Ban/Gaguritan Dharmma Sasana

Deskripsi

Naskah

[ 1 ]Judul: Gaguritan Dharmma Sasana
Panj. 35 cm. Leb. 3,5 cm Jl. 77 lb
Asal: Puri Kawan, Buleleng.
Krp. 1/51/u

[ ᭑ 1A]
Judul: Gaguritan Dharmma Sasana
Panj. 35 cm. Leb. 3,5 cm Jl. 77 lb
Asal: Puri Kawan, BUleleng. [ 2 ][ ᭑ 1B]
᭑᭞
᭚ᬅᬯᬶᬖ᭄ᬦᬫᬲ᭄ᬢᬸ᭟ᬧᬸᬧᬶᬸᬧᬸᬄᬲ᭄ᬫᬭᬦ᭄ᬥᬦ᭟ᬧᬗᬲ᭄ᬢᬯᬦᬾᬭᬶᬂᬯᬶᬤ᭄ᬥᬶ᭞ᬲᬂᬳ᭄ᬬᬂᬧᬭᬫᬓᬾᬯᬮ᭄ᬬ᭞ᬬᬯᬶᬤ᭄ᬥᬶᬯᬬᬲᬸᬓ᭄ᬱ᭄ᬫᬦᬾ ᭞ᬯᬶᬯᬶᬢᬦ᭄ᬫᬸᬮᬦᬶᬂᬚᬕ
ᬢ᭄᭞ᬲᬂᬳ᭄ᬬᬂᬯ᭄ᬦᬂᬢᬸᬫᬶᬢᬄ᭞ᬫᬯᬭᬦᬰᬶᬯᬕᬸᬭᬸ᭞ᬪᬝᬵᬭᬚᬕᬢ᭄ᬓᬭᬦ᭟ᬧᬦᬸᬳᬸᬦᬾᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬫᬶᬯᬄᬭᬶᬂᬤᬾᬯᬲᬫ᭄ᬬᬦ᭄᭞ᬫᬗ᭄ᬤᬾᬦ᭄ᬲᬶ
ᬤ᭄ᬥᬓᬭᬳᬬᭀᬦ᭄᭞ᬭᬶᬂᬳᬸᬭᬶᬧ᭄‌ᬢ᭄ᬓᬦᬶᬂᬧ᭄ᬚᬄ᭞ᬢᬦ᭄ᬓᬢᬫᬦ᭄ᬤᬹᬃᬰᬶᬮ᭞ᬲᬯᭂᬗ᭄ᬓᬸᬦᬕᬭᬩᬤᬸᬂ᭞ᬢᭂᬢᭂᬧᬾᬦ᭄ᬫᬸᬓᬫᬸᬮ᭄ᬬᬦ᭄᭟ᬢᬦ᭄ᬲᬓᬶᬂᬯᬶᬓᬦ᭄ᬫ
ᬗ᭄ᬕᬸᬭᬶᬢ᭄᭞ᬢᬢᭂᬫ᭄ᬩᬗᬦ᭄‌ᬲ᭄ᬫᬭᬦ᭄ᬥᬦ᭞ᬗ᭄ᬳᬶᬂᬢᭂᬫ᭄ᬩᬲᬸᬭᬓᬃᬱᬦᬾ᭞ᬩᬲᬦᬾᬩᬮᬶᬲᬫ᭄ᬧᬸᬭ᭞ᬘᬭᬶᬢᬓᬓᭂᬢᬸᬲᬦ᭄᭞ᬲᬓᬶᬂᬓᭀᬚᬦ᭄ᬭᬶᬂ
[ ᭒ 2A]
ᬢᬸᬢᬸᬃ᭞ᬧᬲ᭄ᬭᬥᬦᬶᬢᬶᬯᬲ᭄ᬢᬦ᭄ᬜ᭟ᬓᭀᬘᬧᬾᬫᬸᬗ᭄ᬕᬄᬭᬶᬂᬕᬸᬭᬶᬢ᭄᭞ᬲᭀᬮᬄᬢᬶᬗ᭄ᬓᬄᬧᬭᬭᬚ᭞ᬦᬾᬲᬫ᭄ᬧᬸᬦ᭄ᬗᬱ᭄ᬝᬓᬭᬢᭀᬦ᭄᭞ᬫᬯᬲ᭄ᬢᬭ
ᬢᬸᬭᬶᬂᬚᬕᬢ᭄᭞ᬧᬸᬦᬶᬓᬧᬗᬃᬣᬶᬦ᭄ᬜ᭞ᬓᬭᬡᬫᬯᬲ᭄ᬢᬭᬢᬸ᭞ᬭᬵᬢ᭄ᬧᬸᬦᬶᬓᬫᬤᬦ᭄ᬚᬕᬢ᭄᭟ᬢᬸᬦᬾᬫᬯᬲ᭄ᬢᬳᬲᬶᬓᬶ᭞ᬯᬶᬭᬾᬄᬳᬲᬶᬓᬶ
ᬭᬶᬂᬚᬕᬢ᭄᭞ᬫᬮᬶᬄᬳᬃᬣᬶᬦᬾᬓᬧᬶᬦ᭄ᬤᭀ᭞ᬫᬤᬦ᭄ᬭᬵᬢ᭄ᬧᬗᬯᬓ᭄ᬚᬕᬢ᭄᭞ᬢᬸᬦᬾᬫᬯᬲ᭄ᬢᬢᬸᬗ᭄ᬕ᭞ᬲᬢ᭄ᬬᬯᬘᬦᬲᬢᬸᬳᬸ᭞ᬦ᭄ᬤᬢᬦ᭄ᬳᬯ
ᬳᬶᬂᬯᬘᬦ᭟ᬫᬸᬗ᭄ᬕᬄᬭᬶᬂᬳᬸᬮᬳᬾᬲᬫᬶ᭞ᬦᬾ ᬫᬗ᭄ᬓᬶᬦ᭄ᬲᬶᬓᬶᬲᬶᬓ᭄ᬬᬂ᭞ᬘᬘᬓᬦ᭄ᬭᬶᬂᬓᬧᬶᬲᬦᬾ᭞ᬳᬲᬶᬄᬭᬶᬂᬯᬃᬕ᭄ᬕᬤᬭᬶᬤ᭄ᬭ᭞ᬓᬧᬶᬂᬓᬮᬶᬄᬧᬸᬦᬶ [ 3 ][ ᭒ 2B]
᭒᭞
ᬓ᭞ᬳᬲᬶᬄᬭᬶᬂᬯᭀᬂᬓᬯ᭄ᬮᬲ᭄ᬳ᭄ᬬᬸᬦ᭄᭞ᬧᬶᬂᬢᬶᬓᬶᬸᬕᬲᬶᬄᬭᬶᬂᬧᬡ᭄ᬥᬶᬢ᭟ᬧᬶᬂᬧᬯᬾᬪᬓ᭄ᬢᬶᬭᬶᬂᬯᬶᬤ᭄ᬥᬶ᭞ᬢᬦ᭄ᬮᬸᬧᬭᬶᬂᬧᬸᬚᬫᬦ᭄ᬢ᭄ᬭ᭞ᬫᬶᬯᬄᬭᬶᬂᬓᬧᬶᬂᬮᬶᬫᬦᬾ᭞ᬦᭀ
ᬭᬲᬸᬭᬸᬤᬶᬂᬯᬲᬦ᭞ᬭᬶᬂᬓᬧᬶᬂᬦᭂᬫ᭄ᬧᬸᬦᬶᬓ᭞ᬧ᭄ᬭᬢᬶᬗ᭄ᬓᬳᬾᬗ᭄ᬕᬳᬾᬳᬢᬸᬢ᭄᭞ᬩᬮᬦᬾᬬᬦ᭄ᬫᬲᬯᬮᬦ᭄᭟ᬓᬧᬶᬂᬧᬶᬢᬸᬦᬾᬲᬫᬮᬶᬄ᭞ᬫᬗ᭄ᬮᭀ
ᬳᬶᬦ᭄ᬯᬤ᭄ᬯᬩᬮ᭞ᬫᬗᬸᬦᬶᬗᬶᬦ᭄ᬲᬓᬢᬳᬾ ᭞ᬧᬶᬂᬓᬸᬢᬸᬲᬾᬫᬗᬾᬦᬓᬂ᭞ᬫᬦᬳᬶᬂᬯᬤ᭄ᬯᬩᬮ᭞ᬢ᭄ᬓᬾᬂᬳᬦᬓ᭄ᬭᬩᬶᬦᬶᬧᬸᬦ᭄᭞ᬫᬗ᭄ᬤᬾᬦ᭄ᬧᬤᬲᬸ
ᬓᬮᬶᬮ᭟ᬧᬶᬂᬲ᭄ᬬᬦᬾᬫᬗᬃᬬ᭄ᬬᬦᬶᬦ᭄᭞ᬯᬶᬪᬸᬳᬶᬂᬫᬺᬣᬲᬓᬮ᭞ᬧᬗᬦᬶᬂᬯᬤ᭄ᬯᬲᬓᬾᬳᬾ ᭞ᬢᬸᬭᬸᬢᬦᬾᬓᬧᬶᬂᬤᬲ᭞ᬭᬸᬫᬓ᭄ᬱᬚ᭄ᬭᭀᬦᬶᬂᬧᬸ

[ ᭓ 3A]
ᬭ᭞ᬫᬯᬾᬄᬲᬸᬓᬮᬶᬮᬦᬶᬧᬸᬦ᭄᭞ᬢ᭄ᬓᬦᬶᬂᬪᭀᬕᬪᬸᬲᬦ᭟ᬓᬧᬶᬂᬲᬯ᭄ᬮᬲᬾᬫᬮᬶᬄ᭞ᬢᬦ᭄ᬓᭂᬦᬭᬶᬂᬳᬮᬳᬮ᭞ᬗᬍᬲᬦᬶᬦ᭄ᬳᬸᬮᬳᬶᬦᬾ᭞ᬫᬶᬯᬄᬢ
ᬦ᭄ᬓᭂᬦᬾᬘᬸᬦ᭄ᬢᬓ᭞ᬧᬸᬧᬸᬦᬾᬓᬧᬶᬂᬭᭀᬯ᭄ᬮᬲ᭄᭞ᬓᬶᬦᬚ᭄ᬭᬶᬳᬦ᭄ᬧᬤᬫᬦᬸᬱ᭞ᬓᬤᬶᬳᬦᬶᬗ᭄ᬳᬮᬶᬲᬸᬓ᭄ᬱ᭄ᬫ᭟ᬯᭀᬦ᭄ᬢᭂᬦ᭄ᬫᬮᬶᬄᬧᬢᬂᬲᬶᬓᬶ᭞ᬳᬸᬕᭂᬃᬳᬸ
ᬕᭂᬭᬶᬂᬧ᭄ᬭᬢᬶᬗ᭄ᬓᬄ᭞ᬲᬂᬲᬫ᭄ᬧᬸᬦ᭄ᬗᬱ᭄ᬝᬓᬭᬢᭀᬦ᭄᭞ᬫᬯᬲ᭄ᬢᬘᬢᬸᬃᬧᬭᬶᬓ᭄ᬱ᭞ᬢᬶᬗ᭄ᬓᬳᬾᬗᬫᭀᬂᬯᬤ᭄ᬯ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬲᬮᬂᬲᬸᬭᬸᬧ᭄᭞ᬓ
ᬢᬸᬗ᭄ᬓᬸᬮ᭄ᬦᬸᬭᬸᬢ᭄‌ᬯᬶᬱᬬ᭟ᬓᭀᬘᬧᬾᬦᬾᬧᬢᬂᬲᬶᬓᬶ᭞ᬲᬫᬤᬦᬩᬾᬤᬤᬦ᭄ᬤ᭞ᬦᬾᬫᬯᬲ᭄ᬢᬲᬫᬋᬓᬾ᭞ᬢᭂᬢᭂᬧᬾᬲᬭᬢ᭄ᬗᬃᬬ᭄ᬬᬦᬂ᭞ᬳ [ 4 ][ ᭓ 3B]
᭓᭞
ᬲᬶᬄᬪᬓ᭄ᬢᬶᬦᬶᬂᬯᬤ᭄ᬯ᭞ᬧᬕᭂᬳᬾᬧ᭄ᬭᬲᬬᬦᬶᬧᬸᬦ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄‌ᬲᬧ᭄ᬳᬸᬲᬧᬦ᭄᭟ᬦᬾᬫᬯᬲ᭄ᬢᬤᬦᬫᬮᬶᬄ᭞ᬳᬸᬮᬳᬾᬲᬭᬢ᭄ᬗᬃᬬ᭄ᬬᬦᬂ᭞ᬲᬸ
ᬓᬩᬸᬗᬳᬶᬂᬯᬤ᭄ᬯᬦᬾ᭞ᬲᬳᬦᬦ᭄ᬭᬩᬶᬦᬶᬂᬯᬤ᭄ᬯ᭞ᬫᬗ᭄ᬤᬾᬓ᭄ᬮᬶᬮᬲᬫ᭄ᬬᬦ᭄᭞ᬫᬸᬚᬶᬭᬶᬂᬫᬦᬄᬭᬳᬬᬸ᭞ᬳᬤᬢᬾᬭᬢᬸᬧᬸᬦᬶᬓ᭟ᬦᬾᬫᬯᬲ᭄ᬢᬩᬾᬤ
ᬫᬮᬶᬄ᭞ᬳᬸᬮᬳᬾᬧᬕᭂᬄᬗᬤ᭄ᬬᬂ᭞ᬫᬵᬗ᭄ᬤᬦ᭄ᬧ᭄ᬭᬬᬢ᭄ᬦᬩᬮᬦᬾᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬗᬫ᭄ᬧᬄᬳᬫ᭄ᬧᬄ᭞ᬗᬯᬲ᭄ᬯᬲ᭄ᬧᬫᬭᬾᬓ᭄ᬱᬦᬾᬫᬯᬲ᭄ᬢᬲᬮᬄ
ᬧᬢᬸᬢ᭄᭞ᬬᬢ᭄ᬦᬦᬾᬗᭂᬫᬶᬢ᭄ᬦᬕᬭ᭟ᬫᬶᬯᬄᬤᬦ᭄ᬤᬦᬾᬲᬫᬮᬶᬄ᭞ᬧᬫᬸᬧᬸᬢ᭄ᬘᬢᬸᬃᬧᬭᬶᬓ᭄ᬱ᭞ᬦᬾᬫᬤᬦ᭄ᬤᬦ᭄ᬤᬬᬾᬓ᭄ᬢᬶᬦᬾ᭞ᬗᬃᬤ᭄ᬬᬂᬯ᭄ᬤᬶᬦᬶᬯᬤ᭄ᬯ

[ ᭔ 4A]
᭞ᬫᬳᬸᬮᬄᬓ᭄ᬭᬫᬤᬸᬱ᭄ᬝ᭞ᬫᬶᬯᬄᬓ᭄ᬭᬫᬦᭀᬭᬯᬢᬸᬢ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄‌ᬲᬬᬦ᭄‌ᬗ᭄ᬮᬮᬄ᭟ᬢᬢᬫ᭄ᬧᬾᬦᬾᬓᬧᬶᬂᬓᬮᬶᬄ᭞ᬭᬶᬂᬳᬸᬮᬄᬘᬢᬸᬃᬧ
ᬭᬶᬓ᭄ᬱ᭞ᬬᬾᬦ᭄ᬓᬃᬤ᭄ᬬᬂᬳᬦ᭄ᬤᬾᬳᬦ᭄ᬤᬾ᭞ᬓᬤᬶᬫᬧᬶᬮᬶᬳᬶᬦ᭄ᬮᬓᬃ᭞ᬲᬫᬦᬾᬤᬤᬶᬮᬓᬃ᭞ᬩᬾᬤᬦᬾᬤᬤᬶᬧᬜᬸᬮᬸᬄ᭞ᬤᬦᬓᬗ᭄ᬕᬾᬤᬦ᭄ᬤᬓᬸ
ᬢᬂ᭟ᬦᬗ᭄ᬳᬶᬂᬤᬲᬭᬾᬦᬫ᭄ᬧᬾ ᬦᬦ᭄᭞ᬫᬗ᭄ᬤᬾᬦ᭄ᬲᬶᬦᬄᬢᬢᬲ᭄᭞ᬯᬶᬭᬾᬄᬓᬢᬄᬧᬓᬶᬭᬶᬕᬾ᭞ᬲᬫᬶᬧᬢᬸᬢ᭄ᬲᬫᬶᬩᭀᬬ᭞ᬓᬩ᭄ᬯᬢ᭄ᬳᬦ᭄ᬢᬸ
ᬓ᭄ᬤᬲᬃ᭞ᬭᬾᬄᬤᬤᭀᬲ᭄‌ᬧᬶᬢᭂᬄᬧᬶᬂᬲᬯᬸ᭞ᬦᬗ᭄ᬳᬶᬂᬬᬾᬦ᭄ᬳᬦᬓᬾᬯᬶᬓᬦ᭄᭟ᬫᬗ᭄ᬤᬾᬦ᭄ᬧ᭄ᬭᬬᬢ᭄ᬦᬫᬶᬦᭂᬳᬶᬦ᭄᭞ᬭᬶᬂᬚ᭄ᬭᭀᬋᬋᬄᬩᬸᬘᬸᬯᬂ᭞ᬫᬗ᭄ᬤᬾ [ 5 ][ ᭔ 4B]
᭔᭞
ᬦ᭄ᬕᭂᬫᭂᬢ᭄ᬧᬜᬭᬶᬗᬾ᭞ᬲᬶᬧᬢ᭄ᬦᬾᬫᬯᬲ᭄ᬢᬲᬶᬦᬄ᭞ᬢᬦ᭄ᬤᬤᭀᬲ᭄‌ᬢᬸᬫ᭄ᬩᬲ᭄ᬫᬸᬤᬄ᭞ᬩᬭᬂᬩ᭄ᬘᬶᬓ᭄ᬳᬚᬶᬮ᭄ᬬᬸ᭞ᬩᬭᬂᬢᬫ᭄ᬩᬃᬳᬚᬶᬫᬸᬤᬄ᭟ᬬᬾᬦ᭄ᬜᬤ᭄ᬬᬫᬸ
ᬤᬄᬫᬶᬧᬶᬲᬶᬦ᭄᭞ᬧ᭄ᬤᬲ᭄‌ᬓ᭄ᬦᬶᬩᬭᬂᬢᬫ᭄ᬩᬃ᭞ᬲᬫ᭄ᬧᬸᬦ᭄ᬜᭂᬲᭂᬮ᭄ᬧᬫᬗ᭄ᬕᬶᬳᬾ᭞ᬫᬲᬶᬄᬢᬸᬗ᭄ᬕᬶᬮ᭄ᬭᬶᬂᬫᬧᬶᬓᬢ᭄᭞ᬳᬦ᭄ᬤᬾᬜᬲᬧᬸᬦᬶᬓ᭞ᬤᬲᬃᬗᭀᬲᭀᬗ
ᬗᬶᬦ᭄ᬓᬳᬸᬄ᭞ᬧᬸᬦᬶᬓᬧᬶᬦᭂᬄᬕ᭄ᬫᭂᬢᬂ᭟ᬲᬫ᭄ᬩᬸᬗᬦᬾᬓᭀᬘᬧ᭄ᬫᬮᬶᬄ᭞ᬳᬸᬮᬳᬶᬲᬂᬲᬶᬦᬾᬯᬓ᭞ᬭᬶᬂᬭᬢᬸᬧᬗ᭄ᬕᬾᬦ᭄ᬳᬗ᭄ᬕᬾᬦ᭄᭞ᬓᭀᬘᬧᬾᬩ᭄ᬭᬢ
ᬦᭂᬫ᭄‌ᬩ᭄ᬮᬲ᭄᭞ᬲᬲᬶᬓᬶᬕᬶᬭᬶᬩ᭄ᬭᬢ᭞ᬓᬓᬮᬶᬄᬇᬦ᭄ᬤ᭄ᬭᬶᬩ᭄ᬭᬢᬢᬾᬓᬸ᭞ᬢᬶᬕᬫᬺᬣᬯᬃᬱᬩ᭄ᬭᬢ᭟ᬧᬧᬢ᭄‌ᬬᬫᬩ᭄ᬭᬶᬢᬫᬮᬶᬄ᭞ᬓᬧᬶᬂᬮᬶᬫ
[ ᭕ 5A]
ᬕ᭄ᬦᬶᬩ᭄ᬭᬢ᭞ᬧᬶᬂᬓᬸᬢᬸᬲ᭄‌ᬲᬶᬗ᭄ᬳᬩ᭄ᬭᬢ᭞ᬧᬶᬂᬲ᭄ᬬᬦᬶᬮᬩ᭄ᬭᬢᬾᬓᬸ᭞ᬲᬢᬩ᭄ᬭᬢᬓᬧᬶᬂᬤᬰ᭟ᬲᭀᬮᬲ᭄‌ᬫᬬᬸᬭᬩ᭄ᬭᬢᬾᬓᬸ᭞ᬧᬶᬂᬭᭀᬯ᭄ᬮᬲ᭄‌ᬘ
ᬦ᭄ᬢᬓᬩ᭄ᬭᬢ᭞ᬯ᭄ᬬᬕ᭄ᬭᬩ᭄ᬭᬢᬧᬶᬂᬧ᭄ᬮᬮᬲᬾ᭞ᬓᬕᬦᬶᬮᬧᬶᬂᬧᬢ᭄‌ᬩ᭄ᬮᬲ᭄᭞ᬘᬸᬦ᭄ᬤᬕᬧᬶᬂᬮᬶᬫᬯ᭄ᬮᬲ᭄᭞ᬯᬮᬾᬮᬩ᭄ᬭᬢᬦᬾᬫᬸᬗ᭄ᬕᬸᬄ᭞ᬧᬸᬧᬸᬢᬾᬓᬧᬶᬂᬦᭂ
ᬫ᭄‌ᬩ᭄ᬮᬲ᭄᭟ᬳᬶᬢᬸᬗᬾᬫᬮᬶᬄᬯᬶᬯᬶᬢᬶᬦ᭄᭞ᬲᬶᬓᬶᬲᬶᬓᬶᬧᬶᬤᬃᬣᬜ᭞ᬦᬾᬫᬤᬦ᭄ᬕᬶᬭᬶᬩ᭄ᬭᬢᬦᬾ ᭞ᬓᬤᬶᬕᬸᬦᬸᬗᬾᬓᬗᬶᬦ᭄᭞ᬓᬮᬦᬾ
ᬫᬭᬕ᭄‌ᬬᬸᬤ᭞ᬲᬫ᭄ᬧᬸᬦ᭄ᬗᬲᭀᬃᬧᬤᬭᬢᬸ᭞ᬓᬮᬄᬧ᭄ᬚᬄᬭᬶᬂᬲᬲᬦ᭟ᬇᬦ᭄ᬤ᭄ᬭᬩ᭄ᬭᬢᬯᬲ᭄ᬢᬦᬾᬓᬶ᭞ᬧᬭᬾᬓ᭄ᬱᬗ᭄ᬭᬾᬄᬯᬤ᭄ᬯᬩᬮ᭞ᬢᬦ᭄ᬧᬂ [ 6 ][ ᭕ 5B]
᭕᭞
ᬕᭂᬕᬳᬸᬚᬃᬗᬦᬾᬄ᭞ᬫᬶᬤᭀᬲᬬᬾᬦ᭄ᬓᬲᬫᬧ᭄ᬢᬦ᭄᭞ᬢ᭄ᬭᬂᬳᬶᬓᬲᬮᬳᬦ᭄᭞ᬲᬫ᭄ᬧᬸᬭᬬᬾᬦ᭄ᬲᬮᬄᬓᬸᬫᬸᬃ᭞ᬧ᭄ᬭᬶᬄᬩ᭄ᬘᬶᬓ᭄ᬫᬦᬳᬶᬂᬯᬤ᭄ᬯ᭟
ᬫᬺᬣᬯᬃᬱᬩ᭄ᬭᬢᬫᬮᬶᬄ᭞ᬳᬫᬺᬣᬧᬸᬦᬶᬓᬢᭀᬬ᭞ᬣᬶᬃᬗᬸᬦᬶᬗᬶᬦ᭄ᬯᬤ᭄ᬯᬦᬾ᭞ᬫᬤᬦ᭄‌ᬯᬃᬱᬩᬲᬳᬸᬚᬦ᭄᭞ᬢᬶᬗ᭄ᬓᬳᬾᬫᬤᬦᬤᬦ
᭞ᬫᬗ᭄ᬤᬾᬦ᭄ᬯᬢ᭄ᬭᬧᭀᬮᬶᬳᬶᬧᬸᬦ᭄᭞ᬫᬦᬶᬭᬸᬢᬶᬩᬦᬶᬂᬳᬸᬚᬦ᭄᭟ᬕ᭄ᬦᬶᬩ᭄ᬭᬢᬦᬶᬭᬸᬕ᭄ᬦᬶ᭞ᬕ᭄ᬮᬶᬲᬾᬦᭂᬮᬲᬂᬳᬂᬓ᭄ᬭᬄ᭞ᬮᬫ᭄ᬧᬸᬦ᭄ᬗᬫ᭄ᬧᬄᬲ᭄ᬯᬾᬲ᭄ᬯᬾ
᭞ᬢᬶᬗ᭄ᬓᬳᬾᬗ᭄ᬭᬸᬲᬓ᭄‌ᬤᬸᬃᬚ᭄ᬚᬦ᭞ᬫᬗ᭄ᬤᬾᬦ᭄ᬭᬶᬂᬕ᭄ᬮᬶᬲ᭄‌ᬩᬾᬩᬲ᭄᭞ᬬᬾᬦ᭄ᬓᬦ᭄ᬢᭀᬲ᭄ᬤᬸᬚ᭄ᬚᬦᬮ᭄ᬬᬸ᭞ᬢᬦ᭄ᬯᬗ᭄ᬤᬾᬫᬗ᭄ᬭᬸᬲᬓ᭄ᬢᬢ᭟ᬮᬯᬦ
[ ᭖ 6A]
ᬩ᭄ᬭᬢᬦᬾᬫᬮᬶᬄ᭞ᬤᬾᬦ᭄ᬳᬫᭀᬢ᭄ᬤᬸᬤᬸᬦᬶᬂᬯᬤ᭄ᬯ᭞ᬗ᭄ᬳᬶᬂᬬᬾᬦ᭄ᬲᬮᬳᬾᬳᬾᬦ᭄ᬢᬾᬦᬵᬕ᭄᭞ᬧᬸᬦᬶᬓᬧᬢᬸᬢ᭄ᬲᬫ᭄ᬧᬸᬭ᭞ᬗᬗ᭄ᬕᬾᬩ᭄ᬭᬢᬦ᭄ᬮᬯᬦ᭞ᬮᬯ
ᬦᬦᬾᬲᬕᬭᬩᬸ᭞ᬧᬗᬸᬢᬗᬦ᭄ᬳᬮᬳᬮ᭟ᬫ᭄ᬭᬕᬩ᭄ᬭᬢᬯᬲ᭄ᬢᬦᬾᬓᬶ᭞ᬬᬾᬦ᭄ᬫᬗ᭄ᬕᬶᬄᬭᬩᬶᬦᬶᬂᬯᬤ᭄ᬯ᭞ᬫᬶᬯᬄᬭᬶᬂᬲᬃᬯ᭄ᬯᬤᬺᬯᬾᬦᬾ᭞ᬓᬤᬶᬩᬸ
ᬭᭀᬦ᭄ᬗᭂᬢᭀᬦ᭄ᬚᬦ᭄ᬫ᭞ᬤᬾᬦ᭄ᬳᬾᬮᬶᬂᬭᬶᬂᬳ᭄ᬬᬂᬢᬶᬢᬄ᭞ᬳᬚᬓᬸᬭᬸᬢ᭄ᬫᬦᬾᬄᬩᬶᬗᬸᬂ᭞ᬩ᭄ᬘᬶᬓ᭄ᬗᬶᬘᬾᬦ᭄ᬭᬶᬂᬫᬜ᭄ᬚᬶᬗᬂ᭟ᬭ᭄ᬬᬂᬯᬸᬕ᭄ᬭᬩ᭄ᬭᬢᬲᬫᬮᬶᬄ᭞ᬯ᭄ᬬᬸᬕ᭄ᬭᬦᬾ
ᬧᬸᬦᬶᬓᬫᬘᬦ᭄᭞ᬤᬸᬭᬸᬂᬫᬭᬬᬾᬦ᭄ᬢᬦ᭄ᬳᭀᬮᬄ᭞ᬭᬶᬂᬭᬢᬸᬦᬾᬯᬸᬲ᭄ᬳᬸᬢᬫ᭞ᬬᬦ᭄ᬤᬸᬭᬸᬗ᭄ᬭᬲᬲᬶᬤ᭄ᬥ᭞ᬧ᭄ᬭᬢᬶᬗ᭄ᬓᬳᬾᬩᭂᬘᬶᬓ᭄ᬯᬸᬭᬸᬂ᭞ᬬᬦ᭄ᬤᬸᬭᬸᬲ᭄ᬫᬓ᭄ᬭ [ 7 ][ ᭖ 6B]
᭖᭞
ᬡᬘᬫ᭄ᬧᬄ᭟ᬘᬸᬦ᭄ᬤᬕᬡ᭄ᬭᬢᬦᬾᬫᬮᬶᬄ᭞ᬘᬸᬦ᭄ᬤᬕᬮᬸᬢᬸᬂᬳᬃᬣᬶᬜ᭞ᬳᬶᬋᬗᬦ᭄‌ᬜᬾᬦ᭄ᬩᬮᬶᬢᬸᬮᬾᬦ᭄᭞ᬫᬶᬮᬶᬄᬲᬸᬘᬶᬦᬶᬂᬧᬗᬦ᭄᭞ᬭᬶᬂᬭᬢᬸ
ᬬᬦ᭄ᬫᬧᬗᬦ᭄᭞ᬫᬫᬢᬸᬢᬂᬲᭀᬮᬄᬮᬸᬗ᭄ᬕᬸᬄ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬘᬭᬲᬸᬤ᭄ᬭ᭟ᬯᬮᬾᬲᬩ᭄ᬭᬢᬦᬾᬫᬮᬶᬄ᭞ᬯᬮᬾᬲᬦᬾ ᬩᬸᬭᭀᬦ᭄‌ᬓᬮ᭄ᬯᬂ᭞ᬩᬸ
ᬭᭀᬦ᭄ᬩᬸᬓᬮ᭄ᬩᬮᬶᬦ᭄ᬜᬦᬾ᭞ᬳᬦᬓ᭄ᬢᬦ᭄ᬩᬶᬲᬫᬾᬢ᭄ᬧᬗᬦ᭄᭞ᬧᬸᬦᬶᬓᬢᬦ᭄ᬓᬮᬸᬫ᭄ᬩᬃ᭞ᬬᬦ᭄ᬭᬶᬂᬭᬢᬸᬧ᭄ᬭᬬᬗᬸᬢᬸᬲ᭄᭞ᬓᬃᬬ᭄ᬬᬲᬭᬢ᭄ᬚᬦ᭄ᬫᬯᬶᬓ
ᬦ᭄᭟ᬬᬦ᭄ᬲᬫ᭄ᬧᬸᬦ᭄ᬤᬤᭀᬲ᭄ᬫᬫᬃᬕ᭄ᬕᬶ᭞ᬩ᭄ᬭᬢᬦᬾᬫᬓᬦᭂᬫ᭄‌ᬩ᭄ᬮᬲ᭄᭞ᬧ᭄ᬤᬲ᭄ᬭᬳᬬᬸᬧᬮᬦᬾ᭞ᬮᬸᬮᬸᬢ᭄ᬓᬂᬯᬤ᭄ᬯᬲᬫ᭄ᬬᬦ᭄᭞ᬧ᭄ᬭᬤᬾᬰᬧᬤᬓᬺᬢ
[ ᭗ 7A]
᭞ᬗ᭄ᬭᬚᭂᬕᬂᬩᬸᬤᬶᬧᬢᬸᬢ᭄᭞ᬧᬮᬦᬾ ᬫᬕᭂᬳᬂᬰᬲ᭄ᬢ᭄ᬭ᭟ᬦᬗ᭄ᬳᬶᬂᬩ᭄ᬘᬶᬓᬂᬦᬫ᭄ᬧᬾᬦᬶᬦ᭄᭞ᬲᬫ᭄ᬧᬸᬦ᭄ᬳᬶᬯᬂᬋᬋᬲᭂᬧᬦ᭄᭞ᬳᬮᬳᬬᬸᬓᬭᬕ᭄ᬓᬾᬭᬾᬕ᭄
᭞ᬳᬓᬾᬄᬲᬭᬂᬢᬢᬫ᭄ᬧᬓ᭄᭞ᬭᬾᬄᬰᬲ᭄ᬢ᭄ᬭᬩᭀᬬᬫᭀᬮᬄ᭞ᬗᬢᭂᬫ᭄ᬧ᭄ᬯᬂᬲᬮᬄᬧᬢᬸᬢ᭄᭞ᬭᬶᬂᬲᬂᬜᬤ᭄ᬬᬗᬋᬲᭂᬧᬂ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟ᬕᬶᬦᬦ᭄ᬢᬶ
ᬦᬾᬮᬭᬶᬲ᭄ᬜᬫ᭄ᬩᬸᬂ᭞ᬫᬲᬶᬄᬢᭂᬫ᭄ᬩᬂᬢᬩᬸᬄᬚᬯᬶ᭞ᬲᬸᬕᬶᬳᬶᬂᬭᬢᬸᬧᬸᬦᬶᬓ᭞ᬲᬸᬕᬶᬄᬓᬢᬄᬧᬭᬫᬦ᭄ᬢ᭄ᬭᬶ᭞ᬦᬗ᭄ᬳᬶᬂᬫᬦ᭄ᬢ᭄ᬭᬶᬯᬶᬘᬓ᭄ᬱᬦ᭞ᬗ᭄ᬕᬯᬾᬭᬳᬬᬸᬦᬶᬂ
ᬕᬸᬫᬶ᭟ᬩᬲᬫᬦ᭄ᬢ᭄ᬭᬶᬳᬃᬣᬶᬦᬶᬧᬸᬦ᭄᭞ᬫᬸᬗ᭄ᬕᬸᬄᬭᬶᬂᬢᬢᬦᬶᬂᬫᬦ᭄ᬢ᭄ᬭᬶ᭞ᬲᬧᬸᬦᬶᬓᬶᬧᬗᬃᬣᬶᬦ᭄ᬜ᭞ᬫᬦ᭄‌ᬍᬯᬶᬄᬢ᭄ᬭᬶᬢᬶᬕᬂᬲᬶᬓᬶ᭞ᬓᬸᬓᬸᬄᬭᬶᬂᬲᬦᬾ [ 8 ][ ᭗ 7B]
᭗᭞
ᬢᬢᬶᬕ᭞ᬢᬢᬶᬕᬦᬾᬲᬧᬸᬦᬶᬓᬶ᭟ᬓᬧᬶᬲᬦᬾᬲᭀᬮᬳᬶᬧᬸᬦ᭄᭞ᬢᬦ᭄ᬧᬓᬗᬦ᭄ᬤᬧ᭄ᬓᭂᬦ᭄‌ᬕᬸᬲ᭄ᬢᬶ᭞ᬢᬦ᭄ᬲᬸᬓᬘᬶᬦᬘᬤᬶᬂᬮ᭄ᬬᬦ᭄
᭞ᬗᬦ᭄ᬤᭂᬮ᭄ᬓᬸᬫᬦ᭄ᬤᭂᬮᬶᬂᬯᬶᬤ᭄ᬥᬶ᭞ᬯᬦᬶᬫᬢᬸᬃᬫᬫᬸᬗ᭄ᬯᬂ᭞ᬬᬾᬦ᭄ᬯᬾᬦ᭄ᬢᭂᬦ᭄ᬤᬸᬤᬸᬦᬶᬂᬕᬸᬲ᭄ᬢᬶ᭟ᬓᬧᬶᬂᬓᬮᬶᬳᬾᬳᬫᬸᬗ᭄ᬕᬄ᭞ᬳᬲᬶᬄᬭᬶᬂᬧᬤᬦᬾᬫᬦ᭄ᬢ᭄ᬭᬶ᭞ᬫᬗᭂ
ᬢ᭄ᬫᬶᬗᭂᬢ᭄ᬓᬮᬳᬶᬯᬂ᭞ᬳᬯᬾᬄᬧ᭄ᬭᬬᬢ᭄ᬦᬭᬶᬂᬮᬮᬶ᭞ᬫᬶᬯᬄᬦ᭄ᬤᬸᬳᬸᬦᬂᬧᬶᬲᬸᬓ᭞ᬢᬦ᭄ᬲᬓᬶᬂᬓᬭᬦᬭᬳᬶ᭞ᬧᬸᬧᬸᬢᬶᬂᬧᬶᬂᬢᬶᬕᬦᬶᬧᬸᬦ᭄᭞ᬧᬸᬭᬸᬦ᭄ᬭᬶᬂ
ᬳᬩᭀᬢ᭄‌ᬭᬾᬧᭀᬢᬶᬦ᭄᭞ᬧᬸᬭᬸᬦ᭄ᬓᬮᬄᬭᬶᬂᬓᬓᬜ᭄ᬘᬦ᭄᭞ᬫᬓᬤᬶᬲᬭᬢ᭄ᬗᬮᬗᬶᬦ᭄᭞ᬬᬦ᭄ᬭᬯᬸᬄᬫᬸᬲᬸᬄᬗᬮᬭᬕ᭄᭞ᬧᬸᬦᬶᬓᬢ
[ ᭘ 8A]
ᬢᬦᬶᬂᬫᬦ᭄ᬢ᭄ᬭᬶ᭟ᬫᬯᬄᬗᭂᬘᬶᬓᬾᬲᬂᬭᬢᬸ᭞ᬦᬫ᭄ᬧᭂᬓᬂᬱᬡ᭄ᬥᬶᬢᬍᬯᬶᬄ᭞ᬧᬡ᭄ᬥᬶᬢᬦᬾᬯᬶᬘᬓ᭄ᬱᬦ᭞ᬤᬤᭀᬲ᭄ᬧᬧᬕᭂᬭᬶᬂᬕᬸᬫᬶ᭞ᬭᬾᬄᬓᬬᬸᬦᬾ
ᬗᬚᬶᬰᬲ᭄ᬢ᭄ᬭ᭞ᬫᬓᬤᬶᬬᭀᬕᬲᬫᬥᬶ᭟ᬫᬧᬮᬮᬗ᭄ᬕᭂᬗᬶᬭᬢᬸ᭞ᬲᬶᬦᬾᬯᬓᬭᬶᬦᬕᬭᬶᬂ᭞ᬫᬶᬯᬄᬓ᭄ᬭᬢᬦᬶᬂᬤᬾᬰ᭞ᬭᬳᬬᬸᬦᬶᬂᬤᬍᬫ᭄ᬧᬸᬭᬶ᭞ᬫᬶ
ᬯᬄᬓᬃᬬ᭄ᬬᬦᬶᬂᬧᬡ᭄ᬥᬶᬢ᭞ᬤᬤᭀᬲ᭄ᬲᬮ᭄ᬯᬦᬶᬂᬦᬕᬭᬶ᭟ᬦ᭄ᬤᬫᬭᬶᬂᬧ᭄ᬢᭂᬗᬶᬂᬓᬳ᭄ᬬᬸᬦ᭄᭞ᬫᬫᬭᬳᬶᬦ᭄ᬮᬶᬗᬶᬂᬳᬚᬶ᭞ᬫᬧᬶᬢᬸᬢᬸᬃᬓᬲᬦ᭄ᬢᬶᬓᬦ᭄᭞ᬧ᭄ᬭᬢᬶᬗ᭄ᬓᬄ
ᬥᬃᬫ᭄ᬫᬦᬶᬂᬳᬸᬭᬶᬧ᭄᭟ᬲᬃᬯ᭄ᬯᬰᬲ᭄ᬢ᭄ᬭᬫᬶᬯᬄᬓᬯ᭄ᬭᬸᬄ᭞ᬫᬶᬢᬸᬤᬸᬄᬪᬓ᭄ᬢᬶᬭᬯᬶᬤ᭄ᬥᬶ᭟ᬫᬲᬫᬥᬶᬫᬶᬯᬄᬫᬬᭀᬕ᭞ᬫᬗ᭄ᬤᬾᬦ᭄ᬳᬾᬮᬶᬂᬫᬫᬶᬦᭂᬳᬶᬦ᭄᭞ᬫᬦᬸᬱᬢ [ 9 ][ ᭘ 8B]
᭘᭞
ᬦ᭄ᬤᬺᬩᬾᬧᭀᬮᬄ᭞ᬭᬾᬄᬲᬫ᭄ᬬᬦ᭄ᬲᬓᬶᬂᬯᬶᬤ᭄ᬥᬶ᭟ᬤᬲᬭᬾᬳᬲᬶᬄᬭᬶᬂᬓᬳ᭄ᬬᬸᬦ᭄᭞ᬭᬶᬂᬚᬦ᭄ᬫᬭᬶᬂᬧᬡ᭄ᬥᬶᬢᬤᬶ᭞ᬬᬤ᭄ᬬᬦ᭄ᬭᬶᬂᬚᬦ᭄ᬫᬤᬭᬶᬤ᭄ᬭ᭞ᬢᬦ᭄‌ᬗ᭄ᬕᬸᬕᬸᬬᬸᬯᭀᬂ
ᬓᬲ᭄ᬬᬲᬶᬄ᭞ᬢᬦ᭄ᬗᬕᬸᬗᬓᭂᬦ᭄‌ᬲᬭᬶᬭ᭞ᬢᬦ᭄ᬕᬯᭀᬓ᭄ᬭᬶᬂᬲᬸᬓᬲᬸᬕᬶᬄ᭟ᬓᬲᬸᬓᬦ᭄ᬓᬯᬶᬃᬬ᭄ᬬᬦ᭄ᬳᬕᬸᬂ᭞ᬢᬦ᭄‌ᬯ᭄ᬦᬂᬕᬶᬦᬯᬫᬢᬶ᭞ᬭᬾᬄᬳᬸᬭᬶᬧᬾᬧᬸᬧ᭄ᬦ
ᬢ᭄‌ᬧ᭄ᬚᬄ᭞ᬳᬲᬶᬂᬲᬓᬮᬦᬾᬩ᭄ᬘᬶᬓ᭄᭞ᬲᬫᬶᬧ᭄ᬭᬬᬤᬤᭀᬲ᭄ᬭᬸᬲᬓ᭄᭞ᬦᬾᬧᬼᬭᬲᬦᬶᬂᬧᬢᬶ᭟ᬢᬶᬗ᭄ᬓᬄᬳᬗᬶᬢᬸᬂᬧᬸᬦᬶᬓᬸ᭞ᬓᬺᬢᬶᬩ᭄ᬭᬢᬢᬢᬩ᭄ᬭᬢᬶ
᭞ᬫᬶᬯᬄᬧ᭄ᬭᬲᬤᬲᬭᬶᬭ᭞ᬧ᭄ᬭᬲᬲ᭄ᬢ᭄ᬭᬭᬕᬲᬫᬮᬶᬄ᭞ᬧᬶᬂᬓᬮᬶᬄᬧᬲᬮᬄᬭᬕ᭞ᬫᬓᬤᬶᬤᬸᬦᬸᬗᬶᬂᬧᬢᬶᬢᬶᬦ᭄ᬫᬸᬦᬶᬂᬧᬢᬶᬳᬶᬓᬸ᭞ᬫᬶᬯᬄᬲᬫ᭄ᬧᬸᬃᬡ᭄ᬦᬦᬶᬂ
[ ᭙ 9A]
ᬧᬢᬶ᭞ᬤᬤ᭄ᬬᬦᬶᬂᬫᬗ᭄ᬕᬶᬄᬳᬶᬓ᭞ᬲᬫ᭄ᬧᬸᬡ᭄ᬦᬦᬶᬓᬂᬧᬶᬦᬗ᭄ᬕᬶᬄ᭞ᬧᬸᬦᬶᬓᬭᬲᬭᬲᬬᬂ᭞ᬭᬲᬦᬶᬂᬧᬢᬶᬮᬦ᭄ᬳᬸᬭᬶᬧ᭄᭟ᬯᬭᬄᬧᬸᬦᬶᬓᬓᬧᬗ᭄ᬕᬸᬄ᭞ᬧᬮᬄ
ᬦᬫᬸᬓᬾ ᬫᬸᬫᬸᬚᬶ᭞ᬳᬲᬶᬄᬤᬓ᭄ᬢᬶᬭᬶᬂᬧᬡ᭄ᬥᬶᬢ᭞ᬭᬾᬄᬲᬓᬶᬂᬧᬡ᭄ᬥᬶᬢᬲᬫᬶ᭞ᬓᭀᬚᬭᬦ᭄ᬲᬭᬶᬦᬶᬂᬰᬲ᭄ᬢ᭄ᬭ᭞ᬳᬮᬳᬬᬸᬩ᭄ᬦᭂᬃᬲᬶᬲᬶᬧ᭄᭟ᬓ᭄ᬭᬡᬲᬂᬫ᭄ᬭᬕᬭ
ᬫᬶᬯᬄᬳᬸᬮᬳᬶᬂᬲᬂᬭᬢᬸ᭞ᬬᬾᬦ᭄ᬧᬡ᭄ᬥᬶᬢᬫᬦᬫ᭄ᬧᭂᬓᬶᬦ᭄᭞ᬧᬸᬚᬓ᭄ᬭᬫᬢᬸᬚᬸᬦᬦ᭞ᬲᬸᬂᬲᬸᬂᬗᬦ᭄ᬳᬸᬚᬃᬳᬫᬦᬶᬲ᭄᭞ᬮᬶᬗ᭄ᬕᬶᬳᬓ᭄ᬦᭂᬲᬓ᭄ᬭᬫ᭞ᬳ [ 10 ][ ᭙ 9B]
᭙᭞
ᬦᬸᬢᬂᬭᬶᬂᬢᬢᬢᬶᬢᬶ᭟ᬢᬢᬓ᭄ᬭᬫᬦᬶᬂᬲᬂᬭᬢᬸ᭞ᬯ᭄ᬭᬸᬳᬶᬂᬳᬳᬯᬦ᭄ᬩᭂᬘᬶᬓ᭄᭞ᬬᬾᬦ᭄ᬭᬢᬸᬓᬤᬶᬓᬢᬸᬮ᭞ᬳᬋᬧ᭄ᬭᬶᬂᬤᬺᬯᬾᬢᬦ᭄‌ᬬᬸᬓ᭄ᬢᬶ᭞ᬭᬸᬲᬓ᭄ᬢᬸᬢ
ᬦᬶᬂᬦᬕᬭ᭞ᬭᬸᬲᬓ᭄ᬫᬦᬳᬶᬂᬯᬤ᭄ᬯᬮᬶᬢ᭄᭟ᬭᬶᬭᬢᬸᬧᬢᬸᬢᬶᬂᬭᬢᬸ᭞ᬢᬦ᭄‌ᬗ᭄ᬭᬸᬲᬓ᭄ᬫᬦᬳᬶᬂᬳᬮᬶᬢ᭄᭞ᬫᬓᬤᬶᬧᬭᬲᬦ᭄ᬢᬦ᭞ᬯᬦ᭄ᬤᬸᬯᬃᬕ᭄ᬕ
ᬳᬦᬓ᭄ᬭᬩᬶ᭞ᬢᭂᬢᭂᬧ᭄ᬗᬃᬤᬶᬓᬭᬳᬬ᭄ᬯᬦ᭄᭞ᬓᬦ᭄ᬤᭂᬮ᭄ᬓᬫᬦ᭄ᬤᭂᬮ᭄ᬭᬶᬂᬯᬶᬤ᭄ᬤᬶ᭟ᬬᬦᬦ᭄ᬢᬦᬫᬋᬓ᭄ᬭᬭᬸ᭞ᬬᬤ᭄ᬬᬦ᭄ᬤᬭᬶᬤ᭄ᬭᬢ᭄ᬯᬶ᭞ᬓ᭄ᬭᬫᬦᭂᬦ᭄ᬭᬶᬂᬧᬭᬶᬩ
ᬲ᭞ᬩᬲᬓᬂᬍᬫ᭄ᬩᬸᬢ᭄ᬳᬫᬦᬶᬲ᭄᭞ᬬᬾᬦᬢᬸᬳᬢᬸᬭᬸᬦᬦ᭄᭞ᬯᬾᬳᭂᬦ᭄ᬲᬓ᭄ᬭᬫᬳᬮᬶᬗ᭄ᬕᬶᬄ᭟ᬧᬸᬲ᭄ᬧᬓᬯᬶᬕ᭄ᬭᬦ᭄ᬫᬸᬗ᭄ᬕᬸᬄ᭟ᬭᬢ᭄ᬯᬲᬫ᭄ᬧᬾᬫᬸᬚ
[ ᭑᭐ 10A]
ᬭᬶ᭞ᬭᬶᬂᬲᬦ᭄ᬢᬦᬫᬶᬯᬄᬩᬮᬧᬸᬦᬶᬓ᭞ᬫᬫᬦᬰᬢᬶ᭞ᬲᬋᬫ᭄ᬓᬩᬮᬓᬾᬭᬗᬦ᭄᭞ᬳᬓᬮᬶᬲ᭄ᬳᬢᬶᬦᬶᬂᬯᬃᬕ᭄ᬕᬶ᭟ᬲᬸᬭᬕᬧᬦ᭄ᬮᬾᬦᬦ᭄ᬫᬸᬗ᭄ᬕᬸᬄ
᭞ᬧ᭄ᬭᬢᬶᬗ᭄ᬓᬳᬾᬢᬶᬕᬂᬲᬶᬓᬶ᭞ᬯᬶᬓᬬᬶᬓᬮᬦ᭄ᬯᬶᬘᬶᬓ᭞ᬫᬦᬶᬲᬶᬓᬦᬾᬲᬫᬶᬫᬮᬶᬄ᭞ᬧᬸᬦᬶᬓᬧ᭄ᬭᬢᬶᬗ᭄ᬓᬄᬲᬮᬄ᭞ᬧᬦ᭄ᬢᭂᬲ᭄ᬢᬦ᭄ᬓᬤᭂᬮ᭄ᬭᬶᬂᬕᬸᬫᬶ᭞
ᬯᬶᬓᬬᬶᬓᬦᬾᬲᬶᬭᬢᬸ᭞ᬢᬦ᭄ᬳᬋᬧ᭄ᬳᬸᬚᬃᬳᬫᬦᬶᬲ᭄᭞ᬤᭀᬄᬭᬶᬂᬕᬯᬾᬓᬭᬳᬬ᭄ᬯᬦ᭄᭞ᬳᬮᬶᬲ᭄ᬭᬶᬂᬩᬸᬤᬶᬩ᭄ᬘᬶᬓ᭄᭞ᬧᬭᬶᬘᬾᬤᬭᬶᬂᬧᬡ᭄ᬥᬶᬢ᭞
ᬤ᭄ᬫᭂᬢ᭄ᬢᬸᬤ᭄ᬫᭂᬦ᭄ᬯᬾᬯᬾᬳᬶᬦ᭄᭟ᬯᬶᬘᬶᬓᬦᬾ ᬬᬾᬦ᭄ᬲᬂᬭᬢᬸ᭞ᬳᬗᬶᬦᬭᬶᬂᬯᭀᬂᬳᬚᬶᬸᬗᬚᬶ᭞ᬢᬦ᭄ᬳᬋᬧ᭄ᬳᬗᬸᬮᬄᬤᬦ᭞ᬭᬶᬲᬫᬫ [ 11 ][ ᭑᭐ 10B]
᭑᭐᭞
ᬲᬶᬄᬳᬓᬮᬶᬲ᭄᭞ᬲᬦ᭄ᬢᬦᬦᬾᬓᬂᬤᬭᬶᬤ᭄ᬭ᭞ᬳᬗ᭄ᬭᬸᬲᬓ᭄ᬢᬢᬓᬂᬩ᭄ᬘᬶᬓ᭄᭞ᬫᬦᬲᬶᬓᬬᬾᬦ᭄ᬲᬂᬭᬢᬸ᭞ᬢᬦ᭄ᬳᬳ᭄ᬬᬦ᭄ᬭᬶᬂᬳᬸᬮᬄᬩ᭄ᬘᬶᬓ᭄
᭞ᬗ᭄ᬭᬸᬲᬓ᭄ᬧᬓ᭄ᬭᬢᬶᬦᬶᬂᬚᬦ᭄ᬫ᭞ᬭᬳᬶᬦᬯ᭄ᬗᬶᬗᬾᬢᬸᬂᬲᬸᬕᬶᬄ᭞ᬤᭂᬦ᭄ᬤᬦᬾᬢᬦ᭄ᬧᬢᬸᬢ᭄‌ᬥᬃᬫ᭄ᬫ᭞ᬤᬺᬯᬾᬲᬶᬂᬩ᭄ᬘᬶᬓ᭄‌ᬤᬾᬦ᭄ᬳᬫ᭄ᬩᬶᬮ᭄᭟ᬗᬕᬸᬲᬧᬓᬬ
ᬳᬶᬗ᭄ᬲᬸᬦ᭄᭞ᬢᬦ᭄ᬳᬾᬮᬶᬂᬭᬶᬂᬧ᭄ᬭᬬᬫᬢᬶ᭞ᬳᬤᭀᬄᬭᬶᬂᬳᬸᬮᬄᬲᬫ᭄ᬧᬸᬃᬡ᭄ᬦ᭞ᬳᭀᬮᬶᬳᬾᬳᬃᬣᬓᬂᬧᬶᬦ᭄ᬭᬶᬄ᭞ᬢᬦ᭄ᬳᬾᬢᬸᬂᬭᬸᬓᬶᬂᬯᬤ᭄ᬯ᭞ᬧᬸᬦᬶᬓᬲᬢ᭄ᬭᬸ
ᬦᬶᬂᬯᬶᬤ᭄ᬥᬶ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬸᬮᬄᬢ᭄ᬮᬸ᭞ᬦᬾᬧᬢᬸᬢ᭄ᬭᬗ᭄ᬲᬸᬓ᭄ᬭᬶᬂᬩᬸᬤᬶ᭞ᬓᬧᬶᬲᬦᬾᬯᬶᬚᬬᬲ᭄ᬢ᭄ᬭ᭞ᬲᭀᬧᬤᬶᬦᬓᬧᬶᬂᬓᬮᬶᬄ᭞ᬧ᭄ᬭᬶᬂᬢ᭄ᬭᬶᬦᬕᬭ
[ ᭑᭑ 11A]
ᬚ᭄ᬜᬦ᭞ᬧᬧᬲ᭄ᬢᬾᬦ᭄ᬧ᭄ᬭᬢᬶᬗ᭄ᬓᬄᬩ᭄ᬘᬶᬓ᭄᭟ᬯᬶᬚᬬᬲ᭄ᬢ᭄ᬭᬯᬲ᭄ᬢᬦᬶᬧᬸᬦ᭄᭞ᬭᬢᬸᬓᬸᬓᬸᬄᬗ᭄ᬕᬯᬾᬩ᭄ᬘᬶᬓ᭄᭞ᬫᬗᬸᬮᬳᬂᬲᬫᬤᬦ᭞ᬳᬸᬦᬶᬂᬬᬦ᭄ᬲᬫᬶ
ᬗᬚ᭄ᬭᬶᬳᬶᬦ᭄᭞ᬗᬶᬘᬮᬂᬫᬦᬄᬓᬫᬸᬓ᭄ᬓᬦ᭄᭞ᬯᬶᬚᬶᬮᬾᬳᬭᬸᬫ᭄ᬫᬦᬶᬲ᭄᭞ᬲᬫ᭄ᬧᬸᬦ᭄ᬭᬫᬸᬤᬤᬸᬲᬸᬦ᭄᭞ᬮᬸᬮᬸᬢᬶᬂᬧᬡ᭄ᬤᬶᬢᬍᬯᬶᬄ᭞ᬳᬲᬶᬄᬭᬶᬂᬚᬦ᭄ᬫ
ᬫᬦ᭄ᬢᭂᬧ᭄ᬩᬸᬤᬶᬲᬘᬶ᭞ᬢᬦ᭄ᬳᬕᭂᬂᬯᭀᬓᬶᬂᬫᬲ᭄ᬳᬃᬣ᭞ᬯ᭄ᬭᬸᬄᬬᬾᬦ᭄ᬢᬦ᭄ᬩᬶᬦᬓ᭄ᬢᬫᬢᬶ᭞ᬫᬯᬾᬯᬾᬄᬢᬦ᭄ᬚᬶᬦᬮᬸᬓᬦ᭄᭞ᬗᬸᬦᬶᬗᬶᬯᭀᬂᬲᬦᬕᬭᬶ᭟ᬦᬕ [ 12 ][ ᭑᭑ 11B]
᭑᭑᭞
ᬭᬚ᭄ᬜᬦᬦᬾᬫᬸᬗ᭄ᬕᬸᬄ᭞ᬫᬗ᭄ᬕᬯᬾᬳᬬᬸᬦᬶᬂᬕᬸᬫᬶ᭞ᬫᬫᬳᬬᬸᬩᬮᬾᬭᬸᬲᬓ᭄᭞ᬫᬶᬯᬄᬧᬸᬭᬫᬃᬕ᭄ᬕᬢᬶᬢᬶ᭞ᬫᬗ᭄ᬤᭀᬤᭀᬢᬶᬯᭀᬓᬯᬸᬤᬦ᭄᭞ᬯᭀᬂ
ᬮ᭄ᬯᬾᬲᬶᬦᬸᬗᬦ᭄ᬦᬸᬲᬶ᭟᭐᭟ᬧᬸᬧᬸᬄᬤᬂᬤᬂ᭞ᬜᬫ᭄ᬩᬸᬂᬗᬫ᭄ᬩᬶᬮ᭄ᬢᭂᬫ᭄ᬩᬂᬤᬂᬤᬂᬕᭂᬦ᭄ᬤᬶᬲ᭄᭞ᬦᬗ᭄ᬳᬶᬂᬫᬲᬶᬄᬘᬭᬘᬸᬭᬓᬃᬣ᭞ᬓᬾᬚᬭᬦ᭄ᬳᬮᬧ᭄ᬭᬢᬸᬦᬾ᭞ᬭᬶᬂᬭᬓ᭄ᬫᬪᬶ
ᬲᬫᬾᬓᬸ᭞ᬫᬲᬶᬄᬲᭀᬭᭀᬄᬲᬤ᭄ᬭᬸᬲᬦᬶᬢᬶ᭞ᬲᬓᬶᬂᬘᬜ᭄ᬘᬓᬧ᭄ᬭᬯ᭟ᬗᬸᬩᬸᬂᬓᬸᬮᬦᬶᬧᬸᬦ᭄᭞ᬦᬾᬫᬤᬦ᭄ᬭᬸᬓ᭄ᬫᬪᬶᬲᬫ᭞ᬘᬘᬓᬦᬾᬢᬶ
ᬢᬶᬗ᭄ᬓᬳᬶᬦ᭄ᬢᬶᬕᬂᬲᬶᬓᬶ᭞ᬳᬗᭂᬦ᭄ᬳᬗᭂᬦᬦ᭄ᬭᬚ᭟ᬯᬶᬃᬬ᭄ᬬᬓᬦᬸᬯᬶᬃᬬ᭄ᬬᬦᬾᬧᬗ᭄ᬭᬶᬳᬶᬦ᭄᭞ᬦᬾᬯᬲ᭄ᬢᬯᬶᬃᬬ᭄ᬬᬓᬦᬸᬯᬶᬃᬬ᭄ᬬᬦ᭄᭞ᬦᬗ᭄ᬓᬶᬮ᭄ᬭᬶᬂᬧᬤ
[ ᭑᭒ 12A]
ᬭᬢᬸᬦᬾᬓ᭄ᬭᬢᬸᬦᬾᬲᬬᬦ᭄ᬲᬭᬸ᭞ᬓᬢᭀᬦ᭄ᬳᬶᬦᬓ᭄ᬭᬫᬦᬾᬓᬓ᭄ᬱᬶ᭞ᬲᬋᬫ᭄ᬩᬮᬦᬾᬲᬫ᭄ᬬᬦ᭄᭞ᬓᬢᭀᬦ᭄ᬦᬶᬲ᭄ᬢᬦᬶᬧᬸᬦ᭄᭞ᬓ᭄ᬭᬡᬧᬭ
ᬭᬚᬭᬚ᭞ᬗᬬᬢ᭄ᬦᬳᬶᬦ᭄ᬫᬲ᭄ᬢ᭄ᬬᬂᬧᭀᬮᬳᬾᬩ᭄ᬘᬶᬓ᭄᭞ᬫᬗ᭄ᬤᬾᬢᬦ᭄ᬓᬍᬩᬸᬦᬶᬱ᭄ᬝ᭟ᬯᬶᬃᬬ᭄ᬬᬓᬮᬶᬲᬲ᭄ᬢ᭄ᬭᬦᬾᬫᬮᬶᬄ᭞ᬓᬧᬶᬂᬓᬮᬶᬳᬶᬂᬭᬸᬓ᭄ᬫᬪᬶᬲᬫ
᭞ᬫᬲᬶᬄᬧᭀᬮᬄᬗᭂᬦ᭄ᬢᬂᬗᭂᬦ᭄ᬢᬾᬂ᭞ᬓᬳᬤᬦᬦ᭄ᬧᬤᬭᬢᬸ᭞ᬫᬲᬶᬄᬲᬸᬋᬫ᭄ᬩᬮᬦᬾᬲᬫᬶ᭞ᬓᬲᭀᬭᬓ᭄ᬭᬫᬯᬶᬭ᭞ᬓᬢᭀᬦ᭄ᬦᬶᬱ᭄ᬝᬦᬶᬧᬸᬦ᭄᭞ᬫ
ᬲᬶᬄᬦᬦ᭄ᬤᬂᬓᬮᬶᬗ᭄ᬲᭂᬫᬦ᭄᭞ᬲᬓᬢᬳᬾᬧᬸᬗ᭄ᬕᬯᬫᬦ᭄ᬢ᭄ᬭᬶᬧᬸᬚᬭᬶᬢ᭄᭞ᬓᬤᬶᬦ᭄ᬤᬢᬦ᭄ᬧᬓᬃᬬ᭄ᬬ᭟ᬯᬶᬃᬬ᭄ᬬᬓᬯᬤᬓᬃᬣᬦᬾᬫᬮᬶᬄ᭞ᬓᬧᬶᬂᬢ᭄ᬤᬸ [ 13 ][ ᭑᭒ 12B]
᭑᭒᭞
ᬦᬶᬂᬭᬸᬓ᭄ᬫᬪᬶᬲᬫ᭞ᬧᭀᬮᬄᬭᬢᬸᬢᬦ᭄ᬧᬕᬯᬾ᭞ᬬᬦ᭄ᬓᬢᬭᬚᬂᬫᬸᬲᬸᬄ᭞ᬦ᭄ᬤᬤᬓ᭄ᬳᬧᭂᬲ᭄‌ᬢᬺᬱ᭄ᬡᬭᬶᬂᬳᬸᬭᬶᬧ᭄᭞ᬦᬸᬗ᭄ᬓᬸᬮ᭄ᬫᬲ᭄ᬭᬄᬕᬕᬯᬦ᭄᭞
ᬫᬲ᭄ᬭᬄᬦᬫᬦᬶᬧᬸᬦ᭄᭞ᬓᬸᬮᬶᬭᬭᬶᬲ᭄ᬗᬮᬸᬗ᭄ᬲᬸᬭᬂ᭞ᬦᬾᬧᬸᬦᬶᬓᬳᬸᬭᬶᬧᬾᬲᬫᬶᬭᬶᬂᬧᬢᬶ᭞ᬮᬯᬲ᭄ᬫᬲᬗᬸᬯᬶᬭᬂ᭟ᬥᬃᬫ᭄ᬫᬬᬸᬤᬦᬾᬳᬸ
ᬘᬧᬫᬮᬶᬄ᭞ᬢᬶᬢᬶᬗ᭄ᬓᬳᬦ᭄ᬭᬢᬸᬫᬕᬸᬢ᭄‌ᬬᬸᬤ᭞ᬫᬸᬗ᭄ᬕᬸᬄᬭᬶᬂᬲᬮᬄᬧᬢᬸᬢᬾ᭞ᬦᬶᬲ᭄ᬱ᭄ᬝᬳᬸᬢ᭄ᬢᬫᬦᬶᬧᬸᬦ᭄᭞ᬘᬘᬓᬦᬾᬫᬗ᭄ᬓᬶᬦ᭄ᬯᬶᬮᬗᬶᬦ᭄᭞ᬲᬶ
ᬓᬶᬲᬶᬗ᭄ᬳᬫᬭᬣ᭞ᬭᬶᬂᬓᬧᬶᬭᭀᬦᬶᬧᬸᬦ᭄᭞ᬫᬤᬦ᭄ᬲᬸᬭᬫᬳᬭᬣ᭞ᬓᬧᬶᬂᬢᬶᬕᬚᬬᬫᬭᬣᬦᬾᬫᬮᬶᬄ᭞ᬧᬧᬢ᭄ᬲᬸᬭᬲ᭄ᬭᬶᬭᬣ᭟ᬓᬧᬶᬂᬮᬶ

