Ban/Gaguritan Dewasa

Deskripsi

Bahasa Indonesia

Geguritan Dewasa membahas mengenai wariga yang berkembang di masyarakat. Dalam geguritan ini juga diceritakan mengenai hari-hari baik dan buruk untuk melalukan suatu pekerjaan.

Naskah

[ 1 ][PERPUSTAKAAN
KTR.DOKBUD BALI
PROP. BALI
G/XXV/4/DOKBUD
Judul : GAG. DEWASA.
Pj. 35 cm. Jl. 21.
Asal : Jasri, Kr.asem.]
[᭑ 1A]
[Judul : GAG. DEWASA.
Pj. 35 cm. Jl. 21.
Asal : Jasri, Kr.asem.] [ 2 ][᭑ 1B]
᭑
᭛ᬑᬁᬅᬯᬶᬖ᭄ᬦᬫᬵᬲ᭄ᬢᬸᬬᬦᬫᬲ᭄ᬯᬳ᭛᭐᭛ᬧᬸᬧᬸᬄᬚᬶᬦᬤ᭟ᬲᬚᬲᬚᬤᬤᬶᬕᬶᬢ᭞ᬤᬶᬧᭀᬦ᭄ᬤᭀᬓ᭄ᬤᬶᬬᭀᬯᬓᬸᬳᬚᬶ᭞ᬢᬸᬫ᭄ᬧᭂᬓ᭄ᬮᬦ᭄ᬟᭂᬧ᭄ᬲᬰᬶᬄ᭞ᬤᬾᬱ᭄ᬝ᭞
ᬭᬄᬧᬶᬢᬸᬢᭂᬗ᭄ᬕᭂᬓ᭄ᬧᬶᬂᬯᭀᬮᬸ᭞ᬫᬦᬸᬚᬸᬧᬗ᭄ᬮᭀᬂᬳᬧᬶᬲᬦ᭄᭞ᬫᬲᬦ᭄ᬫᬜᬶ᭞᭠ᬤᬶᬢᬸᬗᬯᬾᬕᬕᭂᬦ᭄ᬟᬶᬗᬦ᭄᭟ᬓᬮᬶᬯᬗ᭄ᬓᬾᬦᬾᬳᬶᬩᭂᬢᬂ᭞ᬳᬸᬓᬸᬦ᭄ᬢᬸᬫ᭄ᬧᭂᬓᬾ᭠
ᬫᬲᬮᬶᬦ᭄᭞ᬤᬶᬮᬦ᭄ᬟᭂᬧᬾᬬᬓᬩᬸᬤ᭄ᬟ᭞ᬯᬭᬶᬕᬯᬺᬲ᭄ᬧᬢᬶᬜᬮᬸᬓ᭄᭞ᬤᬶᬓᬸᬦᬶᬗᬦᬾᬓᬲᬸᬓᬺ᭞ᬢᬸᬫ᭄ᬧᭂᬓ᭄ᬓ᭄ᬭᬸᬮᬸᬢ᭄᭞ᬓᬯ᭄ᬭᬲ᭄ᬧᬢᬶᬫᬮᬶᬧᭂᬢᬦ᭄᭟ᬤᬶᬉ
ᬬᬾᬦᬾᬬᬓᬲᭀᬫ᭞ᬤᬶᬯᬬᬗᬾᬩ᭄ᬯᬶᬦ᭄ᬫᬲᬮᬶᬦ᭄᭞ᬓᬳᬗ᭄ᬕᬭᬬᬫᬗᬫ᭄ᬩᬄ᭞ᬲᬸᬩᬦᭂᬫ᭄ᬩᬸᬮᬦ᭄ᬫᬜᬮᬸᬓ᭄᭞ᬳᭂᬦ᭄ᬢᭀᬳᬶᬗᭂᬢᬂᬤᬶᬚᬸᬫᬄ᭞ᬤᬗᭂᬗ᭄ᬲᬧᬶ
[᭒ 2A]
ᬦ᭄᭞ᬮᬶᬗᬶᬗᬚᬶᬦᬾᬳᬶᬗᭂᬢᬂ᭟ᬲᬶᬜᬫᬕᬯᬾᬤᬶᬩᭂᬦᬂ᭞ᬦᬸᬦᬸᬦ᭄ᬓᬫ᭄ᬩᭂ᭠ᬦ᭄ᬲᬧᬸᬢ᭄ᬢᬧᬶᬄ᭞ᬗᬜᬶᬦᬶᬦ᭄ᬤᬫᬜᬮᭀᬓᭀᬃ᭞ᬲᬶᬜᬲᬕᬾᬢᬮᬶᬄᬳᬗ᭄ᬓᬸᬄ᭞᭠
ᬗᬦ᭄ᬤᭂᬮᬂᬓᬫ᭄ᬩᭂᬦᬩᬶᬤᬂ᭞ᬤᭀᬂᬓᬲᭂᬤᬶᬄ᭞ᬧᬬᬸᬤᬤᬶᬢᬦ᭄ᬧᬳᬶᬦ᭄ᬤ᭟ᬚᬦᬶᬓᭀᬘᬧ᭄ᬚᭂᬮᬾᬫᭂᬮᬄ᭞ᬩᬶᬓᬲ᭄ᬳᬦᬓᬾᬗᬜᬶᬦᬶᬦ᭄᭞ᬬᬦᬶᬂᬤᬶᬢ᭄ᬭᬵᬓᭀᬚ᭠
ᬭᬦ᭄ᬬ᭞ᬕᬶᬭᬂᬩᬶᬓᬸᬮᬾᬫᬗᬸᬢ᭄ᬕᬸᬢ᭄᭞ᬤᬶᬯᭀᬫᬦᬾᬤᭀᬬᬦᬗ᭄ᬕᭀᬦ᭄᭞ᬭᬸᬭᬸᬩ᭄ᬫᬵᬢᬶ᭞ᬅᬗ᭄ᬕᬭᬧᬸᬳᬸᬦ᭄ᬨᬮᬦ᭄ᬬ᭟ᬩᬸᬤ᭄ᬟᬯᬺᬱ᭄ᬧᬢᬶᬓᬾᬲᬓ᭄ᬭ᭞ᬳᭂᬦ᭄ᬢᭀ
ᬦᬾᬲ᭄ᬟᭂᬂᬳᬫ᭄ᬩᬳᬶᬦ᭄᭞ᬰᬦᬶᬲ᭄ᬘᬭᬚ᭄ᬮᬾᬧᬶᬲᬦ᭄᭞ᬩᬲ᭄ᬢᭀᬗᬤᬲ᭄ᬟᭂᬂᬢᬸᬳᬸᬢ᭄᭞ᬧᬥᬢ᭄ᬓᬾᬦ᭄ᬟᬕ᭄ᬟᬶᬕ᭄ᬓ᭄ᬭᬩᬵ᭞ᬬᬾᬦᬫ᭄ᬩᬳᬶᬦ᭄᭞ᬲᬕᬸᬩᬦᬾᬋᬓᭀᬳᬶᬮᬂ᭟ᬬᬦ᭄ᬫ [ 3 ][᭒ 2B]
ᬩᬶᬢᬸᬂᬤᬕ᭄ᬟᬶᬕ᭄ᬓ᭄ᬭᬩᬵ᭞ᬤᬶᬢᬗ᭄ᬕᬮ᭄ᬧᬗ᭄ᬮᭀᬗᬾᬳᬮᬶᬄ᭞ᬤᬶᬢᬾᬰᬸᬓᬺᬢᬗ᭄ᬕ᭠ᬮ᭄ᬧᬶᬦ᭄ᬤᭀ᭞ᬩᬸᬤ᭄ᬟᬰᬦᬶᬲ᭄ᬘᬭᬧᬶᬂᬧᬶᬢᬸ᭞ᬲᭀᬫᬦᬾᬢᬗ᭄ᬕᬮ᭄ᬳᬧᬶᬲᬦ᭄᭞ᬦᭂᬫ᭄ᬯᬺᬲ᭄ᬧᬢᬶ
᭞ᬅᬗ᭄ᬕᬭᬢᬗ᭄ᬕᬮ᭄ᬧᬶᬂᬤᬰ᭟ᬮᬫᬸᬦ᭄ᬫᬦᬸᬚᬸᬦᬾᬫᭂᬮᬄ᭞ᬲᬤᬦᬬᭀᬂᬕ᭠ᬦᬾᬳᬮᬶᬄ᭞ᬲ᭄ᬟᭂᬓ᭄ᬩᬸᬤ᭄ᬟᬢᬗ᭄ᬕᬮ᭄ᬧᬶᬦ᭄ᬤᭀ᭞ᬭᬤᬶᬢᬾᬢᬗ᭄ᬕᬮ᭄ᬧᬶᬂᬯᭀᬮᬸ᭞ᬰᬸᬓᬺᬧᬶᬂ
ᬳᭂᬦᭂᬫ᭄ᬢᬗ᭄ᬕᬮ᭄ᬦ᭄ᬬ᭞ᬅᬗ᭄ᬕᬭᬧᬶᬂ᭞ᬧᬶᬢᬸᬯᬺᬲ᭄ᬧᬢᬶᬧᬶᬗᭂᬫ᭄ᬧᬢ᭄᭟ᬳᭂᬦ᭄ᬢᭀᬤᬶᬯᬲᬦᬾᬫᭂᬮᬄ᭞ᬲᬕᬯᬾᬳᬫ᭄ᬩᬳᬶᬦ᭄᭞ᬚᬯᬢ᭄ᬫᬕᬯᬾᬲᬗ᭄ᬓᭂᬧᬦ᭄᭞ᬳᬾ
ᬗ᭄ᬕᬮ᭄ᬧᬶᬧᬶᬲᬾᬫᬢᬫ᭄ᬩᬸᬦ᭄᭞ᬚᬯᬢ᭄ᬫᬗᬯᬾᬧᬧᭂᬗ᭄ᬕᬓ᭄᭞ᬤᭀᬬᬦ᭄ᬮᬦ᭄ᬢᬶᬄ᭞ᬚᬮᬦ᭄ᬗᬤᭂᬧ᭄ᬤᬶᬧᬮᬮ᭄ᬬᬦ᭄᭟ᬩᬩᭀᬢᭀᬳᬾᬤᬤᬶᬧᬸᬜᬄ᭞ᬕᬶᬭᬂᬧᬥᬫᬜ
[᭓ 3A]
ᬕ᭄ᬚᬕᬶᬦ᭄᭞ᬮᬶᬬᬸᬢᭂᬓᬧᬲᬭᭀᬕᭀᬧ᭄᭞ᬲᬾᬧᬦᬦ᭄ᬳᬶᬬᬫᬜᭂᬫᬸᬢ᭄᭞᭠ᬚᬚᬦᬾᬢ᭄ᬯᬭᬫᬕᬸᬮ᭞ᬦᭀᬢ᭄ᬜᬫᬦᬶᬲ᭄᭞ᬩᬳᬦ᭄ᬤᬶᬯᬲ᭞ᬦᬫᭂᬮᬄ᭟ᬚᬯ
ᬢ᭄ᬩᬜᬶᬦᬶᬦ᭄ᬢᭀᬧᬧᬲ᭄᭞ᬫᬜᬸᬩᬮᬂᬬᬢᬫᭀᬦᬶᬦ᭄᭞ᬮᬫᬸᬦ᭄ᬜᬫᬦᬸᬚᬸᬓᬾᬦ᭄ᬢᭀ᭞ᬲᬤᬦᬬᭀᬕᬦᬾᬢᭂᬫᬸ᭞ᬳᭂᬦ᭄ᬢᭀᬓᬫ᭄ᬩᭂᬦᬂᬫᬤᬕᬶ᭞ᬤᭀᬬᬦ᭄ᬮ
ᬦ᭄ᬢᬄ᭞ᬤᬕᬗᬦ᭄ᬮᬳᬶᬲ᭄ᬫᬓᬾᬢᬓ᭄᭟ᬮᬫᬸᬦ᭄ᬩᬜᬢ᭄ᬯᬄᬫᬗᬫᬂ᭞ᬳᬧᬦᬾᬩ᭄ᬯᬶᬦ᭄ᬭᬲᬦᬶᬦ᭄᭞ᬗᬸᬮᬄᬧᬭᬕᬢ᭄ᬫᬫᭀᬘᭀ᭞ᬲᬶᬜᬲᬚᬗᬮᬶᬄᬳᬗ᭄ᬓᬸᬄ᭞ᬗᭂ
ᬦ᭄ᬤᭂᬮᬂᬓᬫ᭄ᬩᭂᬦ᭄ᬳᬩᬶᬤᬂ᭞ᬢᭀᬂᬤᬬᬦᬶᬦ᭄᭞ᬧᬬᬸᬳᬶᬬᬢᬦ᭄ᬧᬳᬶᬦ᭄ᬤ᭟ᬧᬦ᭄ᬢᭂᬲ᭄ᬲᬳᬶᬲᬳᬶᬗᭀᬜ᭄ᬘᬂ᭞ᬗᬮᬶᬄᬓᬚᬸᬫᬄᬫᬗ᭄ᬮᬶᬫᬶᬦ᭄᭞ᬧ᭄ᬬᬦᬓᬾᬓᬳᭀᬭᭀ [ 4 ][᭓ 3B]
᭓
