ᭄ᬲᬂᬭᬵᬢᬸ᭞ᬩᬳᬦᬾᬓᬩᬶᬦᬩᬶᬦ᭞ᬤᬵᬳᬭᬶᬦ᭄ᬤᬵᬜᭂᬫ᭄ᬩᬄᬲᬫᬶ᭟ᬤᬕᬶᬂᬫᬫᬢᬸᬢ᭄ᬧᬦ᭄ᬤᬶᬓᬵ᭞ᬳᬶᬤᬾᬯᬕᬸᬂᬳ᭄ᬬᬂᬓᬸᬭᬶᬧᬦ᭄‌ᬕ᭄ᬮᬶᬲ᭄᭞ᬫᬢᬹᬃᬢ᭄ᬓᬾᬦ᭄ᬭᬓᬳᬮᬸᬲ᭄᭞ᬓᬓᬵᬳᬚᬶᬗ᭄ᬕᬶᬄᬦᬶᬓᬬᬂ᭞ᬗᬮᬶᬄᬳᬶᬜ᭄ᬚᭀᬃᬓ᭄ᬦᭂᬄᬢ᭄ᬬᬂᬮᬶᬦ᭄ᬢᬂᬳᬶᬗᬸᬄ᭞ᬩᬬᬸ
[᭙ 9A]
ᬦ᭄ᬢ᭄ᬬᬂᬳᬸᬲᬓ᭄ᬧᬶᬲᬦ᭄᭞ᬧᬗᬧᬤᬵᬓᬸᬫ᭄ᬧᬸᬮ᭄‌ᬤ᭄ᬭᬶᬓᬶ᭟ᬳᬭᬶᬳᬭᬶᬦ᭄ᬥᬵᬲᬫ᭄ᬬᬦ᭄᭞ᬗᬸᬦᬶᬗᬬᬂᬓᬬᬸᬤ᭄ᬥᬵᬭᬸᬲᬓ᭄ᬱᬫᬶ᭞ᬕ᭄ᬮᬶᬲ᭄ᬳᬶᬤᬵᬫᬤᬤᬯᬸᬄ᭞ᬓ᭄ᬦᬶᬫᬦᬸᬳᬸᬃᬳᭀᬓ᭞ᬮᬦᬂᬳᬶᬲ᭄ᬢ᭄ᬭᬶᬧᬗᬬᬄᬫᬜᭂᬫ᭄ᬩᬄᬮ᭄ᬬᬸ᭞ᬳᬤᬦᬸᬳᬸᬃᬦᬾᬦᬾᬮᬦᬂ᭞ᬳᬤᬦᬸᬳᬸᬃᬦᬾᬦᬾᬳᬶᬲ᭄ᬢ᭄ᬭᬶ᭟ᬲᬵᬫ᭄ᬧᬸᬦ᭄‌ᬯ᭄ᬗᬶᬫᬸᬗ᭄ᬕᬄᬲ᭄ᬯᬃ᭞
ᬦᬾᬫᬦᬸᬳᬸᬃᬲᬵᬫ᭄ᬧᬸᬦ᭄ᬫᬳᬢᬸᬃᬲᬫᬶ᭞ᬧᬭᬳᬶᬲ᭄ᬢ᭄ᬭᬶᬦᬗ᭄ᬓᬶᬮ᭄‌ᬩ᭄ᬭᬶᬬᬸᬓ᭄᭞ᬗ᭄ᬳᬶᬂᬲᬫᬶᬓᬬᬸᬦ᭄ᬭᬸᬲᬓ᭄᭞ᬦᬾᬫᬦᬸᬳᬸᬃᬤᬶᬩᬮᬾᬫᬹᬃᬤ᭄ᬥᬵᬯᬸᬲ᭄ᬭᬯᬸᬄ᭞ᬕ᭄ᬮᬶᬲ᭄ᬳᬶᬧᬸᬦ᭄ᬫᬗ᭄ᬮᬸᬂᬲᬸᬭᬂ᭞ᬭᬶᬂᬳᬶᬤᬵᬳᬶᬤ᭄ᬯᬕᬸᬂᬭᬳᬶ᭟ᬤᬕᬶᬂᬳᬢᬸᬃᬲᬳᬲᭂᬫ᭄ᬩᬄ᭞ᬭᬵᬢᬸᬤ᭄ᬯᬕᬸᬂᬢᬶᬢ᭄ᬬᬂᬓᬳᬸᬢᬸᬲ᭄‌ᬯ᭄ᬬᬓ᭄ᬢᬶ᭞ᬫᬦᬸᬳᬸᬃᬭᬓᬦ᭄ᬳᬶᬤ᭄ᬯᬕᬸᬂ᭞ᬓᬮᬶᬄᬘᭀ
ᬓᭀᬃᬳᬶᬤᬾᬯ᭄ᬯᬵ᭞ᬲᬋᬂᬲᬫ᭄ᬬᬦ᭄‌ᬓ᭄ᬦᬶᬫᬦᬗ᭄ᬓᬶᬮ᭄ᬳᬶᬤ᭄ᬯᬕᬸᬂ᭞ᬳᬶᬤᬵᬳᬚᬶᬦ᭄‌ᬘᭀᬓᭀᬃᬳᬶᬤᬾᬯ᭄ᬯᬵ᭞ᬫᬯᬘᬦᬲᬋᬂᬲᬫᬶ᭟ᬳᬶᬤᬾᬯᬕᬸᬂᬭᬳᬶᬳᬶᬤᬵ᭞ᬮᬾᬦ᭄ᬧᬺᬧᬸᬢᬺᬱᬬᬦ᭄ᬳᭂᬗ᭄ᬲᭂᬓ᭄ᬢᬦ᭄ᬲᬶᬧᬶ᭞ᬧᬦ᭄ᬧᬤᬵᬲᬗ᭄ᬲᬬᬾᬦ᭄ᬓᬬᬸᬦ᭄᭞ᬧᬶᬦᭂᬄᬮᬘᬸᬃᬭᬓᬦ᭄ᬥᬵ᭞ᬢᬦ᭄ᬧᬢᬸᬭᬄᬲᬶᬋᬧ᭄‌ᬢ᭄ᬯᬭᬵ
ᬩᬶᬱᬵᬫᬸᬗᬸ᭞ᬫᬩ᭄ᬭᬶᬬᬸᬓ᭄ᬮᭀᬕᬲ᭄ᬫᬦᬶᬫ᭄ᬩᬮ᭄᭟ᬧᬗᬦ᭄ᬤᬶᬓᬵᬧᬢᬸᬄᬲᬫᬶ᭟ᬳᬶᬤᬾᬯᬕᬸᬂᬧᬸᬢᬺᬳᬶᬤᬵ᭞ᬮᬾᬦ᭄ᬕᬸᬂᬳᬦᬂᬫᬺᬫ᭄ᬳᬸᬮᬶᬳᬶᬢᬸᬦᬶ᭞ᬳᭂᬦ᭄ᬤᬾᬦ᭄‌ᬚᬦᬶᬢᬗᬶᬦᬶᬦ᭄ᬫᬮᬸ᭞ᬩ᭄ᬭᬶᬬᬸᬓ᭄ᬫᬢᬗᬶᬳᬶᬤᬵ᭞ᬦᭂᬲᭂᬓᬸᬭᬶᬧᬢᬄᬳᬢᬹᬃᬗ᭄ᬢᬸᬲ᭄ᬓᬬᬸᬦ᭄᭞ᬤᬾᬯᬕᬸᬂᬦᬸᬦᬲ᭄ᬓᭂᬲᬾᬗᬦ᭄᭞ᬓᬮᬶᬳᬜᬲᬵᬫ᭄ᬧᬸᬦ᭄ᬯᭂ [ 10 ][᭙ 9B]
᭙
ᬗᬶ᭟ᬲ᭄ᬧᬶᬤᭂᬦ᭄ᬤᭂᬦ᭄ᬧᬶᬲᬦ᭄ᬧᬶᬲᬦ᭄᭞ᬫᬸᬂᬩ᭄ᬭᬳ᭄ᬫᬵᬭᬫᬗᬺᬂᬋᬂᬓᬧᬶᬬᬃᬱ᭞ᬓᬮᬶᬄᬫᬶᬳᬶᬓ᭄ᬗᬮᬸᬩ᭄ᬳᬮᬸᬩ᭄᭞ᬳᬗᬶᬦ᭄ᬳᬭᬶᬲ᭄ᬗᬫ᭄ᬧᭂᬳᬂ᭞ᬮᬾᬦ᭄ᬧ᭄ᬭᬪᬯᬵᬩᬶᬦ᭄ᬢᬂᬓᬸᬓᬸᬲ᭄ᬚᬕᬲᬢ᭄ᬭᬸ᭞ᬫᬩᬽᬕ᭄ᬓᬩᬶᬦᬵᬩᬶᬦᬵ᭞ᬧᬤᬓᬕ᭄ᬬᬢ᭄ᬫᬮᬶᬄᬗᬓ᭄ᬱᬶ᭟ᬲᬬᬦ᭄ᬲᬗ᭄ᬲᬬᬾᬂᬤᬶᬋᬤ᭄ᬥᬵ᭞ᬦᬾᬦᬗᬶᬦᬶᬦ᭄ᬳᬶᬤ
ᬳᬶᬤ᭄ᬯᬕᬸᬂᬫᬮᬶᬄ᭞ᬳᬢᬹᬃᬳᬶᬤᬵᬧᬤᬵᬳᬗ᭄ᬮᬸᬲ᭄᭞ᬤᬾᬯᬕᬸᬂᬩᭀᬬᬓᭀᬤᬮ᭄᭞ᬲᬳᬢᬗᬶᬲ᭄‌ᬭᬾᬄᬓᬧᬶᬦᭂᬄᬧᬸᬧᬸᬢ᭄᭞ᬓᬍᬃᬦᬾᬦ᭄ᬢᭂᬦ᭄ᬓᬲᬳᬸᬭᬦ᭄᭞ᬳᬶᬤ᭄ᬯᬕᬸᬂᬧᬺᬧᬸᬢᬺᬱᬫᬶ᭟ᬲᬬᬦ᭄ᬫᬫᭂᬢᭂᬗᬶᬂᬘᬶᬢ᭄ᬭᬵ᭞ᬚ᭄ᬭᬢ᭄ᬚᭂᬭᬶᬢ᭄ᬳᬤᬫᬗᭀᬕᬄᬓᬸᬭᬶ᭞ᬧ᭄ᬭᬧᬸᬢᬺᬫᬦᬕᬶᬄᬜᬸᬳᬸᬦ᭄᭞ᬯᬸᬲ᭄ᬕᬾᬕᬾᬃᬳᬯᬸᬭ
ᬳᬦ᭄᭞ᬳᬶᬤᬾᬯᬕᬸᬂᬭᬳᬶᬳᬶᬤᬵᬢ᭄ᬥᬸᬦ᭄ᬲᬵᬫ᭄ᬧᬸᬦ᭄᭞ᬕ᭄ᬮᬶᬲ᭄ᬜᬸᬚᬸᬃᬧᬲᬗ᭄ᬕ᭄ᬭᬳᬦ᭄᭞ᬩᬸᬭᬯᬸᬄᬫᬗᬫ᭄ᬩᬶᬮ᭄‌ᬓ᭄ᬭᬶᬲ᭄᭟ᬫᬸᬗᬸᬯᬢᭂᬓ᭄ᬳᬦ᭄ᬢᭂᬦᬃ᭞ᬳᬓᬾᬄᬫ᭄ᬓᬸᬮ᭄ᬲᬳᬵᬫᬫᬶᬢᬂᬓ᭄ᬭᬶᬲ᭄᭞ᬫᬢᬸᬃᬧᬲᬮᬾᬂᬢᭂᬫ᭄ᬩᬸᬂ᭞ᬧᬢᭂᬄᬳᬢᬸᬃᬤᬵᬲᬫ᭄ᬬᬦ᭄᭞ᬭᬵᬢᬸᬤ᭄ᬯᬕᬸᬂᬳᬾᬮᬶᬂᬚᭂᬂᬧᬸᬓᬸᬮᬸᬦ᭄᭞ᬦᬸᬦᬲᬸᬫᬸᬦ᭄ᬳᬸᬦᬶᬗᬬᬂ᭞ᬭᬶᬂ
ᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭟ᬳᬶᬤᬾᬯᬕᬸᬂᬭᬳᬶᬳᬶᬤᬵ᭞ᬓᬬᬸᬦ᭄ᬲᭂᬲᭂᬓ᭄ᬤᬸᬭᬸᬂᬕᬾᬦ᭄ᬢᬲ᭄ᬜᬯᬸᬭᬶᬦ᭄᭞ᬧᬺᬧᬸᬢᬺᬫᬕᬫᭂᬮ᭄ᬲᬫ᭄ᬧᬸᬦ᭄᭞ᬭᬾᬄᬓᬬᬸᬦ᭄ᬧᬸᬧᬸᬢ᭄ᬲᬫ᭄ᬬᬦ᭄᭞ᬳᬦ᭄ᬢᭂᬦᬭᬾᬫᬮᬶᬳᬶᬤᬵᬫᬢᬹᬃᬳᬮᬸᬲ᭄᭞ᬤᬾᬯᬕᬸᬂᬮᬶᬗ᭄ᬕᬶᬳᬶᬦ᭄ᬧᬶᬲᬦ᭄᭞ᬭᬶᬂᬧᬭᬧᬸᬢ᭄ᬭᬦᬾᬲᬫᬶ᭟ᬦᬓᬕᬸᬂᬲᬵᬫ᭄ᬧᬸᬦ᭄ᬫᬦᬸᬮᬵ
[᭑᭐ 10A]
ᬓ᭄᭞ᬩᭀᬬᬲᬦᬾᬢᬶᬢ᭄ᬬᬂᬮᬸᬘᬸᬗᬮᬗᬶᬦ᭄᭞ᬢᬶᬢ᭄ᬬᬂᬓᬃᬬ᭄ᬬᬦᬂᬤᬾᬯᬕᬸᬂ᭞ᬭᬶᬂᬳᬶᬤᬵᬭᬵᬚᬳᬦ᭄ᬯᬫ᭄᭞ᬓ᭄ᬦᬶᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬲᬶᬲᬶᬧ᭄ᬭᬢᬸᬤ᭄ᬯᬕᬸᬂ᭞ᬧᬺᬭᬵᬢᬸᬭᬯᬸᬄᬲᬫ᭄ᬬᬦ᭄᭞ᬭᬾᬳᬶᬂᬳᬤᬫᬫᬶᬳᬸᬦᬶᬂ᭟ᬧᬢᭂᬄᬧᬫᬸᬗᬸᬦᬾᬲᬫ᭄ᬬᬦ᭄᭞ᬢᬦ᭄ᬧᬓᬤ᭄ᬥᬵᬳᬶᬤᬵᬳᬶᬤ᭄ᬯᬕᬸᬂᬭᬳᬶ᭞ᬧᬺᬭᬵᬢᬸᬤᬯᬸᬳᬂᬲᬵ
ᬫ᭄ᬧᬸᬦ᭄᭞ᬳᬦ᭄ᬢᭂᬦᬃᬫᬸᬓᬸᬮ᭄ᬓᬯᬢ᭄᭞ᬳᬦ᭄ᬢᭂᬦᬭᬾᬫᬜᭂᬫ᭄ᬩᬄᬭᬶᬂᬳᬚᬶᬲᬵᬫ᭄ᬧᬸᬦ᭄᭞ᬳᬦ᭄ᬢᭂᬦᬃᬕ᭄ᬮᬶᬲ᭄ᬫᬸᬗ᭄ᬕᬳᬦ᭄᭞ᬫᬦᬮᬶᬧᬸᬦ᭄‌ᬜᬺᬕ᭄ᬯᬗ᭄ᬲᬶᬢ᭄᭟ᬫᬓ᭄ᬭᬶᬡᬶᬂᬢᬗ᭄ᬮᬸᬲ᭄ᬓᬮᬶᬦ᭄ᬢᬂ᭞ᬧᬺᬭᬵᬢᬸᬦᬾᬫᬮᬶᬄᬦᬯᬸᬳᬂᬕ᭄ᬮᬶᬲ᭄᭞ᬓ᭄ᬦᭂᬫᬓᬲᬶᬦ᭄ᬲᭂᬧᬸᬃ᭞ᬳᬩ᭄ᬚᬾᬗ᭄ᬮᬃᬓᬤᬯᬸᬳᬦ᭄᭞ᬚᬦᬶᬫᭂᬦ᭄ᬤᬓ᭄ᬢᬦ᭄ᬓᭀᬘᬧ᭄ᬫᬤ
ᬩ᭄ᬤᬩ᭄ᬲᬫ᭄ᬧᬸᬦ᭄᭞ᬲᬂᬓᬮᬶᬄᬲᬸᬩᬫᬚᬮᬦ᭄᭞ᬦᬾᬦᬮᬶᬧᬸᬦ᭄ᬩᬦ᭄ᬩᬶᬮᬶᬓᬶᬦ᭄᭟ᬳᬶᬤᬵᬢ᭄ᬯᬦ᭄‌ᬭᬚᬵᬤᬶᬭᬚᬵ᭞ᬲ᭄ᬤᭂᬓ᭄ᬳᬶᬤᬵᬤᬶᬳᬫ᭄ᬩᬾᬦ᭄ᬤᬃᬦ᭄ᬥᬵᬫᬡᬶᬓ᭄᭞ᬳᬭᬶᬤ᭄ᬥᬵᬢᬦ᭄ᬧᬲᬄᬲᬵᬫ᭄ᬧᬸᬦ᭄᭞ᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬲ᭄ᬥᭂᬓ᭄ᬳᬸᬫ᭄ᬬᬂᬢᬗ᭄ᬓᬶᬮᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬧᬤᬵᬮᬾᬤᬂᬫᬳᬶᬫ᭄ᬬ
ᬦ᭄ᬳᬶᬫ᭄ᬬᬦ᭄᭞ᬳᬶᬘ᭄ᬘᬵᬲᬶᬂᬓᬃᬯᬦ᭄ᬳᬶᬘᬳᬶᬦ᭄᭟ᬭᬾᬄᬭᭀᬭᭀᬮᬦ᭄ᬤᬸᬃᬫ᭄ᬫᬵᬗ᭄ᬕᬮᬵ᭞ᬮᬶᬦ᭄ᬢᬂᬧᬺᬓ᭄ᬮᬮᬢᬋᬗᭃᬲᬫᬶᬭᬶᬂ᭞ᬧᬺᬪᬯᬳᬓᬾᬄᬫ᭄ᬢᬸ᭞ᬮᬾᬤᬂᬗᬯᬶᬦᬶᬦ᭄ᬮᬶᬧ᭄ᬬ᭞ᬲᬕᬾᬢ᭄ᬯᬗ᭄ᬲᬶᬢ᭄ᬓᬯᬢᬾᬫᬓ᭄ᬭᬶᬡᬶᬂᬢᬗ᭄ᬮᬸᬲ᭄᭞ᬳᬶᬤᬵᬢ᭄ᬯᬦ᭄ᬭᬚᬤᬶᬭᬚᬵ᭞ᬩᬳᬸᬫᬭᬳᬾᬮᬶᬂᬫᬗ᭄ᬓᬶᬦ᭄᭟ᬭᬶᬂᬳᬶ [ 11 ][᭑᭐ 10B]
᭑᭐
ᬳᬶᬤ᭄ᬯᬕᬸᬂᬧᬸᬢᬺ᭞ᬲᬓᬶᬂᬩᬮᬶᬭᬾᬄᬮᬫᬶᬓᬢᬶᬗ᭄ᬕᬮᬶᬦ᭄᭞ᬳᬶᬤᬾᬯᬕᬸᬂᬧᬸᬢᬺᬫᬢᬸᬃ᭞ᬭᬶᬂᬳᬶᬤᬭᬚᬵᬳᬦ᭄ᬯᬫ᭄᭞ᬗ᭄ᬕᬶᬄᬕ᭄ᬮᬶᬲᬂᬚᬕ᭄ᬚᬕᬶᬦ᭄ᬧᬗ᭄ᬕᬶᬮᬦ᭄ᬤ᭄ᬯᬕᬸᬂ᭞ᬢ᭄ᬯᬦ᭄ᬭᬚᬵᬗᬭᬲ᭄ᬳᬭᬶᬦ᭄ᬥᬵ᭞ᬳᬫ᭄ᬧᬸᬭᬵᬤᬵᬕ᭄ᬥᭂᬕ᭄ᬳᭂᬗ᭄ᬕᬸᬄ᭟ᬚ᭄ᬜᭂᬂᬳᬧᬢᭀᬧᬗ᭄ᬕᬶᬮᬦ᭄᭞ᬫᬮᬶᬄᬗᬭᬲ᭄‌ᬲᬃᬯ᭄ᬯᬶᬳᬶᬤᬫᬢᬗᬶ᭞ᬜᬸᬚᬸᬃ
ᬓᬯᬢ᭄ᬫᬍᬲᬫ᭄ᬧᬸᬦ᭄᭞ᬕ᭄ᬮᬶᬲ᭄ᬳᬶᬤᬵᬦᬓᬾᬦᬂ᭞ᬳ᭄ᬬᬳᬶᬕᬥᬫᬳᬢᬸᬃᬤᬶᬓᬯᬢᬗ᭄ᬮᬸᬲ᭄᭞ᬚᭂᬂᬧᬸᬓᬸᬮᬸᬦ᭄‌ᬭᬚᬵᬳᬦ᭄ᬯᬫ᭄᭞ᬢᬶᬢ᭄ᬬᬂᬗᬢᬸᬭᬂᬧᬶᬳᬸᬦᬶᬂ᭟ᬤᬵᬳᬭᬶᬦ᭄‌ᬘᭀᬓᭀᬃᬳᬶᬤᬾᬯ᭄ᬯᬵ᭞ᬳᬶᬤᬾᬯᬕᬸᬂᬧᬸᬢ᭄ᬭᬮᬶᬡᬵᬦᬾᬫᬗ᭄ᬓᬶᬦ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬤ᭄ᬯᬕᬸᬂ᭞ᬮᬦᬂᬫᬸᬧᬸᬢᬂᬳᬗ᭄ᬕᬵ᭞ᬭᬶᬧ
ᬫᬺᬫᬦ᭄ᬫᬓᬜ᭄ᬘᬶᬂᬓᭀᬭᬶᬤᬾᬯᬕᬸᬂ᭞ᬳᬶᬭᬶᬓᬭᬶᬂᬩᬮᬾᬫᬹᬃᬤ᭄ᬥᬵ᭞ᬢ᭄ᬯᬦ᭄‌ᬭᬚᬵᬓᬕ᭄ᬬᬫᬶᬬᬃᬱᬶ᭟ᬕ᭄ᬮᬶᬲ᭄ᬳᬶᬤᬵᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬤᬵᬲᬃᬯ᭄ᬯᬶᬫᬗᭂᬫ᭄ᬩᭂᬂᬢᬗᬶᬲ᭄᭞ᬫᬾᬳᬢᬸᬤᬾᬅᬳᬳᭀᬯᬮᬘᬸᬃ᭞ᬳᬶᬜ᭄ᬚᭀᬃᬳᬶᬕ᭄ᬬᭀᬃᬦᬶᬗ᭄ᬕᬮ᭄᭞ᬤᬵᬳᬭᬶᬦ᭄ᬤᬵᬳᭂᬗ᭄ᬲᭂᬓᬕ᭄ᬬᬢᬾᬓᬮᬗ᭄ᬓᬸᬂ᭞ᬫᬢᬸᬃᬦᬗᬶᬲ᭄ᬫᭂ
ᬓᬸᬮ᭄ᬭᬓᬵ᭞ᬦᬸᬦᬲ᭄ᬤᬾᬯᬕᬸᬂᬚᬕ᭄ᬚᬕᬶᬦ᭄᭟ᬤᬵᬭᬓᬦ᭄ᬥᬵᬕ᭄ᬮᬶᬲ᭄ᬦᬶᬫ᭄ᬩᬮ᭄᭞ᬜᬫᬦ᭄ᬢᬸᬤᬾᬓ᭄ᬫᬓ᭄ᬚᬂᬳᬚᬓ᭄ᬫᬸᬮᬶᬄ᭞ᬤᬵᬳᬭᬶᬦ᭄ᬥᬵᬫᬮᬶᬄᬫᬢᬸᬃ᭞ᬩ᭄ᬘᬶᬓ᭄ᬘᭀᬓᭀᬃᬳᬶᬤᬾᬯ᭄ᬯᬵ᭞ᬗᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬶᬲᬦ᭄ᬧᬸᬭᬸᬦ᭄᭞ᬭᬶᬂᬭᬳᬶᬦ᭄‌ᬘᭀᬓᭀᬃᬳᬶᬤᬾᬯ᭄ᬯᬵ᭞ᬕᬸᬂᬳᬦᭀ
[᭑᭑ 11A]
ᬫ᭄ᬭᬓᬵᬦᬶᬫ᭄ᬩᬮ᭄‌ᬗ᭄ᬕᬶᬄ᭟ᬩᬸᬳᬬᬢ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬫᬦ᭄ᬤᬯᬸᬳᬂᬲ᭄ᬧᬸᬃᬤᬵᬓ᭄ᬦᬶᬫᬶᬚᬶᬮ᭄᭞ᬤᬵᬲᬂᬓᬮᬶᬄᬕ᭄ᬮᬶᬲ᭄ᬢᭂᬤᬸᬦ᭄᭞ᬭᬾᬄᬳᬬᬢ᭄ᬗᬧᬸᬭᬶᬬᬂ᭞ᬲᬕᬾᬢ᭄ᬯᬗ᭄ᬲᬶᬢ᭄ᬲᭂᬧᬸᬭᬾᬦᬾᬫᭂᬦ᭄ᬤᬓ᭄ᬭᬯᬸᬄ᭞ᬤᬶᬩᬜ᭄ᬘᬶᬗᬄᬢ᭄ᬥᬸᬦ᭄ᬕᬗ᭄ᬲᬃ᭞ᬳᬩ᭄ᬚᬾᬗ᭄ᬮᬃᬕ᭄ᬮᬶᬲ᭄ᬓᬧᬸᬭᬶ᭟ᬢ᭄ᬭᬦ᭄ᬭᬚᬵᬓᬧᭂᬦ᭄ᬤᬓ᭄ᬘᬶᬗᬓ᭄᭞ᬦᬾᬩᬸᬧ᭄ᬭᬧ᭄ᬢᬫᬵ
ᬜᭂᬫ᭄ᬩᬄᬲᬳᬢᬗᬶᬲ᭄᭞ᬲᬂᬓᬮᬶᬄᬦᬓᬾᬦᬂᬩ᭄ᬭᬶᬬᬸᬓ᭄᭞ᬳᬩ᭄ᬚᬾᬗ᭄ᬮᬃᬗᬸᬦᬶᬗᬬᬂ᭞ᬓᬦ᭄ᬥᬵᬲᬫ᭄ᬬᬦ᭄᭞ᬲᬂᬓᬮᬶᬄᬳᭂᬳᭂᬲ᭄ᬓᬮᬗ᭄ᬓᬸᬂ᭞ᬮᬶᬦ᭄ᬢᬂᬳᬲᬶᬄᬢ᭄ᬓᬾᬂᬋᬤ᭄ᬥᬵ᭞ᬭᬾᬄᬲᬚᬢᬶᬭᬓᬭᬳᬶ᭟ᬓᬮᬶᬄᬓᬬᬸᬦ᭄‌ᬭᬚᬳᬦ᭄ᬯᬫ᭄᭞ᬧᬮᬲᬬᬂᬳᬶᬤ᭄ᬯᬕᬸᬂᬧᬶᬢᬺᬯ᭄ᬬᬓ᭄ᬢᬶ᭞ᬭᬾᬄᬧᬰ᭄ᬘᬢ᭄‌ᬗ᭄ᬮᬾᬤᬗᬶ
ᬦ᭄ᬳᬬᬸᬦ᭄᭞ᬳᬭᬶᬦ᭄ᬥᬵᬦᬾᬫᬦᬶᬗ᭄ᬕᬮ᭄᭞ᬤᬲᬂᬓᬮᬶᬄᬗᭂᬫ᭄ᬩᭂᬂᬯᬱ᭄ᬧᬗᬦ᭄ᬤᬶᬓᬵᬳᬮᬸᬲ᭄᭞ᬧᬢᭂᬄᬧᬗᬦ᭄ᬤᬶᬓᬦ᭄ᬳᬶᬤᬵ᭞ᬢᬸᬦ᭄ᬤᬾᬦ᭄ᬗᬦ᭄ᬢᬶᬢ᭄ᬬᬂᬦᬸᬫᬸᬮᬶᬄ᭟ᬳᬩ᭄ᬚᬾᬗ᭄ᬮᬃᬫᬧᭂᬧᭂᬲ᭄ᬗᭂᬳ᭄ᬤᬂ᭞ᬧᬭᬧᬸᬢᬺᬓᬤᬸᬳᬸᬄᬗᬶᬭᬶᬂᬲᬫᬶ᭞ᬧᬭᬧᬸᬢ᭄ᬭᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬲᬂᬓᬮᬶᬄᬗᬧᬸᬭᬶᬬᬂ᭞ᬤᬵᬲᬂᬤ᭄ᬬᬄᬲᬕᬾ
ᬦ᭄ᬳᬶᬤᬵᬫᬧᬸᬧᬸᬮ᭄᭞ᬲᬕᬾᬢ᭄ᬭᬯᬸᬄᬲ᭄ᬫᬭᬓᭂᬫ᭄ᬩᬃ᭞ᬧᬭᬳᬶᬲ᭄ᬢ᭄ᬭᬶᬢ᭄ᬥᬸᬦ᭄ᬲᬫᬶ᭟ᬢ᭄ᬯᬦ᭄ᬭᬚᬵᬕ᭄ᬮᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬥᬵᬳᬶᬤᬵᬲᬂᬧᬸᬢ᭄ᬭᬶᬲᬫᬶ᭞ᬚᬮᬦ᭄ᬫᬸᬮᬶᬄᬳᬦᬓᬕᬸᬂ᭞ᬲᬳᬲ᭄ᬯᬩᬯᬵᬭᬸᬲᬓ᭄᭞ᬚᬓ᭄ᬫᬓ᭄ᬚᬂᬦᬾᬦᬾᬚᬦᬶᬳᬦᬓᬕᬸᬂ᭞ᬳᬭᬶᬳᬭᬶᬦ᭄ᬥᬵᬲᬫ᭄ᬬᬦ᭄᭞ᬓᬕ᭄ᬬᬢ᭄ᬳᬶᬤᬵᬦᬾᬢᬦ᭄ᬲᬶ [ 12 ][᭑᭑ 11B]
᭑᭑
ᬧᬶ᭟ᬗ᭄ᬳᬶᬂᬦᬾᬦ᭄ᬢᭂᬦ᭄ᬧᬸᬭᬸᬦᬸᬦᬲᬂ᭞ᬧᬦ᭄‌ᬓᬧᬶᬦᭂᬄᬭᬓᬭᬸᬓ᭄ᬱ᭄ᬬᬢᬦ᭄ᬲᬶᬧᬶ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬮᭀᬕᬲ᭄ᬳᬶᬤᬵᬦᬸᬦᬲᬂ᭞ᬭᬶᬂᬭᬓᬦ᭄ᬥᬵᬫᬦᬫ᭄ᬧᭂᬓᬂᬳᬍᬧᬯᬸᬢ᭄᭞ᬳᬯᬓᬾᬓᬾᬓᬾᬦ᭄ᬓᬾᬦ᭄ᬲᬾᬩ᭄ᬯᬢ᭄᭞ᬓᬦ᭄ᬥᬦᬾᬫᬕᬩᬕ᭄ᬫᬸᬮᬶᬄ᭟ᬭᬓᬦ᭄ᬥᬵᬫᬓᬸᬮ᭄ᬳᬭᬶᬦ᭄ᬥᬵ᭞ᬲᬃᬯ᭄ᬯᬶᬗᬸᬲᬧ᭄ᬤᬢᬢᬓᭀᬦᬂᬩ᭄ᬯᬶ
ᬦ᭄᭞ᬗ᭄ᬕᬶᬄᬢᬾᬫ᭄ᬲᬮᬶᬦᬦ᭄ᬓᬕᬸᬂ᭞ᬓᬦᭀᬂᬭᬵᬢ᭄ᬦᬵᬚ᭄ᬯᬶᬢ᭄ᬣᬵ᭞ᬦᬄᬓᬾᬫ᭄ᬲᬾᬄᬳᬭᬶᬓᬮᬶᬄᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬫ᭄ᬲᬮᬶᬦᬦ᭄‌ᬕ᭄ᬮᬶᬲ᭄᭟ᬢᬦ᭄ᬓᭀᬘᬧᬸᬧᬸᬢ᭄ᬲᬫ᭄ᬬᬦ᭄᭞ᬩ᭄ᬭᬶᬬᬸᬓᭀᬤᬮ᭄ᬫᬸᬗ᭄ᬕᬳᬶᬂᬲ᭄ᬧᬸᬃᬕ᭄ᬮᬶᬲ᭄᭞ᬓᬬᬂᬧᬗᬶᬭᬶᬗᬾᬲᬫ᭄ᬧᬸᬦ᭄᭞ᬳᬶᬤᬵᬢ᭄ᬯᬦ᭄‌ᬭ
ᬚᬵᬳᬦ᭄ᬯᬫ᭄᭞ᬫᬗᬸᬲᬶᬭᬶᬦ᭄ᬲᬳᬵᬫᬫᬬᭀᬦᬶᬦ᭄ᬲᭂᬧᬸᬃ᭞ᬫᬚᬮᬦ᭄ᬲᭂᬧᬸᬃᬲᬢ᭄ᬫᭂᬲᬢ᭄᭞ᬳ᭄ᬦᭂᬗᬂᬳ᭄ᬦᬸᬫᬫᬃᬕ᭄ᬕᬶ᭟ᬤᬶᬫᬜ᭄ᬘᬶᬬᬸᬘᬭᬶᬢᬬᬂ᭞ᬧ᭄ᬭᬧᬸᬢ᭄ᬭᬦᬾᬓᬮᬶᬄᬳᬶᬤ᭄ᬯᬕᬸᬂᬭᬳᬶ᭞ᬓᬧᬸᬭᬶᬧᬤᬵᬫᬩ᭄ᬭᬶᬬᬸᬓ᭄᭞ᬗ᭄ᬳᬶᬂᬧᬤᬵᬳᬫᬮᬭᬵ᭞ᬭᬾᬳᬶᬂᬧᬘᬂᬳᬚᬶᬲᬵᬫ᭄ᬧᬸᬦ᭄᭞ᬲᬓ
ᬦ᭄ᬥᬵᬳᬢᬸᬃᬲᬫ᭄ᬬᬦ᭄᭞ᬧᬤᬵᬓᬕ᭄ᬬᬢ᭄ᬲᬋᬂᬲᬫᬶ᭟ᬕᬭᬯᬮᬦ᭄ᬢᭂᬤᬸᬦ᭄ᬲᬫ᭄ᬬᬦ᭄᭞ᬳᬶᬤᬾᬯᬕᬸᬂᬩ᭄ᬬᬂᬲᬵᬫ᭄ᬧᬸᬦ᭄ᬫᭂᬦᬗᬶᬲ᭄᭞ᬯᬸᬲ᭄ᬭᬶᬩᬄᬮᬫᬹᬃᬤ᭄ᬥᬵᬭᬯᬸᬄ᭞ᬩ᭄ᬭᬶᬬᬸᬓ᭄ᬳᬶᬤᬵᬫᬸᬗ᭄ᬕᬳᬦ᭄᭞ᬦ᭄ᬳᭂᬦ᭄ᬓᬸᬭᬶᬲᬳᬢᬗᬶᬲ᭄ᬗᬦ᭄ᬤᬶᬓᬵᬮᬸᬲ᭄᭞ᬢᬦ᭄ᬓᬤᬶᬳᬚᬶᬩ᭄ᬬᬂᬤᬵ᭞ᬯᬘᬦᬵᬫᬗᬰᬶᬄᬳᬲᬶᬄ᭟ᬫᬗ᭄ᬢᬸᬲ᭄
[᭑᭒ 12A]
ᬓᬬᬸᬦ᭄ᬫᬫ᭄ᬮᬤ᭄᭞ᬫᬾᬄᬦᬓᬕᬸᬂᬩᬸᬓᬳᬶᬦ᭄ᬢ᭄ᬬᬂᬓᬸᬭᬶ᭞ᬲᬶᬂᬧᬤᬍᬫ᭄ᬢ᭄ᬬᬂᬓᬕᬸᬂ᭞ᬲᬸᬯᬸᬤ᭄ᬫᬜᬭᬾᬦ᭄ᬢ᭄ᬬᬂ᭞ᬲᬸᬩᬢ᭄ᬬᬂᬲᬶᬂᬧᬶᬲᬦ᭄ᬫᬶᬯᬮᬶᬦ᭄ᬓᬕᬸᬂ᭞ᬢᬍᬃᬦᬾᬦ᭄ᬢᭂᬦ᭄ᬓᬲᬳᬸᬭᬵᬦ᭄᭞ᬲᬕᬾᬢ᭄ᬲᬸᬩᬕᬮᬂᬓᬗᬶᬦ᭄᭟ᬮ᭄ᬬᬦᬾᬜᬶᬭᬶᬬᬂᬍᬫᬄ᭞ᬢᬤᬄᬳᬰᬶᬄᬫᬗᭂᬗ᭄ᬓᬓ᭄ᬗᬯᬾᬲᬶᬄ᭞ᬳᬸᬮᬢ᭄ᬓᬗᭂᬦ᭄ᬭᬶᬂᬲᬂᬮᬫ᭄ᬧᬸᬲ᭄᭞
ᬲ᭄ᬬᬧᬾᬫᬳᬸᬭᬢᬦ᭄᭞ᬘᬸᬮᬶᬓ᭄ᬘᬸᬮᬶᬓ᭄ᬫᬢᬶᬫ᭄ᬩᬮᬦ᭄ᬢᬸᬳᬸᬢᬸᬳᬸ᭞ᬫᬦᬸᬦ᭄ᬤᬸᬦᬶᬦ᭄ᬤᬵᬲᬂᬮᬭᬵ᭞ᬳᬶᬤᬵᬳᬶᬤᬾᬯᬕᬸᬂᬲᬫᬶ᭟ᬲᬬᬵᬦ᭄ᬥᬫᬢᬗᬶᬋᬤ᭄ᬥᬵ᭞ᬲᬮᬶᬂᬢᬶᬫ᭄ᬩᬮ᭄ᬗᬦ᭄ᬤᬶᬓᬚ᭄ᬭᬶᬬᬢ᭄ᬚᭂᬭᬶᬢ᭄᭞ᬓᬮᭀᬩᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬲᬫᬶᬗᬶᬮᬶᬗ᭄ᬮᬶᬮᬶᬗᬂ᭞ᬭᬾᬄᬓᬧᬶᬦᭂᬄᬧᬫᬺᬫᬦ᭄‌ᬭᬚᬵᬫᬜ᭄ᬘ᭄ᬬ᭞
ᬬᬦ᭄ᬢᬦ᭄ᬳᬾᬮᬶᬂᬤᬲ᭄ᬫᬩᭀᬗ᭄ᬓᬃ᭞ᬲᬂᬦᬵᬣᬗ᭄ᬤᬶᬓᬵᬳᬭᬶᬲ᭄᭟ᬢ᭄ᬓᬾᬦ᭄ᬧᬺᬭᬵᬢᬸᬳᬦ᭄ᬢᭂᬦᬃ᭞ᬗ᭄ᬕᬶᬄᬦᬓᬕᬸᬂᬧᬸᬓᬸᬮᬂᬓᬯᬢ᭄ᬫᬗ᭄ᬓᬶᬦ᭄᭞ᬧᬂᬢ᭄ᬓᬭᬚᬵᬫᬜ᭄ᬘ᭄ᬬ᭞ᬮᬓᬃᬢ᭄ᬬᬂᬦᬸᬦᬲ᭄ᬧᬦᬓ᭄᭞ᬧᬦᬓ᭄ᬫᬢᬶᬢ᭄ᬯᬭᬵᬪᬵᬕᬾᬦ᭄ᬢᬲ᭄ᬓᬢ᭄ᬧᬸᬓ᭄᭞ᬳᬦ᭄ᬢᭂᬦᬃᬧᬺᬭᬵᬢᬸᬜᭂᬫ᭄ᬩᬄ᭞ᬧᬢᭂᬄᬳᬢᬸᬃ
ᬳᬶᬤᬵᬲᬫᬶ᭟ᬭᬢᬸᬤ᭄ᬯᬕᬸᬂᬲᬋᬂᬲᬫ᭄ᬬᬦ᭄᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬫᬸᬓᬸᬮ᭄ᬓᬯᬢ᭄ᬳᬶᬦᬸᬦᬶ᭟ᬫᬮᬶᬄᬳᬚᭂᬧ᭄ᬢᬢᬲ᭄ᬭᬯᬸᬄ᭞ᬳᬶᬤᬵᬢ᭄ᬯᬦ᭄‌ᬭᬚᬳᬦ᭄ᬯᬦ᭄᭞ᬲᬕᬾᬢ᭄‌ᬮ᭄ᬫᬄᬓᬮᬗᭂᬦ᭄ᬲᭂᬧᬸᬭᬾᬭᬯᬸᬄ᭞ᬲᬵᬫ᭄ᬧᬸᬦ᭄‌ᬢ᭄ᬥᬸᬦ᭄ᬭᬶᬂᬩᬜ᭄ᬘᬶᬗᬄ᭞ᬲᬳᬵᬯᬗ᭄ᬲᬶᬢ᭄ᬲᬦ᭄ᬓᭂᬃᬜ᭄ᬭᬶᬢ᭄᭟ᬳᬦ᭄ᬢᭂᬦᬃᬫ [ 13 ][᭑᭒ 12B]
᭑᭒
ᬜᭂᬫ᭄ᬩᬄᬲᬫ᭄ᬬᬦ᭄᭞ᬭᬶᬂᬳᬶᬤ᭄ᬯᬕᬸᬂᬭᬳᬶᬧᬘᬂᬫᭂᬦ᭄ᬤᬓᬶᬦ᭄᭞ᬲᬂᬦᬵᬣᬗᬗ᭄ᬕᬸᬢᬶᬦ᭄‌ᬩ᭄ᬭᬶᬬᬸᬓ᭄᭞ᬳᬦ᭄ᬢᭂᬦᬃᬕ᭄ᬮᬶᬲ᭄‌ᬓᭀᬤᬮ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬤᬕᬶᬂᬫᬢᬸᬃᬲᬶᬲᬶᬧ᭄ᬲᬫ᭄ᬬᬦ᭄᭞ᬢ᭄ᬯᬦ᭄ᬭᬚᬵᬳᬶᬤᬵᬗᬗ᭄ᬕᬸᬢᬶᬦ᭄᭟ᬲᬳᬳᬦ᭄ᬢᭂᬦᬃᬗᬢᬸᬭᬂ᭞ᬧᬹᬃᬯ᭄ᬯᬵᬓᬦ᭄ᬥᬵᬮᬶᬦ
ᬦ᭄ᬳᬭᬶᬦ᭄ᬤᬵᬓᬮᬶᬄ᭞ᬧᬭᬳᬶᬲ᭄ᬢ᭄ᬭᬶᬓᬕ᭄ᬬᬢ᭄ᬓᬮᬗ᭄ᬓᬸᬂ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬦᬗᬶᬲ᭄‌ᬭᬾᬄᬳᬭᬶᬫᬦᬶᬗ᭄ᬕᬮ᭄ᬳᬢᬸᬃ᭞ᬢ᭄ᬯᬦ᭄‌ᬭᬚᬕ᭄ᬮᬶᬲ᭄ᬫᬵᬗᬸᬲᬧ᭄᭞ᬲᬳᬗᬦ᭄ᬤᬶᬓᬵᬗᬲᬶᬳᬶᬦ᭄᭟ᬫᬾᬄᬓᬕᬸᬂᬢ᭄ᬬᬗᬾᬲᬬᬂ᭞ᬳᬮᬶᬮᬬᬂᬚᬓ᭄ᬫᬓ᭄ᬚᬂᬦ᭄ᬮᭀᬓᬶᬦ᭄᭞ᬓᬮᬶᬄᬢ᭄ᬬᬂᬳᬦᬓᬕᬸᬂ᭞ᬳ᭄ᬦᬸᬦᬗ᭄ᬕᬸᬂᬲᬶᬦᬫ᭄ᬧᬸᬭᬵ᭞ᬭᬾ
ᬳᬶᬂᬲᬶᬲᬶᬧ᭄ᬫᬗᬸᬩ᭄ᬚᬢ᭄ᬓᬾᬦᬓᬵᬕᬸᬂ᭞ᬚᬦᬶᬢ᭄ᬬᬂᬫᬗᬶᬤᬸᬧᬂ᭞ᬳᬧᬂᬚᬢᬶᬫᬸᬮᬩ᭄ᬯᬶᬦ᭄᭟ᬬᬦ᭄ᬢᬦ᭄ᬲᬶᬤ᭄ᬥᬵᬩᬳᬦ᭄ᬢ᭄ᬬᬂ᭞ᬤᬵᬲᬦ᭄ᬤᬾᬬᬢ᭄ᬬᬂᬧᬘᬂᬫᬾᬮᬦᬶᬦ᭄᭞ᬳᬓᬾᬢᭀᬧᬶᬲᬦᬓᬕᬸᬂ᭞ᬫᬮᬶᬄᬳᬶᬤᬵᬗᬦ᭄ᬤᬶᬓᬵ᭞ᬭᬸᬫᬃᬤᬯᬭᬶᬂᬳᬭᬶᬦ᭄ᬥᬵᬓᬮᬶᬄᬢᬸᬳᬸ᭞ᬩᬶᬄᬓᬦᭀᬂᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬳᬶᬥᭂ
ᬧᬂᬢ᭄ᬬᬂᬦᬾᬚᬦᬶ᭟ᬤᬶᬲᬸᬩᬦᬾᬢ᭄ᬓᭂᬤ᭄ᬚᬸᬫᬄ᭞ᬤᬵᬜᭂᬦ᭄‌ᬧ᭄ᬲᬸᬦ᭄ᬳᭂᬦᬸᬫᬓ᭄ᬦᭂᬄᬳᬶᬮᬶᬓ᭄᭞ᬬᬾᬦ᭄ᬩᬜᬧᬢᬸᬢ᭄ᬫᬳᬢᬸᬃ᭞ᬢ᭄ᬓᬾᬦ᭄ᬳᬚᬶᬅᬳᬶᬩ᭄ᬬᬂ᭞ᬬᬾᬦᬶᬂᬩᬱᬵᬫᬗ᭄ᬕᭂᬳᬂᬳ᭄ᬦᬸᬫᬦᬓᬕᬸᬂ᭞ᬧᬲᬗᬶᬦ᭄ᬢ᭄ᬬᬂᬧᬂᬳ᭄ᬤ᭞ᬓᬘᬶᬃᬬᬦ᭄ᬩᬸᬓᬚᬦᬶ᭟ᬲᬃᬯ᭄ᬯᬶᬢ᭄ᬯᬦ᭄‌ᬭᬚᬵᬫᬗᬼᬓᬲ᭄᭞ᬤᬵᬳᬭᬶᬦ᭄ᬥᬵ
[᭑᭓ 13A]
ᬲᬂᬢᬶᬩᬫᬧᬲᬗᬶᬦ᭄᭞ᬢᬦ᭄ᬓᭀᬘᬧ᭄ᬲᬂᬢᬶᬕᬵᬲᬫ᭄ᬧᬸᬦ᭄᭞ᬧᬮᬶᬂᬧᬫ᭄ᬓᬲ᭄ᬳᬶᬤᬵ᭞ᬳᬶᬲ᭄ᬢ᭄ᬭᬶᬓᬕᬸᬂ᭞ᬳᬭᬶᬦ᭄ᬥᬵᬢᬦ᭄ᬧᬶᬯᬮ᭄ᬲᬫ᭄ᬧᬸᬦ᭄᭞ᬕ᭄ᬮᬶᬲ᭄ᬳᬶᬤᬵᬗᬧᬸᬭᬶᬬᬂ᭞ᬯᬸᬲ᭄ᬤᬶᬦᬢᬄᬫᬹᬃᬤ᭄ᬥᬵᬫᬦᬶᬓ᭄᭟ᬦᬾᬤᬶᬳᬫ᭄ᬩᬾᬦ᭄ᬢᭂᬤᬸᬦ᭄ᬲᬫ᭄ᬬᬦ᭄᭞ᬤᬵᬲᬂᬦᬵᬣᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬓᬗ᭄ᬕᭂᬓ᭄ᬳᬶᬤᬵᬦᬾᬓ᭄ᬮᬗ᭄ᬓᬸᬂ᭞ᬦᬾ
ᬫᬶᬦᬩ᭄ᬳᭀᬓᬧ᭄ᬭᬧ᭄ᬢ᭞ᬫᬩ᭄ᬭᬶᬬᬸᬓ᭄ᬜᬕ᭄ᬚᬕᬶᬦᬾᬩᬯᬸᬭᬯᬸᬄ᭞ᬲᬳᬢᬗᬶᬲ᭄ᬳᬯᬸᬭᬳᬦ᭄᭞ᬲᬂᬩᬸᬧ᭄ᬭᬧ᭄ᬢᬫᭂᬧᭂᬲ᭄‌ᬕ᭄ᬮᬶᬲ᭄᭟ᬲᬳᬵᬳᬢᬹᬃᬗᭂᬫ᭄ᬩᭂᬂᬯᬱ᭄ᬧᬵ᭞ᬧᬧᬢ᭄ᬳᬦ᭄ᬤᬢᬹᬃᬳᬶᬤᬲᬂᬓᬮᬶᬄ᭞ᬦᬾᬳᬶᬲ᭄ᬢ᭄ᬭᬶᬕ᭄ᬮᬶᬲ᭄ᬫᬢᬸᬃ᭞ᬢ᭄ᬓᬾᬦᬾᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬤᬕᬶᬗ᭄‌ᬳᬢᬸᬃᬗᬢᬸᬭᬂᬧᬓᬾᬮᬶᬂᬩ᭄ᬭᬶᬬᬸᬓ᭄᭞ᬫᬮᬶᬄᬫᬢᬹᬃᬲ
ᬋᬱᬫ᭄ᬬᬦ᭄᭞ᬦᬸᬦᬲᬂᬓᬯᬶᬢ᭄ᬲᬯ᭄ᬬᬓ᭄ᬢᬶ᭟ᬓᬯᬶᬢ᭄ᬧᬫᬃᬕ᭄ᬕᬶᬦ᭄ᬳᬦᬓ᭄ᬤ᭞ᬳᬶᬤᬾᬯᬕᬸᬂᬫᬩ᭄ᬭᬶᬬᬸᬓ᭄ᬦᬶᬫ᭄ᬩᬮ᭄ᬦᬗᬶᬲ᭄᭞ᬲᬯ᭄ᬯᬶᬢ᭄ᬭᬦ᭄ᬭᬚᬵᬓᬧ᭄ᬓᬸᬮ᭄᭞ᬓᬮᬶᬄᬳᬶᬤᬵᬫᬜᬧᬵ᭞ᬳᬶᬤᬾᬯᬕᬸᬂᬦᬾᬫᬳᬶᬦᬩ᭄‌ᬳᭀᬓᬢᬸᬳᬸ᭞ᬫᬾᬄᬦᬓᬕᬸᬂᬢᬸᬮᬸᬂᬢ᭄ᬬᬂ᭞ᬦᬓᬕᬸᬂᬲ᭄ᬯᬾᬘ᭄ᬙᬵᬦᬯᬸᬳᬶᬦ᭄᭟
ᬓᬮᬶᬄᬫᬦᬓᬾᬦᬂᬓᬦ᭄ᬥᬵ᭞ᬧᬧᬢᭂᬳᬦ᭄ᬫᬦᬶᬫ᭄ᬩᬮᬦᬂᬳᬶᬲ᭄ᬢ᭄ᬭᬶ᭞ᬓᬮᬘᬸᬃᬧᬶᬲᬦᬦᬓᬕᬸᬂ᭞ᬳᬃᬱᬳᬶᬦ᭄ᬢ᭄ᬬᬂᬓᬦ᭄ᬥᬵ᭞ᬢ᭄ᬬᬂᬢ᭄ᬯᬧᬦᬓ᭄ᬧᬤᬦᬾᬦ᭄ᬢᭂᬦ᭄‌ᬘᬸᬫ᭄ᬧᬸ᭞ᬤ᭄ᬫᭂᬦ᭄‌ᬗ᭄ᬭᬯᭀᬲ᭄ᬳᬚᬓ᭄ᬩᬧ᭞ᬧᬸᬦᬶᬓᬶᬩ᭄ᬘᬶᬓ᭄ᬢᬓᬾᬦᬶᬦ᭄᭟ᬯᬢᭂᬓ᭄ᬩᬚᬗᬾᬲᬫ᭄ᬬᬦ᭄᭞ᬳᬶᬤᬾᬯᬕᬸᬂᬭᬳᬶᬧᬺᬧᬸᬢ᭄ᬭᬲᬫᬶ᭞ [ 14 ][᭑᭓ 13B]
᭑᭓
ᬕ᭄ᬮᬶᬫᬦᬶᬫ᭄ᬩᬮ᭄ᬫᬩ᭄ᬭᬶᬬᬸᬓ᭄᭞ᬤᬕᬶᬂᬗᬢᬸᬭᬂᬓᬦ᭄ᬥᬵ᭞ᬢᬦᬦᬗ᭄ᬲᬮ᭄ᬳᬸᬲ᭄ᬢᭂᬮᬲᬫᬶᬓᬳᬢᬸᬃ᭞ᬳᬶᬤᬾᬯᬕᬸᬂᬳᬚᬶᬢᬶᬕᬵ᭞ᬫ᭄ᬕᬢ᭄ᬫᭂᬕᬢ᭄ᬲᬃᬯ᭄ᬯᬶᬦᬗᬶᬲ᭄᭟ᬗ᭄ᬢᬸᬲ᭄ᬓᬬᬸᬦ᭄ᬧᬗᭂᬦ᭄ᬤᬓᬵ᭞ᬫᬾᬢ᭄ᬯᬦ᭄‌ᬭᬚᬵᬢ᭄ᬬᬂᬦᬯ᭄ᬕᬂᬫᬗ᭄ᬓᬶᬦ᭄᭞ᬫᬶᬦᬓᬤᬶᬳᬦᬓᬕᬸᬂ᭞ᬗ᭄ᬕᬶᬄᬩᬸᬓᬅᬓᬫᬃᬢ᭄ᬯᬦ᭄᭞ᬳᬧᬂᬢ᭄ᬬᬂᬢ᭄ᬧᬸᬓ᭄ᬢᬾ
ᬓᬾᬦ᭄ᬧᬦᬓ᭄ᬢᬸᬳᬸ᭞ᬧᬦᬓ᭄ᬢ᭄ᬬᬂᬢᬢᬲ᭄ᬧ᭄ᬚᬄ᭞ᬲᬂᬓᬮᬶᬄᬫᭂᬧᭂᬲᬳᬶᬭᬶᬂ᭟ᬲᬂᬓᬮᬶᬄᬫᬢᬸᬃᬫᬢᬶᬫ᭄ᬩᬮ᭄᭞ᬭᬶᬂᬲᬂᬦᬵᬣᬦᬸᬦᬲ᭄ᬫᬸᬗ᭄ᬕᬳᬦ᭄ᬫᬗ᭄ᬓᬶᬦ᭄᭞ᬲᬂᬦᬵᬣᬗᬗ᭄ᬕᬸᬢᬶᬦ᭄‌ᬩ᭄ᬭᬶᬬᬸᬓ᭄᭞ᬫᬸᬗ᭄ᬕᬄᬳᬶᬤ᭄ᬯᬕᬸᬂᬲᬫ᭄ᬬᬦ᭄᭞ᬧᬭᬳᬶᬲ᭄ᬢ᭄ᬭᬶᬜᬫ᭄ᬧᬶᬂᬫᬮᬶᬗ᭄ᬕᬶᬄᬫᬧᬸᬧᬸᬮ᭄᭞ᬫᭂᬧᭂᬲ᭄ᬦᬗᬶᬲ᭄ᬳᬶᬤᬵᬲᬫ᭄ᬬᬦ᭄᭞
ᬲᬂᬓᬮᬶᬄᬫᬜᬸᬚᬸᬃᬓᬸᬭᬶ᭟ᬲᬂᬦᬣᬢᬶᬕᬵᬢᬦ᭄ᬧᬲᬄ᭞ᬫᬶᬦᬓᬤᬶᬳᬶᬤ᭄ᬯᬕᬸᬂᬩ᭄ᬬᬂᬲᬫᬶ᭞ᬲᬸᬫᬦ᭄ᬤᬾᬳᬩᬾᬳᬶᬤ᭄ᬯᬕᬸᬂ᭞ᬳᬶᬤᬵᬫᬫᬗ᭄ᬕᬶᬄᬳᭀᬓᬵ᭞ᬤᬵᬲᬂᬓᬮᬶᬄᬫᬫᬼᬕᭂᬂᬫᬫᬦ᭄ᬢ᭄ᬭᬲᬵᬫ᭄ᬧᬸᬦ᭄᭞ᬧᬶᬢ᭄ᬢᬸᬤᬸᬳᬶᬂᬫᬦ᭄ᬢ᭄ᬭᬦ᭄ᬳᬶᬤᬵ᭞ᬓ᭄ᬦᬶᬍᬧᬲ᭄ᬓᬜ᭄ᬘᬶᬂᬓᭀᬭᬶ᭟ᬫᬩ᭄ᬭᬶᬬᬸᬓ᭄‌ᬓᬸᬭᬶᬦ᭄ᬧ
ᬫᬺᬫᬦ᭄᭞ᬓᬦ᭄ᬢᭂᬦ᭄ᬳᬶᬤᬵᬮᬬᬶᬦ᭄ᬳᬶᬤ᭄ᬯᬕᬸᬂᬓᬮᬶᬄ᭞ᬗᬮᬶᬦ᭄ᬢᬶᬓ᭄ᬗᬯᬾᬳᬰᬶᬄᬓᬸᬂ᭞ᬤᬸᬳᬸᬃᬫᬾᬗᭀᬲᬫᬢᬺ᭞ᬭᬾᬳᬶᬂᬦᬾᬦ᭄ᬢᭂᬦ᭄ᬫᬧᬧ᭄ᬤᭂᬓ᭄ᬳᬶᬤᬾᬯᬕᬸᬂ᭞ᬧᬳᬸᬢᬗᬦᬾᬫᬢᬶᬫ᭄ᬧᬄ᭞ᬫᬗ᭄ᬮᬃᬮᬾᬧᬾᬕᬤᬶᬂᬗᬾᬤᬦᬶᬦ᭄᭟ᬧᬳᬸᬢ᭄ᬓᬋᬋᬂᬩᬦ᭄ᬓᬸᬫ᭄ᬩᬂ᭞ᬬᬦ᭄ᬧᬃᬡ᭄ᬦᬬᬂᬲᬓ᭄ᬱ
[᭑᭔ 14A]
ᬢ᭄ᬳᬶᬧᬸᬦ᭄ᬫᬗ᭄ᬮᬶᬗᬶᬦ᭄᭞ᬮᬫ᭄ᬩᬾᬦ᭄ᬳᬶᬤᬵᬦᬾᬲᬂᬮᬫ᭄ᬧᬸᬲ᭄᭞ᬫᬳᬶᬦᬩ᭄ᬫᬶᬗᬶᬲ᭄ᬳᬶᬤᬵ᭞ᬬᬾᬦ᭄ᬧᬃᬡ᭄ᬦᬬᬂᬫᬜᬧᬲᬂᬩᬳᬸᬭᬯᬸᬄ᭞ᬫᬶᬦᬩ᭄ᬗᬰᬶᬳᬲᬶᬄᬳᬶᬤᬵ᭞ᬓ᭄ᬦᬶᬯᬾᬦ᭄ᬢᭂᬦ᭄‌ᬕ᭄ᬮᬶᬲ᭄ᬗᬫ᭄ᬩᬶᬮ᭄᭟ᬢ᭄ᬯᬦ᭄ᬭᬚᬳᬶᬤ᭄ᬯᬕᬸᬂᬧᬸᬢᬺ᭞ᬲᬓᬮᬗ᭄ᬓᬸᬂᬓᬬᬸᬦ᭄ᬳᬲᬶᬄᬢᬦ᭄ᬲᬶᬧᬶ᭞ᬢᭀᬬᬦ᭄ᬳᬓ᭄ᬱᬶᬤᬺᬱ᭄᭞ᬩᬳᬸᬗᬓ᭄ᬱᬶ
ᬲᬂᬧᬮᬢᬺ᭞ᬫᬗ᭄ᬮᬶᬦ᭄ᬢᬶᬓ᭄‌ᬓᬗᭂᬦ᭄ᬳᬶᬤᬵᬦᬾᬤᬶᬓᬬᬸᬦ᭄᭞ᬧᬶᬦᭂᬄᬢᬗᬃᬤᬵᬳᬭᬶᬦ᭄ᬥᬵ᭞ᬳᬯᬶᬦᬦ᭄ᬫᬕᬸᬮᬸᬂᬲᬫᬶ᭟ᬳᬓᬾᬄᬦᬾᬓᬗᭂᬦᬂᬳᬶᬤᬵ᭞ᬤᬵᬲᬂᬓᬮᬶᬄᬕ᭄ᬮᬶᬲ᭄ᬳᬶᬤᬵᬫᬗ᭄ᬭᬜ᭄ᬚᬶᬂ᭞ᬗᬓ᭄ᬱᬶᬲᬸᬭᬵᬢ᭄‌ᬕ᭄ᬮᬶᬲ᭄ᬜᬫ᭄ᬩᬸᬢ᭄᭞ᬲᬂᬓᬮᬶᬄᬫᬫᬯᭀᬲᬸᬭᬵᬢ᭄᭞ᬦ᭄ᬤᬵᬳᬭᬶ
ᬦ᭄ᬥᬵᬲᬸᬭᬵᬢᬾᬦᬵᬳᬾᬧᬘᬂᬓᬢᬸᬃ᭞ᬯᬸᬲ᭄ᬧᬸᬧᬸᬢ᭄ᬫᬫᬯᭀᬲᬸᬭᬵᬢ᭄᭞ᬫᬯᬸᬯᬸᬄᬳᬰᬶᬄᬲᬂᬓᬮᬶᬄ᭟ᬲᬂᬓᬮᬶᬄᬗᬓ᭄ᬩᬶᬦᬗ᭄ᬲᬃ᭞ᬓᬕᬸᬬᬗᬶᬦ᭄‌ᬢ᭄ᬯᬦ᭄ᬭᬚᬵᬗᬰᬶᬳᬲᬶᬄ᭞ᬗᬸᬤᬵᬓᬾᬦᬾᬳᬦᬓᬕᬸᬂ᭞ᬳ᭄ᬮᬲ᭄ᬗᬮᬳᬶᬦ᭄ᬢ᭄ᬬᬂ᭞ᬓᬮᬶᬳᬜᬭᬾᬄᬲᬸᬩᬳᭀᬜᬓ
ᬳᬢᬸᬃ᭞ᬦᬾᬤᬶᬦᬶᬓᬕᬸᬂᬗ᭄ᬮᬳᬂ᭞ᬤᬵᬦᬓᬕᬸᬂᬚᬗ᭄ᬓᬵᬩ᭄ᬯᬶᬦ᭄᭟ᬫᬲᬶᬄᬓᬕᬸᬂᬮᬶᬦ᭄ᬢᬂᬳᬗᬃ᭞ᬢᬦ᭄ᬧᬕᬍᬂᬓ᭄ᬮᬫ᭄ᬩᬸᬫ᭄ᬦᬾᬓ᭄ᬱᬫᬶ᭞ᬤᬵᬳᬭᬶᬦ᭄ᬥᬵᬳᬶᬤ᭄ᬯᬕᬸᬂ᭞ᬧᬸᬢᬺᬱᭂᬲᭂᬓ᭄ᬤᬶᬋᬤ᭄ᬥᬵ᭞ᬲᬓᬾᬯᬦ᭄ᬢᭂᬦ᭄‌ᬫ᭄ᬓᬸᬮ᭄ᬭᬓᬦᬗᬶᬲ᭄ᬩᭂᬓᬸᬮ᭄᭞ᬦᬾᬦ᭄ᬢᭂᬦ᭄ᬤᬤᭀᬲ᭄ᬫᬢᬸᬃᬳᬶᬤᬵ᭞ᬦᬾᬭᬶᬂᬳ [ 15 ][᭑᭔ 14B]
᭑᭔
ᬫ᭄ᬩᬾᬦ᭄ᬭᬜ᭄ᬚᬂᬲᬫᬶ᭟ᬳᬶᬤᬵᬳᬶᬤ᭄ᬯᬕᬸᬂᬩ᭄ᬬᬂ᭞ᬫᬶᬦᬓᬤᬶᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬧᬤᬲᭂᬲᭂᬓ᭄ᬢᬦ᭄ᬧᬓᬬᬸᬦ᭄᭞ᬫᬶᬦᬓᬤᬶᬲᬂᬤ᭄ᬬᬄ᭞ᬬᬾᬦ᭄ᬧᬺᬧᬸᬢᬺᬢᬗᬶᬲᬾᬮᬶᬦ᭄ᬢᬂᬕᬸᬫᬸᬭᬸᬄ᭞ᬲᬂᬤ᭄ᬬᬄᬭᬵᬢ᭄ᬦᬚ᭄ᬯᬶᬢ᭄ᬣᬵᬫ᭄ᬢᬍᬃᬗᭂᬫ᭄ᬩᭂᬂᬳᭂᬫ᭄ᬩᭂᬂᬳᬓ᭄ᬱᬶ᭟ᬩᬸᬗᬓ᭄ᬱᬶᬮᬬᭀᬦ᭄ᬭᬓᬦ᭄ᬥᬵ᭞ᬓᬤᬶᬆᬃ
ᬘ᭄ᬙᬵᬫᬲ᭄ᬧᬳᬸᬢ᭄ᬫᬗᬾᬤᬦᬶᬦ᭄᭞ᬓᬲ᭄ᬫᬭᬦ᭄ᬤᬶᬦᬵᬤᬶᬓᬬᬸᬦ᭄᭞ᬳᬧᬦ᭄ᬭᬾᬄᬚᬢᬶᬓᬃᬫ᭄ᬫ᭞ᬮᬶᬦ᭄ᬢᬂᬳᬰᬶᬄᬭᬾᬄᬭᬓᬲᬓᬮᬧᬸᬧᬸᬢ᭄᭞ᬫᬶᬦᭂᬄᬳᬗ᭄ᬕᭂᬫᬳᬯᬶᬦᬦ᭄᭞ᬭᬾᬄᬭᬓᬵᬳᬸᬮᬗᬸᬦ᭄ᬕᬢᬶ᭟ᬓᬦ᭄ᬢᭀᬲ᭄‌ᬮᭀᬮ᭄ᬬᬮᬶᬦ᭄ᬢᬂᬳᬾᬤᬦ᭄᭞ᬓ᭄ᬭᬡᬮᬚᬸᬫᬸᬧᬸᬢᬂᬳᬗ᭄ᬓᬵᬫᬗ᭄ᬓᬶᬦ᭄᭞ᬫ
ᬲᬲᬫ᭄ᬩᬢᬦ᭄ᬤᬶᬓᬬᬸᬦ᭄᭞ᬜᭂᬮ᭄ᬲᭂᬮ᭄ᬳᬶᬤᬵᬤᬶᬋᬦ᭄ᬥᬵ᭞ᬩᭂᬲ᭄ᬢᬾᬲᬾᬤᬵᬩᬶᬦ᭄ᬧᬶᬤᬦ᭄ᬮᬓᬃᬓᬢ᭄ᬧᬸᬓ᭄᭞ᬓᬧᭀᬩᬦ᭄ᬳᬶᬤᬵᬦᭂᬕ᭄ᬢᭂᬕᬂ᭞ᬳᬧᬂᬤᬵᬓᬘᬶᬃᬬᬦ᭄‌ᬯ᭄ᬬᬓ᭄ᬢᬶ᭟ᬢᬍᬃᬲᬾᬗᭂᬄᬭᬚᬵᬳᬦ᭄ᬯᬫ᭄᭞ᬕ᭄ᬮᬶᬲ᭄ᬳᬶᬤᬵᬫᬗᬶᬘᬾᬦ᭄ᬲᬸᬭᬵᬢ᭄ᬫᬗ᭄ᬓᬶᬦ᭄᭞ᬲᬸᬭᬵᬢ᭄ᬳᬶᬤᬵᬦᬾᬲᬂᬮᬫ᭄ᬧᬸᬲ᭄᭞ᬭᬶᬂ
ᬳᬶᬤᬵᬭᬵᬢ᭄ᬦᬵᬚ᭄ᬯᬶᬢ᭄ᬣᬵ᭞ᬦᬾᬩᬮᬶᬳᬶᬦ᭄ᬲᬂᬤ᭄ᬬᬄᬚ᭄ᬭᬶᬳᬾᬫᬸᬧᬸᬢ᭄᭞ᬢᬸᬮᬓ᭄ᬭᬶᬂᬳᬶᬤᬵᬭᬓᬦ᭄ᬥᬵ᭞ᬜᭂᬫ᭄ᬩᬄᬫᬫᬶᬢᬂᬲᬸᬭᬵᬢ᭄‌ᬕ᭄ᬮᬶᬲ᭄᭟ᬫᬫᬯᭀᬲ᭄ᬤᬶᬚ᭄ᬭᭀᬦᬶᬂᬋᬦ᭄ᬥᬵ᭞ᬲᬬᬦ᭄ᬳᬰᬶᬄᬓᬬᬸᬦ᭄ᬳᬶᬤᬦᬾᬯ᭄ᬬᬓ᭄ᬢᬶ᭞ᬲᬫᬢᬺᬫᭂᬗ᭄ᬕᬄᬤᬶᬓᬬᬸᬦ᭄᭞ᬳᬶᬂᬓᬧᬶᬦᭂᬄᬳᬶᬤᬵ᭞
[᭑᭕ 15A]
ᬓ᭄ᬭᬡᬫᭂᬗ᭄ᬕᬄᬭᬾᬳᬶᬂᬭᬓᬦ᭄ᬥᬵᬫᬗᬸᬗ᭄ᬓᬸ᭞ᬤᬵᬭᬓᬦ᭄ᬥᬵᬭᬚᬵᬳᬦ᭄ᬯᬫ᭄᭞ᬯᬸᬲ᭄ᬧᬸᬧᬸᬢ᭄ᬫᬯᭀᬲᬶᬦ᭄ᬢᬸᬮᬶᬲ᭄᭟ᬜᬭᬸᬜᬭᬸᬜᬶᬢ᭄ᬲᬶᬢ᭄ᬳᬶᬤᬵ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂᬦᬾᬫᬗ᭄ᬓᬶᬦ᭄᭞ᬗᬓ᭄ᬱᬶᬮᬬᭀᬦ᭄ᬳᬭᬶᬢᬸᬳᬸ᭞ᬢ᭄ᬯᬦ᭄ᬭᬚᬵᬜᬗ᭄ᬓᬶᬮ᭄ᬢᬗ᭄ᬲᬄ᭞ᬧᬸᬲ᭄ᬧᬦ᭄ᬳᬶᬤᬵᬳᬶᬤᬾᬯᬕᬸᬂᬧᬸᬢᬺᬳᬕᬸᬂ
ᬳᬭᬶᬦ᭄ᬥᬵᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬫᬸᬲ᭄ᬢᬧᬧᬳᬸᬢ᭄ᬫᬜᬗ᭄ᬓᬶᬮ᭄᭟ᬲᬃᬯ᭄ᬯᬶᬗᬸᬚᬦᬶᬦ᭄‌ᬬᬾᬄᬯᬱ᭄ᬧᬵ᭞ᬮᬶᬦ᭄ᬢᬂᬳᬰᬶᬄᬭᬾᬄᬭᬓᬮᬶᬡᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬓᬤᬶᬤᬸᬤᬸᬢ᭄ᬓᬬᬸᬦ᭄ᬤᬵ᭞ᬕ᭄ᬮᬶᬲ᭄ᬳᬶᬤᬵᬦ᭄ᬲᭂᬓ᭄ᬳᬭᬶᬦ᭄ᬥᬵᬦᬾᬧᬸᬧᬸᬢ᭄‌᭞ᬲᬃᬯ᭄ᬯᬦᬗᬶᬲ᭄ᬗᬸᬲᬧᬸᬲᬧ᭄᭞ᬢᭀᬤᬤᬶᬗᬦ᭄ᬤᬶᬓᬯ᭄ᬬᬓ᭄ᬢᬶ᭟ᬭᬾᬄ
ᬮᬶᬦ᭄ᬢᬂᬲᭂᬓ᭄ᬤᬶᬋᬤ᭄ᬥᬵ᭞ᬤᬵᬲᬂᬦᬵᬣᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬫᬦ᭄ᬢᬶᬂᬳᬗ᭄ᬕᬵᬕᭂᬩ᭄ᬬᬕ᭄ᬕᭂᬩ᭄ᬬᬸᬕ᭄‌᭞ᬗᬸᬗᬬᬗᬶᬦ᭄ᬲᬂᬧᬮᬢᬺ᭞ᬫᬲᬫ᭄ᬩᬢ᭄ᬩᬲ᭄ᬓᬤᬸᬭᬸᬲ᭄ᬳᬦᬓᬕᬸᬂ᭞ᬫᬜᬓᬶᬢᬶᬦ᭄ᬫᬾᬫᬾᬩᬧ᭞ᬢ᭄ᬯᬭᬓᬧᬶᬢᬺᬱ᭄ᬡᬦ᭄‌ᬕ᭄ᬮᬶᬲ᭄᭟ᬤᭀᬂᬢᬾᬳᬧᬲᬮᬄᬢ᭄ᬬᬂ᭞ᬓ᭄ᬭᬡᬮᬚᬸ᭞ᬫᬮ᭄ᬯᬦ᭄ᬫᬗᬮᬳᬶᬦ᭄᭞ᬲ᭄ᬧᭂᬂᬳᬸᬩᬬ
ᬦᬾᬳᬕᬸᬂ᭞ᬧᬂᬫᬢᬶᬳᬩ᭄ᬭᬶᬬᬸᬓᬦ᭄᭞ᬤᬤᬶᬓᬕᬸᬂᬢ᭄ᬯᬭᬢᬶᬦ᭄ᬤᬶᬄᬢ᭄ᬓᬾᬦ᭄ᬲᬗ᭄ᬕᬸᬧ᭄᭞ᬢᬶᬢ᭄ᬲᬓᬶᬂᬜᬓᬶᬢᬶᬦ᭄ᬧᬶᬲᬦ᭄᭞ᬓ᭄ᬭᬡᬢ᭄ᬮᬲ᭄ᬫᬗᬮᬳᬶᬦ᭄᭟ᬢ᭄ᬯᬦ᭄ᬭᬚᬗᬢᬸᬭᬂᬲᬸᬭᬵᬢ᭄᭞ᬲᬸᬭᬢ᭄‌ᬳᬶᬤᬵᬲᬂᬮᬶᬡᬵᬓᬢᬹᬃᬲᬫᬶ᭞ᬕ᭄ᬮᬶᬲ᭄ᬫᬫᬯᭀᬲ᭄ᬳᬶᬤ᭄ᬯᬕᬸᬂ᭞ᬳᬚᬶᬤᬶᬚ᭄ᬭᭀᬦᬶᬂᬋᬤ᭄ᬥᬵ᭞ᬯᬳᬸᬧᬸᬧᬸᬢ᭄ᬫᬫᬵ [ 16 ][᭑᭕ 15B]
᭑᭕
ᬳᭀᬲᬸᬭᬵᬢ᭄ᬳᬶᬤ᭄ᬯᬕᬸᬂ᭞ᬲᬬᬦ᭄ᬳᬫᭂᬢᭂᬗᬶᬂᬋᬤ᭄ᬥᬵ᭞ᬜᬸᬗ᭄ᬓᭂᬮ᭄ᬳᬶᬤ᭄ᬯᬕᬸᬂᬓᬧᬢᬶ᭟ᬳᬶᬭᬶᬓᬲᬫᬶᬓᬕ᭄ᬬᬢ᭄᭞ᬕ᭄ᬮᬶᬲ᭄ᬜᬫ᭄ᬩᬸᬢ᭄‌ᬦᬾᬫᬗ᭄ᬕᬸᬮᬬᭀᬦ᭄ᬓᬮᬶᬄ᭞ᬓᬧᬺᬫᬂᬩ᭄ᬭᬶᬬᬸᬓ᭄ᬦᬸᬮᬸᬂ᭞ᬢᬗᬶᬲᬾᬳᬯᬸᬭᬳᬦ᭄᭞ᬳᬶᬤᬾᬯᬕᬸᬂᬩ᭄ᬬᬂᬗᬃᬲᬬᬂᬫᬲᬸᬤᬸᬓ᭄᭞ᬭᬶᬂᬲᬂᬓᬮᬶᬄᬫᬗᬦ᭄ᬤᬶᬓᬵ᭞ᬭᬶᬂᬳᬶᬤ᭄ᬯᬕᬸᬂᬧᬸᬢᬺᬯ᭄ᬬᬓ᭄ᬢᬶ᭟ᬧᬸ
ᬢᬺᬗ᭄ᬳᬶᬂᬳᬱ᭄ᬝ᭄ᬭᬫᬸᬱ᭄ᬝᬧᬵ᭞ᬩ᭄ᬬᬂᬢᬸᬳᬸᬫᬫ᭄ᬮᬤ᭄ᬗᬰᬶᬳᬲᬶᬄ᭞ᬢ᭄ᬬᬂᬦᬯ᭄ᬕᬂᬦᬓᬕᬸᬂ᭞ᬮᬸᬤᬶᬦ᭄ᬫᬢ᭄ᬬᬂᬢ᭄ᬬᬂ᭞ᬲᬃᬯ᭄ᬯᬶᬫ᭄ᬓᬸᬮ᭄‌ᬭᬾᬄᬫᬳᬶᬦᬩ᭄‌ᬳᭀᬓᬢᬸᬳᬸ᭞ᬳᬯᬦᬦ᭄ᬳᬲᬶᬄᬓᬮᬶᬦ᭄ᬢᬂ᭞ᬳᬶᬤᬾᬯᬕᬸᬂᬧᬸᬢ᭄ᬭᬫᬗ᭄ᬓᬶᬦ᭄᭟ᬫᬍᬲ᭄‌ᬫ᭄ᬓᬸᬮ᭄ᬧᬤᬦ᭄ᬩ᭄ᬬᬂ᭞ᬳᬢᬸᬃᬲᬺᬢ᭄‌ᬭᬾᬄᬳᬤᬸᬮᬸᬃᬢᬗᬶᬲ᭄᭞ᬳᬶᬮᬶᬂᬳᬶᬮᬶᬂᬭᬵᬢᬸᬤ᭄ᬯᬕᬸᬂ᭞ᬳᬶᬤᬵ
ᬳᬶᬤ᭄ᬯᬕᬸᬂᬩ᭄ᬬᬂ᭞ᬭᬶᬂᬕᬕ᭄ᬮᬂᬦ᭄ᬭᬚᬫ᭄ᬓᬸᬮ᭄ᬳᬶᬤ᭄ᬯᬕᬸᬂ᭞ᬲᬯᬯᬳᬶᬤᬵᬗᬃᬱᬬᬂᬓ᭄ᬦᬶᬧᬸᬢ᭄ᬲᬦᬾᬫᬗ᭄ᬓᬶᬦ᭄᭟ᬭᬚᬧᬸᬢ᭄ᬭᬫᬍᬲ᭄ᬳᬶᬤᬵ᭞ᬫ᭄ᬓᬸᬮ᭄ᬧᬤᬳᬶᬤᬵᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬳᬕᬸᬂᬫᬫ᭄ᬭᬶᬬᬸᬓᬶᬦ᭄ᬫᭂᬓᬸᬮ᭄᭞ᬳᬧᬦ᭄ᬫᬸᬮᬵᬩ᭄ᬬᬂ᭞ᬨᬨᬲᬂᬓᬮᬶᬄᬳᬢᬸᬃᬧᬢᭂᬄᬗ᭄ᬢᬸᬲ᭄ᬓᬬᬸᬦ᭄᭞ᬤᬾᬯᬕᬸᬂᬮᬶᬮᬬᬂᬧᬶᬲᬦ᭄᭞ᬳᬶᬧᬸᬦ᭄ᬩᬢᭂᬓ᭄ᬱᬗ᭄ᬳ᭄ᬬᬂᬯᬶ
ᬥᬷ᭟ᬢ᭄ᬯᬦ᭄ᬭᬚᬳᬶᬤ᭄ᬯᬕᬸᬂᬧᬸᬢᬺ᭞ᬕ᭄ᬮᬶᬲ᭄‌ᬫᭂᬗ᭄ᬕᬄᬧ᭄ᬭᬫᬦ᭄ᬳᬶᬤᬵᬯ᭄ᬬᬓ᭄ᬢᬶ᭞ᬧᬺᬫᬦᬦ᭄ᬲᬂᬦᬵᬣᬲᬵᬫ᭄ᬧᬸᬦ᭄᭞ᬳᬶᬤ᭄ᬯᬕᬸᬂᬭᬳᬶᬳᬶᬤᬵ᭞ᬲᬦᬾᬫᬸᬧᬸᬢ᭄ᬧᬭᬧᬸᬢᬺᬧᬢᭂᬄᬩ᭄ᬭᬶᬬᬸᬓ᭄᭞ᬫᬓᬬᬸᬦ᭄ᬫᬸᬧᬸᬢᬂᬳᬗ᭄ᬕᬵ᭞ᬳᬶᬤᬾᬯᬕᬸᬂᬳᬚᬶᬗ᭄ᬮᬶᬮᬶᬃ᭟ᬤᬵᬲᬂᬦᬵᬣᬢᬶᬕᬳᬶᬤᬵ᭞ᬫᬗᬦ᭄ᬤᬶᬓᬵᬭᬶᬂᬳᬶᬤᬵᬤ
[᭑᭖ 16A]
ᬲᬂᬓᬮᬶᬄ᭞ᬭᬶᬂᬢ᭄ᬯᬦ᭄ᬭᬚᬓᬾᬦ᭄ᬳᬶᬤ᭄ᬯᬕᬸᬂ᭞ᬲᬸᬢᬺᬳᬱ᭄ᬝᬫᬸᬱ᭄ᬝᬧ᭞ᬚ᭄ᬫᬓ᭄ᬢ᭄ᬯᬦ᭄ᬓᬮᬶᬄᬦᬶᬓᬶᬳᬦᬓᬕᬸᬂ᭞ᬓᬃᬕ᭄ᬦᬢ᭄ᬬᬂᬩᬗᬸᬦᬂ᭞ᬢ᭄ᬬᬂᬢᬾᬫᬩᬸᬤᬶᬫᬢᬶ᭟ᬧᬂᬢ᭄ᬬᬂᬢ᭄ᬧᬸᬓ᭄ᬭᬶᬂᬧᬦᬓ᭄᭞ᬧᬦᬓ᭄ᬤᬤ᭄ᬯᬲᬵᬫ᭄ᬧᬸᬦ᭄ᬗᬮᬳᬶᬦ᭄ᬫᬸᬮᬶᬄ᭞ᬦᬧᬶᬲᬶᬢᬺᬱ᭄ᬡᬳᬶᬦ᭄ᬳᬶᬤᬸᬧ᭄᭞ᬲᬂᬓᬮᬶᬄᬢᬜᬢ᭄ᬬᬂ᭞ᬫᬸᬮᬗᬧ᭄ᬢᬶᬦᬸᬢᬸᬕ᭄ᬧᬦᬓ᭄ᬳᬶ
ᬮᬂᬫᬮᬸ᭞ᬦᬾᬧᬢ᭄‌ᬢ᭄ᬗᬳᬶᬂᬳᭀᬫᬵ᭞ᬭᬾᬳᬶᬂᬢ᭄ᬬᬂᬫᬗᬯᬦᬶᬦ᭄᭟ᬫᬗ᭄ᬲᭂᬗᬳᬾᬦᬂᬳᭀᬫᬵ᭞ᬧᬦᬓ᭄‌ᬩ᭄ᬦᭂᬄᬓ᭄ᬦᭂᬢ᭄ᬬᬂᬧ᭄ᬮᬶᬄ᭞ᬲᬓᬫᬓᬫᬵᬫᬗᬸᬢᬸᬲ᭄᭞ᬢᭂᬦ᭄ᬧᬶᬲᬦ᭄ᬓᬧᬶᬢᬺᬱ᭄ᬡᬦ᭄᭞ᬢ᭄ᬓᬾᬦ᭄ᬧᬦᬓ᭄ᬧᬦᬓ᭄ᬢ᭄ᬬᬂᬩᬬᬸᬩᬸᬤᬸᬄ᭞ᬪᬝᬵᬭᬳᬶᬤᬵᬫᬶᬤᬦ᭄ᬥᬵ᭞ᬓ᭄ᬭᬡᬯᬾᬦ᭄ᬢᭂᬦ᭄ᬳᬫ᭄ᬩᬸᬮ᭄ᬫᬗ᭄ᬓᬶᬦ᭄᭟ᬬᬦ᭄ᬢᬦ᭄ᬓᬲᬸ
ᬲᬸᬧᬦ᭄ᬳᬾᬤᬦ᭄᭞ᬧᬦᬓ᭄ᬢ᭄ᬬᬂᬫᬗᬾᬤᬦᬶᬦ᭄‌ᬯ᭄ᬬᬓ᭄ᬢᬶ᭞ᬬᬓ᭄ᬢᬶᬳᬦᬓ᭄ᬩᬕᬸᬲ᭄ᬩᬶᬦ᭄ᬫᬦᬸᬄ᭞ᬲᬓᬤᬶᬢᬸᬢᬸᬩᬤᬄᬫ᭄ᬓᬾᬦ᭄ᬓᬯᬶᬢᬦ᭄ᬳᬢ᭄ᬬᬂᬢᬺᬱ᭄ᬡᬦᬾᬫᬸᬧᬸᬢ᭄᭞ᬲᬓᬮᬶᬄᬢ᭄ᬓᬾᬦᬶᬂᬜᬫ᭞ᬲᬶᬂᬢᬸᬦ᭄ᬤᬾᬦ᭄ᬢᬓᬸᬢ᭄ᬫᬸᬘᬶᬗᬶᬦ᭄᭟ᬢ᭄ᬯᬄᬳᬓᬾᬦ᭄ᬢᭂᬦ᭄ᬓᬚᬢ᭄ᬬᬦ᭄᭞ᬫᬶᬦᬓᬤᬶᬳᬦ᭄ᬢᬸᬓ᭄ᬱᬗ᭄ᬥᬦᬾᬫᬮᬶᬄ᭞ᬢ᭄ᬯᬦ᭄ᬭᬚᬓᭀ
ᬘᬧ᭄ᬳᬶᬕᬶᬬᬸᬃ᭞ᬧᬾᬢᬭᬸᬫ᭄‌ᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬧᬦᬓ᭄ᬩᬓᬢ᭄ᬚᬓ᭄ᬫᬓ᭄ᬚᬂᬢ᭄ᬯᬭᬮᬶᬗᬸ᭞ᬩᬳᬦ᭄ᬩᬸᬤᬸᬳᬾᬓᬮᬶᬦ᭄ᬢᬂ᭞ᬭᬾᬳᬶᬂᬦᬾᬦ᭄ᬢᭂᬦ᭄ᬓᬫᬗ᭄ᬓᬶᬦ᭄᭟ᬢ᭄ᬯᬦ᭄ᬭᬚᬵᬲᬺᬂᬫᬦᬶᬮᬲ᭄᭞ᬢᭂᬫ᭄ᬩᬾᬫᬗ᭄ᬓᬶᬯᬶᬤᬶᬦᬾᬩᬶᬱᬵᬚᬳᬶᬮ᭄᭞ᬢ᭄ᬯᬭᬢ᭄ᬬᬂᬩᬶᬱᬫᬗ᭄ᬕᬸᬄ᭞ᬤᬾᬯ᭄ᬯᬦᬾᬩᬶᬱᬮᭀᬫ᭄ᬧᬂ᭞ᬓ᭄ᬭᬡᬢ᭄ᬬᬂ [ 17 ][᭑᭖ 16B]
᭑᭖
ᬓᬚᬯᬮ᭄ᬯᬲ᭄ᬫᬜᬸᬲᬸᬧ᭄᭞ᬭᬾᬄᬗᬶᬥᭂᬧᬂᬫᬸᬜᬶᬦ᭄ᬲᬩ᭄ᬥᬵ᭞ᬘᭀᬓᭀᬃᬤᬳᬓᬾᬄᬫ᭄ᬭᬶᬬᬸᬓᬶᬦ᭄᭟ᬲᬂᬓᬮᬶᬄᬳᬶᬓᬲᬳᬬᬵ᭞ᬳ᭄ᬬᬂᬚᬦᬶᬮᬓᬃᬫᬮᬓᬸᬧ᭄ᬮᬶᬄ᭞ᬭᬾᬳᬶᬂᬧᬦᬓ᭄ᬩᬓᬢᬫ᭄ᬩᬸᬲ᭄᭞ᬦᬶᬓᬵᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬫᬸᬮᬶᬄᬢ᭄ᬬᬂᬮᬓᬃᬦᬸᬢᬸᬕ᭄ᬧᬦᬓ᭄ᬮᬫ᭄ᬧᬸᬲ᭄᭞ᬦᬾᬧ᭄ᬭᬕᬢ᭄ᬗᬳᬳᭀᬧᬵ᭞ᬦᬾᬫ
ᬗ᭄ᬓᬶᬦ᭄ᬮᬭᬫᬢᬶᬦ᭄ᬤᬶᬄ᭟ᬓᬤᬶᬫᬗ᭄ᬓᬶᬦ᭄ᬢ᭄ᬬᬂᬢ᭄ᬯᬦ᭄᭞ᬫᬦᬯ᭄ᬕᬂᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬸᬲᬶᬗᬶᬦ᭄᭞ᬗᬢᬸᬭᬂᬧᬓᭀᬩᭂᬢ᭄ᬓᬬᬸᬦ᭄᭞ᬢ᭄ᬯᬦ᭄ᬳᬢᬸᬭᬶᬦ᭄ᬢ᭄ᬬᬂ᭞ᬫᬓᬃᬬ᭄ᬬᬦᬂᬳᭀᬫᬓ᭄ᬦᬶᬳᬕᬾᬧᬸᬧᬸᬢ᭄᭞ᬭᬾᬄᬧᬸᬦᬶᬓᬶᬲᬂᬧᬮᬢᬺ᭞ᬫᬫᬦᬄᬧᬸᬧᬸᬢ᭄ᬳᬶᬭᬶᬓᬶ᭟ᬫᬶᬦᬓᬤᬶᬢ᭄ᬬᬂᬢ᭄ᬯᬦ᭄᭞ᬓᬾᬦ᭄ᬓᬾᬦ᭄ᬳᬶᬧᬸᬦ᭄‌ᬓ᭄ᬦᬶᬧᬸᬧᬸ
ᬢ᭄ᬳᬶᬭᬶᬓᬶ᭞ᬢ᭄ᬬᬂᬮᬶᬦ᭄ᬢᬂᬲᬢᬸᬭᬸᬢ᭄᭞ᬭᬶᬂᬧᬦᬓ᭄ᬦᬾᬦ᭄ᬢᭂᬦ᭄ᬧᬶᬯᬮ᭄᭞ᬭᬚᬵᬳᬦ᭄ᬯᬫ᭄ᬢᬦ᭄ᬓᬤᬶᬳᬶᬤᬵᬳᬶᬤ᭄ᬯᬕᬸᬂ᭞ᬧᬸᬢᬺᬗ᭄ᬳᬶᬂᬳᬱ᭄ᬝ᭄ᬭᬫᬸᬲ᭄ᬢᬧᬵ᭞ᬳᬮᬄᬤᬸᬤᬸᬢ᭄ᬓᬬᬸᬦ᭄‌ᬯ᭄ᬬᬓ᭄ᬢᬶ᭟᭚ᬤᬹᬃᬫ᭄ᬫᬵ᭚ᬩᬸᬫ᭄ᬬᬃᬱᬶᬧᬗᬦ᭄ᬤᬶᬓᬦ᭄ᬳᬚᬶᬩ᭄ᬬᬂ᭞ᬗᬰᬶᬳᬲᬶᬄᬢᬦ᭄ᬲᬶᬧᬶ᭞ᬢᬸᬭᬶᬂᬫᬱᬲᬫ᭄ᬩᬢ᭄᭞ᬦᬯᬸᬳᬶᬦ᭄ᬗᬃ
ᬬ᭄ᬬᬳᭀᬫᬵ᭞ᬕ᭄ᬮᬶᬲ᭄‌ᬫ᭄ᬓᬸᬮ᭄ᬩ᭄ᬬᬂᬳᬚᬶ᭞ᬫᬢᬸᬃᬫᬫ᭄ᬮᬤ᭄᭞ᬲᬃᬯ᭄ᬯᬳᬤᬸᬮᬸᬃᬢᬗᬶᬲ᭄᭟ᬭᬢᬸᬤ᭄ᬯᬕᬸᬂᬧᬫᬸᬲ᭄ᬢᬶᬬᬦ᭄ᬲᬲᬸᬳᬸᬦᬦ᭄᭞ᬢᬦ᭄ᬲᬓᬾᬂᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬢᬸᬮᬓ᭄ᬭᬶᬂᬯᬘᬦ᭞ᬤᬾᬯᬕᬸᬂᬫᭂᬦ᭄ᬤᬯᬸᬳᬂ᭞ᬫᬓᬃᬬ᭄ᬬᬳᭀᬫᬳᬶᬭᬶᬓᬶ᭞ᬧᬫᬦᬄᬢᬶᬢ᭄ᬬᬂ᭞ᬧᬢᭂᬄᬳᬢᬹᬃᬲᬂᬓᬮᬶᬄ᭟ᬓᬤᬶᬫ
[᭑᭗ 17A]
ᬗ᭄ᬓᬶᬦ᭄‌ᬫᬦᬄᬢᬶᬢ᭄ᬬᬂᬫᬗᬺᬋᬳᬂ᭞ᬢᬫ᭄ᬩᬤᬸᬫᬸᬦ᭄ᬳᬶᬭᬶᬓᬶ᭞ᬦᬧᬶᬤᬤᭀᬲ᭄ᬢᬯᬃ᭞ᬳᬦᬓ᭄ᬘᭀᬓᭀᬃᬳᬶᬤᬾᬯᬵ᭞ᬲᬂᬧᬮᬢ᭄ᬭᬫᬓᬓᬮᬶᬄ᭞ᬤᬸᬫᬤᬓ᭄ᬱᬶᬤ᭄ᬥᬵ᭞ᬯᬾᬦ᭄ᬢᭂᬦ᭄ᬧᬲ᭄ᬯᬾᬘ᭄ᬙᬵᬦ᭄ᬯᬶᬥᬷ᭟ᬬᬦ᭄ᬢᬦ᭄ᬲᬶᬤᬵᬢᬶᬢ᭄ᬬᬂᬗᬶᬭᬶᬂᬗᬃᬬ᭄ᬬᬳᭀᬫᬵ᭞ᬲᬂᬓᬮᬶᬄᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬭᬶᬂᬫᬧᬸᬧᬸᬢᬦ᭄᭞ᬧᬸᬧᬸᬢ᭄ᬗᬳᬶᬂᬳᭀ