[ ᭑᭓ 13A]
ᬫᬩᬫᬫᬭᬱᬾᬓᬶ᭞ᬧᬶᬂᬦᭂᬫ᭄‌ᬚᬬᬓ᭄ᬭᬫᬫᬳᬭᬣ᭞ᬚᬬᬯᬺᬓ᭄ᬲᬶᬗ᭄ᬳᬭᬯᬦᬾ᭞ᬧᬸᬦᬶᬓᬓᬧᬶᬂᬧᬶᬢᬸ᭞ᬓᬧᬶᬂᬯᭀᬮᬸᬓᬳᬸᬘᬧ᭄ᬫᬮᬶᬄ᭞ᬭᬶᬂᬚ
ᬬᬓᬲᬮᬲ᭄ᬢ᭄ᬭ᭞ᬓᬧᬶᬂᬲ᭄ᬬᬦᬶᬧᬸᬦ᭄᭞ᬭᬶᬂᬚᬬᬓᬯᬤᬓᬃᬣ᭞ᬦᬾᬳᬲ᭄ᬬᬢ᭄ᬮᬸᬘᬘᬤ᭄‌ᬦᭂᬫ᭄ᬩᭂᬘᬶᬓ᭄᭞ᬓᬲᬸᬩ᭄ᬫᬤᬦ᭄ᬳᬸᬢ᭄ᬢᬫ᭟ᬫᬮᬶᬄᬧᬶᬤᬃᬣ
ᬦ᭄ᬜᬲᬶᬓᬶᬲᬶᬓᬶ᭞ᬦᬾᬫᬯᬱ᭄ᬝᬲᬶᬗ᭄ᬳᬫᬳᬭᬣ᭞ᬭᬢᬸᬓᬢ᭄ᬓᬦ᭄ᬫᬸᬲᬸᬳᬾ᭞ᬥᬶᬭᬗᬫᬸᬓ᭄ᬢᬦ᭄ᬲᬸᬭᬸᬤ᭄᭞ᬧᬕᭂᬄᬜᬤ᭄ᬬᬗᬯᬗᬦ᭄ᬓᬶᬃᬣᬶ᭞ᬗᬸᬗ᭄ᬲᬶ
ᬧᬤᬳᬸᬢ᭄ᬢᬫ᭞ᬓᬲᭀᬃᬫᬕᬸᬢ᭄ᬫᬸᬲᬸᬄ᭞ᬫᬢᬶᬦᬾᬭᬶᬂᬢᬸᬢᬸᬗ᭄ᬕᬗᬦ᭄᭞ᬦᬾᬧᬸᬦᬶᬓᬲᭀᬮᬄᬭᬢᬸᬦᬾᬓᬧᬸᬚᬶ᭞ᬫᬤᬦ᭄ᬲᬶᬗ᭄ᬳᬫᬭᬱ [ 14 ][ ᭑᭓ 13B]
᭑᭓᭞
ᬲᬸᬭᬫᬳᬭᬱᬦᬾᬲᬫᬮᬶᬄ᭞ᬓᬮᬸᬭᬸᬕᬶᬂᬫᬸᬲᬸᬄᬦᭀᬭᬮᬶᬗ᭄ᬕᬃ᭞ᬓᬭᬸᬲ?ᬓᬦ᭄ᬢᬸᬭᬗ᭄ᬕᬦᬾ᭞ᬢ᭄ᬓᬢᬦ᭄ᬲᬸᬭᬸᬤ᭄ᬗᬫᬸᬓ᭄᭞ᬗᬸᬗ᭄ᬲᬶᬓᬳᬢ᭄ᬢᬫ
ᬓᬶᬧᬢᬶ᭞ᬫᬢᬶᬓᬭᬶᬂᬭᬱ᭞ᬧᬸᬦᬶᬓᬓᬯᬸᬯᬸᬲ᭄᭞ᬫᬤᬦ᭄ᬲᬸᬭᬫᬳᬭᬱ᭞ᬜᬦ᭄ᬤᬂᬧᬸᬦᬶᬓᬧᬸᬚᬶᬢ᭄ᬯᬶᬧ᭄ᬭᬚᬸᬭᬶᬢ᭄᭞ᬫᬢᬶᬦᬾ ᬫᬗ᭄ᬕᬶᬄᬲᬸᬤ᭄ᬬ᭟
ᬚᬬᬫᬳᬭᬱᬓᭀᬘᬧ᭄ᬫᬮᬶᬄ᭞ᬭᬶᬂᬓᬧᬶᬂᬢᬶᬕᬦᬶᬂᬥᬃᬫ᭄ᬫᬬᬸᬤ᭞ᬭᬢᬸᬦᬾᬫᬕᬸᬢ᭄‌ᬬᬸᬤᬦᬾ ᭞ᬥᬶᬭᬦᬭᬚᬂᬫᬸᬲᬸᬄ᭞ᬓᬭᬸᬲᬓᬦ᭄ᬢᬸᬗ᭄ᬕ
ᬗᬦ᭄ᬓᬭᬶ᭞ᬕᬮᬓᬾᬲᬬᬦ᭄ᬫᬸᬦ᭄ᬢᬩ᭄᭞ᬦᬶᬜ᭄ᬘᬧ᭄ᬭᬣᬦ᭄ᬫᬸᬲᬸᬄᬧᬭᬸᬓᭂᬢᬾᬫᬳᬸᬤ᭄ᬭᬦ᭄᭞ᬭᬶᬂᬫᬢᬶᬦᬾᬮᬩᬸᬳᬾᬮᬯᬸᬢ᭄ᬦᬶᬦ᭄ᬤᬶᬳᬶᬦ᭄᭞ᬭᬱ
[ ᭑᭔ 14A]
ᬦᬶᬂᬫᬸᬲᬸᬄᬫ᭄ᬦᬂ᭟ᬬᬦ᭄ᬭᬶᬂᬲᬸᬭᬰ᭄ᬭᬶᬭᬱᬦᬾᬫᬮᬶᬄ᭞ᬳᬸᬮᬄᬭᬢᬸᬗ᭄ᬮᬮᬦ᭄ᬤᭀᬦ᭄‌ᬬᬸᬤ᭞ᬲᬓᬶᬂᬳᬓᬲᬧᬗ᭄ᬮᬭᬕᬾ᭞ᬢ᭄ᬓᬸᬲᬳ
ᬳᬗᭂᬩ᭄ᬬᬸᬓ᭄᭞ᬫᬸᬲᬸᬄᬓᬮᬄᬲᬫ᭄ᬧᬸᬦ᭄‌ᬓᬮᬶᬦ᭄ᬤᬶᬄ᭞ᬭᬶᬂᬯᬸᬲ᭄ᬫᬯᬲ᭄ᬢᬫ᭄ᬦᬂ᭞ᬫᬸᬲᬸᬳᬾᬫᬗᬶᬩᬸᬮ᭄᭞ᬫᬫ᭄ᬩᬮᬶᬓᬶᬦ᭄ᬫᬦᬭᬚᬂ᭞ᬭ
ᬢᬸᬳᬶᬓᬫᬢᬶᬂᬧᭀᬦ᭄ᬤᬸᬭᬦ᭄ᬭᬶᬗ᭄ᬲᬶᬃ᭞ᬫᬤᬦ᭄ᬲᬸᬭᬰ᭄ᬭᬶᬭᬱ᭟ᬩᬫᬫᬳᬭᬱᬓᭀᬘᬧ᭄ᬫᬮᬶᬄ᭞ᬭᬢᬸᬓᭂᬦ᭄ᬤᭀᬦ᭄ᬫᬸᬲᬸᬄᬗᬮᬭᬕ᭄
᭞ᬧᬘᬫ᭄ᬧᬸᬄᬧ᭄ᬭᬗᬾᬭᬫᬾ ᭞ᬭᬢᬸᬦᬾ ᬧᬕᭂᬄᬗᬫᬸᬓ᭄᭞ᬓᬭᬸᬲᬓᬦ᭄ᬢᬸᬗ᭄ᬕᬗᬦ᭄ᬓᬭᬶ᭞ᬕᬮᬓ᭄ᬗᬫᬸᬓ᭄‌ᬫᬤᬭᬢ᭄᭞ᬫᬢᬶᬧᬭᬂᬫᬸᬲᬸᬄ [ 15 ][ ᭑᭔ 14B]
᭑᭔᭞
᭞ᬳᬳᭀᬃᬢ᭄ᬢᬸᬄᬧᬬᬸᬤᬦ᭄᭞ᬦᬾ ᬧᬸᬦᬶᬓᬲᭀᬮᬄᬭᬢᬸᬦᬾᬭᬶᬂᬚᬸᬭᬶᬢ᭄᭞ᬫᬤᬦ᭄ᬩᬫᬫᬭᬱ᭟ᬚᬬᬓ᭄ᬭᬫᬫᬳᬭᬣᬫᬮᬶᬄ᭞
ᬫᬮᬶᬄᬢᬶᬗ᭄ᬓᬄᬭᬢᬸᬦᬾ ᬓᭂᬦ᭄ᬤᭀᬦᬦ᭄᭞ᬓᬢ᭄ᬓᬦᬦ᭄ᬫᬸᬲᬸᬄᬳᬓᬾᬄ᭞ᬫᬗᬤᬸᬬᬰᬧᬸᬭᬸᬦ᭄᭞ᬓᬂᬓᬮᬭᬕ᭄ᬓᬲᭀᬃᬫᬕᬸᬢᬶᬦ᭄᭞ᬫᬸ
ᬲᬸᬳᬾᬫᬜᬚᬬᬂ᭞ᬫᬫᭀᬭᭀᬤ᭄ᬫᬦᭂᬫ᭄ᬧᬄ᭞ᬫᬢᬶᬦᬾᬭᬢᬸᬧᬸᬦᬶᬓ᭞ᬲᬸᬭᬤᬶᬭᬭᬶᬂᬳᬋᬧᬶᬂᬳᬭᬶᬧᬢ᭄ᬦᬶ᭞ᬚᬬᬓ᭄ᬭᬫᬫᬭᬣ᭞ᬚ
ᬬᬯᬺᬓ᭄ᬲᬶᬗ᭄ᬳᬭᬣᬦᬾᬫᬮᬶᬄ᭞ᬭᬢᬸᬢ᭄ᬓᬫᬸᬲᬸᬳᬾᬫᬮᬗ᭄ᬕᬃ᭞ᬭᬶᬂᬓᬲᭀᬭᬦ᭄ᬧᬬᬸᬥᬦᬾ᭞ᬳᬦᬓ᭄ᬭᬶᬭᬶᬤᬾᬦ᭄ᬳᬫᬸᬓ᭄᭞ᬩᬶᬗᬄᬩᬶᬗᬸᬄᬧᬶ
[ ᭑᭕ 15A]
ᬓᬶᬭᬦ᭄ᬧᬮᬶᬂ᭞ᬫᬶᬲᬤ᭄ᬬᬫᬢ᭄ᬮᬲᬦ᭄᭞ᬦᬸᬮᬶᬫᬮᬶᬄᬳᬗᬫᬸᬓ᭄᭞ᬫᬢᬶᬦᬾᬭᬢᬸᬧᬸᬦᬶᬓ᭞ᬭᬗ᭄ᬓᬦᬶᬱ᭄ᬝᬓᬲᬲᬃᬦᬸᬯᬸᬢᬂᬧᬮᬶᬂ᭞ᬓᭀᬚᬭᬶᬂ
ᬥᬃᬫ᭄ᬫᬬᬸᬥ᭟ᬚᬬᬓᬲᬮᬲ᭄ᬢ᭄ᬭᬦᬾᬲᬫᬮᬶᬄ᭞ᬢᬶᬗ᭄ᬓᬄᬭᬢᬸᬓᬤᬢ᭄ᬗᬦ᭄ᬧ᭄ᬭᬂ᭞ᬫᬶᬢᬳᭂᬦ᭄ᬧ᭄ᬭᬬᬓᬲᭀᬭᬾ᭞ᬳᬦᬓ᭄ᬩᬶᬦᬶᬢᭂᬃᬩᬸᬦᬸᬄ᭞ᬜ
ᬤ᭄ᬬᬫᬗ᭄ᬤᬾᬦ᭄ᬢᬸᬫ᭄ᬧᬸᬭᬦ᭄ᬲᬫᬶ᭞ᬮᬭᬶᬲ᭄ᬫᭂᬲᬸᬯᬶᬦ᭄ᬫᬧᬕ᭄᭞ᬫᬫᬕᬸᬢᬶᬦ᭄ᬫᬸᬲᬸᬄ᭞ᬯᬳᬸᬧᭀᬮᬶᬄᬳᬓᬺᬩ᭄ᬬᬓᬦ᭄᭞ᬕ᭄ᬮᬶᬲ᭄‌ᬍᬫᬳᬶᬗᭂᬢ᭄ᬧᬶᬢᬺ
ᬱ᭄ᬡᬭᬶᬂᬳᬸᬭᬶᬧ᭄᭞ᬗᬶᬘᬮ᭄ᬧᬫᬸᬭᬂᬫᬸᬭᬂ᭞ᬚᬬᬓᬯᬤᬓᬃᬣ᭞ᬦᬾᬫᬮᬶᬄ᭞ᬢ᭄ᬳᭂᬃᬢᬶᬗ᭄ᬓᬄᬓᬢ᭄ᬓᬦᬦ᭄ᬧ᭄ᬭᬂ᭞ᬳᬕᬺᬩ᭄ᬬᬓᬦ᭄ᬧᬗ᭄ᬮᬯᬦᬾ᭞ᬮᬯᬢ᭄ᬗ [ 16 ][ ᭑᭕ 15B]
᭑᭕᭞
ᬲᭀᬃᬫᬦᬸᬗ᭄ᬓᬸᬮ᭄᭞ᬫᬲᬶᬄᬳᬶᬦᬓᭀᬚᬭᬶᬂᬳᬚᬶ᭞ᬘᬘᬓᬦ᭄ᬥᬃᬫ᭄ᬫᬬᬸᬥ᭞ᬓᬸᬭᬂᬩᭀᬩᭀᬢᬶᬧᬸᬦ᭄᭞ᬫᬲᬶᬄᬢᬸᬗ᭄ᬕᬶᬮ᭄ᬭᬶᬂᬫᬢᬧ᭞ᬯᬦ᭄ᬢᬄᬳᬭᬂᬚ
ᬦ᭄ᬫᬦᬾᬲᬤ᭄ᬬᬫᬗ᭄ᬕᬶᬳᬶᬦ᭄᭞ᬧᬢᬶᬦᬾᬫᬳᬳᬸᬢ᭄ᬢᬫ᭟᭐᭟ᬧᬸᬧᬸᬄᬫᬶᬚᬶᬮ᭄᭟ᬲᬫ᭄ᬧᬸᬦ᭄ᬜᬦ᭄ᬤᬂᬢᭂᬫ᭄ᬩᬗᬶᬦ᭄ᬧᬫᬶᬚᬶᬮ᭄᭞ᬧᬕᭂᬦ᭄ᬢᭀᬲᬾᬋᬓᭀ᭞ᬕᭂᬦ᭄ᬤᬶᬂ
ᬘᬭᬶᬂᬲᬸᬭᬓᬃᬣᬦᬾ᭞ᬳᬗ᭄ᬕᬾᬦ᭄ᬗᬮᬗ᭄ᬓᬭᬬᬂᬧᬗᬯᬶ᭞ᬦᬾᬫᬸᬗ᭄ᬕᬄᬭᬶᬂᬕᬸᬭᬶᬢ᭄᭞ᬳᬗ᭄ᬕᭀᬦ᭄ᬳᬗ᭄ᬕᭀᬦ᭄ᬭᬢᬸ᭟ᬳᬱ᭄ᬝᬩ᭄ᬭᬢᬦᬾᬧᬢᬸᬢ᭄ᬓᬸᬓᬸᬳᬶ
ᬦ᭄᭞ᬫᬗ᭄ᬤᬾᬦᬾᬓᬮᬓᭀᬦ᭄᭞ᬗᬚᬕᬬᬂᬳᬱ᭄ᬝᬤᬾᬯᬢᬦᬾ᭞ᬲᬓᬶᬂᬯᬭᬄᬭᬢᬸᬗᬸᬦᬶᬗᬸᬦᬶ᭞ᬬᭀᬕ᭄ᬬᬢᬸᬢᭂᬦ᭄ᬤᬾᬦᬶ᭞ᬲᬂᬭᬸᬫ
[ ᭑᭖ 16A]
ᬕᬭᬢᬸ᭟ᬳᬱ᭄ᬝᬤᬾᬯᬤᬾᬯᬯᬮᬸᬂᬲᬶᬓᬶ᭞ᬘᬘᬓᬦᬾᬋᬓᭀᬇᬦ᭄ᬤ᭄ᬭᬬᬫᬩᬭᬸᬡᬓ᭄ᬯᬭᬾᬦᬾᬲᬃᬬ᭄ᬬᬘᬦ᭄ᬤ᭄ᬭᬫᬶᬯᬄᬩᬬᬸᬳᬕ᭄ᬦᬶ᭞ᬩ᭄ᬭᬢ
ᬦ᭄ᬜᬦᬾᬲᬫᬶ᭞ᬧᬸᬦᬶᬓᬭᬶᬦᬗ᭄ᬲᬸᬓ᭄᭟ᬇᬦ᭄ᬤ᭄ᬭᬩ᭄ᬭᬢᬳᬮᬳᬾᬭᬶᬂᬕᬸᬫᬶ᭞ᬗ᭄ᬕᬯᬾᬓᬭᬳᬬᭀᬦ᭄᭞ᬢᬦ᭄ᬳᬗᬾᬫᬦ᭄ᬦᬶᬯᬓᬂᬤᬦᬦᬾ᭞ᬓᬤᬶ
ᬳᬮᬄᬳ᭄ᬬᬂᬇᬦ᭄ᬤ᭄ᬭᬗᬸᬚᬦᬶᬦ᭄᭞ᬓᬃᬬ᭄ᬬᬦᬶᬂᬫᬲ᭄ᬧᬶᬧᬶᬲ᭄᭞ᬦᬸᬮᬸᬗᬶᬓᬢ᭄ᬮᬲ᭄ᬳ᭄ᬬᬸᬦ᭄᭟ᬬᬫᬩ᭄ᬭᬢᬳᬮᬳᬾᬫᬶᬲᬶᬲᬶᬧ᭄᭞ᬭᬶᬂᬚᬦ᭄ᬫᬫᬫᬸᬭᭀᬦ᭄᭞
ᬦᬶᬭᬸᬲᬂᬳ᭄ᬬᬂᬬᬫᬦᬾᬓᬮᬦᬾ᭞ᬫᬫᬶᬤᬦ᭄ᬤᬧᬶᬝᬵᬭᬓᬂᬲᬶᬲᬶᬧ᭄᭞ᬫᬓ᭄ᬭᬫᬢᬦ᭄‌ᬬᬸᬓ᭄ᬢᬶ᭞ᬫᬸᬮᬄᬲᬲᬃᬲᬸᬲᬸᬃ᭟ᬩᬭᬸᬡᬩ᭄ᬭᬢᬳᬸᬮᬳᬾ [ 17 ][ ᭑᭖ 16B]
᭑᭖᭞
ᬫᬮᬶᬄ᭞ᬓᬂᬫᬳᬸᬮᬄᬓᬯᭀᬦ᭄᭞ᬲᬳᬦᬦᬾᬯᬢᭂᬓ᭄ᬤᬸᬃᬚ᭄ᬚᬦᬦᬾ᭞ᬧᬸᬦᬶᬓᬓᬃᬬ᭄ᬬᬦᬂᬫᬗ᭄ᬤᬾᬦ᭄ᬳᬚ᭄ᬭᬶᬄ᭞ᬫᬗ᭄ᬤᬾᬦ᭄ᬫᬋᬦ᭄ᬲᬫᬶ᭞ᬓᬂᬫᬳᬸᬮᬄᬤᬸᬤᬸ
᭟ᬓ᭄ᬯᬾᬭᬩ᭄ᬭᬢᬢᬶᬗ᭄ᬓᬳᬾᬫᬮᬶᬄ᭞ᬗ᭄ᬕᬯᬾᬓᬕᬕᬯᭀᬓ᭄᭞ᬗᬯᬶᬪᬸᬳᬂᬭᬸᬳᬸᬃᬓᬭᬢᬸᬦᬾ᭞ᬗ᭄ᬳᬶᬂᬧᭀᬮᬳᬾ ᬓᬂᬓᬶᬦᬗ᭄ᬓᭂᬦ᭄‌ᬬᬸᬓ᭄ᬢᬶ᭞ᬫᬦᬸᬢ᭄ᬮᬶᬗᭂ
ᬳᬚᬶ᭞ᬲᬫ᭄ᬧᬸᬦ᭄ᬩᬸᬮᬄᬯ᭄ᬢᬸ᭟ᬲᬸᬃᬬ᭄ᬬᬩ᭄ᬭᬢᬧ᭄ᬭᬢᬶᬗ᭄ᬓᬳᬾᬫᬮᬶᬄ᭞ᬗᬶᬲᭂᬧ᭄ᬯᬾᬢᬦ᭄ᬓᬢᭀᬦ᭄᭞ᬢᬦ᭄ᬓᬭᬲᬤᬾᬦᬶᬂᬚᬦ᭄ᬫᬓᬩᬾᬄ᭞ᬢᬸᬃᬢᬦ᭄ᬲ
᭞ᬦᬄᬲᬦᬾᬄᬓᬲᬸᬦᬭᬶᬦ᭄᭞ᬯᬾᬦ᭄ᬢᭂᬦᬾᬭᬶᬂᬕᬸᬫᬶ᭞ᬓᬧᬤᬦ᭄ᬧᬦ᭄ᬤᬸᬮᬸ᭟ᬘᬦ᭄ᬤ᭄ᬭᬩ᭄ᬭᬢᬧᭀᬮᬳᬾᬲᬫᬮᬶᬄ᭞ᬫᬶᬢᬸᬤᬸᬳᬶᬦ᭄‌ᬋ
[ ᭑᭗ 17A]
ᬓᭀ᭞ᬓᬲᬶᬦᬳᬦ᭄ᬭᬶᬂᬢᬸᬦᬩᬸᬤᬶᬦᬾ᭞ᬫᬗ᭄ᬕᬯᬾᬢᬶᬲ᭄ᬭᬶᬂᬲᬸᬚᬦᬲᬫᬶ᭞ᬲᬸᬚᬦᬦᬾ ᬚᬢᬶ᭞ᬲᬂᬫᬳᬸᬮᬄᬲᬥᬸ᭟ᬩ᭄ᬭᬶᬸᬩᬬᬸᬩ᭄ᬭᬢᬧ᭄ᬭᬢᬶᬗ᭄ᬓᬳᬾᬫ
ᬮᬶᬄ᭞ᬗᬯᬲ᭄ᬧᬋᬓ᭄ᬳᬤᭀᬄ᭞ᬫᬗ᭄ᬤᬾᬦ᭄ᬳᬸᬦᬶᬂᬭᬶᬂᬳᬮᬳᬬᬸᬦᬾ᭞ᬧ᭄ᬭᬢᬶᬗ᭄ᬓᬳᬾᬭᬶᬂᬲᬯᭂᬗ᭄ᬓᬸᬲᬫᬶ᭟ᬬᬤ᭄ᬬᬦ᭄ᬢᬦᬄᬮᬬᬶᬦ᭄᭞ᬩ᭄ᬘᬶᬓ᭄ᬫᬗ᭄ᬤᬾᬦ᭄‌ᬯ᭄ᬭᬸᬄ
᭟ᬕ᭄ᬦᬶᬩ᭄ᬭᬢᬧᭀᬮᬄᬳᬭᬶᬂᬕᬸᬫᬶ᭞ᬦᬶᬭᬸᬕ᭄ᬦᬶᬫᭀᬭᭀᬩ᭄᭞ᬭᬶᬓᬮᬦᬶᬂᬫᬫᬕᬸᬢ᭄ᬰᬢ᭄ᬭᬸᬦᬾᬫᬗ᭄ᬤᬾᬦ᭄ᬲᬶᬤ᭄ᬥᬓᬲᬫ᭄ᬧᬸᬃᬡ᭄ᬦᬦ᭄ᬕᭂᬮᬶᬲ᭄᭞ᬫᬦᬳᬶᬂ
ᬯᬤ᭄ᬯᬮᬶᬢ᭄᭞ᬫᬫᬗ᭄ᬕᬶᬄᬭᬳᬬᬸ᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬓᬯᭀᬮᬸᬂᬲᬶᬓᬶ᭞ᬬᬦ᭄ᬲᬫ᭄ᬧᬸᬦ᭄ᬓᬮᬓᭀᬦ᭄᭞ᬚᬕᬢ᭄‌ᬓᬺᬢᬭᬳᬬᬸᬧᬮᬦᬾ [ 18 ][ ᭑᭗ 17B]
᭑᭗᭞
᭞ᬯᭀᬦ᭄ᬢᭂᬦ᭄ᬫᬮᬶᬄᬓᬾᬚᬭᬦ᭄‌ᬭᬶᬂᬳᬚᬶ᭞ᬢᬶᬗ᭄ᬓᬳᬾᬦᬫ᭄ᬧᬾᬦᬶᬦ᭄᭞ᬳᬸᬢᬸᬲᬦ᭄ᬓᬂᬭᬯᬸᬄ᭟ᬧ᭄ᬭᬘᬾᬤᬓ᭄ᬭᬫᬯᬲ᭄ᬢᬦᬶᬂᬳᬚᬶ᭞ᬘᬘᬓ᭄ᬢᭂᬮᬸᬂᬲᭀ
ᬭᭀᬄ᭞ᬘᬭᬦᬶᬮᬮᬦ᭄‌ᬲᬺᬢᬭᬲ᭄ᬫᬶᬦᬾ᭞ᬲᭀᬢᬶᬲ᭄ᬫᬭᬧᬸᬧᬸᬢᬶᬂᬫᬓᬢ᭄ᬭᬶ᭞ᬳᬃᬣᬶᬦᬾᬧᬸᬦᬶᬓᬶ᭞ᬯᬮᬶᬦᬶᬦ᭄ᬫᬗᬶᬢᬸᬂ᭟ᬘᬭᬦᬶᬮᬳᬸᬢᬸᬲᬦ᭄ᬫᬯᬦᬶ᭞ᬬᬾ
ᬦ᭄ᬳᬸᬢᬸᬲᬦ᭄‌ᬯᬤᭀᬦ᭄᭞ᬲ᭄ᬭᬸᬢᬭᬫ᭄ᬫᬶᬧᬸᬦᬶᬓᬯᬲ᭄ᬢᬸᬦᬾ᭞ᬲᭀᬢᬶᬲ᭄ᬲ᭄ᬫᬭᬳᬸᬢᬸᬲᬦ᭄ᬯᭀᬓᭂᬤᬶ᭞ᬦᬾᬫᬯᬲ᭄ᬢᬓᭂᬤᬶ᭞ᬢᬦ᭄ᬮᬓᬶᬢᬦ᭄‌ᬯᬤᬸ᭟ᬫ
ᬓᬢᬶᬕᬬᬤᬶᬦ᭄ᬲᬮᬶᬄᬢᬸᬗ᭄ᬕᬶᬮ᭄᭞ᬦᭂᬓᬤᬶᬦ᭄ᬓᬓᭀᬦ᭄ᬓᭀᬦ᭄᭞ᬲᬫ᭄ᬧᬸᬦ᭄ᬜᬦ᭄ᬤᬂᬲᬸᬓᬾᬦ᭄ᬧᬲᬗᭀᬦᬾ᭞ᬫᬶᬯᬄᬢᬫ᭄ᬯᬶᬫᬗ᭄ᬤᬾᬦ᭄ᬩᭂᬘᬶᬓ᭄ᬩᭂᬘᬶᬓ᭄

[ ᭑᭘ 18A]
᭞ᬫᬦᬸᬢ᭄ᬮᬶᬗᬶᬳᬚᬶ᭞ᬦᬶᬓᬳᬤᬢ᭄ᬮᬸᬳᬸᬃ᭟ᬯᭀᬦ᭄ᬢᭂᬦ᭄ᬫᬮᬶᬄᬳᬤᬢ᭄ᬓᬮᬶᬄᬲᬶᬓᬶ᭞ᬯᬲ᭄ᬢᬦᬾᬓᬩᬯᭀᬲ᭄᭞ᬯᬶᬓᬮ᭄ᬧᬢᬭᭀᬕᬢᬶᬳ
ᬭᬦᬾ᭞ᬰᬩ᭄ᬤᬯᬶᬭᭀᬲᬦᬤᬾᬲᬫᬮᬶᬄ᭞ᬧ᭄ᬭᬢᬶᬗ᭄ᬓᬳᬾᬲᬬᬶᬄ᭞ᬭᬶᬂᬢᬶᬗ᭄ᬓᬄᬓᬳᬸᬢᬸᬲ᭄᭟ᬯᬶᬸᬫᬯᬲ᭄ᬢᬯᬶᬓᬮ᭄ᬧᬢᬭᭀᬕᬢᬶ᭞
ᬧᬧᬾᬢᬂᬧᬗ᭄ᬭᬯᭀᬲ᭄᭞ᬫᬤᬦ᭄ᬰᬩ᭄ᬤᬯᬶᬭᭀᬲᬦᬋᬓᬾ᭞ᬓᬧᬧᬾᬢᬦ᭄ᬲᬭᬲᬦᬶᬂᬢᬸᬮᬶᬲ᭄᭞ᬢᬦ᭄ᬧᭀᬢᬸᬲᬦ᭄ᬚᬢᬶ᭞ᬫᬓᬓ
ᬲᬶᬄ᭞ᬳᬶᬓᬸ᭟ᬓᬯ᭄ᬦᬗᬦᬾᬓᬾᬯᬮᬳᬫ᭄ᬯᬶ᭞ᬢᬦ᭄ᬧᬢᬸᬢ᭄ᬲᬶᬦᬗᭀᬦ᭄᭞ᬯᬶᬭᬾᬄᬩᭀᬬᬳᬸᬢᬸᬲᬦ᭄ᬚᬢᬶᬦᬾ᭞ᬦᭀᬭᬦᬶᬱ᭄ᬝᬬᬾ [ 19 ][ ᭑᭘ 18B]
᭑᭘᭞
ᬦ᭄‌ᬦᬾᬭᬲᬗᬶᬗᬶᬦ᭄᭞ᬲᬗᭀᬦᬶᬓᬶᬸᬩ᭄ᬓᭂᬮᬶᬦ᭄᭞ᬩᬲᬩᬮ᭄ᬬᬦᬶᬧᬸᬦ᭄᭟ᬮᬶᬗᬶᬂᬓ᭄ᬭᬫᬩᬶᬲᬫᬫᬓᬾᬮᬶᬂ᭞ᬢᬶᬗ᭄ᬓᬳᬾᬭᬶᬂᬓ᭄ᬭᬢᭀ
ᬓ᭄᭞ᬓ᭄ᬭᬢᭀᬦ᭄ᬧᬸᬦᬶᬓᬦᬕᬭᬳᬃᬣᬶᬦᬾ᭞ᬫᬗ᭄ᬤᬾᬦ᭄ᬳᬾᬮᬶᬂᬲ᭄ᬫᬸᬓᬩ᭄ᬮᬶᬓ᭄᭞ᬘᬘᬓᬓᬾᬲᬫᬶ᭞ᬲᭀᬯ᭄ᬮᬲ᭄ᬯᬶᬮᬗᬶᬧᬸᬦ᭄᭟ᬯᬶᬓᬮ᭄ᬧ
ᬗᬬᬯᬳᬸᬳᬲᬶᬓᬶ᭞ᬳᬃᬱᬪᬬᬧᬶᬂᬭᭀ᭞ᬘᬶᬧ᭄ᬢᬪᬬᬭᬶᬂᬓᬧᬶᬂᬢ᭄ᬮᬸᬦᬾ᭞ᬳᬶᬦ᭄ᬤ᭄ᬭᬪᬬᬭᬶᬂᬓᬧᬶᬂᬧᬢ᭄ᬦᬾᬓᬶ᭞ᬧᬢᬪᬬᬫᬮᬶᬄ᭞ᬓᬧᬶᬂ
ᬮᬶᬫᬦᬶᬧᬸᬦ᭄᭟ᬓᬧᬶᬂᬦᭂᬫᬾᬲᭀᬧᬦᬪᬬᬾᬓᬶ᭞ᬧᬧᬶᬢᬸᬜᬧᬓᭀ᭞ᬧᬸᬲ᭄ᬧᬪᬬᬧᬸᬦᬶᬓᬯᬲ᭄ᬢᬦᬾ᭞ᬓᬧᬶᬂᬓᬸᬢᬸᬲ᭄‌ᬧᬸᬭᬶᬲᬪ

