Ban/Gaguritan Dewa Yajnya
Deskripsi edit
Bahasa Indonesia edit
Gaguritan Dewa Yajnya menceritakan tentang peringatan upacara-upacara yang ada di Bali. Upacara tersebut berupa upacara Dewa Yajnya seperti Tumpek Kandang, Tumpek Uduh, dan lain sebagainya. Dijabarkan juga mengenai hari jatuhnya upacara dan sarana-sarana yang digunakan dalam upacara tersebut. Dalam gaguritan ini dijelaskan secara rinci mengenai upacara Dewa Yajnya. Dan pengarang berharap agar masyarakat Bali tidak melupakan upacara tersebut karena merupakan bagian dari agama Hindu.
Bahasa Inggris edit
Naskah edit
[ 1 ]GAG. DEWA YAJNYA.
Pnj. 30 cm. Jml. 22 lb.
Asal : Gesing, Buleleng
[᭑ 1A]
ᬕᬕᬸᬭᬶᬢᬦ᭄ᬤᬾᬯᬬᬚ᭄ᬜ᭟ᬧᬸᬧᬸᬄᬲᬶᬦᭀᬫ᭄᭟ᬳᬶᬲᭂᬂᬗ᭄ᬕᬳᬾᬧᬳᬶᬗᭂᬢᬦ᭄᭞ᬧᬂᬳᬤᬳᬗ᭄ᬕᭀᬧᬓᬾᬮᬶᬂ᭞ᬳᬧᬂᬦᬯᬂᬳᬶᬦ᭄ᬤᬶᬓ᭄ᬕᬫ᭞ᬭᬾᬄᬤᬾᬯᬾᬓ᭄ᬫᬵ
ᬦᬸᬱᬩᬮᬶ᭞ᬲᬦᬾᬫᬳᬤᬦ᭄ᬩᬮᬶ᭞ᬳᬃᬣᬶᬦ᭄ᬳᬶᬧᬸᬦ᭄ᬳᬦᬓ᭄ᬓᬸᬓᬸᬄ᭞ᬫᬗᬫᭀᬂᬓᬧᬵᬢᬹᬢᬦ᭄᭞ᬳᬧᬦ᭄ᬲᬫ᭄ᬧᬸᬦ᭄ᬲᬓᬶᬂᬭᬶᬳᬶᬦ᭄᭞ᬦᬸᬭᬸᬦ᭄ᬦᭂᬭᬸᬲ᭄᭞
ᬓᬢᬫᬓᬬᬂᬳᬶᬭᬕ᭟᭑᭟ᬫᬕᬫ᭟ᬫᬗᬗ᭄ᬕᭀᬕᬫᬓᬫᬸᬮᬦ᭄᭞ᬲᬸᬩᬕᬸᬮᬸᬓ᭄ᬱᬋᬂᬲᬫᬶ᭞ᬫᬜᬫ᭄ᬩᬢ᭄ᬕᬫᬧᬸᬦᬶᬓ᭞ᬳᬶᬡ᭄ᬥᬸᬩᬮᬶᬓᬳᬤᬦᬶᬦ᭄᭞ᬫᬢᬸ
ᬚ᭄ᬯᬦ᭄ᬳᬲ᭄ᬢᬶᬣᬶ᭞ᬲᬫᬗ᭄ᬤᬲᬶᬥᬫᬦᬸᬮᬸᬲ᭄᭞ᬲᬸᬥᬲᬸᬘᬶᬦᬶᬃᬫᬮ᭞ᬫᬸᬮᬶᬄᬓᬲᬗ᭄ᬓᬦᬶᬂᬤᬤᬶ᭞ᬢᭀᬦᬾᬢᬸᬚᬸ᭞ᬲᬗ᭄ᬓᬦ᭄ᬫᬓᬃᬤ᭄ᬤᬶᬬᬂᬭᬕ᭟᭒᭟ᬪᬸᬓ᭄ᬢᬶᬦ᭄ᬳᬶᬧᬸᬦᬾᬤᬶ [ 2 ][᭑ 1B]
᭑
ᬯᬵᬳ᭄ᬬ᭞ᬤᬶᬲᬸᬩᬦ᭄ᬤᬾᬯᬾᬓᬾᬫᬢᬶ᭞ᬳᬧᬂᬳᭂᬤᬫᬕᬦ᭄ᬢᬸᬮᬦ᭄᭞ᬳ᭄ᬦᬸᬤᬶᬕᬸᬫᬶᬦᬾᬤᬶᬦᬶ᭞ᬭᬭᬯᬢ᭄ᬫᬢᬻᬕᬶᬕᬶᬲ᭄᭞ᬓᬲᬫ᭄ᬩᬢ᭄ᬫᬗᭂᬮᬄᬍᬢᬸᬄ᭞ᬢᭀᬲᬗ᭄ᬓ
ᬦ᭄ᬫᬳᬩᬾᬦᬂ᭞ᬫᬗᬤᬓᬂᬧᬸᬮᬧᬮᬶ᭞ᬳᬲᬶᬂᬍᬢᬸᬄ᭞ᬲᬫᬗ᭄ᬤᬲᬶᬤ᭄ᬥᬲᬵᬫ᭄ᬧᬹᬃᬡ᭄ᬦ᭟᭓᭟ᬤᬾᬦᬶᬂᬤᬾᬯᬾᬓᬾᬓᬳᬸᬘᬧ᭄᭞ᬧᬯᬓᬦ᭄ᬍᬢᭂᬄᬲᬫᬶ᭞ᬧᬦ᭄ᬫᬮᬓᬃ
ᬳᬶᬱᬤ᭄ᬭᬱ᭞ᬢᭀᬓᬸᬫ᭄ᬧᬸᬮ᭄ᬤᬤᬶᬓᬓᬮᬶᬄ᭞ᬲᬸᬓ᭄ᬮᬰ᭄ᬯᬦᬶᬢᬤᬤᬶ᭞ᬳ᭄ᬯᬢ᭄ᬳᬶᬲᬶᬕᭂᬢᬶᬄᬩᬮᬸᬂ᭞ᬫᬳᬸᬓᬸᬤᬦ᭄ᬤᬤᬶᬚᬦ᭄ᬫ᭞ᬳᭂᬦ᭄ᬢᭀᬓ᭄ᬭᬡᬳᬤᬚᬦᬶ᭞ᬧᬗᬍᬩᬸᬃ᭞
ᬤᬰᬫᬮᬦᬶᬂᬰᬭᬶᬭ᭟᭔᭟ᬧᬮᬸᬤᬸᬓ᭄ᬤ᭄ᬯᬧᬭᬬᬸᬕ᭄ᬕ᭞ᬢᬸᬭᬸᬦ᭄ᬳᬶᬤᬲᬗ᭄ᬳ᭄ᬬᬂᬯᬶᬥᬶ᭞ᬪᬢᬭᬕᬸᬭᬸᬓᬳᬸᬘᬧ᭄᭞ᬗᬶᬘ᭄ᬙᬾᬦ᭄ᬕᬫᬲᬋᬂᬲᬫᬶ᭞ᬫᬗ᭄ᬤᬳᬲ᭄ᬢᬶᬢᬶᬪᬓ᭄ᬢᬶ᭞
[᭒ 2A]
ᬗᬸᬧᬢ᭄ᬬᬲᬦᬾᬧᬵᬢᬹᬢ᭄᭞ᬳᬧᬦ᭄ᬳᬶᬓᬧᬵᬢᬹᬢᬦ᭄᭞ᬫᬳᬯᬓ᭄ᬓᬯᬶᬢᬜ᭄ᬚᬢᬶ᭞ᬚᬢᬶᬦ᭄ᬳᬶᬧᬸᬦ᭄᭞ᬤᬤ᭄ᬯᬦᬾᬓᬳᬸᬘᬧ᭄ᬓᬯᬶᬢᬦ᭄᭟᭕᭟ᬧᬺᬢᬫᬫᬾᬫᬾᬩᬧ᭞
ᬓᬧᬶᬂᬭᭀᬦ᭄ᬳᬶᬧᬸᬦᬾᬫᬮᬶᬄ᭞ᬳᬶᬓᬳᬶᬤᬲᬗ᭄ᬳ᭄ᬬᬂᬰᬲ᭄ᬢ᭄ᬭ᭞ᬫᬳᬗ᭄ᬕᬓᬯᬶᬢᬦ᭄ᬢᬸᬯᬶ᭞ᬳᬶᬤᬗᬯᬦᬂᬲᬫᬶ᭞ᬦᬯᬂᬢᭂᬓᬾᬦ᭄ᬓᬗᬶᬦ᭄ᬓᬯᬸᬄ᭞ᬲᬮᬄᬩᭂᬦᭂᬄᬧᬚᬮᬦ᭄᭞ᬳᬸᬮᬶᬰ
ᬲ᭄ᬢ᭄ᬭᬳᭂᬦ᭄ᬢᭀᬲᬫᬶ᭞ᬳᬮᬳᬬᬸ᭞ᬦᬾᬢᭂᬫᬸᬓᬬᬂᬓᬯᭂᬓᬲ᭄᭟᭖᭟ᬲᬗ᭄ᬓᬦ᭄ᬲᬶᬂᬤᬤᬶᬧᬮᬗ᭄ᬧᬂ᭞ᬮᬗ᭄ᬕ᭄ᬬᬢᭂᬓᬾᬦ᭄ᬲᬂᬫᬗᬃᬥᬶ᭞ᬳᬧᬦ᭄ᬳᬸᬮᬶᬂᬢᭀᬦ᭄ᬤᬾᬦ᭄
ᬍᬓᬤ᭄᭞ᬢ᭄ᬯᬄᬳᬶᬫᬾᬫᬾᬩᬧᬲᬫᬶ᭞ᬦᬩ᭄ᬤᬩ᭄ᬗᬸᬧᬧᬮᬶᬦᬶᬦ᭄᭞ᬮᬾᬦ᭄ᬢᬸᬬᬸᬄᬳᬶᬫᬾᬫᬾᬗᬤᬸᬢ᭄᭞ᬤᬶᬲᬸᬩᬦ᭄ᬜᬦᬾᬍᬓᬤ᭄᭞ᬫᬢᬶᬦᬶᬗᬶᬦ᭄ᬓᬬᬂᬓᭂᬮᬶᬄ᭞ [ 3 ][᭒ 2B]
᭒
ᬗᬸᬦ᭄ᬤᬧ᭄ᬗᬸᬬᬸᬓ᭄᭞ᬫᬕᬤᬗᬶᬦ᭄ᬧᭂᬢᭂᬂᬍᬫᬄ᭟᭗᭟ᬓᬾᬢᭀᬲᬗ᭄ᬓᬦ᭄ᬜᬓᬲᬫ᭄ᬩᬢ᭄᭞ᬓᬯᬶᬢᬦ᭄ᬳᭂᬦ᭄ᬢᭀᬲᬂᬓᬮᬶᬄ᭞ᬳᭂᬤᬩᭂᬜᬩᬦᬶᬗᬮᬯᬦ᭄᭞ᬫᬾᬫᬾᬩ
ᬧᬢᭀᬢᬓᬸᬢᬶᬦ᭄᭞ᬫᬶᬫᬶᬢᬦ᭄ᬤᬾᬯᬾᬓ᭄ᬚᬢᬶ᭞ᬤᬶᬫᬥ᭄ᬬᬧᬤᬫᬦᬸᬭᬸᬦ᭄᭞ᬢᭀᬗᭀᬲ᭄ᬫᬸᬭᬸᬓ᭄ᬓᬩᬶᬲᬦ᭄᭞ᬲᬦᬾᬧᬢᬹᬢ᭄ᬮᬚᬳᬶᬦ᭄᭞ᬫᬗ᭄ᬤᬦᭂᬫᬸ᭞ᬭᬳᬬᬸ
ᬓᬬᬂᬓᬯᭂᬓᬲ᭄᭟᭘᭟ᬳᬧᬦ᭄ᬧᬢᬸᬄᬦᬾᬓᬳᬸᬘᬧ᭄᭞ᬳᬶᬩ᭄ᬯᬦᬵᬕᬸᬂᬮᬦ᭄ᬩ᭄ᬯᬦᬳᬮᬶᬢ᭄᭞ᬕᬶᬸᬫᬶᬸᬦᬶᬸᬫᬶᬸᬓᬶᬸᬲᬶᬸᬫᬶᬸ᭞ᬳᭂᬦ᭄ᬢᭀᬳᬶᬭᬵᬕᬰᬭᬷᬭ᭞ᬫᬳᬤ
ᬦ᭄ᬳᬶᬩ᭄ᬯᬦᬳᬮᬶᬢ᭄᭞ᬕᬸᬫᬶᬦᬾᬫᬓᬲᬫᬶ᭞ᬳᭂᬦ᭄ᬢᭀᬫᬤᬦ᭄ᬩ᭄ᬯᬦᬳᬕᬸᬂ᭞ᬲᬗ᭄ᬓᬦ᭄ᬧᬥᬫᭂᬮᬄ᭞ᬫᬧᬶᬤᬩ᭄ᬤᬩ᭄ᬧᬸᬮᬧᬮᬶ᭞ᬳᬧᬂᬳᬦᬹᬢ᭄᭞ᬫᬦᭂᬢᭂᬧᬂᬘᬢᬸᬃ
[᭓ 3A]
ᬤᬺᬱ᭄ᬝ᭟᭙᭟ᬓᬯᬶᬢ᭄ᬧᬹᬃᬯ᭄ᬯᬓᬤᬶᬯᬵᬳ᭄ᬬ᭞ᬲᬗ᭄ᬕᬄᬓᬫᬸᬮᬦᬾᬳᬸᬕᬶ᭞ᬫᬵᬤᬦ᭄ᬲᬗ᭄ᬕᬃᬓᬫᬶᬫᬶᬢᬦ᭄᭞ᬤᬶᬢᬸᬢᭀᬗᭀᬲ᭄ᬫᬗᬹᬧᭂᬢᬶ᭞ᬗᬲ᭄ᬣᬶᬢᬶᬲᬗ᭄ᬳ᭄ᬬᬂᬯᬶᬥᬶ᭞