ᬫᬵ᭞ᬧᬤᬓᬕ᭄ᬬᬢ᭄ᬲᬂᬫ᭄ᬬᬃᬱᬶ᭞ᬳᬢᬸᬃᬢ᭄ᬯᬦ᭄ᬭᬚᬵ᭞ᬭᬚᬫᬸᬱ᭄ᬝᬧᬫᬮᬶᬄ᭟ᬧᬘᬂᬩᬬᬭᬶᬂᬳᭀᬓᬵᬲᬦᬾᬧᬮᬢᬺ᭞ᬕ᭄ᬮᬶᬲ᭄ᬳᬶᬤ᭄ᬯᬕᬸᬂᬫᬗ᭄ᬓᬶᬦ᭄᭞ᬫ᭄ᬓᬸᬮ᭄‌ᬭᬚᬵᬳᬦ᭄ᬯᬫ᭄᭞ᬓᬮᬶᬄᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬫᬸᬲ᭄ᬢᬧᬓᬧᬶᬦᭂᬄᬳᬲᬶᬄ᭞ᬯᬶᬢ᭄‌ᬢ᭄ᬓᬾᬂᬋᬤ᭄ᬥᬵ᭞ᬳᬤ᭄ᬯᬕᬸᬂᬲᬋᬂᬲᬫᬶ᭟ᬫᬗᬦ᭄ᬤᬸᬓᬵᬲᬳᬢᬗᬶ
ᬲ᭄ᬫᭂᬕᬢ᭄ᬫᭂᬕᬢ᭄᭞ᬧᬢᭂᬄᬧᬦ᭄ᬤᬶᬓᬵᬲᬫᬶ᭞ᬦᬓᬕᬸᬂᬢ᭄ᬯᬭᬚᬵ᭞ᬳᬭᬄᬦᬧᬶᬯᬱ᭄ᬝᬜ᭞ᬢᭀᬂᬩᬱᬢ᭄ᬬᬂᬗᭂᬦ᭄ᬳᬶᬦ᭄᭞ᬧᭂᬦ᭄ᬤᭂᬓᬦ᭄ᬢ᭄ᬯᬦ᭄᭞ᬦᬓᬕᬸᬂᬫᬶᬦᬓᬤᬶ᭟ᬓᬢ᭄ᬮᬜ᭄ᬚᬸᬃᬦᬶᬓᬵᬕᬸᬫᬶᬦᬾᬓᬃᬓᬸᬤ᭄ᬬᬂ᭞ᬢ᭄ᬯᬦᬕᬶᬄᬦᬶᬗ᭄ᬕᬮᬶᬦ᭄᭞ᬓᬮᬶᬄᬫᬄᬢ᭄ᬬᬄ᭞ᬦᬓᬕᬸᬂᬳᬚᬶᬩ᭄ᬬᬂ᭞ᬢᭂᬦ᭄ᬧᭂᬤᬍᬫ᭄ᬓᬮ᭄ᬦᬶᬗ᭄ᬓ
ᬮᬶᬦ᭄᭞ᬦᬧᬶᬯᬱ᭄ᬝᬜ᭞ᬲᬂᬓᬮᬶᬄᬫᭂᬧᭂᬲ᭄ᬫᬮᬶᬄ᭟ᬳᬢᬸᬃᬧᬢᭂᬄᬭᬵᬢᬸᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬧᬘᬂᬓᬩᬦ᭄ᬥᬵᬕᬸᬫᬶ᭞ᬲᬓᬮᬶᬄᬭᬵᬚᬩ᭄ᬭᬡᬵ᭞ᬲᬓᬮᬶᬄᬳ᭄ᬫᬄᬢ᭄ᬬᬄ᭞ᬲᬫᬶᬗᬫᭂᬮ᭄ᬧᬸᬮᬵᬓᬺᬢᬶ᭞ᬲᬫᬶᬗᬯᬘᬧ᭄᭞ᬲᬯᭀᬲᬯᭀᬲ᭄ᬧᬫᬃᬕ᭄ᬕᬶ᭟ᬳᬶᬤᬾᬯᬕᬸᬂᬢᬦ᭄ᬧ᭄ᬕᬵ [ 18 ][᭑᭗ 17B]
᭑᭗
ᬦ᭄ᬥᬵᬲᬋᬂᬲᬫ᭄ᬬᬦ᭄᭞ᬭᬶᬂᬳᬢᬸᬃᬤᬵᬲᬂᬓᬮᬶᬄ᭞ᬕ᭄ᬮᬶᬲ᭄ᬳᬶᬤᬵᬲᬂᬓᬮᬶᬄ᭞ᬕ᭄ᬮᬶᬲ᭄ᬳᬶᬤᬵᬦᬶᬫ᭄ᬩᬮ᭄᭞ᬗ᭄ᬕᬶᬄᬓᬗ᭄ᬕᬾᬓᬬᬸᬦ᭄ᬢ᭄ᬯᬦ᭄‌᭞ᬳᬦᬓᬕᬸᬂᬫᬶᬦᬓᬤᬶ᭞ᬲᬂᬓᬮᬶᬄᬳᬶᬤᬵ᭞ᬕ᭄ᬮᬶᬲ᭄ᬳᬶᬤᬵᬫᬧᬫᬶᬢ᭄᭟ᬳᬢᬸᬃᬧᬢᭂᬄᬢᬶᬢ᭄ᬬᬂᬧᬘᬂᬗᬺᬋᬄᬢᬫ᭄ᬩᬵ᭞ᬳᬶᬤᬵᬳᬶᬤ᭄ᬯ᭄ᭉᬕᬸᬂᬳᬚᬶ᭞ᬩ᭄ᬭᬶᬬᬸᬓ᭄ᬳᬶᬤᬵᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬤᬸᬭᬸᬲᬂᬢ᭄ᬯᬦ᭄᭞ᬦᬓ
ᬕᬸᬂᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬃᬯ᭄ᬯᬶᬦᬯᬸᬳᬂᬓᬲ᭄ᬬᭂᬕ᭄ᬩᬸᬩᬢ᭄ᬕᬦ᭄ᬢᬶᬦᬶᬦ᭄᭟ᬗᬩᬶᬦ᭄ᬳᬶᬜ᭄ᬚᭀᬃᬤᬵᬲᬂᬓᬮᬶᬄᬕ᭄ᬮᬶᬲ᭄ᬜᭂᬫ᭄ᬩᬄ᭞ᬳᬶᬤᬵᬫᬗ᭄ᬓᬶᬦ᭄ᬗᭂᬦ᭄ᬢᭀᬲᬶᬦ᭄᭞ᬫᬗ᭄ᬓᬸᬲᬂᬧᬮᬢᬺ᭞ᬲᬯᬯᬦᬗᬶᬲ᭄ᬳᬶᬤᬵ᭞ᬤᬵᬲᬂᬮᬶᬡ᭄ᬦᬵᬫᬓᬓᬮᬶᬄ᭞ᬧᬘᬂᬳᬗ᭄ᬕᬦ᭄ᬤ᭞ᬓᬩᬩᬸᬭᬦ᭄‌ᬬᬾᬄᬳᬓ᭄ᬱᬶ᭟ᬤᬵᬲᬂᬓᬮᬶᬄᬢ᭄ᬯᬦ᭄ᬭᬚᬵᬳᬶᬤ᭄ᬯᬕᬸᬂ
ᬧᬸᬢ᭄ᬭ᭞ᬢ᭄ᬥᬸᬦ᭄ᬳᬶᬤᬵᬦᬾᬫᬗ᭄ᬓᬶᬦ᭄᭞ᬧᬫᬃᬕ᭄ᬕᬶᬦ᭄ᬥᬵᬩᬦ᭄ᬩᬦ᭄᭞ᬳᬬᬢ᭄ᬜᬸᬚᬸᬃᬓᬦ᭄ᬤᬓᬵ᭞ᬳᬦ᭄ᬢᭂᬦᬃᬧᬺᬧᬸᬢᬺᬗᬶᬭᬶᬂ᭞ᬯᬸᬲ᭄ᬭᬯᬸᬄᬳᬶᬤᬵ᭞ᬭᬶᬂᬦᬢᬄᬓᭂᬜ᭄ᬘᬦᬵᬕ᭄ᬮᬶᬲ᭄᭟ᬤᬵᬲᬂᬓᬮᬶᬄᬫᬸᬗ᭄ᬕᬳᬦ᭄ᬫᬗ᭄ᬭᬜ᭄ᬚᬶᬂᬳᬶᬤᬵ᭞ᬳᬬᬢ᭄ᬗᬭᬤ᭄ᬦᬾᬫᬗ᭄ᬓᬶᬦ᭄᭞ᬳᬢ᭄ᬫᬦ᭄ᬲᬂᬧᬮᬢ᭄ᬭ᭞ᬯᬸᬲ᭄ᬗᬯᬳᬸᬧᬓᬭᬵ᭞ᬧᬗᬶᬭᬶᬂ
ᬤᬶᬦᬢᬄᬲᬫᬶ᭞ᬦᬾᬤᬶᬦᬶᬦᭂᬗᬂ᭞ᬤᬶᬩᬮᬾᬫᬹᬃᬤ᭄ᬥᬵᬩ᭄ᬯᬶᬦ᭄᭟ᬘᬭᬶᬢᬬᬂᬤᬶᬦᬶᬢᬄᬓ᭄ᬱᭂᬮ᭄ᬓᬮᬶᬦ᭄ᬢᬂ᭞ᬗ᭄ᬳᬶᬂᬳᬫᭂᬫ᭄ᬮᬭᬲᬫᬶ᭞ᬓᬮᬶᬄᬦᬾᬤᬶᬓᬫᬃ᭞ᬫᬗ᭄ᬕᭂᬄᬫᬦᬗᬶᬲᬫ᭄ᬬᬦ᭄᭞ᬗᬸᬓᬸᬢᬸᬓᬸᬢ᭄ᬲᬂᬦᬶᬗ᭄ᬕᬮᬶᬦ᭄᭞ᬦᬾᬤᬶᬦᬶᬦᭂᬗᬂ᭞ᬦᬾᬗᬭᬤ᭄ᬩᬶᬦ᭄ᬩᬮᬶᬓᬶᬦ᭄᭟ᬳᬦ᭄ᬤᬸᬲ᭄ᬫᬸᬫ᭄ᬩᬸᬮ᭄‌ᬤᬵᬲᬂᬓᬮᬶᬄ
[᭑᭘ 18A]
ᬫᬗᬺᬩᭂᬧᬂ᭞ᬫᬗᬼᬓᬲ᭄ᬫᬦ᭄ᬢ᭄ᬭᬰᬶᬤ᭄ᬥᬶ᭞ᬤᬕᬶᬂᬫᬦ᭄ᬢ᭄ᬭᬦ᭄ᬳᬶᬤᬵ᭞ᬓ᭄ᬦᬶᬭᬯᬸᬄᬳᬭᬶᬦ᭄ᬥᬵ᭞ᬳᬶᬤᬵᬲᬂᬫᬦᬶᬗ᭄ᬕᬮ᭄ᬓᬮᬶᬄ᭞ᬳᬶᬤ᭄ᬯᬕᬸᬂᬧᬸᬢᬺ᭞ᬳᬶᬤ᭄ᬯᬕᬸᬂᬮᬦᬂᬫᬮᬶᬄ᭟᭚ᬧᬗ᭄ᬓᬸᬃ᭚ᬧᬦᬄᬲ᭄ᬯᬾᬗᬭᬦ᭄ᬳᬶᬤᬵ᭞ᬫᬦ᭄ᬮᬲᬂᬯᬶᬰᬾᬱᬵᬦ᭄ᬤᬵᬲᬂᬓᬮᬶᬄ᭞ᬓᬮᬶᬄᬢᬍᬃᬦᬾᬦ᭄ᬢᭂᬦ᭄ᬲᬶᬤ᭄ᬥᬵ᭞ᬭᬯᬸᬄᬅᬢ᭄ᬫᬦ᭄ᬳᬶ
ᬤᬵᬳᬭᬶᬦ᭄ᬥᬵ᭞ᬭᬾᬳᬶᬂᬅᬢ᭄ᬫᬵᬫᬓᭂᬓᭂᬧ᭄ᬩᬦ᭄ᬭᬶᬥᬶᬢᬸᬳᬸ᭞ᬤᬸᬭᬸᬂᬳᬶᬤᬵᬓᬶᬘᬾᬦ᭄ᬢᬸᬮᬓ᭄‌᭞ᬭᬶᬂᬳᬶᬤᬵᬪᬝᬵᬭᬯᬶᬥᬶ᭟ᬭᬾᬄᬪᬝᬵᬭᬮᬶᬦ᭄ᬢᬂᬫᭂᬗ᭄ᬕᬄ᭞ᬓᬾᬦ᭄ᬢ᭄ᬯᬦ᭄ᬭᬚᬵᬳᬧᬦᬾᬗᬸᬩ᭄ᬓᬭᬶ᭞ᬧᬶᬯᬮ᭄ᬢᭂᬓᬾᬦ᭄ᬯᬶᬥᬶᬢᬸᬳᬸ᭞ᬯᬶᬥᬷᬓᬳᬸᬘᬧ᭄ᬤᬤ᭄ᬯ᭞ᬓᬾᬦ᭄ᬯᬘᬦᬵᬳᬯᬦ
ᬦ᭄ᬳᬸᬚᬃᬢᬦ᭄ᬧᬢᬸᬢ᭄‌᭞ᬳᬸᬚᬃᬫᬭᬶᬘᬾᬤᬦᬾᬯ᭄ᬯ᭞ᬭᬚᬵᬳᬦ᭄ᬯᬫᬗᬃᬬ᭄ᬬᬦᬶᬦ᭄᭟ᬧᬸᬦᬶᬓᬫᬗ᭄ᬕᭂᬳᬂᬳᬶᬤᬵ᭞ᬦᭂᬂᬪᬝᬵᬭᬶᬦᬾᬗᬭᬤ᭄ᬩᬶᬦ᭄ᬩᬮᬶᬓᬶᬦ᭄᭞ᬮᬶᬦ᭄ᬢᬂᬳᬾᬯᭂᬳᬾᬤᬶᬓᬬᬸᬦ᭄᭞ᬩᬦᬾᬢ᭄ᬯᬭᬜᬶᬤᬬᬂ᭞ᬫᬮᬶᬄᬗᬭᬤ᭄᭞ᬅᬢ᭄ᬫᬵᬦ᭄ᬢ᭄ᬬᬄᬓ᭄ᬦᬶᬭᬳᬸᬄ
᭞ᬳᬶᬤ᭄ᬯᬕᬸᬂᬳᬲ᭄ᬢ᭄ᬭᬫᬸᬱ᭄ᬝᬧᬵ᭞ᬅᬢ᭄ᬫᬵᬦ᭄ᬳᬚᬶᬦ᭄ᬥᬓᬳᬯ᭄ᬢᬶ᭟ᬳᬚᬕᬦ᭄ᬲᬂᬓᬮᬶᬄᬧ᭄ᬭᬧ᭄ᬢᬵ᭞ᬳᬚᬶᬢ᭄ᬬᬄᬲᬂᬓᬮᬶᬄᬦᬸᬦᬲᬂᬕ᭄ᬮᬶᬲ᭄᭞ᬦᬾᬫᬯᬶᬦᬦ᭄ᬓᭀᬩᭂᬢ᭄ᬓᬢᬸᬃ᭞ᬳᬚᬶᬢ᭄ᬬᬄᬫᬦᬶᬫ᭄ᬩᬮ᭄‌᭞ᬧᬧᬢᭂᬳᬦ᭄ᬧᬦᬶᬫ᭄ᬩᬮᬾᬮᬶᬦ᭄ᬢᬂᬳᬮᬸᬲ᭄᭞ᬢ᭄ᬯᬭᬚᬫ [ 19 ][᭑᭘ 18B]
᭑᭘
ᬫᬸᬲᬸᬄᬤᬾᬯ᭄ᬯᬵ᭞ᬢᭀᬤᬶᬚᬩᬓᬢ᭄ᬳᬶᬬᬭᬶ᭟ᬭᬾᬄᬳᬶᬬᬭᬶᬓᬓᭂᬧ᭄ᬤᬾᬯ᭄ᬯ᭞ᬩ᭄ᬡᬶᬓ᭄ᬳᬶᬤᬵᬪᬝᬵᬭᬯᬶᬥᬶᬳᬧ᭄ᬢᬶ᭞ᬲᬂᬓᬮᬶᬄᬢᬦ᭄ᬧᬶᬯᬮ᭄ᬲᬵᬫ᭄ᬧᬸᬦ᭄᭞ᬅᬢ᭄ᬫᬵᬓᬮᬶᬄᬯᬸᬲ᭄ᬩᬸᬤᬮ᭄᭞ᬤᬵᬲᬂᬓᬮᬶᬄᬢᬦ᭄ᬧ᭄ᬕᬦ᭄ᬢᬶᬲᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬭᬶᬂᬪ᭄ᬝ᭄ᬭᬭᬾᬄᬧᬫᭂᬗ᭄ᬕᬄ᭞ᬤ
ᬕᬶᬂᬳᬶᬤᬵᬫᬢᬸᬃᬲᬶᬲᬶᬧ᭄᭟ᬯᬸᬲ᭄ᬜᭂᬫ᭄ᬩᬄᬫᬮᬶᬄᬗᬺᬕᭂᬧᬂ᭞ᬗᬧ᭄ᬢᬶᬤᬾᬯ᭄ᬯᬓ᭄ᬦᬶᬳᬶᬤᬵᬗ᭄ᬭᬯᬸᬳᬶᬦ᭄᭞ᬳᬚᬳᬦ᭄ᬯᬶᬥᬶᬦᬾᬭᬯᬸᬄ᭞ᬲᬂᬓᬮᬶᬄᬫᬮᬶᬄᬜᭂᬫ᭄ᬩᬄ᭞ᬫᬢᬸᬃᬲᬶᬲᬶᬧ᭄ᬓᬮᬶᬄᬳᬶᬤᬵᬫᬗ᭄ᬮᬸᬗ᭄ᬲᬸᬃ᭞ᬳᬢ᭄ᬫᬵᬦ᭄ᬳᬶᬤᬵᬦᬾᬳᬭᬶᬦ᭄ᬥᬵ᭞ᬪᬝᬵᬭᬕ᭄ᬮᬶᬲ᭄ᬦᬶᬫ᭄ᬩᬮᬶᬦ᭄᭟ᬩᬶᬄᬳᬶᬕᬶᬬᬸᬃᬳᬢ᭄ᬫᬵ᭞ᬦᬾᬤᬶ
ᬗᭂᬳᬂᬫᬸᬜᬶᬦᬶᬭᬦᬾᬚᬦᬶ᭞ᬳᬶᬭᬢᬾᬳ᭄ᬫᭂᬤ᭄ᬓᬮᬗ᭄ᬓᬸᬂ᭞ᬤᬤᬶᬳᬸᬘᬧᬦ᭄‌ᬚᬕᬢ᭄᭞ᬓᬮᬶᬄᬓᬸᬘᬧ᭄᭞ᬳᬤ᭄ᬯᬭᬶᬲ᭄ᬬᬦᬾᬫᬫᬸᬧᬸᬢ᭄᭞ᬳᬶᬕᬶᬬᬸᬃᬗᬯᬾᬦᬂᬳᬶᬭ᭞ᬧᬭᬶᬘᬫ᭄ᬧᬄᬩᬸᬓᬚᬦᬶ᭟ᬢ᭄ᬯᬦ᭄‌ᬭᬚᬫᬮᬶᬄᬫᬜᭂᬫ᭄ᬩᬄ᭞ᬤᬕᬶᬂᬫᬮᬶᬄᬫᬳᬢᬸᬃᬲᬶᬲᬶᬧ᭄᭞ᬓ᭄ᬦᬶᬲ᭄ᬯᬾᬘ᭄ᬙᬵᬕᭂᬂᬧᬸᬓᬸ
ᬮᬸᬤ᭄᭞ᬕᬸᬂᬋᬡᬵᬲᬶᬦᬫ᭄ᬧᬸᬭᬵ᭞ᬪᬝᬵᬭᬦᬾᬫᬮᬶᬄᬫᬯᬡᬘ᭄ᬙᬵᬦᬵᬳᬮᬸᬲ᭄᭞ᬓᬾᬦ᭄ᬓᬾᬜ᭄ᬚᬦᬶᬜᬓ᭄ᬗᬶᬤᭂᬧᬂ᭞ᬲᬸᬯᬸᬤ᭄ᬗᬸᬩ᭄ᬤᬵᬤᬾᬯᬾᬓ᭄ᬚᬦᬶ᭟ᬓᬮᬶᬄᬢᭀᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬩᬳᬂᬳᬶᬜ᭄ᬚᭀᬃᬳᬧᬂᬳᬾᬗ᭄ᬕᬮ᭄ᬫᬩᬸᬜ᭄ᬘᬶᬂ᭞ᬭᬾᬳᬶᬂᬳᬶᬬᬵᬓᬦ᭄ᬢᬶᬮᬫ᭄ᬧᬸᬲ᭄᭞ᬳᬧᬦ᭄ᬭᬾᬄᬓᬸᬮᬗᬸᬦ
[᭑᭙ 19A]
ᬦ᭄᭞ᬭᬚᬳᬦ᭄ᬯᬫ᭄‌ᬫᬮᬶᬄᬜᭂᬫᬪ᭄‌ᬲᬃᬯ᭄ᬯᬶᬫᬢᬸᬃ᭞ᬢᬶᬢ᭄ᬬᬂᬗᬶᬭᬶᬂᬲᬲᬸᬳᬸᬦᬦ᭄᭞ᬪᬝᬵᬭᬕ᭄ᬮᬶᬲ᭄ᬗᬶᬘᬾᬦᬶᬦ᭄᭟ᬅᬢ᭄ᬫᬵᬦᬾᬦᬾᬳᬧ᭄ᬢᬶᬦ᭄ᬳᬶᬤᬵ᭞ᬚᭂᬂᬪᬵᬝᬵᬭᬕ᭄ᬮᬶᬲ᭄ᬩᬸᬤᬮ᭄‌ᬦᬾᬫᬗ᭄ᬓᬶᬦ᭄᭞ᬢᬦ᭄ᬧᬫᭂᬗᬦ᭄ᬳᬶᬤᬵᬤᬵᬲᬵᬫ᭄ᬧᬸᬦ᭄᭞ᬳᬶᬤ᭄ᬯᬕᬸᬂᬤᬵᬢ᭄ᬯᬦ᭄‌ᬭᬚᬵ᭞ᬗᬯᬵᬳᬢ᭄ᬫᬵᬲᬃᬯ᭄ᬯᬶᬜᬗ᭄ᬓᬶᬮ᭄ᬩᬸᬓᬸ
ᬢᬸᬓᬸᬢ᭄᭞ᬬᬾᬦᬶᬂᬳᬦᬓᬾᬲᬯᭀᬲᬦ᭄᭞ᬢᬦ᭄ᬓᬢᭀᬦ᭄ᬳᬢ᭄ᬫᬵᬲᬚᬢᬶ᭟ᬲᬂᬓᬮᬶᬄᬓᬾᬯᬦ᭄ᬢᭂᬜᬶᬗᬓ᭄᭞ᬭᬾᬄᬯᬶᬰᬾᬱᬮᬶᬦ᭄ᬢᬂᬮᬾᬮᬤᬂᬦᬾᬫᬗ᭄ᬓᬶᬦ᭄᭞ᬤᬵᬲᬂᬓᬮᬶᬄᬕ᭄ᬮᬶᬲ᭄ᬢᭂᬤᬸᬦ᭄᭞ᬳᬬᬓ᭄ᬦᬗ᭄ᬓᬶᬮ᭄ᬳᬚᬶᬦ᭄ᬥᬵ᭞ᬤᬵᬲᬂᬓᬮᬶᬄᬭᬶᬂᬕ᭄ᬥᭀᬂᬕ᭄ᬤᬄᬯᬸᬲ᭄ᬭᬯᬸᬄ᭞ᬳᬚᬶᬩ᭄ᬬᬂᬮᬶᬦ᭄ᬢᬂᬮᬾᬤᬂ᭞ᬳᬚᬶᬩ᭄ᬬᬂᬫᬗᬸᬮ
ᬫᬶᬦ᭄᭟ᬳᬦᬦ᭄ᬥᬵᬲᬂᬓᬮᬶᬄᬜᭂᬫ᭄ᬩᬄ᭞ᬳᬚᬶᬩ᭄ᬬᬂᬕ᭄ᬮᬶᬲ᭄ᬳᬶᬤᬵᬗᬗ᭄ᬕᬸᬢᬶᬦ᭄᭞ᬤᬵᬲᬂᬓᬮᬶᬄᬫᬸᬗ᭄ᬕᬄᬲᬵᬫ᭄ᬧᬸᬦ᭄᭞ᬧᬭᬧᬸᬢ᭄ᬭᬳᬦ᭄ᬢᭂᬦᬃ᭞ᬤᬶᬦᬢᬳᬾᬭᬚᬳᬦ᭄ᬯᬫ᭄‌ᬕ᭄ᬮᬶᬲ᭄ᬫᬢᬸᬃ᭞ᬢᬦ᭄ᬲᬄᬭᬶᬂᬳᬚᬶᬩ᭄ᬬᬂᬤᬵ᭞ᬤᬕᬶᬂᬫᬗᬢᬸᬭᬂᬯ᭄ᬬᬓ᭄ᬢᬶ᭟ᬲᬧᬭᬶᬓᬦ᭄ᬤᬦᬾᬲᬫ᭄ᬬᬦ᭄᭞ᬓᬦ᭄ᬤᬦ᭄ᬳᬶᬤᬵᬳᬭᬶᬦ᭄ᬥᬵᬮᬶ
ᬡᬵᬓᬮᬶᬄ᭞ᬫᬮᬶᬄᬓᬦ᭄ᬤᬦ᭄ᬳᬶᬤᬵᬓᬢᬸᬃ᭞ᬳᬸᬲᬦ᭄ᬫᬗᬸᬡ᭄ᬥᬳᬗ᭄ᬕᬵ᭞ᬓᬮᬶᬄᬓ᭄ᬦᬶᬳᬚᬶᬓ᭄ᬦᬶᬲᬦᬾᬲᬵᬫ᭄ᬧᬸᬦ᭄᭞ᬫᬶᬦᬵᬓᬤᬶᬤᬵᬩ᭄ᬬᬂᬤᬵ᭞ᬫᬧᬗᬗ᭄ᬕᬾᬓᬤᬶᬭᬶᬳᬶᬦ᭄᭟ᬫᬮᬶᬄᬫᬢᬸᬃᬭᬚᬳᬦ᭄ᬯᬫ᭄᭞ᬭᬶᬂᬳᬚᬶᬦ᭄ᬤᬵᬭᬶᬂᬩ᭄ᬬᬂᬫᬶᬦᬓᬤᬶ᭞ᬢᬶᬢ᭄ᬬᬂᬦᬯ᭄ᬕᬂᬤᬾᬯᬕᬸᬂ᭞ᬲᬫ᭄ᬧᬸᬦ᭄ᬜᭂᬦ᭄ᬫᬗ᭄ᬓᬶᬦ᭄ᬗᭂᬦᬄ [ 20 ][᭑᭙ 19B]
᭑᭙
ᬳᬭᬶᬦ᭄ᬥᬵᬭᬓᬦ᭄‌ᬘᭀᬓᭀᬃᬳᬶᬤᬾᬯᬕᬸᬂ᭞ᬭᬶᬂᬳᬶᬤ᭄ᬯᬕᬸᬂᬭᬶᬂᬓᬸᬭᬶᬧᬦ᭄᭞ᬜᬦ᭄ᬢᬶᬢ᭄ᬬᬂᬦᬸᬳᬸᬃᬫᬮᬶᬄ᭟ᬳᬚᬶᬩ᭄ᬬᬂᬦᬾᬦ᭄ᬢᭂᬦ᭄ᬧᬶᬯᬮ᭄᭞ᬓᬮᬶᬄᬮᬶᬦ᭄ᬢᬂᬮᬾᬤᬂᬳᬶᬤᬦᬾᬫᬗ᭄ᬓᬶᬦ᭄᭞ᬭᬾᬳᬶᬂᬳᬤᬓ᭄ᬤᬵᬓᬤᬯᬸᬄ᭞ᬳᬸᬲᬦ᭄ᬫᬗᬸᬡ᭄ᬥᬳᬗ᭄ᬕᬵ᭞ᬤᬵᬲᬂᬓᬮᬶᬄᬫᬧᬫᬶᬢ᭄ᬳᬶᬤᬵᬫᬩ᭄ᬭᬶᬬᬸᬓ᭄᭞ᬳᬚᬶᬩ᭄ᬬᬂᬫᬳᬗ᭄ᬕᬸᬢ
ᬦ᭄᭞ᬤᬵᬳᬦ᭄ᬥᬵᬢ᭄ᬤᬸᬦ᭄‌ᬕ᭄ᬮᬶᬲ᭄᭟ᬳᬬᬢ᭄ᬜᬸᬚᬸᬃᬩᬮᬾᬫᬹᬃᬤ᭄ᬥᬵ᭞ᬲᬂᬧᬭᬵᬅᬢ᭄ᬫᬵᬯᬸᬲ᭄ᬫᬯᬵᬫᬓᬓᬮᬶᬄ᭞ᬗ᭄ᬳᬶᬂᬢᬦ᭄ᬓᬢᬶᬗ᭄ᬕᬮᬦ᭄ᬢᬸᬳᬸ᭞ᬭᬯᬸᬄᬤᬶᬩᬮᬾᬫᬹᬃᬤ᭄ᬥᬵ᭞ᬳᬓᬾᬄᬢ᭄ᬥᬸᬦ᭄ᬳᬚᬶᬦ᭄ᬤᬵᬮᬾᬤᬂᬓᬮᬗ᭄ᬓᬸᬂ᭞ᬳᬚᬶᬯᬢᭂᬓ᭄ᬭᬤᬾᬦ᭄ᬳᬃᬬ᭄ᬬᬵ᭞ᬗᭂᬳᭂᬤ᭄ᬗᬢᬸᬭᬶᬦ᭄ᬫᬗ᭄ᬭᬭᬶᬲ᭄᭟ᬤᬵᬲᬂᬓᬵᬮᬶᬄᬕ᭄ᬮᬶᬲ᭄ᬫᬸᬗ᭄ᬕᬄ᭞ᬤᬵᬲᬂ
ᬦᬵᬣᬢᬶᬕᬵᬤᬶᬓᬫᬃᬓᬭᬶ᭞ᬦᬗᬶᬲ᭄ᬦᬸᬗ᭄ᬓᭂᬧᬶᬲᬂᬮᬫ᭄ᬧᬸᬲ᭄᭞ᬲᬂᬓᬮᬶᬄᬗ᭄ᬭᬜ᭄ᬚᬶᬂᬳᬶᬤᬵ᭞ᬤᬵᬲᬂᬦᬵᬣᬗᬓ᭄ᬱᬶᬭᬚᬳᬦ᭄ᬯᬫ᭄ᬭᬯᬸᬄ᭞ᬢᬶᬗ᭄ᬕᬮ᭄ᬭᬶᬂᬧᬸᬱ᭄ᬧᬦ᭄ᬳᬓ᭄ᬤᬵ᭞ᬤᬵᬲᬂᬧ᭄ᬭᬧ᭄ᬢᬕ᭄ᬮᬶᬲ᭄ᬫᬮᬶᬗ᭄ᬕᬶᬄ᭟ᬤᬵᬲᬂᬓᬮᬶᬄᬫᬢᬸᬃᬜᭂᬫ᭄ᬩᬄ᭞ᬭᬶᬂᬦᬾᬫᬢᬸᬢ᭄‌ᬕ᭄ᬦᬄᬜᭂᬫ᭄ᬩᬄᬲᬯ᭄ᬬᬓ᭄ᬢᬶ᭞ᬦᬾᬓᬲᭂᬫ᭄ᬩᬄᬲᬳᬶᬕ᭄ᬮᬸ᭞ᬓᬧᬶᬦᭂᬄᬳᭂ
ᬫ᭄ᬩᬾᬜᭂᬫ᭄ᬩᬄ᭞ᬲᬮᬦ᭄ᬳᬮᬶᬄᬓᬬᬸᬦ᭄ᬳᬶᬤᬦᬾᬳᬶᬤ᭄ᬯᬕᬸᬂ᭞ᬫᬯᬸᬯᬸᬄᬓᬫᬶᬦᭂᬄᬳᭀᬓᬵ᭞ᬳᬬᬢ᭄ᬳᬶᬤᬵᬫᬦᬓᬾᬦᬶᬦ᭄᭟ᬲᬳᬫᬗᬓᬸᬦ᭄ᬳᭀᬓᬵ᭞ᬤᬵᬲᬂᬓᬮᬶᬄᬲᬾᬗᭂᬄᬫᬳᬢᬸᬃᬕ᭄ᬮᬶᬲ᭄᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬤᬾᬯᬕᬸᬂ᭞ᬧᬘᬂᬗᬢᬸᬭᬂᬢᬫ᭄ᬩᬵ᭞ᬭᬶᬂᬲᬂᬮᬶᬡ᭄ᬦᬵᬲᬂᬦᬵᬣᬫᬦᬶᬫ᭄ᬩᬮ᭄᭞ᬭᬭᬶᬲᬂ
[᭒᭐ 20A]
ᬦᬓᬕᬸᬂᬭ᭄ᬯᬦ᭄᭞ᬲᬃᬯ᭄ᬯᬶᬳᬶᬤᬫᬦᬯᬸᬳᬶᬦ᭄᭟ᬦᬾᬫᬗ᭄ᬓᬸᬧᬸᬱ᭄ᬧᬦ᭄ᬳᬦᬓ᭄ᬤᬵ᭞ᬦᬄᬳᬢᬸᬭᬂᬓᬾᬦ᭄ᬭᬚᬳᬦ᭄ᬯᬫ᭄ᬚᬦᬶ᭞ᬦᬾᬓᬤᬸᬂᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬢ᭄ᬯᬦ᭄ᬭᬚᬵᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬤᬵᬭᬚᬵᬫᬸᬱ᭄ᬝᬧᬵᬓᬲᬸᬳᬸᬃ᭞ᬤᬕᬶᬂᬗᬦ᭄ᬤᬶᬓᬦ᭄ᬳᬶᬤᬵ᭞ᬓ᭄ᬦᬶᬦ᭄ᬫᬩᬸᬢ᭄‌ᬧᬸᬱ᭄ᬧᬵᬫᬗ᭄ᬓᬶᬦ᭄᭟ᬗ᭄ᬳᬶᬂᬮᬬᬶᬦ᭄ᬳᬶᬤᬵᬳᬭᬶᬦ᭄ᬤᬵ᭞
ᬳᬶᬤᬾᬯᬕᬸᬂᬮᬦᬂᬓ᭄ᬦᬶᬓᬳᬫ᭄ᬩᬶᬮ᭄᭞ᬤᬵᬳᬭᬶᬦ᭄ᬥᬵᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬲᬂᬓᬮᬶᬄᬜᬫ᭄ᬩᬸᬢ᭄ᬧᬸᬱ᭄ᬧᬵ᭞ᬧᬸᬱ᭄ᬧᬦ᭄ᬳᬶᬤᬵᬳᬶᬤᬾᬯᬕᬸᬂᬧᬸᬢᬺᬳᬕᬸᬂ᭞ᬢ᭄ᬯᬦ᭄ᬭᬚᬵᬫᬜᬗ᭄ᬓᬶᬮ᭄ᬳᬶᬤᬵ᭞ᬧᬳᬸᬢ᭄ᬲᬂᬫᬯᬫᬲᬗ᭄ᬓᬶᬮ᭄᭟ᬳᬶᬤ᭄ᬯᬕᬸᬂᬳᬲ᭄ᬢ᭄ᬭᬫᬸᬱ᭄ᬝᬧᬵ᭞ᬦᬸᬦᬲ᭄ᬮᬸᬕᬺᬭᬶᬂᬧᬸᬱ᭄ᬧᬦᬾᬫᬲᬗ᭄ᬓᬶᬮ᭄᭞ᬭᬾᬄᬧᬘᬂᬫᬗᬫᭂᬮ᭄ᬤᬸᬳᬸᬃ᭞
sᬳᬯᬯᬵᬭᬚᬳᬦ᭄ᬯᬫ᭄᭞ᬫᬗᬦ᭄ᬤᬶᬓᬢᬩᬾᬅᬢ᭄ᬬᬂᬳᬦᬓᬕᬸᬂ᭞ᬫᬗ᭄ᬕᭂᬄᬓᬗᭂᬦ᭄ᬗᭂᬫ᭄ᬩᭂᬂᬯᬱ᭄ᬧᬵ᭞ᬩ᭄ᬭᬶᬬᬸᬓ᭄ᬳᬶᬤᬵᬫᬗᬲ᭄‌ᬢ᭄ᬭᬾᬦᬶᬦ᭄᭟ᬲᬃᬯ᭄ᬯᬶᬳᬶᬤᬵᬫᬗ᭄ᬭᬜ᭄ᬚᬶᬗᬂ᭞ᬲᬂᬧᬭᬵᬢᬵᬤᬰᬵᬩᬬᬸᬢᬦ᭄ᬓᬤᬶ᭞ᬲᬃᬯ᭄ᬯᬶᬜᬸᬗ᭄ᬕᬮᬧ᭄ᬫᬩ᭄ᬭᬶᬬᬸᬓ᭄᭞ᬜ᭄ᬦᭂᬂᬢᬦ᭄ᬓᬢᬶᬗ᭄ᬕᬮᬦ᭄᭞ᬲᬃᬯ᭄ᬯᬶᬳᬶᬤᬵᬲᬂᬓᬮᬶᬄᬫᬧᬲᬂᬲᬵ
ᬫ᭄ᬧᬸᬦ᭄᭞ᬤᬕᬶᬂᬳᬲ᭄ᬢ᭄ᬭᬫᬦ᭄ᬢ᭄ᬭᬦ᭄ᬳᬶᬤ᭞ᬦᬾᬦᬾᬜ᭄ᬦᭂᬂᬓ᭄ᬦᬵᬓᬭᬶ᭟ᬓᬾᬯᬦ᭄ᬢᭂᬦ᭄‌ᬓ᭄ᬦᬶᬫᬶᬬᬃᬱᬵ᭞ᬫᬗᬦ᭄ᬤᬶᬓᬵᬫᬮᬶᬄᬓ᭄ᬦᬶᬫᬗᬓ᭄ᬱᬶ᭞ᬢᬦ᭄ᬓᭀᬘᬧ᭄ᬓᬢᬶᬩᬦ᭄ᬲᬵᬫ᭄ᬧᬸᬦ᭄᭞ᬲᬂᬓᬮᬶᬄᬜ᭄ᬦᭂᬂᬳᬶᬤᬵ᭞ᬦᬗ᭄ᬳᬶᬂᬲᬸᬤᬶᬓᬬᬸᬦ᭄‌ᬮᬾᬤᬂᬓᬮᬗ᭄ᬓᬸᬂ᭞ᬳᬧ᭄ᬭᬾᬄᬓᬘᬶᬗᬓ᭄ᬱᬫ᭄ᬬᬦ᭄᭞ᬦᬾᬲᬬᬗᬂᬓ [ 21 ][᭒᭐ 20B]
᭒᭐
ᬬᬸᬦ᭄ᬜᬗ᭄ᬓᬶᬮ᭄᭟ᬫᬶᬦᬓᬤᬶᬳᬶᬤᬵᬜᬶᬗᬓ᭄᭞ᬲᬂᬲᬗ᭄ᬓᬦᬶᬂᬫᬗᬯᬾᬳᬢᬶᬓᬶᬂᬓᬶᬂ᭞ᬲ᭄ᬯᬩᬯᬵᬓᬓ᭄ᬱᬶᬮᬭᬓᬸᬂ᭞ᬧᬶᬦᭂᬦ᭄ᬳ᭄‌ᬫᬗᭂᬦᬂᬳᬗ᭄ᬕᬵ᭞ᬳᬗ᭄ᬕᬦ᭄ᬳᬶᬤᬵᬳᬓ᭄ᬱᬶᬦᬶᬦ᭄ᬳᬶᬤᬵᬓ᭄ᬱᬶᬩᬮᬸᬢ᭄᭞ᬲᭂᬧᭂᬂᬧᬶᬲᬦ᭄ᬧᬧᬶᬦᭂᬄᬳᬶᬤᬵ᭞ᬧᬶᬦᭂᬄᬧᭀᬮᬶᬄᬫ᭄ᬦᬗᬶᬲᬶᬦ᭄᭟ᬓᬮᬶᬄᬓᬓ᭄ᬱᬶᬳᬚᬶᬩ᭄ᬬᬸᬂ᭞ᬓᬮᬶᬄᬳᬭᬶᬲ᭄ᬯᬩᬯ
ᬭᬸᬲᬓ᭄ᬱᬫᬶ᭞ᬳᬓ᭄ᬱᬶᬦ᭄ᬳᬶᬤᬵᬲᬫᬶᬩᬮᬸᬢ᭄᭞ᬫᬮᬶᬄᬳᬶᬤᬵᬓᬕ᭄ᬬᬢ᭄᭞ᬩᬳᬸᬗᬓ᭄ᬱᬶᬦᬾᬫᬳᬶᬦᬩ᭄ᬳᬭᬶᬢᬸᬳᬸ᭞ᬳᬶᬦᬸᬘᬧ᭄ᬳᭀᬓᬦ᭄ᬲᬂᬦᬵᬣ᭞ᬫᬸᬲ᭄ᬢᬧᬵᬫᬶᬮᬸᬜᬕ᭄ᬚᬕᬶᬦ᭄᭟ᬓᬮᬶᬄᬓᬓ᭄ᬱᬶᬲ᭄ᬯᬪᬯᬦ᭄ᬥᬵ᭞ᬮᬶᬦ᭄ᬢᬂᬭᬸᬓ᭄ᬱᬲᬯᬯᬩᬮᬸᬢ᭄‌ᬯ᭄ᬬᬓ᭄ᬢᬶ᭞ᬓᬧᬶᬦᭂᬄᬦᬗᬶᬲᬶᬦ᭄ᬫᬶᬮᬸ᭞ᬮᬶᬦ᭄ᬢᬂᬳ
ᬰᬶᬄᬧᬶᬦᭂᬳᬂ᭞ᬲᬬᬦ᭄ᬳᬰᬶᬄᬓᬬᬸᬦ᭄ᬳᬶᬤᬵᬦᬾᬩᬸᬫᬸᬗᬸ᭞ᬳᬰᬶᬄᬢ᭄ᬓᬾᬂᬋᬤᬵᬧᬶᬲᬦ᭄᭞ᬓᬬᬸᬦ᭄ᬓᬤᬶᬳᬭᬶᬕᬢᬶ᭟ᬳᬬᬢ᭄ᬳᬶᬤᬧᬘᬂᬜᬧᬵ᭞ᬓᬮᬶᬄᬳᬶᬤᬵᬳᬶᬤ᭄ᬯᬕᬸᬂᬮᬦᬂᬫᬮᬶᬄ᭞ᬳᬬᬢ᭄ᬜᬧᬦᬾᬫᬫᬗ᭄ᬓᬸ᭞ᬲᬯᬯᬍᬲᬸᬧᬶᬲᬦ᭄᭞ᬮᬶᬦ᭄ᬢᬂᬓᬗᭂᬦ᭄ᬓᬬᬸᬦ᭄ᬳᬶᬤᬦᬾᬫᬸᬩᬸᬗᬸ᭞ᬭᬾᬄᬦᬾᬦ᭄ᬢᭂᬦ᭄ᬜᬶᬤᬬᬂ
ᬜᬧᬵ᭞ᬳ᭄ᬦᭂᬗᬂᬦᬾᬫᬃᬡ᭄ᬦᬵᬫᬗ᭄ᬓᬶᬦ᭄᭟ᬦᬾᬫᬫᬗ᭄ᬓᬸᬘᬭᬶᬢᬬᬂ᭞ᬫᬗ᭄ᬓᬸᬮᬬᭀᬦ᭄‌ᬭᬾᬳᬶᬂᬓᬲᬸᬗ᭄ᬓᭂᬮᬧ᭄‌ᬯ᭄ᬬᬓ᭄ᬢᬶ᭞ᬭᬾᬳᬶᬂᬧᬰ᭄ᬘᬢ᭄‌ᬓᬮᬂᬓᬸᬂ᭞ᬗᬃᬬ᭄ᬬᬲ᭄ᬯᬩᬯᬭᬸᬓ᭄ᬱᬵ᭞ᬫᬶᬦᬩ᭄ᬳᬰᬶᬄᬫᬶᬦᬩ᭄ᬓᬗᭂᬦ᭄ᬭᬶᬂᬲᬂᬮᬫ᭄ᬧᬸᬲ᭄᭞ᬢ᭄ᬯᬦ᭄ᬭᬚᬗᬭᬲ᭄ᬳᬭᬶᬦ᭄ᬤᬵ᭞ᬲᬯᬯᬳᬶᬤᬵᬗᬲᬶᬳᬶ
[᭒᭑ 21A]
ᬦ᭄᭟᭚ᬥᬂᬥᬂ᭚ᬫᬵᬳᬾᬄᬦᬓᬕᬸᬂᬤᭀᬂᬲᬸᬯᬸᬤ᭄‌ᬫᬺᬫ᭄‌ᬗ᭄ᬕᬶᬄ᭞ᬳᬸᬲᬦ᭄ᬫᭂᬗ᭄ᬕᬄ᭞ᬳᬧᬭᬵᬢᬸᬲᬬᬂ᭞ᬫᬩ᭄ᬯᬢ᭄ᬲᬮᬄᬢ᭄ᬬᬗᬾ᭞ᬳᬯ᭄ᬓᬦ᭄ᬭᬢᬸᬗ᭄ᬮᬓᬸ᭞ᬗᬮᬳᬶᬦ᭄ᬢ᭄ᬬᬂᬦᬾᬚᬦᬶ᭞ᬭᬾᬄᬲ᭄ᬧᭂᬂᬳᬢᬸᬃᬢ᭄ᬬᬂ᭞ᬢ᭄ᬓᬾᬦ᭄ᬭᬢᬸᬦ᭄ᬯᬕᬸᬂ᭞ᬳᬸᬩᬬᬦ᭄‌ᬤ᭄ᬯᬕᬸᬂᬓᬾᬦ᭄ᬢ᭄ᬬᬂ᭞ᬲᬸᬩᬧ᭄ᬭᬕᬢ᭄᭞ᬤᬤᬭᬢᬸᬩᬸᬓᬚᬦᬶᬳ᭄ᬮᬲ᭄ᬗᬮᬳᬶ
ᬦ᭄ᬢ᭄ᬬᬂ᭟ᬲᬳᬭᬵᬢᬸᬫᬗᬶᬘᬾᬦᬶᬦ᭄ᬢᬸᬮᬶᬲ᭄᭞ᬢᬹᬃᬫᬶᬤᬃᬢ᭄ᬣᬵ᭞ᬳᬯᬦᬦᬾᬳ᭄ᬮᬲ᭄᭞ᬤ᭄ᬫᭂᬦ᭄ᬓᬾᬦ᭄ᬲᭀᬫᬄᬢ᭄ᬬᬂᬗᬾ᭞ᬧᬶᬲᬦᬵᬭᬢᬸᬦ᭄ᬯᬕᬸᬂ᭞ᬬᬦ᭄ᬫᬓᬬᬸᬦ᭄‌ᬘᭂᬦ᭄ᬤᭂᬢᬂᬢᬕᬶᬄ᭞ᬭᬣᬵᬢᭀᬂᬓᬼᬢ᭄ᬬᬂ᭞ᬭᬾᬄᬳᭀᬓᬵᬜᬓᬳᬢᬸᬃ᭞ᬳᬶᬭᬢᬸᬲᬬᬗᬂᬢᬶᬢ᭄ᬬᬂ᭞ᬢᬦ᭄ᬧᬢᬸᬭᬄᬫ᭄ᬲᬬᬗᬦ᭄ᬓᬾᬦ᭄ᬳᬸᬭᬶᬧ᭄ᬚᬢᬶ᭞
ᬳᬧᬩ᭄ᬯᬶᬦ᭄ᬢᭂᬓᬾᬦ᭄ᬲᭀᬫᬄ᭟ᬲᭀᬫᬄᬢ᭄ᬬᬂᬦᬾᬫᬳᬤᬦ᭄‌ᬚᬢᬶ᭞ᬜᭀᬜᬄᬭᬚᬵ᭞ᬳᬶᬭᬢᬸᬧᬬᬸᬯᬦ᭄᭞ᬳᬓᬾᬢᭀᬓ᭄ᬦᭂᬄᬢ᭄ᬬᬗᬾ᭞ᬗ᭄ᬕᬶᬄᬳᬾᬗ᭄ᬕᬮ᭄ᬓᬕᬸᬂᬫᬲᬗ᭄ᬕᬸᬧ᭄᭞ᬢ᭄ᬬᬂᬮᬓᬃᬗᬢᬸᬭᬶᬦᬾᬚᬦᬶ᭞ᬳ᭄ᬤᬭᬵᬢᬸᬲᬸᬫᬦ᭄ᬤᬾᬬᬵ᭞ᬳ᭄ᬬᬂᬩᬸᬯᬸᬂᬓᬕᬸᬂ᭞ᬲᬶᬂᬳᬶᬭᬶᬓᬵᬲᬫᬶᬓᬕ᭄ᬬᬢ᭄᭞
ᬩᬸᬫᬶᬥᬃᬣᬵ᭞ᬓᬧᬶᬦᭂᬄᬲᬬᬂᬲᬯ᭄ᬬᬓ᭄ᬢᬶ᭞ᬓᬦ᭄ᬢᭀᬲ᭄ᬗᬢᬸᬭᬂᬕᬃᬯ᭄ᬯᬵ᭞ᬘᭂᬦ᭄ᬤᭂᬢ᭄ᬧᬶᬲᬦ᭄ᬓᬬᬸᬦ᭄ᬳᬶᬤᬵᬲᬫᬶ᭞ᬤᬵᬲᬂᬤ᭄ᬬᬄ᭞ᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬳᬾᬭᬂᬲᬫᬢᬺᬫᭂᬗ᭄ᬕᬳᬾ᭞ᬓᬬᬸᬦᬾᬭᬶᬂᬭᬓᬢᬸᬳᬸ᭞ᬤᬵᬲᬂᬤ᭄ᬬᬄᬗ᭄ᬮᬶᬲᬂᬫᬶᬚᬶᬮ᭄᭞ᬳᬶᬧᬾᬦ᭄ᬳᬓᬾᬄᬗᬶᬭᬶᬗᬂ᭞ᬳᬬᬢ᭄ᬳᬶᬤᬾᬯᬕᬸᬂ᭞ᬧ [ 22 ][᭒᭑ 21B]
᭒᭑
ᬲᬂᬫᬋᬓ᭄ᬳᬚᬶᬩ᭄ᬬᬂ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬕ᭄ᬮᬶᬲ᭄ᬫᬢᬸᬃᬲᬳᬢᬗᬶᬲ᭄᭞ᬳᬚᬶᬩ᭄ᬬᬂᬭᬭᬶᬲ᭄ᬓᬕ᭄ᬬᬢ᭄᭟ᬕ᭄ᬮᬶᬲ᭄ᬳᬶᬤᬵᬫ᭄ᬓᬸᬮ᭄ᬳᭀᬓᬵᬫᬗ᭄ᬓᬶᬦ᭄᭞ᬗᬸᬲᬧᬸᬲᬧ᭄᭞ᬫᬦᬓᬾᬦᬂᬓᬦ᭄ᬥᬵ᭞ᬓᬦ᭄ᬤᬦ᭄ᬧᬦᬗ᭄ᬓᬦ᭄ᬢᬗᬶᬲᬾ᭞ᬳᬦᬓ᭄ᬥᬵᬲᬬᬦ᭄ᬩᭂᬓᬸᬢ᭄᭞ᬦᬾᬦ᭄ᬢᭂᬦ᭄ᬤᬤᭀᬲ᭄ᬫᬳᬢᬸᬃᬯ᭄ᬬᬓ᭄ᬢᬶ᭞ᬧᬢᬸᬳᬸᬭᬚᬵ
ᬓᬦ᭄ᬬ᭞ᬳᬶᬧᬾᬦ᭄ᬤᬫᬩ᭄ᬭᬶᬬᬸᬓ᭄᭞ᬫᬦ᭄ᬳᭂᬫ᭄ᬩᬄᬕ᭄ᬮᬶᬲ᭄ᬗᬢᬸᬭᬂ᭞ᬧᬸᬃᬯ᭄ᬯᬓᬦ᭄ᬥᬵ᭞ᬓᬦ᭄ᬥᬵᬳᬯᬦᬦᬾᬦᬗᬶᬲ᭄᭞ᬲᬂᬓᬮᬶᬄᬫᬮᬶᬄᬓᬕ᭄ᬬᬢ᭄᭟ᬤᬵᬲᬂᬓᬮᬶᬄᬫᬗᬦ᭄ᬤᬶᬓᬵᬦᬗᬶᬲ᭄᭞ᬭᬳᬦᬓ᭄ᬥᬵ᭞ᬫᬾᬄᬦᬓᬕᬸᬂᬲᬬᬂ᭞ᬩᬮᬶᬓ᭄‌ᬧᬸᬭᬵᬜᬫᬦᬾ᭞ᬳᬄᬢ᭄ᬬᬂᬍᬩᬶᬄᬢᬓᬸ
ᬢ᭄᭞ᬢ᭄ᬯᬭᬧᬶᬲᬦ᭄ᬩᬦᬶᬫᬶᬯᬮᬶᬦ᭄᭞ᬢᭀᬂᬩᬶᬱᬫᬗᭂᬦ᭄ᬳᬂ᭞ᬲᬭᬜᬳᬶᬕ᭄ᬬᬸᬃ᭞ᬚᬦᬶᬲᬸᬳᬸᬤ᭄‌ᬓ᭄ᬫᭂᬲᬬᬂ᭞ᬤᬶᬦᬶᬳ᭄ᬩᬸᬅ᭄᭞ᬤᬳᬦᬦ᭄ᬓ᭄ᬥᬵᬫ᭄ᬦᭂᬂᬓᬭᬶ᭞ᬓᬾᬯᬦ᭄ᬢᭂᬦ᭄ᬳᬶᬤᬵᬜᭂᬫ᭄ᬩᬄ᭟᭚ᬧᬗ᭄ᬓᬸᬃ᭚ᬳ᭄ᬦᭂᬗᬂᬤᬶᬩᬮᬾᬕ᭄ᬥᬵᬄ᭞ᬦᬾᬤᬶᬩᬮᬾᬫᬹᬃᬤ᭄ᬥᬵᬩᬮᬶᬓᬶᬦ᭄᭞ᬦᬾ
ᬗᬲᬶᬳᬶᬦ᭄ᬮᬬᭀᬦ᭄ᬢᬸᬳᬸ᭞ᬮᬬᬶᬦᬗ᭄ᬳᬶᬂᬓᬲᬸᬗ᭄ᬕᭂᬮᬧ᭄᭞ᬳᬶᬤᬾᬯᬕᬸᬂᬧᬸᬢᬺᬮᬾᬤᬗᬾᬓ᭄ᬮᬂᬓᬸᬂ᭞ᬫ᭄ᬬᬃᬱᬵᬧᬧᬲᬶᬄᬭᬓᬦ᭄ᬥᬵ᭞ᬳᬶᬤᬵᬢ᭄ᬯᬦ᭄‌ᬭᬚᬪᬹᬧᬢᬶ᭟ᬭᬾᬄᬳᬶᬤᬵᬓᬮᬶᬦ᭄ᬢᬂᬧᬰ᭄ᬘᬢ᭄᭞ᬳᬬᬢ᭄ᬳᬶᬤᬵᬳᬶᬤ᭄ᬤ᭄ᬯᬕᬸᬂᬫᬦᬶᬫ᭄ᬩᬮᬶᬦ᭄᭞ᬓᬮᬶᬄᬳᬬᬢ᭄ᬫᬍᬲ᭄‌ᬫᭂ
[᭒᭒ 22A]
ᬓᬸᬮ᭄᭞ᬓᬮᬶᬄᬫᬓᬬᬸᬦ᭄ᬗᬭᬲ᭄᭞ᬢ᭄ᬓᬍᬲᬸᬳᭂᬳᭂᬲ᭄ᬭᬣᬵᬢᬦ᭄ᬧᬩᬬᬸ᭞ᬳᬶᬤ᭄ᬯᬕᬸᬂᬳᬲ᭄ᬢᬫᬸᬲ᭄ᬢᬧᬵ᭞ᬫᬳᬲᬶᬳᬶᬦ᭄ᬮᬬᭀᬦ᭄ᬫᬗ᭄ᬓᬶᬦ᭄᭟ᬮᬬᭀᬦᬾᬓᬭᬶᬫᬲᬸᬗ᭄ᬕᭂᬮᬧ᭄᭞ᬤᬸᬧᬗ᭄ᬓᬸᬦ᭄ᬥᬵᬗᭂᬢᬸᬲ᭄ᬓᬬᬸᬦ᭄ᬧᬧᬲᬶᬄ᭞ᬫᬾᬄᬭᬵᬢᬸᬪᬝᬵᬭᬶᬳᬕᬸᬂ᭞ᬧ᭄ᬬᬃᬱᬵᬳᬢᬸᬃᬢᬶᬢ᭄ᬬᬂ᭞ᬫᬗ᭄ᬮᬸᬗ᭄ᬲᬸᬭᬂ
ᬳᬯᬦᬦ᭄ᬮᬶᬦ᭄ᬢᬂᬫᬗ᭄ᬮᬬᬸ᭞ᬫᬦᬶᬗ᭄ᬕᬮᬶᬦ᭄ᬳᬚᬶᬩ᭄ᬬᬂ᭞ᬓᬮᬶᬄᬲᬦᬾᬗᬶᬭᬶᬂᬲᬫᬶ᭟ᬯᬦ᭄ᬢᬄᬢᬾᬪᬝᬵᬭᬦ᭄ᬢᬶᬢ᭄ᬬᬂ᭞ᬲᬦᬾᬧᬸᬧᬸᬢ᭄ᬭᬾᬄᬭᬓᬵᬫᬦᬶᬗ᭄ᬕᬮᬶᬦ᭄᭞ᬢᬦ᭄ᬧᬓᬃᬬ᭄ᬬᬭᬢᬸᬤ᭄ᬯᬕᬸᬂ᭞ᬧᬘᬂᬦᬸᬢ᭄ᬩᬸᬭᬶᬭᬓᬵ᭞ᬤᬶᬚᬋᬋᬄᬫᬦᬳᬂᬢᬶᬢ᭄ᬬᬂᬤᬾᬯᬕᬸᬂ᭞ᬦᬾᬦ᭄ᬢᭂᬦ᭄ᬲᬸᬤ᭄ᬥᬵᬫ
ᬗ᭄ᬕᬶᬄᬭᬓᬵ᭞ᬭᬾᬳᬶᬂᬭᬓᬵᬫᬗ᭄ᬕᭂᬄᬓᬭᬶ᭟ᬲᬧᬸᬦᬶᬓᬓᬚᬢ᭄ᬬᬦ᭄᭞ᬫᬶᬦᬓᬤᬶᬲᬯᭀᬲᬯᭀᬲ᭄ᬧᬫᬃᬕ᭄ᬕᬶ᭞ᬭᬶᬂᬤᬶᬚᬧᬘᬂᬓᬧᬗ᭄ᬕᬸᬄ᭞ᬭᬾᬄᬭᬓᬫᬦ᭄ᬢᬸᬓ᭄ᬫᭀᬓ᭄ᬢᬄ᭞ᬭᬢᬸᬤ᭄ᬯᬕᬸᬂᬫᬦ᭄ᬢᬸᬓᬾᬲᬓᬶᬂᬫᬲᬸᬤᬸᬓ᭄᭞ᬫᬦᬤᬶᬤᬺᬗᬶᬦ᭄ᬭᬓᬵ᭞ᬘᭀᬓᭀᬃᬳᬶᬤᬾᬯ᭄ᬯᬵ
ᬫᬗ᭄ᬮᬶᬦ᭄ᬢᬶᬓ᭄᭟᭚ᬤᬸᬃᬫ᭄ᬫᬵ᭚ᬲᬧᬸᬦᬶᬓᬵᬧᬧᬲᬶᬄᬳᬶᬤᬵᬳᬭᬶᬦ᭄ᬥᬵ᭞ᬕ᭄ᬮᬶᬲᬂᬯᬶᬭᬵᬓᬮᬶᬄ᭞ᬫᬗᬼᬧᬲᬲᬸᬗ᭄ᬮᬸᬧ᭄᭞ᬫᬦ᭄ᬢ᭄ᬭᬮᬶᬦ᭄ᬢᬂᬯᬶᬰᬾᬱᬵ᭞ᬯᬸᬲ᭄‌ᬜ᭄ᬦᭂᬂᬕ᭄ᬮᬶᬲᬂᬓᬮᬶᬄ᭞ᬲᬫᬸᬓᬕ᭄ᬬᬢ᭄᭞ᬓᬮᬶᬄᬮᬾᬤᬂᬢᬦ᭄ᬲᬶᬧᬶ᭟ᬯᬳᬸᬫᬸᬗᬸᬫᬕᬾᬕᬲ᭄ᬫᬢᬗᬶᬳᬶ [ 23 ][᭒᭒ 22B]
᭒᭒
ᬤᬵ᭞ᬫᬫ᭄ᬓᬸᬮ᭄ᬫᬫᬲᬶᬳᬶᬦ᭄᭞ᬫᬮᬶᬄᬳᬶᬤᬵᬜᭂᬫ᭄ᬩᬄ᭞ᬭᬶᬂᬳᬚᬶᬓᬮᬶᬄᬩ᭄ᬬᬂ᭞ᬳᬚᬶᬩ᭄ᬬᬂᬲᬋᬂᬲᬫᬶ᭞ᬲᬂᬫ᭄ᬓᬸᬮ᭄ᬦᬾᬩᬸᬫ᭄ᬢᬚᬶ᭟ᬲᬳᬳᬶᬤᬵᬫᬗᬦ᭄ᬤᬶᬓᬵᬫ᭄ᬮᬤ᭄ᬫᭂᬮᬤ᭄᭞ᬳᬦᬓ᭄ᬤᬫᬓᬓᬮᬶᬄ᭞ᬫᬾᬦᬓᬕᬸᬂᬲᬬᬂ᭞ᬓ᭄ᬦᭂᬳᬶᬦ᭄ᬧᬶᬲᬦ᭄ᬧᬶᬲᬦ᭄᭞ᬢᬺᬱ᭄ᬡᬦ᭄ᬳᬶᬤᬦᬾᬲᬂᬓᬮᬶᬄ᭞ᬳᬶᬤᬵᬢ᭄ᬯᬦ᭄ᬭᬚᬵ᭞ᬦ
ᬓᬕᬸᬂᬫᬶᬦᬓᬤᬶ᭟ᬚᬦᬶᬳᬧᬧᬘᬂᬳᬗ᭄ᬕᭀᬦᬯᬸᬃᬳᬸᬢᬂ᭞ᬳᬶᬤᬵᬲᬯᬶᬭᬓᬮᬶᬄ᭞ᬩ᭄ᬭᬶᬬᬸᬓ᭄ᬳᬶᬤᬵᬜᬫ᭄ᬩᬄ᭞ᬳᬢᬸᬃᬧᬢᭂᬄᬫᬢᬶᬫ᭄ᬩᬮ᭄᭞ᬤᬾᬯᬕᬸᬂᬯᬦ᭄ᬢᬄᬳᬲᬶᬓᬶ᭞ᬚᬯᬦᬶᬂᬲᭂᬫ᭄ᬩᬄ᭞ᬤᬯ᭄ᬕᬶᬢ᭄ᬬᬂᬫᬧᬫᬶᬢ᭄᭞ᬲᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬧᬘᬂᬦᬳᬸᬃᬳᬸᬢᬂ᭞ᬲᬂᬦᬣᬫᬗ᭄ᬮᬸᬕ᭄ᬭᬳᬶᬦ᭄᭞ᬕ᭄ᬮᬶᬲ᭄‌ᬭᬚᬵ
ᬳᬦ᭄ᬯᬫ᭄᭞ᬓᬮᬶᬄᬤ᭄ᬯᬶᬕᬶᬂᬧᬸᬢᬺ᭞ᬫᬸᬲ᭄ᬢᬧᬵᬕ᭄ᬮᬶᬲ᭄ᬦᬾᬫᬗ᭄ᬓᬶᬦ᭄᭞ᬫᬜᬫ᭄ᬩᬸᬢᬗᬦ᭄᭞ᬲᬃᬯ᭄ᬯᬶᬫᬳᬢᬸᬃᬳᬭᬶᬲ᭄᭟ᬭᬶᬂᬭᬓᬦ᭄ᬥᬵᬳᬶᬤᬵᬳᬶᬤᬾᬯᬕᬸᬂᬮᬦᬂ᭞ᬢ᭄ᬯᬦ᭄‌ᬭᬚᬵᬫ᭄ᬭᬶᬬᬸᬓᬶᬦ᭄᭞ᬢᬩᬸᬄᬫᬦᬶᬲ᭄ᬕᭂᬢᬃ᭞ᬦᬓᬕᬸᬂᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬓᬢᬮᬜ᭄ᬚᬸᬃᬯ᭄ᬬᬓ᭄ᬢᬶ᭞ᬫᬧᬦᬳᬸᬭᬦ᭄᭞
ᬳᬦ᭄ᬢᬸᬓ᭄ᬱᭂᬫ᭄ᬩᬄᬦᬾᬫᬗ᭄ᬓᬶᬦ᭄᭟ᬬᬦ᭄ᬢᬦ᭄ᬳᬶᬯᬂᬫᬦᬳᬂᬢᬶᬢ᭄ᬬᬂᬳᬮᬶᬳᬦ᭄‌᭞ᬦᬾᬚᬕᬶᬲᭂᬫ᭄ᬩᬄᬫᬗ᭄ᬓᬶᬦ᭄᭞ᬭᬶᬂᬳᬶᬤ᭄ᬯᬕᬸᬂᬮᬦᬂ᭞ᬳᬶᬳᬶᬤ᭄ᬯᬕᬸᬂᬧᬸᬢᬺ᭞ᬫᬸᬱ᭄ᬝᬧᬵᬫᬫᬢᬸᬢ᭄‌ᬯ᭄ᬬᬓ᭄ᬢᬶ᭞ᬓᬮᬗᬦ᭄ᬳᬶᬤᬵ᭞ᬪᬝᬵᬭᬫᬗ᭄ᬭᬯᬸᬳᬶᬦ᭄᭟ᬧ᭄ᬢᭂᬂᬤᭂᬤᭂᬢ᭄ᬳᬓ᭄ᬱᭂᬧ᭄ᬫᬓᬃᬬ᭄ᬬᬕᬮᬂ᭟ᬢᬶᬓᬸᬭᬸᬢ᭄ᬗᬫ᭄ᬩᬸᬫᬶ
[᭒᭓ 23A]
ᬳᬶᬓ᭄᭞ᬮᬾᬦ᭄ᬳᬸᬚᬦ᭄ᬓᬸᬫ᭄ᬓᬸᬫᬦ᭄᭞ᬳᬧ᭄ᬳᬗ᭄ᬲᭂᬗᬦ᭄ᬤᬾᬯ᭄ᬯᬵ᭞ᬫᬓᬘᬶᬭᬶᬫᬗ᭄ᬭᬯᬸᬳᬶᬦ᭄᭞ᬳᬶᬤᬵᬢ᭄ᬯᬦ᭄ᬭᬚᬵ᭞ᬳᬶᬤ᭄ᬯᬕᬸᬂᬧᬸᬢᬺᬫᬮᬶᬄ᭟ᬗ᭄ᬳᬶᬂᬫᬸᬱ᭄ᬝᬧᬵᬕ᭄ᬮᬶᬲ᭄ᬳᬶᬤᬫᬗᬺᬕᭂᬧᬂ᭞ᬮᬶᬗ᭄ᬕᬶᬄᬳᬶᬤᬯᬸᬲ᭄ᬧᬱ᭄ᬝᬶ᭞ᬭᬾᬄᬳᬶᬤᬧᬯᬶᬓᬦ᭄᭞ᬲᬦᬾᬳᬶᬭᬶᬓᬶᬲᬫ᭄ᬬᬦ᭄᭞ᬳᬾᬫᭂᬂᬕᬯᭀᬓ᭄ᬱᬋᬂᬲᬫᬶ᭞ᬩ
ᬳᬦᬾᬢᬯᬄ᭞ᬳᬸᬚᬦ᭄ᬧᬾᬦ᭄ᬤᬾᬃᬦᬾᬫᬗ᭄ᬓᬶᬦ᭄᭟ᬚᭂᬪᬝᬵᬭᬫᬗ᭄ᬤᬶᬓᬵᬢᬗ᭄ᬮᬸᬲ᭄ᬓᬮᬶᬦ᭄ᬢᬂ᭞ᬩᬶᬄᬦᬾᬤᬶᬗᭂᬳᬂᬚᬦᬶ᭞ᬧᬤᬚᬓ᭄ᬫᬓ᭄ᬚᬂ᭞ᬳᬧᬂᬧ᭄ᬤᬲ᭄ᬫᬦᬯᬂ᭞ᬳᬧᬂᬲᬸᬳᬸᬤ᭄ᬩᬸᬓᬚᬦᬶ᭞ᬗᬸᬘᬧᬂᬳᬶᬭ᭞ᬳᬤ᭄ᬯᬫᬓᭂᬦᭂᬮᬶᬦ᭄᭟ᬢᭀᬳᬶᬫᬸᬱ᭄ᬓᬦ᭄᭞ᬢᭀᬳᬶᬕᬶᬬᬸᬃᬓᬚᬢ᭄ᬬᬦ᭄᭞ᬓᬮᬶᬄᬳᬶᬕᬶᬬᬸᬃ
ᬩ᭄ᬯᬶᬦ᭄᭞ᬤᬧᬶᬲᬦ᭄ᬫᭂᬢᬶᬮᬲ᭄᭞ᬳᬶᬭᬚᬦᬶᬕᬯᬾᬦᬂ᭞ᬢ᭄ᬯᬭᬚᬜᭂᬫ᭄ᬩᬄᬲᬳᬶᬭᬶᬂ᭞ᬳᬲᬶᬂᬳᬶᬭᬶᬓᬵ᭞ᬢ᭄ᬭᬂᬲᬫᬶᬫᬶᬬᬃᬱᬶ᭟ᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬭᬾᬄᬚᬢᬶᬓᬧᬶᬦᭂᬄᬤᬾᬯ᭄ᬯ᭞ᬲᬯᬘᬦᬾᬫᬗ᭄ᬓᬶᬦ᭄᭞ᬫᬮᬶᬄᬲᬫᬶᬜᭂᬫ᭄ᬩᬄ᭞ᬤᬕᬶᬂᬫᬮᬶᬄᬗ᭄ᬮᬸᬗ᭄ᬲᬸᬭᬂ᭞ᬳᬢᬸᬃᬳᬶᬤᬧᬢᭂᬄᬲᬫᬶ᭞ᬚᭂᬂᬲᬲᬸ
ᬳᬶᬦᬦ᭄᭞ᬢᬶᬢ᭄ᬬᬂᬦᬯ᭄ᬕᬂᬫᬗ᭄ᬓᬶᬦ᭄᭟ᬓ᭄ᬦᬶᬲ᭄ᬯᬾᬘ᭄ᬙᬵᬧᬦ᭄ᬢᭂᬄᬯᬘᬦᬦ᭄ᬪᬝᬵᬭ᭞ᬢᬶᬢ᭄ᬬᬂᬤᬸᬲᬸᬦ᭄ᬲᬯ᭄ᬬᬓ᭄ᬢᬶ᭞ᬪᬝᬵᬭᬫᬦᬶᬫ᭄ᬩᬮ᭄᭞ᬚᬦᬶᬳᬶᬭᬫᬶᬤᬃᬢ᭄ᬣᬵ᭞ᬓ᭄ᬭᬡᬳᬶᬜ᭄ᬚᭀᬃᬫᬗᬮᬳᬶᬦ᭄᭞ᬭᬾᬄᬓᬸᬮᬗᬸᬦᬦ᭄᭞ᬲᬂᬩᬶᬱᬵᬗᬺᬢ᭄ᬩᬸᬤᬶ᭟ᬢ᭄ᬓᬾᬦ᭄ᬳᬶᬬᬓᬲᭀᬦ᭄ᬢ᭄ᬭᬄᬳᬶᬜᭀᬜᬄᬭᬵ [ 24 ][᭒᭓ 23B]
᭒᭓
ᬚ᭞ᬭᬢ᭄ᬦᬵᬚ᭄ᬯᬶᬢ᭄ᬣᬲᬚᬢᬶ᭞ᬢᬸᬃᬓᬲᭀᬦ᭄ᬢ᭄ᬭᬄᬲᭀᬫᬄ᭞ᬳᬶᬕᬶᬬᬸᬃᬲ᭄ᬗᬶᬢ᭄ᬧᬶᬲᬦ᭄᭞ᬫᬶᬜᬶᬦ᭄ᬳᬶᬜ᭄ᬚᭀᬭᬾᬦᬾᬗᬸᬦᬶ᭞ᬮᬗ᭄ᬲᭀᬢ᭄ᬓᬮᬶᬦ᭄ᬢᬂ᭞ᬢ᭄ᬯᬭᬚᬗ᭄ᬓᬵᬕᬶᬕᬶᬲ᭄᭟ᬤᬸᬄᬓᬾᬳᬶᬬᬤᬤᬶᬯᬾᬱᬸᬓᬚᬦ᭄ᬢᬓᬵ᭞ᬧᬾᬢᬭᬸᬫ᭄ᬓᬳᬤᬦᬶᬦ᭄᭞ᬓᬮᬶᬄᬳᬶᬩᬜ᭄ᬚᬸᬭᬦ᭄᭞ᬦᬾᬦᬾᬓᬢᬓᭂᬄᬧ᭄ᬚᬄ
᭞ᬭᬾᬄᬢ᭄ᬭᬜ᭄ᬩᬸᬭᬶᬦ᭄ᬳᬧᬶ᭞ᬳᭂᬦ᭄ᬢᭀᬦᬾᬫᬤᬦ᭄᭞ᬧᬸᬢ᭄ᬭᬫᬸᬲ᭄ᬢᬧᬵᬚᬢᬶ᭟ᬳᬶᬩᬜ᭄ᬚᬸᬭᬦ᭄ᬲᬸᬩᬫᬜ᭄ᬦᭂᬦᬵᬣ᭞ᬤᬶᬫᬸᬱ᭄ᬝᬧᬵᬦᬕᬭᬶ᭞ᬭᬾᬄᬓᬤᬫᬧᬸᬢ᭄ᬭ᭞ᬕᬸᬫᬶᬳᭀᬜᬓᬲ᭄ᬭᬄ᭞ᬳᬯᬦᬦᬾᬲᬶᬤᬫᬳᬶ᭞ᬳᬶᬕᬶᬬᬸᬃᬗᬚᬓ᭄᭞ᬫᬜᬳᬸᬧ᭄‌ᬢ᭄ᬗᬄ᭟ᬳ᭄ᬬᬳᬶᬕᬶᬬᬸᬃᬰᬓ᭄ᬢᬶᬦᬾᬢᬦ᭄
ᬧᬢᬦ᭄ᬤᬶᬗᬦ᭄᭞ᬲᬓᬮᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬓ᭄ᬭᬡᬵᬫᬜᬶᬤᬬᬂ᭞ᬜ᭄ᬫᬓ᭄ᬜ᭄ᬫᬤᬶᬳᭀᬫᬵ᭞ᬳᬧᬦ᭄ᬳᬧᬶᬫᬕᬯᬾᬦᬶᬦ᭄᭞ᬳᬶᬬᬾᬄᬲᬓᬮᬵ᭞ᬮᬾᬦ᭄ᬗᭂᬮᬄᬓᬧᬮ᭄ᬳᬗᬶᬦ᭄᭟ᬩᬶᬱᬫᬫ᭄ᬩᬸᬃᬫᬸᬮᬫᬤᬦ᭄ᬓᬧᬮ᭄ᬢᭂᬃᬩᬂ᭞ᬓᬧᬮ᭄ᬲᬶᬍᬫ᭄ᬢᬦ᭄ᬓᬤᬶ᭞ᬩᬶᬱᬗᭂᬦᬄᬳᬶᬮᬂ᭞ᬓᬺᬡᬓᬲᬸᬳᬸᬃᬧᬶᬲᬦ᭄᭞ᬧᬺᬭᬵᬢᬸ
ᬢᬓᬸᬢ᭄ᬦᬶᬦ᭄ᬤᬶᬳᬶᬦ᭄᭞ᬓ᭄ᬭᬡᬜᬶᬤᬬᬂ᭞ᬫᬓᬸᬫ᭄ᬧᬸᬮ᭄‌ᬩᬸᬓᬚᬦᬶ᭞ᬩ᭄ᬯᬶᬦᬜᬦᬾᬓ᭄ᬦᭂᬳᬂᬫᭀᬓ᭄ᬢᬄ᭞ᬳᬶᬕᬶᬬᬸᬃᬫᬗᬯᬾᬦᬶᬦ᭄᭞ᬳ᭄ᬬᬤᬶᬦᬶᬫᬓ᭄ᬚᬂ᭞ᬳᬓᬾᬢᭀᬓᬚᬕ᭄ᬬᬢ᭄᭞ᬩᬧᬦᬾᬲᬶᬫ᭄ᬧᭂᬦᬕᬢᬶ᭞ᬓᬸᬤᬸᬫᬕ᭄ᬦᬄ᭞ᬓᬲᬸᬗ᭄ᬕᭂᬮᬧ᭄ᬫᬕᬯᬾᬦᬶᬦ᭄᭟ᬢᬸᬃᬓᬲᭀᬦ᭄ᬢ᭄ᬭᬄ
[᭒᭔ 24A]
ᬚᬢᬶᬫᬶᬭᬩ᭄ᬭᬚᬵᬘᬶᬦᬵ᭞ᬭᬚᬵᬘᬶᬦᬵᬲᬚᬢᬶ᭞ᬲᬸᬩᬧᬤᬫᭀᬓ᭄ᬢᬄ᭞ᬩᬋᬂᬦᬢᬾᬫᬸᬱ᭄ᬝᬧᬵ᭞ᬳᬓᬾᬢᭀᬯᬘᬦᬦ᭄ᬯᬶᬥᬶ᭞ᬕᬯᭀᬓ᭄ᬱᬫ᭄ᬬᬦ᭄᭞ᬓᬕ᭄ᬬᬢ᭄ᬮᬦᬂᬢᬦ᭄ᬲᬶᬧᬶ᭟ᬫᬩ᭄ᬭᬶᬬᬸᬓ᭄ᬢᬦ᭄ᬧ᭄ᬕᬦ᭄ᬢᬶᬲᭂᬫ᭄ᬩᬄᬳᬶᬤᬵ᭞ᬪᬝᬵᬭᬳᬶᬤᬵᬫᬗ᭄ᬓᬶᬦ᭄᭞ᬩᬸᬤᬮ᭄ᬢᬦ᭄ᬧᬫ᭄ᬗᬦ᭄᭞ᬢᬦ᭄ᬓᭀᬘᬧᬦᬾᬩᬸᬤ
ᬮ᭄᭞ᬳᬶᬤᬵᬳᬶᬤ᭄ᬯᬕᬸᬂᬲᬫᬶ᭞ᬫᬩ᭄ᬭᬶᬬᬸᬓ᭄ᬳᬤᬵ᭞ᬫᬫ᭄ᬓᬸᬮ᭄‌ᬳᭀᬓᬵᬯ᭄ᬬᬓ᭄ᬢᬶ᭟ᬓᬮᬶᬄᬦᬾᬦᬾᬧᬢᬸᬢ᭄ᬜᭂᬫ᭄ᬩᬄᬲᬋᬂᬲᬫ᭄ᬬᬦ᭄᭞ᬲᬃᬯ᭄ᬯᬶᬫᬩ᭄ᬭᬶᬬᬸᬓ᭄ᬫᬗ᭄ᬓᬶᬦ᭄᭞ᬫᬢᬸᬃᬫᬗᬦ᭄ᬤᬶᬓᬵ᭞ᬧᬢᭂᬄᬫᬫ᭄ᬮᬤ᭄ᬫᭂᬮᬤ᭄᭞ᬲᬯᬯᬳᬤᬸᬮᬸᬃᬢᬗᬶᬲ᭄᭞ᬤᬤᬶᬂᬧᬦ᭄ᬤᬶᬓᬵ᭞ᬘᭂᬦ᭄ᬤᭂᬢ᭄ᬫᬮᬓᬸᬧ᭄ᬮᬶᬄ᭟ᬫᬾᬦᬓᬕᬸᬂᬳ
ᬫ᭄ᬧᬸᬭᬵᬫᬲ᭄ᬚᬶᬯᬦ᭄‌ᬢᬶᬢ᭄ᬬᬂ᭞ᬢ᭄ᬬᬂᬩᬸᬤᬸᬄᬢᬦ᭄ᬲᬶᬧᬶ᭞ᬭᬾᬳᬶᬂᬤᭂᬦ᭄ᬥᬦ᭄‌ᬤᬾᬯ᭄ᬯᬵ᭞ᬭᬾᬄᬫᬗ᭄ᬓᬶᬦ᭄ᬓᬲᬫ᭄ᬧᬸᬭᬵ᭞ᬲ᭄ᬯᬾᬘᬵᬓᬬᬸᬦ᭄ᬗᬦ᭄ᬤᬶᬓᬳᬶᬦ᭄᭞ᬦᬓᬕᬸᬂᬲᬬᬂ᭞ᬲᬸᬳᬸᬤ᭄ᬜᬭᬾᬦ᭄ᬢ᭄ᬬᬂᬳᭂᬗ᭄ᬕᬶᬄ᭟ᬤᬸᬭᬸᬂᬕᬾᬦ᭄ᬢᬲ᭄ᬳᬦᬓ᭄ᬤᬵᬫᬢᬸᬃᬫᬦᬶᬫ᭄ᬩᬮ᭄᭞ᬭᬾᬄᬳᬓᬾᬄᬓᬳᬋᬧᬶᬦ᭄᭞ᬕ᭄ᬮᬶᬲ᭄ᬳᬭᬶᬦ᭄ᬥᬵ᭞ᬳ
ᬢᬸᬃᬧᬢᭂᬄᬲᬫ᭄ᬬᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬢᬦ᭄ᬓᬤᬶ᭞ᬫᬫ᭄ᬓᬸᬮ᭄ᬧᬥᬵ᭞ᬲᭂᬫ᭄ᬩᬄᬦᬾᬦ᭄ᬢᭂᬦ᭄ᬫᬕᬦ᭄ᬢᬶ᭟ᬭᬶᬂᬭᬓᬦ᭄ᬥᬵᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬳᬢᬸᬃᬳᬤᬸᬮᬸᬃᬢᬗᬶᬲ᭄᭞ᬗ᭄ᬢᬸᬲ᭄ᬓᬬᬸᬦ᭄ᬧᬶᬲᬦ᭄᭞ᬧᬸᬓᬸᬮᬸᬦ᭄ᬧᬦᭂᬫ᭄ᬩᬳᬦ᭄᭞ᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬯᬸᬲᬭᬮᬾᬤᬂ᭞ᬤᭂᬦ᭄ᬥᬢᬶᬢ᭄ᬬᬂ [ 25 ][᭒᭔ 24B]
᭒᭔
ᬦᬾᬫᬗ᭄ᬓᬶᬦ᭄᭟ᬭᬵᬢᬸᬤ᭄ᬯᬕᬸᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬶᬲᬦ᭄ᬢᬸᬮᬓ᭄᭞ᬭᬾᬄᬢᬶᬢ᭄ᬬᬂᬮᬶᬦ᭄ᬢᬂᬲᬶᬲᬶᬧ᭄᭞ᬭᬶᬂᬚᭂᬂᬲᬲᬸᬳᬸᬦᬦ᭄᭞ᬘᭂᬦ᭄ᬤᭂᬢ᭄‌ᬪᬝᬵᬭᬦ᭄ᬢᬶᬢ᭄ᬬᬂ᭞ᬓ᭄ᬦᬶᬲ᭄ᬯᬾᬘ᭄ᬙᬵᬗᬫᭂᬗ᭄ᬕᬳᬶᬦ᭄᭞ᬳᬲᬧᬸᬦᬶᬓᬵ᭞ᬳᬢᬸᬃᬳᬭᬶᬦ᭄ᬥᬵᬯ᭄ᬬᬓ᭄ᬢᬶ᭟ᬤᬵᬭᬓᬦ᭄ᬥᬵᬧᬦᬶᬫ᭄ᬩᬮ᭄ᬳᬭᬸᬫᬶᬤᬃᬢ᭄ᬣᬵ᭞ᬦᬢᬮᬦ᭄ᬢᬗᬂᬩ᭄ᬯᬶᬦ᭄
᭞ᬭᬾᬄᬓᬩᬢᭂᬓ᭄ᬢᬶᬢᬄ᭞ᬳᬶᬤ᭄ᬯᬕᬸᬂᬫᬥᬾᬜᭂᬫ᭄ᬩᬄ᭞ᬦᬶᬫ᭄ᬩᬮᬶᬦ᭄ᬯᬘᬦᬦ᭄ᬳᬚᬶ᭞ᬲᬓᬮᬶᬄᬩ᭄ᬬᬂ᭞ᬢᬶᬢ᭄ᬬᬂᬳᬫ᭄ᬧᬸᬭᬫᬗ᭄ᬓᬶᬦ᭄᭟ᬭᬾᬳᬶᬂᬩᬗᭂᬢ᭄ᬜᬸᬗ᭄ᬓᬦᬶᬦ᭄‌ᬘᭀᬓᭀᬃᬳᬶᬤᬾᬯ᭄ᬯ᭞ᬫᬗᬸᬩ᭄ᬤᬤᬾᬯᬾᬓ᭄‌ᬯ᭄ᬬᬓ᭄ᬢᬶ᭞ᬓᬦ᭄ᬢᭀᬲ᭄ᬳᬜ᭄ᬚᭀᬃᬦᬶᬫ᭄ᬩᬮ᭄᭞ᬫᬮᬶᬄᬳᬶᬤᬵᬫᬜᭂᬫ᭄ᬩᬄ᭞ᬭᬶᬂᬳᬶᬤᬵ
ᬳᬶᬤ᭄ᬯᬕᬸᬂᬳᬚᬶ᭞ᬲᬓᬶᬂᬕᬕ᭄ᬮᬂ᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭟ᬭᬾᬄᬫᬢ᭄ᬯᬦ᭄ᬥᬵᬭᬢᬸᬤ᭄ᬯᬕᬸᬂᬧᬦᭂᬫ᭄ᬩᬳᬦ᭄᭞ᬢᬶᬢ᭄ᬬᬂᬫᬳᬳᬸᬃᬲᬶᬲᬶᬧ᭄᭞ᬭᬶᬂᬚᭂᬲᬂᬲᬸᬳᬸᬦᬦ᭄᭞ᬕᬸᬂᬋᬡᬲᬶᬦᬫ᭄ᬧᬸᬭᬵ᭞ᬭᬾᬄᬢᬶᬢ᭄ᬬᬂᬓᬮᬶᬦ᭄ᬢᬂᬲᬶᬲᬶᬧ᭄᭞ᬫᬫᬦᬄᬘᭀᬭᬄ᭞ᬗᬫ᭄ᬩᬶᬮ᭄ᬳᬦᬓ᭄ᬥᬵᬯ᭄ᬬᬓ᭄ᬢᬶ᭞ᬫᬫᬶᬦ᭄ᬳᬂᬲᬂᬦᬵᬣᬫᬩ᭄ᬭᬶᬬᬸᬓ᭄ᬦᬶ
ᬫ᭄ᬩᬮ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬧᬢᭂᬄᬲᬮᬶᬄᬢᬶᬫ᭄ᬩᬮ᭄᭞ᬤᬢᬵᬩ᭄ᬯᬶᬦ᭄ᬮᬦ᭄ᬢᬗᬂ᭞ᬭᬾᬳᬶᬂᬧᬤᬵᬩ᭄ᬦᭂᬄᬧ᭄ᬮᬶᬄ᭞ᬳ᭄ᬬᬩᬢᭂᬓ᭄ᬢᬶᬢᬄ᭞ᬓ᭄ᬭᬘᬤᬾᬩᬸᬓᬵᬚᬦᬶ᭟ᬤᬵᬲᬂᬦᬵᬣᬓᬸᬭᬶᬧᬦ᭄ᬫᬮᬶᬄᬗᬦ᭄ᬤᬶᬓᬵ᭞ᬦᬦᬂᬳᬶᬕᬶᬬᬸᬃᬫᬮᬶᬄ᭞ᬧᬂᬢ᭄ᬧᬸᬓ᭄‌ᬓᬾᬦ᭄ᬢ᭄ᬬᬂ᭞ᬳᬦᬓ᭄ᬤᬵᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬲᬂ
[᭒᭕ 25A]
ᬦᬵᬣᬓᬮᬶᬄᬫ᭄ᬭᬶᬬᬸᬓᬶᬦ᭄᭞ᬭᬶᬂᬲᬶᬗ᭄ᬳᬵᬲ᭄ᬓᬃ᭞ᬕᬕ᭄ᬮᬂᬫᬶᬦᬓᬤᬶ᭟ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬫᬧᬫᬶᬢ᭄ᬫᬫᬶᬦ᭄ᬤᬓ᭄᭞ᬭᬓᬦ᭄ᬥᬵᬫᬗᬗ᭄ᬕᬸᬢᬶᬦ᭄‌ᬳ᭄ᬦᭂᬗᬂᬜᬭᬶᬢᬬᬂ᭞ᬭᬾᬄᬳᬬᬢ᭄ᬧᬘᬂᬫᭂᬦ᭄ᬤᬓ᭄᭞ᬕ᭄ᬮᬶᬲᬂᬳᬶᬤ᭄ᬯᬕᬸᬂᬫᬗ᭄ᬓᬶᬦ᭄᭞ᬩ᭄ᬬᬂᬓᬸᬭᬶᬧᬦ᭄᭞ᬫ᭄ᬓᬸᬮ᭄ᬳᬦᬓ᭄ᬥᬵᬯ᭄ᬬᬓ᭄ᬢᬶ᭟ᬤᬵᬳᬦᬓ᭄ᬥᬵᬦᭂᬲᬵᬫ᭄ᬧᬸᬦ᭄ᬓᬤᬫᬧᬸᬢᬺ᭞ᬳᬚᬶᬦ᭄ᬥᬵ
ᬫᬫ᭄ᬭᬶᬬᬸᬓᬶᬦ᭄᭞ᬧᬢᭂᬄᬧᬗᬦ᭄ᬤᬶᬓᬵ᭞ᬦᬓᬕᬸᬂᬧᬦᬓ᭄ᬢ᭄ᬬᬂ᭞ᬳᬫ᭄ᬧᬸᬭᬩ᭄ᬬᬂᬳᬚᬶᬅᬳᭂᬗ᭄ᬕᬶᬄ᭞ᬩᬦᬾᬮᬶᬦ᭄ᬢᬂᬳ᭄ᬮᬲ᭄᭞ᬢᬦ᭄ᬓᬧᬶᬢᬺᬧ᭄ᬡᬦ᭄‌ᬕᬶᬕᬶᬲ᭄᭟ᬢ᭄ᬓᬾᬦ᭄ᬧᬦᬓ᭄ᬱᬃᬯᬶᬦᬗᬶᬲ᭄ᬗᬸᬲᬧ᭄ᬳᬲᬧ᭄᭞ᬳᬓᬾᬄᬜᬋᬗᬶᬦᬗᬶᬲ᭄᭞ᬭᬓᬦ᭄ᬥᬵᬲᬂᬤ᭄ᬬᬄ᭞ᬫᬸᬢᭂᬃᬲᬋᬂᬦᭂᬲᭂᬓᬂ᭞ᬗᬸᬲᬧ᭄ᬲᬃᬯ᭄ᬯᬶᬩ᭄ᬓᬸᬢ᭄ᬦᬗᬶᬲ᭄᭞ᬳᬶᬤᬵᬭᬓᬦ᭄ᬥᬵ
ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗ᭄ᬓᬶᬦ᭄᭟ᬫ᭄ᬓᬸᬮ᭄ᬳᬭᬶᬯᬘᬦᬵᬫᬫ᭄ᬮᬤ᭄ᬫᭂᬮᬤ᭄᭞ᬲᬃᬯ᭄ᬯᬶᬳᬤᬸᬮᬸᬃᬢᬗᬶᬲ᭄᭞ᬢᬸᬤᬾᬅᬜᬫᬦ᭄ᬢ᭄ᬬᬂ᭞ᬳᬫ᭄ᬧᬸᬭᬧᬶᬲᬦ᭄ᬧᬶᬲᬦ᭄᭞ᬭᬾᬄᬢ᭄ᬬᬂᬧ᭄ᬮᬶᬄᬢᬦ᭄ᬲᬶᬧᬶ᭞ᬓᬩᬢᭂᬓ᭄ᬢᬶᬢᬄ᭞ᬩᬬᬸᬩᬸᬤᬸᬄᬜᬸᬲᬸᬧᬶᬦ᭄᭟ᬜᬦᬶᬯᬍᬲ᭄ᬧᬶᬲᬮᬄᬲᬸᬩᬢ᭄ᬬᬂᬲᬬᬂ᭞ᬳ᭄ᬤᬫᬚᬗ᭄ᬓᬵᬩ᭄ᬯᬶᬦ᭄᭞ᬩ᭄ᬭᬶᬬᬸᬓ᭄ᬭᬚᬧᬸᬢ᭄ᬭ᭞ᬜᭂᬫ᭄ᬩᬄᬫᬢᬸᬃᬫᬢᬶᬫ᭄ᬩ
ᬮ᭄᭞ᬤᬕᬶᬂᬲᬫᬶᬫᬢᬸᬃᬲᬶᬲᬶᬧ᭄᭞ᬕᬸᬂᬲᬶᬦᬫ᭄ᬧᬸᬭᬵ᭞ᬓ᭄ᬦᬶᬫᬍᬲ᭄ᬦᬾᬫᬗ᭄ᬓᬶᬦ᭄᭟ᬰ᭄ᬭᬷᬫᬳᬵᬤᬾᬯᬧ᭄ᬘᬓ᭄ᬜᬬᬗᬂᬳᬶᬤᬵ᭞ᬓᬦ᭄ᬢᭀᬲᬶᬕ᭄ᬲᬶᬕᭂᬦᬗᬶᬲ᭄᭞ᬲᬺᬢ᭄ᬧᬗᬦ᭄ᬤᬶᬓᬵ᭞ᬳᬕᬸᬂᬳᬫ᭄ᬧᬸᬭᬩ᭄ᬬᬂ᭞ᬢ᭄ᬬᬂᬩᬸᬤᬸᬄᬕᬢᬶᬕᬢᬶ᭞ᬓ᭄ᬭᬡᬳ᭄ᬮᬲ᭄ᬧᬶᬲᬦ᭄᭞ᬤᬾᬯᬮᬗ᭄ᬲᭀᬢᬦ᭄ᬲᬶᬧᬶ᭟ᬓᬯᬶᬢᬦᬾᬲᬶᬲᬶᬧ᭄‌ᬢ᭄ᬓᬾᬦᬶᬂ [ 26 ][᭒᭕ 25B]
᭒᭕
ᬪᬝᬵᬭ᭞ᬳᬦᬓᬕᬸᬂᬗᬲᬶᬦ᭄᭞ᬓ᭄ᬦᬳ᭄ᬭᬸᬩᬶᬕ᭄ᬦᬵ᭞ᬓ᭄ᬭᬡᬕᬶᬮᬫᬓ᭄ᬚᬂ᭞ᬓᬮᬶᬄᬳ᭄ᬓᬭᬲᬢᬦ᭄ᬲᬶᬧᬶ᭞ᬳᬶᬤ᭄ᬯᬕᬸᬂᬧᬸᬢᬺ᭞ᬫᬸᬲ᭄ᬢᬧᬵᬫᭂᬧᭂᬲ᭄‌ᬕ᭄ᬮᬶᬲ᭄᭟ᬲᬃᬯ᭄ᬯᬶᬜᭂᬫ᭄ᬩᬄᬭᬶᬂᬳᬚᬶᬫᬓᬤᬶᬩ᭄ᬬᬂ᭞ᬭᬶᬂᬭᬓᬵᬫᬓᬓᬮᬶᬄ᭞ᬘᭂᬦ᭄ᬤᭂᬢ᭄ᬳᬢᬸᬃᬳᬶᬤᬵ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬜ᭄ᬚᬗᬂ᭞ᬓᬤᬶᬯᬘᬦᬲᬯ᭄ᬬᬓ᭄ᬢᬶ᭞ᬓᬩᬢᭂᬓ᭄ᬢᬶᬢᬄ
᭞ᬤᭂᬦ᭄ᬪᬝᬵᬭᬯᬶᬥᬷ᭟ᬭᬶᬂᬧ᭄ᬭᬧᬸᬢᬺᬗᬦ᭄ᬤᬶᬓᬵᬤᬵᬫᬗ᭄ᬮᬦ᭄ᬢᬗᬂ᭞ᬭᬾᬄᬕᬦ᭄ᬢᬶᬓᬸᬫ᭄ᬧᬸᬮ᭄ᬤᬶᬦᬶ᭞ᬤᬶᬚᬯᬫᬳᬸᬫᬄ᭞ᬗᬶᬭᬶᬂᬳᬚᬶᬳᬶᬩ᭄ᬬᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬢᬦ᭄ᬤᬤᬶ᭞ᬦᬓᬕᬸᬂᬧᬥᬵ᭞ᬲᬸᬯᬸᬤ᭄ᬫᬸᬫᬄᬤᬶᬩᬮᬶ᭟ᬕᬸᬫᬶᬩᬮᬶᬢᬢᬲ᭄ᬩᬳᬸᬃᬧᬶᬲᬦ᭄ᬧᬶᬲᬦ᭄᭞ᬢ᭄ᬯᬭᬵᬳᬤᬢᬓᬸᬢᬶᬦ᭄᭞ᬳᬓᬾᬢᭀᬧᬦ᭄ᬤᬶᬓᬵ