[ ᭙ 19A]
ᬬᬾᬓᬶ᭞ᬯᬶᬕ᭄ᬭᬪᬬᬫᬮᬶᬄ᭞ᬓᬧᬶᬲ᭄ᬬᬦᬶᬧᬸᬦ᭄᭟ᬭᬶᬂᬓᬧᬶᬤᬰᬧᬸᬢ᭄ᬭᬪᬬᬾᬓᬶ᭞ᬭᬶᬧ᭄ᬢᬪᬬᬋᬓᭀ᭞ᬧᬫᬸᬧᬸᬢᬾᬭᬶᬂᬓᬧᬶᬂᬲᬯ᭄ᬮᬲᬾ᭞ᬫᬗ᭄ᬤᬾ
ᬦ᭄ᬲᬫᬶᬧᬸᬦᬶᬓᬳᬶᬫ᭄ᬧᬲᬶᬦ᭄᭞ᬬᬾᬦ᭄ᬧᬸᬭᬸᬕ᭄ᬳᬲ᭄ᬓᬶ᭞ᬫᬤᬦ᭄ᬓᬸᬭᬂᬲ᭄ᬫᬸ᭟ᬧᬗᬃᬣᬶᬦ᭄ᬜᬬᬾᬦ᭄ᬫᬧᬲ᭄ᬧᬯᬾᬲ᭄ᬢ᭄ᬭᬶ᭞ᬫᬗ᭄ᬤᬾᬦ᭄ᬜᬫ᭄ᬧᬶᬂᬗᬤᭀᬄ᭞ᬓᬮᬧᬤᬦᬸ
ᬗ᭄ᬕᬮ᭄‌ᬓᬘᬸᬦᬸᬓᬾ ᭞ᬬᬤᬶᬦ᭄ᬓᬲᬧᬲᬫ᭄ᬧᬸᬦ᭄ᬜᬯᬸᬭᬶᬦ᭄᭞ᬯᬶᬓᬮ᭄ᬧᬪᬬᬾᬓᬶ᭞ᬩᬼᬦ᭄ᬬᬾᬫᬲᬳᬸᬃ᭟ᬫᬮᬶᬄᬓᬮᬦᬶᬂᬫᬗ᭄ᬕᬶᬄᬧᬯᬾᬲ᭄ᬢ᭄ᬭᬶ᭞ᬧᬳ᭄ᬬᬲ᭄ᬗ
ᬗ᭄ᬕᭀᬳᬗ᭄ᬕᭀ᭞ᬫᬲ᭄ᬓᬭᬯᬗᬶᬯᬗᬶᬦᬾ᭞ᬲᬫ᭄ᬧᬸᬦ᭄ᬫᬗᬤᬸᬳᬂᬳᬫ᭄ᬩᬸᬦᬾᬫᬶᬬᬶᬓ᭄᭞ᬳᬃᬱᬤᬬᬓ᭄ᬦᬶ᭞ᬲᬫ᭄ᬧᬸᬦ᭄ᬓᬸᬭᬂᬲ᭄ᬫᬸ᭟ᬯᭀᬦ᭄ᬢᭂᬦ᭄ᬢᬸᬭᬸᬫᬓᬶᬤᬸᬂ [ 20 ][ ᭑᭙ 19B]
᭑᭙᭞
ᬫᬕᭂᬦ᭄ᬤᬶᬂ᭞ᬭᬶᬂᬧᬢᬸᬢᬾᬂᬢᭀᬗᭀᬲ᭄᭞ᬲᬓᬶᬂᬗ᭄ᬮᬶᬮᬮᬶᬮᬲᬚᬢᬶᬦᬾ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬫᬗᬭᬄᬳᬭᬸᬳᬶᬦ᭄᭞ᬘᬶᬧ᭄ᬢᬪᬬᬓ᭄ᬦᬶ᭞ᬫᬲᬶᬄᬓᬸ
ᬭᬂᬲ᭄ᬫᬸ᭟ᬬᬾᬦ᭄ᬯᭀᬂᬳᬶᬲ᭄ᬢ᭄ᬭᬶᬓᬓᬫ᭄ᬧᬸᬳᬾᬩ᭄ᬘᬶᬓ᭄᭞ᬫ᭄ᬤᬮ᭄ᬲᬓᬶᬂᬳᭂᬗ᭄ᬕᭀᬦ᭄᭞ᬲᬫ᭄ᬧᬸᬦ᭄ᬧᬶᬲᬦᬾᬍᬓ᭄ᬢᭂᬓ᭄ᬭᬸᬧᬦᬾ ᭞ᬬᬦ᭄ᬯᬲ᭄ᬯᬲᭂᬦ᭄‌ᬇᬦ᭄ᬤ᭄ᬭᬦ
ᬬᬓ᭄ᬦᬶ᭞ᬫᬲᬶᬄᬓᬯᬲ᭄ᬢᬦᬶᬦ᭄᭞ᬫᬲᬸᬓ᭄ᬢᬦ᭄ᬧᬲ᭄ᬫᬸ᭟ᬫᬶᬯᬄᬓᬮᬦᬶᬂᬫᬗ᭄ᬕᬶᬄᬯᭀᬂᬳᬶᬲ᭄ᬢ᭄ᬭᬶ᭞ᬫᬤᬮ᭄ᬲᬓᬶᬂᬓ᭄ᬭᬢᭀᬦ᭄᭞ᬬᬤ᭄ᬬᬦ᭄ᬦᬧᬶᬦᬧᬶᬗᬗ᭄ᬕᬾᬦᬾ
᭞ᬫᬗ᭄ᬤᬾᬲᬫ᭄ᬧᬸᬦ᭄ᬗᬯᬭᬫᬫᬸᬚᬶ᭞ᬬᬾᬦ᭄ᬯᬭᬄᬬᬾᬦ᭄ᬧᬸᬚᬶ᭞ᬧᬢᬪᬬᬫᬲᬸᬢ᭄᭟ᬬᬾᬦ᭄ᬧᬯᬾᬲ᭄ᬢ᭄ᬭᬶᬫᬦ᭄ᬤᬾᬯᬾᬓ᭄ᬫᬫᬃᬕ᭄ᬕᬶ᭞ᬬᬾᬦ᭄ᬳᬶᬗᬶᬭᬶᬂᬋᬓᭀ᭞ᬓ᭄ᬦᬶ
[ ᭒᭐ 20A]
ᬲᭀᬧ᭄ᬦᬪᬬᬳᬸᬮᬳᬾ᭞ᬫᬲᬶᬄᬫᬤᬦ᭄ᬢᬢᬓᬸᬭᬂᬩᬸᬤᬶ᭞ᬬᬾᬦ᭄ᬜᬤ᭄ᬬᬫᬫᬃᬕ᭄ᬕᬶ᭞ᬫᬦ᭄ᬤᬸᬫᬸᬫᬶᬸᬦᬶᬦ᭄ᬧᬢᬸᬢ᭄᭟ᬫᬶᬯᬄᬓᬮᬦᬶᬂᬯᬾᬦ᭄ᬢᭂᬦ᭄ᬧᬯᬾᬲ᭄ᬢ᭄ᬭᬶ
᭞ᬲ᭄ᬓᬭᬾᬫᬘᭂᬧᭀᬮ᭄᭞ᬫᬍᬓ᭄ᬢᬶᬓ᭄ᬮᬩᬸᬄᬓᬢᬦᬳᬾ᭞ᬳᬶᬮᬳᬶᬮᬬᬾᬦ᭄ᬤᬸᬤᬸᬓ᭄ᬧᬸᬧᭀᬦᬶᬦ᭄᭞ᬧᬸᬲ᭄ᬧᬪᬬᬓ᭄ᬦᬶ᭞ᬧᬳᬸᬮᬢᬦ᭄ᬲᬭᬸ᭟ᬯᬤᭀ
ᬦ᭄ᬓᬮᬫᬢᭀᬢᭀᬬᬧᬗ᭄ᬕᬶᬄ᭞ᬲᬫ᭄ᬧᬸᬦ᭄ᬦᬫ᭄ᬧᭂᬓ᭄ᬋᬓᬾ᭞ᬫᬶᬯᬄᬲᬫ᭄ᬧᬸᬦ᭄ᬜᬋᬗᬶᬦ᭄ᬫᬸᬮᬶᬳᬾ᭞ᬬᬾᬦ᭄ᬲᬋᬂᬧᬸᬭᬶᬱᬪᬬᬓ᭄ᬦᬶ᭞ᬢᬫ᭄ᬩᭂᬢ᭄ᬓᬯᬲ᭄ᬢᬦᬶ
ᬦ᭄᭞ᬢᬦ᭄ᬳᬸᬦᬶᬂᬭᬶᬂᬲ᭄ᬫᬸ᭟ᬲᬫᬮᬶᬳᬾᬬᬦ᭄ᬫᬗ᭄ᬕᬶᬄᬧᬯᬾᬲ᭄ᬢ᭄ᬭᬶ᭞ᬓᬮᬫᬕᬸᬕᬸᬬᭀᬦ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬜᬋᬗᬶᬦ᭄ᬕᬸᬬᬸᬦᬾ ᭞ᬬᬾᬦ᭄ᬲᬋᬗᬶᬦ᭄ᬯᬶ [ 21 ][ ᭒᭐ 20B]
᭒᭐᭞
ᬕ᭄ᬭᬪᬬᬧᬗ᭄ᬕᬶᬄ᭞ᬓᬸᬓᬸᬭᬗᬦ᭄ᬗᭂᬲᬶᬓ᭄᭟ᬫᬓᬢᭀᬦᬦ᭄ᬲᬭᬸ᭟ᬬᬾᬦ᭄ᬧᬯᬾᬲ᭄ᬢ᭄ᬭᬶᬗᭂᬫ᭄ᬩᬦ᭄ᬭᬭᬾᬳᬮᬶᬢ᭄᭞ᬬᬾᬦ᭄ᬦᬫ᭄ᬧᭂᬓᬶᬦ᭄ᬤᬤᭀᬲ᭄
᭞ᬲᬫ᭄ᬧᬸᬦ᭄ᬗᬭᬸᬄᬳᬭᬸᬳᬶᬦ᭄ᬭᬭᬾᬦᬾ᭞ᬬᬾᬦ᭄ᬳᬭᬸᬳᬶᬦ᭄ᬧᬸᬢ᭄ᬭᬪᬬᬓ᭄ᬦᬶ᭞ᬲᬶᬕᬸᬕ᭄ᬓᬯᬲ᭄ᬢᬦᬶᬦ᭄᭞ᬧᭀᬮᬳᬾᬧᬸᬦᬶᬓᬸ᭟ᬬᬾᬦ᭄ᬧᬯᬾᬲ᭄ᬢ᭄ᬭᬶᬫᬗ᭄ᬕ
ᬫ᭄ᬩᭂᬮ᭄ᬓᬧᬗ᭄ᬕᬶᬄ᭞ᬗᬺᬩᬩ᭄‌ᬬᬦ᭄ᬦᬭᭀᬫ᭄ᬧᭀᬂ᭞ᬲᬫ᭄ᬧᬸᬦ᭄ᬦᬶᬫ᭄ᬧᬮᬶᬦ᭄ᬩᬦ᭄ᬧᬗᬶᬤᬸᬗᬾ᭞ᬦᬤ᭄ᬬᬦ᭄ᬦᬦ᭄ᬤᬓ᭄‌ᬦᬤ᭄ᬬᬦ᭄ᬫᬓᬓᬯᬶᬦ᭄᭞ᬭᬶᬧ᭄ᬢᬪᬬᬓ᭄ᬦᬶ᭞
ᬬᬦ᭄ᬦᬶᬫ᭄ᬧᬮᬶᬦ᭄ᬲᬶᬕᬸᬕ᭄᭟᭐᭟ᬧᬸᬧᬸᬄᬧᬸᬘᬸᬂ᭟ᬲ᭄ᬓᬃᬧᬸᬘᬸᬂ᭞ᬦᬗ᭄ᬳᬶᬂᬩᭀᬬᬘᬭᬗᭂᬫ᭄ᬧᬸ᭞ᬧᬸᬘᬸᬂᬲᬸᬭᬓᬃᬣ᭞ᬗᬶᬭᬲ᭄ᬕᭂᬦ᭄ᬤᬾᬃᬯᬬᬂᬲᬬᬶᬄ᭞ᬳ
[ ᭒᭑ 21A]
ᬗ᭄ᬕᬾᬦ᭄ᬜᬫ᭄ᬩᬸᬂ᭞ᬗᬮᬦ᭄ᬢᬸᬭᬂᬢ᭄ᬢᬶᬗ᭄ᬓᬳᬦ᭄᭟ᬢᬶᬗ᭄ᬓᬄᬘᬢᬸᬃ᭞ᬲᭀᬧᬾ ᬓ᭄ᬱᬦᬾ ᬫᬮᬶᬄᬳᬧᬸᬲ᭄᭞ᬳᬦᬾᬢᬢᬶᬫ᭄ᬩᬗᬦ᭄᭞ᬢᬶᬢᬶᬗ᭄ᬓᬳᬦ᭄ᬧᬢᬂᬲᬶᬓᬶ᭞
ᬳᬗ᭄ᬕᭂᬧᬶᬧᬸᬦ᭄᭞ᬧᭀᬮᬳᬾᬭᬶᬂᬧᬕᬸᬲ᭄ᬢ᭄ᬬᬦ᭄᭞ᬯᬶᬯᬶᬢᬶᬧᬸᬦ᭄᭞ᬘᬘᬓᬦ᭄‌ᬧᭀᬮᬳᬾᬧᬢᬸᬢ᭄᭞ᬢᬦ᭄ᬤᬤᬶᬫᬫᬤ᭞ᬓᬃᬱᬧᬗᬗ᭄ᬕᬾᬧᬓᬺᬣᬶ
᭞ᬭᬶᬂᬕᬸᬲ᭄ᬢᬶᬦᬾ᭞ᬓᭀᬘᬕᬶᬸᬧ᭄ᬓᭂᬦᬾᬂᬧᬢ᭄ᬭᬫᬬ᭟ᬧᬶᬂᬭᭀᬦᬶᬧᬸᬦ᭄᭞ᬢᬦ᭄ᬗᬫ᭄ᬩᬄᬦᬾᬢᬦ᭄ᬓᬢᬸᬚᬸ᭞ᬓᬃᬱᬦᬶᬂᬧᬕᬸᬲ᭄ᬢ᭄ᬬᬦ᭄᭞ᬬᬾᬦ᭄ᬗᬫ᭄ᬩᬄᬓᭀᬘ
ᬧ᭄ᬭᬶᬂᬳᬚᬶ᭞ᬢᬢᬲ᭄ᬫᬗ᭄ᬕᬶᬄ᭞ᬓ᭄ᬦᬭᬶᬭᬓ᭄ᬱᬓᬫᬢ᭄ᬭ᭟ᬓᬧᬶᬂᬢ᭄ᬮᬸ᭞ᬢᬦ᭄ᬮᬮᬶᬢᬦ᭄ᬗᬫ᭄ᬩᬄᬳᬗ᭄ᬓᬄ᭞ᬓᬃᬬ᭄ᬬᬦᬶᬂᬧᬕᬸᬲ᭄ᬢ᭄ᬬᬦ᭄᭞ᬢᬦ᭄ᬜᬾᬤᬭᬸᬧᬦᬶᬂᬕᬸ [ 22 ][ ᭒᭑ 21B]
᭒᭑᭞
ᬲ᭄ᬢᬶ᭞ᬬᬾᬦ᭄ᬗᬯᬤ᭞ᬓ᭄ᬦᬭᬶᬂᬭᭀᬢᬓᬬ᭟ᬧᬶᬂᬧᬢᬶᬧᬸᬦ᭄᭞ᬢᬦ᭄ᬧᬗᬸᬧᭂᬢ᭄ᬕᬸᬲ᭄ᬢᬶᬦᬶᬧᬸᬦ᭄᭞ᬫᬶᬯᬄᬢᬦ᭄ᬤᭀᬤᭀᬭ᭞ᬬᬾᬦ᭄ᬫᬦ᭄ᬤᭀᬤᭀᬭᬭᬶᬂᬕᬸᬲ᭄ᬢᬶ᭞
ᬧᬱ᭄ᬝᬶᬦᬶᬧᬸᬦ᭄᭞ᬓ᭄ᬦᬭᬶᬂᬭᭀᬢᬓᬫᬦ᭄ᬢ᭄ᬭ᭟ᬦᬾᬧᬸᬦᬶᬓᬸ᭞ᬧ᭄ᬭᬢᬶᬗ᭄ᬓᬳᬾᬲᬫ᭄ᬧᬸᬦ᭄ᬧᬸᬧᬸᬢ᭄᭟ᬫᬸᬗ᭄ᬕᬸᬄᬭᬶᬂᬓᬯᬸᬮ᭞ᬳᬾᬦ᭄ᬢᭂᬧᬾᬪᬓ᭄ᬢᬶᬭᬶᬂᬕᬸᬲ᭄ᬢᬶ᭞ᬲᬶᬤ᭄ᬥ
ᬫᬗ᭄ᬕᬸᬄ᭞ᬳᬬᬸᬲᬓᬮᬦᬶᬲ᭄ᬓᬮ᭟ᬮᬶᬗᬶᬂᬢᬸᬢᬸᬃ᭞ᬦᬕᬭᬓ᭄ᬭᬫᬦᬾᬫᬸᬗ᭄ᬕᬸᬄ᭞ᬭᬶᬂᬲᬢᬸᬃᬧᬭᬶᬓ᭄ᬱ᭞ᬧᬸᬦᬶᬓᬧᬶᬦᭂᬄᬬᬢ᭄ᬦᬳᬶᬦ᭄᭞ᬲᬓᬶᬂᬭᬢᬸ᭞ᬫᬭᬶ
ᬓ᭄ᬱᬯᬢᭂᬓ᭄‌ᬲᬾᬯᬓ᭟ᬫᬤᬦ᭄ᬘᬢᬸᬃ᭞ᬯᬶᬮᬂᬧᬧᬢ᭄‌ᬳᬃᬣᬶᬦᬶᬧᬸᬦ᭄᭞ᬫᬗ᭄ᬤᬓᬧᬭᬶᬓ᭄ᬱ᭞ᬳᬶᬲ᭄ᬢ᭄ᬭᬶᬧᬭᬶᬓ᭄ᬱᬲᬫᬶᬮᬶᬄ᭞ᬓᬃᬬ᭄ᬬᬧᬭᬶᬓ᭄ᬱ᭞ᬫᬶᬯᬄ
[ ᭒᭓ 23A]
ᬭᬕᬧᬭᬶᬓ᭄ᬱ᭟ᬳᬦ᭄ᬢᭂᬧᬶᬧᬸᬦ᭄᭞ᬳᬶᬭᬶᬓᬦ᭄ᬢᭂᬦᬦ᭄ᬲᬫ᭄ᬧᬸᬦ᭄᭞ᬫᬶᬯᬄᬬᬦ᭄ᬧᬋᬓ᭞ᬳᬶᬓᬧᬫ᭄ᬭᬾᬓ᭄ᬱᬦᬶᬂᬕᬸᬲ᭄ᬢᬶ᭞ᬫᬯᬲ᭄ᬦᬮᬸᬄ᭞ᬲᬓᬾᬳᬶᬂ
ᬯᬢᭂᬓ᭄ᬲᬯᬓ᭞ᬫᬮᬶᬄᬳᬶᬧᬸᬄ᭞ᬧᬜ᭄ᬘᬭᬓ᭄ᬱᬦᬭᬦᬶᬧᬸᬦ᭄᭞ᬢᬶᬗ᭄ᬓᬄᬢᬢᬭᬕ᭄ᬬᬦ᭄᭞ᬧᬯᬶᬮᬗᬦ᭄ᬮᬶᬫᬂᬲᬶᬓᬶ᭞ᬢᬶᬗ᭄ᬓᬄᬳᬶᬧᬸᬦ᭄᭞ᬪᬶᬸ
ᬧᬸᬦᬶᬓᬧᬢᬸᬢ᭄ᬳᬾᬮᬶᬗᬂ᭟ᬢᬶᬗ᭄ᬓᬳᬶᬧᬸᬦ᭄᭞ᬪᬬᬦᬭᬓ᭄ᬱᬦᬲᬢᬸ᭞ᬲ᭄ᬭᬯᬦᬭᬓ᭄ᬱᬦ᭞ᬧᬸᬦᬶᬓᬦᬾᬓᬧᬶᬂᬓᬮᬶᬄ᭞ᬓᬧᬶᬂᬢ᭄ᬮᬸ᭞ᬫᬯᬲ᭄ᬢ
ᬲ᭄ᬫ᭄ᬧᬃᬱᬭᬓ᭄ᬱᬦ᭟ᬧᬶᬂᬧᬢᬶᬧᬸᬦ᭄᭞ᬚᬶᬢ᭄ᬯᬭᬓ᭄ᬱᬦᬭᬦᬶᬧᬸᬦ᭄᭞ᬧᬸᬧᬸᬢᬾᬧᬶᬂᬮᬶᬫ᭞ᬕ᭄ᬭᬦᬭᬓ᭄ᬱᬦᬭᬦᬾᬓᬶ᭞ᬲᬶᬓᬶᬲᬶᬓᬶᬦ᭄᭞ᬳᬶᬧᬸᬦ᭄ᬫ [ 23 ][ ᭒᭒ 22B]
᭒᭒᭞
ᬮᬶᬄᬧᬶᬤᬃᬣᬬᬂ᭟ᬢᬶᬗ᭄ᬓᬳᬶᬧᬸᬦ᭄᭞ᬪᬬᬭᬓ᭄ᬱᬦᬫᬸᬗ᭄ᬕᬄ᭞ᬢᬦ᭄ᬧᬢᬶᬧᬸᬍᬲᬦ᭄᭞ᬧᬗᬯᬲᬾᬫᬗ᭄ᬤᬾᬦ᭄‌ᬩ᭄ᬘᬶᬓ᭄᭞ᬲᬫ᭄ᬧᬸᬦ᭄ᬓᬤᬶ᭞ᬤᬤᬮᬸ
ᬦᬾᬦᭂᬫ᭄ᬧᬸᬄᬤᬫᬃ᭟ᬧᬶᬂᬭᭀᬦᬶᬧᬸᬦ᭄᭞ᬲ᭄ᬭᬯᬦᬭᬓ᭄ᬱᬦᬯ᭄ᬭᬸᬄ᭞ᬫᬶᬦᭂᬳᬶᬦ᭄ᬳᬘᬧᬦ᭄᭞ᬕᬢᬶᬓᬮᬯᬦ᭄ᬢᬦ᭄ᬚᬢᬶ᭞ᬲᬫ᭄ᬧᬸᬦ᭄ᬓᬤᬶ᭞ᬫᬦ᭄ᬚᬜ᭄ᬕᬦ᭄‌ᬓ᭄ᬦᬶ
ᬭᬶᬂᬰᬩ᭄ᬤ᭟ᬦᬾᬧᬶᬂᬢ᭄ᬢᬸ᭞ᬲ᭄ᬧᬶᬃᬱᬦᬭᬓ᭄ᬱᬦᬦᬾᬫᬸᬗ᭄ᬕᬸᬄ᭞ᬢᬦ᭄ᬤᬂᬧ᭄ᬧᬭᬶᬂᬯᬤ᭄ᬯᬦ᭄᭞ᬲᬫ᭄ᬧᬸᬦ᭄ᬓᬤᬶᬕᬚᬄᬫ᭄ᬯᬦᬶ᭞ᬓᬩᬭᬶᬓᬸᬲ᭄᭞ᬓᬧᬶᬓᬢ
ᬓ᭄ᬕᬚᬄᬮᬸᬮ᭄ᬯ᭟ᬧᬶᬂᬧᬢᬶᬧᬸᬦ᭄᭞ᬚᬶᬢ᭄ᬯᬭᬓ᭄ᬱᬦᬦᬾᬫᬸᬗ᭄ᬕᬸᬄ᭞ᬢᬦ᭄ᬤᬃᬧ᭄ᬧᬭᬶᬧᬗᬦ᭄᭞ᬫᬲᬶᬄᬧᬢᬸᬢ᭄ᬗᬬᬢ᭄ᬦᬳᬶᬦ᭄᭞ᬲᬫ᭄ᬧᬸᬦ᭄ᬓᬤᬶ᭞ᬳᬸᬮᬫ᭄ᬫ
[ ᭒᭓ 23A]
ᬫ᭄ᬩᬾᬮᬦᬶᬦ᭄ᬧᬗᬦ᭄᭟ᬕ᭄ᬭᬦᬭᬓ᭄ᬱ᭞ᬦᬾᬭᬶᬂᬓᬧᬶᬂᬮᬶᬫᬧᬸᬧᬸᬢ᭄᭞ᬢᬦ᭄‌ᬕᬶᬭᬂᬭᬶᬂᬕᬦ᭄ᬤ᭞ᬲᬫ᭄ᬧᬸᬦ᭄ᬓᬤᬶᬜᬯᬦ᭄ᬧᬮᬶᬂ᭞ᬗᬤᭂᬓ᭄ᬫᬢᬦ᭄᭞ᬕ
ᬚᬄᬫᬢᬶᬦᬾᬓᬲᬫ᭄ᬩᬢ᭄᭟ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬜ᭄ᬘᬭᬓ᭄ᬱᬓᬦ᭄ᬤᬦᬶᬧᬸᬦ᭄᭞ᬧᬜ᭄ᬘᬦᬾᬮᬮᬶᬫ᭞ᬭᬓ᭄ᬱᬦᬾᬲᬭᬢ᭄ᬫᬗᭂᬧᬶᬢ᭄᭞ᬫ
ᬮᬶᬄᬢᬸᬗ᭄ᬕᬶᬮ᭄᭞ᬭᬶᬂᬫ᭄ᬭᬗᬶᬧᬸᬜ᭄ᬘᬾᬦ᭄ᬤ᭄ᬭᬶᬬ᭟ᬮᬶᬗᬶᬂᬢᬸᬢᬸᬃ᭞ᬪᬸᬯᬦᬧᬸᬭᬦᬫᬸᬗ᭄ᬕᬸᬄ᭞ᬢᬶᬗ᭄ᬓᬄᬘᬢᬸᬃᬬᬸᬕ᭞ᬚᬕᬢ᭄ᬚᬫ᭄ᬧᬢᬂᬲᬶᬓᬶ᭞ᬓᬺᬣᬢ᭄ᬭᬾᬢ᭞ᬤ᭄ᬯ
ᬧᬭᬓᬮᬶᬲᬗᬭ᭟ᬓᬦ᭄ᬤᬦᬶᬧᬸᬦ᭄᭞ᬢᬶᬗ᭄ᬓᬄᬳᬚ᭄ᬜᬦᬾᬫᬸᬗ᭄ᬕᬸᬄ᭞ᬬᬾᬦ᭄ᬓᬮᬦᬶᬂᬓᬺᬣ᭞ᬭᬳᬬᬸᬦᬾᬫᬶᬚᬶᬮ᭄ᬲᬓᬶᬂ᭞ᬬᭀᬕᬲᬫ᭞ [ 24 ][ ᭒᭓ 23B]
᭒᭓᭞
ᬤᬶᬫᬶᬯᬄᬓᬧᬭᬫᬵᬃᬣ᭟ᬧᬦᬶᬸᬲᬦᬶᬧᬸᬦ᭄᭞ᬭᬶᬂᬢ᭄ᬭᬾᬢᬬᬸᬕᬦᬾᬳᬬᬸ᭟ᬫ᭄ᬢᬸᬲᬓᬶᬂᬫᬦᬄ᭞ᬦᬶᬃᬫ᭄ᬫᬮᬳᬚ᭄ᬜᬦᬲᬸᬘᬶ᭞ᬫᬮᬶᬄᬳᬶᬧᬸᬦ᭄᭞ᬲ
ᬗ᭄ᬓᬭᬶᬂᬫᬳᭀᬫᬬᬚ᭄ᬜ᭟ᬬᬦ᭄ᬭᬶᬂᬭᬯᬸᬄ᭞ᬤ᭄ᬯᬧᬭᬬᬸᬕᬦᬾ ᬳᬬᬸ᭞ᬫᬶᬚᬶᬮ᭄ᬲᬓᬶᬂᬬᬚ᭄ᬜ᭞ᬤᬾᬯᬬᬚ᭄ᬜᬬᬚ᭄ᬜᬋᬱᬶ᭞ᬮᬦ᭄ᬫᬦᬸᬱᬬᬚ᭄ᬜ᭞ᬲᬫᬦ᭄ᬢ᭄ᬭᬯᬶ
ᬱᬾᬲ᭟ᬬᬦ᭄ᬭᬶᬂᬲᬫ᭄ᬧᬸᬦ᭄᭞ᬢᬶᬜ᭄ᬘᬧ᭄‌ᬓᬮᬶᬬᬸᬯᬭᬯᬸᬄ᭞ᬳᬾᬯᭂᬄᬫᬢᬢᬸᬢᬂ᭞ᬲᬗ᭄ᬓᬦ᭄ᬭᬳᬬᬸᬦᬾᬫᬶᬚᬶᬮ᭄᭞ᬬᬦ᭄ᬢᬦ᭄ᬲᬓᬶᬂ᭞ᬫᬳᬯᬶ
ᬱᬾᬲᬧᬡ᭄ᬥᬶᬢ᭟ᬦᬾᬓᬯᬗᬸᬦ᭄᭞ᬳᬸᬮᬄᬫᬫ᭄ᬩᬶᬲᬾᬓᬭᬢᬸ᭞ᬮᬦ᭄ᬫᬦ᭄ᬢ᭄ᬭᬶᬧᬸᬗ᭄ᬕᬯ᭞ᬲᬭᬢᬸᬓᭀᬦᭂᬦ᭄ᬫᬰᬚᬶ᭞ᬳᬾᬓᬘᬓ᭄ᬭ᭞ᬯᬃᬣᬧᬸ
[ ᭒᭔ 24A]
ᬦᬶᬓᬯᬲ᭄ᬢᬦ᭄ᬜ᭟ᬫᬦ᭄ᬢ᭄ᬭᬶᬦᬶᬧᬸᬦ᭄᭞ᬧᬸᬗ᭄ᬕᬯᬫᬗᬚᬶᬢᬸᬢᬸᬃ᭞ᬪᬸᬯᬦᬧᬸᬭᬦ᭞ᬲᬓᬶᬂᬳᬓᬲ᭄ᬫᬮᬫ᭄ᬧᬳᬶᬦ᭄᭞ᬗᬶᬢᬂᬗᬶᬢᬸᬂ᭞ᬦᬾᬧ᭄ᬭᬬᬤ
ᬤᭀᬲ᭄‌ᬓ᭄ᬭᬳᬬ᭄ᬯᬦ᭄᭟ᬲᬓᬶᬂᬢᬸᬬᬸᬄ᭞ᬲᬓᬶᬂᬲᬭᬢ᭄ᬲᬓᬶᬂᬓᬸᬓᬸᬄ᭞ᬲᬓᬶᬂᬧᬗ᭄ᬮᬮ᭄ᬯᬦ᭄᭞ᬲᬓᬶᬂᬢ᭄ᬬᬕᬯᬦᬶᬫᬢᬶ᭞ᬩᬶᬮᬶᬄᬩᬶᬮᬶᬄ᭞ᬯᬾᬦ᭄ᬢᭂᬦ᭄ᬕ
ᬢ᭄ᬭᬓᬭᬳᬬ᭄ᬯᬦ᭄᭟ᬘᬸᬧᭂᬢᬶᬧᬸᬦ᭄᭞ᬬᬾᬦ᭄ᬲᬫ᭄ᬧᬸᬦ᭄ᬲᬶᬤ᭄ᬥᬫᬢᬸᬓ᭄ᬢᬸᬓ᭄᭞ᬧᬶᬧᬶᬦ᭄ᬢ᭄ᬬᬦ᭄ᬧᬸᬦᬶᬓ᭞ᬤᬤᭀᬲ᭄ᬗᬲᬸᬓᬶᬦ᭄ᬲᭀᬘ᭄ᬦᬶᬓ᭄᭞ᬤᬤᭀ
ᬲ᭄ᬓᬸᬓᬸᬄ᭞ᬢᬦ᭄ᬕᬫ᭄ᬩᬸᬄᬧᬸᬦ᭄ᬢᬕ᭄ᬧᬦ᭄ᬢᬶᬕᬂ᭟ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬫᬗ᭄ᬕᬳᬂᬩᬜᬓ᭄ᬳᬸᬦ᭄ᬢᬂ᭞ᬢᬦ᭄ᬢᬦ᭄ᬜᬧᬸᬦᬶᬓ᭞ᬢᬦ᭄ᬳᬗ᭄ᬕᭀᬫᬧᬸᬬᬂᬧᬶᬂ᭞ᬗᬶ [ 25 ][ ᭒᭔ 24B]
᭒᭔᭞
ᬢᬸᬂᬓᬺᬣ᭞ᬢ᭄ᬭᬾᬢᬤ᭄ᬯᬧᬭᬲᬗᬭ᭟ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬧᬗᬯᬶᬓᭀᬚᬭᬦ᭄ᬢᬸᬢᬸᬃ᭞ᬦᬗ᭄ᬳᬶᬂᬲᬫ᭄ᬧᬸᬭᬬᬂ᭞ᬓᬯᬶᬢᬶᬯᬲ᭄ᬢᬸᬦᬩᬸᬥᬶ᭞
ᬩᭀᬬᬲᬓᬶᬂ᭞ᬕᬕᬫ᭄ᬧᬂᬢᬶᬗ᭄ᬓᬄᬳᬸᬢ᭄ᬢᬫ᭟ᬲᬓᬶᬂᬗᭂᬜᬸᬤ᭄᭞ᬓᬾᬯᬮᬗᬢᭂᬦᬶᬦ᭄ᬳᬸᬦ᭄ᬤᬸᬓ᭄᭞ᬓᬢᬸᬢᬸᬭᬦ᭄ᬮᬯᬲ᭄᭞ᬢᬶᬗ᭄ᬓᬄᬭᬢᬸ
ᬗᬸᬦᬶᬗᬸᬦᬶ᭞ᬫᬗ᭄ᬤᭀᬄᬚᬢᬶ᭞ᬤᬤᭀᬲ᭄ᬫᬢᬶᬭᬸᬳᬫ᭄ᬤᬂ᭟ᬳᬲᬮ᭄ᬫᬗ᭄ᬕᬸᬄ᭞ᬫᬦᬳᬾᬕᬮᬂᬳᬲ᭄ᬫᬸᬢ᭄᭞ᬲᬸᬩᬫᬤᬦ᭄ᬲᬤ᭄ᬬ᭞ᬤᬸᬫᬤᬶᬭᬶᬂᬫᬲ
ᬦ᭄ᬓᬮᬶ᭞ᬢᬸᬭᬶᬦ᭄ᬳᬓᬾᬄ᭞ᬗᬤᬸᬢ᭄ᬩᬶᬩᬶᬢ᭄ᬓᬢᬫ᭄ᬩᭂᬢᬦ᭄᭟ᬤᬸᬓᬾᬧᬸᬧᬸᬢ᭄᭞ᬓᬲᬸᬭᬢ᭄ᬭᬶᬂᬯ᭄ᬗᬶᬦᬶᬧᬸᬦ᭄᭞ᬲᭀᬫᬫᬦᬶᬲ᭄ᬩᬮ᭞ᬧᬸᬃᬡ᭄ᬦᬫᬦᬶᬂᬓ
[ ᭒᭕ 25A]
ᬧᬢ᭄ᬰᬰᬶᬄ᭞ᬳᬶᬰᬓᬦᬾ᭞ᬮᬶᬫᬮᬶᬓᬸᬃᬲᬗᬂᬳᬢᬢᬶᬸᬓ᭄᭟᭐᭟ᬇᬢᬶᬓᬶᬤᬸᬂᬦ᭄ᬢᬶᬭᬚᬲᬲᬦᬫᬦ᭄ᬢ᭞ᬧᬶᬢᬸᬭᬸᬦ᭄ᬲᬓᬶᬂᬰᬲ᭄ᬢ᭄ᬭᬗᬸᬦᬶ
ᬗᬸᬦᬶ᭟᭐᭟ᬧᬸᬧᬸᬄᬫᬶᬚᬶᬮ᭄᭟ᬫᬶᬮᬸᬕᬶᬭᬂᬫᬮᬚᬄᬫᬗ᭄ᬕᬸᬭᬶᬢ᭄᭞ᬜᬮᬶᬫᬸᬭᬂᬳᬸᬯᭀᬦ᭄᭞ᬲ᭄ᬓᬃᬫᬫᬶᬚᬶᬮ᭄ᬚᬯᬶᬢᭂᬫ᭄ᬩᬗᬾ᭞ᬧᬗ᭄ᬓᭂᬢᬾᬩᬲ
ᬢᬸᬭᬄᬩᬮᬶ᭞ᬓᬗ᭄ᬕᬾᬳᬲᬮ᭄ᬜᬭᬶᬓ᭄᭞ᬗᬸᬮᬄᬲᬶᬤ᭄ᬥᬤᬸᬭᬸᬲ᭄᭟ᬯᬶᬭᬾᬄᬤᬸᬭᬸᬂᬧᬢᬶᬘᬘᭂᬧ᭄ᬳᬸᬦᬶᬂ᭞ᬭᬶᬂᬘᬦ᭄ᬤᬓᬦ᭄ᬭᬯᭀᬲ᭄᭞ᬗᬃᬥᬶᬫᬗ᭄ᬤᬾ
ᬦ᭄ᬳᬦ᭄ᬢᬃᬧᬗᬯᬶᬦᬾ᭞ᬫᭀᬕᬫᭀᬕᬓᬲᬫ᭄ᬧᬸᬭᬳᬸᬕᬶ᭞ᬓᬯᬶᬢᬸᬦᬩᬸᬥᬶ᭞ᬓᬭᬶᬩᬗᭂᬢ᭄ᬲᬶᬕᬸᬕ᭄᭟ᬳᬸᬗ᭄ᬕᬄᬳᬗ᭄ᬕᬳᬦᬾᬭᬶᬂᬧ [ 26 ][ ᭒᭕ 25B]
᭒᭕᭞
ᬗᬯᬶ᭞ᬢᬦ᭄ᬧᬢᬸᬓ᭄ᬢᬸᬓ᭄ᬩᭀᬗ᭄ᬓᭀᬮ᭄᭞ᬯᬶᬭᬾᬄᬩᬸᬦ᭄ᬤᭂᬃᬫᬸᬤ᭄ᬭᬦ᭄ᬭᬸᬧᬦᬾ᭞ᬤᬤᭀᬲ᭄ᬕᭂᬤᬾᬫᬗᭂᬩᭂᬓᬶᬦ᭄ᬕᬸᬫᬶ᭞ᬤᬤᭀᬲ᭄ᬧᬸᬋᬢ᭄ᬳᬮᬶ
ᬢ᭄᭟ᬫᬜᬫᬶᬦᬶᬦ᭄ᬢᬸᬗᬸ᭟ᬳᬗ᭄ᬓᬾᬦ᭄ᬧᬶᬗᭂᬢ᭄ᬧᬤᬾᬯᬾᬓ᭄ᬓᬮᬦᬶᬂ᭞ᬦᬸᬚᬸᬦᬦᭂᬂᬩ᭄ᬗᭀᬂ᭞ᬓᬢᬶᬸᬩᬸᬩᬸᬢᬦ᭄ᬗᬤᬸᬢ᭄ᬫᬸᬲᬸᬄᬕ᭄ᬤᬾ᭞ᬫᬧ᭄ᬭᬶᬗᬶᬦ᭄ᬳ
ᬯᬓᬾᬕᬸᬬᭀᬦᬶᬦ᭄᭞ᬯᬶᬭᬾᬄᬧᬮᬶᬂᬧᬮᬶᬂ᭞ᬲᬳᬶᬗᬤᬶᬦ᭄ᬫᬸᬲᬸᬄ᭟ᬓᬤᬸᬂᬦᬫᬶᬗᭂᬮᬄᬲᬗᬸᬧᬲᬶᬲ᭄᭞ᬫᬲᬶᬄᬢᬓᬶᬧᭀᬦ᭄ᬤᭀ᭞
ᬧᬢᬫ᭄ᬩᬸᬯᬲ᭄ᬜᬭᬾᬢ᭄ᬘᬾᬢ᭄ᬧᬲᭂᬍᬢ᭄᭞ᬲᬢᭀᬦᬶᬱ᭄ᬝᬧ᭄ᬯᬶᬓᬗᬾᬫᬦᬳᬶᬦ᭄᭞ᬫᬗ᭄ᬤᬚᬦ᭄ᬫᬳᬧᬶᬓ᭄᭞ᬢᬢᬲ᭄ᬓᬭᬩ᭄ᬳᬭᬸᬄ᭟ᬢ᭄ᬯᬭ
[ ᭒᭖ 26A]
ᬤᬤᬶᬲᬩᬢᬂᬧ᭄ᬮᬳᬶᬩᬶᬦ᭄᭞ᬓᬤᬸᬂᬩᬓᬢ᭄ᬩᭀᬂᬓᭀᬲ᭄᭞ᬫᬩᬸᬗ᭄ᬓᬸᬮᬦ᭄ᬳᬶᬩᬸᬭᭀᬦ᭄ᬭᬓᭂᬢ᭞ᬪᬪᬲᬸᬩᬓᬢ᭄ᬭᬂᬓᬢᬸᬮᬶᬲ᭄᭞ᬲᬸᬕᬶᬄ
ᬗᬤᬸᬢ᭄‌ᬯᬾᬘᬶ᭞ᬲᬳᬶᬮᬧᬸᬢ᭄ᬩᬶᬗᬸᬂ᭟ᬧᬶᬧᬶᬲ᭄ᬢᭂᬮᬸᬓᬤᬸᬢ᭄ᬧᬤᬘᬸᬗᬶᬄ᭞ᬧᭂᬗᭀᬓ᭄ᬭᬸᬯᬕ᭄‌ᬩᭀᬮᭀᬂ᭞ᬲᬫᬶᬦᬸᬮᬓ᭄ᬲᬩᬗ᭄ᬲᬤᬕ
ᬗᬾ᭞ᬫᬮᬶᬄᬓᬤᬸᬢ᭄ᬢᭂᬓᬾᬦᬶᬂᬫᬫᬸᬦ᭄ᬢᬶᬮ᭄᭞ᬦᬄᬲᬳᬶᬦ᭄᭞ᬮᬜ᭄ᬤᬯᬸᬭᬸᬂ᭟ᬧᬶᬘᬦ᭄ᬕᬸᬲ᭄ᬢᬶᬢ᭄ᬯᬭᬤᬤᬶᬧᬶᬮᬶᬄ᭞ᬓᬳᬗ᭄ᬕᬾᬦ᭄ᬕᬸᬕᬸᬬᭀ
ᬦ᭄᭞ᬫᬲᬶᬄᬳᬶᬭᬶᬂᬢᬦ᭄ᬤᬤᬶᬫᬲᬗ᭄ᬓᬾ᭞ᬳᬕᭂᬢ᭄ᬮᬘᬸᬃᬧᬤᬲᬓᬶᬂᬕᬸᬲ᭄ᬢᬶ᭞ᬕᬸᬲ᭄ᬢᬶᬦᬾᬲᬚᬢᬶ᭞ᬦᬾᬗᬤᬓᬂᬗᬩᬸᬢ᭄᭟ᬧᬶᬦᬸᬦ [ 27 ][ ᭒᭖ 26B]
᭒᭖᭞
ᬲᬾᬭᬶᬂᬕᬸᬲ᭄ᬢᬶᬓᬂᬲᬸᬘᬶ᭞ᬳᬲᬮ᭄ᬲᬸᬤ᭄ᬥᬓ᭄ᬮᬓᭀᬦ᭄᭞ᬦᬸᬤᬸᬄᬲᬧᬭᬶᬧᭀᬮᬳᬾ ᭞ᬫᭀᬕᬫᭀᬕᬲᬫ᭄ᬧᬸᬦ᭄ᬫᬮᬶᬄᬫᬮᬶᬄ᭞ᬗᬃᬤᬶᬗᬃᬤᬶ
ᬲᬶᬲᬶᬧ᭄᭞ᬭᬲᬮᬯᬲ᭄ᬳᬶᬤᬸᬧ᭄᭟ᬫᬫ᭄ᬩᭂᬓᭂᬮᬲᬧᬳᬶᬘᬦ᭄ᬳᬶᬕᬸᬲ᭄ᬢᬶ᭞ᬫᭀᬕᬲᬶᬤ᭄ᬥᬓ᭄ᬮᬓᭀᬦ᭄᭞ᬦᬤ᭄ᬬᬦ᭄ᬧᬲᬶᬮ᭄ᬜᬭᬾᬢ᭄ᬘᬾᬢ᭄ᬧᬲᬼᬢ᭄᭞ᬫᭀᬕᬫᭀ
ᬕᬮᬶᬮᬲᬓᬶᬂᬳᬢᬶ᭞ᬗᭂᬲᬧᬂᬗ᭄ᬭᬲᬬᬶᬦ᭄᭞ᬬᬤᬶᬦ᭄ᬲᬗᭂᬢ᭄ᬩᬸᬭᬸᬓ᭄᭟ᬓᬧᬶᬲᬾᬯᬸᬧᬶᬂᬮᬓ᭄ᬱᬧᬶᬂᬓᭂᬢᬶ᭞ᬧᬶᬦᬸᬦᬲᬾᬩᭀᬦ᭄ᬢᬾᬓ᭄᭞ᬲᬶᬤ᭄ᬥᬓ᭄ᬮ
ᬓᭀᬦ᭄ᬢᭂᬢᭂᬧ᭄ᬳᬬᬳᬦᬾ᭞ᬲᬧᬦᬶᬢᬳᬶᬂᬕᬸᬲ᭄ᬢᬶᬓᬂᬲᬸᬘᬶᬶ᭞ᬭᬶᬂᬳᬭᬄᬓᬓᬮᬶᬄ᭞ᬧᬦᭂᬫ᭄ᬩᬾᬧᬜᬸᬯᬸᬤ᭄᭞ᬫᬢᬶᬳᬸᬭᬶᬧ᭄‌ᬫᭀᬕᬫᭀᬕᬳᬾ

[ ᭒᭗ 27A]
ᬮᬶᬂ᭞ᬭᬶᬂᬚᬩᬭᬶᬂᬚ᭄ᬭᭀ᭞ᬭᬶᬂᬕᬸᬲ᭄ᬢᬶᬦᬾᬓᬂᬲᬸᬘᬶᬚᬢᬶᬦᬾ ᭞ᬦᬤ᭄ᬬᬦ᭄ᬲ᭄ᬮᬢ᭄ᬲᬕᬭᬳᬓᭂᬢᬶ᭞ᬢᬦ᭄ᬲᬫᬃᬭᬶᬂᬕᬸᬲ᭄ᬢᬶ᭞ᬢᬦ᭄ᬓᬮᬶᬗᬦ᭄ᬩᬶᬗᬸᬂ᭟ᬦᬤ᭄ᬬᬦ᭄ᬧᬶᬗᬶ
ᬢ᭄ᬲᬧᬶᬗᬶᬢᬶᬂᬧᬶᬗᬶᬢ᭄᭞ᬫᭀᬕᬫᭀᬕᬓᬢᭀᬦ᭄᭞ᬤᬤ᭄ᬬᬦ᭄ᬲᬚ᭄ᬭᭀᬦᬶᬂᬓᬬᬸᬕ᭄ᬦᬶᬦᬾ᭞ᬚ᭄ᬭᭀᬦᬶᬂᬮᬯᬢ᭄‌ᬚ᭄ᬭᭀᬦᬶᬂᬦᬧᬶᬦᬧᬶ᭞ᬫᭀᬕᬫᭀᬕ
ᬳᬾᬮᬶᬂ᭞ᬲᭂᬫ᭄ᬩᬳᬾᬤᬸᬫᬸᬦᬂ᭞ᬧᬸᬢᬶᬄᬤᬤᬶᬸᬤᬸᬩᬭᬓ᭄ᬚᬶᬗ᭄ᬕᬓᬸᬦᬶᬂ᭞ᬲᬭᬸᬧᬲᬓᬢᭀᬦ᭄᭞ᬫᭀᬕᬫᭀᬕᬲᬶᬦᬄᬧᬗᬯᬲᬾ᭞ᬤᬸᬦᬸᬗᬶᬧᬸᬦ᭄ᬲᭂᬫ᭄ᬩ
ᬳᬾᬭᬶᬂᬕᬸᬲ᭄ᬢᬶ᭞ᬢᬦ᭄ᬓᬦ᭄ᬤᬾᬕ᭄ᬢᬦ᭄ᬕᬶᬗ᭄ᬲᬶᬃ᭞ᬫᭀᬕᬲᬶᬤ᭄ᬥᬓᬸᬓᬸᬄ᭟ᬢᬸᬦ᭄ᬤᬢᬦ᭄ᬤᬢᬸᬭᬸᬦ᭄ᬧᬢᬶᬦ᭄ᬤᬶᬄ᭞ᬢᬦ᭄ᬳᬗᬤᭀᬄᬳᬤᭀᬄ᭞ᬤᬸᬤᬸᬕᬦᬾᬲᬤ [ 28 ][ ᭒᭗ 27B]᭒᭗᭞
ᬤᬶᬤᬤᬶᬦᬾ ᭞ᬧᬦᬸᬚᬸᬦᬾᬳᭂᬫ᭄ᬩᬦᬂᬳᬾᬮᬵᬳᬶᬂ᭞ᬳᬾ ᬮᬶᬗᬾᬭᬶᬂᬕᬸᬲ᭄ᬢᬶ᭞ᬫᭀᬕᬲᬶᬤ᭄ᬥᬧᬗ᭄ᬕᬸᬄ᭟ᬳᬓᬾᬄᬳᬓᬾᬄᬧᬦ᭄ᬤᬸᬕᬭᬶᬂᬕᬸᬲ᭄ᬢᬶ᭞ᬫᬦᬸᬢ᭄ᬭᬸᬧᬦᬶᬯᭀᬂ
᭞ᬫᬦᬸᬢ᭄‌‌ᬳᬶᬤᭂᬭᬦ᭄ᬤᬰᬦᬾ᭞ᬫᭀᬕᬫᭀᬕᬓᬂᬡ᭄ᬦᬶᬃᬲᬚᬸᬓ᭄ᬢᬶ᭞ᬫᬫᬗ᭄ᬕᬸᬳᬂᬳᬾᬮᬶᬂ᭞ᬲᬗ᭄ᬓᬦ᭄ᬧᬭᬦ᭄ᬢᬸᬤᬸᬄ᭟ᬓᬮᬗ᭄ᬓᬳᬤ᭄ᬭᬳᬶᬦᬮᬦ᭄ᬭᬢ᭄ᬭᬶ᭞
ᬓᬲᬸᬦᬭᬦ᭄ᬲᭀᬭᭀᬢ᭄᭞ᬓᬓ᭄ᬜᬭᬦ᭄‌ᬢ᭄ᬭᬶᬤᬶᬧᬦᬮᬦᬾ᭞ᬢᬸᬢᬸᬕᬶᬧᬸᬦ᭄ᬲᬚ᭄ᬭᭀᬦᬶᬂᬳᬳᬶᬱ᭄ᬝᬶ᭞ᬓᬂᬓᬮᬶᬄᬓᬧᬶᬮᬶᬄ᭞ᬓᬢᬭᬶᬫᬧᬢᬸᬢ᭄᭟ᬚ
ᬢᬶᬚᬢᬶᬦᬶᬂᬲᬶᬮᬲᬶᬲᬶᬮᬶᬄ᭞ᬳᬤᭂᬕ᭄ᬳᬕ᭄ᬭᬸᬭᭀᬧ᭄᭞ᬧᬗ᭄ᬮᬗ᭄ᬓᬢᬯ᭄ᬭᬶᬂᬳᬤᭀᬄᬧᬋᬓᬾ᭞ᬤᬤᬲᬭᬾᬭᬶᬭᬶᬗ᭄ᬓᭂᬲᬦ᭄ᬕᬸᬫᬶ᭟ᬩᬶᬲᬗᬸᬦ᭄ᬤᬕ᭄ᬦᬶ᭞ᬗᬭᬸᬧ
[ ᭒᭘ 28A]
ᬬᬂᬓᬬᬸ᭟ᬳᬗ᭄ᬕᬾᬦ᭄ᬧᬳᬸᬩᬦ᭄ᬓᬮᬦᬶᬂᬳᬸᬭᬶᬧ᭄᭞ᬤᬤᬶᬩᬮᬾᬧᬯᭀᬦ᭄᭞ᬓᬢᬄᬓᬢᬄᬳᬓᬶᬤᬶᬓ᭄ᬯᬶᬯᬶᬢᬾ᭞ᬧᬸᬧᬸᬢ᭄ᬓᬶᬤᬶᬓ᭄ᬲᬓᬶᬂᬳᬓᬾᬄ
ᬭᬶᬳᬶᬦ᭄᭞ᬫᬲᭂᬮᬸᬧ᭄ᬫᬢᬶᬦ᭄ᬤᬶᬄ᭞ᬭᬯᬸᬲᬾᬫᬳᬶᬫ᭄ᬧᬸᬲ᭄᭟ᬲᬲᬯᬗᬦ᭄ᬓᬬᬸᬳᬸᬕᬃᬳᬸᬕᬶᬃ᭞ᬗᬭᬶᬤᬶᬕ᭄ᬫᬫᬕᭀᬯᭀᬓ᭄᭞ᬫᬲᬶᬄᬤᬤᬶᬧᬳᬸᬩᬦ᭄ᬚ
ᬤ᭄ᬫᬦᬾ᭞ᬩᭀᬬᬤᬤᭀᬲ᭄‌ᬳᬶᬦ᭄ᬤᬬᬂᬲᬫ᭄ᬧᬳᬶᬦ᭄᭞ᬲᬮᬸᬳᬸᬭᬶᬂᬮᬗᬶᬢ᭄᭞ᬲᬭᬸᬤᬕᬶᬂᬳᬶᬧᬸᬦ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬫᬮᬶᬄᬢᭂᬫ᭄ᬩᬂᬲᬶᬲᬶ
ᬦᭀᬫᬦ᭄᭞ᬫᬲᬶᬄᬩᬲᬢᬸᬭᬄᬩᬮᬶ᭞ᬢᭂᬫ᭄ᬩᬂᬜᬦᬾᬓᬃᬣᬲᬸᬭ᭞ᬲᬫ᭄ᬩᬸᬗᬦ᭄‌ᬧᬾᬢᬸᬗᬦ᭄ᬲᬫᬶ᭞ᬓᬯᭀᬦ᭄ᬲᬫᬶᬭᬶᬂᬩ᭄ᬘᬶᬓ᭄᭞ᬭᬾᬄᬫ᭄ᬤᬮ᭄ᬲᬓᬶᬂᬧᬓ [ 29 ][ ᭒᭘ 28B]
ᬬᬸᬦᬦ᭄᭞ᬲᬶᬂᬲᬶᬂᬫᬫ᭄ᬩᬯᭀᬲᬂ᭞ᬗᬯᬲ᭄ᬢᬦᬶᬦ᭄ᬓᬯᭀᬦ᭄ᬩᭂᬘᬶᬓ᭄᭞ᬯᬶᬭᬾᬄᬫᬸᬮ᭞ᬳᬾᬯᭂᬄᬫᬜᬶᬓ᭄ᬬᬂᬫᬦᬄ᭟ᬓᭀᬘᬧ᭄ᬲᬫᬶᬂᬧᬶᬧᬶᬓᬢ᭄᭞ᬓᬢᬸᬢᬸᬭ
ᬦ᭄ᬦᬯᭀᬦ᭄ᬩᭂᬘᬶᬓ᭄᭞ᬩ᭄ᬘᬶᬓᬾᬢᬢᬦ᭄ᬲᬭᬸᬧ᭞ᬫᬶᬯᬄᬦᬾᬓᬗ᭄ᬓᭂᬦ᭄ᬢᬦ᭄ᬩᭂᬘᬶᬓ᭄᭞ᬓᬭᬶᬲᬮᬶᬄᬕ᭄ᬮᬶᬮᬶᬗᬶᬦ᭄᭞ᬩ᭄ᬘᬶᬓ᭄ᬓᬯᭀᬦᬾᬫᬕᬶᬮᬸᬢ᭄᭞ᬓ᭄ᬭᬦᬯᬾᬦ᭄ᬢᭂ
᭞ᬓ᭄ᬭᬦᬤᬤᭀᬲ᭄ᬧᬜ᭄ᬚᬗᬾᬧᬜ᭄ᬚᬚᬂ᭞ᬯᬦ᭄ᬢᬄᬲᬓᬶᬂᬓᬯᭀᬦ᭄ᬩᭂᬘᬶᬓ᭄᭞ᬤᬤᭀᬲ᭄ᬯᬲ᭄ᬢᬦᬶᬦ᭄ᬓᬦ᭄ᬢᬶ᭞ᬤᬤᭀᬲ᭄ᬯᬲ᭄ᬢᬦᬶᬦ᭄ᬲᬢ᭄ᬭᬸ᭞ᬭᬸᬧᬦᬾᬤᬸᬭᬸᬂᬲᬶᬦᬄ᭞

[ ᭒᭙ 29A]
ᬦᬗ᭄ᬳᬶᬂᬲᬫ᭄ᬧᬸᬦ᭄ᬮᬸᬫ᭄ᬩ᭄ᬭᬄᬲᬫᬶ᭞ᬫᬸᬗ᭄ᬕᬄᬫᬸᬗ᭄ᬕᬸᬄ᭞ᬭᬶᬂᬳᬸᬘᬧᬦ᭄‌‌ᬲᬃᬯ᭄ᬯᬚᬦ᭄ᬫ᭟ᬲᬢ᭄ᬬᬦᬾᬫᬧᬓᬸᬋᬦᬦ᭄᭞ᬬᬤ᭄ᬬᬦ᭄ᬲᬮᬶᬂᬩᬂᬕ᭄ᬭᬲᬶᬦ᭄᭞ᬫᬲᬶᬄᬩᬋᬂᬗᬚᬗ᭄ᬮᭀᬤ᭄
᭞ᬩᬋᬂᬳᬶᬤᬸᬧ᭄ᬩᬋᬂᬫᬢᬶ᭞ᬩᬋᬂᬲᬚ᭄ᬭᭀᬦᬶᬂᬗᬶᬧᬶ᭞ᬢ᭄ᬯᬭᬲᬄᬘᬭᬢ᭄ᬘᬸᬭᬸᬢ᭄᭞ᬳᬭᬂᬳᬦᬓᬾ ᬯᬶᬓᬦ᭄᭞ᬫᬲᬗᬶᬦ᭄ᬧᬧᬲᬄᬫᬦ᭄ᬤᬶ᭞ᬫᬗ᭄ᬕᬯᬾ
ᬦᬂ᭞ᬫᬗ᭄ᬤᬾᬦ᭄ᬜᬲᬶᬤ᭄ᬥᬜᬧ᭄ᬬᬦ᭄᭟ᬬᬤᬶᬦ᭄ᬲᬶᬲ᭄ᬥᬳᬲᬓ᭄ᬱᬦᬦ᭄᭞ᬤᬸᬭᬸᬂᬢᬸᬢᬸᬕ᭄‌ᬯᬦᭂᬂᬓᬲᬶᬄ᭞ᬓ᭄ᬭᬡᬳᬾᬯᭂᬄᬫᬫ᭄ᬩᬸᬤ᭄ᬬᬂ᭞ᬍᬫᬄᬍᬫᭂᬃᬲᬳᬶᬳᬸ
ᬓᬶᬄ᭞ᬫᬳᬶᬰ᭄ᬢᭀᬂᬤᬤᬶᬤᬤᬶ᭞ᬧᬶᬦᭂᬄᬢᬸᬬᬸᬄᬗᬮᬶᬄᬩᬦ᭄ᬢᬸ᭞ᬩᬦ᭄ᬢᬸᬦᬾᬯᬃᬡ᭄ᬦᬤ᭄ᬯ᭞ᬫᬧᬲᬗᬦ᭄ᬮᬸᬄᬫ᭄ᬯᬦᬶ᭞ᬲᬢ᭄ᬬᬢᬸᬳᬸ᭞ᬢ᭄ᬯᬭᬢᬳᬾᬦ᭄ᬮᬶᬮᬶ [ 30 ][ ᭒᭙ 29B]
᭒᭙᭞
ᬜᭀᬓᬦ᭄᭟ᬓᬮᬶᬄᬢ᭄ᬯᬭᬦᬕᬶᬄᬳᬧ᭞ᬯᬦ᭄ᬢᬄᬫᬶᬲᬤ᭄ᬬᬦᬸ;ᬳᬸᬗᬶᬦ᭄᭞ᬜᬸᬦᬾᬦᬶᬦ᭄ᬓᬭᬂᬧᬧᭂᬗ᭄ᬓᬲ᭄᭞ᬬᬾᬦ᭄ᬯᬦ᭄ᬢᬄᬲᬭᬢ᭄ᬦᬶᬦ᭄ᬤᬓᬶᬦ᭄᭞ᬢ᭄ᬯ
ᬭᬓᬶᬭᬂᬧᬓᬶᬭᬶᬕ᭄᭞ᬢᬸᬃᬧᬓᬓᬲ᭄ᬮ᭄ᬬᬸ᭞ᬦᬗ᭄ᬳᬶᬂᬫᬤᬲᬃᬳ᭄ᬮᬲ᭄᭞ᬢ᭄ᬯᬭᬗᬶᬢᬸᬂᬧᬢᬶᬳᬸᬭᬶᬧ᭄᭞ᬩᬦᬶᬢᬸᬬᬸᬄ᭞ᬩᬦᬶᬫᬓᭂᬦ᭄ᬢᬫᬕᭂᬭᬂ᭟ᬫᬮᬶᬄᬧᬮᬶᬄ
ᬧᬗᬮᬶᬄᬜ᭞ᬬᬾᬦ᭄ᬳᬦ᭄ᬤᬾᬫᬸᬲᬸᬄᬳᬲᬶᬓᬶ᭞ᬩᬶᬲᬗᬫ᭄ᬧ᭄ᬭᬕ᭄ᬩᬶᬲᬦᭀᬕ᭄ᬤᭀᬕ᭄᭞ᬩᬶᬲᬗᬺᬂᬫᬦ᭄ᬤᭂᬮᬶᬓᬶᬦ᭄᭞ᬩᬶᬲᬦᬕᬶᬄᬗᬚᬓᬶᬦ᭄᭞ᬫᬲᬯᬶᬢ᭄ᬭ
ᬗᬮᬸᬲ᭄ᬳᬮᬸᬲ᭄᭞ᬩᬶᬲᬗᬓᬸᬧᭀᬮᭀᬲᬦ᭄᭞ᬢᬸᬭᬶᬦ᭄‌ᬩᬶᬲ᭄ᬗᬯᬾᬯᬾᬳᬶᬦ᭄᭞ᬦᬾᬧᬸᬦᬶᬓ᭞ᬫᬗ᭄ᬤᬾᬩᬶᬲᬗᬬᬢ᭄ᬦᬬᬂ᭟ᬯᬶᬭᬾᬄᬓᬢᬄᬲᬸᬲᬸᬂᬮ