ᬫᬦᬸᬦᬲ᭄ᬲᬥ᭄ᬬᬭᬳᬬᬸ᭞ᬬᬦ᭄ᬳᬧᬦᬾᬢᬸᬚᬸᬯᬂ᭞ᬭᬤᬦᬬᬂᬲᬳᬶᬲᬳᬶ᭞ᬤᬾᬦᬶᬂᬤᬶᬢᬸ᭞ᬮᬶᬗ᭄ᬕᬶᬄᬲᬗ᭄ᬳ᭄ᬬᬂᬢ᭄ᬭᬶᬧᬸᬭᬸᬱ᭟᭑᭐᭟ᬧᬸᬦᬶᬓᬧᬢᬹᬢ᭄ᬳᬾᬮᬶᬗᬂ᭞ᬓᭂ
ᬦᬶᬳᬸᬦᬶᬂᬲᬋᬂᬲᬫᬶ᭞ᬫᬓᬤᬺᬲ᭄ᬝᬩᬶᬮᬂᬤᬾᬰ᭞ᬧ᭄ᬭᬓᬺᬃᬢ᭄ᬢᬶᬦᬶᬂᬕᬫᬚᬢᬶ᭞ᬲᬦᬾᬳᬸᬫᬸᬗ᭄ᬕ᭄ᬯᬶᬂᬳᬚᬶ᭞ᬗᬯᬶᬦᬂᬫᬫᬗ᭄ᬕᬸᬄᬳᬬᬸ᭞ᬓᬲ᭄ᬯᬱ᭄ᬝᬦᬶᬂᬰᬭᬶᬭ᭞ᬫᬓᬤᬶᬓ᭄ᬭᬳᬬ᭄ᬯ
ᬦ᭄ᬕᬸᬫᬶ᭞ᬜᬦ᭄ᬤᬂᬢᬸᬳᬸᬢ᭄᭞ᬳᬗ᭄ᬕᬾᬫᬗ᭄ᬭᬳᬬ᭄ᬯᬂᬚᬕᬢ᭄᭟᭑᭑᭟ᬤᬾᬦᬶᬂᬯᬾᬦ᭄ᬢᭂᬦ᭄ᬦᬾᬓᬳᬸᬘᬧ᭄᭞ᬭᬶᬂᬯᬭᬶᬕᬫᬸᬗ᭄ᬕᬄᬲᬫᬶ᭞ᬳᬮᬳᬬᬸᬦᬶᬂᬤᬾᬯᬲ᭞ᬭᬶᬂᬦᬸᬚ᭄ᬯᬂᬤᬶ [ 4 ][᭓ 3B]
᭓
ᬦᬩᭂᬘᬶᬓ᭄᭞ᬧᬵᬢᬹᬢ᭄ᬲᭂᬮᬦᬂᬳᬸᬕᬶ᭞ᬲᬳᬶᬚᭂᬓ᭄ᬓᬭ᭄ᬬᬦᬾᬤᬸᬫᬸᬦ᭄᭞ᬗᬲ᭄ᬣᬶᬢᬶᬲᬗ᭄ᬳ᭄ᬬᬂᬲᬹᬓ᭄ᬱ᭄ᬫ᭞ᬫᬗ᭄ᬤᬳᬶᬤᬲ᭄ᬯᬾᬘ᭄ᬙᬳᬲᬶᬄ᭞ᬗᬶᬘ᭄ᬙᬾᬦ᭄ᬓᬳ᭄ᬬᬸᬦ᭄᭞ᬲᬦᬾ
ᬧᬯᬶᬢ᭄ᬭᬫᬮᬶᬮᬂ᭟᭑᭒᭟ᬬᬦ᭄ᬦᬸᬚᬸᬢᬶᬍᬫ᭄ᬧᬸᬃᬡ᭄ᬦᬫ᭞ᬧᬵᬢᬹᬢ᭄ᬕᭂᬦᬄᬫᬩᬺᬲᬶᬄ᭞ᬫᬲᬶᬲᬶᬕ᭄ᬫᬵᬫ᭄ᬩᬸᬄᬫᬲᬶᬭᬫ᭄᭞ᬫᬧᬗᬗ᭄ᬕᬾᬲᬃᬯ᭄ᬯᬲᬸᬘᬶ᭞ᬓᬲᬗ᭄ᬕᬄᬫ
ᬳᭂᬦᬶᬂᬳᭂᬦᬶᬂ᭞ᬗᬸᬗ᭄ᬕᬳᬂᬢᭀᬬᬓᬓᬸᬮᬸᬄ᭞ᬫᬪᬓ᭄ᬢᬶᬫᬧᬶᬦᬸᬦᬲ᭄᭞ᬓᬭᬳᬬ᭄ᬯᬦ᭄ᬲᬋᬂᬲᬫᬶ᭞ᬲᬦᬾᬢᬸᬚᬸ᭞ᬭᬶᬂᬪᬢᬭᬫᬾᬱ᭄ᬯᬭ᭟᭑᭓᭟ᬳᬶᬤᬲᭂ
ᬥᭂᬂᬧᬓᬓᬮᬶᬳᬦ᭄᭞ᬓᬳᬶᬭᬶᬂᬳᬦ᭄ᬢᬸᬓ᭄ᬪᬝᬵᬭᬶ᭞ᬳᬧᬦ᭄ᬳᬶᬢᬶᬍᬫ᭄ᬧᬸᬃᬡ᭄ᬦᬫ᭞ᬓᬳᬸᬘᬧ᭄ᬧᬬᭀᬕ᭄ᬕᬵᬦ᭄ᬯᬶᬥᬶ᭞ᬗᬶᬮᬗᬂᬲᬮ᭄ᬯᬶᬭᬶᬂᬕᭂᬭᬶᬂ᭞ᬮᬭ
[᭔ 4A]
ᬯᬶᬖ᭄ᬦᬲᬶᬤ᭄ᬥᬧᬸᬧᬸᬕ᭄᭞ᬓᬾᬫᬯᭀᬦ᭄ᬳᬲ᭄ᬢᬶᬢ᭄ᬬᬂ᭞ᬫᬳᬢᬸᬭᬦ᭄ᬯᬗᬶᬯᬗᬶ᭞ᬓᭂᬦᬶᬫᬸᬗ᭄ᬕᬸᬄ᭞ᬤᬶᬤᬸᬳᬸᬭᬶᬂᬧᬫᭂᬋᬫᬦ᭄᭟᭑᭔᭟ᬳᬘᭂᬧ᭄ᬢ᭄ᬬᬂᬧᬸᬭᬸᬰᬗ᭄ᬓᬭ᭞
ᬕᭂᬦᬄᬫᬧᬶᬦᬸᬦᬲ᭄ᬲ᭄ᬣᬶᬢᬶ᭞ᬦᬸᬦᬲ᭄ᬓᬲᬶᬤ᭄ᬥ᭄ᬬᬜ᭄ᬚᭂᬜᬦ᭞ᬫᬗ᭄ᬤᬲ᭄ᬯᬾᬘ᭄ᬙᬵᬗᬮᬶᬗ᭄ᬕᬶᬳᬶᬦ᭄᭞ᬗᬮᬸᬓᬢ᭄ᬮᬭᬤᬸᬲ᭄ᬓᭂᬃᬢ᭄ᬢ᭞ᬫᬮᬯᬶᬖ᭄ᬦᬲᬶᬤ᭄ᬥᬍᬩᬸᬃ᭞ᬲᬧᬸᬦᬶᬓᬢᬸ
ᬚᬸᬯᬂ᭞ᬧᬸᬃᬡ᭄ᬦᬫᬢᬶᬍᬫ᭄ᬫᬪᬓ᭄ᬢᬶ᭞ᬓᭂᬦᬶᬘᬸᬘᬸᬤ᭄᭞ᬗᬦ᭄ᬢᬶᬢᬶᬲ᭄ᬯᬾᬘ᭄ᬙᬵᬦ᭄ᬪᬝᬵᬭ᭟᭑᭕᭟ᬓᬮᬶᬄᬬᬦ᭄ᬦᬸᬚᬸᬧᬹᬃᬡ᭄ᬦᬫᬦ᭄᭞ᬰᬰᬶᬄᬓᬤᬰᬦᭂᬫᭀᬦᬶᬦ᭄᭞ᬤᬶᬢᬸᬢᭀ
ᬗᭀᬲ᭄ᬗᬲ᭄ᬢᬸᬢ᭄ᬬᬂ᭞ᬳᬶᬤᬲᬂᬓᬯᬶᬢᬦ᭄ᬲᬫᬶ᭞ᬤᬶᬓᬫᬸᬮᬦ᭄ᬫᬪᬓ᭄ᬢᬶ᭞ᬘᬦᬂᬩᬸᬭᬢ᭄ᬯᬗᬶᬓᬵᬢᬸᬃ᭞ᬲᬳᬲᬸᬘᬶᬧᬯᬶᬢᬺ᭞ᬳᬚᬸᬫᬦ᭄ᬧ᭄ᬭᬗ᭄ᬓᬢᬦ᭄ᬲᬸᬘᬶ᭞ᬫᬚᬕᬯᬸ᭞ [ 5 ][᭔ 4B]
᭔
ᬳᬲᭂᬧ᭄ᬳᬗ᭄ᬕᭀᬫᬳᬢᬸᬭᬦ᭄᭟᭑᭖᭟ᬤᬶᬲᭀᬃᬲᬗ᭄ᬕᬳᬾᬲᭂᬕᭂᬳᬦ᭄᭞ᬲᭂᬕᭂᬄᬳᬕᬸᬂᬓᬳᬤᬦᬶᬦ᭄᭞ᬩᬋᬂᬢᭂᬓᬾᬦ᭄ᬲᭂᬕᭂᬄᬲᬄᬲᬄ᭞ᬩᬯᬂᬚᬳᬾᬓᬳᬸᬮᬫᬶᬦ᭄᭞
ᬓᬾᬢᭀᬢᬶᬗ᭄ᬓᬄᬳᬲ᭄ᬣᬶᬢᬶ᭞ᬪᬓ᭄ᬢᬶᬭᬶᬂᬲᬂᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬦᬸᬳᬶᬗᭂᬢ᭄ᬫᬓᬯᬶᬢᬦ᭄᭞ᬦᬸᬦᬲ᭄ᬫᬗ᭄ᬤᬓᬤᬸᬮᬸᬭᬶᬦ᭄᭞ᬲᬶᬤ᭄ᬥᬫᬗ᭄ᬕᬸᬄ᭞ᬓᬭᬳᬬ᭄ᬯᬦᬶᬂᬫ
ᬦᬸᬱ᭟᭑᭗᭟ᬤᬸᬃᬫ᭄ᬫ᭞ᬢᭂᬫ᭄ᬩᬂᬤᬹᬃᬫ᭄ᬫᬳᬗ᭄ᬕᭀᬦ᭄ᬜᬫ᭄ᬩᬸᬂᬫᬦᬸᬢᬸᬕᬂ᭞ᬗᬦᬸᬢᬂᬮᬶᬦᬶᬂᬳᬚᬶ᭞ᬲᬦᬾᬓᬘᬭᬶᬢ᭞ᬓᭂᬘᬧ᭄ᬲᬸᬡ᭄ᬥᬭᬶᬕᬫ᭞ᬤᬾᬦᬶᬂᬳᬓᬾᬄᬢᬸᬦ
ᬍᬯᬶᬄ᭞ᬳᬦ᭄ᬢᬸᬓ᭄ᬜᬮᬦᬂ᭞ᬲᬭᬮᬾᬤᬂᬫᬫᬶᬦᭂᬳᬶᬦ᭄᭟᭑᭟ᬲᬓᬾᬫᬯᭀᬦ᭄ᬢᬶᬢ᭄ᬬᬂᬢᭂᬢᭂᬧ᭄ᬫᬜᬢ᭄ᬯᬬᬂ᭞ᬗᬦᬸᬢᬂᬳᬸᬓᬸᬲᬫᬶ᭞ᬗᬯᬶᬢ᭄ᬳᬸᬓᬸᬲᬶᬦ᭄ᬢ᭞ᬲᭀ
[᭕ 5A]
ᬫᬧ᭄ᬯᭀᬦ᭄ᬳᬶᬧᬸᬦ᭄ᬓᭀᬘᬧ᭄᭞ᬲᭀᬫᬭᬶᬩᭂᬓ᭄ᬓᬳᬤᬦᬶᬦ᭄᭞ᬲᬦᬾᬢᬸᬚᬸᬯᬂ᭞ᬳᬘᭂᬧ᭄ᬧᬘᬂᬪᬓ᭄ᬢᬶᬦᬶᬦ᭄᭟᭒᭟ᬢᬸᬯᬄᬳᬶᬤᬪᬝᬵᬭᬳ᭄ᬬᬂᬢ᭄ᬭᬶᬧᬺᬫᬡ᭞
ᬧᬵᬢᬹᬢ᭄ᬳᬶᬤᬳᬸᬢ᭄ᬧ᭄ᬢᬶ᭞ᬤᬶᬧᬸᬮᬸᬫᬢᬸᬭᬦ᭄᭞ᬤᬶᬮᬸᬫ᭄ᬩᬸᬂᬫᬓᬤᬶᬦ᭄ᬜ᭞ᬫᬩᬦ᭄ᬢᭂᬦ᭄ᬜᬄᬜᬄᬕᬭᬶᬂᬲᬶᬂ᭞ᬤᬸᬮᬸᬃᬯᭀᬄᬯᭀᬳᬦ᭄᭞ᬧᬶᬲᬂᬳᭂᬫᬵᬲᬾᬢᬦ᭄ᬫ
ᬭᬶ᭟᭓᭟ᬯᬗᬶᬯᬗᬶᬲᬘᬸᬓᬸᬧᬶᬂᬘᬦᬂᬲᭂᬓᬃ᭞ᬓᬾᬢᭀᬳᬶᬗᭂᬢᬂᬕᬢᬶ᭞ᬧᬶᬢᭂᬓᭂᬢ᭄ᬤᬶᬲᬲ᭄ᬢ᭄ᬭ᭞ᬲᬶᬂᬤᬤᬶᬗᬤᭂᬧ᭄ᬩᬳᬲ᭄᭞ᬫᬶᬦᬓᬤᬶᬦᭂᬩᬸᬓ᭄ᬧᬤᬶ᭞ᬬᬦ᭄ᬦᬸᬚᬸ
ᬤᬶᬦᬵ᭞ᬘᭀᬫᬭᬶᬩᭂᬓᬾᬯ᭄ᬬᬓ᭄ᬢᬶ᭟᭔᭟ᬩ᭄ᬯᬶᬦ᭄ᬳᬶᬧᬸᬦ᭄ᬤᬶᬳᬗ᭄ᬕᬭᬯᬕᬾᬲᬶᬦ᭄ᬢ᭞ᬲᬩᬸᬄᬳᭂᬫᬵᬲ᭄ᬓᬳᬤᬦᬶᬦ᭄᭞ᬧᬵᬢᬹᬢ᭄ᬫᬗᬺᬤᬦ᭞ᬧᬗᬸᬧ᭄ᬢᬶᬪᬝᬵᬭ᭞ [ 6 ][᭕ 5B]
᭕
ᬫᬳᬤᬾᬯᬦᬾᬳᬲ᭄ᬢᬶᬢᬶ᭞ᬢᭀᬳᬧᬦ᭄ᬳᬶᬤ᭞ᬤᬾᬯᬦᬶᬂᬳᭂᬫᬲ᭄ᬧᬶᬧᬶᬲ᭄᭟᭕᭟ᬫᬳᬢᬸᬭᬦ᭄ᬲᬫᬬᬸᬢ᭄ᬫᬯᬤᬄᬤᬸᬮᬂ᭞ᬫᬳᬤᬦ᭄ᬫᬺᬢᬲᬭᬶ᭞ᬬᬦ᭄ᬕᭂᬦᬄᬗ
ᬘᭂᬧᬂ᭞ᬚᬸᬫᬳᬦ᭄ᬤᬶᬧᬫᬺᬫᬦ᭄᭞ᬯᬸᬲ᭄ᬓᬢᬸᬃᬲᬫ᭄ᬧᬸᬦ᭄ᬫᬬᬩᬶᬦ᭄᭞ᬮᬯᬸᬢ᭄ᬳᬶᬭᬕ᭞ᬫᬜᬸᬭᬸᬤ᭄ᬗᬬᬩ᭄ᬫᬮᬶᬄ᭟᭖᭟ᬦᬸᬚᬸᬤᬶᬦᬵᬫᬗ᭄ᬤᬫᬗ᭄ᬕᭂᬄᬓᬲ᭄ᬯᬾᬘ᭄ᬙᬦᬦ᭄᭞ᬲᬶ
ᬤ᭄ᬥᬯᬶᬪᬸᬄᬳᭂᬫᬲ᭄ᬧᬶᬧᬶᬲ᭄᭞ᬢᬦ᭄ᬮᭀᬗᬶᬂᬪᬭᬦ᭞ᬳᬧᬦ᭄ᬳ᭄ᬬᬂᬫᬳᬵᬤᬾᬯ᭞ᬓᭂᬜ᭄ᬚᭂᬓᬦ᭄ᬫᬫᬕᬶᬩᬕᬶ᭞ᬫᭂᬃᬢ᭄ᬢᬲᬥᬦ᭞ᬢᬸᬫᬸᬭᬸᬦ᭄ᬗᭂᬩᭂᬓᬶᬦ᭄ᬕᬸᬫᬶ᭟᭗᭟
ᬩᬸᬤᬓ᭄ᬮᬶᬯᭀᬫ᭄ᬯᬭᬲᬶᬦ᭄ᬢᬦᬾᬓᬳᬸᬘᬧ᭄᭞ᬫᬳᬤᬦ᭄ᬧᬕᭂᬃᬯᭂᬲᬶ᭞ᬧᬬᭀᬕᬦ᭄ᬪᬝᬵᬭ᭞ᬳ᭄ᬬᬂᬧ᭄ᬭᬫᬾᬱ᭄ᬝᬶᬳᬶᬤ᭞ᬦᬵᬯᬲᬗ᭄ᬳᬲᬫᬶᬗᬶᬭᬶᬂ᭞ᬧᬘᬂ