᭞ᬓᬮᬶᬄᬳᬶᬤᬵᬲᬂᬦᬵᬣ᭞ᬗᬦ᭄ᬤᬶᬓᬵᬫᬢᬸᬂᬢᬸᬂᬚ᭄ᬗᬶᬲ᭄᭞ᬳᬶᬤ᭄ᬯᬕᬸᬂᬩ᭄ᬬᬂ᭞ᬧᬢᭂᬄᬧᬦ᭄ᬤᬶᬓᬵᬯ᭄ᬬᬓ᭄ᬢᬶ᭟ᬫᬫ᭄ᬭᬶᬬᬸᬓᬶᬦ᭄‌ᬭᬓᬦ᭄ᬥᬵᬓᬮᬶᬄᬦᬓᬾᬦᬂ᭞ᬲᬯᬯᬵᬗᭂᬫ᭄ᬩᭂᬂᬢᬗᬶᬲ᭄᭞ᬭᬾᬄᬓᬗᭂᬦ᭄ᬭᬶᬂᬋᬤ᭄ᬥᬵ᭞ᬳᭂᬗ᭄ᬓᬾᬦ᭄ᬳᬶᬓᬦᭀᬂᬲᬬᬂ᭞ᬳᬶᬤ᭄ᬯᬕᬸᬂᬫᬥᬾᬦᬾᬫᬗ᭄ᬓᬶᬦ᭄᭞ᬫᬯᬗ᭄ᬲᬶᬢ᭄ᬘᬶᬗᬓ᭄᭞ᬅᬳᬭᬶᬦ᭄ᬥᬵ
ᬦᬾᬫᬗ᭄ᬓᬶᬦ᭄᭟ᬤᬕᬶᬂᬯᬗ᭄ᬲᬶᬢ᭄ᬓᬤᬶᬳᬭᬶᬦ᭄ᬥᬵᬗᬋᬧᬂ᭞ᬳᬭᬶᬦ᭄ᬥᬵᬲᬾᬗᭂᬄᬯ᭄ᬬᬓ᭄ᬢᬶ᭞ᬭᬶᬂᬯᬗ᭄ᬲᬶᬢ᭄ᬭᬚᬦ᭄ᬥᬵ᭞ᬭᬓᬦ᭄ᬥᬵᬚ᭄ᬭᬶᬄᬧᬶᬯᬮ᭄᭞ᬕ᭄ᬮᬶᬲ᭄ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬳᬦᭀᬫ᭄ᬗᬋᬧᬂ᭞ᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭟ᬭᬶᬂᬕᬕ᭄ᬮᬂᬓᬮᬶᬄᬳᬶᬤᬾᬯᬕᬸᬂᬩ᭄ᬬᬂ᭞ᬲᬯᬯᬵᬳᬶᬤᬵᬫᬗ᭄ᬓᬶᬦ᭄᭞ᬫᬦᬯᬸᬳᬶᬦ᭄ᬳᭀᬓᬵ᭞ᬦᬓᬕᬸᬂ
[᭒᭖ 26A]
ᬢ᭄ᬬᬗᬾᬲᬬᬂ᭞ᬓᬧᭀᬤᬶᬦᬶᬓᭀᬳᬶᬫᬡᬶᬓ᭄᭞ᬳᬶᬤᬵᬳᬦᬓ᭄ᬤᬵ᭞ᬕ᭄ᬮᬶᬲ᭄ᬫᭂᬓᬸᬮ᭄‌ᬩ᭄ᬬᬂᬳᬚᬶ᭟ᬲᬃᬯ᭄ᬯᬶᬦᬗᬶᬲ᭄ᬳᬚᬶᬩ᭄ᬬᬂᬗᬸᬲᬧ᭄ᬳᬸᬲᬧ᭄᭞ᬲᬯᬯᬲᬫᬶᬦᬗᬶᬲ᭄᭞ᬭᬾᬳᬶᬂᬮᬫᬧᬶᬲᬦ᭄᭞ᬳᬦᬓ᭄ᬳᬶᬤᬵᬫᬢᬶᬗ᭄ᬕᬮ᭄᭞ᬳᬶᬤ᭄ᬯᬕᬸᬂᬳᬦᭀᬫ᭄ᬦᭂᬫᬗ᭄ᬓᬶᬦ᭄᭞ᬩᬳᬸᬫ᭄ᬬᬃᬱᬵ᭞ᬫᭂᬧᭂᬲ᭄ᬧᬺᬢᬫᬓᬮᬶᬲ᭄᭟ᬳᬶᬤᬾ
ᬯᬕᬸᬂᬳᬚᬶᬳᬶᬤᬾᬯᬕᬸᬂᬩ᭄ᬬᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬓᬮᬶᬄ᭞ᬳᬶᬫᬸᬢᭂᬃᬢᬦ᭄ᬧᬲᬄ᭞ᬫᬮᬶᬄᬫ᭄ᬦᬗᬶᬲ᭄ᬳᬶᬤᬵ᭞ᬩ᭄ᬭᬶᬬᬸᬓ᭄ᬗᬸᬲᬧ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬧᬢᭂᬄᬧᬦ᭄ᬤᬶᬓᬵ᭞ᬗ᭄ᬢᬸᬲ᭄ᬓᬬᬸᬦ᭄ᬲᬯ᭄ᬬᬓ᭄ᬢᬶ᭟ᬫᬾᬦᬓᬕᬸᬂᬳᬫ᭄ᬧᬸᬭᬵᬧᬶᬲᬦ᭄ᬢ᭄ᬬᬂᬲᬬᬂ᭞ᬳᬕᬸᬂᬮᬘᬸᬃᬢᬦ᭄ᬲᬶᬧᬶ᭞ᬗ᭄ᬮᬄᬩᬸᬓᬢ᭄ᬬᬂ᭞ᬢᬦ᭄ᬧᭀᬮᬶᬄᬧᬶᬲᬦ᭄ᬧᬶᬲᬦ᭄᭞ᬩᬬᬢᬶ
ᬢᬄᬢᬦ᭄ᬤ᭄ᬭᬸᬄᬳᭂᬗ᭄ᬕᬶᬄ᭞ᬫᬢ᭄ᬯᬮᬾᬦ᭄ᬳᬶᬧᬄ᭞ᬢ᭄ᬯᬭᬫᬳᬦ᭄ᬗᭂᬜ᭄ᬘᬦᬶᬦ᭄᭟ᬲᬓᬾᬯᬮᬍᬕᬬᬂᬦᬓᬕᬸᬂᬲᬬᬂ᭞ᬭᬾᬄᬢᬶᬢᬄᬫᬗᬯᬾᬦᬶᬦ᭄᭞ᬤᭂᬦ᭄ᬤᬦ᭄ᬲᬲᬸᬳᬸᬦᬦ᭄᭞ᬢ᭄ᬯᬭᬵᬤᬤᬶᬳᬫ᭄ᬧᬸᬦᬂ᭞ᬫ᭄ᬩᭀᬓᬕᬸᬂᬤᬶᬚᬲᬾᬚᬦᬶ᭞ᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬢ᭄ᬬᬂᬧᬘᬂᬫᬗᬮᬶᬄ᭟ᬲᬧᬸᬦᬶᬓᬵᬧᬗᬦ᭄ᬤᬶᬓᬦ᭄ᬥᬵᬲᬂᬦᬵ
ᬢᬵ᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬧᬢᭂᬄᬧᬗᬦ᭄ᬤᬶᬓᬵ᭞ᬳᬶᬫᬸᬢᭂᬃᬢᬦᬧᬲᬄ᭞ᬳᬶᬤᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬓᬦᭀᬫᬜᭂᬫ᭄ᬩᬄ᭞ᬘᭂᬦ᭄ᬤᭂᬢ᭄ᬳᬢᬸᬃᬳᬶᬤᬵᬯ᭄ᬬᬓ᭄ᬢᬶ᭟ᬭᬵᬢᬸᬤ᭄ᬯᬕᬸᬂᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬧᬜ᭄ᬚᬂᬗᬂ᭞ᬕᬦ᭄ᬢᭀᬲ᭄ᬧᬘᬂᬫᬗ᭄ᬕᬶᬳᬶᬦ᭄᭞ᬮᬭᬓᬚᬦ᭄ᬢᬓᬵ᭞ᬓᬮᬶᬄᬕᬦ᭄ᬢᭀᬲᬾᬧᬘᬂ᭞ᬲᬫᬶᬫ [ 27 ][᭒᭖ 26B]
᭒᭖
ᬮᬶᬗ᭄ᬕᬶᬄᬭᬶᬂᬚᬯᬶ᭞ᬳᬲᬧᬸᬦᬶᬓᬵ᭚ᬳᬸᬧᬫᬶᬦ᭄ᬳᬶᬧᬸᬦ᭄‌ᬯ᭄ᬬᬓ᭄ᬢᬶ᭟ᬫᬶᬦᬓᬤᬶᬘᭀᬓᭀᬃᬳᬶᬤᬾᬯ᭄ᬯᬵᬦᬓᬾᬦᬂ᭞ᬳᬯᬸᬅᬢᬶᬢ᭄ᬬᬗᬾᬯ᭄ᬬᬓ᭄ᬢᬶ᭞ᬬᬦ᭄ᬢᬦ᭄ᬳᬶᬯᬂᬢᬶᬢ᭄ᬬᬂ᭞ᬢᬢᬲ᭄ᬫᬦᬳᬂᬢᬶᬢ᭄ᬬᬂ᭞ᬳᬯᬓ᭄‌ᬫᬦᬯᬶᬫᬦᬗ᭄ᬓᬶᬮ᭄᭞ᬭᬶᬂᬩᬮᬾᬕ᭄ᬥᬄ᭞ᬲᬂᬦᬣᬗᬦ᭄ᬤᬶᬓᬵᬕ᭄ᬮᬶᬲ᭄᭟ᬦᬄᬳᬓᬾᬢᭀᬚᬦᬶ
ᬢ᭄ᬬᬂᬮᬓᬃᬓ᭄ᬫᬵ᭞ᬫᬮᬶᬄᬗᬦ᭄ᬤᬶᬓᬵᬳᬭᬶᬲ᭄᭞ᬭᬶᬂᬳᬶᬤᬵᬳᬦᬓ᭄ᬤᬵ᭞ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬤᬕᬶᬂᬧᬗᬦ᭄ᬤᬶᬓᬯ᭄ᬬᬓ᭄ᬢᬶ᭞ᬳᬦ᭄ᬢ᭄ᬬᬂᬢ᭄ᬬᬂ᭞ᬗᬮᬶᬄᬦᬦᬗᬾᬚᬦᬶ᭟ᬓᬮᬶᬄᬮᬓᬃᬫᬗᬮᬶᬄᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬭᬾᬄᬳᬶᬬᬮᬘᬸᬃᬢᬦ᭄ᬲᬶᬧᬶ᭞ᬳᬦᬓ᭄ᬥᬵᬤᬸᬳᬸᬭᬦ᭄᭞ᬳᬶᬤ᭄ᬯᬕᬸᬂᬫᬥᬾᬜᭂᬫ᭄ᬩᬄ᭞ᬳᬢᬸᬃᬳᬶᬤᬵᬲᬤ
ᬓᬮᬶᬲ᭄᭞ᬤᬾᬯᬕᬸᬂᬢᬶᬢ᭄ᬬᬂ᭞ᬓᬤᬶᬮᬸᬘᬸᬲᬯ᭄ᬬᬓ᭄ᬢᬶ᭟ᬫᬺᬱᬗ᭄ᬕᬬᬂᬫᬗᬦ᭄ᬤᭂᬕ᭄‌ᬘᭀᬓᭀᬃᬳᬶᬤᬾᬯ᭄ᬯ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬗ᭄ᬭᬯᬸᬳᬶᬦ᭄᭞ᬭᬢᬸᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬫᬧᬫᬶᬢ᭄ᬫᬦᬯ᭄ᬕᬂ᭞ᬧᬘᬂᬦᬸᬳᬸᬃᬮᬶᬗ᭄ᬕᬶᬄᬳᬚᬶᬓ᭄᭞ᬓ᭄ᬦᬶᬫᬗᭂᬦᬄ᭞ᬧᬭᬭᬢᬸᬫ᭄ᬭᬶᬬᬸᬓᬶᬦ᭄᭟ᬓᬮᬶᬄᬧᬘᬂᬗ᭄ᬭᬯᬸᬳᬂᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬓ᭄ᬦᬶᬳᬶᬧᬸᬦ᭄ᬫᬵ
ᬦᬗ᭄ᬓᬶᬮ᭄᭞ᬲᬂᬦᬵᬣᬫᬦᬶᬫ᭄ᬩᬮ᭄᭞ᬳᬄᬢ᭄ᬬᬂᬮᬓᬃᬓ᭄ᬫᬵ᭞ᬳᬶᬤ᭄ᬯᬕᬸᬂᬩ᭄ᬬᬂᬫ᭄ᬭᬶᬬᬸᬓᬶᬦ᭄᭞ᬦᬄᬳᬧᬂᬫᬳᬦ᭄᭞ᬢ᭄ᬬᬂᬫᬮᬓᬸᬧ᭄ᬮᬶᬄ᭟ᬭᬾᬳᬶᬂᬧ᭄ᬮᬶᬄᬧᬦᬓ᭄ᬳᬚᬓ᭄ᬱᬶᬂᬤᬢᬯᬂ᭞ᬫᬫᬢᬸᬢ᭄ᬲᬋᬂᬲᬫᬶ᭞ᬢ᭄ᬤᬸᬦ᭄ᬤᬲᬂᬦᬵᬣ᭞ᬩ᭄ᬭᬶᬬᬸᬓ᭄ᬱᬋᬂᬲᬬᬦ᭄᭞ᬳᬶᬤ᭄ᬯᬕᬶᬂᬫᬥᬾᬦᬾᬫᬗ᭄ᬓᬶᬦ᭄᭞ᬫᬦᬸᬦ᭄ᬢᬸᬦ᭄ᬢᬗ
[᭒᭗ 27A]
ᬦ᭄᭞ᬢᬗᬦ᭄ᬭᬦ᭄ᬤᬯ᭄ᬬᬓ᭄ᬢᬶ᭟ᬦᬸᬫᬫᬃᬕ᭄ᬕᬶᬤᬶᬕ᭄ᬥᭀᬂᬘᬭᬶᬢᬬᬂ᭞ᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬫᬮᬶᬗ᭄ᬕᬶᬄᬫᬓᭂᬫ᭄ᬩᬭᬦ᭄᭞ᬭᬶᬂᬳᬶᬤᬾᬯᬕᬸᬂᬩ᭄ᬬᬂ᭞ᬲᬂᬤ᭄ᬬᬄᬬᬂᬬᬗᬶᬂᬉᬓᬶᬃ᭞ᬭᬶᬂᬧᬸᬗ᭄ᬓᬸᬃᬩ᭄ᬬᬂ᭞ᬩᬮᬸᬢ᭄ᬩᬮᬸᬢ᭄ᬳᬳᬫᬦᬶᬲ᭄᭟ᬗᬸᬮᬗᬸᬦᬶᬦ᭄ᬲᬕᬾᬢ᭄ᬭᬯᬸᬄᬫᬕᬺᬤᭂᬕᬦ᭄᭞ᬲᬂᬦᬵᬣᬤ᭄ᬳᭂᬫᬗ᭄ᬓᬶᬦ᭄᭞ᬩᬸᬜᬶᬗᬓ᭄ᬭᬓᬦ᭄ᬤᬵ᭞ᬓᬮᬶᬄ
ᬳᬶᬤ᭄ᬯᬕᬸᬂᬩ᭄ᬬᬂ᭞ᬕᬭᬯᬮᬦ᭄ᬢᭂᬤᬸᬦ᭄ᬲᬫᬶ᭞ᬳᬶᬤᬲᬂᬤ᭄ᬬᬄ᭞ᬭᬢ᭄ᬦᬵᬚ᭄ᬯᬶᬢ᭄ᬣᬫᬗ᭄ᬓᬶᬦ᭄᭟ᬯᬸᬲ᭄ᬓᬘᬶᬗᬓ᭄ᬭᬓᬦ᭄ᬤᬳᬶᬤ᭄ᬯᬕᬸᬂᬧᬸᬢᬺ᭞ᬮᬶᬲ᭄ᬳᬶᬤᬫᬗ᭄ᬭᬜ᭄ᬚᬶᬂ᭞ᬮᬶᬦ᭄ᬢᬂᬳᬾᬭᬂᬳᬶᬤᬵ᭞ᬳᬓᬾᬄᬳᬯᬦᬦ᭄‌ᬳᬾᬭᬂ᭞ᬧᬦ᭄ᬳᭀᬮᬶᬄᬫᬲᬮᬫ᭄‌ᬯ᭄ᬬᬓ᭄ᬢᬶ᭞ᬓᬗᭂᬦ᭄ᬭᬶᬂᬋᬤ᭄ᬥᬵ᭞ᬭᬶᬂᬓᬫᬃᬫᬮᬶᬄᬦᬗᬶᬲ᭄᭟ᬦᭂᬂᬚᬸᬫᬳᬦ᭄‌ᬤᬶ
ᬚᬸᬫᬄᬚᬦᬶᬳᬸᬘᬧᬂ᭞ᬲᬂᬦᬵᬣᬤ᭄ᬳᬕ᭄ᬮᬶᬲ᭄᭞ᬜᭀᬗ᭄ᬓᭀᬓᬶᬦ᭄ᬭᬓᬦ᭄ᬤᬵ᭞ᬓᬮᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬤᬵᬳᬭᬶᬦ᭄ᬥᬵᬦᬾᬩᬸᬧ᭄ᬭᬧ᭄ᬢᬶ᭞ᬓᬮᬶᬳᬦᬦ᭄ᬥᬵ᭞ᬫᬩ᭄ᬭᬶᬬᬸᬓ᭄‌ᬜᭀᬗ᭄ᬓᭀᬓ᭄ᬱᬫᬶ᭟ᬤᬵᬲᬂᬦᬵᬣᬤ᭄ᬳᬫᭂᬧᭂᬲ᭄ᬫᬢᬸᬃᬜᭂᬫ᭄ᬩᬄ᭞ᬳᬶᬤ᭄ᬯᬕᬸᬂᬩ᭄ᬬᬂᬫᬮᬶᬄ᭞ᬧᬢᭂᬄᬳᬢᬹᬃᬳᬶᬤᬵ᭞ᬤᬾᬯᬕᬸᬂᬧᬦᭂᬫ᭄ᬩ
ᬳᬦ᭄᭞ᬤᬸᬭᬸᬲᬂᬫᬸᬗ᭄ᬕᬄᬫᬮᬶᬗ᭄ᬕᬶᬄ᭞ᬫᬮᬶᬄᬗᬦ᭄ᬤᬶᬓᬵ᭞ᬭᬶᬂᬳᬭᬶᬮᬦᬂᬳᬶᬲ᭄ᬢ᭄ᬭᬶ᭟ᬗ᭄ᬕᬶᬄᬫ᭄ᬦᬾᬓᬦ᭄ᬳᬤᬶᬳᬤᬶᬚᬓ᭄ᬫᬓ᭄ᬚᬂ᭞ᬳᬭᬶᬦ᭄ᬥᬵᬜᭂᬫ᭄ᬩᬄᬲᬫᬶ᭞ᬤᬕᬶᬦᬾᬦ᭄ᬢᭂᬦ᭄ᬢᬸᬮᬓ᭄᭞ᬫᬮᬶᬄᬳᬶᬤᬵᬗᬦ᭄ᬤᬶᬓᬵ᭞ᬳᬦᬓ᭄ᬳᬦᬓ᭄ᬥᬲᬫᬶ᭞ᬤᬕᬸᬂᬮᬦ᭄ᬤᬶᬓᬵ᭞ᬦᬯᬸᬳᬶᬦ᭄ᬫᬸᬗ᭄ᬕᬄᬲᬫᬶ᭟ᬤᬵᬳᬦ᭄ᬥᬵᬫᬩ᭄ᬭᬶ [ 28 ][᭒᭗ 27B]
᭒᭗
ᬬᬸᬓ᭄ᬱᬫᬶᬜᭂᬫ᭄ᬩᬄ᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬫᬶᬯᬮᬶᬦ᭄᭞ᬫᬦᬶᬫ᭄ᬩᬮ᭄ᬲᬂᬦᬵᬣ᭞ᬓᬸᬭᬶᬧᬦ᭄ᬭᬶᬂᬳᬭᬶᬦ᭄ᬥᬵ᭞ᬗ᭄ᬕᬶᬄᬲᬃᬯ᭄ᬯᬶᬢᬗᬦ᭄ᬓᬳᬫ᭄ᬩᬶᬮ᭄᭞ᬫᬩ᭄ᬭᬶᬬᬸᬓ᭄ᬫᬸᬗ᭄ᬕᬄ᭞ᬮᬶᬗ᭄ᬕᬶᬄᬓᬤᬶᬢᬸᬮᬶᬲ᭄᭟ᬤᬵᬲᬂᬦᬵᬣᬫᬮᬸᬄᬫᬢᬸᬃᬳᬶᬤᬵᬜᭂᬫ᭄ᬩᬄ᭞ᬤ᭄ᬳᬭᬶᬂᬭᬓᬕ᭄ᬮᬶᬲ᭄᭞ᬳᬢᬹᬃᬧᬧᬢᭂᬳᬦ᭄᭞ᬭᬶᬂᬳᬶᬤᬾᬯ
ᬕᬸᬂᬩ᭄ᬬᬂ᭞ᬤᬾᬯᬕᬸᬂᬲᬓᬤᬶᬫᬗ᭄ᬓᬶᬦ᭄᭞ᬳᬫ᭄ᬧᬸᬭᬵᬧᬶᬲᬦ᭄᭞ᬭᬾᬄᬢᬶᬢ᭄ᬬᬂᬮᬶᬦ᭄ᬢᬂᬲᬶᬲᬶᬧ᭄᭟ᬳᬦ᭄ᬢᬸᬓᬦᬾᬓᬭᬶᬗᬸᬩ᭄ᬤᬤᬾᬯᬾᬓ᭄ᬧᬶᬲᬦ᭄᭞ᬫᬮᬶᬄᬗᬦ᭄ᬤᬶᬓᬵᬳᬭᬶᬲ᭄᭞ᬭᬶᬂᬳᬭᬶᬦ᭄ᬥᬵᬲᬫ᭄ᬬᬦ᭄᭞ᬳᬤᬶᬳᬫ᭄ᬧᬸᬭᬵᬢ᭄ᬬᬂ᭞ᬓᬮᬶᬄᬭᬶᬂᬳᬦᬓ᭄ᬥᬵᬲᬫᬶ᭞ᬳᬫ᭄ᬧᬸᬭᬵᬧᬶᬲᬦ᭄᭞ᬭᬾᬄᬳᬶᬭ
ᬳᬫ᭄ᬩᬸᬮ᭄ᬚᬦᬶ᭟ᬗᬩ᭄ᬤᬳᬯᬓ᭄‌ᬢ᭄ᬯᬭᬧᬶᬲᬦ᭄ᬩᬦᬶᬧᬶᬯᬮ᭄᭞ᬢ᭄ᬓᬾᬳᬶᬕᬶᬬᬸᬃᬚᬢᬶ᭞ᬭᬾᬄᬳ᭄ᬬᬦᬸᬦ᭄ᬤᬾᬦᬂ᭞ᬳᬦᬓ᭄ᬥᬵᬲᬫᬶᬜᭂᬫ᭄ᬩᬄ᭞ᬤᬵᬳᬭᬶᬦ᭄ᬤᬵᬫᬫ᭄ᬭᬶᬬᬸᬓᬶᬦ᭄᭞ᬭᬓᬦ᭄ᬥᬵᬦᬶᬫ᭄ᬩᬮ᭄᭞ᬧᬦ᭄ᬤᬶᬓᬵᬳᬮᬸᬲ᭄ᬫᬦᬶᬲ᭄᭟ᬳᬩ᭄ᬭᬶᬬᬸᬓᬦ᭄ᬳᭀᬓᬳᬭᬶᬧᬧᬢᭂᬳᬦ᭄᭞ᬳᬢᬸᬃᬧᬦ᭄ᬤᬶᬓᬵᬲᬫᬶ᭞
ᬢᬦᬜ᭄ᬦ᭄ᬤᬂᬧᬜ᭄ᬚᬗᬂ᭞ᬩᬮᬶᬓ᭄ᬢ᭄ᬬᬂᬳᬫ᭄ᬧᬸᬭᬵ᭞ᬳᬢᬸᬃᬢᬶᬢ᭄ᬬᬂᬲᬫᬶᬧ᭄ᬮᬶᬄᬗ᭄ᬕᬶᬄᬧ᭄ᬮᬶᬄᬓᬮᬶᬦ᭄ᬢᬂ᭞ᬭᬾᬄᬳᬾᬤᬦ᭄ᬫᬜᬸᬲᬸᬧᬶᬦ᭄᭟ᬤᭂᬦ᭄ᬤᬤᬾᬯᬾᬓ᭄ᬩᬦ᭄ᬳᬶᬭᬵᬢ᭄ᬦᬵᬚ᭄ᬯᬶᬢ᭄ᬣᬵ᭞ᬚᬸᬫᬄᬢᬦᬺᬗᭃᬤᬤᬶ᭞ᬧᬤᬚᬫᬓ᭄ᬚᬂ᭞ᬲᬓᬮᬶᬄᬳᬜᬧᬥᬵ᭞ᬢ᭄ᬯᬭᬦᬯᬂᬩ᭄ᬦᭂᬄᬧ᭄ᬮᬶᬄ᭞ᬘᭂᬦ᭄ᬤᭂᬢ᭄ᬓᬮᬶᬦ᭄ᬢᬂ᭞ᬦᬾᬩ᭄ᬦᭂᬄᬓᬤᭂᬦ᭄ᬧ᭄ᬮᬶᬄ᭟ᬧᬦᬓ᭄ᬢᭂ
[᭒᭘ 28A]
ᬫᭂᬦ᭄ᬓᬤᬾᬦᬂᬫᬸᬲᬸᬄᬕᬮᬓ᭄᭞ᬳᬶᬕᬶᬬᬸᬃᬫᬦᭂᬓᬳᬶᬦ᭄᭞ᬓᬤᬾᬦ᭄ᬯᬦ᭄‌ᬫᬗ᭄ᬓᬦᬵ᭞ᬩᬳᬦ᭄ᬩᬸᬤᬸᬳᬾᬮᬶᬯᬢ᭄᭞ᬳᬭᬶᬳᭀᬓᬫᬫ᭄ᬭᬶᬬᬸᬓᬶᬦ᭄᭞ᬫᬫᬢᬸᬲᬫ᭄ᬬᬦ᭄᭞ᬲᬂᬦᬵᬣᬳᬶᬤᬵᬕ᭄ᬮᬶᬲ᭄᭟ᬦᬶᬫ᭄ᬩᬮ᭄ᬜᭂᬫ᭄ᬩᬄᬦᬶᬫ᭄ᬩᬮᬶᬦ᭄ᬧᬦ᭄ᬤᬶᬓᬦ᭄ᬭᬓᬵ᭞ᬲᬵᬫ᭄ᬧᬸᬦ᭄ᬫᬜ᭄ᬚᬗᬂᬫᬮᬶᬄ᭞ᬳᬶᬧᬸᬦ᭄ᬩᬢᭂᬓ᭄ᬢᬶᬢᬄ᭞ᬫᬮᬶᬄ
ᬳᬶᬤᬵᬫᬦᬶᬫ᭄ᬩᬮ᭄᭞ᬳᬢᬸᬃᬳᭀᬓᬓᬮᬶᬄᬳᬭᬶ᭞ᬧᬧᬓ᭄ᬮᬦ᭄ᬢᬗᬂ᭞ᬭᬾᬄᬕᬦ᭄ᬢᭂᬓᬸᬫ᭄ᬧᬸᬮ᭄ᬤᬶᬦᬶ᭟ᬤᬵᬲᬂᬦᬵᬣᬓᬸᬭᬶᬧᬦ᭄ᬳᬶᬤ᭄ᬯᬕᬸᬂᬩ᭄ᬬᬂ᭞ᬗᬦ᭄ᬤᬶᬓᬵᬳᬮᬸᬲ᭄ᬫᬦᬶᬲ᭄᭞ᬭᬶᬂᬳᬶᬤᬵᬳᬭᬶᬦ᭄ᬤ᭞ᬧᬢᭂᬄᬧᬦ᭄ᬤᬶᬓᬵᬦ᭄ᬳᬶᬤᬵ᭞ᬳᬤᬶᬤᬶᬚᬦᬓᬾᬘ᭄ᬦᬶᬓ᭄᭞ᬳᬶᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬳᬭᬶᬦ᭄ᬥᬵᬜᭂᬫ᭄ᬩᬄ
ᬕ᭄ᬮᬶᬲ᭄᭟ᬭᬵᬢᬸᬤ᭄ᬯᬕᬸᬂᬳᬦᬓ᭄ᬤ᭄ᬯᬾᬯᬕᬸᬂᬭᬶᬂᬓᬫᬃ᭟ᬭᬓᬦ᭄ᬥᬵᬦᬶᬫ᭄ᬩᬮ᭄ᬫᬮᬶᬄ᭞ᬢ᭄ᬬᬂᬓᬮ᭄ᬫᬸᬮ᭄ᬬᬦ᭄᭞ᬳᬭᬶᬦ᭄ᬥᬵᬫᬮᬶᬄᬜᭂᬫ᭄ᬩᬄ᭞ᬤᬕᬶᬗᬢᬸᬭᬶᬦ᭄ᬫᬗ᭄ᬭᬭᬶᬲ᭄᭞ᬧᬭᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬜᭂᬫ᭄ᬩᬄᬦᬸᬦᬲ᭄ᬫᬗ᭄ᬭᬜ᭄ᬚᬶᬂ᭟ᬤᬵᬲᬂᬦᬵᬣᬳᬶᬤᬗᬗ᭄ᬕᬸᬢᬶᬦ᭄ᬲᬫ᭄ᬬᬦ᭄᭞ᬩ᭄ᬭᬶᬬᬸᬓ᭄ᬫᬗ᭄ᬭᬜ᭄ᬚᬶᬂᬫᬗ᭄ᬓᬶᬦ᭄᭞
᭞ᬳᬶᬤᬾᬯᬕᬸᬂᬩ᭄ᬬᬂ᭞ᬤ᭄ᬳᬗᬶᬭᬶᬂᬭᬓᬦ᭄ᬥᬵ᭞ᬩᬸᬭᬯᬸᬄᬤᬶᬓᬫᬃᬫᬗ᭄ᬓᬶᬦ᭄᭞ᬳᬶᬤᬵᬲᬂᬤ᭄ᬬᬄ᭞ᬫᬗ᭄ᬕᭂᬄᬳᬶᬤᬵᬫ᭄ᬦᬗᬶᬲ᭄᭟ᬳᬬᬢ᭄ᬫᬢᬸᬃᬫᬓᬓᬮᬶᬄᬫ᭄ᬓᬸᬮ᭄ᬗᬸᬲᬧ᭄‌᭞ᬳᬶᬫᬸᬢᭂᬫᬶᬦᬓᬤᬶ᭞ᬜᭂᬫ᭄ᬩᬄᬫ᭄ᬓᬸᬮ᭄ᬧᬥ᭞ᬫᬢᬸᬃᬦᬗᬶᬲ᭄ᬫᬫ᭄ᬮᬤ᭄᭞ᬫ᭄ᬩᭀᬓᬕᬸᬂᬳᬫ᭄ᬧᬸᬭᬳᬸᬕᬶ᭞ᬲᬓᬮᬶᬄᬢᬶᬢ᭄ᬬᬂ [ 29 ][᭒᭘ 28B]
᭒᭘
᭞ᬦᬯ᭄ᬕᬂᬫᬢᬸᬃᬲᬶᬲᬶᬧ᭄᭟ᬭᬾᬄᬫ᭄ᬩᭀᬓᬕᬸᬂᬳᭀᬮᬶᬄᬲ᭄ᬯᬾᬭᬶᬂᬓᬸᬭᬶᬧᬦ᭄᭞ᬮᬭᬓᬩᬦ᭄ᬢᬂᬩᬦ᭄ᬢᬶᬂ᭞ᬢᬸᬤᬾᬅᬫᬗᬶᬭᬶᬗᬂ᭞ᬓ᭄ᬦᬫ᭄ᬩᭀᬓᬕᬸᬂᬲ᭄ᬯᬾᬘ᭄ᬙᬵ᭞ᬗᬫ᭄ᬧᬸᬭᬵᬭᬾᬄᬩᬸᬤᬸᬄᬯ᭄ᬬᬓ᭄ᬢᬶ᭞ᬲᬋᬂᬲᬫ᭄ᬬᬦ᭄᭞ᬳᬶᬤᬵᬪᬝᬵᬭᬭᬯᬶᬥᬷ᭟ᬓᬤᬶᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦᬯ᭄ᬕᬂᬧᬶᬲᬦ᭄᭞ᬮᬸᬘᬸᬭᬾᬄᬲ
ᬓᬶᬂᬩᬓ᭄ᬢᬶ᭞ᬘᭂᬦ᭄ᬤᭂᬢ᭄ᬫᬗᬢᬸᬭᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬲᬧᬶᬲᬦ᭄᭞ᬲ᭄ᬯᬾᬘ᭄ᬙᬵᬦᬓᬕᬸᬂᬫᬯᭀᬲᬶᬦ᭄᭞ᬳᬚᬶᬩ᭄ᬬᬂᬤᬶᬕ᭄ᬮᬶᬲ᭄‌ᬳᬶᬤᬵᬫ᭄ᬭᬶᬬᬸ᭞ᬓᬶᬦ᭄᭟ᬢ᭄ᬭᬶᬫᬗ᭄ᬕᬶᬄᬦᬓᬕᬸᬂᬫᬲ᭄ᬚᬶᬯᬦ᭄ᬳᬶᬗ᭄ᬯᬂ᭞ᬳ᭄ᬤᬢᬸᬓᬓ᭄ᬦᬓᬕᬸᬂᬗ᭄ᬕᬶᬄ᭞ᬳᬓᬾᬄᬢᬢ᭄ᬯᬶᬬᬦ᭄᭞ᬢ᭄ᬬᬂᬫᬩ᭄ᬭᬵᬳᬂᬳᬯᬓ᭄᭞ᬚᬓ᭄ᬫᬓ᭄ᬚᬂᬲᬶᬩᬫᬗ᭄ᬓᬶᬦ᭄᭞ᬧᬶ
ᬓ᭄ᬫᭂᬲ᭄ᬧᬶᬲᬦ᭄᭞ᬦᬗ᭄ᬳᬶᬂᬳᬫ᭄ᬧᬸᬭᬵᬗ᭄ᬕᬶᬄ᭟ᬢ᭄ᬬᬂᬮᬘᬸᬃᬓᬧ᭄ᬮᬦ᭄ᬧ᭄ᬮᬦ᭄ᬢᬸᬃᬦᬶᬱ᭄ᬝᬵ᭞ᬢ᭄ᬯᬭᬵᬤᬗ᭄ᬮᬄᬕᬸᬫᬶ᭞ᬳᬧᬜᭂᬦ᭄‌ᬲ᭄ᬭᬳᬂ᭞ᬢ᭄ᬬᬂᬳᬚᬓ᭄ᬫᬓ᭄ᬚᬂ᭞ᬫᬦᬸᬦᬲ᭄‌ᬢ᭄ᬓᬾᬦ᭄ᬳᬶᬫᬦᬶᬓ᭄᭞ᬦᬓᬕᬸᬂᬲᬬᬂ᭞ᬗ᭄ᬩᬶᬮᬘᬸᬃᬢᬦ᭄ᬲᬶᬧᬶ᭟ᬦᬸᬤᬸᬓ᭄ᬢ᭄ᬬᬂᬓᬾᬯᬮᬮ᭄ᬕᬬᬂᬧᬶᬲᬦ᭄᭞ᬲᬚᬯᬦᬶᬂᬳᬩ᭄ᬲᬶᬓ᭄᭞ᬳᬤᬓᬮ᭄ᬧ᭄ᬭᬳᬂ᭞ᬳ
ᬯᬓ᭄ᬢ᭄ᬬᬗᬾᬫᬶᬭᬄ᭞ᬚ᭄ᬮᬾᬫ᭄ᬮᬄᬩᬦ᭄ᬳᬶᬫᬡᬶᬓ᭄᭞ᬳᬶᬤᬲᬂᬤ᭄ᬬᬄ᭞ᬲᬬᬦ᭄ᬩᭂᬓᬸᬢ᭄ᬫᬦᬗᬶᬲ᭄᭟ᬢᬦ᭄ᬧᬲᬳᬸᬃᬭᬾᬄᬲᭂᬲᭂᬓ᭄ᬮᬶᬦ᭄ᬢᬂᬤᬶᬋᬥᬵ᭞ᬳᬶᬤ᭄ᬯᬕᬸᬂᬳᬚᬶᬚᬶᬮ᭄᭞ᬧᬺᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬫᬗ᭄ᬕᭂᬄᬓᬭᬶᬤᬶᬓᬫᬃ᭞ᬫᬧᬲᬶᬳᬶᬦ᭄ᬤᬲᬂᬧᬸᬢ᭄ᬭᬶ᭞ᬳᬧᬦ᭄ᬭᬾᬄᬳᬬᬢ᭄᭞ᬫᬦ᭄ᬢᬸᬳᬶᬧᬾᬦᬾᬯ᭄ᬬᬓ᭄ᬢᬶ᭟
[᭒᭙ 29A]
ᬤᬵᬲᬂᬦᬵᬣᬓᬸᬭᬶᬧᬦ᭄ᬳᬮᬸᬲ᭄ᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬥᬵᬲᬯ᭄ᬬᬓ᭄ᬢᬶ᭞ᬳᬭᬶᬦ᭄ᬥᬵᬤᬶᬤ᭄ᬳ᭞ᬤᬶᬳᬕᬸᬂᬜᬫᬦ᭄ᬢ᭄ᬬᬂ᭞ᬢ᭄ᬬᬂᬘᭂᬦ᭄ᬤᭂᬢ᭄ᬩᬸᬓᬵᬫᬗ᭄ᬓᬶᬦ᭄᭞ᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬢᬸᬦᬲ᭄ᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬳᬶᬘᬾᬦ᭄ᬳᬶᬜ᭄ᬚᭀᬃᬳᬓ᭄ᬤᬳᬶᬤ᭄ᬯᬕᬸᬂᬧᬸᬢᬺ᭞ᬓᬮᬶᬄᬕ᭄ᬮᬶᬲ᭄‌ᬫ᭄ᬭᬶᬬᬸᬓᬶᬦ᭄᭞ᬜᭂᬫ᭄ᬩᬄᬲᬮᬶᬂᬢᬶᬫ᭄ᬩᬮ᭄᭞ᬤᬕᬶᬂᬳᬶᬤᬵᬦᬯ᭄ᬕᬂ᭞ᬓ᭄ᬦᬶ
ᬲ᭄ᬯᬾᬘ᭄ᬙᬵᬫᬗ᭄ᬮᬶᬗ᭄ᬕᬶᬳᬶᬦ᭄᭞ᬦᬸᬦᬲ᭄ᬳᬭᬶᬦ᭄ᬤᬵ᭞ᬲᬂᬦᬵᬣᬤ᭄ᬳᬫᬗ᭄ᬓᬶᬦ᭄᭟ᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬳᬶᬤ᭄ᬯᬕᬸᬂᬤᬵᬭᬓᬦ᭄ᬥᬵ᭞ᬢᬶᬢ᭄ᬬᬂᬢᬦ᭄ᬧᬜ᭄ᬚᬂᬯ᭄ᬬᬓ᭄ᬢᬶ᭞ᬘᭂᬦ᭄ᬤᭂᬢ᭄ᬳᬢᬸᬃᬢᬶᬢ᭄ᬬᬂ᭞ᬩ᭄ᬘᬶᬓ᭄ᬘᭀᬓᭀᬃᬳᬶᬤᬾᬯ᭄ᬯᬵ᭞ᬫᬯᬘᬦᬵᬲᬦᬾᬫᬗ᭄ᬓᬶᬦ᭄᭞ᬫᬮᬶᬄᬗᬦ᭄ᬤᬶᬓᬵ᭞ᬭᬶᬂᬳᬦᬓ᭄ᬥᬵᬲᬂᬓᬮᬶᬄ᭟ᬓᬾᬦ᭄ᬜᬫᬦᬾᬲᬸᬩᬢᭀ
ᬗᭀᬲ᭄ᬫᬫ᭄ᬭᬕᬢᬂ᭞ᬫᬢᬸᬭᬶᬂᬭᬓᬫᬮᬶᬄ᭞ᬤᬾᬯᬕᬸᬂᬫᬶᬬᬃᬱᬵ᭞ᬳᬦᬓ᭄ᬘᭀᬓᭀᬃᬳᬶᬤᬾᬯ᭞ᬳᬶᬕᬶᬬᬸᬃᬩ᭄ᬘᬶᬓ᭄‌ᬳᬃᬲᬳᬶᬦ᭄᭞ᬧᬸᬧᬸᬢ᭄ᬳᬶᬭᬶᬓᬵ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭟ᬤᬵᬭᬓᬦ᭄ᬥᬵᬳᬶᬤᬵᬦᬶᬫ᭄ᬩᬮ᭄᭞ᬗ᭄ᬕᬶᬄᬳᬦᬓ᭄ᬤᬜᭂᬫ᭄ᬩᬄᬳᬶᬤ᭄ᬯᬕᬸᬂᬧᬸᬢ᭄ᬭᬓᬮᬶᬄ᭞ᬤᬕᬶᬂᬗᬶᬭᬶᬂᬧᬶᬲᬦ᭄᭞ᬕ᭄ᬮᬶᬲ᭄‌ᬲᬂᬓᬮᬶᬄᬜᭂᬫ᭄ᬩᬄ
᭞ᬭᬶᬂᬳᬶᬤ᭄ᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬧᬸᬓᬸᬮᬸᬦ᭄ᬢᬶᬢ᭄ᬬᬂ᭞ᬦᬯ᭄ᬕᬂᬓᬤᬶᬫᬗ᭄ᬓᬶᬦ᭄᭟ᬭᬳᬶᬦ᭄‌ᬤ᭄ᬯᬕᬸᬂᬳᬤᬶᬬᬕᬸᬂᬧᬫᬶᬢᬂᬢᬶᬢ᭄ᬬᬂ᭞ᬳᬯᬦ᭄ᬤᬫᬫ᭄ᬭᬶᬬᬸᬓᬶᬦ᭄᭞ᬦᬓᬕᬸᬂᬳᬶᬗ᭄ᬢᬂ᭞ᬲᬗ᭄ᬕᬸᬧ᭄ᬳᬶᬤᬦᬾᬲᬬᬂ᭞ᬤᬸᬓᬾᬦᬸᬳᬶᬜ᭄ᬚᭀᬃᬫᬢᬶ᭞ᬳ᭄ᬤᬧᬶᬲᬦ᭄ᬳᭂᬗ᭄ᬲᬧ᭄᭞ᬳᬶᬤ᭄ᬯᬕᬸᬂᬫᬥᬾᬕ᭄ᬮᬶᬲ᭄᭟ᬜᭂᬫ᭄ᬩᬄᬫᬢᬹᬃᬭᬵ [ 30 ][᭒᭙ 29B]
᭒᭙
ᬢᬸᬤ᭄ᬯᬕᬸᬂᬳᬶᬮᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬗᬢᬸᬭᬂᬯ᭄ᬬᬓ᭄ᬢᬶ᭞ᬭᬶᬂᬘᭀᬓᭀᬃᬳᬶᬤᬾᬯᬵ᭞ᬫᬮᬶᬄᬳᬶᬤᬵᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬤᬵᬫᬓᬓᬮᬶᬄ᭞ᬦᬓᬕᬸᬂᬚ᭄ᬯᬂ᭞ᬦᬗ᭄ᬳᬶᬂᬳᬫ᭄ᬧᬸᬭᬳᬸᬕᬶ᭞ᬜᬦᬦ᭄ᬓᬕᬸᬂᬩ᭄ᬮᭀᬕ᭄ᬢᬸᬃᬚᭂᬦ᭄ᬤᬸᬮ᭄ᬓᬮᬶᬦ᭄ᬢᬂ᭞ᬫᬳᬢᬸᬃᬳᬶᬤᬵᬫᬮᬶᬄ᭞ᬭᬶᬂᬳᬶᬤᬵᬳ᭄ᬯᬦ᭄ᬥᬵ᭞ᬤᬾᬯᬕᬸᬂᬳᬫ᭄ᬧᬸᬭᬬᬂ᭞ᬳᬶᬧᬸᬦ᭄ᬢᬫ᭄ᬩᭂᬢ᭄ᬮᬗ᭄ᬓᬸᬂᬯ᭄ᬬ
ᬓ᭄ᬢᬶ᭞ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬓ᭄ᬦᬶᬲ᭄ᬯᬾᬘ᭄ᬙᬵᬗᬦ᭄ᬤᬶᬓᬳᬶᬦ᭄᭟ᬤᬵᬳ᭄ᬯᬦ᭄ᬤᬵᬤᬶᬫ᭄ᬩᬮ᭄ᬤᬢ᭄ᬯᬩ᭄ᬯᬶᬦ᭄ᬮᬦ᭄ᬢᬗᬂ᭞ᬳᬭᬶᬦ᭄ᬤᬵᬜᭂᬫ᭄ᬩᬄᬫᬮᬶᬄ᭞ᬳᬶᬤᬾᬯᬕᬸᬂᬧᬸᬢᬺ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬜ᭄ᬚᬗᬂ᭞ᬤᬾᬯᬕᬸᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬳᬫ᭄ᬧᬸᬭᬧᬶᬲᬦ᭄᭞ᬳᬢᬸᬃᬳᬤᬸᬮᬸᬃᬢᬗᬶᬲ᭄᭟ᬭᬵᬢᬸᬤ᭄ᬯᬕᬸᬂᬮᬶᬦ᭄ᬢᬂᬲ᭄ᬯᬾᬘ᭄ᬙᬵᬭᬶᬂᬢᬶᬢ᭄ᬬᬂ᭞ᬢᬶᬢ᭄ᬬᬂᬤᬸᬫᬸᬦ᭄ᬧᬶ
ᬦ᭄ᬳᬶᬦ᭄᭞ᬧᬸᬦᬧᬶᬯᬱ᭄ᬝᬜ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬫᬶᬤᭂᬧ᭄ᬗᬫᬦᬳᬶᬦ᭄ᬫᬗ᭄ᬓᬶᬦ᭄᭞ᬢᬦ᭄ᬓᬢᬳᬸᬭᬦ᭄᭞ᬳᬸᬢᬂᬢᬶᬢ᭄ᬬᬂᬫᬢᬶᬦ᭄ᬤᬶᬄ᭟ᬗᬸᬭᬶᬧ᭄ᬢᬶᬢ᭄ᬬᬂᬓᬮᬶᬄᬗᬶᬘᬾᬦ᭄ᬭᬚᬩ᭄ᬭᬡ᭄ᬦᬵ᭞ᬭᬾᬄᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬦᬶᬱ᭄ᬝᬓᬚᬦ᭄ᬢᬓᬵ᭞ᬢᬦ᭄ᬯᬾᬦ᭄ᬢᭂᬦ᭄ᬫᬤ᭄ᬯᬾᬕ᭄ᬦᬄ᭞ᬧᬸᬧᬸᬢ᭄ᬫᬫ᭄ᬓᬸᬮ᭄‌ᬳᬶᬭᬶᬓ᭞ᬳᬚᬶᬦ᭄ᬤᬵᬢᬶᬕᬵ
ᬫ᭄ᬬᬃᬱᬵᬗᭂᬫ᭄ᬩᭂᬂᬢᬗᬶᬲ᭄᭟ᬲᬫᬶᬓᬗᭂᬦ᭄ᬤᬵᬭᬶᬂᬳᬗ᭄ᬕᬤᬶᬗ᭄ᬕᬮ᭄ᬤᬸᬦ᭄ᬬ᭞ᬫᬶᬦᭂᬄᬳᬗ᭄ᬕᬦᬾᬫᬗ᭄ᬓᬶᬦ᭄᭞ᬦᭂᬫ᭄ᬧᬮ᭄ᬓᬯᬶᬩᬯᬦ᭄‌ᬫ᭄ᬲᬬᬦ᭄ᬲᭂᬲᭂᬓ᭄ᬤᬶᬋᬤᬵ᭞ᬦᬾᬩᬸᬭᬯᬸᬄᬲᬋᬂᬲᬫᬶ᭞ᬲᬓᬮᬶᬳᬜ᭞ᬫᬫᬶᬦᭂᬄᬳᬗ᭄ᬕᬫᬶᬲ᭄ᬓᬶᬦ᭄᭟ᬳᬶᬤᬾᬯᬕᬸᬂᬫᬥᬾᬳᬶᬤᬾᬯᬕᬸᬂᬧᬸᬢᬺ᭞ᬫᬸᬱ᭄ᬝᬧᬵᬲᬦᬾᬫᬗ᭄ᬓᬶᬦ᭄᭞ᬮᬶᬦ᭄ᬢᬂ
[᭓᭐ 30A]
ᬓᬗᭂᬦ᭄ᬳᬶᬤᬵ᭚ᬩᬳᬸᬳᬶᬤᬵᬫ᭄ᬬᬃᬱᬵ᭞ᬧᬗᬦ᭄ᬤᬶᬓᬦ᭄ᬭᬯ᭄ᬬᬓ᭄ᬢᬶ᭞ᬫᬜᭂᬮ᭄ᬲᭂᬮ᭄ᬳᬗ᭄ᬕᬵ᭞ᬓᬮᬶᬄᬫᬗᬓ᭄ᬱᬶᬳᬚᬶ᭟ᬲ᭄ᬯᬪᬯᬦ᭄ᬤᬵᬓᬧᬶᬦᭂᬄᬜᭂᬮ᭄ᬲᭂᬮ᭄ᬤᬶᬋᬤ᭄ᬥᬵ᭞ᬕ᭄ᬮᬶᬲ᭄ᬳᬶᬤᬵᬦᬾᬫᬗ᭄ᬓᬶᬦ᭄᭞ᬫᭂᬧᭂᬲ᭄ᬫᬢᬸᬃᬜᭂᬫ᭄ᬩᬄ᭞ᬭᬶᬂᬳᬚᬶᬓᬮᬶᬄᬭᬓᬵ᭞ᬳᬶᬤᬾᬯᬕᬸᬂᬫᬥᬾᬫᬮᬶᬄ᭞ᬲᬯᬯᬜᭂᬫ᭄ᬩᬄ᭞ᬭᬶᬂᬳᬚᬶᬦ᭄ᬤᬲᬂᬓ
ᬮᬶᬄ᭚ᬧᬗ᭄ᬓᬸᬃ᭚ᬭᬵᬢᬸᬤ᭄ᬯᬕᬸᬂᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬲᬸᬫᬦ᭄ᬤᬾᬬᬳᬶᬭᬶᬓᬶ᭞ᬳᬶᬭᬶᬤ᭄ᬯᬾᬦ᭄‌ᬤᬾᬯᬕᬸᬂ᭞ᬭᬯᬸᬄᬳᬲ᭄ᬢ᭄ᬭᬫᬸᬱ᭄ᬝᬧᬵ᭞ᬳᬶᬧᬸᬦ᭄ᬢᬸᬗ᭄ᬕᬶᬮ᭄‌ᬫᬮᬶᬢᬶᬢ᭄ᬬᬂᬭᬢᬸᬤ᭄ᬯᬕᬸᬂ᭞ᬓᬤᬶᬮᬸᬘᬸᬫᬗ᭄ᬮᬸᬗ᭄ᬲᬸᬭᬂ᭞ᬬᬦ᭄ᬫᬓᬬᬸᬦ᭄ᬫᬯᬪᬸᬫᬶ᭟ᬕᬸᬫᬶᬦ᭄ᬢᬶᬢ᭄ᬬᬂᬳᬓᬾᬄ
ᬧᬶᬲᬦ᭄᭞ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬗᬢᬸᬭᬂᬯ᭄ᬬᬓ᭄ᬢᬶ᭞ᬭᬶᬂᬤᬶᬚᬓᬬᬸᬦ᭄ᬫᬮᬸᬗ᭄ᬕᬄ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬢᬸᬭᬂ᭞ᬕᬸᬫᬶᬦ᭄ᬢᬶᬢ᭄ᬬᬂᬯᬱ᭄ᬝᬦ᭄ᬳᬶᬧᬸᬦᬾᬤᬾᬯᬕᬸᬂ᭞ᬳᬶᬤᬾᬯᬕᬸᬂᬫᬥᬾᬜᬘᬓ᭄᭞ᬢᬦ᭄ᬓᭀᬘᬧ᭄ᬓᬳᬢᬸᬃᬕ᭄ᬮᬶᬲ᭄᭟ᬯᬱ᭄ᬝᬦ᭄ᬕᬸᬫᬶᬦᬾᬫᬓ᭄ᬚᬂ᭞ᬲᬫᬶᬕᬯᭀᬓ᭄ᬳᬶᬤ᭄ᬯᬕᬸᬂᬧᬸᬢᬺᬫ
ᬗ᭄ᬓᬶᬦ᭄᭞ᬲᬯᬯᬗᬢᬸᬭᬂᬲᬵᬫ᭄ᬧᬸᬦ᭄᭞ᬯᬱ᭄ᬝᬫᬶᬦ᭄ᬥᬵᬲᬫ᭄ᬬᬦ᭄᭞ᬲᬯ᭄ᬭᬶᬳᬶᬤᬵᬜᭂᬫ᭄ᬩᬄᬭᬶᬂᬭᬓᬦ᭄ᬥᬵᬫᬢᬸᬃ᭞ᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬓᬢᬸᬭᬦ᭄ᬫᬫᬮᬶᬚ᭄‌ᬕᬸᬫᬶ᭟ᬧᬤᬕᬯᭀᬓᬮᬶᬄᬍᬤᬂ᭞ᬫᬩ᭄ᬭᬶᬬᬸᬓ᭄ᬳᬦᬶᬫ᭄ᬩᬮ᭄ᬳᬢᬸᬃᬓᬮᬶᬲ᭄᭞ᬧᬦᬶᬫ᭄ᬩᬮ᭄ᬲᬂᬦᬵᬣᬧᬢᬸᬄ᭞ᬦᬓᬕᬸᬂᬧ [ 31 ][᭓᭐ 30B]
᭓᭐
ᬦᬓ᭄ᬢ᭄ᬬᬂ᭞ᬍᬩᬶᬄᬍᬩᬶᬄᬍᬕᬦ᭄ᬢ᭄ᬬᬗᬾᬦᬓᬕᬸᬂ᭞ᬗ᭄ᬕᬶᬄᬧᬶᬤᬦ᭄ᬧᬶᬤᬦᬄᬲᬬᬂ᭞ᬚᬦᬶᬳᬸᬮᬸᬭᬶᬦ᭄ᬢ᭄ᬬᬂᬳᭂᬗ᭄ᬕᬶᬄ᭟ᬳᬧᬂᬓᬸᬫ᭄ᬧᬸᬮ᭄ᬚᬓ᭄ᬫᬓ᭄ᬚᬂ᭞ᬗᬚᬓ᭄ᬱᬓᬮᬶᬄᬜᬫᬯ᭄ᬬᬓ᭄ᬢᬶ᭞ᬭᬾᬄᬫᬍᬲ᭄ᬮᬭᬦᬾᬫᬮᬸ᭞ᬚᬦᬶᬢᬸᬯᬸᬓᬶᬦ᭄‌ᬍᬕᬵ᭞ᬤᬵᬲᬂᬢᬶᬕᬵᬲᬓᬓᬶᬄᬲᬫᬶᬫᬫᬢᬸᬢ᭄
᭞ᬲᬂᬦᬵᬣᬤ᭄ᬳᬵᬗᭂᬳᭂᬤᬂ᭞ᬫᬜᭂᬫ᭄ᬩᬄᬢ᭄ᬮᬲᬳᬶᬭᬶᬂ᭟ᬳᬦᬓ᭄ᬤᬵᬓᬮᬶᬄᬫᬜᭂᬫ᭄ᬩᬄ᭞ᬧᬧᬢᭂᬳᬦ᭄ᬳᬢᬸᬃᬳᬭᬸᬫ᭄ᬳᬫᬦᬶᬲ᭄᭞ᬢᬶᬢ᭄ᬬᬂᬲᬳᬶᬭᬶᬂᬧᬸᬓᬸᬮᬸᬦ᭄᭞ᬲᬕᬾᬢᬦ᭄ᬧᬗ᭄ᬯᬾᬤᬗᬦ᭄᭞ᬳᬰ᭄ᬭᬶᬧᬗᬸᬲᬲᬗᬦᬦᬾᬫᬢᬸᬭᬸᬢ᭄᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄᭞ᬳᬬᬸᬦᬦ᭄ᬓᬳᬢᬸᬃᬫ
ᬮᬶᬄ᭟ᬳᬬᬸᬦᬦ᭄ᬫᬲ᭄ᬯᬂᬲ᭄ᬯᬂ᭞ᬲᬦᬾᬳᬶᬲ᭄ᬢ᭄ᬭᬶᬓᬢᬸᬭᬦ᭄ᬓᬫᬃᬕ᭄ᬓᬶᬲ᭄᭞ᬢᬦ᭄ᬓᭀᬘᬧ᭄ᬗᬬᬸᬦᬂᬲᬵᬫ᭄ᬧᬸᬦ᭄᭞ᬕᬶᬳᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬫᬓᭂᬫ᭄ᬩᬸᬮᬦ᭄ᬲᬋᬂᬢᬶᬕᬳᬧᬦ᭄ᬤᬤᬸᬢ᭄᭞ᬲᬂᬓᬮᬶᬄᬮᬾᬤᬂᬓᬮᬶᬦ᭄ᬢᬂ᭞ᬳᬧᬦ᭄ᬓᬫ᭄ᬧᬸᬮ᭄ᬓᬤᬶᬫᬗ᭄ᬓᬶᬦ᭄᭟ᬳᬶᬤᬵᬲᬂᬤ᭄ᬬᬄᬲᬫ᭄ᬬᬦ᭄᭞ᬫᬗᬬᬸᬦᬂᬲᬚᬯᬶᬦᬶᬂ
ᬳᬲᬶᬓᬶ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬦᬾᬦ᭄ᬢᭂᬦ᭄ᬓᬬᬸᬦ᭄᭞ᬭᬾᬄᬳᬶᬤᬵᬳᬫᭂᬫ᭄ᬮᬭᬵ᭞ᬫᬶᬦᭂᬄᬳᬗ᭄ᬕᭃᬳᬕᬾᬫᬳᬸᬜ᭄ᬘᬶᬗᬄᬢᬸᬳᬸ᭞ᬳᬯᬦᬦ᭄ᬲᭂᬲᭂᬓᬶᬤ᭄ᬥᬵ᭞ᬦᬾᬗᬬᬸᬦᬂᬳᬸᬲᬦ᭄‌ᬕ᭄ᬮᬶᬲ᭄᭟ᬓᬮᬶᬄᬯᬸᬲ᭄ᬫᬶᬦᬸᬫᬶᬦᬸᬫᬦ᭄᭞ᬧᬦ᭄ᬲᭀᬢᬦᬶᬂᬭᬚᬵᬤᬶᬭᬵᬚᬯᬓ᭄ᬢᬶ᭞ᬳᬸᬮᬫᬾᬫᬲᬸᬦ᭄ᬤᬸ
[᭓᭑ 31A]
ᬮ᭄ᬲᬸᬜ᭄ᬚᬸᬮ᭄᭞ᬳᬸᬲᬦ᭄ᬫᬍᬮᬕᬭᬦ᭄᭞ᬳᬶᬤᬾᬯᬕᬸᬂᬫᬸᬱ᭄ᬝᬧᬵᬜᭂᬫ᭄ᬩᬄᬫᬳᬢᬸᬃ᭞ᬭᬶᬂᬳᬚᬶᬳᬚᬶᬦ᭄ᬥᬵ᭞ᬭᬶᬂᬳᬚᬶᬳᬚᬶᬦ᭄ᬥᬵᬲᬫ᭄ᬬᬦ᭄᭞ᬭᬶᬂᬩ᭄ᬬᬂᬤᬵᬫᬶᬦᬓᬤᬶ᭟ᬫᬶᬦᬓᬤᬶᬭᬶᬂᬭᬓᬦ᭄ᬥᬵ᭞ᬫᬗᬦ᭄ᬤᬶᬓᬵᬭᬶᬂᬧᬭᬧᬸᬢᬺᬱᬫᬶ᭞ᬤᬕᬶᬂᬳᬢᬹᬃᬳᬶᬤᬾᬯᬕᬸᬂ᭞ᬭᬶᬂᬳᬚᬶᬭᬓᬲᬫ᭄ᬬᬦ᭄᭞ᬭᬢᬸᬢᬶᬢ᭄ᬬᬂᬦᬯ᭄ᬕᬂᬧᬶᬲᬦ᭄ᬤᬾ
ᬯᬕᬸᬂ᭞ᬮᬶᬗ᭄ᬕᬶᬳᬶᬦ᭄ᬲᬫ᭄ᬧᬸᬦ᭄ᬫᬦᬸᬮᬓ᭄᭞ᬳᬢᬹᬃᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭟ᬤᬾᬯᬕᬸᬂᬳᬢᬸᬭᬶᬦ᭄ᬢᬶᬢ᭄ᬬᬂ᭞ᬫᬗ᭄ᬭᬯᬸᬳᬶᬦ᭄ᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬓᬲ᭄ᬢ᭄ᬭᬫᬸᬱ᭄ᬝᬧᬤᬾᬯᬕᬸᬂ᭞ᬲᬫᬦ᭄ᬤᬾᬭᬢᬸᬯᬶᬓᬦ᭄᭞ᬲᬋᬂᬲᬫ᭄ᬬᬦ᭄ᬳᬚᬶᬭᬓᬤᬶᬫ᭄ᬩᬮ᭄ᬩ᭄ᬭᬶᬬᬸᬓ᭄᭞ᬗ᭄ᬕᬶᬄᬢ᭄ᬬᬂᬗᬶᬤ᭄ᬧᬂᬧᬶᬲᬦ᭄᭞ᬦᬾᬦᬾᬫᬵ
ᬦᬶᬮ᭄ᬯᬲ᭄ᬳᭂᬫ᭄ᬕ᭄ᬕᬶᬄ᭟ᬧᬦ᭄ᬤᬶᬓᬵᬭᬶᬂᬧᬭᬧᬸᬢ᭄ᬭ᭞ᬫᬾᬦᬓᬕᬸᬂᬦᬾᬫᬦᬶᬚᬮᬸᬦ᭄ᬫᬸᬮᬶᬄ᭞ᬳᬧᬂᬧᬤᬦᬯᬂᬮᬯᬸᬢ᭄᭞ᬭᬾᬄᬤᬶᬢᬸᬓᬃᬫᬳᬸᬫᬄ᭞ᬧᬭᬧᬸᬢᬺᬓᬸᬭᬶᬧᬦ᭄ᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬤᬕᬶᬂᬤᬦᭂᬢᬸᬮᬓ᭄᭞ᬲᬕᬾᬢ᭄ᬤᬯᬸᬄᬮᬶᬫᬫᬗ᭄ᬓᬶᬦ᭄᭟ᬳᬦᬓ᭄ᬤᬲᬫᬶᬫᬜᭂᬫ᭄ᬩᬄ᭞ᬭᬶᬂᬳᬚᬶᬦ᭄ᬥᬵᬧ
ᬢᭂᬄᬢᬢᬸᬭᬾᬲᬫᬶ᭞ᬢᬶᬢ᭄ᬬᬂᬫᬧᬫᬶᬢ᭄ᬤᬾᬯᬕᬸᬂ᭞ᬳᬚᬶᬳᬚᬶᬦ᭄ᬥᬵᬲᬫ᭄ᬬᬦ᭄᭞ᬫᬗᬗ᭄ᬕᬸᬢᬶᬦ᭄ᬤᬳᬦᬓ᭄ᬤᬢ᭄ᬥᬸᬦ᭄‌ᬩ᭄ᬭᬶᬬᬸᬓ᭄᭞ᬤᬲᬂᬦᬵᬣᬫᬗ᭄ᬕᭂᬄᬲᬫ᭄ᬬᬦ᭄᭞ᬦᬾᬩᬸᬢ᭄ᬤᬸᬦ᭄ᬓᭀᬘᬧ᭄ᬫᬮᬶᬄ᭟ᬲᬫᬶᬜᬸᬚᬸᬃᬩᬮᬾᬫᬹᬃᬤ᭄ᬥᬵ᭞ᬧᬭᬳᬶᬲ᭄ᬢ᭄ᬭᬶᬤᬶᬕ᭄ᬥᭀᬂᬕ᭄ᬥᬄᬓᬭᬶ᭞ᬧᬤᬳᬲᬾᬯᬓᬓ [ 32 ][᭓᭑ 31B]
᭓᭑
ᬬᬸᬦ᭄᭞ᬗ᭄ᬮᬮᬸᬧᬸᬃᬤᬲᬂᬤ᭄ᬬᬄ᭞ᬤᬦᬾᬤᬶᬦᬶᬳᬶᬤᬾᬯᬕᬸᬂᬫᬥᬾᬳᬕᬸᬂ᭞ᬳᬭᬶᬦ᭄ᬤᬵᬚᭂᬚᭂᬮ᭄ᬲᬫ᭄ᬬᬦ᭄᭞ᬩᬶᬦ᭄ᬳᬧᬶᬲᬦ᭄ᬓᬤᬶᬭᬶᬳᬶᬦ᭄᭟ᬢᬦ᭄ᬓᬤᬶᬳᬶᬤ᭄ᬯᬕᬸᬂᬧᬸᬢᬺ᭞ᬮᬶᬦ᭄ᬢᬂᬚ᭄ᬭᬶᬄᬭᬾᬄᬳᬲᬾᬯᬓᬫᬗ᭄ᬓᬶᬦ᭄᭞ᬫᬳᬶᬦ᭄ᬤᬶᬄᬚ᭄ᬭᬶᬄᬳᬫᬸᬧᬸᬢ᭄᭞ᬭᬾᬄᬯᬶᬓᬦ᭄ᬭᬶᬂᬭᬓᬦ᭄ᬥᬵ᭞ᬮᬶᬦ᭄ᬢᬂᬰᬓ᭄ᬢᬶᬢ᭄ᬯᬭᬳᬤᬩᬦᬶᬫ
ᬕᬸᬢ᭄᭞ᬳᬶᬤᬾᬯᬕᬸᬂᬫᬥᬾᬫᬸᬗ᭄ᬕᬄ᭞ᬳᬭᬶᬦ᭄ᬤᬤᬶᬦᬢᬄᬲᬫᬶ᭟ᬢᬾᬓᭀᬃᬩ᭄ᬘᬢ᭄ᬫᬗᬢᬸᬭᬂ᭞ᬧᬶᬲᬮᬶᬦᬦ᭄ᬳᬶᬤ᭄ᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬯᬸᬲ᭄ᬫᬲᬮᬶᬦ᭄ᬳᬶᬤᬾᬯᬕᬸᬂ᭞ᬕ᭄ᬮᬶᬲ᭄ᬳᬶᬤᬵᬓᬯ᭄ᬤᬮ᭄᭞ᬲᬓᬶᬂᬓᬫᬃᬤᬶᬳᬫ᭄ᬩᬾᬦ᭄ᬫᬓᬸᬃᬱᬶᬧᬳᬸᬢ᭄᭞ᬲᬃᬯ᭄ᬯᬶᬫᬗᬓ᭄ᬱᬶᬳᬭᬶᬦ᭄ᬥᬵ᭞ᬤᬶᬦᬢᬄᬲᬫᬶᬫᬓᬸᬃᬱᬶ᭟ᬓᬧᬶᬦᭂᬄᬓ
ᬬᬸᬦ᭄ᬳᬭᬶᬦ᭄ᬤᬵ᭞ᬮᬶᬦ᭄ᬢᬂᬚ᭄ᬭᬶᬄᬓᬬᬸᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬫᬲᬗᬶᬦ᭄ᬳᬭᬶᬳᬶᬤ᭄ᬯᬕᬸᬂ᭞ᬧᬸᬢᬺᬱᬦᬾᬤᬸᬯᬸᬭᬦ᭄᭞ᬭᬾᬳᬶᬂᬫᬗ᭄ᬕᭂᬄᬓᬬᬸᬦ᭄ᬳᬶᬤᬦᬾᬓᬧᬶᬮᬸᬕ᭄᭞ᬭᬶᬂᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬤᬸᬳᬸᬭᬦ᭄ᬧᬰ᭄ᬘᬢ᭄‌ᬗ᭄ᬮᬾᬤᬗᬶᬦ᭄᭟ᬭᬓᬦ᭄ᬥᬵᬕ᭄ᬮᬶᬲ᭄ᬫᬫᬲᬂ᭞ᬤᬕᬶᬂᬫᬦ᭄ᬢ᭄ᬭᬓ᭄ᬦᬶᬳᬭᬶᬦ᭄ᬤᬯ᭄ᬬᬓ᭄ᬢ᭄ᬢᬶ᭞ᬚ᭄ᬭᬶᬄᬤᬶᬧᬫ᭄ᬩ᭄ᬬᬭᬦ᭄ᬢᬸᬳᬸ᭞
ᬧᬸᬭᬸᬦ᭄ᬤᬶᬚ᭄ᬭᭀᬦᬶᬂᬢᬶᬮᬫ᭄᭞ᬯᬸᬲ᭄ᬓᬢᬶᬩᬳᬭᬶᬦ᭄ᬤᬵᬳᬶᬤᬵᬳᬶᬤ᭄ᬯᬕᬸᬂ᭞ᬧᬸᬢᬺᬭᬓᬦ᭄ᬥᬵᬗᬦ᭄ᬤᬶᬓᬵ᭞ᬭᬶᬂᬳᬶᬤᬵᬳᬭᬶᬦ᭄ᬥᬵᬲᬫᬶ᭟ᬫᬾᬦᬓᬕᬸᬂᬚᬓ᭄ᬫᬓ᭄ᬚᬂ᭞ᬢᬢᬲ᭄ᬳᭀᬯᭀᬦ᭄ᬓᬬᬸᬦ᭄ᬲᬂᬓᬮᬶᬄᬩ᭄ᬯᬶᬦ᭄᭞ᬓ᭄ᬫᬫᬸᬮᬶᬄᬧᬤᬳ᭄ᬩᬸᬓ᭄᭞ᬳᬧᬂᬫᬳᬦ᭄ᬫᬢᭂᬕ᭄ᬢᭂᬕᬦ᭄᭞ᬫᬮᬶᬄᬳᬶᬤᬵᬫᬗᬦ᭄ᬤᬶᬓᬵᬫ
[᭓᭒ 32A]
ᬦᬶᬲ᭄ᬳᬮᬸᬲ᭄᭞ᬜ᭄ᬚᭀᬃᬢᬸᬤᬾᬅᬫᬳᬶᬫ᭄ᬦᬾᬓᬦ᭄᭞ᬳᬭᬶᬦ᭄ᬤᬵᬫᬜᭂᬫ᭄ᬩᬄᬲᬫᬶ᭟ᬦᬾᬓᬓᬮᬶᬄᬲᬫ᭄ᬧᬸᬦ᭄ᬩᬸᬤᬮ᭄᭞ᬳᬶᬤᬾᬯᬕᬸᬂᬮᬦᬂᬳᬶᬤ᭄ᬯᬕᬸᬂᬭᬳᬶ᭟ᬧᬺᬧᬸᬢ᭄ᬭᬦ᭄ᬤᬗᬶᬭᬶᬂᬩ᭄ᬭᬶᬬᬸᬓ᭄᭞ᬫᬶᬦᬓᬤᬶᬢᬾᬓᭀᬃᬳᬶᬤᬵ᭞ᬲᬵᬫ᭄ᬧᬸᬦ᭄ᬭᬯᬸᬄᬲᬫᬶᬗᬸᬗ᭄ᬲᬶᬳᬸᬗ᭄ᬕ᭄ᬯᬦ᭄ᬲᬵᬫ᭄ᬧᬸᬦ᭄᭞ᬓᬮᬶᬄᬲᬵᬫ᭄ᬧᬸᬦ᭄ᬫᬲ
ᬮᬶᬦᬦ᭄᭞ᬧᬭᬧᬸᬢ᭄ᬭᬫᬶᬦᬓᬤᬶ᭟ᬯᬸᬲ᭄ᬧᬤᬫᬺᬫᬺᬫᬦ᭄᭞ᬳᬶᬤᬾᬯᬕᬸᬂᬧᬸᬢᬺᬓᬮᬶᬄᬦᬾᬫᬗ᭄ᬓᬶᬦ᭄᭞ᬯᬸᬲ᭄ᬜᭂᬫ᭄ᬩᬄᬫᬸᬗ᭄ᬕᬄᬳᬶᬤ᭄ᬯᬕᬸᬂ᭞ᬭᬓᬦ᭄ᬥᬵᬗᬫ᭄ᬩᬶᬮ᭄ᬢᬗᬦ᭄᭞ᬓᬮᬶᬄᬫᬳᬭᬲᬭᬓ᭄‌ᬲᬯᬯᬵᬧᬢᬸᬢ᭄᭞ᬲᬃᬯ᭄ᬯᬶᬳᬶᬤᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬲᬂᬯᬶᬭᬓᬮᬶᬄ᭟ᬫᬾᬓᬕᬸᬂᬢ᭄ᬬᬗᬾᬳᬶᬤᬵ᭞ᬫᬲᬮᬶᬦᬦ᭄ᬓᬫ᭄ᬩᭂᬦ᭄
ᬲᬬᬂᬦᬾᬚᬦᬶ᭞ᬚᬮᬦ᭄ᬮᬳᬸᬢ᭄ᬓᬕᬸᬂᬳ᭄ᬩᬸᬓ᭄᭞ᬳᬄᬢ᭄ᬬᬂᬳᭀᬯᭀᬦ᭄ᬧᬶᬲᬦ᭄᭞ᬳᬭᬶᬓᬮᬶᬄᬗᭂᬳᭂᬤᬂᬫᬗ᭄ᬭᬜ᭄ᬚᬶᬂᬲᬵᬫ᭄ᬧᬸᬦ᭄᭞ᬳᬦ᭄ᬢᭂᬦᬃᬗ᭄ᬭᬜ᭄ᬚᬶᬂᬫᬦ᭄ᬢᬸᬓᬦ᭄᭞ᬧᬳᬸᬢ᭄ᬗᬢᬸᬭᬂᬧᬶᬲᬮᬶᬦ᭄᭟ᬧᬶᬲᬮᬶᬦ᭄ᬳᬦᬸᬢ᭄ᬳᬦᬸᬢᬦ᭄᭞ᬯᬲ᭄ᬢ᭄ᬭᬦ᭄ᬳᬶᬤᬵᬳᬶᬤ᭄ᬯᬕᬸᬂᬧᬸᬢ᭄ᬭᬓᬮᬶᬄ᭞ᬋᬫ᭄ᬩᬂᬓᬘᬶᬬᬮ᭄ᬫᬲᬭᬸᬂ᭞ᬧ᭄ᬓᭂᬓ᭄ᬩᬓ᭄ᬬᬓ᭄
ᬲᬯᬯᬵ᭞ᬢᬦ᭄ᬧᬓ᭄ᬯᬘ᭄ᬙᬵᬢᬦ᭄ᬧᬤᬸᬃᬤᬲ᭄ᬢᬃᬮᬶᬦ᭄ᬢᬂᬧᬢᬸᬢ᭄᭞ᬭᬾᬄᬳᬬᬢ᭄ᬢᬕᬸᬮᬶᬂᬳᬶᬤᬵ᭞ᬓᬦ᭄ᬢᭂᬦ᭄‌ᬘᬃᬫ᭄ᬫᬦ᭄ᬳᬶᬤᬵᬕᬤᬶᬂ᭟ᬧᬤᬫᬯᬓᬫ᭄ᬮᬳᬦ᭄᭞ᬳᬶᬤᬾᬯᬕᬸᬂᬧᬸᬢ᭄ᬭᬲᬦᬾᬓᬓᬮᬶᬄ᭞ᬦᬗ᭄ᬳᬶᬂᬓᬲᭀᬃᬳᬶᬤᬾᬯᬕᬸᬂ᭞ᬳᬭᬶᬦ᭄ᬤᬵᬓᬫᬦᬶᬲᬦ᭄᭞ᬦᬾᬤᬸᬳᬸᬭᬦ᭄ᬫᬸᬲ᭄ᬮᬸᬧᬸᬢ᭄ᬭᬶᬦᬸᬯᬸᬲ᭄ [ 33 ][᭓᭒ 32B]
᭓᭒
ᬧᬢᬸᬢ᭄᭞ᬳᬘᬸᬫᬘᬸᬫ᭄ᬗᬯᬾᬭᬕᬦ᭄᭞ᬳᬓ᭄ᬱᬶᬫᬦᬶᬲ᭄ᬗᬸᬳᬗᬸᬦᬶᬦ᭄᭟ᬲᬶᬭᬵᬢ᭄ᬫᬬᬦᬾᬫᬩ᭄ᬗᬤ᭄‌᭞ᬗᬯᬾᬧᬮᬶᬂᬓᬮᬶᬄᬲᬫᬫᬍᬗᬶᬲ᭄᭞ᬲᬲᭀᬮᬄᬳᬶᬤᬵᬗᬯᬾᬓᬸᬂ᭞ᬧᬧᬲᭀᬦ᭄ᬫᬦᬶᬲ᭄ᬕᭂᬢᬃ᭞ᬲᬬᬦ᭄ᬲᬬᬦ᭄ᬓᬬᬸᬦ᭄ᬳᬶᬤᬦᬾᬳᬶᬤ᭄ᬯᬕᬸᬂ᭞ᬫᬥᬾᬳᬰᬶᬄᬢᬸᬃᬜᬬᬗᬂ᭞ᬤᬵᬳᬭᬶᬦ᭄ᬤᬵᬓ
ᬲᭀᬃᬯ᭄ᬬᬓ᭄ᬢᬶ᭟ᬓᬮᬶᬄᬓᬬᬸᬦ᭄ᬳᬭᬶᬦ᭄ᬤᬵ᭞ᬯᬸᬲ᭄ᬫᬕᭂᬦ᭄ᬢᭀᬲ᭄‌ᬭᬾᬄᬓ᭄ᬦᬫᬦ᭄ᬢ᭄ᬭᬰᬶᬤ᭄ᬥᬶ᭞ᬥᬵᬭᬓᬦ᭄ᬥᬵᬯᬸᬲ᭄ᬢᬸᬫ᭄ᬓᬸᬮ᭄᭞ᬭᬾᬄᬓᬕᬸᬂᬍᬩᬶᬄᬲᬬᬂ᭞ᬩᬳᬦ᭄ᬢ᭄ᬬᬂᬓᬾᬯᬮᬧᬢᬸᬳᬂᬓᬕᬸᬂ᭞ᬓᬾᬦ᭄ᬜᬫᬭᬾᬄᬢᬢ᭄ᬯᬶᬬᬦ᭄᭞ᬤᬵᬳᬭᬶᬦ᭄ᬤᬵᬫᬓᬓᬮᬶᬄ᭟ᬫ᭄ᬓᬸᬮ᭄‌ᬭᬕᬵᬫᬍᬲ᭄ᬗᬭᬲ᭄᭞ᬭ
ᬢᬸᬤ᭄ᬯᬕᬸᬂᬢᬶᬢ᭄ᬬᬂᬢ᭄ᬮᬲᬳᬶᬭᬶᬂ᭞ᬓᬤᬶᬯᬘᬦᬦ᭄ᬤᬾᬯᬕᬸᬂ᭞ᬧᬸᬦᬶᬓᬵᬢᬸᬦᬲ᭄ᬢᬶᬢ᭄ᬬᬂ᭞ᬤᬵᬳᬭᬶᬦ᭄ᬤᬵᬤᬸᬳᬸᬭᬦ᭄ᬫᬮᬶᬄᬢᬸᬫ᭄ᬓᬸᬮ᭄᭞ᬳᬢᬸᬃᬗ᭄ᬢᬸᬲ᭄ᬓᬬᬸᬦ᭄ᬳᬶᬤᬵ᭞ᬤᬾᬯᬕᬸᬂᬧᬶᬬᬃᬱᬳᬶᬗ᭄ᬕᬶᬄ᭟ᬳᬢᬸᬃᬢᬶᬢ᭄ᬬᬂᬳᬶᬓ᭄ᬮᬭᬦ᭄᭞ᬤᬸᬭᬸᬂᬢᬸᬢᬸᬕ᭄ᬳᬶᬤᬵᬭᬓᬦ᭄ᬥᬵᬕ᭄ᬮᬶᬲ᭄᭞ᬳᬭᬶᬦ᭄ᬥᬵᬓ᭄ᬦᬶᬫᬲ
ᬳᬸᬧ᭄᭞ᬲᬂᬓᬮᬶᬄᬫᬧᬺᬫᬂ᭞ᬓᬕᬸᬬᬗᬶᬦ᭄ᬳᬭᬶᬦ᭄ᬤᬵᬳᬮᬶᬢᬦ᭄‌ᬫ᭄ᬓᬸᬮ᭄᭞ᬲᬃᬯ᭄ᬯᬶᬗᬭᬲ᭄ᬫᬢᬸᬃᬳᬶᬤᬵ᭞ᬤᬾᬯᬕᬸᬂᬢᬶᬢ᭄ᬬᬂᬫᬧᬫᬶᬢ᭄᭟ᬧᬘᬂᬫᬦ᭄ᬢᬸᬓ᭄‌ᬳᬚᭂᬧᬶᬲᬦ᭄᭞ᬭᬾᬳᬶᬂᬩᬾᬜ᭄ᬚᬂᬢᬶᬢ᭄ᬬᬂᬫᬦᬸᬳᬸᬃᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬓ᭄ᬦᬶᬫᬦ᭄ᬢᬸᬓ᭄᭞ᬲᬫᬶᬓᬲ᭄ᬢ᭄ᬭᬫᬸᬱ᭄ᬝᬧᬵ᭞ᬫᬳ
[᭓᭓ 33A]
ᬯᬶᬦᬦᬫᬗ᭄ᬓᬶᬦ᭄ᬢᬶᬢ᭄ᬬᬂᬭᬵᬢᬸᬤ᭄ᬯᬕᬸᬂ᭞ᬧᬘᬂᬫᬦ᭄ᬢᬸᬓ᭄ᬫᬤᬳ᭄ᬤᬩᬦ᭄᭞ᬩᬾᬜ᭄ᬚᬂᬧᬘᬂᬫᬫᭂᬦ᭄ᬤᬓᬶᬦ᭄᭞ᬕᬸᬂᬳᬦᭀᬫ᭄ᬧᬫᬶᬢᬂᬢᬶᬢ᭄ᬬᬂ᭞ᬤᬵᬭᬓᬦ᭄ᬥᬵᬗᬭᬲ᭄‌ᬲᬃᬯ᭄ᬯᬦᬶᬫ᭄ᬩᬮᬶᬦ᭄᭞ᬦᬄᬬᬾᬦ᭄‌ᬓᬾᬢᭀᬳᬦᬓᬕᬸᬂ᭞ᬤᭀᬂᬓ᭄ᬫᬫᬤᬩ᭄ᬤᬩᬦ᭄᭞ᬫᬶᬦᬓᬤᬶᬫᭂᬧᬫᬶᬢ᭄ᬭᬶᬂᬳᬚᬶᬅᬫᬮᬸ᭞ᬳᬭᬶᬦ᭄ᬤᬵ
ᬲᬳᬶᬭᬶᬂᬜᭂᬫ᭄ᬩᬄ᭞ᬭᬶᬂᬭᬓᬵᬫᬜᭂᬫ᭄ᬩᬄᬫᬮᬶᬄ᭟ᬭᬶᬂᬭᬓᬵᬳᬶᬤ᭄ᬯᬕᬸᬂᬧᬸᬢᬺ᭞ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬤᬯᭂᬕ᭄ᬫᬧᬫᬶᬢ᭄᭞ᬫᬗ᭄ᬭᬶᬳᬶᬦᬶᬦ᭄ᬫᬦ᭄ᬢᬸᬓ᭄‌ᬤ᭄ᬯᬕᬸᬂ᭞ᬦᬾᬩᬾᬜ᭄ᬚᬂᬢᬶᬢ᭄ᬬᬂᬫᭂᬦ᭄ᬤᬓ᭄᭞ᬤᬵᬭᬓᬦ᭄ᬥᬵᬦᬶᬫ᭄ᬩᬮ᭄ᬳᬭᬶᬲᬃᬯ᭄ᬯᬶᬫ᭄ᬓᬸᬮ᭄᭞ᬫᬾᬳᬢᬸᬤᬾᬅ᭄ᬜᬫᬦ᭄ᬢ᭄ᬬᬂ᭞ᬗ᭄ᬕᬶᬫᬸᬮᬶᬄᬦᬓᬕᬸᬂᬚᬦᬶ᭟
ᬓᬾᬯᬮᬫᬦᬶᬳᬶᬗ᭄ᬢᬂ᭞ᬜᭂᬦ᭄ᬤᬵᬧᬶᬲᬦ᭄ᬢ᭄ᬯᬭᬧᬘᬂᬫᬧᬕᬶᬦ᭄‌᭞ᬤᬵᬳᬭᬶᬦ᭄ᬤᬵᬜᭂᬫ᭄ᬩᬄᬫᬢᬸᬃ᭞ᬢᬶᬢ᭄ᬬᬂᬲᬳᬶᬭᬶᬂᬧᬶᬲᬦ᭄᭞ᬳᬶᬤᬾᬯᬕᬸᬂᬫᬸᬲ᭄ᬢᬧᬵᬓᬯ᭄ᬤᬮ᭄ᬲᬫ᭄ᬧᬸᬦ᭄‌᭞ᬗᬦ᭄ᬤᬶᬓᬵᬓᬾᬦ᭄ᬧᬭᬧᬸᬢᬺ᭞ᬧᬭᬧᬸᬢᬺᬱᬓᬶᬂᬩᬮᬶ᭟ᬦᬓᬕᬸᬂᬳᬶᬤᬵᬫᬓ᭄ᬚᬂ᭞ᬳᬫ᭄ᬧᬸᬭᬦᬄᬢ᭄ᬬᬂᬗᬮᬳᬶᬦ᭄ᬫᬸᬮᬶᬄ᭞ᬧ
ᬭᬧᬸᬢᬺᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬢᬦ᭄ᬓᬤᬶᬲᬦᬾᬧᬢ᭄ᬧᬢ᭄᭞ᬦᬾᬦᬾᬧ᭄ᬘᬓ᭄ᬧᬭᬧᬸᬢ᭄ᬭᬦ᭄ᬳᬶᬤᬵᬫᬮᬸ᭞ᬫᬗ᭄ᬕᭂᬄᬳᬰᬶᬄᬓᬸᬮᬗᬸᬦᬦ᭄᭞ᬫᬓᬬᬸᬦ᭄ᬫᬋᬓᬦ᭄ᬫᬮᬶᬄ᭟ᬳᬢᬸᬃᬳᬶᬤᬵᬲᬮᬶᬂᬢᬶᬫ᭄ᬩᬮ᭄᭞ᬭᬵᬢᬸᬤ᭄ᬯᬕᬸᬂᬢᬶᬢ᭄ᬬᬂᬤᬯᭂᬕ᭄ᬫᬗᬶᬭᬶᬂ᭞ᬳᬶᬤᬾᬯᬕᬸᬂᬲᬾᬗᭂᬄᬲᬵᬫ᭄ᬧᬸᬦ᭄᭞ᬭᬶᬂᬧᬧᬶ [ 34 ][᭓᭓ 33B]
