Ban/Gaguritan Desa Adat

Deskripsi

Bahasa Indonesia

Gaguritan Desa Adat menceritakan tentang peraturan yang diterapkan oleh desa adat yang ada di Bali. Dalam geguritan ini banyak dijelaskan mengenai peraturan-peraturan yang sepatutnya dipatuhi oleh masyarakat desa adat, contohnya seperti menjaga lingkungan yang ada, aturan ketika ada masyarakat yang meninggal, beserta tentang Tri Hita Karana dan Tatwam Asi.

Naskah

[ 1 ][PERPUSTAKAAN
KTR. DOKBUD BALI
PROP. BALI
G/VI/1/DOKBUD
Judul : GAGURITAN DESA ADAT
Panj. 45 cm. Jl. 22 lb.
Asal : Desa Mantring, Petak, Gianyar.] [ 2 ][᭑ 1B]
᭑
᭚᭐᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬓᬾᬫᬯᬶᬦ᭄‌ᬯᬾᬦ᭄ᬢᭂᬦ᭄ᬳᬢᬸᬭᬂᬫ᭄ᬳᬗ᭄ᬕᬾᬦ᭄ᬧᬓᬾᬮᬶᬂᬭᬶᬂᬳᬢᬶ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬯᬯᬸᬧᬶᬲᬦ᭄‌ᬫ᭄ᬮᬚᬄᬗᬸᬭᬶᬢ᭄᭞ᬳᬶᬦ᭄ᬤᬶᬓ᭄ᬫᬘᭂᬧᬢ᭄᭞ᬯ᭄ᬬᬓ᭄ᬢᬶ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬤᬲᬃᬳᬢᬸᬃ᭞ᬜᬲᬶᬳᬬᬂᬤᬾᬰᬳᬤᬢ᭄᭞ᬢᬸᬮᬸ
ᬗᬶᬦ᭄ᬢᬶᬢ᭄ᬬᬂᬗᬬᬸᬦᬶᬦ᭄᭞ᬳᬸᬦ᭄ᬢᭂᬂᬳᬶᬧᬸᬦ᭄᭞ᬓᬶᬭᬂᬮᬗ᭄ᬓᬸᬂᬳᬫ᭄ᬧᬸᬭᬂ᭟ᬤᬾᬦᬶᬂᬳᬤᬢ᭄ᬓᬓᬲᬸᬩᬂ᭞ᬭᬯᬸᬄᬭᬶᬂᬫᬜ᭄ᬘᬦᬵᬕᬭᬶ᭞ᬳᬦ᭄ᬢᬸᬓ᭄ᬱᬦᬾᬧᭀᬮᬶᬄᬦᭀᬤ᭄ᬬ᭞ᬫᬭᬶᬓᬶᬓᬚᬕᬢ᭄ᬩᬮᬶ᭞ᬳᬯᬶᬦᬦ᭄ᬧᬢᬸᬢ᭄ᬓᬬᬸᬦᬶᬦ᭄᭞ᬤᬸᬫᭀᬕᬶᬲᬶᬤᬗᬮᬦ᭄ᬢᬸᬃ᭞ᬳᬾ
ᬮᬶᬗᬂᬫᬮᬶᬄᬢᬶᬫ᭄ᬘᬧᬂ᭞ᬲᬓᬮᬫᬭᬶᬂᬧᬫᬃᬕᬶ᭞ᬭᬶᬂᬫᬦᬸᬦ᭄ᬢᬸᬦ᭄᭞ᬳᬶᬦ᭄ᬤᬶᬓ᭄ᬢᬢᬸᬚᭀᬦ᭄ᬗᬚᭂᬕᬂ᭟ᬳᬤᬢ᭄ᬩᬯᭀᬲ᭄ᬲᬓᬾᬂᬳᬭᬩ᭄᭞ᬭᬯᬸᬄᬫᬭᬶᬓᬶᬭᬶᬂᬩᬮᬶ᭞ᬯᬯᬸᬗᬯᬶᬢ᭄ᬚᬫᬦ᭄᭞ᬯ᭄ᬮᬦ᭄ᬥ᭞ᬳᬦ᭄ᬢᬸᬓ᭄ᬱᬦᬾᬜᬚᬄᬭᬶᬳᬶᬦ᭄᭞ᬢᬢᬸᬯᭂᬓ᭄ᬜᬫ
ᬓᬚᬢᬶ᭞ᬳᬶᬦ᭄ᬤᬶᬓ᭄ᬫᬗ᭄ᬤᬦᬾᬦ᭄ᬢᭂᬜ᭄ᬘᬫ᭄ᬧᬸᬃ᭞ᬲᬲᬸᬤᬸᬓ᭄ᬭᬶᬂᬤᬾᬰᬤᬶᬦᬲ᭄᭞ᬳᬦ᭄ᬢᬸᬓ᭄ᬤᬾᬰᬳᬤᬢ᭄‌ᬬᬸᬓ᭄ᬢᬶ᭞ᬳᬗ᭄ᬕᬾᬦ᭄ᬗᬢᬸᬃ᭞ᬳᬶᬓ᭄ᬭᬫᬤᬾᬰᬧᬸᬦᬶᬓ᭟ᬦᬩ᭄ᬤᬩ᭄ᬳᬤᬢᬾᬧᬸᬦᬶᬓ᭞ᬕᬕᬫ᭄ᬩᭂᬮᬦ᭄ᬲᬋᬂᬲᬫᬶ᭞ᬫᬗ᭄ᬤᬲᬶᬤᬫᬲᬶᬓ᭄ᬬᬦ᭄᭞ᬧᬢᬸᬢ᭄ᬧᬶ
[᭒ 2A]
ᬧᬦ᭄ᬧᬤᬳᬸᬦᬶᬂ᭞ᬮᬦ᭄ᬢᬸᬭᬂᬫᬮᬸᬄᬗᬬᬸᬦᬶᬦ᭄᭞ᬳᬦ᭄ᬢᬸᬓ᭄ᬱᬕᬶᬮᬶᬓ᭄ᬱᬕᬸᬮᬸᬓ᭄᭞ᬤᬲᬃᬧᬭᬲ᭄ᬧᬭᭀᬲ᭄ᬫᭂᬮᬄ᭞ᬳᬗ᭄ᬕᬾᬦ᭄‌ᬫ᭄ᬮᬶᬕ᭄ᬕᬕᬂᬢᬶᬬᬓ᭄ᬢᬶ᭞ᬳᬾᬮᬄᬳᬦ᭄ᬢᬸᬓ᭄᭞ᬭᬶᬂᬧᬘᬂᬗᬮᬧ᭄ᬓᬲᭀᬭᬂ᭟ᬳᬤᬢ᭄ᬭᬶᬂᬩᬮᬶᬧᬶᬦᬓ᭞ᬳᬸᬓᬸᬫ᭄ᬳᬤᬢᬾᬯᬶᬬᬓ᭄ᬢᬶ᭞ᬧᬢᬹᬢ᭄ᬧᬶ
ᬲᬗ᭄ᬓᬳᬾᬳᬮᬶᬗᬂ᭞ᬭᬶᬂᬦᬾᬲᬫ᭄ᬧᬸᬦ᭄ᬓᬯᬵᬱ᭄ᬝᬦᬶᬦ᭄᭞ᬳᭀᬦᬾᬓᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬧᬲ᭄ᬯᬭᬮᬓᬶᬢᬦᬶᬧᬸᬦ᭄᭞ᬩᭂᬘᬶᬓᬂᬫᬮᬶᬄᬳᬾᬮᬶᬗᬂ᭞ᬳᬯᬶᬕ᭄ᬳᬯᬶᬕ᭄ᬓ᭄ᬭᬫᬣᬶᬦᬶ᭞ᬮᬦ᭄ᬢᬸᬃᬳᬶᬧᬸᬦ᭄᭞ᬳᬶᬦ᭄ᬤᬶᬓ᭄ᬱᬶᬫᬓᬮᬶᬄᬤᬺᬱ᭄ᬝ᭟ᬧᬸᬦᬶᬓᬫᬓᬲᬫ᭄ᬬᬦ᭄᭞ᬳᬶ
ᬦ᭄ᬤᬶᬓᬾᬲᬫ᭄ᬧᬸᬦ᭄ᬓᬢᬫᬶ᭞ᬦᬵᬗ᭄ᬳᬶᬂᬓᬶᬭᬂᬓᬭᬸᬗ᭄ᬯᬂ᭞ᬳᬦ᭄ᬢᬸᬓ᭄ᬧᬶᬓᬬᬸᬦᬾᬬᬸᬓ᭄ᬢᬶ᭞ᬓᬤᬸᬂᬓᬤ᭄ᬭᭀᬧᭀᬦ᭄ᬲᬧᬳᬶ᭞ᬳᬦ᭄ᬢᬸᬓ᭄ᬗᬺᬋᬄᬩ᭄ᬕᭂᬓᭂᬮ᭄ᬳᬶᬤᬸᬧ᭄᭞ᬭᬭᬶᬲᬂᬫᬗ᭄ᬓᬶᬦ᭄ᬧ᭄ᬬᬭ᭞ᬳᬗ᭄ᬕᬾᬦ᭄ᬫᬦᬶᬦ᭄ᬤᬶᬳᬶᬦ᭄ᬳᬸᬭᬶᬧ᭄᭞ᬲᬶᬦᬄᬳᬤᬸᬂ᭞ᬳᬗ᭄ᬕᬾᬦ᭄‌ᬰ᭄ᬭᬡᬫᬩ᭄ᬮᬶᬕ᭄ᬩᬕᬦ᭄᭟
ᬲᬶᬫᬧᬸᬦᬶᬓᬳᬃᬣᭀᬲ᭄ᬜ᭞ᬳᬸᬕᭂᬃᬳᬸᬕᭂᬃᬢᬦ᭄ᬧᬢᬸᬮᬶᬲ᭄᭞ᬓᬵᬗ᭄ᬕᬾᬦ᭄ᬲᬋᬂᬲᬶᬦᬫ᭄ᬬᬦ᭄᭞ᬲᬵᬦ᭄ᬢᬸᬓᬦ᭄ᬲᬫ᭄ᬧᬸᬦ᭄ᬓᬢᬫ᭄ᬧᬶ᭞ᬲᬭᬶᬂᬧᬭᬋᬫᬾᬭᬶᬳᬶᬦ᭄᭞ᬳᬗ᭄ᬕᬾᬦ᭄ᬕᬕᬫ᭄ᬩᭂᬮᬦ᭄ᬦᬸᬦ᭄ᬢᬸᬦ᭄᭞ᬦᬾᬫᬗ᭄ᬓᬶᬦ᭄ᬮᬦ᭄ᬢᬸᬭᬂᬤᬺᬱ᭄ᬝ᭞ᬳᬶᬦ᭄ᬤᬶᬓ᭄ᬢᬢᬓ᭄ᬭᬫᬬᬸ [ 3 ][᭒ 2B]
᭒
ᬓ᭄ᬢᬶ᭞ᬦᬾᬓᬲᬸᬤᬸᬓ᭄᭞ᬕᬮᬄᬳᬶᬤᬸᬧ᭄ᬫᬘᬘᬶᬗᬓ᭄᭟ᬳᬶᬦ᭄ᬤᬶᬓ᭄ᬳᬯᬶᬕ᭄ᬓᬳᬢᬸᬭᬂ᭞ᬤᬕᬶᬂᬦᬾᬢᬢᬮᬦ᭄ᬢᬶᬢᬶ᭞ᬳᬾᬮᬶᬗᬂᬧᬶᬲᬗ᭄ᬓᬬᬸᬦᬂ᭞ᬧᬢᬸᬢ᭄ᬳᬲᬫᬶ᭞ᬫᬮᬶᬄᬮᬓᬶᬢᬦᬾᬬᬸᬓ᭄ᬢᬶ᭞ᬳᬗ᭄ᬕᬾᬦ᭄ᬫᬓᬾᬮᬶᬗᬂᬭᬢᬸ᭞ᬳᬸᬦ᭄ᬤᬸᬓ᭄ᬮᬓ᭄ᬱᬡᬦ᭄ᬳᬶᬓ᭄ᬭᬫ᭞
ᬭᬶᬂᬲᬯ᭄ᬗ᭄ᬓᭀᬦᬶᬂᬣᬦᬶ᭞ᬳᬶᬗ᭄ᬕᬶᬄᬓᬵᬢᬸᬃ᭞ᬧᬲ᭄ᬯᬭᬕᬸᬭᬸᬯᬶᬰᬾᬰ᭟ᬭᬶᬂᬤᬾᬰᬳᬤᬢ᭄ᬕᭂᬦᬄᬜ᭞ᬳᬶᬗ᭄ᬓᬸᬧᬂᬫᬗ᭄ᬓᬶᬦ᭄ᬗᬃᬤ᭄ᬥᬶᬦᬶᬦ᭄᭞ᬦᬩ᭄ᬤᬩ᭄ᬧᬓᬶᬮᬶᬢᬦ᭄ᬓ᭄ᬭᬫ᭞ᬕᬫ᭄ᬩᭂᬮ᭄ᬩᭂᬘᬶᬓᬂᬦᬶᬦ᭄ᬤᬶᬳᬶᬦ᭄᭞ᬚᬕᬢ᭄ᬩᬮᬶᬦᬾᬧᬸᬦᬶᬓᬶ᭞ᬳᬦ᭄ᬢᬸᬲᬵᬫ᭄ᬧᬸᬦ᭄ᬓᭂᬢᬄᬓᬲᬸᬩ᭄᭞
ᬕᬕᬶᬦᬦᬾᬓᬢᬶᬜ᭄ᬘᬧᬂ᭞ᬳᬕᬫᬳᬤᬢ᭄ᬫᬃᬕ᭄ᬕᬶᬦᬶᬦ᭄᭞ᬳᬶᬦᬸᬢ᭄ᬳᬤᬸᬂ᭞ᬳᬾᬮᬶᬗᬂᬭᬶᬂᬧᬗ᭄ᬮᬓ᭄ᬱᬡ᭟᭐᭟ᬤᬾᬰᬳᬤᬢᬾᬧᬸᬦᬶᬓ᭞ᬓᭂᬫ᭄ᬩᬦ᭄ᬳᬦ᭄ᬢᬸᬓ᭄ᬳᬯᬶᬕ᭄᭞ᬫᬤᬲᬃᬲᬓᬶᬂᬧᬩ᭄ᬮᬶᬕ᭄ᬩᬕ᭄᭞ᬳᬦ᭄ᬢᬸᬓ᭄ᬧᬭᬓ᭄ᬭᬫᬦ᭄ᬳᬶᬧᬸᬦ᭄᭞ᬲᬦᬾᬲᬵ
ᬫ᭄ᬧᬸᬦ?ᬓᬲᬸᬓᭂᬫᬂ᭞ᬲᬋᬂᬲᬫᬶ᭞ᬧᬸᬦᬶᬓᬓᬵᬗ᭄ᬕᬾᬦ᭄ᬢᬸᬦ᭄ᬢᬸᬦᬦ᭄᭟ᬤᬕᬶᬂᬕᬕᬫ᭄ᬩᭂᬓᬦ᭄ᬓ᭄ᬭᬫ᭞ᬫᬸᬗ᭄ᬕᬄᬭᬶᬂᬲᬚ᭄ᬭᭀᬦᬶᬂᬳᬯᬶᬕ᭄᭞ᬳᬶᬦ᭄ᬤᬶᬓ᭄ᬢ᭄ᬭᬶᬳᬶᬢᬓᬭᬡ᭞ᬧᬸᬦᬶᬓᬧᬢᬸᬢ᭄ᬓᬢᬸᬚᬸ᭞ᬓᬧᬶᬂᬲᬶᬓᬶᬓᬧ᭄ᬭᬳ᭄ᬬᬗᬦ᭄᭞ᬫᬗᬲ᭄ᬢᬶᬢᬶ᭞ᬭᬶᬂᬳᬶᬤᬳ᭄ᬬᬂᬯᬶᬥᬶ
[᭓ 3A]
ᬯᬶᬣ᭟ᬳᬶᬦ᭄ᬢᭂᬂᬳᬯᬶᬕ᭄ᬓᬧ᭄ᬭᬳ᭄ᬬᬗᬦ᭄᭞ᬧᬜ᭄ᬘᬬᬚ᭄ᬜᬫᬓᬲᬫᬶ᭞ᬲᬧᬸᬦᬧᬶᬓᬫᬃᬕ᭄ᬬᬂ᭞ᬫᬗ᭄ᬤᬓ᭄ᬭᬫᬲᬶᬤ᭄ᬥᬢᬶᬦᬸᬢ᭄᭞ᬧᬸᬦᬶᬓᬧᬢᬸᬢ᭄ᬓᬬᬸᬦᬂ᭞ᬲᬋᬂᬲᬫᬶ᭞ᬭᬶᬂᬲᭀᬯᬂᬤᬾᬰᬧᬓ᭄ᬭᬫᬦ᭄᭟ᬓᬧᬶᬂᬓᬮᬶᬄᬧᬍᬫᬳᬦ᭄᭞ᬕᭂᬦᬄᬫ᭄ᬬᬭᬲᬂᬳ᭄ᬬᬂᬳᬸᬭᬶᬧ᭄᭞ᬳᬶᬭᬶᬓᬶ
ᬭᬶᬂᬫᬺᬘᬧᬥ᭞ᬧᬢᬸᬢ᭄ᬩᭂᬘᬶᬓᬂᬫᬗᬢᬸᬃ᭞ᬦᬶᬱ᭄ᬝᬫᬤ᭄ᬬᬮᬦ᭄ᬳᬸᬢᬫ᭞ᬫᬓᬲᬫᬶ᭞ᬫᬦᬹᬢ᭄ᬤᬾᬰᬓᬵᬮᬧᬢ᭄ᬭ᭟ᬉᬢ᭄ᬢᬫᬕᭂᬦᬄᬧᬃᬬ᭄ᬬᬗᬦ᭄᭞ᬕᭂᬦᬄᬗᬲ᭄ᬢᬶᬢᬶᬳ᭄ᬬᬂᬯᬶᬥᬷ᭞ᬩᭂᬘᬶᬓ᭄ᬓᬃᬬ᭄ᬬᬦᬂᬲᬗ᭄ᬓᬃᬜ᭞ᬫᬗ᭄ᬤᬦᬾᬦ᭄ᬢᭂᬦ᭄ᬗᬤᬸᬓ᭄᭞ᬓᬢᬦ᭄ᬤᬸᬭᬶᬦ᭄ᬲᬃᬯ᭄ᬯ
ᬲᭂᬓᬃ᭞ᬲᬶᬤᬳᬰ᭄ᬭᬷ᭞ᬭᬶᬓᬵᬮᬧᬘᬂᬫᬢᬸᬭᬦ᭄᭟ᬕᭂᬦᬄᬧᬘᬂᬫᬕᬸᬕᬸᬩᬸᬕᬦ᭄᭞ᬫᬭᬶᬂᬫᬤ᭄ᬬᬫᬓᬚᬢᬶ᭞ᬓᬤᬕᬶᬗ᭄ᬕᬶᬦ᭄‌ᬯᬯᬗᬸᬦᬦ᭄᭞ᬲᬦᬾᬫᬵᬦᬸᬢ᭄ᬭᬶᬂᬧᬦᬸᬦ᭄ᬢᬸᬦ᭄᭞ᬤᬕᬶᬗᬶᬦ᭄ᬳᭂᬦ᭄ᬢᬶᬓ᭄ᬳᭂᬦ᭄ᬢᬶᬓᬦ᭄᭞ᬫᬗ᭄ᬤᬳᭂᬢᬶᬲ᭄᭞ᬳᬦᬸᬢᬂᬭᬶᬂᬓᬯᬾᬦ᭄ᬢᭂ
ᬦᬦ᭄᭟ᬯᬾᬦ᭄ᬢᭂᬦ᭄ᬳᬃᬱᬧᬘᬂᬫ᭄ᬬᬭ᭞ᬲᬃᬯ᭄ᬯᬲᬢᭀᬦᬾᬓᬬᬸᬦᬶᬦ᭄᭞ᬳᬦᬸᬢᬂᬭᬶᬂᬯᬾᬦ᭄ᬢᭂᬦ᭄ᬕᭂᬦᬄ᭞ᬫᬗ᭄ᬤᬦᬾᬦ᭄ᬢᭂᬦ᭄ᬧᬢᬶᬓᬧ᭄ᬮᬸᬕ᭄᭞ᬲᬵᬦ᭄ᬢᬸᬓᬦ᭄ᬳᬸᬩ᭄ᬯᬦ᭄ᬧᬸᬦᬶᬓ᭞ᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬶᬂᬓᬋᬱᬶᬓᬦ᭄ᬳᬸᬢ᭄ᬢᬫ᭟ᬭᬶᬂᬕᭂᬦᬳᬾᬲᬦᬾᬦᬶᬲ᭄ᬢ᭞ [ 4 ][᭓ 3B]
᭓
ᬧᬢᬸᬢ᭄ᬧᬶᬲᬦ᭄ᬓᬯᬶᬓᬦᬶᬦ᭄᭞ᬓᬵᬗ᭄ᬕᬾᬦ᭄ᬕᭂᬦᬄᬫᬗᬶᬮᬶᬤᬂ᭞ᬜᬶᬫ᭄ᬧᭂᬦ᭄ᬲᬃᬯ᭄ᬯᬲᬦᬾᬳᬸᬯᬸᬕ᭄᭞ᬬᬦ᭄ᬭᬶᬂᬤᬾᬰᬕᭂᬦᬄᬲᬾᬢ᭄ᬭ᭞ᬲᬬᬸᬯᬓ᭄ᬢᬶ᭞ᬓᬗ᭄ᬕᬾᬦ᭄ᬕᭂᬦᬄᬦᬦᭂᬫ᭄ᬲᬯ᭟ᬬᬦᬶᬂᬫᬭᬶᬂᬧᬳᬸᬫᬳᬦ᭄᭞ᬢᭂᬩᬦᬶᬓᬓᬯᬵᬱ᭄ᬝᬦᬶᬦ᭄᭞ᬕᭂᬦᬄᬫᬳᬸᬩᬸᬄᬳᬸ
ᬩᬸᬳᬦ᭄᭞ᬫᬶᬯᬄᬕᭂᬦᬄᬗᬸᬢᬂᬮᬸᬳᬸᬳᬸ᭞ᬢᬍᬃᬳᬗ᭄ᬕᬾᬦ᭄ᬧᬵᬩ᭄ᬬᬦᬦ᭄᭞ᬧᬢᬸᬢ᭄ᬳᬾᬮᬶᬂ᭞ᬧᬸᬦᬶᬓᬲᬫᬶᬢᬺᬧ᭄ᬢ᭄ᬬᬂ᭟ᬓᬧᬶᬂᬢᬶᬕᬭᬶᬂᬧᬯᭀᬗᬦ᭄᭞ᬧᬗᬫ᭄ᬩᬮ᭄ᬓᬃᬬ᭄ᬬᬦᬾᬲᬫᬶ᭞ᬲᬶᬤᬓᬮᬯᬦ᭄ᬢᬦ᭄ᬲᬶᬤ᭞ᬧᬢᬸᬢ᭄ᬧᬶᬲᬦ᭄ᬓᬧᬶᬓᬬᬸᬦ᭄᭞ᬲᬦ᭄ᬢᬸᬓᬦ᭄ᬧᬯᭀᬗᬦ᭄ᬲᬶᬤ