[᭖ 6A]
ᬗᬯᬺᬤ᭄ᬤ᭄ᬬᬂᬳᬸᬭᬶᬧᬶᬂᬲᬃᬯ᭄ᬯᬫᬳᬸᬭᬶᬧ᭄᭟᭘᭟ᬓᬮᬤᬶᬢᬸᬳᬶᬤᬲᬗ᭄ᬳ᭄ᬬᬂᬧ᭄ᬭᬫᬾᬰ᭄ᬯᬭ᭞ᬦᬸᬚᬸᬳᬦᬾᬓᬳᬾᬱ᭄ᬝᬶ᭞ᬲᬳᬫᬳᬢᬸᬭᬦ᭄᭞ᬲᬫᬬᬸᬢ᭄
ᬧᬜ᭄ᬘᬮᬶᬗ᭄ᬕ᭞ᬤᬶᬲᬗ᭄ᬕᬄᬓᬫᬸᬮᬦ᭄ᬳᬸᬕᬶ᭞ᬢᭀᬗᭀᬲ᭄ᬗᬺᬥᬦ᭞ᬲᬓᬤᬶᬥᬦ᭄ᬭᬸᬦ᭄ᬢᬸᬢᬶᬦ᭄᭟᭙᭟ᬲᬦᬾᬭᬶᬂᬲᭀᬃᬢᭀᬲᭂᬕᭂᬳᬦ᭄ᬫᬜ᭄ᬘᬯᬃᬡ᭄ᬦ᭞ᬬᬾᬄᬢᬩ
ᬳᬾᬢᬦ᭄ᬫᬭᬶ᭞ᬳᬭᬓ᭄ᬫᬢᬩᬸᬳᬦ᭄᭞ᬳᬧᬶᬢᬓᭂᬧ᭄ᬢᬓᭂᬧᬦ᭄᭞ᬳᬶᬫᬵᬦᬸᬱᬲᬋᬂᬲᬫᬶ᭞ᬧᬵᬢᬹᬢ᭄ᬫᬗᬬᬩ᭄᭞ᬲᬫᬬᬸᬢ᭄ᬧᬕᭂᬄᬳᬸᬭᬶᬧ᭄᭟᭑᭐᭟ᬓ᭄ᬦᬶᬲᬶᬤ᭄ᬥᬳᬸᬭᬶ
ᬧᬾᬫᬗ᭄ᬕᭂᬄᬭᬶᬂᬳᬯᬓ᭄᭞ᬢᬦ᭄ᬓᬯᬭᬡᬶᬂᬕ᭄ᬭᬶᬂ᭞ᬲᬶᬤ᭄ᬥᬧᬭᬶᬧᬹᬃᬡ᭄ᬦ᭞ᬫᬮᬧᬢᬓᬮᬸᬓᬢ᭄᭞ᬓᬾᬢᭀᬢᬸᬚᬸᬯᬦ᭄ᬫᬪᬓ᭄ᬢᬶ᭞ᬫᬧᬶᬦᬸᬦᬲᬦ᭄᭞ᬲ᭄ᬯᬾᬘ᭄ᬙᬦ᭄ᬳᬶ [ 7 ][᭖ 6B]
᭖
ᬤᬳ᭄ᬬᬂᬯᬶᬥᬶ᭟᭑᭑᭟ᬰᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬮᬡ᭄ᬥᭂᬧ᭄ᬢᭀᬓᬲᬫ᭄ᬩᬢ᭄᭞ᬫᬳᬤᬦ᭄ᬤᬶᬦᬵᬩᭂᬘᬶᬓ᭄᭞ᬧᬬᭀᬕ᭄ᬕᬦ᭄ᬳ᭄ᬬᬂᬰᬶᬯ᭞ᬳ᭄ᬬᬂᬧᬰᬸᬧᬢᬶᬢᬦ᭄ᬲᬄ᭞
ᬧᬵᬢᬹᬢ᭄ᬳᬶᬭᬕᬦᬾᬫᬗ᭄ᬓᬶᬦ᭄᭞ᬦᬸᬦᬲ᭄ᬳᬚ᭄ᬜᬡ᭞ᬧᬰᬸᬧᬢᬶᬦᬶᬂᬩᬸᬤ᭄ᬥᬶ᭟᭑᭒᭟ᬫᬳᬢᬸᬭᬦ᭄ᬭᬶᬂᬳᬶᬤᬪᬝᬵᬭᬰᬶᬯ᭞ᬫᬢᬸᬫ᭄ᬧᭂᬂᬧᬸᬢᬶᬄᬓᬸᬦᬶᬂ᭞ᬫᬳᬸᬮᬫ᭄
ᬩᬵᬦ᭄ᬲ᭄ᬬᬧ᭄᭞ᬫ᭄ᬯᬂᬕ᭄ᬭᬶᬄᬮᬦ᭄ᬢᬭᬲᬶᬩᬵᬂ᭞ᬫᬸᬗ᭄ᬕᬄᬤᬶᬓᬫᬸᬮᬦ᭄ᬲᬫᬶ᭞ᬲᬳᬗᬸᬗ᭄ᬕᬳᬂ᭞ᬓᬓᬸᬮᬸᬄᬢᭀᬬᬲᬸᬘᬶ᭟᭑᭓᭟ᬲᬦᬾᬓᬵᬢᬸᬃᬭᬶᬂᬳᬶᬤᬳ᭄ᬬᬂᬧᬰᬸ
ᬧᬵᬢ᭄ᬬ᭞ᬲᬫᬬᬸᬢ᭄ᬧᬰᬸᬧᬢᬶ᭞ᬲᬲᬬᬸᬢ᭄ᬚᬬᬾᬂᬧ᭄ᬭᬂ᭞ᬲᬋᬂᬓᬸᬲᬸᬫᬬᬸᬥ᭞ᬧᬸᬦᬶᬓᬳᬗ᭄ᬕᬾᬗᬬᬩᬶᬦ᭄᭞ᬧ᭄ᬭᬩᭀᬳᬶᬂᬬᬸᬥ᭞ᬫᬦᬸᬦᬲ᭄ᬓᭂᬦᬶᬫᬦ᭄ᬥᬶ᭟᭑᭔᭟
[᭗ 7A]
ᬤᬶᬢᬸᬮᬯᬸᬢ᭄ᬳᬶᬭᬫᬢᭂᬮᬄᬢᭂᬮᬄ᭞ᬫᬢᬶᬃᬢ᭄ᬣᬫᬩᬺᬲᬶᬄ᭞ᬗᬸᬗ᭄ᬕᬳᬂᬳᬢᬸᬭᬦ᭄᭞ᬫᭂᬮᬳᬂᬗᬲ᭄ᬢᬶᬢ᭄ᬬᬂ᭞ᬳᭂᬤᬳᭀᬩᬄᬫᬗ᭄ᬤᬗᬶᬮᬶᬲ᭄᭞ᬦᬸᬦᬲ᭄ᬳᬚ᭄ᬜᬡ᭞ᬮᬡ᭄ᬥᭂ
ᬧᬶᬂᬧᬰᬸᬧᬢᬶ᭟᭑᭕᭟ᬓᬮᬶᬄᬬᬦᬶᬂᬭᬤᬶᬢᬾᬫᬦᬶᬲ᭄ᬧᬸᬦᬶᬓ᭞ᬳᬸᬓᬸᬦ᭄ᬳᬶᬧᬸᬦᬾᬳᬸᬓᬶᬃ᭞ᬧᬵᬢᬹᬢ᭄ᬫᬗᬲ᭄ᬣᬯ᭞ᬭᬶᬂᬧᬤᬸᬓᬪᬝᬵᬭ᭞ᬳ᭄ᬬᬂᬕᬸᬭᬸᬫᬬᭀᬕ᭄ᬕᬯ᭄ᬬᬓ᭄ᬢᬶ᭞
ᬫᬗᬸᬭᬶᬧ᭄ᬚᬕᬢ᭄᭞ᬗᬯᬾᬦᬶᬦ᭄ᬯᬶᬪᬸᬄᬕᬸᬫᬶ᭟᭑᭖᭟ᬲᬗ᭄ᬓᬦ᭄ᬤᬶᬢᬸᬧᭂᬍᬗᬂᬢᭀᬗᭀᬲ᭄ᬫᬵᬢᬸᬭᬦ᭄᭞ᬤᬶᬓᬫᬸᬮᬦ᭄ᬳᬲ᭄ᬢᬸᬢᬶ᭞ᬗ᭄ᬕᬳᬾᬧᬗᬫ᭄ᬩᬾᬬᬦ᭄᭞ᬭᬸᬦ᭄ᬢᬸᬢᬜ᭄ᬘᬦᬂ
ᬲᭂᬓᬃ᭞ᬫᬓᬤᬶᬜᬯᬗᬶᬯᬗᬶ᭞ᬳᬗ᭄ᬕᭀᬳᬢᬸᬭᬦ᭄᭞ᬘᬶᬭᬶᬦ᭄ᬤᬾᬯᬾᬓᬾᬪᬓ᭄ᬢᬶ᭟᭑᭗᭟ᬬᬦ᭄ᬳᬗ᭄ᬕᬭᬓᬮᬶᬯᭀᬦ᭄ᬓᬸᬭᬦ᭄ᬢᬶᬮ᭄ᬳᬸᬓᬸᬦ᭄ᬜ᭞ᬓᬳᬸᬘᬧ᭄ [ 8 ][᭗ 7B]
᭗
ᬧᬸᬚᬯᬮᬶᬦ᭄᭞ᬲᬗ᭄ᬳ᭄ᬬᬂᬫᬳᬤᬾᬯ᭞ᬧᬵᬢᬹᬢ᭄ᬫᬲᬶᬄᬢᬸᬚᬸᬯᬂ᭞ᬤᬶᬓᬫᬸᬮᬦ᭄ᬫᬗᬸᬢ᭄ᬧ᭄ᬢᬶ᭞ᬲᬳᬳᬢᬸᬭᬦ᭄᭞ᬦᬲᬶᬳᬧᬗ᭄ᬓᭀᬦ᭄ᬓᬸᬦᬶᬂ᭟᭑᭘᭟ᬫᬩᬾᬢᬸᬢᬸ
ᬳᬬᬫ᭄ᬧᬸᬢᬶᬄᬓᬸᬦᬶᬂᬓᭂᬤᬲ᭄᭞ᬫᬗᬗ᭄ᬕᭀᬩᬸᬗᬓᬸᬦᬶᬂ᭞ᬳᬘᭂᬧ᭄ᬫᬦᬸᬦᬲᬂ᭞ᬓᬯᬶᬪᬸᬳᬦ᭄ᬲᬥᬦ᭞ᬓᭂᬦᬶᬜᬶᬥᬬᬂᬫᬓᬶᬦ᭄ᬓᬦ᭄᭞ᬦᬗ᭄ᬕᭂᬦᬂᬪᭂᬭᬡ᭞ᬲᬓᬸᬓᬦᬶᬂ
ᬫᬳᬸᬭᬶᬧ᭄᭟᭑᭙᭟ᬩᬸᬯᬶᬦᬦ᭄ᬜᬤᬶᬦᬸᬚᬸᬳᬸᬓᬸᬯᬭᬶᬕ᭞ᬢᬸᬫ᭄ᬧᭂᬓ᭄ᬳᬶᬧᬸᬦᬾᬯ᭄ᬬᬓ᭄ᬢᬶ᭞ᬳᭂᬦ᭄ᬢᭀᬲᬦᬾᬫᬤᬦ᭄᭞ᬢᬸᬫ᭄ᬧᭂᬓ᭄ᬧᬦᬸᬤᬸᬄᬓᭀᬘᬧ᭄᭞ᬲᬗ᭄ᬳ᭄ᬬᬂᬲᬗ᭄ᬓᬭᬳᬸᬢ᭄ᬧ᭄ᬢᬶ᭞ᬳ
ᬯᬦᬶᬂᬳᬶᬤ᭞ᬲᬦᬾᬗᬯᬺᬤ᭄ᬥ᭄ᬬᬂᬲᬫᬶ᭟᭒᭐᭟ᬲᬓᬢᬳᬶᬂᬲᬃᬯ᭄ᬯᬓᬬᬸᬦᬾᬫᬓᭂᬚᬂ᭞ᬲᬮ᭄ᬯᬶᬭᬶᬂᬲᬦᬾᬫᬳᬸᬭᬶᬧ᭄᭞ᬳᬶᬤᬗᬶᬘ᭄ᬙᬾᬦ᭄ᬫᬺᬢ᭄ᬢ᭞ᬢᭀᬲᬗ᭄ᬓᬦ᭄ᬫᬳ
[᭘ 8A]
ᬢᬸᬭᬦ᭄᭞ᬢᬸᬫ᭄ᬧᭂᬂᬳᬕᬸᬂᬫᬶᬯᬄᬕᬸᬮᬶᬂ᭞ᬧᬜᭂᬦᭂᬂᬧᭂᬭᬲ᭄᭞ᬢᬸᬮᬸᬂᬲᬫᬬᬸᬢ᭄ᬫᬮᬶᬄ᭟᭒᭑᭟ᬓᬲ᭄ᬣᬦᬬᬂᬳᬶᬤᬭᬶᬂᬢᭂᬕᬮ᭄ᬳᬩ᭄ᬬᬦ᭄᭞ᬤᬶᬓᬓᬬᭀᬦᬦ᭄ᬲᬫᬶ᭞ᬳᬶ
ᬭᬶᬓᬵᬓᬵᬬᬩᬂ᭞ᬦᬸᬦᬲ᭄ᬓᬤᬶᬃᬕ᭄ᬖᬬᬸᬱᬦ᭄᭞ᬓ᭄ᬦᬶᬲᬫᬶᬮᬦᬸᬲ᭄ᬳᬸᬭᬶᬧ᭄᭞ᬳᬶᬢᬢᬦ᭄ᬤᬸᬭᬦ᭄᭞ᬲᬶᬤ᭄ᬥᬫᬳᭀᬮᬶᬄᬳᭀᬮᬶᬄ᭟᭒᭒᭟ᬳᬶᬫᬦᬸᬱᬢᬍᬃᬲᬋᬂᬧᬵᬢᬹᬢ᭄ᬗᬬᬩ᭄᭞
ᬦᬸᬦᬲ᭄ᬧᬗᬮᬂᬳᬢᬶ᭞ᬲᬤᬶᬤ᭄ᬥ᭄ᬬᬦᬶᬂᬚ᭄ᬜᬦ᭞ᬓ᭄ᬦᬶᬲᬶᬤ᭄ᬥᬵᬲᬶᬂᬲᬥ᭄ᬬ᭞ᬫᬦᬢᬩ᭄ᬲᬫᬬᬸᬢ᭄ᬳᬖ᭄ᬦᬶ᭞ᬫᬦᬸᬦᬲ᭄ᬢᬶᬃᬢ᭄ᬣ᭞ᬫᬲᬶᬲᬶᬕ᭄ᬫᬩᬺᬲᬶᬄ᭟᭒᭓᭟ᬘᭀᬫᬧᬳᬶᬂᬯᬭᬶᬕ
ᬤ᭄ᬬᬦ᭄ᬢᭀᬧᬬᭀᬕ᭄ᬕᬦ᭄᭞ᬪᬝᬵᬭᬩ᭄ᬭᬳ᭄ᬫᬯ᭄ᬬᬓ᭄ᬢᬶ᭞ᬧᬵᬢᬹᬢ᭄ᬳᬲ᭄ᬣᬯᬬᬂ᭞ᬤᬶᬧᬳᬶᬩᭀᬦ᭄ᬳᬃᬘ᭄ᬙᬦ᭞ᬤᬶᬢᬸᬢᭀᬗᭀᬲ᭄ᬫᬗᬪᬓ᭄ᬢᬶ᭞ᬗᬢᬸᬭᬂᬘᬦᬂ᭞ᬫ᭄ᬯᬂᬲᭂᬓᬃᬯᬗᬶᬯᬗᬶ᭟᭒᭔᭟ [ 9 ][᭘ 8B]
᭘
ᬫᬧᬶᬦᬸᬦᬲ᭄ᬓᬲᬤ᭄ᬬᬦ᭄ᬤᬤᬶᬫᬵᬦᬸᬱ᭞ᬳᬧᬦ᭄ᬳ᭄ᬬᬂᬩ᭄ᬭᬳ᭄ᬫᬭᬶᬳᬶᬦ᭄᭞ᬗᬤᬬᬂᬫᬓᭂᬚᬂ᭞ᬲᬮ᭄ᬯᬶᬃᬳᬶᬲᬶᬦᬶᬂᬚᬕᬢ᭄᭞ᬳᬯᬦᬦ᭄ᬳᬶᬤᬢᬸᬦᬲᬶᬦ᭄᭞ᬫᬗ᭄ᬤᬜᬶᬤ᭄ᬥᬬᬂ᭞ᬢ᭄ᬯᬭᬚ
ᬓᬸᬯᬂᬪᬹᬓ᭄ᬢᬶ᭟᭒᭕᭟ᬯᬺᬳᬲ᭄ᬧᬢᬶᬯᬕᬾᬲᬸᬗ᭄ᬲᬂᬳᭂᬦ᭄ᬢᭀᬓᭂᬢᬄ᭞ᬲᬸᬕ᭄ᬬᬜ᭄ᬚᬯᬓᬵᬤᬦᬶᬦ᭄᭞ᬬᬦ᭄ᬢᭂᬕᭂᬲ᭄ᬭᬶᬂᬲᬲ᭄ᬢ᭄ᬭ᭞ᬧᬲᬸᬘ᭄ᬬᬦᬶᬂᬧᬭᬳ᭄ᬬᬂ᭞ᬫᬳᬯᬦᬦ᭄ᬲᬋᬂᬲᬫᬶ᭞