᭓᭓
ᬦᭂᬄᬦᬾᬧᬢ᭄ᬧᬢ᭄᭞ᬤᬸᬭᬸᬂᬮᬸᬧ᭄ᬢᬫᬗ᭄ᬕᭂᬄᬳᬶᬤᬦᬾᬭᬶᬂᬓᬬᬸᬦ᭄᭞ᬦᬗ᭄ᬳᬶᬂᬜᬭᬸᬜᬭᬸᬳᬶᬤᬵ᭞ᬦᬶᬫ᭄ᬩᬮ᭄ᬦᬾᬦ᭄ᬢᭂᬦ᭄ᬲᬓᬶᬂᬋᬥᬶ᭟ᬫᬾᬫᬦᬓᬕᬸᬂᬳᬚᬶᬦᬬᬦ᭄᭞ᬲᬵᬫ᭄ᬧᬸᬦ᭄ᬳᬤᬳᭀᬮᬲ᭄ᬦᬸᬢᬸᬢᬶᬦ᭄ᬫᬸᬮᬶᬄ᭞ᬦᬾᬳᬧᬂᬦᬓᬕᬸᬂᬢᬳᬸ᭞ᬲᬃᬯᬶᬳᬶᬤᬵᬗᬦ᭄ᬤᬶᬓᬵ᭞ᬭᬶᬂᬧᬺᬧᬸᬢ᭄ᬭᬦ᭄ᬳᬶᬤᬦᬾᬳᬶᬤ
ᬳᬶᬤ᭄ᬯᬕᬸᬂ᭞ᬧ᭄ᬭᬧᬸᬢ᭄ᬭᬦ᭄ᬥᬵᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬫᬕᬾᬩ᭄ᬭᬲ᭄ᬫᬳᬗᬶᬲᬫᬶ᭟ᬧᬤᬩᬕᬸᬲ᭄ᬳᬍᬧ᭄ᬲᬫ᭄ᬬᬦ᭄᭞ᬯᬸᬲ᭄‌ᬫ᭄ᬬᬃᬱᬫᭂᬧᭂᬲ᭄ᬧᬺᬢᬫᬓᬮᬶᬲ᭄᭞ᬳᬶᬤᬾᬯᬕᬸᬂᬗᬦ᭄ᬤᬶᬓᬵᬳᬮᬸᬲ᭄᭞ᬓᬃᬫᬸᬮᬶᬄᬦᬄᬫᬤᬩ᭄ᬤᬩ᭄᭞ᬧᬭᬧᬸᬢ᭄ᬭᬦ᭄ᬳᬶᬤᬦᬾᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬧᬭᬧᬸᬢ᭄ᬭᬩᬮᬶᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬲᬾ
ᬗᭂᬄᬳᭂᬗ᭄ᬲᭂᬓ᭄ᬱᬫᬶ᭟ᬭᬶᬂᬓᬬᬸᬦ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬭᬶᬂᬫᬸᬲ᭄ᬢᬧᬵᬗᬶᬮᬶᬗᬂᬲᬦᬾᬗᬸᬦᬶ᭞ᬫᬳᬯᬶᬦᬦ᭄ᬫᬾᬦ᭄ᬢᭂᬦ᭄ᬓᬬᬸᬦ᭄᭞ᬳᬶᬤᬵᬧᬘᬂᬗᬶᬭᬶᬗᬂ᭞ᬫᬳᬯᬶᬦᬦ᭄ᬧᬺᬧᬸᬢ᭄ᬭᬲᭂᬲᭂᬓ᭄ᬭᬶᬂᬓᬬᬸᬦ᭄᭞ᬲᬫᬶᬗᬸᬦ᭄ᬢᬸᬓ᭄ᬗᭂᬫ᭄ᬩᭂᬂᬯᬲ᭄ᬧᬵ᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬢᬸᬃᬫᬮᬶᬄ᭟ᬳᬶᬤ᭄ᬯᬕᬸᬂᬧᬸᬢᬺᬗᬧᬸᬭᬶᬬᬂ᭞ᬧᬺᬧᬸᬢ᭄ᬭᬦ᭄ᬤᬵᬫᬩ᭄ᬭᬶ
ᬬᬸᬓ᭄ᬗᬶᬭᬶᬂᬲᬫᬶ᭞ᬤᬶᬕ᭄ᬥᭀᬂᬕ᭄ᬥᬄᬯᬸᬲ᭄ᬭᬯᬸᬄ᭞ᬢᬗ᭄ᬓᬶᬮᬦ᭄ᬤᬵᬳᬚᬶᬦ᭄ᬥᬵ᭞ᬧᬘᬂᬜᬸᬚᬸᬃᬳᬚᬶᬦ᭄ᬥᬵᬮᬾᬤᬂᬓ᭄ᬮᬗ᭄ᬓᬸᬂ᭞ᬤᬵᬳᬦᬓ᭄ᬤᬵᬜᭀᬗ᭄ᬓᭀᬓ᭄ᬜᭂᬫ᭄ᬩᬄ᭞ᬳᬚᬶᬩ᭄ᬬᬂᬫᬗᬗ᭄ᬕᬸᬢᬶᬦ᭄᭟ᬤᬵᬳᬦᬓ᭄ᬤᬵᬕ᭄ᬮᬶᬲ᭄ᬫᬸᬗ᭄ᬕᬄ᭞ᬤᬵᬳᬦᬓ᭄ᬤᬵᬜᭂᬫ᭄ᬩᬄᬫᬳᬢᬸᬃᬫᬮᬶᬄ᭞ᬢᬶᬢ᭄ᬬᬂᬫᬧᬫᬶᬢ᭄ᬤᭂᬯᬕᬸᬂ᭞ᬫ
[᭓᭔ 34A]
ᬦ᭄ᬢᬸᬓ᭄ᬧᬘᬂᬓᬩ᭄ᬤᬩᬂ᭞ᬦᬾᬦᬾᬩᬾᬜ᭄ᬚᬂᬢᬶᬢ᭄ᬬᬂᬫᭂᬦ᭄ᬤᬓᬶᬦ᭄ᬤᬾᬯᬕᬸᬂ᭞ᬳᬶᬤᬵᬦᬜ᭄ᬘᭀᬓᭀᬃᬳᬶᬤᬾᬯ᭞ᬧᬫᬶᬢᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬳᬶᬓᬦᭀᬂᬧᬘᬂᬦᬩ᭄ᬤᬩᬂ᭞ᬳᬚᬶᬩ᭄ᬬᬂᬫᬩ᭄ᬭᬶᬬᬸᬓ᭄ᬫᬗᬗ᭄ᬕᬸᬢᬶᬦ᭄᭞ᬲᬂᬓᬮᬶᬄᬲᬫᬶᬫᬫᬢᬸᬢ᭄᭞ᬳᬶᬤᬵᬳᬶᬤ᭄ᬯᬕᬸᬂᬩ᭄ᬬᬂ᭞ᬭᬶᬂᬓᬸᬭᬶᬧᬦ᭄ᬫᬦ᭄ᬢᬸᬓ᭄ᬥᬵᬓᬤᬯᬸᬄ
ᬲᬵᬫ᭄ᬧᬸᬦ᭄᭞ᬳᬶᬓᬦᭀᬂᬕᭂᬕᭂᬲ᭄ᬢᬦ᭄ᬧᬲᬄ᭞ᬫᬮᬶᬄᬳᬶᬋᬋᬱ᭄ᬝᬦ᭄ᬫᬭᬶ᭟ᬫᬦ᭄ᬢᬸᬓ᭄ᬤᬵᬕ᭄ᬮᬶᬲᬜᭂᬫ᭄ᬩᬄ᭞ᬭᬾᬄᬫᬧᬫᬶᬢ᭄ᬭᬶᬂᬩ᭄ᬬᬂᬭᬓᬵᬳᬚᬶ᭞ᬲᬫᬶᬗᬗ᭄ᬕᬸᬢᬶᬦ᭄ᬫᬩ᭄ᬭᬶᬬᬸᬓ᭄᭞ᬯᬸᬲ᭄‌ᬓᭀᬤᬮ᭄ᬕᬕ᭄ᬮᬶᬲᬦ᭄᭞ᬯᬸᬲ᭄ᬤᬶᬚᬩᬕ᭄ᬮᬶᬲ᭄ᬫᬗᬸᬗ᭄ᬕᬳᬶᬦ᭄ᬲᭂᬧᬸᬃ᭞ᬧᬺᬧᬸᬢ᭄ᬭᬶᬓᬮᬶᬄᬧᬺᬧᬸᬢᬺ᭞ᬫᬸᬗ᭄ᬕᬄᬲᬧ
ᬗᬶᬭᬶᬂᬲᬫᬶ᭟ᬧᬫᬃᬕ᭄ᬕᬶᬦ᭄‌ᬲ᭄ᬧᬸᬃᬲᬢ᭄ᬫᭂᬲᬢ᭄᭞ᬢᬦ᭄ᬓᭀᬘᬧᬳᬶᬤᬵᬤᬶᬫᬃᬕ᭄ᬕᬶᬯ᭄ᬬᬓ᭄ᬢᬶ᭞ᬳᬶᬫᬸᬱ᭄ᬝᬧᬵᬲᬵᬫ᭄ᬧᬸᬦ᭄ᬭᬯᬸᬄ᭞ᬯᬸᬲ᭄ᬢᭂᬤᬸᬦ᭄ᬤᬶᬩᬜ᭄ᬘᬶᬗᬄ᭞ᬧᬭᬳᬶᬲ᭄ᬢ᭄ᬭᬶᬓᬧᬸᬭᬶᬲᬵᬫ᭄ᬧᬸᬦ᭄ᬫᬩ᭄ᬭᬶᬬᬸᬓ᭄᭞ᬳᬶᬤᬾᬯᬕᬸᬂᬧᬸᬢᬺᬳᬶᬤᬵ᭞ᬤᬶᬩᬜ᭄ᬘᬶᬗᬄᬓᬭᬶᬫ᭄ᬮᬶᬗ᭄ᬕᬶᬄ᭟ᬕ᭄ᬮᬶᬲ᭄ᬳᬶᬤ᭄ᬯᬕᬸᬂᬦ᭄ᬤᬯᬸ
ᬳᬂ᭞ᬯᬢᭂᬓ᭄ᬤᬶᬲ᭄ᬢ᭄ᬭᬶᬓ᭄ᬱᬫᬦ᭄ᬤᬾᬗᭂᬦᬄᬫᬗ᭄ᬓᬶᬦ᭄᭞ᬓᬮᬶᬄᬦᬮᬶᬧᬸᬦ᭄ᬧᬺᬭᬵᬢᬸ᭞ᬓ᭄ᬦᬶᬗᭂᬦᬄᬦᬾᬩᬾᬜ᭄ᬚᬂ᭞ᬢᬦ᭄ᬓᭀᬘᬧᬧᬸᬗ᭄ᬕᬯᬦᬗ᭄ᬓᬶᬮ᭄ᬫᬩ᭄ᬭᬶᬬᬸᬓ᭄᭞ᬓᬮᬶᬄᬧᬺᬭᬵᬢᬸᬲᬫ᭄ᬬᬦ᭄᭞ᬧᬤᬫᬤᬩ᭄ᬤᬩᬦ᭄ᬫᬗ᭄ᬓᬶᬦ᭄᭟ᬯᬸᬲᬫᬶᬫᬸᬗ᭄ᬕᬄᬓᬓᬧᬮ᭄᭞ᬦᭂᬂᬤᬶᬓᬧᬮ᭄ᬤᬶᬫᬸᬱ᭄ᬝᬧᬦᬾ [ 35 ][᭓᭔ 34B]
᭓᭔
ᬚᬦᬶ᭞ᬢᬗ᭄ᬓᬶᬮᬦ᭄ᬳᬶᬤ᭄ᬯᬕᬸᬂᬧ᭄ᬦᬸᬄ᭞ᬧᬸᬗ᭄ᬕᬯᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬫᬗ᭄ᬮᬸᬗ᭄ᬲᬸᬭᬂᬳᬯᬦᬦ᭄ᬲᬫᬶᬓᬤᬯᬸᬄ᭞ᬳᬶᬤᬾᬯᬕᬸᬂᬳᬮᬸᬲ᭄ᬦᬫ᭄ᬩᬮ᭄᭞ᬫᬤᬃᬢ᭄ᬢᬵᬓᬦ᭄ᬤᬦᬾᬲᬫᬶ᭟ᬓᬮᬶᬄᬳᬬᬢ᭄ᬭᬯᬸᬄᬩᬾᬜ᭄ᬚᬂ᭞ᬲᬃᬯ᭄ᬯᬶᬳᬶᬤᬵᬦᬯᬸᬳᬶᬦ᭄ᬫᬗ᭄ᬯᬶᬮᬗᬶᬦ᭄᭞ᬲᬫᬦ᭄ᬤᬾᬳᬕ᭄ᬭᬶᬫᬳᬸᬦ᭄ᬤᬸᬓ᭄᭞ᬭᬾᬄᬳᬶ
ᬤᬵᬫᬫᭀᬩᭀᬢᬂ᭞ᬓᬮᬶᬄᬦᬾᬦᬾᬗᬋᬧᬶᬦ᭄ᬓᭀᬧᬶᬧᬂᬧᬳᬸᬢ᭄᭞ᬫᬮᬶᬄᬳᬶᬤᬵᬫᬦᬯᬸᬳᬂ᭞ᬓ᭄ᬦᬶᬫᬢ᭄ᬮᬄᬦᬾᬫᬗ᭄ᬓᬶᬦ᭄᭟ᬓᬮᬶᬄᬓ᭄ᬦᬶᬫᬩᬄᬳᬩᬄ᭞ᬧᬲᬗ᭄ᬕ᭄ᬭᬳᬦ᭄ᬳᬶᬤᬵᬳᬶᬤ᭄ᬯᬕᬸᬂᬲᬫᬶ᭞ᬲᬯᬯᬵᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄᭞ᬢᬦ᭄ᬓᭀᬘᬧ᭄ᬲᬺᬕᭂᬧ᭄ᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬗᬧᬸᬭᬶᬳᬶ
ᬤᬵᬳᬶᬤ᭄ᬯᬕᬸᬂ᭞ᬢᬗ᭄ᬓᬶᬮᬦ᭄‌ᬩᬸᬩᬃᬲᬫ᭄ᬬᬦ᭄᭞ᬕᬭᬯᬮᬦᬦ᭄ᬫᬦ᭄ᬢᬸᬓ᭄ᬫᬗᬶᬦ᭄᭟ᬭᬾᬄᬧᬘᬂᬳᬶᬚᭂᬓᬮᬶᬦ᭄ᬢᬂ᭞ᬦᭂᬂᬦᬾᬳᬶᬚᭂᬓ᭄ᬤᬶᬧᬸᬭᬶᬓᭀᬘᬧ᭄ᬫᬗ᭄ᬓᬶᬦ᭄᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬲᬫ᭄ᬧᬸᬦ᭄᭞ᬫᬦᬩ᭄ᬤᬩ᭄ᬧᬦᬫ᭄ᬩ᭄ᬭᬫ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬸᬧᬓᬭᬲᬺᬕᭂᬧ᭄ᬲᬫ᭄ᬧᬸᬦ᭄᭞ᬦᬾᬤᬶᬦᬶᬫᬮᬸᬳ᭄ᬦᭂᬗᬂ᭞ᬤᬶᬫᬜ᭄ᬘ᭄ᬬᬸ
ᬩ᭄ᬯᬶᬦ᭄ᬩᬮᬶᬓᬶᬦ᭄᭟ᬳᬶᬤᬵᬦᬾᬤᬶᬩᬮᬾᬫᬹᬃᬤ᭄ᬥᬵ᭞ᬤᬵᬲᬂᬓᬮᬶᬄᬳᬶᬤ᭄ᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬗᬭᬲ᭄ᬳᬭᬶᬗᬦ᭄ᬤᬶᬓᬵᬳᬮᬸᬲ᭄᭞ᬓᬕᬸᬂᬢ᭄ᬬᬗᬾᬲᬬᬂ᭞ᬦᬄᬓᬾᬕ᭄ᬮᬸᬢ᭄ᬬᬂᬓ᭄ᬬᬧ᭄ᬳᬦᬓᬕᬸᬂ᭞ᬓᬮᬶᬄᬗ᭄ᬕᬶᬄᬧᬸᬍᬲᬂᬢ᭄ᬬᬂ᭞ᬤᬵᬳᬭᬶᬦ᭄ᬥᬵᬓᬤᬶᬫᬗ᭄ᬓᬶᬦ᭄᭟ᬭᬾᬳᬶᬂᬚ᭄ᬭᬶᬄᬢᬦ᭄ᬧᬫ᭄ᬗᬦ᭄᭞ᬓ᭄ᬭᬡᬧᬸ
[᭓᭕ 35A]
ᬭᬦ᭄ᬢᬸᬢᬸᬢ᭄ᬫᬫ᭄ᬓᬸᬮ᭄ᬲᬃᬯ᭄ᬯᬶ᭞ᬗᬭᬲ᭄ᬫᬢᬸᬃᬗ᭄ᬢᬸᬲ᭄ᬓᬬᬸᬦ᭄᭞ᬗᬰᬶᬳᬲᬶᬄᬫᬗᬸᬲᬧ᭄᭞ᬲᬵᬫ᭄ᬧᬸᬦ᭄ᬫᭂᬗ᭄ᬕᬄᬭᬶᬂᬢᬶᬢ᭄ᬬᬂᬪᬝᬵᬭᬳᬕᬸᬂ᭞ᬢᬶᬢ᭄ᬬᬂᬓᬤᬶᬮᬸᬘᬸᬧᬶᬲᬦ᭄᭞ᬧ᭄ᬭᬲᬗ᭄ᬕᬵᬗᬶᬮᭀᬤᬾᬫᬗ᭄ᬓᬶᬦ᭄᭟ᬭᬾᬄᬤᬾᬯᬕᬸᬂᬮᬶᬦ᭄ᬢᬂᬲ᭄ᬯᬾᬘ᭄ᬙᬵ᭞ᬗᬯᬸᬮᬬᬂᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄᬤᬾᬯᬕᬸᬂ᭞
ᬲᬯᬾᬘᬦᬾᬭᬶᬂᬢᬶᬢ᭄ᬬᬂ᭞ᬫᬳᬯᬶᬦᬦ᭄ᬢᬶᬢ᭄ᬬᬂᬮᭀᬩᬵᬭᬵᬢᬸᬤ᭄ᬯᬕᬸᬂ᭞ᬲᬵᬫ᭄ᬧᬸᬦ᭄ᬫᬫᬸᬘᬶᬗᬶᬦ᭄ᬢᬶᬢ᭄ᬬᬂ᭞ᬧᬶᬦᬸᬦᬲ᭄ᬢᬶᬢ᭄ᬬᬗᬾᬫᬗ᭄ᬓᬶᬦ᭄᭟ᬲᬃᬯ᭄ᬯᬶᬳᬶᬤᬵᬫᬮᬶᬄᬗᬭᬲ᭄᭞ᬗᭂᬫ᭄ᬩᭂᬂᬗᭂᬫ᭄ᬩᭂᬂᬢᬗᬶᬲ᭄ᬳᬶᬤᬵᬲᬯ᭄ᬬᬓ᭄ᬢᬶ᭞ᬭᬓᬵᬦ᭄ᬥᬵᬓᬗᭂᬦ᭄ᬤᬶᬓᬬᬸᬦ᭄᭞ᬭᬾᬄᬳᬭᬶᬮᬶᬦ᭄ᬢᬂᬯᬶᬓᬦ᭄᭞ᬗ᭄ᬢᬸᬲ᭄ᬓᬬᬸᬦ᭄ᬕᭂᬮᬶᬲ᭄ᬫ
ᬍᬲ᭄ᬗᬭᬲ᭄ᬫᭂᬓᬸᬮ᭄᭞ᬳᬧᬢᬕᬶᬄᬳᬕᬸᬂᬲᬬᬂ᭞ᬚ᭄ᬯᬂᬤᬵᬫᬚᬗ᭄ᬓᬵᬳᭂᬗ᭄ᬕᬶᬄ᭟ᬦᬾᬤᬶᬦᬶᬓᬕᬸᬂᬗ᭄ᬮᬳᬂ᭞ᬲᬳᬤᬦᬾᬳᬭᬶᬦ᭄ᬥᬵᬫ᭄ᬓᬸᬮ᭄ᬫᬮᬶᬄ᭞ᬲᬃᬯ᭄ᬯᬶᬗᬭᬲ᭄‌ᬲᬺᬢ᭄ᬫᬢᬸᬃ᭞ᬫᬢᬸᬃᬤ᭄ᬯᬕᬸᬂᬧᬦ᭄ᬫᭂᬩᬳᬦ᭄᭞ᬗ᭄ᬕᬶᬄᬧ᭄ᬬᬃᬱᬳᬶᬘ᭄ᬙᬵᬢᬦ᭄ᬳᬶᬘ᭄ᬙᬵᬤᬾᬯᬕᬸᬂ᭞ᬭᬾᬄᬓᬕᭂᬗᬦ᭄ᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬓ᭄ᬦᬶᬤ᭄ᬯᬕᬸᬂᬫ
ᬜ᭄ᬯᬾᬘ᭄ᬙᬵᬦᬶᬦ᭄᭟ᬧᬫ᭄ᬓᬲ᭄ᬢᬶᬢ᭄ᬬᬂᬦᬯ᭄ᬕᬂ᭞ᬲᬦᬾᬫᬗ᭄ᬓᬶᬦ᭄‌ᬧᬘᬂᬗᬢᬸᬭᬂᬢᬸᬮᬶᬲ᭄᭞ᬭᬶᬂᬳᬶᬤᬵᬭᬳᬶᬦ᭄ᬤᬾᬯᬕᬸᬂ᭞ᬢᬶᬢ᭄ᬬᬂᬧᬘᬂᬦᬯ᭄ᬕᬂ᭞ᬫᬢᬸᬃᬲᬶᬲᬶᬧ᭄‌ᬓ᭄ᬦᬶᬲ᭄ᬯᬾᬘᬵᬭᬳᬶᬦ᭄ᬤᬾᬯᬕᬸᬂ᭞ᬗᬫ᭄ᬧᬸᬭᬲᬶᬲᬶᬧᬾᬓᬸᬦᬵ᭞ᬭᬾᬄᬓᬕᭂᬗᬦ᭄ᬲᬶᬲᬶᬧ᭄‌ᬯ᭄ᬬᬓ᭄ᬢᬶ᭟ᬭᬓᬦ᭄ᬥᬵᬫᬍᬲ᭄ᬫᬗᬭᬲ᭄᭞ᬲᬃᬯ᭄ᬯᬶ [ 36 ][᭓᭕ 35B]
᭓᭕
ᬫ᭄ᬓᬸᬮ᭄‌ᬫᬦᬶᬫ᭄ᬩᬮ᭄‌ᬭᬸᬫᬫᬦᬶᬲ᭄᭞ᬭᬾᬄᬳᬭᬶᬲᬬᬂᬓ᭄ᬮᬸᬗ᭄ᬓᬸᬂ᭞ᬳᬧᬦ᭄ᬭᬾᬄᬳᬲᬶᬄᬧᬶᬲᬦ᭄᭞ᬲᬧᬶᬦᬸᬦᬲ᭄ᬥᬵᬳᬭᬶᬦ᭄ᬤᬵᬳᬶᬤᬾᬯᬕᬸᬂ᭞ᬓᬬᬸᬦ᭄ᬳᬶᬤᬵᬦᬾᬭᬓᬦ᭄ᬥᬵ᭞ᬧᬘᬂᬫᬗ᭄ᬮᬶᬗ᭄ᬕᬶᬳᬶᬦ᭄ᬕᬢᬶ᭟ᬫᬾᬄᬓᬕᬸᬂᬧᬗᬶᬤᬶᬳᬦ᭄᭞ᬢ᭄ᬓᬾᬦ᭄ᬢ᭄ᬬᬂᬭᬾᬄᬧᬘᬫᬳᬂᬢᬸᬮᬶᬲ᭄᭞ᬫᬶᬲᬦ᭄ᬳᬶᬤᬦᬾᬦᬓᬕᬸᬂ᭞ᬓᬕᬸᬂ
ᬲᬬᬗᬂᬢ᭄ᬬᬂ᭞ᬗ᭄ᬕᬶᬄᬮᬳᬸᬢᬂᬭᬾᬄᬲᬸᬩᬕ᭄ᬮᬄᬦᬓᬕᬸᬂ᭞ᬬᬾᬦ᭄ᬮᬘᬸᬃᬢᬸᬮᬶᬲ᭄ᬫᬢᬸᬮᬓ᭄᭞ᬳᬤᬶᬦᬾᬲᬶᬂᬜᬓ᭄ᬬᬦᬫ᭄ᬧᬶ᭟ᬳᬧᬦ᭄ᬬᬕ᭄ᬥᭂᬕ᭄ᬧᬶᬲᬦ᭄᭞ᬬᬦ᭄ᬢᬦ᭄ᬢ᭄ᬬᬂᬫᬳᬂᬩᬶᬮᬶᬄᬓᬢᬫ᭄ᬧᬶ᭞ᬳᬧᬦ᭄‌ᬳ᭄ᬬᬓᬮᬶᬦ᭄ᬢᬂᬢᬓᬸᬢ᭄᭞ᬫᬸᬮ᭄ᬬᬢ᭄ᬓᬾᬦᬶᬂᬢ᭄ᬬᬂ᭞ᬤᬵᬳᬭᬶᬦ᭄ᬥᬵᬫᬮᬶᬄᬜᭂᬫ᭄ᬩᬄᬫᬢᬸᬃᬳᬮᬸᬲ᭄᭞ᬲᬃᬯ᭄ᬯᬶ
ᬗᬭᬲ᭄ᬗᬸᬲᬧᬸᬲᬧ᭄᭞ᬗ᭄ᬢᬸᬲ᭄ᬓᬬᬸᬦ᭄ᬳᬶᬤᬯ᭄ᬬᬓ᭄ᬢᬶ᭟ᬭᬵᬢᬸᬤ᭄ᬯᬕᬸᬂᬧᬦᭂᬫ᭄ᬩᬳᬦ᭄᭞ᬮᬶᬦ᭄ᬢᬂᬮᬸᬘᬸᬢᬶᬢ᭄ᬬᬂᬫᬮᬶᬄ᭞ᬭᬶᬂᬮᬶᬗ᭄ᬕᬶᬄᬪᬝᬵᬭᬕᬕᬸᬂ᭞ᬬᬦ᭄ᬢᬦ᭄‌ᬘᭀᬓᭀᬃᬳᬶᬤᬾᬯ᭄ᬯ᭞ᬫᬗᬶᬘᬾᬦᬶᬦ᭄‌ᬓ᭄ᬦᬶᬓᬲᬶᬤᬦ᭄‌ᬤᬾᬯᬕᬸᬂ᭞ᬲᬸᬭᬵᬢ᭄‌ᬢᬶᬢ᭄ᬬᬗᬾᬓᬘᬶᬗᬓ᭄᭞ᬭᬶᬂᬳᬶᬤᬵᬪᬝᬵᬭᬶᬭᬢᬶᬄ
᭟ᬳᬶᬤᬾᬯᬕᬸᬂᬤᬵᬭᬓᬦ᭄ᬥᬵ᭞ᬗᬭᬲᬃᬯ᭄ᬯᬶᬳᬶᬤᬵᬫᬜᬗ᭄ᬕᬸᬧᬶᬦ᭄᭞ᬤᭀᬂᬦᬄᬦᬸᬮᬶᬲ᭄ᬳᬦᬓᬕᬸᬂ᭞ᬳᬭᬶᬦ᭄ᬤᬵᬕ᭄ᬮᬶᬲ᭄ᬜᭂᬫ᭄ᬩᬄ᭞ᬮᬶᬦ᭄ᬢᬂᬮᬾᬤᬂᬭᬓᬦ᭄ᬥᬵᬗᬶᬘᬾᬦᬶᬦ᭄ᬲᬵᬫ᭄ᬧᬸᬦ᭄᭞ᬍᬫ᭄ᬧᬶᬭᬦ᭄ᬳᬭᬶᬫᬫᬶᬢᬂ᭞ᬤᬵᬳᬭᬶᬦ᭄ᬤᬵᬜᬸᬭᬵᬢ᭄ᬕᭂᬮᬶᬲ᭄᭟᭚ᬥᬂᬥᬂ᭚ᬫᬸᬜᬶᬦ᭄ᬢᬸᬮᬶᬲ᭄‌ᬍᬍᬄ
[᭓᭖ 36A]
ᬗᬰᬶᬳᬲᬶᬄ᭞ᬫᬫ᭄ᬮᬤ᭄ᬧ᭄ᬭᬡᬵ᭞ᬧᬳᬸᬢ᭄ᬗᬯᬾᬧᬸᬲᬂ᭞ᬦᬸᬦ᭄ᬤᬸᬦ᭄ᬧ᭄ᬭᬧᬜ᭄ᬘᬦ᭄ᬳᬶᬤᭂᬧᬾ᭞ᬢᬸᬳᬸᬧᬺᬢᬫᬾᬂᬭᬸᬫ᭄ᬭᬸᬫ᭄᭞ᬫᬾᬄᬪᬝᬵᬭᬷᬳ᭄ᬬᬂᬳ᭄ᬬᬗᬶᬂᬉᬓᬶᬃᬳ᭄ᬦᬾᬗᬯᬾᬓ᭄ᬦᭂᬄᬧᬸᬲᬂ᭞ᬗᬯᬾᬢᬶᬢ᭄ᬬᬂᬩᬶᬗᬸᬂ᭞ᬫᬾᬄᬪᬝᬵᬭᬶᬧᬦᭂᬫ᭄ᬩᬳᬦ᭄᭞ᬅᬢ᭄ᬫᬵᬚᬶᬯ᭄ᬯᬵ᭞ᬳᬫ᭄ᬧᬸᬭᬢᬶᬢ᭄ᬬᬂᬫᬲ᭄ᬫᬡᬶᬓ᭄᭞ᬭᬾᬄᬳᬕᭂᬂᬲᬶᬲᬶ
ᬧ᭄ᬢᬶᬢ᭄ᬬᬂ᭟ᬲᬦᬾᬗᬸᬦᬶᬤᭂᬦ᭄ᬤᬦ᭄ᬲᬗ᭄ᬳ᭄ᬬᬂᬯᬶᬤᬷ᭞ᬫᬳᬯᬦᬦ᭄᭞ᬩᬸᬤᬸᬄᬲᬋᬂᬲᬫ᭄ᬬᬦ᭄᭞ᬩᬢᭂᬓ᭄‌ᬚ᭄ᬮᬾᬦ᭄ᬧᬕᬯᬾᬦᬾ᭞ᬲᬫᬗ᭄ᬤᬾᬤᬸᬭᬸᬲ᭄ᬳᬢᬸᬃ᭞ᬓᬤᬶᬫᬗ᭄ᬓᬶᬦ᭄‌ᬪᬝᬵᬭᬶᬭᬢᬶᬄ᭞ᬢᬶᬢ᭄ᬬᬂᬦᬯ᭄ᬕᬂᬧᬶᬲᬦ᭄᭞ᬓ᭄ᬦᬶᬭᬵᬢᬸᬤ᭄ᬯᬕᬸᬂ᭞ᬫᬫᬍᬲ᭄‌ᬯᬸᬲᬭᬮᬾᬤᬂ᭞ᬧᬓᬬᬸᬦᬦ᭄᭞ᬫᬶᬤᭂᬦ᭄ᬥᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞
ᬢᬶᬢ᭄ᬬᬂᬢᬦ᭄ᬧᬸᬭᬸᬦ᭄ᬢᬸᬮᬓ᭄᭟᭚ᬓᬸᬫᬫ᭄ᬩᬂ᭚ᬫᬾᬄᬪᬝᬵᬭᬶᬤᬸᬭᬸᬲᬂᬫᭂᬗ᭄ᬕᬄᬦᬾᬫᬗ᭄ᬓᬶᬦ᭄᭞ᬲᬯᬦᭂᬄᬲᬮᬾᬤᬂ᭞ᬫᬗ᭄ᬤᬓᬾᬢᬶᬢ᭄ᬬᬂᬫᬳᬸᬭᬶᬧ᭄᭞ᬬᬤᬶᬦ᭄ᬫᬳᬯᬦᬦ᭄ᬧ᭄ᬚᬄ᭟ᬲᬶᬭᬧᬸᬭᬸᬗᬮᬗᬶᬦ᭄ᬪᬝᬵᬭᬶᬭᬢᬶᬄ᭞ᬫᬫᬶᬤᭂᬦ᭄ᬥᬢᬶᬢ᭄ᬬᬂ᭞ᬭᬾᬄᬓᬸᬮᬦ᭄‌ᬪᬝᬵᬭᬶᬭᬢᬶᬄ᭞ᬤᬾᬯᬾᬓ᭄ᬢᬶᬢ᭄ᬬᬂᬓᬕᬸᬗ᭄ᬮᬄ
᭚ᬲᬶᬦᭀᬫ᭄᭚ᬲᬧᬸᬦᬶᬓᬵᬤ᭄ᬯᬕᬸᬂᬲᬬᬂ᭞ᬧᬶᬢ᭄ᬫᭂᬲ᭄ᬢᬶᬢ᭄ᬬᬂᬪᬝᬵᬭᬶ᭞ᬲᬵᬫ᭄ᬧᬸᬦ᭄‌ᬭᬢᬸᬤ᭄ᬯᬕᬸᬂᬦᬸᬮᬓ᭄᭞ᬳᬢᬸᬃᬢᬶᬢ᭄ᬬᬗᬾᬳᬶᬫᬶᬲ᭄ᬓᬶᬦ᭄᭞ᬪᬝᬵᬭᬶᬮᬘᬸᬃᬯ᭄ᬬᬓ᭄ᬢᬶ᭞ᬗ᭄ᬮᬄᬧᬜ᭄ᬚᬓ᭄ᬮᬶᬦ᭄ᬢᬂᬤᬸᬲᬸᬦ᭄‌᭞ᬮᬭᬓᬧ᭄ᬮᬦ᭄ᬧ᭄ᬮᬦ᭄᭞ᬲᬳᬸᬫᬸᬃᬫᬦ᭄ᬫᬸᬓᬶᬓᬶᬂ᭞ᬬᬦ᭄ᬢᬦ᭄‌ᬤ᭄ᬯᬕᬸᬂᬲ᭄ᬯᬾᬘ᭄ᬙᬵᬗ [ 37 ][᭓᭖ 36B]
᭓᭖
ᬗ᭄ᬓᬶᬤ᭄ᬲᬓᬶᬂᬓᬯᬄ᭟ᬧᬭᬶᬲᬓ᭄ᬱᬢ᭄ᬭᬢᬸᬢᬶᬢ᭄ᬬᬂ᭞ᬢᬭᬸᬳᬓᬶᬂᬓᬤᬶᬫᬗ᭄ᬓᬶᬦ᭄᭞ᬢᬢ᭄ᬓᬮᬓᬢᬶᬕᬓᬧᬢ᭄᭞ᬓᬧᬦᬲᬦ᭄‌ᬕ᭄ᬲᭂᬂᬯ᭄ᬬᬓ᭄ᬢᬶ᭞ᬳᬯᬦᬦ᭄ᬢᬶᬢ᭄ᬬᬂᬲᬓᬶᬢ᭄᭞ᬦᬾᬫᬗ᭄ᬓᬶᬦ᭄ᬪᬝᬵᬭᬶᬳᬕᬸᬂ᭞ᬧᬭᬶᬲᬓ᭄ᬱᬢ᭄ᬫᬭᬕᬵ᭞ᬓᬤᬶᬢᬶᬢ᭄ᬢᬵᬲᬜ᭄ᬚᬶᬯᬦᬶ᭞ᬭᬢᬸᬤ᭄ᬯᬕᬸᬂᬢᬶᬢ᭄ᬬᬂᬫᬦᬯ᭄ᬕᬂᬧᬶᬲᬦ᭄᭟ᬓ᭄ᬦᬶᬪᬝᬵᬭᬶᬲ᭄ᬯᬾᬘ᭄ᬙᬵ
᭞ᬫᬗᬸᬭᬶᬧ᭄ᬳᬶᬢᬭᬸᬳᬓᬶᬂ᭞ᬲᬓᬮᬶᬄᬢᬶᬢ᭄ᬬᬂᬦᬯ᭄ᬕᬂ᭞ᬓ᭄ᬦᬶᬪᬝᬵᬭᬶᬗ᭄ᬮᬶᬗ᭄ᬕᬶᬳᬶᬦ᭄᭞ᬲᬫᬗ᭄ᬤᬾᬓ᭄ᬦᬶᬳᬾᬮᬶᬂ᭞ᬓᬳᬸᬮᬓᬤᬂᬤᬾᬯᬕᬸᬂ᭞ᬲᬦᬾᬲᬫ᭄ᬧᬸᬦ᭄ᬮᬶᬦ᭄ᬢᬗᬂ᭞ᬭᬾᬧᬾᬜᬢ᭄ᬭᬶᬦ᭄ᬲᬗ᭄ᬳ᭄ᬬᬂᬯᬶᬤᬷ᭞ᬲᬦᬾᬫᬗ᭄ᬓᬶᬦ᭄‌ᬯᬯᭀᬦᬶᬦ᭄ᬪᬝᬵᬭᬶᬲᬬᬂ᭚ᬥᬂᬥᬂ᭚ᬲᬧᬸᬦᬶᬓᬵᬳᬢᬸᬃᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬫᬸᬗ᭄ᬕ᭄ᬯᬶᬂᬲᬸᬭᬵ
ᬢ᭄᭞ᬢ᭄ᬭᬶᬫᬗ᭄ᬕᬶᬄᬲᬬᬂ᭞ᬤᬵᬢᬸᬮᬤᬾᬯᬦ᭄ᬢᬶᬢ᭄ᬬᬗᬾ᭞ᬬᬦ᭄ᬫᬗ᭄ᬕᭂᬄᬭᬵᬢᬸᬩᭂᬦ᭄ᬤᬸ᭞ᬧᬶᬲᬦ᭄ᬢᬶᬕ᭄ᬢᬶᬕ᭄ᬧᬂᬓᬦ᭄ᬢᬶᬲᬶᬢ᭄ᬲᬶᬢ᭄᭞ᬭᬾᬄᬢᬸᬫᬓᬬᭀᬕ᭄ᬬ᭞ᬫᬶᬤᬦ᭄ᬥᬵᬳᬶᬤᬸᬲᬸᬦ᭄᭞ᬫᬾᬄᬭᬵᬢᬸᬫᬲ᭄ᬧᬦᭂᬫ᭄ᬩᬳᬦ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬢᬫ᭄ᬧᬶᬢᬸᬮᬶᬲ᭄ᬢ᭄ᬬᬗᬾᬳᭂᬗ᭄ᬕᬶᬄ᭞ᬧᬯᭀᬲ᭄ᬤᬶᬚ᭄ᬭᭀᬦᬶᬂᬢᬶᬮᬫ᭄᭟
ᬲᬧᬸᬦᬶᬓᬳᬢᬸᬃᬳᬶᬤᬵᬯ᭄ᬬᬓ᭄ᬢᬶᬫᬸᬗ᭄ᬕ᭄ᬯᬶᬂᬲᬸᬭᬵᬢ᭄᭞ᬕ᭄ᬮᬶᬲ᭄ᬫᬗᬢᬸᬭᬂ᭞ᬜᭂᬫ᭄ᬩᬄᬓᬧ᭄ᬓᬸᬮ᭄ᬭᬓᬦᬾ᭞ᬲᬃᬯ᭄ᬯᬶᬗᬭᬲ᭄ᬫᬳᬢᬸᬃ᭞ᬭᬵᬢᬸᬤ᭄ᬯᬕᬸᬂᬧᬸᬦᬶᬓᬶᬳᬓ᭄ᬱᬶ᭞ᬫᬦᬯᬶᬯᬾᬦ᭄ᬢᭂᬦ᭄ᬳᬶᬯᬂ᭞ᬭᬓᬦ᭄ᬥᬵᬫᬜᬫ᭄ᬩᬸᬢ᭄᭞ᬫᬯᭀᬲᬸᬭᬵᬢ᭄‌ᬗ᭄ᬳᬶᬂᬢᬦ᭄ᬯᭂᬤᬃᬯᬸᬲ᭄ᬓᬧᬢᬸᬢ᭄᭞ᬤᬵᬭᬓᬦ᭄ᬥᬵᬕ᭄ᬮᬶ
[᭓᭗ 37A]
ᬲ᭄ᬫᬗ᭄ᬓᬶᬦ᭄᭞ᬗᬸᬲᬧᬶᬦ᭄ᬲᬸᬭᬵᬢ᭄ᬫᬶᬜᬓ᭄᭟ᬤᬵᬭᬓᬦ᭄ᬥᬵᬫᬗ᭄ᬤᬶᬓᬵᬳᬭᬶᬲ᭄᭞ᬭᬶᬂᬳᬭᬶᬦ᭄ᬤᬵ᭞ᬚᬮᬦᬗ᭄ᬓᬶᬮ᭄ᬲᬬᬂ᭞ᬲᬫ᭄ᬩᬶᬮᬂᬗᬩᬢᬸᬮᬶᬲᬾ᭞ᬳᬭᬶᬦ᭄ᬤᬵᬳᬶᬤᬾᬯᬕᬸᬂ᭞ᬧᬸᬢ᭄ᬭᬕ᭄ᬮᬶᬲ᭄ᬜᭂᬫ᭄ᬩᬄᬦᬾᬫᬗ᭄ᬓᬶᬦ᭄᭞ᬲᬂᬓᬮᬶᬄᬮᬶᬦ᭄ᬢᬂᬮᬾᬤᬂ᭞ᬓᬯ᭄ᬤᬮ᭄ᬫᬩ᭄ᬭᬶᬬᬸᬓ᭄᭞ᬳᬦ᭄ᬢᭂᬦᬃᬤᬶᬦᬢᬄᬗᬫ᭄ᬩ᭄ᬬᬃ᭞ᬓᬮᬶᬄᬢᬾ
ᬓᭀᬃ᭞ᬳᬦ᭄ᬢᭂᬦᬃᬫᬜᬫ᭄ᬩᬸᬢ᭄ᬕᭂᬮᬶᬲ᭄᭞ᬲᬂᬓᬸᬫᬳᬶᬲᬶᬢᭀᬬᬵ᭟ᬕ᭄ᬮᬶᬲ᭄ᬜᭂᬫ᭄ᬩᬄᬫᬸᬗ᭄ᬕᬳᬦ᭄ᬗᬬᬳᬶᬦ᭄᭞ᬳᬶᬤᬾᬯᬕᬸᬂ᭞ᬲᬂᬓᬮᬶᬄᬫ᭄ᬮᬫ᭄ᬮᬫ᭄᭞ᬧᬤᬢᭀᬂᬓᬲᭀᬃᬯᬃᬡ᭄ᬦᬦᬾ᭞ᬯᬸᬲ᭄ᬳᬶᬤᬵᬫᬭᬭᬳᬸᬧ᭄᭞ᬲᬃᬯᬶᬳᬶᬤᬵᬫᬧᬭᬲ᭄ᬕᭂᬮᬶᬲ᭄᭞ᬲᬲᬶᬭᬢᬾᬫᬩ᭄ᬗᬤ᭄᭞ᬲᬯᬯᬳᬫᬗᬸᬦ᭄᭞ᬮᬸᬮᬸᬢ᭄ᬓᬬᬸᬦ᭄ᬓᬲ᭄ᬫ
ᬭᬦ᭄᭞ᬤᬮᬂᬲ᭄ᬫᬭᬵ᭞ᬕ᭄ᬮᬶᬲ᭄ᬫᬳ᭄ᬬᬲ᭄ᬦᬾᬫᬗ᭄ᬓᬶᬦ᭄᭞ᬳᬦ᭄ᬢᭂᬦᬃᬫᬗᬸᬦᬢᬂ᭟ᬯᬲ᭄ᬢ᭄ᬭᬦ᭄ᬳᬶᬤᬵᬩᬢᬶᬓ᭄ᬫᬗᬾᬤᬦᬶᬦ᭄᭞ᬤᬲᬃᬕᬥᬂ᭞ᬫᬧᬧ᭄ᬓᭂᬢ᭄ᬩᬓ᭄ᬬᬓ᭄᭞ᬧᬳᬸᬢ᭄ᬩᬶᬮᬸᬤ᭄ᬭᬸᬓ᭄ᬯᬘᬦᬾ᭞ᬫᬓᬓᭂᬫ᭄ᬩᬂᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬓᬜ᭄ᬘᬶᬂᬳ᭄ᬫᬲ᭄ᬧᬕᬳᬾᬦ᭄ᬤᬶᬳᬶᬗ᭄ᬕ᭄ᬭᬶᬲ᭄᭞ᬫᬲᭀᬘᬳᬶᬦ᭄ᬢᭂᬦ᭄‌ᬗ᭄ᬭᬜᬩ᭄
᭞ᬤᬲ᭄ᬢᬃᬳᬶᬤᬵᬧᬳᬸᬢ᭄᭞ᬩᬢᬶᬓ᭄ᬧᬶᬗ᭄ᬕᬶᬭᬦ᭄ᬓᬧᬮᬵ᭞ᬫᬸᬲᬧ᭄ᬫᬶᬜᬓ᭄᭞ᬫᬭᬢᬸᬲ᭄ᬚᬩᬤ᭄ᬓᬲ᭄ᬢᬸᬭᬶ᭞ᬫᬶᬳᬶᬓ᭄ᬫᬶᬬᬸᬃᬳᬶᬬᬸᬭᬦ᭄᭟᭚ᬧᬗ᭄ᬓᬸᬃ᭚ᬳᬮᬶᬳᬮᬶᬧᬧᬢᭂᬳᬦ᭄᭞ᬧᬸᬧᬸᬢ᭄ᬫᬳ᭄ᬬᬲ᭄ᬳᬶᬤᬵᬲᬂᬯᬶᬭᬓᬮᬶᬄ᭞ᬧᬭᬧᬸᬢ᭄ᬭᬫᬳ᭄ᬬᬲᭀᬯᬢᬸᬄ᭞ᬢ᭄ᬓᬾᬦ᭄ᬧᬭᬳᬦ᭄ᬢᭂᬦᬃ [ 38 ][᭓᭗ 37B]
᭓᭗
᭞ᬳᬧᬦ᭄ᬳᬦᬸᬢ᭄‌ᬯᬸᬲ᭄ᬧᬸᬧᬸᬢ᭄ᬦᬗ᭄ᬓᬶᬮ᭄ᬫᬩ᭄ᬭᬶᬬᬸᬓ᭄᭞ᬯᬸᬲ᭄ᬤᬶᬦᬢᬄᬩᬮᬾᬫᬹᬃᬤ᭄ᬥᬵ᭞ᬲᬂᬓᬮᬶᬄᬫᬧᬕ᭄ᬩᬦ᭄ᬮᬶᬭᬶᬂ᭟ᬲᬃᬯ᭄ᬯᬶᬲᬂᬓᬮᬶᬄᬗᬦ᭄ᬤᬶᬓᬵ᭞ᬚᬮᬦᬗ᭄ᬓᬶᬮ᭄ᬧᬭᬧᬸᬢ᭄ᬭᬦᬾᬲᬫᬶ᭞ᬫᬜᭂᬫ᭄ᬩᬄᬧᬤᬫᬩ᭄ᬭᬶᬬᬸᬓ᭄᭞ᬲᬂᬓᬮᬶᬄᬢ᭄ᬥᬸᬦ᭄ᬳᬶᬤᬵ᭞ᬲᬬᬦ᭄ᬲᬬᬦ᭄ᬩᬕᬸᬲ᭄ᬳᬶᬤᬵᬦᬾᬳᬶᬤ᭄ᬯᬕᬸᬂ᭞ᬫᬥᬾ
ᬭᬾᬄᬢᬸᬫ᭄ᬩᬾᬦ᭄ᬫᬤᬲ᭄ᬢᬃ᭞ᬧᬳᬸᬢ᭄ᬫᬧᬗᬗ᭄ᬕᬾᬩᬮᬶ᭟ᬫᬩ᭄ᬭᬶᬬᬸᬓ᭄ᬧᬤᬗᬧᬸᬭᬶᬬᬂ᭞ᬲᬭᬵᬢ᭄ᬳᬶᬤᬵᬲᬵᬫ᭄ᬧᬸᬦ᭄ᬫᬳᬯᬯ᭄ᬬᬓ᭄ᬢᬶ᭞ᬯᬸᬲ᭄ᬤᬶᬕ᭄ᬥᬾᬂᬕ᭄ᬥᬄᬭᬳᬸᬄ᭞ᬳᬶᬤᬵᬲᬂᬦᬵᬣᬲᬫ᭄ᬬᬦ᭄᭞ᬫᬗ᭄ᬕᭂᬄᬫ᭄ᬮᬶᬗ᭄ᬕᬶᬄᬢᬗ᭄ᬓᬶᬮᬦ᭄ᬢᭂᬩᭂᬂᬓ᭄ᬮᬂᬓᬸᬂ᭞ᬧᬺᬳᬶᬲ᭄ᬢ᭄ᬭᬶᬫᬗ᭄ᬕᭂᬄᬤᬶᬓᬫᬃ᭞ᬢᬗ᭄ᬓᬶᬮᬦᬾᬢ᭄ᬤᬸᬦ᭄ᬕᭂᬮᬶᬲ᭄᭟ᬲᬂᬦᬵ
ᬣᬳᬶᬤ᭄ᬯᬕᬸᬂᬩ᭄ᬬᬂ᭞ᬮᬶᬦ᭄ᬢᬂᬮᬾᬤᬂᬜᬶᬗᬓ᭄ᬳᬦᬓ᭄ᬤᬦᬗ᭄ᬓᬶᬮ᭄᭞ᬓᬤᬶᬲ᭄ᬫᬭᬵᬓᭂᬫ᭄ᬩᬃᬢᬸᬳᬸ᭞ᬧᬗᬗ᭄ᬕᬾᬧᬧᬢ᭄ᬳᬦ᭄᭞ᬤᬵᬳᬦᬓ᭄ᬤᬵᬦᬸᬦᬲ᭄ᬮᬸᬕᬺᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬳᬚᬶᬩ᭄ᬬᬂᬫᬳᬗ᭄ᬕᬸᬢᬦ᭄᭞ᬲᬃᬯ᭄ᬯᬶᬳᬶᬤᬵᬫ᭄ᬦᬓᬾᬦᬶᬦ᭄᭟ᬳᬶᬕ᭄ᬬᬸᬃᬩᬸᬩᬢ᭄‌ᬓ᭄ᬦᬧᬵ᭞ᬲᬶᬂᬤᬵᬩᬋᬂᬲᬂᬓᬮᬶᬄᬜᭂᬫ᭄ᬩᬄ
ᬫᬮᬶᬄ᭞ᬳᬶᬧᬸᬦ᭄ᬓᬭᬶᬧᬸᬍᬲ᭄‌ᬤ᭄ᬯᬕᬸᬂ᭞ᬲᬃᬯ᭄ᬯᬶᬳᬶᬧᬸᬦ᭄ᬫᬸᬗ᭄ᬕᬳᬦ᭄‌᭞ᬧᬭᬧᬸᬢ᭄ᬭᬤᬶᬦᬢᬄᬫᬗ᭄ᬕᭂᬄᬫᬮᬸᬗ᭄ᬕᬸᬄ᭞ᬳᬚᬶᬦ᭄ᬥᬳᬶᬤ᭄ᬯᬕᬸᬂᬩ᭄ᬬᬂ᭞ᬗᬦ᭄ᬤᬶᬓᬵᬫᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬭᬶᬂᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬲᬶᬧᬶᬲᬶᬧᬶᬍᬕᬦ᭄ᬢ᭄ᬬᬗᬾᬚᬦᬶ᭞ᬗᭂᬦᭀᬢ᭄ᬧᬦᬓ᭄ᬳᬦᬓᬕᬸᬂ᭞ᬲᬸᬯᬸᬤ᭄ᬫᬗᬗ᭄ᬕᭀᬚ
[᭓᭘ 38A]
ᬯᬵ᭞ᬲᬬᬦ᭄ᬩᬕᬸᬲ᭄ᬳᬧᬦ᭄ᬭᬾᬄᬧᬗᬗ᭄ᬕᭀᬳᬦᬸᬢ᭄᭞ᬳᬓᬾᬄᬫᬫᬢᬸᬢ᭄ᬫᬦᬶᬫ᭄ᬩᬮ᭄᭞ᬳᬶᬤᬾᬯᬕᬸᬂᬫᬥᬾᬕ᭄ᬮᬶᬲ᭄᭟ᬜᭂᬫ᭄ᬩᬄᬫᬢᬸᬃᬳᬶᬘᬗᬓᬓ᭄᭞ᬩᭂᬲ᭄ᬓᬤᬸᬭᬸᬲ᭄‌ᬤᬾᬯᬕᬸᬂᬲᬫᬶ᭞ᬍᬕᬦ᭄ᬢᬶᬢ᭄ᬬᬗᬾᬳᬶᬤ᭄ᬯᬕᬸᬂ᭞ᬫᬳᬍᬫ᭄ᬲᬋᬂᬲᬫ᭄ᬬᬦ᭄᭞ᬤᬵᬲᬂᬦᬵᬣᬫᬮᬶᬄᬫᬦᬶᬫ᭄ᬩᬮ᭄ᬫᬩ᭄ᬭᬶᬬᬸ
ᬓ᭄᭞ᬢᬦ᭄ᬲᬓᬾᬂᬢ᭄ᬬᬂᬗᬜᬸᬤᬂ᭞ᬳᬦᬓ᭄ᬢᬢ᭄ᬯᬶᬬᬦ᭄ᬕᬢᬶ᭟ᬧᬤᬮᬾᬤᬂᬲᬋᬂᬲᬫ᭄ᬬᬦ᭄‌᭞ᬳᬶᬤᬾᬯᬕᬸᬂᬫᬥᬾᬫᬜᭂᬫ᭄ᬩᬄᬫᬮᬶᬄ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕᬺᬤ᭄ᬯᬕᬸᬂ᭞ᬧᬘᬂᬗ᭄ᬭᬜ᭄ᬚᬶᬂᬓᬓᬫᬃ᭞ᬳᬚᬶᬩ᭄ᬬᬂᬗᬗ᭄ᬕᬸᬢᬶᬦ᭄‌ᬓ᭄ᬫᬦᬓᬕᬸᬂ᭞ᬳᬦᬓ᭄ᬤᬫᬮᬶᬄᬫᬜᭂᬫ᭄ᬩᬄ᭞ᬳᬶᬤᬾᬯᬕᬸᬂᬫᬥᬾᬗ᭄ᬭᬜ᭄ᬚᬶᬂ᭟ᬳᬭᬶᬦ᭄ᬤᬵ
ᬲᬦᬾᬭᬶᬂᬓᬫᬃ᭞ᬫᬓᬶᬲ᭄ᬮᬦ᭄ᬮᬶᬗ᭄ᬕᬶᬄᬳᬶᬤᬦᬾᬫᬗ᭄ᬓᬶᬦ᭄᭞ᬳᬶᬫᬸᬢᭂᬃᬤᬾᬯᬕᬸᬂᬭᬢᬸ᭞ᬫᭂᬧᭂᬲ᭄ᬳᬍᬧ᭄‌ᬧᬺᬢᬫᬵ᭞ᬳᬶᬤᬾᬯᬕᬸᬂᬫᬥᬾᬫᬗᬦ᭄ᬤᬶᬓᬳᬮᬸᬲ᭄᭞ᬭᬶᬂᬳᬭᬶᬦ᭄ᬤᬵᬲᬫ᭄ᬬᬦ᭄᭞ᬳᬭᬄᬢ᭄ᬬᬂᬍᬕᬕᬢᬶ᭟ᬩᬦᬾᬓᬸᬫ᭄ᬧᬸᬮ᭄‌ᬚᬓ᭄ᬫᬓ᭄ᬚᬂ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂᬦᬶᬫ᭄ᬩᬮᬶ
ᬦ᭄᭞ᬳᬶᬫᬸᬢᭂᬃᬳᬶᬤ᭄ᬯᬕᬸᬂᬭᬢᬸ᭞ᬜᭂᬫ᭄ᬩᬄᬫᬢᬸᬃᬫᬢᬶᬫ᭄ᬩᬮ᭄᭞ᬧᬧᬢᭂᬳᬦ᭄ᬳᬢᬸᬃᬳᬭᬶᬦ᭄ᬤᬵᬳᬶᬤ᭄ᬯᬕᬸᬂ᭞ᬤᬕᬶᬂᬫᬫᬢᬸᬢᬂᬧᬶᬲᬦ᭄᭞ᬚᬯᬦᬶᬂᬲᬂᬭᬵᬚᬧᬸᬢ᭄ᬭᬶ᭟ᬲᬂᬤ᭄ᬬᬄᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬦᬾᬦ᭄ᬢᭂᬦ᭄ᬳᬶᬤᬵᬲᬋᬂᬫᬫᬢᬸᬢ᭄᭞ᬯ᭄ᬬᬓ᭄ᬢᬶ᭞ᬭᬶᬂᬭᬓᬵᬫᭂᬗ᭄ᬕᬄᬤᬶᬓᬬᬸᬦ᭄᭞ᬩᬳᬦᬾᬫᬲ᭄ᬭᬳᬂ [ 39 ][᭓᭘ 38B]
᭓᭘
᭞ᬮᬶᬦ᭄ᬢᬂᬜᭂᬮ᭄ᬲᭂᬮ᭄‌ᬭᬶᬂᬳᬗ᭄ᬕᬵᬳᬶᬤᬵᬳᬶᬤ᭄ᬯᬕᬸᬂ᭞ᬤᬵᬭᬓᬦ᭄ᬥᬵᬲᬾᬗᭂᬄᬳᬶᬤᬵ᭞ᬭᬶᬂᬓᬬᬸᬦ᭄ᬳᬭᬶᬦ᭄ᬤᬯ᭄ᬬᬓ᭄ᬢᬶ᭟ᬦᬗ᭄ᬳᬶᬂᬜᬭᬸᬜᬭᬸᬳᬶᬤᬵ᭞ᬭᬾᬄᬦᬾᬫᬗ᭄ᬓᬶᬦ᭄ᬳᬬᬢ᭄ᬗᬶᬘᬾᬦᬶᬦ᭄ᬢᬸᬮᬶᬲ᭄᭞ᬦᭂᬲᭂᬓ᭄ᬳᬭᬶᬗᬦ᭄ᬤᬶᬓᬳᬮᬸᬲ᭄᭞ᬓᬕᬸᬂᬢ᭄ᬬᬗᬾᬲᬬᬂ᭞ᬢᬦ᭄ᬲᬓᬭᬾᬂᬢ᭄ᬬᬂᬳ᭄ᬮᬲ᭄ᬳᬦᬓᬕᬸᬂ᭞ᬫᬜᬫᬢ᭄ᬓᬾᬦᬶᬂᬳᬶ
ᬤᬵ᭞ᬤᬵᬜᭂᬦ᭄ᬓᬕᬸᬂᬲᬮᬄᬢᬫ᭄ᬧᬶ᭟ᬓᬮᬶᬄᬤᬵᬧᬶᬲᬦ᭄ᬲᬦ᭄ᬤᬾᬬᬵ᭞ᬢ᭄ᬬᬂᬢᬤ᭄ᬢᬤ᭄‌ᬓᬾᬯᬮᬤᬫᬸᬘᬶᬗᬶᬦ᭄᭞ᬫᬶᬲᬦ᭄ᬳᬶᬤᬦᬾᬦᬓᬕᬸᬂ᭞ᬳᬶᬜ᭄ᬚᭀᬃᬤᬯ᭄ᬕᬶᬦ᭄ᬢ᭄ᬬᬂ᭞ᬳᬧᬂᬢ᭄ᬬᬂᬫᬳᬂᬢᬸᬮᬶᬲ᭄ᬳᬦᬓᬕᬸᬂ᭞ᬦᬾᬩᬮᬶᬳᬶᬦ᭄‌ᬤᬵᬜᭂᬦ᭄ᬢᬸᬮᬓ᭄᭞ᬭᬾᬄᬬᬵᬮᬓᬃᬫᬢᬸᬃᬲᬶᬲᬶᬧ᭄᭟ᬳᬓᬾᬢᭀᬧᬶᬲᬦᬄᬲ
ᬬᬂ᭞ᬲᬫᬶᬓᬕ᭄ᬬᬢ᭄ᬫᬫ᭄ᬬᬃᬱᬦᬾᬫᬗ᭄ᬓᬶᬦ᭄᭞ᬳᬶᬫᬸᬢᭂᬃᬮᬾᬤᬂᬓ᭄ᬮᬂᬓᬸᬂ᭞ᬭᬾᬄᬓᬬᬸᬦ᭄ᬥᬵᬭᬓᬦ᭄ᬥᬵ᭞ᬗᬯᬢᬸᬮᬶᬲ᭄ᬭᬓᬦ᭄ᬥᬵᬗᬢᬸᬭᬶᬦ᭄ᬢᬸᬳᬸ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬢᬦ᭄ᬧᬓᬦ᭄ᬥᬵᬯ᭄ᬬᬓ᭄ᬢᬶ᭟ᬢᭀᬂᬩᬶᬱᬳᬶᬤᬵᬫᬶᬦ᭄ᬳᬂ᭞ᬓᬬᬸᬦ᭄ᬭᬓᬧᬶᬦᭂᬄᬗᬸᬤᬸᬦ᭄ᬢᬦ᭄ᬲᬶᬧᬶ᭞ᬢᭂᬫ᭄ᬩᬾᬫᬗ᭄ᬓᬶᬦ᭄ᬳᬶᬤᬫᬗ᭄ᬕᬸᬄ᭞ᬳ
ᬦᬓ᭄ᬫᭂᬦᬭᬶᬜᬫᬃ᭞ᬓᬧᬶᬦ᭄ᬳᬂᬭᬓᬦ᭄ᬥᬮᬶᬦ᭄ᬢᬂᬓᬢᭂᬫ᭄ᬧᬸᬃ᭞ᬭᬶᬂᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬲ᭄ᬧᭂᬂᬧᬧᬶᬦᭂᬄᬤᬵᬯ᭄ᬬᬓ᭄ᬢᬶ᭟ᬦᬗ᭄ᬳᬶᬂᬳᬶᬤᬫᬦᭂᬲᭂᬓᬂ᭞ᬳᬶᬤᬾᬯᬕᬸᬂᬫᬸᬢᭂᬃᬕ᭄ᬮᬶᬲ᭄ᬦᬾᬫᬗ᭄ᬓᬶᬦ᭄᭞ᬜᭂᬫ᭄ᬩᬄᬫ᭄ᬓᬸᬮ᭄ᬧᬥᬫᬢᬸᬃ᭞ᬭᬶᬂᬭᬓᬵᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬲᬳᬢᬗᬶᬲ᭄ᬢᬶᬢ᭄ᬬᬂᬦᬯ᭄ᬕᬂᬤᬾᬯᬕᬸᬂ᭞ᬲᬵ
[᭓᭙ 39A]
ᬫ᭄ᬧᬸᬦ᭄ᬧᬶᬲᬦ᭄‌ᬤ᭄ᬯᬕᬸᬂᬢᬸᬮᬓ᭄᭞ᬭᬶᬂᬯᬘᬦᬦ᭄ᬭᬓᬵᬯ᭄ᬬᬓ᭄ᬢᬶ᭟ᬲᬓᬮᬶᬄᬢᬶᬢ᭄ᬬᬂᬦᬯ᭄ᬕᬂ᭞ᬮᬸᬘᬸᬫᬢᬸᬃᬳᬦ᭄ᬢᬸᬓ᭄ᬱᬓᬭᬶᬂᬪᬓ᭄ᬢᬶ᭞ᬓ᭄ᬦᬶᬲ᭄ᬯᬾᬘᬭᬵᬢᬸᬤ᭄ᬯᬕᬸᬂ᭞ᬗᬫ᭄ᬧᬸᬭᬵᬤᬾᬯᬾᬓ᭄ᬢᬶᬢ᭄ᬬᬂ᭞ᬓᬮᬶᬄᬓ᭄ᬦᬶᬲᬯᬾᬘ᭄ᬙᬵᬧᬶᬲᬦ᭄ᬤᬾᬯᬕᬸᬂ᭞ᬜᬶᬲᬶᬧᬂᬳᬶᬤ᭄ᬯᬕᬸᬂᬧᬸᬢᬺ᭞ᬭᬓᬦ᭄‌ᬤ᭄ᬯᬕᬸᬂᬮᬶᬦ᭄ᬢᬂᬫᬶᬲ᭄ᬓᬶᬦ᭄᭟ᬭᬵ
ᬢᬸᬤ᭄ᬯᬕᬸᬂᬮᬘᬸᬃᬧᬶᬲᬦ᭄᭞ᬳᬶᬤᬾᬯᬕᬸᬂᬳᬶᬲᬢ᭄ᬭᬲᬋᬂᬫ᭄ᬭᬶᬬᬸᬓᬶᬦ᭄᭞ᬓ᭄ᬦᬶᬲᬵᬫ᭄ᬧᬸᬦ᭄‌ᬫ᭄ᬦᭂᬂᬢᬸᬳᬸ᭞ᬦᬓᬕᬸᬂᬬᬓ᭄ᬢᬶᬧᬶᬲᬦ᭄᭞ᬜᬫᬮᬘᬸᬃᬓᬧᬮᬓ᭄ᬧᬮᬦ᭄ᬫᬜᬸᬲᬸᬧ᭄᭞ᬓᬦ᭄ᬢᬶᬫᬗᭂᬫᬲᬶᬦ᭄ᬲᬾᬤᬵ᭞ᬜᬶᬳ᭄ᬦᬬᬂᬢᬺᬱ᭄ᬡᬦᬾᬫᬗ᭄ᬓᬶᬦ᭄᭟ᬲᬂᬤ᭄ᬬᬄᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬲᬬᬦ᭄ᬫᭂᬗ᭄ᬕᬄᬓᬬᬸᬦ᭄ᬳᬶᬤᬦᬾ
ᬫᬗ᭄ᬓᬶᬦ᭄᭞ᬭᬶᬂᬭᬓᬦ᭄ᬳᬶᬤᬦᬾᬢᬸᬳᬸ᭞ᬲᬓᬮᬶᬄᬜᭂᬮ᭄ᬲᭂᬮ᭄ᬧᬶᬲᬦ᭄᭞ᬳᬗ᭄ᬕᬵᬮᬘᬸᬃᬭᬓᬦ᭄ᬤᬓᬧᬶᬦᭂᬄᬩᭂᬦ᭄ᬤᬸ᭞ᬓ᭄ᬭᬘᬳᬶᬤᬵᬫᬕ᭄ᬤᬶᬬᬂ᭞ᬳᬾᬮᬶᬂᬳᬗ᭄ᬕᬦᬾᬦ᭄ᬢᬦ᭄ᬲᬶᬲᬶᬧ᭄᭟ᬳᬯᬦᬦ᭄ᬲᭂᬲᭂᬓ᭄ᬤᬶᬋᬥᬵ᭞ᬦᬾᬦ᭄ᬢᭂᬦ᭄ᬜᭂᬫ᭄ᬩᬄᬕ᭄ᬮᬶᬲ᭄ᬳᬶᬤᬵᬦᬗᬶᬲ᭄᭞ᬢᭀᬬᬦ᭄ᬳᬓ᭄ᬱᬶᬤᬺᬱ᭄‌ᬫ᭄ᬢᬸ᭞ᬢ᭄ᬯ
ᬭᬵᬤᬤᬶᬳᬸᬲᬧᬂ᭞ᬫᬫᬸᬮᬶᬲᬄᬤᬵᬭᬓᬦ᭄ᬥᬵᬲᬾᬗᭂᬄᬲᬵᬫ᭄ᬧᬸᬦ᭄᭞ᬓᬗᭂᬦ᭄ᬳᬶᬤᬦᬾᬓᬮᬶᬦ᭄ᬢᬂ᭞ᬭᬾᬄᬓᬬᬸᬦ᭄ᬳᬭᬶᬯᬶᬓᬦᬶᬦ᭄᭟ᬫᬮᬶᬄᬳᬶᬤᬵᬫᬫᬶᬦ᭄ᬳᬂ᭞ᬤᬵᬳᬭᬶᬦ᭄ᬤᬵᬳᬶᬤ᭄ᬯᬕᬸᬂᬧᬸᬢ᭄ᬭᬯ᭄ᬬᬓ᭄ᬢᬶ᭞ᬮᬶᬦ᭄ᬫᬗᬾᬫᬦ᭄ᬤᬶᬓᬬᬸᬦ᭄᭞ᬭᬾᬄᬳᬭᬶᬮᬶᬦ᭄ᬢᬂᬯᬶᬓᬦ᭄᭞ᬗ᭄ᬮᬾᬤᬗᬶ [ 40 ][᭓᭙ 39B]
᭓᭙
ᬦ᭄ᬭᬓᬗᬯᬾᬓᬧᬶᬮᬸᬮᬸᬢ᭄᭞ᬳᬯᬦᬦ᭄ᬳᬲᬶᬂᬓᬢᬸᬦᬲ᭄᭞ᬳᬶᬤᬵᬓᬬᬸᬦ᭄ᬫᬗ᭄ᬮᬶᬗ᭄ᬕᬶᬳᬶᬦ᭄᭟ᬲᬫᬮᬶᬄᬧᬧᬶᬦᭂᬄᬳᬶᬤᬵ᭞ᬲᬵᬫ᭄ᬧᬸᬦ᭄ᬜᬦ᭄ᬤᬂᬳᬶᬤᬵᬫᬫᬍᬲ᭄‌ᬯ᭄ᬬᬓ᭄ᬢᬶ᭞ᬭᬾᬄᬓᬧᬶᬦᭂᬄᬮᬫᬲᬵᬫ᭄ᬧᬸᬦ᭄᭞ᬳᬭᬶᬳᬶᬤ᭄ᬯᬕᬸᬂᬧᬸᬢᬺ᭞ᬦ᭄ᬫᬸᬮᬭᬳᬯᬦᬦ᭄ᬳᬶᬤᬵᬫᬓᬬᬸᬦ᭄‌ᬫᬍᬲ᭄ᬗᬶᬘᬾᬦ᭄ᬳᬭᬶᬮᬾ
ᬤᬂ᭞ᬳᬶᬤᬾᬯᬕᬸᬂᬧᬸᬢᬺᬯ᭄ᬬᬓ᭄ᬢᬶ᭟ᬓᬮᬶᬄᬳᬶᬤᬵᬚ᭄ᬭᬶᬄᬧᬶᬲᬦ᭄᭞ᬭᬶᬂᬪᬝᬵᬭᬧᬘᬂᬫᬶᬯᬮᬶᬦ᭄ᬕᬢᬶ᭞ᬭᬾᬄᬲ᭄ᬧᭂᬂᬓᬤᬳᬸᬄᬢᬸᬳᬸ᭞ᬓ᭄ᬦᬶᬳᬕᬾᬫᬸᬜ᭄ᬘᬶᬗᬂ᭞ᬲᬧᬸᬦᬶᬓᬵᬧᬧᬶᬦᭂᬄᬳᬶᬤᬵᬳᬶᬤ᭄ᬯᬕᬸᬂ᭞ᬫᬥᬾᬕ᭄ᬮᬶᬲ᭄ᬗᬸᬲᬧᬸᬲᬧ᭄᭞ᬗᬲᬶᬳᬶᬦ᭄ᬳᬭᬶᬦᬾᬫᬗ᭄ᬓᬶᬦ᭄᭟ᬫᬾᬦᬓᬕᬸᬂᬜᬫᬦ᭄ᬢ᭄ᬬᬂ᭞ᬗᬸᬤᬵᬓᬾᬦᬾ
ᬲᬬᬦ᭄‌ᬢ᭄ᬯᬭᬵᬗᬸᬕᭀᬦᬶᬦ᭄᭞ᬲᬬᬦ᭄ᬲᬬᬦ᭄ᬳᬦᬓᬕᬸᬂ᭞ᬢ᭄ᬯᬭᬧᬶᬲᬦ᭄ᬗᬶᬤ᭄ᬧᬂ᭞ᬦᬄᬦᬾᬚᬦᬶᬢ᭄ᬬᬂᬢᬸᬢᬸᬭᬶᬦᬓᬕᬸᬂ᭞ᬳᬧᬂᬓᬕᬸᬂᬢᬢᬲ᭄ᬦᬯᬂ᭞ᬢ᭄ᬬᬂᬢᬾᬫᬫᬸᬲᬸᬄᬯᬶᬥᬶ᭟ᬪᬝᬵᬭᬮᬶᬦ᭄ᬢᬂᬧᬫᭂᬗ᭄ᬕᬄ᭞ᬩᬦᬾᬢ᭄ᬬᬂᬦᬶᬦ᭄ᬳᬶᬤᬚᬢᬶ᭞ᬓᬳᬸᬘᬧ᭄ᬫᬗᬯᬸᬳᬯᬸ᭞ᬢ᭄ᬯᬭᬵᬢᬶᬦ᭄ᬤᬶᬄᬓᬾᬦ᭄ᬤᬩ᭄ᬥᬵ᭞ᬓ᭄ᬭᬡᬲᬶᬤᬵᬢ᭄ᬬᬂ
ᬦ᭄ᬧᬸᬓᬶᬦᬓᬕᬸᬂ᭞ᬭᬾᬄᬳᬶᬤᬵᬫᬫᬶᬤᬃᬢᬬᬂ᭞ᬲᬳᬫᬗᬸᬢᬸᬲ᭄ᬫᬗᬮᬶᬄ᭟ᬩ᭄ᬭᬶᬦ᭄ᬳᬶᬤᬵᬫᬧᬗᬃᬱᬵ᭞ᬬᬾᬦᬶᬂᬲᬸᬩᬧᬥᬫᬓᬸᬫ᭄ᬧᬸᬮ᭄‌ᬤᬶᬦᬶ᭞ᬓᬮᬶᬄᬬᬾᬦᬶᬂᬮᬫᬢᬸᬳᬸ᭞ᬳᬶᬜ᭄ᬚᭀᬃᬫᬦ᭄ᬫᬸᬮᬭ᭞ᬲᬸᬳᬸᬤ᭄ᬗᬸᬩ᭄ᬤᬦᬄᬳᬾᬗ᭄ᬕᬮᬂᬧᬤᬗᬓᬸ᭞ᬳᬢᬹᬃᬢᬶᬢ᭄ᬬᬂᬲᬶᬂᬤᬵᬢᬸᬮᬓ᭄᭞ᬫᬲᬶᬄᬳ᭄ᬦᬸᬗᬸᬩ᭄ᬥᬕ
[᭔᭐ 40A]
ᬢᬶ᭟ᬓ᭄ᬭᬡᬳᬶᬜ᭄ᬚᭀᬃᬧᬬᬸᬧ᭄ᬚᬄ᭞ᬪᬝᬵᬭᬦᬾᬮᬶᬦ᭄ᬢᬂᬫᭂᬗ᭄ᬕᬄᬢᬦ᭄ᬲᬶᬧᬶ᭞ᬅᬢ᭄ᬫᬦᬾᬳᬶᬜ᭄ᬚᭀᬃᬫᬓᬸᬭᬸᬂ᭞ᬤᬲ᭄ᬢᬸᬭᬓᬶᬘᬾᬦᬸᬦᬲ᭄᭞ᬭᬾᬳᬶᬂᬢ᭄ᬬᬂᬓᬤᬸᬂᬫᬩᬱᬵᬫᬢᬸᬳᬸ᭞ᬢ᭄ᬓᬾᬦ᭄ᬳᬚᬶᬅᬮᬶᬗ᭄ᬕᬶᬄᬲᬫ᭄ᬬᬦ᭄᭞ᬬᬦ᭄ᬢᬦ᭄ᬲᬶᬤᬵᬳᬶᬤᬸᬧ᭄ᬫᬮᬶᬄ᭟ᬳᬢᬸᬃᬢᬶᬢ᭄ᬬᬂᬧᬘᬂᬩᬾᬮᬵ᭞ᬓ᭄ᬭᬘᬢ᭄ᬬᬂ
ᬜᬳᬢᬂᬦᬸᬦᬲ᭄ᬩ᭄ᬯᬶᬦ᭄᭞ᬲᬫᬦ᭄ᬤᬾᬦᬾᬲᬶᬤᬳᬶᬤᬸᬧ᭄‌᭞ᬧᬂᬢ᭄ᬬᬂᬩᬸᬯᬸᬂᬧ᭄ᬚᬄ᭞ᬲᬶᬤᬵᬓᬶᬘᬾᬦ᭄ᬳᬢ᭄ᬫᬦ᭄‌ᬫᬶᬲᬦᬾᬦᬓᬕᬸᬂ᭞ᬓᬮᬶᬄᬳᬶᬤᬵᬫᬧᬗᬃᬱᬵ᭞ᬢ᭄ᬯᬭᬵᬓᬶᬘ᭄ᬙᬾᬦ᭄ᬧᬶᬯᬮ᭄‌ᬩ᭄ᬯᬶᬦ᭄᭟ᬳᬧᬂᬲᬸᬳᬸᬤ᭄ᬫᬜᬗ᭄ᬲᬭᬵ᭞ᬢ᭄ᬯᬄᬳᬓᬾᬢᭀᬜᬦ᭄ᬤᬂᬲᬸᬩᬤᭂ
ᬦ᭄ᬤᬦᬶᬦ᭄᭞ᬳᬶᬓᬾᬦ᭄ᬢᭂᬦ᭄ᬧᬦ᭄ᬤᬶᬓᬵᬢᬸᬳᬸ᭞ᬢᭀᬓ᭄ᬭᬡᬢ᭄ᬬᬂᬲᬬᬂ᭞ᬍᬩᬶᬄᬢᬓᬸᬢ᭄ᬩ᭄ᬯᬶᬦ᭄ᬧᬶᬯᬮ᭄ᬳᬦᬓᬕᬸᬂ᭞ᬬᬦ᭄ᬢᬦᬓᬕᬸᬂᬗᬯᬾᬦᬂ᭞ᬳᬧᬂᬢ᭄ᬬᬂᬲᬸᬳᬸᬤ᭄ᬤᬶᬤᬶᬧ᭄᭟ᬓᬮᬶᬄᬲᬸᬳᬸᬤ᭄ᬢᬦ᭄ᬤ᭄ᬭᬸᬄᬲᬬᬂ᭞ᬩᬢᭂᬓ᭄ᬢᬶᬢᬄᬧᬜᬢ᭄ᬭᬶᬦ᭄ᬲᬂᬳ᭄ᬬᬂᬯᬶᬥᬶ᭞ᬭᬾᬳᬶᬂᬫᬸᬮᬳᬦ
ᬓᬕᬸᬂ᭞ᬳᬶᬜ᭄ᬚᭀᬃᬬᭀᬕ᭄ᬬᬗ᭄ᬮᬳᬂ᭞ᬬᬦ᭄ᬢᬦ᭄ᬩᬸᬤᬸᬄᬲᬓᬾᬂᬤᭂᬦ᭄ᬤᬯᬶᬥᬷᬢᬸᬳᬸ᭞ᬢᭀᬂᬦᬸᬕᬳ᭄ᬬᬧᬘᬂᬳ᭄ᬮᬲ᭄᭞ᬓᬮᬶᬄᬢ᭄ᬯᬭᬫᬦ᭄ᬫᭂᬦᬶᬦ᭄᭟ᬳᬮᬶᬄᬤᬶᬢᬸᬳᬗ᭄ᬕᭀᬦ᭄‌ᬘᬶᬤᬺ᭞ᬢᭀᬜᬫᬦᬾᬍᬩᬶᬄᬩᬦᬗᬯᬾᬦᬶᬦ᭄᭞ᬳᬓᬾᬢᭀᬚᬢᬶ [ 41 ][᭔᭐ 40B]
᭔᭐
ᬜᬓᬕᬸᬂ᭞ᬳᬶᬤ᭄ᬧᬂᬤᬵᬧᭂᬗ᭄ᬓᬸᬂᬦᬄ᭞ᬫᬮᬶᬄᬗᬸᬲᬧ᭄ᬲᬃᬯ᭄ᬯᬶᬫᬗᬼᬓᬲ᭄ᬳᬶᬤ᭄ᬯᬕᬸᬂ᭞ᬤᬕᬶᬂᬫᬦ᭄ᬢ᭄ᬭᬭᬾᬄᬯᬶᬰᬾᬱᬵ᭞ᬓ᭄ᬦᬶᬓᬬᬸᬦ᭄ᬳᬶᬤᬵᬯ᭄ᬬᬓ᭄ᬢᬶ᭟ᬦᬭᬶᬫᬓᬳᬶᬘᬾᬦ᭄ᬲᬸᬭᬵᬢ᭄᭞ᬯᬸᬲ᭄ᬓᬢᬶᬩᬲᬂᬤ᭄ᬬᬄᬫᬦ᭄ᬢ᭄ᬭᬫᬗ᭄ᬓᬶᬦ᭄᭞ᬫᬮᬶᬄᬫᬗᬦ᭄ᬤᬶᬓᬵᬳᬮᬸᬲ᭄᭞ᬳ᭄ᬦᬾᬩᬮᬶᬳᬶᬲᬬᬂ᭞ᬳ
ᬧᬂᬢᬯᬂᬯᬶᬢ᭄‌ᬓ᭄ᬦᭂᬄᬫᬶᬲᬦᬾᬢᬸᬳᬸ᭞ᬳᬶᬫᬸᬢᭂᬃᬜᭂᬫ᭄ᬩᬄᬫᬢᬸᬢᬂ᭞ᬓᬮᬶᬄᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭟ᬳᬕᬸᬂᬢᬍᬃᬫᬶᬲᬺᬗᬂ᭞ᬤᬵᬲᬂᬤ᭄ᬬᬄᬭᬵᬢ᭄ᬦᬚ᭄ᬯᬶᬢᬦᬾᬫᬗ᭄ᬓᬶᬦ᭄᭞ᬫ᭄ᬢᬸᬚ᭄ᬭᬶᬳᬾᬓ᭄ᬮᬂᬓᬸᬂ᭞ᬧᬘᬂᬢᬸᬮᬓ᭄ᬭᬶᬂᬭᬓᬵ᭞ᬓᬬᬸᬦ᭄ᬳᬶᬤᬵᬭᬾᬄᬓᬢᬶᬩᬾᬦ᭄ᬫᬦ᭄ᬢ᭄ᬭᬲᬵᬫ᭄ᬧᬸᬦ᭄᭞ᬳᬯᬶᬦᬦ᭄ᬜᭂᬫ᭄ᬩᬄ
ᬫᬫᬶᬢᬂ᭞ᬳᬢᬸᬃᬲᬺᬢ᭄‌ᬗᭂᬫ᭄ᬩᭂᬂᬢᬗᬶᬲ᭄᭟ᬤᬾᬯᬕᬸᬂᬢᬶᬢ᭄ᬬᬂᬦᬯ᭄ᬕᬂ᭞ᬦᬾᬦ᭄ᬢᭂᬦ᭄ᬫᬶᬥᭂᬧ᭄ᬗᬃᬬ᭄ᬬᬧᬫᬍᬲ᭄‌ᬯ᭄ᬬᬓ᭄ᬢᬶ᭞ᬭᬓᬦ᭄ᬥᬵᬫᬵᬦᬶᬫ᭄ᬩᬮ᭄ᬳᬮᬸᬲ᭄᭞ᬧᬘᬂᬳᬶᬤᬵᬫᬍᬲᬸᬭᬵᬢ᭄᭞ᬤᬵᬳᬭᬶᬦ᭄ᬤᬵᬜᭂᬫ᭄ᬩᬄᬗᬓ᭄ᬱᬶᬲᬸᬭᬵᬢ᭄ᬲᬫ᭄ᬧᬸᬦ᭄᭞ᬦᬗ᭄ᬳᬶᬂᬳᬶᬤᬵᬓᬳᬾᬭᬗᬦ᭄᭞ᬭᬾᬄᬓᬕᭂᬗ
ᬦ᭄‌ᬚ᭄ᬭᬶᬄᬯ᭄ᬬᬓ᭄ᬢᬶ᭟ᬯᬸᬲ᭄ᬓᬧᬶᬦᭂᬄᬲᬸᬭᬵᬢ᭄ᬲᬫ᭄ᬬᬦ᭄᭞ᬮᬶᬦ᭄ᬢᬂᬮᬾᬤᬂᬭᬓᬦ᭄ᬥᬵᬗᬓ᭄ᬱᬶᬫᬗ᭄ᬓᬶᬦ᭄᭞ᬫᬯᬸᬯᬸᬄᬳᬰᬶᬄᬤᬶᬓᬬᬸᬦ᭄᭞ᬭᬓᬵᬳᬮᬸᬲ᭄ᬗᬦ᭄ᬤᬶᬓᬵ᭞ᬭᬶᬂᬳᬭᬶᬦ᭄ᬤᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬦᬓᬕᬸᬂᬦᬶᬓᬶᬧᬶᬋᬗᬂ᭞ᬳᬚᬓ᭄ᬤᬤ᭄ᬯᬗ᭄ᬮᬄᬚᬦᬶ᭟ᬳᬓ᭄‌ᬳ᭄ᬬᬂᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬢ᭄ᬯᬄ
[᭔᭑ 41A]
ᬢᬾᬬᬓ᭄ᬢᬶᬳᬶᬜ᭄ᬚᭀᬃᬗ᭄ᬮᬳᬂᬫᬗ᭄ᬓᬶᬦ᭄᭞ᬓᬤᬸᬂᬲᬗ᭄ᬕᬸᬧ᭄ᬢ᭄ᬬᬂᬓᬕᬸᬂ᭞ᬳᬧᬂᬳᬶᬧᬸᬦ᭄ᬫᬤ᭄ᬢᬤ᭄᭞ᬤᬵᬳᬭᬶᬦ᭄ᬤᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬢ᭄ᬯᬭᬧᬜ᭄ᬚᬂᬳᬢᬸᬃᬳᬶᬤᬵ᭞ᬲᬭᬡᬵᬳᬯᬓᬾᬳᭂᬗ᭄ᬕᬶᬄ᭟ᬳᬓᬾᬄᬦᬾᬦᬾᬓᬩᬯᭀᬲᬂ᭞ᬦᭂᬂᬤᬶᬓᬫᬃᬤᬶᬳᬫ᭄ᬩᬾᬦ᭄‌ᬓᭀᬘᬧ᭄ᬚᬦᬶ᭞ᬲᬂᬦᬵᬣᬮᬾ
ᬤᬂᬓ᭄ᬮᬂᬓᬸᬂ᭞ᬓᬸᬭᬶᬧᬦ᭄ᬗᬓ᭄ᬱᬶᬳᬶᬓᬵ᭞ᬳᬶᬤᬾᬯᬕᬸᬂᬩ᭄ᬬᬂᬫᬗᬦ᭄ᬤᬶᬓᬵᬳᬮᬶᬲ᭄᭞ᬢᬦ᭄ᬲᬄᬭᬶᬂᬳᬶᬤ᭄ᬯᬕᬸᬂᬧᬸᬢᬺ᭞ᬳᬤᬶᬦᬾᬫᬲᬤᬸᬫᬸᬮᬶᬄ᭟ᬳᬦᬓ᭄ᬤᬫᭂᬧᭂᬲ᭄ᬫᬜᭂᬫ᭄ᬩᬄ᭞ᬗᬸᬦᬶᬗᬬᬂᬳᬶᬧᬸᬦ᭄ᬫᬧᬚᬃᬯ᭄ᬬᬓ᭄ᬢᬶ᭞ᬲᬕᬾᬢ᭄ᬧᬗ᭄ᬯᬾᬤᬗᬦ᭄ᬭᬯᬸᬄ᭞ᬳᬰ᭄ᬭᬶᬫᬓᬦ᭄ᬤᬓᬦ᭄ᬤ᭞ᬲᬫ᭄ᬧᬸᬦ᭄ᬓᬢᬸᬃᬲᬂᬦᬵᬣᬗᬦ᭄ᬤᬶ
ᬓᬢᬗ᭄ᬮᬸᬲ᭄᭞ᬫᬦᬯᬸᬳᬶᬦ᭄ᬥᬵᬳᬦᬓ᭄ᬤᬵ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭟ᬕ᭄ᬬᬸᬃᬤᭀᬂᬲᬸᬯᬸᬤ᭄ᬚᬸᬫᬳᬦ᭄᭞ᬫᬳᬶᬗᭀᬧᬶᬢᬓᬾᬄᬲᬋᬂᬫ᭄ᬭᬶᬬᬸᬓᬶᬦ᭄᭞ᬩ᭄ᬬᬂᬳᬚᬶᬲᬮᬶᬂᬢᭂᬫ᭄ᬩᬸᬂ᭞ᬢᬦ᭄ᬓᬤᬶᬤᬯᬸᬯᬦ᭄ᬤᬵ᭞ᬳᬶᬤᬾᬯᬕᬸᬂᬫᬥᬾᬕ᭄ᬮᬶᬲ᭄ᬫᬶᬚᬶᬮ᭄ᬲᬫ᭄ᬧᬸᬦ᭄᭞ᬯᬸᬲ᭄ᬤᬶᬳᬫ᭄ᬩᬾᬦ᭄ᬳᬶᬤᬵᬜᭂᬫ᭄ᬩᬄ᭞ᬳᬸ
ᬯᬦ᭄ᬥᬵᬫᬮᬶᬄᬦᬓᬾᬦᬶᬦ᭄᭟ᬳᬧᬳᬧᬫᬭᬯᭀᬲᬂ᭞ᬓ᭄ᬭᬡᬳᬶᬢᭂᬄᬳᬦᬓ᭄ᬤᬵᬜᭂᬫ᭄ᬩᬄᬕ᭄ᬮᬶᬲ᭄᭞ᬢᬶᬢ᭄ᬬᬂᬫᬶᬢᬸᬢᬸᬭᬶᬦ᭄‌ᬤ᭄ᬯᬕᬸᬂ᭞ᬳᬶᬧᬸᬦ᭄ᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬳᬶᬤᬾᬯᬕᬸᬂᬩ᭄ᬬᬂᬓᬸᬭᬶᬧᬦ᭄ᬫᬦᭂᬫ᭄ᬩᬸᬂ᭞ᬦᬄᬤ᭄ᬧᬶᬦ᭄ᬤᬸᬮᬸᬭᬶᬦ᭄ᬲᬸᬲᬄ᭞ᬳᬶᬤᬾᬯᬕᬸᬂᬧᬸᬢᬺᬕ᭄ᬮᬶᬲ᭄᭟ᬫᬜᬶᬤᬺᬜᬶᬤᬺᬭᬓᬦ᭄ᬥ [ 42 ][᭔᭑ 41B]
᭔᭑
᭞ᬲᬵᬫ᭄ᬧᬸᬦ᭄ᬳᬶᬤᬵᬓᬧᭂᬦ᭄ᬤᬓ᭄ᬮᬶᬭᬶᬂᬫᬗ᭄ᬓᬶᬦ᭄᭞ᬳᬭᬶᬦ᭄ᬥᬵᬫᬯᬗ᭄ᬲᬶᬢ᭄ᬤᬸᬮᬸ᭞ᬤᬕᬶᬂᬳᬶᬤᬵᬦᬸᬦᬲᬂ᭞ᬳᬦ᭄ᬢᬸᬓ᭄ᬱᬸᬭᬵᬢ᭄ᬲᬶᬤ᭄ᬥᬵᬢᬦ᭄ᬲᬶᬤ᭄ᬥᬵᬤᬾᬯᬕᬸᬂ᭞ᬭᬓᬦ᭄ᬥᬵᬫᬯᬗ᭄ᬲᬶᬢ᭄ᬦᬶᬫ᭄ᬩᬮ᭄᭞ᬓᬲᬶᬤᬦ᭄‌ᬚᬮᬦ᭄ᬫᬧᬫᬶᬢ᭄᭟ᬳᬭᬶᬫᬯᬗ᭄ᬲᬶᬢ᭄‌ᬢᬦ᭄ᬢᬸᬮᬓ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬗᬯᬾᬤᬂᬲᬋᬂᬲᬫᬶ᭞ᬧᬶᬦᭂᬄᬧᬸᬓᬸᬮᬶ
ᬫᬲᬵᬫ᭄ᬧᬸᬦ᭄᭞ᬳᬦᬓ᭄ᬤᬓᬮᬶᬄᬜᭂᬫ᭄ᬩᬄ᭞ᬳᬚᬶᬩ᭄ᬬᬂᬗᬗ᭄ᬕᬸᬢᬶᬦ᭄ᬲᬫᬶᬫᬩ᭄ᬭᬶᬬᬸᬓ᭄᭞ᬤᬵᬲᬂᬓᬮᬶᬄᬢ᭄ᬤᬸᬦ᭄ᬳᬶᬤᬵ᭞ᬧᬭᬧᬸᬢᬺᬜᭂᬫ᭄ᬩᬄᬲᬫᬶ᭟ᬤᬕᬶᬂᬫᬧᬫᬶᬢ᭄ᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬳᬶᬤᬵᬓᬩᬮᬾᬫᬹᬃᬤ᭄ᬥᬵᬗ᭄ᬭᬭᬶᬲ᭄᭞ᬲᬂᬓᬮᬶᬄᬫᬗ᭄ᬭᬜ᭄ᬚᬶᬂᬲᬵᬫ᭄ᬧᬸᬦ᭄᭞ᬢᬦ᭄ᬲᬄᬫᬤᬦ᭄ᬤᬦ᭄ᬢᬗᬦ᭄᭞ᬯᬸᬲ᭄ᬤᬶ