ᬫᬗᬃᬤ᭄ᬥᬶᬦᬶᬦ᭄᭞ᬓᬯᭀᬦ᭄ᬩᭂᬘᬶᬓᬾᬧᬸᬦᬶᬓ᭟ᬓ᭄ᬭᬫᬤᬾᬰᬓᬧᬶᬤᬩ᭄ᬤᬩ᭄᭞ᬜᬸᬚᬸᬃᬫᬗ᭄ᬤᬲᬶᬤ᭄ᬥᬕᬶᬮᬶᬓ᭄᭞ᬭᬶᬂᬢ᭄ᬭᬶᬓᬬᬧᬭᬶᬰᬸᬤ᭄ᬥ᭞ᬧᬸᬦᬶᬓᬧᬢᬸᬢ᭄ᬓᬢᬸᬦ᭄ᬢᬸᬦ᭄᭞ᬫᬭᬶᬂᬲᭀᬯᬂᬧᬭᬋᬫᬦ᭄᭞ᬲᬮᬶᬂᬳᬲᬶᬄ᭞ᬗᬮᬧ᭄ᬓᬲᭀᬭᬾᬫᬃᬕ᭄ᬬᬂ᭞ᬤᬾᬰᬳᬤ
ᬢ᭄‌ᬫᬤ᭄ᬯᬾᬓ᭄ᬭᬫ᭞ᬮᬦᬂᬳᬶᬲ᭄ᬢ᭄ᬭᬷᬳᬕᬸᬂᬳᬮᬶᬢ᭄᭞ᬩᭂᬘᬶᬓ᭄ᬩᭂᬘᬶᬓᬂᬦᬩ᭄ᬤᬩᬂ᭞ᬩ᭄ᬮᬶᬕ᭄ᬩᬕᬂᬗᬗ᭄ᬕᬾᬦ᭄ᬲᬸᬮᬸᬃ᭞ᬬᬦ᭄ᬲᬫ᭄ᬧᬸᬦ᭄ᬳᬓᬾᬳᬦ᭄‌ᬦ᭄ᬭᬶᬫ᭞ᬓᬫᬃᬕ᭄ᬕᬶᬦᬶᬦ᭄᭞ᬳᬗ᭄ᬕᬾᬦ᭄‌ᬦᬩ᭄ᬤᬩ᭄ᬭᬶᬂᬮᬓ᭄ᬱᬡ᭟ᬧ᭄ᬭᬤᬾᬯᬾᬦ᭄ᬢᭂᬦ᭄ᬲᬦᬾᬲᬶᬗ᭄ᬲᬮ᭄᭞ᬧᬢᬸᬢ᭄ᬓᬢᬶ
[᭔ 4A]
ᬧᬢᬸᬢ᭄ᬓᬢᬶᬩᬓᬶᬦ᭄ᬳᬯᬶᬕ᭄᭞ᬲᬵᬦ᭄ᬢᬸᬓᬦ᭄ᬓ᭄ᬭᬫᬦᬾᬓᬢᬄ᭞ᬲᬶᬦᬄᬯᬾᬦ᭄ᬢᭂᬦ᭄ᬗᬭᬸᬗᬸ᭞ᬢᬢᭂᬧᬲᬦ᭄ᬲᬶᬤᬲᬶᬦᬄ᭞ᬫᬗ᭄ᬤᬚᬢᬶ᭞ᬳᬦᬸᬢ᭄ᬫᬭᬶᬂᬓᬳᬶᬯᬗᬦ᭄᭟ᬭᬶᬂᬫᬮᬶᬲᬫ᭄ᬧᬸᬦ᭄ᬓᬮᭀᬓ᭄ᬢᬄ᭞ᬯᬾᬦ᭄ᬢᭂᬦ᭄ᬤᬾᬰᬫᬓᬓᬮᬶᬄ᭞ᬤᬾᬰᬤᬶᬦᬲ᭄‌ᬤᬾᬰᬳᬤᬢ᭄᭞ᬫᬫᬶᬧ
ᬤᬫᬓ᭄ᬢᬲᬸᬮᬸᬃ᭞ᬜᬸᬚᬸᬃᬳᬶᬦ᭄ᬤᬶᬓ᭄ᬓᬲᬸᬓᬺᬢᬦ᭄᭞ᬬᬦ᭄ᬳᬸᬧᬫᬶ᭞ᬫᬓᬓᬮᬶᬄᬫᬭᬩ᭄ᬬᬦ᭄᭟ᬤᬾᬰᬤᬶᬦᬲ᭄ᬲᬦᬾᬮᬦᬂ᭞ᬧᬶᬦᬓᬳᬶᬳᬚᬶᬬᬸᬓ᭄ᬢᬶ᭞ᬗᬬᬄᬭᬶᬂᬕᬸᬭᬸᬯᬶᬰᬾᬱ᭟ᬗᬫᬃᬕ᭄ᬬᬂᬧᬶᬢᬸᬤᬸᬄ᭞ᬭᬶᬂᬤᬾᬰᬳᬤᬢ᭄ᬳᬶᬩᬶᬬᬂ᭞ᬗᬃᬤ᭄ᬤᬶᬢᬺᬧ᭄ᬢᬶ᭞ᬢᬸᬗ᭄ᬕᬮ᭄ᬭᬶᬂᬧᬲᬫᭂ
ᬢᭀᬦᬦ᭄᭟ᬭᬶᬂᬓᬳᬸᬭᬶᬧᬦ᭄ᬧᬸᬦᬶᬓ᭞ᬤᬾᬰᬲᬦᬾᬫᬓᬓᬮᬶᬄ᭞ᬧ᭄ᬭᬚᬸᬭᬸᬦᬾᬧᬢᬸᬢ᭄ᬢᬢᬲ᭄᭞ᬦᬾᬦ᭄ᬢᭂᬦ᭄ᬧᬘᬂᬧᬢᬶᬓᬮ᭄ᬮᬸᬕ᭄᭞ᬲᬵᬦ᭄ᬢᬸᬓᬦ᭄‌ᬦᬸᬦ᭄ᬢᬸᬦ᭄ᬳᬶᬓ᭄ᬭᬫ᭞ᬗ᭄ᬭᬜ᭄ᬚᬶᬂᬓᬮᬶᬄ᭞ᬫᬗᬱ᭄ᬝᬤᬤᭀᬲ᭄ᬓᭂᬮᬶᬳᬦ᭄᭟ᬲ᭄ᬯᬥᬃᬫ᭄ᬫᬦ᭄ᬤᬤᭀᬲ᭄ᬓᭂᬮᬶᬳᬦ᭄᭞
ᬗᬃᬤ᭄ᬤᬶᬦᬶᬦ᭄ᬓ᭄ᬭᬫᬦᬾᬢᬺᬧ᭄ᬢᬶ᭞ᬤᬲᬃᬳᬯᬶᬕᬾᬫᬗ᭄ᬕᭂᬳᬂ᭞ᬭᬶᬓᬵᬮᬧᬘᬂᬫᬦᬸᬦ᭄ᬢᬸᬦ᭄᭞ᬢᬦ᭄ᬤᬤᭀᬲ᭄ᬫᬗᬯᬕ᭄ᬳᬯᬕ᭄᭞ᬫᬗᬶᬘᬾᬦᬶᬦ᭄᭞ᬧᬶᬓᬬᬸᬦ᭄ᬓᬮᬶᬄᬮᬓ᭄ᬱᬡ᭟ᬫᬗ᭄ᬤᬭᬯᭀᬲ᭄ᬲᬶᬤᬫᬗᬦ᭄᭞ᬤᬲᬭᬶᬦ᭄ᬳᬦ᭄ᬢᬸᬓ᭄‌ᬫ᭄ᬮᬚᬳᬶᬦ᭄᭞ᬢᬸᬦ᭄ᬢᬸ [ 5 ][᭔ 4B]
᭔
ᬦᬦ᭄ᬰᬵᬲ᭄ᬢ᭄ᬭᬅᬕᬫ᭞ᬧᬶᬦᬓᬤᬲᬃᬲᬧᬸᬤᬸᬓ᭄᭞ᬲᬦᬾᬧᬘᬂᬓᬕᬫ᭄ᬩᭂᬮᬂ᭞ᬳᬗ᭄ᬕᬾᬦ᭄ᬲᬸᬦ᭄ᬤᬶᬄ᭞ᬗᬮᬗᬂᬭᬶᬂᬧᬓᬬᬸᬦᬦ᭄᭟ᬫ᭄ᬮᬚᬳᬾᬧᬢᬸᬢ᭄ᬢᬢᬲᬂ᭞ᬲᬦᬾᬫᭂᬮᬄᬧ᭄ᬮᬳᬚᬶᬦ᭄᭞ᬲᬮᬄᬢᬫ᭄ᬧᬶᬦᬾᬓᭂᬮᬶᬤᬂ᭞ᬭᬸᬯᬂᬫᬸᬲᬸᬳᬶᬦ᭄ᬫᬓᬬᬸᬦ᭄᭞ᬬᬦ᭄ᬧ᭄ᬭᬲᬶ
ᬤᬲᬧᬸᬦᬶᬓ᭞ᬲᬶᬦᬄᬲᬦ᭄ᬢᬶ᭞ᬭᬳᬬᬸᬧᬘᬂᬧᬗ᭄ᬕᬸᬳᬂ᭟ᬭᬶᬂᬳᬸᬕᭂᬃᬕᬸᬭᬸᬯᬶᬰᬾᬱ᭞ᬧᬫᭂᬓᬲ᭄ᬭᬶᬂᬚᬕᬢ᭄ᬩᬮᬶ᭞ᬳᬶᬦ᭄ᬤᬶᬓ᭄ᬤᬾᬰᬳᬤᬢ᭄ᬦᬶᬓ᭞ᬲᬫ᭄ᬧᬸᬦ᭄ᬓᬧᬸᬢᬸᬲᬂᬤᬸᬫᬸᬦ᭄᭞ᬤᬯᭂᬕ᭄‌ᬯᬃᬱᬲᬶᬬᬸᬲᬗ᭞ᬳᬗ᭄ᬕᬸᬦ᭄ᬳᬶᬧᬸᬦ᭄᭞ᬳᬸᬮᬸᬂᬤᬰᬦᭂᬫ᭄ᬦᭂᬫ᭄ᬦᬶᬓ᭟
ᬦᭀᬫᭂᬃᬦᭀᬮ᭄ᬦᭂᬫ᭄ᬓᬳᬸᬗ᭄ᬕᬳᬂ᭞ᬤᬾᬰᬳᬤᬢ᭄ᬓᬲᬸᬗ᭄ᬓᭂᬫᬶᬦ᭄᭞ᬤᬤᭀᬲ᭄‌ᬗ᭄ᬭᬜ᭄ᬚᬶᬂᬤᬾᬰᬤᬺᬱ᭄ᬝ᭞ᬜᬶᬓ᭄ᬬᬂᬳᭀᬯᬫᬃᬕ᭄ᬕᬶᬦ᭄ᬳᬸᬓᬸᬫ᭄᭞ᬫᬤ᭄ᬯᬾᬢ᭄ᬭᬤᬶᬲᬶᬢᬸᬗ᭄ᬕᬮ᭄᭞ᬫᬭᬶᬂᬳᬸᬭᬶᬧ᭄᭞ᬜᬸᬂᬲᬸᬂᬭᬶᬂᬓᬳ᭄ᬬᬗᬦ᭄ᬢᬶᬕ᭟ᬢ᭄ᬭᬤᬶᬲᬶᬢᬸᬗ᭄ᬕᬮ᭄ᬧᬸᬦᬶᬓ᭞ᬓᬳᬢᬸᬃᬤ
ᬤᭀᬲ᭄ᬳᬲᬶᬓᬶ᭞ᬫᬭᬶᬂᬓ᭄ᬭᬫᬤᬾᬰᬳᬤᬢ᭄᭞ᬯᬦ᭄ᬢᬄᬦᬾᬫᬕᬫᬳᬶᬦ᭄ᬤᬸ᭞ᬳᬶᬦ᭄ᬤᬶᬓ᭄‌ᬯᬯᭂᬗ᭄ᬓᭀᬦ᭄ᬮᬦ᭄ᬳᬃᬱ᭞ᬲᬦᬾᬗ᭄ᬭᬜ᭄ᬚᬶᬂ᭞ᬧᬤᬺᬯᬾᬬᬦ᭄ᬤᬾᬰᬳᬤᬢ᭄᭟ᬓᬸᬓᬸᬯᬸᬩᬦ᭄ᬤᬾᬰᬳᬤᬢ᭄᭞ᬯᬾᬦ᭄ᬢᭂᬦ᭄ᬮᬶᬗ᭄ᬕᬄᬯᬾᬦ᭄ᬢᭂᬜ᭄ᬘᬸᬧᬶᬢ᭄᭞ᬧᬢᬸᬢ᭄
[᭕ 5A]
ᬩᭂᬘᬶᬓᬂᬦᬢᬲᬂ᭞ᬢᬍᬃᬯᬾᬦ᭄ᬢᭂᬦ᭄ᬲᬮᬶᬂᬲᭂᬮᬸᬓ᭄᭞ᬧᬫᭂᬓᬲ᭄ᬯᬾᬦ᭄ᬢᭂᬦ᭄ᬭᬶᬂᬓ᭄ᬭᬫ᭞ᬲᬦᬾᬳᬶᬦ᭄ᬤᬶᬄ᭞ᬦᬩ᭄ᬤᬩᬂᬓᬮᬶᬄᬗᬸᬓᬸᬳᬂ᭟ᬓᬯᬾᬦ᭄ᬢᭂᬦᬦ᭄ᬤᬾᬰᬳᬤᬢ᭄᭞ᬳᬓ᭄ᬯᬾᬄᬳᬶᬧᬸᬦ᭄‌ᬯᬾᬦ᭄ᬢᭂᬦ᭄ᬓᬮᬶᬄ᭞ᬯᬾᬦ᭄ᬢᭂᬦ᭄ᬓᬓᬃᬤ᭄ᬤᬶᬳᬩᬜ᭄ᬚᬃ᭞ᬢᬍᬃᬯᬾᬦ᭄ᬢᭂᬦ᭄ᬲᬦᬾᬮᬗ᭄ᬓᬸᬂ᭞ᬳᬩᬜ᭄ᬚᬃᬭᬶᬂᬧᬕᬸᬦᬸᬗ
ᬦ᭄᭞ᬲᬦᬾᬍᬩᬶᬄ᭞ᬯᬾᬦ᭄ᬢᭂᬦ᭄‌ᬭᬶᬂᬩᬮᬶᬤᬢᬭᬦ᭄᭟᭐᭟ᬲ᭄ᬯᬥᬃᬫ᭄ᬫᬦ᭄ᬓ᭄ᬭᬫᬦᬾᬫᬗ᭄ᬓᬶᬦ᭄᭞ᬲᬦᬾᬧᬢᬸᬢ᭄ᬓᬧᬶᬤᬩ᭄ᬤᬩ᭄᭞ᬢᭂᬕᭂᬦ᭄ᬲᬸᬯᬸᬦ᭄ᬲᬋᬂᬭᭀᬭᭀ᭞ᬮᬦᬂᬳᬶᬲ᭄ᬢ᭄ᬭᬶᬗ᭄ᬭᬜ᭄ᬚᬶᬂᬓ᭄ᬭᬫ᭞ᬧᬸᬦᬶᬓᬧᬢᬸᬢ᭄ᬢᬢᬲᬂ᭞ᬦᬧᬶᬲᬦᬾᬧᬢᬸᬢ᭄ᬭᬸᬗᬸᬦ᭄᭞ᬗᬃᬤ᭄ᬤᬶᬓᬲᬸᬓᬺᬳᬜ᭄ᬚ
ᬕᬢ᭄᭟ᬲ᭄ᬯᬥᬃᬫ᭄ᬫᬦ᭄ᬓ᭄ᬭᬫᬭᬶᬂᬳᬸᬭᬶᬧ᭄᭞ᬲᬮᬶᬂᬢᬸᬮᬸᬂᬫᬕᬭᬧᬦ᭄᭞ᬧᬸᬦᬶᬓᬢᬸᬚᭀᬦᬾᬋᬓᭀ᭞ᬲᬵᬦ᭄ᬢᬸᬓᬦ᭄ᬧᬢᭂᬄᬫᬬᬚ᭄ᬜ᭞ᬳᬲᬶᬄᬳᬲᬸᬄᬫᬗ᭄ᬤᬳᬲᬄ᭞ᬯᬾᬦ᭄ᬢᭂᬦ᭄ᬓᬶᬭᬂᬯᬾᬦ᭄ᬢᭂᬦ᭄ᬮᬗ᭄ᬓᬸᬂ᭞ᬗᬮᬧ᭄ᬓᬲᭀᬃᬭᬶᬂᬮᬓ᭄ᬱᬡ᭟ᬲᬓᬶᬂᬳᬲᬶᬄᬗᬯᬾᬢ᭄ᬭᬧ᭄ᬢᬶ᭞ᬭᬶᬂᬲᬓᬮᬮᬦ᭄ᬦᬶ
ᬲ᭄ᬓᬮ᭞ᬧᬸᬦᬶᬓᬯᬸᬮᬢᬶᬋᬓᭀ᭞ᬩ᭄ᬮᬶᬕ᭄ᬩᬕᬂᬫᬭᬶᬂᬧᬭᬸᬫᬦ᭄᭞ᬲᬮᬸᬂᬮᬸᬂᬲᬪᬬᬦ᭄ᬢᬓ᭞ᬧᬭᬲ᭄ᬧᬭᭀᬲ᭄ᬢᬶᬦᬸᬢ᭄ᬳᬤᬸᬂ᭞ᬩ᭄ᬭᬶᬬᬸᬓ᭄ᬧᬗ᭄ᬕᬸᬮ᭄ᬫᬮᬓ᭄ᬱᬡ᭟ᬓ᭄ᬭᬫᬤᬾᬰᬲᬋᬂᬲᬫᬶ᭞ᬧᬢᬸᬢ᭄ᬫᬗᬬᬳᬂᬤᬾᬰ᭞ᬗᬃᬤ᭄ᬤᬶᬧᬯᬗᬸᬦᬦᬺᬓᭀ᭞ᬭᬶᬂᬧᬯᬯᭂᬗ᭄ᬓᭀᬦ᭄ᬤᬾ [ 6 ][᭕ 5B]
᭕
ᬰᬳᬤᬢ᭄᭞ᬲᬓᬮᬦᬶᬲ᭄ᬓᬮᬤᬩ᭄ᬤᬩ᭄᭞ᬫᬗ᭄ᬤᬩᭂᬘᬶᬓ᭄ᬱᬶᬤ᭄ᬤᬗ᭄ᬮᬦ᭄ᬢᬸᬃ᭞ᬓᬯᬭᬶᬲᬂᬭᬶᬂᬲᬦ᭄ᬢᬦ᭟ᬲᬓᬮᬦᬾᬫᬧᬓᬃᬤ᭄ᬤᬶ᭞ᬧᬯᬗᬸᬦᬦ᭄ᬲᬓᬶᬂᬧᬸᬭ᭞ᬓᬳ᭄ᬬᬗᬦ᭄ᬢᬶᬕᬦᬾᬭᭀᬫ᭄ᬩᭀ᭞ᬭᬯᬸᬳᬂᬭᬶᬂᬫ᭄ᬭᬚᬦ᭄ᬲᬗ᭄ᬕᬄ᭞ᬧᬤᬺᬯᬾᬦ᭄ᬓ᭄ᬭᬫᬲᬫ᭄ᬬᬦ᭄᭞ᬫᬗ᭄ᬤᬦᬾᬦ᭄ᬢᭂᬜ᭄ᬚᬦ᭄ᬢᭀᬲ᭄ᬳᬸᬯᬸᬕ᭄᭞
ᬲᬋᬂᬲᬫᬶᬧᬢᬸᬢ᭄ᬲᬭᬢ᭄᭟ᬓᬦᬶᬱ᭄ᬓᬮᬫᬗᬱ᭄ᬝᬶᬢᬶ᭞ᬦᬸᬦᬲ᭄ᬧᬲ᭄ᬯᬾᬘᬦ᭄ᬳᬶᬤ᭞ᬢ᭄ᬬᬂᬯᬶᬥᬶᬓᬲᬸᬂᬲᬸᬂᬋᬓᭀ᭞ᬓᬧᬶᬤᬩ᭄ᬤᬩ᭄‌ᬳᬸᬧᬲᬵᬭ᭞ᬫᬤᬸᬮᬸᬭᬦ᭄ᬳᬦ᭄ᬢᬸᬓ᭄‌ᬬᬚ᭄ᬜ᭞ᬲᬓᬮᬦᬶᬱ᭄ᬓᬮᬓᬢᬸᬃ᭞ᬭᬶᬂᬭᬵᬳᬶᬦᬧᬶᬳᭀᬤᬮᬦ᭄᭟ᬭᬶᬂᬢᬶᬍᬫ᭄ᬧᬹᬃᬡ᭄ᬦᬫᬬᬸᬓ᭄ᬢᬶ᭞ᬢᬍᬃᬧᬢᬸᬢ᭄ᬫᬗᬢᬸ
ᬭᬂ᭞ᬩᬓ᭄ᬢᬶᬳᬦ᭄ᬢᬸᬓ᭄‌ᬬᬚ᭄ᬜᬋᬓᭀ᭞ᬢᬯᬸᬃᬘᬭᬸᬪᬸᬢᬬᬚ᭄ᬜ᭞ᬫᬮᬶᬲ᭄ᬫᬺᬱᬶᬳᬂᬪᬸᬯᬦ᭞ᬧᬸᬦᬶᬓᬲᬫᬶᬓᬧᬢᬸᬢ᭄᭞ᬦᬗ᭄ᬮᬓ᭄‌ᬫ᭄ᬭᬡᬮᬦ᭄ᬓᬲᬗ᭟ᬲᭀᬯᬂᬓ᭄ᬭᬫᬫᬦᬶᬦᬸᬢᬶᬦ᭄᭞ᬤᬕᬶᬂᬳᬯᬶᬕ᭄ᬳᬯᬶᬕ᭄ᬤᬾᬰ᭞ᬗᬃᬤ᭄ᬤᬶᬕᬶᬮᬶᬓ᭄ᬭᬶᬂᬲᬫᭂᬢᭀᬦ᭄᭞ᬲᬦᬾᬲᬫ᭄ᬧᬸᬦ᭄ᬓᬭᬋᬫᬂ᭞ᬳᬫ᭄ᬢᬸ
ᬮᬶᬲ᭄ᬓᬮᬶᬄᬧᬲ᭄ᬯᬭ᭞ᬧᬸᬦᬶᬓᬧᬢᬸᬢ᭄ᬓᬭᬸᬗᬸ᭞ᬫᬗᬸᬓᬸᬳᬂᬤᬾᬰᬳᬤᬢ᭄᭟ᬮ᭄ᬬᬦ᭄ᬭᬶᬂᬗᬫᬃᬕ᭄ᬕ᭄ᬬᬂᬳᬯᬶᬕ᭄᭞ᬢᬍᬃᬧᬢᬸᬢ᭄ᬓᬧᬶᬤᬩ᭄ᬤᬩ᭄᭞ᬩᭂᬘᬶᬓᬂᬲᬫ᭄ᬧᬸᬦᬂᬕᬾᬭᭀ᭞ᬲᬸᬓᬺᬢᬢᬺᬧ᭄ᬢᬶᬢᬸᬚ᭄ᬯᬂ᭞ᬧᬸᬲᬓᬤᬸᬄᬓᬫᬃᬕ᭄ᬬᬂ᭞ᬲᬮᬫᬶᬦ᭄ᬳᬸᬭᬶᬧᬾᬓᬦ᭄ᬢᬸᬦ᭄᭞ᬳᬗ᭄ᬕᬾᬦ᭄ᬦᬶᬜ᭄ᬘᬧᬂ
[᭖ 6A]
ᬧᬲᬶᬓ᭄ᬬᬦ᭄᭟ᬢᬍᬃᬧᬢᬸᬢ᭄ᬓᬯᬶᬓᬦᬶᬦ᭄᭞ᬲ᭄ᬯᬥᬃᬫ᭄ᬫᬦᬾᬤᬤᭀᬲ᭄ᬓ᭄ᬭᬫ᭞ᬓᬮᬸᬕ᭄ᬭᬧᬤᬫᬩᬯᭀᬲ᭄᭞ᬲᬦᬾᬧᬢᬸᬢ᭄ᬓᬢᬸᬦᬲᬂ᭞ᬧᬸᬦᬶᬓᬫᬮᬶᬄᬩ᭄ᬮᬶᬕ᭄ᬩᬕᬂ᭞ᬚᬦ᭄ᬢᭀᬲ᭄ᬧ᭄ᬭᬲᬶᬤ᭄ᬥᬓᬧᬸᬢᬸᬲ᭄᭞ᬧᬶᬓᭂᬦᭀᬄᬤᬕᬶᬂᬧᬭᬸᬫᬦ᭄᭟ᬲᬬᬕᬫᬶᬮᬶᬄᬓᬧᬶᬮᬶᬄ᭞ᬓᬚᭂᬕᬂᬤ
ᬤᭀᬲ᭄ᬫᬗ᭄ᬕᬮ᭞ᬗᬦ᭄ᬢᬶᬦᬶᬦ᭄ᬜᬸᬓ᭄ᬱᬸᬓᬶᬦᬺᬓᭀ᭞ᬫᬗᬾᬦ᭄ᬢᭂᬭᬂᬧᬭᬓ᭄ᬭᬫ᭞ᬗ᭄ᬮᬦ᭄ᬢᬸᬃᬜᬸᬚᬸᬃᬓᬲᬸᬓᬺᬢᬦ᭄᭞ᬫᬗ᭄ᬕᭂᬄᬤᬤᭀᬲ᭄ᬲᬂᬧ᭄ᬭᬚᬸᬭᬸᬫᬓᬤᬶᬩᬦ᭄ᬤᬾᬰᬳᬤᬢ᭄᭟ᬳᬶᬦ᭄ᬤᬶᬓ᭄ᬧ᭄ᬭᬚᬸᬭᬸᬦᬾᬬᬸᬓ᭄ᬢᬶ᭞ᬫᬓ᭄ᬯᬾᬄᬯᬾᬦ᭄ᬢᭂᬦ᭄‌ᬤᬸᬤᭀᬦᬦ᭄ᬜ᭞ᬭᬶᬂᬤᬾᬰᬳᬧᬦᬕᬋᬓᭀ᭞ᬩᭂᬦ᭄ᬤᬾᬰ
ᬳᬤᬢ᭄‌ᬯᬱ᭄ᬝᬦ᭄ᬜ᭞ᬫᬮᬶᬄᬯᬾᬦ᭄ᬢᭂᬦ᭄ᬲᬦᬾᬜᬗ᭄ᬕ᭄ᬭ᭞ᬯᬓᬶᬮ᭄ᬧᬶᬦᬓᬧᬢᬚᬸᬄ᭞ᬧᬢᭂᬗᭂᬦᬾᬚᬸᬭᬸᬭᬵᬓ᭄ᬱ᭟ᬫᬮᬶᬄᬯᬾᬦ᭄ᬢᭂᬜ᭄ᬚᬸᬭᬸᬢᬸᬮᬶᬲ᭄᭞ᬫᬯᬱ᭄ᬝᬲᬂᬧᬜᬭᬶᬓᬦ᭄᭞ᬚᬸᬭᬸᬳᬭᬄᬭᬶᬂᬲᬫᭂᬢᭀᬦ᭄᭞ᬓᭂᬢᬄᬫᬯᬱ᭄ᬝᬓᬲᬶᬦᭀᬫᬦ᭄᭞ᬦᬾᬗᬢᬸᬭᬂᬳᬸᬧᬘᬵ
ᬭ᭞ᬫᬯᬱ᭄ᬝᬚᭂᬭᭀᬧᬫᬗ᭄ᬓᬸ᭞ᬦᬶᬓᬭᬶᬂᬩᬮᬶᬤᬢᬭᬦ᭄᭟ᬭᬶᬂᬩᬮᬶᬳᬕᬧᬸᬦᬶᬓᬶ᭞ᬯᬵᬱ᭄ᬝᬦ᭄ᬧᬫᬸᬘᬸᬓᬾᬫᬗ᭄ᬕᬮ᭞ᬚᭂᬭᭀᬩᬬᬦ᭄‌ᬯᬾᬦ᭄ᬢᭂᬦ᭄ᬭᭀᬭᭀ᭞ᬩᬬᬦ᭄ᬫᬸᬘᬸᬓ᭄ᬓᬮᬶᬄᬜᭀᬫᬦ᭄᭞ᬢᬍᬃᬯᬾᬦ᭄ᬢᭂᬦ᭄ᬦᬾᬮᬶᬬᬦᬦ᭄᭞ᬓᬯᬵᬱ᭄ᬝᬦᬶᬦ᭄‌ᬚᭂᬭᭀᬩ [ 7 ][᭖ 6B]