[ ᭓᭐ 30A]
ᬧᬦ᭄᭞ᬬᬾᬦ᭄ᬓᬸᬭᬂᬧᬗᬚᬸᬕ᭄ᬩᭂᬘᬶᬓ᭄᭞ᬫᬸᬲᬸᬳᬾᬧᭀᬮᬶᬄᬧᬧᬾᬗ᭄ᬓᬲ᭄᭞ᬲᬬᬦ᭄ᬕᬮᬓ᭄ᬗᬫᬭᬦᬶᬦ᭄᭞ᬭᬾᬄᬧᭀᬮᬶᬄᬕ᭄ᬦᬄᬩ᭄ᬘᬶᬓ᭄᭞ᬧᬲᬗᬶᬤ
ᬦ᭄‌ᬧ᭄ᬭᬬᬗᭂᬚᬸᬓ᭄᭞ᬲᬭᬢ᭄ᬜᬤ᭄ᬬᬫᬦ᭄ᬢᬶᬕᬂ᭞ᬫ᭄ᬯᬶᬢ᭄ᬯᬭᬲᬸᬭᬸᬤ᭄ᬫᬦ᭄ᬚᬸᬕ᭄ᬚᬸᬕᬶᬦ᭄᭞ᬧᬧᬲᬗᬦ᭄᭞ᬜᬦᬾᬫᬲᬶᬄᬮᬶᬸᬗᬮᬶᬄᬧᭂᬦ᭄ᬢᬲ᭄᭟ᬫ᭄ᬩᭂᬮᭀᬕ᭄ᬩᭂ
ᬮᭀᬕ᭄ᬳᬶᬓᬢᬸᬦᬦ᭄᭞ᬫᬶᬗᬸᬂᬫᬶᬗᬸᬗᬂᬳᬶᬧᬮᬶᬂ᭞ᬩᬶᬲᬦᬂᬓ᭄ᬚᬸᬢᬂᬫᬭᬲ᭄᭞ᬓ᭄ᬭᬡᬳᬾᬯᭂᬄᬫᬫᬶᬦᭂᬳᬶᬦ᭄᭞ᬬᬾᬦ᭄ᬫᬤᬲᬃᬓᬓᬮᬶᬄ᭞ᬢᬦ᭄ᬯᬗ᭄ᬤᬾ
ᬗᬯᬢᬂᬧᬸᬢᬸᬂ᭞ᬲᬢ᭄ᬦᬶᬗ᭄ᬕᬮᬲᬜ᭄ᬚᬢ᭞ᬫᬳᬾᬮᬳᬶᬦ᭄ᬫᬸᬲᬸᬄᬗ᭄ᬕᬶᬢᬶᬓ᭄᭞ᬬᬤᬶᬦ᭄ᬧ᭄ᬭᬬᬫᬫᬶᬮᬭ᭟ᬧᬸᬦᬶᬓᬋᬲᭂᬧᬺᬲᭂᬧᬂ᭞ᬲᬫ᭄ᬧᬸᬦ᭄ᬦᬦ᭄ᬢᭀ [ 31 ][ ᭓᭐ 30B]
᭓᭐᭞
ᬲ᭄ᬧᬮᬶᬂᬧᬮᬶᬂ᭞ᬗᬾᬮᬶᬗᬶᬦ᭄ᬧᬧᬲ᭄ᬢᬾᬦ᭄ᬫᬦᬄ᭞ᬦᬾᬫᬯᬲ᭄ᬢᬫᬸᬲᬸᬄᬚᬢᬶ᭞ᬫᬶᬯᬄᬦᬾᬫᬤᬦ᭄ᬓᬦ᭄ᬢᬶ᭞ᬭᬾᬄᬓᬢᭂᬫ᭄ᬧ᭄ᬯᬦ᭄ᬧ᭄ᬭᬬᬗᬸᬕᬸ
᭞ᬗᬸᬕᬸᬦᬾ ᬚᬢᬶᬭᭀᬯᬂ᭞ᬧᬸᬦᬶᬓᬲᬤ᭄ᬬᬓᬧᬗ᭄ᬕᬸᬄ᭞ᬗᬸᬕᬸᬫᬸᬲᬸᬄ᭞ᬢᬦ᭄ᬯᬗ᭄ᬤᬾᬫᬧᬶᬘᬓ᭄ᬧᬶᬘᬓ᭄᭟ᬚᬢᬶᬦᬾᬫᬸᬲᬸᬳᬾᬚᬸᬫᬄ᭞ᬗᭂᬤ
ᬩᬫᬗᬸᬦᬂᬲᬫᬶ᭞ᬲᬭᬸᬧᬦᬶᬂᬓᬘᬘᬤᬦ᭄᭞ᬬᬾᬦ᭄ᬤᬤᭀᬲ᭄ᬫᬭᭀᬯᬂᬲᬶᬸᬲᬫᬶ᭞ᬲᬦᬾᬲᬚ᭄ᬭᭀᬦᬶᬂᬧᬸᬭᬶ᭞ᬢᬢᬲ᭄ᬭᬳᬬᬸᬓᬧᬗ᭄ᬕᬸᬄ᭞ᬗᬾ
ᬮᬶᬗᬶᬦ᭄ᬫᬸᬮᬫᬸᬮ᭞ᬯᬶᬯᬶᬢᬾᬲᬫ᭄ᬧᬸᬦ᭄‌ᬗ᭄ᬮᬂᬓᬸᬗᬶᬦ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄᭞ᬜᭂᬩᬸᬭᬶᬦ᭄ᬳᬳᬶᬸᬧᬶᬗᬭᬫᬦ᭄᭟ᬲᬫ᭄ᬧᬸᬦ᭄ᬤᬸᬓᬫᬸᬮᬂᬭᬕ᭞ᬓᬧᬗ᭄ᬓᬸᬂ
[ ᭓᭑ 31A]
ᬧᬗ᭄ᬓᬸᬗᬾᬲᬸᬗᬶᬮ᭄᭞ᬭᬶᬂᬓᬤᬸᬗᬾᬓᬾᬧᬾᬓ᭄ᬧᬭᭀᬢ᭄᭞ᬜᬦ᭄ᬳᬦ᭄ᬤᭂᬮ᭄ᬧ᭄ᬭᬬᬗᬸᬩᬤᬶᬦ᭄᭞ᬧᭂᬦ᭄ᬢᬲᬾᬧᬱ᭄ᬝᬶᬩ᭄ᬘᬶᬓ᭄᭞ᬧᬸᬦᬶᬓᬧᬶᬦᭂᬳᬶᬦ᭄ᬤᬸᬫᬸ
ᬦ᭄᭞ᬭᬾᬄᬫᬃᬕ᭄ᬕᬶᬓᬭᬶᬧᬜ᭄ᬚᬂ᭞ᬓᬢᬄᬩᬦ᭄ᬢᬃᬓᬢᬄᬲᬸᬗᬶᬮ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄᭞ᬗᬶᬤᭂᬫ᭄ᬗᬸᬮᬳᬂᬫᬚᬮᬦ᭄᭟ᬫᬗ᭄ᬤᬾᬦ᭄ᬲᬭᬢ᭄ᬗᬬᬢ᭄ᬦᬬᬂ᭞ᬢᬢ
ᬫ᭄ᬧᬾᬦᬾᬲᬳᬶᬕᬸᬮᬶᬓ᭄᭞ᬲᬫ᭄ᬧᬸᬦ᭄ᬓᬦ᭄ᬢᭀᬲ᭄ᬜᭂᬢᬶᬓ᭄ᬭᬕ᭞ᬯᬶᬭᬾᬄᬯᬾᬦ᭄ᬢᭂᬦ᭄ᬫᬦᬫ᭄ᬧᬶᬘ᭄ᬢᬶᬓ᭄᭞ᬧᬸᬦᬶᬓᬲᬫ᭄ᬧᬸᬦ᭄ᬮᬮᬶ᭞ᬭᬸᬧᬦ᭄ᬘᭂᬢᬶᬓᬾᬭᬶᬂᬓᬳ᭄ᬬᬸ
ᬦ᭄᭞ᬲᬺᬧ᭄‌ᬲᬺᬧᬂᬭᬶᬂᬫᬦᬄ᭞ᬘ᭄ᬢᬶᬓ᭄ᬦᭀᬗᭀᬲ᭄‌ᬢ᭄ᬯᬭᬳᬸᬲᬶᬮ᭄᭞ᬬᬾᬦ᭄ᬢᬦ᭄ᬧᬸᬗ᭄ᬕᬸᬢ᭄᭞ᬤᭀᬄᬧᬘᬂᬫᬫᬶᬮᬭ᭟ᬧᬤᬯᬾᬦ᭄ᬢᬦ᭄ᬭᬶᬂᬚᬕᬢ᭄᭞ᬯᬶᬲ᭄ᬬᬫᬺ [ 32 ][ ᭓᭑ 31B]
᭓᭑᭞
ᬋᬧᬤᬓᬢᬄᬲᬬᬶᬄ᭞ᬓᬤᬶᬗᬗ᭄ᬕᬾᬳᬸᬫ᭄ᬩᬶᬦ᭄ᬲᬸᬂᬲᬂ᭞ᬭᬶᬂᬓᬲᬾᬮᬲᬬᬶᬄᬓᬶᬤᬶᬓ᭄᭞ᬯᭀᬯᭀᬳᬦᬾ ᬭᬶᬕᬸᬫᬶ᭞ᬩᭀᬬᬲᬫᬶᬤᬤᭀᬲ᭄ᬧᬸᬕᬸᬢ᭄
᭞ᬳᬤᬧᬓ᭄ᬭᬡᬘᬘᬤ᭄᭞ᬳᬤᬫᬓᬭᬩᬧᬮᬶᬂ᭞ᬢᬸᬂᬗ᭄ᬕᬶᬮ᭄ᬳᬶᬧᬸᬦ᭄᭞ᬭᬶᬂᬘ᭄ᬘᬶᬓ᭄ᬯᬶᬚᬶᬮ᭄ᬲᬕᬭ᭟ᬢᬸᬃᬧᬦᬯᬭᬾᬧᬸᬦᬶᬓ᭞ᬭᬗ᭄ᬓᬸᬂᬳᬾᬯᭂᬄᬗᬯᬶ
ᬮᬗᬶᬦ᭄᭞ᬲᬤᬦᬦᬾᬧᬸᬦᬶᬓ᭞ᬧᬸᬘᬸᬓ᭄ᬤᬧ᭄ᬤᬧ᭄ᬢᬶᬓᬂᬓᬢᬶᬄ᭞ᬢᬸᬭᬶᬂᬳᬶᬫ᭄ᬧᬸᬲ᭄‌ᬢᬮᬶᬦᬶᬦ᭄᭞ᬳᬦ᭄ᬢᬸᬓ᭄ᬩᭂᬦᬂᬤ᭄ᬧᬸᬓ᭄ᬢᭂᬮᬸ᭞ᬯᬃᬡ᭄ᬦᬦᬾᬢᬶᬕᬯᬃ
ᬡ᭄ᬦ᭞ᬩᬭᬓ᭄ᬲᬼᬫ᭄ᬫᬦᬄᬧᬸᬢᬶᬄ᭞ᬬᬤᬶᬦ᭄ᬧᭀᬮᬶᬄ᭞ᬲᬶᬤ᭄ᬥᬗᭂᬮᬸᬩᬸᬃᬳᬮᬳᬮ᭟᭐᭟ᬧᬸᬧᬸᬄᬕᬶᬭᬶᬲ᭟ᬫᬮᬶᬄᬕᭂᬦ᭄ᬢᭀᬲᬶᬦ᭄‌ᬕᬶᬭᬶᬲᬢᭂ
[ ᭓᭒ 32A]
ᬫ᭄ᬩᬂᬘᬭᬲᬸᬭᬓᬃᬣ᭞ᬳᬗ᭄ᬕᬾᬦ᭄ᬜᬫ᭄ᬩᬸᬂᬧᬳᬾᬢᬸᬗᬦ᭄᭞ᬲᬲᭂᬩᬶᬦᬾᬶᬸᬢᬭᬶᬂᬫᬦᬄ᭞ᬦᬾᬫᬤᬦ᭄ᬳᬯᭀᬢ᭄ᬧᬧᬮᬦ᭄᭞ᬤᬳᬢ᭄ᬳᬾᬯᭂᬄᬫᬶᬚ
ᬢ᭄ᬬᬂ᭞ᬳᬮᬳᬬᬸᬲᬸᬓᬤᬸᬓ᭞ᬲᬸᬢ᭄ᬲ᭄ᬮᬢ᭄ᬭᭀᬫᬲᬮᬫ᭄ᬩ᭟ᬢ᭄ᬯᬭᬤᬤᬶᬗᬫ᭄ᬧᬄᬳᬫ᭄ᬧᬄ᭞ᬫᬗ᭄ᬤᬾᬦ᭄ᬫᬤᬲᬃᬢᬭᬕ᭄ᬬ᭞ᬫᬶᬯᬄᬢ᭄ᬯᬭᬤᬤᬶᬲᭂ
ᬗᬧ᭄᭞ᬢᬶᬢᬶᬫ᭄ᬩᬗᬾᬫᬗ᭄ᬤᬾᬦ᭄ᬧᬜ᭄ᬚᬂᬲᬓᬶᬂᬳᬮᬸᬲ᭄‌ᬩᬸᬤᬶᬥᬃᬫ᭄ᬫ᭞ᬬᬾᬦ᭄ᬗᬗ᭄ᬕᬾᬲᭂᬗᬧ᭄ᬲᭂᬗᬧᬦ᭄᭞ᬤᬲᬃᬧᬢᬸᬢ᭄ᬳᬤᬶᬲᬮᬄ᭞ᬭᬾᬄᬓᬾ
ᬲᬗᬦ᭄ᬳᬸᬦᬓᬭ᭟ᬬᬾᬦ᭄ᬳᬦ᭄ᬤᬾᬧᬤᬫᬮᬗ᭄ᬓᬢ᭄᭞ᬳᬮᬳᬬᬸᬲᬸᬓᬤᬸᬄᬓ᭞ᬲᬚ᭄ᬭᭀᬦᬶᬂᬧᬤᬫᬮᬗ᭄ᬓᬢ᭄᭞ᬫᬲᬶᬗᬗ᭄ᬕᭀᬘᬢᬸᬃᬬᬸᬕ᭞ [ 33 ][ ᭓᭒ 32B]
᭓᭒᭞
ᬓ᭄ᬭᬡᬩ᭄ᬘᬶᬓ᭄ᬧᬮᬧᬦᬂ᭞ᬕᬸᬮᬶᬕᬸᬮᬶᬳᬯᬲ᭄ᬳᬯᬲ᭄᭞ᬧᬲᬃᬗᬶᬦ᭄ᬧᬃᬧᬶᬦᭂᬄᬧᬜ᭄ᬚᬂ᭞ᬤᬲᬭᬾᬫᬲ᭄ᬭᬄᬭᬶᬂᬢᬶᬢᬄ᭟ᬫᬗ᭄ᬤᬭᬶᬂᬳᬶᬦᬩ᭄ᬳᬶᬦᬩᬦ᭄᭞
ᬬᬤ᭄ᬬᬦ᭄ᬲᬫ᭄ᬧᬸᬦ᭄ᬲᬶᬦᬄ᭞ᬫᬲᬶᬄᬢ᭄ᬯᬭᬳᬃᬱᬜᬸᬕᬃ᭞ᬗᬗ᭄ᬕᬾᬭᬳᬶᬦ᭄ᬧᬫᬮᬧᬦ᭄᭞ᬧᬶᬦᭂᬳᬾ ᬧᬢᬸᬢ᭄ᬤᬸᬭᬸᬲᬂ᭞ᬲᬦᬾᬗᬤᭂᬕ᭄ᬦᭀᬭᬜᬸᬂᬲᬢ᭄
᭞ᬗᭂᬲᭂᬂᬓᬶᬤᬶᬓ᭄ᬧᬮᬧᬦᬂ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬓᬩᭂᬚᬸᬕᬦ᭄᭟ᬯᬶᬭᬾᬄᬳᬩᭀᬢᬾᬓᬮᬶᬦ᭄ᬢᬂ᭞ᬫᬦ᭄ᬤᭂᬓᭂᬧ᭄ᬦᬾᬢ᭄ᬯᬭᬘᬶᬗᬓ᭄᭞ᬓ᭄ᬭᬡᬧᬮᬦᬂᬗᬸ
ᬲᬸᬤᬂ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬓᬩ᭄ᬯᬄᬩ᭄ᬯᬄ᭞ᬯᬶᬭᬾᬄᬤᬤᬫ᭄ᬧᬶᬗᬾᬓᬢᬄ᭞ᬲᬃᬯ᭄ᬯᬕᬢᭂᬮ᭄ᬲᬃᬯ᭄ᬯᬫᬗᬦ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬓᬦᬶᬦ᭄ᬗᬯᬕ᭄᭞ᬚ

[ ᭓᭓ 33A]
ᬢ᭄ᬤᬤᬶᬕᬸᬕᬸᬬᭀᬦ᭄ᬓᬢᬄ᭟ᬓᬮᬶᬄᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬳᬶᬗᬦ᭄᭞ᬭᬶᬂᬲᬮ᭄ᬯᬶᬭᬶᬂᬤᬤᬶᬘᬫ᭄ᬧᬄ᭞ᬦᭂᬫ᭄ᬧᬸᬳᬾᬭᬶᬂᬧᬭᬕᬬᬦ᭄᭞ᬭᬶᬂᬓᬤᬸᬂᬳ
ᬚᬶᬦᬾᬓᬸᬭᬂ᭞ᬬᬾᬦᬵᬳᬶᬂᬫᬲ᭄ᬫᬮᬶᬄᬳᬧᬾᬦᬂ᭞ᬬᬾᬦ᭄ᬭᬕᬲᭂᬗ᭄ᬓᬗᬧᬾᬦᬂ᭞ᬩᬶᬮᬶᬄᬩᬶᬮᬶᬄᬤᬸᬭᬸᬲ᭄ᬭᬸᬲᬓ᭄᭞ᬓᬯᬲ᭄ᬢᬦᬦ᭄‌ᬩᬭᬸᬂᬮᭀᬬᬂ᭟ᬧᬬᬸᬢᬸ
ᬮᬸᬲ᭄ᬫᬗ᭄ᬕᬮᬢᬓ᭄᭞ᬳᬚᬶᬦ᭄ᬚᬶᬤᬶᬄᬢ᭄ᬯᬭᬜᬦ᭄ᬤᬂ᭞ᬓ᭄ᬭᬩᬕ᭄ᬫᭂᬢᬂᬫᬦᭂᬳᬂ᭞ᬧᬕᬤᬗᭂᬦ᭄ᬧ᭄ᬢᭂᬂᬮ᭄ᬫᬄ᭞ᬭᬶᬂᬚ᭄ᬭᭀᬫᬶᬯᬄᬭᬶᬂᬚᬩ᭞ᬲᬮ᭄ᬯᬶᬭᬶᬂᬲᬦᬾᬫᬯᬶ
ᬱ᭄ᬬ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬓᬭᬶᬫᬢ᭄ᬭ᭞ᬳᬶᬮᬳᬶᬮᬦᬫ᭄ᬧᬶᬂᬯᬶᬱ᭄ᬬ᭞ᬲᬂᬢ᭄ᬗᬸᬩᬸᬄᬮᬮᬶᬧᬶᬕᬮᬓ᭄᭞ᬭᬶᬂᬓᬤᬸᬂᬜᭀᬓᭀᬢ᭄ᬜᬚᬬᬂ᭞ᬧᬬᬸᬢᬸᬮᬸᬲ᭄ᬓᬭᬄ [ 34 ][ ᭓᭓ 33B]
᭓᭓᭞
ᬳᬭᬄ᭞ᬬᬤᬶᬦ᭄ᬳᬭᬄᬲᬸᬩᬳᬶᬯᬂ᭞ᬫᬮᬮᬶᬘ᭄ᬢᬶᬓ᭄ᬯᬭᬗᬦ᭄᭞ᬯᬶᬭᬾᬄᬫᬸᬮᬲᬓᬶᬂᬳᭂᬗ᭄ᬲᬲᬶᬸᬧ᭄᭞ᬯᬶᬯᬶᬢᬾᬫᬓ᭄ᬭᬡᬲᬮᬄ᭞ᬧᬸᬦᬶᬓᬲ
ᬫ᭄ᬧᬸᬦ᭄ᬗᬫ᭄ᬧᬳᬂ᭟ᬳᬦ᭄ᬤᬾᬓᬤᬶᬩᬲᬳᬾᬮᬄ᭞ᬧᬸᬦᬶᬓᬲᬫ᭄ᬧᬸᬦ᭄ᬓᬮᬸᬫ᭄ᬭᬄ᭞ᬓᬯᬲ᭄ᬢᬦᬶᬦ᭄‌ᬧᬸᬧᬸᬢ᭄ᬧᬶᬲᬦ᭄᭞ᬚᬢᬶᬬᬦ᭄ᬫᬸᬦ᭄ᬢᬶᬂᬢᬭᬕ᭄ᬬ᭞ᬬᬾᬦ᭄ᬜ
ᬚᬸᬄᬦᬾᬳᬯᬾᬢ᭄ᬧᬧᬮᬃ᭞ᬧᬸᬦᬶᬓᬲᬢ᭄ᬓᬶᬭᬂᬮᬶᬗ᭄ᬕᬄ᭞ᬫᬤᬕᬶᬂᬯᬶᬯᬶᬢ᭄ᬢᬦ᭄ᬤᬸᬭᬦ᭄᭞ᬤᬤᬶᬲᬗᬸᬲᬮᬫᬶᬦ᭄ᬜ᭞ᬋᬲ᭄ᬢᬸᬓᬸᬧ᭄ᬳᬮᬦ᭄ᬤᬗᬦ᭄
[ ᭓᭔ 34A]
᭞ᬬ᭄ᬯᬤᬶᬦ᭄ᬳᬗ᭄ᬕᬾᬦ᭄ᬳᬧᬳᬧ᭞ᬚᬢᬶᬢ᭄ᬯᬭᬓᬓᬸᬭᬗᬦ᭄᭟ᬦᬾᬫᬤᬦ᭄ᬳᬯᬾᬢ᭄ᬧᬧᬮᬃ᭞ᬲᬓᬶᬂᬫᬗ᭄ᬓᬶᬦ᭄ᬧᭂᬍᬂᬧᬶᬲᬦ᭄᭞ᬬᬤᬶᬦ᭄ᬤᬸᬭᬸᬂᬓ᭄ᬦᬶᬢ
ᬗᬦ᭄᭞ᬧ᭄ᬭᬶᬳᬾᬲᬫ᭄ᬧᬸᬦ᭄ᬗᭂᬮᬮ᭄ᬬᬂ᭞ᬢᬸᬦᬲ᭄ᬳᬶᬘᬬᬂᬭᬶᬂᬢᬶᬢᬄ᭞ᬫᬗ᭄ᬤᬾᬦᬾᬓ᭄ᬦᬶᬩ᭄ᬓᭂᬮᬂ᭞ᬲᬧᬢᬸᬢᬶᬂᬩ᭄ᬓᭂᬮ᭄ᬚᬸᬤ᭄ᬫ᭞ᬭᬾᬄᬫᬢᬶᬢᬦ᭄‌ᬓ᭄ᬦᬚᬕ
᭟ᬓᭀᬘᬧ᭄‌ᬕ᭄ᬦᬳᬾᬧᬸᬦᬶᬓ᭞ᬭᬶᬂᬘᬓ᭄ᬧᬦ᭄ᬧᬧ᭄ᬮᬚᬳᬦ᭄᭞ᬭᬶᬂᬰᬲ᭄ᬢ᭄ᬭᬦᬾᬧᬮᬶᬂᬯᬬᬄ᭞ᬭᬶᬂᬦᬾᬫᬰᬲ᭄ᬢ᭄ᬭᬲᬦᬸᬗ᭄ᬕᬮ᭄᭞ᬢ᭄ᬯᬭᬗᬗ᭄ᬕᬾ
ᬳᬧᬳᬧ᭞ᬧᬸᬧᬸᬢ᭄ᬰᬲ᭄ᬢ᭄ᬭᬧᬧᭀᬮᭀᬲᬦ᭄᭞ᬳᬃᬣᬶᬦᬾᬗᭂᬩᭂᬓᬶᬦ᭄ᬚᬕᬢ᭄᭞ᬧᬸᬦᬶᬓᬓᬳᬯᬾᬢ᭄ᬧᬧᬮᬃ᭟᭐᭟ᬧᬸᬧᬸᬄᬧᬸᬘᬸᬂ᭟ᬫᬮᬶᬄᬧᬸᬘᬸᬂ [ 35 ][ ᭓᭔ 34B]
᭓᭔᭞
ᬓᬂᬣᬲᬸᬭᬳᬗ᭄ᬕᬾᬦ᭄ᬜᬫ᭄ᬩᬸ᭞ᬲᬮ᭄ᬯᬶᬭᬂᬧ᭄ᬢᬸᬗᬦ᭄᭞ᬢᬢᬫ᭄ᬧᬾᬦᬾᬫᬗ᭄ᬤᬾᬦ᭄ᬩᭂᬘᬶᬓ᭄᭞ᬢᬶᬫ᭄ᬩᬂᬳᬮᬸᬲ᭄᭞ᬮᬯᬸᬢ᭄ᬲ᭄ᬭᬳᬂᬭᬶᬂᬢᬶᬢᬄ᭟ᬢᬶᬗ᭄ᬓᬄ
ᬳᬶᬧᬸᬦ᭄᭞ᬬᬾᬦ᭄ᬓᭂᬢᭀᬕ᭄ᬤᬸᬭᬸᬂᬧᬢᬸᬢ᭄᭞ᬜ᭄ᬭᬳᬂᬭᬶᬂᬢᬶᬢᬄ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬓᬯᬲ᭄ᬢᬦᬶᬦ᭄᭞ᬕ᭄ᬮᬶᬩᬕ᭄‌ᬕ᭄ᬮᬶᬩᬸᬕ᭄᭞ᬢᭂᬫᬦ᭄ᬫᬢᬶᬕ᭄ᬢᬶᬕᬶ
ᬓ᭄ᬭᬦ᭟ᬭᬾᬄᬲᬂᬦᬸᬮᬸᬂ᭞ᬦᬕᬶᬄᬧᭂᬦ᭄ᬢᬲ᭄ᬭᬶᬂᬓᬢᬸᬮᬸᬂ᭞ᬬᬾᬦ᭄‌ᬢ᭄ᬯᬭᬓᬃᬬ᭄ᬬᬦᬂ᭞ᬧᬢᬸᬮᬸᬗᬾᬗ᭄ᬭᬯᬸᬳᬶᬦ᭄᭞ᬗᬦ᭄ᬤᭂᬢ᭄ᬳᭂᬗ᭄ᬲᬸᬢ᭄᭞ᬲᬶᬂᬚᬮᬦ᭄ᬢ
ᬦ᭄ᬧᭀᬮᬶᬄᬳᬫ᭄ᬩᬄ᭟ᬧ᭄ᬤᬲ᭄ᬮᬘᬸᬃ᭞ᬲᬂᬓᬢᬸᬮᬸᬂᬕ᭄ᬮᬶᬲ᭄ᬳᬸᬯᬸᬕ᭄᭞ᬧᬢᬸᬮᬸᬗᬾᬢᬸᬮᬓ᭄᭞ᬫᬸᬮᬶᬄᬓᬕ᭄ᬦᬳᬾᬭᬶᬳᬶᬦ᭄᭞ᬦᬾᬧᬸᬦᬶᬓ᭞ᬫᬗ᭄ᬤᬾ
[ ᭓᭕ 35A]
ᬦ᭄ᬕᭂᬫᭂᬢ᭄ᬫᬫᬶᬦᭂᬳᬂ᭟ᬲᬫ᭄ᬧᬸᬦ᭄ᬲᬫ᭄ᬧᬸᬦ᭄᭞ᬢ᭄ᬯᬭᬲᬭᬢ᭄ᬗᬃᬤᬶᬮᬸᬭᬸᬂ᭞ᬦᬾᬳᬕᭂᬂᬦᬾᬩᬦ᭄ᬢᬃ᭞ᬦᬾᬭᬢᬫᬶᬯᬄᬦᬾᬋᬲᬶᬓ᭄᭞ᬫᬗ᭄ᬤᬾᬦ᭄ᬮᬦ᭄ᬢᬸᬃ᭞ᬭᬯᬸᬄ
ᬧᬢᬸᬮᬸᬗᬾᬜᬕ᭄ᬜᬕ᭄᭟ᬓᬮᬶᬳᬶᬧᬸᬦ᭄᭞ᬫᬸᬲᬸᬄᬢᬲᬓ᭄ᬩᬗ᭄ᬲᬳᬮᬸᬲ᭄᭞ᬢ᭄ᬯᬭᬜᬓ᭄ᬗᬮᬯᬦ᭄᭞ᬭᬶᬂᬲᬦᬾᬲᬫ᭄ᬧᬸᬦ᭄ᬫᬓᬦ᭄ᬢᬶ᭞ᬗᬶᬢᬸᬢ᭄ᬦᬸᬭᬸᬢ᭄
᭞ᬭᬶᬂᬲᬦᬾᬳᬯᬾᬢ᭄ᬧᬧᬮᬃ᭞ᬳᬤᬢᬶᬧᬸᬦ᭄᭞ᬳᬶᬫᬸᬲᬸᬄᬫᬲᬗᬂᬢᬸᬫ᭄ᬧᬸᬂ᭞ᬗᬫ᭄ᬧ᭄ᬭᬕᬶᬦ᭄‌ᬦᬾᬋᬗᬲ᭄᭞ᬬᬾᬦ᭄ᬳᬍᬫ᭄‌ᬢ᭄ᬯᬭᬫᬮᬳᬶᬩ᭄
᭞ᬢ᭄ᬯᬭᬢᬸᬮᬸᬲ᭄᭞ᬫᬫᬸᬘᬸᬓᬕᭂᬘᬓ᭄ᬕᭂᬘᬓ᭄᭟ᬦᬾᬧᬸᬦᬶᬓᬸᬮᬶᬦ᭄ᬢᬂᬳᬾᬯᭂᬄᬗᬯᬲ᭄ᬜᬸᬮᬸᬄ᭞ᬬᬾᬦ᭄ᬳᬓᬸᬤᬂᬬᬸᬢ᭞ᬤᬤᬮᬸᬫᬢᬶᬭᬶᬂ [ 36 ][ ᭓᭕ 35B]
᭓᭕᭞
ᬕ᭄ᬦᬶ᭞ᬫᬲᬶᬄᬢ᭄ᬯᬭ᭞ᬓᬧᭀᬓ᭄ᬫᬜᭂᬩᬸᬭᬶᬦ᭄ᬤᬫᬃ᭟ᬲᬸᬩᬧᬢᬸᬢ᭄᭞ᬩᬭᬂᬓᬲᬃᬩᬭᬂᬳᬮᬸᬲ᭄᭞ᬓᬳ᭄ᬬᬸᬦ᭄ᬲᬂᬫᬤᬺᬢ᭄ᬬ᭞ᬓᬗᭂᬦᬾ
ᬭᬶᬂᬩᬭᬂᬩ᭄ᬘᬶᬓ᭄᭞ᬩᬭᬂᬓᬲᬃ᭞ᬢᬦ᭄ᬓᬮᬶᬗᬸᬬᬤᬶᬦ᭄‌ᬢ᭄ᬮᬲ᭄᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟ᬲ᭄ᬫᬭᬦ᭄ᬤᬦᬢᭂᬫ᭄ᬩᬂᬚᬯᬶ᭞ᬳᬗ᭄ᬕᬾᬦ᭄ᬫᬢᬶᬫ᭄ᬩᬮᬂᬓ
ᬦ᭄ᬥ᭞ᬧᬓᬾᬮᬶᬂᬧᬶᬗᭂᬢ᭄ᬫᬦᬳᬾ᭞ᬲᬭᬸᬶᬂᬳᬮᬳᬮ᭞ᬦᬾᬫᬗ᭄ᬤᬾᬦ᭄ᬓᬘᬘᬦ᭄ᬤᬦ᭄᭞ᬭᬶᬂᬧᬗᬶᬧᬾᬦ᭄ᬭᬶᬂᬫᬳᬸᬗᬸ᭞ᬲᬫ᭄ᬧᬸᬦ᭄ᬧᬶᬲᬦ᭄ᬗᬫᬦ
ᬳ᭟ᬭᬾᬳᬵᬲᬫᬶᬤᬤᭀᬲ᭄ᬯᬶᬯᬶᬦᬶᬄ᭞ᬩᬭᬓ᭄ᬧᬸᬢᬶᬄᬩᬶᬭᬸᬲᬫᬃ᭞ᬭᬶᬂᬓᬤᬸᬭᬓᭂᬢ᭄ᬳᭂᬦ᭄ᬢᬶᬓᬾ᭞ᬳᬮᬦᬾᬧᭀᬮᬶᬄᬫᬳᬓᬄ᭞ᬭᬂᬓᬸᬂᬳᬾᬯᭂᬄ
[ ᭓᭖ 36A]
ᬧᬤᭂᬫᬂ᭞ᬓ᭄ᬭᬡᬭᬶᬂᬘᬶᬓᬾᬳᬩᬸᬢ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬲᬬᬦ᭄ᬳᬶᬧᬓ᭄᭟ᬭᬶᬂᬲᬸᬓᬢᬾᬲᬫ᭄ᬧᬸᬦ᭄ᬮᬮᬶ᭞ᬢᬶᬗ᭄ᬓᬳᬾᬫᬢᬢᬶᬫ᭄ᬩᬗᬦ᭄᭞ᬧᬓᬶᬭᬶᬕ᭄ᬓᭂ
ᬫᬫᬳᬶᬦᬾ᭞ᬤᬶᬦᬶᬩᬶᬸᬓᭂᬩᬸᬲ᭄ᬤᬶᬢᬸᬧᬦᬲ᭄᭞ᬚᬢᬶᬦᬶᬂᬰᬩ᭄ᬤᬳᬮ᭞ᬳᬸᬧᬫᬶᬳᬶᬲᬸᬫᬍᬘᬸᬢ᭄᭞ᬳᬲᬶᬂᬓ᭄ᬦᬶᬦᬦ᭄ᬤᬂᬮᬮ᭟ᬧᬜᬫ᭄ᬧᬭᬾᬫ᭄
ᬗ᭄ᬤᬾᬦ᭄ᬩᭂᬘᬶᬓ᭄᭞ᬲᬫ᭄ᬧᬸᬦ᭄ᬦᬫ᭄ᬧᬭᬂᬧᬸᬭᬶᬱ᭄ᬬ᭞ᬮᬶᬯᬢ᭄ᬦᬶᬱ᭄ᬝᬢᬦ᭄ᬧᬕᬯᬾ᭞ᬫᬤᬦ᭄ᬜᬫ᭄ᬧᬭᬂᬧᬸᬭᬶᬱ᭄ᬬ᭞ᬦᬾᬘᭂᬧᭂᬢ᭄ᬫᬦᭀᬫ᭄ᬮᭀᬲᬂ᭞ᬫᬸᬜᬶᬘᬭᬸᬘᬸᬄ
ᬧᬶᬧᬶᬲᬸᬄ᭞ᬲᬮ᭄ᬯᬭᬶᬂᬓᬕᬶᬮᬕᬶᬮ᭟ᬬᬤᬶᬦ᭄ᬧ᭄ᬤᬶᬄᬬᬤᬶᬦ᭄‌ᬩ᭄ᬭᬂᬢᬶ᭞ᬧᬧᭂᬲᭀᬦᬾᬫᬗ᭄ᬤᬾᬦ᭄ᬤᬩ᭄ᬤᬩ᭄᭞ᬢᬦ᭄ᬗᬗ᭄ᬕᭀᬗᬸᬮᬄᬧᭂᬲᬸᬦᬾ᭞ᬫᬲᬶᬄ [ 37 ][ ᭓᭖ 36B]
᭓᭖᭞
ᬓᬃᬤᬶᬦᬶᬦ᭄ᬢᬢᬶᬫ᭄ᬩᬂ᭞ᬯᬶᬭᬾᬄᬢᬦ᭄ᬯᬾᬦ᭄ᬢᭂᬦ᭄‌ᬢ᭄ᬭᬂ᭞ᬲᬶᬲᬶᬧ᭄‌ᬚᬦ᭄ᬫᬧᬢᬸᬢ᭄ᬧᬶᬲᬸᬄ᭞ᬲᬲᬮᬳᬾᬤᬦ᭄ᬤᬮ᭄ᬬᬦ᭄᭟ᬧᬶᬧᬶᬲᬸᬄᬫᬶᬯᬄᬜᭂᬜᭂᬗᬶᬢ
᭄᭞ᬧᬸᬦᬶᬓᬮᬯᬂᬪᬸᬪᬸᬢᬦ᭄᭞ᬦᬾᬧ᭄ᬭᬬᬗ᭄ᬭᬸᬲᬓ᭄ᬫᬦᬳᬾ᭞ᬬᬾᬦ᭄ᬧᬸᬦᬶᬓᬧᭀᬮᬶᬄᬫᬫ᭄ᬧᬓ᭄᭞ᬪᬸᬢᬦᬾ ᬫᬲᬸᬓ᭄ᬳᬾᬗ᭄ᬕᬮ᭄᭞ᬫᬫᬭ
ᬓᬂᬲᬃᬯ᭄ᬯᬍᬢᬸᬄ᭞ᬢᬦ᭄ᬯᬗ᭄ᬤᬾᬧᬸᬭᬶᬦᬾᬘᬫᬄ᭟ᬧᬸᬦᬶᬓᬧᬢᬸᬢ᭄‌ᬬᬢ᭄ᬦᬳᬶᬦ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬧᭀᬮᬶᬄᬧᭂᬦ᭄ᬢᬲ᭄᭞ᬲᬓᬢᬄᬪᬸᬢᬓ
ᬮᬦᬾ᭞ᬫᬭᬭᬓᬂᬲᬃᬯ᭄ᬯᬘᬫᬄ᭞ᬲᬫᬶᬧᬶᬢᭂᬢ᭄ᬮᬭᬗᬂ᭞ᬲᬓᬢᬄᬤᭀᬤᭀᬬᬦᬶᬧᬸᬦ᭄᭞ᬫᬗ᭄ᬤᬾᬦ᭄ᬲᬬᬦ᭄ᬢᬓᬸᬢ᭄‌ᬦᬶᬜ᭄ᬘᬧ᭄᭟ᬭᬾᬄᬲᬫᬶ