ᬧᬵᬢᬹᬢ᭄ᬫᬢᭂᬮᬄᬢᭂᬮᬄ᭞ᬭᬶᬂᬲᬗ᭄ᬕᬃᬲᬫᬶ᭟᭒᭖᭟ᬫᬶᬦᬓᬤᬶᬭᬶᬂᬓᬳ᭄ᬬᬗᬦ᭄ᬧᬸᬭᬦ᭄ᬤᬾᬯ᭞ᬫᬤᬸᬮᬸᬭᬦ᭄ᬭᬋᬲᬶᬓ᭄᭞ᬢᬶᬃᬢ᭄ᬣᬧᬗᬺᬭᬢ᭞ᬤᬾᬦᬶᬂᬤᬶᬦᬵᬧᬸᬦᬶᬓ᭞
ᬧᬭᬪᬝᬵᬭᬗᬶᬳ᭄ᬬᬗᬶᬦ᭄᭞ᬓᬫᬥ᭄ᬬᬧᬤ᭞ᬤᬾᬯᬧᬶᬢᬭᬵᬗᬶᬭᬶᬂ᭟᭒᭗᭟ᬯᬺᬳᬲ᭄ᬧᬢᬶᬓ᭄ᬮᬶᬯᭀᬦ᭄ᬲᬸᬗ᭄ᬲᬂᬢᭀᬓᬲᬫ᭄ᬩᬢ᭄᭞ᬲᬸᬕ᭄ᬬᬦ᭄ᬩᬮᬶᬓᬵᬤᬦᬶᬦ᭄᭞
[᭙ 9A]
ᬧᬵᬢᬸᬢᬾᬳᬶᬭᬶᬓᬵ᭞ᬫᬓᬓᭂᬭᬶᬓ᭄ᬓᬭᬫᬲ᭄᭞ᬫᬲᬶᬭᬫ᭄ᬮᬯᬸᬢ᭄ᬫᬩᬺᬲᬶᬄ᭞ᬫᬦᬸᬦᬲ᭄ᬢᬶᬃᬢ᭄ᬣ᭞ᬗᬮᬸᬓᬢ᭄ᬭᬕᬲᬫᬶ᭟᭒᭘᭟ᬳᬧᬦ᭄ᬤᬶᬢᬸᬢᬸᬭᬸᬦ᭄ᬲᬗ᭄ᬳ᭄ᬬᬂᬢ᭄ᬭᬶ
ᬧᬸᬭᬸᬱ᭞ᬫ᭄ᬭᬕᬩᬪᬸᬢᬦ᭄ᬤᬤᬶ᭞ᬳᬶᬪᬸᬢᬕᬮᬸᬗᬦ᭄᭞ᬲᬧᬸᬦᬶᬓᬓᬳᬸᬘᬧ᭄᭞ᬫᬓᬳ᭄ᬬᬸᬦ᭄ᬮᬪᬳᬦ᭄ᬤᬶᬦᬶ᭞ᬤᬶᬫᬥ᭄ᬬᬧᬤᬵ᭞ᬗᬸᬮᬸᬭᬶᬦ᭄ᬲᬓᬳᬧ᭄ᬢᬶ᭟᭒᭙᭟
ᬫᬳᬯᬶᬦᬦ᭄ᬳᬶᬤᬤᬦᬾᬲᬋᬂᬲᬫ᭄ᬬᬦ᭄᭞ᬫᬗ᭄ᬤᬲᬫᬶᬦᬗᬭᬶᬦ᭄᭞ᬲᬓᬶᬂᬤᬶᬦᬦᬶᬓ᭞ᬓᭂᬦᬶᬗᬾᬮᬶᬗᬂᬧᬶᬲᬦ᭄᭞ᬓᬳ᭄ᬬᬸᬦ᭄ᬫᬗ᭄ᬤᬾᬦᬾᬳᬲ᭄ᬢᬶᬢᬶ᭞ᬲᬫ᭄ᬧᬸᬦᬂᬧᬶᬲᬦ᭄᭞
ᬗᬗ᭄ᬕᬾᬭᭀᬱᬦᬶᬂᬳᬢᬶ᭟᭓᭐᭟ᬓ᭄ᬦᬶᬲᬫ᭄ᬧᬸᬦ᭄ᬓᬭᬜ᭄ᬚᬶᬗᬦ᭄ᬳᬶᬪᬸᬝᬵᬢᬶᬕ᭞ᬧᬸᬦᬶᬓᬫᬓᬾᬯᭂᬳᬶᬦ᭄᭞ᬳᬦᬓ᭄ᬫᬜᬚᬬᬂ᭞ᬕᬮᬓ᭄ᬢᬦ᭄ᬳᬶᬫᬳᬶᬫ᭞ᬫᬳᬯᬦᬦ᭄ᬫᬗ᭄ᬤ [ 10 ][᭙ 9B]
᭙
ᬳᬾᬮ᭞ᬫᬮᬧᬦᬂᬭᬕ᭞ᬦᬸᬚᬸᬓᬥᬃᬫ᭄ᬫᬩᬸᬤ᭄ᬥᬶ᭟᭓᭑᭟ᬭᬶᬂᬳᬗ᭄ᬕᬭᬯᬕᬾᬳᬸᬓᬸᬦ᭄ᬜᬤᬸᬗ᭄ᬕᬸᬮᬦ᭄᭞ᬩ᭄ᬬᬱᬓᬲᬫ᭄ᬩᬢ᭄ᬫᬗ᭄ᬓᬶᬦ᭄᭞ᬫᬵᬤᬦ᭄ᬧᬦᬫ᭄ᬧᬳᬦ᭄᭞ᬕᭂ
ᬦᬄᬲᬂᬓᬮᬢᬶᬕ᭞ᬧᬘᬂᬫᬫᭀᬮᬶᬳᬂᬪᬸᬓ᭄ᬢᬶ᭞ᬧᭀᬮᬶᬄᬮᬩᬳᬦ᭄ᬲᬮ᭄ᬯᬶᬭᬶᬂᬘᬭᬸᬲᬫᬶ᭟᭓᭒᭟ᬓᬤᬶᬓᬸᬘᬧ᭄ᬭᬶᬂᬮᭀᬦ᭄ᬢᬃᬲᬸᬦ᭄ᬤᬭᬶᬕᬫ᭞ᬧᬵᬢᬹᬢ᭄ᬭᬶᬂᬤᬾ
ᬱᬲᬫᬶ᭞ᬫ᭄ᬯᬂᬭᬶᬂᬧᬋᬫ᭄ᬧᬢᬦ᭄᭞ᬫᬓᬃᬬ᭄ᬬᬪᬸᬳ᭄ᬝᬬᬚ᭄ᬜ᭞ᬳᬋᬧ᭄ᬩᬪᬹᬓ᭄ᬢ᭄ᬬᬦᬾᬲᬫᬶ᭞ᬭᬶᬂᬪᬹᬝᬵᬓᬮ᭞ᬬᬤ᭄ᬬᬦ᭄ᬢᬲᬃᬯ᭄ᬯᬓᬶᬜ᭄ᬘᬶᬢ᭄᭟᭓᭓᭟ᬲᬓᬾᬫ
ᬯᭀᬦ᭄ᬫᬗ᭄ᬤᬳᬶᬤᬲᬂᬲᬥᬓ᭞ᬜᬢ᭄ᬬᬂᬗᬬᭀᬕᬳᬶᬦ᭄᭞ᬫᬓᬤᬶᬲᬜ᭄ᬚᬢ᭞ᬲᬧ᭄ᬭᬩᭀᬢᬶᬂᬳᬬᬸᬥ᭞ᬓ᭄ᬦᬶᬲᬫᬶᬓᬯᬾᬥᬳᬶᬦ᭄᭞ᬓᬚᬬᬚᬬ᭞ᬧᬗᬸ
[᭑᭐ 10A]
ᬭᬶᬧ᭄ᬧᬰᬸᬧᬢᬶ᭟᭓᭔᭟ᬬᬦ᭄ᬩ᭄ᬯᬢ᭄ᬘᬭᬸᬭᬶᬂᬓᬭᬂᬧᬳᬸᬫᬳᬦ᭄᭞ᬳᬚᭂᬗᬦᬾᬫᬢᬦ᭄ᬤᬶᬂ᭞ᬫᬵᬦᬹᬢ᭄ᬳᬸᬭᬶᬧ᭄ᬤᬶᬦᬵ᭞ᬫᬸᬮᬫ᭄ᬩᬯᬶᬫᬳᭀᬮᬄ᭞ᬲᭂᬕᭂᬳᬦ᭄ᬳᬕᬸᬂᬳ
ᬢᬦ᭄ᬤᬶᬂ᭞ᬲᬳᬩᬺᬫ᭄ᬳᬭᬓ᭄᭞ᬲᬫ᭄ᬩᬸᬢ᭄ᬫᬤᬕᬶᬂᬕᭂᬦᬶ᭟᭓᭕᭟ᬭᬶᬂᬦᬢᬭᬶᬂᬳᬸᬫᬄᬕᭂᬦᬄᬫᬲᬳᬕᬦ᭄᭞ᬳᬘᭂᬧᬂᬲᬲᬧᬦᬶᬦ᭄᭞ᬭᬶᬂᬪᬹᬝᬵᬕᬮᬸᬗᬦ᭄᭞
ᬓ᭄ᬦᬶᬦᬫ᭄ᬧᬶᬧᬸᬦᬶᬓ᭞ᬦᬸᬦᬲ᭄ᬭᬵᬓ᭄ᬱᬲᬋᬂᬲᬫᬶ᭞ᬫᬗ᭄ᬤᬲᬢᬢᬵ᭞ᬧᭀᬫᬳᬦ᭄ᬲᬶᬤ᭄ᬥᬭᬤᬶᬦ᭄᭟᭓᭖᭟ᬬᬦ᭄ᬳᬶᬭᬕᬭᬶᬓᬮᬦᬶᬂᬧᬦᬫ᭄ᬧᬳᬦ᭄᭞ᬫᬗ᭄ᬤᬫ
ᬗᬬᬩ᭄ᬳᬸᬕᬶ᭞ᬲᬲᬬᬸᬢ᭄ᬩ᭄ᬬᬓᬮ᭞ᬧᬸᬦᬶᬓᬫᬓᬢ᭄ᬯᬲ᭄᭞ᬓᬵᬮᬦ᭄ᬳᬶᬭᬕᬦᬾᬫᬸᬗ᭄ᬕ᭄ᬯᬶᬂ᭞ᬪ᭄ᬯᬦᬰᬭᬷᬭ᭞ᬫᬗ᭄ᬤᬲᭂᬍᬕ᭄ᬫᬗᭂᬫᬶᬢ᭄᭟᭓᭗᭟ᬫᬶᬦᬓ [ 11 ][᭑᭐ 10B]
᭑᭐
ᬤᬶᬓ᭄ᬦᬶᬫᬮᬸᬓᬢ᭄ᬫᬢᬶᬃᬢ᭄ᬣ᭞ᬫᬗᬶᬦᭂᬗᬂᬦᬾᬲᬸᬘᬶ᭞ᬳᬶᬮᬂᬮᬭᬯᬶᬖ᭄ᬦ᭞ᬲᬶᬤ᭄ᬥᬯᬵᬳ᭄ᬬᬥ᭄ᬬᬢ᭄ᬫᬶᬓ᭞ᬳᬚᭂᬃᬫᬗᬫᭀᬗᬶᬦ᭄ᬩᬸᬤ᭄ᬥᬶ᭞ᬢᬦ᭄ᬓᬯᬭᬡᬦ᭄᭞ᬫᬫ
ᬗ᭄ᬕᬸᬄᬚ᭄ᬜᬡᬲᬸᬘᬶ᭟᭓᭘᭟ᬩᬸᬤᬓ᭄ᬮᬶᬯᭀᬦ᭄ᬤᬸᬗ᭄ᬕᬸᬮᬦ᭄ᬧᬸᬦᬶᬓᬓ᭄ᬢᬄ᭞ᬕᬮᬸᬗᬦ᭄ᬓᬵᬤᬦᬶᬦ᭄᭞ᬧᬵᬢᬹᬢᬾᬳᬶᬭᬕ᭞ᬓᭂᬦᬶᬗᭂᬦᬶᬗᬂᬘᬶᬢ᭄ᬣ᭞ᬗᬶᬮᬗᬂᬩ᭄ᬬᬧᬭᬾᬂᬩᬸᬤ᭄ᬥᬶ᭞
ᬫᬗᬤᬶᬲ᭄ᬣᬦ᭞ᬲᬗ᭄ᬳ᭄ᬬᬂᬯᬶᬰᬾᬱᬚᬢᬶ᭟᭓᭙᭟ᬫᬗᬢᬸᬭᬂᬩᬦ᭄ᬢᭂᬦ᭄ᬭᬶᬂᬲᬗ᭄ᬕᬄᬓᬫᬸᬮᬦ᭄᭞ᬭᬶᬂᬮᬸᬫ᭄ᬩᬸᬂᬫᬶᬦᬓᬤᬶ᭞ᬭᬶᬂᬧᬯᭀᬦ᭄ᬭᬶᬂᬢᬸᬫ᭄ᬩᬮ᭄᭞ᬭᬶᬂᬤᬸᬳᬸᬭᬶᬂᬧᬫᬺᬫᬦ᭄᭞ᬲᬧ᭄ᬭ
ᬩᭀᬢᬶᬂᬳᬸᬫᬄᬲᬫᬶ᭞ᬲᬫᬶᬲᬯᬢ᭄ᬭ᭞ᬓᬢᬸᬭᬦ᭄ᬩᬦ᭄ᬢᭂᬦ᭄ᬳᬮᬶᬢ᭄᭟᭔᭐᭟ᬫᬓᬫᬶᬯᬄᬫᬢᬸᬭᬦ᭄ᬓᬧᬸᬭᬧᬸᬭ᭞ᬓᬤᬍᬫ᭄ᬓᬳᬸᬮᬸᬦ᭄ᬲ᭄ᬯᬶ᭞ᬬᬤ᭄ᬬᬦ᭄ᬧᬸᬭᬤᬾᬰ᭞ᬫ
[᭑᭑ 11A]
ᬓᬤᬶᬱᬤ᭄ᬓᬳ᭄ᬬᬗᬦ᭄᭞ᬲᬫᬶᬧᬥᬫᬗᬶᬮᬶᬗᬶᬦ᭄᭞ᬳᬫᭀᬂᬳᬫᭀᬗᬦ᭄᭞ᬕᭂᬦᬄᬧᬘᬂᬫᬪᬓ᭄ᬢᬶ᭟᭔᭑᭟ᬬᬦᬶᬂᬩᬦ᭄ᬢᭂᬦ᭄ᬲᬦᬾᬫᬸᬗ᭄ᬕᬄᬭᬶᬂᬓᬳ᭄ᬬᬗᬦ᭄᭞
ᬢᬸᬫ᭄ᬧᭂᬂᬧᬜᬚᬦ᭄ᬲᬫᬶ᭞ᬧᬶᬦᭂᬓ᭄ᬯᬯᬦᬸᬮᬦ᭄᭞ᬳᬚᬸᬫᬜ᭄ᬘᬦᬭᬓ᭞ᬲᭂᬥᬄᬯᭀᬄᬯᬗᬶᬯᬗᬶ᭞ᬲᬳᬤᬸᬮᬸᬭᬦ᭄᭞ᬳᬲᭂᬧ᭄ᬫᭂᬜᬦ᭄ᬳᬱ᭄ᬝᬗ᭄ᬕᬶ᭟᭔᭒᭟ᬫᬗᬸ
ᬗ᭄ᬕᬳᬂᬯᬲᬸᬄᬧᬤᬬᬾᬄᬓᬸᬫ᭄ᬓᬸᬫᬦ᭄᭞ᬢᬶᬃᬢ᭄ᬣᬫᬗ᭄ᬕᬾᬫᬓᭂᬢᬶᬲ᭄᭞ᬗ᭄ᬳᬶᬂᬫᬗ᭄ᬤᬧᬭᬤᬂ᭞ᬢᬶᬗ᭄ᬓᬳᬾᬫᬳᬢᬸᬭᬦ᭄᭞ᬩᬦᬾᬦ᭄ᬩᬚᭂᬕ᭄ᬲᬹᬃᬬ᭄ᬬᬲᬫᬶ᭞ᬲᬸᬩᬧ᭄ᬭᬕᬢ᭄᭞
ᬫᬗ᭄ᬮᬬᬸᬩ᭄ᬫᬗ᭄ᬤᬲᭂᬮᬶᬤ᭄᭟᭔᭓᭟ᬓᬧᬵᬢᬹᬢᬦ᭄ᬳᬶᬭᬕᬦᬸᬚᬸᬕᬮᬸᬗᬦ᭄᭞ᬲᭂᬫᭂᬂᬫᬳᭂᬦᬶᬂᬳᭂᬦᬶᬂ᭞ᬧᬭᬤᬂᬓᬢᬸᬓᬤ᭄᭞ᬗ᭄ᬮᬯᬸᬢ᭄ᬮᬯᬸᬢ᭄ᬓᬕ᭄ᬭᬶᬬ᭞ᬧᬋᬓ᭄ᬭᬶᬂ [ 12 ][᭑᭑ 11B]
᭑᭑
ᬧᬭᬲᬸᬮᬶᬗ᭄ᬕᬶᬄ᭞ᬫᬦᬸᬦᬲ᭄ᬢᬶᬃᬢ᭄ᬣ᭞ᬳᬗ᭄ᬕᭀᬧᬘᬂᬜᬶᬭᬢᬶᬦ᭄᭟᭔᭔᭟ᬲᬸᬩᬢᭂᬓᭂᬤ᭄ᬤᬾᬯᬾᬓᬾᬚᬸᬫᬄᬫᬧᬬᬲ᭄᭞ᬮᬯᬸᬢ᭄ᬦᬩ᭄ᬤᬩᬂᬳᬧᬶ᭞ᬓᬲᬗ᭄ᬕᬄᬫᬢᬸ
ᬭᬦ᭄᭞ᬲᬸᬩᬲᬸᬯᬸᬤ᭄ᬗᬬᬩᬂ᭞ᬫᬗ᭄ᬮᬯᬸᬢ᭄ᬤᬶᬢᬸᬫᬪᬓ᭄ᬢᬶ᭞ᬗᬶᬱ᭄ᬝᬶᬬᬂᬳᬶᬤ᭞ᬪᬝᬵᬭᬢ᭄ᬭᬶᬫᬹᬃᬢ᭄ᬣᬶ᭟᭔᭕᭟ᬫᬧᬶᬦᬸᬦᬲ᭄ᬓᬲᬥ᭄ᬬᬦ᭄ᬫ᭄ᬯᬂᬤᬶᬃᬖᬬᬸᬱ᭞ᬢᬦ᭄ᬓᬢᬫᬦᬶᬂᬕ᭄ᬭᬶᬂ᭞ᬦᬾ
