Ban/Gaguritan Dharmma Prawreti

Deskripsi

Bahasa Indonesia

Lontar ini berisi tentang Pitutur, petuah dan nasehat (kasusilan jati, dasasila, dan lain-lain) dari seorang Ayah kepada anaknya agar dapat berguna kelak pada kehidupannya dimasa depan serta yang dituangkan dalam beberapa geguritan yakni Pupuh Pucung, Adri, Ginanti, Maskumambang, Smarandhana dan lain-lain.

Naskah

[ 1 ][G/V/10
Judul: Gaguritan Dharmma prawreti
Pnj. 35 cm. Lb. 3,5 cm. Jml. 51/52 lb.
Asal: Tegalsari, Buleleng. XVI G]
[᭑ 1A]
[Judul: Gaguritan Dharmma prawreti.
Pnj. 35 cm. Lb. 3,5 cm. Jml. 51/52 lb.
Asal: Tegalsari, Buleleng. XVI G] [ 2 ][᭑ 1B]
᭑᭞
᭛ᬑᬁᬅᬯᬶᬖ᭄ᬦᬫᬲ᭄ᬢᬸ᭛ᬳᬶᬓᬶᬕᬕᬸᬭᬶᬢᬦ᭄‌ᬥᬃᬫ᭄ᬫᬧ᭄ᬭᬯᬺᬢ᭄ᬢᬶ᭚ᬧᬸᬄᬧᬸᬘᬸᬂ᭚ᬘᭂᬦᬶᬂ᭠ᬩᬕᬸᬲ᭄᭞ᬫᭂᬮᬳᬂᬫᭂᬦᬫ᭄ᬧᬶᬢᬸᬢᬸᬃ᭞ᬧᬶᬋᬗᬂᬲᭂᬓᭂᬦᬂ᭞ᬇᬜ᭄ᬘᭂᬧᬂᬲᬶᬫ᭄ᬧᭂᬦ᭄ᬤᬶᬳᬢᬶ᭞ᬧᬂᬤᬮᬩᬸᬄ
᭞ᬓᬲᬸᬲᬶᬮᬦ᭄ᬳᬗ᭄ᬕᬾᬦ᭄‌ᬗᭂᬫ᭄ᬩᬦ᭄᭟ᬬᬦ᭄‌ᬓᬧᬸᬗ᭄ᬓᬸᬃ᭞ᬓᬕᬾᬢ᭄‌ᬘᭂᬦᬶᬂᬗᬮᬶᬄᬕᬸ᭠ᬭᬸ᭞ᬫᭂᬮᬳᬂᬫᭂᬤᬲᬂ᭞ᬯᬲ᭄ᬧᬤᬬᬂᬳᬧᬂᬧᬲ᭄ᬢᬶ᭞ᬧᬂᬤᬮᬘᬸᬃ᭞ᬗᭀᬚᭀᬕ᭄ᬕᬸᬭᬸᬫᭀᬦ᭄ᬤᭀᬂ
ᬮᭀᬩ᭟ᬕᬸᬭᬸᬇᬓᬸ᭞ᬦᬾᬫᭀᬦ᭄ᬤᭀᬂᬮᭀᬩᬲᬢᬸᬯᬸᬓ᭄᭞ᬇᬫ᭄ᬧᬲᬶᬦ᭄ᬢᭀᬦᬦᬓ᭄᭞ᬫᬗ᭄ᬤᬾᬦ᭄ᬢᬦ᭄ᬮᬩᬸᬄᬗᬸᬮᬶᬮᬶᬂ᭞ᬦᬾᬢᬦ᭄ᬳᬸᬭᬸᬂ᭞ᬗᬯᬾᬲᭂᬗ᭄ᬱᬭᬓᬯ᭄ᬓᬲ᭄᭟ᬢᭀᬲᬂᬕᬸᬭᬸ
᭞ᬦᬾᬗᬩᬘᭀᬭᬄᬲᬢᬸᬯᬸᬓ᭄᭞ᬢᬦ᭄ᬤᭀᬄᬭᬶᬂᬲᬂᬩᬓ᭞ᬗᬸᬮᬄᬧᬢᬶᬲᬓᬶᬂᬲᬶᬮᬶᬩ᭄᭞ᬚᬦ᭄ᬢᭀᬲ᭄ᬲᬸᬭᬸᬦ᭄᭞ᬗᭂᬫᬕ᭄ᬬᬂᬳᬶᬫ᭄ᬱᬵᬓᬃᬫ᭄ᬫ᭟ᬫᬶᬭᬶᬩ᭄ᬤᬶᬧᬸᬦ᭄᭞ᬮᬮᬶᬭᬶᬂᬲᬂᬓᬃᬫ᭄ᬫᬦᬸ᭠
[᭒ 2A]
ᬢᬸᬕ᭄᭞ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬲᬂᬬᬸᬬᬸᬤᬸᬭᬸᬲ᭄ᬫᬗᬧᬶᬢ᭄᭞ᬦᬄᬧᬫᬸᬧᬸᬢ᭄᭞ᬲᬂᬩᬓᬗᭂᬫᬲᬶ᭠ᬦ᭄ᬧᭂᬚᬄ᭟ᬫᬸᬮᬢᬸᬤᬸᬄ᭞ᬳ᭄ᬬᬂᬯᬶᬥᬶᬦᬾᬫᬸᬮᬵᬳᬲᬸᬂ᭞ᬫᬯᬾᬢ᭄ᬓᬃᬫ᭄ᬫᬨᬮ᭞ᬢᬦ᭄ᬤᬤᭀᬲ᭄ᬢᬸᬮ
ᬓ᭄ᬓᭂᬮᬶᬤᬶᬦ᭄᭞ᬗᬃᬤᬶᬳᬬᬸ᭞ᬲᬶᬦᬄᬳᬬᬸᬬᬢᭂᬫᭀᬓᬂ᭟ᬬᬦ᭄‌ᬓᬧᬸᬧᬸᬢ᭄᭞ᬕᬸᬭᬸᬦᬾᬮᭀᬩᬓᬧᬶᬢᬸᬢ᭄᭞ᬢᬦ᭄ᬧᬳᬭᬶᬫ᭄ᬪᬯ᭞ᬲᬶᬦᬄᬳᬮᬦᬾᬦᭂᬧᬾᬦᬶᬦ᭄᭞ᬅᬮᬵᬳᬬᬸ᭞᭠
ᬇᬓᬸᬫᬶᬚᬶᬮ᭄ᬲᬓᬶᬂᬓᬃᬫ᭄ᬫ᭟ᬲᬗ᭄ᬓᬦ᭄ᬩᬕᬸᬲ᭄᭞ᬕᬸᬭᬸᬦᬾᬥᬸᬃᬲᬶᬮᬇᬓᬸ᭞ᬩᭂᬘᬶᬓ᭄‌ᬬᬳᬶ᭠ᬫ᭄ᬧᬲᬂ᭞ᬫᬗ᭄ᬤᬾᬦ᭄ᬢᬦ᭄‌ᬗᬃᬤᬶᬧᬶᬦᬓᬶᬢ᭄᭞ᬢ᭄ᬯᬭᬧᬢᬸᬢ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬧᬕᬸ᭠
ᬭ᭄ᬯᬦ᭄᭟ᬕᬸᬭᬸᬢᬸᬳᬸ᭞ᬳᬗ᭄ᬕᬾᬦ᭄ᬓᬦ᭄ᬢᬶᬳᭂᬦ᭄ᬢᭀᬭᬸᬭᬸᬄ᭞ᬦᬗᬶᬂᬓᬾᬧᬂᬢᬢᬲ᭄᭞ᬯᬶᬯᬾᬓᬳᬗ᭄ᬕᬾᬦ᭄ᬜᭂᬮᭂᬳᬶᬦ᭄᭞ᬳᭂᬦ᭄ᬢᭀᬢᭂᬦᬸᬂ᭞ᬳᬗ᭄ᬕᬾᬦ᭄ᬜᬶᬓ᭄ᬱᬕᬸᬭᬸᬭᬕ᭄ᬕ᭟ᬫ [ 3 ][᭒ 2B]
᭒᭞
ᬗ᭄ᬤᬾᬦ᭄ᬳᬤᬸᬂ᭞ᬩᭂᬘᬶᬓ᭄ᬯᬲ᭄ᬧᬤᬬᬂᬫᬮᬸ᭞ᬲᬸᬩᬓᬾᬲᬂᬕᬸᬭ᭄ᬯ᭞ᬢᭂᬓᭂᬓ᭄‌ᬗᬫᭀᬂᬲᬶᬮᬵᬬᬸᬓ᭄ᬢᬶ᭞ᬳᭂᬦ᭄ᬢᭀᬢᬸᬳᬸ᭞ᬲᬶᬓᬸᬢ᭄ᬩᭂᬘᬶᬓ᭄‌ᬗᬯᬾᬲᬤ᭄ᬬ᭟ᬘᭂᬦᬶᬂᬩᬕᬸᬲ᭄᭞ᬩᬧᬫᭂᬮᬶᬤ᭄ᬫᬧᬶᬗᬸ
ᬢᬸ᭞ᬫᭂᬮᬳᬂᬫᬶᬋᬗᬂ᭞ᬚ᭄ᬭᭀᬦᬶᬂᬳᬶᬤᬸᬧ᭄ᬳᬧᬂᬳᬸᬦᬶᬂ᭞ᬩᭂᬘᬶᬓ᭄ᬫᬮᬸ᭞ᬤᬶᬭᬕᬲᬸᬮᬸᬄᬲᬸᬮᬸᬳᬂ᭟ᬲᬸᬮᬸᬄᬇᬓᬸ᭞᭟ᬰᬸ᭟ᬗᬭᬦ᭄ᬮᬸᬯᬶᬄᬫᬦ᭄ᬭᬸᬲ᭄᭞ᬮᬸᬄ᭝ᬳᬬᬸᬓᬂᬗᬭᬦ᭄᭞ᬓᬾᬢᭀᬘᭂᬦᬶᬂ
ᬳᬧᬂᬏᬮᬶᬂ᭞ᬚ᭄ᬭᭀᬦᬶᬂᬳᬶᬲᬸᬧ᭄᭞ᬭᬳᬬᬸᬳᬮᬶᬄᬅᬋᬧᬂ᭟ᬳ᭄ᬤᬘᬮᬸᬄ᭞ᬜᬮᬦᬂᬩᬶᬓᬲᬾᬲᬶᬕᬸᬕ᭄᭞ᬩ᭄ᬭᬂᬢᬶᬮᭀᬩᬗ᭄ᬓᬭ᭞ᬳᭂᬦ᭄ᬢᭀᬲᬸᬢ᭄ᬲᬸᬢᬶᬦ᭄ᬤᬶᬳᬢᬶ᭞ᬧᬂᬤᬗ᭄ᬮᬶᬧᬸᬢ᭄᭞
ᬗᬯᬾᬲᬭᬦ᭄ᬢᬵᬤᬶᬚᬮᬦ᭄᭟ᬥᬃᬫ᭄ᬫᬇᬓᬸ᭞ᬅᬕᭂᬫ᭄‌ᬫᬗ᭄ᬤᬾᬦ᭄ᬜᬭᬳᬬᬸ᭞ᬭᬸᬭᬸᬂᬢᬦ᭄ᬧᬘᬾᬤ᭞ᬩᭂᬲᬶᬄᬕᬮᬂᬮᬗ᭄ᬓᬸᬂᬢᬺᬧ᭄ᬢᬶ᭞ᬗᬯᬾᬮᬦ᭄ᬢᬸᬃ᭞ᬦᬸᬮᬸᬄᬓᭂᬚᬕᬢ᭄‌ᬦᬶᬃᬩᬡ᭟
[᭓ 3A]
ᬳᭂᬦ᭄ᬢᭀᬢᬸᬳᬸ᭞ᬢᬢᬸᬚᭀᬦ᭄ᬚᬦ᭄ᬫᬵᬦᬾᬳᬶᬤᬸᬧ᭄᭞ᬫᬶᬭᬶᬩ᭄‌ᬲᬸᬩᬢᬶᬗ᭄ᬮᬲ᭄᭞ᬫᬤ᭠ᬓ᭄ᬢᬦ᭄ᬩᬶᬗᬸᬂᬤᬶᬳᬢᬶ᭞ᬚᬮᬦ᭄ᬢᬶᬦᬸᬢ᭄‌᭞ᬲᬓᬶᬂᬘᬮᬸᬄᬗᬮᬶᬄᬏᬮᬄ᭟ᬫᬶᬭᬶᬩ᭄‌ᬲᬫ᭄ᬧᬸᬦ᭄᭞ᬘᭂᬦᬶᬂ
ᬚᬕ᭄ᬭᬳᬸᬮᬶᬩᬕᬸᬲ᭄᭟ᬓᬢᬶᬦ᭄ᬤᬶᬄᬩᬦ᭄ᬕᬮᬂ᭟ᬕ᭟ᬓᬂᬇᬗᬭᬦ᭄ᬫᬾᬃᬕᬸ᭞᭟ᬮᬂ᭟ᬧᬸᬦᬶᬓᬸ᭞ᬮᬗᬶᬢ᭄‌ᬩᭂᬰᬶᬄᬇᬩᬭᬦᬦ᭄᭟ᬫᬸᬕᬶᬮᬦ᭄ᬢᬸᬃ᭞ᬘᭂᬦᬶᬂᬫᬫᬗ᭄ᬕᬸᬄᬦᬾᬭᬸᬭᬸᬄ᭞ᬦᬸᬮᬸᬄᬫᬕ᭄ᬕᬕᬮᬂ
᭞ᬕᬮᬗᬾᬤᬶᬓᬬᬸᬦ᭄ᬢᬢᬶ᭞ᬦᬄᬧᬫᬸᬧᬸᬢ᭄᭞ᬲᬶᬤ᭄ᬥᬧᬗ᭄ᬕᬶᬄᬓᬲᭂᬦ᭄ᬢᭀᬱᬦ᭄᭟ᬯᬶᬭᬾᬄᬲᬵᬫ᭄ᬧᬸᬦ᭄᭞ᬩᬗᭂᬢ᭄ᬯᬶᬗᬶᬦᬾᬓᬮᬗ᭄ᬓᬸᬂ᭞ᬗᬶᬭᬶᬂᬓᬾᬧᬸᬗ᭄ᬕᭂᬮᬂ᭞ᬮᬦ᭄ᬢᬸᬭᬂᬳᬦ᭄ᬢᬸᬓ᭄ᬕᬶᬦᬦ᭄ᬢᬶ᭞
ᬭᬾᬄᬲᬂᬧᬸᬘᬸᬂ᭞ᬲᬸᬩᬦ᭄ᬬᬧ᭄‌ᬗᬸᬯᬩ᭄ᬯᬩ᭄᭟᭚᭜᭚ᬧᬸᬄᬕᬶᬦᬦ᭄ᬢᬶ᭚ᬲᬂᬲᬶᬱ᭄ᬬᬯᬦ᭄‌ᬭᬭᬶᬲ᭄ᬫᬢᬸᬃ᭞ᬤᬸᬄᬭᬗᬸᬲᬂᬢᬧᬮᬸᬯᬶᬄ᭞ᬤᬸᬭᬸᬲᬂᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭞ᬦᬾᬓᬗᬸᬦᬦ᭄᭠ [ 4 ][᭓ 3B]
᭓᭞
ᬲᬫᬶᬲᬫᬶ᭞ᬢᬶᬢ᭄ᬬᬂᬲᬬᬕᬗᬦ᭄ᬢᭀᬲᬂ᭞ᬲᬩᬸᬄᬯᬘᬦᬦ᭄ᬲᬂᬋᬱᬶ᭟ᬲᬂᬕᬸᬭᬸᬗᬦ᭄ᬤᬶᬓᬳᬮᬸᬲ᭄᭞ᬘᭂᬦᬶᬂᬩᬕᬸᬲ᭄‌ᬲᬬᬂᬮ᭄ᬯᬶᬄ᭞ᬲᬤᬸᬭᬸᬂᬩᬧᬦᬾᬩᬸᬤᬮ᭄᭞ᬓᬚᬕᬢᬾᬲᬸᬦ᭄ᬬᬲ᭄ᬧᬶ᭞
ᬓ᭄ᬤᭂᬄᬩᬧᬫᬓᬾᬮᬶᬗᬂ᭞ᬇᬦ᭄ᬤᬶᬓ᭄ᬓᬰᬸᬰᬶᬮᬦ᭄ᬚᬢᬶ᭟ᬫᬦᬸᬢ᭄ᬩᬯᭀᬲ᭄ᬳᬶᬤᬵᬲᬂᬧᬸᬢᬸᬲ᭄᭞ᬤᬱᬰᬶᬮᬳᬧᬂᬧᬲ᭄ᬢᬶ᭞ᬩᭂᬘᬶᬓ᭄ᬩᬧᬫᬶᬢ᭄ᬭᬗᬂ᭞ᬅᬃᬢᬶᬦ᭄ᬜᬦᬾᬲᬶᬓᬶᬲᬶᬓᬶ᭞ᬦᬗᬶᬂᬧᭂᬤᬲᬂᬫᬶ
ᬋᬗᬂ᭞ᬳᬧᬂᬢ᭄ᬯᬭᬩᬶᬗᬸᬂᬦᬫ᭄ᬧᬶ᭟ᬅᬳᬶᬳ᭄ᬱᬵᬫᬮᬸᬓᬯᬸᬯᬸᬲ᭄᭞ᬲᭀᬮᬄᬢᬦ᭄ᬫᭂᬫᬢᬶᬫᬢᬶ᭞ᬲᬳᬶᬫᭀᬦ᭄ᬤᭀᬂᬳᬲᬶᬄᬲᬬᬂ᭞ᬫᬋᬧ᭄ᬭᬶᬂᬲᬃᬯ᭄ᬯᬫᬉᬭᬶᬧ᭄᭞ᬧᬢᬸᬄᬲᬬᬗᬾᬭᬶᬂ
ᬭᬕ᭞ᬳᭂᬦ᭄ᬢᭀᬲᭀᬮᬄᬥᬃᬫ᭄ᬫᬚᬢ᭄ᬣᬶ᭟ᬯᭂᬮᬲ᭄‌ᬳᬲᬶᬳᬾᬧᬸᬦᬶᬓᬸ᭞ᬩᭂᬘᬶᬓ᭄ᬳᬕᭂᬫ᭄ᬳᬧᬂᬧᬲ᭄ᬢᬶ᭞ᬧ᭄ᬢᭂᬂᬮ᭄ᬫᬄᬳᬚᬮᬸᬧ᭞ᬗᬘᭂᬧ᭄ᬇᬲᬃᬯ᭄ᬯᬫᬗᬸᬭᬶᬧ᭄᭞ᬅᬧᬂᬫᬗ᭄ᬕᬶᬄᬓᬲᬦ᭄ᬢᭀ
[᭔ 4A]
ᬱᬦ᭄᭞ᬧᬗᬦ᭄ᬓᬶᬦᬸᬫ᭄‌ᬯᬶᬪᬸᬄᬲᬫᬶ᭟ᬓᬾᬢᭀᬫᬲᬶᬄᬧᬂᬲᬢᬸᬯᬸᬓ᭄᭞ᬤᬕᬶᬂᬭᬯᬸᬄᬚᬕᬢ᭄‌ᬲᬫᬶ᭞ᬫᬗ᭄ᬤᬢᬦ᭄ᬳᭀᬩᬄᬢᬦ᭄ᬕᬶᬗ᭄ᬕᬂ᭞ᬫᬯᬾᬄᬩᬸᬓ᭄ᬢᬶᬳᬲᬶᬮ᭄‌ᬩᬸᬫᬶ᭞ᬓᬮᬶᬄᬲᬂ
ᬫᬗᬫᭀᬂᬚᬕᬢ᭄᭞ᬫᬗ᭄ᬤᬚᬸᬚᬸᬃᬗᬯᬾᬢᬺᬧ᭄ᬢᬶ᭟ᬩᬗ᭄ᬕ᭄ᬭᬲ᭄‌ᬫᬕᬾᬏᬓ᭄‌ᬧᬸᬦᬶᬓᬸ᭞ᬢᬮᭂᬃᬗ᭄ᬭᬜ᭄ᬚᬶᬂᬳᬶᬫ᭄ᬲᬵᬓᬃᬫᬶ᭞ᬬᬤ᭄ᬬᬲ᭄ᬢᬸᬫᬋᬧ᭄‌ᬭᬶᬂᬳᭀᬓ᭞ᬚᬗ᭄ᬓᭂᬧ᭄‌ᬗᬯᬾᬚᭂᬚᭂᬄᬧᬮᬶᬂ
᭞ᬓᬬᬂᬓ᭄ᬮᬶᬄᬫᭀᬦ᭄ᬤᭀᬂᬕᭂᬢᬧ᭄᭞ᬋᬦ᭄ᬤᬄᬤᬶᬭᬶᬳᭂᬦ᭄ᬢᭀᬓᬕᬶᬲᬶ᭟ᬋᬦ᭄ᬤᬄᬤᬶᬭᬶᬅᬃᬢᭀᬲ᭄ᬳᬶᬧᬸᬦ᭄᭞ᬢᬓᬸᬢ᭄‌ᬭᬶᬓᬸᬄᬳᬲᬶᬂᬓᬫ᭄ᬩᬶᬮ᭄᭞ᬫᬲᬧ᭄ᬮᬶᬄᬫᬲᬮᬶᬓᬤ᭄᭞ᬚᬶᬯᬦᬾᬘ᭄ᬦᬶ
ᬓ᭄ᬫᬗᬶᬮ᭄ᬕᬶᬮ᭄᭞ᬓᬾᬢᭀᬲᬂᬓᬢᬸᬦᬦ᭄ᬫᬦᬄ᭞ᬓᭂᬚᭀᬓᬦ᭄‌ᬬᬲᬫᬶᬲᬫᬶ᭟ᬲᬚ᭄ᬭᭀᬦᬶᬂᬢ᭄ᬭᬶᬓᬬᬇᬓᬸ᭞ᬤᬶᬩᬯᭀᬲ᭄ᬧᬢᬸᬢ᭄ᬳᬧᬶᬓᬶᬦ᭄᭞ᬯᬶᬭᬾᬄᬬᬦ᭄‌ᬩᬯᭀᬲᬾᬳᬶᬯᬂ᭞ [ 5 ][᭔ 4B]
᭔᭞
ᬩᬗ᭄ᬕ᭄ᬭᬲ᭄ᬫᬜᬓᬶᬢᬶᬦ᭄ᬳᬢᬶ᭞ᬫᬸᬯᬸᬄᬤᭂᬫᭂᬦᬾᬫᬶᬲᬸᬦᬵ᭞ᬧᬢᭂᬄᬓᬾᬦ᭄ᬫᭂᬫᬢᬶᬫᬵᬢᬶ᭟ᬳᭂᬦ᭄ᬢᭀᬓ᭄ᬭᬦᬘᭂᬦᬶᬂᬩᬕᬸᬲ᭄᭞ᬫᬕᬾᬳᬾᬓ᭄‌ᬩᬗ᭄ᬕ᭄ᬭᬲ᭄ᬳᬶᬫ᭄ᬧᬲᬶᬦ᭄᭞ᬫᬓᬤᬶᬤᬗᬯᬾᬳᬮ᭞
ᬫᬋᬧ᭄ᬭᬶᬂᬇᬲᬵᬃᬯ᭄ᬯᬧ᭄ᬭᬦᬶ᭞ᬓᬾᬢᭀᬘ᭄ᬦᬶᬂᬳᬧᬂᬢᬢᬲ᭄᭞ᬳᬶᬫ᭄ᬲᬵᬓᬃᬫ᭄ᬫᬦᬾᬓᭂᬮᬶᬤᬶ᭠ᬦ᭄᭟ᬭᬶᬂᬢᬢ᭄ᬯᬲᭂᬓᭂᬦ᭄ᬓᬧᬗ᭄ᬕᬸᬄ᭞ᬲᭀᬮᬄᬫᭂᬫᬢᬶᬫᬢᬶ᭞ᬫᬓᬤᬶᬦ᭄ᬜᬭᬶᬂᬫᬦᬸᬱᬵ᭞ᬩᬗᭂᬢ᭄
ᬧᬧᬦᬾᬓᬧᬗ᭄ᬕᬶᬄ᭞ᬢᬸᬭᬸᬦᬦᬾᬫᬶᬮᬸᬚᭂᬗᬄ᭞ᬧᬹᬃᬯ᭄ᬯᬓᬃᬫ᭄ᬫᬦᬾᬓᭂᬢᬫ᭄ᬧᬶ᭟ᬗᬯᬶᬢ᭄ᬚᬦᬶᬤᬫᬫᬸᬭᬸᬕ᭄᭞ᬲᭀᬮᬳᬾᬫᭂᬫᬢᬶᬫᬢᬶ᭞ᬯᬶᬭᬾᬄᬲᭂᬓᭂᬦ᭄ᬗᬯᬾᬤᭀᬱᬵ᭞ᬲ
ᬦ᭄ᬢᬵᬦᬦᬾᬫᬶᬮᬸᬲᭂᬤᬶᬄ᭞ᬫ᭄ᬮᬄᬦᬾᬚᬦᬶᬓᬯᬶᬢᬂ᭞ᬰᬶᬮᬵᬥᬃᬫᬦᬾᬫᬃᬕᬶᬦᬶᬦ᭄᭟ᬯᬦ᭄ᬢᬄᬲᭀᬮᬳᬾᬦᬾᬧᬢᬸᬢ᭄᭞ᬗᬶᬘ;ᬳᬂᬲᬓᬜ᭄ᬘᬦ᭄ᬕ᭄ᬭᬶᬂᬕ᭄ᬭᬶᬗᬾᬫᬸᬗ᭄ᬕᬸᬄᬭᬶᬂᬭᬕ᭞ᬫᬓᬤᬶ
[᭕ 5A]
ᬫᭂᬫᬢᬶᬫᬵᬢᬶ᭞ᬫᬶᬯᬄᬤᭂᬫᭂᬦᬾᬫᬶᬲᬸᬦᬵ᭞ᬫᬓᭂᬚᬂᬧᬢᬸᬢ᭄‌ᬩᬺᬲᬶᬳᬶᬦ᭄᭟ᬲᬂᬲᬶ᭠ᬱ᭄ᬬᬯᬦ᭄ᬫᬮᬶᬄᬫᬢᬸᬃ᭞ᬭᬢᬸᬲᬂᬤᬶᬓ᭄ᬱᬶᬢᬵᬮ᭄ᬯᬶᬄ᭞ᬫᬮᬶᬄᬢᬶᬢ᭄ᬬᬂᬫᬦᬸᬦᬲᬂ᭞ᬇᬦ᭄ᬤᬶᬓᬾᬫᭂᬫᬢᬶᬫᬢᬶ
᭞ᬦᬾᬫᬓᬦ᭄ᬢᭂᬦ᭄‌ᬚ᭄ᬭᭀᬦᬶᬂᬬᬚ᭄ᬜᬵ᭞ᬳᬓ᭄ᬯᬾᬄᬓᬦ᭄ᬢᬸᬦ᭄ᬓᭂᬫᬃᬕᬶᬦᬶᬦ᭄᭟ᬲᬂᬢᬧᬵᬕ᭄ᬮᬶᬲ᭄ᬫᬯᬸᬯᬸᬲ᭄᭞ᬓᬾᬦᬾᬦᬦᬓ᭄‌ᬳᬧᬂᬉᬦᬶᬂ᭞ᬲᬚ᭄ᬭᭀᬦᬶᬂᬳᬶᬫ᭄ᬱᬵᬓᬃᬫ᭄ᬫ᭞ᬭᬶᬂᬰᬶᬮᬓ᭄ᬭᬫᬓᭂᬧᬗ᭄ᬕᬶᬄ᭞ᬫ
ᬲᬶᬄᬳᬤᬧᬯᬢᭂᬲ᭄ᬜ᭞ᬫᬗ᭄ᬓᬾᬭᬶᬂᬬᬚ᭄ᬜᬵᬫᬓᬤᬶ᭟ᬚ᭄ᬭᭀᬦᬶᬂᬧᬜ᭄ᬘᬬᬚ᭄ᬜᬵᬇᬓᬸ᭞᭠ᬅᬢᬶᬢᬶᬧᬸᬚᬢᭀᬫᬮᬶᬄ᭞ᬓᬾᬢᭀᬫᬲᬶᬄᬯᬢᭂᬓ᭄‌ᬓ᭄ᬱᬢ᭄ᬭᬶᬬᬵ᭞ᬤᬸᬓ᭄‌ᬗᬤᬸᬬᬸᬤᬲᬸᬢᬶᬦ᭄ᬤᬶᬄ
᭞ᬭᬶᬂᬦ᭄ᬕᬭᬵᬫᬶᬯᬄᬯᬤ᭄ᬯ᭞ᬫᬲᬶᬄᬥᬃᬫ᭄ᬫᬫᬗᬯᬓᬶᬦ᭄᭞ᬇᬦ᭄ᬤᬶᬓᬾᬲᬫᬶᬧᬸᬦᬶᬓ᭞᭠ᬬᬤ᭄ᬬᬲ᭄ᬢᬸᬫᭂᬫᬢᬶᬫᬢᬶ᭞ᬭᬾᬄᬓᬦ᭄ᬢᬸᬦ᭄ᬚ᭄ᬭᭀᬦᬶᬂᬥᬃᬫ᭄ᬫ᭞ᬢ᭄ᬯᬭᬧᬘᬂᬓᬧᬲᬶᬲᬶᬧ᭄᭞ᬯᬶᬭᬾᬄᬧ [ 6 ][᭕ 5B]
᭕᭞
ᬗᬧ᭄ᬢᬶᬦᬾᬲᬶᬦᬄ᭞ᬢᬦ᭄‌ᬲᬓᬾᬂᬦᬺᬱᬗ᭄ᬰᬩᬸᬤ᭄ᬥᬶ᭟ᬅᬯᬶᬦᬦ᭄ᬲᬂᬓ᭄ᬱᬢ᭄ᬭᬶᬬᬵᬇᬓᬸ᭞ᬓᬮᬫᬬᬸᬤ᭄ᬥᬢᬦ᭄‌ᬕᬶᬗ᭄ᬲᬶᬃ᭞ᬬᬦᬶᬂᬮᬫ᭄ᬧᬸᬲ᭄ᬭᬶᬂᬧᬬᬸᬤᬦ᭄᭞ᬯᬶᬱ᭄ᬡᬸᬮᭀᬓᬦᬾᬓᬧᬗ᭄ᬕᬶᬄ᭞ᬓᬾ
ᬢᭀᬓᬩᬯᭀᬲ᭄ᬭᬶᬂᬕᬶᬢᬵ᭞ᬧᬓᬾᬮᬶᬂᬰ᭄ᬭᬷᬓᬺᬱ᭄ᬡᬚᬢ᭄ᬣᬶ᭟ᬦᬵᬗᬶᬂᬫᬲᬶᬄᬳᬧᬂᬢᬳᬸ᭞ᬗᬸᬦᬤᬶᬓᬚ᭄ᬭᭀᬦᬶᬂᬇᬦ᭄ᬤᬶᬓ᭄᭞ᬭᬾᬄᬧᬗ᭄ᬓᭂᬤ᭄‌ᬳᬸᬦᬶᬗᬾᬓᬢᬄ᭞ᬫᬃᬕᬶᬦᬾᬫᬲᬶᬄᬢᬦ᭄ᬓᬶᬤᬶ᭠
ᬓ᭄᭞ᬓᬗ᭄ᬕᭀᬦ᭄ᬜᬸᬚᬸᬄᬲ᭄ᬯᬃᬕ᭄ᬕᬮᭀᬓ᭞ᬩᬶᬦᬵᬯᬓ᭄ᬬᬢᬸᬗ᭄ᬕᬶᬮ᭄ᬓᬵᬧ᭄ᬢᬶ᭟ᬇᬦ᭄ᬤᬶᬓᬾᬫᭂᬧᬮᬶᬄᬮᬶᬬᬸ᭞ᬲᬗ᭄ᬓᬦ᭄‌ᬬᬕᬮᬶᬄᬕᬮᬶᬳᬶᬦ᭄᭞ᬫᬗ᭄ᬤᬾᬦ᭄ᬜᬢᬦ᭄ᬲᬮᬄᬕ᭄ᬦᬄ᭞ᬇᬯᬂᬲᬸᬤᬸᬓ᭄ᬫᬶᬦᬓ
ᬤᬶ᭞ᬧᬸᬧᬸᬢ᭄ᬦᬾᬧᬢᬸᬢ᭄ᬏᬮᬶᬗᬂ᭞ᬲ᭄ᬯᬥᬃᬫ᭄ᬫᬦᬾᬳᭂᬦ᭄ᬢᭀᬘᭂᬦᬶᬂ᭟ᬦᬄᬳᬫᭀᬦ᭄ᬢᭀᬘ᭄ᬦᬶᬂᬫᬮᬸ᭞ᬩᬧᬫᬓᬾᬮᬶᬂᬭᬶᬂᬘ᭄ᬦᬶᬂ᭞ᬦᬾᬗ᭄ᬦᬶᬦᬶᬦ᭄‌ᬳᬶᬫ᭄ᬱᬓᬃᬫ᭄ᬫ᭞ᬦᬾᬚᬦᬶᬩᭂᬘᬶᬓ᭄ᬯᬮᬶ
[᭖ 6A]
ᬦᬶᬦ᭄᭞ᬤᬱᬰᬶᬮᬦᬾᬮᬦ᭄ᬢᬸᬭᬂ᭞ᬢᬸᬃᬋᬱᭂᬧᬂᬚ᭄ᬭᭀᬦᬶᬂᬳᬢᬶ᭟ᬓᬃᬭ᭄ᬯᬩ᭄ᬭᬳ᭄ᬫᬵᬘᬭᬶᬇᬓᬸ᭞ᬢᬦ᭄‌ᬭᬸᬗᬸᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬤᬶᬦᬶᬦ᭄ᬭᬸᬲ᭄ᬓᬳᬶᬧ᭄ᬬᬦ᭄᭞ᬢᬦ᭄ᬓᬕᭀᬤᬵᬲᬗᬧ᭄ᬓᬶᬓ᭄᭞ᬅᬦ᭄ᬢᬸᬓ᭄ᬳ
ᬧᬶᬓ᭄‌ᬗᬫᭀᬂᬩ᭄ᬭᬢ᭄ᬣᬵ᭞ᬢᬧᬮᬦ᭄ᬲᬵᬫᬤ᭄ᬥᬶᬮ᭄ᬯᬶᬄ᭟ᬲᬂᬩ᭄ᬭᬳ᭄ᬫᬵᬘᬭᬶᬲᬢᬸᬯᬸᬓ᭄᭞ᬢᭂᬓᭂᬓ᭄‌ᬗᬫᭀᬂᬰᬶᬮᬬᬸᬓ᭄ᬢᬶ᭞ᬲᬳᬶᬢᬫ᭄ᬧᭂᬓ᭄ᬭᬶᬂᬲᬂᬕᬸᬭᬸ᭞ᬪᬓ᭄ᬢᬶᬫᬜᭂᬭᬳᬂᬤᬶᬭᬶ᭞ᬳᬧᬦ᭄ᬤᬶᬦᬵᬓ
ᬗ᭄ᬕᬾᬦ᭄ᬮᬶᬗ᭄ᬕᬵ᭞ᬫᬦᬸᬜ᭄ᬘᬧ᭄‌ᬦᬶᬃᬪᬡᬵᬪᬸᬫᬶ᭟ᬲᬂᬕᬸᬭᬸᬫᬮᬶᬄᬫᬯᬸᬯᬸᬲ᭄᭞ᬅᬍᬧ᭄‌ᬩᬦ᭄ᬩᬦ᭄ᬦᭂᬓᬾᬂᬳᬢᬶ᭞ᬯᬶᬯᬾᬓᬦᬾᬢᬦ᭄ᬓᬢᬶᬗ᭄ᬕᬮ᭄᭞ᬯᬾᬭᬕ᭄ᬬᬓᬗ᭄ᬕᬾᬦᬵᬲᬭᬶᬦ᭄᭞
ᬓᬾᬢᭀᬕᬸᬭᬸᬦᬾᬉᬢᬫ᭄ᬫ᭞ᬗᭂᬚᬸᬓ᭄ᬫᬸᬭᬶᬤ᭄‌ᬫᬳᭂᬗ᭄ᬓᭂᬢ᭄ᬓᬮᬶᬲ᭄᭟ᬧᬧᬶᬓᬢᬾᬩᬯᭀᬲ᭄ᬳᬮᬸᬲ᭄᭞ᬦᬾᬤᭀᬄᬲᬓᬶᬂᬓᬬᬸᬦ᭄ᬧ᭄ᬭᬶᬄ᭞ᬫᬩᬯᬫᬸᬓᬦᬾᬕᬮᬂ᭞ᬩᬗᭂᬢ᭄ᬦᬸᬤᬸ [ 7 ][᭖ 6B]
᭖᭞
ᬢ᭄ᬲᬂᬜᬶᬗᬓᬶᬦ᭄᭞ᬩ᭄ᬭᬂᬢᬶᬮᭀᬩᬦᬾᬫᬜᭂᬭᬄ᭞ᬭᬶᬂᬲᬂᬕᬸᬭᬸᬮ᭄ᬯᬶᬳᬶᬂᬪᬸᬤ᭄ᬥᬶ᭟ᬦᬦᬓ᭄‌ᬩᬕᬸᬲᬗ᭄ᬳᬦᬸᬮᬸᬲ᭄᭞ᬫᬮᬶᬄᬩᬧᬫᭂᬫᬜ᭄ᬚᬗᬶᬦ᭄᭞ᬲᬂᬫᬗᬫᭀᬂᬩ᭄ᬭᬳ᭄ᬫᬘᬃᬬ᭄ᬬ᭞ᬢᬼ
ᬩ᭄‌ᬗᬫᭀᬂᬩᬸᬤ᭄ᬥᬶᬳ᭄ᬦᬶᬂ᭞ᬩᬺᬰᬶᬄᬕᬮᬂᬢ᭄ᬯᬭᬲᬫᬃ᭞ᬕᭂᬫᭂᬢ᭄‌ᬗᭂᬫᬶᬗ᭄ᬲᬸᬓ᭄ᬮᬦ᭄ᬳᬢᬶ᭟ᬲᬢᬸᬤᬸᬄᬳᬶᬤᬵᬲᬂᬕᬸᬭᬸ᭞ᬓᬢᬫ᭄ᬧᬦᬶᬦ᭄ᬳᬦ᭄ᬢᬸᬓ᭄ᬳᬾᬮᬶᬂ᭞ᬲᬳᬢᬦ᭄ᬮᬮᬶᬫᬜᭂᬫ᭄ᬩᬄ᭞ᬫᬓᬩᬸ
ᬓ᭄ᬢᬶᬪᬓ᭄ᬢᬶᬚᬢ᭄ᬣᬶ᭞ᬳᬸᬮᬸᬲ᭄ᬢ᭄ᬯᬭᬓᬯᬭᬦᬦ᭄᭞ᬚᭂᬕ᭄‌ᬘᬮᬸᬄᬦᬭᭀᬲᬂᬳᬢᬶ᭟ᬲᬂ᭠ᬩ᭄ᬭᬳ᭄ᬫᬵᬘᬭᬶᬲᬢᬸᬯᬸᬓ᭄᭞ᬫᭀᬢ᭄ᬲᬳᬗᬯᬱᬗᬶᬭᬶ᭞ᬓᬦ᭄ᬢᬶᬧᬮᬶᬂᬇᬅᬗ᭄ᬓᬵᬭ᭞ᬢ᭄ᬯᬭ
ᬫᬳᬦ᭄‌ᬲ᭄ᬮᬄᬩᭂᬘᬶᬓ᭄᭞ᬗᬶᬲᬶᬦᬶᬦ᭄ᬧᬓᬶᬢᬦ᭄ᬫᬦᬄ᭞ᬦᬾᬤᭀᬢ᭄ᬫᬗᬲᭀᬭᬂᬚᬤ᭄ᬫᬶ᭟ᬅᬦ᭄ᬢᭀᬓ᭄ᬭᬦᬵᬘ᭄ᬦᬶᬂᬩᬕᬸᬲ᭄᭞ᬕᬶᬩ᭄ᬭᬲᬂᬤᬵᬗ᭄ᬓᭀᬄᬳᬢᬶ᭟ᬩᬧᬚᬵᬢᬶᬩᬗᭂ᭠
[᭗ 7A]
ᬢ᭄‌ᬲᬬᬂ᭞ᬭᬶᬂᬲᬂᬢᬓᬸᬢ᭄‌ᬗᬃᬦᬶᬩᭂᬘᬶᬓ᭄᭞ᬗᬶᬂᬩᬦᬶᬫᬲᭀᬮᬄᬳᬶᬯᬂ᭞ᬦᬾᬲᬶᬦᬄᬜᬗ᭄ᬰᬭᬵᬤᬶᬭᬶ᭟ᬚᬦ᭄ᬢᭀᬲ᭄ᬤᬶᬭᬶᬓᬶᬓᬧᬸᬢᬸᬲ᭄᭞ᬲᬂᬫᬲᭀᬮᬄᬩ᭄ᬭᬳ᭄ᬫᬵᬘᬭᬶ᭞ᬩᭂᬘᬶᬓ᭄ᬮᬦ᭄ᬢᬸᬭᬂ