[ ᭓᭗ 37A]
ᬳᬸᬦᬶᬂᬭᬶᬂᬚ᭄ᬭᬶᬄ᭞ᬚᬤ᭄ᬫᬬᬤ᭄ᬬᬦ᭄ᬪᬸᬢᬓᬮ᭞ᬓᬤᬶᬢᬶᬫ᭄ᬩᬗᬦ᭄ᬚᬢᬶᬦᬾ᭞ᬚᬤ᭄ᬫᬢᬓᬸᬢ᭄‌ᬪᬸᬢᬕᬮᬓ᭄᭞ᬬᬦ᭄ᬚᬤ᭄ᬫᬫᬯᬓ᭄ᬕᬮᬂ᭞ᬪᬸᬢ
ᬓᬮᬧᬤᬢᬓᬸᬢ᭄᭞ᬗᬲᬸᬓᬶᬦ᭄ᬫᬫ᭄ᬩᬾᬤᬩᬾᬤ᭟ᬓᬤᬶᬭᬲᬦᬶᬂᬫᬫ᭄ᬤᬶ᭞ᬓᬢᬄᬚᬤ᭄ᬫᬗᬸᬘᬧᬂ᭞ᬗ᭄ᬳᬶᬂᬢ᭄ᬭᬂᬭᬶᬂᬭᬸᬧᬦᬾ᭞ᬭᬾᬄᬫᬲᬶᬄᬦᭂᬓᭂᬢ᭄ᬭᬶᬂ
ᬫᬦᬄ᭞ᬧᭂᬲᬸᬦᬾᬓᬤᬶᬮᬯᬢ᭄᭞ᬮᬯᬢ᭄ᬗᬭᬸᬧᬬᬂ᭞ᬢᬓᬸᬢ᭄᭞ᬲᬓᬶᬂᬫᬦᬄᬢᬍᬢᭂᬳᬦ᭄᭟ᬫᬗ᭄ᬤᬾᬲᬫ᭄ᬧᬸᬦ᭄ᬧᬮᬂᬧᬮᬶᬂ᭞ᬦᬾᬧᬢᬸᬢ᭄ᬲ
ᬭᬢ᭄ᬧᬶᬦᭂᬳᬂ᭞ᬫᬗ᭄ᬤᬢᬦ᭄ᬳᬶᬯᬂᬢᬢᬫ᭄ᬧᬾᬦ᭄᭞ᬫᬗᬫ᭄ᬧᬓᬂᬮᬯᬂᬘᬘᬤ᭄᭞ᬲᬓᬶᬢ᭄ᬓᬮᬶᬯᬢ᭄ᬮᬶᬯᬢ᭄᭞ᬗᬫ᭄ᬧᬓᬂᬮᬯᬂᬭᬳᬬᬸ᭞ᬧᬸᬦᬶᬓ [ 38 ][ ᭓᭗ 37B]
᭓᭗᭞
ᬲᬭᬢ᭄ᬧ᭄ᬮᬚᬳᬂ᭟ᬓᬜ᭄ᬘᬶᬗᬾᬢᬢᬭᬶᬳᬶᬦ᭄᭞ᬳᬧᬫᬓᬜ᭄ᬘᬶᬧᭀᬮᭀᬲᬦ᭄᭞ᬳᬧᬫᬓᬸᬜ᭄ᬘᬶᬚᬯᬦᬾ᭞ᬬᬾᬦ᭄ᬫᬗᬗ᭄ᬕᭀᬓᬸᬜ᭄ᬘᬶᬚᬯ᭞ᬧ
ᬜᭂᬋᬕᬾᬭᬸᬭᬸᬳᬂ᭞ᬫᬗ᭄ᬤᬾᬦ᭄ᬧᬫᬃᬕ᭄ᬕᬶᬦᬾᬮᬦ᭄ᬢᬸᬃ᭞ᬫᬶᬲᬤ᭄ᬬᬫᭂᬲᬸᬫᬸᬮᬶᬳᬂ᭟ᬧᬸᬦᬶᬓᬕᬮᬶᬄᬕᬮᬶᬳᬶᬦ᭄᭞ᬧᬶᬂᬲᬾᬯᬸᬲᬭᬶᬂᬲᬭᬶᬗᬂ᭞ᬫᬗ᭄ᬤᬾᬦᬾ
ᬢ᭄ᬭᬂᬕᬢᬶᬦᬾ᭞ᬲᬫ᭄ᬧᬸᬦ᭄ᬲᬓᬶᬂᬳᬶᬦᬩ᭄ᬳᬶᬦᬩ᭄᭞ᬓᬭᬶᬫᬦᬸᬓᬦ᭄ᬘᬫᬄ᭞ᬗᬧᬸᬲ᭄ᬭᬕᬯᬲ᭄ᬢᬦᬶᬧᬸᬦ᭄᭞ᬢᬦ᭄ᬯᬗ᭄ᬤᬾᬓᬲᬸᬭᬂᬲᬸᬭᬂ᭟ᬲᬲᬯ
ᬗᬦᬾᬸᬦᬶᬓᬶ᭞ᬬᬾᬦ᭄ᬓᬭᬶᬦᬗ᭄ᬕᬾᬚ᭄ᬜᭂᬗ᭞ᬓᬤᬶᬗᬗ᭄ᬕᬾᬯᬭᬗᬦᬾ᭞ᬳᬶᬦᬩᬂᬯᬭᬶᬭᬂᬳᬩᬂ᭞ᬮᬯᬸᬢ᭄ᬳᬗ᭄ᬕᬾᬦ᭄ᬢᬢᬫ᭄ᬩ᭞ᬳᬗ᭄ᬕᬾᬦ᭄ᬧᭂᬧᭂᬄᬬᬤ᭄ᬬ
[ ᭓᭘ 38A]
ᬦ᭄ᬳᬶᬦᬸᬫ᭄᭞ᬦᭀᬭᬯᬗ᭄ᬤᬾᬫᬫᬶᬮᬭ᭟ᬬᬾᬦ᭄ᬳᬦ᭄ᬤᬾᬳᬦ᭄ᬤᬾᬬᬂᬫᬮᬶᬄ᭞ᬓᬤᬶᬫ᭄ᬤᬮᬾᬫᬬᬸᬤ᭄ᬥ᭞ᬦ᭄ᬤᬾᬯᬾᬓ᭄‌ᬫ᭄ᬩᬓ᭄ᬢᬢᬸᬫ᭄ᬩᬓ᭄ᬳᬓᬾᬄ᭞ᬢᬸᬭᬶᬦ᭄ᬢᬸᬫ᭄ᬩᬓ᭄ᬧᬜ᭄ᬚᬂᬧ
ᬜ᭄ᬚᬂ᭞ᬧ᭄ᬤᬲ᭄ᬓᬩᭂᬢᬦ᭄ᬢᬶᬗ᭄ᬓᬄ᭞ᬫᬓᭂᬦ᭄ᬤᭂᬮᬶᬦ᭄ᬫᬦᬄᬫᬸᬮᬸᬄ᭞ᬯᬮᬸᬬᬲ᭄ᬭᬳᬶᬦ᭄ᬩᬩᬦ᭄ᬤᬦ᭄᭟᭐᭟ᬧᬸᬧᬸᬄᬤᬗ᭄ᬤᬂ᭟ᬫᬮᬶᬄᬧᬲᬮᬶᬢᬂᬤᬗ᭄ᬤᬂ᭞ᬕᭂᬦ᭄ᬤᬶᬲ᭄᭞ᬢᭂᬫ᭄ᬩᬂ
ᬘᬭᬚᬯᬶᬲᬸᬭᬓᬃᬣ᭞ᬳᬗ᭄ᬕᬾᬦ᭄ᬦᬸᬧ᭄ᬢᬧ᭄ᬳᬦ᭄ᬤᬾᬳᬦ᭄ᬤᬾ᭞ᬳᬦ᭄ᬤᬾᬦᬶᬂᬳᬮᬗᭂᬩ᭄ᬬᬸᬓ᭄᭞ᬓᬧ᭄ᬢᭂᬗᬦ᭄ᬢᭂᬗᬳᬶᬂᬱ᭄ᬗᬶᬸ᭞ᬯᬾᬘᬶ᭞ᬢᬦ᭄ᬤᬤᬶᬫᬢᭀᬗᬬᬦ᭄᭞ᬓᬶᬗ᭄ᬓ
ᬭᬦᬾᬗ᭄ᬕᭂᬧ᭄ᬮᬸᬓ᭄᭞ᬗ᭄ᬮᬦ᭄ᬢᬶᬕᬶᬦ᭄ᬩᬸᬲᬦ᭄ᬩᬸᬲᬦ᭄᭞ᬜᭂᬮᬄᬜᭂᬮᬸᬄᬜ᭄ᬬᬸᬢᬂᬗᭀᬭᭀᬩᬶᬦ᭄ᬳᬧᬶ᭞ᬗᬭᬸᬤᬸᬕ᭄‌ᬮ᭄ᬯᬩ᭄‌ᬮ᭄ᬯᬩ᭄᭟ᬓᬾᬦ᭄ᬓᬾᬦ᭄ᬚᬦᬶᬩ [ 39 ][ ᭓᭘ 38B]
᭓᭘᭞
ᬦ᭄ᬜᬶᬧ᭄ᬢᬬᬂᬓ᭄ᬜᬶᬂ᭞ᬗᬮᬶᬮᬬᬂᬫᬗ᭄ᬤᬾᬦ᭄ᬦᭂᬓᬾᬂᬫᬦᬄ᭞ᬯᬶᬭᬾᬲᬭᬢ᭄ᬧᬦ᭄ᬤᬦ᭄ᬤᭂᬲᬾ᭞ᬲᬢ᭄ᬓᬧᬶᬧᬶᬢᬦ᭄ᬕᬸᬦᬸᬂ᭞ᬪᬬᬲᬸᬩᬢᬶᬢᬳᬶᬂᬯᬶᬤ᭄ᬥᬶ᭞ᬫᬗ᭄ᬤᬸ
ᬫᬶᬓᬲᬫᬭᬦ᭄᭞ᬗᬶᬢᬸᬂᬳᬮᬳᬬᬸ᭞ᬫᬶᬫᬶᬮᬶᬳᬶᬦ᭄ᬲᬸᬓᬤᬸᬄᬓ᭞ᬓᬶᬭᬂᬓᬭᬂᬢᬦ᭄ᬧᬫᬦᬄᬢᬦ᭄ᬧᬩᬸᬤ᭄ᬥᬶ᭞ᬚᬕ᭄ᬓᬭᬸᬩᬸᬳᬦ᭄ᬚᬕᬢ᭄᭞ᬤᬤ᭄ᬬᬦ᭄ᬜ
ᬢᬦ᭄ᬳᬸᬦᬶᬂᬗ᭄ᬯᬲ᭄ᬢᬦᬶᬦ᭄᭞ᬮᬶᬮᬩᭀᬬᬭᬾᬄᬢᬦ᭄ᬦᭂᬓᬾᬂᬫᬦᬄ᭞ᬬᬾᬦ᭄ᬯᬲ᭄ᬢᬦᬶᬦ᭄‌ᬢᬦ᭄ᬮᬶᬮᬦᬾ᭞ᬲᬸᬩᬭᬸᬲᬓ᭄ᬜᬭᬩᬸᬓ᭄᭞ᬧᬸᬧᬸᬢ᭄ᬲᬭᬤ
ᬤᭀᬲᬾᬫᬗ᭄ᬓᬶᬦ᭄᭞ᬭᬾᬄᬲᬂᬢᬸᬫᬶᬢᬄ᭞ᬳᬶᬘᬳᬮᬳᬬᬸ᭞ᬫᬫᬶᬮᬶᬳᬶᬦ᭄‌ᬢ᭄ᬯᬭᬩᬶᬲ᭞ᬲᬭᬢᬶᬢᬄᬲᬭᬢᬸᬤᬸᬄᬲᬭᬯᬶᬤ᭄ᬥᬶ᭞ᬲᬂᬳᬸᬦᬶᬂᬲᬫ᭄ᬧᬸ
[ ᭓᭙ 39A]
ᬦ᭄ᬯᬶᬓᬦ᭄᭟ᬲᬫ᭄ᬧᬸᬭᬬᬂᬓᬯᬶᬧᬮᬂᬧᬮᬶᬂ᭞ᬫᬗ᭄ᬕᬸᬬᭀᬦᬶᬦ᭄ᬫᬦᬄᬧᬤᬾᬯᬾᬓᬦ᭄᭞ᬯᬶᬭᬾᬄᬳᬕᭂᬂᬧᬫᬶᬕ᭄ᬦᬦᬾ᭞ᬓᬧᬋᬧᭂᬄᬢᬸᬮᬸᬢᬸᬄ᭞ᬭᬳᬶᬦ
ᬯ᭄ᬗᬶᬫᬓᭀᬢᬶᬓᭀᬢᬶ᭞ᬢ᭄ᬓᬦᬾᬢᬦ᭄ᬧᬲᬗ᭄ᬓᬦ᭄᭞ᬗᬮᬭᬕ᭄ᬗᬮᬸᬭᬸᬕ᭄᭞ᬫ᭄ᬩᬋᬘᭂᬢᬶᬦ᭄ᬲᬃᬯ᭄ᬯᬘᬫᬄ᭞ᬲᬸᬩᬤ᭄ᬧᬂᬧᬶᬲᬭᬳᬸᬕᬶᬳ᭄ᬬᬂᬯᬶᬤ᭄ᬥᬶ᭞ᬗᬯ
ᬲ᭄ᬢᬦᬶᬦ᭄ᬗᬬᭀᬕ᭄ᬬᬬᬂ᭟ᬲᬤᬸᬓ᭄ᬓᬮᬦᬾᬧᬸᬧᬸᬢ᭄ᬓᬢᬸᬮᬶᬲ᭄᭞ᬭᬶᬂᬭᬳᬶᬦᬩᬸᬤᬩᬳᬶᬂᬯᬬᬂ᭞ᬓᬧᬶᬂᬓᬮᬶᬄᬧᬦᬗ᭄ᬕᬮᬾ᭞ᬓᬮᬶᬫᬰᬰᬶᬄᬳᬶᬧᬸ
ᬦ᭄᭞ᬳᬶᬰᬓᬓᬾᬘᬭᬭᬶᬂᬩᬮᬶ᭞ᬦᭂᬫᭀᬦᬶᬦ᭄ᬲ᭄ᬬᬸᬤᭀᬫᬲ᭄᭞ᬦᬗ᭄ᬕᬸᬮᬶᬫᬮᬶᬓᬸᬃ᭞ᬳᬶᬢᬸᬗᬦ᭄ᬧᬫᬃᬕ᭄ᬕᬶᬦ᭄‌ᬲᬹᬃᬬ᭄ᬬ᭞ᬗᬱ᭄ᬝᬤᬯᬸᬄᬧᬳᬶᬗ [ 40 ][ ᭓᭙ 39B]
᭓᭙᭞
ᬦ᭄ᬲᬫ᭄ᬧᬸᬦ᭄ᬲᬶᬗᬶᬢ᭄᭞ᬢᬢᬭᬢᬩᭂᬄᬮᬶᬫ᭟ᬇᬣᬶᬓᬶᬤᬸᬂᬳᬺᬤᬬᬰᬲ᭄ᬢ᭄ᬭᬲᬫᬧ᭄ᬢ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟ᬕᬶᬭᬂᬫᬶᬮᬸᬗ᭄ᬕᬯᬾᬓᬶᬤᬸᬂ᭞ᬫᬗᬭᬂᬲ᭄ᬓᬃ
ᬕᬶᬦᬦ᭄ᬢᬶ᭞ᬦᬗ᭄ᬳᬶᬂᬘᬭᬓᬃᬣᬲᬸᬭ᭞ᬯᬶᬭᬯᭀᬲᬾᬲᬭᬩᬮᬶ᭞ᬘᬭᬩᬮᬶᬮᬸᬲ᭄ᬓᬲᬃ᭞ᬲᬯᬸᬧᬦ᭄ᬫᬤᬸᬓᬦ᭄ᬓᭂᬤᬶᬓ᭄᭟ᬩᬲᬘᬭᬚᬯᬫ᭄ᬮᬬᬸ᭞ᬲᬭ
ᬲᬫᬯᭀᬲ᭄ᬗᬶᬘᬳᬶᬦ᭄᭞ᬦᬗ᭄ᬳᬶᬂᬲᬫ᭄ᬧᬸᬦ᭄ᬩᬗᭂᬢ᭄ᬤᬸᬓ᭞ᬓᬯᬶᬢᬶᬯᬲ᭄ᬗᬶᬧᬶᬮ᭄ᬳᬶᬧᬶᬮ᭄᭞ᬤᬸᬭᬸᬂᬘᬘᭂᬧ᭄ᬫᬫᬦ᭄ᬢᭂᬲᬂ᭞ᬕ᭄ᬦᬄᬩᬲᬫᬦᬸᬢ᭄‌ᬤᭀᬂᬤᬶᬂ᭟ᬓᭀ
ᬘᬧᬾᬯᬶᬭᬲᬦ᭄ᬳᬢᬸᬃ᭞ᬗᭂᬢᬸᬲ᭄ᬭᬶᬂᬧᬲ᭄ᬭᬥᬦᬶᬢᬶ᭞ᬕ᭄ᬩᭀᬕᬦ᭄‌ᬘᬦ᭄ᬤᬓᬧ᭄ᬭᬯ᭞ᬲᬢ᭄ᬳᬗ᭄ᬕᬾᬦ᭄ᬧᬗᬮᬶᬂᬳᬮᬶᬂ᭞ᬳᬸᬮᬳᬶᬲᬂᬲᬶᬦᬾᬯᬓ᭞ᬢᭂᬫ᭄ᬩ
[ ᭔᭐ 40A]
ᬗᬂᬤᬤᭀᬲᬂᬕᭂᬦ᭄ᬤᬶᬂ᭟ᬦᬸᬭᬸᬢ᭄ᬳᬦᬤᬕᬶᬂᬳᬶᬧᬸᬦ᭄᭞ᬩᬶᬮᬶᬄᬯᬾᬦ᭄ᬢᭂᬦ᭄ᬲᬭᬸᬓ᭄ᬤᬶᬓ᭄᭞ᬫᬗ᭄ᬤᬾᬲᬂᬫ᭄ᬩᬯᭀᬲ᭄‌‌ᬫ᭄ᬩᬸᬭᬸᬯᬂ᭞ᬢᬢᬫ᭄ᬧᬾᬦᬾᬫᬗ᭄ᬤᬾᬩ᭄ᬘᬶᬓ
᭄᭞ᬓᭀᬘᬧᬾᬩ᭄ᬭᬢᬦᭂᬫ᭄‌ᬩ᭄ᬮᬲ᭄᭟ᬳᬗ᭄ᬕᭀᬦ᭄ᬳᬗ᭄ᬕᭀᬦ᭄ᬲᬂᬲᬶᬦᬶᬯᬶ᭟ᬕᬶᬭᬶᬩ᭄ᬭᬢᬬᬂᬓᬲᬢᬸ᭞ᬳᬶᬦ᭄ᬤ᭄ᬭᬩ᭄ᬭᬢᬓᬧᬶᬂᬓᬮᬶᬄ᭞ᬢᬶᬕᬫᬺᬢᬯᬃᬱᬩ᭄ᬭᬢ᭞ᬧ
ᬧᬢ᭄‌ᬬᬫᬩ᭄ᬭᬢᬍᬯᬶᬄ᭞ᬓᬮᬶᬫᬦᬾᬕ᭄ᬦᬶᬩ᭄ᬭᬢ᭞ᬓᬧᬶᬂᬦᭂᬫ᭄ᬮᬯᬦ᭄ᬩ᭄ᬭᬢᬶ᭞ᬫᬺᬕᬩ᭄ᬭᬢᬓᬧᬶᬂᬧᬶᬢᬸ᭞ᬧᬶᬂᬓᬸᬢᬸᬲ᭄ᬲᬶᬗ᭄ᬳᬩ᭄ᬭᬢᬾᬓᬶ᭞ᬧᬶᬂᬲ᭄ᬬᬳᬦᬶᬮᬩ᭄ᬭ
ᬢ᭞ᬲᬢᬩ᭄ᬭᬢᬓᬧᬶᬂᬤᬰᬶ᭞ᬧᬶᬂᬲᭀᬮᬲ᭄‌‌ᬫᬬᬸᬭᬩ᭄ᬭᬢ᭞ᬭᭀᬭᬲ᭄‌‌ᬘᬦ᭄ᬢᬓᬾᬓᬶ᭟ᬓᬕᬦᬶᬮᬩ᭄ᬭᬢᬫᬸᬗ᭄ᬕᬸᬄ᭞ᬭᬶᬂᬓᬧᬶᬂᬢ᭄ᬮᬸᬮᬲᬾᬫᬮᬶᬄ᭞ᬯ᭄ᬬᬸᬕ᭄ᬭ [ 41 ][ ᭔᭐ 40B]
ᬩ᭄ᬭᬢᬧᬶᬂᬧᬢ᭄ᬩᭂᬮᬲ᭄᭞ᬮᬶᬫᬯ᭄ᬮᬲ᭄‌ᬲᬸᬦ᭄ᬤᬕᬩ᭄ᬭᬢᬶ᭞ᬧᬸᬧᬸᬢᬾᬓᬧᬶᬂᬦᭂᬫ᭄ᬩᭂᬮᬲ᭄᭞ᬯᬮᬾᬲᬩ᭄ᬭᬢᬭᬦᬶᬓᬶ᭟ᬫᬮᬶᬄᬯᬶᬯᬶᬢᬶᬦ᭄ᬫᬗᬶᬢᬸᬂ᭞ᬫᬶᬤᬃᬣ
ᬬᬂᬲᬶᬓᬶᬲᬶᬓᬶ᭞ᬦᬾ ᬫᬲ᭄ᬢᬕᬶᬭᬶᬩ᭄ᬭᬢ᭞ᬓᬤᬶᬕᬸᬦᬸᬂᬢᭂᬫ᭄ᬧᬸᬄᬳᬗᬶᬦ᭄᭞ᬬᬦ᭄ᬭᬯᬸᬄᬫᬸᬲᬸᬗ᭄ᬮᬾᬭᬕ᭄᭞ᬳᬚᬕᬶᬗ᭄ᬲᬶᬃᬲᬫ᭄ᬧᬾᬫᬢᬶ᭟ᬳᬶᬦ᭄ᬤ᭄ᬭᬩ᭄ᬭ
ᬢᬯᬲ᭄ᬢᬦᬶᬧᬸᬦ᭄᭞ᬧᬭᬶᬓ᭄ᬱᬗ᭄ᬭᬾᬄᬯᬤ᭄ᬯᬲᬫᬶ᭞ᬢᬦ᭄ᬧᬗ᭄ᬕᬶᬕᬓᬦ᭄ᬤᬦᬸᬗ᭄ᬕᬮ᭄᭞ᬫᬶᬤᭀᬲᬓᬾᬶᬸᬬᬾᬦ᭄ᬓᬾᬄᬫᬲᬶᬗ᭄ᬕᬶᬄ᭞ᬲᬫ᭄ᬧᬸᬦ᭄‌‌ᬬᬾᬦ᭄ᬓᬲᬯ
ᬮᬦ᭄᭞ᬧ᭄ᬭᬶᬄᬫᬦᬳᬶᬂᬯᬤ᭄ᬯᬩ᭄ᬘᬶᬓ᭄᭟ᬫᬺᬣᬯᬃᬱᬩ᭄ᬭᬢᬳᬶᬓᬸ᭞ᬳᬫᬺᬢᬢᬾᬬᬭᬦᬾᬓᬶ᭞ᬢᬦ᭄ᬧ᭄ᬕᬢᬗᬸᬦᬶᬗᬂᬯᬤ᭄ᬯ᭞ᬯᬃᬱᬳᬸᬚᬦ᭄ᬳᬃᬣᬶᬦᬾᬓᬶ
[ ᭔᭑ 41A]
᭞ᬢᬶᬗ᭄ᬓᬳᬾᬦᬶᬯᬓᬂᬤᬦ᭞ᬤᬾᬦ᭄ᬯᬢ᭄ᬭᬳᬚᬫᬫᬶᬮᬶᬄ᭟ᬬᬧᬩ᭄ᬭᬢᬢᬶᬗ᭄ᬓᬶᬳᬶᬧᬸᬦ᭄᭞ᬬᬦ᭄ᬫᬶᬤᬦ᭄ᬤᬢᬦ᭄ᬧᬧᬶᬮᬶᬄ᭞ᬢᬸᬢᬸᬚᭀᬦᬾᬳᬲᬶᬂᬲᬮᬄ᭞ᬬᬦ᭄ᬲ
ᬫ᭄ᬧᬸᬦ᭄ᬫᬲ᭄ᬭᬄᬭᬶᬂᬯ᭄ᬗᬶ᭞ᬳᬸᬦ᭄ᬤᬗᭂᬦ᭄ᬧᬶᬢᬸᬢᬸᬭᬦ᭄᭞ᬤᬦ᭄ᬤᬦᬾᬢᬸᬮᬓᬫᬮᬶᬄ᭞ᬕ᭄ᬦᬶᬩ᭄ᬭᬳᬢᬶᬗ᭄ᬓᬳᬶᬧᬸᬦ᭄᭞pᬳᬦᬶᬭᬸᬓ᭄ᬭᬫᬦᬶᬂᬕ᭄ᬦᬶ᭞ᬕ᭄ᬮᬶᬲᬾᬦᭂᬮᬲᬂᬳᬗ᭄ᬓ᭄ᬭᬄ᭞ᬲ
ᬫ᭄ᬧᬸᬦ᭄ᬧᬍᬄᬧᬍᬄᬳᬸᬕᬶ᭞ᬢᬶᬗ᭄ᬓᬳᬾᬗ᭄ᬭᬸᬲᬓ᭄‌ᬤᬷᬃᬚ᭄ᬚᬦ᭞ᬲᬫ᭄ᬧᬸᬦ᭄ᬗᬦ᭄ᬢᭀᬲ᭄ᬮᬶᬫᬮᬫᬶ᭞ᬮᬯᬦᬩ᭄ᬭᬢᬦᬶᬧᬸᬦ᭄᭞ᬮᬯᬦᬬᬓ᭄ᬢᬶᬦᬾᬧᬲᬶᬄ᭞ᬬᬾᬄ
ᬦ᭄ᬯᬦ᭄ᬢᭂᬦ᭄ᬲᬶᬲᬶᬧᬶᬯᬤ᭄ᬯ᭞ᬦᬾᬫᬸᬗ᭄ᬕᬸᬄᬳᬓ᭄ᬤᬶᬓ᭄ᬓᭂᬤᬶᬓ᭄᭞ᬤᬾᬦ᭄ᬳᬫᭀᬢ᭄ᬤᬸᬤᬸᬦᬶᬂᬯᬤ᭄ᬯ᭞ᬲᬫ᭄ᬧᬸᬭᬦᬾᬓᬤᬶᬧᬲᬶᬄ᭟ᬫᬺᬕᬩ᭄ᬭᬢᬢᬶᬗ᭄ᬓᬳᬶᬧᬸᬦ᭄ [ 42 ][ ᭔᭑ 41B]
᭔᭑᭞
᭞ᬭᬶᬲᬤᬃᬩ᭄ᬩᬾᬦ᭄ᬯᬤ᭄ᬯᬲᬫᬶ᭞ᬓᬤᬶᬩᬸᬭᭀᬦ᭄ᬗᭂᬢᭀᬦ᭄ᬚᬤ᭄ᬫ᭞ᬤᬾᬦ᭄ᬳᬾᬮᬶᬂᬫᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬳᬚᬗ᭄ᬕᬯᬾᬯᬤ᭄ᬯᬲᬸᬲᬄ᭞ᬩ᭄ᬘᬶᬓ᭄ᬗᬶᬘᬾᬦ᭄ᬭᬶᬂᬗᬫ᭄ᬩᬶᬮ
᭄᭞ᬲᬶᬗ᭄ᬳᬩ᭄ᬭᬢᬢᬯᬲ᭄ᬢᬦᬶᬧᬸᬦ᭄᭞ᬧᬗ᭄ᬭᬓ᭄ᬱᬦᬾ ᬭᬶᬂᬦᬕᬭᬶ᭞ᬓᬤᬶᬲᬶᬗ᭄ᬳᬩ᭄ᬭᬓ᭄ᬱᬳᬮᬲ᭄᭞ᬭᬾᬄᬭᬓ᭄ᬱᬭᬸᬫᬓ᭄ᬱᬓᬮᬶᬄ᭞ᬭᬢᬸᬭᬚᭂᬕ᭄ᬲᬓᬶᬂᬯ
ᬤ᭄ᬯ᭞ᬯᬤ᭄ᬯᬓᬺᬣᬲᬓᬶᬂᬕᬸᬲ᭄ᬢᬶ᭟ᬳᬦᬶᬮᬩ᭄ᬭᬢᬦᬶᬧᬸᬦ᭄᭞ᬳᬦᬶᬮᬧᬸᬦᬶᬓᬳᬗᬶᬦ᭄᭞ᬬᬦ᭄ᬳᬫᬕᬸᬢ᭄ᬰᬢ᭄ᬭᬸᬫᬭ᭞ᬕ᭄ᬮᬶᬲᬾᬤᬾᬦ᭄ᬓᬤᬶᬳᬗᬶᬦ᭄᭞ᬳ
ᬚᬓᬭᬶᬢᬳᬢᬳ᭞ᬧᬢᬶᬳᬸᬭᬶᬧ᭄ᬲᬓᬶᬂᬯᬶᬤ᭄ᬥᬶ᭞ᬲᬢᬩ᭄ᬭᬢᬢᬶᬗ᭄ᬓᬳᬶᬧᬸᬦ᭄᭞ᬲᬢᬳᬬᬫ᭄‌ᬬᬦ᭄ᬢᬶᬦᬾᬓᬶ᭞ᬢᬶᬗ᭄ᬓᬄᬲᭀᬮᬳᬾᬭᬶᬂᬯᬤ᭄ᬯ᭞ᬢᬶᬗ᭄ᬓᬄᬲᭀ
[ ᭔᭒ 42A]
ᬮᬳᬾᬭᬶᬂᬭᬳᬶ᭞ᬧᬸᬦᬶᬓᬤᬾᬦ᭄ᬓᬤᬶᬳᬬᬫ᭄᭞ᬲᬫ᭄ᬬᬦ᭄ᬓᬧᬤᬦᬶᬂᬲᬶᬄ᭞ᬫᬬᬸᬭᬩ᭄ᬭᬢᬦᬶᬧᬸᬦ᭄᭞ᬫᬬᬸᬭᬫ᭄ᬭᬓ᭄ᬲᬬᬓ᭄ᬢᬶ᭞ᬢᬶᬂᬓᬳᬾᬤᬾᬦ᭄ᬓᬤᬶᬫ᭄ᬭ
ᬓ᭄᭞ᬳᬦ᭄ᬧᬢᬶᬧᬗᬦ᭄ᬲᬗᬤᬶ᭞ᬧᭂᬗᭂᬤᬦ᭄ᬢᬦ᭄ᬲᬮᬄᬳᬸᬚᬃ᭞ᬢᬦ᭄ᬯᬯᬤᭀᬦ᭄ᬳᬧ᭄ᬓᬶᬓ᭄᭟ᬘᬦ᭄ᬢᬓᬩ᭄ᬭᬢᬭᬦᬶᬧᬸᬦ᭄᭞ᬘᬦ᭄ᬢᬓᬦᬾᬧᬓ᭄ᬱᬶᬓᭂ
ᬮᬶᬓ᭄᭞ᬢᬦ᭄ᬫᬮᬓᬸᬲᬶᬳᬶᬂᬯᬤ᭄ᬯ᭞ᬓᬾᬯᬮᬲᬂᬭᬢᬸᬳᬲᬶᬄ᭞ᬢ᭄ᬓᬢᬸᬫ᭄ᬭᬧ᭄ᬲᬶᬳᬶᬂᬯᬤ᭄ᬯ᭞ᬳᬶᬢᬸᬭᬚᬳᬓᬮ᭄ᬢᬶᬗ᭄ᬕᬶ᭟ᬓᬕᬦᬶᬮᬩ᭄ᬭᬢᬳᬶᬓᬸᬓᬕ
ᬦᬶᬮᬕᬕᬓ᭄ᬧᬓ᭄ᬱᬶ᭞ᬬᬦ᭄ᬦᬶᬯᬓᬂᬤᬾᬱᬧ᭄ᬚᬄ᭞ᬫᬳᬸᬫᬂᬧᬸᬗ᭄ᬕᬯᬲᬫᬶ᭞ᬬᬦ᭄ᬧᬢᭂᬄᬧᬢᬸᬢ᭄ᬤᬸᬭᬸᬲᬂ᭞ᬬᬦ᭄ᬤᬸᬭᬸᬂᬚᬦ᭄ᬢᭀᬲᬂᬳᬸᬕᬶ᭟ᬯ᭄ᬬᬕ᭄ᬭᬩ᭄ᬭᬢ [ 43 ][ ᭔᭒ 42B]
᭔᭒᭞
ᬯᬲ᭄ᬢᬦᬶᬧᬸᬦ᭄᭞ᬯ᭄ᬬᬕ᭄ᬭᬫᬘᬦ᭄‌‌ᬬᬓ᭄ᬢᬶᬦᬾᬓᬶ᭞ᬬᬦ᭄ᬢᬦ᭄ᬳᭀᬮᬶᬄᬤᬸᬭᬸᬂᬫᬭ᭞ᬭᬶᬂᬭᬢᬸᬦᬾᬲᬫ᭄ᬧᬸᬦ᭄‌ᬍᬯᬶᬄ᭞ᬬᬦ᭄ᬤᬸᬭᬸᬂᬓᬭᬯᭀᬲ᭄ᬲᬶ
ᬤ᭄ᬥ᭞ᬤᬸᬭᬸᬂᬧᬢᬸᬢ᭄ᬓᬫᬃᬕ᭄ᬕᬶᬦᬶᬦ᭄᭟ᬘᬸᬦ᭄ᬤᬕᬩ᭄ᬭᬢᬭᬦᬶᬧᬸᬦ᭄᭞ᬘᬸᬦ᭄ᬤᬕᬮᬸᬢᬸᬂᬲᬬᬓ᭄ᬢᬶ᭞ᬳᬶᬋᬗᬦ᭄‌‌ᬬᬦ᭄ᬩᬮᬶᬧᬶᬲᬦ᭄᭞ᬫᬫᬶᬮᬶᬄᬧ
ᬗᬦ᭄‌‌ᬬᬂᬲᬸᬘᬶ᭞ᬫᬢᬸᬢᬂᬮᬶᬗ᭄ᬕᬶᬄᬤᬦ᭄ᬲᭀᬮᬄ᭞ᬲᬫ᭄ᬧᬸᬦ᭄ᬘᬭᬳᭀᬭᬂᬢᬶᬸᬢᬦᬶ᭟ᬯᬮᬾᬲᬩ᭄ᬭᬢᬭᬦᬶᬧᬸᬦ᭄᭞ᬯᬮᬾᬲᬓᬮ᭄ᬯᬂᬲᬬᬓ᭄ᬢᬶ᭞
ᬬᬾᬦ᭄ᬤᬸᬭᬸᬂᬩᬶᬲᬫᭀᬢ᭄ᬧᬗᬦ᭄᭞ᬳᬦᬓᬾᬢᬦ᭄ᬤᬾᬦ᭄ᬮᬸᬫ᭄ᬩᬭᬶᬦ᭄᭞ᬧᬸᬦᬶᬓᬬᬾᬦ᭄ᬓᬃᬬ᭄ᬬᬲᬭᬢ᭄᭞ᬲᬫ᭄ᬧᬸᬦ᭄ᬗᬸᬢᬸᬲ᭄‌ᬯᭀᬂᬢᬳᬸᬦᬶᬂᬲᬫ᭄ᬧᬸ
[ ᭔᭓ 43A]
ᬦ᭄ᬢᬫᬢ᭄ᬳᬶᬦ᭄ᬤᬶᬳᬶᬧᬸᬦ᭄᭞ᬢ᭄ᬭᬢᬦᬾᬲᬲᬶᬓᬶᬲᬶᬓᬶ᭞ᬲᬦᬾᬧᬲᬮ᭄ᬧᬶᬂᬦᭂᬫ᭄‌ᬩ᭄ᬮᬲ᭄᭞ᬬᬦ᭄ᬲᬫ᭄ᬧᬸᬦ᭄ᬤᬤᭀᬲ᭄ᬫᬫᬃᬕ᭄ᬕᬶ᭞ᬮᬸᬮᬸᬢ᭄ᬓᬂᬯᬤ᭄ᬯᬲ
ᬫ᭄ᬬᬦ᭄᭞ᬤᬾᬰᬤᬾᬰᬓ᭄ᬭᬣᬲᬫᬶ᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟ᬲ᭄ᬫᬭᬦ᭄ᬤᬦᬗᬾᬦ᭄ᬜᬮᬶᬦᬶᬦ᭄᭞ᬫᬲᬶᬄᬘᬭᬲᬸᬭᬓᬃᬣ᭞ᬬᬾᬦ᭄ᬘᬭᬩᬶ
ᬩᬾᬬᬾᬬᬾ ᭞ᬦᬶᬗ᭄ᬕᬭᬂᬳᬶᬃᬓᭂᬢᬾᬭᬸᬲᬓ᭄᭞ᬲᬓᬶᬂᬧᬗᬩᬦ᭄‌ᬢᭂᬫ᭄ᬩᬂ᭞ᬬᬾᬦ᭄ᬢᭂᬫ᭄ᬩᬗᬂᬚᬯᬲᬭᬸ᭞ᬫᬢᬄᬲᬶᬕᬸᬕ᭄ᬤᬤᬶᬳᬦ᭄ᬢᬃ᭞ᬫᬮᬶᬄ
ᬓᬯᬶᬢᬂᬫᬗ᭄ᬕᬸᬭᬶᬢ᭄᭞ᬗᭂᬢᬸᬲ᭄ᬘᬭᬶᬢᬳᬸᬢ᭄ᬢᬫ᭞ᬲᬓᬶᬂᬢᬸᬢᬸᬃᬧᬶᬦᬗ᭄ᬓᬦᬾ᭞ᬓᬾᬘᬧᬾᬯᬶᬯᬶᬦᬶᬄᬫᬦᬄ᭞ᬦᬾᬫᭂᬦ᭄ᬢᬶᬓ᭄ᬓᬭᬳᬬ᭄ᬯᬦ᭄᭞ᬦᬾ [ 44 ][ ᭔᭓ 43B]
᭔᭓᭞
ᬲᬫ᭄ᬧᬸᬦ᭄ᬓᬲᭀᬭᬂᬰᬢ᭄ᬭᬸ᭞ᬰᬢ᭄ᬭᬸᬦᬾᬦᭂᬦᭂᬫ᭄ᬭᬶᬂᬫᬦᬄ᭟ᬧᬸᬦᬶᬓᬧᬢᬸᬢ᭄ᬓᬃᬬ᭄ᬬᬦᬶᬦ᭄᭞ᬬᬤ᭄ᬬᬦ᭄ᬫᬭᬸᬧᬲᬚᬤ᭄ᬫ᭞ᬢᬦ᭄ᬩᭂᬦᬳᬸᬦᭂᬂᬫ
ᬦᬳᬾ᭞ᬗᬗ᭄ᬕᭀᬯᬶᬤ᭄ᬥᬶᬢᬸᬗ᭄ᬕᬮ᭄᭞ᬦᬾᬲᬚᬢᬶᬦᬶᬃᬫ᭄ᬫᬮ᭞ᬭᬶᬂᬭᬢᬸᬧᬡ᭄ᬥᬶᬢᬧᬢᬸᬄ᭞ᬲᬦᬤ᭄ᬬᬦ᭄‌ᬭᬶᬂᬯᭀᬂᬲᬩᬭᬂ᭟ᬦᬗ᭄ᬳᬶᬂᬓᬾᬯᭂᬳᬾ
ᬗᬾᬮᬶᬗᬶᬦ᭄᭞ᬦᬾᬚᬢᬶᬓᬮᬶᬯᬢ᭄ᬲᬯᬢ᭄᭞ᬲᬭᬸᬧᬶᬗᬶᬢ᭄‌ᬬᬫᬗᭂᬤᭂᬂ᭞ᬓᬤᬶᬫᬶᬜᬓᬾᬭᬶᬂᬧᭂᬳᬦ᭄᭞ᬓᬤᬶᬮᬯᬢ᭄ᬭᬶᬂᬫᭂᬓ᭞ᬓ
ᬤᬶᬳᬧ᭄ᬯᬶᬦᬾᬭᬶᬂᬢᬭᬸ᭞ᬭᬾᬄᬧᬸᬦᬶᬓᬳᬦᬦᭀᬭ᭟ᬳᬦᬦᬾᬭᬶᬂᬲᬦᬾᬚᬢᬶ᭞ᬦᭀᬭᬦᬾᬭᬶᬂᬲᬦᬾᬤᭀᬭ᭞ᬓᬭᬕ᭄‌ᬓᬶᬭᬶᬕ᭄ᬓ
[ ᭔᭔ 44A]
ᬲᬃᬓᬾᬲᬾᬃ᭞ᬧᬧᬶᬢᭂᬳᬾᬭᬗ᭄ᬓᬸᬂᬓ᭄ᬭᬲ᭄᭞ᬳᬓ᭄ᬤᬶᬓ᭄ᬤᬤᬶᬓᬢᬄ᭞ᬲᬫᬶᬩᭀᬬᬲᬫᬶᬧᬢᬸᬢ᭄᭞ᬫᬶᬗᬸᬗᬂᬫᬄᬓᬢᬸᬦᬦ᭄᭟ᬦ᭄ᬭᬗᬂᬫᬦᬄᬲᬚ
ᬢᬶ᭞ᬧᬜ᭄ᬚᬂᬬᬦ᭄ᬲᬫᬶᬢᬸᬢᬸᬭᬂ᭞ᬳᬓ᭄ᬤᬶᬓ᭄‌ᬬᬦ᭄‌ᬭᬶᬗ᭄ᬓᭂᬲ᭄ᬩᭀᬗ᭄ᬓᭀᬲ᭄᭞ᬬᬦ᭄ᬚᬸᬚᬸᬄᬲᬬᬦ᭄‌ᬗᭂᬚᭀᬳᬂ᭞ᬬᬦ᭄ᬧᬦ᭄ᬤᭂᬃᬲᬬᬦ᭄ᬳᬶᬮᬂ᭞ᬬᬦ᭄ᬕᭂᬫᭂᬮ᭄ᬲᬬ
ᬦ᭄ᬗᬭᬸᬯᬸᬂ᭞ᬬᬦ᭄ᬲᭂᬩᭂᬢᬂᬲᬬᬦ᭄ᬲᬸᬲᬄ᭟ᬬᬦ᭄ᬓᬗᭂᬦᬂᬲᬬᬦ᭄ᬲᭂᬤᬶᬄ᭞ᬬᬦ᭄ᬚᭂᬚᭂᬳᬂᬲᬬᬦ᭄ᬫᬭᬲ᭄᭞ᬬᬦ᭄ᬢᬫ᭄ᬩᭂᬢᬂᬲᬬᬦ᭄ᬩᭂᬮᭀᬕ᭄᭞ᬬᬦ᭄‌‌ᬮᬶᬮᬬᬂᬲ
ᬬᬦ᭄‌ᬧᬹᬃᬡ᭄ᬦ᭞ᬲᬸᬩᬬᬂᬲᬬᬦ᭄ᬳᬦ᭄ᬢᬃ᭞ᬬᬦ᭄ᬮᬗ᭄ᬕᭂᬗᬂᬲᬬᬦ᭄ᬓᬸᬓᬸᬄ᭞ᬬᬲᬬᬦ᭄ᬕᬕᬂᬳ᭄ᬮᬲᬂ᭟ᬫᬮᬶᬄᬯᬮᬶᬦᬶᬦ᭄ᬫᬶᬮᬗᬶᬦ᭄᭞ᬰᬢ᭄ᬭᬸᬦᬾᬦᬾᬦᬾᬭᬶᬭᬕ᭞ᬦᬾ [ 45 ][ ᭔᭔ 44B]
᭔᭔᭞
ᬲᬳᬶᬗᬫ᭄ᬧ᭄ᬭᬕ᭄ᬫᬦᭀᬕ᭄ᬤᭀᬕ᭄᭞ᬫᬫᬸᬭᬸᬂᬲᬤ᭄ᬬᬳᬸᬢ᭄ᬢᬫ᭞ᬦᬾᬦᬸᬤᬸᬄᬓᬲᬗ᭄ᬲᬭᬦ᭄᭞ᬲᬦᬾ ᬫᬯᬲ᭄ᬢᬲᬤ᭄ᬭᬶᬧᬸ᭞ᬧᬸᬦᬶᬓᬫᬸᬲᬸᬄᬲᬜᬢ
᭟ᬳᬮᬲ᭄ᬬᬯᬳᬸᬲᬲᬶᬓᬶ᭞ᬓᬮᬶᬄᬦᬶᬤ᭄ᬭᬢᬶᬕᬪᬬ᭞ᬭᬶᬂᬓᬧᬶᬂᬳᭂᬫ᭄ᬧᬢ᭄‌ᬢᬺᬱ᭄ᬡᬦᬾ᭞ᬧᬶᬮᬶᬮᬶᬸᬫᬧᬸᬦᬶᬓᬭᬕ᭞ᬧᬸᬧᬸᬢᬾᬫᬯᬲ᭄ᬢᬲᬤ᭄᭞ᬤ᭄ᬯᬾ
ᬲᬦᬾᬓᬧᬶᬂᬦᭂᬫ᭄ᬳᬶᬧᬸᬦ᭄᭞ᬦᬗ᭄ᬳᬶᬂᬓᬭᬶᬩᬲᬮᬯ᭄ᬲ᭄᭟ᬬᬦ᭄ᬭᬶᬂᬩᬲᬢᬸᬭᬄᬫᬗ᭄ᬓᬶᬦ᭄᭞ᬮᬲ᭄ᬬᬫᬬᬸᬲ᭄ᬢᬸᬦ᭄ᬫᬦᬄ᭞ᬦᬶᬤ᭄ᬭᬦᬾᬩ᭄ᬯᬢ᭄ᬓᬮᬮᬾᬦ᭄᭞ᬪᬬ
ᬦᬾᬢᬓᬸᬢ᭄‌ᬕ᭄ᬭᬶᬂᬕᬶᬗᬦ᭄᭞ᬢᬺᬱ᭄ᬡᬩ᭄ᬯᬢ᭄ᬓᬭᬓᭂᬢᬦ᭄᭞ᬭᬕᬦᬾᬤ᭄ᬫᭂᬦ᭄ᬳᬸᬮᬗᬸᬦ᭄᭞ᬤ᭄ᬯᬾᬲᬦᬾᬩ᭄ᬯᬢ᭄‌ᬳᬾᬮᬶᬓᬦ᭄᭟ᬬᬦ᭄ᬧᬸᬦᬶᬓᬤᬸᬭᬸᬂᬩ᭄ᬘᬶ
[ ᭔᭕ 45A]
ᬓ᭄ᬳᬸᬗ᭄ᬕᬸᬳᬸᬗ᭄ᬕ᭄ᬯᬦᬾᬭᬶᬂᬫᬦᬄ᭞ᬬᬾᬦ᭄ᬢᭂᬳᭂᬃᬳᬶᬯᬂᬢᬢᬫ᭄ᬧᬾᬦ᭄᭞ᬧᬓᬤᬶᬳᬶᬯᬂᬢᬺᬩᬓᬦ᭄᭞ᬕ᭄ᬮᬶᬲ᭄‌‌ᬬᬫᬢᬸᬧ᭄ᬢᬸᬧᬦ᭄᭞ᬧᬩᬮᬶᬓᬾᬤᬤᬶᬫᬸᬲᬸᬄ᭞ᬧᬗ᭄ᬮ
ᬭᬕᬾᬲᬫᬶᬓ᭄ᬭᬲ᭄᭟ᬫᬗ᭄ᬤᬧᬢᭂᬄᬫᬓᬲᬫᬶ᭞ᬭᬶᬂᬳᬲᬶᬓᬶᬦᬾᬫᬢᬸᬗ᭄ᬓᬲ᭄᭞ᬬᬓ᭄ᬢᬶᬓᬾᬯᭂᬄᬗᬫᭂᬮ᭄‌ᬩᬾᬦ᭄ᬢᬾᬂ᭞ᬫ᭄ᬭᬗᬶᬦ᭄‌ᬬᬦ᭄ᬓᬭᬶᬢᬳ᭞ᬢᬢᬲ᭄ᬩᬾ
ᬦ᭄ᬢᬾᬗᬾᬩ᭄ᬤᬄ᭞ᬬᬾᬦ᭄ᬲᬚᬢᬶᬚᬢᬶᬧᬸᬭᬸᬦ᭄᭞ᬫ᭄ᬦᬂᬭᬾᬄᬫᬸᬮᬦᭂᬫ᭄ᬧᬸᬭᬂ᭟ᬧᬸᬦᬶᬓᬧᬶᬦᭂᬳᬶᬦ᭄ᬲᬳᬶ᭞ᬲᬫ᭄ᬧᬸᬦ᭄ᬲᬮᬄᬋᬋᬲᭂᬧᬦ᭄᭞ᬲᬫᬶᬓᬸᬢᬂᬲᬫᬶ
ᬳᬗ᭄ᬕᬾ᭞ᬢᬶᬗ᭄ᬓᬳᬾᬭᬶᬂᬫᬤ᭄ᬬᬧᬤ᭞ᬲᬫ᭄ᬧᬸᬦ᭄ᬓᬸᬭᬂᬢᬭᬕ᭄ᬬ᭞ᬫᬫᬶᬮᬶᬳᬾᬫᬗ᭄ᬤᬾᬦ᭄‌ᬢ᭄ᬭᬂ᭟ᬧᬦᬸᬚᬸᬦᬾᬫᬗ᭄ᬤᬾᬦ᭄‌ᬩ᭄ᬘᬶᬓ᭄᭞ᬧᬫᬸᬓᬸᬮᬾᬲᬫ᭄ᬧᬸᬦ᭄ᬕ [ 46 ][ ᭔᭕ 45B]
᭔᭕᭞ᬯᬂ᭞ᬭᬾᬄᬲᬭᬸᬳᬓᬾᬄᬳᬶᬭᬶᬩᬾ᭞ᬓᬢᬄᬫᬸᬲᬸᬄᬘᬭᬭᭀᬯᬂ᭞ᬭᭀᬯᬂᬫᬧᬶᬦ᭄ᬤᬧᬶᬦ᭄ᬤ᭞ᬲᬲᭀᬮᬳᬦ᭄ᬘᬭᬫᬸᬲᬸᬄ᭞ᬧᬸᬦᬶᬓᬫᬗ᭄ᬤᬾᬦ᭄ᬯᬲ᭄ᬧᬤ᭟
᭐᭟ᬧᬸᬧᬸᬄᬲᬶᬦᭀᬫ᭄᭟ᬲᬶᬦᭀᬫ᭄ᬘᬭᬲᬸᬭᬓᬃᬣ᭞ᬳᬗ᭄ᬕᬾᬦ᭄ᬫᬲᬮᬶᬢᬂᬕᭂᬦ᭄ᬤᬶᬂᬲᬫᬶᬸᬧᬶᬸᬫ᭄ᬩᬸᬃᬗᬤ᭄ᬓᬤ᭄ᬤᬧᬸᬦᬶᬓ᭞ᬦᬾᬓᭀᬘᬧ᭄ᬭᬶᬂᬕᬸᬭᬶᬢ᭄᭞ᬢᬶᬗ᭄ᬓ
ᬳᬾᬗᬫᭀᬂᬩᬸᬤ᭄ᬥᬶ᭞ᬬᬾᬦ᭄‌ᬯᬾᬦ᭄ᬢᭂᬦ᭄ᬫᬕᬢ᭄ᬭᬢᬸᬫ᭄ᬩᬄ᭞ᬫᬗ᭄ᬤᬾᬦ᭄ᬤᬲᬭᬶᬦ᭄ᬓᭂᬤᬲ᭄᭞ᬲᬃᬣᬳᬮᬸᬲ᭄ᬮᬸᬭᬸᬲ᭄ᬳᬢᬶ᭞ᬲᬓᬶᬂᬳᬮᬸᬲ᭄‌ᬮᬸᬭᬸ
ᬲ᭄ᬫᭂᬫᬶᬸᬜ᭄ᬘᬭᬂ‌ᬧᬾᬢᬸᬗᬦ᭄᭟ᬧᬗᬯᬲᬾᬫᬗ᭄ᬤᬾᬦ᭄ᬢᭂᬭᬂ᭞ᬬᬦ᭄ᬲᬫ᭄ᬧᬸᬦᬦᬾᬭᬸᬯᬂᬳ᭄ᬦᬶᬂ᭞ᬳ᭄ᬦᬶᬗᬾᬦᬾᬚᬢᬶᬫᬸᬮ᭄ᬬ᭞ᬧᬸᬦᬶᬓᬳᬫᭀᬗᬶ
[ ᭔᭖ 46A]
ᬦ᭄ᬲᬳᬶ᭞ᬘᬘᭂᬧᬂᬫᬗᬾ ᬮᬶᬗᬶᬦ᭄᭞ᬳᬦ᭄ᬤᬾᬧᬸᬢᬶᬄᬧᬸᬢᬶᬄᬮ᭄ᬬᬸ᭞ᬲᬫ᭄ᬧᬸᬦᬂᬓᬲᬫᬭᬦ᭄᭞ᬬᬾᬦ᭄ᬲᬫᬃᬢᬦ᭄ᬳᬸᬭᬸᬂᬤᬶᬸᬤᬤᬶ᭞ᬲᬲᬃᬲᬸ
ᬲᬸᬃ᭞ᬧᬮᬶᬂᬓᬤᬓᭂᬧ᭄ᬩᬦ᭄‌ᬲᬾᬢᬦ᭄᭟ᬓᬳᬸᬦᬶᬗᬦ᭄‌ᬳᭀᬭᬯᬤ᭄ᬯ᭞ᬲ᭄ᬮᬗᬾᬗᬯᬲᬶᬦ᭄ᬕᬸᬫᬶ᭞ᬳᬮᬳᬬᬸᬦᭀᬭᬲᬫᬃ᭞ᬲᬃᬯ᭄ᬯᬦᬾᬲᬃᬯ᭄ᬯᬭᬶᬂ
ᬕᬸᬫᬶ᭞ᬧᬦ᭄ᬢᭂᬲᬂᬫᬦ᭄ᬤᬾᬦ᭄ᬧᬱ᭄ᬝᬶ᭞ᬲᬓᬶᬂᬧᬦ᭄ᬢᭂᬲ᭄ᬤᬤᬧᬢᬸᬢ᭄᭞ᬲᬓᬶᬂᬧᬢᬸᬢ᭄‌ᬦᬦ᭄ᬤᬦᬂ᭞ᬫᬜᬸᬚᬸᬄᬫᬦᬳᬾᬳ᭄ᬦᬶᬂ᭞ᬗᬯᭂᬢ᭄ᬯᬃᬤᬤᬶᬘ᭄ᬮᬂ᭟
ᬲᬓᬶᬘ᭄ᬮᬂᬫᬫᬦ᭄ᬢᭂᬲᬂ᭞ᬧᬸᬦᬶᬓᬬᬩᭀᬮᬓ᭄ᬩᬮᬶᬓ᭄᭞ᬲᬚᬢᬶᬦᬾᬫ᭄ᬦᬸᬕ᭄ᬮᬂ᭞ᬳᬲᬶᬂᬤᬮᬶᬄᬓᬧᬶᬢ᭄ᬯᬶ᭞ᬤᬮᬶᬳᬂᬓᬗᬶᬦ᭄ᬓᬗᬶᬦ᭄᭞ᬬᬾᬦ᭄ᬤᬮᬶ [ 47 ][ ᭔᭖ 46B]
᭔᭖᭞ᬳᬂᬓᬯᬸᬄᬓᬯᬸᬄ᭞ᬤᬮᬶᬳᬂᬘᬘᬤ᭄ᬘᬘᬤ᭄᭞ᬬᬦ᭄ᬤᬮᬶᬳᬂᬍᬯᬶᬄᬍᬯᬶᬄ᭞ᬓᬢᭂᬫ᭄ᬧᬸᬳᬦ᭄᭞ᬤᬮᬶᬳᬂᬦᬾᬓᬤᬾᬦᬵᬫᭂᬮᬄ᭟ᬬᬾᬦ᭄ᬤᬢᬶ
ᬫ᭄ᬮᬄᬓ᭄ᬭᬳᬬ᭄ᬯᬦ᭄᭞ᬬᬦ᭄ᬢᭀᬲᬶᬂᬗᬤᭀᬯᬂᬳᬸᬭᬶᬧ᭄᭞ᬬᬦ᭄ᬩᬸᬭᬸᬓ᭄ᬓᬶᬭᬗᬦ᭄ᬫᬦᬄ᭞ᬗᬭᬸᬭᬸᬄᬦᬾᬫᬗ᭄ᬤᬾᬦ᭄ᬜᬭᬶᬓ᭄᭞ᬳᬩᭀᬢᬾᬧᬘᬂᬫ
ᬜᬸᬚᬸᬄ᭞ᬓ᭄ᬭᬩᬓᬾᬄᬕᬕ᭄ᬮᬭᬦ᭄᭞ᬫᬜᭂᬤᭂᬗᬂᬜᭂᬢᬸᬢ᭄ᬩᬸᬭᬶ᭞ᬩᬶᬮᬶᬄᬩᬶᬮᬶᬄ᭞ᬦᬾᬦᭀᬗᭀᬲ᭄ᬧᬘᬂᬗᭂᬦ᭄ᬬᬂ᭟᭐᭟ᬧᬸᬧᬸᬄᬧᬸᬘᬸᬂ᭟ᬲ᭄ᬓᬃ
ᬧᬸᬘᬸᬂ᭞ᬧᬲᬮᬶᬦᬾᬫᬲᬶᬗ᭄ᬮᬦ᭄ᬢᬸᬃ᭞ᬢᬢᭂᬫ᭄ᬩᬗᬦ᭄ᬚᬯ᭞ᬓᭀᬘᬧᬾᬦᬾᬫᬸᬗ᭄ᬕ᭄ᬯᬾᬂᬕᬸᬭᬶᬢ᭄᭞ᬫᬲᬶᬄᬦᬸᬲ᭄ᬢᬸᬲ᭄᭞ᬓᬢᬸᬢᬸᬭᬦ᭄ᬢᬢ᭄ᬯᬮ
[ ᭔᭗ 47A]
ᬯᬲ᭄᭟ᬢᬦ᭄ᬲᬓᬶᬂᬯ᭄ᬭᬸᬄᬧᬸᬲ᭄ᬓᬶᬤᬸᬂᬢᬸᬢᬸᬃᬢᬸᬢᬸᬃ᭞ᬩᭀᬬᬲᬓᬶᬂᬳᬶᬗᬦ᭄᭞ᬧ᭄ᬭᬬᬂᬲᬸᬓ᭄ᬭᬶᬂᬩᬸᬤ᭄ᬥᬶ᭞ᬲᬫ᭄ᬧᬸᬭᬬᬂ᭞ᬳᬸᬕᬶᬲᬂᬫᬳᭀᬲ᭄ᬲᬫ᭄ᬬ
ᬦ᭄᭟ᬢᬶᬯᬶᬢᬶᬧᬸᬦ᭄᭞ᬲᬓᬶᬂᬫᬦᬄᬭᬗ᭄ᬓᬸᬂᬓᬾ ᬮᬸᬕ᭄᭞ᬜᬤ᭄ᬬᬫᬗ᭄ᬭᬗᭂᬬᬂ᭞ᬓᭀᬚᬭᬦ᭄ᬰᬲ᭄ᬢ᭄ᬭᬲᬓ᭄ᬤᬶᬓ᭄᭞ᬳᬗ᭄ᬕᬾᬦ᭄ᬢᬸᬂᬢᬸᬂ᭞ᬫᬫᬭᬗᬶᬦ᭄
ᬳᬢᬶᬲᬮᬄ᭟ᬲᬸᬲᬄᬳᬶᬩᬸᬓ᭄᭞ᬓᬢᬶᬦ᭄ᬤᬶᬳᬶᬦ᭄ᬫᬦᬄᬩᬶᬗᬸᬂ᭞ᬲᬓᬶᬂᬓᬢᬫ᭄ᬩᭂᬢᬦ᭄᭞ᬫ᭄ᬢᬾᬓ᭄ᬩᬶᬦ᭄ᬢᬗᬾᬭᬶᬂᬮᬗᬶᬢ᭄᭞ᬩᬶᬮᬶᬄᬓᬦ᭄ᬓᬢ᭄᭞ᬧᭀ
ᬮᬶᬄᬫᬳᬸᬜ᭄ᬘᬩ᭄ᬳᬫ᭄ᬤᬂ᭟ᬲᬶᬤ᭄ᬥᬫᬗ᭄ᬕᬸᬄ᭞ᬫᬦᬄᬭᬳᬬᬸᬳᬲᭂᬫᬸᬢ᭄᭞ᬲᬓᬶᬂᬮᬶᬦ᭄ᬢᬂᬮᭀᬪ᭞ᬤᬸᬫᬤᬶᬢᭂᬃᬮᬮᬸᬫᬶᬲ᭄ᬓᬶᬦ᭄᭞ᬩᬲ᭄ᬢᭀᬂᬳᬤ [ 48 ][ ᭔᭗ 47B]
᭔᭗᭞
᭞ᬕᬸᬡᬦᬾᬭᬳᬬᬸᬫᬢ᭄ᬭ᭟ᬳᬗ᭄ᬕᬾᬦ᭄ᬲᬗᬸ᭞ᬧᬤᬾᬯᬾᬓ᭄ᬤᬸᬭᬸᬂᬓᬧᬗ᭄ᬕᬸᬄ᭞ᬦᬾᬚᬢᬶᬧᬕᭂᬳᬂ᭞ᬤᬸᬫᬤᬓ᭄ᬳᬶᬘᬳ᭄ᬬᬂᬯᬶᬤ᭄ᬥᬶ᭞ᬦᭂᬕ᭄ᬭᬶᬩᬤᬸᬂ᭞ᬓ
ᬳᬶᬘᬦ᭄ᬓᬸᬭᬳᬬ᭄ᬯᬦ᭄᭟᭐᭟ᬧᬸᬧᬸᬄᬫᬶᬚᬶᬮ᭄᭟ᬧᬜᬫ᭄ᬩᬸᬗᬾ ᬭᬶᬂᬕᭂᬦ᭄ᬤᬶᬂᬧᬫᬶᬚᬶᬮ᭄᭞ᬦᬸᬢᬸᬕᬂᬯᬶᬭᬯᭀᬲ᭄᭞ᬜᬭᬶᬢᬬᬂᬓᭀᬚᬭᬦ᭄ᬢᬸᬢᬸ
ᬭᬾ᭞ᬦᬗ᭄ᬳᬶᬂᬢᭂᬫ᭄ᬩᬂᬲᬫᬶᬘᬭᬚᬯ᭞ᬓᬯᭀᬦ᭄ᬘᬭᬩᬮᬶ᭞ᬭᬶᬂᬧᬫᬶᬚᬶᬮᬶᬧᬸᬦ᭄᭞ᬳᬶᬦᬩᬶᬦᬩ᭄ᬓᬢᬄᬓᬂᬗᬶᬘᬳᬶᬦ᭄᭞ᬕᭂᬦ᭄ᬤᬶᬂᬭᬭᬾᬗᬗᭀᬦ
᭄᭟ᬧᬧᬦ᭄ᬢᭂᬲᬾᬧᬫᬶᬚᬶᬮ᭄ᬩᬮᬶᬦᬾ ᭞ᬓ᭄ᬭᬡᬗᬗ᭄ᬕᬾᬫᬶᬚᬶᬮ᭄ᬘᬭᬚᬢᬶᬫᬗ᭄ᬤᬾᬦ᭄ᬧᬦ᭄ᬢᭂᬲ᭄ᬓᭂᬤᬶᬓ᭄᭞ᬭᬾᬄᬗᬸᬗ᭄ᬕᬳᬂᬢᬸᬢᬸᬃ᭟ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬲᬂᬫ
[ ᭔᭘ 48A]
ᬳᭀᬲ᭄ᬦᬫ᭄ᬧᬾᬦᬶᬦ᭄᭞ᬓᬢᬃᬓ᭄ᬓᬕᬸᬕᬸᬬᭀᬦ᭄᭞ᬲᬳᬦ᭄ᬢᬸᬓᬦ᭄ᬧᬫᬶᬚᬶᬮ᭄ᬢᭂᬫ᭄ᬩᬗᬾ᭞ᬩᬩᬓᬸᬳᬦ᭄‌ᬩᭀᬬᬫᬶᬚᬶᬮ᭄ᬕᬸᬤᬶᬕ᭄᭞ᬫᬶᬚᬶᬮ᭄ᬦᬩᬸᬄᬲ᭄ᬭᬶᬂᬘ
ᬭᬶᬢᬕᬸᬳᬕᬸᬂ᭟ᬓᭀᬘᬧ᭄ᬋᬓᭀᬢᬸᬢᬸᬭᬾᬧᬸᬦᬶᬓᬶ᭞ᬳᬬᬸᬮᬶᬦ᭄ᬢᬂᬓᬳᬵᬢ᭄᭞ᬲᬓᬶᬂᬮᬶᬂᬲᬂᬧᬡ᭄ᬥᬶᬢᬗᬸᬦᬶᬦᬾ᭞ᬚᬢᬶᬚᬢᬶᬢᬸᬳᬸᬲᬶᬮᬬᬸᬓ᭄ᬢᬶ᭞
ᬬᭀᬕ᭄ᬬᬢᬸᬢᭂᬦ᭄‌ᬤᬾᬦᬶᬂ᭞ᬲᬂᬫᬲᬤ᭄ᬬᬳᬬᬸ᭟ᬤᬰᬓ᭄ᬭᬫᬧᬭᬫᬵᬃᬣᬍᬯᬶᬄ᭞ᬯᬲ᭄ᬢᬦᬾ ᬓᬩᬯᭀᬲ᭄᭞ᬭᬾᬄᬳᬤᬰᬲᬫᬶᬧᬯᬶᬮᬗᬾ᭞ᬲᬶᬓᬶ
ᬢᬧᬩ᭄ᬭᬢᬓᬧᬶᬂᬓᬮᬶᬄ᭞ᬓᬢᬶᬕᬲᬫᬥᬶ᭞ᬰᬦ᭄ᬢᬧᬶᬂᬧᬢᬶᬧᬸᬦ᭄᭟ᬓᬧᬶᬂᬮᬶᬫᬲᬫᬢᬭᬦᬾᬓᬶ᭞ᬦᭂᬫ᭄ᬓᬭᬸᬡᬋᬓᭀ᭞ᬓᬭᬸᬦᬶᬦᬾᬭᬶᬂ [ 49 ][ ᭔᭘ 48B]
᭔᭘᭞
ᬓᬧᬶᬂᬧᬶᬢᬸᬦᬾ᭞ᬢᭀᬧᬾᬓ᭄ᬱᬦᬾᬓᬧᬶᬂᬓᬸᬢᬸᬲ᭄ᬫᬮᬶᬄ᭞ᬲ᭄ᬬᬫᬸᬤᬶᬢᬾᬓᬶ᭞ᬫᬾᬢ᭄ᬭᬶᬧᬶᬂᬲᬧᬸᬮᬸᬄ᭟ᬫᬮᬶᬄᬧᬶᬤᬃᬣᬬᬂᬲᬶᬓᬶᬲᬶᬓᬶ᭞ᬢᬧ
ᬦᬾᬓᬩᬯᭀᬲ᭄᭞ᬓᬳ᭄ᬬᬸᬦ᭄ᬲᬸᬘᬶᬭᬶᬂᬓᬧᬡ᭄ᬥᬶᬢᬦᬾ᭞ᬩ᭄ᬭᬢᬗᬶᬭᬗᬶᬦ᭄ᬳᬶᬦ᭄ᬤ᭄ᬭᬶᬬᬩᬸᬤ᭄ᬥᬶ᭞ᬦᬾᬫᬤᬦ᭄ᬲᬾᬫᬥᬶ᭞ᬫᬢᬗᬶᬭᬶᬂᬤᬮᬸ᭟ᬫᬲ
ᬭᬢᬦ᭄ᬗᬯᬶᬮᬂᬯᬶᬮᬗᬶᬦ᭄᭞ᬲᬂᬳ᭄ᬬᬂᬥᬃᬫ᭄ᬫᬓᬳᭀᬢ᭄᭞ᬫᬤᬦ᭄ᬰᬦ᭄ᬢᬢᬦ᭄ᬮᬶᬜᭀᬓ᭄ᬧᬚᬭᬾ᭞ᬫᬤᬦ᭄ᬲᬫᬢᬫᬦᬄᬲᬲᬶᬓᬶ᭞ᬲᭀᬓ᭄ᬭᬳᬬᬸᬳᬸ
ᬕᬶ᭞ᬓᬓᬃᬤ᭄ᬬᬂᬓᬸᬓᬸᬄ᭟ᬓᬭᬸᬡᬦᬾᬯ᭄ᬮᬲ᭄‌ᬲᬫᬦᬶᬂᬳᬸᬭᬶᬧ᭄᭞ᬓᬭᬸᬡᬶᬓᬩᬯᭀᬲ᭄᭞ᬳᬲᬶᬄᬫᬭᬶᬂᬲᬃᬯ᭄ᬯᬢᬸᬫᬸᬯᬸᬳᬾ ᭞ᬬᬤ᭄ᬬᬦ᭄ᬫᬭᬶᬂᬲᬃᬯ᭄ᬯ