ᬲᭀᬭᭀᬲ᭄᭞ᬢ᭄ᬮᬓ᭄ᬢᬓ᭄ᬢᭂᬫᬳᬶᬦ᭄ᬧᬶᬲᬸᬄ᭞ᬫᬦᬸᬢᬸᬭᬂᬢᬦᬶᬩᬕ᭄ᬬ᭞ᬫᬜᬫ᭄ᬧᬸᬭᬶᬦ᭄᭞ᬧ᭄ᬬᬦᬓᬾᬫᬓ᭄ᬚᬂᬩᬢ᭄ᬩᬢ᭄᭟ᬳᬧᬦ᭄ᬫᭂᬢᬸᬬᬤᬶᬳᬯᬓ᭄᭞ᬫᬗᬫ᭄ᬩᬄ᭠
ᬳᬮᬶᬄᬤᬶᬚᬦᬶ᭞ᬲᬗ᭄ᬓᬦ᭄ᬜᬓᬤᬸᬕᬶᬓᬾᬦ᭄ᬢᭀ᭞ᬮᬳᬤᬾᬍᬚᭂᬄᬫᬫᭂᬭᬸᬂ᭞ᬫᬧᬲ᭄ᬳᭀᬢᭀᬦ᭄ᬫᬧᬸᬫᬳᬦ᭄᭞ᬫᬦᬸᬳᬸᬓᬶᬦ᭄᭞ᬤᬤᭂᬫᭂᬦᬦ᭄ᬩᬸᬗᬄᬫᬢ᭟ᬚ
ᬦᭂᬫᬭᬫᬜ᭄ᬚᬶᬜ᭄ᬚᬶᬦᬂ᭞ᬳᬗ᭄ᬕᭀᬦ᭄ᬧᬩᬽᬕᬦ᭄ᬤᬶᬳᬢᬶ᭞ᬲᬶᬜᬲᬚᬬᬳ᭠ᬓᬾᬢᭀ᭞ᬳᭀᬢᭀᬦᬾᬫᬗ᭄ᬮᬂᬓᬃᬕᬸᬦᬸᬂ᭞ᬫᬾᬦ᭄ᬢᭂᬦᬶᬂᬢᭂᬓᬾᬦ᭄ᬧᬦ᭄ᬩᬭᬓ᭄᭞ᬩᬶ
ᬮᬶᬄᬤᬤᬶ᭞ᬧᬶᬬᬸᬳᬂᬩᬦ᭄ᬢᭂᬦ᭄ᬢᭂᬩᬲᬦ᭄᭟ᬢᬶᬚᬳᬚᬸᬯᬚᬶᬦ᭄ᬚᬶᬦᬂ᭞ᬲᬳᭂᬚᭀᬳᭂᬚᭀᬳᬾᬳᬮᬶᬄ᭞ᬤᬶᬦᬶᬰᬾᬚᬸᬯᬫᬢᬓᭀᬦ᭄᭞ᬳᬧᬂᬫᬩᬳᬦ᭄ᬫ᭠
[᭔ 4A]
ᬤᬸᬂ᭞ᬲᬫ᭄ᬩᬶᬮᬂᬕᬕᭂᬦ᭄ᬤᬶᬗᬦ᭄᭞ᬫᬗᬶᬯᬲᬶᬦ᭄᭞ᬳᬸᬓᬸᬦᬾᬢᭂᬮᬸᬂᬧᬺᬓᬭ᭟ᬲᬱ᭄ᬝᬯᬭᬓᬾᬦ᭄ᬧᬤ᭄ᬯᬭ᭞ᬳᬧᬂᬗᭂᬢ᭄ᬤᬗᭂᬦ᭄ᬲᬧᬶᬦ᭄᭞ᬧᬜ᭄ᬘᬯᬭᬓᬾᬳᬶᬗᭂᬢᬂ᭞ᬤᭂᬧᬸ
ᬢ᭄ᬳᬸᬭᬶᬧ᭄ᬜᬦᬾᬢᭂᬮᬸ᭞ᬢᬸᬗ᭄ᬕᬮᬂᬤᬤᬶᬳᬧᬶᬲᬦ᭄᭞ᬲᬸᬩᬧᬲ᭄ᬢᬶ᭞ᬮᬯᬸᬢ᭄ᬧᭂᬢᬾᬓ᭄ᬧᬶᬂᬓᭂᬫ᭄ᬩᭂᬮᬲ᭄᭟ᬓᬢᭂᬫᬸᬬᬦ᭄ᬰᬾᬱᬢᬸᬗ᭄ᬕᬮ᭄᭞ᬧᬦ᭄ᬩᬭᬓ᭄ᬢᭂᬓᬾᬦ᭄ᬫᬾᬦ᭄ᬘᬶᬦᬶᬂ᭞ᬳᬮᬳ
ᬬᬸᬢᭂᬫᬸᬓᬾᬢᭀ᭞ᬧᬦᭂᬲ᭄ᬢᬶᬲ᭄ᬦ᭄ᬬᬓᬢᭂᬫᬸ᭞ᬬᬾᬦ᭄ᬰᬾᬱᬭᭀᬤᬸᬃᬩᬮ᭞ᬲᬳᬶᬲᬳᬶ᭞ᬳᬾᬧᬸᬄᬬᬢᭂᬄᬦᬦᬶᬩᬸᬫᬄ᭟ᬳᭂᬫᬸᬢᭂᬮᬸᬤᭀᬬᬦ᭄ᬯᬶᬭᬂ᭞ᬢᭂᬫᬸᬧᬢ᭄ᬧ᭄ᬬᬦᬓᬾ
ᬫᬵᬢᬶ᭞ᬢᭂᬫᬸᬮᬶᬫᬢᭀᬦᬾᬫᭂᬮᬄ᭞ᬤᭀᬬᬦ᭄ᬲᭂᬕᭂᬃᬮᬸᬲ᭄ᬮᬦᬸᬲ᭄᭞ᬕᭂᬦ᭄ᬕᭂᬦ᭄ᬤ᭠ᬤᬶᬫᬓᬲ᭄ᬢᬬ᭞ᬫᬦᬮᬶᬫ᭄ᬢᬶᬫ᭄᭞ᬬᬾᬦ᭄ᬢᭂᬫᬸᬦᭂᬫ᭄ᬢᬢᭂᬭᬦᬦ᭄᭟ᬳᭂᬫᬸᬧᬶᬢᬸᬲᬸᬓᬤᬸᬄᬓ᭞ [ 5 ][᭔ 4B]
᭔
ᬫᬓᭂᬮᭀᬓᭂᬮᭀᬫᬦ᭄ᬤᬤᬶ᭞ᬬᬾᬦ᭄ᬢᭂᬫᬸᬓᬸᬢᬸᬬᭀᬭᬯ᭄ᬯᬦ᭄᭞ᬭᬯᬶᬢ᭄ᬩᬸᬲᬸᬗᬦ᭄ᬓᬢᭂᬫᬸ᭞ᬲᬓᬶᬢᬾᬢᭀᬗᬤᬕᬸᬦ᭞ᬲᬳᬶᬲᬳᬶ᭞ᬲᬳᬸᬤᬸᬧᬾᬢ᭄ᬯᬄᬲᬗ᭄ᬲᬭ᭟ᬢᭂ᭠
ᬫᬸᬲᬜ᭄ᬕᬚᭂᬮᬾᬧᬶᬲᬦ᭄᭞ᬫᬫᬶᬭᬸᬤᬢᬶᬤᭀᬂᬕᬶᬕᬶᬲ᭄᭞ᬗᬤᬬᬂᬲᬶᬂᬬᬢ᭄ᬤᬶ᭠ᬲᬫ᭞ᬢᬦᬸᬭᬸᬂᬫᬫᬗ᭄ᬕᬶᬄᬋᬤᬸᬢ᭄᭞ᬤᭀᬬᬦ᭄ᬮᬦ᭄ᬢᬸᬓ᭄ᬢᬸᬓ᭄ᬓᬤᬸᬢᬦ᭄᭞ᬳᬫ᭄ᬩᬄᬫᬵᬢᬶ᭞
ᬲᬶᬂᬚᬮᬦ᭄ᬚᬮᬦ᭄ᬫᬕᭂᬩ᭄ᬬᬕ᭄᭟ᬢᭂᬫᬸᬤᬰᬢᭀᬦᬾᬫᭂᬮᬄ᭞ᬩᬶᬓᬲ᭄ᬭᬢᬸᬦᬾᬓᬧᬗ᭄ᬕᬶᬄ᭞ᬬᬾᬦ᭄ᬢᭂᬫᬸᬲᭀᬮᬲ᭄ᬲᬸᬪᬶᬢ᭞ᬬᬾᬦᬶᬂᬭᭀᬭᬲ᭄ᬤᬦᬮᬸᬮᬸᬢ᭄᭞ᬬᬾᬦ᭄ᬢᭂ
ᬮᬸᬮᬲ᭄ᬳᬕᭃᬂᬮᬩ᭞ᬬᬾᬦ᭄ᬓᬢᭂᬫᬸ᭞ᬧᬢ᭄ᬩᭂᬓᬲ᭄ᬤᬳᬢᬦ᭄ᬩᬕ᭄ᬬ᭟ᬬᬾᬦ᭄ᬮᬶᬫᭀᬮᬲ᭄ᬤᬳᬢ᭄ᬳᬮ᭞ᬦᭂᬫ᭄ᬩᭂᬮᬲ᭄ᬫᬤ᭄ᬬᬓᬧᬗ᭄ᬕᬶᬄ᭞ᬲᬸᬩᬓᭀᬘᬧ᭄ᬚᬦᬶᬓᬾᬢᭀ᭞ᬚᭂᬮᬾ᭠
[᭕ 5A]
ᬫᭂᬮᬄᬲᬸᬩᬫᬸᬗ᭄ᬕᬸᬄ᭞ᬲᬶᬜᬳᬤᬩᬚᬂᬩᬚᬂ᭞ᬫᬗ᭄ᬕᬮᬶᬳᬶᬦ᭄᭞ᬳᭂᬦ᭄ᬢᭀᬚᬦᬶᬧᬤᬶᬩᭂᬳᬂ᭟ᬲᬶᬜᬫᬗᬮᬶᬄᬓᬕᬾᬮᬦ᭄᭞ᬤᬶᬢᭀᬢᭀᬦᬦᬾᬳᬶᬯᬲᬶᬦ᭄᭞ᬢᭂᬤ
ᬢᭂᬓᬫᬜᬮᭀᬓᭀᬃ᭞ᬤᬗᬸᬮᬄᬧᬸᬲᬸᬗᬾᬗᭂᬫᬸᬓ᭄᭞ᬚᬯᬢ᭄ᬚᭂᬮᬾᬓᬦᬳᬸ᭠ᬲᬧ᭄᭞ᬢᭀᬦᬾᬳᬮᬶᬄ᭞ᬮᬫᬸᬦ᭄ᬫᬦᭂᬫᬸᬤᬶᬓᬃᬫ᭄ᬫ᭟ᬮᬫᬸᬦ᭄ᬫᬦᭂᬫᬸᬤᬶᬓᬃᬫ᭄ᬫ᭞ᬲᬫᬳᭂᬮ᭄ᬫ
ᬳᭂᬮ᭄ᬜᬩᭂᬮᬶ᭞ᬚᬯᬢ᭄ᬦᭂᬩᬸᬲ᭄ᬤᬶᬧᬢᬸᬜ᭄ᬕᬾᬦ᭄᭞ᬗᬮᬶᬄᬧᬶᬧᬶᬲ᭄ᬩᬦ᭄ᬫᬢᬸᬗ᭄ᬕᬸ᭞ᬫᬗ᭠ᬬᬳᬂᬫᬕᬦ᭄ᬢᬮᬦ᭄᭞ᬳᭂᬤᬳᬶᬫ᭄ᬩᬶᬄ᭞ᬫᬲᬩᬸᬯᬸᬂᬩᬕ᭄ᬬ᭟ᬚᬯᬢ᭄ᬫᬗᬮᬶᬄᬦᬾ᭠
ᬫᭂᬮᬄ᭞ᬫᬗᬸᬕᬢ᭄ᬳᬦᬓᬾᬲᬸᬕᬶᬄ᭞ᬫᬗᬸᬮᬄᬩᬸᬗᬄᬫᬗᬗ᭄ᬕᭀ᭞ᬮᬫᬸᬦ᭄ᬢ᭠ᬦ᭄ᬓᬃᬫ᭄ᬫᬦᬾᬤᬶᬢᬸ᭞ᬩᬳᬸᬫᬭᬫᬧᬸᬫᬳᬦ᭄᭞ᬢ᭄ᬯᬄᬜᬤᬤᬶ᭞ᬢᬶᬯᬲ᭄ᬫᬬᬸᬲ᭄ᬩᬺᬩᬲᬗ [ 6 ][᭕ 5B]
᭕
ᬦ᭄᭟ᬫᭂᬜ᭄ᬚᬾᬃᬫᬜ᭄ᬚᭀᬃᬓᬧᬶᬲᬕ᭞ᬩᭂᬲᬳᬦᬾᬧᬲᬸᬭᬦ᭄ᬢᬶ᭞ᬗᭂᬦᬄᬧᬸᬦ᭄ᬲᭂᬤᬾᬫᬮᭀᬯᭀᬓ᭄᭞ᬗᬮᬶᬄᬭᬭᬲ᭄ᬯᬓᬾᬕᬦ᭄ᬢᬸᬢ᭄᭞ᬳᬩᭂᬢ᭄ᬳᬶᬮᬾᬫᬫᬮᬸᬯᬂ᭞᭠
ᬢᬬᬸᬂᬢᬬᬸᬂ᭞ᬩᬲᬂᬩᭂᬗ᭄ᬓᬶᬲ᭄ᬓᬫ᭄ᬩᭂᬦ᭄ᬚᭀᬓᬦ᭄᭟ᬚᬯᬢᬦ᭄ᬳᬦᬓᬾᬤᬳ᭞ᬮᬫᬸᬦ᭄ᬳᬤᬳᬦᬓ᭄ᬩᬮᬶᬄ᭞ᬚᬯᬢ᭄ᬬᬢᬭᬸᬩᬩᭀᬘᭀᬓ᭄᭞ᬮᬫᬸᬦ᭄ᬢ᭄ᬯᬄᬓᬃᬫ᭄ᬫᬦᬾᬤᬶᬯᬸ
᭞ᬫᭂᬦᬾᬓ᭄ᬫᭂᬦᬾᬓ᭄ᬤᬤᬶᬩᬕ᭄ᬬ᭞ᬫᬦᬮᬶᬫ᭄ᬢᬶᬫ᭄᭞ᬳᬸᬮᬶᬗᬤᭂᬧ᭄ᬳᬶᬲᬶᬦ᭄ᬳᬩ᭄ᬬᬦ᭄᭟ᬮᬫᬸᬦ᭄ᬩᬜᬢ᭄ᬯᬄᬫᬗᬫᬂ᭞ᬫᬦᬸᬳᬸᬦᬶᬦ᭄ᬤᭂᬫᭂᬦ᭄ᬳᬢᬶ᭞ᬗᬸᬮᬄᬦᬾᬚᬫ᭄ᬩᬸᬮ᭄ᬫᬕᭂᬦ᭄ᬤᭀᬮ᭄
᭞ᬮᬫᬸᬦ᭄ᬢᬦ᭄ᬓᬃᬫ᭄ᬫᬦᬾᬤᬶᬢᬸ᭞ᬩᬳᬸᬫᬭᬫᬧᬸᬫᬳᬦ᭄᭞ᬤᭀᬂᬓᬲᭂᬤᭂᬄ᭞ᬲ᭠ᬳᬶᬤᬤᬶᬧᬗᭂᬫ᭄ᬧᬳᬦ᭄᭟ᬢᬦᬸᬭᬸᬂᬫᬦᭂᬫᬸᬮᬭ᭞ᬤᬤᬶᬘᬭᬲᬳᬶᬲᬳᬶ᭞ᬫᬗᬯᬾ᭠
[ 6A]