ᬦ᭄ᬢᭂᬦ᭄ᬓᬲᭂᬗ᭄ᬓᬮ᭞ᬳᬦ᭄ᬢᬸᬓ᭄ᬱᬂᬓᬮᬢᬶᬕ᭞ᬓᬾᬢᭀᬢᬸᬚᬸᬯᬂᬳᬸᬢ᭄ᬧ᭄ᬢᬶ᭞ᬫᬤᬓ᭄ᬓᬲ᭄ᬯᬾᬘ᭄ᬙᬦ᭄᭞ᬓᬮᬶᬗ᭄ᬕᬶᬳᬦ᭄ᬩᬵᬦ᭄ᬯᬶᬥᬶ᭟᭔᭖᭟ᬩ᭄ᬯᬶᬦ᭄ᬦᬸᬚᬸᬭᬤᬶᬢᬾᬯᬕᬾᬓᬸᬦᬶ
ᬗᬦ᭄᭞ᬧᬸᬦᬶᬓᬓᬳᬤᬦᬶᬦ᭄᭞ᬫᬤᬦ᭄ᬧᬫᬭᬶᬤᬦ᭄᭞ᬕᬸᬭᬸᬲᬦᬾᬓᬳᬸᬘᬧ᭄᭞ᬢᭂᬕᭂᬲ᭄ᬳᬶᬧᬸᬦ᭄ᬲᬧᬸᬦᬶᬓᬶ᭞ᬲᬂᬧᬭᬤᬾᬯ᭞ᬫᬦ᭄ᬢᬸᬓ᭄ᬫᬢᬶᬗ᭄ᬕᬮ᭄ᬲᬫᬶ᭟᭔᭗᭟
[᭑᭒ 12A]
ᬫᬧᬳᬶᬘ᭄ᬙᬓᬭᬳᬬ᭄ᬯᬦ᭄ᬓᬤᬶᬃᬖᬬᬸᬱᬦ᭄᭞ᬭᬶᬂᬫᬵᬦᬸᬱᬦᬾᬲᬫᬶ᭞ᬧᬸᬦᬶᬓᬳᬯᬦᬦ᭄᭞ᬧᬵᬢᬹᬢ᭄ᬫᬗᬶᬦ᭄ᬓᬶᬦ᭄ᬭᬕ᭞ᬫᬢᬶᬃᬢ᭄ᬣᬫᬳᭂᬦᬶᬂᬳᭂᬦᬶᬂ᭞ᬤᬶᬦᬵᬧᬸᬦᬶᬓ᭞ᬫᬢᬸ
ᬭᬦ᭄ᬯᬗᬶᬯᬗᬶ᭟᭔᭘᭟ᬭᬓᬓᬶᬸᬭᬓᬘᬦᬂᬭᬸᬦ᭄ᬢᬸᬢᬦ᭄ᬳᬦᬫᬦ᭄᭞ᬫᬓᬢᬍᬤ᭄ᬗᬪᬓ᭄ᬢᬶ᭞ᬭᬶᬂᬲᬗ᭄ᬕᬄᬓᭂᬫᬸᬮᬦ᭄᭞ᬲᬸᬰ᭄ᬭᬸᬱᬓᬢᭂᬓᬾᬂᬢ᭄ᬬᬲ᭄᭞ᬫᬦᬢᬓ᭄ᬱᬯᬾ
ᬘ᭄ᬙᬦ᭄ᬯᬶᬥᬶ᭞ᬦᬸᬦᬲ᭄ᬓᭂᬭᬳᬬᭀᬦ᭄᭞ᬮᬸᬓᬢ᭄ᬧᬧᬤᬸᬲ᭄ᬓᬺᬢᬶ᭟᭔᭙᭟ᬘᭀᬫᬓ᭄ᬮᬶᬯᭀᬦ᭄ᬓᬸᬦᬶᬗᬦ᭄ᬧᬸᬦᬶᬓᬫᬯᬵᬱ᭄ᬝ᭞ᬳᬸᬓᬸᬫ᭄ᬓᬲᬫ᭄ᬩᬢ᭄ᬫᬗ᭄ᬓᬶᬦ᭄᭞ᬫᬵᬤᬦ᭄ᬧᬫ
ᬘᭂᬓᬦ᭄᭞ᬳᬕᬸᬂᬲᬦᬾᬓᬲᬫ᭄ᬩᬢ᭄᭞ᬧᬵᬢᬹᬢ᭄ᬳᬶᬭᬕᬗᬃᬬ᭄ᬬᬦᬶᬦ᭄᭞ᬭᬶᬂᬲᬦ᭄ᬤᬶᬓᬮ᭞ᬭᬶᬂᬤᭂᬗᭂᬦ᭄ᬧᬶᬢᭀᬯᬲᬶᬦ᭄᭟᭕᭐᭟ᬦᬾᬫᬯᬱ᭄ᬝᬧᬶᬲᬸᬕᬸᬄᬳᬕᬸᬂᬧᬸᬦᬶᬓ᭞ [ 13 ][᭑᭒ 12B]
᭑᭒
ᬳᬬᬫ᭄ᬩ᭄ᬭᬸᬫ᭄ᬩᬸᬦ᭄ᬳᬲᬶᬓᬶ᭞ᬫᬲᬫ᭄ᬩ᭄ᬮᬾᬄᬳᬶᬭᬶᬓ᭞ᬢᭂᬕᭂᬲ᭄ᬳᬶᬧᬸᬦᬾᬓᭀᬘᬧ᭄᭞ᬓ᭄ᬦᬶᬫᬸᬦ᭄ᬤᬸᬃᬲᬋᬂᬲᬫᬶ᭞ᬳᬶᬪᬸᬢᬓᬮ᭞ᬲᬳᬯᬤ᭄ᬯᬫᬗᬶᬭᬶᬂ᭟᭕᭑᭟ᬩᬸᬤᬧᬳᬶᬂᬓᬸᬦᬶ
ᬗᬦ᭄ᬯᬮᬶᬦ᭄ᬪᬝᬵᬭ᭞ᬯᬶᬱ᭄ᬡᬸᬓᬳᬸᬘᬧ᭄ᬯ᭄ᬬᬓ᭄ᬢᬶ᭞ᬧᬵᬢᬹᬢ᭄ᬫᬗᬺᬥᬦ᭞ᬳᬶᬤᬭᬶᬂᬧᬳᬶᬩᭀᬦᬦ᭄᭞ᬫᬗᬢᬸᬭᬂᬯᬗᬶᬯᬗᬶ᭞ᬲᭂᬤ᭄ᬥᬄᬳᬶᬗᬧᭀᬦ᭄᭞ᬳᬶᬚᭀᬓᬮᬯᬦ᭄ᬧᬸ
ᬢᬶᬄ᭟᭕᭒᭟ᬲᬳᬢᬸᬫ᭄ᬧᭂᬂᬳᬶᬋᬂᬧᬸᬦᬶᬓᬳᬢᬸᬭᬂ᭞ᬤᬸᬮᬸᬭᬶᬦ᭄ᬧᬗᬪᬓ᭄ᬢᬶ᭞ᬦᬸᬦᬲ᭄ᬓᬲᬸᬯᬾᬘ᭄ᬙᬦ᭄᭞ᬳᬲᬶᬂᬲᬥ᭄ᬬᬜᬥ᭄ᬬᬬᬂ᭞ᬫᬶᬦᬓᬤᬶᬦ᭄ᬳᬶᬧᬸᬦ᭄ᬫᬮᬶᬄ᭞
ᬲᬫᬗ᭄ᬤᬲᬶᬤ᭄ᬥ᭞ᬮᬾᬤᬂᬳᬶᬤᬲᬂᬗᬃᬤ᭄ᬥᬶ᭟᭕᭓᭟ᬰᬦᬶᬲ᭄ᬘᬭᬓ᭄ᬮᬶᬯᭀᬦ᭄ᬓᬸᬦᬶᬗᬦ᭄ᬧᬸᬦᬶᬓ᭞ᬳᬶᬭᬶᬓᬵᬓᬸᬘᬧ᭄ᬫᬮᬶᬄ᭞ᬢᬸᬭᬸᬦ᭄ᬧᬭᬤᬾᬯ᭞ᬫᬓᬤᬶᬲᬂ
[᭑᭓ 13A]
ᬧᬶᬢᬭ᭞ᬗᭀᬚᭀᬕ᭄ᬭᬶᬂᬓᬳ᭄ᬬᬗᬦ᭄ᬲᬫᬶ᭞ᬫᬲᬸᬓᬦ᭄ᬲᬸᬓᬦ᭄᭞ᬫᬸᬧᬸᬲᬭᬶᬦᬶᬂᬕᬸᬫᬶ᭟᭕᭔᭟ᬫᬳᬯᬶᬦᬦ᭄ᬲᬋᬂᬲᬫᬶᬫᬳᬢᬸᬭᬦ᭄᭞ᬩᬦ᭄ᬢᭂᬦ᭄ᬫ᭄ᬯᬤᬄᬲᬸ
ᬮᬗ᭄ᬕᬶ᭞ᬢᭀᬩᭀᬕ᭄ᬦᬾᬳᬕᭂᬗᬦ᭄᭞ᬫᬤᬸᬮᬸᬃᬘᬦᬂᬭᬓ᭞ᬧᬲᬸᬘ᭄ᬬᬦ᭄ᬮᬦ᭄ᬯᬗᬶᬯᬗᬶ᭞ᬳᬶᬘᬦᬂᬲᭂᬓᬃ᭞ᬧᬸᬦᬶᬓᬦᬾᬢᬦ᭄ᬫᬭᬶ᭟᭕᭕᭟ᬭᬶᬂᬢᬺᬢᭂᬧᬦ᭄ᬫᬓᬃᬬ᭄ᬬ
ᬕᬦ᭄ᬢᬸᬂᬕᬦ᭄ᬢᬸᬗᬦ᭄᭞ᬫᬳᬾᬦ᭄ᬤᭀᬗᬦ᭄ᬓᬓᬮᬶᬄ᭞ᬤᬕᬶᬂᬍᬩᭂᬂᬫᬢᬄ᭞ᬢᬫ᭄ᬬᬂᬓᬮᬶᬄᬘᬦ᭄ᬤᬶᬕ᭞ᬳᬸᬩᬶᬓ᭄ᬮᬤᬶᬓᬤᬕᬶᬗᬶᬦ᭄᭞ᬢᬸᬚ᭄ᬯᬦ᭄ᬧᬸᬦᬶᬓ᭞ᬓᬵᬢᬹᬃᬭᬶᬂᬲᬗ᭄ᬳ᭄ᬬᬂᬯᬶᬤ᭄ᬥᬶ᭟
᭕᭖᭟ᬫᬶᬦᬓᬤᬶᬭᬶᬂᬳᬶᬤᬤᬾᬯᬧᬶᬢᬭ᭞ᬲᬫᬗ᭄ᬤᬲ᭄ᬯᬾᬘ᭄ᬙᬳᬸᬕᬶ᭞ᬦᬶᬗ᭄ᬕᬮᬂᬓᬲᬶᬥ᭄ᬬᬦ᭄᭞ᬗᬶᬘ᭄ᬙᬾᬦ᭄ᬓᬫᬺᬢᬦᬶᬂᬚᬕᬢ᭄᭞ᬭᬶᬂᬧᬭᬫᬦᬸᬱᬲᬫᬶ᭞ᬓᬤᬶᬃᬕ᭄ᬖᬬᬸᬱᬦ᭄᭞ [ 14 ][᭑᭓ 13B]
᭑᭓
ᬲᬲ᭄ᬯᬢᬦᬶᬂᬤᬸᬫᬤᬶ᭟᭕᭗᭟ᬲᬦᬾᬭᬶᬂᬲᭀᬃᬭᬶᬦᬢᬭᬶᬂᬧᬭᬶᬳ᭄ᬬᬗᬦ᭄᭞ᬢᬍᬃᬧᬵᬢᬹᬢ᭄ᬓᬃᬤ᭄ᬥᬶᬦᬶᬦ᭄᭞ᬧᬲᬸᬕᬸᬄᬲᬳᬕᬦ᭄᭞ᬩᬺᬫ᭄ᬢᬸᬯᬓ᭄ᬢᬩᬸᬳᬂ᭞ᬳᬧᬶᬤᬶᬲᬫ᭄ᬩᬸᬓ᭄
ᬢᬦ᭄ᬫᬭᬶ᭞ᬬᬦᬶᬂᬳᬶᬭᬕ᭞ᬧᬵᬢᬹᬢ᭄ᬢᬍᬃᬫᬩᬺᬲᬶᬄ᭟᭕᭘᭟ᬲᬳᬦᬢᬩ᭄ᬲᬫᬬᬸᬢ᭄ᬧ᭄ᬭᬬᬰ᭄ᬘᬶᬢ᭄ᬢ᭞ᬫᬳᬸᬮᬫ᭄ᬩᬾᬩᬾᬓ᭄ᬧᬸᬢᬶᬄ᭞ᬬᬦᬶᬂᬬᬦ᭄ᬓᬲᬶᬤ᭄ᬥᬦ᭄᭞ᬧᬜᭂ
ᬦᭂᬗᬾᬭᬸᬦ᭄ᬢᬸᬢᬂ᭞ᬢᭂᬕᭂᬲ᭄ᬳᬶᬧᬸᬦ᭄ᬓᭂᬦᬶᬲᬸᬘᬶ᭞ᬳᬶᬰᬭᬶᬭᬯᬵᬳ᭄ᬬ᭞ᬦᬢᬓ᭄ᬧᬳᬶᬘ᭄ᬙᬦ᭄ᬯᬶᬥᬶ᭟᭕᭙᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟ᬲ᭄ᬫᬭᬦ᭄ᬤᬦᬫᬜᬫ᭄ᬩᬸᬗᬶᬦ᭄᭞ᬳ
ᬗ᭄ᬕᬾᬦ᭄ᬢᬶᬢ᭄ᬬᬂᬫᬦᬸᬢᬸᬭᬂ᭞ᬩᬸᬤᬓ᭄ᬮᬶᬯᭀᬦ᭄ᬧᬳᬂᬋᬓᭀ᭞ᬓᬶᬦᬸᬘᬧ᭄ᬧᭂᬕᬢᬶᬂᬯᬭᬄ᭞ᬧᬵᬢᬹᬢ᭄ᬗᬃᬤ᭄ᬥᬶᬓᬥᬃᬫ᭄ᬫᬦ᭄᭞ᬲᬫᬶᬫᬗᬶᬦᭂᬗᬂᬓᬳ᭄ᬬᬸᬦ᭄᭞ᬲᬳ
[᭑᭔ 14A]
ᬫᬓᬃᬬ᭄ᬬᬳᬢᬸᬭᬦ᭄᭟᭑᭟ᬫᬩᬩᬦ᭄ᬢᭂᬦ᭄ᬯᬗᬶᬯᬗᬶ᭞ᬢᬤᬄᬧᬯᬶᬢ᭄ᬭᬮᬜ᭄ᬘᬦᬂ᭞ᬳᬘᭂᬧ᭄ᬢᬸᬚᬸᬯᬦᬾᬳᭂᬦ᭄ᬢᭀ᭞ᬓᬵᬢᬸᬃᬭᬶᬂᬳᬶᬤᬳ᭄ᬬᬂᬢᬸᬗ᭄ᬕᬮ᭄᭞ᬲᬫᬬᬸᬢ᭄
ᬤᬶᬃᬕ᭄ᬖᬬᬸᬱ᭞ᬧᬜᭂᬦᭂᬂᬫᬓᬵᬤᬶᬦ᭄ᬳᬶᬧᬸᬦ᭄᭞ᬫᬵᬢᬸᬭᬦ᭄ᬤᬶᬓᬫᬶᬫᬶᬢᬦ᭄᭟᭒᭟ᬳᬯᬦᬦ᭄ᬤᬶᬢᬸᬳᬲ᭄ᬢᬶᬢᬶ᭞ᬳᭂᬦᬶᬗᬂᬳᬶᬥᭂᬧᬾᬦᬸᬦᬲ᭄᭞ᬲᬫᬗ᭄ᬤᬓᬲᬶᬤ᭄ᬥᬦᬶᬂᬤᭀᬦ᭄᭞
ᬲᬓᬶᬢᬓᬵᬋᬧ᭄ᬓᬲᬶᬤ᭄ᬥᬦ᭄᭞ᬳᬧᬦ᭄ᬳᬶᬤᬳ᭄ᬬᬂᬢᬸᬗ᭄ᬕᬮ᭄᭞ᬧᬫᬸᬧᬸᬢ᭄ᬯᬭᬳᬾᬤᬶᬢᬸ᭞ᬤᬶᬩᬸᬤᬓ᭄ᬮᬶᬯᭀᬦ᭄ᬧᬳᬂ᭟᭓᭟ᬤᬶᬦᬸᬚᬸᬰᬸᬓ᭄ᬭᬳᬸᬫᬦᬶᬲ᭄᭞ᬯᬭᬫᬺᬓᬶᬳᬾᬓ
ᬳᬸᬘᬧ᭄᭞ᬧᬹᬚᬯᬮᬶᬓᭀᬘᬧ᭄ᬳᭂᬦ᭄ᬢᭀ᭞ᬪᬝᬵᬭᬭᬫ᭄ᬩᬸᬢ᭄ᬲᬥᬦ᭞ᬧᬵᬢᬹᬢ᭄ᬳᬶᬤᬳᬲ᭄ᬣᬯ᭞ᬤᬶᬳᭂᬫᬲ᭄ᬧᬶᬧᬶᬲᬾᬢᬸᬚᬸ᭞ᬫᬓᬤᬶᬭᬶᬂᬲᬃᬯ᭄ᬯᬫᬸᬮ᭄ᬬ᭟᭔᭟ᬫᬳᬢᬸᬭᬦ᭄ᬩ [ 15 ][᭑᭔ 14B]