[ ᭔᭙ 49A]
ᬲᬢ᭄ᬯᬳᬲᬶᬄ᭞ᬧᬸᬦᬶᬓᬓᬭᬸᬡᬶ᭞ᬓᭀᬘᬧ᭄ᬯᬲ᭄ᬢᬦᬶᬧᬸᬦ᭄᭞ᬢᭀᬧᬾᬓ᭄ᬋᬦᬾ ᬳᬸᬦᬶᬗᬭᬶᬂᬩ᭄ᬘᬶᬓ᭄᭞ᬲᭀᬮᬄᬢᬶᬗ᭄ᬓᬳᬶᬂᬯᭀᬂ᭞ᬫᬶᬢᬸᬢᬸ
ᬭᬶᬦ᭄᭞ᬳᬶᬢᬫ᭄ᬩᭂᬢ᭄ᬳᬬᬸᬦᬾ᭞ᬫᬸᬤᬶᬢᬦᬾᬓᬳ᭄ᬬᬸᬦ᭄‌ᬍᬕᭂᬂᬩᬸᬤ᭄ᬥᬶ᭞ᬦᭀᬭᬲᬓᬶᬢ᭄ᬳᬢᬶ᭞ᬓᬯᬾᬳᬶᬦ᭄ᬧᬶᬢᬸᬢᬸᬃ᭟ᬲᬫᬮᬶᬳᬾᬦᬾᬫᬯᬲ᭄ᬢ
ᬫᬾᬢ᭄ᬭᬶ᭞ᬢᬶᬗ᭄ᬓᬳᬾᬓᬩᬯᭀᬲ᭄᭞ᬫᬧᬶᬢᬸᬢᬸᬃᬰᬩ᭄ᬤᬭᬳᬬᬸᬦᬾ᭞ᬭᬶᬂᬲᬲᬫᬲᬫᬦᬶᬂᬳᬳᬸᬭᬶᬧ᭄᭞ᬧᬸᬦᬶᬓᬤᬾᬦ᭄ᬳᬾᬮᬶᬂ᭞ᬲᬂᬫᬲ
ᬤ᭄ᬬᬳᬬᬸ᭟ᬲᬓᬓᬶᬤᬶᬓ᭄ᬳᬶᬦ᭄ᬤᬬᬂᬓᬃᬬ᭄ᬬᬦᬶᬦ᭄᭞ᬳᬶᬗᬦ᭄ᬳᬧᬂᬢᭂᬮᭀᬦ᭄᭞ᬳᬧᬭᬧᬢ᭄ᬲᬤᬤᬶᬤᬤᬶᬦᬾ᭞ᬳᬧᬤᬰᬦ᭄ᬓᬂᬕ᭄ᬬᬂ [ 50 ][ ᭔᭙ 49B]
᭔᭙᭞
ᬳᬸᬕᬶᬭᬶᬳᬶᬦ᭄᭞ᬦᬗ᭄ᬳᬶᬂᬧ᭄ᬭᬶᬳᬂᬫᬮᬶᬄ᭞ᬲᬫ᭄ᬧᬸᬦ᭄ᬲᬸᬭᬸᬤ᭄ᬲᬸᬭᬸᬤ᭄᭟ᬲᬂᬳ᭄ᬬᬂᬥᬃᬫ᭄ᬫᬧᬸᬦᬶᬓᬧᬶᬲᬶᬗ᭄ᬕᬶᬄ᭞ᬳᬶᬭᬶᬩᬂᬲᬧᬓᭀᬦ᭄᭞ᬲᬫ᭄ᬧᬸ
ᬦ᭄ᬗᬦ᭄ᬢᭀᬲ᭄ᬤᬤᬶᬧᬢᬶᬮᬭᬾᬭᬾᬄᬳ᭄ᬬᬂᬥᬃᬫ᭄ᬫᬭᬶᬓᬮᬦᬶᬂᬓᬮᬶ᭞ᬓᬤᬶᬧ᭄ᬬᬦᬓ᭄ᬮᬜ᭄ᬚᬶ᭞ᬢᬦ᭄ᬯᬾᬦᬵᬢᭂᬦ᭄ᬫᬗᬓᬸ᭞ᬫᬶᬯᬄᬦᭀᬭᬳᬃᬱ
ᬫᬗᬓᬸᬳᬶᬦ᭄᭞ᬮᬶᬗᬶᬂᬢᬸᬢᬸᬃᬓᬳᭀᬢ᭄᭞ᬲᬓᬶᬂᬲᬭᬲ᭄ᬫ᭄ᬯᬘᬬᬮᬶᬗᬾ᭞ᬓ᭄ᬭᬡᬢᬢᬲᬂᬫᬗ᭄ᬓᬶᬦ᭄ᬳᬾᬮᬶᬗᬶᬦ᭄᭞ᬫᬗ᭄ᬤᬾᬲᬶᬤ᭄ᬥᬓ᭄ᬦᬶ᭞ᬲᬂ
ᬳ᭄ᬬᬂᬥᬃᬫ᭄ᬫᬲᬸᬲᬂ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭟ᬭᬶᬂᬓᬸᬫᬫ᭄ᬩᬂᬲᬫ᭄ᬩᬸᬗᬂᬓᬦ᭄ᬤᬦᬾ ᬫᬮᬶᬄ᭞ᬫᬲᬶᬄᬢᭂᬫ᭄ᬩᬂᬚᬯ᭞ᬦᬤ᭄ᬬᬦ᭄ᬘᬭᬩᬮᬶᬦᬾᬓᬾᬗᬶᬦ᭄᭞ᬯᬶ
[ ᭕᭐ 50A]
ᬭᬾᬄᬢᭂᬫ᭄ᬩᬂᬧᬤᬧ᭄ᬮᬄ᭞ᬗ᭄ᬳᬶᬂᬲᬫ᭄ᬧᬸᬭᬳᬦ᭄ᬢᬸᬓᬦ᭄ᬧᬤᬫᬓ᭄ᬤᬶᬓ᭄᭞ᬕ᭄ᬮᬶᬲ᭄ᬫᬢᬶᬫ᭄ᬩᬮ᭄ᬢᬶᬫ᭄ᬩᬮ᭄᭞ᬫᬗ᭄ᬤᬾᬓᬾᬄᬳᬗ᭄ᬕᬾᬕᭂᬦ᭄ᬤᬶᬂ᭞ᬳᬗ᭄ᬕᬾᬫᬮᬚᬄ᭞ᬫᬢᭂᬫ᭄ᬩᬂ᭟ᬲᬫ᭄ᬩᬸ
ᬗᬦᬾᬢᬸᬢᬸᬭᬾᬫᬮᬶᬄᬯᬶᬯᬶᬢᬶᬦ᭄᭞ᬓᬦ᭄ᬤᬦ᭄ᬲᬂᬳ᭄ᬬᬂᬥᬃᬫ᭄ᬫ᭞ᬓ᭄ᬭᬡᬫᬗ᭄ᬤᬾᬲᬶᬤ᭄ᬥᬓ᭄ᬦᬶ᭞ᬭᬾᬄᬓᭀᬘᬧ᭄ᬭᬶᬂᬪᬶᬲ᭄ᬫᬧᬃᬯ᭄ᬯ᭟ᬧ᭄ᬭᬪᬸᬓᬺᬱ᭄ᬡᬫᬫ᭄ᬩᬯᭀᬲᬂᬤᬸᬓᬾ
ᬗᬸᬦᬶ᭞ᬭᬶᬂᬲᬂᬳᬃᬬ᭄ᬬᬃᬚᬸᬦ᭞ᬓᬯᬶᬚᬬᬦ᭄ᬓᬧᬗ᭄ᬕᬶᬳᬶᬦ᭄᭞ᬳᬲᬶᬂᬓᬳᬦᬦ᭄ᬲᬂᬥᬃᬫ᭄ᬫ᭟ᬓ᭄ᬭᬡᬭᬸᬭᬸᬄᬲᬭᬢᬂᬫᬗ᭄ᬤᬾᬦ᭄ᬓᬧᬗ᭄ᬕᬶᬄ᭞ᬬ᭄ᬯᬤᬶᬦ᭄ᬲᬮᬄᬢᬸᬗ᭄ᬕ
ᬮ᭄᭟ᬳᬗ᭄ᬕᬾᬦ᭄ᬧᬓᬸᬓᬸᬄᬭᬶᬂᬳᬢᬶ᭞ᬩᬕ᭄ᬬᬬᬾᬦ᭄ᬓᭂᬦᬶᬲᬫ᭄ᬬᬦ᭄᭟ᬭᬾᬄᬳᬤᬰᬳ᭄ᬬᬂᬥᬃᬫ᭄ᬫᬓᭀᬚᬭᬶᬂᬳᬚᬶ᭞ᬭᬶᬂᬯᬺᬢᬶᬲᬲᬦ᭞ᬤᬰᬥᬃᬫ᭄ᬫᬯᬲ᭄ᬢᬦᬾ [ 51 ][ ᭕᭐ 50B]
᭕᭐᭞
ᬓᬶ᭞ᬦᬾᬫᬗ᭄ᬓᬶᬦ᭄ᬘᬘᬓ᭄ᬢᬸᬢᬸᬭᬂ᭟ᬤᬺᬢᬶᬓ᭄ᬱᬫᬦᬾᬭᬶᬂᬓᬧᬶᬂᬓᬮᬶᬄ᭞ᬤᬦᬓᬧᬶᬂᬢᬶᬕ᭞ᬳᬲ᭄ᬢᬾᬬᬓᬧᬶᬂᬧᬢ᭄ᬦᬾᬦᬶ᭞ᬲᭀᬘᬦᬾᬭᬶᬂᬓᬧᬶᬂᬮᬶᬫ᭟
ᬳᬶᬦ᭄ᬤ᭄ᬭᬶᬬᬦᬶᬂᬕ᭄ᬭᬳᬭᬶᬂᬓᬧᬶᬂᬦᭂᬫ᭄ᬦᬾᬓᬶ᭞ᬳ᭄ᬭᬶᬄᬓᬧᬶᬂᬧᬶᬢᬸᬜ᭞ᬯᬶᬤ᭄ᬬᬓᬧᬶᬂᬓᬸᬢᬸᬲ᭄ᬫᬮᬶᬄ᭞ᬲᬢ᭄ᬬᬦᬾᬭᬶᬂᬓᬧᬶᬂᬲ᭄ᬬᬸ᭟ᬳᬓ᭄ᬭᭀᬥᬦᬾᬧᬸᬧᬸᬢ᭄ᬧᬶᬂᬤᬰᬶ
᭞ᬫᬮᬶᬄᬧᬶᬤᬃᬣᬜ᭞ᬤᬺᬢᬶᬦᬾᬳᬫ᭄ᬩᭂᬓᬾᬳ᭄ᬦᬶᬂ᭞ᬓ᭄ᬱᬫᬫᬤᬦ᭄‌ᬓᭀᬧᬲᬫᬦ᭄᭟ᬫᬤᬦ᭄ᬤᬫᬧᬸᬦᬶᬓᬰᬓ᭄ᬢᬶᬦᬶᬂᬩᬸᬤ᭄ᬥᬶ᭞ᬦᬾᬫᬤᬦ᭄ᬳᬲ᭄ᬢᬾ
ᬬ᭞ᬧᬸᬦᬶᬓᬢᬦ᭄ᬳᬢᬶᬧᬮᬶᬂ᭞ᬢᬦ᭄ᬘᬶᬤ᭄ᬭᬭᬶᬂᬳᬧᬳᬧ᭟ᬲᭀᬘᬗᬭᬦ᭄ᬘᬫᬦᬪᬱ᭄ᬫᬲ᭄ᬦᬦᬤᬶ᭞ᬳᬶᬲ᭄ᬢ᭄ᬭᬶᬬᬦᬶᬕ᭄ᬭᬳ᭞ᬳᬶᬲ᭄ᬢ᭄ᬭᬶᬬᬦᬾᬫᬗ᭄ᬤᬾᬳᬺ
[ ᭕᭑ 51A]
ᬢᬶᬦ᭄᭞ᬳ᭄ᬭᬶᬄᬧᬸᬦᬶᬓᬫᬤᬦ᭄ᬳᬾᬭᬂ᭟ᬫᬤᬦ᭄ᬯᬶᬤ᭄ᬬᬦᬾᬢᬢᬲ᭄ᬯᬸᬲ᭄‌ᬯ᭄ᬭᬸᬄᬫᬗᬚᬶ᭞ᬦᬾ ᬫᬯᬲ᭄ᬢᬲᬢ᭄ᬬ᭞ᬧᬶᬢ᭄ᬳᭂᬃᬢᬦ᭄ᬫᬶᬢ᭄ᬬᬩᬸᬤ᭄ᬥᬶ᭞ᬳᬓ᭄ᬭᭀᬥᬢᬦ᭄ᬓᭂ
ᬦᬾᬦᬵᬕ᭄ᬓ᭄ᬭᭀᬥ᭟ᬗ᭄ᬳᬶᬂᬧᬸᬦᬶᬓᬢᬢᬫ᭄ᬧᬾᬦᬾᬫᬗ᭄ᬤᬾᬩ᭄ᬘᬶᬓ᭄᭞ᬧᬱ᭄ᬝ᭄ᬬᬂᬗᬺᬲᭂᬧᬂ᭞ᬦᬾᬓᬗ᭄ᬕᭀᬫᬶᬯᬄᬦᬾᬢᭀᬲᬶᬂ᭞ᬓᬭᬓᬢᬄᬧᬧ᭄ᬮᬸᬢᬦ᭄᭟᭐᭟
ᬧᬸᬧᬸᬄᬪᬗ᭄ᬤᬂ᭟ᬤᬗ᭄ᬤᬂᬕᬸᬮᬳᬗ᭄ᬕᬾᬦ᭄ᬳᬶᬸᬂᬫᬢᬶᬫ᭄ᬩᬮᬶᬦ᭄᭞ᬫᬲᬶᬄᬗ᭄ᬮᬦ᭄ᬢᬸᬃᬕᭂᬦ᭄ᬤᬶᬂᬘᬭᬚᬬ᭞ᬲᬫ᭄ᬩᬸᬗᬦ᭄ᬓᬦ᭄ᬤᬦ᭄ᬥᬃᬫ᭄ᬫᬦᬾ᭞ᬓᭀᬘᬧᬾᬭᬶᬂᬓᭀᬚᬭ
ᬦ᭄ᬳᬚᬶ᭞ᬫᬤᬦ᭄ᬓᬶᬃᬣᬶᬧᬡ᭄ᬥᬯ᭞ᬲᬂᬜᬤ᭄ᬬᬭᬳᬬᬸ᭞ᬗᬭᬚᭂᬩᬂᬲᬂᬳ᭄ᬬᬂᬥᬃᬫ᭄ᬫ᭞ᬫᬗ᭄ᬤᬾ ᬓᬸᬓᬸᬄᬗᬃᬤ᭄ᬤᬦᬳ᭄ᬬᬂᬥᬃᬫ᭄ᬫᬲᬳᬶ᭞ᬭᬶᬂᬳᬃᬱ᭄ᬝᬧᬗ᭄ᬭᬤᬦ [ 52 ][ ᭕᭑ 51B]
᭕᭑᭞
ᬦ᭄᭟ᬦᭀᬭᬲᬶᬤ᭄ᬥᬲᬂᬳ᭄ᬬᬂᬥᬃᬫ᭄ᬫᬓ᭄ᬦᬶ᭞ᬬᬦ᭄ᬢᬦ᭄ᬲᬭᬶᬲᬭᬶᬫᬗ᭄ᬭᬤᬦ᭞ᬧᬸᬦᬶᬓᬧᬗ᭄ᬭᬤᬦᬦᬾ ᭞ᬳᬓᬸᬢᬸᬲ᭄ᬯᬶᬮᬗᬶᬧᬸᬦ᭄᭞ᬲᬶᬓᬶᬪᬓ᭄ᬢᬶᬧᬶᬂᬓᬮᬶᬄ
ᬳᬲᬶᬄ᭞ᬓᬧᬶᬂᬢᬶᬕᬕᭀᬭᬯ᭞ᬭᬶᬂᬓᬧᬶᬂᬧᬢᬶᬧᬸᬦ᭄᭞ᬓᬯᬲ᭄ᬢᬦᬦ᭄ᬫᬳᬃᬤ᭄ᬥᬶᬓ᭞ᬓᬧᬶᬂᬮᬶᬫᬲᬫ᭄ᬩᬾᬕᬓᬧᬶᬂᬦᭂᬫ᭄ᬫᬮᬶᬄ᭞ᬓᬯᬲ᭄ᬢᬦᬦ᭄ᬫᬮᬾᬫ᭄ᬩ
᭟ᬓᬧᬶᬂᬧᬶᬢᬸᬲᬳᬶᬲ᭄ᬦᬸᬧᬸᬦᬶᬓᬶ᭞ᬧᬸᬧᬸᬢ᭄ᬓᬧᬶᬂᬓᬸᬢᬸᬲᬾᬓᬭᬸᬡ᭞ᬚᬸᬫ᭄ᬯᬫᬮᬶᬄᬯᬶᬮᬗᬾ᭞ᬦᬾᬪᬓ᭄ᬢᬶᬯᬲ᭄ᬢᬦᬶᬧᬸᬦ᭄᭞ᬩᬸᬤ᭄ᬥᬶᬯ᭄ᬭᬸᬄᬳᬗᬮᬧ᭄‌ᬲᭀᬃ
ᬫᬮᬶᬄ᭞ᬳᬲᬶᬄᬳᬓᬯᬲ᭄ᬢᬦᬦ᭄᭞ᬢᬦ᭄ᬓᭂᬤᭂᬄᬢᬦ᭄ᬓᬸᬤᬸ᭞ᬫᬜᬭᬢᬂᬘᬘᬤᬗᬦ᭄᭞ᬕᭀᬭᬯᬦᬾᬢᬦ᭄ᬧᬢᬶᬘᬘᬤ᭄ᬘᬘᬤᬶᬦ᭄᭞ᬭᬶᬂᬯᭀᬂ

[ ᭕᭒ 52A]
ᬤᬸᬫᬤᬶᬚᬤ᭄ᬫ᭟ᬦᬾ ᬫᬯᬲ᭄ᬢᬫᬳᬃᬤ᭄ᬥᬶᬓᬫᬮᬶᬄ᭞ᬫᬦᬄᬘ᭄ᬮᬂᬢᬦ᭄ᬧᬢᬍᬢᭂᬳᬦ᭄᭞ᬦᬾᬫᬯᬲ᭄ᬢᬲᬫ᭄ᬩᬾᬕᬦᬾ᭞ᬢᬦ᭄ᬗᬓᬸᬲᬃᬯ᭄ᬯᬯᬲ᭄ᬢᬸ᭞
ᬫᬾᬯᬲ᭄ᬢᬫᬮᬾᬩᬶᬸᬫ᭄ᬩᬫᬮᬶᬄ᭞ᬢᬦ᭄ᬕᬶᬮᬗᭂᬢᭀᬦ᭄ᬳᬮ᭞ᬢᬦ᭄ᬕᬶᬭᬂᬭᬶᬂᬮᬸᬳᬸ᭞ᬲᬳᬶᬲ᭄ᬦᬸᬦᬾᬓᬯᬲ᭄ᬢᬦᬦ᭄᭞ᬢᬦ᭄ᬫᬸᬳ᭄ᬬᬂᬳᬓᬾᬄᬢᬦ᭄ᬗᬯᬤᬓ᭄ᬤᬶ
ᬓ᭄᭞ᬬᬦ᭄ᬫᬗ᭄ᬕᬶᬄᬲᬃᬯ᭄ᬯᬲᬃᬯ᭄ᬯ᭟ᬓᬭᬸᬡᬢᬦ᭄ᬫᬰᬩ᭄ᬤᬗ᭄ᬮᬭᬦᬶ᭞ᬓᬮᬦᬶᬂᬗᭂᬢᭀᬦ᭄‌ᬯᭀᬂᬮᬭᬢᬶᬯᬲ᭄᭞ᬢᬫ᭄ᬩᭂᬢ᭄ᬧᭂᬗ᭄ᬓᬸᬂᬲᬲᭀᬮᬳᬾᬲᬫ᭄ᬧᬸᬦ᭄ᬕᭂ
ᬕᭂᬧ᭄ᬓᬸᬢᬸᬲ᭄᭞ᬳᬱ᭄ᬝᬧᬗᬦ᭄ᬥᬦᬭᬦᬾᬓᬶ᭞ᬧᬗᬤᬦᬦᬶᬂᬥᬃᬫ᭄ᬫ᭟ᬬᬦ᭄ᬲᬫ᭄ᬧᬸᬦ᭄ᬓᬭᬗ᭄ᬲᬸᬓ᭄᭞ᬧᬸᬦᬶᬓᬦᬾᬗᬭᬚᭂᬕᬂ᭞ᬲᬂᬳ᭄ᬬᬂᬥᬃᬫ᭄ᬫᬫᬮᬶᬗ᭄ᬕᬭᬶᬂ [ 53 ][ ᭕᭒ 52B]
᭕᭒᭞
ᬚ᭄ᬭᭀᬦᬶᬂᬳᬢᬶ᭞ᬗᬃᬤ᭄ᬥᬶᬬᬂᬓᬭᬳᬬ᭄ᬯᬦ᭄᭟ᬧᬸᬧᬸᬄᬧᬗ᭄ᬓᬸᬃ᭟ᬲᬮᬶᬢᬂᬕᭂᬦ᭄ᬤᬶᬂᬧᬗ᭄ᬓᬸᬭᬂ᭞ᬫᬲᬶᬄᬦᬸᬭᬸᬢ᭄ᬘᬭᬚᬯᬶ᭞ᬬᬾᬦ᭄ᬮᬦ᭄ᬢᬸᬭᬂᬫᬲᬶᬄᬮ᭄ᬬᬸ᭞ᬓᬦ᭄ᬤᬓ
ᬦ᭄ᬤᬦᬶᬂᬥᬃᬫ᭄ᬫ᭞ᬫᬶᬸᬩᬶᬮᬶᬄᬩᬶᬮᬶᬄᬲᬢᬸᬦ᭄ᬫᬲᬾᬯᬸᬲᬾᬯᬸ᭞ᬮᬓ᭄ᬱᬦ᭄ᬭᬯᬸᬄᬭᬶᬂᬓᭂᬢ᭄ᬬᬦ᭄᭞ᬧᬸᬗ᭄ᬕᭂᬮᬂᬳᬫ᭄ᬩᬶᬮ᭄ᬳᬓ᭄ᬤᬶᬓ᭄ᬤᬶᬓ᭄᭟ᬳᬗ᭄ᬕᬾᬦ᭄ᬧᬓᬾᬮᬶᬂᬭᬶᬂᬫᬦᬄ
᭞ᬩᬶᬮᬶᬄᬩᬶᬮᬶᬄᬓᬯᬲᬗᬢᬸᬢ᭄ᬳᬓ᭄ᬤᬶᬓ᭄᭞ᬤᬤᭀᬲ᭄ᬢᬫ᭄ᬩᬦ᭄ᬫᬦᬄᬩᬶᬗᬸᬂ᭞ᬜᬭ᭄ᬯᬂᬓᬩ᭄ᬬᬧᬭᬦ᭄᭞ᬗᬭᬚᭂᬕᬂᬫᬦᬳᬾᬤᬸᬫᬤᬓ᭄ᬢᭂᬭᬸᬲ᭄᭞ᬪᬓ᭄ᬢᬶ
ᬦᬾᬭᬶᬂᬲᬂᬳ᭄ᬬᬂᬢᬶᬢᬄ᭞ᬫᬫᬗ᭄ᬕᬶᬄᬲᬸᬘᬶᬦᬶᬂᬳᬸᬭᭀ᭟ᬲᬫᬮᬶᬄᬤᬸᬫᬤᬓ᭄ᬲᬶᬤ᭄ᬥ᭞ᬓᬭᬳᬬ᭄ᬯᬦ᭄ᬳᬸᬭᬶᬧ᭄ᬢᭂᬓᬦᬶᬂᬧᬢᬶ᭞ᬢᬦ᭄ᬓᬢᬫᬦ᭄ᬩᬸᬤ᭄ᬥᬶᬍᬢᬸᬄ᭞ᬲᬮ᭄ᬯᬶ

[ ᭕᭓ 53A]
ᬭᬶᬂᬧᬧᬓᬃᬫ᭄ᬫ᭞ᬫᬗ᭄ᬤᬾᬦ᭄ᬳᬤᭀᬄᬲᬭᬸᬧᬦᬶᬂᬲᬭᬸᬲᬭᬸ᭞ᬫᬶᬯᬄᬋᬋᬕᭂᬤᬶᬂᬚᬕᬢ᭄᭞ᬤᬸᬫᬤᬓ᭄ᬫᬕᬦ᭄ᬢᬶᬲᬸᬘᬶ᭟ᬫᬮᬶᬄᬓᬯᬶᬢᬂᬜᬭᬶᬢ᭞ᬓᭀᬚ
ᬭᬦᬾᬲᭀᬮᬄᬫᬦᬳᬾᬲᬶᬲᬶᬧ᭄᭞ᬦᬾᬓᬗ᭄ᬓᭂᬦ᭄ᬲᬢ᭄ᬭᬸᬦᬶᬂᬳᬬᬸ᭞ᬓᬶᬸᬗᭂᬤᭀᬳᬂᬓᬳᬸᬢᬫᬦ᭄᭞ᬳᬱ᭄ᬝᬤᬾᬯᬶᬯᬲ᭄ᬢᬸᬦᬾᬓᭀᬚᬭᬦ᭄ᬢᬸᬢᬸᬃ᭞ᬧᬸᬦᬶᬓᬧ
ᬢᬸᬢ᭄ᬓᬘᭀᬭᬂ᭞ᬫᬗ᭄ᬤᬾᬦ᭄ᬲᬶᬤ᭄ᬥᬦᬶᬗ᭄ᬓᬧ᭄‌ᬍᬯᬶᬄ᭟᭐᭟ᬧᬸᬧᬸᬄᬕᬫ᭄ᬩᬸᬄ᭟ᬲᬮᬶᬦᬶᬦ᭄ᬢᭂᬫ᭄ᬩᬂᬕᬫ᭄ᬩᬸᬄ᭞ᬕᭂᬦ᭄ᬤᬶᬂᬚᬯᬶᬩᬮᬶᬗᬲᬦᬶᬧᬸᬦ᭄᭞ᬫᬦᬸᬢᬸᬭᬂᬦᬾᬫ
ᬯᬲ᭄ᬢᬳᬲ᭄ᬢᬤᬾᬯᬶ᭞ᬘᬘᬓᬦᬶᬧᬸᬦ᭄ᬳᬓᬸᬢᬸᬲ᭄᭞ᬫᬫᬶᬗᬸᬗᬂᬧᬦᬄᬩ᭄ᬮᭀᬕ᭄᭟ᬚᬬᬲᬶᬤ᭄ᬥᬶᬓᬲᬢᬸ᭞ᬘᬢᬸᬭᬲᬶᬦᬶᬧᬶᬂᬓᬮᬶᬄᬳᬶᬧᬸᬦ᭄᭞ᬓᬧᬶᬂ [ 54 ][ ᭕᭓ 53B]
᭕᭓᭞
ᬢᬶᬕᬕᬾᬶᬸᬦᬫᬯᬲ᭄ᬢᬳᬸᬫᬤᬾᬯᬶ᭞ᬘᬫᬸᬦ᭄ᬤᬶᬓᬧᬶᬂᬧᬢᬶᬧᬸᬦ᭄᭞ᬫᬓ᭄ᬭᭀᬤᬶᬧᬶᬂᬮᬶᬫᬋᬓᭀ᭟ᬦᭂᬫ᭄‌ᬤᬹᬃᬕ᭄ᬕᬤᬾᬯᬶᬳᬶᬓᬸ᭞ᬢᬢ᭄ᬲᬶᬤᬶᬦᬾ ᬧᬸᬦᬶᬓᬧᬶᬧᬶᬢᬸ
ᬭᬶᬂᬧᬸᬧᬸᬦᬾᬓᬧᬶᬂᬓᬸᬢᬸᬲ᭄ᬓᬯᬶᬮᬗᬶᬦ᭄᭞ᬯᬲ᭄ᬢᬦᬾᬯᬶᬕ᭄ᬦᬓᬲᭂᬩᬸᬢ᭄᭞ᬓᬂᬓᬶᬦᬗ᭄ᬓᬃᬫ᭄ᬦᬸᬲᬸᬳᬾᬳᬩᭀᬢ᭄᭟ᬯᬶᬯᬶᬢᬶᬦ᭄ᬫᬮᬶᬄᬗᬶᬢᬸ᭞ᬚᬬᬲᬶᬤ᭄ᬥᬶᬩᬶ
ᬲᬲᬸᬕᬶᬄᬳᬕᬸᬂ᭞ᬧᬗᬸᬘᬧᬾᬳᬓᬸᬲᬸᬕᬶᬄᬍᬯᬶᬄᬰᬓ᭄ᬢᬶ᭞ᬫᬕᬸᬦᬯᬗ᭄ᬲᬮᬸᬳᬸᬂ᭞ᬓᬗ᭄ᬳᬂᬧᬗᬗ᭄ᬓᭂᬦᬾᬮᬶᬜᭀᬓ᭄᭟ᬍᬯᬶᬄᬰᬓ᭄ᬢᬶᬢᬦ᭄ᬢᬸᬳᬸ᭞ᬢᬸᬃᬢ
ᬦ᭄ᬳᬲᬶᬄᬭᬶᬂᬚᬕᬢ᭄ᬯᭀᬂᬳᬶᬓᬸ᭞ᬩᭀᬮᬾᬄᬩᬶᬮᬂᬲᬸᬤᬄᬫᬲᬸᬓ᭄ᬚᬬᬲᬶᬤ᭄ᬥᬶ᭞ᬘᬢᬸᬭᬲᬶᬦᬶᬧᬸᬦᬶᬓᬸ᭞ᬧ᭄ᬭᬢᬶᬗ᭄ᬓᬳᬾᬦᬾ ᬓᬩᬯᭀᬲ᭄᭟ᬗ᭄ᬕᬯᬾᬳᬾᬮᬶ
[ ᭕᭔ 54A]
ᬓ᭄ᬱᬢᬸᬳᬸᬓ᭄᭞ᬳᬾᬮᬶᬓᬶᬂᬚᬕᬢ᭄‌ᬲᭀᬮᬄᬯᭀᬂᬳᬶᬓᬸ᭞ᬢᬸᬃᬘᬧᬮᬳᬸᬮᬳᬾᬭᬶᬂᬩᬧᬩᬶᬩᬶ᭞ᬦᬤ᭄ᬬᬦ᭄ᬭᬶᬂᬲᬜᬫᬦᬶᬧᬸᬦ᭄᭞ᬗᬸᬗ᭄ᬕᬸᬮᬂᬤ᭄ᬕᬕ᭄ᬓᬾ
ᬫᬯᭀᬦ᭄᭟ᬳᬸᬫᬤᬾᬯᬶᬳᬶᬓᬸ᭞ᬲᭀᬮᬄᬢᬶᬗ᭄ᬓᬳᬾ ᬫᬗᬓᬸᬳᬗᬸ᭞ᬲᬫ᭄ᬧᬸᬦ᭄ᬫᬯᬓ᭄ᬳ᭄ᬬᬂᬲᬸᬓ᭄ᬱ᭄ᬫᬭᬶᬂᬤᬍᬫ᭄ᬳᬢᬶ᭞ᬗᬶᬮ᭄ᬕᬶᬮᬂᬤᬾᬯᬾᬓ᭄ᬲᬢᬸᬳᬸᬓ᭄᭞ᬧᬸᬦᬶ
ᬓᬫᬧᬶᬦᭂᬄᬩᭀᬭᭀᬓ᭄᭟ᬘᬫᬸᬦ᭄ᬤᬶᬯᬲ᭄ᬢᬦᬶᬧᬸᬦ᭄᭞ᬧᬫᬦᬳᬦ᭄ᬩ᭄ᬬᬧᬭᬩᬶᬗᬸᬂ᭞ᬦᬾᬭᬫᬦᬸᬢ᭄ᬭᬶᬂᬓᬳᬸᬢᬫᬦᬶᬂᬩᬸᬤ᭄ᬥᬶ᭞ᬧᬗᬸᬘᬧᬾᬲᬲᬃᬲᬸᬲᬸᬃ᭞ᬧᬸ
ᬦᬶᬓᬢᬦ᭄ᬧᬢᬸᬢ᭄ᬳᬗ᭄ᬕᭀ᭟ᬫᬓ᭄ᬭᭀᬤᬶᬦᬾ ᬧᬸᬦᬶᬓᬸ᭞ᬩ᭄ᬭᬬᭂᬕᬦ᭄ᬫᬦᬄᬲ᭄ᬭᬶᬂᬩᭂᬲᬸᬲ᭄᭞ᬦᭀᬭᬳᬃᬱᬳᬢᬸᬢ᭄ᬭᬶᬂᬯᭀᬂᬮ᭄ᬬᬦ᭄ᬫᬮᬶᬄ᭞ᬗᬸᬩᬸᬳᬶᬦ᭄‌‌ᬩ᭄ᬭᬗ᭄ᬢᬶᬲ [ 55 ][ ᭕᭔ 54B]
᭕᭔᭞
ᬢᬸᬳᬸᬓ᭄᭞ᬢᬦ᭄ᬳᬸᬦᬶᬂᬭᬶᬂᬳᬢᬶᬧᭀᬮᭀᬲ᭄᭟ᬩᬸᬤᬶᬦᬾᬲᬦ᭄ᬤᭂᬄᬚᬫ᭄ᬩᬸᬮ᭄᭞ᬳᬤᬢ᭄ᬲᬢᬢ᭟ᬩ᭄ᬭᬶᬗᬢ᭄ᬢᬸᬃᬩ᭄ᬭᬶᬗᬸᬢ᭄᭞ᬦᬾᬲᬳᬶᬓᬓᬯᬲ᭄ᬢᬦᬦ᭄ᬫ
ᬳᬓ᭄ᬭᭀᬤᬶ᭞ᬩᬶᬲᬮᬂᬫᬦᬄᬭᬳᬬᬸ᭞ᬗᬮᬦ᭄ᬢᬸᬭᬂᬫᬦᬄᬩ᭄ᬮᭀᬕ᭄᭟ᬭᬶᬂᬤᬹᬃᬕ᭄ᬕᬤᬾᬯᬶᬳᬶᬓᬸ᭞ᬳᬸᬮᬄᬢᬦ᭄‌ᬗ᭄ᬕᬯᬾᬚᬕᬢ᭄ᬭᬳᬬᬸ᭞ᬤ᭄ᬫᭂ
ᬦ᭄ᬜᭂᬢᬶᬓ᭄ᬫᬦ᭄ᬮᬸᬄᬫᬶᬯᬄᬫᬦ᭄ᬤᬾᬱ᭄ᬝᬶ᭞ᬢᬦ᭄ᬯᬦᭂᬄᬗᬃᬤ᭄ᬤᬶᬮᬍᬢᬸᬄ᭞ᬧᬸᬦᬶᬓᬲᬾᬢᬦ᭄ᬫᬯᬓ᭄ᬯᭀᬂ᭟ᬢᬢ᭄ᬲᬶᬦᬶᬯᬲ᭄ᬢᬦᬶᬧᬸᬦ᭄᭞ᬫᬦᬄᬧ᭄ᬢᭂᬂᬓ
ᬲᬫᬭᬦ᭄‌ᬩᬶᬗᬸᬂ᭞ᬫᬸᬚᬶᬫᬸᬚᬶᬯᭀᬂᬤᭀᬲᬲᬮᬄᬧᬗᬾᬱ᭄ᬝᬶ᭞ᬲᬰᬩ᭄ᬤᬦᬾᬦᭀᬭᬧᬢᬸᬢ᭄᭞ᬗᬫ᭄ᬧᬳᬂᬤᬤᬓᬦ᭄ᬓᭀᬢᭀᬃ᭟ᬦᬾᬯᬶ
[ ᭕᭕ 55A]
ᬕ᭄ᬦᬯᬲ᭄ᬢᬦᬶᬧᬸᬦ᭄᭞ᬧ᭄ᬭᬢᬶᬗ᭄ᬓᬳᬾᬦᬾᬫᬗᬶᬗᬸᬢᬸᬭᬸ᭞ᬗᬸᬮᬄᬤᭀᬲᬢᬦ᭄ᬲᬦ᭄ᬢᭀᬲᬭᬶᬂᬯ᭄ᬬᬤᬶ᭞ᬧᬸᬦᬶᬓᬕ᭄ᬦᭂᬧ᭄ᬳᬓᬸᬢᬸᬲ᭄᭞ᬗᬂᬓ᭄ᬭᬳᬶ
ᬦ᭄‌ᬫᬃᬕ᭄ᬕᬓ᭄ᬭᬳᬬᭀᬦ᭄᭟᭐᭟ᬧᬸᬧᬸᬄᬕᬶᬭᬶᬰ᭟ᬲᬮᬶᬦᬶᬦ᭄ᬢᭂᬫ᭄ᬩᬂᬕᬶᬭᬶᬰ᭞ᬫᬲᬶᬄᬕᭂᬦ᭄ᬤᬶᬂᬚᬯ᭞ᬓᭀᬘᬧ᭄ᬦᬾᬫᬤᬦ᭄ᬧᬢᬶᬢ᭞ᬧ᭄ᬭᬢᬶᬗ᭄ᬓᬳᬾ
ᬤᬤᬶᬚᬤ᭄ᬫ᭞ᬓᭀᬚᬭᬶᬂᬯᬺᬢᬶᬲᬲᬦ᭞ᬢᬶᬗ᭄ᬓᬳᬾᬫᬚᬸᬚᬸᬯᬗᬦ᭄᭞ᬧᬸᬦᬶᬓᬧᬢᬸᬢ᭄‌ᬳᬾᬮᬶᬗᬂ᭞ᬫᬗ᭄ᬤᬾᬫᬦᬸᬢ᭄ᬮᬶᬗᬶᬂᬰᬲ᭄ᬢ᭄ᬭ᭟ᬲᬫ᭄ᬧᬸᬦ᭄ᬗ
ᬗ᭄ᬕᬾᬦᬾᬧᬢᬶᬢ᭞ᬓᭀᬚᬭᬶᬂᬰᬲ᭄ᬢ᭄ᬭᬳᬸᬢᬫ᭞ᬧᬸᬦᬶᬓᬧᬢᬸᬢ᭄ᬧᬕᭂᬳᬂ᭞ᬦᬾᬫᬗ᭄ᬓᬶᬦ᭄ᬘᬘᬓ᭄ᬢᬸᬢᬸᬭᬂ᭞ᬓ᭄ᬭᬫᬦᬾᬲᬮᬄᬚ᭄ᬯᬗᬦ᭄᭞ᬫᬗ᭄ᬭ [ 56 ][ ᭕᭕ 55B]
᭕᭕᭞
ᬩᬦᬶᬦ᭄‌ᬳᬶᬩᬸᬲᬮᬄ᭞ᬦᬤ᭄ᬬᬦ᭄ᬩᬸᬩᬶᬫᬶᬯᬄᬜᬫ᭟ᬳᬶᬯᬂᬫᬜᭀᬫᬳᬶᬦ᭄ᬧᬦᬓ᭄᭞ᬬᬤ᭄ᬬᬦ᭄ᬜᬯᬂᬓᬧᭀᬦᬓᬦ᭄᭞ᬦᬗ᭄ᬳᬶᬂᬦᬾᬯᬳᬸᬤᬶ
ᬜᬫ᭞ᬳᭂᬦ᭄ᬢᭀᬫᬤᬦ᭄ᬓᬧᭀᬦᬓᬦ᭄᭞ᬫᬜᭀᬫᬳᬶᬦ᭄ᬫᬦ᭄ᬢᬸᬲᬮᬄ᭞ᬜᬸᬯᬂᬢᬸᬫᬶᬦ᭄ᬫ᭞ᬲᬶᬄᬲᬮᬄ᭞ᬲᬦᬤ᭄ᬬᬦ᭄ᬫᬩ᭄ᬯᬂᬳᬶᬧᬄ᭞ᬫᬜ᭄ᬯᬂᬲᭀ
ᬫᬄᬧᬫᬦ᭄᭟ᬫᬶᬯᬄᬜᬸᬯᬂᬭᬩᬶᬦ᭄ᬫᬢ᭄ᬯ᭞ᬭᬩᬶᬦ᭄ᬲᬧᬗᬮᬧᬦ᭄᭞ᬩ᭄ᬯᬂᬯᬭᬂᬫᬲᬶᬄᬲᬮᬄ᭞ᬫᬶᬯᬄᬗᬮᬜ᭄ᬘᬩᬶᬦ᭄ᬫᬢ᭄ᬯ᭞ᬬᬤ᭄ᬬᬦ᭄‌ᬲᭀᬫᬄ
ᬓᬧᭀᬦᬓᬦ᭄᭞ᬜ᭄ᬯᬂᬲᭀᬫᬄᬫᬦ᭄ᬢᬸᬲᬮᬄ᭞ᬫᬶᬯᬄᬜᬸᬯᬂᬲᭀᬫᬄᬜᬫ᭞ᬧᬸᬦᬶᬓᬲᬫᬶᬧᬢᬶᬢ᭟ᬫᬶᬯᬄᬦᬾᬫᬤᬦ᭄‌ᬩ᭄ᬭᬳ᭄ᬫᬢ᭄ᬬ᭞ᬢᬸᬗ᭄ᬕᬶ
[ ᭕᭖ 56A]
ᬮ᭄ᬭᬶᬂᬲᬦᬾ ᬩ᭄ᬭᬸᬫᬳ᭞ᬫᬢᬾᬦᬶᬂᬭᬭᬾᬭᬶᬂᬩᬲᬂ᭞ᬦᬗ᭄ᬳᬶᬂᬩ᭄ᬭᬳ᭄ᬫᬢ᭄ᬬᬦᬾᬓᬢᬄ ᭞ᬩ᭄ᬭᬸᬫᬳᬯᬦ᭄ᬢᬄᬲᬦᬸᬗ᭄ᬕᬮ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬓ᭄ᬭ
ᬫᬦᬾᬫᬤᬦ᭄‌ᬩ᭄ᬭᬳ᭄ᬫᬢ᭄ᬬ᭞ᬧᬸᬦᬶᬓᬤᬳᬢ᭄ᬦᬭᬓ᭟ᬗᬫᬢ᭄ᬬᬂᬭᬭᬾᬩ᭄ᬭᬳ᭄ᬫᬢ᭄ᬬ᭞ᬲᬦᬤ᭄ᬬᬦ᭄ᬳᬶᬲ᭄ᬢ᭄ᬭᬶᬳᬸᬢᬫ᭞ᬫᬶᬯᬄᬫᬢᬾᬦᬵᬳᬶᬩᭂᬮᬶᬗᬦ᭄᭞ᬫ
ᬢᬾᬦᬶᬍᬫ᭄ᬩᬸᬲᬓᬦ᭄ᬤᬂ᭞ᬫ᭄ᬚᬸᬄᬩ᭄ᬭᬳ᭄ᬫᬦᬶᬫ᭄ᬭᬸᬩ᭄ᬭᬳ᭄ᬫᬦ᭞ᬫᬶᬯᬄᬜᬾᬤᬬᬂᬧᬡ᭄ᬥᬶᬢ᭞ᬫᬶᬯᬄᬯᬶᬓᬸᬯᬢᭂᬓ᭄ᬧᬸᬚ᭞ᬜᬾᬤᬬᬂᬭᬢᬸᬫᬮᬶᬄᬜ᭟ᬧᬸᬦᬶᬓ
ᬲᬫ᭄ᬧᬸᬦ᭄‌ᬩ᭄ᬮᬮ᭄ᬬᬂ᭞ᬭᬾᬄᬓᬮᬶᬦ᭄ᬢᬂᬳᬕᭂᬂᬧᬶᬲᬦ᭄᭞ᬦᬭᬓᬦᬾ ᬓᬂᬩ᭄ᬭᬳ᭄ᬫᬢ᭄ᬬ᭞ᬫᬦ᭄ᬤᬭᬶᬂᬲᬶᬧᬢ᭄ᬫᬦᬸᬱ᭞ᬲᬳ᭄ᬬᬂᬳᬶᬦ᭄ᬤ᭄ᬭᬫᬲᬶᬄᬦ᭄ᬭᬓ᭞ᬗᬫᬃᬕ᭄ᬬᬂᬳᬸ [ 57 ][ ᭕᭖ 56B]
᭕᭖᭞
ᬮᬄᬩ᭄ᬭᬳ᭄ᬫᬢ᭄ᬬ᭞ᬓᭀᬘᬧ᭄ᬭᬶᬂᬳᬗ᭄ᬕᬲ᭄ᬢᬶᬧ᭄ᬭᬯ᭞ᬩᬯᭀᬲ᭄ᬪᬕᬯᬦ᭄ᬳᬗ᭄ᬕᬶᬭ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟ᬧᬲᬮᬶᬦᬾᬫᬲᬶᬄᬚᬯᬶᬢᭂᬫ᭄ᬩᬂᬤᬸᬃᬫ᭄ᬫ᭞ᬗ᭄ᬮᬦ᭄ᬢᬸᬭᬂᬢᬸᬢᬸᬃᬮᬶ
ᬗᬶᬂ᭞ᬩᬭᬢᬶᬲᬲᬦ᭞ᬢᬶᬗ᭄ᬓᬳᬾᬲᬮᬄᬩ᭄ᬯᬢ᭄᭞ᬦᬾᬧᬤᬦ᭄‌ᬲᬤ᭄ᬢᬢᬬᬶ᭞ᬦᭂᬦᭂᬫ᭄ᬓᬯᬶᬮᬂ᭞ᬳᬸᬮᬳᬾᬭᬗ᭄ᬓᬸᬂᬲᬶᬲᬶᬧ᭄᭞ᬓᬧᬶᬲᬦᬾᬢᬶᬗ᭄ᬓᬳᬾᬦ᭄ᬮᬸᬄᬫ
ᬗ᭄ᬮᬾᬬᬓ᭄᭞ᬫᬗ᭄ᬕᬯᬾᬲᬭᬂᬕᬸᬫᬶ᭞ᬭᬶᬂᬓᬧᬶᬂᬓᬮᬶᬄᬜ᭞ᬢᬶᬗ᭄ᬓᬄᬜᭂᬢᬶᬓ᭄ᬫᬗᬸᬧᬲ᭄᭞ᬓᬧᬶᬂᬢᬶᬕᬦᬾᬲᬫᬶᬄ᭞ᬦᬾᬗᬫᬸᬓ᭄ᬗᬯᬕ᭄᭞ᬫᬓ᭄ᬭᬡᬲᬄ
ᬧᬢᬶ᭟ᬓᬧᬶᬂᬧᬢᬾᬦᬾᬫᬸᬭᬸᬕᬸᬮ᭄ᬕᬸᬭᬕᬸᬤ᭞ᬍᬩᬶᬄᬍᬩᬶᬳᬶᬂᬲᬶᬲᬶᬧ᭄᭞ᬲᬦᬾᬓᬧᬶᬂᬮᬶᬫ᭞ᬚᬤ᭄ᬫᬦᬾᬦᬸᬜ᭄ᬚᭂᬮ᭄ᬳᬸᬫᬄ᭞ᬲᬓᬶᬂᬮᬓ᭄ᬱᬡᬢᬦ᭄
[ ᭕᭗ 57A]
ᬬᬸᬓ᭄ᬢᬶ᭞ᬫᬓ᭄ᬭᬡᬘᭀᬭᬄᬫᬶᬯᬄᬫᬓ᭄ᬭᬡᬫᬮᬶᬂ᭟ᬧᬶᬂᬓᬦᭂᬫᬾᬫᬶᬲᬸᬦᬓ᭄ᬦᬧ᭄ᬭᬪᬸᬳᬶᬓ᭞ᬫᬯᬲ᭄ᬢᬲᬤ᭄ᬢᬢᬬᬶ᭞ᬤᭀᬲᬮᬶᬦ᭄ᬢᬂᬲᬭᬢ᭄᭞ᬭᬶᬂᬲᬓ
ᬮᬦᬶᬲ᭄ᬓᬮ᭞ᬧᬸᬦᬶᬓᬋᬕᭂᬤᬶᬂᬕᬸᬫᬶ᭞ᬓᬯᬄᬫᬚᬮᬦ᭄᭞ᬳᬶᬤᬸᬧ᭄ᬲᬫᬶᬭᬶᬂᬳᬜ᭄ᬚᬶᬂ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬸᬮᬄᬓᬯᬲ᭄ᬢᬦᬦ᭄‌ᬲ᭄ᬢᬾᬬ᭞ᬫᬲᬶᬄᬘᬘᬓ
ᬦ᭄ᬲᬶᬲᬶᬧ᭄᭞ᬳᬸᬮᬳᬶᬂᬲᬚᬤ᭄ᬫ᭞ᬢᬦ᭄ᬯᬾᬦ᭄ᬢᭂᬦ᭄ᬧᬢᬸᬢ᭄ᬢᬸᬮᬤ᭄‌᭞ᬫᬗ᭄ᬤᬾᬦ᭄ᬢᭀᬄᬭᬶᬂᬓᬳ᭄ᬬᬸᬦ᭄ᬲᬫᬶ᭞ᬳᬸᬮᬄᬧᬸᬦᬶᬓ᭞ᬬᬾᬦ᭄‌ᬫ᭄ᬭᬶᬳᬂᬫᬦᬄᬲᬸᬘᬶ
᭟᭐᭟ᬧᬸᬧᬸᬄᬚᬸᬭᬸᬤ᭄ᬫᬸᬂ᭟ᬲᬫ᭄ᬧᬸᬦ᭄ᬜᬦ᭄ᬤᬂᬧᬲᬮᬶᬦᬂ᭞ᬳᬫ᭄ᬩᬶᬮᬂᬓᬚᬸᬭᬸᬤᭂᬫᬸᬂ᭞ᬢᬢᭂᬫ᭄ᬩᬗᬦ᭄ᬚᬯᬗᭂᬮᬦ᭄ᬢᬸᬃ᭞ᬫᬦᬸᬢᬸᬭᬂᬢᬶᬗ᭄ᬓᬄᬲ᭄ᬢᬾᬬ᭞ᬳᬸᬮᬄᬚᬦ᭄ᬫ [ 58 ][ ᭕᭗ 57B]
᭕᭗᭞
ᬦᬾᬢᬦ᭄ᬲᬥᬸ᭞ᬢᬸᬗ᭄ᬕᬮᬾᬭᬶᬳᬱ᭄ᬝᬤᬸᬱ᭄ᬝ᭞ᬫᬸᬗ᭄ᬕᬄᬭᬶᬂᬳᬕᬫᬫᬦᬸ᭟ᬦᬗ᭄ᬳᬶᬂᬳᬲ᭄ᬬᬓᬯᬶᬮᬂ᭞ᬫᬯᬓ᭄ᬫᬮᬶᬂᬬᬂᬓᬲᬢᬸ᭞ᬫᬦᬬᬩ᭄ᬧᬶᬂᬓᬮᬶᬳᬶᬧᬸᬦ
᭄᭞ᬫᬗᬸᬢᬶᬮᬾᬓᬧᬶᬂᬢᬶᬕ᭞ᬫ᭄ᬮᬕᬦ᭄ᬤᬂᬓᬧᬶᬂᬧᬢᬶᬧᬸᬦ᭄᭞ᬫᬗᭂᬦ᭄ᬢᬮᬾᬓᬧᬶᬂᬮᬶᬫ᭞ᬭᬶᬂᬓᬧᬶᬂᬦᭂᬫᬾᬳᬦᬸᬫ᭄ᬧᬸᬂ᭟ᬧᬶᬢᬸᬦᬾᬫᬸᬫ᭄ᬧᬂᬲ᭄ᬢ᭄ᬭᬶᬦᬶᬂᬮ᭄ᬬᬸᬦ᭄᭞ᬫ
ᬩ᭄ᬭᬦᬂᬭᬶᬂᬓᬧᬶᬂᬓᬸᬢᬸᬲ᭄᭞ᬳᬮ᭄ᬯᬦ᭄ᬓᬧᬶᬂᬲ᭄ᬬᬦᬶᬧᬸᬦ᭄᭞ᬦᬾᬳᬮ᭄ᬯᬦ᭄ᬢᭀᬓᬯᬲ᭄ᬢᬦᬦ᭄᭞ᬗ᭄ᬮᬓ᭄ᬱᬡᬬᬂᬓ᭄ᬭᬫᬚᬭᬸᬄ᭞ᬫᬮᬍᬫᭂᬲ᭄ᬳᬶᬯᬂᬢᬶᬗ᭄ᬓᬄ᭞ᬲᬫ᭄ᬬ
ᬦ᭄‌ᬲ᭄ᬢᬾᬬᬧᬸᬦᬶᬓᬸ᭟᭐᭟ᬧᬸᬧᬸᬄᬫᭂᬕᬢ᭄ᬭᬸᬄ᭟ᬧᬲᬮᬶᬢᬂᬢᬸᬗ᭄ᬓᬧᬂᬢᭂᬫ᭄ᬩᬂᬫᬕᬢ᭄ᬭᬸᬄ᭞ᬗ᭄ᬮᬦ᭄ᬢᬸᬃᬲᬫᬶᬕᭂᬦ᭄ᬤᬶᬂᬚᬯᬶ᭞ᬲᭀᬮᬄᬫᬦᬳᬾᬢᬦ᭄ᬧᬢᬸᬢ᭄᭞
[ ᭕᭘ 58A]
ᬳᬓᬾᬄᬬᬦ᭄ᬘᬘᬓᬂᬲᬫᬶ᭞ᬫᬸᬗ᭄ᬕᬸᬄᬭᬶᬂᬢᬸᬢᬸᬭᬾᬓᬳᭀᬢ᭄᭟ᬯᬶᬭᬾᬄᬩᬲ᭄ᬓᬮᬫ᭄ᬬᬦ᭄ᬚᬕᬢᬾᬧᬸᬧᬸᬢ᭄᭞ᬧᬓᬃᬤᬶᬦ᭄ᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬓ᭄ᬭᬡᬓ
ᬢᬄᬰᬲ᭄ᬢ᭄ᬭᬢᬸᬢᬸᬃ᭞ᬫᬦᬘᬓ᭄‌ᬦᬾᬳᬮᬩ᭄ᬘᬶᬓ᭄᭞ᬬᬾᬦ᭄ᬓᬸᬫ᭄ᬧᬸᬮ᭄ᬩᬶᬮᬶᬄᬳᬕᭂᬤᭀᬂ᭟ᬦᬗ᭄ᬳᬶᬂᬩ᭄ᬘᬶᬓ᭄‌ᬬᬾᬦ᭄ᬲᬫ᭄ᬬᬦ᭄ᬲᬫ᭄ᬧᬸᬦ᭄ᬧᬗ᭄ᬕᬸᬄ᭞ᬧᬸᬦᬶᬓᬕ
ᬮᬶᬄᬕᬮᬶᬳᬶᬦ᭄᭞ᬢᬢᬲᬂᬦᬫ᭄ᬧᬶᬭᬶᬂᬓᬳ᭄ᬬᬸᬦ᭄᭞ᬳᬓᬾᬄᬤᭀᬭᬳᬓᬾᬄᬬᬓ᭄ᬢᬶ᭞ᬫᬓ᭄ᬭᬡᬲᬓᬶᬂᬧᬗ᭄ᬭᬯᭀᬲ᭄᭟ᬓᬢᭂᬫ᭄ᬧᬸᬳᬦ᭄‌ᬗᬾᬮᬶ
ᬗᬶᬦ᭄‌ᬦᬾᬚᬢᬶᬧᬢᬸᬢ᭄᭞ᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬕᬶᬲᬶ᭞ᬲᭂᬓᭂᬦᬂᬲᬸᬭᬢᬂᬧᬓᬸ᭞ᬬᬾᬦ᭄ᬲᬫ᭄ᬧᬸᬦ᭄ᬲ᭄ᬯᬢᬳᬾᬓ᭄ᬦᬶ᭞ᬩᬶᬮᬶᬄᬩᬶᬮᬶᬄᬯᬸᬲᬦ᭄ᬓᬸ [ 59 ][ ᭕᭘ 58B]
᭕᭘᭞
ᬫᭀᬃ᭟ᬲᬓᬶᬂᬳᬓᬾᬄᬤᬲ᭄ᬓᭂᬤᬶᬓ᭄‌ᬲ᭄ᬭᬶᬗᬦ᭄ᬧᬢᬸᬢ᭄᭞ᬬᬾᬓ᭄ᬓᭂᬤᬶᬓ᭄ᬫᬸᬮᬳᬓ᭄ᬤᬶᬓ᭄᭞ᬧᬸᬦᬶᬓᬚᬢ᭄ᬲᬮᬂᬲᬸᬭᬸᬧ᭄᭞ᬦᬃᬓ᭄ᬓᬳᬸᬢᬫᬦᬾᬓ᭄ᬤᬶ᭄᭞
ᬓ᭄᭞ᬩᬓᬮ᭄ᬳᬧᬓᬾᬳᬂᬭᬯᭀᬲ᭄᭟ᬓ᭄ᬭᬡᬲᭂᬗ᭄ᬓᬗᬶᬗᭂᬢᬶᬦ᭄ᬦᬾᬚᬢᬶᬧᬢᬸᬢ᭄᭞ᬬᬾᬦᬾᬤᬶᬦᬶᬤᬸᬭᬸᬂᬚᬢᬶ᭞ᬳᬸᬧᬫᬶᬫᬧᬶᬓᬢ᭄ᬧᬸᬯᬸᬄ᭞ᬗᬩᬧᬶ
ᬓᬢ᭄ᬦᬶᬦᬶᬧᬶ᭞ᬩᬶᬦ᭄ᬧᬶᬤᬦ᭄ᬩᬓᬢ᭄ᬩᬦ᭄ᬫᭀᬗ᭄ᬓᭀᬲ᭄᭟ᬬᬦ᭄ᬢᬦ᭄ᬧᬢᭂᬄᬩᭀᬬᬦ᭄ᬤᬸᬕᬶᬤᬤᭀᬲ᭄ᬧᬢᬸᬄ᭞ᬓᬤᬶᬗᬯᬶᬚᬶᬮᬂᬦᬫᬶ᭞ᬬᬦ᭄ᬢᬦ᭄ᬫᬸᬮᬜᬶᬫ᭄ᬧᭂᬦ᭄ᬤᬸ
ᬫᬸᬦ᭄᭞ᬧᬸᬦᬶᬓᬤᬸᬭᬸᬂᬲᬚᬢᬶ᭞ᬯᬾᬦ᭄ᬢᭂᬦᬾᬓᬾᬯᬮᬩᬯᭀᬲ᭄᭟᭐᭟ᬧᬸᬧᬸᬄᬤᬗ᭄ᬤᬂ᭟ᬧᬲᬮᬶᬦᬾ ᬫᬮᬶᬄᬤᬂᬤᬂᬕᭂᬦ᭄ᬤᬶᬲ᭄᭞ᬲᬃᬯ᭄ᬯᬶᬳᬗ᭄ᬕᬾᬦ᭄ᬧᬳᬶ
[ ᭕᭙ 59A]
ᬗᭂᬢ᭄ᬫᬢᭂᬫ᭄ᬩᬂ᭞ᬢᬢᬩᬸᬄᬚᬯᬶᬕᭂᬦ᭄ᬤᬶᬗᬾ ᭞ᬫᬶᬯᬄᬧᬧᬢᬸᬢᬦ᭄ᬳᬶᬧᬸᬦ᭄᭞ᬦᬗ᭄ᬳᬶᬂᬓ᭄ᬦᬶᬯᬳᬸᬳᬓᬶᬤᬶᬓ᭄᭞ᬓᬮ᭄ᬬᬦ᭄ᬤᬸᬭᬸᬂᬲᬶᬦᬄ᭞ᬧᬢᬸᬢᬾᬫᬜᬸᬓᬸ
ᬧ᭄᭞ᬧᭀᬮᬶᬳᬾᬦᬸᬧ᭄ᬢᬸᬧ᭄ᬦᬸᬧ᭄ᬢᬸᬧᬂ᭞ᬭᬶᬂᬓᬮᬦᬾᬳᬦ᭄ᬢᬸᬭᬳᬶᬗᭂᬢ᭄ᬭᬶᬂᬕᭂᬦ᭄ᬤᬶᬂ᭞ᬳᬗ᭄ᬕᬾᬦ᭄‌ᬗᬶᬗᭂᬭᬂᬢᭂᬫ᭄ᬩᬂ᭟ᬤᬗ᭄ᬤᬂᬕᬸᬮᬚᬯᬢᭂᬫ᭄ᬩᬂᬫᬜᬸᬭᬭᬶᬢ᭄᭞ᬬᬦ᭄ᬩᭂ
ᬍᬕᬂᬢᬶᬸᬢᬩᬸᬄᬘᬭᬲᬮ᭞ᬩᬶᬗᭂᬢ᭄ᬩᭂᬕᬄᬩᬗᭂᬩᬶᬸᬢ᭄ᬩᭂᬗᭂᬓ᭄᭞ᬫᬧᬶᬮᬶᬄᬲ᭄ᬯᬭᬳᬮᬲ᭄᭞ᬫᬶᬯᬄᬋᬗᬾᬚᬚᬗ᭄ᬓᬦ᭄ᬚᬯᬶ᭞ᬢᬦ᭄ᬤᬤᬶᬫ᭄ᬩᬓᬦ᭄ᬳᬲᬮ
᭄᭞ᬬᬦ᭄ᬗᬋᬗᬂᬳᭂᬫ᭄ᬩᬸᬄ᭞ᬢᭂᬫ᭄ᬩᬗᬾᬫᬩᬸᬭᬘᬸᬓᬦ᭄᭞ᬢᬸᬭᬸᬢ᭄ᬧᬸᬧᬸᬄᬧᬗᬗᬾᬗᬾᬧᬢᬂᬲᬶᬓᬶ᭞ᬳᬮᬶᬢᬦ᭄ᬫᬮᬶᬄᬧᬧᬢ᭄᭟ᬫᬸᬜᬶᬢᬸᬗ᭄ᬕᬮ᭄ᬲ [ 60 ][ ᭕᭙ 59B]
᭕᭙᭞
ᬧᬶᬤᬤᬸᬤᬤᬶᬂ᭞ᬲᬬᬶᬄᬘᬭᬳᬶᬭᬲ᭄ᬕᭂᬦ᭄ᬤᬾᬃᬯᬬᬂ᭞ᬤᬗ᭄ᬤᬂᬕᬸᬮᬧᬫᬶᬚᬶᬮᬾ ᭞ᬳᬲ᭄ᬫᬭᬦ᭄ᬤᬦᬧᬸᬘᬸᬂ᭞ᬫᬲ᭄ᬓᬸᬫᬫ᭄ᬩᬂᬫᬶᬯᬄᬕᬶᬦᬦ᭄ᬢᬶ᭞ᬲᬫᬶᬫ
ᬤᬲᬃᬢᬸᬗ᭄ᬕᬮ᭄᭞ᬓ᭄ᬤᬶᬓ᭄‌ᬲᬾᬯᭀᬲᬶᬧᬸᬦ᭄᭞ᬲᬫ᭄ᬬᬦ᭄ᬗᬶᬤᬸᬧᬂᬋᬗᬦ᭄᭞ᬦᬤ᭄ᬬᬦ᭄ᬳᬕᭂᬂᬦᬤ᭄ᬬᬦ᭄ᬳᬮᬶᬢ᭄ᬫᬜᬸᬭᬭᬶᬢ᭄᭞ᬫᬲᬶᬄᬫᬸᬜᬶᬢᬸᬭᬸ
ᬢ᭄ᬧᬢ᭄᭟ᬬᬦ᭄ᬭᬶᬂᬚᬬᬾᬦ᭄ᬤ᭄ᬭᬶᬬᬲᬗᭂᬢ᭄ᬮᬬᬶᬦ᭄᭞ᬓ᭄ᬭᬡᬩᬶᬗᬸᬂᬗᬋᬲᭂᬧ᭄ᬋᬲᭂᬧᬂ᭞ᬗᬾᬮᬶᬗᬶᬦ᭄ᬧᬢᭂᬄᬲ᭄ᬯᬭᬦᬾ᭞ᬓᬾᬄᬢᬸᬗ᭄ᬓᬲ᭄ᬤᬯᬸᬄ᭞ᬓᬲᬭᬸᬯᬂᬫᬫ᭄ᬩᬾ
ᬭᭀᬗᬶᬭᬶᬂ᭞ᬳᬦ᭄ᬤᬂᬳᬦ᭄ᬤᬗᬦ᭄ᬰᬩ᭄ᬤ᭞ᬬᬾᬦ᭄ᬲᬫ᭄ᬧᬸᬦ᭄ᬫᬜᬸᬓᬸᬧ᭄᭞ᬢᬢᭂᬓᭂᬧ᭄ᬫᬶᬯᬄᬢᬢᭂᬧᬓ᭄᭞ᬢ᭄ᬯᬭᬳᬫ᭄ᬩᬢ᭄ᬫᬦᬶᬲᬾᬬᬾᬦ᭄ᬤᬦ᭄ᬤᬂᬕᭂᬦ᭄ᬤᬶᬲ᭄᭞ᬢᭂᬫ᭄ᬩ