ᬓᬫᬃᬳᬭᬶᬦ᭄ᬤᬵᬗᬭᬲ᭄ᬫᬫ᭄ᬓᬸᬮ᭄᭞ᬤᬾᬯᬕᬸᬂᬦᬶᬓᬳᬶᬦ᭄ᬢᬶᬢ᭄ᬬᬂ᭞ᬳᬯᬦᬦ᭄ᬓᬬᬸᬦ᭄ᬳᬶᬬᬭᬶ᭟ᬭᬓᬦ᭄ᬥᬵᬓᬬᬸᬦ᭄ᬫᬗᬭᬲ᭄᭞ᬲᬃᬯ᭄ᬯᬶᬳᬶᬤᬵᬫᬶᬤᬃᬢ᭄ᬢᬵᬓᬦ᭄ᬤᬵᬲᬫᬶ᭞ᬢᬸᬮᬶᬲ᭄ᬳᬶᬤᬦᬾᬦᬓᬕᬸᬂ᭞ᬲ᭄ᬤᬸᬓᬾᬦᬶᬗ᭄ᬕᬮ᭄ᬧ᭄ᬚᬄ᭞ᬦᬾᬦᬾᬧᬘᬂᬢ᭄ᬓᬾᬦᬶᬂᬳᬶᬬᬤᬶᬳᬕᬸᬂ᭞ᬫᬲᬶᬄᬬ᭄ᬬᬲ᭄ᬭᬳᬶᬦ᭄ᬢ᭄ᬬᬂ᭞ᬲᬳᬦᬸ
ᬦ᭄ᬤᬾᬦᬂᬫᬘᬳᬶᬦ᭄᭟ᬳᬭᬶᬦ᭄ᬤᬮᬾᬤᬂᬓᬮᬶᬦ᭄ᬢᬂ᭞ᬩᬸᬫ᭄ᬬᬃᬱᬵᬜᭂᬫ᭄ᬩᬄᬦᬾᬦ᭄ᬢᭂᬦ᭄ᬫᬕᬦ᭄ᬢᬶ᭞ᬗᬭᬲ᭄ᬗᬭᬲ᭄ᬭᬓᬵᬫ᭄ᬓᬸᬮ᭄᭞ᬤᬾᬯᬕᬸᬂᬧᬦᭂᬫ᭄ᬩᬳᬦ᭄᭞ᬮᬶᬦ᭄ᬢᬂᬲ᭄ᬯᬾᬘ᭄ᬙᬵᬳᬭᬶᬯᬶᬓᬦ᭄ᬗᭂᬢᬸᬲ᭄ᬓᬬᬸᬦ᭄᭞ᬭᬓᬦ᭄ᬥᬵᬫᬍᬲ᭄ᬫᬗᬭᬲ᭄᭞ᬳ᭄ᬤᬓᬾᬭᬯᭀᬲᬂᬩ᭄ᬯᬶᬦ᭄᭟ᬚᬮᬦ᭄ᬫᬮᬸᬫᬳᭂᬫ᭄ᬲᬬᬂ᭟
[᭔᭒ 42A]
ᬤᬵᬳᬭᬶᬦ᭄ᬥᬵᬗᬭᬲ᭄ᬦᬾᬦ᭄ᬢᭂᬦ᭄ᬫᬶᬯᬮᬶᬦ᭄᭞ᬫᬩᬋᬗᬦ᭄ᬫᬶᬚᬶᬮ᭄ᬲᬫ᭄ᬧᬸᬦ᭄᭞ᬢᬦ᭄ᬓᭀᬘᬧ᭄ᬲᬫ᭄ᬧᬸᬦ᭄ᬳᬸᬲᬦ᭄᭞ᬫᬗᬬᬸᬦᬂᬧᬺᬧᬸᬢᬺᬳᬦ᭄ᬢᭂᬦᬃᬲᬫ᭄ᬧᬸᬦ᭄᭞ᬢᬦ᭄ᬲᬄᬳᬶᬤᬵᬫᬓᬫᬸᬮᬦ᭄᭞ᬧᬶᬦᭂᬄᬯ᭄ᬗᬶᬬᭀᬯᬸᬓᬸᬮ᭄ᬓᬮᬶᬄ᭟ᬲᬂᬓᬮᬶᬄᬗ᭄ᬭᬜ᭄ᬚᬶᬂᬓᬫᬃ᭞ᬧᬭᬧᬸᬢ᭄ᬭᬓᬮᬶᬄᬳᬦ᭄ᬢᭂᬦᬃᬲᬫᬶ᭞ᬧᬤᬗᬸᬗ᭄ᬲᬶᬳᬸᬗ᭄ᬕ᭄ᬯ
ᬦ᭄ᬲᬵᬫ᭄ᬧᬸᬦ᭄᭞ᬧᬤᬗᬚᬓᬍᬕᬦ᭄᭞ᬢᬦ᭄ᬓᭀᬘᬧᬲᬲᭀᬮᬳᬾᬚᬶᬦᭂᬫ᭄ᬭᬸᬫ᭄᭞ᬧᬤᬲᬶᬋᬧ᭄ᬲᬋᬂᬲᬫ᭄ᬬᬦ᭄᭞ᬲᬕᬾᬢᬦ᭄ᬭᬳᬶᬤᬵᬫᬗ᭄ᬓᬶᬦ᭄᭟᭚ᬲᬶᬦᭀᬫ᭄᭚ᬳᬶᬤᬾᬯᬕᬸᬂᬲᬋᬂᬲᬫ᭄ᬬᬦ᭄᭞ᬕᬭᬯᬮᬦ᭄ᬳᬶᬤᬵᬯ᭄ᬬᬓ᭄ᬢᬶ᭞ᬭᬾᬳᬶᬂᬳᬬᬢ᭄ᬧᬘᬂᬮᬸᬗᬵ᭞ᬓᬫᬸᬱ᭄ᬝ
ᬧᬵᬲᬦᬾᬫᬗ᭄ᬓᬶᬦ᭄᭞ᬫᬲᬶᬭᬫ᭄ᬧᬤᬲᬫᬶ᭞ᬫᬶᬦᬓᬤᬶᬧᬳ᭄ᬬᬲ᭄‌ᬲᬵᬫ᭄ᬧᬸᬦ᭄᭞ᬧᬤᬫᬦᬸᬢ᭄ᬳᬦᬸᬢᬦ᭄᭞ᬚᬯᬦᬶᬂᬲᬂᬯᬶᬭᬓᬮᬶᬄ᭞ᬦᬾᬦ᭄ᬢᭂᬦ᭄ᬓᬸᬗᬵ᭞ᬳᬶᬤᬾᬯᬕᬸᬂᬳᬶᬤᬵ᭟ᬭᬾᬄᬳᬦᬓ᭄ᬤᬵᬦᬾᬦ᭄ᬢᭂᬦ᭄ᬮᬸᬗᬵ᭞ᬭᬵᬢ᭄ᬦᬵᬚ᭄ᬯᬶᬢ᭄ᬣᬵᬧᬦ᭄ᬧ᭄ᬭᬶᬬᬢᬶ᭞ᬳ᭄ᬦᭂᬗᬂᬦᬾᬦᬾᬦ᭄ᬢᭂᬦ᭄ᬮᬸᬗᬵ᭞
ᬦᬾᬧᬘᬂᬮᬸᬗᬵᬩᬮᬶᬓᬶᬦ᭄᭞ᬳᬶᬤ᭄ᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬳᬶᬤᬵᬫᬤᬤᬯᬸᬄ᭞ᬩᬶᬄᬳᬶᬩᬓ᭄ᬫᬳᬾᬗ᭄ᬕᬮ᭄᭞ᬳ᭄ᬬᬫᬢᬸᬦ᭄ᬤᬾᬦᬂᬚᬦᬶ᭞ᬫᬫᭂᬲ᭄ᬯᬂᬲ᭄ᬧᬸᬃᬧᬢ᭄ᬧᬢ᭄ᬮᬓᬃᬮ᭄ᬯᬲ᭄᭟ᬳᬶᬓᬧ᭄ᬲᬸᬦ᭄‌ᬫᭂᬧᭂᬲ᭄ᬫᬜᬸᬫ᭄ᬩᬄ᭞ᬕ᭄ᬮᬶᬲ᭄ᬓᬚᬩᬦᬾᬫᬗ᭄ᬓᬶᬦ᭄᭞ᬢᬦ᭄ᬓᭀᬘᬧ᭄ᬳᬶᬤᬦᬯᬸᬳᬂ᭞ᬳᬶᬬᬫᬢ᭄ᬕᬦ᭄ᬲᬃ [ 43 ][᭔᭒ 42B]
᭔᭒
ᬦᬾᬫᬗ᭄ᬓᬶᬦ᭄᭞ᬦᬩ᭄ᬤᬩ᭄ᬧᬓᬓᬲ᭄‌ᬕ᭄ᬮᬶᬲ᭄᭞ᬲ᭄ᬧᬸᬃᬧᬢ᭄ᬧᬢ᭄ᬫᬶᬚᬶᬮ᭄ᬲᬫ᭄ᬧᬸᬦ᭄᭞ᬲᬸᬧᬶᬃᬦᬾᬩᬕᬸᬲᬫ᭄ᬬᬦ᭄᭞ᬧᬤᬧᬲ᭄ᬡᬢᬗ᭄ᬓᭂᬧ᭄ᬓᬮᬶᬲ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄‌ᬦᬾᬫ᭄ᬬᬲ᭄‌ᬩ᭄ᬯᬶᬦ᭄ᬳᬸᬘᬧᬂ᭟ᬳᬶᬤᬾᬯᬕᬸᬂᬳᬚᬶᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬶᬬᬲ᭄‌ᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬩ᭄ᬬᬂᬢᬶᬕᬵ᭞ᬫᬗᬗ᭄ᬕᬾᬧᬢᭂᬄ
ᬲᬯ᭄ᬬᬓ᭄ᬢᬶ᭞ᬳᬧᬦ᭄ᬳᬦᬸᬢᬦ᭄ᬲᬶᬧᬶ᭞ᬭᬾᬄᬭᬓᬵᬭᬳᬶᬫᬓᬸᬫ᭄ᬧᬸᬮ᭄᭞ᬓᬮᬶᬄᬲᬫ᭄ᬧᬸᬦ᭄ᬫᬬᭀᬕᬵ᭞ᬫᬶᬦᬓᬤᬶᬰ᭄ᬭᬶᬫᬤᬾᬯᬶ᭞ᬯᬸᬲ᭄ᬫᬳ᭄ᬬᬲ᭄‌᭞ᬢᬦ᭄ᬓᬤᬶᬘᭀᬓᭀᬃᬤᬵᬲᬫ᭄ᬬᬦ᭄᭟ᬓᬮᬶᬄᬤᬲᬂᬭᬵᬚᬓᬦ᭄ᬬ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬜᬋᬗᬶᬦ᭄᭞ᬳᬕᬸᬂᬫᬗᬦᬸᬢᬂᬫ᭄ᬬᬲ᭄᭞ᬧᬭᬧᬸᬢ᭄ᬭᬶᬫ᭄ᬬᬲᬫᬶ᭞ᬯᬸᬲ᭄ᬧᬸ
ᬧᬸᬢ᭄ᬲᬋᬂᬲᬫᬶ᭞ᬲᬂᬓᬮᬶᬄᬫᬜᬶᬗᬓ᭄ᬱᬫ᭄ᬧᬸᬦ᭄᭞ᬦᬾᬮᬦᬂᬘᬭᬶᬢᬬᬂ᭞ᬧᬤᬫᬕᬶᬮᬧ᭄ᬗᬧᬶᬓᬶᬦ᭄‌᭞ᬳᬶᬤᬾᬯᬕᬸᬂᬫᬥᬾᬳᬶᬤᬾᬯᬕᬸᬂᬧᬸᬢᬺ᭟ᬫᬧᬗᬗ᭄ᬕᭀᬧᬧᬢᭂᬳᬦ᭄᭞ᬧᬤᬢᭀᬂᬩᬓᬢ᭄‌ᬓ᭄ᬦᬳᬶᬦ᭄᭞ᬫᬢᬸᬧᬶᬧᬳᬸᬢ᭄ᬲᬯᬯᬵ᭞ᬧᬤᬫᬢᬭᬸᬫ᭄ᬧᬄ᭞ᬧᬤᬩᬕᬸᬲ᭄ᬗᬾᬤᬦᬶᬦ᭄᭞ᬧ
ᬤᬫᬗᬸᬦ᭄ᬕᬸᬂᬮᬸᬮᬸᬢ᭄᭞ᬢ᭄ᬯᬭᬧᬤᬗᬶᬤᬶᬳᬂ᭞ᬘᬘᬶᬭᬵᬢ᭄ᬲᬯᬯᬫᬶᬗᬶᬤ᭄᭞ᬘᬘᬶᬗᬓᬾ᭞ᬫᬗ᭄ᬭᬾᬤᬾᬧ᭄ᬫᬗ᭄ᬤᬄᬘᬓ᭄ᬘᬓ᭄᭟ᬲᬯᬯᬵᬫᬦᬶᬲ᭄ᬫᬜᬤᬦ᭄᭞ᬲᬂᬓᬮᬶᬄᬲᬵᬫ᭄ᬧᬸᬦ᭄ᬫᬍᬗᬶᬲ᭄᭞ᬧ᭄ᬭᬧᬸᬢᬺᬓᬮᬶᬄᬳᬦ᭄ᬢᭂᬦᬃ᭞ᬲᬧᬗᬗ᭄ᬕᭀᬧᬢᭂᬄᬲᬫᬶ᭞ᬲᬵᬫ᭄ᬧᬸᬦ᭄ᬫᬫᬶᬜᬓ᭄ᬱᬫᬶ᭞ᬓᬩᬮᬾᬫᬹᬃᬤ᭄ᬥᬵ
[᭔᭓ 43A]
ᬫᬩ᭄ᬭᬶᬬᬸᬓ᭄᭞ᬓᬤᬶᬕᬦ᭄ᬥᬃᬯ᭄ᬯᬵᬭᬚᬵ᭞ᬲᬂᬓᬮᬶᬄᬧᬧᬕ᭄ᬩᬦ᭄ᬮᬶᬭᬶᬂ᭞ᬮᬶᬦ᭄ᬢᬂᬮᬾᬤᬂ᭞ᬲᬂᬓᬮᬶᬄᬓ᭄ᬜᭂᬫ᭄ᬗᬦ᭄ᬤᬶᬓᬵ᭟ᬦᬄᬦ᭄ᬕᬓ᭄ᬫᬮᬸᬳᬦ᭄ᬢᬶᬬᬂ᭞ᬳᬶᬕᬶᬬᭀᬃᬮᭀᬢᬦ᭄ᬲᬶᬧᬶ᭞ᬫᬶᬦᬓᬤᬶᬳ᭄ᬬᬳᬶᬩᬸᬩᬢ᭄᭞ᬧ᭄ᬭᬧᬸᬢᬺᬜᭂᬫ᭄ᬩᬄᬲᬳᬶᬭᬶᬂ᭞ᬲᬕᬾᬢ᭄ᬦᬾᬭᬯᬸᬄᬲᬂᬓᬮᬶᬄ᭞ᬫᬓᬶᬭᬩᬦ᭄ᬧᬥᬩᬕᬸᬲ᭄
᭞ᬓᬮᬶᬄᬧᬗᬗ᭄ᬕᬾᬦ᭄ᬳᬶᬤᬵ᭞ᬧᬢᭂᬄᬲᬓᬮᬶᬄᬫᬢᬸᬧᬶ᭞ᬭᬾᬄᬭᬓᬦ᭄ᬥᬵ᭞ᬫᬗᬶᬘᬾᬦ᭄‌ᬢᬸᬧᬶᬲᬫ᭄ᬬᬦ᭄᭟ᬭᬢᬓᬬᬂᬧᬭᬧᬸᬢᬺ᭞ᬳᬶᬤ᭄ᬯᬕᬸᬂᬫᬥᬾᬗᬶᬘᬾᬦᬶᬦ᭄᭞ᬓᬮᬶᬄᬫᬢᬸᬭᬫ᭄ᬧᬄᬲᬫ᭄ᬬᬦ᭄᭞ᬧᬤᬯᬶᬓᬦ᭄ᬭᬾᬄᬫᬸᬭᬸᬓᬶᬦ᭄᭞ᬲᬲᬸᬓᬢᬾᬭᬶᬂᬚᬯᬶ᭞ᬯᬸᬲ᭄ᬫᬶᬬᬃᬱᬵᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞
ᬲᬂᬓᬮᬶᬄᬮᬾᬤᬂᬜᬶᬗᬓ᭄᭞ᬲᬃᬯᬶᬳᬶᬤᬵᬫᬗᬗ᭄ᬕᬸᬢᬶᬦ᭄᭞ᬕ᭄ᬮᬶᬲ᭄‌ᬢ᭄ᬤᬸᬦ᭄᭞ᬲᬂᬓᬮᬶᬄᬓ᭄ᬜᭂᬫ᭄ᬗᬦ᭄ᬤᬶᬓᬵ᭟ᬧᬢᭂᬄᬧᬗᬦ᭄ᬤᬶᬓᬦ᭄ᬳᬶᬤᬵ᭞ᬳᬦᬓᬕᬸᬂᬳᬦ᭄ᬢᬶᬤᬶᬦᬶ᭞ᬢ᭄ᬬᬂᬫᭂᬦ᭄ᬤᬓᬶᬦ᭄ᬩ᭄ᬬᬂ᭞ᬫᬶᬦᬓᬤᬶᬳᬚᬶᬅ᭄ ᬩ᭄ᬯᬶᬦ᭄᭞ᬳᬭᬶᬲᬂᬯᬶᬭᬓᬮᬶᬄ᭞ᬕ᭄ᬮᬶᬲ᭄ᬜᭂᬫ᭄ᬩᬄᬳᬍᬧᬳᬸᬢ᭄᭞ᬭᬓᬵᬓᬮᬶᬄᬗᬧᬸᬭᬶ
ᬬᬂ᭞ᬯᬸᬂᬢᬾᬓᭀᬃᬯᬍᬗᬶᬭᬶᬂ᭞ᬯᬸᬲ᭄ᬤᬶᬕ᭄ᬥᭀᬂ᭞ᬲᬂᬓᬮᬶᬄᬕ᭄ᬮᬶᬲ᭄ᬫᬜᭂᬫ᭄ᬩᬄ᭟ᬭᬶᬂᬳᬶᬬᬚᬶᬫᬓᬤᬶᬩ᭄ᬬᬂ᭞ᬲᬃᬯ᭄ᬯᬶᬫᬢᬸᬃᬓ᭄ᬦᬶᬫᬶᬚᬶᬮ᭄᭞ᬳᬚᬶᬩ᭄ᬬᬂᬫᬳᬗ᭄ᬕᬸᬢᬦ᭄᭞ᬲᬃᬯ᭄ᬯᬶᬳᬶᬤᬵᬫᬦ᭄ᬤᬯᬸᬳᬶᬦ᭄᭞ᬳᬦᬓ᭄ᬤᬧᬭᬳᬶᬲ᭄ᬢ᭄ᬭᬶ᭞ᬳᬦᬓ᭄ᬤᬵᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬯᬸᬲ᭄ᬓᭀᬤᬮ᭄ᬲᬋᬂᬲᬫ᭄ᬬᬦ᭄᭞ [ 44 ][᭔᭓ 43B]
᭔᭓
ᬢᬾᬧᬓ᭄ᬫᬮᬜ᭄ᬚᬂᬗ᭄ᬭᬶᬳᬶᬦᬶᬦ᭄᭞ᬯᬸᬲ᭄ᬤᬶᬚᬩ᭞ᬜᬸᬚᬸᬃᬲ᭄ᬧᬸᬃᬲᬋᬂᬲᬫ᭄ᬬᬦ᭄᭟ᬳᬭᬶᬦ᭄ᬤᬲᬂᬭᬵᬚᬓᬦ᭄ᬬ᭞ᬭᬓᬦ᭄ᬥᬵᬗᬸᬗ᭄ᬕᬳᬂᬳᬲᬶᬦ᭄᭞ᬲᬵᬫ᭄ᬧᬸᬦ᭄ᬗᬸᬗ᭄ᬕᬄᬲᬋᬂᬲᬫ᭄ᬬᬦ᭄᭞ᬲᬤᬭᬢᬲᬓᬶᬂᬩᬮᬶ᭞ᬳᬶᬤᬵᬳᬶᬤ᭄ᬯᬕᬸᬂᬲᬫᬶ᭞ᬤᬤᭀᬲ᭄ᬢᬲ᭄ᬧᬸᬃᬫᬓᬸᬫ᭄ᬧᬸᬮ᭄᭞ᬧᬭᬳᬶᬲ᭄ᬢ᭄ᬭᬶᬯᬸᬲ᭄ᬫᬗ᭄ᬕᬳᬦ᭄᭞ᬳᬶᬤᬾᬯᬕᬸᬂ
ᬫᬥᬾᬯ᭄ᬬᬓ᭄ᬢᬶ᭞ᬫᬗᬸᬲᬶᬭᬶᬦ᭄᭞ᬳᬶᬤᬾᬯᬕᬸᬩ᭄ᬕ᭄‌ᬧᬸᬢᬺᬢᬗ᭄ᬲᬄ᭟ᬭᬾᬄᬳᬶᬤᬵᬦᬸᬦᬲ᭄ᬳᬸᬭᬸᬓᬂ᭞ᬓ᭄ᬦᬶᬯᬶᬓᬦ᭄ᬫᬗᬸᬲᬶᬭᬶᬦ᭄᭞ᬭᬓᬦ᭄ᬥᬗᬸᬮᬸᬭᬶᬦ᭄ᬧᬶᬲᬦ᭄᭞ᬭᬾᬄᬓ᭄ᬜᭂᬓᬦ᭄ᬲᬬᬂᬕᬢᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗ᭄ᬓᬶᬦ᭄᭞ᬓᬬᬸᬦ᭄ᬳᬶᬤᬵᬫᬗᬸᬫᬗᬸ᭞ᬭᬾᬄᬳᬭᬶᬦᬾᬦ᭄ᬢᭂᬦ᭄ᬓᬸᬗᬵ᭞ᬳᬶᬤᬵ
ᬲᬂᬫᬡᬶᬓᬶᬂᬮᬶᬭᬶᬂ᭞ᬤᬾᬦ᭄ᬫᭂᬦᬶᬦ᭄᭞ᬜᬾᬦ᭄ᬳᬗ᭄ᬕᭀᬦ᭄ᬢᬗ᭄ᬕᬸᬦ᭄ᬮᬮ᭄ᬬᬢ᭄᭟ᬳᬓᬾᬢᭀᬫᬶᬦᭂᬄᬤᬶᬋᬥ᭞ᬳᬶᬤᬾᬯᬕᬸᬂᬫᬥᬾᬕ᭄ᬮᬶᬲ᭄᭞ᬜᬺᬕ᭄‌ᬭᭀᬤᬫᬗ᭄ᬯᬗ᭄ᬲᬶᬢᬂ᭞ᬘᬶᬳ᭄ᬦᬦᬶᬂᬫᬫᬃᬕ᭄ᬕᬶᬫᬗ᭄ᬓᬶᬦ᭄᭞ᬯᬗ᭄ᬲᬶᬢ᭄ᬲᬮᬶᬂᬢᬶᬦ᭄ᬩᬮᬶᬦ᭄᭞ᬲ᭄ᬧᬸᬃᬫᬚᬮᬦ᭄ᬲᬢ᭄ᬫᬫ᭄ᬩᬸᬃ᭞ᬭᬾᬄᬲᬸᬧᬶᬃᬫᬯᬶ
ᬰᬾᬱᬵ᭞ᬳ᭄ᬦᭂᬗᬂᬦᬸᬫᬫᬃᬕ᭄ᬕᬶ᭞ᬦᬾᬤᬶᬳᬱ᭄ᬝ᭄ᬭᬧᬸᬱ᭄ᬧᬧᬵᬚᬦᬶᬘ᭄ᬭᬶᬢᬬᬂ᭟ᬧᬦᬫ᭄ᬩ᭄ᬭᬫᬵᬯᬸᬲᬬᬕᬵ᭞ᬓᬮᬶᬄᬫᬜᬯᬶᬲᬂᬧᬲ᭄ᬢᬶ᭞ᬭᬾᬄᬲᬓᬮᬳᬚᬶᬩ᭄ᬬᬂ᭞ᬳᬧᬦᬦ᭄ᬫᭀᬩᭀᬢᬂᬲᬫᬶ᭞ᬳᬶᬤ᭄ᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬫᬳ᭄ᬬᬲ᭄ᬢᬦ᭄ᬓᭀᬘᬧᬸᬧᬸᬢ᭄᭞ᬭᬾᬄᬳᬶᬤᬵᬧ
[᭔᭔ 44A]
ᬘᬂᬫᭂᬦ᭄ᬤᬓ᭄᭞ᬓᬮᬶᬄᬧᬭᬭᬵᬢᬸᬲᬫᬶ᭞ᬲᬵᬫ᭄ᬧᬸᬦ᭄ᬭᬳᬸᬄ᭞ᬓᬤᬯᬸᬫᬗᬶᬭᬶᬂᬫᭂᬦ᭄ᬤᬓ᭄᭟ᬧᬺᬭᬵᬢᬸᬲᬫᬶᬢᬦ᭄ᬢᬸᬮᬓ᭄᭞ᬭᬶᬂᬩᬜ᭄ᬘᬶᬩᬄᬲᬵᬫ᭄ᬧᬸᬦ᭄ᬳᬕ᭄ᬭᬶ᭞ᬓᬸᬃᬲᬶᬦᬾᬫᬚᬚᬃᬚᬚᬃ᭞ᬫᬶᬲᬶᬧᬢᬭᬦᬵᬳᬲᬶᬦ᭄᭞ᬗ᭄ᬳᬶᬂᬫᬸᬦ᭄ᬥᬵᬓᬚᬂᬯ᭄ᬬᬓ᭄ᬢᬶ᭞ᬫᬗᬋᬧᬶᬦ᭄‌ᬫᬾᬚᬵᬧᬳᬸᬢ᭄᭞ᬫᬶᬲᬶᬳᬶᬦᬸᬫ᭄ᬳᬶᬦᬸ
ᬫᬦ᭄᭞ᬓᬮᬶᬄᬯᭀᬄᬯᭀᬳᬦ᭄ᬢᬦ᭄ᬓᬤᬶ᭞ᬩᬮᬾᬓᬦ᭄ᬢᭀᬃ᭞ᬲᬯᬯᬵᬫᬳᬩᬄᬳᬩᬄ᭟ᬲ᭄ᬧᬸᬃᬦᬾᬧᬘᬂᬫᬫᭂᬦ᭄ᬤᬓ᭄᭞ᬧᬧᬶᬢᬸᬲᬵᬫ᭄ᬧᬸᬦ᭄ᬭᬶᬂᬫᬃᬕ᭄ᬕᬶ᭞ᬓᭀᬤᬮ᭄ᬳᬶᬤᬾᬯᬕᬸᬂᬧᬸᬢᬺ᭞ᬫᬗᬸᬗ᭄ᬕᬳᬶᬦ᭄‌ᬲ᭄ᬧᬸᬃᬕ᭄ᬮᬶᬲ᭄᭞ᬧᬭᬧᬸᬢ᭄ᬭᬦᬾᬗᬶᬭᬶᬂ᭞ᬫᬶᬦᬓᬤᬶᬧᬭᬭᬵᬢᬸ᭞ᬲ᭄ᬧᬸᬃᬲᬵᬫ᭄ᬧᬸᬦ᭄ᬫᬚᬮᬦ᭄᭞ᬤᬶ
ᬧᬸᬭᬶᬳᬘᬸᬧᬂᬚᬦᬶ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬦᬓᬕᬸᬂᬲᬫ᭄ᬬᬦ᭄᭟ᬫᬳ᭄ᬬᬲ᭄‌ᬭᬾᬄᬧᬘᬂᬫᭂᬦ᭄ᬤᬓ᭄᭞ᬩᬦ᭄ᬢᬲ᭄ᬭᬶᬂᬩᬜ᭄ᬘᬶᬗᬄᬯ᭄ᬬᬓ᭄ᬢᬶ᭞ᬦᬾᬤᬶᬧᬸᬭᬶᬫᬮᬸᬳ᭄ᬦᭂᬗᬂ᭞ᬦᬾᬤᬶᬲ᭄ᬧᬸᬃᬩ᭄ᬯᬶᬦ᭄ᬩᬮᬶᬓᬶᬦ᭄᭞ᬲᬦᬾᬧᬘᬂᬫᭂᬦ᭄ᬤᬓᬶᬦ᭄᭞ᬕ᭄ᬮᬶᬲ᭄‌ᬤᬶᬫᬃᬕ᭄ᬕᬶᬫᬘᬸᬦ᭄ᬤᬸᬓ᭄᭞ᬲᬯᬯᬵᬧᬤᬗ᭄ᬲᬃ᭞ᬫ
ᬗᬦ᭄ᬤᭂᬓ᭄ᬭᬾᬫ᭄‌ᬲ᭄ᬧᬸᬃᬯ᭄ᬬᬓ᭄ᬢᬶ᭞ᬧᬤᬮᬾᬤᬂ᭞ᬳᬶᬤ᭄ᬯᬕᬸᬂᬳᬱ᭄ᬝ᭄ᬭᬫᬸᬲ᭄ᬢᬧᬵ᭟ᬲ᭄ᬭᭀᬤ᭄ᬲᬓᬾᬂᬧᬮᬶᬗ᭄ᬕᬶᬳᬦ᭄᭞ᬳᬬᬢ᭄ᬦᬸᬦᬲ᭄ᬮᬸᬕ᭄ᬭᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬫᬥᬾᬕ᭄ᬲᬃ᭞ᬦᬯᬸᬳᬶᬦ᭄‌ᬓ᭄ᬦᬶᬫᬫᬃᬕ᭄ᬕᬶ᭞ᬳᬭᬶᬦ᭄ᬥᬵᬜᭂᬫ᭄ᬩᬄᬗᬶᬭᬶᬂ᭞ᬫᬮᬶᬄᬜᬺᬕ᭄‌ᬭᭀᬤᬲᬵᬫ᭄ᬧᬸᬦ᭄᭞ᬲ᭄ᬧᬸᬃᬦᬯᬸᬲ᭄ᬫᬚ [ 45 ][᭔᭔ 44B]
᭔᭔
ᬮᬦ᭄᭞ᬢᬦ᭄ᬓᭀᬘᬧ᭄ᬳᬶᬤᬤᬶᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬩᬜ᭄ᬘᬶᬗᬄᬳᬱ᭄ᬝ᭄ᬭᬫᬸᬱ᭄ᬝᬧᬵ᭟ᬫᬮᬶᬄᬲ᭄ᬧᬸᬃᬲᬮᬶᬂᬢᬫ᭄ᬩᬮ᭄᭞ᬘᬶᬭᬶᬦ᭄ᬫᬯᬸᬄᬳᬶᬤᬵᬫᬗ᭄ᬓᬶᬦ᭄᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬓᭀᬤᬮ᭄᭞ᬰ᭄ᬭᬷᬫᬤᬾᬯᬶᬫᬜᬋᬗᬶᬦ᭄᭞ᬫᬤᬸᬦ᭄ᬤᬗᬶᬭᬶᬂᬲᬫᬶ᭞ᬓᬮᬶᬄᬲᬲᬗ᭄ᬭᬩᬦ᭄‌ᬮ᭄ᬬᬸ᭞ᬯᬸᬲ᭄ᬭᬯᬸᬄ
ᬤᬶᬩᬜ᭄ᬘᬶᬗᬄ᭞ᬦᬾᬭᬶᬂᬲ᭄ᬧᬸᬃᬲᬋᬂᬲᬫᬶ᭞ᬕ᭄ᬮᬶᬲ᭄‌ᬢ᭄ᬥᬸᬦ᭄᭞ᬦᬾᬫᬦ᭄ᬤᭂᬓ᭄ᬫᬩ᭄ᬭᬶᬬᬸᬓ᭄ᬜᬕ᭄ᬚᬕ᭄‌᭟ᬲᬃᬯ᭄ᬯᬶᬜᭀᬗ᭄ᬓᭀᬓ᭄ᬳᬶᬤᬵᬜᭂᬫ᭄ᬩᬄ᭞ᬤᬕᬶᬂᬗᬢᬸᬭᬶᬦ᭄ᬫᬗ᭄ᬭᬭᬶᬲ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬫᬦ᭄ᬢᬸᬦ᭄ᬥᬵᬗᬸᬲᬧ᭄ᬫᬕᬶᬮᬶᬃ᭞ᬲᬃᬯ᭄ᬯᬶᬫᬦᬶᬫ᭄ᬩᬮ᭄ᬓᬮᬶᬲ᭄᭞ᬦᬄᬗ᭄ᬕᬶᬄᬭᬢᬸᬳᬦᬓᬕᬸᬂ᭞ᬫᬮᬶᬄ
ᬳᬶᬤᬵᬫᬦᬶᬫ᭄ᬩᬮ᭄᭞ᬫᬶᬤᬾᬯᬶᬫᬸᬱ᭄ᬝᬧᬯ᭄ᬬᬓ᭄ᬢᬶ᭞ᬗ᭄ᬕᬶᬄᬦᬓᬕᬸᬂ᭞ᬢᬦ᭄ᬓᭀᬘᬧ᭄ᬲᬫᬶᬓᭂᬲᬧᬵ᭟ᬧᬢᭂᬄᬧᬦᬶᬫ᭄ᬩᬮ᭄ᬧᬦ᭄ᬤᬶᬓᬵ᭞ᬘᭂᬦ᭄ᬤᭂᬢ᭄ᬳᭂᬗ᭄ᬕᬶᬄᬩ᭄ᬭᬶᬬᬸᬓᬭᬶ᭞ᬦᬗ᭄ᬳᬶᬂᬧᬭᬵᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬲᬦᬾᬮᬦᬂᬳᬶᬤᬵᬓᬭᬶ᭞ᬳᬶᬤ᭄ᬯᬕᬸᬂᬧᬸᬢᬺᬕ᭄ᬮᬶᬲ᭄‌᭞ᬫᬸᬱ᭄ᬝᬧᬜᭂᬫ᭄ᬩᬄᬫᬳᬢᬸᬃ᭞ᬭᬶᬂ
ᬳᬚᬶᬦ᭄ᬥᬵᬲᬫ᭄ᬬᬦ᭄᭞ᬭᬶᬂᬭᬓᬵᬭᬓᬦ᭄ᬥᬵᬯ᭄ᬬᬓ᭄ᬢᬶ᭞ᬤᬕᬶᬂᬳᬢᬹᬃ᭞ᬢᬦ᭄ᬲᬄᬫᬗᬢᬸᬭᬶᬦ᭄ᬫᬸᬗ᭄ᬕᬄ᭟ᬫᬮᬸᬗ᭄ᬕᬸᬄᬳᬚᬶᬭᬓᬦ᭄ᬥᬵ᭞ᬫᬩ᭄ᬭᬶᬬᬸᬓ᭄ᬳᬶᬤᬵᬗᬗ᭄ᬕᬸᬢᬶᬦ᭄᭞ᬕ᭄ᬮᬶᬲ᭄ᬳᬶᬤᬲᬫᬶᬫᬸᬗ᭄ᬕᬄ᭞ᬫᬮᬶᬗ᭄ᬕᬶᬄᬲᬫᬶᬤᬶᬓᬸᬃᬱᬶ᭞ᬮᬶᬗ᭄ᬕᬶᬄᬫᬳᬸᬦ᭄ᬤᬸᬓ᭄ᬱᬫᬶ᭞ᬧᬭᬧᬸᬢ᭄ᬭᬫᬢᬗᬶ
[᭔᭕ 45A]
ᬩ᭄ᬭᬶᬬᬸᬓ᭄᭞ᬗᬢᬸᬭᬂᬧᬦᬫ᭄ᬩ᭄ᬭᬫᬵ᭞ᬢᬫ᭄ᬩᬵᬓᬲᬢᬦ᭄ᬲᬯ᭄ᬬᬓ᭄ᬢᬶ᭞ᬲᬵᬫ᭄ᬧᬸᬦ᭄ᬳᬸᬲᬦ᭄᭞ᬧᬗ᭄ᬯᬾᬤᬗᬦ᭄ᬓᬢᬹᬃᬕᬗ᭄ᬲᬃ᭞ᬦᬾᬫᬫᬸᬦ᭄ᬤᬸᬢ᭄ᬧᬢᬸᬢ᭄ᬧᬶᬲᬦ᭄᭞ᬩᬗ᭄ᬲᬢᬶᬗ᭄ᬕᬶᬧᬳᬸᬢ᭄ᬲᬫᬶ᭞ᬳᬍᬧᬺᬢᬫᬫᬬᬳᬦ᭄᭞ᬳᬧᬦ᭄ᬧᬋᬓᬦ᭄ᬫᬲ᭄ᬮᬶᬃ᭞ᬯᬸᬲ᭄ᬳᬸᬲᬦ᭄ᬗᬸᬯᬾᬤᬂᬯ᭄ᬬᬓ᭄ᬢᬶ᭞ᬓᬬᬂᬧᬗᬶᬭᬶᬗᬾ
ᬲᬵᬫ᭄ᬧᬸᬦ᭄᭞ᬢᬾᬓᭀᬃᬗᬬᬳᬶᬦ᭄ᬢᬗ᭄ᬲᬄ᭞ᬧᬤᬘ᭄ᬧᭂᬢ᭄ᬓᬤᬶᬕᬗ᭄ᬲᬶᬃ᭞ᬲᬕᬾᬢ᭄ᬓᬢᬸᬃ᭞ᬳᬬᬸᬦᬳᬶᬤ᭄ᬯᬕᬸᬂᬲᬫ᭄ᬬᬦ᭄᭟ᬧᬬᬳᬬᬳᬦ᭄ᬓ᭄ᬭᬸᬭᬓᬭ᭞ᬤᬸᬮᬂᬲᭀᬘᬫᬲ᭄ᬗᭂᬦ᭄ᬤᬶᬄ᭞ᬧᬳᬸᬢ᭄‌ᬢ᭄ᬓᬾᬦ᭄ᬧᬭᬗ᭄ᬓᬢᬦ᭄᭞ᬳᬲᬶᬂᬘᬶᬗᬓ᭄ᬫᬗᬾᬤᬦᬶᬦ᭄᭞ᬯᬢᭂᬓ᭄ᬓ᭄ᬧᬗᬶᬭᬶᬂᬲᬫᬶ᭞ᬭᬾᬄᬫᬾᬦᬓ᭄ᬫᬧᬾᬲ᭄ᬢᬲᬫ᭄ᬧᬸ
ᬦ᭄᭞ᬢᬗ᭄ᬲᬄᬫᬳᬸᬦ᭄ᬤᬸᬓ᭄ᬱᬶᬲᬦ᭄᭞ᬧᬭᬭᬵᬢᬸᬦᬾᬜᬋᬗᬶᬦ᭄᭞ᬳ᭄ᬬᬳᬶᬧᬾᬦᬾᬢ᭄ᬮᬶᬦ᭄ᬢᬂᬧᬶᬦ᭄ᬢᭂᬃᬫᬗᬾᬜ᭄ᬘᬓᬂ᭟ᬳᬶᬤ᭄ᬯᬕᬸᬂᬧᬸᬢ᭄ᬭᬭᬓᬦ᭄ᬥᬵ᭞ᬧᬭᬧᬸᬢᬺᬱᬓᬶᬂᬩᬮᬶ᭞ᬲᬯᬯᬵᬧᬧᬶᬦᭂᬄᬳᬶᬤᬵ᭞ᬩᬸᬳᬸᬂᬲᬶᬳᬶᬧᬾᬦᬾᬢ᭄ᬫᬗ᭄ᬓᬶᬦ᭄᭞ᬕᬯᭀᬓ᭄ᬱᬫᬶᬤᬶᬋᬥᬶ᭞ᬭᬾᬄᬳᬸᬧᬾᬦᬾᬗᬳᬾᬧᬢᬸᬄ᭞ᬢ᭄ᬓᬾᬦᬶᬂᬧ
ᬭᬧᬸᬢᬺ᭞ᬫᬩᬶᬦ᭄ᬢᬂᬗ᭄ᬲᬃᬫᬢᭀᬧᬶ᭞ᬬᬾᬦ᭄ᬫᬢ᭄ᬭᬸᬫ᭄ᬧᬄ᭞ᬫᬶᬦᬗ᭄ᬳᬶᬧᬸᬦ᭄ᬓᬶᬘᬾᬦ᭄ᬧᬗ᭄ᬓᬢ᭄᭟ᬭᬾᬄᬢᬗ᭄ᬓᭂᬧ᭄ᬓᬮᬶᬦ᭄ᬢᬂᬕᬕᬄ᭞ᬲ᭄ᬧᭂᬂᬧᬶᬦᭂᬄᬤᬲᬫᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬭᬓᬦ᭄ᬥᬵ᭞ᬓ᭄ᬜᭂᬫᬦᬓᬾᬦᬂᬳᬭᬶᬲ᭄᭞ᬭᬶᬂᬳᬭᬶᬦ᭄ᬥᬵᬲᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬲᬵᬫ᭄ᬧᬸᬦ᭄᭞ᬳᬢᬸᬤᬾᬅ᭄ ᬗ᭄ᬕᬶᬄᬢᬸᬢᬸᬭᬂ᭞ᬢᭂ [ 46 ][᭔᭕ 45B]
᭔᭕
ᬦ᭄ᬓᬾᬬᬳᬶᬧᬶᬦᬾᬢ᭄ᬚᬢᬶ᭞ᬤᬵᬳᬭᬶᬦ᭄ᬥᬵ᭞ᬕ᭄ᬮᬶᬲ᭄‌ᬜᭂᬫ᭄ᬩᬄᬗᬸᬦᬶᬗᬬᬂ᭟ᬭᬵᬢᬸᬤ᭄ᬯᬕᬸᬂᬳᬶᬧᬸᬦ᭄ᬧᬶᬲᬦ᭄᭞ᬯᬸᬲ᭄ᬗᬬᬸᬦᬂᬳᬶᬤᬵᬯ᭄ᬬᬓ᭄ᬢᬶ᭞ᬲᬕᬾᬢ᭄ᬓᬢᬸᬃᬮᬮᬕᬭᬦ᭄᭞ᬳᬶᬦᬸᬫ᭄ᬳᬶᬦᬸᬫᬦ᭄ᬭᬦ᭄ᬓᬤᬶ᭞ᬢᬦ᭄ᬓᭀᬘᬧ᭄ᬳᬸᬲᬦ᭄‌ᬯ᭄ᬬᬓ᭄ᬢᬶ᭞ᬓᬬᬂᬧᬗᬶᬭᬶᬗᬾᬲᬵᬫ᭄ᬧᬸᬦ᭄᭞ᬫᬮᬶᬄᬓᬢᬹᬃᬯᭀᬄᬯᭀᬳᬦ᭄᭞ᬲᬵᬫ᭄ᬧᬸᬦ᭄ᬳᬸᬲᬦ᭄ᬲ
ᬋᬂᬲᬫᬶ᭞ᬫᬮᬶᬄᬓᬢᬸᬃ᭞ᬧᬗ᭄ᬯᬾᬤᬗᬦ᭄ᬳᬰ᭄ᬭᬷᬮᬗᬵ᭟ᬧᬜ᭄ᬘᬶᬭᬶᬦ᭄ᬭᬚᬵᬤᬶᬭᬵᬚ᭞ᬲᬸᬓᬢ᭄ᬯᬭᬵᬓ᭄ᬬᬂᬳᭂᬲᬶᬂ᭞ᬧᬬᬬᬳᬦ᭄ᬲᬫ᭄ᬧᬸᬦ᭄ᬩᬸᬤᬮ᭄᭞ᬧᬭᬭᬵᬢᬸᬜᭂᬫ᭄ᬩᬄᬲᬫᬶ᭞ᬭᬶᬂᬳᬶᬤᬾᬯᬕᬸᬂᬯ᭄ᬬᬓ᭄ᬢᬶ᭞ᬲᬓᬶᬂᬩᬮᬶᬦᬾᬩᬸᬭᬯᬸᬄ᭞ᬧᬢᭂᬄᬳᬢᬸᬃᬤᬵᬲᬫ᭄ᬬᬦ᭄᭞ᬭᬵᬢᬸᬤ᭄ᬯᬕᬸᬂᬲᬋᬂᬲᬫᬶ᭞ᬓ
ᬤᬶᬮᬸᬘᬸᬤᬾᬯᬕᬸᬂᬢᬶᬢ᭄ᬬᬂᬗ᭄ᬮᬸᬗ᭄ᬲᬸᬭᬂ᭟ᬓᬮᬶᬄᬫᬢᬸᬃᬲᬶᬲᬶᬧᬶᬲᬦ᭄᭞ᬭᬾᬄᬢᬶᬢ᭄ᬬᬂᬦᬾᬦ᭄ᬢᭂᬦ᭄‌ᬫᭂᬦ᭄ᬤᬓᬶᬦ᭄᭞ᬓᬸᬤᬂᬰᬰᬶᬄᬭᬶᬂᬲᬕᬭᬵ᭞ᬳᬶᬤᬾᬯᬕᬸᬂᬦᬶᬫ᭄ᬩᬮ᭄ᬲᬫᬶ᭞ᬳᭀᬯᬢᭂᬄᬧᬦᬶᬫ᭄ᬩᬮ᭄‌ᬯ᭄ᬬᬓ᭄ᬢᬶ᭞ᬤᬶᬧᬲᬶᬄᬢᭂᬦ᭄ᬩᬓᬢ᭄ᬳᬶᬢᬸᬂ᭞ᬚ᭄ᬜᭂᬂᬮ᭄ᬩᬶᬄᬳᬢᬶᬩᬦ᭄᭞ᬓᬧᬮ᭄ᬢ᭄ᬬᬂᬳᬸᬲᬓ᭄ᬕᬢᬶ᭞
ᬓᬩᬜ᭄ᬘᬦ᭞ᬢᭂᬦ᭄ᬧᬶᬲᬦ᭄ᬤᬤᬶᬫᬚᬮᬦ᭄᭟ᬓᬮᬶᬄᬲᬵᬫ᭄ᬧᬸᬦ᭄ᬫᬗ᭄ᬮᬦ᭄ᬢᬗᬂ᭞ᬩᬦᬾᬢᭂᬦ᭄ᬧᬶᬲᬦ᭄ᬫᬧᬕᬶᬦ᭄᭞ᬭᬾᬄᬦᬓᬵᬩᬸᬂᬢᭂᬜ᭄ᬚᬦᬯᬂ᭞ᬢ᭄ᬓᬾᬦ᭄‌ᬢ᭄ᬬᬂᬦᬤᬓ᭄ᬕᬢᬶ᭞ᬤᬲ᭄ᬤᬲᬦ᭄ᬮᬘᬸᬃᬤᬶᬧᬲᬶᬄ᭞ᬢᬸᬚᬸᬦᬶᬓᬶᬳᬦᬓᬕᬸᬂ᭞ᬳᬦ᭄ᬢᭂᬦᬃᬫᬢᬸᬚᬸᬯᬂ᭞ᬦᬤᬓᬧᬲᬶᬄᬫᬮ
[᭔᭖ 46A]
ᬮᬶ᭞ᬫᬦ᭄ᬕᬓᬶᬦ᭄᭞ᬓᬧᬮ᭄ᬧ᭄ᬭᬂᬕ᭄ᬥᬾᬮᬦ᭄ᬢᬂ᭟ᬩᬳᬸᬧᬤᬶᬜᬗᬓ᭄ᬢ᭄ᬬᬂ᭞ᬮᬶᬦ᭄ᬢᬂᬯ᭄ᬮᬲ᭄ᬫᬜᬕ᭄ᬚᬕᬶᬦ᭄᭞ᬲᬂᬓᬮᬶᬄᬗᬚᬓᬶᬦ᭄ᬲᬶᬗ᭄ᬕᬄ᭞ᬳᬓᬾᬢᭀᬦᬓᬕᬸᬂᬚᬢᬶ᭞ᬳᬯᬦᬦ᭄ᬓᬤᬶᬫᬗ᭄ᬓᬶᬦ᭄᭞ᬧᬦᬓ᭄ᬢ᭄ᬬᬂᬧᬤᬢ᭄ᬧᬸᬓ᭄᭞ᬗᬦ᭄ᬤᬶᬓᬵᬗᭂᬫ᭄ᬩᭂᬂᬯᬱ᭄ᬧᬵ᭞ᬭᬾᬳᬶᬂᬢ᭄ᬬᬂᬫᬦ᭄ᬕᬓᬶᬦ᭄᭞ᬓᬧᬮ᭄ᬧ᭄ᬭᬂ᭞ᬧ᭄ᬭᬭᬵᬢᬸᬜᭂᬫ᭄ᬩᬫᬢᬶ
ᬫ᭄ᬩᬮ᭄᭟ᬲᬃᬯ᭄ᬯᬶᬫᬢᬸᬃᬧᬢᭂᬳᬦ᭄᭞ᬭᬵᬢᬸᬤ᭄ᬯᬕᬸᬂᬲᬋᬂᬲᬫᬶ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬦᬦ᭄ᬤ᭄ᬭᬸᬳᬂ᭞ᬓᬦ᭄ᬢᭀᬲ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬫᬜᬸᬗ᭄ᬲᬸᬗ᭄‌ᬲᬋᬂᬲᬫᬶ᭞ᬧᬤᬡ᭄ᬥᬳᬓᬾᬄᬫᬫᬢᬸᬢ᭄᭞ᬳᬢᬸᬃᬧ᭄ᬭᬭᬵᬢᬸᬲᬫ᭄ᬬᬦ᭄᭞ᬳᬦᬓ᭄ᬤᬵᬓᬮᬶᬄᬫ᭄ᬭᬶᬬᬸᬓᬶᬦ᭄᭞ᬳᬶᬤᬾᬯᬕᬸᬂ᭞ᬫᬥᬾᬮᬾᬦ᭄ᬳᬶᬬᬶᬤ᭄ᬯᬕᬸᬂᬧᬸᬢᬺ᭟᭚ᬧᬗ᭄ᬓᬸᬃ᭚
ᬧᬸᬢᬺᬗ᭄ᬳᬶᬂᬗᬱ᭄ᬝ᭄ᬭᬫᬸᬱ᭄ᬝᬧᬵ᭞ᬭᬵᬢᬸᬤ᭄ᬯᬕᬸᬂᬲᬵᬫ᭄ᬧᬸᬦ᭄ᬫᬜ᭄ᬚᬗᬂᬫᬮᬶᬄ᭞ᬦᬸᬦᬲ᭄ᬦᬾᬫᬗ᭄ᬓᬶᬦ᭄‌ᬤᬾᬯᬕᬸᬂ᭞ᬫᬦ᭄ᬳᬸᬓᬦ᭄ᬲᬋᬂᬲᬵᬫ᭄ᬬᬦ᭄᭞ᬤᬵᬳᬚᬶᬦ᭄ᬥᬵᬫᬗ᭄ᬕᬸᬢᬶᬦ᭄ᬳᬶᬤᬵᬫᬩ᭄ᬭᬶᬬᬸᬓ᭄᭞ᬦᬾᬧᬢᬸᬢ᭄ᬫᬗᬶᬭᬶᬂᬲᬫ᭄ᬬᬦ᭄᭞ᬢ᭄ᬥᬸᬦᬦ᭄‌ᬩ᭄ᬭᬶᬬᬸᬓᬧᬸᬭᬶ᭟ᬳ᭄ᬦᭂᬗᬂᬳᬸᬫᬫᬃᬕ᭄ᬕᬵ᭞ᬦᬾ
ᬦᬾᬳᬶᬲ᭄ᬢ᭄ᬭᬶᬯᬸᬲ᭄ᬳᬶᬤᬵᬲᬋᬂᬲᬫᬶ᭞ᬫᬲᬮᬶᬦᬦ᭄ᬯᬲ᭄ᬢ᭄ᬭᬲᬵᬫ᭄ᬧᬸᬦ᭄᭞ᬫᬶᬦᬓᬤᬶᬗᬯᬾᬤᬂ᭞ᬬᬾᬦ᭄ᬗᬬᬸᬦᬂᬦᬓᬕᬸᬂᬗᬚᭂᬗᬂᬲᬵᬫ᭄ᬧᬸᬦ᭄᭞ᬳᭂᬲ᭄ᬫᬓᬦ᭄ᬤᬧᬶᬲᬦ᭄ᬧᬶᬲᬦ᭄᭞ᬭᬾᬄᬧᬰ᭄ᬘᬢ᭄ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭟ᬦᬗ᭄ᬳᬶᬂᬓᬭᬶᬓᬸᬫ᭄ᬧᬸᬮ᭄ᬳᬶᬤᬵ᭞ᬭᬶᬂᬕ᭄ᬥᭀᬂᬫᬲ᭄‌ᬧ᭄ᬘᬓ᭄ᬧᬫᬺ [ 47 ][᭔᭖ 46B]
᭔᭖
ᬫᬦ᭄‌ᬯ᭄ᬬᬓ᭄ᬢᬶ᭞ᬲᬂᬦᬵᬣᬫᬸᬱ᭄ᬝᬧᬵᬢᬸᬳᬸ᭞ᬭᬾᬄᬳᬬᬢ᭄ᬤᬵᬳᬚᬶᬦ᭄ᬥᬵ᭞ᬤᬵᬲᬂᬦᬵᬣᬓᬸᬭᬶᬧᬦ᭄ᬓᬢᬸᬭᬦ᭄ᬗᬳᬸᬕ᭄᭞ᬭᬶᬂᬕ᭄ᬥᬶᬂᬫᬲ᭄ᬧᬸᬦᬶᬓᬵ᭞ᬤᬵᬳᬦᬓ᭄ᬤᬵᬫᬗᬢᬸᬭᬶᬦ᭄᭟ᬰ᭄ᬭᬶᬫᬤᬾᬯᬶᬫᬕᬶᬗ᭄ᬲᬶᬭᬂ᭞ᬮᬶᬦ᭄ᬢᬂᬳᬸᬫ᭄ᬬᬂᬢᬗ᭄ᬓᬶᬮᬦ᭄‌ᬢ᭄ᬩᭂᬂᬯ᭄ᬬᬓ᭄ᬢᬶ᭞ᬲᬦᬾᬗᭂᬦᬄ
ᬳᬓᬾᬄᬲᬵᬫ᭄ᬧᬸᬦ᭄᭞ᬯᬢᭂᬓ᭄ᬭᬩᬶᬦ᭄ᬧᬸᬗ᭄ᬕᬯᬵ᭞ᬳᬓᬾᬄᬫᬮᬶᬄᬭᬾᬄᬳᭀᬃᬢ᭄ᬣᬵᬓᬲ᭄ᬩᬸᬢ᭄ᬲᬫ᭄ᬧᬸᬦ᭄᭞ᬯᬢᭂᬓ᭄ᬭᬩᬶᬦ᭄ᬧᬸᬗ᭄ᬕᬯᬵ᭞ᬳᬯᬦᬦ᭄ᬲᬫᬶᬫᬦᬗ᭄ᬓᬶᬮ᭄᭟ᬲᬳᬲᬫᬶᬫᬳᬢᬸᬭᬦ᭄᭞ᬧᬦᬫ᭄ᬭᬫᬵᬳᬦ᭄ᬭᬾᬄᬲᬫᬶᬳᬸᬦᬶᬂ᭞ᬭᬶᬳᬚᬶᬩ᭄ᬬᬂᬳᬶᬤ᭄ᬯᬕᬸᬂ᭞ᬓᬮᬶᬄᬲᬲ᭄ᬫᬢᭀᬦᬦ᭄᭞
ᬤᬾᬦᬶᬂᬦᬢᬄᬢᬼᬢ᭄ᬭᬭᬵᬩᬓᬢ᭄ᬳᬶᬢᬸᬂ᭞ᬲᬕᬾᬢ᭄ᬭᬯᬸᬄᬤᬵᬲᬂᬦᬣ᭞ᬢᬗ᭄ᬓᬶᬮᬦ᭄ᬫᬘ᭄ᬩᬸᬃᬲᬫᬶ᭟ᬳᬶᬤᬾᬯᬕᬸᬂᬳᬶᬤ᭄ᬢ᭄ᬭᬶᬜᭂᬫ᭄ᬩᬄ᭞ᬭᬶᬂᬳᬚᬶᬦ᭄ᬥᬵᬤᬕᬶᬂᬗᬢᬸᬭᬶᬦ᭄‌ᬗ᭄ᬭᬭᬶᬲ᭄᭞ᬳᬚᬶᬦ᭄ᬥᬵᬗᬗ᭄ᬕᬸᬢᬶᬦ᭄ᬩ᭄ᬭᬶᬬᬸᬓ᭄᭞ᬫᬸᬲ᭄ᬫᬸᬗ᭄ᬕᬄᬲᬋᬂᬲᬫ᭄ᬬᬦ᭄᭞ᬮᬶᬗ᭄ᬕᬶᬄᬳᬶᬤᬵᬳᬢᬢᬵᬢᬢᬵᬫᬳᬸᬦ᭄ᬤᬸᬓ᭄
᭞ᬓᬮᬶᬄᬧᬺᬭᬢᬸᬧᬺᬧᬸᬢᬺ᭞ᬮᬶᬦ᭄ᬢᬂᬫᬸᬦ᭄ᬤᬸᬓᬤᬶᬢᬸᬮᬶᬲ᭄᭟ᬲᬦᬾᬲᬓᬶᬂᬩᬮᬶᬲᬫ᭄ᬬᬦ᭄᭞ᬓᬕᬯᭀᬓᬦ᭄ᬲᬂᬘᬶᬗᬓ᭄ᬫᬗᬾᬤᬦᬶᬦ᭄᭞ᬲᬂᬓᬮᬶᬄᬩᬳᬦᬾᬧᬢᬸᬄ᭞ᬓᬫᬜ᭄ᬘ᭄ᬬᬦᬕᬭ᭞ᬓᬫ᭄ᬮᬳᬦ᭄ᬧᬫᬺᬫᬦ᭄ᬗᬮᬾᬮᬫ᭄ᬧᬢᬸᬄ᭞ᬓᬸᬦᬶᬂᬓᬮᬶᬄᬫᬲᬲᭀᬘᬦ᭄᭞ᬫᬶᬦᬩ᭄ᬳᬲᬶ
[᭔᭗ 47A]
ᬓᬶᬗᬃᬬ᭄ᬬᬦᬶᬦ᭄᭟ᬳᬃᬤ᭄ᬥᬵᬫᬡᬶᬓᬤᬶᬲᬶᬧᬢ᭄᭞ᬢᬦᬓᬲᭀᬃᬫᬹᬃᬥᬵᬫᬡᬶᬓ᭄‌ᬯ᭄ᬬᬓ᭄ᬢᬶ᭞ᬮᬾᬦ᭄ᬓᬦ᭄ᬢᭂᬦ᭄ᬫᬃᬕ᭄ᬕᬵᬧᬢᬸᬄᬫ᭄ᬭᬾᬄᬧᬤᬵᬲᬸᬓᬯᬶᬃᬬ᭄ᬬᬵ᭞ᬢᬦ᭄ᬤᬶᬂᬦ᭄ᬭᬲᬄᬲᬓᬮᬶᬄᬢᬩᬮᬵᬭᬵᬢᬸ᭞ᬳᬯᬦᬦ᭄ᬳᬶᬤ᭄ᬯᬕᬸᬂᬲᬫ᭄ᬬᬦ᭄᭞ᬮᬾᬤᬂᬢᭀᬂᬩᬶᬱᬫᬶᬦ᭄ᬳᬶᬦ᭄᭟ᬓᬕᬸᬗᬦ᭄ᬳᬭᬶᬳᬦᬦ᭄ᬤᬵ᭞ᬮᬾᬦ᭄ᬧᬺᬧᬸ
ᬢᬺᬦᬾᬲᬓᬶᬂᬩᬮᬶᬲᬫᬶ᭞ᬧᬤᬕᬯᭀᬓᬾᬓᬮᬗ᭄ᬓᬸᬂ᭞ᬢᬦ᭄ᬓᬤᬶᬦᬾᬦᬾᬧᬢ᭄ᬧᬢ᭄᭞ᬧᬥᬵᬩᬚᬺᬓᬃᬕ᭄ᬕᬫᬸᬲᬦᬵᬢᬦ᭄ᬓᬦ᭄ᬢᬸᬦ᭄᭞ᬓᬗᭂᬭᬲᬦᬶᬂᬋᬤᬬᬵ᭞ᬓᬮᬶᬄᬓᬳᬾᬭᬗᬦ᭄‌ᬯ᭄ᬬᬓ᭄ᬢᬶ᭟ᬲᬦᬾᬗᬸᬦᬶᬓᬳᬶᬮᬶᬗᬂ᭞ᬮᬾᬦ᭄ᬓᬧᬶᬦᭂᬄᬫᬗ᭄ᬕᭂᬄᬳᬶᬤ᭄ᬯᬕᬸᬂᬯ᭄ᬬᬓ᭄ᬢᬶ᭞ᬫᬗ᭄ᬕᭂᬄᬳᬶᬤᬦᬾᬤᬶ
ᬓᬬᬸᬦ᭄᭞ᬲᬂᬓᬮᬶᬄᬫᬶᬦᭂᬄᬳᬗ᭄ᬕᬵ᭞ᬮᬶᬦ᭄ᬢᬂᬲᬶᬲᬶᬧ᭄‌ᬦᬾᬗᬸᬦᬶᬓᬮᬶᬦ᭄ᬢᬂᬧᬸᬭᬸᬦ᭄᭞ᬲᭀᬮᬄᬳᬢᬸᬃᬢᬜ᭄ᬚᬗ᭄ᬓᬬᬦ᭄᭞ᬭᬾᬄᬲᬸᬲᬸᬧᬶᬦ᭄ᬢᬾᬤᬦ᭄‌ᬯ᭄ᬬᬓ᭄ᬢᬶ᭟ᬦᬾᬫᬗ᭄ᬓᬶᬦ᭄ᬓᬬᬸᬦ᭄ᬫᬋᬓᬦ᭄᭞ᬓᬧᬶᬦ᭄ᬳᬂᬭᬱᬢᭀᬂᬓᬬᬸᬦᬫ᭄ᬧᬶ᭞ᬓᬮᬶᬓᬧᬶᬦᭂᬄᬤᬶᬓᬬᬸᬦ᭄᭞ᬗᬫ᭄ᬧᬸᬭᬲᬶᬲᬶᬧ᭄ᬳᬶᬤᬵ᭞ᬮᬶᬦ᭄ᬢᬂᬲᭂᬲᭂᬓᬬᬸᬦ᭄ᬳᬶ
ᬤᬦᬾᬫᬯᬸᬯᬸᬄ᭞ᬫᬮᬶᬄᬳᬶᬤᬵᬳᬾᬮᬶᬂᬧᬶᬲᬦ᭄᭞ᬲ᭄ᬤᬸᬓᬾᬫᬦᬸᬦᬲ᭄ᬗᬶᬭᬶᬂ᭟ᬲᬶᬂᬤᬵᬓᬶᬘᬾᬦ᭄ᬢᬸᬃᬗᬦ᭄ᬤᬶᬓᬵ᭞ᬫᬜᭂᬳᬶᬦ᭄ᬳᬸᬮᬢ᭄ᬫᬧ᭄ᬮᬾᬄᬕᬢᬶ᭞ᬮᬶᬦ᭄ᬢᬂᬳᬾᬭᬗᬾᬤᬶᬓᬬᬸᬦ᭄᭞ᬓᬮᬶᬄᬧᬧᬶᬦᭂᬄᬳᬶᬤᬵ᭞ᬲᬦᬾᬫᬗ᭄ᬓᬶᬦ᭄ᬮᬶᬦ᭄ᬢᬂᬓᬧᬶᬬᬸᬕ᭄ᬤᬶᬓᬬᬸᬦ᭄᭞ᬭᬾᬄᬳᬶᬤᬵᬓᬮᬶᬦ᭄ᬢᬂᬧᬰ᭄ᬘᬢ᭄᭞ᬗᬸᬮᬦᬶᬦ᭄ᬲᭀ [ 48 ][᭔᭗ 47B]
᭔᭗
ᬮᬄᬚᬶᬦᭂᬫ᭄ᬭᬶᬓ᭄᭟ᬳᬓᬾᬄᬧᬶᬲᬦ᭄ᬓᬳᬶᬮᬶᬗᬂ᭞ᬳᬦᬓ᭄ᬩᬕᬸᬲ᭄ᬤᬃᬫ᭄ᬫᬵᬜᬦ᭄ᬤᬂᬤ᭄ᬫᭂᬦᬶᬦ᭄᭞ᬓᬤᬶᬫᬗ᭄ᬓᬶᬦ᭄ᬳᬶᬤᬾᬯᬕᬸᬂ᭞ᬢ᭄ᬯᬭᬵᬓᬬᬸᬦ᭄ᬫᬧᬧᬲ᭄᭞ᬓᬮᬶᬂᬲᬧᬘᬘᬶᬗᬓ᭄ᬱᬧᬢ᭄ᬗᬫᬸᬩᬸ᭞ᬧᬤᬵᬢᭀᬂᬩᬶᬱᬫᬶᬦ᭄ᬳᬂ᭞ᬓᬾᬦ᭄ᬓᬾᬦ᭄ᬩᭂᬢᬾᬫᬢᬸᬃᬲᬶᬲᬶᬧ᭄᭟ᬧᬤᬵᬳᬶᬤᬵᬩᬶᬗᬸᬂᬫᬶᬦᭂᬄ᭞ᬳᬗ᭄ᬕᬵᬗᭂᬫ᭄ᬩᭂᬂᬯᬲ᭄ᬧᬵᬓᬗᭂᬦᬶᬂᬭᬕ
ᬯ᭄ᬬᬓ᭄ᬢᬶ᭞ᬫᬶᬦᭂᬄᬳᬗ᭄ᬕᬵᬮᬶᬦ᭄ᬢᬂᬮᬘᬸᬃ᭞ᬳᬶᬤ᭄ᬯᬕᬸᬂᬲᬾᬗᭂᬄᬲᬫ᭄ᬬᬦ᭄᭞ᬫᬶᬦᬓᬤᬶᬳᬶᬤ᭄ᬯᬕᬸᬂᬫᬸᬱ᭄ᬝᬧᬲᬵᬫ᭄ᬧᬸᬦ᭄᭞ᬲᬾᬗᭂᬄᬦᬗ᭄ᬳᬶᬂᬫᬗ᭄ᬮᬾᬤᬂ᭞ᬭᬾᬄᬓᬬᬸᬦ᭄ᬢᬦ᭄ᬲᬸᬤᬶᬓᬶᬭᬶᬂ᭟ᬳᬶᬤ᭄ᬯᬕᬸᬂᬳᬚᬶᬓᬸᬭᬶᬧᬦ᭄᭞ᬢᬍᬃᬲᬾᬗᭂᬄᬕ᭄ᬮᬶᬲ᭄ᬗᬦ᭄ᬤᬶᬓᬵᬳᬭᬶᬲ᭄᭟ᬭᬶᬂᬳᬦᬓ᭄ᬤᬵᬧᬬᬶᬂᬤᬸᬳᬸᬃ᭞ᬗ᭄ᬢᬸᬲ᭄ᬓᬬᬸᬦ᭄ᬯᬘᬦᬵ᭞ᬫᬾᬦᬓᬕᬸᬂᬳᬶᬗ᭄ᬢᬂᬩᬸᬓ
ᬦᬾᬫᬮᬸ᭞ᬳᬶᬧᬰᬵᬩᬚ᭄ᬭᬲ᭄ᬭᬳᬂ᭞ᬧᬂᬳᬤᬶᬦᬾᬳᬚᬶᬓ᭄ᬩ᭄ᬯᬶᬦ᭄᭟ᬳᬶᬤ᭄ᬯᬕᬸᬂᬧᬸᬢᬺᬢᬦ᭄ᬢᬸᬮᬓ᭄᭞ᬲᬃᬯ᭄ᬯᬶᬜᭂᬫ᭄ᬩᬄᬕ᭄ᬮᬶᬲ᭄ᬫᬦ᭄ᬲᭂᬓ᭄ᬳᬭᬶ᭞ᬲᬃᬯ᭄ᬯᬶᬗᬸᬲᬧ᭄ᬗᬦ᭄ᬤᬶᬓᬵᬳᬮᬸᬲ᭄᭞ᬳᬢᬸᬤᬾᬅᬜᬫᬦ᭄ᬢ᭄ᬬᬂ᭞ᬜᭂᬦ᭄ᬥᬵᬧᬶᬲᬦ᭄ᬫᬸᬘᬶᬗᬶᬦ᭄ᬢ᭄ᬬᬦᬓᬕᬸᬂ᭞ᬳᬶᬤ᭄ᬧᬂᬤᬵᬧᭂᬗ᭄ᬓᬸᬂᬲᬬᬂ᭞ᬢ᭄ᬬᬂᬫᬦᬸᬦᬲᬂᬚᬦᬶ᭟ᬲᬶᬲᬶᬧ᭄ᬳᬶᬧᬸᬦᬾᬦᬾᬧᬢ᭄ᬧᬢ᭄
ᬦᬾᬦᬾᬗᬸᬤᬶᬭᬾᬄᬳᬶᬧᬸᬦ᭄ᬮᬶᬯᬢ᭄ᬩᬦᬶ᭞ᬫᬦᬤᬶᬗᬶᬦ᭄ᬳᬦᬓᬕᬸᬂ᭞ᬢ᭄ᬯᬭᬵᬧᬶᬲᬦ᭄‌ᬚᬗ᭄ᬓᬬᬦ᭄᭞ᬳᬧᬦ᭄ᬳᬶᬧᬸᬦ᭄‌ᬓᬲᬸᬲᬸᬧᬦ᭄ᬩᬬᬸᬩᬸᬤᬸᬄ᭞ᬢᬓᬾᬢᭀᬦᬓᬕᬸᬂᬲᬬᬂ᭞ᬢ᭄ᬭᬶᬫᬥᬢᬸᬮᬓ᭄‌ᬳᭂᬗ᭄ᬕᬶᬄ᭟ᬭᬾᬄᬯᬶᬥᬷᬚᬢᬶᬫᬶᬦᭂᬤ᭄ᬥᬵ᭞ᬦᬾᬦᬾᬧᬢ᭄ᬧᬢ᭄ᬫᬜᭂᬫ᭄ᬩᬄᬫᬫ᭄ᬭᬶᬬᬸᬓᬶᬦ᭄᭞ᬢᬶᬢ᭄ᬬᬂᬦᬯ᭄ᬕᬂᬤᬾᬯᬕᬸᬂ
[᭔᭘ 48A]
᭞ᬫᬗ᭄ᬮᬸᬗ᭄ᬲᬸᬃᬮᬮᬸᬧᬸᬢᬦ᭄᭞ᬲᬦᬾᬫᬗ᭄ᬓᬶᬦ᭄‌ᬘᭂᬦ᭄ᬤᭂᬢ᭄ᬳᬢᬸᬃᬢᬶᬢ᭄ᬬᬂᬤ᭄ᬯᬕᬸᬂ᭞ᬲᬫᬗ᭄ᬤᬾᬘᭀᬓᭀᬃᬳᬶᬤᬾᬯ᭄ᬯᬵ᭞ᬲ᭄ᬯᬾᬘ᭄ᬙᬵᬫᬜᬶᬲᬶᬧᬂᬯ᭄ᬬᬓ᭄ᬢᬶ᭟ᬭᬾᬄᬓᬕᭂᬗᬦ᭄ᬲᬶᬲᬶᬧ᭄ᬢᬶᬢ᭄ᬬᬂ᭞ᬲᬦᬾᬗᬸᬦᬶᬮᬶᬦ᭄ᬢᬂᬧᬸᬭᬸᬦ᭄ᬲᬯ᭄ᬬᬓ᭄ᬢᬶ᭞ᬭᬶᬂᬮᬶᬗ᭄ᬕᬶᬄᬪᬝᬵᬭᬳᬕᬸᬂ᭞ᬦᬾᬫᬗ᭄ᬓᬶᬦ᭄ᬤᭂᬦ᭄ᬥᬵᬢᬶᬢ᭄ᬬᬂ᭞ᬬᬤᬶᬦ᭄ᬢᬶᬢ᭄ᬬᬂᬫᬯᬶᬦᬦ᭄ᬳᬭᬶᬧ᭄ᬤᬾ
ᬯᬕᬸᬂ᭞ᬬᬤᬶᬦ᭄ᬢᬶᬢ᭄ᬬᬂᬫᬧᬤ᭄ᬫᬂ᭞ᬢᬶᬢ᭄ᬬᬂᬧᬢ᭄ᬮᬲᬳᬶᬭᬶᬂ᭟ᬢᬦ᭄ᬓᬤᬶᬳᬚᬶᬦᬾᬧᬢ᭄ᬧᬢ᭄᭞ᬕ᭄ᬮᬶᬲ᭄ᬳᬶᬤᬵᬫ᭄ᬭᬶᬬᬸᬓᬶᬦ᭄ᬳᭀᬓᬫᬗ᭄ᬓᬶᬦ᭄᭞ᬢ᭄ᬭᬶᬫᬗ᭄ᬕᬶᬄᬳᬦᬓᬕᬸᬂ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬦᬸᬮᬓ᭄᭞ᬳᬢᬸᬃᬳᬶᬧᬸᬦ᭄‌ᬦᬾᬚᬦᬶᬲᬭᬦᬓᬕᬸᬂ᭞ᬫᬫᬶᬲᬮᬄᬦᬾᬦᬾᬧᬢ᭄ᬧᬢ᭄᭞ᬢ᭄ᬬᬂᬫᬜ᭄ᬭᬳᬂᬚᬦᬶ᭟ᬰ᭄ᬭᬶ
ᬫᬤᬾᬯᬶᬭᬶᬂᬓᬸᬭᬶᬧᬦ᭄᭞ᬕ᭄ᬮᬶᬲ᭄ᬕ᭄ᬮᬶᬲ᭄‌ᬦ᭄ᬲᭂᬓ᭄ᬳᬶᬤ᭄ᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬫᬸᬲ᭄ᬢᬧᬵᬓᬳᬸᬭᬸᬢ᭄ᬳᬸᬭᬸᬢ᭄᭞ᬦᬓᬕᬸᬂᬧᬦᬓ᭄ᬢ᭄ᬬᬂ᭞ᬲᬃᬯ᭄ᬯᬶᬦᬗᬶᬲ᭄ᬳᬫ᭄ᬧᬸᬭᬢᬶᬢ᭄ᬬᬂᬦᬓᬕᬸᬂ᭞ᬭᬾᬄᬢ᭄ᬬᬂᬧ᭄ᬮᬶᬄᬓᬮᬶᬦ᭄ᬢᬂ᭞ᬳᬚᬶᬩ᭄ᬬᬂᬫᬩ᭄ᬭᬶᬬᬸᬓᬶᬦ᭄᭟ᬫᬮᬶᬄᬳᬓᬾᬄᬲᬮᬶᬂᬢᬶᬫ᭄ᬩᬮ᭄᭞ᬦᬾᬦᬾᬧᬢᬸᬢᬍᬃᬫᬮᬓᬸᬧ᭄ᬮᬶᬄ᭞ᬕ᭄ᬮᬶᬲ᭄ᬳᬶ
ᬤᬵᬳᬶᬤᬾᬯᬕᬸᬂ᭞ᬧᬸᬢᬺᬳᬧ᭄ᬝ᭄ᬭᬫᬸᬱ᭄ᬝᬧᬵ᭞ᬫᬗᭂᬳ᭄ᬤᬂᬲᬃᬯ᭄ᬯᬶᬫᭂᬧᭂᬲ᭄‌ᬦᬾᬭᬶᬂᬧᬢᬸᬢ᭄᭞ᬫᬜᭂᬫ᭄ᬩᬄᬭᬶᬂᬳᬚᬶᬩ᭄ᬬᬂ᭞ᬭᬶᬂᬭᬓᬦ᭄ᬥᬵᬫᬶᬦᬓᬤᬶ᭟ᬭᬵᬢᬸᬤ᭄ᬯᬕᬸᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬜ᭄ᬚᬗᬂᬓᬤᬶᬫᬗ᭄ᬓᬶᬦ᭄᭞ᬭᬾᬄᬕᬦ᭄ᬢᭀᬲ᭄ᬧᬶᬲᬦ᭄ᬤᬾᬯᬕᬸᬂᬘᭀᬳᬶᬤᬾᬯᬵ᭞ᬫᬳᬶ [ 49 ][᭔᭘ 48B]
᭔᭘
ᬘᬬᬂᬳᬶᬧᬰᬵᬩᬚ᭄ᬭᬤᬾᬯᬕᬸᬂ᭞ᬳᬶᬓᬃᬕ᭄ᬤᬵᬭᬶᬂᬳᬫᬸᬲᬦᬵ᭞ᬘᭂᬦ᭄ᬤᭂᬢ᭄ᬳᬢᬸᬃᬢᬶᬢ᭄ᬬᬂᬯ᭄ᬬᬓ᭄ᬢᬶ᭟ᬤᬾᬯᬕᬸᬂᬢᬶᬢ᭄ᬬᬂᬦᬯ᭄ᬕᬂ᭞ᬓᬤᬶᬮᬸᬘᬸᬧᬺᬱᬗ᭄ᬕᬵᬦᬾᬦ᭄ᬢᭂᬦ᭄ᬗᬶᬭᬶᬂ᭞ᬢᬦ᭄ᬲᬓᬾᬂᬢᬶᬢ᭄ᬬᬂᬦᬾᬯᬕᬸᬂ᭞ᬦᬸᬮᬤᬦᬧᬳᬶᬘ᭄ᬙᬵ᭞ᬭᬾᬳᬶᬂᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬓᬓᬢᬳᬦ᭄‌ᬤ᭄ᬯᬕᬸᬂ᭞ᬦᬾᬫᬦ᭄ᬤᬸᬯᬾᬧᬋᬓ
ᬦ᭄᭞ᬓᬦ᭄ᬢᭀᬫᬗᬦ᭄ᬢᬸᬓᬂᬯ᭄ᬬᬓ᭄ᬢᬶ᭟ᬢᬦ᭄ᬧᬓᬦ᭄ᬥᬵᬤᬵᬳᬚᬶᬦ᭄ᬥᬵ᭞ᬩᬸᬫ᭄ᬬᬃᬱᬵᬳᬦᬓ᭄ᬤᬵᬯ᭄ᬬᬓ᭄ᬢᬶ᭞ᬦ᭄ᬢ᭄ᬢᭀᬯᬶᬓᬦ᭄ᬧᬤᬫᬲᬳᬸᬃ᭞ᬫᬮᬶᬄᬳᬶᬤ᭄ᬯᬕᬸᬂᬧᬸᬢᬺ᭞ᬭᬶᬂᬫᬸᬱ᭄ᬝᬧᬵᬜᭂᬫ᭄ᬩᬄᬭᬶᬂᬭᬓᬦ᭄ᬥᬵᬫᬢᬸᬃ᭞ᬭᬶᬂᬭᬓᬳᬶᬤ᭄ᬯᬕᬸᬂᬲᬫ᭄ᬬᬦ᭄᭞ᬲᬃᬯ᭄ᬯᬶᬫ᭄ᬓᬸᬮ᭄ᬧᬤᬯ᭄ᬬᬓ᭄ᬢᬶ᭟ᬤᬾᬯᬕᬸᬂᬲᬵᬫ᭄ᬧᬸᬦ᭄ᬧᬂᬫᭂᬗ᭄ᬕᬄ᭞ᬭᬾᬳᬶᬂᬢᬶᬢ᭄ᬬᬂᬧ᭄ᬭᬲᬗ᭄ᬕ
ᬫᬗ᭄ᬯᬮᬶᬦᬶᬦ᭄᭞ᬬᬾᬦ᭄ᬓᬶᬭᬗᬦ᭄ᬭᬢᬸᬤ᭄ᬯᬕᬸᬂ᭞ᬢᬶᬢ᭄ᬬᬂᬧᬘᬂᬗᬢᬸᬭᬂ᭞ᬓ᭄ᬦᬶᬤ᭄ᬯᬕᬸᬂᬗᬫ᭄ᬧᬸᬭᬭᬾᬄᬚᬤ᭄ᬫᬵᬤᬸᬲᬸᬦ᭄᭞ᬓᬾᬯᬦ᭄ᬢᭂᬦ᭄ᬫᬶᬥᭂᬧ᭄ᬫᬧᬚᬃ᭞ᬢᬶᬢ᭄ᬬᬂᬲᬵᬫ᭄ᬧᬸᬦ᭄‌ᬓᬾᬦ᭄ᬓᬾᬦ᭄ᬜᭂᬮᬶᬃ᭟᭚ᬤᬸᬃᬫ᭄ᬫᬵ᭚ᬲᬭᬳᬶᬤᬵᬢ᭄ᬬᬂᬘᭂᬦ᭄ᬤᭂᬢ᭄ᬫᬦᬸᬳᬸᬢᬂ᭞ᬢ᭄ᬬᬂᬢᬾᬩᬸᬓᬚᬦᬶ᭞ᬍᬩᬶᬄᬢᬓᬸᬢ᭄ᬧᬶᬲᬦ᭄᭞ᬳᬭᬶᬦ᭄ᬥᬵ
ᬫᬮᬶᬄᬜᭂᬫ᭄ᬩᬄ᭞ᬲᬵᬫ᭄ᬧᬸᬦ᭄ᬫᬫᬜ᭄ᬚᬗᬂᬫᬮᬶᬄ᭞ᬲᬸᬩᬓ᭄ᬢᬶᬦ᭄‌ᬢᬶᬢ᭄ᬬᬂ᭞ᬕᬫᭂᬮ᭄ᬲᬓᬤᬶᬫᬗ᭄ᬓᬶᬦ᭄᭟ᬭᬓᬵᬲᬫ᭄ᬬᬦ᭄ᬫᬮᬶᬄᬦᬶᬫ᭄ᬩᬮ᭄ᬭᬸᬫᬃᬤ᭄ᬥᬯᬵ᭞ᬳᭂᬗ᭄ᬕᬶᬄᬦᬓᬕᬸᬂᬳᭂᬗ᭄ᬕᬶᬄ᭞ᬫᬮᬶᬄᬦᬾᬦᬾᬧᬢ᭄ᬧᬢ᭄᭞ᬲᭂᬲᭂᬓ᭄ᬳᬶᬤᬵᬤᬶᬋᬤ᭄ᬥᬵ᭞ᬓᬮᬶᬄᬳᬾᬭᬗᬾᬢᬦ᭄ᬲᬶᬧᬶ᭞ᬩᬳᬦᬾᬳᬶᬤᬵ᭞ᬢ᭄ᬯᬢ
[᭔᭙ 49A]
ᬧᬶᬲᬦ᭄ᬓᬢᬫ᭄ᬧᬶ᭟ᬫᭂᬧᭂᬲ᭄ᬗᬸᬦ᭄ᬢᬸᬓ᭄ᬧᬤᬓᬗᭂᬦ᭄ᬭᬶᬂᬳᬗ᭄ᬕᬵᬦ᭄ᬤᬵ᭞ᬯᬸᬲ᭄ᬧᬤᬲᬾᬗᭂᬄᬲᬫᬶ᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬳᬧᬦᬶᬂᬫᬗ᭄ᬕᭂᬄᬫᭂᬗ᭄ᬕᬄ᭞ᬯᬸᬲ᭄ᬧᬾᬗᭂᬄᬗ᭄ᬮᬾᬦᬂᬯ᭄ᬬᬓ᭄ᬢᬶ᭞ᬓᬮᬶᬄᬦᬾᬲᬫ᭄ᬬᬦ᭄᭞ᬢᭀᬂᬯᬶᬓᬦ᭄ᬫᬫᬶᬦ᭄ᬳᬶᬦ᭄᭞ᬦᬾᬦ᭄ᬢᭂᬦ᭄ᬧᬸᬭᬸᬳᬶᬤᬵᬫᬮᬶᬄᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬢᭀᬓᬵᬯ᭄ᬬᬓ᭄ᬢᬶ᭞ᬭᬾᬄᬜᬦ᭄ᬤᬂᬧᬫᭂ
ᬗ᭄ᬕᬄ᭞ᬭᬾᬄᬧᬶᬦᭂᬄᬮᬗ᭄ᬲᭀᬢ᭄ᬧᬶᬲᬦ᭄᭞ᬧᬺᬧᬸᬢᬺᬧᬸᬭᬸᬦᬦ᭄ᬤᬶᬗᬶᬦ᭄᭞ᬓᬮᬶᬄᬓᬧᬶᬦᭂᬄ᭟ᬳᭀᬓᬵᬳᬭᬶᬦᬾᬫᬗ᭄ᬓᬶᬦ᭄᭟ᬮᬶᬦ᭄ᬢᬂᬰᬢ᭄ᬓᬶᬳᬧᬦᬶᬂᬲᬫᬶᬧᬮᬧᬦ᭄᭞ᬭᬶᬂᬳᬦᬓ᭄ᬤᬲᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬲᬂᬦᬵᬣᬭᬶᬂᬓᬸᬭᬶᬧᬦ᭄᭞ᬫᬧᬶᬦᭂᬄᬳᬶᬤᬵᬦᬾᬫᬗ᭄ᬓᬶᬦ᭄᭞ᬳᬬᬢ᭄ᬗᬃᬲᬬᬂ᭞ᬳᬶᬤᬵᬲᬂᬭᬵᬚᬧᬸᬢ᭄ᬭᬶ᭟ᬭᬵ
ᬢ᭄ᬦᬵᬚ᭄ᬯᬶᬢ᭄ᬣᬵᬓ᭄ᬦᬶᬗᬦ᭄ᬢᬾᬦ᭄ᬳᬩ᭄ᬭᬶᬬᬸᬓᬦ᭄᭞ᬳᬦᬓ᭄ᬳᬦᬓ᭄ᬤᬵᬯ᭄ᬬᬓ᭄ᬢᬶ᭞ᬭᬾᬄᬓᬧᬶᬦᭂᬄᬜᬦ᭄ᬤᬂ᭞ᬫᬮᬶᬄᬧᬧᬶᬦᭂᬄᬳᬶᬤᬵ᭞ᬤᬵᬳᬦᬓ᭄ᬤᬵᬲᬋᬂᬲᬫᬶ᭞ᬓᬬᬸᬦ᭄ᬲᬂᬦᬵᬣ᭞ᬓ᭄ᬦᬶᬫᬧᬦ᭄ᬤᭂᬲ᭄‌ᬭᬶᬳᬶᬦ᭄᭟ᬲᬧᬸᬦᬶᬓᬵᬓᬬᬸᬦ᭄ᬤᬤᬶᬚ᭄ᬭᭀᬦᬶᬂᬋᬤ᭄ᬥᬵ᭞ᬕ᭄ᬮᬶᬲ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬭᬶᬂᬳᬶᬤᬵᬫᬦ᭄ᬢᬸᬤ᭄ᬥᬵ᭞ᬳᬶᬓᬦᭀᬂᬓ᭄ᬫᬵ
ᬓᬾᬳᬚᬓ᭄᭞ᬢᭀᬫᬶᬲᬦᬾᬧᬤᬫᬸᬮᬶᬄ᭞ᬢᬾᬦ᭄ᬤᬶᬚᬧᬘᬂ᭞ᬮᬸᬄᬮᬸᬳᬾᬦᭀᬗᭀᬲᬶᬦ᭄᭟ᬤᬵᬳᬦᬓ᭄ᬥᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬜᭂᬫ᭄ᬩᬄ᭞ᬢᬶᬢ᭄ᬬᬂᬢ᭄ᬮᬲᬳᬶᬭᬶᬂ᭞ᬫᬮᬸᬄᬳᬶᬤᬵᬜᭂᬫ᭄ᬩᬄ᭞ᬭᬶᬂᬭᬓᬦ᭄ᬥᬵᬲᬫ᭄ᬬᬦ᭄᭞ᬭᬶᬂᬳᬶᬤᬵᬲᬂᬭᬵᬚᬧᬸᬢ᭄ᬭᬶ᭞ᬳᬶᬤ᭄ᬯᬕᬸᬂᬫᬸᬢᭂᬃ᭞ᬤ᭄ᬯᬕᬸᬂᬭᬵᬢᬸᬢᬦ᭄ᬓᬤᬶ᭟ᬤ [ 50 ][᭔᭙ 49B]
᭔᭙
ᬲᬓᬮᬶᬄᬭᬓᬦ᭄ᬥᬵᬗᬗ᭄ᬕᬸᬢᬶᬦ᭄ᬕᬗ᭄ᬲᬃ᭞ᬳᬶᬤᬵᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬫᬮᬶᬄᬫᭂᬧᭂᬲ᭄ᬳᬶᬤᬵ᭞ᬭᬶᬂᬫᬤᬾᬯᬶᬲᬫ᭄ᬬᬦ᭄᭞ᬭᬶᬂᬭᬓᬦ᭄ᬥᬵᬫᬶᬦᬓᬤᬶ᭞ᬭᬶᬂᬳᬶᬧᬾᬦ᭄ᬢᬗ᭄ᬲᬄ᭞ᬫᬩ᭄ᬭᬶᬬᬸᬓ᭄ᬫᬗᬗ᭄ᬕᬸᬢᬶᬦ᭄᭟ᬲᬋᬂᬲᬫ᭄ᬬᬦ᭄ᬫᬜᭂᬫ᭄ᬩᬄᬭᬶᬂᬳᬚᬶᬩ᭄ᬬᬂ᭞ᬳᬢᬸᬃᬲᬫᬶᬫᬧᬫᬶᬢ᭄᭞ᬩ᭄ᬬᬂᬤᬵᬳᬚᬶᬦ᭄ᬥᬵ᭞ᬕ᭄ᬮᬶᬲ᭄ᬳᬶᬤᬵᬫᬗ᭄ᬕᬸᬢᬦ᭄᭞ᬤᬵᬳ
ᬦᬓ᭄ᬤᬢ᭄ᬥᬸᬦ᭄ᬲᬫᬶ᭞ᬧᬺᬧᬸᬢ᭄ᬭᬶᬲᬫ᭄ᬬᬦ᭄᭞ᬫᬤᬾᬯᬶᬫᬶᬦᬓᬤᬶ᭟ᬲᬧᬭᬦ᭄ᬲᬂᬤ᭄ᬬᬄᬗᬶᬭᬶᬂᬲᬫ᭄ᬬᬦ᭄᭞ᬜᬸᬚᬸᬃᬕ᭄ᬥᭀᬂᬦᬾᬫᬗ᭄ᬓᬶᬦ᭄᭞ᬕ᭄ᬥᭀᬂᬓᬯᬶᬲ᭄ᬫᬭᬵ᭞ᬳᬶᬭᬶᬓᬵᬳᬬᬢ᭄ᬳᬶᬤᬵ᭞ᬲᬂᬤ᭄ᬬᬄᬤᬤᭀᬲ᭄ᬳᬲᬶᬓᬶ᭞ᬕ᭄ᬥᭀᬂᬢᬢᬶᬕ᭞ᬭᭀᬂᬭᭀᬭᬲᬳᬸᬢ᭄ᬳᬲᬶᬦ᭄᭟ᬧᬭᬧᬸᬢ᭄ᬭᬶᬫᬗᬳᬸᬲᬫᬶᬫᬓᬫᬃ᭞ᬳᬶᬤᬫ
ᬤᬾᬯᬶᬲᬫᬶ᭟ᬳᬕ᭄ᬥᭀᬂᬓᬢᬸᬭᬵᬦ᭄‌᭞ᬳᬶᬤᬵᬲᬂᬤ᭄ᬬᬄᬲᬫ᭄ᬬᬦ᭄᭞ᬩᬮᬾᬫᬲ᭄ᬧᬢ᭄ᬧᬢ᭄ᬗᬾᬤᬦᬶᬦ᭄‌᭞ᬲᬯᬯᬧᬶᬲᬦ᭄᭞ᬘᬬᬦ᭄ᬲᭀᬘᬵᬗᬸᬮᬧᬶᬦ᭄᭟ᬯᬸᬲ᭄ᬫᬳᬸᬦ᭄ᬤᬸᬓ᭄ᬫᬮᬶᬄᬓᬢᬸᬭᬦ᭄ᬫᬗ᭄ᬯᬾᬤᬂ᭞ᬢᬦ᭄ᬓᭀᬘᬧ᭄ᬳᬸᬲᬦ᭄᭞ᬭᬢᬢᬦᬵᬦᬗ᭄ᬲᬬᬵ᭞ᬮᬾᬤᬂᬭᬾᬄᬓᬸᬫ᭄ᬧᬸᬮ᭄ᬳᬶᬤᬵ᭞ᬳᬶᬤᬵᬳᬶ
ᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬳᬕᬸᬂᬫᬫᬶᬦᭂᬄ᭞ᬳᬭᬶᬦ᭄ᬤᬵᬍᬲᬸᬫᬗ᭄ᬓᬶᬦ᭄᭟ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬕᬸᬂᬫᬗᬦ᭄ᬤᬶᬓᬵ᭞ᬭᬶᬂᬳᬭᬶᬳᬭᬶᬲᬫᬶ᭞ᬦᬓᬕᬸᬂ᭞ᬢᬢᬲ᭄ᬳᭀᬯᭀᬦ᭄ᬓᬮᬶᬦ᭄ᬢᬂ᭞ᬓᬮᬶᬄᬳᬲᬺᬧ᭄ᬫᬲᬸᬓ᭄ᬳᬗᬶᬦ᭄᭞ᬫ᭄ᬮᬄᬫᬸᬮ᭄ᬬᬦ᭄᭞ᬫᬺᬫᬺᬫᬦ᭄ᬳᭂᬗ᭄ᬕᬶᬄ᭟ᬤᬳᬭᬶᬦ᭄ᬤᬵᬲᬂᬓᬮᬶᬄᬫᭂᬧᭂᬲ᭄ᬫᬜᭂᬫ᭄ᬩᬄ
[᭕᭐ 50A]
᭞ᬗᬸᬦᬶᬗᬍᬲᬸᬢ᭄ᬬᬓ᭄ᬢᬶ᭞ᬕ᭄ᬮᬶᬲᬭᬓᬦ᭄ᬥᬵ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬦᬫ᭄ᬩᬸᬢᬗᬦ᭄ᬳᬭᬶ᭞ᬧᬦ᭄ᬳᬲᬾᬯᬓᬵ᭞ᬭᬾᬄᬳᬬᬢ᭄ᬳᬶᬧᬾᬦ᭄ᬯ᭄ᬬᬓ᭄ᬢᬶ᭟ᬳᬶᬤᬾᬯᬕᬸᬂᬭᬵᬢᬸᬳᬶᬤᬾᬯᬕᬸᬂᬮᬦᬂ᭞ᬦ᭄ᬤᬸᬯᬾᬢᬢᬕᭀᬦ᭄‌ᬯ᭄ᬬᬓ᭄ᬢᬶ᭞ᬫᬳᬯᬶᬦᬦ᭄ᬳᬶᬤᬵ᭞ᬭᬓᬮᬶᬦ᭄ᬢᬂᬧᬮᬦ᭄᭞ᬢᬦ᭄ᬓᭀᬘᬧ᭄ᬲᬫᬶᬫᬗ᭄ᬭᬜ᭄ᬚᬶᬂ