᭖
ᬳᬸ᭞ᬚᭂᬭᭀᬧᬢᬶᬮᬦ᭄ᬲᬶᬗ᭄ᬕᬸᬓᬦ᭄᭟ᬭᬶᬂᬤᬾᬰᬢᬸᬳᬦᬾᬫᬗ᭄ᬓᬶᬦ᭄᭞ᬢᬍᬃᬫᬤᬺᬯᬾᬫᬗ᭄ᬕᬮ᭞ᬳᬓᬾᬄᬩᬸᬤ᭄ᬥᬬᬦᬾᬭᭀᬭᭀ᭞ᬢᭂᬗᬾᬕᭀᬢ᭄ᬲᬋᬂᬢᭂᬗᬯᬦ᭄᭞ᬩᭂᬦ᭄ᬤᬾᬰᬳᬤᬢ᭄ᬧᬢᬚᬸᬄ᭞ᬧᬜᬭᬶᬓᬦ᭄ᬓᬲᬶᬦᭀᬫᬦ᭄᭟ᬢ
ᬢᬢᬶᬢᬶᬦᬾᬯᬶᬓᬦᬶᬦ᭄᭞ᬧ᭄ᬭᬚᬸᬭᬸᬭᬶᬂᬤᬾᬰᬳᬤᬢ᭄᭞ᬯᬾᬦ᭄ᬢᭂᬦ᭄ᬲᬫ᭄ᬧᬸᬦ᭄ᬢᬶᬕᬂᬧᬭᭀᬲ᭄᭞ᬲᬶᬓᬶᬗᬗ᭄ᬕᬾᬦ᭄ᬧᬫᬶᬮᬶᬳᬦ᭄᭞ᬓᬧᬶᬂᬓᬮᬶᬄᬓᬢᬸᬭᬸᬦᬦ᭄᭞ᬧᬶᬂᬢᬶᬕᬦᬾᬢᬍᬃᬓᬢᬸᬃ᭞ᬫᬕᬶᬮᬶᬃᬗᬢᬸᬭᬂᬳᬬᬄ᭟ᬲᬸᬯᬾᬦ᭄ᬦᬾᬫᬬᬰᬓᬾᬃᬱᬶ᭞ᬜ
ᬗ᭄ᬕ᭄ᬭᬲ᭄ᬯᬥᬃᬫᬦ᭄ᬫᬗ᭄ᬕᬮ᭞ᬫᬦᬹᬢ᭄ᬤᬕᬶᬂᬳᬯᬶᬕᬺᬓᭀ᭞ᬢᬢ᭄ᬯᬫᬲᬶᬦᬾᬕᭂᬓᬭᬂ᭞ᬧᬸᬢᬸᬲᬦ᭄ᬫᬭᬶᬂᬧᬭᬸᬫᬦ᭄᭞ᬓ᭄ᬭᬫᬤᬾᬰᬲᬦᬾᬳᬶᬗ᭄ᬓᬸᬧ᭄᭞ᬲᬦᬾᬧᬢᬸᬢ᭄ᬓᬫᬗ᭄ᬕᭂᬳᬂ᭟᭐᭟ᬳᬶᬦ᭄ᬤᬶᬓ᭄ᬳᬗ᭄ᬕᬦ᭄ᬤᬾᬰᬓᬢᬸᬃ᭞ᬯᬾᬦ᭄ᬢᭂᬦ᭄ᬧᬸᬦᬶᬓᬓᬓᬮᬶᬄ᭞
ᬳᬲᬶᬓᬶᬲᬦᬾᬫᭀᬮᬶᬳᬂ᭞ᬢᬍᬃᬯᬾᬦ᭄ᬢᭂᬦ᭄ᬦᬾᬦ᭄ᬢᭂᬦ᭄‌ᬳᬾᬮᬄ᭞ᬓᬭᬂᬳᬬᬳᬦ᭄ᬭᬶᬂᬤᬾᬰ᭞ᬗᬶᬭᬶᬂᬲᬋᬂᬓᬯᬶᬓᬦᬶᬦ᭄᭟ᬲᬦᬾᬳᭀᬮᬶᬄᬓᬭᬂᬓᬢᬸᬃ᭞ᬓ᭄ᬯᬾᬄᬦᬾᬧᭀᬮᬶᬄᬫᬦᬶᬦᬸᬢᬶᬦ᭄᭞ᬧᬢᬸᬢ᭄ᬫᬗᬢᬸᬭᬂᬳᬬᬄ᭞ᬓ᭄ᬭᬫᬗᬋ
[᭗ 7A]
ᬧ᭄ᬓᬯᬵᬱ᭄ᬝᬦᬶᬦ᭄᭞ᬓᭂᬦᬶᬳᬬᬳᬦ᭄ᬭᬶᬂᬤᬾᬰ᭞ᬭᬶᬂᬓᬃᬬ᭄ᬬᬳᬤᬢᬾᬬᬸᬓ᭄ᬢᬶ᭟ᬧ᭄ᬭᬤᬾᬯᬾᬦ᭄ᬢᭂᬦ᭄ᬲᬦᬾᬮᬗ᭄ᬓᬸᬂ᭞ᬳᬓᬾᬄᬲᬫᭂᬢᭀᬦᬾᬬᬸᬓ᭄ᬢᬶ᭞ᬳᬲᬶᬓᬶᬲᬦᬾᬓᬋᬧᬂ᭞ᬧᬸᬦᬶᬓᬧᬢᬸᬢ᭄ᬓᬬᬸᬦᬶᬦ᭄᭞ᬦᬾᬲᬾᬯᭀᬲᬦ᭄‌ᬓ᭄ᬭᬫᬭᭀᬩᬦ᭄᭞ᬫᬢᬸᬮᬸᬂᬲᬋᬂᬗᬬᬳᬶᬦ᭄᭟
ᬦᬾᬲᬾᬯᭀᬲᬦ᭄ᬳᬗ᭄ᬕᬓᬢᬸᬃ᭞ᬯᬾᬦ᭄ᬢᭂᬦ᭄ᬲᬗ᭄ᬓᬦᬶᬂᬫᬗᬯᬶᬢ᭄᭞ᬗ᭄ᬭᬜ᭄ᬚᬶᬂᬭᬶᬂᬧᬯᬶᬯᬵᬳᬦ᭄᭞ᬭᬶᬂᬤᬾᬰᬳᬤᬢ᭄‌ᬯ᭄ᬬᬓ᭄ᬢᬶ᭞ᬚᭂᬦᭂᬓ᭄ᬳᬸᬭᬶᬧ᭄ᬫᬳᬸᬢ᭄ᬲᬳ᭞ᬢᬍᬃᬲᬋᬂᬗᬫᬶᬍᬢᬶᬦ᭄᭟ᬦᬾᬮᬶᬬᬦᬦ᭄ᬫᬮᬶᬄᬓᬢᬸᬃ᭞ᬤᬾᬰᬳᬤᬢ᭄ᬯᬯᬸᬓᬵᬧ᭄ᬢᬶ᭞ᬫᬤᬲᬃᬭᬶᬂᬧᬤᬳᬃ
ᬱ᭞ᬭᬶᬂᬕᭂᬦᬄᬳᬫᬗᬭᬗᬶᬦ᭄᭞ᬤᬲᬃᬗᬬᬳᬾᬧᬸᬦᬶᬓ᭞ᬓᬾᬗᬶᬦ᭄ᬫᬲᬶᬓ᭄ᬬᬦ᭄ᬲᬫᬶ᭟ᬫᬤᬾᬰᬳᬤᬢ᭄ᬓᬵᬳᬢᬸᬃ᭞ᬕᬸᬫᬦ᭄ᬢᬶᬗᬃᬤ᭄ᬤᬶᬧᬂᬩᭂᬘᬶᬓ᭄᭞ᬭᬶᬂᬢ᭄ᬭᬶᬓᬬᬧᬭᬶᬰᬸᬤ᭄ᬥ᭞ᬗᬸᬮᬢᬶᬮᬓ᭄ᬱᬡᬕᬶᬮᬶᬓ᭄᭞ᬭᬶᬂᬧᬬᬸᬦ᭄ᬮᬓ᭄ᬱᬡᬦ᭄ᬫᬘᬦ᭞ᬲᬋᬂ
ᬲᬫᭂᬢᭀᬦᬾᬲᬫᬶ᭟ᬤᬾᬰᬳᬤᬢ᭄ᬲᬶᬤᬗᬢᬸᬃ᭞ᬫᬮᬭᬧᬦ᭄ᬳᬦ᭄ᬢᬸᬓ᭄ᬳᬯᬶᬕ᭄᭞ᬲᬦᬾᬲᬫ᭄ᬧᬸᬦ᭄ᬓᬫᬗ᭄ᬕᭂᬳᬂ᭞ᬫᬤᬲᬃᬧᬭᬸᬫᬦ᭄‌ᬭᬶᬳᬶᬦ᭄᭞ᬭᬶᬂᬧᬭᬓ᭄ᬭᬫᬦᬾᬲᬫ᭄ᬬᬦ᭄᭞ᬧᬸᬦᬶᬓᬗᬃᬤ᭄ᬬᬂᬩᭂᬘᬶᬓ᭄᭟ᬳᬯᬶᬕ᭄ᬲᬦᬾᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬧ [ 8 ][᭗ 7B]
᭗
ᬢᬸᬢ᭄ᬓᬲᬸᬭᬵᬢᬂᬫᬮᬶᬄ᭞ᬫᬗ᭄ᬤᬲᬶᬤᬓᬓᬬᬸᬦᬂ᭞ᬢᬸᬃᬓᬢ᭄ᬭᬶᬫᬬᬂᬫᬮᬶᬄ᭞ᬫᬭᬶᬂᬲᭀᬯᬂᬲᭀᬯᬂᬓ᭄ᬭᬫ᭞ᬲᬶᬤᬳᬗ᭄ᬕᬾᬦ᭄ᬫᬗᬸᬓᬸᬳᬶᬦ᭄᭟ᬳᬯᬶᬕ᭄ᬧᬶᬦᬓᬧᬦᭂᬕᬸᬮ᭄᭞ᬦᭂᬓᭂᬓᬂᬓ᭄ᬭᬫᬦᬾᬲᬫᬶ᭞ᬳᬶᬦ᭄ᬤᬶᬓ᭄ᬗᬃᬤ᭄ᬤᬶᬧᬲᬶᬓ᭄ᬬᬦ᭄᭞ᬧᬢᬸᬢ᭄ᬧᬶᬲᬦ᭄ᬓᬢᬶᬦᬸᬢᬶᬦ᭄᭞ᬳᬗ᭄ᬕᬾᬦ᭄ᬜᬸᬚᬸᬃᬓ
ᬲᬸᬓᬺᬢᬦ᭄᭞ᬧ᭄ᬭᬲᬶᬤᬤᬾᬰᬦᬾᬩᭂᬘᬶᬓ᭄᭟ᬧᬸᬦᬶᬓᬗᬯᬶᬦᬂᬓᬸᬓᬸᬄ᭞ᬤᬾᬰᬳᬤᬢᬾᬭᬶᬂᬩᬮᬶ᭞ᬧᬢᬸᬢ᭄ᬢᭂᬫᭂᬲ᭄ᬓᬧᬶᬤᬩ᭄ᬤᬩ᭄᭞ᬧᬶᬓᬬᬸᬦᬶᬦ᭄ᬲᬋᬂᬲᬫᬶ᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᭂᬢᬸᬲᬶᬗ᭄ᬲᬮ᭄᭞ᬲᭂᬭᬶᬂᬧᬭᬸᬫ᭄ᬗᬃᬤ᭄ᬤᬶᬩᭂᬘᬶᬓ᭄᭟ᬲᬦᬾᬲᬵᬫ᭄ᬧᬸᬦ᭄ᬦᬾᬦ᭄ᬢᭂᬦ᭄ᬧᬢᬸᬢ᭄᭞ᬕᭂ
ᬮᬶᬲ᭄ᬓᬕᭂᬦ᭄ᬢᭀᬲᬶᬦ᭄‌ᬫᬮᬶᬄ᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᬗ᭄ᬭᬡᬬᬂ᭞ᬧᬫᬃᬕ᭄ᬕᬶᬦᬾᬩᬮᬓ᭄ᬩᬮᬶᬓ᭄᭞ᬓᬬᬸᬦᬶᬦ᭄ᬲᬋᬂᬲᬶᬦᬫ᭄ᬬᬦ᭄᭞ᬫᬗ᭄ᬤᬕᬮᬂᬓᬫᬃᬕ᭄ᬕᬶᬦᬶᬦ᭄᭟ᬭᬶᬂᬤᬾᬰᬳᬤᬢᬾᬓᬸᬓᬸᬄ᭞ᬧᬫᬃᬕ᭄ᬕᬶᬦᬾᬜᬸᬂᬲᬸᬂᬯᬶᬥᬶ᭞ᬜᬶᬓ᭄ᬬᬂᬧᬲᭂᬫᭂᬢᭀᬦᬦ᭄᭞ᬫ᭄ᬬᬭ
ᬕᭂᬦᬳᬾᬳᬸᬭᬶᬧ᭄᭞ᬳᬦ᭄ᬢᬸᬓ᭄ᬗᬫᬃᬕ᭄ᬬᬂᬳᬤᬢ᭄᭟ᬓᬮᬶᬄᬩᬸᬤ᭄ᬥᬬᬦᬾᬬᬸᬓ᭄ᬢᬶ᭟ᬤᬾᬰᬳᬤᬢ᭄ᬕᭂᬦᬄᬧᬢᬸᬢ᭄᭞ᬫᬶᬤᬩ᭄ᬤᬩᬶᬦ᭄ᬓ᭄ᬭᬫᬲᬫᬶ᭞ᬗᬸᬮᬢᬶᬦᬶᬜ᭄ᬘᬧᬂᬳᬗ᭄ᬕ᭞ᬳᬗ᭄ᬕᬾᬦ᭄ᬗᬺᬋᬄᬩᭂᬓᭂᬮ᭄ᬳᬸᬭᬶᬧ᭄᭞ᬲᬵᬦ᭄ᬢᬸᬓᬦ᭄ᬫᬤᬲᬃᬥᬃᬫ᭄ᬫ᭞ᬲᬦᬾᬧᬢᬸᬢ᭄ᬓᬓᬃᬤ᭄ᬤᬶᬦᬶᬦ᭄᭟
[᭘ 8A]
ᬬᬦᬶᬂᬫᬮᬓ᭄ᬱᬡᬧᬢᬸᬢ᭄᭞ᬳᬓᬄᬲᬦᬾᬫᬜᬸᬗ᭄ᬓᭂᬫᬶᬦ᭄᭞ᬬᬦᬶᬂᬓᬯᭀᬦ᭄ᬓᬫᬃᬕ᭄ᬬᬂ᭞ᬳᬓᬾᬄᬳᬦᬓᬾᬗ᭄ᬮᬶᬤᬶᬦ᭄᭞ᬧᬸᬦᬶᬓᬧᬢᬸᬢ᭄ᬓᬬᬸᬦᬂ᭞ᬤᬤᭀᬲ᭄ᬓ᭄ᬭᬫᬧᬢᬸᬢ᭄ᬳᬸᬦᬶᬂ᭟ᬬᬦ᭄ᬲᭀᬮᬾᬄᬲᬦᬾᬮᬸᬫᬓᬸ᭞ᬓᬲᬶᬦᬳᬂᬫᬦᬸᬗ᭄ᬓᬲᬶᬦ᭄᭞ᬧᬫᬃᬕ᭄ᬕᬶᬦ᭄ᬳᬤᬢ᭄ᬭᬶᬂᬤᬾᬰ᭞
ᬢᬸᬃᬤᬶᬕᭂᬮᬶᬲ᭄ᬓᬯᬵᬱ᭄ᬝᬦᬶᬦ᭄᭞ᬚᬢ᭄ᬫᬢ᭄ᬯᬭᬦᬯᬂᬳᬤᬢ᭄᭞ᬳᬓᬾᬄᬓ᭄ᬭᬫᬦᬾᬗᬚᭀᬳᬶᬦ᭄᭟ᬳᬩᭀᬢ᭄ᬳᬗᬦ᭄ᬜᬸᬚᬸᬢ᭄‌ᬧᬢᬸᬢ᭄᭞ᬭ᭄ᬯᬪᬶᬦᬾᬤᬓᬳᬶᬘᬾᬦᬶᬦ᭄᭞ᬧᬢᬸᬢ᭄ᬩᭂᬘᬶᬓ᭄ᬧᬶᬓᬬᬸᬦᬂ᭞ᬫᬓᬓᬮᬶᬄᬦᬫ᭄ᬧᭂᬓ᭄‌ᬬᬸᬓ᭄ᬢᬶ᭞ᬧᬸᬦᬶᬓᬗᬸᬚᬶᬫᬵᬦᬸᬱ᭞ᬫᬭᬶᬂ
ᬲᬓᬦ᭄ᬢᬸᬦᬾᬳᬸᬭᬶᬧ᭄᭟ᬤᬤᭀᬲ᭄ᬚᬢ᭄ᬫᬮᬶᬦ᭄ᬢᬂᬳᬸᬦ᭄ᬢᬸᬂ᭞ᬧᬢᬸᬢ᭄ᬧᬶᬲᬦ᭄ᬓᬯᬶᬓᬦᬶᬦ᭄᭞ᬬᬦ᭄ᬲᬳᬶᬳᬂᬭᬶᬂᬮ᭄ᬬᬦᬦ᭄᭞ᬭᬶᬂᬲᬃᬯ᭄ᬯᬲᬦᬾᬫᬳᬸᬭᬶᬧ᭄᭞ᬧᬓᬃᬤ᭄ᬥᬶᬦ᭄ᬳ᭄ᬬᬂᬯᬶᬤ᭄ᬥᬶᬯᬰ᭞ᬧᬸᬦᬶᬓᬧᬢᬸᬢ᭄ᬳᬸᬦᬶᬗᬶᬦ᭄᭟᭐᭟ᬩᬜ᭄ᬚᬃᬓᬢᬸᬃ᭞ᬧᬢᬸᬢ᭄ᬧᬶᬲᬦ᭄ᬓᬧᬶᬓ
ᬬᬸᬦ᭄᭞ᬲᬦᬾᬫᬦᬤᭀᬲᬂ᭞ᬤᬾᬰᬳᬤᬢ᭄ᬓᬓᬃᬤ᭄ᬤᬶᬦᬶᬦ᭄᭞ᬳᬓᬾᬄᬳᬶᬧᬸᬦ᭄᭞ᬯᬾᬦ᭄ᬢᭂᬦ᭄ᬓᬢᬄᬓᬮᬶᬄᬢᬸᬗ᭄ᬕᬮ᭄᭟ᬢᬃᬱᬶᬓᬶᬧᬸᬦ᭄᭞ᬧᬶᬓᭂᬦᭀᬄᬭᬶᬂᬩᬜ᭄ᬚᬃᬇᬓᬸ᭞ᬫᬩᬭᬶᬲ᭄ᬫᬚᬚᬃ᭞ᬫᬶᬯᬄᬗ᭄ᬮᭀᬫ᭄ᬧᭀᬓ᭄‌ᬯᬾᬦ᭄ᬢᭂᬦ᭄ᬫᬮᬶᬄ᭞ᬘᬸᬢᭂᬢ᭄ᬳᬶᬧᬸᬦ᭄᭞ [ 9 ][᭘ 8B]
᭘
ᬲᬋᬂᬫᬓᬾᬄᬫᬲᬶᬓ᭄ᬬᬦ᭄᭟ᬫᬮᬶᬄᬓᬢᬸᬃ᭞ᬕᭂᬦᬄᬧᬘᬂᬓᬵᬗ᭄ᬕᬾᬦ᭄ᬦᬸᬦ᭄ᬢᬸᬦ᭄᭞ᬫᬜ᭄ᬚᬳᬂᬧᬶᬤᬩ᭄ᬤᬩ᭄᭞ᬗᬃᬤ᭄ᬤᬶᬓᬓᬬᬸᬦᬶᬦ᭄ᬫᬮᬶᬄ᭞ᬕᭂᬦᬄᬳᬶᬧᬸᬦ᭄᭞ᬭᬶᬂᬩᬮᬾᬩᬜ᭄ᬚᬃᬯᬵᬱ᭄ᬝᬦ᭄ᬜ᭟ᬫᬗ᭄ᬓᬶᬦ᭄ᬓᬢᬸᬃ᭞ᬕᬕᬸᬡᬦ᭄ᬩᬜ᭄ᬚᬃᬧᬸᬦᬶᬓᬸ᭞ᬧᬶᬦᬓᬧᬲᬶᬓ᭄ᬬᬦ᭄᭞ᬗᬃᬤ᭄ᬤᬶᬧᬫᬃᬕ᭄ᬕᬶ
ᬲᬕᬶᬮᬶᬓ᭄᭞ᬤᬲᬃᬳᬶᬧᬸᬦ᭄᭞ᬜᬸᬚᬸᬃᬢᬸᬗ᭄ᬕᬶᬮ᭄ᬧᬲᬶᬓ᭄ᬬᬦ᭄᭟ᬤᬲᬃᬳᬶᬧᬸᬦ᭄᭞ᬲᬶᬤᬦᬾᬧᬤᬫᬧᬸᬧᬸᬮ᭄᭞ᬧᬘᬂᬗᬫᬃᬕ᭄ᬬᬂ᭞ᬤᬲᬃᬳᬸᬭᬶᬧ᭄ᬧᬦᭂᬲ᭄ᬢᬶᬲ᭄᭞ᬮ᭄ᬯᬶᬃᬳᬶᬧᬸᬦ᭄᭞ᬲᬋᬂᬫᬭᬶᬂᬲᬸᬓᬤᬸᬄᬓ᭟ᬩᬜ᭄ᬚᬃᬳᬶᬓᬸ᭞ᬬᬦ᭄ᬢᬶᬮᬶᬓᬶᬦ᭄‌ᬯᬾᬦ᭄ᬢᭂᬦ᭄ᬳᬕᬸᬂ
ᬓᬢᬄ᭞ᬦᬾᬳᬕᭂᬂᬓᬧᬶᬮᬶᬄᬫᬮᬶᬄ᭞ᬤᬤᭀᬲ᭄ᬳᬶᬧᬸᬦ᭄᭞ᬫᬓᬸᬤᬂᬓᬸᬤᬂᬢᬾᬫ᭄ᬧᬾᬓᬦ᭄᭟ᬢᬾᬫ᭄ᬧᬾᬓ᭄ᬳᬶᬓᬸ᭞ᬫᬜᬶᬳ᭄ᬦᬬᬂᬳᬾᬮᬄᬗᬢᬸᬃ᭞ᬭᬶᬓᬮᬗᬸᬮᬢ᭄ᬬ᭞ᬗᬫᬃᬕ᭄ᬬᬂᬲᬳᬸᬭᬄᬳᬭᬶᬄ᭞ᬧᬢᬸᬢ᭄ᬓᬢᬸᬃ᭞ᬭᬯᬸᬳᬂᬭᬶᬂᬓ᭄ᬭᬫᬩᬜ᭄ᬚᬃ᭟ᬲᬂᬧ᭄ᬭ
ᬚᬸᬭᬸ᭞ᬓᭂᬮᬶᬳᬦ᭄ᬩᬜ᭄ᬚᬃᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬲᬦᬾᬫᬗᬾᬦ᭄ᬢᭂᬭᬂ᭞ᬧᬭᬓ᭄ᬭᬫᬫᬩᬜ᭄ᬚᬃᬲᬫᬶ᭞ᬫᬗ᭄ᬤᬢᬶᬦᬸᬢ᭄᭞ᬭᬶᬂᬲ᭄ᬯᬥᬃᬫ᭄ᬫᬤᬤᭀᬲ᭄ᬓ᭄ᬭᬫ᭟ᬮᬦ᭄ᬢᬸᬃᬳᬶᬧᬸᬦ᭄᭞ᬢᬍᬃᬯᬾᬦ᭄ᬢᭂᬦ᭄ᬲᬦᬾᬮᬸᬳᬸᬂ᭞ᬳᬶᬗ᭄ᬕᬶᬄᬧᬜᬭᬶᬓᬦ᭄᭞ᬚᬸᬭᬸᬲᬸᬭᬵᬢᬾᬲᬸᬚᬢᬶ᭞ᬫᬮᬶᬄ
[᭙ 9A]
ᬗ᭄ᬮᬦ᭄ᬢᬸᬃ᭞ᬓᬲᬶᬦᭀᬫᬜ᭄ᬚᬸᬭᬸᬳᬭᬄ᭟ᬬᬦᬶᬂᬳᬕᬸᬂ᭞ᬓᬯᬾᬦ᭄ᬢᭂᬦᬦ᭄ᬩᬜ᭄ᬚᬃᬇᬓᬸ᭞ᬤᬤᭀᬲ᭄ᬓᬧᬲᬳᬂ᭞ᬓᬤᬤᭀᬲᬂᬢᬾᬫ᭄ᬧᬾᬓ᭄ᬫᬮᬶᬄ᭞ᬲᬂᬧ᭄ᬭᬚᬸᬭᬸ᭞ᬓ᭄ᬮᬶᬳᬦ᭄ᬢᬾᬫ᭄ᬧᬾᬓ᭄‌ᬯᬵᬱ᭄ᬝᬦᬶᬦ᭄ᬜ᭟ᬲᬂᬧ᭄ᬭᬚᬸᬭᬸ᭞ᬓ᭄ᬮᬶᬳᬦ᭄ᬢᬾᬫ᭄ᬧᬾᬓᬾᬧᬸᬦᬶᬓᬸ᭞ᬓᬧᬶᬮᬶᬄᬭᬶᬂᬓ᭄ᬭᬫ᭞ᬧᬜᬭᬶᬓᬦᬾᬓᬲᭂ
ᬮᬶᬃ᭞ᬳᬦ᭄ᬢᬸᬓᬶᬧᬸᬦ᭄᭞ᬫᬗᬭᬳᬶᬦ᭄ᬧᬭᬓ᭄ᬭᬫ᭟ᬲᬂᬧ᭄ᬭᬚᬸᬭᬸ᭞ᬧᬭᬓᬮᬶᬳᬦ᭄ᬧᬸᬦᬶᬓᬸ᭞ᬓᬧᬶᬮᬶᬄᬭᬶᬂᬓ᭄ᬭᬫ᭞ᬧᬜᬭᬶᬓᬦᬾᬓᬲᭂᬮᬶᬃ᭞ᬳᬦ᭄ᬢᬸᬓᬶᬧᬸᬦ᭄᭞ᬲᬦᬾᬧᭀᬮᬶᬄᬤᬤᭀᬲ᭄‌ᬓ᭄ᬮᬶᬳᬦ᭄᭟ᬲᬂᬧ᭄ᬭᬚᬸᬭᬸ᭞ᬓᬲᬶᬦᭀᬫᬦ᭄ᬫᬮᬶᬄᬓᬢᬸᬃ᭞ᬦᬾᬦ᭄ᬢᭂᬦ᭄ᬓᬧᬶᬮᬶᬳᬂ᭞ᬓᬾ