᭑᭔
ᬦ᭄ᬢᭂᬦ᭄ᬲᬸᬘᬶ᭞ᬧ᭄ᬭᬲ᭄ᬤᬓ᭄ᬱᬶᬦᬫ᭄ᬯᬂᬳᬚᬸᬫᬦ᭄᭞ᬲᭀᬤᬬᬦ᭄ᬓᬸᬢᬶᬓᬓᭀᬘᭀᬃ᭞ᬘᭂᬘᭂᬧᬦ᭄ᬫᬢᭀᬬᬳᬜᬃ᭞ᬮᬯᬸᬢ᭄ᬓᭂᬢᬶᬲᬶᬦ᭄ᬢᬶᬃᬢ᭄ᬣ᭞ᬫᬧᬶᬦᬸᬦᬲ᭄ᬫᬗ᭄ᬤᬯᬾᬪᬸᬄ᭞ᬢ᭄ᬯᬭ
ᬓᬸᬯᬂᬓᬲᬸᬕᬶᬳᬦ᭄᭟᭕᭟ᬲᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯ᭄ᬬᬓ᭄ᬢᬶ᭞ᬭᬶᬂᬦᬸᬚᬸᬳᬸᬬᬾᬳᬸᬓᬸᬦ᭄ᬜ᭞ᬳᭀᬢᭀᬦ᭄ᬲᬃᬯ᭄ᬯᬳᬶᬗᭀᬦ᭄ᬳᬶᬗᭀᬦ᭄᭞ᬢᬸᬫ᭄ᬧᭂᬓ᭄ᬓᬦ᭄ᬥᬂᬢᭀᬓᬲᬫ᭄ᬩᬢ᭄᭞
ᬤᬶᬲᬗ᭄ᬕᬄᬫᬳᬢᬸᬭᬦ᭄᭞ᬧ᭄ᬭᬲ᭄ᬧᭂᬜᭂᬦᭂᬂᬲᬸᬘᬶᬓᬵᬢᬹᬃ᭞ᬩᬸᬭᬢ᭄ᬯᬗᬶᬘᬦᬂᬲᭂᬓᬃ᭟᭖᭟ᬲᬦᬾᬳᬘᭂᬧᬂᬳᬲ᭄ᬢᬶᬢᬶ᭞ᬪᬓ᭄ᬢᬶᬦᬶᬦ᭄ᬕᭂᬦᬄᬫᬢᬸᬭᬦ᭄᭞ᬳᬶᬤᬲᬗ᭄ᬳ᭄ᬬᬂᬭ
ᬭᬾᬳᬗᭀᬦ᭄᭞ᬳᬶᬤᬦᬾᬫᬗ᭄ᬕᬳᬸᬢ᭄ᬣᬫ᭞ᬬᬦ᭄ᬲᬹᬓ᭄ᬱ᭄ᬫᬭᬶᬂᬫᬦᬸᬱ᭞ᬲᬗ᭄ᬳ᭄ᬬᬂᬭᬭᬾᬓ᭄ᬭᬶᬜ᭄ᬘᬶᬳᬶᬓᬸ᭞ᬳ᭄ᬬᬂᬦᬶᬂᬧᬦᭀᬦᬶᬂᬫᬵᬦᬸᬱ᭟᭗᭟ᬩᬦ᭄ᬢᭂᬦᬾ
[᭑᭕ 15A]
ᬳᬗ᭄ᬕᬾᬦ᭄ᬗᬬᬩᬶᬦ᭄᭞ᬲᬓᬮ᭄ᬯᬶᬭᬶᬂᬧᬝᬶᬓᬯᭂᬦᬂ᭞ᬓᬸᬤᬩᬦ᭄ᬢᬾᬂᬫᬶᬯᬄᬓᭂᬩᭀ᭞ᬧᬵᬢᬹᬢ᭄ᬚ᭄ᬭᬶᬫ᭄ᬧᭂᬦ᭄ᬫᬓᬃᬬ᭄ᬬᬦᬂ᭞ᬧᬜᭂᬦᭂᬂᬭᬭᬲᬶᬓᬦ᭄᭞ᬲᬫᬬᬸᬢ᭄ᬢᬸᬫ᭄ᬧᭂᬂᬫ
ᬮᬸᬃ᭞ᬘᬦᬂᬫᬶᬯᬄᬭᬓᬭᬓ᭟᭘᭟ᬬᬦ᭄ᬩᬦ᭄ᬢᭂᬦ᭄ᬭᬶᬂᬩᬯᬶᬫ᭄ᬯᬦᬶ᭞ᬓᭂᬦᬶᬫᬗᬗ᭄ᬕᬾᬩᬸᬮᬬᬕ᭄᭞ᬫᬶᬦᬓᬤᬶᬦ᭄ᬳᬶᬧᬸᬦ᭄ᬧᬾᬲᭀᬃ᭞ᬬᬦ᭄ᬩᬯᬶᬮᬸᬯᬓᬳᬸᬘᬧ᭄᭞ᬧᬵᬢᬹᬢ᭄ᬗᬗ᭄ᬕᬾ
ᬓᬢᬶᬧᬢ᭄᭞ᬩᬮᬾᬓᭀᬓ᭄ᬲᬦᬾᬓᬯᬸᬯᬸᬲ᭄᭞ᬧᬸᬦᬶᬓᬳᬗ᭄ᬕᬾᬳᭀᬢᭀᬦᬦ᭄᭟᭙᭟ᬬᬦ᭄ᬧᬘᬂᬭᬶᬂᬲᬃᬯ᭄ᬯᬯᬓ᭄ᬱᬶ᭞ᬧᬵᬢᬹᬢ᭄ᬓᬢᬶᬧᬢ᭄ᬰ᭄ᬭᬶᬩᬕ᭄ᬬ᭞ᬓᬢᬶ
ᬧᬢ᭄ᬧᬡ᭄ᬥᬯᬤᬤᭀᬲ᭄᭞ᬫ᭄ᬯᬂᬓᬢᬶᬧᬢ᭄ᬲᬶᬤ᭄ᬥᬧᬹᬃᬡ᭄ᬦ᭞ᬤᬸᬮᬸᬃᬓᭂᬫ᭄ᬩᬂᬧᬳᬾᬲᬦ᭄᭞ᬫᬓᬤᬶᬦ᭄ᬜᬫᬢᬢᭂᬩᬸᬲ᭄᭞ᬲᬧᬸᬦᬶᬓᬓᬧᬵᬢᬹᬢᬦ᭄᭟᭑᭐᭟ [ 16 ][᭑᭕ 15B]
᭑᭕
ᬬᬦ᭄ᬦᬸᬚᬸᬋᬤᬶᬢᬾᬯ᭄ᬬᬓ᭄ᬢᬶ᭞ᬯᬕᬾᬳᬸᬓᬸᬦ᭄ᬳᬶᬧᬸᬦ᭄ᬯᬬᬂ᭞ᬧᬸᬦᬶᬓᬓᬳᬸᬘᬧᬺᬓᭀ᭞ᬘᭂᬫᭂᬃᬓᬯᬱ᭄ᬝᬦᬶᬦ᭄ᬤᬶᬦᬵ᭞ᬧᬢᭂᬫᬸᬦ᭄ᬲᬂᬲᬶᬦ᭄ᬢᬯᬬᬂ᭞ᬦᬾᬦ᭄ᬢᭂᬦ᭄ᬧᬵᬢᬹᬢ᭄ᬧᬘᬂᬢᬸᬯᬸᬢ᭄᭞
ᬳᬗ᭄ᬕᬾᬦ᭄ᬤᬶᬦᬵᬦ᭄ᬮᬳᬶᬦ᭄ᬭᬕ᭟᭑᭑᭟ᬬᬦ᭄ᬫᬸᬗ᭄ᬕᬸᬄᬤᬶᬓᭂᬘᬧ᭄ᬳᬚᬶ᭞ᬬᬦ᭄ᬗᬗ᭄ᬕᬾᬤᬶᬦᬵᬧᬸᬦᬶᬓ᭞ᬓᬲᬫ᭄ᬩᬢ᭄ᬩᬗᭂᬢ᭄ᬓᬤᭀᬗ᭄ᬲᭀᬓ᭄᭞ᬧᬸᬦᬄᬕᬸᬡᬦᬶᬂᬰᬭᬶᬭ᭞ᬳᬧᬦ᭄ᬤᬶ
ᬦᬵᬦᬾᬳᬮ᭞ᬓᬦ᭄ᬢᭀᬲ᭄ᬰᬸᬓ᭄ᬭᬯᬕᬾᬦ᭄ᬳᬶᬧᬸᬦ᭄᭞ᬓᬯᬱ᭄ᬝᬦᬶᬂᬳᬮᬧᬓ᭄ᬱ᭟᭑᭒᭟ᬭᬶᬂᬢᭀᬬᬓᬢᬫᬦ᭄ᬲᬫᬶ᭞ᬍᬢᭂᬳᬶᬂᬰᬸᬓ᭄ᬭᬧᬸᬦᬶᬓ᭞ᬳᬯᬦᬦ᭄ᬧᬵᬢᬹᬢᬾᬋᬓᭀ᭞
ᬳᬶᬭᬕᬫᬲᭂᬓᬃᬧᬦ᭄ᬤᬦ᭄᭞ᬫᬲᬲᭂᬮᬢ᭄ᬯᬵᬱ᭄ᬝᬦ᭄ᬜ᭞ᬭᬶᬂᬳᬸᬮᬸᬦ᭄ᬳᬢᬶᬦᬾᬳᬧᬸᬄ᭞ᬫᬘᭀᬮᬾᬓᬂᬢᬫ᭄ᬧᬓ᭄ᬤᬭ᭟᭑᭓᭟ᬭᬶᬂᬳᬸᬫᬄᬭᬶᬂᬧᬩ᭄ᬯᬦ᭄ᬫᬮᬶᬄ᭞ᬭᬶᬂᬧ
[᭑᭖ 16A]
ᬲ᭄ᬯᬳᬦ᭄ ᬧᬸᬮᬸᬦ᭄ᬩᭂᬭᬲ᭄᭞ᬫᬓᬤᬶᬦ᭄ᬜᬭᬶᬂᬧᬢᬸᬭᭀᬦ᭄᭞ᬭᬶᬂᬚᭂᬤᬶᬂᬧᬕᭂᬦᬳᬦ᭄ᬢᭀᬬ᭞ᬲᬫᬶᬫᬤᬕᬶᬂᬧᬦ᭄ᬥᬦ᭄᭞ᬫᬲᬲᬸᬯᬸᬓ᭄ᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬭᬶᬂᬩᬾᬜ᭄ᬚᬂᬲᭂᬫᭂᬂᬧᬸᬦᬶᬓ᭟᭑᭔᭟
ᬲᬲᬸᬳᬸᬓᬾᬫᬓᬲᬫᬶ᭞ᬧᬵᬢᬹᬢ᭄ᬫᬤᬸᬤᬸᬓ᭄ᬧᬸᬦ᭄ᬤᬸᬳᬂ᭞ᬫᬗ᭄ᬭᬭᬶᬲ᭄ᬲᬦᬾᬭᬶᬂᬧᬳᭀᬦ᭄᭞ᬫᬢᬢᬓᬶᬦ᭄ᬲᬶᬤᬶᬗᬸᬢᬂ᭞ᬫᬤᬸᬮᬸᬭᬦ᭄ᬲᬳᬕᬦ᭄᭞ᬲᬳᬕᭂᬦᬶ
ᬦᬾᬭᬶᬂᬲᬫ᭄ᬩᬸᬓ᭄᭞ᬫᬲᬲᬧᬦ᭄ᬗᬸᬢᬂᬯᬶᬕ᭄ᬦ᭟᭑᭕᭟ᬭᬶᬂᬢᬸᬫ᭄ᬧᭂᬓ᭄ᬯᬬᬗᬾᬯ᭄ᬬᬓ᭄ᬢᬶ᭞ᬧᬹᬚᬯᬮᬶᬦ᭄ᬳ᭄ᬬᬂᬳᬶᬰ᭄ᬯᬭ᭞ᬭᬶᬂᬲᬃᬯ᭄ᬯᬕᬫ᭄ᬩᭂᬮᬦ᭄ᬕᭀᬂ᭞ᬕᬫ᭄ᬩᬂᬲ᭄ᬫᬭᬧᬕᬸᬮᬶ
ᬗᬦ᭄᭞ᬕᭂᬦ᭄ᬤᬾᬃᬲᬮ᭄ᬯᬶᬃᬢᬩᬸᬳᬦ᭄᭞ᬳᬶᬭᬶᬓᬕᭂᬦᬳᬾᬧᬵᬢᬹᬢ᭄᭞ᬫᬗᬺᬥᬦᬳ᭄ᬬᬂᬳᬶᬰ᭄ᬯᬭ᭟᭑᭖᭟ᬳᬸᬢ᭄ᬢᬫᬫᬩᬦ᭄ᬢᭂᬦ᭄ᬲᬸᬘᬶ᭞ᬳᬚᭂᬗᬦ᭄ᬳᬶᬲᭂᬳᬦ᭄ᬧ᭄ᬭᬲ᭄᭞ [ 17 ][᭑᭖ 16B]
᭑᭖
ᬫᬕᬸᬮᬶᬂᬩᬾᬩᬾᬓᬾᬍᬧᭀᬃ᭞ᬲᬳᬫᬭᬸᬦ᭄ᬢᬸᬢᬜ᭄ᬘᬦᬂ᭞ᬫᬓᬤᬶᬓ᭄ᬭᬶᬓ᭄ᬓ᭄ᬭᬫᬲ᭄᭞ᬭᬓᬭᬓᬲᬳᬧᬗ᭄ᬕᬸᬄ᭞ᬳᬗ᭄ᬕᬾᬗᬬᬩᬶᬦ᭄ᬕᬫ᭄ᬩᭂᬮᬦ᭄᭟᭑᭗᭟ᬳᬶᬭᬕᬫᬦᬸ
ᬱᬲᬫᬶ᭞ᬧᬵᬢᬹᬢ᭄ᬢᬍᬃᬫᬢᬢᭂᬩᬶᬸᬮᬄ᭞ᬫᬗᬶᬲᬶᬬᬂᬓᬭᬳᬬᭀᬦ᭄᭞ᬫᬲᬶᬲᬶᬕ᭄ᬫᬵᬫ᭄ᬩᬸᬄᬫᬲᬶᬭᬫ᭄᭞ᬓᬕ᭄ᬭᬶᬬᬦᬸᬦᬲ᭄ᬢᬶᬃᬢ᭄ᬣ᭞ᬬᬦ᭄ᬓᬲᬶᬤ᭄ᬥᬦ᭄ᬦᬢᬩ᭄ᬮᬯᬸᬢ᭄᭞ᬧᬜᭂ
ᬦᭂᬂᬮᬦ᭄ᬧ᭄ᬭᬬᬲ᭄ᬘᬶᬢ᭟᭑᭘᭟ᬲᬧᬸᬦᬶᬓᬢᬶᬗ᭄ᬓᬄᬲ᭄ᬣᬢᬶ᭞ᬗᬶᬱ᭄ᬝᬶᬬᬂᬭᬕᬰᬭᬷᬭ᭞ᬲᬫᬗ᭄ᬤᬓᬢᭂᬓᬾᬂᬳᭂᬤᭀᬦ᭄᭞ᬲᬶᬤ᭄ᬥᬫᬗ᭄ᬕᬸᬄᬓᬫᭀᬢ᭄ᬢᬫᬦ᭄᭞ᬭᬶᬂᬚ᭄ᬜᬡᬯᬶᬰᬾᬱ᭞
ᬲᬓᬤᬶᬲᬦᬾᬳᬸᬫᬸᬗ᭄ᬕᬸᬄ᭞ᬓᬓᭂᬘᬧ᭄ᬲᬗ᭄ᬳ᭄ᬬᬂᬳᬓ᭄ᬱᬭ᭟᭑᭙᭟ᬦᬸᬚᬸᬲᬦᬶᬱ᭄ᬘᬭᬫᬦᬶᬲ᭄᭞ᬯᬢᬸᬕᬸᬦᬸᬗᬾᬓᬳᬸᬘᬧ᭄᭞ᬧᬹᬚᬯᬮᬶᬦ᭄ᬳᬶᬤᬋᬓᭀ᭞ᬲᬗ᭄ᬳ᭄ᬬᬂ
[᭑᭗ 17A]
ᬲᬭᬰ᭄ᬯᬢᬶᬓᭀᬘᬧ᭄᭞ᬧᬵᬢᬹᬢ᭄ᬳᬶᬧᬸᬦ᭄ᬳᬶᬭᬕ᭞ᬗᬲ᭄ᬣᬢᬶᬫᬦᬸᬦᬲ᭄ᬲᬥ᭄ᬬ᭞ᬳᬸᬢ᭄ᬧ᭄ᬢᬶᬭᬶᬂᬮᭀᬦ᭄ᬢᬃᬮᭀᬦ᭄ᬢᬃ᭟᭒᭐᭟ᬫᬩᬦ᭄ᬢᭂᬦ᭄ᬭᬶᬂᬲᬭᬰ᭄ᬯᬢᬶ᭞ᬫᬦᬶᬱ᭄ᬝᬫᬥ᭄ᬬᬳᬸᬢ᭄ᬢᬫ᭞