ᬫᬺᬫᬺᬫᬦ᭄᭞ᬳᬶᬤᬵᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭟ᬢᬦ᭄ᬓᬶᬲ᭄ᬮᬦ᭄ᬗᬫᭂᬮ᭄ᬕᬬᬢ᭄ᬤᬶᬧᬾᬦ᭄ᬳᬶᬤᬵ᭞ᬳ᭄ᬦᭂᬗᬂᬫᬮᬸᬤᬶᬦᬶ᭞ᬲᬂᬦᬵᬣᬳᬸᬘᬧᬂ᭞ᬢᬗ᭄ᬓᬶᬮᬦ᭄ᬮᬶᬦ᭄ᬢᬂᬳᬸᬫ᭄ᬬᬂ᭞ᬲᬂᬦᬣᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬧᬧᬶᬦᭂᬄᬳᬶᬤᬵᬧᬘᬂᬓᬯ᭄ᬤᬃᬫᬗ᭄ᬓᬶᬦ᭄᭟ᬕ᭄ᬮᬶᬲ᭄ᬳᬶᬤᬵᬗᬦ᭄ᬤᬶᬓᬭᬶᬂᬳᬭᬶᬢᬶᬕᬵ᭞ᬯᬘᬦᬵᬭᬸᬫ᭄ᬤᬫᬦᬶᬲ᭄᭞ᬳᬤᬶᬚᬓ᭄ᬫᬓ᭄ᬚᬂ᭞ᬓᬾ
ᬦᬾᬧᬓ᭄ᬦᬄᬢ᭄ᬬᬂ᭞ᬲᬧᬦᬓ᭄ᬮᬓᬃᬢᬢᬳᬶᬦ᭄᭞ᬲᬸᬯᬸᬤ᭄ᬫᬢᬢᬄ᭞ᬳᬧᬂᬧᬤᬵᬫᬩᬸᬜ᭄ᬘᬶᬂ᭟ᬤᬵᬳᬭᬶᬦ᭄ᬤᬵᬢᬶᬕᬵᬜᭂᬫ᭄ᬩᬄᬫᬫᬢᬸᬢᬂ᭞ᬘᭀᬓᭀᬃᬜᭂᬫ᭄ᬩᬄᬲᬫᬶ᭞ᬢᬍᬃᬫᬫᬢᬸᬢᬂ᭞ᬩ᭄ᬭᬶᬬᬸᬓ᭄ᬳᬶᬤᬵᬲᬂᬦᬵᬣ᭞ᬗᬦ᭄ᬤᬶᬓᬵᬭᬶᬂᬳᭀᬓᬵᬫᬗ᭄ᬓᬶᬦ᭄᭟ᬢᬦ᭄ᬓᬤᬶᬭᬶᬂᬲᬂ᭞ᬯᬶᬰᬾᬱᬵᬫᬓᬓᬮᬶᬄ᭟ᬫᬾ
ᬦᬓᬕᬸᬂᬕ᭄ᬬᬸᬃᬩᬜ᭄ᬚᬸᬭᬦ᭄‌ᬓ᭄ᬦᭂᬳᬂ᭞ᬭᬾᬄᬲᬸᬩᬜᬦ᭄ᬤᬂᬚᬦᬶ᭞ᬫᬦ᭄ᬮᬳᬶᬦ᭄ᬳᬯᬓ᭄᭞ᬓᬮᬶᬄᬲᬸᬩᬧᬶᬗᬦᬦ᭄᭞ᬲᬸᬯᬸᬤ᭄ᬫᬢᬢᬄᬫᬩᬸᬜ᭄ᬘᬶᬂ᭞ᬳᬶᬤᬳᬦᬓ᭄ᬤᬵ᭞ᬫᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬗᬶᬭᬶᬂ᭟ᬫᬮᬶᬄᬳᬶᬤᬳᬶᬤᬾᬯᬕᬸᬂᬤᬵᬳᬸᬯᬦ᭄ᬥᬵ᭞ᬗᬦ᭄ᬤᬶᬓᬵᬭᬶᬂᬲᬂᬓᬮᬶᬄ᭞ᬭᬶᬂᬳᭀᬓᬵᬯᬶᬰᬾᬱᬵ᭞ᬕ᭄ᬬᬸᬃ [ 51 ][᭕᭐ 50B]
᭕᭐
ᬓᬮᬶᬄᬩᬜ᭄ᬚᬸᬭᬦ᭄᭞ᬮᬳᬸᬢᬂᬳᬮᬶᬳᬂᬚᬦᬶ᭞ᬤᬾᬯᬲᬫ᭄ᬮᬄ᭞ᬫᬢᬢᬄᬮᬾᬦ᭄ᬫᬩᬸᬜ᭄ᬘᬶᬂ᭟ᬤᬵᬲᬂᬓᬮᬶᬄᬳᬦᬓ᭄ᬤᬵᬭᬭᬶᬲ᭄ᬫᬢᬶᬫ᭄ᬩᬮ᭄᭞ᬦᬕᬶᬂᬢ᭄ᬮᬲᬳᬶᬭᬶᬂ᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧ᭞ᬕ᭄ᬮᬶᬲ᭄ᬳᬶᬤᬵᬦᬯᬸᬳᬂ᭞ᬫᬗᬫ᭄ᬩᬶᬮ᭄ᬓᬶᬢᬩ᭄ᬦᬾᬫᬗ᭄ᬓᬶᬦ᭄᭞ᬭᬾᬄᬧᬗᬮᬶᬬᬦ᭄᭞ᬤᬾᬯᬣᬵᬓᬢᬸᬃᬕ᭄ᬮᬶᬲ᭄᭟ᬳᬶ
ᬤᬾᬯᬕᬸᬂᬫᬸᬱ᭄ᬝᬧᬫᬗ᭄ᬓᬶᬦ᭄‌ᬗᬺᬋᬳᬂ᭞ᬢᬦ᭄ᬓᭀᬘᬧ᭄‌ᬓ᭄ᬦᬶᬫᬗ᭄ᬓᬶᬦ᭄᭞ᬧᬸᬧᬸᬢ᭄ᬫᬗᬺᬋᬳᬂ᭞ᬕ᭄ᬮᬶᬲ᭄ᬳᬶᬤᬵᬫᬜᭂᬫ᭄ᬩᬄ᭞ᬭᬶᬂᬳᬶᬤᬵᬳᬚᬶᬦ᭄ᬥᬵᬲᬫᬶ᭞ᬤᬾᬯᬕᬸᬂᬲᬫ᭄ᬬᬦ᭄᭞ᬫᬮᬶᬄᬳᬤᬰᬯ᭄ᬗᬶ᭟ᬧᬧᬦ᭄ᬤᭂᬲᬦ᭄ᬳᬶᬭᬶᬓᬵᬩ᭄ᬘᬶᬓᬮᬶᬦ᭄ᬢᬂ᭞ᬫᬮᬶᬄᬲ᭄ᬮᬳᬾᬯ᭄ᬗᬶ᭞ᬩ᭄ᬘᬶᬓ᭄ᬧᬩᬸᬜ᭄ᬘᬶᬗᬦ᭄᭞ᬲᬂᬦᬵᬣᬢᬶᬕᬵᬦᬶᬫ᭄ᬩᬮ᭄᭞
ᬧᬢᭂᬄᬧᬦᬶᬫ᭄ᬩᬮᬾᬯ᭄ᬬᬓ᭄ᬢᬶ᭞ᬢᬗ᭄ᬲᬄᬭᬶᬂᬳᬶᬤᬵ᭞ᬳᭀᬓᬯᬶᬰᬾᬱᬵᬓᬮᬶᬄ᭟ᬫᬾᬦᬓᬕᬸᬂᬳᬚᬓ᭄ᬤᬤ᭄ᬯᬫᬗᬶᬢᬸᬗᬂ᭞ᬲᭂᬦ᭄ᬤᭂᬢ᭄ᬳᬸᬯᬦᬾᬚᬦᬶ᭞ᬓᬮᬶᬄᬳᬚᬶᬅ᭄ ᬧᬤᬵ᭞ᬚ᭄ᬮᬾᬫ᭄ᬮᬄᬩᬳᬦ᭄ᬧᬦᬓ᭄᭞ᬭᬾᬄᬳᬕᬸᬂᬳᬕᬸᬂᬫᬗ᭄ᬓᬶᬦ᭄᭞ᬢ᭄ᬬᬂᬫᬓ᭄ᬚᬂᬫᬍᬩᭀᬓ᭄ᬤᬶᬬᬫᬦᬶ᭟ᬤᬵᬲᬂᬓ
ᬮᬶᬄᬫᬮᬶᬄᬜᭂᬫ᭄ᬩᬄᬦᬾᬦ᭄ᬢᭂᬦ᭄ᬧᬜ᭄ᬚᬂ᭞ᬳᬦᬓ᭄ᬤᬵᬲᬓᬶᬂᬩᬮᬶ᭞ᬢᬶᬕᬵᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬭᬶᬂᬳᬶᬤᬵᬤᬭᬓᬦ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬧᬢᭂᬄᬳᬢᬸᬃᬤᬵ᭞ᬗ᭄ᬮᬸᬲ᭄ᬓᬬᬸᬦ᭄ᬲᬯ᭄ᬬᬓ᭄ᬢᬶ᭟᭚ᬧᬗ᭄ᬓᬸᬃ᭚ᬭᬢᬸᬤ᭄ᬯᬕᬸᬂᬧᬦᭂᬫ᭄ᬩᬳᬦ᭄᭞ᬢᬦ᭄ᬓᬢᬸᬃᬳᬸᬢᬂᬢᬶᬢ᭄ᬬᬂᬫ
[᭕᭑ 51A]
ᬢᬶᬦ᭄ᬤᬶᬄ᭞ᬮᬶᬦ᭄ᬢᬂᬲ᭄ᬯᬾᬘ᭄ᬙᬵᬚᭂᬂᬧᬸᬓᬸᬮᬸᬦ᭄᭞ᬭᬓᬦ᭄ᬥᬵᬳᬮᬸᬲ᭄ᬦᬶᬫ᭄ᬩᬮ᭄᭞ᬤᬢᬵᬤᬢᬵᬩ᭄ᬯᬶᬦ᭄ᬭᬯᭀᬲᬂᬦᬓᬕᬸᬂ᭞ᬢ᭄ᬯᬭᬵᬤᬵᬜᬦ᭄ᬤᬂᬮᬦ᭄ᬢᬗᬂ᭞ᬲᬂᬢᬶᬕᬵᬫᭂᬧᭂᬲᬳᬶᬭᬶᬂ᭟ᬲᬃᬯ᭄ᬯᬶᬢᬦ᭄ᬧᬕᬦ᭄ᬢᬶᬜᭂᬫ᭄ᬩᬄ᭞ᬤᬲᬂᬢᬶᬕᬵᬗᬦ᭄ᬤᬶᬓᬵᬢ᭄ᬓᬾᬦ᭄ᬳᬭᬶ᭞ᬭᬶᬂᬳᬭᬶᬳᬶᬤᬵᬳᬶᬤ᭄ᬯᬕᬸᬂ᭞ᬧᬸᬢᬺᬳᬱ᭄ᬝ᭄ᬭᬫᬸᬱ᭄ᬝ᭄ᬧᬵ᭞ᬧᬧᬢᭂᬳ
ᬦ᭄ᬧᬦ᭄ᬤᬶᬓᬓᬮᬶᬦ᭄ᬢᬂᬳᬮᬸᬲ᭄᭞ᬫᬾᬳᬢᬸᬤᬾᬅᬜᬫᬦ᭄ᬢ᭄ᬬᬂ᭞ᬳᬸᬢᬂᬢ᭄ᬬᬗᬾᬫᬢᬶᬦ᭄ᬤᬶᬄ᭟ᬭᬾᬄᬜᬸᬧᬢ᭄ᬧᬶᬢᬺᬓᬲᬲᬃ᭞ᬤᬵᬳᬭᬶᬦ᭄ᬤᬵᬫᬜᭂᬫ᭄ᬩᬄᬳᬶᬤᬕ᭄ᬮᬶᬲ᭄᭞ᬭᬶᬂᬭᬓᬦ᭄ᬥᬵᬕ᭄ᬮᬶᬲ᭄ᬫᬢᬸᬃ᭞ᬤᬾᬯᬕᬸᬂᬲᬵᬫ᭄ᬧᬸᬦ᭄ᬧᬶᬲᬦ᭄᭞ᬫᬫᬜ᭄ᬚᬗᬂ᭞ᬩᬦ᭄ᬢᬶᬦ᭄ᬢᬶᬢ᭄ᬬᬂᬕᬫᭂᬮ᭄‌ᬤ᭄ᬯᬕᬸᬂ᭞ᬤᬵᬭᬓᬦ᭄ᬥᬵᬢᬶᬕᬦᬶᬫ᭄ᬩᬮ᭄᭞
ᬗ᭄ᬕᬶᬄᬢ᭄ᬬᬂᬢᬭᬶᬫᬕᬢᬶ᭟ᬳᬶᬤᬾᬯᬕᬸᬂᬫᬥᬾᬜᭂᬫ᭄ᬩᬄ᭞ᬫᬢᬸᬃᬳᬭᬶᬲ᭄ᬭᬶᬂᬳᬚᬶᬳᬸᬯᬦ᭄ᬤᬵᬫᬮᬶᬄ᭞ᬦᬾᬩᬾᬜ᭄ᬚᬂᬢᬶᬢ᭄ᬬᬂᬤᬾᬯᬕᬸᬂ᭞ᬫᬧᬫᬶᬢ᭄ᬫᬤᬩ᭄ᬤᬩᬦ᭄᭞ᬭᬾᬄᬦᬍᬲᭂᬓ᭄ᬱᬫᬮᬶᬄᬢᬶᬢ᭄ᬬᬂᬤᬾᬯᬕᬸᬂ᭞ᬓᬤᬶᬮᬸᬘᬸᬫᬗ᭄ᬮᬸᬗ᭄ᬲᬸᬭᬂ᭞ᬲᬦᬾᬳ᭄ᬮᬸᬄᬲᬋᬂᬲᬫᬶ᭟ᬫᬢᬢᬄᬭᬶᬂᬫᬜ᭄ᬘ᭄ᬬᬸᬭᬚᬵ᭞ᬳᬦᬓ᭄‌ᬤ᭄ᬯᬕᬸᬂᬲ
ᬦᬾᬫ᭄ᬯᬦᬶᬯ᭄ᬬᬓ᭄ᬢᬶ᭞ᬓ᭄ᬦᬶᬳᬶᬭᬶᬓᬶᬤᬾᬯᬕᬸᬂ᭞ᬫᬢᬢᬄᬭᬯᬶᬂᬢᬶᬢ᭄ᬬᬂ᭞ᬲᬓᬾᬯᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬗᬾᬤ᭄ᬯᬕᬸᬂ᭞ᬧᬸᬦᬶᬓᬶᬳᬶᬩ᭄ᬬᬂᬲᬫ᭄ᬬᬦ᭄᭞ᬯᬾᬦ᭄ᬢᭂᬦ᭄ᬓᬫᬜ᭄ᬘ᭄ᬬᬸᬳᬶᬭᬶᬓᬶ᭟ᬲᬂᬦᬵᬣᬫᬮᬶᬄᬫᬦᬶᬫ᭄ᬩᬮ᭄᭞ᬤᬶᬚᬗᬮᬶᬄᬧᬤᬦ᭄ᬥᬵᬫᬗ᭄ᬯᬾᬤᬳᬶᬦ᭄᭞ᬤᬳᬦᬓ᭄ᬤᬵᬓᬮᬶᬄᬫᬢᬹᬃ᭞ᬳᬦᬓ᭄ᬤᬵᬦᬾᬯᬶᬰᬾᬱᬵ᭞ᬳ [ 52 ][᭕᭑ 51B]
᭕᭑
ᬢᬸᬃᬧᬢᭂᬄᬧᬫᬦᬄᬢᬶᬢ᭄ᬬᬗᬾᬤ᭄ᬯᬕᬸᬂ᭞ᬚᬕᬶᬫᬗᬤ᭄ᬩᬕᬯᬦ᭄᭞ᬓ᭄ᬦᬶᬳᬶᬤᬵᬫᬗ᭄ᬯᬾᬤᬳᬶᬦ᭄᭟ᬲᬫᬶᬓᬕ᭄ᬬᬢ᭄ᬲᬶᬂᬫᬶᬬᬃᬱᬵ᭞ᬓᬮᬶᬄᬕᬯᭀᬓ᭄ᬳᬶᬤᬵᬳᬶᬤ᭄ᬯᬕᬸᬂᬳᬚᬶ᭞ᬧᬤᬮᬾᬤᬗᬾᬓᬮᬗ᭄ᬓᬸᬂ᭞ᬦ᭄ᬤᬸᬯᬾᬳᭀᬓᬵᬲᬦ᭄ᬤᬾᬯ᭞ᬲᬶᬤᬾᬯᬕᬸᬂᬫᬥᬾᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬮᬸᬲ᭄᭞ᬭᬶᬂᬳᬭᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬳᬢᬸ
ᬤᬾᬅ᭄ ᬦᬩ᭄ᬤᬩᬂᬚᬦᬶ᭟ᬓᬮᬶᬄᬦᬾᬩᬶᬦ᭄ᬧᬶᬢᬸᬂᬤᬶᬦᬵ᭞ᬳᬶᬭᬶᬂᬧᬶᬲᬦ᭄ᬳᬶᬩ᭄ᬬᬂᬲᬋᬂᬓᬮᬶᬄ᭞ᬓ᭄ᬦᬶᬫᬦ᭄ᬢᬸᬓᬫᬜ᭄ᬚ᭄ᬬᬸ᭞ᬳᬶᬤᬧᬘᬂᬩ᭄ᬯᬶᬮᬗᬂ᭞ᬭᬾᬄᬤᬶᬚᬯ᭞ᬧᬤᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄᭞ᬳᬢᬸᬅ᭄ ᬳᬸᬢᭂᬦ᭄ᬧᬤᬳᬚᬓ᭄᭞ᬭᬾᬄᬤᬶᬢᬸᬮᬓᬃᬢᬢᬳᬶᬦ᭄᭟ᬲᬩᬢᭂᬓ᭄ᬢᭀᬦ᭄ᬤᬾᬦ᭄ᬫᬢᬢᬄ᭞ᬳᬚᬓ᭄ᬫᬦᬾᬲᬸᬩᬤ᭄ᬧᬶᬦ᭄ᬤᬶ
ᬦᬶ᭞ᬧᬂᬳᬤᬗᬬᬳᬶᬦ᭄ᬮᬯᬸᬢ᭄᭞ᬳᬭᬶᬜᭂᬫ᭄ᬩᬄᬢᬦ᭄ᬢᬸᬮᬓ᭄᭞ᬳᬚᬶᬩ᭄ᬬᬂᬫᬦᬶᬫ᭄ᬩᬮ᭄ᬫᬃᬤᬯᬫᬭᬸᬫ᭄᭞ᬧᬢᭂᬄᬧᬦᬶᬫ᭄ᬩᬮᬾᬲᬫ᭄ᬬᬦ᭄‌᭞ᬳᬶᬭᬮᬓᬃᬗ᭄ᬤᬸᬫ᭄ᬚᬜ᭄ᬚᬶ᭟ᬳᬦᬓ᭄ᬤᬵᬜᭂᬫ᭄ᬩᬄᬫᬢᬸᬢᬂ᭞ᬲᬵᬫ᭄ᬧᬸᬦ᭄ᬕᬸᬮᬸᬓ᭄ᬩᬩᬯᭀᬲ᭄ᬳᬶᬤᬫᬗ᭄ᬓᬶᬦ᭄᭞ᬧᬤᬮᬾᬤᬗᬾᬤᬶᬓᬬᬸᬦ᭄‌᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬕ᭄ᬮᬶᬲ᭄ᬳᬶᬤᬵᬫᬦᬯᬸ
ᬳᬶᬦ᭄ᬧᬭᬭᬵᬢᬸ᭞ᬳᬚᬶᬅ᭄ ᬲᬋᬂᬲᬫ᭄ᬬᬦ᭄᭞ᬕᬳᬾᬦ᭄ᬢ᭄ᬬᬗᬾᬳᬶᬢᬸᬗᬶᬦ᭄᭟ᬧᬂᬲᬵᬫ᭄ᬧᬸᬦ᭄ᬧ᭄ᬭᬕᬢ᭄ᬫᬓ᭄ᬚᬂ᭞ᬳᬸᬧᬓᬭᬩᬬᬾᬧᬤᬧᬬᬲᬶᬦ᭄᭞ᬤᬶᬩᬮᬾᬗᬸᬮᬾᬮᬫ᭄ᬳᬦᬸᬢ᭄᭞ᬢᭀᬗᭀᬲ᭄ᬢ᭄ᬬᬂᬫᬢᬢᬄ᭞ᬳᬧᬂᬳᬰ᭄ᬭᬷᬬᬦ᭄ᬢᬭᬦ᭄ᬕᬓᬾᬳᬦᬸᬢ᭄᭞ᬓᬮᬶᬄᬫᬸᬮᬶᬄᬫᬸᬓᬸᬮ᭄ᬓᬯᬢ᭄᭞ᬲᬸ
[᭕᭒ 52A]
ᬭᬤᬤᬸᬧᬤᬧᬗ᭄ᬕᬶᬮ᭄᭟ᬳᬧᬂᬳ᭄ᬬᬧᬤᬲᬬᬕᬵ᭞ᬮᬦ᭄ᬤᬶᬓᬧᬮᬓ᭄ᬭᬦᬢ᭄ᬧᬤᬳᬶᬲᬶᬲᬶᬦ᭄‌᭞ᬯᬢᭂᬓ᭄ᬫᬳᬶᬦᬦ᭄ᬫᬢᬸᬭᬸᬢ᭄᭞ᬳᬧᬗᬧᬤᬢ᭄ᬓᬵ᭞ᬧᬃᬭᬵᬢᬸᬫᭂᬧᭂᬲ᭄ᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬤᬕᬶᬂᬲᬫᬶᬦᬾᬦ᭄ᬢᭂᬦ᭄ᬢᬸᬮᬓ᭄‌᭞ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄᭟ᬢᬦ᭄ᬫᬭᬶᬭᬶᬂᬧᬭᬧᬸᬢᬺ᭞ᬩᬶᬦᬾᬓᬕᬸᬂᬦᬾᬕᬳᬾᬧᬤᬵ
ᬢᬫ᭄ᬧᬶ᭞ᬢᬢᬵᬭᬶᬂᬕᬳᬾᬧᬂᬳᬮᬸᬲ᭄᭞ᬓᬫᬜ᭄ᬘ᭄ᬬᬸᬢ᭄ᬓᬤᬂ᭞ᬓᬮᬶᬄᬲᬸᬦ᭄ᬤᬶᬄᬳᬧᬂᬗᬧᬶᬢ᭄ᬫᬃᬕ᭄ᬕᬵᬧᬳᬸᬢ᭄᭞ᬢᭂᬢᬭᬶᬂᬳᬧᬂᬫᬧᬬᬲ᭄᭞ᬢᭀᬗᭀᬲ᭄ᬫᬳᬶᬦᬦ᭄ᬳᬧᬶᬓᬶᬦ᭄᭟ᬓᬓᬬᭀᬦᬦᬾᬤᬶᬫᬃᬕ᭄ᬕᬵ᭞ᬧᬂᬫᬓᬫ᭄ᬩᭂᬦ᭄ᬧ᭄ᬭᬢᬺᬜᭂᬫ᭄ᬩᬄᬲᬫᬶ᭞ᬳᬶᬧᬶᬦᬾᬢ᭄‌ᬕ᭄ᬮᬶᬲ᭄ᬓᬤᬯᬸᬄ᭞ᬜᭂᬫ᭄ᬩᬄᬳᬶᬧᬸᬦ᭄ᬗ
ᬋᬧᬂ᭞ᬳᬶᬤᬾᬯᬕᬸᬂᬫᬮᬶᬄᬫᬗᬦ᭄ᬤᬶᬓᬵᬳᬮᬸᬲ᭄᭞ᬩᬶᬄᬳᬶᬩᬫᬮᬸᬫᬢᬢᬄ᭞ᬳᬶᬧᬶᬦᬾᬢ᭄ᬜᭂᬫ᭄ᬩᬄᬲᬳᬶᬭᬶᬂ᭟ᬫᬮᬶᬄᬕᬯᭀᬓ᭄ᬱᬋᬂᬲᬫ᭄ᬬᬦ᭄᭞ᬓᬧᬶᬦ᭄ᬳᬂᬳᬶᬧᬾᬦᬾᬢ᭄ᬲᬤ᭄ᬬᬕᬢᬶ᭞ᬫᬢᬢᬄᬗᬶᬭᬶᬂᬳᬶᬤ᭄ᬯᬕᬸᬂ᭞ᬓᬱ᭄ᬝᬸᬧᬸᬗ᭄ᬓᬸᬪᬕᬯᬦ᭄᭞ᬮᬾᬦ᭄ᬫᬓᬢᬂᬲᬳᬸᬯᭀᬯᬚᬭᬦᬶᬂᬭᬵᬢᬸ᭞ᬳ᭄ᬦᭂᬂᬦᬾᬫᬗᬗᭀ
ᬩᬂ᭞ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬫᬮᬶᬄ᭟ᬭᬶᬂᬧᬸᬗ᭄ᬕᬯᬫᬜ᭄ᬘᬲᬫ᭄ᬬᬦ᭄᭞ᬓᬶᬘᬾᬦ᭄ᬓᬃᬬ᭄ᬬᬫᬲᭀᬯᬂᬲᭀᬯᬂᬯ᭄ᬬᬓ᭄ᬢᬶ᭞ᬳᬤᬗᬋᬧᬶᬦ᭄ᬧᬢᬵᬫ᭄ᬬᬸ᭞ᬳᬤᬓᬾᬧᬧᬾᬲ᭄ᬢᬬᬦ᭄᭞ᬳᬤᬓᭀᬧᬶᬳᬤᬧᬫᬶᬚ᭄ᬬᬦ᭄ᬲᬫ᭄ᬧᬸᬦ᭄᭞ᬩ᭄ᬬᬶᬦ᭄ᬳᬤᬮᬮᬕᬭᬦ᭄᭞ᬳᬶᬦᬸᬫ᭄ᬳᬶᬦᬸᬫᬦ᭄ᬢᬦ᭄ᬫᬭᬶ᭟ᬕᬤᬗᬋᬧᬶᬦ᭄ [ 53 ][᭕᭒ 52B]
᭕᭒
ᬯᭀᬄᬯᭀᬳᬦ᭄᭞ᬲᬵᬫ᭄ᬧᬸᬦ᭄ᬲᭂᬧᭂᬂᬲᬦᬾᬓᬤᬯᬸᬄᬲᬫᬶ᭞ᬲᬗ᭄ᬳ᭄ᬬᬂᬤᬶᬯᬗ᭄ᬓᬭᬵᬲᬸᬭᬸᬧ᭄᭞ᬢᬗ᭄ᬓᬶᬮᬦ᭄ᬩ᭄ᬭᬶᬬᬸᬓ᭄ᬜᭂᬫ᭄ᬩᬄ᭞ᬭᬶᬂᬲᬫ᭄ᬬᬦ᭄ᬳᬶᬤ᭄ᬯᬕᬸᬂᬗᬗ᭄ᬕᬸᬢᬶᬦ᭄‌ᬩ᭄ᬭᬶᬬᬸᬓ᭄᭞ᬢᬦ᭄ᬓᭀᬘᬧᬩᬸᬤᬮ᭄ᬲᬫ᭄ᬬᬦ᭄᭞ᬓᬮᬶᬄᬳᬶᬤᬾᬯᬕᬸᬂᬲᬫᬶ᭟ᬧᬤᬗᬸᬗ᭄ᬲᬶᬧᬲᬗ᭄ᬕ᭄ᬭᬳᬦ᭄᭞ᬢᬦ᭄‌ᬘᬭᬶᬢᬲᬵᬫ᭄ᬧᬸᬦ᭄ᬗᬬᬸᬦᬂ
ᬗᬸᬧᬶ᭞ᬧᬤᬮᬾᬤᬂᬩ᭄ᬭᬶᬬᬸᬓ᭄ᬩ᭄ᬭᬶᬬᬸᬓ᭄᭞ᬯᬢᭂᬓ᭄ᬦᬾᬳᬦᬾᬫ᭄ᬧᬸᬫ᭄ᬬᬦ᭄᭞ᬯ᭄ᬗᬶᬧᬶᬲᬦ᭄ᬳᬤᬳᬶᬗᬦ᭄ᬧᬸᬓᬸᬮ᭄‌ᬢᭂᬮᬸ᭞ᬗ᭄ᬭᬜ᭄ᬚᬶᬂᬲᬫᬸᬗᬸᬗ᭄ᬲᬸᬓᬫᬃ᭞ᬳᬶᬤᬾᬯᬕᬸᬂᬫᬥᬾᬫᬗ᭄ᬓᬶᬦ᭄᭟ᬢᬦ᭄ᬫᬭᬶᬲ᭄ᬮᬕᬯᬶᬭᬕᬵ᭞ᬭᬶᬂᬳᬭᬶᬦ᭄ᬥᬵᬳᬶᬤ᭄ᬯᬕᬸᬂᬧᬸᬢᬺᬓᬮᬶᬄ᭞ᬫᬫᬥᬸᬲᬫ᭄ᬢᭀᬦ᭄ᬳᬦᬸᬢ᭄᭞ᬭᬾᬄᬭᬓᬮᬶᬦ᭄ᬢᬂᬯᬶᬓᬦ᭄᭞ᬫ
ᬗᬸᬮᬦᬶᬦ᭄ᬭᬓᬵᬗᬭᬲ᭄ᬳᬭᬶᬧᬢᬸᬄ᭞ᬧᬫ᭄ᬓᬲ᭄ᬦᬾᬦᬾᬤᬸᬳᬸᬭᬦ᭄᭞ᬭᬾᬄᬭᬓᬧᬘᬂᬦᬶᬗ᭄ᬕᬮᬶᬦ᭄᭟ᬗᬦ᭄ᬤᬶᬓᬵᬭᬶᬂᬦᬾᬤᬸᬳᬸᬭᬦ᭄᭞ᬫᬾᬫᬦᬓᬕᬸᬂᬫᬦᬶᬢ᭄ᬬᬂᬫᬧᬫᬶᬢ᭄᭞ᬫᬸᬮᬶᬄᬫᬤᬩ᭄ᬤᬩᬦ᭄ᬫᬮᬸ᭞ᬤᬶᬦᬶᬳᬤᬶᬦᬾᬳᬚᬓ᭄᭞ᬤᬵᬳᬭᬶᬦ᭄ᬤᬵᬤᬸᬳᬸᬭᬦ᭄ᬗᬭᬲ᭄ᬫᬳᬢᬸᬃ᭞᭞ᬬᬾᬢᬶᬢ᭄ᬬᬂᬤᭀᬂᬮᬓᬃᬓᬸᬢᬂ᭞ᬭᬓ
ᬦ᭄ᬥᭀᬗᬭᬲ᭄ᬦᬶᬫ᭄ᬩᬮᬶᬦ᭄᭟ᬬᬾᬓᬮᬶᬂᬓᬾᬮᬓᬃᬓᬸᬢᬂ᭞ᬮᬓᬃᬤᬸᬤᬸᬓ᭄‌ᬍᬩᬶᬄᬓ᭄ᬯᬗᬦ᭄ᬕᬢᬶ᭞ᬓ᭄ᬭᬡᬢ᭄ᬬᬂᬫᬸᬮᬶᬄᬫᬮᬸ᭞ᬭᬾᬄᬗᬦ᭄ᬢ᭄ᬬᬂᬫᬦᬸᬦ᭄ᬤᬾᬦᬂ᭞ᬧᬂᬫᬤᬩ᭄ᬤᬩ᭄‌ᬬᬦᬶᬂᬳᬦᬓᬕᬸᬂᬫᬶᬮᬸ᭞ᬳᬭᬄᬜᬮᬶᬢ᭄ᬧᬶᬲᬦ᭄ᬧᬶᬲᬦ᭄᭞ᬩᬦᬾᬢ᭄ᬬᬂᬩ᭄ᬯᬶᬦ᭄ᬫᬳᬶ᭟ᬓᬮᬶᬄᬤᬶᬦᬶᬮᬓᬃᬫᬢᬢᬄ᭞ᬤᬵᬳᬭᬶ
[᭕᭓ 53A]
ᬦ᭄ᬤᬵᬫᭂᬧᭂᬲ᭄ᬫᬳᬢᬸᬃᬳᬭᬶᬲ᭄᭞ᬭᬶᬂᬭᬓᬦ᭄ᬳᬶᬤᬦᬾᬢᬸᬳᬸ᭞ᬤᬾᬯᬕᬸᬂᬳᭀᬯᬢᬸᬢ᭄ᬧᬶᬲᬦ᭄᭞ᬭᬾᬳᬶᬂᬧᬘᬂᬭᬓᬦ᭄‌ᬤ᭄ᬯᬕᬸᬂᬫᬮᬶᬄᬭᬯᬸᬄ᭞ᬭᬓᬵᬢᬸᬳᬸᬳᬮᬸᬲ᭄ᬧᬶᬲᬦ᭄᭞ᬫᬦᬶᬫ᭄ᬩᬮᬶᬦ᭄ᬳᬢᬸᬃᬳᬭᬶ᭟ᬗ᭄ᬕᬶᬄᬓᬾᬦ᭄ᬢᭂᬜ᭄ᬚᬢ᭄ᬬᬂᬳ᭄ᬜᬓ᭄᭞ᬭᬶᬂᬭᬓᬦ᭄ᬥᬵᬳᬶᬤᬵᬫᬳᬢᬹᬃᬫᬮᬶᬄ᭞ᬲᬓᬾᬬᬦ᭄ᬢᭂᬦ᭄‌ᬭᬵᬢᬸᬤ᭄ᬯᬕᬸᬂ
᭞ᬧᬦ᭄ᬤᬶᬓᬦᬾᬳᬶᬮᬶᬗᬂ᭞ᬧᬘᬂᬭᬯᬸᬄᬭᬓᬦ᭄ᬥᬵᬗᬭᬲ᭄ᬫᬫ᭄ᬓᬸᬮ᭄᭞ᬲᬃᬯ᭄ᬯᬶᬜᬳᬸᬭᬶᬦ᭄‌ᬯᬸᬲᬬᬂ᭞ᬤᭀᬂᬗ᭄ᬕᬶᬄᬧᬬᬲᬶᬦ᭄ᬢ᭄ᬬᬂᬚᬦᬶ᭟᭚ᬲᬶᬦᭀᬫ᭄᭚ᬳᬭᬶᬓᬮᬶᬄᬢᬸᬢᬸᬢ᭄ᬳᬶᬤᬵ᭞ᬤᬭᬓᬦ᭄ᬥᬵᬫᬳ᭄ᬬᬲ᭄ᬫᬗ᭄ᬓᬶᬦ᭄᭞ᬢᬦ᭄ᬓᭀᬘᬧ᭄ᬲᬫ᭄ᬧᬸᬦ᭄ᬫᬲᬶᬭᬫ᭄᭞ᬧᬬᬲ᭄ᬓᬳᬦᬸᬢᬂ
ᬯ᭄ᬬᬓ᭄ᬢᬶ᭞ᬳᬭᬶᬓᬮᬶᬄᬗᬬᬳᬶᬦ᭄᭞ᬫᬫᬥᬸᬲᬫ᭄ᬢᭀᬦ᭄ᬳᬦᬸᬢ᭄‌᭞ᬮᬦ᭄ᬭᬓᬵᬮᬶᬦ᭄ᬢᬂᬯᬶᬓᬦ᭄᭞ᬗᬸᬮᬦᬶᬦ᭄ᬲᬂᬯᬶᬭᬵᬓᬮᬶᬄ᭞ᬯᬸᬲ᭄ᬫᬳ᭄ᬬᬲ᭄᭞ᬲᬂᬓᬮᬶᬄᬲᬵᬫ᭄ᬧᬸᬦ᭄ᬫᬫᬶᬜᬓ᭄᭟ᬭᬓᬦ᭄ᬥᬵᬗᬬᬸᬦᬂᬲ᭄ᬥᬄ᭞ᬳᬭᬶᬓᬮᬶᬄᬓᬶᬘ᭄ᬘᬾᬦ᭄‌ᬯ᭄ᬬᬓ᭄ᬢᬶ᭞ᬢᬶᬦᬭᬶᬫᬾᬂᬬᬢᬶᬳᬶᬤᬵ
᭞ᬯᬸᬲ᭄ᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬫᬗ᭄ᬓᬶᬦ᭄᭞ᬓᭀᬤᬮ᭄ᬲᬂᬢᬶᬕᬕ᭄ᬮᬶᬲ᭄‌ᬫ᭄ᬳᬦ᭄ᬢᭂᬦᬃᬫᬳ᭄ᬬᬲᬵᬫ᭄ᬧᬸᬦ᭄᭞ᬭᬾᬄᬲᬵᬫ᭄ᬧᬸᬜ᭄ᬚᬤᬯᬸᬳᬦ᭄᭞ᬧᬘᬂᬫᬦ᭄ᬢᬸᬓ᭄ᬱᬦᬾᬫᬗ᭄ᬓᬶᬦ᭄᭞ᬳᬶᬤᬾᬯᬕᬸᬂ᭞ᬫᬥᬾᬓ᭄ᬜᭂᬫᬗᬦ᭄ᬤᬶᬓᬵ᭟ᬢᬗ᭄ᬲᬄᬳᬶᬤᬵᬫᬦᬓᬾᬦᬂ᭞ᬲ᭄ᬧᬸᬃᬳᬶᬤᬵᬓ᭄ᬦᬶᬫᬶᬚᬶᬮ᭄᭞ [ 54 ][᭕᭓ 53B]
᭕᭓
ᬳᬦ᭄ᬢᭂᬦᬃᬩ᭄ᬭᬶᬬᬸᬓ᭄ᬫᬜᭂᬫ᭄ᬩᬄ᭞ᬗᬸᬦᬶᬗᬬᬂᬲᬵᬫ᭄ᬧᬸᬦ᭄ᬫᬶᬚᬶᬮ᭄᭞ᬧᬢᭂᬄᬳᬢᬹᬃᬤᬵᬲᬫᬶ᭞ᬫᬮᬶᬄᬳᬶᬤᬵᬳᬶᬤᬾᬯᬕᬸᬂ᭞ᬗᬦ᭄ᬤᬶᬓᬵᬭᬶᬂᬳᬦ᭄ᬢᭂᬦᬃ᭞ᬳᬦ᭄ᬢᬶᬢ᭄ᬬᬂᬫᬮᬸᬤᬶᬦᬶ᭞ᬦ᭄ᬢᭂᬦᬭᬾ᭞ᬫᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬲᬫ᭄ᬬᬦ᭄᭟ᬳᬶᬤ᭄ᬯᬕᬸᬂᬫᬥᬾᬗᬧᬸᬭᬶᬬᬂ᭞ᬜᬸᬚᬸᬃᬓᬯᬶᬲ᭄ᬫᬵᬭᬕ᭄ᬮᬶᬲ᭄᭞ᬳᬭᬶᬲᬂᬤ᭄ᬬᬄᬲᬫ᭄ᬬ
ᬦ᭄᭞ᬲ᭄ᬤᭂᬓ᭄ᬫᬓᬸᬫ᭄ᬧᬸᬮ᭄ᬓᬢᬗ᭄ᬓᬶᬮ᭄᭞ᬯᬸᬲᬫᬶᬫᬫ᭄ᬬᬃᬱᬶ᭞ᬭᬾᬄᬯᬾᬦ᭄ᬢᭂᬦ᭄ᬗᬸᬦᬶᬗᬬᬂᬲᬵᬫ᭄ᬧᬸᬦ᭄᭞ᬭᬶᬂᬳᬗ᭄ᬕᬵᬫᬓᬃᬬ᭄ᬬᬦᬂ᭞ᬳᬕᬾᬫᬧᬤ᭄ᬫᭂᬲᬦ᭄‌ᬯ᭄ᬬᬓ᭄ᬢᬶ᭞ᬲᬕᬾᬢ᭄ᬭᬯᬸᬄ᭞ᬳᬶᬤᬾᬯᬕᬸᬂᬫᬥᬾᬳᬶᬤᬵ᭟ᬳᬭᬶᬓᬮᬶᬄᬢᬦᬧᬲᬄ᭞ᬢᬗ᭄ᬓᬶᬮᬦ᭄ᬢᭂᬦᬸᬦᬦ᭄ᬕᭂᬮᬶᬲ᭄᭞ᬧᬤᬜᭀᬗ᭄ᬓᭀ
ᬓ᭄ᬱᬋᬂᬲᬫ᭄ᬬᬦ᭄᭞ᬳᬶᬤᬾᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬗᬦ᭄ᬤᬶᬓᬵᬢ᭄ᬓᬾᬦ᭄ᬳᬭᬶ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬢ᭄ᬭᬶᬳᬕᬸᬂ᭞ᬲᬃᬯ᭄ᬯᬶᬦ᭄ᬲᭂᬓ᭄ᬫᬗᬸᬲᬧ᭄᭞ᬫᬾᬦᬓᬕᬸᬂᬚᬮᬦ᭄ᬫᬸᬮᬶᬄ᭞ᬭᬾᬄᬓᬤᬯᬸ᭞ᬓᬾᬦ᭄ᬳᬸᬯᬅᬳᬧᬂᬫᬢᬢᬄ᭟ᬗ᭄ᬳᬶᬂᬳᬧᬂᬳᬚᬓ᭄ᬫᬓ᭄ᬚᬂ᭞ᬦᬾᬩᬶᬦ᭄ᬲ᭄ᬬᬤᬶᬦᬫᬗ᭄ᬓᬶᬦ᭄᭞ᬤ
ᬳᬭᬶᬦ᭄ᬤᬵᬢᬦᬢᬸᬮᬓ᭄᭞ᬭᬓᬦ᭄ᬥᬗᬦ᭄ᬤᬶᬓᬵᬫᬮᬶᬄ᭞ᬭᬶᬂᬳᬭᬶᬦ᭄ᬳᬶᬤᬵᬚᬢᬶ᭞ᬳᬶᬤᬾᬯᬕᬸᬂᬳᬦᭀᬫ᭄ᬢᬸᬳᬸ᭞ᬓᬦᭀᬂᬚᬦᬶᬤᬩ᭄ᬤᬩᬂ᭞ᬳᬧᬢᭀᬧᬢᬸᬗ᭄ᬕᬳᬾᬦᬶᬦ᭄᭞ᬦᬾᬲᬶᬂᬢᬯᬂ᭞ᬢᬸᬦᬲᬂᬢ᭄ᬓᬾᬦ᭄ᬳᬶᬩ᭄ᬬᬂ᭟ᬯᬢᭂᬓ᭄ᬩᭀᬓᬕᬸᬂᬫᬓ᭄ᬚᬂ᭞ᬓᬮᬶᬳᬜᬓᬵ
[᭕᭔ 54A]
ᬦᭀᬂᬩ᭄ᬯᬶᬦ᭄᭞ᬳᬦᬓ᭄ᬚᬸᬫᬄᬓᬃᬫᬢᬢᬄ᭞ᬗᬢ᭄ᬮᬸᬦᬂᬩᬜᬫᬸᬮᬶᬄ᭞ᬩ᭄ᬮᬶᬳᬕᬸᬂᬧᬤᬤᬶᬦᬶ᭞ᬫᬢᬢᬄᬧᬂᬮᬲ᭄ᬬᬮᬳᬸᬢ᭄᭞ᬳᬭᬶᬦ᭄ᬤᬫᭂᬧᭂᬲ᭄ᬜᭂᬫ᭄ᬩᬄ᭞ᬤᬕᬸᬂᬧᬶᬢ᭄ᬮᬲᬳᬶᬭᬶᬂ᭞ᬳᬶᬤᬾᬯᬕᬸᬂ᭞ᬳᬶᬲ᭄ᬢ᭄ᬭᬶᬕ᭄ᬮᬶᬲ᭄ᬫᬳ᭄ᬬᬲ᭄᭟ᬳᬶᬤᬾᬯᬕᬸᬂᬳᬦᭀᬫ᭄ᬜᭂᬫ᭄ᬩᬄ᭞ᬭᬶᬂᬭᬓᬵᬲᬂᬯᬶᬭᬓᬮᬶᬄ᭞ᬭᬶᬂᬳᬶᬧᬾᬦ᭄ᬤᬵ
ᬢᬦᬧᬲᬄ᭞ᬭᬶᬂᬳᬶᬤ᭄ᬯᬕᬸᬂᬧᬸᬢ᭄ᬭᬯ᭄ᬬᬓ᭄ᬢᬶ᭞ᬤᬾᬯᬕᬸᬂᬧᬘᬂᬗᬶᬭᬶᬂ᭞ᬭᬓᬦ᭄‌ᬤ᭄ᬯᬕᬸᬂᬫᬗ᭄ᬓᬶᬦ᭄ᬫᬦ᭄ᬢᬸᬓ᭄᭞ᬳᬶᬧᬾᬦ᭄ᬤᬕ᭄ᬮᬶᬲ᭄ᬦᬶᬫ᭄ᬩᬮ᭄᭞ᬢᭂᬜ᭄ᬚᬓᬶᬘᬾᬦ᭄ᬢ᭄ᬬᬂᬗᬶᬭᬶᬂ᭞ᬳᬶᬤᬾᬯᬕᬸᬂ᭞ᬫᬥᬾᬳᬮᬸᬲ᭄ᬫᬗ᭄ᬓᬶᬦᬶᬫ᭄ᬩᬮ᭄᭟ᬓ᭄ᬭᬡᬢ᭄ᬬᬂᬲᬶᬂᬚᬫᬳᬂ᭞ᬩᬦᬾᬢ᭄ᬬᬂᬩ᭄ᬯᬶᬦ᭄ᬫᬳᬶ᭞ᬲᬂᬓᬮᬶᬄᬤᬶᬦᬶᬫᬢᬢᬄ᭞ᬲᬂᬤ᭄ᬬᬄᬫ
ᬜᭂᬫ᭄ᬩᬄᬲᬫᬶ᭞ᬤᬕᬶᬂᬫᬢᬸᬢᬂᬯ᭄ᬬᬓ᭄ᬢᬶ᭞ᬲᬕᬾᬢ᭄ᬧᬗ᭄ᬯᬾᬤᬦᬗᬦ᭄ᬓᬢᬸᬃ᭞ᬢᬦ᭄ᬓᭀᬘᬧ᭄ᬲᬫ᭄ᬧᬸᬦ᭄ᬳᬸᬲᬦ᭄᭞ᬭᬯᬸᬄᬳᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬳᬕᬸᬂᬫᬳ᭄ᬬᬲ᭄᭞ᬭᬶᬂᬳᬭᬶᬳᬶᬲ᭄ᬢ᭄ᬭᬶᬗᬦ᭄ᬤᬶᬓᬵ᭛ᬫᬵᬳᬾᬦᬓᬕᬸᬂᬚᬓ᭄ᬫᬓ᭄ᬚᬂᬫᬗᬮᬳᬶᬦ᭄ᬫᬸᬮᬶᬄ᭞ᬭᬾᬳᬶᬂᬧᬘᬂᬫᬤᬩ᭄ᬤᬩᬦ᭄᭞ᬳᬭᬶᬦ᭄ᬤᬵᬜᭂᬫ᭄ᬩᬄᬲᬳᬶ
ᬳᬶᬭᬶᬂ᭞ᬳᬶᬤᬵᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬫᬢᬸᬃᬢ᭄ᬓᬾᬦ᭄ᬭᬓᬵᬢᬗ᭄ᬮᬸᬲ᭄᭞ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬳᬯᬓᬾᬤᭀᬂᬫᬃᬕᬶᬄᬫᬗ᭄ᬓᬶᬦ᭄᭞ᬤᬵᬭᬓᬦ᭄ᬥᬵᬢ᭄ᬤᬸᬦ᭄‌ᬕ᭄ᬮᬶᬲ᭄ᬗᬚᬩᬬᬂ᭟ᬳᬭᬶᬦ᭄ᬤᬵᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬫᬗ᭄ᬕᭂᬄᬳᬶᬤᬵᬫᬓᬓᬮᬶᬄ᭞ᬓᬢᬗ᭄ᬓᬶᬮ᭄ᬳᬦ᭄ᬢᬸᬓ᭄ᬱᬂᬤ᭄ᬬ᭞ᬦᬾᬫᬦ᭄ᬢᬸᬓ᭄ᬳᬸᬘᬧᬂᬚᬦᬶ᭞ᬫᬸᬗ᭄ᬕ [ 55 ][᭕᭔ 54B]
᭕᭔
ᬳᬶᬂᬲ᭄ᬧᬸᬃᬕ᭄ᬮᬶᬲ᭄᭞ᬳᬦ᭄ᬢᭂᬦᬭᬾᬢ᭄ᬮᬲᬵᬫ᭄ᬧᬸᬦ᭄᭞ᬢᬦ᭄ᬓ᭄ᬓᭀᬘᬧᬤᬸᬫᬃᬕ᭄ᬕᬵ᭞ᬤᬶᬫᬜ᭄ᬘ᭄ᬬᬸᬭᬯᬸᬄᬕ᭄ᬮᬶᬲ᭄᭞ᬲᬫᬶᬢ᭄ᬥᬸᬦ᭄᭞ᬧᬭᬳᬶᬲ᭄ᬢ᭄ᬭᬶᬗᬧᬸᬭᬶᬬᬂ᭟ᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬭᬶᬂᬩᬜ᭄ᬘᬶᬗᬄᬦᬸᬓᬢᬗ᭄ᬓᬶᬮ᭄᭞ᬧᬭᬃᬭᬵᬢᬸᬦᬗ᭄ᬓᬶᬮ᭄ᬲᬫ᭄ᬬᬦ᭄᭞ᬭᬾᬄᬓᬭᬶᬳᬶᬭᬶᬓᬵᬲᬫᬶ᭞ᬳᬶᬤ᭄ᬯᬕᬸᬂᬫᬥᬾᬫᬗ᭄ᬓᬶ
ᬦ᭄᭞ᬗᬦ᭄ᬤᬶᬓᬵᬓᬾᬦ᭄ᬧᬭᬭᬵᬢᬸ᭞ᬫᬶᬤᬃᬢ᭄ᬣᬵᬮᬓᬃᬓᬃᬬ᭄ᬬ᭞ᬲᬃᬯ᭄ᬯᬶᬳᬶᬤᬵᬫᬦᬯᬸᬳᬶᬦ᭄᭞ᬧᬭᬭᬵᬢᬸ᭞ᬓ᭄ᬦᬶᬫᬗ᭄ᬯᬶᬮᬗᬶᬦ᭄ᬓᬃᬬ᭄ᬬ᭟ᬓ᭄ᬦᬶᬧᬸᬧᬸᬢ᭄ᬳᬸᬧᬓᬭᬵᬢᬸᬜᭂᬫ᭄ᬩᬄᬲᬳᬶᬭᬶᬂ᭞ᬓᬮᬶᬄᬩᬮᬾᬧᬫᬦ᭄ᬤᭂᬲᬦ᭄᭞ᬳᬧᬂᬲᬶᬂᬳᬤᬦᬦ᭄ᬤᬶᬗᬶᬦ᭄᭞ᬢᬢᬵᬭᬶᬂᬳᬧᬂᬧᬲ᭄ᬢᬶ᭞ᬳᬧᬂᬫᬩᬄᬳᬩᬄᬳᬦᬸᬢ᭄᭞
ᬮᬾᬦ᭄ᬲᬸᬦ᭄ᬤᬶᬄᬗᬧᬶᬢ᭄ᬫᬃᬕ᭄ᬕᬵ᭞ᬧᬗᭂᬓ᭄ᬩᬦ᭄ᬫᬗᬾᬤᬦᬶᬦ᭄᭞ᬩ᭄ᬤᬶᬮ᭄ᬓᬸᬮ᭄ᬓᬸᬮ᭄‌ᬧᬂᬲᬸᬩᬧᬤᬲᬬᬕᬵ᭟ᬓᬮᬶᬄᬫᬦᬯᬸᬳᬶᬦ᭄ᬓᬧᬮ᭄᭞ᬲᬫᬗ᭄ᬤᬾᬤᬶᬧᬲᬶᬄᬲᬫᬶ᭞ᬋᬄᬧᬘᬂᬫᬫᬸᬜᬶᬚᬺᬦᬢ᭄᭞ᬲᬸᬭᬤᬤᬸᬳᬧᬂᬧ᭄ᬭᬧ᭄ᬢᬶ᭞ᬧᬘᬂᬗᬫᭀᬗᬶᬦ᭄‌ᬩ᭄ᬤᬶᬮ᭄᭞ᬓᬮᬶᬄᬫᬳᬶᬦᬦ᭄ᬓᬤᬯᬸᬄ᭞ᬲᬫᬘᭂᬫᬘᭂᬫ᭄ᬲ
ᬫ᭄ᬬᬦ᭄᭞ᬓᬮᬶᬄᬕᬫ᭄ᬮᬫ᭄ᬓᬤᬶ᭞ᬧᬭᬭᬢᬸ᭞ᬫᬩ᭄ᬭᬶᬬᬸᬓ᭄ᬧᬤᬫᬜᭂᬫ᭄ᬩᬄ᭟ᬳᬶᬤ᭄ᬯᬕᬸᬂᬫᬮᬶᬄᬦᬯᬸᬳᬂ᭞ᬭᬶᬂᬯᬢᭂᬓ᭄ᬧᬸᬗ᭄ᬕᬯᬲᬫᬶ᭞ᬓᬘᬾᬦ᭄ᬓᬃᬬ᭄ᬬᬲ᭄ᬯᬂᬲ᭄ᬯᬂ᭞ᬳᬤᬘᬯᬶᬲᬦ᭄ᬓᬋᬧᬶᬦ᭄᭞ᬩ᭄ᬯᬶᬦ᭄ᬓᭀᬳᬤᬓᭀᬧᬶ᭞ᬧᬧᬾᬲ᭄ᬢᬬᬦ᭄ᬳᬧᬂᬳᬦᬸᬢ᭄‌᭞ᬓᬾᬦ᭄ᬳᬤᬮᬮᬕᬭᬦ᭄᭞
[᭕᭕ 55A]
ᬳᬤᬯᭀᬄᬯᭀᬳᬦ᭄ᬓᬋᬧᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᭂᬧᭂᬂᬲᬦᬾᬓᬤᬯᬸᬳᬦ᭄᭟ᬫᬮᬶᬄᬓᬦ᭄ᬢᭀᬭᬾᬲᬫ᭄ᬬᬦ᭄᭞ᬓ᭄ᬦᬶᬫᬩᬄᬳᬩᬄᬯ᭄ᬬᬓ᭄ᬢᬶ᭞ᬭᬾᬳᬶᬂᬧᬘᬂᬧᬲᬗ᭄ᬕ᭄ᬭᬳᬦ᭄᭞ᬢᬫ᭄ᬬᬸᬦᬾᬦᬾᬧᬘᬂᬧ᭄ᬭᬧ᭄ᬢᬶ᭞ᬧᬸᬗ᭄ᬕᬯᬜᭂᬫ᭄ᬩᬄᬲᬫᬶ᭞ᬢᬦ᭄ᬢᬸᬮᬓ᭄ᬱᬦᬾᬓᬤᬯᬸᬄ᭞ᬮᬾᬦ᭄ᬓᬓᬬᭀᬦᬦ᭄
ᬲᬫ᭄ᬬᬦ᭄᭞ᬓ᭄ᬦᬶᬫᬓᬫ᭄ᬩᭂᬦᬶᬦ᭄‌ᬯ᭄ᬬᬓ᭄ᬢᬶ᭞ᬫᬮᬶᬄᬜᭂᬫ᭄ᬩᬄᬫ᭞ᬲᬦᬾᬓᬤᬯᬸᬳᬦ᭄ᬲᬫ᭄ᬬᬦ᭄᭟ᬲᬕᬾᬢ᭄ᬓᬢᬸᬃᬧᬗ᭄ᬯᬾᬤᬗᬦ᭄᭞ᬯᬸᬲ᭄ᬗᬯᬾᬤᬂᬲᬋᬂᬲᬫᬶ᭞ᬳ᭄ᬦᭂᬗᬂᬦᬾᬤᬶᬩᬜ᭄ᬘᬶᬗᬄ᭞ᬤᬶᬧᬸᬭᬶᬳᬸᬘᬧᬂᬚᬦᬶ᭞ᬳᬶᬤᬵᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬳᬕᬸᬂᬦᬗ᭄ᬓᬶᬮ᭄ᬫᬢᬸᬃᬲᬫ᭄ᬧᬸᬦ᭄᭞ᬓᬮᬶᬄᬲᬵᬫ᭄ᬧᬸᬦ᭄ᬗᬸ
ᬦᬶᬗᬵ᭞ᬢᬦ᭄ᬢᬸᬓᬃᬬ᭄ᬬᬦ᭄ᬳᬶᬤᬵᬲᬫᬶ᭞ᬓᬮᬶᬄᬳᬶᬤᬵ᭞ᬦᬸᬦᬲᬂᬦᬾᬧᬘᬂᬓᬃᬬ᭄ᬬ᭞ᬤᬸᬭᬸᬂᬲᬯᬸᬃᬩ᭄ᬬᬂᬤᬵ᭞ᬕ᭄ᬮᬶᬲᬦ᭄ᬳᬦᬓ᭄ᬤᬧ᭄ᬭᬧ᭄ᬢᬶ᭞ᬓᬳᬶᬭᬶᬂᬳᬦ᭄ᬢᬸᬓ᭄ᬳᬦ᭄ᬢᭂᬦᬃ᭞ᬳᬭᬶᬓᬮᬶᬄᬢ᭄ᬤᬸᬦ᭄‌ᬕ᭄ᬮᬶᬲ᭄᭞ᬢᬗ᭄ᬓᬶᬮᬦ᭄ᬢᭂᬤᬸᬦ᭄ᬲᬫᬶ᭞ᬲᬂᬩᬸᬧ᭄ᬭᬧ᭄ᬢᬜᭂᬫ᭄ᬩᬄᬲᬵᬫ᭄ᬧᬸᬦ᭄
᭞ᬤᬕᬶᬂᬫᬦᬸᬦᬲ᭄ᬮᬸᬕᬺ᭞ᬩ᭄ᬬᬂᬤᬵᬕ᭄ᬮᬶᬲ᭄ᬗᬗ᭄ᬕᬸᬢᬶᬦ᭄᭞ᬲᬫᬶᬫᬸᬗ᭄ᬕᬄᬮᬶᬗ᭄ᬕᬶᬄᬳᬾᬓᬤᬶᬭᬶᬂᬲᬸᬭᬵᬢ᭄᭟᭚ᬧᬗ᭄ᬓᬸᬃ᭚ᬳᬶᬤ᭄ᬯᬕᬸᬂᬩ᭄ᬬᬂᬦᬓᬾᬦᬂ᭞ᬭᬶᬂᬳᬦᬓ᭄ᬤᬳᬶᬤ᭄ᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬩᬦ᭄ᬩᬩᬮᬶᬳᬦᬓᬕᬸᬂ᭞ᬲᬸᬩᬧᬥᬫᬗᬩ᭞ᬦ᭄ᬢᭀᬦᬦᬗᬾᬲ [ 56 ][᭕᭕ 55B]
᭕᭕
ᬗ᭄ᬓᬦ᭄‌ᬢ᭄ᬯᬭᬵᬫᬸᬮᬶᬄᬫᬶᬮᬸ᭞ᬳᬶᬤ᭄ᬯᬕᬸᬂᬫᬥᬾᬜᭂᬫ᭄ᬩᬄ᭞ᬢᬶᬢ᭄ᬬᬂᬤᬸᬭᬸᬂᬫᬗᬢᬸᬭᬶᬦ᭄᭟ᬦᬾᬫᬮᬶᬄᬧ᭄ᬢᬂᬭᬳᬶᬦᬵ᭞ᬓ᭄ᬦᬶᬫᬦ᭄ᬢᬸᬓ᭄ᬫᬗ᭄ᬤᬾᬯᬾᬦ᭄ᬢᭂᬦ᭄ᬜᬋᬗᬶᬦ᭄᭞ᬳᬦᬓ᭄‌ᬤ᭄ᬯᬕᬸᬂᬲᬦᬾᬳ᭄ᬮᬸᬄ᭞ᬓᬢᬸᬃᬓᬦ᭄ᬤᬦᬾᬲᬫ᭄ᬬᬦ᭄᭞ᬭᬾᬳᬶᬂᬧᬘᬂᬳᬶᬭᬶᬓᬶᬫᬢᬢᬄᬳ᭄ᬮᬸᬄ᭞ᬓ᭄ᬦᬶᬲᬶ
ᬤᬵᬳᬩ᭄ᬭᬶᬬᬸᬓᬦ᭄᭞ᬭᬂᬫᬸᬱ᭄ᬝᬧᬲᬦᬾᬫ᭄ᬯᬦᬶ᭟ᬩ᭄ᬬᬂᬤᬵᬮᬾᬤᬂᬓᬮᬶᬦ᭄ᬢᬂ᭞ᬫᬫ᭄ᬬᬃᬱᬓᬮᬶᬄᬫᬫᬢᬸᬢ᭄ᬲᬫᬶ᭞ᬲᬕᬾᬢ᭄ᬧᬗ᭄ᬯᬾᬤᬗᬦ᭄ᬭᬯᬸᬄ᭞ᬢᬦ᭄ᬓᭀᬘᬧ᭄ᬲᬫ᭄ᬧᬸᬦ᭄ᬳᬸᬲᬦ᭄᭞ᬲᬵᬫ᭄ᬧᬸᬦ᭄ᬲᭀᬭᬾᬳᬦᬓ᭄ᬤᬫᬧᬫᬶᬢ᭄ᬫᬦ᭄ᬢᬸᬓ᭄᭞ᬢᬦ᭄ᬓᬤᬶᬳᬶᬤᬵᬫ
ᬦ᭄ᬢᬸᬦ᭄ᬥᬵ᭞ᬫᬩᬭᬗᬦ᭄ᬫᬦ᭄ᬢᬸᬫᬗ᭄ᬓᬶᬦ᭄᭟ᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬭᬶᬂᬳᬭᬶᬦ᭄ᬤᬵᬳᬶᬤᬫᬗ᭄ᬮᬫᬄᬫᬗ᭄ᬓᬶᬦ᭄᭞ᬢᬦ᭄ᬓᭀᬘᬧ᭄ᬗᬬᬸᬦᬂᬲᬵᬫ᭄ᬧᬸᬦ᭄᭞ᬓᬮᬶᬄᬳᬦ᭄ᬢᭂᬦᬃᬲᬫ᭄ᬬᬦ᭄᭞ᬯᬸᬲ᭄ᬗᬚ᭄ᬜ᭄ᬕᬂᬓᭀᬤᬮ᭄ᬓᬩᬜ᭄ᬘᬶᬗᬄᬲᬵᬫ᭄ᬧᬸᬦ᭄᭞ᬳᬤᬤᬶᬧᬸᬭᬶᬫᬤᬩ᭄ᬤᬩ᭄᭞ᬩᬮᬾ
ᬧᬧᬦ᭄ᬤᭂᬲᬦ᭄‌ᬯ᭄ᬬᬓ᭄ᬢᬶ᭟ᬓᬮᬶᬄᬧᬺᬭᬢᬸᬦᬾᬲᬫ᭄ᬬᬦ᭄᭞ᬢᬦ᭄ᬓᭀᬘᬧᬧᬤᬭᬶᬚᭂᬓ᭄ᬦᬾᬫᬗ᭄ᬓᬶᬦ᭄᭞ᬲ᭄ᬧᬸᬃᬫᭀᬢᭀᬃᬕ᭄ᬭᬤᬕ᭄ᬭᬸᬤᬸᬕ᭄᭞ᬦᬾᬤᬶᬦᬶᬫᬮᬸᬳ᭄ᬦᭂᬗᬂ᭞ᬤᬶᬫᬸᬱ᭄ᬝᬧᬢᬶᬫ᭄ᬩᬮᬂᬳᬸᬘᬧᬂᬫᬮᬸ᭞ᬲᬯᬯᬵᬳᬶᬚᭂᬓᬮᬶᬦ᭄ᬢᬂ᭞ᬳᬶᬤᬾᬯᬕᬸᬂᬜᬶᬗᬓ᭄ᬱᬫᬶ
[᭕᭖ 56A]
᭟ᬧᬗᬬᬄᬲᬫᬶᬬᬓᬃᬬ᭄ᬬ᭞ᬮᬾᬦ᭄ᬤᬶᬧᬸᬭᬶᬦᬩ᭄ᬤᬩ᭄ᬧᬫᬺᬫᬦ᭄‌ᬯ᭄ᬬᬓ᭄ᬢᬶ᭞ᬩᬮᬾᬧᬫᬦ᭄ᬤᭂᬲᬦ᭄ᬳᬮᬸᬲ᭄᭞ᬗᬲᭀᬭᬂᬇᬦ᭄ᬤ᭄ᬭᬮᭀᬓᬵ᭞ᬧᬓᬸᬭᬜᬩ᭄᭞ᬩ᭄ᬯᬶᬦ᭄ᬤᬶᬫᬃᬕ᭄ᬕᬵᬳᬮᬸᬲ᭄᭞ᬲ᭄ᬬᬤᬮᬸᬲᬫᬃᬧᬶᬲᬦ᭄᭞ᬲ᭄ᬯᬃᬩᬸᬮᬦ᭄ᬗᬧᬶᬢ᭄ᬫᬃᬕ᭄ᬕᬶ᭟ᬦᬄᬢ᭄ᬯᬭᬵᬜᬦ᭄ᬤᬂᬘ᭄ᬭᬶᬢᬬᬂ᭞ᬓᬕᬕᬯᭀᬓ᭄
ᬭᬾᬄᬓᬃᬬ᭄ᬬᬘᬦ᭄ᬤ᭄ᬭᬯᬢᬶ᭞ᬧ᭄ᬢᭂᬂᬍᬫᬄᬤᬶᬓᬦ᭄ᬫᬸ᭞ᬦᬾᬫᬗ᭄ᬓᬶᬦ᭄ᬧᬗᭂᬓ᭄ᬩᬦ᭄᭞ᬧᬭᬳᬶᬲ᭄ᬢ᭄ᬭᬶᬭᬶᬂᬫᬜ᭄ᬘ᭄ᬬᬸᬲᬵᬫ᭄ᬧᬸᬦ᭄ᬓᬸᬫ᭄ᬧᬸᬮ᭄᭞ᬲᬵᬫ᭄ᬧᬸᬦ᭄ᬫᬗ᭄ᬓᭂᬩ᭄ᬲᬂᬤ᭄ᬬᬂ᭞ᬳᬶᬤᬾᬯᬕᬸᬂᬫᬥᬾᬫᬗ᭄ᬓᬶᬦ᭄᭟ᬲᬋᬂᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬲᬵᬫ᭄ᬧᬸᬦ᭄ᬳᬶᬤᬵᬗᬭᬤ᭄ᬓᬕᬯᬦ᭄‌ᬯ᭄ᬬᬓ᭄ᬢᬶ᭞ᬓᬓᬮᬶᬄᬳᬶᬤᬵᬫᬢᬸᬳᬸᬃ
᭞ᬳᬚᬳᬦ᭄ᬭᬳᬸᬄᬳᬷᬤᬵ᭞ᬤᬵᬲᬂᬓᬮᬶᬄᬫᬃᬤ᭄ᬥᬯᬫᬭᬸᬫ᭄᭞ᬤᬕᬶᬂᬳᬶᬤᬫᬺᬱᬗ᭄ᬕᬬᬂ᭞ᬫᬦᬯ᭄ᬕᬂᬓᬤᬶᬫᬗ᭄ᬓᬶᬦ᭄᭟ᬧᬘᬂᬗᬱ᭄ᬝᬸᬧᬸᬗ᭄ᬓᬸᬳᬶᬤᬵ᭞ᬫᬶᬦᬓᬤᬶᬳᬶᬤᬵᬦᬯ᭄ᬕᬂᬫᬮᬶᬄ᭞ᬦᬸᬳᬸᬃᬓ᭄ᬦᬶᬓᬫᬜ᭄ᬘ᭄ᬬᬸ᭞ᬜᬬᬚᬬᬳᬭᬶᬦ᭄ᬥᬵ᭞ᬰ᭄ᬭᬷᬪᬕᬯᬦ᭄ᬢᬦ᭄ᬢᬸᬮᬓ᭄ᬳᬲᬶᬄᬤᬶᬓᬬᬸᬦ᭄᭞ᬳᬲᬶᬓᬶ
ᬳᬶᬤᬫᬍᬲᬢ᭄᭞ᬳᬶᬭᬶᬓᬓᬭᬶᬳᬲᬶᬓᬶ᭟ᬦᬾᬫ᭄ᬲᬢ᭄ᬓᬫᬜ᭄ᬘ᭄ᬬᬸᬭᬵᬚᬵ᭞ᬢᬜ᭄ᬘᬭᬶᬢᬳᬶᬤᬵᬳᬶᬤ᭄ᬯᬕᬸᬂᬲᬫᬶ᭞ᬳᬶᬧᬶᬦᬾᬢ᭄ᬧᬲᬄᬲᬵᬫ᭄ᬧᬸᬦ᭄᭞ᬫᬱ᭄ᬝᬸᬧᬸᬗ᭄ᬓᬸᬪᬕᬯᬦ᭄᭞ᬲᬵᬫ᭄ᬧᬸᬦ᭄ᬢᭂᬢᭂᬧ᭄ᬲᬳᬸᬧᬓᬭᬦ᭄ᬳᬶᬤ᭄ᬯᬕᬸᬂ᭞ᬩ᭄ᬤᬶᬮ᭄ᬕᭀᬂᬢᬫ᭄ᬩᬸᬃᬢᬦ᭄ᬧ᭄ᬕᬢ᭄᭞ᬓᬮᬶᬄᬓᬸᬮ᭄ᬓᬸᬮᬶᬦ᭄ᬢᬂᬳᬰ᭄ᬭᬶ [ 57 ][᭕᭖ 56B]
᭕᭖
᭟ᬚᬤ᭄ᬫᬦᬾᬢᬦ᭄ᬩᬓᬢ᭄ᬳᬾᬢᬂ᭞ᬳ᭄ᬮᬾᬦ᭄ᬫᬳᬶᬦ᭄ᬫᬘᭂᬫᬘᭂᬫ᭄ᬲᬯ᭄ᬬᬓ᭄ᬢᬶ᭞ᬚᬢᬶᬢᬸᬗ᭄ᬕᬶᬮ᭄ᬫᬱ᭄ᬝᬸᬧᬸᬗ᭄ᬓᬸ᭞ᬭᬵᬯᬸᬄᬳᬶᬤᬵᬩᬕᬯᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬳᬸᬧᬘᬭᬦᬶᬂᬭᬵᬢᬸ᭞ᬫᬸᬜᬶᬦ᭄‌ᬚ᭄ᬭᬦᬢ᭄ᬗ᭄ᬭᬲᬂᬫᬦᬄ᭞ᬢᬦ᭄ᬓᭀᬘᬧᬳᬸᬲᬦ᭄ᬫᬗ᭄ᬓᬶᬦ᭄᭟ᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬳᬶᬤᬾᬯᬕᬸᬂᬫᬸ
ᬱ᭄ᬝᬧᬫᬶᬦᬓᬤᬶ᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬫᬢᬸᬃ᭞ᬭᬶᬂᬳᬶᬤᬰ᭄ᬭᬶᬩᬕᬯᬦ᭄᭞ᬓ᭄ᬦᬶᬳᬶᬤᬵᬜᬯᬾᬘᬦᬶᬦ᭄ᬫᬮᬶᬄᬭᬯᬸᬄ᭞ᬜᬬᬚᬬᬤᬵᬳᬭᬶᬦ᭄ᬤ᭄ᭉᬵ᭞ᬦᬾᬫᬮᬶᬄᬳᬢᬸᬢᬸᬲ᭄‌ᬯ᭄ᬗᬶ᭟ᬓᬢᬸᬃᬳᭀᬯᬘᬂᬧᬩᬸᬜ᭄ᬘᬶᬗᬦ᭄᭞ᬲᬸᬭᬤᬤᬸᬓ᭄ᬦᬶᬓᬓᬧᬮ᭄ᬫᬗ᭄ᬓᬶᬦ᭄᭞ᬦᬗ᭄ᬳᬶᬂᬤᬶᬧᬲᬶᬄᬫᬜ᭄ᬘ᭄ᬬᬸ᭞ᬓᬧᬮ᭄ᬤᬶ
ᬤᬦᬾᬲᬫ᭄ᬬᬦ᭄᭞ᬓ᭄ᬦᬶᬫᬗ᭄ᬕᭂᬄᬦᬾᬓᬤᬯᬸᬄᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬓᬮᬶᬄᬢᬫ᭄ᬬᬸᬢᬦᬢᬸᬮᬓ᭄᭞ᬫᬳᬯᬦᬦ᭄ᬫᬗ᭄ᬕᭂᬄᬲᬫᬶ᭟ᬳᬬᬢ᭄ᬳᬶᬤᬾᬯᬕᬸᬂᬧᬸᬢᬺ᭞ᬲᬓᬶᬂᬩᬮᬶᬧᬶᬦᬶᬄᬭᬶᬳᬶᬦ᭄ᬫᬩᬸᬜ᭄ᬘᬶᬂ᭞ᬓᬮᬶᬄᬲᬵᬫ᭄ᬧᬸᬦ᭄ᬳᬶᬤᬵᬫᬢᬸᬃ᭞ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬭᬶᬂᬳᬚᬶᬩ᭄ᬬᬂᬤᬵᬳᭂᬗ᭄ᬲᭂᬓᬮᬗ᭄ᬓᬸᬂ᭞
ᬢᭀᬂᬯᬶᬓᬦ᭄ᬫᬲᬳᬸᬃᬳᬶᬤᬵ᭞ᬓᬮᬶᬄᬚ᭄ᬭᬶᬫᬫᬶᬯᬮᬶᬦ᭄᭟ᬩ᭄ᬬᬂᬤᬦᭀᬕᬲ᭄ᬫᬦᬶᬫ᭄ᬩᬮ᭄᭞ᬦᬄᬲᬭᬦᬳᬶᬕᬶᬬᬸᬃᬲᬸᬩᬚᬦᬶ᭞ᬳᬶᬭᬢᬾᬍᬩᬶᬄᬲᬢᬸᬭᬸᬢ᭄᭞ᬚ᭄ᬮᬾᬫ᭄ᬮᬄᬩᬳᬦ᭄ᬧᬦᬓ᭄᭞ᬲᬕᬾᬢ᭄‌ᬗᬺᬤᬶᬕ᭄ᬳᬭᬶᬭᬓᬦ᭄ᬳᬶᬤᬵᬭᬯᬸᬄ᭞ᬭᬾᬄᬧᬘᬂᬦᬸᬦᬲ᭄ᬗᬃᬲᬬᬂ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬲᬦᬾᬫᬗ᭄ᬓᬶ
[᭕᭗ 57A]
ᬦ᭄᭟ᬓᬳᬶᬭᬶᬂᬳᬦ᭄ᬢᬸᬓ᭄ᬳᬦᬓ᭄ᬤ᭞ᬮᬦᬂᬳᬶᬲ᭄ᬢ᭄ᬭᬶᬳᬶᬤ᭄ᬯᬕᬸᬂᬧᬸᬢᬺᬓᬮᬶᬄ᭞ᬤ᭄ᬯᬕᬸᬂᬫᬢᭂᬃᬢᬦᬓᬦ᭄ᬢᬸᬦ᭄᭞ᬲᬵᬫ᭄ᬧᬸᬦ᭄ᬗᬶᬭᬶᬂᬩ᭄ᬬᬂᬤᬵ᭞ᬰ᭄ᬭᬶᬫᬤᬾᬯᬶ᭞ᬧ᭄ᬭᬧᬸᬢ᭄ᬭᬶᬗᬶᬭᬶᬂᬫᬩ᭄ᬭᬶᬬᬸᬓ᭄᭞ᬲᭂᬭᬩᬶᬦ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬭᬾᬄᬧᬘᬂᬓᬲ᭄ᬭᬄᬲᬫᬶ᭟ᬭᬶᬂᬳᬶᬤᬵᬲᬂᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬦ᭄‌ᬕ᭄ᬥᭀᬂᬕ᭄ᬥᬄᬯ᭄ᬬᬓ᭄ᬢᬶ᭞ᬤᬵ
ᬲᬂᬦᬵᬣᬱᬤ᭄ᬳᭂᬢ᭄ᬥᬸᬦ᭄᭞ᬓᬮᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬳᬶᬤᬾᬯᬕᬸᬂᬫᬥᬾᬧᬮᬶᬂᬕᬗ᭄ᬲᬃᬢ᭄ᬥᬸᬦ᭄᭞ᬤᬵᬲᬂᬤ᭄ᬬᬄᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬭᬶᬂᬓᬫᬃᬳᬶᬤᬵᬫ᭄ᬦᬗᬶᬲ᭄᭟ᬭᬾᬄᬳᬶᬤᬵᬢ᭄ᬭᬂᬫ᭄ᬬᬃᬱᬵ᭞ᬳᬢᬸᬃᬭᬓᬵᬭᬶᬂᬩ᭄ᬬᬂᬓᬮᬶᬄᬳᬚᬶ᭞ᬳᬯᬦᬦ᭄ᬲᭂᬲᭂᬓ᭄‌ᬤᬶᬓᬬᬸᬦ᭄᭞ᬳᬓᬾᬄᬗᬶᬭᬶᬂᬤᬶᬓᬫᬃ᭞ᬰ᭄ᬭᬷᬫ
ᬤᬾᬯᬶ᭞ᬤ᭄ᬳᬗᬫᭂᬃᬳᬶᬤᬵᬲᬵᬫ᭄ᬧᬸᬦ᭄᭞ᬓᬮᬶᬄᬳᬶᬧᬾᬦ᭄ᬳᬶᬤᬵᬓᬢᬄ᭞ᬳ᭄ᬦᭂᬗᬂᬤᬶᬓᬫᬃᬚᬦᬶ᭟ᬦᬾᬤᬶᬦᬢᬄᬘᬭᬶᬢᬬᬂ᭞ᬳᬶᬤᬾᬯᬕᬸᬂᬩ᭄ᬬᬂᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬗᬫ᭄ᬩᬶᬮ᭄ᬢᬗᬦ᭄ᬳᬭᬶᬲᬵᬫ᭄ᬧᬸᬦ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬤ᭄ᬳᬵ᭞ᬤᬵᬲᬂᬦᬵᬣᬓᬸᬭᬶᬧᬦ᭄ᬢᬗ᭄ᬲᬄᬫᬦᬫ᭄ᬩᬸᬢ᭄᭞ᬢᬗᬦ᭄ᬲᬂᬦᬵᬣᬤᬶᬤ᭄ᬳᬵ
᭞ᬧᬢᭂᬄᬧᬦ᭄ᬤᬶᬓᬵᬲᬂᬓᬮᬶᬄ᭟ᬧᬤᬗ᭄ᬢᬸᬲ᭄ᬓᬬᬸᬦ᭄ᬧᬶᬲᬦ᭄᭞ᬳᬤᬶᬳᬕᬸᬂᬫ᭄ᬦᬾᬓ᭄ᬦᬾᬫᬗ᭄ᬓᬶᬦ᭄᭞ᬭᬳᬶᬓᬮᬶᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬢᬶᬢ᭄ᬬᬂᬲᬳᬶᬭᬶᬂᬧᬶᬲᬦ᭄᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬦᬾᬳᬓᬾᬄᬜᭂᬫ᭄ᬩᬄᬳᬩ᭄ᬭᬶᬬᬸᬓ᭄᭞ᬭᬓᬭᬓᬦ᭄ᬥᬵᬫᬗ᭄ᬕᬸᬢᬦ᭄᭞ᬢᬦ᭄ᬓᭀᬘᬧ᭄ᬲᬵ [ 58 ][᭕᭗ 57B]
᭕᭗
ᬫᬶᬫᬮᬶᬗ᭄ᬕᬶᬄ᭟ᬳᬶᬫᬸᬢᭂᬃᬗ᭄ᬭᬭᬶᬲ᭄ᬓᬓᬫᬃ᭞ᬓᬳᬶᬭᬶᬂᬩᬦ᭄ᬳᬶᬧᬾᬦ᭄ᬳᬶᬤᬦᬾᬲᬫᬶ᭞ᬯᬸᬲ᭄ᬭᬯᬸᬄᬫᬜᭂᬫ᭄ᬩᬄᬩ᭄ᬭᬶᬬᬸᬓ᭄᭞ᬭᬶᬂᬳᬶᬤᬵᬭᬢ᭄ᬦᬚ᭄ᬯᬶᬢ᭄ᬣᬵ᭞ᬭᬵᬢᬶᬚ᭄ᬯᬶᬢ᭄ᬣᬵᬦᬾᬦ᭄ᬢᭂᬦ᭄ᬧᬶᬲᬦ᭄ᬳᬶᬤᬵᬓᬬᬸᬦ᭄᭞ᬦ᭄ᬭᬶᬫᬲᭂᬫ᭄ᬩᬄᬤᬵᬲᬫ᭄ᬬᬦ᭄᭞ᬢᬸᬗ᭄ᬓᬸᬮ᭄ᬳᬶᬤᬩ᭄ᬓᬸᬢ᭄ᬦᬗᬶᬲ᭄᭟ᬢᬗ᭄ᬲᬄᬜᬸᬗ᭄ᬓᭂᬮ᭄ᬭᬶᬂ
ᬧᬗ᭄ᬓᭀᬦᬦ᭄᭞ᬰ᭄ᬭᬶᬫᬤᬾᬯᬶᬤᬶᬓᬫᬃᬳ᭄ᬦᭂᬗᬂᬚᬦᬶ᭞ᬦᬾᬤᬶᬳᬫ᭄ᬩᬾᬦ᭄ᬓᭀᬘᬧ᭄ᬫᬮᬸ᭞ᬲᬂᬦᬵᬣᬤ᭄ᬯᬕᬸᬂᬩ᭄ᬬᬂ᭞ᬭᬶᬂᬓᬸᬭᬶᬧᬦ᭄ᬗᭂᬫ᭄ᬩᭂᬂᬢᬗᬶᬲ᭄ᬗᬦ᭄ᬤᬶᬓᬵᬮᬸᬲ᭄᭞ᬭᬶᬂᬳᬶᬤᬵᬳᬶᬤ᭄ᬯᬕᬸᬂᬤ᭄ᬳᬵ᭞ᬭᬶᬂᬳᬶᬤ᭄ᬯᬕᬸᬂᬫᬥᬾᬫᬮᬶᬄ᭟ᬫᬾᬄᬤᬶᬬᬕᬸᬂᬜᬫᬦ᭄ᬢ᭄ᬬᬂ᭞ᬧᬦᬓ᭄ᬤᬤᬶᬢᬸᬦᬲ᭄ᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬭᬶᬂᬳᭀ
ᬓᬵᬫᬾᬳᬦᬓᬕᬸᬂ᭞ᬳᬶᬬᬤᬶᬢᬸᬦᬲ᭄ᬢ᭄ᬬᬂ᭞ᬗ᭄ᬳᬶᬂᬳᬫ᭄ᬧᬸᬭᬵᬳᬤᬶᬗ᭄ᬮᬄᬜᬫᬮᬘᬸᬃ᭞ᬓᬚᬦ᭄ᬢᬓᬦᬶᬗ᭄ᬕᬮ᭄ᬤᬾᬱᬵ᭞ᬭᬶᬂᬳᬶᬤ᭄ᬯᬕᬸᬂᬫᬥᬾᬫᬮᬶᬄ᭟ᬳᬦᬓᬕᬸᬂᬮᬘᬸᬃᬧᬶᬲᬦ᭄᭞ᬗ᭄ᬮᬄᬳ᭄ᬯᬓᬮᬶᬄᬫᬶᬲᬦ᭄ᬢᬦ᭄ᬓᬤᬶ᭞ᬍᬕᬬᬂᬧᬶᬲᬦᬓᬕᬸᬂ᭞ᬢᬸᬦᬫᬓ᭄ᬚᬂᬓ᭄ᬚᬂ᭞ᬲᬓᬶᬂᬩᬮᬶᬫᬜᭂᬫ᭄ᬩᬄᬳᬶᬤᬫᬫᬢᬹ
ᬢ᭄᭞ᬧᬢᭂᬄᬳᬢᬹᬃᬲᬮᬶᬂᬢᬶᬫ᭄ᬩᬮ᭄᭞ᬓ᭄ᬦᬶᬫᬗᬫ᭄ᬧᬸᬭᬯ᭄ᬬᬓ᭄ᬢᬶ᭟ᬲᬂᬢᬶᬕᬕ᭄ᬮᬶᬲ᭄ᬫᬜᭂᬫ᭄ᬩᬄ᭞ᬭᬶᬂᬭᬓᬦ᭄ᬥᬵᬳ᭄ᬯᬦ᭄ᬥᬵᬫᬶᬦᬓᬵᬤᬶ᭞ᬲᬵᬫ᭄ᬧᬸᬦ᭄ᬫᬜ᭄ᬚᬗᬂᬤᬾᬯᬕᬸᬂ᭞ᬘᭂᬦ᭄ᬤᭂᬢᬶᬢ᭄ᬬᬂᬗᬢᬸᬭᬂ᭞ᬬᬦ᭄ᬓᬧᬢᬸᬢ᭄ᬧᬫᬦᬄᬢᬶᬢ᭄ᬬᬂᬤᬾᬯᬕᬸᬂ᭞ᬭᬾᬄᬲᬵᬫ᭄ᬧᬸᬦ᭄ᬜᬦ᭄ᬤᬂᬲᬫ᭄ᬬᬦ᭄᭞ᬓ᭄ᬦᬶᬳᬶ
[᭕᭘ 58A]
ᬧᬸᬦ᭄ᬗᬦ᭄ᬢ᭄ᬭᬵᬪ᭄ᬲᬫᬶ᭟ᬳᬶᬤᬵᬲᬂᬦᬢᬾᬂᬕᬕ᭄ᬮᬂ᭞ᬲᬶᬗ᭄ᬳᬰᬭᬶᬕ᭄ᬮᬶᬲ᭄ᬜᭂᬫ᭄ᬩᬄᬫ᭄ᬭᬶᬬᬸᬓᬶᬦ᭄᭞ᬧᬢᭂᬄᬳᬢᬸᬭᬾᬫᬫᬢᬸᬢ᭄᭞ᬭᬾᬄᬳᬶᬤᬵᬲᬮᬶᬂᬢᬸᬦᬲ᭄᭞ᬤᬵᬲᬵᬦᬵᬣᬓᬸᬭᬶᬧᬦ᭄‌ᬘᭂᬦ᭄ᬤᭂᬢ᭄ᬫᬲᬳᬸᬃ᭞ᬗ᭄ᬕᬶᬬᬾᬦ᭄ᬓᬾᬢᭀᬧᬤᬤ᭄ᬯᬂ᭞ᬢ᭄ᬬᬂᬢ᭄ᬯᬭᬵᬮᬦ᭄ᬢᬂᬩ᭄ᬯᬶᬦ᭄᭟ᬳᬶᬤᬾᬯᬕᬸᬂᬫᬥᬾᬜᭂᬫ᭄ᬩᬄ᭞
ᬭᬶᬂᬕᬦ᭄ᬥᬵᬳᬚᬶᬳᬚᬶᬦ᭄ᬥᬵᬲᬫᬶ᭞ᬧᬫᬦᬄᬢᬶᬢ᭄ᬬᬗᬾᬤ᭄ᬯᬕᬸᬂ᭞ᬳᬦᬓ᭄ᬘᭀᬓᭀᬃᬳᬶᬤᬾᬯ᭞ᬳᬶᬧᬸᬦ᭄ᬳᬶᬜ᭄ᬚᭀᬃᬗᬦ᭄ᬢᬾᬦ᭄ᬧᬮᬶᬂᬭᬶᬳᬶᬦ᭄ᬤ᭄ᬯᬕᬸᬂ᭞ᬦᬾᬫᬮᬶᬄᬢᬸᬢᬸᬲ᭄ᬭᬳᬶᬦ᭞ᬓ᭄ᬦᬶᬤᬗᬦᬦ᭄ᬫᬦᬳᬶᬦ᭄᭟ᬳᬶᬧᬸᬦ᭄ᬳᬶᬕᬶᬬᭀᬃᬳᬶᬩᬸᬩᬢ᭄᭞ᬫᬮᬶᬄᬭᭀᬭᬲ᭄ᬭᬳᬶᬦᬵᬓ᭄ᬦᬶᬗᬫ᭄ᬩᬶᬮ᭄᭞ᬲᬂᬢᬶᬕᬮᬶᬦ᭄ᬢᬂᬓᬮ
ᬗ᭄ᬓᬸᬂ᭞ᬫᬩ᭄ᬭᬶᬬᬸᬓ᭄ᬳᬶᬤᬵᬜᭂᬫ᭄ᬩᬄ᭞ᬭᬶᬂᬓᬦ᭄ᬥᬵᬢᬶᬢ᭄ᬬᬂᬲᬳᬶᬭᬶᬂᬧᬸᬓᬸᬮᬸᬦ᭄᭞ᬲᬂᬦᬵᬣᬫᬫᬢᬸᬢ᭄ᬲᬫ᭄ᬬᬦ᭄᭞ᬕᬸᬮᬸᬓ᭄ᬩᬩᬯᭀᬲ᭄ᬤᬲᬫᬶ᭟ᬲᬕᬾᬢ᭄ᬓᬢᬹᬃᬧᬗ᭄ᬯᬾᬤᬗᬦ᭄᭞ᬢᬦᬦᬗ᭄ᬲᬮ᭄‌ᬢᬦ᭄ᬓᭀᬘᬧ᭄ᬳᬸᬲᬦ᭄ᬫᬗ᭄ᬓᬶᬦ᭄᭞ᬓᬬᬂᬧᬗᬶᬭᬶᬗᬾᬲᬵᬫ᭄ᬧᬸᬦ᭄᭞ᬳᬶᬤᬵᬳᬶᬤ᭄ᬯᬕᬸᬂᬩ᭄ᬬᬂ᭞