ᬫᬯᭀᬦ᭄ᬓᬢᬸᬃᬫᬕᬶᬮᬶᬃ᭞ᬲᬸᬯᬾᬦᬶᬧᬸᬦ᭄᭞ᬳᬩᬸᬮᬦ᭄ᬲᬮᬶᬂᬕᬶᬮᬶᬭᬂ᭟ᬲᬸᬯᬾᬦ᭄ᬦᬶᬧᬸᬦ᭄᭞ᬲᬓ᭄ᬮᬶᬳᬦ᭄ᬧᭀᬮᬶᬄᬫᬦᬸᬦ᭄ᬢᬸᬦ᭄᭞ᬯᬾᬦ᭄ᬢᭂᬦ᭄ᬳᬢᬸᬭᬦ᭄ᬜ᭞ᬫᬵᬦᬸᬢ᭄ᬧᬶᬤᬩ᭄ᬤᬩᬾᬲᬫᬶ᭞ᬲᬓᬶᬂᬳᬶᬧᬸᬦ᭄᭞ᬓᬮᬶᬄᬓᬳᬸᬯᬸᬲᬂᬓ᭄ᬭᬫ᭟ᬫᬮᬶᬄᬓᬢᬸᬃ᭞ᬯᬢᭂᬲ᭄ᬓᭂᬮᬶᬳᬦᬾᬦᬸᬦ᭄ᬢᬸᬦ᭄᭞ᬗᬗ᭄ᬕᬾ
ᬦ᭄‌ᬳᬶᬮᬗᬦ᭄ᬯᬃᬱ᭟ᬲᬦᬾᬲᬵᬫ᭄ᬧᬸᬦ᭄ᬓᬲᬸᬗ᭄ᬓᭂᬫᬶᬦ᭄᭞ᬤᬤᭀᬲ᭄ᬳᬶᬧᬸᬦ᭄᭞ᬲᬫ᭄ᬧᬸᬦ᭄ᬲᬶᬦᬄᬚᬕᬗᬬᬄ᭟ᬭᬶᬂᬫᬫᬸᬢᬸᬲ᭄᭞ᬧᬫᬃᬕ᭄ᬕᬶᬦ᭄ᬲᬂᬧ᭄ᬭᬚᬸᬭᬸ᭞ᬲ᭄ᬯᬭᬦ᭄ᬧᬭᬋᬫᬦ᭄᭞ᬲᬦᬾᬧᬢᬸᬢ᭄ᬓᬫᬃᬕ᭄ᬕᬶᬦᬶᬦ᭄᭞ᬲᬂᬧ᭄ᬭᬚᬸᬭᬸ᭞ᬯᬦ᭄ᬢᬄᬗᬬᬄᬗᬫᬃᬕ᭄ᬬᬂ᭟᭐᭟ [ 10 ][᭙ 9B]
᭙
᭟ᬲ᭄ᬯᬥᬃᬫ᭄ᬫᬦ᭄ᬜᬦᬾᬳᬶᬓ᭄ᬭᬫᬩᬜ᭄ᬚᬃᬭᬶᬂᬧᬓ᭄ᬭᬫᬦ᭄᭞ᬫᬧᬶᬢᬸᬮᬸᬂᬲᬂᬫᬗᬧ᭄ᬢᬶ᭞ᬭᬶᬓᬮᬫᬗᬸᬧᬘᬵᬭ᭞ᬗᬫᬃᬕ᭄ᬬᬂᬧᬜ᭄ᬘᬬᬚ᭄ᬜ᭞ᬧᬢᬸᬢ᭄ᬓ᭄ᬭᬫᬧᬤᬳᬸᬦᬶᬂ᭞ᬫᬗ᭄ᬤᬲᬬᬕ᭞ᬫᬗᬭᭀᬫ᭄ᬩᭀᬲᬋᬂᬲᬫᬶ᭟ᬭᬶᬂᬤᬾᬯᬧᬶᬢ᭄ᬭᬋᬱᬶᬫᬵᬦᬸᬱᬬᬚ᭄ᬜ᭞ᬫᬶᬯᬄᬪᬸᬢᬬᬚ᭄ᬜᬫᬮᬶᬄ᭞ᬫ
ᬕᬶᬮᬶᬃᬭᬶᬂᬓᬲᬶᬦᭀᬫᬦ᭄᭞ᬚᬕᬫᬗᬢᬸᬭᬂᬳᬬᬄ᭞ᬫᬮᬶᬄᬗᬫᬃᬕ᭄ᬬᬂᬳᬘᬶ᭞ᬧᬢᬸᬢ᭄ᬓᬲᬗ᭄ᬕ᭄ᬭ᭞ᬫᬦᬹᬢ᭄ᬳᬸᬭᬓᬾᬫᬕᬶᬮᬶᬃ᭟ᬮ᭄ᬬᬦ᭄ᬫᬮᬶᬄᬫᬗ᭄ᬓᬶᬜ᭄ᬚᬕᬓᬳᬢᬸᬭᬂ᭞ᬢᬍᬃᬳᬶᬦ᭄ᬤᬶᬓ᭄ᬧᬫᬃᬕ᭄ᬕᬶᬦ᭄ᬳᬘᬶ᭞ᬮᬶᬓᬵᬮᬯᬾᬦ᭄ᬢᭂᬦ᭄ᬧᬢᭀᬬᬦ᭄᭞ᬫᬶᬯᬄᬓ᭄ᬭᬫᬫᬤᬺᬯᬾᬓᬃᬬ᭄ᬬ᭞ᬮᬦ᭄ᬢᬸᬃ
ᬭᬶᬂᬫᬩᬺᬱᬶᬄᬩᬺᬱᬶᬄ᭞ᬧᬢᬸᬢᬂᬧᬶᬲᬦ᭄᭞ᬓ᭄ᬭᬦᬩᬜ᭄ᬚᬭᬾᬫᬫᬃᬕᬶ᭟ᬭᬶᬢᬢ᭄ᬓᬵᬮᬯᬾᬦ᭄ᬢᭂᬦ᭄ᬓᬮᬬᬸᬲᭂᬓᬭᬦ᭞ᬧᬸᬦᬶᬓᬧᬢᬸᬢ᭄ᬢᬸᬮᬸᬗᬶᬦ᭄᭞ᬗᬃᬤ᭄ᬤᬶᬳᬸᬧᬓᬵᬭᬦ᭄ᬜ᭞ᬲᬦᬾᬧᬢᬸᬢ᭄ᬓᬓᬃᬬ᭄ᬬᬦᬂ᭞ᬫᬗ᭄ᬤᬧ᭄ᬭᬲᬶᬤ᭄ᬥᬤᬶᬕᭂᬮᬶᬲ᭄᭞ᬓᬧᬶᬤᬩ᭄ᬤᬩᬂ᭞
ᬧᬫᬃᬕ᭄ᬕᬶᬫᬬᬰᬓᬾᬃᬣᬶ᭟ᬮᬦ᭄ᬢᬸᬃᬫᬮᬶᬄᬭᬶᬂᬧᬘᬂᬮᬸᬗᬓᬲᬾᬢ᭄ᬭ᭞ᬗᬶᬮᬶᬤᬂᬲᬂᬲᬦᬾᬫᬢᬶ᭞ᬳᬸᬢᬯᬶᬚᬕᬓᬳᬩᬾᬦᬂ᭞ᬓ᭄ᬭᬫᬩᬜ᭄ᬚᬃᬦᬸᬮᬸᬂᬤᬩ᭄ᬤᬩ᭄᭞ᬲᬳᬸᬭᬄᬳᬭᬶᬄᬭᬶᬂᬧᬫᬃᬕ᭄ᬕᬶ᭞ᬢᬸᬃᬫᬗᬢᭂᬳᬂ᭞ᬚᬦ᭄ᬢᭀᬲ᭄ᬧᬸᬧᬸᬢ᭄ᬲᬶᬤᬕᬶᬮᬶᬤ᭄᭟
[᭑᭐ 10A]
ᬢᬍᬃᬦᬸᬮᬸᬗᬶᬦ᭄ᬓ᭄ᬭᬫᬦᬾᬓᭂᬦᬶᬪᬬ᭞ᬳᬸᬢᬯᬶᬓᬢᬶᬩᬾᬦ᭄ᬧᬢᬶ᭞ᬧᬸᬦᬶᬓᬧᬢᬸᬢᬂᬧᬶᬲᬦ᭄᭞ᬲᬮᬸᬂᬮᬸᬂᬲᬪᬬᬵᬦ᭄ᬢᬓ᭞ᬲᬵᬦ᭄ᬢᬸᬓᬦ᭄ᬲᬵᬫ᭄ᬧᬸᬦ᭄ᬲᬕᬶᬮᬶᬓ᭄᭞ᬧᬢᬸᬢ᭄ᬳᭂᬫ᭄ᬩᬦ᭄᭞ᬲᬋᬂᬓ᭄ᬭᬫᬫᬓᬲᬫᬶ᭟ᬫᬮᬶᬄᬯᬾᬦ᭄ᬢᭂᬦ᭄ᬲᬦᬾᬧᬢᬸᬢ᭄ᬓᬫᬃᬕ᭄ᬬᬂ᭞ᬲᬤᬕᬶᬂ
ᬫᬸᬗ᭄ᬕᬄᬭᬶᬂᬳᬯᬶᬕ᭄᭞ᬫᬦᬹᬢ᭄ᬧᬲ᭄ᬯᬭᬭᬶᬂᬲᬶᬫ᭞ᬗᬃᬤ᭄ᬤᬶᬢᬺᬧ᭄ᬢᬶᬭᬶᬂᬩᬜ᭄ᬚᬃ᭞ᬫᬗ᭄ᬤᬲᬫᬶᬲᬶᬤᬰᬦ᭄ᬢᬶ᭞ᬭᬶᬂᬲᬸᬓᬤᬸᬄᬓ᭞ᬗᬫᬃᬕ᭄ᬬᬂᬧᬦᭂᬲ᭄ᬢᬶᬲ᭄᭟ᬗᬦᬶᬦᬶᬦ᭄ᬳᬶᬦ᭄ᬤᬶᬓ᭄ᬱᬲᬦᬦ᭄ᬓ᭄ᬭᬫᬩᬜ᭄ᬚᬃ᭞ᬲᬋᬂᬲᬋᬂᬫᬶᬓᬬᬸᬦᬶᬦ᭄᭞ᬫᬤᬮᬂᬭᬶᬂᬧᬭᬸᬫᬦ᭄᭞ᬧᬶᬦᬓᬤ
ᬲᬃᬧᬶᬤᬩ᭄ᬤᬩ᭄᭞ᬫᬗᬸᬮᬢᬶᬫᬗ᭄ᬤᬢᬺᬧ᭄ᬢᬶ᭞ᬫᬭᬶᬂᬧᬩ᭄ᬮᬶᬕ᭄ᬩᬕ᭄᭞ᬗᬮᬧ᭄ᬓᬲᭀᬭᬾᬓᬸᬓᬸᬳᬶᬦ᭄᭟ᬭᬶᬂᬚᬕᬫᬶᬮᬶᬄᬧ᭄ᬭᬚᬸᬭᬸᬓ᭄ᬭᬫᬩᬜ᭄ᬚᬃ᭞ᬢᬍᬃᬓ᭄ᬭᬫᬓᬳᬶᬘᬾᬦᬶᬦ᭄᭞ᬕᬮᬳᬾᬧᬢᬸᬢ᭄ᬳᬗ᭄ᬕᬾᬬᬂ᭞ᬫᬫᬶᬮᬶᬄᬲᬦᬾᬳᬸᬢ᭄ᬢᬫ᭞ᬓᬮᬶᬄᬗᬶᬭᬶᬂᬬᬦ᭄ᬓ
ᬧᬶᬮᬶᬄ᭞ᬲᬋᬂᬫᬗᬬᬄ᭞ᬫᬓᬾᬃᬣᬶᬲᬚ᭄ᬭᭀᬦᬶᬂᬳᬸᬭᬶᬧ᭄᭟ᬲᬦᬾᬢᬍᬃᬤᬤᭀᬲ᭄ᬧᬘᬂᬓᬳᬗ᭄ᬕ᭄ᬬᬂ᭞ᬤᬺᬯᬾᬦ᭄ᬩᬜ᭄ᬚᬃᬤᬤᭀᬲ᭄ᬧᬶᬮᬶᬄ᭞ᬓᬮᬶᬄᬦᬸᬦᬲ᭄ᬢᬸᬮᬸᬂᬰ᭄ᬭᬡ᭞ᬭᬶᬓᬮᬧᬘᬂᬫᬬᬚ᭄ᬜ᭞ᬓ᭄ᬭᬵ᭞ᬳᬯᭀᬦ᭄ᬫᬳᬢᬸᬃᬳᬸᬦᬶᬂ᭞ᬭᬶᬂᬲᬂᬫᬗ᭄ᬕᬮ᭞ᬓ [ 11 ][᭑᭐ 10B]
᭑᭐
ᬮᬶᬄᬧ᭄ᬭᬚᬸᬭᬸᬦᬾᬲᬫᬶ᭟ᬫᬗ᭄ᬓᬶᬦ᭄ᬓᬢᬸᬃᬧᬭᬶᬦ᭄ᬤᬶᬓ᭄‌ᬯᬸᬲ᭄ᬫᬓ᭄ᬭᬫ᭞ᬯᬾᬦ᭄ᬢᭂᬦ᭄ᬲᬗ᭄ᬓᬦᬶᬂᬫᬓᬶᬲᬶᬤ᭄᭞ᬗᬺᬋᬄᬕᭂᬦᬄᬦᬾᬮ᭄ᬬᬦᬦ᭄᭞ᬢᬍᬃᬯᬾᬦ᭄ᬢᭂᬦ᭄ᬲᬗ᭄ᬓᬦᬶᬂᬯᬺᬤ᭄ᬥ᭞ᬦᬸᬦᬲᬂᬗᬶᬭᬶᬂᬫᬧᬫᬶᬢ᭄᭞ᬢᬸᬃᬓᬕᭂᬦ᭄ᬢᭀᬲᬂ᭞ᬳᬦ᭄ᬢᬸᬓ᭄ᬧᬸᬢ᭄ᬭᬦᬾᬗᬯᬭᬶᬲ᭄᭟ᬮ᭄ᬬᬦ᭄ᬫᬮᬶᬄᬢᬍᬃᬯᬾᬦ᭄ᬢᭂᬦ᭄ᬓᬳᬸᬯᬸᬲᬂ᭞ᬳ
ᬦ᭄ᬢᬸᬓ᭄‌ᬓ᭄ᬭᬫᬲᬋᬂᬲᬫᬶ᭞ᬫᬤᬲᬃᬳᬦ᭄ᬢᬸᬓ᭄ᬮᬓ᭄ᬱᬡ᭞ᬲᬦᬾᬦᬾᬦ᭄ᬢᭂᬦ᭄ᬓᬧᬢᬸᬢᬂ᭞ᬓᬤᬶᬲᬶᬗ᭄ᬲᬮ᭄ᬤᬕᬶᬂᬳᬯᬶᬕ᭄᭞ᬭᬭᬶᬲ᭄ᬓᬯᬸᬲᬂ᭞ᬳᬦ᭄ᬢᬸᬓ᭄ᬓ᭄ᬭᬫᬲᬋᬂᬲᬫᬶ᭟ᬧ᭄ᬭᬤᬾᬲᬂᬓᬯᬸᬲᬂᬤᬶᬕᭂᬮᬶᬲ᭄ᬫᬗᬫ᭄ᬧᬸᬭ᭞ᬳᬸᬦᬶᬂᬭᬶᬂᬭᬕᬦᬾᬧᭂᬮᬶᬄ᭞ᬫᬦᬳᬸᬭᬶᬦ᭄ᬓᬧᬢᬸᬢᬦ᭄᭞ᬦᬕᬶᬗᬶᬦ᭄ᬓ
ᬤᬶᬧᬓᬃᬱᬦ᭄᭞ᬲᬦᬾᬲᬫ᭄ᬧᬸᬦ᭄ᬓᬓᭂᬦᬾᬦᬶᬦ᭄᭞ᬭᬶᬂᬓ᭄ᬭᬫᬩᬜ᭄ᬚᬃ᭞ᬲᬤᬶᬫᬮᬶᬄᬧᬢᬸᬢ᭄ᬢᬫ᭄ᬧᬶ᭟ᬬᬦᬶᬂᬦᬾᬦ᭄ᬢᭂᬦ᭄‌ᬯᬾᬦ᭄ᬢᭂᬦ᭄ᬳᬢᬸᬃᬧᬗᬫ᭄ᬧᬸᬭ᭞ᬓ᭄ᬭᬫᬲᬦᬾᬓᬢᬶᬩᬓᬶᬦ᭄᭞ᬤᬤᭀᬲ᭄ᬓᬯᬸᬲᬂᬫᬓ᭄ᬭᬫ᭞ᬓᬫᭂᬤᬮᬂᬲᬓᬶᬂᬩᬜ᭄ᬚᬃ᭞ᬢᬸᬃᬓᬓᭂᬦᬾᬦ᭄ᬤᬦ᭄ᬤᬲᬗ᭄ᬲᬶ᭞ᬦᬶ
ᬓᬜᬶᬦᬳᬂ᭞ᬲᬫ᭄ᬧᬸᬦ᭄ᬫᬸᬲᬦ᭄‌ᬗ᭄ᬭᬜ᭄ᬚᬶᬂᬫᬓ᭄ᬭᬫᬶ᭟᭐᭟ᬦᬸᬦᬲ᭄ᬮᬸᬕ᭄ᬭᬭᬢᬸᬢᬶᬢ᭄ᬬᬂ᭞ᬧᬸᬭᬸᬦ᭄ᬫᬢᬸᬃᬗᬗ᭄ᬕᬾᬦ᭄ᬕᬸᬭᬶᬢ᭄᭞ᬓᬾᬫᬯᭀᬦ᭄ᬳᬫ᭄ᬧᬸᬭᬧᬶᬲᬦ᭄᭞ᬳᬦ᭄ᬢᬸᬓᬶᬭᬗᬦ᭄ᬳᬶᬧᬸᬦ᭄᭞ᬧᬸᬦᬶᬓᬶᬫᬓᬲᬸᬓ᭄ᬱ᭄ᬫ᭞ᬫᬭᬶᬂᬳᬢᬶ᭞ᬗᬬᬄᬭᬶᬂᬍᬫ᭄ᬩᬕᬳᬤᬢ᭄᭟
[᭑᭑ 11A]
ᬲᬦᬾᬧᬘᬂᬓᬳᬢᬸᬭᬂ᭞ᬧᬳᬶᬦ᭄ᬤᬶᬓ᭄‌ᬯᬾᬦ᭄ᬢᭂᬦ᭄ᬫᬚᭂᬮᬶᬲ᭄᭞ᬧᭂᬫ᭄ᬩᬶᬦᬍᬫ᭄ᬩᬕᬳᬤᬢ᭄᭞ᬏᬫ᭄‌ᬧᬾᬏᬮ᭄ᬅᬓᭂᬢᬄᬳᬶᬧᬸᬦ᭄᭟ᬲᬦᬾᬲᬫ᭄ᬧᬸᬦ᭄ᬓᬯᬾᬦ᭄ᬢᭂᬦᬂ᭞ᬤᬸᬓᬾᬭᬶᬳᬶᬦ᭄᭞ᬭᬶᬂᬯᬃᬱᬦᬾᬲᬫ᭄ᬧᬸᬦ᭄ᬮᬶᬦ᭄ᬢᬂ᭟ᬫᬚᭂᬮᬶᬲᬾᬓᬯᬾᬦ᭄ᬢᭂᬦᬂ᭞ᬲᬦ᭄ᬢᬸᬓ᭄ᬳᬤᬢᬾᬓᬫᬦᬳᬶᬦ᭄᭞ᬤᬸᬭᬸᬂᬯᬾ
ᬦ᭄ᬢᭂᬦ᭄ᬲᬦᬾᬫ᭄ᬬᬭ᭞ᬧᬸᬦᬶᬓᬤᬯᭂᬕᬾᬤᬸᬫᬸᬦ᭄᭞ᬫᬯᬶᬦᬦ᭄ᬫᬓᬾᬄᬩ᭄ᬬᭀᬢ᭞ᬲᬦᬾᬗ᭄ᬭᬜ᭄ᬚᬶᬂ᭞ᬧᬸᬦᬶᬓᬭᬭᬶᬲ᭄ᬓᬤᬩ᭄ᬤᬩ᭄᭟ᬫᬭᬶᬂᬯᬃᬱᬲᬶᬬᬸᬲᬗ᭞ᬧᬶᬢᬸᬂᬤᬲᬲᬶᬬᬬᬸᬓ᭄ᬢᬶ᭞ᬍᬫ᭄ᬩᬕᬅᬤᬢ᭄ᬓᬤᬩ᭄ᬤᬩ᭄᭞ᬫᬦᬹᬢ᭄ᬧᬶᬓᬃᬱᬦ᭄ᬕᬸᬩᭂᬃᬦᬸᬃ᭞ᬫᬗ᭄ᬕᬮᬕᬸᬭᬸᬯᬶᬰᬾᬱ᭞ᬚᬕᬢ᭄ᬩᬮᬶ᭞
ᬤᬯᭂᬕ᭄‌ᬯᬃᬱᬦᬾᬧᬸᬦᬶᬓ᭟ᬦᭀᬫᭂᬭᬶᬂᬰᬾᬯᬮᬧᬢ᭄ᬭ᭞ᬧᬼᬓᬸᬢᬸᬲ᭄ᬫᬓᬚᬢᬶ᭞ᬲᬓᬶᬂᬓᭂᬲ᭄ᬭᬧᬫᭂᬢᬸᬦ᭄ᬜ᭞ᬗᬶᬘᬾᬦᬶᬦ᭄ᬲᬧᬭᬶᬢᬸᬤᬸᬄ᭞ᬫᬗᬸᬓᬸᬳᬂᬤᬾᬰᬳᬤᬢ᭄᭞ᬕᭂᬦᬄᬩᭂᬘᬶᬓ᭄᭞ᬰᬭᬡᬫᬦᬩ᭄ᬤᬩ᭄‌ᬓ᭄ᬭᬫ᭟ᬧᬶᬦᬓᬤᬲᬃᬮᬓ᭄ᬱᬡ᭞ᬲᬲᬸᬤᬸᬓ᭄ᬱᬓᬶᬂᬳ᭄ᬬᬂᬯᬶ
ᬥᬶ᭞ᬅᬕᬫᬳᬶᬦ᭄ᬤᬸᬧᬸᬦᬶᬓ᭞ᬲᬦᬾᬧᬢᬸᬢ᭄ᬓᬧᬶᬓᬬᬸᬦ᭄᭞ᬢᬢᬘᬭᬗᬫᬃᬕ᭄ᬬᬂ᭞ᬲᬋᬂᬲᬫᬶ᭞ᬳᬦ᭄ᬢᬸᬓ᭄ᬳᬸᬫᬢᬾᬲᬥᬃᬫ᭄ᬫ᭟ᬫᬗ᭄ᬤᬲᬶᬤᬓᬲᬶᬦᬳᬂ᭞ᬲ᭄ᬯᬥᬃᬫ᭄ᬫᬦ᭄ᬲᬓᬶᬂᬫᬚᭂᬮᬶᬲ᭄᭞ᬫᬭᬸᬧᬢᬸᬦ᭄ᬢᬸᬦ᭄ᬢᬸᬦ᭄ᬢᬸᬦᬦ᭄᭞ᬲᬦᬾᬧᬢᬸᬢ᭄ᬧᬘᬂᬢᬸᬚᬸ᭞ᬢᬢ [ 12 ][᭑᭑ 11B]
᭑᭑
ᬲᬸᬰᬶᬮᬮ᭄ᬯᬶᬃᬜ᭞ᬫᬓᬲᬸᬦ᭄ᬤᬶᬄ᭞ᬲᬓᬮᬫᬶᬯᬄᬦᬷᬱ᭄ᬓᬮ᭟ᬫᬤᬲᬃᬰᬵᬲ᭄ᬢ᭄ᬭᬳᬕᬫ᭞ᬗᬸᬮᬢᬶᬲᬸᬰᬷᬮᬩᭂᬘᬶᬓ᭄᭞ᬲᬓᬶᬂᬳᬶᬭᬶᬓᬓᬫ᭄ᬩᭂᬮᬂ᭞ᬗᬫᭀᬮᬶᬳᬂᬩᬮᬶᬓᬲᬸᬩ᭄᭞ᬭᬶᬂᬫᬓᬸᬤᬂᬧᬦᬵᬕᬭ᭞ᬧᬢᬹᬢᬶᬦ᭄ᬤᬶᬄ᭞ᬢᭂᬓᭂᬓ᭄ᬫᬓ᭄ᬢᬧᬓᬬᬸᬦᬦ᭄᭟ᬢᬍᬃᬲᬓᬶᬂᬧᬯᬗᬸᬦᬦ᭄᭞
ᬲᬫ᭄ᬧᬸᬦ᭄ᬲᬶᬦᬄᬓᬯᬶᬓᬦᬶᬦ᭄᭞ᬧᬫᬃᬕᬶᬦ᭄ᬳᬤᬢ᭄‌ᬦᬶᬜ᭄ᬘᬧᬂ᭞ᬢᬢᬸᬚᭀᬦᬾᬲᬶᬤ᭄ᬤᬧᬗ᭄ᬕᬸᬄ᭞ᬗᬶᬭᬶᬂᬫᬮᬶᬄᬓᬮᬶᬫ᭄ᬩᬓᬂ᭞ᬲᬋᬂᬲᬫᬶ᭞ᬭᬶᬂᬲᬯᭂᬗ᭄ᬓᭀᬦ᭄‌ᬫᬺᬘᬧᬤ᭟ᬭᬶᬂᬧᭀᬧᬶᬦ᭄ᬲᬶᬏᬫ᭄‌ᬧᬾᬏᬮ᭄ᬅ᭞ᬭᬭᬶᬲ᭄ᬓᬮᬶᬫ᭄ᬩᬓᬂᬫᬮᬶᬄ᭞ᬓᬩᬸᬧᬢᬾᬦ᭄ᬓᬘᬫᬢᬦ᭄᭞ᬩᬾ
ᬧᬾᬤᬮ᭄ᬅᬧᬸᬦᬶᬓᬸ᭞ᬲᬧᬸᬦᬶᬓᬓᬓᭂᬢᬳᬂ᭞ᬫᬗ᭄ᬤᬳᬸᬦᬶᬂ᭞ᬗᬃᬤ᭄ᬤᬶᬦᬶᬦ᭄ᬧᬶᬤᬩ᭄ᬤᬩ᭄ᬳᬤᬢ᭄᭟ᬏᬫ᭄‌ᬧᬾᬏᬮ᭄ᬅᬦᬾᬧᬸᬦᬶᬓ᭞ᬫᬕᭂᬦᬄᬫᬭᬶᬂᬧ᭄ᬭᭀᬧᬶᬦ᭄ᬲᬶ᭞ᬫᬚᭂᬮᬶᬲ᭄ᬚᭂᬫ᭄ᬩᬶᬦᬍᬫ᭄ᬩᬕ᭞ᬅᬤᬢ᭄ᬲᬦᬾᬲᬫ᭄ᬧᬸᬦ᭄ᬓᬵᬢᬸᬃ᭟ᬩᬾᬧᬾᬏᬮ᭄ᬅᬦᬾᬧᬸᬦᬶᬓ᭞
ᬫᬗ᭄ᬤᬳᬸᬦᬶᬂ᭟ᬧᬮᬓ᭄ᬱᬡᬭᬶᬂᬫᬗ᭄ᬕᬮ᭟ᬬᬦᬶᬂᬗᬫᬃᬕ᭄ᬬᬂᬳᬤᬢ᭄᭞ᬳᬯᬶᬕᬾᬓᬬᬸᬦᬶᬦ᭄‌ᬭᬶᬳᬶᬦ᭄᭞ᬦᬶᬓᬓᬗ᭄ᬕᬾᬦ᭄ᬕᬕᬫ᭄ᬩᭂᬮᬦ᭄᭞ᬬᬜ᭄ᬚᬕᬶᬧᬘᬂᬮᬸᬫᬓᬸ᭞ᬩ᭄ᬮᬶᬕ᭄ᬩᬕᬂᬫᬭᬶᬂᬧᬭᬸᬫᬦ᭄᭞ᬲᬋᬂᬲᬫᬶ᭞ᬲᬯᬯᭂᬗ᭄ᬓᭀᬦ᭄ᬤᬾᬰᬳᬤᬢ᭄᭟
[᭑᭒ 12A]