ᬲᬮᬾᬦ᭄ᬤᬂᬧᬘᬂᬫᬗᬗ᭄ᬕᭀ᭞ᬯᬾᬦ᭄ᬢᭂᬦ᭄ᬫᬗᬗ᭄ᬕᬾᬥᬓ᭄ᬱᬶᬡ᭞ᬫᬲᬸᬘᬶᬧ᭄ᬭᬲ᭄ᬳᬚᬸᬫᬦ᭄᭞ᬫᬓᬤᬶᬦ᭄ᬳᬶᬧᬸᬦ᭄ᬲᬫᬬᬸᬢ᭄᭞ᬲᬭᬰ᭄ᬯᬢᬶᬦᬾᬧᬸᬦᬶᬓ᭟᭒᭑᭟ᬲᬕᬵᬭᬕᬸᬂᬓᬳᬤ
ᬦᬶᬦ᭄᭞ᬧᬧ᭄ᬭᬗ᭄ᬓᬬᬦ᭄ᬫᬳᬶᬲᭂᬳᬦ᭄᭞ ᭞ᬫᬳᬸᬮᬫ᭄ᬩᬾᬩᬾᬓ᭄ᬫᬧᬗ᭄ᬕᬂ᭞ᬤᬓ᭄ᬱᬶᬡᬧᬮᬶᬗ᭄ᬕᬶᬳᬦ᭄᭞ᬢᬦ᭄ᬲᬄᬯᬗᬶᬯᬗᬶᬓᬵᬢᬹᬃ᭞ᬓᭂᬫ᭄ᬩᬂᬘᬦᬾᬓᭂᬫ᭄ᬩᬂᬧᬬᬲ᭄᭟᭒᭒᭟
ᬧᬸᬦᬶᬓᬳᬗ᭄ᬕᬾᬦ᭄ᬗᭀᬤᬮᬶᬦ᭄᭞ᬲᬓᬮ᭄ᬯᬶᬃᬮᭀᬦ᭄ᬢᬃᬮᭀᬦ᭄ᬢᬃ᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬫᬫᬯᭀᬲ᭄᭞ᬓᬮᬶᬄᬫᬜᬸᬭᬢ᭄ᬳᬓ᭄ᬱᬭ᭞ᬭᬶᬂᬤᬶᬦᬦᬾᬧᬸᬦᬶᬓ᭞ᬓ᭄ᬦᬶᬳᬾᬮᬶᬂ [ 18 ][᭑᭗ 17B]
᭑᭗
ᬲᬫᬶᬦᬸᬢᬸᬃ᭞ᬦᬸᬢᬸᬭᬂᬢᬢ᭄ᬯᬧᬸᬦᬶᬓ᭟᭒᭓᭟ᬩᬾᬜ᭄ᬚᬾᬂᬲᭂᬫᭂᬂᬧ᭄ᬭᬤᬗᬶᬦ᭄᭞ᬯᬯᬸᬩᬳᬓ᭄ᬱᬗ᭄ᬳ᭄ᬬᬂᬲᬹᬃᬬ᭄ᬬ᭞ᬫᬩᬜᬸᬧᬶᬦᬭᬸᬄᬋᬓᭀ᭞ᬫᬓᬓ᭄ᬭᬶᬓ᭄ᬫᬓᬭᬫᬲ᭄᭞
ᬫᬲᬶᬭᬫ᭄ᬩᬵᬦ᭄ᬓᬸᬫ᭄ᬓᬸᬫᬦ᭄᭞ᬤᬶᬲᬸᬩᬦᬾᬤᬾᬯᬾᬓᬾᬲᬸᬯᬸᬤ᭄᭞ᬮᬯᬸᬢ᭄ᬓᬲᬗ᭄ᬕᬄᬫᬵᬢᬸᬭᬦ᭄᭟᭒᭔᭟ᬫᬩᬦ᭄ᬢᭂᬦ᭄ᬮᬪᬳᬦ᭄ᬦᬲᬶ᭞ᬦᬲᬶᬧ᭄ᬭᬚ᭄ᬜᬦ᭄ᬚᭂᬦᬃᬓᭀᬘᬧ᭄᭞ᬲᬳᬚ
ᬚᬫᬸᬦᬾᬳᭂᬦ᭄ᬢᭀ᭞ᬓᬵᬢᬸᬃᬤᬶᬲᬗ᭄ᬕᬄᬓᭂᬫᬸᬮᬦ᭄᭞ᬫᬗᬶᬱ᭄ᬝᬶᬫᬧᬶᬦᬸᬦᬲ᭄᭞ᬓ᭄ᬦᬶᬲᬶᬤ᭄ᬥᬧ᭄ᬭᬚ᭄ᬜᬦ᭄ᬯᬶᬪᬸᬄ᭞ᬓᬲ᭄ᬯᬾᬘ᭄ᬙᬦ᭄ᬩᬵᬦ᭄ᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭ᭟᭒᭕᭟ᬤᬶᬲᬸᬩᬲᬸᬳᬸᬤ᭄ᬫᬪᬓ᭄ᬢᬶ᭞
ᬓᬮᬶᬄᬲᬸᬳᬸᬤ᭄ᬫᬳᬢᬸᬭᬦ᭄᭞ᬮᬬᬸᬩ᭄ᬮᬪᬳᬦᬾᬳᭂᬦ᭄ᬢᭀ᭞ᬳᬶᬭᬕᬮᬯᬸᬢ᭄ᬫᬗᬬᬩ᭄᭞ᬫᬲᬶᬄᬦᬫ᭄ᬧᬶᬂᬧᬲᭂᬧᬦ᭄᭞ᬫᬗ᭄ᬮᬯᬸᬢ᭄ᬢᬸᬢᬶᬂᬚᬚᬫᬸ᭞ᬳᬶᬭᬕᬗᬗ᭄ᬕᬾᬮᬪᬳᬦ᭄᭟᭒᭖᭟
[᭑᭘ 18A]
ᬧᬸᬧᬸᬄᬥᬂᬥᬂ᭟ᬢᭂᬫ᭄ᬩᬂᬥᬂᬥᬂᬳᬗ᭄ᬕᬾᬦ᭄ᬫᬜᬫ᭄ᬩᬸᬗᬶᬦ᭄᭞ᬗ᭄ᬳᬶᬂᬳᬫ᭄ᬧᬸᬭ᭞ᬓᬓᬭᬗᬦ᭄ᬢᬶᬢ᭄ᬬᬂ᭞ᬩᬵᬦ᭄ᬫᭂᬍᬤ᭄ᬢᭂᬓᬾᬦ᭄ᬲᬢ᭄ᬯᬦᬾ᭞ᬫᬗ᭄ᬤᬜᬶᬤᬬᬂᬳᬸᬫᬸᬫ᭄᭞ᬳᬶᬤᬤᬦᬾ
ᬳᬓᬾᬄᬳᬸᬦᬶᬂ᭞ᬳᬸᬦᬶᬂᬭᬶᬂᬓᬧᬵᬢᬹᬢᬦ᭄᭞ᬤᬶᬦᬦᬾᬦᬾᬢᬸᬚᬸ᭞ᬢᬸᬚᬸᬯᬂᬫᬗᬾᬱ᭄ᬝᬶᬤᬾᬯ᭞ᬫᬗ᭄ᬤᬲᬶᬤ᭄ᬥ᭞ᬓᬤᬶᬳᬸᬫᬸᬗ᭄ᬕᬸᬄᬭᬶᬂᬳᬚᬶ᭞ᬫᬫᬗ᭄ᬕᬸᬄᬓᬭᬳ
ᬬ᭄ᬯᬦ᭄᭟᭑᭟ᬦᬾᬓᬳᬸᬘᬧ᭄ᬭᬶᬂᬓ᭄ᬮᬶᬯᭀᬦᬾᬯ᭄ᬬᬓ᭄ᬢᬶ᭞ᬫᬳᬸᬢ᭄ᬢᬫ᭞ᬳ᭄ᬬᬂᬰᬶᬯᬵᬢᭀᬳᬶᬤ᭞ᬦ᭄ᬭᬸᬯᬾᬦᬂᬫᬲᬫᬥᬶᬦᬾ᭞ᬳᬯᬦᬦ᭄ᬳᬶᬧᬸᬦ᭄ᬧᬵᬢᬹᬢ᭄᭞
ᬲᬋᬂᬲᬫᬶᬳᬶᬭᬕᬫᬗ᭄ᬓᬶᬦ᭄᭞ᬗᬶᬭᬶᬂᬫᬢᭂᬮᬄᬢᭂᬮᬄ᭞ᬫᬲᬶᬲᬶᬕ᭄ᬫᬳᬫ᭄ᬩᬸᬄ᭞ᬫᬓᬤᬶᬦ᭄ᬳᬶᬧᬸᬦ᭄ᬫᬢᬶᬃᬢ᭄ᬣ᭞ᬬᬦ᭄ᬓᬲᬶᬤ᭄ᬥᬦ᭄᭞ᬫᬳᬢᬸᬭᬦ᭄ᬯᬗᬶᬯᬗᬶ᭞ᬭᬶᬂᬲᬗ᭄ᬕᬃᬓ [ 19 ][᭑᭘ 18B]
᭑᭘
ᬫᬶᬫᬶᬢᬦ᭄᭟᭒᭟ᬳᬘᭂᬧ᭄ᬳᬶᬤᬲᬗ᭄ᬳ᭄ᬬᬂᬰᬶᬯᬵᬲ᭄ᬣᬶᬢᬶ᭞ᬲᬦᬾᬲᭂᬫ᭄ᬩᬄ᭞ᬕᭂᬦᬄᬫᬳᬢᬸᬭᬦ᭄᭞ᬢᬦ᭄ᬲᬾᬬᭀᬲ᭄ᬲᬦᬾᬲᬥ᭄ᬬᬦᬾ᭞ᬫᬗ᭄ᬤᬫᬦᭂᬫᬸᬳᬬᬸ᭞ᬲᬧᬸᬫ
ᬳᬦ᭄ᬓᬲᬶᬤ᭄ᬥᬦ᭄ᬭᬤᬶᬦ᭄᭞ᬫᬮᬶᬄᬤᬸᬯᬸᬃᬧᬫᬺᬫᬦ᭄᭞ᬫᬳᬢᬸᬭᬦ᭄ᬤᬶᬢᬸ᭞ᬧᬸᬧᬸᬢ᭄ᬳᬦ᭄ᬢᬸᬓ᭄ᬘᬦᬂᬲᭂᬓᬃ᭞ᬦᬾᬢᬸᬚᬸᬯᬂ᭞ᬳᬸᬢ᭄ᬧ᭄ᬢᬶᬤᬶᬚ᭄ᬭᭀᬦᬶᬂᬋᬤ᭄ᬥᬶ᭞ᬳᬶᬤᬲᬗ᭄ᬳ᭄ᬬᬂᬓᬯᬶᬢᬦ᭄᭟
᭓᭟ᬫ᭄ᬯᬂᬧᬶᬲᬸᬕᬸᬄ᭞ᬧᬸᬦᬶᬓᬵᬓᬃᬬ᭄ᬬᬦᬶᬦ᭄᭞ᬦᬾᬭᬶᬂᬦᬢᬃ᭞ᬮᬦ᭄ᬦᬢᬭᬶᬂᬲᬗ᭄ᬕᬃ᭞ᬭᬶᬂᬧᬯᭀᬦ᭄ᬫᬶᬦᬓᬤᬶᬦ᭄ᬦᬾ᭞ᬕᭂᬦᬄᬧᬘᬂᬫᬲᬸᬕᬸᬄ᭞ᬓᭂᬦᬶᬧᬢᭂᬄᬲᬫᬶᬫᬢᬦ᭄ᬤᬶᬂ᭞ᬦ
ᬲᬶᬦ᭄ᬳᬶᬧᬸᬦ᭄ᬓᭂᬧᭂᬮᬦ᭄᭞ᬓᬮᬶᬄᬓᭂᬧᭂᬮ᭄ᬘᬸᬓᬸᬧ᭄᭞ᬩᬯᬂᬚᬳᬾᬫᬓᬳᬸᬮᬫ᭄᭞ᬢᭀᬳᬘᭂᬧᬂ᭞ᬢᬦ᭄ᬲᬾᬯᭀᬲ᭄ᬓᬮᬩᬸᬘᬭᬶ᭞ᬲᬦᬾᬫᬸᬗ᭄ᬕᬸᬄᬭᬶᬂᬦᬢᬃ᭟᭔᭟
[᭑᭙ 19A]
ᬦᬾᬭᬶᬂᬧᬯᭀᬦ᭄ᬲᬂᬤᬸᬃᬕ᭄ᬕᬩᬸᬘᬭᬶ᭞ᬫᬦᬭᬶᬫ᭞ᬦᬾᬭᬶᬂᬦᬢᬃᬲᬗ᭄ᬕᬃ᭞ᬪᬸᬢᬩᬸᬘᬭᬶᬳᬘᭂᬧᬾ᭞ᬲᬧᬸᬦᬶᬓᬦᬾᬫᬸᬗ᭄ᬕᬸᬄ᭞ᬲᬦᬾᬧᬵᬢᬹᬢ᭄ᬧᬘᬂᬫᬃᬕ᭄ᬕᬶᬦᬶᬦ᭄᭞ᬭᬶᬂ
ᬓ᭄ᬮᬶᬯᭀᬦᬾᬧᬸᬦᬶᬓ᭞ᬓ᭄ᬦᬶᬫᬗ᭄ᬕᬸᬄᬳᬬᬸ᭞ᬲᬂᬓᬮᬢᬶᬕᬫᬗ᭄ᬭᬓ᭄ᬱ᭞ᬫᬳᬯᬦᬦ᭄᭞ᬲᭂᬍᬕᬂᬳᬸᬕᬶᬜᬸᬕᬸᬳᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬗᬸᬭᬪᬾᬤ᭟᭕᭟ᬦᬸᬚᬸ
ᬓᬚᭂᬂᬓ᭄ᬮᬶᬯᭀᬦ᭄ᬫᬦᭂᬫᭀᬦᬶᬦ᭄᭞ᬢᭀᬓᬳᬸᬘᬧ᭄᭞ᬗᬮᬶᬫᭀᬮᬲ᭄ᬤᬶᬦᬵ᭞ᬧᬵᬢᬹᬢ᭄ᬳᬶᬗᭂᬢᬂᬕᬯᬾᬦᬶᬦ᭄᭞ᬬᬦ᭄ᬢᬦ᭄ᬓᬵᬮᬗᬦ᭄ᬍᬢᬸᬄ᭞ᬢᭀᬲᬥ᭄ᬬᬬᬂᬫᬳ᭄ᬦᬶᬂ
ᬳᭂᬦᬶᬂ᭞ᬫᬢᭂᬮᬄᬢᭂᬮᬄᬤᬶᬳᬯᬓ᭄᭞ᬓᬕᭂᬭᬶᬬᬢᬸᬚᬸ᭞ᬫᬦᬸᬦᬲ᭄ᬢᬶᬃᬢ᭄ᬣᬫᬮᬸᬓᬢ᭄᭞ᬳᬧᬦ᭄ᬳᭂᬦ᭄ᬢᭀ᭞ᬤᬶᬦᬦᬾᬓᬳᬸᬘᬧ᭄ᬲᬓ᭄ᬢᬶᬧᬶᬸ᭞ᬗᬶᬮᬗᬂᬮᬭ [ 20 ][᭑᭙ 19B]
᭑᭙
ᬯᬶᬖ᭄ᬦ᭟᭖᭟ᬢ᭄ᬯᬄᬢᬦ᭄ᬫᬭᬶᬤᬶᬓᭂᬫᬸᬮᬦ᭄ᬳᬸᬕᬶ᭞ᬫᬳᬢᬸᬭᬦ᭄᭞ᬤᬶᬤᬸᬯᬸᬃᬧᬫᬺᬫᬦ᭄᭞ᬧᬢᬸᬄᬘᬭᬤᬶᬓ᭄ᬮᬶᬯᭀᬦᬾ᭞ᬓᬾᬯᬮᬳᬶᬧᬲᬸᬕᬸᬄ᭞ᬫᬯᬸᬯᬸᬳᬶᬦ᭄ᬧᬸᬦᬶ
ᬓᬵᬲᬫᬶ᭞ᬳᬚᭂᬗᬦ᭄ᬫᬜ᭄ᬘᬯᬃᬡ᭄ᬦ᭞ᬫᬓᬢᬶᬕᬧᬢᬸᬄ᭞ᬲᬫᬶᬫᬲ᭄ᬬᬢᬦ᭄ᬤᬶᬗᬦ᭄᭞ᬦᬾᬭᬶᬂᬦᬢᬃ᭞ᬭᬶᬦᬢᬃᬲᬗ᭄ᬕᬳᬾᬫᬮᬶᬄ᭞ᬭᬶᬂᬧᬯᭀᬦ᭄ᬫᬓᬤᬶᬦ᭄ᬜ᭟᭗᭟ᬧᬢᭂᬄᬲ