ᬭᬶᬂᬓᬸᬭᬶᬧᬦ᭄ᬫᬗ᭄ᬭᬜ᭄ᬚᬶᬂᬳᬶᬤᬳᬶᬤ᭄ᬯᬕᬸᬂ᭞ᬫᬭᬦᬦ᭄ᬳᬬᬢ᭄ᬫᬦ᭄ᬢᬸᬦ᭄ᬤᬵ᭞ᬯᬸᬲ᭄ᬤᬶᬓᬫᬃᬳᬶᬤᬵᬫᬗ᭄ᬓᬶᬦ᭄᭟ᬦᬾᬤᬶᬓᬫᬃᬫᬓᬶᬲ᭄ᬮᬦ᭄᭞ᬳᬶᬤᬾᬯᬕᬸᬂᬩ᭄ᬬᬂᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬦᭂᬲᭂᬓ᭄ᬳᬬᬢ᭄ᬫᬦ᭄ᬢᬸᬲᬵᬫ᭄ᬧᬸᬦ᭄᭞ᬗᬦ᭄ᬤᬶᬓᬵᬲᬃᬯ᭄ᬯᬶᬗᬸᬲᬧ᭄᭞ᬫᬾᬦᬓᬕᬸᬂᬤᬵᬢᬦ᭄ᬤ᭄ᬭᬸᬄᬳ᭄ᬬᬘᬢ᭄ᬭᬶᬦ᭄ᬢᬸ [ 59 ][᭕᭘ 58B]
᭕᭘
ᬤᬸᬄ᭞ᬓᬾᬯᬮᬵᬍᬕᬬᬂᬧᬶᬲᬦ᭄᭞ᬗ᭄ᬮᬄᬫᬾᬫᬾᬍᬩᬶᬄᬫᬶᬲ᭄ᬓᬶᬦ᭄᭟ᬢᬸᬤᬬᬦ᭄ᬫᬓ᭄ᬚᬂᬓ᭄ᬚᬂ᭞ᬲᬚᬯᬦᬶᬂᬳᬯᬓ᭄ᬩ᭄ᬬᬗᬾᬳᭂᬗ᭄ᬕᬶᬄ᭞ᬳᬶᬭᬵᬢᬸᬜ᭄ᬯᬂᬦᬓᬕᬸᬂ᭞ᬚ᭄ᬮᬾᬫ᭄ᬮᬄᬩᬦ᭄ᬳᬶᬤᬵ᭞ᬩ᭄ᬯᬶᬦᬶᬓᬯᬢᭂᬓ᭄ᬳᬶᬤᬍᬫ᭄ᬦᭂᬓᬕᬸᬂ᭞ᬫᬓ᭄ᬚᬂᬭᬢᬸᬗ᭄ᬮᬳᬂᬢ᭄ᬬᬂᬫᬜ᭄ᬭᬳᬂᬚᬦᬶ᭟ᬯᬢᭂᬓ᭄ᬳᬶᬤᬍᬫᬜᭂᬫ᭄ᬩᬄ
᭞ᬲᬮᬶᬂᬢᬶᬫ᭄ᬩᬮ᭄ᬢᬶᬢ᭄ᬬᬂᬢ᭄ᬮᬲᬳᬶᬭᬶᬂ᭞ᬫᬮᬶᬄᬜᭂᬫ᭄ᬩᬄᬳᬶᬤᬵᬫᬢᬸᬃ᭞ᬭᬶᬂᬳᬶᬤᬵᬤᬲᬂᬤ᭄ᬬᬄ᭞ᬭᬢ᭄ᬦᬚ᭄ᬯᬶᬢ᭄ᬣᬵᬳᬶᬫᬸᬢᭂᬃᬫᬜᭂᬫ᭄ᬩᬄᬫᬶᬮᬸ᭞ᬳᬢᬸᬃᬳᬶᬤᬵᬧᬧᬢᭂᬳᬦ᭄᭞ᬧᬤᬗ᭄ᬢᬸᬲ᭄ᬓᬬᬸᬦ᭄‌ᬯ᭄ᬬᬓ᭄ᬢᬶ᭟ᬤᬾᬯᬕᬸᬂᬢ᭄ᬭᬶᬫᬧᬶᬲᬦ᭄᭞ᬭᬵᬢᬸᬢᬶᬢ᭄ᬬᬂᬗᬢᬸᬭᬂᬤᬾᬯᬾᬓ᭄᭞ᬭᬢ᭄ᬦᬚ᭄ᬯᬶᬢ᭄ᬣᬵᬢᬦ᭄ᬧ
ᬲᬳᬸᬃ᭞ᬦᬾᬦ᭄ᬢᭂᬦ᭄ᬓᬬᬸᬦ᭄ᬫᬦᬶᬫ᭄ᬩᬮ᭄᭞ᬮᬶᬦ᭄ᬢᬂᬲᭂᬲᭂᬓᬬᬸᬦ᭄ᬲᬂᬫᬦᬶᬓᬶᬂᬭᬸᬫ᭄ᬭᬸᬫ᭄᭞ᬳᬧᬦ᭄ᬢᬸᬳᬭᬚᬵᬓᬦ᭄ᬬ᭞ᬲᬕᬾᬢ᭄ᬧᬸᬓᬸᬮᬶᬫᬦᬫ᭄ᬧᬶ᭟ᬦᬾᬤᬶᬳᬫ᭄ᬩᬾᬦ᭄ᬲᬫᬶᬩᬸᬤᬮ᭄᭞ᬦᬾᬦᬾᬧᬢᬸᬢ᭄ᬲᬫ᭄ᬧᬸᬦ᭄ᬜᭂᬫ᭄ᬩᬄᬫᬧᬫᬶᬬ᭄᭞ᬧᬤᬗᬸᬗ᭄ᬲᬶᬳᬸᬗ᭄ᬕ᭄ᬯᬦ᭄ᬲᬵᬫ᭄ᬧᬸᬦ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬫᬗ᭄ᬕᭂᬄᬳᬶᬤᬵᬭᬶᬂ
ᬳᬬᬢ᭄ᬫᬦ᭄ᬢᬸᬦ᭄ᬳᬶᬤ᭄ᬯᬕᬸᬂ᭞ᬲᬂᬓᬮᬶᬄᬫᬸᬢᭂᬃᬢᬗ᭄ᬲᬄ᭞ᬗ᭄ᬮᬮᬶᬧᬸᬃᬲᬂᬭᬚᬵᬧᬸᬢ᭄ᬭᬶ᭟ᬳᬶᬤ᭄ᬯᬕᬸᬂᬧᬸᬢᬺᬫᬸᬱ᭄ᬝᬧᬵ᭞ᬲᬵᬫ᭄ᬧᬸᬦ᭄ᬳᬶᬤᬵᬫᬧᬫᬶᬢ᭄ᬫᬦ᭄ᬢᬸᬓ᭄‌ᬕ᭄ᬮᬶᬲ᭄᭞ᬳᬯᬦᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬫᬦ᭄ᬢᬸᬓ᭄ᬭᬾᬄᬧᬘᬂᬦᬩ᭄ᬤᬩ᭄᭞ᬧᬫᬺᬫᬦ᭄‌ᬦᬾᬓᬢᬸᬭᬦ᭄ᬭᬓᬵᬗ᭄ᬯᬸᬕ᭄᭞ᬭᬓᬦ᭄ᬥᬵᬳᬶᬤ᭄ᬯᬕᬸᬂᬧᬸᬢᬺ
[᭕᭙ 59A]
᭞ᬭᬾᬄᬧᬘᬂᬫᬗᬫ᭄ᬩᬶᬮ᭄ᬭᬩᬸ᭟ᬢᬜ᭄ᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬕᬢ᭄᭞ᬩᬮᬾᬧ᭄ᬘᬓ᭄ᬫᬧᬦ᭄ᬤᭂᬲ᭄ᬕᭂᬦᬄᬯ᭄ᬬᬓ᭄ᬢᬶ᭞ᬭᬶᬂᬕ᭄ᬥᭀᬂᬳᬳᬾᬮᬦ᭄ᬳᬦᬸᬢ᭄᭞ᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄ᬧᬶᬲᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄‌ᬕ᭄ᬥᭀᬂᬭᭀᬂᬭᭀᬲ᭄ᬫᬗ᭄ᬮᬚᬸᬃ᭞ᬳᬼᬃᬳᬮᬸᬲ᭄ᬫᬢᬾᬫ᭄ᬩᭀᬓ᭄ᬕᬫ᭄ᬩᬃ᭞ᬧᬘᬂᬕ᭄ᬦᬄᬧᬭᬧᬸᬢ᭄ᬭᬶ᭟ᬯᬢᭂᬓ᭄ᬭᬩᬶᬦ᭄ᬥᬵᬭ
ᬓᬦ᭄ᬥᬵ᭞ᬭᬾᬄᬭᬓᬦ᭄ᬥᬵᬓᬢᬄᬫᬤ᭄ᬯᬾᬭᬩᬶ᭞ᬯᬸᬲ᭄ᬧᬤᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄᭞ᬧᬫᬺᬫᬦ᭄ᬥᬭᬓᬦ᭄ᬥᬵ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬢᬗ᭄ᬲᬄᬯᬸᬲ᭄ᬮᬸᬧᬸᬢ᭄ᬭᬶᬦᬸᬯᬸᬲ᭄᭞ᬓᬸᬦᬶᬂᬗ᭄ᬭᭀᬗᭀᬄᬫᬱᬲᭀᬘᬦ᭄᭞ᬲᬯᬯᬭᬶᬂᬤ᭄ᬯᬾᬦ᭄ᬳᬶᬬᬭᬶ᭟ᬳᬶᬤᬾᬯᬕᬸᬂᬳᬦᭀᬫ᭄ᬳᬶᬤᬵ᭞ᬓᬮᬶᬄᬲᬵᬫ᭄ᬧᬸᬦ᭄ᬫᬲᬼᬓ᭄ᬦᬶᬗᬶᬮᬶ
ᬲ᭄᭞ᬭᬓᬦ᭄ᬥᬵᬳᬶᬤᬵᬳᬶᬤ᭄ᬯᬕᬸᬂ᭞ᬧᬸᬢᬺᬳᬧᬓᬭᬗᬦ᭄᭞ᬭᬶᬂᬫᬥᬸᬭᬳᬬᬢ᭄‌ᬕ᭄ᬦᬭᬾᬓᬢᬸᬳᬸ᭞ᬦᬾᬳᬶᬲ᭄ᬢ᭄ᬭᬶᬳᬧᬓᬭᬗᬦ᭄᭞ᬭᬾᬄᬳᬕᬾᬧᬘᬂᬫᬸᬜ᭄ᬘᬶ᭟ᬭᬶᬂᬳᬶᬤ᭄ᬯᬕᬸᬂᬭᬳᬶᬳᬶᬤᬵ᭞ᬧᬫᬺᬫᬦ᭄ᬲᬯᬯᬫᬗᬾᬤᬦᬶᬦ᭄᭞ᬫᬶᬦᬓᬤᬶᬲᬵᬫ᭄ᬧᬸᬦ᭄ᬫᬸᬦ᭄ᬤᬸᬓ᭄᭞ᬕ᭄ᬦᬄᬧᬺᬧᬸᬢ᭄ᬭᬶᬲᬫ᭄ᬬ
ᬦ᭄᭞ᬲᬶᬗᬲ᭄ᬓᬃᬲᬯᬯᬵᬕ᭄ᬥᭀᬂᬫᬗ᭄ᬮᬚᬸᬃ᭞ᬫᬳ᭄ᬫᭀᬂᬧᬯᬸᬢ᭄ᬓᬮᬶᬦ᭄ᬢᬂ᭞ᬧᬫ᭄ᬭᬫᬦ᭄ᬩ᭄ᬬᬂᬳᬚᬶᬫᬮᬶᬄ᭟ᬢᬗ᭄ᬲᬄᬭᬶᬂᬕ᭄ᬥᭀᬂᬲᬫᭀᬓ᭄ᬢᬄ᭞ᬳᬚᬶᬩ᭄ᬬᬂᬦᬾᬦᬫᬧᬸᬢ᭄ᬭᬯ᭄ᬬᬓ᭄ᬢᬶ᭞ᬳᬶᬭᬶᬓᬶᬳᬬᬢ᭄ᬳᬶᬤ᭄ᬯᬕᬸᬂ᭞ᬳᬚᬶᬩ᭄ᬬᬂᬓᬢᬸᬭᬦ᭄᭞ᬧᬘᬂᬗᬯᬸᬕ᭄ᬓᬮᬶᬄᬫᬜ᭄ᬘᬶᬓᬂᬲᬵᬫ᭄ᬧᬸᬦ᭄᭞ᬭᬾᬄ [ 60 ][᭕᭙ 59B]
᭕᭙
ᬳᬶᬤᬵᬮᬶᬦ᭄ᬢᬂᬫᭀᬩᭀᬢᬂ᭞ᬮᬶᬗ᭄ᬕᬶᬄᬳᬶᬤᬵᬲᬫᬶᬗᬃᬤ᭄ᬥᬶ᭟ᬧᬦ᭄ᬳᬶᬤᬓᬮᬶᬦ᭄ᬢᬂᬤᬃᬫ᭄ᬫᬵ᭞ᬤ᭄ᬭᬡᬮᭀᬮ᭄ᬬᬭᬶᬂᬮᬭᬦ᭄ᬳᬶᬤᬵᬗᬸᬦᬶ᭞ᬳᬯᬦᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬲᬸᬰ᭄ᬭᬸᬱᬩᬓ᭄ᬢᬶᬓᬮᬶᬦ᭄ᬢᬂ᭞ᬭᬶᬂᬦᬾᬗᬃᬤ᭄ᬥᬶᬭᬶᬂᬓᬳᬢ᭄ᬯᬂᬓᬮᬗ᭄ᬓᬸᬂ᭞ᬓᬮᬶᬄᬳᬶᬤᬵᬮᬮᬶᬧᬶᬲᬦ᭄᭞ᬭᬶᬂᬭᬶᬲ᭄ᬬᬦ᭄ᬭᬓᬦ᭄ᬤᬗᬸᬦᬶ
ᬓᬮᬶᬄᬳᬶᬤᬵᬕᬸᬦᬂᬧᬶᬲᬦ᭄᭞ᬭᬶᬂᬲᬫ᭄ᬬᬦ᭄ᬧᬶᬥᭂᬡ᭄ᬥᬦ᭄ᬲᬗ᭄ᬳ᭄ᬬᬂᬯᬶᬥᬶ᭞ᬓ᭄ᬭᬡᬚᬓ᭄ᬫᬓ᭄ᬚᬂᬩᬸᬤᬸᬄ᭞ᬫᭂᬗ᭄ᬕᬄᬳ᭄ᬮᬲ᭄ᬓᬾᬦ᭄ᬳᬶᬤᬵ᭞ᬲᬧᬸᬦᬶᬓᬧᬧᬶᬦᭂᬄᬳᬶᬤᬤᬶᬓᬬᬸᬦ᭄᭞ᬳᬯᬦᬳᬶᬤᬗᬫᬸᬭᬵ᭞ᬫᭂᬗ᭄ᬕᬄᬢᬦ᭄ᬧᬫ᭄ᬗᬦ᭄‌ᬯ᭄ᬬᬓ᭄ᬢᬶ᭟ᬯᬸᬲ᭄ᬧᬸᬧᬸᬢ᭄ᬫᬓᬦ᭄ᬤᬲᬫ᭄ᬬᬦ᭄᭞ᬓᬬᬂᬳᬸᬫᬄᬧᬋᬓ
ᬦ᭄ᬫᬸᬦ᭄ᬤᬸᬓ᭄ᬱᬫᬶ᭞ᬮᬦᬂᬳᬶᬲ᭄ᬢ᭄ᬭᬶᬮᬶᬦ᭄ᬢᬂᬳᬦᬸᬢ᭄᭞ᬫᬶᬦᬓᬤᬶᬧᬺᬧᬸᬢᬺ᭞ᬳᬶᬤᬾᬯᬕᬸᬂᬓᭀᬤᬮ᭄ᬩᬩᬜ᭄ᬘᬶᬗᬄᬳᬕᬸᬂ᭞ᬭᬾᬄᬳᬶᬤᬵᬧᬘᬂᬦᬯᬸᬳᬂ᭞ᬓ᭄ᬦᬶᬫᬤᬩ᭄ᬤᬩᬦ᭄ᬫᬮᬶᬄ᭟ᬧᬺᬧᬸᬢ᭄ᬭᬵᬫᬗᬶᬭᬶᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬳᬶᬤᬵᬤᬶᬩᬜ᭄ᬘᬶᬗᬄᬦᬾᬫᬗ᭄ᬓᬶᬦ᭄᭞ᬭᬤᬾᬦ᭄ᬳᬃᬬ᭄ᬬᬤ᭄ᬫᬂᬤ᭄ᬫᬸᬂ᭞ᬯᬸᬲ᭄ᬳᬶᬤᬵᬤᬶᬩᬜ᭄ᬘᬶ
ᬗᬄ᭞ᬮᬾᬦ᭄ᬧ᭄ᬭᬭᬵᬢᬸᬓᬼᬢ᭄ᬯᬭᬵᬩᬓᬢ᭄ᬳᬶᬢᬸᬂ᭞ᬳᬶᬤᬾᬯᬕᬸᬂᬫᬗᬦ᭄ᬤᬶᬓᬵ᭞ᬭᬶᬂᬳᬶᬤᬵᬦᬾᬦᬗ᭄ᬓᬶᬮ᭄ᬲᬫᬶ᭟ᬳᬸᬧᬘᬭᬩ᭄ᬯᬶᬦ᭄ᬧᭂᬲᬸᬯᬂ᭞ᬚᬸᬮᬶᬓᬺᬩᬸᬂᬩ᭄ᬯᬶᬦ᭄ᬳᬩᬳᬩᬳᬶᬦ᭄᭞ᬫᬫᬲ᭄‌ᬩ᭄ᬤᬶᬮ᭄ᬧᬥᬳᬶᬢᬸᬂ᭞ᬳᬸᬦ᭄ᬤᬸᬓᬂᬦᬾᬓᬃᬗᬩ᭞ᬧᬺᬭᬵᬢᬸᬦᬾᬫᭂᬧᭂᬲ᭄ᬜᭂᬫ᭄ᬩᬄᬫᬩ᭄ᬭᬶᬬᬸᬓ᭄᭞ᬫᬮᬶᬄᬳᬶᬤᬵᬫᬦ
[᭖᭐ 60A]
ᬯᬸᬳᬂ᭞ᬧᬘᬂᬓᬫᬜ᭄ᬘ᭄ᬬᬸᬫᬮᬶᬄ᭟ᬯᬢᭂᬓ᭄ᬕᭀᬂᬧᬤᬢᬸᬳᬸᬦᬂ᭞ᬤᬶᬫᬃᬕᬦᬾᬧᬂᬗᬧᬶᬢ᭄ᬫᬃᬕ᭄ᬕᬳᬰ᭄ᬭᬶ᭞ᬳᬳᭀᬯᬂᬢ᭄ᬓᭂᬤ᭄ᬓᬫᬜ᭄ᬘ᭄ᬬᬸ᭞ᬲᬸᬭᬤᬤᬸᬢᬸᬳᬸᬦᬂ᭞ᬳᬸᬮᬶᬓᬧᬮ᭄ᬳᬧᬂᬫᬩᬭᬶᬲᬦ᭄ᬮᬯᬸᬢ᭄᭞ᬫᬮᬶᬄᬳᬶᬤᬵᬫᬦᬯᬸᬳᬂ᭞ᬭᬶᬂᬳᬶᬤᬵᬳᬶᬕᬸᬲ᭄ᬢᬶᬧᬢᬶᬄ᭟ᬓ᭄ᬦᬶᬫᬗ᭄ᬯᬶᬮᬗᬶᬦ᭄ᬲᬸᬦ᭄ᬬ᭞ᬳᬧᬂ
ᬫᬸᬦ᭄ᬤᬸᬓ᭄‌ᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬲᬳᬶᬭᬶᬂ᭞ᬲᬳᬸᬧᬓᬭᬯᬸᬲ᭄ᬧᬸᬧᬸᬢ᭄᭞ᬲ᭄ᬧᭂᬂᬳᬶᬤᬵᬦᬯᬸᬳᬂ᭞ᬲᬕᬾᬢ᭄ᬓ᭄ᬓᬢᬸᬃᬧᬗ᭄ᬯᬾᬤᬗᬦ᭄ᬳᬰ᭄ᬭᬷᬮᬗᬸ᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬳᬸᬲᬦ᭄᭞ᬳᬶᬤᬾᬯᬕᬸᬂᬯᬸᬲ᭄ᬓᬧᬸᬭᬶ᭟ᬗ᭄ᬳᬶᬂᬭᬶᬂᬳᬃᬤ᭄ᬥᬵᬫᬡᬶᬓ᭄ᬳᬾᬶᬤᬵ᭞ᬭᬾᬄᬳᬭᬶᬦ᭄ᬤᬵᬳᬶᬤᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬦᬓᬕᬸᬂᬳᬶᬲ᭄ᬢ᭄ᬭᬶ
ᬢᬦ᭄ᬓᬦ᭄ᬢᬸᬦ᭄᭞ᬫᬗ᭄ᬕᭂᬄᬭᬶᬂᬫᬜ᭄ᬘ᭄ᬬᬸᬭᬚᬵ᭞ᬳᬦᬓᬕᬸᬂᬩ᭄ᬬᬂᬓᬳᬢᬸᬭᬦ᭄ᬲᬫ᭄ᬧᬸᬦ᭄᭞ᬫᬤᬾᬯᬶᬳᬲ᭄ᬢ᭄ᬭᬫᬸᬱ᭄ᬝᬧᬵ᭞ᬗ᭄ᬯᬶᬮᬗᬶᬦ᭄ᬲᬦᬾᬳᬶᬭᬶᬓᬶ᭟ᬲᬰᬸᬧᬓᬭᬦᬾᬲᬫ᭄ᬬᬦ᭄᭞ᬗᬫ᭄ᬩᬶᬮ᭄ᬗᬦ᭄ᬢᬾᬦ᭄‌ᬬᬦ᭄ᬲᬵᬫ᭄ᬧᬸᬦ᭄ᬭᬯᬸᬄᬯ᭄ᬬᬓ᭄ᬢᬶ᭞ᬧᬫᭂᬦ᭄ᬤᬓ᭄ᬦᬶᬫᬘᬸᬦ᭄ᬤᬸᬓ᭄᭞ᬫᬤᬾᬯᬶᬦᬾᬦ᭄ᬢᭂᬦ᭄ᬧᬶᬯᬮ᭄
᭞ᬫᬮᬶᬄᬳᬶᬤᬳᬶᬤᬾᬯᬕᬸᬂᬗᬦ᭄ᬤᬶᬓᬵᬳᬮᬸᬲ᭄᭞ᬭᬶᬂᬧᬋᬓᬦ᭄ᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬭᬶᬂᬤᬕᬶᬂᬓ᭄ᬦᬶᬫᬗᭂᬫ᭄‌ᬧᭀᬦᬶᬦ᭄᭟ᬳᬸᬧᬘᬭᬦᬶᬂᬧᬫᬺᬫᬦ᭄᭞ᬧᬗᬸᬜ᭄ᬘᬶᬗᬦ᭄ᬲᬫᬗ᭄ᬤᬾᬫᬸᬦ᭄ᬤᬸᬓ᭄ᬳᬰ᭄ᬭᬶ᭞ᬓᬶᬘᬾᬦ᭄ᬫᬶᬜᬓ᭄ᬧᬾᬦ᭄ᬤᬾᬃᬲᬵᬫ᭄ᬧᬸᬦ᭄᭞ᬧᬘᬂᬦᬶᬲ᭄ᬢᬶᬲ᭄ᬧᬫᬺᬫᬦ᭄᭞ᬯᬢᭂᬓ᭄ᬫᬶᬜᬓ᭄ᬧᬤᬦᬾ [ 61 ][᭖᭐ 60B]
ᬦᬾᬦᭀᬫᭂᬃᬲᬢᬸ᭞ᬫᬮᬶᬄᬳᬶᬤᬵᬫᬦᬯᬸᬳᬂ᭞ᬓ᭄ᬦᬶᬦᬕᬶᬗᬶᬦ᭄‌ᬍᬫᬭᬶ᭟ᬧᬘᬂᬧᬲᬮᬶᬦ᭄ᬭᬓᬦ᭄ᬥᬵ᭞ᬭᬓᬓᬮᬶᬄᬦᬾᬦᬾᬧᬘᬂᬫᬩᬸᬜ᭄ᬘᬶᬂ᭞ᬭᬓᬵᬳᬶᬲ᭄ᬢ᭄ᬭᬶᬢᬍᬃᬲᬫ᭄ᬧᬸᬦ᭄᭞ᬢᬦ᭄ᬩᬶᬦᬳᬦ᭄ᬢᬸᬮ᭄ᬳᬶᬤᬵ᭞ᬭᬶᬂᬳᬶᬫᬸᬢᭂᬃᬧ᭄ᬘᬓ᭄ᬳᬶᬤᬮᬶᬦ᭄ᬢᬂᬳᬦᬸᬢ᭄ᬍᬫᬭᬶᬲᬫᬶᬫᬧᬢ᭄ᬧᬢ᭄᭞ᬲᬯᬯᬵᬳ᭄ᬩᭂᬫᬤᬕᬶᬂ᭟ᬗ᭄ᬳᬶᬂ
ᬧᬢᭂᬄᬓ᭄ᬦᬫ᭄ᬮᬄ᭞ᬫᬶᬜᬓ᭄‌ᬧᬾᬦ᭄ᬤᬾᬃᬢᬦ᭄ᬫᬭᬶᬳᬮᬍᬫᬭᬶ᭞ᬢᬦ᭄ᬓᭀᬘᬧᬲᬺᬕᭂᬧ᭄ᬲᬫ᭄ᬧᬸᬦ᭄᭞ᬳᬸᬧᬓᬭᬫᬓᬡ᭄ᬥᬵ᭞ᬲᬕᬾᬢ᭄ᬯᭂᬗᬶᬢᬦ᭄ᬢᭀᬘᬧ᭄ᬗᬚ᭄ᬜ᭄ᬕᬂᬲᬵᬫ᭄ᬧᬸᬦ᭄᭞ᬓᬮᬶᬄᬲᬵᬫ᭄ᬧᬸᬦ᭄ᬲᬶᬋᬧ᭄ᬲᬫ᭄ᬬᬦ᭄᭞ᬲᬕᬾᬢᬦ᭄ᬭᬳᬶᬦᬵᬫᬮᬶᬄ᭟ᬦᬄᬢ᭄ᬯᬭᬵᬧᬜ᭄ᬚᬂᬘ᭄ᬭᬶᬢᬬᬂ᭞ᬧᬤᬭᬶᬚᭂᬓ᭄ᬳᬤᬩᬦ᭄ᬢᭂᬦ᭄ᬓᬋᬧᬶ
ᬦ᭄᭞ᬧ᭄ᬢᭂᬂᬍᬫᬄᬤᬶᬦᬦ᭄ᬫᬸ᭞ᬦᬾᬜᬳᬦ᭄ᬧᬗᬫ᭄ᬩᬶᬮᬦ᭄᭞ᬭᬫᬾᬳᬸᬫ᭄ᬬᬂᬫᬸᬱ᭄ᬝᬧᬓᬮᬶᬄᬫᬜ᭄ᬘ᭄ᬬᬸ᭞ᬚᬤ᭄ᬫᬦᬾᬳᬓᬾᬄᬫᬶᬬᬸᬭᬦ᭄᭞ᬓᬮᬶᬄᬕ᭄ᬥᭀᬂᬗᬧᬶᬢᬃᬕᬶ᭟ᬫᬫᬲ᭄‌ᬩ᭄ᬤᬶᬮ᭄ᬯᬸᬲ᭄ᬫᬓᬦ᭄ᬥᬵ᭞ᬲᬸᬭᬤᬤᬸᬧᬳᬸᬢ᭄ᬫᬦᬶᬓᬸᬮ᭄ᬩᭂᬤᬶᬮ᭄᭞ᬭᬾᬄᬧᬘᬂᬤᬶᬧᬸᬗ᭄ᬓᬸᬃᬢᬫ᭄ᬩᬸᬃ᭞ᬲᬵᬫ᭄ᬧᬸᬦ᭄ᬫᬓᬦ᭄ᬥᬵᬧᬶᬲᬦ᭄᭞ᬚᬸᬮᬶᬓᬺᬩᬸᬧᬳᬸᬢ᭄ᬳᬧᬶ
ᬢ᭄ᬧᬬᬸᬂᬩ᭄ᬬᬸᬃ᭞ᬧᬬᬸᬂᬢᭀᬂᬩᬓᬢ᭄‌ᬓ᭄ᬦᭂᬳᬂ᭞ᬫᬫᬸᬢᬾᬩᬦ᭄ᬳᬶᬦ᭄ᬢᭂᬦ᭄‌ᬯ᭄ᬬᬓ᭄ᬢᬶ᭟ᬳ᭄ᬦᭂᬗᬂᬧᬸᬧᬸᬢ᭄ᬫᬤᬩ᭄ᬤᬩ᭄᭞ᬳᬶᬤᬾᬯᬕᬸᬂᬫᬸᬱ᭄ᬝᬧᬫᬳ᭄ᬬᬲ᭄ᬕᭂᬮᬶᬲ᭄᭞ᬧᬗᬗ᭄ᬕᬾᬦ᭄ᬳᬶᬤᬳᬶᬤ᭄ᬯᬕᬸᬂ᭞ᬧᬺᬧᬸᬢᬺᬫᬗᬤᬸᬢᬂ᭞ᬮᬶᬦ᭄ᬢᬂᬳᬸᬮᬧ᭄ᬳᬲᬶᬂᬜᬶᬗᬓ᭄ᬳᬶᬤᬾᬯᬕᬸᬂᬫ᭄ᬭᬾᬄᬳᬶᬦ᭄ᬢᭂᬦ᭄ᬢᬦ᭄‌ᬓ᭄ᬦᬳᬾᬢᬂ᭞ᬢᬸᬧᬶᬦ᭄ᬳᬶᬤᬦᬾ
[᭖᭑ 61A]
ᬗᬾᬤᬦᬶᬦ᭄᭟ᬫᬯᬸᬯᬸᬄᬩᬕᬸᬲ᭄ᬓᬮᬶᬦ᭄ᬢᬂ᭞ᬲᬬᬦ᭄ᬳᬶᬤᬵᬳ᭄ᬬᬂᬗᬃᬓ᭄ᬓᬵᬓᬲᭀᬃᬯ᭄ᬬᬓ᭄ᬢᬶ᭞ᬭᬶᬂᬘᬬᬦ᭄ᬳᬶᬤᬳᬶᬤ᭄ᬯᬕᬸᬂ᭞ᬧᬸᬧᬸᬢ᭄ᬫᬳ᭄ᬬᬲ᭄ᬫᬫᬶᬜᬓ᭄᭞ᬧᬺᬧᬸᬢ᭄ᬭᬦᬾᬧᬤᬫᬳ᭄ᬬᬲ᭄ᬫᬩ᭄ᬭᬶᬬᬸᬓ᭄᭞ᬯᬸᬲ᭄ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬫᬫᬶᬜᬓ᭄᭞ᬳᬶᬤᬾᬯᬕᬸᬂᬓᭀᬤᬮ᭄‌ᬕ᭄ᬮᬶᬲ᭄᭟ᬚᬸᬮᬶᬦ᭄ᬳᬶᬤᬯᬸᬲᬬᬕᬵ᭞ᬳᬧᬶᬢ᭄ᬧᬬᬸᬂ
ᬤ᭄ᬬᬃᬱᬢᬫ᭄ᬬᬂᬯ᭄ᬬᬓ᭄ᬢᬶ᭞ᬫᬸᬗ᭄ᬕᬄᬳᬶᬤᬵᬳᬶᬤᬾᬯᬕᬸᬂ᭞ᬧᬭᬧᬸᬢ᭄ᬭᬦᬾᬲᬫ᭄ᬬᬦ᭄᭞ᬫᬩ᭄ᬭᬶᬬᬸᬓ᭄‌ᬕ᭄ᬮᬶᬲ᭄ᬫᬸᬗ᭄ᬕᬄᬓᬸᬤᬲᬵᬫ᭄ᬧᬸᬦ᭄᭞ᬳᬶᬤᬾᬯᬕᬸᬂᬯᬸᬲ᭄ᬫᬧᬲᬂ᭞ᬧᬗᬫ᭄ᬧᬂᬫᬫᬃᬕ᭄ᬕᬶ᭟ᬲᬧᬗᬶᬭᬶᬂᬯᬸᬲ᭄ᬓᬢᬶᬩᬫ᭄᭞ᬳᬲ᭄ᬱ᭄ᬝ᭄ᬭᬫᬦ᭄ᬢ᭄ᬭᬧᬦ᭄ᬮᬶᬦ᭄ᬢᬂᬲᬶᬤ᭄ᬥᬶᬫᬦ᭄ᬤᬶ᭞ᬕ᭄ᬮᬶᬲ᭄ᬳᬶᬤᬵᬫᬤᬯᬸᬄ᭞ᬓ᭄ᬦᬶᬫᬗ᭄ᬓᬶᬦ᭄ᬫᬫᬃᬕ᭄ᬕᬵ
᭞ᬲᬵᬫ᭄ᬧᬸᬦ᭄‌ᬘᬸᬦ᭄ᬤᬸᬓ᭄ᬫᬫᬃᬕ᭄ᬕᬶᬫᬗ᭄ᬢᬶᬦ᭄ᬫᬩ᭄ᬭᬶᬬᬸᬓ᭄᭞ᬧᬫᬃᬕ᭄ᬕᬶᬲᬓ᭄ᬱᬢᬯᬦ᭞ᬳ᭄ᬦᭂᬗᬂᬳ᭄ᬦᬸᬤᬶᬫᬃᬕ᭄ᬕᬶ᭟ᬤᬶᬫᬜ᭄ᬘ᭄ᬬᬸᬘᬭᬶᬢᬬᬂ᭞ᬳᬶᬤᬾᬯᬕᬸᬂᬫᬥᬾᬦᬯᬸᬳᬂᬕ᭄ᬮᬶᬲ᭄᭞ᬯᬢᭂᬓ᭄ᬢᬾᬓᭀᬃᬦᬾᬓᬤᬯᬸᬄ᭞ᬫᬓᬸᬮ᭄ᬓᬯᬢ᭄ᬓᬓᬧᬮ᭄᭞ᬓ᭄ᬦᬶᬫᬗ᭄ᬓᬶᬦ᭄ᬲᬸᬭᬤᬤᬸᬦ᭄ᬳᬶᬤᬵᬢ᭄ᬤᬸᬦ᭄᭞ᬭᬾᬄᬳᬶᬧᬸ
ᬦ᭄ᬧᬘᬂᬗᬶᬭᬶᬗᬂ᭞ᬓᬧᬮ᭄ᬳᬶᬤᬵᬓ᭄ᬦᬶᬗ᭄ᬭᬭᬶᬲ᭄᭟ᬓ᭄ᬦᬶᬫᬜᬸᬚᬸᬃᬫᬸᬱ᭄ᬝᬧᬵ᭞ᬦᬾᬓᬤᬯᬸᬄᬫᬧᭂᬲ᭄ᬜᭂᬫ᭄ᬩᬄᬲᬳᬶᬭᬶᬂ᭞ᬢᬦ᭄ᬓᭀᬘᬧ᭄ᬦᬮᬶᬧᬸᬦ᭄ᬲᬫ᭄ᬧᬸᬦ᭄᭞ᬦᬾᬦᬾᬤᬶᬓᬧᬮ᭄ᬲᬫ᭄ᬬᬦ᭄᭞ᬕᬭᬯᬮᬦ᭄ᬫᬤᬩ᭄ᬤᬩᬦ᭄ᬗᬦ᭄ᬢ᭄ᬬᬂᬢᬸᬯᬸᬦ᭄᭞ᬧᬤᬫᬜᬮᬸᬓ᭄ᬧᬓᬾᬅᬳᬦ᭄᭞ᬢᬦ᭄ᬓᭀᬘᬧᬢ᭄ᬥᬸ [ 62 ][᭖᭑ 61B]
᭖᭑
ᬦ᭄ᬲᬫᬶ᭟ᬲᬳᬲᬵᬫ᭄ᬧᬸᬦ᭄ᬫᬕᬕᬯᬦ᭄᭞ᬲᭂᬃᬲᬦ᭄‌ᬮᬾᬢ᭄ᬦᬦ᭄ᬢᬦ᭄ᬫᬭᬶᬫᬫᬸᬘᬸᬓᬶᬦ᭄᭞ᬗᬗ᭄ᬕᭀᬪᬸᬩᬶᬦ᭄ᬢᬂᬮᬶᬦ᭄ᬢᬂᬳᬦᬸᬢ᭄᭞ᬩ᭄ᬯᬶᬦᬾᬦᬾᬤᬶᬓᬧᬮ᭄᭞ᬓᬸᬫᬦ᭄ᬤᬫᬾᬦᬸᬦ᭄ᬤᬾᬦ᭄ᬗᬩᬸᬢ᭄‌ᬫᬃᬕ᭄ᬕᬲᬵᬫ᭄ᬧᬸᬦ᭄᭞ᬯᬗ᭄ᬲᬶᬢ᭄ᬲᬸᬗᬸᬲᬮᬶᬂᬢᬶᬫ᭄ᬩᬮ᭄᭞ᬫᬮᬬᬃᬢᬦ᭄ᬧᬾᬦ᭄ᬤᬄᬳᬗᬶᬦ᭄᭟ᬜᬸᬚᬸᬃᬧᬲᬶᬲᬶᬦ᭄ᬫᬸᬱ᭄ᬝᬧ᭞
ᬲᬵᬫ᭄ᬧᬸᬦ᭄ᬭᬯᬸᬄᬯᬸᬲ᭄ᬫᬸᬮᬂᬫᬗ᭄ᬕᬃᬲᬫᬶ᭞ᬤᬶᬧᬲᬶᬄᬓᬼᬢ᭄ᬓᬮᬗ᭄ᬓᬸᬂ᭞ᬭᬾᬄᬓᬫᬮ᭄ᬓᬸᬫ᭄ᬧᬸᬮ᭄ᬲᬫ᭄ᬬᬦ᭄᭞ᬓᬮᬶᬄᬓᬧᬮ᭄ᬫᬱ᭄ᬝᬧᬤ᭄ᬯᬾᬦ᭄ᬳᬶᬤ᭄ᬯᬕᬸᬂ᭞ᬤᬶᬧᬲᬶᬄᬫᬮᬸᬳ᭄ᬦᭂᬗᬂ᭞ᬤᬶᬫᬜ᭄ᬘ᭄ᬬᬸᬓᭀᬘᬧ᭄ᬫᬮᬶᬄ᭟ᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬯᬸᬲ᭄ᬦᬯᬸᬳᬂᬦᬾᬧᬘᬂᬮ᭄ᬯᬲ᭄ᬗᬶᬭᬶᬂ᭞ᬓᬮᬶᬄᬫᬫᬲ᭄‌ᬩ᭄ᬤᬶᬮ᭄ᬲᬵᬫ᭄ᬧᬸᬦ᭄᭞
ᬤᬶᬩᬜ᭄ᬘᬶᬗᬄᬫᬗᬫ᭄ᬩ᭄ᬬᬃ᭞ᬧᬮᬶᬗ᭄ᬕᬶᬳᬦ᭄‌ᬚᬸᬮᬶᬕᬬᭀᬢ᭄ᬭᬸᬲ᭄ᬫᬳᬸᬦ᭄ᬤᬸᬓ᭄᭞ᬲᬵᬫ᭄ᬧᬸᬦ᭄ᬳᬧᬶᬢ᭄ᬧᬬᬸᬂᬲᬫ᭄ᬬᬦ᭄᭞ᬫᬢᭂᬓ᭄ᬦᬾᬳᬬᬢ᭄ᬗᬶᬭᬶᬂ᭟ᬫᬧᬬᬲ᭄ᬫᬳᬾᬂᬳᬳᬾᬗᬦ᭄᭞ᬳ᭄ᬦᭂᬂᬤᬶᬚᬩᬤᬶᬧᬸᬭᬶᬓᭀᬘᬧ᭄ᬫᬮᬶᬄ᭞ᬳᬶᬤᬾᬯᬕᬸᬂᬫᬳ᭄ᬬᬲᬫ᭄ᬧᬸᬦ᭄᭞ᬫᬩ᭄ᬭᬶᬬᬸᬓᬕ᭄ᬥᭀᬂᬕ᭄ᬥᬄ᭞ᬓᬼᬢ᭄ᬧᬶᬲᬦ᭄ᬢ᭄ᬯᬭᬵᬧ᭄ᬲᬦ᭄ᬩ
ᬓᬢ᭄ᬳᬶᬢᬸᬂ᭞ᬳᬶᬤᬵᬤᬾᬯᬕᬸᬂᬧᬸᬢ᭄ᬭᬵ᭞ᬓᬶᬭᬫᬕᬶᬮᬧ᭄ᬦᬾᬫᬗ᭄ᬮᬶᬦ᭄᭟ᬭᬓᬦ᭄ᬥᬵᬫᬭᬲᬶᬦ᭄ᬳᬶᬤᬵ᭞ᬧᬭᬧᬸᬢ᭄ᬭᬶᬳᬦ᭄ᬢᭂᬦᬃᬫᬗᬬᬳᬶᬦ᭄᭞ᬗᬦᬸᬢᬂᬧᬗᬗ᭄ᬕᬾᬲᬵᬫ᭄ᬧᬸᬦ᭄᭞ᬩ᭄ᬯᬶᬦᬾᬦᬾᬫᬧᬭᬲ᭄᭞ᬭᬾᬄᬭᬓᬦ᭄ᬥᬵᬯᬶᬓᬦ᭄ᬗᬯᬸᬯᬸᬳᬶᬦ᭄ᬩᬕᬸᬲ᭄᭞ᬳᬭᬶᬦ᭄ᬥᬵᬳᬶᬤ᭄ᬯᬕᬸᬂᬧᬸᬢᬺ᭞ᬲᬬᬦ᭄ᬗᬯᬾ
[᭖᭒ 62A]
ᬮᬶᬂᬓᬸᬂᬧᬮᬶᬂ᭟ᬲᬲᬶᬭᬵᬢ᭄ᬳᬶᬤᬵᬫᬗ᭄ᬓᬤ᭄᭞ᬳᬢᬾᬦ᭄ᬳᬢᬾᬦ᭄‌ᬢ᭄ᬯᬭᬵᬩᬓᬢ᭄ᬘᬾᬦᬦᬶᬦ᭄᭞ᬓᬓ᭄ᬭᬶᬓ᭄ᬗᬯᬾᬓᬸᬃᬮᬸᬮᬸᬢ᭄᭞ᬳᬸᬦ᭄ᬢᬸᬢᬢᬧ᭄ᬢᬸᬃᬧ᭄ᬢᬓ᭄᭞ᬳᬧᬶᬢ᭄ᬲᭂᬍᬫ᭄‌ᬗᬸᬮᬾᬮᬫ᭄ᬗᬯᬾᬳᬸᬮᬗᬸᬦ᭄᭞ᬕᬶᬲᬶᬕᬶᬲᬶᬫᬗᭂᬢᬶᬲᬄ᭞ᬘᬘᬶᬗᬓ᭄ᬜᭂᬜᭂᬃᬳᬫᬦᬶᬲ᭄᭟ᬧᬧᬲᭀᬦ᭄‌ᬫᭀ
ᬫ᭄ᬩᬓᬦ᭄ᬕᬸᬮᬵ᭞ᬚ᭄ᬭᬶᬚᬶᬭᬸᬭᬸᬲ᭄ᬦᬓᬵᬧ᭄ᬓᬓ᭄ᬗᬾᬤᬦᬶᬦ᭄᭞ᬧᬢᬸᬢᬼᬫᬸᬄᬭᬾᬳᬶᬂᬩᬕᬸᬲ᭄᭞ᬕ᭄ᬮᬶᬲ᭄ᬳᬶᬤᬵᬫᬳ᭄ᬬᬲ᭄᭞ᬯᬲ᭄ᬢ᭄ᬭᬳᬦᬸᬢ᭄ᬩ᭄ᬮᬸᬤ᭄ᬭᬸᬫᬓᭂᬫ᭄ᬩᬂᬮᬸᬫ᭄ᬮᬸᬫ᭄᭞ᬧᬧᭂᬓᭂᬢ᭄ᬩᬓ᭄ᬬᬓ᭄ᬫᬲᭀᬘᬵ᭞ᬩᬦ᭄ᬳᬶᬦ᭄ᬢᭂᬦ᭄ᬢᬦ᭄ᬓᭀᬢᬶᬓᭀᬢᬶ᭟ᬫᬓᬯᬘᬓᬓᬯᬢᬦ᭄᭞ᬫᬧᬜ᭄ᬮᬕ᭄ᬩᬦ᭄ᬳᬶᬦ᭄ᬢᭂᬦ᭄ᬫᬸᬦ᭄ᬤᬸ
ᬓ᭄ᬱᬫᬶ᭞ᬓᬜ᭄ᬘᬶᬂᬳᬶᬤᬮᬶᬦ᭄ᬢᬂᬳᬦᬸᬢ᭄᭞ᬮᬶᬦ᭄ᬢᬂᬩ᭄ᬲᬃᬓ᭄ᬱᬮᬵ᭞ᬫᬗᬸᬮᬧᬶᬦ᭄ᬳᬶᬤᬮᬶᬦ᭄ᬢᬂᬳᬦᬸᬢ᭄᭞ᬧᬤᬢᬦ᭄‌ᬓ᭄ᬦᬯᬸᬦᬶᬮᬂ᭞ᬲᬯᬗᬗ᭄ᬕᬾᬦ᭄ᬳᬶᬤᬯ᭄ᬬᬓ᭄ᬢᬶ᭟ᬲᬓᬮᬶᬄᬲᬵᬫ᭄ᬧᬸᬦ᭄ᬫᬫᬶᬜᬓ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄‌ᬭᬓᬵᬮᬾᬤᬂᬫᬗᬓ᭄ᬱᬶ᭞ᬓᬮᬶᬄᬭᬓᬵᬲᬬᬦ᭄ᬮᬶᬮᬸᬂ᭞ᬓ
ᬧᭀᬗᬶᬮᬶᬗᬂᬧᬶᬲᬦ᭄᭞ᬭᬾᬄᬦᬾᬫᬗ᭄ᬓᬶᬦ᭄ᬳᬭᬶᬦ᭄ᬥᬵᬧᬘᬂᬫᬢ᭄ᬫᬸ᭞ᬳ᭄ᬦᭂᬗᬂᬳᬶᬤ᭄ᬯᬕᬸᬂᬧᬸᬢᬺ᭞ᬦᬾᬳᬓᬾᬄᬫᬳ᭄ᬬᬲᬫᬶ᭟ᬳᬶᬤᬵᬲᬂᬤ᭄ᬬᬄᬳᬸᬘᬧᬂ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬲᬸᬗ᭄ᬲᬸᬢ᭄ᬳᬶᬤᬢᬦ᭄ᬲᬶᬧᬶ᭞ᬩ᭄ᬬᬂᬤᬵᬲᬫᬶᬫᬧᬺᬫ᭄ᬩᬸᬓ᭄᭞ᬧᬘᬂᬫᬮᬲᬶᬦ᭄ᬳᬶᬤᬵ᭞ᬲᬫᬸᬓᬾᬫᬤ᭄ᬭᬾᬄᬳᭀᬓ [ 63 ][᭖᭒ 62B]
᭖᭒
ᬫᬦᬗᬶᬲ᭄ᬩᭂᬓᬸᬢ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬫᬧᬶᬦᬄᬤᬶᬚ᭄ᬭᭀᬦᬶᬂᬋᬥᬶ᭟ᬬᬦ᭄ᬢᬦ᭄ᬳᬶᬕ᭄ᬬᬸᬃᬢ᭄ᬓᬬᬂ᭞ᬩᬶᬮᬶᬳ᭄ᬜᬓ᭄ᬳᬶᬬᬕᬸᬂᬫ᭄ᬲᬾᬄᬚᬦᬶ᭞ᬳᬓᬾᬢᭀᬧᬶᬦᭂᬄᬤᬶᬓᬬᬸᬦ᭄᭞ᬕ᭄ᬮᬶᬲ᭄ᬳᬶᬤᬵᬦᬯᬸᬳᬂ᭞ᬓ᭄ᬦᬶᬓᬸᬳᬸᬃᬳᬶᬤᬾᬯᬕᬸᬂᬫᬥᬾᬳᬕᬸᬂ᭞ᬢᬦ᭄ᬓᭀᬘᬧ᭄ᬦᬾᬦᬸᬳᬸᬃᬳᬶᬤᬵ᭞ᬳᬶᬤᬾᬯᬕᬸᬂᬫᬥᬾᬧ᭄ᬭᬧ᭄ᬢᬶ
᭟ᬓᬳᬶᬭᬶᬂᬳᬦ᭄ᬢᬸᬓ᭄ᬳᬦ᭄ᬢᭂᬦᬃ᭞ᬢᬗ᭄ᬓᬶᬮᬦᬾᬢ᭄ᬥᬸᬦ᭄ᬲᬮᬶᬂᬮᬗ᭄ᬓᬸᬗᬶᬦ᭄᭞ᬲᬂᬧ᭄ᬭᬧ᭄ᬢᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬭᬶᬂᬳᬶᬤᬵᬳᬚᬶᬩ᭄ᬬᬂ᭞ᬳᬚᬶᬩ᭄ᬬᬫᬢᬶᬫ᭄ᬩᬮ᭄ᬗᬗ᭄ᬕᬸᬢᬶᬦ᭄ᬲᬫ᭄ᬧᬸᬦ᭄᭞ᬳᬶᬤᬾᬯᬕᬸᬂᬫᬥᬾᬫᬸᬗ᭄ᬕᬄ᭞ᬦᬾᬦᬾᬢ᭄ᬤᬸᬦ᭄ᬫᬸᬗ᭄ᬕᬄᬲᬫᬶ᭟ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬫᬗᬦ᭄ᬤᬶᬓᬵᬭᬶᬂᬳᬶᬤᬵᬲᬂᬩᬸᬧ᭄ᬭᬧ᭄ᬢᬶ᭞
ᬓ᭄ᬭᬡᬢ᭄ᬬᬂᬗᬮᬶᬄᬓᬕᬸ᭞ᬮᬓᬃᬢᬸᬦ᭄ᬤᬾᬦᬂᬢ᭄ᬬᬂ᭞ᬫᬗᬮᬳᬶᬦ᭄ᬜᬫᬦ᭄ᬳᬶᬤᬦᬾᬦᬓᬕᬸᬂ᭞ᬳᬧᬂᬳ᭄ᬜᬓ᭄ᬫᬦ᭄ᬲᬬᬂ᭞ᬓᬮᬶᬳᬜᬫ᭄ᬲᬾᬄᬩ᭄ᬯᬶᬦ᭄᭟ᬳᬧᬂᬢᭂᬢᭂᬧᬭᬶᬓ᭄ᬭᬫᬵ᭞ᬳᬶᬤᬾᬯᬕᬸᬂᬫᬥᬾᬜᭂᬫ᭄ᬩᬄᬲᬳᬶᬭᬶᬂ᭞ᬕ᭄ᬮᬶᬲ᭄ᬫᬦ᭄ᬢᬸᬓᬦ᭄ᬳᬶᬤ᭄ᬯᬕᬸᬂ᭞ᬫᬥᬾᬳᬶᬤ᭄ᬯᬕᬸᬂᬩ᭄ᬬᬂ᭞ᬫᬜᬋᬗᬶᬦ᭄
ᬦᬾᬤᬶᬓᬫᬃᬢᬍᬃᬧ᭄ᬦᬸᬄ᭞ᬯᬢᭂᬓ᭄ᬧ᭄ᬭᬧᬸᬢ᭄ᬭᬶᬲᬫ᭄ᬬᬦ᭄᭞ᬓᬮᬶᬄᬫᬤᬾᬯᬶᬓᬤᬶᬭᬶ᭟ᬕ᭄ᬮᬶᬲ᭄ᬧᬤᬫᬓᬶᬲ᭄ᬮᬦ᭄᭞ᬦᬾᬩᬸᬗ᭄ᬭᬜ᭄ᬚᬶᬂᬳᬶᬤ᭄ᬯᬕᬸᬂᬳᬶᬤ᭄ᬯᬕᬸᬂᬫᬥᬾᬕ᭄ᬮᬶᬲ᭄᭞ᬗᬸᬲᬧ᭄ᬳᬭᬶᬗᬦ᭄ᬤᬶᬓᬵᬳᬮᬸᬲ᭄᭞ᬓᬮᬶᬄᬳᬶᬤ᭄ᬯᬕᬸᬂᬩ᭄ᬬᬂ᭞ᬳᬬᬢ᭄ᬫᬢ᭄ᬯᬲᬯᬯᬗᬦ᭄ᬤᬶᬓᬵᬳᬮᬶᬲ᭄᭞ᬧᬦ᭄ᬤᬶᬓ
[᭖᭓ 63A]
ᬦ᭄ᬳᬶᬤᬵᬭᬓᬦ᭄ᬥᬵ᭞ᬗ᭄ᬢᬸᬲ᭄ᬓᬬᬸᬦ᭄ᬗᬰᬶᬳᬲᬶᬄ᭟ᬫᬾᬦᬓᬕᬸᬂᬜᬫᬦ᭄ᬢ᭄ᬬᬂ᭞ᬧ᭄ᬤᬧᬶᬯᬮ᭄ᬚᬮᬦ᭄ᬫᬦ᭄ᬤᬸᬲ᭄ᬦᬾᬚᬦᬶ᭞ᬳᬬᬢ᭄ᬫᬢ᭄ᬯᬫᬩ᭄ᬭᬶᬬᬸᬓ᭄᭞ᬳᬶᬤᬵᬲᬂᬭᬢ᭄ᬦᬚ᭄ᬯᬶᬢ᭄ᬣᬵ᭞ᬮᬶᬦ᭄ᬢᬂᬭᬶᬂᬭᬓᬦ᭄ᬳᬶᬤᬦᬾᬢᬸᬳᬸ᭞ᬳᬧᬦ᭄ᬲᬫ᭄ᬧᬸᬦ᭄ᬓᬧᬶᬬᬃᬱᬵ᭞ᬧᬗᬦ᭄ᬤᬶᬓᬲ᭄ᬧᭂᬂᬯ᭄ᬬᬓ᭄ᬢᬶ᭟ᬭᬓᬦ᭄ᬥᬵᬭᬶᬂᬳᬗ᭄ᬕᬦ᭄ᬳᬶᬤᬵ᭞ᬓ᭄ᬭᬦᬵ
ᬳᬶᬤᬵᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬶᬯᬮᬶᬦ᭄᭞ᬳᬭᬶᬫᭂᬧᭂᬲ᭄ᬗᭂᬫ᭄ᬩᭂᬂᬢᬦᬸ᭞ᬤᬕᬶᬂᬳᬶᬤᬵᬢᬦ᭄ᬢᬸᬮᬓ᭄᭞ᬳᬶᬤᬾᬯᬕᬸᬂᬩ᭄ᬬᬂᬓᬸᬭᬶᬧᬦ᭄ᬫᬜᬫ᭄ᬩᬸᬢ᭄᭞ᬢᬗᬦ᭄ᬳᬬᬢ᭄ᬫᬦ᭄ᬢᬸᬓ᭄ᬳᬶᬤᬵ᭞ᬧᬭᬧᬸᬢ᭄ᬭᬶᬕ᭄ᬮᬶᬲ᭄ᬫᬗ᭄ᬓᬶᬦ᭄᭟ᬧᬦᬦᬫ᭄ᬩᬸᬢ᭄ᬧᬬᬬᬳᬦ᭄᭞ᬫᬩ᭄ᬭᬶᬬᬸᬓᬧᬲᬶᬭᬫᬦ᭄ᬭᬭᬶᬲ᭄᭞ᬳᬸᬧᬘᬭᬲᬺᬕᭂᬧ᭄ᬲᬫ᭄ᬧᬸᬦ᭄᭞ᬫᬲᬶᬭᬫ᭄
ᬧᬗᬸᬜ᭄ᬘᬶᬗᬦ᭄᭞ᬮᬾᬦ᭄ᬫᬳᭀᬤᬓ᭄᭞ᬫᬓᬓᭀᬲᭀᬓ᭄ᬧᬸᬧᬸᬢ᭄ᬲᬫ᭄ᬧᬸᬦ᭄᭞ᬯᬸᬲ᭄ᬳᬸᬲᬦ᭄ᬕᭂᬮᬶᬲ᭄ᬫᬳ᭄ᬬᬲ᭄᭞ᬩ᭄ᬬᬂᬢᬶᬕᬵᬫᬫᬬᬲᬶᬦ᭄᭟ᬳᬧᬦ᭄ᬧᬬᬲ᭄ᬧᬩᬸᬜ᭄ᬘᬶᬗᬦ᭄᭞ᬫᬩᬩᬮᬶᬗ᭄ᬳᬶᬂᬧᬥᬮ᭄ᬯᬶᬄᬮ᭄ᬯᬶᬄ᭞ᬯᬸᬲ᭄ᬫᬳᭀᬤᬓ᭄ᬤᬤᬲᬫ᭄ᬧᬸᬦ᭄᭞ᬧᬾᬦ᭄ᬤᬾᬃᬫᬤᬤᭀᬲ᭄ᬢᭀᬬᬵ᭞ᬢᭀᬬᬦ᭄
ᬳᭀᬤᬓ᭄ᬮᬶᬦ᭄ᬢᬂᬫᬶᬳᬶᬓ᭄ᬗᬮᬸᬩᬮᬸᬩ᭄᭞ᬫᬲᭂᬗ᭄ᬓᬂᬳ᭄ᬫᬲ᭄ᬫᬲᭀᬘᬵ᭞ᬧᬶᬗ᭄ᬕᭂᬮ᭄ᬓᬮᬶᬮᬶᬭᬦ᭄‌ᬯ᭄ᬬᬓ᭄ᬢᬶ᭟ᬤᬶᬢᬗᬦ᭄ᬧᬶᬗ᭄ᬕᭂᬮ᭄‌ᬳ᭄ᬫᬲ᭄ᬯᬬᬄ᭞ᬳᬮᬶᬳᬮᬶᬧᬢ᭄ᬧᬢ᭄ᬳᬦᬸᬢ᭄ᬗᬾᬤᬦᬶᬦ᭄᭞ᬲᬲᬶᬭᬢ᭄ᬗᬯᬾᬳᬸᬮᬗᬸᬦ᭄᭞ᬭᬕᬵᬫ᭄ᬭᭀᬲ᭄ᬩᬸᬮᬸᬗ᭄ᬕᬂ᭞ᬲᬸᬲᬸᬭᬸᬧᬶᬢ᭄ᬕᬤᬶᬂ᭞ᬳᬕᭀᬮᬾᬭᬦᬼᬫᬸᬄ᭞ᬘ [ 64 ][᭖᭓ 63B]
᭖᭓
ᬘᬶᬗᬓ᭄ᬫᭀᬫ᭄ᬩᬓᬦ᭄ᬕᬸᬮᬵ᭞ᬳᬦᬓ᭄ᬧᬓ᭄ᬭᬶᬦᬶᬂᬗᬾᬤᬦᬶᬦ᭄᭞ᬯᬸᬲ᭄ᬧᬸᬧᬸᬢ᭄ᬲᬳᬸᬧᬓᬭᬵ᭞ᬳᬸᬧᬘᬭᬧᬦ᭄ᬢᬸᬳᬸᬧᬸᬢ᭄ᬭᬶᬳᬤᬶ᭞ᬦᬗ᭄ᬳᬶᬂᬳᬶᬤᬫᭂᬗ᭄ᬕᬄᬲᬸᬗ᭄ᬲᬸᬢ᭄᭞ᬢᭀᬬᬦ᭄ᬳᬓ᭄ᬱᬶᬫᬘᬧ᭄ᬘᬧ᭄᭞ᬓᬯᬶᬳᬶᬖᬵᬭᬶᬂᬭᬓᬦ᭄ᬥᬵᬚ᭄ᬭᬶᬳᬾᬫᬸᬧᬸᬢ᭄᭞ᬭᬾᬄᬭᬓᬵᬗᬫᭂᬃᬳᬶᬭᬶᬓᬵ᭞ᬦᬾᬫᬫᭂᬦ᭄ᬤᬓ᭄
ᬲᬕᬾᬢ᭄ᬧ᭄ᬭᬧ᭄ᬢᬶ᭟ᬦᬾᬲᬓᬶᬂᬳᬱ᭄ᬝ᭄ᬭᬫᬸᬱ᭄ᬝᬧᬵ᭞ᬫᬕᬺᬤᭂᬕᬦ᭄ᬳᬫ᭄ᬮᬦ᭄ᬲᬬᬦ᭄ᬳᬢ᭄ᬭᬶ᭞ᬯᬾᬦ᭄ᬢᭂᬦ᭄ᬗᬸᬦᬶᬗᬬᬂᬳᬢᬸᬃ᭞ᬭᬶᬂᬳᬶᬤᬾᬯᬕᬸᬂᬲᬫ᭄ᬬᬦ᭄᭞ᬳᬶᬤᬾᬯᬕᬸᬂᬫᬥᬾᬕ᭄ᬮᬶᬲ᭄ᬫᬤᬤᬯᬸᬄ᭞ᬦᬾᬭᬶᬂᬧᬘᬂᬗᬶᬭᬶᬂᬲᬫ᭄ᬬᬦ᭄᭞ᬓ᭄ᬦᬶᬫᬤᬩ᭄ᬤᬩᬦ᭄‌ᬯ᭄ᬬᬓ᭄ᬢᬶ᭟ᬭᬾᬄᬫᬗ᭄ᬓᬶᬦ᭄ᬜᬦ᭄ᬤᬂᬫᬫᬃᬕ᭄ᬕᬵ᭞ᬳᬧᬦ᭄ᬲᬫ᭄ᬧᬸᬦ᭄ᬫᬦᬫ᭄ᬧᬶ
ᬲᭀᬭᬾᬯ᭄ᬬᬓ᭄ᬢᬶ᭞ᬭᬶᬂᬳᬚᬶᬩ᭄ᬬᬂᬤᬵᬲᬵᬫ᭄ᬧᬸᬦ᭄᭞ᬳᬶᬤ᭄ᬯᬕᬸᬂᬫᬥᬾᬜᭂᬫ᭄ᬩᬄ᭞ᬲᬃᬯ᭄ᬯᬶᬫᬢᬹᬃᬦᬾᬫᬗ᭄ᬓᬶᬦᬸᬦᬲ᭄‌ᬤᬾᬯᬕᬸᬂ᭞ᬫᬫᬃᬕ᭄ᬕᬭᬾᬄᬲᬵᬫ᭄ᬧᬸᬦ᭄ᬜᬦ᭄ᬤᬂ᭞ᬳᬚᬶᬩ᭄ᬬᬂᬫᬗᬗ᭄ᬕᬸᬢᬶᬦ᭄᭟᭚ᬥᬹᬃᬫ᭄ᬫᬵ᭚ᬳᬶᬤᬾᬯᬕᬸᬂᬲᬓᬶᬂᬩᬮᬶᬳᬶᬤᬵ᭞ᬭᬶᬂᬦᬢᬃᬫᬹᬃᬤ᭄ᬥᬵᬫᬡᬶᬓ᭄᭞ᬓᬶᬭᬶᬂ
ᬩᬦ᭄ᬧᬺᬧᬸᬢ᭄ᬭ᭞ᬓᬮᬶᬄᬯᬢᭂᬓ᭄ᬳᬦ᭄ᬢᭂᬦᬃ᭞ᬭᬾᬄᬲᬵᬫ᭄ᬧᬸᬦ᭄ᬫᬳ᭄ᬬᬲᬫᬶ᭞ᬳᬶᬤ᭄ᬯᬕᬸᬂᬮᬦᬂ᭞ᬤ᭄ᬯᬕᬸᬂᬭᬳᬶᬢᬦ᭄ᬓᬤᬶ᭟ᬢᬍᬃᬓᬸᬫ᭄ᬧᬸᬮ᭄ᬭᬶᬂᬫᬸᬃᬤ᭄ᬥᬫᬦᬗ᭄ᬓᬶᬮ᭄ᬭᬓᬵ᭞ᬲᬕᬾᬢ᭄ᬳᬭᬶᬦ᭄ᬤᬵᬧ᭄ᬭᬧ᭄ᬢᬶ᭞ᬳᬶᬤ᭄ᬯᬕᬸᬂᬧᬸᬱ᭄ᬝᬧᬵ᭞ᬕ᭄ᬮᬶᬲ᭄ᬭᬓᬲᬂᬢᬶᬕᬵ᭞ᬫᬧᬕ᭄ᬩᬦ᭄ᬫᬦᬶᬲ᭄ᬦᬶᬂᬮᬶᬭᬶᬂ᭞ᬳᬶᬤᬵᬳᬭᬶᬦ᭄ᬤᬵ᭞ᬜᭂ
[᭖᭔ 64A]
ᬫ᭄ᬩᬄᬭᬶᬂᬭᬓᬲᬫᬶ᭟ᬲᬃᬯ᭄ᬯᬶᬫᬢᬸᬃᬤᬾᬯᬕᬸᬂᬜᬦ᭄ᬤᬂᬫᬫᬃᬕ᭄ᬕᬵ᭞ᬭᬓᬦ᭄ᬤᬦᬶᬫ᭄ᬩᬮ᭄ᬲᬫᬶ᭞ᬧᬢᭂᬄᬧᬗᬦ᭄ᬤᬶᬓᬵ᭞ᬧᬤᬳᬭᬸᬫᬤᬯᬵ᭞ᬬᬦ᭄ᬢᬦ᭄ᬳᬢᬸᬤᬾᬅ᭄ ᬦᬾᬚᬦᬶ᭞ᬫᬢᬸᬃᬫᬦᬶᬕᬲ᭄᭞ᬢ᭄ᬓᬾᬦ᭄ᬩ᭄ᬬᬂᬮᬦ᭄ᬳᬚᬶ᭟᭚ᬧᬗ᭄ᬓᬸᬃ᭚ᬳᬭᬶᬦ᭄ᬤᬫᭂᬧᭂᬲ᭄ᬫᬜᭂᬫ᭄ᬩᬄ᭞ᬭᬶᬂᬲᬂᬢᬶᬕᬵᬕ᭄ᬮᬶᬲ᭄ᬳᬶᬤᬵᬓᬧᬸᬭᬶ᭞ᬧ᭄ᬭ
ᬧᬸᬢ᭄ᬭᬦ᭄ᬤᬵᬗᬶᬭᬶᬂᬩ᭄ᬭᬶᬬᬸᬓ᭄᭞ᬭᬯᬸᬄᬩᬮᬾᬕ᭄ᬥᬄ᭞ᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬳᬚᬶᬲᬂᬢᬶᬕᬲᬵᬫ᭄ᬧᬸᬦ᭄᭞ᬲᬃᬯ᭄ᬯᬶᬳᬶᬤᬗᬸᬦᬶᬗᬬᬂ᭞ᬭᬾᬄᬲᬵᬫ᭄ᬧᬸᬦ᭄ᬜᬦ᭄ᬤᬂᬫᬫᬃᬕ᭄ᬕᬶ᭟ᬳᬚᬶᬲᬂᬢᬶᬕᬫᬦᬶᬫ᭄ᬩᬮ᭄᭞ᬧᬧᬢᭂᬳᬦ᭄ᬧᬦ᭄ᬤᬶᬓᬦ᭄ᬳᬶᬤᬵᬯ᭄ᬬᬓ᭄ᬢᬶ᭞ᬜᬫᬦᬾᬚᬕ᭄ᬚᬕᬸᬦ᭄ᬫᬮᬸ᭞ᬳᬶᬕ᭄ᬬᬸᬃᬦᬸᬚᬸᬫᬳᬦ᭄᭞ᬦᬸᬗᬰᬶᬳᬶᬦ᭄ᬜᬫᬦ᭄ᬳᬶ
ᬤᬦᬾᬦᬓᬕᬸᬂ᭞ᬳᬦᬓ᭄ᬤᬕ᭄ᬮᬶᬲ᭄ᬫᬜᭂᬫ᭄ᬩᬄ᭞ᬫᬗ᭄ᬭᬭᬶᬲ᭄ᬳᬶᬤᬫᬗ᭄ᬭᬜ᭄ᬚᬶᬂ᭟ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬚᬢᬶᬳᬶᬤᬵᬗᬰᬶᬳᬲᬶᬄᬓᬾᬦ᭄ᬳᬭᬶ᭞ᬚᬮᬦ᭄ᬧᭂᬲᬸᬳᬦᬓᬕᬸᬂ᭞ᬢᬸᬢᬸᬕ᭄ᬢᬶᬢᬳᬾᬲᬬᬂ᭞ᬫᬸᬜᬶᬦ᭄ᬢ᭄ᬬᬂᬳᬶᬗ᭄ᬢᬂᬤᬗᭂᬗ᭄ᬲᬧ᭄ᬓᬕᬸᬂ᭞ᬢ᭄ᬬᬂᬲᬸᬩᬳᬶᬗᭂᬢ᭄ᬧᬶᬲᬦ᭄᭞ᬓᬾᬦ᭄ᬫᬸᬜᬶᬦ᭄ᬢ᭄ᬬᬗᬾᬫᬦᬶᬓ᭄
᭟ᬲᬗ᭄ᬕᬸᬧ᭄ᬫᬦᬤᬶᬢᬤ᭄ᬢᬤᬦ᭄᭞ᬳᬶᬤᬾᬯᬕᬸᬂᬫᬸᬱ᭄ᬝᬧᬵᬫᬫ᭄ᬭᬶᬬᬸᬓᬶᬦ᭄᭞ᬫᬜᭂᬫ᭄ᬩᬄᬫᬳᬢᬸᬃᬳᬮᬸᬲ᭄᭞ᬫ᭄ᬩᭀᬓᬕᬸᬂᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦ᭄ᬧᬶᬲᬦ᭄ᬧᬘᬂᬲᬫᬦ᭄ᬤᬾᬬᬓᬬᬸᬦ᭄᭞ᬧᬸᬦᬶᬓᬭᬵᬢᬸᬧᬶᬬᬃᬱᬵ᭞ᬳᬢᬸᬃᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭟ᬮᬶᬦ᭄ᬢᬂᬘᭂᬦ᭄ᬤᭂᬢ᭄ᬳᬢᬸᬃᬢᬶᬢ᭄ᬬᬂ᭞ᬤᬾᬯᬾ [ 65 ][᭖᭔ 64B]
᭖᭔
ᬓ᭄ᬢᬶᬢ᭄ᬬᬂᬤᬾᬯᬕᬸᬂᬦ᭄ᬯᬾᬲᬫᬶ᭞ᬲᬮᬾᬤᬂᬮᬾᬤᬂᬤᬾᬯᬕᬸᬂ᭞ᬫᬗᬶᬘᬾᬦ᭄ᬢᬶᬢ᭄ᬬᬂᬢ᭄ᬤᬵ᭞ᬚᬢᬶᬢᬶᬬᬂ᭞ᬧᬤᭂᬫ᭄ᬳᬸᬭᬶᬧ᭄ᬭᬢᬸᬤ᭄ᬯᬕᬸᬂ᭞ᬓ᭄ᬦᬶᬫᬗ᭄ᬯᬶᬰᬾᬱᬵᬢᬶᬢ᭄ᬬᬂ᭞ᬫᬮᬶᬄᬳᬓᬾᬄᬫᬫ᭄ᬭᬶᬬᬸᬓᬶᬦ᭄᭟ᬳᬤᬫᬜ᭄ᬭᬳᬂᬳᬗ᭄ᬕᬵ᭞ᬤᬵᬲᬂᬤ᭄ᬬᬄᬜᬸᬫᬶᬗ᭄ᬓᬶᬦ᭄ᬳᬶᬤᬦᬗᬶᬲ᭄᭞ᬭᬓᬦ᭄ᬥᬵᬕ᭄ᬮᬶᬲ᭄ᬫᬦᬫ᭄ᬩᬸᬢ᭄᭞ᬳᬭᬶᬦ᭄ᬤᬵ
ᬫᬢᬗᬶᬬᬂ᭞ᬳᬬᬢ᭄ᬫᬢ᭄ᬯᬳᬶᬲ᭄ᬢ᭄ᬭᬶᬫᬫ᭄ᬭᬶᬬᬸᬓᬶᬦᬫ᭄ᬩᬸᬢ᭄᭞ᬭᬾᬄᬦᬾᬫᬗ᭄ᬓᬶᬦ᭄ᬧᬘᬂᬫ᭄ᬤᬮ᭄᭞ᬫᬩ᭄ᬭᬶᬬᬸᬓ᭄ᬗᬫᭂᬮ᭄ᬯᬶᬬᬓ᭄ᬢᬶ᭟ᬧᬭᬶᬲᬓ᭄ᬱᬢ᭄ᬤᬲᬂᬤ᭄ᬬᬄ᭞ᬭᬵᬢ᭄ᬦᬚ᭄ᬯᬶᬢ᭄ᬣᬵᬫᬤᬧᬮᬬ᭄ᬯᬦ᭄‌ᬯ᭄ᬬᬓ᭄ᬢᬶ᭞ᬳᬯᬦᬦ᭄ᬳᬶᬤᬫᬲᬸᬭᬸᬂ᭞ᬭᬓᬦ᭄ᬥᬵᬜᬗ᭄ᬓᬶᬮ᭄ᬢᬗ᭄ᬲᬄ᭞ᬤᬵᬳᬭᬶᬦ᭄ᬤᬵᬫᬸᬱ᭄ᬝᬧᬫᬦᬫ᭄ᬩᬸᬢ᭄ᬲᬸᬓᬸ᭞ᬲᬸᬓᬸᬦ᭄ᬳᬶ
ᬤᬵᬭᬢ᭄ᬦᬚ᭄ᬯᬶᬢ᭄ᬣᬵ᭞ᬧᬭᬳᬶᬲ᭄ᬢ᭄ᬭᬶᬫᬜᬋᬗᬶᬦ᭄᭟ᬫᬩ᭄ᬭᬶᬬᬸᬓ᭄ᬯᬸᬲ᭄ᬫᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬦᬢᬄᬫᬸᬃᬤ᭄ᬥᬵᬫᬡᬶᬓ᭄᭞ᬳᬶᬤᬾᬯᬕᬸᬂᬧᬸᬢᬺᬳᬕᬸᬂ᭞ᬮᬶᬦ᭄ᬢᬂᬮᬾᬤᬂᬋᬤ᭄ᬥᬵ᭞ᬕ᭄ᬮᬶᬲ᭄ᬫᭂᬦ᭄ᬤᬓ᭄ᬳᬶᬤᬵᬲᬂᬫᬡᬶᬓᬶᬂᬭᬸᬫ᭄ᬭᬸᬫ᭄᭞ᬫᬫᬃᬕ᭄ᬕᬶᬩᬦ᭄ᬩᬦ᭄ᬫᬗᬶᬭᬲ᭄᭞ᬯᬸᬲ᭄ᬢᬫ᭄ᬧᭂᬓ᭄ᬕᭂᬮᬶᬲ᭄ᬦᬾᬫᬗ᭄ᬓᬶᬦ᭄᭟ᬦᬸᬦᬲ᭄ᬮᬸᬕ᭄ᬭᬵᬭᬶᬂ
ᬳᬚᬶᬩ᭄ᬬᬂ᭞ᬭᬶᬂᬭᬓᬦ᭄ᬥᬵᬳᬶᬤ᭄ᬯᬕᬸᬂᬫᬥᬾᬫᬮᬶᬄ᭞ᬲᬂᬓᬮᬶᬄᬳᬶᬤᬵᬫᬩ᭄ᬭᬶᬬᬸᬓ᭄᭞ᬳᬶᬤᬵᬳᬶᬤ᭄ᬯᬕᬸᬂᬮᬦᬂ᭞ᬮᬾᬦ᭄ᬳᬶᬤ᭄ᬯᬕᬸᬂᬭᬳᬶᬦᬸᬦᬲ᭄ᬮᬸᬕᬺᬱᬵᬫ᭄ᬧᬸᬦ᭄᭞ᬫᬩ᭄ᬭᬶᬬᬸᬓ᭄ᬗᬗ᭄ᬕᬸᬢᬶᬦ᭄ᬳᬶᬤᬵ᭞ᬲᬯ᭄ᬯᬶᬫᬶᬚᬶᬮ᭄ᬲᬋᬂᬲᬫᬶ᭟ᬲᬦᬾᬮᬦᬂᬭᬶᬂᬧᬸᬗ᭄ᬓᬸᬭᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ
[᭖᭕ 65A]
ᬦᬾᬫᬗ᭄ᬓᬶᬦ᭄᭞ᬲᬂᬤ᭄ᬬᬄᬫᬸᬗ᭄ᬕᬳᬦ᭄ᬲᬫ᭄ᬧᬸᬦ᭄᭞ᬭᬶᬂᬚᬸᬮᬶᬓᬺᬩᬸᬂᬢᬗ᭄ᬲᬄ᭞ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬓᬮᬶᬄᬯᬸᬲ᭄ᬓᬤᬯᬸᬄ᭞ᬓ᭄ᬦᬶᬜᬋᬗᬶᬦ᭄ᬳᬶᬭᬶᬓᬵ᭞ᬳᬶᬤᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭟ᬢᬦ᭄ᬢᬸᬮᬓ᭄‌ᬯᬸᬲ᭄ᬫᬸᬗ᭄ᬕᬄᬳᬶᬤᬵ᭞ᬧᬭᬮᬦᬂᬫᬸᬗ᭄ᬕᬳᬂᬲ᭄ᬧᬸᬃᬲᬫᬶ᭞ᬫᬲ᭄ᬯᬂᬲ᭄ᬯᬃᬫᬕᬸᬦ᭄ᬤᬸᬓ᭄᭞ᬮᬶᬗ᭄ᬕᬶᬄᬳᬶᬤᬦᬾᬲᬫ᭄ᬬᬦ᭄
᭞ᬯᬸᬲ᭄ᬫᬤᬩ᭄ᬤᬩ᭄᭞ᬳᬶᬤᬾᬯᬕᬸᬂᬫᬥᬾᬳᬕᬸᬂ᭞ᬫᬮᬶᬄᬳᬶᬤ᭄ᬯᬕᬸᬂᬫᬸᬱ᭄ᬝᬧᬵ᭞ᬲᬯᬯᬵᬫᬗᬼᬓᬲ᭄ᬫᬗ᭄ᬓᬶᬦ᭄᭟ᬢᬦ᭄ᬫᬭᬶᬫᬗᬫ᭄ᬧᬂᬳᬫ᭄ᬧᬂᬦᬾᬫᬫᬃᬕ᭄ᬕᬶᬲᬫᬗ᭄ᬤᬾᬓᬤᬳᬗᬶᬦ᭄᭞ᬭᬾᬄᬧᬘᬂᬤᬶᬧᬸᬗ᭄ᬓᬸᬃᬲ᭄ᬧᬸᬃ᭞ᬦᬾᬫᬶᬓᬸᬮ᭄‌ᬯᬸᬲ᭄ᬓᬢᬶᬩᬦ᭄᭞ᬓᬮᬶᬄᬦᬾᬗᬯᬳᬸᬫᬘᬭᬲᬫ᭄ᬧᬸᬦ᭄᭞ᬫᬩ᭄ᬭᬶ
ᬬᬸᬓ᭄ᬫᬗ᭄ᬓᬶᬦ᭄ᬫᬫᬃᬕ᭄ᬕᬵ᭞ᬩ᭄ᬘᬢᬦ᭄ᬢᭂᬓᬾᬦᬶᬂᬳᬗᬶᬦ᭄᭟ᬳ᭄ᬦᭂᬗᬂᬳ᭄ᬦᬸᬫᬫᬃᬕ᭄ᬕᬵ᭞ᬤᬶᬫᬸᬱ᭄ᬝᬧᬢᬶᬫ᭄ᬩᬮ᭄ᬳᬸᬘᬧᬂᬚᬦᬶ᭞ᬰ᭄ᬭᬶᬫᬤᬾᬯᬶᬫᬤᬤᬯᬸ᭞ᬓ᭄ᬦᬶᬦᬩ᭄ᬤᬩ᭄ᬧᬫᭂᬦ᭄ᬤᬓ᭄᭞ᬮᬾᬦ᭄ᬲᬳᬕᬦ᭄‌ᬲᬳᬸᬧᬘᬭᬦᬶᬂᬭᬢᬸ᭞ᬯᬸᬲ᭄ᬧᬸᬧᬸᬢ᭄ᬲᬳᬸᬧᬓᬭ᭞ᬤᬶᬩᬜ᭄ᬘᬶᬗᬄᬗᬦ᭄ᬢᭀ
ᬲᬫᬶ᭟ᬰ᭄ᬭᬶᬫᬤᬾᬯᬶᬲᬵᬫ᭄ᬧᬸᬦ᭄ᬓᭀᬤᬮ᭄᭞ᬢ᭄ᬩᭂᬂᬗᬫ᭄ᬩ᭄ᬬᬃᬧᬤᬡ᭄ᬥᬳᬓᬾᬄᬗᬶᬭᬶᬂ᭞ᬩ᭄ᬯᬶᬦ᭄ᬳᬤᬳᬶᬚᭂᬓ᭄ᬱᬫ᭄ᬧᬸᬦ᭄᭞ᬫᬤᬩ᭄ᬤᬩ᭄ᬧᬗ᭄ᬯᬾᬤᬗᬦ᭄᭞ᬭᬾᬳᬶᬂᬢᬫ᭄ᬧᭂᬓ᭄ᬱ᭄ᬯᬭᬦ᭄ᬢᬫ᭄ᬩᬸᬃᬮᬶᬦ᭄ᬢᬂᬢᬗ᭄ᬮᬸᬲ᭄᭞ᬲᬕᬾᬢ᭄ᬲᬫ᭄ᬧᬸᬦ᭄ᬤᬶᬩᬜ᭄ᬘᬶᬗᬄ᭞ᬳᬶᬤᬾᬯᬕᬸᬂᬲᬋᬂᬲᬫᬶ᭟ᬦᬾᬦᬾᬫᬶ [ 66 ][᭖᭕ 65B]
᭖᭕
ᬓᬸᬮ᭄ᬫᬗ᭄ᬭᬃᬬᬦᬂ᭞ᬩ᭄ᬭᬶᬬᬸᬓ᭄ᬢᭂᬤᬸᬦ᭄ᬲᬦᬾᬭᬶᬂᬲ᭄ᬧᬸᬃᬲᬫᬶ᭞ᬳᬶᬤ᭄ᬯᬕᬸᬂᬩ᭄ᬬᬂᬫᬩ᭄ᬭᬶᬬᬸᬓ᭄᭞ᬜᬸᬚᬸᬃᬳᬶᬤᬵᬳᬦᬓ᭄ᬤ᭞ᬦᬾᬭᬶᬂᬚᬸᬮᬶ᭞ᬳᬶᬤᬾᬯᬕᬸᬂᬫᬥᬾᬲᬵᬫ᭄ᬧᬸᬦ᭄᭞ᬳᬶᬤᬦᬸᬦᬲᬵᬫ᭄ᬧᬸᬦ᭄ᬮᬸᬕ᭄ᬭ᭞ᬭᬶᬂᬩ᭄ᬬᬂᬲᬓᬮᬶᬄᬳᬚᬶ᭟ᬭᬾᬄᬧᬘᬗᬫ᭄ᬩᬶᬮ᭄ᬳᬭᬶᬦ᭄ᬥᬵ᭞ᬳᬚᬶᬩ᭄ᬬᬂᬕ᭄ᬮᬶᬲ᭄ᬳᬶᬤᬵᬗᬗ᭄ᬕᬸᬢᬶ
ᬦ᭄᭞ᬫᬸᬗ᭄ᬕᬄᬳᬶᬤᬵᬳᬶᬤᬾᬯᬕᬸᬂ᭞ᬦᬫ᭄ᬩᬢ᭄ᬳᬭᬶᬗᬦ᭄ᬤᬶᬓᬵ᭞ᬚᬮᬦ᭄ᬢᬸᬯᬸᬦ᭄ᬳᬶᬤ᭄ᬯᬕᬸᬂᬫᬸᬱ᭄ᬝᬧᬩ᭄ᬭᬶᬬᬸᬓ᭄᭞ᬓᬮᬶᬄᬲᬵᬫ᭄ᬧᬸᬦᬸᬦᬲ᭄ᬮᬸᬕᬺ᭞ᬲᬋᬂᬓᬮᬶᬄᬜᬗ᭄ᬓᬶᬮ᭄ᬳᬲᬶᬦ᭄᭟᭚ᬤᬹᬃᬫ᭄ᬫᬵ᭚ᬕ᭄ᬮᬶᬲ᭄ᬢᭂᬤᬸᬦ᭄ᬲᬂᬤ᭄ᬬᬄᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬳᬧᬦ᭄ᬫᬲᬸᬭᬸᬂᬯ᭄ᬬᬓ᭄ᬢᬶ᭞ᬫᬜᬸᬚᬸᬃ
ᬲᬳᬕᬦ᭄᭞ᬳᬶᬤ᭄ᬯᬕᬸᬂᬫᬥᬾᬳᬶᬤᬵ᭞ᬕ᭄ᬮᬶᬲ᭄ᬫᬦᬯᬸᬳᬶᬦ᭄ᬳᬭᬶ᭞ᬳᬶᬤ᭄ᬯᬕᬸᬂᬧᬸᬢᬺ᭞ᬳᭂᬜ᭄ᬚᭀᬃᬧᬳᭂᬓᬂᬫᬳᬶ᭟ᬳᬶᬤᬾᬯᬕᬸᬂᬩ᭄ᬬᬂᬫ᭄ᬭᬶᬬᬸᬓᬶᬦ᭄ᬗᬦ᭄ᬤᬶᬓᬵ᭞ᬲᬃᬯ᭄ᬯᬶᬗᬫᭂᬮ᭄ᬲᬂᬧᬸᬢ᭄ᬭᬶ᭞ᬳᬬᬢ᭄ᬫᬢ᭄ᬯᬦ᭄ᬳᬶᬤᬵ᭞ᬤᬕᬶᬧᬦ᭄ᬤᬶᬓᬦ᭄ᬳᬶᬤᬵ᭞ᬧᬘᬂᬫᬲᬳᬕᬦ᭄‌ᬚᬦᬶ᭞ᬭᬾᬄᬫᬸᬮᬧ᭄ᬭᬄ᭞ᬳᬸ
ᬤ᭄ᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭟ᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬩ᭄ᬬᬂᬫᬓᬤᬶᬭᬓᬵ᭞ᬯᬸᬲ᭄ᬜᭂᬫ᭄ᬩᬄᬓᬋᬧ᭄ᬕᭂᬮᬶᬲ᭄᭞ᬦ᭄ᬲᭂᬓ᭄ᬤᬵᬳᬭᬶᬦ᭄ᬤᬵ᭞ᬳᬶᬤᬵᬲᬂᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬗᬤᭂᬕ᭄ᬭᬓᬗᬫᭂᬮ᭄‌ᬯ᭄ᬬᬓ᭄ᬢᬶ᭞ᬳᬶᬧᬾᬦ᭄ᬤᬵᬲᬫ᭄ᬬᬦ᭄᭞ᬧᬺᬧᬸᬢ᭄ᬭᬶᬫᬗᬺᬫ᭄ᬧ᭄ᬕᬶᬦ᭄᭟ᬮᬶᬦ᭄ᬢᬂᬧᬳᬸᬢ᭄ᬲ᭄ᬫᬭᬵᬭᬢᬶᬄᬫᬓᭂᬫ᭄ᬩᬭᬦ᭄᭞ᬳᬸᬤᬵ
[᭖᭖ 66A]
ᬳ᭄ᬬᬂᬕᬶᬭᬶᬧᬸᬢ᭄ᬭᬶ᭞ᬫᬗ᭄ᬕᭂᬄᬦᬗᬶᬲ᭄ᬳᬤᬵ᭞ᬓᬦ᭄ᬢᬸᬭᬚᬓᬦ᭄ᬬ᭞ᬳᬲᬶᬂᬳᬓ᭄ᬱᬶᬳᬶᬤᬵᬲᬫᬶ᭞ᬮᬾᬤᬂᬤᬶᬋᬤ᭄ᬥᬵ᭞ᬓᬮᬶᬄᬫᬫᬃᬡ᭄ᬦᬲᬫᬶ᭟ᬮᬶᬦ᭄ᬢᬂᬳᬦᬸᬢ᭄ᬳᬶᬤᬵᬳᬶᬤᬾᬯᬕᬸᬂᬧᬸᬢᬺ᭞ᬫᬜᬦ᭄ᬤᬶᬂᬤᬲᬂᬧᬢ᭄ᬭᬶ᭞ᬭᬾᬄᬧᬤᬢᭀᬂᬓᬮᬄ᭞ᬧᬤᬢ᭄ᬯᬭᬗᬶᬤᬶᬳᬂ᭞ᬓᬤᬶᬚᬫ᭄ᬩᬾᬩᬕᬶᬓᬮᬶᬄ᭞ᬳᬬᬸ
ᬓᬮᬶᬦ᭄ᬢᬂ᭞ᬩᬕᬸᬲ᭄ᬮᬶᬦ᭄ᬢᬂᬗᬾᬤᬦᬶᬦ᭄᭟ᬲᬧᬸᬦᬶᬓᬵᬫᬫᬃᬡ᭄ᬦᬳᬲᬶᬂᬫᬜᬶᬗᬓ᭄᭞ᬳᬶᬤᬵᬳ᭄ᬬᬂᬲ᭄ᬫᬭᬭᬢᬶᬄ᭞ᬕ᭄ᬮᬶᬲ᭄ᬫᬲᬳᬕᬦ᭄᭞ᬧᬓ᭄ᬮᬾᬢ᭄ᬦᬦ᭄ᬲᬫ᭄ᬬᬦ᭄᭞ᬕ᭄ᬮᬶᬲ᭄ᬫᬗ᭄ᬯᬗ᭄ᬲᬶᬢᬂᬫᬗ᭄ᬓᬶᬦ᭄᭞ᬗᬢᬸᬭᬃᬳᭀᬃᬫ᭄ᬫᬵᬢ᭄᭞ᬓᬸᬮ᭄ᬓᬸᬮ᭄ᬫᬤᬾᬂᬤᬂᬕ᭄ᬮᬶᬲ᭄᭟ᬢᬫ᭄ᬩᬸᬃᬗᬺᬤᭂᬕ᭄ᬲᬸᬭᬤᬤᬸᬦᬾᬲᬫ᭄ᬬᬦ᭄᭞
ᬩ᭄ᬭᬶᬬᬸᬓ᭄ᬫᬶᬫ᭄ᬩᬮ᭄ᬩᬦ᭄ᬩᭂᬤᬶᬮ᭄᭞ᬢ᭄ᬯᬭᬩᬶᬱᬧ᭄ᬕᬢ᭄᭞ᬭᬾᬄᬲᬸᬭᬤᬤᬸᬓᬢᬄ᭞ᬮᬾᬦ᭄ᬳᬸᬮᬶᬓᬧᬮ᭄‌ᬫ᭄ᬭᬶᬬᬸᬓᬶᬦ᭄᭞ᬚᬺᬦᬢ᭄ᬫᬦᬶᬫ᭄ᬩᬮ᭄᭞ᬫᬘ᭄ᬧᬸᬕ᭄ᬮᬶᬦ᭄ᬢᬂᬢᬶᬢᬶᬭ᭄᭟ᬓᬕᬕᬯᭀᬓ᭄ᬱᬦᬾᬲᬓᬶᬂᬩᬮᬶᬲᬫ᭄ᬬᬦ᭄᭞ᬫᬸᬜᬶᬦ᭄ᬕᭀᬂᬫᬗᭂᬫ᭄ᬧᭂᬗᬶᬦ᭄᭞ᬭᬾᬄᬓᬮᬶᬦ᭄ᬢᬂᬳᬸᬫ᭄ᬬᬂ᭞ᬫᬮᬶᬄᬳᬶᬤᬳ᭄ᬬᬂᬲ᭄ᬫᬭ᭞
ᬫᬶᬦᬓᬤᬶᬤᬾᬯᬶᬭᬢᬶᬄ᭞ᬯᬸᬲ᭄ᬧᬸᬧᬸᬢ᭄ᬳᬶᬤ᭞ᬳᬸᬧᬘᬭᬲᬯ᭄ᬬᬓ᭄ᬢᬶ᭟ᬤᬵᬲᬂᬤ᭄ᬬᬄᬲᬫ᭄ᬧᬸᬦ᭄ᬫᬯᬗᬧᬸᬭᬶᬬᬂ᭞ᬲᬦᬾᬫᬗᬯᬵᬯ᭄ᬬᬓ᭄ᬢᬶ᭞ᬦᬾᬓᬤ᭄ᬯᬾᬧᬶᬲᬦ᭄᭞ᬳᬦ᭄ᬢᬸᬓ᭄ᬳᬶᬤ᭄ᬯᬕᬸᬂᬲᬫ᭄ᬬᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬳᬶᬤᬫᬗ᭄ᬓᬶᬦ᭄᭞ᬭᬶᬂᬓᬫᬃᬢᬗ᭄ᬲᬄ᭞ᬕ᭄ᬦᬄᬧᬘᬂᬫᬩᬸᬜ᭄ᬘᬶᬂ᭟ᬲᬵᬫ᭄ᬧᬸᬦ᭄ᬫᭂ [ 67 ][᭖᭖ 66B]
᭖᭖