ᬢᬢᬢᬶᬢᬶᬦᬾᬳᬾᬮᬶᬗᬂ᭞ᬬᬦ᭄ᬧᬘᬂᬜᬸᬭᬢᬂᬳᬯᬶᬕ᭄᭞ᬢᬦ᭄ᬤᬤᭀᬲ᭄ᬫᬗᬯᬕ᭄ᬳᬯᬕ᭄᭞ᬬᬦ᭄ᬓᬳᬯᬕ᭄ᬲᬶᬦᬄᬳᬸᬯᬸᬕ᭄᭞ᬳᬸᬯᬸᬕᬾᬗ᭄ᬭᬡᬬᬂᬳᬸᬲᬓ᭄᭞ᬩᭂᬜᬄᬮᬢᬶᬕ᭄᭞ᬧᬸᬦᬶᬓᬭᬶᬳᬶᬦ᭄ᬓᬬᬸᬦᬂ᭟ᬗᬃᬤ᭄ᬤᬶᬳᬯᬶᬕ᭄ᬲᬦᬾᬲᬶᬤ᭄ᬥ᭞ᬓᬫᬃᬕ᭄ᬕᬶᬦᬶᬦ᭄ᬲᬋᬂᬲᬫᬶ᭞ᬧᬸᬦᬶᬓᬳᬾ
ᬮᬶᬗᬂᬧᬶᬲᬦ᭄᭞ᬓᬃᬤ᭄ᬤᬶᬲᬦᬾᬍᬫᭂᬲ᭄ᬮᬸᬯᬸᬂ᭞ᬗᬮᬧ᭄ᬓᬲᭀᬭᬾᬫᬃᬕ᭄ᬬᬂ᭞ᬭᬶᬂᬧᬫᬃᬕ᭄ᬕᬶ᭞ᬲᬶᬤ᭄ᬥᬗᬶᬮᬶᬓᬂᬲᬂᬓ᭄ᬭᬫ᭟ᬧᬓᬶᬮᬶᬢᬦ᭄ᬳᬤᬢ᭄ᬤᬩ᭄ᬤᬩ᭄᭞ᬫᬗ᭄ᬕᬮᬦᬾᬗᬫᬃᬕ᭄ᬕᬶᬦᬶᬦ᭄᭞ᬢᬸᬦᬲ᭄ᬭᬶᬂᬕᬸᬭᬸᬯᬶᬰᬾᬱ᭞ᬓᬮᬾᬤᬗᬦᬾᬫᬦᬸᬦ᭄ᬢᬸᬦ᭄᭞ᬩᭂᬘᬶᬓᬂᬧᬶᬲᬦ᭄ᬫ᭄ᬬᬭ᭞ᬲᬋᬂᬲᬫᬶ᭞
ᬫᬗ᭄ᬤᬳᬶᬕᬸᬫ᭄ᬗᬬᬰᬬᬂ᭟ᬭᬯᬸᬳᬂᬢᬍᬃᬭᬶᬂᬤᬾᬰ᭞ᬧᬓᬶᬮᬶᬢᬦ᭄ᬲᬦᬾᬩᭂᬘᬶᬓ᭄᭞ᬧ᭄ᬭᬩᭂᬓᭂᬮ᭄‌ᬮᬦ᭄ᬓᭂᬮᬶᬳᬦ᭄ᬤᬾᬰ᭞ᬫᬓᬫᬗ᭄ᬕᬮᬧᬸᬦᬶᬓᬸ᭞ᬫᬗ᭄ᬤᬲᬶᬤᬫᬲᬋᬗᬦ᭄᭞ᬭᬶᬂᬧᬫᬃᬕ᭄ᬕᬶ᭞ᬫᬬᬰᬓᬾᬃᬣᬶᬭᬶᬂᬓ᭄ᬭᬫ᭟ᬢᬍᬃᬫᬭᬶᬂᬓᬘᬫᬢᬦ᭄᭞ᬓᬪᬸᬧ
ᬢᬾᬦ᭄ᬧ᭄ᬭᭀᬧᬶᬦ᭄ᬲᬶ᭞ᬳᬦᬹᬢ᭄ᬳᬤᬸᬗᬾᬢᬸᬚ᭄ᬯᬂ᭞ᬗᬃᬤ᭄ᬤᬶᬲᬕᬶᬮᬶᬲᬕᬸᬮᬸᬓ᭄᭞ᬧᬭᬲ᭄ᬧᬭᭀᬲᬃᬧᬦᬬ᭞ᬲᬮᬶᬂᬳᬲᬶᬄ᭞ᬳᬲᬶᬄᬜᬸᬚᬸᬃᬲᬶᬤᬳᬲᬄ᭟ᬳᬤᬢ᭄ᬲᬶᬤ᭄ᬥᬓᬮᬶᬫ᭄ᬩᬓᬂ᭞ᬢᬸᬦ᭄ᬢᬸᬦᬦ᭄ᬫᬮᬶᬄᬤᬕᬶᬗᬶᬦ᭄᭞ᬤᬩ᭄ᬤᬩᬂᬓᬯᬾᬦ᭄ᬢᭂᬦᬦ᭄ᬜ᭞ [ 13 ][᭑᭒ 12B]
᭑᭒
ᬢᬶᬜ᭄ᬘᬧᬂᬫᬮᬶᬄᬗᬯᬗᬸᬦ᭄᭞ᬫᬦᬸᬢ᭄ᬤᬾᬰᬓᬮᬧᬢ᭄ᬭ᭞ᬓᬤᬕᬶᬗᬶᬦ᭄᭞ᬲᬦᬾᬲᬭᬢ᭄ᬓᬩᬸᬯᬢᬂ᭟ᬳᬶᬦ᭄ᬤᬶᬓ᭄ᬓᬯᬾᬦ᭄ᬢᭂᬦᬦ᭄ᬢᬦᬄ᭞ᬤᬺᬯᬾᬦ᭄ᬤᬾᬰᬫᬓᬚᬢᬶ᭞ᬧᬾᬓᬤᬾᬧᬮᬩᬧᬸᬭ᭞ᬳᬬᬳᬦ᭄ᬤᬾᬰᬓᬯᬸᬯᬸᬲ᭄᭞ᬢᬸᬦᬲ᭄ᬭᬶᬂᬕᬸᬭᬸᬯᬶᬰᬾᬱ᭞ᬫᬗ᭄ᬤᬢᬺᬧ᭄ᬢᬶ᭞ᬓᬯᬾᬦ᭄ᬢᭂᬦ
ᬦ᭄ᬭᬶᬂᬕᬸᬡᬦ᭄ᬜ᭟ᬮ᭄ᬬᬦ᭄ᬫᬮᬶᬄᬓᬢᬸᬦᬲᬂ᭞ᬫᬗ᭄ᬤᬍᬫ᭄ᬩᬕᬦᬾᬳᬸᬭᬶᬧ᭄᭞ᬲᬋᬗᬂᬢᬸᬃᬧ᭄ᬬᬭ᭞ᬤᬸᬫᬸᬕᬶᬲᬶᬤ᭄ᬥᬗᬮᬦ᭄ᬢᬸᬃ᭞ᬓᬘᬾᬦ᭄‌ᬫ᭄ᬬᬭᬭᬕᬦ᭄ᬜ᭞ᬫᬗ᭄ᬤᬩᭂᬘᬶᬓ᭄᭞ᬲᬶᬤ᭄ᬥᬫᬮᬶᬄᬗᬮᬶᬫ᭄ᬩᬓᬂ᭟ᬢᬍᬃᬲᬓᬶᬂᬏᬫ᭄‌ᬧᬾᬏᬮ᭄ᬅ᭞ᬦᬸᬦ᭄ᬢᬸᬦ᭄ᬜᬸᬭᬵᬢ᭄ᬳᬯᬶᬕ᭄ᬳᬯᬶᬕ᭄᭞ᬓᬮᬶᬄᬫᬗᬶᬘᬾ
ᬦ᭄‌ᬢᬸᬦ᭄ᬢᬸᬦᬦ᭄᭞ᬳᬶᬦ᭄ᬤᬶᬓ᭄ᬳᬤᬢ᭄ᬲᬦᬾᬫᬦᬹᬢ᭄᭞ᬧᬓᬃᬱᬦ᭄ᬳᬶᬧᬭᬓ᭄ᬭᬫ᭞ᬫᬭᬶᬂᬩᬮᬶ᭞ᬫᬭᬸᬯᬩᬸᬓᬸᬢᬸᬦ᭄ᬢᬸᬦᬦ᭄᭟ᬭᬶᬂᬦᬗ᭄ᬓᭂᬧᬶᬦ᭄‌ᬯᬾᬦ᭄ᬢᭂᬦ᭄‌ᬩ᭄ᬬᭀᬢ᭞ᬍᬫ᭄ᬩᬕᬳᬤᬢ᭄ᬜᬋᬗᬶᬦ᭄᭞ᬩᭀᬬᬘᬂᬫᬫᬸᬢᬸᬲᬂ᭞ᬓᬾᬫᬯᭀᬜ᭄ᬚᬕ᭄ᬭᬯᬶᬦᬸᬗᬸ᭞ᬜᬚᬸᬃᬰᬦ᭄ᬢᬶᬫ
ᬭᬶᬂᬤᬾᬰ᭞ᬫᬗᭂᬮᬶᬤᬶᬦ᭄᭞ᬓᬩᬦ᭄ᬢᬭᬶᬂᬧᬗᬤᬶᬮᬦ᭄᭟ᬧᬓᬶᬮᬶᬢ᭄ᬳᬤᬢ᭄ᬳᬕᬫ᭞ᬲᬫ᭄ᬧᬸᬦ᭄ᬧᬶᬲᬦ᭄ᬓᬲᬸᬗ᭄ᬓᭂᬫᬶᬦ᭄᭞ᬦᬾᬦ᭄ᬢᭂᬦ᭄ᬲᬶᬤᬓᬧᬲᬳᬂ᭞ᬳᬕᬫᬗᬶᬘᬾᬦᬶᬦ᭄ᬳᬶᬤᬸᬧ᭄᭞ᬳᬤᬢ᭄ᬦᭂᬓᭂᬓᬂᬳᬕᬫ᭞ᬲᬶᬤᬳᬸᬭᬶᬧ᭄᭞ᬭᬶᬂᬲᬓᬮᬮᬦ᭄ᬦᬶᬱ᭄ᬓᬮ᭟
[᭑᭓ 13A]
ᬳᬶᬦ᭄ᬤᬶᬓ᭄ᬧᬸᬦᬶᬓᬲᬫ᭄ᬬᬦ᭄᭞ᬫᬸᬗ᭄ᬕᬄᬭᬶᬂᬧᬸᬱ᭄ᬝᬓᬰᬸᬘᬷ᭞ᬭᬶᬂᬫᬦᬯᬥᬃᬫ᭄ᬫᬰᬵᬲ᭄ᬢ᭄ᬭ᭞ᬧᬹᬃᬯ᭄ᬯᬤᬶᬕᬦᬾᬭᬢᬸ᭞ᬓᬸᬢ᭄ᬢᬭᬮᬦ᭄ᬓ᭄ᬭᬢ᭄ᬢᬲᬶᬫ᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬰᬰᬦᬫᬶᬯᬄᬮ᭄ᬬᬦᬦ᭄᭟ᬢᬍᬃᬲᬵᬫ᭄ᬧᬸᬦ᭄ᬓᬲᬸᬗ᭄ᬓᭂᬫᬦ᭄᭞ᬓᬯᬾᬦ᭄ᬢᭂᬦ᭄ᬳᬤᬢ᭄‌ᬬᬸᬓ᭄ᬢᬶ᭞ᬲᬶᬤ᭄ᬥᬗᬢᬸᬃᬓᬳᬸᬭᬶᬧᬦ᭄᭞ᬳᬶᬭᬶ
ᬓᬭᬶᬂᬩ᭄ᬯᬦᬳᬕᬸᬂ᭞ᬫᬦᬹᬢ᭄ᬤᬾᬰᬓᬮᬧᬢ᭄ᬭ᭞ᬓᬃᬤ᭄ᬤᬶᬳᭂᬢᬶᬲ᭄᭞ᬓ᭄ᬭᬫᬤᬾᬰᬦᬾᬧᬸᬗ᭄ᬓᬸᬭᬦ᭄᭟ᬳᬤᬢ᭄ᬲᬶᬤ᭄ᬥᬫᬶᬢᬍᬩᬂ᭞ᬧᬭᬬᭀᬯᬦᬧᬯᬭᬶᬲ᭄᭞ᬫᬗ᭄ᬤᬓᬸᬓᬸᬄᬫᬗᬶᬦᬹᬢᬂ᭞ᬭᬶᬂᬫᬲᬭᬯᬸᬄᬓᬧᬸᬗ᭄ᬓᬸᬃ᭞ᬳᬦ᭄ᬢᬸᬓ᭄ᬩᬮᬶᬓᬓᬲᬸᬩᬂ᭞ᬧᬢᬸᬢ᭄ᬢᬶᬦ᭄ᬤᬶᬄ᭞ᬗᬮᬦ᭄ᬢᬸᬃᬭ
ᬯᬸᬄᬓᬯᭂᬓᬲ᭄᭟ᬧᬸᬦᬶᬓᬤᬕᬶᬂᬧᬶᬤᬩ᭄ᬤᬩ᭄᭞ᬧᬸᬢᬸᬲᬦ᭄ᬧᬲᬫ᭄ᬯᬦ᭄ᬭᬶᬳᬶᬦ᭄᭞ᬲᬦᬾᬫᬸᬗ᭄ᬕᬸᬄᬓᬧ᭄ᬭᬣᬫ᭞ᬯᬃᬱᬲᬶᬬᬸᬲᬗᬗᬢᬸᬲ᭄᭞ᬯᬸᬮᬸᬂᬤᬰᬦᬾᬧᬸᬦᬶᬓ᭞ᬫᬓᬚᬢᬶ᭞ᬳᬤᬢ᭄ᬩᬸᬯᬶᬢ᭄ᬓᬓᬸᬳ᭄ᬓᬸᬂ᭟᭐᭟ᬫᬗ᭄ᬓᬶᬦ᭄ᬫᬮᬶᬄᬓᬮᬦ᭄ᬢᬸᬭᬂ᭞ᬤᬕᬶᬂᬧᬲ
ᬫ᭄ᬯᬦ᭄ᬧᬶᬂᬓᬮᬶᬄ᭞ᬫᬭᬶᬂᬯᬃᬱᬲᬶᬬᬸᬲᬗ᭞ᬯᬸᬮᬸᬂᬤᬲᬲᬶᬓᬶᬬᬸᬓ᭄ᬢᬶ᭞ᬗᬸᬦᬶᬗᬂᬢᬸᬚᭀᬦ᭄ᬫᬚᭂᬮᬶᬲ᭄᭞ᬲᬦᬾᬓᬤᬲᬭᬶᬦ᭄ᬳᬦ᭄ᬢᬸᬓ᭄᭞ᬓᬯᬾᬦ᭄ᬢᭂᬦᬦᬾᬧᬲ᭄ᬢᬶᬓ᭞ᬳᬤᬢ᭄ᬲᬶᬤᬫᬗᬃᬤ᭄ᬤᬶᬦᬶᬦ᭄᭞ᬦᭂᬫᬸᬳᬲᬸᬂᬫ᭄ᬓᬳᬸᬭᬶᬧᬦ᭄‌ᬓ᭄ᬭᬫᬤᬾᬰ᭟ᬢᬸᬦ᭄ᬢᬸᬦᬦᬳᬤᬢ᭄ᬜ᭄ᬚᬸᬭᬂ᭞ [ 14 ][᭑᭓ 13B]
᭑᭓
ᬫᬶᬮᬶᬳᬶᬦ᭄‌ᬦ᭄ᬭᬶᬫᬦᬾᬗ᭄ᬭᬜ᭄ᬚᬶᬂ᭞ᬲᬦᬾᬧᬗ᭄ᬭᬯᬸᬄᬦᬾᬳᬜᬃ᭞ᬭᬶᬂᬫᬲᬦᬾᬲᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬢᬦ᭄ᬓᬲᬾᬧ᭄ᬦᬗ᭄ᬓᬶᬲᬶᬦ᭄᭞ᬧᬸᬦᬶᬓᬫᬯᬶᬦᬦ᭄ᬫᭂᬢᬸ᭞ᬫᬚᭂᬮᬶᬲ᭄ᬧᭂᬫ᭄ᬩᬶᬦᬳᬤᬢ᭄᭞ᬮᬦ᭄ᬧᬮᬓ᭄ᬱᬡᬦ᭄ᬜᬦᬾᬫᬮᬶᬄ᭞ᬫᬗ᭄ᬤᬦᭂᬭᬸᬲ᭄᭞ᬓᬭᬯᬸᬳᬂᬫᬭᬶᬂᬓ᭄ᬭᬫ᭟ᬧᬗ᭄ᬭᬯᬸᬳᬾᬲᬦᬾ
ᬧ᭄ᬭᬧ᭄ᬢᬶ᭞ᬮᬶᬫ᭄ᬩᬓ᭄ᬦᬜ᭄ᬘᬧ᭄ᬓᬫᭀᬮᬶᬳᬶᬦ᭄᭞ᬧᬸᬦᬶᬓᬫᬯᬶᬦᬦ᭄ᬲᬭᬵᬢ᭄᭞ᬧᬢᬸᬢ᭄ᬧᬶᬲᬦ᭄ᬓᬯᬶᬓᬦᬶᬦ᭄᭞ᬤᬩ᭄ᬤᬩᬂᬧᬶᬲᬦ᭄ᬗᬬᬸᬦᬶᬦ᭄᭞ᬫᬗ᭄ᬤᬦᬾᬦ᭄ᬢᭂᬓ᭄ᬫᭂᬢᬸᬩᬶᬗᬸᬂ᭞ᬧᬭᬓ᭄ᬭᬫᬫᬮᬓ᭄ᬱᬡ᭞ᬜᬸᬚᬸᬃᬧᬫᬃᬕ᭄ᬕᬶᬦᬾᬢᬺᬧ᭄ᬢᬶ᭞ᬢᬶᬦᬹᬢ᭄ᬳᬤᬸᬂ᭞ᬦᬾᬦ᭄ᬢᭂᬦ᭄ᬫᭂᬢ᭄ᬯᬂᬩ᭄ᬬᭀᬢ᭟ᬢᬢᬸᬚᭀᬦ᭄ᬫᬚᭂᬮᬶᬲ᭄ᬳᬤ
ᬢ᭄᭞ᬜᬸᬚᬸᬃᬗᬦᬸᬢᬂᬭᬶᬂᬳᬶᬦ᭄ᬤᬶᬓ᭄᭞ᬫᬦᬹᬢ᭄‌ᬤᬾᬰᬓᬮᬧᬢ᭄ᬭ᭞ᬭᬶᬂᬓᬯᬾᬦ᭄ᬢᭂᬦᬦ᭄ᬓᬳᬧ᭄ᬢᬶ᭞ᬓᬺᬢᬭᬵᬳᬃᬚ᭄ᬚᬮᬦ᭄‌ᬢᬺᬧ᭄ᬢᬶ᭞ᬓ᭄ᬭᬫᬲᬫᬶᬫᬧᬶᬓᬬᬸᬦ᭄᭞ᬗᬫᭀᬮᬶᬳᬂᬚᬕᬤ᭄ᬥᬶᬢ᭞ᬗᬺᬋᬄᬩᭂᬓᭂᬮ᭄ᬓᬗ᭄ᬕᬾᬦ᭄ᬳᬸᬭᬶᬧ᭄᭞ᬲᬫᬶᬜᬸᬚᬸᬃ᭞ᬓᬲᬸᬓᬺᬢᬦ᭄ᬫᬭᬶᬂᬚᬕᬢ᭄᭟
ᬧᬶᬦᬓᬤᬲᬃᬫᬓᬃᬬ᭄ᬬ᭞ᬧᬜ᭄ᬘᬰᬶᬮᬓᬢᬶᬦ᭄ᬤᬶᬳᬶᬦ᭄᭞ᬳᬕᬫᬳᬶᬦ᭄ᬤᬸᬗᬸᬭᬶᬧᬂ᭞ᬳᬤᬢ᭄ᬲᬦᬾᬗᬫᬃᬕ᭄ᬕᬶᬦᬶᬦ᭄᭞ᬓ᭄ᬭᬫᬤᬾᬰᬫᬦᬶᬦᬹᬢᬶᬦ᭄᭞ᬲᬳᬸᬭᬄᬳᬭᬶᬄᬧᬦᬸᬦ᭄ᬢᬸᬦ᭄᭞ᬲᬫᬶᬲᬶᬤᬗᬫᬶᬮᬶᬳᬂ᭞ᬫᬩ᭄ᬮᬶᬕ᭄ᬮᬦ᭄ᬓᬬᬸᬦ᭄ᬰᬦ᭄ᬢᬶ᭞ᬳᬤᬶᬮ᭄ᬫᬓ᭄ᬫᬸᬃ᭞ᬗᬸᬗ᭄ᬲᬶᬫᬳᬵᬃᬤ᭄ᬥᬶᬓ
[᭑᭔ 14A]
ᬫᭀᬓ᭄ᬱ᭟ᬢᬢᬸᬚᭀᬦᬾᬓᬳᬋᬧᬂ᭞ᬳᬤᬢ᭄ᬲᬶᬤ᭄ᬥᬧᬓᬸᬓᬸᬳᬶᬦ᭄᭞ᬧᬭᬲ᭄ᬧᬭᭀᬲ᭄ᬓᬫᬗ᭄ᬕᭂᬳᬂ᭞ᬳᬦ᭄ᬢᬸᬓ᭄ᬓ᭄ᬭᬦᬲᬋᬂᬲᬫᬶ᭞ᬢᬶᬳᬶᬢᬓᬭᬡᬬᬸᬓ᭄ᬢᬶ᭞ᬳᬲᬶᬓᬶᬭᬶᬂᬦᬾᬓᬲᬸᬂᬲᬸᬂ᭞ᬧᬶᬂᬓᬮᬶᬄᬫᬭᬶᬂᬧᬯᭀᬗᬦ᭄᭞ᬧᬍᬫᬳᬦ᭄ᬓᬧᬶᬂᬢ᭄ᬭᬶ᭞ᬲᬶᬤ᭄ᬥᬗ᭄ᬮᬦᬸᬲ᭄᭞ᬓᬢᬶᬜ᭄ᬘᬧᬂᬫᬶᬓᬸᬓᬸᬳᬂ᭟ᬧ
ᬯᭀᬗᬦ᭄‌ᬲᬶᬤ᭄ᬥᬦᬶᬜ᭄ᬘᬧᬂ᭞ᬧᬶᬓᭀᬮᭀᬳᬾᬲᬬᬸᬯᬓ᭄ᬢᬶ᭞ᬧᬸᬦᬶᬓᬳᬗ᭄ᬕᬾᬦ᭄ᬰᬭᬡ᭞ᬧᬶᬦᬓᬤᬲᬃᬫᬓᬃᬤ᭄ᬥᬶ᭞ᬫᬗ᭄ᬤᬲᬶᬤ᭄ᬤᬦᭂᬫᬸᬩᭂᬘᬶᬓ᭄᭞ᬳᬯᬶᬕ᭄ᬳᬯᬶᬕ᭄ᬳᬗ᭄ᬕᬾᬦ᭄ᬦᭂᬕᬸᬮ᭄᭞ᬫᬗ᭄ᬤᬢᬦ᭄ᬓᬳᬯᬕ᭄ᬳᬯᬕ᭄᭞ᬦᬩ᭄ᬤᬩ᭄‌ᬦᬸᬦ᭄ᬢᬸᬦ᭄ᬭᬶᬂᬧᬫᬃᬕ᭄ᬕᬶ᭞ᬓᬧᬶᬓᬬᬸᬦ᭄᭞ᬳᬗ᭄ᬕᬾᬦ᭄‌ᬦᬶᬜ᭄ᬘ
ᬧᬂᬳᬸᬢ᭄ᬲᬳ᭞ᬦᬾᬳᬸᬢ᭄ᬢᬫᬓᬳᬋᬧᬂ᭞ᬲᬓᬶᬂᬍᬫ᭄ᬩᬕᬫᬚᭂᬮᬶᬲ᭄᭞ᬢᭂᬢᭂᬧ᭄ᬮᬗ᭄ᬕᭂᬂᬭᬚᭂᬕ᭄ᬦᬶᬜ᭄ᬘᬧ᭄᭞ᬍᬫ᭄ᬩᬕᬳᬤᬢᬾᬲᬫᬶ᭞ᬤᬾᬰᬩᬜ᭄ᬚᬃᬲᬸᬩᬓ᭄‌ᬬᬸᬓ᭄ᬢᬶ᭞ᬓᬳᬸᬭᬶᬧᬦᬾᬗᬮᬦ᭄ᬢᬸᬃ᭞ᬫᬦᬹᬢ᭄ᬢᬸᬚᭀᬦ᭄‌ᬯᬯᬗᬸᬦᬦ᭄᭞ᬓᬤᬶᬫᬸᬗ᭄ᬕᬄᬭᬶᬂᬢ᭄ᬭᬶᬮᭀᬕᬶ᭞ᬚᬕ
ᬦᬸᬦ᭄ᬢᬸᬦ᭄᭞ᬳᬕᬫᬗᬸᬭᬶᬧ᭄‌ᬩᬸᬤ᭄ᬥᬬ᭟ᬚᬕᬢ᭄ᬩᬮᬶᬓᬓᬲᬸᬩᬂ᭞ᬳᬶᬦ᭄ᬤᬶᬓ᭄ᬪᬸᬤ᭄ᬥᬱᬦᬾᬬᬸᬓ᭄ᬢᬶ᭞ᬳᬕᬫᬳᬶᬦ᭄ᬤᬸᬗᬶᬤᬸᬧᬂ᭞ᬳᬤᬢ᭄ᬩᬮᬶᬗᬃᬤ᭄ᬥᬶᬩᭂᬘᬶᬓ᭄᭞ᬫᬯᬶᬦᬦ᭄ᬲᬶᬤ᭄ᬤᬫᬍᬚᬶᬢ᭄᭞ᬧᬸᬦᬶᬓᬲᬫᬶᬓᬢᬸᬦ᭄ᬢᬸᬦ᭄᭞ᬓᬧᬶᬤᬩ᭄ᬤᬩ᭄ᬓᬧ᭄ᬬᬭ᭞ᬭᬶᬂᬍᬫ᭄ᬩᬕᬳᬤᬢ᭄ᬲᬫᬶ᭞ [ 15 ][᭑᭔ 14B]
᭑᭔
ᬲᬶᬦᬄᬦᭂᬭᬸᬲ᭄᭞ᬩᭂᬘᬶᬓᬂᬗᬶᬭᬶᬂᬧ᭄ᬬᬭ᭟ᬍᬫ᭄ᬩᬕᬳᬤᬢ᭄‌ᬦᬺᬯᬾᬦᬂ᭞ᬘᬶᬭᬶᬘᬶᬳ᭄ᬦᬫᬲ᭄ᬕᬢᬶ᭞ᬫᬦᬹᬢ᭄ᬤᬾᬰᬓᬮᬧᬢ᭄ᬭ᭞ᬫᬩᬶᬦᬬᬦ᭄ᬲᬬᬸᬯᬓ᭄ᬢᬶ᭞ᬓᬾᬫᬯᭀᬦ᭄ᬤᬲᬭᬾᬢᬸᬗ᭄ᬕᬶᬮ᭄᭞ᬲᬶᬤ᭄ᬥᬫᭂᬢᬸᬤᬤᭀᬲ᭄ᬮᬗ᭄ᬓᬸᬂ᭞ᬭᬶᬂᬪᬶᬦᬾᬓᬢᬸᬗ᭄ᬕᬮ᭄ᬳᬶᬓ᭞ᬧᬸᬦᬶᬓᬧᬢᬹᬢ᭄‌ᬯᬶᬓ