ᬦᬾᬢᬸᬚᬸᬯᬂᬳᬶᬱ᭄ᬝᬶ᭞ᬢ᭄ᬯᬭᬮᬾᬦᬦ᭄᭞ᬢ᭄ᬯᬄᬲᬂᬓᬮᬢᬶᬕ᭞ᬳᬤᬫᬲᬶᬄᬧᬯᬸᬯᬸᬳᬾ᭞ᬤᬶᬲᬫ᭄ᬧᬶᬂᬓᬸᬭᬶᬤᬶᬤᬸᬯᬸᬃ᭞ᬤᬶᬢᬸᬧᬵᬢᬹᬢ᭄ᬫᬩᬦ᭄ᬢᭂᬦ᭄ᬫᬮᬶᬄ᭞ᬫᬢᬸᬭᬜ᭄ᬘᬦᬂ
ᬬᬰ᭞ᬩᬸᬭᬢ᭄ᬯᬗᬶᬓᬵᬢᬸᬃ᭞ᬯᬗᬶᬯᬗᬶᬫᬓᬤᬶᬦ᭄ᬜ᭞ᬦᬾᬳᬘᭂᬧᬂ᭞ᬪᬝᬵᬭᬶᬰ᭄ᬭᬷᬤᬹᬃᬕ᭄ᬕᬤᬾᬯᬶ᭞ᬓᭂᬦᬶᬳᬶᬤᬲᬸᬯᬾᬘ᭄ᬙᬵ᭟᭘᭟ᬬᬦ᭄ᬧᬶᬢᭂᬕᭂᬲ᭄ᬳᬶᬤᬲᬗ᭄ᬳ᭄ᬬᬂᬳᬚᬶ᭞
[᭒᭐ 20A]
ᬓᭂᬦᬶᬲᬢ᭄ᬬ᭞ᬬᬦ᭄ᬲᬸᬩᬜᬶᬤ᭄ᬥᬬᬂ᭞ᬦᭂᬢᭂᬧᬂᬘᬘᬭᭀᬦᬦᬾ᭞ᬲᬶᬦᬄᬓᬲᬸᬯᬾᬘ᭄ᬙᬦ᭄ᬤᬶᬢᬸ᭞ᬳᬦ᭄ᬢᬸᬓ᭄ᬳᬶᬤᬪᬝᬵᬭᬯᬶᬤ᭄ᬥᬶ᭞ᬫᬓᬤᬶᬦ᭄ᬜᬓᬭᬓ᭄ᬱ᭞ᬓᬮᬢᬶᬕᬳᬦᬹᬢ᭄᭞
ᬲᬶᬤ᭄ᬥᬫᬗ᭄ᬕᬸᬄᬤᬶᬃᬕ᭄ᬖᬬᬸᬱ᭞ᬧᬭᬶᬧᬹᬃᬡ᭄ᬦ᭞ᬫᬶᬫ᭄ᬧᬲ᭄ᬲᬓᬮ᭄ᬯᬶᬭᬶᬂᬕ᭄ᬭᬶᬂ᭞ᬢ᭄ᬯᬭᬳᬤᬤᬸᬃᬚ᭄ᬚᬦ᭟᭙᭟ᬭᬶᬂᬳᬗ᭄ᬕᬭᬓ᭄ᬮᬶᬯᭀᬦ᭄ᬳᬶᬓᬯ᭄ᬬᬓ᭄ᬢᬶ᭞ᬲᬦᬾᬫᬵᬤᬦ᭄᭞ᬳᬗ᭄ᬕᬃᬓ
ᬲᬶᬄᬓᭀᬘᬧ᭄᭞ᬧᬬᭀᬕᬦ᭄ᬲᬗ᭄ᬳ᭄ᬬᬂᬭᬸᬤ᭄ᬭᬦᬾ᭞ᬫ᭄ᬭᬮᬶᬡᬳᬲᬶᬂᬍᬢᬸᬄ᭞ᬫᬗᬶᬮᬗᬂᬳᬮᬦᬶᬂᬪᬹᬫᬶ᭞ᬧᬸᬦᬶᬓᬫᬳᬯᬦᬦ᭄᭞ᬧᬵᬢᬹᬢ᭄ᬫᬧᬗ᭄ᬮᬸᬗ᭄ᬲᬸᬃ᭞ᬫᬵᬢᬸ
ᬭᬦ᭄ᬭᬶᬂᬓᬫᬶᬫᬶᬢᬦ᭄᭞ᬘᬦᬂᬲᭂᬓᬃ᭞ᬩᬸᬭᬢ᭄ᬯᬗᬶᬯᬗᬶᬯᬗᬶ᭞ᬫᬦᬸᬦᬲ᭄ᬯᬲᬸᬄᬧᬤᬵ᭟᭑᭐᭟ᬲᬳᬳᬲᭂᬧ᭄ᬘᬡ᭄ᬥᬦᬦᬾᬫᬶᬳᬶᬓ᭄᭞ᬤᬸᬮᬸᬃᬫᭂᬜᬦ᭄᭞ᬳᬗ᭄ᬕᬾ [ 21 ][᭒᭐ 20B]
᭒᭐
ᬫᬗᬺᬥᬦ᭞ᬦᬸᬦᬲ᭄ᬲᬜ᭄ᬯᬾᬘ᭄ᬙᬦ᭄ᬯᬶᬥᬶᬦᬾ᭞ᬲᬫᬗ᭄ᬤᬲᬶᬤ᭄ᬥᬧᬸᬧᬸᬢ᭄᭞ᬮᬭᬯᬶᬖ᭄ᬦᬢ᭄ᬮᬲ᭄ᬫᬗᬶᬮᬶ᭞ᬓᬮᬸᬓᬢᬦᬶᬂᬭᬕ᭞ᬓᬾᬢᭀᬬᬾᬦᬶᬂᬢᬸᬚᬸ᭞ᬳᬘᭂᬧᬦᬾᬫ
ᬧᬶᬦᬸᬦᬲᬦ᭄᭞ᬤᬶᬓᬫᬸᬮᬦ᭄᭞ᬬᬦ᭄ᬦᬸᬚᬸᬳᬗ᭄ᬕᬭᬓᬲᬶᬄ᭞ᬧᬵᬦ᭄ᬤᬶᬦᬵᬧᬗ᭄ᬮᬸᬓᬢᬦ᭄᭟᭑᭑᭟ᬬᬦᬶᬂᬩᬸᬤᬓ᭄ᬮᬶᬯᭀᬦᬾᬯ᭄ᬬᬓ᭄ᬢᬶ᭞ᬢᭀᬧᬲᬸᬘ᭄ᬬᬦ᭄᭞ᬲᬗ᭄ᬳ᭄ᬬᬂᬳᬬᬸᬓᭀᬘᬧ᭄᭞
ᬳ᭄ᬬᬂᬦᬶᬃᬫᬮᬢᬸᬚᬸᬯᬦᬾ᭞ᬧᬵᬢᬹᬢ᭄ᬳᬶᬧᬸᬦᬾᬤᬶᬢᬸ᭞ᬭᬶᬂᬓᭂᬫᬸᬮᬦ᭄ᬕ᭄ᬦᬄᬗᬲ᭄ᬣᬶᬢᬶ᭞ᬗᬢᬸᬭᬂᬘᬦᬂᬲᭂᬓᬃ᭞ᬯᬗᬶᬯᬗᬶᬓᬵᬢᬹᬃ᭞ᬓᭂᬫ᭄ᬩᬂᬧᬳᬾᬲ᭄ᬫᬓᬤᬶᬦ᭄ᬜ᭞ᬲᬦᬾ
ᬫᬸᬗ᭄ᬕᬄ᭞ᬤᬸᬳᬸᬃᬧᬫᬺᬫᬦᬾᬳᬸᬕᬶ᭞ᬢᬍᬃᬩᬵᬜ᭄ᬘᬦᬂᬲᭂᬓᬃ᭟᭑᭒᭟ᬤᬶᬢᬸᬮᬯᬸᬢ᭄ᬳᬶᬭᬕᬫᬪᬓ᭄ᬢᬶ᭞ᬫᬧᬶᬦᬸᬦᬲ᭄᭞ᬓᭂᬦᬶᬫᬜᬶᬤ᭄ᬥᬬᬂ᭞ᬓ᭄ᬭᬳᬬᭀᬦ᭄ᬢ᭄ᬭᬶ
[᭒᭑ 21A]
ᬫᬡ᭄ᬥᬮᬦᬾ᭞ᬤᬾᬦᬶᬂᬤᬾᬯᬾᬓᬾᬳᬶᬤᬸᬧ᭄᭞ᬦᬸᬫᬯᬓ᭄ᬫᬦᬸᬱᬚᬢᬶ᭞ᬮ᭄ᬬᬸᬗᭂᬮᬄᬧᬶᬢᬺᬱ᭄ᬦ᭞ᬦᬾᬤᭂᬫᭂᬦᬶᬦ᭄ᬫᬶᬬᬸ᭞ᬲᬗ᭄ᬓᬦ᭄ᬢᭀᬳᬶᬢ᭄ᬭᬶᬫᬡ᭄ᬥᬮ᭞ᬦᬾᬩᬸᬯᬢ᭞
ᬫᬗ᭄ᬤᬲᬲ᭄ᬯᬢᬦᬾᬲᬫᬶ᭞ᬓᬾᬢᭀᬍᬕᬦ᭄ᬫᬦᬸᬱ᭟᭑᭓᭟ᬢᭂᬕᭂᬲ᭄ᬳᬶᬧᬸᬦ᭄᭞ᬲᬦᬾᬳᬤᬦᬶᬦ᭄᭞ᬢ᭄ᬭᬶᬫᬡ᭄ᬥᬮ᭞ᬧ᭄ᬭᬣᬫᬳᬶᬭᬕ᭞ᬤᬤ᭄ᬯᬲᬦ᭄ᬢᬦᬩ᭄ᬭᬬᬦᬾ᭞
ᬫᬮᬶᬄᬢᬢᬶᬕᬦ᭄ᬳᬶᬧᬸᬦ᭄᭞ᬢᭀᬕᬸᬫᬶᬦᬾᬲᬦᬾᬢᭀᬗᭀᬲᬶᬦ᭄᭞ᬧᬸᬦᬶᬓᬦᬾᬓᬩᬸᬯᬢᬂ᭞ᬫᬗ᭄ᬤᬲᬶᬤ᭄ᬥᬮᬦᬸᬲ᭄᭞ᬢᬦ᭄ᬓᬢᬫᬦ᭄ᬮᬭᬭᭀᬕ᭞ᬳᬸᬧᬢᬶᬬᬂ᭞ᬲᬲᬶᬤ᭄ᬥ
ᬲᬶᬤ᭄ᬥᬚᬮᬦᬶᬦ᭄᭞ᬳᭂᬤᬢᬓᬸᬢ᭄ᬮᬶᬬᬸᬗᭀᬜᬂ᭟᭑᭔᭟ᬬᬦᬶᬂᬦᬸᬚᬸᬢᬸᬫ᭄ᬧᭂᬓ᭄ᬢᭀᬓᬳᬤᬦᬶᬦ᭄᭞ᬢᭀᬢᬸᬚᬸᬯᬂ᭞ᬳᬧᬦᬶᬂᬓᬳᬸᬘᬧ᭄᭞ᬢᬸᬭᬸᬦ᭄ᬧᬮᬸᬕ᭄ᬭ [ 22 ][᭒᭑ 21B]
᭒᭑
ᬳᬦ᭄ᬯᬶᬥᬶᬦᬾ᭞ᬗᭂᬩᭂᬓ᭄ᬭᬶᬂᬚᬕᬢ᭄ᬯᬶᬩᬸᬄ᭞ᬳ᭄ᬬᬂᬦᬦ᭄ᬢᬯᬶᬰᬾᬱᬚᬢᬶ᭞ᬧᬵᬢᬹᬢ᭄ᬳᬤᬳᬲ᭄ᬣᬯ᭞ᬭᬶᬂᬓᬫᬸᬮᬦ᭄ᬢᬸᬚᬸ᭞ᬫᬳᬢᬸᬭᬜ᭄ᬘᬦᬂᬲᭂᬓᬃ᭞ᬯᬗᬶᬯᬗᬶ᭞ᬫᬤᬸᬮᬸᬭ
ᬦ᭄ᬩᬸᬭᬢ᭄ᬯᬗᬶ᭞ᬓᬮᬶᬄᬤᬸᬯᬸᬃᬧᬫᬺᬫᬦ᭄᭟᭑᭕᭟ᬢ᭄ᬯᬄᬢᬦ᭄ᬫᬭᬶᬫᬗᬲ᭄ᬣᬶᬢᬶᬪᬓ᭄ᬢᬶ᭞ᬫᬧᬶᬦᬸᬦᬲ᭄᭞ᬦᬸᬦᬲ᭄ᬓᭂᬭᬳᬬ᭄ᬯᬦ᭄᭞ᬳᬬᬸᬓᬤᬶᬃᬕ᭄ᬖᬬᬸᬱᬦᬾ᭞ᬓᬾᬢᭀᬳᬶᬥᭂᬧᬾ
ᬢᬸᬚᬸ᭞ᬫᬧᬶᬦᬸᬦᬲ᭄ᬭᬶᬂᬳ᭄ᬬᬂᬯᬶᬥᬶ᭞ᬦᬾᬩᬸᬯᬶᬦ᭄ᬳᬤᬳᬶᬗᭂᬢᬂ᭞ᬧᬶᬢᭂᬓᭂᬢ᭄ᬤᬶᬢᬸᬢᬸᬃ᭞ᬬᬦ᭄ᬲᭂᬥᭂᬓ᭄ᬢᬸᬫ᭄ᬧᭂᬓ᭄ᬤᬶᬦᬦ᭄ᬜ᭞ᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬤᬤᭀᬲ᭄ᬫᬓᬃᬬ᭄ᬬᬭᬶᬂᬯᭂᬗᬶ᭞
ᬤᭀᬬᬦ᭄ᬫᬗ᭄ᬕᬸᬄᬲᬦ᭄ᬓᬮ᭟᭑᭖᭟ᬦᬄᬳᬓᬾᬢᭀᬧ᭄ᬭᬕᬢ᭄ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬧᬶᬤᬩ᭄ᬤᬩ᭞ᬢᬶᬗ᭄ᬓᬄᬫᬳᬢᬸᬭᬦ᭄᭞ᬗᬦᬸᬢᬶᬦ᭄ᬤᬶᬦᬵᬳᬸᬓᬸᬦᬾ᭞ᬦᬵᬗ᭄ᬳᬶᬂᬳᬫ᭄ᬧᬸ
[᭒᭒ 22A]
ᬭᬭᬢᬸ᭞ᬳᬲᬶᬂᬮᬾᬤᬂᬓᬬᬸᬦ᭄ᬫᬯᭀᬲᬶᬦ᭄᭞ᬓᬭᬗᬦ᭄ᬳᬓᬾᬄᬓᬶᬭᬂ᭞ᬫᬸᬜᬶᬫᬜᬭᬸᬩᬸᬢ᭄᭞ᬧᬸᬧᬸᬄᬗᬤᬮ᭄ᬚᭀᬓᬦ᭄ᬮᬶᬯᬢ᭄᭞ᬢᬸᬦᬍᬯᬶᬄ᭞ᬓᬾᬫᬯᭀ
ᬦ᭄ᬜᬶᬤ᭄ᬥᬬᬂᬜᬭᬶᬓ᭄᭞ᬤᬤᭀᬲ᭄ᬳᬗ᭄ᬕᬾᬧᬳᬶᬮᬶᬗᬦ᭄᭟᭑᭗᭟ᬲᬥ᭄ᬬᬦ᭄ᬢᬶᬢ᭄ᬬᬂᬫᬗ᭄ᬤᬲᬫᬶᬗᭂᬃᬢ᭄ᬢᬶ᭞ᬳᬸᬦᬶᬂᬲᭀᬮᬄ᭞ᬢᬶᬗ᭄ᬓᬄᬫᬳᬢᬸᬭᬦ᭄᭞ᬤᬸᬫᬤᬓ᭄ᬲ᭄ᬯᬾᬘ᭄ᬙᬯᬶ
ᬤᬶᬦᬾ᭞ᬜᬶᬤ᭄ᬥᬬᬂᬫᬗ᭄ᬕᬸᬄᬲᬤ᭄ᬬᬸᬄ᭞ᬢᬦ᭄ᬓᬳᬦᬦ᭄ᬯᬶᬬᬭᬧᬜᬓᬶᬢ᭄᭞ᬲᬯᬢ᭄ᬭᬓᬭᬳᬬ᭄ᬯᬦ᭄᭞ᬓᬾᬢᭀᬲᬦᬾᬢᬸᬚᬸᬦ᭄᭞ᬢᬶᬢ᭄ᬬᬂᬓ᭄ᬭᬡᬫᬫ᭄ᬩᬸᬯᬢᬂ᭞ᬗᬺᬜ᭄ᬘ
ᬦᬬᬂ᭞ᬫᬶᬢᬸᬢᬸᬭᬶᬦ᭄ᬳᬮᬶᬢ᭄ᬳᬮᬶᬢ᭄᭞ᬩᬶᬮᬶᬄᬳᬤᬕᬸᬡ᭄ᬜ᭟᭑᭘᭟ [ 23 ]Page:Bali-lontar-gaguritan-dewa-yajnya-450ppi.pdf/23