ᬯᬫᬗᭂᬤᭀᬳᭂᬤᭀ᭞ᬩᬸᬤᬸᬄᬫᬫ᭄ᬩᭀᬢᭀᬄᬫᬫᬶᬬᬸᬢ᭄᭞ᬧᬧᬓ᭄ᬕᬸᬮᬶᬲ᭄ᬓ᭠ᬲ᭄ᬲᬦ᭄ᬤᬬᬂ᭞ᬫᬗᬮᬶᬦ᭄ᬢᬶᬂ᭞ᬤᬶᬚᬳᬕ᭄ᬮᬾᬓ᭄ᬢᬶᬢᬶᬲᬦ᭄᭟ᬘᭂᬮᬸᬢ᭄ᬫᬦᭀᬗᭀᬲ᭄ᬤᬶᬚᬸᬫᬄ᭞
ᬤᬬᬦᬶᬦ᭄ᬳᬦᬓᬾᬦᬕᬶᬄ᭞ᬩᬳᬸᬩᬗᬸᬦ᭄ᬧᬲᭂᬫᭂᬗᬦ᭄᭞ᬓᬧᬶᬲᬕᬜᬸᬳᬸᬦ᭄ᬜᬸᬦᬸᬢ᭄᭞ᬬᬾᬦ᭄ᬜᬫᬸᬮᬶᬄᬲᬸᬩᬲᬜ᭄ᬚ᭞ᬫᬜ᭄ᬚᭂᬧ᭄ᬚᭂᬧᬶᬦ᭄᭞ᬘᭂᬤᬾᬲ᭄ᬩᬸᬗ᭄ᬓᬩ᭄ᬧᬬᬸᬓ᭄ᬚᬓ
ᬦ᭄᭟ᬮᬫᬸᬦ᭄ᬳᬤᬳᬬᬶᬸᬧᬗᬦᬦ᭄᭞ᬤᬶᬢᬸᬲᬤ᭄ᬬᬦᬾᬳᬕᬶᬕᬶᬲ᭄᭞ᬫᬸᬜᬶᬮᬶᬬᬸᬧᭂᬲᬸᬳᬾᬜᭀᬃ᭞ᬫᬾᬦ᭄ᬳᬶᬩᬭᬓ᭄ᬘᬦ᭄ᬤᬾᬦ᭄ᬕᬸᬮ᭄ᬕᬸᬮ᭄᭞ᬗᬲᬶᬳᬶᬲᬶᬄᬗᬲᬶᬳᬶᬩ᭞ᬫ
ᬗᬚᬓᬶᬦ᭄᭞ᬗᬯᬾᬮᬶᬦᬸᬄᬳᬕ᭄ᬭᬾᬢᬾᬓᬦ᭄᭟ᬕᬕᬶᬦᬦᬾᬓᬾᬦ᭄ᬢᭀ᭠ᬤᭀᬯᬂ᭞ᬓᬳᬸᬦᬶᬗᬦᬾᬳᬩᭂᬲᬶᬓ᭄᭞ᬕᬯᬾᬦᬾᬫᬓᭂᬚᬂᬓᬤᭀ᭞ᬳᬯᬓᬾᬮᬸᬄᬲᭂ [ 7 ][᭖ 6B]
᭖
ᬭᬄᬫᭂᬭᬄ᭞ᬳᬶᬩᬸᬓ᭄ᬫᬗᬶᬩᬸᬓᬗᬯᬓ᭄᭞ᬜᬾᬦ᭄ᬩ᭄ᬯᬶᬦ᭄ᬢᭀᬮᬶᬄ᭞ᬧᬦ᭄ᬩᬭᬓ᭄ᬲ᭠ᬳᬶᬫᬫ᭄ᬩᬸᬓᬮ᭄᭟ᬤ᭟ᬢᬶᬤᭀᬂᬓᬾᬲᬤᬶᬧᬗᭂᬦᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬫᬮᬶᬓᬶ
ᬦ᭄᭞ᬗᬸᬮᬄᬤᭂᬫᭂᬦᬾᬳᬩᭀᬲ᭄ᬩᭀᬲ᭄᭞ᬦᬯᬶᬲᬤᬳᬾᬲᬢᬸᬯᬸᬓ᭄᭞ᬲᬚᬤᬸᬓᬾᬧᬗᬦ᭄ᬢᬾᬦᬦ᭄᭞ᬢ᭄ᬯᬭᬩᬶᬫ᭄ᬩᬶᬄ᭞ᬗᬸᬮᬳᬂᬫᬲᬲᭂᬤᬾᬭᬦ᭄᭟ᬚᬦᬶ
ᬓᬾᬦ᭄ᬢᭀᬢᭂᬫᬳᬦ᭄ᬜ᭞ᬫᬸᬜᬶᬦ᭄ᬲᬲ᭄ᬢ᭄ᬭᬦᬾᬜᬾᬭᬳᬶᬦ᭄᭞ᬮᬫᬸᬦ᭄ᬢ᭄ᬯᬄᬢᬸ᭠ᬮᬶᬲᬾᬩᭀᬘᭀᬓ᭄᭞ᬦᬲᬶᬄᬩᭀᬘᭀᬓ᭄ᬬᬓᬢᭂᬫᬸ᭞ᬲᬗ᭄ᬓᬦ᭄ᬳᬦᬓᬾᬫ
ᬓᬵᬃᬬ᭄ᬬ᭞ᬫᬫᬶᬮᬶᬳᬶᬦ᭄᭞ᬗᬮᬶᬄᬤᬶᬯᬲᬦᬾᬫᭂᬮᬄ᭟ᬚᬯᬢ᭄ᬫᬢᬓᭀᬦ᭄ᬤᬶᬯᬲ᭞ᬮᬫᬸᬦ᭄ᬢᬦ᭄ᬲᬾᬗᭂᬄᬗᬶᬯᬲᬶᬦ᭄᭞ᬮᬫᬸᬦ᭄ᬩᬩᬃᬘᬘᬮᭀᬤᭀᬃ᭞ᬢ᭠
[᭗ 7A]
ᬦᬸᬭᬸᬂᬓᬦᬓᬳᬧᬸᬲ᭄᭞ᬳᬦᬓ᭄ᬚᬦᬶᬲᬸᬩᬢᬯᬂ᭞ᬫ᭄ᬩᭂᬭᬸᬓ᭄ᬢᬓᬶᬮ᭄᭞ᬳᬗ᭄ᬕᬓ᭄ᬢᭀᬗᬤᬳᬶᬲᬶᬦ᭄ᬜ᭟ᬮᬶᬬᬸᬳᬾᬘᬾᬓ᭄ᬧᬳᬪᭀᬬᬳᬂ᭞ᬲᬲᬦ᭄ᬢᬸᬦ᭄ᬳᬦᬓᬾᬧᬶᬦ᭄ᬤ᭄ᬭᬶᬄ᭞ᬮ
ᬫᬸᬦ᭄ᬓᬢᭀᬦ᭄ᬲᬤᬫᭀᬫᭀᬢ᭄᭞ᬩᭂᬦ᭄ᬤᭂᬮ᭄ᬩᬸᬓᬗᬤᬸᬢ᭄ᬩᬢᬸ᭞ᬭᬶᬓ᭄ᬭᬶᬓᬳᬮᬶᬳᬂᬤᬬ᭞ᬫᬫᬮᬶᬧᬶᬃ᭞ᬫᬫ᭄ᬭᬶᬄᬲᬲᬦ᭄ᬢᬸᬦᬾᬓᬮᬧ᭄᭟ᬚᬯᬢ᭄ᬢᭀᬗᬤᬤᬶᬯᬲ᭞ᬫ
ᬲᬶᬄᬓᭀᬦ᭄ᬓᭀᬦ᭄ᬫᬗᬫ᭄ᬩᬳᬶᬦ᭄᭞ᬲᬗ᭄ᬕᬸᬧᬶᬦ᭄ᬫᬫᬭᬶᬧᬹᬃᬡ᭄ᬦ᭞ᬩᬳᬗᬶᬦ᭄ᬩᬩᬦ᭄ᬢᭂᬦ᭄ᬘᬭᬸ᭞ᬦᬾᬫᬢᬓᭀᬦ᭄ᬘᬮᬸᬮᬸᬓᬦ᭄᭞ᬫᬗᬫ᭄ᬩᬳᬶᬦ᭄᭞ᬢᬶᬤᭀᬂᬓᬩᬸᬓᬳᬗ᭄ᬓᬸᬮᬂ᭟
᭟ᬳᬾᬬᬸᬄᬫᬗᬮᬶᬄᬤᬶᬯᬲ᭞ᬧᬢᭂᬫ᭄ᬯᬦ᭄ᬜᬦᬾᬢ᭄ᬯᬄᬓᭂᬢᬶᬮ᭄᭞ᬭᬶᬓ᭄ᬭᬶᬓᬂᬤᬶᬢ᭠ᬗ᭄ᬕᬮ᭄ᬧᬗ᭄ᬮᭀᬂ᭞ᬧᬲᬂᬓᬵᬮᬧᬥᬭᬸᬭᬸᬄ᭞ᬓᬵᬮᬯᬸᬤ᭄ᬭᬦᬾᬤᬧᬶᬲᬦ᭄᭞ᬫᬗᬫ᭄ᬩ᭠ [ 8 ][᭗ 7B]
᭗
ᬳᬶᬦ᭄᭞ᬓᭀᬘᬧᬦ᭄ᬜᬳᬮ᭄ᬧᬬᬸᬱ᭟ᬧᬢᭂᬧᬫᬵᬧᬫᬘᭂᬓᬦ᭄᭞ᬤᬕ᭄ᬟᬶᬕ᭄ᬓ᭄ᬭᬡᬦᬾᬳᬶᬫ᭄ᬧᬲᬶᬦ᭄᭞ᬓᬵᬮᬢᬳᬸᬦ᭄ᬬᬾᬦ᭄ᬜᬓᬸᬯᬂ᭞ᬧ᭄ᬭᬯᬦᬶᬓᬾᬦ᭄ᬩᬜᬸᬳᬸᬭᬸᬂ᭞
ᬫᬶᬗ᭄ᬓᬶᬦ᭄ᬓᬾᬓᬵᬮᬤᬗᬲ᭄ᬢ᭄ᬭ᭞ᬢ᭄ᬯᬭᬭᬕᬶᬕᬶᬲ᭄᭞ᬩᬳᬦ᭄ᬜᬫᬫᬭᬶᬲᬸᬮ᭟ᬳᬱ᭄ᬝᬯᬭᬲᬧ᭄ᬢᬯᬭ᭞ᬳᭂᬦ᭄ᬢᭀᬩ᭄ᬯᬶᬦ᭄ᬧᬥᬳᬶᬯᬲᬶᬦ᭄᭞ᬲᬶᬜᬲᬕᬾᬢ᭄ᬲ᭠
ᬮᬄᬢᭀᬗᭀᬲ᭄᭞ᬫᬢᬸᬗ᭄ᬓᬲ᭄ᬫᬗ᭄ᬮᬗ᭄ᬓᬃᬕᬸᬦᬸᬂ᭞ᬤᬶᬢᬸᬓᭀᬘᬧᬦ᭄ᬢᬸᬓ᭠ᬭᬦ᭄᭞ᬲᬳᬶᬲᬳᬶ᭞ᬲᭀᬫᬳᬾᬮᬯᬦ᭄ᬫᬕᬾᬗ᭄ᬕᬂ᭟ᬮᬫᬸᬦ᭄ᬤᬶᬦᬲᬧ᭄ᬢᬯᬭ
᭞ᬧᬢ᭄ᬧᬢ᭄ᬦᬾᬲ᭄ᬟᭂᬂᬳᬫ᭄ᬩᬳᬶᬦ᭄᭞ᬲᭀᬫᬦᬾᬓᬮᬯᬦ᭄ᬩᬸᬤ᭄ᬟ᭞ᬯᬺᬲ᭄ᬧᬢᬶᬰᬸᬓ᭄ᬭᬦᬾᬢᬸᬚᬸ᭞ᬤᬶᬤᬶᬢᬾᬦᬾᬓᭀᬘᬧᬦ᭄ᬜ᭞ᬬᬾᬦᬫ᭄ᬩᬳᬶᬦ᭄᭞ᬤᭀ
[᭘ 8A]
ᬬᬦ᭄ᬓᬧᭂᬕᬢᬦ᭄ᬲᬸᬓ᭟ᬤᬶᬅᬗ᭄ᬕᬳᭂᬳᬦᬾᬫᬢᬸᬓᬃ᭞ᬯᬶᬖ᭄ᬦᬦᬾᬢᬦ᭄ᬲᬶᬧᬶᬲᬶᬧᬶ᭞ᬰᬦᬶᬰ᭄ᬘᬭᬚᭂᬮᬾᬧᬶᬲᬦ᭄᭞ᬢᬸᬫᬸᬢ᭄ᬢᭂᬓᬾᬦ᭄ᬧᬸᬢᬸᬩᬸᬬᬸᬢ᭄᭞ᬳᬚᬓ᭄ᬦᭂᬫᬵ
ᬓᬂᬲᭂᬗ᭄ᬓᬮ᭞ᬲᬳᬶᬤᭂᬤᬶᬄ᭞ᬲᬓᬶᬢᬾᬢᭀᬗᬤᬢᬸᬦ᭟ᬤᬶᬲᭀᬫᬦᬾᬤᬶᬢᬸᬫᭂᬮᬄ᭞ᬓᭀᬘᬧᬦ᭄ᬜᬳᬸᬧᬫᬾᬲᬶ᭞ᬬᬾᬦ᭄ᬤᬶᬩᬸᬤ᭄ᬟᬦᬾᬫᭀᬤᬶᬢᬫ᭠
ᬦ᭄ᬫᬧ᭄ᬬᬦᬓᬾᬭᬳᬬᬸ᭞ᬤᬶᬰᬸᬓ᭄ᬭᬦᬾᬫᬲᬶᬄᬫᭂᬮᬄ᭞ᬪᭀᬕᬪᬹᬓ᭄ᬢᬶ᭞ᬓᭀᬘᬧᬦ᭄ᬢᭀᬗᬤᬢᬸᬦ᭟ᬢᭂᬫᬸᬯᬺᬲ᭄ᬧᬢᬶᬦᬾᬫᭂᬮᬄ᭞ᬨᬮᬦ᭄ᬜᬦᬾᬮᬸᬄᬳ
ᬲ᭄ᬢᬶᬢᬶ᭞ᬚᬯᬢ᭄ᬓᬾᬦᬾᬚᬯᬢ᭄ᬓᬾᬢᭀ᭞ᬩᬶᬓᬲ᭄ᬦᬾᬫ᭄ᬭᬦᬶᬬᬦᬸᬭᬸᬢ᭄᭞ᬩᬳᬸᬫᬸᬜᬶᬦᬶᬦ᭄ᬳᬓᭂᬘᬧ᭄᭞ᬢ᭄ᬯᬄᬜᬭᬶᬦ᭄ᬤᬶᬂ᭞ᬲᬩᬳᬦ᭄ᬩᬳᬦ᭄ᬗᭀᬕᭀᬓᬂ᭟ [ 9 ][᭘ 8B]
᭘
ᬚᬦᬶᬓᭀᬘᬧ᭄ᬚᭂᬮᬾᬫᭂᬮᬄ᭞ᬤᬶᬲᬲ᭄ᬢ᭄ᬭᬦ᭄ᬜᬦᬾᬧᬶᬮᬶᬳᬶᬦ᭄᭞ᬳᭂᬤᬗᬫ᭄ᬩ᭠ᬳᬶᬦ᭄ᬓᬧᬗ᭄ᬮᭀᬂ᭞ᬤᬶᬧᬦᬗ᭄ᬕᬮᬾᬚ᭄ᬯᬢᬸᬭᬸ᭞ᬬᬾᬦ᭄ᬤᬶᬢᬶᬍᬫ᭄ᬫ᭄ᬯᬂᬧᬹᬃᬡ᭄ᬦᬫ᭞ᬤᬗᬫ᭄ᬩ