[ ᭖᭐ 60A]
ᬗᬾᬘᬭᬲᬮ᭟ᬯᬶᬯᬶᬢ᭄ᬲᬶᬦᭀᬫ᭄ᬭᬶᬂᬕᬶᬭᬶᬰᬢᬸᬗ᭄ᬕᬶᬮ᭄᭞ᬯᬶᬯᬶᬢ᭄ᬤᬃᬫ᭄ᬫᬭᬶᬫᭂᬕᬢ᭄ᬭᬸᬄᬢᬸᬗ᭄ᬕᬮ᭄᭞ᬕᬫ᭄ᬩᬸᬄᬧᬗ᭄ᬓᬸᬃᬦ᭄ᬤᬾᬯᬾᬓ᭄ᬤᬾᬯᬾᬓ᭄᭞ᬫ᭄ᬩᬓ᭄ᬢᬘᬭᬶᬘᬭᬦᬶ
ᬧᬸᬦ᭄᭞ᬲᬫ᭄ᬧᬸᬦ᭄ᬩᬗᭂᬢ᭄ᬧᬶᬳᬃᬱᬮᬬᬶᬦ᭄᭞ᬢᬦ᭄ᬓᬭᬶᬗᭂᬦ᭄ᬤᬾᬃᬯᬬᬂ᭞ᬲᬫ᭄ᬧᬸᬦ᭄ᬲᬾᬯᭀᬲ᭄ᬧᬢᬸᬢ᭄᭞ᬦᬗ᭄ᬳᬶᬂᬬᬾᬦ᭄ᬳᬦᬓᬾ ᬯᬶᬓᬦ᭄᭞ᬲᬫᬶᬓᬗ᭄ᬓ
ᬢ᭄ᬓᬶᬭᬶᬕᬂᬫᬮᬶᬄᬳᬓᬶᬤᬶᬓ᭄᭞ᬗᬋᬋᬄᬧᬧᬢᬸᬢᬦ᭄᭞ᬦᬤ᭄ᬬᬦ᭄ᬘᬭᬘᬭ?ᬳᬦᬾᬭᬶᬂᬚᬯᬶ᭞ᬘᬭᬚᬸᬕ᭄ᬚ᭄ᬬᬘᬭᬓᬃᬣᬲᬸᬭ᭞ᬧᬤᬲᬾᬚᬾᬘ
ᬘᬭᬦᬾ᭞ᬲᬫᬭᬂᬫᬶᬯᬄᬓᭂᬤᬸ᭞ᬲᬸᬭᬩᬬᬓᬸᬤᬸᬲ᭄ᬩᬢᬯᬶ᭞ᬓᬤᬶᬭᬶᬧ᭄ᬭᬩᬮᬶᬗ᭄ᬕ᭞ᬯᬾᬦ᭄ᬢᭂᬦ᭄ᬲᬾᬯᭀᬲᬶᬧᬸᬦ᭄᭞ᬘᬘᬭᬦᬾᬦᬩᬸᬄᬢᭂᬫ᭄ᬩᬂ [ 61 ][ ᭖᭐ 60B]
᭖᭐᭞
᭞ᬦᬧᬶᬫᬮᬶᬄᬘᬭᬦᬾᬭᬶᬂᬩᬜᬸᬯᬗᬶ᭞ᬲᬫ᭄ᬧᬸᬦ᭄ᬜᭂᬭᭀᬤ᭄ᬩᬗᭂᬢᬦ᭄᭟ᬯᬶᬭᬾᬄᬲᬫ᭄ᬧᬸᬦ᭄ᬲᬬᬶᬄᬘᬭᬩᬮᬶ᭞ᬘᬭᬩᬮᬶᬢᭂᬫ᭄ᬩᬂᬕᬕᬼᬩᬸᬕ
ᬦ᭄᭞ᬲᬬᬯᬶᬦᬶᬂᬢᭂᬫ᭄ᬩᬂᬕ᭄ᬤᬾ ᭞ᬳᬓᬾᬳᬦ᭄ᬫᬢᬄᬓᬓᬸ᭞ᬲ᭄ᬫᬭᬦ᭄ᬤᬦᬧᬢᬸᬢᬾᬢᬸᬗ᭄ᬕᬶᬮ᭄᭞ᬭᬶᬂᬧᬢᬸᬢ᭄ᬤᬦ᭄ᬤᬂᬕᬸᬮ᭞ᬬᬦ᭄ᬩᬮᬶᬫᬦᬩᬸᬄ᭞
ᬘᬭᬦᬫᬶᬸᬩᬸᬄᬩᬩᬭᭀᬗᬦ᭄᭞ᬓᬸᬭᬭᬭᬲ᭄ᬧᬦ᭄ᬢᭂᬲᬾᬦᬕᬶᬄᬘᭂᬕᬶᬭᬶᬦ᭄᭞ᬫᬶᬯᬄᬘᭂᬤᬸᬕᬶᬦ᭄‌ᬓᭂᬦ᭄ᬤᬂ᭟ᬚᬸᬭᬸᬤᭂᬫᬸᬂᬬᬾᬦ᭄ᬓᬗ᭄ᬕᬾ
ᬬᬂᬜᬭᬶᬢ᭄᭞ᬗᬫ᭄ᬩᬶᬮ᭄ᬲᬬᬶᬄᬕᬶᬦᬦ᭄ᬢᬶᬜ᭄ᬚᬫᬸᬦᬂ᭞ᬭᬶᬂᬯᬸᬲ᭄ᬢᬫ᭄ᬧᭂᬓ᭄ᬧᬫᬤᬦᬾ ᭞ᬘᬭᬧᬫᬶᬚᬶᬮ᭄ᬧᬢᬸᬄ᭞ᬦᬤ᭄ᬬᬦ᭄ᬢᭂᬫ᭄ᬩᬂᬫᬸᬮᬭᬶᬂᬩᬮᬶ
[ ᭖᭑ 61A]
᭞ᬓᬤᬶᬓᬶᬸᬦ᭄ᬤᬶᬳᬗ᭄ᬕᬸᬦᬶᬂᬯᭀᬦ᭄ᬤ᭞ᬚᬶᬦᬤᬧᬸᬗ᭄ᬮᬶᬧᬸᬃ᭞ᬲᬯᬢᭂᬓᬶᬂᬢᭂᬫ᭄ᬩᬂᬦᬸᬗ᭄ᬕᬮ᭄᭞ᬳᬓᬾᬄᬤᬤᭀᬲ᭄ᬢᬩᬸᬳᬶᬦ᭄ᬋᬘᬭᬚᬯᬶ᭞ᬗ᭄ᬳᬶᬂᬓᬾᬳᬦ᭄ᬗᭂ
ᬦ᭄ᬤᬾᬃᬯᬬᬂ᭟᭐᭟ᬧᬸᬧᬸᬄᬧᬸᬘᬸᬂ᭞ᬫᬮᬶᬄᬜᬫ᭄ᬩᬸᬂ᭞ᬧᬲᬮᬶᬦᬾᬲ᭄ᬦᬃᬧᬸᬘᬸᬂ᭞ᬦᬾᬫᬗ᭄ᬓᬶᬦ᭄ᬮᬶᬯᬢᬂ᭞ᬫᬶᬗᭂᬢᬂᬧᬧᬢᬸᬢ᭄ᬕᭂᬦ᭄ᬤᬶᬂ᭞ᬫᬮᬶᬄᬜᬸᬫᬸ᭞ᬗᭂᬢᬸᬢᬂᬧᬳᬶᬗᭂᬢ᭄ᬫ
ᬦᬄ᭟ᬮᬶᬦ᭄ᬢᬂᬢᬸᬬᬸᬄ᭞ᬳᬩᭀᬢᬾᬓᬭᬗ᭄ᬓᬸᬂᬭᬗ᭄ᬓᬸᬂ᭞ᬤᬸᬫᬤᬶᬫᬦᬸᬱ᭞ᬬᬾᬦ᭄ᬤᬸᬭᬸᬂᬫᬤᬲᬃᬳ᭄ᬦᬶᬂ᭞ᬚᬢᬦ᭄ᬩᬶᬗᬸᬂ᭞ᬓᬾᬦᬾᬳᬶᬯᬂᬓᬾᬢᭀᬲᬮᬄ᭟
ᬲᬫᬶᬦᬶᬧᬸᬦ᭄‌᭞ᬓᬤᬶᬳᬯᬓ᭄‌ᬩᭀᬜᭀᬓ᭄‌ᬩ᭄ᬭᬸᬂ᭞ᬢᬦ᭄ᬧᬓᬸᬮᬶᬢ᭄‌ᬦᬶᬗ᭄ᬮᬲ᭄᭞ᬚᬚ᭄ᬭᭀᬦᬾᬧᬕᬸᬭᬫᬶᬂ᭞ᬳᬶᬲᬶᬧ᭄ᬮᬸᬤ᭄᭞ᬗᬮᬾᬦ᭄ᬢᬾᬂᬫᭀ [ 62 ][ ᭖᭑ 61B]
᭖᭑᭞
ᬦ᭄ᬢᬮ᭄ᬫᭀᬦ᭄ᬢᬮᬦ᭄᭟ᬚᬶᬚᬮᬓᬸ᭞ᬜᬶᬗᬶᬤᬂᬗᭂᬗ᭄ᬓᭂᬩᬂᬩᬸᬭᬸᬓ᭄᭞ᬬᬦ᭄ᬫᬗᬸᬗ᭄ᬲᬶᬕᬮᬂ᭞ᬓ᭄ᬦᬶᬧᬦᭂᬲ᭄ᬩᬸᬓᬮᬦ᭄ᬢᬶᬕ᭄᭞ᬗᬸᬗ᭄ᬲᬶᬲᬶᬗᬸᬩ᭄᭞ᬯᬬ
ᬢᬾᬕᬮᬂᬚᬕ᭄ᬚᬕᬶᬦ᭄᭟ᬗᬸᬗ᭄ᬲᬶᬲᭂᬫ᭄ᬧᬸᬢ᭄᭞ᬫᬶᬭᬶᬩ᭄ᬩᬓᬮ᭄ᬳᬸᬮᬸᬄᬍᬕᬸ᭞ᬗᭂᬲᬶᬮ᭄ᬓᬮᬗ᭄ᬕᬢᬦ᭄᭞ᬯᬬᬓᬲᬭᬧ᭄ᬩᬦ᭄‌ᬜᬶᬜᬶᬃ᭞ᬧᬢᬶᬢᬸᬬᬸᬤ᭄᭞ᬭᬾᬄ
ᬓᬢᬄᬗᬤᬸᬢ᭄ᬲᬦ᭄ᬤᬾᬬ᭟ᬳᬲᬶᬂᬢᬸᬫ᭄ᬩᬸᬄ᭞ᬭᬶᬂᬫᬦᬄᬫᬚᬓᬦ᭄ᬫᬸᬲᬸᬄ᭞ᬢᬦ᭄ᬫᬭᬶᬲᬗ᭄ᬲᬬ᭞ᬓᬾᬦᬾᬢᬓᬸᬢ᭄ᬓᬾᬢᭀᬚ᭄ᬭᬶᬄ᭞ᬍᬩᬶᬄᬢᬸᬬᬸᬄ᭞ᬓᬕᭂ
ᬦ᭄ᬤᭀᬮᬦ᭄ᬩᬸᬤᬶᬢᬫᬄ᭟ᬢᬫᬄᬫᬸᬲᬸᬄ᭞ᬦᬕᬶᬄᬗᭂᬚᬸᬓ᭄ᬫᬫ᭄ᬩᬭᬶᬓᬸᬲ᭄᭞ᬫᬫᬦ᭄ᬢᬶᬕ᭄ᬫᬦ᭄ᬢᬶᬕᬂ᭞ᬕᬯᬾᬜᬗ᭄ᬕᬯᬾᬜᬓᬶᬢ᭄᭞ᬓ᭄ᬭᬡᬢᬸᬮᬸᬲ᭄᭞ᬫᬫ

[ ᭖᭒ 62A]
ᬗ᭄ᬕᬶᬄᬓᬲᬸᬭᬸᬂᬲᬸᬭᬂᬲᬸᬭᬂ᭟ᬓᬤᬾᬦ᭄ᬲᬬᬸ᭞ᬳᬸᬮᬢ᭄ᬫᬮᬚᬳᬶᬦ᭄ᬳᬗ᭄ᬓᬸᬄ᭞ᬫᬢᬸᬚᬸᬳᬶᬦ᭄ᬚᬚᬮᬦ᭄᭞ᬬᬦ᭄ᬢᬸᬭᬸᬢ᭄ᬫᬓ᭄ᬭᬡᬧᬮᬶᬂ᭞ᬧᬬᬸᬗᬧᬸᬲ᭄᭞ᬲᬸᬩᬳᬤ
ᬢ᭄ᬳᬢᬶᬲᬾᬢᬦ᭄᭟ᬍᬩᬶᬄᬮᬘᬸᬃ᭞ᬤᬤᬶᬚᬤ᭄ᬫᬲᬾᬯᬸᬮᬘᬸᬃ᭞ᬲᬸᬕᬶᬄᬓᬢᬫ᭄ᬩᭂᬢᬦ᭄᭞ᬩᬢᬶᬳᬕᭂᬂᬩᬸᬢᬢᬸᬮᬶ᭞ᬤ᭄ᬧᬂᬮᬘᬸᬃ᭞ᬧ᭄ᬮᬶᬳᬾᬗᬶᬤᬸᬧᬂᬢᬫᬄ
᭟ᬳᬯᬓ᭄ᬫᬶᬮᬸ᭞ᬩᬶᬲᬢᬸᬗ᭄ᬓᬲ᭄ᬤᬤᬶᬫᬸᬲᬸᬄ᭞ᬫᬫᬸᬦ᭄ᬤᬸᬳᬂᬧᬧ᭞ᬲᬳᬶᬫᬗᬭᬸᬄᬳᬭᬸᬳᬶᬦ᭄᭞ᬓᬾᬦᬾᬢ᭄ᬫᬸ᭞ᬲᬶᬕᬸᬕᬾᬗᭂᬫ᭄ᬧ᭄ᬯᬂᬫᬦᬄ᭟ᬤᬶᬚᬭᬸ
ᬭᬸᬄ᭞ᬦᬾᬤᬤᬶᬢᬕᬶᬳᬶᬦ᭄ᬢᬸᬮᬸᬂ᭞ᬲᬯᬢ᭄‌ᬍᬩᬶᬄᬲᬯᬢ᭄᭞ᬮᬶᬯᬢ᭄ᬲᬭᬸᬮᬶᬯᬢ᭄ᬧᬶᬗᬶᬢ᭄᭞ᬲᬓᬶᬂᬮᬘᬸᬃ᭞ᬓᬢᬯ᭄ᬗᬦ᭄ᬓᬢᬫ᭄ᬩᭂᬢᬦ᭄᭟ [ 63 ][ ᭖᭒ 62B]
᭖᭒᭞
ᬤᭂᬓ᭄ᬮᬓ᭄ᬤᭂᬓ᭄ᬮᬸᬓ᭄᭞ᬧᬤᬾᬯᬾᬓᬦ᭄ᬧᬢᬶᬳᬜ᭄ᬘᬸᬄ᭞ᬧᬢᬶᬕᬸᬭᬕᬧᬦ᭄᭞ᬓᬮᬗ᭄ᬓᬳᬦ᭄‌ᬍᬫᬄᬮᬢ᭄ᬭᬶ᭞ᬍᬗᬓ᭄‌ᬍᬗᬸᬓ᭄᭞ᬫ᭄ᬦᬾᬓ᭄ᬮᬗᬶᬢ᭄ᬢᬸᬳᬸᬦ᭄ᬢ
ᬦᬄ᭟ᬗ᭄ᬮᬬᬂᬗ᭄ᬮᬬᬸᬂ᭞ᬗᬚᬧ᭄ᬫᬗ᭄ᬕᬶᬄᬭᬲᬳᬬᬸ᭞ᬲᬓᬶᬂᬓᬸᬭᬂᬢ᭄ᬬᬕ᭞ᬗᭂᬘᬧᬂᬭᬲᬦᬾᬧᬳᬶᬢ᭄᭞ᬓ᭄ᬭᬡᬢᬸᬬᬸᬄ᭞ᬲᬳᬶᬫᬦᬦ᭄ᬤᬂᬧᬗᭂᬦᬦ᭄᭟᭐᭟
ᬧᬸᬧᬸᬄᬤᬗ᭄ᬤᬂ᭟ᬧᬢᬶᬩᬶᬸᬫ᭄ᬩᬦᬾᬶᬸᬗᬯᬮᬶᬯᬮᬶᬦᬶᬦ᭄᭞ᬩᭀᬮᬓ᭄ᬩᬮᬶᬓ᭄ᬫᬮᬶᬄᬤᬗ᭄ᬤᬂᬕᬸᬮ᭞ᬗᬸᬗ᭄ᬕᬳᬂᬲ᭄ᬤᬶᬄᬫᬦᬳᬾ᭞ᬬᬾᬦ᭄ᬮᬦ᭄ᬢᬸᬭᬂᬫᬦ᭄ᬤᬸᬤᬸᬢ᭄᭞ᬧ᭄ᬤᬲ᭄ᬓ
ᬢᬄᬫᬦᬓ᭄ᬧᬜᬓᬶᬢ᭄᭞ᬧᬶᬲᬦ᭄ᬮᬶᬧᬸᬃᬮᬶᬧᬸᬭᬂ᭞ᬓᬾᬘᬧᬾᬭᬶᬂᬢᬸᬢᬸᬃ᭞ᬧᬸᬦᬶᬓᬳᬗ᭄ᬕᬾᬦ᭄ᬮᬮᬯᬢ᭄᭞ᬩᬶᬮᬶᬄᬩᬶᬮᬶᬄᬲᬶᬤ᭄ᬥᬫᬢᬦᭂᬓᬦ᭄᭞
[ ᭖᭓ 63A]
ᬓᬶᬤᬶᬓ᭄᭞ᬤᬤᭀᬲ᭄ᬢᬫ᭄ᬩᬦ᭄ᬓᬦ᭄ᬭᬓᬦ᭄᭟ᬦᬾᬓᬧ᭄ᬭᬶᬳᬂᬭᬶᬂᬲᬂᬲᬥᬸᬲᬫᬶ᭞ᬦ᭄ᬤᬢᬃᬮ᭄ᬬᬦ᭄ᬲᬭᬶᬦᬶᬂᬓᬧᬢ᭄ᬬᬦ᭄᭞ᬧᬫᭀᬭᬶᬂᬢᬬᬲᬸᬓ᭄ᬱ᭄ᬫ
ᬦᬾ᭞ᬭᬶᬂᬫᬳᬧᬤ᭄ᬫᬫᬸᬗ᭄ᬕᬄ᭞ᬭᬾᬄᬧᬸᬦᬶᬓᬯᬶᬯᬶᬢᬦ᭄ᬲᬫᬶ᭞ᬲᬫᬶᬲᬤᬕᬶᬂᬚᬕᬢ᭄᭞ᬲᬫᬶᬲᬫᬶᬦᬶᬧᬸᬦ᭄᭞ᬦᬤ᭄ᬬᬦ᭄ᬧᬜ᭄ᬘᬫᬳᬪᬸᬢ
᭞ᬳᬓᬲᬢᬾᬚᬩᬬᬸᬳᬧᬄᬧ᭄ᬭᬢᬶᬯᬶ᭞ᬫ᭄ᬤᬮ᭄ᬲᬓᬶᬂᬧᬸᬦᬶᬓ᭟ᬦᬾᬫᬯᬲ᭄ᬢᬧ᭄ᬭᬦᬯᬲᬬᬓ᭄ᬢᬶ᭞ᬲᬦᬾᬲᬫ᭄ᬧᬸᬦ᭄ᬫᬯᬶᬦ᭄ᬤᬸᬫᬦᬤ᭞ᬬᬦ᭄ᬩᭀ
ᬬᬳᭀᬓᬭᬢᬸᬮᬾᬦ᭄᭞ᬓᬭᬶᬤᬤᭀᬲ᭄ᬓᬢᬸᬤᬸᬄ᭞ᬤᬸᬭᬸᬂᬜᬢᬤᬸᬭᬸᬂᬲᬚᬢᬶ᭞ᬤᬸᬭᬸᬂᬫᬯᬲ᭄ᬢᬲᬶᬦᬄ᭞ᬲᬫᬶᬤᬭᬂᬤᬸᬭᬸᬂ᭞ᬓᬭᬶᬭᬲ [ 64 ][ ᭖᭓ 63B]
᭖᭓᭞
ᬦᬾᬚᬢ᭄ᬚᬢᬦ᭄᭞ᬓᬭᬶᬫᬢᬄᬕ᭄ᬮᬶᬲᬂᬫᬤ᭄ᬫᬂᬕ᭄ᬦᬶ᭞ᬓᬧ᭄ᬮᬓ᭄‌ᬚ᭄ᬭᬶᬄᬧᬦᬲ᭄᭟ᬓ᭄ᬭᬡᬤᬸᬭᬸᬂᬧᭀᬮᬶᬄᬢ᭄ᬭᬂᬚᬢᬶ᭞ᬭᬶᬂᬲᬦᬾᬢᬢᬸᬢ᭄‌ᬓᬸᬦ᭄ᬤᬸᬭᬂᬓᬋᬧᬂ
᭞ᬓᬭᬶᬓᬶᬸᬗᬸᬓᬸᬳᬂᬫᬦᬳᬾ ᭞ᬩᬸᬢᬗᬦ᭄ᬤᭂᬮᬂᬗᬸᬲᬸᬤ᭄᭞ᬗᬯᬲ᭄ᬢᬦᬶᬦ᭄ᬕᬚᬄᬲᬚᬢᬶ᭞ᬧᭀᬮᬶᬄᬳᬶᬢᬧᬓ᭄ᬮᬶᬫ᭞ᬳᬦ᭄ᬤᬾᬦ᭄ᬤᬦ᭄ᬤᬾᬦᬶᬧᬸᬦ᭄᭞ᬢᬶᬗ᭄ᬓᬄᬧᬗ
ᬗ᭄ᬕᭂᬧᬾᬢᬸᬕᬓ᭄᭞ᬤᬸᬭᬸᬂᬲᬶᬤ᭄ᬥᬫᬲᬶᬓ᭄ᬬᬦ᭄‌ᬓᬤᬶᬦᬧᬶ᭞ᬳᬩᭀᬢᬾᬤᬤᬶᬚᬤ᭄ᬫ᭟ᬓ᭄ᬭᬡᬓᭀᬘᬧ᭄ᬭᬶᬂᬢᬸᬢᬸᬭᬾ ᬍᬯᬶᬄ᭞ᬦᬾᬫᬯᬲ᭄ᬢᬤᬗ᭄ᬤᬂᬩᬶᬸᬗᬸᬗ
ᬮᬦ᭄᭞ᬦᬾᬲᬫ᭄ᬧᬸᬦ᭄ᬲᬶᬦᬄᬚᬢᬶᬦᬾ ᭞ᬢᬦ᭄ᬲᬓᬶᬂᬓᬢᬄᬳᬗ᭄ᬓᬸᬄ᭞ᬕᭂᬧᬸᬄᬕᭂᬧᬸᬧᭀᬮᬄᬓᬾᬄᬫᬶᬚᬶᬮ᭄᭞ᬲᬫᬶᬧᬤᬫᬯᬦᭂᬗᬦ᭄᭞ᬓᬤ
[ ᭖᭔ 64A]
ᬤᭀᬲᬦᬶᬧᬸᬦ᭄᭞ᬧᬸᬢᬶᬄᬩᬭᬩᬶᬭᬸᬲᬫᬃ᭞ᬲᬯᬃᬡ᭄ᬦᬦᬾᬯᬢᭂᬲᬾᬓᬭᬶᬗᬶᬯᬗᬶᬦ᭄᭞ᬭᬶᬂᬦᬾᬫᬯᬲ᭄ᬢᬜᬢ᭟ᬳᬦ᭄ᬤᬾᬘᬧᬸᬂᬗᬸᬫ᭄ᬩᬭᬭᬶᬂᬮ
ᬗᬶᬢ᭄᭞ᬬᬦ᭄ᬫᬢᬶᬗ᭄ᬓᬄᬭᬶᬂᬢᬦᬄᬢᬦ᭄ᬢᬦᬄ᭞ᬭᬶᬂᬓᬬᬸᬩᭀᬬᬓᬬᬸᬦᬾ᭞ᬭᬶᬂᬩᬢᬸᬩᭀᬬᬩᬢᬸ᭞ᬭᬶᬂᬧᬭᬶᬕᬶᬩᭀᬬᬧᬭᬶᬕᬶ᭞ᬭᬶᬂᬳᬧᬩᭀᬬ
ᬳᬧ᭞ᬲᬭᬸᬍᬯᬶᬄᬲᬭᬸ᭞ᬢᬶᬗ᭄ᬓᬄᬫᬦᭀᬦᬾᬭᬶᬂᬳᬯᬓ᭄᭞ᬲᬚᬢᬶᬦᬾᬳᬤᬫᬢᬸᬓᬸᬮ᭄ᬭᬶᬂᬳᬢᬶ᭞ᬫᬢᬶᬢᬦ᭄ᬢᬸᬫᬸᬢ᭄ᬧ᭄ᬚᬄ᭟ᬧᬦᭂᬗᭂᬭᬦ᭄ᬲᬂ
ᬧᭀᬮᬶᬄᬲᬚᬢᬶ᭞ᬍᬯᬶᬄᬍᬯᬶᬄᬳᬾᬯᭂᬄᬫᬶᬚᬢ᭄ᬬᬂ᭞ᬩᭀᬬᬲᬓᬶᬂᬓᬰᬓ᭄ᬢ᭄ᬬᬦᬾ᭞ᬩᭀᬬᬲᬓᬶᬂᬧᬗᬯ᭄ᬭᬸᬄ᭞ᬩᭀᬬᬲᬓᬶᬂᬫᬫᬮᬶᬂᬫᬮᬶᬂ᭞ᬩᭀᬬ [ 65 ][ ᭖᭔ 64B]
᭖᭔᭞
ᬲᬓᬶᬂᬓᬤᬶᬭᬦ᭄᭞ᬩᭀᬬᬲᬓᬶᬂᬧᬸᬭᬸᬦ᭄᭞ᬩᭀᬬᬲᬓᬶᬂᬢᬦ᭄ᬧᬲᭀᬫᬄ᭞ᬩᭀᬬᬲᬓᬶᬂᬜᬶᬤ᭄ᬥᬬᬂᬫᬓᬾᬄᬫᬭᬩᬶ᭞ᬧᬸᬦᬶᬓᬧᬶᬗᬶᬢ᭄ᬧᬶᬲ
ᬦ᭄᭟ᬧᬯᬶᬮᬗᬦ᭄‌ᬢᬶᬸᬕᬸᬡᬮᬶᬦᭂᬯᬶᬄ᭞ᬓᬭᬶᬢᭂᬗ᭄ᬕᬂᬬᬾᬦ᭄ᬧᬸᬧᬸᬢ᭄ᬧᬸᬦᬶᬓ᭞ᬓᬭᬶᬓᬫᬸᬭᬦ᭄ᬜᬢᬦᬾ᭞ᬫᬤᬸᬓᬦ᭄ᬳᬮᬳᬬᬸ᭞ᬤᬤᭀᬲ᭄
ᬜᬲᬃᬤᬤᭀᬲ᭄ᬫᭂᬦᭂᬭᬶᬦ᭄᭞ᬓᬭᬶᬓᬾᬄᬧᬲᬶᬫ᭄ᬧᬗᬦ᭄᭞ᬓᬢᬄᬕᬮᬂᬲᭂᬫ᭄ᬧᬸᬢ᭄᭞ᬳᬦ᭄ᬤᬾᬓᬤᬶᬗᬮᬸᬗᬬᬂ᭞ᬗᬸᬗ᭄ᬲᬶᬧᬭᬦ᭄‌ᬓᬾᬲᬄᬳᬾ
ᬲᬓᬶᬂᬧᬮᬶᬗ᭄ᬕᬶᬄ᭞ᬫᬗ᭄ᬤᬾᬦ᭄ᬲᬓᬶᬂᬳᬶᬭᬶᬓ᭟ᬲᬓᬢᬳᬶᬂᬚᬤ᭄ᬫᬲᭀᬭᬶᬂᬮᬗᬶᬢ᭄᭞ᬲᬯᬢᭂᬓᬾᬧᬤᬕᬶᬂᬳᬗ᭄ᬓᬶᬳᬦ᭄᭞ᬫᬶᬯᬄᬤᬕᬶᬂᬫᬢᬦᬾ
[ ᭖᭕ 65A]
᭞ᬲᬦᬤ᭄ᬬᬦ᭄ᬩᬸᬭᭀᬦ᭄‌ᬲ᭄ᬫᬸᬢ᭄᭞ᬫᬶᬯᬄᬳᬲᬶᬂᬓᬸᬢᬸᬦᬶᬂᬕᬸᬫᬶ᭞ᬲᬫ᭄ᬬᬦ᭄ᬫᬫ᭄ᬭᬶᬳᬂ᭞ᬦᬾᬳᬸᬢᬫᬦᭂᬭᬸᬲ᭄᭞ᬲᬦᬾᬢᬦ᭄‌ᬓ᭄ᬦᬶᬳᬶᬦᬸᬘᬧ᭄᭞
ᬗ᭄ᬳᬶᬂᬲᬶᬤ᭄ᬥᬢᬦ᭄ᬲᬶᬤ᭄ᬥᬦᬾᬳ᭄ᬬᬂᬯᬶᬤ᭄ᬥᬶᬳᬸᬦᬶᬂ᭞ᬭᬶᬂᬚᬤ᭄ᬫᬳᬭᬂᬯᬶᬓᬦ᭄᭟ᬓᬢᬸᬢᬸᬭᬦᬾᬓᬮᬶᬦ᭄ᬢᬂᬍᬯᬶᬄ᭞ᬓᭀᬘᬧ᭄ᬲᬦᬾᬢᬦ᭄ᬫᬤᬕᬶᬂᬘ
ᬘᬤ᭄᭞ᬓᬾ ᬚᬭᬶᬂᬲ᭄ᬮᭀᬓᬦ᭄ᬢᬭᬦᬾ᭞ᬲᬦᬾᬲ᭄ᬫᬧᬸᬦ᭄‌ᬓᬲᬸᬫ᭄ᬩᬸᬂ᭞ᬢᬸᬃᬲᬶᬦᭂᬫ᭄ᬩᬄᬫᬢ᭄ᬭᬫᬤᬕᬶᬂ᭞ᬓ᭄ᬤᬶᬓ᭄ᬓᭂᬤᬶᬓᬶᬂᬘᬘᬤ᭄᭞ᬤᬸᬭᬸᬂᬦ᭄ᬭᬸᬲ᭄ᬳᬬᬸ᭞ᬫᬗ᭄ᬤᬭᬶᬂ
ᬚᬤ᭄ᬫᬫᬦᬸᬱᬓ᭄ᬭᬡᬩ᭄ᬘᬶᬓ᭄ᬢᬦ᭄ᬧᬢᬶᬘᬘᬤ᭄ᬘᬘᬤᬶᬦ᭄᭞ᬭᬾᬄᬧᬤᬫᬶᬲᬶᬘᬘᬤ᭄᭞ᬕᬸᬦᬸᬂᬳᬕᭂᬂᬦᬾᬲᬫ᭄ᬧᬸᬦ᭄ᬓᬧᬸᬚᬶ᭞ᬤᬶᬗᬶᬦ᭄ᬲᬗᭂᬢ᭄ᬘᬘᬤᬾ [ 66 ][ ᭖᭕ 65B]
᭖᭕᭞
ᬳᬶᬭᬶᬓ᭞ᬳ᭄ᬬᬂᬲᬹᬃᬬ᭄ᬬᬧᬦᭂᬲ᭄ᬢᬾᬚᬦᬾ᭞ᬳ᭄ᬬᬂᬯᬸᬮᬦ᭄‌ᬫᬾᬲᬶᬩᬸᬗ᭄ᬓᬸᬢ᭄᭞ᬲᬕᬭᬦᬾᬫᬢᭀᬬᬧᬳᬶᬢ᭄᭞ᬲᬂᬳ᭄ᬬᬂᬇᬦ᭄ᬤ᭄ᬭᬘᬧᬮ᭞ᬯᬶᬱ᭄ᬡᬸᬫᬗᬗᭀ
ᬦᬼᬫ᭄ᬩᬸ᭞ᬳ᭄ᬬᬂᬰᬗ᭄ᬓᬭᬦᬶᬮᬓᬡ᭄ᬝ᭞ᬓ᭄ᬦᬶᬯᬶᬱ᭄ᬬᬓᬮᬓᬸᬝᬵᬤᬸᬓᬾᬭᬶᬳᬶᬦ᭄᭞ᬓᬮᬜᬶᬗᬶᬤ᭄ᬫᬦ᭄ᬤᬭ᭟ᬓᬃᬢᬸᬜ᭄ᬚᬸᬂᬧᬶᬦᬶᬄᬍᬯᬶᬄ᭞ᬬᬾᬦ᭄ᬋᬲᭂᬧᬂᬫ
ᬲᬶᬄᬫᬶᬲᬶᬘᬘᬤ᭄᭞ᬭᬾᬄᬲᬓᬶᬂᬮᬢᭂᬓ᭄‌ᬯᬶᬚᬶᬮᬾ᭞ᬘᬦ᭄ᬤᬦᬤᬾᬯᬦ᭄ᬓᬬᬸ᭞ᬕᭀᬯᭀᬓ᭄ᬜᬦᬾᬫᬶᬲᬶᬮᬶᬮᬶᬧᬶ᭞ᬧᬸᬦᬶᬓᬫᬗ᭄ᬤᬾᬘᬘᬤ᭄᭞ᬗᬩᬳ
ᬮᬳᬬᬸ᭞ᬭᬗ᭄ᬓᬸᬂᬲᭂᬗ᭄ᬓᬫᬗᬶᬫ᭄ᬧᬲᬂ᭞ᬦᬶᬜ᭄ᬘᬧ᭄ᬳᬭᬄᬦᬤ᭄ᬬᬦ᭄ᬘᬘᬤ᭄ᬫᬗ᭄ᬤᬾᬓᬶᬤᬶᬓ᭄᭞ᬢᬦ᭄ᬤᬤᬶᬓᬦᬭᬓᬦ᭄᭟᭐᭟ᬧᬸᬧᬸᬄᬧᬸᬘᬸᬂ᭟ᬲ᭄ᬓᬃᬧᬸᬘᬸᬂ᭞ᬲᬫ᭄ᬩᬸ

[ ᭖᭖ 66A]
ᬗᬦ᭄ᬧᬗᬭᬂᬢᬸᬢᬸᬃ᭞ᬦᬸᬭᬸᬢ᭄ᬢᬢ᭄ᬯᬮᬯᬲ᭄᭞ᬦᬾᬫᬗ᭄ᬕᭂᬄᬳᬸᬢᬫᬭᬶᬳᬶᬦ᭄᭞ᬲᬓᬶᬂᬲᬫ᭄ᬧᬸᬦ᭄᭞ᬫᬸᬧᬓᬢ᭄‌ᬧᬭᬧᬡ᭄ᬥᬶᬢ᭟ᬲᬦᬾᬓᬸᬓᬸᬄ᭞ᬫᬦᬸᬭᬸᬢ᭄ᬳᬕ
ᬫᬫᬦᬸ᭞ᬫᬦᬸᬕᬫᬩ᭄ᬭᬳ᭄ᬫ᭞ᬓᭀᬘᬧᬾᬭᬶᬂᬮᬶᬗᬶᬂᬳᬚᬶ᭞ᬗᬫ᭄ᬩᬶᬮ᭄ᬦᬸᬲ᭄ᬢᬸᬲ᭄᭞ᬲᬓᬶᬂᬢᬸᬢᬸᬃᬲ᭄ᬮᭀᬓᬦ᭄ᬢᬭ᭟ᬓᭀᬘᬧᬶᬧᬸᬦ᭄᭞ᬓᬬᭀᬯᬦᬦ᭄ᬭᬸᬧᬩᬕᬸᬲ
᭄᭞ᬧᬸᬦᬶᬓᬢᬦ᭄ᬮᬦ᭞ᬬᬤ᭄ᬬᬦ᭄ᬲᬸᬕᬶᬄᬫᬲ᭄ᬧᬶᬧᬶᬲ᭄᭞ᬩᭀᬬᬳᬯᬾᬢ᭄᭞ᬚᬕᬶᬤᬤᭀᬲ᭄ᬧᬧᬮᬭᬦ᭄᭟ᬫᬮᬶᬳᬶᬧᬸᬦ᭄᭞ᬧᬶᬢᬺᬱ᭄ᬡᬲᬦᬾᬓᬮᬕᬸ᭞
ᬭᬶᬂᬓᬤᬂᬲᬯᬶᬢ᭄ᬭ᭞ᬫᬓᬤᬶᬭᬶᬂᬳᬦᬓ᭄ᬭᬩᬶ᭞ᬢᬍᬃᬩᭀᬬ᭞ᬳᬯᬾᬢ᭄ᬤᬤᭀᬲ᭄‌ᬧᬧᬮᬭ᭟ᬓ᭄ᬭᬡᬲᬸᬮᬸᬓ᭄᭞ᬲᬂᬲᬥᬸᬜᬤ᭄ᬬᬗᬯᬗᬸᬦ᭄᭞ [ 67 ][ ᭖᭖ 66B]
᭖᭖᭞
ᬓᬳᬯᬾᬢ᭄ᬧᬧᬮᬃ᭞ᬧᬸᬦ᭄ᬬᬓᬶᬃᬣᬶᬮᬦ᭄ᬲᬫᬤᬶ᭞ᬢᬧᬩ᭄ᬭᬢ᭞ᬧᬸᬚᬬᭀᬕᬓᬭᬚᭂᬕᬂ᭟ᬧᬸᬦᬶᬸᬮᬦᬶᬧᬸᬦ᭄᭞ᬬᬾᬦ᭄ᬧᬸᬦ᭄ᬬᬤᬦᬓᬯᬗᬸᬦ
᭄᭞ᬧᬫᬍᬲᬶᬂᬤᬾᬯ᭞ᬗᬦᬸᬢ᭄ᬓᬮᬦᬾᬫᬫᬃᬕ᭄ᬕᬶ᭞ᬬᬦ᭄ᬧᬹᬃᬡ᭄ᬦᬫ᭞ᬬᬦ᭄ᬢᬶᬍᬫ᭄ᬦᬶᬯᬓᬂᬧᬸᬦ᭄ᬬ᭟ᬧᬸᬦ᭄ᬬᬲᬢᬸᬧᬮᬦ᭄ᬜᬢᬶᬓᭂᬮ᭄ᬲᬧᬸᬮᬸᬄ᭞ᬬᬦ᭄ᬓᬮᬕᬺ
ᬳᬦ᭞ᬧᬮᬦᬾᬫᬮᬶᬄᬗ᭄ᬮᬂᬓᬸᬗᬶᬦ᭄᭞ᬢᬶᬓᭂᬮ᭄ᬲᬢᬸᬲ᭄᭞ᬧᬸᬦ᭄ᬬᬦᬾᬲᬦᬾᬲᬦᬸᬗ᭄ᬕᬮ᭄᭟ᬬᬾᬦ᭄ᬫᬦᬸᬚᬸ᭞ᬓᬦ᭄ᬬᬕᬦ᭄ᬢᬓᬮᬦᬶᬧᬸᬦ᭄᭞ᬲᬂ
ᬲᬥᬸᬫᬧᬸᬦ᭄ᬬ᭞ᬢᬶᬓᭂᬮ᭄ᬲᬾᬯᬸᬦᬾᬳᬲᬶᬓᬶ᭞ᬧᬮᬦᬶᬧᬸᬦ᭄᭞ᬧᬫᬍᬲᬾᬲᬓᬶᬂᬤᬾᬯ᭟ᬬᬦ᭄ᬭᬶᬂᬦᬸᬚᬸ᭞ᬬᬸᬕᬦ᭄ᬢᬓᬮᬲᬂᬲᬥᬸ᭞ᬫᬲᬂᬤᬦ
[ ᭖᭗ 67A]
ᬧᬸᬦ᭄ᬬ᭞ᬧᬮᬦᬾᬓᬭᬗ᭄ᬓᬸᬂᬍᬯᬶᬄ᭞ᬢᬦ᭄ᬧᬯᬢᭂᬲ᭄᭞ᬧᬮᬦᬶᬂᬧᬸᬦ᭄ᬬᬲᬦᬸᬗ᭄ᬕᬮ᭄᭟ᬫᬮᬶᬄᬳᬶᬧᬸᬦ᭄᭞ᬬᬦ᭄ᬳᬦ᭄ᬢᬭᬓᬮᬦᬶᬧᬸᬦ᭄᭞ᬢᬦ᭄ᬢᬶᬍ
ᬫ᭄ᬧᬹᬃᬡ᭄ᬦᬫ᭞ᬫᬶᬯᬄᬢᬦ᭄ᬩᬲᬸᬯᬓ᭄ᬭᬦ᭄ᬢᬶ᭞ᬦ᭄ᬤᬢᬦ᭄ᬓᬦ᭄ᬬ᭞ᬕᬦ᭄ᬢᬢᬦ᭄‌ᬬᬸᬕᬦ᭄ᬢᬓᬮ᭟ᬫᬲᬦᬶᬧᬸᬦ᭄᭞ᬗ᭄ᬕᭂᬮᬭᬂᬧᬸᬦ᭄ᬬᬲᬂᬲᬥᬸ᭞ᬢᬸᬗ᭄ᬕᬮ᭄ᬫᬸᬮᬸᬄᬢᬸᬗ᭄ᬕ
ᬕ᭄᭞ᬬᬦ᭄ᬧᬸᬦ᭄ᬬᬭᬶᬂᬓᬤᬂᬳᬚᬶ᭞ᬧᬸᬦ᭄ᬬᬢᬸᬗ᭄ᬕᬮ᭄᭞ᬧᬸᬮᬦᬾᬢᬶᬓᭂᬮ᭄ᬲᬧᬶᬲᬦ᭄᭟ᬬᬦ᭄ᬲᬲᬥᬸ᭞ᬫᬸᬦ᭄ᬬᬳᬶᬦ᭄‌ᬩ᭄ᬭᬳ᭄ᬫᬡᬯᬶᬓᬸ᭞ᬧᬸᬦ᭄ᬬᬦᬾ
ᬲᬢᬸᬗ᭄ᬕᬮ᭄᭞ᬢᬶᬓᭂᬮ᭄ᬲᬾᬯᬸᬧᬮᬦᬾ ᬓᬶ᭞ᬬᬦ᭄ᬫᬸᬦ᭄ᬬᬳᬶᬦ᭄᭞ᬩ᭄ᬭᬳ᭄ᬫᬡᬲᬶᬤ᭄ᬥᬶᬧᬡ᭄ᬥᬶᬢ᭟ᬦᬧᬶᬫᬮᬶᬄ᭞ᬬᬾᬦ᭄ᬤᬾᬯᬧᬭᬕᬲᬫ᭄ᬧᬸᬦ᭄᭞ᬧᬸ [ 68 ][ ᭖᭗ 67B]
᭖᭗᭞
ᬦ᭄ᬬᬦᬾᬲᬦᬸᬗ᭄ᬕᬮ᭄᭞ᬢᬦ᭄ᬧᬯᬢᭂᬲ᭄ᬧᬮᬦᬾᬓᬶ᭞ᬲᬓᬶᬂᬲᬫ᭄ᬧᬸᬦ᭄᭞ᬓᭀᬚᬭᬦ᭄ᬰᬲ᭄ᬢ᭄ᬭᬳᬸᬢᬫ᭟ᬓᬦ᭄ᬤᬦᬶᬧᬸᬦ᭄᭞ᬢᬶᬗ᭄ᬓᬄᬤᬦᬦᬾ
ᬓᬯᬗᬸᬦ᭄᭞ᬗᬗ᭄ᬕᭀᬦᬶᬱ᭄ᬝᬫᬥ᭄ᬬ᭞ᬬᬦ᭄ᬫᬯᬾᬄᬢ᭄ᬯᬓ᭄ᬳᬸᬮᬫ᭄ᬦᬲᬶ᭞ᬲᬃᬯ᭄ᬯᬧᬗᬦ᭄᭞ᬓᬯᬲ᭄ᬢᬦᬦ᭄ᬤᬦᬦᬶᬱ᭄ᬝ᭟ᬫᬯᬾᬄᬓᬫ᭄ᬧᬸᬄ᭞ᬯᬲ᭄ᬢ᭄ᬭᬲᬃᬯ᭄ᬯ
ᬳᬮᬸᬲ᭄ᬳᬮᬸᬲ᭄᭞ᬫᬶᬯᬄᬲᬤᬦᬬᬂ᭞ᬫᬲ᭄ᬧ᭄ᬮᬓᬮᬦᬤ᭄ᬬᬦ᭄ᬧᬶᬧᬶᬲ᭄᭞ᬦᬾᬧᬸᬦᬶᬓ᭞ᬓᬯᬲ᭄ᬢᬦᬦ᭄ᬤᬦᬫᬥ᭄ᬬ᭟ᬫᬮᬶᬳᬶᬧᬸᬦ᭄᭞ᬬᬦ᭄ᬫ
ᬯᬾᬳᬂᬳᬦᬓ᭄ᬳᭂᬮᬸᬄ᭞ᬢᬸᬧᬦᬓᬾᬤᬳ᭞ᬧᬸᬦᬶᬓᬦᬾᬧᬶᬦᬶᬄᬍᬯᬶᬄ᭞ᬓᬯᬲ᭄ᬢᬦᬦ᭄᭞ᬳᬶᬓᬳᬸᬢᬫᬦᬶᬂᬤᬦ᭟ᬫᬯᬾᬄᬢᬸᬢᬸᬃ᭞ᬓᬾᬚ