ᬦᬾᬮ᭄ᬬᬦ᭄᭞ᬕᬶᬦᬤᬵᬢᬸᬯᬸᬃᬦᬾᬫᬗ᭄ᬓᬶᬦ᭄᭞ᬦᬗᬶᬂᬓᬾᬲᬵᬫ᭄ᬧᬸᬦᬂᬮᬸᬧ᭞ᬜᬸᬓ᭄ᬱ᭄ᬫᬭᬶᬂᬲᬂᬕᬶᬦᬦ᭄ᬢᬶ᭚᭜᭚ᬧᬸᬄᬕᬶᬦᬤᬵ᭚ᬦᬾᬫᬗ᭄ᬓᬶᬦ᭄‌ᬩᬧᬗᬶᬦ᭄ᬤᬬᬂ᭞ᬅᬃᬢᬶᬦ᭄‌ᬲᬢ᭄ᬬ
ᬦᬾᬧᬂᬉᬦᬶᬂ᭞ᬳᭂᬦ᭄ᬢᭀᬰᬶᬮᬓᬧᬶᬂᬢᬶᬕ᭞ᬫᭂᬮᬳᬂᬘᭂᬦᬶᬂᬫᬗ᭄ᬭᬸᬗᬸ᭞ᬲᬂᬲᬢ᭄ᬬᬵᬢᬦ᭄‌ᬦᬵᬳᬦ᭄ᬩᭀᬩᬩ᭄᭞ᬚᬸᬚᬸᬃᬲᬳᬶ᭞ᬫᬓᬤᬶᬲᬢ᭄ᬬᬯᬘᬦᬵ᭟ᬲᬢ᭄ᬬᬫᬸᬓ᭄ᬬᬦᬶᬂᬥᬃᬫ᭄ᬫ᭞ᬫ᭠
ᬦᬸᬢ᭄ᬩᭂᬩᬯᭀᬲᬂᬋᬰᬶ᭞ᬚᬮᬦ᭄ᬓᬾᬚᬦᬶᬢᬢᬲᬂ᭞ᬳᬧᬂᬢ᭄ᬯᬭᬵᬘᭂᬦᬶᬂᬩᬶᬗᬸᬂ᭞ᬦᬾᬳᬶᬫ᭄ᬩᬳᬗ᭄ᬕᭀᬦ᭄ᬫᭂᬤᬲᬂ᭞ᬫᬸᬕᬶᬘᭂᬦᬶᬂᬲᬶᬤ᭄ᬥᬦᬫ᭄ᬧᬶᬢᬸᬃᬋᬱᭂᬧᬂ᭟ᬤᬸᬓ᭄ᬳᬶᬤᬲᬂᬯᬺᬓᭀ᭠ [ 8 ][᭗ 7B]
᭗᭞
ᬤᬭ᭞ᬫᬕᬸᬭᬸᬲᬢ᭄ᬬᬤᬸᬓ᭄‌ᬗᬸᬦᬶ᭞ᬭᬶᬂᬳᬶᬤᬪᬕᬯᬦ᭄‌ᬤ᭄ᬭᭀᬡᬵ᭞ᬯᬦ᭄ᬢᬄᬲᬢ᭄ᬬᬫᬓᬳᬸᬮᬸ᭞ᬳᬶᬤᬸᬧ᭄ᬫᬢᬶᬢᬦ᭄ᬓᬏᬢᬂ᭞ᬯᬦ᭄ᬢᬄᬦᬸᬗ᭄ᬕᬶᬮ᭄᭞ᬢᬸᬤᬸᬄᬕᬸᬭᬸᬓᭂᬫᬃᬕ᭄ᬬᬂ᭟ᬫᬦᬸᬢ᭄ᬲᭂᬦ
ᬫ᭄ᬧᬶᬦ᭄ᬲᬂᬪᬶᬫ᭞ᬲᬸᬓᬤᬸᬓᬮᬭᬧᬢᬶ᭞ᬳᭂᬦ᭄ᬢᭀᬚᬢᬶᬦ᭄ᬜᬢᬦ᭄‌ᬗᭀᬤᬵ᭞ᬯᬶᬭᬾᬄᬧᬗᬸᬕᬸᬦᬾᬧᬸᬧᬸᬢ᭄᭞ᬢᭂᬍᬩ᭄‌ᬫᬕᬸᬭᬸᬰᬸᬲ᭄ᬭᬸᬱ᭞ᬲᬢ᭄ᬬᬪᬓ᭄ᬢᬶ᭞ᬓᬗ᭄ᬕᬾᬦ᭄‌ᬗᬮᬶᬄ
ᬓᬦᬶᬃᬪᬡᬦ᭄᭟ᬓᬧᬶᬂᬧᬢ᭄‌ᬫᬗ᭄ᬓᬶᬦ᭄ᬲᬢ᭄ᬯᬬᬂ᭞ᬅᬯ᭄ᬬᬯᬳᬭᬓᬧᬸᬚᬶ᭞ᬦᬾᬫᬃᬢᬶ᭠ᬢᬦᬵᬳᬦ᭄‌ᬲᬸᬤᬢ᭄᭞ᬗᬯᬾᬳᬤᬸᬂᬬᬲᬢᬸᬯᬸᬓ᭄᭞ᬘᬶᬢ᭄ᬣᬩᬸᬤ᭄ᬥᬶᬮᬦ᭄ᬧᬗ᭄ᬭᬱ᭞ᬫᬲᬶᬄ
ᬦᬸᬗ᭄ᬕᬸᬮ᭄᭞ᬫᬲᬤᬦᬵᬳᬭᬶᬫ᭄ᬪᬯᬵ᭟ᬦᬾᬓᬩᬯᭀᬲ᭄ᬳᬭᬶᬫ᭄ᬪᬯ᭞ᬳᬧᬂᬘ᭄ᬦᬶᬂᬳᬸᬕᬶᬉᬦᬶᬂ᭞ᬩᭂᬘᬶᬓ᭄ᬢᬫ᭄ᬧᬾᬦᬶᬦ᭄ᬋᬲᭂᬧᬂ᭞ᬲᭂᬍᬳᬶᬦ᭄ᬳᬃᬢᬶᬦ᭄ᬜᬫᬮᬸ᭞ᬳᬭᬶᬫ᭄ᬪᬯᬓᬅᬃᬢ᭄ᬬᬂ᭞᭠
[᭘ 8A]
ᬯᬦ᭄ᬢᬄᬚᬢ᭄ᬣᬶ᭞ᬲᬂᬳᬸᬦᬶᬂᬜᬶᬓᬸᬢᬂᬭᬕᬵ᭟ᬘᬶᬗᬓ᭄ᬤᬕᬶᬂᬲᬫᬸᬱ᭄ᬘᬬ᭞ᬓᬃᬤᬶᬦ᭄‌ᬋᬰᬶᬯᬭᬭᬸᬘᬶ᭞ᬜᬢ᭄ᬯᬬᬂᬲᬂᬳᬭᬶᬫ᭄ᬪᬯᬵ᭞ᬦᬾᬲᬢᬸᬯᬸᬓ᭄‌ᬗᬩᬳᬤᬸᬂ᭞ᬫᬭᬶᬂᬭᬕᬢ᭄ᬯᬶᬦ᭄ᬯᭀᬂ᭠
ᬮ᭄ᬬᬦ᭄᭞ᬧᬢᭂᬄᬲᬫᬶ᭞ᬳᬦ᭄ᬢᬸᬓ᭄ᬳᬶᬤᬫᬦᭂᬭᬧᬂ᭟ᬫᬸᬮᬲᬂᬳᬭᬶᬫ᭄ᬪᬯᬵ᭞ᬭᬳᬬᬸᬯᬦ᭄ᬢᬄᬓᬳᬧ᭄ᬢᬶ᭞ᬢᬦ᭄ᬲᬄᬗᬫᭀᬂᬓᬫᬦᬸᬱᬦ᭄‌᭞ᬫᬦᬸᬢ᭄ᬧᬶᬤᬩ᭄ᬤᬩ᭄‌ᬳ᭄ᬬᬂᬫᬦᬸ᭞ᬉᬮᬶᬗᬸᬦᬶᬯᬾᬄ
ᬢᬸᬮᬤᬦ᭄᭞ᬫᬦᬸᬲ᭄ᬫ᭄ᬭᬢ᭄ᬢᬶ᭞ᬓᬃᬤᬶᬦ᭄ᬳᬶᬤᬵᬮ᭄ᬯᬶᬄᬉᬢ᭄ᬢᬫ᭟ᬧᬸᬧᬸᬢᬂᬲᬂᬳᬭᬶᬫ᭄ᬪᬯᬵ᭞᭠ᬩᭂᬘᬶᬓ᭄ᬮᬦ᭄ᬢᬸᬭᬂᬦᬾᬫᬗ᭄ᬓᬶᬦ᭄᭞ᬓᬰᬶᬮᬦᬾᬓᬧᬶᬂᬮᬶᬫ᭞ᬅᬱ᭄ᬢᬾᬦ᭄ᬬᬢᭀᬓᬯᬸᬯᬸᬲ᭄᭞ᬦᬾ
ᬅᬃᬢᬶᬢᬦᬵᬳᬦ᭄ᬘᭀᬭᬄ᭞ᬬᬤ᭄ᬬᬦ᭄ᬳᬮᬶᬢ᭄᭞ᬢᬦ᭄‌ᬓᬧᬦ᭄ᬥᬸᬂᬓᬳᭂᬗ᭄ᬓᭂᬩᬂ᭟ᬲᬂᬜᭂᬫᬓ᭄‌ᬢ᭄ᬯᬭᬵᬫᭀᬭᬳᬦ᭄᭞ᬫᬓᬾᬄᬓᭂᬦᬶᬓ᭄ᬢᬮᭂᬃᬲᬮᬶᬢ᭄᭞ᬇᬯᬗᬾᬗᬢᬸᬢ᭄‌ᬢᬶᬸ᭠ [ 9 ][᭘ 8B]
᭘᭞
ᬢᬦ᭄ᬧ᭄ᬕᬢ᭄᭞ᬲᬂᬓᬃᬫ᭄ᬫᬦᬸᬢᬸᬕ᭄‌ᬲᬢᬸᬯᬸᬓ᭄᭞ᬦᬾᬧᭂᬮᬶᬄᬫᬗ᭄ᬕᭂᬕ᭄‌ᬬᬳᬶᬯᬂ᭞ᬬᬫᬫᬢᬶ᭞ᬫᬗ᭄ᬕᭂᬤᬾᬯᬦ᭄ᬓᭂᬳᬤᬶᬮᬦ᭄᭟ᬲᬗ᭄ᬓᬦ᭄ᬳᬧᬶᬓᬶᬦ᭄ᬫᬲᭀᬮᬄ᭞ᬫᬗ᭄ᬤᬾᬦ᭄ᬤᬶᬯᬗᬾᬢᬦ᭄ᬦᬶᬦ᭄ᬤᬶᬄ᭞
ᬩᭂᬘᬶᬓ᭄‌ᬧᬢᬸᬢᬾᬫᬃᬕ᭄ᬬᬂ᭞ᬳᬗ᭄ᬕᬾᬦ᭄ᬕᭂᬮᬃᬚ᭄ᬭᭀᬦᬶᬂᬳᬶᬤᬸᬧ᭄᭞ᬲᬢ᭄ᬬᬩᬾᬅᬗ᭄ᬕᬾᬦ᭄ᬧᬦᬢᬲ᭄᭞ᬫᬗ᭄ᬤᬾᬦ᭄‌ᬗᬶᬮᬶᬲ᭄᭞ᬦᬸᬡ᭄ᬘᬧ᭄ᬓᬫᭀᬓ᭄ᬱᬵᬪᬯᬦᬵ ᭟ᬢᬍᬃᬫᬦᬸᬢ᭄‌ᬲᬫᬸᬱ᭄ᬘ
ᬬᬵ᭞ᬦᬾᬫᬤᬦ᭄ᬘᭀᬭᬄᬫᬮᬶᬳᬶᬦ᭄᭞ᬲᬧᬸᬦᬶᬓᬶᬓᬳᬸᬗ᭄ᬕᬳᬂ᭞ᬤᬶᬳᬋᬧ᭄ᬱᭀᬮᬄᬜᬗᬚᬸᬫ᭄᭞ᬦᬗᬶᬂᬤᬶᬧᬸᬗ᭄ᬓᬸᬃᬫᬜᬾᬤ᭞ᬢᬍᬃᬗ᭄ᬭᬜ᭄ᬚᬶᬂ᭞ᬮᬓ᭄ᬱᬦᬘᭀᬭᬄᬧᬸᬦᬶᬓᬵ᭟
ᬲᬂᬫᬲᭀᬮᬄᬓᬤᬶᬳᬶᬓ᭞ᬓᬲᬸᬓᬦᬾᬤᭀᬄᬓᬧᬗ᭄ᬕᬶᬄ᭞ᬤᬶᬲ᭄ᬓᬮᬵᬮᬦ᭄ᬦᬶᬲ᭄ᬓᬮ᭞ᬘᭀᬭᬄᬜᬦᬸᬢᬸᬕ᭄‌ᬲᬢᬸᬯᬸᬓ᭄᭞ᬬᬦ᭄‌ᬓᬧᬸᬗ᭄ᬓᬸᬃᬬᬵᬫᬂᬚᬦ᭄ᬫᬵ᭞ᬮᬘᬸᬃᬲᬓᬶᬢ᭄᭞ᬓ᭠
[᭙ 9A]
ᬬᬸᬭᬶᬕᬶᬲ᭄‌ᬢᬦ᭄ᬧᬾᬦ᭄ᬤᬄ᭟ᬓᬾᬢᭀᬓᭂᬩᬯᭀᬲᬂᬘᭀᬭᬄ᭞ᬩᭂᬘᬶᬓ᭄ᬤᬾᬯᬮᬓᭂᬮᬶᬤᬶᬦ᭄᭞ᬫ᭄ᬮᬄᬗᬶᬤᬶᬄᬲᬓᬾᬂᬢᭂᬭᬂ᭞ᬓ᭄ᬤᬶᬓ᭄ᬦᬗᬶᬂᬲᬓᬶᬂᬧᬢᬸᬢ᭄᭞ᬦᬾᬲᬢ᭄ᬫᬓᬫᬓᬾᬮᬶᬗᬂ
᭞ᬭᬶᬂᬲᬂᬗᬧ᭄ᬢᬶ᭞ᬫᬤᬦᬵᬭᬶᬂᬲᬂᬲᬮᬭᬦ᭄᭟ᬦᬵᬗᬶᬂᬧᬤᬓᬲᭂᬗ᭄ᬓᬮ᭞ᬬᬦ᭄‌ᬩᭂᬦᬶᬸᬲ᭄ᬓᭂᬤᭂᬄᬦᬾᬫᬗᬶᬦᬶᬄ᭞ᬦᬾᬓᬶᬤᬶᬳᬶᬦ᭄ᬫᬗ᭄ᬭᬯᭀᬲᬂ᭞ᬢ᭄ᬯᬭᬗ᭄ᬮᬄᬩᬭᬂᬳᬓᬸ᭞ᬤᭂᬫᬶᬢ᭄ᬧ᭄ᬭᬶᬳᬾ᭠
ᬢᭀᬢᬸᬗ᭄ᬕᬮ᭄᭞ᬯᭀᬄᬜᬢᬸᬗ᭄ᬕᬶᬮ᭄‌ᬧᬤᬫᬗ᭄ᬕᬶᬄᬓᬲᭂᬗ᭄ᬲᬵᬭᬦ᭄᭟ᬫᬮᬶᬄᬓ᭄ᬤᬶᬓ᭄‌ᬬᬵᬲᬢ᭄ᬯᬬᬂ᭞ᬲᬂᬅᬱ᭄ᬢᬾᬦ᭄ᬬᬧᬶᬦᬸᬚᬶ᭞ᬫᬲᬶᬄᬫᬳᬸᬕ᭄‌ᬰᬶᬮᬤᬃᬫ᭞ᬭᬾᬄᬢᬦ᭄ᬤᭂᬫᭂᬦ᭄᭠
ᬗᬯᬾᬭᬸᬲᬸᬄ᭞ᬜᬫᬩ᭄ᬭᬬᬵᬮᬦ᭄‌ᬧᭂᬫᭂᬭᬶᬦ᭄ᬢᬄ᭞ᬢᬮᭂᬃᬫᬃᬢ᭄ᬣᬶ᭞ᬫᬶᬮᬸᬗᬯᬾᬓᬢᬺᬧ᭄ᬢ᭄ᬬᬦ᭄᭟ᬩᬮᬶᬓ᭄ᬫᬓᬾᬄᬲᬂᬘᭀᬭᬄ᭞ᬜᬫᬩ᭄ᬭᬬᬵᬮᬦ᭄ᬲᭀᬮᬶᬲᬶ᭞ᬫᬶᬮᬸᬢᬸᬬᬸᬄᬫ᭠ [ 10 ][᭙ 9B]
᭙᭞
ᬗᭂᬜ᭄ᬘᬦᬂ᭞ᬬᬦ᭄ᬳᬶᬯᬂᬓᬩ᭄ᬯᬶᬮᬯᬸᬢ᭄᭞ᬧ᭄ᬢᭂᬂᬮ᭄ᬫᬄᬬᬓᬚᬕ᭞ᬉᬧᬲ᭄‌ᬩ᭄ᬯᬶ᭞ᬧᬤᬕᭂᬫᭂᬢ᭄ᬫᬦᬸᬭᬾᬓ᭄ᬱᬵ᭟ᬧᬸᬧᬸᬢ᭄ᬓᬾᬯᭂᬳᬾᬢᭂᬫᭀᬓᬂ᭞ᬲᭀᬫᬄᬧᬦᬓ᭄ᬦᬾᬓᬮᬳᬶᬦ᭄᭞ᬩᬋᬂᬲ᭄ᬤᬶᬄ
ᬫᬧᬗᭂᬦᬦ᭄᭞ᬚᭂᬗᬄᬓᬶᬫᬸᬤᬾᬫᬢᬸᬫ᭄ᬧᬸᬓ᭄᭞ᬢ᭄ᬯᬭᬢᬯᬂᬲᭀᬫᬄᬘᭀᬭᬄ᭞ᬬᬦ᭄ᬳᬫ᭄ᬩᬸᬮᬶᬦ᭄᭞ᬓᬾᬯᭂᬳᬾᬲᬶᬦᬄᬧᬗ᭄ᬓᬸᬳᬂ᭟ᬬᬦ᭄ᬫᬦᬸᬢᬶᬂᬓᬃᬫ᭄ᬫᬨᬮ᭞ᬲᬂᬫᬗᬫᭀᬂᬚᬶᬯ
ᬫᬮᬶᬂ᭞ᬬᬦ᭄ᬓᬧᬸᬗ᭄ᬓᬸᬃᬬᬵᬫᬗ᭄ᬚᬦ᭄ᬫᬵ᭞ᬳᬲᬶᬂᬓᬮᬶᬄᬫᬲᬓᬾᬯᬸᬄ᭞ᬢᬸᬃᬫᬓ᭄ᬚᬂᬗᬯᬾᬚᭂᬗᬄ᭞ᬓᬸᬮᬯᬃᬕᬶ᭞ᬓᬭᬱᬬᬂᬢᬦ᭄ᬢᭀᬮᬶᬳᬦ᭄᭟ᬧᬸᬧᬸᬢ᭄ᬫᭀᬦ᭄ᬤᭀᬂᬓᬲᭂᬗ᭄ᬰᬭᬦ᭄᭞
ᬧᬸᬃᬯ᭄ᬯᬓᬃᬫᬦᬾᬫᬦᬶᬦ᭄ᬤᬶᬄ᭞ᬲ᭄ᬤᬶᬄᬓᬶᬂᬓᬶᬗᬾᬢᭂᬫᭀᬓᬂ᭞ᬓᬾᬢᭀᬲᬂᬫᬲᭀᬮᬄᬭᬸᬲᬸᬄ᭞ᬲᬗ᭄ᬓᬦ᭄ᬚᬦᬶᬚ᭄ᬯᬤᬩ᭄ᬤᬩᬂ᭞ᬥᬃᬫ᭄ᬫᬵᬚᬢᬶ᭞ᬳᭂᬦ᭄ᬢᭀᬳᬗ᭄ᬕᭀᬦ᭄‌ᬗᬫᭀᬂ
[᭑᭐ 10A]
ᬭᬕ᭄ᬕᬵ᭟ᬫᬶᬭᬶᬩ᭄‌ᬲᬵᬫ᭄ᬧᬸᬦ᭄‌ᬬᬲᬶᬦᬄ᭞ᬅᬃᬢᬶᬦ᭄ᬳᬧ᭄ᬢᬾᬦ᭄ᬬᬦᬾᬚᬢᬶ᭞ᬩᭂᬘᬶᬓ᭄ᬦᬾᬫᬗ᭄ᬓᬶᬦ᭄ᬓᬯᬶᬢᬂ᭞ᬲᬵᬫ᭄ᬧᬸᬦᬂᬫᬲᭀᬮᬄᬭᬸᬲᬸᬄ᭞ᬯᬶᬭᬾᬄᬲᭂᬓᭂᬦ᭄‌ᬗᬯᬾᬭᬸᬲᬓ᭄᭞ᬓᬤᬂᬯᬃ
ᬕ᭄ᬕᬶ᭞ᬫᬓᬤᬶᬭᬶᬂᬚᬶᬯᬭᬕᬵ᭟ᬦᬾᬫᬗ᭄ᬓᬶᬦ᭄ᬧᬘᬂᬮᬦ᭄ᬢᬸᬭᬂ᭞ᬓ᭄ᬱᬤ᭄‌ᬰᬶᬮᬫᬗ᭄ᬤᬾᬦ᭄ᬳᬸᬦᬶᬂ᭞ᬗᬶᬂᬲᬤᬸᬭᬸᬂᬓᬲᬶᬦᬳᬂ᭞ᬲᬂᬲᬶᬦᭀᬫ᭄‌ᬧᬘᬂᬓᬢᬸᬯᬸᬃ᭞ᬳᬗ᭄ᬕᬾᬦ᭄ᬫᬫᬬᭀᬦᬶᬦ᭄ᬲ᭠
ᬢ᭄ᬯ᭞ᬦᬄᬤᬸᬫᬸᬕᬶ᭞ᬲᬂᬕᬶᬦᬤᬵᬮᬾᬤᬂᬢᬶᬗ᭄ᬕᬮ᭄᭚᭜᭚ᬧᬸᬄᬲᬶᬦᭀᬫ᭄᭚᭞ᬓᭂᬲᬤ᭄‌ᬰᬶᬮᬚᬮᬦ᭄ᬢᬢᬲ᭄᭞ᬦᬾᬫᬤᬦ᭄ᬳᬓ᭄ᬭᭀᬤᬵᬘ᭄ᬦᬶᬂ᭞ᬫᭂᬮᬄᬳᬃᬢᬶᬦ᭄ᬜᬧᬂᬢᬯᬂ᭞ᬅ
ᬓ᭄ᬭᭀᬤ᭄ᬥᬫᬃᬢᬶᬢᬦ᭄ᬩ᭄ᬭᬂᬢᬶ᭞ᬳᬮᭂᬧ᭄ᬤᬶᬤᬶᬸᬢ᭄ᬗᬄᬤᬶᬲᬶᬲᬶ᭞ᬤᬶᬓᬬᬸᬦ᭄ᬕᬮᬂᬲᬢᬸᬯᬸᬓ᭄᭞ᬢ᭄ᬯᬭᬩ᭄ᬭᬂᬢᬶᬬᬦ᭄ᬓᬘᬾᬤ᭞ᬫᬲᬶᬄᬢᬦ᭄ᬳᬚᬸᬫ᭄ᬓᬧᬸᬚᬶ᭞ᬤᭂᬕ᭄ᬤᭂᬕ᭄ᬮᬦ᭄ᬥᬸᬄ᭞ᬲᬢ᭄ᬤᬫᬃᬢᬦ᭄ᬓ [ 11 ][᭑᭐ 10B]
᭑᭐᭞
ᬧᬯᬦᬦ᭄᭟ᬲᬂᬜᬶᬤᬬᬂᬗᬺᬢ᭄ᬳᬶᬦ᭄ᬤ᭄ᬭᬶᬬᬵ᭞ᬩ᭄ᬭᬂᬢᬶᬳᭂᬦ᭄ᬢᭀᬫᬶᬦᭂᬓᬤᬶ᭞ᬓᭀᬘᬧ᭄‌ᬗᬃᬤᬶᬧᬜ᭄ᬚᬂᬬᬸᬱ᭞ᬢᬸᬃᬗᭂᬦ᭄ᬢᬶᬓᬂᬩᬸᬤ᭄ᬥᬶᬳ᭄ᬦᬶᬂ᭞ᬤᬾᬯᬪᬸᬢ᭄ᬣᬲᬫᬶᬳᬲᬶᬄ᭞ᬜᬫᬵᬩ᭄ᬭᬬᬧ
ᬤᬮᬸᬮᬸᬢ᭄᭞ᬦᬾᬓ᭄ᬢᬶᬮ᭄ᬫᬦᬤᬶᬏᬮᬄ᭞ᬳᬮᬸᬄᬢ᭄ᬓᬳᬲᬶᬂᬳᬮᬶᬄ᭞ᬓᬾᬢᭀᬢᬸᬳᬸ᭞ᬲᬂᬜᬶᬤᬬᬂᬗᬺᬢ᭄ᬳᬶᬦ᭄ᬤ᭄ᬭᬶᬬᬵ᭟ᬦᬵᬗ᭄ᬳᬶᬂᬲᬂᬓᭀᬗ᭄ᬕ᭄ᬯᬦ᭄ᬓ᭄ᬭᭀᬤ᭞ᬩᬗᭂᬢ᭄ᬧᭂᬲᬦ᭄‌ᬬᬢᬸᬗ᭄ᬓᬮᬶ
ᬓ᭄᭞ᬫᬦᬄᬜᬇᬫ᭄ᬧᬸᬢ᭄ᬲᬢᬢ᭞ᬦᬾᬧᬢᬸᬢ᭄ᬓᬲᭂᬗ᭄ᬕᬸᬄᬧ᭄ᬮᬶᬄ᭞ᬦᬾᬓᬯᭀᬦ᭄ᬓᬤᬮᬶᬄᬩᭂᬘᬶᬓ᭄᭞ᬧ᭄ᬢᭂᬂᬳᬢᬶᬢᭀᬓᬯᬸᬯᬸᬲ᭄᭞ᬳᬤᭀᬄᬲᬓᬶᬂᬳᬢᬶᬫ᭄ᬩᬗᬦ᭄᭞ᬩ᭄ᬦᭂᬄᬧᬤᬶ
ᬤᬶᬓᬕᬶᬲᬶ᭞ᬓ᭄ᬦᭂᬄᬳᬸᬗ᭄ᬕᬸᬮ᭄᭞ᬦᬾᬚᬢᬶᬦ᭄ᬜᬤᬳᬢ᭄ᬳᬦ᭄ᬤᬧ᭄᭟ᬬᬦ᭄ᬩ᭄ᬭᬂᬢᬶᬦᬾᬯᬸᬲ᭄‌ᬗᬯᬱ᭞ᬜᬧᬳᬓᬸᬦᬾᬬᬫᭂᬦ᭄ᬢᬶᬓ᭄᭞ᬳᬦᬓᬾᬲᬫᬶᬓᬦ᭄ᬤᬧᬂ᭞ᬩᬦ᭄ᬤᬾᬯᬾᬓ᭄ᬜᬫ
[᭑᭑ 11A]
ᬲᬭᬶᬭᬶᬄ᭞ᬲᬸᬕᬶᬄᬢᬸᬃᬗᬯᬱᬕᬸᬫᬶ᭞ᬳᬲᬶᬂᬧ᭄ᬭᬾᬦ᭄ᬢᬄᬫᬗ᭄ᬤᬾᬦ᭄ᬢᬶᬦᬸᬢ᭄᭞ᬬᬦ᭄ᬳᬤᬧᬤᬾᬦᬾᬧᬶᬯᬮ᭄᭞ᬫᬸᬲᬸᬄᬧᬶᬢ᭄ᬯᬶᬬᬓᬤᬦᬶᬦ᭄᭞ᬢᬸᬃᬓᬲᭂᬗ᭄ᬕᬸᬄ᭞ᬧᬘᬂᬜᭂᬗ᭄ᬓᬮᬤᬾᬯᬾᬓ᭄ᬦ᭄ᬬ᭟
ᬓᬾᬢᭀᬲᬂᬓᭀᬗ᭄ᬕᬸᬳᬦ᭄ᬓ᭄ᬭᭀᬤ᭄ᬥ᭞ᬩᬗᭂᬢ᭄ᬫᬗᬺᬱ᭄ᬋᬲᬶᬦ᭄ᬳᬢᬶ᭞ᬦᬾᬲᬶᬦᬄᬗᬯᬾᬲᭂᬗ᭄ᬓᬮᬵ᭞ᬜᬫᬩ᭄ᬭᬬᬵᬧᬤᬲᭂᬗᬶᬢ᭄᭞ᬦᬾᬢᬓᬸᬢ᭄ᬤᬤᬶᬬᬩᬦᬶ᭞ᬗᭂᬮᬯᬦ᭄ᬧᬤᬵᬬᬗ
ᬋᬩᬸᬢ᭄᭞ᬬᬦ᭄‌ᬓᬾᬢᭀᬳᬧᬨᬳᬮᬦ᭄ᬜ᭞ᬲᬶᬦᬄᬗᬃᬤᬶᬢ᭄ᬯᬭᬩ᭄ᬘᬶᬓ᭄᭞ᬜᬶᬮᬶᬄᬧᬢᬸᬢ᭄᭞ᬳᬤᬸᬗᬾᬫᬃᬕᬶᬲᬭᬢᬂ᭟ᬩᭂᬘᬶᬓ᭄‌ᬯᬮᬶᬦᬶᬦ᭄ᬳᬾᬮᬶᬗᬂ᭞ᬲᬂᬜᬶᬤᬬᬂᬢ᭄ᬯᬭᬩ᭄ᬭᬂ
ᬢᬶ᭞ᬲᬮᬯᬲ᭄ᬜᬫᬗ᭄ᬕᬸᬄᬲᬸᬓᬵ᭞ᬲᬦ᭄ᬢᭀᬱᬵᬚ᭄ᬭᭀᬦᬶᬂᬉᬭᬶᬧ᭄᭞ᬇᬱᬤ᭄‌ᬭᬶᬧᬸᬓᬲᭀᬃᬲᬫᬶ᭞ᬢ᭄ᬯᬭᬩ᭄ᬯᬶᬦ᭄ᬬᬵᬫᬗᬤᬸᬓ᭄᭞ᬚᭂᬕ᭄ᬚᭂᬫᭂᬢ᭄‌ᬬᬵᬤᬤᬶᬯᬃᬕ᭄ᬕ᭞ᬇᬲᬤ᭄‌ᬕᬸᬡᬵ [ 12 ][᭑᭑ 11B]
᭑᭑
ᬓᬯᬱ᭄ᬝᬦᬶᬦ᭄᭞ᬢᬸᬃᬲᬸᬫᬗ᭄ᬕᬸᬧ᭄᭞ᬗᬃᬤᬶᬭᬳᬬᬸᬭᬶᬂᬚᬕᬢ᭄᭟ᬤᬩ᭄ᬤᬩᬂᬘ᭄ᬦᬶᬂᬦᬩ᭄ᬤᬩᬂ᭞ᬫᬲᭀᬮᬄᬚ᭄ᬭᭀᬳᬧᬶᬓᬶᬦ᭄᭞ᬢᬢᬰᬶᬮᬵᬫᬗ᭄ᬤᬾᬦ᭄ᬢᬢᬲ᭄᭞ᬳᬍᬧ᭄ᬫᬦᬶᬲ᭄‌ᬗᬸᬮᬗᬸ
ᬦᬶᬦ᭄᭞ᬳᬤᭀᬄᬲᬓᬶᬂᬧ᭄ᬭᬶᬄᬜᬶᬮᬶᬄ᭞ᬲᬂᬲᬢ᭄ᬬᬩᭂᬘᬶᬓ᭄‌ᬬᬢᬶᬦᬸᬢ᭄᭞ᬚᬸᬚᬸᬃᬫᬸᬮᬸᬲ᭄‌ᬢᬦ᭄ᬧᬘᬾᬤ᭞ᬅᬧᬶᬓ᭄ᬫᬫᭂᬲᬶᬳᬶᬦ᭄ᬤᬶᬭᬶ᭞ᬩᬸᬤ᭄ᬥᬶᬮᬸᬳᬸᬃ᭞ᬤᬤᬶᬰᬸᬦᬭᬶᬂᬪᬯᬦᬵ᭟ᬲᭂᬲᬵ
ᬫ᭄ᬧᬸᬦᬾᬘ᭄ᬦᬶᬂᬦᬯᬂ᭞ᬲᭀᬮᬄᬢᬦ᭄ᬦᬵᬳᬦ᭄ᬩ᭄ᬭᬂᬢᬶ᭞ᬚᬮᬦ᭄ᬮᬦ᭄ᬢᬸᬭᬂᬢᬸᬤ᭄ᬢᬸᬤᬂ᭞ᬕᬸᬭᬸᬰᬸᬰ᭄ᬭᬸᬱᬉᬢᬫᬶ᭞ᬦᬾᬫᬵᬃᬢᬶᬪᬓ᭄ᬢᬶᬲᬸᬢᬶᬦ᭄ᬤᬶᬄ᭞ᬫᬋᬧ᭄ᬭᬶᬂᬲᬂᬅᬤ᭄ᬥᬶᬕᬸᬭᬸ᭞ᬚᬶᬯᬭᬕ᭄ᬕᬵᬢᬦ᭄ᬓᬏ
ᬢᬂ᭞ᬯᬦ᭄ᬢᬄᬪᬓ᭄ᬢᬶᬦᬾᬓᬲᬸᬗ᭄ᬕᬶ᭞ᬓᬾᬢᭀᬩᬕᬸᬲ᭄᭞ᬲᬂᬗᬫᭀᬂᬕᬸᬭᬸᬲᬸᬰ᭄ᬭᬸᬱᬵ᭟ᬓᬤᬶᬦᬾᬲᬵᬫ᭄ᬧᬸᬦ᭄ᬓᬸᬗ᭄ᬕᬸᬳᬂ᭞ᬲᭀᬮᬶᬸᬲᬶᬸᬮᬄᬲᬂᬩᬶᬫᬦᬾᬯ᭄ᬬᬓ᭄ᬢᬶ᭞ᬕᬸᬭᬸᬲᬸᬰ᭄ᬭᬸᬱᬓ
[᭑᭒ 12A]
ᬱ᭄ᬝᬯᬵ᭞ᬓᬧᬶᬂᬧᬶᬢᬸᬰᬶᬮᬦᬾᬍᬯᬶᬄ᭞ᬳᭂᬦ᭄ᬢᭀᬓᬳᬗ᭄ᬕᬾᬦ᭄‌ᬧᭂᬫᬃᬕᬶ᭞ᬧᬲᬶᬄᬤ᭠ᬍᬫ᭄‌ᬢᬦ᭄ᬓᬳᬶᬢᬸᬂ᭞ᬩᬬᬸᬲᬵᬩ᭄ᬤᬇᬤᭂᬧ᭄‌ᬦᬸᬗ᭄ᬕᬮ᭄᭞ᬭᬕᬓᬫ᭄ᬩᬂᬢᬦ᭄ᬧᬳᬸᬭᬶᬧ᭄᭞ᬓᬕᬾᬢ᭄ᬲ
ᬫ᭄ᬲᬸᬦ᭄᭞ᬢᬗ᭄ᬓᬶᬮ᭄ᬭᬶᬂᬤᬾᬯᬭᬸᬘ᭄ᬬᬵ᭟ᬲᬂᬩᬶᬫᬧᬦ᭄ᬥᬸᬧᬸᬢ᭄ᬭ᭞ᬢ᭄ᬯᬭᬮ᭄ᬬᬸᬗᬫᭀᬂᬳᬶᬦ᭄ᬤᬶᬓ᭄᭞ᬯᬦ᭄ᬢᬄᬲᬶᬓᬶᬓᭂᬢᭂᬓᭂᬓᬂ᭞ᬭᬶᬗ᭄ᬓᭂᬲ᭄‌ᬦᬗᬶᬂᬩᬗᭂᬢ᭄ᬗᬸᬯᬶᬄ᭞ᬲᬂᬩᬶᬫᬧᬢᬸᬢ᭄ᬓᬧᬸᬚᬶ᭞ᬩᬗᭂᬢ᭄ᬲᬸᬭᬸᬱ
ᬢᬸᬃᬢᭂᬕᬸᬄ᭞ᬤᬾᬯᬪᬸᬢ᭄ᬢᬮᬦ᭄ᬫᬦᬸᬱ᭞ᬓᬾᬫᬤ᭄‌ᬲᬫᬶᬢᬸᬃᬫᬫᬸᬚᬶ᭞ᬳᬲᬶᬂᬢᬸᬤᬸᬄᬲᬂᬕᬸᬭᬸᬢᬦ᭄ᬓᬢᬸᬮᬓᬂ᭟ᬲᬂᬗᬫᭀᬂᬕᬸᬭᬸᬲᬸᬰ᭄ᬭᬸᬱ᭞ᬯᬦ᭄ᬢᬄᬫᬲᬤᬦᬵᬪᬓ᭄ᬢᬶ᭞ᬕᬸᬭᬸᬳᬚᬶᬕᬸᬭᬸᬭᬾ
ᬓ᭞ᬕᬸᬭᬸᬯᬶᬰᬾᬱᬵᬫᬓᬤᬶ᭞ᬪᬓ᭄ᬢᬶᬦᬾᬢᬦ᭄ᬧᬭᭀᬓᬮᬶᬄ᭞ᬦᬸᬗ᭄ᬕᬶᬮ᭄‌ᬲᬫᬶᬚ᭄ᬭᭀᬦᬶᬂᬓᬮ᭄ᬩᬸ᭞ᬲᬸᬓᬤᬸᬓᬢᬦ᭄ᬓᬏᬢᬂ᭞ᬬᬤ᭄ᬬᬦ᭄ᬮᬫ᭄ᬧᬸᬲ᭄‌ᬲᬓᬶᬂᬩᬓ᭄ᬢᬶ᭞ᬢᬸᬤᬸᬄᬕᬸᬭᬸ᭞ᬦᬶᬓᬯᬦ᭄ᬢᬄ [ 13 ][᭑᭒ 12B]
᭑᭒᭞
ᬓᬳᬦ᭄ᬢᭀᬲᬂ᭟ᬅᬲᬶᬂᬢᬸᬤᬸᬄᬓᬗ᭄ᬕᬾᬦ᭄ᬫᬃᬕ᭄ᬕᬵ᭞ᬳᬦ᭄ᬢᬸᬓ᭄ᬧᬂᬰᬸᬱ᭄ᬭᬸᬲᬪᬓ᭄ᬢᬶ᭞ᬳᬮᬲ᭄‌ᬢᬸᬓᬤ᭄‌ᬧᬗ᭄ᬓᬸᬂᬚᬸᬭᬂ᭞ᬚ᭄ᬭᭀᬦᬶᬂᬓᬬᬸᬦ᭄ᬢᬦ᭄ᬓᬾᬢᬗᬶᬦ᭄᭞ᬧᬗᬧ᭄ᬢᬶᬦᬾᬯᬦ᭄ᬢᬄᬢᬸᬗ᭄ᬕᬶᬮ᭄᭞ᬫᬸᬧᬸ
ᬢᬂᬲᬮ᭄ᬯᬶᬃᬧᬶᬢᬸᬤᬸᬄ᭞ᬧᬸᬦᬶᬓᬲᬤ᭄ᬬᬦ᭄ᬧᬂᬪᬦ᭄ᬢ᭄ᬬ᭞ᬧᬘᬂᬓᬢᬸᬃᬓᬗ᭄ᬕᬾᬦ᭄‌ᬩᬸᬓ᭄ᬢᬶ᭞ᬧᬂᬲᬢᬸᬯᬸᬓ᭄᭞ᬗᬯᬾᬦᬂᬲᬂᬕᬸᬭᬸᬮᬾᬤᬂ᭟ᬦᬾᬫᬗ᭄ᬓᬶᬦ᭄ᬩᭂᬘᬶᬓ᭄ᬮᬦ᭄ᬢᬸᬭᬂ᭞ᬰᬶᬮᬦᬾᬧᬶᬂᬓᬸᬢᬸᬲ᭄‌ᬘ᭄ᬦᬶᬂ᭞
ᬲᭀᬘᬳᭂᬦ᭄ᬢᭀᬓᭂᬩᬯᭀᬲᬂ᭞ᬦᬾᬫᬃᬢᬶᬦᬶᬫᬮᬳ᭄ᬦᬶᬂ᭞ᬤᬶᬲᬶᬲᬶᬤᬶᬢ᭄ᬗᬄᬳᬧᬶᬓ᭄᭞ᬩᭂᬰᬶᬄᬕᬮᬂᬯ᭄ᬬᬓ᭄ᬢᬶᬦᬸᬮᬸᬲ᭄᭞ᬳᬤᭀᬄᬲᬓᬶᬂᬤᭀᬱᬵᬫᬬ᭞ᬮᭀᬩᬓᭀᬧᬳᬶᬭᬶᬳᬢᬶ
᭞ᬢ᭄ᬯᬭᬵᬗᬤᬸᬓ᭄᭞ᬚᬦ᭄ᬢᭀᬲ᭄ᬓᬲ᭄ᬯᬧ᭄ᬦᬧᬥᬵ᭟ᬦᬾᬗ᭄ᬭᬜ᭄ᬚᬶᬂᬓᬦᬶᬱ᭄ᬓᬮ᭞ᬩᭂᬰᬶᬄᬤᬶᬓᬬᬸᬦ᭄ᬢᬦ᭄ᬫᬭᬶ᭞ᬯ᭄ᬮᬲ᭄ᬳᬰᬶᬄᬢᬦ᭄ᬚᬗ᭄ᬓᬬᬦ᭄᭞ᬫᬋᬧ᭄ᬭᬶᬂᬇᬲᬃᬯ᭄ᬯᬧ᭄ᬭᬡᬶ᭞ᬢ᭄ᬯᬭᬮᭀᬩᬳᬶᬭᬶᬳ
[᭑᭓ 13A]
ᬢᬶ᭞ᬭᬶᬂᬳᬦᬓ᭄ᬦᬾᬦᬸᬚᬸᬫᬗ᭄ᬓᬸᬄ᭞ᬓᬯᬶᬃᬬ᭄ᬬᬦ᭄ᬫᬶᬯᬄᬓᬲᬸᬓᬦ᭄᭞ᬓᬮᬶᬄᬢᬦ᭄ᬜᬾᬤᬤᬶᬳᬢᬶ᭞ᬭᬶᬂᬲᬂᬮᬘᬸᬃ᭞ᬫᬸᬯᬸᬄᬦᬾᬩᬗᭂᬢ᭄ᬓᬢᬸᬦᬦ᭄᭟ᬅᬦ᭄ᬢᭀᬦᬾᬗ᭄ᬭᬜ᭄ᬚᬶᬂᬦᬶᬱ᭄ᬓᬮ᭞ᬤᬶᬲ᭄ᬓ
ᬮᬫᬗ᭄ᬓᬶᬦ᭄ᬳᬾᬢᬗᬶᬦ᭄᭞ᬧᭂᬗᬗ᭄ᬓᬶᬸᬗ᭄ᬕᬾᬮᬦ᭄ᬲᭂᬓᬭᬗᬦ᭄᭞ᬫᬭᬶᬂᬭᬕᬫᬶᬦᭂᬓᬤᬶ᭞ᬫᬗ᭄ᬕᬾᬦ᭄ᬩᭂᬃᬰᬶᬄᬢᬸᬭᬶᬂᬳᬧᬶᬓ᭄᭞ᬬᬦ᭄ᬭᬶᬂᬭᬕᬢ᭄ᬯᬭᬵᬭᬸᬗᬸ᭞ᬩᬶᬱᬗᬯᬾᬕ᭄ᬭᬶᬂᬮᬭ᭞ᬢᬸᬬᬸᬄ
ᬧᬘᬂᬫᬦᬫ᭄ᬩᬦᬶᬦ᭄᭞ᬩᬗᭂᬢ᭄ᬳᬶᬫ᭄ᬧᬸᬢ᭄᭞ᬲᬶᬦᬄᬗᬃᬤᬶᬓᬲᭂᬗ᭄ᬲᬭᬦ᭄᭟ᬲᬦ᭄ᬤᬗᬾᬫᬲᬶᬄᬩ᭄ᬯᬢᬂ᭞ᬳᬗ᭄ᬕᬾᬦ᭄‌ᬗᬧᬸᬢ᭄ᬓᬮᬤᬶᬗᬶᬦ᭄᭞ᬬᬦ᭄ᬩᭂᬲ᭄ᬤᬶᬗᬶᬦ᭄ᬫᬲᬶᬄᬩᬶᬱ᭞ᬗᬯᬾᬮᬭ᭠
ᬩᬸᬬᬦ᭄ᬳᬢᬶ᭞ᬲᬓᬶᬢᬾᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬭᬸᬦ᭄ᬢᬕ᭄‌ᬯᬢᬸᬓᬾᬫᬢᬸᬫ᭄ᬧᬸᬓ᭄᭞ᬩᬶᬲᬢᬸᬫ᭄ᬩᬸᬄᬤᬤᬶᬕᭂᬢᬧ᭄᭞ᬳᬗ᭄ᬓᬶᬳᬦᬾᬤᬳᬲ᭄ᬤᬶᬳᬶᬲ᭄᭞ᬢ᭄ᬯᬭᬫᬫ᭄ᬧᬸᬄ᭞ᬕᬯᬾᬦᬾ᭠ [ 14 ][᭑᭓ 13B]
᭑᭓᭞
ᬫᬓᭂᬚᬂᬦᬸᬗ᭄ᬓᬓ᭄᭟ᬓᬮᬸᬤ᭄‌ᬮᬘᬸᬃᬫᬸᬯᬸᬄᬮᬭᬵ᭞ᬮ᭄ᬬᬸᬲᬓᬶᬢᬾᬢᬦ᭄ᬤᬗᬶᬦ᭄᭞ᬢᬶᬫ᭄ᬧᬮ᭄‌ᬫ᭄ᬭᬱᬢᬦ᭄ᬢᭀᬮᬶᬳᬦ᭄᭞ᬜᬫᬦᬾᬓᬤᬾᬦ᭄ᬜᬓᬶᬢᬶᬦ᭄᭞ᬫᬶᬍᬄᬩᬮ᭄ᬬᬦᬾᬢᬓᭀ