ᬤᬮ᭄ᬦᬾᬗᬯᬳᬶᬤᬵᬲᬫ᭄ᬬᬦ᭄᭞ᬩ᭄ᬤᬶᬮ᭄ᬓᬸᬮ᭄ᬓᬸᬮ᭄‌ᬦᬾᬫᬗ᭄ᬓᬶᬦ᭄᭞ᬓᬤᬯᬸᬄᬜᬶᬬᭂᬧᬂ᭞ᬢᬦ᭄ᬓᭀᬘᬧ᭄ᬲᬶᬬᭂᬧ᭄ᬲᬫ᭄ᬬᬦ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬫᬗ᭄ᬭᬜ᭄ᬚᬶᬂ᭞ᬓᬳᬶᬭᬶᬂᬢᬗ᭄ᬲᬄ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬓᬮᬶᬄ᭟ᬤᬵᬭᬓᬦ᭄ᬥᬵᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬫᬗ᭄ᬕᭂᬄᬭᬶᬂᬓᬫᬃᬯ᭄ᬬᬓ᭄ᬢᬶ᭞ᬗᬫᭂᬃᬤᬵᬳᬭᬶᬦ᭄ᬤᬵ᭞ᬩᬸᬭᬯᬸᬄᬤᬵ
ᬳᬸᬯᬤ᭄ᬥᬵ᭞ᬫᬓᬶᬲᭂᬮᬶᬗ᭄ᬕᬶᬄᬤᬵᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬩ᭄ᬬᬂ᭞ᬕ᭄ᬮᬶᬲ᭄ᬳᬶᬤᬵᬫᬮᬶᬗ᭄ᬕᬶᬄ᭟ᬗᬸᬲᬧᬸᬲᬧ᭄ᬳᬬᬢ᭄ᬫᬦ᭄ᬢᬸᬦ᭄ᬥᬵᬲᬂᬤ᭄ᬬᬄ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬓᬮᬶᬄ᭞ᬯᬸᬲ᭄ᬫᬮᬶᬦ᭄ᬗ᭄ᬕᬶᬄᬳᬶᬤᬵ᭞ᬤᬶᬦᬢᬄᬳᬢᬧ᭄ᬗᬫ᭄ᬩ᭄ᬬᬃ᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬫᬳ᭄ᬬᬲ᭄᭞ᬳᬭᬶᬦ᭄ᬤᬵᬫᬗᬬᬳᬶᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬂᬓᬮᬶᬄ
ᬲᬵᬫ᭄ᬧᬸᬦ᭄ᬫᬫᬶᬜᬓ᭄᭞ᬦᬶᬳᬶᬓ᭄‌ᬗ᭄ᬩᭂᬓᬶᬦ᭄ᬧᬸᬭᬶ᭞ᬭᬾᬄᬫᬶᬜᬓᬧᬮᬵ᭞ᬕ᭄ᬮᬶᬲ᭄ᬳᬶᬤᬵᬓᬯ᭄ᬤᬮ᭄᭞ᬳᬭᬶᬳᬭᬶᬲᬫᬶᬗᬶᬭᬶᬂ᭞ᬯᬸᬲ᭄ᬦᬗ᭄ᬓᬶᬮ᭄ᬳᬶᬤᬵ᭚ᬤᬶᬦᬢᬄᬲᬫᬶᬫᬮᬶᬗ᭄ᬕᬶᬄ᭟ᬳᬧᬦ᭄ᬳᬦᬓᬭᬶᬗᬦ᭄ᬢᭀᬲ᭄ᬤᬤᬯᬸᬳᬦ᭄᭞ᬓᬮᬶᬄᬭᬓᬦ᭄ᬥᬵᬯ᭄ᬬᬓ᭄ᬢᬶ᭞ᬤᬸᬭᬸᬂᬳᬶᬤᬫ᭄ᬤᬮ᭄᭞ᬳ᭄ᬦᭂᬗᬄᬦᬾᬤᬶᬦᬢᬄ
᭞ᬤᬶᬓᬫᬃᬳᬸᬘᬧᬂᬫᬮᬶᬄ᭞ᬲᬂᬭᬢ᭄ᬦᬚ᭄ᬯᬶᬢ᭄ᬣᬵ᭞ᬫ᭄ᬓᬸᬮ᭄ᬳᬭᬶᬫ᭄ᬦᬗᬶᬲ᭄᭟ᬤᬳᬭᬶᬦ᭄ᬥᬵᬳᬶᬤᬾᬯᬕᬸᬂᬳᬦᭀᬫ᭄ᬳᬶᬤ᭞ᬲᬯᬯᬳᬶᬤᬵᬦᬗᬶᬲ᭄᭞ᬓᬗᭂᬦ᭄ᬭᬶᬂᬭᬓᬦ᭄ᬥᬵ᭞ᬫ᭄ᬓᬸᬮ᭄ᬧᬤᬦ᭄ᬭᬓᬦ᭄ᬥᬵ᭞ᬳᬶᬤᬾᬯᬕᬸᬂᬫᬥᬾᬫᬗ᭄ᬓᬶᬦ᭄᭞ᬯᬸᬲ᭄ᬓᬧᬶᬦ᭄ᬳᬂ᭞ᬦᬾᬫᬗ᭄ᬓᬶᬦ᭄ᬜᬦ᭄ᬤᬂᬗ᭄ᬭᬜ᭄ᬚᬶᬂ᭟ᬕ᭄ᬮᬶᬲ᭄ᬳᬶᬤᬵᬫ
[᭖᭗ 67A]
ᬧᬫᬶᬢ᭄ᬜᭂᬫ᭄ᬩᬄᬭᬶᬂᬩ᭄ᬬᬂ᭞ᬳ᭄ᬯᬦ᭄ᬥᬵᬫᬶᬦᬓᬤᬶ᭞ᬩ᭄ᬬᬂᬫᬳᬗ᭄ᬕᬸᬢᬦ᭄᭞ᬳᬶᬤ᭄ᬯᬕᬸᬂᬫᬥᬾᬫ᭄ᬤᬮ᭄᭞ᬯᬸᬲ᭄ᬤᬶᬦᬢᬄᬳᬶᬤᬵᬫᬮᬶᬗ᭄ᬕᬶᬄ᭞ᬦᬗ᭄ᬓᬶᬮ᭄ᬳᬸᬯᬦ᭄ᬥᬵ᭞ᬳᬧᬦ᭄ᬲᬫᬶᬫᬓᬸᬃᬱᬶ᭟ᬳᬶᬤᬾᬯᬕᬸᬂᬧᬸᬢᬺᬕ᭄ᬮᬶᬲ᭄ᬫᬢᬸᬃᬜᭂᬫ᭄ᬩᬄ᭞ᬭᬶᬂᬭᬓᬦ᭄ᬥᬵᬦᬾᬫᬗ᭄ᬓᬶᬦ᭄᭞ᬤᬕᬶᬂᬫᬗ᭄ᬮᬸᬗ᭄ᬲᬸᬭᬂ᭞ᬭᬾᬄᬲᬵᬫ᭄ᬧᬸᬦ᭄ᬧᬳᬶᬗᬦᬦ᭄᭞ᬦᬸ
ᬦᬲ᭄ᬮᬸᬕᬺᬧᬘᬂᬗ᭄ᬭᬜ᭄ᬚᭀᬂ᭞ᬳᬚᬶᬦ᭄ᬥᬵᬲᬫ᭄ᬬᬦ᭄᭞ᬗᬦ᭄ᬤᬶᬓᬵᬫᬫ᭄ᬭᬶᬬᬸᬓᬶᬦ᭄᭟ᬲᬚᬓᬕᬸᬂᬲᬸᬩᬲ᭄ᬧᭂᬂᬤᬤᬯᬸᬳᬦ᭄᭞ᬳᬶᬤ᭄ᬯᬕᬸᬂᬫᬥᬾᬕ᭄ᬮᬶᬲ᭄᭞ᬜᭂᬫ᭄ᬩᬄᬫᬫᬢᬸᬢᬂ᭞ᬤᬕᬶᬂᬳᬶᬤᬵᬢᬦ᭄ᬧᬶᬯᬮ᭄᭞ᬫᬮᬶᬄᬓᬵᬭᬶᬂᬳᬭᬶ᭞ᬓ᭄ᬫᬮᬯᬸᬢᬂ᭞ᬳᬭᬶᬦ᭄ᬤᬵᬜᭂᬫ᭄ᬩᬄᬫᬮᬶᬄ᭟ᬫᬮᬶᬄᬳᬶᬤᬵᬫ
ᬜᭂᬫ᭄ᬩᬄᬭᬶᬂᬳᬚᬶᬩ᭄ᬬᬂ᭞ᬳᬚᬶᬦ᭄ᬥᬵᬫᬗᬗ᭄ᬕᬸᬢᬶᬦ᭄᭞ᬳᬶᬤᬾᬯᬕᬸᬂᬧᬸᬢ᭄ᬭ᭞ᬕ᭄ᬮᬶᬲ᭄ᬫᬢᬗᬶᬳᬶᬤᬵ᭞ᬫᬗᬶᬭᬲ᭄ᬳᬶᬤᬵᬫᬫᬃᬕ᭄ᬕᬶ᭞ᬫᬳᬶᬤ᭄ᬮᬜ᭄ᬘᬶᬗᬦ᭄᭞ᬲᬶᬂᬭᬭᬲ᭄ᬗᬸᬮᬗᬸᬦᬶᬦ᭄᭟ᬳᬦᬓ᭄ᬩᬕᬸᬲ᭄ᬓᬮᬶᬄᬫᬜᬶᬲᬬᬂᬭᬭᬲ᭄᭞ᬧᬦ᭄ᬢᬸᬳᬸᬲᬭᬶᬦ᭄ᬕᬸᬫᬶ᭞ᬧᬳᬸᬢᬦ᭄ᬧᬓ᭄ᬯᬘᬵ᭞ᬳᬗ᭄ᬕᬢᬶ
ᬧᬶᬲᬫᬧ᭄ᬢᬵ᭞ᬕᬤᬶᬂᬫᬗᬸᬭᬗ᭄ᬓᬋᬫ᭄ᬧᬶ᭞ᬯᬸᬲ᭄ᬜᬸᬚᬸᬃᬳᬶᬤᬵ᭞ᬕ᭄ᬦᬄᬳᬶᬤᬲᬂᬧᬸᬢ᭄ᬭᬶ᭟ᬯᬸᬲ᭄ᬤᬶᬓᬫᬃᬕ᭄ᬮᬶᬲ᭄ᬜᭂᬫ᭄ᬩᬄᬭᬶᬂᬩ᭄ᬬᬂᬤᬵ᭞ᬩ᭄ᬬᬂᬳᬶᬤᬵᬫᬗᬗ᭄ᬕᬸᬢᭀᬦ᭄᭞ᬜᬭᬸᬜᬭᬸᬓᭀᬤᬮ᭄᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬳᬕᬸᬂᬳᬶᬤᬕ᭄ᬮᬶᬲ᭄ᬫᬶᬚᬶᬮ᭄᭞ᬲᬂᬓᬮᬶᬄᬳᬶᬤᬵ᭞ [ 68 ][᭖᭗ 67B]
᭖᭗
ᬤᬸᬭᬸᬂᬲᬾᬗᭂᬄᬲᬯ᭄ᬬᬓ᭄ᬢᬶ᭟ᬭᬶᬭᬓᬦ᭄ᬥᬵᬳᬶᬤᬵᬳᬶᬤᬾᬯᬕᬸᬂᬧᬸᬢ᭄ᬭ᭞ᬳᬧᬦ᭄ᬫᬮᬶᬗᬦ᭄‌ᬯ᭄ᬬᬓ᭄ᬢᬶ᭞ᬤᬵᬲᬂᬭᬢ᭄ᬦᬚ᭄ᬯᬶᬢ᭄ᬣᬵ᭞ᬤ᭄ᬯᬕᬸᬂᬳᬦᭀᬫ᭄ᬳᬶᬤᬵ᭞ᬧᬦ᭄ᬢᬸᬗ᭄ᬓᬸᬮ᭄ᬲᬮᬶᬂᬢᬗᬶᬲᬶᬦ᭄᭞ᬓᬗᭂᬦᬶᬂᬳᬗ᭄ᬕᬵ᭞ᬧᬦ᭄ᬢᬸᬳᬸᬭᬓᬳᬭᬶ᭟᭚ᬓᬹᬫᬫ᭄ᬩᬂ᭚ᬮᬶᬦ᭄ᬢᬂᬳᬰᬶᬄᬫᬧᬸᬦ᭄ᬢᭂᬮ᭄ᬳᬶᬤ
ᬲᬂᬓᬮᬶᬄ᭞ᬫ᭄ᬓᬸᬮ᭄ᬓᬧ᭄ᬓᬸᬮᬦ᭄᭞ᬳᬶᬤᬵᬲᬂᬫᬡᬶᬓᬶᬂᬉᬓᬶᬃ᭞ᬭᬢ᭄ᬦᬚ᭄ᬯᬶᬢ᭄ᬣᬵᬫᬲᬲᬫ᭄ᬩᬢᬦ᭄᭟ᬫ᭄ᬕᬢ᭄ᬫᭂᬕᬢ᭄ᬭᬾᬄᬳᬓᬾᬄᬳᬶᬮᬶᬗᬂᬯ᭄ᬬᬓ᭄ᬢᬶ᭞ᬮᬭᬦᬾᬳᬶᬂᬓᬸᬦᬵ᭞ᬳᬯᬦᬦ᭄ᬜᭂᬮ᭄ᬲᭂᬮ᭄ᬤᬶᬋᬥᬶ᭞ᬭᬓᬦ᭄ᬥᬓᬧᬶᬦᭂᬄᬫᭂᬗ᭄ᬕᬄ᭟ᬫᬾᬤᬶᬳᬕᬸᬂᬳᬶᬤ᭄ᬯᬕᬸᬂᬫᭂᬗ᭄ᬕᬄᬢᬦ᭄ᬲᬶᬧᬶ᭞ᬳᬧᬲᬮᬄᬢ᭄ᬬᬂ
᭞ᬓ᭄ᬭᬡᬳᬶᬤᬵᬩᬸᬓᬚᬦᬶ᭞ᬳ᭄ᬮᬲ᭄ᬫᬳᬶᬘᬬᬂᬢ᭄ᬬᬂ᭟ᬢᭀᬂᬫᬤᬬᬢ᭄ᬬᬂᬮᬓᬃᬩᬸᬓᬚᬦᬶ᭞ᬭᬾᬄᬲ᭄ᬧᬂᬧᬦ᭄ᬤᬶᬓᬵ᭞ᬤᬸᬓ᭄ᬢ᭄ᬬᬗᬾᬗᬢ᭄ᬓᭂᬤᬶᬦᬶ᭞ᬓᬾᬦᬾᬧᬗᬦ᭄ᬤᬶᬓᬦ᭄ᬳᬶᬤᬵ᭟ᬢᬫ᭄ᬧᬶᬦ᭄ᬢ᭄ᬬᬂᬚ᭄ᬮᬾᬫ᭄ᬮᬄᬩᬋᬂᬉᬕᬶ᭞ᬲᬶᬂᬤᬵᬧᬘᬂᬳ᭄ᬮᬲ᭄᭞ᬳᬶᬤᬗᬓᬸᬲ᭄ᬯᬾᬘ᭄ᬘᬵᬕᬢᬶ᭞ᬲᬓᬮᬶᬄ
ᬫᬶᬢᬶᬦ᭄ᬤᬶᬄᬧᬶᬲᬦ᭄᭟ᬫᬗᬾᬭᬗᬂᬮᬘᬸᬃᬢ᭄ᬬᬗᬾᬦᬾᬗᬸᬦᬶ᭞ᬩᬳᬦᬾᬓᬲᭀᬦ᭄ᬢ᭄ᬭᬄ᭞ᬤᬬᬂᬚᭀᬕᬾᬤ᭄ᬫᬶᬕᬸᬦᬳᬶᬦ᭄᭞ᬲᬓᬮᬶᬄᬲᬸᬦ᭄ᬤᭂᬮ᭄ᬩᬚᬶᬗᬦ᭄᭟ᬓᭀᬘᬧ᭄ᬦᬶᬓᬦᬾᬫᭂᬗ᭄ᬕᬄᬳᬂᬳᬶᬤᬵᬕᬢᬶ᭞ᬓ᭄ᬭᬡᬫᬯᬘᬦᬵ᭞ᬦᬾᬧᬢᬸᬢᬼᬕᬬᬕᬢᬶ᭞ᬢ᭄ᬓᬚᬦᬶᬍᬩᬶᬄ
[᭖᭘ 68A]
ᬲᬶᬗ᭄ᬲᬮ᭄᭟ᬓᬬᬸᬦ᭄ᬳᬶᬤᬦᬾᬦᬾᬫᬮᬸᬢ᭄ᬓᬾᬦ᭄ᬫᬗ᭄ᬓᬶᬦ᭄᭞ᬢᬾᬦ᭄ᬳᬧᬫᬓᬤ᭞ᬳᬶᬬᬭᬶᬫᬳᬢᬸᬃᬦᬗᬶᬲ᭄᭞ᬭᬾᬄᬦᬶᬫ᭄ᬩᬮ᭄ᬧᬦ᭄ᬤᬶᬓᬦ᭄ᬭᬓᬵ᭟ᬫᬾᬫ᭄ᬩᭀᬓᬕᬸᬂᬮᬘᬸᬃᬯᬱ᭄ᬝᬦ᭄ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬦ᭄ᬯᬾᬕᬸᬲ᭄ᬢᬶᬜᬫ᭞ᬗᬧᬶᬮᬸᬕ᭄ᬗᬸᬤᬸᬢᬦ᭄ᬲᬶᬧᬶ᭞ᬭᬶᬂᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭟ᬫᬳᬯᬶᬦᬦ᭄ᬳᬶᬤᬵᬮᭀ
ᬮ᭄ᬬᬓᬤᬶᬫᬗ᭄ᬓᬶᬦ᭄᭞ᬭᬶᬂᬧᬦ᭄ᬤᬶᬓᬦ᭄ᬳᬶᬤᬵ᭞ᬓᬮᬶᬳᬜᬢ᭄ᬓᬾᬦ᭄ᬳᬭᬶ᭞ᬩᬾᬩᬲ᭄ᬫᬤᬤᭀᬲ᭄ᬳᬸᬢᬸᬲᬦ᭄᭟ᬫᬓ᭄ᬢᬲᬸᬭᬵᬢ᭄‌ᬭᬾᬄᬳᬶᬤ᭄ᬯᬕᬸᬂᬓᬢᭂᬫ᭄ᬧᬸᬃᬯ᭄ᬬᬓ᭄ᬢᬶ᭞ᬳᬶᬤᬾᬯᬕᬸᬂᬧᬸᬢ᭄ᬭ᭞ᬫᬗᬦ᭄ᬤᭂᬮ᭄ᬲᬬᬂᬢᬦ᭄ᬲᬶᬧᬶ᭞ᬭᬾᬄᬫᬶᬦᭂᬄᬳᬗ᭄ᬕᬵᬩᬕᬸᬲᬦ᭄᭟ᬓᬤᬶᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬦᬦ᭄ᬤ᭄ᬭᬸᬳᬂᬳᬶᬗ᭄ᬕᬶᬄ
᭞ᬳᬶᬧᬸᬩᬢᭂᬓ᭄ᬢᬶᬢᬄ᭞ᬭᬾᬄᬳᬶᬤ᭄ᬯᬕᬸᬂᬫᬗᬃᬬ᭄ᬬᬦᬶᬦ᭄᭞ᬓᬯᭀᬦ᭄‌ᬩ᭄ᬘᬶᬓ᭄ᬳᬦ᭄ᬢᬸᬓ᭄ᬳᬶᬤᬵ᭟ᬳᬶᬤᬵᬩᬸᬤᬸᬄᬭᬾᬄᬮᬶᬮᬶᬢ᭄ᬦᬕᬵᬲᬗ᭄ᬓ᭄ᬯᬶ᭞ᬬᬦ᭄ᬢᬦ᭄ᬓᬤᬶᬕᬸᬡ᭞ᬩᭀᬬᬦᬸᬕᬶᬓᬤᬶᬫᬗ᭄ᬓᬶᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬓᬕ᭄ᬬᬢ᭄᭟ᬗᬸᬫᬶᬬᬃᬱᬳᬢᬸᬃᬳᬶᬧᬾᬳᬶᬤᬯ᭄ᬬᬓ᭄ᬢᬶ᭞ᬲᬩᬩᬯᭀᬲ
ᬫ᭄ᬬᬦ᭄᭞ᬭᬾᬄᬳᬶᬤᬵᬓᬧᬶᬦᭂᬄᬯ᭄ᬬᬓ᭄ᬢᬶ᭞ᬫᬶᬕᬸᬦᬾᬦ᭄ᬳᬶᬤᬵᬭᬓᬦ᭄ᬥᬵ᭟ᬕ᭄ᬮᬶᬲ᭄ᬳᬶᬤᬵᬫᬦ᭄ᬲᭂᬓ᭄ᬳᬭᬶᬲᬂᬓᬮᬶᬄ᭞ᬲᬂᬓᬮᬶᬄᬓᬕ᭄ᬬᬢ᭄᭞ᬳᬶᬤᬵᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬫᬫ᭄ᬘᬶᬓᬂᬮᬶᬗ᭄ᬕᬶᬳᬶᬤᬵ᭟ᬦᬗ᭄ᬳᬶᬂᬫ᭄ᬦᭂᬂᬤᬸᬭᬸᬂᬕᬾᬦ᭄ᬢᬲ᭄ᬫᬢᬸᬃᬯ᭄ᬬᬓ᭄ᬢᬶ᭞ᬳᬧᬦ᭄ᬓᬧᬶᬦ᭄ᬳᬂ᭞ᬩᬩᬯᭀᬲ᭄ᬕᬵᬓᬯᬶᬓᬦᬶ [ 69 ][᭖᭘ 68B]
᭖᭘
ᬦ᭄᭞ᬓᬤᬶᬫᬮᬶᬂᬓᬘᭀᬭᭀᬓᬦ᭄᭟ᬲᬓᬾᬯᬦ᭄ᬢᭂᬦ᭄‌ᬚᭂᬚᭂᬧ᭄ᬳᬶᬤᬦᬾᬭᬶᬂᬋᬥᬶ᭞ᬚ᭄ᬭᬶᬄᬭᬶᬂᬭᬓᬦ᭄ᬤ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬜᭂᬦ᭄ᬓᬢᬸᬃᬢᭀᬮᬓᬃᬓᬸᬤ᭄ᬬᬂ᭟ᬳᬶᬤᬾᬯᬕᬸᬂᬧᬸᬢ᭄ᬭᬲᬵᬫ᭄ᬧᬸᬦ᭄ᬲᬾᬗᭂᬄᬯ᭄ᬬᬓ᭄ᬢᬶ᭞ᬭᬶᬂᬧᬧᬶᬦᭂᬄᬳᬶᬤᬵ᭞ᬳᬶᬧᬾᬦ᭄ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬦᬗ᭄ᬳᬶᬂᬳᬶᬤ
ᬗᬫ᭄ᬧᬸᬭᬬᬂ᭟ᬲᬧᬦ᭄ᬤᬶᬓᬵᬤᬵᬲᬂᬭᬢ᭄ᬦᬚ᭄ᬯᬶᬢ᭄ᬣᬵᬫᬗ᭄ᬓᬶᬦ᭄᭞ᬲᬬᬦᬗᬶᬲ᭄ᬳᬶᬤᬵ᭞ᬫᬜᬸᬗ᭄ᬓᭂᬮ᭄ᬫᬫ᭄ᬓᬸᬮ᭄ᬳᬭᬶ᭞ᬲᬃᬯ᭄ᬯᬶᬗᬫᭂᬮ᭄ᬫᬦ᭄ᬓᭂᬓᬂ᭟ᬳᬶᬤᬾᬯᬕᬸᬂᬧᬸᬢ᭄ᬭᬗᬕᬧ᭄ᬗᬰᬶᬳᬲᬶᬄ᭞ᬗ᭄ᬢᬸᬮ᭄ᬓᬬᬸᬦ᭄ᬫᬫ᭄ᬮᬤ᭄᭞ᬫᬾᬪᬝᬵᬭᬶᬲᬗ᭄ᬳ᭄ᬬᬂᬭᬢᬶᬄ᭞ᬕᬸᬂᬋᬡᬵᬳᬫ᭄ᬧᬸᬭᬵᬢᬶᬢ᭄ᬬᬂ᭟ᬯᬦ᭄ᬢᬄᬬᬓ᭄ᬢᬶᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬲᬶᬲᬶ
ᬭᬶᬂᬚᭂᬂᬧᬦᭂᬫ᭄ᬩᬳᬦ᭄‌᭞ᬭᬾᬄᬢᬶᬢ᭄ᬬᬂᬩᬸᬤᬸᬄᬪᬝᬵᬭᬶ᭞ᬧᬢᬸᬢ᭄ᬳᬶᬯᬗᬾᬫᬳᬶᬫ᭄ᬧᬲ᭄᭟ᬲᬋᬂᬲᬫᬶᬤᭂᬦ᭄ᬥᬦ᭄ᬳᬶᬤᬵᬲᬗ᭄ᬳ᭄ᬬᬂᬯᬶᬤᬶ᭞ᬭᬶᬂᬳᬶᬧᬾᬦ᭄ᬗᬦ᭄ᬤᬶᬓᬵ᭞ᬲᬚᬓᬕᬸᬂᬢ᭄ᬬᬂᬲᬶᬲᬶᬧ᭄᭞ᬢ᭄ᬓᬾᬦ᭄ᬳᬶᬤᬵᬢ᭄ᬬᬂᬲᬮᬄ᭟ᬳᬧᬦ᭄ᬩᬸᬤᬸᬄᬢ᭄ᬯᬭᬵᬦᬯᬂᬩ᭄ᬦᭂᬄ᭞ᬤᭂᬦ᭄ᬥᬦ᭄ᬲᬲᬸᬳᬸᬦᬦ᭄᭞ᬓᬾᬯᬮᬵᬳ
ᬫ᭄ᬧᬸᬭᬵᬕᬢᬶ᭞ᬤᬵᬢᬸᬮᬓ᭄ᬢᬭᬶᬫᬧᬶᬲᬦ᭄᭟ᬭᬾᬳᬶᬂᬢ᭄ᬬᬂᬫᬮᬓᬸᬧ᭄ᬮᬶᬄᬦᬾᬫᬗ᭄ᬓᬶᬦ᭄᭞ᬗ᭄ᬕᬶᬄᬫᬗ᭄ᬓᬶᬦ᭄ᬧᬶᬲᬮᬄ᭞ᬢ᭄ᬬᬂᬢ᭄ᬯᬭᬫᬫᬶᬯᬮᬶᬦ᭄᭞ᬳᬶᬧᬾᬦ᭄ᬥᬵᬫᭂᬧᭂᬲ᭄ᬫᬜᭂᬫ᭄ᬩᬄ᭟ᬫᬫᬢᬸᬢᬂᬭᬾᬳᬶᬂᬚᬢᬶᬥᭂᬦ᭄ᬤᬦ᭄ᬯᬶᬥᬶ᭞ᬫᬮᬶᬄᬤᬵᬭᬓᬦ᭄ᬥᬵ᭞ᬳᬶᬤᬾᬯᬕᬸᬂᬧᬸᬢ᭄ᬭᬫᬗ᭄ᬓᬶᬦ᭄᭞ᬗᬕᬧ᭄ᬲᬂᬫᬹ
[᭖᭙ 69A]
ᬱ᭄ᬝᬶᬓᬾᬂᬋᬥᬵ᭚ᬥᬂᬥᬂ᭚ᬤᬸᬄᬧᬸᬓᬸᬮᬸᬦ᭄ᬲᬫ᭄ᬧᬸᬦ᭄ᬫᬦᬸᬮᬓ᭄ᬳᭂᬗ᭄ᬕᬶᬄ᭞ᬳᬢᬹᬃᬢᬶᬢ᭄ᬬᬂ᭞ᬢᬭᬶᬫᬗ᭄ᬕᬶᬄᬲᬬᬂ᭞ᬤᬵᬧᭂᬗ᭄ᬓᬸᬂᬤᬾᬤᬯᬦ᭄ᬢᬶᬢ᭄ᬬᬗᬾ᭞ᬬᬦᬶᬂᬪᬝᬵᬭᬶᬳᬕᬸᬂ᭞ᬫᭂᬗ᭄ᬕᬸᬄᬤᬸᬭᬸᬲᬂᬦᬾᬫᬗ᭄ᬓᬶᬦ᭄᭞ᬥᭂᬡ᭄ᬥᬲᬮᬾᬤᬂᬮᬾᬤᬂ᭞ᬲᬯᬦᭂᬄᬤᬾᬯᬕᬸᬂ᭞ᬫᬸᬮᬵᬓᬕᬸᬂᬫᬓᬬᭀᬕ᭄ᬬ᭞
ᬫᬫᬶᬲᬮᬄ᭞ᬦᬧᬶᬩ᭄ᬯᬶᬦ᭄‌ᬚᬢᬶᬲᬶᬲᬶᬧ᭄᭞ᬲᬃᬯ᭄ᬯᬶᬗᬕᬧ᭄ᬫᬗᬸᬲᬧ᭄᭟ᬤᬵᬲᬂᬤ᭄ᬬᬄᬜᭀᬕ᭄ᬭᭀᬄᬜᬶᬗ᭄ᬕᬸᬓ᭄‌ᬯ᭄ᬬᬓ᭄ᬢᬶ᭞ᬤᬵᬭᬓᬦ᭄ᬤᬵ᭞᭞ᬲᬬᬦ᭄ᬫᬦᬫ᭄ᬧᭂᬓᬂ᭟ᬧᬦ᭄ᬳᬶᬤᬵᬮᬶᬦ᭄ᬢᬂᬚᬬᬦᬾ᭞ᬓᬮᬶᬄᬢᭀᬢᭀᬲᬶᬂᬚᬬᬾᬂᬭᬸᬫ᭄᭞ᬳᬦᬓ᭄ᬩᬕᬸᬲ᭄‌ᬓᬾᬩᭂᬓᬶᬂᬫᬦᬶᬲ᭄᭞ᬜᬶᬲᬬᬂᬧᬭᬭᬲᬦ᭄
᭞ᬲᬶᬂᬲᭀᬮᬳᬂᬧᬳᬸᬢ᭄᭞ᬫᬮᬶᬄᬳᬶᬤᬵᬗᬕᬧ᭄ᬳᬕᬧ᭄᭞ᬲᬃᬯ᭄ᬯᬶᬳᬶᬤᬵ᭞ᬫᬯᬗ᭄ᬲᬶᬢ᭄ᬭᬶᬂᬳ᭄ᬧᬾᬦ᭄‌ᬯ᭄ᬬᬓ᭄ᬢᬶ᭞ᬤᬕᬶᬂᬳᬶᬤᬵᬗᬃᬲᬬᬂ᭟ᬧᬘᬂᬦᬫ᭄ᬩᬸᬢ᭄ᬲᬫᬦᬶᬓᬶᬂᬉᬓᬶᬃ᭞ᬤᬵᬳᬶᬧᬾᬦ᭄ᬤᬵ᭞ᬫᬯᬗ᭄ᬲᬶᬢ᭄ᬗᬢᬸᬭᬂ᭞ᬦᬵᬗ᭄ᬳᬶᬂᬢᬾᬫᬗ᭄ᬕᭂᬄᬓᬗᭂᬦᬾ᭞ᬳᬶᬧᬾᬦ᭄ᬤᬵᬲᬾᬗᭂᬄᬲᬵᬫ᭄ᬧᬸᬦ᭄᭞ᬭᬾᬳᬶᬂᬲᬵ
ᬫ᭄ᬧᬸᬦ᭄ᬓᬢᬸᬭᬦ᭄ᬫᬗ᭄ᬓᬶᬦ᭄᭞ᬳᬶᬤᬵᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬫᬗᬸᬲᬧ᭄ᬫᬫ᭄ᬓᬸᬮ᭄᭞ᬳᬶᬤᬵᬲᬂᬫᬦᬶᬓᬶᬂᬭᬭᬲ᭄᭞ᬭᬢ᭄ᬦᬚ᭄ᬯᬶᬢ᭄ᬣᬵ᭞ᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬳᬶᬤᬵᬤᬶᬋᬥᬶ᭞ᬦᬶᬜ᭄ᬚᬓ᭄ᬜᭀᬕ᭄ᬭᭀᬄᬢᬜ᭄ᬚᬗ᭄ᬓᬵ᭟ᬧᬺᬫᬦ᭄ᬥᬫᬕᭂᬂᬫ᭄ᬢᬸᬯ᭄ᬬᬓ᭄ᬢᬶ᭞ᬭᬾᬄᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄᭞ᬮᬾᬦ᭄‌ᬘᭀᬓᭀᬃᬫᬥᬾᬕ᭄ᬥᭂᬕ᭄᭞ [ 70 ][᭖᭙ 69B]
᭖᭙
ᬢᬜ᭄ᬚᬗ᭄ᬓᬵᬦᬶᬕ᭄ᬢᬶᬕ᭄ᬭᬓᬦᬾ᭞ᬭᬓᬦ᭄ᬤᬵᬳᬶᬤᬾᬯᬕᬸᬂ᭞ᬧᬸᬢ᭄ᬭᬲᬬᬦ᭄ᬗᬭᬲ᭄ᬗᬓ᭄ᬩᬶᬦ᭄᭞ᬭᬾᬄᬦᬾᬦ᭄ᬢᭂᬦ᭄‌ᬗᬾᬫᬦ᭄ᬳᬗ᭄ᬕᬵ᭞ᬳᬗ᭄ᬕᬵᬤᭂᬓ᭄ᬤᭂᬓ᭄‌ᬋᬜᬸᬄ᭞ᬳᬶᬤᬵᬤᬾᬯᬕᬸᬂᬧᬸᬢ᭄ᬭ᭞ᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬳᬶᬤᬵᬧᬘᬂᬫᬜᬶᬭᬶᬕᬶᬦ᭄᭞ᬕ᭄ᬮᬶᬲ᭄ᬳᬶᬤᬵᬫᬗᬗ᭄ᬓᬲ᭄᭟ᬜᬫ᭄ᬩᬸᬢ᭄ᬳᬭᬶᬯᬸᬲ᭄ᬓᬲᬗ᭄ᬓᬶᬮ᭄ᬳᬲᬶ
ᬦ᭄᭞ᬳᬶᬤᬾᬯᬕᬸᬂ᭞ᬳᬶᬲ᭄ᬢ᭄ᬭᬶᬲᬵᬫ᭄ᬧᬸᬦ᭄ᬓᭀᬤᬮ᭄᭞ᬫᬗ᭄ᬭᬜ᭄ᬚᬶᬂᬩᬢᬸᬜ᭄ᬘᬸᬓᬶᬦᬾ᭞ᬕ᭄ᬦᬄᬲᬵᬫ᭄ᬧᬸᬦ᭄ᬫᬳᬸᬦ᭄ᬤᬸᬓ᭄᭞ᬳᬶᬤᬾᬯᬕᬸᬂᬧᬸᬢ᭄ᬭᬦᬾᬫᬗ᭄ᬓᬶᬦ᭄᭞ᬗᬸᬓᬸᬢ᭄ᬳᬸᬓᬸᬢ᭄ᬳᬭᬶᬦ᭄ᬥᬵ᭞ᬳᬭᬶᬫᬮᬶᬄᬗᬯᬸᬓ᭄᭞ᬭᬓᬵᬢᬦ᭄ᬧᬕᬢᬶᬗᬭᬲ᭄᭞ᬲᬬᬦ᭄ᬫᬫ᭄ᬭᬲ᭄᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬫ᭄ᬢᬸᬓᬬᬸᬦ᭄ᬓᬲ᭄ᬫᬭ
ᬦ᭄᭟ᬤᬵᬳᬭᬶᬦ᭄ᬤᬵᬫᬗ᭄ᬓᬶᬦ᭄ᬓᬕᬸᬬᬗᬶᬦ᭄᭞ᬤᬶᬧᬫᬺᬫᬦ᭄᭞ᬢᬦ᭄ᬧᬕᬦ᭄ᬢᬶᬗᬭᬲ᭄᭞ᬫᭂᬫ᭄ᬩᬄᬕᬸᬮᬫᬗ᭄ᬭᬸᬫ᭄ᬭᬸᬫᬾ᭞ᬫᬾᬄᬳᬸᬲᬦ᭄ᬫᭂᬗ᭄ᬕᬄᬤᬾᬯᬕᬸᬂ᭞ᬗᬸᬤᬓᬾᬦᬾᬫ᭄ᬦᭂᬂᬪᬝᬵᬭᬶ᭞ᬲᬯᬸᬭᬶᬦ᭄ᬳᬢᬸᬃᬢᬶᬢ᭄ᬬᬂ᭞ᬳᬶᬮᬭᬓᬯ᭄ᬮᬲ᭄‌ᬳ᭄ᬬᬸᬦ᭄᭞ᬜᬤ᭄ᬬᬫᬗᬢᬸᬭᬂᬳᬯᬓ᭄᭞ᬫᬶᬢᭂᬫᭂᬲᬂ᭞ᬕᬸᬂᬋ
ᬡᬵᬢᬶᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬦᬾᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬗᬂ᭟ᬲᬦᬾᬫᬗ᭄ᬓᬶᬦ᭄‌ᬤᬾᬯᬕᬸᬂᬯᬯᭀᬦᬶᬦ᭄᭞ᬘᭂᬦ᭄ᬤᭂᬢᬶᬢ᭄ᬬᬂ᭞ᬗ᭄ᬮᬸᬗ᭄ᬲᬸᬃᬲᬲᬶᬦᬳᬦ᭄᭞ᬧᬂᬲᬶᬦᬄᬓᬬᬸᬦ᭄ᬳᬶᬤᬦᬾ᭞ᬯᬶᬢᬶᬢ᭄ᬬᬂᬭᬢᬸᬤ᭄ᬯᬕᬸᬂ᭞ᬲᬦᬾᬗᬸᬦᬶᬧᬶᬥᭂᬡ᭄ᬥᬦ᭄ᬯᬶᬥᬶ᭞ᬲᬸᬲᬸᬧᬶᬦ᭄ᬫᬦᬄᬳᬾᬤᬦ᭄᭞ᬳᬯᬦᬦ᭄ᬤᬾᬯᬕᬸᬂ
[᭗᭐ 70A]
᭞ᬢᬦ᭄ᬧ᭄ᬕᬢ᭄ᬫᬦ᭄ᬫᬸᬮᬭᬵ᭞ᬭᬾᬄᬲᬫ᭄ᬬᬦ᭄᭞ᬢᬦᬺᬗᬢ᭄ᬓᬾᬦ᭄ᬪᬝᬵᬭᬶ᭞ᬲᬓᬮᬶᬳᬜᬢᬶᬢ᭄ᬬᬂ᭟ᬦᬾᬦ᭄ᬢᭂᬦ᭄ᬤᭂᬫᭂᬦ᭄ᬭᬶᬂᬮᬶᬗ᭄ᬕᬶᬄᬪᬝᬵᬭᬶ᭞ᬩᬓᬤᬸᬭᬸᬲ᭄᭞ᬯᬶᬥᬶᬦᬾᬫᬶᬥᭂᬦ᭄ᬥᬵ᭞ᬤᬶᬕᬦ᭄ᬢᬶᬳᬸᬯᬸᬕᬸᬫᬶᬦᬾ᭞ᬲᬦᬾᬭᬶᬂᬩᬮᬶᬤ᭄ᬯᬕᬸᬂ᭞ᬕᬦ᭄ᬢᭀᬲ᭄ᬧᬘᬂᬓᬸᬫ᭄ᬧᬸᬮ᭄ᬭᬶᬚᬯᬶ᭞ᬳᬶᬗ᭄ᬕᬶᬄᬲᬯᬸᬭᬶ
ᬦ᭄ᬢᬶᬢ᭄ᬬᬂ᭞ᬲᬃᬯ᭄ᬯᬶᬗᬭᬲ᭄ᬫᭂᬓᬸᬮ᭄᭞ᬳᬭᬶᬦ᭄ᬤᬵᬲᬬᬦ᭄‌ᬩ᭄ᬭᬳ᭄ᬫᬵᬦ᭄ᬢ᭄ᬬᬦ᭄᭞ᬜᭀᬕ᭄ᬭᭀᬄᬜᬓᬃ᭞ᬓᬤᬶᬢᬶᬦᬗᬶᬦ᭄ᬭᬸᬦ᭄ᬢᬶᬓ᭄᭞ᬦᭀᬕᬲ᭄ᬳᬶᬤᬵᬫᬦᬶᬫ᭄ᬩᬮ᭄᭟ᬲᬃᬯ᭄ᬯᬶᬗ᭄ᬮᬯᬦ᭄ᬗᬸᬩᬢ᭄ᬳᬩᬶᬢ᭄‌ᬯ᭄ᬬᬓ᭄ᬢᬶ᭞ᬭᬶᬂᬧᬫᬺᬫᬦ᭄᭞ᬓ᭄ᬮᬫ᭄ᬩᬸᬓᬦ᭄ᬢᭀᬲ᭄ᬢᬦ᭄ᬢᬲ᭄᭞ᬭᬾᬄᬳᬶᬤᬵᬮᬶᬦ᭄ᬢᬂᬫᭂᬗ᭄ᬕᬳᬾ᭞ᬳᬬᬢ᭄ᬧ
ᬘᬂᬫᬘ᭄ᬩᬸᬃ᭞ᬧᬧ᭄ᬤᭂᬓᬾᬧᬤᬧᬍᬂᬓ᭄ᬢᬶᬓ᭄᭞ᬫᬢ᭄ᬩᬢ᭄ᬫᬦᬗᬶᬲ᭄ᬳᬶᬤᬵ᭞ᬳᬄᬩᭂᬲᬼᬩᬶᬄᬳ᭄ᬢᬸᬄ᭞ᬮᬶᬦ᭄ᬢᬂᬳᬲᬢ᭄ᬫᬦᬗ᭄ᬓᬸᬮᬓ᭄᭞ᬓ᭄ᬭᬡᬚ᭄ᬯᬭᬶ᭞ᬢ᭄ᬓᬫᬦ᭄ᬢᬯᬶᬢ᭄ᬣᬫᬳᬶ᭞ᬲᬶᬂᬧᬶᬲᬦᬯᬂᬚ᭄ᬜ᭄ᬕᬄ᭟᭚ᬲᬶᬦᭀᬫ᭄᭛ᬦᬾᬦᬾᬫᬮᬸᬢᭀᬳᬶᬗ᭄ᬢᬂ᭞ᬚ᭄ᬜᭂᬂᬗᭂᬗ᭄ᬲᬳᭀᬕᬢᬶᬕᬢᬶ᭞ᬲᬫᬸᬜᬸᬫᬸᬜᬶᬫᬓ᭄ᬚᬂ᭞ᬚᬵ
ᬦᬶᬢ᭄ᬬᬂᬫ᭄ᬢᬸᬳᬶᬮᬶᬂ᭞ᬲ᭄ᬤᬸᬓᬾᬦᬸᬤᬶᬩᬮᬶ᭞ᬳᬯᬓᬾᬕᬯᬾᬦᬶᬦ᭄ᬫᬮᬸ᭞ᬢᬸᬲᬶᬂᬮᬓᬃᬲᬬᬗᬂ᭞ᬫᬸᬜᬶᬦᬾᬫᬲᬶᬄᬧᬶᬢᬶᬦ᭄ᬤᬶᬄ᭞ᬓᬤᬂᬮᬩᬸᬄ᭞ᬲᬶᬂᬤᬤᬶᬫᬶᬢ᭄ᬬᬾᬂᬓᬾᬦ᭄ᬳᬸᬚᬃ᭟ᬭᬾᬄᬳᬯᬓᬾᬫᬜ᭄ᬜᬸᬢᬂ᭞ᬩᬯ᭄ᬬᬓ᭄ᬢ᭄ᬬᬗᬾᬦᬾᬗᬸᬦᬶ᭞ᬚᭀᬕᬾᬤ᭄ᬲᬸᬦ᭄ᬤᭂᬮᬦ᭄ᬩᬚᬶᬗᬦ᭄᭞ᬧᬗ᭄ᬮᬾᬩ᭄ᬤᬬᬂᬢᬦ᭄ᬓ [ 71 ][᭗᭐ 70B]
᭗᭐
ᬤᬶᬓᬮᬶᬄᬫ᭄ᬮᬾᬂᬢᬦ᭄ᬲᬶᬧᬶ᭞ᬳᬯᬓᬾᬳᬶᬗ᭄ᬢᬂᬫᬮᬸ᭞ᬲᬶᬜᬧᬶᬂᬓᬸᬤᬢ᭄ᬬᬂ᭞ᬧᬢᬶᬲᭂᬳᭂᬩ᭄ᬫᬦ᭄ᬮᭀᬓᬶᬦ᭄᭞ᬭᬾᬄᬳᬯᬓᬾ᭞ᬓᬲ᭄ᬩᬸᬢ᭄ᬩᬕ᭄ᬬ᭄ᬲ᭄ᬓᬮᬶᬦ᭄ᬢᬂ᭟ᬲᬂᬓᬮᬶᬄᬚᬦᬦᬸᬭᬕᬵ᭞ᬗᬍᬫ᭄ᬳᬯᬓ᭄ᬩᬕᬸᬲ᭄ᬫᬦᬶᬲ᭄᭞ᬓ᭄ᬭᬡᬵᬢᬜ᭄ᬚᬗ᭄ᬓᬵᬫᬧ᭄ᬢᬵ᭞ᬤᭀᬤᬤᬶᬩᬦ᭄ᬗᬗ᭄ᬕᭀᬚᬦᬶ᭞ᬓ᭄ᬦᭂᬄᬳᬧᬜᬸᬲᬸᬧᬶᬦ᭄
᭞ᬓ᭄ᬭᬘᬚᬦᬶᬍᬩᬶᬄᬩᬶᬗᬸᬂ᭞ᬲᭀᬓ᭄ᬗᬓᬸᬭᬵᬢᬸᬯᬶᬃᬬ᭄ᬬ᭞ᬜᬾᬦ᭄ᬲᬶᬲ᭄ᬤᭂᬫᬗᬸᬕᭀᬦᬶᬦ᭄᭞ᬳᬄᬬᬾᬦ᭄‌ᬓᬾᬦᬾ᭞ᬓ᭄ᬦᭂᬄᬩᬚᬶᬗᬦ᭄ᬲᬸᬲᬸᬧᬂ᭟ᬓ᭄ᬭᬡᬢ᭄ᬯᬭᬵᬦᬯᬂᬚ᭄ᬗᬄ᭞ᬩ᭄ᬯᬶᬦᬾᬤᬶᬗᭂᬳᬂᬚᬦᬶ᭞ᬓ᭄ᬦᭂᬄᬦᬾᬳᬶᬲᬸᬦ᭄ᬤᬬᬂ᭞ᬳ᭄ᬬᬫᬶᬢᬶᬦ᭄ᬤᬶᬫᬸᬜᬶᬕᬢᬶ᭞ᬲᬓᬮᬶᬄᬳᬶᬗᭂᬢ᭄ᬕᬢᬶ᭞ᬧᬶᬢ᭄ᬯᬶᬳᬯᬓᬾᬩᬕᬸ
ᬲ᭄᭞ᬓᬲᬸᬢ᭄ᬓᬚᬦᬮᭀᬓᬵ᭞ᬓᬮᬶᬄᬲᬶᬂᬳᬤᬦᬦ᭄ᬤᬶᬗᬶᬦ᭄᭞ᬜᬾᬦ᭄ᬲᬶᬓᬤᬾᬦ᭄᭞ᬚᭀᬮᭀᬢ᭄‌ᬢ᭄ᬓᬾᬦ᭄ᬓᬩᬕᬸᬲᬦ᭄᭟ᬲᬓᬮᬶᬄᬜ᭄ᬩᬸᬢᬂᬧᬶᬲᬦ᭄᭞ᬗᬸᬦᬳᬶᬦ᭄ᬳᬢᬸᬅᬩᬸᬦᬶ᭞ᬤᭀᬂᬲᬸᬩᬫᬳᬦ᭄‌ᬜᬺᬧᬂ᭞ᬤᬶᬚᬲᬾᬢ᭄ᬬᬂᬫᬗᬮᬶᬄ᭞ᬲᬶᬜᬳᬯᬓᬾᬚᬦᬶ᭞ᬜᬫᬦ᭄ᬢ᭄ᬬᬗᬾᬳᬶᬤ᭄ᬯᬕᬸᬂ᭞
ᬚ᭄ᬜᭂᬂᬢᬾᬓ᭄ᬦᬕᬸᬡᬵ᭞ᬓ᭄ᬭᬡᬵᬳᬳᬶᬤᬵᬩᬸᬓᬚᬦᬶ᭞ᬭᬾᬄᬳᬯᬓᬾ᭞ᬓᬲᭀᬄᬫᬜᬮᬦᬂᬘᭀᬭᬄ᭟᭚ᬓᬸᬫᬫ᭄ᬩᬂ᭚ᬳᬶᬤᬾᬯᬕᬸᬂᬧᬸᬢ᭄ᬭᬓᬕ᭄ᬬᬢ᭄ᬩᬸᬫ᭄ᬬᬃᬱᬶ᭞ᬳᬢᬸᬃᬤᬵᬳᬭᬶᬦ᭄ᬤᬵ᭞ᬭᬾᬄᬭᬲ᭄ᬬᬦ᭄ᬳᬶᬤᬦᬾᬗᬸᬦᬶ᭞ᬦᬾᬫᬗ᭄ᬓᬶᬦ᭄‌ᬢ᭄ᬮᬲ᭄ᬓᬯ᭄ᬤᬮ᭄᭟ᬓᬮᬶᬳᬜᬓᬧᬶᬦᭂᬄ
[᭗᭑ 71A]
ᬫᬕᬸᬡᬯ᭄ᬬᬓ᭄ᬢᬶ᭞ᬗᬸᬦᬳᬶᬦ᭄ᬭᬓᬦ᭄ᬥᬵ᭞ᬓᬮᬶᬄᬳᬶᬤᬵᬫᬫ᭄ᬬᬃᬱᬶ᭞ᬧᬫᬢ᭄ᬩᬢ᭄ᬳᬶᬤᬳᬭᬶᬦ᭄ᬥᬵ᭟ᬓᬤᬶᬤᬸᬤᬸᬢ᭄ᬓᬬᬸᬦ᭄ᬳᬶᬤᬵᬦᬾᬦᬾᬫᬗ᭄ᬓᬶᬦ᭄᭞ᬳᬾᬮᬶᬂᬢ᭄ᬓᬾᬦ᭄ᬳᬗ᭄ᬕᬵ᭞ᬫᬶᬲ᭄ᬓᬶᬦ᭄ᬲᬓᬮᬶᬄᬫᬗᭂᬫ᭄ᬧᬶ᭞ᬓᬤᬶᬳᬢᬸᬃᬳᬭᬶᬧᬶᬲᬦ᭄᭟ᬫᬮᬶᬄᬳᬶᬤᬵᬫ᭄ᬓᬸᬮ᭄ᬳᬭᬶᬗᬰᬶᬳᬲᬶᬄ᭞ᬲᬃᬯ᭄ᬯᬶᬦᬗᬶᬲ᭄ᬳᬶᬤᬵ᭞
ᬢᭀᬬᬦ᭄ᬳᬓ᭄ᬱᬶᬤᬺᬱ᭄ᬫᬶᬚᬶᬮ᭄᭞ᬤᬸᬄᬫᬲ᭄ᬫᬶᬭᬄᬧᬦᭂᬫ᭄ᬩᬳᬦ᭄᭟ᬤᬵᬳᬭᬶᬤ᭄ᬥᬵᬜᬶᬗ᭄ᬕᬸᬓ᭄‌ᬭᬾᬄᬓᬧ᭄ᬮᬸᬓ᭄ᬫᬮᬶᬄ᭞ᬗᬯᬸᬓ᭄ᬢᬜ᭄ᬚᬗ᭄ᬓᬬᬦ᭄᭞ᬗᬗ᭄ᬓᬲ᭄ᬫᬓᬬᬸᬦ᭄ᬫᬢᬗᬶ᭞ᬭᬓᬦ᭄ᬤᬵᬫᬦᬫ᭄ᬩᬸᬢ᭄ᬕᬗ᭄ᬲᬃ᭟ᬤᬶᬧᬗ᭄ᬓᬸᬦᬦ᭄ᬤᬵᬳᬭᬶᬦ᭄ᬤᬵᬓᬕᬸᬬᬗᬶᬦ᭄᭞ᬗᬰᬶᬳᬲᬶᬄᬫᬫ᭄ᬮ᭄ᬮᬸᬤ᭄᭞ᬫᬾᬪᬝᬵᬭᬶᬲᬗ᭄ᬳ᭄ᬬᬂᬭ
ᬢᬶᬄ᭞ᬚᬕᬓ᭄ᬚᬧᬦᭂᬫ᭄ᬩᬳᬦ᭄᭟ᬬᬾᬦ᭄ᬪᬝᬵᬭᬶᬫᬗ᭄ᬕᭂᬄᬫᬗ᭄ᬕᭂᬄᬳᬾᬢᬦ᭄ᬲᬶᬧᬶ᭞ᬢᬦ᭄ᬓᬬᬸᬦ᭄ᬗᬫ᭄ᬧᬸᬭᬵ᭞ᬭᬾᬄᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬪᬝᬵᬭᬶ᭞ᬫᬢᬸᬃᬲᬶᬲᬶᬧ᭄ᬫᭂᬓᬲ᭄ᬫᭂᬓᬲ᭄᭟ᬢᬍᬃᬤ᭄ᬯᬕᬸᬂᬦᬾᬦ᭄ᬢᭂᬦ᭄ᬫᬦᬭᬶᬫᬯ᭄ᬬᬓ᭄ᬢᬶ᭞ᬳᬢᬸᬃᬲᬶᬲᬶᬧ᭄ᬢᬶᬢ᭄ᬬᬂ᭞ᬩ᭄ᬘᬶᬓ᭄ᬦᬾᬫᬗ᭄ᬓᬶᬦ᭄ᬪᬝᬵᬭᬶ᭞ᬲ᭄ᬯᬾᬘ᭄ᬘᬵᬓ᭄ᬦᬶᬫᬫᬸᬧᬸᬢᬂ᭞ᬤᬾᬯᬾ
ᬓ᭄ᬢᬶᬢ᭄ᬬᬂᬓ᭄ᬦᬶᬲᬵᬫ᭄ᬧᬸᬦ᭄‌ᬯᬾᬦ᭄ᬢᭂᬦ᭄ᬫᬮᬶᬄ᭞ᬫᬗᬶᬬᭀᬳᬶᬫᬶᬭᬄ᭞ᬗᬢᬸᬭᬂᬧᬓᭀᬩᭂᬢ᭄‌ᬯ᭄ᬬᬓ᭄ᬢᬶ᭞ᬬᬓ᭄ᬢᬶᬓᬕᬸᬂᬜᬦ᭄ᬤᬂᬫᭂᬗ᭄ᬕᬄ᭟ᬭᬓᬦ᭄ᬤ᭄ᬯᬕᬸᬂᬮᬶᬦ᭄ᬢᬂᬳᬶᬯᬗᬾᬢᬦ᭄ᬲᬶᬧᬶ᭞ᬭᬾᬄᬫᬗᬶᬘᬾᬦ᭄ᬢᬶᬢ᭄ᬬᬂ᭞ᬚᬤ᭄ᬫᬵᬤᬳᬓ᭄ᬗᬸᬦ᭄ᬢᬂᬳᬦ᭄ᬢᬶᬂ᭞ᬓᬮᬶᬄᬤ᭄ᬯᬕᬸᬂᬫᬫᬶᬦᭂᬳᬂ᭟ᬭᬵᬢᬸᬢᬶᬢ᭄ᬬᬂᬫᬶᬕᬸᬦᬾᬦ᭄ᬭ [ 72 ][᭗᭑ 71B]
᭗᭑
ᬓᬦ᭄ᬪᬝᬵᬭᬶ᭞ᬫᬳᬯᬶᬦᬦ᭄‌ᬲ᭄ᬯᬾᬘ᭄ᬘᬵ᭞ᬭᬶᬂᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬫᬾᬄᬳᬤᭀᬄᬓᬤᬶᬯᬘᬦᬵ᭟ᬲᬧᬸᬦᬶᬓᬶᬢᬶᬢ᭄ᬬᬂᬓᬮᬶᬦ᭄ᬢᬗᬶᬂᬫᬶᬲ᭄ᬓᬶᬦ᭄᭞ᬦᬧᬶᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬲᬓᬮᬶᬄᬪᬝᬵᬭᬶᬭᬢᬶᬄ᭞ᬫ᭄ᬢᬸᬳᬾᬮᬶᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬫᬫᬶᬤᬃᬢ᭄ᬣᬵᬲᭀᬮᬄᬢᬶᬢ᭄ᬬᬗᬾᬦᬾᬗᬸᬦᬶ᭞ᬢᬶ
ᬢ᭄ᬬᬂᬳᬾᬮᬶᬂᬧᬶᬲᬦ᭄᭞ᬳᬯᬦᬦ᭄ᬢᬶᬢ᭄ᬬᬂᬪᬝᬵᬭᬶ᭞ᬫᬢᬸᬃᬲᬶᬲᬶᬧᬶᬲᬦ᭄᭟ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬗᬸᬦᬶᬗᬬᬂᬤᭂᬦ᭄ᬥᬦ᭄ᬯᬶᬥᬶ᭞ᬢᬍᬃᬢᬦ᭄ᬓᬕᭂᬕᭂ᭞ᬳᬯᬦᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬘᭂᬦ᭄ᬤᭂᬢ᭄ᬧᬶᬲᬦ᭄ᬫᬦᬄᬢᬶᬢ᭄ᬬᬂ᭟ᬢᬄᬳᬲᬶᬓᬶᬫᬫᬦᬄᬫᬸᬗ᭄ᬕᭂᬮᬶᬦ᭄ᬳᬸᬭᬶᬧ᭄᭞ᬲᬃᬯ᭄ᬯᬶᬢ᭄ᬥᬸᬦ᭄ᬳᬶᬤᬵ᭞ᬳᬭᬶᬦ᭄ᬤᬵᬫᬗ᭄ᬕᭂᬄᬓᬲᬵ
ᬗ᭄ᬓᬶᬮ᭄᭞ᬦᬸᬲᬄᬧᬢᬶᬲᬵᬫ᭄ᬩᬸᬢ᭄ᬳᬶᬤᬵ᭟ᬲᬃᬯ᭄ᬯᬶᬗᬸᬦᬸᬲ᭄ᬤᬵᬳᬭᬶᬦ᭄ᬥᬵᬓᬶᬘᬾᬦ᭄ᬕᭂᬮᬶᬲ᭄‌᭞ᬤᬸᬄᬢ᭄ᬬᬂᬲᬲᬸᬳᬸᬦᬦ᭄᭞ᬧᬸᬦᬶᬓᬶᬳᬗ᭄ᬕᬾᬦᬶᬩᬓᬶᬦ᭄᭞ᬳᬭᬶᬦ᭄ᬥᬵᬫᬮᬶᬄᬫᬜᬓᬃ᭟ᬤᭂᬓ᭄ᬤᭂᬓ᭄ᬱᬶᬢ᭄ᬲᬶᬢ᭄ᬭᬕᬓᬦ᭄ᬢᭀᬲ᭄ᬗᭂᬫᬸᬕ᭄ᬢᬶᬄ᭞ᬲᬃᬯ᭄ᬯᬶᬳᬶᬤᬵᬦᬶᬫ᭄ᬩᬮ᭄᭞ᬧᬗᬦ᭄ᬤᬶᬓᬦ᭄ᬭᬓᬦᬾᬫᬗ᭄ᬓᬶᬦ᭄᭞ᬓ᭄ᬭᬶᬲᬃᬯ᭄ᬯᬶᬫᬢ
ᬫ᭄ᬧᭀᬓᬂ᭟ᬲᬸᬳᬸᬤ᭄ᬳᬚᬸᬫ᭄‌ᬬᬾᬦᬶᬂᬧᬤᬾᬫᬢᬶᬩ᭄ᬯᬶᬦ᭄᭞ᬭᬾᬄᬳᬯᬓ᭄ᬤᬺᬫᬦ᭄᭞ᬓᬾᬦ᭄ᬳᬶᬤ᭄ᬯᬕᬸᬂᬫᬥᬾᬚᬢᬶ᭞ᬢᬢᬲ᭄ᬳᬶᬤᬮᬶᬦ᭄ᬢᬂᬫᭂᬗ᭄ᬕᬄ᭟ᬤᭀᬂᬳᬾᬗ᭄ᬕᬮᬦ᭄ᬢ᭄ᬬᬂᬫᬶᬭᬶᬩ᭄ᬳᬸᬮᬶᬤᬶᬦᬶ᭞ᬲᬃᬯ᭄ᬯᬶᬳᬶᬤᬵᬜᬶᬗᬓ᭄᭞ᬳᬗ᭄ᬕᬦ᭄ᬭᬓᬵᬮᬶᬦ᭄ᬢᬂᬲᬶᬢ᭄ᬲᬶᬢ᭄᭞ᬓᬧᬶᬦᭂᬄᬳᬯᬦᬦ᭄‌ᬘᬘᬤ᭄᭟
[᭗᭒ 72A]
ᬤᬵᬭᬓᬦ᭄ᬥᬵᬲᬾᬗᭂᬄᬭᬶᬂᬧᬧᬶᬦᭂᬄᬳᬭᬶ᭞ᬕ᭄ᬮᬶᬲ᭄ᬳᬶᬤᬗᬭᬲ᭄᭞ᬗᬦ᭄ᬤᬶᬓᬵᬫᬗᬰᬶᬳᬲᬶᬄ᭞ᬤᬾᬯᬕᬸᬂᬫᬲ᭄ᬚᬶᬯᬦ᭄ᬳᬶᬗ᭄ᬯᬂ᭟ᬬᬤᬶᬦ᭄ᬢᬶᬢ᭄ᬬᬂᬘᬘᬤ᭄ᬩᬗ᭄ᬕᬬᬂᬫᬲ᭄ᬫᬡᬶᬓ᭄᭞ᬭᬾᬄᬲᬸᬩᬫᬲ᭄ᬫᬶᬭᬄ᭞ᬦᬾᬦ᭄ᬥᬸᬯᬾᬦᬂᬫᬗᬃᬬ᭄ᬬᬦᬶᬦ᭄᭞ᬭᬾᬄᬤ᭄ᬯᬕᬸᬂᬧᬢᬸᬢ᭄‌ᬗ᭄ᬯᬶᬰᬾᬱᬵ᭟ᬤᬾᬯᬾᬓ᭄ᬢᬶᬢ᭄ᬬᬂᬚ᭄ᬮᬾᬫ᭄ᬮᬄᬩᬦ᭄ᬳᬶᬫ
ᬡᬶᬓ᭄᭞ᬲᬯᬦᭂᬄᬲᬮᬾᬤᬂ᭞ᬫᬶᬥᭂᬦ᭄ᬥᬓᬯᬸᬮᬳᬶᬗ᭄ᬕᬶᬄ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬢᬸᬮᬓ᭄᭟ᬤᬵᬳᬭᬶᬦ᭄ᬥᬵᬲᬵᬫ᭄ᬧᬸᬦ᭄ᬳᬶᬤᬵᬲᬾᬗᭂᬄᬫᬗ᭄ᬓᬶᬦ᭄᭞ᬭᬾᬳᬶᬂᬓᬘᬶᬭᬶᬬᬦ᭄᭞ᬧᬧᬶᬦᭂᬄᬭᬶᬂᬭᬓᬵᬯ᭄ᬬᬓ᭄ᬢᬶ᭞ᬜᬭᬸᬜᬭᬸᬮᬶᬦ᭄ᬢᬂᬳᬾᬭᬂ᭟ᬤᬵᬭᬓᬦ᭄ᬥᬵᬫᬮᬶᬄᬗᬭᬲ᭄ᬗᬭᬶᬄᬳᬭᬶᬄ᭞ᬢᭂᬦ᭄ᬓᬾᬓᬾᬦ᭄ᬢᭂ
ᬦ᭄ᬲᬬᬂ᭞ᬳᬭᬶᬦᬫ᭄ᬧᭀᬓᬂᬫᬓ᭄ᬮᬶᬤ᭄᭞ᬭᬓᬵᬫᬗ᭄ᬭᬦᭂᬳᬶᬦ᭄ᬧᬶᬲᬦ᭄᭟᭚ᬲᬶᬦᭀᬫ᭄᭛ᬲᬵᬫ᭄ᬧᬸᬦ᭄ᬲᭂᬳᭀᬯᭂᬂᬤᬤᬯᬸᬳᬦ᭄᭞ᬳᬶᬤᬾᬯᬕᬸᬂᬧᬸᬢᬺᬫᬗ᭄ᬓᬶᬦ᭄᭞ᬧᬘᬂᬫᬦᬺᬓᬲ᭄ᬳᬭᬶᬦ᭄ᬥᬵ᭞ᬳᬦᬓ᭄ᬩᬕᬸᬲ᭄ᬢᬗ᭄ᬓᭂᬧ᭄ᬓᬮᬶᬲ᭄᭞ᬓᬮᬶᬄᬜᬶᬲᬬᬂᬫᬦᬶᬲ᭄᭞ᬳᬧᬢᭀᬲ᭄ᬦᬶᬂᬚ
ᬬᬾᬂᬧᬗ᭄ᬕ᭄ᬭᬸᬲ᭄᭞ᬜᬶᬲᬬᬂᬧᬭᬭᬲᬦ᭄᭞ᬗᬕᬧ᭄ᬳᬕᬧᬳᬸᬢ᭄ᬳᬲᬶᬦ᭄᭞ᬢᬦ᭄‌ᬘᬭᬶᬢᬵ᭞ᬲᬲᭀᬮᬄᬧᬦ᭄ᬓᬤᬶᬳᬧ᭄ᬭᬂ᭟ᬳᬶᬤᬾᬯᬕᬸᬂᬲᬗ᭄ᬳ᭄ᬬᬂᬲ᭄ᬫᬭᬵ᭞ᬲᬫ᭄ᬧᬸᬦ᭄ᬫᬳᬯᭀᬭᬦ᭄ᬳᬲᬶᬄ᭞ᬭᬶᬂᬪᬝᬵᬭᬶᬭᬢᬶᬄᬲᬓ᭄ᬱᬢ᭄᭞ᬳᬶᬤᬵᬳ᭄ᬬᬂᬲᬓᬮᬭᬢᬶᬄ᭞ᬳᭂᬳᭂᬲ᭄ᬮᬾᬮᭀᬓᬧᬢᬶ [ 73 ][᭗᭒ 72B]
᭗᭒
᭞ᬳ᭄ᬬᬂᬲ᭄ᬫᬭᬵᬕ᭄ᬮᬶᬲ᭄ᬦᬫ᭄ᬩᬸᬢ᭄᭞ᬮᬶᬦ᭄ᬢᬂᬓᬕ᭄ᬬᬢ᭄ᬳᬶᬤᬵ᭞ᬢ᭄ᬯᬭᬢᬳᬾᬦ᭄ᬩᬸᬓᬚᬦᬶ᭞ᬤᬵᬭᬓᬦ᭄ᬥᬵ᭞ᬗᬓᭂᬩᬶᬦ᭄ᬫᬳᬱ᭄ᬝ᭄ᬭᬫᬦ᭄ᬢ᭄ᬭ᭟ᬤᬕᬶᬂᬫᬫᬕᭂᬄᬧᬺᬫᬦᬵ᭞ᬳᬶᬩᬢᬸᬦ᭄‌ᬘᬸᬓᬶᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬳᬶᬧᬸᬦ᭄ᬫᬗ᭄ᬯᬗ᭄ᬲᬶᬢᬂ᭞ᬦᬾᬭᬶᬂᬜᬕᬓᬸᬮ᭄ᬓᬸᬮ᭄ᬩᭂᬤᬶᬮ᭄᭞ᬓᬸᬮ᭄ᬓᬸᬮ᭄ᬫᬢᬶᬫ᭄ᬩᬮ᭄ᬳᬢ᭄ᬭᬶ᭞ᬓᬩ᭄ᬭᬶ
ᬬᬸᬓᬶᬦ᭄ᬩᬦ᭄ᬕᭀᬂᬢᬫ᭄ᬩᬸᬃ᭞ᬭᬾᬄᬫᬧᬲᬮᬾᬂᬢᬶᬫ᭄ᬩᬮ᭄᭞ᬓᬮᬶᬄᬲᬸᬭᬤᬤᬸᬲᬫᬶ᭞ᬫᬩ᭄ᬭᬶᬬᬸᬓ᭄ᬧᬤᬵᬫ᭄ᬢᬢ᭄‌ᬩ᭄ᬤᬶᬮ᭄ᬕᬗ᭄ᬲᬃ᭟ᬧᬤᬵᬢ᭄ᬯᬭᬩᬶᬱᬧ᭄ᬕᬢ᭄᭞ᬳᬸᬮᬶᬓᬧᬮ᭄ᬫᬦᬶᬫ᭄ᬩᬮᬶᬦ᭄᭞ᬫ᭄ᬭᬶᬬᭂᬫ᭄‌ᬚᬺᬦᬢ᭄ᬫᬲ᭄ᬯᬭᬵ᭞ᬧᬤᬧᬲᬮᬶᬂᬢᬶᬫ᭄ᬩᬮᬶᬦ᭄᭞ᬫᬘᭂᬤᬸᬃᬗᬺᬱᬂᬳᬢᬶ᭞ᬤᬶᬓᭀᬢᬭᬫᬾ
ᬓᬮᬗ᭄ᬓᬸᬂ᭞ᬫᬳᬶᬦᬦ᭄ᬫᬳᬾᬦ᭄ᬤᬳᬦ᭄᭞ᬓᬮᬶᬄᬲ᭄ᬧᬸᬃᬯᬭᬯᬶᬭᬶ᭞ᬮᬶᬦ᭄ᬢᬂᬧᬳᬸᬢ᭄᭞ᬧᬫ᭄ᬩᬶᬮᬦ᭄ᬲᬂᬳᬫᬯᬭᬵᬢ᭄᭟ᬳ᭄ᬦᭂᬗᬂᬦᬾᬤᬶᬩᬜ᭄ᬘᬶᬗᬄ᭞ᬳ᭄ᬬᬂᬲᬫ᭄ᬭᬭᬢᬶᬄᬩᬮᬶᬓᬶᬦ᭄᭞ᬲᬂᬤ᭄ᬬᬄᬫᬗ᭄ᬕᭂᬄᬫᬗ᭄ᬮᬸᬧᬵ᭞ᬧᬤᬧᬮᬬ᭄ᬯᬦ᭄‌ᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬧᬓᭀᬩᭂᬢ᭄ᬤᬶᬓᬬᬸ
ᬦ᭄᭞ᬭᬾᬄᬲᬵᬫ᭄ᬧᬸᬦ᭄ᬫᬦ᭄ᬮᬲᬂ᭞ᬫᬦ᭄ᬢ᭄ᬭᬦ᭄ᬥᬵᬫᬳᬶᬫ᭄ᬧᬲᬫᬶ᭞ᬫᬳᬯᬶᬦᬦ᭄ᬫᬓᬬᬸᬦ᭄ᬫᬳᬯᬫ᭄ᬤᬮ᭄᭟ᬜᬗ᭄ᬓᬶᬮ᭄ᬳᬭᬶᬗᭂᬫ᭄ᬩᭂᬂᬯᬱ᭄ᬧᬵ᭞ᬫᬗᬶᬭᬲ᭄ᬮᬜ᭄ᬘᬶᬗᬦ᭄ᬫᬶᬚᬶᬮ᭄᭞ᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬩᬸᬭᬯᬸᬄᬭᬶᬂᬳᬫ᭄ᬩᬾᬦ᭄ᬫᬗ᭄ᬓᬶᬦ᭄᭞ᬲᬦᬾᬭᬶᬂᬦᬢᬄᬲᬫᬶ᭞ᬧᬤᬫᬗᬓ᭄ᬱᬶᬫᬩ᭄ᬭᬶᬬᬸᬓ᭄᭞ᬫᬃᬡ᭄ᬦᬵᬧ
[᭗᭓ 73A]
ᬢᭂᬄᬗᬦᬸᬢᬂ᭞ᬦᬾᬜᬗ᭄ᬓᬶᬮ᭄‌ᬢ᭄ᬓᬾᬦ᭄ᬓᬲᬗ᭄ᬓᬶᬮ᭄᭞ᬳᬶᬤᬵᬳ᭄ᬬᬂᬲ᭄ᬫᬭᬵ᭞ᬧᬳᬸᬢ᭄ᬳᬗ᭄ᬕᬦ᭄ᬳᬶᬤᬵᬭᬫ᭄ᬭᬫ᭄᭟ᬳᬸᬧᬘᬭᬯᬸᬲ᭄ᬫᬗᬫ᭄ᬩ᭄ᬬᬃ᭞ᬳᬾᬢᬾᬳᬾᬢᬾᬫᬩᬸᬜ᭄ᬘᬶᬂ᭞ᬦᬾᬗᬫᭀᬂᬧᬬᬳᬬᬳᬦ᭄᭞ᬕ᭄ᬮᬶᬲ᭄ᬧᬤᬜᬫ᭄ᬩᬸᬢ᭄ᬫᬗ᭄ᬓᬶᬦ᭄᭞ᬳᬶᬤ᭄ᬯᬕᬸᬂᬧᬸᬢᬺᬕ᭄ᬮᬶᬲ᭄᭞ᬗᭂᬳᭂᬤ᭄ᬦᬸᬦᬲ᭄ᬮᬸᬕᬺ
ᬲᬵᬫ᭄ᬧᬸᬦ᭄᭞ᬭᬶᬂᬦᬾᬧᬢᬸᬢ᭄‌ᬕ᭄ᬦᬄᬳᬶᬤᬵ᭞ᬫᬩ᭄ᬭᬶᬬᬸᬓ᭄ᬱᬫᬶᬫᬗ᭄ᬕᬸᬢᬶᬦ᭄᭞ᬳᬶᬤᬾᬯᬕᬸᬂᬧᬸᬢ᭄ᬭᬲᬵᬫ᭄ᬧᬸᬦ᭄ᬳᬶᬤᬵᬫᬸᬗ᭄ᬕᬄ᭟ᬭᬶᬂᬓᬸᬃᬱᬶᬫᬗ᭄ᬓᬸᬳᬭᬶᬦ᭄ᬥᬵ᭞ᬳᬸᬧᬘᬭᬓᬢᬸᬃᬕ᭄ᬮᬶᬲ᭄᭞ᬫᬲᬶᬭᬫ᭄ᬩᬳᬦ᭄ᬓᬸᬫ᭄ᬓᬸᬫᬦ᭄᭞ᬫᬢᭀᬬᬩᬦ᭄ᬧᬾᬦ᭄ᬤᬾᬃᬯ᭄ᬬᬓ᭄ᬢᬶ᭞ᬫᬶᬳᬶᬓ᭄‌ᬗ᭄ᬓᭂᬓᬶᬦ᭄ᬧᬸᬭᬶ᭞ᬦᬾᬗᬬᬳᬶᬦ᭄ᬫ
ᬥᬸᬧᬳᬸᬢ᭄᭞ᬓᬮᬶᬄᬧᬤᬡ᭄ᬥᬓᬢᬄ᭞ᬳ᭄ᬧᬾᬦ᭄ᬩ᭄ᬬᬂᬗᬫᭂᬃᬯ᭄ᬬᬓ᭄ᬢᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬸᬧᬓᬭᬧᬩᬸᬜ᭄ᬘᬶᬗᬦ᭄᭟ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬳᬶᬤᬵ᭞ᬓᬤᭀᬂᬫᬦᬩ᭄ᬤᬩ᭄ᬧᬲᬮᬶᬦ᭄᭞ᬲᬳᬳᬶᬤᬵᬫᬗᭂᬦᬸᬢᬂ᭞ᬲᬧᬗᬗ᭄ᬕᬾᬮᬦᬂᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬫᬧᬳᬸᬢ᭄ᬲᬫᬶ᭞ᬳᬶᬤᬵᬲᬂᬫᬦᬶᬓᬶᬂ
ᬭᬸᬫ᭄ᬭᬸᬫ᭄᭞ᬲᬂᬤ᭄ᬬᬄᬭᬢ᭄ᬦᬵᬚ᭄ᬯᬶᬢ᭄ᬣᬵ᭞ᬯᬸᬲ᭄ᬫᬳᬸᬗᬸᬳᬶᬤᬵᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬳᬾᬭᬂ᭞ᬭᬾᬄᬧᬫᬗ᭄ᬓᬸᬳᬦ᭄ᬢᬸᬓ᭄ᬭᬓᬵ᭟ᬳᬬᬢ᭄ᬫᬜ᭄ᬭᭀᬤᬂᬳᬗ᭄ᬕᬵ᭞ᬤᬵᬭᬓᬦ᭄ᬥᬦᬫ᭄ᬩᬸᬢ᭄ᬫᬮᬶᬄ᭞ᬫᬮᬶᬄᬳᬶᬤᬵᬦᬸᬦᬲ᭄ᬮᬸᬕᬺ᭞ᬦᬾᬭᬶᬂᬧᬢᬸᬢ᭄‌ᬕ᭄ᬦᬄᬲᬫᬶ᭞ᬭᬾᬳᬶᬂᬧᬘᬂᬫᬗ᭄ᬭᬜ᭄ᬚᬶᬂ [ 74 ][᭗᭓ 73B]
᭗᭓
᭞ᬫᬮᬶᬄᬗᬗ᭄ᬕᬸᬢᬶᬦ᭄ᬫᬩ᭄ᬭᬶᬬᬸᬓ᭄᭞ᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬫᬜᬗ᭄ᬓᬶᬮ᭄ᬳᬭᬶᬫᬗ᭄ᬭᬜ᭄ᬚᬶᬂ᭞ᬯᬢᭂᬓ᭄ᬫᬥᬸ᭞ᬗᬬᬳᬶᬦ᭄ᬫᬗ᭄ᬭᬜ᭄ᬚᬶᬂᬲᬫ᭄ᬬᬦ᭄᭟ᬳᬶᬓᬦᭀᬂᬕ᭄ᬮᬶᬲ᭄ᬗᬢᬸᬭᬂ᭞ᬭᬶᬂᬭᬓᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬧᬶᬲᬮᬶᬦ᭄ᬳᬶᬤᬵᬭᬓᬦ᭄ᬥᬵ᭞ᬲᬳᬢᬸᬃᬳᬭᬸᬫᬫᬦᬶᬲ᭄᭞ᬫᬢ᭄ᬯᬦ᭄ᬳᬶᬤᬵᬫᬗ᭄ᬭᬜ᭄ᬚᬶᬂ᭞ᬫᬫ᭄ᬭᬶᬬᬸ
ᬓᬶᬦ᭄ᬗᬦ᭄ᬤᬶᬓᬳᬮᬸᬲ᭄᭞ᬓᬕᬸᬂᬢ᭄ᬬᬗᬾᬲᬬᬂ᭞ᬤᭀᬂᬲᬸᬯᬸᬤ᭄ᬫᬓᬫ᭄ᬩᭂᬦᬼᬘᬶᬂ᭞ᬗ᭄ᬕᬶᬄᬓᬾᬫᭂᬲᬾᬄ᭞ᬤᬕᬶᬂᬳᬢᬹᬃᬤᬵᬳᬭᬶᬦ᭄ᬤᬵ᭟ᬫ᭄ᬩᭀᬓᬕᬸᬂᬳᬶᬗ᭄ᬕᬶᬄᬫᬳ᭄ᬬᬲ᭄᭞ᬢᬶᬢ᭄ᬬᬂᬫᬦᬯ᭄ᬕᬂᬳᬶᬗ᭄ᬕᬶᬄ᭞ᬲᬂᬤ᭄ᬬᬄᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬦᬾᬦ᭄ᬢᭂᬦ᭄ᬫᬢᬸᬃᬫᬦᬶᬫ᭄ᬩᬮᬶᬦ᭄᭞ᬫᭂᬧᭂᬲ᭄ᬳᬶᬤᬵᬫᬦᬗᬶᬲ᭄᭞ᬯᬲ᭄ᬢ᭄ᬭᬍᬘᬶᬂᬫ
ᬲᬶᬄᬫᬳᬸᬢ᭄᭞ᬳᬶᬤᬵᬳᬶᬤ᭄ᬯᬕᬸᬂᬧᬸᬢᬺ᭞ᬗᬕᬧ᭄ᬳᬭᬶᬗᬰᬶᬄᬳᬰᬶᬄ᭞ᬲᬃᬯ᭄ᬯᬶᬗᬸᬲᬧ᭄᭞ᬢᭀᬬᬦ᭄ᬳᬓ᭄ᬱᬶᬤᬳᬭᬶᬦ᭄ᬤᬵ᭟ᬳᬭᬶᬦ᭄ᬤᬵᬗᬯᬸᬓ᭄ᬦᬫ᭄ᬧᭀᬓᬂ᭞ᬭᬓᬦ᭄ᬥᬵᬫᬫ᭄ᬮᬤ᭄ᬫᬮᬶᬄ᭞ᬫᬾᬭᬵᬢᬸᬫᬲ᭄ᬧᬦᭂᬫ᭄ᬩᬳᬦ᭄᭞ᬤᬵᬧᭂᬗ᭄ᬓᬸᬂᬫᭂᬲᬾᬄᬭᬵᬢᬗ᭄ᬕᬶᬄ᭞ᬓᬾᬦᬾᬪᬝᬵᬭᬶᬍᬘᬶᬂ᭞ᬜᭂᬦ᭄ᬲᬸᬗ᭄ᬓᬦ᭄ᬪᬝᬵᬭᬶ
ᬳᬕᬸᬂ᭞ᬲᬃᬯ᭄ᬯᬶᬫᬮᬶᬄᬫᬗᬕᬧ᭄᭞ᬳᬭᬶᬦ᭄ᬤᬵᬦᬫ᭄ᬧᭀᬓᬂᬫᬮᬶᬄ᭞ᬢᬦ᭄ᬧᬲᬳᬸᬃ᭞ᬳᬶᬤ᭄ᬯᬕᬸᬂᬳᬶᬤᬵᬳᬭᬶᬦ᭄ᬥᬵ᭟ᬳᬶᬤ᭄ᬯᬕᬸᬂᬩ᭄ᬬᬂᬓᬸᬭᬶᬧᬦ᭄᭞ᬕ᭄ᬮᬶᬲ᭄‌ᬳᬶᬤᬵᬫᬶᬚᬶᬮ᭄ᬫᬗ᭄ᬓᬶᬦ᭄᭞ᬦᬯᬸᬳᬶᬦ᭄ᬳᬶᬤᬵᬳᬦᬓ᭄ᬤᬵ᭞ᬳᬶᬤᬾᬯᬕᬸᬂᬫᬥᬾᬯ᭄ᬬᬓ᭄ᬢᬶ᭞ᬤᬕᬶᬂᬧᬦ᭄ᬤᬶᬓᬫᬗ᭄ᬓᬶᬦ᭄
[᭗᭔ 74A]
᭞ᬭᬶᬂᬳᬦᬓ᭄ᬤᬳᬶᬤᬾᬯᬕᬸᬂ᭞ᬕᬶᬬᬸᬃᬓ᭄ᬫᬫᬸᬮᬬ᭄ᬦ᭄᭞ᬳᬶᬭᬢ᭄ᬦᬚ᭄ᬯᬶᬢᬓᬲᬶᬳᬶᬦ᭄᭞ᬳᬧᬂᬳ᭄ᬜᬓ᭄᭞ᬫᬲᬮᬶᬦ᭄ᬳᬶᬭᬗᬮᬳᬂ᭟ᬧᬂᬓᬺᬂᬳᬚᬓ᭄ᬫᬓ᭄ᬚᬂ᭞ᬗᬲᬶᬳᬶᬦ᭄ᬧ᭄ᬭᬕᬢ᭄ᬫᬫᭂᬦ᭄ᬤᬶᬮ᭄᭞ᬳᬦᬓ᭄ᬤᬵᬫᭂᬧᭂᬲ᭄ᬫᬜᭂᬫ᭄ᬩᬄ᭞ᬤᬕᬶᬂᬢᬦ᭄ᬧᬶᬯᬮ᭄ᬲᬳᬶᬭᬶᬂ᭞ᬲᬃᬯ᭄ᬯᬶᬦᬯᬸᬳᬂᬕ᭄ᬮᬶᬲ᭄᭞ᬫᬜᬶᬬᭂᬧᬂᬩ᭄ᬤᬶᬮ᭄ᬓᬸᬮ᭄ᬓᬸᬮ᭄᭞
ᬢᬦ᭄ᬓᭀᬘᬧ᭄ᬲᬶᬬᭂᬧ᭄ᬲᬸᬩ᭞ᬳᬶᬤᬾᬯᬕᬸᬂᬫᬥᬾᬗ᭄ᬭᬜ᭄ᬚᬶᬂ᭞ᬤᬵᬳᬭᬶᬦ᭄ᬤᬵ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬢᬦ᭄ᬧᬲᬄ᭟ᬳᬕᬸᬂᬫᬗᬶᬭᬶᬂᬳ᭄ᬯᬦ᭄ᬤᬵ᭞ᬭᬾᬄᬧᬘᬂᬗᬲᬶᬳᬶᬦ᭄ᬳᬭᬶ᭞ᬳᬶᬤᬾᬯᬕᬸᬂᬫᬥᬾᬳᬶᬤᬵ᭞ᬫᬯᬗ᭄ᬲᬶᬢ᭄ᬮᬶᬢᬶᬂᬦᬾᬫᬗ᭄ᬓᬶᬦ᭄᭞ᬭᬂᬳᬶᬧᬾᬦ᭄ᬥᬵᬲᬯ᭄ᬬᬓ᭄ᬢᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬢ᭄ᬭᬺᬓᬤᬯᬸᬄ᭞ᬤᬕᬶᬂᬯ
ᬗ᭄ᬲᬶᬢ᭄ᬭᬓᬦ᭄ᬥᬵ᭞ᬳᬶᬧᬾᬦ᭄ᬲᬫ᭄ᬧᬸᬦ᭄ᬫᭂᬦ᭄ᬤᬓ᭄ᬳᬰ᭄ᬭᬷ᭞ᬜ᭄ᬚᭀᬃᬧᬲ᭄ᬯᬦ᭄᭞ᬳᬤᬶᬦᬾᬧᬂᬫᬲᬮᬶᬦᬦ᭄᭟ᬤᬵᬳᬭᬶᬦ᭄ᬤᬵᬕ᭄ᬮᬶᬲ᭄ᬜᭂᬫ᭄ᬩᬄ᭞ᬢᬶᬢ᭄ᬬᬂᬧᬶᬢ᭄ᬮᬲᬳᬶᬭᬶᬂ᭞ᬳᬶᬤᬾᬯᬕᬸᬂᬧᬸᬢ᭄ᬭᬫ᭄ᬤᬮ᭄᭞ᬳᬶᬤ᭄ᬯᬕᬸᬂᬫᬸᬱ᭄ᬝᬧᬫᬗ᭄ᬓᬶᬦ᭄᭞ᬕ᭄ᬮᬶᬲ᭄ᬳᬶᬤᬵᬜᬕ᭄ᬚᬕᬶᬦ᭄᭞ᬯᬸᬲ᭄ᬫᬶᬬᬃᬱᬵᬜᭂᬫ᭄ᬩᬄᬲᬵᬫ᭄ᬧᬸᬦ᭄᭞ᬫᬳᬢᬹᬃᬭᬸ
ᬫᬃᬤᬯ᭄ᬯᬵ᭞ᬲᬃᬯ᭄ᬯᬶᬗᬢᬸᬭᬂᬧᬶᬲᬮᬶᬦ᭄᭞ᬦᬸᬦᬲ᭄‌ᬤ᭄ᬯᬕᬸᬂ᭞ᬫᬳᬶᬬᬲ᭄ᬭᬾᬄᬧᬘᬂᬗᬬᬩ᭄᭟ᬭᬓᬦ᭄ᬥᬵᬗᬗ᭄ᬕᬸᬢᬶᬦ᭄ᬕᬗ᭄ᬲᬃ᭞ᬳᬭᬶᬢᬶᬕᬫᬗᬬᬳᬶᬦ᭄᭞ᬫᬶᬦᬓᬤᬶᬭᬧᬸᬢᬺ᭞ᬓᬮᬶᬄᬳᬚᬶᬗᬫᭂᬃᬲᬫᬶ᭞ᬫᬳ᭄ᬬᬲ᭄ᬳᬶᬤ᭄ᬯᬕᬸᬂᬕ᭄ᬮᬶᬲ᭄᭞ᬧᬬᬲ᭄‌ᬳᬶᬤᬵᬲᬫᬶᬳᬦᬸᬢ᭄᭞ᬯᬲ᭄ᬢ᭄ᬭᬧ᭄ᬭᬜ᭄ᬘᬶᬲ᭄ᬕ [ 75 ][᭗᭔ 74B]
᭗᭔
ᬤᬂ᭞ᬳᬫᬢᬗ᭄ᬕᬸᬫᬧ᭄ᬭᬤᬗᭂᬦ᭄ᬤᬶᬄ᭞ᬧ᭄ᬓᭂᬓ᭄ᬩᬓ᭄ᬬᬓ᭄᭞ᬓᬫ᭄ᬧᬸᬄᬲᭀᬗ᭄ᬓᬾᬢ᭄ᬤᬤᬸᬗ᭄ᬭᬜᬩ᭄᭟ᬧᬳᬸᬢᬦ᭄ᬫᬓ᭄ᬯᬘ᭄ᬘᬵᬳᬶᬤᬵ᭞ᬳᬗ᭄ᬕᬦ᭄ᬳᬶᬤᬵᬗᬶᬚᬲᬶᬢ᭄ᬲᬶᬢ᭄᭞ᬲᬵᬫ᭄ᬧᬸᬦ᭄ᬫᬮᬶᬳᬮᬶᬳᬶᬤᬵ᭞ᬫᬲᭀᬘ᭄ᬘᬵᬳᬶᬦ᭄ᬢᭂᬦ᭄ᬗᬾᬤᬦᬶᬦ᭄᭞ᬳᬭᬶᬗᬸᬲᬧᬶᬦᬼᬗᬶᬲ᭄᭞ᬳᬶᬓᭂᬲ᭄ᬬᭂᬕ᭄ᬫᬳᬢᬸᬃᬢᬗ᭄ᬮᬸᬲ᭄᭞ᬲᬃᬯ᭄ᬯᬶ
ᬲᬋᬂᬫᬗᬸᬲᬧ᭄᭞ᬳᬶᬤᬾᬯᬕᬸᬂᬧᬸᬢᬺᬯ᭄ᬬᬓ᭄ᬢᬶ᭞ᬢᭂᬦ᭄ᬓᬾᬧ᭄ᬤᬶᬄᬳᬶᬤ᭄ᬯᬕᬸᬂᬳᭀᬜᬭᬫ᭄ᬭᬫ᭄᭟᭚᭐᭚ᬧᬸᬧᬸᬢ᭄‌ᬲᬶᬦᬸᬭᬵᬢ᭄ᬭᬶᬂᬭᬳᬶᬦᬵ᭞ᬯᬺᬳᬲ᭄ᬧᬢᬶ᭞ᬧᬳᬶᬂ᭞ᬯᬭᬵᬓᬸᬭᬦ᭄ᬢᬶᬃ᭞ᬢᬶᬣᬶ᭞ᬧᬂ᭞ᬧᬶᬂ᭞᭑᭔᭞ᬰᬰᬶᬄ᭞ᬓ᭞᭔᭞ᬭᬄ᭞᭙᭞ᬢᭂᬗ᭄ᬕᭂᬓ᭄᭞᭐᭞ᬇᬰᬓᬵ᭞᭑᭙᭐᭙᭞ᬯᬃ
ᬱᬦᬶᬗ᭄ᬮᭀᬓᬵ᭟ᬓᬲᬸᬭᬵᬢ᭄ᬳᬦ᭄ᬢᬸᬓ᭄‌ᬳᬶᬤᬵᬩᬕᬸᬲ᭄ᬫᬥᬾᬚ᭄ᬮᬡ᭄ᬝᬶᬓ᭄᭞ᬭᬶᬂᬕ᭄ᬭᬶᬬᬓᬘᬶᬘᬂᬳᬫ᭄ᬮᬧᬸᬭ᭝ᬩᬮᬶ᭚᭐᭚᭛᭐᭛