[ ᭖᭘ 68A]
ᬭᬦ᭄ᬰᬲ᭄ᬢ᭄ᬭᬭᬳᬬᬸ᭞ᬓᬳᬚᬳᬶᬦ᭄ᬥᬃᬫ᭄ᬫ᭞ᬳᬦ᭄ᬢᬸᬓ᭄ᬲᬂᬧᬡ᭄ᬥᬶᬢᬍᬯᬶᬄ᭞ᬧᬭᬦᬶᬧᬸᬦ᭄᭞ᬗᬲᭀᬭᬂᬤᬦᬲᬫ᭄ᬬᬦ᭄᭟ᬫᬮᬶᬳᬶᬧᬸᬦ᭄᭞ᬩᬸᬤᬶ
ᬦᬾᬓᬶᬦᬗ᭄ᬓᭂᬦ᭄ᬧᬢᬸᬢ᭄᭞ᬭᬶᬓᬮᬫᬧᬸᬦ᭄ᬬ᭞ᬓᬾᬯᬮᬩᬸᬤᬶᬫᬳ᭄ᬦᬶᬂ᭞ᬳᬦ᭄ᬓᬢᬫᬦ᭄᭞ᬢᬮᬸᬢᬸᬄᬢᬦ᭄ᬲᬸᬓ᭟ᬧᬸᬦ᭄ᬬᬦᬶᬧᬸᬦ᭄᭞ᬬᬤ᭄ᬬᬦ᭄ᬓᬶ
ᬤᬶᬓ᭄‌ᬬᬦ᭄ᬫᬦᬸᬭᬸᬢ᭄᭞ᬫᬦᬄᬓᬭᬳᬬ᭄ᬯᬦ᭄᭞ᬧᬸᬦᬶᬓᬧᬮᬦᬾᬍᬯᬶᬄ᭞ᬫᬦᬄᬮᬶᬮ᭞ᬭᬳᬬᬸᬫᬕᬯᬾᬧᬮ᭟ᬬᬤᬶᬦ᭄ᬮ᭄ᬬ᭞ᬧᬸᬦ᭄ᬬᬦᬾᬬᬦ᭄ᬦᭀ
ᬭᬫᬦᬸᬢ᭄᭞ᬫᬦᬄᬓᬭᬳᬬ᭄ᬯᬦ᭄᭞ᬳᬸᬧᬫᬶᬧᬤᬂᬢᬸᬄᬕᬭᬶᬂ᭞ᬓᬳᬶᬩᬦᬦ᭄᭞ᬕ᭄ᬦᬶᬦᬾ ᬓᬤᬶᬓᬸᬓᬸᬦᬂ᭟ᬧ᭄ᬤᬲ᭄ᬧᬸᬳᬸᬦ᭄᭞ᬤᬤᬶᬳᬯᬸᬢᬦ᭄ᬧ [ 69 ][ ᭖᭘ 68B]
᭖᭘᭞
ᬳᬦ᭄ᬢᬸᬓ᭄᭞ᬓ᭄ᬭᬡᬲᬫᬧᬸᬦ᭄ᬬ᭞ᬗᬮᬗ᭄ᬕᭂᬗᬂᬩᬸᬤᬶᬲᬸᬘᬶ᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄᭞ᬳᬶᬘᬮ᭄ᬧᬮᬦᬶᬂᬲᬤᬦ᭟ᬫᬮᬶᬳᬶᬧᬸᬦ᭄᭞ᬢᬶᬗ᭄ᬓᬄᬓᬶᬃᬣᬶ
ᬦᬾᬓᬯᬗᬸᬦ᭄᭞ᬤᬤᬲᬭᬾ ᬢᬸᬗ᭄ᬕᬮ᭄᭞ᬫᬢᬢᬓᬦ᭄ᬩᬸᬤᬶᬲᬸᬘᬶᬓᬤᬶᬢᬸᬢᬸᬃ᭞ᬓᭀᬘᬧ᭄ᬭᬶᬂᬕᬋᬧ᭄ᬧᬸᬦᬶᬓ᭟ᬲᬾᬫᬾᬃᬲᬢᬸᬲ᭄᭞ᬬᬾᬦ᭄ᬓᬃ
ᬤ᭄ᬬᬂᬧᬮᬦᬶᬧᬸᬦ᭄᭞ᬧᬸᬦᬶᬓᬓᬲᭀᬭᬦ᭄᭞ᬭᬶᬂᬧᬮᬦ᭄‌ᬢ᭄ᬮᬕᬳᬲᬶᬓᬶ᭞ᬢ᭄ᬮᬕᬲᬢᬸᬲ᭄᭞ᬓᬲᭀᬃᬤᬾᬦᬶᬂᬬᬚ᭄ᬜᬧᬶᬲᬦ᭄᭞ᬬᬚ᭄ᬜᬲ
ᬢᬸᬃ᭞ᬓᬲᭀᬃᬤᬾᬦᬶᬂᬧᬸᬢ᭄ᬭᬲᬢᬸ᭞ᬬᬦ᭄ᬧᬸᬢ᭄ᬭᬯᬶᬱᬾᬰ᭞ᬕᬶᬸᬧᬕᭂᬄᬭᬶᬂᬬᭀᬕᬲᬫᬥᬶ᭞ᬫᬶᬯᬄᬲᬸᬮᬸᬓ᭄᭞ᬗᬯᬗᬸᬦᬂᬢᬧᬩ᭄ᬭᬢ
[ ᭖᭙ 69A]
᭖᭙᭞
ᬧᬸᬢ᭄ᬭᬲᬢᬸᬲ᭄᭞ᬓᬲᭀᬃᬳᬶᬓᬧᬮᬦᬶᬧᬸᬦ᭄᭞ᬭᬶᬂᬩ᭄ᬭᬢᬓᬲᬢ᭄ᬬᬦ᭄᭞ᬩ᭄ᬭᬢᬲᬢ᭄ᬬᬧᬶᬦᬶᬄᬗᬯᬶᬄ᭞ᬦᬤ᭄ᬬᬦ᭄ᬳᬶᬲ᭄ᬢ᭄ᬭᬶ᭞ᬳᬸᬢᬫᬦᬾᬲ
ᬢ᭄ᬬᬩ᭄ᬭᬢ᭟ᬩ᭄ᬭᬢᬮ᭄ᬬᬸ᭞ᬗ᭄ᬳᬶᬂᬓᬲᬢ᭄ᬬᬦ᭄‌ᬍᬯᬶᬳᬶᬧᬸᬦ᭄᭞ᬲᬦᬤ᭄ᬬᬦ᭄ᬓᬧᬧᬦ᭄᭞ᬓᬮ᭄ᬯᬶᬳᬦ᭄ᬧᬶᬦᬶᬄᬍᬯᬶᬄ᭞ᬓ᭄ᬭᬡᬓᬸᬓᬸᬄ᭞ᬲᬂᬲᬥᬸᬗᭂᬫ
ᬮ᭄ᬓᬲᬢ᭄ᬬᬦ᭄᭟ᬧᬧᬦᬶᬧᬸᬦ᭄᭞ᬬᬦ᭄ᬮᬶᬜᭀᬓ᭄ᬭᬶᬂᬲᬢᭀᬳᬲᬸ᭞ᬳᬤᬲᬢᬳᬸᬦ᭄ᬜ᭞ᬮᬶᬜᭀᬓ᭄ᬭᬶᬂᬚᬤ᭄ᬫᬫᬫᬗ᭄ᬕᬶᬄ᭞ᬲᬢᬸᬲ᭄ᬢᬳᬸᬦ᭄᭞ᬧᬧᬓᬶᬦᬾ
ᬮᬭᬶᬂᬓᬯᬄ᭟ᬲᬾ ᬯᬸᬢᬳᬸᬦ᭄᭞ᬧᬧᬦᬾᬮᬶᬜᭀᬓ᭄ᬭᬶᬂᬭᬢᬸᬧᬧᬢᬦ᭄ᬧᬳᬶᬗᬦ᭄᭞ᬮᬶᬜᭀᬓ᭄ᬭᬧᬡ᭄ᬥᬶᬢᬍᬯᬶᬄ᭞ᬲᬫᬶᬦᬶᬧᬸᬦ᭄᭞ᬧᬧ [ 70 ][ ᭖᭙ 69B]
᭖᭙᭞
ᬦᬾᬮᬶᬜᭀᬓ᭄ᬭᬶᬂᬤᬾᬯ᭟ᬯᬾᬦᬵᬢᭂᬦ᭄ᬫᬗ᭄ᬕᬸᬄ᭞ᬳᬸᬚᬃᬮᬶᬜᭀᬓ᭄ᬢᬦ᭄ᬫᬫᬗ᭄ᬕᬸᬄ᭞ᬧᬧᬦᬶᬂᬤᬤᬶᬯ᭄ᬯᬂ᭞ᬧᬜ᭄ᬘᬦ᭄ᬋᬢᬯᬲ᭄ᬢᬦᬾᬓᬶ᭞ᬓᬧᬶᬲᬦᬾ᭞ᬭᬶ
ᬓᬮᬦᬶᬂᬫᬗᭀᬢ᭄ᬲᬯ᭟ᬓᬮᬶᬳᬶᬧᬸᬦ᭄᭞ᬓᬮᬦᬶᬂᬫᬦᭀᬫᬄᬯᬥᬸ᭞ᬲᬦᬾᬓᬧᬶᬂᬢᬶᬕ᭞ᬳᬸᬚᬭᬶᬂᬳᬋᬧ᭄ᬫᬳᬸᬭᬶᬧ᭄᭞ᬓᬧᬶᬂᬧᬢᬾ᭞
ᬳᬸᬚᬃᬓᬭᬓ᭄ᬱᬦᬶᬂᬯᬶᬢ᭟ᬕ᭄ᬦᭂᬧᬶᬧᬸᬦ᭄᭞ᬓᬧᬶᬂᬮᬶᬫᬦᬾ ᬫᬸᬗ᭄ᬕᬸᬄ᭞ᬓᬮᬦᬶᬂᬕᬸᬕᬸᬬ᭄ᬯᬦ᭄᭞ᬬᬦ᭄ᬮ᭄ᬬᬦ᭄ᬲᬓᬶᬂᬧᬸᬦᬶᬓᬶ᭞ᬳᬸᬚᬃᬳᬤ᭄ᬯ᭞ᬢᬦ᭄ᬯᬸᬭᬸᬂ
ᬫᬫᬗ᭄ᬕᬶᬄᬧᬧ᭟ᬢᬫ᭄ᬧᬾᬦᬶᬧᬸᬦ᭄᭞ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄ᬲᬮᬂᬲᬸᬭᬸᬧ᭄᭞ᬗᬯᬲ᭄ᬢᬦᬶᬦ᭄ᬤᬤ᭄ᬯ᭞ᬋᬋᬳᬂᬧᬫᬦ᭄ᬢᭂᬲ᭄ᬫᬮᬶᬄ᭞ᬭᬶᬂᬓᭀᬚᬭᬦ᭄
[ ᭗᭐ 70A]
᭞ᬳᬚᬶᬲ᭄ᬭᬲᬫ᭄ᬯᬲᬬ᭟᭐᭟ᬧᬸᬧᬸᬄᬤᬗ᭄ᬤᬂ᭟ᬧᬲᬮᬶᬦᬾᬲᬗᬶᬮᬂᬫᬲᬮᬶᬦ᭄᭞ᬲᬲᬫ᭄ᬧᬸᬦᬾᬜᬘᬓ᭄‌ᬢᭂᬫ᭄ᬩᬂᬢᭂᬫ᭄ᬩᬂ᭞ᬓᬾᬯᬮᬤᬗ᭄ᬤᬂᬕᬸ
ᬮᬦᬾ᭞ᬫᬢᬶᬫ᭄ᬩᬮ᭄ᬢᬸᬫ᭄ᬩᬮ᭄ᬧᬸᬬᬸᬂ᭞ᬧᬗ᭄ᬮᬦ᭄ᬢᬸᬭᬾᬢᭂᬫ᭄ᬩᬂᬓᬓᬮᬶᬄ᭞ᬳᬗ᭄ᬕᬾᬦᬵᬜᬫ᭄ᬩᬸᬂᬫᬜᬫ᭄ᬩᬸᬗᬂ᭞ᬓᬓ᭄ᬢᬸᬲᬦ᭄ᬢᬸᬢᬸᬃ᭞ᬧᭀᬮᬶᬳᬾᬦᬸᬧ᭄ᬢᬸᬧ᭄ᬦᬸᬧ᭄ᬢᬸᬧᬂ᭞
ᬘᬘᬭᬗᬦ᭄ᬲᬓᬶᬂᬳᬕᬫᬓᬭᬶᬳᬶᬦ᭄᭞᭄ᬕ?ᬦ᭄ᬢᬫ᭄ᬩᬩ᭄ᬬᬧᬭ᭞ᬓᭀᬘᬧ᭄ᬭᬾᬓᬭᬶᬂᬢᬸᬢᬸᬭᬾᬫᬯᬶᬢ᭄᭞ᬦᬾᬫᬯᬲ᭄ᬢᬲᬭᬲᬫ᭄ᬯᬘᬬ
᭞ᬩᬯᭀᬲ᭄ᬪᬕᬯᬵᬦ᭄‌ᬩ᭄ᬬᬲᬦᬾ ᭞ᬧᬸᬦᬶᬓᬦᬾ ᬓᬲᬸᬫ᭄ᬩᬸᬂ᭞ᬳᬦ᭄ᬢᬸᬓ᭄ᬧᬭᬧᬡ᭄ᬥᬶᬢᬲᬫᬶ᭞ᬧᬤᬫᬸᬚᬶᬗᬲ᭄ᬢᬯ᭞ᬭᬶᬤᬶᬩ᭄ᬬᬦᬶᬂᬢᬸᬢᬸᬃ᭞ᬧᬸᬦᬶ [ 71 ][ ᭗᭐ 70B]
᭗᭐᭞
ᬓᬧᬢᬸᬢ᭄ᬳᬾ ᬮᬶᬗᬂ᭞ᬲᬓᬢᬳᬾᬫᬦᬸᬱᬧᬤᬗ᭄ᬮᬓᭀᬦᬶᬦ᭄᭞ᬢᬸᬤᬸᬄᬳᬕᬫᬩ᭄ᬭᬳ᭄ᬫ᭟ᬓᬦ᭄ᬤᬦᬶᬧ᭄‌ᬦᬾᬫᬗ᭄ᬓᬶᬦ᭄ᬯᬶᬯᬶᬢᬶᬦ᭄᭞ᬫᬧ
ᬭᬄᬧᬢ᭄ᬤᬤᬶᬘᬢᬸᬃᬚᬤ᭄ᬫ᭞ᬚᬤ᭄ᬫᬧᬢᬂᬧᬂᬢᬶᬸᬓᬢ᭄‌ᬋᬓᬾ᭞ᬩ᭄ᬭᬳ᭄ᬫᬡᬬᬂᬓᬲᬢᬸ᭞ᬓ᭄ᬱᬢ᭄ᬭ᭄ᬬᬦᬾᬭᬶᬂᬓᬧᬶᬂᬓᬮᬶᬄ᭞ᬭᬶᬂᬯᬾᬱ᭄ᬬᬓᬧᬶᬂᬢᬶᬕ᭞ᬢ᭄ᬭᬶ
ᬯᬗ᭄ᬰᬓᬯᬸᬯᬸᬲ᭄᭞ᬫᬓᬢᬶᬓᬂᬲᬶᬓᬶᬫᬧᬭᬩ᭄‌ᬤ᭄ᬯᬶᬚᬢᬶ᭞ᬭᬾᬄᬯ᭄ᬦᬂᬲᬶᬦᬂᬲ᭄ᬓᬭᬦ᭄᭟ᬧᬦᬸᬢᬸᬕᬾᬲᬸᬢ᭄ᬭᬶᬸᬤ᭄ᬭᬧᬶᬧᬢ᭄ᬦᬾᬓᬶ᭞ᬳᬾᬓᬚᬢᬶᬓᬂ
ᬓᬤᬶᬧᬸᬦᬶᬓ᭞ᬢᬦ᭄ᬤᬤᬶᬧᬲᬂᬲ᭄ᬓᬭ᭞ᬧᬸᬦᬶᬓᬓᬦ᭄ᬤᬦᬶᬧᬸᬦ᭄᭞ᬘᬢᬸᬃᬚᬤ᭄ᬫᬓᭀᬚᬭᬶᬂᬳᬚᬶ᭞ᬦᬗ᭄ᬳᬶᬂᬫᬮᬶᬄᬋᬋᬳᬂᬢᬢ᭄ᬭᬗᬦᬶᬧᬸᬦ᭄
[ ᭗᭑ 71A]
᭞ᬮᬶᬗᬶᬂᬪᬸᬯᬦᬧᬸᬭᬡ᭞ᬲᬳᬶᬂᬓ᭄ᬘᬧ᭄‌ᬪᬝᬵᬭᬰᬶᬯᬦᬾᬭᬶᬳᬶᬦ᭄᭞ᬭᬶᬪᬕᬯᬵᬦ᭄ᬯᬰᬶᬲ᭄ᬢ᭟ᬲᬦᬾᬫᬗ᭄ᬓᬶᬦ᭄‌ᬓᬾᬯᬮᬫᬶᬗᭂᬢᬶᬦ᭄᭞ᬮᬶ
ᬗᬶᬂᬢᬸᬢᬸᬃᬲᬭᬲ᭄ᬫ᭄ᬯᬘᬬ᭞ᬮᬮᬓᭀᬦ᭄ᬘᬢᬸᬃᬚᬤ᭄ᬫᬦᬾ᭞ᬲᬦᬾᬧᬢᬸᬢ᭄ᬓᬕᬸᬕᬸ᭞ᬲᬂᬭᬸᬫᬕᬩ᭄ᬭᬳ᭄ᬫᬡᬍᬯᬶᬄ᭞ᬫᬗᬚᬶᬫᬲᬭᬢᬦ᭄᭞ᬳᬬᬚ᭄ᬜ
ᬓᬯᬗᬸᬦ᭄᭞ᬫᬶᬯᬄᬫᬯᬾᬄᬤᬦᬧᬸᬦ᭄ᬬ᭞ᬫᬦᭂᬍᬩᬂᬫᬢᬶᬢᬂᬫᬳᬢᬶᬲᬸᬘᬶ᭞ᬫᬶᬯᬄᬫᬯᬭᬄᬯᬭᬄ᭟ᬫᬓᬤᬶᬦᬾᬮᬓᬸᬗᬯᬶᬓᭀᬦᬶᬦ᭄᭞ᬲᬫ
ᬮᬶᬳᬾᬦᬗ᭄ᬕᬧ᭄ᬤᬦᬧᬸᬦ᭄ᬬ᭞ᬧᬸᬦᬶᬓᬶᬫᬮᬶᬄᬳᬸᬮᬳᬾ᭞ᬭᬶᬂᬲᬂᬩ᭄ᬭᬳ᭄ᬫᬡᬫᬸᬗ᭄ᬕᬄ᭞ᬩ᭄ᬭᬢᬭᭀᬯ᭄ᬮᬲ᭄ᬘᬘᬓᬦᬾᬓᬶ᭞ᬓᬧᬶᬲᬦ᭄ᬫᬤᬦ᭄ᬥᬃᬫ᭄ᬫ᭟ᬲᬢ᭄ᬬᬧᬶᬂ [ 72 ][ ᭗᭑ 71B]
᭗᭑᭞
ᬭᭀᬦᬶᬧᬸᬦ᭄᭞ᬢᬧᬦᬾᬭᬶᬂᬓᬧᬶᬂᬢᬶᬕ᭞ᬓᬧᬶᬂᬧᬢᬾᬤᬦᬓᬧᬶᬂᬮᬶᬫᬫᬮᬶᬄ᭞ᬫᬤᬦ᭄ᬯᬶᬦᬢ᭄ᬲᬭᬶᬢ᭄ᬯ᭟ᬓᬧᬶᬦᭂᬫᬾᬓᬯᬲ᭄ᬢᬦᬦ᭄
ᬳ᭄ᬭᬶᬄ᭞ᬓᬧᬶᬂᬧᬶᬢᬸᬦᬾᬫᬤᬦ᭄‌ᬢᬶᬢᬶᬓ᭄ᬱ᭞ᬳᬦᬲᬸᬬᬧᬶᬂᬓᬸᬢᬸᬲᬾ᭞ᬬᬚ᭄ᬜᬧᬶᬂᬲ᭄ᬬᬦᬶᬧᬸᬦ᭄᭞ᬓᬧᬶᬂᬤᬰᬤᬦᬲᬫᬮᬶᬄ᭞ᬤᬺᬢᬶᬦᬾᬓ
ᬧᬶᬂᬲᬯ᭄ᬮᬲ᭄᭞ᬓ᭄ᬱᬫᬭᭀᬯ᭄ᬮᬲᬶᬧᬸᬦ᭄᭞ᬫᬗ᭄ᬓᬶᬦ᭄ᬫᬮᬶᬄᬧᬶᬤᬃᬣᬬᬂ᭞ᬲᬘᬓᬓᬾᬢ᭄ᬭᬗᬾᬲᬲᬶᬓᬶᬲᬶᬓᬶ᭞ᬥᬃᬫ᭄ᬫᬲᬫ᭄ᬧᬸᬦ᭄‌ᬧᭀᬧᭀᬮᭀᬲ
ᬦ᭄᭟ᬲᬢ᭄ᬬᬧᬕᭂᬄᬳᬃᬣᬶᬦᬾᬧᬸᬦᬶᬓᬶ᭞ᬮᬧᬶᬳᬾᬭᬦ᭄ᬫᬦᬄᬫᬤᬦ᭄ᬢᬧ᭞ᬦᬾᬓᬸᬭᬂᬓᬯᬶᬥ᭄ᬬᬦᬾ ᭞ᬦᬾᬤᬦᬯᬲ᭄ᬢᬦᬶᬧᬸᬦ᭄᭞ᬓᬲᬫᬧ᭄ᬢ
[ ᭗᭒ 72A]
ᬦ᭄ᬫᬤᬕᬶᬂᬳᬾᬮᬶᬂ᭞ᬲᬦᬾ ᬯᬶᬫᬢ᭄ᬲᬭᬶᬢ᭄ᬯ᭞ᬢᬦ᭄ᬳᬶᬭᬶᬭᬶᬂᬓᬳ᭄ᬬᬸᬦ᭄᭞ᬳ᭄ᬭᬶᬳᬾᬫᬯᬲ᭄ᬢᬳᬶᬭᬂ᭞ᬲᬦᬾᬧᬢᬸᬢ᭄ᬯᬶᬭᬗᬂᬲᬫ᭄ᬬᬦ᭄ᬳᬸᬦᬶᬂ᭞ᬢᬶᬢᬶ
ᬓ᭄ᬱᬢᬦ᭄‌ᬕᭂᬂᬓ᭄ᬭᬵᬥ᭟ᬳᬦᬲᬸᬬᬦᭀᬭᬤᭀᬲᬕ᭄ᬭᬳᬶ᭞ᬫᬤᬦ᭄‌ᬬᬤ᭄ᬜᬓᬢᬼᬩ᭄ᬫᬧᬸᬚ᭞ᬤᬦᬦᬾᬫᬯᬾᬄᬧᬸᬦ᭄ᬬᬦᬾ᭞ᬦᬾᬤᬺᬢᬶᬯᬲ᭄ᬢ
ᬦᬶᬧᬸᬦ᭄᭞ᬓᬲᬶᬤ᭄ᬥᬦᬶᬂᬫᬫᬗ᭄ᬕᬶᬄᬳ᭄ᬦᬶᬂ᭞ᬓ᭄ᬱᬫᬗᬭᬦᬶᬂᬓ᭄ᬮᬦ᭄᭞ᬓ᭄ᬮᬦ᭄ᬯᬲ᭄ᬢᬦᬶᬧᬸᬦ᭄᭞ᬧᬕᭂᬄᬦᬭᬶᬫᬲᬢᬶᬢᬄ᭞ᬳᭀᬭᬫᬸᬦ᭄ᬤᬸᬂᬗᬸᬓᬸᬳᬧᬗ᭄ᬕ
ᬯᬾᬩ᭄ᬘᬶᬓ᭄᭞ᬳᬶᬓᬩ᭄ᬭᬢᬦ᭄‌ᬩ᭄ᬭᬳ᭄ᬫᬡ᭟ᬫᬮᬶᬄᬳᬸᬮᬳᬶᬂᬓ᭄ᬱᬢ᭄ᬭ᭄ᬬᬍᬯᬶᬄ᭞ᬢ᭄ᬳᭂᬃᬫᬮᬚᬳᬶᬦ᭄ᬲᬂᬳ᭄ᬬᬂᬯᬾᬤ᭄ᬥ᭞ᬧᬕᭂᬄᬫᬕ᭄ᬦᬶᬳᭀᬃᬢᬦᬾ᭞ᬫᬕᬯᬾ [ 73 ][ ᭗᭒ 72B]
᭗᭒᭞
ᬬᬚ᭄ᬜᬧᬸᬢᬸᬲ᭄᭞ᬗ᭄ᬭᬓ᭄ᬱᬚᬕᬢ᭄ᬫᬶᬯᬄᬦᬕᬭᬶ᭞ᬧᬭᬶᬓ᭄ᬱᬭᬶᬂᬲᬯᬤ᭄ᬯ᭞ᬗᬃᬥᬶᬓᬭᬳᬬ᭄ᬯᬦ᭄᭞ᬭᬶᬂᬲᬯᭂᬓ᭄‌ᬓᬸᬮᬕᭀᬢ᭄ᬭ᭞ᬫᬓ
ᬤᬶᬦᬾᬗᬯᬾᬳᬂᬤᬦᬲᬫᬮᬶᬄ᭞ᬥᬃᬫ᭄ᬫᬦᬶᬂᬓ᭄ᬱᬢ᭄ᬭ᭄ᬬ᭞ᬫᬶᬯᬄᬳᬸᬮᬢᬶᬂᬯᬾᬱ᭄ᬬᬲᬫᬮᬶᬄ᭞ᬫᬸᬭᬸᬓ᭄ᬭᬶᬂᬲᬂᬩ᭄ᬭᬳ᭄ᬫᬡᬓ᭄ᬱᬢ᭄ᬭ᭄ᬬ᭞ᬯᬶᬸᬫᬶᬯᬄᬗ᭄ᬕᭂᬮᬭᬂᬧᬸ
ᬦᬸᬦᬾ᭞ᬓᬮᬦ᭄ᬤᬶᬯᬲᬳᬬᬸ᭞ᬫᬶᬯᬄᬫᬸᬚᬭᬶᬂᬳ᭄ᬬᬂᬢ᭄ᬭᬶᬳᬕ᭄ᬦᬶ᭞ᬫᬶᬯᬄᬫᬤᬸᬫ᭄ᬤᬸᬫᬦ᭄᭞ᬭᬶᬂᬲᬯᬢᭂᬓᬶᬧᬸᬦ᭄᭞ᬧᬸᬦᬶᬓᬩ᭄ᬭᬢᬦᬶᬂᬯᬾᬱ᭄ᬬ
᭟ᬲᬓᬶᬂᬩ᭄ᬭᬯᭀᬲ᭄ᬪᬕᬯᬦ᭄‌ᬩ᭄ᬬᬲᬦᬾᬭᬶᬳᬶᬦ᭄᭞ᬭᬶᬂᬲᬭᬲᬫ᭄ᬯᬘᬬ᭟ᬳᬸᬮᬄᬲᬸᬤ᭄ᬭᬦᬾᬳᬸᬗ᭄ᬕᬸᬳᬂᬫᬮᬶᬄ᭞ᬪᬓ᭄ᬢᬶᬲᬸᬫᬾᬯᬭᬶᬂᬲᬂᬩ᭄ᬭ
[ ᭗᭓ 73A]
ᬳ᭄ᬫᬡ᭞ᬫᬶᬯᬄᬭᬶᬂᬓ᭄ᬱᬢ᭄ᬭ᭄ᬬᬯᬾᬱ᭄ᬬᬦᬾ ᭞ᬧᬸᬦᬶᬓᬦᬾᬓᬕᬸᬕᬸ᭞ᬫᬗ᭄ᬤᬦ᭄ᬧᬭᬶᬢᬸᬱ᭄ᬝᬲᬢ᭄ᬭᬶᬦᬶ᭞ᬳᭀᬮᬶᬄᬜᬫᬦᬾᬯᬓ᭞ᬳᬶᬮᬧᬧᬦᬶ
ᬧᬸᬦ᭄᭞ᬫᬤᬦ᭄ᬲᬫ᭄ᬧᬸᬦ᭄‌ᬲᬶᬤ᭄ᬥᬓᬃᬬ᭄ᬬ᭞ᬩ᭄ᬭᬢᬦ᭄ᬲᬸᬤ᭄ᬭᬳᬸᬘᬧᬦ᭄‌ᬯᬦ᭄ᬢᬄᬳᬓᬶᬤᬶᬓ᭄᭞ᬜᬾᬯᬓᬭᬶᬂᬢ᭄ᬭᬶᬯᬗ᭄ᬲ᭟᭐᭟ᬧᬸᬧᬸᬄᬧᬸᬘᬸᬂ᭟ᬫᬘᬶᬸᬮᬶᬄ
ᬧᬸᬘᬸᬂ᭞ᬧᬲᬮᬶᬦᬾᬯᬦ᭄ᬢᬸᬦ᭄ᬯᬦ᭄ᬢᬸᬦ᭄᭞ᬗᬮᬦ᭄ᬢᬸᬭᬂᬓᬦ᭄ᬢᬸᬭᬂᬓᬦ᭄ᬤ᭞ᬲᬓᬶᬂᬓᭀᬚᬭᬶᬂᬳᬚᬶ᭞ᬜᬫ᭄ᬩᭂᬢ᭄ᬜᬫ᭄ᬩᬸᬂ᭞ᬢᬸᬢᬸᬃᬪᬸᬯᬦᬧᬸᬭᬡ᭟ᬚᬤ᭄ᬫᬘᬢᬸᬃ᭞ᬘᬢᬸᬃᬧ
ᬧᬢ᭄ᬳᬃᬣᬶᬦᬶᬧᬸᬦ᭄᭞ᬘᬘᬓᬦ᭄ᬧᬸᬦᬶᬓ᭞ᬦᬾ ᬓᭀᬘᬧ᭄ᬯᬳᬸᬭᬶᬂᬕᬸᬭᬶᬢ᭄᭞ᬫᬶᬚᬶᬮ᭄ᬲᬓᬶᬂ᭞ᬲᬭᬶᬭᬪᬝᬵᬳᬭᬩ᭄ᬭᬳ᭄ᬫ᭟ᬦᬾᬓᬯᬸᬯᬸᬲ᭄᭞ᬋᬱᬶ [ 74 ][ ᭗᭓ 73B]
᭗᭓᭞
ᬰᬶᬯᬩᬸᬤ᭄ᬥᬫᬸᬗ᭄ᬕᬄ᭞ᬯᬶᬦᬲ᭄ᬢᬸᬦ᭄‌ᬩ᭄ᬭᬳ᭄ᬫᬡ᭞ᬭᬢᬸᬫᬶᬯᬄᬓᬤᬂᬳᬚᬶ᭞ᬭᬚᬧᬸᬢ᭄ᬭ᭞ᬧᬸᬦᬶᬓᬫᬤᬦ᭄‌ᬓ᭄ᬱᬢ᭄ᬭ᭄ᬬ᭟ᬫᬮᬶᬄᬳᬶᬧᬸᬦ᭄᭞ᬯᭀᬂᬢ
ᬦᬶᬢᬦ᭄ᬲᬮᬄᬤᬸᬦᬸᬂ᭞ᬲᬦ᭄ᬢᬦᬓᬩᬬᬦ᭄᭞ᬯᬶᬸᬫᬶᬯᬄᬯᭀᬂᬲᬶᬗ᭄ᬕᬶᬄᬭᬶᬂᬢᬦᬶ᭞ᬭᬶᬂᬤᬾᬰᬦ᭄ᬬ᭞ᬚᬸᬕᬳᬶᬓᬸᬗᬭᬦ᭄‌ᬯᬾᬱ᭄ᬬ᭟ᬚᬸᬭᬸᬧ᭄ᬭᬳᬸ
᭞ᬚᬸᬭᬸᬤᬕᬂᬫᬮᬶᬳᬶᬧᬸᬦ᭄᭞ᬚᬸᬭᬸᬢᬶᬢᬶᬳᬦ᭄᭞ᬬᬲᬸᬤ᭄ᬭᬯᬲ᭄ᬢᬦᬾᬳᬸᬕᬶ᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬚᬤ᭄ᬫᬦᬾ ᬧᬢᬂᬧ᭄ᬭᬓᬭ᭟ᬦᬾᬢᬦ᭄ᬫᭂᬢᬸ᭞ᬲᬓᬶᬂ
ᬩ᭄ᬭᬳ᭄ᬫᬯᬶᬯᬶᬢᬶᬧᬸᬦ᭄᭞ᬭᬶᬳᬶᬦ᭄ᬧᬜ᭄ᬘᬓᬂᬫ᭄ᬫ᭞ᬧ᭄ᬮᬸᬓᬸᬢᬸᬲ᭄‌ᬘᬦ᭄ᬤᬮᬓᬮᬶᬄᬓᬧᬶᬂᬢ᭄ᬮᬸ᭞ᬲᬤ᭄‌ᬫ᭄ᬮᬾᬘᬧᬧᬢ᭄‌ᬲᬤ᭄ᬢᬸᬘ᭟ᬧᬜ᭄ᬘᬓᬃᬫ᭄ᬫ᭞ᬭᬶᬂ
[ ᭗᭔ 74A]
ᬘᬦ᭄ᬤᬮᬩᭀᬬᬳᬦᬸᬢ᭄᭞ᬘᬦ᭄ᬤᬮᬫᬮᬾᬘ᭄ᬙ᭞ᬲᬤ᭄ᬢᬸᬘ᭄ᬙᬧᬸᬦᬶᬓᬢᬸᬗ᭄ᬕᬮ᭄᭞ᬳ᭄ᬦᬶᬂᬕ᭄ᬦᬳᬾ᭞ᬫᬲᬶᬄᬗᬗ᭄ᬕᭀᬦᬶᬱ᭄ᬝᬫᬥ᭄ᬬ᭞ᬲᬫᬶᬲᬫ᭄ᬧᬸᬦ᭄᭞ᬭᬶᬂᬪᬯ
ᬦᬧᬸᬭᬡᬫᬸᬗ᭄ᬕᬄ᭞ᬳᬶᬭᬶᬓᬧᬱ᭄ᬝ᭄ᬬᬂ᭞ᬘᬘᬓᬦᬾᬲᬶᬓᬶᬲᬶᬓᬶ᭞ᬦᬾᬫᬯᬲ᭄ᬢ᭞ᬧᬜ᭄ᬘᬓᬃᬫ᭄ᬫᬮᬦᬦ᭄ᬤᬮ᭟ᬫᬶᬯᬄᬳᬶᬧᬸᬦ᭄᭞ᬫ᭄ᬮᬾᬘ᭄ᬙᬲᬤ᭄ᬢᬸᬘ᭄ᬙᬧᬸᬦᬶᬓᬸ
᭞ᬦᬾᬫᬗ᭄ᬓᬶᬦ᭄‌ᬮᬶᬯᬢᬂ᭞ᬲᬾᬯᭀᬲᬶᬦ᭄ᬲᬗᬫ᭄ᬩᬶᬮ᭄ᬫᬮᬶᬄ᭞ᬯᬶᬭᬾᬄᬦᬸᬲ᭄ᬢᬸᬲ᭄᭞ᬗᬫ᭄ᬩᬶᬮ᭄ᬓᬢᬸᬢᬸᬭᬦ᭄ᬮᬯᬲ᭄᭞ᬮᬶᬗᬶᬂᬢᬸᬢᬸᬃ᭞ᬪᬃᬕᬯᬲᬶᬓ᭄ᬱᬦᬾᬫᬸᬗ᭄ᬕᬄ᭞ᬧᬶᬢᬸ
ᬢᬸᬪᬕᬯᬦ᭄‌᭞ᬭᬫᬧᬭᬲᬸᬦᬾᬗᬸᬦᬶ᭞ᬭᬶᬲᬶᬲ᭄ᬬᬦᬾ᭞ᬫᬧᬭᬩ᭄ᬲᬂᬳᬤᬶᬤ᭄ᬯᬚ᭟ᬳᬸᬮᬄᬧᬢᬸᬢ᭄᭞ᬦᬾ ᬫᬕᭂᬳᬂᬢᬗ᭄ᬰᬮᬸᬳᬸᬃ᭞ᬲᬦᬤ᭄ᬬᬦ᭄ [ 75 ][ ᭗᭔ 74B]
᭗᭔᭞
ᬩ᭄ᬭᬳ᭄ᬫᬡ᭞ᬳᬸᬢᬫᬓᭀᬚᬭᬶᬳᬚᬶ᭞ᬬᬦ᭄ᬢᬦ᭄ᬧᬢᬸᬢ᭄᭞ᬳᬸᬮᬳᬾᬗᬸᬢᬃᬓᬯᭀᬗᬦ᭄᭞ᬫᬗ᭄ᬤᬫᬦᬸᬲ᭄᭞ᬦᬤ᭄ᬬᬦ᭄‌ᬤᬾᬯᬬᬾ ᬦ᭄ᬢᬦ᭄ᬧᬢᬸᬢ᭄᭞
ᬫᬳᬫ᭄ᬩᭂᬓ᭄ᬯᬶᬫᭀᬳ᭞ᬤᬤᬶᬯᭀᬂᬍᬯᬶᬄᬢᬸᬃᬲᬸᬕᬶᬄ᭞ᬚᬤ᭄ᬫᬍᬯᬶᬄ᭞ᬬᬦ᭄ᬢᬦ᭄ᬳᬳᬸᬮᬄᬓᬥᬃᬫ᭄ᬫᬦ᭄᭟ᬤᬤᬶᬦᬶᬧᬸᬦ᭄᭞ᬚᬤ᭄ᬫᬤᬭᬶᬤ᭄ᬭᬓᬮᬗ᭄ᬓᬸᬂ᭞ᬬᬾ
ᬦ᭄ᬚᬤ᭄ᬫᬤᬭᬶᬤ᭄ᬭ᭞ᬫᬲᬶᬄᬫᬳᬸᬮᬄᬢᬦ᭄‌ᬬᬸᬓ᭄ᬢᬶ᭞ᬤᬤᬶᬲᬢ᭄ᬯ᭞ᬦᬶᬱ᭄ᬝᬬᬦ᭄‌ᬳᬶᬲᬢ᭄ᬯᬦᬶᬱ᭄ᬝ᭟ᬫᬲᬶᬄᬗ᭄ᬮᬯᬸᬢ᭄᭞ᬗᬸᬓᬸᬳᬂᬳᬸᬮᬄᬢᬦ᭄ᬧᬢᬸᬢ᭄᭞ᬤᬤᬶᬩᬸ
ᬭᭀᬦ᭄ᬓᬶᬤᬂ᭞ᬩᬸᬭᭀᬦ᭄‌ᬓᬶᬤᬂᬬᬦ᭄ᬢᬦ᭄‌ᬬᬸᬓ᭄ᬢᬶ᭞ᬤᬤᬶᬓ᭄ᬤᬶᬲ᭄᭞ᬓ᭄ᬤᬶᬲᬾᬦᬾᬫᬶᬸᬧᬮᬶᬂᬓᬲᬃ᭟ᬬᬦ᭄ᬫᬗ᭄ᬮᬦ᭄ᬢᬸᬃ᭞ᬳᬶᬓ᭄ᬤᬶᬲ᭄ᬫᬢᬶᬗ᭄ᬓᬄᬤᬸᬤᬸ᭞ᬤᬤᭀᬩᬾᬲᬭᬧ
[ ᭗᭕ 75A]
ᬦ᭄᭞ᬬᬾᬦ᭄ᬳᬶᬩᬾᬫᬲᬶᬄᬢᬦ᭄‌ᬬᬸᬓ᭄ᬢᬶ᭞ᬤᬤᬶᬦᬶᬧᬸᬦ᭄᭞ᬮᬶᬮᬶᬧᬶᬓᬕᬶᬮᬕᬶᬮ᭟ᬤᬤᬶᬦᬶᬧᬸᬦ᭄᭞ᬮᬶᬮᬶᬧᬶᬬᬾᬦ᭄ᬫᬲᬶᬄᬤᬸᬤᬸ᭞ᬓᭂᬓᭂᬮᬶᬂᬓᬶᬚᬕᬢ᭄᭞ᬧᬮ
ᬦᬶᬂᬕᬯᬾᬢᬦ᭄‌ᬬᬸᬓ᭄ᬢᬶ᭞ᬮᬶᬯᬢ᭄‌ᬍᬯᬶᬄ᭞ᬧᬸᬦᬶᬓᬫᬗ᭄ᬕᬶᬄᬓᬧᬧᬦ᭄᭟᭐᭟ᬧᬸᬧᬸᬄᬤᬗ᭄ᬤᬂ᭟ᬧᬢᬶᬫ᭄ᬩᬮᬂᬫᬮᬶᬄᬤᬗ᭄ᬤᬂᬕᭂᬦ᭄ᬤᬶᬲ᭄᭞ᬗᬮᬦ᭄ᬢᬸᬭᬂᬢᬸᬢᬸᬃᬓᬮᬯ
ᬲᬦ᭄᭞ᬮᬶᬗᬶᬂᬓᬶᬃᬣᬶᬧᬡ᭄ᬥᬯᬦᬾ᭞ᬫᬮᬶᬄᬯᬮᬶᬦ᭄ᬚᬸᬫ᭄ᬧᬸᬢ᭄᭞ᬧᬶᬢᬸᬢᬸᬭᬾᬳ᭄ᬥᬃᬫ᭄ᬫᬗᬸᬦᬶ᭞ᬭᬶᬲᬂᬧᬜ᭄ᬘᬧᬡ᭄ᬥᬯ᭞ᬓᬲᬶᬤ᭄ᬥᬦᬶᬂᬳᬬᬸ᭞ᬧᬸᬦᬶᬓ
ᬫᬗ᭄ᬤᬾᬦ᭄‌ᬯᬲ᭄ᬧᬤ᭞ᬲᬮᬫᬶᬦᬾᬭᬲᬭᬲᬦᭂᬦ᭄ᬭᬶᬂᬳᬢᬶ᭞ᬭᬜ᭄ᬘᬦᬓᭂᬦ᭄‌ᬭᬶᬂᬫᬦᬦᬶᬸᬄ᭟ᬫᬗ᭄ᬤᬾᬦ᭄ᬲᬫ᭄ᬧᬸᬦ᭄‌ᬗᬯᬕᬂᬧᬢᬶᬢᬶᬲ᭄ [ 76 ][ ᭗᭕ 75B]
᭗᭕᭞
᭞ᬓᬯ᭄ᬦᬗᬂᬫᬕᬸᬭᬸᬧᬶᬂᬲᬧ᭄ᬢ᭞ᬬᬦ᭄ᬤᬸᬭᬸᬂᬢ᭄ᬭᬂᬧᬫᬗ᭄ᬕᬶᬳᬾ᭞ᬦᭀᬭᬧᬧᬓᬢ᭄ᬫᬸ᭞ᬓᬦᬶᬲ᭄ᬢᬦᬾᬬᬦ᭄ᬮᬶᬦ᭄ᬢᬂᬲᬓᬶᬂ᭞ᬫᬕᬸᬭᬸᬧᬶᬂᬲᬯ᭄ᬮᬲ᭄᭞ᬫᬲᬶᬄ
ᬢᬦ᭄ᬫᬫᬗ᭄ᬕᬸᬄ᭞ᬳᬶᬭᬶᬸᬓᬗᬭᬦ᭄ᬧᬧᬦᬶᬱ᭄ᬝ᭞ᬭᬶᬂᬳᬕᬸᬭᬸᬧᬶᬂᬧᬶᬢᬸᬦᬶᬂᬮᬶᬫᬫᬮᬶᬄ᭞ᬓᬯᬲ᭄ᬢᬦᬦ᭄ᬭᬶᬂᬫᬥ᭄ᬬ᭟ᬳᬸᬢᬫ᭄ᬬᬫᬕᬸᬭᬸᬓᬧᬶᬂᬢ᭄ᬭᬶ
᭞ᬳᬸᬢᬫᬦᬶᬂᬳᬸᬢᬫᬲᬧᬶᬲᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬧᬮᬾᬦᬦᬾ᭞ᬫᬥ᭄ᬬᬬᬾᬦ᭄ᬓᬧᬶᬂᬢ᭄ᬮᬸ᭞ᬦᬾᬳᬧᬶᬲᬦ᭄‌ᬳᬸᬢᬫᬚᬢᬶ᭞ᬦᬗ᭄ᬳᬶᬂᬳᭂᬢᬸᬂᬳᬶᬢᬸᬗᬦ᭄᭞
ᬭᬶᬂᬲᬂᬢᬸᬲ᭄ᬢᬶᬯᬶᬓᬸ᭞ᬧᬸᬦᬶᬓᬶᬓᬦ᭄ᬤᬦᬶᬂᬰᬲ᭄ᬢ᭄ᬭ᭞ᬓᬣᬶᬧᬡ᭄ᬥᬯᬳᬶᬗᭂᬢᬓᭂᬦ᭄ᬭᬶᬂᬳᬢᬶ᭟ᬦᭂᬘᬧ᭄‌ᬪᬝᬵᬭᬥᬃᬫ᭄ᬫ᭟ᬮᬶᬗᬶᬂᬦᬶᬢᬶᬲᬭᬓᭀᬘᬧ᭄ᬫ
[ ᭗᭖ 76A]
ᬮᬶᬄ᭞ᬢᬶᬗ᭄ᬓᬄᬚᬤ᭄ᬫᬦᬾᬫᬲᬲᭂᬫ᭄ᬩᬳᬦ᭄᭞ᬓᬧᬶᬢᭂᬓᭂᬢᬂᬧᬢᬸᬢᬾ᭞ᬧᬤᬡ᭄ᬥᬯᬳᬸᬭᬯᬸᬄ᭞ᬭᬶᬳᬶᬦ᭄ᬗᬶᬓᭂᬢ᭄ᬗᬗ᭄ᬕᬾᬓᬓᬯᬶᬦ᭄᭞ᬫᬯᬲ᭄ᬢᬦᬶᬢᬶᬰ
ᬲᬲ᭄ᬢ᭄ᬭᬶᬲᬭ᭞ᬫᬗ᭄ᬓᬶᬦ᭄ᬫᬮᬶᬄᬤᬸᬯᬸᬤ᭄ᬓ᭄᭞ᬳᬸᬗ᭄ᬕᬳᬂᬓᬤᬗ᭄ᬤᬂᬕᬸᬮ᭞ᬳᬗ᭄ᬕᬾᬦ᭄ᬲᬸᬭᬢ᭄ᬧᬓᬾᬮᬶᬂᬢᬩᬸᬳᬶᬂᬕᭂᬦ᭄ᬤᬶᬂ᭞ᬢᬶᬗ᭄ᬓᬳᬾᬗᬗ᭄ᬓᬢ᭄ᬲᭂᬫ᭄ᬩᬄ᭟ᬯᬢᭂᬲ᭄ᬚᬗ᭄ᬕᬸ
ᬢ᭄ᬤᬤᬶᬧᬯᬦᭂᬗᬦ᭄᭞ᬗᬸᬜ᭄ᬘᬸᬓᬂᬓᬸᬘᬸᬧ᭄‌ᬚ᭄ᬭᬶᬚᬶᬦᬾ᭞ᬭᬶᬂᬭᬢᬸᬢᬸᬂᬢᬸᬂᬳᬶᬭᬸᬂ᭞ᬬᬦ᭄ᬭᬶᬂᬧᬶᬢ᭄ᬭᬫᬥ᭄ᬬᬦᬶᬂᬳᬮᬶᬲ᭄᭞ᬬᬦ᭄ᬭᬶᬂᬕᬸᬭᬸᬧᬗᬚ᭄ᬬᬦ᭄᭞ᬭᬶᬂᬮᬮ
ᬢᬧᬢᬸᬢ᭄᭞ᬬᬦ᭄ᬭᬶᬂᬕᬸᬭᬸᬧᬗᬲ᭄ᬓᬭᬦ᭄᭞ᬯᬢᭂᬲ᭄ᬲᬶᬭᬄ᭞ᬘᬭᬧᬦᭂᬫ᭄ᬩᬄᬭᬶᬂᬯᬶᬤ᭄ᬥᬶ᭞ᬮᬶᬫᬯᬶᬮᬗᬶᬂᬲᭂᬫ᭄ᬩᬄ᭟ᬲᬫ᭄ᬧᬸᬭᬬᬂᬓᬯᬶᬢᬸᬦᬩᬸᬤ᭄ᬥᬶ᭞ᬗᬭᬂ [ 77 ][ ᭗᭖ 76B]
᭗᭖᭞
ᬢᬸᬢᬸᬃᬧᬶᬗᭂᬢ᭄ᬧᬤᬾᬯᬾᬓᬵᬳᬦ᭄᭞ᬢᬦ᭄ᬲᬓᬶᬂᬕᬕᬫ᭄ᬧᬂᬭᬾᬳᬾ᭞ᬲᬓᬶᬂᬦᬸᬗ᭄ᬓᬸᬮᬂᬳᬶᬩᬸᬓ᭄᭞ᬩᬶᬮᬶᬄᬩᬶᬮᬶᬄᬮᬶᬧᬸᬃᬲᬓᭂᬤᬶᬓ᭄᭞ᬓᬮᬶᬄᬤᬸᬫᬤ
ᬓ᭄ᬲᬶᬤ᭞ᬫ᭄ᬦᬸᬓᬭᬳᬬᬸᬦ᭄᭞ᬭᬶᬂᬳᬸᬭᬶᬧ᭄‌ᬢ᭄ᬓᬦᬶᬂᬧ᭄ᬚᬄ᭞ᬫᭀᬕᬫᭀᬕᬮᬸᬧᬸᬢᬶᬂᬧᬗ᭄ᬕᬯᬾ ᬚᬸᬢᬶ᭟ᬲᬢᬸᬭᬸᬦ᭄ᬳᬃᬬ᭄ᬬᬤᬫᬃ᭟ᬓᬮᬶᬄᬫᬲᬧᬸᬧᬸᬳᬾᬓᬸ
ᬢᬸᬮᬶᬲ᭄᭞ᬭᬶᬂᬋᬤᬶᬢᬾᬭᬶᬂᬳᬸᬓᬸᬫᬢᬮ᭄᭞ᬭᬶᬂᬓᬧᬶᬲᬦᬶᬂᬧᬗ᭄ᬮᭀᬗᬾ᭞ᬓᬢᬶᬕᬰᬰᬶᬳᬶᬧᬸᬦ᭄᭞ᬳᬶᬲᬓᬦᬾᬫᬮᬶᬄᬯᬶᬮᬗᬶᬦ᭄᭞ᬓᬮᬦᬶᬂ
ᬲᬾᬯᬸᬤᭀᬫᬲ᭄᭞ᬦᬗ᭄ᬕᬸᬮᬶᬫᬮᬶᬓᬸᬃ᭞ᬧᬸᬧᬸᬢᬾᬲ᭄ᬤᭂᬓ᭄ᬭᬳᬶᬦ᭞ᬲᬯᬢᬭᬢᬩᭂᬄᬧᬢ᭄‌ᬳᬶᬢᬸᬗᬦ᭄ᬩᬮᬶ᭞ᬧᬯᬶᬮᬗᬦ᭄‌ᬯᬭᬶᬕ᭟ᬇᬣᬶᬓᬶ
[ ᭗᭗ 77A]
ᬤᬸᬂᬥᬃᬫ᭄ᬫᬲᬲᬦ᭞ᬲᬫᬧ᭄ᬢ᭞ᬓᬓᭂᬢᬸᬲ᭄ᬲᬓᬶᬂᬢᬸᬢᬸᬃᬗᬸᬦᬶᬗᬸᬦᬶ᭟ᬢᬸᬭᬸᬦᬦ᭄‌ᬭᭀᬦ᭄ᬢᬮ᭄‌ᬓᭂᬤᭀᬂᬓᬶᬃᬢ᭄ᬬ᭞ᬲᬶᬗ᭄ᬳᬭᬚ᭞ᬧ᭄ᬘᬓ᭄ᬢᬸᬭᬸᬦᬦ᭄‌ᬭᭀᬦ᭄ᬢ
ᬮ᭄‌ᬤ᭄ᬭᬸᬯᬾᬦ᭄‌ᬳᬶᬫᬥᭂᬮᬩ᭞ᬤᬾᬦ᭄ᬧᬲᬃ᭟ᬫᬮᬶᬄᬢᬶᬢᬶᬬᬂᬳᬶᬯᬬᬦ᭄‌ᬕᭂᬩ᭄ᬬᬕ᭄‌ᬦᭂᬤᬸᬦ᭄ᬓᬧᬶᬂᬓᬮᬶᬄᬜᬦᬾ᭟ᬓ᭄ᬱᬶᬫ᭄ᬧᬓᬗᬶᬦ᭄᭞ᬭᬳᬶᬦᬲᭀᬫ᭞ᬧᬸᬳᬶᬂ
ᬯᬭᬶᬕᬤ᭄ᬬᬦ᭄᭞ᬰᬓ᭞᭑᭙᭑᭒᭟ [ 78 ]Page:Bali-lontar-gaguritan-dharmma-sasana-350ppi.pdf/78