ᬦᬶᬦ᭄᭞ᬢᬶᬦᬹᬢ᭄ᬳᬤᬸᬂ᭞ᬩᬸᬤ᭄ᬥᬬᬦ᭄ᬓ᭄ᬭᬫᬦᬾᬦᬶᬜ᭄ᬘᬧ᭄᭟ᬮ᭄ᬬᬦ᭄ᬫᬮᬶᬄᬓᬤᬺᬯᬾᬦᬂ᭞ᬭᬶᬂᬍᬫ᭄ᬩᬕᬳᬤᬢ᭄‌ᬬᬸᬓ᭄ᬢᬶ᭞ᬮᬓ᭄ᬱᬡᬫᬭᬶᬂᬫᬬᬚ᭄ᬜ᭞ᬓᬮᬶᬄᬭᬶᬂᬫᬬᬰᬓᬾᬃᬣᬶ᭞ᬜᬸᬚᬸᬃᬢᬢᬸᬚᭀᬦᬾᬩᭂᬘᬶᬓ᭄᭞ᬧᬸᬦᬶᬓᬲᬫᬶᬓᬢᬸᬚᬸ᭞ᬫᬤᬲᬃᬢᭂᬫᭂᬲ᭄ᬫᬓᬃᬬ᭄ᬬ᭞ᬢᬦ᭄ᬗᭂᬮᬶᬤᬶ
ᬦ᭄ᬧᬦᭂᬲ᭄ᬢᬶᬲ᭄᭞ᬲᬫᬶᬳᬲᬸᬂ᭞ᬗᬸᬮᬢ᭄ᬬᬂᬧᬲᬶᬓ᭄ᬬᬦ᭄᭟ᬫᬭᬶᬂᬫᬶᬘᬬᬂᬢᬸᬦ᭄ᬢᬸᬦᬦ᭄᭞ᬧᬶᬦᬶᬄᬭᬶᬳᬶᬦ᭄ᬓᬫᬃᬕ᭄ᬕᬶᬦᬶᬦ᭄᭞ᬗ᭄ᬭᬯᬸᬳᬂᬭᬶᬂᬓ᭄ᬭᬫᬤᬾᬰ᭞ᬫᬗ᭄ᬤᬚᬢᬶᬧᬤᬳᬸᬦᬶᬂ᭞ᬢᬶᬦᬹᬢ᭄ᬳᬤᬸᬂᬓᬓᬃᬤ᭄ᬤᬶᬦᬶᬦ᭄᭞ᬲᬓᬮᬦᬷᬱ᭄ᬓᬮᬢᬸᬚᬸ᭞ᬗᬃᬤ᭄ᬤᬶᬩᬮᬶᬫᬳᬸᬢ᭄ᬢᬫ᭞ᬭᬶᬂᬓᬳᬸᬭᬶ
ᬧᬦᬾᬕᬶᬮᬶᬓ᭄᭞ᬦᬶᬓᬤᬸᬫᬸᬦ᭄᭞ᬧᬢᬸᬢ᭄ᬓᬳᬸᬢ᭄ᬲᬳᬂᬧᬶᬲᬦ᭄᭟ᬳᬶᬦ᭄ᬤᬶᬓ᭄ᬕᭂᬦᬄᬗᬺᬋᬄᬤᬦ᭞ᬳᬗ᭄ᬕᬾᬦ᭄ᬩᭂᬓᭂᬮ᭄ᬚᬕᬗᬸᬭᬶᬧ᭄᭞ᬍᬫ᭄ᬩᬕᬳᬤᬢ᭄ᬧᬸᬦᬶᬓ᭞ᬳᬦ᭄ᬢᬸᬓ᭄ᬫᬳᬸᬢ᭄ᬲᬳᬬᬸᬓ᭄ᬢᬶ᭞ᬭᬶᬂᬓᬬᬸᬦ᭄ᬫᬬᬰᬓᬾᬃᬣᬶ᭞ᬦᬸᬦᬲ᭄ᬧᬲ᭄ᬯᬾᬘ᭄ᬘᬦ᭄ᬲᬂᬕᬸᬭᬸ᭞ᬯᬶᬰᬾᬱᬭᬶᬂᬲᭀᬯᬂ
[᭑᭕ 15A]
ᬚᬕᬢ᭄᭞ᬲᬯᬯᭂᬗ᭄ᬓᭀᬦᬾᬭᬶᬂᬩᬮᬶ᭞ᬧᬤᬳᬲᬸᬂ᭞ᬤᬤᭀᬲ᭄ᬧ᭄ᬭᬲᬶᬤ᭄ᬥᬫᬫᬃᬕ᭄ᬕ᭟ᬤᬦᬲᬶᬤ᭄ᬥᬓᬫᭀᬮᬶᬳᬂ᭞ᬭᬭᬶᬲᬂᬗᬢᬸᬃᬧᬫᬃᬕ᭄ᬕᬶ᭞ᬫᬦᬹᬢ᭄‌ᬭᬜ᭄ᬘᬗᬦ᭄ᬯᬗᬸᬦᬦ᭄᭞ᬲᬦᬾᬲᬶᬤ᭄ᬥᬓᬲᬸᬗ᭄ᬓᭂᬫᬶᬦ᭄᭞ᬗᬯᬶᬢ᭄ᬦᬸᬦ᭄ᬢᬸᬦ᭄ᬢᬸᬃᬦᬶᬢᬾᬦᬶᬦ᭄᭞ᬜᬸᬚᬸᬭᬂᬫᬗ᭄ᬤᬾᬦᬾᬧᬢᬹᬢ᭄᭞
ᬭᬶᬂᬢᬸᬚᭀᬦ᭄ᬕᬸᬭᬸᬯᬶᬰᬾᬱ᭞ᬦᬜ᭄ᬘᬧᬂᬗᬯᬗᬸᬦ᭄ᬫᬮᬶᬄ᭞ᬫᬗ᭄ᬤᬗ᭄ᬮᬦ᭄ᬢᬸᬃ᭞ᬫᬦᬹᬢ᭄ᬓᬤᬶᬤᬕᬶᬂᬳᬃᬱ᭟ᬕᬸᬭᬸᬯᬶᬰᬾᬱᬫᬶᬘ᭄ᬮᬬᬂ᭞ᬩᭂᬓᭂᬮ᭄ᬳᬗ᭄ᬕᬾᬦ᭄ᬗᬫᬃᬕ᭄ᬕᬶᬦᬶᬦ᭄᭞ᬲ᭄ᬯᬥᬃᬫ᭄ᬫᬫᬶᬘᬵᬂᬢᬸᬦ᭄ᬢᬸᬦᬦ᭄᭞ᬫᬗ᭄ᬤᬩ᭄ᬬᭀᬢᬢᬦ᭄ᬗᬭᬜ᭄ᬚᬶᬂ᭞ᬳᬓᬾᬄᬫᬭᬶᬂᬚᬕᬢ᭄ᬩᬮᬶ᭞ᬧᬸᬦᬶᬓᬭᬭᬶ
ᬲ᭄ᬓᬳᬸᬢᬸᬲ᭄᭞ᬗᬸᬭᬶᬧᬂᬍᬫ᭄ᬩᬕᬳᬤᬢ᭄᭞ᬳᬗ᭄ᬕᬾᬦ᭄ᬰ᭄ᬭᬡᬧᬘᬂᬗᬧ᭄ᬢᬶ᭞ᬚᬕᬢ᭄ᬮᬦ᭄ᬤᬸᬄ᭞ᬢᬺᬧ᭄ᬢᬶᬓᬺᬢᬮᬦ᭄ᬭᬳᬃᬚ᭄ᬚ᭟ᬓᬚᬗ᭄ᬓᭂᬧᬂᬭᬶᬂᬧᬤᬩ᭄ᬤᬩ᭄᭞ᬯᬾᬦ᭄ᬢᭂᬦ᭄ᬤᬯᬫᬤ᭄ᬬᬳᬮᬶᬢ᭄᭞ᬲᬓᬶᬂᬳᬮᬶᬢ᭄ᬫᬜᬸᬚᬸᬭᬂ᭞ᬢᬸᬦ᭄ᬢᬸᬦ᭄ᬲᬂᬩᬦ᭄ᬤᬾᬰᬬᬸᬓ᭄ᬢᬶ᭞ᬲᬦᬾᬧᬢᬸᬢ᭄ᬓ
ᬫᬃᬕ᭄ᬕᬶᬦᬶᬦ᭄᭞ᬳᬦ᭄ᬢᬸᬓ᭄ᬫᬮᬧᬦᬸᬦ᭄ᬢᬸᬦ᭄᭞ᬫᬗ᭄ᬤᬲᬶᬤ᭄ᬥᬓᬮᬶᬫ᭄ᬩᬓᬂ᭞ᬧᬲᬫᬸᬳᬦ᭄ᬭᬶᬂᬧ᭄ᬭᭀᬧᬶᬦ᭄ᬲᬶ᭞ᬫᬮᬶᬄᬗ᭄ᬮᬦ᭄ᬢᬸᬃ᭞ᬭᬯᬸᬄᬫᬭᬶᬂᬓᬘᬫᬢᬦ᭄᭟ᬫᬜᬸᬭᬢᬂᬳᬯᬶᬕ᭄ᬤᬾᬰ᭞ᬩᬜ᭄ᬚᬃᬮᬦ᭄ᬲᬸᬩᬓ᭄ᬫᬮᬶᬄ᭞ᬧᬢᬹᬢ᭄ᬧᬶᬲᬦ᭄ᬓᬧᬶᬤᬩ᭄ᬤᬩ᭄᭞ᬫᬗ᭄ᬤᬲᬶᬤ᭄ᬥ [ 16 ][᭑᭕ 15B]
᭑᭕
ᬓᬓᬃᬤ᭄ᬤᬶᬦᬶᬦ᭄᭞ᬤᬕᬶᬂᬮᭀᬦ᭄ᬢᬃᬓᬧᬶᬮᬶᬳᬶᬦ᭄᭞ᬓᬓᭂᬢᬸᬲ᭄ᬫᬗ᭄ᬤᬫᬓᬸᬫ᭄ᬧᬸᬮ᭄᭞ᬳᬗ᭄ᬕᬾᬦ᭄ᬤᬕᬶᬂᬫᬜᬸᬭᬵᬢᬂ᭞ᬫᬗ᭄ᬤᬯᬾᬦ᭄ᬢᭂᬦ᭄ᬓᬧ᭄ᬮᬚᬳᬶᬦ᭄᭞ᬲᬶᬤ᭄ᬥᬗᭂᬢᬸᬢ᭄᭞ᬳᬯᬶᬕ᭄ᬲᬦᬾᬓᬮᬶᬫ᭄ᬩᬓᬂ᭟ᬲᬓᬶᬂᬢᬸᬦ᭄ᬢᬸᬦᬦ᭄ᬧᬸᬦᬶᬓ᭞ᬓᬩ᭄ᬮᬶᬕ᭄ᬩᬕᬂᬫᬓᬲᬫᬶ᭞ᬲᬦᬾᬫᬦᬹᬢ᭄ᬓᬫᬃ
ᬕ᭄ᬬᬂ᭞ᬓᬳᬸᬗ᭄ᬕᬳᬂᬤᬤᭀᬲ᭄ᬳᬯᬶᬕ᭄᭞ᬮᬶᬬᬦ᭄ᬫᬮᬶᬄᬧᬢᬸᬢ᭄ᬳᬸᬦᬶᬂ᭞ᬳᬶᬦ᭄ᬤᬶᬓ᭄ᬢᬦᬄᬲᬦᬾᬓᬢᬸᬃ᭞ᬫᬓᬤᬶᬧᬮᬩᬧᬸᬭ᭞ᬫᬗ᭄ᬤᬩᭂᬘᬶᬓ᭄ᬓᬢᬶᬢᬾᬦᬶᬦ᭄᭞ᬦᬶᬓᬓᬢᬸᬃ᭞ᬩᭂᬘᬶᬓ᭄ᬳᬦ᭄ᬢᬸᬓ᭄ᬫᬗᬾᬮᬶᬗᬂ᭟ᬢᬸᬦ᭄ᬢᬸᬦᬦ᭄ᬫᬗ᭄ᬤᬮᬦ᭄ᬢᬸᬭᬂ᭞ᬫᬭᬸᬧᬩᬸᬓᬸᬢ᭄ᬬᬓ᭄ᬢᬶ᭞ᬳᬗ᭄ᬕᬾᬦ᭄ᬕ
ᬕᬫ᭄ᬩᭂᬮᬦ᭄‌ᬫ᭄ᬮᬚᬄ᭞ᬜᬸᬚᬸᬭᬂᬫᬗ᭄ᬤᬾᬦᬾᬳᬸᬦᬶᬂ᭞ᬓᬮᬶᬄᬓᬧᬢᬸᬫᬂᬫᬮᬶᬄ᭞ᬭᬶᬂᬧᬗᬬᭀᬫ᭄ᬲᬦᬾᬧᬢᬸᬢ᭄᭞ᬫᬗ᭄ᬤᬍᬫ᭄ᬩᬕᬦᬾᬲᬶᬤ᭄ᬥ᭞ᬦᬶᬜ᭄ᬘᬧ᭄ᬓᬧᬶᬓᬸᬓᬸᬄᬫᬮᬶᬄ᭞ᬲᬶᬤ᭄ᬥᬦᭂᬭᬸᬲ᭄᭞ᬗᬫᬃᬕ᭄ᬬᬂᬲ᭄ᬯᬥᬃᬫᬦ᭄ᬜ᭟ᬧᬲᬫᬸᬳᬦ᭄ᬫᬗᬋᬧᬂ᭞ᬭᬶᬓᬵᬮᬯᬾᬦ᭄ᬢᭂᬦ᭄ᬫᬗᬧ᭄ᬢᬶ᭞
ᬓᬳᬤᬶᬮᬦ᭄ᬭᬶᬂᬧᬫ᭄ᬭᬶᬦ᭄ᬢᬄ᭞ᬗ᭄ᬭᬜ᭄ᬚᬶᬂᬧᬗᬤᬶᬮᬦ᭄‌ᬬᬸᬓ᭄ᬢᬶ᭞ᬫᬗ᭄ᬤᬍᬫ᭄ᬩᬕᬜᬋᬗᬶᬦ᭄᭞ᬤᬤᭀᬲ᭄ᬲᬓ᭄ᬱᬶᬳᬄᬮᬶᬗᭂᬢᬹᬢ᭄᭞ᬤᬸᬫᬸᬕᬶᬢᬦ᭄ᬤᬤᭀᬲ᭄ᬲᬶᬗ᭄ᬲᬮ᭄᭞ᬮᬓ᭄ᬱᬡᬦᬾᬭᬶᬂᬧᬫᬃᬕ᭄ᬕᬶ᭞ᬦᬶᬓᬧᬢᬸᬢ᭄᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᬕᬩᬸᬭᬦ᭄᭟ᬮᬶᬬᬦ᭄ᬫ
[᭑᭖ 16A]
ᬮᬶᬄᬓᬢᬸᬦᬲᬂ᭞ᬭᬶᬂᬕᬸᬭᬸᬯᬶᬰᬾᬱᬚᬢᬶ᭞ᬧ᭄ᬭᬚᬸᬭᬸᬳᬤᬢ᭄ᬧᬸᬦᬶᬓ᭞ᬫᬗ᭄ᬤᬲᬋᬂᬓᬳᬶᬘᬾᬦᬶᬦ᭄᭞ᬲᬦ᭄ᬢᬸᬦᬦ᭄ᬳᬗ᭄ᬕᬾᬦ᭄ᬗᬸᬮᬢᬶ᭞ᬧᬫᬃᬕ᭄ᬕᬶᬦᬾᬤᬤᭀᬲ᭄ᬳᬤᬸᬂ᭞ᬓᬮᬶᬄᬭᬶᬂᬳᬸᬕᭂᬃᬓᬫᬃᬕ᭄ᬬᬂ᭞ᬳᬶᬦ᭄ᬤᬶᬓ᭄ᬧᬯᬶᬯᬳᬦ᭄‌ᬬᬸᬓ᭄ᬢᬶ᭞ᬳᬤᬢ᭄ᬗᭂᬢᬸᬢ᭄᭞ᬫᬗ᭄ᬤᬳᬤᬸᬂᬓᬧᬶᬤᬩ᭄ᬤᬩ᭄᭟ᬓᬮᬶᬄᬭᬾ
ᬓᬮᬗᬫᬃᬕ᭄ᬬᬂ᭞ᬗᬤᭀᬮ᭄ᬢᬫᬄᬳᬤᬢ᭄‌ᬬᬸᬓ᭄ᬢᬶ᭞ᬳᭀᬭᬚᬸᬭᬸᬳᬤᬢ᭄ᬲᬳᬸᬦᬶᬗ᭞ᬓᬲᬋᬗᬂᬤᬤᭀᬲ᭄ᬲᬓ᭄ᬱᬶ᭞ᬫᬗ᭄ᬤᬦ᭄ᬤᬦᬾᬦ᭄ᬢᭂᬦ᭄ᬳᬯᭀᬃᬲᬫᬶ᭞ᬢᬍᬃᬭᬶᬂᬗ᭄ᬭᬯᬸᬳᬂᬲᬸᬮᬸᬃ᭞ᬗᬫᬃᬕ᭄ᬬᬂᬦᬸᬦ᭄ᬢᬸᬦ᭄ᬓ᭄ᬭᬫ᭞ᬲᬭᬢᬂᬧᬶᬲᬦ᭄ᬗᬬᬸᬦᬶᬦ᭄᭞ᬫᬗ᭄ᬤᬓᬢᬸᬃ᭞ᬧᬶᬘᬬᬂᬧᬶᬦᬓᬯᬦ᭄ᬢ᭄ᬬᬦ᭄᭞ᬲᬦᬾᬲᬭᬢ᭄ᬓ
ᬳᬋᬧᬂ᭞ᬫᬗ᭄ᬤᬕᭂᬮᬶᬲ᭄ᬓᬓᬃᬬ᭄ᬬᬦᬶᬦ᭄᭞ᬧᭂᬭᬤᬶᬮᬦᬾᬧᬸᬦᬶᬓ᭞ᬳᬗ᭄ᬕᬾᬦ᭄ᬕᭂᬦᬄᬫᬦᭂᬧᬲᬶᬦ᭄᭞ᬯᬶᬘᬭᬦᬾᬲᬦᬾᬗ᭄ᬭᬜ᭄ᬚᬶᬂ᭞ᬭᬶᬂᬲᬫᭂᬢᭀᬦ᭄ᬕᬫᬳᬶᬦ᭄ᬤᬸ᭞ᬫᬗ᭄ᬤᬫᬦᬹᬢ᭄ᬫᬭᬶᬂᬳᬤᬢ᭄᭞ᬲᬦᬾᬲᬵᬫ᭄ᬧᬸᬦ᭄ᬓᬲᬸᬗ᭄ᬓᭂᬫᬶᬦ᭄᭞ᬦᬶᬓᬭᬢᬸ᭞ᬧᬢᬹᬢ᭄ᬕᭂᬮᬶᬲ᭄ᬓᬯᬾᬦ᭄ᬢᭂᬦᬂ᭟
ᬧᬤᬩ᭄ᬤᬩ᭄ᬫᬤ᭄ᬬᬮᬦ᭄ᬢᬸᬭᬂ᭞ᬳᬸᬦ᭄ᬢᭂᬂᬲᬦᬾᬲᬵᬫ᭄ᬧᬸᬦ᭄‌ᬗ᭄ᬭᬜ᭄ᬚᬶᬂ᭞ᬫᬗ᭄ᬤᬗᬯᬶᬢ᭄ᬓᬫᬃᬕ᭄ᬬᬂ᭞ᬧᬦᬸᬦ᭄ᬢᬸᬦᬾᬫᬓᬚᬢᬶ᭞ᬭᬶᬂᬤᬾᬰᬲᬸᬩᬓ᭄ᬮᬦ᭄ᬲᭂᬦᬶ᭞ᬩᬜ᭄ᬚᬃᬭᬶᬂᬩᬸᬤ᭄ᬥᬬᬭᬢᬸ᭞ᬓᬧᬶᬤᬩ᭄ᬤᬩ᭄ᬫᬭᬶᬂᬓ᭄ᬭᬫ᭞ᬳᬦ᭄ᬢᬸᬓ᭄ᬱᬸᬩᬓ᭄ᬢᬶᬭᬶᬂᬯᬶᬥᬶ᭞ᬫᬗ᭄ᬤᬳᬲᬸᬂ᭞ᬓ᭄ᬭᬫᬢᬢᬲ᭄ᬲ [ 17 ][᭑᭖ 16B]
᭑᭖
ᬳᬶᬦᬗ᭟ᬭᬶᬂᬧᬶᬤᬩ᭄ᬤᬩ᭄‌ᬤᬾᬯᬫᬸᬗ᭄ᬕᬄ᭞ᬦᬸᬦ᭄ᬢᬸᬦ᭄ᬧᬫᬃᬕ᭄ᬕᬶᬦᬾᬲᬫᬶ᭞ᬭᬶᬂᬍᬫ᭄ᬩᬕᬳᬤᬢ᭄ᬧᬸᬦᬶᬓ᭞ᬗᬃᬤ᭄ᬤᬶᬳᬸᬭᬶᬧ᭄ᬜᬦᬾᬚᬢᬶ᭞ᬲᬶᬤ᭄ᬥᬗ᭄ᬕᬯᬾᬦᬾᬍᬲ᭄ᬢᬭᬶ᭞ᬭᬶᬂᬲᬓᬜ᭄ᬘᬦ᭄ᬲᬦᬾᬭᬯᬸᬄᬫ᭄ᬗ᭄ᬭᬜ᭄ᬚᬶᬂᬯᬶᬤᬂᬓᬢᬺᬧ᭄ᬢ᭄ᬬᬦ᭄᭞ᬧᭀᬮᬶᬢᬶᬓ᭄ᬮᬦ᭄‌ᬳᬾᬓᭀᬦᭀᬫᬶ᭞ᬫ
ᬮᬶᬄᬓᬢᬸᬃ᭞ᬲᭀᬲ᭄ᬬᬮ᭄ᬩᬸᬤ᭄ᬥᬬᬧᬸᬦᬶᬓ᭟᭐᭟ᬫᬗ᭄ᬓᬶᬦ᭄ᬫᬮᬶᬄᬧᬘᬂᬓᬵᬢᬸᬃ᭞ᬧᬲᬫ᭄ᬯᬦ᭄ᬳᬤᬢ᭄ᬧᬶᬂᬢ᭄ᬭᬶ᭞ᬳᬶᬦ᭄ᬤᬶᬓ᭄ᬢᬦᬄᬢᬦᬄᬳᬤᬢ᭄᭞ᬧᬢᬸᬢ᭄ᬩᭂᬘᬶᬓ᭄ᬓᬯᬶᬓᬦᬶᬦ᭄᭞ᬳᬓᬤᬶᬳᬬᬳᬦ᭄ᬤᬾᬰ᭞ᬲᬦᬾᬲᬫ᭄ᬧᬸᬦ᭄ᬓᬕᭂᬦᬳᬶᬦ᭄᭟ᬮ᭄ᬬᬦ᭄ᬫᬮᬶᬄᬮ᭄ᬯᬶᬃᬳᬶᬧᬸᬦ᭄᭞
ᬧᬮᬩᬧᬸᬭᬦᬾᬬᬸᬓ᭄ᬢᬶ᭞ᬧᬾᬓᬤᬾᬗᬭᬜ᭄ᬚᬶᬂᬢᭂᬩ᭞ᬧᬘᬢᬸᬮᬦ᭄ᬓᬭᬂᬓᬾᬃᬣᬶ᭞ᬫᬶᬯᬄᬦᬾᬮ᭄ᬬᬦᬾᬮ᭄ᬬᬦ᭄ᬮ᭄ᬬᬦᬦ᭄᭞ᬲᬦᬾᬤᬤᭀᬲ᭄‌ᬤᬺᬯᬾᬲᬫᬶ᭟ᬲᬦ᭄ᬢᬸᬓᬦ᭄ᬤᬸᬭᬸᬂᬓᬭᬸᬗᬸ᭟ᬧᬢᬹᬢ᭄ᬩᭂᬘᬶᬓ᭄ᬓᬯᬶᬓᬦᬶᬦ᭄᭞ᬯᬾᬦ᭄ᬢᭂᬦ᭄ᬯᭂᬦᬂᬕᬮᬄᬫᬶᬤᬩ᭄ᬤᬩ᭄᭞ᬲᬦᬾᬧᬘᬂ
ᬗᬫᬶᬍᬢᬶᬦ᭄᭞ᬧᬸᬦᬶᬓᬧᬢᬸᬢ᭄ᬭᬜ᭄ᬚᬶᬗᬂ᭞ᬤᬤᭀᬲᬂᬫᬗ᭄ᬤᬳᬲᬶᬓᬶ᭟ᬫᬶᬦᬓᬤᬶᬲᬦᬾᬧᬢᬸᬢ᭄᭞ᬕᬸᬭᬸᬯᬶᬰᬾᬱᬦᬾᬭᬶᬳᬶᬦ᭄᭞ᬅᬕ᭄ᬭᬃᬬᬍᬫ᭄ᬩᬕᬳᬤᬢ᭄᭞ᬇᬧᬾᬤᬫᬮᬶᬄᬜᬋᬗᬶᬦ᭄᭞ᬧᬭᬶᬲᬤᬭᬶᬂᬳᬕᬫ᭞ᬦᬶᬓᬲᬦᬾᬗ
[᭑᭗ 17A]
ᬗᬫᬃᬕ᭄ᬕᬶᬦᬶᬦ᭄᭟ᬧᬭᬤᬾᬰᬳᬤᬢ᭄ᬳᬶᬓᬸ᭞ᬧᬢᬸᬢ᭄ᬗᬸᬦᬶᬗᬬᬂᬭᬶᬳᬶᬦ᭄᭞ᬭᬶᬂᬯᬶᬤᬗᬦ᭄ᬳᬕ᭄ᬭᬃᬬ᭞ᬫᬗ᭄ᬤᬓᬳᬸᬓᬸᬃᬤᬶᬕᭂᬮᬶᬲ᭄᭞ᬫᬜᬶᬦᬳᬂᬯᬯᬓᭂᬲᬦ᭄᭞ᬫᬗ᭄ᬤᬓ᭄ᬭᬫᬫᬗᬸᬦᬶᬗᬶᬦ᭄᭟ᬬᬦᬶᬂᬲᬫ᭄ᬧᬸᬦ᭄ᬧᬤᬯᭂᬭᬸᬄ᭞ᬧᬢᬸᬢ᭄ᬧᬶᬓᬬᬸᬦᬶᬦ᭄ᬭᬶᬳᬶᬦ᭄᭞ᬩ᭄ᬮᬶᬕ᭄ᬩ
ᬕᬂᬫᬭᬶᬂᬧᬭᬸᬫᬦ᭄᭞ᬲᬦᬾᬧᬘᬂᬗᬫᬃᬕ᭄ᬕᬶᬦᬶᬦ᭄᭞ᬓᬢᬦ᭄ᬤᬸᬫᬗ᭄ᬤᬧᬲ᭄ᬢᬶᬓ᭞ᬓᬮᬶᬄᬧᬶᬓᭀᬮᬶᬳᬾᬚᬢᬶ᭟ᬲᬦᬾᬧᬢᬸᬢ᭄ᬓᬧᬶᬓᬸᬓᬸᬄ᭞ᬳᬶᬦ᭄ᬤᬶᬓ᭄ᬢᬦᬳ᭄‌ᬳᬤᬢ᭄ᬦᬶᬓᬶ᭞ᬢᬦ᭄ᬧᬢᬸᬢ᭄ᬧᬘᬂᬧᬶᬘᬬᬂ᭞ᬭᬶᬂᬳᬦᬓ᭄‌ᬮ᭄ᬬᬦ᭄ᬯᬶᬬᬓ᭄ᬢᬶ᭞ᬲᬦᬾᬦᬾᬦ᭄ᬢᭂᬦ᭄ᬓᬤᬲᬭᬂ᭞ᬳ
ᬦ᭄ᬢᬸᬓ᭄ᬧᬭᬸᬫᬦᬾᬲᬫᬶ᭟ᬬᬦ᭄ᬢᬦᬄᬳᬤᬢ᭄ᬓᬍᬩᬸᬃ᭞ᬓᬤᬤᭀᬲᬂᬤᬺᬯᬾᬦᬶᬭᬶ᭞ᬧᬢᬸᬢ᭄ᬧᬶᬲᬦ᭄ᬓᬲᬸᬭᬵᬢᬂ᭞ᬧᬶᬦᬓᬫᬓᬤᬶᬩᬸᬓ᭄ᬢᬶ᭞ᬧᭂᬘᬓ᭄ᬫᬯᬶᬢ᭄ᬢᬦᬄᬳᬤᬢ᭄᭞ᬓᬮᬶᬄᬳᬚᭂᬕ᭄ᬓᬳᬬᬳᬶᬦ᭄᭟ᬳᬶᬦ᭄ᬤᬶᬓ᭄ᬢᬦᬄᬦᬾᬓᬍᬩᬸᬃ᭞ᬬᬦ᭄ᬧ᭄ᬭᬲᬶᬤ᭄ᬥᬓᬲᬸᬗ᭄ᬓᭂᬫᬶ