ᬦᬶᬦ᭄᭞ᬤᬶᬧᭂᬮᬶᬳᬾᬗᬯᬾᬗᬸᬯᬸᬢ᭄᭞ᬜᬫᬩ᭄ᬭᬬᬵᬧᬤᬲᬕ᭄ᬲᬕ᭄᭞ᬩᭂᬲ᭄᭠ᬗᬸᬕᬸᬓᬾᬦ᭄ᬩᬮ᭄ᬬᬦ᭄ᬳᬶᬧᬶᬢ᭄᭞ᬓᬦ᭄ᬢᬶᬢᬦ᭄ᬤ᭄ᬭᬸᬄ᭞ᬓᬾᬦ᭄ᬤᬾᬯᬾᬓᬾᬩᭂᬮᭀᬕ᭄‌ᬗᬸᬤᬕ᭄᭟ᬫᬦᬸ
ᬢ᭄‌ᬯᬘᬦᬦ᭄ᬲᬂᬧ᭄ᬭᬚ᭄ᬜᬦ᭄᭞ᬢᬫ᭄ᬩᭂᬢ᭄ᬤ᭄ᬤᬤᬶᬤᬲᬃᬲ᭄ᬤᬶᬄ᭞ᬳᬶᬭᬶᬳᬢᬶᬮᭀᬩᬓᭀᬧ᭠ᬗᬶᬕᭂᬮᬂᬤᬾᬯᬾᬓᬾᬚᬢᬶ᭞ᬫᬢᭀᬧᬾᬂᬩᬦ᭄ᬢᬓᬸᬢ᭄ᬲᬳᬶ᭞ᬫᬾᬗᭀᬂᬩᬦ᭄ᬩᭀᬩᬩ᭄
ᬲᬢᬸᬯᬸᬓ᭄᭞ᬕ᭄ᬮᬄᬢᬶᬫ᭄ᬧᬮᬾᬳᬦ᭄ᬢᭂᬧᬂ᭞ᬓᭂᬫᭀᬫᬳᬶᬳᬮᬶᬳᬂᬧᬶᬧᬶᬲ᭄᭞ᬕ᭄ᬭᬢ᭄‌ᬕ᭄ᬭᬸᬢ᭄᭞ᬧᭀᬯᬢᬦᬾᬗᬾᬦ᭄ᬤᬄᬧᬾᬮᬶᬕ᭄᭟ᬲᬗ᭄ᬓᬦ᭄ᬫᭂᬮᬄᬚ᭄ᬯᬤᬩ᭄ᬤᬩᬂ᭞ᬦᬾᬤᬤ᭄ᬬᬵ
[᭑᭔ 14A]
ᬩᭂᬘᬶᬓ᭄ᬳᬧᬶᬓᬶᬦ᭄᭞ᬦᬾᬲᭂᬓᬮᬵᬮᬦ᭄ᬦᬶᬱ᭄ᬓᬮ᭞ᬳᬤᬸᬗᬂᬧᬂᬳᬦᬸᬢ᭄ᬲᬳᬶ᭞ᬓᬬᬸᬦᬾᬢᬸᬦ᭄ᬢᬸᬦ᭄ᬓᬮᬶᬳᬶᬦ᭄᭞ᬳᬚᬶᬧᬧᬶᬦᭂᬳᬾᬧᬢᬸᬢ᭄᭞ᬲᭂᬍᬳᬶᬦ᭄ᬚ᭄ᬭᭀᬦᬶᬂᬅᬕᬫ᭞ᬰᬸᬲᬶᬮᬳᬗ᭄ᬕᬾ
ᬦ᭄ᬫᬕᭂᬳᬶᬦ᭄᭞ᬲᬶᬦᬵᬄᬫᬗ᭄ᬕᬸᬄ᭞ᬲᬸᬓᬲᭂᬓᬮᬦᬶᬲ᭄ᬓᬮᬵ᭟ᬮᬶᬬᬸᬲᬸᬩᬓᬲᬶᬦᬳᬂ᭞ᬭᬶᬂᬳᬶᬤᬵᬧ᭄ᬭᬚ᭄ᬜᬦ᭄ᬚᬢᬶ᭞ᬧᬶᬤᬩ᭄ᬤᬩ᭄ᬜᬳᬶᬫᬦᬸᬱᬵ᭞ᬗᬮᬶᬄᬲᬸᬓᬦᬾᬲᬸᬚᬢᬶ᭞ᬳᬶᬤᬯ᭄ᬬᬓ᭄ᬢᬶᬩᬗᭂ᭠
ᬢ᭄ᬳᬰᬶᬄ᭞ᬚᬦ᭄ᬢᭀᬲ᭄ᬳᬶᬤᬵᬧᬸᬭᬸᬦ᭄ᬢᬸᬬᬸᬄ᭞ᬗᬃᬤ᭄ᬥᬶᬢᬢ᭄ᬯᬢᬢ᭄ᬯᬶᬬᬦ᭄᭞ᬚ᭄ᬜᬵᬡᬬᬚ᭄ᬜᬓᬯᬲ᭄ᬢᬦᬶᬦ᭄᭞ᬬᬚ᭄ᬜᬇᬓᬸᬓᭂᬩᬯᭀᬲ᭄‌ᬧᬶᬦᬶᬄᬉᬢᬫᬵ᭟ᬲᬚ᭄ᬭᭀᬦᬶᬂᬧᬜ᭄ᬘᬵᬬᬚ᭄ᬜᬵ᭞ᬫ᭠
ᬓ᭄ᬯᬾᬄᬬᬚ᭄ᬜᬦᬾᬫᬮᬶᬄ᭞ᬦᬺᬫ᭄ᬬᬬᬚ᭄ᬜᬵᬓᭂᬩᬯᭀᬲᬂ᭞ᬲᬂᬫᬶᬘ᭄ᬙᬬᬂᬅᬃᬢ᭄ᬣᬩ᭄ᬭᬦᬶ᭞᭠ᬢᬧᬬᬚ᭄ᬜᬵᬳᭂᬦ᭄ᬢᭀᬫᬮᬶᬄ᭞ᬧᬸᬭᬸᬦ᭄ᬗᬢᭂᬤ᭄ᬤᬶᬱᬤ᭄ᬭᬶᬧᬸ᭞ᬓᬫᬮᭀᬩᬫᭀᬳᬫᬤ᭄ᬥ᭞ᬓ᭄ᬭᭀ [ 15 ][᭑᭔ 14B]
᭑᭔᭞
ᬤ᭄ᬥᬫᬶᬯᬄᬳᬶᬭᬶᬳᬢᬶ᭞ᬲᬫᬶᬭᬧᬸᬄ᭞ᬲᬓᬶᬂᬭᬕᬦ᭄ᬲᬂᬧᬦ᭄ᬤᬶᬢ᭄ᬣᬵ᭟ᬲ᭄ᬯᬤ᭄ᬬᬬᬵᬬᬚ᭄ᬜᬵᬮᬦ᭄ᬢᬸᬭᬂ᭞ᬲᬂᬢᬦ᭄ᬫᬭᬶᬫᬗᬸᬭᬸᬓᬶᬦ᭄᭞ᬓᬜ᭄ᬘᬦ᭄ᬢᬢ᭄ᬯᬦᬾᬉᬢ᭄ᬢᬫ᭞ᬦᬾᬫᬸᬗ᭄ᬕᬸᬄᬭᬶᬂᬯᬾᬤᬲ᭄ᬫ᭄ᬭᬢ᭄ᬳᬶ᭞ᬦᬶ
ᬢᬶᬲᬧ᭄ᬢ᭄ᬭᬵᬮᬦ᭄ᬢᬢ᭄ᬯᬯᬶᬢ᭄᭞ᬦᬾᬧᬢᬸᬢ᭄ᬳᬕᭂᬫ᭄‌ᬢᬸᬃᬕᬸᬕᬸ᭞ᬳᬗ᭄ᬕᬾᬦ᭄ᬲᬲᬸᬮᬸᬄᬤᬶᬭ᭠ᬕ᭄ᬕᬵ᭞ᬫᬗ᭄ᬤᬾᬦ᭄ᬳᬸᬦᬶᬂᬭᬶᬂᬦᬾᬚᬢᬶ᭞ᬓᬾᬢᭀᬩᬕᬸᬲ᭄᭞ᬫᬃᬕᬶᬦᬶᬦ᭄ᬲᬵᬫ᭄ᬧᬸᬦᬂᬳᬶᬫ᭟ᬥᬸᬮᬸᬃᬫ
ᬮᬶᬄᬬᭀᬕ᭄ᬕᬵᬬᬚ᭄ᬜᬵ᭞ᬯᬦ᭄ᬢᬄᬬᭀᬕ᭄ᬕᬵᬫᬓᬫᬃᬕᬶ᭞ᬧᬘᬂᬢᬗ᭄ᬓᬶᬮ᭄ᬭᬶᬂᬳ᭄ᬬᬂᬢᬶᬢᬄ᭞ᬧᬸᬭᬸᬦ᭄‌ᬗᬸᬢᬂᬲᬸᬓᬦ᭄ᬳᬵᬢᬶ᭞ᬲᬸᬓᬦᬾᬫᬩᬮᬶᬓ᭄‌ᬲᬓᬶᬢ᭄᭞ᬢᬦ᭄ᬫᬮᬶᬄᬩ᭄ᬯᬢ᭄ᬓᬧᬸᬧᬸ᭞ᬳᭀ
ᬮᬶᬄᬧᬭᬵᬬᭀᬕᬶᬰ᭄ᬯᬭᬵ᭞ᬳᬧᬦ᭄ᬧᬢᬶᬢᬶᬲᬾᬧᬲ᭄ᬢᬶ᭞ᬦᬸᬚᬸᬲᬸᬯᬸᬂ᭞ᬦᬾᬤᭀᬄᬲᬓᬶᬂᬤᭀᬱᬫᬬᬵ᭟ᬓᬤᬶᬦᬾᬲᬵᬫ᭄ᬧᬸᬦ᭄‌ᬓᬸᬗ᭄ᬕᬳᬂ᭞ᬚ᭄ᬜᬡᬵᬬᬚ᭄ᬜᬧᬶᬦᬶᬄᬮᬸᬯᬶᬄ᭞ᬳᬫᭀ
[᭑᭕ 15A]
ᬗᬦ᭄ᬲᬂᬲᬥᬸᬥᬃᬫ᭄ᬫ᭞ᬓᬧ᭄ᬭᬚ᭄ᬜᬦᬦ᭄‌ᬢᭀᬓᬲ᭄ᬢᬶᬢᬶ᭞ᬦᬶᬓᬓᬤᬦᬬᬂᬲᬫᬶ᭞ᬭᬶᬂᬫᬦᬸᬱᬓᬤᬶᬦ᭄ᬦᬶᬧᬸᬦ᭄᭞ᬦᬶᬓᬢᬫ᭄ᬩᬮ᭄ᬯᬶᬄᬉᬢ᭄ᬢᬫ᭞ᬧᬗ᭄ᬮᬸᬓᬢᬦ᭄‌ᬭᬕᬯ᭄ᬬᬤᬶ᭞ᬢᬺᬱ᭄ᬡᬵᬲᬸᬗ᭄ᬲᬸᬢ᭄᭞
ᬲᬫᬶᬲᬋᬂᬓᬯᬭᬱᬬᬂ᭟ᬅᬫᭀᬦ᭄ᬢᭀᬩᬧᬜᬢ᭄ᬯᬬᬂ᭞ᬲᭀᬭᭀᬄᬬᬚ᭄ᬜᬫᬗ᭄ᬤᬾᬦ᭄ᬳᬸᬦᬶᬂ᭞ᬲᬶᬦᬄᬮᬶᬬᬸᬬᬦ᭄ᬩᬯᭀᬲᬂ᭞ᬩᭂᬘᬶᬓ᭄ᬢᬦᬶᬮᬦ᭄ᬫᬃᬕᬶᬦᬶᬦ᭄᭞ᬯᬶᬭᬾᬄᬩᬧᬵ
ᬫᬫᬶᬦᭂᬳᬶᬦ᭄᭞ᬲᬳᭂᬦᬸᬦ᭄ᬳᬦᬓᬾᬳᬶᬤᬸᬧ᭄᭞ᬳᬸᬭᬶᬧᬾᬩᭂᬓ᭄ᬫᬶᬲᬶᬬᬚ᭄ᬜᬵ᭞ᬢᬺᬱ᭄ᬡᬦ᭄ᬧᬦᬓ᭄‌ᬢᬺᬱ᭄ᬡᬦ᭄ᬩᬶᬩᬶ᭞ᬢ᭄ᬯᬭᬵᬮᬸᬧᬸᬢ᭄᭞ᬫᬲᬶᬄᬧᬧᬶᬦ᭄ᬤᬦᬶᬂᬬᬚ᭄ᬜᬵ᭟ᬅᬲᬶᬂᬕᬭᬧ᭄ᬫ᭠
ᬯᬓ᭄‌ᬬᬚ᭄ᬜᬵ᭞ᬗᬮᬶᬄᬧᬗᬦ᭄‌ᬗᬮᬶᬄᬧᬶᬧᬶᬲ᭄᭞ᬫ᭄ᬬᬭᬵᬘᬸᬘᬸᬫᬶᬯᬄ᭠ᬧᬦᬓ᭄᭞ᬫᬢᭂᬢᬸᬮᬸᬂᬭᬶᬂᬲᬂᬲᬓᬶᬢ᭄᭞ᬫᬲᬶᬄᬬᬚ᭄ᬜᬵᬫᬗᬯᬓᬶᬦ᭄᭞ᬓᬾᬢᭀᬦ [ 16 ][᭑᭕ 15B]
᭑᭕᭞
ᬦᬓ᭄ᬳᬧᬂᬢᬳᬸ᭞ᬲᬗ᭄ᬓᬦ᭄ᬫᬢᬸᬮᬸᬂᬩ᭄ᬯᬢᬂ᭞ᬭᬶᬂᬲᬂᬮᬘᬸᬃᬫᬶᬦᭂᬓᬤᬶ᭞ᬫᬗ᭄ᬤᬾᬦᬶᬭᬸᬯᬢ᭄ᬲᬓᬶᬂᬓᬲᭂᬗ᭄ᬲᬭᬵᬦ᭄᭟ᬫᬮᬶᬄᬩᬧᬫᬓᬾᬮᬶᬗᬂ᭞ᬧᬶᬤᬩ᭄ᬤᬩ᭄‌ᬬᬚ᭄ᬜᬦᬾᬲᬫᬶ᭞
ᬫᬗ᭄ᬤᬾᬦ᭄ᬢᬦ᭄ᬳᬶᬯᬂᬧᬫᬃᬕᬶ᭞ᬤᬲᬭᬶᬦ᭄ᬩᬦ᭄‌ᬥᬃᬫᬪᬓ᭄ᬢᬶ᭞ᬫᬗ᭄ᬤᬾᬦ᭄ᬧᬶᬓᭀᬮᬶᬳᬾᬘᬶᬓ᭄᭞ᬚᬕᬢᬾᬲᬶᬤ᭄ᬥᬭᬳᬬᬸ᭞ᬓᬾᬢᭀᬦᬦᬓ᭄ᬫᬂᬤᬾᬦ᭄ᬲᬶᬦᬄ᭞ᬧᬶᬓ᭄ᬦᭀᬄ
ᬬᬚ᭄ᬜᬦᬾᬚᬢᬶ᭞ᬦᬄᬧᭂᬫᬸᬧᬸᬢ᭄᭞ᬤᬸᬭᬸᬲᬂᬦᬦᬓ᭄ᬫᬬᬚ᭄ᬜᬵ᭟ᬅᬫᭀᬦ᭄ᬢᭀᬧᬶᬢ᭄ᬓᭂᬢ᭄ᬩᬧ᭞ᬘ᭄ᬦᬶᬂᬩ᭄ᬯᬶᬦ᭄ᬫᬫᬶᬦᭂᬳᬶᬦ᭄᭞ᬯᬶᬭᬾᬄᬮᬶᬬᬸᬦᬸᬧ᭄ᬮᬚᬳᬂ᭞ᬫᬶᬦᬩ᭄‌ᬢ᭄ᬯᬭᬵᬧᬘᬂ
ᬮᬶᬲᬶᬓ᭄᭞ᬢᬢ᭄ᬯᬦᬾᬮᬶᬬᬸᬦᬸᬲᬶᬗᬶᬤ᭄᭞ᬘᬭᬫᭂᬗ᭄ᬓᭂᬩ᭄‌ᬬᬦ᭄ᬢᬦ᭄ᬭᬸᬗᬸ᭞ᬫᬶᬦᭂᬓᬤᬶᬭᬶᬂᬲᬂᬢᬸᬦᬵ᭞ᬦᬾᬫᬓᬦ᭄ᬢᬶᬳᬶᬦ᭄ᬤ᭄ᬭᬶᬬᬵᬰᬓ᭄ᬢᬶ᭞ᬦᬾᬓᬤᬸᬮᬸ᭞ᬯᬦ᭄ᬢᬄᬯᬶᬲᬬᬜ᭄ᬜᬓ᭠
[᭑᭖ 16A]
ᬢᬄ᭟ᬦᬵᬦᬓ᭄ᬩᬕᬸᬲ᭄‌ᬧ᭄ᬬᬦᬓ᭄ᬩᬧ᭞ᬚᬮᬦ᭄ᬮᬦ᭄ᬢᬸᬭᬂᬦᬾᬚᬦᬶ᭞ᬓᬰᬶᬮᬦᬾᬓᬧᬶᬂᬲ᭠ᬗᬵ᭞ᬅᬳᬭᬮᬖ᭄ᬕᬯᬧᬶᬗᬶᬢ᭄᭞ᬳᬦᬾᬫᬃᬢᬶᬫᬓᬶᬭᬗᬶᬦ᭄᭞ᬫᬶᬦᭂᬓᬤᬶᬧᬗᬦ᭄ᬓᬶᬦᬸᬫ᭄᭞
ᬢ᭄ᬯᬭᬗ᭄ᬭᬧᬸᬓᬜ᭄ᬘᬦ᭄ᬲᬗᬦ᭄᭞ᬦᬾᬲᬶᬦᬄᬫᬗᬯᬾᬕ᭄ᬭᬶᬂ᭞ᬚ᭄ᬭᭀᬦᬶᬂᬓᬶᬦᬸᬫ᭄᭞ᬦᬾᬗ᭠ᬯᬾᬧᬸᬜᬄᬳᭂᬚᭀᬳᬂ᭟ᬢ᭄ᬯᬓᬾᬦᬾᬗᬯᬾᬧᬸᬜᬄ᭞ᬅᬭᬓ᭄‌ᬩ᭄ᬭᬾᬦ᭄ᬤᬶᬧᬢ᭄ᬲᬫᬶ᭞ᬧᬶᬭ
ᬦ᭄ᬢᬶᬦᬾᬫᬓᬾᬄᬭᬸᬲᬓ᭄᭞ᬳᬢᬶᬳᭂᬦ᭄ᬢᭀᬫᬶᬦᭂᬓᬤᬂ᭞ᬓᬜ᭄ᬘᬦ᭄ᬧᬗᬦ᭄‌ᬢ᭄ᬯᬭᬵᬮᭂᬕᬶᬢ᭄᭞ᬲᬓᬶᬢ᭄ᬩᭂᬢᭂᬄᬕᬬᬵᬧᭂᬲᬸ᭞ᬯᬶᬭᬾᬄᬓᬜ᭄ᬘᬦ᭄ᬲᬭᬶᬦ᭄ᬧᬗᬦ᭄᭞ᬢ᭄ᬯᬭᬮᬦᬸᬲ᭄‌ᬬᬫᭂᬫᬃ
ᬕᬶ᭞ᬲᬶᬦᬄᬤᬶᬢᬸ᭞ᬤᬾᬯᬾᬓᬾᬫᬗ᭄ᬕᬶᬄᬓᬮᬭᬦ᭄᭟ᬓᭂᬫᭀᬫᬳᬶᬫᭀᬦ᭄ᬤᭀᬂᬮᬭ᭞ᬫᬳᬶᬮᭂᬳᬦ᭄‌ᬬᬗᬸᬩᬤᬂ᭞ᬫᬭᬫ᭄ᬭᬱᬢ᭄ᬓᬾᬦᬵᬯᬓ᭄᭞ᬤᬸᬓ᭄‌ᬗᬸᬦᬶᬩᭂ᭠ [ 17 ][᭑᭖ 16B]
᭑᭖᭞
ᬲ᭄ᬫᬗᬸᬮᬸᬭᬶᬦ᭄᭞ᬧᬗᬦ᭄ᬓᬶᬦᬸᬫ᭄ᬫᬗᬩᬾᬳᬶᬦ᭄᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬮᬭᬧᬗ᭄ᬕᬸᬄ᭞ᬫᬸᬧᬸᬜᬄᬳᬚᬓ᭄ᬢᬶᬫ᭄ᬧᬮ᭄᭞ᬗᬸᬩᬸᬗᬶᬦ᭄ᬧᬓᬶᬢᬦ᭄ᬳᬢᬶ᭞ᬗᬦ᭄ᬢᬶᬢᬸᬬᬸᬄ᭞ᬧᬦᬓ᭄‌ᬲᭀᬫᬳᬾ
ᬦᬩ᭄ᬤᬩᬂ᭟ᬕᭂᬮᬄᬳᬯᬓ᭄ᬕᭂᬮᬄᬲᭀᬫᬄ᭞ᬳᬗ᭄ᬕᭀᬦ᭄ᬫᬗᬸᬮᬸᬭᬶᬦ᭄ᬳᬢᬶ᭞ᬩᬗ᭄ᬕᬵᬓᭀᬧᬦᬾᬳᭂᬢᭀᬳᬂ᭞ᬬᬦ᭄‌ᬓᬚᬸᬫ᭄‌ᬭᬱᬬᬂᬩᭂᬘᬶᬓ᭄᭞ᬳᭂᬗ᭄ᬲᬧ᭄ᬓᬾᬦ᭄ᬓᭂᬯᬗ᭄ᬰᬦ᭄ᬚ
ᬢᬶ᭞ᬦᬗᬶᬂᬧᭂᬗᬓᬸᬦᬾᬓᬸᬓᬸᬄ᭞ᬫᬳᭀᬲᬂᬯᬗ᭄ᬰᬉᬢ᭄ᬢᬫ᭞ᬦᬾᬤᭀᬄᬲᬓᬶᬂᬰᬶᬮᬬᬸᬓ᭄ᬢᬶ᭞ᬳᬯᬓ᭄‌ᬧᬸᬬᬸᬂ᭞ᬩᬦ᭄ᬢᬲ᭄ᬩᭂᬓ᭄ᬫᬳᬶᬲᬶᬩᬗ᭄ᬕᬵ᭟ᬅᬦᬾᬫᬤᬦ᭄‌ᬢ᭄ᬭᬶᬫᬮᬵ᭞ᬫᬫᭀ
ᬢᭀᬄᬫᬫᬸᬜᬄᬫᬮᬶᬄ᭞ᬫᬓᬤᬶᬦ᭄ᬜᬯᭂᬯᬤᭀᬦᬦ᭄᭞ᬳᭂᬦ᭄ᬢᭀᬢ᭄ᬭᬶᬫᬵᬮᬓᬤᬦᬶᬦ᭄᭞ᬕᭂᬫᭂᬢᬂᬳᭂᬦ᭄ᬢᭀᬳᬧᬶᬓᬶᬦ᭄᭞ᬫᬗ᭄ᬤᬾᬦ᭄ᬜᬢᬦ᭄‌ᬗᬃᬤᬶᬗᬸᬯᬸᬢ᭄᭞ᬭᬶᬂ᭠
[᭑᭗ 17A]
ᬲᭀᬫᬄᬮᬦ᭄ᬜᬫᬩ᭄ᬭᬬᬵ᭞ᬧᭂᬫᭂᬭᬶᬦ᭄ᬢᬄᬢᭀᬫᬓᬤᬶ᭞ᬦᬄᬧᭂᬫᬸᬧᬸᬢ᭄᭞ᬳ᭄ᬤᬳᬫ᭄ᬧᬄᬫᬓ᭄ᬢᬭᬕ᭟ᬲᬫᬵᬥᬶᬮᬦ᭄‌ᬩ᭄ᬭᬢ᭄ᬣᬢᬧ᭞ᬢ᭄ᬭᬶᬬᬚ᭄ᬜᬵᬳᭂᬦ᭄ᬢᭀᬓᬤᬦᬶᬦ᭄᭞ᬕᭂᬫᭂᬢᬂᬘ᭄ᬦᬶᬂᬩ᭄ᬯ᭠
ᬢᬂ᭞ᬳᬗ᭄ᬕᬾᬦ᭄‌ᬗᬢᭂᬤ᭄ᬇᬦ᭄ᬤ᭄ᬭᬶᬬᬵᬰᬓ᭄ᬢᬶ᭞ᬭᬕ᭄ᬕᬵᬤ᭄ᬯᬾᬱᬫᬶᬦᭂᬓᬤᬶ᭞ᬧᬸᬦᬳᬂᬬᬵᬚ᭄ᬭᭀᬦᬶᬂᬓᬮ᭄ᬩᬸ᭞ᬫᬗ᭄ᬤᬵᬢᬦ᭄‌ᬗᬤᬸᬓ᭄ᬫ᭄ᬬᬮᬂ᭞ᬦᬸᬜ᭄ᬘᬧ᭄ᬓᬦᬶᬩᬡᬪᬸᬫᬶ᭞ᬕᭂᬦᬄᬮᬸᬯᬸᬃ᭞ᬲ᭄ᬣᬦᬦ᭄ᬲᬂ
ᬩᬸᬤ᭄ᬥᬶᬲᬢ᭄ᬯᬶᬓᬵ᭟ᬅᬫᭀᬦ᭄ᬢᭀᬩᬧᬜᬢ᭄ᬯᬬᬂ᭞ᬅᬳᬭᬮᬖᬯᬧᬶᬗᬶᬢ᭄᭞ᬩᭂᬘᬶᬓ᭄ᬧᭂᬮᬚᬳᬂᬤᬾᬯᬵ᭞ᬤᬩᭂᬲ᭄‌ᬩᬗᭂᬢ᭄ᬫᬗᬸᬮᬸᬭᬶᬦ᭄᭞ᬲᬤᬭᬦᬬᬂᬢᭀᬲᬫᬶ᭞ᬫᬗ᭄ᬕᬾ
ᬦ᭄ᬳᬶᬤ᭄ᬭᬶᬬᬦᬾᬫᬦᬸᬄ᭞ᬫᬦᬄᬳᭂᬦ᭄ᬢᭀᬬᬕᬶᬲᬶᬬᬂ᭞ᬫᬗ᭄ᬤᬾᬦ᭄ᬢᬦ᭄ᬕᬜ᭄ᬚᬄᬢᬸᬃᬕᬜ᭄ᬚᬶᬄ᭞ᬓᬾᬢᭀᬩᬕᬸᬲ᭄᭞ᬩᭂᬘᬶᬓ᭄ᬚᬦᬶᬬᬤᬩ᭄ᬤᬩᬂ᭟ᬏᬮᬶᬗᬂᬲᬾᬯᬳᬾᬮᬶᬗᬂ᭞ᬳᬶᬤᬸᬧᬾ [ 18 ][᭑᭗ 17B]
᭑᭗᭞
ᬅᬦᬶᬢ᭄ᬬᬚᬢᬶ᭞ᬢᬸᬃᬦ᭄ᬤᬶᬓᬧᬦ᭄ᬧᬘᬂᬲᬾᬤᬵ᭞ᬢ᭄ᬯᬭᬗᬤᬫᬗᭀᬭᬳᬶᬦ᭄᭞ᬲᬸᬓᬤᬸᬓᬮᬭᬵᬧᬢ᭄ᬣᬶ᭞ᬳᭂᬦ᭄ᬢᭀᬢ᭄ᬯᬄᬦᬾᬓᬢᭂᬧᬸᬓ᭄᭞ᬦᬄᬳᬫᭀᬦ᭄ᬢᭀᬚ᭄ᬯᬵᬧᬸᬗ᭄ᬕᭂᬮᬂ᭞ᬩᭂᬘᬶᬓ᭄‌ᬲᬂ
ᬧᬸᬘᬸᬂᬩᬮᬶᬓᬶᬦ᭄᭞ᬫᬗ᭄ᬕᬾᬦ᭄ᬮᬦ᭄ᬢᬸᬃ᭞ᬓᬰᬶᬮᬦᬾᬓᬧᬶᬂᬤᬱᬵ᭚᭜᭚ᬧᬸᬄᬧᬸᬘᬸᬂ᭚ᬘᭂᬦᬶᬂᬩᬕᬸᬲ᭄᭞ᬫᬗ᭄ᬤᬾᬦ᭄ᬲᬢ᭄ᬯᬦᬾᬗᭂᬮᬦ᭄ᬢᬸᬃ᭞ᬚᬮᬦ᭄ᬓᬾᬢᬗ᭄ᬲᭂᬳᬂ᭞ᬬᬤ᭄ᬬᬦ᭄ᬲᬸᬩᬵᬩᬗᭂᬢ᭄ᬯᭂᬗᬶ
᭞ᬤᬵᬫ᭄ᬩᬶᬮ᭄ᬫᬸᬭᬸᬓ᭄᭞ᬗᬮᬶᬯᬢᬂᬫᬢ᭄ᬣᬵᬓ᭄ᬬᬧ᭄᭟ᬳ᭄ᬥᬵᬢᬓᬸᬢ᭄᭞ᬗᬸᬢᬂᬢᬸᬬᬸᬄᬗᬮᬶᬄᬳᬬᬸ᭞ᬩ᭄ᬯᬢᬂᬕᭂᬫᭂᬢᬂ᭞ᬧᬗᬸᬢᬂᬚᬮᬦᬶᬦ᭄ᬘᭂᬦᬶᬂ᭞ᬓᭀᬚᬩᬶᬗᬸᬂᬢ᭄ᬓᬾᬦ᭄ᬕᭀᬤᬲᬲᬸᬂᬕ᭄ᬮᬧ᭠
ᬦ᭄᭟ᬕᭀᬤ᭄ᬥᬇᬓᬸ᭞ᬦᬾᬫᬭᬸᬧᬳᬾᬦ᭄ᬤᬄᬏᬭᬸᬢ᭄᭞ᬮᬯᬢ᭄ᬣᭀᬚᬢᬶᬦ᭄ᬜ᭞ᬫ᭄ᬤᬮ᭄ᬲᬓᬶᬂᬕᬾᬬᬸᬓ᭄ᬢᬶ᭞ᬩᬸᬤᬬᬂᬢᬓᬸᬢ᭄᭞ᬫ᭄ᬮᬄᬮᬶᬂᬮᬶᬂᬳᬧᬂᬧᭂᬤᬲ᭄᭟ᬳ᭄ᬤᬵᬩᬶᬗᬸᬂᬩᬶᬫ᭄ᬩᬂᬚ᭄ᬭᭀ
[᭑᭘ 18A]
ᬦᬶᬂᬳᬶᬧᬸᬦ᭄᭞ᬕᬸᬕᬸᬢᭀᬲᬂᬓᬃᬫ᭄ᬫ᭞ᬦᬾᬫᬯᬓ᭄ᬳ᭄ᬬᬂᬢᬶᬢ᭄ᬣᬄᬚᬢᬶ᭞ᬬᬾᬦᬶᬂᬧᬢᬸᬢ᭄᭞ᬤᬢᬓᬸᬢ᭄ᬫᬢᬶᬤᬶᬚᬮᬦ᭄᭟ᬲᬂᬳ᭄ᬬᬂᬢᬸᬤᬸᬄ᭞ᬳᬸᬦᬶᬂᬯ᭄ᬬᬓ᭄ᬢᬶᬳᬶᬤᬦᬸᬗᬸᬄ᭞ᬦᬾᬧᬢᬸᬢ᭄ᬮᬦ᭄ᬤᬶᬯᬂ᭞
ᬲᬗ᭄ᬓᬦ᭄ᬳᬤᬶᬮ᭄‌ᬓᬯᬱ᭄ᬝᬦᬶᬦ᭄᭞ᬕ᭄ᬮᬶᬲ᭄ᬩᬕᬸᬲ᭄᭞ᬥᬃᬫ᭄ᬫᬧ᭄ᬭᬧᬺᬢ᭄ᬢᬶᬦᬾᬗᬭᬧ᭄᭟ᬳᬶᬤᬵᬲᬂᬯᬶᬓᬸ᭞ᬩᭂᬘᬶᬓ᭄ᬢᬸᬮᬤ᭄ᬳᬗ᭄ᬕᬾᬦ᭄ᬲᬶᬓᬸᬢ᭄᭞ᬢᬦ᭄ᬲᬄᬫᬫ᭄ᬭᬶᬳᬂ᭞ᬦᬶᬃᬫ᭄ᬫᬮᬵᬚ᭄ᬭᭀᬦᬶᬂᬳᬺᬥᬶ᭞ᬯᬦ᭄ᬢᬄᬳ
ᬤᬸᬂ᭞ᬓᬗ᭄ᬕᬾᬦ᭄ᬫᭂᬦᬫ᭄ᬧᬾᬦᬶᬦ᭄ᬯᬃᬕᬵ᭟ᬅᬰᬶᬄᬇᬓᬸᬫᬸᬮᬵᬳᬫᭀᬗᬦ᭄‌ᬲᬂᬯᬶᬓᬸ᭞ᬳᬤᭀᬄᬲᬓᬶᬂᬲᬸᬕᬢ᭄᭞ᬲᬗ᭄ᬓᬦ᭄‌ᬦᬫ᭄ᬧᭂᬓ᭄ᬓᬜ᭄ᬘᬦ᭄ᬯᬃᬕᬶ᭞ᬓᬾᬄᬲᬸᬫᬸᬬᬸᬕ᭄᭞ᬳᬤᬸᬂᬗᬃᬤ᭄ᬥᬶᬓᬭᬳᬵᬃ
ᬚᬦ᭄᭟ᬦᬾᬧᭂᬫᬸᬧᬸᬢ᭄᭞ᬓᭂᬤᬱᬰᬶᬮᬫᬧᬸᬢᬸᬲ᭄᭞ᬢᬦ᭄ᬮᬾᬦ᭄ᬅᬧ᭄ᬭᬫᬤ᭄ᬥᬵ᭞ᬦᬾᬫᬃᬢ᭄ᬣᬶᬲᭂᬢᬢᬏᬮᬶᬂ᭞ᬘ᭄ᬤᬂᬮᬦᬸᬲ᭄᭞ᬢ᭄ᬯᬭᬵᬳᬫ᭄ᬧᬄᬫᬓ᭄ᬢᬭᬕ᭄ᬕᬵ ᭟ᬩᬮᬶᬓ᭄ᬳᬶᬧᬸᬦ᭄᭞᭠ [ 19 ][᭑᭘ 18B]
᭑᭘᭞
ᬬᬦ᭄ᬳᬫ᭄ᬧᬄᬘ᭄ᬦᬶᬂᬲᬢᬸᬯᬸᬓ᭄᭞ᬢᬦ᭄ᬫᬫ᭄ᬧᬸᬄᬨᬮᬦ᭄ᬜ᭞ᬳᬲᬶᬂᬩᬯᭀᬲᬂᬢᬦ᭄ᬫᬶᬲᬶ᭞ᬗᬯᬾᬳᬶᬫ᭄ᬧᬸᬢ᭄᭞ᬭᬾᬄᬧ᭄ᬭᬾᬦ᭄ᬢᬳᬾᬓᬢᭂᬫ᭄ᬧᬮᬶᬦ᭄᭟ᬲᬗ᭄ᬓᬦ᭄ᬩᬕᬸᬲ᭄᭞ᬅᬧᬺᬫᬤᬦᬾᬲᬢᬸᬯᬸ
ᬓ᭄᭞ᬳᬗ᭄ᬕᭀᬦ᭄‌ᬬᬵᬰᬭᬦᬵ᭞ᬫᬶᬦᭂᬓᬤᬶᬗᬶᬲᬶᬕᬸᬫᬶ᭞ᬳ᭄ᬤᬵᬳᬗ᭄ᬓᬸᬄ᭞ᬗᬮᬧ᭄ᬓᬲᭀᬭᬾᬫᬃᬕ᭄ᬬᬂ᭟ᬲᬶᬕᬸᬕ᭄ᬳᬶᬓᬸ᭞ᬓᬸᬢᬂᬅᬜ᭄ᬘᭀᬢᬂᬤᬶᬧᬂᬓᬸᬂ᭞ᬧᬗ᭄ᬤᬵᬗ᭄ᬭᬸᬩᬾᬤ᭞ᬗᬯᬾᬕ᭄ᬭᬶᬂᬓᬸ
ᬮᬯᬃᬕ᭄ᬕᬶ᭞ᬗᬃᬤᬶᬩᬸᬯᬸᬢ᭄᭞ᬭᬲᬦ᭄ᬧᬢᬸᬳᬾᬬᬵᬳᬶᬮᬂ᭟ᬬᬦ᭄‌ᬢᬦ᭄ᬧᬢᬸᬄ᭞ᬰᬢ᭄ᬭᬸᬦᬾᬓᬢᬶᬕᬜᬸᬲᬸᬧ᭄᭞ᬜᬶᬮᬶᬩ᭄‌ᬘᬭᬩᬓ᭞ᬫᬸᬜᬶᬫᬦᬶᬲ᭄‌ᬗᬮᬶᬄᬧᬢᬶ᭞ᬓᬤᭀᬂ
ᬦᬯᬸ᭞ᬗᬦ᭄ᬤᭀᬓ᭄‌ᬓᬭᬶᬭᬶᬳᬦ᭄ᬘᭀᬭᬄ᭟ᬲᬗ᭄ᬓᬦ᭄ᬩᬕᬸᬲ᭄᭞ᬬᬦ᭄ᬢᬦ᭄ᬲᬾᬗᭂᬄᬢᭂᬓᬾᬦ᭄ᬰᬢ᭄ᬭᬸ᭞ᬩᬶᬱᬓᬧᬘᬸᬦ᭄ᬤᬂ᭞ᬩᭀᬬᬵᬓ᭄ᬢᬶᬓ᭄ᬦᬬᬵᬲᬶᬮᬶᬩ᭄᭞ᬦᬾᬧᭂᬫᬸᬧᬸᬢ᭄᭞ᬳ᭄ᬤᬵ᭠
[᭑᭙ 19A]
ᬳᬫ᭄ᬧᬄᬫᬓ᭄ᬢᬭᬕ᭄ᬕᬵ᭟ᬬᬦᬶᬂᬲᬵᬫ᭄ᬧᬸᬦ᭄᭞ᬕᬮᬂᬤᬶᬓᬬᬸᬦᬾᬧᬗ᭄ᬕᬸᬄ᭞ᬢᭂᬓᭂᬓ᭄‌ᬗᬫᭀᬂᬰᬶᬮᬵ᭞ᬫᬸᬯᬸᬄᬧ᭄ᬭᬚ᭄ᬜᬦ᭄‌ᬮ᭄ᬯᬶᬳᬶᬂᬩᬸᬤ᭄ᬥᬶ᭞ᬲᬶᬦᬄᬳᬮᬸᬄ᭞ᬗᬫᭀᬂᬯᬃᬕᬶᬫᬶᬯᬄᬧᬜ᭄ᬚᬓ᭄᭟
ᬫᬸᬮᬵᬳᬮᬸᬄ᭞ᬲᬂᬚᬶᬢᬾᬦ᭄ᬤ᭄ᬭᬶᬬᬵᬫᬦᬸᬤᬸᬄ᭞ᬫᬦᬄᬮᬦ᭄ᬳᬶᬦ᭄ᬤ᭄ᬭᬶᬬᬵ᭞ᬫᬗ᭄ᬕᬾᬦ᭄ᬢᬦ᭄‌ᬦᭂᬕᬸᬮ᭄‌ᬗᭂᬮᬶᬮᬶᬢ᭄᭞ᬲᬗ᭄ᬓᬦ᭄ᬩᬕᬸᬲ᭄᭞ᬩ᭄ᬯᬢᬂᬫᬗᬫᭀᬂᬫᬦᬄ᭟ᬫᬸᬮᬵᬢᬸᬬᬸᬄ᭞ᬗᬫᭀᬂᬫᬦᬄ
ᬬᬦ᭄ᬢᬦ᭄ᬓᬸᬓᬸᬄ᭞ᬗᭂᬢᬧ᭄ᬦᬾᬢᬢᬶᬕ᭞ᬥᬭᬡᬵᬥ᭄ᬬᬦᬵᬲᬫᬵᬤ᭄ᬥᬶ᭞ᬫᬃᬕ᭄ᬕᬮᬦ᭄ᬢᬸᬃ᭞ᬧᭂᬫᬃᬕᬦ᭄ᬲᬂᬬᭀᬕᬶᬰ᭄ᬯᬭᬵ᭟ᬲᬗ᭄ᬓᬦ᭄ᬮᬶᬬᬸ᭞ᬳᬚᬓ᭄ᬮᬘᬸᬃᬚ᭄ᬭᭀᬦᬶᬂᬳᬶᬤᬸᬧ᭄᭞ᬳᬧᬦ᭄ᬢ᭄ᬯᬭᬓᬸᬯᬢ᭄᭞᭠
ᬗᬢᭂᬤ᭄ᬫᬦᬄᬮᬦ᭄ᬳᬶᬦ᭄ᬤ᭄ᬭᬶᬬᬦᬶ᭞ᬦᬾᬧᭂᬫᬸᬧᬸᬢ᭄᭞ᬮᬩᬸᬄᬓᬚᬸᬭᬂᬲᭂᬗ᭄ᬲᬵᬭ᭟ᬫᬗ᭄ᬤᬾᬦ᭄ᬮᬦ᭄ᬢᬸᬃ᭞ᬢᬸᬢᬸᬭᬾᬗᬂᬲᬦ᭄‌ᬬᬳᬤᬸᬂ᭞ᬓᭂᬤᭂᬄᬫᬦᬄᬩᬧ᭞ᬗᬯᬸᬯᬸᬳᬶᬦ᭄ᬲᬢ᭄ᬯᬫᬮᬶᬄ᭞ᬢᬸᬢᬸᬃ [ 20 ][᭑᭙ 19B]
᭑᭙᭞
ᬮᬸᬯᬸᬂ᭞ᬘᬢ᭄ᬲᬸᬃᬧ᭄ᬭᬯᬺᬢ᭄ᬣᬶᬳᬤᬦ᭄ᬜ᭟ᬢᬸᬢᬸᬃᬇᬓᬸ᭞ᬧᬓᬾᬮᬶᬂᬳᬶᬤᬵᬳ᭄ᬬᬂᬫᬦᬸ᭞ᬩᬗᭂᬢ᭄‌ᬫᬉᬢ᭄ᬢᬫ᭞ᬳᬫᭀᬗᬦ᭄ᬲᬂᬘᬢᬸᬃᬯᬃᬡ᭄ᬦᬷ᭞ᬓᬾᬢᭀᬩᬕᬸᬲ᭄᭞ᬓᬸᬗ᭄ᬕᬳᬂᬭᬶᬂᬲᬫᬸᬱ᭄ᬘᬬᬵ᭟ᬗᬶᬂᬲ
ᬤᬸᬭᬸᬂ᭞ᬩᬧᬦᭂᬭᬗᬂᬦᬾᬘᬢᬸᬃ᭞ᬩᭂᬘᬶᬓ᭄ᬳ᭄ᬬᬇᬥᬸᬃᬫ᭄ᬫ᭞ᬳᬸᬦ᭄ᬤᬂᬳᬚᬓᬶᬦ᭄ᬫᬕᭂᬦ᭄ᬤᬶᬂ᭞ᬭᬾᬄᬲᬂᬧᬸᬘᬸᬂ᭞ᬫᬓᭂᬚᬶᬢ᭄ᬳ᭄ᬬᬗ᭄ᬯᬂᬲᬶᬢᬶᬦ᭄᭞᭚᭜᭚ᬧᬸᬄᬥᬸᬃᬫ᭄ᬫ᭞᭚ᬫᬗ᭄ᬓᬶᬦ᭄ᬩᬧᬫᬦᬸᬢᬸᬭᬂᬳᬧᬂᬧᭂᬤ
ᬲ᭄᭞ᬦᬾᬫᬤᬦ᭄ᬘᬢᬸᬃᬧ᭄ᬭᬯᬺᬢ᭄ᬢᬶ᭞ᬘᬢᬸᬃᬫᬵᬃᬢ᭄ᬣᬶᬧᬢ᭄ᬧᬢ᭄᭞ᬧ᭄ᬭᬯᬺᬢ᭄ᬢᬶᬫᬵᬃᬢ᭄ᬣᬶᬧᬶᬤᬩ᭄ᬤᬩ᭄᭞ᬩᬘᬓᬦ᭄ᬜᬳᭂᬦ᭄ᬢᭀᬲᬫᬶ᭞ᬓᬧᭂᬃᬢᬫ᭞ᬅᬃᬚᬯᬩᬗᭂᬢ᭄ᬧᬶᬦᬸᬚᬶ᭟ᬓᬧᬶᬂᬭ᭄ᬯᬅᬦᬺᬱᬗ᭄ᬰ
ᬓᭂᬩᬯᭀᬲᬂ᭞ᬥᬫᬗ᭄ᬭᬜ᭄ᬚᬶᬂᬓᬧᬶᬂᬢ᭄ᬭᬶᬦᬶ᭞ᬳᬶᬦ᭄ᬤ᭄ᬭᬶᬬᬦᬶᬕ᭄ᬭᬳᬵ᭞ᬓᬧᬶᬂᬫ᭄ᬧᬢᬢ᭄‌ᬢᭀᬧᬦ᭄ᬮᬲ᭄᭞ᬩᭂᬘᬶᬓ᭄ᬫᬗ᭄ᬓᬶᬦ᭄ᬳ᭄ᬬᬳᬃᬢ᭄ᬣᬶᬦᬶᬦ᭄᭞ᬫᬗ᭄ᬤᬾᬦ᭄ᬢᭂᬭᬂ᭞ᬧᬶᬓ᭄ᬦᭀᬄᬜᬚ᭄ᬭᭀᬦᬶᬂᬳᬸᬭᬶᬧ᭄
[᭒᭐ 20A]
᭟ᬲᬂᬅᬃᬚᬯᬵᬚᬸᬚᬸᬃᬲᬳᬶᬚ᭄ᬭᭀᬦᬶᬂᬫᬦᬄ᭞ᬓᬮᬶᬄᬢ᭄ᬬᬕᬦ᭄ᬓᬾᬂᬳᬢᬶ᭞ᬧᬢᬸᬢ᭄ᬜᬦ᭄ᬤᬂᬢᬸᬫᬤ᭄᭞ᬫᬵᬃᬕ᭄ᬕᬩᭂᬃᬰᬶᬄᬕᬮᬂᬧᬤᬂ᭞ᬳᬗ᭄ᬕᭀᬦ᭄ᬓᬦ᭄ᬢᬶᬚ᭄ᬭᭀᬦᬶᬂᬳᬸᬭᬶᬧ᭄᭞ᬗᬯᬾᬮᬾᬤᬂ᭞