ᬳᬶᬦ᭄᭞ᬓᭀᬘᬧᬦ᭄ᬜᬳᬶᬲ᭄ᬢ᭄ᬭᬶᬚᬳᬢ᭄᭟ᬮᬫᬸᬦ᭄ᬲᬸᬩᬧᬥᬢᬢᬕ᭄᭞ᬤᬶᬢᭂᬦᬸᬂᬓᬃᬫ᭄ᬫᬦᬾᬳᬮᬶᬄ᭞ᬳᬳᭀᬯᬦ᭄ᬳᭂᬦ᭄ᬢᭀᬢ᭄ᬯᬄᬦᬾᬓᬯᭀᬢ᭄᭞ᬢᭀᬗᭀᬲ᭄ᬜ
ᬢᬶᬩᬢᭂᬮᬸ᭞ᬚᬯᬢ᭄ᬳᭀᬢᭀᬦ᭄ᬦᬾᬫᬓᬃᬫ᭄ᬫ᭞ᬩ᭄ᬯᬶᬦ᭄ᬳᬶᬯᬲᬶᬦ᭄᭞ᬢᭂᬓᬾᬦ᭄ᬳᬤᬦ᭄ᬜᬦᬾᬢᬶᬫ᭄ᬩᬂ᭟ᬚᬯᬢ᭄ᬳᬤᬦ᭄ᬦᭂᬫᬸᬓᬃᬫ᭄ᬫ᭞ᬢᭀᬗᭀᬲ᭄ᬳᬤᬦ᭄ᬜᬤᬢᬦ᭄ᬤᬶᬂ
᭞ᬳᬧᬂᬧᬶᬲᬦ᭄ᬜᬓᬢᭀᬦ᭄ᬢᭀᬦ᭄᭞ᬧᬢᭂᬫ᭄ᬯᬦᬶᬗᬮᬳᬬᬸ᭞ᬩᬓᬮ᭄ᬲᬸᬕᬶᬄᬩᬓᬮ᭄ᬢᬶᬯᬲ᭄᭞ᬩᬮᬸᬫᬦᬶᬲ᭄᭞ᬫᬵᬢᬶᬩᬳᬸᬧᬗᬦ᭄ᬢᬾᬦᬦ᭄᭟ᬳ᭠
[᭙ 9A]
ᬱ᭄ᬝᬯᬭᬦᬾᬢᬢᬕᬂ᭞ᬫᬓᭂᬚᬂᬧᬶᬮᬂᬧᭂᬢᬾᬓᬶᬦ᭄᭞ᬳᬤᬸᬯᬂᬬᬧᬢᬶᬫ᭄ᬩ᭠ᬮᬂ᭞ᬳᬧᬗᬧᬢᬹᬢ᭄ᬫᬕᬸᬭᬸ᭞ᬳᭂᬤᬫᬳᬂᬫᬜᬮᬶᬗ᭄ᬲᬂ᭞ᬩᭂᬲᬶᬓ᭄ᬩᭂᬲᬶᬓ᭄᭞ᬧᬧ
ᬤᬸᬦ᭄ᬜᬦᬾᬓᬦ᭄ᬟᬬᬂ᭟ᬬᬾᬦ᭄ᬓᬢᭂᬫᬸᬰᬾᬱᬢᬸᬗ᭄ᬕᬮ᭄᭞ᬓᬃᬫ᭄ᬫᬢᭀᬢᭀᬦ᭄ᬦᬾᬢᭂᬫᭀᬦᬶᬦ᭄᭞ᬮᬫᬸᬦ᭄ᬜᬦᬾᬫ᭄ᬯᬶᬦᬶᬗᬦ᭄ᬤ᭄ᬭ᭞ᬓᬵᬮᬢᬸᬭᬸᬯᬂᬦᬾᬳᭂᬮᬸᬄ᭞ᬳᭂ
ᬦ᭄ᬢᭀᬧᬢᭂᬫᬸᬦ᭄ᬜᬫᭂᬮᬄ᭞ᬢ᭄ᬯᬭᬕᬶᬕᬶᬲ᭄᭞ᬩᬕ᭄ᬬᬦᬾᬳᬸᬮᬶᬄᬳᬶᬧ᭄ᬬᬦᬓ᭄᭟ᬮᬫᬸᬦ᭄ᬜᬫᬰᬾᬱᬤᬤ᭄ᬯ᭞ᬓᬃᬫ᭄ᬫᬳᭀᬢᭀᬦ᭄ᬦᬾᬢᭂᬫᭀᬦᬶᬦ᭄᭞ᬮᬫᬸ᭠
ᬦ᭄ᬜᬤᬾᬫ᭄ᬯᬶᬦᬶᬬᬫ᭞ᬕᬸᬭᬸᬢᬸᬭᬸᬯᬂᬦᬾᬳᭂᬮᬸᬄ᭞ᬳᭂᬦ᭄ᬢᭀᬓᭀᬘᬧᬦ᭄ᬢᬸᬓᬭᬦ᭄᭞ᬳᬶᬬᬸᬄᬲᬳᬶ᭞ᬯ᭄ᬓᬲ᭄ᬫᬢᭂᬫᬳᬦ᭄ᬧᬲᬄ᭟ᬬᬾᬦ᭄ᬜᬢᬢᭂᬮᬸᬫᬰᬾ [ 10 ][᭙ 9B]
᭙
ᬱ᭞ᬓᬃᬫ᭄ᬫᬳᭀᬢᭀᬦ᭄ᬦᬾᬢᭂᬫᭀᬦᬶᬦ᭄᭞ᬮᬫᬸᬦ᭄ᬜᬦᬾᬫ᭄ᬯᬦᬶᬭᬸᬤ᭄ᬭ᭞ᬧᬥᬭᬸᬤ᭄ᬭᬬᬦᬾᬳᭂᬮᬸᬄ᭞ᬳᭂᬦ᭄ᬢᭀᬓᭀᬘᬧᬦ᭄ᬓᬶᬗ᭄ᬓᬶᬗᬦ᭄᭞ᬳᬸᬫᬄᬲᭂᬤᬶᬄ᭞ᬓᬩᬸ
ᬕ᭄ᬩᬸᬕᬦ᭄ᬮᬭᬯᬶᬭᬂ᭟ᬮᬫᬸᬦ᭄ᬜᬫᬰᬾᬱᬧᬢ᭄ᬧᬢ᭄᭞ᬩ᭄ᬭᬳ᭄ᬫᬵᬳᭀᬢᭀᬦ᭄ᬦᬾᬫᬸᬯᬦᬶ᭞ᬓᬢᭂᬫᬸᬦᬾᬳᭂᬮᬸᬄᬇᬦ᭄ᬤ᭄ᬭ᭞ᬳᬮᬓᭀᬘᬧᬦ᭄ᬲᬢᬸᬳᬸᬓ᭄᭞
ᬢ᭄ᬯᬭᬳᬸᬭᬸᬂᬓᬧᭂᬕᬢᬦ᭄᭞ᬤᭀᬬᬦ᭄ᬫᬵᬢᬶ᭞ᬧ᭄ᬬᬦᬓᬾᬬᬩᬸᬲᬦ᭄ᬩᬸᬲᬦ᭄᭟ᬮᬫᬸᬦ᭄ᬫᬰᬾᬱᬮᬮᬶᬫ᭞ᬉᬫᬬᬳᬦᬾᬫᬸᬯᬦᬶ᭞ᬫᬦᬸᬚᬸᬰ᭄ᬭᬶᬦᬾ
ᬦᬾᬮᬸᬳ᭞ᬳᭂᬦ᭄ᬢᭀᬫᭂᬮᬳᬾᬫᬤᭂᬭᬸᬲ᭄᭞ᬲᭂᬕᭂᬃᬤᬤᬶᬫᬓᬲ᭄ᬓᬬ᭞ᬩᭀᬄᬳᬶᬦ᭄ᬧᬶᬧᬶᬲ᭄᭞ᬧᬮᬶᬸᬤᬶᬮᬶᬬᬸᬳᬸᬫᬮᬶᬗ᭄ᬕᬄ᭟ᬮᬫᬸᬦ᭄ᬜᬦᭂᬦᭂᬫ᭄ᬫᬰᬾᬱ
[ 10A]
᭞ᬩ᭄ᬭᬳ᭄ᬫᬵᬦᭂᬫᬸᬦᬾᬫᬸᬯᬦᬶ᭞ᬫᬦᬸᬚᬸᬦᬾᬳᭂᬮᬸᬄᬬᬫ᭞ᬳᭂᬦ᭄ᬢᭀᬫᭂᬭᬡᬫᬦᭂᬭᬸᬲ᭄᭞ᬬᬾᬦ᭄ᬜᬲᭂᬕᭂᬃᬓᬸᬭᬂᬧᬗᬦ᭄᭞ᬳᬤᬕᬸᬢᬶᬮ᭄᭞ᬕᭂᬧᭀᬓ᭄ᬢᬶᬯᬂᬲ
ᬮᬄᬢᬸᬗ᭄ᬕᬮ᭄᭟ᬮᬫᬸᬦ᭄ᬧᬱᬶᬢᬸᬫᬰᬾᬱ᭞ᬕᬸᬭᬸᬬᬦᬾᬦᬾᬫᬸᬯᬦᬶ᭠᭞ᬫᬦᬸᬚᬸᬰ᭄ᬭᬶᬦᬾᬦᬾᬮᬸᬳ᭞ᬫᬲᬶᬄᬢ᭄ᬯᬄᬫᭂᬮᬄᬓᬢᭂᬧᬸᬓ᭄᭞ᬫᬓ᭄ᬮᭀᬓ᭄ᬮᭀ᭠
ᬦ᭄ᬜᬩᬕ᭄ᬬ᭞ᬫᬦᬮᬶᬫ᭄ᬢᬶᬫ᭄᭞ᬲᭂᬕᭂᬃᬤᬤᬶᬫᬓᬲ᭄ᬓᬬ᭟ᬮᬫᬸᬦ᭄ᬳᬓᬸᬢᬸᬲ᭄ᬫᬰᬾᬱ᭞ᬧᬥᬩ᭄ᬭᬳ᭄ᬫᬵᬮᬸᬄᬫᬸᬯᬦᬶ᭞ᬢᬸᬢᬸᬕ᭄ᬳᬮᬦ᭄ᬜᬦᬾᬓᬾᬦ᭄ᬢᭀ᭞ᬫᬳᬸᬫᬄᬲ
ᬯᬶᬢᬾᬤᬶᬢᬸ᭞ᬓᭂᬦᬢᬸᬚᬸᬧᬧᬲᬗᬦ᭄᭞ᬳᬫᬄᬤᬾᬲ᭄ᬣᬶ᭞ᬮᬾᬬᬓ᭄ᬕᬮᬓ᭄ᬫᬜᬢ᭄ᬭᬸᬳᬂ᭟ᬚᬯᬢ᭄ᬫᬰᬾᬱᬬᬲᬗ᭄ᬳᬵ᭞ᬮᬫᬸᬦ᭄ᬩ᭄ᬭᬳ᭄ᬫᬵᬦᬾᬦᬾᬦ᭄ᬯᬦᬶ᭞᭠ [ 11 ][᭑᭐ 10B]
᭑᭐
ᬬᬫᬦᬾᬮᬸᬄᬫᬲᬶᬄᬩᭀᬘᭀᬓ᭄᭞ᬳᬮᬧᬫᬸᬕᬸᬕᬦᬺᬤᬸᬢ᭄᭞ᬫ᭠ᬳᬶᬦᭂᬫᬸᬧᬧᬗ᭄ᬓᭂᬮᬦ᭄᭞ᬳᬫ᭄ᬩᬄᬫᬵᬢᬶ᭞ᬤᭀᬬᬦ᭄ᬩᬦ᭄ᬢᬸᬓ᭄ᬢᬸᬓ᭄ᬓᬤᬸᬳᬦ᭄᭟ᬢᭂᬫᬸ᭠
ᬤᬰᬦ᭄ᬢᭀᬦᬾᬫᭂᬮᬄ᭞ᬮᬫᬸᬦ᭄ᬓᬧᬥᬲᬢᬦ᭄ᬤᬶᬂ᭞ᬦᭂᬫᬸᬧᬯᬶᬮᬗᬦ᭄ᬳᭀᬢᭀᬦ᭄᭞ᬳᬸᬭᬶᬧᬾᬧᬥᬲᬮᬶᬓᬸᬃ᭞ᬮᬫᬸᬦ᭄ᬕᬸᬭᬸᬦᬾᬦᬾᬮᬦᬂ᭞ᬦᬾᬦᬾᬳᬶᬲ᭄ᬢ᭄ᬭᬶ
᭞ᬦᬸᬚᬸᬇᬦ᭄ᬤ᭄ᬭᬦᬾᬚᬸᬚᬸᬯᬂ᭟ᬳᭂᬦ᭄ᬢᭀᬓᭀᬘᬧᬦ᭄ᬜᬫᭂᬮᬄ᭞ᬢᬸᬃᬧ᭄ᬬᬦ᭠ᬓᬾᬫᬦ᭄ᬤᬤᬶ᭞ᬫᬢᭂᬫᬸᬩᬕ᭄ᬬᬦᬾᬗᭀᬭᭀᬂ᭞ᬓᬲᬫ᭄ᬧᭀᬮᬶᬄᬡᬦ᭄ᬲᬂᬭ᭠
ᬢᬸ᭞ᬦᬶᬲ᭄ᬢᬦ᭄ᬜᬓᬧ᭄ᬝᬩᭂᬓᭂᬮᬂ᭞ᬮᬶᬬᬸᬳᬲᬶᬄ᭞ᬓᬚᬸᬂᬚᬸᬂᬩᬦ᭄ᬓᬤᬂᬯᬃᬩ᭄ᬕ᭟᭠ᬚᬯᬢ᭄ᬲᭀᬮᬲ᭄ᬫᬲᬶᬄᬫᭂᬮᬄ᭞ᬧᬥᬕᬸᬭᬸᬬᬢᭂᬫᭀᬦᬶᬦ᭄᭞ᬮᬫᬸᬦ᭄ᬜᬫᬦᬸ
[᭑᭑ 11A]
ᬚᬸᬓᬾᬦ᭄ᬢᭀ᭞ᬚᭀᬄᬧᬭᬦ᭄ᬜᬧᬢᬶᬕᬸᬧᬸᬄ᭞ᬳᬩᭂᬢᬾᬫᬧᬳᬸᬫᬳᬦ᭄᭞ᬳᬮᬸᬄᬲᬳᬶ᭞ᬩᬶᬓᬲ᭄ᬳᬦᬓ᭄ᬫᬫᬦᬶᬲᬦ᭄᭟ᬢᭂᬫᬸᬭᭀᬭᬲ᭄ᬫᬲᬶᬄᬫᭂᬮᬄ᭞ᬧᬥ
ᬕᬸᬭᬸᬬᬢᭂᬫᭀᬦᬶᬦ᭄᭞ᬳᭂᬦ᭄ᬢᭀᬲᬤ᭄ᬬᬦᬾᬫᬓᬭᭀᬦ᭄᭞ᬦᬾᬮᬸᬄᬳᬲ᭄ᬢᬶᬢᬶᬲᬢᬸᬳᬸᬓ᭄᭞ᬦᬾᬦᬾᬫ᭄ᬯᬦᬶᬫᬜᬬᬗᬂ᭞ᬢ᭄ᬯᬭᬕᬶᬕᬶᬲ᭄᭞ᬤᬦᬥᬃᬫ᭄ᬫ
ᬦᬾᬫᬓᬧ᭄ᬮᬕ᭄᭟ᬚᬯᬢ᭄ᬫᬰᬾᬱᬢᭂᬮᬸᬮᬲ᭄᭞ᬧᬥᬉᬫᬬᬢᭂᬫᭀ᭠ᬦᬶᬦ᭄᭞ᬫᬲᬶᬫᭂᬮᬄᬢ᭄ᬯᬄᬦᬾᬓᬾᬦ᭄ᬢᭀ᭞ᬫᬓ᭄ᬮᭀᬓ᭄ᬮᭀᬦ᭄ᬜᬫᬸᬧᬸ᭞ᬲᬶᬂᬕᬯᬾᬦᬂ᭠
ᬗᬮᬶᬓᬶᬦᬦ᭄᭞ᬩ᭄ᬯᬶᬦ᭄ᬫᬦ᭄ᬤᬤᬶ᭞ᬤᬫ᭄ᬧᬸᬓᬦ᭄ᬲᬧᬦᬶᬲ᭄ᬢᬭ᭟ᬮᬫᬸᬦ᭄ᬫᬰᬾᬱᬧᬢ᭄ᬡᭂᬮᬲ᭄᭞ᬢᭂᬫᬸᬕᬸᬭᬸᬮᬸᬄᬫᬸᬯᬦᬶ᭞ᬳᬸᬮᬄᬩᬶᬩᬸᬂᬬᬦᬾᬓᬾᬦ᭄ᬢᭀ᭞ [ 12 ][᭑᭑ 11B]
᭑᭑
ᬲᬳᬶᬩᭂᬗᭀᬂᬫᬗᬸᬫᬗᬸ᭞ᬳᬩᭂᬢᬾᬫᬧᬳᬫᬳᬦ᭄᭞ᬓᬫ᭄ᬩᬂᬲᬳᬶ᭞ᬢᬦᬶᬩᬕ᭄ᬬᬦᬾᬫᬗᭂᬦ᭄ᬤᬮ᭄᭞ᬮᬫᬸᬦ᭄ᬫᬰᬾᬱᬮᬶᬫᭀᬮᬲ᭄᭞ᬮᬫᬸᬗᬸᬭᬸ
ᬦᬾᬦᬾᬫ᭄ᬯᬦᬶ᭞ᬬᬫᬦᬾᬮᬸᬄᬫᬲᬶᬄᬩᭀᬘᭀᬓ᭄᭞ᬤᬤᬶᬩᬜᬘᭂᬦ᭄ᬤᭂᬢ᭄ᬢᬸᬳᬸᬄ᭞ᬩᬳᬸᬫᬭᬧᬗᬦ᭄ᬢᬾᬦᬦ᭄᭞ᬢ᭄ᬯᬭᬫᬵᬢᬶ᭞ᬫᬯᬭᬬᬲᬮᬄᬢᬸ
ᬗ᭄ᬕᬮ᭄᭟ᬮᬫᬸᬦ᭄ᬫᬰᬾᬱᬦᭂᬫ᭄ᬩᭂᬮᬲ᭄᭞ᬓᬵᬮᬦᬾᬮᬸᬦᬾᬫᬸᬯᬦᬶ᭞ᬬᬾᬦ᭄ᬰ᭄ᬭᬶᬫᭂᬮᬄᬦᬾᬦᬾᬓᬾᬦ᭄ᬢᭀ᭞ᬢᭂᬓᬩᬩ᭄ᬬᬦᬾᬫᬢᬸᬫ᭄ᬧᬸᬓ᭄᭞ᬤᬤᬶ᭠
ᬲᬸᬕᬶᬄᬮᬶᬬᬸᬋᬦ᭄ᬤᬄ᭞ᬬᬾᬦ᭄ᬫᬗᬮᬶᬄ᭞ᬜᬸᬚᬸᬃᬓᬃᬫ᭄ᬫᬦᬾᬢᭀᬢᭀᬦᬦ᭄᭟ᬳᬗ᭄ᬳᬶᬂᬢ᭄ᬯᬭᬓᭂᬦᬳᬸᬮᬄ᭞ᬓᬗ᭄ᬕᬾᬳᬮᬶᬄᬦᬾᬦᬸᬫᬤᬶ᭞ᬮᬫᬸᬦ᭄ᬢ᭄ᬯᬄ
[᭑᭒ 12A]
ᬓᬢᬸᬤᬸᬄᬩᭀᬩᭀᬓ᭄᭞ᬫᭂᬮᬳᬾᬢ᭄ᬯᬭᬓᬢᭂᬧᬸᬓ᭄᭞ᬚᬯᬢ᭄ᬳᬤ᭠ᬦ᭄ᬦᭂᬫᬸᬓᬃᬫ᭄ᬫ᭞ᬳᭂᬦ᭄ᬢᭀᬳᬮᬶᬄ᭞ᬦᬤᬓᬂᬤᬳᬦᬾᬲᭂᬗᬧ᭄᭟ᬮᬶᬬᬸᬳᬶᬩᬸ᭠
ᬓ᭄ᬧᬤᬶᬤᬶᬬᬦ᭄᭞ᬲᬶᬂᬓᭂᬦᭂᬳᬂᬧᬥᬧᭂᬮᬶᬄ᭞ᬳᬓᬸᬤᬮᬗ᭄ᬕᭂᬗᬾᬦᭀᬗᭀᬲ᭄᭞ᬤᬶᬚ᭄ᬭᭀᬦᬾᬗᭀᬤᬫᬫᭂᬭᬸᬂ᭞ᬍᬚᭂᬄᬢᭀᬂᬤᬤᬶᬳᬸᬗ᭄ᬓᬸᬮᬂ᭞
ᬲᬳᬲ᭄ᬢᬶᬢᬶ᭞ᬳᬢᬶᬦᬾᬤᬤᭀᬧ᭄ᬭᬧᬜ᭄ᬘ᭟ᬲᬗ᭄ᬓᬦ᭄ᬢᭀᬂᬤᬤᬶᬢᬸᬚᬸᬯᬂ᭞ᬚᬯᬢ᭄ᬲᬲ᭄ᬢ᭄ᬭᬦᬾᬳᬶᬯᬲᬶᬦ᭄᭞ᬮᬫᬸᬦ᭄ᬢ᭄ᬯᬄᬢᬸᬮᬶᬲᬾᬩᭀᬘᭀᬓ᭄᭞ᬳᬯ
ᬓᬾᬢᭂᬓᬫᬦᬸᬳᬸᬢ᭄᭞ᬢᭀᬂᬓᭂᬦᬓᭂᬮᬶᬤᬶᬦᬸᬮᬄ᭞ᬧᬦ᭄ᬫᬧᬶᬧᬶᬮ᭄᭞ᬢᬸᬮᬶᬲ᭄ᬕᬶᬤᬢᬾᬗᬩ᭟ᬅᬧᬦ᭄ᬢ᭄ᬯᬄᬪᬝᬵᬭᬩ᭄ᬭᬳ᭄ᬫᬵ᭞ᬫᬦᬸᬤᬸᬳᬂᬦᬾᬦᬸᬫ [ 13 ][᭑᭒ 12B]
᭑᭒
ᬮᬫᬸᬦ᭄ᬢ᭄ᬯᬄᬓᬢᬸᬤᬸᬄᬩᭀᬘᭀᬓ᭄᭞ᬚᬯᬢ᭄ᬲᬳᬶᬫ᭄ᬭᬄᬫ᭄ᬭᬸᬄ᭞ᬓᬸᬤ᭄ᬬᬂᬫᬗᬮᬶᬄᬦᬾᬫᭂᬮᬄ᭞ᬫᬧᬤ᭄ᬯᬶᬥᬶ᭞ᬳᬶᬤᬫᬗᬶᬯᬂᬳᬢᬹᬢᬂ᭟ᬚᬦᬶᬤᬶᬦᬶᬧᬕᬯᬾ
ᬦᬂ᭞ᬦᬾᬳᬶᬥᭂᬧᬂᬓᬶᬓᬶᬢ᭄ᬓᬶᬓᬶᬓᬶᬢ᭄᭞ᬤᬶᬲᬲ᭄ᬢ᭄ᬭᬦᬾᬳᭂᬤᬧᬶᬤᭀ᭞ᬧᬗ᭄ᬤ᭠ᬩᬜᬢᬸᬤᬸᬄᬳᬸᬕᬸᬮ᭄᭞ᬬᬾᬦ᭄ᬜᬧᬲ᭄ᬢᬶᬫᬢᬶᬢᬶᬲᬂ᭞ᬢ᭄ᬯᬄᬓᬧᬗ᭄ᬕᬶᬄ᭞ᬦᬾᬫ᭠
ᬤᬦ᭄ᬳᬤᬸᬫᬮᬤ᭟ᬤᬶᬯᬲᬦᬾᬩᬭᬂᬩᬭᬂ᭞ᬳᭂᬦ᭄ᬢᭀᬲᭂᬤᭂᬂᬧᬮᬚ᭠ᬳᬶᬦ᭄᭞ᬳᬧᬗ᭄ᬤᬮᬸᬯᬲ᭄ᬫᬢᬓᭀᬦ᭄᭞ᬲᬗ᭄ᬓᬦ᭄ᬳᬸᬗ᭄ᬕᬳᬂᬤᬶᬓᬶᬤᬸᬂ᭞ᬲᬶᬜᬗ
ᬮᬶᬄᬧᬓᬤᬲᬦ᭄᭞ᬜ᭄ᬚᬸᬯᬂᬓᬸᬘᬶᬢ᭄᭞ᬤᬶᬱᬤ᭄ᬯᬭᬦᬾᬳᬮᬶᬳᬂ᭟᭠ᬤᬶᬳᬭ᭄ᬬᬗᬾᬤᭀᬬᬦ᭄ᬩᬭᬕ᭄᭞ᬢᬸᬗ᭄ᬮᬾᬄᬯᬸᬭᬸᬓᬸᬂᬳᬶᬫ᭄ᬧᬲᬶᬦ᭄᭞ᬓᭀᬚ
[᭑᭓ 13A]
ᬭᬦ᭄ᬜᬤᭀᬬᬦ᭄ᬧᬾᬭᭀᬢ᭄᭞ᬗᬳᬶᬄᬓᬸᬮᬸᬓ᭄ᬬᬫᬳᬸᬮᬸ᭞ᬤᬶᬧᬦᬶᬭᭀᬦᬾᬢᬸᬚᬸᬯᬂ᭞ᬜᬸᬯᬂᬓᬸᬘᬶᬢ᭄᭞ᬬᬦ᭄ᬤᬶᬯᬲᬤᭀᬬᬦ᭄ᬕᬜ᭄ᬚᬄ᭟ᬓᬵ᭠
ᬮᬭᬸᬫ᭄ᬧᬸᬳᬾᬳᬶᬗᭂᬢᬂ᭞ᬢᭀᬗᭀᬲ᭄ᬜᬫᬦᬸᬳᬸᬢ᭄ᬰᬰᬶᬄ᭞ᬮᬫᬸᬦ᭄ᬓ᭠ᬲᬗ᭄ᬳᬵᬲᬗ᭄ᬳᬵᬓᬤᬰ᭞ᬢᭀᬗᬲ᭄ᬜᬦᬾᬓᬚᬓᬯᬸᬄ᭞ᬬᬾᬦ᭄ᬜᬤᬾᬱ᭄ᬝᬩᭂᬦᭂᬄᬓ
ᬚ᭞ᬓᬚᬓᬗᬶᬦ᭄᭞ᬦᭂᬫᬸᬰᬰᬶᬄᬲᬤᬓᬰ᭟ᬬᬦ᭄ᬓᬭᭀᬓᬗᬶᬦ᭄ᬢᭀᬗᭀᬲ᭄ᬜ᭞ᬓᬢᬶᬕᬓᬧᬢ᭄᭞ᬤ᭄ᬮᭀᬤ᭄ᬓᬗᬶᬦ᭄᭞ᬓᬮᬶᬫᬦᭀᬗᭀᬲ᭄ᬩᬤᭂ
ᬮᭀᬤ᭄᭞ᬓᬦᭂᬫ᭄ᬓᬧᬶᬢᬸᬓ᭄ᬮᭀᬤ᭄ᬓᬯᬸᬄ᭞ᬓᬯᬸᬮᬸᬓᬯᬸᬄᬢᭀᬗᭀᬲ᭄ᬜ᭞ᬦ᭄ᬢᭀᬳᬶᬯᬲᬶᬦ᭄᭞ᬲᬮᬓᬸᬦ᭄ᬜᬦᬾᬤᬫᬧᬲ᭄᭟ᬚᬯᬢ᭄ᬦᬶᬫ᭄ᬧᬕᬂᬦᬸᬕᭂ [ 14 ][᭑᭓ 13B]
᭑᭓
ᬮᬂ᭞ᬧᬦᬶᬭᭀᬦᬾᬚ᭄ᬯᬳᬫ᭄ᬩᬳᬶᬦ᭄᭞ᬦᬗᬶᬂᬳᭂᬤᬫᬜᬮᭀᬓᭀᬃᬢᬸᬃᬰᬰᬶᬄᬢᬗ᭄ᬕᬮᬾᬳᬶᬢᬸᬂ᭞ᬮᬫᬸᬦ᭄ᬧᬦᬶᬭᭀᬦ᭄ᬢᬸᬃᬗᭃᬦ᭄ᬢᭀᬳᬫ᭄ᬩᬳᬶ᭠
ᬦ᭄᭞ᬲᭂᬤᭂᬓ᭄ᬧᬹᬃᬡ᭄ᬦᬫᬦᬶᬂᬓᬧᬢ᭄᭟ᬓᬢᬯᬶᬢᬶᬍᬫ?ᬓᬮᬶᬫ᭞ᬫᬲᬶᬄᬫᭂᬮᬄᬦ᭄ᬢᭀᬳᬫ᭄ᬩᬳᬶᬦ᭄᭞ᬚᬯᬢ᭄ᬓᬳᭂᬦᭂᬫᬾᬫᭂᬮᬄ᭞ᬢᬸᬚᬸᬢᬗ᭄ᬕᬮᬾᬧᬶᬂᬓᬸᬢᬸᬲ᭄᭞ᬓ
ᬧᬶᬢᬸᬧᬶᬂᬢᬶᬕᬯᭂᬮᬲ᭄᭞ᬓᭀᬮᬸᬫᬮᬶᬄ᭞ᬢᬗ᭄ᬕᬮ᭄ᬧᬶᬦ᭄ᬤᭀᬦᬾᬢᬸᬚᬸᬯᬂ᭟ᬢᬗ᭄ᬕᬮ᭄ᬧᬶᬂᬳᭂᬦᭂᬫ᭄ᬓᬲᬗᬵ᭞ᬓᬤᬰᬧᬶᬂᬧᬢ᭄ᬳᬫ᭄ᬩᬳᬶᬦ᭄᭞ᬮᬫᬸᬦ᭄ᬬᬤᬾᬱ᭄ᬝᬧᬶᬂᬮᬶ
ᬫ᭞ᬲᬤᬳᬧᬶᬲᬦ᭄ᬬᬢᬸᬚᬸ᭞ᬬᬾᬦ᭄ᬓᬰᬢᬗ᭄ᬕᬮ᭄ᬧᬶᬂᬤᬰ᭞ᬓᬭᭀ᭠ᬦᬾᬧᬶᬂ᭞ᬧᬶᬢᬸᬓᬢᬶᬕᬧᬶᬂᬤᬗ᭄ᬳᬵ᭟ᬳᭂᬦ᭄ᬢᭀᬋᬓᭀᬫᬺᬢᬫᬲ᭞᭠᭠ᬲᬮ
[᭑᭔ 14A]
ᬯᬾᬕᬯᬾᬳᬫ᭄ᬩᬳᬶᬦ᭄᭞ᬚᬯᬢ᭄ᬫᬫᬸᬮᬫᬸᬮᬬᬦ᭄᭞ᬓᬢᬯᬶᬫᬓᬵᬃᬬ᭄ᬬᬳᬬᬸ᭞ᬚᬯᬢ᭄ᬫᬫᬤᬶᬓ᭄ᬢᭀᬳᬫ᭄ᬩᬄ᭞ᬗᬶᬂᬳᬶᬯᬲᬶᬦ᭄᭞ᬫᭂᬮᬄᬤᬶᬦ᭠
ᬦᬾᬢᬸᬚᬸᬯᬂ᭟ᬮᬫᬸᬦ᭄ᬳᬶᬬᬩᬓᬢ᭄ᬩᬩᬃ᭞ᬳᭂᬤᬲᭂᬫᬂᬲᭂᬫᬗ᭄ᬳᬢᬶ᭞ᬲᬮᬘᬸᬃᬮᬘᬸᬃᬦᬾᬗᭀᬗ᭄ᬓᭀᬦ᭄᭞ᬢᭀᬂᬫᬗ᭄ᬮᬶᬯᬢᬶᬦ᭄ᬧᬶᬂᬢᭂᬮᬸ᭞ᬮᬫᬸᬦ᭄ᬲᬤ᭄ᬬᬦᬾ
ᬳᬧᬶᬲᬦ᭄᭞ᬫᬫᬶᬦ᭄ᬤᭀᬳᬶᬦ᭄᭞ᬫᬗᬩᬩᬲᬾᬲᬗ᭄ᬓᬶᬮᬦ᭄᭟ᬦᬗ᭄ᬕᬶᬂᬫᬮᬸᬧᬭᬶᬭᬶᬗᬂ᭞ᬭᬤᬭᬲᬬᬂᬤᬶᬳᬢᬶ᭞ᬳᭂᬤᬢᭂᬓᬫᬜᬮᭀᬓᭀᬃ᭞ᬲ
ᬭᭀᬦᬾᬢᬶᬫ᭄ᬩᬮᬶᬦ᭄ᬓᭂᬫ᭄ᬧᬸᬮ᭄᭞ᬓᬸᬤ᭄ᬬᬂᬦᬶᬲᬮᬄᬳᬶᬦ᭄ᬟᬓ᭄᭞ᬳᬢᬸᬢ᭄ᬤᬤᬶ᭞ᬳᬶᬕᭂᬮᬾᬧᬮᬶᬓᬤ᭄ᬮᬶᬓᬤ᭄᭟ᬲᭂᬫᬸᬦ᭄ᬩᬩᭀᬢᭀᬳᬾᬚᬸᬯᬂᬧᬥ [ 15 ][᭑᭔ 14B]
᭑᭔
ᬧᬥᬬᬂᬫᬢᬦ᭄ᬤᬶᬂ᭞ᬮᬫᬸᬦ᭄ᬓᬘᬶᬯᬩᬦ᭄ᬗᭀᬭᭀᬂ᭞ᬓᬳᭂᬘᭀᬓ᭄ᬓᬮᬶᬫᬢᭂᬮᬸ᭞ᬫᬲᬩᬸᬳᬸᬂᬢᬦᬶᬓᬮᬄ᭞ᬚᬯᬢ᭄ᬗᭂᬧᬶᬓ᭄᭞ᬓᬢᭂᬫ᭄ᬧᬸᬃᬢ᭄ᬯᬭᬕᬯᬾᬜ᭟᭠
ᬓᬾᬢᭀᬩᬳᬦ᭄ᬫᬭᬶᬭᬶᬗ᭞ᬭᬲᬭᬲᬬᬤᬶᬳᬢᬶ᭞ᬮᬫᬸᬦ᭄ᬢ᭄ᬯᬄᬳᬯᬓᬾᬩᭀᬘᭀᬓ᭄᭞ᬫᬫᬤᬶᬓ᭄ᬳᬦᬓᬾᬳᬬᬸ᭞ᬫᬲᬩᬸᬳᬸᬂᬢ᭄ᬯᬄᬜᬲᭂᬗᬧ᭄᭞ᬚ
ᬯᬢ᭄ᬗᭂᬧᬶᬓ᭄᭞ᬤᬶᬯᬲᬢ᭄ᬯᬭᬕᬯᬾᬦ᭄ᬜ᭟ᬚᬯᬢ᭄ᬬᬫᬗᭂᬚᬸᬓ᭄ᬲᬶᬬᬧ᭄᭞ᬳᬱ᭄ᬝᬯᬭᬦᬾᬳᬶᬯᬲᬶᬦ᭄᭞ᬲᬳᬸᬍᬲ᭄ᬜᬦᬾᬢᬸᬳᬸᬢᬂ᭞ᬳᭂᬦ᭄ᬢᭀᬢᬶᬩᬬᬂ
ᬧᬶᬂᬓᬸᬢᬸᬲ᭄᭞ᬮᬫᬸᬦ᭄ᬳᬶᬦ᭄ᬤ᭄ᬭᬚᬸᬓ᭄ᬦᬾᬦᬾᬲ᭞ᬗ᭄ᬳᬶᬂᬳᬶᬯᬲᬶᬦ᭄᭞ᬲᭂᬤᭂᬓ᭄ᬚᬬᬦᬾᬢᬸᬚᬸᬯᬂ᭟ᬕᬸᬭᬸᬕᬭᬸᬫ᭄ᬩᬸᬦ᭄ᬢᬸᬚᬸᬯᬂ᭞ᬮᬫᬸᬦ᭄ᬗᭂᬚᬸᬓ᭄ᬦᬾᬦᬾᬩᬶᬳᬶᬂ᭞ᬤᬶᬮᬸᬤ᭄ᬭ
[᭑᭕ 15A]
ᬦᬾᬚᬸᬓ᭄ᬦᬾᬳᬶᬚᭀ᭞ᬬᬾᬦᬶᬂᬩ᭄ᬭᬳ᭄ᬫᬵᬚᬸᬓ᭄ᬦᬾᬓ᭄ᬮᬯᬸ᭞ᬓᬵᬮᬦᬾᬩ᭄ᬯᬶᬦ᭄ᬧ᭠ᬲᬲᬂ᭞ᬉᬫᬲᭂᬍᬫ᭄᭞ᬰ᭄ᬭᬶᬳᭂᬚᬸᬓ᭄ᬦᬾᬦᬾᬲ᭄ᬭᬯᬄ᭟ᬓᬾᬦ᭄ᬢᭀᬩᬳᬦ᭄ᬫᬢᬸᬚᬸᬯᬂ᭞
ᬦᬗ᭄ᬳᬶᬂᬚᬬᬦᬾᬢᭂᬫᭀᬦᬶᬦ᭄᭞ᬚᬯᬢ᭄ᬲᬸᬩᬦᭂᬫᬸᬓᬾᬦ᭄ᬢᭀ᭞ᬳᭂᬦ᭄ᬤᬾᬜ᭄ᬚᬸᬤᬧᬢᬶᬮᬚᬸ᭞ᬳᬶᬗ᭄ᬓᭂᬮᬶᬗ᭄ᬓᭂᬮᬾᬳᬶᬗᭂᬢᬂ᭞ᬦ᭄ᬢᭀᬳᬶᬯᬲᬶᬦ᭄᭞ᬳᬶᬗ᭄ᬓᭂᬮ᭄ᬫᬦᬸ
ᬓᬾᬤᬫᬧᬲ᭄᭟ᬳᬶᬢᬸᬂᬳᬸᬓᬸᬦᬾᬓᬦ᭄ᬤᬬᬂ᭞ᬯᬶᬮᬂᬫᬓᭂᬚᬂᬧᭂᬢᬾᬓᬶᬦ᭄᭞ᬮᬫᬸᬦ᭄ᬓᬲᬶᬦ᭄ᬳᬳᬶᬗ᭄ᬓᭂᬮ᭄ᬯᭀᬂ᭞ᬤᬶᬮᬦ᭄ᬟᭂᬧᬾᬳᬶᬗ᭄ᬓᭂᬮ᭄ᬳᬲᬸ᭞ᬤᬶᬳᬸᬓᬶᬭᬾᬳᬶᬗ᭄ᬓᭂ
ᬮ᭄ᬧᬓ᭄ᬱ᭄ᬬ᭞ᬬᬾᬦ᭄ᬓᬸᬮᬦ᭄ᬢᬶᬃ᭞ᬳᬶᬗ᭄ᬓᭂᬮ᭄ᬫᬶᬡᬦ᭄ᬢᭀᬳᬤᬦ᭄ᬜ᭟ᬤᬶᬢᭀᬮᬸᬦᬾᬳᬶᬗ᭄ᬓᭂᬮ᭄ᬲᭀᬘ᭞ᬤᬶᬕᬸᬫ᭄ᬩᬺᬕᬾᬩ᭄ᬯᬶᬦ᭄ᬫᬲᬮᬶᬦ᭄᭞ᬳᬶᬗ᭄ᬓᭂᬮ᭄ᬢᬭᬸᬦ᭄ᬢᭀᬳᬤᬦ᭄ᬜ᭞ [ 16 ][᭑᭕ 15B]
᭑᭕
ᬯᬭᬶᬕᬳᬶᬗ᭄ᬓᭂᬮ᭄ᬯᭀᬂᬜᬮᬸᬓ᭄᭞ᬢᭂᬓᬧᭂᬢᬂᬤᬰᬤᬤ᭄ᬯ᭞ᬦ᭄ᬢᭀᬳᬶᬯᬲᬶ᭠ᬦ᭄᭞ᬳᬶᬗ᭄ᬓᭂᬮ᭄ᬫᬦᬸᬓᬾᬳᬶᬫ᭄ᬧᬲᬶᬦ᭄᭟ᬲᬶᬜᬫᬗᭂᬦ᭄ᬤᭀᬦᬂᬳᬬᬫ᭄᭞ᬓᬵᬮᬯᬸᬓᬸ
ᬦᬾᬳᬶᬯᬲᬶᬦ᭄᭞ᬮᬫᬸᬦ᭄ᬫᬗᬮᬶᬄᬦᬾᬓᬾᬦ᭄ᬢᭀ᭞ᬤᬶᬢᬗ᭄ᬕᬮ᭄ᬧᬗ᭄ᬮᭀᬗᬾᬭᬸᬭᬸᬄ᭞ᬳᬧᬶᬲᬦ᭄ᬢᭂᬓᬾᬦ᭄ᬧᬶᬂᬲᬗ᭄ᬳᬵ᭞ᬓᬚᬓᬗᬶᬦ᭄᭞ᬧᬶᬦ᭄ᬤᭀᬧᬶᬂᬤᬰᬓᬗᬶ᭠
ᬦ᭄ᬬ᭟ᬧᬶᬂᬢᭂᬮᬸᬧᬶᬂᬲᭀᬮᬲ᭄ᬓᬚ᭞ᬧᬶᬂᬧᬢ᭄ᬧᬶᬂᬭᭀᬭᬲ᭄‌ᬓ᭄ᬮᭀᬤ᭄ᬓᬗᬶᬦ᭄᭞᭠ᬧᬶᬂᬧᬢ᭄ᬧᬶᬂᬦᭂᬫ᭄ᬩᭂᬮᬲ᭄ᬓᭂᬮᭀᬤ᭄᭞ᬧᬶᬂᬧᬶᬢᬸᬧᬹᬃᬡ᭄ᬦᬫᬓᬯᬸᬄ᭞ᬧᬶᬂᬮᬶᬫᬧᬶᬂᬢᬶᬕᬯᭂ᭠
ᬮᬲ᭄᭞ᬓᭂᬮᭀᬤ᭄ᬓᬯᬸᬄ᭞ᬧᬶᬂᬯᭀᬮᬸᬓᬯᬸᬄ᭞ᬗᬵᬲ᭄ᬜ᭟ᬮᬫᬸᬦ᭄ᬩ᭠ᬩᭀᬢᭀᬄᬫᬓᭂᬫ᭄ᬩᬃ᭞ᬓᬵᬮᬳᬾᬜ᭄ᬚᬾᬃᬳᬾᬜ᭄ᬚᬾᬃᬳᬶᬦ᭄ᬢᬶᬧ᭄᭞ᬤᬶᬤᬤᬯᬸᬳᬦᬾ
[᭑᭖ 16A]
ᬦᭀᬗᭀᬲ᭄᭞ᬦᬸᬳᬸᬢᬂᬤᬯᬸᬄᬧᬶᬂᬓᬸᬢᬸᬲ᭄᭞ᬧᬲᭂᬫᭂᬗᬦ᭄ᬤᬯᬸᬄᬧᬶᬲᬦ᭄᭞ᬩᭂᬦᭂᬄᬓᬗᬶᬦ᭄᭞ᬤᬯᬸᬄᬧᬶᬢᬸᬬᬩᬤᬚ᭟ᬓᬚᬓᬗᬶᬦ᭄ᬬᬤᬯᬸᬄᬧᬢ᭄᭞ᬤ᭠
ᬯᬸᬄᬦᭂᬫᬾᬓᭂᬮᭀᬤ᭄ᬓᬗᬶᬦ᭄᭞ᬤᬯᬸᬄᬢᭂᬮᬸᬩᭂᬦᭂᬄᬓᭂᬮᭀᬤ᭄᭞ᬤᬯᬸᬄᬭᭀᬦᬾᬓᬚᬓᬯᬸᬄ᭞ᬩᭂᬦᭂᬄᬓᬯᬸᬄᬤᬯᬸᬄᬮᬶᬫ᭞ᬳᬓᭂᬮᭀᬤ᭄ᬓᬗᬶᬦ᭄᭞ᬦᭂᬫᬸᬧᬶᬂ
ᬓᬸᬢᬸᬲ᭄ᬢᭀᬗᭀᬲ᭄ᬜ᭟ᬚᬯᬢ᭄ᬫᬕᬯᬾᬓᬳᬸᬫ᭞ᬮᬫᬸᬦ᭄ᬩᬜᬢ᭄ᬯᬄᬧᬢᬶᬢᬶᬓ᭄᭞ᬳᭂᬤᬢᭂᬓᬫᬜᬮᭀᬓᭀᬃᬗᬸᬮᬳᬂᬕᬯᬾᬗᬤᬶᬧᬸᬓ᭄᭞ᬮᬫᬸᬦ᭄ᬜ᭠
ᬫᬸᬳᬶᬦ᭄ᬫᬢᭂᬓᬧ᭄᭞ᬫᬗᭂᬦ᭄ᬤᬕᬶᬦ᭄᭞ᬓᬵᬮᬪᬵᬕᬦᬾᬳᬶᬭᬶᬗᬂ᭟ᬮᬫᬸᬦ᭄ᬰᬰᬶᬄᬤᬾᬱ᭄ᬝᬲᬤ᭞ᬓᬰᬦᬵᬕᬫᬋᬧ᭄ᬓᬗᬶᬦ᭄᭞ᬢᬸᬦ᭄ᬤᬸᬦ᭄ᬜᬦᬾᬫᬋᬧ᭄ᬓᭂᬮᭀᬤ᭄᭞ [ 17 ][᭑᭖ 16B]
᭑᭖
ᬳᬶᬓᬸᬳᬾᬫᬳᬶᬩᭂᬄᬧᬯᬸᬄ᭞ᬢᭂᬦ᭄ᬟᬲ᭄ᬜᬦᬾᬫᬋᬧ᭄ᬓᬚ᭞ᬫᬋᬧ᭄‌ᬓ᭄ᬮᭀᬤ᭄᭞ᬓᬗᬶᬦ᭄ᬯᬦ᭄ᬜᬫ᭄ᬯᬶᬦ᭄ᬫᬢᭂᬳᬧ᭄᭟ᬦ᭄ᬢᭀᬩᬳᬗᬶᬦ᭄ᬧᬘᬭᬸᬯᬦ᭄᭞ᬩᬩᬦ᭄ᬢᭂᬦᬾᬲᬃ᭠
ᬯ᭄ᬯᬧᬸᬢᬶᬄᬧᬜ᭄ᬚᬸᬜ᭄ᬚᬸᬂᬜᬧᬸᬢᬶᬄᬓᬮᬄ᭞ᬦᬲᬶᬫᬩᬾᬧᬸᬢᬶᬄᬳᬮᬸᬄ᭞ᬩᬸᬗᬧᬸᬢᬶᬄᬲᬃᬯ᭄ᬯᬩᬶᬚ᭞ᬬᬾᬦ᭄ᬗᭂᬦ᭄ᬤᬕᬶᬦ᭄᭞ᬤ᭄ᬬᬲ᭄ᬢᬸᬩᬦ᭄ᬢᭂᬦᬾᬫᬫᬸᬮ᭟ᬬᬾᬦ᭄ᬓ
ᬭᭀᬓᬢᬶᬕᬓᬧᬢ᭄᭞ᬫᬲᬶᬄᬫᬋᬧ᭄ᬓᭂᬮᭀᬤ᭄ᬓᬗᬶᬦ᭄᭞ᬦᬗ᭄ᬳᬶᬂᬘᬭᬸᬦ᭄ᬜᬦᬾᬩᬭᬓ᭄᭞ᬫᬩᬾᬬᬳᬸᬤᬂᬓᬬᬸᬬᬸ᭞ᬢᬸᬃᬧᬜ᭄ᬚᬸᬜ᭄ᬚᬸᬂᬜᬦᬾᬩᬭᬓ᭄᭞ᬗ᭄ᬕᬾ
ᬦ᭄ᬫᬸᬗᬳᬶᬦ᭄᭞ᬧᬸᬘᬸᬓ᭄ᬩᬭᬓᬾᬳᬮᬶᬳᬂ᭟ᬓᬧᬶᬢᬸᬓᬦᭂᬫ᭄ᬓᬮᬶᬫ᭞ᬘ᭠ᬭᬸᬜᬦᬾᬲᬃᬯ᭄ᬯᬓᬸᬦᬶᬂ᭞ᬗᭂᬦ᭄ᬤᬕᬶᬦ᭄ᬚᬯᬢ᭄ᬫᬫᬸᬮ᭞ᬳᬗ᭄ᬳᬶᬂᬫᬋᬧ᭄ᬓᬚᬓᬯᬸᬄ᭞ᬧ
[᭑᭗ 17A]
ᬜ᭄ᬚᬸᬜ᭄ᬚᬸᬂᬗᬦ᭄ᬬᬓᬬᬸᬫᬵᬲ᭄᭞ᬦᬲᬶᬓᬸᬦᬶᬂ᭞ᬳᬸᬦᬶᬂᬢᬮᬸᬄᬳᬗ᭄ᬕᬾᬦ᭄ᬩᬦ᭄ᬬ᭟ᬓᬳᬸᬮᬸᬚᬯᬢ᭄ᬓᬲᬗ᭄ᬳᬵ᭞ᬓᬤᬰᬦ᭄ᬢᭀᬩ᭄ᬯᬶᬦ᭄ᬳᬶᬯᬲᬶᬦ᭄᭞ᬳᬋᬧᬋᬧᬦᬾᬓᬾᬦ᭄ᬢᭀ
᭞ᬫᬲᬶᬄᬫᬋᬧ᭄ᬓᬚᬓᬯᬸᬄ᭞ᬲᬃᬯ᭄ᬯᬲᭂᬍᬫ᭄ᬧᬲᬭ᭄ᬯᬦ᭄ᬜ᭞ᬦᬲᬶᬳᬶᬜ᭄ᬚᬶᬦ᭄᭞ᬓ᭠ᬬᬸᬢᭂᬫᭂᬦ᭄ᬧᬜ᭄ᬚᬸᬜ᭄ᬚᬸᬂᬜ᭟ᬮᬫᬸᬦ᭄ᬫᬫᬸᬮᬶᬄᬫᬫᬸᬮ᭞ᬤᬶᬓᬚᭂᬗᬾᬚ᭄ᬯᬢᭂᬫᭀ
ᬦᬶᬦ᭄᭞ᬳᭂᬦ᭄ᬢᭀᬭᬶᬓ᭄ᬭᬶᬓᬳᬶᬗᭂᬢᬂ᭞ᬮᬫᬸᬦ᭄ᬜᬓᬚᭂᬂᬓᬯᬸᬮᬸ᭞ᬚᬯᬢ᭄ᬳᬸᬭᬸ᭠ᬓᬂᬦ᭄ᬢᭀᬫᭂᬮᬄ᭞ᬬᬾᬦ᭄ᬜᬫᬦᬶᬲ᭄᭞ᬲᭀᬦᬾᬳᬗ᭄ᬲᬂᬦ᭄ᬢᭀᬳᬸᬤᬦ᭄ᬜ᭟ᬚᬯᬢ᭄ᬫᬫᬸ
ᬮᬫᬸᬮᬬᬦ᭄᭞ᬚᭂᬮᬾᬫᭂᬮᬳᬾᬳᬶᬯᬲᬶᬦ᭄᭞ᬬᬾᬦ᭄ᬜᬫᬳᬸᬮᬸᬓᬮᬶᬯᭀᬦ᭄᭞ᬤᭀᬬᬦ᭄ᬓᬫ᭄ᬭᬡᬦ᭄ᬩᬦ᭄ᬫᬦᬸᬓ᭄᭞ᬬᬾᬦ᭄ᬜᬯᬯᬾᬳᬫᬄᬮᬦᬲ᭄᭞ᬤ᭠ [ 18 ][᭑᭗ 17B]
᭑᭗
ᬗᬫ᭄ᬩᬳᬶᬦ᭄᭞ᬓᭀᬘᬧᬦ᭄ᬓᬢᭂᬓᬲᬸᬦ᭄ᬬ᭟ᬭᬤᬶᬢᬾᬧᭀᬦ᭄ᬤᬗᬯᬗᬂᬤᬶᬢᬾᬫᬦᬶᬲ᭄ᬫᭂᬮᬄᬓᬗᬶᬦ᭄᭞ᬤᬶᬢᬾᬧᬳᬶᬂᬤᬗᬮᭀᬤᬂ᭞ᬤᬶᬢᬾᬯᬕᬾ
ᬲᬾᬦᬢᭂᬫᬸ᭞ᬳᭂᬤᬧᬶᬲᬦ᭄ᬫᬗᬚᬦᬂ᭞ᬦ᭄ᬢᭀᬳᬶᬫ᭄ᬧᬲᬶᬦ᭄᭞ᬳᬤᬦ᭄ᬜᬤᬧ᭄ᬢᬫᬩᬬ᭟ᬦᬾᬦᬾᬓᭀᬘᬧᬦ᭄ᬢᬸᬮᬤ᭞ᬮᬸᬯᬲ᭄ᬮᬸᬯᬲ᭄ᬳᬫ᭄ᬩᬳᬶᬦ᭄᭞ᬭᬶᬂ
ᬤᬶᬢᬾᬫᬦᬶᬲ᭄ᬗᬗᬶᬦᬂ᭞ᬬᬦ᭄ᬩᬸᬤᬧᭀᬦ᭄ᬫᭂᬮᬄᬓᬯᬸᬄ᭞ᬲᭀᬫᬯᬕᬾ᭠ᬫᭂᬮᬄᬓᬚ᭞ᬰᬦᬶᬰ᭄ᬘᬭ᭞ᬧᬳᬶᬂᬫᭂᬮᬄᬫᬗᬮᭀᬤᬂ᭟ᬳᭂᬦ᭄ᬢᭀᬓᭀᬘ
ᬧᬦ᭄ᬜᬫᭂᬮᬄ᭞ᬮᬸᬯᬦ᭄ᬮᬸᬯᬲᬦ᭄ᬳᬫ᭄ᬩᬳᬶᬦ᭄᭞ᬤ᭄ᬬᬲ᭄ᬢᬸᬫᬳᬮᬶᬳᬮᬶᬳ᭠ᬦ᭄᭞ᬲᬢᬶᬩᬧᬭᬦ᭄ᬜᬢᬸᬳᬸᬢ᭄᭞ᬫᬲᬩᬸᬳᬸᬂᬧᬘᬸᬂᬲᬤ᭄ᬬ᭞ᬲᬶᬂᬚᬕ᭄ᬚᬕᬶᬦ᭄᭞
[᭑᭘ 18A]
ᬩ᭄ᬭᬬᬦᬾᬧᬥᬯᭂᬮᬲ᭄᭟ᬮᬫᬸᬦ᭄ᬲᭂᬤᭂᬓ᭄ᬤᬶᬦᬳᬮ᭞ᬓᬲᭂᬍᬓ᭄ᬩᬦ᭄ᬕᬯᬾᬧᬺᬕᬶ᭞ᬳᬫ᭄ᬩᬳᬶᬦ᭄ᬮᬸᬯᬲᬦ᭄᭞ᬓᬵᬮᬢᬧᬦᬾᬗ᭄ᬕᬾᬦ᭄ᬜᬧᬸᬄ᭞ᬤᬲᬾ᭠
ᬫᬚᬮᬦ᭄ᬫᬗᬼᬓᬲ᭄᭞ᬳᭂᬚᭀᬄᬢᬦᬶ᭞ᬕᭂᬫ᭄ᬧᬸᬂᬲᬤᬸᬃᬕ᭄ᬕᬩᭂᬜ᭄ᬘᬦ᭟ᬲᬧ᭄ᬢᬯᬭᬦᬾᬳᬶᬗᭂᬢᬂ᭞ᬮᬫᬸᬦ᭄ᬭᬤᬶᬢᬾᬦᭂᬫᭀᬦᬶᬦ᭄᭞ᬫᬗᭂᬲᭀᬧ᭄ᬦᬲᬶᬳᬲᭀ
ᬧᬦ᭄᭞ᬮᬦ᭄ᬳᬲ᭄ᬫᬚᬮᬦ᭄ᬜᬭᬸᬢ᭄ᬘᬸᬢ᭄᭞ᬲᭀᬫᬦᬾᬫᭂᬤᭂᬫ᭄ᬫᭂᬤᭂᬫᬦ᭄᭞ᬤᬳᭂᬗ᭄ᬲᬧᬶᬦ᭄᭞ᬮᬫᬸᬦ᭄ᬫᬓᬶᬭᬾᬫᬚᬮᬦ᭄᭟ᬅᬗ᭄ᬕᬭᬫᬗᬸᬬᬸᬧ᭄ᬲᬹᬃᬬ᭄ᬬ᭞ᬲᬫ᭄ᬩᬶᬮᬂ
ᬫᬚᬮᬦ᭄ᬭᬭᬶᬲ᭄᭞ᬤᬶᬩᬸᬤᬦᬾᬗᭀᬤᬗᭀᬤ᭞ᬯᬺᬲ᭄ᬧᬢᬶᬫᬱ᭄ᬫᬩᬢᬸ᭞ᬮᬫᬸᬦ᭄ᬲᬸᬓ᭄ᬭᬦᬾᬳᬢᬸᬓᬃ᭞ᬰᬦᬶᬰ᭄ᬘᬭ᭞ᬫᬦ᭄ᬤᬸᬲ᭄ᬫᬧᬸᬦ᭄ᬧᬩ᭄ᬭᬢᬦ᭄ᬜ᭟ᬰᬓ᭄ᬢᬶ [ 19 ][᭑᭘ 18B]
᭑᭘
ᬦ᭄ᬢ᭄ᬭᬶᬯᬭᬦᬾᬚᬸᬯᬂ᭞ᬲᬢᬸᬤᬸᬄᬜᬦᬾᬢᬸᬳᬸᬢᬶᬦ᭄᭞ᬳᬧᬦ᭄ᬧᬥᬲᭂᬮᬄᬳᬗ᭄ᬕᭀ᭞ᬩᬶᬓᬲᬾᬫᬓᬢᬢᭂᬮᬸ᭞ᬮᬫᬸᬦ᭄ᬜᬲᭂᬤᭂᬓᬦ᭄ᬯᬳ᭄ᬬ᭞ᬦ᭄ᬢᭀᬢᭂᬫᭀ
ᬦᬶᬦ᭄᭞ᬢᭂᬓᬾᬫ᭄ᬰᬰᬶᬄᬜᬦᬾᬳᬯᬲ᭄᭟ᬬᬦ᭄ᬗᬶᬗᭂᬢᬂᬤᬤᬯᬸᬳᬦ᭄᭞ᬧᭂᬢᬶᬓ᭄ᬮᬶᬫᬦᬾᬳᬶᬢᬸᬗᬶᬦ᭄᭞ᬤᭂᬧᬸᬓ᭄ᬳᬸᬭᬶᬧᬾᬤ᭄ᬯᬂᬲᭀᬭᭀᬄ᭞ᬳᬸᬭᬶᬧ᭄ᬧ
ᬜ᭄ᬘᬲᬧ᭄ᬢᬳᬶᬓᬸ᭞ᬢᬸᬗ᭄ᬕᬮᬂᬤᬤ᭄ᬬᬂᬳᬧᬶᬲᬦ᭄᭞ᬲᬸᬧᬶᬸᬩᬯᬲ᭄ᬢᬶ᭞ᬳᬸᬭᬶᬧ᭄ᬧᬶᬢᬸᬧᬜᬸᬫᬸᬦ᭄ᬜ᭟ᬢᬸᬗ᭄ᬕᬮ᭄ᬢᭂᬓᬾᬦ᭄ᬳᬸᬭᬶᬧ᭄ᬭᭀᬭᬲ᭄᭞ᬫᬸᬯᬄᬳᬸᬭᬶᬧ᭄ᬧᬢ᭄ᬩᭂᬮ
ᬲ᭄ᬢᬸᬗ᭄ᬕᬶᬮ᭄᭞ᬤᬯᬸᬄᬮᬶᬫᬓᬺᬢᬋᬓᭀ᭞ᬫ᭄ᬯᬄᬳᬸᬭᬶᬧ᭄ᬲᬗ᭄ᬳᬧᬸᬦᬶᬓᬸ᭞᭠ᬢᬸᬗ᭄ᬕᬮ᭄ᬢᭂᬓᬾᬦ᭄ᬢᬶᬕᬯᭂᬮᬲ᭄᭞ᬤᬯᬸᬄᬓᬮᬶᬄ᭞ᬓᬺᬢᬳᬭᬦ᭄ᬬᬧᬸᬦᬶᬓ᭟ᬫᬮᬶᬄ
[᭑᭙ 19A]
ᬳᬸᬭᬶᬧ᭄ᬟᬰᬯᭂᬮᬲ᭄᭞ᬦᭂᬫ᭄ᬩᬮᬲ᭄ᬧ᭄ᬮᬸᬓᬸᬢᬸᬲ᭄ᬢᬸᬗ᭄ᬕᬶᬮ᭄᭞ᬤᬯᬸᬄᬧᬶᬲᬦ᭄ᬓᬺᬢᬋᬓᭀ᭞ᬫ᭄ᬯᬄᬳᬸᬭᬶᬧ᭄ᬯᭀᬮᬸᬧᬸᬦᬶᬓᬸ᭞ᬢᬸᬗ᭄ᬕᬮ᭄ᬢᭂᬓᬾᬦᬶᬂᬮᬶᬫᭀᬮᬲ᭄᭞ᬤ
ᬯᬸᬄᬢ᭄ᬭᬶᬡᬶ᭞ᬓᬺᬢᬜᬳᬸᬭᬶᬧ᭄ᬧᬸᬦᬶᬓ᭟ᬳᬸᬭᬶᬧ᭄ᬧᬶᬢᬸᬯᭂᬮᬲ᭄ᬦᬶᬫ᭄ᬩᬮ᭄᭞ᬢᬸᬗ᭄ᬕᬮ᭄ᬢᭂᬓᬾᬦ᭄ᬳᬸᬯᬶᬧ᭄ᬤᬰᬶ᭞ᬤᬯᬸᬄᬘᬢᬸᬃᬓᬺᬢᬋᬓᭀ᭞ᬢᭂᬮᬲ᭄ᬧᭂᬢᬶᬓ᭄ᬮᬶᬫᬫᬸᬗ᭄ᬕᬸᬄ᭞᭠
ᬳᭂᬦ᭄ᬢᭀᬚᬸᬯᬧᬢᬶᬢᬶᬲᬂ᭞ᬤᬗᬫᬭᬶ᭞ᬢᭂᬓᬾᬦᬶᬗᬸᬘᬧᬦ᭄ᬲᬲ᭄ᬢ᭄ᬭ᭟ᬓᬵᬮᬚᬗ᭄ᬓᬦᬾᬳᬶᬗᭂᬢᬂ᭞ᬤᬶᬯᬲᬜᬦ᭄ᬤᬂᬳᬫ᭄ᬩᬳᬶᬦ᭄᭞ᬬᬾᬦᬶᬂᬫᬓᬵᬃᬬ᭄ᬬᬲᬜ᭄ᬚ
ᬢ᭞ᬭᬤᬶᬢᬾᬳᬸᬓᬶᬃᬧᬸᬦᬶᬓᬸ᭞ᬤᬶᬳᬸᬫ᭄ᬩᬺᬕᬾᬬᬓᬩᬸᬤ᭄ᬟ᭞ᬓᬵᬮᬚᭂᬗ᭄ᬓᬶᬂ᭞ᬳᬸᬕᬸᬲᭀᬫᬧᭀᬦ᭄ᬧᬸᬦᬶᬓ᭟ᬤᬶᬉᬬᬾᬦᬾᬬᬓᬰᬸᬓ᭄ᬭ᭞ᬤᬶᬓᬸᬦᬶᬗᬦᬾᬦᬓᬧ [ 20 ][᭑᭙ 19B]
᭑᭙
ᬳᬶᬂ᭞ᬓᬵᬮᬚᭂᬗ᭄ᬓᬶᬂᬦ᭄ᬢᭀᬳᬤᬦ᭄ᬜ᭞ᬰᬦᬶᬲ᭄ᬘᬭᬫᬦᬶᬲ᭄ᬧᬸᬚᬸᬢ᭄᭞ᬓᬵᬮ᭠ᬚᭂᬗ᭄ᬓᬶᬗᬾᬩᬜ᭄ᬘᬭᬦ᭄᭞ᬗᬯᬾᬢᬚᬶ᭞ᬤᬶᬯᬲᬳᬬᬸᬧᬸᬦᬶᬓ᭟ᬤᬶᬢᬫ᭄ᬩᬶᬭᬾ
ᬓᬅᬗ᭄ᬕᬭ᭞ᬤᬶᬤᬸᬓᬸᬢᬾᬓᬃᬯ᭄ᬭᬲ᭄ᬧᬢᬶ᭞ᬤᬶᬯᬲᬬᬳᬮᬤᬳᬢ᭄᭞ᬢᬦ᭄ᬯᭀᬕ᭄ᬬᬳᬫ᭄ᬩᬄᬫᬢᭂᬫᬸ᭞ᬓᭀᬘᬧ᭄ᬧᭂᬚᬄᬓᬚᬭᬦ᭄ᬜ᭞ᬬᬦ᭄ᬫᬕᬸᬦ᭄ᬢᬶᬂ᭞ᬢᬚᭂᬦ
ᬦ᭄ᬳᬬᬸᬧᬸᬦᬶᬓ᭟ᬚᬸᬮᬸᬯᬗᬶᬰᬦᬶᬲ᭄ᬘᬭ᭞ᬤᬶᬯᬲᬜᬦ᭄ᬤᬂᬳᬶᬫ᭄ᬧᬲᬶᬦ᭄᭞ᬓᬵᬮᬚᭂᬗ᭄ᬓᬶᬂᬦ᭄ᬢᭀᬩᬜ᭄ᬘᬭᬦ᭄᭞ᬬᬤᬶᬦ᭄ᬳᬸᬧᬤᬾᬰᬳᬶᬓᬸ᭞ᬤᬶᬯᬲᬬᬳᬮᬤ᭠
ᬳᬢ᭄᭞ᬬᬦ᭄ᬫᬕᬸᬦ᭄ᬢᬶᬂ᭞ᬭᬭᬾᬬᬳᬮᬧᬸᬦᬶᬓ᭟ᬮᬫᬸᬦ᭄ᬫᬫᬸᬮᬓᬲᬾ᭠ᬮ᭞ᬲᬗ᭄ᬳᬯᬭᬦᬾᬳᬶᬯᬲᬶᬦ᭄᭞ᬳᭂᬤᬢᭂᬓᬫᬗᬮᭀᬓᭀᬃ᭞ᬬᬤᬶᬦ᭄ᬧᬘᬂ᭠
[᭒᭐ 20A]
ᬦᭂᬕᭂᬦ᭄ᬢᬶᬲ᭄ᬳᭂᬩᬸᬦ᭄᭞ᬤᬗᬸᬳᭀᬕᬦ᭄ᬫ᭄ᬯᬄᬳᬸᬭᬸᬗᬦ᭄᭞ᬦ᭄ᬢᭀᬳᬶᬫ᭄ᬧᬲᬶᬦ᭄᭞ᬓᭀᬘᬧ᭄ᬩᬦᬂᬢᭂᬫᬳᬦ᭄ᬜ᭟ᬫᬮᬶᬄᬤᬶᬯᬲᬫᬫᬸᬮ᭞ᬫᭂᬮᬄᬜᬦᬾᬚ᭄ᬯᬳᬫ᭄ᬩᬳᬶᬦ᭄
᭞ᬓᬚᭂᬂᬬᬫᬦᭂᬫᬸᬩᬸᬤ᭄ᬟ᭞ᬳᭂᬦ᭄ᬢᭀᬓᭀᬘᬧᬦ᭄ᬜᬳᬬᬸ᭞ᬲᬶᬭᬢᬶᬦ᭄ᬢᭀᬬᬦ᭄ᬓᬮᬸᬗᬄ᭞ᬩᬶᬮᬶᬄᬢᬸᬗ᭄ᬕᬶᬮ᭄᭞ᬢᭀᬬᬦ᭄ᬳᭂᬦ᭄ᬢᬶᬧ᭄ᬬᬧᬜᬶᬭᬢ᭄᭟ᬓᭂᬢᭀᬓᭀᬘ᭠
ᬧ᭄ᬓᬘᬭᬶᬢ᭞ᬤᬶᬲᬲ᭄ᬢ᭄ᬭᬯᬭᬶᬕᬚᬢᬶ᭞ᬧᬫᬗ᭄ᬲᭂᬕᬦ᭄ᬜᬦᬾᬫᭂᬮᬄᬬᬾᬦᬶ᭠ᬗᭀᬮᬶᬄᬓᬬᬸᬓᬸᬢᬸᬄ᭞ᬓᬾᬢᭀᬚᬦᬶᬦᬾᬚᬮᬦᬂ᭞ᬳᬧᬦ᭄ᬲᭂᬗ᭄ᬓᬶᬮ᭄᭞ᬗᬮᬶᬄ
ᬧᬫᬸᬧᬸᬦᬾᬫᭂᬮᬄ᭟ᬲᬸᬩᬓᬾᬢᭀᬩᬦ᭄ᬜᬮᬦᬂ᭞ᬓᬢᬯᬶᬢ᭄ᬯᬭᬫᬳᬸᬫ᭄ᬩᬶ᭞ᬤᬸᬮᬸᬭᬶᬦ᭄ᬤᬳᭂᬢᬦ᭄ᬫᭂᬮᬄ᭞ᬧ᭄ᬭᬤᬾᬦᬾᬢ᭄ᬯᬭᬫᬫᬸᬧᬸ᭞ᬳᬯᬓᬾᬢ᭄ᬯᬄᬢᬦᬶᬩᬕ᭄ᬬ᭞ [ 21 ][᭒᭐ 20B]
ᬕᬦ᭄ᬢᬶᬗᬮᬶᬄ᭞ᬓᬧᬶᬲᬕᬢ᭄ᬯᬄᬫᬫᭀᬗᬄ᭟ᬳᬧᬦ᭄ᬢ᭄ᬯᬄᬧᬦᬶᬢᬄᬦᬶᬂᬳ᭄ᬬᬂ᭞ᬢᬶ᭠ᬯᬲ᭄ᬲᬸᬕᬶᬄᬬᬫᬧᬶᬮᬶᬄ᭞ᬧᬫᬸᬧᭀᬦ᭄ᬩ᭄ᬭᬢᬳᬶᬂᬓᬸᬦ᭞ᬚᭂᬮᬾᬫᭂᬮᬳᬾᬓᬢᭂᬫᬸ᭞᭠
ᬚᬦᬶᬳᬯᬓᬾᬧ᭄ᬭᬘᬫ᭄ᬧᬄ᭞ᬫᬦᬸᬳᬸᬓᬶᬦ᭄᭞ᬮᬓ᭄ᬱᬡᬦᬾᬢ᭄ᬯᬄᬫᬜᭀᬭᬄ᭟ᬚᬦᬶᬳᬯᬓᬾᬕᬯᬾᬦᬂ᭞ᬫᬩ᭄ᬭᬢᬫᬫᬗᬸᬦ᭄ᬓᬶᬃᬱᬶ᭞ᬳᭂᬤᬜᬮᬦᬂᬫ᭠
ᬫᭀᬩᬤ᭄᭞ᬳᬧᬂᬚᬢᬶᬢᬸᬳᬸᬲᬥᬸ᭞ᬓᬤᬶᬧᬫᬃᬕ᭄ᬕᬶᬦ᭄ᬧᬤᬡ᭄ᬟ᭞ᬚᬢᬶᬲ᭄ᬣᬶᬢᬶ᭞ᬳᬶᬥᭂᬧᬾᬳᭂᬦᬶᬂᬲᬢᬢ᭟ᬲᬸᬓᬓᬾᬦ᭄ᬢᭀᬩᬦ᭄ᬗᬯᬾᬦᬂ᭞ᬬᬫᬮᭀᬓ᭠
ᬦᬳᬶᬫ᭄ᬧᬲᬶᬦ᭄᭞ᬩᬳᬦ᭄ᬳᬶᬤᭂᬧᬾᬓᬲᬚ᭄ᬓᬦ᭄᭞ᬘᬶᬓ᭄ᬭᬩᬮᬦᬾᬫᬦᬸ᭠ᬗ᭄ᬓᬸᬮ᭄᭞ᬓᬧᭂᬦ᭄ᬤᬓ᭄ᬩᬦ᭄ᬯᬶᬤ᭄ᬬᬥᬭ᭞ᬩᬩᬚᭀᬮᬶ᭞ᬳᭂᬫᬵᬲ᭄ᬫᬪᬹᬱᬡᬫᬶᬭᬄ᭟
[᭒᭑ 21A]
ᬫᬚᬮᬦ᭄ᬫᬜᬮᬦ᭄ᬢᬭ᭞ᬤᬶᬢᬸᬲ᭄ᬯᬕ᭄ᬕᬦᬾᬓᬧᬗ᭄ᬕᬶᬄ᭞ᬧᬫᬸᬧᭀᬦ᭄ᬩ᭄ᬭᬢᬦᬾᬫᭂᬮᬄ᭞ᬫᬫᬹᬓ᭄ᬢᬶᬲᬸᬓᬲᬳᬬᬸᬦ᭄᭞ᬯᬶᬤ᭄ᬬᬥᬭᬶᬦᬾᬫᬗᬬᬧ᭄᭞ᬯᬶᬤ᭄ᬬ
ᬥᬭᬶ᭞ᬧᬥᬗᬯᬳᬸᬧᬘᬭ᭟ᬲᬾᬬᭀᬲ᭄ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬳᬸᬘᬧᭂᬦ᭄ᬓᬂᬦᬸᬭᬵᬢ᭄ᬳᬶᬓᬶ᭞ᬤᬭᬶᬤ᭄ᬭᬳᬦᬦ᭄ᬤᬂᬩ᭄ᬭᬦ᭄ᬢ᭞ᬲᬗ᭄ᬳᬵᬭᬮᬶᬦ᭄ᬢᬗᬶᬂᬭᬶᬩᬸᬢ᭄᭞ᬧᬸᬦᬶ
ᬓᬳᬯᬶᬦᬦ᭄ᬢᬶᬢ᭄ᬬᬂ᭞ᬗᬫ᭄ᬩᬶᬮ᭄ᬦᬸᬮᬶᬲ᭄᭞ᬫᬓᬧᬫᬜ᭄ᬘᬢᬦ᭄ᬩ᭄ᬭᬦ᭄ᬢ᭟ᬭᬶᬂᬤᬶ᭠ᬦᬧᬸᬧᬸᬫᬜᬸᬭᬵᬢ᭄᭞ᬲᭀᬫᬧᬳᬶᬂᬯᬸᬓᬸᬫ᭄ᬭᬓᬶᬄ᭞ᬢᬗ᭄ᬕᬮ᭄ᬧᬶᬂᬲᬗ᭄ᬕᬵᬓᭀᬘ
ᬧᬦ᭄᭞ᬰᬰᬶᬄᬓᬧᬢᬺᬓᬾᬲᬫ᭄ᬧᬸᬦ᭄᭞ᬳᬗ᭄ᬳᬶᬂᬳᬫ᭄ᬧᬸᬭ᭞ᬓᬸᬭᬶᬓᭀᬧᬦ᭄ᬮᭀᬓᬦᬶᬂᬭᬵᬢ᭄᭞ᬢ᭄ᬬᬂᬳᬦᬓ᭄ᬚᬸᬕᬸᬮ᭄ᬢᬸᬃᬧᬥᬸ᭞ᬳᬫ᭄ᬧᬸᬭᬧᬶᬲᬦ᭄᭞᭠ [ 22 ][᭒᭑ 21B]
᭒᭑
ᬲᬲ᭄ᬢ᭄ᬭᬢᬶᬢ᭄ᬬᬂᬓᬲᬃ᭞ᬩᬦ᭄ᬤᬸᬂᬢᬸᬦᬮ᭄ᬯᬶᬄ᭞ᬳᬓᬾᬧᭂᬚᬄᬫᬕᬦ᭄ᬢᬸ᭛᭐᭛ᬮᭀᬦ᭄ᬢᬃᬧᬸᬦᬶᬓᬶᬧᬢᭂᬫᭀᬦ᭄ᬓᬃᬫ᭄ᬫ᭞ᬫᬦᬹᬢ᭄ᬭᬶᬂᬳᭀᬯᬯᬶᬮᬗᬦ᭄ᬤᬶᬦᬳᭀᬯᬳᭀᬢᭀ
ᬦᬦ᭄᭞ᬫᬯᬄᬧᬗᬋᬋᬳᬦ᭄ᬤᬶᬯᬲᬲᬦᬾᬲᬾᬳᭀᬲᬦ᭄᭟᭐᭟ᬧᬸᬧᬸᬢ᭄ᬓᬲᬸᬭᬵᬢ᭄ᬭᬶᬂᬭᬳᬶᬦ᭞ᬰ᭞ᬧ᭄ᬯ᭞ᬯᬸᬓᬸᬫᬢᬮ᭄᭞ᬢᬗ᭄ᬕᬮ᭄ᬧᬶᬂ᭞᭔᭞ᬰ
ᬰᬶᬄᬓ᭞᭙᭞ᬭᬄ᭞᭑᭒᭞ᬇᬰᬓ᭞᭑᭙᭑᭘᭞ᬳᭀᬮᬶᬄᬳᬶᬯᬬᬦ᭄ᬢᭂᬕ᭄᭞ᬲᬓᬶᬂᬤᬾᬰᬩᬸᬕ᭄ᬩᬸᬕ᭄᭞ᬤᬸᬲᬸᬦ᭄ᬢᭂᬗᬳᬦ᭄᭞ᬩ᭠
ᬜ᭄ᬚᬃᬩᬜ᭄ᬘᬶᬗᬄ᭞ᬓᬤᬾᬰᬳᬦ᭄ᬩᬸᬕ᭄ᬩᬸᬕ᭄᭞ᬓᬘᬫᬢᬦ᭄ᬫᬶᬯᬄᬓᬩᬸ᭠ᬧᬢᬾᬦ᭄ᬢᬶᬗ᭄ᬓᬢ᭄᭞᭐᭞ᬓᬭᬗᬲᭂᬫ᭄᭞ᬭᬸᬭᬸᬂᬓᬫ᭄ᬩᭀᬚ᭞ᬳᬸᬫᬄ᭞ᬦᭀ᭞᭕᭞