ᬦ᭄᭞ᬭᬶᬂᬧᬭᬸᬫᬦ᭄‌ᬤᬾᬰᬳᬤᬢ᭄᭞ᬯᬯᬸᬤᬤᭀᬲ᭄ᬓᬓᬃᬬ᭄ᬬᬦᬶᬦ᭄᭟ᬗᬭᬸᬩᬄᬭᬶᬂᬲ᭄ᬢᬢᬸᬲ᭄ᬜ᭞ᬭᬶᬂᬲᬂᬧᬘᬂᬗᬫᭀᬮᬶᬳᬶᬦ᭄᭟ᬬᬦ᭄ᬢᬃᬣᬧᬘᬂᬫᬗᬢᬸᬃ᭞ᬗᬶᬗ᭄ᬲᬶᬭᬂᬦᬾᬫᬶᬓᬸᬓᬸᬳᬶᬦ᭄᭞ᬳᬶᬦ᭄ᬤᬶᬓ᭄ᬢᬦᬄᬤᬺᬯᬾᬦ᭄‌ᬤᬾᬰ᭞ᬧᬢᬸᬢ᭄ᬫᬦᬸᬦᬲᬂᬳᬶᬚᬶᬦ᭄᭞ [ 18 ][᭑᭗ 17B]
᭑᭗
ᬭᬶᬂᬳᬕᬫᬧᬭᬶᬲᬤ᭞ᬲᬦᬾᬧᬢᬸᬢ᭄ᬫᬶᬢᬶᬦ᭄ᬤᬶᬳᬶᬦ᭄᭟ᬢᬦᬄᬲᬦᬾᬧᬘᬂᬍᬩᬸᬃ᭞ᬭᬶᬂᬳᬓ᭄ᬢᭂᬳᬤᭀᬮ᭄ᬳᬯᭂᬮᬶ᭞ᬫᬗ᭄ᬤᬳᬶᬩᬦ᭄ᬤᬾᬰᬳᬤᬢ᭄᭞ᬲᬋᬂᬧᬓᬲᬾᬄᬗᬶᬘᬾᬦᬶᬦ᭄᭞ᬳᬸᬦ᭄ᬢᭂᬂᬳᬢᬸᬃᬓᬤᬤᭀᬲᬂ᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᬜᬸᬗ᭄ᬓᬦᬶᬦ᭄᭟ᬫᬃᬕ᭄ᬕᬶᬦ᭄‌ᬩ᭄ᬬᭀ
ᬢᬲᬶᬤ᭄ᬥᬧᬢᬸᬢ᭄᭞ᬳᬶᬦ᭄ᬤᬶᬓ᭄ᬢᬦᬄᬳᬤᬢ᭄‌ᬬᬸᬓ᭄ᬢᬶ᭞ᬗ᭄ᬭᬸᬩᬄᬲ᭄ᬢᬢᬸᬲ᭄ᬓᬮᬶᬄᬗᬭᬧ᭄᭞ᬢᬍᬃᬧᬭᬸᬫᬦ᭄ᬫᬃᬕᬶᬦᬶᬦ᭄᭞ᬫᬦᬹᬢ᭄ᬓᬯᬾᬦ᭄ᬢᭂᬦᬦ᭄ᬕᭂᬦᬄ᭞ᬤᬸᬤᭀᬦᬦᬾᬲᬦᬾᬧᬲ᭄ᬢᬶ᭟ᬳᬶᬦ᭄ᬤᬶᬓ᭄ᬯᬾᬦᬵᬢᬵᬳᬾᬦᬵᬳᬾᬧᬶᬓᬬᬸᬦ᭄᭞ᬭᬶᬂᬤᬾᬰᬳᬤᬢᬼᬲ᭄ᬢᬭᬶ᭞ᬢᬸᬦᬲ᭄ᬭᬶᬂᬕᬸᬭᬸᬯᬶᬰᬾᬱ᭞
ᬫᬗ᭄ᬤᬲᬶᬤ᭄ᬥᬓᬳᬶᬘ᭄ᬙᬾᬦᬶᬦ᭄᭞ᬤᬾᬰᬳᬤᬢ᭄ᬓᬓᬸᬓᬸᬳᬂ᭞ᬤᬤᭀᬲ᭄ᬩᬤᬦ᭄ᬳᬸᬓᬸᬫ᭄‌ᬬᬸᬓ᭄ᬢᬶ᭟ᬢᬍᬃᬬᬦ᭄ᬲᬵᬫ᭄ᬧᬸᬦ᭄ᬓᬶᬦᬸᬓᬸᬄ᭞ᬮᬦ᭄ᬢᬸᬭᬂᬢᬸᬦᬲᬂᬫᬮᬶᬄ᭞ᬳᬶᬦ᭄ᬤᬶᬓ᭄‌ᬦᬾᬦ᭄ᬢᭂᬦ᭄ᬓᬯᬢᭂᬲᬂ᭞ᬧᬤᬺᬯᬾᬦ᭄ᬤᬾᬰᬦᬾᬲᬫᬶ᭞ᬭᬶᬂᬯᬶᬮᬗᬦ᭄ᬤᬾᬰᬳᬤᬢ᭄᭞ᬲᬋᬂᬧᬮ
ᬩᬦᬾᬫᬮᬶᬄ᭟ᬫᬃᬕ᭄ᬕᬶᬧᬶᬢ᭄ᬭᬬᬚ᭄ᬜᬓᬢᬸᬃ᭞ᬫᬗ᭄ᬤᬲᬶᬤ᭄ᬥᬓᬫᬃᬕ᭄ᬕᬶᬦᬶᬦ᭄᭞ᬧᬫᬸᬢᬸᬲ᭄ᬭᬶᬂᬢ᭄ᬭᬶᬫᬗ᭄ᬕᬮ᭞ᬦᬾᬦᬺᬯᬾᬦᬂᬓᬧᬶᬂᬲᬶᬓᬶ᭞ᬓᬢᬸᬮᬸᬂᬓ᭄ᬭᬫᬤᬾᬰ᭞ᬧᬫᬸᬧᬸᬢᬾᬭᬶᬂᬲᬸᬮᬶᬗ᭄ᬕᬶᬄ᭟ᬳᬤᬢ᭄ᬧᬫᬃᬕ᭄ᬕᬶᬦᬾᬓᬢᬸᬃ᭞ᬓᬲᬾᬢ᭄ᬭᬫᬗ᭄ᬤᬾᬦᬾᬢᬺᬧ᭄ᬢᬶ᭞
[᭑᭘ 18A]
ᬜᬶᬳ᭄ᬦᬬᬂᬭᬲᬭᬶᬂᬤᬸᬳ᭄ᬓ᭞ᬲᬋᬂᬲᬫᬶᬫᬶᬓᬬᬸᬦᬶᬦ᭄᭞ᬢᬦ᭄ᬓᬧᬢᬸᬢ᭄ᬗᬭᬧ᭄ᬲᬯ᭞ᬫᬦᬹᬢ᭄ᬳᬚᬄᬢᬢ᭄ᬯᬫᬲᬶ᭟ᬧᬤᬾᬯᬰᬦ᭄ᬫᭂᬦ᭄ᬤᭂᬫ᭄ᬓᬢᬸᬃ᭞ᬭᬶᬂᬧᬸᬲ᭄ᬧᬭᬸᬫᬦ᭄‌ᬬᬸᬓ᭄ᬢᬶ᭞ᬫᬦᬹᬢ᭄ᬭᬶᬂᬘᬧ᭄ᬢᬕᬫ᭞ᬭᬶᬂᬧᬫᬃᬕ᭄ᬕᬶᬦ᭄ᬗᬩᬾᬦ᭄ᬫᬮᬶᬄ᭞ᬢᬸᬦᬲᬂᬭᬶᬂᬲᬂᬧᬡ᭄ᬥᬶᬢ᭞ᬳᬸᬧ
ᬓᬭᬲᬋᬂᬲᬫᬶ᭟ᬳᬶᬦ᭄ᬤᬶᬓ᭄ᬱᬾᬢ᭄ᬭᬢᬍᬃᬓᬢᬸᬃ᭞ᬯᬦ᭄ᬢᬄᬧᬢᬸᬢ᭄ᬓᬤᬕᬶᬗᬶᬦ᭄᭞ᬳᬦ᭄ᬢᬸᬓ᭄ᬳᬸᬦ᭄ᬤᬸᬥᬃᬫ᭄ᬫ᭞ᬲᬦᬾᬗᬫᬃᬕ᭄ᬬᬂᬩᬓ᭄ᬢᬶ᭞ᬳᬦ᭄ᬢᬸᬓ᭄‌ᬰ᭄ᬭᬡᬳᬸᬧᬘᬵᬭ᭞ᬗᬲ᭄ᬢᬶᬢᬶᬭᬶᬂᬲᬂᬳ᭄ᬬᬂᬯᬶᬥᬶ᭟ᬬᬦᬶᬂᬯᬾᬦ᭄ᬢᭂᬦ᭄‌ᬦᬾᬦ᭄ᬢ᭄ᬯᭂᬦ᭄ᬫᬦᬹᬢ᭄᭞ᬦᬾᬦ᭄ᬢᭂᬦ᭄ᬧᬢᬸᬢ᭄ᬧᬘᬂ
ᬢᬫ᭄ᬧᬶ᭞ᬓᬧᭂᬦ᭄ᬤᭂᬫ᭄ᬲᬋᬂᬭᬶᬂᬲᬾᬢ᭄ᬭ᭞ᬧᬸᬦᬶᬓᬧᬢᬸᬢ᭄ᬦᬶᬦᬸᬢᬶᬦ᭄᭞ᬳᬕᬫᬦᬾᬓᬫᬗ᭄ᬕᭂᬳᬂ᭞ᬧᬸᬦᬶᬓᬧᬢᬸᬢ᭄‌ᬯᬶᬓᬦᬶᬦ᭄᭟ᬬᬦ᭄‌ᬯᬾᬦ᭄ᬢᭂᬦ᭄ᬩ᭄ᬬᭀᬢᬧᬓᬾᬯᬸᬄ᭞ᬭᬶᬂᬫᭂᬦ᭄ᬤᭂᬫ᭄ᬲᬯᬧᬸᬦᬶᬓᬶ᭞ᬧᬢᬸᬢ᭄ᬧᬶᬤᬩ᭄ᬤᬩᬶᬦ᭄‌ᬧᬶᬲᬦ᭄᭞ᬧᬸᬧᬸᬢᬂᬩᬯᭀ
ᬲᬾᬭᬶᬳᬶᬦ᭄᭞ᬲᬤᬸᬭᬸᬗᬾᬓᬫᬃᬕ᭄ᬬᬂ᭞ᬫᬗ᭄ᬤᬦᬾᬦ᭄ᬢᭂᬦ᭄‌ᬯᬾᬦ᭄ᬢᭂᬦ᭄‌ᬯᬾᬘᬶ᭟ᬲᬂᬓ᭄ᬭᬫᬲᬦᬾᬓᬳᬸᬯᬸᬲ᭄᭞ᬳᬦ᭄ᬢᬸᬓ᭄ᬱᬶᬗ᭄ᬲᬮ᭄ᬫᬭᬶᬂᬳᬯᬶᬕ᭄᭞ᬫᬗ᭄ᬤᬲᬶᬤ᭄ᬥᬓᬤᬤᭀᬲᬂ᭞ᬗᬸᬩᬸᬃᬭᬶᬂᬲᬾᬢ᭄ᬭᬦᬾᬬᬸᬓ᭄ᬢᬶ᭞ᬯᬾᬦ᭄ᬢᭂᬦᬂᬤᬲᬃᬳᬢᬸᬭᬦ᭄᭞ᬫᬦᬹᬢ᭄ᬳᬚᬄ [ 19 ][᭑᭘ 18B]
᭑᭘
ᬢᬢ᭄ᬯᬫᬲᬶ᭟ᬫᬓᬤᬶᬧᬦᬜ᭄ᬚᬸᬂᬩᬢᬸ᭞ᬧᬢᬸᬓᭀᬦ᭄ᬢᬸᬭᬸᬳᬸᬢᬯᬶ᭞ᬦᬶᬓᬳᬾᬮᬶᬗᬂᬗᬦᬸᬢᬂ᭞ᬭᬶᬂᬓᬲᬶᬤᬦ᭄ᬲᬋᬂᬲᬫᬶ᭞ᬫᬗ᭄ᬤᬦᬾᬦ᭄ᬢᭂᬦ᭄ᬜᭂᬓᭂᬄᬲᬯ᭞ᬚᬦ᭄ᬢᭀᬲ᭄ᬲᬸᬯᬾᬦᬾᬦ᭄ᬢᭂᬦ᭄ᬧᬲ᭄ᬢᬶ᭟ᬲᬂᬓ᭄ᬭᬫᬲᬫ᭄ᬧᬸᬦ᭄ᬓᬯᬸᬯᬸᬲ᭄᭞ᬧᬫᬶᬢ᭄ᬭᬶᬂᬤᬾᬰᬦᬾᬬᬸᬓ᭄ᬢᬶ᭞ᬳᬦ᭄ᬢᬸ
ᬓ᭄ᬮᬓ᭄ᬱᬡᬦᬾᬳᬶᬯᬂ᭞ᬦᬋᬧ᭄ᬓ᭄ᬭᬫᬳᬤᬢ᭄ᬲᬫᬶ᭞ᬧᬸᬦᬶᬓᬧᬢᬸᬢ᭄ᬮᬸᬕ᭄ᬭᬬᬂ᭞ᬦᬸᬦᬲ᭄ᬧᬗᬫ᭄ᬧᬸᬭᬫᬮᬶᬄ᭟ᬫᬯᬮᬶᬫᬮᬶᬄᬓᬧᬢᬸᬢ᭄᭞ᬬᬦᬶᬂᬲᬫ᭄ᬧᬸᬦ᭄ᬦᬯᬸᬃᬲᬗ᭄ᬲᬶ᭞ᬫᬵᬦᬹᬢ᭄ᬧᬭᬋᬫᬦ᭄ᬤᬾᬰ᭞ᬓᬤᬸᬮᬸᬭᬶᬜ᭄ᬚᬜ᭄ᬚᬶᬫᬮᬶᬄ᭞ᬢᬶᬦᬹᬢ᭄ᬫᬭᬶᬂᬕ
ᬕᬫ᭄ᬩᭂᬮᬦ᭄‌᭞ᬲᬦᬾᬫᬸᬗ᭄ᬕᬄᬤᬤᭀᬲ᭄ᬳᬯᬶᬕ᭄᭟ᬩ᭄ᬬᭀᬢᬳᬤᬢ᭄ᬲᬦᬾᬫᭂᬢᬸ᭞ᬧᬢᬸᬢ᭄ᬩᭂᬘᬶᬓ᭄ᬫᬶᬓᬬᬸᬦᬶᬦ᭄᭞ᬧᬗᬤᬶᬮᬦ᭄ᬳᬤᬢ᭄ᬰᬷᬃᬡ᭄ᬦ᭞ᬤᬸᬓ᭄ᬯᬃᬱᬦᬾᬲᬦᬾᬭᬶᬳᬶᬦ᭄᭞ᬲᬶᬬᬸᬲᬗᬂᬳᬢᬸᬲ᭄ᬮᬶᬦ᭄ᬢᬂ᭞ᬲᬾᬓᭂᬢ᭄ᬓᬮᬶᬄᬲᬫ᭄ᬧᬸᬦ᭄ᬫᬫ᭄ᬯᬶᬢ᭄᭟ᬫᬭᬶᬂᬩᭂᬘᬶᬓᬂ
ᬫᬓᬬᬸᬦ᭄᭞ᬲᬵᬦ᭄ᬢᬸᬓᬦ᭄ᬩ᭄ᬬᭀᬢᬓᬧᬗ᭄ᬕᬶᬄ᭞ᬧᬶᬤᬩ᭄ᬤᬩ᭄ᬳᬤᬢ᭄ᬫᬃᬕ᭄ᬬᬂ᭞ᬲᬵᬫ᭄ᬧᬸᬦᬂᬗᬋᬋᬄᬳᬤᬶᬮ᭄᭞ᬲᬵᬦ᭄ᬢᬸᬓᬦ᭄ᬳᬤᬢ᭄ᬧ᭄ᬭᬲᬶᬤ᭞ᬗᬃᬤ᭄ᬤᬶᬧᬫᬃᬕ᭄ᬕᬶᬦᬾᬰᬦ᭄ᬢᬶ᭟ᬩ᭄ᬬᭀᬢᬳᬤᬢ᭄ᬧᬢᬸᬢ᭄ᬧᬸᬧᬸᬢ᭄᭞ᬭᬶᬂᬍᬫ᭄ᬩᬕᬳᬤᬢ᭄‌ᬬᬸᬓ᭄ᬢᬶ᭞ᬗᬗ᭄ᬕᬾᬦ᭄ᬤᬲᬃᬧᬓᬶ
[᭑᭙ 19A]
ᬮᬶᬢᬦ᭄᭞ᬧᬭᬲ᭄ᬧᬭᭀᬲ᭄ᬲᬋᬂᬲᬫᬶ᭞ᬜᬸᬚᬸᬃᬲᬦᬾᬓᬧᬢᬸᬢᬂ᭞ᬳᬕᬫᬳᬶᬦ᭄ᬤᬸᬫᬃᬕ᭄ᬕᬶᬦᬶᬦ᭄᭞ᬢᬢᬘᬭᬲᬦᬾᬢᬸᬯᬸᬢ᭄᭞ᬦᬶᬦᬹᬢᬶᬦ᭄ᬤᬸᬤᭀᬦᬦ᭄ᬲᬫᬶ᭞ᬗᬯᬶᬢᬶᬃᬂᬩᬦ᭄ᬤᬾᬰᬳᬤᬢ᭄᭞ᬭᬭᬶᬲᬼᬫ᭄ᬩᬕᬳᬤᬢ᭄ᬢᬯᬶ᭞ᬲᬦᬾᬯᬾᬦ᭄ᬢᭂᬦ᭄ᬩᬤᬸᬳᬸᬭᬦ᭄᭞ᬚ
ᬦ᭄ᬢᭀᬲ᭄ᬭᬯᬸᬄᬭᬶᬂᬧ᭄ᬭᭀᬧᬶᬦ᭄ᬲᬶ᭟ᬭᬶᬂᬧᬫᬃᬕ᭄ᬕᬶᬲᬦᬾᬓᬢᬸᬃ᭞ᬍᬫ᭄ᬩᬕᬳᬤᬢ᭄ᬓᬲᬋᬗᬶᬦ᭄᭞ᬫᬭᬶᬂᬳᬗ᭄ᬕᬧᬫ᭄ᬭᬶᬦ᭄ᬢᬄ᭞ᬲᬦᬾᬓᬧᬢᬸᬢ᭄ᬦᬸᬮᬸᬗᬶᬦ᭄᭞ᬫᬦᬸᬦ᭄ᬢᬸᬦ᭄ᬳᬦ᭄ᬢᬸᬓ᭄ᬮᬓ᭄ᬱᬡ᭞ᬤᬸᬫᬸᬕᬶᬫᬸᬗ᭄ᬕᬸᬄᬦᬾᬰᬦ᭄ᬢᬶ᭟ᬢᬍᬃᬓᬤᬸᬮᬸᬭᬶᬦ᭄ᬳᬢᬸᬃ᭞ᬫᬗ᭄ᬤᬩ᭄ᬬᭀᬢᬲᬬᬦ᭄ᬓᭂᬤᬶ
ᬓ᭄᭞ᬧᬢᬹᬢ᭄ᬢᬸᬦ᭄ᬢᬸᬦᬦ᭄‌ᬓᬫᬃᬕ᭄ᬬᬂ᭞ᬓᬮᬶᬄᬩᬸᬓᬸᬫᬜᬋᬗᬶᬦ᭄᭞ᬧᬶᬦᬓᬤᬤᭀᬲ᭄ᬳᬗ᭄ᬕ᭄ᬬᬂ᭞ᬰᬭᬡᬫᬓᬤᬶᬲᬸᬦ᭄ᬤᬶᬄ᭟ᬫᬚᭂᬂᬭᬶᬂᬲᬦᬾᬫᬫᬸᬢᬸᬲ᭄᭞ᬧᬗᬤᬶᬮᬦ᭄ᬫᬓᬚᬢᬶ᭞ᬗᬶᬘᬾᬦᬶᬦᬼᬫ᭄ᬩᬕᬳᬤᬢ᭄᭞ᬫᬶᬤᬩ᭄ᬤᬩᬶᬦ᭄ᬧᬶᬦᬶᬄᬭᬶᬳᬶᬦ᭄᭞
ᬭᬶᬳᬢ᭄ᬓᬮᬶᬓᬮᬦ᭄ᬢᬸᬭᬂ᭞ᬢᬍᬃᬫᬗ᭄ᬤᬓᬮᬾᬤᬗᬶᬦ᭄᭟ᬍᬫ᭄ᬩᬕᬳᬤᬢᬾᬫᬵᬢᬸᬃ᭞ᬧᬶᬦᬓᬤᬤᭀᬲᬂᬲᬓ᭄ᬱᬶ᭞ᬭᬶᬓᬵᬮᬚᬕᬶᬢᬸᬭᬾᬓ᭄ᬱ᭞ᬳᬶᬦ᭄ᬤᬶᬓ᭄‌ᬩ᭄ᬬᭀᬢᬲᬦᬾᬗ᭄ᬭᬜ᭄ᬚᬶᬂ᭞ᬢᬍᬃᬧᬫᬸᬢᬸᬲ᭄ᬭᬶᬂᬳᬤᬢ᭄᭞ᬲᬶᬤᬳᬗ᭄ᬕᭂᬫᬶᬓᬸ [ 20 ][᭑᭙ 19B]
᭑᭙
ᬓᬸᬳᬶᬦ᭄᭞ᬳᬶᬦ᭄ᬤᬶᬓ᭄ᬳᬸᬕᭂᬃᬳᬸᬕᭂᬃᬓᬢᬸᬃ᭞ᬧᬯᬶᬯᬵᬳᬦ᭄ᬲᬦᬾᬚᬢᬶ᭞ᬢᬍᬃᬳᬤᬢ᭄ᬗᬫᬗ᭄ᬕᭂᬳᬂ᭞ᬧᬶᬤᬩ᭄ᬤᬩ᭄ᬲᬦᬾ᭞ᬫᬫᬃᬕ᭄ᬕᬶ᭞ᬭᬶᬂᬳᬸᬫᬢ᭄ᬳᬶᬦ᭄ᬤᬸᬲᬥᬃᬫ᭄ᬫ᭞ᬫᬭᬶᬂᬓ᭄ᬭᬫᬤᬾᬰᬲᬫᬶ᭟ᬍᬫ᭄ᬩᬕᬳᬤᬢᬾᬧᬢᬸᬢ᭄᭞ᬓᬸᬓᬸᬄᬗᬃᬤ᭄ᬤᬶᬢᬺᬧ᭄ᬢᬶ᭞ᬦᬾᬦ᭄ᬢᭂᬦ᭄ᬲᬶᬗ᭄ᬲᬮ᭄ᬭᬶᬂ
ᬳᬢᬸᬭᬦ᭄᭞ᬭᬶᬓᬮᬯᬾᬦ᭄ᬢᭂᬦ᭄ᬫᬶᬯᬮᬶᬦ᭄᭞ᬳᬯᬶᬕ᭄ᬳᬯᬶᬕ᭄ᬭᬶᬂᬧᬲ᭄ᬯᬭ᭞ᬓᬗ᭄ᬕᬾᬦ᭄ᬤᬲᬃᬫᬓᬾᬮᬶᬗᬶᬦ᭄᭟ᬭᬶᬂᬩ᭄ᬬᭀᬢᬦᬾᬫᬫᬥᬸ᭞ᬲᬂᬳᬶᬲ᭄ᬢ᭄ᬭᬷᬭᬶᬳᬶᬦᬦ᭄ᬩᭂᬮᬶᬂ᭞ᬭᬶᬂᬧᬫᬃᬕ᭄ᬕᬶᬦ᭄ᬳᬸᬧᬘᬵᬭ᭞ᬫᬗ᭄ᬤᬲᬶᬤ᭄ᬥᬧᬶᬤᬩ᭄ᬤᬩᬶᬦ᭄᭞ᬧᬘᬂᬓᬳᬸᬧᬘᬭᬬᬂ᭞ᬩᭂᬘᬶᬓ᭄
ᬧᬶᬓᬬᬸᬦᬶᬦ᭄ᬭᬶᬳᬶᬦ᭄᭟ᬧᬫᭂᬓᬲ᭄ᬲᬦᬾᬓᬧᬢᬸᬢ᭄᭞ᬯᬦ᭄ᬢᬄᬧᬭᬶᬲᬤᬬᬸᬓ᭄ᬢᬶ᭞ᬦᬶᬓᬗᬶᬘᬾᬦᬶᬦ᭄ᬢᬸᬦ᭄ᬢᬸᬦᬦ᭄᭞ᬧᬢᬸᬢ᭄ᬳᬗ᭄ᬕᬾᬦ᭄ᬗᬫᬃᬕ᭄ᬕᬶᬦᬶᬦ᭄᭞ᬫᬗ᭄ᬤᬦᬾᬦ᭄ᬢᭂᬦ᭄ᬤᬤᭀᬲ᭄ᬓᭂᬫ᭄ᬩᬂ᭞ᬲᬂᬧᬶᬢᬭᬦᬾᬦᬸᬫᬤᬶ᭟ᬭᬶᬂᬧᬯᬶᬯᬳᬵᬦᬾᬘᬫ᭄ᬧᬸᬃ᭞ᬢᬍᬃᬧᬳᬸ
ᬗ᭄ᬕ᭄ᬯᬂᬭᬶᬳᬶᬦ᭄᭞ᬢᬸᬦᬲᬂᬓᬧᬭᬶᬲᬤ᭞ᬧᬫᬃᬕ᭄ᬕᬶᬲᬧᬭᬶᬳᬶᬦ᭄ᬤᬶᬓ᭄᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᬗ᭄ᬕᬸᬄᬩ᭄ᬬᭀᬢ᭞ᬚᬦ᭄ᬢᭀᬲ᭄ᬳᬸᬭᬸᬂᬗᬮᬧ᭄ᬭᬩᬶ᭟ᬭᬶᬂᬲᬳᬦᬦ᭄ᬩ᭄ᬬᭀᬢᬫᬸᬗ᭄ᬕᬸᬄ᭞ᬳᬶᬦ᭄ᬤᬶᬓ᭄ᬧᬯᬶᬯᬵᬳᬜᬸᬓ᭄ᬢᬶ᭞ᬫᬗ᭄ᬤᬧᬢᬸᬢ᭄ᬓᬳᬦᬹᬢᬂ᭞ᬭᬶᬂᬳᬸᬕᭂᬃᬳᬸᬕᭂᬃ
[᭒᭐ 20A]
ᬦᬾᬚᬢᬶ᭞ᬲᬦᬾᬲᬫ᭄ᬧᬸᬦ᭄ᬓᬫᭂᬤᬮᬂ᭞ᬲᬓᬶᬂᬧᬫ᭄ᬭᬶᬦ᭄ᬢᬄᬬᬸᬓ᭄ᬢᬶ᭟ᬳᬶᬦ᭄ᬤᬶᬓ᭄ᬳᬸᬕᭂᬃᬲᬫ᭄ᬧᬸᬦ᭄ᬓᬢᬸᬃ᭞ᬯᬃᬱᬲᬶᬬᬸᬲᬗᬭᬶᬳᬶᬦ᭄᭞ᬧᬶᬢᬸᬂᬤᬰᬧᬢ᭄ᬧᬢ᭄ᬮᬶᬦ᭄ᬢᬂ᭞ᬦᭀᬫᭂᬃᬲᬶᬓᬶᬓᬫᬃᬕᬶᬦᬶᬦ᭄᭞ᬭᬶᬂᬧᬾᬧᬾᬦᭀᬫᭂᬃᬲᬶᬬ᭞ᬯᬃᬱᬢᬶᬕᬂᬩᭂᬦᬂᬬᬸᬓ᭄ᬢᬶ᭞