ᬜᬫᬩ᭄ᬭᬬᬵᬓᬮᬶᬄᬯᬃᬕᬶ᭟ᬫᬦᬸᬢ᭄ᬩᬯᭀᬲ᭄‌ᬰ᭄ᬭᬷᬓᬺᬱ᭄ᬡᬵᬓᬲᬶᬦᬳᬂ᭞ᬲᬂᬘᭀᬭᬄᬧᬘᬂᬫᬗᬸᬂᬲᬶ᭞ᬫᬭᬶᬂᬫ᭄ᬭᬢ᭄ᬬᬧᬥ᭞ᬗᬶᬂᬲᬂᬚᬸᬚᬸᬃ᭞ᬓᬲᭂᬓᭂᬦᬂ᭞ᬜᬸᬚᬸᬃᬩ᭄ᬭᬳ᭄ᬫᬵᬧᬤᬮ᭄ᬯᬶᬄ᭞
ᬲᬮᬯᬲ᭄ᬜ᭞ᬫᬫᬸᬓ᭄ᬢ᭄ᬬᬂᬲᬸᬓᬢᬺᬧ᭄ᬢᬶ᭟ᬫᬶᬭᬶᬩ᭄‌ᬲᬶᬦᬄᬅᬃᬚᬯᬫᬵᬃᬢ᭄ᬢᬶᬧᬲᬚ᭞᭠ᬏᬮᬄᬩᭂᬃᬰᬶᬄᬚ᭄ᬭᭀᬦᬶᬗ᭄ᬳᬢᬶ᭞ᬧᬢᬸᬢ᭄ᬓᭀᬢᬫᬬᬂ᭞ᬚᬢᬶᬧ᭄ᬭᬕᬬᬦ᭄ᬤᬃᬫ᭄ᬫ᭞ᬲ᭄ᬤᭂᬂᬢᬶᬭᬸᬢᬸᬃ᭠
ᬰᬸᬗ᭄ᬓᭂᬫᬶᬦ᭄᭞ᬗ᭄ᬕᬾᬦ᭄ᬱᬵᬯᬶᬢ᭄ᬭ᭞ᬲᬮᬯᬲᬾᬢᬸᬗ᭄ᬕᬸᬦ᭄ᬳᬸᬭᬶᬧ᭄᭟ᬦᬾᬧᬶᬂᬓᬮᬶᬄᬅᬦᬺᬱᬗ᭄ᬰᬵᬮᬦ᭄ᬩᬯᭀᬲᬂ᭞ᬳᬃᬢᬶᬦ᭄ᬜᬫᬗ᭄ᬤᬾᬦ᭄ᬳᬸᬦᬶᬗᬶᬦ᭄᭞ᬢᬦ᭄‌ᬰ᭄ᬯᬃᬝᬓᬾᬯᬮ᭄ᬬ᭞ [ 21 ][᭒᭐ 20B]
᭒᭐᭞
ᬧᬭᬃᬣᬤᭀᬦᬶᬭᬾᬂᬚᬕᬢ᭄᭞ᬳᭂᬦ᭄ᬢᭀᬦᬾᬓᬲ᭄ᬢᬶᬢᬶᬲᬳᬶ᭞ᬫᬗ᭄ᬤᬾᬦ᭄ᬲᬶᬤᬵ᭞ᬫᭀᬮᬶᬄᬰᬸᬓᬾᬃᬢ᭄ᬣᬶᬉᬢ᭄ᬢᬫᬶ᭟ᬅᬦᬺᬲᬗ᭄ᬰᬵᬫᬸᬓ᭄ᬬᬦᬶᬂᬥᬃᬫ᭄ᬫᬓᬯᭂᬤᬃ᭞ᬧᬢᬸᬢ᭄ᬓᬫᭀᬂᬭᬶᬂᬯᭀᬂ
ᬲᬫᬶ᭞ᬩᭂᬘᬶᬓ᭄ᬢᭀᬮᬶᬫ᭄ᬩᬓᬂ᭞ᬧᬗᬼᬩᬸᬭᬦ᭄‌ᬮᭀᬩᬫᭀᬳ᭞ᬫᬓᬤᬶᬦ᭄ᬜᬳᬶᬭᬶᬳᬢᬶ᭞ᬢᭀᬲᬫ᭄ᬬᬦ᭄᭞ᬧᬢᬸᬢ᭄ᬭᬸᬯᬢ᭄‌ᬚ᭄ᬭᭀᬦᬶᬂᬳᬸᬭᬶᬧ᭄᭟ᬲᬂᬦᬺᬱᬗ᭄ᬰᬵᬓᬗ᭄ᬕᭂᬄᬫᬸᬲᬸᬄ᭠
ᬫᬭᬶᬂᬚᬕᬢ᭄᭞ᬗᬯᬾᬕ᭄ᬭᬶᬂᬫᬜᭂᬮᭂᬳᬶᬦ᭄᭞ᬩᭂᬘᬶᬓ᭄ᬳ᭄ᬬᬳᬶᬘᬮᬂ᭞ᬩᭀᬃᬩᭀᬃ᭠ᬳᬦ᭄ᬢᬸᬓ᭄ᬕᭂᬦᬶᬚ᭄ᬜᬦᬵ᭞ᬫᬗ᭄ᬤᬾᬦ᭄ᬜᬢᬦ᭄ᬫᭂᬦ᭄ᬢᬶᬓ᭄ᬫᬮᬶᬄ᭞ᬢᭀᬤᬶᬫᬦᬄᬧᬂᬲᬸᬯᬸᬤ᭄‌ᬗᭀᬤ
ᬳᬶᬘ᭄ᬦᬶᬂ᭟ᬫᭂᬮᬄᬚᬦᬶᬮᬦ᭄ᬢᬸᬭᬂᬦᬾᬓᬧᬶᬂᬢᬶᬕ᭞ᬲᭀᬮᬄᬥᬫᬫᬳᭀᬢᬫᬶ᭞ᬥᬫᬓᬓᬳᬃᬢ᭄ᬬᬂ᭞ᬲᬂᬳᬸᬦᬶᬂᬫᬓᬾᬮᬶᬂᬭᬕ᭄ᬕᬵ᭞ᬳᬶᬯᬂᬧᬢᬸᬢ᭄ᬓᬢᬢᬲᬶᬦ᭄᭞ᬓᬜ᭄ᬘᬦ᭄ᬘᭀᬭᬄ᭞
[᭒᭑ 21A]
ᬦᬾᬭᬶᬂᬭᬕ᭄ᬕᬓᬩᭂᬃᬰᬶᬳᬶᬦ᭄᭟ᬲᬂᬥᬫᬶᬓᬇᬢᭂᬧ᭄‌ᬗᬫᭀᬂᬩᬸᬤ᭄ᬥᬶᬘᭂᬤᬂ᭞ᬢ᭄ᬯᬭᬢ᭄ᬮᬤ᭄ᬫᬯᬲ᭄ᬤᬶᬭᬶ᭞ᬗᬶᬦ᭄ᬢᬶᬧ᭄‌ᬬᬳᬶᬫᬦᬄ᭞ᬫ᭄ᬯᬄᬬᬵᬳᬶᬧᬜ᭄ᬘᬾᬦ᭄ᬤ᭄ᬭᬶᬬᬵ᭞ᬫᬗ᭄ᬤᬾᬦ᭄ᬢᬦ᭄ᬕᬜ᭄ᬚᬶᬄᬢᬸᬃᬭᬸ
ᬰᬶᬢ᭄᭞ᬓᬧ᭄ᬭᬢ᭄ᬬᬓ᭄ᬱ᭞ᬚᬦ᭄ᬢᭀᬲ᭄ᬢᬦ᭄ᬧᭀᬮᬶᬄᬫᬜᬶᬮᬶᬩ᭄᭟ᬓᬤᬸᬓ᭄‌ᬘᬮᬸᬄᬢ᭄ᬓᬚᭂᬫᭂᬢ᭄ᬳ᭄ᬬᬲᬫ᭄ᬬᬦ᭄᭞ᬢ᭄ᬯᬭᬵᬗᭀᬤᬵᬢᬸᬃᬦᬕᬶᬳᬶᬦ᭄᭞ᬚᭂᬕ᭄‌ᬗᬬᬸᬄᬫᬜᭂᬭᬄ᭞ᬓᬲᬶ
ᬦᬭᬦ᭄ᬩᬸᬤ᭄ᬥᬶᬧ᭄ᬭᬤ᭄ᬜᬦ᭄᭞ᬦᬾᬜᬮᬂᬰᬸᬘᬶᬢᬸᬃᬩᭂᬃᬰᬶᬄ᭞ᬫᬗ᭄ᬮᬦ᭄ᬢᬸᬭᬂ᭞ᬦᬸᬜ᭄ᬘᬧ᭄ᬫᬭᬶᬂᬢᬸᬃᬬ᭄ᬬᬪᬸᬫᬶ᭟ᬓᬾᬢᭀᬩᬕᬸᬲ᭄‌ᬲᬂᬫᬗᬫᭀᬂᬩᬸᬤ᭄ᬥᬶᬥᬫ᭞ᬓᬺᬢ᭄ᬣᬯᬶᬯᬾᬓᬓᬧᬸᬚᬶ᭞᭠
ᬧᬸᬢᬸᬲᬶᬂᬚ᭄ᬜᬡᬵ᭞ᬧᬢᬸᬢ᭄ᬤᬤᬶᬕᬸᬭᬸᬦ᭄ᬢᬕᬢ᭄᭞ᬯᬾᬥ᭄ᬥᬢᬃᬓᬧᬸᬧᬸᬢ᭄‌ᬯ᭄ᬬᬓ᭄ᬢᬶ᭞ᬯᬶᬘᬓ᭄ᬱᬦᬵ᭞ᬧᬢᬸᬢ᭄‌ᬗᬩᬶᬄᬚᬕᬢ᭄ᬲᬵᬫᬶ᭟ᬦᬄᬧᬫᬸᬧᬸᬢ᭄‌ᬚᬮᬦ᭄ᬓᬾᬩᬕᬸᬲ᭄ᬮᬦ᭄ᬢᬸ [ 22 ][᭒᭑ 21B]
᭒᭑᭞
ᬭᬂ᭞ᬇᬦ᭄ᬤ᭄ᬭᬶᬬᬵᬦᬶᬕ᭄ᬭᬳᬵᬧᬶᬦᬸᬚᬶ᭞ᬅᬃᬢᭀᬲ᭄ᬜᬧᬂᬢᬯᬂ᭞ᬧᬶᬦᬩ᭄ᬤᬩ᭄ᬤᬶᬸ᭄‌ᬗᬢᭂᬦ᭄ᬤᬶᬦ᭄ᬤ᭄ᬭᬶᬬᬵ᭞ᬫᬓᬾᬄᬲᬂᬓᬢᬸᬦᬦ᭄ᬩᬸᬤ᭄ᬥᬶ᭞ᬓᬢᬸᬗ᭄ᬓᬸᬮᬂ᭞ᬭᬶᬂᬦ᭄ᬱᬸᬦᬾᬫᬾᬲᬶᬯᬾᬘᬶ᭟ᬬᬤ᭄ᬬᬦ᭄ᬮᬶᬬᬸ
ᬲᬢ᭄ᬯᬦᬾᬧᬗ᭄ᬕᬶᬄᬤᬶᬮᭀᬦ᭄ᬢᬃ᭞ᬲᬂᬗᬸᬮᬸᬭᬶᬦ᭄ᬳᬶᬦ᭄ᬤ᭄ᬭᬶᬬᬵᬰᬓ᭄ᬢᬶ᭞ᬨᬮᬦ᭄ᬜᬢᬦ᭄ᬫᭂᬮᬄ᭞ᬦᬗᬶᬂᬢᬦ᭄ᬲᬶᬤᬫᭂᬮᬲᬂ᭞ᬯᬶᬭᬾᬄᬦᬢᬸᬦᬾᬢᬦ᭄ᬲᬶᬧᬶ᭞ᬬᬦ᭄ᬳᬫ᭄ᬧᬶᬕᬂ᭞ᬫᬱᬧᭀᬘᭀ᭠
ᬮ᭄‌ᬲ᭄ᬬᬸᬓ᭄ᬢᬶ᭟ᬫᬸᬮᬰᬸᬮᬶᬢ᭄ᬫᬫᬸᬦᬳᬂᬰᬓ᭄ᬢᬶᬦ᭄ᬳᬶᬦ᭄ᬤ᭄ᬭᬶᬬᬵ᭞ᬬᬦ᭄ᬢᬦ᭄ᬢᬱᬓᬶᬂᬲᬫᬵᬤ᭄ᬥᬶ᭞ᬲᬗ᭄ᬓᬦ᭄ᬬᬵᬩ᭄ᬯᬢᬂ᭞ᬲᬸᬮᬸᬳᬶᬦ᭄‌ᬩᬦ᭄ᬰᬲ᭄ᬢ᭄ᬭᬕᬫ᭞ᬰᬸᬦᬶᬮᬵᬫᬓᬧᬗᬩᬶᬄ᭞ᬢᭀᬕᭂ
ᬫᭂᬢᬂ᭞ᬳᬸᬮᬶᬭᬭᬾᬓᬦ᭄ᬢᬶᬮᬶᬗ᭄ᬲᬶᬃ᭟ᬲᬂᬜᬶᬤᬬᬂᬗᬺᬢ᭄ᬳᬶᬦ᭄ᬤ᭄ᬭᬶᬬᬵᬮᬦ᭄ᬫᬦᬄ᭞᭠ᬧᬜ᭄ᬚᬂᬬᬸᬱᬢᭀᬓ᭄ᬧᬳᬗ᭄ᬕᬶᬄ᭞ᬮᬗ᭄ᬕᭂᬂᬚ᭄ᬭᭀᬦᬶᬂᬬᭀᬕ᭄ᬕᬵ᭞ᬮᬸᬧᬸᬢ᭄ᬲᬓᬶᬂᬧᬧᬓ᭄ᬮᬾᬱᬵ᭞
[᭒᭒ 22A]
ᬧᬗᬦ᭄ᬓᬶᬦᬸᬫ᭄‌ᬯᬶᬪᬸᬄᬲᬫᬶ᭞ᬜᬫᬩ᭄ᬭᬬᬵ᭞ᬲᬫᬶᬳᬰᬶᬄᬢᬸᬮᬸᬲ᭄ᬪᬓ᭄ᬢᬶ᭟ᬤᬾᬯᬯᬶᬤ᭄ᬥᬶᬫᬲᬶᬄᬢᬦ᭄ᬢᭂᬮᬲ᭄‌ᬧᬲ᭄ᬯᬾᬘᬵ᭞ᬩᬕ᭄ᬬᬫᬦ᭄ᬢᬚ᭄ᬭᭀᬦᬶᬂᬳᬸᬭᬶᬧ᭄᭞ᬬᬾᬦᬶᬂᬗᬯᬢ
ᬭᬵ᭞ᬩᬕᬸᬲ᭄‌ᬰᬸᬕᬶᬄᬕᬸᬡᬵᬫᬦ᭄ᬢᬵ᭞ᬗᬫᭀᬂᬚᬕᬢ᭄‌ᬧᬜ᭄ᬚᬓ᭄ᬪᬓ᭄ᬢᬶ᭞ᬓᬾᬢᭀᬯᭀᬄᬜ᭞ᬲᬂᬚᬶᬢᬾᬦ᭄ᬤ᭄ᬭᬶᬬᬵᬲᬸᬚᬵᬢ᭄ᬣᬶ᭟ᬦᬄᬧᭂᬫᬸᬧᬸᬢ᭄ᬫᬤᬓ᭄ᬳ᭄ᬬᬂᬢᬶᬢ᭄ᬣᬄᬧᬲ᭄ᬯᬾᬘᬵ᭞ᬘ᭄ᬦᬶᬂ
ᬫᬗ᭄ᬕᬶᬄᬲᬤ᭄ᬬᬲᬶᬤ᭄ᬥᬶ᭞ᬲᬶᬤ᭄ᬥᬫᬫᬸᬦᬳᬂ᭞ᬓᬜ᭄ᬘᬦ᭄ᬳᬶᬦ᭄ᬤ᭄ᬭᬶᬬᬦᬾᬕᬮᬓ᭄᭞ᬩᬾᬩᬲ᭄ᬮᬦ᭄ᬥᬸᬄᬲᬸᬓᬵᬢᬺᬧ᭄ᬝᬶ᭞ᬳᭂᬦ᭄ᬢᭀᬕᬭᬧ᭄᭞ᬬᬚ᭄ᬜᬵᬮᬸᬯᬶᬄᬫᬳᭀᬢᬫᬶ᭟ᬘᭂᬦᬶᬂᬩᬕᬸ
ᬲ᭄‌ᬳᬫᭀᬦ᭄ᬢᭀᬫᬮᬸᬧᬸᬧᬸᬢᬂ᭞ᬦᬾᬫᬤᬦ᭄ᬘᬢᬸᬃᬧ᭄ᬭᬯᬺᬢ᭄ᬣᬶ᭞ᬧᬶᬤᬩ᭄ᬤᬩ᭄ᬉᬢ᭄ᬢᬫ᭞ᬳᬫᭀᬗᬦ᭄ᬲᬂᬘᬢᬸᬃᬯᬃᬡᬵ᭞ᬬᬦ᭄‌ᬳᭂᬦ᭄ᬢᭀᬕᭂᬫᭂᬢ᭄ᬫᬃᬕᬶᬦᬶᬦ᭄᭞ᬢᬦ᭄ᬳᬸ᭠ [ 23 ][᭒᭒ 22B]
᭒᭒᭞
ᬭᬸᬗᬦ᭄᭞ᬲᬋᬂᬲᬫᬶᬫᬗ᭄ᬕᬶᬄᬢᬺᬧ᭄ᬢᬶ᭟ᬅᬗ᭄ᬕᬾᬦ᭄ᬧᬯᭂᬯᭂᬄᬓᭂᬤᭂᬄᬩᬧᬫᬜᬢ᭄ᬯᬬᬂ᭞ᬦᬾᬓᬩᬯᭀᬲ᭄‌ᬘᬢᬸᬃᬯᬃᬡ᭄ᬦᬶ᭞ᬦᬾᬲᬵᬫ᭄ᬧᬸᬦ᭄ᬓᬮᭀᬓ᭄ᬢᬄ᭞ᬭᬢᬸᬜᬲᬓᬶᬂᬦᭂᬕᬭᬵ᭞
ᬳᬶᬦ᭄ᬥᬸᬲ᭄ᬢᬦ᭄‌ᬓᬲᬸᬩ᭄ᬤᬸᬓ᭄‌ᬗᬸᬦᬶ᭞ᬧᬫᬸᬕᭂᬭᬦ᭄ᬓᬜ᭄ᬘᬦ᭄ᬳᬕᬫᬦᬾᬲᬫᬶ᭟ᬦᬾᬫᬗ᭄ᬭᬶᬧ᭄ᬢᬲᬂᬘᬢᬸᬃᬯᬃᬡ᭄ᬦᬧᬸᬦᬶᬓ᭞ᬳ᭄ᬬᬂᬫᬦᬸᬓᬲᬸᬩ᭄ᬦᬾᬭᬶᬳᬶᬦ᭄᭞ᬫᬗ᭄ᬤᬾᬦ᭄ᬜᬓᬲᬶᬤᬦ᭄᭞ᬚᬕ
ᬢᬾᬫᬗ᭄ᬕᬸᬄᬲᬵᬦ᭄ᬢᭀᬱ᭞ᬥᬃᬫ᭄ᬫᬦᬶᬂᬲᬂᬘᬢᬸᬃᬯᬃᬡᬶ᭞ᬓᭂᬫᬃᬕ᭄ᬬᬂ᭞ᬫᬦᬸᬢ᭄ᬱ᭄ᬯᬥᬃᬫ᭄ᬫᬦ᭄ᬜᬲᬫᬶ᭞ᬰ᭄ᬯᬥᬃᬫ᭄ᬫᬦ᭄ᬲᬂᬩ᭄ᬭᬳ᭄ᬫᬵᬡᬵᬚᬦᬶᬢᬢᬲᬂ᭞ᬫᬗᬚᬄᬫᬗᬸᬭᬸᬓ᭄‌ᬲᬳᬶ᭞ᬲᬓᬗ᭄ᬘᬵ
ᬦᬶᬂᬢᬢ᭄ᬯ᭞ᬯᬶᬥᬶᬢᬢ᭄ᬯᬳᬢ᭄ᬫᬵᬢᬢ᭄ᬯᬵ᭞ᬓᬵᬃᬫ᭄ᬫᬨᬮᬳᭂᬦ᭄ᬢᭀᬫᬮᬶᬄ᭞ᬧᬸᬡᬃᬪᬯᬵ᭞ᬫᭀᬓ᭄ᬱᬵᬢᬢ᭄ᬯᬧᬶᬦᬶᬄᬍᬯᬶᬄ᭟ᬅᬦ᭄ᬢᭀᬲᬫᬶᬧᬵᬜ᭄ᬘᬰ᭄ᬭᬤ᭄ᬥᬓᭂᬩᬯᭀᬲᬂ᭞ᬳᬶ
[᭒᭓ 23A]
ᬦ᭄ᬥᬸᬢᬢ᭄ᬯᬵᬳᭂᬦᭀᬚᬢ᭄ᬣᬶ᭞ᬢᬼᬩᬂᬤᬶᬫᬦᬄ᭞ᬓᬰᬸᬰᬶᬮᬦ᭄ᬳᬗ᭄ᬕᬾᬦ᭄ᬗᭂᬫ᭄ᬩᬦ᭄᭞ᬓᬯ᭄ᬭᬸᬄᬳᬾᬅᬗ᭄ᬕᬾᬦ᭄ᬧᬢᬶᬢᬶᬲ᭄᭞ᬓᬯᬶᬘᬓ᭄ᬱᬡᬦ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬦᬶᬫ᭄ᬩᬗᬶᬦ᭄᭟ᬫᬸ᭠
ᬯᬸᬄᬫᬮᬶᬄᬰ᭄ᬯᬓᬾᬃᬢ᭄ᬣᬶᬦ᭄ᬲᬂᬩ᭄ᬭᬳ᭄ᬫᬵᬡ᭞ᬧᬢᬸᬢ᭄‌ᬗᬫᭀᬂᬰᬶᬮᬵᬬᬸᬓ᭄ᬢᬶ᭞ᬫᬤᬦᬵᬢᬦ᭄ᬢᭂᬮᬤ᭄᭞ᬩ᭄ᬭᬢ᭄ᬣᬢᬧᬫᬶᬯᬄᬬᭀᬕ᭄ᬕᬵ᭞ᬫᬬᬚ᭄ᬜᬵᬫᬕ᭄ᬦᬶᬂᬕ᭄ᬦᬶᬂ᭞ᬢᭀᬲᬫ᭄ᬬᬦ᭄᭞ᬳᬫᭀᬗᬦ᭄ᬲᬂ
ᬩ᭄ᬭᬳ᭄ᬫᬵᬡᬵᬚᬢ᭄ᬣᬶ᭟ᬲᬸᬮᬶᬢ᭄ᬚᬢᬶᬬᬦᬶᬂᬩᬧᬵᬫᬫᬶᬦᭂᬳᬂ᭞ᬲᬂᬤᬤᬶᬩ᭄ᬭᬳ᭄ᬫᬡᬵᬚᬢ᭄ᬣᬶ᭞᭠ᬳᭂᬦ᭄ᬢᭀᬓᬭᬦᬦ᭄ᬜ᭞ᬳ᭄ᬤᬵᬳᬫ᭄ᬧᬄᬫᬓ᭄ᬢᬭᬕ᭄ᬕᬵ᭞ᬩᭂᬘᬶᬓ᭄ᬦᬾᬫᬗ᭄ᬓᬶᬦ᭄ᬓᬯᬶᬢᬶᬦ᭄᭞ᬢᬸᬃᬳᬾᬮᬶ᭠
ᬗᬂ᭞ᬰ᭄ᬯᬤ᭄ᬥᬃᬫ᭄ᬫᬦᬾᬳᬧᬂᬧᬲ᭄ᬢᬶ᭟ᬅᬦᬾᬚᬦᬶᬚᬮᬦ᭄ᬓᬾᬮᬦ᭄ᬢᬸᬭᬂᬦᬦᬓ᭄᭞ᬰ᭄ᬯᬥᬃᬫᬦ᭄‌ᬓ᭄ᬱᬢ᭄ᬭᬶᬬᭀᬢᬫᬶ᭞ᬧᬢᬸᬢ᭄ᬫᬫᬸᬦᬳᬂ᭞ᬓᬜ᭄ᬘᬦ᭄ᬫᬸᬲᬸᬳᬾᬥᬸᬃᬰᬶᬮ᭞ᬢᬸᬃᬢᬦ᭄ᬋ [ 24 ][᭒᭓ 23B]
᭒᭓᭞
ᬋᬤ᭄‌ᬦᬗᬸᬦ᭄ᬓᬾᬃᬢ᭄ᬢᬶ᭞ᬭᬶᬂᬧᬬᬸᬤᬦ᭄᭞ᬦᬾᬗᬃᬤᬶᬭᬳᬃᬚᬦ᭄ᬕᬸᬫᬶ᭟ᬲᬂᬪᬸᬧᬢ᭄ᬣᬶᬲᬚᬯᬶᬦᬶᬂᬗᬫᭀᬂᬚᬕᬢ᭄᭞ᬢᬍᬃᬢᬦ᭄ᬢᭂᬮᬤ᭄ᬫᬓᬾᬭᬵᬢ᭄ᬣᬶ᭞ᬗᬃᬤ᭄ᬥᬶᬤᬦᬵᬧᬸᬡ᭄ᬬ᭞ᬫᬬᬚ᭄ᬜᬫᬰᬶᬄᬢᬦ᭄ᬓᬶ
ᬭᬂ᭞ᬦᬾᬲᬶᬦᬄᬫᬗᬯᬾᬢᬺᬧ᭄ᬢᬶ᭞ᬓᬜ᭄ᬘᬦ᭄ᬯᬤ᭄ᬯ᭞ᬫ᭄ᬭᬱᬲᬫᬶᬓᬳᬸᬭᬶᬧᬶᬦ᭄᭟ᬓᬾᬢᭀᬘ᭄ᬦᬶᬂᬰ᭄ᬯᬥᬃᬫ᭄ᬫᬦ᭄ᬲᬂᬦᬵᬣ᭞ᬳᬩᭀᬢ᭄‌ᬦᬗᬶᬂᬤᬳᬢᬼᬯᬶᬄ᭞ᬬᬦ᭄ᬢᭀᬓᬲᬶᬤᬦ᭄᭞ᬲᬶᬦᬄ
ᬚᬕᬢᬾᬲᬵᬦ᭄ᬢᭀᬱ᭞ᬯᬤ᭄ᬯᬦᬾᬲᬫᬶᬲᬸᬢᬶᬦ᭄ᬤᬶᬄ᭞ᬗᭂᬫᬃᬕ᭄ᬬᬂ᭞ᬲᬓᬜ᭄ᬘᬦ᭄‌ᬧ᭄ᬭᬾᬦ᭄ᬢᬳᬾᬲᬫᬶ᭟ᬓᬾᬢᭀᬦᬦᬓ᭄‌ᬰ᭄ᬯᬥᬃᬫ᭄ᬫᬦ᭄ᬓᭂᬲᬢ᭄ᬭᬶᬬᭀᬢᬫᬵ᭞ᬦᬾᬚᬦᬶᬩᭂᬘᬶᬓ᭄ᬢ᭠
ᬢᬲᬶᬦ᭄᭞ᬰ᭄ᬯᬥᬃᬫᬦᬶᬂᬯᬾᬱ᭄ᬬᬵ᭞ᬧᬢᬸᬢ᭄‌ᬗᬃᬤᬶᬚᬕᬢ᭄ᬤᬶᬢᬵ᭞ᬲᬦ᭄ᬤᬂᬧᬗᬦ᭄‌ᬯᬶᬪᬸᬄᬲᬫᬶ᭞ᬗᬃᬤᬶᬲᬸᬓ᭞ᬓᬜ᭄ᬘᬦ᭄ᬯᬗ᭄ᬯᬦ᭄ᬲᬂᬪᬸᬧᬢ᭄ᬢᬶ᭟ᬮᬦ᭄ᬢᬸᬃᬫᬮᬶᬄᬰ᭄ᬯᬥᬃᬫᬦ᭄ᬲᬂᬲᬸᬤ᭄ᬭᬯᬗ᭄ᬲ
[᭒᭔ 24A]
᭞ᬢᬍᬃᬢᬦ᭄ᬢᭂᬮᬤ᭄‌ᬗᬱ᭄ᬝᬶᬢᬶ᭞ᬗᬃᬤᬶᬓ᭄ᬭᬳᬃᬚᬦ᭄᭞ᬫᬮᬭᬧᬦ᭄ᬤᬃᬫ᭄ᬫᬓ᭄ᬭᬶᬬᬵ᭞ᬗᬃᬬ᭄ᬬᬦᬶᬦ᭄ᬢᭂᬕᬮ᭄‌ᬮᬜ᭄ᬘᬭᬶᬓ᭄᭞ᬧᬓᭂᬩᭀᬦᬦ᭄᭞ᬫᬗ᭄ᬤᬾᬦ᭄ᬫᭀᬮᬶᬄᬳᬲᬶᬮ᭄‌ᬪᬸᬫᬶ᭟
ᬤᬸᬮᬸᬃᬫᬮᬶᬄᬰ᭄ᬯᬥᬃᬫᬦ᭄ᬲᬂᬲᬸᬤ᭄ᬭᬵᬯᬗ᭄ᬲᬵ᭞ᬧᬢᬸᬢ᭄‌ᬧ᭄ᬭᬦᬫ᭄ᬬᬢᬦ᭄ᬫᬭᬶ᭞ᬫᬋᬧ᭄ᬭᬶᬂᬲᬂᬢᬶᬕᬵ᭞ᬩ᭄ᬭᬳ᭄ᬫᬵᬡᬵᬓ᭄ᬱᬢ᭄ᬭᬶᬬᬵᬯᬾᬱ᭄ᬬ᭞ᬦᬾᬲᬶᬦᬄᬢᬦ᭄‌ᬗᬮᬾᬫ᭄ᬧᬲᬶᬦ᭄᭞ᬧᬳ
ᬫᭀᬗᬦ᭄᭞ᬫᬦᬸᬢ᭄ᬲᬲ᭄ᬢ᭄ᬭᬵᬮᭀᬓᬤᬺᬱ᭄ᬝᬶ᭟ᬦᬄᬧᬫᬸᬧᬸᬢ᭄‌ᬲᬂᬓᭂᬘᬢᬸᬃᬧᬢᬸᬮᬶᬸᬢ᭄ᬮᬾᬤᬂ᭞ᬲᬮᬶᬂᬢᬸᬮᬸᬂᬲᬮᬶᬂᬳᬩᬶᬄ᭞ᬢ᭄ᬯᬭᬵᬤᬤᬶᬧᬮᬲ᭄᭞ᬧᬢᬸᬢ᭄ᬳᬤᬸᬂᬗᬃᬤᬶᬫ᭄ᬮᬄ᭞ᬫ
ᬗ᭄ᬕᬾᬦ᭄ᬚᬕᬢᬾᬲᬸᬢᬺᬧ᭄ᬢᬶ᭞ᬳᬧ᭄ᬢᬶᬦ᭄ᬩᬧᬵ᭞ᬫᬤᬓ᭄ᬳᬤᬸᬂᬫᬓᬲᬫᬶ᭟ᬓᬾᬢᭀᬩᬕᬸᬲ᭄‌ᬫᬤᬓ᭄‌ᬘ᭄ᬦᬶᬂᬲᬶᬤᬵᬦ᭄ᬭᬶᬫ᭞ᬦᬾᬓᭂᬩᬯᭀᬲ᭄ᬘᬢᬸᬃᬯᬃᬡᬶ᭞ᬫᬦᬸᬢ᭄ᬱ᭄ᬯᬥᬃᬫ᭄ᬫᬦ᭄ᬜ᭞ [ 25 ][᭒᭔ 24B]
᭒᭔
ᬫᬓᬤᬶᬧᬢᬸᬢ᭄‌ᬜᬮᬦᬂ᭞ᬘᬢᬸᬃᬧᬺᬯᬺᬢ᭄ᬢᬶᬉᬢᬫᬶ᭞ᬓᬃᬤᬶᬦ᭄ᬳᬶᬤᬵᬲᬗ᭄ᬳ᭄ᬬᬂᬫᬦᬸ᭠ᬤᬸᬓ᭄‌ᬗᬸᬦᬶ᭟ᬦᬄᬳᬫᭀᬦ᭄ᬢᭀᬫᬓᬧᬯᭂᬯᭂᬄᬲᬢ᭄ᬯ᭞ᬦᬾᬗᭂᬦᬶᬦᬶᬦ᭄ᬘᬢᬸᬃᬯᬃᬡᬶ᭞ᬅᬧ᭄ᬝᬶᬦ᭄ᬩ
ᬧᬦᬦᬓ᭄᭞ᬫᬤᬓ᭄‌ᬓᭂᬘᬢᬸᬃᬓᬲᬶᬤᬦ᭄᭞ᬜᬮᬦᬶᬦ᭄ᬘᬢᬸᬃᬧ᭄ᬭᬯᬺᬢ᭄ᬢᬶ᭞ᬧᬫᬸᬧᬸᬢ᭄ᬜ᭞ᬫᬸᬕᬶᬲᬫᬶᬫᬗ᭄ᬕᬶᬄᬢᬺᬧ᭄ᬝᬶ᭟ᬩᬾᬜ᭄ᬚᬂᬫᬮᬶᬄᬓᭂᬤᭂᬄᬩᬧᬫᬜᬢ᭄ᬯᬬᬂ᭞ᬘᬢᬸᬃᬧᬭᬫᬶᬢ᭄ᬣᬵ
ᬍᬯᬶᬄ᭞ᬦᬾᬚᬦᬶᬧᬸᬗ᭄ᬕᭂᬮᬂ᭞ᬲᬂᬤᬸᬃᬫ᭄ᬫᬚᬮᬦ᭄ᬢᬸᬮᬓᬂᬲᬂᬲᬶᬦᭀᬫ᭄‌ᬫᬗ᭄ᬤᬵᬗᬢᭂᬳᬶᬦ᭄᭞ᬳᬦ᭄ᬢᬶᬦ᭄ᬩᬧ᭞ᬫᬤᬓ᭄ᬳᬤᬸᬂᬬᬵᬲᬂᬓᬮᬶᬄ᭟᭚᭜᭚ᬧᬸᬄᬲᬶᬦᭀᬫ᭄᭚ᬲᬂᬲᬶ
ᬱ᭄ᬬᬯᬦ᭄‌ᬫᬢᬸᬃᬲᭂᬫ᭄ᬩᬄ᭞ᬤᬸᬄᬲᬂᬕᬸᬭᬸᬮ᭄ᬯᬶᬳᬶᬂᬩᬸᬤ᭄ᬤᬶ᭞ᬲᬭᬢ᭄‌ᬢᬶᬢ᭄ᬬᬂᬫᬦᬸᬦᬲᬂ᭞ᬘᬢᬸᬃᬧᬭᬵᬫᬶᬢ᭄ᬣᬍᬯᬶᬄ᭞ᬤᬸᬭᬸᬲᬂᬢᬶᬢ᭄ᬬᬂᬦ᭄ᬤᬶᬓᬳᬶᬦ᭄᭞ᬇᬢᬫ᭄ᬩᭂᬢ᭄ᬓᬮᬸᬤᬦ᭄ᬧᬸᬗ᭄ᬕᬸᬂ᭞᭠
[᭒᭕ 25A]
ᬳᬶᬗ᭄ᬕᬶᬄᬥᬸᬭᬸᬲ᭄‌ᬚ᭄ᬯᬵᬫᭂᬤᬮᬂ᭞ᬢᬶᬢ᭄ᬬᬂᬜᬤ᭄ᬬᬫᬦᬫ᭄ᬧᬦᬶᬦ᭄᭞ᬢᬸᬃᬲᬸᬫᬗ᭄ᬕᬸᬧ᭄᭞ᬫᬓᬤᬶᬦ᭄ᬜᬗᭂᬮᬓ᭄ᬱᬦᬬᬂ᭟ᬘᭂᬦᬶᬂᬩᬕᬸᬲ᭄‌ᬧ᭄ᬬᬦᬓ᭄ᬩᬧ᭞ᬚᬮᬦ᭄ᬓᬾᬓᬯᬶᬢᬂᬚᬦᬶ᭞ᬘ᭠
ᬢᬸᬃᬧᬭᬵᬫᬶᬢ᭄ᬣᬵᬢᬫ᭞ᬳᬕᭂᬫᬦ᭄ᬲᬂᬲᬢ᭄ᬯᬩᬸᬤ᭄ᬥᬶ᭞ᬩᭂᬘᬶᬓ᭄ᬦᬾᬚᬦᬶᬓᬯᬶᬢᬶᬦ᭄᭞ᬩᬘᬓᬦ᭄ᬜᬫᬗ᭄ᬤᬾᬦ᭄ᬢᬳᬸ᭞ᬫᬾᬢ᭄ᬭᬶᬬᬵᬢᭀᬓᬧᭂᬃᬢᬫ᭞ᬓᬭᬸᬡᬦᬾᬓᬧᬶᬂᬓᬮᬶᬄ᭞ᬓᬧᬶᬂᬢᭂ
ᬮᬸ᭞ᬫᬸᬤ᭄ᬥᬶᬢ᭄ᬣᬲᭀᬮᬄᬉᬢ᭄ᬢᬫ᭟ᬉᬧᬾᬓ᭄ᬱᬦᬾᬓᬧᬶᬂᬳᭂᬫ᭄ᬧᬢ᭄᭞ᬕᭂᬦᭂᬧ᭄‌ᬩᬘᬓᬦ᭄ᬜᬲᬫᬶ᭞ᬩᬮᬶᬓ᭄ᬚᬦᬶᬩ᭄ᬯᬶᬦ᭄ᬓᬯᬶᬢᬂ᭞ᬲᭀᬮᬄᬫᭂᬢ᭄ᬭᬶᬬᬦᬾᬳᬃᬢᬶᬦᬶᬦ᭄᭞ᬧᬲ᭄ᬯᬾᬘ
ᬳᬢᬸᬮᬸᬂᬳᬸᬭᬶᬧ᭄᭞ᬓᬸᬓᬸᬄᬗᬫᭀᬂᬥᬃᬫ᭄ᬫᬲᬥᬸ᭞ᬤᬸᬓ᭄‌ᬫᬦᬸᬮᬸᬂᬢᬦ᭄ᬚᬗ᭄ᬓᬬᬦ᭄᭞ᬪᬬᬧᬢ᭄ᬯᬶᬢᬦ᭄ᬓᬾᬢᬗᬶᬦ᭄᭞ᬤᬦᬵᬢᬸᬮᬸᬲ᭄᭞ᬲᬤᬦᬦ᭄ᬲᬂᬫᬾᬢ᭄ᬭᬶᬬᭀᬢᬫ᭄ᬫᬵ᭟᭐ [ 26 ][᭒᭕ 25B]
᭒᭕᭞
ᬲᬂᬗᬫᭀᬂᬚᬶᬯᬫᬾᬢ᭄ᬭᬶᬬᬵ᭞ᬢᬦ᭄ᬓᭀᬗ᭄ᬕᬸᬳᬦ᭄‌ᬲᬶᬕᬸᬕ᭄ᬩᭂᬭᬂᬢᬶ᭞ᬚᭂᬕ᭄‌ᬦᬭᭀᬲ᭄ᬫᬗᬃᬤᬶᬮᬾᬤᬂ᭞ᬧᬗ᭄ᬭᬱᬦ᭄ᬜᬚᬢ᭄ᬣᬶᬢᬸᬗ᭄ᬕᬶᬮ᭄‌ᬫᬭᬶᬂᬇᬲᬵᬃᬯ᭄ᬯᬫᬳᬸᬭᬶᬧ᭄᭞ᬧᬢᬸᬄᬳᭂᬦ᭄ᬢᭀᬬ
ᬓᬤᬸᬮᬸ᭞ᬳᬢᭂᬧ᭄‌ᬬᬵᬢᬦ᭄ᬓᬯᬃᬦᬵᬦ᭄᭞ᬦᬾᬩᬾᬤ᭄ᬥᬯᬦ᭄ᬢᬄᬤᬶᬲᬶᬲᬶ᭞ᬓᬸᬮᬶᬢ᭄ᬧᬮ᭄ᬲᬸ᭞ᬬᬢᬦ᭄‌ᬢᬢᬲ᭄‌ᬗᬯᬾᬲᬕ᭄ᬰᬕ᭄᭟ᬓᬾᬢᭀᬚᬢ᭄ᬣᬶᬲᬂᬫᬾᬢ᭄ᬭᬶᬬᬵ᭞ᬧᬢᬸᬢ᭄ᬢᬶ
ᬭᬸᬲᬋᬂᬲᬫᬶ᭞ᬚᬵᬢ᭄ᬣᬶᬧᬭᬕᬬᬦ᭄‌ᬥᬃᬫ᭄ᬫ᭞ᬢᭂᬓᭂᬓ᭄‌ᬗᬫᭀᬂᬩᬸᬤ᭄ᬥᬶᬳ᭄ᬦᬶᬂ᭞ᬅᬪᬬᬥᬦᬵᬢᬦ᭄ᬫᬭᬶ᭞ᬓᬗ᭄ᬕᬾᬦ᭄ᬲᬵᬥᬦᬵᬧᬓᬸᬓᬸᬄ᭞ᬗᬯᬾᬳᬤᬸᬂᬓᬸᬮᬵᬕᭀᬢ᭄ᬭ᭞ᬳᬚᬓ᭄
ᬗᬮᬶᬄᬦᬾᬲᬸᬚᬢ᭄ᬣᬶ᭞ᬲᬶᬦᬄᬧᬗ᭄ᬕᬸᬄ᭞ᬬᬦ᭄ᬕᭂᬫᭂᬢ᭄‌ᬗᭂᬫᬶᬢ᭄ᬤᬶᬫᬦᬄ᭟ᬩᭂᬘᬶᬓ᭄‌ᬩᬧᬫᬜᬢ᭄ᬯᬬᬂ᭞ᬲᬂᬅᬪᬬᬤᬦᬵᬚᬦᬶ᭞ᬬᬦᬶᬂᬫᬦᬸᬢ᭄ᬲᬫᬸᬱ᭄ᬘᬬᬵ᭞ᬓᬃᬤᬶᬦ᭄ᬯᬭᬵᬭᬹᬘᬶ᭠
[᭒᭖ 26A]
ᬗᬸᬦᬶ᭞ᬲᬂᬅᬪᬬᬵᬥᬦᬵᬚᬢ᭄ᬣᬶ᭞ᬢ᭄ᬯᬭᬦᬳᬦ᭄‌ᬗᬯᬾᬭᬸᬰᬸᬄ᭞ᬯᬦ᭄ᬢᬄᬳᬰᬶᬄᬓᬫᬃᬕ᭄ᬬᬂ᭞ᬲᬳᬶᬗᬍᬕᬦᬶᬦ᭄ᬯᬃᬕ᭄ᬕᬶ᭞ᬫᬢᭂᬢᬸᬮᬸᬂ᭞ᬳᭂᬦ᭄ᬢᭀᬓᬗ᭄ᬕᬾᬦ᭄ᬫᬱᬥᬦᬵ᭟ᬲᬂᬗᬫᭀᬂᬅ᭠
ᬪᬬᬵᬤᬦᬵ᭞ᬬᬦ᭄ᬩᬦ᭄ᬤᬶᬗᬂᬩᬗᭂᬢ᭄ᬮᬸᬯᬶᬄ᭞ᬭᬶᬂᬲᬂᬗᬫᭀᬂᬤᬺᬯ᭄ᬬᬤᬦᬵ᭞ᬓᬾᬢᭀᬓᬲᬶᬦᬳᬂᬘ᭄ᬦᬶᬂ᭞ᬲᬗ᭄ᬓᬦ᭄ᬓᬯᬶᬢᬶᬦ᭄ᬦᬾᬚᬦᬶ᭞ᬅᬪᬬᬵᬤᬦᬵᬦᬾᬤᬸᬮᬸᬄ᭞ᬳᭂᬦ᭄ᬢᭀᬕᬭᬧ᭄‌ᬬ
ᬧᬱ᭄ᬝᬶᬓ᭞ᬬᬤ᭄ᬬᬦ᭄ᬢᬶᬯᬲ᭄ᬚ᭄ᬭᭀᬦᬶᬂᬳᬸᬭᬶᬧ᭄᭞ᬳ᭄ᬤᬵᬩᬸᬯᬸᬂ᭞ᬗᬭᬧ᭄ᬳᬦᬾᬫᬤᬦ᭄ᬥᬃᬫ᭄ᬫᬵ᭟ᬯᬶᬭᬾᬄᬲᬸᬩᬓᬲᬶᬦᬳᬂ᭞ᬲᬂᬤᬸᬃᬰᬶᬮᬵᬚ᭄ᬭᭀᬦᬶᬂᬳᬸᬭᬶᬧ᭄᭞ᬚᬢᬶᬧᬯᬓᬦ᭄‌ᬲᭂᬗ᭄ᬓᬮ᭞ᬢ
ᬦ᭄ᬧᬾᬦ᭄ᬤᬄᬓᬤᬶᬲᬂᬲᬓᬶᬢ᭄᭞ᬦᬸᬚᬸᬓᬦᬾᬰᬦᬾᬕ᭄ᬭᬶᬢ᭄᭞ᬲᬶᬦᬄᬢᬫ᭄ᬩᬦᬾᬢᬦᬵᬧᬗ᭄ᬕᬸᬄ᭞ᬦᬾᬧᬗ᭄ᬕᬶᬄᬯᬦ᭄ᬢᬄᬓᬮᬭᬦ᭄᭞ᬲᬓᬶᬢ᭄ᬳᬢᬶᬦ᭄ᬜᬫᬢᬶᬦ᭄ᬤᬶᬄ᭞ᬓᬾᬢᭀᬦᬕᬸᬲ᭄᭞ [ 27 ][᭒᭖ 26B]
᭒᭖᭞
ᬲᬂᬜᬮᬦᬂᬓᬥᬹᬃᬰᬶᬮᬦ᭄᭟ᬦᬾᬚᬦᬶᬚᬮᬦ᭄ᬮᬦ᭄ᬢᬸᬭᬂ᭞ᬲᭀᬮᬄᬓᬭᬸᬡᬵᬧᭂᬤᬲᬶᬦ᭄᭞ᬯ᭄ᬮᬲᬰᬶᬄᬓᭂᬳᬃᬢ᭄ᬬᬂ᭞ᬳᬰᬶᬄᬢ᭄ᬓᬾᬦ᭄ᬲᬵᬃᬯ᭄ᬯᬧ᭄ᬭᬡ᭄ᬦᬶ᭞ᬲᬂᬓᬢᬸᬦᬦ᭄ᬫᬶᬦᭂᬓᬤᬶ᭞ᬓᬶᬭᬂᬧᬗᬦ᭄ᬫᬶᬯᬄ
ᬓᬶᬦᬸᬫ᭄᭞ᬬᬤᬶᬦ᭄ᬲᬂᬓᬢᬸᬭᬦ᭄ᬫᬦᬄ᭞ᬓᬢᬸᬮᬸᬂᬬᬵᬓᬓᬦ᭄ᬢᬶᬦᬶᬦ᭄᭞ᬳᬦ᭄ᬢᬸᬓ᭄ᬢᬸᬢᬸᬃ᭞᭠ᬫᬦᬸᬢᬶᬦ᭄‌ᬲᬱ᭄ᬢ᭄ᬭᬳᬕᬫᬵ᭟ᬲᬂᬜᬮᬦᬂᬳᬲᬶᬄᬲᬬᬂ᭞ᬮᬸᬧᬸᬢ᭄ᬲᬓᬶᬂᬲ᭄ᬤᬶᬄᬓᬶᬂᬓᬶᬂ᭞ᬮᭀ᭠
ᬩᬧ᭄ᬭᬶᬄᬜᬫᬢᬶᬗ᭄ᬕᬮ᭄᭞ᬤᬸᬓ᭄ᬫᬦᬸᬮᬸᬂᬲᬓᬶᬂᬳᬭᬶᬲ᭄᭞ᬢ᭄ᬯᬭᬗᬾᬢᬂᬉᬦ᭄ᬢᬸᬂᬭᬸᬕᬶ᭞ᬦᬾᬓᬧ᭄ᬭᬶᬄᬯᬦ᭄ᬢᬄᬳᬬᬸ᭞ᬢᬍᬃᬢᬦ᭄ᬫᬭᬶᬗᬱ᭄ᬝᬯᬵ᭞ᬦᬸᬦᬲ᭄‌ᬳᬶᬘ᭄ᬙᬭᬶᬂᬳ᭄ᬬᬂᬯᬶᬥᬶ᭞ᬓᬜ᭄ᬘᬦ᭄ᬳᬶ
ᬤᬸᬧ᭄᭞ᬫᬗ᭄ᬤᬾᬦ᭄ᬜᬓᭂᬃᬢ᭄ᬣᬭᬳᬃᬚᬵ᭟ᬓᬾᬢᭀᬲᭀᬮᬄᬲᬂᬓᬭᬸᬡᬵ᭞ᬧᭂᬢᭂᬂᬮ᭄ᬫᬄᬬᬵᬗᬲ᭄ᬢᬶᬢᬶ᭞ᬓᬭᬳᬃᬚᬵᬦᬶᬂᬦᬕᬭᬵ᭞ᬓᬮᬶᬄᬯᬤ᭄ᬯᬦ᭄ᬲᬂᬪᬸᬧᬢᬶ᭞ᬭᬶᬂᬤᬾᬯᬪᬸ
[᭒᭗ 27A]
ᬢ᭄ᬣᬢᬦ᭄ᬮᬮᬶ᭞ᬫᬶᬦᭂᬓᬤᬶᬭᬶᬂᬍᬮᬸᬳᬸᬃ᭞ᬫᬗ᭄ᬤᬾᬦ᭄ᬜᬳᬲᬸᬂᬦᬸᬕ᭄ᬭᬳᬵ᭞ᬫᬜᬸᬦ᭄ᬤᬭᬂᬩᬸᬤ᭄ᬥᬶᬳ᭄ᬦᬶᬂ᭞ᬗᬯᬾᬳᬤᬸᬂ᭞ᬩᬾᬩᬲᬵᬓᬶᬂᬧᬧᬓ᭄ᬮᬾᬱᬵ᭟ᬘᭂᬦᬶᬂᬩᬕᬸᬲ᭄ᬰᬂᬲᬶᬱ᭄ᬬᬯᬦ᭄᭞
ᬫᬸᬦᬶᬢ᭄ᬣᬚᬦᬶᬅᬃᬢᬶᬦᬶᬦ᭄᭞ᬯᬶᬭᬱᬦ᭄ᬜᬳᬧᬂᬢᬯᬂ᭞ᬳᬕᬯᬾᬲᬸᬓᬦᬶᬂᬳᬸᬭᬶᬧ᭄᭞ᬓᬾᬢᭀᬳᬃᬢᬶᬦ᭄ᬜᬲᬸᬚᬢ᭄ᬣᬶ᭞ᬲᭀᬮᬄᬳᬶᬧᬢᬸᬢ᭄ᬲ᭄ᬤᭂᬂᬢᬶᬭᬸ᭞ᬓ᭄ᬭᬡᬵᬲᬂᬗᬫᭀᬂᬫᬸ
ᬤᬶᬢᬵ᭞ᬢᬦ᭄ᬓᭀᬂᬕᬸᬳᬦ᭄ᬤᬶᬭᬶᬳᬢᬶ᭞ᬢ᭄ᬓᬵᬦᬳᬸ᭞ᬗᬯᬾᬓᬲᬸᬓᬦ᭄ᬤᬶᬚᬕᬢ᭄᭟ᬲᬂᬫᬸᬤ᭄ᬥᬶᬢᬵᬲᬳᬏᬕᬃ᭞ᬲᬶᬂᬓᬸᬘᬧᬂᬢ᭄ᬓᬫᬦᬶᬲ᭄᭞ᬗᬸᬮᬗᬸᬦᬶᬦ᭄ᬲᬂᬫᬶᬋᬗᬂ᭞ᬗᬯᬾ᭠
ᬍᬕᬲᬂᬜᬶᬗᬓᬶᬦ᭄᭞ᬭᬾᬄᬫᬸᬓᬦᬾᬩᬸᬗᬄᬳᬰ᭄ᬭᬶ᭞ᬲᭀᬮᬄᬜᬫᬦᬸᬤᬸᬢ᭄ᬓᬬᬸᬦ᭄᭞ᬗᬮᬧ᭄ᬓᬲᭀᬃᬦ᭄ᬓᬾᬂᬢᭀᬯᬲ᭄᭞ᬩᬸᬤ᭄ᬥᬶᬳᬮᬸᬲ᭄ᬫᬸᬯᬸᬄᬩᬗ᭄ᬓᬶᬢ᭄᭞ᬜᬦ᭄ᬤᬂᬢᬶᬭᬸ᭞ [ 28 ][᭒᭗ 27B]
᭒᭗᭞
ᬲᬂᬫᬸᬤ᭄ᬤᬶᬢ᭄ᬣᬵᬫᬳᬵᬃᬤᬶᬓ᭟ᬲᭂᬯᭀᬦ᭄ᬧᬶᬲᬦ᭄‌ᬬᬦ᭄ᬩᬦ᭄ᬤᬶᬗᬂ᭞ᬲᬂᬗᬫᭀᬂᬧ᭄ᬭᬫᬥᬵᬩᬸᬤ᭄ᬥᬶ᭞ᬩᬯᭀᬲ᭄ᬳᬕᬮ᭄‌ᬗᬯᬾᬚᭂᬗᬄ᭞ᬫᬱᬓᬾᬦ᭄ᬤᬾᬯᬾᬓ᭄ᬜᬭᬶᬭᬶᬄ᭞ᬫᬱᬰᬓ᭄ᬢᬶ᭠
ᬢᬸᬭᬶᬂᬰᬸᬕᬶᬄ᭞ᬬᬦ᭄ᬢᬶᬫ᭄ᬧᬮᬶᬦ᭄ᬫᬸᬯᬸᬄᬲᬶᬕᬸᬕ᭄᭞ᬗᬺᬲ᭄ᬳᬢᬶᬦᬾᬦᬶᬗᭂᬳᬂ᭞ᬩᭂᬘᬶᬓ᭄‌ᬓᬶᬭᬶᬕᬶᬦ᭄ᬓᬮᬳᬶᬦ᭄᭞ᬧᬗ᭄ᬤᬵᬫᬶᬮᬸ᭞ᬓᬮᬶᬧᬸᬢ᭄ᬩᬦ᭄‌ᬕ᭄ᬦᬶᬧ᭄ᬭᬫᬥᬵ᭟ᬲᬂᬧ᭄ᬭᬫᬤ᭄ᬥᬩᬗᭂᬢ᭄ᬳᬫ᭄ᬧᬄ᭞
ᬢ᭄ᬯᬭᬵᬗᬾᬢᬂᬩ᭄ᬦᭂᬄᬧᭂᬮᬶᬄ᭞ᬯᬶᬯᬾᬓᬦ᭄ᬜᬳᬤᭀᬄᬧᬶᬲᬦ᭄᭞ᬢᬢ᭄ᬯᬦ᭄ᬜᬩᬗᭂᬢ᭄‌ᬢᬸᬗ᭄ᬓᬮᬶᬓ᭄᭞ᬬᬲᬗᭂᬢ᭄ᬤᭂᬫᭂᬦ᭄ᬓᬧᬸᬚᬶ᭞ᬢᬶᬫ᭄ᬧᬮ᭄ᬜᬓᬦ᭄ᬤᬧᬂᬮᬯᬸᬢ᭄᭞ᬓᬢᬸᬤᬸᬄᬧᬜ᭄ᬚ
ᬓ᭄‌ᬓᭂᬢᭀᬓᬦ᭄᭞ᬦᬗᬶᬂᬲᬂᬫᬸᬤᬶᬢ᭄ᬣᬩᬸᬤ᭄ᬥᬶ᭞ᬢ᭄ᬯᬭᬵᬦᬳᬸ᭞ᬗᬃᬤᬶᬓᬫᬾᬯᬳᬦ᭄ᬢᬶᬫ᭄ᬧᬮ᭄᭟ᬦᬾᬓᭂᬘᬢᬸᬃᬮᬦ᭄ᬩᬯᭀᬲᬂ᭞ᬲᭀᬮᬄᬧ᭄ᬓ᭄ᬱᬵᬧᬶᬦᬸᬚᬶ᭞ᬫᬶᬲᬶᬗ᭄ᬕᬶᬄᬭᬶᬂᬲᭂ
[᭒᭘ 28A]
ᬲᬫᬦ᭄ᬜ᭞ᬓᬾᬢᭀᬯᬶᬭᬱᬦ᭄ᬜᬚᬵᬢ᭄ᬣᬶ᭞ᬲᬂᬉᬧᬾᬓ᭄ᬱᬵᬓᬤᬶᬤᬘᬶᬦ᭄᭞ᬢᬸᬓᬂᬢᬶ᭠ᬫ᭄ᬩᬂᬯ᭄ᬬᬓ᭄ᬢᬶᬓᬰᬸᬩ᭄᭞ᬢ᭄ᬯᬭᬵᬗ᭄ᬮᬄᬭᬰᬩᬶᬦᬵ᭞ᬳᬭᬶᬫ᭄ᬪᬯᬵᬫᬶᬭᬶᬩ᭄‌ᬧᬢᬶᬲ᭄᭞ᬲᬳᬶᬳᬤᬸᬂ᭞
ᬫᬓ᭄ᬢᬭᬕ᭄ᬕᬵᬤᬳᬢ᭄ᬯᬶᬓᬦ᭄᭟ᬲᬂᬉᬧᬾᬓ᭄ᬱᬵᬯ᭄ᬬᬓ᭄ᬢᬶᬯᬶᬓᬦ᭄᭞ᬧᬓᬶᬮ᭄ᬯᬶᬃᬦᬾᬓᭂᬓᬵᬃᬤᬶ᭞ᬬᬦ᭄ᬲᬵᬫ᭄ᬧᬸᬦ᭄ᬧᬢᬸᬢ᭄ᬓᬭᬲᬵ᭞ᬯᬯᬸᬭᬭᬶᬲ᭄ᬓᭂᬫᬃᬕᬶᬦᬶᬦ᭄᭞ᬬᬦ᭄ᬳᬶᬯᬂᬓᭂᬭᬱᬾᬂᬳᬢᬶ᭞᭠
ᬢᬫ᭄ᬧᬶᬲᬦ᭄ᬲᬘᬂᬓᭂᬳᬦᬸᬢ᭄᭞ᬭᬶᬂᬯᭀᬂᬮ᭄ᬬᬦ᭄‌ᬢ᭄ᬯᬭᬵᬩᬾᬥᬵ᭞ᬓᬸᬓᬸᬄᬗᬫᭀᬂᬳᬦᬾᬳᬤᬶᬮ᭄᭞ᬥᬃᬫ᭄ᬫᬵᬲᬥᬸ᭞ᬫᬗ᭄ᬕᭂᬄᬓᬵᬗ᭄ᬕᬾᬦ᭄‌ᬲᬓᬦ᭄ᬚᬕᬢ᭄᭟ᬲᬂᬗᬫᭀᬂᬩᬸᬤ᭄ᬥᬶᬉ
ᬧᬾᬓ᭄ᬱᬵ᭞ᬓᬜ᭄ᬘᬦ᭄ᬧᬸᬕᬢ᭄‌ᬍᬤᬶᬲ᭄‌ᬲᬫᬶ᭞ᬯᬦ᭄ᬢᬄᬳᬤᬸᬂᬓᭂᬫᬃᬕ᭄ᬬᬂ᭞ᬳᬦᬓᬾᬭᬶᬂᬭᬕᬭᬕᬧᬢᬶᬲ᭄᭞ᬢᬦ᭄ᬩᬶᬦᬵᬯᬦ᭄ᬢᬄᬳᬲᬶᬓᬶ᭞ᬢᬸᬗ᭄ᬕᬮ᭄ᬲᬫᬶᬚ᭄ᬭᭀᬦᬶᬂᬓᬮ᭄ᬩᬸ᭞ᬧᭂᬗᬧ᭄ᬢᬶᬦᬾ [ 29 ][᭒᭘ 28B]
᭒᭘᭞
ᬫᬲᬶᬄᬢᬸᬗ᭄ᬕᬮ᭄᭞ᬯᬦ᭄ᬢᬄᬭᬳᬬᬸᬓᭂᬚᬸᬤᬶ᭞ᬲᬮᬶᬂᬢᬸᬮᬸᬂ᭞ᬤᬦᬵᬧᬸᬦ᭄ᬬᬓᭂᬫᬃᬕ᭄ᬬᬂ᭟᭠ᬘᬢᬸᬃᬧᬭᬵᬫᬶᬢᭀᬢ᭄ᬢᬫ᭞ᬜᬦ᭄ᬤᬂᬳᬕᭂᬫ᭄‌ᬲᬋᬂᬲᬫᬶ᭞ᬳᬗ᭄ᬕᬾᬦ᭄ᬤᬲᬃᬧᬕᬸᬬᬸᬩᬦ᭄᭞
ᬫᬋᬧᬾᬭᬶᬂᬓᬸᬮᬵᬯᬃᬕ᭄ᬕᬶ᭞ᬚᬮᬦ᭄ᬓᬾᬧᬢᬸᬳᬾᬳᬮᬶᬄ᭞ᬳᭂᬦ᭄ᬢᭀᬕᬭᬧ᭄‌ᬲᬶᬦᬄᬮᬸᬯᬸᬂ᭞ᬓᬦ᭄ᬘᬦ᭄᭞ᬓᬵᬃᬬ᭄ᬬᬩᬶᬲᬧ᭄ᬭᬕᬢ᭄᭞ᬦᬗᬶᬂᬬᬦ᭄ᬲᬸᬕᬢ᭄ᬧᬶᬢᬶᬦ᭄ᬤᬶᬄ᭞ᬲᬶᬦᬄᬮᬘᬸᬃ᭞ᬩ
ᬦ᭄ᬢᬲ᭄‌ᬧᭀᬘᭀᬮ᭄ᬳᬦᬾᬩᬓᬢ᭄᭟ᬚᬮᬦ᭄ᬓᬾᬦᬦᬓ᭄‌ᬢᬗ᭄ᬲᭂᬳᬂ᭞ᬗᬃᬬ᭄ᬬᬦᬶᬦ᭄‌ᬥᬃᬫ᭄ᬫᬵᬧ᭄ᬭᬯᬺᬢ᭄ᬢᬶ᭞ᬯᬶᬭᬾᬄᬲᬸᬩᬓᬲᭂᬓᭂᬦᬂ᭞ᬳᬶᬤᬸᬧᬾᬳᬦᬶᬢ᭄ᬬᬚᬵᬢ᭄ᬣᬶ᭞ᬲᬳᬶ᭠
ᬫᭀᬩᬄᬗᬯᬾᬧᬮᬶᬂ᭞ᬳᬲᬶᬂᬳᬮᬶᬄᬗᬯᬾᬮᬘᬸᬃ᭞ᬳᬲᬶᬂᬳᬸᬩᭂᬃᬬᬵᬗ᭄ᬚᭀᬳᬂ᭞ᬓᬤᬶᬗᬸᬩᭂᬃᬮᬯᬢ᭄ᬢᬢᬶᬢ᭄᭞ᬧᬬᬸᬢᬸᬬᬸᬄ᭞ᬩᭂᬮᭀᬕ᭄‌ᬓᬸᬤᬸᬦᬾᬫ᭠
[᭒᭙ 29A]
ᬓᬤᬵ᭟ᬅᬦᬾᬚᬵᬢ᭄ᬣᬶᬢᭀᬲᭂᬓᭂᬦᬂ᭞ᬳᬮᬶᬄᬩᬶᬢ᭄ᬩᬶᬢ᭄‌ᬚ᭄ᬭᭀᬦᬶᬂᬳᬢᬶ᭞ᬤᬲᬭᬶᬦ᭄ᬩᬦ᭄ᬲᬵᬲ᭄ᬢ᭄ᬭᬵᬕᬫ᭞ᬳᬗ᭄ᬕᭀᬦ᭄ᬧᬸᬮᬸᬄᬓᬮᬯ᭄ᬗᬶ᭞ᬓᬰᬸᬲᬶᬮᬦᬾᬳᬧᬶᬓᬶᬦ᭄᭞ᬳᭂᬦ᭄ᬢᭀᬤᬸ᭠
ᬮᬸᬄᬫᬵᬃᬕ᭄ᬕᬵᬮᬦ᭄ᬢᬸᬃ᭞ᬓᬧ᭄ᬭᬚ᭄ᬜᬦᬵᬦ᭄ᬳᬗ᭄ᬕᬾᬦ᭄ᬫᬸᬗ᭄ᬓᬄ᭞ᬲᬓᬦ᭄ᬘᬦ᭄ᬢᬢ᭄ᬯᬦᬾᬲᬶᬗᬶᬤ᭄᭞ᬲᬶ᭠ᬦᬄᬧᬗ᭄ᬕᬸᬄ᭞ᬚᬢᬶᬦ᭄ᬕᬮᬗᬾᬤᬶᬭᬕᬵ᭟ᬅᬦᬾᬚᬢ᭄ᬣᬶᬫᬤᬦ᭄ᬕᬮᬂ᭞ᬩᬾᬩᬦᬶᬸᬲ᭄ᬤᬶᬓᬬᬸ
ᬦ᭄‌ᬢᬦ᭄ᬫᬭᬶ᭞ᬇᬱᬤ᭄‌ᬭᬶᬧᬸᬢ᭄ᬯᬭᬵᬗᭀᬤᬵ᭞ᬲᬦ᭄ᬢᭀᬱᬚ᭄ᬭᭀᬦᬶᬗ᭄ᬳᬢᬶ᭞ᬯᬶᬭᬾᬄᬢᬢᬸᬚᭀᬦᬾᬧᬲ᭄ᬢᬶ᭞ᬓᬫᬸᬓ᭄ᬢᬶᬧᬤᬵᬫᬦᬸᬚᬸ᭞ᬫᬶᬭᬶᬩ᭄‌ᬲᬸᬩᬓᬾᬬᬲᬶᬦᬄ᭞᭠
ᬅᬃᬢ᭄ᬢᬶᬦ᭄ᬕᬮᬄᬗᬾᬰᬸᬚᬵᬢᬶ᭞ᬦᬾᬧᭂᬫᬸᬧᬸᬢ᭄᭞ᬫᬸᬕᬶᬘᭂᬦᬶᬂᬫᬗ᭄ᬕᬶᬄᬩᬕ᭄ᬬᬵ᭟᭠ᬫᬶᬭᬶᬩ᭄‌ᬳᬤᬓᬕᬸᬡᬵᬦ᭄ᬜ᭞ᬬᬦᬶᬂᬩᬧᬫᬦᬸᬢᬸᬭᬶᬦ᭄᭞ᬇᬦ᭄ᬤᬶᬓ᭄ᬫᬸᬲᬸᬳᬾᬤᬶᬭᬕ᭄ᬕᬵ᭞ [ 30 ][᭒᭙ 29B]
᭒᭙᭞
ᬇᬱᬤ᭄ᬭᬶᬧᬸᬢᭀᬓᬤᬦᬶᬦ᭄᭞ᬫᬸᬰᬸᬄᬦᭂᬫ᭄ᬦᭂᬫ᭄‌ᬤᬳᬢ᭄ᬰᬓ᭄ᬢᬶ᭞ᬤᬸᬯᭂᬕ᭄ᬫᬗ᭄ᬮᬶᬮᬶᬢ᭄ᬫ᭠ᬦᭂᬕᬸᬮ᭄᭞ᬦᬗᬶᬂᬲᬤᬸᬭᬸᬂᬜᬢ᭄ᬯᬬᬂ᭞ᬩᭂᬘᬶᬓ᭄ᬓᬕᬸᬦᬸᬂᬫᭂᬮᬮᬶ᭞ᬲᬫ᭄ᬩᬶᬮ᭄‌ᬦᬸᬯᬸᬃ᭞ᬥ᭄ᬬᬄᬅᬤ᭄ᬭᬶ
ᬚᭂᬕᬾᬕ᭄ᬜᬮᬂ᭟᭚᭜᭚ᬧᬸᬧᬸᬄᬅᬤ᭄ᬭᬶ᭚ᬤᬸᬄᬇᬦᬦᬓ᭄ᬅᬤ᭄ᬭᬶᬘ᭄ᬦᬶᬂᬳᬬᬸ᭞᭠ᬲᬗ᭄ᬓᬦ᭄ᬩᬧᬧ᭄ᬭᬧ᭄ᬢᬵ᭞ᬩᭂᬮᬶᬦ᭄‌ᬘ᭄ᬦᬶᬂᬫᬶᬮᬸᬗᬶᬭᬶᬂ᭞ᬫᬶᬲᬤ᭄ᬬᬫᬓᬵᬃᬱᬢᬸᬮᬸᬂ᭞ᬧᬂᬗᬶᬭᬶᬂᬇᬦ᭠
ᬦᬓ᭄ᬫᬸᬧᬸᬄ᭞ᬩᭂᬮᬶᬦ᭄ᬘᭂᬦᬶᬂᬲᬂᬲᬶᬱ᭄ᬬᬯᬦ᭄᭞ᬤᭀᬢ᭄ᬫᬶᬋᬂᬢᬢ᭄ᬯᬲᬤ᭄ᬭᬶᬧᬸ᭞ᬳᬧᬂᬬᬲᭂᬮᭂᬕ᭄ᬦᬶᬗᭂᬳᬂ᭞ᬫᬸᬕᬶᬘ᭄ᬦᬶᬂᬫᭀᬮᬶᬄᬲᭂᬮᬵ᭟ᬦᬸᬦᬲ᭄‌ᬮᬸᬕ᭄ᬭᬢᬶᬢ᭄ᬬᬂᬰ᭄ᬭᬶᬫᬳᬵᬫ᭄ᬧᬸ᭞ᬩᭂᬲ᭄᭠
ᬩᬗᭂᬢ᭄ᬧᬲ᭄ᬯᬾᬘᬵ᭞ᬚᬦ᭄ᬢᭀᬲ᭄ᬧ᭄ᬭᬤᬶᬸᬦ᭄ᬤᬵᬗᭂᬭᬯᬸᬳᬶᬦ᭄᭞ᬭᬶᬂᬧᭀᬦ᭄ᬤᭀᬓ᭄ᬢᬶᬢ᭄ᬬᬂᬇᬚᬸᬕᬸᬮ᭄᭞ᬲᬢ᭄ᬫᬓᬳᬫᭂᬃᬢ᭄ᬣᬭᬸᬦ᭄ᬢᬸᬄ᭞ᬤᬕᬶᬂᬯᬘᬦᬦ᭄ᬲᬂᬢᬧ᭞ᬧᬸᬧᬸᬢ᭄ᬢᬶᬢ᭄ᬬᬂᬫᬗᭂ
[᭓᭐ 30A]
ᬮᬸᬗ᭄ᬲᬸᬃ᭞ᬤᬸᬭᬸᬲᬂᬯᬘᬦᭂᬦ᭄ᬢᬶᬢ᭄ᬬᬂ᭞ᬲᬋᬂᬇᬩᭂᬮᬶᬲᬶᬱ᭄ᬬᬯᬵᬦ᭄᭟ᬤᬸᬄᬲᬶᬱ᭄ᬬᬯᬵᬦ᭄‌ᬘ᭄ᬦᬶᬂᬦᬦᬓ᭄ᬩᬕᬸᬲ᭄᭞ᬚᬮᬦ᭄ᬳ᭄ᬬᬓᬯᬶᬢᬂ᭞ᬩᬧᬚᬦᬶᬫᬦᬸᬢᬸᬭᬶᬦ᭄᭞ᬤᬕᬶᬂᬦᬾᬫᬤ
ᬦ᭄ᬲᬤ᭄ᬭᬶᬧᬸ᭞ᬫᬸᬲᬸᬄᬦᭂᬫ᭄ᬦᭂᬫ᭄‌ᬢᭂᬕᭂᬲᬶᬧᬸᬦ᭄᭞ᬫᭂᬮᬄᬚᬦᬶᬩᬧᬜᬃᬘᬵ᭞ᬫᬗ᭄ᬤᬵᬲᬵᬫ᭄ᬧᬸᬦ᭄ᬘᭂᬦᬶᬂᬩᬶᬗᬸᬂ᭞ᬲᬗ᭄ᬓᬦ᭄ᬳᬧᬶᬓᬶᬦ᭄ᬫᬶᬋᬗᬂ᭞ᬳᬧᬂᬲᬓᬶᬂᬲᭂᬓᭂᬦ᭄ᬩᬦ᭄ᬩᬦ᭄᭟ᬫᬦᬸᬢ᭄
ᬅᬗ᭄ᬕᬲ᭄ᬢ᭄ᬬᬵᬧᬃᬯ᭄ᬯᬧᬸᬦᬶᬓᬸ᭞ᬤᬶᬢᬸᬓᬧᬶᬤᬃᬢ᭄ᬣ᭞ᬧᬜᬃᬘᬦ᭄ᬲᬤ᭄ᬭᬶᬧᬸᬘᭂᬦᬶᬂ᭞ᬅ᭠ᬮᬲ᭄ᬬᬧᭂᬃᬢ᭄ᬢᬫᬳᬶᬧᬸᬦ᭄᭞ᬦᬶᬤ᭄ᬭᬓᬧᬶᬂᬤ᭄ᬯᬧᬸᬦᬶᬓᬸ᭞ᬪᬬᬵᬳᬦᬾᬓᬧᬶᬂᬢᬶᬕ᭞ᬭᬕ᭄ᬕᬵ
ᬦᬾᬓᬧᬶᬂᬓᭂᬘᬢᬸᬃ᭞ᬓᬧᬶᬂᬮᬶᬫᬦ᭄ᬜᬤ᭄ᬯᬾᬱ᭞ᬦᬾᬓᬧᬶᬂᬦᭂᬫ᭄‌ᬫᬤᬦ᭄ᬢᬺᬱ᭄ᬡᬵ᭟ᬗᬯᬶᬢ᭄ᬅᬮᬱ᭄ᬬᬢᬸᬢᬸᬭᬂᬫᬮᬸ᭞ᬗᭂᬓᭀᬄᬬᬵᬢᭂᬕᭂᬲ᭄ᬦ᭄ᬬ᭞ᬇᬤᭂᬧᬾᬓ᭄ᬬᬧ᭄ᬢᬦ᭄ᬫᬭᬶ᭞ [ 31 ][᭓᭐ 30B]
᭓᭐᭞
ᬗᭂᬓᭀᬄᬗᬭᬧ᭄‌ᬰᬶᬮᬳᬬᬸ᭞ᬭᬶᬂᬓᬦ᭄ᬤᬦ᭄ᬥᬃᬫᬢᬦ᭄‌ᬘᬸᬫ᭄ᬧᬸ᭞ᬲᭀᬓ᭄ᬳᬤᬏᬮᬶᬂᬲᬫᬢ᭄ᬭ᭞ᬭᬶᬓᬮᬦᬶᬧᬸᬦ᭄‌ᬲᭂᬤᬸᬓ᭄᭞ᬯᬳᬸᬳᬶᬧᬸᬦ᭄ᬫᬓ᭄ᬭᬶᬢᬶᬧᬦ᭄᭞ᬗᬫ᭄ᬩᬶᬮ᭄ᬲᬦᬾᬧᬘᬂᬢᭂ
ᬥ᭟ᬤᬾᬯᬾᬓ᭄ᬳᬶᬧᬸᬦ᭄‌ᬩᬳᬢ᭄ᬢᬸᬃᬗ᭄ᬮᬶᬬᬸᬤ᭄᭞ᬏᬮᬶᬗᬾᬦᭂᬭᬯᬂ᭞ᬘᭂᬢᬦᬦ᭄ᬜᬲᬢ᭄ᬲᬢ᭄ᬫᬢ᭄ᬣᬶ᭞ᬩᬸᬤ᭄ᬥᬶᬢᬫᬳᬾᬗᬯᭂᬗ᭄ᬓᬸ᭞ᬲᬢ᭄ᬕᬸᬍᬫ᭄ᬭᬶᬂᬫᬦᬳᬶᬧᬸᬦ᭄᭞ᬲᬗ᭄ᬓᬦ᭄ᬓᭀᬩᭂᬢ᭄
ᬗᬭᬧ᭄ᬓᬃᬬ᭄ᬬ᭞ᬲᭀᬓ᭄ᬩᬦ᭄ᬢᬲ᭄ᬫᭂᬮᭂᬤ᭄ᬫᬫᬸᬧᬸ᭞ᬓᬗ᭄ᬕᬾᬦ᭄‌ᬗᬸᬧᬤᬶᬢᬳᬯᬓ᭄᭞ᬢᬦ᭄ᬲᬶᬲᬦ᭄ᬋᬗᬭᬶᬂᬚᬶᬯ᭄ᬯᬵ᭟ᬅᬧᬩ᭄ᬯᬶᬦ᭄‌ᬦᬶᬤ᭄ᬭᬦᬾᬢᭀᬩᬕᬸᬲ᭄᭞ᬳᬦᬓ᭄‌ᬲᭂᬓᭂᬦ᭄ᬗᭂᬂᬲ
ᬧ᭄᭞ᬓᬚᬕ᭄ᬭᬦ᭄ᬜᬩᬗᭂᬢ᭄ᬢᬶᬧᬶᬲ᭄᭞ᬗᬶᬂᬮᭀᬩᬦ᭄ᬳᬶᬧᬸᬦᬾᬲᬸᬮᬸᬓ᭄᭞ᬫᬶᬢᬸᬗ᭄ᬓᬲ᭄‌ᬭᬕᬦ᭄ᬲᬂᬲᬤᬸ᭞ᬳᬧᬦ᭄ᬓᬲᭂᬗ᭄ᬕᬸᬄᬧᬫ᭄ᬬᬮᬂ᭞ᬳᬦ᭄ᬢᭂᬗᬾᬓᬲᭂᬗ᭄ᬕᬸᬄᬢᬸᬬᬸᬄ᭞ᬓ᭄ᬬᬸᬮᬾᬓ
[᭓᭑ 31A]
ᬭᬱᬏᬮᬄ᭞ᬢᭂᬮᭂᬩ᭄‌ᬗᬸᬮᬄᬲᬸᬓᬦ᭄ᬳᬯᬓ᭄᭟ᬧᬶᬢᬗᬦᬾᬬᬰ᭄ᬭᬶᬗᬦ᭄ᬗᬸᬯᬸᬢ᭄᭞ᬫᬓᬶᬮᬶᬢ᭄ᬫᬤᬸᬓᬦ᭄᭞ᬚ᭄ᬭᭀᬦᬶᬂᬗᬸᬮᬄᬲᬸᬓᬦ᭄ᬤᬶᬭᬶ᭞ᬢ᭄ᬯᬭᬵᬧᭂᬲᬦ᭄‌ᬬᬵᬫᬗᬶᬢᬸᬂ᭞ᬲᭀᬮᬄ
ᬫᬯᭂᬲᬦᬵᬳᬬᬸ᭞ᬦᬸᬫᬼᬓ᭄ᬓᬲᬸᬓᬲᭂᬓᬮᬵ᭞ᬚᬶᬯᬦ᭄ᬜᬇᬗ᭄ᬕ᭄ᬬᬦᬼᬩᬸᬃ᭞ᬢ᭄ᬯᬭᬵᬤᬤᭀ᭠ᬲ᭄ᬧᬯᬶᬮᬗᬦ᭄᭞ᬳᭀᬮᬶᬄᬲᬂᬫᬳᬵᬯᬶᬫᭀᬳ᭟ᬦᬾᬫᬤᬦ᭄‌ᬪᬬᬵᬓᬯᬶᬢᬶᬦ᭄ᬩᬕᬸ
ᬲ᭄᭞ᬢᬓᬸᬢ᭄ᬓᬢᭂᬕᭂᬲᬂ᭞ᬫᬓᬤᬶᬦ᭄ᬜᬢᬓᬸᬢ᭄ᬫᬢᬶ᭞ᬓᬩᬢᭂᬓ᭄ᬫᭂᬍᬤᬾᬳᬶᬤᬸᬧ᭄᭞ᬲᭀᬫᬄᬧᬦᬓ᭄‌ᬧᬂᬫᬧᬸᬦ᭄ᬥᬸᬄ᭞ᬢᬓᬸᬢ᭄ᬓᬮᬳᬶᬦ᭄ᬓᬲᬸᬓᬦ᭄᭞ᬗᬮᬳᬶᬦ᭄ᬫᬲᬶᬄᬢᬦ᭄ᬧᬸᬭᬸᬦ᭄᭠
ᬲᭂᬲᬳᬶᬩᬬᬸᬦᬾᬭᬸᬦ᭄ᬤᬄ᭞ᬢ᭄ᬯᬭᬵᬦᬯᬂᬓᬦ᭄ᬤᬦ᭄ᬚᬕᬢ᭄᭟ᬤᬶᬚᬲᭂᬳᬤᬵᬓ᭠ᬜ᭄ᬘᬦᬶᬂᬢᬸᬫ᭄ᬩᬸᬄ᭞ᬢ᭄ᬯᬭᬵᬫᬫᬗ᭄ᬕᬸᬳᬂ᭞ᬲᬸᬓᬤᬸᬓᬵᬮᬭᬧᬢ᭄ᬯᬶ᭞ᬳᬧᬦ᭄ᬫᬸᬮᬢᬢ᭄ᬯᬦᬶᬧᬸᬦ᭄᭞ [ 32 ][᭓᭑ 31B]
᭓᭑᭞
ᬫᬬᬵᬳᬦᬶᬢ᭄ᬬᬧᬸᬦᬶᬓᬸ᭞ᬗᬦᬸᬢᬶᬦ᭄‌ᬓ᭄ᬱᬦᬶᬓᬵᬢᬢ᭄ᬯ᭞ᬓᬾᬯᬦ᭄ᬢᭂᬦ᭄ᬲᬂᬪᬬᬵᬇᬓᬸ᭞ᬳᬧᬦ᭄ᬢᬦ᭄ᬢᬗᭂᬄᬭᬶᬂᬚᬕᬢ᭄᭞ᬲᬗ᭄ᬓᬦ᭄ᬦᬵᬦ᭄ᬤᬂᬓᭂᬢᬓᬸᬢᬦ᭄᭟ᬫᬥᬦᬵᬓᬫᬢᭂᬕᭂᬲ᭄ᬜᬩ
ᬕᬸᬲ᭄᭞ᬍᬕᬦᬾᬧᬸᬧ᭄ᬯᬂ᭞ᬤᬸᬓ᭄‌ᬧᬢᭂᬫᭀᬦ᭄ᬮᬓᬶᬳᬶᬲ᭄ᬢ᭄ᬭᬶ᭞ᬫ᭄ᬢᬸᬬᬵᬮᭂᬓᭂᬢ᭄ᬓᬧᬸᬮᬸ᭠ᬢ᭄᭞ᬮᬮᬶᬬᬵᬭᬶᬂᬢᬢ᭄ᬯᬦ᭄ᬳᬶᬤᬸᬧ᭄᭞ᬦᬾᬬᭀᬕ᭄ᬬᬢᬗ᭄ᬲᭂᬄᬉᬢ᭄ᬲᬳᬵ᭞ᬫᬗ᭄ᬤᬾᬦ᭄ᬲᬶᬤᬵ᭠
ᬕᭂᬮᬶᬲ᭄ᬮᬸᬧᬸᬢ᭄᭞ᬓᭂᬮᬾᬲ᭄ᬭᬶᬂᬲᭂᬗ᭄ᬰᬭᬵᬚᬦ᭄ᬫᬵ᭞ᬧᬂᬲᬸᬯᬸᬤ᭄‌ᬓᬘᬓ᭄ᬭᬵᬪᬯᬦᬵ᭟ᬤ᭄ᬯᬾᬱᬭᬸᬦ᭄ᬢᬶᬓ᭄‌ᬬᬵᬢᭂᬕᭂᬲ᭄ᬦ᭄ᬬᬩᬕᬸᬲ᭄᭞ᬧᬤ᭄ᬥᬮᬯᬓ᭄ᬓᬶᬸᬦ᭄ᬓ᭄ᬭᭀᬤ᭞ᬭᬸᬦ᭄ᬢᬶᬓ᭄‌ᬓᬾᬦ᭄ᬦᬾ
ᬘᬸᬫ᭄ᬧᭀᬦᬶᬦ᭄᭞ᬲᬳᬢ᭄ᬫᬓᬶᬢ᭄ᬣᬫᬦᬸᬦ᭄ᬥᬸᬂ᭞ᬭᬾᬄᬫᬦᬳᬶᬧᬸᬦ᭄ᬢᬦ᭄ᬳᬤᬸᬂ᭞ᬯᬶᬭᬾᬄᬧᬧᬶᬦᭂᬳᬾᬩᬸᬬᬃ᭞ᬢ᭄ᬯᬭᬵᬗᬾᬢᬂᬳᬶᬯᬂᬧᬢᬸᬢ᭄᭞ᬲᭀᬓ᭄‌ᬗᬸᬮᬄᬲᬸᬓᬵᬲᭂᬓᬮᬵ
[᭓᭒ 32A]
᭞ᬩᬗᭂᬢ᭄‌ᬢᬦ᭄ᬮᬶᬗᬸᬭᬶᬂᬚᬶᬯᬵ᭟ᬗᬸᬮᭂᬂᬳᬶᬦᬸᬧᬾᬫᬗᬸᬮᬄᬢᬸᬯᬸᬦ᭄᭞ᬭᬶᬂᬲᬸᬓᬦ᭄ᬳᬶᬦ᭄ᬤ᭄ᬭᬶᬬᬵ᭞ᬦᬕᬶᬂᬚᬕᬢᬾᬉᬩᭂᬭᬶᬦ᭄᭞ᬲᬂᬚᬶᬯ᭄ᬯᬫᬦᬤᬶᬲᬸᬗ᭄ᬲᬸᬢ᭄᭞ᬳᬧᬦ᭄ᬢᬦ᭄ᬦᬵᬳᬦ᭄ᬫᬲ
ᬫ᭄ᬩᬸᬂ᭞ᬫᬭᬶᬂᬳᬶᬤᬵᬲᬂᬳ᭄ᬬᬂᬲᬗ᭄ᬓᬦ᭄‌ᬦᬾᬲᭂᬓᭂᬦ᭄ᬫᬧᬳᬶᬘ᭄ᬙᬳᬶᬧᬸᬦ᭄᭞ᬲᬗ᭄ᬓᬦ᭄ᬲᬂᬚᬶᬯᬵᬲᬢ᭄ᬪᬬᬵ᭞ᬓᭂᬍᬩ᭄ᬭᬶᬂᬪᬯ᭄ᬯᬅᬃᬡ᭄ᬦᬯᬵ᭟ᬦᬾᬫᬤᬦ᭄‌ᬢᬺᬱ᭄ᬡᬵᬓᬯᬶᬢᬶᬦ᭄ᬩᬕᬸᬲ᭄᭞ᬮᭂ
ᬓᭂᬢ᭄ᬓᬢᭂᬕᭂᬲᬂ᭞ᬭᬶᬂᬤᬕᬶᬂᬚᬕᬢ᭄ᬲᬸᬦᬶᬓᬶ᭞ᬭᬶᬂᬤᬾᬯᬾᬓ᭄ᬧᭀᬫᬄᬮᬦ᭄ᬲᬸᬦᬸ᭞ᬢᬺᬱ᭄ᬡᬵᬦ᭄ᬜᬩᬗᭂᬢ᭄ᬫᬫᬸᬮᬸᬢ᭄᭞ᬫᬶᬯᬄᬫᬭᬶᬂᬓᬲᬸᬕᬶᬳᬦ᭄᭞ᬳᬶᬭᬶᬓᬵᬩᬗᭂᬢ᭄ᬓᬢᭂᬕᬸᬮ᭄᭞
ᬭᬱᬮᬫ᭄ᬧᬸᬲ᭄‌ᬬᬦ᭄ᬓᬢᬸᬗ᭄ᬕᬮ᭄᭞ᬬᬦ᭄‌ᬗᬮᬳᬶᬦ᭄ᬫᬱᬪᬬᬵ᭟ᬓᬾᬢᭀᬲ᭠ᬓᬶᬢ᭄‌ᬢᬺᬱ᭄ᬡᬦ᭄ᬲᬸᬦᬶᬓᬵ᭞ᬭᬶᬭᬶᬄᬫᬫᬗ᭄ᬓᭂᬤᬂ᭞ᬲᬂᬢᬫ᭄ᬩᭂᬢ᭄ᬥᬸᬫᬥᬶᬳᬸᬭᬶᬧ᭄᭞ᬲᬗ᭄ᬓᬦ᭄ᬬᬾᬄ᭠ [ 33 ][᭓᭒ 32B]
᭓᭒᭞
ᬓᬯᬄᬓᬲᭂᬗ᭄ᬕᬸᬄ᭞ᬩᬗᭂᬢ᭄ᬤᬶᬗᬶᬦ᭄‌ᬩᬗᭂᬢ᭄ᬓᭂᬩᬸᬲ᭄᭞ᬳᬯᬦᬦ᭄ᬳᬶᬤᬲᬂᬚᬕ᭄ᬭᬵ᭞ᬦᬾᬳ᭄ᬩᭂᬓ᭄ᬢᬢ᭄ᬯᬓᬯ᭄ᬭᬸᬄ᭞ᬢᬦ᭄ᬫᬭᬶᬳᬶᬤᬵᬉᬢ᭄ᬲᬳᬵ᭞ᬫᭂᬕᬢ᭄‌ᬧᬫᭂᬤ᭄ᬫᭂᬤ᭄ᬳᬶᬢᬺᬱ᭄ᬡᬵ᭟ᬅᬯᬦᬶᬸᬦᬦ᭄ᬲᬂ
ᬤᬤᬶᬚᬤ᭄ᬫᬳᬶᬓᬸ᭞ᬬᭀᬕ᭄ᬬᬳᬧᬶᬓ᭄ᬩᬦ᭄ᬩᬦ᭄᭞ᬢᬦ᭄ᬫᬭᬶᬫᬦᬶᬜ᭄ᬚᭀᬤᬶᬭᬶ᭞ᬫᬗᬶᬗᭂᬢᬦ᭄ᬲᬶᬯᬂᬧᬢᬸᬢ᭄᭞ᬦᬾᬜᬦ᭄ᬤᬂᬓᬸᬢᬂᬮᬦ᭄ᬤᬸᬤᬸᬓ᭄᭞ᬳᬦᬸᬢᬂᬭᬶᬂᬥᬃᬫ᭄ᬫᬢᬢ᭄ᬯᬵ᭞ᬦᬾᬲᭂ
ᬓᭂᬦ᭄ᬫᬨᬮᬳᬬᬸ᭞ᬇᬱᬤ᭄ᬭᬶᬧᬸᬜᬦ᭄ᬤᬂᬓᬸᬢᬂ᭞ᬢᬸᬦ᭄ᬥᬸᬂᬳᬸᬮᬄᬲᬓᬶᬂᬭᬕ᭄ᬕᬵ᭟ᬦᬄᬳᬫᭀᬦ᭄ᬢᭀᬦᬾᬫᬤᬦ᭄ᬲᬤ᭄ᬭᬶᬧᬸ᭞ᬢ᭄ᬯᬭᬵᬦᬵᬳᬦ᭄‌ᬢ᭄ᬮᬕ᭄ᬳᬸᬦ᭄ᬥᬸᬓ᭄ᬳᬶᬧᬸᬦᬾᬜᬓᬶᬢᬶᬦ᭄᭞ᬫᬋ
ᬧ᭄ᬭᬶᬂᬲᬓᬜ᭄ᬘᬦ᭄ᬳᬶᬤᬸᬧ᭄᭞ᬲᬳᬶᬗᬯᬾᬫᬦᬄᬩᬸᬯᬸᬢ᭄᭞ᬫᬓᬤᬶᬲᬂᬭᬕ᭄ᬕᬵᬤ᭄ᬯᬾᬱ᭞ᬦᬾᬫᬸᬮᬵᬧᬸᬓᬸᬄᬲᬤ᭄ᬭᬶᬧᬸ᭞ᬢ᭄ᬯᬭᬵᬧᭂᬲᬦ᭄ᬜᬦ᭄ᬤᬂᬳᬫ᭄ᬧᬄ᭞ᬳᭂᬦ᭄ᬢᭀᬲᬂᬫᬯᬓ᭄ᬫᬦᬸᬱᬵ᭟
[᭓᭓ 33A]
ᬇᬱᬤ᭄ᬭᬶᬧᬸᬗᬯᬶᬢᬶᬦ᭄‌ᬬᬵᬢᬸᬫ᭄ᬩᬸᬄ᭞ᬤᬶᬪᬸᬯᬦᬵᬫᬦᬄ᭞ᬤᬶᬢᬸᬫᭂᬦ᭄ᬢᬶᬓ᭄ᬤᬤᬶᬩᬶᬩᬶᬢ᭄᭞ᬗᬯᬾᬕ᭄ᬭᬶᬗᬕᬸᬂ᭞ᬳᬶᬫᬦᬸᬱᬫᬗ᭄ᬤᬾᬦ᭄ᬥᬸᬭᬸᬲ᭄᭞ᬮᬮᬶᬫᬭᬶᬂᬲᬂᬳ᭄ᬬᬂᬳᬢ᭄ᬫ᭞ᬓᬢᬸᬤᬸᬄᬫᬗ᭄ᬤᬾᬦ᭄ᬫ
ᬜᬸᬭᬵᬢ᭄᭞ᬫᬭᬶᬂᬲᬸᬓᬓᬪ᭄ᬬᬸᬤᬬᬦ᭄᭞ᬲᬦᬾᬫᬢᬗ᭄ᬕᬸᬲᬗ᭄ᬰᬭᬵ᭟ᬅᬯᬦᬦ᭄ᬬᭀᬕ᭄ᬬᬢ᭄ᬯᬄᬤᬶᬓᬬᬸᬦ᭄᭞ᬤᬶᬢᬸᬧᬢᬶᬢᬶᬲᬂ᭞ᬇᬱᬤ᭄ᬭᬶᬧᬸᬬᬵᬢᬦ᭄ᬤᬶᬗᬶᬦ᭄᭞ᬳᬧᬂᬲᬵᬫ᭄ᬧᬸᬦ᭄ᬢᬦ᭄ᬢᭀᬲ᭄
ᬧ᭄ᬱᬸ᭞ᬫᬤᬺᬓᭂᬫᬦ᭄ᬫᬭᬶᬂᬳᬸᬦ᭄ᬥᬸᬓ᭄᭞ᬯᬶᬭᬾᬄᬬᬦ᭄ᬚᬦ᭄ᬢᭀᬲ᭄‌ᬓᬚᬩ᭞ᬫᬭᬩᬓᬢ᭄ᬮᬯᬦ᭄ᬩᬕᬸᬲ᭄᭞ᬲᬶᬦᬄᬲᬸᬮᬶᬢ᭄ᬫᬜᬶᬤᬬᬂ᭞ᬩᬶᬱᬘ᭄ᬦᬶᬂᬓᬧᬘᬸᬦ᭄ᬤᬂ᭟ᬗᭂᬓᭀᬄᬮᬶᬩᬸᬢ᭄
ᬭᬕ᭄ᬕᬵᬦ᭄ᬯᬾᬱᬢᬓᬸᬢ᭄᭞ᬫᬶᬯᬄᬢᭀᬇᬢᬺᬱ᭄ᬡᬵ᭞ᬢᬮᭂᬓ᭄ᬢᭂᬓ᭄‌ᬜᬦ᭄ᬤᬂᬧᭂᬤᬲᬶᬦ᭄᭞ᬭᬶᬓᬮᬵᬤᬶᬫᬦᬄᬢᬸᬫ᭄ᬩᬸᬄ᭞ᬲᭂᬚᭂᬦᬂᬢᬸᬜ᭄ᬚᭂᬮ᭄ᬲᬂᬧᬸᬯᬸᬦ᭄᭞ᬳᬚᬶᬳᬧᬶᬦ᭄ᬓᬧ᭄ᬭᬤ᭄ᬜᬦ [ 34 ][᭓᭓ 33B]
᭓᭓᭞
ᬦ᭄᭞ᬳᭂᬫ᭄ᬧᭂᬢᬶᬦ᭄ᬧᬂᬤᬫᬫᭂᬲᬸ᭞ᬫᬯᬶᬲᬬᬵᬬᬭᬶᬂᬚᬕᬢ᭄᭞ᬳᬧᬂᬩᬸᬯᬸᬂᬫᬜᭂᬗ᭄ᬓ᭠ᬮᬵ᭟ᬦᬄᬳᬫᭀᬦ᭄ᬢᭀᬫᬮᬸᬘ᭄ᬦᬶᬂᬩᬕᬸᬲ᭄᭞ᬩᬧᬫᬶᬤᬃᬢ᭄ᬣᬬᬂ᭞ᬓᭂᬓᬦ᭄ᬤᬦ᭄ᬲᬤ᭄ᬭᬶᬧᬸᬘ᭄ᬦᬶᬂ᭞ᬫᬤ
ᬓ᭄‌ᬲᬶᬤ᭄ᬥᬘ᭄ᬦᬶᬂᬩᬕᬸᬲ᭄᭞ᬫᭂᬦᬂᬗᭂᬮᬯᬦ᭄ᬲᬤ᭄ᬭᬶᬧᬸ᭞ᬚᬮᬦ᭄ᬚᬦᬶᬳᬢᭂᬄᬩᬧ᭞ᬲᬶᬫ᭄ᬧᬗᬶᬦ᭄ᬲᬂᬲᬶᬦᭀᬫ᭄‌ᬩᬕᬸᬲ᭄᭞ᬲᬗᭂᬢ᭄ᬳᬶᬲᭂᬂᬓᬬᬸᬦ᭄ᬩᬧ᭞ᬜᬢ᭄ᬯᬳᬚᬓ᭄ᬳᬶᬰ᭄ᬭᬷᬦᬵᬢ᭄ᬣ᭟᭚᭜᭚ᬧᬸᬧᬸᬄ
ᬲᬶᬦᭀᬫ᭄᭚ᬩᭂᬘᬶᬓ᭄ᬫᬮᬶᬄᬬᬵᬓᬯᬶᬢᬂ᭞ᬦᬾᬫᬤᬦ᭄‌ᬥᬃᬫ᭄ᬫᬯᬮᬶᬦᬶᬦ᭄᭞ᬥᬃᬫ᭄ᬫᬫᬃᬢ᭄ᬣᬶᬓᭂᬧᬢᬸᬢᬦ᭄᭞ᬳᬗ᭄ᬕᭀᬦ᭄ᬓᬦ᭄ᬢᬶᬚ᭄ᬭᭀᬦᬶᬂᬳᬸᬭᬶᬧ᭄᭞ᬬᬦᬶᬂᬧᬢᬸᬢᬾᬫᬃᬕᬶᬦᬶᬦ᭄᭞ᬲᬶᬦᬄ
ᬭᬳᬬᬸᬓᭂᬧᬗ᭄ᬕᬸᬄ᭞ᬗ᭄ᬳᬶᬂᬬᬦ᭄ᬅᬥᬃᬫ᭄ᬫᬚᬮᬦᬂ᭞ᬓᬾᬯᭂᬳᬾᬩᬗᭂᬢ᭄‌ᬧᬸᬧᭀᬦᬶᬦ᭄᭞ᬗᬯᬾᬮᬘᬸᬃ᭞ᬩᬸᬮᬓ᭄ᬩᬮᬶᬓ᭄ᬫᬦᬸᬫᬤ᭄ᬬ᭟ᬭᬾᬄᬦᬾᬫᬤᬦ᭄ᬓᭂᬧᬢᬸᬢᬦ᭄᭞ᬤᬳᬢ᭄ᬫ᭠
[᭓᭔ 34A]
ᬗᭂᬩᭂᬓᬶᬦ᭄ᬕᬸᬫᬶ᭞ᬩᭂᬘᬶᬓ᭄ᬢᬦᬶᬚᬮᬦ᭄‌ᬘᬵᬃᬘ᭄ᬙ᭞ᬓᭂᬧᬢᬸᬢᬦ᭄ᬲᬂᬳ᭄ᬬᬂᬭᬯᬶ᭞ᬜᬶᬦᬭᬶᬦ᭄ᬚᬕᬢ᭄‌ᬢᬦ᭄ᬫᬭᬶ᭞ᬗᬸᬭᬶᬧᬶᬦ᭄ᬲᬵᬃᬯ᭄ᬯᬢᬸᬫᬸᬯᬸᬄ᭞ᬢᬮ᭄ᬯᭂᬫᬸᬦᬄᬓᬜ᭄ᬘᬦ᭄ᬮᬭᬵ᭞ᬓᬾᬢᭀᬥᬃᬫ᭄ᬫᬦᬶᬂᬳ᭄ᬬᬂ
ᬭᬯᬶ᭞ᬧᬕᭂᬄᬧᬸᬕᬸᬄ᭞ᬫᬯᬾᬄᬲᬸᬦ᭄ᬤᬭᬶᬂᬪᬯᬦᬵ᭟ᬳ᭄ᬬᬂᬰᬰᬶᬄᬫᬲᬶᬄᬢᬦ᭄ᬧ᭄ᬕᬢ᭄᭞ᬫᬜᬸᬦ᭄ᬤᬃᬕᬮᬂᬤᬶᬕᬸᬫᬶ᭞ᬮᬾᬤᬂᬫᬯᬾᬄᬓᬮᬦ᭄ᬥᬸᬳᬦ᭄᭞ᬗᬶᬘᬮᬂᬧᭂᬢᭂᬗᬾᬲᬫᬶ᭞ᬓᬾᬢᭀ
ᬥᬃᬫᬦᬶᬂᬳ᭄ᬬᬂᬰᬰᬶᬄ᭞ᬧᬢᬸᬢ᭄‌ᬧᬸᬚᬶᬗᬯᬾᬦᬳᬸ᭞ᬗᭂᬢᬶᬲᬶᬦ᭄ᬫᬦᬄᬲᬂᬜᬶᬩᬓ᭄᭞ᬗᬸᬲᬦᬂᬲᬂᬦᬸᬚᬸᬩ᭄ᬭᬂᬢᬶ᭞ᬲᭂᬤᭂᬂᬢᬶᬭᬸ᭞ᬲᬲᬶᬩ᭄ᬭᬢ᭄ᬣᬫᬳᭀᬢ᭄ᬢᬫᬵ᭟ᬳ᭄ᬬᬂᬅᬕ᭄ᬦᬶᬫᬲᬶᬄᬢᬦ᭄ᬓᬮᬄ᭞
ᬜᬮᬦᬂᬥᬃᬫ᭄ᬫᬢᬦ᭄‌ᬕᬶᬗ᭄ᬲᬶᬃ᭞ᬗᬦ᭄ᬢᬶᬦᬶᬦ᭄ᬫᬦᬸᬱᬧᬤᬵ᭞ᬗᭀᬮᬄᬲᬮ᭄ᬯᬶᬃᬦᬾᬓᭂᬳᬧ᭄ᬢᬶ᭞ᬬᬦ᭄ᬦᬶᬂᬢᬦ᭄ᬳᬧᬶᬗᬦ᭄ᬢᬶᬦᬶᬦ᭄᭞ᬲᬓᬜ᭄ᬘᬦ᭄ᬓᬵᬃᬬ᭄ᬬᬢᬦ᭄ᬧᬸᬧᬸᬢ᭄᭞ᬲᬦ᭄ᬤᬂᬫᬗᬦ᭄ᬮᬦ᭄ᬯᬳᬦ᭞ [ 35 ][᭓᭔ 34B]
᭓᭔᭞
ᬲᬶᬦᬄᬢᬦ᭄ᬲᬤᬵᬫᭂᬫᬵᬃᬕᬶ᭞ᬓᬤᭀᬤᬸᬭᬸᬲ᭄᭞ᬬᬦ᭄ᬳ᭄ᬬᬂᬅᬕ᭄ᬦᬶᬦᬸᬮᬓ᭄ᬥᬃᬫ᭄ᬫᬵ᭟ᬦᬵᬗ᭄ᬳᬶᬂᬬᬦ᭄ᬢᬦ᭄ᬢᬢᬲ᭄‌ᬦᬯᬂ᭞ᬓᬕᬸᬦᬵᬦ᭄ᬳᬧᬶᬦᬾᬚᬵᬢ᭄ᬣᬶ᭞ᬩᬶᬱᬗᬯᬾᬭᬸᬲᬓ᭄ᬚᬕᬢ᭄᭞ᬲᬗ᭄ᬓᬦ᭄ᬕᬸᬡᬵ
ᬦ᭄ᬜᬧᬂᬳᬸᬦᬶᬂ᭞ᬯᬶᬭᬾᬄᬬᬦ᭄ᬤᬾᬯᬾᬓᬾᬭᬸᬲᬶᬢ᭄᭞ᬳᬸᬫᬄᬢᬶᬫ᭄ᬧᬵᬮ᭄‌ᬩᬶᬱᬧᬸᬯᬸᬦ᭄᭞ᬦᬵᬗᬶᬂᬬᬦ᭄ᬦᬶᬂᬳᬗ᭄ᬕᬾᬦ᭄ᬜᬓᬦ᭄᭞ᬩᬶᬲᬵᬗᬍᬩᭂᬗᬂᬦᬵᬲᬶ᭞ᬓᬾᬢᭀᬩᬕᬸᬲ᭄᭞ᬕᬸᬡᬵ
ᬦ᭄ᬳᬧᬶᬦᬾᬧᬂᬢᬯᬂ᭟ᬚᬵᬦᬶᬚᬮᬦ᭄‌ᬬᬵᬮᬦ᭄ᬢᬸᬭᬂ᭞ᬥᬃᬫ᭄ᬫᬦ᭄ᬦᬶᬂᬫᬵᬦᬸᬱᬚᬢ᭄ᬣᬶ᭞ᬳᬶᬩᬧᬵᬧᬢᬸᬢ᭄‌ᬬᬵᬲᬬᬶᬸᬬᬂ᭞ᬗᬩᬶᬄᬧ᭄ᬬᬦᬓ᭄ᬫᬶᬯᬄᬭᬩᬶ᭞ᬗᬫᭀᬂᬲᬵᬰᬡᬵᬧᬂᬳᬧᬶᬓ᭄᭞
ᬬᬬᬄᬳᬶᬩᬸᬧᬢᬸᬢ᭄‌ᬗᬸᬭᬸᬓ᭄᭞ᬧ᭄ᬬᬦᬓᬾᬫᬗ᭄ᬤᬾᬦ᭄ᬧ᭄ᬭᬚ᭄ᬜᬦ᭄᭞ᬰᬸᬲᬶᬮᬲᬸᬰ᭄ᬭᬸᬱᬵᬪᬓ᭄ᬢᬶ᭞ᬦᬾᬧᭂᬫᬸᬧᬸᬢ᭄᭞ᬫᬗ᭄ᬤᬾᬦ᭄ᬪᬓ᭄ᬢᬶᬭᬶᬂᬳ᭄ᬬᬂᬲᬗ᭄ᬓᬵᬦ᭄᭟ᬢᭀᬥᬃᬫ᭄ᬫᬦᬶᬂᬬᬬᬭᬾᬦᬵ
[᭓᭕ 35A]
᭞ᬕᬸᬭᬸᬲᬰᬵᬦᬵᬧᬶᬦᬸᬚᬶ᭞ᬢ᭄ᬯᬓ᭄ᬢᬶᬳᬩᭀᬢ᭄‌ᬗ᭄ᬳᬶᬂᬉᬢ᭄ᬢᬫ᭞ᬳᭂᬦ᭄ᬢᭀᬧᬢᬸᬢ᭄‌ᬬᬵᬲᬸᬗ᭄ᬓᭂᬫᬶᬦ᭄᭞ᬧᭂᬫᬃᬕᬶᬦ᭄ᬲᬂᬖᬺᬳᬲ᭄ᬢᬤ᭄ᬥᬶ᭞ᬗᬃᬤ᭄ᬥᬶᬧ᭄ᬬᬦᬓ᭄‌ᬩᬸᬤ᭄ᬥᬶᬮᬸᬳᬸᬃ᭞ᬫᬯᬾᬄᬢ᭄ᬮᬤᬦ᭄ᬤᬶᬚᬕ
ᬢ᭄᭞ᬳᬗ᭄ᬕᭀᬦ᭄‌ᬦᬸᬦ᭄ᬢᬸᬦ᭄ᬓᬸᬮᬯᬃᬕ᭄ᬕᬶ᭞ᬲᬶᬤ᭄ᬥᬫᬗ᭄ᬕᬸᬄ᭞ᬰ᭄ᬯᬃᬕ᭄ᬕᬵᬲᭂᬚᬓᬵᬦᬶᬱ᭄ᬓᬮᬵ᭟ᬧᬸᬢ᭄ᬭᬲᭂᬰᬵᬦᬲᬢ᭄ᬯᬬᬂ᭞ᬥᬃᬫ᭄ᬫᬦᬶᬂᬧᬸᬢ᭄ᬭᬰᬸᬚᬵᬢ᭄ᬣᬶ᭞ᬫᬋᬧ᭄ᬭᬶᬂᬕᬸᬭᬸᬭᬸᬧᬓᬵ᭞ᬕᬸᬭᬸᬳᬚᬶᬫᬶ
ᬦᭂᬓᬤᬶ᭞ᬪᬓ᭄ᬢᬶᬦᬾᬢᬦ᭄ᬲᬭᭀᬓᬮᬶᬄ᭞ᬘᬸᬘᬸᬤ᭄‌ᬦᬸᬮᬄᬲᬓᬶᬂᬧᬢᬸᬢ᭄᭞ᬚᬶᬯᬵᬭᬕ᭄ᬕᬵᬦᬾᬢᬸᬭᬂ᭞ᬕᬸᬭᬸᬰᬸᬲ᭄ᬭᬸᬱᬫᬵᬃᬕᬶᬦᬶᬦ᭄᭞ᬳᬗ᭄ᬕᭀᬦ᭄ᬭᬸᬭᬸᬂ᭞ᬦᬸᬦ᭄ᬘᬧ᭄
ᬰ᭄ᬯᬃᬕᬦᬾᬉᬢᬫ᭄ᬫ᭟ᬳᬚᬶᬮᬦ᭄ᬧᬸᬢ᭄ᬭᬰᬰᬦᬵ᭞ᬉᬢ᭄ᬢᬫᬦ᭄ᬜᬵᬧᬢᭂᬄᬲᬵᬫᬶ᭞ᬦᬵᬗᬶᬂᬤᬰᬭᬶᬦ᭄‌ᬩᬦ᭄ᬥᬃᬫ᭄ᬫ᭞ᬧᬶᬓᭀᬮᬶᬄᬜᬫᬲᬶᬄᬢᬸᬗ᭄ᬕᬶᬮ᭄᭞ᬗᬶᬂᬬᬦ᭄ᬳᬥᬃᬫ᭄ᬫᬫᬃᬕᬶ [ 36 ][᭓᭕ 35A]
᭓᭕᭞
ᬦᬶᬦ᭄᭞ᬦ᭄ᬭᬓᬦᬾᬢᬦ᭄ᬳᬸᬭᬸᬂᬧᬗ᭄ᬕᬸᬄ᭞ᬓᬾᬢᭀᬦᬦᬓ᭄ᬳᬧᬂᬢᬢᬲ᭄᭞ᬰ᭄ᬯᬥᬃᬫᬦ᭄ᬧᬸᬢ᭄ᬭᬮᬦ᭄ᬳᬚᬶ᭞ᬦᬄᬧᭂᬫᬸᬧᬸᬢ᭄᭞ᬰ᭄ᬯᬥᬃᬫ᭄ᬫᬦᬾᬢᭀᬫᬃᬕ᭄ᬬᬂ᭟ᬫᬮᬶᬄᬩᬧᬫᬓᬾᬮᬶᬗᬂ᭞᭠
ᬰ᭄ᬯᬥᬃᬫ᭄ᬫᬦᬸᬱᬚᬵᬢ᭄ᬣᬶ᭞ᬲᬚᬯᬶᬦᬶᬂᬗᬮᬶᬄᬧᬗᬦ᭄᭞ᬧᬢᬸᬢ᭄ᬫᭂᬮᬚᬄᬢᬦ᭄ᬫᬭᬶ᭞ᬫᬜᬫᬩ᭄ᬭᬬᬵᬧᬂᬳᬸᬦᬶᬂ᭞ᬫᬓᬤᬶᬧᬢᬸᬢ᭄‌ᬢᬦ᭄ᬱᬸᬭᬸᬤ᭄᭞ᬫᬯᬲ᭄ᬤᬶᬭᬶᬗᬫᭀᬂᬭᬕ᭞
ᬳᬶᬱᬤ᭄ᬭᬶᬧᬸᬫᬗ᭄ᬤᬾᬦ᭄ᬭᬶᬸᬭᬶᬸ᭞ᬳᭂᬦ᭄ᬢᭀᬧᬢᬸᬢ᭄᭞ᬕᬭᬧ᭄ᬢᬸᬃᬲᬵᬫ᭄ᬧᬸᬦᬂᬳᬫ᭄ᬧᬄ᭟ᬓᬾᬢᭀᬦᬦᬓ᭄‌ᬳᬧᬂᬢᬢᬲ᭄᭞ᬭᬶᬂᬓᬦ᭄ᬤᬦ᭄‌ᬥᬃᬫ᭄ᬫᬦᬾᬚᬵᬢ᭄ᬯᬶ᭞ᬫᬤᬓ᭄
ᬦᬓ᭄‌ᬢ᭄ᬯᬭᬵᬩᬶᬫ᭄ᬩᬂ᭞ᬫᬫᬶᬦᭂᬳᬶᬦ᭄ᬦᬾᬲᬸᬚᬢᬶ᭞ᬲᬸᬩᬓᭂᬤᬲ᭄‌ᬩ᭄ᬯᬶᬦ᭄ᬕᬮᬶᬳᬶᬦ᭄᭞ᬫᬗ᭄ᬤᬾᬦ᭄‌ᬦᬦᬓ᭄ᬱᬶᬤᬵᬫᬗ᭄ᬕᬸᬄ᭞ᬦᬾᬫᬤᬦ᭄ᬚᬢᬶᬦᬶᬂᬲᭀᬮᬄ᭞ᬳᬗ᭄ᬕᬾᬦ᭄ᬗᭂᬫ᭄ᬩᬦ᭄ᬲᬂᬳ᭄ᬬᬂ
[᭓᭖ 36B]
ᬳᬸᬭᬶᬧ᭄᭞ᬢᬸᬃᬧᬫᬸᬧᬸᬢ᭄᭞ᬢᬦ᭄ᬫᬮᬶᬄᬓᬧᬸᬦᬃᬪᬯ᭄ᬯ᭟ᬲᬂᬲᬶᬱ᭄ᬬᬯᬦ᭄‌ᬫᬢᬸᬃᬦᭀ᭠ᬯᬮ᭄᭞ᬲᬳᬢᬦ᭄ᬮᬮᬶᬗᬪᬓ᭄ᬢᬶ᭞ᬢᬸᬃᬗᬵᬓ᭄ᬱᬫᬭᬶᬂᬲᬂᬢᬧ᭞ᬤᬸᬄᬭᬢᬸᬲᬂᬍᬯᬶᬳᬶᬂᬓᬾᬃᬢᬶ᭞᭠
ᬩᬶᬮᬶᬄᬬᬦ᭄ᬢᬦ᭄ᬓᬧᬲᬶᬲᬶᬧ᭄᭞ᬓᭂᬥᭂᬄᬢᬶᬢ᭄ᬬᬂᬫᬗᭂᬮᬸᬗ᭄ᬲᬸᬃ᭞ᬧᬯᭂᬯᭂᬄᬤᬕᬶᬗᬶᬂᬢ᭠ᬢ᭄ᬯ᭞ᬇᬦ᭄ᬤᬶᬓ᭄‌ᬢ᭄ᬭᬶᬧᬭᬃᬣᬍᬯᬶᬄ᭞ᬇᬗ᭄ᬕᬶᬄᬭᬢᬸ᭞ᬤᬸᬭᬸᬲᬂᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂ᭟ᬉᬤᬸᬄᬦᬦᬓ᭄‌ᬩ
ᬕᬸᬲ᭄ᬲᬬᬂ᭞ᬩᬧᬫᬺᬱᬵᬮᭂᬕᬾᬂᬳᬢᬶ᭞ᬩᬦ᭄‌ᬦᬵᬦᬓ᭄ᬘᬸᬘᬸᬤ᭄ᬫᬦᬸᬦᬲᬂ᭞ᬇᬦ᭄ᬤᬶᬓ᭄‌ᬢ᭄ᬭᬶᬧᬭᬃᬣᬚᬵᬢ᭄ᬣᬶ᭞ᬩᬧᬗᬶᬦ᭄ᬤᬬᬂᬦᬸᬢᬸᬭᬶᬦ᭄᭞ᬦᬵᬗᬶᬂᬲᬵᬤᬸᬭᬸᬂᬓᬵᬯᬸᬯᬸᬲ᭄᭞ᬳᬢᭂᬳᬶᬦ᭄
ᬬᬵᬇᬰ᭄ᬭᬷᬦᬵᬢ᭄ᬣ᭞ᬲᬫ᭄ᬩᬶᬮ᭄‌ᬗᬮᬶᬄᬳᬤᬶᬦ᭄ᬘᭂᬦᬶᬂ᭞ᬢ᭄ᬭᬸᬦᬵᬧᬗ᭄ᬓᬸᬃ᭞ᬫᬗ᭄ᬤᬾᬦ᭄ᬲᬋᬂᬫᬫᬸᬧᬸᬳᬂ᭚᭜᭚ᬧᬸᬧᬸᬄᬧᬗ᭄ᬓᬸᬃ᭚ᬦᬵᬦᬓ᭄‌ᬩᬕᬸᬲ᭄ᬧ᭄ᬬᬦᬓ᭄ᬩᬧᬵ᭞ᬫᬳᬶᬫᬮᬸ᭞ᬦᬵᬫ᭄ᬧᭂᬓᬂ [ 37 ][᭓᭖ 36B]
᭓᭖
ᬘᭂᬦᬶᬂᬫᬮᬶᬗ᭄ᬕᬶᬄ᭞ᬚᬦᬶᬫᭂᬮᬳᬂᬫᬗ᭄ᬭᬸᬗᬸ᭞ᬇᬦ᭄ᬤᬶᬓ᭄‌ᬢ᭄ᬭᬶᬧᬭᬃᬣᬵᬢᬢ᭄ᬯ᭞ᬫᬗ᭄ᬤᬾᬦ᭄ᬲᬶᬦᬄ᭞ᬩᭂᬘᬶᬓ᭄ᬳᬃᬢᬶᬦ᭄ᬜᬧᬂᬯ᭄ᬭᬸᬄ᭞ᬢ᭄ᬭᬶᬢᬢᭂᬮᬸᬓᬅᬃᬢ᭄ᬬᬂ᭞ᬧᬭᬵᬚᬕᬢ᭄ᬓᭂᬅᬃᬢᬶᬦᬶᬦ᭄᭟
ᬅᬃᬣᬫᬳᬃᬢᬶᬢᬸᬚ᭄ᬯᬦ᭄᭞ᬫᬶᬭᬶᬩ᭄ᬲᬵᬫ᭄ᬧᬸᬦ᭄᭞ᬲᬶᬦᬄᬳᬃᬢᬶᬦ᭄ᬜᬦᬾᬚᬢ᭄ᬣᬶ᭞ᬢ᭄ᬭᬶᬧ᭄ᬭᬫᬵᬃᬣᬲᬸᬓ᭄ᬱ᭄ᬫᬦ᭄ᬳᬶᬧᬸᬦ᭄᭞ᬯᬦ᭄ᬢᬄᬲᬂᬗᬃᬤᬶᬭᬳᬃᬚᬵ᭞ᬫᬗ᭄ᬤᬾᬦ᭄ᬲᬶᬤ᭄ᬥ᭞ᬚᬕᬢ᭄ᬳᬶᬢᬦᬾᬓ
ᬧᬗ᭄ᬕᬶᬄ᭞ᬫᭂᬮᬄᬦᬾᬚᬦᬶᬏᬢᬗᬂ᭞ᬩᬘᬓᬦ᭄ᬜᬲᬶᬓᬶᬲᬶᬓᬶ᭟ᬅᬰᬶᬄᬪᬓ᭄ᬢᬶᬓᬮᬶᬄᬧᬸᬦ᭄ᬬ᭞ᬫᬓᭂᬢᭂᬮᬸ᭞ᬢ᭄ᬭᬶᬧᬭᬃᬣᬓᭂᬯᬱ᭄ᬝᬦᬶᬦ᭄᭞ᬩᭂᬘᬶᬓ᭄ᬳᬣᬶᬦ᭄ᬜᬧᬂᬳᬬᬸ᭞ᬧᬮᬶᬄᬧᬵᬮᬶᬄ᭠
ᬫᬶᬤᬃᬢᬬᬂ᭞ᬳᬰᬶᬄᬇᬓᬸ᭞ᬯᭂᬮᬲ᭄ᬳᬰᬶᬄᬢᭀᬓᬯᬸᬯᬸᬲ᭄᭞ᬧᬢᬸᬢ᭄ᬳᬕᭂᬫ᭄‌ᬢᬸᬃᬫᬵᬃᬕ᭄ᬬᬂ᭞ᬳᬗ᭄ᬕᬾᬦ᭄ᬤᬲᬃᬚ᭄ᬭᭀᬦᬶᬂᬳᬸᬭᬶᬧ᭄᭟ᬓᬤᬶᬦᬾᬯᬸᬲ᭄ᬓᬲᬶᬦᬳᬂ᭞ᬳᬰᬶᬄᬇᬓᬸ᭞ᬫ
[᭓᭗ 37A]
ᬫᬓᬦᬲᬃᬚ᭄ᬭᭀᬦᬶᬂᬳᬸᬭᬶᬧ᭄᭞ᬧᬢ᭄ᬧᬢ᭄‌ᬩᭂᬩᬤᬶᬳᬦ᭄ᬳᬶᬧᬸᬦ᭄᭞ᬘᬢᬸᬃᬧᬭᬵᬫᬶᬢᭀᬢ᭄ᬢᬫ᭞ᬫᬭᬕᬬᬦ᭄᭞ᬥᬃᬫ᭄ᬫᬚᬵᬢ᭄ᬣᬶᬩᬗᭂᬢ᭄ᬮᬸᬳᬸᬃ᭞ᬳᬫᭀᬗᬦ᭄ᬲᬂᬲᬵᬥᬸᬤ᭄ᬥᬃᬫ᭄ᬫᬵ᭞
ᬓᬗ᭄ᬕᬾᬦ᭄‌ᬗᬃᬤ᭄ᬥᬶᬚᬕᬢ᭄‌ᬢᬺᬧ᭄ᬝᬶ᭟ᬇᬦ᭄ᬤᬶᬓ᭄ᬘᬢᬸᬃᬧᬭᬫᬶᬢ᭄ᬣ᭞ᬩᬧᬲᬵᬫ᭄ᬧᬸᬦ᭄᭞᭠ᬫᬶᬤᬃᬢᬬᬂᬲᬶᬓᬶᬲᬶᬓᬶ᭞ᬏᬮᬶᬂᬲᬫᬶᬢᭀᬩᬕᬸᬲ᭄᭞ᬫᬓᬤᬶᬦ᭄ᬜᬮᬓ᭄ᬱᬦᬬᬂ᭞ᬓᬾ
ᬢᭀᬢᬸᬳᬸ᭞ᬏᬮᬶᬗᬂᬚ᭄ᬭᭀᬦᬶᬂᬳᬶᬤᬸᬧ᭄᭞ᬭᬳᬬᬸᬦᬾᬚ᭄ᬯᬓᬵᬃᬤ᭄ᬬᬂ᭞ᬓᬵᬃᬬ᭄ᬬᬳᬕᬸᬂ᭠ᬫᬳᭀᬢᬫᬶ᭟ᬦᬾᬚᬦᬶᬚ᭄ᬮᬳᬦ᭄‌ᬮᬦ᭄ᬢᬸᬭᬂ᭞ᬧᬸᬦ᭄ᬬᬇᬓᬸ᭞ᬧᬢᬸᬄᬓᬾᬦ᭄ᬥᬦᬵᬓᬃᬢᬶ᭠
ᬦᬶᬦ᭄᭞ᬲᬗ᭄ᬓᬦ᭄ᬳᬶᬭᬕᬓᬢᬸᬤᬸᬄ᭞ᬗᭂᬫᬃᬕ᭄ᬬᬂᬤᬦᬵᬧᬸᬦ᭄ᬬ᭞ᬦᬵᬗᬶᬂᬳᬧᬂ᭞ᬧᬢᬸ᭠ᬢ᭄ᬱᬮᬄᬳᬸᬦ᭄ᬥᬸᬓ᭄᭞ᬫᬗ᭄ᬤᬾᬦ᭄ᬥᬦᬵᬦᬾᬢᬦ᭄ᬜᬲᬃᬓᬾᬢᭀᬩᬕᬸᬲ᭄ᬳᬧᬂᬏᬮᬶᬂ᭟ᬩᭂ᭠ [ 38 ][᭓᭗ 37B]
᭓᭗᭞
ᬘᬶᬓ᭄‌ᬦᬵᬦᬓ᭄ᬳᬧᬂᬢᬢᬲ᭄᭞ᬦᬾᬓᬯᬸᬯᬸᬲ᭄᭞ᬘᬢᬸᬃᬤᬦᬵᬳᭂᬦ᭄ᬢᭀᬲᬫᬶ᭞ᬧᬢ᭄ᬧᬢ᭄‌ᬧᬯᬶᬮᬗᬦ᭄ᬳᬶᬧᬸᬦ᭄᭞ᬤᬺᬯ᭄ᬬᬵᬤᬦᬵᬓᬧᭂᬃᬢᬫᬵ᭞ᬢᭀᬲᬂᬮᬾᬤᬂ᭞ᬫᬳᬶᬘᬬᬂ᭠
ᬧᬗᬦ᭄ᬓᬶᬦᬸᬫ᭄᭞ᬢᭂᬕᬮ᭄ᬘᬭᬶᬓ᭄ᬫᬶᬯᬄᬅᬃᬢ᭄ᬣ᭞ᬲᬓᬶᬂᬍᬕᬯᬦᬶᬂᬳᬢᬶ᭟ᬓᬵᬧᬶᬂᬓᬮᬶᬄᬧ᭄ᬭᬶᬬᬵᬤᬦᬵ᭞ᬢᭀᬲᬂᬢᬸᬮᬸᬲ᭄᭞ᬫᬤᬦᬬᬂᬧᬸᬢ᭄ᬭᬭᬪᬶ᭞ᬦᬾᬲᬶᬦᬄᬲᬗ᭄ᬓᬦᬶᬂᬧᬢᬸᬢ᭄᭞
ᬫᬦᬸᬢ᭄ᬓᭂᬘᬧᬶᬂᬲᬰᬦᬵ᭞ᬗᬯᬾᬮᬾᬤᬂ᭞ᬲᬂᬫᬦᬸᬤᬸᬄᬮᬦ᭄ᬓᬢᬸᬤᬸᬄ᭞ᬓᬾᬢᭀᬫᬰᬶᬄᬲᬂᬫᬦᬸᬦᬲ᭄᭞ᬲᬫᬶᬧᬢᬸᬢ᭄ᬫᬦᬸᬢ᭄ᬳᬶᬦ᭄ᬤᬶᬓ᭄᭟ᬮᬳᬸᬢᬂᬚᬦᬶᬧᭂᬤᬲᬂ᭞ᬦᬾᬧᬶᬂᬢᭂᬮᬸ᭞
ᬲᬭᬶᬭᬵᬤᬦᬾᬍᬯᬶᬄ᭞ᬦᬾᬲᬸᬚᬵᬢ᭄ᬯᬶᬲᬓᬶᬂᬧᬸᬭᬸᬦ᭄᭞ᬫᬤᬵᬦᬬᬂᬚᬶᬯ᭄ᬯᬭᬕᬵ᭞ᬓᬘᬭ᭄ᬯᬂ᭞ᬓᬗ᭄ᬕᬾᬗᬃᬤ᭄ᬥᬶᬚᬕᬢ᭄ᬮᬦ᭄ᬥᬸᬄ᭞ᬢᬦ᭄ᬧᬾᬦ᭄ᬤᬄᬓᬤᬶᬓ᭄ᬱᬢ᭄ᬭᬶᬬᬵ᭞ᬫᬬᬸᬤ᭄ᬥᬫᬾᬮ᭠
[᭓᭘ 38A]
ᬦᬶᬦ᭄ᬕᬸᬫᬶ᭟ᬓᬾᬢᭀᬩᬕᬸᬲ᭄ᬳᬧᬂᬢᬢᬲ᭄᭞ᬦᬾᬓᭂᬘᬢᬸᬃ᭞ᬫᭂᬮᬄᬚᬦᬶᬬᬯᬶᬮᬗᬶᬦ᭄᭞ᬅᬪᬬᬵᬤᬦᬵᬓᬯᬸᬯᬸᬲ᭄᭞ᬩᬧᬲᬸᬩᬫᬜᬶᬦᬳᬂ᭞ᬯᬦ᭄ᬢᬄᬳᬶᬦᬵ᭞ᬲᬂᬢᬦ᭄ᬲᬄᬫᬲᭀ
ᬮᬳᬬᬸ᭞ᬳᭂᬦ᭄ᬢᭀᬲᬳᬶᬓᬵᬤᬦᬬᬂ᭞ᬫᬋᬧ᭄ᬭᬶᬂᬇᬲᬵᬃᬯ᭄ᬯᬧ᭄ᬭᬡ᭄ᬦᬶ᭟ᬅᬫᭀᬦ᭄ᬢᭀ᭠ᬫᬮᬸᬮᬸᬧᬸᬢᬂ᭞ᬦᬾᬓᬯᬸᬯᬸᬲ᭄᭞ᬘᬢᬸᬃᬤᬦᬵᬳᭂᬦ᭄ᬢᭀᬘ᭄ᬦᬶᬂ᭞ᬦᬾᬚᬦᬶᬚᬮᬦ᭄‌ᬬᬵᬢᬸᬮ
ᬤ᭄᭞ᬦᬾᬫᬤᬦ᭄ᬪᬓ᭄ᬢᬶᬢ᭄ᬭᬗᬂ᭞ᬫᬗ᭄ᬤᬾᬦ᭄ᬲᬶᬦᬄ᭞ᬳᬃᬣᬶᬮᬦ᭄ᬢᬢ᭄ᬯᭂᬓᬶᬧᬸᬦ᭄᭞ᬪᬓ᭄ᬢᬶᬳᭂᬦ᭄ᬢᭀᬓᭂᬳᬃᬢ᭄ᬬᬂ᭞ᬲᬂᬳᬸᬦᬶᬂᬦᬭᭀᬲᬂᬳᬢᬶ᭟ᬫᬦᬸᬢ᭄‌ᬩᬩᬯᭀᬲ᭄‌ᬲᬂᬧ᭄ᬭᬤ᭄ᬜᬦ᭄᭞
ᬦᬾᬓᭂᬘᬢᬸᬃ᭞ᬧᬢᬸᬢ᭄ᬩᬓ᭄ᬢᬶᬦᬶᬦ᭄ᬢᬶᬦ᭄ᬤᬶᬳᬶᬦ᭄᭞ᬢᬦ᭄ᬮ᭄ᬬᬦ᭄ᬲᬂᬘᬢᬸᬃᬕᬸᬭᬸ᭞ᬕᬸᬭᬸᬭᬸ᭠ᬧᬓᬧᭂᬃᬢᬫ᭞ᬦᬾᬧᬶᬂᬭ᭄ᬯᭀ᭞ᬕᬸᬭᬸᬧᭂᬗᬚᬶᬬᬦ᭄ᬩᬕᬸᬲ᭄᭞ᬦᬾᬧᬶᬂᬢᭂᬮᬸᬓᬲᬶᬦᬳᬂ᭞ᬕᬸ᭠ [ 39 ][᭓᭘ 38B]
᭓᭘᭞
ᬭᬸᬯᬶᬰᬾᬱᬉᬢ᭄ᬢᬫᬶ᭟ᬅᬦᬾᬧᬶᬂᬘᬢᬸᬃᬩᬯᭀᬲᬂ᭞ᬦᬾᬓᬲᭂᬗ᭄ᬕᬸᬄ᭞ᬕᬸᬭᬸᬰ᭄ᬯᬥ᭄ᬬᬬᬵᬲᬸᬚᬢᬶ᭞ᬢᬦ᭄‌ᬲᬾᬯᭀᬲ᭄ᬳᬶᬤᬵᬲᬂᬳ᭄ᬬᬂᬢᬸᬤᬸᬄ᭞ᬦᬾᬫᬓᬕᬸᬭᬸᬦᬶᬂᬚᬕᬢ᭄᭞ᬮᬶᬦ᭄ᬢᬂᬧ᭄ᬭ
ᬤ᭄ᬜᬦ᭄᭞ᬲᬵᬃᬯ᭄ᬯᬦ᭄ᬜᬇᬤᬵᬓᬲᭂᬗ᭄ᬕᬸᬄ᭞ᬧᬢᬸᬢ᭄ᬪᬓ᭄ᬢᬶᬦᬶᬦ᭄ᬱᭂᬓᭂᬦᬂ᭞ᬦᬾᬫᬸᬮᬵᬓᬯᬶᬢᬦ᭄ᬚᬢᬶ᭟ᬦᬾᬫᬗ᭄ᬓᬶᬦ᭄ᬳᬕᬸᬲ᭄ᬲᬶᬲ᭄ᬬᬯᬦ᭄᭞ᬭᬭᬶᬲ᭄ᬫᬢᬸᬃ᭞ᬩᬦ᭄ᬩᬦ᭄ᬳᬮᬸᬲ᭄‌ᬰ᭄ᬭᬤ᭄ᬥᬪᬓ᭄ᬢᬶ᭞ᬤᬸᬄ
ᬲᬂᬭᬢᬸᬫᬳᬵᬫ᭄ᬧᬸ᭞ᬢᬶᬢ᭄ᬬᬂᬩᬗᭂᬢ᭄‌ᬜᬸᬓ᭄ᬱ᭄ᬫᬬᬂ᭞ᬭᬶᬂᬧᬲ᭄ᬯᬾᬘᬦ᭄᭞ᬇᬭᬢᬸᬦᬾᬩᬗᭂᬢ᭄ᬮᬸᬳᬸᬃ᭞ᬇᬦ᭄ᬤᬶᬓ᭄ᬘᬢᬸᬃᬕᬸᬭᬸᬢᬫ᭞ᬦᬾᬧᬢᬸᬢ᭄‌ᬩᬓ᭄ᬢᬶᬦᬶᬦ᭄ᬫᬫᬶ᭟ᬢᬶᬢ᭄ᬬᬂᬩᬗᭂᬢ᭄
ᬗᭂᬭᬱᬬᬂ᭞ᬤᬸᬄᬰ᭄ᬭᬶᬫ᭄ᬧᬸ᭞ᬭᬶᬂᬧᬲ᭄ᬯᬾᬘ᭄ᬙᬦ᭄ᬳᬶᬤᬵᬲᬫᬶ᭞ᬧᭂᬃᬢᬫᬭᬶᬂᬬᬬᬄᬳᬶᬩᬸ᭞ᬢᬦ᭄ᬮᬶᬬᬦ᭄ᬕᬸᬭᬸᬭᬸᬧᬓᬵ᭞ᬗᬸᬧᬤᬶᬢ᭄ᬣ᭞ᬲᬓᬶᬂᬳᬮᬶᬢ᭄ᬚᬦ᭄ᬢᭀᬲ᭄‌ᬮᬸᬳᬸᬃ᭞ᬧᬲ᭄ᬯᬾᬘᬦᬾᬢ
[᭓᭙ 39A]
ᬦ᭄ᬚᬗ᭄ᬓᬬᬦ᭄᭞ᬫᬶᬦᬵᬩ᭄ᬢᬦ᭄ᬲᬤᬵᬢᬯᬸᬭᬶᬦ᭄᭟ᬢᬍᬃᬫᬋᬧᬾᬭᬶᬂᬳᬶᬤᬵ᭞ᬦᬾᬓᬯᬸᬯᬸᬲ᭄᭞ᬕᬸᬭᬸᬧᬗᬚ᭄ᬬᬦ᭄ᬚᬢᬶ᭞ᬮᬾᬤᬂᬫᬶᬘᬬᬂᬓᬯ᭄ᬭᬸᬄ᭞ᬧᬩ᭄ᬬᬸᬯᬢᬦ᭄ᬦᬵᬯ᭄ᬯᬵᬫᬮᬵ᭞
ᬮᬦ᭄ᬅᬯᬶᬤ᭄ᬯᬵ᭞ᬦᬾᬤᬤᭀᬲ᭄ᬤᬲᬃᬧᬓᬾᬯᬸᬄ᭞ᬳᬧ᭄ᬢᬶᬦ᭄ᬢᬶᬢ᭄ᬬᬂᬫᬸᬕᬶᬲᬶᬤᬵ᭞ᬫᬗ᭄ᬕᬶᬄᬓᬦᬶᬃᬫᬮᬦ᭄ᬩᬸᬤ᭄ᬥᬶ᭟ᬮᬦ᭄ᬢᬸᬃᬭᬶᬂᬕᬸᬭᬸᬯᬶᬲᬾᬱ᭞ᬢᬮᭂᬃᬧᬢᬸᬢ᭄᭞ᬢᬶᬢ᭄ᬬᬂᬪᬓ᭄ᬢᬶᬮᬦ᭄ᬲᬸ
ᬢᬶᬦ᭄ᬤᬶᬄ᭞ᬭᬾᬄᬳᬶᬤᬫᬶᬸᬗᬩᬶᬄᬫᬗᭂᬫ᭄ᬧᬸ᭞ᬦᬾᬧᬢᬶᬲ᭄‌ᬯᬶᬱ᭄ᬡᬸᬫᬭᬕ᭞ᬫ᭄ᬭᬱᬢᬶ᭠ᬢ᭄ᬬᬂ᭞ᬢᬦ᭄ᬧᬢᬸᬢ᭄ᬫᬦᬸᬮᬓ᭄ᬢᬸᬤᬸᬄ᭞ᬤ᭄ᬬᬲ᭄ᬢᬸᬫᬗ᭄ᬕᬸᬄᬧᬢᬶᬩᬬᬵ᭞ᬪᬓ᭄ᬢᬶᬦᬾᬧᬘᬂᬫᬃᬕᬶᬦᬶᬦ᭄᭟
ᬧᬫᬸᬧᬸᬢ᭄‌ᬕᬸᬭᬸᬰ᭄ᬯᬥ᭄ᬬᬬᬵ᭞ᬦᬾᬫᬗᬸᬤᬸᬄ᭞ᬓᬦ᭄ᬘᬦ᭄ᬫᬳᬸᬭᬶᬧᬾᬲᬫᬶ᭞ᬧᬢᬸᬢ᭄ᬢᬶᬢ᭄ᬬᬂᬪᬓ᭄ᬢᬶᬦᬸᬮᬸᬲ᭄᭞ᬳᬸᬢᬂᬳᬶᬢᬸᬂᬩᬗᭂᬢ᭄ᬓᬢᬄ᭞ᬫᬓᬤᬶᬦ᭄ᬜ᭞ᬇᬤᬵᬮᬾᬤᬂᬫᬯᬾᬄᬳᬶ [ 40 ][᭓᭙ 39B]
᭓᭙᭞
ᬤᬸᬫ᭄᭞ᬧᬫᬸᬧᬸᬢ᭄‌ᬢᬶᬢ᭄ᬬᬂᬗᬓ᭄ᬱᬫ᭞ᬓᬤᬶᬧᬸᬭᬸᬦ᭄ᬫᬧ᭄ᬬᬸᬦᬶᬂ᭟ᬕᭂᬮᬶᬲ᭄‌ᬜᬯᬶᬲ᭄‌ᬲᬗᬢᬧ᭞ᬩᬦ᭄ᬩᬦ᭄ᬳᬮᬸᬲ᭄‌ᬲᬂᬗᬯᬱᬤᬶᬭᬶ᭞ᬩᬧᬩᬗᭂᬢ᭄ᬫᬸᬚᬶᬩᬕᬸᬲ᭄᭞ᬢᬸᬃ
ᬢᬦ᭄ᬫᬭᬶᬗᬱ᭄ᬝᬯᬬᬂ᭞ᬫᬸᬕᬶᬲᬶᬤᬵ᭞ᬦᬦᬓ᭄‌ᬫᬗ᭄ᬕᬸᬄᬦᬾᬭᬳᬬᬸ᭞ᬫᬓᬤᬶᬲᬧ᭄ᬢᬵᬯᬺᬥ᭄ᬬ᭞ᬫᬦᬸᬢ᭄‌ᬰ᭄ᬮᭀᬓᬧᬗᬲ᭄ᬢᬸᬢᬶ᭟ᬑᬁᬳᬬᬸᬯᬺᬤ᭄ᬥᬶᬬᬱᬯᬺᬤ᭄ᬥᬶ᭞ᬯᬺᬤ᭄ᬥᬶᬧ᭄ᬭᬤ᭄ᬜᬲᬸᬓᬵ
ᬰ᭄ᬭᬷᬬᬵ᭞ᬥᬃᬫ᭄ᬫᬲᬦ᭄ᬢᬵᬡᬵᬯᬺᬤ᭄ᬥᬶᬱ᭄ᬘᬵ᭞ᬲᬦ᭄ᬢᬸᬝᬲᬧ᭄ᬢᬵᬯᬺᬤ᭄ᬥᬬᬵ᭟ᬬᬢᬵᬫᬾᬭᬹᬱ᭄ᬝᬶᬢᭀᬤᬾᬯᬯᬀ᭞ᬬᬢᬦ᭄‌ᬕᬗ᭄ᬕᬵᬫᬳᬶᬢᬮᬾ᭞ᬘᬡ᭄ᬤ᭄ᬭᬃᬓᬕᬕᬡᬵᬢᬯᬢ᭄᭞ᬢᬯ
ᬢ᭄ᬯᬯᬶᬚᬵᬬᬀᬪᬯᬾᬢ᭄᭟ᬑᬁᬤᬶᬃᬖᬬᬸᬃᬳᬱ᭄ᬢᬸᬢᬢ᭄‌ᬳᬱ᭄ᬢᬸᬳᬱ᭄ᬢᬸᬲ᭄ᬯᬳᬵ᭟ᬓᬾᬢᭀᬧᬗᬱ᭄ᬢᬵᬯᬦ᭄ᬩᬧ᭞ᬢ᭄ᬯᬭᬵᬲᬸᬭᬸᬤ᭄᭞ᬫᬦᬸᬦᬲᬂᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬤᬾᬦ᭄ᬚᬕᬢᬾ
[᭔᭐ 40A]
ᬭᬳᬬᬸ᭞ᬧᬭᬵᬫᬗ᭄ᬕᬮᬵᬢᬦ᭄ᬢᭂᬮᬤ᭄‌ᬫᬫ᭄ᬭᬶᬳᬂ᭞ᬓ᭄ᬱᬬᬦᬶᬂᬧᬧᬵᬧᬓᬾᬯᬸᬄ᭞ᬯᬢᭂᬓ᭄ᬥᬸᬱ᭄ᬝᬵᬮᬦ᭄ᬥᬸᬃᬚᬦᬵ᭞ᬲᬸᬯᬸᬤ᭄ᬫᬜᬓᬶᬢᬶᬦ᭄ᬕᬸᬫᬶ᭟ᬲᬂᬲᬶᬱ᭄ᬬᬯᬦ᭄‌ᬫᬢᬸᬃᬦᬶᬫ᭄ᬩᬮ᭄᭞ᬕᬸᬫᬶ
ᬭᬢᬸ᭞ᬢᬶᬢ᭄ᬬᬂᬢᬦ᭄ᬓᬢᬸᬮᬓ᭄ᬘᬭᬶᬓ᭄᭞ᬢᬶᬢ᭄ᬬᬂᬳᬶᬢᬫ᭄ᬩᭂᬢ᭄ᬢᬸᬃᬧᬸᬗ᭄ᬕᬸᬂ᭞ᬓᬦ᭄ᬢᬸᬦ᭄ᬮᭀᬩᬫᬧᬶᬦᬸᬦᬲ᭄᭞ᬤᬕᬶᬂᬢᬢ᭄ᬯ᭞ᬦᬗᬶᬂᬲᬤᬸᬭᬸᬂᬓᬯᬸᬯᬸᬲ᭄᭞ᬳᬶᬘᬾᬦᬶᬦ᭄ᬢᬶᬢ᭄ᬬᬂᬦᬗ᭄ᬓᬶᬮᬂ᭞ᬇᬓᬸᬫ
ᬫ᭄ᬩᬂᬋᬫ᭄ᬧᬸᬄᬫᬦᬶᬲ᭄᭚᭜᭚ᬧᬸᬧᬸᬄᬓᬸᬫᬫ᭄ᬩᬂ᭚ᬤᬸᬄᬲᬂᬢᬧ᭞ᬦ᭄ᬤᬯᭂᬕ᭄ᬢᬶᬢᬶᬳ᭄ᬬᬂᬫᬧᬶᬬᬸᬦᬶᬂ᭞ᬗᬶᬂᬩᬗᭂᬢ᭄ᬳᬫ᭄ᬧᬸᬭᬵ᭞ᬓᬤᬶᬧᬸᬭᬸᬦ᭄ᬫᬦᬗ᭄ᬓᬶᬮᬶᬦ᭄᭞ᬫᬸᬕᬶᬢᬦ᭄ᬓᬢᬫᬦ᭄ᬢᬸᬮᬄ᭠
᭟ᬬᬦ᭄ᬢᬦ᭄ᬳᬶᬯᬂ᭞ᬦᬵᬳᬦ᭄ᬢᬶᬢ᭄ᬬᬂᬫᬫᬗ᭄ᬕᬶᬳᬶᬦ᭄᭞ᬭᬶᬂᬪᬕᬯᬤ᭄ᬕᬶᬢᬵ᭞ᬤᬯᭂᬕ᭄ᬳᬶᬤᬵᬲᬂᬓᭂᬭᬶᬢᬶ᭞ᬫᬧᬶᬦᬸᬦᬲ᭄ᬭᬶᬂᬲᬂᬓᬺᬱ᭄ᬡᬵ᭟ᬧ᭄ᬭᬪᬸᬓᬺᬱ᭄ᬡᬵ᭞ᬫᬯᭀᬲᬂᬢᬢ᭄ᬯᬦᬶᬂᬩᬸᬤ᭄ᬥᬶ᭞ᬓᬧᬮᬶᬄᬫᬶ [ 41 ][᭔᭐ 40B]
᭔᭐᭞
ᬤᬃᬢ᭄ᬣ᭞ᬓᬤᬤᭀᬲᬂᬓᬮᬶᬄᬩᬕᬶ᭞ᬤᬾᬯᬶᬮᬦ᭄ᬳᬰᬸᬭᬶᬲᬵᬫ᭄ᬧᬢ᭄᭟ᬢᬶᬢ᭄ᬬᬂᬦᬸ᭠ᬦᬲ᭄᭞ᬫᬸᬕᬶᬲᬂᬢᬧᬗᬶᬘᬾᬦᬶᬦ᭄᭞ᬇᬦ᭄ᬤᬶᬓ᭄‌ᬩᬸᬤ᭄ᬥᬶᬢᬢ᭄ᬯ᭞ᬤᬾᬯᬶᬲᬵᬫ᭄ᬧᬢ᭄‌ᬮᬦ᭄ᬳ
ᬰᬸᬭᬶ᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬲᬶᬤᬵᬢᬢᬲ᭄᭟ᬲᬗᬢᬧ᭞ᬫᬗᬦ᭄ᬤᬶᬓᬲᬤᬳᬭᬶᬲ᭄᭞ᬩᬦ᭄ᬩᬦ᭄ᬤᬸᬕᬵᬤᬸᬕ᭞ᬉᬤᬸᬄᬦᬵᬦᬓ᭄‌ᬲᬬᬂᬍᬯᬶᬄ᭞ᬧᬶᬋᬗᬂᬲᬵᬫ᭄ᬧᬸᬦᬂᬳᬶᬫᬵ᭟ᬫᭂᬮᬄᬦᬵᬦ
ᬓ᭄᭞ᬲᬢᭀᬦ᭄ᬤᬾᬦ᭄‌ᬩᬧᬗᬯᬶᬢᬶᬦ᭄᭞ᬳᬶᬦ᭄ᬤᬬᬂᬯᬗ᭄ᬲᬶᬢᬂ᭞ᬇᬰ᭄ᬫᬭᬵᬦ᭄ᬤᬦᬵᬧᬂᬢᬗ᭄ᬓᬶᬮ᭄᭞ᬧᬘᬂᬢᬸᬦ᭄ᬤᬾᬦ᭄ᬫᬫᬸᬧᬸᬢᬂ᭟ᬳᬶᬗ᭄ᬕᬶᬄᬭᬢᬸ᭞ᬕ᭄ᬮᬶᬲ᭄‌ᬢᬶᬢ᭄ᬬᬂᬫᬧ᭄ᬬᬸᬦᬶᬂ᭞ᬫᬸᬗ᭄ᬕ᭄ᬯᬶᬂᬜ
ᬫᬦ᭄ᬢᬶᬢ᭄ᬬᬂ᭞ᬇᬲ᭄ᬫᬭᬵᬦ᭄ᬥᬦᬵᬯᬸᬲ᭄ᬢᬗ᭄ᬓᬶᬮ᭄᭞ᬤᬸᬭᬸᬲ᭄‌ᬮᬸᬕ᭄ᬭᬳᬶᬦ᭄ᬯᬘᬦᬵ᭚᭜᭚ᬉᬤᬸᬄᬲ᭄ᬫᬭᬵᬦ᭄ᬥᬦᬵᬘ᭄ᬦᬶᬂ᭞ᬳᬶᬦᬦᬓ᭄‌ᬩᬳᬸᬧ᭄ᬭᬧ᭄ᬢᬵ᭞ᬫᬮᬶᬗ᭄ᬕᬶᬄᬮᬳ᭄ᬢᬂ᭞ᬲᬗ᭄ᬓᬦ᭄ᬩᬧᬫᬫᭂ
[᭔᭑ 41A]
ᬲᭂᬦᬂ᭞ᬕᬸᬫᬦ᭄ᬢᬶᬳᬚᬓ᭄ᬫᬲᬢ᭄ᬯ᭞ᬩᭂᬮᬶᬦ᭄ᬘᭂᬦᬶᬂᬦᬸᬦᬲ᭄ᬢᬸᬢᬸᬃ᭞ᬤᬾᬯᬶᬮᬦ᭄ᬳᬰᬸᬭᬶᬲᬵᬫ᭄ᬧᬢ᭄᭟ᬇᬗ᭄ᬕᬶᬄᬭᬢᬸᬲᬂᬫᬳᬵᬃᬱᬶ᭞ᬤᬸᬭᬸᬲᬂᬯᬘᬦᭂᬦ᭄‌ᬢᬶᬢ᭄ᬬᬂ᭞ᬤᬕᬶᬂᬢᬶᬢ᭄ᬬᬂᬫᬗᬶᬭᬶᬗᬂ᭞ᬲᬩᬸᬄ
ᬯᬘᬦᬦ᭄ᬲᬂᬢᬧᬵ᭞ᬫᬗ᭄ᬤᬾᬦ᭄ᬳᬶᬩ᭄ᬮᬶᬲᬶᬱ᭄ᬬᬯᬦ᭄᭞ᬋᬱᭂᬧ᭄ᬫᬫᬶᬋᬗᬂᬢᬸᬢᬸᬃ᭞ᬤᬕᬶᬂᬢᬢ᭄ᬯᬦᬾᬉᬢᬫᬵ᭟ᬉᬤᬸᬄᬲᬂᬲᬶᬱ᭄ᬬᬯᬵᬦ᭄‌ᬘ᭄ᬦᬶᬂ᭞ᬫᭂᬮᬳᬂᬦᬦᬓ᭄‌ᬫᬶᬋᬗᬂ᭞ᬩᬧᬗᬯᬶᬢ᭄ᬫᬜᬢ᭄ᬯ
ᬬᬂ᭞ᬫᬦᬸᬢ᭄ᬧᬢᬓᬾᬦ᭄ᬳᬶᬤᬾᬯᬵ᭞ᬧᬮᬶᬄᬩᬧᬫᬶᬤᬃᬣᬬᬂ᭞ᬳᬧᬂᬤᬗᬯᬾᬦᬂᬩᬶᬗᬸᬂ᭞ᬧᬦᬫ᭄ᬧᬶᬦᬾᬧᬗ᭄ᬤᬵᬳᬶᬯᬂ᭟ᬚ᭄ᬭᭀᬦᬶᬂᬫᬦᬸᬱᬳᬸᬭᬶᬧ᭄᭞ᬤᬶᬦᬶᬤᬶᬫᬺᬢ᭄ᬬᬩᬯᬦᬵ᭞ᬤ᭄ᬯᬂ᭠
ᬧᬮᬶᬄᬬᬵᬳᬩᬄᬜ᭞ᬧᭂᬃᬢᬫᬢᭀᬤᬾᬯᬶᬲᬵᬫ᭄ᬧᬢ᭄᭞ᬳᬦᬾᬗᭂᬮᬄᬳᬩᬄᬤᬾᬯᬵ᭞ᬅᬰᬸᬭᬶᬲᬵᬫ᭄ᬧᬢ᭄‌ᬩ᭄ᬯᬶᬦ᭄ᬩᬕᬸᬲ᭄᭞ᬳᭂᬦ᭄ᬢᭀᬳᬕᭀᬮ᭄ᬦᭂᬭᬓ᭄ᬱᬲᬦ᭄᭟ᬅᬩᬄ [ 42 ][᭔᭑ 41B]
᭔᭑᭞
ᬤᬾᬯᬦᬾᬓᬯᬶᬢᬶᬦ᭄᭞ᬦᬾᬦᭀᬗᭀᬲ᭄ᬫᬭᬶᬂᬫᬦᬸᬱ᭞ᬳᭂᬦ᭄ᬢᭀᬲᬂᬫᬫ᭄ᬩᭂᬓ᭄‌ᬧᬸᬭᬸᬱ᭞ᬩᬸᬤ᭄ᬥᬶᬩᭂᬃᬰᬶᬄᬯᬶᬘᬓ᭄ᬱᬡᬵ᭞ᬲᭂᬍᬕ᭄ᬫᬬᭀᬕᬵᬫᬬᬚ᭄ᬜᬵ᭞ᬫᬢᬧᬫᬤᬵᬦᬓᬸᬓᬸᬄ᭞
ᬲᬢ᭄ᬬᬢᬸᬃᬗᭂᬋᬢ᭄ᬳᬶᬦ᭄ᬤ᭄ᬭᬬᬵ᭟ᬲᭂᬮᭂᬕ᭄‌ᬗᬸᬮᬶᬲ᭄‌ᬲᬂᬳ᭄ᬬᬂᬳᬚᬶ᭞ᬢᭂᬓᭂᬓ᭄ᬫᬗᬫᭀᬂᬓᬥᬃᬫᬦ᭄᭞ᬤᭂᬕ᭄ᬤᭂᬕ᭄ᬢᬦ᭄ᬮᭀᬩᬢᬦ᭄ᬓ᭄ᬭᭀᬤ᭞ᬓᬮᬶᬄᬢ᭄ᬯᬭᬵᬫᬫᬶᬲᬸᬦᬵ᭞ᬯ᭄ᬮᬲᬵᬰᬶᬄᬩᬗᭂᬢ᭄ᬲ
ᬬᬂ᭞ᬢᬦ᭄ᬫᬶᬲᬓᬶᬢ᭄ᬓᬜ᭄ᬘᬦ᭄ᬳᬶᬤᬸᬧ᭄᭞ᬓᬮᬶᬲ᭄ᬭᬶᬂᬲᬸᬓᬵᬩ᭄ᬬᬸᬤᬬᬵ᭟ᬭᬶᬂᬩᬯᭀᬲ᭄ᬢᬦ᭄ᬫᬭᬶ᭠ᬳᬧᬶᬓ᭄᭞ᬳᬮᬧ᭄ᬓᬲᭀᬃᬳᬮᬸᬲ᭄ᬩᬦ᭄ᬩᬦ᭄᭞ᬢᬦ᭄ᬗᬃᬤᬶᬲᭂᬗ᭄ᬰᬬᬦ᭄ᬳᬦᬓ᭄᭞ᬘᬾᬱ᭄ᬝᬵᬓᬭᬵᬢᬸ
ᬭᬶᬂᬦᬵᬢ᭄ᬬ᭞ᬢ᭄ᬯᬭᬵᬳᬶᬭᬶᬢᬦ᭄ᬧ᭄ᬭᬫᬤᬵ᭞ᬢᬗ᭄ᬲᭂᬄᬫᬓᬵᬃᬤ᭄ᬤᬶᬭᬳᬬᬸ᭞ᬢᬦ᭄ᬓᭀᬩᭂᬢ᭄ᬫᬯᬾᬄᬳᬫ᭄ᬧᬸᬭᬵ᭟ᬲᬢ᭄ᬢᬮᬕᬵᬚᬶᬫ᭄ᬩᬃᬰᬸᬘᬶ᭞ᬗᬃᬤᬶᬦᬶᬦ᭄ᬱᬸᬓᬦ᭄ᬬᬗ᭄ᬰᬵ᭞ᬳᬓᬾᬢᭀᬲᬂᬤᬾ
[᭔᭒ 42A]
ᬯᬶᬲᬵᬫ᭄ᬧᬢ᭄᭞ᬫᭂᬫ᭄ᬩᬄᬩᬯᭀᬲᬾᬢᬩ᭄ᬧ᭄ᬕᬢ᭄᭞ᬳᬦᬾᬧᬺᬲᬶᬤᬵᬫᬫᬸᬦᬄ᭞ᬲᬮ᭄ᬯᬶᬃᬓᬓᭀᬩᭂᬢᬩ᭄ᬓᬬᬸᬦ᭄᭞ᬲᬢ᭄ᬢᬸᬓᬵᬤ᭄ᬫᬥᬸᬳᬫᬺᬢ᭄ᬣ᭟ᬮ᭄ᬯᬶᬃᬓᭂᬤᬧᬦ᭄ᬢᬭᬸᬫᬦᬶᬲ᭄᭞ᬫᬗ᭄ᬓᭂᬧ᭄ᬓᭂᬤᬧ
ᬦ᭄ᬳᬗ᭄ᬰᭀᬓ᭞ᬗᬶᬤᭂᬭᬶᬦ᭄ᬢᭂᬧᬶᬦ᭄ᬢᬮᬕᬵ᭞ᬲᬧᬸᬦᬶᬓᬓᬮᭂᬫᬸᬳᬦ᭄᭞ᬲᭀᬮᬳᬗ᭄ᬕᬵᬓᬮᬶᬄᬢᬗᬦ᭄᭞ᬲᬂᬤᬾᬯᬶᬲᬵᬫ᭄ᬧᬢ᭄ᬧᬸᬦᬶᬓᬸ᭞ᬢᬦ᭄ᬫᬭᬶᬤᬤᭀᬲ᭄‌ᬢᬸᬮᬤᬦ᭄᭟ᬤᬸᬮᬸ
ᬭᬶᬦ᭄‌ᬫᬸᬓᬵᬦᬾᬳᬰ᭄ᬭᬶ᭞ᬲᭂᬫᬶᬢᬵᬮ᭄ᬯᬶᬃᬲᬵᬃᬓᬭᬵ᭞ᬫᬳᬰ᭄ᬭᬾᬦ᭄ᬳᬦ᭄ᬢᬸᬓ᭄ᬘᬘᬶᬗᬓ᭄᭞ᬦᬾᬳᬮᬸᬲ᭄‌ᬮ᭄ᬯᬶᬃᬕᬸᬮᬵᬤ᭄ᬭᬯᬵ᭞ᬲᬧᬳᬸᬢ᭄ᬭᬶᬂᬢᬸᬜ᭄ᬚᬸᬂᬲᭂᬓᬃ᭞ᬫᬯᬳᭂᬡ᭄ᬦᬶᬯᬃᬡ᭄ᬦᬶ᭞ᬦᬾᬫᬸᬗ᭄ᬕᬄ᭞ᬫᬭᬶᬂᬢᬮᬕ
ᬧᬸᬦᬶᬓᬵ᭟ᬓᬦ᭄ᬪᬦ᭄ᬱᭀᬮᬳᬾᬉᬢ᭄ᬢᬫᬶ᭞ᬦᬾᬫᬳᬸᬕ᭄‌ᬥᬃᬫ᭄ᬫᬲᬤᬦᬵ᭞ᬳᭂᬦ᭄ᬢᭀ᭠ᬦᬸᬚᬸᬓᬍᬧᬲᬦ᭄᭞ᬢᬸᬃᬗᬸᬗ᭄ᬲᬶᬚᬕᬢ᭄‌ᬝᬶᬣᬃᬢ᭄ᬣᬵ᭞ᬳᬶᬲ᭄ᬢᬸᬮᬵᬰᬭᬶᬭᬵᬲᬸᬓᬵ᭞ᬇᬲᬹᬓ᭄ᬱ᭄ᬫ [ 43 ][᭔᭒ 42B]
᭔᭒᭞
ᬰᬭᬶᬭᬵᬮᬦ᭄ᬥᬸᬄ᭞ᬓᬾᬢᭀᬦᬵᬦᬓ᭄‌ᬲᬂᬲᬶᬱ᭄ᬬᬯᬵᬦ᭄᭟ᬦᬵᬦᬓ᭄ᬱ᭄ᬫᬭᬵᬦ᭄ᬤᬦᬵᬫᬦᬶᬲ᭄᭞ᬫᬶᬦᬩ᭄ᬮᭂᬰᬸᬳᬶᬦᬵᬦᬦ᭄᭞ᬭᬾᬄᬲᬸᬩᬧᬸᬧᬸᬢ᭄‌ᬜᬢ᭄ᬯᬬᬂ᭞ᬧᬫᬵᬃᬕᬦ᭄ᬲᬂᬤᬾᬯᬶᬲᬵᬫ᭄ᬧ
ᬢ᭄᭞ᬤᬤᬶᬫᬦ᭄ᬢᬸᬓ᭄‌ᬗᬶᬂᬲᬵᬫ᭄ᬩᬶᬮᬂ᭞ᬢᬸᬦ᭄ᬤᬾᬦ᭄ᬇᬅᬤ᭄ᬭᬶᬧᬂᬭᬯᬸᬄ᭞ᬳᬧᬂᬳᬤᬵᬗᬶᬭᬶᬂᬩᬧ᭚᭜᭚ᬧᬸᬧᬸᬄᬅᬤ᭄ᬭᬶ᭚ᬦᬸᬦᬲ᭄ᬮᬸᬕ᭄ᬭᬢᬶᬢ᭄ᬬᬂᬰ᭄ᬭᬷᬫᬳᬵᬫ᭄ᬧᬸ᭞ᬦ᭄ᬤᬯᭂᬕ᭄ᬓᬲᬵᬫ᭄ᬧᬸᬭ᭞ᬤᭀ
ᬱᬦᬶᬂᬢ᭄ᬭᬶᬓᬵᬬᬵᬫᬫᬶ᭞ᬚᬦ᭄ᬢᭀᬲ᭄‌ᬲᬂᬫ᭄ᬧᬸᬫᬦᬸᬤᬸᬄ᭞ᬩᬳᬸᬢᬶᬢ᭄ᬬᬂᬢᬗ᭄ᬓᬶᬮ᭄ᬭᬯᬸᬄ᭞ᬳᬦ᭄ᬢᬸᬓ᭄ᬩᬶᬗᬸᬗᬂᬓᬓᭂᬜ᭄ᬘᬦ᭄᭞ᬳᭀᬫ᭄ᬩᬓ᭄ᬫᬦᬳᬾᬫᬂᬮᬶᬧᬸᬢ᭄᭞ᬤᬸᬭᬸᬲ᭄ᬲᬂᬋᬱᬶᬧᬲ᭄ᬯᬾᬘᬵ᭞ᬮᬸᬕ᭄ᬭᬳᬶ
ᬦ᭄ᬢᬶᬢ᭄ᬬᬂᬯᬘᬦᬵ᭟ᬉᬤᬸᬄᬦᬵᬦᬓ᭄ᬅᬤ᭄ᬭᬶᬘ᭄ᬦᬶᬂᬳᬬᬸ᭞ᬮᭂᬕᬓᬬᬸᬦ᭄ᬩᬧ᭞ᬫᬶᬋᬂᬩ᭄ᬯᬢ᭄ᬳᬢᬸᬃᬘ᭄ᬦᬶᬂ᭞ᬳᬦ᭄ᬓᬓ᭄ᬫᬸᬮᬵᬓᬾᬢᭀᬳᬬᬸ᭞ᬓᬓᬵᬦ᭄ᬤᬦ᭄ᬚᬤ᭄ᬫᬦᬾᬳᬶᬤᬸᬧ᭄᭞ᬓᬯᭂᬂᬓᬸᬩᬦ᭄ᬭᬚᬄᬢᬫᬄ
[᭔᭓ 43A]
᭞ᬮᭀᬩᬓᭀᬧᬦᬾᬗᬮᬶᬧᬸᬢ᭄᭞ᬳᬯᬦᬦ᭄‌ᬲᬳᬢ᭄ᬳᬸᬢ᭄ᬲᬳᬵ᭞ᬕᭂᬤ᭄ᬬᬂᬲᬓᬶᬂᬧᬗ᭄ᬭᬱᬵ᭟ᬲᬵᬗ᭄ᬓᬦ᭄ᬩᬧᬫᭂᬲᭂᬦᬂᬧᬂᬭᬯᬸᬄ᭞ᬕᬸᬫᬦ᭄ᬢᬶᬫᬶᬲᬭᬵᬢ᭄᭞ᬤᬾᬯᬾᬓ᭄ᬘᭂᬦᬂᬧᬂᬫᬸᬧᬸ
ᬳᬶᬦ᭄᭞ᬲᬢ᭄ᬯᬦ᭄ᬩᬧᬦᬾᬧᬂᬢᬸᬫᬸᬲ᭄᭞ᬩᭂᬮᬶᬜ᭄ᬘᭂᬦᬶᬗᬾᬫᬗ᭄ᬭᬸᬗᬸ᭞ᬳ᭄ᬬᬳᬶᬩᬕᬸᬲ᭄ᬲᬲ᭄ᬬᬯᬦ᭄᭞ᬦᬄᬚᬮᬦ᭄ᬓᬯᬶᬢᬶᬦ᭄ᬳᬬᬸ᭞ᬢᬸᬕ᭄ᬢᬸᬕᬂᬧᬶᬤᬃᬢ᭄ᬯᬦ᭄ᬩᬧ᭞ᬲᭀᬮᬄᬲᬂᬵᬅᬲᬸᬭᬶᬲᬵᬫ᭄ᬧᬢ᭄᭟
ᬢᬶᬗ᭄ᬓᬳᬾᬓᬲᬃᬮᬶᬩᬸᬢ᭄‌ᬢᬸᬃᬗᬕᬸ᭞ᬤᭂᬫᭂᬦ᭄ᬜᬸᬫ᭄ᬩᬸᬂᬳᬯᬓ᭄᭞ᬫᬧᬶᬫᬧᬶᬲᬵᬥᬸᬩᬸ᭠ᬤ᭄ᬥᬶ᭞ᬩᬺᬕᭂᬤᭂᬕᬦ᭄ᬲᬳᬶᬇᬩᬸᬄ᭞ᬢᬦ᭄ᬧ᭄ᬕᬢ᭄‌ᬗᬯᬾᬧᬓᬾᬯᬸᬄ᭞ᬗᭂᬦᭂᬫᬶᬦ᭄ᬮᭀᬩᬳᬂᬓᬭᬵ᭞
ᬮᬾᬫ᭄ᬧᬲᬓᬶᬂᬰᬶᬮᬳᬬᬸ᭞ᬲᭂᬮᭂᬕ᭄‌ᬦᬸᬗ᭄ᬓᬲᬶᬦ᭄ᬓᬥᬃᬫ᭄ᬫᬦ᭄᭞ᬫᬩᭀᬬᬵᬭᬶᬂᬓᭂᬘᬧ᭄ᬯᬾᬤᬵ᭟ᬩᬗ᭄ᬓᬵᬭᬸᬫᬱᬲᬸᬕᬶᬄᬯᬶᬪᬸᬄ᭞ᬇᬦ᭄ᬤᬶᬓ᭄ᬜᬫᬬᬤ᭄ᬜ᭞ᬢ᭄ᬯᬭᬵᬦ᭄ᬓᬾᬂᬢ᭄ᬯᬲ᭄‌ᬩᬓ᭄ᬢᬶ᭞᭠ [ 44 ][᭔᭓ 43B]
᭔᭓᭞
ᬓᬗᬾᬦ᭄ᬩᬩᬗᬦ᭄ᬢᬸᬃᬚᬸᬫ᭄ᬩᬸᬄ᭞ᬫᬩᬸᬤ᭄ᬥᬶᬗᬾᬦ᭄ᬤᭀᬂᬳᬶᬮᬘᬸᬃ᭞ᬳᬧᬂᬫᭀᬮᬶᬄᬓᬓᬲᬸᬩᬦ᭄᭞ᬓᬓ᭄ᬯᬱᬦ᭄ᬫᬓᬤᬶᬦᬶᬧᬸᬦ᭄᭞ᬤᬶᬢᬸᬢᭂᬓᭂᬓ᭄ᬫᬧᬗ᭄ᬓᭂᬤᬦ᭄᭞ᬢᭀᬓᬗ᭄ᬕᭂᬄᬧᬰᬸᬦᬭᬶᬓᬦ᭄᭟
ᬓᬦ᭄ᬥᬸᬕᬶᬳᬶᬧᬸᬦ᭄ᬫᬗᭀᬃᬢᬵᬧᬸᬭᬸᬦ᭄᭞ᬇᬭᬶᬓᬶᬭᬶᬂᬚᬵᬕᬢ᭄᭞ᬋᬓᭀᬢ᭄ᬯᬭᬳᬤᬵᬯᬶᬤ᭄ᬥᬶ᭞ᬓᬮᬶᬄᬢ᭄ᬯᬭᬵᬳᬤᬵᬧᬢᬸᬢ᭄᭞ᬰᬰᬦᬵᬲᬸᬰᬶᬮᬵᬫᬸᬯᬸᬄ᭞ᬓᬃᬫ᭄ᬫᬨᬮᬵᬮᬦ᭄ᬯᬰᬦᬵ᭞
ᬓᭀᬘᬧ᭄ᬢᬦ᭄ᬯᬾᬦ᭄ᬢᭂᬦ᭄ᬧᬸᬦᬶᬓᬸ᭞ᬩᬦ᭄ᬢᬲ᭄ᬳᬶᬦ᭄ᬤᬶᬓᬾᬭᬶᬂᬚᬕᬢ᭄᭞ᬫᬭᬸᬭᬸᬂᬓᬫᬳᬶᬦ᭄ᬤ᭄ᬭᬶᬬᬵ᭞ᬭᬶᬂᬲᬰᬸᬗ᭄ᬓᭂᬫᬦ᭄ᬭᬸᬲᬶᬢ᭄ᬫᬗᭂᬗ᭄ᬲᬸᬢ᭄᭞ᬚᬶᬯᬦᬶᬧᬸᬦ᭄ᬭᬸᬲᬶᬓ᭄᭞ᬓᬯ᭄ᬭᬸᬄᬳᬶᬧᬸᬦᬾᬯᬾᬘᬶ᭞ᬉᬢ᭄ᬲ
ᬳᬵᬫᬓᬵᬃᬤᬶᬭᬸᬲᬸᬄ᭞ᬢᬗ᭄ᬲᭂᬄᬗᬃᬤᬶᬕᬸᬫᬶᬳᬸᬯᬸᬕ᭄᭞ᬓᬗ᭄ᬕᬾᬦ᭄ᬗᬸᬩᬸᬗᬶᬦ᭄ᬳᬗ᭄ᬓᬵᬭᬵ᭞ᬗᭂᬦᭂᬫᬶᬦ᭄ᬱᬓᬧ᭄ᬢᬶᬦ᭄ᬳᬶᬧᬸᬦ᭄᭞ᬲᭀᬓ᭄ᬫᬶᬓᭀᬮᬶᬄᬭᬶᬂᬤᬾᬯᬾᬓ᭄ᬜ᭞ᬢᬦ᭄ᬗᬯᬶᬮᬂᬓᬺᬢ᭄ᬣᬖᬡᬵ᭟
[᭔᭔ 44A]
ᬯᬶᬭᬾᬄᬜᭂᬭᬄᬓᬧᬘᬸᬦ᭄ᬤᬂᬳᬶᬤᬸᬧ᭄᭞ᬳᭀᬮᬶᬄᬲᬂᬫᬢ᭄ᬲᬵᬃᬭ᭄ᬬ᭞ᬭᬾᬄᬳᭂᬦ᭄ᬢᭀᬓᬲᭂᬗ᭄ᬕᬸᬄᬕᬸᬲ᭄ᬢᬶ᭞ᬦᬾᬓᬗ᭄ᬓᬢ᭄ᬓᬲᭂᬫ᭄ᬩᬄᬲᬸᬳᬸᬦ᭄᭞ᬭᬾᬄᬫᬦᬳᬶᬧᬸᬦᬾᬮᬶᬩᬸᬢ᭄᭞ᬢᬦ᭄ᬗᬦ᭄ᬢᭂ
ᬦᬂᬧᬚᬕᬢᬦ᭄᭞ᬢᭂᬓᭂᬧᬶᬦ᭄ᬕᬸᬍᬫ᭄‌ᬫᬢᬸᬫ᭄ᬧᬸᬓ᭄᭞ᬭᬕᬵᬤ᭄ᬯᬾᬱᬮᬦ᭄ᬫᬢ᭄ᬲᬵᬃᬭ᭄ᬬᬇᬃᬱ᭄ᬬᬮᭀᬩᬮᬦ᭄ᬫᭀᬳᬵ᭟ᬳ᭄ᬥᭀᬢ᭄ᬳᬶᬧᬸᬦᬾᬢᬦᬵᬗ᭄ᬕᬸᬦᬵᬗ᭄ᬕᬸ᭞ᬲᬸᬓᬦᬶᬂᬩ᭄ᬬᬸᬤᬬᬵ᭞
ᬳᭂᬦ᭄ᬢᭀᬓᬲᭂᬗ᭄ᬕᬸᬄᬧᬢᬶᬢᬶᬲ᭄᭞ᬳᭂᬦ᭄ᬢᭀᬬᬢᬗ᭄ᬲᭂᬄᬓᬗᬸᬭᬸ᭞ᬭᬾᬄᬓᬲᭂᬗ᭄ᬕᬸᬄᬲᬸᬓᬵᬳᬕᬸᬂ᭞ᬤᬶᬢᬸᬢᭂᬓᭂᬓ᭄ᬫᬧᬗ᭄ᬓᭂᬤᬦ᭄᭞ᬮᬮᬶᬬᬭᬶᬬᬶᬂᬤᭀᬢ᭄ᬲᬸᬦᬶᬓᬸ᭞ᬲᬦᬾᬦᬸᬦ᭄ᬢᬸᬦ᭄ᬫᬗᭀ
ᬚᭀᬕᬂ᭞ᬗᬸᬗ᭄ᬲᬶᬓᬫᬺᬢ᭄ᬬᬸᬪᬯᬦᬵ᭞ᬚᬦᬶᬳᭂᬦᬾᬤᬤᬶᬕᭂᬮᬄᬳᬓᬸ᭞ᬩ᭄ᬯᬶᬦ᭄ᬫᬦᬶᬢᭀᬢᭀᬦᬦ᭄᭞ᬚᬦᬶᬳᭂᬦᬾᬫᭂᬫᬓ᭄ᬓᬳᬶ᭞ᬫᬦᬶᬳᭂᬦ᭄ᬢᭀᬗᬫ᭄ᬧᬲ᭄ᬳᬓᬸ᭞ᬭᬾᬄᬳᬧ [ 45 ][᭔᭔ 44B]
᭔᭔᭞
ᬳ᭄ᬤᭀᬢᬂᬳᬓᬸ᭞ᬲᬶᬦᬄᬤᬤᬶᬕᭂᬮᬳᬶᬭ᭞ᬓᬾᬢᭀᬇᬮᭀᬩᬫᬩ᭄ᬭᬸᬫᬸᬓ᭄᭞ᬫᬩᬸᬤ᭄ᬥᬶᬗᬯᬱᬚᬵᬕᬢ᭄᭞ᬢᬦ᭄‌ᬗᬶᬢᬸᬂᬘᬭᬦᬾᬜᭂᬫᬓ᭄᭟ᬫᬸᬲᬸᬳᬾᬦᬾᬲᬸ
ᬩᬓᭂᬳᬫᬸᬓ᭄᭞ᬲᬢ᭄ᬭᬸᬦᬾᬢᭀᬢᭀᬦᬦ᭄᭞ᬫᬰᬶᬄᬮᬓᬃᬳᬫᬸᬓ᭄ᬓᬳᬶ᭞ᬭᬾᬄᬓᬳᬶᬧᬯᬓᬦ᭄ᬢᬸᬤᬸᬄ᭞ᬓᬳᬶᬧᬗ᭄ᬯᬱᬳᬕᬸᬂ᭞ᬳᬦᬾᬜᬦ᭄ᬤᬂᬫᬫᬸᬓ᭄ᬢ᭄ᬬᬂ᭞ᬓᬜ᭄ᬘᬦ᭄ᬓᬲᬸᬓᬦᬾ
ᬯᬶᬪᬸᬄ᭞ᬓᬾᬢᭀᬲᬂᬅᬰᬸᬭᬶᬲᬵᬫ᭄ᬧᬢ᭄᭞ᬢ᭄ᬯᬭᬵᬗᭂᬮᬄᬳᬭᬶᬫ᭄ᬪᬯᬵ᭟ᬤᬾᬯᬶᬮᬦ᭄ᬳᬰᬸᬭᬶᬲᬵᬫ᭄ᬧᬢ᭄ᬧᬸᬧᬸᬢ᭄᭞ᬩᬧᬫᬶᬤᬃᬣᬬᬂ᭞ᬫᬋᬧ᭄‌ᬢᭂᬓᬾᬦ᭄ᬭᬕᬵᬦ᭄‌ᬘ᭄ᬦᬶᬂ᭞ᬫᭂ
ᬮᬄᬓᬯᬶᬢᬶᬦ᭄‌ᬬᬵᬩᬕᬸᬲ᭄᭞ᬜᬫᬦᬾᬲᬫᬶᬧᬂᬭᬯᬸᬄ᭞ᬲᬭᬦᭂᬫᬦ᭄ᬗᬶᬭᬶᬂᬩᬧ᭞ᬗᭀᬜ᭄ᬚᬓᬂᬢᬢ᭄ᬯᬳ᭄ᬬᬂᬢᬸᬤᬸᬄ᭞ᬯᬶᬭᬾᬄᬗᬢᬸᬚᬸᬧᬹᬃᬦᬵᬫ᭞ᬲᬫ᭄ᬩᬶᬮ᭄ᬫᬚᬵᬕ᭄ᬭᬤᬶ
[᭔᭕ 45A]
ᬧᬸᬭᬵ᭟ᬦᬸᬦᬲ᭄‌ᬮᬸᬕ᭄ᬭᬢᬶᬢ᭄ᬬᬂᬰ᭄ᬭᬷᬫᬳᬵᬫ᭄ᬧᬸ᭞ᬫᬗ᭄ᬓᬶᬦ᭄ᬋᬋᬄᬢᬶᬢ᭄ᬬᬂ᭞ᬓ᭄ᬦᬶᬳᬶᬧᬸᬦ᭄ᬭᬯᬸᬄᬲᬫᬶ᭞ᬚᬮᬦ᭄ᬚᬦᬶᬅᬤ᭄ᬭᬶᬳᬬᬸ᭞ᬧᬫᬶᬢᬶᬦ᭄ᬳᬶᬤᬵᬲᬂᬫ᭄ᬧᬸ᭞ᬭᬭᬶᬲᬂᬓᬮᬶᬄᬫᬫᬵᬃᬕ᭞
ᬢᬦ᭄ᬳᬸᬘᬧᬦ᭄ᬕᭂᬮᬶᬲ᭄ᬭᬯᬸᬄ᭞ᬫᬭᬶᬂᬕᭂᬦᬄᬲᬯᬶᬢ᭄ᬭᬦ᭄ᬜ᭞ᬲᬂᬅᬗ᭄ᬭᬶᬫᬶᬤᬃᬢ᭄ᬣᬵᬩᬦ᭄ᬩᬦ᭄᭟ᬓᬧᭂᬃᬢᬫᬅᬉᬫ᭄‌ᬲ᭄ᬯᬲ᭄ᬢ᭄ᬬᬲ᭄ᬢᬸ᭞ᬦᬾᬭᬯᬸᬳᬂᬢ᭄ᬬᬂ᭞ᬭᬶᬂᬧᬭᬵᬲᬯᬶᬢ᭄ᬭᬲᬫᬶ᭞ᬲᬗ᭄ᬓ᭠
ᬦ᭄ᬢ᭄ᬬᬂᬲᬶᬤᬭᬯᬸᬄ᭞ᬫᬯᬶᬢ᭄ᬯᬘᬦᬦ᭄ᬲᬂᬫ᭄ᬧᬸ᭞ᬢᬶᬩᬭᬶᬂᬧᬭᬲᬯᬶᬢ᭄ᬭ᭞ᬧᬂᬲᬶᬤᬢᬗ᭄ᬓᬶᬮ᭄ᬲᬸᬫᬸᬬᬸᬕ᭄᭞ᬦᬚᬸᬧᬹᬃᬦᬫᬦᬾᬩᬾᬜ᭄ᬚᬂ᭞ᬲᬭᬵᬢ᭄ᬫᬫᬸᬱ᭄ᬧᬭᬶᬂᬧᬸᬭᬵ᭟ᬇᬓᬸᬫᬫ᭄ᬩᬂ
ᬤᬸᬃᬫ᭄ᬫᬫᬶᬯᬄᬧᬸᬘᬸᬂ᭞ᬲᬶᬦᭀᬫ᭄‌ᬲ᭄ᬫᬭᬵᬦ᭄ᬤᬵᬦ᭞ᬧᬗ᭄ᬓᬸᬃᬕᬶᬦᬤ᭄ᬤᬵᬕᬶᬦᬦ᭄ᬢᬶ᭞ᬫᬗ᭄ᬓᬶᬦ᭄ᬲᬭᬦᭂᬫᬦ᭄‌ᬲᬵᬫ᭄ᬧᬸᬦ᭄᭞ᬲᬥ᭄ᬬᬦᬗ᭄ᬓᬶᬮᬶᬦ᭄ᬲᬂᬫ᭄ᬧᬸ᭞ᬩᬾᬜ᭄ᬚᬂᬓᬵᬮᬧᬲᭂᬫᭂᬗᬦ᭄᭞ [ 46 ][᭔᭕ 45B]
᭔᭕᭞
ᬫᬭᬾᬭᭀᬤ᭄‌ᬲᬫᬶᬮᬸᬫᬓᬸ᭞ᬢᬦ᭄ᬘᬭᬶᬢᬵᬫᬭᬶᬂᬳᬯᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬰ᭄ᬭᬫᬦ᭄᭟ᬲᬋᬂᬲᬫᬶᬫᬗ᭄ᬓᬶᬦ᭄ᬯᬸᬲ᭄‌ᬲᬸᬫᬸᬬᬸᬕ᭄᭞ᬲᬳᬵᬫᬲᬂᬲᭂᬫ᭄ᬩᬄ᭞ᬗᬪᬓ᭄ᬢᬶᬫᬭᬶᬂᬲᬂᬋᬱᬶ᭞
ᬲᬯᬸᬲ᭄ᬜᬭᬭᬶᬲ᭄‌ᬲᬂᬫ᭄ᬧᬸ᭞ᬗᬦ᭄ᬤᬶᬓᬩᬯᭀᬲᬾᬳᬭᬸᬫ᭄᭞ᬘ᭄ᬦᬶᬂᬦᬵᬦᬓ᭄ᬧ᭄ᬬᬦᬓ᭄ᬩᬧᬵ᭞ᬲᬤ᭄ᬬᬵᬘ᭄ᬦᬶᬲᬶᬤ᭄ᬥᬵᬭᬯᬸᬄ᭞ᬜᬦᬦ᭄ᬚᬮᬦ᭄‌ᬢᬸᬮᬸᬲ᭄ᬮᬸᬗ᭞ᬓᬧᬹᬭᬵᬗᬢᬸᬭᬂᬲᭂᬫ᭄ᬩᬄ᭟ᬢᬦ᭄ᬳᬸ
ᬘᬧᬦ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬚ᭄ᬭᭀᬧ᭄ᬭᬬᬗᬦ᭄᭞ᬢᬸᬲᬵᬫ᭄ᬧᬸᬦ᭄ᬲᬫᬶᬫᬮᬶᬗ᭄ᬕᬶᬄ᭞ᬉᬧᬘᬭᬯᬸᬦ᭄ᬓᭂᬳᬢᬸᬃ᭞ᬩᬦ᭄ᬢᭂᬦ᭄‌ᬲᬸᬘᬶᬳᬤᬦᬶᬧᬸᬦ᭄᭞ᬲᬂᬢᬧᬭᬭᬶᬲ᭄ᬗᬦ᭄ᬤᬶᬓᬵ᭞ᬘ᭄ᬦᬶᬂᬳᬬᬸ
ᬦᬵᬦᬓ᭄ᬩᬕᬸᬲ᭄᭞ᬚᬮᬦ᭄ᬦᬾᬓᬯᬶᬢᬂᬚᬦᬶ᭞ᬢᬶᬓᬲᬾᬗᬢᬸᬭᬂᬲᭂᬫ᭄ᬩᬄ᭟ᬧᬗᬯᬶᬢ᭄ᬳᬲᬡᬵᬬᬵᬓᬮᬓᬸ᭞ᬭᬭᬶᬲ᭄ᬧ᭄ᬭᬦᬬᬫ᭞ᬓᬭᭀᬲᭀᬤᬦᬵᬗ᭄ᬭᬸᬦ᭄ᬢᬸᬢᬶᬦ᭄᭞ᬦᬵᬦᬓ᭄
[᭔᭖ 46A]
ᬲᬂᬲᬶᬱ᭄ᬬᬯᬵᬦ᭄‌ᬩᬕᬸᬲ᭄᭞ᬫᬗ᭄ᬓᬶᬦ᭄ᬤᬶᬦᬦᬓ᭄ᬫᬦᬸᬦ᭄ᬢᬸᬦ᭄᭞ᬓᬵᬮᬗᬸᬜ᭄ᬘᬭᬂᬢ᭄ᬭᬶᬲᬵᬦ᭄ᬤ᭄ᬬ᭞ᬲᬂᬲᬶᬱ᭄ᬬᬯᬵᬦ᭄‌ᬭᬭᬶᬲ᭄ᬫᬸᬯᬸᬲ᭄᭞ᬚᬮᬦ᭄ᬳᬤᬶᬲᬕᭂᬋᬳᬦ᭄᭞ᬗᬯᬶᬢ᭄‌ᬗᬸᬜ᭄ᬘᬭᬂᬢ᭄ᬭᬶᬲᬵᬦ᭄ᬤ᭄ᬬᬵ᭞
ᬲᭂᬲᬵᬫ᭄ᬧᬸᬦ᭄‌ᬢ᭄ᬭᬶᬲᬵᬦ᭄ᬤ᭄ᬬᬵᬯᬸᬲ᭄ᬓᭂᬳᬢᬸᬃ᭞ᬭᬭᬶᬲ᭄ᬲᬲᬶᬱ᭄ᬬᬯᬵᬦ᭄᭞ᬫᬢᬸᬃᬭᬶᬂᬳᬶᬤᬵᬲᬂ᭠ᬋᬱᬶ᭞ᬦᬾᬫᬗ᭄ᬓᬶᬦ᭄ᬥᬸᬭᬸᬲ᭄‌ᬲᬂᬫ᭄ᬧᬸ᭞ᬲᬂᬢᬧᬭᬭᬶᬲ᭄ᬫᬯᬸᬯᬸᬲ᭄᭞ᬦᬄᬘ᭄ᬦᬶᬂᬳᬚᬓ᭄ᬫᬓᭂᬚᬂ᭞ᬇᬭᬶᬂ
ᬩᬧᬫᬗᭂᬮᬦ᭄ᬢᬸᬃ᭞ᬗᬫᬵᬃᬕ᭄ᬬᬂᬧᬜ᭄ᬘᬲᭂᬫ᭄ᬩᬄ᭞ᬚᬦᬶᬩᬧᬫᬗᬯᬶᬢᬂ᭟ᬓᬧᭂᬃᬢ᭄ᬣᬫᬲᭂᬫ᭄ᬩᬄᬧᬸᬬᬸᬂᬓᬢᬸᬃ᭞ᬦᬾᬫ᭄ᬯᬢ᭄ᬯᬶᬭᬱ᭞ᬗᬮᬶᬗ᭄ᬕᬬᬂᬲᬂᬳ᭄ᬬᬂᬯᬶᬤ᭄ᬥᬶ᭞ᬭᬶᬂᬳᬕ᭄ᬭᬤ᭄ᬜᬡᬵᬫᬸᬗ᭄ᬕᬸᬄ᭞ᬫ
ᬲᭂᬓᬃᬧᬸᬱ᭄ᬧᬢᬦᬮᬸᬫ᭄᭞ᬫᬗ᭄ᬓᬶᬦ᭄ᬭᬶᬂᬰᬶᬯᬵᬭᬤᬶᬢ᭄ᬬᬵ᭞ᬜᭂᬫ᭄ᬩᬄᬫᬲᭂᬥᬦᬵᬲᬦ᭄ᬢᬸᬦ᭄᭞ᬫᬸᬕᬶᬮᬾᬤᬂᬗᬦᬸᬕ᭄ᬭᬳᬵ᭞ᬫᬜᬸᬦ᭄ᬤᬭᬂᬩᬸᬤ᭄ᬥᬶᬧ᭄ᬭᬤ᭄ᬜ᭟ᬦᬾᬗ᭄ᬭᬜ᭄ᬚᬶᬂᬲᭂᬫ᭄ᬩᬄᬓᬧᬶᬂᬢ᭄ᬮᬸ᭞ᬭᬶ᭠ [ 47 ][᭔᭖ 46B]
᭔᭖᭞
ᬓᬯᬶᬢᬦ᭄ᬚᬕᬢ᭄᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬧ᭄ᬭᬚᬵᬧᬢ᭄ᬣᬶ᭞ᬉᬕᬶᬫᬲᬥᬦᬵᬲᬵᬦ᭄ᬢᬸᬦ᭄᭞ᬲᬢ᭄ᬱᬢ᭄‌ᬕᬸᬭᬸᬬᬵᬕᬓᬢᬸᬃ᭞ᬭᬶᬂᬳᬶᬤᬵᬳ᭄ᬬᬂᬧᬶᬢ᭄ᬣᬫᬳᬵ᭞ᬦᬾᬓᬲᭂᬗ᭄ᬕᬸᬄᬩᬧᬅᬕᬸᬂ᭞ᬫᭀ
ᬖ᭄ᬕᬵᬮᬾᬤᬂᬗᬦᬸᬕ᭄ᬭᬳᬵ᭞ᬓᬚᬕ᭄ᬭᬦ᭄ᬭᬶᬂᬲᬵᬃᬯ᭄ᬯᬫᬯᬓ᭄᭟ᬢᬸᬫᬸᬲᬂᬲᭂᬫ᭄ᬩᬄᬓᬧᬶᬂᬘ᭠ᬢᬸᬃ᭞ᬓᬯᬗᬾᬦ᭄ᬧᬸᬱ᭄ᬧᬦ᭄ᬜ᭞ᬓᬢᬸᬃᬭᬶᬂᬤᬾᬯᬵᬤᬾᬯᬢᬶ᭞ᬫᬓᬤᬶᬭᬶᬂᬳ᭄ᬬᬂᬲᬶᬦᬸᬯᬸᬦ᭄᭞
ᬦᬦᬸᬢ᭄ᬮᬶᬗ᭄ᬕᬶᬄᬳ᭄ᬬᬂᬓᬲᬸᬗ᭄ᬲᬸᬂ᭞ᬳᬦᬾᬓᬢᬸᬭᬦ᭄ᬧ᭄ᬬᭀᬤᬮ᭄᭞ᬫᬸᬕᬶᬧᬶᬦᬸᬦᬲᬾᬢᬸᬫᬸᬲ᭄᭞ᬫᭀᬮᬶᬄᬲᬸᬓᭂᬃᬢ᭄ᬣᬭᬳᬵᬃᬚ᭞ᬚᬕᬢ᭄ᬓᬮᬯᬦ᭄ᬤᬕᬶᬂᬜ᭟ᬭᬶᬂᬧᬫᬸᬧᬸᬢ᭄᭠
ᬩ᭄ᬯᬶᬦ᭄‌ᬲᭂᬫ᭄ᬩᬄᬧᬸᬬᬸᬂ᭞ᬦᬾᬫ᭄ᬯᬢ᭄‌ᬯᬶᬭᬱ᭞ᬧᬫᬦ᭄ᬢᬸᬓᬦ᭄ᬤᬾᬯᬵᬤᬾᬯᬶ᭞ᬫᬢᬶᬗ᭄ᬕᬮᬦ᭄ᬢᭂᬤᬸᬄᬮᬦ᭄ᬥᬸᬄ᭞ᬫᭂᬦ᭄ᬢᬶᬓ᭄‌ᬬᬵᬲᬃᬯ᭄ᬯᬢᬶᬦᬦ᭄ᬥᬸᬃ᭞ᬯᬶᬪᬸᬳᬶᬂᬲᬵᬦ᭄ᬤᬂᬮᬦ᭄ᬧᬗᬦ᭄᭞
[᭔᭗ 47A]
ᬓᬳᬶᬘᬮᬦ᭄ᬲᬵᬃᬯ᭄ᬯᬮᭂᬢᬸᬄ᭞ᬧᬫᬸᬯᬸᬢ᭄ᬜᬫᬗ᭄ᬤᬾᬦ᭄ᬲᬶᬤ᭄ᬥ᭞ᬦᬶᬃᬖ᭄ᬕᬵᬬᬸᬱᬵᬧᬭᬶᬧᬹᬃᬡ᭄ᬦᬵ᭟ᬧᬜ᭄ᬘᬲᭂᬫ᭄ᬩᬳᬾᬦᬵᬦᬓ᭄‌ᬯᬸᬲ᭄ᬧᬸᬧᬸᬢ᭄᭞ᬮᬦ᭄ᬚᬦᬶᬮᬦ᭄ᬢᬸᬭᬂ᭞ᬲᬕᬺᬳᬦ᭄ᬗᬢᬸᬭᬂᬕᬸᬭᬶᬢ᭄᭞
ᬬᬦ᭄ᬲᬵᬫ᭄ᬧᬸᬦ᭄‌ᬕᬸᬭᬶᬢᬾᬧᬸᬧᬸᬢ᭄᭞ᬮᬳᬸᬢᬂᬦᬸᬦᬲ᭄ᬓᬓᬸᬮᬸᬄ᭞ᬫᬧᬶᬚᬵᬫᬶᬯᬄᬫᬲᭂᬓᬃ᭞ᬬᬦᬶᬂᬳᭂᬦ᭄ᬢᭀᬲᬸᬩᬧᬸᬧᬸᬢ᭄᭞ᬚᬮᬦ᭄ᬫᬢᬗᬶᬇᬦᬵᬦᬓ᭄᭞ᬦᭂᬕᬓ᭄ᬤᬶᬩᬮᬾᬧ
ᬭᬸᬫᬵᬦ᭄᭟ᬦᬾᬫᬗ᭄ᬓᬶᬦ᭄ᬲᬫᬶᬲᬕᬺᬳᬦ᭄ᬱᬫ᭄ᬧᬸᬦ᭄᭞ᬯᬾᬦ᭄ᬢᭂᬦ᭄ᬭᬶᬂᬧᬭᬸᬫᬵᬦ᭄᭞ᬲᬫᬶᬲᬵᬫ᭄ᬧᬸᬦ᭄ᬫᬲᬂᬮᬶᬗ᭄ᬕᬶᬄ᭞ᬧᭂᬤᭂᬓ᭄ᬫᬗᬶᬭᬶᬂᬲᬂᬫ᭄ᬧᬸ᭞ᬲᬂᬫ᭄ᬧᬸᬭᬭᬶᬲ᭄ᬳᬫᬸᬯᬸᬲ᭄᭞ᬘᭂᬦᬶᬂᬦᬓᬶᬸᬦ
ᬓ᭄᭞ᬧ᭄ᬬᬦᬓ᭄ᬩᬧᬵ᭞ᬫᭂᬮᬳᬂᬚᬦᬶᬫᬗ᭄ᬭᬸᬗᬸ᭞ᬳᬸᬧᬦᬶᬱᬤ᭄‌ᬯᬶᬤ᭄ᬥᬶᬢᬢ᭄ᬯ᭞ᬦᬦᬵᬓ᭄‌ᬲᬶᬦᭀᬫ᭄‌ᬫᬫᬸᬧᬸᬳᬂ᭚᭜᭚ᬧᬸᬧᬸᬄᬲᬶᬦᭀᬫ᭄᭚ᬇᬤᬸᬧᬾᬤᬤᬶᬫᬦᬸ [ 48 ][᭔᭗ 47B]
᭔᭗᭞
ᬱᬵ᭞ᬳᬕᭂᬢᬂᬢᬸᬃᬬᬵᬳᬧᬶᬓᬶᬦ᭄᭞ᬲᬢ᭄ᬫᬓᬚᬦ᭄ᬗᬫᬸᬗ᭄ᬕᬳᬂ᭞ᬫᬦᬸᬜ᭄ᬘᬧ᭄‌ᬰ᭄ᬯᬃᬕ᭄ᬕᬵᬦᬾᬍᬯᬶᬄ᭞ᬫᬗ᭄ᬤᬾᬦ᭄ᬱᬸᬯᬸᬤ᭄‌ᬲ᭄ᬤᬶᬄᬓᬶᬂᬓᬶᬂ᭞ᬫᬜ᭄ᬚᬓᬶᬦ᭄ᬓᭂᬭᬜ᭄ᬚᬂᬳᬸᬯᬸᬕ᭄᭞ᬦᬾᬫᬳᭀᬩᬄ
ᬬᬲᭂᬢᬢ᭄ᬣ᭞ᬩᭂᬘᬶᬓ᭄ᬳ᭄ᬬᬂᬳᬢ᭄ᬫᬵᬧᬢᬶᬢᬶᬲ᭄᭞ᬳᭂᬦ᭄ᬢᭀᬤᬸᬮᬸᬄ᭞ᬳᬗ᭄ᬕᭀᬦ᭄‌ᬦᬸᬗ᭄ᬕᬶᬮ᭄ᬭᬶᬂᬳ᭄ᬬᬂᬲᬹᬓ᭄ᬱ᭄ᬫ᭟ᬘᭂᬦᬶᬂᬲᬫᬶᬧ᭄ᬬᬦᬓ᭄ᬩᬧ᭞ᬩᬧᬩᬗᭂᬢ᭄ᬫᬸᬚᬶᬘ᭄ᬦᬶᬂ᭞ᬩᬦ᭄‌ᬓ᭄ᬯᬢ᭄ᬦᬵᬦᬓ᭄ᬫᬦᭂᬕ
ᬓ᭄᭞ᬫᬗ᭄ᬭᬸᬗᬸᬢᬸᬢᬸᬭᬾᬚᬵᬢ᭄ᬣᬶ᭞ᬫᬤᬓ᭄ᬘᭂᬦᬶᬂᬲᬶᬳᬶᬦ᭄ᬯᬶᬤ᭄ᬥᬶ᭞ᬤᬤᬶᬳᬦᬓ᭄ᬥᬃᬫ᭄ᬫᬵ᭠ᬲᬥᬸ᭞ᬯ᭄ᬦᬂᬗᬸᬭᬸᬓ᭄ᬓᬧᬢᬸᬢᬦ᭄᭞ᬯᬶᬪᬸᬄᬲᬶᬱ᭄ᬬᬰ᭄ᬭᬤ᭄ᬥᬪᬓ᭄ᬢᬶ᭞ᬲᬳᬶᬳᬤᬸᬂ᭞ᬗᬯᬾᬓᬭᬳᬃᬚᬵ
ᬦ᭄ᬚᬕᬢ᭄᭟ᬩ᭄ᬯᬶᬓ᭄ᬩᭂᬤᬶᬓ᭄‌ᬩᬧᬜᬢ᭄ᬯᬬᬂ᭞ᬲᬢᭀᬦ᭄ᬤᬾᬦ᭄ᬘᭂᬦᬶᬗᬾᬳᬭᬶᬧ᭄᭞ᬫᬸᬕᬶᬘᭂᬦᬶᬂᬢᬦ᭄ᬗᭀᬩᭂᬢᬂ᭞ᬩᬧᬗᬯᭂᬯᭂᬳᬶᬦ᭄ᬫᬮᬶᬄ᭞ᬧᬗᭂᬕᬦᬾᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬤᬾᬦ᭄ᬢᭂ᭠
[᭔᭘ 48A]
ᬮᭂᬩ᭄‌ᬘ᭄ᬦᬶᬂᬜᬸᬂᬲᬸᬂ᭞ᬚᬮᬦ᭄ᬓᬾᬚᬦᬶᬓᬯᬶᬢᬂ᭞ᬧᬶᬓ᭄ᬦᭀᬄᬲᬂᬗᬸᬕᬸᬯᬶᬤ᭄ᬥᬶ᭞ᬤᬤᬶᬕᬸᬕᬸ᭞ᬓᬾᬦ᭄ᬓᬾᬦ᭄ᬓᬧᬶᬦᭂᬄᬤᬶᬫᬦᬄ᭟ᬫᬶᬭᬶᬩ᭄‌ᬘ᭄ᬦᬶᬂᬲᬸᬩᬧᭂᬤᬲ᭄᭞ᬅᬕᬫᬦᬾᬓᬾᬄᬜᬸ
ᬗ᭄ᬓᭂᬫᬶᬦ᭄᭞ᬦᬰ᭄ᬭᬡᬶᬳᬶᬲ᭄ᬮᬫ᭄‌ᬮᬦ᭄ᬩᬸᬤ᭄ᬥᬵ᭞ᬓᭀᬂᬳᬸᬢ᭄ᬲᬸᬳᬶᬦ᭄ᬥᬸᬫᬓᬤᬶ᭞ᬲᬫᬶᬗᭂᬕᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬯᬱ᭄ᬝᬵᬦ᭄ᬜᬩᬾᬤᬓᬯᬸᬯᬸᬲ᭄᭞ᬗᬶᬂᬦᬾᬓᬧ᭄ᬢᬶᬯᬦ᭄ᬢᬄᬢᬸᬗ᭄ᬕᬮ᭄᭞ᬫᬗ᭄ᬤᬾ
ᬦ᭄ᬮᬦ᭄ᬤᬸᬄᬚ᭄ᬭᭀᬦᬶᬂᬉᬭᬶᬧ᭄᭞ᬢᬸᬃᬓᬧᬸᬗ᭄ᬓᬸᬃ᭞ᬲᬶᬤ᭄ᬥᬦᬸᬗ᭄ᬕᬶᬮ᭄ᬭᬶᬂᬳ᭄ᬬᬂᬢᬶᬝᬄ᭟ᬦᬾᬓᬲᭂᬗ᭄ᬕᬸᬄᬲᬂᬳ᭄ᬬᬂᬢᬶᬝᬄ᭞ᬗᭂᬩᭂᬓ᭄ᬭᬶᬂᬚᬵᬕᬢᬾᬲᬫᬶ᭞ᬳᬶᬤᬵᬗᬸᬢ᭄ᬧᭂᬢ᭄ᬣᬶᬤᬕᬶᬂᬚᬵᬕᬢ᭄᭞ᬜᭂᬢᬶᬢᬶ᭠
ᬧ᭄ᬭᬮᬶᬡᬵᬭᬭᬶᬲ᭄᭞ᬳᬶᬤᬵᬯ᭄ᬬᬓ᭄ᬢᬶᬤᬳᬢ᭄‌ᬰᬓ᭄ᬢᬶ᭞ᬳᬶᬤᬳᬸᬦᬶᬂᬫ᭄ᬭᬕᬲ᭄ᬬᬸ᭞ᬫᬲᬶᬄᬳᬸᬦᬶᬂᬫ᭄ᬭᬕᬵᬢᬸᬗ᭄ᬕᬮ᭄᭞ᬢᬍᬄᬯᬶᬓᬦ᭄ᬫ᭄ᬭᬕᬵᬢ᭄ᬭᬶ᭞ᬤᬸᬓ᭄‌ᬧᬸᬦᬶᬓᬸ᭞ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶᬓᭂᬩ᭠ [ 49 ][᭔᭘ 48B]
᭔᭘᭞
ᬯᭀᬲᬂ᭟ᬩ᭄ᬭᬳ᭄ᬫᬵᬯᬶᬱ᭄ᬡᬸᬮᬦ᭄ᬤᬶᬲ᭄ᬯᬭ᭞ᬳᭂᬦ᭄ᬢᭀᬢ᭄ᬭᬶᬫᬹᬃᬢ᭄ᬢᬶᬓᬵᬤᬦᬶᬦ᭄᭞ᬤᬸᬓ᭄‌ᬗᬸᬢ᭄ᬧᭂᬢ᭄ᬣᬶᬤᬕᬶᬂᬚᬵᬕᬢ᭄᭞ᬩ᭄ᬭᬳ᭄ᬫᬵᬳᬶᬤᬓᬧᬭᬩᬶᬦ᭄᭞ᬤᬸᬓ᭄ᬫ᭄ᬬᬭᬵᬤᬕᬶᬂᬕᬸᬫᬶ᭞
ᬳ᭄ᬬᬂᬯᬶᬱ᭄ᬡᬸᬳᬶᬤᬵᬓᬯᬸᬯᬸᬲ᭄᭞ᬧᬸᬧᬸᬢ᭄ᬥᬸᬓ᭄ᬳᬶᬤᬫᬺᬮᬶᬡᬵ᭞ᬲᬤᬕᬶᬂᬚᬕᬢᬾᬲᬫᬶ᭞ᬤᬸᬓ᭄‌ᬧᬸᬦᬶᬓᬸ᭞ᬰᬶᬯᬭᬸᬤ᭄ᬭᬓᬩᬯᭀᬲᬂ᭟ᬤᬸᬓ᭄ᬳᬶᬤᬵᬫ᭄ᬭᬕᬳᬓ᭄ᬱᬭ᭞ᬅᬁᬉᬁᬫᬁ
ᬳᬓ᭄ᬱᬭᬵᬧᬶᬗᬶᬢ᭄᭞ᬢ᭄ᬭᬶᬬᬓ᭄ᬱᬭᬓᭂᬩᬯᭀᬲᬂ᭞ᬦᬵᬗᬶᬂᬤᬸᬓ᭄ᬫ᭄ᬭᬕᬢᬸᬗ᭄ᬕᬶᬮ᭄᭞ᬑᬁᬓᬭᬧ᭄ᬭᬦᬯᬲᬸᬘᬶ᭞ᬲᬭᬶᬦ᭄ᬳᬓ᭄ᬱᬭᬓᬲᭂᬗ᭄ᬕᬸᬄ᭞ᬬᬦ᭄ᬳᬫ᭄ᬩᬶᬮ᭄ᬭᬶᬂᬓᬳᬸᬭᬶᬧᬦ᭄᭞ᬲᬂᬳ᭄ᬬᬂ
ᬳᬢ᭄ᬫᬓᬯᬱ᭄ᬝᬦᬶᬦ᭄᭞ᬗᬯᬾᬳᬶᬤᬸᬧ᭄᭞ᬲᬃᬯ᭄ᬯᬧ᭄ᬭᬵᬡᬶᬦᬾᬫᬓᭂᬚᬂ᭟ᬳ᭄ᬬᬂᬳᬢ᭄ᬫᬮᬗ᭄ᬕᭂᬂᬲᭂᬢᬢᬵ᭞ᬜ᭄ᬚᬶᬯᬦᬶᬦ᭄‌ᬲᬃᬯ᭄ᬯᬫᬵᬳᬸᬭᬶᬧ᭄᭞ᬢ᭄ᬯᬭᬩᬶᬦᬵᬭᬶᬂᬳ᭄ᬬᬂᬢᬶᬝᬄ᭞
[᭔᭙ 49A]
ᬳᬢᭂᬧ᭄ᬱᬳᬶᬫ᭄ᬭᬕᬵᬢᬸᬗ᭄ᬕᬶᬮ᭄᭞ᬩ᭄ᬭᬳ᭄ᬫᬵᬦ᭄ᬏᬓ᭄ᬬᬀᬧᬢᬶᬲ᭄᭞ᬓᭂᬭᬶᬂᬯᬾᬤ᭄ᬥᬓᬯᬸᬯᬸᬲ᭄᭞ᬫᬸᬕᬶᬘ᭄ᬦᬶᬂᬢ᭄ᬯᬭᬵᬩᬶᬫ᭄ᬩᬂ᭞ᬭᬶᬂᬉᬧᬦᬶᬱᬤ᭄‌ᬩᬯᭀᬲᬶᬦ᭄᭞ᬦᬾᬓᬯᬸᬯᬸᬲ᭄᭞ᬲᬃ
ᬧ᭄ᬯᬀᬇᬤᬀᬓᬵᬮᬸᬩ᭄ᬭᬳ᭄ᬫᬵᬦ᭄᭟ᬫᬓᬾᬄᬬᬦ᭄ᬫᬮᬶᬄᬩᬯᭀᬲᬂ᭞ᬧᬭᬩ᭄ᬳᬶᬤᬲᬂᬳ᭄ᬬᬂᬯᬶᬥᬶ᭞ᬦᬵᬗᬶᬂᬦᬾᬓᬗ᭄ᬓᬢ᭄ᬩᬯᭀᬲᬂ᭞ᬓᬯᬾᬦ᭄ᬢᭂᬦ᭄ᬳᬶᬤᬵᬚᬵᬢ᭄ᬣᬶ᭞ᬫ᭄ᬭᬕᬵᬲᬸᬘᬶᬳ᭄ᬦᬶᬂᬩᭂᬃᬰᬶᬄ᭞
ᬫᭂᬭᬕᬲᬵᬫ᭄ᬧᬸᬦ᭄‌ᬧᬸᬧᬸᬢ᭄᭞ᬳᬶᬤᬵᬫ᭄ᬭᬕᬦᬶᬃᬯᬶᬓᬭᬵ᭞ᬯ᭄ᬬᬧᬶᬯ᭄ᬬᬧᬓᬗᬗᭀᬩᬶᬦ᭄᭞ᬫ᭄ᬭᬕᬵᬲᬸᬯᬸᬂ᭞ᬢ᭄ᬯᬭᬩᬓᬢ᭄ᬩᬦ᭄ᬗᬾᬢᬗᬂ᭟ᬫᬮᬶᬄᬳᬶᬤᬵᬓᬩᬯᭀᬲᬂ᭞ᬫᭂᬭ
ᬕᬳᬰᬸᬂᬢᬸᬃᬳᬰᬶᬄ᭞ᬫᬋᬧ᭄ᬭᬶᬂᬇᬲᬵᬃᬯ᭄ᬯᬪᬸᬢ᭄ᬣ᭞ᬫᬶᬦᭂᬓᬤᬶᬫᬯᬾᬄᬳᬸᬭᬶᬧ᭄᭞ᬲᬃᬯ᭄ᬯᬢᬸᬫᬸᬯᬸᬄᬮᬦ᭄ᬧ᭄ᬭᬡ᭄ᬦᬶ᭞ᬫᬤᬸᬮᬸᬭᬦ᭄ᬧᬗᬦ᭄ᬓᬶᬦᬸᬫ᭄᭞ᬫᬓᬾᬄᬫᬮᬶᬄᬬᬦ᭄ᬩᬯᭀ [ 50 ][᭔᭙ 49B]
᭔᭙᭞
ᬲᬂ᭞ᬧᬓᬃᬤᬶᬦ᭄ᬳᬶᬤᬦᬾᬲᬫᬶ᭞ᬘᬸᬢᭂᬢ᭄ᬳᬶᬧᬸᬦ᭄᭞ᬳᬶᬤᬯ᭄ᬬᬓ᭄ᬢᬶᬫ᭄ᬭᬕᬲ᭄ᬯᬾᬘᬵ᭟ᬅᬲᬶᬂᬓᬧ᭄ᬝᬶᬓᬧᬲ᭄ᬯᬾᬘᬦ᭄᭞ᬦᬵᬗᬶᬂᬓᬾᬫᬲᬶᬄᬤᬲᬭᬶᬦ᭄᭞ᬩᬦ᭄ᬳᬸᬢ᭄ᬲᬳᬦᬾᬢᭂᬦ᭄ᬢᭂᬮᬤ᭄᭞ᬦᬾ
ᬫᬤᬲᬃᬥᬃᬫᬚᬵᬢ᭄ᬣᬶ᭞ᬲᬶᬦᬄᬧᬗ᭄ᬕᬶᬄᬳᬲᬶᬂᬓᬧ᭄ᬢᬶ᭞ᬦᬵᬗ᭄ᬳᬶᬂᬬᬦ᭄ᬗᭂᬓᭀᬄᬤᬶᬓᬬᬸᬦᬦ᭄᭞ᬗᬸᬮᬄᬫᬗ᭄ᬤᬵᬩᬓᬢ᭄᭞ᬮᭀᬩᬓᬸᬤᬸᬩᬗᭂᬢ᭄ᬧ᭄ᬭᬶᬄ᭞ᬢ᭄ᬯᬭᬵᬧᬢᬸᬢ᭄᭞ᬳᬗ᭄ᬕᭀ
ᬦ᭄ᬤᬲᬃᬫᬧᬶᬦᬸᬦᬲ᭄᭟ᬲᬂᬳᬸᬦᬶᬂᬫᬧᬶᬦᬸᬦᬲ᭄᭞ᬦᬾᬫᬤᬲᬃᬢᬸᬮᬸᬲ᭄‌ᬪᬓ᭄ᬢᬶ᭞ᬮᭀᬩᬧ᭄ᬭᬶᬄᬜᬓᬓᬸᬢᬂ᭞ᬯᬦ᭄ᬢᬄᬕᬮᬗᬾᬤᬶᬳᬢᬶ᭞ᬳᭂᬦ᭄ᬢᭀᬓᬗ᭄ᬕᭀᬦ᭄ᬤᬲᬃᬪᬓ᭄ᬢᬶ᭞ᬫ
ᬧᬶᬦᬸᬦᬲ᭄ᬭᬶᬂᬲᬂᬢᬸᬤᬸᬄ᭞ᬫᬯᬾᬄᬓᬲᭂᬦ᭄ᬢᭀᬲᬦ᭄ᬫᬦᬵᬄ᭞ᬳᬤᭀᬄᬲᬓᬶᬂᬤᭀᬱᬯᬾᬘᬶ᭞ᬫᬗᭂᬮᬦ᭄ᬢᬸᬃ᭞ᬦᬸᬚᬸᬓᬢᬸᬃᬬ᭄ᬬᬵᬪᬯᬦᬵ᭟ᬯᬮᬶᬦᬶᬦ᭄ᬫᬮᬶᬄᬩᬯᭀᬲᬂ᭞ᬓᬯᬾ
[᭕᭐ 50A]
ᬦ᭄ᬢᭂᬦᬦ᭄ᬲᬂᬳ᭄ᬬᬂᬯᬶᬥᬶ᭞ᬤᬶᬩ᭄ᬬᬘᬓ᭄ᬱᬸᬯ᭄ᬬᬓ᭄ᬢᬶᬳᬶᬤᬵ᭞ᬢᬦ᭄ᬧᬘᬶᬗᬓ᭄ᬉᬦᬶᬂᬗᬓ᭄ᬱᬶ᭞ᬢᬦ᭄ᬧᬓᬃᬡᬫᬫᬶᬭᬕᬶ᭞ᬳᬲᬶᬂᬲᬶᬗᬶᬦ᭄‌ᬬᬓᬤᬸᬮᬸᬄ᭞ᬳᬶᬤᬯ᭄ᬬᬓ᭄ᬢᬶᬤᬳᬢ᭄ᬧ᭄ᬭᬤ᭄ᬜ
ᬦ᭄᭞ᬕᬸᬭᬸᬦ᭄ᬚᬕᬢ᭄‌ᬕᬸᬭᬸᬦ᭄ᬮᬗᬶᬢ᭄᭞ᬧᬢᬸᬢ᭄‌ᬲᬸᬂᬲᬸᬂ᭞ᬢᬸᬃᬪᬓ᭄ᬢᬶᬦᬶᬦ᭄ᬳᬚᬓ᭄᭠ᬳᭀᬜᬵ᭟ᬬᬦ᭄ᬤᬾᬯᬾᬓᬾᬲᬚᬵᬗᭂᬕ᭞ᬳ᭄ᬬᬂᬯᬶᬥᬶᬳᬤᬲᬸᬚᬢ᭄ᬣᬶ᭞ᬢᬸᬃᬳᬶᬤᬵᬦᬾ
ᬫᭂᬗᬤᬓᬂ᭞ᬲᬓᬶᬂᬬᬤ᭄ᬜᬯ᭄ᬮᬲᬲᬶᬄ᭞ᬳᬶᬭᬕᬧᬢᬸᬢ᭄ᬲᬸᬢᬶᬦ᭄ᬤᬶᬄ᭞ᬬᭀᬕ᭄ᬬᬪ᭠ᬓ᭄ᬢᬶᬲ᭄ᬬᬂᬤᬶᬸᬮᬶᬸᬤᬮᬸ᭞ᬫᬲᬶᬄᬤᬲᬭᬶᬦ᭄ᬩᬦ᭄ᬳ᭄ᬬᬤ᭄ᬜ᭞ᬳᬰᬶᬄᬢᬸᬮᬸᬲ᭄‌ᬦᭂᬓᬾᬂᬳᬢᬶ᭞ᬓᬾᬢᭀ
ᬧᬢᬸᬢ᭄᭞ᬲᬂᬫᬦᬸᬮᬸᬄᬪᬓ᭄ᬢᬶᬫᬵᬃᬕ᭟ᬲᬂᬫᬦᬸᬮᬸᬄᬪᬓ᭄ᬢᬶᬫᬃᬕ᭄ᬕᬵ᭞ᬯᬦ᭄ᬢᬄᬪᬓ᭄ᬢᬶᬦᬾᬓᬵᬱ᭄ᬝᬶᬢ᭄ᬣᬶ᭞ᬓᬗ᭄ᬕᬾᬦ᭄‌ᬦᬸᬜ᭄ᬘᬧ᭄ᬓᬦᬶᬃᬪᬡᬵᬦ᭄᭞ᬫᬃᬕᬭᬶᬂᬓᭂᬲ᭄ᬤᬳᬢ᭄ᬩᭂᬘᬶᬓ᭄᭞ [ 51 ][᭕᭐ 50B]
᭕᭐᭞
ᬢᭂᬓᬳᬮᬸᬄᬢᬦ᭄‌ᬗᭀᬩᭂᬢᬶᬦ᭄᭞ᬰᬭᬦᬵᬦ᭄ᬜᬢ᭄ᬯᬭᬮ᭄ᬬᬸ᭞ᬩᬦ᭄ᬢᬲ᭄ᬩᬦᬶᬗᬸᬢᬂᬭᬕᬵ᭞ᬭᬱᬦ᭄ᬳᬓᬸᬦᬾᬓᭂᬤᬲᬂ᭞ᬳᭂᬦ᭄ᬢᭀᬲᬸᬢ᭄ᬱᬸᬢ᭄᭞ᬲᬶᬦᬄᬫᬗ᭄ᬕᬶᬄᬓᬚᬳᬶᬢ᭄ᬭᬦ᭄᭟
ᬦᬾᬚᬦᬶᬚᬮᬦ᭄‌ᬲᬢ᭄ᬯᬬᬂ᭞ᬲᬂᬫᬜᬾᬤᬯᬾᬤ᭄ᬥᬲ᭄ᬫ᭄ᬭᬢ᭄ᬢᬶ᭞ᬢᬸᬃᬢᬦ᭄‌ᬗᬸᬕᬸᬰ᭄ᬯᬃᬕ᭄ᬕᬵᬦ᭄ᬭᬓ᭞ᬭᬶᬂᬳ᭄ᬬᬂᬯᬶᬤ᭄ᬥᬶᬫᬶᬦᭂᬓᬤᬶ᭞ᬲᬂᬦᬵᬱ᭄ᬝᬶᬓᬵᬓᬯᬱ᭄ᬝᬦᬶᬦ᭄᭞ᬦᬾᬯᬳ᭄ᬬᬵᬯᬦ᭄ᬢᬄᬓᬤᬸᬮᬸ
᭞ᬲᬸᬓᬦ᭄ᬓᬪ᭄ᬬᬸᬤᬬᬦ᭄ᬩᭀᬩᬩ᭄᭞ᬲᬸᬓᬦᬾᬫᬧ᭄ᬯᬭᬵᬲᭂᬤᬶᬄ᭞ᬲᬸᬓᬧᬮ᭄ᬲᬸ᭞᭠ᬦ᭄ᬯᬵᬢᬦ᭄ᬫᬭᬶᬗᬯᬾᬲᬶᬸᬓᬶᬸᬮᬭᬵ᭟ᬲᬸᬓᬢᬦ᭄ᬧᬯᬮᬶᬤᬸᬄᬓ᭞ᬳᭂᬦ᭄ᬢᭀᬭᬸᬭᬸᬂᬳᬧᬂᬧᬲ᭄ᬢᬶ᭞ᬓ
ᬦᬶᬰᬺᬬᬲᬦ᭄‌ᬳᬤᬦ᭄ᬜ᭞ᬢ᭄ᬯᬭᬮ᭄ᬬᬸᬗᬮᬶᬄᬓᬦ᭄ᬢᬶ᭞ᬲᬭᬦᬵᬦ᭄ᬜᬫᬲᬶᬄᬓᬶᬜ᭄ᬘᬶᬢ᭄᭞ᬭᭀᬦ᭄‌ᬗᬸᬲᬸᬂᬫᬲᬶᬄᬢᬦ᭄ᬧᭂᬃᬮᬸ᭞ᬳᬧᭂᬩ᭄ᬯᬶᬦ᭄ᬗᬫᬤᭂᬫᬂ᭞ᬲᬶᬦᬄᬢ᭄ᬯᬭᬵᬓᭂᬫᬃᬕᬶᬦᬶᬦ᭄᭞᭠
[᭕᭑ 51A]
ᬗᬶᬦᬾᬧᭂᬃᬮᬸ᭞ᬯᬦ᭄ᬢᬄᬜᬸᬂᬲᬸᬂᬰᬸᬓ᭄ᬮᬦ᭄ᬫᬦᬄ᭟ᬲᬸᬓ᭄ᬮᬦ᭄ᬫᬦᬄᬓᬗ᭄ᬕᬾᬦ᭄ᬧᬦᬄ᭞ᬫᬢᬶᬢᬶᬲ᭄‌ᬗᬮᬶᬄᬦᬾᬲᬸᬘᬶ᭞ᬦᬾᬲᬶᬫ᭄ᬧᭂᬦ᭄ᬚ᭄ᬭᭀᬦᬶᬂᬧᬤ᭄ᬫᬵ ᭞ᬧᬤ᭄ᬫᬦᬾᬫᬸᬗ᭄ᬕᬄᬭᬶᬂᬳᬢᬶ᭞ᬲᬭᬶᬦ᭄ᬢ
ᬢ᭄ᬯᬤᬳᬢ᭄‌ᬍᬯᬶᬄ᭞ᬳᭂᬦ᭄ᬢᭀᬩᬶᬩᬶᬢ᭄ᬳᬧᬂᬧᬗ᭄ᬕᬸᬄ᭞ᬳᬗ᭄ᬕᭀᬦ᭄ᬗᭂᬫᬶᬢ᭄‌ᬲᬂᬳ᭄ᬬᬂᬳᬢ᭄ᬫ᭞ᬗᬶᬂᬲᭀᬓ᭄ᬳᬶᬦ᭄ᬤ᭄ᬭᬶᬬᬵᬳᬸᬮᬸᬭᬶᬦ᭄᭞ᬲᬶᬦᬄᬮᬘᬸᬃ᭞ᬦᬾᬳᬮᬶᬄᬢ᭄ᬯᬭᬵᬩᬓᬢ᭄᭟ᬓᬤ᭄ᬭᭀ
ᬧᭀᬦᬦᬾᬩᭂᬘᬶᬓ᭄ᬢᬶᬗ᭄ᬕᬮᬂ᭞ᬫᬗ᭄ᬤᬾᬦ᭄ᬢᬦ᭄ᬳᬶᬯᬂᬧᭂᬫᬃᬕᬶ᭞ᬬᬦ᭄ᬳᭀᬩᬄᬲᬶᬦᬄᬢᬦ᭄ᬩᬓᬢ᭄᭞ᬲᬭᬶᬦ᭄ᬜᬩᬶᬱᬢᬦ᭄ᬓᭂᬦᬶ᭞ᬭᬾᬄᬕ᭄ᬦᬄᬜᬩᬗᭂᬢ᭄‌ᬦᬶᬗ᭄ᬕᬶᬮ᭄᭞ᬩᬶᬲᬳᬸᬮᬸᬂᬬᬦ᭄ᬢᬦ᭄ᬢᬸᬦ᭄ᬢᬸ
ᬦ᭄᭞ᬳᬦ᭄ᬢᬸᬓ᭄ᬕᭂᬫᭂᬢᬶᬂᬚ᭄ᬜᬦᬵ᭞ᬧᬶᬮ᭄ᬲᬶᬮ᭄‌ᬳᭂᬦ᭄ᬢᭀᬚ᭄ᬭᭀᬦᬶᬂᬳᬢᬶ᭞ᬫᬗ᭄ᬤᬾᬦ᭄ᬭᬸᬲ᭄᭞ᬫᬦᬸᬜ᭄ᬘᬧ᭄‌ᬲᬭᬶᬦᬶᬂᬬᭀᬕ᭄ᬕᬵ᭟ᬦᬾᬫᬤᬦ᭄ᬲᬭᬶᬦᬶᬂᬬᭀᬕ᭞ᬯᬦ᭄ᬢᬄᬲᬫᬵᬤ᭄ᬥᬶᬍᬯᬶᬄ [ 52 ][᭕᭑ 51B]
᭕᭑᭞
᭞ᬧᭂᬫᬃᬕᬦ᭄ᬲᬂᬬᭀᬕᬶᬰ᭄ᬯᬭᬵ᭞ᬧᬦᬸᬗ᭄ᬕᬮᬦ᭄‌ᬭᬱᬚᬵᬢ᭄ᬯᬶ᭞ᬚᬶᬯᬦᬾᬲᬵᬫ᭄ᬧᬸᬦ᭄ᬫᬦᬸᬗ᭄ᬕᬶᬮ᭄᭞ᬭᬶᬂᬳ᭄ᬬᬂᬲᬸᬓ᭄ᬱ᭄ᬫᬲᬵᬫ᭄ᬧᬸᬦ᭄ᬓᬸᬫ᭄ᬧᬸᬮ᭄᭞ᬳᬯᭀᬭᬶᬂᬳᬘᬶᬦ᭄ᬢ᭄ᬬᬧᬤᬵ᭞ᬳᬤᭀᬄᬲᬓᬶᬂᬮ
ᬭᬧᬢᬶ᭞ᬧᬸᬧᬸᬢ᭄ᬮᬦ᭄ᬥᬸᬄ᭞ᬢᬦ᭄ᬫᬮᬶᬄᬓᬘᬓ᭄ᬭᬪᬯ᭄ᬯᬵ᭟ᬚᬦ᭄ᬢᭀᬲ᭄ᬳᬶᬭᬶᬓᬶᬧᬸᬧᬸᬢᬂ᭞ᬤᬸᬫᬤᬓ᭄᭞ᬲᬫᭂᬢᭀᬦ᭄ᬲᬫᬶ᭞ᬮᬾᬤᬂᬳᬸᬕᬶᬗᬓ᭄ᬱᬫᬬᬂ᭞ᬲᬢ᭄ᬯᬓᬶᬜ᭄ᬘᬶᬢ᭄‌ᬢᬦ᭄ᬧᬩᬸᬓ᭄ᬢᬶ᭞ᬲᭀ
ᬓ᭄ᬭᬳᬬᬸᬦᬾᬓᭂᬳᬧ᭄ᬝᬶ᭞ᬜᬫᬩ᭄ᬭᬬᬵᬫᬗ᭄ᬤᬾᬦ᭄ᬳᬤᬸᬂ᭞ᬚᬕᬢᬾᬓᬺᬢ᭄ᬣᬭᬳᬃᬚᬵ᭞ᬳᬤᬶᬮ᭄‌ᬫᬓ᭄ᬫᬸᬃᬢᬺᬧ᭄ᬢᬶᬲᬫᬶ᭞ᬲ᭄ᬯᬲ᭄ᬢ᭄ᬬᬲ᭄ᬢᬸ᭞ᬤᬶᬃᬖᬵᬬᬸᬱᬧᬭᬶᬧᬹᬃᬦᬵ᭚᭜᭚ᬇᬦᬦ᭄ᬮᭀᬦ᭄ᬢᬃ᭠
ᬤᬺᬯᬾᬦ᭄‌ᬳᬶᬤᬧᭂᬤᬦ᭄ᬤᬧᬸᬢ᭄ᬭᬓᬫᭂᬦᬸᬄ᭞ᬢᭂᬕᬮ᭄ᬲᬭᬶ᭟᭑᭗ᬚᬸᬦᬶ᭞ᬢᬳᬸ᭠ᬦ᭄᭞᭑᭙᭗᭑᭚ᬓᬢ᭄ᬥᬸᬦᬶᬦ᭄ᬳᭀᬮᬶᬄ᭞ᬳᬶᬓᭀᬫᬂᬤᭂᬕᭂᬂ᭞ᬩᬜ᭄ᬚᬃᬓᬸᬯᬸᬫ᭄᭞ᬳᬫ᭄ᬮᬵᬧᬹᬭᬵ᭟
[᭕᭒ 52A]
᭕᭒᭞
ᬧᬸᬧᬸᬢ᭄‌ᬲᬶᬦᬸᬭᬵᬢ᭄᭟ᬓᬵᬮᬤᬶᬦᬵ᭟ᬭ᭞ᬧ᭄ᬯ᭞ᬯᬭᬵᬚᬸᬮᬸᬂᬯᬗᬶ᭞ᬰᬰᬶᬄ᭞᭠ᬓᭂᬲᬗᬵ᭟ᬇᬲᬓᬵᬯᬃᬰᬵ᭟᭑᭙᭑᭕᭟᭚᭜᭚᭞ [ 53 ][᭕᭒ 52B]
[empty]