ᬭᬶᬓᬮᬧᬘᬂᬫᬗᬢᬸᬃ᭞ᬗᬃᬤ᭄ᬤᬶᬚᬗ᭄ᬓᭂᬧ᭄ᬳᬸᬕᭂᬭᬾᬲᬫᬶ᭞ᬳᬶᬦ᭄ᬤᬶᬓ᭄ᬫᬃᬕ᭄ᬕᬶᬦ᭄ᬧᬯᬶᬯᬳᬵᬦ᭄᭞ᬫᬸᬗ᭄ᬕᬄᬭᬶᬂᬘᬢᬢᬦ᭄ᬲᬶᬧᬶᬮ᭄᭞ᬫᬗ᭄ᬤᬢᬍᬃᬫᬜᬋᬗᬂ᭞ᬏᬫ᭄‌ᬧᬾᬏᬮ᭄ᬅᬭᬶᬂᬧ᭄ᬭᭀᬧᬶᬦ᭄ᬲᬶ᭟᭐᭟᭚ᬮᬦ᭄ᬢᬸᬃᬢᬶᬢ᭄ᬬᬂᬫᬢᬸᬃᬫᬮᬶᬄ᭞ᬤᬕᬶᬂᬧᬲᬫᬸᬳᬦ᭄ᬳ
ᬤᬢ᭄᭞ᬲᬦᬾᬓᬧᬶᬂᬧᬢ᭄ᬧᬢᬺᬓᭀ᭞ᬧᬶᬤᬩ᭄ᬤᬩ᭄ᬤᬩᬾᬫᬦᬶᬜ᭄ᬘᬧᬂ᭞ᬤᬕᬶᬂᬧᬲᬫᬸᬳᬦ᭄ᬮᬶᬦ᭄ᬢᬂ᭞ᬳᬶᬦ᭄ᬤᬶᬓ᭄ᬧᬫᬃᬕ᭄ᬕᬶᬦᬾᬲᬵᬫ᭄ᬧᬸᬦ᭄᭞ᬓᬘᬸᬢᭂᬢᬂᬩᭂᬘᬶᬓ᭄ᬧᬶᬲᬦ᭄᭟ᬭᬶᬂᬳᬕᬫᬓᬢᬸᬃᬫᬗ᭄ᬓᬶᬦ᭄᭞ᬧᬶᬦᬓᬲᬲᬸᬮᬸᬄᬓ᭄ᬭᬫ᭞ᬲᬫ᭄ᬧᬸᬦ᭄‌ᬦᬶᬜ᭄ᬘᬧ᭄ᬲᬶ
ᬤ᭄ᬤᬓᬢᭀᬦ᭄᭞ᬓᬾᬫᬯᭀᬦ᭄ᬤᬸᬭᬸᬂᬲᬫ᭄ᬬᬦ᭄᭞ᬦᬶᬓᬳᬢᬸᬃᬭᬶᬂᬫᬗ᭄ᬕᬮ᭞ᬍᬫ᭄ᬩᬕᬳᬤᬢ᭄ᬧᬸᬦᬶᬓᬸ᭞ᬲᬓᬶᬂᬲᭀᬯᬂᬓᬘᬫᬢᬦ᭄᭟ᬕᬸᬭᬸᬯᬶᬰᬾᬱᬗᬬᬸᬦᬶᬦ᭄᭞ᬓᬮᬶᬄᬫᬗ᭄ᬕᬮᬳᬕᬫ᭞ᬲᬓᬶᬂᬧ᭄ᬭᭀᬧᬶᬦ᭄ᬲᬶᬋᬓᭀ᭞ᬫᬗ᭄ᬤᬫᬮᬶᬄᬓ [ 21 ][᭒᭐ 20B]
᭒᭐
ᬧᬶᬤᬩ᭄ᬤᬩ᭄᭞ᬲᬶᬤ᭄ᬥᬦᬶᬜ᭄ᬘᬧ᭄ᬭᬶᬂᬮᬓ᭄ᬱᬡ᭞ᬤᬾᬰᬳᬤᬢᬾᬧᬸᬦᬶᬓᬸ᭞ᬓ᭄ᬭᬫᬲᬫᬶᬗᬸᬢ᭄ᬲᬳᬬᬂ᭟ᬲᬦᬾᬜᬸᬚᬸᬃᬗᬃᬤ᭄ᬤᬶᬰᬦ᭄ᬢᬶ᭞ᬳᬶᬦ᭄ᬤᬶᬓ᭄ᬧ᭄ᬭᬤᬶᬮᬦ᭄ᬳᬕᬫ᭞ᬳᬗ᭄ᬕᬾᬦ᭄ᬗᬸᬓᬸᬳᬂᬲᬫᭂᬢᭀᬦ᭄᭞ᬫᬗ᭄ᬤᬕᭂᬮᬶᬲ᭄ᬓᬢᬸᬦᬲᬂ᭞ᬫᬚᭂᬂᬭᬶᬂᬕᬸᬭᬸᬯᬶᬰᬾᬱ᭞ᬧᬸᬦᬶᬓᬤᬩ᭄ᬤᬩᬂ
ᬤᬸᬫᬸᬦ᭄᭞ᬯᬦ᭄ᬢᬄᬓᬩ᭄ᬯᬢᬂᬧᬶᬲᬦ᭄᭟ᬗᬸᬲᬸᬂᬲᬯᬓᬓᬃᬤ᭄ᬤᬶᬦᬶᬦ᭄᭞ᬲᬋᬂᬓ᭄ᬭᬫᬦᬾᬓᬲᬾᬢ᭄ᬭ᭞ᬧᬢᬸᬢ᭄ᬧᬫᬃᬕ᭄ᬕᬶᬦᬾᬳᬮᭀᬦ᭄᭞ᬢᬦ᭄ᬓᬮᬸᬕ᭄ᬭᬗᬭᬧ᭄ᬲᬯ᭞ᬫᬗ᭄ᬤᬩᭂᬓᭂᬮᬶᬦ᭄ᬓᬯ᭄ᬬᬦ᭄᭞ᬭᬶᬂᬕᬕᬶᬢᬦ᭄ᬲᬦᬾᬫᬦᬸᬢ᭄᭞ᬧᬸᬦᬶᬓᬧᬢᬸᬢ᭄ᬳᬯᬶᬕᬂ᭞ᬢᬍᬃᬫᬮᬶᬄ
ᬧᬶᬤᬩ᭄ᬤᬩᬶᬦ᭄᭞ᬢᬢᬩᬸᬲᬦᬓᬧᬸᬭ᭞ᬫᬶᬍᬢ᭄ᬳᬸᬧᬘᬵᬭᬋᬓᭀ᭞ᬓᬮᬶᬄᬲᬳᬶᬦ᭄ᬤᬶᬓ᭄‌ᬘᬸᬦ᭄ᬢᬓ᭞ᬫᬗ᭄ᬤᬢᬺᬧ᭄ᬢᬶᬭᬶᬂᬮᬓ᭄ᬱᬡ᭞ᬓᬧᬭᬸᬫᬂᬫᬗ᭄ᬤᬳᬤᬸᬂ᭞ᬓᬕᬫ᭄ᬩᭂᬮ᭄ᬗᬃᬤ᭄ᬤᬶᬲᬸᬓᬺᬢ᭟ᬢᬍᬃᬓᬢᭂᬧᬲᬂᬳᬶᬦ᭄ᬤᬶᬓ᭄᭞ᬦᬾᬤᬤᭀᬲ᭄ᬗ᭄ᬭᬜ᭄ᬚᬶᬂᬓᬧᬸᬭ᭞ᬳᬸᬫᬢ᭄ᬲ
ᬥᬃᬫ᭄ᬫᬦᬾᬋᬓᭀ᭞ᬗᬫᬃᬕ᭄ᬬᬂᬳᬸᬧᬘᬵᬭ᭞ᬗᬬᬄᬓᬮᬶᬄᬚᬕᬫᬸᬱ᭄ᬧ᭞ᬢᬦ᭄ᬓᬮᬕ᭄ᬭᬗᬤᬸᬓ᭄ᬳᬤᬸᬓ᭄᭞ᬳᬸᬫᬢ᭄‌ᬲᬾᬯᭀᬲ᭄ᬫᬕ᭄ᬭᬸᬤᬸᬕᬦ᭄᭟ᬯᬾᬦ᭄ᬢᭂᬦ᭄ᬓᬤᬸᬮᬸᬭᬶᬦ᭄ᬫᬮᬶᬄ᭞ᬳᬶᬦ᭄ᬤᬶᬓ᭄ᬤᬕᬶᬂᬳᬯᬶᬕ᭄ᬓ᭄ᬭᬫ᭞ᬳᬕᬫᬳᬸᬦ᭄ᬢᭂᬂᬦᬾᬋᬓᭀ᭞ᬓᬫᬃᬕ᭄ᬬᬂᬳᬦ᭄ᬢᬸᬓ᭄ᬳᬤᬢ᭄᭞
[᭒᭑ 21A]
ᬦᬶᬱ᭄ᬝᬫᬤ᭄ᬬᬮᬦ᭄ᬳᬸᬢᬫ᭞ᬧᬸᬦᬶᬓᬳᬗ᭄ᬕᬾᬦ᭄ᬲᬲᬸᬮᬸᬄ᭞ᬗᬃᬤ᭄ᬤᬶᬓᬩᭂᬘᬶᬓᬦ᭄ᬓ᭄ᬭᬫ᭟ᬗᬫᬃᬕ᭄ᬬᬂᬤᬕᬶᬂᬳᬯᬶᬕ᭄᭞ᬭᬶᬂᬲᬓᬜ᭄ᬘᬦ᭄ᬳᬸᬧᬘᬭ᭞ᬳᬧ᭄ᬢᬶᬋᬱᬶᬓ᭄ᬭᬶᬂᬯᭂᬯᭂᬗ᭄ᬓᭀᬦ᭄᭞ᬕᭂᬦᬄᬰᬸᬘᬶᬦᬾᬧᬸᬦᬶᬓ᭞ᬍᬲ᭄ᬢᬃᬬᬂᬓᬳᬰ᭄ᬭᬶᬳᬦ᭄᭞ᬧᬸᬦᬶᬓᬧᬢᬸᬢ᭄ᬓᬢᬸᬚᬸ᭞ᬓ᭄ᬭᬫᬤᬾᬰᬫᬗᬸ
ᬓᬸᬳᬂ᭟ᬭᬶᬂᬓᬶᬤᬸᬂᬓᬮᬶᬄᬓᬓᬯᬶᬦ᭄᭞ᬧᬸᬦᬶᬓᬧᬢᬸᬢ᭄ᬢᬶᬜ᭄ᬘᬧᬂ᭞ᬫᬭᬶᬂᬧᬰᬦ᭄ᬢ᭄ᬬᬦᬺᬓᭀ᭞ᬮᬦ᭄ᬢᬸᬃᬦᭂᬍᬩᬂᬫᬰᬵᬢ᭄ᬭ᭞ᬳᬫ᭄ᬩᬶᬮ᭄ᬭᬶᬂᬤᬕᬶᬂᬧᬸᬲ᭄ᬢᬓ᭞ᬲᬦᬾᬲᬶᬤ᭄ᬥᬲᬵᬫ᭄ᬧᬸᬦ᭄ᬓᬢᬸᬃ᭞ᬭᬶᬂᬩᬸᬓᬸᬯ᭄ᬬᬤᬶᬦ᭄᭟ᬗᬃᬤ᭄ᬤᬶᬢᬺᬧ᭄ᬢᬶᬓ᭄ᬭᬫᬲᬫᬶ᭞ᬭᬶᬂᬯᬾᬦ᭄ᬢᭂᬦ᭄ᬧᬤᬺᬯᬾᬬᬦ᭄ᬤᬾᬰ᭞
ᬓᬤᬶᬧ᭄ᬮᬩᬧᬸᬭᬋᬓᭀ᭞ᬧᬢᬸᬢ᭄ᬧᬶᬲᬦ᭄ᬓᬳᬸᬗ᭄ᬕᬳᬂ᭞ᬭᬶᬂᬤᬕᬶᬂᬳᬯᬶᬕ᭄ᬓᬲᬸᬭᬵᬢ᭄᭞ᬲᬶᬤᬧᬘᬂᬳᬗ᭄ᬕᬾᬦ᭄‌ᬦᬸᬦ᭄ᬢᬸᬦ᭄᭞ᬫᬭᬶᬂᬧᬭᬓ᭄ᬭᬫᬤᬾᬰ᭟ᬭᬶᬂᬯᬶᬤᬂᬧᬓ᭄ᬭᬫᬦ᭄‌ᬬᬸᬓ᭄ᬢᬶ᭞ᬦᬶᬓᬲᬶᬤ᭄ᬥᬓᬫᬃᬕ᭄ᬬᬂ᭞ᬓᬾᬫᬯᭀᬦ᭄‌ᬯᬾᬦ᭄ᬢᭂᬦ᭄ᬲᬫᭂᬢᭀᬦ᭄᭞ᬲᬦᬾᬤᬸ
ᬭᬸᬂᬫ᭄ᬭᬲᬶᬤ᭄ᬥᬬᬂ᭞ᬫᬤᬲᬃᬭᬶᬂᬓᬓᬶᬭᬗᬦ᭄᭞ᬭᬶᬂᬗᬫᬃᬕ᭄ᬬᬂᬲᬦᬾᬧᬢᬸᬢ᭄᭞ᬦᬶᬓᬲᬫ᭄ᬧᬸᬦ᭄ᬓᬳᬸᬢ᭄ᬲᬳᬂ᭟ᬮ᭄ᬬᬦᬦ᭄ᬫᬮᬶᬄᬯᬶᬓᬦᬶᬦ᭄᭞ᬳᬶᬦ᭄ᬤᬶᬓ᭄ᬓᬓᬶᬭᬗᬦ᭄‌ᬰ᭄ᬭᬡ᭞ᬳᬗ᭄ᬕᬾᬦ᭄ᬤᬦᬭᬶᬂᬲᬫᭂᬢᭀᬦ᭄᭞ᬳᬗ᭄ᬕᬾᬦ᭄ᬗᬃᬤ᭄ᬤᬶᬦᬶᬦ᭄ᬢᬸᬦ᭄ᬢᬸᬦᬦ᭄᭞ᬫᬓᬳᬸᬦ᭄ᬢᭂᬂᬭᬶᬂᬧᬭᬸᬫ [ 22 ][᭒᭑ 21B]
᭒᭑
ᬦ᭄᭞ᬤᬸᬭᬸᬂᬧᬶᬲᬦ᭄‌ᬲᬶᬤ᭄ᬥᬓᬢᬸᬃ᭞ᬭᬶᬂᬲᬂᬧᬘᬂᬗᬫᬃᬕ᭄ᬬᬂ᭟ᬭᬶᬂᬯᬶᬤᬂᬳᭀᬃᬕ᭄ᬕᬦᬶᬲᬲᬶ᭞ᬢᬍᬃᬫᬮᬶᬄᬓᬢᬸᬦᬲᬂ᭞ᬳᬶᬦ᭄ᬤᬶᬓᬼᬫ᭄ᬩᬕᬦᬾᬋᬓᭀ᭞ᬫᬗ᭄ᬤᬲᬶᬤ᭄ᬥᬓᬓᬸᬓᬸᬳᬂ᭞ᬢᬍᬃᬓᬶᬘᬾᬦᬶᬦ᭄‌ᬳᬸᬢ᭄ᬲᬳ᭞ᬗᬃᬤ᭄ᬤᬶᬫᬗ᭄ᬤᬳᬚᭂᬕ᭄ᬮᬦ᭄ᬢᬸᬃ᭞ᬭᬶᬂᬗᬫᬃᬕ᭄ᬬᬂᬳᬶᬦ᭄ᬤᬶᬓ᭄ᬳᬤᬢ᭄᭟ᬭᬶᬂᬯᬶᬤᬂᬳᬸ
ᬓᬸᬫᬾᬫᬮᬶᬄ᭞ᬜᬸᬚᬸᬃᬧᬘᬂᬫᬜᬸᬭᬢᬂ᭞ᬳᬯᬶᬕ᭄ᬳᬯᬶᬕ᭄ᬤᬾᬰᬋᬓᭀ᭞ᬫᬗ᭄ᬤᬲᬫᬶᬫᬜᬶᬤ᭄ᬥᬬᬂ᭞ᬤᬶᬕᭂᬮᬶᬲ᭄ᬚᬕᬤᬩ᭄ᬤᬩᬂ᭞ᬓᬳᬗ᭄ᬕᬾᬦ᭄ᬢᬢᬲᬲᬸᬮᬸᬄ᭞ᬭᬶᬂᬗᬫᬃᬕ᭄ᬬᬂᬧᬭᬶᬧᭀᬮᬄ᭟ᬧᬗᬤᬶᬮᬦ᭄ᬳᬶᬦ᭄ᬤᬸᬫᬮᬶᬄ᭞ᬫᬗ᭄ᬤᬲᬶᬤ᭄ᬥᬓᬯᬾᬦ᭄ᬢᭂᬦᬂ᭞ᬳᬶᬦ᭄ᬤᬶᬓ᭄‌ᬩ᭄ᬬᭀᬢᬢᬦᬄᬋᬓᭀ
ᬫᬗ᭄ᬤᬲᬶᬤ᭄ᬥᬳᬸᬢ᭄ᬲᬳᬬᬂ᭞ᬲᬶᬦᬄᬲ᭄ᬢᬢᬸᬲ᭄ᬮᬦ᭄ᬳᬸᬓᬫ᭄ᬜ᭞ᬭᬶᬂᬢᬢᬲᬸᬰᬷᬮᬓᬢᬸᬃ᭞ᬢᬢ᭄ᬯᬫᬲᬶᬦᬾᬕᭂᬮᬭᬂ᭟ᬭᬶᬂᬯᬶᬤᬂᬯᬗᬸᬦᬦ᭄‌ᬫᬗ᭄ᬓᬶᬦ᭄᭞ᬲᬓᬮᬦᬶᬲ᭄ᬓᬮᬫᬃᬕ᭄ᬬᬂ᭞ᬳᬤᬢᬾᬳᬗ᭄ᬕᬾᬬᬂᬋᬓᭀ᭞ᬫᬦᬸᬢ᭄ᬤᬾᬰᬫᬓᬮᬧᬢ᭄ᬭ᭞ᬭᬶᬂᬲᭀᬯᬂᬤᬾᬰᬧᬓ᭄ᬭᬫ
ᬦ᭄᭞ᬧᬸᬦᬶᬓᬧᬢᬸᬢ᭄ᬓᬢᬸᬚᬸ᭞ᬫᬗ᭄ᬤᬦᬾᬦ᭄ᬢᭂᬦ᭄ᬫᬕᬩᬸᬭᬦ᭄᭟ᬳᬶᬦ᭄ᬤᬶᬓ᭄ᬢᬸᬦ᭄ᬢᬸᬦᬦ᭄ᬧᬫᬃᬕ᭄ᬕᬶ᭞ᬫᬮᬶᬄᬗ᭄ᬮᬦ᭄ᬢᬸᬃᬓᬳᬸᬗ᭄ᬕᬳᬂ᭞ᬳᬮᬶᬢ᭄ᬲᭂᬥᭂᬂᬳᬕᬸᬂᬋᬓᭀ᭞ᬧᬸᬦᬶᬓᬲᬫᬶᬓ᭄ᬮᬦ᭄ᬢᬸᬭᬂ᭞ᬢᬍᬃᬓᬮᬶᬄᬓᬢᬶᬜ᭄ᬘᬧᬂ᭞ᬳᬦ᭄ᬢᬸᬮᭀᬫ᭄ᬩᬤᬾᬰᬓᬢᬸᬃ᭞ᬢ᭄ᬭᬶᬳᬶᬢ
[᭒᭒ 22A]
ᬓᬭᬡᬢᬸᬚ᭄ᬯᬂ᭟ᬧᬸᬦᬶᬓᬧᬶᬦᬓᬤᬕᬶᬂ᭞ᬢᬢᬶᬕᬦᬾᬓᬢᬶᬜ᭄ᬘᬧᬂ᭞ᬳᬦ᭄ᬢᬸᬓ᭄ᬱᬂᬫᬭᬕᬯᭀᬂ᭞ᬗᬯᬶᬢ᭄ᬲᬓᬶᬂᬧᬃᬳ᭄ᬬᬗᬦ᭄᭞ᬧᬯᭀᬗᬦ᭄ᬭᬶᬂᬧᬍᬫᬳᬦ᭄‌᭞ᬧᬸᬦᬶᬓᬲᬫᬶᬓᬢᬸᬦ᭄ᬢᬸᬦ᭄᭞ᬭᬶᬂᬓ᭄ᬭᬫᬲᬦᬾᬫᬮᬶᬫ᭄ᬩ᭟ᬳᬶᬦ᭄ᬤᬶᬓ᭄ᬧᬃᬳ᭄ᬬᬗᬦ᭄ᬫᬗ᭄ᬓᬶᬦ᭄᭞ᬗᬯᬶᬢ᭄ᬓᬯᬾᬦ᭄ᬢᭂᬦᬦ᭄ᬧᬸᬭ᭞ᬓ
ᬮᬶᬄᬳᬸᬧᬘᬭᬋᬓᭀ᭞ᬓᬚᬗ᭄ᬓᭂᬧᬂᬧᬜ᭄ᬘᬕᬶᬢ᭞ᬪᬵᬱᬩᬮᬶᬓᬳᬗ᭄ᬕᬾᬬᬂ᭞ᬫᬭᬶᬂᬲᬂᬧᬘᬂᬮᬸᬫᬓᬸ᭞ᬗᬫᬶᬍᬢᬶᬦ᭄‌ᬮᭀᬫ᭄ᬩᬳᬤᬢ᭄᭟ᬭᬶᬂᬯᬶᬤᬂᬧᬓ᭄ᬭᬫᬦ᭄ᬫᬗ᭄ᬓᬶᬦ᭄᭞ᬲᬓᬵᬳᬢ᭄ᬭᬸᬡᬢ᭄ᬭᬸᬡᬷᬤᬩ᭄ᬤᬩ᭄᭞ᬫᬗ᭄ᬤᬲᬫᬶᬲᬶᬤ᭄ᬥᬓᬢᭀᬦ᭄᭞ᬧᬸᬦᬶᬓᬧᬘᬂᬗ᭄ᬮᬦ᭄ᬢᬸᬭᬂ᭞ᬧᬶᬤᬩ᭄ᬤ
ᬩᬫᬯᬤᬾᬰ᭞ᬭᬯᬸᬄᬭᬶᬂᬓᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬫᬗ᭄ᬤᬢᬺᬧ᭄ᬢᬶᬓᬧᬶᬤᬩ᭄ᬤᬩ᭄᭟ᬓᬚᬗ᭄ᬓᭂᬧᬂᬓᬓᬃᬤ᭄ᬤᬶᬦᬶᬦ᭄᭞ᬳᬯᬶᬕ᭄ᬓᬸᬮ᭄ᬓᬸᬮ᭄ᬩᬮᬾᬩᬜ᭄ᬚᬃ᭞ᬳᬸᬧᬘᬵᬭᬦᬾᬓᬭᭀᬫ᭄ᬩ᭞ᬩᬸᬲᬦᬓᬮᬶᬄᬧᬭᬸᬫᬦ᭄᭞ᬧᬫᬃᬕ᭄ᬕᬶᬦ᭄ᬭᬶᬂᬧᬫᬶᬤᬦ᭄ᬥ᭞ᬧᬸᬦᬶᬓᬲᬫᬶᬓᬳᬢᬸᬃ᭞ᬗᬃᬤ᭄ᬤᬶᬧᬫᬃᬕ᭄ᬕᬶᬦᬾ
ᬳᬦ᭄ᬢᬃ᭟ᬧᬍᬫᬳᬦ᭄ᬓᬓᬬᬸᬦᬶᬦ᭄᭞ᬤᬸᬤᭀᬦᬦ᭄ᬕᭂᬦᬄᬯᬗᬸᬦᬦ᭄᭞ᬳᬦᬸᬢ᭄‌ᬢ᭄ᬭᬶᬫᬦ᭄ᬥᬮᬋᬓᭀ᭞ᬦᬶᬱ᭄ᬝᬫᬤ᭄ᬬᬮᬦ᭄ᬳᬸᬢᬫ᭞ᬲᬶᬤ᭄ᬥᬩᭂᬘᬶᬓ᭄ᬓᬲᬶᬦᬳᬂ᭞ᬤᬸᬫᬸᬕᬶᬢᬦ᭄ᬳᬯᭀᬃᬘᬫ᭄ᬧᬸᬃ᭞ᬳᬸᬮᬸᬢᭂᬩᬾᬦ᭄ᬫᬗ᭄ᬤᬧᬲᬄ᭟ᬧᬃᬳ᭄ᬬᬗᬦ᭄ᬕᭂᬦᬄᬰᬸᬘᬷ᭞ᬫᬭᬶᬂᬳᬸᬮᬸᬓᬕᭂᬦᬳᬂ᭞ [ 23 ][᭒᭒ 22B]
᭒᭒
ᬮᬶᬗ᭄ᬕᬶᬄᬳᬓᬲᬸᬂᬲᬸᬂᬋᬓᭀ᭞ᬭᬶᬂᬫᬤ᭄ᬬᬕᭂᬦᬄᬫᬬᬰ᭞ᬗᬫᬃᬕ᭄ᬬᬂᬓᬳᬸᬭᬶᬧᬦ᭄᭞ᬦᬾᬭᬶᬂᬢᭂᬩᬾᬦ᭄‌ᬲᬾᬢ᭄ᬭᬫᬸᬗ᭄ᬕᬸᬄ᭞ᬧᬸᬦᬶᬓᬲᬫᬶᬤᬩ᭄ᬤᬩᬂ᭟᭐᭟ᬧᬸᬦᬶᬓᬶᬕᬕᬸᬭᬶᬢᬦ᭄ᬤᬾᬰᬳᬤᬢ᭄ᬭᬶᬂᬩᬮᬶ᭞ᬧᬯᭀᬲ᭄᭞᭑᭟ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂ᭞ᬭᬵᬳᬶᬦ᭝ᬅ᭞ᬉ᭞ᬓᬸᬦᬶᬗᬦ᭄᭞
ᬢᬂ᭞ᬧᬶᬂ᭞᭑᭔᭞ᬰᬰᬶᬄ᭞ᬅᬲᬤ᭄ᬥᬫ᭄ᬭᬄ᭞᭕᭞ᬢᭂᬗ᭄ᬕᭂᬓ᭄᭞᭑᭒᭟ᬇᬰᬓᬯᬃᬱ᭞᭑᭙᭑᭒᭟ᬓᬲᬸᬭᬵᬢ᭄ᬳᭀᬮᬶᬄ᭝ᬯᬬᬦ᭄ᬩᬸᬤ᭄ᬥᬕᭀᬢ᭄ᬢᬫ᭞ᬩᬜ᭄ᬚᬃᬫᬦ᭄ᬢ᭄ᬭᬶᬂ᭞ᬤᬾᬰᬧᬾᬢᬓ᭄᭞ᬓᬘᬫᬢᬦ᭄ᬮᬦ᭄ᬓᬩᬸᬧᬢᬾᬗ᭄ᬬᬜᬃ᭟᭐᭟ᬒᬁᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶ᭟