Ban/Gaguritan Dukuh Suladri 02

Deskripsi

Naskah

[ 1 ][PERPUSTAKAAN KTR.DOKBUD BALI PROP. BALI
G/V/9/DOKBUD
Judul : GAGURITAN DUKUH SUKADRI.II.
Hal : 301 s/d 552.
Pnj. 50 cm. Lb. 3,5 cm. Jl. 252 lb.
Asal: Gianyar.-]

[᭑ 1A]
᭑
ᬦᬶᬧᬤᬫ᭄ᬧ᭄ᬬᬓ᭄ᬭᬶᬂᬧᬶᬗ᭄ᬕᬶᬃᬫᬵᬃᬕ᭄ᬕᬶ᭞ᬗᭂᬢᭀᬦ᭄ᬲᬂᬮᬸᬗ᭄ᬳᬓᬕᬸᬦᬸᬂ᭞ᬓ᭄ᬭᬶᬕᬦ᭄ᬫᬶᬭᬶᬗᬦ᭄ᬧᬜ᭄ᬚᬓ᭄᭞ᬢᬸᬳᬸᬳᬲᬶᬦ᭄᭞ᬫᬪᬹᬱᬡᬳᬩ᭄ᬭᬫᬸᬭᬸᬩ᭄᭞ᬧᬗᬶᬭᬶᬗᬾᬲᬫᬶᬩᬸᬗᬄ᭞ᬢᬸᬮ᭄ᬬᬓᬤᬶᬕᬸᬦᬸᬂᬲᬵᬭᬶ᭟ᬢᬫ᭄ᬩᬾᬮᬸᬗ᭄ᬳᬫᬭᬄᬤᬾᬰ᭞ᬭᬵᬚᬧᬸᬢ᭄ᬭᬶᬫᬾᬄᬲᬓᬾᬂᬮᬾᬤᬂᬗ
ᬓ᭄ᬱᬶ᭞ᬧᬜ᭄ᬚᬓᬾᬭᬶᬂᬤᬸᬲᬸᬦ᭄ᬤᬸᬲᬸᬦ᭄᭞ᬫᬗ᭄ᬕᭂᬄᬪᬓ᭄ᬢᬶᬗᬯᬸᬮ᭞ᬲᬋᬂᬲᬫᬶ᭞ᬧᬓ᭄ᬭᬶᬫᬶᬓ᭄ᬭᬶᬂᬢᬶᬫ᭄ᬧᬮᬶᬧᬸᬦ᭄᭞ᬫᬢᬶᬫ᭄ᬧᬸᬄᬫᬲᬶ᭠ᬮᬤᬩ᭄ᬤᬩ᭄᭞ᬜᬓᬸᬧᬂᬮᬶᬫᬫᬪᬓ᭄ᬢᬶ᭟ᬲᭀᬢᬦᬶᬂᬪᬓ᭄ᬢᬶᬫᬫᬜ᭄ᬚᬓ᭄᭞ᬭᬶᬂᬤᬍᬫ᭄ᬲᬂᬕᬸᬡᬕᬦᬭᬶᬂᬩᬮᬶ᭞ᬭᬵᬚᬧᬸᬢ᭄ᬭᬶᬢᬫ᭄ᬩᬾᬢᭂᬤᬸᬦ᭄᭞
ᬓᭂᬦ᭄ᬤᭂᬮ᭄ᬲᬫᬶᬯᭀᬂᬤᬾᬰ᭞ᬭᬱᬗᬶᬧᬶ᭞ᬤᬾᬦᬶᬂᬢᬫ᭄ᬩᬾᬳᬶᬧᬸᬦ᭄ᬫᬗ᭄ᬕᬸᬄ᭞ᬭᬵᬚᬧᬸᬢ᭄ᬭᬶᬲ᭄ᬯᬾᬘ᭄ᬙᬧᬸᬭ᭞ᬳᬕᭂᬢ᭄ᬤᬾᬯᬾᬓᬾᬦᬸᬫᬤᬶ᭟ᬲᬧᬸᬦᬶᬓᬧᬓᭂᬳᭂᬗᬦ᭄᭞ᬲᬯᭀᬂᬤᬾᬰᬘᬶᬳ᭄ᬦᬦᬶᬂᬳᬶᬧᬸᬦ᭄ᬪᬓ᭄ᬢᬶ᭞ᬢᬦ᭄ᬤᬸᬫᬤᬾᬲᬕᬾᬢ᭄ᬭᬯᬸᬄ᭞ᬫᬗ᭄ᬓᬶᬦ᭄ᬭᬶᬂᬤᬾᬰᬢᬸᬲᬦ᭄᭞
ᬭᬾᬄᬢᭂᬗᬳᬶ᭞ᬳᬶᬭᬶᬗᬦᬾᬲᬵᬫ᭄ᬧᬸᬦ᭄ᬕᭂᬧᬸ᭞ᬇᬭᬶᬓᬵᬤᬸᬫᬸᬦ᭄ᬫᬭᬵᬃᬬ᭄ᬬᬦ᭄᭞ᬚᬩᬦ᭄ᬧᬸᬭᬓᭂᬦ᭄ᬢᭂᬮ᭄ᬕᬸᬫᬶ᭟ᬕᬶᬧᬶᬄᬲ᭠ᬯᭀᬂᬤᬾᬰᬢᬸᬲᬦ᭄᭞ᬭᬯᬸᬄᬢᬗ᭄ᬓᬶᬮ᭄ᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬮᬸᬄᬫ᭄ᬯᬦᬶᬲᬫᬶᬲᬸᬫᬸᬬᬸᬕ᭄᭞ᬯᬾᬦ᭄ᬢᭂᬦ᭄ᬗᬢᬸᬭᬂᬲᭂᬤᬄ᭞ᬲᬃᬯ᭄ᬯᬫᬦᬶᬲ᭄᭞ᬳ᭠ [ 2 ][᭑ 1B]
᭑
ᬗ᭄ᬕᬾᬦ᭄ᬫᬓᬢᬍᬤ᭄ᬳᬢᬹᬃ᭞ᬓᬮᬸᬗᬄᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬧᬦᬫ᭄ᬬᬸᬳᬶᬭᬶᬗᬦ᭄ᬲᬫᬶ᭟ᬓᬗᭂᬦ᭄ᬭᬵᬚᬧᬸᬢ᭄ᬭᬶᬜᬶᬗᬓ᭄᭞ᬧᬜ᭄ᬚᬓ᭄ᬢᬸ᭠ᬲᬦ᭄ᬭᬯᬸᬄᬢᬦ᭄ᬧᭂᬕᬢ᭄ᬢᬗ᭄ᬓᬶᬮ᭄᭞ᬜᬶᬳ᭄ᬦᬬᬂᬲᬸᬪᬓ᭄ᬢᬶᬦᬶᬧᬸᬦ᭄᭞ᬫᬭᬾᬭᭀᬤ᭄ᬜᬸᬯᬸᬦ᭄ᬤᬸᬮᬂ᭞ᬳᬕᬸᬂᬳᬮᬶᬢ᭄᭞ᬢᬦ᭄ᬓᬸᬭᬗᬦ᭄ᬧᬗᬦ᭄ᬓᬶᬦᬸᬫ᭄᭞ᬧ
ᬦᬫ᭄ᬯᬶᬲᬯᬯᬸᬧ᭄ᬭᬧ᭄ᬢ᭞ᬲᭀᬢᬦᬶᬂᬤᬺᬤ᭄ᬥᬲᬸᬪᬓ᭄ᬢᬶ᭟ᬓᬤᬶᬧᬜ᭄ᬚᬂᬬᬦᬸᬘᬧᬂ᭞ᬲᬢᬶᬗ᭄ᬓᬳᬾᬭᬶᬂᬧᬸᬭᬓᭂᬦ᭄ᬢᭂᬮ᭄ᬕᬸᬫᬶ᭞ᬱᬤ᭄ᬭᬱ᭠ᬧᬸᬦᬂᬧᬦᬫ᭄ᬬ᭞ᬲᬵᬫ᭄ᬧᬸᬦ᭄ᬫᬶᬗ᭄ᬕᭂᬓ᭄ᬳ᭄ᬬᬂᬲᬹᬃᬬ᭄ᬬ᭞ᬓᬵᬮᬲᬶᬗᬶᬢ᭄᭞ᬤᬬᬸᬄᬫᬫᬵᬃᬕ᭄ᬕᬶᬲᬾᬂᬓᬯᬸᬄ᭞ᬲᬂᬮᬸᬗ᭄ᬳᬫᬮᬶᬄᬫᬫᬃᬕ᭄ᬕ᭞ᬜᬸᬚᬸᬃᬤᬾᬰᬢᬫᬦ᭄ᬩ
ᬮᬶ᭟ᬤᬾᬰᬩᬓᬲ᭄ᬓᬮᬶᬦ᭄ᬢᬗᬦ᭄᭞ᬩᭂᬦᭂᬂᬓᬯᬸᬄᬭᬶᬂᬤᬾᬰᬢᭂᬕᬮ᭄ᬯᬗᬶ᭞ᬭᬶᬂᬢᬸᬓᬤ᭄ᬫᭂᬮᬗᬶᬢ᭄ᬢᭂᬤᬸᬦ᭄᭞ᬫᬸᬗ᭄ᬕᬳᬦ᭄ᬦᬶᬜ᭄ᬘᬧ᭄ᬤᬾᬰ᭞ᬢᬫᬦ᭄ᬩᬮᬶ᭞ᬧᬫᭂᬦ᭄ᬤᬓ᭄ᬘᬸᬫᬤᬂᬲᬵᬫ᭄ᬧᬸᬦ᭄᭞ᬗᬫ᭄ᬩ᭄ᬬᬃᬭᬶᬂᬧᬶᬗ᭄ᬕᬶᬃᬤᬾᬰ᭞ᬳᬕᬸᬂᬳᬮᬶᬢ᭄ᬮᬦᬂᬳᬶᬲ᭄ᬢ᭄ᬭᬶ᭟ᬫᭂᬦ᭄ᬤᬓ᭄ᬲᬂᬫᬡᬶᬓᬶᬂᬧᬸᬭ᭞ᬲᬓᬾᬂᬧ
ᬓᭀᬦ᭄ᬚ᭄ᬭᭀᬤᬸᬓᬸᬄᬮᬦᬂᬳᬶᬲ᭄ᬢ᭄ᬭᬶ᭞ᬫᬥᬾᬯᬢᬶᬲᬋᬂᬭᬯᬸᬄ᭞ᬓᭂᬦ᭄ᬤᭂᬮ᭄ᬲᬯᭀᬂᬧᬤᬸᬓ᭄ᬯᬦ᭄᭞ᬲᬲᬸᬓᬢᬾᬤᬤᭀᬲ᭄ᬭᬩᬶ᭟ᬮᬸᬄᬫ᭄ᬯᬦᬶᬕᬶᬭᬂᬫᬫᭂᬦ᭄ᬤᬓ᭄᭞ᬓᬾᬗᬶᬦ᭄ᬤᬸᬫ᭄ᬬᬲᬤᬾᬰᬢᬫᬦ᭄ᬩᬮᬶ᭞ᬜᬫᬩ᭄ᬭᬬᬓᬝᬄᬭᬯᬸᬄ᭞ᬲᬓᬾᬂᬕᬾᬮ᭄ᬕᬾᬮ᭄ᬗᬶᬭᬶᬗᬂ᭞ᬭᬵ᭠

[᭒ 2A]
᭒
ᬚᬧᬸᬢ᭄ᬭᬶ᭞ᬫᭂᬍᬤ᭄ᬫᬦᬳᬾᬓᬘᬸᬦ᭄ᬤᬸᬓ᭄᭞ᬲᬵᬫ᭄ᬧᬸᬦ᭄ᬮᬯᬲ᭄ᬫᬩᭂᬮᬲᬦ᭄᭞ᬫᬕᭂᬦᬄᬭᬶᬂᬢᬫᬦ᭄ᬩᬮᬶ᭟ᬫᬲ᭄ᬮᬶᬬᬸᬭᬦ᭄ᬧᬥ᭠ᬜᬧ᭞ᬧᭂᬃᬦᬄᬓᬤᬂᬫᬶᬲᬦ᭄ᬫᬶᬦ᭄ᬤᭀᬦ᭄ᬓᬧᬗ᭄ᬕᬶᬄ᭞ᬭᬾᬄᬳᬶᬲᭂᬂᬯᬾᬦ᭄ᬢᭂᬦ᭄ᬫᬕᭂᬮᬸᬢ᭄᭞ᬲᬫ᭄ᬩᬶᬮᬂᬫᬘᬧᬢᬦ᭄᭞ᬚᬮᬦ᭄ᬚᬦᬶ᭞ᬲᬶᬗ᭄ᬕᬄᬓᬓᬸᬩᬸ
ᬦᬾᬳᬸᬯᬸᬕ᭄᭞ᬩᬦ᭄ᬢᬲ᭄ᬩᬲᬾᬳᬧᬓ᭄ᬧᬓᬦ᭄᭞ᬫᬶᬭᬶᬩ᭄ᬲᬶᬤ᭄ᬥᬩᬦ᭄ᬜᬗᭀᬦᬶᬦ᭄᭟ᬓᬝᬄᬬᬦ᭄ᬧᬘᬂᬳᬸᬘᬧᬂ᭞ᬲᬶᬮᬶᬄᬳᬮᬧ᭄ᬲᭀᬢᬦᬶᬂᬢᬫ᭄ᬩᬾᬧᬗ᭄ᬕᬶᬄ᭞ᬭᬵᬚᬧᬸᬢ᭄ᬭᬶᬓᭀᬘᬧ᭄ᬲᬵᬫ᭄ᬧᬸᬦ᭄᭞ᬚᬸᬫᬸᬚᬸᬕ᭄ᬭᬶᬂᬧᬤᬸᬓ᭄ᬯᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬕᬕᬾᬲᭀᬦ᭄ᬲᬋᬂᬥᬂ
ᬕᬸᬭᬸ᭞ᬗᬢᬸᬭᬂᬩᬦ᭄ᬢᭂᬦ᭄ᬧᬫᭂᬦ᭄ᬤᬓ᭄᭞ᬲᭀᬧᬘᬭᬧᬸᬮᬧᬮᬶ᭟ᬧᬲᭂᬕᭂᬄᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬧᬶᬦᬹᬚᬯᬯᬸᬓᬵᬢᬸᬭᬦ᭄ᬫᬮᬶᬗ᭄ᬕᬶᬄ᭞ᬭᬵᬚᬧᬸᬢ᭄ᬭᬶᬯᬸᬲ᭄ᬫᬮᬸᬗ᭄ᬕᬸᬄ᭞ᬫᬥᬾᬯᬢᬶᬦᬯᭂᬕᬂ᭞ᬫᬵᬢᬹᬃᬲᬶᬲᬶᬧ᭄᭞ᬗᬸᬦᬶᬗ᭄ᬳᬬᬂᬭᬶᬂᬥᬂᬕᬸᬭᬸ᭞ᬧᬫᬵᬃᬕ᭄ᬕᬶᬦᬾᬧ᭄ᬭᬡᬖᬢ᭞ᬗᬶ
ᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭟ᬫᬕᬶᬗ᭄ᬲᬶᬃᬫᬢᬫ᭄ᬩᬲᬸᬗ᭄ᬓᬦ᭄᭞ᬤᬾᬦᬶᬂᬘᭂᬘᭂᬄᬳᬶᬤᬓᬦ᭄ᬢᬸᬭᬶᬂᬧᬸᬭᬶ᭞ᬲᬓᬾᬂᬯᬵᬘᬦᬦ᭄ᬲᬂᬧ᭄ᬭᬪᬹ᭞ᬗᬶᬗ᭄ᬲᬶᬭᬂᬓᬧᬤᬸᬓ᭄ᬯᬦ᭄᭞ᬓᬵᬢᬹᬃᬲᬫᬶ᭞ᬳᬶᬦ᭄ᬤᬶᬓᬾᬭᬶᬂᬧᬸᬭᬶᬳᬕᬸᬂ᭞ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬳᬭᬄᬤᭂᬧᬂᬳᬶᬤᬤᬶᬦᬶ᭟ᬢᭀᬂᬜᬦ᭄ᬤᬂᬘᭂᬦᬶᬂ [ 3 ][᭒ 2B]
᭒
ᬮᬦ᭄ᬢᬗᬂ᭞ᬤᭂᬧᬂᬩᬧᬦᬫ᭄ᬩᬦᬶᬦ᭄ᬭᬵᬚᬧᬸᬢ᭄ᬭᬶ᭞ᬢᬸᬲᬶᬂᬜᬦ᭄ᬤᬂᬳᬚᬓ᭄ᬮᬶᬬᬸ᭞ᬫᬓᭂᬫᬶᬢ᭄ᬤᬶᬧᬤᬸᬓ᭄ᬯᬦ᭄᭞ᬳᬸᬫᬄᬘᭂᬦᬶᬂ᭞ᬫᬥᬾᬯ᭠ᬢᬶᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬲᬭᬮᬾᬤᬂᬧᬓᬬᬸᬦᬦ᭄᭞ᬢᬶᬢ᭄ᬬᬂᬦᬯᬸᬳᬶᬦ᭄ᬲᬂᬗᬶᬭᬶᬂ᭟ᬥᬹᬄᬜᬫᬩ᭄ᬭᬬᬫᬓᭂᬚᬂ᭞ᬋᬡᬬᬂᬇᬤᭂᬧᬾᬫᬢᬸᬮᬓ᭄ᬫᬸ
ᬮᬶᬄ᭞ᬤᬾᬦᬶᬂᬚᬦᬶᬲᬸᬩᬭᬯᬸᬄ᭞ᬤᬾᬯᬵᬬᬸᬫᬵᬲ᭄ᬤᬶᬤᬾᬰ᭞ᬢᬫᬦ᭄ᬩᬮᬶ᭞ᬢ᭄ᬯᬭᬜᬦ᭄ᬤᬂᬳᬚᬓ᭄ᬮᬶᬬᬸ᭞ᬗᭂᬫᬶᬢ᭄ᬳᬶᬤᬤᬶᬧᬤᬸᬓ᭄ᬯᬦ᭄᭞ᬤᭂᬧᬂᬬᬂᬤᬶᬦᬶᬧᬤᬶᬤᬶ᭟ᬓᬾᬯᬮᬲᬸᬩᬓᬾᬦᬓᬦ᭄᭞ᬓᬬᬂᬦ᭄ᬢᭀᬳᬶᬭᬶᬂᬬᬂᬫᬦ᭄ᬢᬸᬓ᭄ᬓᬧᬸᬭᬶ᭞ᬓᬾᬢᭀᬫᬵᬢᬹᬃᬭᬶᬂᬲᬂᬧ᭄ᬭᬪᬹ᭞
ᬳᬶᬭᬶᬗᬦᬾᬢᬦ᭄ᬧᬜ᭄ᬚᬂ᭞ᬫᬵᬢᬹᬃᬲᬶᬲᬶᬧ᭄᭞ᬫᬧᬫᬶᬢ᭄ᬲᬕᬺᬳᬦ᭄ᬫᬦ᭄ᬢᬸᬓ᭄᭞ᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬭᬶᬂᬧᭀᬦ᭄ᬤᭀᬓᬦ᭄᭞ᬜᬶ᭠ᬫ᭄ᬧᬗᬶᬦ᭄ᬧᬩ᭄ᬭᬬᬦ᭄ᬓᬭᬶ᭟ᬓᬤᬸᬓ᭄ᬳᬶᬢᭂᬄᬫᬭᬭᬱᬵᬦ᭄᭞ᬓᬗᬶᬦ᭄ᬓᬯᬸᬄᬗᬾᬮᬶᬗᬂᬤᬸᬓᬾᬓᬵᬭᬶ᭞ᬭᬶᬂᬕᬾᬮ᭄ᬕᬾᬮ᭄ᬲᬋᬂᬫᬕᬸᬩᬸᬕ᭄᭞ᬫᬩ᭠
ᬜ᭄ᬚᬃᬫᬯᬤᬾᬰ᭞ᬲᬋᬂᬲᬫᬶ᭞ᬲᬸᬓᬵᬤᬸᬄᬓᬵᬳᬕᭂᬢ᭄ᬮᬘᬸᬭ᭄᭞ᬓᬾᬗᬶᬦ᭄ᬩᬦ᭄ᬢᬂᬭᬭᬯᭀᬲᬦ᭄᭞ᬢᬩᬸᬄᬕᭂᬢᬃᬫᬸᬜᬶ᭠ᬫᬦᬶᬲ᭄᭟ᬓᬩᬢᭂᬓ᭄ᬫᭂᬍᬤ᭄ᬗᭂᬦᭀᬢᬂ᭞ᬕᭂᬮᬄᬢᬶᬫ᭄ᬧᬮ᭄‌‌ᬲᬭᬸᬤᭂᬫᭂᬦᬾᬗᬶᬤᬶᬄ᭞ᬲᭂᬩᭂᬂᬤᭂᬤᭂᬢ᭄ᬫᬧᬶᬭᬸᬗᬸ᭞ᬢᭂᬓᬾᬦ᭄ᬜᬫᬦᬾᬮᬯᬲ᭄᭞᭠

[᭓ 3A]
᭓
ᬫᬩᭂᬮᬲᬦ᭄᭞ᬫᬫᭀᬦ᭄ᬤᭀᬓ᭄ᬦᭀᬗᭀᬲ᭄ᬤᬶᬕᬸᬦᬸᬂ᭞ᬓᬳᬶᬭᬶᬤ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬳᬕᭂᬢ᭄ᬗᭂᬮᬄᬢᭂᬕᬮ᭄ᬘᬭᬶᬓ᭄᭟ᬲ᭠ᬓᬾᬂᬭᬶᬭᬶᬄᬗᬸᬦᬵᬥᬶᬓ᭞ᬲᬲᭂᬩᭂᬗᬦ᭄ᬫᬧᬶᬍᬓ᭄ᬓᬢᬜ᭄ᬚᬾᬦᬶᬦ᭄᭞ᬚᬗᬦ᭄ᬧᬓᬸᬩᬓ᭄ᬢᬫᬦ᭄ᬢᬸᬓ᭄᭞ᬓᬢᬸᬮᬓ᭄ᬗᬤᬾᬲᭂᬫᬂ᭞ᬢᭀᬂᬜᬓ᭄ᬗᬶᬤᬶᬄ
᭞ᬚᬦ᭄ᬢᭀᬲ᭄ᬲᬂᬓᬢᭂᬓᬦ᭄ᬢᬫ᭄ᬬᬸ᭞ᬚᭂᬗᬄᬤᬾᬦᬶᬂᬢᭀᬂᬜᬶᬤ᭄ᬥᬬᬂ᭞ᬫᭂᬓᭂᬮᬶᬦ᭄ᬢᬶᬫ᭄ᬧᬮᬾᬫᬸᬮᬶᬄ᭟ᬳᭀᬕᬦ᭄ᬦᬜ᭄ᬚᬾᬦ᭄ᬫᬕᭂᬦᭂᬧᬦ᭄᭞ᬳᬬᬫ᭄ᬓᬸᬭᬸᬗᬦ᭄ᬧᬶᬲᬦ᭄ᬢᬤ᭄ᬢᬤ᭄ᬫᬸᬮᬶᬄ᭞ᬤᬸᬭᬾᬦ᭄ᬯᬦᬶᬨᬮᬕᬦ᭄ᬢᬸᬂ᭞ᬯᬯᬸᬜᬓ᭄ᬓᬢᬭᬶᬫ᭞ᬭᬶᬂᬲᬂᬗᬶᬤᬶᬄ᭞ᬫᬕ᭄ᬭᬾᬦ᭄ᬤᭀᬢᬦ᭄ᬤᬸᬭᬸᬲ᭄ᬫᬦ᭄ᬢᬸᬓ᭄
᭞ᬲᬭᬢ᭄ᬦᭂᬕᭂᬦ᭄ᬨᬮᬩᬸᬗ᭄ᬓᬄ᭞ᬳᬸᬧᬄᬧᭂᬦ᭄ᬢᬾᬲ᭄ᬧᭀᬗᬄᬚ᭄ᬯᬭᬶ᭟᭜᭟ᬕᬶᬦᬤ᭟᭜᭟ᬢᬦ᭄ᬓᭀᬘᬧᬦ᭄ᬲᬂᬯᬸᬲ᭄ᬫᬶᬦ᭄ᬢᬃ᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬓᬕᬾᬮ᭄ᬕᬾᬮ᭄ᬲᬫᬶᬫᬢᬸᬮᬓ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬂᬚᭂᬦᭂᬓ᭄ᬫᬭᬶᬂᬧᬤᬸᬓ᭄ᬯᬦ᭄᭞ᬭᬵᬚᬧᬸᬢ᭄ᬭᬶ᭞ᬓᬳᭂ᭠
ᬫ᭄ᬩᬦ᭄ᬳᬦ᭄ᬢᬸᬓ᭄ᬩᬶᬬᬂ᭟ᬫᬥᬾᬯᬢᬶᬮᬦ᭄ᬧᬜ᭄ᬚ᭄ᬭᭀᬯᬦ᭄᭞ᬲᬋᬂᬧᬢ᭄ᬧᬢ᭄ᬓᬦ᭄ᬢᬸᬦ᭄ᬗᬶᬭᬶᬂ᭞ᬗᭂᬫᬶᬢ᭄ᬲᬂᬫᬡᬶᬓᬶᬂᬧᬸᬭ᭞ᬭᬶᬂᬧᬤᬸᬓ᭄ᬯᬦ᭄‌‌ᬲᬶᬬᬂᬤᬮᬸ᭞ᬦᬾᬓᬓᬵᬮᬶᬄᬓᬦ᭄ᬢᬸᬦ᭄‌‌ᬤᭂᬳ᭞ᬩᬚᬂᬳᬮᬶᬢ᭄᭞ᬢᬦ᭄ᬧᬾᬦ᭄ᬤᬄᬲᭂᬓᬃᬳᬧᬲᬂ᭞ᬫᬧᬸᬗ᭄ᬓᬸᬲᬦ᭄ᬫᬥᬾᬲᭂᬓᬃ᭞ᬦᬾᬳᬮᬶᬢ᭠ [ 4 ][᭓ 3B]
᭓
ᬦ᭄ᬜᭀᬫᬦ᭄ᬲᬵᬭᬶ᭞ᬫᬓᬓᬵᬮᬶᬄᬚᭂᬕᬾᬕ᭄ᬗᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬲᭀᬭᬦ᭄ᬲᭂᬫᬸ᭞ᬲᬾᬍᬩ᭄ᬲᬾᬩᭂᬢ᭄ᬘᬾᬱ᭄ᬝᬵᬓᬭ᭞ᬢᬫᬾᬂᬕᬢᬶ᭞ᬗᬬᬧ᭄ᬲᬂᬫᬡᬶᬓᬶᬂᬧᬸᬭ᭞ᬧᬦ᭄ᬢᭂᬲ᭄ᬫᬓᬧᬮᬶᬯᬭ᭞ᬧᬸᬦᬶᬓᬫᬮᬶᬄᬓᬓᬵᬮᬶᬄ᭞ᬯ᭄ᬯᬂᬚᭂᬭᭀᬫᬤᬾᬯᬾᬓ᭄ᬢᬸᬯ᭞ᬧᬯᭀᬗᬦ᭄ᬭᬶᬂᬧᬸᬭᬶ᭠
ᬳᬕᬸᬂ᭞ᬦᬶᬓᬕᬸᬫᬦ᭄ᬢᬶᬧᬗᭂᬫ᭄ᬩᬦ᭄᭞ᬫᬥᬾᬯᬢᬶ᭞ᬲᬲᬸᬓᬢ᭄ᬭᬶᬂᬲ᭄ᬯᬾᬘ᭄ᬙᬧᬸᬭ᭟ᬫᬾᬦ᭄ᬧ᭄ᬭᭀᬤᭀᬂᬲᬓᬾᬂᬕᬸᬡᬓ᭄ᬱ᭞ᬫᬾ᭠ᬦ᭄ᬲᬗ᭄ᬓᭀᬮ᭄ᬲᬓᬶᬂᬓᬫᭀᬦᬶᬂ᭞ᬲᭀᬢᬦᬶᬂᬤᬤᭀᬲ᭄ᬧᬗᭂᬫ᭄ᬩᬦ᭄᭞ᬫᬓᬓᬵᬮᬶᬄᬢᬸᬯᭀᬦ᭄ᬢᬸᬢᬹᬢ᭄᭞ᬲᬬᬕᬗᬢᬸᬭᬂᬳᬬᬄ᭞ᬲᬶᬬᬂᬮ
ᬢ᭄ᬭᬶ᭞ᬧᬦ᭄ᬢᭂᬲ᭄ᬲᬂᬓᬵᬮᬶᬄᬓᬳᬾᬫᬦ᭄᭟ᬫᬥᬾᬯᬢᬶᬫᬦᬸᬦᬲᬂ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦ᭠ᬯᭂᬕᬂ᭞ᬓᬤᬶᬮᬮᬶᬯᬯᬸᬫᬵᬢᬹᬃ᭞ᬤᬶᬚᬓᬧᭀᬳᭂᬫ᭄ᬩᭀᬓ᭄ᬢᬶᬢ᭄ᬬᬂ᭞ᬦᬶᬮᬯᬢᬶ᭞ᬮᬦ᭄ᬳᬶᬩᭂᬮᬶᬫᬺᬢ᭄ᬣᬚᬶᬯ᭟ᬢᬦ᭄ᬯᬾᬦ᭄ᬢᭂᬦ᭄ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬲ
ᬓᬾᬂᬳᬶᬦᬸᬦᬶᬳᬶᬭᬶᬓᬶ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄ᬳᬮᭀᬦ᭄᭞ᬤᬜᭂᬩᭂᬢᬂᬘᭂᬦᬶᬂᬳᬬᬸ᭞ᬦᬶᬮᬯᬢᬶᬫᬺᬢ᭄ᬣᬚᬶᬯ᭞ᬮᬯᬲ᭄ᬕᬢᬶ᭞ᬫᬕᭂᬤᬶᬳᬸᬮᬶᬂᬧᬤᬸᬓ᭄ᬯᬦ᭄᭟ᬓᬕᬸᬦᬸᬂᬫᬯᬦᬧ᭄ᬭᬱ᭄ᬝ᭞ᬓᬢᬸᬢᬸᬭᬂᬲᬓᬾᬂᬗᬯᬶᬢ᭄᭞ᬓᬭᬯᬸᬳᬦ᭄ᬯᬬᬦ᭄ᬲᬤ᭄ᬭ᭞ᬧᭂᬘᬓ᭄ᬧᭀᬮᬶᬄᬫᬮᬶᬄ

[᭔ 4A]
᭔
ᬗᭂᬚᬸᬓ᭄᭞ᬦᬶᬮᬯᬢᬶᬭᬶᬂᬧᬤᬸᬓ᭄ᬯᬦ᭄᭞ᬢᬦ᭄ᬧᬯᬗ᭄ᬲᬶᬢ᭄᭞ᬦᬶᬮᬯᬢᬶᬦᬶᬗ᭄ᬕᬮ᭄ᬤᬾᬰ᭟ᬲᬫᬶᬲᬵᬫ᭄ᬧᬸᬦ᭄ᬓᬧᬶᬤᬃᬢ᭄ᬢ᭞ᬫᬥᬾᬯ᭠ᬢᬶᬗᭂᬫ᭄ᬩᭂᬂᬳᬓ᭄ᬱᬶ᭞ᬓᬗᭂᬦ᭄ᬓᬬᬸᬦᬾᬫᬶᬋᬗᬂ᭞ᬲᬂᬬᭀᬕᬶᬳᬕᬾᬫᬲᬳᬸᬭ᭄᭞ᬢᭀᬂᬜᬦ᭄ᬤᬂᬘᭂᬦᬶᬂᬫᬗᭂᬦᬂ᭞ᬳᭂᬫ᭄ᬩᭀᬓ᭄ᬘᭂᬦᬶᬂ᭞ᬫᬕᭂᬤᬶᬦᬸᬢᬸᬕ᭄ᬓᬸ
ᬋᬦᬦ᭄᭟ᬤᬶᬕᬸᬦᬸᬂᬩᬋᬂᬫᬢᬧ᭞ᬳᬸᬩᬬᬦᬾᬲᬸᬩᬧᬲ᭄ᬢᬶ᭞ᬚᭂᬮᬾᬫᭂᬮᬄᬫᬓᬭᭀᬦᬦ᭄᭞ᬍᬓᭂᬢ᭄ᬫᬕᭂᬢᬶᬄᬳᬩᬸᬂ᭠ᬩᬸᬂ᭞ᬫᬲᬘᭂᬦᬶᬂᬢ᭄ᬯᬭᬦᬯᬂ᭞ᬮᬸᬮᬸᬢᬲᬶᬄ᭞ᬭᬓᭂᬢ᭄ᬢᭀᬂᬤᬤᬶᬧᬮᬲᬂ᭟ᬫᬥᬾᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬩᭀᬬᬲᬗ᭄ᬓᬦᬶᬂᬢᬦ᭄ᬳᬸᬦᬶᬂ᭞ᬳᬶᬦ᭄ᬤᬶᬓ᭄‌‌
ᬢᬺᬱ᭄ᬡᬵᬫᬓᬸᬋᬦᬦ᭄᭞ᬲᭀᬢᬦᬶᬂᬫᬜᬫᬓᬦ᭄ᬢᬸᬦ᭄᭞ᬬᬤᬶᬦ᭄ᬫᬤᭀᬄᬤᭀᬳᬦ᭄ᬕᭂᬦᬄ᭞ᬩᬦ᭄ᬢᬲ᭄ᬳᭀᬃᬢ᭄ᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬧᬶᬭᬕᬶᬦ᭄ᬢᬶᬢ᭄ᬬᬂ᭟ᬳᬯᬶᬦᬦ᭄ᬢᬶᬢ᭄ᬬᬂᬫᬗᭂᬦᬂ᭞ᬫᬶᬦᬩ᭄ᬤᬦᬾᬲᬵᬫ᭄ᬧᬸᬦ᭄ᬮᬮᬶ᭞ᬭᬶᬂᬢᬶᬢ᭄ᬬᬂᬓᬵᬭᬶᬫᬜᬫ᭞ᬭᬾᬄᬲᬵᬫ᭄ᬧᬸᬦ᭄ᬫᬤᬾᬯᬾᬓ᭄ᬮᬘᬸᬃ᭞
ᬫᬫᬜ᭄ᬚᬓ᭄ᬭᬶᬂᬲ᭄ᬯᬾᬘ᭄ᬙᬧᬸᬭ᭞ᬓᬤᬶᬮᬮᬶᬲ᭄᭞ᬓᬬᬸᬦᬾᬜᭂᬧᬾᬓᬂᬢᬶᬢ᭄ᬬᬂ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬳᬕᬾᬦᬶᬫ᭄ᬩᬮ᭄᭞ᬲᬃᬯ᭄ᬯᬶ᭠ᬗᭂᬮᬸᬢ᭄ᬫᬥᬾᬯᬢᬶ᭞ᬗᬸᬤᬘᭂᬦᬶᬂᬫᬲᭂᬮ᭄ᬲᭂᬮᬦ᭄᭞ᬜᭂᬮ᭄ᬲᭂᬮᬂᬤᬾᬯᬾᬓᬾᬮᬘᬸᬭ᭄᭞ᬲᭂᬩᭂᬢ᭄ᬲᬦ᭄ᬫᬾᬫᬾᬦᬶᬗᭂᬳᬂ᭞ᬢᬸᬭᬄᬘᭂ᭠ [ 5 ][᭔ 4B]
᭔
ᬦᬶᬂ᭞ᬲᬮᬄᬢᬫ᭄ᬧᬶᬫᬭᬭᬫ᭟ᬳᬯᬦᬦ᭄ᬘᭂᬦᬶᬂᬫᬫᬜ᭄ᬚᬓ᭄᭞ᬲᬓᬾᬂᬫᬗ᭄ᬳᬶᬥᭂᬧᬂᬫᬸᬜᬶ᭞ᬗᬸᬤᬫᬾᬫᬾᬫᬦᬦ᭄ᬤ᭄ᬭᬸᬳᬂ᭞ᬢᬺᬱ᭄ᬡᬵᬦ᭄ᬘᭂᬦᬶᬂᬲᬢᬸᬯᬸᬓ᭄᭞ᬫᬾᬫᬾᬚᬦᬶᬗᬶᬤᬶᬄᬳᭀᬮᬲ᭄᭞ᬢᭂᬓᬾᬦ᭄ᬘᭂᬦᬶᬂ᭞ᬳᭂᬤᬲᬚᬜᭂᬮ᭄ᬲᭂᬮ᭄ᬳᬯᬓ᭄᭟ᬓᬤᬸᬂᬧᭂᬮᬶᬄᬤᬗᬶᬗᭂᬢᬂ᭞ᬦᬾᬚ
ᬦᬶᬚᬮᬦ᭄ᬚᬸᬫᬸᬦᬶᬦ᭄᭞ᬤᬲᬭᬶᬦᬶᬥᭂᬧ᭄ᬦᬶᬃᬫᬵᬮ᭞ᬗᬃᬤ᭄ᬥᬶᬦᬶᬦ᭄ᬳᬦᬾᬭᬳᬬᬸ᭞ᬳᬧᬕᬸᬡᬦ᭄ᬦᬾᬜᭂᬮ᭄ᬲᭂᬮᬂ᭞ᬳᭂᬫ᭄ᬩᭀᬓ᭄ᬘᭂᬦᬶᬂ᭞ᬲᬓᬾᬂᬓᬩ᭄ᬭᬦ᭄ᬯᬦ᭄ᬫᬚᬮᬦ᭄᭟ᬢᬦ᭄ᬧᬯᬗ᭄ᬲᬶᬢ᭄ᬲᬲᬶᬮᬶᬩᬦ᭄᭞ᬮᬮᬶᬲ᭄ᬗᬸᬢᬂᬧ᭄ᬬᬦᬓ᭄ᬘᭂᬦᬶᬓ᭄᭞ᬫᬥᬾᬯᬢᬶᬲ᭄ᬫᬸᬓᬕᬶᬬᬢ᭄᭞ᬫᬦ᭄ᬢᭂᬕ᭄ᬧᬸᬧᬸ᭠
ᬭᬭᬶᬲ᭄ᬫᬵᬢᬸᬭ᭄᭞ᬤᬶᬚᬓᬧᭀᬦᬓᬦ᭄ᬢᬶᬢ᭄ᬬᬂ᭞ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬫᬦᬯᬶᬲᬵᬫ᭄ᬧᬸᬦ᭄ᬢᬭᬸᬡ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬗᬦ᭄ᬤᬶᬓᬬᬂ᭞ᬭᬾᬜ᭄ᬘᬂᬤᬦᬾᬫᬗᬢᬸᬭᬶᬦ᭄᭞ᬓᬵᬫᬚᬬᬫᬮᬜ᭄ᬘᬭᬦ᭄᭞ᬫᬗ᭄ᬤᬕᭂᬮᬶᬲ᭄ᬕᭂᬮᬶᬲ᭄ᬫᬦ᭄ᬢᬸᬓ᭄᭞ᬲᬂᬓᬤᬯᬸᬳᬦ᭄ᬗᬶᬭᬶᬗᬂ᭞ᬳᬕᬾᬧ᭄ᬭᬧ᭄ᬢᬶ᭞ᬧᬸᬢᬸ᭠
ᬦ᭄ᬤᬦᬾᬓᬵᬫᬚᬬ᭟ᬧ᭄ᬭᬦᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬭ᭄᭞ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬓᬵᬫᬚᬬᬫᬳᬶᬫᬮᬸ᭞ᬤᬶᬦᬶᬦᭂᬕᬓ᭄ᬳᬚᬓ᭄ᬧᭂᬓᬓ᭄᭞ᬩᬋᬂᬢᬗ᭄ᬓᬶᬮ᭄᭞ᬭᬶᬂᬳᬶᬤᬫᬡᬶᬓᬶᬂᬧᬸᬭᬶ᭟ᬓᬵᬫᬚᬬᬦᬸᬦᬲ᭄ᬮᬸᬕ᭄ᬭ᭞ᬩᬗ᭄ᬕᬬᬂᬢᬶᬢ᭄ᬬᬂ᭠

[᭕ 5A]
᭕
ᬇᬭᬶᬓᬶ᭞ᬗᭂᬮᬸᬂᬳᬗ᭄ᬕᬫᬢᬗᬦᬦ᭄᭞ᬜᭂᬫ᭄ᬧᬮ᭄ᬲᬶᬮᬲᬤᬗᬸᬦ᭄ᬢᬸᬮ᭄᭞ᬲᭀᬢᬦᬶᬂᬓᬦ᭄ᬢᬸᬦ᭄ᬢᬭᬸᬡ᭞ᬓᬤᬶᬕᭂᬮᬶᬧ᭄᭞᭠ᬓᬩᬶᬮ᭄ᬩᬶᬮ᭄ᬫᬧᬲᬂᬮᬶᬬᬢ᭄᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᬗᭂᬦ᭄ᬜᬶᬗᬓ᭄᭞ᬭᬶᬂᬫᬥᬾᬯᬢᬶᬫᬯᬗ᭄ᬲᬶᬢ᭄᭞ᬦᬄᬚᬦᬶᬳᬧᬗᬢᬯᬂ᭞ᬓᬧᭀᬦᬓᬦ᭄ᬘᭂᬦᬶᬂ᭠
ᬳᬸᬩᬸᬄ᭞ᬦᬸᬘᭂᬦᬶᬓ᭄ᬢᬶᬗ᭄ᬕᬮ᭄‌‌ᬭᬭᬫ᭞ᬓᬦ᭄ᬢᬶᬓᭂᬮᬶᬄ᭞ᬧᬭᬩ᭄ᬫᬾᬫᬾᬓᬵᬫᬚᬬ᭟ᬫᬥᬾᬯᬢᬶᬦᬍᬓ᭄ᬢᭂᬓᬂ᭞ᬩᭂᬗᭀᬂ᭠ᬳᬗᭀᬩ᭄ᬫᬜᬶᬗᬓᬶᬦ᭄᭞ᬓᬵᬫᬚᬬᬬᬦ᭄ᬲᬯᬗᬂ᭞ᬓᬤᬶᬳ᭄ᬬᬂᬲ᭄ᬫᬭᬢᬸᬫᬸᬭᬸᬦ᭄᭞ᬩᬕᬸᬲ᭄ᬕᭂᬜ᭄ᬚᬶᬂᬓᭂᬮᬸᬲ᭄ᬫᬾᬦᬓ᭄᭞ᬫᬥᬾᬯᬢᬶ᭞ᬢᬦ᭄ᬧᬾ᭠
ᬦ᭄ᬤᬄᬓᬤᬶᬜᬸᬫ᭄ᬧᭂᬦ᭟ᬯᬯᬸᬳᬾᬮᬶᬂᬓᬧᬶᬗᭀᬦᬦ᭄᭞ᬫᬘᭂᬩᬸᬃᬢᭂᬤᬸᬦ᭄ᬦᬫ᭄ᬧᭂᬓᬶᬦ᭄᭞ᬗᬸᬭᬸᬢᬸᬭᬸᬢ᭄ᬓᬵᬫᬚᬬ᭞ᬗᭂᬮᬸᬢ᭄ᬩᬳᬸᬫᬧᬶᬢᬸᬢᬸᬭ᭄᭞ᬳᬫ᭄ᬧᬸᬭᬘᭂᬦᬶᬂᬳᬫ᭄ᬧᬸᬭ᭞ᬢᬸᬫ᭄ᬩᬾᬦ᭄ᬚᬦᬶ᭞ᬫᬾᬫᬾᬦᬯᬂᬓᬧᭀᬦᬓᬦ᭄᭟ᬲᬸᬩᬓᭂᬮᬶᬄᬫᬭᬧᭂᬤᬲ᭄᭞ᬢᭂᬓᬾ
ᬦ᭄ᬧ᭄ᬬᬦᬓ᭄ᬲᬾᬧ᭄ᬳᬯᬳᬶ᭞ᬢᬹᬃᬓᬦ᭄ᬢᬶᬲᬸᬩᬢᬭᬸᬡ᭞ᬫᬾᬫᬾᬩᬸᬓᬢ᭄ᬯᬭᬭᬸᬗᬸ᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬲᬵᬫ᭄ᬧᬸᬦ᭄ᬩᬶᬩᬶ᭞ᬓᬤᬶᬧᬜ᭄ᬚᬂᬜᭂᬮ᭄ᬲᭂᬮ᭄ᬭᬕ᭟ᬩᭀᬬᬩᬶᬩᬶᬲᬓᬾᬂᬢᬶᬢ᭄ᬬᬂ᭞ᬕᬸᬫᬦ᭄ᬢᬶᬫᬤᬾᬯᬾᬓ᭄ᬲᬶᬲᬶᬧ᭄᭞ᬢᬦ᭄ᬳᬸᬦᬶᬂᬭᬶᬂᬧᬚᬕᬢᬦ᭄᭞ᬳ᭠ [ 6 ][᭕ 5B]
᭕
ᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬗ᭄ᬓᬸᬂ᭞ᬩᭀᬬᬧᬵᬢᬹᬢ᭄ᬓᬤᬶᬢᬶᬢ᭄ᬬᬂ᭞ᬫᬧᬶᬮᬮᬶ᭞ᬳᬸᬧᬫᬶᬓᬤᬶᬲᬲᭀᬗ᭄ᬕᬦ᭄᭟ᬧᬶᬢᬶᬓ᭄ᬩᭂᬗᬶᬮ᭄ᬳᬸᬩᬸᬳᬶᬦ᭞ᬮᬗ᭄ᬕᬦᬧᬸᬭᬸᬦ᭄ᬫᬸᬯᬶᬓᬶᬦ᭄᭞ᬓᭂᬢᬸᬗᬦ᭄ᬕᭂᬦᬄᬧᬲᬗᭀᬦ᭄᭞ᬫᬢᬶᬍᬲᬂᬤᬾᬯᬾᬓ᭄ᬮᬘᬸᬭ᭄᭞ᬤᬸᬭᬸᬲ᭄ᬩᭂᬭᬕ᭄‌‌ᬢᬦ᭄ᬧᬦᭂᬥ᭞ᬩᬶ᭠
ᬮᬶᬄᬫᬵᬢᬶ᭞ᬧᬥᭂᬫᬾᬲᬓᬾᬂᬫᬓᭂᬦ᭄ᬢ᭟ᬲᬧᬸᬦᬶᬓᬳᬸᬧᬫᬶᬦ᭄ᬜ᭞ᬢᬶᬢ᭄ᬬᬂᬢᬦ᭄ᬳᬸᬦᬶᬂᬭᬶᬂᬩᬶᬩᬶ᭞ᬤᬶᬚᬯᬾᬦ᭄ᬢᭂᬦ᭄ᬓᬧᬵᬢᬹᬢᬦ᭄᭞ᬢᬶᬢ᭄ᬬᬂᬲᬓᬤᬶᬢᬦ᭄ᬭᬸᬗᬸ᭞ᬭᬶᬂᬲᬦᬾᬧᬵᬢᬹᬢ᭄ᬜᬬᬗᬂ᭞ᬢᬹᬃᬗᬸᬩᬸᬳᬶᬦ᭄᭞ᬕᭂᬦᬄᬗᭂᬮᬦ᭄ᬢᬶᬗᬂᬳᬯᬓ᭄᭟ᬗ᭄ᬳᬶᬂᬢᬦ᭄ᬲᬗ᭄ᬓᬦᬶᬂᬧ᭄ᬭᬲᬗ᭄ᬕ᭞ᬲᬓ
ᬭᬶᬂᬢᬶᬢ᭄ᬬᬂᬗᬃᬤ᭄ᬥᬶᬦᬶᬦ᭄᭞ᬳᬾᬮᬶᬂᬭᬶᬂᬫᬤᬾᬯᬾᬓ᭄ᬓᬯᭀᬦ᭄᭞ᬓᬯᭀᬦᬶᬦ᭄‌‌ᬭᬭᬫᬳᬸᬩᬸᬄ᭞ᬫᬥᬾᬯᬢᬶᬗᭂᬫ᭄ᬩᭂᬂᬢᬶ᭠ᬗ᭄ᬳᬮ᭄᭞ᬳᬥᬹᬄᬘᭂᬦᬶᬂ᭞ᬲᭂᬩᭂᬢ᭄ᬲᬦ᭄ᬫᬾᬫᬾᬦᬶᬗᭂᬳᬂ᭟ᬢᭀᬂᬜᬦ᭄ᬤᬂᬘᭂᬦᬶᬂᬮᬦ᭄ᬢᬗᬂ᭞ᬜᬫ᭄ᬩᬢᬂᬦᬾᬩᭂᬦᭂᬄᬧᭂᬮᬶᬄ᭞ᬗᬸᬤᬫᬗᬸᬦᬂᬤᬸᬄᬓᬶ
ᬢ᭞ᬲᭂᬩᭂᬢ᭄ᬫᬾᬫᬾᬦᬾᬫᬯᬸᬯᬸᬄ᭞ᬦᬶᬗᭂᬄᬘᭂᬦᬶᬂᬫᬧᬗᭂᬦᬦ᭄᭞ᬲᭂᬤ᭄ᬲᭂᬤ᭄ᬲᭂᬤᬶᬄ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭟ᬫᬾᬫᬾᬢ᭄ᬯᬭᬫᬮᬾᬩᬗᬦ᭄᭞ᬫᬧ᭄ᬬᬦᬓ᭄ᬢᭂᬓᬾᬦᬶᬂᬘᭂᬦᬶᬂ᭞ᬢᬺᬱ᭄ᬡᬵᬦ᭄ᬫᬾᬫᬾᬢ᭄ᬯᬭᬪᬶᬦ᭞ᬫᬵᬋᬧ᭄ᬓᬧᭀᬦᬓᬦ᭄ᬧᬢᬸᬄ᭞ᬢᭂᬓᬾᬦ᭄ᬳᬶ᭠

[᭖ 6A]
᭖
ᬤᬤᬾᬯᬵᬬᬸᬫᬵᬲ᭄᭞ᬕᬸᬲ᭄ᬢᬶᬦ᭄ᬘᭂᬦᬶᬂ᭞ᬳᬲᬄᬢᭀᬂᬳᬤᬳᭂᬜ᭄ᬘᬾᬢᬦ᭄᭟ᬲᭀᬢᬦᬶᬂᬫᬾᬫᬾᬫᬜᬫ᭞ᬲᭀᬤᭂᬢ᭄ᬢᭂᬓᬾᬦ᭄ᬫᬾᬫᬾᬦ᭄ᬘᭂᬦᬶᬂ᭞ᬩᬸᬓᬲᭂᬧᬶᬢᬾᬲᬵᬢ᭄ᬫᬓ᭞ᬧᬭᬲ᭄ᬧᬭᭀᬲ᭄ᬢᭂᬓᬳᬤᬸᬂ᭞ᬢ᭄ᬯᬭᬢᬳᬾᬦ᭄ᬫᬕᭂᬋᬗᬦ᭄᭞ᬳᬸᬮᬶᬘᭂᬦᬶᬓ᭄᭞
ᬫᬓᬶᬮᬶᬢ᭄‌‌ᬢᬺᬱ᭄ᬡᬵᬫᬜᬫ᭟ᬳᬚᬓ᭄ᬤᬤ᭄ᬯᬤᬶᬧᬤᬸᬓ᭄ᬯᬦ᭄᭞ᬗᬬᬳᬶᬦ᭄ᬳᬦᬓᬾᬮᬶᬗ᭄ᬲᬶᬭ᭄᭞ᬗᬸᬤᬫᬾᬫᬾᬢᭀᬂ᭠ᬗᬶᬗᭂᬢᬂ᭞ᬳᬤᬘᭂᬦᬶᬂᬚᬦᬶᬢᬸᬫ᭄ᬩᬸᬄ᭞ᬳᭀᬓᬦ᭄ᬤᬦᬾᬢ᭄ᬯᬭᬮᬾᬦᬦ᭄᭞ᬫᬾᬫᬾᬳᬸᬕᬶ᭞ᬳᬕᭂᬢ᭄ᬮᬘᬸᬃᬫᬦᬫ᭄ᬧᭂᬤᬂ᭟ᬚᬦᬶᬫᬾᬫᬾᬫᬢ
ᬯᬗᬂ᭞ᬤᬾᬯᬵᬬᬸᬫᬵᬲ᭄ᬧᬃᬡ᭄ᬦᬄᬘᭂᬦᬶᬂ᭞ᬫᬫᬶᬲᬦ᭄ᬤᬶᬘᭀᬓᭀᬃᬘᭀᬓᭀᬃ᭞ᬧᬧᬃᬡ᭄ᬦᬳᬦ᭄ᬲᬓᬾᬂᬯᬥᬹ᭞ᬫᬾᬫᬾᬜᬤ᭄ᬬᬫᬢᭂᬫ᭄ᬧᬳᬂ᭞ᬢᭂᬓᬾᬦ᭄ᬘᭂᬦᬶᬂ᭞ᬳᬶᬭᬶᬂᬳᬶᬤᬤᬶᬧᬤᬸᬓ᭄ᬯᬦ᭄᭟ᬫᬢᬫ᭄ᬩᬲᬸᬗ᭄ᬓᬦ᭄ᬲᬸᬗ᭄ᬓᬦᬦ᭄᭞ᬳᬯᬦᬦ᭄ᬤᬶᬦᬶᬫᬕᬶᬗ᭄ᬲᬶᬃ᭞ᬫᬤᬓ᭄ᬳᬶᬤ᭠
ᬳᬾᬗ᭄ᬕᬮ᭄ᬓᬾᬦᬓ᭄᭞ᬘᭂᬦᬶᬂᬗᬶᬭᬶᬂᬳᬶᬤᬫᬦ᭄ᬢᬸᬓ᭄᭞ᬬᬾᬦ᭄ᬫᬓᬶᬢᬘᭂᬦᬶᬂᬦᬯᬂ᭞ᬲ᭄ᬯᬾᬘ᭄ᬙᬧᬸᬭᬶ᭞ᬢᭀᬗᭀᬲ᭄ᬫᬾᬫᬾᬫᬫᬋᬓᬦ᭄᭟ᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬦᬵᬣ᭞ᬲᬂᬕᬸᬡᬕᬡᬭᬶᬂᬩᬮᬶ᭞ᬲᬶᬦᬄᬘᭂᬦᬶᬂᬓᬮᬾᬤᬗᬦ᭄᭞ᬓᬵᬫᬚᬬᬓᬵᬭᬶᬗᬸᬦ᭄ᬢᬸᬓ᭄᭞ᬓᬤᬶ [ 7 ][᭖ 6B]
᭖
ᬳᬸᬮᬧ᭄ᬫᬗᬦ᭄ᬢᭂᬦᬂ᭞ᬭᬵᬚᬧᬸᬢ᭄ᬭᬶ᭞ᬢᬸᬮ᭄ᬬᬭᬣᬶᬄᬜᬮᬦ᭄ᬢᬭ᭟ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬦᬄᬭᬾᬭᬾᬦᬂᬫᬮᬸᬘᭂᬦᬶᬂ᭞ᬯᬶᬭᬾᬄᬲᬸᬩᬮᬶᬗ᭄ᬲᬶᬃᬲᬜ᭄ᬚ᭞ᬭᬵᬚᬧᬸᬢ᭄ᬭᬶᬫᬶᬭᬶᬩ᭄ᬮᭂᬲᬸ᭞ᬳᬢᬸᬭᬶᬦ᭄ᬳᬶᬤᬫᬭᬵᬃᬬ᭄ᬬᬦ᭄᭞ᬳᬸᬮᬶᬢᬸᬦᬶ᭞ᬓᬍᬲᭀᬦ᭄ᬳᬶᬤᬫᬫᬵᬃᬕ᭄ᬕ᭟ᬭᬵ
ᬚᬧᬸᬢ᭄ᬭᬶᬯᬸᬲ᭄ᬓᬵᬢᬸᬭᬦ᭄᭞ᬓᬧᬓᭀᬍᬫᬦ᭄ᬫᬕᬶᬗ᭄ᬲᬶᬭ᭄᭞ᬧᬯᭀᬗᬦ᭄ᬲᬫᬶᬗᬶᬭᬶᬗᬂ᭞ᬓᬩᬮᬾᬦᬾᬯᬯᬸᬢᬗᬸ᭠ᬦ᭄᭞ᬩᬮᬾᬳᬮᬶᬢ᭄‌‌ᬯᬸᬲ᭄ᬘᬸᬫᬤᬂ᭞ᬧᬘᬂᬮᬶᬗ᭄ᬕᬶᬄ᭞ᬭᬵᬚᬧᬸᬢ᭄ᬭᬶᬭᬶᬂᬧᬤᬸᬓ᭄ᬯᬦ᭄᭟ᬫᬾᬦ᭄ᬧ᭄ᬭᭀᬤᭀᬂᬗᬢᬸᬭᬂᬳᭀᬤᬓ᭄᭞ᬫᬾᬦ᭄ᬲ᭠
ᬗ᭄ᬓᭀᬮ᭄ᬫᬋᬲᬶᬓ᭄ᬋᬲᬶᬓ᭄᭞ᬜᭀᬫᬦ᭄ᬲᬵᬭᬶᬫᬤᬾᬲᭂᬓᬃ᭞ᬩᭂᬗᭀᬂᬩᭂᬗᭀᬂᬫᬶᬦᬩ᭄ᬓᬦ᭄ᬢᬸᬦ᭄᭞ᬓᬤᬶᬗᬶᬧᬶᬗᬦ᭄ᬢᭂᬦᬂ᭞ᬭᬵᬚᬧᬸᬢ᭄ᬭᬶ᭞ᬓᬢᬗ᭄ᬓᬶᬮ᭄ᬭᬶᬂᬓᬵᬫᬚᬬ᭟ᬲ᭄ᬫᬭᬭᬣᬶᬄᬬᬦ᭄ᬲᬯᬗᬂ᭞ᬚᭂᬕᬾᬕ᭄ᬩᬕᬸᬲᬾᬫᬲᬦ᭄ᬤᬶᬂ᭞ᬲᬂᬓᬵᬮᬶᬄᬭᬹᬧᬓᬧᬶᬗᭀ᭠
ᬦ᭄᭞ᬭᬾᬜ᭄ᬘᬂᬭᭀᬩᬦ᭄ᬲᬫᬶᬕᬸᬧᬸᬄ᭞ᬲᬬᬕᬗᬢᬸᬭᬂᬳᬬᬄ᭞ᬲᬓᬾᬂᬪᬓ᭄ᬢᬶ᭞ᬯᬾᬦ᭄ᬢᭂᬦ᭄ᬭᬾᬧᭀᬢ᭄ᬦᬸᬗ᭄ᬕ᭄ᬯᬂᬤᬂᬤᬂ᭟᭜᭟ᬤᬂᬤᬂ᭟᭜᭟ᬲᬲᬸᬓᬢ᭄ᬤᬾᬯᬵᬬᬸᬫᬵᬲ᭄ᬫᬮᬶᬗ᭄ᬕᬶᬄ᭞ᬭᬶᬂᬧᬤᬸᬓ᭄ᬯᬦ᭄᭞ᬫᬕᬶᬗ᭄ᬲᬶᬃᬫᬢᬫ᭄ᬩ᭞ᬳᬦ᭄ᬢᬸᬓ᭄‌‌ᬭᬳᬢ᭄ᬧᬶᬦᬸᬗ᭄ᬓᬦᬾ᭞ᬧᬜ᭄ᬚ

[᭗ 7A]
᭗
ᬓ᭄‌‌ᬕᬾᬮ᭄ᬕᬾᬮ᭄ᬲᬸᬫᬸᬬᬸᬕ᭄᭞ᬓᬧᬤᬸᬓ᭄ᬯᬦ᭄ᬢᬫᬦ᭄ᬩᬮᬶ᭞ᬲᬩ᭄ᬭᬦ᭄ᬤᬶᬦᬢᬦ᭄ᬧᭂᬕᬢ᭄᭞ᬮᬸᬄᬫ᭄ᬯᬦᬶᬓᬕᬸᬦᬸᬂ᭞ᬫᬕᬶᬮᬶᬃᬫᬓ᭄ᬢᬭᬭᬧᬦ᭄᭞ᬫᬢᭂᬕᭂᬧᬦ᭄᭞ᬲᬗᬦᬦ᭄ᬳᬬᬫ᭄ᬮᬦ᭄ᬳᬶᬢᬶᬓ᭄᭞ᬫᬤᬸᬮᬸᬭᬦ᭄ᬳᬤᬾᬂᬩᭂᬭᬲ᭄᭟ᬜᬤ᭄ᬬᬢᬗ᭄ᬓᬶᬮ᭄‌‌ᬜᬶᬳ᭄ᬦᬬᬂᬲᬸᬪᬓ᭄ᬢᬶ᭞ᬭᬶᬂᬲᬂᬲᬸᬗ᭄ᬓ
ᬦ᭄᭞ᬲᭀᬢᬦᬶᬂᬫᬫᬜ᭄ᬚᬓ᭄᭞ᬓᬩᬢᭂᬓ᭄‌‌ᬤᬺᬤ᭄ᬥᬪᬓ᭄ᬢᬶᬦᬾ᭞ᬗᬯᬸᬮᬭᬶᬂᬲᬂᬧ᭄ᬭᬪᬹ᭞ᬓᬮᬾᬤᬗᬦ᭄ᬲᬩᬾᬂᬧᬸᬭᬶ᭞᭠ᬦᬾᬫ᭄ᬯᬦᬶᬫᬢᭂᬕᭂᬦᬦ᭄᭞ᬦᬾᬮᬸᬄᬲᬭᬢ᭄ᬜᬸᬯᬸᬦ᭄᭞ᬲᬓᬾᬂᬕᬾᬮ᭄ᬕᬾᬮ᭄ᬫᬕ᭄ᬭᬾᬦ᭄ᬤᭀᬢᬦ᭄᭞ᬓᬧᬤᬸᬓ᭄ᬯᬦ᭄᭞ᬳᬶᬦᬩᬾᬗᬢᬸᬭᬂᬪᬓ᭄ᬢᬶ᭞
ᬓᬕᬸᬦᬸᬂᬓᬵᬮᬧᬢᬶᬃᬢ᭄ᬣᬦ᭄᭟ᬓᬾᬗᬶᬦ᭄ᬤᬸᬫ᭄ᬬᬫᬭᬶᬂᬢᬫᬦ᭄ᬩᬮᬶ᭞ᬲᬩ᭄ᬭᬦ᭄ᬤᬶᬦ᭞ᬭᬵᬚᬧᬸᬢ᭄ᬭᬶᬮᬾᬤᬂ᭞ᬗᬓ᭄ᬱᬶᬲᬸᬪᬓ᭄ᬢᬶᬦ᭄ᬧᬜ᭄ᬚᬓᬾ᭞ᬭᬾᬭᬤ᭄ᬭᬾᬭᭀᬤ᭄ᬓᬕᬸᬦᬸᬂ᭞ᬯᬲ᭄ᬢᬸᬓᬾᬦᬓ᭄ᬭᬵᬚᬧᬸᬢ᭄ᬭᬶ᭞ᬓᬾᬦᬓᬾᬢᬦ᭄ᬧᬢᬫ᭄ᬩ᭞ᬲᬂᬬᭀᬕᬶᬫᬶᬢᬸᬤᬸᬄ᭞ᬲᬩ᭄ᬭᬦ᭄ᬫᬰᬸᬘᬶᬮ᭠
ᬓ᭄ᬱᬡ᭞ᬧᬢᬶᬩ᭄ᬭᬢ᭞ᬲᬢᬢᬫᬳᭂᬦᬶᬂᬳᭂᬦᬶᬂ᭞ᬧᬂᬍᬩᬸᬭᬦ᭄ᬤᬰᬫᬮ᭟ᬫᬮᬧᬢᬓᬤᬾᬦ᭄ᬕᭂᬲᭃᬂᬪᬲ᭄ᬫᬶ᭞ᬫᬢᭂᬫᬳᬦ᭄᭞ᬮᬭᬫᬮᬭᬤᬦ᭄᭞ᬫᬓᬢᬫ᭄ᬩᬧᬶᬦᬸᬗ᭄ᬓᬦᬾ᭞ᬧᬶᬦᬹᬚᬳᬲ᭄ᬢᬸᬧᬸᬗ᭄ᬓᬸ᭞ᬧᬗ᭄ᬮᬸᬓᬢᬦ᭄ᬲᬗᬕ᭄ᬭᬶᬂ᭞ᬧᬭᬶᬧᬹᬃᬡ᭄ᬦᬦᬶᬃᬫᬵᬮ᭞ᬧᬸᬦᬄᬲᬃᬯ᭄ᬯᬍᬢᬸᬄ᭞ [ 8 ][᭗ 7B]
᭗
ᬯᬶᬱ᭄ᬬᬫᬢᭂᬫᬳᬦ᭄‌‌ᬫᬺᬢ᭄ᬣᬵ᭞ᬧᬭᬶᬰᬸᬤ᭄ᬥ᭞ᬲᬓᬾᬂᬓᬲᬶᬤ᭄ᬥᬾᬦ᭄ᬲᬂᬬᭀᬕᬶ᭞ᬫᬬᭀᬕᬫᬚᬧᬫᬦ᭄ᬢ᭄ᬭ᭟ᬓᬸᬤᬂᬤᬶᬦᬲᬵᬫ᭄ᬧᬸᬦ᭄ᬭᬵᬚᬧᬸᬢ᭄ᬭᬶ᭞ᬭᬶᬂᬧᬤᬸᬓ᭄ᬯᬦ᭄᭞ᬤᬸᬭᬸᬂᬦᬳᭂᬦ᭄ᬧᬶᬲᬦ᭄᭞ᬗᭂᬦ᭄ᬢᬄᬫᬮᬶᬄᬧᬶᬦᬸᬗ᭄ᬓᬦᬾ᭞ᬓᬾᬦᬓ᭄ᬳᬦ᭄ᬢᬸᬓ᭄ᬓᬲ᭄ᬮᬶᬫᬸᬭ᭄᭞ᬓᬍᬗᭂᬗᬦ᭄ᬢᬫᬦ᭄ᬲᬵ᭠
ᬭᬶ᭞ᬦᬃᬫ᭄ᬫᬤᬬᬦᬸᬧᬫ᭞ᬳᬾᬩᭂᬓ᭄ᬲᬃᬯ᭄ᬯᬲᬦ᭄ᬢᬸᬦ᭄᭞ᬧᬤᬫ᭄ᬧ᭄ᬬᬓ᭄ᬧᬶᬗ᭄ᬕᬶᬃᬢᭂᬮᬕ᭞ᬦᭂᬥᭂᬂᬓᭂᬫ᭄ᬩᬂ᭞ᬚᬫ᭄ᬧᬶᬭᬶᬂᬕᬥᬸᬂᬫᭂᬮᬢᬶ᭞ᬭ᭠ᬢ᭄ᬦᬫᭂᬦᬸᬄᬫᬓᬘᬓᬦ᭄᭟ᬲᬩ᭄ᬭᬦ᭄ᬤᬶᬦᬳᬶᬤᬭᬵᬚᬧᬸᬢ᭄ᬭᬶ᭞ᬫᬲᬲᬜ᭄ᬚᬦ᭄᭞ᬲᬃᬯ᭄ᬯᬶᬗᬮᬧ᭄ᬲᭂᬓᬃ᭞ᬫᬹᬃᬡ᭄ᬦᬬᬂᬳᬶᬩᬸᬓ᭄ᬓᬬᬸᬦᬾ᭞ᬯᬗᬶᬦᬶᬂᬢᬶᬃᬢ᭄ᬣᬵ
ᬳᬭᬹᬫ᭄᭞ᬭᬱᬗᬭᬤ᭄ᬫᬗᬢᬸᬭᬶᬦ᭄᭞ᬭᬵᬚᬧᬸᬢ᭄ᬭᬶᬫᬲᬶᬭᬫ᭄᭞ᬭᬶᬂᬢᬸᬓᬤᬾᬢᭂᬤᬸᬦ᭄᭞ᬜᭀᬫᬦ᭄ᬲᬵᬭᬶᬫᬥᬾᬲᭂᬓᬃ᭞ᬫᬗᬶᬭᬶᬗᬂ᭞ᬭᬶᬂᬧᬜ᭄ᬘᭀᬭᬦᬾᬫᬰᬸᬘᬶ᭞ᬲᬋᬂᬢᬶᬕᬗᭂᬮᬸᬲ᭄ᬯᬲ᭄ᬢ᭄ᬭ᭟ᬢᭀᬬᬳᬦᬓᬦ᭄ᬦᬶᬂᬗᬸᬮᬗᬸᬦᬶᬦ᭄‌‌ᬲᬂᬫᬲᬶᬭᬫ᭄᭞ᬫᬰᬸᬘᬶᬮᬓ᭄ᬱᬡ᭞᭠
ᬓᬤᬸᬓ᭄ᬯᬸᬮᬗᬸᬦ᭄ᬓᬬᬸᬦᬾ᭞ᬚᬦ᭄ᬢᭀᬲ᭄ᬢᬦ᭄ᬯᬾᬦ᭄ᬢᭂᬦ᭄ᬭᬸᬗᬸ᭞ᬭᬶᬂᬢᬭᬸᬦᬾᬯᬾᬦ᭄ᬢᭂᬦ᭄ᬗᬶᬦ᭄ᬢᬶᬧ᭄᭞ᬓᬵᬫᬚᬬᬲᭂᬤᭂᬓᬦ᭄᭞ᬗᬮ᭠ᬧ᭄ᬲᭂᬓᬃᬚᭂᬧᬸᬦ᭄᭞ᬳᭀᬲᬄᬜᬶᬗᬓ᭄ᬲᬂᬫᬲᬶᬭᬫ᭄᭞ᬓᬮᬸᬮᬸᬢᬦ᭄᭞ᬢᬦ᭄ᬧᬾᬦ᭄ᬤᬄᬓᬤᬶᬥᬥᬭᬶ᭞ᬓᬦ᭄ᬢᭂᬦ᭄ᬗᬶᬮᬶᬲ᭄ᬲᬓᬾᬂᬩᬩ᭄ᬯᬦ᭄᭟ᬢ

[᭘ 8A]
᭘
ᬫ᭄ᬩᬾᬜᬶᬗᬓ᭄ᬧᬸᬧᬹᬧᬸᬢᬶᬄᬕᬤᬶᬂ᭞ᬢᬍᬓ᭄ᬢᭂᬓᬂ᭞ᬫᬫᬸᬥᬓ᭄ᬘᬶᬦᬕ᭞ᬓᬤᬶᬤᬸᬦ᭄ᬤᬸᬦ᭄ᬯᬸᬮᬗᬸᬦᬾ᭞ᬧᬫᬸᬮᬸᬍᬫ᭄ᬧᬸᬂᬍᬫ᭄ᬩᬸᬢ᭄᭞᭠ᬜᬮᬾᬬᭀᬕ᭄ᬫᬥ᭄ᬬᬦᬾᬭᬫ᭄ᬧᬶᬂ᭞ᬢᬸᬮ᭄ᬬᬓᬤᬶᬲᬾᬯᬫ᭄ᬪ᭞ᬤᭀᬢ᭄ᬫᬓᬶᬢᬗᭂᬮᬸᬢ᭄᭞ᬜᬢᬸᬍᬕᬤᬶᬧᬩᬶᬦᬦ᭄᭞ᬲᬃᬯ᭄ᬯᬶᬗᬭᬲ᭄᭞ᬫ᭠
ᬘᭀᬓᭀᬮ᭄ᬲᬸᬲᬸᬦᬾᬭᬸᬧᬶᬢ᭄᭞ᬫᬩᬸᬤ᭄ᬥᬶᬜᭂᬧ᭄ᬲᭂᬧ᭄ᬦᭂᬮᬦᬂ᭟ᬬᬦ᭄ᬮᬶᬂᬮᬶᬂᬫᬓᬶᬢᬜᬳᬸᬧ᭄ᬗᬩᬶᬦ᭄᭞ᬜᬗ᭄ᬓᭀᬮ᭄ᬦᬶᬫᬦ᭄᭞ᬓᬲᭀᬩ᭄ᬫᬗᬦ᭄ᬢᭂᬦᬂ᭞ᬓᬳᬬᭀᬦ᭄ᬭᬵᬚᬧᬸᬢ᭄ᬭᬶᬦᬾ᭞ᬲᬓ᭄ᬱᬢ᭄ᬳ᭄ᬬᬂᬕᬶᬭᬶᬯᬥᬹ᭞ᬗᬲᭀᬭᬂᬲᬩᬢᬦ᭄ᬮᬗᬶᬢ᭄᭞ᬫᬥᬾᬲᭂᬓᬃᬢᬦ᭄ᬧᬾ᭠
ᬦ᭄ᬤᬄ᭞ᬲᬸᬧ᭄ᬭᬪᬤᬶᬦᬸᬮᬸ᭞ᬚᭂᬕᬾᬕ᭄ᬢᬦ᭄ᬲᬫᬾᬂᬫᬦᬹᬱ᭞ᬬᬦ᭄ᬧᬃᬡ᭄ᬦᬬᬂ᭞ᬓᬚᭂᬕᬾᬕᬦ᭄ᬜᭀᬫᬦ᭄ᬲᬵᬭᬶ᭞ᬢᬸᬮ᭄ᬬᬓᬤᬶᬢᬶᬮᭀᬢ᭄ᬢᬫ᭟ᬓᬵᬫᬚᬬᬲᬬᬦ᭄ᬮᬶᬂᬮᬸᬂᬧᬮᬶᬂ᭞ᬓᬮᬸᬮᬸᬢᬦ᭄᭞ᬮᬮᬶᬫᬓᬶᬚᬧᬦ᭄᭞ᬗᬮᬶᬂᬮᬶᬂᬯᬶᬤ᭄ᬬᬥᬭᬶᬦᬾ᭞ᬢᬫ᭄ᬩᬾᬧᬗ᭄ᬕᬶᬄᬫᬮᬮᬸᬂ
᭞ᬓᭂᬢᬸᬕ᭄ᬓᭂᬢᬸᬕ᭄ᬳᬸᬮᬸᬦᬢᬶ᭞ᬭᬱᬳᬯᭀᬃᬲᬭᬕ᭞ᬩᭂᬗᭀᬂᬲᬶᬬᬢ᭄ᬲᬶᬬᬸᬢ᭄᭞ᬚᬦ᭄ᬢᭀᬲ᭄ᬮᬮᬶᬗᬮᬧ᭄ᬲᭂᬓᬃ᭞ᬓᬧᬶᬗᭀᬦᬦ᭄᭞ᬭᬶᬂᬘᬭᬂᬚᭂᬧᬸᬦᬾᬗᭂᬜ᭄ᬚᬶᬓ᭄᭞ᬤᭂᬮᬓ᭄ᬤᭂᬮᭀᬓ᭄ᬫᬧᬯᬲᬦ᭄᭟ᬓᬮᬗᭂᬦᬾᬓᬤᬶᬭᬱᬗᬶᬧᬶ᭞ᬫᬗ᭄ᬕᬶᬄᬲ᭄ᬯᬃᬕ᭄ᬕ᭞ᬦᬤ᭠ [ 9 ][᭘ 8B]
᭘
ᬓ᭄ᬲᬭᬳᭂᬫ᭄ᬧᬓ᭄᭞ᬘᬭᬂᬮᬢᬸᬄᬤᬶᬲᬫ᭄ᬧᬶᬗᬾ᭞ᬳᭀᬕᬦ᭄ᬮᬩᬸᬄᬫᬘᭂᬩᬸᬕ᭄᭞ᬓᬕᬶᬬᬢ᭄ᬲᬂᬓᬤᬶᬭᬣᬶᬄ᭞ᬕᬕᬾ᭠ᬲᭀᬦ᭄ᬗᬫ᭄ᬩᬶᬮ᭄ᬯᬲ᭄ᬢ᭄ᬭ᭞ᬍᬓ᭄ᬚᭂᬗᬄᬫᬮᬮᬸᬂ᭞ᬜᭀᬫᬦ᭄ᬲᬵᬭᬶᬫᬥᬾᬲᭂᬓᬭ᭄᭞ᬩᭂᬘᬢ᭄ᬲᬾᬧᬦ᭄᭞ᬦᭂᬓᭂᬧ᭄ᬗᬾᬗ᭄ᬕᬮᬂᬦᬾᬧᬶᬗᬶᬢ᭄᭞ᬓ᭠
ᬩ᭄ᬭᬦ᭄ᬯᬦ᭄ᬫᬲᬶᬮᬸᬃᬲᬶᬜ᭄ᬚᬂ᭟ᬯᬸᬲ᭄ᬫᬲᬶᬭᬫ᭄ᬲᭂᬩᭂᬗᬾᬓᬩᬶᬮ᭄ᬩᬶᬮ᭄᭞ᬲᬋᬂᬢᬶᬕ᭞ᬫᬧᬯᬲᬦ᭄‌‌ᬫᬸᬗ᭄ᬕᬄ᭞ᬓᬦ᭄ᬢᭂᬦ᭄ᬭᬶᬂᬧᬸᬜᬦ᭄ᬚᭂᬧᬸᬦᬾ᭞ᬓᬵᬫᬚᬬᬩᬤᬸᬳᬸᬭ᭄᭞ᬗᭂᬤᭀᬄᬳᬸᬮᬢ᭄ᬫᬧᬶᬫᬧᬶ᭞ᬕᬕᬾᬲᭀᬦ᭄ᬫᬪᬹᬱᬡ᭞ᬩᭂᬘᬢ᭄ᬲᬾᬧᬦ᭄ᬫᬦ᭄ᬢᬸᬓ᭄᭞ᬢᬦ᭄ᬧᬦᭀ
ᬮᬶᬄᬲᭂᬫᬸᬳᬾᬭᬂ᭞ᬓᬧᬤᬸᬓ᭄ᬯᬦ᭄᭞ᬭᬵᬚᬧᬸᬢ᭄ᬭᬶᬚᬕ᭄ᬗᬭᬜ᭄ᬚᬶᬂ᭞ᬓᬧᬢᬸᬭᭀᬦ᭄ᬫᬕᬸᬦᭂᬫᬦ᭄᭟ᬢᬦ᭄ᬲᬄᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬢᬸᬦᬶ᭞ᬤᬸᬓ᭄ᬫᬲᬶᬭᬫ᭄᭞ᬲᬶᬦᬄᬓᬵᬫᬚᬬ᭞ᬧᭀᬮᬶᬄᬗᬶᬦ᭄ᬢᬶᬧ᭄ᬲᬤᬯᭂᬕᬾ᭞ᬗᬍᬚᭀᬕ᭄‌‌ᬤᬸᬓ᭄ᬫᬮᬮᬸᬂ᭞ᬓᬦ᭄ᬢᭂᬦ᭄ᬫᬓᬳᬗ᭄ᬕ
ᬲᬫᬶ᭞ᬗᬯᭂᬢ᭄ᬯᬂᬭᬭᬫ᭄ᬩᬗᬦ᭄᭞ᬓᬧᬃᬡ᭄ᬦᬭᬶᬂᬓᬬᬸᬦ᭄᭞ᬓᬵᬫᬚᬬᬗᬤᬾᬲᭂᬫᬂ᭞ᬫᬓᬶᬧᭂᬓᬦ᭄᭞ᬲᬶᬂᬜᬕᬶᬮᬫᬗᬶᬮᬶᬗᬶᬦ᭄᭞ᬧᬾᬢ᭄ᬯᬾᬦ᭄ᬢᭂᬦ᭄ᬭᬸᬧᬘᬾᬤᬵᬗ᭄ᬕ᭟ᬜᭂᬮ᭄ᬲᭂᬮ᭄ᬭᬕᬳᬶᬤᬭᬵᬚᬧᬸᬢ᭄ᬭᬶ᭞ᬢᬸᬦᬬᬢ᭄ᬦ᭞ᬳᬭᬄᬢᭀᬂᬫᬤᬬ᭞ᬳᬤᬳᬦᬓ᭄ᬤᬶᬓᬬᬸ᭠

[᭙ 9A]
᭙
ᬦᬾ᭞ᬫᬩᬮᬶᬄᬜᬭᬸᬜᬭᬸ᭞ᬫᬥᬾᬲᭂᬓᬃᬫᬵᬢᬹᬃᬳᬭᬶᬲ᭄᭞ᬗᬸᬤᬘᭀᬓᭀᬭᬶᬤᬾᬯ᭞ᬓᬤᬶᬩᬗᭂᬢ᭄ᬲᬸᬗ᭄ᬲᬸᬢ᭄᭞ᬩᭀᬬᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬩᬬᬢᬶᬢᬄ᭞ᬓᬵᬫᬚᬬᬫᬫᬗ᭄ᬕᬶᬳᬶᬦ᭄᭞ᬫᬦᬯᬶᬢᬸᬫᭀᬦ᭄ᬢᬦ᭄ᬧᭂᬤᬲ᭄᭟ᬚᬕᬦᬧᬶᬫᬮᬶᬄᬫᬶᬓ᭠
ᬬᬸᬦᬶᬦ᭄᭞ᬦᬾᬯᬸᬲ᭄ᬮᬶᬦ᭄ᬢᬂ᭞ᬢᭀᬂᬜᬦ᭄ᬤᬂᬲᬸᬗ᭄ᬓᬯ᭞ᬩᭂᬘᬶᬓ᭄ᬮᬷᬮᬬᬂᬓᬬᬸᬦᬾ᭞ᬜᭀᬫᬦ᭄ᬲᬵᬭᬶᬳᬸᬫᬢᬹᬃ᭞ᬤᬯᭂᬕ᭄ᬢᬶ᭠ᬢ᭄ᬬᬂᬫᬢᬹᬃᬲᬶᬲᬶᬧ᭄᭞ᬭᬾᬄᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬧ᭄ᬭᬲᬗ᭄ᬕᬫᬧᬸᬗᬸ᭞ᬗᬸᬤᬓᬾᬗᬶᬦ᭄ᬲᬮᬶᬢ᭄ᬳᬃᬱ᭞ᬧᬫᬶᬤᬸᬓᬵ᭞ᬩᬬᬧᬗᭂᬦ᭄ᬤᬦᬶᬂᬯᬶᬤ᭄ᬥᬶ᭞ᬦᬸ
ᬤᬸᬳᬂᬘᭀᬓᭀᬭᬶᬤᬾᬯ᭟ᬫᬲᬶᬭᬫ᭄ᬭᬶᬂᬧᬜ᭄ᬘᭀᬭᬦᬾᬧᬶᬗᬶᬢ᭄᭞ᬦᬤᬓ᭄ᬲᬭ᭞ᬓᬵᬫᬚᬬᬫᬸᬗ᭄ᬕᬄ᭞ᬫᬗ᭄ᬕᬸ᭠ᬳᬂᬲᬓᬾᬂᬢᬭᬸᬦᬾ᭞ᬲᬋᬂᬢᬶᬕᬫᬮᬮᬸᬂ᭞ᬚᬦ᭄ᬢᭂᬦᬶᬧᬸᬦ᭄ᬩᬸᬤᬸᬄᬧᬮᬶᬂ᭞ᬓᬵᬫᬚᬬᬗᬦ᭄ᬢᭂᬦᬂ᭞ᬓᬧᬶᬗᭀᬦ᭄ᬯᬸᬮᬗᬸᬦ᭄᭞ᬫᬾᬄᬮᬮᬶᬭᬶᬂ᭠
ᬧᬤᬾᬯᬾᬓᬦ᭄᭞ᬓᬮᬸᬮᬸᬢᬦ᭄᭞ᬩᬗ᭄ᬕᬬᬂᬩᬸᬤᬸᬄᬧᬤᬶᬤᬶ᭞ᬫᬶᬂᬲᬶᬓᬶᬦ᭄ᬘᭀᬓᭀᬭᬶᬤᬾᬯ᭟ᬧᬸᬭᬸᬦ᭄ᬢᬶᬢ᭄ᬬᬂᬫᬩᬸᬯᬢ᭄ᬳᬓᭂᬢᬶ᭞ᬗᬯᬢᬗᬂ᭞ᬓᬵᬫᬚᬬᬭᬸᬦ᭄ᬢᬕ᭄᭞ᬨᬮᬦ᭄ᬮᬾᬤᬢ᭄ᬧᬮᬶᬬᬢᬾ᭞ᬫᬥᬾᬲᭂᬓᬃᬫᬲᬳᬸᬭ᭄᭞ᬢᭀᬂᬫᬤᬬᬕ᭠ [ 10 ][᭙ 9B]
᭙
ᬢᬶᬕᬢᬶ᭞ᬳᭂᬫ᭄ᬩᭀᬓ᭄ᬲᬮᬄᬧᬫᬃᬡ᭄ᬦ᭞ᬓᬤᬾᬦ᭄ᬲᬚᬓᬶᬫᬸᬤ᭄᭞ᬢᬸᬭᬄᬘᬭᬮᬶᬧᬶᬕᬤᬂ᭞ᬓᬵᬫᬚᬬ᭞ᬮᬶᬬᭂᬧ᭄ᬮᬶᬬᭂᬧ᭄ᬦᬕᬶᬄᬗᬸᬢᬶᬮ᭄᭞ᬦᬄᬤᭂᬧᬂᬳᭂᬫ᭄ᬩᭀᬓ᭄ᬕᬸᬢᬶᬮ᭟ᬢ᭄ᬯᬭᬳᭂᬫ᭄ᬩᭀᬓ᭄ᬮᬓᬭᬦ᭄ᬫᬓᬶᬭᬶᬕ᭄᭞ᬓᬧᬜ᭄ᬚᬓᬂ᭞ᬢᭂᬓᬾᬦ᭄ᬓᬵᬫᬚᬬ᭞ᬬᬦ᭄ᬲᬸᬩᬧ᭠
ᬥᬘᬸᬫ᭄ᬧᬸᬦᬾ᭞ᬩᬦᬶᬦᬢᬓᬶᬦ᭄ᬮᬘᬸᬭ᭄᭞ᬚᭂᬮᬾᬫᭂᬮᬄᬩᬋᬂᬫᬵᬢᬶ᭞ᬬᬤ᭄ᬬᬗᬢᬸᬭᬂᬳᬬᬄ᭞ᬫᬸᬂᬧᬸᬂᬫ᭄ᬩᭀᬓ᭄‌‌ᬦᬸᬳᬶᬤᬸᬧ᭄᭞ᬮᬲ᭄ᬬᬫ᭄ᬩᭀᬓ᭄ᬤᬶᬦᬶᬫᬓᬸᬢᬂ᭞ᬤᬶᬧᬤᬸᬓ᭄ᬯᬦ᭄᭞ᬜᭀᬫᬦ᭄ᬲᬵᬭᬶᬲᬳᬸᬃᬓᭂᬜᬶᬂ᭞ᬤᭀᬂᬗᬸᬤᬢᭂᬓᬜᬕᭂᬭᬂ᭟ᬳᬸᬮᬸᬗᬦ᭄ᬤᬫᬸᬄᬲᬸᬩ
ᬢᭂᬗᬳᬶ᭞ᬤᬶᬚᬕᬩᬕ᭄᭞ᬤᬸᬓᬧᬦ᭄ᬜᬶᬤ᭄ᬥᬬᬂ᭞ᬢᬦᬳᬾᬢᭂᬓᬾᬦ᭄ᬮᬗᬶᬢᬾ᭞ᬳᬢᭂᬧ᭄ᬩᭂᬢᬾᬦ᭄ᬩᬤᬸᬳᬸᬭ᭄᭞ᬤᭂᬫᭂᬦ᭄ᬗᬍᬕᬬᬂᬳᬗᬶᬦ᭄᭞ᬜᬾᬦ᭄ᬢ᭄ᬯᬭᬮᬓᬃᬳᭂᬜᬓ᭄᭞ᬮᬩᬸᬄᬦᭂᬧᬾᬦ᭄ᬓᬲᬸᬭ᭄᭞ᬢᬶᬤᭀᬂᬩᭂᬮᬸᬲ᭄ᬫᬍᬩ᭄ᬮᭂᬩᬦ᭄᭞ᬗᬤᬸᬧᭀᬗᬄ᭞ᬫᬾᬲᭂ
ᬫ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬤᬤᬢᬩᬓᬢ᭄ᬓᭂᬜ᭄ᬘᬦᬂ᭞ᬚᭂᬮᬾᬫᭂᬮᬄᬢ᭄ᬯᬭᬤᬤᬶᬳᬮᬶᬄ᭞ᬲᬭᬢᬶᬢᬄ᭞ᬍᬓ᭄ᬳᬶᬘᬂᬦᬶᬗᭂ᭠ᬳᬂ᭞ᬧᬚᬸᬮᬢ᭄ᬫᬸᬜᬶᬦ᭄ᬜᬳᬶᬦᬾ᭞ᬩᬸᬓᬢᭀᬂᬦᬯᬂᬓᬶᬫᬸᬤ᭄᭞ᬗᬭᬯᭀᬲᬂᬳᬦᬓ᭄ᬫ᭄ᬯᬦᬶ᭞ᬢᬶᬤᭀᬂᬧᬵᬢᬹᬢ᭄ᬧᭂᬢᬬᬂ᭞ᬭᬾᬄᬧᬢᬸ

[᭑᭐ 10A]
᭑᭐
ᬭᬸᬳᭂᬮᬸᬄ᭞ᬲᬶᬂᬜᬳᬤᬳᬦᬓ᭄ᬦᬯᬂ᭞ᬮᬓᬃᬓᬸᬚᬂ᭞ᬤᬤᬶᬓᬓᭂᬤᬾᬓᬦ᭄ᬕᬸᬫᬶ᭞ᬓᬚᬃᬯ᭄ᬯᬓᬂᬲᬮᬄᬢᬶᬗ᭄ᬓᬄ᭟ᬫᭂᬦ᭄ᬤᭂ᭠ᬧ᭄ᬜᬳᬶᬢ᭄ᬯᬭᬤᬤᬶ᭞ᬗᬯᬾᬭᬬᬂ᭞ᬳᬶᬘᬂᬲᬸᬩᬦᬯᬂ᭞ᬧᬫᭂᬢᭂᬂᬇᬥᭂᬧ᭄ᬜᬳᬶᬦᬾ᭞ᬲᬓᬭᬶᬂᬧᬥᬲᬸᬮᬸᬓ᭄᭞ᬗᭂᬢᭀᬳᬶᬦ᭄ᬲᬶᬬᬧ᭄ᬫᬢᬚᬶ᭞
ᬢᭀᬂᬜᬦ᭄ᬤᬂᬫᬓᭂᬩᬗᬦ᭄᭞ᬧᬶᬢᬸᬗᬦᬾᬧᬢᬸᬄ᭞ᬓᬮᬶᬬᬩᬾᬩᬦᬶᬗᬲᬮ᭄᭞ᬗᭀᬜᬂᬕᭂᬮᬭ᭄᭞ᬳᬶᬘᬂᬜᬓ᭄ᬩᬋᬂᬗᬶᬮᭀᬦᬶᬦ᭄᭞ᬫᬩᬸᬤ᭄ᬥᬶᬫᬶᬮᬸᬫᬯᬭᬂ᭟ᬧᬥᬩᬋᬢ᭄ᬲᬸᬩᬫᬳᬦ᭄ᬢᬦ᭄ᬤᬶᬂ᭞ᬤᬜᭂᬩᭂᬢᬂ᭞ᬧ᭄ᬭᬤᬾᬜᬳᬶᬓᬮᬄ᭞ᬲᬭᬬᬂᬳᬕᭂ᭠
ᬢ᭄ᬮᬘᬸᬭᬾ᭞ᬫᬥᬾᬲᭂᬓᬃᬓᬤᬸᬭᬸᬲ᭄᭞ᬧᬸᬭᬸᬦ᭄ᬜᭀᬗ᭄ᬓᬓ᭄ᬭᬵᬚᬧᬸᬢ᭄ᬭᬶ᭞ᬳᬢᬸᬭᬾᬢᭀᬂᬚᬗ᭄ᬓᬬᬦ᭄᭞ᬢᬶᬢ᭄ᬬᬂᬲ᭠ᬓᬾᬂᬲᬥᬹ᭞ᬫᬵᬢᬹᬃᬭᬶᬂᬘᭀᬓᭀᬭᬶᬤᬾᬯ᭞ᬩᭀᬬᬜᬦ᭄ᬤᬂ᭞ᬳᬦ᭄ᬤᬸᬲᬾᬫᬮᬶᬄᬢᭂᬓᭂᬧᬶᬦ᭄᭞ᬫᬗ᭄ᬤᭀᬄᬢᬦ᭄ᬯᬾᬦ᭄ᬢᭂᬦ᭄ᬫᬍᬓᬄ᭟
ᬚᬕᬦᬧᬶᬫᬓᭂᬩᬗᬦ᭄ᬫᬮᬶᬄ᭞ᬫᬧᬶᬓᬾᬫᬤ᭄᭞ᬜᭀᬫᬦ᭄ᬲᬵᬭᬶᬦᬶᬫ᭄ᬩᬮ᭄᭞ᬗᬸᬤᬩᬲ᭄ᬮᬗ᭄ᬲᭀᬢ᭄ᬳᬢᬸᬭᬾ᭞᭠ᬮᬕᬸᬢᬾᬲᬚᬘᬸᬫ᭄ᬧᬸ᭞ᬢ᭄ᬯᬭᬚᬗ᭄ᬓᬬᬦ᭄ᬫᬫᬸᬜᬶ᭞ᬤᭀᬂᬗᬸᬤᬧᬢᬶᬕᬩᬕ᭄᭞ᬘᬭᬢᬸᬓᬾᬳᬜᬸᬤ᭄᭞ᬫᬓᭂᬚᬂᬢᭂᬓᬤᬮᬶᬳᬂ᭞ [ 11 ][᭑᭐ 10B]
᭑᭐
ᬩᬋᬂᬧᭀᬗᬄ᭞ᬢᬶᬫ᭄ᬧᬮᬾᬩᬋᬂᬳᬭᬦᬶᬦ᭄᭞ᬫᬩᬸᬤ᭄ᬥᬶᬲᬏᬓᬧ᭄ᬭᬬ᭟ᬭᬵᬚᬧᬸᬢ᭄ᬭᬶᬳᬕᬾᬜᬧ᭄ᬲᬧ᭄ᬭᬭᬶᬲ᭄᭞ᬢᬹᬃᬗᬦ᭄ᬤᬶᬓ᭞ᬭᬾᬭᬾᬦᬂᬫᬚᬸᬮᬢ᭄᭞ᬤᬧᬸᬭᬂᬩᭂᬦᭂᬄᬧᭂᬮᬶᬳᬾ᭞ᬓᬤᬸᬂᬓᬾᬳᬚᬓ᭄ᬢᭂᬮᬸ᭞ᬧᬥᬕᬶᬕᬶᬲᬂᬫᬫᬸᬜᬶ᭞ᬢᭀᬂᬜᬦ᭄ᬤᬂᬫᬕᭂ᭠
ᬩᬸᬭᬦ᭄᭞ᬢᬸᬮᬸᬲ᭄ᬧᬥᬩᭂᬮᬸᬲ᭄᭞ᬜᭀᬫᬦ᭄ᬲᬵᬭᬶᬫᬥᬾᬲᭂᬓᬭ᭄᭞ᬗᬮᬶᬬᭂᬧᬂ᭞ᬩᭀᬬᬫᬮᬶᬄᬲᬮᬶᬂᬤᬮᬶᬄ᭞᭠ᬲᬸᬫᬗ᭄ᬕᬸᬧ᭄ᬗᭂᬦ᭄ᬢᭀᬲᬶᬦ᭄ᬢᬤᬄ᭟᭜᭟ᬕᬶᬦᬦ᭄ᬢᬶ᭟᭜᭟ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬲᬵᬫ᭄ᬧᬸᬦᬾᬭᬵᬚᬧᬸᬢ᭄ᬭᬶ᭞ᬫᬓᬯᭀᬦ᭄ᬲᬓᬾᬂᬧ
ᬜ᭄ᬘᭀᬭᬦ᭄᭞ᬓᬧᬤᬸᬓ᭄ᬯᬦ᭄ᬢᬸᬮᬓ᭄ᬫᬮᬶᬄ᭞ᬫᬥᬾᬲᭂᬓᬃᬫᬗᬶᬭᬶᬗᬂ᭞ᬜᭀᬫᬦ᭄ᬲᬵᬭᬶᬗᭂᬢᬹᬢ᭄ᬩᬸᬭᬶ᭟ᬓᬵᬫᬚᬬ᭠ᬩᭂᬗᭀᬂᬓᬦ᭄ᬢᬸᬦ᭄᭞ᬭᬶᬂᬘᬭᬂᬚᭂᬧᬸᬦᬾᬗᭂᬜ᭄ᬚᬶᬓ᭄᭞ᬓᬤᬸᬓ᭄ᬓᬧᬶᬗᭀᬦ᭄ᬗᬦ᭄ᬢᭂᬦᬂ᭞ᬲᬂᬢᬶᬕᬓᬤᬶᬥᬥᬭᬶ᭞ᬫᬮᬮᬸᬂᬲᭂᬤᭂᬓ᭄ᬫᬲᬶᬭᬫ᭄᭞᭠
ᬓᬵᬫᬚᬬᬓᭂᬩᬸᬲ᭄ᬤᬶᬗᬶᬦ᭄᭟ᬓᭂᬚᬢ᭄ᬓᭂᬚᬸᬢ᭄ᬢᬶᬯᬂᬧᭂᬜᬸ᭞ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬳᬸᬬᬂᬧᬮᬶᬂ᭞ᬗᬮᬶᬂᬮᬶᬂᬧᬸᬧᬹᬫᬫᬸᬤᬓ᭄᭞ᬫᬥ᭄ᬬᬭᬫ᭄ᬧᬶᬂᬲᬸᬲᬸᬭᬸᬧᬶᬢ᭄᭞ᬢᬦ᭄ᬧᬾᬦ᭄ᬤᬄᬓᬤᬶᬜᬸᬫ᭄ᬧᭂᬦ᭞ᬲᬯᬶᬭᬾᬄᬢᬫ᭄ᬩᬾᬫᬗ᭄ᬕᬶᬳᬶᬦ᭄᭟ᬧᬯᬾᬲ᭄ᬢ᭄ᬭᬶᬲᭂᬤᭂᬓ᭄ᬫᬮᬮᬸᬂ᭞ᬓᭂᬢᬸᬕ᭄ᬓᭂ᭠

[᭑᭑ 11A]
᭑᭑
ᬢᬸᬕ᭄ᬳᬸᬮᬸᬦ᭄ᬳᬢᬶ᭞ᬓᬵᬫᬚᬬᬓᬲᭂᬫᬭᬦ᭄᭞ᬓᬤᬶᬢᬸᬫ᭄ᬮᬶᬮᬶᬗᬦ᭄ᬳᬮᬶᬢ᭄᭞ᬢᬫ᭄ᬩᬾᬗᬤᭂᬓ᭄ᬓᬫᬶᬳᬶᬓᬦ᭄᭞ᬤᭀᬢ᭄ᬫᬓᬶᬢᬗᬶᬲᭂᬧ᭄ᬲᬵᬭᬶ᭟ᬫᬩᬸᬤᬶᬧᬘᬂᬫᬓᭂᬩᬸᬭ᭄᭞ᬓᭂᬩᬢᬂᬓᬫ᭄ᬧᬶᬤᬾᬕᬶᬮᬶᬂ᭞ᬤᬸᬓᬧᬦ᭄ᬧᬘᬂᬜᬶᬤ᭄ᬥᬬᬂ᭞ᬗᬶᬦ᭄ᬤᬂᬫᬓᭂᬩᭂᬃᬗᬸᬮᬢᬶ᭞ᬓᬫᬦᬶᬲᬦ᭄ᬕᬸᬮ᭠
ᬜᬯᬦ᭄᭞ᬕᭂᬍᬓ᭄ᬕᭂᬍᬓ᭄ᬤᭀᬢ᭄ᬧᬤᬶᬤᬶ᭟ᬓᬤ᭄ᬬᬗ᭄ᬕᬦᬶᬂᬲᭂᬓᬃᬧᬸᬲᬸᬄ᭞ᬓᭂᬫ᭄ᬩᬗᬾᬲᬓᬾᬂᬫᬩᬶᬢ᭄ᬩᬶᬢ᭄᭞ᬓᬵᬫᬚᬬᬯᭂᬢᬸᬫᬾᬦ᭄ᬤ᭄ᬭ᭞ᬲᬲᬸᬓᬢ᭄ᬧᭀᬮᬶᬄᬫᬗ᭄ᬕᬶᬳᬶᬦ᭄᭞ᬧᬯᬾᬲ᭄ᬢ᭄ᬭᬶᬲᭂᬤᭂᬓ᭄ᬫᬲᬶᬭᬫ᭄᭞ᬓᬮᬸᬮᬸᬢᬦ᭄ᬩᬸᬤᬸᬄᬧᬮᬶᬂ᭟ᬕᬕᬾᬲᭀᬦ᭄ᬢᬸᬫᬸᬮᬶᬢᭂᬤᬸᬦ᭄᭞᭠
ᬲᬓᬾᬂᬯᬶᬢ᭄ᬚᭂᬧᬸᬦᬾᬭᬭᬶᬲ᭄᭞ᬓᬩᬶᬮ᭄ᬩᬶᬮ᭄ᬳᬾᬮᬶᬂᬭᬶᬂᬭᬕ᭞ᬗᬭᬕᬩᭂᬗᭀᬂᬢᬦ᭄ᬫᬭᬶ᭞ᬫᬧᬗᭂᬦᬦ᭄ᬢᬦᬶᬩᬕ᭄ᬬ᭞ᬢ᭠ᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬧᬩᬮᬶᬄ᭟ᬭᬯᬸᬄᬩᭂᬢᬾᬦ᭄ᬧᬢᬶᬓᬘᬸᬄ᭞ᬫᭂᬤᬮ᭄ᬧᬚᬃᬢᬦ᭄ᬧᬰ᭄ᬭᬸᬢᬶ᭞ᬓᬤᬶᬳᬾᬗᬾᬗᬦ᭄ᬓᬢᬧᬓ᭄᭞ᬘᬭᬂᬚᭂᬧᬸᬦᬾ
ᬓᬢᬸᬤᬶᬂ᭞ᬲᬦᬾᬮᬢᬸᬄᬧᭂᬘᬓ᭄ᬳᭂᬫ᭄ᬧᬓ᭄᭞ᬤᬮᬶᬳᬂᬲᬓᬾᬂᬩᬩᬾᬓᬶ᭟ᬓᬩᬢ᭄ᬩᬢᬂᬢᬦ᭄ᬧᬲᭂᬫᬸ᭞ᬢ᭄ᬯᬭᬗᭂᬮᬄ᭠ᬳᭀᬮᬲ᭄ᬳᬢᬶ᭞ᬢᬸᬮ᭄ᬬᬓᬤᬶᬫᬕᭀᬘᬾᬓᬦ᭄᭞ᬚᬸᬭᬸᬓᭂᬫ᭄ᬩᬭᬾᬜᬫ᭄ᬩᬸᬢᬶᬦ᭄᭞ᬫᬜ᭄ᬘᬗᬂᬤᬶᬲᬢᬂᬩᬯᬓ᭄᭞ᬤᬸᬭᬸᬂᬧᭀᬮᬶᬄᬲ᭠ [ 12 ][᭑᭑ 11B]
᭑᭑
ᬫᬶᬗᬸᬢᬶᬮ᭄᭟ᬲᬲᬫ᭄ᬩᬢᬾᬫᭂᬭᬄᬫᭂᬭᬸᬄ᭞ᬳᬭᬄᬯᬶᬤ᭄ᬥᬶᬦᬾᬩᬩᬾᬓᬶ᭞ᬫᬭᬲᬦ᭄ᬗᬶᬘ᭄ᬙᬾᬦ᭄ᬓᬍᬕᬦ᭄᭞ᬢᭀᬦ᭄ᬤᬾᬦ᭄ᬫᬍ᭠ᬢᬦ᭄ᬳᬯᬳᬶ᭞ᬤᬸᬄᬓᬶᬢᬦᬾᬲᬕᬾᬢ᭄ᬦᬶᬫ᭄ᬩᬮ᭄᭞ᬦᬦ᭄ᬤᬂᬮᬭᬲᭂᬤᬶᬄᬓᬶᬂᬓᬶᬂ᭟ᬳᬮᬫᬮᬫ᭄ᬢᬶᬢ᭄ᬬᬂᬓᬦ᭄ᬢᬸᬦ᭄᭞ᬓᬤᬶᬩᭂᬤᬓᬾᬲᬸᬕᬶᬦᬶᬦ᭄᭞᭠
ᬓᬸᬚᬂᬫᬮᬶᬓᬶᬦ᭄ᬦᬾᬩᬸᬲᬦ᭄᭞ᬍᬕᬦᬾᬩᬸᬓᬗᬶᬧᬶ᭞ᬭᬱᬬᬂᬲᬸᬩᬤᬶᬲ᭄ᬯᬃᬕ᭄ᬕ᭞ᬢᬸᬫ᭄ᬩᬾᬦ᭄ᬦᭂᬧᬸᬓᬶᬦ᭄‌‌ᬥᬥᬭᬶ᭟ᬤᬸᬭᬸᬲ᭄ᬢᬶᬢ᭄ᬬᬂᬲᭂᬤᬶᬄᬗᬸᬦ᭄ᬗᬸᬦ᭄᭞ᬫᬧᬗᭂᬦᬦ᭄ᬲᬳᬶᬲᬳᬶ᭞ᬦᬦ᭄ᬤᬂᬮᬭᬢᬦ᭄ᬧᬢᬫ᭄ᬩ᭞ᬚᬮᬭᬦ᭄ᬢᬶᬢ᭄ᬬᬂᬗᭂᬫᬲᬶᬦ᭄᭞ᬩᭂᬭᬕᬭᬶᬕ᭄ᬢᬦ᭄ᬧᬦᭂᬥ᭞ᬫᭂᬕᬤᬂᬭ᭠
ᬳᬶᬦᬯᭂᬗᬶ᭟ᬮᬶᬧᬸᬭᬂᬢᭀᬂᬤᬤᬶᬮᬶᬧᬸᬭ᭄᭞ᬮᬮᬶᬬᬂᬲᬸᬫᬗ᭄ᬓᬶᬦ᭄ᬳᬾᬮᬶᬂ᭞ᬤᭂᬓ᭄ᬤᭂᬓ᭄ᬮᬶᬤᭂᬓ᭄ᬫᬦᬄᬢᬶᬢ᭄ᬬᬂ᭞ᬲᬫ᭄ᬩᭂᬄᬩᬸᬬᬃᬮᬶᬂᬮᬸᬂᬧᬮᬶᬂ᭞ᬓᬤᬶᬕᭂᬤᬳᬾᬧᬦ᭄ᬢᬶᬕᬂ᭞ᬢᬦ᭄ᬓᭂᬦᬾᬂᬢᬸᬧ᭄ᬢᬸᬧᬂᬫᬮᬶᬄ᭟ᬓᬵᬫᬚᬬᬭᬭᬶᬲ᭄ᬗᬸᬦ᭄ᬢᬸᬮ᭄᭞ᬫᬫᬵᬃᬕ᭄ᬕᬶᬳᬬᬢ᭄ᬫᬕᬶᬗ᭄ᬲᬶᬭ᭄᭞ᬤᭂᬓᬲ᭄ᬤᭂ
ᬓᭂᬲ᭄ᬩᬶᬮᬂᬤᬗ᭄ᬓ᭞ᬫᬧᬗᭂᬦᬦ᭄ᬢᬶᬤᭀᬂᬕᬶᬕᬶᬲ᭄᭞ᬦᬄᬓᬾᬦᬾᬨᬮᬦᬾᬮᬾᬤᬢ᭄᭞ᬫᬓᭂᬮᭀᬮᬓᬃᬢᬦ᭄ᬤ᭠ᬗᬶᬦ᭄᭟ᬫᬭᬶᬂᬧᭀᬦ᭄ᬤᭀᬓ᭄ᬲᬕᬾᬢ᭄ᬭᬯᬸᬄ᭞ᬓᬵᬫᬚᬬᬩᭂᬗᭀᬂᬓᬵᬭᬶ᭞ᬓᬫ᭄ᬩᬂᬓᬸᬫ᭄ᬩᬂᬫᬢᬶᬦ᭄ᬤᬓᬦ᭄᭞ᬗᬭᬫ᭄ᬩᬂᬳᬶᬦ᭄ᬤᬶᬓᬾᬢᬸᬦᬶ᭞

[᭑᭒ 12A]
᭑᭒
ᬫᬲᬤᬄᬲᬫ᭄ᬩᬶᬮᬂᬦᭂᬕᬓ᭄᭞ᬧᬤᬶᬤᬶᬤᬶᬩᬸᬘᬸᬦ᭄ᬲᭂᬦ᭄ᬤᬶ᭟ᬓᬧᬶᬗᭀᬦ᭄ᬦᬢᬓᬶᬦ᭄ᬚᬕᬸᬢ᭄᭞ᬓᬢᬸᬗ᭄ᬓᬸᬮ᭄ᬩᭂᬗᭀᬂᬗᬮᬶᬂᬮᬶᬂ᭞ᬳᬾᬮᭀᬕᬦ᭄ᬧᬸᬜᬦ᭄ᬘᬫᬭ᭞ᬲᬤᬍᬫᬸᬄᬢᬫ᭄ᬧᬸᬄᬳᬗᬶᬦ᭄᭞ᬭᬱᬲᬂᬫᬡᬶᬓᬶᬂᬧᬸᬭ᭞ᬫᬯᬵᬘᬦᬫᬗᬸᬮᬧᬶᬦ᭄᭟ᬗᬚᬓᬶᬦ᭄ᬲᬋᬂᬓ᭠
ᬕᬸᬦᬸᬂ᭞ᬫᬘᬗ᭄ᬓ᭄ᬭᬫᬮᬸᬗ᭄ᬳᬵᬗᬓ᭄ᬱᬶ᭞ᬧᬦᭂᬥᭂᬂᬓᬃᬝᬶᬓᬫᬲ᭞ᬫᬹᬃᬡ᭄ᬦᬬᬂᬓᬬᬸᬦᬾᬲᭂᬤᬶᬄ᭞ᬲᬃᬯ᭄ᬯᬲᭂᬓᬃᬦᭂᬥᭂᬂᬫᭂᬓᬭ᭄᭞ᬓᬍᬗᭃᬗᬦ᭄ᬧᬲᬶᬃᬯᬸᬓᬶᬭ᭄᭟ᬓᬢᬸᬗ᭄ᬓᬸᬮ᭄ᬩᭂᬗᭀᬂᬗᬮᬫᬸᬦ᭄᭞ᬳᬸᬮᬗᬸᬦ᭄ᬧᬢᬶᬋᬲᭂᬧᬶᬦ᭄᭞ᬓᬵᬫᬚᬬᬢᭀᬂᬫᬤᬬ᭞ᬓᬭᬯᬸ᭠
ᬳᬦ᭄ᬜᭀᬫᬦ᭄ᬲᬵᬭᬶ᭞ᬲᬕᬾᬢ᭄ᬤᬶᬲᬫ᭄ᬧᬶᬗᬾᬦᭂᬕᬓ᭄᭞ᬧ᭄ᬭᬡᬖᬢᬢᬦ᭄ᬧᬯᬗ᭄ᬲᬶᬢ᭄᭟ᬫᬢᭂᬗ᭄ᬓᬾᬫ᭄ᬗᬯᬾᬢᬗ᭄ᬓᭂᬚᬸᬢ᭄᭞ᬓᬵᬫᬚᬬᬯᬯᬸᬦᭀᬮᬶᬄ᭞ᬭᬭᬶᬲ᭄ᬗᬸᬦ᭄ᬢᬸᬮ᭄ᬗᬸᬭᬶᬓ᭄ᬢᬦᬄ᭞ᬧᭂᬮᬸᬄᬧᬶᬤᬶᬢ᭄ᬓᭂᬩᬸᬲ᭄ᬤᬶᬗᬶᬦ᭄᭞ᬭᬱᬢᬦ᭄ᬧᬅᬢ᭄ᬫᬚᬶᬯ᭞ᬫᬓᭂᬲ᭄ᬬᬩ᭄ᬢᬸᬭᬄ
ᬓᬩᬶᬮ᭄ᬩᬶᬮ᭄᭟ᬜᭀᬫᬦ᭄ᬲᬵᬭᬶᬢᬍᬃᬗᬸᬦ᭄ᬢᬸᬮ᭄᭞ᬫᬧᬶᬧᭂᬦᭂᬤ᭄ᬗᭂᬍᬓ᭄ᬳᬢᬶ᭞ᬲᭀᬢᬦᬶᬂᬤᬳᬢᬭᬸᬡ᭞ᬢᬫ᭄ᬩᬾ᭠ᬫᬢᭂᬫᬸᬲᬂᬓᬵᬮᬶᬄ᭞ᬓᬵᬮᬲᭂᬧᬶᬤᬶᬧᭀᬦ᭄ᬤᭀᬓᬦ᭄᭞ᬓᬭᬶᬓᬶᬫᬸᬤ᭄ᬢᬓᬸᬢ᭄ᬩᬦᬶ᭟ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬤᬸᬯᬸᬦ᭄᭞ᬲᬫᬶᬩᬸᬗ᭄ᬓᭂ᭠ [ 13 ][᭑᭒ 12B]
᭑᭒
ᬫ᭄ᬓᬤᬶᬚᬫ᭄ᬧᬶ᭞ᬓᬵᬭᬶᬍᬓ᭄ᬫᬧᬲᬂᬮᬶᬬᬢ᭄᭞ᬲᬭᬸᬯᬂᬫᬩᬮᬶᬄᬮᬗᬶᬢ᭄᭞ᬲᬶᬦᬋᬗᬦ᭄ᬲᬧᬶᬲᬦᬦ᭄᭞ᬗᭂᬤᭀᬳᬸᬮᬢ᭄ᬫᬧᬶᬫᬧᬶ᭟ᬫᬫᬾᬗᭀᬲ᭄ᬫᬲᭂᬩᭂᬂᬗᬫ᭄ᬩᬸᬮ᭄᭞ᬜᬶᬓ᭄ᬱᬶᬓ᭄ᬭᬕᬜᭀᬫᬦ᭄ᬲᬵᬭᬶ᭞ᬫᬦ᭄ᬢᭂᬕ᭄ᬧᬸᬧᬹᬫᬤᭂᬓᭂᬲᬦ᭄᭞ᬤᭀᬂᬮᬮᬶᬲ᭄ᬲᬚᬫᬸᬯᬶ᭠
ᬓᬶᬦ᭄᭞ᬢ᭄ᬯᬭᬲᬾᬦ᭄ᬤᭂᬫ᭄ᬫᬲᭀᬲᬧᬦ᭄᭞ᬘᬭᬦᭂᬧᬸᬓᬶᬦ᭄ᬫᬫᭂᬤᬶ᭟ᬢᬸᬦᬕᭀᬩᬳᭂᬗ᭄ᬓᬄᬩᭂᬗᬸ᭞ᬜᬾᬦ᭄ᬲᬾᬦ᭄ᬤᭂᬫ᭄ᬮᬓᬃᬦᭂᬲᭂᬓᬶᬦ᭄᭞ᬓᬵᬫᬚᬬᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬗᬮᬯᬦᬶᬦ᭄ᬫᬲ᭄ᬯᬂᬫᬸᬜᬶ᭞ᬗᬸᬤᬓᬾᬗᬶᬦ᭄ᬲᬮᬶᬢ᭄ᬳᬃᬱ᭞ᬦᬫ᭄ᬧᭀᬓᬂᬳᬦᬓ᭄ᬲᬸᬪᬓ᭄ᬢᬶ᭟ᬥᬹᬄᬲ
ᬫ᭄ᬧᬸᬦᬂᬳᬸᬕᬶᬩᭂᬦ᭄ᬤᬸ᭞ᬜᭂᬧᬾᬓᬂᬓᬯᬸᬮᬲᬶᬲᬶᬧ᭄᭞ᬢᬫ᭄ᬩᭂᬢ᭄ᬗᬶᬭᬶᬂᬧᬓᬬᬸᬦᬦ᭄᭞ᬜᭀᬫᬦ᭄ᬲᬵᬭᬶᬦᬶᬫ᭄ᬩᬮ᭄ᬫᬮᬶᬄ᭞ᬳ᭠ᬭᬄᬗᬸᬤᬫᬲᬺᬓᬾᬦᬦ᭄᭞ᬫᬶᬭᬶᬩ᭄ᬢᭀᬂᬫᬓᬤᬂᬯᬃᬕ᭄ᬕᬶ᭟ᬧᬥᬳᬲᬄᬳᬲᬄᬢᬸᬯᬸᬄ᭞ᬢ᭄ᬯᬭᬜᬦ᭄ᬤᬂᬫᬫ᭄ᬮᬧᬦᬶᬦ᭄᭞ᬓᬾᬦ᭄ᬓᬾᬦ᭄ᬲᭀᬢ
ᬦᬶᬂᬫᬜᬫ᭞ᬫᬪᬱᬫᬓᬵᬓᬳᬤᬶ᭞ᬢᭀᬂᬜᬦ᭄ᬤᬂᬗᬦ᭄ᬤᬧᬂᬭᬕᬲᬮᬶᬂᬢᭂᬩᬄᬍᬕᬦᬫ᭄ᬧᬶ᭟ᬓᬵᬫᬚᬬᬲᬳᬸᬃᬕᬸᬬᬸ᭞ᬲᬭᬮᬾᬤᬂᬢᬶᬢ᭄ᬬᬂᬗᬶᬭᬶᬂ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦᬶᬦ᭄ᬧᬗᬜ᭄ᬘᬦ᭄᭞ᬮᬲ᭄ᬬᬢᬶᬢ᭄ᬬᬂᬦᬸᬯᬸᬢ᭄ᬢᬶᬢᬶ᭞ᬬᬤᬶᬦ᭄ᬮᬩᬸᬄᬫᬧᬦ᭄ᬢᬶᬕᬦ᭄᭞ᬫ

[᭑᭓ 13A]
᭑᭓
ᬫᬫᬦᬄᬫᬮᬶᬄᬗᭂᬮᬦ᭄ᬢᬶᬂ᭟ᬫ᭄ᬩᭀᬓ᭄ᬜᭀᬫᬦ᭄ᬲᬫ᭄ᬧᬸᬦᬂᬩᭂᬦ᭄ᬤᬸ᭞ᬢᬶᬢ᭄ᬬᬂᬳᬶᬯᬂᬲᬦᬾᬢᬸᬦᬶ᭞ᬧᭀᬮᬶᬄᬗᭂᬢᭀᬦ᭄᭠ᬫ᭄ᬩᭀᬓ᭄ᬫᬲᬶᬭᬫ᭄᭞ᬫᬾᬄᬫᬾᬕᬾᬮ᭄ᬓᬩᬯᭀᬲ᭄ᬩᬗ᭄ᬕᬶ᭞ᬩᭀᬬᬯᬾᬦ᭄ᬢᭂᬦ᭄ᬫᬦᬄᬢᬶᬢ᭄ᬬᬂ᭞ᬜᭂᬮᬧ᭄ᬕᬸᬫᬦ᭄ᬢᬶᬫᬩᬮᬶᬄ᭟ᬫᬗ᭄ᬤᬲᬵᬫ᭄ᬧᬸᬦ᭄ᬳᬶ᭠
ᬯᬂᬲᭂᬗ᭄ᬕᬸᬄ᭞ᬜᭀᬫᬦ᭄ᬲᬵᬭᬶᬲᬯᬸᬃᬓᭂᬜᬶᬂ᭞ᬤᭀᬂᬗᬸᬤᬤᬤᬢᬭᬫ᭄ᬩᬂ᭞ᬫᬲᬓᬾᬫ᭄ᬩᭀᬓ᭄ᬲᬮᬄᬢᬫ᭄ᬧᬶ᭞ᬩᬦ᭄ᬢ᭠ᬲ᭄ᬫᬩᬮᬶᬄᬢᭀᬫ᭄ᬩᬬᬂ᭞ᬳᬸᬮᬶᬚᭀᬄᬯᬬᬦ᭄ᬗᬶᬮᬶᬗᬶᬦ᭄᭟ᬓᬮᬸᬤ᭄ᬢ᭄ᬯᬭᬫᬳᬦ᭄ᬗᬸᬲᬸᬤ᭄᭞ᬢ᭄ᬯᬭᬧᬢᬹᬢ᭄‌‌ᬫ᭄ᬩᭀᬓ᭄ᬫᭂᬤᬶᬳᬶᬦ᭄᭞ᬯᬬᬦ᭄ᬓᬾ
ᬯᬮᬋᬡᬬᬂ᭞ᬇᬥᭂᬧᬾᬫᬜᬫᬚᬦᬶ᭞ᬳᭂᬫ᭄ᬩᭀᬓ᭄ᬢ᭄ᬯᬭᬚᬦᭂᬗᭂᬢᬂ᭞ᬬᬦ᭄ᬯᬬᬦ᭄ᬲᬓᬾᬂᬫᬩᬸᬤ᭄ᬥᬶ᭟ᬗᬸᬲᬸᬤ᭄‌‌ᬫ᭄ᬩᭀᬓ᭄ᬲᬓᬭᬶᬂᬘᬸᬫ᭄ᬧᬸ᭞ᬜᭀᬫᬦ᭄ᬲᬵᬭᬶᬋᬩᬄᬭᬭᬶᬲ᭄᭞ᬤᬶᬧᬩᬶᬦᬦ᭄ᬓᬵᬫᬚᬬ᭞ᬮᬾᬫ᭄ᬧᭀᬃᬭᬱᬢᬦ᭄ᬧᬕᬮᬶᬄ᭞ᬲᬃᬯ᭄ᬯᬶᬗᬸᬘᬧᬥᬹᬄᬯ
ᬬᬦ᭄᭞ᬢᬸᬮᬸᬂᬫ᭄ᬩᭀᬓ᭄ᬚᬦᬶᬳᬸᬩᬤᬶᬦ᭄᭟ᬲᬓᬶᬢ᭄‌‌ᬫ᭄ᬩᭀᬓ᭄ᬧᭂᬧᭂᬲᬦ᭄ᬗᬶᬩᬸᬓ᭄᭞ᬓᬵᬫᬚᬬᬳᬕᬾᬭᬭᬶᬲ᭄᭞ᬕᬕ᭄ᬭᬾᬧᬾᬦᭂᬦ᭄ᬗᬭᬲᬭᬲ᭄᭞ᬫᭂᬘᬶᬓ᭄ᬜᭀᬜᭀᬦᬶᬫᬦ᭄ᬧᬶᬧᬶ᭞ᬜᭀᬫᬦ᭄ᬲᬭᬶᬚᬕ᭄ᬫᬲᭂᬭᬄ᭞ᬓᬤᬦ᭄ᬤᬦ᭄ᬭᬭᬶᬲ᭄ᬗᬭᬜ᭄ᬚᬶᬂ᭟ᬇᬭᬶᬓᬵᬢᭂ᭠ [ 14 ][᭑᭓ 13B]
᭑᭓
ᬗᬳᬶᬂᬓᬸᬩᬸ᭞ᬲᬋᬂᬓᬵᬮᬶᬄᬲᭂᬤᭂᬓ᭄ᬲᭂᬧᬶ᭞ᬜᭂᬧᬸᬓᬂᬘᬸᬫ᭄ᬩ᭄ᬯᬦᬭᬱ᭞ᬓᬵᬫᬚᬬᬜᭀᬫᬦ᭄ᬲᬵᬭᬶ᭞ᬫᬕᭂᬮᬸᬢ᭄ᬫᬕᬍᬂᬮᬶᬫ᭞ᬮᬜ᭄ᬘᬶᬗᬦ᭄ᬲᬶᬜ᭄ᬚᬂᬫᬓᬶᬮᬶᬢ᭄᭟ᬫᬢᬶᬫ᭄ᬧᬄᬗᬶᬮᬶᬢᬂᬧᬸᬧᬹ᭞ᬜᭀᬫᬦ᭄ᬲᬵᬭᬶᬗᬋᬋᬗᬶᬄ᭞ᬳᬥᬹᬄᬯᬬᬦ᭄‌‌ᬤᭀᬂᬕᬶᬕᬶ᭠
ᬲᬂ᭞ᬗᬶᬲᬶᬫ᭄ᬩᭀᬓ᭄ᬫᬭᬱᬲᬓᬶᬢ᭄᭞ᬓᬵᬫᬚᬬᬢᭀᬂᬚᬗ᭄ᬓᬬᬦ᭄᭞ᬗᭂᬮᬸᬢ᭄ᬩᬗ᭄ᬓ᭄ᬬᬂᬗᬸᬢ᭄ᬕᬸᬢ᭄ᬧᬶᬧᬶ᭟ᬳᬗ᭄ᬓᬶᬳᬦᬾᬦᭀᬯᭀᬲ᭄ᬗᬗ᭄ᬲᬸᬭ᭄᭞ᬜᭀᬫᬦ᭄ᬲᬵᬭᬶᬫ᭄ᬭᬱᬓᬦᬶᬦ᭄᭞ᬢᬗ᭄ᬓᭂᬚᬸᬢ᭄ᬫᬗᬲ᭄ᬕᬲ᭄ᬢᬗ᭄ᬓᬄ᭞ᬓᬵᬫᬚᬬᬓᬤᬶᬕᬶᬭᬶᬓ᭄᭞ᬳᬥᬹᬄᬫ᭄ᬩᭀᬓ᭄ᬤᬸᬭᬸᬲ᭄ᬧᬶᬘᬬᬂ᭞
ᬓᬮᬾᬤᬗᬦ᭄‌‌ᬫ᭄ᬩᭀᬓᬾᬫᬗ᭄ᬓᬶᬦ᭄᭟ᬤᭀᬂᬲᬫ᭄ᬧᬸᬦᬂᬳᭂᬫ᭄ᬩᭀᬓ᭄ᬩᭂᬦ᭄ᬤᬸ᭞ᬢᬶᬢ᭄ᬬᬂᬓᭂᬤᭂᬄᬫᬵᬢᬹᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬗᬢᬸᬭᬂᬳᬬᬄᬦᭂᬫ᭄ᬩᬾᬦᬶᬦ᭄᭞ᬲᬵᬫ᭄ᬧᬸᬦ᭄ᬳᬸᬕᬶᬗᬯᬦᭂᬳᬂ᭞ᬗᬶᬘ᭄ᬙᬾᬦᬶᬦ᭄ᬓᬬᬸᬦᬾᬧᬶᬗᬶᬢ᭄᭟ᬢᭂᬕ᭄ᬢᭂᬕᬂᬫ᭄ᬩᭀᬓ᭄ᬫᬧᬓ
ᬬᬸᬦ᭄᭞ᬢᬳᬦᬂᬲᬓᬶᬢ᭄ᬳᬕᬶᬕᬶᬲ᭄᭞ᬜᭀᬫᬦ᭄ᬲᬭᬶᬫᬾᬄᬓᬧ᭄ᬭᬡᬦ᭄᭞ᬓᬵᬫᬚᬬᬫᭂᬓᬸᬮ᭄ᬕᬶᬧᬶᬄ᭞ᬲᭀᬢ᭠ᬦᬶᬂᬤᬳᬢᬭᬸᬡ᭞ᬓᬤᬶᬓᬸᬫ᭄ᬩᬂᬗᬶᬲᭂᬧ᭄ᬲᬵᬭᬶ᭟ᬓᬵᬫᬚᬬᬫᬗᬢᭂᬓᬸᬮ᭄᭞ᬗᬸᬮᬸᬭᬶᬦ᭄ᬓᬍᬕᬦ᭄ᬳᬢᬶ᭞ᬢᬸᬫ᭄ᬩᬾᬦ᭄ᬦᬯᬂᬭᬱᬦ᭄ᬫᭂᬮᬄ᭞ᬲᬶᬬ

[᭑᭔ 14A]
᭑᭔
ᬢ᭄ᬲᬶᬬᬸᬢ᭄ᬮᬮᬄᬫᬦᬶᬲ᭄᭞ᬓᬭᬦᭂᬳᬦ᭄ᬗᭀᬜᬂᬍᬕ᭞ᬓᬵᬫᬚᬬᬧᭂᬮᬸᬄᬧᬶᬤᬶᬢ᭄᭟ᬮᬾᬧᬾᬄᬭᬱᬢᬦ᭄ᬧᬩ᭠ᬬᬸ᭞ᬫᬘᭂᬧᭀᬮ᭄‌‌ᬭᬹᬧᬢᬦᬾᬮᬶᬂ᭞ᬜᭀᬫᬦ᭄ᬲᬵᬭᬶᬓᬵᬫᬚᬬ᭞ᬓᬍᬲᭀᬦ᭄ᬦᬯᬸᬂᬓᬭᬲ᭄ᬫᬶᬦ᭄᭞ᬢᭀᬂᬜᬦ᭄ᬤᬂᬫᬮᬶᬄᬧᬜ᭄ᬚᬗᬂ᭞ᬲᬂ
ᬲᬶᬦᭀᬫ᭄ᬓᬦ᭄ᬢᬸᬦ᭄ᬫᬓᬶᬮᬶᬢ᭄᭟᭜᭟ᬲᬶᬦᭀᬫ᭄᭟᭜᭟ᬜᭀᬫᬦ᭄ᬲᬵᬭᬶᬓᬵᬫᬚᬬ᭞ᬭᬶᬂᬧᭀᬦ᭄ᬤᭀᬓ᭄ᬓᬦ᭄ᬢᬸᬦ᭄ᬫᬓᬶ᭠ᬮᬶᬢ᭄᭞ᬜᭂᬧᬸᬓᬂᬘᬸᬫ᭄ᬩ᭄ᬯᬦᬭᬱ᭞ᬜᬢᬸᬍᬕᬗᬸᬮᬗᬸᬦᬶᬦ᭄᭞ᬢᬦ᭄ᬧᬾᬦ᭄ᬤᬄᬲ᭄ᬫᬭᬭᬣᬶᬄ᭞ᬲᬂᬓᬵᬮᬶᬄᬳᬯᭀᬃᬲᬮᬸᬮᬸᬢ᭄᭞ᬗᬸᬮᬸᬭᬶ
ᬦ᭄ᬮᭂᬕᬦ᭄ᬫᬦᬄ᭞ᬢᬦ᭄ᬫᬭᬶᬫᬗᬭᬶᬳᬭᬶᬄ᭞ᬲᬮᬶᬂᬭᬸᬫ᭄ᬭᬸᬫ᭄᭞ᬫᬓᬭᭀᬦᬦ᭄ᬭᬶᬂᬧᬫᬺᬫᬦ᭄᭟ᬢᭀᬂᬜᬦ᭄ᬤᬂᬫᬮᬶᬄᬩ᭠ᬯᭀᬲᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬲᬫᬶᬳᬸᬦᬶᬂ᭞ᬲᬢᬶᬗ᭄ᬓᬄᬜᭀᬮᭀᬂᬲᭂᬫᬭ᭞ᬦᬾᬫᬗ᭄ᬓᬶᬦᬸᬘᬧᬂᬫᬮᬶᬄ᭞ᬫᬥᬾᬲᭂᬓᬃᬜᬦ᭄ᬢᭀᬲᬶᬦ᭄᭞
ᬜᭀᬫᬦ᭄ᬲᬵᬭᬶᬤᬾᬭᬾᬂᬭᬯᬸᬄ᭞ᬲᬓᬾᬂᬢᬸᬦᬶᬫᬓᬯᭀᬦ᭄᭞ᬫᬶᬦᬩ᭄ᬲᬵᬫ᭄ᬧᬸᬦ᭄ᬳᬧᬦᬮᬶᬓ᭄᭞ᬓᬶᬭᬂᬮᬗ᭄ᬓᬸᬂ᭞᭠ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬫᬢᬸᬮᬓ᭄᭟ᬫᬥᬾᬲᭂᬓᬃᬓᬤᬶᬫᬭᬲ᭄᭞ᬳᬦ᭄ᬢᬸᬓ᭄‌‌ᬲ᭄ᬯᬾᬦᬾᬜᬦ᭄ᬢᭀᬲᬶᬦ᭄᭞ᬓᬾᬗᬶᬦ᭄ᬫᭂᬢᬸᬭᬭᬫ᭄ᬩᬗᬦ᭄᭞ᬲᬶᬂ [ 15 ][᭑᭔ 14B]
᭑᭔
ᬜᬮᬶᬜᭀᬓ᭄ᬜᭀᬫᬦ᭄ᬲᬭᬶ᭞ᬗᬤᭀᬓᬂᬤᬬᬲᬶᬮᬶᬩ᭄᭞ᬗᭀᬭᬳᬂᬮᬓᬃᬫᬩᬜᬸ᭞ᬤᭀᬂᬗᬸᬤᬚᬫᬓᭂᬮᭀ᭞ᬫᬾᬄᬚᭂᬦᭂᬂᬓᭂᬩᬂᬫᬫᭂᬤᬶ᭞ᬫᭂᬮᬄᬭᬸᬭᬸᬄ᭞ᬧᬓᭂᬳᭂᬗᬦ᭄ᬫᬥᬾᬲᭂᬓᬭ᭄᭟ᬤᭀᬂᬗᬸᬤᬤᬶᬦᬶᬧᬤᬶᬤ᭄ᬬᬦ᭄᭞ᬗᭂᬫᬶᬢ᭄ᬳᬶᬤᬭᬵᬚᬧᬸ
ᬢ᭄ᬭᬶ᭞ᬦᬸᬫᬓᭀᬍᬫ᭄ᬤᬶᬕᭂᬥᭀᬗᬦ᭄᭞ᬢᭂᬕᬭᬂᬲᬚᬢᬶᬮᬶᬓᬶᬦ᭄᭞ᬢᭀᬗᭀᬲ᭄ᬜᬦᬾᬫᬮᬮᬶ᭞ᬫᬥᬾᬲᭂᬓᬃ᭠ᬦᬸᬮᬶᬳᬶᬚᬸ᭞ᬫᬫᬵᬃᬕ᭄ᬕᬶᬓᬧᭀᬦ᭄ᬤᭀᬓᬦ᭄᭞ᬯᬯᬸᬫᬭᬱᬲᬓᬤᬶ᭞ᬓᭂᬦᬶᬳᬧᬸᬲ᭄᭞ᬜᭀᬫᬦ᭄ᬲᬵᬭᬶᬢᭀᬂᬫᬤᬬ᭟ᬓᬶᬧᬓ᭄ᬓᬶᬧᭂ᭠
ᬓ᭄ᬫᬧᬯᬲᬦ᭄᭞ᬫᬮᭀᬦᬦ᭄ᬦᬶᬜ᭄ᬚᬶᬓ᭄ᬫᬫᬵᬃᬕ᭄ᬕᬶ᭞ᬦᬭᬸᬂᬗᭀᬚᭀᬕ᭄ᬓᬧᭀᬦ᭄ᬤᭀᬓ᭄᭞ᬓᬤᬶᬯᬾᬦ᭄ᬢᭂᬦ᭄ᬗᬯᬗ᭄ᬲᬶᬢᬶ᭠ᬦ᭄᭞ᬲ᭄ᬯᬭᬦ᭄ᬧᬓ᭄ᬱᬶᬓᬓᭂᬮᬶᬓ᭄᭞ᬗᬶᬦ᭄ᬤᬂᬓᬢᬓᭂᬄᬫᬲᬤᬸ᭞ᬦᬸᬤᬸᬳᬶᬦ᭄ᬫᬥᬾᬲᭂᬓᬭ᭄᭞ᬕᭂᬦᬄᬲᬂᬦᬯᬸᬂᬓᬭᬲ᭄ᬫᬶᬦ᭄᭞ᬢᬸᬳᬸᬢᬸᬳᬸᬩ
ᬦ᭄ᬩᬦ᭄ᬫᬲ᭄ᬯᬭᬜᬃᬯ᭄ᬯᬓᬂ᭟ᬜᭀᬫᬦ᭄ᬲᬵᬭᬶᬓᬵᬫᬚᬬ᭞ᬇᬭᬶᬓᬵᬫᭂᬗ᭄ᬓᭂᬩ᭄ᬲᬂᬓᬵᬮᬶᬄ᭞ᬫᬥᬾᬲᭂᬓᬃᬦᬸᬮᬶᬬᬢ᭄ᬦ᭞᭠ᬲᬓᬾᬂᬲᭀᬂᬩᭂᬤᬾᬕᬾᬗᬶᬦ᭄ᬢᬶᬧ᭄᭞ᬲᬶᬦᬄᬓᬦ᭄ᬢᭂᬦ᭄ᬲᬂᬓᬵᬮᬶᬄ᭞ᬇᬭᬶᬓᬵᬓᬦ᭄ᬢᬸᬦ᭄ᬫᬕᭂᬮᬸᬢ᭄᭞ᬫᬥᬾᬲᭂᬓᬃᬦᭂᬫᭀᬦᬂ᭞ᬗᬢᭂᬗ᭄ᬓᬾ

[᭑᭕ 15A]
᭑᭕
ᬫ᭄ᬲᬤᬗᬤᭂᬫᬶ᭞ᬕᭂᬤᬸᬄᬕᭂᬤᬸᬄ᭞ᬳᬸᬮᬸᬦ᭄ᬳᬢᬶᬫᬥᬾᬲᭂᬓᬭ᭄᭞ᬓᬵᬫᬚᬬᬓᬧᬸᬧᬸᬗᬦ᭄᭞ᬳᬕᬾᬦᬸᬦ᭄ᬤᬸᬦ᭄ᬜᭀᬫᬦ᭄ᬲᬭᬶ᭞ᬓᬤᬶᬩᬮᬂᬓᬢᬶᬧᬢᬦ᭄᭞ᬓ᭄ᬭᬲᬓ᭄ᬓ᭄ᬭᭀᬲᭀᬓ᭄ᬲᬋᬂᬓᬵᬮᬶᬄ᭞ᬲᬶᬜ᭄ᬚᬂᬓᬜ᭄ᬘᬸᬢ᭄ᬫᬓᬶᬮᬶᬢ᭄᭞ᬢᬫ᭄ᬩᬶᬲᬗ᭄ᬓᬮᬫᬘᭂᬩᬸᬭ᭄᭞ᬓᬵᬫ
ᬚᬬᬫᬲᬾᬧᬓ᭄᭞ᬩᭂᬘᬢ᭄ᬲᬾᬧᬦ᭄ᬗᬜ᭄ᬘᬶᬂᬓᭀᬭᬶ᭞ᬳᬸᬮᬄᬤᬸᬥᬹ᭞ᬓᬶᬫᬸᬤ᭄ᬚᭂᬗᬄᬓᬤᬧᭂᬢᬦ᭄᭟ᬜᭀᬫᬦ᭄ᬲᬭᬶᬫᬓᬶᬍᬲᬦ᭄᭞ᬓᬢᭂᬗᬄᬳᬧᬤᬾᬗᭂᬧᬶᬮ᭄᭞ᬢ᭄ᬯᬭᬩᬦᬶᬫᬘ᭄ᬮᭂᬓᬶᬲᬦ᭄᭞ᬫᬥᬾᬲᭂᬓᬃᬦᭀᬕ᭄ᬢᭀᬕ᭄ᬓᭀᬭᬶ᭞ᬧᬢᬶᬓᬘᬸᬄᬫᬫᬸᬜᬶ᭞ᬳ᭠
ᬫ᭄ᬧᬓᬂᬓᭀᬭᬶᬦᬾᬫᬮᬸ᭞ᬫᬾᬄᬢᬲᬓ᭄ᬤᬶᬲᭂᬓᭂᬩᬦ᭄᭞ᬳᬸᬮᬶᬢᭂᬗᬄᬲᬶᬬᭂᬧ᭄ᬲᭂᬧᬶ᭞ᬢᬦ᭄ᬧᬲᬳᬸᬭ᭄᭞ᬓᬵᬫᬚᬬᬓ᭠ᬘ᭄ᬮᭂᬗᬕᬦ᭄᭟ᬚᭂᬚᭂᬄᬗᭂᬢᭀᬃᬓᬫᭂᬫᭂᬕᬦ᭄᭞ᬫᬥᬾᬲᭂᬓᬃᬲᬬᬦ᭄ᬲᭂᬗᬶᬢ᭄᭞ᬲᬳᬲᬦᭀᬕ᭄ᬢᭀᬕ᭄ᬚᭂᬮᬦᬦ᭄᭞ᬫᬫᬶᬲᬸᬄᬩᬗ᭄ᬕ᭄ᬭᬲ᭄ᬫᬫᬸ᭠
ᬜᬶ᭞ᬗᭀᬭᬳᬂᬮᬓᬃᬜᭂᬭᬶᬢ᭄᭞ᬬᬦᬶᬂᬢ᭄ᬯᬭᬜᬓ᭄ᬫᬲᬳᬸᬢ᭄᭞ᬓᬵᬫᬚᬬᬦᬯᭂᬕᬂ᭞ᬗᬶᬤᬶᬄᬳᭀᬮᬲ᭄ᬗᬲᬶᬳ᭠ᬲᬶᬄ᭞ᬤᬾᬯᬭᬢᬸ᭞ᬲᬫ᭄ᬧᬸᬦᬂᬫ᭄ᬩᭀᬓ᭄ᬫᬓᬯᬸᬓᬦ᭄᭟ᬤᭀᬂᬧᬤᬍᬫ᭄ᬓᬸᬤᬢᬶᬢ᭄ᬬᬂ᭞ᬮᬶᬬᬸᬳᬦᬓᬾᬦᭂᬧᬸᬓᬶᬦ᭄᭞ᬫᬥᬾᬲᭂᬓᬃᬳᬕᬾ [ 16 ][᭑᭕ 15B]
᭑᭕
ᬦᬶᬫ᭄ᬩᬮ᭄᭞ᬬᬾᬦ᭄ᬢᬓᬸᬢ᭄ᬓᭂᬤᬾᬓᬶᬦ᭄ᬕᬸᬫᬶ᭞ᬤᭀᬂᬳᬾᬗ᭄ᬕᬮᬂᬓᬲᬶᬲᬶ᭞ᬓᬵᬫᬚᬬᬢᬦ᭄ᬧᬲᬳᬸᬭ᭄᭞ᬭᬾᬄᬓᬲᭂᬍᬓ᭄ᬫᬓᬦ᭄ᬤ᭞ᬓᬶᬲᬶᬓ᭄ᬓᬶᬲᬶᬓ᭄ᬫᬸᬓᬄᬓᭀᬭᬶ᭞ᬢᭂᬓᬗᬸᬦ᭄ᬢᬸᬮ᭄᭞ᬓᬩᬶᬮ᭄ᬩᬶᬮ᭄ᬫᬧᬲᬂᬮᬶᬬᬢ᭄᭟ᬫᬥᬾᬲᭂᬓᬃᬢᬦ᭄ᬮᬶᬗᬸᬦᬦ᭄᭞ᬓᬢᭂᬗᬄᬳᬶᬚᬸᬗᬭ
ᬜ᭄ᬚᬶᬂ᭞ᬳᬾᬗᬧᬾᬗᬧ᭄ᬫᬧᬯᬲᬦ᭄᭞ᬓᬩᬢᬦ᭄ᬮᭀᬗᬦ᭄ᬜᬮᬶᬓ᭄ᬱᬶᬓ᭄᭞ᬢᬦ᭄ᬓᬧᬗ᭄ᬕᬶᬄᬦᬾᬳᬮᬶᬄ᭞ᬢᬍᬃᬢᬦ᭄ᬯᬗ᭄ᬤᬾ᭠ᬗᬭᬸᬭᬸᬄ᭞ᬫᬭᬶᬂᬳᬧᬤᬾᬦᭂᬮᭀᬓ᭄᭞ᬜᭀᬫᬦ᭄ᬲᬭᬶᬓᬦ᭄ᬢᭂᬦ᭄ᬗᭂᬧᬶᬮ᭄᭞ᬗᬶᬲᬶᬢᬫ᭄ᬧᬸᬮ᭄᭞ᬫᭂᬗ᭄ᬓᭂᬩ᭄ᬫᬮᬶᬗᬦ᭄ᬲᬲᬓ᭟ᬭᬶᬂᬩᬸᬘᬸᬫᬢᬶᬫ᭠
ᬲᬤᬄ᭞ᬫᬥᬾᬲᭂᬓᬃᬩᬳᬓ᭄ᬩᬶᬳᬶᬂ᭞ᬜᭂᬧᭂᬢᬶᬦ᭄ᬫᬢ᭄ᬩᬢᬂᬧᭀᬗᬄ᭞ᬜᭀᬫᬦ᭄ᬲᬭᬶᬢᬹᬃᬓᬢᬸᬤᬶᬂ᭞ᬤᭀᬂᬗᬸᬤᬢ᭠ᬓᬸᬢ᭄ᬩᬦᬶ᭞ᬗᬮᬶᬬᭂᬧ᭄ᬩᬍᬫᬦ᭄ᬲᬫ᭄ᬩᬸᬓ᭄᭞ᬳᬸᬮᬢ᭄ᬧᭂᬦᭂᬤ᭄ᬫᬩᬶᬓᬲ᭄᭞ᬤᭀᬂᬓᬤᬾᬦ᭄ᬲᬚᬫᬕᭂᬤᬶ᭞ᬮᬓᬃᬫᬜᬸᬄ᭞ᬢᭂᬓᬤᬶᬦᬶᬫᬲᬦᭂᬓ
ᬦ᭄᭟ᬢ᭄ᬯᬭᬗᬾᬤᬍᬫᬗ᭄ᬳᬯᬓ᭄᭞ᬓᬩᬢᭂᬓ᭄ᬧᭀᬗᬄᬚᬸᬯᬭᬶ᭞ᬜᬮᬦᬂᬇᬥᭂᬧᬾᬫᭀᬫᭀ᭞ᬇᬦ᭄ᬤ᭄ᬭᬶᬬᬦ᭄ᬓᭂ᭠ᬦᭂᬳᬾᬳᬸᬮᬸᬭᬶᬦ᭄᭞ᬗᬸᬗ᭄ᬕᬳᬶᬦ᭄ᬳᬦᬓ᭄ᬫ᭄ᬯᬦᬶ᭞ᬜᭀᬫᬦ᭄ᬲᬭᬶᬢᬦ᭄ᬧᬲᬳᬸᬭ᭄᭞ᬦᭂᬓᭂᬧ᭄ᬫᬸᬯᬓᬾᬭᬗᬦ᭄᭞ᬫᬩᬸᬤᬶᬮᬓᬃᬓᬲᬶᬲᬶ᭞᭠

[᭑᭖ 16A]
᭑᭖
ᬮᬸᬢ᭄ᬫᬘᭂᬩᬸᬭ᭄᭞ᬓᬧᬫ᭄ᬮᬗᬾᬳᬬᬢ᭄ᬫᭂᬤᬮ᭄᭟ᬤᬸᬭᬸᬲ᭄ᬫᬕᬸᬚᭂᬕᬸᬚᭂᬕᬦ᭄᭞ᬫᬥᬾᬲᭂᬓᬃᬳᬶᬚᬸᬗᬫ᭄ᬩᬶᬲ᭄᭞ᬜᭀᬫ᭠ᬦ᭄ᬲᬭᬶᬗᬢᬾᬧᬾᬓᬂ᭞ᬲᬮᬶᬂᬘᭀᬕ᭄ᬭᭀᬄᬲᬮᬶᬗᬫ᭄ᬩᬶᬲ᭄᭞ᬫᬭᬸᬓᭂᬢ᭄ᬲᬋᬂᬓᬵᬮᬶᬄ᭞ᬢᬦ᭄ᬧᬾᬦ᭄ᬤᬄᬩᬩ᭄ᬯᬂᬫᬧᬮᬸ᭞ᬲᬳᬲᬲᬮᬶᬂᬚᬫ᭄ᬩ
ᬓ᭄᭞ᬫᬘᬶᬂᬘᬶᬗᬦ᭄ᬓᬤᬸᬓ᭄ᬲᭂᬗᬶᬢ᭄᭞ᬲᬮᬶᬂᬕᬯᬸᬓ᭄᭞ᬤᬸᬭᬸᬲ᭄ᬫᬶᬬᭂᬕᬦ᭄ᬚᬫ᭄ᬩᬭᬦ᭄᭟ᬓᬵᬫᬚᬬᬩᭂᬘᬢ᭄ᬲᬾᬧᬦ᭄᭞ᬫᭂᬮᬲᬂᬜᭂᬮᬕ᭄ᬦᬫ᭄ᬩᬓᬶᬦ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬭ᭄᭞ᬫᬕᬸᬚᭂᬕ᭄ᬲᭂᬤᭂᬓ᭄ᬫᬩᬶᬲ᭄ᬩᬶᬲ᭄᭞ᬜᭀᬫᬦ᭄ᬲᬭᬶᬫᬍᬘᬶ᭞ᬧᭀᬮᬶᬄᬫᬓᬶᬍᬲ᭠
ᬦ᭄ᬧᭂᬲᬸ᭞ᬫᬘᭂᬩᬸᬃᬗᬢᭂᬩᬾᬦᬂ᭞ᬢᬦ᭄ᬧᬦᭀᬮᬶᬄᬢᭂᬤᬸᬦ᭄ᬓᬗᬶᬦ᭄᭞ᬜᬸᬦᬸᬢ᭄ᬜᬸᬦᬸᬢ᭄᭞ᬫᬫᬵᬃᬕ᭄ᬕᬶᬗᬸᬗ᭄ᬲᬶᬓᬢᬸᬓᬤ᭄᭟ᬫᬥᬾᬲᭂᬓᬃᬓᬚᭂᬗᬳᬦ᭄᭞ᬧᬢᬶᬓᬘᬸᬄᬫᬲ᭄ᬯᬂᬫᬸᬜᬶ᭞ᬫᬢ᭄ᬩᬢᬂᬲᬸᬦ᭄ᬤᭂᬮ᭄ᬧᬦᬬᬂ᭞ᬲᬳᬦᬸᬤᬶᬂᬜᭀᬫᬦ᭄ᬲᬭᬶ᭞ᬗᬸᬤᬳᬶᬩᬫᬮᬳᬶ᭠
ᬩ᭄᭞ᬢᬦᬄᬲᭂᬫᬩᬲᭀᬂᬚᬭᬸᬄ᭞ᬢᭀᬂᬗᬾᬤᬍᬫᬂᬳᬯᬓ᭄᭞ᬓᬵᬫᬚᬬᬓᬶᬲᬶᬓ᭄ᬓᬶᬲᬶᬓ᭄᭞ᬗᬮᬮᬸᬜᬸᬄ᭞ᬗᬲᬶᬳᬲᬶᬄᬗᭂᬮᬤ᭄ᬧ᭄ᬭᬡ᭟ᬤᬸᬭᬸᬲᬂᬫ᭄ᬩᭀᬓ᭄ᬘᬶᬗᬓ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬮᬮᬶᬲ᭄ᬫᬸᬯᬶᬓᬶᬦ᭄᭞ᬢᬶᬢ᭄ᬬᬂᬪᬓ᭄ᬢᬶᬗᬩᬸᬓ᭄ᬘᭀᬓᭀᬃ᭞ᬫᬫᬋᬓ᭠ [ 17 ][᭑᭖ 16B]
᭑᭖
ᬦ᭄ᬭᬶᬂᬫᬵᬲ᭄ᬫᬡᬶᬓ᭄᭞ᬩᭀᬬᬯᬾᬦ᭄ᬢᭂᬦ᭄ᬓᬓᬵᬮᬶᬄ᭞ᬢᬺᬱ᭄ᬡᬾᬦ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬫ᭄ᬩᭀᬓ᭄ᬧᬢᬹᬢ᭄ᬗᬯᬶᬯᭂᬦᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬢᬹᬃᬗᭀᬮᬲᬶᬦ᭄᭞ᬢᬶᬢ᭄ᬬᬂᬳᬸᬩᬸᬄ᭞ᬫᬥᬾᬲᭂᬓᬃᬜᬍᬦᭂᬕᬂ᭟ᬤᭂᬫᬤᭂᬫᬶᬗᬤᬾᬲᭂᬫᬂ᭞ᬗᭂᬚᭀᬄᬳᬸᬮᬢ᭄ᬫᬧᬶᬫᬧᬶ᭞ᬓᬵᬫᬚ᭠
ᬬᬕᬕ᭄ᬭᬾᬧᬾᬦᬦ᭄᭞ᬫᬓᬶᬢᬗᬸᬢ᭄ᬕᬸᬢ᭄ᬜᬶᬘᬶᬧᬶᬦ᭄᭞ᬢᬦ᭄ᬫᬭᬶᬗᬲᬶᬳᬲᬶᬄ᭞ᬫ᭄ᬩᭀᬓ᭄ᬫᬥᬾᬲᬵᬫ᭄ᬧᬸᬦᬂᬩᭂᬦ᭄ᬤᬸ᭞ᬧᬧᬓ᭄ᬫ᭠ᬮᬶᬄᬳᬾᬮᬶᬗᬂ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬫᬵᬢᬹᬃᬲᬶᬲᬶᬧ᭄᭞ᬯᬶᬭᬾᬄᬓᬤᬸᬂ᭞ᬳᬶᬯᬂᬮᬫ᭄ᬧᬄᬳᬫ᭄ᬧᬸᬭᬬᬂ᭟ᬩᭀᬬᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬦᬾᬫᬗ᭄ᬓᬶ
ᬦ᭄ᬢᬫ᭄ᬩᬾᬦᬶᬦ᭄ᬫᬮᬶᬄ᭞ᬫᬥᬾᬲᭂᬓᬃᬦᬶᬫ᭄ᬩᬮᬮᭀᬦ᭄᭞ᬤᭀᬂᬗᬸᬤᬯᬬᬦ᭄ᬩᬩᬾᬓᬶ᭞ᬗᬯᬾᬦᬂᬲᬓᬶᬢ᭄ᬳᬢᬶ᭞ᬮᬕᬸᬢᬾ᭠ᬯᬬᬦ᭄ᬓᬕᬸᬕᬸ᭞ᬫᬫᬸᬜᬶᬗᬤᬸᬧᭀᬗᬄ᭞ᬫᬓᭂᬫᬶᬓᬦ᭄ᬳᬮᬸᬄᬕᬢᬶ᭞ᬗᬮᬮᬸᬜᬸᬄ᭞ᬜᬾᬦ᭄ᬲᬾᬦ᭄ᬤᭂᬫ᭄ᬮᬓᬃᬦᬶᬗᭂᬳᬂ᭟ᬗᬲᬶᬳᬲᬶᬄᬗᬓᬸ
ᬢᬺᬱ᭄ᬡᬵ᭞ᬮᬾᬦ᭄ᬤᬶᬓᭂᬦᭂᬄᬮᬾᬦ᭄ᬤᬶᬩᬶᬩᬶᬄ᭞ᬤᬬᬦᬾᬫᬫᬗ᭄ᬕᬸᬮ᭄ᬕᬫ᭄ᬩᬂ᭞ᬧᬍᬗᬸᬢᬶᬦ᭄ᬩᬳᬦ᭄ᬫᬸᬜᬶ᭞ᬤᭀᬂᬜᬾᬦ᭄ᬜ᭠ᬓ᭄ᬜᬤᬶᬦ᭄᭞ᬲᭀᬮᬄᬯᬬᬦ᭄ᬲᬸᬩᬤᬸᬥᬹ᭞ᬫᬧᭂᬮᬾᬄᬜᭂᬍᬓ᭄ᬫᬢ᭞ᬓᬵᬫᬚᬬᬫᬜᬳᬸᬭᬶᬦ᭄᭞ᬤᬾᬯᬭᬢᬸ᭞ᬤᭀᬂᬗᬸᬤᬫ᭄ᬩᭀ᭠

[᭑᭗ 17A]
᭑᭗
ᬓ᭄ᬲᬮᬶᬢ᭄ᬳᬃᬱ᭟ᬗᬤᬾᬦ᭄ᬢᬶᬢ᭄ᬬᬂᬢᬸᬦᬢᬺᬱ᭄ᬡᬵ᭞ᬕᬸᬫᬦ᭄ᬢᬶᬯᬦ᭄ᬢᬄᬲᬸᬪᬓ᭄ᬢᬶ᭞ᬫᬫᬋᬓᬦ᭄ᬗᭂᬩᬸᬓ᭄ᬘᭀᬓᭀᬃ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶ᭠ᬢ᭄ᬬᬂᬗᬶᬮᭀᬦᬶᬦ᭄᭞ᬳᬭᬶᬦ᭄‌‌ᬫ᭄ᬩᭀᬓ᭄ᬜᭀᬫᬦ᭄ᬲᬭᬶ᭞ᬫᬦᬄᬢᬶᬢ᭄ᬬᬂᬲᬓᬾᬂᬲᬵᬥᬹ᭞ᬗᬚᬧ᭄‌‌ᬮᬾᬤᬂᬫᬵᬲ᭄ᬫᬶᬭᬄ᭞ᬫ᭄ᬩᭀᬓ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂ᭠
ᬦᬾᬫᬗ᭄ᬓᬶᬦ᭄᭞ᬳᬦᬓ᭄ᬮᬸᬄ᭞ᬚᭂᬮᬾᬫᭂᬮᬄᬫᬓᬭᭀᬦᬦ᭄᭟ᬲᬺᬗᭂᬦ᭄ᬫᬥᬾᬲᭃᬓᬃᬦᬶᬫ᭄ᬩᬮ᭄᭞ᬤᭀᬂᬓᬸᬤᬧᭀᬗᬄᬫᬫᬸᬜᬶ᭞ᬫᬓᭂᬮᬶᬤ᭄ᬗᬾᬤᬾᬗᬂᬢᬗ᭄ᬓᬄ᭞ᬜᬶᬍᬫ᭄ᬤᬶᬧᬲᭀᬦᬾᬘᭂᬦᬶᬓ᭄᭞ᬫ᭄ᬩᭀᬓ᭄ᬢᬶᬤᭀᬂᬳᬦᬓ᭄ᬫ᭄ᬯᬦᬶ᭞ᬤᭀᬂᬜᬾᬦ᭄ᬮᬓᬃᬓᬸᬮᬸᬓᬸᬮᬸ᭠
ᬓ᭄᭞ᬘᬭᬤᬸᬯᭂᬕ᭄ᬗᬭᬯᭀᬲ᭄᭞ᬗᭂᬦ᭄ᬢᬸᬗᬂᬳᬸᬬᬄᬓᬧᬲᬶᬄ᭞ᬤᭀᬂᬜᬾᬦ᭄ᬗᬸᬕᬸ᭞ᬤᬬᬦ᭄ᬯᬬᬦ᭄‌‌ᬤᬤᬤᬓᬦ᭄᭟ᬫ᭠ᬥᬾᬲᭂᬓᬃᬗᬤᬾᬲᭂᬫᬂ᭞ᬗᬤᬾᬩ᭄ᬭᬲ᭄ᬳᬬᬢ᭄ᬫᬕᭂᬤᬶ᭞ᬯᬬᬦ᭄‌‌ᬫ᭄ᬩᭀᬓ᭄ᬚᬦᬶᬫᬫᬶᬦ᭄ᬤᬄ᭞ᬓᭂᬫᭀᬳᬮᬶᬄᬜᭀᬫᬦ᭄ᬲᬭᬶ᭞ᬓᬵᬫᬚᬬᬦ
ᬫ᭄ᬩᬓᬶᬦ᭄᭞ᬢᬹᬃᬲᬾᬩᭂᬢ᭄ᬗᬫ᭄ᬩᬶᬲ᭄ᬢᭂᬗ᭄ᬓᬮᬸᬂ᭞ᬫᬥᬾᬲᭂᬓᬃᬗᬮᬶᬕᬲ᭄᭞ᬫᬲᬶᬤᬓᭂᬧ᭄ᬗᬍᬓ᭄ᬳᬢᬶ᭞ᬫᬧᬶᬓᬶᬫᬸᬤ᭄᭞ᬓᬵᬫ᭠ᬚᬬᬗᬭᬲᬭᬲ᭄᭟ᬗᭂᬮᬸᬢ᭄ᬩᬳᭀᬂᬫᬥᬾᬲᭂᬓᬭ᭄᭞ᬓᬤᬦ᭄ᬤᬦ᭄ᬤᬸᬭᬸᬲ᭄ᬗᬭᬜ᭄ᬚᬶᬂ᭞ᬫᬥᬾᬲᭂᬓᬃᬗᬮᬸᬯᬦᬂ᭞ᬓᬵᬫᬚᬬᬢᭂᬓᭂ᭠ [ 18 ][᭑᭗ 17B]
᭑᭗
ᬓ᭄ᬗᬶᬲᬶ᭞ᬢᬦ᭄ᬫᬭᬶᬗᬭᬶᬳᬭᬶᬄ᭞ᬗᬶᬭᬶᬂᬫ᭄ᬩᭀᬓ᭄ᬤᬸᬫᬸᬦ᭄ᬫᬮᬸᬗ᭄ᬕᬸᬄ᭞ᬫᬥᬾᬲᭂᬓᬃᬜᬩᬺᬕᬂ᭞ᬫᬢᬶᬫ᭄ᬧᬸᬄᬤᬶᬩᬸᬘᬸᬫᬵᬢᬶ᭞ᬓ᭠ᬦ᭄ᬢᬸᬦ᭄ᬘᭂᬮᬸᬢ᭄᭞ᬩᬦᬶᬢᬓᬸᬢ᭄ᬤᬸᬭᬸᬂᬢᬫ᭟ᬓᬵᬫᬚᬬᬗᬭᬲᬭᬲ᭄᭞ᬕᭂᬭᬲ᭄ᬕᭂᬭᭀᬲ᭄ᬦᬶᬫᬦ᭄ᬧᬶᬧᬶ᭞ᬗᭂᬮᬸᬢ᭄ᬩᬗ᭄ᬓ᭄ᬬᬂᬗᬩᬕ᭄ᬜᭀᬜᭀ᭞ᬫᬥᬾ
ᬲᭂᬓᬃᬓᭂᬮᬤ᭄ᬓᭂᬮᬶᬤ᭄᭞ᬫᬫᬾᬗᭀᬲ᭄ᬫᭂᬜ᭄ᬚᬸᬄᬯᬸᬭᬶ᭞ᬤᭀᬂᬗᬸᬤᬯᬬᬦ᭄ᬫᬫᭂᬭᬸᬤ᭄᭞ᬗᬤᭀᬓᬂᬩᬬᬸᬳᬓᬲ᭄᭞ᬢ᭄ᬯᬭᬗᭂᬮᬄᬳᭀᬮᬲ᭄ᬳᬢᬶ᭞ᬢᬦ᭄ᬧᬲᭂᬫᬸ᭞ᬢᭂᬓᬩᬶᬦᬮ᭄ᬯᬯᬤᭀᬦᬦ᭄᭟ᬓᬫ᭄ᬩᭂᬦ᭄ᬘᭂᬭᬶᬓ᭄‌‌ᬫ᭄ᬩᭀᬓ᭄ᬳᬸᬮᬶᬳᬂ᭞ᬤᭀᬂᬗᬸᬤᬯᬬᬦ᭄ᬩᬩᬾᬓᬶ᭞ᬢ᭄ᬯ
ᬭᬲᬚᬲᬓᬾᬂᬳᭀᬮᬲ᭄᭞ᬗᭂᬩᬸᬢᬶᬦ᭄‌‌ᬫ᭄ᬩᭀᬓ᭄ᬓᬫ᭄ᬩᭂᬦ᭄ᬘᭂᬭᬶᬓ᭄᭞ᬧᬬᬸᬤᬶᬗᬶᬦ᭄ᬗᬤᭂᬕ᭄ᬮᬶᬕ᭄᭞ᬗᬮᬾᬕᬾᬭᬱᬫᬮ᭠ᬮᬸᬂ᭞ᬓᬵᬫᬚᬬᬗᬶᬗᭂᬭᬂ᭞ᬭᬯᭀᬲᬾᬘᬭᬜᬶᬫ᭄ᬩᬶᬗᬶᬦ᭄᭞ᬫᬤᬤᬸᬭᬸᬲ᭄᭞ᬗᬚᬓᬶᬦ᭄ᬫᬚᭂᬮᬾᬫᭂᬮᬄ᭟ᬢᭀᬂᬲᬶᬤ᭄ᬥᬩᬦ᭄ᬗᭂᬋᬢ᭄ᬫᬦᬄ᭞
ᬓᬵᬫᬚᬬᬳᬶᬚᬸᬭᬭᬶᬲ᭄᭞ᬦᬸᬗ᭄ᬓᬬᬓᬂᬫᬥᬾᬲᭂᬓᬭ᭄᭞ᬗᬍᬗᬶᬦ᭄ᬮᬶᬫᬜᬗ᭄ᬓᬸᬢᬶᬦ᭄᭞ᬲᬾᬩᭂᬢ᭄ᬗᭂᬩᬶᬢᬂᬢᬧᬶᬄ᭞ᬫᬥᬾᬲᭂᬓᬃᬳᬤᬸᬳᬤᬸᬄ᭞ᬭᬱᬓᭂᬦᬫᬸᬮᬶᬲᬄ᭞ᬓᬤᬶᬮᬶᬦ᭄ᬤᬸᬗᬾᬳᬸᬬᬳᬶᬦ᭄᭞ᬓᭂᬚᬢ᭄ᬓᭂᬚᬸᬢ᭄᭞ᬭᬾᬄᬢᬸᬫ᭄ᬩᬾᬦ᭄ᬦᬯᬂᬲᬤ᭄ᬭᬱ᭟ᬮᬮᬄ

[᭑᭘ 18A]
᭑᭘
ᬫᬦᬶᬲ᭄᭞ᬬᬦ᭄ᬓᭂᬘᬧᬂ᭞ᬫᬥᬾᬲᭂᬓᬃᬗᬋᬋᬗᬶᬄ᭞ᬳᬥᬸᬄᬯᬬᬦ᭄ᬤᭀᬂᬕᬶᬕᬶᬲᬂ᭞ᬗᬸᬬᬓ᭄‌‌ᬫ᭄ᬩᭀᬓ᭄ᬢᭀᬂᬤᬤᬶᬳᬢᬶ᭞ᬓᬵᬫᬚᬬᬢᬦ᭄ᬫᬭᬶ᭞ᬫᬕᬶᬲᭂᬄᬩᬩᬃᬗᬢᭂᬓᬸᬮ᭄᭞ᬢ᭄ᬯᬭᬤᬤᬶᬭᬾᬭᬾᬦᬂ᭞ᬢᬸᬮ᭄ᬬᬲᭂᬫᬮ᭄ᬫᭀᬂᬧᭀᬂᬢᬶᬗ᭄ᬓᬶᬄ᭞ᬩᭂᬚᬄᬩᭂᬚᬸᬄ᭞ᬗᬸᬮᬸᬭᬶᬦ᭄ᬓ
ᬍᬕᬦ᭄ᬫᬦᬄ᭟ᬤᬲ᭄ᬓᬦ᭄ᬢᬶᬗᭂᬮᬸᬗᬂᬮᬶᬓᬄ᭞ᬢᭀᬂᬜᬦ᭄ᬤᬂᬩᬯᭀᬲᬂᬫᬮᬶᬄ᭞ᬭᬾᬄᬲᬵᬫ᭄ᬧᬸᬦᬯᭀᬃᬲᬭᬕ᭞ᬢᬦ᭄ᬯᬾᬦ᭄ᬢᭂᬦ᭄ᬓᬲᭀᬭᬦ᭄ᬢᬦ᭄ᬤᬶᬂ᭞ᬓᬮᬗᭃᬦᬾᬢᬦ᭄ᬲᬶᬧᬶ᭞ᬲᬂᬓᬵᬮᬶᬄᬲᬕᬾᬢ᭄ᬢᬗ᭄ᬓᭂᬚᬸᬢ᭄᭞ᬭᬱᬯᬾᬦ᭄ᬢᭂᬦ᭄ᬜᭂᬗ᭄ᬓᬯᭀᬦ᭄᭞ᬳᬦᬓ᭄ᬭᬯᬸᬄᬚᭂᬭᬶᬢ᭄ᬚᭂᬭᬶ
ᬢ᭄᭞ᬓᬯᬸᬓ᭄ᬓᬯᬸᬓ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬭ᭄᭟ᬓᬶᬚᬜᬳᬶᬳᬚᬓ᭄ᬤᬤ᭄ᬯ᭞ᬓᬤᬸᬂᬓᬮᬗᭃᬦ᭄ᬫᬮᬮᬶ᭞ᬢᭀᬂᬳᬶᬗᭂᬢ᭄ᬢᭂᬓᬾᬦ᭄ᬕᬕᬫᬦ᭄᭞ᬗᭂᬫᬶᬢ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬳᬶᬤᬲᬸᬩᬫᬢᬗᬶ᭞ᬫᬲᬾᬧᬓ᭄ᬲᬂᬓᬵᬮᬶᬄᬩᬗᬸᬦ᭄᭞ᬭᬱᬓᬢᬸᬫ᭄ᬩᬓ᭄ᬮᭂᬧᬲ᭄᭞᭠
ᬍᬓ᭄ᬚᭂᬗᬄᬳᭀᬕᬦ᭄ᬓᬩᬶᬮ᭄ᬩᬶᬮ᭄᭞ᬫᭂᬭᬄᬫᭂᬭᬸᬄ᭞ᬦᬾᬚᬦᬶᬮᬓᬃᬓᬾᬦ᭄ᬓᬾᬦᬂ᭟ᬲᬶᬦᬄᬮᬓᬃᬓᬤᬧᭂᬢᬦ᭄᭞ᬬᬾᬦ᭄ᬢ᭄ᬯᬭᬳᬾᬗ᭄ᬕᬮ᭄ᬫᬕᭂᬤᬶ᭞ᬩᭂᬘᬢ᭄ᬲᬾᬧᬦ᭄ᬜᬮᬸᬓ᭄ᬯᬲ᭄ᬢ᭄ᬭ᭞ᬳᬕᬾᬫᭂᬤᬮ᭄ᬲᬋᬂᬓᬵᬮᬶᬄ᭞ᬫᬓᬶᬍᬲᬦ᭄ᬜᬮᬶᬩ᭄ᬲᬶᬩ᭄᭞ᬫᬾᬦ᭄ᬧ᭄ᬭᭀᬤᭀᬂ᭠ [ 19 ][᭑᭘ 18B]
᭑᭘
ᬫᬓᭂᬮᬧ᭄ᬭᬯᬸᬄ᭞ᬲᬓᬾᬂᬤᭀᬄᬫᬓᬯᬸᬓᬦ᭄᭞ᬫᬥᬾᬲᭂᬓᬃᬧᭀᬮᬶᬄᬢᬗ᭄ᬓᬶᬲ᭄᭞ᬕᭂᬮᬶᬲ᭄ᬢᭂᬤᬸᬦ᭄᭞ᬓᬢᬸᬓᬤ᭄ᬜᬭᬸᬫᭂ᭠ᬫᭂᬫᬦ᭄᭟ᬓᬵᬫᬚᬬᬜᬭᬸᬦᭂᬕᬓ᭄᭞ᬤᬶᬩᭀᬗ᭄ᬓᭀᬮ᭄ᬓᬬᬸᬦᬾᬗᭂᬢᬶᬲ᭄᭞ᬫᬾᬦ᭄ᬧ᭄ᬭᭀᬤᭀᬂᬦᬸᬮᬶᬫᬢᬓᭀᬦ᭄᭞ᬯᬬᬦ᭄ᬗᬸᬚᬂᬢᭂ᭠
ᬓᬤᬶᬦᬶ᭞ᬓᬵᬫᬚᬬᬜᬳᬸᬭᬶᬦ᭄᭞ᬬᬦ᭄ᬳᭀᬗ᭄ᬓᭂᬩ᭄ᬗᭂᬮᬶᬤᬶᬦ᭄ᬓᭂᬩᬸᬲ᭄᭞ᬗᬮᬶᬄᬳᬗᬶᬦ᭄ᬲᬫ᭄ᬩᬶᬮᬂ᭞ᬦᭂᬗᭀᬓᬶᬦ᭄ᬳᬩ᭄ᬬᬦ᭄ᬧᬤᬶᬤᬶ᭞ᬤᭂᬫᭂᬦ᭄ᬗᬗ᭄ᬕᬸᬃ᭞ᬫᬾᬫᬾᬓᬶᬚᬗᬧᬗᬧᬂ᭟ᬫᬾᬦ᭄ᬧ᭄ᬭᭀᬤᭀᬂᬓᭂᬜᭂᬫᬗᬸᬘᬧ᭄᭞ᬫᬾᬫᬾᬓᬦ᭄ᬤᬶᬓᬬᬂᬗᬮᬶᬄ᭞ᬜᭀᬫᬦ᭄ᬲᬭᬶ᭠
ᬫᬥᬾᬲᭂᬓᬭ᭄᭞ᬳᬦ᭄ᬢᬸᬓ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬢᬸᬭᬄᬯᬬᬦ᭄ᬦᭂᬧᬸᬓᬶᬦ᭄᭞ᬤᬶᬚᬓᬧᭀᬳᬶᬬᬗᬗ᭄ᬕᬸᬭ᭄᭞ᬓᬵᬫᬚᬬ᭠ᬳᬗᬸᬘᬧ᭄᭞ᬬᬂᬢ᭄ᬯᬭᬲᬚᬦᭂᬧᬸᬓᬶᬦ᭄᭞ᬲᬶᬗᬤᬶᬢᬸ᭞ᬤᬶᬢᬸᬓᬤᬾᬫᬘᬾᬫ᭄ᬧ᭄ᬮᬸᬗᬦ᭄᭟ᬳᬾᬜ᭄ᬘᭀᬂᬫᬾᬦ᭄ᬧ᭄ᬭᭀᬤᭀᬂᬫᬚᬮᬦ᭄᭞
ᬫᬤᭂᬮᭀᬓᬦ᭄ᬩᭂᬢᬾᬦ᭄ᬓᬗᬶᬦ᭄᭞ᬫᬓᬦ᭄ᬢᭂᬦ᭄ᬲᬓᬾᬂᬳᬶᬭᬶᬓᬵ᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬳᬸᬮᬧᬶᬦ᭄ᬳᬧᬂᬫᬸᬮᬶᬄ᭞ᬫᬓᬓᬵᬮᬶᬄᬢᬸᬯᭀᬦ᭄ᬢᬸᬦᬹᬢ᭄᭞ᬫᭂᬦᬾᬓᬦ᭄ᬩᭂᬘᬢ᭄ᬲᬾᬧᬦ᭄᭞ᬦᬵᬗ᭄ᬳᬶᬂᬘᬭᬳᬦᬓ᭄ᬧᬸᬯᬶᬓ᭄᭞ᬲᭂᬩᭂᬂᬚᭂᬦ᭄ᬤᬸᬮ᭄᭞ᬤᬾᬭᬧ᭄ᬤᬾᬋᬧ᭄

[᭑᭙ 19A]
᭑᭙
ᬢᭀᬂᬲᭀᬘᬧᬦ᭄᭟᭜᭟ᬕᬶᬦᬤ᭟᭜᭟ᬧᬚᬮᬦᬾᬫᬧᬮᬲᬦ᭄᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬳᬸᬮᬶᬢᬸᬓ᭠ᬤᬾᬫᭂᬦᬾᬓᬦ᭄᭞ᬳᬸᬲᬸᬤᬶᬦ᭄ᬓᬫ᭄ᬩᭂᬦᬾᬩᭂᬮᬸᬲ᭄᭞ᬍᬓ᭄ᬚᭂᬗᬄᬬᬦᬶᬂᬫᬭᬾᬭᭀᬤ᭄᭞ᬓᬭᬕ᭄ᬓᬶᬭᬶᬕ᭄᭞ᬧᬥᬢ᭄ᬯᬭᬜᬓ᭄ᬫᬮ᭄ᬯᬦᬦ᭄᭟᭠
ᬫᬾᬦ᭄ᬧ᭄ᬭᭀᬤᭀᬂᬫᬭᬹᬧᬲᭂᬮᬂ᭞ᬗᭂᬢᭀᬦ᭄ᬲᬂᬓᬵᬮᬶᬄᬫᬫᬵᬃᬕ᭄ᬕᬶ᭞ᬓᬢᬓᭂᬄᬘᬭᬦᬶᬂᬳᬦᬓ᭄‌‌᭞ᬫᬕᬸᬮᬜᬯᬦ᭄ᬫᬫᬤᬸ᭞ᬧᬥᬢ᭄ᬯᬭᬜᬓ᭄ᬲᭀᬘᬧᬦ᭄᭞ᬘᬭᬧᬸᬯᬶᬓ᭄᭞ᬤᬾᬭᬧ᭄ᬤᬾᬋᬧ᭄ᬫᬶᬭᬶᬩ᭄ᬢᬸᬗ᭄ᬓᬲ᭄᭟ᬬᬦ᭄‌‌ᬢ᭄ᬮᭂᬓ᭄ᬢᭂᬓᬂᬫᬗᬸᬦ᭄ᬢᬸᬮᬂ᭞ᬲᭂᬩᭂᬗᬾᬘᬭᬓ
ᬩᬶᬮ᭄ᬩᬶᬮ᭄᭞ᬫᬾᬦ᭄ᬧ᭄ᬭᭀᬤᭀᬂᬢᬸᬫᭀᬦ᭄ᬢᬦ᭄ᬧᭂᬤᬲ᭄᭞ᬳᬯᬶᬦᬦ᭄ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄᭞ᬫᬢᬓᬾᬦ᭄ᬧᬘᬂᬜᭂᬤ᭄ᬲᭂᬤᬂ᭞᭠ᬫᬧᬶᬫᬧᬶ᭞ᬢ᭄ᬯᬭᬭᬸᬗᬸᬗᭂᬚᭀᬄᬯᬸᬮᬢ᭄᭟ᬤᬤᬢᬤᭀᬂᬩᬓᬢ᭄ᬭᬫ᭄ᬩᬂ᭞ᬜᬓᬓᬾᬦ᭄ᬓᬾᬦ᭄ᬜᬓᬢᬸᬲᬶᬂ᭞ᬢ᭄ᬯᬭᬜᬦ᭄ᬤᬂᬳᬶᬜ᭄ᬚᬦᬶᬜ᭄ᬚ᭠
ᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬭ᭄᭞ᬲᬋᬂᬓᬵᬮᬶᬄ᭞ᬳᬶᬭᬶᬓᬵᬭᬶᬂᬧᬓᭀᬍᬫ᭠ᬦ᭄᭟ᬜᬮᬾᬫ᭄ᬧᭀᬄᬫᬢᬶᬫ᭄ᬧᬸᬄᬦᬢ᭄ᬬ᭞ᬫᭂᬤᭂᬓ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬫᬾᬦ᭄ᬧ᭄ᬭᭀᬤᭀᬂᬲᬵᬫ᭄ᬧᬸᬦ᭄ᬫᬓᬯᭀᬦ᭄᭞ᬲᬓᬾᬯᬦ᭄ᬢᭂᬦ᭄ᬲᬋᬂ᭠ [ 20 ][᭑᭙ 19B]
᭑᭙
ᬢᭂᬮᬸ᭞ᬳᬶᬭᬶᬓᬵᬭᬶᬂᬓᭀᬍᬫᬦ᭄᭞ᬭᬵᬚᬧᬸᬢ᭄ᬭᬶ᭞ᬢᬸᬫᬸᬮᬶᬳᬮᭀᬦ᭄ᬗᬦ᭄ᬤᬶᬓ᭟ᬳᬸᬮᬶᬤᬶᬚᬫᬭᬢᭂᬓ᭞ᬜᬳᬶᬲᭂ᭠ᬓᬃᬫᬶᬯᬄᬲᬭᬶ᭞ᬫᭂᬤ᭄ᬮᭂᬕᬳᬶᬘᬂᬗᬦ᭄ᬢᭀᬲᬂ᭞ᬢᬦ᭄ᬧᬯᬗ᭄ᬲᬶᬢ᭄ᬜᬳᬶᬗᬗ᭄ᬕᬸᬃ᭞ᬫᬥᬾᬲᭂᬓᬃᬗᬭᬶᬳᬶᬦᬂ᭞ᬫᬵᬢᬹᬃᬲᬶᬲᬶᬧ᭄᭞ᬢᬶᬢ᭄ᬬᬂᬲᬓᬾᬂᬫ᭠
ᬓᭂᬩᭀᬢᬦ᭄᭟ᬭᬶᬂᬩᬾᬚᬶᬳᬚᭂᬩᭀᬲ᭄ᬧᬶᬲᬦ᭄᭞ᬩᭀᬬᬚᬦ᭄ᬢᭀᬲ᭄ᬳᬧᬦᬮᬶᬓ᭄᭞ᬜᭀᬫᬦ᭄ᬲᬭᬶᬫᬵᬢᬹᬃᬦᬶᬫ᭄ᬩ᭠ᬮ᭄᭞ᬢᬶᬢ᭄ᬬᬂᬕᬸᬫᬦ᭄ᬢᬶᬫᬩᬜᬸ᭞ᬩᭀᬬᬚᬦ᭄ᬢᭀᬲ᭄ᬳᬧᬗᬶᬦᬂ᭞ᬭᬵᬚᬧᬸᬢ᭄ᬭᬶ᭞ᬲᬤᬫᬾᬲᭂᬫ᭄ᬫᬯᬘᬦ᭟ᬜᬳᬶᬲᬭᬶᬫᬶᬯᬄᬲᭂᬓᬃ᭞ᬕᭀ
ᬩᬦ᭄ᬜᬳᬶᬓᭂᬘᬸᬤ᭄ᬓᬸᬦᬶᬂ᭞ᬫᬾᬄᬤᬶᬩᬶᬲᬜ᭄ᬚᬫᬕᬤᬂ᭞ᬫᬥᬾᬲᭂᬓᬃᬫᬮᬶᬄᬫᬵᬢᬸᬭ᭄᭞ᬧᭂᬘᬓ᭄ᬧᭀᬮᬶᬄᬦᭂᬥᬭᬸᬚᬓ᭄᭞ᬓᬗ᭄ᬓᬢ᭄ᬫᬶᬲᬶᬂ᭞ᬩᭀᬬᬲᬗ᭄ᬓᬦᬶᬂᬫᬕᬤᬂ᭟ᬜᭀᬫᬦ᭄ᬲᬭᬶᬫᬵᬢᬹᬃᬦᬶᬫ᭄ᬩᬮ᭄᭞ᬗᬸᬦᬶᬗ᭄ᬳᬂᬭᬶᬂᬭᬵᬚᬧᬸᬢ᭄ᬭᬶ᭞ᬢᬦ᭄ᬯᬾᬦ᭄ᬢᭂᬦ᭄ᬧᭀᬮᬶᬄᬫᬕᬤᬂ᭞
ᬢᬦ᭄ᬲᬯᭀᬲ᭄ᬭᬢᬸᬤᬾᬯᬵᬕᬸᬂ᭞ᬳᭀᬤᬓ᭄ᬓᬸᬜᬶᬢᬾᬗᬯᬶᬦᬂ᭞ᬢᬶᬢ᭄ᬬᬂᬕᬤᬶᬂ᭞ᬓᭂᬘᬸᬤ᭄ᬓᬸᬦᬶᬂᬧᬓᬦ᭄ᬢᭂᬦᬦ᭄᭟ᬤᬸᬯᭂᬕ᭄ᬲᬦ᭄ᬜᬳᬶᬫᬓᬦ᭄ᬤ᭞ᬧᬗᬦ᭄ᬤᬶᬓᬦ᭄ᬭᬵᬚᬧᬸᬢ᭄ᬭᬶ᭞ᬫᬢᬶᬫ᭄ᬧᬮ᭄ᬳᬲᬶᬂᬢᬓᭀᬦᬂ᭞ᬢᭀᬂᬓᭂᬚᬶᬮ᭄ᬜᬳᬶᬫᬲᬳᬸᬢ᭄᭞ᬲᬸᬩᬳᬤᬸᬂᬳᬚᬓ᭄ᬤᬤ᭄ᬯ᭞ᬲᬶᬦᬄᬜᬳᬶ᭞

[᭒᭐ 20A]
᭒᭐
ᬧᬢᬸᬄᬤᬬᬢᬓᭂᬄᬳᬶᬘᬂ᭟ᬤᬸᬭᬸᬂᬧᬸᬧᬸᬢ᭄ᬫᬭᬭᬲᬦ᭄᭞ᬫᬾᬦ᭄ᬲᬗ᭄ᬓᭀᬮ᭄ᬲᬕᬾᬢ᭄ᬫᬘᭂᬮᬶᬕ᭄᭞ᬫᬵᬢᬹᬃᬲᬶᬲᬶᬧ᭄ᬫᬦᬯᭂᬕᬂ᭞ᬲᭀᬢᬦᬶᬂᬢᬶᬢ᭄ᬬᬂᬓᬳᬸᬢᬸᬲ᭄᭞ᬗᬢᬸᬭᬶᬦ᭄ᬘᭀᬓᭀᬭᬶᬤᬾᬯ᭞ᬗᬮᬸᬗᬦᬶᬦ᭄᭞ᬭᬶᬂᬩᬮᬾᬳᬕᭂᬂᬫᬘᬶᬗᬓ᭄᭟ᬲᭂᬤᭂᬓ᭄ᬫᬓᬵᬃᬬ᭄ᬬᬲᬗ
ᬦᬦ᭄᭞ᬭᭀᬩᬦ᭄ᬧᬤᬸᬓ᭄ᬯᬦᬾᬲᬫᬶ᭞ᬓᬾᬯᬦ᭄ᬢᭂᬦ᭄ᬘᭀᬓᭀᬭᬶᬤᬾᬯ᭞ᬳᬶᬭᬶᬓᬵᬲᬋᬂᬫᬮᬸᬗ᭄ᬕᬸᬄ᭞ᬗᬓ᭄ᬱᬶᬲᬂᬗᬢᬸᬭᬂᬳᬬᬄ᭞ᬳᬕᬸᬂᬳᬮᬶᬢ᭄᭞ᬮᬫᬓᬦ᭄ᬕᬶᬭᬂᬫᬓᬵᬃᬬ᭄ᬬ᭟ᬲᬓᬾᬂᬳᬶᬩ᭄ᬬᬂᬗᬸᬢᬸᬲᬂ᭞ᬢᬶᬢ᭄ᬬᬂᬫᬓᬵᬯᬶᬦᬦ᭄ᬢᬗ᭄ᬓᬶᬮ᭄᭞ᬗᬢᬸᬭᬶᬦ᭄ᬘᭀᬓᭀᬭᬶ᭠
ᬤᬾᬯ᭞ᬭᬵᬚᬧᬸᬢ᭄ᬭᬶᬮᬾᬤᬂᬢᭂᬤᬸᬦ᭄᭞ᬗᬓ᭄ᬱᬶᬳᬦᬓᬾᬫᬓᬵᬃᬬ᭄ᬬ᭞ᬳᭂᬮᬸᬄᬫ᭄ᬯᬦᬶ᭞ᬯᬾᬦ᭄ᬢᭂᬦ᭄ᬲᬋᬂᬓᬵᬮᬶᬄᬤᬰ᭟᭠ᬫᬲᭂᬭᭀᬢ᭄ᬢᭂᬤᬸᬦ᭄‌ᬲᬂᬗᬬᬄ᭞ᬓᬭᬯᬸᬳᬦ᭄ᬭᬵᬚᬧᬸᬢ᭄ᬭᬶ᭞ᬫᬥᬾᬯᬢᬶᬳᬕᬾᬫᭂᬦ᭄ᬤᬓ᭄᭞ᬭᬵᬚᬧᬸᬢ᭄ᬭᬶᬯᬸᬲ᭄ᬫᬮᬸᬗ᭄ᬕᬸᬄ᭞ᬫᬾᬲᭂᬫ᭄ᬳᬶᬤᬫᬯᬘᬦ᭞
ᬩ᭄ᬭᬬᬯᬃᬕ᭄ᬕᬶ᭞ᬫᭂᬦᬾᬓᬦ᭄ᬳᬚᬓ᭄ᬫᬓᭂᬚᬂ᭟ᬮᬳᬸᬢᬂᬤᭀᬂᬫᬕᬭᬧᬦ᭄᭞ᬲᬂᬗᬬᬄᬓᭂᬦ᭄ᬤᭂᬮ᭄ᬫᬶᬭᬕᬶ᭞ᬫᬢᬗᬦᬦ᭄ᬦᬸᬦᬲ᭄ᬮᬸ᭠ᬕ᭄ᬭ᭞ᬓᬮᬸᬕ᭄ᬭᬫᬮᬶᬄᬫᬩ᭄ᬭᬶᬬᬸᬓ᭄᭞ᬳᬾᬧᭀᬢ᭄ᬫᬓᬵᬃᬬ᭄ᬬᬲᬗᬦᬦ᭄᭞ᬭᬵᬚᬧᬸᬢ᭄ᬭᬶ᭞ᬲᬤᬘᬸᬘᬸᬤ᭄ᬫᬦᬓᬾᬦᬂ᭟ᬳᬯᬶᬦᬦ᭄ᬲᬭᬢ᭄ᬫᬓᬵᬃ᭠ [ 21 ][᭒᭐ 20B]
᭒᭐
ᬬ᭄ᬬ᭞ᬲᬗᬦᬦ᭄ᬳᬗ᭄ᬕᬾᬦ᭄ᬧᬸᬦᬧᬶ᭞ᬫᬥᬾᬯᬢᬶᬫᬵᬢᬹᬃᬳᬮᭀᬦ᭄᭞ᬤᭀᬂᬗᬸᬤᬳᬶᬭᬢᬸᬢᬦ᭄ᬤ᭄ᬭᬸᬄ᭞ᬩᬶᬦ᭄ᬢᭂᬮᬸᬦ᭄ᬧᬘᬂᬳᭀᬤᬮᬦ᭄᭞ᬰᬭᬰ᭄ᬯᬢᬶ᭞ᬲᬓᬾᬂᬫᬗ᭄ᬓᬶᬦ᭄ᬧᬵᬢᬹᬢ᭄ᬧ᭄ᬭᬤᬂ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬫᬵᬢᬹᬃᬦᬶᬫ᭄ᬩᬮ᭄᭞ᬫᬦᬯᬶᬭᬢᬸᬢᬦ᭄ᬳᬸᬦᬶᬂ᭞ᬳᬶᬦ᭄ᬤᬶᬓ᭄ᬗᬢᬸᬭᬂᬧᬶᬳᭀ
ᬤᬮ᭄᭞ᬰᬭᬰ᭄ᬯᬢᬶᬫᬬᬸᬳᬬᬸ᭞ᬭᬵᬚᬧᬸᬢ᭄ᬭᬶᬳᬕᬾᬦᬶᬫ᭄ᬩᬮ᭄᭞ᬲᬚᬦᬶᬦᬶ᭞ᬢᬶᬢ᭄ᬬᬂᬢᭀᬦ᭄ᬤᬾᬦ᭄ᬢᬢᬲ᭄ᬦᬯᬂ᭟ᬋᬡᬦᬶᬦᬶᬫᬶᬤᬃᬢ᭄ᬣᬬᬂ᭞ᬳᬧᬂᬤᬦᬦ᭄ᬤᬤᬶᬕᬧᬶ᭞ᬲᬂᬗᬬᬄᬲᬫᬶᬦᬯᭂᬕᬂ᭞ᬳᬢᬸᬭᬾᬩ᭄ᬭ᭄ᬬᬸᬓ᭄ᬲᬧᬗ᭄ᬕᬸᬮ᭄᭞ᬤᬸᬭᬸᬲᬂᬳᬸᬕᬶᬯᭂᬤᬭᬂ᭞ᬫᬗ᭄ᬤᬾᬳᬸᬦᬶᬂ᭞ᬲᬋᬂ
ᬲᬫᬶᬫᬸᬂᬧᬸᬂᬗᬬᬄ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬓᬾᬦᬾᬓᬮᬶᬗᬦᬾᬗᬹᬦᬶ᭞ᬓᭀᬘᬧ᭄ᬤᬗ᭄ᬳ᭄ᬬᬂᬲᬶᬤ᭄ᬥᬶᬫᬦ᭄ᬢ᭄ᬭ᭞ᬤᬯᭂᬕ᭄ᬳᬶᬤᬗᬶᬘ᭄ᬙᬾᬦ᭄ᬢᬸᬢᬸᬭ᭄᭞ᬭᬶᬂᬲᬂᬯᬶᬓᬹᬫᬧᬲᬾᬗᬦ᭄᭞ᬥᬃᬫ᭄ᬫᬲᬶᬤ᭄ᬥᬶ᭞ᬲᬹᬓ᭄ᬱᭂᬫᬦᬶᬂᬯᬭᬯᬭᬄ᭟ᬯᬾᬦ᭄ᬢᭂᬦ᭄ᬋᬓᬾᬓᬢᬸᬢᬸᬭᬦ᭄᭞ᬭᬵᬚᬋ
ᬱᬶᬲᬦᬾᬗᬹᬦᬶ᭞ᬫᬧᬲᬾᬗᬦ᭄ᬕᬶᬭᬷᬰ᭄ᬯᬭ᭞ᬫᬤ᭄ᬯᬾᬧᬢᬶᬄᬧᬶᬢᬸᬮᬶᬓᬸᬃ᭞ᬫᬭᬶᬂᬕᬸᬦᬸᬂᬳᬶᬫᬮᬬ᭞ᬜᬓ᭄ᬭᬯᬃᬢ᭄ᬢᬶ᭞ᬭᬢᬸᬯᬶ᭠ᬪᬹᬄᬦᬶᬦ᭄ᬤ᭄ᬬᬾᬂᬲᬭᬵᬢ᭄᭟ᬧᬧᬢᬶᬄᬳᬶᬤᬲᬂᬦᬵᬣ᭞ᬩᬘᬓ᭄ᬫᬗ᭄ᬓᬶᬦ᭄ᬲᬶᬓᬶᬲᬶᬓᬶ᭞ᬫᬯᬵᬱ᭄ᬝᬲᬂᬓᬸᬮᬤᬾᬯ᭞ᬫᬤᭂᬕ᭄ᬫᬭᬶᬂᬧᬲᬸᬢ᭄ᬭᬦᬸ᭞ᬲᬂᬭᬵ

[᭒᭑ 21A]
᭒᭑
ᬚᬢᬮᬸᬓᬮᬯᬦ᭄᭞ᬫᬳᬵᬧᬢᬶᬄ᭞ᬲᬂᬫᬺᬢ᭄ᬣᬪ᭄ᬯᬦᬧᬲᬾᬗᬦ᭄᭟ᬫᬤᭂᬕ᭄ᬭᬶᬂᬫᬺᬕᬯᬶᬚᬬ᭞ᬲᬋᬂᬇᬭᬶᬓᬵᬫᬢᬶ᭠ᬳᬶᬦ᭄᭞ᬫᬓᬵᬤᬶᬲᬂᬯᬭᬶᬓ᭄ᬱᬬ᭞ᬗᬫᭂᬮᬂᬚᬕᬢ᭄ᬭᬶᬂᬩᬺᬕᬸ᭞ᬓᬵᬮᬶᬄᬲᬂᬯᬭᬶᬯᬶᬱᬬ᭞ᬫᬤᭂᬕ᭄ᬧᬢᬶᬄ᭞ᬫᬭᬶᬂᬯᬕᬤ᭄ᬬᬲ᭄ᬯᬭ᭟ᬫᬮᬶᬄ᭠
ᬲᬂᬚᬸᬮᬸᬂᬓᬳᬸᬘᬧ᭄᭞ᬗᭂᬭᬾᬄᬧᬜ᭄ᬚᬓ᭄ᬫᬤᭂᬕ᭄ᬧᬢᬶᬄ᭞ᬭᬶᬂᬚᬕᬢ᭄ᬲᭂᬓᬃᬓᬜ᭄ᬘᬦ᭞ᬲᬂᬲᬸᬂᬲᬂᬢᬬᬓᬯᬸᬯᬸᬲ᭄᭞ᬫᬤᭂᬕ᭄ᬧᬢᬶᬄᬭᬶᬂᬲᬸᬕ᭄ᬭᬳ᭞ᬫᬶᬦᬓᬵᬤᬶ᭞ᬲᬂᬤᬸᬗᬸᬮᬦ᭄‌ᬬᬦ᭄ᬢᬓᭀᬘᬧ᭄᭟ᬫᬢᬶᬳᬶᬦ᭄ᬭᬶᬂᬢᬸᬗ᭄ᬕᬸᬮ᭄‌ᬪ᭄ᬯᬦ᭞ᬲᬂᬧᬸᬱ᭄ᬧᬶᬢᬋᬓᬾᬫᬮᬶᬄ᭞ᬫ
ᬤᭂᬕ᭄ᬧᬢᬶᬄᬭᬶᬂᬚᬦᬭ᭞ᬲᬂᬮᬗ᭄ᬓᬶᬃᬓᭀᬘᬧ᭄ᬫᬮᬸᬗ᭄ᬕᬸᬄ᭞ᬭᬶᬂᬮᬓᬫᬡᬶᬓ᭄‌ᬦᬵᬕᬭ᭞ᬫᬫᬢᬶᬳᬶᬦ᭄᭞ᬫᬓᬵᬤᬶᬲᬂ᭠ᬫᭂᬤᬂᬲ᭄ᬬ‌᭟ᬭᬶᬂᬧᬤᬧᬦ᭄ᬧᭂᬝᬓ᭄ᬓᭀᬘᬧ᭄᭞ᬇᬭᬶᬓᬵᬋᬓᬾᬫᬢᬶᬳᬶᬦ᭄᭞ᬲᬂᬧᬸᬚᬸᬢ᭄ᬫᬭᬶᬂᬧᬸᬚᬶᬗ᭄ᬕ᭞ᬫᬤᭂᬕ᭄ᬓᬾᬗᬶᬦ᭄ᬧᬢᬶᬄᬳᬕᬸᬂ᭞ᬯᬾ
ᬦ᭄ᬫᬧᬭᬩ᭄ᬲᬂᬧᬳᬂ᭞ᬫᬤᭂᬕ᭄ᬧᬢᬶᬄ᭞ᬫᬭᬶᬂᬚᬕᬢ᭄ᬧᬗ᭄ᬓᬸᬯᬃᬱ᭟ᬫᬮᬶᬄᬲᬂᬓ᭄ᬭᬸᬮᬸᬢ᭄‌ᬓᬳᬸᬘᬧ᭄᭞ᬭᬶᬂᬭᬸᬭᬹᬓ᭄ᬕᬡ᭄ᬥᬫᬢᬶᬳᬶᬦ᭄᭞ᬫᬶᬦᬓᬵᬤᬶᬲᬂᬫ᭄ᬭᬂᬲᬶᬗ᭄ᬳ᭞ᬫᬭᬶᬂᬲᬫᬶᬭᬂᬫᬯᬸᬗ᭄ᬕᬸᬄ᭞ᬫᬤᭂᬕ᭄ᬧᬢᬶᬄᬗᭀᬤᬕ᭄ᬧᬜ᭄ᬚᬓ᭄᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬲᬂᬢᬫ᭄ᬩᬶᬃᬲᬦᬾᬓ [ 22 ][᭒᭑ 21B]
᭒᭑
ᬮᭀᬓ᭟ᬭᬶᬂᬓᬯᬶᬭᬶᬗᭀᬤᬕ᭄ᬧᬜ᭄ᬚᬓ᭄᭞ᬇᬭᬶᬓᬵᬤᬦᬾᬫᬢᬶᬳᬶᬦ᭄᭞ᬫᬓᬵᬤᬶᬲᬂᬫᭂᬤᬗ᭄ᬓᬸᬱ᭞ᬓᭀᬘᬧ᭄ᬫᬤᭂᬕ᭄ᬧᬢᬶᬄᬳᬕᬸᬂ᭞ᬭᬶᬂᬚᬕᬢ᭄ᬓᬸᬲ᭄ᬬᬦᬵᬕᬭ᭞ᬫᬶᬦᬓᬵᬤᬶ᭞ᬲᬂᬫᬢᬮ᭄ᬋᬓᬾᬧᬲᬾᬗᬦ᭄᭟ᬫᬤᭂᬕ᭄ᬧᬢᬶᬄᬭᬶᬂᬫᬦ᭄ᬢᬮ᭞ᬲᬂᬉᬬᬾᬓᭀᬘᬧ᭄ᬫ᭠
ᬢᬶᬳᬶᬦ᭄᭞ᬫᬭᬶᬂᬚᬕᬢ᭄ᬧᬤᭂᬗᭂᬦᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬦᬾᬓᬯᬸᬯᬸᬲ᭄᭞ᬓᭀᬘᬧ᭄ᬲᬂᬫᬦᬿᬮ᭄ᬚᬮ᭞ᬫᬤᭂᬕ᭄ᬧᬢᬶᬄ᭞ᬫᬭᬶᬂᬚᬕᬢ᭄ᬓᬭᬂᬗᬶᬚᬮ᭄᭟ᬧᬸᬦᬶᬓᬲᬂᬧᭂᬭᬂᬚᬕᬢ᭄᭞ᬭᬶᬂᬧᬗᬸᬦ᭄ᬤᬭᬦ᭄ᬫᬢᬶᬳᬶᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬫᬧᬲᬾᬗᬦ᭄᭞ᬲᬂᬫᬳᬵᬚᬦᬓᬯᬸᬯᬸ᭠
ᬲ᭄᭞ᬓᭀᬘᬧ᭄ᬫᬭᬶᬂᬩᬮᬶᬦ᭄ᬤᬸᬗᬦ᭄᭞ᬫᬤᭂᬕ᭄ᬧᬢᬶᬄ᭞ᬇᬭᬶᬓᬵᬗᬫᭂᬮᬂᬚᬕᬢ᭄᭟ᬲᬂᬯᬷᬭᬉᬕᬸᬄᬓᬳᬸᬘᬧ᭄᭞ᬫᬤᭂᬕ᭄ᬧᬢᬶᬄᬫᬗ᭄ᬓᬸᬩᬸᬫᬶ᭞ᬭᬶᬂᬚᬕᬢ᭄ᬕᬡ᭄ᬥᬯᬶᬭᬦ᭞ᬲᬂᬭᬶᬗ᭄ᬕᬶᬫᬮᬶᬄᬓᬯᬸᬯᬸᬲ᭄᭞ᬭᬶᬂᬕᬶᬢᬧ᭄ᬲᬭᬶᬫᬗ᭄ᬕᬮ᭞ᬫᬤᭂᬕ᭄ᬧᬢᬶᬄ᭞ᬲᬂᬓᬸᬮᬯᬸᬄᬬᬦ᭄ᬢᬓᭀ
ᬘᬧ᭄᭟ᬫᬤᭂᬕ᭄ᬧᬢᬶᬄᬭᬶᬂᬲᬸᬫᬶᬭᬂ᭞ᬓᬤᬶᬦᬶᬓᬫᬓᬲᬫᬶ᭞ᬭᬵᬚᬧᬸᬢ᭄ᬭᬶᬫᬗᬦ᭄ᬤᬶᬓ᭞ᬩᭀᬬᬯᬾᬦ᭄ᬢᭂᬦ᭄ᬧᬶᬢᬸᬮᬶᬓᬸᬃ᭞ᬯᬯᬸᬲᬮᬳᬾᬫᬯᬶᬮᬂ᭞ᬫᬥᬾᬯᬢᬶ᭞ᬫᬵᬢᬹᬢᬂᬳᬶᬤᬳᬶᬳᬦᬓ᭄᭟ᬤᬸᬓᬸᬄᬳᬶᬲ᭄ᬢ᭄ᬭᬶᬦᭀᬭᬧᬜ᭄ᬚᬂ᭞ᬳᬶᬗ᭄ᬕᬶᬄᬓᬶᬭᬗᬦ᭄ᬓᬓᬵᬮᬶᬄ᭞ᬓ

[᭒᭒ 22A]
᭒᭒
ᬤᬶᬦᬶᬓᬭᬶᬂᬘᬓᭂᬧᬦ᭄᭞ᬫᬸᬗ᭄ᬕᬸᬄᬳᬦᬓᬕᬸᬂᬳᬬᬸ᭞ᬦᬾᬜᬦᬦ᭄ᬫᬮᬶᬄᬩᬯᭀᬲᬂ᭞ᬩᭀᬬᬧᬗ᭄ᬕᬶᬄ᭞ᬓᬲᬶᬗ᭄ᬲᬮ᭠ᬦ᭄ᬧᬯᬶᬮᬗᬦ᭄᭟ᬤᬸᬄᬦᬶᬦᬶᬩᭂᬘᬶᬓ᭄ᬮᬦ᭄ᬢᬸᬭᬂ᭞ᬧᬗᬦ᭄ᬤᬶᬓᬦ᭄ᬭᬵᬚᬧᬸᬢ᭄ᬭᬶ᭞ᬦᬾᬜᬦᬦ᭄ᬫᬮᬶᬄᬕᬸᬚᭂᬕᬂ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬲᬭᬮᬾ
ᬤᬂᬧᬓᬬᬸᬦᬦ᭄᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬮᬦ᭄ᬢᬸᬭᬂᬲᬢ᭄ᬯᬧᬸᬦᬶᬓ᭟ᬭᬶᬂᬚᬕᬢ᭄ᬚᬮᬲᬗ᭄ᬕᬭ᭞ᬯᬾᬦ᭄ᬢᭂᬦ᭄ᬋᬓᬾᬭᬵᬚᬋᬱᬶ᭞ᬤᬗ᭄ᬳ᭄ᬬᬂᬓᬸᬮᬕᬶᬭᬶᬓᭀᬘᬧ᭄᭞ᬧᬲᬾᬗᬦ᭄ᬳᬶᬤᬲᬂᬧ᭄ᬭᬪᬹ᭞ᬳᬶᬤᬫᬤ᭄ᬯᬾᬭᬩᬶᬓᬭᭀ᭞ᬦᬾᬳᬲᬶᬓᬶ᭞ᬫᬧᬲᬾᬗᬦ᭄ᬤᬾᬯᬶᬲᬶᬦ᭄ᬢ᭟ᬳᭀᬓ
ᬦ᭄ᬤᬗ᭄ᬳ᭄ᬬᬂᬕᬤᬷᬰ᭄ᬯᬭ᭞ᬭᬩᬶᬦᬾᬫᬮᬶᬄᬳᬲᬶᬓᬶ᭞ᬤᬾᬯᬶᬮᬡ᭄ᬥᭂᬧ᭄‌ᬧᬭᬩ᭄ᬳᬶᬤ᭞ᬓᬳᭀᬓᬳᬦ᭄ᬢᬸᬓ᭄ᬲᬂᬧ᭄ᬭᬪᬹ᭞ᬤᬗ᭄ᬳ᭄ᬬᬂᬧᬰᬹᬧᬢᬶᬗᬭᬦ᭄᭞ᬭᬵᬚᬋᬱᬶ᭞ᬫᬤᭂᬕ᭄ᬫᬭᬶᬂᬓᬸᬡ᭄ᬥᬤ᭄ᬯᬷᬧ᭟ᬕᭂᬮᬶᬲ᭄ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬤᬾᬯᬶᬲᬶᬦ᭄ᬢᬫᬾᬄᬕᬃᬩ᭄ᬪᬶᬦᬶ᭞ᬢᬹᬃᬲᬵᬫ᭄ᬧᬸᬦ᭄ᬢᬸᬢᬸᬕ᭄ᬯᬸᬮ
ᬦᬦ᭄᭞ᬳᭂᬫ᭄ᬩᬲ᭄ᬩᭀᬩᭀᬢᬦᬾᬲᬵᬫ᭄ᬧᬸᬦ᭄᭞ᬳᬦᬓᬾᬳᬮᬶᬢ᭄ᬢᬹᬃᬮᬦᬂ᭞ᬓᬧᬭᬩᬶᬦ᭄‌᭞ᬲᬶᬚᬩᬂᬩᬬᬶᬳᬶᬳᬦᬓ᭄᭟ᬳᬗ᭄ᬕᬦ᭄ᬳᬶᬤᬓᬪᬶᬦᬯ᭞ᬳᬕᭃᬂᬢᬹᬃᬧᬜ᭄ᬚᬂᬗᬗᭀᬩᬶᬦ᭄᭞ᬤᬂᬳ᭄ᬬᬂᬓᬸᬮᬕᬶᬭᬶᬓᬾᬲᬄ᭞ᬮᬸᬗ᭄ᬳᬫᬢᬧᬓᬕᬸᬦᬸᬂ᭞ᬲᬶᬚᬩᬂ᭠ [ 23 ][᭒᭒ 22B]
᭒᭒
ᬬᬶᬓᬢᬶᬗ᭄ᬕᬮ᭄᭞ᬓᬦ᭄ᬢᬸᬦ᭄ᬳᬮᬶᬢ᭄᭞ᬓᬳᭂᬫ᭄ᬩᬦ᭄ᬳᬦ᭄ᬢᬸᬓ᭄ᬳᬶᬩᬶᬬᬂ᭟ᬢᬦ᭄ᬓᬘᬭᬶᬢᬲᬂᬮᬸᬗ᭄ᬳ᭞ᬓᭀᬘᬧᬦ᭄ᬲᬶᬚᬩᬂᬩᬬᬶ᭞ᬫᬫᬾᬢᬦᬕᬶᬄᬳᬚᭂᬗᬦ᭄᭞ᬤᬾᬯᬶᬲᬶᬦ᭄ᬢᬲᭂᬤᭂᬓ᭄ᬗᬭᬸ᭞ᬲᬶᬚᬩᬂᬩᬬᬶᬫᬕᬸᬬᬂ᭞ᬲᭂᬤ᭄ᬲᭂᬤ᭄ᬦᬗᬶᬲ᭄᭞ᬤᬸᬓᬵᬳᬶᬤᬤᬾᬯᬶᬲᬶᬦ᭄ᬢ᭟ᬲ
ᬳᬲᬗᭂᬩᬸᬕ᭄ᬳᬶᬳᬦᬓ᭄᭞ᬳᬦ᭄ᬢᬸᬓ᭄ᬲᬶᬬᬸᬢ᭄ᬚᬦ᭄ᬢᭀᬲ᭄ᬓᬦᬶᬦ᭄᭞ᬫᭂᬤᬮ᭄ᬳᭂᬭᬄᬢᬦ᭄ᬧᭂᬕᬢᬦ᭄᭞ᬫᬓᬘᬓᬦ᭄ᬲᬓᬾᬂᬧ᭄ᬭᬪᬹ᭞ᬲᬶᬚᬩᬂᬩᬬᬶᬤᬸᬄᬓᬶᬢ᭞ᬢᬹᬃᬫᬧᬫᬶᬢ᭄᭞ᬭᬶᬂᬳᬶᬩᬶᬬᬂᬤᬾᬯᬶᬲᬶᬦ᭄ᬢ᭟ᬫᬓᬯᭀᬦ᭄ᬦᬶᬗ᭄ᬕᬮ᭄ᬦᬵᬕᬭ᭞ᬲᬶᬚᬩᬂᬩᬬᬶᬦᬾᬫᬗ᭄ᬓᬶᬦ᭄᭞᭠
ᬢᬦ᭄ᬓᭀᬘᬧᬦ᭄ᬤᬾᬯᬶᬲᬶᬦ᭄ᬢ᭞ᬳᬦᬓᬾᬳᬮᬶᬢ᭄ᬓᬯᬸᬯᬸᬲ᭄᭞ᬓᬮᬧᬸᬮᬧᬸᬫᬫᬵᬃᬕ᭄ᬕ᭞ᬲᬳᬦᬗᬶᬲ᭄᭞ᬜᬸᬲᬸᬧ᭄ᬫᬭᬶᬂ᭠ᬕᬸᬦᬸᬂᬳᬮᬲ᭄᭟ᬓᬜ᭄ᬘᬶᬢ᭄ᬧᬗ᭄ᬕᬶᬄᬩᬢᬸᬮᬸᬫ᭄ᬩᬂ᭞ᬇᬭᬶᬓᬵᬳᬶᬤᬫᬮᬶᬗ᭄ᬕᬶᬄ᭞ᬲᬶᬚᬩᬂᬩᬬᬶᬫᬢᬧ᭞ᬭᬶᬂᬢᬗ᭄ᬕᬸᬦ᭄ᬚᬕᬢᬾᬓᬯᬸᬄ᭞ᬫᬫᭂ
ᬕᭂᬂᬓᬤᬶᬧ᭄ᬭᬢᬶᬫ᭞ᬲᬵᬫ᭄ᬧᬸᬦ᭄ᬮᬫᬶ᭞ᬲᬯᬢᬭᬧᬢᬂᬫᬲ᭟ᬢᭂᬤᬸᬦ᭄ᬳᬶᬤᬲᬗ᭄ᬳ᭄ᬬᬂᬰᬶᬯ᭞ᬮᬄᬓᬶᬢᬲᬶᬚᬩᬂᬩᬬᬶ᭞ᬫᬦᬶᬭᬗᭂᬦ᭄ᬢᭀᬲᬶᬦ᭄ᬳᬤᬦ᭄᭞ᬦᬾᬚᬦᬶᬲᬂᬯᬢᬸᬕᬸᬦᬸᬂ᭞ᬚᬮᬭᬦ᭄ᬧᬕᭂᬄᬫᬢᬧ᭞ᬓᬤᬶᬕᬶᬭᬶ᭞ᬚᬦᬶᬳᬧᬮᬓᬃᬢᬸᬦᬲ᭄᭟ᬲᬂᬯᬢᬸ᭠

[᭒᭓ 23A]
᭒᭓
ᬕᬸᬦᬸᬂᬦᬯᭂᬕᬂ᭞ᬬᬦᬶᬂᬯᬦ᭄ᬢᬄᬓᬧᬶᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬦᬸᬦᬲ᭄ᬓᬯᬶᬪᬯᬦ᭄᭞ᬜᬓ᭄ᬭᬥᬮᬫᬤᭂᬕ᭄ᬳᬕᬸᬂ᭞ᬳ᭄ᬬᬂᬰᬶᬯᬳᬲᬸᬂᬮᬸ᭠ᬕ᭄ᬭᬳ᭞ᬯᭂᬦᬂᬘᬳᬶ᭞ᬫᬤᭂᬕ᭄ᬳᬕᬸᬂᬗᭀᬤᬕ᭄ᬧᬜ᭄ᬚᬓ᭄᭟ᬫᭀᬕᬧᬶᬢᬸᬮᬶᬓᬹᬃᬚᬕᬢ᭄᭞ᬧ᭄ᬭᬲᬶᬤ᭄ᬥᬓᬮᬳᬂᬘᬳᬶ᭞ᬢᬦ᭄ᬫᬵᬢᬶᬤᬾᬦᬶᬂᬲᬜ᭄ᬚ᭠
ᬢ᭞ᬲᬯᬢᭂᬓ᭄ᬫᬵᬦᬸᬱᬦᬸᬗ᭄ᬓᬸᬮ᭄᭞ᬳᬧᬶᬳᬗᬶᬦ᭄ᬫᬶᬯᬄᬢᭀᬬ᭞ᬢᭀᬂᬫᬶᬕ᭄ᬭᬦᬶᬦ᭄᭞ᬓᬵᬮᬦᬶᬂᬘᬳᬶᬫᬲᬶᬬᬢ᭄᭟ᬲᬂᬯ᭠ᬢᬸᬕᬸᬦᬸᬂᬦᬸᬦᬲᬂ᭞ᬲᬶᬗ᭄ᬕᬶᬄᬪᬝᬵᬭᬭᬶᬂᬦᬧᬶ᭞ᬫᬕᭂᬦᬄᬓᬧᬢ᭄ᬬᬦ᭄ᬢᬶᬢ᭄ᬬᬂ᭞ᬪᬝᬵᬭᬰᬶᬯᬫᬲᬳᬸᬭ᭄᭞ᬬᬾᬦ᭄ᬳᬤᬯᬢᭂᬓ᭄ᬯᬶᬰᬾᬱ᭞ᬗᭂᬧᬾᬢ᭄ᬧ᭠
ᬢᬶ᭞ᬯᬶᬱᬬᬫᬢ᭄ᬭᬶᬯᬶᬓ᭄ᬭᬫ᭟ᬫᬫᬹᬃᬢ᭄ᬢᬶᬫᬳᬸᬮᬸᬳᭂᬫ᭄ᬧᬲ᭄᭞ᬦᬾᬯᭂᬦᬂᬗᬮᬳᬂᬘᬳᬶ᭞ᬫᬲᬜ᭄ᬚᬢᬧᬜ᭄ᬘᬦᬓ᭞ᬚᬮ᭠ᬭᬦ᭄ᬓᬯᭂᬓᬲ᭄ᬮᬫ᭄ᬧᬸᬲ᭄᭞ᬢᬸᬫᬸᬮᬶᬪᬝᬵᬭᬰᬶᬯ᭞ᬫᬗᬯᭀᬦᬶᬦ᭄᭞ᬲᬂᬯᬢᬸᬕᬸᬦᬸᬂᬲᬓ᭄ᬱᬡ᭟ᬲᬲᬵᬫ᭄ᬧᬸᬦ᭄ᬪᬝᬵᬭᬰᬶᬯ᭞ᬫᬮᬾᬘ᭄ᬙᬦᭀ
ᬭᬓᬧᬗ᭄ᬕᬶᬄ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬳᬸᬘᬧᬂ᭞ᬧᬫᬵᬃᬕ᭄ᬕᬦ᭄ᬲᬂᬯᬢᬸᬕᬸᬦᬸᬂ᭞ᬗᬸᬗ᭄ᬲᬶᬕᬸᬦᬸᬂᬳᬶᬫᬮᬬ᭞ᬦᬸᬮᬶᬧᬗ᭄ᬕᬶᬄ᭞ᬧᬯᬾ᭠ᬲ᭄ᬢ᭄ᬭᬶᬲᭂᬤᭂᬓ᭄ᬫᬲᬶᬭᬫ᭄᭟ᬯᬲ᭄ᬢᬸᬳᬶᬤᬓᬮᬸᬮᬸᬢᬦ᭄᭞ᬫ᭄ᬭᬓᭀᬲᬳᬦᬓᬾᬳᬶᬲ᭄ᬢ᭄ᬭᬶ᭞ᬤᬸᬭᬸᬲ᭄ᬫᬕᬸᬚᭂᬕ᭄ᬕᬸᬚᭂᬕᬦ᭄᭞ᬲᬦᬾᬫ᭄ᬯᬦᬶᬳᬕᬾᬭ [ 24 ][᭒᭓ 23B]
᭒᭓
ᬯᬸᬄ᭞ᬲᬂᬯᬢᬸᬕᬸᬦᬸᬂᬓᬧᬭᬕ᭄᭞ᬓᬚᬕᬸᬭᬶᬦ᭄᭞ᬓᬢᬸᬫ᭄ᬩᬓ᭄ᬢᬦ᭄ᬯᬾᬦ᭄ᬢᭂᬦ᭄ᬓᬶᬮᬲ᭄᭟ᬤᬸᬭᬸᬲ᭄ᬕᬾᬕᬾᬃᬲᬦᬵᬕᬭ᭞ᬯᬾᬦ᭄ᬢᭂ᭠ᬦ᭄ᬲᬦᬾᬫᬵᬢᬹᬃᬳᬸᬦᬶᬂ᭞ᬭᬶᬂᬳᬶᬤᬲᬂᬕᬶᬭᬶᬲ᭄ᬯᬃᬕ᭄ᬕ᭞ᬲ᭄ᬯᬭᬦ᭄ᬓᬸᬮ᭄ᬓᬸᬮᬾᬕᬸᬫᭂᬦ᭄ᬢᬸᬄ᭞ᬢᭂᬤᬸᬦ᭄ᬯᬢᭂᬓ᭄ᬧᬭᬬᬸᬤ᭄ᬥ᭞ᬫᬗᭂᬫ᭄ᬩᬭᬶᬦ᭄᭞ᬲᬬᬕᬫᬓ᭄ᬢᬲᬜ᭄ᬚ
ᬢ᭟ᬲᬳᬲᬗᬤᬓᬂᬬᬸᬤ᭄ᬥ᭞ᬲᬹᬃᬬ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬭᬶᬂᬯᬯᭂᬗ᭄ᬓᭀᬦ᭄ᬳᬶᬫᬮᬬ᭞ᬲᬂᬯᬢᬸᬕᬸᬦᬸᬂᬓᬋᬩᬸᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬦᬶᬦ᭄ᬓᬲᭂᬫ᭄ᬧᬮ᭄᭞ᬓᬢᬸᬫ᭄ᬩᬓᬶᬦ᭄᭞ᬓᬤᬶᬕᬸᬦᬸᬂᬢᭂᬫ᭄ᬧᬸᬄᬳᭀᬫ᭄ᬩᬓ᭄᭟ᬲᬳᬗᬫᬸᬓ᭄ᬗᬫᬭᬬᬂ᭞ᬲᬂᬕᬶᬭᬷᬰ᭄ᬯᬭᬓᬧᬶᬮᬶᬲ᭄᭞ᬧᬫᬸᬧᬸᬢ᭄ᬓᬯᭀ᭠
ᬦ᭄ᬫᬬᬸᬤ᭄ᬥ᭞ᬦᬸᬗ᭄ᬓᬸᬮ᭄ᬲᬫᬶᬯᬢᭂᬓ᭄ᬯᬸᬓᬸ᭞ᬧᬧᬢᬶᬄᬲᬂᬕᬶᬭᬷᬰ᭄ᬯᬭ᭞ᬫᬓᬲᬫᬶ᭞ᬧᬶᬢᬸᬮᬶᬓᬸᬃᬧᬯᬶᬮᬗᬦ᭄᭟ᬓᬸᬮᬦ᭄ᬢᬶᬃᬢᭀᬮᬸ᭠ᬓᬮᬯᬦ᭄᭞ᬕᬸᬫ᭄ᬩᬺᬕ᭄‌ᬯᬭᬶᬕᬲᬫᬮᬶᬄ᭞ᬯᬭᬶᬕᬤ᭄ᬬᬦ᭄ᬫᬲᬋᬗᬦ᭄᭞ᬚᬸᬮᬸᬂᬯᬗᬶᬢᬍᬃᬦᬸᬗ᭄ᬓᬸᬮ᭄᭞ᬲᬸᬂᬲᬂᬓᬮᬯᬦ᭄ᬤᬸᬗᬸᬮᬦ᭄᭞ᬦᬶᬓᬫᬮᬶᬄ᭞
ᬓᬸᬦᬶᬗᬦ᭄ᬮᬗ᭄ᬓᬶᬭ᭄‌ᬓᬮᬯᬦ᭄᭟ᬫᭂᬤᬂᬲ᭄ᬬᬧᬸᬚᬸᬢ᭄‌ᬧᬳᬂ᭞ᬓ᭄ᬭᬸᬮᬸᬢ᭄‌ᬫ᭄ᬭᬓᬶᬄᬮᬦ᭄ᬢᬫ᭄ᬩᬶᬭ᭄᭞ᬉᬬᬾᬮᬦ᭄ᬫᬦᬳᬶᬮ᭄ᬦᬸᬗ᭄ᬓᬸᬮ᭄᭞ᬧ᭄ᬭᬂᬩᬓᬢ᭄ᬓᬮᬯᬦ᭄ᬩᬮ᭞ᬉᬕᬸᬫᬮᬶᬄ᭞ᬯᬬᬂᬓᬸᬮᬯᬸᬓᬮᬯᬦ᭄᭟ᬤᬸᬓᬸᬢ᭄ᬧᬸᬦᬶᬓᬧᬦᭂᬮᬲ᭄᭞ᬧᬶᬢᬸᬮᬶᬓᬹᬃᬫᬓᬲᬫᬶ᭞ᬯᬶᬭᬾᬄᬲᬵᬫ᭄ᬧᬸᬦ᭄ᬚ

[᭒᭔ 24A]
᭒᭔
ᬬᬾᬂᬭᬡ᭞ᬢᬸᬫᬸᬮᬶᬲᬂᬯᬢᬸᬕᬸᬦᬸᬂ᭞ᬫᬤᭂᬕ᭄ᬫᬭᬶᬂᬳᬶᬫᬮᬬ᭞ᬫᬫ᭄ᬭᬪᭀᬦᬶᬦ᭄᭞ᬗᭂᬦ᭄ᬢᭀᬲᬶᬦ᭄ᬲᬂᬕᬶᬭᬷᬰ᭄ᬯᬭ᭟ᬲᭂᬤᭂᬓ᭄ᬢᬗ᭄ᬓᬶᬮ᭄ᬭᬶᬂᬧᬲᬾᬪᬦ᭄᭞ᬲᬂᬯᬢᬸᬕᬸᬦᬸᬂᬦᬓᬾᬦᬶᬦ᭄᭞ᬧᬭᬫᬦ᭄ᬢ᭄ᬭᬶᬩᬳᬸᬥᬡ᭄ᬥ᭞ᬤᬶᬚᬳᬤᬩ᭄ᬯᬶᬦ᭄ᬫᬸᬲᬸᬄ᭞ᬦᬶᬭᬫᬓᬶᬢᬫᬲᬶᬬᬢ᭄᭞ᬗᭂᬩᬸᬕ᭄ᬕᬸᬫᬶ᭞ᬳᬸ
ᬫᬵᬢᬹᬃᬲᬂᬓᬢᬓᬾᬦᬦ᭄᭟ᬭᬶᬂᬚᬕᬢ᭄ᬚᬮᬲᬗ᭄ᬕᬭ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬭᬢᬸᬳᬶᬲ᭄ᬢ᭄ᬭᬶ᭞ᬲᬂᬯᬢᬸᬕᬸᬦᬸᬂᬗᬦ᭄ᬤᬶᬓ᭞ᬦᬄᬚᬮ᭠ᬦ᭄ᬚᬦᬶᬫᬕᭂᬩᬸᬕ᭄᭞ᬢᬸᬫᬸᬮᬶᬫᬗ᭄ᬓᬢ᭄ᬫᬬᬸᬤ᭄ᬥ᭞ᬓᬲᭀᬃᬭᬭᬶᬲ᭄᭞ᬚᬕᬢ᭄ᬳᬶᬤᬤᬾᬯᬶᬲᬶᬦ᭄ᬢ᭟ᬦᬸᬗ᭄ᬓᬸᬮ᭄ᬲᭀᬢᬦᬶᬂᬓᬲᭀᬭᬦ᭄᭞ᬤᬾᬯᬶᬲᬶᬦ᭄ᬢ᭠
ᬓᬵᬮᬧ᭄ᬭᬩᬶ᭞ᬓᬵᬮᬶᬄᬤᬾᬯᬶᬮᬡ᭄ᬥᭂᬧ᭄ᬋᬓᭀ᭞ᬳᬦ᭄ᬢᬸᬓ᭄ᬳᬶᬤᬯᬢᬸᬕᬸᬦᬸᬂ᭞ᬲᬓᬾᬂᬧᬗᭂᬦ᭄ᬤᬦᬶᬂᬢᬶᬢᬄ᭞ᬩᭀᬬᬳᬸᬦᬶᬂ᭞ᬫᬭᬩᬶᬳᬶᬩᬸᬲᬓᬵᬮ᭟ᬫᬾᬄᬮᬗ᭄ᬓᬸᬂᬭᬶᬂᬧᬢᬂᬫᬲ᭞ᬲᬂᬯᬢᬸᬕᬸᬦᬸᬂᬫᬭᬩᬶ᭞ᬓᬵᬮᬦᬶᬂᬫᬮᬾᬤᬂᬮᬾᬤᬂ᭞ᬲᬂᬯᬢᬸᬕᬸᬦᬸᬂᬫᬓᬸᬢᬸ᭞ᬤᬾ
ᬯᬶᬲᬶᬦ᭄ᬢᬲ᭄ᬫᬸᬓᬕᬶᬬᬢ᭄᭞ᬫᬫᭂᬤᬲᬶᬦ᭄᭞ᬩᬶᬓᭂᬢ᭄ᬧ᭄ᬭᬪᬹᬦᬵᬭᬦᬵᬣ᭟ᬓᬧᬓᬬᬸᬦ᭄ᬳᬦ᭄ᬢᬸᬓ᭄ᬳᬶᬤ᭞ᬲᬶᬦᬄᬦᬾᬫᬸᬮᬳᬶ᭠ᬘᭂᬦᬶᬂ᭞ᬤᭀᬂᬩᬓᬢ᭄ᬳᬗ᭄ᬕᭀᬦ᭄ᬓᬸᬋᬦᬦ᭄᭞ᬤᬾᬯᬶᬲᬶᬦ᭄ᬢᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬲᬂᬯᬢᬸᬕᬸᬦᬸᬂᬦᬢᬲᬂ᭞ᬤ᭄ᬯᬦᬶᬂᬲᭂᬤᬶᬄ᭞ᬤᬾᬯᬶᬲᬶᬦ᭄ᬢᬦᬤᬓ᭄ᬤ᭠ [ 25 ][᭒᭔ 24B]
᭒᭔
ᬬ᭟ᬫᬯᭀᬲᬂᬧᭀᬮᬶᬄᬜᬸᬫ᭄ᬧ᭄ᬦ᭞ᬜᬶᬗᬓ᭄ᬤᬾᬯᬶᬦᬯᬂᬭᬣᬶᬄ᭞ᬭᬩᬶᬦ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸᬓᭀᬘᬧ᭄᭞ᬫᬧᬶᬦ᭄ᬤᬲᬵᬫ᭄ᬧᬸᬦ᭄ᬫᬫ᭠ᬤᬸ᭞ᬧᬸᬦᬶᬓᬳᬯᬶᬦᬦ᭄ᬢᬶᬢ᭄ᬬᬂ᭞ᬓᬤᬶᬫᬗ᭄ᬓᬶᬦ᭄᭞ᬲᭂᬤᬶᬄᬫᬫᬗᭂᬦᬂᬳᬶᬤ᭟ᬬᬦ᭄ᬯᬦ᭄ᬢᬄᬩᭂᬮᬶᬲᬸᬯᬾᬘ᭄ᬙ᭞ᬤᬸᬭᬸᬲᬂᬫᬗ᭄ᬓᬶᬦ᭄ᬫᬧᬤᬶᬓ᭄᭞ᬦ᭄ᬤᬶᬓᬬᬂᬓ
ᬯᬶᬱ᭄ᬡᬸᬮᭀᬓ᭞ᬫᭂᬍᬤ᭄ᬲᬦ᭄ᬢᬶᬢ᭄ᬬᬂᬫᬫᬤᬸ᭞ᬲᬂᬯᬢᬸᬕᬸᬦᬸᬂᬳᬗᬸᬘᬧ᭄᭞ᬤᬗᬦ᭄ᬳᬤᬶ᭞ᬭᬭᬶᬲ᭄ᬳᬶᬤᬫᬗᬸᬢᬸᬲᬂ᭟ᬲᬂᬯᬭᬶᬕᬤ᭄ᬬᬦ᭄ᬮᬸᬫᬫ᭄ᬧᬄ᭞ᬓᬯᬶᬱ᭄ᬡᬸᬮᭀᬓᬫᬧᬤᬶᬓ᭄᭞ᬯᬸᬲ᭄ᬓᬵᬢᬹᬃᬲᬧᬭᬶᬓᬦ᭄ᬤ᭞ᬲᬯᬾᬢ᭄ᬦᬶᬂᬤᬦᬾᬓᬳᬸᬢᬸᬲ᭄᭞ᬫᬸᬭᬸᬩ᭄ᬤᬸᬓᬵᬦ᭄ᬳᬶᬤᬲᬗ᭄ᬳ᭄ᬬᬂ᭞
ᬳᬭᬶᬫᬹᬃᬢ᭄ᬢᬶ᭞ᬓᬢᬸᬮᬓ᭄ᬲᬂᬯᬭᬶᬕᬤ᭄ᬬᬦ᭄᭟ᬓᭂᬫᬫᬸᬮᬶᬄᬳᬾᬗ᭄ᬕᬮᬾᬗ᭄ᬕᬮ᭄᭞ᬮᬗ᭄ᬕᬦᬘᬳᬶᬫᬧᬤᬶᬓ᭄᭞ᬢ᭄ᬯᬭᬦᬯᬂᬧᬚᬕᬢᬦ᭄᭞ᬘᬸᬫᬗ᭄ᬓᬄᬲᬂᬯᬢᬸᬕᬸᬦᬸᬂ᭞ᬦᬕᬶᬄᬗᬶᬤᬶᬄᬲᭀᬫᬄᬦᬶᬭ᭞ᬦᬯᬂᬭᬝᬶᬄ᭞ᬤᭀᬄᬧᬭᬦᬶᬭᬜᬸᬓᬵᬬᬂ᭟ᬲᬂᬯᬭᬶᬕ᭠
ᬤ᭄ᬬᬦ᭄ᬓᬩᬢ᭄ᬩᬢ᭄᭞ᬢᬸᬫᬸᬮᬶᬭᬭᬶᬲ᭄ᬫᬧᬫᬶᬢ᭄᭞ᬭᬯᬸᬄᬭᬶᬂᬚᬮᬲᬗ᭄ᬕᬭ᭞ᬓᬵᬢᬹᬭᬶᬂᬲᬂᬯᬢᬸᬕᬸᬦᬸᬂ᭞ᬧᬗ᭄ᬮᬫᬃᬳᬶᬤᬓᬢᬸᬮᬓ᭄᭞ᬫᬸᬭᬸᬩ᭄ᬲᭂᬗᬶᬢ᭄᭞ᬫᬤᬹᬃᬕ᭄ᬕᬫᬇᬓᬂᬬᬸᬤ᭄ᬥ᭟᭜᭟ᬤᬹᬃᬫ᭄ᬫ᭟᭜᭟ᬫᬸᬭᬸᬩ᭄ᬓᬤᬶᬕᭂᬦᬶᬓᬢᬸᬭᬸᬳᬦ᭄ᬫᬶᬜᬓ᭄᭞ᬤᬸᬓᬵᬦ᭄ᬲᬂᬯᬢᬸᬕᬶᬭᬶ᭞᭠

[᭒᭕ 25B]
᭒᭕
ᬲᬯᬶᬭᬾᬄᬓᬢᬸᬮᬓ᭄᭞ᬧᬗ᭄ᬮᬫᬭᬾᬓᬲ᭄ᬯᬃᬕ᭄ᬕᬦ᭄᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬳᬭᬶᬫᬹᬃᬢ᭄ᬢᬶ᭞ᬲᬓ᭄ᬱᬡᬳᬶᬤ᭞ᬗᬲᬾᬗᬶᬦ᭄ᬧᬭ᭠ᬫᬦ᭄ᬢ᭄ᬭᬶ᭟ᬲᬳᬲᬜ᭄ᬚᬢᬧᬭᬯᬸᬓᬸᬲᬬᬕ᭞ᬧᬘᬂᬫᬕᭂᬩᬸᬕ᭄ᬫᬗ᭄ᬓᬶᬦ᭄᭞ᬓᬯᬶᬱ᭄ᬡᬸᬪᬹᬯᬦ᭞ᬬᬦ᭄ᬢᬓᭀᬘᬧ᭄ᬭᬶᬂᬲ᭄ᬯᬃᬕ᭄ᬕᬦ᭄᭞ᬪᬝᬵᬭᬯᬶᬱ᭄ᬡᬸᬦ᭄ᬤᬯᬸ᭠
ᬳᬶᬦ᭄᭞ᬯᬢᭂᬓ᭄ᬤᬾᬯᬢ᭞ᬩᬶᬧ᭄ᬭᬬᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟ᬧᬜ᭄ᬘᬋᬱᬶᬫᬶᬯᬄᬘᬢᬹᬃᬮᭀᬓᬧᬮ᭞ᬲᬩᬮᬤᬾᬯᬗᬶ᭠ᬭᬶᬂ᭞ᬬᬢ᭄ᬦᬫᬲᬜ᭄ᬚᬢ᭞ᬗᬗ᭄ᬓᬲᬗ᭄ᬓᬲ᭄ᬫᬬᬸᬤ᭄ᬥ᭞ᬦᬾᬫᬯᬵᬱ᭄ᬝᬧᬜ᭄ᬘᬋᬱᬶ᭞ᬓᬹᬃᬱᬶᬓᬫᬶᬯᬄ᭞ᬕᬃᬕ᭄ᬕᬓᬮᬯᬦ᭄ᬫᬿᬢ᭄ᬭᬶ᭟ᬮᬦ᭄ᬓᬸᬭᬸᬱ᭄ᬬᬫᬶᬦᬓᬵ᭠
ᬤᬶᬧ᭄ᬭᬢᬜ᭄ᬚᬮ᭞ᬧᬸᬦᬶᬓᬧᬜ᭄ᬘᬋᬱᬶ᭞ᬘᬢᬹᬃᬮᭀᬓᬧᬮ᭞ᬇᬦ᭄ᬤ᭄ᬭᬫᬶᬯᬄᬪᬭᬹᬡ᭞ᬓ᭄ᬯᬿᬭᬫᬶᬯᬄᬬᬫᬫᬮᬶᬄ᭞ᬧᬢ᭄ᬧᬢ᭄ᬫᬯᬶᬮᬂ᭞ᬫᬗ᭄ᬕᬮᬫᬫᬸᬘᬸᬓᬶᬦ᭄᭟ᬭᬫᭂᬲ᭄ᬧᬢᭂᬫ᭄ᬧᬸᬄᬯᬢᭂᬓ᭄ᬯᬸᬓᬸᬓᬮᬯᬦ᭄᭞ᬤᬾᬯᬢᬋᬱᬶᬂᬮᬗᬶᬢ᭄᭞ᬓᬲᭀᬭᬦ᭄ᬫᬬᬸᬤ᭄ᬥ᭞ᬯᬢᭂᬓ᭄
ᬧᬭᬤᬾᬯᬢ᭞ᬧᬢᬶᬍᬧᬂᬲᬫᬶᬮᬶᬮᬶᬄ᭞ᬲᬩᬮᬤᬾᬯ᭞ᬢᬦ᭄ᬯᬶᬮᬂᬧᭂᬚᬄᬓᬦᬶᬦ᭄᭟ᬧᬜ᭄ᬘᬋᬱᬶᬦᬾᬫᬧᬭ᭠ᬩ᭄ᬲᬂᬓᬹᬃᬱᬶᬓ᭞ᬲᬾᬤ᭄ᬥᬳᭀᬮᬶᬄᬲᬂᬉᬓᬶᬭ᭄᭞ᬲᬂᬕᬃᬕ᭄ᬕᬧᬶᬦᭂᬚᬄ᭞ᬳᭀᬮᬶᬄᬲᬂᬯᬭᬶᬕᬤ᭄ᬬᬦ᭄᭞ᬲᬂᬫᬿᬢ᭄ᬭᬶᬧᬸᬦᬶᬓᬫᬮᬶᬄ᭞ᬲᬾᬤ᭄ᬥᬫ [ 26 ][᭒᭕ 25B]
᭒᭕
ᬬᬸᬤ᭄ᬥ᭞ᬫᬋᬧ᭄ᬲᬂᬚᬸᬮᬸᬂᬯᬗᬶ᭞ᬲᬂᬓᬸᬭᬸᬱ᭄ᬬᬓᬲᬾᬤ᭄ᬥᬬᬂᬲᬂᬕᬮᬸᬗᬦ᭄᭞ᬲᬂᬧ᭄ᬭᬢᬜ᭄ᬚᬮᬫᬮᬶᬄ᭞ᬲᬾᬤ᭄ᬥᬲᬧᬶᬲᬦ᭄᭞ᬫᬬᬸᬤ᭄ᬥᬭᬶᬂᬲᬂᬫᬢᬮ᭄᭞ᬰᬾᬱᬦᬶᬂᬧᭂᬚᬄᬓᬮᬶᬮᬶᬄ᭞ᬯᬢᭂᬓ᭄ᬤᬾᬯᬢ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭟ᬪᬝᬵᬭᬯᬶᬱ᭄ᬡᬸᬫᬗ᭄ᬕᬮᬫᬧᬕ᭄‌‌ᬬᬸᬤ᭄ᬥ᭞
ᬳᬦᬸᬗ᭄ᬕᬂᬓᬵᬕᬧᬢᬶ᭞ᬫᬲᬜ᭄ᬚᬢᬘᬓ᭄ᬭ᭞ᬓ᭄ᬭᭀᬥᬫᬗ᭄ᬲᭂᬄᬫᬢᬗ᭄ᬕᬮ᭄᭞ᬲᬯᬢᭂᬓ᭄ᬯᬸᬓᬸᬗᭂᬫᬲᬶᬦ᭄᭞ᬫᬵᬢᬶᬧᬶᬦᭂᬚᬄ᭞ᬤᬾᬦᬶᬂᬳ᭄ᬬᬂᬳᬭᬶᬫᬹᬃᬢ᭄ᬢᬶ᭟ᬓᬲᭀᬃᬧᬢᬗ᭄ᬓᭂᬧ᭄ᬲᬶᬓᭂᬧ᭄ᬚᬮᬲᬗ᭄ᬕᬭ᭞ᬮᬶᬮᬶᬄᬧᬢᬶᬧᬸᬭᬸᬕᬶᬦ᭄᭞ᬢᬦ᭄ᬧᬦᭀᬮᬶᬄᬳᬸᬦ᭄ᬢᬢ᭄᭞ᬲᬂᬯᬢᬸᬕᬸᬦᬸᬂ
ᬫᬗ᭄ᬓᬢ᭄᭞ᬮᬕᬯᬢᬦ᭄ᬧᬧᬓᬾᬭᬶᬂ᭞ᬫᬗ᭄ᬲᭂᬄᬫᬬᬸᬤ᭄ᬥ᭞ᬲᬳᬲᬵᬗᬸᬩᬢᬩᬶᬢ᭄᭟ᬢᬦ᭄ᬓᬶᬭᬶᬕᬦ᭄ᬓᬋᬩᬸᬢ᭄ᬯᬢᭂᬓ᭄ᬤᬾᬯᬢ᭞ᬢᬦ᭄ᬯᬾᬦ᭄ᬢᭂᬦ᭄ᬦᬦ᭄ᬤᬂᬓᬦᬶᬦ᭄᭞ᬓᬲᭂᬫ᭄ᬧᬮ᭄ᬓᬢᬸᬫ᭄ᬩᬓ᭄᭞ᬧᬸᬦᬄᬲᬃᬯ᭄ᬯᬲᬜ᭄ᬚᬢ᭞ᬢᭀᬂᬩᬶᬗ᭄ᬮᬲ᭄ᬲᬂᬯᬢᬸᬕᬶᬭᬶ᭞ᬢᭂᬕᬸᬄᬢᬦ᭄ᬧᬶᬭ᭞ᬓ
ᬮᬗᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭟ᬓᬾᬗᬶᬦ᭄ᬫᬭᬵᬃᬬ᭄ᬬᬦ᭄ᬧᬭᬸᬓᭂᬢ᭄ᬲᬂᬫᬬᬸᬤ᭄ᬥ᭞ᬓᬩᭂᬮᬢ᭄ᬳᬦ᭄ᬢᬸᬓ᭄ᬯᭂᬗᬶ᭞ᬲᬫᬶᬫᬓᬶᬍᬲᬦ᭄᭞ᬲᬂᬯ᭠ᬢᬸᬕᬸᬦᬸᬂᬓᬾᬲᬄ᭞ᬫᬦ᭄ᬢᬸᬓ᭄ᬫᬯᬮᬶᬓᬧᬸᬭᬶ᭞ᬚᬮᬲᬗ᭄ᬕᬭ᭞ᬦᬾᬫᬗ᭄ᬓᬶᬦᬸᬘᬧ᭄ᬫᬮᬶᬄ᭟ᬪᬝᬵᬭᬯᬶᬱ᭄ᬡᬸᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬢᬫ᭄ᬩᬾ

[᭒᭖ 26A]
᭒᭖
ᬓᬲᭀᬭᬦ᭄ᬢᬦ᭄ᬤᬶᬂ᭞ᬫᬭᬶᬂᬭᬡᬗ᭄ᬕᬡ᭞ᬫᬧᬕ᭄ᬰᬢ᭄ᬭᬸᬫᬬᬸᬤ᭄ᬥ᭞ᬳᬾᬭᬂᬓᬬᬸᬦᬾᬢᬦ᭄ᬲᬶᬧᬶ᭞ᬓᬜ᭄ᬘᬶᬢ᭄ᬓ᭄ᬭᬯᬸᬳᬦ᭄᭞ᬪᬕᬯᬵᬦ᭄‌ᬯᬺᬳᬲ᭄ᬧᬢᬶ᭟ᬧᬃᬡ᭄ᬦᬄᬫᬢ᭄ᬯᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸᬓᭀᬘᬧ᭄᭞ᬲᬂᬤ᭄ᬯᬷᬚᬫᬵᬢᬸᬭᬭᬶᬲ᭄᭞ᬧᬸᬦᬧᬶᬳᬯᬶᬦᬦ᭄᭞ᬪᬝᬭᬦᬦ᭄ᬤᬂᬮᬭ᭞ᬳ᭄ᬬᬂᬯᬶ
ᬱ᭄ᬡᬸᬦ᭄ᬤᬃᬢ᭄ᬣᬬᬂᬳᬶᬦ᭄ᬤᬶᬓ᭄᭞ᬓᬲᭀᬃᬫᬬᬸᬤ᭄ᬥ᭞ᬦᬗ᭄ᬓᭂᬧᬶᬦ᭄ᬫᬸᬲᬸᬄᬰᬓ᭄ᬢᬶ᭟ᬪᬕᬯᬵᬦ᭄‌ᬯᬺᬳᬲ᭄ᬧᬢᬶᬫᬵᬢᬹᬃᬧ᭄ᬭᬦᬫ᭄ᬬ᭞ᬲᬵ᭠ᬫ᭄ᬧᬸᬦ᭄ᬗᭀᬩᭂᬢᬂᬫᬮᬶᬄ᭞ᬤᬸᬓᬧᬦ᭄ᬓᬲᭀᬭᬦ᭄᭞ᬪᬝᬵᬭᬫᬧᬕ᭄ᬬᬸᬤ᭄ᬥ᭞ᬪᬕᬯᬵᬦ᭄ᬮᬸᬫᬂᬮᬂᬲᬾᬗᬶᬦ᭄᭞ᬳᬶᬧᬾᬦ᭄ᬪᬝᬵᬭ᭞ᬓᬬᭀ᭠
ᬕ᭄ᬬᬳᬗ᭄ᬕᬾᬦ᭄ᬓᬦ᭄ᬢᬶ᭟ᬭᬾᬄᬳᬸᬦᬶᬂᬫᬲᬶᬮᬸᬫᬦ᭄ᬤᬤᭀᬲ᭄ᬓᬓᬯ᭞ᬳᬶᬤᬳᬸᬢᬸᬲ᭄ᬦᬾᬫᬗ᭄ᬓᬶᬦ᭄᭞ᬧᬘᬂᬗᬧᬾᬢ᭄ᬘᬶᬤ᭄ᬭ᭞᭠ᬤᬸᬓᬧᬦᭀᬭᬲᬶᬤ᭄ᬥ᭞ᬲᬂᬯᬢᬸᬕᬸᬦᬸᬂᬗᭂᬫᬲᬶᬦ᭄᭞ᬳᬦ᭄ᬤᭂᬮ᭄ᬪᬝᬵᬭ᭞ᬲᬂᬓᬳᬸᬢᬸᬲ᭄ᬫᬫᬵᬃᬕ᭄ᬕᬶ᭟ᬓᬘᬭᬶᬢᬲᬂᬯᬢᬸᬕᬸᬦᬸᬂᬲᭂᬤᭂᬓᬦ᭄᭞
ᬭᬶᬂᬧᬫᬺᬫᬦ᭄ᬦᬾᬫᬗ᭄ᬓᬶᬦ᭄᭞ᬲᬋᬂᬤᬾᬯᬶᬲᬶᬦ᭄ᬢ᭞ᬤᬾᬯᬶᬮᬡ᭄ᬥᭂᬧ᭄ᬢᬦ᭄ᬧᬲᬄ᭞ᬘᬸᬘᬸᬤ᭄ᬦᬸᬦᬲᬂᬲᬂᬓᬵᬮᬶᬄ᭞ᬭᬶᬂᬭᬓᬦ᭄ᬳᬶᬤ᭞ᬳᬢᬸᬭᬾᬗᬲᬶᬳᬲᬶᬄ᭟ᬳᬶᬗ᭄ᬕᬶᬄᬩᭂᬮᬶᬳᬗᭀᬩ᭄ᬢᬶᬢ᭄ᬬᬂᬗᬫᬦᬳᬂ᭞ᬳᬦ᭄ᬢᬸᬓ᭄ᬓᬰᬓ᭄ᬢ᭄ᬬᬦ᭄ᬩᭂᬮᬶ᭞ᬜᬶᬤ᭄ᬥᬬᬂᬗᬲᭀᬭᬂ᭞ᬯᬢᭂ᭠ [ 27 ][᭒᭖ 26B]
᭒᭖
ᬓ᭄ᬤᬾᬯᬭᬶᬂᬲ᭄ᬯᬃᬕ᭄ᬕᬦ᭄᭞ᬲᬂᬯᬢᬸᬕᬸᬦᬸᬂᬜᬳᬸᬭᬶᬦ᭄᭞ᬤᬳᬤᬶᬯᬾᬭ᭞ᬩᭂᬮᬶᬗᭀᬭᬳᬶᬦ᭄ᬚᬦᬶ᭟ᬳᬦᬾᬫᬮᬸᬲᬤᬸᬕᬲ᭄ᬩᭂᬮᬶᬫᬢᬧ᭞ᬲᬗ᭄ᬳ᭄ᬬᬂᬰᬶᬯᬦᭂᬤᬸᬦᬶᬦ᭄᭞ᬗᬶᬘ᭄ᬙᬾᬦ᭄ᬧᬦᬸᬕ᭄ᬭᬳᬦ᭄᭞ᬧᭂᬋᬤ᭄ᬢᭂᬕᬸᬄᬫᬲᬶᬬᬢ᭄᭞ᬢ᭄ᬯᬭᬩᭂᬮᬶᬮᬓᬃᬫᬵᬢᬶ᭞ᬩᬳᬦ᭄ᬲᬜ᭄ᬚ
ᬢ᭞ᬦᬗ᭄ᬓᭂᬧᬶᬦ᭄ᬫᬸᬲᬸᬄᬰᬓ᭄ᬢᬶ᭟ᬗ᭄ᬳᬶᬂᬬᬦ᭄ᬳᬤᬲᬂᬯᬶᬓᬦ᭄ᬫᬢ᭄ᬭᬶᬯᬶᬓ᭄ᬭᬫ᭞ᬫᬳᬸᬮᬸᬫ᭄ᬧᬲ᭄ᬫᬫᬹᬃᬢ᭄ᬢᬶ᭞ᬫᬲᬜ᭄ᬚᬢᬦᬓ᭞ᬚᬮᬭ᭠ᬦ᭄ᬩᭂᬮᬶᬧᭂᬚᬄ᭞ᬦᬄᬧᬶᬗᬶᬢᬂᬲᬚᬳᬤᬶ᭞ᬭᬾᬄᬳᬶᬮᬳᬶᬮ᭞ᬬᬾᬦ᭄ᬳᬤᬧᬾᬢ᭄ᬫᬶᬭᬕᬶ᭟ᬲᬵᬫ᭄ᬧᬸᬦ᭄ᬢᬢᬲ᭄ᬓᬧᬶᬋᬂᬳᬦ᭄ᬢᬸᬓ᭄ᬪᬕᬯᬵᬦ᭄᭞ᬮᬸ
ᬫᬂᬮᬂᬧᭀᬮᬶᬄᬗᬶᬦ᭄ᬢᬶᬧ᭄᭞ᬦᬾᬤᬤᭀᬲ᭄ᬓᬓᬯ᭞ᬭᬭᬶᬲ᭄ᬳᬶᬤᬗᬸᬦᬶᬗᬂ᭞ᬭᬶᬂᬲᬗ᭄ᬳ᭄ᬬᬂᬯᬶᬱ᭄ᬡᬸᬤᬶᬕᭂᬮᬶᬲ᭄᭞ᬲᬓ᭄ᬱᬡᬳᬶ᭠ᬤ᭞ᬲᬗ᭄ᬳ᭄ᬬᬂᬯᬶᬱ᭄ᬡᬸᬫᬫᬹᬃᬢ᭄ᬢᬶ᭟ᬫᬳᬸᬮᬸᬫ᭄ᬧᬲ᭄‌ᬲᬶᬬᬸᬫᬢᬗᬦ᭄ᬧᬜ᭄ᬚᬂ᭞ᬓᬪᬶᬦᬯᬗᬗᭀᬩᬶᬦ᭄᭞ᬤᬸᬓ᭄ᬫᬲᬮᬶᬦ᭄ᬭᬸᬧ᭞ᬯᬢᬭᬤᬯᬸᬄᬢᬶ᭠
ᬕ᭞ᬪᬝᬵᬭᬯᬶᬱ᭄ᬡᬸᬫᬫᬹᬃᬢ᭄ᬢᬶ᭞ᬓᭀᬘᬧ᭄ᬭᬶᬂᬤᬶᬦ᭞ᬭᬤᬶᬢᬾᬓ᭄ᬮᬶᬯᭀᬦ᭄ᬦᭂᬫᭀᬦᬶᬦ᭄᭟ᬯᬭᬯᬢᬸᬕᬸᬦᬸᬂᬓᭀᬘ᭠ᬧ᭄ᬤᬸᬓ᭄ᬧᬸᬦᬶᬓ᭞ᬲᬂᬯᬢᬸᬕᬸᬦᬸᬂᬮᬶᬮᬶᬄ᭞ᬓᬸᬘᬶᬯᬫᬬᬸᬤ᭄ᬥ᭞ᬓᬘᭂᬓᬸᬓ᭄ᬓᬲᬩᬢᬂ᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳ᭄ᬬᬂᬳᬭᬶ᭞ᬦᬸᬗ᭄ᬓᬸᬮ᭄ᬫᬲᭂᬭᬄ᭞ᬳᬯᬶ᭠

[᭒᭗ 27A]
᭒᭗
ᬦ᭄ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄᭟ᬓᬲᬫ᭄ᬩᬢᬂᬩᬢᬸᬕᬸᬦᬸᬂᬭᬸᬦ᭄ᬢᬸᬄᬓᭀᬘᬧ᭄᭞ᬓᬢᬫᬶᬭᬯᬸᬄᬫᬗ᭄ᬓᬶᬦ᭄᭞ᬯᬶᬭᬾᬄᬓᬲᬩᬢᬂ᭞ᬭᬸᬦ᭄ᬢᬸᬄᬦᬶᬩᬾᬦ᭄ᬯᭀᬄᬦᬗ᭄ᬓ᭞ᬫᬲᭂᬂᬲᭂᬂᬧᬓᬸᬗᬮᬶᬮᬶᬂ᭞ᬓᬮᬭᬮᬭ᭞ᬫᬢᬍᬤ᭄ᬤᬳᬸᬦ᭄ᬓᭂᬮᬤᬶ᭟ᬫᬢᬶᬢᬦ᭄ᬫᬢᬶᬯᬢᬸᬕᬸᬦᬸᬂᬤᬸᬓ᭄ᬦᬶᬓ᭞ᬓᬵᬮᬘᭀᬫᬉ
ᬫᬦᬶᬲ᭄᭞ᬯᬢᬸᬕᬸᬦᬸᬂᬧᭂᬚᬄ᭞ᬫᬯᬵᬱ᭄ᬝᬲᬦ᭄ᬤᬸᬂᬯᬢᬂ᭞ᬩᬾᬜ᭄ᬚᬗᬦ᭄ᬳᬗ᭄ᬕᬭᬧᬳᬶᬂ᭞ᬧᬳᬶᬤ᭄ᬧᬳᬶᬤᬦ᭄᭞ᬤᬶᬦᬦᬾᬓᬯᬵᬱ᭄ᬝᬦᬶᬦ᭄᭟ᬯᬶᬭᬾᬄᬤᬸᬓ᭄ᬧᬸᬦᬶᬓᬪᬕᬯᬵᬦ᭄ᬮᬸᬫᬂᬮᬂ᭞ᬫᬮᬳᬶᬩ᭄ᬫᬸᬭᬢ᭄ᬫᬭᬶᬢ᭄᭞ᬩᬾᬜ᭄ᬚᬗᬦ᭄ᬭᬶᬂᬤᬶᬦ᭞ᬩᬸᬤ᭄ᬥᬧᭀᬦ᭄ᬓᬭᬯᬸᬳᬦ᭄᭞ᬪᬝᬵᬭ
ᬩᬸᬤ᭄ᬥᬫᬗᬸᬭᬶᬧ᭄᭞ᬲᬂᬲᬵᬫ᭄ᬧᬸᬦ᭄ᬧᭂᬚᬄ᭞ᬯᬦ᭄ᬢᬄᬳᬤᬯᬸᬄᬳᬸᬭᬶᬧ᭄᭟ᬭᬶᬂᬤᬶᬦᬯ᭄ᬭᬲ᭄ᬧᬢᬶᬯᬕᬾᬓᬭᬯᬸᬳᬦ᭄᭞ᬪᬕ᭠ᬯᬵᬦ᭄‌‌ᬯᬺᬳᬲ᭄ᬧᬢᬶ᭞ᬳᭀᬮᬲ᭄ᬳᬶᬤᬜᬶᬗᬓ᭄᭞ᬲᬂᬯᬢᬸᬕᬸᬦᬸᬂᬧᭂᬚᬄ᭞ᬲ᭄ᬯᬾᬘ᭄ᬙᬳᬶᬤᬫᬮᬶᬄᬗᬸᬭᬶᬧ᭄᭞ᬫᬾᬄᬤᬯᬸᬄᬢᬶᬕ᭞ᬧᭂᬚᬄ᭠
ᬲᬂᬯᬢᬸᬕᬶᬭᬶ᭟ᬰᬸᬓ᭄ᬭᬓ᭄ᬮᬶᬯᭀᬦ᭄ᬢᭂᬤᬸᬦ᭄ᬫᬮᬶᬄᬲᬗ᭄ᬳ᭄ᬬᬂᬰᬶᬯ᭞ᬓᬧᬶᬳᭀᬮᬲᬦ᭄ᬗᬓ᭄ᬱᬶ᭞ᬯᬢᬸᬕᬸᬦᬸᬂᬲᬾᬤ᭄ᬥ᭞ᬭᬭᬶ᭠ᬲ᭄ᬳᬶᬤᬪᬝᬵᬭ᭞ᬫᬩᬯᭀᬲ᭄ᬭᬶᬂᬲᬗ᭄ᬳ᭄ᬬᬂᬳᬭᬶ᭞ᬦᬾᬦ᭄ᬢᭂᬦ᭄ᬓᬮᬸᬕ᭄ᬭ᭞ᬳᬬᬢ᭄ᬳᬶᬤᬫᬢᬾᬦᬶᬦ᭄᭟ᬓᬧᬶᬤᬯᭂᬕ᭄ᬫᬗ᭄ᬤᬯᬾᬦ᭄ᬢᭂᬦ᭄ᬓᬬᬂᬯᭂᬓᬲ᭄᭞ [ 28 ][᭒᭗ 27B]
᭒᭗
ᬧᬹᬃᬯ᭄ᬯᬦ᭄ᬲᬂᬯᬢᬸᬕᬶᬸᬦᬶᬸᬕᬶᬭᬶ᭞ᬧᬂᬧᬂᬭᬶᬂᬪᬝᬵᬭ᭞ᬓᬢᭂᬫᬄᬳᬦ᭄ᬢᬸᬓ᭄ᬳᬶᬤ᭞ᬪᬝᬵᬭᬰᬶᬯᬢᬸᬫᬸᬮᬶ᭞ᬯᭂᬓᬲ᭄ᬢᬦ᭄ᬯᭂᬦᬂ᭞ᬯᬶᬦᬮᬢ᭄‌ᬯ᭄ᬯᬗᬭᬩᬶ᭟ᬓᬂᬇᬩᬸᬢᬦ᭄ᬯᭂᬦᬂᬳᬓᬸᬋᬦ᭄ᬮᬦ᭄ᬳᭀᬓ᭞ᬤᬸᬫᬤᬓ᭄ᬗᬍᬢᬸᬳᬶᬦ᭄᭞ᬯᬘᬦᬦ᭄ᬪᬝᬵᬭ᭞ᬳ᭄ᬬᬂᬯᬶᬱ᭄ᬡᬸᬢᬍᬃᬦᭂᬫᬄ᭞ᬳᬶᬄᬓᬶᬢᬲᬂᬯ᭠
ᬢᬸᬕᬶᬭᬶ᭞ᬦᬗ᭄ᬓᭂᬦ᭄ᬦᭂᬫ᭄ᬩᬸᬮᬦ᭄᭞ᬓᬘᬡ᭄ᬥᬮᬦ᭄ᬓᬂᬩᬸᬫᬶ᭟ᬓᭂᬦᬶᬲᬵᬫ᭄ᬧᬸᬦ᭄ᬤᬾᬯᬾᬓ᭄ᬢᬶᬢ᭄ᬬᬂᬓᬧᬦᬲᬦ᭄᭞ᬲᬗ᭄ᬳ᭄ᬬᬂᬯᬶᬱ᭄ᬡᬸᬗᬤ᭄ᬬᬦᬶᬦ᭄᭞ᬲᬵᬫ᭄ᬧᬸᬦ᭄ᬲᬧᬸᬦᬶᬓ᭞ᬳᭀᬮᬲ᭄ᬳᬶᬤᬪᬝᬵᬭ᭞ᬲᬯᬢᭂᬓ᭄ᬯᬸᬓᬸᬓᬳᬸᬭᬶᬧ᭄᭞ᬮᬦ᭄ᬯᬢᭂᬓ᭄ᬤᬾᬯ᭞ᬫᬓᬵᬤᬶᬧᬜ᭄ᬘᬋᬱᬶ᭟ᬘᬦᬶᬰ᭄ᬘᬭᬉᬫ
ᬦᬶᬲ᭄ᬢᭂᬤᬸᬦ᭄ᬭᬦ᭄ᬢᬩᬦ᭄᭞ᬯᬢᭂᬓ᭄ᬤᬾᬯᬢᬲᬫᬶ᭞ᬫᬰᬸᬘᬶᬮᬓ᭄ᬱᬡ᭞ᬤᬾᬯᬲᬧᬩᬺᬲᬶᬳᬦ᭄᭞ᬘᬡ᭄ᬥᬮᬦ᭄ᬲᬂᬯᬢᬸᬕᬶᬭᬶ᭞ᬫᬳᬬᬸᬮᭀᬦ᭄ᬢᬃ᭞ᬳᭀᬤᬮᬦ᭄ᬰᬭᬰ᭄ᬯᬢᬶ᭟ᬭᬤᬶᬢᬾᬧᬳᬶᬂᬲᬶᬦ᭄ᬢᬗᭂᬤᬲ᭄ᬭᬳᬶᬦ᭞ᬓᬸᬫ᭄ᬓᬸᬫᬦ᭄ᬯᬢᬸᬕᬶᬭᬶ᭞ᬢᬶᬗ᭄ᬓᬳᬶᬂᬫᬚᬫᬲ᭄᭞ᬩᬜᬸ᭠
ᬧᬶᬦᬭᬸᬄᬗᬭᬦ᭄᭞ᬲᬯᬢᭂᬓ᭄ᬤᬾᬯᬢᬗᬯᬶ᭞ᬗᬶᬓᭂᬢ᭄ᬘᬭᬶᬢ᭞ᬯᬾᬦ᭄ᬢᭂᬦ᭄ᬓᬶᬤᬸᬂᬓᬓᬯᬶᬦ᭄᭟ᬓᬵᬮᬧᬸᬦᬶᬓᬯᬾᬦ᭄ᬢᭂᬦ᭄ᬤᬾᬯᬲ᭞ᬲᬯᬢᭂᬓ᭄ᬧᬜ᭄ᬘᬋᬱᬶ᭞ᬲᬫᬶᬓᬳᬸᬗ᭄ᬕᬳᬂ᭞ᬭᬶᬂᬤᬶᬦᬧᬜ᭄ᬘᬯᬭ᭞ᬲᬂᬕᬃᬕ᭄ᬕᬓ᭄ᬮᬶᬯᭀᬦ᭄ᬦᭂᬫᭀᬦᬶᬦ᭄᭞ᬮᬦ᭄ᬲᬂᬓᬹᬃᬲᬶᬓ᭞ᬭᬶᬓᬵᬮᬦᬶᬂᬉ

[᭒᭘ 28A]
᭒᭘
ᬫᬦᬶᬲ᭄᭟ᬲᬂᬫᬿᬢ᭄ᬭᬶᬓᬵᬮᬦᬶᬂᬧᬳᬶᬂᬓᬳᬸᬗ᭄ᬕᬳᬂ᭞ᬲᬂᬓᬸᬭᬸᬲ᭄ᬬᬓᬵᬮᬦᬶᬂ᭞ᬧᭀᬦ᭄ᬦᭂᬫᭀᬦᬶᬦ᭄ᬫᬸᬗ᭄ᬕᬄ᭞ᬲᬂᬧ᭄ᬭᬢᬜ᭄ᬚᬮᬫᬸ᭠ᬗ᭄ᬕᬄ᭞ᬓᬵᬮᬦᬶᬂᬯᬕᬾᬦᭂᬫᭀᬦᬶᬦ᭄᭞ᬲᬵᬫ᭄ᬧᬸᬦ᭄ᬮᬮᬶᬫ᭞ᬫᬯᬶᬮᬂᬧᬜ᭄ᬘᬋᬱᬶ᭟ᬧᬢᭂᬫᬸᬦᬶᬂᬯᬸᬓᬸᬮᬯᬦ᭄ᬧᬜ᭄ᬘᬯᬭ᭞ᬓᬢᬸᬢᬸᬭᬦᬾ᭠
ᬗᬹᬦᬶ᭞ᬓᬾᬗᬶᬦ᭄ᬭᬭᬳᬶᬦᬦ᭄᭞ᬲᬳᬯᬶᬤ᭄ᬥᬶᬯᬾᬤᬦ᭞ᬓᬲᬸᬗ᭄ᬓᭂᬫᬶᬦ᭄ᬲᬋᬂᬲᬫᬶ᭞ᬭᬶᬂᬩᬮᬶᬳᬕ᭞ᬓᭂᬦ᭄ᬤᭂᬮ᭄ᬲᬫᬶᬫᬶᬭᬕᬶ᭟᭜᭟ᬫᬲ᭄ᬓᬸᬫᬫ᭄ᬩᬂ᭟᭜᭟ᬭᬵᬚᬧᬸᬢ᭄ᬭᬶᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞ᬢᬫ᭄ᬩᬾᬫᬶᬋᬂᬲᬢ᭄ᬯ᭞ᬓᬢᬢ᭄ᬯᬦ᭄ᬲᬂᬯᬢᬸᬕᬶᬭᬶ᭞ᬦᬾᬓᬾᬗᬶᬦ᭄ᬩᬦ᭄ᬢᬗᬕᬫ᭟
ᬢᬸᬭᬄᬩᬮᬶᬪᬓ᭄ᬢᬶᬫᬵᬃᬕ᭄ᬕᬓᬯᬵᬱ᭄ᬝᬦᬶᬦ᭄᭞ᬢᬶᬗ᭄ᬓᬳᬾᬗᬢᬸᬭᬂ᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬫᬲᬵᬥᬦᬩᬩᬦ᭄ᬢᭂᬦ᭠ᬦ᭄᭟ᬲᬳᬲᭂᬫ᭄ᬩᬄᬗᬲ᭄ᬢᬯᬬᬂᬚᬕᬢ᭄ᬩᬮᬶ᭞ᬮᬫᬓᬦ᭄ᬓᬯᭂᬓᬲ᭄᭞ᬓᬭᬳᬬᭀᬦᬾᬓᬧᬗ᭄ᬕᬶᬄ᭞ᬢᬶᬮᬶᬂᬫᬯᬶᬤ᭄ᬥᬶᬯᬾᬤᬦ᭟ᬍᬕᬧᬶᬲ
ᬦ᭄ᬫᬦᬄᬲᬂᬗᬬᬄᬫᬶᬭᬕᬶ᭞ᬢᬸᬫᬸᬮᬶᬦᬸᬦᬲᬂ᭞ᬦᬯᭂᬕᬂᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬳᬶᬗ᭄ᬕᬶᬄᬤᬸᬭᬸᬲᬂᬮᬦ᭄ᬢᬸᬭᬂ᭟ᬫᬸᬂᬧᬸᬂᬮᬾᬤᬂᬫ᭠ᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬲᬢᬶᬗ᭄ᬓᬄᬫᬕᬫ᭞ᬲᬪᬶᬦᬦ᭄ᬧᬸᬦᬶᬓᬫᬮᬶᬄ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭟ᬦᬄᬢᭀᬓᬾᬦᬾᬫᬾᬫᬾ [ 29 ][᭒᭘ 28B]
᭒᭘
ᬗᭀᬭᬳᬶᬦ᭄ᬦᬾᬚᬦᬶ᭞ᬮᬶᬬᬸᬩᬩᬘᬓᬦ᭄᭞ᬧᬤᬾᬯᬲᬦ᭄ᬗᬘᬶᬕᬸᬫᬶ᭞ᬦᬾᬓᬵᬤᬦᬶᬦ᭄ᬭᬭᬳᬶᬦᬦ᭄᭟ᬗᬦᭂᬫ᭄ᬩᬸᬮ᭠ᬦ᭄ᬳᬶᬢᬸᬗᬦ᭄ᬩᬸᬮᬦᬦ᭄ᬩᬮᬶ᭞ᬓᬧᬢ᭄ᬲᬲᬸᬃᬤᬶᬦ᭞ᬫᬢᭂᬕᭂᬧᬦ᭄ᬧᬸᬮᬧᬮᬶ᭞ᬮᬦ᭄ᬢᬸᬭᬦ᭄ᬳᬸᬦ᭄ᬤᬸᬓᬾᬩᬸᬲᬦ᭄᭟ᬘᭀᬫᬭᬶᬩᭂᬓ᭄‌‌ᬳᭀᬤᬮᬦ᭄ᬪ
ᬝᬵᬭᬶᬰ᭄ᬭᬷ᭞ᬦᬸᬚᬸᬯᬸᬓᬸᬲᬶᬦ᭄ᬢ᭞ᬘᭀᬫᬧᭀᬦ᭄ᬫᬦ᭄ᬢᭂᬦᬶᬦ᭄ᬧᬤᬶ᭞ᬢ᭄ᬯᬭᬤᬤᬶᬗᬤᭂᬧ᭄ᬩᬳᬲ᭄᭟ᬯᬸᬓᬸᬲᬶᬦ᭄ᬢᬅᬗ᭄ᬕᬭᬯᬕᬾᬦᭂᬫᭀᬦᬶᬦ᭄᭞ᬳᭀᬤᬮᬦ᭄ᬪᬝᬵᬭ᭞ᬫᬳᬵᬤᬾᬯᬬᭀᬕ᭄ᬬᬫᬲᬶᬄ᭞ᬗᬢᬸᬭᬂᬯᬶᬤ᭄ᬥᬶᬯᬾᬤᬦ᭟ᬲᬩᬸᬄᬳᭂᬫᬵᬲ᭄ᬤᬶᬦᬦᬾᬓᭀ᭠
ᬦᬾᬓᬵᬤᬦᬶᬦ᭄᭞ᬫᬦ᭄ᬢᭂᬦᬶᬦ᭄ᬪᬭᬡ᭞ᬫᬸᬮᬾᬫᬸᬮᬾᬳᭂᬫᬵᬲ᭄ᬧᬶᬧᬶᬲ᭄᭞ᬮᬫᬓᬦ᭄ᬲᬸᬕᬶᬄᬓᭀᬚᬭᬦ᭄᭟ᬯᬸᬓᬸᬲᬶ᭠ᬦ᭄ᬢᬩᬸᬤ᭄ᬥᬓ᭄ᬮᬶᬯᭀᬦ᭄ᬧᬕᭂᬃᬯᭂᬲᬶ᭞ᬧᬬᭀᬕᬦ᭄ᬪᬝᬵᬭ᭞ᬧ᭄ᬭᬫᬾᬲ᭄ᬢᬶᬕᬸᬭᬸᬦᭂᬫᭀᬦᬶᬦ᭄᭞ᬮᬦ᭄ᬤᬾᬯᬢᬦᬯᬲᬗ᭟ᬦᬸᬫᬤᬓᬂᬓᬭᬳ
ᬬᭀᬦ᭄ᬕᬸᬫᬶᬩᬮᬶ᭞ᬮᬭᬫᬮᬭᬤᬦ᭄᭞ᬳᬯᬦᬦ᭄ᬗᬢᬸᬭᬂᬳᬘᬶ᭞ᬮᬫᬓᬦᬾᬤᬶᬃᬕ᭄ᬕᬬᬸᬱ᭟ᬯᬸᬓᬸᬮᬡ᭄ᬥᭂᬧ᭄‌‌ᬘ᭠ᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬩ᭄ᬯᬶᬦ᭄᭞ᬫᬯᬶᬤ᭄ᬥᬶᬯᬾᬤᬦ᭞ᬧᬬᭀᬕᬦ᭄ᬳ᭄ᬬᬂᬧᬰᬸᬧᬢᬶ᭞ᬧ᭄ᬭᬕᬬᬦ᭄ᬳ᭄ᬬᬂᬰᬶᬯ᭟ᬢᬸᬫ᭄ᬧᭂᬓ᭄ᬮᬦ᭄ᬤᭂᬧ᭄‌‌ᬓᭂᬢᬄᬤᬶᬦᬦᬾᬓᬵ

[᭒᭙ 29A]
᭒᭙
ᬤᬦᬶᬦ᭄᭞ᬫᬳᬬᬸᬲᬜ᭄ᬚᬢ᭞ᬩᬦ᭄ᬢᭂᬦᬶᬦ᭄ᬧᬰᬸᬧᬢᬶᬦᬶᬦ᭄᭞ᬮᬫᬓᬦᬾᬚᬬᬾᬂᬭᬡ᭟ᬯᬸᬓᬸᬉᬓᬶᬃᬓᬵᬮᬭᬤᬶᬢᬾᬉᬫᬦᬶᬲ᭄᭞ᬓᬵᬮᬦᬶᬂᬫᬬᭀᬕ᭞ᬪᬝᬵᬭᬕᬸᬭᬸᬦᭂᬫᭀᬦᬶᬦ᭄᭞ᬫᬲᬶᬄᬫᬯᬶᬤ᭄ᬥᬶᬯᬾᬤᬦ᭟ᬅᬗ᭄ᬕᬃᬓᬲᬶᬄᬅᬗ᭄ᬕᬭᬓ᭄ᬮᬶᬯᭀᬦ᭄ᬓᬸᬮᬦ᭄ᬢᬶᬭ᭄᭞ᬧᬹ
ᬚᬯᬮᬶᬦ᭄ᬳᬶᬤ᭞ᬳ᭄ᬬᬂᬫᬳᬵᬤᬾᬯᬦᭂᬫᭀᬦᬶᬦ᭄᭞ᬗᬢᬸᬭᬂᬩᬦ᭄ᬢᭂᬦ᭄ᬓᬲᬗ᭄ᬕᬄ᭟ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯᬭᬶᬕᬦᭂᬫᭀᬦᬶ᭠ᬦ᭄᭞ᬫᬯᬶᬤ᭄ᬥᬶᬯᬾᬤᬦ᭞ᬢᬸᬫ᭄ᬧᭂᬓ᭄ᬧᬗᬸᬤᬸᬄᬓᬵᬤᬦᬶᬦ᭄᭞ᬧᬬᭀᬕᬦ᭄ᬲᬗ᭄ᬳ᭄ᬬᬂᬰᬗ᭄ᬓᬭ᭟ᬓᬓᬬᭀᬦᬦ᭄ᬧᬵᬢᬹᬢᬸᬤᬸᬄᬢᬹᬃᬩᬦ᭄ᬢᭂᬦᬶᬦ᭄᭞᭠
ᬳᬧᬂᬗᭂᬤ᭄ᬫᬩᬸᬯᬄ᭞ᬗᬫᬺᬢ᭄ᬣᬦᬶᬦ᭄ᬲᬂᬫᬳᬸᬭᬶᬧ᭄᭞ᬧᬸᬦᬶᬓᬧᬗᬸᬧᬚᬶᬯ᭟ᬯᬭᬶᬕᬤ᭄ᬬᬦ᭄ᬦᬸᬚᬸᬤᬶᬦᬘᭀᬫᬧᬳᬶᬂ᭞ᬧᬹᬚᬯ᭠ᬮᬶᬦ᭄ᬳᬶᬤ᭞ᬪᬝᬵᬭᬩ᭄ᬭᬳ᭄ᬫᬵᬦᭂᬫᭀᬦᬶᬦ᭄᭞ᬫᬲᬶᬄᬫᬯᬶᬤ᭄ᬥᬶᬯᬾᬤᬦ᭟ᬯᬸᬓᬸᬲᬸᬂᬲᬂᬯ᭄ᬭᬲ᭄ᬧᬢᬶᬯᬕᬾᬦᭂᬫᭀᬦᬶᬦ᭄᭞ᬫᬵᬤᬦ᭄ᬲᬸᬕ᭄ᬬᬦ᭄ᬚᬯ᭞ᬧ
ᬫ᭄ᬭᬢᬶᬲ᭄ᬢᬦ᭄ᬕᬸᬫᬶᬩᬮᬶ᭞ᬳᬸᬘᬧᬶᬂᬲᬸᬦ᭄ᬤᬭᬶᬕᬫ᭟ᬓᬲᬫ᭄ᬩᬢᬂᬧ᭄ᬭᬪᬵᬯᬦ᭄ᬗᬢᬸᬭᬂᬳᬘᬶ᭞ᬤᬶᬲᬗ᭄ᬕᬄᬓᬫᬸᬮᬦ᭄᭞ᬧᬗ᭄ᬭᬭ᭠ᬢᬦ᭄ᬧᬸᬱ᭄ᬧᬯᬗᬶ᭞ᬭᬋᬲᬶᬓ᭄ᬓᬵᬢᬹᬃᬓᬧᬸᬭ᭟ᬤᬶᬧᬃᬬ᭄ᬬᬗᬦ᭄ᬧᬮᬶᬗ᭄ᬕᬶᬄᬪᬝᬵᬭᬲᬫᬶ᭞ᬓᭀᬚᬭᬦ᭄ᬪᬝᬵᬭ᭞ᬮᬦ᭄ᬤᬾᬯᬧᬶᬢᬭᬗᬶᬭᬶᬂ᭞ᬢᭂ᭠ [ 30 ][᭒᭙ 29B]
᭒᭙
ᬤᬸᬦ᭄ᬫᬭᬶᬂᬫᬥ᭄ᬬᬧᬤ᭟ᬰᬸᬓ᭄ᬭᬓ᭄ᬮᬶᬯᭀᬦ᭄ᬯᬸᬓᬸᬲᬸᬂᬲᬂᬲᬸᬕ᭄ᬬᬦ᭄ᬩᬮᬶ᭞ᬧᬫ᭄ᬭᬢᬶᬲ᭄ᬢᬦ᭄ᬳᬗ᭄ᬕ᭞ᬰᬭᬶᬭᬫᬳᭂᬦᬶᬂ᭞ᬭᬾᬄᬲᬗ᭄ᬳ᭄ᬬᬂᬢᬶᬕᬯᬶᬰᬾᬱ᭟ᬧᬘᬂᬢᭂᬤᬸᬦ᭄ᬓᬫᬥ᭄ᬬᬧᬤᬫᬦᬤᬶ᭞ᬲᬂᬪᬹᬢᬕᬮᬸᬗᬦ᭄᭞ᬩᬶᬦ᭄ᬧᬸᬯᬦ᭄ᬭᬤᬶᬢᬾᬧᬳᬶᬂ᭞ᬫᬵᬤᬦ᭄ᬤᬶᬦᬧᬜᭂᬓᭂᬩ
ᬦ᭄᭟ᬬᬦ᭄ᬘᭀᬫᬧᭀᬦ᭄ᬯᬸᬓᬸᬤᬸᬗᬸᬮᬦ᭄ᬓᬵᬤᬦᬶᬦ᭄᭞ᬤᬶᬦᬦᬾᬧᬜᬚᬵᬦ᭄᭞ᬭᬾᬄᬗᬳᬾᬚᬚᬦᭂᬫᭀᬦᬶᬦ᭄‌᭞ᬦᬾᬮᬓᬃᬳᬗ᭄ᬕᭀᬦ᭄ᬕᬮᬸᬗᬦ᭄᭟ᬤᬶᬅᬗ᭄ᬕᬭᬯᬕᬾᬤᬸᬗᬸᬮᬦ᭄ᬓᬵᬤᬦᬶᬦ᭄᭞ᬤᬶᬦᬧᬦᬫ᭄ᬧᬳᬦ᭄᭞ᬫᬢᬢᬫ᭄ᬧᬳᬦ᭄‌‌ᬦᭂᬫᭀᬦᬶᬦ᭄᭞ᬲ
ᬭᬹᬧᬦᬶᬂᬯᬯᬮᬸᬗᬦ᭄᭟ᬪᬹᬢᬬᬚ᭄ᬜᬧᬶᬦᬓᬜᬭᭀᬦᬶᬦ᭄ᬕᬸᬫᬶ᭞ᬲᬩᬶᬮᬂᬧᭂᬫ᭄ᬧᬢᬦ᭄᭞ᬮᬮᬩᬳᬦ᭄ᬪᬹᬢᬪᬹᬢᬶ᭞ᬦᭂ᭠ᬫᭀᬦᬶᬦ᭄ᬫᬩᬾᬬᬓᬵᬮ᭟ᬩᬸᬤ᭄ᬥᬓ᭄ᬮᬶᬯᭀᬦ᭄ᬯᬸᬓᬸᬤᬸᬗᬸᬮᬦ᭄ᬓᬤᬦᬶᬦ᭄᭞ᬕᬮᬸᬗᬦ᭄ᬓᬮᬸᬫ᭄ᬩ᭄ᬭᬄ᭞ᬭᬭᬳᬶᬦᬦ᭄ᬕᬸᬫᬶᬩᬮᬶ᭞ᬧᬮᬶᬂᬉᬢ᭄ᬢᬫᬓᭀ
ᬚᬭᬦ᭄᭟ᬓᬵᬮᬤᬶᬢᬸᬦᭂᬤᬲᬂᬭᬕᬫᬩᬺᬲᬶᬄ᭞ᬫᬰᬸᬘᬶᬮᬓ᭄ᬱᬡ᭞ᬓᬧᬸᬭᬧᬸᬭᬫᬪᬓ᭄ᬢᬶ᭞ᬬᬤᬶᬦ᭄ᬤᬶᬲᬗ᭄ᬕᬄ᭠ᬓᬫᬸᬮᬦ᭄᭟ᬘᬦᬶᬰ᭄ᬘᬭᬧᭀᬦ᭄ᬯᬸᬓᬸᬤᬸᬗᬸᬮᬦ᭄ᬦᬸᬮᬶ᭞ᬫᬵᬤᬦ᭄ᬧᬫᬭᬶᬤᬦ᭄᭞ᬕᬸᬭᬸᬤᬶᬦᬦᬾᬫᬫᬭᬶᬤ᭄᭞ᬩᬩᬦ᭄ᬢᭂᬦ᭄ᬦᬾᬳᬢᬸᬭᬂ᭟᭠

[᭓᭐ 30A]
᭓᭐
ᬩᬶᬦ᭄ᬫᬦᬶᬦ᭄ᬦᬾᬭᬤᬶᬢᬾᬯᬕᬾᬦᭂᬫᭀᬦᬶᬦ᭄᭞ᬯᬸᬓᬸᬦᬶᬂᬓᬸᬦᬶᬗᬦ᭄᭞ᬤᬶᬦᬳᬸᬮᬶᬳᬦ᭄ᬓᬵᬤᬦᬶᬦ᭄᭞ᬫᬦ᭄ᬢᬸᬓ᭄ᬪᬝᬵᬭ᭠ᬓᬲ᭄ᬯᬃᬕ᭄ᬕᬦ᭄᭟ᬘᭀᬫᬓ᭄ᬮᬶᬯᭀᬦ᭄ᬯᬸᬓᬸᬓᬸᬦᬶᬗᬦ᭄‌‌ᬓᬵᬤᬦᬶᬦ᭄᭞ᬤᬶᬦᬧᬫᬘᭂᬓᬦ᭄᭞ᬳᬕᬸᬂᬭᬭᬳᬶᬦᬦ᭄ᬕᬸᬫᬶ᭞ᬦᬸᬦ᭄ᬤᬸᬂᬲᬂᬪᬹᬢᬕᬮᬸ᭠
ᬗᬦ᭄᭟ᬩᬸᬤ᭄ᬥᬧᬳᬶᬂᬯᬸᬓᬸᬓᬸᬦᬶᬗᬦ᭄‌‌ᬢᬸᬫᬸᬮᬶ᭞ᬧᬹᬚᬯᬮᬶᬦ᭄ᬳᬶᬤ᭞ᬪᬝᬵᬭᬯᬶᬱ᭄ᬡᬸᬦᭂᬫᭀᬦᬶᬦ᭄᭞ᬫᬲᬶᬄᬫᬯᬶᬤ᭄ᬥᬶ᭠ᬯᬾᬤᬦ᭟ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬓᬸᬦᬶᬗᬦ᭄ᬓᬵᬤᬦᬶᬦ᭄᭞ᬤᬶᬦᬦᬾᬓᬸᬦᬶᬗᬦ᭄᭞ᬫᬸᬮᬭᬭᬳᬶᬦᬦ᭄ᬕᬸᬫᬶ᭞ᬢᭂᬤᬸᬦ᭄ᬲᬯᬢᭂᬓ᭄ᬤᬾᬯᬢ᭟᭠
ᬫᬳᬶᬭᬶᬗᬦ᭄ᬤᬾᬯᬮᬦ᭄ᬧᬶᬢᬭᬲᬫᬶ᭞ᬫᬭᬶᬂᬫᬥ᭄ᬬᬧᬤ᭞ᬢᭂᬤᬸᬦ᭄ᬓᬾᬯᬮᬳᬲᭂᬮᬶᬤ᭄᭞ᬧ᭄ᬭᬤᬂᬗᬢᬸᬭᬂᬧᬰᬸᬘ᭄ᬬ᭠ᬦ᭄᭟ᬩᬸᬤ᭄ᬥᬓ᭄ᬮᬶᬯᭀᬦ᭄ᬯᬸᬓᬸᬧᬳᬂᬮᬸᬢ᭄ᬓᬵᬤᬦᬶᬦ᭄᭞ᬤᬶᬦᬧᭂᬕᬢ᭄‌‌ᬯᬓᬦ᭄᭞ᬫᭂᬕᬢᬶᬦ᭄ᬗᬢᬸᬭᬂᬳᬘᬶ᭞ᬲᬸᬩᬧᬦᭂᬮᬄᬕᬮᬸᬗᬦ᭄᭟ᬘ᭠
ᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯᬸᬓᬸᬉᬬᬾᬦᬸᬮᬶ᭞ᬫᬵᬤᬦ᭄ᬢᬸᬫ᭄ᬧᭂᬓ᭄ᬓᬦ᭄ᬤᬂ᭞ᬦᭂᬫᭀᬦᬶᬦ᭄ᬫᬩᬦ᭄ᬢᭂᬦ᭄ᬩ᭄ᬯᬶᬦ᭄᭞ᬗᭀᬢᭀᬦᬶᬦ᭄ᬳᬸᬩᬸ᭠ᬳᬸᬩᬸᬳᬦ᭄᭟ᬘᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬯᬸᬓᬸᬯᬬᬂᬦᬸᬮᬶ᭞ᬫᬵᬤᬦ᭄ᬢᬸᬫ᭄ᬧᭂᬓ᭄ᬯᬬᬂ᭞ᬲᬯᬢᭂᬓ᭄ᬤᬮᬂᬗᭀᬢᭀᬦᬶᬦ᭄᭞ᬯᬬᬂᬫᬶᬯᬄᬢᬢᬩᬸ [ 31 ][᭓᭐ 30B]
᭓᭐
ᬳᬦ᭄᭟ᬧ᭄ᬭᬕᬢ᭄ᬲᬸᬩᬧᬗᬦ᭄ᬤᬶᬓᬦ᭄ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬲᬚ᭄ᬭᭀᬦᬶᬂᬦᭂᬫ᭄ᬩᬸᬮᬦ᭄᭞ᬢᬶᬗ᭄ᬓᬳᬾᬗᬢᬸᬭᬂᬳᬘᬶ᭞ᬫᬲᬵᬥᬦᬩᬩᬦ᭄ᬢᭂᬦᬦ᭄᭟ᬍᬕᬧᬶᬲᬦ᭄ᬫᬦᬄᬲᬂᬗᬬᬄᬫᬶᬭᬕᬶ᭞ᬳᬶᬦ᭄ᬤᬶᬓ᭄‌ᬭᬭᬳᬶᬦᬦ᭄᭞ᬫᬶᬦᬓᬵᬤᬶᬭᬵᬚᬧᬸᬢ᭄ᬭᬶ᭞ᬓᬧᬸᬗ᭄ᬓᬸᬃᬫᬮᬶᬄᬩᬯᭀᬲᬂ᭟᭜᭟
ᬧᬗ᭄ᬓᬸᬃ᭟᭜᭟ᬫᬾᬦ᭄ᬧ᭄ᬭᭀᬤᭀᬂᬫᬮᬶᬄᬦᬸᬦᬲᬂ᭞ᬳᬘᬶᬦ᭄ᬚᬕᬢ᭄‌ᬭᬶᬂᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬥᬹᬄᬦᬧᬶᬓᬮᬶᬗᬦᬶᬧᬸᬦ᭄᭞ᬫᬭᬶᬂᬢᬶᬍᬫ᭄ᬓᬲᬗ᭞ᬬᬦᬶᬂᬜᭂᬧᬶ᭞ᬓᭂᬢᬾᬓᬦ᭄ᬰᬰᬶᬳᬾᬓᬦ᭄ᬢᬸᬦ᭄᭞ᬓᬤᬰᬤᬾᬲ᭄ᬢᬮᬦ᭄ᬲᬤ᭞ᬬᬦ᭄ᬯᬶᬮᬗᬶᬦ᭄ᬭᭀᬭᬲ᭄ᬲᬫᬶ᭟ᬓᭀ
ᬘᬧ᭄ᬲᬲᭂᬧᬾᬦ᭄ᬧᬸᬦᬶᬓ᭞ᬧᬲᬮᬶᬢᬦ᭄‌ᬢᬳᬸᬦᬶᬰᬓᬵᬦ᭄ᬕᬸᬫᬶ᭞ᬓᬤᬶᬢᬦ᭄ᬯᬾᬦ᭄ᬢᭂᬦ᭄ᬜᬓ᭄ᬳᬤᬸᬂ᭞ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬬᬦᬶᬂᬯ᭄ᬬᬓ᭄ᬢᬶ᭞ᬜᭂᬧᬶᬦᬾᬗᭂᬦ᭄ᬢᭀᬲᬂᬢᬳᬸᬦ᭄᭞ᬧᬸᬦᬧᬶᬳᬯᬶᬦᬦ᭄ᬧ᭄ᬭᬤᬂ᭞ᬲᬤᬸᬭᬸᬂᬧᬦᭂᬮᬲ᭄ᬰᬰᬶᬄ᭟ᬫᬾᬦ᭄ᬲᬗ᭄ᬓᭀᬮ᭄ᬓᭂᬜᭂᬫ᭄ᬫᬶᬭᬕ᭄ᬬᬂ᭞ᬫ
ᬧᬶᬭᬶᬭᬶᬄᬫᬾᬦ᭄ᬧ᭄ᬭᭀᬤᭀᬂᬓᬘᬧᬢᬶᬦ᭄᭞ᬳᬭᬄᬫ᭄ᬩᭀᬓ᭄ᬲᬓᬭᬶᬂᬚᬸᬕᬸᬮ᭄᭞ᬩᭂᬮᭀᬕ᭄ᬢᭀᬂᬦᬯᬂᬳᬗ᭄ᬓ᭞ᬘᬭᬩᬮᬶ᭞ᬳᬤᬫᬵᬤᬦ᭄ᬳᬗ᭄ᬓᬧᬸᬬᬸᬂ᭞ᬫᬕᭀᬩᬫᬢᬦ᭄ᬢᬶᬢᬶᬭᬦ᭄᭞ᬧᬗᭀᬦᬾᬓᬾᬳᬮᬸᬄᬕᬢᬶ᭟ᬲᬤ᭄ᬯᬢᭂᬮᬸᬧᬢ᭄ᬧᬢ᭄ᬮᬶᬫ᭞᭠

[᭓᭑ 31A]
᭓᭑
ᬦᭂᬫ᭄‌ᬧᬶᬢᬸᬓᬸᬢᬸᬲ᭄‌ᬮᬦᬲ᭄ᬬᬜᬭᬶᬓ᭄᭞ᬓᬳᬗ᭄ᬓᬤᬤ᭄ᬯᬳᬗ᭄ᬕᭀᬦᬶᬫ᭄ᬩᬸᬄ᭞ᬕᭀᬩᬦ᭄ᬳᬗ᭄ᬓᬦᬾᬳᬲ᭄ᬬ᭞ᬧᬸᬮᬃᬧᬮᬶᬃ᭞ᬬ᭠ᬤᬶᬦ᭄ᬦᬸᬮᬶᬲ᭄ᬳᬗ᭄ᬓᬲᬶᬬᬸ᭞ᬢᬶᬗ᭄ᬓᬳᬾᬢ᭄ᬯᬭᬫᬮᬾᬦᬦ᭄᭞ᬲᬓᬾᬯᬮᬫᬮᬸᬓᭀᬭᬶ᭟ᬳᬗ᭄ᬓᬩᭂᬲᬶᬓ᭄ᬫᬓᭂᬫ᭄ᬩᬭᬦ᭄᭞ᬳᬗ᭄ᬓᬭᭀᬭᬲ᭄‌ᬲᬶᬫᬮᬸ᭠
ᬳᬗ᭄ᬓᬩᭂᬲᬶᬓ᭄᭞ᬢᬶᬫ᭄ᬩᬮ᭄ᬩᬦ᭄ᬳᬗ᭄ᬓᬧᬸᬬᬸᬂ᭞ᬬᬾᬦ᭄ᬦᬸᬮᬶᬲ᭄ᬳᬗ᭄ᬓᬤᬰ᭞ᬳᬗ᭄ᬓᬩᭂᬲᬶᬓ᭄᭞ᬳᬶᬫ᭄ᬩᬸᬳᬶᬦ᭄ᬩᬦ᭄ᬳᬗ᭄ᬓᬧᬸᬬᬸᬂ᭞ᬳᬓᬾᬢᭀᬫᬤᬦᬤᬰ᭞ᬳᬗ᭄ᬓᬲᭀᬮᬲᬾᬬᬾᬦ᭄ᬦᬸᬮᬶᬲ᭄᭟ᬲᬶᬧᬢᬂᬓᭂᬢᬾᬓᬦ᭄ᬳᬗ᭄ᬓ᭞ᬦ᭄ᬢᭀᬳᬯᬦᬦ᭄ᬤᬶᬓᬲᬗᬦᬾᬜᭂᬧᬶ᭞ᬓᭂᬜᭂᬫ᭄ᬤᬦᬾᬤᬸ
ᬓᬸᬄᬯᬥᬹ᭞ᬫᬶᬋᬂᬫᬾᬦ᭄ᬲᬗ᭄ᬓᭀᬮ᭄ᬮᬕᬲ᭄᭞ᬫᭂᬲ᭄ᬯᬂᬫᬸᬜᬶ᭞ᬫᬶᬭᬶᬩ᭄ᬜᬓ᭄ᬲᬚᬫᬕᬸᬢᬸᬓ᭄᭞ᬧᬦ᭄ᬢᭂᬲ᭄ᬕᬸᬕᬸᬩᬩᭂᬮᭀᬕᬦ᭄᭞ᬋᬲᭂᬧᬂᬲᬚᬜᬓ᭄ᬳᬲᬶᬦ᭄᭟ᬢᬸᬫᬸᬮᬶᬤᬦᬾᬗᬦ᭄ᬤᬶᬓ᭞ᬫᬾᬦ᭄ᬲᬗ᭄ᬓᭀᬮ᭄ᬢᭂᬕᬭᬂᬩᬋᬂᬧᬶᬦᭂᬳᬶᬦ᭄᭞ᬯᬶᬭᬾᬄᬳᬤᬫᬲᬶᬄᬳᬸᬦ᭄ᬤᬸᬓ᭄᭞ᬳᬦᬾ
ᬢᭂᬧᬸᬓ᭄ᬫᬮᬾᬦᬦ᭄᭞ᬩᬶᬦ᭄ᬳᬩᭂᬤᬶᬓ᭄᭞ᬬᬤᬶᬦ᭄ᬲᬲᬸᬤᬸᬓᬾᬧᬢᬸᬄ᭞ᬗᬢᬶᬩᬦ᭄ᬗᭂᬦ᭄ᬢᭀᬲᬶᬰᬓᬵ᭞ᬲᬲᬸᬩᬦᬾᬲᬸ᭠ᬯᬸᬤ᭄ᬜᭂᬧᬶ᭟ᬗᬶᬂᬢᬶᬤᭀᬂᬫᬩᬦ᭄ᬢᬂᬳᬗ᭄ᬓ᭞ᬪᬶᬦᬳᬗ᭄ᬕᭀᬦ᭄ᬫᬾᬫᬾᬚᬦᬶᬦᭂᬧᬲᬶᬦ᭄᭞ᬳᬸᬮᬢᬂᬤᬶᬢᬦᬄᬳᬶᬡ᭄ᬥᬸ᭞ᬓᭀᬚᬭᬦ᭄ᬳᬚᬶᬰᬓᬵ᭞ [ 32 ][᭓᭑ 31B]
᭓᭑
ᬲᬗ᭄ᬓᬦ᭄ᬳᬤᬇᬰᬓᬵᬓᬯᬶᬢᬾᬫᬮᬸ᭞ᬤᬶᬳᬶᬡ᭄ᬥᬸᬬᬤᬶᬦ᭄ᬤᬶᬚᬯ᭞ᬲᬸᬗ᭄ᬓᭂᬫᬶᬦ᭄ᬚᬦᬶᬤᬶᬩᬮᬶ᭟ᬤᬶᬩᬮᬶᬰᬰᬶᬄᬓᬲᬗ᭞ᬤᬶᬳᬶᬡ᭄ᬥᬸᬫᬲᬦ᭄‌‌ᬭᬭᬳᬶᬦᬦ᭄ᬕᬸᬫᬶ᭞ᬧ᭄ᬭᬢᬶᬢᬶᬫᬲᬱᬤ᭄ᬋᬢᬸ᭞ᬧᬦᭂᬥᭂᬗᬶᬂᬪᬲᬦ᭄ᬢ᭞ᬗᬮᬗᭂᬦᬶᬦ᭄᭞ᬲᬓᬜ᭄ᬘᬦᬶᬂᬓᬬᬸᬓᬬᬸ᭞ᬫᬓᭂᬥᬧᬦ᭄᭠
ᬢᬹᬃᬫᬩᬸᬗ᭄ᬳ᭞ᬳᬮᭀᬓᬾᬜᬮᬶᬦᬂᬰᬰᬶᬄ᭟ᬲᭂᬤᭂᬓᬦ᭄ᬫᬲᬸᬓᬲᬸᬓᬵᬦ᭄᭞ᬢᭀᬂᬳᬶᬡ᭄ᬥᬸᬫᬲᬶᬄᬫ᭄ᬭᬶᬬᬸᬓᬶᬦ᭄ᬤᬶᬩᬮᬶ᭞᭠ᬲᬯᬶᬭᬾᬄᬫᬵᬕᬫᬳᬶᬡ᭄ᬥᬸ᭞ᬤ᭄ᬯᬦᬶᬂᬢᬶᬍᬫ᭄ᬓᬲᬗ᭞ᬮᬦ᭄ᬢᬲ᭄ᬜᭂᬧᬶ᭞ᬦᬸᬮᬤ᭄ᬢᬢᬓ᭄ᬭᬫᬤᬶᬢᬸ᭞ᬫᬋᬗᬶᬦ᭄ᬫᬍᬕᬍᬕᬦ᭄᭞ᬜᬶᬳ᭄ᬦᬬᬂᬤᬾᬯᬾᬓ᭄ᬜᬸ
ᬗ᭄ᬓᭂᬫᬶᬦ᭄᭟ᬅᬕᬫᬮᬦ᭄ᬢᬢᬓ᭄ᬭᬫ᭞ᬘᬭᬳᬶᬡ᭄ᬥᬸᬦᬾᬚᬮᬦᬂᬤᬶᬩᬮᬶ᭞ᬫᬾᬦ᭄ᬧ᭄ᬭᭀᬤᭀᬂᬫᬘᭂᬫ᭄ᬧ᭄ᬮᬾᬂᬫᬵᬢᬹᬃ᭞ᬧᬸᬦᬶᬓ᭠ᬧᬵᬢᬹᬢ᭄ᬧᬶᬲᬦ᭄᭞ᬢᬶᬢ᭄ᬬᬂᬗᬶᬭᬶᬂᬜᬸᬗ᭄ᬓᭂᬫᬶᬦ᭄ᬢᬸᬭᬄᬭᬶᬂᬳᬶᬡ᭄ᬥᬸ᭞ᬢᬦ᭄ᬲᬶᬫ᭄ᬧᬂᬓᬤᬶᬯᬘᬦ᭞ᬯᬯᬸᬢᬶᬢ᭄ᬬᬂᬗᭂᬕᬫᬗ᭄ᬓᬶᬦ᭄‌᭟ᬲᬂᬗᬬᬄᬲᬋᬂᬫᬵᬢᬹ᭠
ᬢᬂ᭞ᬧᬫᬶᬤᬃᬢ᭄ᬣᬦ᭄ᬧᬗᬶᬫ᭄ᬩᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬾᬦ᭄ᬲᬗ᭄ᬓᭀᬮ᭄ᬓᬩᬶᬮ᭄ᬩᬶᬮ᭄ᬗᬸᬦ᭄ᬢᬸᬮ᭄᭞ᬭᬵᬚᬧᬸᬢ᭄ᬭᬶᬫᬫᭂᬮᬢ᭄᭞ᬳᬶᬗ᭄ᬕᬶᬄᬦᬶᬦᬶᬭ᭠ᬭᬶᬲᬂᬫᬗ᭄ᬤᬗᭂᬮᬦ᭄ᬢᬸᬃ᭞ᬢᬶᬗ᭄ᬓᬳᬾᬦᬩ᭄ᬤᬩᬂᬓᬵᬃᬬ᭄ᬬ᭞ᬲᬲᭂᬧᬾᬦ᭄ᬓᬵᬮᬦᬶᬂᬜᭂᬧᬶ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬫᬵᬢᬹᬃᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬲᬧᬸᬦᬶᬓᬶᬤᬾ

[᭓᭒ 32A]
᭓᭒
ᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬳᬦ᭄ᬤᬬᬦ᭄ᬓᬵᬃᬬ᭄ᬬᬦᬾᬭᬢᬸ᭞ᬓᬵᬮᬧᬗ᭄ᬮᭀᬂᬧᬶᬂᬢ᭄ᬮᬸᬮᬲ᭄᭞ᬫᬮᬮᬲ᭄ᬢᬶᬓᬲᬵᬕᬭᬧᬵᬢᬹᬢ᭄ᬤᬸᬫᬸᬦ᭄᭞ᬳᬃᬘ᭄ᬘᬫᬓᬵᬤᬶᬧ᭄ᬭᬢᬶᬫ᭞ᬫᬭᬶᬂᬧᬸᬭᬧᬸᬭᬲᬫᬶ᭟ᬮᬸᬗ᭄ᬳᬬᬂᬲᬳᬚᬫ᭄ᬧᬦ᭞ᬓᬲᬵᬕᬭᬫᬰᬸᬘᬶᬧᬶᬦ᭄ᬤᬓᬤᬶ᭞ᬗᬫᬾᬢ᭄ᬢᬶᬃᬢ᭄ᬣᬓᬫᬡ᭄ᬥᬮᬸ᭞
ᬭᬶᬂᬢᭂᬍᬂᬦᬶᬂᬲᬫᬸᬤ᭄ᬭ᭞ᬧᬹᬚᬵᬓᬾᬃᬢ᭄ᬢᬶᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬫᬶᬓᬵᬢᬹᬃ᭞ᬭᬭᬧᬦ᭄ᬭᬶᬂᬳ᭄ᬬᬂᬪᬭᬸᬡ᭞ᬮᬫᬓᬦ᭄ᬚᬕᬢᬾᬯᬺ᭠ᬤ᭄ᬥᬶ᭟ᬳᬜᬸᬤ᭄ᬲᬫᬮᬧᬢᬓ᭞ᬍᬩᬹᬃᬢᬦ᭄ᬧᬰᬾᬱᬍᬢᬸᬳᬶᬂᬪᬹᬫᬶ᭞ᬯᬸᬲ᭄ᬧᬸᬦᬶᬓᬭᬭᬶᬲ᭄ᬫᬦ᭄ᬢᬸᬓ᭄᭞ᬲᬳᬦᭂᬕᭂᬦ᭄ᬚᬫ᭄ᬧᬦ᭞ᬲᬋᬂᬲᬫᬶᬮᬶ
ᬗ᭄ᬕᬶᬳᬂᬭᬶᬂᬩᬮᬾᬳᬕᬸᬂ᭞ᬭᬭᬶᬲ᭄ᬳᬢᬸᬭᬶᬦ᭄ᬥᬢᭂᬗᬦ᭄᭞ᬩᬾᬜ᭄ᬚᬂᬲᭂᬫᭂᬂᬳᬸᬘᬧ᭄ᬫᬮᬶᬄ᭟ᬦᬗᬸᬦ᭄ᬓᬵᬃᬬ᭄ᬬᬪᬹᬢᬬᬚ᭄ᬜ᭞ᬫᬘᬭᬸᬲᬩᬶᬮᬂᬧᭂᬫ᭄ᬧᬢᬦ᭄ᬫᬵᬃᬕ᭄ᬕᬶ᭞ᬉᬢ᭄ᬢᬫᬦᬾᬢᬳᬸᬃᬳᬕᬸᬂ᭞ᬳᬫᬥ᭄ᬬᬧᬜ᭄ᬘᬲᬦᬓ᭄᭞ᬧᬮᬶᬂᬦᬶᬲ᭄ᬢᬧᬜ᭄ᬘᬲᬢᬯᬵᬱ᭄ᬝᬦᬶᬧᬸᬦ᭄᭞ᬫᬭᬶᬂ᭠
ᬲᭀᬯᬂᬧᬓᬭᬗᬦ᭄᭞ᬓᬬᭀᬕ᭄ᬬᬢᬍᬃᬘᬭᭀᬦᬶᬦ᭄᭟ᬗᬦ᭄ᬢᭂᬩᬂᬘᬭᬸᬭᬶᬓᬵᬮ᭞ᬲᬦ᭄ᬤᬾᬓᬯᭀᬦ᭄ᬯᬸᬲ᭄ᬦᬶ᭠ᬓᬓᬯᬵᬱ᭄ᬝᬦᬶᬦ᭄᭞ᬓᬵᬃᬬ᭄ᬬᬦᬾᬋᬓᬾᬗᬭᬸᬧᬸᬓ᭄᭞ᬫᭀᬩᭀᬭᭀᬩᭀᬃᬧᬭᬓ᭄ᬧᬓ᭄᭞ᬲᭂᬫ᭄ᬩᬃᬫᬲ᭄ᬯᬶᬢᬢᬸᬮᬓ᭄ᬧᬜᭂᬗ᭄ᬓᭂᬃᬳᬕᬸᬂ᭞ [ 33 ][᭓᭒ 32B]
᭓᭒
ᬫᬳᬶᬤᭂᬃᬭᬶᬂᬧᬓᬭᬗᬦ᭄᭞ᬧᬩ᭄ᬬᬓᬵᬮᬯᬸᬲ᭄ᬲᬸᬫᬚᬶ᭟ᬫᬭᬶᬂᬦᬢᬃᬧᬓᬭᬗᬦ᭄᭞ᬩᬾᬜ᭄ᬚᬗᬦ᭄ᬯᬯᬸᬜᭂᬧᬶᬫᬫᬢᬶ᭠ᬕ᭄ᬦᬶ᭞ᬳᬭᬳᬶᬦᬰᬸᬦ᭄ᬬᬲᬫᬸᬦ᭄᭞ᬢᬦ᭄ᬯᭂᬦᬂᬫᬕᬭᬧᬦ᭄᭞ᬫᬧᬶᬳᬧᬶᬭᬶᬂᬫᬵᬃᬕ᭄ᬕᬶᬢᬦ᭄ᬬᭀᬕ᭄ᬬᬗᬗ᭄ᬕᬸᬃ᭞ᬲᬂᬯᬶᬓᬦ᭄ᬗᭂᬮᬭᬂᬬᭀᬕ᭞ᬩᬾᬜ᭄ᬚᬂ᭠
ᬦᬾᬗᭂᬫ᭄ᬩᬓ᭄ᬫᬮᬮᬶ᭟ᬲᬧᬸᬦᬶᬓᬲᬧ᭄ᬭᬢᬶᬗ᭄ᬓᬄ᭞ᬓᬵᬮᬜᭂᬧᬶᬦᬾᬓᬫᬵᬃᬕ᭄ᬕ᭄ᬬᬂᬭᬶᬂᬩᬮᬶ᭞ᬧᬗᬘᬶᬦ᭄ᬚᬕᬢ᭄ᬗᬢᬳᬸ᭠ᬦ᭄᭞ᬲᭂᬤᭂᬓ᭄ᬢᬶᬍᬫ᭄ᬓᬲᬗ᭞ᬜᭀᬫᬦ᭄ᬲᬭᬶᬦᬸᬦᬲᬂᬧ᭄ᬭᬦᬫ᭄ᬬᬫᬵᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᭂᬍᬤ᭄ᬧᬶᬲᬦ᭄᭞ᬫᬗ᭄ᬤᬢᬶᬢ᭄ᬬᬂᬢᬍᬃᬳᬸᬦᬶᬂ᭟᭠
ᬓᬵᬮᬦᭂᬫᭀᬦᬶᬂᬧᬹᬃᬡ᭄ᬦᬫ᭞ᬫᬩᬺᬲᬶᬄᬥᬹᬄᬢᬢᬸᬚᭀᬦᬾᬧᬸᬦᬧᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬶᬯᬂᬲᭂᬗ᭄ᬕᬸᬄ᭞ᬫᬥᬾᬲᭂᬓᬃᬦᬯᭂ᭠ᬕᬂ᭞ᬫᬵᬢᬹᬃᬲᬶᬲᬶᬧ᭄ᬢᬶᬢ᭄ᬬᬂᬢᬍᬃᬓᬤᬶᬢᬦ᭄ᬤ᭄ᬭᬸᬄ᭞ᬓᬵᬮᬢᬶᬍᬫ᭄ᬦᬗᬸᬦ᭄ᬩ᭄ᬭᬢ᭞ᬲᬗ᭄ᬓᬦ᭄ᬳᬦᬓᬾᬫᬩᬺᬲᬶᬄ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭞
ᬦᬄᬓᬾᬦᬾᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬳᬯᬦᬦ᭄ᬫᬓᬵᬃᬬ᭄ᬬᬳᬬᬸ᭞ᬲᭂᬤᭂᬓ᭄ᬢᬶᬍᬫ᭄ᬧᬹᬃᬡ᭄ᬦᬫ᭞ᬦᬄᬦᬾᬚᬦᬶᬧᬹᬃᬡ᭄ᬦᬫᬭᬯᭀᬲᬂᬫᬮᬸ᭞ᬧᬬᭀᬕᬦ᭄ᬳᬶᬤᬪᬝᬵᬭ᭞ᬳ᭄ᬬᬂᬧ᭄ᬭᬫᬾᬰ᭄ᬯᬭᬦᭂᬫᭀᬦᬶᬦ᭄᭟ᬪᬝᬵᬭᬧᬸᬭᬸᬱᬵᬗ᭄ᬓᬭ᭞ᬳᬶᬦᬸᬘᬧ᭄‌ᬲᬤ᭄ᬕᬦ

[᭓᭓ 33A]
᭓᭓
ᬮᬵᬯᬦ᭄ᬪᬝᬵᬭᬶ᭞ᬫᬳᬶᬭᬶᬗᬦ᭄ᬮᬦᬂᬯᬥᬹ᭞ᬯᬶᬤ᭄ᬬᬥᬭᬓᬮᬵᬯᬦ᭄᭞ᬯᬶᬤ᭄ᬬᬥᬭᬶ᭞ᬧᬭᬯᬶᬓᬹᬬᭀᬕ᭄ᬬᬜᬸᬗ᭄ᬲᬸᬂ᭞ᬗᭂ᭠ᬮᬭᬂᬘᬦ᭄ᬤ᭄ᬭᬲᬾᬯᬦ᭞ᬗᬃᬕ᭄ᬕᬗᬃᬘ᭄ᬘᬦᬳ᭄ᬬᬂᬯᬶᬤ᭄ᬥᬶ᭟ᬫᬲᬂᬮᬶᬗ᭄ᬕᬫᬗᬢᬸᬭᬂ᭞ᬢᬃᬧ᭄ᬧᬡᬲᬲᬶᬤ᭄ᬥᬲᬶᬤ᭄ᬥᬬᬦ᭄ᬳᬸᬕᬶ᭞ᬫᬓᬵᬤᬶᬭᬶᬂᬳ᭄ᬬᬂᬲᬶᬢᬗ᭄ᬰᬸ᭞
ᬓᬗᬶᬦᬸᬘᬧ᭄ᬳ᭄ᬬᬂᬯᬸᬮᬦ᭄᭞ᬓᬵᬮᬯᭂᬗᬶ᭞ᬭᬶᬂᬧᬫ᭄ᬭᬚᬦ᭄ᬧᬵᬢᬹᬢ᭄ᬓᬵᬢᬸᬭ᭄᭞ᬬᭀᬕ᭄ᬬᬫᬰᬸᬘᬶᬮᬓ᭄ᬱᬡ᭞ᬫᬬᭀ᭠ᬕᬥ᭄ᬬᬦᬲᬵᬫᬤᬶ᭟ᬓᬵᬮᬦᬶᬂᬢᬶᬍᬫ᭄ᬭᬯᭀᬲᬂ᭞ᬫᬫᬸᬧᬸᬕ᭄ᬮᬭᬭᭀᬕᬯᬶᬖᭂᬦᬦᬶᬂ᭞ᬳᬗ᭄ᬕᬰᬭᬶᬭᬦᬾᬍᬢᬸᬄ᭞ᬮᬸᬓᬢ᭄ᬩᬦ᭄ᬩᭂᬩᬦ᭄ᬢᭂᬦ
ᬦ᭄᭞ᬳᬧᬂᬩᬺᬲᬶᬄ᭞ᬮᬫᬓᬦ᭄ᬮᬲ᭄ᬬᬭᬳᬬᬸ᭞ᬲᬫ᭄ᬩᬶᬮᬂᬗᭂᬮᬭᬂᬬᭀᬕ᭞ᬭᬶᬓᬵᬮᬦᬶᬂᬢᭂᬗᬄᬯᭂᬗᬶ᭟ᬓᬾᬢᭀᬚᬢᬶᬲᬹᬓ᭄ᬱᭂᬫᬦ᭄ᬜ᭞ᬲᬗ᭄ᬓᬦ᭄ᬤᬶᬢᬶᬍᬫ᭄ᬧᬹᬃᬡ᭄ᬦᬫᬫᬩᬺᬲᬶᬄ᭞ᬫᬥᬾᬯᬢᬶᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬤᬸᬭᬸᬲ᭄ᬳᬸᬕᬶᬧᬶᬤᬃᬢ᭄ᬣ᭞ᬫᬗ᭄ᬤᬳᬸᬦᬶᬂ᭞ᬭᬶᬂᬓᬚᭂᬂᬓ᭄ᬮᬶ᭠
ᬯᭀᬦ᭄ᬫᬘᬭᬸ᭞ᬲᬩ᭄ᬭᬦ᭄ᬗᬮᬶᬫᭀᬮᬲ᭄ᬤᬶᬦ᭞ᬢᬢᬸᬚᭀᬦᬾᬲᬧᬸᬦᬧᬶ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬫᬭᬶᬤᬃᬢ᭄ᬣ᭞ᬳᬤᬓᬵᬤᬦᬶᬦ᭄ᬲᬂᬪᬹᬢᬪᬹᬘᬭᬶ᭞ᬗᬭᬸᬪᬾᬤᬦᬕᬶᬄᬘᬭᬸ᭞ᬦᭀᬗᭀᬲ᭄ᬤᬶᬦᬢᬄᬲᬗ᭄ᬕᬄ᭞ᬳᬤᬩᬸᬯᬶᬦ᭄᭞ᬲᬂᬓᬵᬮᬪᬹᬘᬭᬶᬫᬸᬗ᭄ᬕᬸᬄ᭞ᬫᬭᬶᬂᬦᬢᬄ᭠ [ 34 ][᭓᭓ 33B]
᭓᭓
ᬧᬓᬭᬗᬦ᭄᭞ᬫᬶᬯᬄᬲᬂᬤᬹᬃᬕ᭄ᬕᬪᬹᬘᬭᬶ᭟ᬦᬾᬦᭀᬗᭀᬲ᭄ᬤᬶᬯᬗᬦ᭄ᬳᬸᬫᬄ᭞ᬦᬕᬶᬄᬘᬭᬸᬜᬦ᭄ᬤᬂᬫᬲᬶᬄᬘᬭᭀᬦᬶᬦ᭄᭞᭠ᬳᬧᬂᬤᬦᬦ᭄ᬗᭀᬤᬗᬸᬮ᭄ᬕᬸᬮ᭄᭞ᬪᬹᬢᬓᬵᬮᬮᬦ᭄ᬤᬹᬃᬕ᭄ᬕ᭞ᬫᬯᬾᬄᬩᬸᬓ᭄ᬢᬶ᭞ᬮᬫᬓᬦ᭄ᬧᭀᬮᭀᬲᬢᬸᬗ᭄ᬕᬸ᭞ᬚᭂᬫᭂᬢ᭄ᬢᬸᬦ᭄ᬤᬾᬦ᭄ᬜᬕᬳᬸᬫᬄ᭞ᬳᬯᬦ
ᬦ᭄ᬧᬵᬢᬹᬢ᭄ᬮᬩᬳᬶᬦ᭄᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬓᬤᬶᬦᬶᬓ᭞ᬢᬶᬗ᭄ᬓᬳᬾᬫᬘᬭᬸᬜᬭᭀᬦᬶᬦ᭄ᬕᬸᬫᬶ᭞ᬧᬫᬶᬤᬃᬢ᭄ᬣᬦ᭄ᬤᬸᬓᬸᬄᬯᬥᬹ᭞ᬭᬶᬂᬲᬂᬲᭂᬤᭂᬓᬦ᭄ᬗᬬᬄ᭞ᬓᭂᬦ᭄ᬤᭂᬮ᭄ᬲᬫᬶ᭞ᬢᬫ᭄ᬩᬾᬳᬶᬧᬸᬦ᭄ᬦᬶᬗᭂᬄᬢᬸᬢᬸᬭ᭄᭞ᬦᬾᬜᬦ᭄ᬤᬂᬯᬦ᭄ᬢᬄᬢᭂᬍᬩᬂ᭞ᬲᬹᬓ᭄ᬱᭂᬫᬦ᭄ᬜᬫᬗ᭄ᬤᬳᬸᬦᬶᬂ᭟ᬲᭀᬢᬦᬶᬂᬤᬤᬶᬫᬵ
ᬦᬹᬱ᭞ᬍᬓᬤ᭄ᬳᭂᬮᬸᬄᬦᭀᬗᭀᬲ᭄ᬤᬶᬕᬸᬫᬶᬩᬮᬶ᭞ᬧᬓ᭄ᬭᬶᬫᬶᬓ᭄ᬭᬶᬂᬢᬶᬫ᭄ᬧᬮᬶᬧᬸᬦ᭄᭞ᬧᬵᬢᬹᬢᬾᬳᬧᬂᬦᬯᬂ᭞ᬳᬘᬶᬦ᭄ᬕᬸᬫᬶ᭞ᬮᬫᬓᬦ᭄ᬢᭀᬂᬲᬮᬄᬲᬸᬭᬸᬧ᭄᭞ᬳᬦᬾᬢᬶᬤᭀᬂᬓᬤᬾᬦ᭄ᬲᬚ᭞ᬮᬕᬸᬢᬾᬤᭂᬫᭂᬦ᭄ᬫᬪᬓ᭄ᬢᬶ᭟ᬲᬸᬩᬩᭂᬮᭀᬕ᭄ᬗᬓᬸᬩᬶᬱ᭞ᬫᬧᬶᬭᬶᬭᬶᬄᬧᬢᬾ᭠
ᬢᬾᬳᬶᬦ᭄ᬩᬦ᭄ᬫᬸᬜᬶ᭞ᬫᬾᬦ᭄ᬲᬗ᭄ᬓᭀᬮ᭄ᬓᬩᬶᬮ᭄ᬩᬶᬮ᭄ᬗᬸᬦ᭄ᬢᬸᬮ᭄᭞ᬫᬭᬱᬓᬲᭂᬫᭀᬦᬦ᭄᭞ᬫᭂᬦ᭄ᬤᭂᬧ᭄ᬦᭂᬗᬶᬮ᭄᭞ᬓᬲᭂᬍᬓ᭄ᬢᭀᬂᬗᭂᬮᬄᬲᬳᬸᬢ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬲᬾᬩᭂᬢ᭄ᬜᬶᬗᬓ᭄᭞ᬜᭂᬮᬕ᭄ᬲᬳᬗᬸᬘᬧᬭᬶᬲ᭄᭟ᬲᭂᬤᭂᬂᬫᭂᬮᬄᬲᬸᬩᬧ᭄ᬭᬕᬢ᭄᭞ᬗᬳᬾᬚᬚᬚᬮᬦ᭄ᬫᬭᬾᬭᬾ

[᭓᭔ 34A]
᭓᭔
ᬦ᭄ᬚᬦᬶ᭞ᬫᭂᬮᬳᬦ᭄ᬫᬤᬳᬃᬫᬮᬸ᭞ᬦᬾᬜᬦᬦ᭄ᬫᬕᬭᬧᬦ᭄᭞ᬩ᭄ᬭᬬᬯᬃᬕ᭄ᬕᬶ᭞ᬲᬓᬾᬯᬮᬚᬸᬓᬸᬢ᭄ᬧᬓᬸ᭞ᬕᭂᬘᭀᬓ᭄ᬜᬯᬦ᭄‌ᬓ᭠ᬘᬂᬓᬘᬂ᭞ᬲᬤ᭄ᬥᬩᬳᬦ᭄ᬫᬜᬗᭀᬦᬶᬦ᭄᭟ᬲᬂᬗᬬᬄᬫᬩ᭄ᬭᬶᬬᬸᬓ᭄ᬦᬶᬫ᭄ᬩᬮ᭄᭞ᬚᭂᬭᭀᬤᬸᬓᬸᬄᬗᬸᬤᬩᬲ᭄ᬧ᭄ᬮᬧᬦ᭄ᬕᬢᬶ᭞ᬲ᭄ᬯᬾᬘ᭄ᬙᬦ᭄ᬚᭂᬭᭀᬦᬾᬓᬮᬗ᭄ᬓᬸᬂ᭞
ᬗᬗ᭄ᬕᬾᬦ᭄ᬢᬶᬢ᭄ᬬᬂᬓᬯᬸᬮ᭞ᬲᬋᬂᬲᬫᬶ᭞ᬢᬶᬢ᭄ᬬᬂᬲᬸᬪᬓ᭄ᬢᬶᬫᬫᭂᬓᬸᬮ᭄᭞ᬤᬤᭀᬲ᭄ᬭᬾᬜ᭄ᬘᬂᬭᬶᬂᬧᬤᬸᬓ᭄ᬯᬦ᭄᭞ᬧᬾᬢ᭄ᬗᬬᬄᬭ᭠ᬳᬶᬦᬯᭂᬗᬶ᭟ᬭᬱᬩᭂᬢᭂᬓ᭄ᬢᬦ᭄ᬧᬦᭂᬥ᭞ᬫᬦᬄᬢᬶᬢ᭄ᬬᬂᬧᭂᬘᬓ᭄ᬲᬓᬶᬢ᭄ᬗᬮᬶᬮᬶᬃ᭞ᬲᬵᬫ᭄ᬧᬸᬦ᭄ᬧᬥᭂᬫ᭄ᬫᬮᬶᬄᬳᬶᬤᬸᬧ᭄᭞ᬲᬲᬸᬓᬢᬾᬫᬶᬭᬕ᭄ᬬᬂ᭞᭠
ᬢᬸᬢᬸᬃᬬᬸᬓ᭄ᬢᬶ᭞ᬩᭀᬬᬫᬮᬶᬄᬓᬭᬶᬕᬧᬸᬮ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬦᬳᬂ᭞ᬭᬱᬕᬮᬂᬧᭀᬮᬶᬄᬲᬸᬦ᭄ᬤᬶᬄ᭟ᬳᬭᬄᬤᬤᬢᬭᬯᭀᬲᬂ᭞ᬧᬦᬶᬫ᭄ᬩᬮ᭄ᬤᬸᬓᬸᬄᬳᬶᬲ᭄ᬢ᭄ᬭᬶᬲᬤᬓᭂᬜᬶᬂ᭞ᬓᬜ᭄ᬘᬶᬢ᭄ᬧᬗᬶᬗᬸᬦᬾᬭᬯᬸᬄ᭞ᬲᬕᬶᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬦᬸᬮᬶᬭᬭᬶᬲ᭄᭞ᬲᬂᬗᬬᬄ᭠
ᬲᬫᬶᬫᬕᬶᬩᬸᬂ᭞ᬯᬾᬦ᭄ᬢᭂᬦ᭄ᬦᬾᬕᬸᬧᬸᬄᬗᬶᬲᬶᬤᬂ᭞ᬤᬗ᭄ᬤᬗᬾᬫᬤᬕᬶᬂᬕᭂᬦ᭄ᬤᬶᬲ᭄᭟᭜᭟ᬤᬂᬤᬂ᭟᭜᭟ᬓᬘᬭᬶᬢᬲᬵᬫ᭄ᬧᬸᬦ᭄ᬮᬶ᭠ᬦ᭄ᬢᬂᬫᬗ᭄ᬓᬶᬦ᭄᭞ᬢᬶᬕᬂᬤᬶᬦ᭞ᬦᭂᬫᭀᬦᬶᬦ᭄ᬳᭀᬤᬮᬦ᭄᭞ᬰᬭᬰ᭄ᬯᬢᬶᬩᬾᬜ᭄ᬚᬗᬦᬾ᭞ᬤᬯᭂᬕ᭄ᬩᬜᬸᬧᬶᬦᬭᬸᬄ᭞ᬭᬫᭂᬲ᭄ᬭᬶᬂᬢᬸᬓᬤ᭄ᬫᭂᬮᬗᬶ᭠ [ 35 ][᭓᭔ 34B]
᭓᭔
ᬢ᭄᭞ᬗᭂᬤᬲ᭄ᬭᬳᬶᬦᬧ᭄ᬭᬤᬂ᭞ᬓᬢᬸᬓᬤᬾᬢᭂᬤᬸᬦ᭄᭞ᬤᬳᬢᬭᬸᬡᬫᭂᬕᬤᬂ᭞ᬧᭀᬮᬶᬄᬢᬤᬄ᭞ᬳᬸᬩᬬᬦᬾᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬓᬧᬜ᭄ᬘᭀᬭᬦᬾᬫᬲᬶᬭᬫ᭄᭟ᬓᬦ᭄ᬢᬸᬦ᭄ᬯᭂᬗᬶᬲᬵᬫ᭄ᬧᬸᬦ᭄ᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬫᬲᬯᬗᬦ᭄᭞ᬥᬹᬄᬭᬢᬸᬫᬵᬲ᭄ᬫᬶᬭᬄ᭞ᬳᬾᬮᬶᬗᬂᬓᬸᬤᬚᬜ᭄ᬚᬶᬦᬾ᭞ᬧᭂ
ᬘᬓ᭄ᬲᬵᬫ᭄ᬧᬸᬦ᭄ᬲᬸᬫᬗ᭄ᬕᬸᬧ᭄᭞ᬜᬓ᭄ᬓᭀᬦᬾᬫᬢᬮᬶᬩᭂᬲᬶ᭞ᬗᬦ᭄ᬢᬾᬦ᭄ᬦᬢᬩ᭄ᬩᬬᬸᬯᬦ᭄᭞ᬩᬋᬂᬫᬲᬫᬬᬸᬢ᭄᭞ᬤᭀᬂᬓᬸᬤᬫᬢᬮᬶᬦ᭄ᬓᬨᬮ᭄᭞ᬢᬶᬢ᭄ᬬᬂᬘᬂᬘᬂ᭞ᬓᬦ᭄ᬢᬶᬫᬤᬫᬃᬤᬶᬮᬗᬶᬢ᭄᭞ᬩᬸᬮᬦᬦ᭄ᬓᭂᬜᭂᬮ᭄ᬗᬦ᭄ᬢᭀᬲᬂ᭟ᬲᬦᬾᬤᭂᬳᬫᬲᬳᬸᬃᬜᭂᬧᭂᬢᬶᬦ᭄᭞ᬦᬾᬢ᭠
ᬭᬸᬡ᭞ᬗᬸᬤᬤᬤᬶᬧᭀᬗᬄ᭞ᬢᬶᬤᭀᬂᬚᬗ᭄ᬓᬬᬦ᭄ᬫᬸᬜᬶᬦᬾ᭞ᬩᭂᬮᬸᬲ᭄ᬳᬶᬮᬂᬤᭀᬂᬗᭂᬢᬸᬄ᭞ᬗᬮᭀᬓᬂᬢᬳᬾᬦ᭄ᬫᬚ᭠ᬜ᭄ᬚᬶ᭞ᬮᬯᬃᬕᭂᬭᬂᬜᬕᭂᬭᬂ᭞ᬤᬓᬶᬦ᭄ᬓᬸᬧᬶᬂᬳᬶᬮᬸ᭞ᬢ᭄ᬯᬭᬢᬳᬾᬦ᭄ᬫᬲᭀᬘᬧᬦ᭄᭞ᬳᬘᭂᬧᬶᬓᬦ᭄᭞ᬓᬮᬶᬂᬓᬾᬮᬓᬃᬜᬗ᭄ᬕᬸᬧᬶᬦ᭄᭞ᬚᭂᬮᬾ᭠
ᬫᭂᬮᬄᬫᬓᬭᭀᬦᬦ᭄᭟ᬦᬄᬤᭂᬧᬂᬲᬸᬩᬤᭂᬳᬧᬤᬶᬤᬶ᭞ᬓᬦ᭄ᬢᬶᬯᭂᬓᬲ᭄᭞ᬮᬓᬃᬧᬢᬶᬍᬲᬂ᭞ᬩᬦ᭄ᬢ᭄ᬯᬭᬘᬸᬫ᭄ᬧᬸᬳᬶᬥᭂᬧᬾ᭞ᬕᬸᬮᬜᬯᬦ᭄ᬫᬫᬤᬸ᭞ᬗᬸᬤᬗᬮᬶᬄᬳᬦᬓ᭄ᬫ᭄ᬯᬦᬶ᭞ᬲᬸᬩᬦᬫ᭄ᬧᬶᬂᬕᬕᬾᬮᬦ᭄᭞ᬫᬾᬄᬮᬓᬃᬓᬍᬩᬸ᭞ᬦᬸᬫ᭄ᬧᬗᬶᬦ᭄ᬧ᭄ᬭᬳᬸᬦᬾᬲᬭᬢ᭄᭞

[᭓᭕ 35A]
᭓᭕
ᬲᬸᬩᬢᬯᬂ᭞ᬦᬾᬫᬦᬶᬲ᭄ᬫᬸᬮᬫᬦᬲᬶᬦ᭄᭞ᬦᬸᬓᬾᬳᬜᬸᬤ᭄ᬧᬢᬶᬕᬩᬕ᭄᭟ᬓᬤᬶᬧᬜ᭄ᬚᬂᬬᬦᬸᬘᬧᬂᬲᬫᬶ᭞ᬯᬯᬗ᭄ᬲᬮ᭠ᬦ᭄᭞ᬤᭂᬳᬮᬦ᭄ᬢᬭᬸᬡ᭞ᬲᬮᬶᬂᬢᬶᬫ᭄ᬩᬮ᭄ᬧᬲᬳᬸᬭᬾ᭞ᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬭᬶᬂᬧᬤᬸᬓ᭄ᬯᬦ᭄ᬭᬵᬚᬧᬸᬢ᭄ᬭᬶ᭞ᬲᬵᬫ᭄ᬧᬸᬦ᭄ᬳᬶᬤᬫᬫᬵᬃᬕ᭄ᬕ᭞ᬫᬩ
ᬜᬸᬧᬶᬦᬭᬸᬄ᭞ᬓᬩᬾᬚᬶᬮᬸᬗ᭄ᬳᬫᬲᬶᬭᬫ᭄᭞ᬫᬳᬶᬭᬶᬗᬦ᭄᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬲᬃᬯ᭄ᬯᬶᬜᬸᬳᬸᬦ᭄ᬬᬾᬄᬓᬸᬫ᭄ᬓᬸᬫᬦ᭄᭟ᬓᬵᬫᬚᬬᬲᬓᬾᬂᬧᬸᬗ᭄ᬓᬸᬃᬗᬶᬭᬶᬂ᭞ᬫᬓ᭄ᬢᬧ᭄ᬭᬓ᭄ᬧᬓ᭄᭞ᬲᬸᬦ᭄ᬤᬶᬄᬫᬓᭀᬩᬭᬦ᭄᭞ᬓᬦ᭄ᬢᬸᬦ᭄ᬯᭂᬗᬶᬧᬫᬵᬃᬕ᭄ᬕᬶᬦᬾ᭞ᬢᭂᬤᬸᬦ᭄ᬓᬗᬶ᭠
ᬦ᭄ᬗᬭᬸᬭᬸᬂ᭞ᬓᬶᬮᬓᬶᬮᬸᬓ᭄ᬦᬸᬯᬸᬢ᭄ᬳᬩᬶᬂ᭞ᬳᬦ᭄ᬢᬸᬓ᭄ᬭᬸᬗ᭄ᬓᬫᬮᭀᬦᬦ᭄᭞ᬢᬓᬸᬢ᭄ᬲᬶᬂᬜᬮᬩᬸᬄ᭞ᬫᬥᬾᬲᭂᬓᬃᬦᬤᬓ᭄ᬲᬭ᭞ᬫᬤᬤᬬᬦ᭄᭞ᬓᬭᬕ᭄ᬓᬶᬭᬶᬕ᭄ᬢᭀᬮᬄᬢᭀᬮᬶᬄ᭞ᬫᭂᬍᬤ᭄ᬫᬓᬶᬢᬫᬤᬦ᭄ᬤᬦ᭄᭟ᬲᬋᬂᬓᬵᬫᬚᬬᬓᬦ᭄ᬢᬸᬦ᭄ᬤᭀᬭᬶ᭞ᬧᬓᬵᬮᬶᬳ᭠
ᬦ᭄᭞ᬲᬸᬦ᭄ᬤᬶᬳᬾᬓᬸᬘᭂᬓᬂ᭞ᬫᬧᬶᬮᬩᬸᬄᬩᬦ᭄ᬩᭂᬮᬶᬕᬾ᭞ᬗᬭᭀᬤ᭄ᬓᭀᬘᬧ᭄ᬓᬢᬜ᭄ᬚᬸᬂ᭞ᬤᭂᬓᬲ᭄ᬤᭂᬓᭂᬲ᭄ᬲᬭᬸᬗᬦ᭄ᬢᬶ᭞ᬓᬵᬫᬚᬬᬦᭂᬲᭂᬓᬂ᭞ᬜᭂᬮᬧᬂᬫᬓᬧ᭄ᬮᬸᬕ᭄᭞ᬫᬕᭂᬮᬸᬢ᭄ᬲᬕᬾᬢ᭄ᬫᬤᬶᬫᬦ᭄᭞ᬗᭀᬜᬂᬍᬕ᭞ᬫᬥᬾᬲᭂᬓᬃᬗᬋᬋᬗᬶᬄ᭞ᬗᭂᬮᬸᬢ᭄ᬩᬳᭀᬂ [ 36 ][᭓᭕ 35B]
᭓᭕
ᬓᬵᬫᬚᬬ᭟ᬭᬵᬚᬧᬸᬢ᭄ᬭᬶᬗᬢᬩ᭄ᬢᬩ᭄ᬗᭂᬲᬾᬗᬶᬦ᭄᭞ᬓᬵᬫᬚᬬ᭞ᬳᬭᬄᬤᭀᬂᬳᬾᬗ᭄ᬕᬮᬂ᭞ᬳᬶᬤᬸᬧᬂᬫᬮᬸᬲᬸᬦ᭄ᬤᬶᬳᬾ᭞ᬧᭂᬢᭂᬂᬤᭀᬂᬧᬢᬶᬓᭂᬧᬸᬕ᭄᭞ᬧᬚᬮᬦᬾᬢᬸᬯᬸᬦ᭄ᬓᬗᬶᬦ᭄᭞ᬓᬵᬫᬚᬬᬫᬲᬾᬧᬓ᭄᭞ᬗᬸᬧᬶᬦᬂᬫᬓᬩ᭄ᬬᬸᬃ᭞ᬲᬸᬦ᭄ᬤᬶᬳᬦᬾᬮᬫᬓᭂᬩ᭄ᬬᬃ
᭞ᬲᬶᬦᬄᬕᬮᬂ᭞ᬜᭀᬫᬦ᭄ᬲᬭᬶᬤᭂᬫᬤᭂᬫᬶ᭞ᬓᭂᬦᬤᬬᬤᭂᬤᬤᬓᬦ᭄᭟ᬍᬓ᭄ᬚᭂᬗᬄᬫᬲᭂᬩᭂᬂᬩᬭᬓ᭄ᬩᬶᬳᬶᬂ᭞ᬗᬤᬾ᭠ᬲᭂᬫᬂ᭞ᬓᬩᬶᬮ᭄ᬩᬶᬮ᭄ᬫᬮᬶᬬᬢ᭄᭞ᬗᬶᬂᬲᬭᬸᬳᬦ᭄ᬢᬸᬓ᭄ᬯᭂᬗᬶᬦᬾ᭞ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬵᬚᬧᬸᬢ᭄ᬭᬶᬫᬭᬶᬂᬩᬾᬚᬶ᭞ᬓᬧᬜ᭄ᬘᭀᬭᬦ᭄ᬫᬲᬶ᭠
ᬭᬫ᭄᭞ᬯᬯᬸᬳᬶᬤᬢᭂᬤᬸᬦ᭄᭞ᬤᭂᬳᬢᬭᬸᬡᬦᬾᬲᬫ᭄ᬩ᭄ᬭᬕ᭄᭞ᬫᬓᬶᬍᬲᬦ᭄᭞ᬯᬾᬦ᭄ᬢᭂᬦ᭄ᬗᬸᬢᬂᬓᬫ᭄ᬩᭂᬦ᭄ᬘᭂᬭᬶᬓ᭄᭞ᬩᭂᬘᬢ᭄ᬲᬾᬧᬦ᭄ᬫᬶᬭᬶᬕ᭄ᬢᬸᬓᬤ᭄᭟ᬫᬥᬾᬲᭂᬓᬃᬓᬮᬶᬄᬜᭀᬫᬦ᭄ᬲᬭᬶ᭞ᬘᬾᬱ᭄ᬝᬓᬵᬭ᭞ᬦᬩ᭄ᬤᬩ᭄ᬲᭀᬧᬘᬭ᭞ᬧᬲᬸᬘ᭄ᬬᬦ᭄ᬭᬵᬚᬧᬸᬢ᭄ᬭᬶᬦᬾ᭞ᬓᬵᬫ᭠
ᬚᬬᬗᬮᬶᬗ᭄ᬓᬸᬂ᭞ᬢᭂᬤᬸᬦ᭄ᬗᬾᬗ᭄ᬕᬮᬂᬫᬕᭂᬤᬶ᭞ᬓᬢᬸᬓᬤ᭄ᬫᬓᬶᬍᬲᬦ᭄᭞ᬧᬤᬾᬯᬾᬓᬦ᭄ᬫᬜ᭄ᬚᬸᬲ᭄᭞ᬢᬦ᭄ᬓᭀᬘᬧᬦ᭄ᬓᬫᬚᬬ᭞ᬲᬵᬫ᭄ᬧᬸᬦ᭄ᬓᬾᬲᬄ᭞ᬓᬘᬭᬶᬢᬭᬵᬚᬧᬸᬢ᭄ᬭᬶ᭞ᬲᬵᬫ᭄ᬧᬸᬦ᭄ᬫᬲᬸᬘᬶᬮᬓ᭄ᬱᬡ᭟ᬗᭂᬫ᭄ᬩᬸᬲ᭄ᬯᬲ᭄ᬢ᭄ᬭᬫᬲᬶᬭᬫ᭄ᬢᬸᬫᬸᬮᬶ᭞ᬲᬋᬂᬢᬶᬕ᭞ᬫᬲᬸ᭠

[᭓᭖ 36A]
᭓᭖
ᬲᬸᬃᬫᬚᬫᬲ᭄᭞ᬳᬦ᭄ᬢᬸᬓ᭄ᬢᭀᬬᬓᬸᬫ᭄ᬓᬸᬫᬦᬾ᭞ᬫᬶᬳᬶᬓᬾᬗᬮᬸᬧᬮᬸᬧ᭄᭞ᬕᬮᬂᬰᬰᬶᬄᬫᬜᬸᬦ᭄ᬤᬭᬶᬦ᭄᭞ᬭᬱᬳᬶᬤᬳ᭄ᬬᬂᬯᬸᬮᬦ᭄᭞ᬫᬧᬯᬲᬦ᭄ᬢᭂᬤᬸᬦ᭄᭞ᬩᭂᬗᭀᬂᬜᬶᬗᬓ᭄ᬲᬂᬫᬲᬶᬭᬫ᭄᭞ᬬᬦ᭄ᬲᬯᬗᬂ᭞ᬢᬦ᭄ᬧᬾᬦ᭄ᬤᬄᬓᬤᬶᬥᬥᬭᬶ᭞ᬫᬲᬸᬘᬶᬲᬳᬫᬫᬦ᭄ᬢ᭄ᬭ᭟ᬲᬵᬫ᭄ᬧᬸᬦ᭄
ᬧᬸᬧᬸᬢ᭄ᬫᬲᬶᬭᬫ᭄ᬢᬸᬫᬸᬮᬶ᭞ᬜᬸᬗ᭄ᬕᬃᬭᭀᬫ᭞ᬤᭂᬫ᭄ᬤᭂᬫ᭄ᬢᬸᬭᬶᬂᬲᬫᬄ᭞ᬓᬲᭀᬃᬲᭂᬧᬸᬓᬦ᭄ᬲᬩᭂᬳᬾ᭞ᬓᬵᬮᬰᬰᬶᬄᬓᬯᬸᬮᬸ᭞ᬧᬦ᭄ᬢᭂᬲ᭄ᬢᬭᬸᬡᬦᬾᬧᬮᬶᬂ᭞ᬓᬮᬸᬮᬸᬢᬦ᭄ᬗᬢᭀᬦᬂ᭞ᬲᬂᬓᬤᬶᬰᬶᬢᬗ᭄ᬰᬸ᭞ᬮᬸᬫ᭄ᬮᬸᬫ᭄ᬕᬤᬶᬂᬯᬸᬲ᭄ᬫᬲᬶᬭᬫ᭄᭞ᬫᬪᬹᬱᬡ᭞ᬫᬭᬂᬭᬂᬩᭀᬭᬾᬳᬾᬫᬶᬳᬶ᭠
ᬓ᭄᭞ᬳᬲᬶᬦ᭄ᬫᬲᬸᬫ᭄ᬧᬂᬘᭂᬫ᭄ᬧᬓ᭟ᬜᭀᬫᬦ᭄ᬲᬭᬶᬩᭂᬗᭀᬂᬦᬶᬗᭂᬄᬕᭂᬦ᭄ᬤᬶᬂ᭞ᬓᬵᬫᬚᬬ᭞ᬢᬦ᭄ᬲᬄᬫᬲᬯᬗᬦ᭄᭞ᬗᬲᬶ᭠ᬳᬲᬶᬄᬭᬶᬂᬢᬸᬓᬤᬾ᭞ᬕᬕᬾᬲᭀᬦ᭄ᬜᬶᬮᬶᬩ᭄ᬫᬵᬢᬹᬃ᭞ᬭᬶᬂᬳᬶᬤᬲᬂᬓᬤᬶᬭᬝᬶᬄ᭞ᬲᬧᬲᬶᬭᬧᬸᬦᬶᬓ᭞ᬜᭂᬮ᭄ᬲᭂᬮ᭄ᬤᬾᬯᬾᬓ᭄ᬮᬘᬸᬭ᭄᭞ᬭᬵᬚ
ᬧᬸᬢ᭄ᬭᬶᬫᬯᬘᬦ᭞ᬳᬭᬄᬲᬚ᭞ᬦᬄᬓᭂᬫᭀᬳᬾᬗ᭄ᬕᬮᬂᬲᬭᬶ᭞ᬦᬸᬯᬸᬦᬂᬗᬩᬓᬸᬫ᭄ᬓᬸᬫᬦ᭄᭟ᬫᬶᬭᬶᬩ᭄ᬲᬸᬩᬲᬸᬯᬸ᭠ᬤ᭄ᬫᬜ᭄ᬚᬸᬲ᭄ᬚᬦᬶ᭞ᬓᬵᬫᬚᬬ᭞ᬫᬓᭂᬮᭀᬗᬦ᭄ᬢᭀᬲᬂ᭞ᬢᬸᬭᬄᬲᭂᬩᭂᬢ᭄ᬳᬶᬥᭂᬧ᭄ᬜᬦᬾ᭞ᬗᬤᬾᬦ᭄ᬩᭂᬜᬢᭀᬂᬭᬸᬗᬸ᭞ᬳᬮᭀᬓᬗᬤ [ 37 ][᭓᭖ 36B]
᭓᭖
ᬤᬶᬳᬢᬶ᭞ᬜᭀᬫᬦ᭄ᬲᬭᬶᬗᬢᬾᬧ᭄ᬮᬓ᭄᭞ᬢᭂᬤᬸᬦ᭄ᬜᬸᬯᬸᬦ᭄ᬚᬸᬦ᭄᭞ᬭᬶᬂᬲᬵᬫ᭄ᬧᬸᬦ᭄ᬭᬯᬸᬄᬩᭂᬢᬾᬦᬦ᭄᭞ᬧᬶᬗ᭄ᬕᬶᬃᬢᬸᬓᬤ᭄᭞ᬓᬵᬫᬚᬬᬫᬧᬶᬫᬧᬶ᭞ᬗᬸᬦ᭄ᬢᬸᬮ᭄ᬫᬶᬭᬶᬩ᭄ᬢ᭄ᬯᬭᬋᬗᭃ᭟ᬜᬭᬸᬫᭂᬫᭂᬫᬦ᭄ᬓᬵᬭᬶᬫᬕᭂᬦ᭄ᬤᬶᬂ᭞ᬜᭂᬮ᭄ᬲᭂᬮ᭄ᬳᬯᬓ᭄᭞ᬮᬘᬸᬭᬾᬢᬦ᭄ᬧᭂᬭᬄ᭞ᬲᬗ᭄ᬲᬭᬳᬶ
ᬤᬸᬧ᭄ᬢᬶᬢ᭄ᬬᬗᬾ᭞ᬮᬕᬸᬢᬾᬩᭂᬜᬳᬸᬩᬸᬄ᭞ᬢᬸᬲᬶᬂᬳᬤᬲᬾᬦ᭄ᬤᭂᬫ᭄ᬦᭀᬮᬶᬄ᭞ᬤᬾᬯᬾᬓ᭄ᬳᬩᬸᬢ᭄ᬧᬗᬾᬲᬦ᭄᭞ᬤᬸᬫᬤᬶᬤᬶᬕᬸᬦᬸᬂ᭞ᬜᭀᬫᬦ᭄ᬲᬭᬶᬢᭂᬓᬦᬫ᭄ᬧ᭄ᬭᬢ᭄᭞ᬳᬭᬄᬯᬬᬦ᭄᭞ᬓᬸᬤᬤᬤᬶᬗᬲᬶᬳᬲᬶᬄ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭟ᬓᬵᬫᬚᬬᬢ
ᬗ᭄ᬓᭂᬚᬸᬢ᭄ᬓᬩᬶᬮ᭄ᬩᬶᬮ᭄᭞ᬫᬗᬦ᭄ᬢᭂᬦᬂ᭞ᬜᭀᬫᬦ᭄ᬲᬭᬶᬜᬕ᭄ᬚᬕ᭄᭞ᬲᬕᬾᬢ᭄ᬲᬸᬩᬤᬶᬲᬫ᭄ᬧᬶᬗᬾ᭞ᬓᬶᬫᬸᬤ᭄ᬩᬗᬸᬦ᭄‌ᬫᬮᬮᬸᬂ᭞ᬜᭀᬫᬦ᭄ᬲᬭᬶᬫᬗᭂᬜ᭄ᬚᬸᬳᬶᬦ᭄᭞ᬓᬵᬫᬚᬬᬪᬹᬱᬡ᭞ᬲᬕᬾᬢᬦ᭄ᬫᬕᭂᬮᬸᬢ᭄᭞ᬫᬤᭀᬧ᭄ᬤᭀᬧ᭄ᬲᬤᬫᬤᬶᬫᬦ᭄᭞ᬗᭀᬜᬂ
ᬍᬕ᭞ᬜᭀᬫᬦ᭄ᬲᬭᬶᬓᭂᬮᬤ᭄ᬓᭂᬮᬶᬤ᭄᭞ᬤᬲ᭄ᬓᭂᬦᬢᬸᬫ᭄ᬩᬓ᭄ᬫᭂᬲᬤᬄ᭟ᬮᬾᬮᬾᬢ᭄ᬓᬵᬫᬚᬬᬜᭀᬫᬦ᭄ᬲᬭᬶ᭞ᬫᬧᭂ᭠ᬦᬶᬗᬦ᭄᭞ᬓᬢᬸᬗ᭄ᬓᬸᬮ᭄ᬫᬘᬦ᭄ᬤ᭞ᬗᬸᬮᬸᬭᬶᬦ᭄ᬮᭂᬕᬦᬶᬥᭂᬧᬾ᭞ᬫᬲᬶᬲᬶᬕ᭄ᬓᬬᬂᬫᬫ᭄ᬩᬸᬄ᭞ᬜᭀᬫᬦ᭄ᬲᬭᬶᬫᬗᬬᬳᬶᬦ᭄᭞ᬓᬵᬫᬚᬬᬫᬧᬬᬲ᭄᭞

[᭓᭗ 37A]
᭓᭗
ᬦᬸᬦᭂᬓᭂᬓᬂᬲᬩᬸᬓ᭄᭞ᬢᬸᬦ᭄ᬤᬓ᭄ᬢᬸᬦ᭄ᬤᬶᬓ᭄ᬧᬢᬶᬕᬩᬕ᭄᭞ᬧᬤᬤ᭄ᬯᬦᬦ᭄᭞ᬫᬥᬾᬲᭂᬓᬃᬲᬕᬾᬢ᭄ᬜᭂᬭᬶᬢ᭄᭞ᬲᬓᬾᬂᬩᬩ᭄ᬯᬦ᭄ᬫᬓᬯᬸᬓᬦ᭄᭟ᬤᭀᬂᬳᬾᬗ᭄ᬕᬮᬂᬲᬸᬩᬕᬮᬂᬓᬗᬶᬦ᭄᭞ᬗᬫᭂᬦᬾᬓᬂ᭞ᬲᬂᬓᬵᬮᬶᬄᬫᬓᭂᬲ᭄ᬬᬩ᭄᭞ᬓᬤᬶᬲᬧᬶᬄᬧᬚᬸᬮᬸᬓᬾ᭞ᬕᬕᬾ᭠
ᬲᭀᬦ᭄ᬫᬸᬗ᭄ᬕᬄᬓᬯᬸᬄ᭞ᬗᬸᬦ᭄ᬢᬸᬮ᭄ᬲᭂᬩᭂᬗᬾᬓᬩᬶᬮ᭄ᬩᬶᬮ᭄᭞ᬭᬵᬚᬧᬸᬢ᭄ᬭᬶᬫᬫᬵᬃᬕ᭄ᬕ᭞ᬜᬦ᭄ᬢᭀᬲᬂᬩᬤᬸᬳᬸᬭ᭄᭞ᬇᬭᬶᬓᬵᬳᬶᬤᬫᬭᬵᬃᬬ᭄ᬬᬦ᭄᭞ᬫᬚᬗ᭄ᬕᭂᬮᬦ᭄᭞ᬭᬶᬂᬩᬢᬸᬮᬸᬫ᭄ᬩᬂᬫᬮᬶᬗ᭄ᬕᬶᬄ᭞ᬲᬃᬯ᭄ᬯᬶᬫᬕᬬᬸᬂᬕᬬᬸᬗᬦ᭄᭟ᬫᬓᭂᬜᬶᬃᬕᬸᬫᬦ᭄ᬢᬶᬮᬾᬤᬂᬗᬓ᭄ᬱᬶ᭞ᬓᬵᬫᬚ᭠
ᬬ᭞ᬭᬾᬄᬫᬓᭂᬮᬸᬲ᭄ᬫᬾᬦᬓ᭄᭞ᬮᬸᬫ᭄ᬮᬸᬫ᭄ᬕᬤᬶᬂᬧᬫᬸᬮᬸᬦᬾ᭞ᬢᬦ᭄ᬧᬾᬦ᭄ᬤᬄᬳ᭄ᬬᬗᬢᬦᬸ᭞ᬜᭂᬍᬳᬶᬦ᭄ᬢᭂᬤᬸᬦ᭄ᬓᬩᬮᬶ᭞ᬩᬸᬗᭂᬃᬳᬲᬶᬂᬗᬢᭀᬦᬂ᭞ᬓᬵᬫᬚᬬᬗᬸᬦ᭄ᬢᬸᬮ᭄᭞ᬜᬭᬸᬜᬭᬸᬗᬸᬭᬶᬓ᭄ᬢᬦᬄ᭞ᬲᬓᬾᬂᬳᬸᬮᬧ᭄᭞ᬦᬍᬓ᭄ᬢᭂᬓᬂᬭᬵᬚᬧᬸᬢ᭄ᬭᬶ᭞ᬓᬤᬶᬩᬸᬮᬦ᭄ᬓᬭ᭠
ᬳᬶᬦᬦ᭄᭟ᬋᬫ᭄ᬧᬸᬄᬫᬦᬶᬲ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬫᬗᬦ᭄ᬤᬶᬓ᭞ᬳᬥᬹᬄᬓᬵᬫᬚᬬ᭞ᬢᬸᬫ᭄ᬩᬾᬦ᭄‌ᬬᬂᬩᬸᬓᬳᬕᭂᬢᬾ᭞᭠ᬤᬶᬦᬶᬦᭀᬗᭀᬲ᭄ᬤᬶᬕᬸᬦᬸᬂ᭞ᬫᬓᬶᬲᬶᬤ᭄ᬗᬸᬩᬤᬂᬲᬓᬶᬢ᭄᭞ᬢᬸᬫ᭄ᬩᬾᬦᬶᬥᭂᬧᬾᬍᬕ᭞ᬳᬶᬩᬸᬓ᭄‌ᬬᬗᬾᬮᬶᬧᬸᬭ᭄᭞ᬦᭂᬧᬸᬓᬶᬦ᭄ᬘᬳᬶᬫᬧᬬ [ 38 ][᭓᭗ 37B]
᭓᭗
ᬲ᭄᭞ᬳᬲᬶᬦ᭄ᬧᭂᬲᬦ᭄᭞ᬫᬲᬸᬫ᭄ᬧᬂᬲᭂᬓᬃᬫᬲᬭᬶ᭞ᬤᬸᬯᭂᬕ᭄ᬲᬦ᭄ᬗᬤᬸᬗᬂᬭᬭᬲ᭄᭟ᬓᬵᬫᬚᬬᬫᬓ᭄ᬮᬶᬬᭂᬩ᭄ᬧ᭄ᬭᬫᬗ᭄ᬓᬶᬦ᭄᭞ᬓᬲᭂ᭠ᬫᭀᬦᬦ᭄᭞ᬫᭂᬧᭂᬲ᭄ᬫᬢᬗᬦᬦ᭄᭞ᬧ᭄ᬭᬦᬫ᭄ᬬᬩᬦ᭄ᬩᬦ᭄ᬳᬢᬸᬭᬾ᭞ᬳᬫ᭄ᬧᬸᬭᬢᬶᬢ᭄ᬬᬂᬭᬢᬸ᭞ᬓᬢᬫ᭄ᬩᭂᬢᬦ᭄ᬢᬸᬦᬩᬸᬤ᭄ᬥᬶ᭞ᬧ᭄ᬭᬲᬗ᭄ᬕᬫᬫᬋᬓᬦ᭄᭞ᬩᭂ᭠
ᬕᬾᬃᬢᬸᬭᬄᬕᬸᬦᬸᬂ᭞ᬢᬸᬦᬦᬶᬂᬗᬦᬸᬢᬂᬧᬬᬲ᭄᭞ᬫᭀᬦ᭄ᬧ᭄ᬭᬲᬶᬤ᭄ᬥ᭞ᬢᬶᬢ᭄ᬬᬂᬲᬋᬂᬗᬭᬫᬾᬦᬶᬦ᭄᭞ᬫᬸᬂᬧᬸᬂᬭᬭᬳᬶᬦᬦ᭄ᬚᬕᬢ᭄᭟ᬤᭀᬄᬧᬭᬢᬶᬢ᭄ᬬᬂᬫᬤᬾᬯᬾᬓ᭄ᬳᬲᬶᬦ᭄᭞ᬗᬩᭂᬢ᭄ᬧᬬᬲ᭄᭞ᬲᬗ᭄ᬓᬸᬃᬫᬩᭂᬢ᭄ᬚᬫ᭄ᬧ᭄ᬭᬄ᭞ᬓᬗ᭄ᬕᬾᬲᬓᬤᬦ᭄ᬲᭂᬓᬭᬾ᭞ᬧᬸᬘᬸᬓ᭄ᬩᬂᬢᬦᬶᬧᬵᬢᬹ
ᬢ᭄᭞ᬯᬶᬭᬾᬄᬫᬤᬾᬯᬾᬓ᭄ᬯᭀᬂᬢᬦᬶ᭞ᬲᬓᬾᬂᬕᬶᬭᬂᬓᬚᬓᬦ᭄᭞ᬢᬶᬢ᭄ᬬᬂᬦᬸᬯᬸᬢ᭄ᬮᬸᬩᬸᬓ᭄᭞ᬘᭀᬓᭀᬭᬶᬤᬾᬯᬧᬯᬶᬓᬦ᭄᭞ᬫᬦᬄᬢᬶᬢ᭄ᬬᬂ᭞ᬲᭀᬢᬦᬶᬂᬓᬦ᭄ᬢᬸᬦ᭄ᬢᬭᬸᬡᬶ᭞ᬕᬸᬫᬦ᭄ᬢᬶᬕᬗ᭄ᬲᬭᬦ᭄ᬢᬶᬦ᭄ᬤᬓ᭄᭟ᬩᭀᬬᬳᬾᬮᬶᬂᬭᬶᬂᬫᬤᬾᬯᬾᬓ᭄ᬕᬸᬤᬶᬕ᭄᭞ᬭ᭠
ᬢᬸᬢᬶᬢ᭄ᬬᬂ᭞ᬲᬓᬭᬶᬂᬳᬍᬫᬦ᭄᭞ᬫᬯᬲ᭄ᬢᬸᬩᭂᬕᬸᬕ᭄ᬩᬸᬤ᭄ᬥᬶᬦᬾ᭞ᬗᭂᬤᭀᬢᬂᬲᭂᬓᬃᬢᬸᬜ᭄ᬚᬸᬂ᭞ᬢᬸᬦᬕᭀᬩᬢᬦᬶᬳᬲᬶ᭠ᬦ᭄᭞ᬧᭀᬗᬄᬦᬕᬶᬄᬜᬸᬫ᭄ᬧᬗᬂ᭞ᬢᭀᬂᬫᬤᬸᬯᬾᬲᬶᬓᬸᬢ᭄᭞ᬫᬩᬸᬤ᭄ᬥᬶᬗᬗ᭄ᬓᬩᬂᬳᬯᬓ᭄᭞ᬩᭀᬗ᭄ᬓᭀᬓ᭄ᬧᭀᬦ᭄ᬤᬮ᭄᭞ᬦᬦᭂᬂᬩᭂ᭠

[᭓᭘ 38A]
᭓᭘
ᬗᭀᬂᬭᬵᬚᬧᬸᬢ᭄ᬭᬶ᭞ᬫᬢᬗᬶᬭᬭᬶᬲ᭄ᬫᬫᬵᬃᬕ᭄ᬕ᭟ᬚᬮᬦ᭄ᬫᬸᬮᬶᬄᬓᬧᬤᬸᬓ᭄ᬯᬦ᭄ᬚᬦᬶ᭞ᬓᬵᬫᬚᬬ᭞ᬤᬾᬦᬶᬂᬲᬸᬩᬍᬫᬄ᭞ᬢ᭄ᬯᬭᬲᬭᬸᬩᬦ᭄ᬕᬮᬗᬾ᭞ᬭᬵᬚᬧᬸᬢ᭄ᬭᬶᬳᬫᬸᬯᬸᬲ᭄᭞ᬲᬾᬗᭂᬄᬭᬶᬂᬓᭂᬦᬶᬧᬧᬶᬭᬶᬂ᭞ᬦᬢᭀᬦᬶᬦᬸᬮᬸᬦ᭄ᬳᬃᬱ᭞ᬓᬧᬶᬦᭂᬄᬭᬶᬂᬓᬬᬸᬦ᭄᭞ᬢᬸᬫᬸᬮᬶᬳᬶ
ᬤᬗᬦ᭄ᬤᬶᬓ᭞ᬓᬵᬫᬚᬬ᭞ᬤᬲᭂᬩᭂᬢ᭄ᬮᬓᬃᬓᬮᬳᬶᬦ᭄᭞ᬳᬸᬮᬶᬚᬦᬶᬬᬂᬫᬫᬶᬦ᭄ᬤᬄ᭟ᬩᬶᬦ᭄ᬫᬦᬶᬬᬂᬮᬓᬃᬧᬬᬸᬫᬸᬮᬶᬄ᭞ᬓᬦᬵᬕᬭ᭞ᬯᬶᬭᬾᬄᬲᬸᬩᬢᭂᬓ᭞ᬳᬸᬮᬶᬧᬸᬭᬶᬧᬫᭂᬦ᭄ᬤᬓᬾ᭞ᬲᬓᬾᬂᬩᬯᭀᬲ᭄ᬲᬂᬧ᭄ᬭᬪᬹ᭞ᬫᬶᬓᭂᬤᭂᬄᬬᬂᬳᬾᬗ᭄ᬕᬮ᭄ᬫᬸᬮᬶᬄ᭞ᬤᬾᬦᬶᬂ᭠
ᬲᬸᬩᬲᭂᬕᭂᬭᬦ᭄᭞ᬚᬮᬦ᭄ᬩᬋᬂᬦᬸᬢᬸᬕ᭄᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬥᬹᬄᬳᬫ᭄ᬧᬸᬭ᭞ᬚᬕᬦᬧᬶᬢᬶᬢ᭄ᬬᬂᬗᬶᬭᬶᬂ᭞ᬓᬤᬶᬳᬸᬮᬫ᭄‌‌ᬬᬦᬸᬧᬫ᭟ᬤᬸᬭᬸᬲ᭄ᬳᬸᬮᬧ᭄ᬢᬶᬢ᭄ᬬᬂᬗᭂᬢᭀᬦ᭄ᬮᬗᬶᬢ᭄᭞ᬧᬢᬶᬕᬩᬕ᭄᭞ᬧᬸᬦᬶᬓᬳᬯᬶᬦᬦ᭄᭞ᬦᬯᭂᬕᬂᬳᬦ᭄ᬢᬸᬓ᭄ᬜᬮᬶᬢᬾ᭞
ᬗᬶᬂᬲᬵᬫ᭄ᬧᬸᬦ᭄ᬳᬶᬯᬂᬲᭂᬗ᭄ᬕᬸᬄ᭞ᬩᭀᬬᬲᬗ᭄ᬓᬦᬶᬂᬢᬦ᭄ᬪᬓ᭄ᬢᬶ᭞ᬧᬫ᭄ᬮᬧᬦ᭄ᬫᬦᬄᬢᬶᬢ᭄ᬬᬂ᭞ᬫᬗ᭄ᬤᬳᬸᬕᬶᬲᬵᬫ᭄ᬧᬸᬦ᭄᭞ᬘᭀᬓᭀᬭᬶᬤᬾᬯᬲᬸᬗ᭄ᬓᬯ᭞ᬧᭀᬮᬶᬄᬳᬾᬭᬂ᭞ᬗᬓ᭄ᬱᬶᬢᬶᬢ᭄ᬬᬂᬍᬦ᭄ᬢᬃᬍᬦ᭄ᬢᬶᬃ᭞ᬢᬦ᭄ᬳᬸᬦᬶᬂᬭᬶᬂᬢᬢᬓ᭄ᬭᬫ᭟ᬫᬲᬓᬲᬾᬧ᭄ᬢᬶᬢ᭄ᬬᬂᬧᬘᬂᬢᬗ᭄ᬓᬶ [ 39 ][᭓᭘ 38B]
᭓᭘
ᬮ᭄᭞ᬫᬫᬋᬓᬦ᭄᭞ᬫᭀᬦ᭄ᬘᭀᬓᭀᬭᬶᬤᬾᬯ᭞ᬓᬦ᭄ᬢᬸᬦ᭄ᬢᬦ᭄ᬫᬋᬦ᭄ᬮᬾᬤᬗᬾ᭞ᬢᬶᬢ᭄ᬬᬂᬪᬓ᭄ᬢᬶᬫᬫᭂᬓᬸᬮ᭄᭞ᬦᬸᬦ᭠ᬲ᭄ᬮᬸᬗ᭄ᬲᬸᬭᬦ᭄ᬲᬲᬳᬶ᭞ᬘᭀᬓᭀᬭᬶᬤᬾᬯᬲ᭄ᬯᬾᬘ᭄ᬙ᭞ᬭᬶᬂᬚᬤ᭄ᬫᬫᬫᭂᬭᬸᬤ᭄᭞ᬭᬸᬫᬲᬢ᭄ᬘᭀᬓᭀᬭᬶᬤᬾᬯ᭞ᬜᬸᬧᬢ᭄ᬢᬶᬢ᭄ᬬᬂ᭞ᬮᬫᬓ᭠
ᬦ᭄ᬓᬦ᭄ᬢᬸᬦ᭄ᬫᬳᬸᬭᬶᬧ᭄᭞ᬗᬗ᭄ᬓᬶᬤᬂᬅᬢ᭄ᬫᬓᬲᬲᬃ᭟ᬤ᭄ᬬᬲ᭄ᬢᬸᬦ᭄ᬢᬶᬢ᭄ᬬᬂᬫᬕᭂᬦᬄᬳᬶᬭᬶᬓᬶ᭞ᬭᬶᬂᬧᬤᬲᬦ᭄᭞ᬳᬤᭀᬄᬧᬓᬦ᭄ᬢᭂ᭠ᬦᬦ᭄᭞ᬦᬵᬗ᭄ᬳᬶᬂᬢᬫ᭄ᬧᭂᬓ᭄ᬤᬶᬫᬦᬳᬾ᭞ᬲᬓ᭄ᬱᬢ᭄ᬭᬶᬂᬧᬸᬭᬶᬳᬕᬸᬂ᭞ᬢᬶᬢ᭄ᬬᬂᬲᬢᬢᬗᭀᬩᭂᬢᬶᬦ᭄᭞ᬓᬬᬸᬦ᭄ᬘᭀᬓᭀᬭᬶᬤᬾᬯ᭞ᬭᬵᬚᬧᬸᬢ᭄ᬭᬶ
ᬗᬸᬦ᭄ᬗᬸᬦ᭄᭞ᬫᬶᬋᬂᬳᬢᬹᬃᬓᬵᬫᬚᬬ᭞ᬗᭂᬮᬤ᭄ᬧ᭄ᬭᬡ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬦᬄᬤᭂᬧᬂᬲᬸᬩᬩᬯᬓᬂ᭟ᬲᬭᬢᬶᬢᬄᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬫᬦᬸᬤᬸᬳᬂ᭞ᬢᭀᬂᬤᬤᬶᬮᬾᬫ᭄ᬧᬲᬂ᭞ᬳᬕᭂᬢᬾᬢᭂᬓᬾᬦ᭄ᬮᬘᬸᬭᬾ᭞ᬳᬲᭂᬫ᭄ᬦᭀᬗᭀᬲ᭄ᬤᬶᬕᬸᬦᬸᬂ᭞ᬢᭂᬓᬾᬦᬸᬬᬳᬾᬤᬶ
ᬧᬲᬶᬄ᭞ᬬᬤᬶᬦ᭄ᬫᭂᬚᭀᬳᭂᬚᭀᬳᬦ᭄᭞ᬧᬫ᭄ᬭᬕᬢ᭄ᬓᬢᭂᬫᬸ᭞ᬤᬶᬧᬲᭀᬦᬾᬬᬦ᭄ᬗᬭᬸᬚᬓ᭄᭞ᬓᬵᬮᬗᬶᬤᬫ᭄᭞ᬫᬸᬮᬳᬸᬩᬤ᭄ᬳᬦᬓ᭄ᬩᭂᬮᬶᬂ᭞ᬓᬾᬢᭀᬲᬚᬓᬵᬫᬚᬬ᭟ᬓᬤᬶᬧᬜ᭄ᬚᬂᬩᬩᬯᭀᬲ᭄ᬲᬂᬓᬵᬮᬶᬄ᭞ᬲᬶᬮᬶᬄᬳᬮᬧ᭄᭞ᬲᬫ᭄ᬩᬶᬮᬂᬫᬫᬵᬃᬕ᭄ᬕ᭞

[᭓᭙ 39A]
᭓᭙
ᬓᬩᬢᭂᬓ᭄ᬮᬸᬮᬸᬢ᭄ᬳᬲᬶᬳᬾ᭞ᬢᬫ᭄ᬩᬾᬲᬓᬤᬶᬓᭂᬢᬸᬲ᭄᭞ᬓᬬᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬦᬸᬫᭀᬦᬂᬓᬵᬫᬚᬬ᭞ᬲᬕᬾ᭠ᬢ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬤᬸᬓ᭄ᬯᬦ᭄‌‌ᬲᬵᬫ᭄ᬧᬸᬦ᭄ᬤᬩ᭄ᬤᬩ᭄᭞ᬲᬂᬫᬫᭂᬦ᭄ᬤᬓ᭄᭞ᬦᬸᬮᬶᬳᬶᬤᬭᬵᬚᬧᬸᬢ᭄ᬭᬶ᭞ᬫᬢᬶᬃᬢ᭄ᬣᬫᬚᬬᬚᬬ᭟ᬓᬵᬮᬯᭂᬗᬶᬓᬘ᭠
ᬭᬶᬢᬫᬗ᭄ᬓᬶᬦ᭄᭞ᬭᬶᬂᬧᬤᬸᬓ᭄ᬯᬦ᭄᭞ᬲᭂᬤᭂᬓ᭄ᬫᬧᬭᬸᬫᬦ᭄᭞ᬓᭀᬘᬧ᭄ᬭᬶᬂᬩᬮᬾᬳᬕᭃᬗᬾ᭞ᬚ᭄ᬭᭀᬤᬸᬓᬸᬄᬮᬦᬂᬯᬥᬹ᭞ᬲᬋᬂᬤᬦᬾᬫᬥᬾᬯᬢᬶ᭞ᬭᬵᬚᬧᬸᬢ᭄ᬭᬶᬓᬵᬢᬸᬭᬦ᭄᭞ᬲᬋᬂᬢᬍᬃᬧᬭᬹᬫ᭄᭞ᬫᬶᬦᬓᬵᬤᬶᬓᬵᬫᬚᬬ᭞ᬫᬥᬾᬲᭂᬓᬃ᭞ᬫᬾᬦ᭄ᬧ᭄ᬭᭀᬤᭀᬂᬮ᭠
ᬦ᭄ᬜᭀᬫᬦ᭄ᬲᬭᬶ᭞ᬫᬾᬦ᭄ᬲᬗ᭄ᬓᭀᬮ᭄ᬦᬗ᭄ᬓᬶᬮ᭄ᬧ᭄ᬭᬦᬫ᭄ᬬ᭞ᬭᬾᬜ᭄ᬘᬂᬭᭀᬩᬦ᭄ᬧᬤᬸᬓ᭄ᬯᬦ᭄ᬲᬫᬶ᭞ᬫᬢᬗ᭄ᬓᬶᬮᬦ᭄᭞ᬭᬹᬧᬓᬤᬶᬩᬸᬯᬢ᭄᭞ᬤᬸᬓ᭄ᬧᬸᬦᬶᬓᬧᬭᬸᬫᬦᬾ᭞ᬫᬥᬾᬯᬢᬶᬳᬸᬫᬵᬢᬹᬃ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬯᭂᬕᬂ᭞ᬫᬵᬢᬹᬃᬭᬶᬂᬥᬂᬕᬸᬭᬸ᭞ᬫᬓᬵ
ᬤᬶᬢᬍᬃᬭᬶᬂᬩᬶᬬᬂ᭞ᬦᬸᬦᬲ᭄ᬮᬸᬕ᭄ᬭ᭞ᬦᬾᬩᬾᬜ᭄ᬚᬂᬢᬶᬢ᭄ᬬᬂᬫᬧᬫᬶᬢ᭄᭞ᬗᬶᬭᬶᬂᬲᬂᬫᬡᬶᬓᬶᬂᬧᬸᬭ‌‌᭟ᬤᬾᬦᬶᬂᬲᬵᬫ᭄ᬧᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬭᬹᬧᬓᬾᬦᬓ᭄᭞ᬧᬘᬂᬳᬶᬭᬶᬂᬢᬶᬢ᭄ᬬᬂ᭞ᬫᬦ᭄ᬢᬸᬓ᭄ᬓᬧᬸᬭᬶᬲᬭᬦᬾ᭞ᬧᬫᭂᬦ᭄ᬤᬓ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬂᬬᭀᬕᬶᬗᬦ᭄ᬤᬶᬓᬳᬭᬶᬲ᭄᭞ᬦᬄ [ 40 ][᭓᭙ 39B]
᭓᭙
ᬓᬾᬘᭂᬦᬶᬂᬫᬚᬮᬦ᭄᭞ᬳᬶᬭᬶᬂᬳᬶᬤᬫᬦ᭄ᬢᬸᬓ᭄᭞ᬭᬵᬚᬧᬸᬢ᭄ᬭᬶᬜᭂᬮᬕ᭄ᬦᬶᬫ᭄ᬩᬮ᭄᭞ᬲᬤᬩᬦ᭄ᬩᬦ᭄᭞ᬳᬶᬗ᭄ᬕᬶᬄᬧᭂᬓᬓ᭄ᬓᬵᬮᬶᬄᬦᬶᬦᬶ᭞ᬓᬾᬦᬓᬂᬢᬶᬬᬂᬫᬫᬶᬦ᭄ᬤᬄ᭟ᬩᬾᬜ᭄ᬚᬂᬲᭂᬫᭂᬂᬫᬢᬸᬮᬓ᭄ᬓᬧᬸᬭᬶ᭞ᬧᬮᬶᬫᬸᬦᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄᭞ᬫᬘᬧ᭄ᬘᬧ᭄ᬢᭀᬬᬦᬓ᭄ᬱᬶᬦᬾ᭞
ᬤᬸᬭᬸᬲᬂᬭᬢᬸᬫᬦ᭄ᬢᬸᬓ᭄᭞ᬫᬫᬵᬃᬕ᭄ᬕᬶᬧᬂᬩᭂᬘᬶᬓ᭄ᬩᭂᬘᬶᬓ᭄᭞ᬫᬤᬓ᭄ᬘᭀᬓᭀᬭᬶᬤᬾᬯ᭞ᬫᬭᬶᬂᬧᬸᬭᬶᬳᬕᬸᬂ᭞ᬭᬳᬚᭂᬂᬢᬹᬃᬧᬜ᭄ᬚᬂᬬᬸᬱ᭞ᬳᬶᬭᬶᬂᬢᬶᬢ᭄ᬬᬂ᭞ᬫᬥᬾᬯᬢᬶᬦᬶᬫ᭄ᬩᬮ᭄ᬫᬮᬶᬄ᭞ᬗᬦ᭄ᬤᬶᬓᬭᬶᬂᬓᬵᬫᬚᬬ᭟ᬥᬹᬄᬦᬦᬓ᭄ᬫᬾᬫᬾᬫᬫᬶᬦ᭄ᬤᬄᬚᬦᬶ᭞ᬮᬓᬃᬮᬸᬯᬲ᭄᭞ᬫᬦᬶᬧᬲᭂᬫᭂ
ᬗᬦ᭄᭞ᬗᬶᬭᬶᬗᬂᬕᬸᬲ᭄ᬢᬶᬦ᭄ᬘᭂᬦᬶᬗᬾ᭞ᬫᬦ᭄ᬢᬸᬓ᭄ᬓᬧᬸᬭᬶᬳᬕᬸᬂ᭞ᬦᬄᬳᬶᬭᬶᬂᬳᬦᬓᬾᬮᬶᬗ᭄ᬲᬶᬃ᭞ᬤᬶᬧᬤᬸᬓ᭄ᬯᬦ᭄ᬧᬕᭂᬳᬂ᭞ᬢᬸᬲᬶᬂᬜᬦ᭄ᬤᬂᬦᬸᬢᬸᬕ᭄᭞ᬳᬧᬂᬢ᭄ᬯᬭᬗᬤᬸᬯᬸᬗᬦ᭄᭞ᬤᬦᬾᬚᬸᬫᬄ᭞ᬓᬶᬢᬓ᭄ᬓᬶᬢᬸᬓ᭄ᬲᬋᬂᬓᬵᬮᬶᬄ᭞ᬜᭂᬮ᭄ᬲᭂᬮ᭄ᬭᬕᬢᬦᬶᬩᬕ᭄ᬬ᭟ᬳᭀᬓᬧᬸᬢᬸᬫᬓᭂᬚᬂ᭠
ᬫᬕᭂᬤᬶ᭞ᬢᬦ᭄ᬢᭀᬮᬶᬳᬦ᭄᭞ᬓᬵᬫᬚᬬᬦᬶᬫ᭄ᬩᬮ᭄᭞ᬢᬦ᭄ᬲᬶᬫ᭄ᬧᬂᬩᬯᭀᬲ᭄ᬩᬶᬩᬶᬦᬾ᭞ᬬᬦ᭄ᬢᬶᬢ᭄ᬬᬂᬲᬋᬂᬗᬗ᭄ᬕᬸᬃ᭞ᬓᬤᬶᬳᬦᬓ᭄ᬯᬶᬃᬬ᭄ᬬᬕᬢᬶ᭞ᬢᬦ᭄ᬳᬸᬦᬶᬂᬫᬢᬶᬍᬲᬂ᭞ᬭᬶᬂᬫᬤᬾᬯᬾᬓ᭄ᬮᬘᬸᬭ᭄᭞ᬫᬥᬾᬯᬢᬶᬫᬦ᭄ᬢᭂᬕ᭄ᬯᬶᬚᬂ᭞ᬳᬕᬾᬦᬶᬫ᭄ᬩᬮ᭄᭞ᬓᬸᬤᬫᬶᬭᬶᬩ᭄ᬲᬮᬄᬢᬫ᭄ᬧᬶ᭞

[᭔᭐ 40A]
᭔᭐
ᬗᬤᬾᬦ᭄ᬫᬾᬫᬾᬢᬸᬦᬢᬺᬱ᭄ᬡᬵ᭟ᬫᬗ᭄ᬤᭀᬄᬫᬾᬫᬾᬮᬓᬃᬤᬤᬶᬳᬢᬶ᭞ᬗ᭄ᬲᬧ᭄ᬫᬧ᭄ᬬᬦᬓ᭄᭞ᬦᬦᬓ᭄ᬓᬵᬫᬚᬬ᭞ᬤᭀᬂᬮ᭠ᬦ᭄ᬢᬗᬂᬧᬧᬶᬦᭂᬳᬾ᭞ᬤᬧᭂᬲᬦ᭄ᬲᬮᬄᬲᭂᬗ᭄ᬕᬸᬄ᭞ᬗᬤᬾᬦ᭄ᬳᬯᬓ᭄ᬢᬦ᭄ᬧᬳᬚᬶ᭞ᬫᬾᬫᬾᬧᬵᬢᬹᬢ᭄ᬜᬶᬗ᭄ᬕᬶᬳᬂ᭞ᬜᬬᬗᬂᬲᬢᬸᬯᬸᬓ᭄᭞ᬲᭀᬢᬦᬶᬂᬫ᭠
ᬓᬧᭀᬦᬓᬦ᭄᭞ᬢ᭄ᬯᬭᬪᬶᬦ᭞ᬢᬺᬱ᭄ᬡᬵᬦ᭄ᬫᬾᬫᬾᬦᭂᬓᬾᬗ᭄ᬳᬢᬶ᭞ᬢ᭄ᬯᬭᬮᬓᬃᬫᬮᬾᬩᬗᬦ᭄᭟ᬩᬸᬓᬳᬧᬮᬘᬸᬃᬦᬦᬓ᭄ᬤᬶᬦᬶ᭞ᬤᬶᬧᬤᬸᬓ᭄ᬯᬦ᭄᭞ᬫᬾᬫᬾᬜᬤ᭄ᬬᬦᬢᬓ᭄᭞ᬗᬸᬓᬸᬳᬂᬧᬍᬓᬤᬦᬾ᭞ᬗᬦ᭄ᬤᬶᬓᬤᬸᬓᬸᬄᬯᬥᬹ᭞ᬤᭀᬂᬗᬸᬤᬩᬲ᭄ᬮᬦ᭄ᬢᬂᬕᬢᬶ᭞ᬦᬸᬢᬸᬭᬶᬦ᭄ᬓ
ᬫᬚᬬ᭞ᬫᬶᬭᬶᬩ᭄ᬘᭂᬦᬶᬂᬢᬦ᭄ᬤ᭄ᬭᬸᬄ᭞ᬩᬦ᭄‌ᬢᬺᬱ᭄ᬡᬵᬦᬾᬫᬭᬭᬫ᭞ᬓᬵᬫᬚᬬ᭞ᬲᭂᬩᭂᬢ᭄‌ᬬᬮᬓᬃᬕᭂᬤᬶᬦᬶᬦ᭄᭞ᬜᬭᬾᬦ᭄ᬘᭂᬦᬶᬂᬢᭀᬂᬚᬗ᭄ᬓᬬᬦ᭄᭟ᬓᬵᬫᬚᬬᬫᭂᬧᭂᬲ᭄ᬫᬵᬢᬹᬃᬲᬶᬲᬶᬧ᭄᭞ᬥᬹᬄᬳᬫ᭄ᬧᬸᬭ᭞ᬲᬵᬫ᭄ᬧᬸᬦ᭄ᬩᬶᬩᬶᬤᬸᬓᬵ᭞ᬧᬾᬢ᭄ᬳᬶᬯᬂᬳᬢᬹᬃᬢᬶᬢ᭄ᬬᬗᬾ᭞ᬩᭀᬬ
ᬲᬗ᭄ᬓᬦᬶᬂᬗᬕᬸ᭞ᬧ᭄ᬭᬲᬗ᭄ᬕᬧᬸᬭᬸᬦ᭄ᬭᬶᬂᬩᬶᬩᬶ᭞ᬳᬢᬸᬭᬾᬧᬧᭀᬚᭀᬮᬦ᭄᭞ᬢᬫ᭄ᬩᭂᬢᬾᬓᬮᬗ᭄ᬓᬸᬂ᭞ᬫᬲᬢᬶᬢ᭄ᬬᬂᬫᬦ᭠ᬫ᭄ᬧᭀᬓᬂ᭞ᬩᬶᬩᬶᬲ᭄ᬯᬾᬘ᭄ᬙ᭞ᬫᬗ᭄ᬤᭀᬄᬢᬶᬢ᭄ᬬᬂᬢᬸᬦᬪᬓ᭄ᬢᬶ᭞ᬭᬶᬂᬲᬦᬾᬧᬵᬢᬹᬢ᭄ᬜᬬᬗᬂ᭟ᬳᬕᭂᬢ᭄ᬮᬘᬸᬭᬾᬭᬶᬂᬢᬫᬦ᭄ᬩᬮᬶ᭞ᬩᭀᬬᬮᬶ [ 41 ][᭔᭐ 40B]
᭔᭐
ᬬᬦ᭄᭞ᬦᬾᬧᬵᬢᬹᬢ᭄ᬦᬩ᭄ᬤᬩᬂ᭞ᬓᬤᬶᬯᬘᬦᬦ᭄ᬩᬶᬩᬶᬦᬾ᭞ᬲᬯᬶᬭᬾᬄᬢᬶᬢ᭄ᬬᬂᬳᬸᬩᬸᬄ᭞ᬩᬶᬩᬶᬦᬾᬧᬵᬢᬹᬢ᭄ᬗᬸᬩᬸᬳᬶᬦ᭄᭞ᬜᬦ᭄ᬤᬂᬲᬸᬗ᭄ᬓᬦᬶᬦ᭄ᬢᬶᬢ᭄ᬬᬂ᭞ᬗᬦ᭄ᬤᬶᬓᬥᬂᬕᬸᬭᬸ᭞ᬳᬭᬄᬩᬲ᭄ᬮᬦ᭄ᬢᬂᬫᬮᬾᬫ᭄ᬩᬤ᭄᭞ᬫᬭᬭᬲᬦ᭄᭞ᬫᭂᬮᬄᬤᬩ᭄ᬤᬩᬂᬦᬾᬚᬦᬶ᭞ᬳᬸᬦ᭄ᬤᬸᬓᬾᬦᬾᬫ᭠
ᬦᬶᬲᭂᬫᭂᬗᬦ᭄᭟ᬓᬵᬫᬚᬬᬤᭂᬧᬂᬢ᭄ᬯᬭᬗᬶᬭᬶᬂ᭞ᬦᭀᬗᭀᬲ᭄ᬚᬸᬫᬄ᭞ᬓᬾᬯᬮᬲᭂᬗ᭄ᬕᬗᬦ᭄᭞ᬫᬸᬧᬸᬲᬸᬩᬤᬶᬘᬭᬶᬓᬾ᭞ᬲᬶᬦᬄᬮᬓᬭᬦ᭄ᬧᬬᬸ᭞ᬜᭂᬮᬧᬂᬢᬗ᭄ᬓᬶᬮ᭄ᬓᬧᬸᬭᬶ᭞ᬫᬥᬾᬯᬢᬶᬜᬕᭂᬭᬂ᭞ᬓᬵᬫᬚᬬᬗᬸᬦ᭄ᬢᬸᬮ᭄᭞ᬭᬾᬜ᭄ᬘᬂᬭᭀᬩᬦ᭄ᬫᬓᬶᬍᬲᬦ᭄᭞ᬢᬹᬃᬦᬩ᭄ᬤᬩᬂ᭞
ᬭᬭᬧᬦ᭄ᬚᬕᬓᬧᬸᬭᬶ᭞ᬨᬮᬕᬦ᭄ᬢᬸᬂᬨᬮᬩᬸᬗ᭄ᬓᬄ᭟ᬩᬾᬜ᭄ᬚᬂᬲᭂᬫᭂᬂᬓᬘᬭᬶᬢᬫᬮᬶᬄ᭞ᬭᬶᬂᬧᬤᬸᬓ᭄ᬯᬦ᭄᭞ᬲᬵᬫ᭄ᬧᬸᬦ᭄ᬫᬤᬩ᭄ᬤᬩᬦ᭄᭞ᬋᬫ᭄ᬩᬢ᭄ᬮᬦ᭄‌‌ᬢ᭄ᬮᭂᬫ᭄ᬧᭂᬓ᭄ᬫᬫᬲᬾ᭞ᬭᬵᬚᬧᬸᬢ᭄ᬭᬶᬳᬸᬫᬦ᭄ᬢᬸᬓ᭄᭞ᬲᬬᬕᬲᬵᬫ᭄ᬧᬸᬦ᭄ᬲᬂᬗᬶᬭᬶᬂ᭞ᬧᬜ᭄ᬚᬓᬾᬩᬩᬦ᭄ᬢᬾᬭᬦ᭄᭞ᬓᬧᬶᬲᬭ᭠
ᬫᬸᬦ᭄ᬤᬸᬢ᭄᭞ᬫᬥᬾᬯᬢᬶᬲᬳᬲᭂᬫ᭄ᬩᬄ᭞ᬦᬸᬦᬲ᭄ᬮᬸᬕ᭄ᬭ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬗᬶᬭᬶᬂᬲᬂᬫᬡᬶᬓᬶᬂᬧᬸᬭ᭟ᬲᬓ᭄ᬱᬡᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬲᬕᭂᬋᬳᬦ᭄᭞ᬲᬳᬧᬘᬦᬗᬦ᭄᭞ᬲᭀᬧᬘᬭᬓᬵᬕᬸᬗᬦᬾ᭞ᬭᬶᬂᬲᬫ᭄ᬧᬶᬂᬢᭂᬤᬸᬂᬳᬕᬸᬂ᭞ᬫᬥᬾ

[᭔᭑ 41A]
᭔᭑
ᬲᭂᬓᬃᬜᭀᬫᬦ᭄ᬲᬭᬶ᭞ᬢᭀᬂᬮᭀᬕᬲ᭄ᬫᬢᬶᬦ᭄ᬤᬓᬦ᭄᭞ᬓᬵᬭᬶᬗᬦ᭄ᬢᬸᬦᬦ᭄ᬢᬸᬦ᭄᭞ᬢᭀᬮᬄᬢᭀᬮᬶᬄᬳᬸᬮᬧᬸᬮᬧ᭄᭞ᬓᬵᬫᬚᬬᬓᬤᬶᬩᭂᬤᬓᬾᬲᬸᬕᬶᬦᬶᬦ᭄᭞ᬩᭂᬗᭀᬂᬲᬫ᭄ᬩᬶᬮᬂᬫᬲᬤᬄ᭟ᬜᭂᬮ᭄ᬲᭂᬮ᭄ᬭᬕᬫᬧᬗᭂᬦᬦ᭄ᬲᭂᬤᬶᬄ᭞ᬩᭂᬗᭀᬂᬜᭀᬧᬓ᭄᭞ᬗᬶ᭠
ᬮᬶᬗᬶᬦ᭄ᬲᬂᬮᬸᬗ᭄ᬳ᭞ᬓᭂᬮᬧ᭄ᬓᭂᬮᬧ᭄ᬭᬶᬂᬫᬵᬃᬕ᭄ᬕᬶᬦᬾ᭞ᬓᬵᬫᬚᬬᬤᬲ᭄ᬮᬩᬸᬄ᭞ᬯᬯᬸᬳᬢᬶᬦ᭄ᬤᬓ᭄ᬫᬓᬶᬭᬶᬕ᭄᭞ᬭᬭᬫ᭄ᬩᬗᬦᬾᬲᬯᬢ᭄᭞ᬭᬱᬢᬦ᭄ᬧᬩᬬᬸ᭞ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬧᬸᬧᬸᬢᬂ᭞ᬓᬤᬶᬦᬶᬓ᭞ᬩᬾᬜ᭄ᬚᬗᬦ᭄ᬫᬮᬶᬄᬢᬫ᭄ᬩᬾᬦᬶᬦ᭄᭞ᬬᬦᬶᬂᬳᬶᬤᬤᬦᬾᬳᬃᬱ᭛᭜᭛
ᬳᬶᬤᬤᬦᬾᬲᬫᬶᬲᬂᬫᬓᬬᬸᬦ᭄᭞ᬗᬃᬱᬾᬦ᭄ᬮᬦ᭄ᬢᬸᬭᬦᬾ᭞ᬓᬢᬢ᭄ᬯᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬧᭂᬘᬓ᭄ᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄᭞ᬗᬢᬸᬭᬂᬦᬾᬓᬧᬶᬂᬓᬸᬢᬸᬲ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬘᬦ᭄ᬢᬸᬂᬋᬓᬾ᭞ᬧᬗᬯᬶᬦᬾᬓᬶᬭᬂᬮᬗ᭄ᬓᬸᬂ᭞ᬲᬓᬾᬂᬢᬶᬢ᭄ᬬᬂᬓᬢᬸᬦᬬᬦ᭄᭞ᬧᭀᬗᬄᬚ᭄ᬯᬭᬶᬓᬕᬸᬬᭀᬦᬦ᭄᭞ᬤᭀᬄ
ᬧᬭᬧᬘᬂᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄᭞ᬲᬯᬶᬭᬾᬄᬢᬫ᭄ᬩᭂᬢᬾ᭞ᬗᬤᬸᬧᭀᬗᬄᬫᬩᭂᬢ᭄ᬭᬶᬭᬶᬄ᭞ᬕᬸᬫᬦ᭄ᬢᬶᬢᬶᬢ᭄ᬬᬂᬚᬸᬕᬸᬮ᭄᭞ᬳᬢᬸᬭᬾᬲᬓᬤᬶᬮᬸᬘᬸ᭞ᬗᬸᬦᬶᬗᬂᬭᬶᬂᬳᬶᬤᬤᬦᬾ᭞ᬓᬤ᭄ᬬᬗ᭄ᬕᬦᬶᬂᬗᬾᬩᬢ᭄ᬘᬧᬸᬂ᭞ᬳᬓᬾᬳᬦ᭄ᬩᬾᬬᬳᬸᬧᬫ᭞ᬦᬵᬗ᭄ᬳᬶᬂᬩᬗ᭄ᬓᬶᬢ᭄ᬦᬾᬩᭀᬩᭀ [ 42 ][᭔᭑ 41B]
᭔᭑
ᬢᬂ᭞ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬂᬫᬦ᭄ᬢᬸᬓ᭄ᬓᬕᬾᬮ᭄ᬕᬾᬮ᭄᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬢᬸᬮᬓ᭄ᬓᬧᬸᬭᬶᬳᬕᬸᬂ᭞ᬓᬵᬫᬚᬬᬲᭂᬤᬶᬄᬗᬸᬦ᭄ᬗᬸᬦ᭄᭞ᬫᬧᬗᭂᬦᬦ᭄ᬜᭂᬮ᭄ᬲᭂᬮ᭄ᬤᬾᬯᬾᬓ᭄᭞ᬢᬦᬶᬩᬕ᭄ᬬᬫᭂᬭᬄᬫᭂᬭᬸᬄ᭞ᬮᬶᬧᬸᬭᬂᬢᭀᬂᬤᬤᬶᬧᬹᬃᬡ᭄ᬦ᭞ᬓᬲᬸᬲᬸᬧᬦ᭄ᬧᬜ᭄ᬘᬾ
ᬦ᭄ᬤ᭄ᬭᬶᬬ᭟ᬲᬶᬂᬲᬶᬂᬚᬮᬦ᭄ᬦᭂᬕᬓ᭄ᬗᭂᬮᬸᬢ᭄ᬳᭂᬦ᭄ᬢᬸᬤ᭄᭞ᬲᬯᬢ᭄ᬧᬮᬶᬬᬢᬾ᭞ᬩᭂᬗᭀᬂᬩᭂᬗᭀᬂᬦᭂᬍᬂᬮᬗᬶᬢ᭄᭞ᬢᬦ᭄ᬪᬶᬦᬳᬦᬓ᭄ᬩᬸᬤᬸᬄ᭞ᬧᬧᬶᬦᭂᬳᬾᬲᬬᬦ᭄ᬩᬶᬗᬸᬢ᭄᭞ᬲᬓᬾᬂᬲᭂᬫᭂᬂᬚᬦ᭄ᬢᭀᬲ᭄ᬲᭀᬭᬾ᭞ᬭᬶᬂᬓᬸᬩᬸᬦᬾᬩᬩᬃᬜᬗ᭄ᬓ᭄ᬭᬸᬂ᭞ᬢᬦ᭄ᬲᬄᬳᬾᬮᬶᬂᬭᬶᬂᬲᬂᬮᬸᬗ᭄ᬳ᭞ᬭᬵᬚᬧᬸᬢ᭄ᬭᬶᬲ᭄ᬯᬾ
ᬘ᭄ᬙᬧᬸᬭ᭟ᬢᬦ᭄ᬧᬾᬦ᭄ᬤᬄᬓᬤᬶᬳ᭄ᬬᬂᬕᬶᬭᬶᬯᬥᬹ᭞ᬭᬱᬓᬳᬬᭀᬦᬾ᭞ᬗᬲᭀᬭᬂᬲᬩᬢᬦ᭄ᬮᬗᬶᬢ᭄᭞ᬓᬲ᭄ᬫᬭᬦ᭄ᬲᬂᬳᬸᬮᬗᬸᬦ᭄᭞ᬫᬢᭂᬫᬳᬦᬲᬶᬄᬮᬸᬮᬸᬢ᭄᭞ᬓᬵᬫᬚᬬᬫᬦᬸᬮᬫᬾ᭞ᬲᬂᬓᬵᬮᬶᬄᬫᬸᬲ᭄ᬢᬶᬓᬾᬂᬓᬬᬸᬦ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬭᬾᬄᬧᭀ᭠
ᬮᬶᬄᬳᬯᭀᬃᬲᬭᬕ᭟ᬳᬮᬫᬮᬫ᭄ᬓᬵᬫᬚᬬᬓᬦ᭄ᬢᬸᬦ᭄᭞ᬤᬾᬦᬶᬂᬳᬸᬮᬗᬸᬦᬾ᭞ᬲᬩ᭄ᬭᬦ᭄ᬳᬾᬮᬶᬂᬭᬶᬂᬲᬂᬓᬵᬮᬶᬄ᭞ᬲᬤ᭠ᬯᭂᬕᬾᬭᬶᬂᬓᬸᬩᬸ᭞ᬓᬮᬗᭂᬦ᭄ᬗᬶᬮᬶᬢᬂᬧᬸᬧᬸ᭞ᬗᬸᬮᬸᬭᬶᬦ᭄ᬮᭂᬕᬦᬶᬥᭂᬧᬾ᭞ᬦᬶᬓᬓᬳᬾᬮᬶᬗᬂᬓᬦ᭄ᬢᬸᬦ᭄᭞ᬫᬕᭂᬮᬸᬢ᭄ᬫᬕᬍᬂᬮᬶᬫ᭞ᬜᭂᬧᬸᬓᬂᬘᬸ

[᭔᭒ 42A]
᭔᭒
ᬫ᭄ᬩ᭄ᬯᬦᬭᬱ᭟ᬭᬶᬂᬧᬫᬺᬫᬦ᭄ᬧᭀᬮᬶᬄᬲᬮᬶᬂᬭᬸᬫ᭄ᬭᬸᬫ᭄᭞ᬓᬤ᭄ᬬᬗ᭄ᬕᬦᬶᬂᬋᬓᬾ᭞ᬢᬸᬫ᭄ᬮᬶᬮᬶᬗᬦ᭄ᬗᭂᬲᭂᬧ᭄ᬲᬵᬭᬶ᭞ᬗᬸᬮᬢᬶᬕᭂᬦ᭄ᬤᬶᬲ᭄ᬫᬥᬹ᭞ᬢᭀᬂᬮᭀᬕᬲ᭄ᬫᬮᬶᬄᬫᬓᭂᬩᬸᬃ᭞ᬳᬸᬮᬗᬸᬦ᭄ᬳᬦ᭄ᬢᬸᬓ᭄ᬫᬶᬳᬶᬓᬾ᭞ᬓᬤᬸᬓ᭄ᬗᭂᬮᬦ᭄ᬢᬶᬂᬗᬢᭂᬓᬸᬮ᭄᭞ᬜᬢᬸᬍᬕᬫᬓᬭᭀᬦᬦ᭄᭞ᬓᬸᬤ᭄ᬬᬂᬚᬕᬫᬫᬲ᭠
ᬳᬂ᭞ᬩᬸᬤᬸᬄᬧᬮᬶᬂᬓᬵᬫᬚᬬᬮᬶᬂᬮᬸᬂ᭞ᬜᬶᬗᬓ᭄ᬓᬳᬬᭀᬦᬾ᭞ᬲᬂᬤᬶᬬᬄᬫᬡᬶᬓᬶᬂᬧᬸᬭᬶ᭞ᬭᬱᬳᬯᭀᬃᬲᬮᬸᬮᬸᬢ᭄᭞ᬧᬹᬃᬡ᭄ᬦᬬᬂᬢᭀᬂᬤᬤᬶᬮᬶᬧᬹᬃ᭞ᬧᬗᭂᬦ᭄ᬤᬦ᭄ᬳᬲᬶᬄᬮᬸᬮᬸᬢᬾ᭞ᬩᬶᬦ᭄ᬧᬶᬤᬦ᭄ᬫᬮᬶᬄᬓᬧᬸᬗ᭄ᬓᬸᬃ᭞ᬭᬵᬚᬧᬸᬢ᭄ᬭᬶᬤᬾᬯᬵᬬᬸᬫᬵᬲ᭄᭞ᬧᬦᬸᬮᬫᬾᬦ᭄ᬓᬵᬫᬚᬬ᭟᭠
ᬩᬶᬮᬶᬄᬲᬶᬄᬢᬶᬢ᭄ᬬᬂᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬬᬦ᭄ᬭᬢᬸᬧ᭄ᬭᬤᬾᬦᬾ᭞ᬮᬮᬶᬲ᭄ᬢᬦ᭄ᬓᭀᬩᭂᬃᬜᬶᬗᬓᬶᬦ᭄᭞ᬢᬶᬢ᭄ᬬᬂᬓᬯᬸᬮᬤᬸᬲᬸ᭠ᬦ᭄᭞ᬦᬧᬶᬳᬗᭂᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬓᬮᬭᬳᬸᬭᬶᬧᬾ᭞ᬤᬸᬭᬸᬲᬂᬳᬸᬕᬶᬤᬾᬯᬵᬕᬸᬂ᭞ᬜᬸᬧᬢ᭄ᬳᬢ᭄ᬫᬦᬾᬓᬲᬲᬃ᭟ᬢᬶᬢ᭄ᬬᬂᬪᬓ᭄ᬢᬶᬫᬫᬋᬓ
ᬦ᭄᭟ᬬᬤᬶᬦ᭄ᬧᬶᬂᬲᬧ᭄ᬢᬬᭀᬕ᭄ᬬᬢᬸᬫᬸᬯᬸᬄ᭞ᬤᬸᬫᬤᬓ᭄ᬤᬶᬳᬕᬾ᭞ᬗᭂᬩᬸᬓ᭄ᬘᭀᬓᭀᬭᬶᬂᬫᬵᬲ᭄ᬫᬡᬶᬓ᭄᭞ᬜᬤ᭄ᬬᬯᬦ᭄ᬢᬄᬫᬫᭂᬓᬸᬮ᭄᭞ᬦᬸᬦᬲ᭄ᬮᬸᬗ᭄ᬲᬸᬭᬦ᭄ᬲᬢᬸᬯᬸᬓ᭄᭞ᬫᬫᬋᬓᬦ᭄ᬲᭂᬮᬶᬤ᭄ᬲᭀᬭᬾ᭞ᬫᬗ᭄ᬤᬢᬶᬢ᭄ᬬᬂᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬲᬗ᭄ᬲᬭᬢᬶᬗ᭄ᬕᬮ᭄‌‌ᬭᬭᬫ᭞ᬬᬦ᭄ᬢᬦ᭄ [ 43 ][᭔᭒ 42B]
᭔᭒
ᬲ᭄ᬯᬾᬘ᭄ᬙᬅᬢ᭄ᬫᬚᬶᬯ᭟ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬳᬸᬩᬸᬄ᭞ᬢᬦ᭄ᬧᬩᬧᬫᬾᬫᬾ᭞ᬓᬤ᭄ᬬᬗ᭄ᬕᬦᬶᬂᬧᬶᬢᬶᬓ᭄ᬩᭂᬗᬶᬮ᭄᭞ᬢᬦ᭄ᬧᭀᬭᬢ᭄ᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬢᬶᬗ᭄ᬕᬮ᭄ᬳᬶᬦᬮᬶᬗᬓ᭄ᬮᬶᬗᬸᬓ᭄᭞ᬫᬾᬄᬧᬥᭂᬫ᭄ᬳᬦ᭄ᬢᬸᬓ᭄ᬳᬮᬶᬢᬾ᭞ᬫᬫᭂᬲᬦ᭄‌‌ᬤᬸᬭᬸᬲ᭄ᬗᬮᬮᬸ᭞ᬩᭂᬭᬕᬭᬶᬕ᭄ᬢᬦ᭄ᬧᬦᭂᬥ᭞ᬲᬧᬲᬶᬭᬧᬘᬂ
ᬳᭀᬮᬲ᭄᭟ᬫᬤᬓ᭄ᬮᬾᬤᬂᬥᬹᬄᬭᬢᬸᬤᬾᬯᬵᬕᬸᬂ᭞ᬭᬶᬂᬤᬾᬯᬾᬓ᭄ᬢᬶᬢ᭄ᬬᬂᬗᬾ᭞ᬧᬗ᭄ᬓᬄᬦᬕᬶᬄᬜᬸᬚᬸᬄᬮᬗᬶᬢ᭄᭞ᬤᬸᬭᬸ᭠ᬲ᭄ᬢᬶᬢ᭄ᬬᬂᬫᬘᭂᬩᬸᬕ᭄᭞ᬮᬩᬸᬄᬢᬦ᭄ᬳᬸᬦᬶᬂᬭᬶᬂᬧᬵᬢᬹᬢ᭄᭞ᬫᬫᭂᬭᬸᬤ᭄ᬳᬦ᭄ᬢᬸᬓ᭄ᬧᭀᬗᬳᬾ᭞ᬜᬶᬘᬶᬂᬲᬶᬗᬮ᭄ᬫᬫ᭄ᬪᭃᬓ᭄ᬩᭂᬕᬸᬕ᭄᭞ᬲᬵᬦ᭄ᬢᬸᬓᬦ᭄ᬘᭀᬓᭀᬭᬶ᭠
ᬤᬾᬯ᭞ᬜᬬᬗᬂᬗᬗ᭄ᬕᬾᬦ᭄ᬧᬋᬓᬦ᭄᭟ᬳᬯᬶᬦᬦ᭄ᬢᬶᬢ᭄ᬬᬂᬫᬫᬦᬄᬧᬸᬭᬸᬦ᭄᭞ᬧ᭄ᬭᬲᬗ᭄ᬕᬩᬸᬤ᭄ᬥᬶᬦᬾ᭞ᬗᭀᬤᬲᬗ᭄ᬓᬦᬶᬂᬲᬸᬪ᭠ᬓ᭄ᬢᬶ᭞ᬫᬫᬋᬓᬦ᭄ᬫᬫᭂᬓᬸᬮ᭄᭞ᬥᬹᬄᬳᬫ᭄ᬧᬸᬭᬢᬶᬢ᭄ᬬᬂᬭᬢᬸ᭞ᬤᬸᬭᬸᬲ᭄ᬮᬾᬤᬗᬂᬓᬬᬸᬦᬾ᭞ᬲᬵᬫ᭄ᬧᬸᬦ᭄ᬳᬸᬕᬶᬭᬢᬸᬩᭂᬦ᭄ᬤᬸ᭞ᬜᬶᬲᬶᬧᬂᬧᬋᬓᬦ᭄ᬲᬬᬂ᭞᭠
ᬤᬸᬓᬵᬭᬶᬂᬢᬶᬢ᭄ᬬᬂᬓᬮᬭᬦ᭄᭟ᬥᬹᬄᬧᬶᬳᬃᬱᬳᬢᬹᬃᬢᬶᬢ᭄ᬬᬂᬭᬢᬸ᭞ᬘᬶᬗᬓ᭄ᬧᬋᬓᬦᬾ᭞ᬭᬶᬂᬧᬤᬸᬓ᭄ᬯᬦ᭄ᬗᬲᬶᬳᬲᬶᬄ᭞ᬢᬦ᭄ᬧᬾᬦ᭄ᬤᬄᬓᬤᬶᬭᬢᬸ᭞ᬫᭂᬦ᭄ᬢᬶᬓ᭄ᬭᬶᬂᬕᭂᬦᬳᬾᬲᭂᬫ᭄ᬧᬸᬢ᭄᭞ᬓᭂᬩᬸᬲᬦ᭄ᬭᬶᬂᬧᬭᬗᬦᬾ᭞ᬢᬦ᭄ᬫᬭᬶᬗᬚᬧ᭄ᬩᭂᬮᬩᬸᬃ᭞ᬫᬲᬦᬶᬂᬰᬰᬶᬄᬓᬢᬶᬕ᭞ᬗᭂᬦ᭄ᬢ᭠

[᭔᭓ 43A]
᭔᭓
ᬓᭂᬦ᭄ᬢᬓ᭄ᬧᬦᬲ᭄ᬩᬭ᭟ᬤᬸᬓᬧᬦ᭄ᬲᬩᭂᬳᬾᬢᭂᬤᬸᬦ᭄᭞ᬤᬸᬭᬸᬲᬶᬧᬸᬦ᭄ᬭᬾᬕᬾᬲ᭄᭞ᬢᬦ᭄ᬧᬤᬳᬸᬦ᭄ᬯᬲ᭄ᬢᬸᬮᬶᬕᬶᬃ᭞ᬩᬶᬮᬶᬄᬭᬢᬸᬓᬢᬸᬗ᭄ᬓᬸᬮ᭄᭞ᬚᬸᬫᭂᬦᭂᬓ᭄ᬭᬶᬂᬧᬸᬭᬶᬳᬕᬸᬂ᭞ᬫᬾᬄᬚᬦ᭄ᬢᭀᬲ᭄ᬮᬮᬶᬓᬬᬸᬦᬾ᭞ᬗᬓ᭄ᬱᬶᬢᬶᬢ᭄ᬬᬂᬫᬭᬶᬂᬕᬸᬦᬸᬂ᭞ᬲᭂᬤᬶᬄᬓᬶᬗ᭄ᬓᬶᬂᬦᬦ᭄ᬤᬂᬮᬭ᭞ᬲᬵᬫ᭄ᬧᬸᬦ᭄ᬳᬸᬕᬶᬭᬢᬸ
ᬮᬶᬧ᭄ᬬ᭟ᬓᬵᬫᬚᬬᬓᬗᭂᬦ᭄ᬲᭂᬫᬂᬲᭂᬦ᭄ᬤᬸ᭞ᬓᬩᬢᭂᬓ᭄ᬲᭂᬩᭂᬢᬾ᭞ᬓᬯᭀᬦᬶᬦ᭄ᬲᬂᬭᬞᬶᬄ᭞ᬫᭂᬤᬮ᭄ᬧᬚᬭᬾᬗᬘᬸᬄ᭞ᬤᭂᬓ᭠ᬲ᭄ᬤᭂᬓᭂᬲ᭄ᬫᬦ᭄ᬢᭂᬕ᭄ᬧᬸᬧᬸ᭞ᬩᭂᬗᭀᬂᬩᭂᬗᭀᬂᬤᬶᬧᭀᬦ᭄ᬤᭀᬓᬾ᭞ᬍᬍᬄᬭᬱᬢᬦ᭄ᬧᬩᬬᬸ᭞ᬫᬘᭂᬧᭀᬮ᭄ᬦᭂᬕᬓᬶᬸᬓ᭄ᬫᬲᬤᬄ᭞ᬓᬕᬶᬬᬢ᭄ᬢᬸᬫᬸᬮᬶ᭠
ᬜᬶᬗᬓ᭄᭟ᬯᬾᬦ᭄ᬢᭂᬦ᭄‌‌ᬯ᭄ᬯᬂᬧᬤᬸᬓ᭄ᬯᬦ᭄ᬲᬕᬾᬢ᭄ᬭᬯᬸᬄ᭞ᬧ᭄ᬭᬦᬫ᭄ᬬᬳᬢᬸᬭᬾ᭞ᬢᬶᬢ᭄ᬬᬂᬓᬳᬸᬢᬸᬲ᭄ᬗᬢᬸᬭᬶᬦ᭄᭞ᬚ᭄ᬭᭀᬦᬾᬤᬶᬕᭂᬮᬶᬲ᭄ᬫᬦ᭄ᬢᬸᬓ᭄᭞ᬲᬓᬾᬂᬧᬓᭀᬦ᭄ᬤᬸᬓᬸᬄᬯᬥᬹ᭞ᬚᬧ᭄ᬚᬧ᭄ᬤᬦᬾᬲᬵᬫ᭄ᬧᬸᬦ᭄ᬲᭀᬭᬾ᭞ᬚ᭄ᬭᭀᬦᬾᬫᬮᬜ᭄ᬘᬭᬦ᭄ᬓᬦ᭄ᬢᬸᬦ᭄᭞ᬓᬵᬫᬚᬬᬓᭂᬜᭂ
ᬫ᭄ᬦᬶᬫ᭄ᬩᬮ᭄᭞ᬚᬮᬦ᭄ᬫᬸᬮᬶᬄᬓᬧᬤᬸᬓ᭄ᬯᬦ᭄᭟ᬓᬵᬫᬚᬬᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬓᬳᬶᬭᬶᬂᬭᬾᬜ᭄ᬘᬗᬾ᭞ᬢᬗ᭄ᬓᬶᬮ᭄ᬭᬶᬂᬳᬦᬓᬾᬮᬶᬗ᭄ᬲᬶᬭ᭄᭞ᬥᬹᬄᬤᬶᬚᬘᬸᬘᬸᬗᬗ᭄ᬕᬸᬃ᭞ᬧᬗᬦ᭄ᬤᬶᬓᬦ᭄ᬤᬸᬓᬸᬄᬯᬥᬹ᭞ᬲᬂᬓᬢᬓᬾᬦᬦ᭄ᬳᬢᬸᬭᬾ᭞ᬢᬶᬢ᭄ᬬᬂᬓᬢᬸᬗ᭄ᬓᬸᬮ᭄ᬭᬶᬂᬓᬸᬩᬸ᭞ᬗᬮᬶᬜ᭄ᬘᬓᬶ [ 44 ][᭔᭓ 43B]
᭔᭓
ᬦ᭄ᬢᬢᬦ᭄ᬤᬸᬭᬦ᭄᭞ᬳᬓᬾᬄᬭᬸᬲᬓ᭄ᬓᬫᬭᬡᬵᬦ᭄᭟ᬓᬗᭂᬦ᭄ᬫᬶᬋᬂᬤᬦᬾᬤᬸᬓᬸᬄᬯᬥᬹ᭞ᬳᬢᬹᬃᬧᬸᬢᬸᬦ᭄ᬤᬦᬾ᭞ᬫᭂᬧᭂᬲ᭄ᬗᬸᬦ᭄ᬢᬸᬮ᭄ᬫᬵᬢᬹᬃᬲᬶᬲᬶᬧ᭄᭞ᬓᬵᬫᬚᬬᬓᬕᭂᬮᬸᬢ᭄᭞ᬳᬦ᭄ᬢᬸᬓ᭄ᬤᬦᬾᬤᬸᬓᬸᬄᬯᬥᬹ᭞ᬫᬘᬧ᭄ᬘᬧ᭄ᬢᭀᬬᬦ᭄ᬧᬦᭀᬦᬾ᭞ᬓᬗᭂᬦ᭄ᬦᬶᬦᬶᬢᭂᬓᬾᬦ᭄ᬘᬸᬘᬸ᭞ᬫᬶᬭᬶᬩ᭄ᬢ᭄ᬯ
ᬭᬗᭂᬮᬄᬭᬾᬜ᭄ᬘᬂ᭞ᬫᬕᬭᬧᬦ᭄ᬤᭂᬫᭂᬦ᭄ᬧᭂᬲᬦ᭄᭞ᬢ᭄ᬯᬭᬳᬶᬗᭂᬢ᭄ᬫᬸᬮᬶᬄᬓᬦ᭄ᬢᬶᬲᭂᬤᬸᬓ᭄᭞ᬓᬩᬢᭂᬓ᭄ᬚᭂᬫᭂᬢᬾ᭞ᬫᬸᬮᬚᬕᬸᬂᬩᬸ᭠ᬓᬫᬶᬭᬶᬩ᭄᭞ᬘᬸᬘᬸᬓᬸᬯᬗᬦ᭄ᬲᬗᬸ᭞ᬭᬾᬜ᭄ᬘᬂᬭᭀᬩᬦ᭄ᬲᬸᬩᬮᬶᬬᬸ᭞ᬢᬸᬦ᭄ᬤᬾᬦ᭄ᬦᭀᬗᭀᬲᬶᬦ᭄ᬳᬩ᭄ᬬᬦᬾ᭞ᬦᬶᬦᬶᬚᬧ᭄ᬚᬧ᭄ᬘᬸᬘᬸᬗᬗ᭄ᬕᬸᬭ᭄᭞ᬫᭂᬮᬳᬦ᭄ᬚᬸ
ᬫᬄᬫᭂᬮᬚᬄ᭞ᬫᬰᬵᬲ᭄ᬢ᭄ᬭᬘᬸᬘᬸᬚᭂᬫᭂᬢᬂ᭟ᬕᭂᬍᬂᬫᬓᬯᬶᬦ᭄ᬢᭂᬓᬾᬦ᭄ᬫᬓᬶᬤᬸᬂ᭞ᬧᬩᭂᬲᭂᬦ᭄ᬳᬶᬫᬾᬫᬾ᭞ᬯᬶᬭᬾᬄᬘᬸᬘᬸᬲᬸᬩᬓᭂᬮᬶᬄ᭞ᬤᭀᬂᬧᬓᬧᬳᬶᬦ᭄ᬗᬗ᭄ᬕᬸᬭ᭄᭞ᬢᭀᬂᬜᬦ᭄ᬤᬂᬫᬢᬸᬬᬸᬄᬢᬸᬬᬸᬄ᭞ᬳᬧᬂᬢ᭄ᬯᬭᬗᬧᬸᬲ᭄ᬤᬾᬯᬾᬓ᭄᭞ᬫᭂᬮᬚᬄᬢᬸᬗ᭄ᬓᬸᬮ᭄ᬫᬫᬘᬸᬮ᭄᭞ᬓᬵᬫᬚᬬᬢ
ᬦ᭄ᬧᬗᬸᬘᬧ᭄᭞ᬢᬸᬮ᭄ᬬᬓᬲᬶᬦᭀᬫᬦ᭄ᬩᭂᬕ᭟᭜᭟ᬲᬶᬦᭀᬫ᭄᭟᭜᭟ᬓᬵᬮᬯᭂᬗᬶᬭᬶᬂᬧᬤᬸᬓ᭄ᬯᬦ᭄᭞ᬤᬸᬓᬸᬄᬲᬸᬮᬤ᭄ᬭᬶᬗᭂᬲᬾᬗᬶ᭠ᬦ᭄᭞ᬧᬸᬢᬸᬦ᭄ᬤᬦᬾᬓᬵᬫᬚᬬ᭞ᬓᬵᬮᬶᬄᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬤᬩ᭄ᬤᬩ᭄ᬫᬮᬶᬗ᭄ᬕᬶᬄ᭞ᬗᭀᬜ᭄ᬚᬓᬂᬲᬤᬕᬶᬂᬢᬸᬢᬹᬃ᭞ᬓᬵᬫᬚᬬᬦᬯᭂᬕᬂ᭞

[᭔᭔ 44A]
᭔᭔
ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬥᬹᬄᬥᬂᬕᬸᬭᬸ᭞ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬦᬸᬦᬲᬂ᭟ᬢᬶᬗ᭄ᬓᬳᬾᬧᬵᬢᬹᬢ᭄ᬫᭂᬮᬚᬄ᭞ᬫᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬤᬕᬶᬂᬢᬸᬢᬹᬃᬧᬧᬶᬗᬶᬢᬦ᭄᭞ᬫᬓᬵᬤᬶᬓᬶᬤᬸᬂᬓᬓᬯᬶᬦ᭄᭞ᬤᬾᬦᬶᬂᬯᬯᬸᬦᭂᬫ᭄ᬩᬾᬦᬶᬦ᭄᭞ᬫᭂᬮᬚᬄᬫᬕᬸᬭᬸᬮᬕᬸ᭞ᬍᬓ᭄ᬢᬶᬢ᭄ᬬᬂᬫᬯᬶᬭᬫ᭞ᬗᭀ
ᬦᬾᬓ᭄ᬰᬵᬲ᭄ᬢ᭄ᬭᬢᬸᬦᬍᬯᬶᬄ᭞ᬲᭂᬭᬶᬂᬲᬳᬸᬤ᭄᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭟ᬓᬦ᭄ᬢᭀᬲ᭄ᬤᬤᭀᬲ᭄ᬓᬓᭂᬤᬾᬓᬦ᭄᭞ᬤᬸᬓᬸᬄᬲᬸ᭠ᬮᬤ᭄ᬭᬶᬜᬳᬸᬭᬶᬦ᭄᭞ᬍᬕᬲᬦ᭄ᬧᭂᬓᬓ᭄ᬦᬶᬗᭂᬳᬂ᭞ᬧᬢᬓᭀᬦ᭄ᬘᬸᬘᬸᬦᬾᬫᭂᬮᬶᬤ᭄᭞ᬧᭂᬓᬓ᭄ᬚᬦᬶᬗᭀᬭᬳᬶᬦ᭄᭞ᬲᬦᬾᬓᬲᬫ᭄ᬩᬢᬂᬕᬸᬭᬸ᭞ᬢᭂᬤᭀᬂ
ᬢᬮᬾᬂᬮᬦ᭄ᬩᬶᬲᬄ᭞ᬲᬸᬓᬸᬳᬶᬮᬸᬢ᭄ᬫᬗᬳᬤᬶᬦ᭄᭞ᬲᬸᬓᬸᬓᭂᬫ᭄ᬩᬸᬂ᭞ᬬᬤᬶᬦ᭄ᬰᬵᬲ᭄ᬢ᭄ᬭᬫᬢᭂᬗᭂᬦᬦ᭄᭟ᬗᬳᬤᬶᬦ᭄ᬕᬸᬯᬸᬂᬓᬮᬯᬦ᭄᭞ᬗᬳᬤᬶᬦ᭄ᬦᬦ᭄ᬬᬧᭂᬤᬲᬶᬦ᭄᭞ᬕᬸᬭᬸᬮᬕᬸᬧᬲᬂᬰᬵᬲ᭄ᬢ᭄ᬭ᭞ᬳᬸᬕᭂᬭᬸᬕᭂᬃᬢᭀᬦ᭄ᬤᬾᬦ᭄ᬜᬭᬶᬓ᭄᭞ᬫᬯᬶᬭᬫᬫᬕᭂᬦ᭄ᬤᬶᬂ᭞ᬓᬵᬮᬤᬶᬧᬩᬾᬦᬦ᭄ᬗᬗ᭄ᬕᬸᬃ᭞ᬩᬋᬂᬦᭀ
ᬗᭀᬲᬶᬦ᭄ᬰᬯ᭞ᬫᬳᬶᬗᬹᬚᬚᬳᬢᬦ᭄ᬤᬶᬂ᭞ᬳᬚᬓ᭄ᬮᬶᬬᬸ᭞ᬲᭀᬢᬦᬶᬂᬫᬓ᭄ᬭᬫᬩᬜ᭄ᬚᬃ᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬥᬹᬄᬢᬶᬢ᭄ᬬᬂᬦᬸᬦᬲᬂᬫᬮᬶᬄ᭞ᬲᬢᬶᬗ᭄ᬓᬳᬾᬗᭀᬦᬾᬓ᭄ᬰᬵᬲ᭄ᬢ᭄ᬭ᭞ᬲᬦᬾᬫᬸᬗ᭄ᬕᬄᬭᬶᬂᬓᬓᬯᬶᬦ᭄᭞ᬫᬾᬲᭂᬫ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬦᬄᬦ᭄ᬢᭀᬓᬾᬦᬾᬘᭂ [ 45 ][᭔᭔ 44B]
᭔᭔
ᬦᬶᬂᬘᬸᬘᬸ᭞ᬋᬲᭂᬧᬂᬳᬧᬂᬫᭂᬮᬄ᭞ᬬᬦᬶᬂᬫᬫᬘᬓᬓᬯᬶᬦ᭄᭞ᬧᬮᬶᬂᬫᬮᬸ᭞ᬭᬶᬭᬶᬕᬦ᭄ᬰᬵᬲ᭄ᬢ᭄ᬭᬦᬾᬩᬘᬓ᭄᭟ᬯᬶᬭᬫᬦᬾᬦᬾᬫᬰᬵᬲ᭄ᬢ᭄ᬭ᭞ᬦᭂᬫ᭄ᬦᭂᬫ᭄ᬓᭂᬢᬾᬓᬦᬾᬜᬭᬶᬓ᭄᭞ᬫᬵᬤᬦ᭄ᬓᬦ᭄ᬬᬢᬦᬸᬫᬥ᭄ᬬ᭞ᬦᬾᬫᬰᬵᬲ᭄ᬢ᭄ᬭᬓᬸᬢᬸᬲ᭄ᬭᬶᬭᬶᬕ᭄᭞ᬯᬶᬤ᭄ᬬᬸᬢ᭄ᬫᬵᬮᬓᬵᬤᬦᬶᬦ᭄᭞ᬲ᭄ᬭᭀᬜ᭄ᬘᬫᬵ
ᬦᬹᬢ᭄ᬧᬲᬂᬕᬸᬭᬸ᭞ᬳᬤᬫᬰᬵᬲ᭄ᬢ᭄ᬭᬳᬲ᭄ᬬ᭞ᬓᬦ᭄ᬢᬶᬢ᭄ᬮᬸᬮᬲ᭄‌‌ᬦᬾᬳᬘᬭᬶᬓ᭄᭞ᬫᬸᬜ᭄ᬚᬸᬓ᭄ᬮᬸᬗ᭄ᬲᬸᬃ᭞ᬫᬓᭂᬚᬂᬓᬵᬤᬦᬶᬦ᭄ᬲ᭄ᬭᭀᬜ᭄ᬘ᭟ᬳᬦᬾᬓᬵᬤᬦᬶᬦ᭄ᬩᬂᬲᬲ᭄ᬢ᭞ᬯᬶᬭᬫᬦᬾᬤᬶᬓᬓᬯᬶᬦ᭄᭞ᬭᬶᬭᬶᬕᬦ᭄ᬰᬵᬲ᭄ᬢ᭄ᬭᬦᬾᬭᭀᬭᬲ᭄᭞ᬳᬦᬾᬧᬢ᭄ᬩᭂᬮᬲ᭄ᬫᬄᬓᬵᬮᬶᬄ᭞ᬯᬶᬭᬫᬦᬾᬓᬵᬤ
ᬦᬶᬦ᭄᭞ᬪᬲᬦ᭄ᬢᬢᬶᬮᬓᬧᬢᬸᬄ᭞ᬮᬦ᭄ᬧ᭄ᬭᬳᬭᬦᬓᬮᬶᬓ᭞ᬫᬾᬫ᭄ᬧᭂᬃᬢᭂᬓᬾᬦᬶᬂᬫᬮᬷᬦᬶ᭞ᬦᬾᬢᬢᭂᬮᬸ᭞ᬗᬶᬂᬫᬮᬷᬦᬶᬲᬸᬚ᭠ᬢᬶᬦ᭄ᬜ᭟ᬳᬤᬫᬰᬵᬲ᭄ᬢ᭄ᬭᬮᬶᬫᭀᬮᬲ᭄᭞ᬳᬤᬦᭂᬫ᭄ᬩᭂᬮᬲ᭄ᬳᬘᬭᬶᬓ᭄᭞ᬳᬦᬾᬫᬰᬵᬲ᭄ᬢ᭄ᬭᬧᬶᬢᬸᬮᬲ᭄᭞ᬢᬢᭂᬮᬸᬧᬢᬸᬄᬫᬲᬳᬶᬄ᭞ᬯᬶᬭᬫᬦᬾᬓᬵ
ᬤᬦᬶᬦ᭄᭞ᬧ᭄ᬭᬢ᭄ᬯᬶᬢᬮᬩᬸᬓᬧᬢᬸᬄ᭞ᬢᭂᬓᬾᬦ᭄ᬰᬶᬓᬭᬶᬡᬶᬫ᭄ᬯᬄ᭞ᬭᬚᬦᬶᬫᬲᬳᬶᬄᬲᬳᬶᬄ᭞ᬪᬶᬦᬕᬸᬭᬸ᭞ᬧᬥᬫᬰᬵᬲ᭄ᬢ᭄ᬭᬧᬶ᭠ᬢᬸᬮᬲ᭄᭟ᬯᬶᬭᬫᬦᬾᬦ᭄ᬢᭀᬫᬓᭂᬚᬂ᭞ᬢ᭄ᬯᬭᬧᬢᬸᬄᬩᭂᬲᬶᬓ᭄ᬩᭂᬲᬶᬓ᭄᭞ᬕᬸᬭᬸᬮᬕᬸᬧᬲᬂᬰᬵᬲ᭄ᬢ᭄ᬭ᭞ᬲᬸᬯᬸᬤ᭄ᬫᬫᬤᬳᬶᬮᬶᬗᬶᬦ᭄᭞ᬫᬡ᭄ᬥᬫᬮᭀᬦ᭄ᬓᬵ

[᭔᭕ 45A]
᭔᭕
ᬤᬦᬶᬦ᭄᭞ᬧᬶᬢᬸᬮᬲ᭄ᬰᬵᬲ᭄ᬢ᭄ᬭᬦᬾᬘᬸᬘᬸ᭞ᬲᬃᬤ᭄ᬥᬸᬮᬯᬶᬓ᭄ᬭᬶᬤᬶᬢ᭞ᬲ᭄ᬬᬗᭀᬮᬲ᭄ᬤᬤᬶᬳᬘᬭᬶᬓ᭄᭞ᬓᭂᬢᬾᬓ᭄ᬫᬮᬸ᭞ᬳᬧᬂᬤᬧᭂᬮᬶᬄᬫᬫᬘ᭟ᬧᭂᬤᬲᬂᬘᬸᬘᬸᬧᭂᬤᬲᬂ᭞ᬲᬸᬓᭂᬄᬫᬫᬘᬓᬓᬯᬶᬦ᭄᭞ᬲ᭄ᬯᬤᬦᬢᭂᬓᬾᬦᬶᬂᬯᬶᬭᬵᬢ᭄᭞ᬢᭂᬩᬸᬲᭀᬮ᭄‌‌ᬩᬸᬓᬫᬲᬳᬶᬄ᭞ᬬᬦ᭄ᬰᬵᬲ᭄ᬢ᭄ᬭᬦᬾ
ᬓᭂᬢᬾᬓᬶᬦ᭄᭞ᬢᭂᬓᬾᬦ᭄ᬯᬶᬤᬭᬕᬸᬫᬸᬮᬸ᭞ᬮᬶᬬᬸᬦ᭄ᬰᬵᬲ᭄ᬢ᭄ᬭᬦᬾᬧᬥ᭞ᬤ᭄ᬯᬂᬤᬰᬤᬤᬶᬳᬘᬭᬶᬓ᭄᭞ᬪᬶᬦᬕᬸᬭᬸ᭞ᬫᬧ᭄ᬯᬭ᭠ᬓᬾᬫ᭄ᬧᭂᬃᬫᬫᬘ᭟ᬳᬤᬦᬾᬫᬵᬤᬦ᭄‌‌ᬲ᭄ᬭᬕ᭄ᬥᬭ᭞ᬲᬮᬶᬓᬹᬃᬰᬵᬲ᭄ᬢ᭄ᬭᬦᬾᬜᬭᬶᬓ᭄᭞ᬳᬦᬾᬤ᭄ᬯᬮᬶᬓᬹᬃᬫᬰᬵᬲ᭄ᬢ᭄ᬭ᭞ᬓᬦ᭄ᬢᬶᬲᬗᬂᬮᬶᬓᬹᬃᬭᬶᬭᬶᬕ᭄᭞
ᬓᬶᬮᬬᬸᬮᬶᬗᬶᬂᬳᬚᬶ᭞ᬯᬶᬭᬫᬦᬾᬫᬸᬜ᭄ᬚᬸᬓ᭄ᬮᬸᬗ᭄ᬲᬸᬃ᭞ᬗᬶᬂᬯᬶᬭᬵᬢ᭄ᬘᬓ᭄ᬭᬪᬵᬯ᭞ᬫᬰᬵᬲ᭄ᬢ᭄ᬭᬢ᭄ᬮᬸᬮᬶᬓᬹᬃᬭᬶᬭᬶᬕ᭄᭞ᬫᬲᬶᬄᬧᬢᬸᬄ᭞ᬢᭂᬓᬾᬦ᭄ᬯᬶᬭᬵᬢ᭄ᬓᬍᬗᭂᬗᬦ᭄᭟ᬬᬤ᭄ᬬᬧᬶᬦ᭄ᬳᬰ᭄ᬯᬮᬮᬶᬢ᭞ᬫᬰᬵᬲ᭄ᬢ᭄ᬭᬢ᭄ᬮᬸᬮᬶᬓᬹᬃᬫᬲᬶᬄ᭞ᬬᬾᬦ᭄ᬲᬗᬂᬮᬶᬓᬹᬃᬫᬰᬵᬲ᭄ᬢ᭄ᬭ᭞ᬓᬦ᭄ᬢᬶᬍᬩᬶᬄᬫ
ᬭᬜᬭᬶᬓ᭄᭞ᬢᭀᬂᬩᬓᬢ᭄ᬩᬦ᭄ᬗᭂᬢᬾᬓᬶᬦ᭄᭞ᬤᬡ᭄ᬥᭀᬤᬓᬓᬲᬶᬦᬗ᭄ᬕᬸᬄ᭞ᬮᭀᬓᬬᬂᬫᬵᬤᬦ᭄ᬥᬡ᭄ᬥ᭞ᬯᬶᬭᬫᬦᬾᬧᬮᬶᬂᬲᬸᬓᬶᬮ᭄᭞ᬭᬾᬄᬩᬲ᭄ᬮᬶᬬᬸ᭞ᬭᬶᬭᬶᬕᬦ᭄ᬰᬵᬲ᭄ᬢ᭄ᬭᬦᬾᬤᬯ᭟ᬫᬫᬘᬗᬯᬸᬤ᭄ᬗᬯᬸᬤᬂ᭞ᬫᬲᬶᬄᬢᭀᬦ᭄ᬤᬾᬦ᭄ᬜᬭᬶᬓ᭄ᬜᬭᬶᬓ᭄᭞ᬓᬦ᭄ᬢᬶᬍᬍᬄᬗᭀ [ 46 ][᭔᭕ 45B]
᭔᭕
ᬦᬾᬓ᭄ᬰᬵᬲ᭄ᬢ᭄ᬭ᭞ᬗᬗ᭄ᬲᭂᬮᬂᬳᬧᬂᬜᬓ᭄ᬜᬭᬶᬓ᭄᭞ᬳᬤᬦᬾᬮᬦ᭄ᬢᬂᬕᬢᬶ᭞ᬫᬰᬵᬲ᭄ᬢ᭄ᬭᬍᬩᬓ᭄ᬦᬭᬸᬦ᭄ᬢᬸᬦ᭄᭞ᬫᬭᬗᬗ᭄ᬲᭂᬮ᭄ᬫᬫᬤ᭞ᬦ᭄ᬢᭀᬳᬯᬦᬦ᭄ᬩᬸᬓᬲᬸᬓᬶᬮ᭄᭞ᬗᬸᬢᬂᬦᬸᬤᬸᬓ᭄᭞ᬬᬦ᭄ᬘᬸᬘᬸᬫᬫᬘᬤᬡ᭄ᬥ᭟ᬓᬾᬦᬾᬦᬄᬘᬸᬘᬸᬋᬲᭂᬧᬂ᭞ᬬᬦᬶᬂᬤᭂᬫᭂᬦ᭄ᬫᬓᬓᬯᬶᬦ᭄᭞ᬳᬸᬕᭂ᭠
ᬭᬸᬕᭂᬃᬫᬯᬶᬭᬫ᭞ᬯᬺᬢ᭄ᬢᬲᬜ᭄ᬘᬬᬧᭂᬤᬲᬶᬦ᭄᭞ᬮᬦ᭄ᬘᬡ᭄ᬥᬩ᭄ᬯᬶᬦᬩᭂᬲᬶᬓ᭄᭞ᬘᬓᭂᬧᬦᬾᬳᬗ᭄ᬕᭀᬦ᭄ᬕᬸᬭᬸ᭞ᬢ᭄ᬯᬭᬧᬢᬸᬄᬜᬫ᭄ᬩᬢᬂ᭞ᬧᬥᬫᬮᬾᬦᬦ᭄ᬗᬤᬦᬶᬦ᭄᭞ᬰᬵᬲ᭄ᬢ᭄ᬭᬧᬢᬸᬄ᭞ᬓᬾᬦᬾᬘᬸᬘᬸᬳᬸᬧᬫᬶᬜ᭟ᬯᬺᬢ᭄ᬢᬲᬜ᭄ᬘᬬᬗᬸᬘᬧᬂ᭞ᬬᬾᬦ᭄ᬫᬦ᭄ᬤᬫᬮᭀᬦ᭄ᬳᬸᬧᬫᬶ
᭞ᬤᬶᬘᬡ᭄ᬥᬦᬾᬓᬭᬯᭀᬲᬂ᭞ᬦᬾᬓᬾᬢᭀᬫᬵᬤᬦ᭄ᬭᬚᬦᬶ᭞ᬩᬂᬲᬲ᭄ᬢᬮᬦ᭄ᬲ᭄ᬯᬦ᭄ᬤᬾᬯᬶ᭞ᬢ᭄ᬯᬭᬪᬶᬦᬚᬢᬶᬧᬢᬸᬄ᭞᭠ᬓᬾᬯᬮᬮᬾᬦ᭄ᬧᬜᬫ᭄ᬩᬢ᭄᭞ᬯᬶᬭᬫᬦᬾᬦᬾᬳᬩᭂᬲᬶᬓ᭄᭞ᬓᬾᬢᭀᬘᬸᬘᬸ᭞ᬳᬗ᭄ᬕᭀᬦ᭄ᬧᭂᬓᬓ᭄ᬧ᭄ᬭᬢᬶᬯᬶᬫ᭄ᬩ᭟ᬓᬵᬫᬚᬬᬓᬢᭀ
ᬩ᭄ᬢᭀᬩᬦ᭄᭞ᬫᬶᬭᬕᬶᬢᬸᬢᬹᬃᬲᬂᬬᭀᬕᬶ᭞ᬫᬲᬤᬄᬲᬫ᭄ᬩᬶᬮᬂᬩᭂᬗᭀᬂ᭞ᬓᬩᭂᬮ᭄ᬩᭂᬮᬦ᭄ᬫᭂᬘᬸᬓ᭄ᬳᬮᬶᬲ᭄᭞ᬓᬦ᭄ᬢᬸᬦ᭄ᬓᭀᬩᭂᬢ᭄ᬫᬶᬦᭂᬳᬶᬦ᭄᭞ᬲᬾᬗᭂᬄᬤᬦᬾᬤᬸᬓᬸᬄᬯᬥᬹ᭞ᬜᬶᬗᬓᬶᬦ᭄ᬓᬵᬫᬚᬬ᭞ᬳᭀᬲᬄᬢᬸᬫᬸᬮᬶᬗᭂᬢᬸᬭᬶᬦ᭄᭞ᬘᭂᬦᬶᬂᬘᬸᬘᬸ᭞ᬭᬱᬩᬸᬓᬓᬩᭂᬮ᭄ᬩᭂ

[᭔᭖ 46A]
᭔᭖
ᬮᬦ᭄᭟ᬦᬶᬗᭂᬳᬂᬓᭂᬢᬾᬓᬦ᭄ᬰᬵᬲ᭄ᬢ᭄ᬭ᭞ᬓᬤᬾᬦ᭄ᬘᬸᬘᬸᬲᬚᬭᬶᬫ᭄ᬩᬶᬢ᭄᭞ᬬᬾᬦ᭄ᬲᬓᬾᬂᬤᭂᬫᭂᬦ᭄ᬫᭂᬮᬚᬄ᭞ᬢ᭄ᬯᬭᬳᬤᬫᬵᬤᬦ᭄ᬲᬸᬓᬶᬮ᭄᭞ᬫᬯᬶᬭᬫᬫᬓᬯᬶᬦ᭄᭞ᬧᬳᬸᬭᬸᬓᬦ᭄ᬧᬮᬶᬂᬳᬮᬸᬄ᭞ᬧᬢᬸᬄᬢᭂᬓᬾᬦ᭄ᬫᬢᭂᬫ᭄ᬩᬂ᭞ᬤᬹᬃᬫ᭄ᬫᬮᬦ᭄ᬥᬂᬥᬂᬳᬸᬧᬫᬶ᭞ᬲᬶᬦᭀᬫ᭄ᬧᬗ᭄ᬓᬸᬭ᭄᭞ᬢ᭄ᬯ᭠
ᬭᬲᭂᬗ᭄ᬓᬤᬗᬾᬧᬸᬢᬂ᭟ᬦᬶᬦᬶᬩᬦᬶᬲᬫᬓᬸᬢ᭞ᬗᬸᬭᬸᬓᬂᬘᬸᬘᬸᬫᬓᬯᬶᬦ᭄᭞ᬩᬦ᭄ᬢᬲ᭄ᬫᬓᭂᬮᭀᬳᬢᬶᬩᬦ᭄᭞ᬘᬕᭂᬃᬘᬸ᭠ᬘᬸᬲᬸᬩᬩᬦᬶ᭞ᬗᬸᬕᬮᬂᬫᬓᬓᬯᬶᬦ᭄᭞ᬤᬶᬩᬜ᭄ᬚᬃᬓᬵᬮᬦᬶᬂᬗᬗ᭄ᬕᬸᬭ᭄᭞ᬢ᭄ᬯᬭᬮᬓᬃᬓᬸᬘᬶᬯ᭞ᬲᬦ᭄ᬢᬦᬦ᭄ᬪᬹᬚᬗ᭄ᬕᬩᬮᬶ᭞ᬳᬸᬮᬶᬫᬮᬸ᭞ᬓᬫᬸᬮ᭠
ᬦ᭄ᬫᬓᬤᬂᬰᬵᬲ᭄ᬢ᭄ᬭ᭟ᬓᬾᬯᬮᬚᭂᬫᭂᬢ᭄ᬫᭂᬮᬚᬄ᭞ᬗᬸᬤᬢ᭄ᬯᬭᬫᬧᬶᬓᭀᬮᬶᬄ᭞ᬓᬵᬫᬚᬬᬲᭂᬫᬸᬳᬾᬕᬃ᭞ᬓᬤᬶᬳᬬᬫᬾᬩᭂᬦ᭄ᬢᬾᬢᬶᬦ᭄᭞ᬯᭂᬢᬸᬕᬮᬓ᭄ᬧ᭄ᬭᬫᬗ᭄ᬓᬶᬦ᭄᭞ᬢᬦ᭄ᬧᬓᬾᬭᬶᬂᬫᬢᬭᬸᬂ᭞ᬩᭀᬬᬫᬮᬶᬄᬗᬾᬧᬸᬢᬂ᭞ᬢᬸᬫᬸᬮᬶᬦᬸᬦᬲᬂᬫᬮᬶᬄ᭞ᬭᬶᬂᬥᬂᬕᬸᬭᬸ᭞ᬗᭂ᭠
ᬮᬸᬗᬗ᭄ᬕᬲᬳᬲᭂᬫ᭄ᬩᬄ᭟ᬫᬫᬶᬢᬂᬩᬘᬓᬦ᭄ᬮᭀᬦ᭄ᬢᬃ᭞ᬲᬦᬾᬫᬤᬕᬶᬂᬓᬓᬯᬶᬦ᭄᭞ᬢᬹᬃᬲᬧᬲᬶᬭᬓᬩᬯᭀᬲ᭄ᬲᬶᬲ᭄᭞ᬲᬂᬯᬶᬓᬹᬧᭂᬘᬓᬾᬗᬯᬶ᭞ᬮᬾᬤᬂᬤᬸᬓᬸᬄᬲᬸᬮᬤ᭄ᬭᬶ᭞ᬫᬶᬋᬂᬧᬸᬢᬸᬦ᭄ᬤᬦᬾᬘᬸᬘᬸᬤ᭄᭞ᬲᬤᬳᬮᭀᬦ᭄ᬗᬦ᭄ᬤᬶᬓ᭞ᬧᬤᬶᬗᭂᬳᬂᬳᬧᬂᬧᬲ᭄ᬢᬶ᭞ᬘᭂᬦᬶᬂ [ 47 ][᭔᭖ 46B]
᭔᭖
ᬘᬸᬘᬸᬧᭂᬓᬓ᭄ᬦᬾᬚᬦᬶᬫᬶᬤᬃᬢ᭄ᬣ᭟ᬓᭀᬦᬾᬫ᭄ᬧᬸᬭᬵᬕᬓᬸᬲᬸᬫ᭞ᬳᬶᬤᬫᬓᬵᬃᬬ᭄ᬬᬓᬓᬯᬶᬦ᭄᭞ᬳᬦᬾᬫᬵᬤᬦ᭄‌‌ᬭᬵᬫᬬᬡ᭞ᬓᬵᬮᬇᬰᬓᬵᬦᭂᬫᭀᬦᬶᬦ᭄᭞ᬲ᭄ᬬᬸᬦᭂᬫ᭄ᬩᭂᬮᬲ᭄ᬦᬾᬗᬹᬦᬶ᭞ᬓᬓᬯ᭄ᬬᬦ᭄ᬲᬂᬬᭀᬕᬶᬧᬸᬧᬸᬢ᭄᭞ᬲᬓᬾᬂᬢᬸᬢᬹᬃᬲᬂᬯᬶᬓᬦ᭄᭞ᬫᬧᬭᬩ᭄ᬋᬱᬶᬩ
ᬮ᭄ᬫᬶᬓᬶ᭞ᬳᬦᬾᬫᬮᬸ᭞ᬓᬵᬢᬹᬃᬭᬶᬂᬲᬂᬓᬸᬱᬮᬯᬬᬳᬦᬾᬫᬵᬤᬦ᭄ᬪᭀᬫᬓᬯ᭄ᬬ᭞ᬓᬓᬯᬶᬦ᭄ᬓᬵᬃᬬ᭄ᬬᬦ᭄ᬲᬂᬬᭀᬕᬶ᭞ᬫᬧᬲᬾᬗᬦ᭄‌‌ᬫ᭄ᬧᬸᬪᬭᬥᬄ᭞ᬓᬵᬮᬇᬰᬓᬵᬦᭂᬫᭀᬦᬶᬦ᭄᭞ᬲ᭄ᬬᬸᬲᬗᬗᭀᬮᬲ᭄ᬧᬲ᭄ᬢᬶ᭞ᬧ᭄ᬭᬮᬫ᭄ᬩᬂᬳᬶᬤᬲᬂᬧ᭄ᬭᬪᬹ᭞ᬫᬧᬭᬩ᭄ᬰ᭄ᬭᬷᬐᬃᬮᬗ᭄ᬖ᭄ᬬ᭞ᬓᬕᬸ᭠
ᬭᬶᬢ᭄ᬳᬦ᭄ᬢᬸᬓ᭄ᬲᬂᬬᭀᬕᬶ᭞ᬭᬢᬸᬯᬶᬪᬹᬄ᭞ᬗᬯᭂᬗ᭄ᬓᬸᬲᬕᬸᬫᬶᬚᬯ᭟ᬓᭀᬦᬾᬲᬸᬫᬲᬵᬦ᭄ᬢᬓ᭞ᬓᬓᬯᬶᬦ᭄ᬓᬵᬃᬬ᭄ᬬᬦ᭄ᬲᬂᬬᭀ᭠ᬕᬶ᭞ᬫᬧᬭᬩ᭄‌‌ᬫ᭄ᬧᬸᬫᭀᬦᬕᬸᬡ᭞ᬓᬵᬮᬇᬰᬓᬵᬦᭂᬫᭀᬦᬶᬦ᭄᭞ᬲ᭄ᬬᬸᬤ᭄ᬯᬂᬤᬰᬦᬾᬗᬹᬦᬶ᭞ᬲ᭄ᬫᬭᬤᬳᬦᬓᬲᭂᬗ᭄ᬕᬸᬄ᭞ᬳᬦᬾᬧᭂᬘᬓ᭄ᬫ᭠
ᬓᬵᬃᬬ᭄ᬬ᭞ᬫ᭄ᬧᬸᬥᬃᬫ᭄ᬫᬚᬢᬹᬃᬦᭂᬫᭀᬦᬶᬦ᭄᭞ᬇᬰᬓᬵᬲ᭄ᬬᬸ᭞ᬦᬗ᭄ᬕᬸᬲᬮᬶᬓᬹᬃᬲᬶᬦᬸᬭᬵᬢ᭄᭟ᬓᭀᬦᬾᬅᬃᬚ᭄ᬚᬸᬦᬯᬶᬯᬵᬳ᭞ᬓᬓᬯᬶᬦ᭄ᬓᬵᬃᬬ᭄ᬬᬦ᭄ᬲᬂᬬᭀᬕᬶ᭞ᬦᬾᬫᬧᬲᬾᬗᬦ᭄‌‌ᬫ᭄ᬧᬸᬓᬡ᭄ᬯ᭞ᬓᬵᬮᬇᬰᬓᬵᬦᭂᬫᭀᬦᬶᬦ᭄᭞ᬲ᭄ᬬᬸᬮᬦ᭄‌‌ᬤ᭄ᬯᬮᬶᬓᬹᬃᬗᬹᬦᬶ᭞ᬅᬃᬚ᭄ᬚᬸᬦᬯᬶᬚᬬ

[᭔᭗ 47A]
᭔᭗
ᬫᬸᬗ᭄ᬕᬸᬄ᭞ᬧᬓᬵᬃᬬ᭄ᬬᬦ᭄ᬲᬂᬫᬧᬭᬩ᭄᭞ᬫ᭄ᬧᬸᬢᬦ᭄ᬢᬸᬮᬃᬢᬹᬃᬦᭂᬫᭀᬦᬶᬦ᭄᭞ᬇᬰᬵᬓᬵᬲ᭄ᬬᬸ᭞ᬢ᭄ᬮᬸᬂᬤᬰᬩᭂᬲᬶᬓ᭄‌‌ᬭᬶᬦᬶᬧ᭄ᬢ᭟ᬮᬦ᭄ᬓᬓᬯᬶᬦ᭄ᬲᬸᬢᬲᭀᬫ᭞ᬫᬲᬶᬄᬳᬶᬤᬳᬦᬾᬗᬯᬶ᭞ᬜᭂᬍᬕᬂᬓᬥᬃᬫ᭄ᬫᬦ᭄ᬩᬸᬤ᭄ᬥ᭞ᬓᬕᬸᬭᬶᬢ᭄ᬳᬦ᭄ᬢᬸᬓ᭄ᬲᬂᬬᭀᬕᬶ᭞ᬇᬰᬓᬵᬲ᭄ᬬᬸᬦᭂᬫᭀᬦᬶᬦ᭄᭞ᬫᬢᬗ᭄ᬕᬸ
ᬲᬾᬓᭂᬢ᭄ᬳᬓᬸᬢᬸᬲ᭄᭞ᬲᬸᬢᬲᭀᬫᬓᬲᬸᬭᬵᬢ᭄᭞ᬧ᭄ᬭᬮᬫ᭄ᬩᬂᬲᬂᬰᬓ᭄ᬬᬫᬸᬦᬶ᭞ᬦᬾᬓᬯᬸᬯᬸᬲ᭄᭞ᬳᬶᬤᬧᬗᬾᬭᬦ᭄ᬲᬶᬤ᭄ᬥᬃᬢ᭄ᬢ᭟ᬬᬦ᭄ᬢᬓᭀᬘᬧ᭄‌‌ᬫ᭄ᬧᬸᬢ᭄ᬭᬶᬕᬸᬡ᭞ᬳᬦᬾᬫᬓᬵᬃᬬ᭄ᬬᬓᬓᬯᬶᬦ᭄᭞ᬓᬺᬱ᭄ᬡᬵᬬᬡᬓᬗᬶᬦᬸᬘᬧ᭄᭞ᬓᬵᬮᬇᬰᬓᬵᬦᭂᬫᭀᬦᬶᬦ᭄᭞ᬲ᭄ᬬᬸᬧᭂ
ᬢᬂᬤᬰᬩᭂᬲᬶᬓ᭄᭞ᬓᭀᬦᬾᬳᬶᬤᬫ᭄ᬧᬸᬢᬦᬓᬹᬂ᭞ᬳᬦᬾᬗᬯᬶᬮᬸᬩ᭄ᬥᬓ᭞ᬓᬵᬮᬇᬰᬓᬵᬦᭂᬫᭀᬦᬶᬦ᭄᭞ᬲ᭄ᬬᬸᬮᬦ᭄ᬦᭂ᭠ᬫ᭄ᬤᬰᬩᭂᬲᬶᬓ᭄᭞ᬢᬹᬃᬲᬋᬂᬳᬶᬤᬲᬂᬯᬶᬓᬹ᭞ᬦᬾᬫᬧᬭᬩ᭄‌‌‌‌ᬫ᭄ᬧᬸᬲᭂᬥᬄ᭞ᬲᬋᬂᬓᬵᬮᬶᬄᬓᭀᬦᬾᬗᬸᬭᬶᬢ᭄᭞ᬓᬂᬓᬯᬸᬯᬸᬲ᭄᭞ᬓᬓᬯᬶᬦ᭄ᬪᬭᬢ
ᬬᬸᬤ᭄ᬥ᭟ᬓᬵᬮᬦᭂᬫᭀᬦᬶᬦ᭄ᬳᬶᬰᬓᬵ᭞ᬲ᭄ᬬᬸᬧᬶᬢᬸᬂᬤᬰᬲ᭄ᬬᬗᬹᬦᬶ᭞ᬲᬂᬬᭀᬕᬶᬫ᭄ᬧᬸᬯᬶᬤ᭄ᬬᬢ᭄ᬫᬓ᭞ᬓᬮᭀᬓᬳᬶᬤᬗᬯᬶ᭞ᬧᬃᬢ᭄ᬣᬬᬚ᭄ᬜᬓᬵᬤᬦᬶᬦ᭄᭞ᬓᬵᬮᬇᬰᬓᬵᬲ᭄ᬬᬸᬦᬗ᭄ᬕᬸ᭞ᬢᭂᬮᬸᬂᬩᭂᬦᬂᬓᬲᬸᬭᬵᬢ᭄᭞ᬓᬾᬢᭀᬫᬸᬗ᭄ᬕᬸᬄᬤᬶᬧᬗᬯᬶ᭞ᬘᭂᬦᬶᬂᬘᬸᬘᬸ᭞ᬗᬦᬹᬢᬶᬦ᭄ᬘ [ 48 ][᭔᭗ 47B]
᭔᭗
ᬦ᭄ᬤ᭄ᬭᬲᬗ᭄ᬓᬮ᭟ᬬᬦ᭄ᬢᬓᭀᬘᬧ᭄‌‌ᬫ᭄ᬧᬸᬦᬶᬭᬵᬃᬢ᭄ᬣ᭞ᬦᬾᬗᬯᬶᬉᬲᬡᬩᬮᬶ᭞ᬦᭂᬫᭀᬦᬶᬦ᭄ᬓᬵᬮᬇᬰᬓᬵ᭞ᬧᬶᬢᬸᬂᬩᬗ᭄ᬲᬶᬢ᭄‌‌ᬲᭀᬮᬲ᭄ᬧᬲ᭄ᬢᬶ᭞ᬳᬶᬤᬮᬸᬗ᭄ᬳᬓᬩᬮᬶ᭞ᬳᬸᬮᬶᬚᬯᬯᬯᬸᬭᬯᬸᬄ᭞ᬉᬲᬡᬫᬵᬤᬦ᭄ᬩᬩᬤ᭄᭞ᬳᬸᬦ᭄ᬤᬸᬓ᭄ᬕᬸᬫᬶᬦᬾᬤᬶᬩᬮᬶ᭞ᬳᬦᬾᬫᬮᬸ᭞ᬤᬸᬕ
ᬲ᭄ᬧᬫᬤᭂᬕᬦ᭄ᬳᬶᬤ᭟ᬲᬂᬧ᭄ᬭᬪᬹᬤᬶᬩᬮᬶᬳᬕ᭞ᬤᬶᬪᬾᬤ᭄ᬥᬉᬮᬸᬫᬧᬸᬭᬶ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮᬮᭀᬦ᭄᭞ᬜᭂᬮᬕ᭄ᬯᬘᬦ᭠ᬦ᭄ᬲᬂᬬᭀᬕᬶ᭞ᬥᬹᬄᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬓᬤᬶᬦᬶᬓᬧᬸᬗ᭄ᬕᭂᬮ᭄ᬤᬸᬫᬸᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬩᬲ᭄ᬧᬜ᭄ᬚᬂ᭞ᬩᭂᬮᬶᬗᬶᬘ᭄ᬙᬾᬦᬶᬦ᭄ᬧᬯᬶᬲᬶᬓ᭄᭞ᬤᬸᬭᬸᬲ᭄ᬩᬶ᭠
ᬗᬸᬂ᭞ᬓᬵᬫᬚᬬᬓᬢᭀᬩ᭄ᬢᭀᬩᬦ᭄᭟ᬓᬤ᭄ᬬᬗ᭄ᬕᬦᬶᬂᬢᬢᬦ᭄ᬤᬸᬭᬦ᭄᭞ᬯᬯᬸᬫᭂᬦ᭄ᬢᬶᬓ᭄ᬓᬦ᭄ᬢᬸᬦ᭄ᬳᬮᬶᬢ᭄᭞ᬢᭂᬤᬸᬦᬶᬦ᭄ᬲᬩᭂᬄᬢ᭠ᬦ᭄ᬧᭂᬕᬢ᭄᭞ᬩᬶᬮᬶᬄᬢᬦ᭄ᬤᬸᬭᬸᬲ᭄ᬫᬍᬚᬶᬢ᭄᭞ᬫᬾᬄᬧᬸᬋᬢ᭄ᬧᬭᬫᬗ᭄ᬓᬶᬦ᭄᭞ᬫᬧ᭄ᬯᬭᬧᭀᬘᭀᬮ᭄ᬲᬂᬦᬦ᭄ᬤᬸᬃ᭞ᬢᬦ᭄ᬪᬶᬦᬓᬤᬶᬯᬤᬄ᭞ᬯᬤᬳᬾᬫ
ᬭᬹᬧᬳᬮᬶᬢ᭄᭞ᬩᭂᬓ᭄ᬩᭂᬓ᭄ᬢᬸᬭᬸᬄ᭞ᬢᬦ᭄ᬧᬭᬶᬯᬗ᭄ᬤᬾᬫᬮᬶᬬᬄ᭟ᬲᬧᬸᬦᬶᬓᬳᬸᬧᬫᬶᬦ᭄ᬜ᭞ᬩᬾᬜ᭄ᬚᬗᬦ᭄ᬫᬮᬶᬄᬢᬫ᭄ᬩᬾᬦᬶᬦ᭄᭞ᬫᬲᬓᬶᬭᬗᬦ᭄ᬭᬳᬶᬦ᭞ᬫᬸᬂᬧᬸᬂᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬓᭂᬜᬶᬂᬤᬸᬓᬸᬄᬲᬸᬮᬤ᭄ᬭᬶ᭞ᬫᬶᬋᬂᬳᬢᬹᬃᬤᬸᬓᬸᬄᬯᬥᬹ᭞ᬦᬸᬮᬶᬤᬦᬾᬗᬦ᭄ᬤᬶᬓ᭞ᬚᬮᬦ᭄ᬭᬾ

[᭔᭘ 48B]
᭔᭘
ᬭᬾᬦᬂᬦᬾᬚᬦᬶ᭞ᬘᭂᬦᬶᬂᬘᬸᬘᬸ᭞ᬓ᭄ᬭᬸᬬᬸᬓ᭄ᬲᬶᬬᬧᬾᬦᭀᬫ᭄ᬩᬬᬂ᭟ᬲᬸᬩᬧᭂᬢᭂᬂᬦᬸᬫᬕᬤᬂ᭞ᬦᬾᬫᬦᬶᬚᬮᬦ᭄ᬚᬸᬫᬸᬦᬶᬦ᭄᭞ᬓᬵᬫ᭠ᬚᬬᬫᬵᬢᬹᬃᬳᬮᭀᬦ᭄᭞ᬲᬭᬮᬾᬤᬂᬲᬋᬂᬓᬵᬮᬶᬄ᭞ᬫᬭᬵᬃᬬ᭄ᬬᬦ᭄ᬢᬶᬢ᭄ᬬᬂᬗᬶᬭᬶᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬢᭂᬗᬄᬤᬮᬸ᭞ᬲᬓᬾᬯᬦ᭄ᬢᭂᬦ᭄ᬮᬾᬤᬗᬂ᭞ᬗᬶ᭠
ᬘ᭄ᬙᬾᬦ᭄ᬢᬶᬢ᭄ᬬᬂᬢᬸᬢᬹᬃᬧᬶᬗᬶᬢ᭄᭞ᬥᬹᬄᬥᬂᬕᬸᬭᬸ᭞ᬬᬤᬶᬦ᭄ᬢᬦ᭄ᬫᬗ᭄ᬓᬶᬦ᭄ᬧᬸᬗ᭄ᬓᬸᬭᬦ᭄᭟᭜᭟ᬧᬗ᭄ᬓᬸᬃ᭟᭜᭟ᬧᭂᬢᭂᬂᬍᬫᬄᬗᬸᬮᬶᬓ᭄ᬰᬵᬲ᭄ᬢ᭄ᬭ᭞ᬓᬵᬫᬚᬬᬚᭂᬫᭂᬢ᭄ᬫᬸᬭᬸᬓ᭄ᬫᬓᬯᬶᬦ᭄᭞ᬗᬶᬭᬶᬂᬤᬦᬾᬤᬸᬓᬸᬄᬯᬥᬹ᭞ᬫᬫᬘᬫᬯᬶᬭᬫ᭞ᬧᬰ᭄ᬘᬢ᭄ᬳᬸᬦᬶᬂ᭞ᬧᬲᬂᬰᬵᬲ᭄ᬢ᭄ᬭᬕᬸᬭᬸᬮᬕᬸ᭞ᬳᬦ᭄ᬢᬸᬓ᭄ᬋᬲᭂᬧ᭄ᬗᬋᬲᭂᬧᬂ᭞
ᬲᬧᬢᬸᬤᬸᬄᬤᬸᬓᬸᬄᬳᬶᬲ᭄ᬢ᭄ᬭᬶ᭟ᬲᬓᬾᬂᬓᬰᬭᬲ᭄ᬯᬢᬾᬦᬦ᭄᭞ᬓᬵᬫᬚᬬᬫᬾᬄᬤᬸᬭᬸᬂᬢᬶᬕᬂᬰᬰᬶᬄ᭞ᬫᬮᬚᬄᬫᬕᬸᬭᬸᬮᬕᬸ᭞ᬲᬵᬫ᭄ᬧᬸᬦ᭄ᬧᬸᬭᬸᬦ᭄ᬗᬸᬕᬮᬂ᭞ᬫᬓᬓᬯᬶᬦ᭄᭞ᬓᬵᬮᬓᬧᬶᬲᬕᬗᬗ᭄ᬕᬸᬃ᭞ᬲᭂᬤᭂᬓ᭄ᬓᬮᬬᬸᬲᭂᬓᬭᬦ᭄᭞ᬇᬭᬶᬓᬵᬭᬶᬂᬢᬫᬦ᭄ᬩᬮᬶ᭟ᬓᬲᭀᬩ᭄
ᬲᬫᬶᬲᬯᭀᬂᬤᬾᬰ᭞ᬗᬍᬫᬂᬓᬵᬫᬚᬬᬲᬓᬾᬂᬭᬶᬭᬶᬄ᭞ᬧᬓ᭄ᬭᬶᬫᬶᬓ᭄ᬭᬶᬂᬢᬶᬫ᭄ᬧᬮᬶᬧᬸᬦ᭄᭞ᬓᬝᬄᬲᬦᬾᬫᬦ᭄ᬢᭂᬲᬂ᭞ᬧᬵᬢᬹᬢ᭄ᬭᬶᬭᬶᬄ᭞ᬓᬵᬫᬚᬬᬧᬵᬢᬹᬢ᭄ᬗᬸᬗ᭄ᬕᬸᬮ᭄᭞ᬓᬤ᭄ᬬᬗ᭄ᬕᬦᬶᬂᬧᬦᬓ᭄ᬜᬮ᭄ᬬᬦ᭄᭞ᬢ᭄ᬯᬭᬗᬾᬧᬸᬢᬂᬗᭂᬮᬗᬶ᭟ᬓᬧᬶᬗᭀᬦ᭄ᬳᬲᬶᬂᬫᬶᬭᬕ᭄ᬬᬂ᭞ᬓᬵᬫ [ 49 ][᭔᭘ 48B]
᭔᭘
ᬚᬬᬭᬶᬓᬵᬮᬫᬓᬓᬯᬶᬦ᭄᭞ᬲ᭄ᬯᬭᬕᭂᬮ᭄ᬕᭂᬮ᭄ᬫᬦᬶᬲ᭄ᬫᬸᬮᬸᬓ᭄᭞ᬗᬲᭀᬭᬂᬕᬸᬮᬤ᭄ᬭᬯ᭞ᬓᬤᬸᬓ᭄ᬫᬦᬶᬲ᭄᭞ᬢᬸᬮ᭄ᬬᬢᬶᬢᬶ᭠ᬭᬦ᭄ᬗᬢᭂᬗ᭄ᬓᬸᬂ᭞ᬗᬮᬸᬦ᭄ᬫᬳᭀᬫ᭄ᬩᬓᭀᬫ᭄ᬩᬓᬦ᭄᭞ᬲᬤᬩᬦ᭄ᬩᬦ᭄ᬗᬸᬮᬗᬸᬦᬶᬦ᭄᭟ᬤᬸᬓᬸᬄᬲᬸᬮᬤ᭄ᬭᬶᬫᬶᬳᬃᬱ᭞ᬧᬸᬢᬸᬦ᭄ᬤᬦᬾᬓᬲᬸᬫ᭄ᬩᬸᬂᬫᬓᬓᬯᬶ᭠
ᬦ᭄᭞ᬢᬦ᭄ᬓᬤᬶᬮᬾᬤᬂᬭᬶᬂᬓᬬᬸᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬓᬵᬍᬫᬂ᭞ᬲᬓᬾᬂᬭᬶᬭᬶᬄ᭞ᬫᬾᬦ᭄ᬘᭂᬦᬶᬂᬲᬸᬚᬢᬶᬗᬸᬭᬸᬓ᭄᭞ᬓᬵᬫᬚᬬᬳᬾᬗ᭄ᬕᬮ᭄ᬩᬶᬱ᭞ᬫᬯᬶᬭᬫᬫᬓᬓᬯᬶᬦ᭄᭟ᬩᬸᬓᬓᬲᬶᬭᬢᬦ᭄‌ᬫᬺᬢ᭄ᬣ᭞ᬲᬜ᭄ᬚᬶᬯᬦᬶᬍᬕᬦ᭄ᬩᭂᬮᬶᬢᬦ᭄ᬲᬶᬧᬶ᭞ᬦᬶᬗᭂᬄᬜᬫᬩ᭄ᬭᬬᬗᬚᬸᬫ᭄᭞
ᬓᬩᬶᬱᬵᬦ᭄ᬓᬵᬫᬚᬬ᭞ᬫᬓᬓᬯᬶᬦ᭄᭞ᬦᬄᬮᬳᬸᬢᬂᬳᬤᬶᬗᬸᬭᬸᬓ᭄᭞ᬓᬦ᭄ᬢᬶᬤᬸᬯᭂᬕ᭄ᬫᬩᬩᬱᬵᬦ᭄᭞ᬓᬵᬫᬚᬬ᭠ᬘᬸᬘᬸᬦ᭄ᬳᬤᬶ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬲᬤᬫᭂᬗ᭄ᬓᭀᬓ᭄ᬳᬢᬸᬭᬾᬭᬶᬂᬲᬂᬬᭀᬕᬶ᭞ᬲᬵᬫ᭄ᬧᬸᬦ᭄ᬩᭂᬮᬶᬯᬮᬂᬓᬬᬸᬦ᭄᭞ᬩᬗ᭄ᬕᬬᬂᬢᬶᬢ᭄ᬬᬂ
ᬗᬚᬄ᭞ᬧᬸᬢᬸᬦ᭄ᬩᭂᬮᬶ᭞ᬓᬵᬫᬚᬬᬓᬦ᭄ᬢᭀᬲ᭄ᬳᬶᬧᬸᬦ᭄᭞ᬢᬾᬢᬾᬄᬳᬸᬦᬶᬂᬫᬩᬩᬱᬵᬦ᭄᭞ᬘᬕᭂᬭᬂᬧᬸᬭᬸᬦ᭄ᬗᭂᬢᭀᬳᬶᬦ᭄᭟ᬧᬸᬭᬸᬦ᭄ᬢᬶᬢ᭄ᬬᬂᬗᭂᬘᭀᬓ᭄ᬗᬲᬮ᭄᭞ᬬᬦᬸᬧᬫᬶᬗᬤᬸᬳᬬᬫ᭄ᬫᬢᬚᬶ᭞ᬧᬸᬭᬸᬦ᭄ᬗᬤᭀᬓᬂᬫᬢᬭᬸᬂ᭞ᬤᭀᬄᬧᬭᬓᬵᬫᬚᬬ᭞ᬓᬲᭀᬃ

[᭔᭙ 49A]
᭔᭙
ᬢᬦ᭄ᬤᬶᬂᬬᬤᬶᬦ᭄ᬫᬕᭂᬦᬄᬭᬶᬂᬕᬸᬦᬸᬂ᭞ᬕᬸᬫᬦ᭄ᬢᬶᬢᭀᬢᭀᬲ᭄ᬓᬤᬗ᭄ᬓᬦ᭄᭞ᬘᬸᬮᬸᬓ᭄ᬫᬦᬳᬾᬗᭂᬢᭀᬳᬶᬦ᭄᭟ᬧᬸᬭᬸᬦ᭄ᬢᬶᬢ᭄ᬬᬂᬲᬫᬓᬸᬢ᭞ᬩᬦ᭄ᬢᬲ᭄ᬫᬮᬶᬄᬧᬶᬦᬶᬄᬲ᭄ᬯᬾᬢᬶᬕᬂᬰᬰᬶᬄ᭞ᬲᬵᬫ᭄ᬧᬸᬦ᭄ᬩᭂᬮᬶᬧᬸᬭᬸᬦ᭄ᬗᬤᬸ᭞ᬓᬵᬫᬚᬬᬫᬩᬱᬵᬦ᭄᭞ᬬᬤᬶᬦ᭄ᬩᭂᬮᬶᬜᭂᬦ᭄ᬢᭀᬓᬂᬓᬧᬸᬭᬶᬳ
ᬕᬸᬂ᭞ᬓᬵᬮᬢᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄ᭞ᬲᬂᬬᭀᬕᬶᬲᬳᬸᬭᬾᬓᭂᬜᬶᬂ᭟ᬫᬤᬓ᭄ᬲᬚᬳᬾᬗ᭄ᬕᬮ᭄ᬩᬶᬱ᭞ᬘᬸᬘᬸᬦ᭄ᬳᬤᬶᬦ᭄ᬢᭀᬦᬾᬲᬤ᭄ᬬᬬᬂᬩᭂᬮᬶ᭞ᬍᬓᬤ᭄ᬳᬯᬸᬓᬸᬤ᭄ᬢᬹᬃᬳᬸᬩᬸᬄ᭞ᬮᬦ᭄ᬩᬋᬂᬳᬲ᭄ᬢᬧᬬᬂ᭞ᬘᭂᬦ᭄ᬤᭂᬓ᭄ᬩᭂᬮᬶᬫᬶᬲᬭᬬᬂᬳᬤᬶᬗᬸᬭᬸᬓ᭄᭞ᬓᬵᬫᬚᬬᬫᬩᬩᬱᬵᬦ᭄᭞
ᬦᬵᬗ᭄ᬳᬶᬂᬳᬧᬂᬲᬚᬭᬶᬭᬶᬄ᭟ᬢᬢᬲ᭄ᬦᬯᬂᬓ᭄ᬭᬸᬡᬮᬶᬗ᭄ᬕ᭞ᬧ᭄ᬭᬫᬰᬵᬲ᭄ᬢ᭄ᬭᬦᭂᬕᭂᬲᬶᬦ᭄ᬩᬱᬓᬯᬶ᭞ᬚᬯᬓᬸᬦᬓᬲᬶᬦᬗ᭄ᬕᬸᬄ᭞ᬳᬧᬂ᭠ᬦᬯᬂ᭞ᬘᬸᬘᬸᬦ᭄ᬳᬤᬶᬦᬩᬸᬳᬂᬩᬩᬱᬵᬦ᭄ᬘᬮᬸᬄ᭞ᬢᬶᬤᭀᬂᬲᬗ᭄ᬓᬦᬶᬂᬗᭂᬭᬫ᭄ᬩᬂ᭞ᬧᬧᭂᬲᭀᬦ᭄ᬢᬢᬫ᭄ᬧᬾᬦ᭄ᬕᬧᬶ᭟ᬭᬾᬄᬮᬶᬬᬸᬲᬸᬩᬫᬯ᭠
ᬢᬂ᭞ᬢᬯᬂᬩᭂᬮᬶᬤᭀᬂᬓᬤᬾᬦ᭄ᬲᬚᬭᬶᬭᬶᬄ᭞ᬦᬩᬸᬳᬂᬩᬩᬱᬵᬦ᭄ᬮᭂᬗᬸᬢ᭄᭞ᬓᬮᬶᬗᬦᬾᬢᭀᬂᬦᬯᬂ᭞ᬫᬶᬢᭂᬕᭂᬲᬶᬦᬸᬘᬧ᭄ᬰᬵᬲ᭄ᬢ᭄ᬭᬫ᭄ᬯᬂᬲᬲᬸᬤᬸᬓ᭄᭞ᬬᬾᬦ᭄ᬳᬤᬘᬸᬘᬸᬤ᭄ᬦᬓᭀᬦᬂ᭞ᬲᬳᬸᬢᬶᬦ᭄ᬩᬦ᭄ᬫᬸᬜᬶᬧᭂᬤᬶᬄ᭟ᬲᬓᬾᬂᬢ᭄ᬯᬭᬧᬥᬦᬯᬂ᭞ᬧᬬᬸᬢᬸᬗ᭄ᬓᬲ᭄ᬫᬧ᭄ᬯᬭᬲᬮᬄᬢ [ 50 ][᭔᭙ 49B]
᭔᭙
ᬫ᭄ᬧᬶ᭞ᬗᭂᬜᬢᬂᬩᬳᭀᬂᬫᬫᭂᬗ᭄ᬓᬸᬂ᭞ᬍᬓ᭄ᬚᭂᬗᬄᬗᬓᬸᬓᬮᬄ᭞ᬳᭀᬕᬦ᭄ᬦᭂᬗ᭄ᬓᬶᬓ᭄ᬓᬤᬸᬂᬲᬸᬩᬧᭂᬧᭂᬲ᭄ᬚᬸᬫ᭄ᬩᬸᬄ᭞ᬦᬶᬗ᭄ᬕᬭᬂᬤᬾᬯᬾ᭠ᬓᬾᬧ᭄ᬭᬚ᭄ᬜᬦ᭄᭞ᬗᬗ᭄ᬓᬩᬶᬦ᭄ᬩᬦ᭄ᬩᬭᭀᬂᬲᬸᬫᬶ᭟ᬤᬸᬭᬸᬂᬧᬸᬧᬸᬢ᭄ᬫᬭᬭᬲᬦ᭄᭞ᬤᬸᬓᬸᬄᬮᬦᬂᬲᬋᬂᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬓᬜ᭄ᬘᬶᬢ᭄ᬓᬵᬫᬚᬬᬭᬯᬸᬄ᭞ᬜᭂᬫ᭄ᬧᬮ᭄
ᬲᬶᬮᬦᬸᬦᬲᬂ᭞ᬭᬶᬂᬲᬂᬬᭀᬕᬶᬓᬵᬮᬶᬄᬤᬦᬾᬤᬸᬓᬸᬄᬯᬥᬹ᭞ᬓᬮᬶᬗᬦ᭄ᬯᬳ᭄ᬬᬵᬥ᭄ᬬᬢ᭄ᬫᬶᬓ᭞ᬲᬹᬓ᭄ᬱᭂᬫᬦᬶᬂᬢᬸᬢᬹᬃᬧᬶᬗᬶᬢ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᬯᭂᬕᬂ᭞ᬫᬵᬢᬹᬃᬲᬶᬲᬶᬧ᭄‌ᬭᬾᬄᬲᬗ᭄ᬓᬦᬶᬂᬢᬦ᭄ᬳᬸᬦᬶᬂ᭞ᬓᬾᬗᬶᬦ᭄ᬧᬗ᭄ᬓᬄᬦᬸᬦᬲ᭄ᬢᬸᬢᬸᬭ᭄᭞ᬗᬶᬂᬬᬦ᭄ᬧᬶᬡ᭄ᬥᬦᬶᬂᬯᭂᬦᬂ᭞ᬥᬹᬄᬲᬂᬬᭀᬕᬶᬧᬸᬦᬧᬶᬲᬸ᭠
ᬚᬢᬶᬦᬶᬧᬸᬦ᭄᭞ᬕᬕ᭄ᬮᬭᬦ᭄ᬳᬶᬤᬧᬥᬵᬡ᭄ᬥ᭞ᬰᬶᬯᬩᬸᬤ᭄ᬥᬮᬶᬗᬶᬂᬳᬚᬶ᭟ᬦᬵᬗ᭄ᬳᬶᬂᬬᬦ᭄ᬧᬶᬡ᭄ᬥᬦᬶᬂᬯᭂᬦᬂ᭞ᬤᬸᬭᬸᬲ᭄ᬧᬶᬘ᭄ᬙᬬᬂᬫᬗ᭄ᬤᬢᬶᬢ᭄ᬬᬂᬳᬸᬦᬶᬂ᭞ᬓᬾᬯᬦ᭄ᬢᭂᬦ᭄ᬩᬘᬓᬦᬶᬧᬸᬦ᭄᭞ᬲᬦᬾᬓᬉᬢ᭄ᬢᬫᬬᬂ᭞ᬤᬾᬦᬶᬂᬧᬶᬗᬶᬢ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬧᬢᬶᬓᭂᬧᬸᬕ᭄᭞ᬓᬦ᭄ᬤᬶᬓᬬᬂᬗᬫ᭄ᬩᬶᬮ᭄ᬮᭀᬦ᭄ᬢᬃ᭞᭠
ᬗᬦ᭄ᬤᬶᬓᬤᬸᬓᬸᬄᬲᬸᬮᬤ᭄ᬭᬶ᭟ᬧᭂᬓᬓ᭄ᬢ᭄ᬯᬭᬚᬦᭂᬗᭂᬢᬂ᭞ᬦᬄᬲᬸᬭᬵᬢᬂᬳᬗ᭄ᬕᭀᬦ᭄ᬧᬗᬾᬮᬶᬂᬗᬾᬮᬶᬂ᭞ᬳᬧᬂᬢ᭄ᬯᬭᬘᬸᬘᬸ᭠ᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬰᬵᬲ᭄ᬢ᭄ᬭᬉᬢ᭄ᬢᬫ᭞ᬓᭀᬦᬾᬧᬶᬗᬶᬢ᭄᭞ᬕᬕᭂᬮᬭᬦ᭄ᬯᬢᭂᬓ᭄ᬯᬶᬓᬹ᭞ᬬᬚ᭄ᬜᬫᬵᬤᬦᬸᬧᬘᬭ᭞ᬅᬕᬫᬳᬦᬾᬲᬸᬗ᭄ᬓᭂᬫᬶ᭠

[᭕᭐ 50A]
᭕᭐
ᬦ᭄᭟ᬓᬵᬫᬚᬬᬯᬸᬲ᭄ᬲᬬᬕ᭞ᬫᬓ᭄ᬢᬮᭀᬦ᭄ᬢᬃᬲᬵᬫ᭄ᬧᬸᬦ᭄ᬗᬕᭂᬫ᭄ᬧᬗᬸᬢᬶᬓ᭄᭞ᬤᬸᬓᬸᬄᬲᬸᬮᬤ᭄ᬭᬶᬳᬫᬸᬯᬸᬲ᭄᭞ᬧᭂᬤᬲᬂ᭠ᬫᬤᬶᬗᭂᬳᬂ᭞ᬳᬧᬂᬧᬲ᭄ᬢᬶ᭞ᬓᭀᬚᬭᬦ᭄ᬤᬶᬕᬸᬫᬶᬳᬶᬡ᭄ᬥᬸ᭞ᬳᬦᬾᬫᬵᬤᬦ᭄ᬰᬵᬲ᭄ᬢ᭄ᬭᬵᬕᬫ᭞ᬢᭂᬮᬸᬂᬲᭀᬭᭀᬄᬮᬶᬗᬶᬂᬳᬚᬶ᭟ᬲᬗ᭄ᬳᬶᬢᬫᬶᬯᬄ
ᬩ᭄ᬭᬳ᭄ᬫᬵᬡ᭞ᬮᬦᬸᬧᬦᬶᬰᬤᬓᬮᭀᬓᬧᬶᬗᬶᬢ᭄᭞ᬯᭂᬦᬂᬲᬂᬫᬭᬕᬧᬸᬢᬸᬲ᭄᭞ᬯᬭᬸᬄᬭᬶᬂᬓᬤ᭄ᬬᬢ᭄ᬫᬶᬓᬦ᭄᭞ᬲᬗ᭄ᬳ᭄ᬬᬂᬳᬚᬶ᭞ᬦᬾᬩᬘᬓ᭄ᬧᭂᬓᬓ᭄ᬢᬢᭂᬮᬸ᭞ᬲᭀᬭᭀᬄᬯᬾᬤ᭄ᬥᬦᬾᬲᬗ᭄ᬳᬶᬢ᭞ᬩᬸᬓᬧᬢ᭄ᬧᬢ᭄ᬦᬾᬓᬵᬤᬦᬶᬦ᭄᭟ᬋᬕ᭄ᬯᬾᬤ᭄ᬥᬮᬦ᭄‌ᬬᬬᬹᬃᬯᬾᬤ᭄ᬥ᭞
ᬲᬫᬯᬾᬤ᭄ᬥᬮᬦᬣᬃᬯ᭄ᬯᬯᬾᬤ᭄ᬥᬩ᭄ᬯᬶᬦ᭄᭞ᬧᬗᬲ᭄ᬢᬯᬦ᭄ᬲᬗ᭄ᬳ᭄ᬬᬂᬢᬸᬥᬸᬄ᭞ᬕᬕ᭄ᬮᬭᬦ᭄ᬯᬢᭂᬓ᭄ᬰᬶᬯ᭞ᬦᬾᬜᬸᬗ᭄ᬓᭂᬫᬶᬦ᭄᭞ᬧ᭄ᬭᬫᬰᬶᬯᬧᬮᬶᬂᬮᬸᬳᬸᬭ᭄᭞ᬧᬭᬕᬬᬦ᭄ᬲᬗ᭄ᬳ᭄ᬬᬂᬢᬶᬝᬄ᭞ᬦᬾᬧᬵᬢᬹᬢ᭄ᬲᭂᬫ᭄ᬩᬄᬪᬓ᭄ᬢᬶᬦᬶᬦ᭄᭟ᬩ᭄ᬭᬳ᭄ᬫᬵᬡᬫᬳᬶᬢᬸᬂᬧᬢ᭄ᬧᬢ᭄᭞ᬧᬦᬸᬗ᭄ᬕᬮᬦ᭄ᬰᬵᬲ᭄ᬢ᭄ᬭᬵ
ᬕᬫᬓᬧᬦ᭄ᬤᬶ᭞ᬲᬢᬧᬣᬦᬾᬓᬯᬸᬯᬸᬲ᭄᭞ᬕᭀᬧᬣᬩᬶᬢᭂᬭᬾᬬ᭞ᬫᬶᬦᬓᬵᬤᬶ᭞ᬢᬿᬢ᭄ᬢᬶᬭᬶᬬᬲᬤᬸᬮᬸᬭ᭄᭞ᬳ᭠ᬫ᭄ᬩᬸᬮ᭄ᬢᭀᬫᬵᬤᬦ᭄ᬩ᭄ᬭᬳ᭄ᬫᬵᬡ᭞ᬳᬦᬾᬓᬳᬸᬘᬧᬂᬲ᭄ᬫᬺᬢ᭄ᬢᬶ᭟ᬦᬾᬫᬵᬤᬦᬸᬧᬦᬶᬰᬤ᭞ᬧᬦᬸᬗ᭄ᬕᬮᬦ᭄ᬰᬵᬲ᭄ᬢ᭄ᬭᬵᬕᬫᬓᬧᬸᬚᬶ᭞ᬭᭀᬭᬲ᭄ᬲᭀ [ 51 ][᭕᭐ 50B]
᭕᭐
ᬭᭀᬄᬘᭂᬦᬶᬂᬘᬸᬘᬸ᭞ᬇᬰᬓᬾᬦᬮᬦ᭄ᬓᬣ᭞ᬫᬶᬦᬓᬵᬤᬶ᭞ᬧ᭄ᬭᬲ᭄ᬦᬫᬸᬦ᭄ᬤᬓᬓᬯᬸᬯᬸᬲ᭄᭞ᬫᬦ᭄ᬤᬸᬓ᭄ᬬᬮᬐᬢᬾᬭᬾᬬ᭞ᬢᬿᬢ᭄ᬢᬶᬭ᭄ᬬᬓᭀᬦᬾᬩ᭄ᬯᬶᬦ᭄᭟ᬩ᭄ᬯᬶᬳᬭᬤᬭᬦ᭄ᬬᬓᬫᬶᬯᬄ᭞ᬘᬦ᭄ᬤᭀᬕ᭄ᬬᬲ᭄ᬯᬾᬲ᭄ᬢᬲ᭄ᬯᬢᬓᭀᬲᬶᬢᬓᬶ᭞ᬦᬄᬳᬓᬾᬢᭀᬘᭂᬦᬶᬂᬘᬸᬘᬸ᭞ᬩ
ᬘᬓᬦ᭄ᬰᬵᬲ᭄ᬢ᭄ᬭᬵᬕᬫ᭞ᬫᬵᬤᬦ᭄ᬰ᭄ᬭᬸᬢᬶ᭞ᬕᬕᭂᬮᬭᬦ᭄ᬯᬢᭂᬓ᭄ᬯᬶᬓᬹ᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬳᬫ᭄ᬧᬸᬭᬢᬶᬢ᭄ᬬᬂᬲᬂᬬᭀᬕᬶ᭟ᬮᬗ᭄ᬕᬦᬫᬮᬶᬄᬦᬸᬦᬲᬂ᭞ᬓᬤ᭄ᬬᬗ᭄ᬕᬦᬶᬂᬢᬶᬢ᭄ᬬᬂᬫᬵᬦᬹᬱᬲᬓᬶᬢ᭄᭞ᬯᬯᬸᬲᭂᬕᭂᬭᬦ᭄ᬕᭂᬫᬭᬸᬓ᭄᭞ᬗᬭᬧᬸᬦᬸᬦᬲ᭄ᬢᭂᬥ᭞ᬲᬗᬸᬦ᭄ᬳᬸᬭᬶᬧ᭄᭞ᬲᬶ
ᬗ᭄ᬕᬶᬄᬧᬸᬦᬧᬶᬥᬂᬕᬸᬭᬸ᭞ᬓᬮᬶᬗᬦᬕᬫᬩᬸᬤ᭄ᬥ᭞ᬤᬸᬭᬸᬂᬢᬢᬲ᭄ᬢᬶᬢ᭄ᬬᬂᬳᬸᬦᬶᬂ᭟ᬦᬧᬶᬲᬦᬾᬓᬫᬗ᭄ᬕᭂᬳᬂ᭞ᬰᬵᬲ᭄ᬢ᭄ᬭᬵᬕᬫᬧᬳᬶᬘ᭄ᬙᬦ᭄ᬰᬓ᭄ᬬᬫᬸᬦᬶ᭞ᬇᬭᬶᬓᬵᬭᬶᬂᬚᬕᬢ᭄ᬳᬶᬡ᭄ᬥᬸ᭞ᬦᬧᬶᬲᬶᬄᬧᬪᬶᬦᬬᬦ᭄᭞ᬮᬶᬗᬶᬂᬳᬚᬶ᭞ᬤᬸᬓᬸᬄᬲᬸᬮᬤ᭄ᬭᬶᬫᬲᬳᬸᬭ᭄᭞ᬢᬢᬸᬚᭀᬦᬾ᭠
ᬢ᭄ᬯᬭᬪᬶᬦ᭞ᬗᬮᬶᬄᬓᬰᬸᬦ᭄ᬬᬢᬦ᭄ᬚᬢᬶ᭟ᬏᬓᬰ᭄ᬭᬸᬢᬶᬪᬶᬦᬧᬓ᭄ᬱ᭞ᬲᬢ᭄ᬢᬸᬓᬤ᭄ᬫᬓᭂᬚᬂᬫᭂᬫ᭄ᬩᬄᬓᬧᬲᬶᬄ᭞ᬧᬗᬸᬗ᭄ᬲᬶᬦᬾᬳᬸᬮᬶᬕᬸᬦᬸᬂ᭞ᬧᬓ᭄ᬱᬦᬕᬫᬩᬸᬤ᭄ᬥ᭞ᬫᬜᬸᬗ᭄ᬓᭂᬫᬶᬦ᭄᭞ᬲᬹᬓ᭄ᬱᭂᬫᬦᬕᬫᬳᬶᬡ᭄ᬥᬸ᭞ᬫᬜᭂᬗ᭄ᬕᬸᬳᬂᬧᬸᬦᬃᬪᬵᬯ᭞ᬫᬵᬦᬹᬱᬦᬾᬩ᭄ᬯᬶᬦ᭄ᬤᬸᬫᬤᬶ᭟ᬗ

[᭕᭑ 51A]
᭕᭑
ᬫᬗ᭄ᬕᭂᬳᬂᬨᬮᬓᬃᬫ᭄ᬫ᭞ᬫᬸᬧᭀᬦᬶᬦ᭄ᬳᬮᬳᬬᬸᬦᬾᬓᬵᬃᬤ᭄ᬥᬶᬦᬶᬦ᭄᭞ᬢᬢᬸᬚᭀᬦᬾᬫᬸᬮᬧᬢᬸᬄ᭞ᬫᭂᬮᬄᬘᬸᬘᬸᬲᬸᬭᬵᬢᬂ᭞ᬩᭂᬲᬶᬓ᭄ᬩᭂᬲᬶᬓ᭄᭞ᬲᬵᬲ᭄ᬢ᭄ᬭᬵᬕᬫᬦᬾᬓᬳᬦᬹᬢ᭄᭞ᬕᬕᭂᬮᬭᬦ᭄ᬯᬢᭂᬓ᭄ᬩᬸᬤ᭄ᬥ᭞ᬢ᭄ᬭᬶᬧᬶᬢᬓᬓᬲᬸᬗ᭄ᬓᭂᬫᬶᬦ᭄᭟ᬢ᭄ᬭᬶᬫᬧᬶᬢᭂᬕᭂᬲ᭄ᬢᬢᬶᬕ᭞ᬧᬶᬢ
ᬓᬫᬧᬶᬢᭂᬕᭂᬲ᭄‌ᬓ᭄ᬭᬜ᭄ᬚᬂᬚᬢᬶ᭞ᬰᬵᬲ᭄ᬢ᭄ᬭᬵᬕᬫᬦᬾᬢᬢᭂᬮᬸ᭞ᬤᭂᬧᬸᬓ᭄ᬤᬤᬶᬳᬯᬤᬄ᭞ᬬᬦᬶᬂᬲᭂᬧᬶᬄ᭞ᬫᬢᭂᬫᬳᬦ᭄ᬤ᭠ᬤᬶᬮᬶᬬᬸ᭞ᬫᬕᭀᬩᬫᬘᬭᬂᬭᬾᬗ᭄ᬕᬄ᭞ᬲᬩᬶᬮᬂᬘᬭᬂᬫᬩᬗ᭄ᬲᬶᬂ᭟ᬢ᭄ᬭᬶᬧᬶᬢᬓᬦᬾᬫᬘᬭᬂ᭞ᬯᬶᬦᬬᬧᬶᬢᬓᬫᬓᬤᬂᬢᭂᬓᬾᬦ᭄᭞ᬲᬸᬢ᭄ᬢ᭠
ᬧᬶᬢᬓᬓᬯᬸᬯᬸᬲ᭄᭞ᬅᬪᬶᬥᬫ᭄ᬫᬧᬶᬢᬓ᭞ᬮᬶᬗᬶᬂᬳᬚᬶ᭞ᬢᬢᭂᬮᬸᬧᬶᬦᬓᬢᬸᬗ᭄ᬕᬸᬮ᭄᭞ᬦᬾᬢᬢᭂᬮᬸᬩ᭄ᬯᬶᬦ᭄ᬩᬦ᭄ᬢᬶᬳᬂ᭞ᬕᭀᬩᬬᬂᬧᬶᬦᬓᬩᬗ᭄ᬲᬶᬂ᭟ᬓᬯᬶᬢ᭄ᬯᬶᬦᬬᬧᬶᬢᬓ᭞ᬫᬲᭀᬭᭀᬳᬦ᭄ᬮᬮᬶᬫᬦᬾᬓᬵᬤᬦᬶᬦ᭄᭞ᬲᬸᬢ᭄ᬢᬯᬶᬪᬗᬓᬯᬸᬯᬸᬲ᭄᭞ᬓᬡ᭄ᬥᬓᬫᬓᬫᬶ᭠
ᬯᬄ᭞ᬧᬭᬶᬯᬭ᭞ᬮᬦ᭄ᬫᬳᬵᬯᬕᬲᬤᬸᬮᬸᬃ᭞ᬢᭂᬓᬾᬦ᭄ᬘᬸᬮᬯᬕᬓᭀᬘᬧ᭄᭞ᬮᬮᬶᬫᬧᬶᬦᬓᬩᬗ᭄ᬲᬶᬂ᭟ᬩᬘᬓᬦ᭄‌ᬲᬸ᭠ᬢ᭄ᬢᬯᬶᬪᬗ᭞ᬲᭂᬧᬶᬄᬩ᭄ᬯᬶᬦ᭄ᬧᬶᬦᬓᬘᬭᬂᬘᭂᬦᬶᬓ᭄᭞ᬫᬳᬵᬯᬶᬪᬗᬲᬤᬸᬮᬸᬃ᭞ᬮᬦ᭄‌ᬪᬶᬓ᭄ᬱᬹᬫᬶᬯᬶᬪᬗ᭞ᬦᬾᬓᬧᬶᬗᬶᬢ᭄᭞ᬕᬕᭂᬮᬭᬦ᭄ᬯᬢᭂᬓ᭄ [ 52 ][᭕᭑ 51B]
᭕᭑
ᬪᬶᬓ᭄ᬱᬹ᭞ᬮᬦ᭄ᬪᬶᬓ᭄ᬱᬹᬫᬶᬓᬲᭀᬕᬢᬦ᭄᭞ᬦᬾᬚᬦᬶᬮᬦ᭄ᬢᬸᬭᬂᬩ᭄ᬯᬶᬦ᭄᭟ᬩᬘᬓᬦ᭄ᬲᬸᬢᬧᬶᬢᬓ᭞ᬫᬲᬶᬄᬮᬮᬶᬫᬘᬭᬂᬜᬓᬵᬤᬦᬶᬦ᭄᭞ᬤᬶᬖᬦᬶᬓᬵᬬᬲᬤᬸᬮᬸᬃ᭞ᬮᬦ᭄ᬫᬚᬶᬫᬦᬶᬓᬵᬬ᭞ᬫᬓᬫᬶᬯᬄ᭞ᬲᬫ᭄ᬬᬸᬢ᭄ᬢᬦᬶᬓᬵᬬᬳᬶᬗ᭄ᬓᬸᬧ᭄᭞ᬢᭂᬓᬾᬦᬗᬹᬢ᭄ᬢᬭᬦᬶᬓᬵᬬ᭞᭠
ᬓᬸᬤ᭄ᬥᬓᬤᬶᬓᬵᬬᬢᬸᬗ᭄ᬕᬶᬮ᭄᭟ᬮᬮᬶᬫᬫᬵᬤᬦ᭄ᬦᬶᬓᬵᬬ᭞ᬅᬪᬶᬥᬫ᭄ᬫᬧᬶᬢᬓᬧᬶᬢᬸᬧᬲ᭄ᬢᬶ᭞ᬧᬦᬸᬗ᭄ᬕᬮᬦᬾᬬᬦ᭄ᬳᬶᬢᬸᬂ᭞ᬥᬫ᭄ᬫᬲᬗᬦᬶᬫᬶᬯᬄ᭞ᬦᬾᬓᬵᬤᬦᬶᬦ᭄᭞ᬯᬶᬪᬗᬮᬯᬦ᭄ᬲᬤᬸᬮᬸᬃ᭞ᬥᬢᬸᬓᬣᬫᬓᬫᬶᬯᬄ᭞ᬧᬸᬗ᭄ᬕᬮᬧᬦ᭄ᬦᬢ᭄ᬢᬶᬢᭂᬓᬶᬦ᭄᭟ᬓᬣᬯᬢ᭄ᬣᬸᬫᬓᬫᬶ
ᬯᬄ᭞ᬬᬫᬓᬮᬦ᭄ᬧᬢ᭄ᬣᬦᬲᬸᬩᬧᬲ᭄ᬢᬶ᭞ᬧᬧᬶᬢᬸᬦ᭄ᬢᭀᬘᭂᬦᬶᬂᬘᬸᬘᬸ᭞ᬚᬦᬶᬚᬮᬦ᭄ᬮᬦ᭄ᬢᬸᬭᬂ᭞ᬗᬶᬂᬯᬮᬾᬦᬶᬦ᭄᭞ᬲᬸᬢ᭄ᬢᬧᬶᬢ᭠ᬓᬓᬯᬸᬯᬸᬲ᭄᭞ᬯᭂᬢᬸᬦ᭄ᬓᬸᬤ᭄ᬥᬓᬤᬶᬓᬵᬬ᭞ᬮᬶᬫᭀᬮᬲ᭄ᬧᬶᬦᬓᬩᬗ᭄ᬲᬶᬂ᭟ᬓᬸᬤ᭄ᬥᬓᬧᬢ᭄ᬣᬓᬮᬯᬦ᭄᭞ᬥᬫ᭄ᬫᬧᬤᬫᬶᬯᬄᬉᬥᬦᬢᭂᬓᬶᬦ᭄᭞ᬇ
ᬢ᭄ᬢᬶᬯᬸᬢ᭄ᬢᬓᬲᬤᬸᬮᬸᬃ᭞ᬢᭂᬓᬾᬦ᭄ᬲᬸᬢ᭄ᬢᬦᬶᬧᬢ᭞ᬓᬾᬢᭀᬫᬲᬶᬄ᭞ᬢᭂᬓᬾᬦᬶᬂᬯᬶᬫᬦᬯᬢ᭄ᬢᬸ᭞ᬮᬦ᭄ᬧᬾᬢᬯᬢ᭄ᬣᬸᬫᬓᬤᬂ᭞ᬢᭂᬓᬾᬦ᭄‌ᬣᬾᬭᬕᬣᬫᬲᬶᬄ᭟ᬢᭂᬓᬾᬦ᭄ᬣᬾᬭᬶᬕᬣᬓᭀᬘᬧ᭄᭞ᬬᬢᬓᬫᬓᬤᬂᬦᬶᬤ᭄ᬥᬾᬰᬢᭂᬓᬶᬦ᭄᭞ᬧᬢᬶᬲᬫ᭄ᬪᬶᬤᬓᬯᬸᬯᬸᬲ᭄᭞᭠

[᭕᭒ 52A]
᭕᭒
ᬫᬓᬤᬂᬅᬧᬥᬦ᭞ᬓᬾᬢᭀᬫᬲᬶᬄ᭞ᬮᬦ᭄ᬩᬸᬤ᭄ᬥᬯᬫ᭄ᬲᬲᬤᬸᬮᬸᬃ᭞ᬢᭂᬓᬾᬦᬶᬂᬘᬃᬬ᭄ᬬᬧᬶᬢᬓ᭞ᬦᬄᬲᬸᬩᬮᬶᬫᭀᬮᬲ᭄ᬧᬲ᭄ᬢᬶ᭟ᬳᬓᬾᬢᭀᬲᬸᬩᬫᬓᭂᬚᬂ᭞ᬳᬤᬦ᭄ᬘᬓᭂᬧᬦᬾᬓᬲᬫ᭄ᬩᬢ᭄ᬧᬶᬗᬶᬢ᭄᭞ᬦᬾᬢᬓᭀᬦᬂᬘᭂᬦᬶᬂᬘᬸᬘᬸ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬯᭂᬕᬂ᭞ᬫᬵ᭠
ᬢᬹᬃᬲᬶᬲᬶᬧ᭄᭞ᬳᬶᬗ᭄ᬕᬶᬄᬓᬾᬧᬸᬗ᭄ᬕᭂᬮᬂᬤᬸᬫᬸᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬵᬫᬚᬬ᭞ᬩᬶᬗᬸᬂᬫᬾᬄᬓᬗ᭄ᬳᬾᬮᬦ᭄ᬦᬸᬮᬶᬲ᭄᭟ᬩᬾᬜ᭄ᬚᬗᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬲᬧᬸᬦᬶᬓᬳᬢᬸᬭᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬜᭂᬮᬕ᭄ᬯᬘᬦᬦ᭄ᬥᬂᬕᬸᬭᬸ᭞ᬤᬸᬓᬸᬄᬲᬸᬮᬤ᭄ᬭᬶᬦᬶᬫ᭄ᬩᬮ᭄᭞ᬲᬚᬳᬤᬶ᭞ᬦᬄᬚᬮ᭠
ᬦ᭄ᬭᬾᬭᬾᬦᬂᬫᬮᬸ᭞ᬘᭂᬦᬶᬂᬘᬸᬘᬸᬓᬵᬫᬚᬬ᭞ᬩ᭄ᬯᬶᬦ᭄ᬧᬶᬤᬦ᭄ᬚᬮᬦ᭄ᬯᬮᬾᬦᬶᬦ᭄᭟ᬓᬵᬫᬚᬬᬲᬳᬲᭂᬫ᭄ᬩᬄ᭞ᬗᬢᬸᬗ᭄ᬓᬭ᭠ᬭᬶᬂᬩᬸᬓ᭄ᬧᬤᬲᬂᬬᭀᬕᬶ᭞ᬲᬭᬮᬾᬤᬂᬥᬹᬄᬕᬸᬭᬸ᭞ᬢᬶᬢ᭄ᬬᬂᬗᬶᬭᬶᬂᬫᬭᬵᬃᬬ᭄ᬬᬦ᭄᭞ᬫᬤᬓ᭄ᬳᬸᬕᬶ᭞ᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂᬦᬶᬭᬸ᭞ᬧᬫᬵᬃᬕ᭄ᬕᬦ᭄ᬲᬂ
ᬓᬲᬸᬩ᭄ᬧ᭄ᬭᬚ᭄ᬜᬦ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬦᭂᬥᬧᬫᬶᬢ᭄᭟᭜᭟ᬕᬶᬦᬤ᭟᭜᭟ᬓᬤᬶᬤᬸᬫ᭄ᬬᬭᬶᬂᬧᬤᬸᬓ᭄ᬯᬦ᭄᭞ᬲᬲᬸᬓᬢ᭄ᬳᬶᬭᬶᬓ᭠ᬫᬗ᭄ᬓᬶᬦ᭄᭞ᬓᬵᬫᬚᬬᬫᬩᬩᬲᬦ᭄᭞ᬗᬶᬭᬶᬂᬤᬦᬾᬤᬸᬓᬸᬄᬯᬥᬹ᭞ᬢᬦ᭄ᬧᭂᬕᬢ᭄ᬭᬯᬸᬄᬳᬗ᭄ᬕᬸᬭᬦ᭄᭞ᬲᬩ᭄ᬭᬦ᭄ᬯᭂᬗᬶ᭞ᬕᬶᬭᬂᬫᭂᬮᬚᬄᬫᬫᬘ᭞ [ 53 ][᭕᭒ 52B]
᭕᭒
ᬓᬓᬯᬶᬦ᭄ᬪᬭᬢᬬᬸᬤ᭄ᬥ᭞ᬭᬵᬫᬬᬡᬫᬶᬦᬓᬵᬤᬶ᭞ᬯᬶᬭᬾᬄᬤᬤᭀᬲ᭄ᬓᬓᬲᬸᬩᬦ᭄᭞ᬬᬦ᭄ᬳᬸᬦᬶᬂᬫᬕᬸᬭᬸᬮᬕᬸ᭞ᬗᭀᬦᬾᬓ᭄ᬰᬵᬲ᭄ᬢ᭄ᬭᬫᬯᬶᬭᬫ᭞ᬢᬸᬭᬄᬩᬮᬶ᭞ᬲᬵᬫ᭄ᬧᬸᬦ᭄ᬧ᭄ᬭᬚ᭄ᬜᬦ᭄ᬓᬮᭀᬓᬬᬂ᭟ᬦᬧᬶᬫᬮᬶᬄᬫᬩᬩᬱᬵᬦ᭄᭞ᬓᬾᬗᬶᬦ᭄ᬓᬓᬲᬸᬩᬦ᭄ᬕᬸᬫᬶ᭞ᬳᬾᬤ
ᬍᬫᬶᬦ᭄ᬜᬫᬩ᭄ᬭᬬ᭞ᬳᬯᬶᬦᬦ᭄ᬕᬶᬭᬂᬫᬳᬸᬭᬸᬓ᭄᭞ᬳᬮᬶᬢᬮᬶᬢᬾᬭᬶᬂᬤᬾᬰ᭞ᬢᬫᬦ᭄ᬩᬮᬶ᭞ᬗᬫᬶᬍᬢᬶᬦ᭄ᬓᬵᬫᬚᬬ᭟᭠ᬫᬸᬂᬧᬸᬂᬓᬾᬧᭀᬮᬶᬄᬲᭂᬗ᭄ᬕᬗᬦ᭄᭞ᬫᬓᬵᬃᬬ᭄ᬬᬭᬶᬂᬢᭂᬕᬮ᭄ᬘᬭᬶᬓ᭄᭞ᬦᬦ᭄ᬤᬸᬃᬧᬦ᭄ᬢᬸᬦ᭄ᬫᬶᬯᬄᬕᬕ᭞ᬭᬾᬄᬧᭀᬮᬶᬄᬓᬮᬗᬦ᭄ᬗᬗ᭄ᬕᬸᬃ᭞ᬓᬧᬤᬸᬓ᭄ᬯ
ᬦ᭄ᬳᬓᬶᬬᬧᬦ᭄᭞ᬲᬩ᭄ᬭᬦ᭄ᬯᭂᬗᬶ᭞ᬦᬗ᭄ᬓᬶᬮ᭄ᬲᬫ᭄ᬩᬶᬮᬂᬫᭂᬮᬚᬄ᭟ᬦᬾᬳᭀᬤᬄᬩᬋᬂᬫᬕᬤᬂ᭞ᬓᬮᬗᭃᬦ᭄ᬦᬶᬗᭂᬄᬓᬓᬯᬶᬦ᭄᭞ᬫᬢᬸᬗ᭄ᬓᭂᬤ᭄ᬦᬤ᭄ᬢᬤ᭄ᬮᭀᬩᬓᬦ᭄᭞ᬓᬧᬤᬸᬓ᭄ᬯᬦ᭄ᬕ᭄ᬭᬬᬢ᭄ᬕ᭄ᬭᬸᬬᬸᬢ᭄᭞ᬦᭂᬕᬓ᭄ᬲᬫ᭄ᬩᬶᬮᬂᬫᬲᬤᬄ᭞ᬗᬶᬲᬶᬲᭂᬦ᭄ᬤᬶ᭞ᬲᬭᬸᬫᬮᬶᬗᬦ᭄ᬲᬲᬓ᭟ᬋ
ᬓᬇᬥᭂᬧᬾᬫᬶᬭᬕ᭄ᬬᬂ᭞ᬳᬮᬶᬢᬮᬶᬢᬾᬫᬓᬯᬶᬦ᭄᭞ᬕᭂᬮᬶᬲ᭄ᬳᬸᬦᬶᬂᬫᬯᬶᬭᬫ᭞ᬲᬓᬾᬂᬯᬶᬓᬦ᭄ᬤᬸᬓᬸᬄᬯᬥᬹ᭞ᬗᬸᬭᬸᬓ᭄ᬳ᭠ᬯᬶᬦᬦ᭄ᬜᬓ᭄ᬢᬫ᭞ᬗᬭᬫᬦᬶᬦ᭄᭞ᬳᬮᬶᬢᬮᬶᬢᬾᬫᭂᬮᬚᬄ᭟ᬓᬾᬦ᭄ᬢᭂᬦ᭄ᬧᬜᬫ᭄ᬩᬢ᭄ᬦᬾᬳᭀᬤᬄ᭞ᬗᬍᬫ᭄ᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬜᭂᬮ᭄ᬲᭂ᭠

[᭕᭓ 53A]
᭕᭓
ᬮ᭄ᬤᬾᬯᬾᬓ᭄ᬲᬵᬫ᭄ᬧᬸᬦ᭄ᬢᬸᬯ᭞ᬓᬲᬾᬧ᭄‌ᬬᬦ᭄ᬚᬕᬫᬳᬸᬭᬸᬓ᭄᭞ᬲᬃᬯ᭄ᬯᬶᬗᬫ᭄ᬩᬶᬮ᭄ᬧᬗ᭄ᬮᭀᬘᭀᬓᬦ᭄᭞ᬗᭂᬘᬄᬦᬫ᭄ᬧᬶᬦ᭄᭞ᬗᬋᬫᬸᬓᬂᬳᬶᬲᬶᬦ᭄ᬧᬩ᭄ᬯᬦ᭄᭟ᬤᬸᬓᬸᬄᬳᬶᬲ᭄ᬢ᭄ᬭᬶᬘᬾᬱ᭄ᬝᬵᬓᬭ᭞ᬲᬾᬩᭂᬢ᭄ᬤᬦᬾᬫᬶᬓᬬᬸᬦᬶᬦ᭄᭞ᬳᬮᬶᬢᬮᬶᬢᬾᬫᭂᬮᬚᬄ᭞ᬓᬧᬃᬡ᭄ᬦᬓᬗ᭄ᬳᬾᬮ᭠
ᬦ᭄ᬲᬵᬫ᭄ᬧᬸᬦ᭄᭞ᬳᬕᬾᬤᬦᬾᬫᬗᬦ᭄ᬤᬶᬓ᭞ᬘᭂᬭᬶᬓ᭄ᬘᭂᬭᬶᬓ᭄᭞ᬳᬫ᭄ᬩᬸᬮ᭄ᬢᭀᬫᬮᬸᬭᬾᬭᬾᬦᬂ᭟ᬦᬾᬫᬦᬶᬚᬮᬦ᭄ᬮᬦ᭄ᬢᬸᬭᬂ᭞ᬦᬄᬫᬾᬫᬾᬚᬦᬶᬦᬸᬢᬸᬭᬶᬦ᭄᭞ᬘᭂᬭᬶᬓ᭄ᬘᭂᬭᬶᬓᬾᬫᬓᭂᬚᬂ᭞ᬚᭂᬫᭂᬢᬂᬫᬮᬸᬫᬳᬸᬭᬸᬓ᭄᭞ᬲᭀᬢᬦᬶᬂᬲᬸᬩᬢᬭᬸᬡ᭞ᬧᬮᬚᬳᬶ᭠
ᬦ᭄᭞ᬳᬧᬂᬦᬯᬂᬢᬢᬓ᭄ᬭᬫ᭟ᬫᬩᬜ᭄ᬚᬃᬫᬓ᭄ᬭᬫᬤᬾᬰ᭞ᬕᬸᬡᬦᬶᬂᬍᬓᬤ᭄ᬤᬶᬩᬮᬶ᭞ᬫᬦᬶᬧ᭄ᬯᬦ᭄ᬗᬮᬶᬄᬓᬸᬋᬦᬦ᭄᭞ᬧᬶ᭠ᬮᬶᬳᬶᬦ᭄ᬳᬦᬓᬾᬳᭂᬮᬸᬄ᭞ᬳᬧᬂᬢ᭄ᬯᬭᬜᬮᬸᬯᬕᬂ᭞ᬲᬮᬄᬧᬶᬮᬶᬄ᭞ᬫᬧ᭄ᬯᬭᬦᭂᬧᬸᬓᬶᬦ᭄ᬚᭂᬗᬄ᭟ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭞ᬫᬓᭂᬮᭀ
ᬮᬓᬃᬢᬦ᭄ᬤᬗᬶᬦ᭄᭞ᬗᬯᬾᬚᭂᬗᬄᬳᬦᬓ᭄ᬳᭀᬤᬄ᭞ᬯᬾᬦ᭄ᬢᭂᬦ᭄ᬧᭀᬗᬄᬚ᭄ᬯᬭᬶᬫᬵᬢᬹᬃ᭞ᬲᬧᬸᬦᬧᬶᬬᬦ᭄ᬢᬓᭀᬘᬧ᭄᭞ᬲᬦᬾᬩᭂᬘᬶᬓ᭄᭞ᬢᬹᬃᬲᬦᬾᬜᬦ᭄ᬤᬂᬩᭀᬩᭀᬢᬂ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬓᬾᬦᬾᬓᬮᬶᬗᬦᬾᬘᭂᬦᬶᬂ᭞ᬬᬾ [ 54 ][᭕᭓ 53B]
᭕᭓
ᬦ᭄ᬫᬩᬸᬤ᭄ᬥᬶᬗᬮᬶᬄᬲᭀᬫᬄ᭞ᬳᬤᬩᬘᬓᬦ᭄ᬢᬢᭂᬮᬸ᭞ᬳᬸᬘᬧ᭄ᬮᭀᬦ᭄ᬢᬃᬰ᭄ᬮᭀᬓᬦ᭄ᬢᬭ᭞ᬲᬭᬘᭂᬦᬶᬂ᭞ᬫᬶᬮᬶᬳᬶᬦ᭄ᬫᬾᬫᬾᬦᬃᬢ᭄ᬣᬬᬂ᭟ᬬᬤᬶᬦ᭄ᬯᬬᬳᬦ᭄ᬳᬳᬸᬲᬧ᭄᭞ᬬᬦ᭄ᬲᬸᬩᬫᬳᭀᬃᬢ᭄ᬢᬲᬸᬕᬶᬄ᭞ᬜᬦ᭄ᬤᬂᬦᬾᬓᬾᬢᭀᬲᬭᬢᬂ᭞ᬳᬶᬤᬶᬄᬳᬗ᭄ᬕᭀᬦ᭄ᬳᬦᬓ᭄ᬳᭂ
ᬮᬸᬄ᭞ᬮᬸᬮᬸᬢ᭄ᬳᬲᬶᬳᬾᬳᬤᭀᬓᬂ᭞ᬫᬗᬸᬮᬦᬶᬦ᭄᭞ᬗᬮᬧ᭄ᬓᬧᬶᬢᬺᬱ᭄ᬡᬵᬦ᭄ᬫᬢ᭄ᬯ᭟ᬩᬶᬱᬫᬢᬶᬍᬲᬂᬳᬯᬓ᭄᭞᭠ᬚᭂᬫᭂᬢ᭄ᬓᬘᬭᬶᬓ᭄ᬦᬸᬮᬸᬗᬶᬦ᭄᭞ᬫᬢᭂᬓᬧ᭄‌ᬬᬤᬶᬦ᭄ᬫᭂᬮᬲᬄ᭞ᬗᬬᬳᬶᬦ᭄ᬳᬦᬓᬾᬳᭂᬮᬸᬄ᭞ᬗᬸᬤᬢ᭄ᬯᬭᬓᬲᬬᬗᬂ᭞ᬓᭂᬤᬾᬓ᭄ᬗ᭄ᬭᬶᬓᬶᬓ᭄᭞ᬳ
ᬮᬶᬢᬮᬶᬢᬾᬫᬶᬭᬕ᭄ᬬᬂ᭟ᬯᬾᬦ᭄ᬢᭂᬦ᭄ᬦᬾᬧᬸᬭᬸᬦ᭄ᬦᬸᬗ᭄ᬓᬲᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬮᬗ᭄ᬕᬦᬧᬸᬭᬸᬦ᭄ᬫᬩᭀᬬ᭞᭠ᬳᬶᬦ᭄ᬤᬶᬓᬾᬓᬩᬯᭀᬲ᭄ᬯᬯᬸ᭞ᬬᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬢᬦ᭄ᬧᬓᬾᬃᬢ᭄ᬢᬶ᭞ᬦᬶᬃᬕᬸᬡᬤᬤᭀᬲ᭄ᬫᬵᬦᬹᬱ᭟ᬍᬓᬤ᭄‌ᬫ᭄ᬯᬦᬶᬓᬤᬶᬢᬶᬢ᭄ᬬᬂ᭞
ᬍᬓ᭄ᬚᭂᬗᬄᬧᬘᬂᬓᬤᬮᬶᬄ᭞ᬗᬦ᭄ᬤᭂᬮᬂᬲᬓᬬᬦ᭄ᬲᭀᬫᬄ᭞ᬮᬲ᭄ᬬᬭᬸᬫᬲᬢ᭄ᬫᬢᬸᬗ᭄ᬕᬸ᭞ᬓᬲᬾᬭᬾᬄᬳᬦ᭄ᬢᬸᬓ᭄ᬓᬸᬋ᭠ᬦᬦ᭄᭞ᬚᬕᬦᬧᬶ᭞ᬳᬤᬬᬦ᭄ᬢᬶᬢ᭄ᬬᬂᬫᬓᭂᬦ᭄ᬢ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬫᬮᬶᬄᬦᬶᬫ᭄ᬩᬮ᭄᭞ᬲᬚᬩᬸᬓᬫᬸᬜᬶᬦ᭄ᬘᭂᬦᬶᬂ᭞ᬍᬕᬲᬦ᭄ᬫᬾᬫᬾᬦᬶᬗᭂᬳᬂ᭞

[᭕᭔ 54A]
᭕᭔
ᬘᭂᬦᬶᬂᬦᬯᬂᬳᬮᬳᬬᬸ᭞ᬬᬤ᭄ᬬᬧᬶᬦ᭄ᬳᬸᬘᬧᬦ᭄ᬰᬵᬲ᭄ᬢ᭄ᬭ᭞ᬫᬗᬤᬦᬶᬦ᭄᭞ᬬᭀᬕ᭄ᬬᬧᬶᬦᭂᬳᬶᬦ᭄ᬮᬦ᭄ᬢᬗᬂ᭟ᬓᬾᬢᭀᬧᬵᬢᬹ᭠ᬢᬾᬫᭂᬮᬚᬄ᭞ᬢ᭄ᬯᬭᬚᬧᬢᬶᬋᬲᭂᬧᬶᬦ᭄᭞ᬲᬾᬗᭂᬄᬲᬾᬩᭂᬢ᭄ᬫᬢᬢᬶᬫ᭄ᬩᬂ᭞ᬲᬗ᭄ᬓᬦ᭄ᬦᭂᬧᬸᬓᬶᬦ᭄ᬭᬳᬬᬸ᭞ᬦᬄᬚᬦᬶᬚᬮᬦ᭄ᬮᬦ᭄ᬢᬸᬭᬂ᭞ᬩ᭄ᬯᬶᬦᬩᭂᬲᬶ᭠
ᬓ᭄᭞ᬢᬶᬗ᭄ᬓᬳᬾᬗᬮᬶᬄᬓᬸᬋᬦᬦ᭄᭟ᬬᬤᬶᬦ᭄ᬕᭀᬩᬦᬾᬩᭀᬘᭀᬓᬦ᭄᭞ᬬᬦ᭄ᬲᬸᬩᬫᬳᭀᬃᬢ᭄ᬢᬭᬶᬭᬶᬄ᭞ᬩᬶᬱᬫᬲ᭄ᬯᬂᬤᬓᬶᬦ᭄ᬮᬶᬫ᭞ᬢᬹᬃᬩᬦᬶᬦᬢᬓᬶᬦ᭄ᬮᬘᬸᬭ᭄᭞ᬦᬾᬓᬾᬢᭀᬜᬦ᭄ᬤᬂᬲᬭᬢᬂ᭞ᬗᬍᬫᭂᬲᬶᬦ᭄᭞ᬳᬗ᭄ᬕᭀᬦ᭄ᬲᭀᬫᬄᬓᬬᬂᬯᭂᬓᬲ᭄᭟
ᬓᬤᬸᬯᭂᬕᬦᬾᬩᭀᬩᭀᬢᬂ᭞ᬓᬚᭂᬕᬾᬕᬦᬾᬳᬸᬧᬫᬶ᭞ᬳᬮᬶᬢᬮᬶᬢᬾᬫᬲᬹᬃᬬ᭄ᬬᬓ᭄᭞ᬧᬸᬦᬶᬓᬤᬾᬯᬦᬶᬂᬧᬵᬢᬹᬢ᭄᭞ᬦᬾᬜᬦ᭄ᬤᬂᬩᭀᬩᭀᬢᬂᬢᬶᬢ᭄ᬬᬂ᭞ᬲᬋᬂᬲᬫᬶ᭞ᬲᬶᬤ᭄ᬥᬫᬗ᭄ᬕᬸᬳᬂᬓᬲᬤ᭄ᬬᬦ᭄᭟ᬤᬸᬓᬸᬄᬳᬶᬲ᭄ᬢ᭄ᬭᬶᬗᬮᬦ᭄ᬢᬸᬭᬂ᭞ᬓᭀᬦᬾᬳᬤᬩ᭄ᬯᬶ᭠
ᬦᬩᭂᬲᬶᬓ᭄᭞ᬓᬯᬢᬗᬂᬫᬲᬶᬄᬫᭂᬮᬄ᭞ᬬᬦ᭄ᬗᭂᬦᭂᬳᬂᬳᬦᬓ᭄ᬳᭂᬮᬸᬄ᭞ᬕᭀᬩᬦᬾᬫᬮᬸᬧᭂᬤᬲᬂ᭞ᬫᬗᬶᬮᬶᬗᬶᬦ᭄᭞᭠ᬦᬾᬫᬸᬮᬘᬸᬫ᭄ᬧᬸᬤᬶᬫᬦᬄ᭟ᬕᭀᬩᬦᬾᬲᬤᬚᭂᬕᬾᬕᬦ᭄᭞ᬦᬾᬫᬸᬮᬲᬚᬤᭂᬫᭂᬦᬶᬦ᭄᭞ᬩᬶᬱᬫᬹᬃᬡ᭄ᬦᬬᬂᬤᬸᬄᬓᬶᬢ᭞ᬩᬦ᭄ᬩᬶᬱᬦᬾ [ 55 ][᭕᭔ 54B]
᭕᭔
ᬫᬗᬭᬸᬫ᭄ᬭᬸᬫ᭄᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬲᭂᬤᬸᬓ᭄ᬩᬲᬂ᭞ᬓᭂᬤᬾᬓ᭄ᬗ᭄ᬭᬶᬓᬶᬓ᭄᭞ᬳᬮᬶᬢᬮᬶᬢᬾᬫᬶᬭᬕ᭄ᬬᬂ᭟ᬯᬾᬦ᭄ᬢᭂᬦ᭄ᬦᬾᬧᬸᬭᬸᬦ᭄ᬦᬸᬗ᭄ᬓᬲᬂ᭞ᬳᬢᬸᬭᬾᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬩᭀᬬᬯᬾᬦ᭄ᬢᭂᬦ᭄ᬫᬦᬄᬢᬶᬢ᭄ᬬᬂ᭞ᬫᭀᬩᭀᬢᬂᬦᬾᬚᭂᬕᬾᬕ᭄ᬳᬬᬸ᭞ᬮᬘᬸᬭᬾᬲᬓᬤᬶᬢᬶᬢ᭄ᬬᬂ᭞ᬚᬕᬦ
ᬧᬶ᭞ᬕᬸᬡᬦᬶᬂᬓᬸᬢᬸᬦ᭄ᬧᬸᬦ᭄ᬤᬸᬓᬦ᭄᭟ᬗᭂᬤᭀᬢᬂᬲᬾᬫ᭄ᬧ᭄ᬭᭀᬂᬫᬧ᭄ᬭᬤ᭞ᬭᬶᬂᬧ᭄ᬭᬦ᭄ᬢᭂᬦᬦ᭄ᬢᬶᬤᭀᬂᬳᬲᬶᬦ᭄᭞ᬬᬦ᭄ᬭᬶᬂᬲᬗ᭄ᬕᬄᬧᬾ᭠ᬢ᭄ᬕᭂᬦᬳᬂ᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬓᬧᬵᬢᬹᬢ᭄᭞ᬦᬶᬃᬕᬸᬡᬧᬘᬂᬩᭀᬩᭀᬢᬂ᭞ᬗᬜᬮᬶᬢᬶᬦ᭄᭞ᬲᬧᬸᬦᬶᬓᬳᬸᬧᬫᬶᬦ᭄ᬜ᭟ᬫᬤ᭄ᬯᬾᬲᭀᬫᬄᬚᭂ᭠
ᬕᬾᬕ᭄ᬗᬬᬂ᭞ᬳᬓᬾᬳᬦ᭄ᬲᬵᬫ᭄ᬧᬸᬦ᭄ᬓᬧᬗ᭄ᬕᬶᬄ᭞ᬤᭀᬬᬦ᭄ᬗᭂᬦᭀᬢᬂᬧᬗᬗ᭄ᬕᭀ᭞ᬓᬧᬶᬲᬕᬤᭂᬫᭂᬦ᭄ᬗᬗ᭄ᬕᬸᬃ᭞ᬜᭂᬦ᭄ᬢᭀ᭠ᬓᬂᬕᭀᬩᬦᬾᬫᭂᬮᬄ᭞ᬲᬤᬫᬜᬶᬂ᭞ᬫᬘᬭᬲᬩ᭄ᬭᬲᬩ᭄ᬭᬦ᭄ᬫᬧᬬᬲ᭄᭟ᬓᬤᬸᬓ᭄ᬲᬵᬫ᭄ᬧᬸᬦ᭄ᬓᬮᬸᬮᬸᬢᬦ᭄᭞ᬦᬾᬫ᭄ᬯᬦᬶᬓᬢᬗ᭄ᬓᭂᬩ᭄ᬮᬗᬶᬢ᭄᭞
ᬳᬸᬮᬧ᭄ᬗᭂᬢᭀᬦ᭄ᬓᬚᭂᬕᬾᬕᬦ᭄᭞ᬲᬦᬾᬮᬸᬄᬫᬫᬾᬢᬗᬫ᭄ᬩᬸᬮ᭄᭞ᬗᬚᬓᬶᬦ᭄ᬧᬮᬲ᭄ᬫᬲᭀᬫᬄ᭞ᬫᬸᬂᬧᬸᬂᬓᬵᬭᬶ᭞ᬳᬓᬾᬄᬳᬦᬓᬾᬗᭂᬤᭀᬢᬂ᭟ᬦᬾᬫ᭄ᬯᬦᬶᬤᬸᬭᬸᬲ᭄ᬫᬋᬲᬄ᭞ᬜᭂᬮᬂᬚᬶᬦᬄᬫᬫᬸᬢ᭄ᬭᬦᬶᬦ᭄᭞ᬧᬸᬜᬦ᭄‌ᬓ᭄ᬮᬧᬳᬗ᭄ᬕᬾᬦ᭄ᬯᬮ᭞ᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬢᬶ

[᭕᭕ 55A]
᭕᭕
ᬕᬂᬧᬸᬳᬸᬦ᭄᭞ᬢᬢᬫ᭄ᬬᬦ᭄ᬳᬦᬓᬾᬳᭀᬤᬄ᭞ᬮᬲ᭄ᬬᬓᬵᬭᬶ᭞ᬧᬸᬦᬶᬓᬤᬸᬫᬸᬦ᭄ᬲᬦ᭄ᬤᬬᬂ᭟ᬫᬗ᭄ᬤᬲᬵᬫ᭄ᬧᬸᬦ᭄ᬤᬸᬭᬸᬲ᭄ᬜᬧ᭄ᬬᬦ᭄᭞ᬲ᭠ᬓᬶᬢᬓᬵᬋᬧ᭄ᬳᬸᬮᬸᬭᬶᬦ᭄᭞ᬲᬦᬾᬮᬸᬄᬓᬦ᭄ᬢᬸᬦ᭄ᬗᬧ᭄ᬭᭀᬕ᭄ᬧ᭄ᬭᭀᬕ᭄᭞ᬫᬫᬾᬗᭀᬲ᭄ᬫᬘᬭᬗᬫ᭄ᬩᬸᬮ᭄᭞ᬬᬦᬶᬂᬮᬾᬗᬳᬓᬶᬚᬧᬦ᭄᭞ᬫᬫᭂᬤᬲᬶ᭠
ᬦ᭄᭞ᬲᬕᬾᬢᬦ᭄ᬫᬩᬢᬶᬲ᭄ᬧᬢ᭄ᬧᬢ᭄᭟ᬫᬩ᭄ᬭᬶᬬᬕ᭄ᬓᭂᬤᬾᬓ᭄ᬫᬗᬓᬓ᭄᭞ᬳᬮᬶᬢᬮᬶᬢᬾᬫᬶᬭᬕᬶ᭞ᬧᬚᬃᬢᬶᬫ᭄ᬧᬮᬶᬧᬸᬦ᭄‌ᬩᬜᭀᬮ᭄᭞ᬲᬋᬂᬳᬶᬘᬤᬸᬓᬸᬄᬯᬥᬹ᭞ᬫᬾᬲᭂᬫ᭄ᬢᬸᬫᬸᬮᬶᬗᬦ᭄ᬤᬶᬓ᭞ᬳᬭᬄᬘᭂᬦᬶᬂ᭞ᬤᭀᬂᬗᬸᬤᬤᬸᬯᭂᬕ᭄ᬜᬫ᭄ᬩᬢᬂ᭟ᬳᬦᬓᬾᬮᬸᬄᬫᬩᬢᬶᬲ᭄ᬧ᭠
ᬢ᭄ᬧᬢ᭄᭞ᬫᬶᬭᬶᬩ᭄ᬩᬶᬱᬤᬤᬶᬤᬾᬲ᭄ᬢᬶ᭞ᬦᬄᬫᬾᬫᬾᬢ᭄ᬯᬭᬫᬩᭀᬬ᭞ᬯᬶᬭᬾᬄᬳᬤᬲᬚᬳᬸᬦ᭄ᬤᬸᬓ᭄᭞ᬢᬢᭂᬮᬸᬳᬦᬾᬓᬲᬫ᭄ᬩᬢ᭄ᬮᬶᬗᬶᬂᬳᬚᬶ᭞ᬢ᭄ᬯᬭᬍᬲᭂᬃᬓᬯᬢᬗᬂ᭟ᬩᬾᬜ᭄ᬚᬂᬩᬾᬮᬸᬓ᭄ᬫᬳᬶᬮᬸᬢᬦ᭄᭞ᬦᬾᬢ᭄ᬯᬭᬩᭂᬦᭂᬂᬤᬶᬕᬸᬫᬶ᭞ᬢᬸᬓᬤ᭄ᬳᬓᬄᬓᬮᬯᬦ᭄᭞
ᬩᬩᬶᬓᬲᬦ᭄ᬳᬦᬓ᭄ᬳᭂᬮᬸᬄ᭞ᬮᬶᬬᬸᬦᬦ᭄ᬫᬤᬬᬧᬾᬜ᭄ᬘᭀᬂ᭞ᬢ᭄ᬯᬭᬚᬢᬶ᭞ᬲᬓᬾᬂᬢᬺᬱ᭄ᬡᬵᬫᬓᬸᬋᬦᬦ᭄᭟ᬦᬵᬗ᭄ᬳᬶᬂ᭠ᬬᬾᬦ᭄ᬳᬤᬫᬯᬢᬂ᭞ᬲᬢ᭄ᬬᬢᭂᬓᬾᬦ᭄ᬳᬦᬓ᭄ᬫ᭄ᬯᬦᬶ᭞ᬦ᭄ᬢᭀᬫᬵᬤᬦ᭄ᬳᬶᬲ᭄ᬢ᭄ᬭᬶᬉᬢ᭄ᬢᬫ᭞ᬭᬸᬫᬲᬢ᭄ᬧᬵᬯᬓᬦ᭄ᬢᬸᬜ᭄ᬚᬸᬂ᭞ᬫᭂᬦ᭄ᬢᬶᬓ᭄ᬤᬶᬩᬢᬸᬦᬾᬳᬭᬂ᭞᭠ [ 56 ][᭕᭕ 55B]
᭕᭕
ᬕᬢᬶᬕᬢᬶ᭞ᬓᬾᬢᭀᬘᭂᬦᬶᬂᬳᬸᬘᬧ᭄ᬰᬵᬲ᭄ᬢ᭄ᬭ᭟ᬳᬫ᭄ᬩᬸᬮ᭄ᬢᭀᬫᬮᬸᬭᬾᬭᬾᬦᬂ᭞ᬳᬮᬶᬢᬮᬶᬢᬾᬫᬧᬫᬶᬢ᭄᭞ᬢᬦᬸ᭠ᬘᬧ᭄ᬯᭂᬗᬶᬧᬸᬦᬶᬓ᭞ᬩᬾᬜ᭄ᬚᬂᬲᭂᬫᭂᬗᬦ᭄ᬓᬯᬸᬯᬸᬲ᭄᭞ᬓᬵᬫᬚᬬᬲᬵᬫ᭄ᬧᬸᬦ᭄ᬧ᭄ᬭᬤᬂ᭞ᬫᬗᬬᬳᬶᬦ᭄᭞ᬳᬦᬓᬾᬮᬶᬗ᭄ᬲᬶᬃᬫᬧᬹᬚᬵ᭟ᬲᬯᬸᬲᬦ᭄ᬗ᭠
ᬢᬸᬭᬂᬳᬬᬄ᭞ᬓᬵᬫᬚᬬᬫᬮᬶᬄᬦᬸᬮᬶᬲ᭄᭞ᬚᭂᬫᭂᬢ᭄ᬫᭂᬮᬚᬄᬫᬰᬵᬲ᭄ᬢ᭄ᬭ᭞ᬤᭂᬳᬩᬚᬂᬳᬓᬾᬄᬭᬯᬸᬄ᭞ᬯᬾᬦ᭄ᬢᭂᬦ᭄ᬦᬸᬦᬲᬂᬤᬾᬯᬲ᭞ᬗᭂᬚᬸᬓ᭄ᬓᬸᬘᬶᬢ᭄᭞ᬓᬤᬸᬓ᭄ᬯᬾᬦ᭄ᬢᭂᬦ᭄ᬫᬓᬤᬲᬂ᭟ᬯᬾᬦ᭄ᬢᭂᬦ᭄ᬜᬭᬸᬦᬸᬦᬲ᭄ᬢᬶᬃᬢ᭄ᬣ᭞ᬫᬧ᭄ᬮᭂᬗᬾᬤ᭄ᬫᬧᬬᬲ᭄ᬦᬗ᭄ᬓᬶᬮ᭄᭞ᬫᬲᬸᬩᭂᬂᬳᭂ᭠
ᬫ᭄ᬧᭂᬢᭂᬫ᭄ᬧᭂᬢᬦ᭄᭞ᬢᬹᬃᬳᬲᬶᬦ᭄ᬫᬧᬸᬲᬸᬂᬮᬸᬓ᭄ᬮᬸᬓ᭄᭞ᬫᬲᬸᬫ᭄ᬧᬂᬘᭂᬫ᭄ᬧᬓᬧᭂᬢᬓ᭄᭞ᬩᬗ᭄ᬓ᭄ᬬᬂᬭᬫ᭄ᬧᬶᬂ᭞ᬢᬬᬸᬗᬾᬓᭂᬧᬢ᭄ᬓᭂᬧᬢ᭄᭟ᬲᬵᬫ᭄ᬧᬸᬦ᭄ᬫᬢᬶᬃᬢ᭄ᬣᬭᬶᬂᬫ᭄ᬭᬚᬦ᭄᭞ᬓᬵᬫᬚᬬᬓᬲ᭄ᬮᬾᬦ᭄ᬤᬾᬭᬶᬦ᭄᭞ᬦᬸᬦᬲ᭄ᬘᬦᬂᬳᬧᬓ᭄ᬧᬓᬦ᭄᭞ᬫᬧᬶᬢᬗ᭄ᬓᭂᬚᬸᬢ᭄ᬤᬲ᭄ᬮᬩᬸᬄ᭞ᬳᬦ᭄ᬢᭂ᭠
ᬗᬾᬓᭂᬮᬾᬲ᭄ᬗᬾᬤᬾᬗᬂ᭞ᬜᭀᬜᭀᬜᬗ᭄ᬓᬶᬄ᭞ᬓᬵᬫᬚᬬᬢᬦ᭄ᬮᬶᬗᬸᬦᬦ᭄᭟ᬲᬫ᭄ᬩᬶᬮᬂᬗᭂᬜ᭄ᬚᬸᬳᬂᬧᬩ᭄ᬯᬦ᭄᭞ᬓᬦ᭄ᬢᬸᬦ᭄ᬦᬸᬮᬶᬲ᭄‌ᬢᭀᬂᬜᬓ᭄ᬦᭀᬮᬶᬄ᭞ᬲᬦᬾᬤᭂᬳᬫᬫᭂᬦ᭄ᬤᭀᬮᬂ᭞ᬗᬮᬶᬗᬸᬲ᭄ᬫᬕᭂᬤᬶᬗᬫ᭄ᬩᬸᬮ᭄᭞ᬳᬓᬾᬄᬬᬦ᭄ᬧᬘᬂᬤᬃᬢ᭄ᬣᬬᬂ᭞ᬫᬓ

[᭕᭖ 56A]
᭕᭖
ᬲᬫᬶ᭞ᬓᬵᬫᬚᬬᬬᬦ᭄ᬲᬯᬗᬂ᭟ᬓᬤᬶᬅᬃᬚ᭄ᬚᬸᬦᬫᬢᬧ᭞ᬓᬕᭀᬤᬳᬦ᭄ᬢᬸᬓ᭄ᬥᬥᬭᬶ᭞ᬤᬸᬓ᭄ᬭᬶᬂᬕᬸᬦᬸᬗᬶᬦ᭄ᬤ᭄ᬭᬓᬶᬮ᭞ᬦᭀᬭᬕᬶᬗ᭄ᬕᬂᬧᬕᭂᬄᬧᬸᬕᬸᬄ᭞ᬫᬫᭂᬕᭂᬂᬓᬦ᭄ᬢᬸᬦ᭄ᬫᬬᭀᬕ᭞ᬫᬲᬫᬵᬥᬶ᭞ᬢᬦ᭄ᬓᬾᬗ᭄ᬕᬸᬄᬯᬢᭂᬓ᭄ᬤᬸᬃᬕ᭄ᬕᬫ᭟᭜᭟ᬤᬹᬃᬫ᭄ᬫ᭟᭜᭟ᬢᬦ᭄ᬓᬯᬃᬡ᭄ᬦᬲᬦᬾ
ᬫᬗ᭄ᬓᬶᬦ᭄ᬭᬶᬂᬧᬤᬸᬓ᭄ᬯᬦ᭄᭞ᬭᬶᬂᬕᬾᬮ᭄ᬕᬾᬮ᭄ᬳᬸᬘᬧ᭄ᬫᬮᬶᬄ᭞ᬲᬗᬶᬂᬲ᭄ᬯᬾᬘ᭄ᬙᬧᬸᬭ᭞ᬳᬶᬤᬤᬾᬯᬳᬬᬸᬫᬵᬲ᭄᭞ᬲᬲᬵᬫ᭄ᬧᬸᬦ᭄ᬫ᭠ᬦ᭄ᬢᬸᬓ᭄ᬓᬧᬸᬭᬶ᭞ᬲᬓᬾᬂᬧᬤᬸᬓ᭄ᬯᬦ᭄᭞ᬫᬾᬄᬮᬶᬦ᭄ᬢᬂᬢᬶᬕᬂᬰᬰᬶᬄ᭟ᬫᬮᬶᬄᬗᭂᬦ᭄ᬢᬄᬲᬸᬗ᭄ᬓᬦ᭄ᬳᬶᬤᬢᬦ᭄ᬫᬋᬦᬦ᭄᭞ᬲᬲᬸᬓᬢᬾᬭᬶᬂᬧᬸᬭᬶ᭞ᬲᬩ᭄ᬭᬦ᭄ᬓ᭠
ᬦ᭄ᬢᬸᬳᬶᬤ᭞ᬬᬦ᭄ᬓᬭᬯᬸᬳᬦ᭄ᬲᬸᬗ᭄ᬓᬦ᭄ᬳᬶᬤ᭞ᬘᬃᬫ᭄ᬫᬢᬗᬦ᭄ᬘᭀᬓᭀᬃᬕᭂᬲᬶᬢ᭄᭞ᬭᬱᬫᬮᬾᬘ᭄ᬙ᭞ᬧ᭄ᬭᬫᬡᬦ᭄ᬲᬗᬕᭂᬭᬶᬂ᭟ᬮᬾᬮᭀᬭᬵᬚᬧᬸᬢ᭄ᬭᬶᬢᬦᬾᬮᬶᬂᬭᬶᬂᬭᬕ᭞ᬲᬯᭀᬂᬚ᭄ᬭᭀᬲᬫᬶᬕᬶᬧᬶᬄ᭞ᬯᬾᬦ᭄ᬢᭂᬦ᭄ᬫᬓ᭄ᬢᬳᭀᬤᬓ᭄᭞ᬯᬾᬦ᭄ᬢᭂᬦ᭄ᬗᬢᬸᬭᬂᬲᭂᬫ᭄ᬩᬃ᭞ᬲᬶᬕ᭄ᬲᬶᬕᬦ᭄ᬧ᭠
ᬕᭂᬭᭀᬂᬗᭂᬮᬶᬂ᭞ᬲᬯᬂᬳᬫ᭄ᬧᬸᬳᬦ᭄᭞ᬢᬗᬶᬲᬾᬭᬶᬂᬚ᭄ᬭᭀᬧᬸᬭᬶ᭟ᬫᬥᬾᬯᬢᬶᬫᬦ᭄ᬢᭂᬕ᭄ᬯᬶᬚᬂᬜᭂᬮ᭄ᬲᭂᬮ᭄ᬭᬕ᭞ᬫᬘᬧ᭄ᬘᬧ᭄ᬢᭀᬬᬦ᭄ᬳᬓ᭄ᬱᬶ᭞ᬓᬗᭂᬦ᭄ᬤᬦᬾᬜᬶᬗᬓ᭄᭞ᬲᬂᬤᬶᬬᬄᬓᬤᬶᬮᬬ᭄ᬯᬦ᭄᭞ᬲ᭄ᬯᬪᬵᬯᬦᬾᬓᭂᬘᬸᬤ᭄ᬓᬸᬦᬶᬂ᭞ᬢᬦ᭄ᬧᬵᬢ᭄ᬫᬚᬶᬯ᭞ᬭᬱᬲᬵᬫ᭄ᬧᬸᬦ᭄ᬯᬶᬪᭀ [ 57 ][᭕᭖ 56B]
᭕᭖
ᬕᬶ᭟ᬲᬳᬸᬧ᭄ᬲᬗ᭄ᬓᭀᬮ᭄ᬲᬂᬤᬶᬬᬄᬫᬡᬶᬓᬶᬂᬧᬸᬭ᭞ᬲᬲᬫ᭄ᬩᬢ᭄ᬗᬲᬶᬳᬲᬶᬄ᭞ᬥᬹᬄᬮᬮᬶᬲ᭄ᬢᬦ᭄ᬲ᭄ᬯᬾᬘ᭄ᬙ᭞ᬯᬶᬤ᭄ᬥᬶᬦᬾᬫᬫᬶᬥᬡ᭄ᬥ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬲᬓᬶᬢ᭄ᬳᬢᬶ᭞ᬍᬳᭂᬂᬬᬦ᭄ᬧᭂᬚᬄ᭞ᬦᬶᬃᬤᭀᬦ᭄ᬓᬵᬭᬶᬫᬳᬸᬭᬶᬧ᭄᭟ᬥᬹᬄᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬳᬶᬤᬸᬧ᭄ᬲᬗ᭄ᬲᬭ᭞ᬲᬢᬢᬦᬦ᭄ᬤᬂᬲᭂᬤᬶᬄ᭞
ᬫᬕᬍᬂᬬᬾᬄᬫᬢ᭞ᬳᬓᬭᭀᬦ᭄ᬮᬭᬯᬶᬭᬂ᭞ᬳᬸᬭᬶᬧ᭄ᬢᬶᬢ᭄ᬬᬂᬢᬦ᭄ᬧᬓᬾᬃᬢ᭄ᬢᬶ᭞ᬧᬵᬧᬦᬭᬓ᭞ᬩᬬᬓᬧᭂᬕᬢᬦ᭄ᬲᬶᬄ᭟᭠ᬲᬬᬦ᭄ᬫᬸᬯᬸᬕ᭄ᬢᬗᬶᬲᬾᬭᬶᬂᬚ᭄ᬭᭀᬧᬸᬭ᭞ᬓᬕ᭄ᬬᬢ᭄ᬲᬧᬭᬭᬩᬶ᭞ᬫᬶᬋᬂᬲᬂᬓᬮᬭᬦ᭄᭞ᬓᬤᬶᬓᬤᬲᬶᬄᬗᬭᬂ᭞ᬓᬵᬮᬦᬶᬂᬧᬗᭂᬮᭀᬂᬰᬰᬶᬄ᭞
ᬲᬂᬧᬜ᭄ᬘᬓᬡ᭄ᬬ᭞ᬭᬦ᭄ᬢᬩᬦ᭄ᬢᭂᬤᬸᬦ᭄ᬕᬶᬧᬶᬄ᭟ᬜᬳᬶᬢᬗ᭄ᬓᭂᬩᬦ᭄ᬓᬵᬮᬶᬄᬜᬳᬶᬧᬘᭂᬓᬦ᭄᭞ᬫᬓᬵᬤᬶᬜᬳᬶᬧᬾᬮᬶᬂ᭞ᬲᬂᬓᬶᬦᬸᬘᬧ᭄ᬓᭂᬫ᭄ᬩᬃ᭞ᬓᬮᬵᬯᬦ᭄ᬜᬳᬶᬲᭂᬮᬢ᭄᭞ᬲᬋᬂᬗᬯᬭᬗᬶᬦ᭄ᬢᬗᬶᬲ᭄᭞ᬓᬗᭂᬦ᭄ᬫᬶᬋᬗᬂ᭞ᬲᬲᬫ᭄ᬩᬢ᭄ᬫᬥᬾᬯᬢᬶ᭟ᬗᬲᬶᬳᬲᬶᬄᬫᬲᭂᬮ᭄ᬲᭂᬮᬦ᭄ᬗᭂᬮ
ᬤ᭄ᬧ᭄ᬭᬡ᭞ᬜᭂᬮ᭄ᬲᭂᬮᬂᬧᬸᬮᬓᬾᬃᬢ᭄ᬢᬶᬢᬦ᭄ᬲᬤ᭄ᬬᬫᬭᬕ᭞ᬲᬃᬯ᭄ᬯᬶᬫᭂᬓᬸᬮ᭄ᬲᬂᬲᬸᬗ᭄ᬓᬦ᭄᭞ᬭᬵᬚᬧᬸᬢ᭄ᬭᬶᬓᬢᬗᬶᬲᬶᬦ᭄᭞ᬓᬜ᭄ᬘᬶᬢ᭄ᬲᬂᬦᬵᬣ᭞ᬗᬢᬩ᭄ᬢᬩ᭄ᬭᬯᬸᬄᬗᬓ᭄ᬱᬶ᭟ᬭᬵᬚᬧᬸᬢ᭄ᬭᬶᬓᬦ᭄ᬢᬸᬦ᭄ᬓᬦ᭄ᬢᬸᬭᬶᬂᬧᬗ᭄ᬓᭀᬦᬦ᭄᭞ᬫᬥᬾᬯᬢᬶᬢᬦ᭄ᬫᬭᬶ᭞ᬲᬶᬕ᭄ᬲᬶᬕᬦ᭄ᬫᬗᭂᬦᬂ᭞ᬲᬂᬲᬸ

[᭕᭗ 57A]
᭕᭗
ᬗ᭄ᬓᬦ᭄ᬫᬾᬄᬓᬦ᭄ᬢᬓ᭞ᬲ᭄ᬯᬪᬵᬯᬦᬾᬓᬸᬦᬶᬂᬢᬶᬕᬶᬲ᭄᭞ᬓᬗᭂᬦ᭄ᬲᬂᬦᬵᬣ᭞ᬗᭂᬫ᭄ᬩᭂᬂᬢᭀᬬᬦ᭄ᬧᬗᬓ᭄ᬱᬶ᭟ᬫᬦ᭄ᬢᭂᬕ᭄ᬧᬸᬧᬸᬲᬶᬦᬃᬯ᭄ᬯᬶᬋᬦ᭄ᬢᭂᬄᬯᬘᬦ᭞ᬥᬹᬄᬬᬦ᭄ᬘᭂᬦᬶᬂᬫᬳᬸᬭᬶᬧ᭄᭞ᬲᭂᬕᭂᬃᬚᬢᬶᬫᬸᬮ᭞ᬳᬚᬶᬜᬬᬗᬂᬳᬶᬤ᭞ᬲᬓᬶᬢᬓᬋᬧᬾᬘᭂᬦᬶᬂ᭞ᬳᬚᬶᬫᬶᬲᬤ᭄ᬬ᭞ᬗᬸᬮᬸᬭᬶᬦᬶᬥᭂᬧ᭄ᬘᭂ
ᬦᬶᬂ᭟ᬲᬩᬸᬤ᭄ᬥᬶᬘᭂᬦᬶᬂᬜᬤ᭄ᬬᬳᬚᬶᬦᬸᬯᬸᬢᬂ᭞ᬢ᭄ᬯᬭᬮᬓᬃᬫᬶᬯᬮᬶᬦ᭄᭞ᬩᬲᬫᬦ᭄ᬦᬭᬾᬦ᭄ᬤ᭄ᬭ᭞ᬭᬶᬂᬲᬂᬫᬡᬶᬓᬶᬂᬧᬸᬭ᭞ᬓᭀᬘᬧ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬢᬦ᭄ᬧᬚᬫᬸᬕ᭞ᬫᬮᬶᬄᬳᬶᬤᬗᬮᬶᬮᬶᬃ᭟ᬳᬾᬮᬶᬂᬭᬶᬂᬭᬕᬓᬤᬶᬓᬲᬶᬦᬾᬗᬦ᭄ᬳ᭄ᬬᬂ᭞ᬗᬭᬸᬧᬢᬫᬮᬶᬗ᭄ᬕᬶᬄ᭞ᬓᬾᬦᬓ᭄ᬚᬢᬶᬫᬸᬮ᭞
ᬮᬾᬤᬂᬳᬶᬤᬦᬭᬾᬦ᭄ᬤ᭄ᬭ᭞ᬗᬓ᭄ᬱᬶᬲᬂᬫᬡᬶᬓᬶᬂᬧᬸᬭᬶ᭞ᬓᬤᬶᬜᬸᬫ᭄ᬧᭂᬦ᭞ᬢᬦᬸᬘᬧ᭄ᬫᬥᬾᬯᬢᬶ᭟ᬕᬃᬚ᭄ᬚᬶᬢᬾᬂᬢᬸᬯᬲ᭄ᬮ᭄ᬯᬶᬃᬓ᭠ᬲᬶᬭᬢᬦ᭄‌ᬫᬺᬢ᭄ᬣᬵ᭞ᬬᬦ᭄ᬲᬯᬗᬂᬳᬸᬧᬫᬶ᭞ᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬮᭀᬓ᭞ᬳᬦ᭄ᬤᭂᬮ᭄ᬓᬬᬸᬦᬾᬜᬶᬗᬓ᭄᭞ᬭᬵᬚᬧᬸᬢ᭄ᬭᬶᬯᬸᬲ᭄ᬗᬮᬶᬮᬶᬃ᭞ᬓᬾᬦᬓ᭄ᬯᬮᬸ᭠
ᬬ᭞ᬓᭂᬦ᭄ᬤᭂᬮ᭄ᬤᬦᬾᬢᬦ᭄ᬲᬶᬧᬶ᭟ᬓᬤ᭄ᬬᬗ᭄ᬕᬦᬶᬂᬢᬭᬸᬮᬢᬸᬄᬓᬧᬦᬲᬦ᭄᭞ᬢᭂᬤᬸᬦᬶᬦ᭄ᬲᬩᭂᬄᬭᬶᬭᬶᬲ᭄᭞ᬫᬮᬶᬄᬫᬓᭂᬥᬧᬦ᭄᭞ᬲᬧᬸᬦᬶᬓᬳᬸᬧᬫᬶ᭞ᬚᬶᬃᬡ᭄ᬦᬲᬂᬫᬦᬦ᭄ᬤᬂᬲᭂᬤᬶᬄ᭞ᬦᬸᬮᬶᬲᬂᬦᬵᬣ᭞ᬤᬯᬸᬄᬯᬘᬦᬭᬭᬶᬲ᭄᭟ᬫᬥᬾᬯᬢᬶᬤᭀᬂᬧᬶᬦᭂᬳᬶᬦ᭄ᬚ᭄ᬯᬮᬦ᭄ᬢᬗᬂ᭞ᬲᬸ [ 58 ][᭕᭗ 57B]
᭕᭗
ᬗ᭄ᬓᬦ᭄ᬳᬶᬤᬳᬶᬘᭂᬦᬶᬂ᭞ᬲᬯᬶᬭᬾᬄᬫᬯᬢᬂ᭞ᬩᬸᬓᬘᭂᬘᭂᬳᬾᬗᭂᬦ᭄ᬢᬄ᭞ᬓᭀᬩᭂᬢ᭄ᬦᬶᬭᬫᬶᬓᬬᬸᬦᬶᬦ᭄᭞ᬲᬓᬶᬢᬾᬭᬳᬢ᭄᭞ᬢᬸᬭᬄᬫᬬᬶᬸᬩᬬᬧᬢᬶ᭟ᬓᬬᬸᬦᬶᬭᬫᭂᬮᬳᬦ᭄ᬲᬸᬩᬓᬶᬲᬶᬤᬂ᭞ᬫᬸᬮᬶᬄᬓᬢᬫᬦ᭄ᬩᬮᬶ᭞ᬚᬸᬫᬄᬤᬶᬧᬤᬸᬓ᭄ᬯᬦ᭄᭞ᬮᬫᬓᬦ᭄ᬲᭂᬕᭂᬃᬕᬦ᭄ᬢᬲ᭄᭞᭠
ᬳᬶᬘᭂᬦᬶᬂᬩ᭄ᬯᬶᬦ᭄ᬦᬭᬶᬲ᭄ᬤᬶᬲ᭄᭞ᬤᬶᬢᬸᬧᬸᬩᬤᬂ᭞ᬩᬧᬤᬸᬓᬸᬄᬲᭂᬭᬳᬶᬦ᭄᭟ᬢᬓᭂᬄᬦᬶᬭᬲᬓᬾᬂᬧᬗᭂᬦ᭄ᬤᬦᬶᬂᬢᬶᬢᬄ᭞ᬲᬸᬗ᭄ᬓᬦ᭄ᬳᬶᬤᬳᬶᬘᭂᬦᬶᬂ᭞ᬭᬱᬩᬸᬓᬢᬯᬄ᭞ᬬᬦ᭄ᬦᬶᬭᬭᬱᬬᬂ᭞ᬲᬩᬶᬮᬂᬫᬦ᭄ᬢᬸᬓ᭄ᬓᬧᬸᬭᬶ᭞ᬧ᭄ᬭᬚᬦᬶᬗᭂᬦ᭄ᬢᬄ᭞ᬲᬓᬶᬢᬾᬩᬸᬮᬓ᭄ᬩᬮᬶᬓ᭄᭟ᬭᬾᬄᬤᬶᬕᬸᬦᬸᬂᬕᬸᬫᬶ᭠
ᬦᬾᬲᬤᬤᬬᬸᬳᬦ᭄᭞ᬩᬶᬮᬶᬄᬳᬾᬗ᭄ᬕᬮᬦ᭄ᬧᬸᬮᬶᬄ᭞ᬤᬸᬫᬤᬓ᭄ᬓᬲᬤ᭄ᬬᬦ᭄᭞ᬳᬶᬘᭂᬦᬶᬂᬧ᭄ᬭᬤᬾᬓᬾᬦᬓ᭄᭞ᬫᬥᬾᬯᬢᬶ᭠ᬫᬢᬹᬃᬳᬭᬶᬲ᭄᭞ᬥᬹᬄᬲᬸᬲᬸᬳᬸᬦᬦ᭄᭞ᬲᬭᬮᬾᬤᬂᬦᬺᬧᬢᬶ᭟ᬓᬯᬸᬮᬗᬶᬭᬶᬂᬳᬃᬱᬦ᭄ᬘᭀᬓᭀᬭᬶᬤᬾᬯ᭞ᬩᬾᬜ᭄ᬚᬂᬓᬯᬸᬮᬧᬫᬶᬢ᭄᭞ᬲᬋᬂ
ᬓᬧᬤᬸᬓ᭄ᬯᬦ᭄᭞ᬗᬶᬭᬶᬂᬳᬶᬤᬳᬶᬳᬦᬓ᭄᭞ᬧᬸᬧᬸᬢ᭄ᬩᬩᬯᭀᬲᬦ᭄ᬦᬸᬮᬶ᭞ᬩᬾᬜ᭄ᬚᬂᬲᭂᬫᭂᬗᬦ᭄᭞ᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭟ᬭᬵᬚᬧᬸᬢ᭄ᬭᬶᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬩᬶᬬᬂ᭞ᬫᬥᬾᬯᬢᬶᬜᬋᬗᬶᬦ᭄᭞ᬮᬸᬗ᭄ᬳᬓᬧᬤᬸᬓ᭄ᬯᬦ᭄᭞ᬧᬗᬶᬭᬶᬂᬩᬩᬦ᭄ᬢᬾᬭᬦ᭄᭞ᬫᬸᬦ᭄ᬤᬸᬢ᭄ᬳᬶᬤᬭᬵᬚᬧᬸᬢ᭄ᬭᬶ᭞

[᭕᭘ 58A]
᭕᭘
ᬫᬮᭀᬦᬮᭀᬦᬦ᭄᭞ᬜᬸᬚᬸᬃᬓᬢᬫᬦ᭄ᬩᬮᬶ᭟ᬫᬥᬾᬲᭂᬓᬃᬮᬦ᭄ᬜᭀᬫᬦ᭄ᬲᬭᬶᬢᬦ᭄ᬧᬲᬄ᭞ᬕᭂᬦ᭄ᬤ᭄ᬭᬓ᭄ᬲᬂᬓᬵᬮᬶᬄᬗᬶᬭᬶᬂ᭞ᬫᬸᬂᬧᬸᬂᬧᭀᬮᬶᬄᬢᬥᬄ᭞ᬗᬸᬮᬸᬭᬶᬦ᭄ᬮᭂᬕᬦ᭄ᬫᬦᬄ᭞ᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬭᬶᬳᬶᬦ᭄᭞ᬭᬶᬂᬧᭀᬦ᭄ᬤᭀᬓ᭄ᬧᭂᬘᬓ᭄᭞ᬍᬕᬦᬾᬗᬸᬮᬗᬸᬦᬶᬦ᭄᭟ᬓᭂᬧᬢ᭄ᬓᭂᬧᬢ᭄ᬢ
ᬬᬸᬗᬦᬾᬫᬕᬫ᭄ᬧᬭᬦ᭄᭞ᬭᬱᬜᬕ᭄ᬚᬕᬶᬦ᭄ᬲᬕᬶ᭞ᬳᬾᬜ᭄ᬘᭀᬂᬫᬢᬶᬦ᭄ᬤᬓᬦ᭄᭞ᬢ᭄ᬯᬭᬤᬤᬶᬳᬦ᭄ᬤᭂᬕᬂ᭞ᬫᬾᬦ᭄ᬧ᭄ᬭᭀᬤᭀᬂ᭠ᬚᬳᬶᬮ᭄ᬫᬫᬸᬜᬶ᭞ᬦᬄᬓᬾᬳᬤᬾᬗᬂ᭞ᬜᬾᬦ᭄ᬮᬓᬃᬫᬕᬭᬗᬶᬦ᭄᭟ᬩᬲ᭄ᬓᬤᭀᬤ᭄ᬯᬦ᭄ᬧᬬᬸᬓᬤᭀᬳᬚᬓ᭄ᬤᬤ᭄ᬯ᭞ᬫᬾᬦ᭄ᬲᬗ᭄ᬓᭀᬮ᭄ᬫᬜᬳᬸᬭᬶᬦ᭄᭞
ᬤᬾᬯᬾᬓ᭄ᬲᬸᬩᬢᬸᬯ᭞ᬤᭀᬂᬗᬸᬤᬳᬶᬜ᭄ᬚᬦᬶᬜ᭄ᬚᬦ᭄᭞ᬜᬓᬓᬾᬦ᭄ᬓᬾᬦ᭄ᬜᬓᬢᬸᬲᬶᬂ᭞ᬤᬤᬢᬭᬫ᭄ᬩᬂ᭞ᬚᬸᬓᬸᬢ᭄ᬧᬓᬸᬩᬾ᭠ᬕᬸᬮᬶᬂ᭟ᬕᭂᬢᬶᬕᭂᬢᬶᬕᭀᬤᭂᬫ᭄ᬳᬸᬘᬧᬶᬂᬲᬲᭀᬗ᭄ᬕᬦ᭄᭞ᬲᬶᬂᬗᬓᬸᬦᬾᬫᭂᬮᬶᬗᬶᬦ᭄᭞ᬲ᭄ᬮᭂᬕᭂᬦ᭄ᬢᬶᬫᭂᬤᭂᬫᬂ᭞ᬧᬫᬸᬧᬸᬢ᭄ᬧᬢᬶᬕᬩᬕ᭄᭞ᬫᬓᭂᬚᬂᬳᬦ
ᬓᬾᬤᬮᬶᬄ᭞ᬳᬲᬶᬂᬩᬕᬸᬲᬦ᭄᭞ᬚᬃᬯ᭄ᬯᬓᬂᬦᬾᬦᭂᬫᭂᬦᬶᬦ᭄᭟ᬫᬥᬾᬲᭂᬓᬃᬜᭀᬫᬦ᭄ᬲᬭᬶᬢᬦ᭄ᬮᬶᬗᬸᬦᬦ᭄᭞ᬧᬚᬃᬫᬾᬦ᭄ᬲᬗ᭄ᬓᭀᬮ᭄ᬩᬗ᭄ᬕᬶ᭞ᬦᬋᬗ᭄ᬤᭂᬂᬫᬚᬮᬦ᭄᭞ᬭᬭᬫ᭄ᬩᬗᬦᬾᬲᬯᬢ᭄᭞ᬓᭀᬘᬧ᭄ᬲᬵᬫ᭄ᬧᬸᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬲᬂᬫᬶᬦ᭄ᬢᬃᬮᬸᬗ᭄ᬳᬵ᭞ᬭᬶᬂᬤᬾᬰᬢᬫᬦ᭄ᬩᬮᬶ᭟ [ 59 ][᭕᭘ 58B]
᭕᭘
ᬮᬦᬂᬳᬶᬲ᭄ᬢ᭄ᬭᬶᬳᬕᬸᬂᬳᬮᬶᬢ᭄ᬲᬯᭀᬂᬤᬾᬰ᭞ᬫᬫᭂᬦ᭄ᬤᬓ᭄ᬭᬵᬚᬧᬸᬢ᭄ᬭᬶ᭞ᬢᬹᬃᬲᬵᬫ᭄ᬧᬸᬦ᭄ᬓᬵᬢᬸᬭᬦ᭄᭞ᬗᬭᬜ᭄ᬚᬶᬂᬓᬧᬤᬸᬓ᭄ᬯᬦ᭄᭞ᬤᬦᬾᬤᬸᬓᬸᬄᬮᬦᬂᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬲᬬᬕ᭞ᬦᬩ᭄ᬤᬩᬂᬧᬸᬮᬧᬮᬶ᭟ᬩᬩᬦ᭄ᬢᭂᬦᬦ᭄ᬲᭀᬧᬘᬭᬦᬶᬂᬧᬫᭂᬦ᭄ᬤᬓ᭄᭞ᬲᬵᬫ᭄ᬧᬸᬦ᭄ᬓᬵᬢᬹᬃᬤᬶᬕᭂᬮᬶᬲ᭄᭞ᬭᬶᬂᬳᬶᬤ
ᬲᬂᬲᬸᬗ᭄ᬓᬦ᭄᭞ᬲᭀᬢᬦᬶᬂᬲᬵᬫ᭄ᬧᬸᬦ᭄ᬧ᭄ᬭᬤᬂ᭞ᬗᬭᬶᬳᬶᬦᬂᬯᬾᬦ᭄ᬢᭂᬦ᭄ᬯᬗ᭄ᬲᬶᬢ᭄᭞ᬧᬮᬸᬗ᭄ᬳᬵᬦ᭄ᬳᬶᬤ᭞ᬭᬵᬚᬧᬸᬢ᭄ᬭᬶᬓᬶᬦᬦ᭄ᬢᬶ᭟᭜᭟ᬕᬶ᭠ᬦᬦ᭄ᬢᬶ᭟᭜᭟ᬲᬲᬵᬫ᭄ᬧᬸᬦᬾᬫᬗ᭄ᬓᬶᬦ᭄ᬭᬯᬸᬄ᭞ᬭᬶᬂᬧᬤᬸᬓ᭄ᬯᬦ᭄ᬢᬫᬦ᭄ᬩᬮᬶ᭞ᬫᬥᬾᬯᬢᬶᬗᬦ᭄ᬤᬶᬓᬬᬂ᭞ᬳᬶᬭᬶᬗᬦᬾᬫᬓᬲᬫᬶ᭞ᬓᬕᬾᬮ᭄ᬕᬾᬮ᭄ᬫᬮᬶᬄᬫ
ᬢᬸᬮᬓ᭄᭞ᬲᬵᬫ᭄ᬧᬸᬦ᭄ᬓᬮᬸᬕ᭄ᬭᬫᬧᬫᬶᬢ᭄᭟ᬯᬦ᭄ᬢᬄᬲᬋᬂᬧᬢ᭄ᬧᬢ᭄ᬓᬦ᭄ᬢᬸᬦ᭄᭞ᬗᭂᬫᬶᬢ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬦᬾᬫᬕᭂᬦᬄᬭᬶᬂᬧᬤᬸᬓ᭄ᬯ᭠ᬦ᭄᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬫᬾᬦ᭄ᬧ᭄ᬭᭀᬤᭀᬂᬫᬓᬧᬗᭂᬫ᭄ᬩᬦ᭄᭞ᬓᬵᬮᬶᬄᬫᬾᬦ᭄ᬲᬗ᭄ᬓᭀᬮ᭄ᬜᬋᬗᬶᬦ᭄᭟ᬤᬾᬦᬶᬂᬳᬶᬧᬸᬦ᭄ᬲᬵᬫ᭄ᬧᬸᬦ᭄ᬘᬮᬸᬄ᭞᭠
ᬳᬸᬦᬶᬂᬲᬳᬸᬭᬳᬭᬶᬄ᭞ᬲᬢᬶᬗ᭄ᬓᬳᬾᬭᬶᬂᬧᬤᬸᬓ᭄ᬯᬦ᭄᭞ᬘᬾᬱ᭄ᬝᬵᬓᬭᬢᬫᬾᬂᬕᬢᬶ᭞ᬗᬢᬸᬭᬂᬧᬗᬬᬄᬧᭂᬘᬓ᭄᭞ᬤᬯᭂᬕ᭄ᬳᬶᬤᬭᬵᬚᬧᬸᬢ᭄ᬭᬶ᭟ᬧᭀᬮᬶᬄᬫᬕᬶᬗ᭄ᬲᬶᬃᬦᬾᬤᬸᬫᬸᬦ᭄᭞ᬭᬶᬂᬧᬤᬸᬓ᭄ᬯᬦ᭄ᬧᭂᬘᬓ᭄ᬭᬶᬳᬶᬦ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬳᬸᬘᬧᬂ᭞ᬓᬵᬫᬚᬬᬓᬤᬶᬕᭂᬮᬶᬲ᭄᭞ᬭᬹᬧᬓ᭠

[᭕᭙ 59A]
᭕᭙
ᬩᬶᬮ᭄ᬩᬶᬮ᭄ᬫᬮᬶᬬᬢ᭄᭞ᬓᬭᬯᬸᬳᬦ᭄ᬭᬵᬚᬧᬸᬢ᭄ᬭᬶ᭟ᬓᭂᬮᬤ᭄ᬓᭂᬮᬶᬤ᭄ᬩᬦᬶᬢᬓᬸᬢ᭄᭞ᬫᬥᬾᬯᬢᬶᬗᭂᬲᬾᬗᬶᬦ᭄᭞ᬳᬸᬥᬹᬄᬦᬦ᭠ᬓ᭄ᬓᬵᬫᬚᬬ᭞ᬓᬸᬤᬤᬤᬶᬧᬢᬶᬲᬶᬮᬶ᭞ᬤᬶᬦᬶᬧᬳᭂᬓᬂᬓᬾᬦᭂᬕᬓ᭄᭞ᬗᬶᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭟ᬤᬾᬦᬶᬂᬳᬶᬤᬫᬭᬭᬯᬸᬄ᭞ᬲᬗ᭄ᬓᬦᬶᬂᬲᬸᬗ᭄ᬓᬦ᭄ᬫᬕᬶ
ᬗ᭄ᬲᬶᬃ᭞ᬩᬸᬯᬢᬾᬗᬃᬱᬬᬂᬢᬫ᭄ᬩ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬋᬡᬬᬂᬇᬥᭂᬧᬾᬦᬦᬓ᭄᭞ᬗᬶᬭᬶᬂᬳᬶᬤᬚᬦᬶᬤᬶᬦᬶ᭟ᬓᬵᬫᬚᬬᬓᬵᬭᬶᬗᬸᬦ᭄ᬢᬸᬮ᭄᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬥᬹᬄᬦᬧᬶᬫᬮᬶᬄᬧᬜ᭄ᬚᬗᬂ᭞ᬢᬶᬢ᭄ᬬᬂᬗᬶᬭᬶᬂᬓᬬᬸᬦ᭄ᬩᬶᬩᬶ᭞ᬲᬭᬮᬾᬤᬂᬗᬦ᭄ᬤᬶᬓᬬᬂ᭞᭠
ᬢᬶᬢ᭄ᬬᬂᬢᬦ᭄ᬢᬸᬦᬲᬸᬪᬓ᭄ᬢᬶ᭟ᬫᬾᬲᭂᬫ᭄ᬤᬦᬾᬤᬸᬓᬸᬄᬯᬥᬹ᭞ᬗᬦ᭄ᬤᬶᬓᬭᬶᬂᬫᬥᬾᬯᬢᬶ᭞ᬘᭂᬦᬶᬂᬚᬦᬶᬳᬧᬂᬦᬯᬂ᭞ᬓᬵᬫᬚᬬᬧ᭄ᬬᬦᬓ᭄ᬘᭂᬦᬶᬂ᭞ᬲᬸᬩᬩᬶᬱᬫᬩᬩᬱᬵᬦ᭄᭞ᬫᬯᬶᬭᬫᬫᬓᬓᬯᬶᬦ᭄᭟ᬢ᭄ᬯᬭᬫᬓᭂᬮᭀᬫᬳᬸᬭᬸᬓ᭄᭞ᬫᭂᬗ᭄ᬓᭀᬓ᭄ᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬥᬾ
ᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬍᬕᬲᬦ᭄ᬢᬶᬢ᭄ᬬᬂᬫᬶᬭᬕᬶ᭞ᬲᬃᬯ᭄ᬯᬶᬗᭂᬮᬸᬢ᭄ᬓᬵᬫᬚᬬ᭞ᬗᬸᬭᬸᬢᬸᬭᬸᬢ᭄ᬫᬶᬢᬸᬢᬸᬭᬶᬦ᭄᭟ᬓᭂᬦ᭄ᬤᭂᬮ᭄ᬲᬦ᭄ᬫᬾᬫᬾᬗᬭᬸᬗᬸ᭞ᬯᬘᬦᬦ᭄ᬳᬦᬓᬾᬮᬶᬗ᭄ᬲᬶᬃ᭞ᬢᬸᬮ᭄ᬬᬓᬲᬶᬭᬢᬦ᭄‌ᬫᬺᬢ᭄ᬢ᭞ᬦᬶᬗᭂᬄᬦᬦᬓ᭄ᬲᬸᬩᬭᬶᬭᬶᬄ᭞ᬫᬓᬯᬶᬦ᭄‌ᬬᬤᬶᬦ᭄ᬫᬩᬲᬦ᭄᭞ᬤᬤᬶ [ 60 ][᭕᭙ 59A]
᭕᭙
ᬓᬓᬲᬸᬩᬦ᭄ᬕᬸᬫᬶ᭟ᬕᬕᬤᬸᬳᬦ᭄ᬳᬸᬮᬶᬳᬶᬮᬸ᭞ᬲᬦ᭄ᬢᬦᬦ᭄ᬪᬹᬚᬗ᭄ᬕᬩᬮᬶ᭞ᬚᭂᬫᭂᬢᬂᬦᬦᬓ᭄ᬫᭂᬮᬚᬄ᭞ᬫᬰᬵᬲ᭄ᬢ᭄ᬭᬕᬸᬮᬶᬓ᭄ᬲᬲᬳᬶ᭞ᬗᬸᬤᬢ᭄ᬯᬭᬳᬾᬗ᭄ᬕᬮ᭄ᬩᬶᬱ᭞ᬩᬲ᭄ᬳᭀᬓᬦ᭄ᬤᬦᬾᬳᬶᬩᭂᬮᬶ᭟ᬫᬺᬢ᭄ᬣᬚᬶᬯᬫᬸᬮᬓᬲᬸᬩ᭄᭞ᬕᬸᬭᬸᬦ᭄ᬦᬦᬓ᭄‌ᬫ᭄ᬪᬹᬚᬗ᭄ᬕᬦᬶᬦ᭄᭞ᬳᬯᬦᬦ᭄ᬫᬯᬵᬦᬧ᭄ᬭᬱ᭄ᬝᬵ᭞᭠
ᬬᬤᬶᬦ᭄ᬳᬶᬫ᭄ᬩᭀᬓ᭄ᬦᬶᬮᬯᬢᬶ᭞ᬩᬶᬬᬂᬦᬦᬓ᭄ᬫᬲᬶᬄᬧ᭄ᬭᬚ᭄ᬜᬦ᭄᭞ᬯᬶᬓᬦ᭄ᬢᭂᬓᬾᬦ᭄ᬢᬸᬢᬹᬃᬧᬶᬗᬶᬢ᭄᭟ᬓᬵᬫᬚᬬᬓᭂᬜᭂᬫ᭄ᬫᬵᬢᬹᬃ᭞ᬩᭀᬬᬜᬦ᭄ᬤᬂᬕᭂᬕᬦ᭄ᬩᬶᬩᬶ᭞ᬍᬓ᭄ᬢᬶᬢ᭄ᬬᬂᬓᬩᬯᭀᬲ᭄ᬧ᭄ᬭᬚ᭄ᬜᬦ᭄᭞ᬓᬦ᭄ᬢᬸᬦ᭄ᬢᬫ᭄ᬩᭂᬢ᭄ᬫᬩᭂᬢ᭄ᬧ᭄ᬭᬚ᭄ᬜᬦ᭄᭞ᬓᬤ᭄ᬬᬗ᭄ᬕᬦᬶᬂᬓᬸᬦᬂᬓᬸᬦᬂ᭞ᬮᬗ᭄ᬕᬦᬧᬸᬭᬸᬦ᭄ᬦᬦ᭄ᬤᬶᬗᬶᬦ᭄
᭟ᬓᭂᬜᬭᬦ᭄ᬢᬾᬚᬦ᭄ᬰᬶᬢᬗ᭄ᬰᬸ᭞ᬤᭀᬄᬧᬭᬧᬘᬂᬫᬲᬳᬶᬄ᭞ᬫᬥᬾᬯᬢᬶᬳᬕᬾᬦᬶᬫ᭄ᬩᬮ᭄᭞ᬤᭀᬂᬗᬸᬤᬗᬦ᭄ᬤᬧᬂᬕᬢᬶ᭞ᬦᬦ᭠ᬓ᭄ᬫᬢᬶᬍᬲᬂᬳᬯᬓ᭄᭞ᬢᭀᬂᬜᬦ᭄ᬤᬂᬫᬾᬫᬾᬓᭂᬩᬗᬶᬦ᭄᭟ᬦᬵᬗ᭄ᬳᬶᬂᬲᬚᬢ᭄ᬯᬭᬮᬸᬳᬸᬂ᭞ᬚᬸᬫ᭄ᬩᬸᬄᬗᬓᬸᬳᬓᬸᬭᬶᬭᬶᬄ᭞ᬦᬄᬚᬮᬦ᭄ᬦᬦᬓ᭄ᬘᬸᬢᭂᬢᬂ᭞ᬲ᭠
ᬓᬾᬯᬮᬭᬵᬚᬧᬸᬢ᭄ᬭᬶ᭞ᬲᬸᬩᬫᬭᬱᬓᬾᬦᬓᬦ᭄᭞ᬢᭂᬕᬭᬂᬚᬮᬦ᭄ᬫᬓᬯᬶᬦ᭄᭟ᬫᬫᬘᬫᬕᬸᬭᬸᬮᬕᬸ᭞ᬕᬸᬲ᭄ᬢᬶᬦ᭄ᬦᬦᬓ᭄ᬳᬶ᭠ᬤᬳᬸᬦᬶᬂ᭞ᬳᬶᬭᬶᬂᬳᬶᬤᬫᬩᬩᬱᬵᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬲᬳᬸᬃᬓᭂᬜᬶᬂ᭞ᬢᭂᬕᬭᬂᬧᬥᬘᭂᬦ᭄ᬢᭀᬓᬂ᭞ᬳᬧᬂᬋᬡᬬᬦᬩᭂᬤᬶᬓ᭄᭟ᬳᬗ᭄ᬕᭀᬦ᭄ᬧᬗᬵ

[᭖᭐ 60A]
᭖᭐
ᬮᬶᬫᬸᬃᬳᬶᬩᬸᬓ᭄᭞ᬓᬬᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬓᬵᬫᬚᬬᬢᬦ᭄ᬧᬗᬸᬘᬧ᭄᭞ᬤᬸᬓᬸᬄᬲᬸᬮᬤ᭄ᬭᬶᬜᬳᬸᬭᬶᬦ᭄᭞ᬳᬭᬄᬫᬾᬦ᭄ᬘᭂᬦᬶᬂᬩᬲ᭄ᬩᭀᬗ᭄ᬕᬦ᭄᭞ᬫᬭᬗᭂᬮᬄᬘᬸᬘᬸᬭᬶᬭᬶᬄ᭟ᬦᬗ᭄ᬳᬶᬂᬫᬲᬶᬄᬲᬚᬮᬸᬳᬸᬂ᭞ᬳᬗ᭄ᬕᭀᬦ᭄ᬗᬮᬶᬬᬗᬶᬦ᭄ᬳᬢᬶ᭞ᬦᬾᬚᬦᬶᬚᬮᬦ᭄ᬭᬾᬭᬾᬦᬂ᭞ᬫᬭᬭᬲᬦ᭄ᬳᬸᬮᬶᬢᬸᬦᬶ᭞
ᬓᬦ᭄ᬢᬶᬢ᭄ᬯᬭᬫᬗᬶᬗᭂᬢᬂ᭞ᬍᬲᬸᬳᬶᬤᬭᬵᬚᬧᬸᬢ᭄ᬭᬶ᭟ᬳᬢᬸᬭᬶᬦ᭄ᬫᬭᬵᬃᬬ᭄ᬬᬦ᭄ᬫᬮᬸ᭞ᬭᬵᬚᬧᬸᬢ᭄ᬭᬶᬯᬸᬲ᭄ᬗᭂᬭᬜ᭄ᬚᬶᬂ᭞ᬓᬧᬓᭀᬍᬫᬦ᭄ᬫ᭠ᬭᬵᬃᬬ᭄ᬬᬦ᭄᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬲᬂᬓᬵᬮᬶᬄᬲᬋᬂᬗᬶᬭᬶᬗᬂ᭞ᬲᬂᬲᬶᬦᭀᬫ᭄ᬫᬡᬶᬓᬶᬂᬧᬸᬭᬶ᭟᭜᭟ᬲᬶᬦᭀᬫ᭄᭟᭜᭟ᬓᬸᬤᬂᬤᬶᬦᬲᬵᬫ᭄ᬧᬸ᭠
ᬦ᭄ᬮᬶᬦ᭄ᬢᬂ᭞ᬫᬮᬶᬗ᭄ᬕᬶᬄᬭᬶᬂᬢᬫᬦ᭄ᬩᬮᬶ᭞ᬭᬵᬚᬧᬸᬢ᭄ᬭᬶᬫᬗᬃᬱᬬᬂ᭞ᬢᬫ᭄ᬩᬭᬶᬂᬤᬸᬓᬸᬄᬲᬸᬮᬤ᭄ᬭᬶ᭞ᬤᬸᬭᬸᬂᬫᬮᬶᬄᬦᬳᭂᬦᬶᬦ᭄᭞ᬧᬶᬦᬸᬗ᭄ᬓᬦᬾᬗᭂᬦ᭄ᬢᬄᬓᬫ᭄ᬩᬸᬄ᭞ᬮᬗ᭄ᬕᭂᬂᬲᬩ᭄ᬭᬦ᭄ᬭᬳᬶᬦ᭞ᬫᬰᬸᬘᬶᬫᬳᭂᬦᬶᬂᬳᭂᬦᬶᬂ᭞ᬲᬧᬢᬸᬤᬸᬄ᭞ᬤᬸᬓᬸᬄᬲᬸᬮᬤ᭄ᬭᬶᬢᬦ᭄ᬢᬸᬮᬓ᭄᭟ᬗᬮᬓᭀᬦᬶᬦ᭄ᬪᬓ᭄ᬢᬶᬫᬵᬃᬕ᭄ᬕ᭞ᬢᬶᬮᬶᬂᬗ
ᬲ᭄ᬢᬯᬳ᭄ᬬᬂᬯᬶᬤ᭄ᬥᬶ᭞ᬲᬩ᭄ᬭᬦ᭄ᬗᭂᬮᬭᬂᬢ᭄ᬭᬶᬲᬡ᭄ᬥ᭄ᬬ᭞ᬧᬕᭂᬄᬫᬬᭀᬕᬲᬫᬵᬥᬶ᭞ᬓᬵᬮᬭᬳᬶᬦᬯᭂᬗᬶ᭞ᬫᬫᬸᬢᬸᬲ᭄ᬦᬸᬗ᭄ᬕᬮᬂᬓᬬᬸᬦ᭄᭞ᬫᬫᭂᬕᭂᬂᬗ᭄ᬭᬦᬵᬲᬶᬓ᭞ᬫᬫᭀᬦᬲᬳᬫᬫᬸᬲ᭄ᬢᬶ᭞ᬗᬲ᭄ᬢᬸᬧᬸᬗ᭄ᬓᬸ᭞ᬧᬗ᭄ᬮᭂᬩᬸᬭᬦ᭄ᬤᬰᬫᬵᬮ᭟ᬫᬮᬶᬮᬂᬕᬮᬗᬧᬤᬂ᭞ᬓᬬᬸᬦ᭄ᬳᬶᬤᬭᬵᬚ᭠ [ 61 ][᭖᭐ 60A]
᭖᭐
ᬧᬸᬢ᭄ᬭᬶᬮᬭᬭᭀᬕᬯᬶᬦᬲᬦᬫ᭄᭞ᬤᬾᬦᬶᬗᬚ᭄ᬜᬦᬦ᭄ᬲᬂᬬᭀᬕᬶ᭞ᬕᭂᬲᭃᬂᬲᬃᬯ᭄ᬯᬦᬸᬲ᭄ᬓᬺᬢ᭄ᬢᬶ᭞ᬩᬱ᭄ᬫᬶᬲᬳᬦᬦᬶᬂᬍᬢᬸᬄ᭞᭠ᬤᬾᬦᬶᬂᬥᭀᬢᬶᬓ᭄ᬭᬶᬬ᭞ᬕᬕᭂᬮᬭᬦ᭄ᬯᬢᭂᬓ᭄ᬬᭀᬕᬶ᭞ᬓᬂᬲᬶᬦᬗ᭄ᬕᬸᬄ᭞ᬧᬫᬸᬦᬄᬮᬭᬯᬶᬖᭂᬦ᭟ᬍᬩᬹᬃᬲᬫᬮᬧᬢᬓ᭞ᬕᭂᬲᭃᬂᬩᬱ᭄ᬫᬶᬤᬾᬦᬶᬂ
ᬩᬲ᭄ᬢᬶ᭞ᬧᬫᬸᬦᬄᬫᬵᬮᬦᬶᬂᬦᬾᬢ᭄ᬭ᭞ᬤᬾᬦᬶᬂᬢ᭄ᬭᬓ᭄ᬢᬓ᭄‌ᬚᬧᬲᬶᬤ᭄ᬥᬶ᭞ᬧᬸᬦᬂᬍᬓᬲᬶᬂᬦᬾᬢᬶ᭞ᬧᬫᬸᬦᬄᬫᬵᬮᬦᬶᬗᬶᬭᬸᬂ᭞ᬓᬲᬶᬤ᭄ᬥᬾᬦ᭄ᬚᬧᬫᬦ᭄ᬢ᭄ᬭ᭞ᬧᬗ᭄ᬮᭂᬩᬸᬭᬦ᭄ᬫᬵᬮᬤᭂᬓᬶᬮ᭄᭞ᬢᬦ᭄ᬧᬕᬦ᭄ᬢᬸᬮ᭄᭞ᬦᬶᬃᬫᬵᬮᬢᬸᬯᬲ᭄ᬫᬮᬶᬮᬂ᭟ᬓᬤᬶᬕᬸᬦᬸᬂᬓᬲᬯᬸᬢᬦ᭄᭞ᬮᬶᬫᬸᬢ᭄ᬲᭂᬫᭂᬗᬦᬸᬧᬫᬶ᭞
ᬲᬓ᭄ᬱᬡᬕᬮᬗᬧᬤᬂ᭞ᬤᬾᬦᬶᬂᬲᭂᬦᬦ᭄ᬲᬗ᭄ᬳ᭄ᬬᬂᬭᬯᬶ᭞ᬯᬲ᭄ᬢᬸᬦᬶᬃᬫᬵᬮᬰᬸᬘᬶ᭞ᬢᬦ᭄ᬓᬢᬫᬦ᭄ᬫᬵᬮᬍᬢᬸᬄ᭞ᬲᬧᬸᬦᬶᬓᬳᬸᬧᬫᬶ᭞ᬓᬬᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬮᬷᬮᬮᬶᬧᬹᬃ᭞ᬲᬲᬸᬓᬢ᭄ᬫᬭᬶᬂᬧᬤᬸᬓ᭄ᬯᬦ᭄᭟ᬓᬾᬦᬓ᭄ᬓᬤᬶᬚᬢᬶᬫᬸᬮ᭞ᬲᭂᬫᬸᬳᬾᬕᬃᬫᬥᬾᬯᬢᬶ᭞ᬓᬵᬮᬶᬄ
ᬲᬤᬕᬶᬂᬧᬤᬸᬓ᭄ᬯᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬓᬵᬮᬯᭂᬗᬶ᭞ᬗᬲᬾᬗᬶᬦ᭄ᬫᬥᬾᬯᬢᬶ᭞ᬦᬄᬘᭂᬦᬶᬂᬦᬾᬚᬦᬶᬧᬬᬸ᭞ᬫᬓᬯᬶᬦ᭄ᬫ᭠ᬩᬩᬲᬦ᭄᭞ᬗᬶᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬩᬸᬓᬲᬗ᭄ᬕᬸᬧ᭄᭞ᬘᭂᬦᬶᬂᬫᬥᬾᬦᬾᬳᬶᬧᬶᬤᬦ᭄᭟ᬫᬥᬾᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬲᬭᬮᬾᬤᬂ

[᭖᭑ 61A]
᭖᭑
ᬢᬶᬢ᭄ᬬᬂᬗᬶᬭᬶᬂ᭞ᬫᬸᬂᬧᬸᬂᬓᬾᬲᬵᬫ᭄ᬧᬸᬦ᭄ᬓᬾᬦᬓᬦ᭄᭞ᬓᬬᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬗᬶᬭᬶᬂᬤᬩ᭄ᬤᬩᬂᬫᬗ᭄ᬓᬶᬦ᭄᭞ᬭᬾᬜ᭄ᬘᬂᬭᭀᬩᬦ᭄ᬓᬧᬶᬢᬸ᭠ᬤᬸᬄ᭞ᬲᬬᬕᬗᭂᬜᬶᬢ᭄ᬲᬸᬯᬃ᭞ᬯᬾᬦ᭄ᬢᭂᬦ᭄ᬲᬦᬾᬗᬫ᭄ᬩᬶᬮ᭄ᬯᬜ᭄ᬘᬶ᭞ᬲᬵᬫ᭄ᬧᬸᬦ᭄ᬓᬵᬢᬹᬃ᭞ᬳᬗ᭄ᬕᬾᬦ᭄ᬢᬢᬓᬦ᭄ᬫᬫᬘ᭟ᬓᬩᬢᭂᬓ᭄ᬫᭂᬮᭂᬤ᭄ᬫᬶᬭᬕ᭄ᬬᬂ᭞ᬭᬵᬚᬧᬸᬢ᭄ᬭᬶ
ᬫᬓᬓᬯᬶᬦ᭄᭞ᬓᬵᬫᬚᬬᬫᬩᬩᬲᬦ᭄᭞ᬭᬶᬂᬲᬵᬫ᭄ᬧᬸᬦ᭄ᬲᬫᬶᬲᬸᬫᬚᬶ᭞ᬓᬵᬢᬸᬭᬦ᭄ᬭᬵᬚᬧᬸᬢ᭄ᬭᬶ᭞ᬗᬋᬧᬶᬦ᭄ᬯᬜ᭄ᬘᬶᬫᬮᬸᬗ᭄ᬕᬸᬄ᭞᭠ᬓᬵᬫᬚᬬᬗᬶᬭᬶᬗᬂ᭞ᬓᬯᬶᬥᬶᬫᬗ᭄ᬤᬫᬲᬦᬶᬦ᭄᭞ᬤᬩ᭄ᬤᬩ᭄ᬲᬵᬫ᭄ᬧᬸᬦ᭄᭞ᬮᬶᬗ᭄ᬕᬶᬳᬾᬫᬋᬧᬋᬧᬦ᭄᭟ᬓᬲᭀᬩ᭄ᬲᬫᬶᬲᬂᬗᬦ᭄ᬢᭂᬦᬂ᭞ᬓᬳᬬᭀ᭠
ᬦ᭄ᬫᬡᬶᬓᬶᬂᬧᬸᬭᬶ᭞ᬓᬤᬶᬭᬝᬶᬄᬜᬮᬦ᭄ᬢᬭ᭞ᬓᬵᬫᬚᬬᬩᬕᬸᬲ᭄ᬕᭂᬜ᭄ᬚᬶᬂ᭞ᬲᬧᬳᬸᬢ᭄‌ᬬᬦ᭄ᬫᬲᬦ᭄ᬤᬶᬂ᭞ᬢᬦ᭄ᬧᬾᬦ᭄ᬤᬄᬲᬗ᭄ᬳ᭄ᬬᬗᬢᬦᬸ᭞ᬭᬵᬚᬧᬸᬢ᭄ᬭᬶᬫᬗ᭄ᬕᬮ᭞ᬫᬫᬯᭀᬲ᭄ᬗᬸᬕᬮᬂᬕᭂᬦ᭄ᬤᬶᬂ᭞ᬓᬤᬶᬘᬮᬸᬄ᭞ᬗᭀᬦᬾᬓ᭄ᬰᬵᬲ᭄ᬢ᭄ᬭᬫᬯᬶᬭᬫ᭟ᬭᬵᬫᬬᬡᬓᬂᬯᬶᬦᬘ᭞ᬲ᭄ᬯᬭᬕᭂᬮ᭄ᬕᭂ᭠
ᬮ᭄ᬫᬸᬮᬸᬓ᭄ᬫᬦᬶᬲ᭄᭞ᬓᬤᬶᬲᬸᬦ᭄ᬤᬭᬶᬓᬵᬗᬶᬦᬦ᭄᭞ᬗᬮᬸᬦ᭄ᬮᭂᬫᬸᬄᬗᬜᬶᬳᬜᬶᬄ᭞ᬓᬮᬗᭃᬦ᭄ᬲᬂᬫᬶᬭᬕᬶ᭞ᬭᬱᬢᬶᬢᬶᬭᬦ᭄ᬗᬢᭂᬗ᭄ᬓᬸᬂ᭞ᬳᬲᬶᬦ᭄ᬢᬶᬫ᭄ᬩᬮ᭄ᬩᬩᬲᬦ᭄᭞ᬓᬵᬫᬚᬬᬲᬓᬾᬂᬭᬶᬭᬶᬄ᭞ᬗᬕᭀᬮ᭄ᬢᬩᬸᬄ᭞ᬧᬧᭂᬲᭀᬦ᭄ᬕᭂᬢᬃᬲᬺᬗ᭄ᬕᬭ᭟ᬢ᭄ᬯᬭᬓᭂᬚᬶᬮ᭄ᬫᬶᬢᭂᬕᭂᬲᬂ᭞ᬲ [ 62 ][᭖᭑ 61B]
᭖᭑
ᬧᬗᭀᬦᬾᬓ᭄ᬭᬵᬚᬧᬸᬢ᭄ᬭᬶ᭞ᬓᬤᬶᬕᭂᬦ᭄ᬤᬾᬃᬫᬩᬭᬗᬦ᭄᭞ᬓᬧᬶᬗᭀᬦ᭄ᬭᬾᬜ᭄ᬘᬗᬾᬲᬫᬶ᭞ᬩᬩᬲᬦᬾᬫᬕᬢᬶᬓ᭄᭞ᬓᬵᬫᬚᬬᬢᭀᬂᬓᬧᬶᬮᬸᬕ᭄᭞ᬦᭂᬕᭂᬲᬶᬦᬸᬘᬧ᭄ᬰᬵᬲ᭄ᬢ᭄ᬭ᭞ᬲᬦᬾᬫᬸᬗ᭄ᬕᬄᬭᬶᬂᬓᬓᬯᬶᬦ᭄᭞ᬳᬾᬮᬳᬮᬸᬄ᭞ᬮᬾᬤᬂᬲᬂᬬᭀᬕᬶᬫᬶᬋᬗᬂ᭟ᬫᬥᬾ᭠
ᬯᬢᬶᬫᬗᬜ᭄ᬚᭂᬓᬂ᭞ᬲᬋᬂᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬢᬸᬮ᭄ᬬᬓᬤᬶᬚᬸᬭᬸᬓᭂᬫ᭄ᬩᬃ᭞ᬗᭀᬘᬾᬓ᭄ᬳᬬᬫ᭄ᬳᬲᬄᬢᬦ᭄ᬤᬶᬂ᭞ᬋᬩᬩ᭄ᬓᬮᬯᬦ᭄ᬲᬸᬮᬶᬂ᭞ᬫᬦᬶᬲ᭄ᬫᬸᬮᬸᬓᬾᬫᬩᬭᬸᬂ᭞ᬭᬾᬜ᭄ᬘᬗᬾᬩᭂᬗᭀᬂᬜᭀᬧᬓ᭄᭞ᬓᬮᬗᭃᬦ᭄ᬢᬫ᭄ᬩᬾᬫᬶᬭᬕᬶ᭞ᬧᬗᬶᬤ᭄ᬧᬗᬸᬲ᭄᭞ᬓᬓᬯᬶᬦ᭄ᬬᬤᬶᬦ᭄ᬩᬩ
ᬲᬦ᭄᭟ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬓᬸᬘᬶᬯ᭞ᬯᬾᬦ᭄ᬢᭂᬦ᭄ᬗᬍᬫ᭄ᬭᬵᬚᬧᬸᬢ᭄ᬭᬶ᭞ᬯᬾᬦ᭄ᬢᭂᬦ᭄ᬗᬚᬸᬫ᭄ᬓᬵᬫᬚᬬ᭞ᬢᭀᬂᬫᬤᬬᬲᬕᬾᬢ᭄ᬭᬶᬭᬶᬄ᭞ᬤᬦᬾᬫᭂᬓᭂᬮᬾᬳᬮᬶᬢ᭄᭞ᬦᬩᬸᬳᬂᬩᬩᬲᬦ᭄ᬘᭂᬧᬸᬂ᭞ᬫᬭᬧᬶᬤᬦ᭄ᬫᭂᬮᬚᬄ᭞ᬧᬗᬍᬫ᭄ᬭᬾᬜ᭄ᬘᬗᬾᬲᬫᬶ᭞ᬢᬦ᭄ᬲᬄᬗᬚᬸᬫ᭄᭞ᬭᬵᬚᬧᬸᬢ᭄ᬭᬶᬓᬵ
ᬫᬚᬬ᭟ᬬᬦᬓᬸᬤᬂᬧᬤᬓᭀᬘᬧ᭄᭞ᬧᭀᬮᬶᬄᬗᬯᬘᬾᬦ᭄ᬓᬓᬯᬶᬦ᭄᭞ᬭᬵᬚᬧᬸᬢ᭄ᬭᬶᬫᬾᬄᬓᬍᬲᭀᬦ᭄᭞ᬫᬭᬵᬃᬬ᭄ᬬᬦ᭄ᬗᬶᬦᬂᬢᬹᬃᬗᬓ᭄ᬱᬶ᭞ᬓᬵᬫᬚᬬᬓᬩᬶᬮ᭄ᬩᬶᬮ᭄᭞ᬗᭂᬚᬾᬄᬳᬸᬮᬢ᭄ᬫᬧᬶᬓᬶᬫᬸᬤ᭄᭞ᬗᬸᬦ᭄ᬢᬸᬮ᭄ᬲᬃᬯ᭄ᬯᬶᬦᬸᬦᬲᬂ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬭ᭄᭞ᬥᬹᬄᬥᬂ

[᭖᭒ 62A]
᭖᭒
ᬕᬸᬭᬸ᭞ᬳᬫ᭄ᬧᬸᬭᬢᬶᬢ᭄ᬬᬂᬦᬯᭂᬕᬂ᭟ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬓᬩ᭄ᬮᬶᬗᭂᬃᬓᬦ᭄ᬢᬸᬦ᭄ᬫᬶᬦᭂᬳᬶᬦ᭄᭞ᬩᭀᬚᭀᬕᬾᬳᬸᬦᬶᬂᬗᭂᬭᬯᭀᬲ᭄᭞ᬭᬶᬂᬫᬵᬦᬹᬱᬩᭀᬬᬦ᭄ᬤᬸᬕᬶ᭞ᬓᬤᬶᬲᭀᬮᬄᬧᬶᬭᬕᬶ᭞ᬤᬸᬓᬸᬄᬲᬸᬮᬤ᭄ᬭᬶᬳᬫᬸᬯᬸᬲ᭄᭞ᬦᬄᬓᬾᬦᬾᬲᬸᬚᬢᬶᬦ᭄ᬜ᭞ᬲᬓᬭᬶᬂᬯᬶᬓᬦ᭄ᬲᬂ᭠
ᬗᬯᬶ᭞ᬘᭂᬦᬶᬂᬘᬸᬘᬸ᭞ᬧᭂᬓᬓ᭄ᬦᬾᬚᬦᬶᬦᬃᬢ᭄ᬣᬬᬂ᭟ᬲᬯᬢᭂᬓᬶᬂᬓᬵᬧᬶᬭᬵᬚ᭞ᬫ᭄ᬯᬂᬲᬯᬢᭂᬓ᭄ᬯ᭄ᬭᬾᬚᬢᬶ᭞ᬢᬶᬤᭀᬂᬓᬮᬶᬗ᭠ᬦᬾᬩᭀᬚᭀᬕ᭄᭞ᬫᬸᬮᬫᬵᬦᬸᬱᬧᬶᬢᬸᬯᬶ᭞ᬯᭀᬂᬤ᭄ᬭᬯᬶᬤᬓᬵᬤᬦᬶᬦ᭄᭞ᬦᬾᬗᭂᬮᬳᬂᬕᬸᬫᬶᬳᬶᬡ᭄ᬥᬸ᭞ᬢᬦ᭄ᬪᬶᬦᬩᬮᬶᬳᬕ᭞ᬦᬾᬗᭂᬮ
ᬳᬂᬕᬸᬫᬶᬩᬮᬶ᭞ᬓᬯᬶᬢ᭄ᬫᬮᬸ᭞ᬲᬢᬶᬫ᭄ᬩᬂᬳᬗ᭄ᬕᭀᬦ᭄ᬧᬗᬶᬫ᭄ᬩᬂ᭟ᬓᬢᭂᬓᬦᬦ᭄ᬩᬗ᭄ᬰᬅᬃᬬ᭄ᬬ᭞ᬩᬗ᭄ᬰᬩᬦᬾᬄᬗᬍᬩᭀᬦᬶᬦ᭄᭞ᬦᬸᬗ᭄ᬓᬸᬮ᭄ᬲᬯᬢᭂᬓ᭄ᬤ᭄ᬭᬯᬶᬤ᭞ᬦᬾᬫᬮᬸᬗᭂᬮᬳᬂᬕᬸᬫᬶ᭞ᬧᬶᬡ᭄ᬥᬬᬂᬯᬢᭂᬓ᭄ᬓᬵᬧᬶ᭞ᬯᬵᬦᬭᬩᭀᬚᭀᬕ᭄ᬫᬳᬶᬓᬸᬄ᭞ᬫᬫᭂᬓᬸᬮ᭄ᬭᬶᬂᬲᬂᬭᬵ
ᬫ᭞ᬢᭂᬋᬄᬩᬗ᭄ᬰᬅᬃᬬ᭄ᬬᬓᬯᬶᬢ᭄᭞ᬓᭀᬦᬾᬫᬮᬸ᭞ᬗᬦ᭄ᬤᬧᬂᬲᬂᬓᬧᬶᬘᬸᬦ᭄ᬤᬂ᭟ᬢᬦ᭄ᬪᬶᬦᬯᭀᬂᬩᬮᬶᬳᬕ᭞ᬫᬫᬸᬲᬸᬄᬓᬫᬚᬧᬳᬶᬢ᭄᭞ᬦᬾᬫᬮᬸᬫᬯᬢᬂᬓᬵᬮᬄ᭞ᬲᬓᬶᬢᬓᬵᬋᬧ᭄ᬗᬤᬦᬶᬦ᭄᭞ᬳᬶᬤᬤᬍᬫ᭄ᬤᬶᬩᬮᬶ᭞ᬓᬲᬫ᭄ᬩᬢᬂᬪᬾᬤᬳᬸᬮᬸ᭞ᬳ [ 63 ][᭖᭒ 62B]
᭖᭒
ᬮᭀᬓᬸᬱᬡᬚᬯ᭞ᬤᬮᬶᬳᬂᬫᬳᬸᬮᬸᬩᬯᬶ᭞ᬤᬍᬫ᭄ᬩᬗ᭄ᬲᬸᬮ᭄ᬓᬚᬃᬯ᭄ᬯᬓᬂᬪᬾᬤᬫᬸᬓ᭟ᬓᬾᬯᬮᬳᬗ᭄ᬕᭀᬦ᭄ᬤᬮᬶᬳ᭠ᬦ᭄᭞ᬜᬾᬭᬾᬄᬕᬸᬫᬶᬦᬾᬤᬶᬩᬮᬶ᭞ᬲᬗ᭄ᬓᬦᬶᬂᬧᬗᬶᬦ᭄ᬤ᭄ᬭᬚᬮ᭞ᬗᭂᬧᬾᬢ᭄ᬧᬢᬶᬲᬓᬾᬂᬲᬶᬮᬶᬩ᭄᭞ᬳᬸᬧᬬᬦ᭄ᬫᬚᬧᬳᬶᬢ᭄᭞ᬗᬾᬓᬦᬂᬳᬧᬂ
ᬜᬓ᭄ᬦᬸᬗ᭄ᬓᬸᬮ᭄᭞ᬢ᭄ᬯᬭᬳᬤᬓ᭄ᬭᬫᬦ᭄ᬜ᭞ᬫᬵᬦᬹᬱᬫᬳᬸᬮᬸᬩᬯᬶ᭞ᬦᭂᬩᬶᬄᬩᬸᬮᬸᬄ᭞ᬫᬸᬮᬳᬫᬶᬲ᭄ᬓᬘᭂᬭᬶᬓᬦ᭄᭟ᬓᬾᬢᭀᬘᬸᬘᬸᬧ᭄ᬭᬢᬶᬯᬶᬫ᭄ᬪ᭞ᬲᬓᬭᬶᬂᬯᬶᬓᬦ᭄ᬲᬂᬗᬯᬶ᭞ᬓᬯᬶᬢ᭄ᬳᬤᬭᬵᬫᬬᬡ᭞ᬧᬓᬵᬃᬤ᭄ᬥᬶᬦ᭄ᬋᬱᬶᬩᬮ᭄ᬫᬶᬓᬶ᭞ᬳᬶᬤᬦᬾᬫᬮᬸᬗᬸᬭᬶᬢ᭄᭞ᬲᬧ᭄ᬢᬓᬡ᭄ᬥᬦᬾᬓ᭠
ᬳᬧᬸᬲ᭄᭞ᬗᬍᬫ᭄ᬲᬂᬭᬵᬫᬤᬾᬯ᭞ᬫᬭᬶᬂᬳᬬᭀᬤ᭄ᬬᬫ᭄ᬭᬪᭀᬦᬶᬦ᭄᭞ᬯᬢᭂᬓ᭄ᬭᬖᬸ᭞ᬗᬯᭂᬗ᭄ᬓᬸᬪᬭᬢᬯᬃᬱ᭟ᬦᬾᬫᬵᬤᬦ᭄ᬪᬭᬢᬯᬃᬱ᭞ᬓᬸᬯᬸᬩᬦ᭄ᬲᬕᬸᬫᬶᬕᬸᬫᬶ᭞ᬯᬯᭂᬗ᭄ᬓᬦ᭄ᬫᭀᬳᬜ᭄ᬚᭀᬤᬭᭀ᭞ᬧᬗᬯᬶᬢ᭄ᬳᬶᬡ᭄ᬥᬸᬦᬵᬕᬭᬶ᭞ᬲᬳᬾᬮ᭄ᬯᬦ᭄ᬢᭂᬧᬶᬲᬶᬭᬶᬂ᭞ᬩᬘᬓᬦ᭄ᬢᬸᬓᬤ᭄ᬧᬧᬶᬢᬸ
᭞ᬤᬯᬸᬄᬪᬭᬢᬯᬃᬱ᭞ᬳᬯᬦᬦ᭄ᬮᬦ᭄ᬢᬲ᭄ᬓᬵᬤᬦᬶᬦ᭄᭞ᬲᬧ᭄ᬢᬲᬶᬡ᭄ᬥᬸ᭞ᬲᬶᬡ᭄ᬥᬸᬫᬧᬶᬢᭂᬕᭂᬲ᭄ᬢᬸᬓᬤ᭄᭟ᬧᬗᬯᬶᬢ᭄ᬲᬶᬡ᭄ᬥᬸᬓᬲᬫ᭄ᬩᬢ᭄᭞ᬯᭂᬓᬲᬦ᭄ᬳᬶᬡ᭄ᬥᬸᬓᬵᬤᬦᬶᬦ᭄᭞ᬓᬬᬂᬚᬦᬶᬓᬫᬗ᭄ᬕᭂᬳᬂ᭞ᬭᬵᬚᬧᬸᬢ᭄ᬭᬶᬗᬯᬮᬾᬦᬶᬦ᭄᭞ᬫᬢᬓᬾᬦ᭄ᬭᬶᬂᬲᬂᬬᭀᬕᬶ᭞ᬲᬓᬾᬂᬦᬧᬶᬧᭂᬘᬓ᭄ᬤᬸᬫᬸᬦ᭄᭞

[᭖᭓ 63A]
᭖᭓
ᬩᬗ᭄ᬰᬅᬃᬬ᭄ᬬᬧᬸᬦᬶᬓ᭞ᬤᬸᬓᬸᬄᬲᬸᬮᬤ᭄ᬭᬶᬜᬳᬸᬭᬶᬦ᭄᭞ᬥᬹᬄᬤᬾᬯᬵᬬᬸ᭞ᬧᭂᬘᬓ᭄ᬲᬓᬾᬂᬚᬕᬢ᭄ᬳᬲ᭄ᬬ᭟ᬓᬳᬸᬘᬧ᭄ᬯᭀᬂᬲᬸᬦᬵᬦ᭄ᬢᬭ᭞ᬲᬧ᭄ᬢᬲᬶᬡ᭄ᬥᬸᬓᬍᬩᭀᬦᬶᬦ᭄᭞ᬚᬦ᭄ᬢᭀᬲ᭄ᬲᬂᬫᬤᬺᬩᬾᬚᬕᬢ᭄᭞ᬯᬢᭂᬓ᭄ᬤ᭄ᬭᬯᬶᬤᬫᬕᬶᬗ᭄ᬲᬶᬭ᭄᭞ᬫᬶᬢᬳᭂᬦ᭄ᬭᬶᬂᬓᬧᬾᬭᬶᬂ᭞ᬫᬓᬯᭀᬦ᭄ᬓᬕᬸᬦᬸᬂ᭠
ᬕᬸᬦᬸᬂ᭞ᬗᬸᬗ᭄ᬲᬶᬓᬚᬕᬢ᭄ᬤᬾᬓᬦ᭄᭞ᬧᭂᬘᬓ᭄ᬓᬶᬲ᭄ᬓᬶᬡ᭄ᬥᬦᬵᬕᬭᬶ᭞ᬫᬭᬶᬂᬤᬸᬲᬸᬦ᭄᭞ᬲᬶᬧ᭄ᬢᬬᬂᬚᬕᬢ᭄ᬯᬵᬦᬭ᭟ᬫᬥᬾᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬢᬦ᭄ᬪᬶᬦᬢᬍᬃᬭᬶᬂᬩᬮᬶ᭞ᬲᬢᬶᬗ᭄ᬓᬄᬯᭀᬂᬩᬮᬶᬳᬕ᭞ᬓᬕᬸᬦᬸᬂᬕᬸᬦᬸᬂᬫᬕᬶᬗ᭄ᬲᬶᬭ᭄᭞ᬓᬍᬩᭀᬦᬦ᭄ᬯᭀᬂᬚᬯᬶ᭞ᬤᬯᭂᬕ᭄ᬭᬸᬲᬓ᭄ᬪᬾᬤ᭄ᬥᬳᬸ
ᬮᬸ᭞ᬓᬾᬢᭀᬘᭂᬦᬶᬂᬢᬦ᭄ᬲᬶᬫ᭄ᬧᬂ᭞ᬧᬦᬶᬫ᭄ᬩᬮ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬲᬚᬧᬢᬸᬄ᭞ᬧᬗᬶᬫ᭄ᬩᬂᬘᭂᬦᬶᬂᬲᬢᬶᬫ᭄ᬩᬂ᭟ᬳᬧᬂᬘᭂᬦᬶᬂᬢᬢᬲ᭄ᬦᬯᬂ᭞᭠ᬓᭀᬚᬭᬦ᭄ᬤᬶᬳᬶᬡ᭄ᬥᬸᬗᬹᬦᬶ᭞ᬬᬦ᭄ᬢᬓᭀᬘᬧ᭄ᬩᬗ᭄ᬰᬅᬃᬬ᭄ᬬ᭞ᬳᬦᬾᬢᭂᬓᬗᬍᬩᭀᬦᬶᬦ᭄᭞ᬲᬯᬂᬫᬓᬸᬮᬶᬢ᭄ᬧᬸᬢᬶᬄ᭞ᬳᬤᭂᬕ᭄ᬕᬗ᭄ᬕᬲ᭄ᬢ᭄ᬯᬭᬧᬢᬸᬄ᭞ᬢᭂ
ᬓᬾᬦ᭄ᬯᬢᭂᬓ᭄ᬤ᭄ᬭᬯᬶᬤ᭞ᬫᬓᬸᬮᬶᬢ᭄ᬲᭂᬍᬫ᭄ᬢᬹᬃᬲᬶᬦ᭄ᬢ᭄ᬭᬶᬕ᭄᭞ᬓᬮᬸᬤ᭄ᬚᬸᬕᬸᬮ᭄᭞ᬳᬤᭂᬕ᭄ᬩᬸᬗ᭄ᬓᬸᬮᬦ᭄ᬘᭂᬦᬶᬓᬦ᭄᭟ᬓᬸᬘᬶᬯᬓᬲᭀᬭᬦ᭄ᬢᬦ᭄ᬤᬂ᭞ᬢᭂᬓᬾᬦ᭄ᬩᬗ᭄ᬰᬅᬃᬬ᭄ᬬᬭᬶᬭᬶᬄ᭞ᬲᬸᬩᬦᬯᬂᬢᬢᬓ᭄ᬭᬫ᭞ᬗᬸᬭᬸᬓ᭄ᬳᬕᬫᬗᬯᬶᬢᬶᬦ᭄᭞ᬯᭂᬓᬲᬦ᭄ᬓᬲᬸᬗ᭄ᬓᭂᬫᬶᬦ᭄᭞ᬩᬳᬦ᭄ᬕᬸᬫᬶᬦᬾᬤᬶᬳᬶᬡ᭄ᬥᬸ᭞ᬲᬹᬓ᭄ᬱᭂ [ 64 ][᭖᭓ 63B]
᭖᭓
ᬫᬜ᭄ᬘᬢᬹᬃᬯᬾᬤ᭄ᬥ᭞ᬩᬗ᭄ᬰᬅᬃᬬ᭄ᬬᬓᭀᬦᬾᬓᬯᬶᬢ᭄᭞ᬳᬦᬾᬗᬸᬤᬸᬄᬲᬚᭂᬩᬕ᭄ᬪᬭᬢᬯᬃᬱ᭟ᬧᬶᬦᬓᬤᬲᬃᬅᬕᬫ᭞ᬢᭂᬓᭂ᭠ᬤ᭄ᬓᬩᬮᬶᬲᬸᬗ᭄ᬓᭂᬫᬶᬦ᭄᭞ᬓᬵᬫᬚᬬᬫᬵᬢᬹᬃᬳᬮᭀᬦ᭄᭞ᬳᬶᬧᬶᬤᬦ᭄ᬓᭀᬘᬧ᭄ᬲᬂᬬᭀᬕᬶ᭞ᬯᬾᬦ᭄ᬢᭂᬦ᭄ᬯᬾᬤ᭄ᬥᬧᬗᬯᬶᬢ᭄᭞ᬥᬹᬄᬳᬫ᭄ᬧᬸᬭᬢᬶᬢ᭄ᬬᬂᬘᬸᬘᬸ
ᬤ᭄᭞ᬦᬸᬦᬲᬂᬫᬗ᭄ᬤᬲᬶᬦᬄ᭞ᬥᬂᬕᬸᬭᬸᬗᬦ᭄ᬤᬶᬓᬳᬭᬶᬲ᭄᭞ᬘᭂᬦᬶᬂᬘᬸᬘᬸ᭞ᬢ᭄ᬯᬭᬳᬤᬳᬦᬓ᭄ᬦᬯᬂ᭟ᬓᬾᬯᬮᬩᬦ᭄ᬢᬲ᭄ᬧᬫᬃᬡ᭄ᬦ᭞ᬧᬜᭂᬢᬦ᭄ᬲᬂᬓᬲᬸᬩ᭄ᬳᬸᬦᬶᬂ᭞ᬮᬶᬫᬂᬢᬮᬶᬢᬶᬩᬦ᭄ᬋᬓᭀ᭞ᬲᬯᬢᬭᬢᭀᬦ᭄ᬤᬾᬦ᭄ᬧᬲ᭄ᬢᬶ᭞ᬳᬤᬯᬾᬤ᭄ᬥᬧᬗᬯᬶᬢ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬜᭂᬮᬕ᭄ᬫᬵᬢᬹᬃ᭞ᬥᬹᬄᬩᭂ
ᬮᬶᬓᬤᬶᬮᬶᬧ᭄ᬬ᭞ᬲᬢ᭄ᬯᬦ᭄ᬩᭂᬮᬶᬫᬮᬸᬓᭀᬭᬶ᭞ᬩᭂᬘᬶᬓ᭄ᬤᬸᬫᬸᬦ᭄᭞ᬭᬵᬫᬬᬡᬦᬾᬧᬸᬧᬸᬢᬂ᭟ᬓᬮᬶᬗᬦ᭄ᬯᬢᭂᬓ᭄ᬯᬵᬦᬭ᭞ᬧᬫᬸ᭠ᬧᬸᬢ᭄ᬤᬸᬭᬸᬲ᭄ᬫᬓᬦ᭄ᬢᬶ᭞ᬭᬶᬂᬳᬶᬤᬲᬂᬭᬵᬫᬤᬾᬯ᭞ᬤᬯᭂᬕ᭄ᬗᭂᬩᬸᬕ᭄ᬮᭂᬗ᭄ᬓᬗᬹᬦᬶ᭞ᬫᬾᬲᭂᬫ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬦᬾᬗ᭄ᬭᬡᬬᬂᬤᬤᬶᬳᬤᬸᬂ᭞ᬯᬶᬭᬾᬄᬧᬥᬓᬾ
ᬭᬗᬦ᭄᭞ᬲᬂᬓᬵᬮᬶᬄᬓᬾᬮᬗᬦ᭄ᬭᬩᬶ᭞ᬲᬮᬶᬂᬢᬸᬮᬸᬂ᭞ᬲᬂᬭᬵᬫᬤᬾᬯᬓᬮᬵᬯᬦ᭄᭟ᬲᬂᬲᬸᬕ᭄ᬭᬶᬯᬓᬵᬧᬶᬭᬵᬚ᭞ᬲᬢ᭄ᬯᬦᬾᬤᭂᬧᬂᬫᬾᬦ᭄ᬘᭂᬦᬶᬂ᭞ᬯᬶᬭᬾᬄᬲᬸᬩᬧᬥᬦᬯᬂ᭞ᬦᬾᬜᬦ᭄ᬤᬂᬢᭂᬍᬩᬂᬚᬦᬶ᭞ᬓᬯᬶᬓᬦᬦ᭄ᬲᬂᬗᬯᬶ᭞ᬜᬶᬧ᭄ᬢᬬᬂᬳᬧᬂᬜᬓ᭄ᬧᬗᬸᬲ᭄᭞ᬮᬓ᭄ᬱᬡ

[᭖᭔ 64A]
᭖᭔
ᬦ᭄ᬲᬂᬭᬵᬯᬡ᭞ᬳᬗ᭄ᬓᬭᬫᬹᬃᬓ᭄ᬓᬢᬹᬃᬘᬶᬗᬶᬂ᭞ᬗᬤᬸᬕᬤᬸᬕ᭄᭞ᬧᬶᬦ᭄ᬤᬭᬢᬸᬦᬶᬂᬭᬵᬓ᭄ᬱᬲ᭟ᬕᭀᬩᬬᬂᬫᬘᬮᬶᬂᬭᬾᬗ᭄ᬕᬄ᭞ᬓᬭᬸᬭᬓᬭᬦᬓᬸᬢᬶᬦ᭄᭞ᬮᬓ᭄ᬱᬡᬦ᭄ᬲᬂᬫᬵᬫ᭄ᬩᭃᬓ᭄ᬫᭀᬫᭀ᭞ᬓᬲᬧᬸᬢᬦ᭄ᬫᬵᬮᬤᭂᬓᬶᬮ᭄᭞ᬫᬵᬦᬹᬱᬢᬦ᭄ᬧᬓᬾᬃᬢ᭄ᬢᬶ᭞ᬲᬂᬭᬵᬯᬡᬳᬸᬮᬄᬥᬸᬥᬹ᭞ᬢᭀᬂᬦ
ᬯᬂᬢᬢᬓ᭄ᬭᬫ᭞ᬫᬧ᭄ᬯᬭᬢᬸᬮᬸᬲ᭄ᬗᭂᬫᬲᬶᬦ᭄᭞ᬩ᭄ᬭᬱ᭄ᬝᬕᭂᬫ᭄ᬧᬸᬂ᭞ᬯᬯᬶᬤᬗᬦ᭄ᬮᭂᬗ᭄ᬓᬧᬸᬭ᭟ᬧᬗᬶᬫ᭄ᬩᬂᬫᭀᬫᭀᬮᬦ᭄ᬘᭀᬭᬄ᭞ᬓᬫᬸ᭠ᬲᬸᬳᬦ᭄ᬲᬥᬹᬩᬸᬤ᭄ᬥᬶ᭞ᬫᬚᬮᬭᬦ᭄ᬤᬾᬯᬶᬲᬶᬢ᭞ᬧᬶᬦᬓᬇᬩᬸᬧ᭄ᬭᬣᬶᬯᬶ᭞ᬫᬸᬮᬶᬄᬲᬗ᭄ᬓᬦᬶᬂᬤᬤᬶ᭞ᬧᬢᬶᬳᬸᬭᬶᬧ᭄ᬲᬂᬢᬸᬫᬸᬯᬸᬄ᭞ᬤᬸᬳᬸᬂᬫᬜ᭄ᬚᬶᬗᬸᬭᬗ᭄ᬓ᭞
ᬲᬲᬾᬭᬾᬢ᭄ᬲᬂᬯᬶᬓᬗᬯᬶ᭞ᬍᬗᬸᬢ᭄ᬧᬗᬸᬲ᭄᭞ᬜᬶᬧ᭄ᬢᬬᬂᬅᬫ᭄ᬪᭃᬓ᭄ᬫᬵᬦᬹᬱ᭟ᬓᬵᬮᬦᭂᬧᬸᬓᬶᬦ᭄ᬲᬗ᭄ᬓᬮ᭞ᬤᬶᬢᬸᬫᬭᬗᬲᬶᬳᬲᬶᬄ᭞ᬗᭀᬯᬓᬗᬶᬤᬶᬄᬢᬸᬮᬸᬗᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬓᬤᬂᬯᬃᬕ᭄ᬕᬶ᭞ᬜᬭᬢᬂᬗᬮᬶᬄᬓᬦ᭄ᬢᬶ᭞ᬫᬲᭀᬪᬬᬳᬕᭂᬢ᭄ᬮᬘᬸᬭ᭄᭞ᬗᬶᬂ
ᬲᬲᬸᬩᬦᬾᬲᬤ᭄ᬬ᭞ᬢᭀᬂᬗᬶᬗᭂᬢᬂᬳᭀᬮᬲᬲᬶᬄ᭞ᬜᬭᬸᬜᬭᬸ᭞ᬫᬧᬶᬳᭂᬗ᭄ᬲᬧ᭄ᬗᭂᬚᭀᬄᬳᬸᬮᬢ᭄᭟ᬮᬗᬄᬳᬦᬓᬾᬗᬶᬗᭂᬢᬂ᭞ᬯᬶᬮᬲᬦ᭄ᬳᬦᬾᬗᭀᬮᬲᬶᬦ᭄᭞ᬲᬚᬩᬲᬂᬭᬵᬫᬤᬾᬯ᭞ᬳᬯᬦᬦ᭄ᬳᬶᬤᬓᬧᬸᬚᬶ᭞ᬓᬬᬂᬚᬦᬶᬓᬲᬶᬯᬶ᭞ᬲᬶᬦ᭠ [ 65 ][᭖᭔ 64B]
᭖᭔
ᬗ᭄ᬕᬄᬪᬝᬵᬭᬯᬶᬱ᭄ᬡᬸ᭞ᬫᬂᬚᬤ᭄ᬫᬤᬶᬳᬬᭀᬤ᭄ᬬ᭞ᬲᬕᬸᬫᬶᬳᬶᬡ᭄ᬥᬸᬜᬸᬗ᭄ᬓᭂᬫᬶᬦ᭄᭞ᬓᬯᬶᬢ᭄ᬫᬮᬸ᭞ᬳᬶᬤᬫᬭᬓᬂᬅᬕᬫ᭟ᬅ᭠ᬕᬫᬳᬶᬡ᭄ᬥᬸᬯᬶᬱ᭄ᬡᬸᬓᬳᬸᬘᬧ᭄᭞ᬯᬢᭂᬓ᭄ᬯᬿᬱ᭄ᬡᬯᬜᬸᬗ᭄ᬓᭂᬫᬶᬦ᭄᭞ᬫᬥᬾᬯᬢᬶᬫᬵᬢᬹᬃᬳᬮᭀᬦ᭄᭞ᬳᬶᬗ᭄ᬕᬶᬄᬤᬸᬭᬸᬲᬂᬲᬂᬬᭀᬕᬶ᭞ᬗᬶᬘ᭄ᬙᬾ
ᬦ᭄ᬢᬶᬢ᭄ᬬᬂᬧᬯᬶᬲᬶᬓ᭄᭞ᬓᬮᬶᬗᬦ᭄ᬳᬕᬫᬯᬶᬱ᭄ᬡᬸ᭞ᬓᬝᬳᬦ᭄ᬤᬾᬭᬾᬂᬢᬢᬲ᭄᭞ᬗᬦ᭄ᬤᬶᬓᬤᬸᬓᬸᬄᬲᬸᬮᬤ᭄ᬭᬶ᭞ᬘᭂᬦᬶᬂᬳᬬᬸ᭞ᬢᬸᬮ᭄ᬬᬧᬸᬘᬸᬂᬦᬸᬫᬢᬮᬂ᭟᭜᭟ᬧᬸᬘᬸᬂ᭟᭜᭟ᬘᭂᬦᬶᬂᬳᬬᬸ᭞ᬳᬮᭀᬦ᭄ᬗᬦ᭄ᬤᬶᬓᬥᬂᬕᬸᬭᬸ᭞ᬳᬧᬂᬘᭂᬦᬶᬂᬦᬯᬂ᭞ᬢᭂᬓᬾᬦᬶᬂᬲᬳᬸᬭᬳᬭᬶᬄ᭞ᬕᬸᬫᬶᬳᬶ᭠
ᬡ᭄ᬥᬸ᭞ᬢᬶᬗ᭄ᬓᬄᬳᬦᬓᬾᬫᬵᬕᬫ᭟ᬳᬦᬾᬫᬮᬸ᭞ᬩᬧᬲᬸᬩᬢᬳᬾᬦ᭄ᬦᬸᬢᬸᬭ᭄᭞ᬫᬢᬾᬫ᭄ᬧᬾᬓ᭄ᬢᬾᬫ᭄ᬧᬾᬓᬦ᭄᭞᭠ᬳᬦᬓᬾᬤᬶᬢᬸᬜᬸᬗ᭄ᬓᭂᬫᬶᬦ᭄᭞ᬧᬮᬶᬂᬮᬶᬬᬸ᭞ᬯᬢᭂᬓ᭄ᬦᬾᬫᬵᬤᬦ᭄‌ᬯᬿᬱ᭄ᬡᬯ᭟ᬢᬹᬃᬓᬯᬸᬯᬸᬲ᭄᭞ᬯᬿᬱ᭄ᬡᬯᬫᬵᬕᬫᬯᬶᬱ᭄ᬡᬸ᭞ᬫᬾᬄᬤ᭠
ᬰᬯᬶᬩᬕ᭞ᬬᬦᬶᬂᬲᬳᬶᬳᬂᬢᭂᬓᬾᬦᬶᬂ᭞ᬲᬂᬫᬗᬦᬹᬢ᭄᭞ᬅᬕᬫᬰᬶᬯᬩᭂᬤᬶᬓᬦ᭄᭟ᬬᬦᬶᬂᬳᬶᬢᬸᬂ᭞ᬲᬯᬢᭂᬓ᭄ᬫᬵᬕᬫᬯᬶᬱ᭄ᬡᬸ᭞ᬍᬩᬶᬄᬲᬢᬓ᭄ᬬᬸᬢ᭞ᬓᭂᬢᬾᬓᬦᬾᬘᭂᬭᬶᬓ᭄ᬓᭂᬮᬶᬄ᭞ᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬓᬲᭂᬫ᭄ᬩᬄᬧᬶᬦᬹᬚᬧᬹᬚ᭟ᬯᬢᭂᬓ᭄ᬜᬸᬗ᭄ᬲᬸᬂ᭞ᬳᬶᬤᬲᬗ᭄ᬳ᭄ᬬᬂᬯᬶ

[᭖᭕ 65A]
᭖᭕
ᬱ᭄ᬡᬸᬜᭂᬗ᭄ᬕᬸᬄ᭞ᬲᬗ᭄ᬳ᭄ᬬᬂᬦᬵᬭᬬᬡ᭞ᬧᬶᬦᬓᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬲᬗ᭄ᬓᬦ᭄ᬳᬶᬤᬸᬧ᭄᭞ᬳᬶᬤᬗᬶᬘ᭄ᬙᬾᬦ᭄ᬓᬳᬸᬭᬶᬧᬦ᭄᭟ᬓᬲᬶᬦᬗ᭄ᬕᬸᬄ᭞ᬫᬵᬦᬹᬱᬮᬦ᭄ᬓᬬᬸᬓᬬᬸ᭞ᬲᬢᭀᬯᬯᬮᬸᬗᬦ᭄᭞ᬯᬢᭂᬓ᭄ᬓᬸᬫᬢᬧ᭄ᬓᬸᬫᬶᬢᬶᬧ᭄᭞ᬲᬶᬤ᭄ᬥᬳᬶᬤᬸᬧ᭄᭞ᬪᬝᬵᬭᬯᬶᬱ᭄ᬡᬸᬗᬸᬭᬶᬧᬂ᭟ᬯᬢᭂᬓ᭄ᬭᬵᬖᬸ᭞ᬲᬂ
ᬭᬵᬫᬤᬾᬯᬓᬯᬸᬯᬸᬲ᭄᭞ᬧᬯᬶᬚᬶᬮᬦ᭄ᬤᬾᬯ᭞ᬲᬗ᭄ᬳ᭄ᬬᬂᬯᬶᬱ᭄ᬡᬸᬓᭀᬦᬾᬦᬶᬢᬶᬲ᭄᭞ᬓᬧᬶᬂᬧᬶᬢᬸ᭞ᬗᬯᬵᬢᬭᬤᬶᬳᬬᭀᬤ᭄ᬬ᭟ᬮᬶᬗᬶᬂᬢᬸᬢᬹᬃ᭞ᬧᬜ᭄ᬘᬭᬢᬦᬾᬓᬕᬶᬦᬸᬂ᭞ᬲᬯᬢᭂᬓ᭄‌ᬯᬿᬱ᭄ᬡᬯ᭞ᬳᬢᬾᬫ᭄ᬧᬾᬓ᭄ᬳᬦᬾᬜᬸᬗ᭄ᬓᭂᬫᬶᬦ᭄᭞ᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬦᬸᬫᬶᬡ᭄ᬥᬢᭂ᭠
ᬓᬾᬦ᭄ᬲᬂᬭᬵᬫ᭟ᬓᬧᬶᬂᬓᬸᬢᬸᬲ᭄᭞ᬫᬂᬚᬤ᭄ᬫᬪᬝᬵᬭᬯᬶᬱ᭄ᬡᬸ᭞ᬭᬶᬂᬳᬶᬤᬲᬂᬓᬺᬱ᭄ᬡᬵ᭞ᬲᭂᬗ᭄ᬕᬸᬄᬯᬢᭂᬓ᭄ᬦᬾᬜᬶᬯᬶ᭞ᬲᬗ᭄ᬳ᭄ᬬᬂ᭠ᬯᬶᬱ᭄ᬡᬸ᭞ᬲᬂᬗᬶᬦᭂᬗᬂᬪᬕᬯᬢ᭟ᬧᬢᬸᬄᬧᬢᬸᬄ᭞ᬫᬫᬹᬚᬪᬝᬵᬭᬯᬶᬱ᭄ᬡᬸ᭞ᬦᬵᬗ᭄ᬳᬶᬂᬪᬶᬦᬧᬓ᭄ᬱ᭞ᬬᬤᬶᬦ᭄ᬢᬢᬸᬚᭀᬦᬩᭂᬲᬶᬓ᭄᭞ᬮᬾᬦ᭄ᬲᬲᬸ᭠
ᬤᬸᬓ᭄᭞ᬲᬗ᭄ᬓᬦ᭄ᬫᬢᬾᬫ᭄ᬧᬾᬓ᭄ᬢᬾᬫ᭄ᬧᬾᬓᬦ᭄᭟ᬢ᭄ᬯᬭᬳᬤᬸᬂ᭞ᬫᬢᬸᬗ᭄ᬓᬲ᭄ᬘᬭᬫᬫᬤᬸ᭞ᬫᬥᬾᬯᬢᬶᬦᬶᬫ᭄ᬩᬮ᭄᭞ᬗᭂᬮᬸᬂᬳᬗ᭄ᬕᬫᬵᬢᬹᬃᬲᬶᬲᬶᬧ᭄᭞ᬥᬹᬄᬥᬂᬕᬸᬭᬸ᭞ᬓᬧᬶᬗᭀᬦ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭟ᬚᬢᬶᬢᬦ᭄ᬤ᭄ᬭᬸᬄ᭞ᬅᬕᬫᬓᬾᬗᬶᬦ᭄ᬫᬫᬤᬸ᭞ᬬᬦ᭄ᬳᬶᬦᬩ᭄ᬳᬶᬦᬩᬂ᭞ᬭᬹ [ 66 ][᭖᭕ 65B]
᭖᭕
ᬧᬢᬦ᭄ᬪᬶᬦᬲᬓᬤᬶ᭞ᬧᬢᭂᬄᬳᬸᬦ᭄ᬤᬸᬓ᭄᭞ᬳᬸᬮᬢᬂᬅᬕᬫᬩᬸᬤ᭄ᬥ᭟ᬓᬲᬶᬦᬗ᭄ᬕᬸᬄ᭞ᬫᬳᬵᬬᬦᬦᭀᬭᬳᬤᬸᬂ᭞ᬓᭀ᭠ᬘᬧ᭄ᬪᬶᬦᬧᬓ᭄ᬱ᭞ᬭᬶᬂᬳᬶᬦᬬᬵᬦᬫᬄᬓᬵᬮᬶᬄ᭞ᬫᬭᬶᬂᬳᬶᬡ᭄ᬥᬸ᭞ᬢᬍᬃᬫᬩᬦ᭄ᬢᬶᬄᬩᬦ᭄ᬢᬶᬳᬦ᭄᭟ᬲᬫᬶᬓᬸᬓᬸᬄ᭞ᬜᭂᬚᭂᬭᬂᬧᬧᬶᬦᭂᬄᬧᭂᬗ᭄ᬓᬸᬂ᭞ᬳᬯᬶ᭠
ᬦᬦ᭄ᬫᬢᬸᬗ᭄ᬓᬲ᭄᭞ᬲᬂᬬᭀᬕᬶᬓᭂᬜᭂᬫ᭄ᬜᬳᬸᬭᬶᬦ᭄᭞ᬘᭂᬦᬶᬂᬳᬬᬸ᭞ᬧᬗᬶᬫ᭄ᬩᬂᬘᭂᬦᬶᬗᬾᬲᬚ᭟ᬳᬚᬓ᭄ᬮᬶᬬᬸ᭞ᬧᬥᬜᭂᬚᭂᬭᬂᬧᬫᬢᬹᬢ᭄᭞ᬚᭂᬗᬄᬓᬚᬃᬯ᭄ᬯᬓᬂ᭞ᬢ᭄ᬯᬭᬦᬯᬂᬦᬾᬲᬸᬚᬢᬶ᭞ᬮᬶᬗᬶᬂᬢᬸᬢᬹᬃ᭞ᬳᬯᬦᬦ᭄ᬧᬬᬸᬫᬢᬸᬗ᭄ᬓᬲ᭄᭟ᬦᭂᬩᬕ᭄ᬲᬸᬯᬸᬂ᭞ᬲᭂᬗ᭄ᬓᬲᬸᬓᬶᬮ᭄ᬳ
ᬚᬓ᭄ᬮᬶᬬᬸ᭞ᬚᬢᬶᬢ᭄ᬯᬭᬧᭂᬤᬲ᭄᭞ᬦᬃᬓ᭄ᬓᬩᬶᬦ᭄ᬢᬗᬾᬤᬶᬮᬗᬶᬢ᭄᭞ᬧᬗ᭄ᬓᬄᬗᬶᬢᬸᬂ᭞ᬧᬬᬸᬓᭂᬜᭂᬮ᭄ᬫᬓᭂᬢᬾᬓᬦ᭄᭟ᬯᬲ᭄ᬢᬸᬩᬶᬗᬸᬂ᭞ᬢ᭄ᬯᬭᬦᬯᬂᬓᬗᬶᬦ᭄ᬓᬯᬸᬄ᭞ᬧᬬᬸᬫᬕᭂᬋᬗᬦ᭄᭞ᬢᬸᬮ᭄ᬬᬗᬭᬱᬦᬶᬦ᭄ᬳᬗᬶᬦ᭄᭞ᬢ᭄ᬯᬭᬢᭂᬧᬸᬓ᭄᭞ᬭᬾᬄᬢ᭄ᬯᬭᬗᭂᬦᬄᬫᬕᭀᬩ᭟
ᬫᬧᬶᬯᭂᬭᬸᬄ᭞ᬓᬧ᭄ᬭᬚ᭄ᬜᬦᬦ᭄ᬳᭂᬩᭂᬓ᭄ᬳᭂᬫ᭄ᬩᬸᬄ᭞ᬩᬾᬢᬓ᭄ᬫᬓᬓᭂᬜ᭄ᬘᬦ᭄᭞ᬗᬤᬾᬦ᭄ᬤᬾᬯᬾᬓ᭄ᬲᬸᬩᬭᬶᬭᬶᬄ᭞ᬩᭂᬮᭀ᭠ᬕ᭄ᬳᬚᬸᬫ᭄᭞ᬗᭀᬃᬢ᭄ᬢᬲᬸᬩᬦᬯᬂᬲ᭄ᬯᬃᬕ᭄ᬕᬦ᭄᭟ᬤᬶᬚᬭᬸᬭᬸᬄ᭞ᬲ᭄ᬯᬃᬕ᭄ᬕᬦᬾᬤᬶᬓᬭᬂᬲᬸᬯᬸᬂ᭞ᬫᬥᬾᬯᬢᬶᬦᬶᬫ᭄ᬩᬮ᭄᭞ᬓᬩ᭄ᬮᬶᬗᭂᬃᬢᬶᬢ᭄ᬬᬂᬲᬂᬬᭀ

[᭖᭖ 66A]
᭖᭖
ᬕᬶ᭞ᬤᬸᬭᬸᬲ᭄ᬩᬶᬗᬸᬂ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭟ᬥᬹᬄᬥᬂᬕᬸᬭᬸ᭞ᬤᬸᬭᬸᬲᬂᬳᬸᬕᬶᬫᬶᬢᬸᬤᬸᬄ᭞ᬢᬶᬗ᭄ᬓᬳᬾᬫᬵᬕᬫ᭞ᬫᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬳᬮᬳᬬᬸ᭞ᬲᬂᬬᭀᬕᬶᬭᬭᬶᬲ᭄ᬗᬦ᭄ᬤᬶᬓ᭟ᬘᭂᬦᬶᬂᬳᬬᬸ᭞ᬧᬢᬸᬗ᭄ᬓᬲ᭄ᬫᬤᬲᬃᬧᭂᬗ᭄ᬓᬸᬂ᭞ᬩᬸᬓᬦᬾᬭᬯᭀᬲᬂ᭞ᬦᬄᬩᬧ᭠
ᬚᬦᬶᬗᭀᬭᬳᬶᬦ᭄᭞ᬮᬶᬗᬶᬂᬢᬸᬢᬹᬃ᭞ᬳᬸᬘᬧ᭄‌ᬯᬺᬳᬲ᭄ᬧᬢᬶᬢᬢ᭄ᬯ᭟᭜᭟ᬕᬶᬦᬤ᭟᭜᭟ᬓᬮᬶᬗᬦ᭄ᬫᬵᬤᬦ᭄ᬦᬶᬲ᭄ᬓᬵᬮ᭞ᬢ᭄ᬯᬭᬧᭂᬤᬲ᭄ᬩᬦ᭄ᬗᬾᬮᬶᬗᬶᬦ᭄᭞ᬢᬦ᭄ᬪᬶᬦᬦᭂᬧᬸᬓᬶᬦ᭄ᬕᬚᬄ᭞ᬓᬩᬶᬦᬯᬳᬕᬸᬮᬕᬸᬮ᭄᭞ᬦᬵᬗ᭄ᬳᬶᬂᬚᬢᬶᬢ᭄ᬯᬭᬦᬯᬂ᭞ᬕᭀᬩᬦ᭄ᬳᬲ᭄ᬢᬶ᭞ᬓᬾ᭠
ᬯᬮᬦᬶᬗᭂᬳᬂᬳᭀᬃᬢ᭄ᬢ᭟ᬢᭂᬗ᭄ᬕᭂᬓ᭄ᬕᬚᬳᬾᬤᬮᬶᬳᬂ᭞ᬦᭂᬩ᭄ᬩᬮᬾᬕᭂᬥᬾᬗᬗᭀᬩᬶᬦ᭄᭞ᬲᬓᬭᬶᬂᬢᬸᬦᬯᬶᬯᬾᬓ᭞ᬮᬾᬦ᭄ᬳᬤᬦᬾᬫᬳᬦ᭄ᬗᬸᬲᬸᬤ᭄᭞ᬓᬸᬧᬶᬂᬕᬚᬳᬾᬯᬢᬗᬂ᭞ᬲᬶᬦᬄᬳᬶᬮᬶᬄ᭞ᬕᭂᬥᬾᬮᬸᬫ᭄ᬩᬂᬓᭂᬧᬢ᭄ᬓᭂᬧᬢ᭄᭟ᬦᬾᬫᬳᬦ᭄ᬗᬸ᭠
ᬲᬸᬤᬶᬦ᭄ᬥᬡ᭄ᬝ᭞ᬘᭀᬘᭀᬃᬕᬚᬳᬾᬳᬸᬧᬫᬶ᭞ᬩᬩᬃᬳᬾᬮᬄᬫᬜᬫ᭄ᬩᬢᬂ᭞ᬍᬲ᭄ᬓᬬᬸᬲᬸᬩᬫᬲᭂᬭᬸᬢ᭄᭞ᬢᬸ᭠ᬮᬮᬾᬦ᭄ᬕᬚᬳᬾᬤᬯ᭞ᬓᬤᬾᬦ᭄ᬮᬶᬧᬶ᭞ᬫᬕᬶᬍᬳᬦᬸᬯᬤᬸᬯᬤ᭄᭟ᬳᬦᬾᬫᬳᬦ᭄ᬗᬸᬲᬸᬤ᭄ᬩᬲᬂ᭞ᬗᬤᬾᬦ᭄ᬚᭂᬦᭂᬂᬢᭀᬗᭀᬲ᭄ᬧ [ 67 ][᭖᭖ 66B]
᭖᭖
ᬤᬶ᭞ᬳᬤᬫᬲᬶᬄᬫᬗᭀᬭᬳᬂ᭞ᬦᬾᬫᬳᬦ᭄ᬗᬸᬲᬸᬤᬶᬦᬶᬓᬸᬄ᭞ᬓᬧᭀᬩᬾᬚᬸᬮᬶᬢ᭄ᬢᬾᬦᬾᬦᬦ᭄᭞ᬓᬸᬢᬮ᭄ᬓᬸᬢᬶᬮ᭄᭞ᬲᬓᬭᬶᬂᬢᬸᬦᬯᬲ᭄ᬧᬤ᭟ᬳᬤᬫᬲᬶᬄᬗᬯᬢᬗᬂ᭞ᬦᬾᬫᬳᬦ᭄ᬗᬸᬲᬸᬤᬶᬦ᭄ᬩᬢᬶᬲ᭄᭞ᬚᬢᬶᬲᬲᬓᬢᬾᬦᬾᬦᬦ᭄᭞ᬩᬸᬓᬧᬢ᭄ᬧᬢ᭄ᬕᭂᬥᬾ
ᬓᬸᬓᬸᬄ᭞ᬓᬾᬢᭀᬘᭂᬦᬶᬂᬧᬢᬶᬯᬶᬫ᭄ᬪ᭞ᬮᬶᬗᬶᬂᬳᬚᬶ᭞ᬳᬸᬘᬧ᭄‌‌ᬯᬺᬳᬲ᭄ᬧᬢᬶᬢᬢ᭄ᬯ᭟ᬲᬶᬧ᭄ᬢᬦ᭄ᬳᬦᬓ᭄ᬢ᭄ᬯᬭᬧᭂᬤᬲ᭄᭞ᬦ᭠ᬯᬂᬓᬲᬸᬦ᭄ᬬᬢᬦ᭄ᬚᬢᬶ᭞ᬓᬵᬫᬚᬬᬫᬵᬢᬸᬭᬮᭀᬦ᭄᭞ᬦᬯᭂᬕᬂᬢᬶᬢ᭄ᬬᬂᬥᬂᬕᬸᬭᬸ᭞ᬤᬸᬭᬸᬲᬂᬫᬮᬶᬄᬧᬶᬤᬃᬢ᭄ᬣ᭞ᬫᭂᬍᬤ᭄ᬳᬸᬦᬶᬂ᭞ᬢᬶᬢ᭄ᬬᬂᬭᬶᬂᬳᬶᬦ᭄ᬤᬶ
ᬓ᭄‌‌ᬯᬿᬱ᭄ᬡᬯ᭟ᬭᬾᬄᬓᬩᬯᭀᬲ᭄ᬧᬮᬶᬂᬓᬢᬄ᭞ᬳᬦᬓᬾᬲᬦᬾᬜᬸᬗ᭄ᬓᭂᬫᬶᬦ᭄᭞ᬅᬕᬫᬯᬶᬱ᭄ᬡᬸᬧᬸᬦᬶᬓ᭞ᬇᬭᬶᬓᬵᬭᬶᬂᬚᬕᬢ᭄ᬳᬶᬡ᭄ᬥᬸ᭞ᬦᬧᬶᬲᬦᬾᬓᬕᭂᬮᬭᬂ᭞ᬮᬶᬗᬶᬂᬳᬚᬶ᭞ᬳᬕᭂᬫᬕᭂᬫᬦ᭄‌‌ᬯᬿᬱ᭄ᬡᬯ᭟ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬓᬾᬦᬾᬓᬮᬶᬗᬦᬾᬚ
ᬢᬶ᭞ᬳᬧᬂᬚᬢᬶᬧᭂᬤᬲ᭄ᬦᬯᬂ᭞ᬤᬲᬃᬯᬿᬱ᭄ᬡᬯᬧᬢ᭄ᬮᬶᬓᬸᬃ᭞ᬦᬾᬚᬦᬶᬧᭂᬓᬓ᭄ᬦᬸᬢᬸᬭᬂ᭞ᬩᭂᬲᬶᬓ᭄ᬩᭂᬲᬶᬓ᭄᭞ᬧᬤᬶᬗᭂᬳᬂᬳᬧᬂᬫᭂᬮᬄ᭟ᬯᬶᬱ᭄ᬡᬸᬫᬬᬓᬯᬶᬰᬾᬱᬦ᭄᭞ᬳᬶᬤᬲᬗ᭄ᬳ᭄ᬬᬂᬳᬭᬶᬫᬹᬃᬢ᭄ᬢᬶ᭞ᬧᬶᬦᬹᬚᬵᬯᬢᭂᬓ᭄‌‌ᬯᬿᬱ᭄ᬡᬯ᭞ᬲᬓᬜ᭄ᬘᬦ᭄ᬫᬵᬕᬫᬯᬶᬱ᭄ᬡᬸ᭞ᬘ᭄ᬙᬾᬢᬦ

[᭖᭗ 67A]
᭖᭗
ᬧᬇᬥᭂᬧᬦ᭄ᬕᬮᬂ᭞ᬫᬗᬲ᭄ᬢᬸᬢᬶ᭞ᬪᬝᬵᬭᬯᬶᬱ᭄ᬡᬸᬲᬶᬦᭂᬫ᭄ᬩᬄ᭟ᬩᬸᬤ᭄ᬥᬶᬧᬦᬸᬗ᭄ᬕᬮᬦ᭄ᬘᬶᬢ᭞ᬕᬶᬮᬶᬓ᭄ᬳᬶᬥᭂᬧᬾᬫᬫᭂᬲᬶᬓ᭄᭞ᬗᬲ᭄ᬢᬸᬢᬶᬳ᭄ᬬᬂᬦᬵᬭᬬᬦ᭞ᬧᬭᬕᬬᬦ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬦᬶᬤ᭄ᬭᬚᬢᬶᬓᬲᬸᬭᬸᬧᬦ᭄᭞ᬘᬭᬗᬶᬧᬶ᭞ᬧᬵᬫ᭄ᬪᭃᬓᬦ᭄ᬢᬸᬫᭀᬦ᭄ᬢᬦ᭄ᬧᭂᬤᬲ᭄᭟ᬓ᭄ᬱᬸᬤ᭄ᬥ᭠
ᬧᬗᬯᬾᬱᬦ᭄ᬩᬲᬂ᭞ᬲᭂᬤᬸᬓ᭄ᬫᬢᭂᬫᬳᬦ᭄ᬧᬮᬶᬂ᭞ᬘᬳ᭄ᬬᬓᬤ᭄ᬬᬗ᭄ᬕᬦᬶᬂᬮᬯᬢ᭄᭞ᬧᬯᬬᬗᬦ᭄ᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬳᬶᬮᬶᬗᬶᬦ᭄ᬳᬧᬂᬯᬲ᭄ᬧᬥ᭞ᬯᭂᬢᬸᬳᬾᬮᬶᬂ᭞ᬢᬶᬗ᭄ᬓᬳᬾᬗᬦᬹᬢᬕᬫ᭟ᬢ᭄ᬯᬭᬲᬭᬸᬓᬲᬫᬭᬦ᭄᭞ᬓᬯᬶᬰᬾᬱᬦ᭄ᬫᬵᬤᬦ᭄ᬰᬓ᭄ᬢᬶ᭞ᬢᭂᬍᬩ᭄ᬳᬶᬥᭂᬧᬾᬫᬵᬕᬫ᭞ᬜᬸᬗ᭄ᬓᭂᬫᬶᬦ᭠
ᬕᬫᬯᬶᬱ᭄ᬡᬸ᭞ᬢ᭄ᬭᬶᬱ᭄ᬡᬦ᭄ᬧᬢᬸᬄᬢᭂᬓᬾᬦ᭄‌‌ᬢᬺᬱ᭄ᬡᬵ᭞ᬳᭀᬮᬲᬲᬶᬄ᭞ᬫᬵᬋᬧ᭄ᬢᭂᬓᬾᬦ᭄ᬓᬤᬂᬯᬃᬕ᭄ᬕ᭟ᬓ᭄ᬱᬦ᭄ᬢᬶᬫᬵᬪᬦ᭄ᬓᬧᬕᭂ᭠ᬳᬦ᭄᭞ᬢ᭄ᬯᬭᬳᭀᬩᬄᬕᬸᬜ᭄ᬚᬄᬕᬸᬜ᭄ᬚᬶᬄ᭞ᬢᬶᬗ᭄ᬓᬳᬾᬗᬦᬹᬢᬕᬫ᭞ᬬᬤ᭄ᬢᬶᬯᬗ᭄ᬰᬓᬲᬶᬦᬗ᭄ᬕᬸᬄ᭞ᬫᬸᬮᬫᬓᬯ᭄ᬯᬗᬦ᭄ᬫᬾᬦᬓ᭄᭞ᬗᬾᬤ
ᬍᬫᬶᬦ᭄᭞ᬬᬦ᭄ᬢ᭄ᬯᬭᬦᬯᬂᬅᬕᬫ᭟ᬍᬤ᭄ᬚᬫᬢᬶᬍᬲᬂᬳᬯᬓ᭄᭞ᬩᬶᬱᬦᬾᬗᬍᬓᬂᬳᬢᬶ᭞ᬰᬦ᭄ᬢᬶᬧᬇᬥᭂᬧᬦ᭄ᬕᬮᬂ᭞ᬢ᭄ᬯᬭᬦᬯᬂᬫᬵᬤᬦ᭄ᬲᭂᬫ᭄ᬧᬸᬢ᭄᭞ᬰᬺᬤ᭄ᬥᬓᬮᬶᬗᬦ᭄ᬮᬓ᭄ᬱᬡ᭞ᬇᬥᭂᬧ᭄ᬫᬸᬜᬶ᭞ᬢ᭄ᬯᬭᬢᬶᬫ᭄ᬧᬂᬫᬵᬦᬹᬢ᭄ᬓ᭄ᬭᬫ᭞ᬓᬵᬦ᭄ᬢᬶᬳᬸᬮᬢᬸᬮᬢ᭄‌‌ᬰᬺᬤ᭄ᬥᬄ᭞ᬲ᭄ᬭᭀ [ 68 ][᭖᭗ 67B]
᭖᭗
ᬫᬾᬄᬫᬩ᭄ᬭᬬᬫᬯᬃᬕ᭄ᬕᬶ᭞ᬲᭀᬢᬦᬶᬂᬫᬸᬮᬫᬜᬫ᭞ᬧᬭᬲ᭄ᬧᬭᭀᬲ᭄ᬲᬮᬶᬂᬢᬸᬮᬸᬂ᭞ᬮᬓ᭄ᬱ᭄ᬫᬶᬧ᭄ᬭᬫᬾᬰ᭄ᬯᬭᬶᬦ᭄ᬳᬶᬤ᭞ᬲᬗ᭄ᬳ᭄ᬬᬂᬳᬭᬶ᭞ᬧᬶᬦᬹᬚᬯᬢᭂᬓ᭄‌ᬯᬿᬱ᭄ᬡᬯ᭟ᬧᬶᬦᬓᬭᬫ᭄ᬩᬸᬢ᭄ᬲᬵᬥᬦ᭞ᬤᬾᬯᬦ᭄ᬧᬶᬧᬶᬲᬾᬤᬶᬩᬮᬶ᭞ᬓᬵᬢᬸᬭᬦ᭄ᬯᬶᬤ᭄ᬥᬶᬯᬾᬤᬦ᭞ᬤ᭄ᬭᬶᬣᬶᬧᬯᬗᬸᬦᬾᬓᬸ
ᬓᬸᬄ᭞ᬧᬶᬦᬓᬤᬲᬃᬅᬕᬫ᭞ᬢ᭄ᬯᬭᬕᬜ᭄ᬚᬶᬄ᭞ᬲᬓ᭄ᬱᬢ᭄ᬕᬸᬦᬸᬂᬢᭂᬫ᭄ᬧᬸᬄᬳᭀᬫ᭄ᬩᬓ᭄᭟ᬩ᭄ᬭᬶᬣᬶᬗᬸᬮᬸᬭᬶᬦ᭄ᬓᬍᬕᬦ᭄᭞ᬦᬸᬫ᭄ᬩᬸᬳᬂᬓᬫᬾᬫ᭄ᬯᬦ᭄ᬩᬸᬤ᭄ᬥᬶ᭞ᬢ᭄ᬯᬭᬦᬯᬂᬢᬢᬓ᭄ᬭᬫ᭞ᬲ᭄ᬫᬺᬢ᭄ᬢᬶᬲᬹᬓ᭄ᬱ᭄ᬫᬦᬶᬂᬢᬸᬢᬹᬃ᭞ᬢᬸᬢᬹᬃᬬᬸᬓ᭄ᬢᬶᬧᬧᬶᬗᬶᬢᬦ᭄᭞ᬦᬾᬲᬸᬗ᭄ᬓᭂᬫᬶᬦ᭄᭞ᬩᬩ᭄ᬯᬢᬦ᭄ᬗᬦᬹᬢᬕᬫ᭟᭠
ᬤᬾᬬᬲᬸᬚᬢᬶᬦᬶᬂᬢᬺᬱ᭄ᬡᬵ᭞ᬫᬤᬸᬮᬸᬭᬦ᭄ᬳᭀᬮᬲᬲᬶᬄ᭞ᬫᬵᬋᬧ᭄ᬢᭂᬓᬾᬦ᭄ᬜᬫᬩ᭄ᬭᬬ᭞ᬢᬸᬲ᭄ᬣᬶᬲᬦ᭄ᬢᭀᬲᬲᬢᬸᬯᬸᬓ᭄᭞᭠ᬮᬷᬮᬳᬶᬥᭂᬧᬾᬲᬢᬢ᭞ᬦᭂᬓᬾᬗ᭄ᬳᬢᬶ᭞ᬢᬸᬲ᭄ᬣᬢᬦ᭄ᬓᬢᬫᬦ᭄ᬫᬵᬮ᭟ᬯᬸᬲ᭄ᬣᬶᬦᭂᬧᬸᬓᬶᬦ᭄ᬓᬲᬤ᭄ᬬᬦ᭄᭞ᬋᬡᬇᬥᭂᬧᬾᬤᬸᬫᬤᬶ᭞ᬢ᭄ᬯᬭᬓᬢᬫ᭠
ᬦ᭄ᬤᬸᬄᬓᬶᬢ᭞ᬗᬍᬕᬬᬂᬕᬸᬫᬶᬕᭂᬫᬸᬄ᭞ᬫᬢ᭄ᬭᬶᬗᭂᬫ᭄ᬧᬸᬓᬤᬂᬯᬃᬕ᭄ᬕ᭞ᬫᬶᬢᬸᬤᬸᬳᬶᬦ᭄᭞ᬢᬶᬗ᭄ᬓᬳᬾᬤᬤᬶᬫᬵᬦᬹᬱ᭟ᬩᭂ᭠ᬭᬦ᭄ᬢᬶᬧᭂᬤᬶᬄᬲᬢᬢ᭞ᬗᬯᬦᬂᬇᬥᭂᬧᬾᬧᬮᬶᬂ᭞ᬢ᭄ᬯᬭᬫᬕᭂᬳᬂᬓᬥᬃᬫ᭄ᬫᬦᬾᬲᬸᬩᬧᬸᬢᬸᬲ᭄᭞ᬘᬶᬢ᭄ᬢᬶᬫᬧᬶᬢᭂᬕᭂᬲ᭄ᬘᬶᬢ᭄ᬢ᭞᭠

[᭖᭘ 68A]
᭖᭘
ᬚᬢᬶᬢᬶᬮᬶᬂ᭞ᬜᬸᬚᬸᬃᬲᬓᬵᬮᬦᬶᬲ᭄ᬓᬵᬮ᭟ᬦᬄᬓᬾᬢᭀᬘᬸᬘᬸᬫᬓᭂᬚᬂ᭞ᬩᬩᬘᬓᬦ᭄ᬢᬸᬢᬹᬃᬬᬸᬓ᭄ᬢᬶ᭞ᬳᬕᭂᬫᬕᭂᬫᬦ᭄‌ᬯᬿᬱ᭄ᬡᬯ᭞ᬳᬦᬾᬳᬸᬘᬧᬂᬧᬢ᭄ᬮᬶᬓᬹᬃ᭞ᬓᬵᬫᬚᬬᬗᭂᬮᬸᬗᬗ᭄ᬕ᭞ᬫᬵᬢᬹᬃᬲᬶᬲᬶᬧ᭄᭞ᬍᬕᬲᬦ᭄ᬢᬶᬢ᭄ᬬᬂᬫᬶᬭᬕᬶᬬᬂ᭟ᬭᬵᬚᬧᬸᬢ᭄ᬭᬶᬓᭂᬜᭂ
ᬫ᭄ᬦᬶᬫ᭄ᬩᬮ᭄᭞ᬧ᭄ᬭᬦᬫ᭄ᬬᬫᬢᬓᬾᬦ᭄ᬫᬮᬶᬄ᭞ᬲᬶᬗ᭄ᬕᬶᬄᬳᬫ᭄ᬧᬸᬭᬲᬂᬯᬶᬤᭀᬦ᭄᭞ᬭᬾᬄᬢᬶᬬᬂᬲᬓᬤᬶᬘᬸᬘᬸᬤ᭄᭞ᬦᬧᬶᬳ᭠ᬯᬶᬦᬦ᭄ᬲᬂᬓᬺᬱ᭄ᬡᬵ᭞ᬓᬧᬶᬲᬶᬗ᭄ᬕᬶᬄ᭞ᬳᭀᬮᬶᬄᬲᬯᬢᭂᬓ᭄‌ᬯᬿᬱ᭄ᬡᬯ᭟ᬧᬢᭂᬄᬭᬶᬂᬲᬂᬭᬵᬫᬤᬾᬯ᭞ᬯᬶᬪᬵᬯᬳᬶᬦ᭠
ᬩ᭄ᬢᬢᬦ᭄ᬤᬶᬂ᭞ᬬᬦ᭄ᬳᬶᬤᬲᬂᬭᬵᬫᬤᬾᬯ᭞ᬩᭀᬬᬫᬮᬶᬄᬢᬶᬬᬂᬢᬦ᭄ᬤ᭄ᬭᬸᬄ᭞ᬲᬂᬬᭀᬕᬶᬳᬮᭀᬦᬗᬸᬘᬧ᭄᭞ᬲᬧᬸᬦᬶᬓᬶ᭞ᬳᬯᬶᬦᬦ᭄ᬳᬶᬤᬲᬂᬓᬺᬱ᭄ᬡᬵ᭟ᬧᬶᬦᬹᬚᬵᬯᬢᭂᬓ᭄‌ᬯᬿᬱ᭄ᬡᬯ᭞ᬓᬲᭂᬗ᭄ᬕᬸᬄᬧᬶᬦᬓᬦᬵᬪᬶ᭞ᬲᬲᬸᬓᬢ᭄ᬳᬶᬤᬫᬶᬤᬃᬢ᭄ᬣ᭞ᬗᬶᬘ᭄ᬙᬾᬦ᭄ᬲᬗᬃᬚ᭄ᬚᬸᬦ᭠
ᬢᬸᬢᬹᬃ᭞ᬤᬸᬓ᭄ᬧᭂᬭᬂᬪᬭᬢᬬᬸᬤ᭄ᬥ᭞ᬲᬦᬾᬭᬶᬳᬶᬦ᭄᭞ᬧᬵᬡ᭄ᬥᬯᬫᬵᬋᬧ᭄ᬓᭀᬭᬯ᭟ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬲᬂᬗᬃᬚ᭄ᬚᬸᬦ᭞ᬳᬸᬭᬸᬂᬫ᭠ᬬᬸᬤ᭄ᬥᬫᬕᬸᬢᬶᬦ᭄᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬩᬮᬲᬸᬚᭀᬦ᭄᭞ᬫᬓᬵᬤᬶᬳᬶᬤᬥᬂᬕᬸᬭᬸ᭞ᬧᬗ᭄ᬕᬶᬄᬭᬶᬂᬓᬸᬭᬸᬓ᭄ᬱᬾᬢ᭄ᬭ᭞ᬫᬧᬕ᭄ᬚᬸᬭᬶᬢ᭄᭞ᬯᬗ᭄ᬤᬾ᭠ [ 69 ][᭖᭘ 68B]
᭖᭘
ᬳᬶᬤᬫᭂᬦ᭄ᬢᬂᬧᬦᬄ᭟ᬓᬯᬾᬱᬓᬬᬸᬦᬾᬳᭀᬮᬲ᭄᭞ᬩᭀᬬᬲᬗ᭄ᬓᬦᬶᬗᬚᭂᬭᬶᬄ᭞ᬫᬜᭂᬦ᭄ᬢᭀᬓᬂᬓᬯᬶᬃᬪᬹᬚᬵ᭠ᬦ᭄᭞ᬦᬗ᭄ᬓᭂᬧᬶᬦ᭄ᬲᬯᬢᭂᬓ᭄ᬓᬸᬭᬸ᭞ᬲᬓ᭄ᬱᬡᬳᬶᬤᬲᬂᬓᬺᬱ᭄ᬡᬵ᭞ᬫᬧᬯᬶᬲᬶᬓ᭄᭞ᬭᬶᬂᬳᬶᬤᬲᬂᬧᬡ᭄ᬥᬸᬧᬸᬢ᭄ᬭ᭟ᬩᬩ᭄ᬯᬢᬦ᭄ᬫᬭᬡᬬᬚ᭄ᬜ᭞ᬩᭀᬬ᭠
ᬲᬓᬾᬂᬗᭂᬧᬾᬢ᭄ᬧᬢᬶ᭞ᬗᬶᬘᬮᬂᬫᭀᬫᭀᬮᬦ᭄ᬘᭀᬭᬄ᭞ᬫᬚᬮᬭᬦᬶᬥᭂᬧ᭄ᬲᬥᬹ᭞ᬩᭀᬬᬫᭂᬭᬶᬳᬂᬓᬯᬶᬃᬬ᭄ᬬ᭠ᬦ᭄᭞ᬳᭀᬮᬲᬲᬶᬄ᭞ᬗᭂᬲᭃᬂᬲᬯᬢᭂᬓ᭄ᬤᬹᬃᬰᬶᬮ᭟ᬗᬃᬤ᭄ᬥᬶᬓᬭᬳᬬᭀᬦ᭄ᬚᬕᬢ᭄᭞ᬗᬶᬮᭀᬦᬶᬦ᭄ᬲᬂᬲᬥᬹᬩᬸᬤ᭄ᬥᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓ᭠
ᬢᭂᬢᭂᬳᬦ᭄᭞ᬓᬘᬭᬸᬩᬦ᭄ᬫᬵᬮᬍᬢᬸᬄ᭞ᬧᭂᬚᬄᬫᬭᬶᬂᬭᬡᬗ᭄ᬕᬡ᭞ᬦᬸᬗ᭄ᬓᬧ᭄ᬮᭂᬯᬶᬄ᭞ᬫᬗᬸᬗ᭄ᬲᬶᬓᬯᬶᬱ᭄ᬡᬸᬮᭀᬓ᭟ᬓᬤᬶᬧᬜ᭄ᬚᬂᬬᬦᬸᬘᬧᬂ᭞ᬲᬤᬕᬶᬂᬢᬸᬢᬸᬭᬾᬧᬶᬗᬶᬢ᭄᭞ᬧᬯᬶᬲᬶᬓ᭄ᬳᬶᬤᬲᬂᬓᬺᬱ᭄ᬡᬵ᭞ᬲᬵᬫ᭄ᬧᬸᬦ᭄ᬫᬗ᭄ᬕᬸᬄᬫᬭᬶᬂᬢᬸᬢᬹᬃ᭞ᬫᬯᬵᬱ᭄ᬝᬪᬕᬯᬢ᭄ᬕᬶ᭠
ᬢ᭞ᬚᬢᬶᬍᬯᬶᬄ᭞ᬓᬫᭀᬓ᭄ᬱᬦ᭄ᬦᬸᬗ᭄ᬓᬧ᭄ᬦᬶᬃᬯᬦ᭟ᬧᬫᬸᬧᬸᬢ᭄ᬤᬸᬭᬸᬲ᭄ᬫᬬᬸᬤ᭄ᬥ᭞ᬲᬗᬃᬚ᭄ᬚᬸᬦᬫᬧᬕ᭄ᬚᬸᬭᬶᬢ᭄᭞ᬲᬂᬗᬯᬶᬪ᭠ᬭᬢᬬᬸᬤ᭄ᬥ᭞ᬫ᭄ᬧᬸᬲᭂᬥᬄᬭᬶᬂᬫ᭄ᬧᬸᬧᬦᬸᬮᬸᬄ᭞ᬓᬶᬭᬂᬧᬜ᭄ᬚᬂᬫᬶᬤᬃᬢ᭄ᬣᬬᬂ᭞ᬭᬶᬂᬓᬓᬯᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦᬂᬩᬲ᭄ᬮᬾᬫ᭄ᬧᬤ᭄᭟ᬲᬧᬸᬦᬶᬓ

[᭖᭙ 69A]
᭖᭙
ᬧᬃᬡ᭄ᬦᬦ᭄ᬢᬶᬢ᭄ᬬᬂ᭞ᬮᬾᬤᬂᬳᬶᬤᬭᬵᬚᬧᬸᬢ᭄ᬭᬶ᭞ᬓᬵᬫᬚᬬᬦᬶᬫ᭄ᬩᬮᬮᭀᬦ᭄᭞ᬳᬫ᭄ᬧᬸᬭᬢᬶᬢ᭄ᬬᬂᬤᬂᬕᬸᬭᬸ᭞ᬲᬓᬭᬶᬂᬢᬫ᭄ᬩᭂᬢ᭄ᬦᬸ᭠ᬦᬲᬂ᭞ᬗᬯᬮᬾᬦᬶᬦ᭄᭞ᬲᬧᬸᬦᬧᬶᬫᬓᬵᬯᬶᬦᬦ᭄᭟ᬭᬶᬂᬩᬮᬶᬲᬯᭀᬲ᭄ᬧᬶᬤᬩ᭄ᬤᬩ᭄᭞ᬯᬿᬱ᭄ᬡᬯᬓᬤᬶᬓᬧᬾᬭᬶᬂ᭞ᬢᬦ᭄ᬯᬾᬦ᭄ᬢᭂᬦ᭄ᬧᬗ᭄ᬕᬶᬳᬶ᭠
ᬦ᭄ᬢᬶᬢ᭄ᬬᬂ᭞ᬧᬥᬵᬡ᭄ᬥᬅᬕᬫᬯᬶᬱ᭄ᬡᬸ᭞ᬓᬾᬯᬦ᭄ᬢᭂᬦ᭄ᬧᬥᬵᬡ᭄ᬥᬰᬶᬯ᭞ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄᭞ᬫᬓᬵᬤᬶᬧᬥᬵᬡ᭄ᬥᬩᬸᬤ᭄ᬥ᭟ᬳᬸᬮᬢᬂ᭠ᬭᬶᬂᬚᬫ᭄ᬩᬸᬤ᭄ᬯᬶᬧ᭞ᬓᬢᬳᬦ᭄ᬲᬦᬾᬜᬸᬗ᭄ᬓᭂᬫᬶᬦ᭄᭞ᬅᬕᬫᬯᬶᬱ᭄ᬡᬸᬧᬸᬦᬶᬓ᭞ᬲᬓᬤᬶᬩᬯᭀᬲ᭄ᬥᬂᬕᬸᬭᬸ᭞ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬲᬤᬓᭂᬜᬶᬂ᭞
ᬲᬸᬓᬶᬮ᭄ᬩᬦ᭄ᬧᭂᬓᬓ᭄ᬦᬸᬢᬸᬭᬂ᭟ᬬᬤᬶᬦ᭄ᬤᬶᬳᬶᬡ᭄ᬥᬸᬓᬲᬫ᭄ᬩᬢ᭄᭞ᬮᬶᬬᬸᬦᬦ᭄ᬳᬦᬾᬜᬸᬗ᭄ᬓᭂᬫᬶᬦ᭄᭞ᬅᬕᬫᬯᬶᬱ᭄ᬡᬸᬓᬮᬸᬫ᭄ᬩ᭄ᬭᬄ᭞ᬯᬢᭂᬓ᭄ᬯᬿᬱ᭄ᬡᬯᬓᬲᭂᬗ᭄ᬕᬸᬄ᭞ᬤᬶᬩᬮᬶᬪᬶᬦᬓᬧᭂᬭᬄ᭞ᬳᬸᬮᬶᬗᬹᬦᬶ᭞ᬢ᭄ᬯᬭᬫᬩᬦ᭄ᬢᬶᬩᬦ᭄ᬢᬶᬳᬦ᭄᭟ᬲᬓᬭᬶᬂᬯᬶᬓᬦ᭄ᬦᬩ᭄ᬤᬩᬂ᭞ᬲᬂᬯᬶᬓᬦ᭄ᬫᬮᬸᬤᬶᬩ
ᬮᬶ᭞ᬬᬤᬶᬦ᭄ᬤᬶᬳᬶᬡ᭄ᬥᬸᬫᬢᬸᬗ᭄ᬓᬲ᭄᭞ᬅᬕᬫᬰᬶᬯᬫᬩᬭᬸᬂ᭞ᬢᭂᬓᬾᬦᬶᬂᬅᬕᬫᬩᬸᬤ᭄ᬥ᭞ᬢᬹᬃᬢᭂᬓᬾᬦᬶᬂ᭞ᬅᬕᬫᬯᬶᬱ᭄ᬡᬸᬓᭀᬚᬭᬦ᭄᭟ᬢᭂᬓᭂᬤ᭄ᬤᬶᬩᬮᬶᬜᬶᬤ᭄ᬥᬬᬂ᭞ᬳᬤᬸᬗᬂᬤᬤᬶᬳᬩᭂᬲᬶᬓ᭄᭞ᬳᬯᬦᬦ᭄ᬜᬦ᭄ᬤᬂᬳᬍᬫᬂ᭞ᬓᬯᬶᬢᬦ᭄ᬘᬸᬘᬸᬦᬾᬳᬶᬮᬸ᭞ᬧ᭄ᬭᬚ᭄ᬜᬦ᭄ᬦᬩ᭄ᬤᬩᬂ [ 70 ][᭖᭙ 69B]
᭖᭙
ᬅᬕᬫ᭞ᬓᬕᬮᬶᬳᬶᬦ᭄᭞ᬲᬭᬶᬲᬭᬶᬦᬶᬂᬅᬕᬫ᭟ᬦᬾᬜᬦ᭄ᬤᬂᬚᬦᬶᬩᭀᬩᭀᬢᬂ᭞ᬧᬦᬸᬗ᭄ᬕᬮᬦ᭄ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬇᬰ᭄ᬯᬭ᭞ᬓᬲᬸᬗ᭄ᬓᭂᬫᬶᬦ᭄ᬳᬚᬓ᭄ᬮᬶᬬᬸ᭞ᬳᬶᬤᬪᬝᬵᬭᬮᬶᬗ᭄ᬕᬬᬂ᭞ᬤᬶᬩᭂᬲᬓᬶᬄ᭞ᬬᬤᬶᬦ᭄ᬤᬶᬓᬳ᭄ᬬᬗᬦ᭄ᬢᬶᬕ᭟ᬪᬝᬵᬭᬩ᭄ᬭᬳ᭄ᬫᬵᬫᬮᬶᬗ᭄ᬕ᭞ᬓᬶ᭠
ᬤᬸᬮᬶᬂᬓᬺᬢᭂᬕ᭄ᬩᭂᬲᬓᬶᬄ᭞ᬤᬶᬧᬸᬲᭂᬄᬓᬳ᭄ᬬᬗᬦ᭄ᬢᬶᬕ᭞ᬫᬲᬶᬄᬳᬶᬤᬦᬾᬓᬲᬸᬗ᭄ᬲᬸᬂ᭞ᬳᭀᬮᬶᬄᬲᭀᬯᬂᬲᭀᬯᬂᬤᬾ᭠ᬰ᭞ᬫᬭᬶᬂᬩᬮᬶ᭞ᬓᬵᬢᬸᬭᬦ᭄ᬯᬶᬤ᭄ᬥᬶᬯᬾᬤᬦ᭟ᬤᬶᬩᬢᬸᬫᬤᭂᬕ᭄ᬫᬮᬶᬗ᭄ᬕ᭞ᬪᬝᬵᬭᬯᬶᬱ᭄ᬡᬸᬓᬲᬶᬯᬶ᭞ᬤᬶᬧᬸᬭᬓᬳ᭄ᬬᬗᬦ᭄ᬢᬶᬕ᭞ᬫᬮᬶᬗ᭄ᬕᬶᬄᬤᬶᬩ᭠
ᬮᬾᬳᬕᬸᬂ᭞ᬫᬲᬶᬄᬳᬶᬤᬓᬳᬸᬘᬧᬂᬢᬹᬃᬓᬲᬶᬯᬶ᭞ᬓᬾᬢᭀᬘᬸᬘᬸᬳᬧᬂᬢᬯᬂ᭟ᬇᬰ᭄ᬯᬭᬧᬶᬦᬓᬰᬶᬯ᭞ᬦᬾᬫᬮᬶ᭠ᬗ᭄ᬕᬤᬶᬩᭂᬲᬓᬶᬄ᭞ᬫᬭᬶᬂᬧᬸᬭᬧᬦᬢᬭᬦ᭄᭞ᬤᬶᬧᬸᬭᬤᬍᬫ᭄ᬓᬲᭂᬗ᭄ᬕᬸᬄ᭞ᬓᬳ᭄ᬬᬗᬦ᭄ᬪᬝᬵᬭᬶᬤᬹᬃᬕ᭄ᬕ᭞ᬧᬢᬸᬄᬫᬲᬶᬄ᭞ᬪᬝᬵᬭᬶᬧᬶᬦᬓᬰᬶᬯ᭟
ᬢᬢᭂᬮᬸᬓᬳ᭄ᬬᬗᬦ᭄ᬢᬶᬕ᭞ᬧᬫᬹᬚᬵᬦ᭄ᬲᬗ᭄ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬮᬦᬶᬰ᭄ᬯᬭ᭞ᬧᬥᬵᬡ᭄ᬥᬰᬶᬯᬓᬧᬵᬢᬹᬢ᭄᭞ᬫᬧᬹᬚᬵᬳᬶᬤᬗᬭᬕ᭞ᬫᬓᬢᬮᬶ᭞ᬜᬫ᭄ᬩᬸᬗᬂᬪᬓ᭄ᬢᬶᬦ᭄ᬫᬵᬦᬹᬱ᭟ᬭᬶᬂᬲᬗ᭄ᬳ᭄ᬬᬂᬢᬶᬕᬯᬶᬰᬾᬱ᭞ᬫᬥᬾᬯᬢᬶᬫᬵᬢᬹᬃᬳᬭᬶᬲ᭄᭞ᬭᬶᬂᬲᬂᬬᭀᬕᬶᬫ

[᭗᭐ 70A]
᭗᭐
ᬦᬯᭂᬕᬂ᭞ᬳᬫ᭄ᬧᬸᬭᬢᬶᬢ᭄ᬬᬂᬥᬂᬕᬸᬭᬸ᭞ᬘᬸᬘᬸᬤ᭄ᬫᬦᬸᬦᬲᬂᬫᬸᬯᬄ᭞ᬭᬾᬄᬧᬶᬭᬕᬶ᭞ᬓᬤᬶᬢᬯᬄᬭᬶᬂᬧᬓ᭄ᬭᬫᬦ᭄᭟ᬯᬾᬦ᭄ᬢᭂᬦ᭄ᬓᭀᬘᬧ᭄ᬲᬂᬢ᭄ᬭᬶᬯᬗ᭄ᬰ᭞ᬧᬭᬫᬾᬦᬓᬾᬭᬶᬂᬩᬮᬶ᭞ᬢᬦ᭄ᬓᬬᬸᬦ᭄ᬫᬫᬭᬶᬤ᭄ᬋᬓᭀ᭞ᬮᬸᬗ᭄ᬲᬸᬭᬦ᭄ᬭᬶᬂᬩᬮᬾᬳᬕᬸᬂ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬳᬕᬾᬦᬶᬫ᭄ᬩᬮ᭄᭞ᬓᬾ
ᬦᬾᬘᭂᬦᬶᬂ᭞ᬫᬾᬫᬾᬚᬦᬶᬫᬶᬤᬃᬢ᭄ᬣᬬᬂ᭟ᬲᬓᬾᬂᬢᭀᬂᬦᬯᬂᬓᬮᬶᬗᬦ᭄᭞ᬳᬯᬦᬦ᭄ᬧᬢᬶᬋᬲᭂᬧᬶᬦ᭄᭞ᬦᬶᬗᭂᬄᬲᬢ᭄ᬯᬢᬶᬤᭀᬂᬢᬶᬤᭀᬂ᭞ᬓᬢᭂᬍᬩ᭄‌ᬤᬤᬢᬕᬸᬕᬸ᭞ᬓᬢᬢ᭄ᬯᬦ᭄ᬧᬦ᭄ᬩᬮᬂᬢᬫᬓ᭄᭞ᬳᬦᬾᬗᬹᬦᬶ᭞ᬫᬳᬸᬫᬄᬤᬶᬤᬾᬰᬦᭀᬗᬦ᭄᭟ᬓ᭠
ᬮᭀᬓᬧᬦ᭄ᬩᬮᬂᬢᬫᬓ᭄᭞ᬫᬤᬤᬬᬦ᭄ᬲᬾᬩᭂᬢ᭄ᬭᬶᬭᬶᬄ᭞ᬧᭂᬧᭂᬲ᭄ᬗᬸᬮᬸᬓᬸᬮᬸᬓ᭄‌ᬤᬾᬰ᭞ᬦᬤᬓ᭄ᬤᬬᬲᬓᬾᬂᬫᬬᬸᬲ᭄᭞ᬢ᭄ᬯᬭᬤᭂᬫᭂᬦ᭄ᬫᬕᬭᬧᬦ᭄᭞ᬗᬶᬧᬶᬓᬶᬧᬶᬓ᭄᭞ᬧᭀᬗᬄᬗᬤᭀᬓᬂᬓᬓᭂᬜ᭄ᬘᬦ᭄᭟ᬗᭂᬮᬶᬤᬶᬦ᭄ᬓᭂᬦᬤᬤᭀᬲᬦ᭄᭞ᬫᬧ᭄ᬯᬭᬕᭂᬤᭂᬕᬶ᭠
ᬦ᭄ᬕᬸᬫᬶ᭞ᬓ᭄ᬭᬫᬤᬾᬰᬦᬾᬜᭂᬧᬾᬓᬂ᭞ᬳᭀᬕᬦ᭄ᬲᬲᬸᬩᬦᬾᬮᬫ᭄ᬧᬸᬲ᭄᭞ᬧᬦ᭄ᬩᬮᬂᬢᬫᬓ᭄ᬢᬦ᭄ᬧᭀᬭᬢ᭄᭞ᬢ᭄ᬯᬭᬲᬸᬤᬶ᭞ᬲᬯᭀᬂᬤᬾᬰᬫᬤᭂᬮᭀᬓᬦ᭄᭟ᬳᬦᬾᬮᬸᬄᬗᭂᬮᬶᬂᬲᬶᬕ᭄ᬲᬶᬕᬦ᭄᭞ᬲᬓᬭᬶᬂᬧᬓᭀᬦ᭄ᬦᬾᬫ᭄ᬯᬦᬶ᭞ᬫᭂᬧᭂᬲᬶᬦ᭄ᬫᬾᬦ᭄ᬩᬮᬂᬢᬫᬓ᭄᭞ [ 71 ][᭗᭐ 70B]
᭗᭐
ᬲᬢᭀᬦ᭄ᬤᬾᬦ᭄ᬦᬾᬫ᭄ᬯᬦᬶᬮᬫ᭄ᬧᬸᬲ᭄᭞ᬩᬗ᭄ᬓᬾᬦ᭄ᬜᬳᬧᬂᬫᬲᭂᬧ᭄ᬮᬂ᭞ᬢᬹᬃᬧᭂᬢᬶᬦᬶᬦ᭄᭞ᬤᬶᬢᭂᬗᬄᬫᭂᬢᬾᬦᬾᬧᭂᬚᬂ᭟ᬫᬵᬲ᭄ᬧᬶᬧᬶᬲ᭄‌ᬲᬭᬵᬚᬩ᭄ᬭᬡ᭞ᬧᭂᬚᬂᬤᬶᬩᬮᬾᬩᭂᬤᬗᬶᬦ᭄᭞ᬳᬧᬶᬓᬶᬦ᭄ᬭᬸᬭᬸᬩᬶᬦ᭄ᬓᬲ᭞ᬤᬶᬢᬸᬗᭂᬮᬶᬂᬳᬦᬾᬳᭂᬮᬸᬄ᭞ᬳᭂᬗ᭄ᬕᭀᬃᬳᭂᬗ᭄ᬕᭀᬃᬢᬦ᭄ᬧᭂ
ᬕᬢᬦ᭄᭞ᬲᭂᬗᬶᬲᭂᬗᬶ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭟ᬮᬯᬸᬢ᭄ᬳᬤᬫᬮᬶᬂᬢᭂᬓ᭞ᬳᬚᬓᬧᬢ᭄ᬧᬢ᭄ᬦᬾᬗᬶᬦ᭄ᬢᬶᬧ᭄᭞ᬫᬾᬦ᭄ᬩ᭠ᬮᬂᬢᬫᬓ᭄ᬲᭂᬤᭂᬓᬦ᭄᭞ᬲᭂᬤᬶᬄᬓᬢᬓᭂᬄᬢᭀᬂᬭᬸᬗᬸ᭞ᬢᭂᬓᬾᬦ᭄ᬓᬲᬸᬕ᭄ᬬᬦᬾᬓᬧᭀ᭞ᬢᬸᬗ᭄ᬓᬸᬮ᭄ᬗᭂᬮᬶᬂ᭞ᬫᬮᬶᬗᬾᬫᬘᭂᬍᬧ᭄ᬫᬸᬮ᭄ᬬᬦ᭄᭟ᬳ
ᬫ᭄ᬩᬢ᭄ᬓᭂᬦ᭄ᬤᭂᬮᬾᬗᬢᭀᬦᬂ᭞ᬫᬮᬶᬗᬾᬦᭂᬧᬸᬓᬶᬦ᭄ᬧᭂᬢᬶ᭞ᬕᬕᬾᬲᭀᬦ᭄ᬮᬯᬸᬢ᭄ᬓᬧᭀᬦ᭄ᬤᭀᬂ᭞ᬳᬚᬓ᭄ᬧᬢ᭄ᬧᬢ᭄ᬲᬭᬢ᭄ᬦᬶᬓᬸᬮ᭄᭞ᬳᬩᬧᭂᬲᬸᬲᬲᬶᬮᬶᬩᬦ᭄᭞ᬦᬸᬚᬸᬲᭂᬧᬶ᭞ᬦᬸᬧᭂᬢᭂᬂᬗᬸᬗ᭄ᬲᬶᬓᬢᬸᬓᬤ᭄᭟ᬫᬭᬳᬬᬢ᭄ᬮᬓᬃᬕᬕᬄ᭞ᬓᭂᬧᭂᬄᬓᭂᬧᭂᬄᬫᬩᭀᬧᭂᬗᬶ᭠
ᬢ᭄᭞ᬢᬸᬮᬸᬲ᭄ᬫᬓᬶᬲᬶᬤ᭄ᬫᭂᬦᬾᬓᬂ᭞ᬢᬹᬃᬗᬸᬗ᭄ᬲᬶᬓᬩᬮᬾᬳᬕᬸᬂ᭞ᬲᬯᬶᬭᬾᬤᬶᬢᬸᬤᬶᬧᬸᬭ᭞ᬓᬧᬶᬦᭂᬳᬶᬦ᭄᭞ᬢ᭄ᬯᬭᬳᬤᬓ᭄ᬭᬫᬤᬾᬰ᭟ᬦᬾᬩᬦᬶᬫᬲᬓᬶᬢ᭄ᬩᬲᬂ᭞ᬤᬶᬧᬸᬭᬧᬜᬶᬯ᭄ᬬᬦ᭄ᬕᬸᬫᬶ᭞ᬢᬸᬫᬸᬮᬶᬤᬶᬢᬸᬓᬕᬕᬄ᭞ᬫᬮᬶᬗᬾᬚᭂᬚᭂᬄᬢᬗ᭄ᬓᭂᬚᬸᬢ᭄᭞᭠

[᭗᭑ 71A]
᭗᭑
ᬯᬢᬗᬦ᭄ᬧᬦ᭄ᬩᬮᬂᬢᬫᬓ᭄᭞ᬫᬩᭀᬧᭂᬗᬶᬢ᭄᭞ᬓᬦ᭄ᬤᬸᬕᬶᬤᬶᬢᬸᬓᬓᬸᬢᬂ᭟ᬓᭀᬘᬧᬦ᭄ᬫᬦᬶᬲᭂᬫᭂᬗᬦ᭄᭞ᬳᬸᬬᬸ᭠ᬢ᭄ᬤᬾᬰᬦᬾᬦᭂᬧᬸᬓᬶᬦ᭄᭞ᬯᬢᬗᬦ᭄ᬧᬦ᭄ᬩᬮᬂᬢᬫᬓ᭄᭞ᬜᬸᬕᬾᬕᬾᬕ᭄ᬢᬹᬃᬩᭂᬗᬸᬗᬭᬸᬂ᭞ᬭᬾᬧᭀᬢ᭄ᬧᬬᬸᬲᬯᭀᬂᬤᬾᬰ᭞ᬫᬗᭂᬜ᭄ᬘᬦᬶ᭠
ᬦ᭄᭞ᬦᬦᭂᬫ᭄ᬩᬗ᭄ᬓᬾᬦᬾᬧᬫ᭄ᬭᬕᬢ᭄᭟ᬓᬾᬢᭀᬘᭂᬦᬶᬂᬓᬢᬸᬢᬸᬭᬦ᭄᭞ᬧᬦ᭄ᬩᬮᬂᬢᬫᬓᬾᬗᬹᬦᬶ᭞ᬫᬶᬭᬶᬩ᭄ᬳᭂᬦ᭄ᬢᭀᬦᬾᬫᬓ᭄ᬭᬡ᭞ᬮᬸᬗ᭄ᬲᬸᬭᬦ᭄ᬤᬶᬩᬮᬾᬳᬕᬸᬂ᭞ᬲᬂᬢ᭄ᬭᬶᬯᬗ᭄ᬰᬢ᭄ᬯᬭᬳᬤ᭞ᬜᬓ᭄ᬫᬫᬭᬶᬤ᭄᭞ᬲᬓᬭᬶᬂᬲᬮᬄᬢᬫ᭄ᬧᬾᬦᬦ᭄᭟ᬳᬤᬫᬲᬶᬄᬫᬗᭂᬜᭂ
ᬢᬂ᭞ᬢᬦ᭄ᬧᬰᬵᬲ᭄ᬢ᭄ᬭᬗᬶᬧᬶᬓᬶᬧᬶᬓ᭄᭞ᬤᭂᬫᭂᬦ᭄ᬫᬕᭂᬚᬸᬮᬶᬦ᭄ᬢᬶᬫ᭄ᬧᬮ᭄᭞ᬗᭀᬭᬳᬂᬤᬶᬩᬮᬾᬳᬕᬸᬂ᭞ᬧᬫᬸᬍᬲᬦ᭄ᬓᭂ᭠ᬩᭀᬇᬯ᭞ᬓᭀᬦᬾᬗᬹᬦᬶ᭞ᬤᬶᬧᬸᬭᬕᬤᬸᬄᬫᬯᬢᬂ᭟ᬧᬸᬗ᭄ᬕᬮᬦ᭄ᬓᭂᬩᭀᬢᬭᬸᬡ᭞ᬧᬜᬸᬗ᭄ᬲᬸᬗᬦ᭄ᬓᬭᬂᬩᬸᬜ᭄ᬘᬶᬂ᭞ᬮᬾᬦ᭄ᬳᬤᬫᬲᬶᬄ
ᬜᬫ᭄ᬩᬢᬂ᭞ᬓᭀᬦᬾᬳᬤᬩᬮᬾᬳᬕᬸᬂ᭞ᬤᬶᬤᬾᬰᬩᭂᬤᬢᬩᬦᬦ᭄᭞ᬮᬦ᭄ᬢᬂᬕᬢᬶ᭞ᬧᬫᬸᬍᬲᬦ᭄ᬓᭂᬩᭀ᭠ᬯ᭟ᬳᬚᬓ᭄ᬮᬶᬬᬸᬫᬮᬕᬾᬦ᭄ᬤᬄ᭞ᬦᬾᬗᬯᬦᬂᬲᬂᬓᬢ᭄ᬭᬶᬡᬶ᭞ᬯᬮᬂᬓᬬᬸᬦ᭄ᬗᬾᬤᬍᬫᬂ᭞ᬫᬫᬭᬶᬤ᭄ᬤᬶᬩᬮᬾᬳᬕᬸᬂ᭞ᬳᬧᬂᬢ᭄ᬯᬭᬓᬘ [ 72 ][᭗᭑ 71B]
᭗᭑
ᬭᬸᬩᬦ᭄᭞ᬫᬮᬤᭂᬓᬶᬮ᭄᭞ᬲᬯᬶᬭᬾᬄᬫᬓᬸᬮᬶᬢ᭄ᬫᬾᬦᬓ᭄᭟ᬲᬂᬬᭀᬕᬶᬫᬜᬫ᭄ᬩᬢ᭄ᬲᬭ᭞ᬧᬧᬓ᭄ᬭᬯᭀᬲᬂᬫᬾᬦ᭄ᬘᭂᬦᬶᬂ᭞ᬜᬓᬓᬾᬦ᭄ᬓᬾᬦ᭄ᬜᬓᬢᬶᬤᭀᬂ᭞ᬧᬓᭂᬦᭂᬳᬦ᭄ᬳᬚᬓ᭄ᬮᬶᬬᬸ᭞ᬤᬤᬢᬩᬓᬢ᭄ᬋᬲᭂᬧᬂ᭞ᬘᬭᬚᬦᬶ᭞ᬲᬂᬯᬶᬓᬦ᭄ᬜᭂᬢᬧᬸᬗ᭄ᬓᬸᬭᬦ᭄᭟᭜᭟
ᬧᬗ᭄ᬓᬸᬃ᭟᭜᭟ᬓᬍᬲᭀᬦ᭄ᬦᬸᬮᬶᬫᬭᬵᬃᬬ᭄ᬬᬦ᭄᭞ᬲᬂᬫᬫᬯᭀᬲ᭄‌‌ᬭᬾᬄᬲᬵᬫ᭄ᬧᬸᬦ᭄ᬢᭂᬗᬄᬯᭂᬗᬶ᭞ᬩᬾᬜ᭄ᬚᬗᬦ᭄ᬫᬮᬶᬄᬓ᭠ᬯᬸᬯᬸᬲ᭄᭞ᬲᬲᬵᬫ᭄ᬧᬸᬦ᭄ᬯᬸᬲ᭄ᬫᬧᬹᬚᬵ᭞ᬲᬋᬂᬓᬵᬮᬶᬄᬤᬸᬓᬸᬄᬮᬦᬂᬤᬸᬓᬸᬄᬯᬥᬹ᭞ᬓᬵᬫᬚᬬᬜᭂᬫ᭄ᬧᬮ᭄ᬰᬶᬮ᭞ᬢᬗ᭄ᬓᬶᬮ᭄ᬭᬶᬂᬲᬂᬬᭀᬕᬶᬓᬵᬮᬶᬄ᭟
ᬫᬥᬾᬯᬢᬶᬫᬗᬶᬭᬶᬗᬂ᭞ᬭᬵᬚᬧᬸᬢ᭄ᬭᬶᬓᬧᬫ᭄ᬭᬚᬦ᭄ᬦᭂᬤᬸᬦᬶᬦ᭄᭞ᬲᬸᬫᬤ᭄ᬬᬗᬃᬱᬬᬂᬢᬸᬢᬸᬭ᭄᭞ᬲᬓᬵᬮᬫ᭄ᬯᬂᬦᬶᬲ᭄ᬓᬵᬮ᭞ᬭᬶᬂᬲᬂᬬᭀᬕᬶᬲᬦᬾᬤᬸᬭᬸᬂᬓᬧᬓᬬᬸᬦ᭄᭞ᬯᬭᬯᬭᬄᬬᭀᬕᬷᬰ᭄ᬯᬭ᭞ᬲᬹᬓ᭄ᬱ᭄ᬫᬦᬶᬂᬢᬸᬢᬹᬃᬬᬸᬓ᭄ᬢᬶ᭟ᬲᬯᬸᬲᬦ᭄ᬫᬚᬬᬚᬬ᭞ᬭᬵᬚᬧᬸᬢ᭄ᬭᬶ᭠
ᬦᬸᬮᬶᬦᬓᬾᬦᬂᬫᬮᬶᬄ᭞ᬭᬶᬂᬲᬂᬬᭀᬕᬶᬓᬤᬶᬘᬸᬘᬸᬤ᭄᭞ᬳᬶᬗ᭄ᬕᬶᬄᬧᭂᬓᬓ᭄ᬮᬾᬤᬗᬂ᭞ᬫᬶᬢᬸᬢᬸᬭᬶᬦ᭄ᬫᬗ᭄ᬤᬢᬶᬬᬂᬲᬵᬫ᭄ᬧᬸᬦ᭄ᬢᬦ᭄ᬤ᭄ᬭᬸᬄ᭞ᬭᬶᬂᬓᬮᬶᬗᬦ᭄ᬢᬸᬓᬤ᭄ᬕᬗ᭄ᬕ᭞ᬲᬯᬶᬭᬾᬄᬘᭂᬘᭂᬄᬧᬶᬭᬕᬶ᭟ᬓᬵᬮᬦᬶᬂᬧᭂᬓᬓ᭄ᬫᬯᬾᬤ᭄ᬥ᭞ᬬᬦ᭄ᬭᬱᬬᬂᬢᭀᬬᬦ᭄ᬜᬧᬶᬦᬶᬄᬧᬶᬗᬶᬢ᭄᭞᭠

[᭗᭒ 72A]
᭗᭒
ᬧᬂᬍᬩᬸᬭᬦ᭄ᬫᬮᬍᬢᬸᬄ᭞ᬲᬂᬬᭀᬕᬶᬫᬵᬢᬹᬃᬦᬶᬫ᭄ᬩᬮ᭄᭞ᬲᬤᬓᭂᬜᬶᬂᬳᬶᬗ᭄ᬕᬶᬄᬲᬧᬸᬦᬶᬓᬶᬭᬢᬸ᭞ᬓᬢᬢ᭄ᬯᬦ᭄ᬢᬸᬓᬤ᭄ᬧᬸᬦᬶ᭠ᬓ᭞ᬢᭀᬬᬦᬾᬕᬸᬫᬦ᭄ᬢᬶᬰᬸᬘᬶ᭟ᬧᬕᭂᬦᬳᬦ᭄ᬢᬸᬓᬤ᭄ᬕᬗ᭄ᬕ᭞ᬢᬦ᭄ᬲᬯᭀᬲ᭄ᬭᬶᬂᬚᬕᬢ᭄ᬳᬶᬡ᭄ᬥᬸᬕᬸᬫᬦ᭄ᬢᬶ᭞ᬦᬾᬫᬗ᭄ᬓᬶᬦ᭄ᬢᬫ᭄ᬩᬾᬦᬶᬦ᭄ᬤᬸᬫᬸᬦ᭄᭞ᬲᬢ᭄ᬯ᭠
ᬦᬾᬭᬶᬂᬳᬬᭀᬥ᭄ᬬ᭞ᬲᬦᬾᬭᬶᬳᬶᬦ᭄ᬰ᭄ᬭᬷᬲᬵᬕᬭᬫᬤᭂᬕ᭄ᬧ᭄ᬭᬪᬹ᭞ᬦᬗᬸᬦ᭄ᬬᬚ᭄ᬜᬳᬰ᭄ᬯᬫᬾᬤ᭄ᬥ᭞ᬰᬰᬡᬦ᭄ᬲᬂᬭᬢᬸᬍᬯᬶᬄ᭟ᬧᬶᬤᬩ᭄ᬤᬩ᭄ᬬᬚ᭄ᬜᬧᬸᬦᬶᬓ᭞ᬬᬦ᭄ᬢᬓᭀᬘᬧ᭄ᬰ᭄ᬭᬷᬲᬵᬕᬭᬗᬯᬶᬢᬶᬦ᭄᭞ᬗᬮᬾᬩᬂᬓᬸᬤ᭄ᬥᬧᬧᬤᬸ᭞ᬲᬓᬾᬂᬧᬸᬭᬶᬳᬬᭀᬥ᭄ᬬ᭞ᬓᬢᬹᬢ᭄ᬩᬸᬭᬶᬳ
ᬦ᭄ᬢᬸᬓ᭄ᬲᬶᬓᭂᬧ᭄ᬲᬓᬾᬂᬧᬸᬗ᭄ᬓᬸᬭ᭄᭞ᬲᬬᬕᬫᬓ᭄ᬢᬲᬜ᭄ᬚᬢ᭞ᬫᬯᬶᬮᬂᬦᭂᬫ᭄ᬤᬰᬢᬮᬶ᭟ᬗᬸᬗ᭄ᬲᬶᬦᬵᬕᬭᬲᬯᭀᬲᬦ᭄᭞ᬩᭂᬦᭂᬃᬓᬗᬶᬦ᭄ᬗᬮᬸᬭᬸᬕ᭄ᬗᬍᬩᭀᬦᬶᬦ᭄᭞ᬳᬲᬶᬂᬯᬾᬦ᭄ᬢᭂᬦ᭄ᬲᬦᬾᬧᬸᬭᬸᬦ᭄᭞ᬗᭂᬚᬸᬓ᭄ᬓᬸᬤ᭄ᬥᬧᬸᬦᬶᬓ᭞ᬭᬶᬂᬧᬫᬵᬃᬕ᭄ᬕᬶᬓᬰᬢ᭄ᬭᭀᬦᬦ᭄ᬚᬦ᭄ᬢᭀᬲ᭄ᬦᬸᬗ᭄ᬓᬸ᭠
ᬮ᭄᭞ᬲᬦᬾᬢᬦ᭄ᬧᬸᬭᬸᬦ᭄ᬫᬢᬗ᭄ᬕᬮ᭄᭞ᬓᬬᭀᬕ᭄ᬬᬦᬳᬸᬃᬉᬧᭂᬢᬶ᭟ᬬᬦᬓᬸᬤᬂᬰᬰᬶᬄᬓᭀᬘᬧ᭄᭞ᬓᬝᬄᬲᬵᬫ᭄ᬧᬸᬦ᭄ᬚᬕᬢᬾᬓᬮᬶᬦ᭄ᬢᬗᬶᬦ᭄᭞ᬫᬲᭂᬭᬄᬧ᭄ᬭᬲᬶᬤ᭄ᬥᬦᬸᬗ᭄ᬓᬸᬮ᭄᭞ᬤ᭄ᬯᬦᬶᬂᬫᬮᬶᬄᬫᬢᬸᬮᬓ᭄᭞ᬲᬓᬾᬂᬓᬗᬶᬦ᭄ᬢᬦ᭄ᬤᬸᬫᬤᬾᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬢᭂ᭠ [ 73 ][᭗᭒ 72B]
᭗᭒
ᬧᬶᬲᬶᬭᬶᬂᬳᬬᭀᬥ᭄ᬬ᭞ᬓᬮᬗᬦ᭄ᬓᬩᭂᬮᬢ᭄ᬯᭂᬗᬶ᭟ᬲᬶᬓᭂᬧᬾᬲᬫᬶᬫᬭᬵᬃᬬ᭄ᬬᬦ᭄᭞ᬫᬭᬶᬂᬧᭀᬦ᭄ᬤᭀᬓ᭄ᬯᬾᬦ᭄ᬢᭂᬦ᭄ᬗᬶᬕᭂᬮ᭄ᬫᬕᭂᬦ᭄ᬤᬶᬂ᭞ᬕᬶᬭᬂᬫᭂᬗ᭄ᬓᭀᬓ᭄ᬩᭂᬮᭀᬕ᭄ᬳᬚᬸᬫ᭄᭞ᬲᬵᬦ᭄ᬢᬸᬓᬦ᭄ᬮᬩ᭄ᬥᬓᬵᬃᬬ᭄ᬬ᭞ᬢᭂᬗᬄᬯᭂᬗᬶᬍᬍᬧ᭄ᬦᬶᬤ᭄ᬭᬤᬾᬦᬶᬂᬕᭂᬧᬸ᭞ᬫᬫᬵᬃᬕ᭄ᬕᬶᬗᬶᬍᬳᬶᬦ᭄ᬚᬕᬢ᭄᭞ᬚᬦ᭄ᬢᭀᬲ᭄ᬓᬭ
ᬳᬶᬦᬗᭂᬗ᭄ᬓᬶᬲ᭄᭟ᬢᬦ᭄ᬭᬸᬗᬸᬫᬮᬶᬄᬭᬶᬂᬓᬸᬤ᭄ᬥ᭞ᬓᬘᬭᬶᬢᬪᬝᬵᬭᬇᬦ᭄ᬤ᭄ᬭᬩᬓ᭄ᬱᬶ᭞ᬲᬶᬓᭂᬧᬾᬍᬍᬧᬢᬸᬭᬸ᭞ᬩᬾᬜ᭄ᬚᬸᬮ᭄ᬳᬶᬤ᭠ᬪᬝᬵᬭ᭞ᬫᭂᬘᬤᬶᬦᬶᬦ᭄ᬓᬸᬤ᭄ᬥᬧᬸᬦᬶᬓᬓᬧᬦ᭄ᬤᬸᬂ᭞ᬓᬪᬱ᭄ᬝᬭᬶᬂᬚᬩᬵᬦ᭄ᬕᬸᬯ᭞ᬧᬢᬧᬦ᭄ᬳᬶᬤᬲᬂᬋᬱᬶ᭟ᬫᬧᬭᬩ᭄ᬋᬱᬶᬓᬧᬶᬮ᭞ᬓᬘᬭᬶᬢᬭᬳᬶᬦᬕ
ᬮᬂᬓᬗᬶᬦ᭄᭞ᬲᬶᬓᭂᬧᬾᬩᬗᬸᬦ᭄ᬢᬗ᭄ᬓᭂᬚᬸᬢ᭄᭞ᬤᬾᬦᬶᬂᬓᬸᬤ᭄ᬥᬦᬾᬳᬶᬘᬮ᭄᭞ᬓᭂᬩᬂᬫᬮᬶᬂᬭᬦ᭄ᬢᬩᬦ᭄ᬳᬕᬾᬗᬭᬸᬭᬸᬄ᭞ᬧ᭠ᬗ᭄ᬕᬶᬄᬓᬸᬤ᭄ᬥᬦᬾᬫᬪᬱ᭄ᬝ᭞ᬭᬶᬂᬚᬩᬵᬦ᭄ᬕᬸᬯᬦᬾᬓᬵᬭᬶ᭟ᬓᬩᬗᬦ᭄ᬲᬂᬫᬫᬗ᭄ᬕᬸᬳᬂ᭞ᬋᬱᬶᬓᬧᬶᬮᬓᬤᬮᬶᬄᬫᬫᬮᬶᬂ᭞ᬳᭀᬕᬦ᭄ᬓᬧᬳᬶᬤ᭄ᬲᬂᬯᬶ
ᬓᬹ᭞ᬲᭂᬤᭂᬓ᭄ᬳᬶᬤᬫᬬᭀᬕ᭞ᬫᬲᬫᬵᬥᬶᬯᬾᬦ᭄ᬢᭂᬦ᭄ᬦᬶᬕ᭄ᬢᬶᬕ᭄ᬯᬾᬦ᭄ᬢᭂᬦ᭄ᬦᭂᬕᬸᬮ᭄᭞ᬲᬂᬋᬱᬶᬯᬗ᭄ᬤᬾᬫᬫᭀᬦ᭞ᬫᬢᬗᬶᬗ᭠ᬦ᭄ᬤᬶᬓᬳᬭᬶᬲ᭄᭟ᬳᬧᬓᬧᭀᬲᬮᬄᬩᬧ᭞ᬢᭂᬓᬲᬭᭀᬱᬢᭀᬂᬚᬗ᭄ᬓᬬᬦ᭄ᬦᬶᬕ᭄ᬢᬶᬕ᭄᭞ᬓᬦ᭄ᬢᬶᬩᬧᬩᬩᬓ᭄ᬩᭂᬮᬸᬃ᭞ᬢᬦ᭄ᬯᬾᬦ᭄ᬢᭂᬦ᭄ᬓᬲ

[᭗᭓ 73A]
᭗᭓
ᬳᬸᬭᬦ᭄᭞ᬓᬯᬮᬾᬦᬶᬦ᭄ᬓᬢᬶᬜ᭄ᬚᬓ᭄ᬳᬶᬤᬓᬚᬕᬸᬃ᭞ᬓᬩᬗᬦ᭄ᬋᬱᬶᬓᬧᬶᬮ᭞ᬦᬾᬢ᭄ᬭᬓᬭᭀᬫᬶᬚᬶᬮ᭄ᬕᭂᬦᬶ᭟ᬪᬱ᭄ᬫᬶᬪᬹᬢᬢᬦ᭄ᬧᬰᬾᬱ᭞ᬓᬾᬗᬶᬦ᭄ᬳᬯᬸᬯᬢᭂᬓ᭄ᬧ᭄ᬭᬬᬸᬤ᭄ᬥᬲᬫᬶ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬂᬧ᭄ᬭᬪᬹᬰ᭄ᬭᬷᬲᬵᬕᬭ᭞ᬲᬵᬫ᭄ᬧᬸᬦ᭄ᬮᬫᬶᬜᬦ᭄ᬢᭀᬲᬂᬢᬦ᭄ᬯᬾ᭠
ᬦ᭄ᬢᭂᬦ᭄ᬭᬯᬸᬄ᭞ᬧᬜ᭄ᬚᬓᬾᬓᬳᬸᬢᬸᬲ᭄ᬫᬗ᭄ᬓᬢ᭄᭞ᬲᬓ᭄ᬱᬡᬳᬶᬤᬗᭂᬲᬾᬗᬶᬦ᭄᭟ᬧᬋᬓᬦ᭄ᬫᬗ᭄ᬤᬦᬢᬲᬂ᭞ᬫᬢᬢᭂᬮᬶᬓ᭄ᬭ᭠ᬯᬸᬄᬓᬢᭂᬧᬶᬲᬶᬭᬶᬂ᭞ᬲᬵᬫ᭄ᬧᬸᬦ᭄ᬫᬶᬦ᭄ᬢᬃᬲᬂᬓᬳᬸᬢᬸᬲ᭄᭞ᬳᬕᬾᬫᬮᬶᬄᬫᬢᬸᬮᬓ᭄᭞ᬫᬵᬢᬹᬃᬲᬶᬲᬶᬧ᭄‌ᬕᭂᬲᭃᬂᬓᬯᬸᬮᬦ᭄ᬲᬂᬧ᭄ᬭᬪᬹ᭞ᬧᬸᬦᬧᬶᬲ᭠
ᬦᬾᬗᬯᬶᬦᬂ᭞ᬥᬹᬄᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬳᬸᬦᬶᬂ᭟ᬳᭂᬗ᭄ᬲᭂᬓ᭄ᬳᬶᬤᬰ᭄ᬭᬷᬲᬵᬕᬭ᭞ᬯᭂᬓᬲᬦ᭄ᬫᬯᬘᬦᬭᬶᬂᬲᬂᬦᬗ᭄ᬓᬶᬮ᭄᭞ᬳᬢᬸ᭠ᬭᬶᬦ᭄ᬳᬶᬘᭂᬦᬶᬂᬫᬦ᭄ᬢᬸᬓ᭄᭞ᬳᬸᬮᬶᬕᬸᬦᬸᬂᬫᬢᬧ᭞ᬲᬂᬓᬢᬸᬤᬸᬄᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶᬓᬕᬸᬦᬸᬂ᭞ᬢᬗ᭄ᬓᬶᬮ᭄ᬭᬶᬂᬭᬤᬾᬦ᭄ᬳᬦ᭄ᬲᬸᬫᬢ᭄᭞ᬧᬸᬢ᭄ᬭᬦ᭄ᬳᬶᬤᬰ᭄ᬭᬷᬪᬹᬧᬢᬶ
᭟ᬓᭀᬘᬧ᭄ᬳᬶᬤᬭᬵᬚᬧᬸᬢ᭄ᬭ᭞ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬓᬲᬾᬗᬦ᭄ᬭᬶᬂᬳᬶᬳᬚᬶ᭞ᬕᬕᭂᬮᬶᬲᬦ᭄ᬲᬵᬫ᭄ᬧᬸᬦ᭄ᬓᬵᬢᬸᬭ᭄᭞ᬳᬶᬦ᭄ᬤᬶᬓᬾᬓᬲᬗ᭄ᬓᬮᬦ᭄᭞ᬮᬸᬗ᭄ᬳᬭᬭᬶᬲ᭄ᬭᬵᬚᬧᬸᬢ᭄ᬭᬲᬕᬾᬢ᭄ᬭᬯᬸᬄ᭞ᬢᬗ᭄ᬓᬶᬮ᭄ᬭᬶᬂᬋᬱᬶᬓᬧᬶᬮ᭞ᬫᬧᬶᬤᬯᭂᬕ᭄ᬫᬵᬢᬹᬃᬲᬶᬲᬶᬧ᭄᭟ᬋᬱᬶᬓᬧᬶᬮᬗᬦ᭄ᬤᬶᬓ᭞ [ 74 ][᭗᭓ 73B]
᭗᭓
ᬲᬗ᭄ᬓᬦ᭄ᬧᬥᭂᬫ᭄ᬲᬶᬓᭂᬧ᭄ᬳᬬᭀᬥ᭄ᬬᬪᬱ᭄ᬫᬶ᭞ᬭᬵᬚᬧᬸᬢ᭄ᬭᬲᭂᬤᬶᬄᬫᬵᬢᬸᬭ᭄᭞ᬥᬹᬄᬲᬂᬋᬱᬶᬦᬯᭂᬕᬂ᭞ᬮᬾᬤᬂᬳᬸᬕᬶᬗᬫ᭄ᬧᬸᬭ᭠ᬗᬶᬘ᭄ᬙᬾᬦ᭄ᬧᬶᬢᬸᬤᬸᬄ᭞ᬲᬹᬓ᭄ᬱᭂᬫᬦᬶᬂᬯᬭᬯᬭᬄ᭞ᬮᬫᬓᬦ᭄ᬲᬂᬲᬵᬫ᭄ᬧᬸᬦ᭄ᬮᬮᬶᬲ᭄᭟ᬲᬶᬤ᭄ᬥᬫᬗ᭄ᬕᬸᬄᬲ᭄ᬯᬃᬕ᭄ᬕᬮᭀᬓ᭞ᬅᬢ᭄ᬫᬦᬶᬧᬸᬦ᭄ᬲᬂᬲᬵᬫ᭄ᬧᬸᬦ᭄ᬕᭂᬲᭃᬂ
ᬪᬱ᭄ᬫᬶ᭞ᬫᬗ᭄ᬤᬲᬫ᭄ᬧᬸᬦᬂᬓᬍᬩᬸ᭞ᬫᬭᬶᬂᬬᬫᬡᬶᬮᭀᬓ᭞ᬫᬵᬢᬹᬃᬭᬭᬶᬲ᭄ᬋᬱᬶᬓᬧᬶᬮᬫᬶᬢᬸᬤᬸᬄ᭞ᬳᬶᬗ᭄ᬕᬶᬄᬢᭀᬬᬦ᭄ᬢᬸᬓᬤ᭄ᬕᬗ᭄ᬕ᭞ᬦᬾᬯᭂᬦᬂᬳᬗ᭄ᬕᭀᬦ᭄‌ᬫᬺᬲᬶᬳᬶᬦ᭄᭟ᬕᬮᬶᬄᬮᬦ᭄ᬳᬤᭂᬂᬲᬂᬲᬾᬤ᭄ᬥ᭞ᬧᬭᬶᬰᬸᬤ᭄ᬥᬫᬗ᭄ᬤᬦᬶᬃᬫᬵᬮᬰᬸᬘᬶ᭞ᬭᬵᬚᬧᬸᬢ᭄ᬭᬫᬮᬶᬄᬫᬵᬢᬹᬃ᭞ᬤᬶ
ᬚᬢᬸᬓᬤ᭄ᬧᬸᬦᬶᬓ᭞ᬥᬹᬄᬲᬂᬋᬱᬶᬲᬂᬓᬢᬸᬦᬲᬶᬦᬸᬫᬢᬸᬭ᭄᭞ᬫᬭᬶᬂᬕᬸᬦᬸᬂᬳᬶᬫᬮᬬ᭞ᬕᭂᬦᬄᬢᬸᬓᬤ᭄ᬕᬗ᭄ᬕᬧᬶᬗᬶᬢ᭄᭟ᬮᬾᬤᬂᬳᬶᬤᬭᬵᬚᬧᬸᬢ᭄ᬭ᭞ᬳᬕᬾᬫᬦ᭄ᬢᬸᬓ᭄ᬗᬸᬦᬶᬗᬂᬭᬶᬂᬳᬶᬳᬚᬶ᭞ᬧᬶᬢᬸᬤᬸᬄᬳᬶᬤᬲᬂᬯᬶᬓᬹ᭞ᬰ᭄ᬭᬷᬲᬵᬕᬭᬗᬦ᭄ᬤᬶᬓ᭞ᬓᭂᬫᭀᬘᭂᬦᬶᬂᬲᬭᬢᬂᬚᬦᬶᬓ
ᬕᬸᬦᬸᬂ᭞ᬫᬢᬧᬮᬫᬓᬦ᭄ᬲᬶᬤ᭄ᬥ᭞ᬢᭂᬧᬸᬓ᭄ᬢᬸᬓᬤᬾᬦᬾᬧᬶᬗᬶᬢ᭄᭟ᬓᭀᬘᬧ᭄ᬢᬸᬓᬤᬾᬧᬸᬦᬶᬓ᭞ᬤᬸᬭᬸᬂᬫᭂᬫ᭄ᬩᬄᬤᬸᬓ᭄ᬦᬶᬓ᭠ᬗᬮᬶᬦ᭄ᬢᬗᬶᬦ᭄᭞ᬯᬯᬶᬤᬗᬦ᭄ᬚᬕᬢ᭄ᬳᬶᬡ᭄ᬥᬸ᭞ᬓᬦ᭄ᬢᬸᬦ᭄ᬭᬶᬂᬳᬶᬫᬮᬬ᭞ᬩᬮᬾᬃᬩᬸᬓᬶᬢ᭄ᬗᭂᬫ᭄ᬩᭂᬂᬤᬸᬭᬸᬂᬫᭂᬫ᭄ᬩᬄᬢᭂᬤᬸᬦ᭄᭞ᬭᬵᬚᬧᬸᬢ᭄ᬭᬯᬸᬲ᭄ᬫᬫᬵᬃᬕ᭄ᬕ᭞᭠

[᭗᭔ 74A]
᭗᭔
ᬗᬶᬭᬶᬂᬳᬃᬱᬦ᭄ᬰ᭄ᬭᬶᬪᬹᬧᬢᬶ᭟ᬚᬦ᭄ᬢᭀᬲ᭄ᬭᬵᬚᬧᬸᬢ᭄ᬭᬲᬾᬤ᭄ᬥ᭞ᬫᬢᬧᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬓᬧᬗ᭄ᬕᬶᬄ᭞ᬫᬓᬤᬶᬳᬶᬤᬲᬂᬧ᭄ᬭᬪᬹ᭞ᬢᬍᬃᬲᬵᬫ᭄ᬧᬸᬦ᭄ᬤᬾᬯᬢ᭞ᬓᭀᬘᬧ᭄ᬫᬗ᭄ᬓᬶᬦ᭄‌ᬰ᭄ᬭᬷᬤᬶᬮᬶᬧᬫᬤᭂᬕ᭄ᬧ᭄ᬭᬪᬹ᭞ᬧᬸᬢ᭄ᬭᬦ᭄ᬧᬗᬾᬭᬦ᭄‌ᬅᬦ᭄ᬲᬸᬫᬢ᭄᭞ᬓᬕᬸᬦᬸᬂᬫᬢᬧᬫᬮᬶᬄ᭟ᬰ᭄ᬭᬷᬤᬶᬮᬶᬧ
ᬚᬦ᭄ᬢᭀᬲ᭄ᬲᬾᬤ᭄ᬥ᭞ᬢᬍᬃᬤᬸᬭᬸᬂᬢᬸᬓᬤ᭄ᬕᬗ᭄ᬕᬦᬾᬧᬗ᭄ᬕᬶᬄ᭞ᬳᭀᬓᬦ᭄ᬳᬶᬤᬫᬤᭂᬕ᭄ᬧ᭄ᬭᬪᬹ᭞ᬪᬶᬱᬾᬓᬪᬕᬶᬭᬢ᭞ᬮᬸᬗ᭄ᬳ᭠ᬫᬮᬶᬄᬫᬢᬧᬫᬥ᭄ᬬᬦᬶᬂᬕᬸᬦᬸᬂ᭞ᬳᬶᬫᬮᬬᬗᬯᬶᬭᬗᬂ᭞ᬲᬳᬫᬬᭀᬕᬲᬫᬵᬥᬶ᭞ᬲᬗ᭄ᬳ᭄ᬬᬂᬰᬶᬯᬓᬜ᭄ᬘᬶᬢ᭄ᬢᭂᬤᬸᬦ᭄᭞ᬗᬓ᭄ᬱᬶᬰ᭄ᬭᬷᬪᬕᬶᬭᬢ᭞
ᬓᬢᬓᬾᬦᬶᬦ᭄ᬩᬩ᭄ᬯᬢᬦ᭄ᬳᬶᬤᬲᬂᬧ᭄ᬭᬪᬹ᭞ᬫᬬᭀᬕᬗᬸᬜ᭄ᬘᬭᬂᬯᬾᬤ᭄ᬥ᭞ᬲᬂᬫᬬᭀᬕᬫᬢᬹᬃᬳᬭᬶᬲ᭄᭟ᬫᬫᬶᬢᬂ᭠ᬲ᭄ᬯᬾᬘ᭄ᬙᬦ᭄ᬪᬝᬵᬭ᭞ᬧ᭄ᬭᬤᬾᬲᬶᬤ᭄ᬥᬤᬾᬯᬢᬦ᭄ᬳᬶᬤᬫᬗ᭄ᬕᬶᬄ᭞ᬭᬶᬂᬲ᭄ᬯᬃᬕ᭄ᬕᬮᭀᬓᬭᬳᬬᬸ᭞ᬳᬃᬱᬳᬶᬤᬪᬝᬵᬭ᭞ᬗᬮᬸᬕ᭄ᬭᬳᬶᬦ᭄ᬲᬲᬸᬓᬢ᭄ᬧᬸ᭠
ᬦᬶᬓᬯᬯᬸ᭞ᬢᬸᬓᬤ᭄ᬕᬗ᭄ᬕᬦᬾᬫᬫᭂᬤᬄ᭞ᬫᭂᬫ᭄ᬩᬄᬗᬯᬶᬢᬶᬦ᭄ᬓᬧᬲᬶᬄ᭟ᬗᬮᬶᬦ᭄ᬢᬗᬶᬦ᭄ᬯᬯᬶᬤᬗᬦ᭄᭞ᬚᬕᬢ᭄ᬳᬶᬡ᭄ᬥᬸᬓᬢᬫᬶᬭᬯᬸᬄᬫᬗ᭄ᬓᬶᬦ᭄᭞ᬢᬸᬓᬤ᭄ᬧᬸᬦᬶᬓᬓᬲᭂᬗ᭄ᬕᬸᬄ᭞ᬢᭀᬬᬦᬶᬧᬸᬦ᭄ᬦᬶᬃᬫᬵᬮ᭞ᬓᬲᬸᬗ᭄ᬓᭂᬫᬶᬦ᭄ᬳᬦ᭄ᬢᬸᬓ᭄ᬚᬕᬢᬾᬭᬶᬂᬳᬶᬡ᭄ᬥᬸ᭞ᬲᬵᬢ᭄ᬫᬓᬢᬶᬃᬢ᭄ᬣᬧ [ 75 ][᭗᭔ 74B]
᭗᭔
ᬯᬶᬢ᭄ᬭ᭞ᬳᬗ᭄ᬕᬾᬦ᭄ᬗᭂᬦ᭄ᬢᬲ᭄ᬳᬦᬓ᭄ᬫᬵᬢᬶ᭟ᬫᬥᬾᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬬᬦᬶᬦᬩᬂᬫᬾᬄᬢᬦ᭄ᬪᬶᬦᬫᬦᬯᬶ᭞ᬭᬶᬂᬓᭀᬢ᭄ᬢᬫᬦ᭄ᬢᬶᬃᬢ᭄ᬣᬳᭂᬫ᭄ᬧᬸᬮ᭄᭞ᬧᭂᬘᬓ᭄ᬧᬓᬵᬃᬤ᭄ᬥᬶᬦ᭄ᬳᬶᬤ᭞ᬳ᭄ᬬᬂᬳᬭᬶᬢᬶᬧᬂᬍᬩᬸᬭᬦ᭄ᬫᬵᬮᬍᬢᬸᬄ᭞ᬓᬝᬄᬧᬜ᭄ᬘᭀᬭᬦᬶᬭᬶᬓ᭞ᬢᬹᬃᬫᬯᬵᬱ᭄ᬝᬫᬓᬲᬫᬶ᭟
ᬧᬶᬦᬶᬄᬓᬗᬶᬦ᭄ᬦᬾᬮᬮᬶᬫ᭞ᬧᬜ᭄ᬘᬢᬶᬃᬢ᭄ᬣᬫᬲᭂᬗ᭄ᬓᭂᬃᬭᬾᬄᬓᬧᬶᬗᬶᬢ᭄᭞ᬰᬸᬘᬶᬦᬶᬃᬫᬵᬮᬓᬲᭂᬗ᭄ᬕᬸᬄ᭞ᬫᬯᬵᬱ᭄ᬝᬯᬲᬸᬄᬧᬤ᭞ᬧᬶᬦᬶᬄᬓᬗᬶᬦ᭄ᬩᬜᬸᬦ᭄ᬘᭀᬓᭀᬃᬢᬍᬃᬳᬶᬧᬸᬦ᭄᭞ᬫᬮᬶᬄᬲᬦᬾᬩᭂᬤᬯᬸᬳᬦ᭄᭞ᬢᬶᬃᬢ᭄ᬣᬢᭂᬕ᭄ᬢᭂᬕ᭄ᬓᬯᬵᬱ᭄ᬝᬦᬶᬦ᭄᭟ᬫᬶᬯᬄᬢᬶᬃᬢ᭄ᬣᬰᬸᬤ᭄ᬥᬫᬵᬮ᭞
ᬤᬯᬸᬄᬧᬸᬦᬶᬓᬧᬗ᭄ᬮᬸᬓᬢᬦ᭄ᬫᬮᬶᬄ᭞ᬧᬫᬭᬶᬰᬸᬤ᭄ᬥᬦ᭄ᬲᬶᬓᬯᬸᬄ᭞ᬢᬢ᭄ᬯᬦ᭄‌‌ᬫᬺᬢ᭄ᬣᬲᬶᬯᬫ᭄ᬪ᭞ᬬᬦᬸᬧᬫᬶᬓᬦᬶᬃᬫᬵᬮᬦ᭄ᬢᬶᬃᬢ᭄ᬣ᭠ᬳᭂᬫ᭄ᬧᬸᬮ᭄᭞ᬢᬹᬃᬯᬾᬦ᭄ᬢᭂᬦ᭄ᬢᬶᬃᬢ᭄ᬣᬧᬗᭂᬦ᭄ᬢᬲ᭄᭞ᬳᬗ᭄ᬕᬾᬦ᭄ᬗᭂᬦ᭄ᬢᬲ᭄ᬳᬦᬓ᭄ᬫᬵᬢᬶ᭟ᬓᬵᬮᬶᬄᬢᬶᬃᬢ᭄ᬣᬧᬩᬺᬲᬶᬳᬦ᭄᭞ᬤᬳᬸᬄᬧᬫᭂᬤᬮ᭄ᬧᬸᬦᬶᬓᬦᬾᬓ
ᬓᬵᬮᬶᬄ᭞ᬧᬩᬺᬲᬶᬳᬦ᭄ᬲᬂᬯᬸᬲ᭄ᬮᬫ᭄ᬧᬸᬲ᭄᭞ᬓᬵᬮᬦᬶᬂᬦᬸᬲᬂᬰᬯ᭞ᬫᬭᬶᬂᬩᬮᬶᬲᬂᬬᭀᬕᬶᬳᬃᬱᬫᬶᬢᬸᬳᬸ᭞ᬧᬗᬶᬫ᭄ᬩᬂᬤ᭠ᬦᬾᬳᬶᬳᬦᬓ᭄᭞ᬲᬚᬘᭂᬦᬶᬂᬫᬥᬾᬯᬢᬶ᭟ᬲᬹᬓ᭄ᬱᭂᬫᬦ᭄ᬜᬢ᭄ᬯᬭᬪᬶᬦ᭞ᬢᬶᬃᬢ᭄ᬣᬳᭂᬫ᭄ᬧᬸᬮ᭄ᬳᬦᬾᬤᬶᬢᬫ᭄ᬧᬓ᭄ᬱᬶᬭᬶᬂ᭞ᬓᬦᬶᬃᬫᬵᬮᬦ᭄ᬜᬦᬾᬧᬢᬸᬄ᭞

[᭗᭕ 75A]
᭗᭕
ᬢᭂᬓᬾᬦᬶᬂᬢᬸᬓᬤ᭄ᬕᬗ᭄ᬕ᭞ᬲᬳᬶᬄᬲᬳᬶᬄᬤᬶᬩᬮᬶᬢᭂᬓᬾᬦ᭄ᬤᬶᬳᬶᬡ᭄ᬥᬸ᭞ᬩᬩ᭄ᬯᬢᬦ᭄ᬰᬯᬧ᭄ᬭᬢᬾᬓ᭞ᬏᬓᬯᬓ᭄ᬬᬪᬶᬦᬰ᭄ᬭᬸᬢᬶ᭟ᬲᬗ᭄ᬓᬦ᭄ᬘᭂᬦᬶᬂᬢ᭄ᬯᬭᬜᬦ᭄ᬤᬂ᭞ᬫᬲᬭᬢᬦ᭄ᬓᬳᬶᬡ᭄ᬥᬸᬮᬓᬃᬗᬮᬶᬄ᭞ᬢᬶᬃᬢ᭄ᬣᬕᬗ᭄ᬕᬧᬢᬶᬓᭂᬧᬸᬕ᭄᭞ᬭᬾᬄᬤᬶᬦᬶᬲᬸᬩᬳᬤ᭞ᬧᬶᬘ᭄ᬙᬦ᭄ᬯᬶᬤ᭄ᬥᬶᬧᬗ᭄ᬮᭂ
ᬩᬸᬭᬦ᭄ᬫᬵᬮᬍᬢᬸᬄ᭞ᬢᬶᬃᬢ᭄ᬣᬳᭂᬫ᭄ᬧᬸᬮᬾᬲᬵᬢ᭄ᬫᬓ᭞ᬢᬶᬃᬢ᭄ᬣᬧᬯᬶᬢ᭄ᬭᬲᬸᬚᬢᬶ᭟ᬬᬦ᭄ᬲᬳᬶᬳᬂᬢᭂᬓᬾᬦ᭄ᬢᬶᬃᬢ᭄ᬣ᭞ᬧᬓᬵᬃ᭠ᬬ᭄ᬬᬦ᭄ᬧᬥᬵᬡ᭄ᬥᬫᬗ᭄ᬤᭀᬄᬲᬢᬦ᭄ᬤᬶᬂ᭞ᬓᬉᬢ᭄ᬢᬫᬦ᭄ᬢᬶᬃᬢ᭄ᬣᬳᭂᬫ᭄ᬧᬸᬮ᭄᭞ᬫᬓᬵᬤᬶᬢᬶᬃᬢ᭄ᬣᬢᬸᬗ᭄ᬕᬂ᭞ᬤᬶᬩᭂᬲᬓᬶᬄᬫᬲᬶᬄᬧᬗᭂᬦ᭄ᬢᬲ᭄ᬓᬲᭂᬗ᭄ᬕᬸᬄ᭞ᬩᬩ᭄ᬯ᭠
ᬢᬦ᭄ᬰᬯᬧ᭄ᬭᬢᬾᬓ᭞ᬫᬵᬦᬹᬢᬸᬘᬧᬶᬂᬧ᭄ᬭᬰᬱ᭄ᬝᬶ᭟ᬦᬾᬜᬦ᭄ᬤᬂᬩᭀᬩᭀᬢᬂᬤᬾᬯ᭞ᬮᬶᬬᬸᬢᬶᬃᬢ᭄ᬣᬦᬾᬓᬳᬸᬘᬧ᭄ᬤᬶᬩᬮᬶ᭞ᬲᬪᬶᬦᬦᬶᬂᬢᬶᬃᬢ᭄ᬣᬳᭂᬫ᭄ᬧᬸᬮ᭄᭞ᬓᭀᬦᬾᬢᬶᬃᬢ᭄ᬣᬲᬮᬸᬓᬢ᭄᭞ᬫ᭄ᬯᬂᬫᬗᭂᬦᬶᬂ᭞ᬦᬶᬃᬫᬵᬮᬓᬯᬸᬯᬸᬲ᭄᭞ᬳᬗ᭄ᬕᭀᬦ᭄ᬧᬫᬳᬬᬸᬦ᭄ᬚᬕᬢ᭄᭞
ᬧᬗ᭄ᬮᬸᬓᬢᬦ᭄ᬫᬵᬮᬤᭂᬓᬶᬮ᭄᭟ᬓᬵᬫᬚᬬᬗᭂᬮᬸᬗᬗ᭄ᬕ᭞ᬫᬵᬢᬹᬃᬲᬶᬲᬶᬧ᭄ᬦᬸᬦᬲᬂᬭᬶᬂᬲᬂᬬᭀᬕᬶ᭞ᬳᬫ᭄ᬧᬸᬭᬢᬶᬢ᭄ᬬᬂᬕᬸᬭᬸ᭞ᬧᬸᬭᬸᬦ᭄ᬫᬮᬶᬄᬦᬢᬲᬂ᭞ᬗᬯᬮᬾᬦᬶᬦ᭄ᬲᬶᬭᬓᭀᬘᬧ᭄ᬫᬤᭂᬕ᭄ᬧ᭄ᬭᬪᬹ᭞ᬲᬲᬵᬫ᭄ᬧᬸᬦ᭄ᬰ᭄ᬭᬶᬪᬕᬶᬭᬢ᭞ᬫᬭᬶᬂᬳᬬᭀᬥ᭄ᬬᬲᬸᬫᭂᬦ᭄ᬤᬶ᭟ᬤᬸ᭠ [ 76 ][᭗᭕ 75B]
᭗᭕
ᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬤᬸᬄᬘᬸᬘᬸᬢ᭄ᬯᬭᬧᭂᬤᬲ᭄ᬧᭂᬓᬓ᭄ᬚᬢᬶ᭞ᬤᬤᬶᬫᬕᭀᬩᬦᬸᬓᬭᬸᬦ᭄᭞ᬦᬶᬗᭂᬄᬢᬸᬢᬹᬃᬲᬂᬯᬶᬓᬦ᭄᭞ᬢᬦ᭄ᬧᬮᬶᬦ᭄ᬢᬶᬄᬓᭀᬦᬾᬲᬲᬸᬩᬦ᭄ᬲᬂᬧ᭄ᬭᬪᬹ᭞ᬦᬾᬫᬧᬭᬩ᭄‌ᬪᬕᬶᬭᬢ᭞ᬫᬭᬶᬂᬳᬬᭀᬥ᭄ᬬᬲᬸᬫᭂᬦ᭄ᬤᬶ᭟ᬇᬓ᭄ᬱ᭄ᬭᬓᬸᬪᬶᬱᬾᬓᬦ᭄ᬳᬶᬤ᭞᭠
ᬲᬸᬯᬸᬤ᭄ᬓᬾᬢᭀᬳᬭᬶᬰ᭄ᬘᬦ᭄ᬤ᭄ᬭᬲᬸᬫᭂᬦ᭄ᬤᬶ᭞ᬤᬶᬮᬶᬧᬩᬸᬯᬶᬦ᭄ᬓᬯᬸᬯᬸᬲ᭄᭞ᬲᬂᬭᬖᬸᬮᬦ᭄ᬢᬲ᭄ᬦᬶᬫ᭄ᬩᬮ᭄᭞ᬫᬫ᭄ᬭᬪᭀᬦᬶᬦ᭄ᬲᬂᬅᬚᬧᬭᬩ᭄ᬲᬂᬧ᭄ᬭᬪᬹ᭞ᬓᬢᬶᬫ᭄ᬩᬮ᭄ᬲᬂᬤᬰᬭᬣ᭞ᬫᬭᬶᬂᬳᬬᭀᬥ᭄ᬬᬗᬕᬸᬗᬶᬦ᭄᭟ᬲᬸᬯᬸᬤ᭄ᬓᬾᬢᭀᬫᬭᬳᬶᬤ᭞ᬲᬂᬭᬵᬫᬤᬾᬯᬫᬸᬗ᭄ᬕᬄ
ᬤᬶᬓᬓᬯᬶᬦ᭄᭞ᬓᬳᬸᬘᬧᬂᬯᬢᭂᬓ᭄‌ᬭᬖᬸ᭞ᬧᬸᬢ᭄ᬭᬦ᭄ᬲᬂᬤᬰᬭᬣ᭞ᬫᬫ᭄ᬭᬪᭀᬦᬶᬦ᭄‌ᬳᭀᬃᬢ᭄ᬢᬦ᭄ᬳᬦᬓ᭄ᬳᬸᬮᬶᬳᬶᬡ᭄ᬥᬸ᭞ᬓᭀᬚᬭᬦ᭄ᬯᬢᭂᬓ᭄‌ᬯᬿᬱ᭄ᬡᬯ᭞ᬦᬾᬦᬸᬢᬸᬭᬶᬦ᭄ᬧᭂᬓᬓ᭄ᬗᬹᬦᬶ᭟ᬓᬵᬫᬚᬬᬗᭂᬮᬸᬗᬗ᭄ᬕ᭞ᬋᬲᭂᬧ᭄ᬫᬶᬭᬕᬶᬧᬫ᭄ᬮᬧᬦ᭄ᬲᬂᬬᭀᬕᬶ᭞ᬫᬢ᭠
ᬗᬦᬦ᭄ᬲᬳᬳᬢᬹᬃ᭞ᬫᬗ᭄ᬤᭀᬄᬢᬶᬢ᭄ᬬᬂᬢᬦ᭄ᬗᭂᬕ᭞ᬦᬾᬲᬸᬚᬢᬶᬢᭀᬂᬜᬦ᭄ᬤᬂᬫᬮᬶᬄᬥᬂᬕᬸᬭᬸ᭞ᬓᬤᬶᬧᭂᬮᬧᬦ᭄ᬗᬦ᭄ᬤᬶᬓ᭞ᬢᬶᬢ᭄ᬬᬂᬫᬶᬲᬤ᭄ᬬᬜᬸᬗ᭄ᬓᭂᬫᬶᬦ᭄᭟ᬫᬗ᭄ᬤᬲᬵᬫ᭄ᬧᬸᬦ᭄ᬚᬦ᭄ᬢᭀᬲ᭄ᬢᬶᬢ᭄ᬬᬂ᭞ᬢᬦ᭄ᬫᬧᬶᬓᭂᬦᭀᬄᬫᭂᬮᬚᬄᬫᬓᬯᬶᬦ᭄᭞ᬤᬸᬭᬸᬲ᭄ᬢᬶᬢ᭄ᬬᬂᬳᬶ

[᭗᭖ 76A]
᭗᭖
ᬯᬂᬲᭂᬗ᭄ᬕᬸᬄ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬳᬗᬸᬘᬧ᭄᭞ᬲᬤᬓᭂᬜᬶᬂᬓᬾᬢᭀᬲᬚᬘᭂᬦᬶᬂᬘᬸᬘᬸ᭞ᬲᭀᬢᬦᬶᬂᬤᭂᬫᭂᬦ᭄ᬫᭂᬮᬚᬄ᭞ᬫᭂᬮᬄᬲᬤᬧᬫᭂᬮᬶᬤᬶᬦ᭄᭟ᬳᬧᬂᬢ᭄ᬯᬭᬗᬯᬕᬯᬕ᭄᭞ᬢ᭄ᬯᬭᬦᬯᬂᬦᬾᬫᬵᬤᬦ᭄ᬩᭂᬦᭂᬄᬧᭂᬮᬶᬄ᭞ᬢᭀᬂᬋᬲᭂᬧ᭄ᬢᭂᬓᬾᬦ᭄ᬲᬲᬸᬤᬸᬓ᭄᭞ᬢᬸᬮᬸᬲ᭄ᬧᭀ
ᬘᭀᬮ᭄ᬫᭂᬮᬚᬄ᭞ᬲᬳᬶᬲᬳᬶᬗᬸᬮᬶᬓ᭄ᬰᬵᬲ᭄ᬢ᭄ᬭᬢᬦ᭄ᬧᬕᬸᬭᬸ᭞ᬗᬤᬾᬦ᭄ᬳᬯᬓ᭄ᬲᬸᬩᬩᬶᬱ᭞ᬧᬫᬸᬧᬸᬢ᭄ᬧᬢᬶᬋᬲᭂᬧᬶᬦ᭄᭟ᬓᬧᬶᬗᭀᬦ᭄ᬦᭂᬧᬸᬓᬶᬦ᭄ᬲᬶᬗ᭄ᬳ᭞ᬧᬢᬸᬮᬗᬦ᭄ᬓᬤᬾᬦ᭄ᬲᬚᬫᬓᬫ᭄ᬧᬶᬤ᭄᭞ᬲᬂᬲᬶᬗ᭄ᬳᬤᬾᬦᬶᬂᬜᬓ᭄ᬧᬗᬸᬲ᭞ᬓᬾᬢᭀᬘᬸᬘᬸᬳᬸᬧᬫ᭞ᬢᬸᬮᬸᬲ᭄ᬕ
ᬧᬶᬬᬦ᭄ᬢ᭄ᬯᬭᬤᭂᬫᭂᬦ᭄ᬫᬢᬸᬦ᭄ᬢᬸᬦ᭄᭞ᬢᭂᬓᬾᬦ᭄ᬳᬦᬓ᭄ᬲᬸᬩᬧ᭄ᬭᬚ᭄ᬜᬦ᭄᭞ᬗᬾᬤᬍᬫ᭄ᬩᭂᬮᭀᬕ᭄ᬓᬤᬮᬶᬄ᭟ᬢᬶᬤᭀᬂᬲᬓᬭᬶᬂ᭠ᬗᬦ᭄ᬤᬧᬂ᭞ᬲᬂᬯᬶᬓᬦ᭄ᬫᬓᬯᬶᬦ᭄ᬓᬲᬸᬩ᭄ᬤᬶᬩᬮᬶ᭞ᬮᬶᬬᬸᬦᬦ᭄ᬢᭀᬂᬦᬯᬂᬢᬸᬢᬹᬃ᭞ᬲᬗ᭄ᬓᬦ᭄ᬢᬸᬫᭀᬦ᭄ᬢᬦ᭄ᬧᭂᬤᬲ᭄᭞ᬮᬗᬶᬂᬳᬚᬶᬢᭂᬓᬮᬕᬲ᭄ᬫᬧᬶᬢᬸ
ᬢᬸᬭ᭄᭞ᬬᬾᬦ᭄ᬳᬤᬳᬦᬓ᭄ᬦᬸᬦᬲᬂ᭞ᬳᭀᬃᬢ᭄ᬢᬦᬾᬳᭀᬕᬦ᭄‌ᬳᭀᬃᬢ᭄ᬢᬾᬦᬶᬦ᭄᭟ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬳᬭᬄᬤᬤᬢᬭᬯᭀᬲᬂᬫᬾᬦ᭄ᬘᭂᬦᬶᬂ᭞ᬧᬓᭂᬦᭂᬳᬦ᭄ᬳᬚᬓ᭄ᬮᬶᬬᬸ᭞ᬮᬾᬦ᭄ᬕᭀᬩᬪᬶᬦᬧᬓ᭄ᬱ᭞ᬓᬸᬤᬤᬤᬶᬫᬾᬦ᭄ᬘᭂᬦᬶᬂᬫᬲᬶᬳᬦ᭄ᬢᬦ᭄ᬤ᭄ᬭᬸᬄ᭞ᬳᬯᬦᬦ᭄ᬧᬬᬸᬫᬢᬸ [ 77 ][᭗᭖ 76B]
᭗᭖
ᬗ᭄ᬓᬲ᭄᭞ᬫᬸᬮᬚᭂᬦᭂᬂᬲᬶᬫᬦ᭄ᬕᬸᬫᬶ᭟ᬫᬲᬶᬄᬤᬶᬳᬶᬡ᭄ᬥᬸᬳᬸᬮᬢᬂ᭞ᬢ᭄ᬯᬭᬪᬶᬦᬳᬸᬦ᭄ᬤᬸᬓᬾᬓᭂᬤᭂᬳᬂᬩᭂᬮᬶ᭞ᬫᬕᬸᬚᭂᬕ᭄ᬗᬸᬚᭂᬕᬂ᭠ᬲᬸᬯᬸᬂ᭞ᬚᬮᬦ᭄ᬚᬦᬶᬭᬾᬭᬾᬦᬂ᭞ᬭᬾᬄᬢᭂᬗᬳᬶᬭᬵᬚᬧᬸᬢ᭄ᬭᬶᬳᬶᬤᬍᬲᬸ᭞ᬳᬢᬸᬭᬶᬦ᭄ᬫᬮᬸᬫᬭᬵᬃᬬ᭄ᬬᬦ᭄᭞ᬤᬤᬢᬭᬫ᭄ᬩᬂᬓᭂᬦᭂᬳᬶᬦ᭄᭟᭜᭟
ᬫᬵᬲ᭄ᬓᬸᬫᬫ᭄ᬩᬂ᭟᭜᭟ᬬᬦ᭄ᬢᬓᭀᬘᬧ᭄ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬲᭂᬤᬶᬄᬫᬧᬗᭂᬦᬦ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬮᬘᬸᬃᬕᬢᬶ᭞ᬦᭀᬗᭀᬲ᭄ᬤᬶᬦᬶᬤᬶᬧᬤᬸᬓ᭄ᬯᬦ᭄᭟ᬓᬮᬸᬤ᭄ᬤᬶᬗᬶᬦ᭄ᬢᭀᬂᬳᬤᬲᬾᬦ᭄ᬤᭂᬫ᭄ᬦᬓᭀᬦᬶᬦ᭄᭞ᬲᬲᬳᬶᬫᭂᬕᬤᬂ᭞ᬦᬶᬗᭂᬳᬂᬳᬦᬓ᭄ᬫᬕᭂᬦ᭄ᬤᬶᬂ᭞ᬍᬫᬄᬧᭂᬢᭂᬂ᭠
ᬢᭀᬂᬭᬾᬭᬾᬦᬦ᭄᭟ᬳᬧᬲᬚᬍᬕᬬᬂᬦᬶᬗᭂᬄᬓᬓᬯᬶᬦ᭄᭞ᬓᬦ᭄ᬢᬶᬗᬸᬦ᭄ᬤᬧᬸᬦ᭄ᬤᬧ᭄᭞ᬫᬕᬤᬂᬦᭀᬗᭀᬲᬶᬦ᭄ᬲᭂᬦ᭄ᬤᬶ᭞ᬗᭂᬮᬸᬢ᭄ᬢᬫ᭄ᬧᬸᬮ᭄ᬦᬫ᭄ᬧᬶᬂᬧᬩ᭄ᬯᬦ᭄᭟ᬍᬧᬸᬕ᭄ᬦᬫ᭄ᬧᬶᬦ᭄ᬢᭀᬂᬳᬤᬜᬓ᭄ᬩᬦ᭄ᬢᬲ᭄ᬦᭀᬮᬶᬄ᭞ᬳᬗ᭄ᬕᭀᬦ᭄ᬳᬸᬩᬤ᭄ᬓᬶᬬᬧ᭄᭞ᬢᭀᬂᬩᬦᬶᬜ᭄ᬮᭂᬤᬾᬢ᭄ᬓᬲ᭠
ᬫ᭄ᬧᬶᬂ᭞ᬓᬤᬸᬂᬳᬶᬢᭂᬄᬫᬩᬩᬱᬦ᭄᭟ᬬᬦ᭄ᬓᬓᬾᬦᬾᬲᬶᬦᬄᬢ᭄ᬯᬭᬫᬧᬶᬓᭀᬮᬶᬄ᭞ᬳᭀᬕᬦ᭄‌ᬩ᭄ᬮᬳᬸᬓ᭄ᬗᬶᬦ᭄ᬤᬂ᭞ᬗᬧᬸᬂ᭠ᬫᬕᬤᬂᬲᬲᬳᬶ᭞ᬫᬾᬄᬩᭂᬭᬕ᭄ᬧᬬᬸᬫᬓᭂᬦ᭄ᬢ᭟ᬲᬧᬸᬦᬶᬓᬭᬭᬫ᭄ᬩᬗᬦ᭄‌ᬜᭀᬫᬦ᭄ᬲᬭᬶ᭞ᬓᬮᬶᬄᬫᬥᬾᬲᭂᬓᬭ᭄᭞ᬓᬵᬮᬳᬶᬤᬭᬵ

[᭗᭗ 77A]
᭗᭗
ᬚᬧᬸᬢ᭄ᬭᬶ᭞ᬓᬦ᭄ᬢᬸᬦ᭄ᬫᬓᭀᬍᬫ᭄ᬗᬭᬕ᭟ᬭᬶᬂᬕᭂᬤᭀᬗᬦ᭄ᬲᬂᬓᬵᬮᬶᬄᬬᬢ᭄ᬦᬫᬓᭂᬫᬶᬢ᭄᭞ᬧᬮᬶᬬᬢᬾᬲᬯᬢ᭄᭞ᬫᬧᬶᬬᬂᬫᬩᬮᬶᬄᬮᬗᬶᬢ᭄᭞ᬫᬲᬶᬤᬓᭂᬧ᭄ᬗᭂᬚᭀᬄᬳᬸᬮᬢ᭄᭟ᬧᬥᬦᭀᬮᬶᬄᬫᬧᬧᬲ᭄ᬮᬶᬬᬢ᭄ᬓᬩᬶᬮ᭄ᬩᬶᬮ᭄᭞ᬭᬱᬓᬚᭂᬗᬳᬦ᭄᭞ᬗᬸᬧᭂᬢ᭄ᬢᬶᬫ᭄ᬧᬮ᭄ᬲᬮᬶᬂᬤᬮᬶᬄ᭞
ᬍᬢᬸᬄᬗᬤᭀᬓᬂᬧᭂᬩᬳᬦ᭄᭟ᬫᬥᬾᬲᭂᬓᬃᬓᬤᬶᬳᬗ᭄ᬕᬦᬶᬂᬫᭂᬘᬭᬶ᭞ᬧᬸᬭᬸᬦ᭄ᬓᬲᭂᬫ᭄ᬧᬾᬗᬦ᭄᭞ᬮᬕᬲ᭄ᬦᭂᬤᬸᬦᬶᬦ᭄ᬧᬶᬂᬓᬵ᭠ᬮᬶᬄ᭞ᬢᬓᭂᬄᬫᬧᬢᭂᬄᬧᬢᭂᬳᬦ᭄᭟ᬗᬤᬸᬧᭀᬗᬄᬜᭀᬫᬦ᭄ᬲᬭᬶᬓᬢᬸᬦ᭄ᬤᬶᬓᬶᬦ᭄᭞ᬳᬚᬓᬶᬦ᭄ᬫᬯᬭᬂ᭞ᬧᬥᬫᬕᭂᬮᬃᬳᬩᭂᬤᬶᬓ᭄᭞ᬧᬾ᭠
ᬢ᭄ᬲᬤ᭄ᬬᬗᭂᬤᬸᬫ᭄ᬧᬫᭂᬦᬂ᭟ᬳᬲᬄᬢᬦ᭄ᬤᬶᬂᬧᬥᬮᬲ᭄ᬬᬫᭂᬤᬸᬫ᭄ᬧᬶᬮᬶᬄ᭞ᬜᬕᭂᬭᬂᬧᬫᭂᬦᬂ᭞ᬫᬓᭂᬮᭀᬦᬳᬦᬂᬤᬶᬗᬶᬦ᭄᭞ᬓᬤᬸᬂᬩᭂᬮᬸᬲ᭄ᬫᬍᬩ᭄ᬮᭂᬩᬦ᭄᭟ᬜᭀᬫᬦ᭄ᬲᬭᬶᬘᬸᬫ᭄ᬧᬸᬇᬥᭂᬧᬾᬗᬤ᭄ᬬᬦᬶᬦ᭄᭞ᬲᭀᬢᬦᬶᬂᬫᬯᬭᬂᬳᬕᭂᬢ᭄ᬮᬘᬸᬃᬲᬋᬂᬓᬵᬮᬶᬄ᭞ᬲᬓᬾᬯ᭠
ᬦ᭄ᬢᭂᬦ᭄ᬲᬫᬶᬮᬲ᭄ᬬ᭟ᬢᬸᬭᬄᬳᬤᬸᬂᬲᬂᬓᬵᬮᬶᬄᬫᬓᬶᬲᬶᬓᬶᬲᬶ᭞ᬗᬶᬕᬸᬫᬂᬓᬓᭂᬜ᭄ᬘᬦ᭄᭞ᬫᬥᬾᬲᭂᬓᬃᬢᬶᬜ᭄ᬚᬶᬓ᭄ᬢᬶᬜ᭄ᬚᬶᬓ᭄᭞ᬓᬢᭂᬫᬸᬭᬶᬂᬓᬵᬫᬚᬬ᭟ᬲᭂᬤᭂᬓ᭄ᬜᬸᬭᬵᬢ᭄ᬧᬤᬶᬤᬶᬓᬵᬮᬦᬶᬂᬲᭂᬧᬶ᭞ᬫᬸᬭᬸᬓ᭄ᬫᬰᬵᬲ᭄ᬢ᭄ᬭ᭞ᬫᬥᬾᬲᭂᬓᬃᬗᬭᬯᬸᬳᬶᬦ᭄᭞ᬦᬸᬦᬲ᭄ᬘᬦᬂᬳᬧᬓ᭄ᬧ᭠ [ 78 ][᭗᭗ 77B]
᭗᭗
ᬓᬦ᭄᭟ᬲᬵᬫ᭄ᬧᬸᬦ᭄ᬗᬶᬦᬂᬫᬥᬾᬲᭂᬓᬃᬢᬍᬃᬓᬵᬭᬶ᭞ᬫᬢᬶᬫ᭄ᬧᬸᬄᬦᭂᬲᭂᬓᬂ᭞ᬦᬯᭂᬕᬂᬜᭂᬮᬂᬧᬗᬸᬢᬶᬓ᭄᭞ᬳᬗ᭄ᬕᬾᬦ᭄ᬗᬗ᭄ᬓᬢᬶᬫᬸᬫ᭄ᬩᬸᬮᬦ᭄᭟ᬓᬵᬫᬚᬬᬓᬵᬭᬶᬗᬸᬦ᭄ᬢᬸᬮ᭄ᬲᭂᬍᬕ᭄ᬦᬸᬮᬶᬲ᭄᭞ᬳᭀᬲᬄᬫᬥᬾᬲᭂᬓᬭ᭄᭞ᬤᬸᬭᬸᬲ᭄ᬧᭀᬗᬄᬫᭂᬲ᭄ᬯᬂᬫᬸᬜᬶ᭞ᬫᬶᬢᬸᬢᬸᬭᬶᬦ᭄ᬓᬵᬫᬚᬬ᭟ᬫᬶᬭᬶ᭠
ᬩ᭄ᬯᬬᬦ᭄ᬢ᭄ᬯᬭᬲᬾᬗᭂᬄᬮᬶᬗᬶᬂᬳᬚᬶ᭞ᬗᬯᬢᬗᬂᬧᬸᬜᬄ᭞ᬳᬦᬓᬾᬧᬢᬶᬋᬲᭂᬧᬶᬦ᭄᭞ᬬᬦ᭄ᬓᬤᬸᬂᬩᬸᬤᬸᬄᬫᬰᬵᬲ᭄ᬢ᭄ᬭ᭟ᬬᬦ᭄ᬢᬓᭀᬘᬧ᭄ᬢᬢᭂᬮᬸᬓᭀᬦᬾᬫᬸᬜᬳᬶᬦ᭄᭞ᬲᬪᬶᬦᬦᬶᬂᬢᬸᬯᬓ᭄᭞ᬮᬾᬦ᭄ᬳᬤᬧᬸᬜᬄᬩᬦ᭄ᬢᬸᬮᬶᬲ᭄᭞ᬳᬤᬧᬸᬜᬄᬩᬦ᭄ᬓᬲᬸᬕ᭄ᬬᬦ᭄᭟ᬓᬾ᭠
ᬢᭀᬯᬬᬦ᭄ᬮᬦ᭄ᬢᬗᬂᬫᬮᬸᬫᬶᬦᭂᬳᬶᬦ᭄᭞ᬢᭀᬂᬜᬦ᭄ᬤᬂᬋᬲᭂᬧᬂ᭞ᬰᬵᬲ᭄ᬢ᭄ᬭᬲᬸᬭᬵᬢᬦ᭄ᬧᬗᬸᬢᬶᬓ᭄᭞ᬢᬸᬬᬸᬄᬲᬲᬳᬶᬫᬫᬘ᭟ᬲᬗ᭄ᬓᬦ᭄ᬳᬶᬤᬸᬧ᭄ᬢ᭄ᬯᬭᬗᬯᬋᬕᬂᬳᬗᬶᬦ᭄᭞ᬫᬸᬂᬧᬸᬂᬢᬭᬸᬡ᭞ᬍᬕᬦ᭄ᬳᬶᬥᭂᬧᬾᬳᬸᬮᬸᬭᬶᬦ᭄᭞ᬳᬧᬂᬲᬚᬦᬯᬂᬲ᭄ᬯᬃᬕ᭄ᬕᬦ᭄᭟ᬢ᭄ᬯᬭᬳᬤᬲ᭄ᬯᬃᬕ᭄ᬕᬦ᭄ᬤᬶᬦᬶ᭠
ᬲ᭄ᬓᬵᬮᬚᬢᬶ᭞ᬫᬸᬮᬤᬶᬲᬓᬵᬮ᭞ᬳᬶᬍᬄᬳᬶᬍᬄᬩᬓᬢ᭄ᬳᬮᬶᬄ᭞ᬲ᭄ᬯᬃᬕ᭄ᬕᬦ᭄ᬤᬫ᭄ᬧᬶᬂᬓᬤᬾᬦ᭄ᬲᬯᬢ᭄᭟ᬓᬵᬫᬚᬬᬩᭂᬗᭀᬂᬓᬦ᭄ᬢᬸᬦ᭄ᬫᬫᬶᬦᭂᬳᬶᬦ᭄᭞ᬢᬸᬢᬹᬃᬫᬥᬾᬲᭂᬓᬭ᭄᭞ᬰᬵᬲ᭄ᬢ᭄ᬭᬦᬾᬲᬚᬗᬤᬦᬶᬦ᭄᭞ᬳᬸᬘᬧ᭄ᬮᭀᬦ᭄ᬢᬃᬰ᭄ᬮᭀᬓᬵᬦ᭄ᬢᬭ᭟ᬦᬾᬢᬢᭂᬮᬸᬓᬲ᭠

[᭗᭘ 78A]
᭗᭘
ᬫ᭄ᬩᬢᬂᬫᬫᬸᬜᬄᬳᬶᬦ᭄᭞ᬚᬕ᭄ᬗᭂᬚᬂᬧᬗ᭄ᬭᬸᬧᬓ᭄᭞ᬲᬕᬾᬢ᭄ᬲᬸᬩᬦᬶᬫᬦ᭄ᬧᬶᬧᬶ᭞ᬗᬭᬲᬭᬲ᭄ᬫᬥᬾᬲᭂᬓᬭ᭄᭟ᬲᬮᬶᬂᬤᭀ᭠ᬧ᭄ᬤᭀᬧ᭄‌ᬫᬾᬦ᭄ᬲᬗ᭄ᬓᭀᬮ᭄ᬲᬕᬾᬢ᭄ᬫᬘᭂᬮᬶᬕ᭄᭞ᬋᬗᬲ᭄ᬫᬥᬾᬲᭂᬓᬭ᭄᭞ᬫᬘᭂᬩᬸᬃᬮᬯᬸᬢ᭄ᬫᬕᭂᬤᬶ᭞ᬓᬵᬫᬚᬬᬫᬧᬶᬜᬸᬭᬵᬢ᭄᭟ᬓᬲ᭄ᬮᭂᬗ
ᬕᬦ᭄ᬫᬾᬦ᭄ᬲᬗ᭄ᬓᭀᬮ᭄ᬓᬮᬶᬫᬶᬤ᭄ᬮᬶᬫᬶᬤ᭄᭞ᬳᬭᬄᬢᭀᬂᬫᬤᬬ᭞ᬤᬤᬢᬩᬓᬢ᭄ᬧᬩᬮᬶᬄ᭞ᬗᬸᬦ᭄ᬢᬸᬮ᭄ᬫᬕᭂᬤᬶᬗᬾᬗ᭄ᬕ᭠ᬮᬂ᭟ᬜᬭᬸᬜᬫ᭄ᬧᬢ᭄ᬳᬗ᭄ᬕᭀᬦ᭄ᬗᬶᬮᬗᬂᬓᬩᬶᬮ᭄ᬩᬶᬮ᭄᭞ᬤᬤᬢᬓᭀᬭᬾᬓᬂ᭞ᬓᬵᬫᬚᬬᬧᬢᬶᬲᬶᬮᬶ᭞ᬩᬗᬸᬦ᭄ᬫᬕᭂᬤᬶᬓᬢᬸᬓᬤ᭄᭟
ᬢᭂᬤᬸᬦ᭄ᬓᬗᬶᬦ᭄ᬓᬘᬸᬦ᭄ᬤᬸᬓ᭄ᬭᬶᬂᬜᭀᬫᬦ᭄ᬲᬭᬶ᭞ᬕᬸᬫᬦ᭄ᬢᬶᬜᬦ᭄ᬢᭀᬲᬂ᭞ᬫᬧᬶᬬᬂᬜᬸᬯᬸᬦ᭄ᬚᬸᬦ᭄ᬧᬜ᭄ᬘᬶᬂ᭞ᬳᬤᬾᬂᬳᬤᬾᬂᬗ᭠ᬫᬸᬗ᭄ᬕᬳᬂ᭟ᬦᬸᬚᬸᬲᭂᬧᬶᬓᬶᬧᬓᬶᬧᭂᬓ᭄‌ᬢᭀᬮᬄᬢᭀᬮᬶᬄ᭞ᬫᬸᬂᬧᬸᬂᬧᬓᬮᬶᬳᬦ᭄᭞ᬓᬵᬫᬚᬬᬓᬓᬯᬸᬓᬶᬦ᭄᭞ᬓᭂᬤᭂᬢᬶᬦ᭄‌ᬫ᭄ᬩᭀ᭠
ᬓ᭄‌ᬓᬸᬤᬯᬬᬦ᭄᭟ᬫ᭄ᬭᬱᬓᭂᬜᭂᬮ᭄‌ᬫ᭄ᬩᭀᬓ᭄ᬗᬦ᭄ᬢᭀᬲᬂᬳᬸᬮᬶᬢᬸᬦᬶ᭞ᬫᬭᬯᬬᬦ᭄ᬢᭂᬓ᭞ᬩᬸᬓᬢᭀᬂᬲᬾᬦ᭄ᬤᭂᬫ᭄ᬗᭀᬮᬲᬶᬦ᭄᭞ᬢ᭄ᬯᬭᬢᬳᬾᬦ᭄ᬫᬲᭀᬘᬧᬦ᭄᭟ᬘᬭᬮᬮᬶᬲ᭄ᬫᬸᬯᬶᬓᬶᬦ᭄‌ᬫ᭄ᬩᭀᬓ᭄ᬦᭀᬗᭀᬲ᭄ᬤᬶᬦᬶ᭞ᬢᭀᬂᬢᬳᬾᬦ᭄ᬦᬓᭀᬦᬂ᭞ᬫᬶ [ 79 ][᭗᭘ 78B]
᭗᭘
ᬭᬶᬩ᭄ᬳᭂᬗ᭄ᬲᬧ᭄ᬢᭂᬓᬾᬦ᭄ᬚᬜ᭄ᬚᬶ᭞ᬗᬚᬓᬶᬦ᭄ᬫᬚᭂᬮᬾᬫᭂᬮᬄ᭟ᬫᬭᬳᬕᭂᬢ᭄ᬯᬬᬦ᭄ᬢᭂᬓᬤᬤᬶᬳᬢᬶ᭞ᬦᭂᬧᬶᬦ᭄‌ᬫ᭄ᬩᭀᬓ᭄ᬫᬕᬤᬂ᭞ᬓᬵᬫᬚᬬᬲᬳᬸᬃᬓᭂᬜᬶᬂ᭞ᬥᬹᬄᬗᬸᬤᬫ᭄ᬩᭀᬓ᭄ᬲᬮᬶᬢ᭄ᬳᬃᬱ᭟ᬩᭀᬬᬯᬾᬦ᭄ᬢᭂᬦ᭄ᬫᬦᬄᬢᬶᬬᬂᬧᬘᬂᬮᬮᬶ᭞ᬭᬶᬂᬲ᭄ᬯᬾᬘ᭄ᬙᬦ᭄‌ᬫ᭄ᬩᭀᬓ᭄ᬧᭂᬘᬓ᭄᭞
ᬭᬱᬫᬮᬶᬄᬫᬦᬸᬫᬤᬶ᭞ᬫᬗ᭄ᬤᭀᬄᬢᬦ᭄ᬯᬾᬦ᭄ᬢᭂᬦ᭄ᬗᬾᬮᬶᬗᬂ᭞ᬭᬾᬄᬓᬢᬸᬗ᭄ᬓᬸᬮ᭄ᬲᬩ᭄ᬭᬦ᭄ᬯᭂᬗᬶᬫᬓᬓᬯᬶᬦ᭄᭞ᬤᬸᬭᬸᬂᬧᭀ᭠ᬮᬶᬄᬲᭂᬗ᭄ᬕᬂ᭞ᬳᬗ᭄ᬕᬸᬭᬦ᭄ᬓᬝᬄᬗ᭄ᬭᬯᬸᬳᬶᬦ᭄᭞ᬓᬲᬾᬧᬦ᭄ᬗᬢᬸᬭᬂᬳᬬᬄ᭟ᬲᭂᬩᭂᬂᬤᭂᬤᭂᬢ᭄ᬜᭀᬫᬦ᭄ᬲᬭᬶᬫᭂᬘᬸᬓ᭄ᬳᬮᬶᬲ᭄᭞ᬯᬬᬦ᭄ᬩᬲ᭄ᬫᬩᬶᬓ᭠
ᬲ᭄᭞ᬓᭂᬜᭂᬮ᭄‌ᬫ᭄ᬩᭀᬓ᭄ᬗᬦ᭄ᬢᭀᬲᬂᬲᬳᬶ᭞ᬤᬶᬓᬸᬩᬸᬦᬾᬗᬸᬦ᭄ᬤᬧᬸᬦ᭄ᬤᬧ᭄᭟ᬬᬦᬶᬂᬲᬚᬯᬬᬦ᭄‌ᬦᬸᬢᬺᬱ᭄ᬡᬫᬯᬃᬕ᭄ᬕᬶ᭞᭠ᬩᬦ᭄ᬢᬲ᭄ᬳᬧᬗᬶᬦᬂ᭞ᬫᬲᬢᭀᬂᬫᬳᬦ᭄ᬦᭂᬮᭀᬓᬶᬦ᭄᭞ᬓᬸᬩᬸᬦᬾᬭᬾᬗ᭄ᬕᭀᬂᬢᬸᬤᬸᬳᬦ᭄᭟ᬚᭂᬦᭂᬂᬯᬬᬦ᭄ᬲᬓᬾᬂᬫᭂᬤ᭄ᬲᬸᬩᬗᭂᬗ᭄ᬲᬸᬩᬶ᭠
ᬦ᭄᭞ᬤᬾᬦᬶᬂᬲᬸᬩᬗᭂᬮᬄ᭞ᬩᬮᬾᬮᬾᬦᬦ᭄‌ᬢᭀᬗᭀᬲ᭄ᬗᭂᬢᬶᬲ᭄᭞ᬮᬮᬶᬲ᭄ᬢᭀᬂᬗᬗ᭄ᬕ᭄ᬯᬂᬦᬾᬳᭂᬜᬕ᭄᭟ᬓᬵᬫᬚᬬᬳᭂᬗ᭄ᬲᭂᬓ᭄ᬓᬲᭂᬍᬓ᭄ᬜᬳᬸᬭᬶᬦ᭄᭞ᬯᬯᬸᬳᬬᬢ᭄ᬗᬭᬲ᭄᭞ᬜᭀᬫᬦ᭄ᬲᬭᬶᬓᭂᬮᬤ᭄ᬓᭂᬮᬶᬤ᭄᭞ᬫᬾᬦ᭄ᬧ᭄ᬭᭀᬤᭀᬂᬲᬕᬾᬢ᭄ᬫᬓᭂ

[᭗᭙ 79A]
᭗᭙
ᬮᬧ᭄᭟ᬤᬸᬭᬸᬲ᭄ᬫᬮᬂᬲᬂᬓᬵᬮᬶᬄᬧᬮᬲ᭄ᬫᬫᬵᬃᬕ᭄ᬕᬶ᭞ᬫᬸᬗ᭄ᬕᬳᬦ᭄ᬦᭂᬤᬸᬦᬂ᭞ᬫᬾᬦ᭄ᬧ᭄ᬭᭀᬤᭀᬂᬫᬓᭂᬜᭂᬫ᭄ᬫᬦᬶᬲ᭄᭞ᬗᬲᭀᬭᬂᬕᭂᬦ᭄ᬤᬶᬲ᭄ᬳᬤᬂᬤᬂ᭟᭜᭟ᬤᬂᬤᬂ᭟᭜᭟ᬜᭀᬫᬦ᭄ᬲᬭᬶᬗᭂᬃᬗᭂᬃᬫᭂᬘᬸᬓ᭄ᬳᬮᬶᬲ᭄᭞ᬗᬫᬸᬗ᭄ᬕᬳᬂ᭞ᬫᬾᬦ᭄ᬧ᭄ᬭᭀᬤᭀᬂᬦᬸᬫᭀᬦᬂ᭞ᬲᬤᬩᬗ᭄ᬕᬶ᭠
ᬧᬢᬓᬾᬦᬾ᭞ᬜᭀᬫᬦ᭄ᬓᬶᬚᬜᬸᬯᬸᬦ᭄ᬚᬸᬦ᭄᭞ᬓᭂᬜᭂᬮ᭄ᬗᬮᬶᬄᬳᬸᬮᬶᬢᬸᬦᬶ᭞ᬫᬓᭂᬮᭀᬲᬦ᭄ᬤᬶᬢᬸᬓᬤ᭄᭞ᬓᬤᬾᬦ᭄ᬫᬾᬫᬾᬳᬜᬸᬤ᭄᭞ᬜᭀᬫᬦ᭄ᬲᬭᬶᬳᬕᬾᬦᬶᬫ᭄ᬩᬮ᭄᭞ᬲᬤᬩᬗ᭄ᬕ᭄ᬭᬲ᭄᭞ᬳᬭᬄᬫᬾᬫᬾᬲᬓᬾᬂᬚᬳᬶᬮ᭄᭞ᬓᬤᬸᬂᬤᭂᬫᭂᬦ᭄ᬜᭀᬗᬄᬢᬶ
ᬫ᭄ᬧᬮ᭄᭟ᬓᬸᬤᬢᬦ᭄ᬤ᭄ᬭᬸᬄᬢᭂᬓᬾᬦᬶᬂᬚᬸᬦ᭄ᬧᬜ᭄ᬘᬶᬂ᭞ᬲᬸᬯᬸᬦ᭄ᬢᬶᬬᬂ᭞ᬜᭂᬮᬧᬂᬓᬢᬸᬓᬤ᭄᭞ᬗᬮᬶᬄᬢᭀᬬᬭᬬᬸᬦᬦᬾ᭞ᬤᭀᬂᬗᬸᬤᬫᬾᬫᬾᬘᬸᬘᬸᬤ᭄᭞ᬢᭀᬦ᭄ᬤᬾᬦ᭄ᬧᭂᬤᬲ᭄ᬩᬦ᭄ᬗᬶᬮᬶᬗᬶᬦ᭄᭞ᬧᬧᬓ᭄ᬩᬓᬢ᭄ᬭᬯᭀᬲᬂ᭞ᬲᬓᬾᬂᬫᬾᬫᬾᬩᬾᬜ᭄ᬚᬸᬮ᭄᭞ᬫᬾᬦ᭄ᬧ᭄ᬭᭀ
ᬤᭀᬂᬳᬮᭀᬦᬗᬸᬘᬧ᭄᭞ᬳᬭᬄᬜᭀᬫᬦ᭄᭞ᬓᬸᬤᬳᬾᬗ᭄ᬕᬮ᭄ᬲᬮᬄᬢᬫ᭄ᬧᬶ᭞ᬜᭂᬧᭂᬢᬶᬦ᭄ᬫᬾᬫᬾᬲᬤᬦ᭠ᬦ᭄᭟ᬲᬓᬾᬂᬲᬥᬹᬇᬥᭂᬧ᭄ᬫᬾᬫᬾᬚᬢᬶ᭞ᬫᬘᬧᬢᬦ᭄᭞ᬲᬵᬢ᭄ᬫᬓᬫᬧ᭄ᬬᬦᬓ᭄᭞ᬓᬩᬢᭂᬓ᭄ᬩᬳᬦ᭄‌ᬢᬺᬱ᭄ᬡᬦᬾ᭞ᬩᬋᬂᬦᭀᬗᭀ [ 80 ][᭗᭙ 79B]
᭗᭙
ᬲ᭄ᬤᬶᬕᬸᬦᬸᬂ᭞ᬧᬾᬢ᭄ᬜᭀᬫᬦ᭄ᬓᭂᬩᬂᬫᬫᭂᬤᬶ᭞ᬫᬾᬫᬾᬩᬋᬂᬜᭂᬩᭂᬢᬂ᭞ᬤ᭄ᬯᬦᬶᬂᬩᬸᬓᬭᬸᬗᬸ᭞ᬜᭀᬫᬦ᭄ᬲᬭᬶᬫᬤᭂᬓᭂᬲᬦ᭄᭞ᬳᬶᬚᬸᬦᬶᬫ᭄ᬩᬮ᭄᭞ᬫᬾᬫᬾᬲᬮᬄᬢᬓᭂᬄᬫᬶᬭᬶᬩ᭄᭞ᬦᭂᬧᬸᬓᬶᬦ᭄ᬢᬶᬬᬂᬳᬶᬩᬸᬲᬦ᭄᭟ᬢᭂᬓᬳᬸᬮᬶᬳᭂᬩᭂᬢᬾᬧᬤᬶᬤᬶ᭞ᬩᭂᬘᬢ᭄ᬲᬾᬧᬦ᭄᭞
ᬢ᭄ᬯᬭᬗᭂᬩᬂ᭞ᬲᬓᬭᬶᬂᬲᬓᬶᬢ᭄ᬩᬲᬗᬾ᭞ᬳᬯᬦᬦ᭄ᬢᬶᬬᬂᬜᬶᬦᬸᬢ᭄᭞ᬤᭀᬂᬲᬓᬾᬂᬓᭂᬩᬂᬫᬫᭂᬤᬶ᭞ᬫᬾᬦ᭄ᬧ᭄ᬭᭀᬤᭀᬂᬫᬮᬶᬄᬦᬶᬫ᭄ᬩᬮ᭄᭞ᬗᬸᬤᬜᭀᬫᬦ᭄ᬚᬦ᭄ᬢᬸᬃ᭞ᬫᬾᬫᬾᬲᬓᬾᬂᬢ᭄ᬯᬭᬧᭂᬤᬲ᭄᭞ᬤᬜᭂᬩᭂᬢᬂ᭞ᬦᬄᬓᬤᬸᬂᬧᭂᬮᬶᬄᬫᬫᬸᬜᬶ᭞ᬋᬡᬜᭀᬫᬦ᭄ᬗ
ᬫ᭄ᬧᬸᬭᬬᬂ᭟ᬚᬮᬦ᭄ᬜᭀᬫᬦ᭄ᬩᬋᬂᬚᬦᬶᬫᬸᬮᬶᬄ᭞ᬓᬧᬤᬸᬓ᭄ᬯᬦ᭄᭞ᬫᬾᬫᬾᬲᬸᬩᬢᬸᬯ᭞ᬧᭂᬧᭂᬲᬦ᭄ᬲᬳᬸᬤ᭄ᬫᬸᬜᬶᬦᬾ᭞ᬤ᭠ᬧᭂᬲᬦ᭄ᬜᭀᬫᬦ᭄ᬩᭂᬦ᭄ᬤᬸ᭞ᬗᬤᬾᬦ᭄ᬫᬾᬫᬾᬲᬓᬾᬂᬚᬳᬶᬮ᭄᭞ᬜᭀᬫᬦ᭄ᬲᬭᬶᬫᭂᬦ᭄ᬤᭀᬮᬦ᭄᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬤᬸᬓ᭄ᬯᬦ᭄ᬕᬕᭂ
ᬮᬶᬲᬦ᭄᭞ᬫᬲᬋᬗᬦ᭄᭞ᬫᬾᬦ᭄ᬧ᭄ᬭᭀᬤᭀᬂᬮᬦ᭄ᬜᭀᬫᬦ᭄ᬲᬭᬶ᭞ᬭᬵᬚᬧᬸᬢ᭄ᬭᬶᬓᭂᬜᬶᬂᬜᬶᬗᬓ᭄᭟ᬤᬳᬸᬄᬯᬘᬦᬭᬶᬂ᭠ᬜᭀᬫᬦ᭄ᬲᬭᬶ᭞ᬫᬭᬢᭂᬓ᭞ᬜᬳᬶᬳᬸᬮᬶᬢᬸᬓᬤ᭄᭞ᬢᬸᬦᬶᬲᬸᬩᬧᬕᭂᬤᬶᬦᬾ᭞ᬜᭀᬫᬦ᭄ᬲᬭᬶᬢᬮᬗ᭄ᬓᬸᬧ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬢᬹᬃ

[᭘᭐ 80A]
᭘᭐
ᬲᬶᬲᬶᬧ᭄᭞ᬫᬭᬹᬧᬓᬤᬶᬓᬤᬢ᭄᭞ᬭᬶᬂᬢᬸᬓᬤᬾᬫᬜ᭄ᬚᬸᬲ᭄᭞ᬭᬵᬚᬧᬸᬢ᭄ᬭᬶᬫᬯᬘᬦ᭞ᬲᬤᬳᬶᬘ᭄ᬙ᭞ᬜᬳᬶᬢᭀᬂᬗᬾᬧᬸᬢᬂᬤᬶᬗᬶᬦ᭄᭞ᬤᬶᬕᬸᬦᬸᬂᬲᬳᬶᬫᬮᬫ᭄ᬮᬫ᭄᭟ᬦᬄᬜᬳᬶᬚᬸᬫᬄᬚᬦᬶᬧᬤᬶᬤᬶ᭞ᬫᬦᬩ᭄ᬤᬩᬂ᭞ᬩᬦ᭄ᬢᭂᬦ᭄ᬲᭀᬧᬘᬭ᭞ᬩᬩ᭄ᬯᬢᬦ᭄ᬧᬰᬸᬘᬶᬬᬦᬾ᭞
ᬭᬾᬄᬜᬳᬶᬲᬸᬩᬫᬜ᭄ᬚᬸᬲ᭄᭞ᬳᬶᬘᬂᬫᬓᬶᬢᬫᭂᬮᬮᬶ᭞ᬩᬋᬂᬳᬚᬓ᭄ᬳᬶᬲᭂᬓᬭ᭄᭞ᬗᬮᬂᬮᬂᬯᬸᬮᬗᬸᬦ᭄᭞ᬤᬶᬢᬫᬦ᭄ᬲᬫ᭄ᬩᬶᬮᬂᬗᬮᬧ᭄᭞ᬩᬸᬗᬦ᭄ᬧᬘᬄ᭞ᬫᭂᬦ᭄ᬤᭂᬧ᭄ᬗᬸᬦ᭄ᬢᬸᬮ᭄ᬜᭀᬫᬦ᭄ᬲᬭᬶ᭞ᬜᬍᬦᭂᬕᬂᬢᬦ᭄ᬧᬗᬸᬘᬧ᭄᭟ᬮᬶᬗ᭄ᬲᬶᬃᬲᬜ᭄ᬚᬳᬶᬤᬭᬵᬚᬧᬸᬢ᭄ᬭᬶ᭞ᬫᬲᬲᬜ᭄ᬚᬦ᭄᭞
ᬲᬋᬂᬫᬥᬾᬲᭂᬓᬭ᭄᭞ᬫᬭᬶᬂᬢᬫᬦ᭄ᬧᬮᬸᬗᬦᬾ᭞ᬫᬮᬶᬗ᭄ᬕᬶᬄᬤᬸᬳᬸᬃᬩᬢᬸ᭞ᬓᬤᬸᬓ᭄ᬓᬮᬗᭃᬦ᭄ᬫᬗᬓ᭄ᬱᬶ᭞ᬲᭂᬓᬭᬾᬫᭂᬂᬧᭂᬂᬓᭂᬫ᭄ᬩᬂ᭞ᬩᬮᬾᬤᬗᬶᬦ᭄ᬓᬬᬸᬦ᭄᭞ᬫᬥᬾᬲᭂᬓᬃᬓᬧᬶᬗᭀᬦᬦ᭄᭞ᬭᬾᬄᬫᬶᬭᬕ᭄ᬬᬂ᭞ᬭᬶᬂᬢᬸᬓᬤᬾᬯᬾᬦ᭄ᬢᭂᬦ᭄ᬕᭂᬦ᭄ᬤᬶᬂ᭞ᬗᬲᬶᬳᬲᬶᬄᬗᭂᬮ᭠
ᬤ᭄ᬧ᭄ᬭᬡ᭟ᬫᬥᬾᬲᭂᬓᬃᬳᬕᬾᬫᬵᬢᬹᬃᬳᬭᬶᬲ᭄᭞ᬭᬶᬂᬲᬂᬤᬶᬬᬄ᭞ᬤᬸᬭᬸᬲᬂᬧᬶᬋᬗᬂ᭞ᬲᬧᬲᬶᬭᬭᬶᬂᬢᬸᬓᬤᬾ᭞ᬫ᭠ᬕᭂᬦ᭄ᬤᬶᬂᬲᬤᬢᬗ᭄ᬮᬸᬲ᭄᭞ᬫᬶᬦᬩ᭄ᬢᬦ᭄ᬮᬶᬬᬦ᭄ᬫᭂᬦᬯᬶ᭞ᬭᬶᬂᬳᬶᬧᬸᬦ᭄ᬓᬵᬫᬚᬬ᭞ᬫᬶᬂᬲᬶᬓᬶᬦ᭄ᬳᬶᬭᬢᬸ᭞ᬧᬃᬡ᭄ᬦᬦ᭄ᬢᬶᬢ᭄ᬬᬂᬓᬲᭂᬩᭂᬢᬦ᭄᭞ᬫᬲᭂᬮ᭄ᬲᭂᬮᬦ᭄᭞ [ 81 ][᭘᭐ 80B]
᭘᭐
ᬭᬵᬚᬧᬸᬢ᭄ᬭᬶᬮᬸᬢ᭄ᬫᬢᬗᬶ᭞ᬕᬕᬾᬲᭀᬦ᭄ᬗᭂᬲᬾᬗᬂᬓᬃᬡ᭄ᬦ᭟ᬚᬦ᭄ᬢᭂᬦ᭄ᬓᬧᬶᬋᬂᬲᬵᬫ᭄ᬧᬸᬦ᭄ᬦᬾᬫᬗ᭄ᬓᬶᬦ᭄᭞ᬓᬵᬫᬚᬬ᭞ᬭᬶᬂᬢᬸᬓᬤ᭄ᬗᬍᬗ᭄ᬕᬓ᭄᭞ᬗᬲᬶᬳᬲᬶᬄᬲᬲᬫ᭄ᬩᬢᬾ᭞ᬜᭂᬮ᭄ᬲᭂᬮᬂᬤᬾᬯᬾᬓ᭄ᬮᬘᬸᬭ᭄᭞ᬭᬵᬚᬧᬸᬢ᭄ᬭᬶᬓᬶᬲᬶᬓᬶᬲᬶ᭞ᬦᬄᬚᬮᬦ᭄ᬧᬤᬶᬗᭂᬳᬂ᭞ᬤᬶᬳᬩᬶᬗᬾ᭠
ᬜᬭᬸ᭞ᬳᬧᬂᬢ᭄ᬯᬭᬓᬢᬗᭂᬳᬦ᭄᭞ᬳᬚᬓ᭄ᬤᬤ᭄ᬯ᭞ᬓᬵᬫᬚᬬᬢᬍᬃᬓᬵᬭᬶ᭞ᬫᬕᭂᬦ᭄ᬤᬶᬂᬫᬲᬲᬯᬗᬦ᭄᭟ᬥᬹᬄᬲᬸᬲᬸᬳᬸᬦᬦ᭄ᬲᬂᬓᬤᬶᬭᬝᬶᬄ᭞ᬜᬮᬦ᭄ᬢᬭ᭞ᬘᬶᬗᬓ᭄ᬭᬢᬸᬢᬶᬢ᭄ᬬᬂ᭞ᬗᬲᬶᬳᬲᬶᬄᬭᬶᬂᬢᬸᬓᬤᬾ᭞ᬗᬚᬧ᭄ᬮᬾᬤᬂᬳᬶᬭᬢᬸ᭞ᬗᬸᬭᬶᬧᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭠
ᬤᬸᬭᬸᬲᬂᬗᬶᬘ᭄ᬙᬾᬦ᭄ᬢᬫ᭄ᬩ᭞ᬫᬗ᭄ᬤᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬢᬶᬢ᭄ᬬᬂᬳᬸᬩᬸᬄᬫᬾᬫᬾᬩᬧ᭞ᬓᬲᬓᬶᬢᬦ᭄᭞ᬧᭂᬢᭂᬂᬍᬫᬄᬦᬦ᭄ᬤᬂᬲᭂᬤᬶᬄ᭞ᬲᬢᬢᬫᬗ᭄ᬕᬸᬄᬤᬸᬄᬓᬶᬢ᭟ᬓᬳᬬᭀᬦ᭄ᬳᬶᬭᬢᬸᬢᬦ᭄ᬧᬢᬦ᭄ᬤᬶᬂ᭞ᬳᬗᭀᬩ᭄ᬢᬶᬢ᭄ᬬᬂ᭞ᬗᬲᭀᬭᬂᬲᬚᬕᬢ᭄᭞ᬗᬯᬾᬳᬸᬮᬗᬸᬦ᭄ᬫᬦ᭠
ᬳᬾ᭞ᬢᬦ᭄ᬧᬾᬦ᭄ᬤᬄᬕᬶᬭᬶᬯᬥᬹ᭞ᬗᬯᬢᬭᬭᬶᬂᬫᬵᬲ᭄ᬫᬡᬶᬓ᭄᭞ᬳᬸᬮᬧ᭄ᬢᬶᬢ᭄ᬬᬂᬗᬦ᭄ᬢᭂᬦᬂ᭞ᬫᬢᭂᬫᬳᬦ᭄ᬮᬶᬂᬮᬸᬂ᭞ᬧᬸᬭᬸᬦ᭄ᬢᬶᬢ᭄ᬬᬂᬗᬯᬢᬗᬂ᭞ᬲᬂᬫᬢᬧ᭞ᬚᬦ᭄ᬢᭂᬦ᭄ᬧᬘᬂᬩᬸᬤᬸᬄᬧᬮᬶᬂ᭞ᬜᬶᬗᬓ᭄ᬓᬳᬬᭀᬦ᭄ᬫᬵᬲ᭄ᬫᬶᬭᬄ᭟ᬧᬫᬸᬮᬸᬦᬾᬳᬮᬸᬲ᭄ᬧᬸᬢᬶᬄᬕᬤᬶᬂ᭞ᬗᬯᬾᬭᬶᬫᬂ᭞

[᭘᭑ 81A]
᭘᭑
ᬳᬗ᭄ᬕᬦᬾᬗᬸᬭᬗ᭄ᬓ᭞ᬬᬦ᭄ᬮᬶᬂᬮᬶᬂᬳᬶᬩᬸᬓ᭄ᬫᬦᬳᬾ᭞ᬓᬵᬮᬭᬢᬸᬫᬯᬶᬤᬸᬄ᭞ᬫᬾᬄᬗᬲᭀᬭᬂᬫᬥᬸᬕᭂᬦ᭄ᬤᬶᬲ᭄᭞ᬭᬶᬳᬦ᭄ᬢᬸᬓ᭄ᬓᬫᬦᬶᬲᬦ᭄᭞ᬘᬘᬶᬗᬓᬾᬩᬮᬸᬢ᭄᭞ᬧᬫᬸᬦᬄᬮᬭᬯᬶᬖᭂᬦ᭞ᬬᬦ᭄ᬲᬯᬗᬂ᭞ᬭᬱᬫᬦᬢᭀᬦᬶᬦ᭄ᬳᬢᬶ᭞ᬓᬮᬡ᭄ᬥᭂᬧᬦ᭄ᬲᬶᬭᬢ᭄ᬫᬬ᭟ᬬᬦ᭄ᬮᬶᬂᬮᬶᬂ
ᬘᭀᬓᭀᬭᬾᬧᬸᬢᬶᬄᬕᬤᬶᬂ᭞ᬓᬤᬶᬕᭂᬤᬄ᭞ᬫᬫᬸᬤᬓ᭄ᬘᬶᬦᬕ᭞ᬥᬹᬄᬓᬫ᭄ᬭᭀᬲᬦ᭄ᬧᬸᬧᬹᬦᬾ᭞ᬗᬯᬾᬦᬂᬢᬶᬢ᭄ᬬᬂᬳᬶᬗᬸᬄ᭞ᬓᬮᬸᬮᬸᬢᬦ᭄ᬩᬸᬤᬸᬄᬧᬮᬶᬂ᭞ᬭᬶᬓᬵᬮᬦᬶᬂᬫᬫᬵᬃᬕ᭄ᬕ᭞ᬢᬬᬸᬗᬦᬾᬍᬫᬸᬄ᭞ᬓᬤᬶᬩᬸᬲᬸᬗᬾᬳᬫ᭄ᬧᬸᬢᬂ᭞ᬲᬯᬂᬫᬹᬓ᭄ᬱᬄ᭞ᬫᬓᬦ᭄ᬢᭂᬦ᭄ᬲᬸᬲᬸ᭠
ᬦᬾᬭᬸᬧᬶᬢ᭄᭞ᬗᬲᭀᬭᬂᬜᬸᬄᬕᬥᬶᬂᬓᭂᬫ᭄ᬩᬭ᭄᭟ᬓᬵᬮᬦᬶᬂᬫᬫᬸᬢᬸᬲ᭄ᬜᬶᬯᬮᬢ᭄ᬭᬶ᭞ᬗᬲ᭄ᬢᬸᬗ᭄ᬓᬵᬭ᭞ᬲᬗ᭄ᬳ᭄ᬬᬂᬧ᭄ᬭᬫᬰᬶᬯ᭞ᬳᭀᬲᬄᬲᬤᬕᬶᬂᬲ᭄ᬯᬃᬕ᭄ᬕᬦᬾ᭞ᬗᬸᬜ᭄ᬘᬭᬂᬳᬲ᭄ᬣᬸᬧᬸᬗ᭄ᬓᬸ᭞ᬧᬗ᭄ᬮᭂᬩᬸᬭᬦ᭄ᬫᬵᬮᬤᭂᬓᬶᬮ᭄᭞ᬓᬲᭀᬩ᭄ᬢᬶᬢ᭄ᬬᬂᬗᬦ᭄ᬢᭂᬦᬂ᭞ᬓᬵᬮᬦᬶᬂᬗᬍᬲᬸ᭞ᬲᬤᬧᬗᬶ
ᬤ᭄ᬗᬶᬮᬸᬢ᭄ᬫᬥ᭄ᬬ᭞ᬫᬕᭀᬮᬾᬭᬦ᭄᭞ᬗᬲᭀᬭᬂᬕᬥᬸᬂᬓᬲ᭄ᬢᬸᬭᬶ᭞ᬲᬶᬧᬢᬂᬭᬶᬂᬓᬍᬫᬸᬳᬦ᭄᭟ᬳᬫ᭄ᬩᬢ᭄ᬮᭂᬕᬦᬾᬗᬶᬭᬶᬂᬫᬵᬲ᭄ᬫᬡᬶᬓ᭄᭞ᬭᬶᬂᬧᬫᬺᬫᬦ᭄᭞ᬜᭂᬧᬸᬓᬂᬱᬤ᭄ᬭᬱ᭞ᬭᬱᬦᬸᬫᭀᬦᬂᬲ᭄ᬯᬃᬕ᭄ᬕᬦᬾ᭞ᬓᬧᬶᬗᭀᬦ᭄ᬭᬾᬄᬳᬸᬮᬗᬸᬦ᭄᭞ᬓᬤᬶᬳᬗ᭄ᬕᬦᬶᬂᬫᬗᬶᬧᬶ᭞ [ 82 ][᭘᭑ 81B]
᭘᭑
ᬫᬶᬦ᭄ᬢᬃᬓᬕᬸᬦᬸᬂᬳᬮᬲ᭄᭞ᬗᬶᬭᬶᬂᬲᬂᬤ᭄ᬬᬄᬳᬬᬸ᭞ᬭᬶᬂᬢᬶᬗ᭄ᬕᬭᬾᬫᬘᬘᬶᬗᬓ᭄᭞ᬲᬃᬯ᭄ᬯᬲᭂᬓᬃ᭞ᬲᬓᬾᬂᬤᭀᬄᬫᬓᬦ᭄ᬢᭂ᭠ᬦ᭄ᬧᬲᬶᬄ᭞ᬳᭀᬫ᭄ᬩᬓ᭄ᬫᬕᬸᬮᬸᬂᬕᬸᬮᬸᬗᬦ᭄᭟ᬤᬾᬦᬶᬂᬫᬤᬹᬃᬕ᭄ᬕᬫᬭᬶᬂᬧᬫᬃᬕ᭄ᬕᬶ᭞ᬳᬮᬲ᭄ᬯᬬᬄ᭞ᬗᬮᬶᬦ᭄ᬢᬗᬶᬦ᭄ᬢᬸᬓᬤ᭄᭞ᬧᬾᬢ᭄ᬚᬦ᭄ᬢᭀᬲ᭄ᬮᭂᬲᬸᬓ
ᬬᬸᬦᬾ᭞ᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄ᬦᬸᬦ᭄ᬢᬸᬦ᭄᭞ᬧᬾᬢ᭄ᬓᬧᬦᬲᬦ᭄ᬭᬶᬂᬫᬵᬃᬕ᭄ᬕᬶ᭞ᬗᬶᬭᬶᬂᬲᬋᬂᬫᬭᬵᬃᬬ᭄ᬬᬦ᭄᭞ᬭᬶᬂᬕᭂᬦᬳᬾᬤᬬᬸᬄ᭞ᬲᬃᬯ᭄ᬯᬶᬫᬘᬦ᭄ᬤᬘᬦ᭄ᬤᬬᬦ᭄᭞ᬫᬸᬭᬸᬧ᭄ᬲᭂᬧᬄ᭞ᬜᬶᬘᬶᬧᬶᬦ᭄ᬮᬫ᭄ᬩᬾᬦᬾᬫᬦᬶᬲ᭄᭞ᬲᬵᬢ᭄ᬫᬓᬢᬫ᭄ᬩᬓᬲᬢᬦ᭄᭟ᬫᬵᬲ᭄ᬫᬶᬭᬄᬧᬶᬦᬓᬘᬸᬧᬸᬫᬡᬶᬓ᭄
᭞ᬭᬶᬂᬲᬵᬕᬭ᭞ᬫᬥᬸᬳᬸᬧᬫᬶᬦ᭄ᬜ᭞ᬫᬕᬸᬦᬸᬂᬕᭂᬦ᭄ᬤᬶᬲ᭄ᬩᬢᬸᬦᬾ᭞ᬫᬚᬸᬭᬂᬳᬲᬶᬄᬮᬸᬮᬸᬢ᭄᭞ᬧᬧᬸᬧᬸᬮᬦ᭄ᬲᬃᬯ᭄ᬯᬧᬶᬗᬶᬢ᭄᭞ᬭᬸᬗ᭄ᬓᬬᬦ᭄ᬫᬮᬓ᭄ᬱᬡ᭞ᬕᬸᬫᭂᬦ᭄ᬢᭀᬲ᭄ᬓᬧᬗ᭄ᬕᬸᬄ᭞ᬫᬾᬄᬓᬋᬩᬸᬢ᭄ᬩᬲᭀᬂᬳᬚᬕ᭄᭞ᬲᬶᬗ᭄ᬳᬯᬭᬓ᭄᭞ᬬᬢ᭄ᬦᬇᬭᬶᬓᬫᬓᭂᬫᬶᬢ᭄᭞ᬩ᭄ᬯᬬ
ᬉᬮᬬᬢ᭄ᬦᬗᬤᬂ᭟ᬤᬸᬭᬸᬲ᭄ᬧᬥᭂᬫ᭄‌‌ᬬᬦ᭄ᬧᬸᬭᬸᬦ᭄ᬦᬫ᭄ᬧᭂᬓᬶᬦ᭄᭞ᬫᬢᭂᬮᬲᬦ᭄᭞ᬤᭀᬄᬧᬭᬜᬶᬤ᭄ᬥᬬᬂ᭞ᬬᬦᭀᬭᬳᬲᬸᬂᬯᬶᬤ᭄ᬥᬶᬦᬾ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬧᬶᬢᬸᬤᬸᬄ᭞ᬚᬮᬭᬦ᭄ᬲᬶᬤ᭄ᬥᬫᬗ᭄ᬕᬶᬳᬶᬦ᭄᭞ᬕᭂᬦᬳᬾᬫᬤᬹᬃᬕ᭄ᬕᬫ᭞ᬦᬶᬜ᭄ᬘᬧ᭄ᬓᭀᬭᬶᬳᬕᬸᬂ᭞ᬤᬸᬭᬸᬲ᭄ᬧ᭠

[᭘᭒ 82A]
᭘᭒
ᬥᭂᬫ᭄ᬚᬮᬦ᭄ᬫᬸᬮ᭞ᬓᬢᬸᬫ᭄ᬩᬓᬦ᭄᭞ᬳᬦ᭄ᬢᬸᬓ᭄ᬲᬂᬬᬢ᭄ᬦᬫᬓᭂᬫᬶᬢ᭄᭞ᬚᬦ᭄ᬢᭂᬦ᭄ᬢᬦ᭄ᬓᬲᬶᬤ᭄ᬥᬾᬂᬮᬫ᭄ᬧᬄ᭟ᬓᬤᬶᬦᬶᬓᬫᬭᬵᬃ᭠ᬬ᭄ᬬᬦ᭄ᬫᬕᭂᬦ᭄ᬤᬶᬂ᭞ᬓᬵᬫᬚᬬ᭞ᬲᬫ᭄ᬩᬶᬮᬂᬫᭂᬫᭂᬫᬦ᭄᭞ᬗᬲᬶᬳᬲᬶᬄᬭᬶᬂᬢᬸᬓᬤᬾ᭞ᬳᬶᬦᬩ᭄ᬢᬦ᭄ᬯᬾᬦ᭄ᬢᭂᬦ᭄ᬭᬸᬗᬸ᭞ᬩᬤᬸᬳᬸᬃᬯᬾᬦ᭄ᬢᭂᬦ᭄ᬦᬾᬗᬶᬦ᭄ᬢᬶᬧ᭄᭞
ᬭᬵᬚᬧᬸᬢ᭄ᬭᬶᬫᬮᭀᬦᬦ᭄᭞ᬫᬓᬯᭀᬦ᭄ᬮᬸᬫᬓᬸ᭞ᬲᬋᬂᬫᬥᬾᬲᭂᬓᬃᬓᬾᬲᬄ᭞ᬓᬧᬤᬸᬓ᭄ᬯᬦ᭄᭞ᬓᬗᭂᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬫᬶᬋᬂᬕᭂᬦ᭄ᬤᬶᬂᬓᬵᬫᬚᬬ᭟ᬲᬵᬫ᭄ᬧᬸᬦ᭄ᬭᬯᬸᬄᬳᬶᬤᬭᬵᬚᬧᬸᬢ᭄ᬭᬶ᭞ᬭᬶᬂᬧᬤᬸᬓ᭄ᬯᬦ᭄᭞ᬲᬋᬂᬫᬥᬾᬲᭂᬓᬭ᭄᭞ᬢᬦ᭄ᬫᬭᬶᬲᬸᬗ᭄ᬲᬸᬢ᭄ᬓᬬᬸᬦᬾ᭞᭠
ᬜᭀᬫᬦ᭄ᬲᬭᬶᬫᬢᬶᬫ᭄ᬧᬸᬄ᭞ᬦᬸᬦᬲᬂᬭᬶᬂᬭᬵᬚᬧᬸᬢ᭄ᬭᬶ᭞ᬫᬓᬵᬯᬶᬦᬦ᭄ᬲᬸᬗ᭄ᬓᬯ᭞ᬧᬸᬦᬧᬶᬓᬧᬗ᭄ᬕᬸᬄ᭞ᬭᬵᬚᬧᬸᬢ᭄ᬭᬶᬫᬯ᭠ᬘᬦ᭞ᬫᬶᬤᬃᬢ᭄ᬢᬬᬂ᭞ᬓᬵᬫᬚᬬᬗᬲᬶᬳᬲᬶᬄ᭞ᬤᬶᬢᬸᬓᬤᬾᬫᬲᭂᬮ᭄ᬲᭂᬮᬦ᭄᭟ᬢ᭄ᬯᬭᬮᬾᬦᬦ᭄ᬗᬫᬾᬳᬫᬾᬜᬳᬶ᭞ᬳᬚᬓ᭄ᬤᬤ᭄ᬯ᭞᭠
ᬗᭀᬤᬬᬲᬢᬢ᭞ᬓᬦ᭄ᬢᬶᬩᬸᬤᬸᬄᬩᬦ᭄ᬮᬶᬂᬮᬸᬗᬾ᭞ᬢᬦ᭄ᬲᬄᬬᬫᭂᬭᬄᬫᭂᬭᬸᬄ᭞ᬬᬦ᭄ᬢ᭄ᬯᬭᬦᭂᬧᬸᬓᬶᬦ᭄ᬜᬳᬶ᭞ᬦᬾᬚᬦᬶᬮᬓᬃᬓᬸᬤ᭄ᬬᬂ᭞ᬓᬤᬸᬂᬲᬸᬩᬳᬶᬗᬸᬄ᭞ᬓᬵᬫᬚᬬᬓᬲᭂᬫᬭᬦ᭄᭞ᬓᬮᬸᬮᬸᬢᬦ᭄᭞ᬬᬦ᭄ᬢ᭄ᬯᬭᬜᬳᬶᬗᭀᬮᬲᬶᬦ᭄᭞ᬲᬶᬂᬜᬗᭂᬮᬫ᭄ᬧᬸᬲᬂ [ 83 ][᭘᭒ 82B]
᭘᭒
ᬳᬯᬓ᭄᭟ᬧᬤᬍᬫ᭄ᬬᬮᭀᬕᬲ᭄ᬦᬕᬶᬄᬫᬵᬢᬶ᭞ᬦᬸᬢᬭᬸᬡ᭞ᬩᬲ᭄ᬳᬶᬘᬂᬫᬫᬶᬲᬦ᭄᭞ᬩᬋᬂᬜᭂᬩᭂᬢᬂᬲᬓᬶᬢ᭄ᬦᬾ᭞ᬫᬓᬶᬢᬫᬲᬶᬄᬦᬸᬮᬸᬂ᭞ᬬᬾᬦ᭄ᬜᬳᬶᬗᬶᬥᭂᬧᬂᬫᬸᬜᬶ᭞ᬤᭀᬂᬜᬓᬶᬦ᭄ᬓᬸᬤᬳᬶᬬ᭞ᬬᬤ᭄ᬬᬧᬶᬦ᭄ᬫᬫᬤᬸ᭞ᬳᬚᬓ᭄ᬤᬤ᭄ᬯᬳᬘᭂᬧᭀᬓᬦ᭄᭞ᬫᬓᬸᬋᬦ᭠
ᬦ᭄᭞ᬚᬦᬶᬳᬶᬘᬂᬗᬳᬾᬢᬸᬮᬶᬲ᭄᭞ᬳᬧᬂᬬᬲᬦ᭄ᬢᭂᬧ᭄ᬗᬶᬥᭂᬧᬂ᭟ᬲᬂᬓᬤᬯᬸᬳᬦ᭄ᬓᭂᬦ᭄ᬤᭂᬮ᭄ᬢᬦ᭄ᬲᬶᬧᬶ᭞ᬫᬗᬸᬦ᭄ᬢᬸᬮᬂ᭞ᬫᭂᬦ᭄ᬤᭂᬧ᭄ᬢᬦ᭄ᬧᬗᬸᬘᬧ᭄᭞ᬜᬦ᭄ᬢᭀᬲᬂᬧᬸᬧᬸᬢ᭄ᬲᬸᬭᬵᬢᬾ᭞ᬕᬕ᭄ᬮᬶᬲᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬧᬶᬲᬭᬜᭀᬫᬦ᭄ᬲᬭᬶ᭞ᬫᬓ᭄ᬢᬢᬹᬃᬦᬭᬶᬫᬬᬂ᭞ᬭᬶᬓᬵᬮ
ᬦᬶᬂᬲᬸᬯᬸᬂ᭞ᬓᬵᬫᬚᬬᬲᭂᬤᭂᬓ᭄ᬦᭂᬕᬓ᭄᭞ᬧᬤᬾᬯᬾᬓᬦ᭄᭞ᬢᬶᬦᬭᬶᬫᬓᬂᬋᬋᬧᬶ᭞ᬧᬶᬦᬘᬢᭂᬫ᭄ᬩᬂᬲ᭄ᬭᬶᬦᬢ᭟᭜᭟ᬲᬶᬦᭀᬫ᭄᭟᭜᭟ᬤᬸᬄᬳᬫ᭄ᬧᬸᬭᬓᬵᬫᬚᬬ᭞ᬬᬂᬧᭀᬗᬄᬫᬧᬾᬢᬂᬢᬸᬮᬶᬲ᭄᭞ᬓᬩᬢᭂᬓ᭄ᬓᬗᭂᬦ᭄ᬦᬶᬗᭂᬳᬂ᭞ᬕᭂᬦ᭄ᬤᬶᬂᬳᬯᬓᬾᬳᬶ
ᬢᬸᬦᬶ᭞ᬗᬍᬗ᭄ᬕᬓ᭄ᬗᬲᬶᬳᬲᬶᬄ᭞ᬜᭂᬮ᭄ᬲᭂᬮᬂᬤᬾᬯᬾᬓᬾᬮᬘᬸᬭ᭄᭞ᬲᭂᬩᭂᬢ᭄ᬳᬸᬩᬸᬄᬭᬭᬫ᭞ᬫᬶᬭᬶᬩ᭄ᬢᭀᬂᬫᬓᬤᬂᬯᬃᬕ᭄ᬕᬶ᭞ᬫᭂᬭᬄᬫᭂᬭᬸᬄ᭞ᬜᬫ᭄ᬩᬢᬂᬲᬳᬶᬤᬸᬄᬓᬶᬢ᭟ᬤᭀᬂᬳᬧᬲᬚᬫᬓ᭄ᬭᬡ᭞ᬓᬦ᭄ᬢᬶᬜᭂᬮ᭄ᬲᭂᬮ᭄ᬧᬸᬮᬓᬺᬢ᭄ᬢᬶ᭞ᬲᬲᬫ᭄ᬩᬢᬾᬢᬶᬤᭀᬂ

[᭘᭓ 83A]
᭘᭓
ᬢᬶᬤᭀᬂ᭞ᬩᬸᬓᬳᬦᬓᬾᬫᬧᬶᬭᬶᬂ᭞ᬭᬱᬬᬂᬲᬮᬄᬢᬫ᭄ᬧᬶ᭞ᬓᬤᬾᬦ᭄ᬢ᭄ᬯᬭᬳᬤᬭᬸᬗᬸᬫᭂᬢᬓᭂᬄᬲᬮᬄᬳᬸᬮᬢ᭄᭞ᬜᬶᬓ᭄ᬱᬶᬓ᭄ᬩᬸᬮᬸᬢᬦ᭄ᬧᬳᬚᬶ᭞ᬲᬮᬄᬲᭂᬗ᭄ᬕᬸᬄ᭞ᬦ᭄ᬤᬮᬶᬳᬂᬢᭀᬂᬳᬤᬢᬺᬱ᭄ᬡᬵ᭟ᬲᭀᬢᬦᬶᬂᬬᬂᬦᬸᬫᬫᬶᬲᬦ᭄᭞ᬧᬗ᭄ᬓᬄᬚᬦᬶᬫᬶᬢᬸᬢᬸᬭᬶᬦ᭄᭞
ᬫᬧᬶᬦ᭄ᬤᬬᬂᬲᬚᬦᬯᬂ᭞ᬳᬦᬾᬫᬵᬤᬦ᭄ᬩᭂᬦᭂᬄᬧᭂᬮᬶᬄ᭞ᬓᬩᬶᬱᬦᬾᬩᬦ᭄ᬗᬸᬧᬶᬂ᭞ᬫᬶᬢᬸᬢᬸᬭᬶᬦ᭄ᬳᬮᬳᬬᬸ᭞ᬍᬓᬤ᭄ᬤᬤᬶ᭠ᬫᬵᬦᬹᬱ᭞ᬢ᭄ᬯᬭᬲᬶᬤ᭄ᬥᬩᬦ᭄ᬗᭂᬮᬶᬤᬶᬦ᭄᭞ᬳᬕᭂᬢ᭄ᬮᬘᬸᬭ᭄᭞ᬧᬗᭂᬦ᭄ᬤᬦᬶᬂᬧᬸᬦᬃᬪᬵᬯ᭟ᬢ᭄ᬯᬭᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬩᬳᬦᬾᬍᬓᬤ᭄ᬧ᭠
ᬤᬶᬤᬶ᭞ᬫᬕᭀᬩᬳᬩᬸᬢ᭄ᬧᬗᬾᬲᬦ᭄᭞ᬢᬦ᭄ᬧᬓᬤᬂᬢᬦ᭄ᬧᬯᬃᬕ᭄ᬕᬶ᭞ᬦᭀᬗᭀᬲ᭄ᬤᬶᬕᬸᬦᬸᬂᬗᭂᬫ᭄ᬧᬶ᭞ᬫᭂᬕᬭᬧᬦ᭄ᬢᬦᬶ᭠ᬫᬫ᭄ᬧᬸᬄ᭞ᬲᬳᬶᬫᬗ᭄ᬕᬸᬭᬗ᭄ᬕᬸᬭᬦ᭄᭞ᬓᬧᬶᬲᬕᬧᭂᬲᬸᬫᬸᬮᬶᬄ᭞ᬫᭂᬥᭂᬫ᭄ᬩᬗᬸᬦ᭄᭞ᬫᭂᬫᬗᭂᬦᬂᬩᭂᬢᭂᬓ᭄ᬮᬬᬄ᭟ᬫᬲᬶᬄᬳᬤᬦᬾᬜᭂᬫ᭄ᬲᭂᬫᬂ᭞᭠
ᬳᬲᬶᬂᬲᭀᬮᬳᬂᬚᬕ᭄ᬧᭂᬮᬶᬄ᭞ᬧᬶᬢᬸᬯᬶᬲᬸᬩᬫᬢᬢ᭞ᬢᬳᬸᬢᭂᬓᬾᬦ᭄ᬤᬾᬯᬾᬓ᭄ᬕᬸᬤᬶᬕ᭄᭞ᬫᬫ᭄ᬮᬧᬦᬶᬦ᭄ᬫᬫᬸᬜᬶ᭞ᬫᬲᬶᬄᬢ᭄ᬯᬭᬳᬤᬘᬸᬫ᭄ᬧᬸ᭞ᬲᬶᬂᬜᬓᬫᬸᬮᬦ᭄ᬤᬸᬤᭀᬂ᭞ᬢ᭄ᬯᬭᬦᬯᬂᬩᭂᬦᭂᬄᬧᭂᬮᬶᬄ᭞ᬚᬮᬦ᭄ᬭᬸᬭᬸᬄ᭞ᬓᬧᬵᬢᬹᬢᬦᬾᬤᬶᬳᬯᬓ᭄᭟‌ [ 84 ][᭘᭓ 83B]
᭘᭓
ᬤᬾᬯᬾᬓᬾᬫᬮᬸᬧᭂᬤᬲᬂ᭞ᬲᬶᬂᬜᬩᭂᬓᭂᬮᬾᬤᬸᬫᬤᬶ᭞ᬰᬵᬲ᭄ᬢ᭄ᬭᬩᬦ᭄ᬤᬸᬂᬲᬮᬄᬳᭂᬗ᭄ᬕᭀᬦ᭄᭞ᬗ᭄ᬭᬡᬬᬂᬮᬘᬸᬭᬾᬚ᭠ᬦᬶ᭞ᬚᭂᬦᭂᬂᬫᬲᬸᬭᬵᬢ᭄ᬤᭀᬭᬶ᭞ᬰᬵᬲ᭄ᬢ᭄ᬭᬦᬾᬳᬶᬮᬶᬤᬶᬦ᭄ᬧᬸᬦᬸᬓ᭄᭞ᬩᭂᬢᬾᬦ᭄ᬳᬶᬮᬶᬤᬶᬦ᭄ᬕᭀᬦ᭄ᬤᭀᬂ᭞ᬤᬶᬧᬩᬳᬦ᭄ᬩᭀᬓ᭄ᬗᬶᬮᬶᬤᬶᬦ᭄᭞ᬢ᭄ᬯᬭᬭᬸᬗᬸ᭞
ᬚᭂᬦᭂᬂᬢᭀᬂᬫᬩᭂᬓᭂᬮ᭄ᬰᬵᬲ᭄ᬢ᭄ᬭ᭟ᬤᭂᬧᬂᬓᬾᬳᬸᬘᬧᬦ᭄ᬰᬵᬲ᭄ᬢ᭄ᬭ᭞ᬤᬶᬢᬸᬢᬹᬃᬬᬤᬶᬦ᭄ᬓᬓᬯᬶᬦ᭄᭞ᬬᬦ᭄ᬮᭂᬓᬤ᭄ᬤᬤᬶᬫᬵᬦᬹᬱ᭞ᬩᬚᬂᬢᬸᬯᬮᬳᬸᬢ᭄ᬫᬵᬢᬶ᭞ᬤ᭄ᬯᬦᬶᬂᬲᭂᬓᭂᬦᬂᬚᬦᬶ᭞ᬫᭂᬮᬚᬄᬫᬸᬂᬧᬸᬂᬦᬸᬳᬶᬤᬸᬧ᭄᭞ᬲᬗᬸᬦ᭄ᬳᬸᬭᬶᬧᬾᬮᬦ᭞ᬢᬸᬦᬲ᭄ᬭᬶᬂᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬲᬶᬤ᭄ᬥᬮᬸᬧᬸᬢ᭄᭞
ᬫᬗ᭄ᬕᬸᬳᬂᬲᬸᬓᬵᬮᬦ᭄ᬤᬸᬄᬓᬵ᭟ᬓᬮᬶᬦ᭄ᬤᭂᬭᬂᬧᬸᬦᬃᬪᬵᬯ᭞ᬲᬗ᭄ᬓᬦ᭄ᬫᬩᬮᬶᬓ᭄ᬦᬸᬫᬶᬢᬶᬲ᭄᭞ᬦᬫ᭄ᬧᭂᬤᬂᬲᬸᬓᬵᬮᬦ᭄ᬤᬸᬄᬓᬵ᭞᭠ᬭᬾᬄᬤᭂᬫᭂᬦ᭄ᬦᭀᬗᭀᬲᬶᬦ᭄ᬕᬸᬫᬶ᭞ᬱᬤ᭄ᬭᬱᬦᬾᬜᬸᬲᬸᬧᬶᬦ᭄᭞ᬗᬫᭂᬍᬤᬂᬧᬗᬦ᭄ᬓᬶᬦᬸᬫ᭄᭞ᬬᬾᬦ᭄ᬩᬕ᭄ᬬᬤᬤᬶᬫᬵᬦᬹᬱ᭞ᬮᬘᬸᬭ᭠
ᬦ᭄ᬤᬤᬶᬓᬸᬫᬶᬢᬶᬧ᭄᭞ᬓᬬᬸᬓᬬᬸ᭞ᬫᭂᬦ᭄ᬢᬶᬓ᭄ᬤᬶᬕᬸᬦᬸᬂᬤᬶᬤᬾᬰ᭟ᬳᬧᬂᬲᬶᬤ᭄ᬥᬯᭂᬓᬲ᭄ᬲᬸᬧᬢ᭄᭞ᬳᬸᬮᬶᬚᬦᬶᬚ᭄ᬯᬓᭂᬦᭂᬳᬶᬦ᭄᭞ᬰᬵᬲ᭄ᬢ᭄ᬭᬦᬾᬳᬗ᭄ᬕᭀᬦ᭄ᬧᭂᬗᬜ᭄ᬘᬦ᭄᭞ᬧᭂᬢᭂᬂᬍᬫᬄᬧᭂᬮᬚᬳᬶᬦ᭄᭞ᬤᬶᬳᬯᬓᬾᬕᬩᬕᬶᬦ᭄᭞ᬦᬾᬗ᭄ᬭᬡᬬᬂᬳᬮᬳᬬᬸ᭞ᬬ

[᭘᭔ 85A]
᭘᭔
ᬦ᭄ᬢᬓᭀᬘᬧᬹᬢ᭄ᬢᬫ᭞ᬫᬲᬸᬭᬵᬢ᭄ᬤᬶᬕᬶᬤᬢ᭄ᬫᭂᬮᬶᬓ᭄᭞ᬦᬵᬗ᭄ᬳᬶᬂᬮᬘᬸᬭ᭄᭞ᬢᭀᬂᬳᬤᬩᬶᬱᬫᬫᬘ᭟ᬤᬾᬦᬶᬂᬫᬰᬵᬲ᭄ᬢ᭄ᬭ᭠ᬧ᭄ᬭᬦᬵᬯ᭞ᬧᬸᬡ᭄ᬥᬭᬶᬓᬓᬸᬡ᭄ᬥᬮᬶᬡᬷ᭞ᬉᬢ᭄ᬧ᭄ᬢᬶᬲ᭄ᬣᬶᬢᬶᬧ᭄ᬭᬮᬷᬡ᭞ᬧᬗᭂᬫ᭄ᬧᬢ᭄‌‌ᬒᬁᬓᬵᬭᬧᬢᬶ᭞ᬘᬢᬹᬃᬬᬸᬕᬤᬶᬕᬸᬫᬶ᭞ᬦᬾᬗᬚᬭᬂᬳᬮᬳᬬᬸ᭞
ᬓᬓᭂᬦᬦ᭄‌‌ᬲᬺᬱ᭄ᬝᬶᬮᬷᬡ᭞ᬲᬓᬜ᭄ᬘᬦᬶᬂᬳᬕᬸᬂᬳᬮᬶᬢ᭄᭞ᬯᭂᬓᬲ᭄ᬲᬸᬭᬸᬧ᭄᭞ᬫᬸᬮᬶᬄᬓᬚ᭄ᬭᭀᬦᬶᬂᬧ᭄ᬭᬥᬦ᭟ᬳᬯᬦᬦ᭄ᬓ᭠ᬳᬸᬘᬧ᭄ᬢᬸᬗ᭄ᬕᬮ᭄᭞ᬫᬵᬦᬹᬱᬓᬮᬯᬦ᭄ᬕᬸᬫᬶ᭞ᬫᬧᬜᬫ᭄ᬩᬸᬂᬩᬳᬦ᭄ᬰᬵᬲ᭄ᬢ᭄ᬭ᭞ᬫᬤᬯᬸᬳᬦ᭄ᬩᬳᬦ᭄ᬕᬦ᭄ᬢᬶ᭞ᬧ᭄ᬭᬮᬶᬗ᭄ᬕᬦ᭄ᬧ᭄ᬭᬫᬓᬯᬶ᭞ᬲᬹᬓ᭄ᬱᭂᬫᬧᬶᬦᬓᬢᬸ
ᬤᬸᬄ᭞ᬢᬦ᭄ᬧᬯᬶᬢ᭄ᬳᬦᬦᭀᬭ᭞ᬲᬓᬵᬮᬦᬶᬲ᭄ᬓᬵᬮᬚᬢᬶ᭞ᬫᬧᬄᬢᭂᬮᬸ᭞ᬧᬲᬸᬓ᭄ᬯᭂᬢᬸᬦᬶᬗᬓ᭄ᬱᬭ᭟ᬩᬸᬓᬧᬳᬶ᭠ᬤᭂᬭᬦ᭄ᬩᬶᬦ᭄ᬢᬂ᭞ᬢᬢᭂᬗᭂᬃᬳᬶᬍᬳᬦ᭄ᬕᬸᬫᬶ᭞ᬧᬗᬮᬶᬳᬦ᭄ᬢᬗ᭄ᬕᬮ᭄ᬧᬗ᭄ᬮᭀᬂ᭞ᬧᬤᬾᬯᬲᬦ᭄ᬫᬦᬹᬢ᭄ᬰᬰᬶᬄ᭞ᬧᬗᬸᬜᬬᬦ᭄ᬧ᭄ᬭᬣᬶᬣᬶ᭞ᬗᬮᭀᬓᬂᬳ
ᬮᬮᬦ᭄ᬳᬬᬸ᭞ᬫᬩᬦ᭄ᬢᬂᬘᬢᬹᬃᬬᬸᬕ᭞ᬭᬄᬢᭂᬗ᭄ᬕᭂᬓ᭄ᬫᬦᬫ᭄ᬧᬶᬓᬵᬮᬶ᭞ᬕᬦ᭄ᬢᬶᬲᬸᬭᬸᬧ᭄᭞ᬓᬺᬢ᭄ᬣᬬᬸᬕᬮᬦ᭄ᬤ᭄ᬯᬧᬭ᭟ᬲ᭠ᬗ᭄ᬓᬦ᭄ᬳᬤᬭ᭄ᬯᬪᬶᬦᬾᬤ᭄ᬥ᭞ᬧᬵᬯᬓᬦ᭄ᬧᬢᬶᬮᬦ᭄ᬳᬸᬭᬶᬧ᭄᭞ᬕᭀᬩᬬᬂᬤᬾᬯᬮᬦ᭄ᬓᬵᬮ᭞ᬥᬃᬫ᭄ᬫᬮᬦ᭄ᬫᭀᬫᭀᬫᬲᬦ᭄ᬤᬶᬂ᭞ᬫᬶᬤᭂᬭᬦ᭄ᬫᬦᬹ᭠ [ 85 ][᭘᭔ 84B]
᭘᭔
ᬢ᭄ᬭᬱᬶ᭞ᬩᭂᬢᬾᬦ᭄ᬢᭂᬓᬾᬦᬶᬂᬩᬤᬸᬳᬸᬭ᭄᭞ᬧᬶᬜ᭄ᬘᭂᬭᬂᬘᬢᬹᬃᬬᬸᬕ᭞ᬓᭀᬦᬾᬧᬦᬮᬶᬓᬦ᭄ᬕᬸᬫᬶ᭞ᬩᬬᬢᬸᬤᬸᬄ᭞ᬤᬾ᭠ᬯᬦᬾᬦᭀᬗᭀᬲ᭄ᬩᭂᬢᬾᬦᬦ᭄᭟ᬓᬥᬃᬫ᭄ᬫᬦᬾᬓᬢᭂᬢᭂᬳᬦ᭄᭞ᬕᬦ᭄ᬢᬶᬓᬵᬮᬦᬾᬫᬫᬹᬃᬢ᭄ᬢᬶ᭞ᬳᬲᬶᬂᬫᬲᬸᬭᬵᬢᬹᬢ᭄ᬢᬫ᭞ᬢ᭄ᬯᬭᬳᬤ
ᬫᬗᬶᬢᬸᬗᬶᬦ᭄᭞ᬯᬢᭂᬓᬹᬢ᭄ᬢᬫᬪᬱ᭄ᬫᬶ᭞ᬲᬕᬸᬡᬦ᭄ᬳᬯᬓᬾᬍᬢᬸᬄ᭞ᬦᬾᬰᬸᬘᬶᬫᬯᭀᬃᬭᭀᬫᭀᬦ᭄᭞ᬳᬦᬾ᭠ᬭᬶᬭᬶᬄᬢᬦ᭄ᬧᬳᬚᬶ᭞ᬳᭀᬜᬢᬫ᭄ᬧᬸ᭞ᬲᬚᬩᬦᬶᬦ᭄ᬩᬶᬱᬗᬶᬯ᭟ᬲᬯᬶᬭᬾᬄᬲᬸᬩᬧᬤᬸᬫ᭄ᬢᬶᬢᬄ᭞ᬚᬮᬦ᭄ᬦᬾᬚᬦᬶᬢᬦ᭄ᬤᬗᬶᬦ᭄᭞ᬢ᭄ᬯ
ᬭᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬤᬾᬦᬶᬂᬰᬵᬲ᭄ᬢ᭄ᬭᬦᬾᬫᬩᬤᬶᬂ᭞ᬳᬧᬶᬦᬾᬗᬸᬗ᭄ᬲᬶᬮᬗᬶᬢ᭄᭞ᬬᬾᬳᬾᬫᭂᬫ᭄ᬩᬄᬗᬸᬗ᭄ᬲᬶ᭠ᬢᬸᬯᬸᬦ᭄᭞ᬢᬦ᭄ᬪᬶᬦᬲᬸᬭᬵᬢ᭄ᬓᬚᬂ᭞ᬭᬸᬭᬸᬩᬾᬯᭂᬓᬲᬦ᭄ᬫᬵᬢᬶ᭞ᬧᬥᬜᬫᬸᬢ᭄᭞ᬭᬋᬘᬄᬲ᭄ᬯᬭᬯ᭄ᬬᬜ᭄ᬚᬦ᭟ᬲᬸᬓᬶᬮ᭄ᬬᬦ᭄ᬤᬤᬶᬫᬵᬦᬹ᭠
ᬱ᭞ᬳᬧᬩ᭄ᬯᬶᬦ᭄ᬮᭂᬓᬤ᭄ᬤᬶᬩᬮᬶ᭞ᬳᬧᬂᬫᬵᬦᬹᬢ᭄ᬢᬢᬓ᭄ᬭᬫ᭞ᬮᭀᬓᬶᬓᬘᬭᬰᬵᬲ᭄ᬢ᭄ᬭᬚᬶ᭞ᬇᬦ᭄ᬤ᭄ᬭᬮᭀᬓᬢᬢ᭄ᬯᬯᬶᬢ᭄᭞ᬫᬳᬵᬚᬬᬵᬤᬶᬦᬶᬂᬢᬸᬢᬹᬃ᭞ᬩ᭄ᬭᬫᭀᬓ᭄ᬢᬯᬶᬤ᭄ᬥᬶᬰᬵᬲ᭄ᬢ᭄ᬭ᭞ᬤᬧ᭄ᬤᬧ᭄ᬲᬭᬶᬲᬸᬤᬸᬓ᭄ᬰ᭄ᬯᬭᬶ᭞ᬧᬸᬱ᭄ᬧᬳᬮᬸᬫ᭄᭞ᬩᬘᬓᬦ᭄ᬢᬢ᭄ᬯᬤ᭄ᬬᬢ᭄ᬫᬶᬓ᭟ᬦᬄ᭠

[᭘᭕ 85A]
᭘᭕
ᬤᬶᬢᬸᬚᬮᬦ᭄ᬧᭂᬤᬲᬂ᭞ᬧᬳᬸᬭᬸᬓᬶᬦ᭄ᬲᬳᬶᬲᬳᬶ᭞ᬰᬵᬲ᭄ᬢ᭄ᬭᬦᬾᬧᬶᬦᬓᬫᭂᬓ᭞ᬗᬮᬯᬢᬶᬦ᭄ᬩᭂᬦᭂᬄᬧᭂᬮᬶᬄ᭞ᬫᬘᭂᬘᭂᬓ᭄ᬳᬕᬸᬂᬳᬮᬶᬢ᭄᭞ᬫᬳᬃᬤ᭄ᬥᬘᬦ᭄ᬤ᭄ᬭᬗᬯᬶᬡ᭄ᬥᬸ᭞ᬦᬵᬤᬫᬸᬗ᭄ᬕᬸᬄᬤᬶᬧᬸᬘᬓ᭄᭞ᬫᬚᬚᬃᬯᬬᬂᬫᬭᬶᬭᬶᬕ᭄᭞ᬮᬾᬦ᭄ᬫᬢᬸᬫ᭄ᬧᬸᬓ᭄᭞ᬜᬸᬗ᭄ᬲᬂᬗᬤᭂᬕ᭄ᬫᬵᬤᬸ
ᬫᬸᬓ᭟ᬚᬮᬦ᭄ᬲᭂᬓᭂᬦᬂᬫᭂᬮᬚᬄ᭞ᬓᬤᬸᬂᬤᭂᬫᭂᬦ᭄ᬫᬓᬓᬯᬶᬦ᭄᭞ᬢᬸᬢᬸᬭᬾᬫᬲᬶᬄᬓᭂᬦᭂᬳᬂ᭞ᬢᬢᬲᬂᬕᬮᬃᬕᬮᬭᬶᬦ᭄᭞ᬕᬮᬶᬳᬶᬦ᭄ᬩᭂᬲᬶᬓ᭄ᬩᭂᬲᬶᬓ᭄᭞ᬳᬫ᭄ᬩᬳᬾᬗᬮᬶᬄᬭᬳᬬᬸ᭞ᬮᬫᬓᬦ᭄ᬳᬧᬂᬢᬯᬂ᭞ᬳᬦᬾᬫᬵᬤᬦ᭄ᬩᭂᬦᭂᬄᬧᭂᬮᬶᬄ᭞ᬲᬶᬤ᭄ᬥᬢᭂᬧᬸᬓ᭄᭞ᬓᬭᬳᬬᭀ
ᬦᬾᬓᬯᭂᬓᬲ᭄᭟ᬦᬄᬢᭂᬕᬭᬂᬮᬓ᭄ᬱᬡᬬᬂ᭞ᬥᬦᬧᬸᬦ᭄ᬬᬪᬓ᭄ᬢᬶᬳᬲᬶᬄ᭞ᬲᬓᬵᬮᬳᬸᬭᬶᬧᬾᬳᬫᭀᬂ᭞ᬤᬤᬢᬩᬓᬢ᭄ᬮᬗ᭄ᬓᬢᬶᬦ᭄᭞ᬦᬶᬗ᭄ᬕᬭᬂᬳᬯᬓ᭄ᬭᬶᬭᬶᬄ᭞ᬕᬸᬕᭀᬦ᭄ᬢᬸᬯᭀᬦ᭄ᬢᬦ᭄ᬧᬳᬸᬦ᭄ᬤᬸᬓ᭄᭞ᬫᬲᭀᬕ᭄ᬲᬕ᭄ᬗᬮᬶᬄᬳᬫᬄ᭞ᬩᬦ᭄ᬢ᭄ᬯᬭᬲᬾᬗᭂᬄᬲᬸ
ᬚᬢᬶ᭞ᬮᬶᬗᬶᬂᬢᬸᬢᬸᬭ᭄᭞ᬲᬗ᭄ᬲᬭᬤᬤᬶᬫᬵᬦᬹᬱ᭟ᬬᬾᬦ᭄ᬚᬢᬶᬦᬯᬂᬦᬶᬲ᭄ᬓᬵᬮ᭞ᬤᭀᬂᬗᬸᬤᬗᬾᬧᬸᬢᬂᬫᬵᬢᬶ᭞ᬬᬤ᭄ᬬᬧᬶᬦ᭄ᬢ᭄ᬯᬭᬫᬢᭀᬬ᭞ᬩᬗ᭄ᬓᬾᬦᬾᬲ᭄ᬯᬲ᭄ᬢᬩᬦ᭄ᬕᭂᬦᬶ᭞ᬢ᭄ᬯᬭᬜᬦ᭄ᬤᬂᬩᬾᬬᬦᬶᬦ᭄᭞ᬫᬲᬮᬓᬃᬓᬯᬸᬓ᭄ᬓᬯᬸᬓ᭄᭞ᬦᬕᬶᬄᬩᬸ᭠ [ 86 ][᭘᭕ 85B]
᭘᭕
ᬩᬸᬄᬯᬶᬭᬢ᭞ᬰᬯᬯᬾᬤᬦᬦᬾᬗᬱ᭄ᬝᬶ᭞ᬲᬳᬩᬸᬓᬸᬭ᭄᭞ᬉᬧᬓᬵᬭᬧᬦᬶᬍᬫᬦ᭄᭟ᬤᬶᬳᬶᬤᬸᬧᬾᬲᬓᬵᬮᬬᬂ᭞ᬫᬩ᭄ᬭᬢᬩᬦᬶᬥᭂᬧ᭄ᬰᬸᬘᬶ᭞ᬤᬶᬲᬗ᭄ᬕᬄᬯᭂᬦᬂᬭᬤᬦ᭞ᬫᬪᬓ᭄ᬢᬶᬩᬸᬗ᭄ᬳᬳᬓᭂᬧᬶᬓ᭄᭞ᬩᬢᭂᬓᬂᬫᬵᬋᬧ᭄ᬓᬗᬶᬦ᭄᭞ᬤᬶᬩᭀᬮᭀᬂᬮᬗᬶᬢᬾ
ᬢᬸᬚᬸ᭞ᬓᬲᬓ᭄ᬱᬾᬦᬦ᭄ᬳ᭄ᬬᬂᬲᬹᬃᬬ᭄ᬬ᭞ᬧ᭄ᬭᬮᬷᬡᬉᬢ᭄ᬧ᭄ᬢᬶᬲ᭄ᬣᬶᬢᬶ᭞ᬳᬗ᭄ᬕᭀᬦ᭄ᬦᬯᬸᬭ᭄᭞ᬳᬸᬢᬗᬾᬢᭂᬓᬾᬦ᭄ᬓᬯᬶᬢᬦ᭄᭟ᬚᬮᬦ᭄ᬧᬥᬧᬢᬶᬍᬲᬂ᭞ᬢᬸᬢᬸᬕᬂᬓᬾᬃᬢ᭄ᬢᬶᬦᬾᬚᬦᬶ᭞ᬯᭂᬓᬲᬦ᭄ᬩᬸᬯᬶᬦ᭄ᬫᬂᬚᬤ᭄ᬫ᭞ᬳᬧᬂᬢ᭄ᬯᬭᬩᬸᬓᬚᬦᬶ᭞ᬲᬢᬢᬦᬦ᭄ᬤᬂᬲᭂᬤᬶᬄ᭞ᬚ
ᬮᬦ᭄ᬚᬸᬫᬸᬦᬶᬦ᭄ᬢᬸᬫᬸᬯᬸᬄ᭞ᬦᬄᬚᬦᬶᬳᬲ᭄ᬢᬧᬬᬂ᭞ᬤᬸᬫᬤᬓ᭄‌‌ᬲ᭄ᬯᬾᬘ᭄ᬙᬳ᭄ᬬᬂᬯᬶᬤ᭄ᬥᬶ᭞ᬳᬧᬂᬲᬸᬯᬸᬤ᭄᭞ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭟ᬓᬵᬫᬚᬬᬤᭀᬂᬧᬕᭂᬳᬂ᭞ᬇᬥᭂᬧᬾᬦᬗᬸᬦᬂᬓᬾᬃᬢ᭄ᬢᬶ᭞ᬤᭀᬄᬧᬭᬢ᭄ᬯᬭᬓᬲᬶᬤ᭄ᬥᬦ᭄᭞ᬧᬗᬸᬗ᭄ᬲᬶᬦᬾᬦᬸᬗ᭄ᬓᬧ᭄ᬮᭂᬯᬶᬄ
᭞ᬤᬲᬭᬶᬦ᭄ᬲᬥᬹᬩᬸᬤ᭄ᬥᬶ᭞ᬩᬦ᭄ᬢᬗᬶᬦᬶᬥᭂᬧ᭄ᬭᬳᬬᬸ᭞ᬗᬸᬤᬤᬶᬗᬾᬧᬸᬢᬂ᭞ᬫᬮᬓ᭄ᬱᬡᬳᬗ᭄ᬮᬗ᭄ᬓᬳᬶ᭞ᬓᬭᬂᬳᬸ᭠ᬮᬸ᭞ᬗᬫᬗ᭄ᬕᭂᬳᬂᬓᬧᬸᬭᬸᬱᬵᬦ᭄᭟ᬚᬮᬭᬦ᭄ᬦᭂᬧᬸᬓᬶᬦ᭄ᬲᬤ᭄ᬬ᭞ᬇᬥᭂᬧᬂᬫᬵᬢᬶᬦᬸᬘᭂᬦᬶᬓ᭄᭞ᬢᬸᬢᬹᬃᬬᬂᬳᬶᬗᭂᬭᬶᬗᭂᬭᬂ᭞ᬳᬗ᭄ᬕᭀᬦ᭄ᬫ᭠

[᭘᭖ 86A]
᭘᭖
ᬫᬹᬃᬡ᭄ᬦᬬᬂᬲᭂᬤᬶᬄ᭞ᬓᬵᬮᬦᬶᬂᬲᬸᬯᬸᬂᬲᭂᬧᬶ᭞ᬚᬢ᭄ᬦᬸᬫ᭄ᬩᬸᬳᬂᬓᭂᬦᭂᬄᬳᬶᬗᬸᬄ᭞ᬤᬤᬢᬩᬓᬢ᭄ᬭᬫ᭄ᬩᬂ᭞ᬦᬾᬩᭂᬦᭂᬄᬓᬓᬤᬾᬦ᭄ᬧᭂᬮᬶᬄ᭞ᬲᬮᬄᬲᭂᬗ᭄ᬕᬸᬄ᭞ᬫᬧ᭄ᬯᬭᬧᭀᬘᭀᬮ᭄ᬫᭂᬮᬚᬄ᭟ᬢᭀᬂᬜᬦ᭄ᬤᬂᬮᬦ᭄ᬢᬗᬂᬧᭂᬲᬦ᭄᭞ᬳᬧᬂᬢ᭄ᬯᬭᬩᬸᬮᬓ᭄ᬩᬮᬶᬓ᭄᭞ᬢᬓᬸᬢ᭄ᬲᬶᬂ
ᬜᬓᬤᬮᬶᬳᬂ᭞ᬩᬲ᭄ᬮᬾᬫ᭄ᬧᬤ᭄ᬢᬾᬢᬾᬄᬫᬫᬸᬜᬶ᭞ᬦᬸᬢᬸᬭᬶᬦ᭄ᬳᬦᬓ᭄ᬓᭂᬮᬶᬄ᭞ᬓᬵᬫᬚᬬᬲᬸᬩᬩᬗᬸᬦ᭄᭞ᬦᭂᬕᬓ᭄‌‌ᬲᬸᬩᬫᬲᬶᬮ᭞ᬧᬗ᭄ᬓᬄᬬᬂᬢᭂᬓᬗᭂᬦ᭄ᬢᭂᬦᬶᬦ᭄᭞ᬫᬧᬶᬯᭂᬭᬸᬄ᭞ᬢᬸᬮ᭄ᬬᬦᬲᬶᬓᬶᬦ᭄ᬲᬵᬕᬭ᭟ᬓᬩᬢᭂᬓ᭄‌‌ᬢᬺᬱ᭄ᬡᬵᬫᬫᬶᬲᬦ᭄᭞ᬲᬢ᭄ᬫᬜ᭠
ᬫᬲᬾᬧ᭄ᬳᬯᬳᬶ᭞ᬤ᭄ᬯᬦᬶᬂᬩᬦᬶᬫᬶᬓᭂᬤᭂᬳᬂ᭞ᬳᬧᬂᬲᬸᬯᬸᬤ᭄ᬗᬲᬶᬳᬲᬶᬄ᭞ᬩᬋᬂᬬᬂᬲᬓᬶᬢ᭄ᬳᬢᬶ᭞ᬫᬾᬄᬮᬫ᭄ᬧᬳᬶᬦ᭄ᬮᬓᬃᬓ᭠ᬫ᭄ᬩᬸᬄ᭞ᬤᬾᬦᬶᬂᬩᬋᬂᬤᬸᬄᬓᬶᬢ᭞ᬤᭀᬂᬳᬧᬢᬺᬱ᭄ᬡᬾᬦ᭄ᬬᬂᬤᬶᬦᬶ᭞ᬫᬵᬢᬶᬳᬶᬤᬸᬧ᭄᭞ᬦᭂᬫᭀᬓᬂᬧᬵᬧᬦᬵᬭᬓ᭟ᬳᬯᬦᬦ᭄ᬤᬶᬦᬶᬫᬳᬸ᭠
ᬩᬤ᭄᭞ᬲᬓᬾᬂᬳᬗᭂᬦ᭄ᬢᭂᬓᬾᬦ᭄ᬳᬸᬭᬶᬧ᭄᭞ᬧ᭄ᬭᬤᬾᬜᬓ᭄ᬳᬶᬤᬸᬧ᭄ᬫᬓᭂᬮᭀ᭞ᬩᬦ᭄ᬤᭂᬫᭂᬦ᭄ᬤᬶᬢᬫᬦ᭄ᬩᬮᬶ᭞ᬧᭂᬢᭂᬂᬍᬫᬄ᭠ᬫᬩᬺᬲᬶᬄ᭞ᬓᬸᬤᬤᬤᬶᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦᬶᬂᬦᬾᬧᬲᬚ᭞ᬜᬕᭂᬭᬂᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬶᬤ᭄ᬥᬶ᭞ᬲᬶᬤ᭄ᬥᬧᬗ᭄ᬕᬸᬄ᭞ᬓᬲᬸᬓᬵᬦᬾᬤᬶ᭠ [ 87 ][᭘᭖ 86B]
᭘᭖
ᬲᬓᬵᬮ᭟ᬳᬫ᭄ᬩᬸᬮ᭄ᬢᭀᬫᬮᬸᬧ᭄ᬭᬕᬢᬂ᭞ᬲᬭᬇᬥᭂᬧᬾᬗᬸᬕᭀᬦᬶᬦ᭄᭞ᬳᬦᬾᬜ᭄ᬘᬾᬦ᭄ᬜᬦ᭄ᬤᬂᬩᭀᬩᭀᬢᬂ᭞᭠ᬢᭂᬕᬭᬂᬤᬸᬤᬸᬓ᭄ᬧᬶᬮᬶᬳᬶᬦ᭄᭞ᬭᬸᬫᬲᬢ᭄‌‌ᬬᬂᬗᭂᬦ᭄ᬢᭂᬦᬶᬦ᭄᭞ᬳᬧᬂᬤᬦᬦ᭄ᬓᬤᬮᬸᬫᬸᬓ᭄᭞ᬦᬾᬚᭂᬮᬾᬤᭂᬧᬂᬓᬸᬢᬂ᭞ᬳᬧᬂᬢ᭄ᬯᬭᬗᬯᬶᬱ᭄ᬬ
ᬦᬶᬦ᭄᭞ᬲ᭄ᬯᬲ᭄ᬢᬶᬬᬲ᭄ᬢᬸ᭞ᬅᬁᬒᬁᬫᬁᬲᬢ᭄ᬘᬶᬢ᭄ᬢᬦᬦ᭄ᬤ᭟᭜᭟ᬤᭂᬫᬸᬂ᭟᭜᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬓᬯᬘᬾᬦᬶᬦ᭄᭞ᬧᬸᬦᬂᬭᬾᬓ᭞ᬓᬵᬫᬚᬬᬗᬮᬫᬸᬦ᭄᭞ᬳᬸᬮᬢᬸᬮᬢ᭄ᬗᬸᬦ᭄ᬗᬸᬦ᭄᭞ᬍᬫ᭄ᬧᭀᬃᬭᬱᬢᬦ᭄ᬧᬕᬮᬶᬄ᭞ᬲᬫ᭄ᬩᬶᬮᬂᬫᬲᬤᬄ᭞ᬩᭂᬗᭀᬂᬫᬦᬢᬓᬶᬦ᭄ᬚᬕᬸᬢ᭄᭞
ᬧᬮᬶᬬᬢᬾᬲᬯᬢ᭄᭞ᬩᬗᬸᬦ᭄ᬫᬩᬮᬶᬄᬮᬗᬶᬢ᭄᭞ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬤᬶᬯᬵᬗ᭄ᬓᬭ᭞ᬲᬡ᭄ᬥᬾᬓᬯᭀᬦ᭄ᬫᬾᬄᬯᭂᬗᬶ᭠ᬲᬵᬫ᭄ᬧᬸᬦ᭄᭟ᬫᬭᬶᬂᬦᬢᬭᬾᬧᬤᬶᬤᬶ᭞ᬦᭂᬍᬂᬩᬶᬦ᭄ᬢᬂ᭞ᬧᬓᬜᬶᬢ᭄ᬜᬶᬢ᭄ᬩᬤᬸᬳᬸᬭ᭄᭞ᬭᬱᬲᬂᬤ᭄ᬬᬄᬳᬬᬸ᭞ᬳᬶᬘ᭄ᬙᬗᬦ᭄ᬤᬶᬓᬫᬓᭂᬜᬶᬃ᭞ᬭᬱᬫᬶ᭠
ᬓᭂᬤᭂᬳᬂ᭞ᬫᬗ᭄ᬤᬲᬵᬫ᭄ᬧᬸᬦᬂᬗᬮᬮᬸ᭞ᬯᬦ᭄ᬢᬄᬓᬮᬾᬤᬗᬦ᭄᭞ᬫᬂᬤᭀᬄᬢᬦ᭄ᬮᬸᬮᬸᬢ᭄ᬳᬲᬶᬄ᭞ᬤᬸᬓᬧᬦᭀᬭᬓᬲᬶᬤ᭄ᬥᬦ᭄᭞ᬫᬓᬭᭀᬦᬦ᭄ᬧᬘᬂᬓᬧᬸᬗ᭄ᬓᬸᬭ᭄᭟ᬫᬸᬯᬸᬕ᭄ᬲ᭄ᬯᬭᬦ᭄ᬲᬩᬾᬂᬯᭂᬗᬶ᭞ᬗᬯᬗᬯᬂ᭞ᬳᬶᬘᬍᬧᬸᬓ᭄ᬫᬫᬵᬢᬹᬢ᭄᭞ᬲᬋᬂᬢᬸᬳᬸ

[᭘᭗ 87A]
᭘᭗
ᬢᬸᬳᬸ᭞ᬢᬥᬳᬲᬶᬄᬗᬲᬶᬳᬲᬶᬄ᭞ᬢᬸᬮ᭄ᬬᬫᬶᬓᭂᬤᭂᬳᬂ᭞ᬩᭀᬬᬜᬦ᭄ᬤᬂᬫᬮᬶᬄᬗᬫ᭄ᬩᬸᬮ᭄᭞ᬦᬫ᭄ᬧᭀᬓᬂᬧᬶᬳᭀ᭠ᬮᬲ᭄᭞ᬳᬶᬤᬲᬂᬓᬤᬶᬭᬝᬶᬄ᭞ᬤᬸᬓᬧᬦ᭄ᬢᬦ᭄ᬓᬮᬾᬤᬗᬦ᭄᭞ᬧ᭄ᬭᬫᬲᬢ᭄ᬬᬫᭂᬭᬶᬄᬭᬳᬬᬸ᭟ᬳᬶᬘᬳᬓ᭄ᬩᬗ᭄ᬕ᭄ᬭᬲ᭄ᬫᬫᬸᬜᬶ᭞ᬫᬦᬯᭂᬕᬂ᭞ᬲᬵ
ᬫ᭄ᬧᬸᬦᬂᬳᬸᬕᬶᬩᭂᬦ᭄ᬤᬸ᭞ᬢᬶᬢ᭄ᬬᬂᬫᬧᬶᬢᬸᬢᬸᬭ᭄᭞ᬲᬗ᭄ᬓᬦᬶᬂᬤᬺᬤ᭄ᬥᬲᬸᬪᬓ᭄ᬢᬶ᭞ᬗᬸᬤᬢᭀᬂᬜᬶᬤ᭄ᬥᬬᬂ᭞ᬫᬗ᭄ᬕᬸᬳᬂᬮᬾᬤᬂᬓᬧᬸᬗ᭄ᬓᬸᬭ᭄᭞ᬓᬾᬯᬦ᭄ᬢᭂᬦ᭄ᬲᬦ᭄ᬢᭀᬲ᭞ᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄ᬗᬶᬭᬶᬂ᭞ᬓᬳᬸᬢᬸᬲ᭄ᬓᬲ᭄ᬯᬾᬘ᭄ᬙᬧᬸᬭ᭞ᬫᬫᭂᬤᭂᬓ᭄ᬩᬸᬓ᭄ᬧᬤᬦ᭄ᬲᬂᬧ᭄ᬭᬪᬹ᭟ᬦᬸᬦᬲ᭄ᬳᬶᬤᬭᬵᬚᬧᬸ
ᬢ᭄ᬭᬶ᭞ᬤᬾᬯᬵᬬᬸᬫᬵᬲ᭄᭞ᬓᭂᬮᬶᬓᭂᬮᬶᬓ᭄ᬫᬲᬳᬸᬭ᭄᭞ᬳᬭᬄᬢᬶᬤᭀᬂᬧᬵᬢᬹᬢ᭄᭞ᬲᭀᬢᬦᬶᬂᬤᬾᬯᬾᬓ᭄ᬤᬶᬢ᭠ᬦᬶ᭞ᬧᬗ᭄ᬓᬄᬦᬸᬦᬲ᭄ᬳᬶᬤ᭞ᬢᬦ᭄ᬧᬭᬶᬯᬗ᭄ᬤᬾᬓᬍᬩᬸ᭞ᬫᬭᬶᬂᬤᬲᬃᬓᬯᬄ᭞ᬧᬾᬢ᭄ᬩᬶᬦ᭄ᬧᬶᬤᬦ᭄ᬦᬸᬫᬶᬢᬶᬲ᭄᭞ᬮᬓᬃᬤᬤᬶᬳᬸᬍᬤ᭄ᬢᬦᬄ᭞ᬩᬗ᭄ᬓᬾ
ᬦᬾᬢᭀᬂᬫᬢᭀᬬᬧᬬᬸ᭟ᬮᬸᬩᬓ᭄ᬗᭂᬮᬶᬂᬲᭂᬗᬶᬲᭂᬗᬶ᭞ᬬᬦ᭄ᬲᬯᬗᬂ᭞ᬧᬯᬾᬲ᭄ᬢ᭄ᬭᬶᬲᭂᬤᬶᬄᬗᬸᬦ᭄ᬗᬸᬦ᭄᭞ᬲᬶᬕ᭄ᬲᬶᬕᬦᬸᬫᬵᬢᬸᬭ᭄᭞ᬥᬹᬄᬲᬵᬫ᭄ᬧᬸᬦᬂᬳᬸᬕᬶᬮᬮᬶ᭞ᬭᬶᬂᬲᬗ᭄ᬕᬸᬧᬾᬧᭂᬘᬓ᭄᭞ᬲᬸᬓᬵᬤᬸᬄᬓᬵᬳᬕᭂᬢ᭄ᬮᬘᬸᬭ᭄᭞ᬗᬶᬭᬶᬂᬫᬓᬭᭀᬦᬦ᭄᭞ᬤᭀᬂᬗᬸᬤ᭠ [ 88 ][᭘᭗ 87B]
᭘᭗
ᬭᬢᬸᬮᬮᬶᬲ᭄᭞ᬗᬸᬢᬂᬢᬶᬢ᭄ᬬᬂᬧᬤᬾᬯᬾᬓᬦ᭄᭞ᬗᬶᬮ᭄ᬕᬶᬮᬂᬫᬕᭂᬦᬄᬭᬶᬂᬕᬸᬦᬸᬂ᭟ᬮᬮᬶᬲ᭄ᬢᭀᬂᬲᬾᬦ᭄ᬤᭂᬫ᭄ᬜᬶᬗᬓᬶᬦ᭄᭞ᬗᬤᭀᬄᬳᬸᬮᬢ᭄᭞ᬳᬶᬦᬩ᭄ᬫᭂᬤ᭄ᬧᭂᬤᬂᬮᬘᬸᬭ᭄᭞ᬧᬶᬲᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬓᬾᬭᬗᬦ᭄ᬦᬦ᭄ᬤᬂᬲᭂᬤᬶᬄ᭞ᬤ᭄ᬬᬲ᭄ᬢᬸᬦ᭄ᬢᬦ᭄ᬧᬢᭀᬬ᭞ᬩᬗ᭄ᬓᬾᬦ᭄ᬢᬶᬢ᭄ᬬ
ᬗᬾᬓᬧᬸᬗ᭄ᬓᬸᬭ᭄᭞ᬢᬶᬢ᭄ᬬᬂᬧ᭄ᬭᬫᬲᬸᬓᬵ᭞ᬓᬾᬯᬦ᭄ᬢᭂᬦ᭄ᬧᭀᬮᬶᬄᬗᬶᬭᬶᬂ᭞ᬓᬬᬸᬦ᭄ᬲᬂᬓᬤᬶᬕᬡ᭄ᬥᬃᬯ᭄ᬯ᭞ᬧᬾᬢ᭄ᬳᬜᬸᬤ᭄ᬭᬶᬂ᭠ᬢᭀᬬᬦᬾᬲᬸᬮᬸᬓ᭄᭟ᬓᬵᬫᬚᬬᬦᬦᭂᬂᬓᬵᬭᬶ᭞ᬧᬤᬾᬯᬾᬓᬦ᭄᭞ᬓᭂᬦ᭄ᬤᭂᬮ᭄ᬚᭂᬚᭂᬄᬫᬢᬭᬸᬂ᭞ᬫᬕᬸᬚᭂᬕ᭄ᬭᬶᬂᬓᬬᬸᬦ᭄᭞ᬳᬕᭂᬢ᭄ᬮᬘᬸᬭᬾ᭠
ᬫᬲᬦ᭄ᬤᬶᬂ᭞ᬗ᭄ᬭᬜ᭄ᬚᬶᬂᬗᬮᬸᬯᬦᬂ᭞ᬭᬶᬂᬩᬮᬾᬦᬾᬩᬄᬫᬩ᭄ᬭᬶᬬᬸᬕ᭄᭞ᬤᭂᬓᬲ᭄ᬤᭂᬓᭂᬲ᭄ᬢᬦ᭄ᬲᬄ᭞ᬢᭂᬗᬄᬫᭂᬢᬾᬦ᭄ᬧᬤᬶᬤᬶ᭞ᬦᭂᬮᬦᬂᬩᬗᬸᬦ᭄ᬫᬲᬤᬄ᭞ᬩᭂᬗᭀᬂᬩᭂᬗᭀᬂᬦᬢᬓᬶᬦ᭄ᬚᬕᬸᬢ᭄᭟ᬗᭂᬜᬶᬢ᭄ᬲᬸᬯᬃᬗᬜ᭄ᬘᬶᬂᬓᭀᬭᬶ᭞ᬗᬫ᭄ᬩᬶᬮ᭄ᬲᬸᬭᬵᬢ᭄᭞ᬫᬮᬶᬄᬫᬫᬘᬗᬸᬦ᭄ᬢᬸᬮ᭄᭞
ᬲᬬᬦ᭄ᬲᬬᬦ᭄ᬩᬶᬗᬸᬂ᭞ᬫᭂᬤᬲᬂᬤᬕᬶᬂᬋᬋᬧᬶ᭞ᬧᬶᬂᬓᬵᬮᬶᬄᬧᬶᬂᬢᬶᬕ᭞ᬤᬸᬭᬸᬂᬢᬍᬃᬓᬧᬓᬬᬸᬦ᭄᭞ᬓᬬᬸᬦ᭄ᬳᬶᬤᬲᬂ᭠ᬤ᭄ᬬᬄ᭞ᬭᬸᬫᬲᬓᬦ᭄ᬢᬸᬦ᭄ᬕᬧᬶ᭞ᬓᬜ᭄ᬘᬶᬢ᭄ᬯᬾᬦ᭄ᬢᭂᬦ᭄ᬦᭀᬕ᭄ᬢᭀᬕ᭄ᬮᬯᬂ᭞ᬫᬾᬦ᭄ᬧ᭄ᬭᭀᬤᭀᬂᬲᬯᬾᬢ᭄ᬦᬶᬂᬓᬳᬸᬢᬸᬲ᭄᭟ᬢᬶᬢ᭄ᬬᬂᬓᬳᬸᬢᬸᬲ᭄ᬗᬢᬸ

[᭘᭘ 88A]
᭘᭘
ᬭᬶᬦ᭄᭞ᬫᭂᬓᭂᬮ᭄ᬯᬬᬦ᭄᭞ᬫᬗ᭄ᬤᬤᬶᬕᭂᬮᬶᬲ᭄ᬭᬯᬸᬄ᭞ᬫᬗ᭄ᬓᬶᬦ᭄ᬫᬮᬶᬄᬧᬭᬸᬫ᭄᭞ᬗᬶᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬳᬃᬱᬫᬩᬪᬵᬱᬦ᭄᭞ᬲᬋᬂᬲᬫᬶᬜᬦ᭄ᬢᭀᬲ᭄ᬲᬵᬫ᭄ᬧᬸᬦ᭄᭞ᬓᬵᬫᬚᬬᬦᬶᬫ᭄ᬩᬮ᭄᭞ᬦᬄᬳᬸᬦᬶᬗᬂᬬᬂᬲᬓᬶᬢ᭄᭞ᬳᬯᬓ᭄‌ᬬᬂᬫᬭᬱᬕᭂᬭᬄ᭞ᬳᬸᬮᬶᬢᬸᬦᬶᬢᭂᬡ᭄ᬥ
ᬲᬾᬧᬸᬭᬸᬄ᭟ᬫᬾᬦ᭄ᬲᬗ᭄ᬓᭀᬮ᭄ᬫᬮᬶᬄᬫᬯᬮᬶ᭞ᬗᬸᬦᬶᬗ᭄ᬳᬬᬂ᭞ᬓᬕᬶᬬᬢ᭄ᬤᬸᬓᬸᬄᬯᬥᬹ᭞ᬕᬕᬾᬲᭀᬦ᭄ᬫᬘᭂᬩᬸᬭ᭄᭞ᬲᬋᬂᬤᬦᬾᬫᬥᬾᬯᬢᬶ᭞ᬲᬾᬩᭂᬢ᭄ᬓᬵᬫᬚᬬ᭞ᬲᬸᬭᬵᬢᬾᬓᬓᭂᬩᬂᬳᬶᬚᬸ᭞ᬲᬂᬓᬵᬮᬶᬄᬗᬢᬩ᭄ᬢᬩ᭄᭞ᬤᭀᬂᬗᬸᬤᬤᬤᬶᬦᭂᬗᬶᬮ᭄᭞᭠
ᬳᬧᬲᬓᬶᬢᬂᬳᬶᬤᬾᬯ᭞ᬓᬵᬫᬚᬬᬢᬸᬫᬸᬮᬶᬫᬵᬢᬸᬭ᭄᭟ᬥᬹᬄᬢᬶᬢ᭄ᬬᬂᬲᬓᬶᬢ᭄ᬳᬕᬶᬕᬶᬲ᭄᭞ᬩᭀᬬᬜᬦ᭄ᬤᬂ᭞᭠ᬦᬶᬦᬶᬮᬦ᭄ᬩᬶᬩᬶᬕᬸᬧᬸᬄ᭞ᬢᭂᬡ᭄ᬥᬲ᭄ᬢᬶᬢ᭄ᬬᬂᬧᬸᬭᬸᬄ᭞ᬳᬶᬗ᭄ᬕᬶᬄᬩᬾᬜ᭄ᬚᬂᬢᬶᬢ᭄ᬬᬂᬗᬶᬭᬶᬂ᭞ᬧᬘᬂᬫᬩᬪᬵᬱᬦ᭄᭞ᬫᬥᬾᬯᬢᬶᬗᬸᬭᬸᬢᬸᬭᬸᬢ᭄᭞ᬦ
ᬦᬓᬵᬫᬚᬬ᭞ᬢ᭄ᬯᬭᬜᬦ᭄ᬤᬂᬫᬕᭂᬦ᭄ᬤᬶᬂ᭞ᬲᬶᬋᬧᬂᬦᬦᬓ᭄ᬲᬶᬋᬧᬂ᭞ᬲᬵᬫ᭄ᬧᬸᬦᬂᬫᬕᬤᬂᬫᬤᬬᬸᬄ᭟ᬭᬾᬜ᭄ᬘᬂᬭᭀ᭠ᬩᬦ᭄ᬕᬸᬧᬸᬄᬲᬫᬶ᭞ᬓᬤᬯᬸᬳᬦ᭄᭞ᬗᬸᬮᬶᬕ᭄ᬳᭀᬤᬓ᭄ᬩ᭄ᬭᬲ᭄ᬓᭂᬜ᭄ᬘᬸᬭ᭄᭞ᬯᬾᬦ᭄ᬢᭂᬦ᭄ᬫᬶᬚᭂᬢ᭄ᬲᬸᬓᬸ᭞ᬳᬗᭂᬢᬗᭂᬢ᭄ᬢᬫ᭄ᬩᬲᬶᬢ᭄᭞ᬳᬕᬾᬯᬾᬦ᭄ᬢᭂ᭠ [ 89 ][᭘᭘ 88B]
᭘᭘
ᬦ᭄ᬜᭂᬫ᭄ᬩᬃ᭞ᬲᬸᬓᬸᬓᬵᬃᬡ᭄ᬦᬓᭂᬧ᭄ᬭᬲ᭄ᬓᭂᬧ᭄ᬭᬸᬲ᭄᭞ᬤᭀᬦ᭄ᬲ᭄ᬭᬸᬦᬶᬘᬸᬫᬤᬂ᭞ᬢᬫ᭄ᬩᭂᬮ᭄ᬧᬾᬮᬾᬗᬦ᭄ᬓᬵᬮᬶᬄ᭞ᬫᬢᭂᬕᭂᬧᬦ᭄ᬧᬸᬦᬂᬢᬫ᭄ᬩ᭞ᬢᬶᬩᬲᬵᬭᬦᬲᬸᬗ᭄ᬓᬦ᭄ᬧᬸᬭᬸᬄ᭟ᬫᬥᬾᬯᬢᬶᬗᬸᬘᬧ᭄ᬳᬭᬶᬲ᭄᭞ᬦᬄᬭᬾᬭᬾᬦᬂ᭞ᬤᭂᬧᬂᬳᬶᬘᭂᬦᬶᬂᬩᬕᬸᬲ᭄᭞ᬧᭀᬮᬶᬄᬲᬶᬋᬧ᭄ᬫᬮᬸ᭞ᬦᬄᬚᬮᬦ᭄ᬚ
ᬦᬶᬕᭂᬤᬶᬦᬶᬦ᭄᭞ᬲᬵᬫ᭄ᬧᬸᬦ᭄ᬲᬫᬶᬓᬾᬲᬄ᭞ᬫᬥᬾᬯᬢᬶᬤᬸᬓᬸᬄᬯᬥᬹ᭞ᬲᬋᬂᬭᬾᬜ᭄ᬘᬂᬭᭀᬩᬦ᭄᭞ᬓᬵᬫᬚᬬᬧᬤᬶᬤᬶ᭞ᬦᬫ᭄ᬩᬾᬦᬶᬦ᭄ᬫᬫᬘᬲᬸᬭᬵᬢ᭄᭞ᬚᬦ᭄ᬢᭀᬲ᭄ᬯᭂᬗᬶᬫᬾᬢᭂᬗᬄᬤᬮᬸ᭟ᬳᭀᬲᬄᬩ᭄ᬮᬲᬓᬸᬬᬂᬧᬮᬶᬂ᭞ᬓᬤᬮᭀᬦᬦ᭄᭞ᬫᬾᬄᬲᬵᬫ᭄ᬧᬸᬦ᭄ᬤᬯᬸᬄ
ᬧᬶᬢᬸ᭞ᬳᬬᬫᬾᬫᬓ᭄ᬭᬸᬬᬸᬓ᭄᭞ᬯᬯᬸᬲᬶᬋᬧ᭄ᬕᭂᬭᬶᬲ᭄ᬕᭂᬭᬶᬲ᭄᭞ᬚᬗ᭄ᬓ᭄ᬭᬶᬓᬾᬜᬗ᭄ᬓ᭄ᬭᬶᬫᬂ᭞ᬓᬢᬓᬾᬗᬢᬸᬭᬂᬓᬶᬤᬸᬂ᭞ᬕᭀ᭠ᬤᭀᬕᬦ᭄ᬫᬪᬵᬱᬦ᭄᭞ᬦᬸᬧ᭄ᬤᬸᬧᬂᬲᬂᬧ᭄ᬭᬶᬳᬢᬶᬦ᭄᭞ᬧᬓ᭄ᬱᬶᬩᬸᬘᬶᬘᬗᬸᬘᬶᬓ᭄ᬘᬓ᭄᭞ᬓᬵᬫᬚᬬᬍᬍᬧᬢᬸᬭᬸ᭟ᬬᬦ᭄ᬢᬓᭀᬘᬧ᭄ᬭᬵᬚᬧᬸᬢ᭄ᬭᬶ᭞
ᬤᬸᬓ᭄ᬧᬸᬦᬶᬓ᭞ᬢᬍᬃᬳᭀᬲᭂᬓ᭄ᬭᬶᬂᬓᬬᬸᬦ᭄᭞ᬢᬦ᭄ᬚᭂᬦᭂᬓ᭄ᬫᬮᬸᬗ᭄ᬕᬸᬄ᭞ᬲᬋᬂᬳᬶᬧᬸᬦ᭄ᬜᭀᬫᬦ᭄ᬲᬭᬶ᭞ᬓᬵᬮᬶᬄᬫᬥᬾᬲᭂ᭠ᬓᬃ᭞ᬳᬸᬬᬂᬧᬮᬶᬂᬕ᭄ᬮᭂᬩᬕ᭄‌ᬕ᭄ᬮᭂᬩᬸᬕ᭄᭞ᬓᭂᬩᬸᬲ᭄ᬓᬤᬶᬮᬩ᭄ᬮᬩ᭄᭞ᬕᭂᬲᭃᬂᬭᬱᬦᬶᬗ᭄ᬳᬢᬶ᭞ᬭᬵᬚᬧᬸᬢ᭄ᬭᬶᬜᭂᬮ᭄ᬲᭂᬮ᭄ᬭᬕ᭞ᬫᭂᬭᬄᬫᭂᬭᬸᬄᬫᬫᬦ᭄ᬢᭂ

[᭘᭙ 89A]
᭘᭙
ᬕ᭄ᬧᬸᬧᬸ᭟ᬳᬭᬄᬲᬶᬂᬜᬲᬮᬄᬢᬫ᭄ᬧᬶ᭞ᬓᬵᬫᬚᬬ᭞ᬩᬲ᭄ᬮᬾᬫ᭄ᬧᬤ᭄ᬫᬧᬶᬢᬸᬢᬸᬭ᭄᭞ᬫᬧᬶᬫᬧᬶᬯᭂᬭᬸᬄ᭞ᬲᬶᬂᬜᬓᬤᬮᬶᬄ᭠ᬜᬸᬕ᭄ᬚᬸᬕᬶᬦ᭄᭞ᬤᭀᬂᬗᬸᬤᬲᬶᬄᬧᬗ᭄ᬓᬄ᭞ᬓᬸᬤ᭄ᬬᬂᬬᬦ᭄ᬧᬾᬢ᭄ᬲᬮᬄᬲᭂᬗ᭄ᬕᬸᬄ᭞ᬓᬵᬫᬚᬬᬚᭂᬗᬄ᭞ᬤᬸᬄᬓᬶᬢᬦᬫ᭄ᬧᬶᬢᬸᬮᬶᬲ᭄᭞ᬤᭀᬂᬗ᭠
ᬳᬾᬧᭂᬲᬦ᭄ᬤᬤᬮᬦ᭄᭞ᬫᬾᬄᬫᬧ᭄ᬯᬭᬬᬮᬓᬃᬗᬫ᭄ᬩᬸᬮ᭄᭟ᬫᬥᬾᬲᭂᬓᬃᬫᬵᬢᬹᬃᬲᬶᬲᬶᬧ᭄ᬫᬦᬯᭂᬕᬂ᭞ᬩᭀᬬᬧᬸᬦᬶᬓᬭᬢᬸ᭞ᬦᬾᬗᬯᬶᬦᬂᬗᬫ᭄ᬩᬸᬮ᭄᭞ᬧ᭄ᬭᬤᬾᬳᬶᬧᬸᬦ᭄ᬲᬮᬶᬢ᭄ᬢᬫ᭄ᬧᬶ᭞ᬢᬶᬢ᭄ᬬᬂᬦᬾᬗᬶᬯᬗᬂ᭞ᬩᬶᬮᬶᬄᬓᬤᬮᬶᬄᬢᭀᬂᬘᬸᬫ᭄ᬧᬸ᭞ᬓᬮᭀᬓᬂᬢᬦ᭄ᬲᭂ᭠
ᬮ᭞ᬜᬕ᭄ᬚᬕᬶᬦᬶᬧᬸᬦ᭄ᬲᬓᬶᬢ᭄᭞ᬬᬦ᭄ᬓᬧᬃᬡ᭄ᬦᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬓᬶᬢᬶᬧᬸᬦ᭄ᬕᬸᬫᬦ᭄ᬢᬶᬗᬶᬩᬸᬓ᭄᭟ᬜᭂᬮ᭄ᬲᭂᬮ᭄ᬤᬾᬯᬾᬓ᭄ᬲ᭠ᬓᬶᬢ᭄ᬳᬢᬶ᭞ᬧᬸᬭᬸᬦ᭄ᬢᬶᬢ᭄ᬬᬂ᭞ᬩᭀᬬᬲᬗ᭄ᬓᬦᬶᬂᬧᬸᬭᬸᬄ᭞ᬗᬫᭂᬍᬤᬂᬲᬶᬫ᭄ᬩᬸᬄ᭞ᬳᬓᭂᬧ᭄ᬭᬸᬲᬦ᭄ᬢᬫ᭄ᬩᬲᭂᬤᬶᬄ᭞ᬫᬓᬵᬃᬬ᭄ᬬᬤᬤᬮᬦ᭄᭞ᬫᬗ᭄ᬤᬢᬶᬢ᭄ᬬᬂ
ᬭᬯᬸᬄᬦᬸᬮᬸᬂ᭞ᬓᬶᬫᬸᬤ᭄ᬭᬢᬸᬢᬶᬢ᭄ᬬᬂ᭞ᬓᬳᬸᬘᬧ᭄ᬫᭂᬮᬾᬂᬚᬮᬶᬃ᭞ᬓᬕᬸᬬᭀᬦᬦ᭄ᬲᬋᬂᬓᬝᬄ᭞ᬫᬵᬯᬶᬦᬦ᭄ᬢᬦ᭄ᬤᬸᬭᬸᬲ᭄ᬫᬢᬸᬮᬸᬂ᭟ᬜᭀᬫᬦ᭄ᬲᬭᬶᬲᬤᬓᭂᬜᬶᬂ᭞ᬦᬸᬮᬶᬦᬶᬫ᭄ᬩᬮ᭄᭞ᬜᬾᬦ᭄ᬢ᭄ᬯᬭᬮᬓᬃᬓᬶᬫᬸᬤ᭄᭞ᬧᭀᬗᬄᬦᬕᬶᬄᬜᬶᬫ᭄ᬩᬸᬄ᭞ᬳᬚᭂᬂᬤᬦᬾᬫᭂ [ 90 ][᭘᭙ 89B]
᭘᭙
ᬓᭂᬮ᭄ᬮᬶᬗ᭄ᬲᬶᬃ᭞ᬧᬧᬓ᭄ᬩᬓᬢ᭄ᬭᬫ᭄ᬩᬂ᭞ᬗᬸᬤᬤᬤᬶᬤᭂᬫᭂᬦ᭄ᬢᬸᬬᬸᬄ᭞ᬩᬲ᭄ᬤᭂᬫᭂᬦ᭄ᬫᬓᬦ᭄ᬤ᭞ᬫᬾᬄᬲᬸᬩᬕᬮᬂᬓᬗᬶᬦ᭄᭞ᬗᬶᬭᬶᬂᬓᬾ᭠ᬭᬢᬸᬫᬲᬶᬭᬫ᭄᭞ᬲᬋᬂᬢᬶᬕᬓᬩᬾᬚᬶᬤᬸᬭᬸᬲ᭄᭟᭜᭟ᬲ᭄ᬫᬭᬦ᭄ᬥᬦ᭟᭜᭟ᬩᬾᬜ᭄ᬚᬂᬲᭂᬫᭂᬂᬤᬯᬸᬄᬓᬵᬮᬶᬄ᭞ᬓᬵᬫᬚᬬᬤᬸᬭᬸᬂᬫᭂᬤᬮ᭄᭞᭠
ᬲᬓᬾᬂᬫᭂᬢᬾᬦ᭄ᬧᬢᬸᬭᭀᬦᬾ᭞ᬓᬍᬲᭀᬦ᭄ᬧᭂᬘᬓ᭄ᬫᬕᬤᬂ᭞ᬓᬤᬸᬓ᭄ᬫᬫᬘᬲᬸᬭᬢ᭄᭞ᬢᭂᬕᭂᬄᬳᬳᬶᬤᬾᬭᬾᬂᬩᬗᬸᬦ᭄᭞ᬕᬸᬮᬓ᭄ᬕᬸᬮᬶᬓ᭄ᬤᬶᬧᬫᬺᬫᬦ᭄᭟ᬲᬳᬗᭂᬮᬸᬢ᭄ᬕᬍᬂᬕᬸᬮᬶᬂ᭞ᬲᬶᬋᬧ᭄ᬫᬮᬶᬗ᭄ᬓᬸᬄᬗᬭᬕ᭞ᬓᬢᬸᬗ᭄ᬓᬸᬮ᭄ᬳᬦ᭄ᬢᬸᬓ᭄ᬤᬶᬗᬶᬦᬾ᭞ᬰᬰᬶᬄᬓᬭᭀ
ᬦᭂᬤᭂᬂᬧᬶᬲᬦ᭄᭞ᬫᬲᬦ᭄ᬳᬸᬦ᭄ᬤᬶᬲ᭄ᬮᬦ᭄ᬓᬭ᭞ᬗᬋᬫᭀᬂᬦᭂᬗ᭄ᬓᬸᬮ᭄ᬫᬲᬧᬸᬢ᭄᭞ᬲᬶᬋᬧᬾᬓᬤᬶᬤᬸᬧ᭄ᬤᬸᬧᬂ᭟ᬬᬦ᭄ᬢᬓᭀᬘᬧ᭄ᬫᬥᬾ᭠ᬯᬢᬶ᭞ᬓᬗᭂᬦ᭄ᬤᬦᬾᬓᬵᬮᬜᬶᬗᬓ᭄᭞ᬓᬵᬫᬚᬬᬭᬶᬂᬧᬢᬸᬭᭀᬦ᭄᭞ᬓᬦ᭄ᬢᬸᬦ᭄ᬢᬍᬃᬗᬜ᭄ᬘᬶᬂᬮᬯᬂ᭞ᬩᬬᬳᬶᬦᬦᬓ᭄ᬲᬸᬗ᭄ᬓᬦ᭄᭞ᬢᬸᬫᬸᬮᬶ
ᬤᬦᬾᬫᬘᭂᬩᬸᬭ᭄᭞ᬕᬕᬾᬲᭀᬦᭀᬕ᭄ᬢᭀᬕ᭄ᬚᭂᬮᬦᬦ᭄᭟ᬥᬹᬄᬦᬦᬓ᭄ᬲᬸᬩᬢᭂᬗᬳᬶ᭞ᬗᬸᬤᬲᬶᬄᬗᬜ᭄ᬘᬶᬂᬚᭂᬮᬦᬦ᭄᭞ᬤᭀᬂᬩᬸᬓᬄᬫᬮᬸᬮᬯᬗᬾ᭞ᬓᬵᬫᬚᬬᬓᬧᬸᬧᬸᬗᬦ᭄᭞ᬫᬘᭂᬩᬸᬃᬫᬸᬓᬄᬮᬯᬂ᭞ᬫᬥᬾᬯᬢᬶᬦᬸᬮᬶᬗᭂᬮᬸᬢ᭄᭞ᬓᬵᬫ᭠

[᭙᭐ 90A]
᭙᭐
ᬚᬬᬤ᭄ᬭᬦᬖᬢ᭟ᬫᬘᬧ᭄ᬘᬧ᭄ᬢᭀᬬᬦ᭄ᬧᬗᬓ᭄ᬱᬶ᭞ᬓᬗᭂᬦ᭄ᬓᬬᬸᬦ᭄ᬤᬦᬾᬜᬶᬗᬓ᭄᭞ᬓᬵᬫᬚᬬᬫᬭᬭᬾᬧᭀᬂ᭞ᬧᭂᬘᬓ᭄ᬫᬲᭂᬫ᭄ᬩᬃᬫᬳᭀᬤᬓ᭄᭞ᬢᬸᬫᬸᬮᬶᬓᬳᬸᬲᬧᬂ᭞ᬧᬜᬶᬗᬓᬦ᭄ᬓᬦ᭄ᬢᭂᬦ᭄ᬩᭂᬗᬸᬮ᭄᭞ᬓᬮᬸᬤᬦ᭄ᬫᬲᬯᬂᬩᬭᬓ᭄᭟ᬫᬥᬾᬯᬢᬶᬫᬦᬓᬾ
ᬦᬶᬦ᭄᭞ᬳᬥᬹᬄᬦᬦᬓ᭄ᬓᬵᬫᬚᬬ᭞ᬓᬗᭂᬦ᭄ᬫᬾᬫᬾᬲᬚᬗᭂᬦᭀᬢ᭄᭞ᬧᬦᬶᬗᬮᬦ᭄ᬦᬦᬓ᭄ᬩᬭᬓ᭄᭞ᬓᬤᬮᭀᬦᬦ᭄ᬫᬕᬤᬂ᭞ᬓᬵᬫᬚᬬᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬲᬃᬯ᭄ᬯᬶᬫᬢᬗᬦᬦ᭄ᬦᬢ᭄ᬬ᭟ᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄ᬩᬶᬩᬶ᭞ᬢᬦ᭄ᬲᬶᬫ᭄ᬧᬂᬓᬤᬶᬯᬘᬦ᭞ᬢᬫ᭄ᬩᬾᬲᬦ᭄ᬓ
ᬤᬶᬓᬤᬢᬾ᭞ᬢᬶᬢ᭄ᬬᬂᬧᭀᬮᬶᬄᬫᬲᭂᬧ᭄ᬲᭂᬧᬦ᭄᭞ᬤᬶᬩᬶᬲᭀᬭᬾᬫᬕᬤᬂ᭞ᬢᭂᬡ᭄ᬥᬲ᭄ᬢᬶᬢ᭄ᬬᬂᬓᭂᬩᬸᬢ᭄ᬓᭂᬩᬸᬢ᭄᭞᭠ᬳᬦ᭄ᬢᬸᬓ᭄ᬧᬸᬭᬸᬳᬾᬗᬯᬶᬦᬂ᭟ᬭᬶᬂᬲᬵᬫ᭄ᬧᬸᬦ᭄ᬧᬸᬍᬲ᭄ᬫᬦᬯᬶ᭞ᬳᬦ᭄ᬢᬸᬓ᭄ᬮᭂᬍᬳᬾᬫᬕᬤᬂ᭞ᬲᭂᬫᬸᬢᬾᬗᬶᬦ᭄ᬢᭂᬂᬜᬗ᭄ᬓᬯᭀᬦ᭄᭞ᬓᬢᬸᬗ᭄ᬓᬸᬮ᭄
ᬍᬍᬧᬦᬶᬤ᭄ᬭ᭞ᬧᬸᬦᬶᬓᬦᬾᬗᬯᬶᬦᬂ᭞ᬫᬢᬦ᭄ᬢᬶᬢ᭄ᬬᬂᬓᬾᬗᬶᬦ᭄ᬩᭂᬗᬸᬮ᭄᭞ᬢᭀᬂᬜᬦ᭄ᬤᬂᬩᬶᬩᬶᬗᭀᬩᭂᬢᬂ᭟ᬲ᭠ᬕᬾᬢ᭄ᬭᬯᬸᬄᬭᬵᬚᬧᬸᬢ᭄ᬭᬶ᭞ᬫᬥᬾᬲᭂᬓᬃᬫᬗᬶᬭᬶᬗᬂ᭞ᬮᬦ᭄ᬜᭀᬫᬦ᭄ᬲᬭᬶᬕᬕᬾᬲᭀᬦ᭄᭞ᬤᬾᬫ᭄ᬧᬤᬾᬫ᭄ᬧᭀᬦᬫ᭄ᬧᬳᭀᬤ [ 91 ][᭙᭐ 90B]
᭙᭐
ᬓ᭄᭞ᬮᬦ᭄ᬭᬭᬘᬶᬓᬦ᭄ᬲᭂᬫ᭄ᬩᬃ᭞ᬭᬵᬚᬧᬸᬢ᭄ᬭᬶᬲᭂᬫᬂᬲᭂᬦ᭄ᬤᬸ᭞ᬓᬗᭂᬦ᭄ᬗᬓ᭄ᬱᬶᬓᬵᬫᬚᬬ᭟ᬲ᭄ᬯᬪᬵᬯᬦᬾᬓᭂᬘᬸᬤ᭄ᬓᬸᬦᬶᬂ᭞ᬓᬵᬫᬚᬬᬫᬗᬸᬦ᭄ᬢᬸᬮᬂ᭞ᬫᬥᬾᬯᬢᬶᬗᬸᬘᬧᬮᭀᬦ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬦᬄᬓᬾᬳᬶᬦᬦᬓ᭄ᬲᭂᬫ᭄ᬩᬃ᭞ᬳᭀᬤᬓᬶᬦ᭄ᬲᬩᬶ
ᬮᬂᬩᬸᬓᬸ᭞ᬧᬂᬳᬾᬗ᭄ᬕᬮ᭄ᬳᬶᬦᬦᬓ᭄ᬓᬾᬦᬓ᭄᭟ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬓᬤᬶᬓᬲᬶᬭᬢᬦ᭄‌ᬫᬺᬢ᭄ᬣ᭞ᬢᬦ᭄ᬓᬤᬶᬓᭂᬦ᭄ᬤᭂᬮ᭄ᬫᬦᬳᬾ᭞ᬫᬥᬾᬲᭂᬓᬃᬧᭀᬮᬶᬄᬜᭂᬫ᭄ᬩᬃ᭞ᬜᭀᬫᬦ᭄ᬲᬭᬶᬫᬮᭀᬦᬦ᭄᭞ᬗᭀᬤᬓᬶᬦ᭄ᬢᬹᬃᬫᬶᬚᭂᬢ᭄ᬲᬸᬓᬸ᭞ᬓᬵᬫᬚᬬ᭠
ᬓᬤᬶᬓᬾᬫᬤ᭄᭟ᬗᭂᬚᭀᬄᬳᬸᬮᬢ᭄ᬲ᭄ᬫᬸᬓᬩᬶᬮ᭄ᬩᬶᬮ᭄᭞ᬫᬥᬾᬯᬢᬶᬘᬾᬱ᭄ᬝᬓᬵᬭ᭞ᬜᭂᬢᬲᭂᬩᭂᬂᬯ᭄ᬯᬂᬚ᭄ᬭᭀᬦᬾ᭞᭠ᬮᬦ᭄ᬳᬶᬳᬦᬓ᭄ᬓᬵᬫᬚᬬ᭞ᬲᬯᬂᬓᬶᬫᬸᬤ᭄ᬓᬘᬶᬗᬓ᭄᭞ᬫᬧᬶᬤᬦᬾᬢ᭄ᬯᬭᬭᬸᬗᬸ᭞ᬲᬤᬳᬮᭀᬦ᭄ᬫᬗᬦ᭄ᬤᬶᬓ᭟ᬮᬫ᭄ᬩᬾᬦ᭄ᬦᬦᬓ᭄ᬮᬾᬘᬾᬕ᭄ᬮᭂ
ᬧᬶᬲ᭄᭞ᬫᬾᬄᬢᭀᬦ᭄ᬤᬾᬦ᭄ᬗᬚᭂᬗᬂᬘᬦᬂ᭞ᬭᬵᬚᬧᬸᬢ᭄ᬭᬶᬓᬗᭂᬦ᭄ᬢᬸᬫᭀᬦ᭄᭞ᬳᬃᬱᬫᬶᬘᬬᬂᬍᬓᭂᬲᬦ᭄᭞ᬓᬵᬫᬚ᭠ᬬᬫᬫᬶᬢᬂ᭞ᬧ᭄ᬭᬦᬫ᭄ᬬᬲᬫ᭄ᬩᬶᬮᬂᬗᬸᬦ᭄ᬢᬸᬮ᭄᭞ᬲᬲᭂᬩᭂᬗᬦ᭄ᬓᬶᬫᬸᬤ᭄ᬓᬾᬫᬤ᭄᭟ᬫᬥᬾᬯᬢᬶᬗᬸᬘᬧᬭᬶᬲ᭄᭞ᬉᬥᬹᬄᬦᬦᬓ᭄ᬓᬵᬫᬚᬬ᭞

[᭙᭑ 91A]
᭙᭑
ᬋᬡᬬᬂᬇᬥᭂᬧ᭄ᬦᬦᬓᬾ᭞ᬦᬾᬫᬦᬶᬫᬾᬫᬾᬫᬫᬶᬦ᭄ᬤᬄ᭞ᬲᭂᬫᭂᬗᬦ᭄ᬗᭂᬤᬲ᭄ᬮᭂᬫᬄ᭞ᬗᬶᬭᬶᬂᬕᬸᬲ᭄ᬢᬶᬦ᭄ᬦᬦᬓ᭄ᬫᬦ᭄ᬢᬸᬓ᭄᭞ᬤᬾᬦᬶᬂᬳᬶᬤᬲᬸᬩᬓᬾᬦᬓ᭄᭟ᬓᬮᬸᬕ᭄ᬭᬲᬸᬩᬫᬧᬫᬶᬢ᭄᭞ᬳᬦ᭄ᬢᬸᬓ᭄ᬤᬦᬾᬧᭂᬓᬓ᭄ᬦᬦᬓ᭄᭞ᬲᬯᬶᬭᬾᬄᬲᬸᬩᬫᬓᭂᬮᭀ᭞ᬫᬾᬫᬾᬤᬶᬦᬶᬗᬶᬭᬶᬂᬳᬶ
ᬤ᭞ᬧᬸᬢᬸᬲᬦ᭄ᬲᬸᬩᬢᭂᬓ᭞ᬦᬾᬗᬢᬸᬭᬶᬦ᭄ᬳᬶᬤᬫᬦ᭄ᬢᬸᬓ᭄᭞ᬓᬕᬾᬮ᭄ᬕᬾᬮ᭄ᬫᬦᬶᬲᭂᬫᭂᬗᬦ᭄᭟ᬲᬓᬾᬂᬳᬃᬱᬦ᭄ᬰ᭄ᬭᬷᬪᬹᬧᬢᬶ᭞ᬫᬾᬫᬾᬢ᭄ᬯᬭᬩᬦᬶᬢᬸᬮᬓ᭄᭞ᬓᬵᬫᬚᬬᬫᬵᬢᬹᬃᬳᬮᭀᬦ᭄᭞ᬤᬸᬭᬸᬲᬂᬩᬶᬩᬶᬫᬫᬵᬃᬕ᭄ᬕ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬧᬜ᭄ᬚᬂ᭞ᬩᭀᬬᬳᬸ
ᬦᬶᬂᬫᬮᬶᬄᬫᬵᬢᬹᬃ᭞ᬲᬭᬮᬾᬤᬂᬧᬓᬬᬸᬦᬦ᭄᭞ᬓᬾᬯᬦ᭄ᬢᭂᬦ᭄ᬲᬵᬫ᭄ᬧᬸᬦᬂᬮᬮᬶ᭞ᬫᬶᬦᬓᬵᬤᬶᬲᬮᬶᬢ᭄ᬳᬃᬱ᭞ᬗᬗ᭄ᬕᬾᬦ᭄ᬢᬶ᭠ᬢ᭄ᬬᬂᬳᭀᬓᬤᬸᬤᭀᬂ᭞ᬫᬭᬹᬧᬓᬤᬶᬧ᭄ᬭᬲᬗ᭄ᬕ᭞ᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬜᬶᬤ᭄ᬥᬬᬂ᭞ᬲᬋᬂᬗᬶᬭᬶᬂᬩᬶᬩᬶᬫᬦ᭄ᬢᬸᬓ᭄᭞ᬓᬕᬾᬮ᭄ᬕᬾᬮ᭄ᬩᬾᬜ᭄ᬚᬂᬲᭂᬫᭂ᭠
ᬗᬦ᭄᭟ᬤᬾᬦᬶᬂᬢᬶᬢ᭄ᬬᬂᬓᬦ᭄ᬢᬸᬦ᭄ᬲᬓᬶᬢ᭄᭞ᬲ᭄ᬯᬾᬘ᭄ᬙᬩᬶᬩᬶᬗᬫ᭄ᬧᬸᬭᬬᬂ᭞ᬫᬥᬾᬯᬢᬶᬦᬶᬫ᭄ᬩᬮᬮᭀᬦ᭄᭞ᬳᬭᬄ᭠ᬢᭀᬂᬜᬦ᭄ᬤᬂᬭᬯᭀᬲᬂ᭞ᬍᬕᬫᬾᬫᬾᬦᬶᬗᭂᬳᬂ᭞ᬲᭂᬕᭂᬭᬾᬓᭂᬦᭂᬳᬂᬫᬮᬸ᭞ᬫᬲᬓᬸᬯᬗᬦ᭄ᬭᬳᬶᬦ᭟ᬦᬦᬓ᭄ᬧᬘᬂᬧᭂᬤᭂᬓ᭄ᬢᬗ᭄ᬓᬶᬮ᭄᭞᭠ [ 92 ][᭙᭑ 91B]
᭙᭑
ᬭᬶᬂᬲᬂᬗᬫᬗ᭄ᬓᬸᬦᬵᬕᬭ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬩᬩᬯᭀᬲᬾ᭞ᬢᭀᬂᬜᬦ᭄ᬤᬂᬫᬮᬶᬄᬧᬜ᭄ᬚᬗᬂ᭞ᬭᬾᬄᬲᬵᬫ᭄ᬧᬸᬦ᭄ᬲᬫᬶᬮᬲ᭄ᬬ᭞ᬩᬾᬜ᭄ᬚᬗᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬂᬫᬦ᭄ᬢᬸᬓ᭄ᬓᬲ᭄ᬯᬾᬘ᭄ᬙᬧᬸᬭ᭟ᬧᬗᬶᬭᬶᬂᬲᬵᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬲᭂᬫᭂᬗᬦ᭄ᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬲᬓᬾᬂᬧᬤᬸᬓ᭄ᬯ
ᬦ᭄ᬫᬕᬬᭀᬢ᭄᭞ᬳᬶᬤᬲᬂᬫᬡᬶᬓᬶᬂᬧᬸᬭ᭞ᬫᬥᬾᬯᬢᬶᬗᬶᬭᬶᬗᬂ᭞ᬫᬋᬫ᭄ᬩᬢ᭄ᬢᬍᬃᬭᬶᬂᬧᬸᬗ᭄ᬓᬸᬭ᭄᭞ᬫᬭᬾᬭᭀᬤ᭄ᬫᬮᭀᬦᬮᭀᬦᬦ᭄᭟ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬲᬳᬫᬓ᭄ᬢᬧᬘᬦᬗᬦ᭄᭞ᬗᬸᬦ᭄ᬗᬸᬦ᭄ᬲᭂᬤᬶᬄᬩᭂᬗᭀᬂᬩᭂᬗᭀᬂ᭞ᬢᭀᬮᬄᬢᭀᬮᬶᬄ
ᬩᬶᬮᬂᬤᬗ᭄ᬓ᭞ᬫᬗᭂᬦᬂᬓᬵᬫᬚᬬ᭞ᬗᬭᭀᬤ᭄ᬫᬫᬵᬃᬕ᭄ᬕᬶᬭᬶᬂᬧᬸᬗ᭄ᬓᬸᬭ᭄᭞ᬲᭂᬩᭂᬢ᭄ᬦᬶᬗ᭄ᬕᬮᬶᬦ᭄ᬧᬤᬸᬓ᭄ᬯᬦ᭄᭟ᬫᬾᬦ᭄ᬧ᭄ᬭᭀᬤᭀᬂᬩᬗ᭄ᬕᬶᬗᬸᬮᬧᬶᬦ᭄᭞ᬤᭀᬂᬳᬾᬗ᭄ᬕᬮᬂᬚᬫᬚᬮᬦ᭄᭞ᬚᬮᬦᬾᬮᬩᬸᬄᬫᬲᭂᬭᭀᬤ᭄᭞ᬢ᭄ᬯᬭᬳᬤᬮᬓᬃᬦᬦ᭄ᬤᬦ᭄᭞ᬫᬾᬦ᭄ᬲᬗ᭄ᬓᭀ
ᬮ᭄ᬳᬶᬚᬸᬦᬫ᭄ᬧ᭄ᬭᬢ᭄᭞ᬤᭀᬂᬗᬸᬤᬤᬤᬢᬭᬸᬗᬸ᭞ᬤᭂᬫᭂᬦ᭄ᬲᬦ᭄ᬜᭂᬗᬳᬶᬦ᭄ᬢᬶᬫ᭄ᬧᬮ᭄᭟ᬢᬦ᭄ᬓᭀᬘᬧᬦ᭄ᬲᬂᬫᬫᬵᬃᬕ᭄ᬕᬶ᭞ᬯᬮᬾᬦᬶᬦ᭄ᬧᬸᬦᬂᬘᬭᬶᬢ᭞ᬓᬵᬫᬚᬬᬭᬶᬂᬧᬢᬸᬭᭀᬦ᭄᭞ᬓᬦ᭄ᬢᬸᬦ᭄ᬩᭂᬗᭀᬂᬧᬤᬾᬯᬾᬓᬦ᭄᭞ᬫᬗᭂᬦᬂᬲᬂᬫᬫᬵᬃᬕ᭄ᬕ᭞ᬫᬲᭂᬮ᭄ᬲᭂᬮᬦ᭄ᬢ᭄ᬯᬭᬦᬸᬢᬸ᭠

[᭙᭒ 92A]
᭙᭒
ᬕ᭄᭞ᬜᬫ᭄ᬩᬢᬂᬩᭂᬮᭀᬕ᭄ᬢᬦ᭄ᬧᭂᬭᬄ᭟ᬢᬸᬫᬸᬮᬶᬩᬗᬸᬦ᭄ᬫᬕᭂᬤᬶ᭞ᬫᬫᬵᬃᬕ᭄ᬕᬶᬗᬸᬗ᭄ᬲᬶᬓᬧᬲᬃ᭞ᬦᬸᬗ᭄ᬓᬸᬮᬂᬳᬶᬩᬸᬓ᭄ᬫᬦᬳᬾ᭞ᬜᬶᬗᬓᬶᬦ᭄ᬳᬦᬓ᭄ᬫᬫᬲᬃ᭞ᬫᬤᭀᬮᬦ᭄ᬫᬢᭂᬕᭂᬧᬦ᭄᭞ᬲᬸᬫᬗ᭄ᬓᬶᬦ᭄ᬓᭂᬦᭂᬳᬾᬳᬶᬩᬸᬓ᭄᭞ᬫᬕᭂᬤᬶᬗᬸᬗ᭄ᬲᬶᬧᬩ᭄ᬬᬦᬦ᭄᭟ᬇᬭᬶᬓᬵᬫᬭᬹᬧ
ᬲᭂᬧᬶ᭞ᬢᬗ᭄ᬓᭂᬚᬸᬢ᭄ᬯᬯᬸᬦᬶᬗᭂᬳᬂ᭞ᬲ᭄ᬯᬭᬦ᭄ᬧᬓ᭄ᬱᬶᬭᬶᬂᬢᬭᬸᬦᬾ᭞ᬫᬸᬯᬸᬕ᭄ᬲᬦ᭄ᬤᭂᬭᬶᬦ᭄ᬓᬯᬗᬦ᭄᭞ᬧᭂᬭᬶᬢ᭄ᬘᬾᬢ᭄ᬭᬸᬂᬧᭂᬢᬶᬗᬦ᭄᭞ᬲᬫ᭄ᬩᭂᬄᬲᬫᬶᬗᬸᬮᬄᬮᬓᬸ᭞ᬫᬓᭂᬩᭂᬃᬗᭂᬮᬶᬤᬂᬲᬶᬓ᭄ᬬᬦ᭄᭟ᬧ᭄ᬬᬦᬓ᭄ᬜᬦᬾᬧᬘᬍᬗᬶᬓ᭄᭞ᬯᬯᬸᬳᬬᬢ᭄ᬧᭀᬮᬶᬄᬢᭂᬤ᭞ᬤᬸᬭᬸᬲ᭄ᬫ
ᬓᭂᬦ᭄ᬢᬓᬲᬗᭀᬦ᭄᭞ᬓᬵᬫᬚᬬᬳᭀᬮᬲ᭄ᬜᬶᬗᬓ᭄᭞ᬓᬯᬗᬦᬾᬓᬲᬩᬢ᭄᭞ᬫᬓᬯᭀᬦ᭄ᬲᬵᬫ᭄ᬧᬸᬦ᭄ᬫᬓᭂᬩᬸᬃ᭞ᬓᬵᬫᬚᬬᬜᬶᬓ᭄ᬱᬶᬓ᭄ᬭᬕ᭟ᬓᬾᬦᬾᬮᬘᬸᬭᬾᬤᬸᬫᬤᬶ᭞ᬫᬂᬚᬤ᭄ᬫᬳᬸᬩᬸᬄᬭᬭᬫ᭞ᬢᭀᬂᬳᬤᬲᬾᬦ᭄ᬤᭂᬫ᭄ᬫᬢᬓᭀᬦ᭄᭞ᬓᬵᬮ᭠
ᬲᭂᬤᬶᬄᬫᬧᬗᭂᬦᬦ᭄᭞ᬢᭀᬂᬳᬤᬗᬋᬗᬬᬂ᭞ᬫᬓᭂᬚᬂᬫᭂᬤ᭄ᬧᭂᬤᬂᬮᬘᬸᬭ᭄᭞ᬤᬾᬯᬾᬓᬾᬳᬩᬸᬢ᭄ᬧᬗᬾ᭠ᬲᬦ᭄᭟ᬬᬤᬶᬦ᭄ᬳᬤᬳᬦᬓ᭄ᬮᬶᬗ᭄ᬲᬶᬃ᭞ᬓᬾᬫᬤ᭄ᬓᭂᬦᭂᬳᬾᬗᬸᬦᬶᬗ᭄ᬳᬂ᭞ᬩ᭄ᬯᬢ᭄ᬓᬲᭂᬩᭂᬢᬦᬶᬥᭂᬧᬾ᭞ᬩᬶᬮᬶᬄᬤᬦᬾᬲᬮᬶᬢ᭄ᬳᬃᬱ᭞ᬤᬸᬭᬸᬲ᭄ᬫᭂ᭠ [ 93 ][᭙᭒ 92B]
᭙᭒
ᬗ᭄ᬕᬄᬧᬶᬤᬸᬓ᭞ᬓᬩᬯᭀᬲ᭄ᬗᬦ᭄ᬤᭂᬮᬂᬩᭂᬕᬸᬕ᭄᭞ᬢ᭄ᬯᬭᬦᬯᬂᬢᬢᬓ᭄ᬭᬫ᭟ᬢᭀᬂᬲᬾᬗᭂᬄᬢᭂᬓᬾᬦ᭄ᬲᭀᬃᬲᬶᬗ᭄ᬕᬶᬄ᭞᭠ᬮᬍᬓᬲᬦ᭄ᬘᬢᬹᬃᬯᬗ᭄ᬰ᭞ᬗᬸᬮᬸᬭᬶᬦᬶᬥᭂᬧᬾᬫᭀᬫᭀ᭞ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭞ᬓᬩᬯᭀᬲᬮᬄᬳᬸᬮᬢ᭄᭞ᬤ᭄ᬭᬢᬶᬓ᭄ᬭᬫ
ᬳᬸᬮᬄᬥᬸᬥᬹ᭞ᬢᭀᬂᬦᬯᬂᬳᬸᬘᬧᬦ᭄ᬰᬵᬲ᭄ᬢ᭄ᬭ᭟ᬧᬗ᭄ᬓᬄᬦᬕᬶᬄᬜᬸᬚᬸᬄᬮᬗᬶᬢ᭄᭞ᬬᬤ᭄ᬬᬧᬶᬦ᭄ᬧᬾᬢ᭄ᬚᬢᬸᬓᬵᬃᬫ᭄ᬫ᭞ᬢᬦ᭄ᬬᭀᬕ᭄ᬬᬲᬶᬗ᭄ᬲᬮ᭄ᬓᬩᬯᭀᬲ᭄᭞ᬗᬯᭂᬦᬗᬂᬦᬾᬢᬦ᭄ᬯᭂᬦᬂ᭞ᬋᬓᬾᬫᬸᬭᬸᬕ᭄ᬳᬕᬫ᭞ᬉᬕᬫᬦᭀᬭᬫᬫᬵᬢᬹᬢ᭄᭞ᬇᬕᬫᬫᬶᬘ᭄ᬙ
ᬬᬂᬢᬶᬃᬢ᭄ᬣ᭟ᬭᬶᬂᬩᬗ᭄ᬓᬾᬦ᭄ᬲᬂᬗᬸᬮᬄᬧᬢᬶ᭞ᬗᬮᬓᭀᬦᬶᬦ᭄ᬤ᭄ᬭᬢᬶᬓ᭄ᬭᬫ᭞ᬫᬫᬸᬭᬸᬕ᭄ᬧᬲ᭄ᬯᬭᬋᬓᭀ᭞ᬓᭀᬦᬾᬗᬍ᭠ᬢᭂᬳᬶᬦ᭄ᬚᬕᬢ᭄᭞ᬩᬗ᭄ᬓᬾᬦᬾᬢᬦ᭄ᬧᬢᭀᬬ᭞ᬳᬗ᭄ᬮᬗ᭄ᬓᬳᬶᬓᬭᬂᬳᬸᬮᬸ᭞ᬓᬤᬶᬯᬘᬦᬦ᭄ᬲᬂᬤᬶᬬᬄ᭟ᬓᬝᬄᬬᬦᬸᬘᬧᬂᬲᬫᬶ᭞ᬲᬲ
ᬫ᭄ᬩᬢ᭄ᬧᬸᬦ᭄ᬓᬵᬫᬚᬬ᭞ᬓᬩᬢᭂᬓ᭄ᬲᭂᬩᭂᬢ᭄ᬫᬦᬳᬾ᭞ᬓᬓᬯᭀᬦᬶᬦ᭄ᬳᬦ᭄ᬢᬸᬓ᭄ᬲᬂᬤ᭄ᬬᬄ᭞ᬧᬢᬶᬓᬘᬸᬄᬫᬧᬚᬃ᭞ᬤᭂᬓ᭠ᬲ᭄ᬤᭂᬓᭂᬲ᭄ᬜᬶᬓ᭄ᬱᬶᬓ᭄ᬩᬸᬮᬸ᭞ᬲᬗ᭄ᬲᬭᬤᬤᬶᬫᬵᬦᬹᬱ᭟ᬓᬍᬲᭀᬦ᭄ᬦᬸᬮᬶᬗᬭᬜ᭄ᬚᬶᬂ᭞ᬭᬶᬂᬓᬸᬩᬸᬦᬾᬩᬄᬜᬍᬫ᭄ᬧᬄ᭞ᬓᬵᬫᬚᬬᬲᬵᬫ᭄ᬧᬸ

[᭙᭓ 93A]
᭙᭓
ᬦ᭄ᬮᬾᬫ᭄ᬧᭀᬃ᭞ᬭᬱᬢᬦ᭄ᬧᬅᬢ᭄ᬫᬚᬶᬯ᭞ᬫᬗᭂᬦᬂᬲᬂᬫᬫᬵᬃᬕ᭄ᬕ᭞ᬮᬶᬧᬸᬭᬂᬢᭀᬂᬲᬶᬤ᭄ᬥᬮᬶᬧᬸᬭ᭄᭞ᬲᬢᬢᬦᬦ᭄ᬤᬂᬤᬸᬄᬓᬶᬢ᭟ᬳᬢᬹᬃᬢᬶᬢ᭄ᬬᬂᬲᬂᬫᬗᬯᬶ᭞ᬭᬶᬂᬳᬶᬤᬤᬦᬾᬫᬶᬳᬃᬱ᭞ᬧᬸᬗ᭄ᬕᭂᬮᬂᬤᬸᬫᬸᬦ᭄ᬲᬢ᭄ᬯᬦᬾ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬸᬓ᭄ᬮᬶᬦ᭄ᬢᬂ᭞ᬲᬯᬶᬭᬾᬄᬓᬦ᭄ᬢᬸᬦ᭄ᬧᬜ᭄ᬚᬂ᭞
ᬓᬤᬶᬦᬶᬓᬤᬸᬫᬸᬦ᭄ᬧᬸᬧᬸᬢ᭄᭞ᬩᬾᬜ᭄ᬚᬗᬦ᭄ᬫᬮᬶᬄᬮᬦ᭄ᬢᬸᬭᬂ᭛᭜᭛ᬕᬶᬦᬦ᭄ᬢᬶ᭛᭜᭛ᬓᬧᬶᬂᬲᬶᬬᬫᬗ᭄ᬓᬶᬦ᭄ᬓᬵ᭠ᬢᬸᬭ᭄᭞ᬓᬢᬢ᭄ᬯᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬬᬦ᭄ᬢᬓᭀᬘᬧ᭄ᬓᬵᬫᬚᬬ᭞ᬲᬲᬵᬫ᭄ᬧᬸᬦᬾᬭᬵᬚᬧᬸᬢ᭄ᬭᬶ᭞ᬫᬦ᭄ᬢᬸᬓ᭄ᬓᬮᬶᬗ᭄ᬕᬃᬱᬧᬸᬭ᭞ᬢᬦ᭄ᬲᬄᬗᬸ
ᬦ᭄ᬗᬸᬦ᭄ᬲᭂᬤᬶᬄᬓᬶᬗ᭄ᬓᬶᬂ᭟ᬓᬗᭂᬦ᭄ᬭᬶᬂᬲᬂᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬮᬮᬶᬬᬂᬲᬸᬫᬗ᭄ᬓᬶᬦ᭄ᬳᬾᬮᬶᬂ᭞ᬲᬢᬢᬫᬭᬯᬢ᭄ᬭᬯᬢ᭄᭞ᬯᬵᬤ᭠ᬦᬦ᭄ᬲᬂᬓᬤᬶᬭᬝᬶᬄ᭞ᬓᬵᬫᬚᬬᬓᬮᬸᬮᬸᬢᬦ᭄᭞ᬓᬲᭂᬫᬭᬦ᭄ᬩᬸᬤᬸᬄᬧᬮᬶᬂ᭟ᬭᬵᬚᬧᬸᬢ᭄ᬭᬶᬭᬱᬭᬯᬸᬄ᭞ᬲᬩ᭄ᬭᬦ᭄ᬯᭂᬗᬶᬓᬵᬮᬗᬶᬧᬶ᭞ᬲ᭄ᬯᬾ
ᬘ᭄ᬙᬫᬶᬘ᭄ᬙᬬᬂᬍᬓᭂᬲᬦ᭄᭞ᬗᬸᬭᬸᬢᬸᬭᬸᬢ᭄ᬫᬧᬲᬶᬳᬶᬦ᭄᭞ᬭᬱᬳᬶᬤᬫᬶᬓᭂᬤᭂᬳᬂ᭞ᬫᬗ᭄ᬤᬫᬫᬕᭂᬳᬂᬓᬾᬃᬢ᭄ᬢᬶ᭟ᬕᬩᬕ᭄ᬤᬶᬲᬫ᭄ᬧᬶᬗᬾᬲᬸᬯᬸᬂ᭞ᬯᬯᬸᬫᬭᬱᬭᬶᬂᬗᬶᬧᬶ᭞ᬓᬵᬫᬚᬬᬓᬧᬸᬧᬸᬗᬦ᭄᭞ᬫᬲᬶᬮᬦᭂᬕᬓ᭄ᬧᬤᬶᬤᬶ᭞ᬳᭀᬕᬦ᭄ᬩᭂᬗᭀᬂᬫᬧᬗᭂᬦᬦ᭄᭞᭠ [ 94 ][᭙᭓ 93B]
᭙᭓
ᬜᭂᬮ᭄ᬲᭂᬮ᭄ᬳᬯᬓ᭄ᬢᬦ᭄ᬧᬓᬾᬃᬢ᭄ᬢᬶ᭟ᬤᬶᬚᬕᬩᬕ᭄ᬤᬶᬚᬭᬸᬭᬸᬄ᭞ᬳᬶᬤᬲᬂᬫᬡᬶᬓᬶᬂᬧᬸᬭᬶ᭞ᬭᬱᬓᭂᬦᬶᬚᬭᬶᬂᬲᬸᬢ᭄ᬭ᭞ᬫᬾᬦ᭄ᬤ᭄ᬭ᭠ᬦᬶᬥᭂᬧᬾᬗᬮᬶᬮᬶᬢ᭄᭞ᬢᭀᬂᬲᬶᬤ᭄ᬥᬳᬦ᭄ᬢᬸᬓ᭄ᬫᬮᬾᬗ᭄ᬓᬲ᭄᭞ᬓᬭᬳᬢᬦ᭄ᬦᬦ᭄ᬤᬂᬲᭂᬤᬶᬄ᭟ᬤᭂᬳᬢᬭᬸᬡᬦᬾᬗᬗ᭄ᬕᬸᬃ᭞ᬓᬧᬤᬸᬓ᭄ᬯᬦ᭄ᬲᬩ᭄ᬭ
ᬦ᭄ᬯᭂᬗᬶ᭞ᬜᬮᬶᬫᬸᬭᬂᬓᬵᬫᬚᬬ᭞ᬲᬲᬵᬫ᭄ᬧᬸᬦᬾᬭᬵᬚᬧᬸᬢ᭄ᬭᬶ᭞ᬫᬓᬯᭀᬦ᭄ᬲᬓᬾᬂᬧᬤᬸᬓ᭄ᬯᬦ᭄᭞ᬓᬤᬶᬲᬵᬫ᭄ᬧᬸᬦ᭄‌ᬋᬡᬫᬮᬶᬄ᭟ᬕᬶᬭᬂᬫᭂᬮᬚᬄᬫᬓᬶᬤᬸᬂ᭞ᬫᬮᬢ᭄ᬤᭂᬫᬸᬂᬯᬃᬕ᭄ᬕᬲᬭᬶ᭞ᬯᬾᬦ᭄ᬢᭂᬦ᭄ᬦᬾᬤᭂᬫᭂᬦ᭄ᬫᬪᬵᬱᬦ᭄᭞ᬓᬵᬫᬚᬬᬫᬜᬋᬗᬶᬦ᭄᭞ᬕᭂ᭠
ᬦᬄᬫᬧᬯᭀᬲ᭄ᬧᬯᭀᬲᬦ᭄᭞ᬫᬩᬦ᭄ᬢᬶᬳᬦ᭄ᬮᬦᬂᬳᬶᬲ᭄ᬢ᭄ᬭᬶ᭟ᬯᬾᬦ᭄ᬢᭂᬦ᭄ᬭᬶᬂᬩᬮᬾᬩᭂᬤᬯᬸᬄ᭞ᬯᬾᬦ᭄ᬢᭂᬦ᭄ᬭᬶᬂᬩᬮᬾᬩᭂᬤᬗᬶᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬤᬸᬓᬸᬄᬮᬦᬂ᭞ᬓᬾᬗᬶᬦ᭄ᬕᬸᬭᬸᬲᬋᬂᬓᬵᬮᬶᬄ᭞ᬗᬸᬭᬸᬓ᭄ᬲᬂᬤᭂᬫᭂᬦ᭄ᬫᭂᬮᬚᬄ᭞ᬫᬓᬶᬤᬸᬂᬬᬤᬶᬦ᭄ᬫᬓᬯᬶᬦ᭄᭟ᬫᬸᬯᬸ᭠
ᬕ᭄ᬩᭂᬤᬗᬶᬦ᭄ᬩᭂᬤᬯᬸᬄ᭞ᬫᬢᭂᬫ᭄ᬩᬂᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬓᬵᬫᬚᬬᬲᬬᬦ᭄ᬧᬹᬃᬡ᭄ᬦ᭞ᬓᬲ᭄ᬮᬶᬫᬹᬃᬳᬦ᭄ᬢᬸᬓ᭄ᬓᬓᬯᬶᬦ᭄᭞ᬓᬤᬶᬮᬮᬶᬫᬗᬾᬮᬶᬗᬂ᭞ᬲᬂᬓᬤᬶᬳ᭄ᬬᬂᬕᬶᬭᬶᬧᬸᬢ᭄ᬭᬶ᭟ᬓᬤᬸᬓ᭄ᬓᬧᬶᬗᭀᬦᬸᬮᬗᬸᬦ᭄᭞ᬫᬶᬋᬂᬕᭂᬦ᭄ᬤᬶᬂᬮᬦᬂᬳᬶᬲ᭄ᬢ᭄ᬭᬶ᭞ᬓᬤᬶᬕᭂᬦ᭄ᬤᬃᬫᬩᬭ

[᭙᭔ 94A]
᭙᭔
ᬗᬦ᭄᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬢᭂᬗᬄᬯᭂᬗᬶ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬗᬭᬵᬃᬬ᭄ᬬᬦᬂ᭞ᬲᬳᬧᬗᬦ᭄ᬤᬶᬓᬳᬭᬶᬲ᭄᭟ᬦᬄᬚᬮᬦ᭄ᬭᬾ᭠ᬭᬾᬦᬂᬫᬮᬸ᭞ᬘᭂᬭᬶᬓ᭄ᬘᭂᬭᬶᬓ᭄ᬫᬕᭂᬦ᭄ᬤᬶᬂ᭞ᬳᬧᬂᬤᬢᬸᬬᬸᬄᬫᬕᬤᬂ᭞ᬦᬾᬫᬦᬶᬚᬮᬦ᭄ᬚᬸᬫᬸᬦᬶᬦ᭄᭞ᬫᭂᬮᬄᬫᬮᬸᬫᬭᬭᬲᬦ᭄᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬗ
ᬜ᭄ᬘᬂᬫᬸᬮᬶᬄ᭟ᬳᬮᬶᬢᬮᬶᬢᬾᬫᬩ᭄ᬭᬶᬬᬸᬓ᭄᭞ᬫᬭᬵᬃᬬ᭄ᬬᬦ᭄ᬲᬵᬫ᭄ᬧᬸᬦ᭄ᬫᬕᭂᬦ᭄ᬤᬶᬂ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬫᬗᬦ᭄ᬤᬶᬓ᭞ᬦᬄᬫᬾᬫᬾᬚᬦᬶᬦᬸᬢᬸᬭᬶᬦ᭄᭞ᬘᭂᬭᬶᬓ᭄ᬘᭂᬭᬶᬓ᭄ᬫᬓᭂᬚᬂ᭞ᬢᬶᬗ᭄ᬓᬳᬾᬜᬦ᭄ᬤᬂᬮᬓᭀᬦᬶᬦ᭄᭟ᬲᭀᬢᬦᬶᬂᬤᭂᬫᭂᬦ᭄ᬫᬕᬸᬩᬸᬕ᭄᭞ᬫᬜᬫᬩ᭄ᬭᬬᬮᬸᬄᬫ᭄ᬯᬦᬶ᭞
ᬳᬧᬂᬦᬯᬂᬢᬢᬓ᭄ᬭᬫ᭞ᬤᬾᬦᬶᬂᬲᬸᬩᬧᬥᬓᭂᬮᬶᬄ᭞ᬲᬹᬓ᭄ᬱᭂᬫᬦᬶᬂᬩᬸᬤ᭄ᬥᬢᬢ᭄ᬯ᭞ᬦᬾᬜᬦ᭄ᬤᬂᬘᭂᬦᬶᬂᬲᬸᬗ᭄ᬓᭂᬫᬶᬦ᭄᭟ᬫᬦᬶᬧ᭄ᬯᬦ᭄ᬧᬾᬢ᭄ᬓᬕᬸᬕᬸ᭞ᬗᬮᬶᬄᬓᬸᬋᬦᬦ᭄ᬳᬸᬧᬫᬶ᭞ᬳᬧᬂᬦᭂᬧᬸᬓᬶᬦ᭄ᬓᬲᬤ᭄ᬬᬦ᭄᭞ᬓᬯᭂᬦᬗᬦ᭄ᬳᬦᬓ᭄ᬫ᭄ᬯᬦᬶ᭞ᬧᬵᬢᬹᬢ᭄ᬫᬕᭂᬳᬂᬓᬥᬃᬫ᭄ᬫᬦ᭄᭞ᬮᬶ
ᬫᬂᬲᭀᬭᭀᬄᬮᬶᬗᬶᬂᬳᬚᬶ᭟ᬫᬵᬋᬧ᭄ᬢᭂᬓᬾᬦ᭄ᬳᬦᬓᭂᬮᬸᬄ᭞ᬳᬩᭂᬲᬶᬓ᭄ᬧᬵᬢᬹᬢ᭄ᬢᬗᬭᬶᬦ᭄᭞ᬫᭂᬲ᭄ᬯᬂᬫᬸᬜᬶᬲᬤᬧ᭄ᬮ᭠ᬧᬦ᭄᭞ᬫᬓᬘᬶᬳ᭄ᬦᬮᬸᬮᬸᬢᬲᬶᬄ᭞ᬫᬓᬸᬋᬦᬦ᭄ᬲᬓᬾᬂᬢᬺᬱ᭄ᬡᬵ᭞ᬳᬕᭂᬢ᭄ᬮᬘᬸᬃᬲᬮᬶᬂᬢᬶᬦ᭄ᬤᬶᬄ᭟ᬓᬧᬶᬂᬤᬤ᭄ᬯᬤᬫᬫᬶᬲᬸᬄ᭞ᬫᭂᬲ᭄ᬯᬂᬫᬸᬜᬶ [ 95 ][᭙᭔ 94B]
᭙᭔
ᬲᬶᬸᬤᬶᬸᬢᬦ᭄ᬧᬰ᭄ᬭᬸᬢᬶ᭞ᬢ᭄ᬯᬭᬫᭂᬮᬄᬫᬗᬦ᭄ᬤᬧᬂ᭞ᬳᬦᬓ᭄ᬮᬸᬄᬲᭀᬫᬄᬧᬤᬶᬤᬶ᭞ᬫᬧ᭄ᬯᬭᬧᬬᬸᬫᬢᬸᬗ᭄ᬓᬲ᭄᭞ᬢ᭄ᬯᬭᬜᬓ᭄ᬗᬶᬥᭂᬧᬂᬫᬸᬜᬶ᭟ᬓᬯᭂᬦᬗᬦ᭄ᬓᬧᬶᬂᬢᭂᬮᬸ᭞ᬮᬸᬮᬸᬢᬲᬶᬄᬲᬵᬥᬹᬩᬸᬤ᭄ᬥᬶ᭞ᬇᬥᭂᬧᬾᬢᬺᬱ᭄ᬡᬵᬫᬲᭀᬫᬄ᭞ᬩᬦᬶᬫᬫᬾᬮᬦᬶᬦ᭄ᬫᬵᬢᬶ᭞ᬧᬭᬲ᭄ᬧᬭᭀ
ᬲᬃᬧ᭄ᬧᬦᬬ᭞ᬳᬕᭂᬢ᭄ᬮᬘᬸᬃᬲᬮᬶᬂᬢᬭᬶ᭟ᬓᬧᬶᬂᬧᬢᬶᬥᭂᬧᬾᬗᬸᬕᬸ᭞ᬳᬦᬓ᭄ᬮᬸᬄᬳᬦᬾᬢᬺᬱ᭄ᬡᬵᬳᬶᬦ᭄᭞ᬜᭂᬭᬳᬂᬲᬕᬸᬡᬓᬵᬬ᭞ᬢ᭄ᬯᬭᬫᬢᬗᬭᬦ᭄ᬩᬸᬯᬶᬦ᭄᭞ᬳᬗ᭄ᬕᭀᬦ᭄ᬦᭂᬕᬸᬮ᭄ᬓᬧᬶᬢᬺᬱ᭄ᬡᬵᬦ᭄᭞ᬩ᭄ᬭᬡᬦᬾᬧᬶᬦᬓᬢᬮᬶ᭟ᬓᬧᬶᬂᬮᬶᬫᬲᬓᬾᬂᬳᬭᬸᬲ᭄᭞᭠
ᬢ᭄ᬯᬭᬚᬗ᭄ᬓᬬᬦ᭄ᬗᬸᬮᬸᬭᬶᬦ᭄᭞ᬲᭀᬫᬳᬾᬤᭂᬫᭂᬦ᭄ᬫᬧᬬᬲ᭄᭞ᬓᬵᬮᬦᬶᬂᬧᭂᬲᬸᬫᬩᬮᬶᬄ᭞ᬢᭀᬂᬗᭂᬮᬄᬇᬥᭂᬧ᭄ᬲ᭠ᬗ᭄ᬲᬬ᭞ᬢᬹᬃᬘᬶᬦᬶᬤ᭄ᬭᬦᬾᬢᬶᬤᭀᬗᬶᬦ᭄᭟ᬓᬜ᭄ᬘᬶᬢ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬵᬢᬹᬃ᭞ᬦᬸᬦᬲᬂᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᬯᭂᬕᬂ᭞ᬩᭀ
ᬬᬲᬗ᭄ᬓᬦᬶᬂᬦᬸᬗ᭄ᬓᬲᬶᬦ᭄᭞ᬧᬶᬢᬸᬤᬸᬄᬳᬸᬘᬧᬦ᭄ᬰᬵᬲ᭄ᬢ᭄ᬭ᭞ᬦᬵᬗ᭄ᬳᬶᬂᬓᬾᬢᬍᬃᬧᬶᬦᭂᬳᬶᬦ᭄᭟ᬓᬯᭀᬦ᭄ᬩᭂᬘᬶᬓ᭄ᬓᬧᬸᬗ᭄ᬓᬸᬭ᭄᭞ᬩᬶᬮᬶᬄᬢᬶᬢ᭄ᬬᬂᬧᬘᬂᬧᭀᬮᬶᬄ᭞ᬓᬕᬸᬕᬸᬗᬋᬋᬄᬲᭀᬫᬄ᭞ᬳᬦᬓ᭄ᬮᬸᬄᬤᭂᬫᭂᬦ᭄ᬫᬮᬮᬶ᭞ᬲᬢᬢᬜᭂᬦ᭄ᬢᭀᬓᬂᬧᬬᬲ᭄᭞ᬫᭂᬤᭂ

[᭙᭕ 95A]
᭙᭕
ᬫ᭄ᬩᬗᬸᬦ᭄ᬧᭂᬲᬸᬫᬸᬮᬶᬄ᭞ᬚᬦ᭄ᬢᭂᬦ᭄ᬢᬶᬢ᭄ᬬᬂᬧᬘᬂᬮᬘᬸᬭ᭄᭞ᬬᬦ᭄ᬓᬶᬭᬂᬬᬢ᭄ᬦᬦᬗᬭᬶᬦ᭄᭞ᬩᬶᬮᬶᬄᬢᬦ᭄ᬚᬦ᭄ᬢᭀᬲᬫᬲ᭞ᬢᬶᬢ᭄ᬬᬂᬢᬶᬧᬲ᭄ᬗᬶᬤᬶᬳᬶᬤᬶᬄ᭞ᬳᬗ᭄ᬕᬾᬦ᭄ᬗᬸᬮᬸᬭᬶᬦ᭄ᬓᬸᬋᬦᬦ᭄᭞ᬓᬾᬗᬶᬦ᭄ᬓᬓᭂᬤᬾᬓᬦ᭄ᬕᬸᬫᬶ᭟ᬫᬲᬦᬾᬦ᭄ᬢᭂᬦ᭄ᬓᬧᬓᬬᬸᬦ᭄᭞ᬲᬸᬓᬵᬤᬸᬓᬵᬦᬾᬫᬲᬦ᭄ᬤᬶᬂ᭞
ᬤᬸᬓᬸᬄᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬳᬭᬄᬲᬚᬓᬾᬢᭀᬘᭂᬦᬶᬂ᭞ᬤ᭄ᬯᬦᬶᬂᬧᬵᬢᬹᬢ᭄ᬫᬲᬶᬄᬬᬢ᭄ᬦ᭞ᬗᬮᬶᬄᬲᭀᬫᬄᬦᬾᬤᭂᬫᭂᬦᬶᬦ᭄᭟ᬓᬯᭂᬦᬗᬦ᭄ᬳᬦᬓᭂᬮᬸᬄ᭞ᬫᬾᬫᬾᬦᬾᬚᬦᬶᬦᬸᬢᬸᬭᬶᬦ᭄᭞ᬳᬧᬂᬘᭂᬦᬶᬂᬧᭂᬤᬲ᭄ᬦᬯᬂ᭞ᬰᬰᬡᬦᬾᬫᬵᬤᬦ᭄ᬮᭂᬯᬶᬄ᭞ᬢᬹᬃᬳᬦᬾ
ᬜᬦ᭄ᬤᬂᬩᭀᬩᭀᬢᬂ᭞ᬫᬲᬶᬄᬮᬶᬫᬂᬲᭀᬭᭀᬄᬘᭂᬦᬶᬂ᭟ᬓᬯᬶᬢ᭄ᬓᬲᬫ᭄ᬩᬢᬂᬮᬸᬳᬸᬂ᭞ᬦᬾᬲᬚᬤᬸᬯᭂᬕ᭄ᬗᬸᬮᬦᬶᬦ᭄᭞ᬳᬦᬓ᭄ᬫ᭄ᬯᬦᬶᬫᬕᬭᬧᬦ᭄᭞ᬢ᭄ᬯᬭᬲᬲᬳᬶᬫᬮᬮᬶ᭞ᬦᬧ᭄ᬓᬵᬮᬧᭂᬲᬸᬫᬧᬬᬲ᭄᭞ᬫᬲᬦ᭄ᬭᬭᬳᬶᬦᬦ᭄ᬕᬸᬫᬶ᭟ᬓᬧᬶᬂᬤ᭄ᬯᬓᬢᭂᬓᬦ᭄ᬢᬫ᭄ᬬᬸ᭞ᬓ
ᬓᬦ᭄ᬢᬾᬦᬦ᭄ᬳᬦᬾᬫ᭄ᬯᬦᬶ᭞ᬲᬤᬲ᭄ᬭᭀᬫᬾᬄᬫᬘᬧᬢᬦ᭄᭞ᬢᬹᬃᬳᬧᬂᬲᬾᬩᭂᬢ᭄ᬗᬬᬳᬶᬦ᭄᭞ᬤᬶᬳᬕᬾᬗᬮᬶᬳᬂ᭠ᬧᬩ᭄ᬯᬦ᭄᭞ᬩᬶᬱᬗᬍᬓᬂᬦᬾᬫ᭄ᬯᬦᬶ᭟ᬓᬯᭂᬦᬗᬦ᭄ᬓᬧᬶᬂᬢᭂᬮᬸ᭞ᬧ᭄ᬭᬫᬲᬢ᭄ᬬᬮᬸᬮᬸᬢᬲᬶᬄ᭞ᬢ᭄ᬯᬭᬮᬶᬜᭀᬓ᭄ᬗᬤ᭄ᬯᬧᬭ᭞ᬢᬺᬱ᭄ᬡᬵᬫ [ 96 ][᭙᭕ 95B]
᭙᭕
ᬲᭀᬫᬄᬲᬸᬚᬢᬶ᭞ᬳᬕᭂᬢ᭄ᬮᬘᬸᬃᬩᬦᬶᬦᬢᬓ᭄᭞ᬤᭀᬂᬲᬓᬾᬂᬗᭂᬤᭀᬢᬂᬧᬶᬧᬶᬲ᭄᭟ᬓᬧᬶᬂᬧᬢ᭄ᬳᬶᬥᭂᬧᬾᬲᬵᬥᬹ᭞ᬗᬫᭀᬂᬲᬓᬬᬦ᭄ᬦᬾᬫ᭄ᬯᬦᬶ᭞ᬢ᭄ᬯᬭᬗᬸᬭᬗᬸᬢᬂᬗᬸᬢᬂ᭞ᬮᬕᬸᬢᬾᬓᬲᬸᬓ᭄ᬲ᭄ᬭᬳᬶᬦ᭄᭞ᬳᬧᬂᬦᬯᬂᬗᬾᬤᬍᬫᬂ᭞ᬦᬾᬫ᭄ᬯᬦᬶᬢᬸᬬᬸᬄᬫᬧᬸᬕ᭄ᬮᬶᬂ᭟
ᬓᬧᬶᬂᬮᬶᬫᬩᬶᬱᬦᬸᬦᬸᬦ᭄᭞ᬜᭀᬗ᭄ᬓᬾᬢ᭄ᬗᭂᬦ᭄ᬤᭂᬓ᭄ᬓᬫ᭄ᬩᭂᬦ᭄ᬩᬮᬶ᭞ᬦᬦ᭄ᬤᬶᬂᬩᬦ᭄ᬢᭂᬦ᭄ᬘᬾᬱ᭄ᬝᬵᬓᬭ᭞ᬲᬓᬜ᭄ᬘᬦ᭄ᬳᬲ᭄ᬢᬓᭀᬰ᭠ᬮᬶ᭞ᬧᬾᬜ᭄ᬘᬤ᭄ᬲᬾᬩᭂᬢ᭄ᬫᬕᬭᬧᬦ᭄᭞ᬓ᭄ᬭᬫᬩᬜ᭄ᬚᬃᬗᬾᬤᬍᬫᬶᬦ᭄᭟ᬓᬾᬢᭀᬰᬰᬡᬦᬾᬧᬢᬸᬄ᭞ᬳᬦᬓᬾᬮᬸᬄᬮᬦ᭄ᬦᬾᬫ᭄ᬯ᭠
ᬦᬶ᭞ᬲᭀᬢᬦᬶᬂᬫᬗ᭄ᬕᭂᬄᬕᬺᬳᬲ᭄ᬣ᭞ᬧᬜ᭄ᬘᬰᬶᬮᬤᬾᬦ᭄ᬮᬓᭀᬦᬶᬦ᭄᭞ᬯᭂᬓᬲ᭄ᬦᭂᬧᬸᬓᬶᬦ᭄ᬓᬲᬤ᭄ᬬᬦ᭄᭞ᬲ᭄ᬯᬃᬕ᭄ᬕᬦ᭄ᬤᬶ᭠ᬲᬓᬵᬮᬚᬢᬶ᭟ᬢᬭᬸᬡᬦᬾᬲᬫᬶᬗᬸᬦ᭄ᬢᬸᬮ᭄᭞ᬦᬾᬤᭂᬳᬓᬮᬶᬫᬶᬤ᭄ᬮᬶᬫᬶᬤ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬲᬾᬩᭂᬢ᭄ᬜᬶᬗᬓ᭄᭞ᬫᬮᬶᬄᬫᬯᬘᬦ᭠
ᬳᬭᬶᬲ᭄᭞ᬢᭂᬕᬭᬂᬧᬥᬓᭂᬦᭂᬳᬂ᭞ᬳᬦᬾᬜ᭄ᬘᬾᬦ᭄ᬜᬦ᭄ᬤᬂᬕᬸᬕᭀᬦᬶᬦ᭄᭟ᬩᭀᬬᬯᬾᬦ᭄ᬢᭂᬦ᭄ᬫᬮᬶᬄᬫᬵᬢᬹᬃ᭞ᬫᭂ᭠ᬦ᭄ᬤᭂᬧ᭄ᬲᬫᬶᬓᬢᬓᬾᬦᬶᬦ᭄᭞ᬫᬮᬶᬄᬤᬦᬾᬫᬯᬘᬦ᭞ᬦᬾᬳᬤᬩᬸᬯᬶᬦᬩᭂᬲᬶᬓ᭄᭞ᬢᬸᬢᬸᬭᬾᬜᬦ᭄ᬤᬂᬋᬲᭂᬧᬂ᭞ᬤᬾᬦᬶᬂᬲᬸᬩᬧ

[᭙᭖ 96A]
᭙᭖
ᬥᬓᭂᬮᬶᬄ᭟ᬧᬦᬗ᭄ᬓᬦ᭄ᬮᭂᬓᬤ᭄‌ᬦᬸᬳᬶᬤᬸᬧ᭄᭞ᬳᭂᬤᬲᬚᬫᬗᭂᬗ᭄ᬲᬧᬶᬦ᭄᭞ᬳᬸᬢᬗᬾᬢᭂᬓᬾᬦ᭄ᬭᬭᬫ᭞ᬦᬾᬗᬸᬩᬸᬳᬶᬦ᭄ᬳᬸᬮᬶᬘᭂᬦᬶᬓ᭄᭞ᬓᬦ᭄ᬢᬶᬲᬸᬩᬗᭂᬮᬄᬲᭀᬫᬄ᭞ᬯᭂᬦᬂᬚᬦᬶᬧᬲᬶᬮᬶᬳᬶᬦ᭄᭟ᬩᬳᬦ᭄ᬧᬶᬢᬺᬱ᭄ᬡᬵᬲᬢᬸᬯᬸᬓ᭄᭞ᬲᬵᬥᬹᬩᬸᬤ᭄ᬥᬶᬫᬗᭀ᭠
ᬮᬲᬶᬦ᭄᭞ᬭᬭᬫᬦᬾᬲᬸᬩᬳᭀᬤᬄ᭞ᬯᭂᬦᬂᬤᬾᬯᬾᬓᬾᬜᬗᭀᬦᬶᬦ᭄᭞ᬢ᭄ᬯᬭᬤᬤᬶᬦᬮᬾᬫᬦᬂ᭞ᬧᬦ᭠ᬯᬸᬭᬦᭀᬮᬲᬲᬶᬄ᭟ᬓᬦ᭄ᬢᬶᬳᬶᬭᬭᬫᬮᬫ᭄ᬧᬸᬲ᭄᭞ᬧᬵᬢᬹᬢ᭄ᬤᬾᬯᬾᬓᬾᬗᭂᬜ᭄ᬘᬦᬶᬦ᭄᭞ᬗᬤ᭄ᬬᬦᬶᬦ᭄ᬰᬯᬧ᭄ᬭᬢᬾᬓ᭞ᬧᬸᬮᬧᬮᬶᬦ᭄ᬲᬂ
ᬫᬵᬢᬶ᭞ᬳᬸᬘᬧᬶᬂᬧᬸᬢ᭄ᬭᬰᬰᬡ᭞ᬪᬓ᭄ᬢᬶᬢᭂᬓᬾᬦ᭄ᬳᬦᬓ᭄ᬮᬶᬗ᭄ᬲᬶᬭ᭄᭟ᬓᬯᭂᬦᬗᬦ᭄‌ᬬᬬᬄᬳᬶᬩᬸ᭞ᬫᬲᬶᬄᬲᭂᬗ᭄ᬓ᭠ᬬᬦ᭄ᬗᬃᬤ᭄ᬥᬶᬦᬶᬦ᭄᭞ᬓᬭᬳᬬᭀᬦᬾᬓᬯᭂᬓᬲ᭄᭞ᬗᬲ᭄ᬢᬧᬬᬂᬧ᭄ᬬᬦᬓ᭄ᬘᭂᬦᬶᬓ᭄᭞ᬲᬪᬶᬦᬦᬶᬂᬤᬤᬳᬭᬦ᭄᭞ᬓᬯᬢᬗᬂᬲᬗᬸᬦ᭄ᬳᬸᬭᬶᬧ᭄᭟
ᬧᬶᬢᬸᬢᬸᬭᬾᬦᬾᬭᬳᬬᬸ᭞ᬓᬦ᭄ᬢᬶᬜᬓ᭄ᬗᬶᬥᭂᬧᬂᬫᬸᬜᬶ᭞ᬧ᭄ᬬᬦᬓᬾᬳᬦᬾᬍᬓᬤᬂ᭞ᬲᬳᬶᬲᬳᬶᬧᬶᬢᬸᬢᬸᬭᬶᬦ᭄᭞ᬗᬸᬮᬢᬶᬧᬗᬸᬧᬚᬶᬯ᭞ᬤᬾᬦᬶᬂᬲᬸᬩᬫᭂᬦᬾᬓ᭄ᬓᭂᬮᬶᬄ᭟ᬲᬲᬸᬩᬦᬾᬗᭂᬮᬄᬫᬦ᭄ᬢᬸ᭞ᬭᬵᬚᬩ᭄ᬭᬡᬧᬓᬩᬳᬶᬦ᭄᭞ᬳᬯᬦᬦ᭄ᬲᬢᭀ [ 97 ][᭙᭖ 96B]
᭙᭖
ᬦ᭄ᬤᬾᬦ᭄ᬳᭀᬤᬄ᭞ᬢᬭᬕ᭄ᬬᬫᬢᬓᬶᬢᬓᬶ᭞ᬧᬢᬸᬬᬸᬳᬶᬦ᭄ᬗᬮᬶᬄᬳᬫᬄ᭞ᬩᬕ᭄ᬬᬫᬢᬶᬗ᭄ᬕᬮᬦ᭄ᬯᬭᬶᬲ᭄᭟ᬳᬗ᭄ᬕᭀᬦ᭄ᬩᭂᬓᭂᬮ᭄ᬧ᭄ᬬᬦᬓ᭄ᬫᬦ᭄ᬢᬸ᭞ᬲᬪᬶᬦᬦ᭄ᬫᭂᬓᭂᬮᬶᬦ᭄ᬫᬸᬜᬶ᭞ᬦᬄᬳᬫ᭄ᬩᬸᬮ᭄ᬢᭀᬲᬸᬩᬧ᭄ᬭᬕᬢ᭄᭞ᬓᭂᬫᭀᬚᬦᬶᬧᬥᬫᬸᬮᬶᬄ᭞ᬲᬂᬓᬤᬯᬸᬳᬦ᭄ᬧ᭄ᬭᬦᬫ᭄ᬬ᭞ᬫᬫᬶ
ᬢᬂᬮᬸᬕ᭄ᬭᬫᬧᬫᬶᬢ᭄᭟᭜᭟ᬲᬶᬦᭀᬫ᭄᭟᭜᭟ᬩᬾᬜ᭄ᬚᬗᬦ᭄ᬫᬮᬶᬄᬳᬸᬘᬧᬂ᭞ᬇᬭᬶᬓᬵᬭᬶᬂᬢᬫᬦ᭄ᬩᬮᬶ᭞ᬳᬮᬶᬢᬮᬶ᭠ᬢᬾᬫᬭᬾᬭᭀᬤ᭄᭞ᬫᬦ᭄ᬢᬸᬓ᭄ᬲᬓᬾᬂᬢᭂᬕᬮ᭄ᬘᬭᬶᬓ᭄᭞ᬯᬾᬦ᭄ᬢᭂᬦ᭄ᬗᭂᬢᬓᬂᬲᬫ᭄ᬧᬶ᭞ᬦᬶᬓᬸᬮ᭄ᬢᬫ᭄ᬩᬄᬦᬤ᭄ᬢᬤ᭄ᬘᬮᬸᬓ᭄᭞ᬯᬾᬦ᭄ᬢᭂᬦ᭄ᬦᬾᬜᬸᬯᬸᬦ᭄ᬧ᭠
ᬤᬂ᭞ᬳᬓ᭄ᬭᬜ᭄ᬚᬂᬫᬲᭂᬍᬢ᭄ᬳᬭᬶᬢ᭄᭞ᬳᬕᬾᬫᬦ᭄ᬢᬸᬓ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬜ᭄ᬚ᭟ᬯᬾᬦ᭄ᬢᭂᬦ᭄ᬭᬯᬸᬄᬲᬓᬾᬂᬢᬸᬓ᭠ᬤ᭄᭞ᬦᬾᬤᭂᬳᬜᬸᬯᬸᬦ᭄ᬚᬸᬦ᭄ᬧᬜ᭄ᬚᬶᬂ᭞ᬧᬫᬵᬃᬕ᭄ᬕᬶᬦᬾᬤᬾᬫ᭄ᬧᬤᬾᬫ᭄ᬧᭀ᭞ᬦᬾᬢᬭᬸᬡᬜᬮᬾᬦ᭄ᬤᭀᬭᬶᬦ᭄᭞ᬗᬚᬓᬶᬦ᭄ᬩᬋᬂᬫᬸᬮᬶᬄ᭞ᬫ
ᬓᬶᬲᬶᬓᬶᬲᬶᬫᬲᬗ᭄ᬕᬸᬧ᭄᭞ᬯᬸᬲᬦ᭄ᬧᭂᬕᬢ᭄ᬳᬸᬯᬓᬦ᭄᭞ᬫᬲᬗ᭄ᬓᬾᬫᬮᬶᬄᬳᬰᬰᬶᬄ᭞ᬧᬘᬂᬤᬸᬭᬸᬲ᭄᭞ᬫᬓᬓᬦ᭄ᬧᬚᭂ᭠ᬕ᭄‌‌ᬫᭂᬭᬗ᭄ᬓᬢ᭄᭟ᬓᭀᬘᬧ᭄ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬗᭂᬜᬶᬢ᭄ᬲᬸᬯᬃᬓᬵᬮᬯᭂᬗᬶ᭞ᬩᭂᬘᬢ᭄ᬲᬾᬧᬦ᭄ᬫᬤᬳᬭᬦ᭄᭞ᬓᬓᬦ᭄ᬢᬾᬦᬦᬾ

[᭙᭗ 97A]
᭙᭗
ᬗᬯᬸᬓᬶᬦ᭄᭞ᬤᬶᬯᬗᬦ᭄ᬚᭂᬭᬶᬢ᭄ᬚᭂᬭᬶᬢ᭄᭞ᬫᬗᬚᬓᬶᬦ᭄ᬩᬋᬂᬗᬗ᭄ᬕᬸᬭ᭄᭞ᬓᬧᬤᬸᬓ᭄ᬯᬦ᭄ᬫᭂᬮᬚᬄ᭞ᬫᬓᬶᬤᬸᬂᬫᬯᬃᬕ᭄ᬕᬲᬭᬶ᭞ᬫᬮᬢ᭄ᬤᭂᬫᬸᬂ᭞ᬤᭂᬳᬢᬭᬸᬡᬦᬾᬕᬶᬭᬂ᭟ᬧᬦ᭄ᬲᬗ᭄ᬕᬶᬂᬮᬦ᭄ᬧᬦ᭄ᬳᬩᬲᬦ᭄᭞ᬮᬦ᭄ᬧᬦ᭄ᬢᬳᬸᬫ᭄ᬗᬫᬶᬍᬢᬶᬦ᭄᭞ᬕᬳᬦ᭄ᬲᬋᬂᬓᬧᬤᬸᬓ᭄ᬯᬦ᭄᭞ᬫᭂᬍᬤ᭄ᬦᬶᬗᭂ᭠
ᬳᬂᬓᬓᬯᬶᬦ᭄᭞ᬲᬫ᭄ᬩᬶᬮᬂᬧᭂᬤᭂᬓ᭄ᬢᬗ᭄ᬓᬶᬮ᭄᭞ᬭᬶᬂᬚ᭄ᬭᭀᬤᬸᬓᬸᬄᬮᬦᬂᬯᬥᬹ᭞ᬤᬩ᭄ᬤᬩ᭄ᬫᬲᬲᬧᬸᬢᬦ᭄᭞ᬢᬗ᭄ᬓᬶᬮ᭄ᬭᬶᬂᬳᬦ᭠ᬓᬾᬮᬶᬗ᭄ᬲᬶᬭ᭄᭞ᬦᬸᬦᬲ᭄ᬢᬸᬢᬹᬃ᭞ᬰᬶᬮᬓ᭄ᬭᬫᬮᬦᬕᬫ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬤᬸᬓ᭄ᬯᬦ᭄᭞ᬤᬸᬓᬸᬄᬲᬸᬮᬤ᭄ᬭᬶᬗᭂᬲᬾᬗᬶᬦ᭄᭞ᬥᬹᬄᬧᬦ᭄ᬘᭂᬦᬶᬂᬢᬸ᭠
ᬫ᭄ᬩᬾᬦ᭄ᬗᭂᬦᬄ᭞ᬫᬓᭂᬮᭀᬢᭀᬂᬢᬳᬾᬦ᭄ᬫᬳᬶ᭞ᬦᬄᬫᭂᬦᬾᬓᬦ᭄ᬧᬦ᭄ᬘᭂᬦᬶᬂ᭞ᬲᬂᬢᬶᬕᬦᬸᬮᬶᬢᬮᬗ᭄ᬓᬸᬧ᭄᭞ᬦᬸᬦᬲ᭄ᬮᬸᬕ᭄ᬭᬦᬯᭂᬕᬂ᭞ᬫᬵᬢᬹᬃᬲᬶᬲᬶᬧ᭄ᬭᬶᬂᬲᬂᬬᭀᬕᬶ᭞ᬤᬸᬓᬸᬄᬯᬥᬹ᭞ᬧ᭄ᬭᬦᬫ᭄ᬬᬫᬶᬘ᭄ᬙᬬᬂᬲᭂᬤᬄ᭟ᬧᬦ᭄ᬳᬩᬲᬦ᭄ᬫᬢᬗᬦᬦ᭄᭞ᬫᬵᬢᬹᬃᬭᬶᬂᬳᬦᬓᬾᬮᬶ᭠
ᬗ᭄ᬲᬶᬭ᭄᭞ᬥᬹᬄᬓᬦ᭄ᬤᭂᬮ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬳᬮᬶᬢᬮᬶᬢᬾᬫᬕᭂᬦ᭄ᬤᬶᬂ᭞ᬇᬭᬶᬓᬶᬲᬩ᭄ᬭᬦ᭄ᬯᭂᬗᬶ᭞ᬫᬓᬯᬶᬦ᭄ᬯᬾᬦ᭄ᬢᭂᬦ᭄ᬫᬓᬶᬤᬸᬂ᭞ᬳᬯᬶᬦᬦ᭄ᬓᬤᬶᬳᬭᬤ᭄᭞ᬫᬦᬄᬢᬶᬢ᭄ᬬᬂᬭᬯᬸᬄᬢᬗ᭄ᬓᬶᬮ᭄᭞ᬦᬸᬦᬲ᭄ᬢᬸᬢᬹᬃ᭞ᬦᬵᬗ᭄ᬳᬶᬂᬬᬦ᭄ᬧᬶᬦ᭄ᬤᬦᬶᬂᬯᭂᬦᬂ᭟ᬲᬂᬬᭀᬕᬶᬳᬮᭀᬦ᭄ᬗᬦ᭄ᬤᬶᬓ᭞ᬳ [ 98 ][᭙᭗ 97B]
᭙᭗
ᬭᬄᬗᬸᬤᬢ᭄ᬯᬭᬤᬤᬶ᭞ᬩᬦ᭄ᬢᬲ᭄ᬳᬦᬾᬢᬯᬂᬩᬧ᭞ᬜᬤ᭄ᬬᬩᬧᬫᬶᬢᬸᬢᬸᬭᬶᬦ᭄᭞ᬩᬧᬢ᭄ᬯᬭᬚᬧᬶᬗᬶᬢ᭄᭞ᬧᬦ᭄ᬳᬩᬲᬦ᭄ᬦᬶ᭠ᬫ᭄ᬩᬮ᭄ᬫᬵᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬯᭂᬕᬂ᭞ᬦᬸᬦᬲᬂᬤᬾᬦᬶᬂᬧᬶᬭᬕᬶ᭞ᬓᬶᬭᬂᬮᬗ᭄ᬓᬸᬂ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭟ᬫᬭᬶᬂᬧᬾᬚᬾᬂᬯᬾᬦ᭄ᬢᭂᬦ᭄ᬓᭀᬘᬧ᭄᭞
ᬧᬸᬭᬧᬦᬢᬭᬦ᭄ᬰᬰᬶᬄ᭞ᬭᬾᬄᬳᬶᬭᬶᬓᬯᬾᬦ᭄ᬢᭂᬦ᭄ᬩᬸᬮᬦ᭄᭞ᬓᬢᭂᬗᭂᬢᬂᬭᬯᬸᬄᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬚᬕᬢᬾᬲᬫᬶ᭞ᬧᬸᬦᬧᬶ᭠ᬓᬮᬶᬗᬦᬶᬧᬸᬦ᭄᭞ᬤᬾᬦᬶᬂᬤᬸᬭᬸᬂᬓᬫᬦᬄ᭞ᬚᬦ᭄ᬢᭀᬲ᭄ᬢᬶᬢ᭄ᬬᬂᬭᬶᬂᬧᬦ᭄ᬲᬗ᭄ᬕᬶᬂ᭞ᬲᬫᬶᬓᬸᬓᬸᬄ᭞ᬦᬸᬗ᭄ᬓᬲᬂᬳᬶᬦ᭄ᬤᬶᬓ᭄ᬧᬸᬦᬶᬓ᭟ᬳᬶᬧᬸᬦ᭄ᬘᭂᬗ᭄ᬕᭂᬄᬗᬯᬢᬗᬂ᭞
ᬓᭀᬘᬧ᭄ᬩᬸᬮᬦ᭄ᬲᬓᬾᬂᬮᬗᬶᬢ᭄᭞ᬦᬾᬭᬸᬦ᭄ᬢᬸᬄᬧᭂᬘᬓ᭄ᬳᬶᬭᬶᬓ᭞ᬓᬾᬗᬶᬦ᭄ᬕᬮᬂᬲᬩ᭄ᬭᬦ᭄ᬯᭂᬗᬶ᭞ᬤᬸᬄᬓᬶᬢᬯᬢᭂᬓ᭄ᬫᬮᬶᬂ᭞ᬮᬗ᭄ᬖᬦᬧᬸᬭᬸᬦ᭄ᬫᬩᬜᬸ᭞ᬳᬯᬶᬦᬦ᭄ᬢᬦ᭄ᬧᬢᬾᬚ᭞ᬩᬸᬮᬦᬾᬧᬸᬦᬶᬓᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬢᬫ᭄ᬧᬸ᭞ᬲᬧᬸᬦᬶᬓᬬᬦ᭄ᬢᬓᭀᬘᬧ᭄᭟ᬧᬦ᭄ᬢᬳᬸ
ᬫ᭄ᬳᭀᬕᬦ᭄ᬫᬩᬸᬯᬢ᭄᭞ᬗᬶᬮᭀᬦᬶᬦᬶᬧᬸᬦ᭄ᬧᬦ᭄ᬲᬗ᭄ᬕᬶᬂ᭞ᬲᬋᬂᬢᬍᬃᬗᬯᬢᬗᬂ᭞ᬕᬸᬫᬦ᭄ᬢᬶᬩᬸᬮᬦ᭄ᬭᬶᬂᬮᬗᬶᬢ᭄᭞ᬓᭀᬘᬧ᭄ᬭᬸᬦ᭄ᬢᬸᬄᬳᬲᬶᬓᬶ᭞ᬩᬸᬮᬦᬾᬧᭂᬘᬓ᭄ᬧᬧᬶᬢᬸ᭞ᬳᬯᬶᬦᬦ᭄ᬗᬦᭂᬫ᭄ᬩᬸᬮᬦ᭄᭞ᬚᬕᬢᬾᬫᬗ᭄ᬓᬶᬦ᭄ᬭᬶᬂᬩᬮᬶ᭞ᬗᬕᬕᬮᬸᬂ᭞ᬦᬫ᭄ᬩᬾᬦᬶᬦ᭄ᬤᬯᭂᬕ᭄ᬧᬸᬦᬶᬓ᭟

[᭙᭘ 98A]
᭙᭘
ᬲᬂᬬᭀᬕᬶᬳᬶᬘᬫᬶᬋᬗᬂ᭞ᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬥᬹᬄᬧᬦ᭄ᬘᭂᬦᬶᬂᬕᬸᬕᭀᬦ᭄ᬢᬸᬯᭀᬦ᭄᭞ᬢᬸᬦᬯᬶᬯᬾᬓᬫᬶᬦᭂᬳᬶᬦ᭄᭞ᬧᬢᬶᬋᬲᭂᬧ᭄ᬋᬲᭂᬧᬶᬦ᭄᭞ᬗᬸᬤᬢᭂᬓᬳᬾᬗ᭄ᬕᬮ᭄ᬗᬸᬕᬸ᭞ᬢᬸᬢᬸᬭᬾᬢᬶᬤᭀᬂᬢᬶᬤᭀᬂ᭞ᬫᬲᬩᬸᬮᬦᬾᬤᬶᬮᬗᬶᬢ᭄᭞ᬩᬶᬲᬳᬸᬮᬸᬂ᭞
ᬤᬶᬧᬾᬚᬾᬂᬳᬦᬾᬲᬫ᭄ᬩᬢᬂ᭟ᬲᬓᬾᬂᬢᭀᬂᬦᬯᬂᬓᬮᬶᬗᬦ᭄᭞ᬩᬸᬮᬦᬾᬓᬓᬤᬾᬦ᭄ᬘᭂᬦᬶᬓ᭄᭞ᬭᬾᬄᬳᬸᬮᬶᬕᬸ᭠ᬫᬶᬦᬾᬓᬢᭀᬦ᭄᭞ᬳᬫ᭄ᬩᬸᬮ᭄ᬢᬾᬫ᭄ᬧᬾᬳᬾᬬᬦ᭄ᬮᬶᬂᬮᬶᬂ᭞ᬚᬢᬶᬕᭂᬤᬾᬦᬦ᭄ᬢᬓᬶᬦ᭄᭞ᬕᬸᬫᬶᬩᬮᬶᬦᬾᬧᬂᬲᬶᬬᬸ᭞ᬢᭀᬂᬜᬦ᭄ᬤᬂ᭠
ᬗᬋᬲᭂᬧᬂ᭞ᬫᬸᬜᬶᬦ᭄ᬳᬦᬓᬾᬗᭀᬭᬳᬶᬦ᭄᭞ᬮᬶᬗᬶᬂᬢᬸᬢᬹᬃ᭞ᬳᬸᬘᬧ᭄ᬢᬦ᭄ᬢᬸᬧᬕᭂᬮᬭᬦ᭄᭟ᬫᬸᬮᬲᬚᬓᬮᭀᬓᬬᬂ᭞ᬩᬸᬮᬦᬾᬪᬝᬵᬭᬶᬭᬝᬶᬄ᭞ᬲᬹᬃᬬ᭄ᬬᬦᬾᬪᬝᬵᬭᬲᬹᬃᬬ᭄ᬬ᭞ᬓᬵᬮᬓᬯᬗᬦ᭄ᬦᭂᬫᭀᬦᬶᬦ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬓᬵᬤᬦᬶᬦ᭄᭞ᬓᬢᬤᬄᬩ
ᬦ᭄ᬓᬵᬮᬭᬯᬸ᭞ᬳᬤᬤᬸᬯᭂᬕ᭄ᬗᬸᬘᬧᬂ᭞ᬪᬝᬵᬭᬶᬭᬢᬶᬳᬾᬗᬦ᭄ᬢᬶᬄ᭞ᬲᬗ᭄ᬓᬦ᭄ᬩᬸᬗ᭄ᬓᬸᬢ᭄᭞ᬫᬕᭂᬦᭂᬧ᭄ᬳᬤᬗᭀᬭᬳᬂ᭟ᬢᭀᬂᬜᬦ᭄ᬤᬂᬳᭂᬦ᭄ᬢᭀᬋᬲᭂᬧᬂ᭞ᬦᬄᬩᬧᬚᬦᬶᬗᭀᬭᬳᬶᬦ᭄᭞ᬩᬸᬮᬦᬾᬤᬶᬧᬾᬚᬾᬂᬋᬓᭀ᭞ᬦᬾᬤᬶᬧᬦᬢᬭᬦ᭄ᬰᬰᬶᬄ᭞ᬢᬶᬤᭀᬂᬪ [ 99 ][᭙᭘ 98B]
᭙᭘
ᬝᬵᬭᬶᬭᬢᬶᬄ᭞ᬚᬢᬶᬫᬮᬓᬃᬩᬦ᭄ᬧ᭄ᬭᬸᬗ᭄ᬕᬸ᭞ᬧᬶᬦ᭄ᬤᬬᬂᬲᬗ᭄ᬳ᭄ᬬᬂᬯᬸᬮᬦ᭄᭞ᬧᬶᬦᬹᬚᬧᬹᬚᬪᬓ᭄ᬢᬶᬦᬶᬦ᭄᭞ᬳᬚᬓ᭄ᬮᬶᬬᬸ᭞ᬢᭂᬗᭂᬢᬂᬲᭂᬗ᭄ᬕᬸᬄᬉᬢ᭄ᬢᬫ᭟ᬲᬸᬚᬢᬶᬦ᭄ᬜᬧᬦᬮᬶᬓᬦ᭄᭞ᬩᭀᬤ᭄ᬥᬶᬲᬢ᭄ᬯᬯᬢᭂᬓ᭄ᬫᬹᬦᬶ᭞ᬓᬵᬮᬜᭂᬫ᭄ᬩᬄᬗᬲ᭄ᬢᬸᬗ᭄ᬓᬭ᭞ᬲᬗ᭄ᬳ᭄ᬬᬂᬩᬸᬤ᭄ᬥᬰᬓ᭄ᬬᬫᬹᬦᬶ᭞ᬖ
ᬡ᭄ᬝᬧᬶᬦᬓᬯᬗ᭄ᬲᬶᬢ᭄᭞ᬢᬦ᭄ᬧᬾᬦ᭄ᬤᬄᬳᬸᬧᬫᬓᬸᬮ᭄ᬓᬸᬮ᭄᭞ᬳᬧᬂᬜᬓ᭄ᬲᬶᬩᬋᬗᬦ᭄᭞ᬫᬩ᭄ᬭᬶᬬᬸᬓ᭄ᬗᬢᬸᬭᬂᬪᬓ᭄ᬢᬶ᭞ᬧ᭠ᬭᬯᬶᬓᬹ᭞ᬪᬶᬓ᭄ᬱᬹᬦᬶᬬᬤᬶᬦ᭄ᬪᬶᬓ᭄ᬱᬹᬓᬵ᭟ᬲᬂᬢᬶᬕᬳᬗᭀᬩ᭄ᬫᬶᬭᬕ᭄ᬬᬂ᭞ᬯᬘᬦᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬧᬦ᭄ᬲᬗ᭄ᬕᬶᬂᬫᬮᬶᬄᬦᬸᬦᬲᬂ᭞ᬳᬶᬗ᭄ᬕᬶᬄ᭠
ᬧᬸᬦᬧᬶᬲᬂᬬᭀᬕᬶ᭞ᬳᬗ᭄ᬕᬾᬦ᭄ᬧᬶᬓᬸᬓᬸᬄᬫᬗ᭄ᬓᬶᬦ᭄᭞ᬮᬫᬓᬦ᭄ᬳᬦᬓᬾᬗᬸᬕᬸ᭞ᬲᬓᬤᬶᬦᬾᬓᬩᬯᭀᬲ᭄᭞ᬤᬸᬓᬸᬄᬲᬸᬮᬤ᭄ᬭᬶᬜᬳᬸᬭᬶᬦ᭄᭞ᬳᬤᬢᬸᬢᬹᬃ᭞ᬧᬦ᭄ᬘᭂᬦᬶᬂᬩᬧᬫᬶᬤᬃᬢ᭄ᬣ᭟ᬓᬩᬯᭀᬲ᭄ᬳᬦ᭄ᬢᬸᬓ᭄ᬲᬂᬯᬶᬓᬦ᭄᭞ᬤᬍᬫ᭄ᬰ᭄ᬭᬷᬯᬶᬭᬓᬾᬰᬭᬶ᭞ᬦᬾ᭠
ᬗᬯᬗᬸᬦ᭄ᬲᬤ᭄ᬓᬳ᭄ᬬᬗᬦ᭄᭞ᬫᬓᬵᬤᬶᬧᬸᬭᬩᭂᬲᬓᬶᬄ᭞ᬤᬸᬕᬲᬾᬦ᭄ᬢᭀᬤᬶᬩᬮᬶ᭞ᬅᬕᬫᬩᬸᬤ᭄ᬥᬦᬾᬗᬸᬗ᭄ᬕᬸᬮ᭄᭞ᬯᬶᬭᬾᬄᬳᬶᬤᬓᬵᬲ᭄ᬢᬯ᭞ᬭᬵᬚᬋᬱᬶᬢᭀᬲ᭄ᬲᬮᭀᬦ᭄ᬤᬶᬂ᭞ᬓᬲᬶᬦᬗ᭄ᬕᬸᬄ᭞ᬗᬦᬹᬢ᭄ᬩᬸᬤ᭄ᬥᬫᬳᬵᬬᬦ᭟ᬳᬶᬤᬓᬮᭀᬓᬫᬭᬓᬂ᭞

[᭙᭙ 99A]
᭙᭙
ᬅᬕᬫᬩᬸᬤ᭄ᬥᬤᬶᬩᬮᬶ᭞ᬳᬸᬮᬢᬂᬢᭀᬗᭀᬲ᭄ᬧᬢᬧᬦ᭄᭞ᬦᬸᬫᬮᬳᬤ᭄ᬓᬬᬂᬚᬦᬶ᭞ᬳᬩᬶᬂᬢᬸᬓᬤ᭄ᬧᬓ᭄ᬭᬶᬲ᭄᭞ᬮᬦ᭄ᬢᬸᬓᬤ᭄‌ᬯᭀᬲ᭄‌ᬫ᭄ᬯᬂᬧᬢᬦᬸ᭞ᬫᬧᬶᬦ᭄ᬤᬕᬸᬯᬕᬸᬯ᭞ᬯᭂᬗ᭄ᬓᬦ᭄ᬧᬦᬢᬭᬦ᭄ᬰᬰᬶᬄ᭞ᬤᬾᬦᬶᬂᬤᬶᬢᬸ᭞ᬯᬶᬳᬭᬓᬩᬚ᭄ᬭᬲᬢ᭄ᬯᬫ᭄᭟᭠
ᬖᬡ᭄ᬝᬦᬾᬤᬶᬢᬸᬜᬶᬳ᭄ᬦᬬᬂ᭞ᬓᬢᭂᬗᭂᬢᬦ᭄ᬓᬬᬂᬚᬦᬶ᭞ᬦᬾᬓᬤᬾᬦ᭄ᬧᬦ᭄ᬘᭂᬦᬶᬂᬩᬸᬮᬦ᭄᭞ᬲᬓᬾᬂᬳᬶᬤᬭᬵᬚᬋᬱᬶ᭞ᬗᬸᬢᬸᬲᬂᬧᬭᬫᬦ᭄ᬢ᭄ᬭᬶ᭞ᬬᬦᬓᬸᬤᬂᬢᭂᬫ᭄ᬯᬂᬳᬶᬮᬸ᭞ᬫᬶᬦ᭄ᬢᬃᬓᬢᬦᬄᬲᬩ᭄ᬭᬂ᭞ᬫᬭᬶᬂᬓᬫ᭄ᬪᭀᬚᬦᬵᬕᬭᬶ᭞ᬫᬗᬭᬸᬭᬸᬄ᭞ᬭᬾᬄᬤᬶᬢᬸᬳᬤᬫ᭠
ᬳᭀᬃᬢ᭄ᬢ᭟ᬧᬦᬮᬶᬓᬦ᭄ᬓᬲᭀᬕᬢᬦ᭄᭞ᬤᬶᬕᬸᬫᬶᬢᭀᬦ᭄ᬓᬶᬦ᭄‌ᬦᬾᬚᬦᬶ᭞ᬓᭀᬦᬾᬳᬤᬧᬜᬗ᭄ᬓᬬ᭠ᬦ᭄᭞ᬤᬤᬶᬯᬢᬂᬫᬓᬲᬓ᭄ᬱᬶ᭞ᬳᬸᬮᬶᬤᬶᬢᬸᬧᬓᬯᬶᬢ᭄᭞ᬖᬡ᭄ᬝᬦᬾᬫᭂᬮᬓᬃᬧ᭄ᬭᬸᬗ᭄ᬕᬸ᭞ᬩᭂᬜ᭄ᬘᬄᬓᬢᬦᬄᬘᬶᬦ᭞ᬢᭂᬓᭂᬤ᭄ᬓᬳᬶᬡ᭄ᬥᬸᬓ᭠
ᬩᬮᬶ᭞ᬚᬢᬶᬧᬢᬸᬄ᭞ᬧᬕᭀᬩᬬᬦ᭄ᬢ᭄ᬯᬭᬪᬶᬦ᭟ᬓᬾᬢᭀᬧᬦ᭄ᬘᭂᬦᬶᬂᬓᬲᭀᬦ᭄ᬢ᭄ᬭᬄ᭞ᬓᬩᬯᭀᬲ᭄ᬳᬦ᭄ᬢᬸᬓ᭄ᬲᬂ᭠ᬳᬸᬦᬶᬂ᭞ᬗᬶᬂᬤᬤᬶᬫᬲᬶᬄᬧᬶᬗᬶᬢᬂ᭞ᬉᬢ᭄ᬢᬫᬬᬂᬲᬸᬂᬲᬸᬂᬲᬶᬯᬶ᭞ᬧᬳᬶᬘ᭄ᬙᬦ᭄ᬳᬦᬓ᭄ᬮᭂᬯᬶᬄ᭞ᬇᬥᭂᬧᬂᬲᬗ᭄ᬳ᭄ᬬᬂᬰᬶᬢᬗ᭄ᬰᬸ᭞ᬧᬦ᭄ᬢᬳᬸᬫ᭄ᬫᬵᬢᬹᬃᬦᬶᬫ᭄ᬩᬮ᭄᭞ [ 100 ][᭙᭙ 99B]
᭙᭙
ᬢᬶᬢ᭄ᬬᬂᬫᬶᬲᬤ᭄ᬬᬜᬸᬗ᭄ᬓᭂᬫᬶᬦ᭄᭞ᬥᬹᬄᬥᬂᬕᬸᬭᬸ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲᬂ᭟ᬩᬘᬓᬦ᭄ᬧᬭᬤᬾᬯᬢ᭞ᬦᬵᬯᬲᬗ᭠ᬫᬸᬗ᭄ᬕ᭄ᬯᬶᬂᬳᬚᬶ᭞ᬲᬦᬾᬜ᭄ᬘᬾᬦ᭄ᬧᬸᬦᬶᬓᬓᭀᬘᬧ᭄᭞ᬫᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬫᬾᬲᭂᬫ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬫᬶᬋᬂᬧᬢᬓᬾᬦᬾᬘᬸᬘᬸᬤ᭄᭞
ᬧᬦ᭄ᬘᭂᬦᬶᬂᬧᬤᬶᬗᭂᬳᬂ᭞ᬩᬧᬦᬾᬚᬦᬶᬗᭀᬭᬳᬶᬦ᭄᭞ᬮᬶᬗᬶᬂᬢᬸᬢᬹᬃ᭞ᬳᬸᬘᬧ᭄ᬩᬢᬹᬃᬓᬮᬯᬲᬦ᭄᭟ᬯᬢᭂᬓ᭄ᬤᬾᬯᬦᬾᬳᬲᬶᬬ᭞ᬲᬗ᭄ᬳ᭄ᬬᬂᬇᬰ᭄ᬯᬭᬫᬓᬵᬤᬶ᭞ᬫᬳᬾᬲᭀᬭᬫᬶᬯᬄᬩ᭄ᬭᬳ᭄ᬫᬵ᭞ᬭᬹᬤ᭄ᬭᬫᬳᬵᬤᬾᬯᬩᬸᬯᬶᬦ᭄᭞ᬰᬗ᭄ᬓᬭᬫᬶᬦᬓᬵᬤᬶ᭞ᬯᬶᬱ᭄ᬡᬸᬫᬓᬫᬶ
ᬯᬄᬲᬫ᭄ᬪᬸ᭞ᬲᬋᬂᬪᬝᬵᬭᬰᬶᬯ᭞ᬲᬸᬩᬳᬲᬶᬬᬧᬦ᭄ᬘᭂᬦᬶᬂ᭞ᬦᬸᬮᬶᬫᬵᬢᬹᬃ᭞ᬧᬦ᭄ᬲᬗ᭄ᬕᬶᬂᬫᬮᬶᬄᬦᬸᬦᬲᬂ᭟ᬢᬍᬃᬩᬩᬘᬓ᭠ᬦ᭄ᬤᬾᬯ᭞ᬫᬸᬗ᭄ᬕᬸᬄᬭᬶᬂᬳᬭᬶᬘᬡ᭄ᬥᬦᬶ᭞ᬢᭂᬫᬳᬾᬓᬵᬮᬫᭂᬘᭀᬭᬦ᭄᭞ᬳᬶᬗ᭄ᬕᬶᬄᬧᬸᬦᬧᬶᬲᬂᬬᭀᬕᬶ᭞ᬳ᭄ᬬᬂᬢ᭄ᬭᬶᬬᭀᬤᬰᬲᬓ᭄ᬱᬶ᭞ᬲᬦᬾᬫᬸ
ᬗ᭄ᬕᬄᬭᬶᬂᬧᬫᬲ᭄ᬢᬸ᭞ᬲ᭄ᬯᬾᬘ᭄ᬙᬳᬸᬕᬶᬫᬶᬤᬃᬢ᭄ᬣ᭞ᬧᬭᬩ᭄ᬧᬭᬳ᭄ᬬᬗᬾᬲᬫᬶ᭞ᬓᭂᬦᬶᬧᬵᬢᬹᬢ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬦᬳᬂ᭟ᬤᬸᬓᬸᬄᬲᬸᬮᬤ᭄ᬭᬶᬳᬗᬸᬘᬧ᭄᭞ᬓᬾᬦᬾᬲᬸᬚᬢᬶᬧᬦ᭄ᬘᭂᬦᬶᬂ᭞ᬩᬘᬓᬦ᭄ᬤᬾᬯᬦᬾᬢ᭄ᬮᬸᬮᬲ᭄᭞ᬫᬵᬤᬦ᭄ᬢ᭄ᬭᬶᬬᭀᬤᬰᬲᬓ᭄ᬱᬶ᭞ᬧᬭᬩᬾᬩᭂᬲᬶ᭠

[᭑᭐᭐ 100A]
᭑᭐᭐
ᬓ᭄ᬩᭂᬲᬶᬓ᭄᭞ᬳᬦᬾᬓᬳᬸᬘᬧ᭄ᬤᬶᬢᬸᬢᬸᬭ᭄᭞ᬇᬦ᭄ᬤ᭄ᬭᬫᬶᬯᬄᬯᬭᬸᬡ᭞ᬯᬶᬥᬃᬣᬶᬫᬶᬯᬄᬳᬕ᭄ᬦᬶ᭞ᬲᬳᬤᬸᬮᬸᬭ᭄᭞ᬬᬫᬮᬦ᭄ᬳᬶᬭᬡ᭄ᬬᬕᬃᬩ᭄ᬪ᭟ᬮᬦ᭄ᬧ᭄ᬭᬣᬶᬯᬶᬫᬶᬯᬄᬲᬹᬃᬬ᭄ᬬ᭞ᬲᬯᬶᬢ᭄ᬭᬶᬮᬦ᭄ᬯᬶᬱ᭄ᬡᬸᬩᬸᬯᬶᬦ᭄᭞ᬩ᭄ᬭᬳ᭄ᬫᬵᬮᬦ᭄ᬭᬸᬤ᭄ᬭᬓᬮᬯᬦ᭄᭞ᬯᬬᬸᬳᬫ᭄ᬩᬸᬮ᭄ᬢᭀᬧᬦ᭄ᬘᭂᬦᬶᬂ᭞ᬳ᭄ᬬᬂᬢ᭄ᬭᬶᬬᭀᬤᬰᬲ᭠
ᬓ᭄ᬱᬶ᭞ᬳᬦᬾᬫᬸᬗ᭄ᬕᬸᬄᬤᬶᬧᬫᬲ᭄ᬢᬸ᭞ᬩᬧᬚᬦᬶᬦᬸᬢᬸᬭᬂ᭞ᬦᬵᬗ᭄ᬳᬶᬂᬓᬾᬤᬲᬮᬄᬢᬫ᭄ᬧᬶ᭞ᬲᬓᬾᬂᬲᬥᬹ᭞ᬇᬥᭂᬧ᭄ᬩᬧᬫᬶᬤᬃᬢ᭄ᬣᬬᬂ᭟ᬤᭀᬂᬗᬸᬤᬓᬤᬾᬯᬦ᭄ᬤᬾᬯᬦ᭄᭞ᬤᭂᬫᭂᬦ᭄ᬲᬦ᭄ᬜᬜ᭄ᬚᬦᬂᬯᬶᬤ᭄ᬥᬶ᭞ᬲᬗ᭄ᬓᬦᬶᬂᬫᬹᬥᬳᬶᬥᭂᬧᬦ᭄᭞ᬳᬲᬶᬂᬲᬫ᭄ᬩᬸᬢ᭄ᬓᬤᬾᬦ᭄ᬧᬶᬗᬶᬢ᭄᭞ᬩᬢᬸᬓᬓᬤᬾᬦ᭄ᬯᬶ᭠
ᬤ᭄ᬥᬶ᭞ᬭᬾᬄᬜᬦ᭄ᬤᬶᬂᬩᭂᬦᬂᬢ᭄ᬭᬶᬥᬢᬸ᭞ᬳᬾᬜ᭄ᬘᭀᬂᬗᬩᬓᬲᬗ᭄ᬕᬄ᭞ᬢᬹᬃᬗᬤ᭄ᬬᬦᬶᬦ᭄ᬗᭂᬦ᭄ᬢᭂᬕ᭄ᬮᬶᬗ᭄ᬕᬶᬄ᭞ᬫᬲᬲᬧᬸᬄ᭞ᬓᭂᬦ᭄ᬤᭂᬮ᭄ᬫᬳ᭠ᬦ᭄ᬦᬸᬤᬸᬓ᭄ᬤᬾᬯ᭟ᬓᬤᬸᬂᬓᭂᬦᭂᬳᬾᬓᬤᬾᬯ᭞ᬩᬢᬸᬦᬾᬩᬓᬢ᭄ᬪᬓ᭄ᬢᬶᬦᬶᬦ᭄᭞ᬳᬢᬸᬭᬶᬦ᭄ᬘᬦᬂᬗᬮᬶᬯᭀᬦ᭄᭞ᬦᬸᬦᬲ᭄ᬳᬶᬘ᭄ᬙᬢᬸᬗ᭄ᬕᬂᬢᬸᬗ᭄ᬕᬶᬂ᭞ᬫᬢᬾ
ᬕ᭄ᬢᭀᬕ᭄ᬫᬵᬋᬧ᭄ᬓᬗᬶᬦ᭄᭞ᬩᬕ᭄ᬬᬜᬫ᭄ᬩᬸᬢ᭄ᬧᬶᬧᬶᬲ᭄ᬚᭂᬧᬸᬦ᭄᭞ᬫᬲᭂᬦ᭄ᬢᭂᬂᬜᬸᬫ᭄ᬩᬄᬜᬸᬫ᭄ᬩᬄ᭞ᬲᭂᬗ᭄ᬕᬸᬳᬂᬪᬝᬵᬭᬶᬰ᭄ᬭᬷ᭞ᬳᬶᬤᬢᭂᬤᬸᬦ᭄᭞ᬫᬗᬃᬱᬬᬂᬧᬲᬶᬫ᭄ᬧᬗᬦ᭄᭟ᬩᬩᬃᬳᬾᬜ᭄ᬘᭀᬂᬫᬮᬸᬯᬲᬂ᭞ᬳᬾᬗᬾᬗᬦ᭄ᬩᬓᬢ᭄ᬢᬓᭀᬦᬶᬦ᭄᭞ᬫᬢᬳᬕ᭄ᬫᬲᬾᬭᬦ᭄ᬲᬾᬭᭀᬦ᭄᭞ᬓ᭠ [ 101 ][᭑᭐᭐ 100B]
᭑᭐᭐
ᬤᬾᬦ᭄ᬲᬚᬜᬸᬯᬸᬦ᭄ᬯᬶᬤ᭄ᬥᬶ᭞ᬭᬾᬄᬗᭂᬮᬶᬂᬲᭂᬗᬶᬲᭂᬗᬶ᭞ᬤᬾᬯᬮᬘᬸᬃᬦᬕᬶᬄᬤᬸᬤᬸᬓ᭄᭞ᬗᬃᬱᬬᬂᬧᬲᬶᬫ᭄ᬧᬗᬦ᭄᭞ᬳᬶᬩᬮ᭄ᬬᬦ᭄ᬓᬢ᭠ᬓ᭄ᬱᭀᬦ᭄ᬦᭂᬮᬶᬓ᭄᭞ᬓᬶᬢᬓᬶᬢᬸᬓ᭄᭞ᬫᬧᬶᬦ᭄ᬤᬲᬚᬓᬢᬧᬓ᭄᭟ᬫᬚᬸᬚᬸᬓ᭄ᬫᬢᬸᬗ᭄ᬓᭂᬤ᭄ᬩᬗ᭄ᬓ᭄ᬬᬂ᭞ᬲᬤᬗᭂᬭᬓ᭄ᬦᬸᬤᬶᬂᬮᬗᬶᬢ᭄᭞ᬧᬸᬲᬸᬂᬓᭂᬮᬾᬲ᭄ᬫᬕ
ᬫ᭄ᬩᬳᬦ᭄᭞ᬗᬸᬘᬧᬂᬪᬝᬵᬭᬶᬰ᭄ᬭᬷ᭞ᬦᬾᬗᬃᬱᬬᬂᬧᬮᬶᬗ᭄ᬕᬶᬄ᭞ᬬᬾᬦ᭄ᬲᬶᬂᬓᬾᬢᭀᬫᬦ᭄ᬢᬸᬓ᭄᭞ᬘᬭᬤᬾᬯᬦᬾᬤᬸᬓᬵ᭞ᬢᭂᬓᬳᬾᬗ᭄ᬕᬮ᭄ᬫᬗᬤ᭄ᬬᬦᬶᬦ᭄᭞ᬲᬧᬓᬬᬸᬦ᭄᭞ᬳᬧᬂᬢ᭄ᬯᬭᬤᬸᬭᬸᬲ᭄ᬩᬸᬤᬮ᭄᭟ᬧᬬᬸᬫᬲᬦ᭄ᬤᬫᬳᬸᬢᬂ᭞ᬫᬲᬭᬢᬦ᭄ᬗᭂᬦ᭄ᬢᭂᬕ᭄ᬮᬶᬗ᭄ᬕᬶᬄ᭞ᬜᭂᬗ᭄ᬕᬸᬄᬳᬂᬤᬾ᭠
ᬯᬦᬾᬲ᭄ᬯᬾᬘ᭄ᬙ᭞ᬲᬓᬭᬶᬂᬗᭂᬤᭀᬢᬂᬲᬸᬕᬶᬄ᭞ᬢ᭄ᬯᬭᬩᬸᬯᬶᬦ᭄ᬫᬶᬦᭂᬳᬶᬦ᭄᭞ᬕᬸᬕᭀᬦ᭄ᬢᬸᬯᭀᬦ᭄ᬧᬧᬓ᭄ᬕᬸᬕᬸ᭞ᬢᭀᬂᬗᭂᬮᬄᬧᬗ᭄ᬮᭀᬓᬶᬓ᭞ᬓᭂᬦ᭄ᬤᭂᬮ᭄ᬜᬫ᭄ᬩᬸᬢ᭄ᬩᬢᬸᬧᬶᬧᬶᬲ᭄᭞ᬤᬚᬗᬸᬕᬸ᭞ᬤᬾᬯᬳᬧᬲᬶᬂᬲᬶᬂᬚᬮᬦ᭄᭟ᬤᬾᬯᬮᬘᬸᬃᬢᬶᬯᬲ᭄ᬤᬳᬓ᭄᭞ᬦᬕᬶᬄᬤᬸᬤᬸᬓ᭄ᬗᬲᬶ᭠
ᬳᬲᬶᬄ᭞ᬮᬶᬗ᭄ᬕᬶᬳᬂᬧᭂᬚᬂᬤᬶᬲᬗ᭄ᬕᬄ᭞ᬢᭂᬗᭂᬢᬂᬲᬳᬶᬪᬓ᭄ᬢᬶᬦᬶᬦ᭄᭞ᬗᬦᭂᬫ᭄ᬩᬸᬮᬦ᭄ᬳᭀᬤᬮᬶᬦ᭄᭞ᬲᬓᬾᬂᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄᭞ᬗᬸᬕᬸᬩᬮ᭄ᬬᬦ᭄ᬳᬾᬗᬾᬗᬦ᭄᭞ᬓᬤᬾᬦ᭄ᬲᬚᬜᬸᬯᬸᬦ᭄ᬯᬶᬤ᭄ᬥᬶ᭞ᬤᭂᬫᭂᬦ᭄ᬗᬸᬕᬸ᭞ᬲᬓᬭᬶᬂᬓᬤᬾᬯᬦ᭄ᬤᬾᬯᬦ᭄᭟ᬳᬧᬂᬢ᭄ᬯᬭᬲᬮᬄᬳᬸ᭠

[᭑᭐᭑ 101A]
᭑᭐᭑
ᬮᬄ᭞ᬰᬵᬲ᭄ᬢ᭄ᬭᬦᬾᬜᬦ᭄ᬤᬂᬗᬸᬕᭀᬦᬶᬦ᭄᭞ᬪᬝᬵᬭᬤᬶᬱᬤ᭄ᬓᬳ᭄ᬬᬗᬦ᭄᭞ᬧᬯᬗᬸᬦ᭄ᬤᬍᬫ᭄ᬓᬾᬰᬭᬶ᭞ᬳᬦᬾᬜᬦ᭄ᬤᬂᬪᬓ᭄ᬢᬶᬦᬶᬦ᭄᭞ᬩᭀᬩᭀᬢᬂᬧᬦ᭄ᬘᭂᬦᬶᬂᬲᬸᬂᬲᬸᬂ᭞ᬮᬦ᭄ᬤᬶᬓᬳ᭄ᬬᬗᬦ᭄ᬢᬶᬕ᭞ᬯᬯᬗᬸᬦᬦ᭄ᬳᬸᬮᬶᬗᬹᬦᬶ᭞ᬳᬬᬸᬳᬬᬸ᭞ᬢᬢᬗᬸᬦᬦ᭄‌ᬫ᭄ᬧᬸᬓᬸᬢᬸᬭᬦ᭄᭟
ᬳᬸᬘᬧᬦ᭄ᬓᬸᬲᬸᬫᬤᬾᬯ᭞ᬮᬦ᭄ᬯᬶᬤ᭄ᬥᬶᬰᬵᬲ᭄ᬢ᭄ᬭᬕᬸᬕᭀᬦᬶᬦ᭄᭞ᬤᬶᬢᬸᬲᬸᬩᬓᬧᬶᬤᬃᬢ᭄ᬣ᭞ᬳᬸᬦ᭄ᬤᬸᬓᬾᬗᬢᬸᬭᬂᬳᬘᬶ᭞᭠ᬧᬮᬶᬗ᭄ᬕᬦ᭄ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶ᭞ᬤᬶᬓᬫᬸᬮᬦ᭄ᬫᬭᭀᬂᬢᭂᬮᬸ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬇᬰ᭄ᬯᬭ᭞ᬤᬶᬗ᭄ᬭᬸᬭᬄᬇᬦ᭄ᬤ᭄ᬭᬫᬮᬶᬗ᭄ᬕᬶᬄ᭞ᬢᬸᬫ᭄ᬧᬂᬢᭂᬮᬸ᭞ᬧᬮᬶᬗ᭄ᬕᬶᬄᬧᬭ᭠
ᬫᬰᬶᬯ᭟ᬳ᭄ᬬᬂᬧᬭᬫᬾᬲ᭄ᬢᬶᬤᬶᬲᬗ᭄ᬕᬃ᭞ᬮᬶᬫᬲ᭄ᬘᬢᬸᬮᬶᬫᬲ᭄ᬲᬭᬶ᭞ᬲᬗ᭄ᬳ᭄ᬬᬂᬰᬶᬯᬲᬤᬰᬶᬯ᭞ᬤᬶᬲᬧ᭄ᬢᬧᬢᬮᬮᬶᬗ᭄ᬕᬶᬄ᭞ᬦᬵᬕᬭᬵᬚᬩᬲᬸᬓᬶᬄ᭞ᬤᬶᬳᬧᬶᬢ᭄ᬮᬯᬂᬫᬮᬸᬗ᭄ᬕᬸᬄ᭞ᬫᬓᬭᬥᬦᬾᬰ᭄ᬯᬭ᭞ᬗᬕᭂᬫ᭄ᬲᬜ᭄ᬚᬢᬫᬓᭂᬫᬶᬢ᭄᭞ᬫᬳᬵᬫᬾᬭᬸᬧᬶᬦ᭄ᬤᬬᬂᬤᬶᬧᬦᬢᬭᬦ᭄
᭟ᬯᬯᬗᬸᬦ᭄ᬫᬲᬶᬄᬲᬶᬧᬢᬂ᭞ᬫᬵᬦᬹᬢ᭄ᬲᬲᬶᬓᬸᬢᬦ᭄ᬗᬹᬦᬶ᭞ᬕᬕᬸᬮᬓ᭄ᬳᬲ᭄ᬢᬓᭀᬲᬮ᭞ᬦᬾᬜᬦ᭄ᬤᬂᬢᬶᬭᬸᬧᬦ᭄ᬘᭂᬦᬶᬂ᭞ᬦᬗᬸᬦ᭄‌ᬧᬭᬤᬶᬩᬮᬶ᭞ᬳᬧᬂᬢ᭄ᬯᬭᬜᬮᬄᬳᬸᬦ᭄ᬤᬸᬓ᭄᭞ᬕᬕᬸᬮᬓ᭄ᬲᬂᬲ᭄ᬯᬓᬵᬃᬫ᭄ᬫ᭞ᬧᬤᬸᬫ᭄ᬓᬭᬂᬕᬸᬮᬶᬕᬸᬮᬶ᭞ᬳᬧᬂᬜᬸᬓᬸᬄ᭞ᬢ᭄ᬯᬭᬩᭂᬦᭂᬄᬗᬗ᭄ᬕ᭄ᬯᬂᬓᬶ [ 102 ][᭑᭐᭑ 101B]
᭑᭐᭑
ᬢ᭟ᬓᬾᬢᭀᬢᬶᬗ᭄ᬓᬳᬾᬫᬵᬕᬫ᭞ᬳᬲ᭄ᬢᬶᬢᬶᬪᬓ᭄ᬢᬶᬓᬯᬶᬤ᭄ᬥᬶ᭞ᬳᬫ᭄ᬩᬄᬗᬮᬶᬄᬓᬭᬳᬬᭀᬦ᭄᭞ᬤᬧᬢᬶᬋᬲᭂ᭠ᬧ᭄ᬋᬲᭂᬧᬶᬦ᭄᭞ᬳᬧᬂᬢ᭄ᬯᬭᬓᬤᬮᬶᬄ᭞ᬧᬦ᭄ᬘᭂᬦᬶᬂᬫᬓ᭄ᬢᬶᬦᬶᬦ᭄ᬩᬢᬸ᭞ᬫᬧ᭄ᬯᬭᬚᭂᬗᬄᬗᬯᬕ᭄᭞ᬦᬶᬦ᭄ᬤᬶᬳᬶᬦ᭄ᬤᬾᬯᬾᬓᬾᬧᭂᬮᬶᬄ᭞ᬲᬮᬄᬲᬸᬭᬸ᭠
ᬧ᭄᭞ᬩᬢᬸᬧᬶᬧᬶᬲ᭄ᬓᬤᬾᬦ᭄ᬤᬾᬯ᭟ᬧᬦ᭄ᬲᬗ᭄ᬕᬶᬂᬮᬦ᭄ᬧᬦ᭄ᬳᬩᬲᬦ᭄᭞ᬲᬋᬂᬧᬦ᭄ᬢᬳᬸᬫ᭄‌‌ᬜᬸᬗ᭄ᬓᭂᬫᬶᬦ᭄᭞ᬯᬭᬯᬭᬄᬬᭀᬕᬷᬰ᭄ᬯᬭ᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬢᬶᬢ᭄ᬬᬂᬧᬶᬢᭂᬮᬲ᭄ᬗᬶᬭᬶᬂ᭞ᬓᬤᬶᬯᬘᬦᬦ᭄ᬥᬂᬕᬸᬭᬸ᭞ᬤ᭄ᬯᬦᬶᬂᬧᬸᬭᬸᬦ᭄ᬦᬸᬦᬲᬂ᭞ᬫᬗ᭄ᬤᬲᭂᬓᭂᬦ᭄ᬢᬶᬢ᭄ᬬᬂᬳᬸᬦᬶᬂ᭞ᬳᬮᬳ᭠
ᬬᬸ᭞ᬦᬾᬜᬦ᭄ᬤᬂᬮᬓᭀᬦᬶᬦ᭄ᬢᬶᬢ᭄ᬬᬂ᭞ᬭᬾᬄᬓᬝᬄᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬜᬫᬦ᭄ᬢᬶᬢ᭄ᬬᬂᬓᬦ᭄ᬢᬸᬦ᭄ᬕᬧᬶ᭞ᬤᭂᬫᭂᬦ᭄ᬧᬶᬲᬦ᭄ᬫᬮᬸᬯᬲᬂ᭞ᬗᭂᬕᬫᬸᬜᬶᬦ᭄ᬩ᭄ᬭᬲ᭄ᬧᬶᬧᬶᬲ᭄᭞ᬲᬗ᭄ᬓᬦᬶᬂᬧᭀᬮᬶᬄᬲᬓᬶᬢ᭄᭞ᬳᬾᬜ᭄ᬘᭀᬫᬫᬵᬃᬕ᭄ᬕᬶᬫᬢᭂᬦᬸᬂ᭞ᬦᬸᬦᬲ᭄ᬳᬶᬘ᭄ᬙᬭᬶᬂᬤᬾᬯ᭞ᬧᬫᬸᬧᬸᬢ᭄ᬲᬮᬶᬂᬮᬗ᭄ᬓᬸᬗᬶ
ᬦ᭄᭞ᬫᬧᬯᬗᬸᬦ᭄᭞ᬧᬲᬶᬫ᭄ᬧᬗᬦ᭄ᬮᬶᬗ᭄ᬕᬶᬄᬤᬾᬯ᭟ᬭᬶᬂᬲᬗ᭄ᬕᬄᬫᬚᬚᬃᬯᬬᬂ᭞ᬫᬭᬶᬭᬶᬕ᭄ᬩᬮᬾᬃᬩᭂᬤᬗᬶᬦ᭄᭞ᬜᬸᬗ᭄ᬲᬸᬂᬤᬾ᭠ᬯᬫᬢᭂᬕᭂᬧᬦ᭄᭞ᬫᬗ᭄ᬤᬓᬓᬲᬸᬩᬂᬕᬸᬫᬶ᭞ᬓᬲ᭄ᬯᬾᬘ᭄ᬙᬦᬦ᭄ᬳ᭄ᬬᬂᬯᬶᬤ᭄ᬥᬶ᭞ᬯᬾᬦ᭄ᬢᭂᬦ᭄ᬓᬵᬮᬶᬄᬤᬰᬮᬗ᭄ᬓᬸᬂ᭞ᬫᬓᬵᬃᬬ᭄ᬬᬧᬲᬶᬫ᭄ᬧᬗᬦ᭄᭞ᬲᬓᬾᬂᬢ

[᭑᭐᭒ 102A]
᭑᭐᭒
ᬦ᭄ᬳᬸᬦᬶᬂᬲᬸᬚᬢᬶ᭞ᬳᬮᬳᬬᬸ᭞ᬩᬩ᭄ᬯᬢᬦ᭄ᬗᬦᬹᬢᬕᬫ᭟ᬧᬦ᭄ᬳᬩᬲᬦ᭄ᬓᭂᬤᬾᬓ᭄ᬗᬓᬓ᭄᭞ᬦ᭄ᬢᭀᬳᬯᬦᬦ᭄ᬩᭂᬮᬶᬫᭂᬮᬶᬤ᭄᭞ᬫ᭠ᬫᬸᬜᬶᬲᬗ᭄ᬓᬦᬶᬂᬢᬗᬃ᭞ᬳᬯᬓᬾᬤᭂᬫᭂᬦ᭄ᬦᬶᬤᭀᬗᬶᬦ᭄᭞ᬦᬾᬩᭂᬦᭂᬄᬓᬤᬾᬦ᭄ᬧᭂᬮᬶᬄ᭞ᬦ᭄ᬤᬮᬶᬳᬂᬢᭀᬂᬦᬯᬂᬳᬸᬦ᭄ᬤᬸᬓ᭄᭞ᬢᭂᬕᬭᬂᬯᬲ᭄ᬧᬥᬬᬂ
᭞ᬳᬦᬓᬾᬤᭂᬫᭂᬦ᭄ᬗᬸᬕᭀᬦᬶᬦ᭄᭞ᬫᬸᬜᬶᬦ᭄ᬢᭂᬦᬸᬂ᭞ᬗᬳᬾᬲᬗ᭄ᬕᬄᬫᬮᬕᬾᬦ᭄ᬤᬄ᭟ᬲᬗ᭄ᬕᬄᬕᭂᬥᬾᬓᬲᬫ᭄ᬩᬢᬂ᭞ᬗᬦᭂᬫ᭄ᬩᬸᬮᬦ᭄ᬫᬗᭀᬤᬮᬶᬦ᭄᭞ᬫᭀᬩᭀᬢᬂᬗᬮᬶᬄᬓᬲᬤ᭄ᬬᬦ᭄᭞ᬳᭀᬕᬦ᭄ᬮᬘᬸᬃᬢᬶᬯᬲ᭄ᬫᬶᬲ᭄ᬓᬶᬦ᭄᭞ᬲᬯᬶᬭᬾᬄᬤᭂᬫᭂᬦ᭄ᬜᬤᬶᬦ᭄᭞ᬫᬸᬜᬶᬦ᭄ᬳᬦᬓ᭄ᬢᬸ᭠
ᬦᬢᬸᬢᬸᬭ᭄᭞ᬓᬤᬾᬦ᭄ᬲᬚᬦᬯᬂᬤᬾᬯ᭞ᬲᬓᬾᬂᬤᭂᬫᭂᬦ᭄ᬫᬚᭂᬚᭂᬳᬶᬦ᭄᭞ᬳᬯᬓ᭄ᬢᬓᬸᬢ᭄᭞ᬮᬲ᭄ᬬᬢᬢᬫ᭄ᬬᬦᬾ᭠ᬳᭀᬜ᭟ᬳᬗ᭄ᬕᭀᬦ᭄ᬫᬵᬢᬸᬭᬦ᭄ᬓᬲᬗ᭄ᬕᬄ᭞ᬳᭀᬕᬦ᭄ᬧᬬᬸᬫᬲᬶᬄᬲᬓᬶᬢ᭄᭞ᬗᬮᬶᬄᬩᬮ᭄ᬬᬦ᭄ᬩᬸᬲᬦ᭄ᬩᬸᬲᬦ᭄᭞ᬲᬓᬶᬢᬾᬫᬩ᭠
ᬬᬧᬢᬶ᭞ᬬᬾᬦ᭄ᬲᬚᬗᭂᬮᬄᬯᬶᬤ᭄ᬥᬶ᭞ᬤᭀᬂᬗᬸᬤᬧᬦ᭄ᬘᭂᬦᬶᬂᬢᬓᬸᬢ᭄᭞ᬤᬸᬓᬸᬄᬲᬸᬮᬤ᭄ᬭᬶᬦᬶᬫ᭄ᬩᬮ᭄᭞ᬓᬸᬤᬫᬶᬭᬶᬩ᭄ᬩᬸᬓᬲᭂᬗᬶᬢ᭄᭞ᬳᬚᬓ᭄ᬢᭂᬮᬸ᭞ᬢ᭄ᬯᬭᬜᬦ᭄ᬤᬂᬗᬸᬧᭂᬢ᭄ᬢᬶᬫ᭄ᬧᬮ᭄᭟ᬢ᭄ᬯᬭᬜᬦ᭄ᬤᬂᬫᬕᭂᬜ᭄ᬚᬮᬦ᭄᭞ᬧᬦ᭄ᬘᭂᬦᬶᬂᬧᬥᬧᬶᬦᭂᬳᬶᬦ᭄᭞ᬯᬶ [ 103 ][᭑᭐᭒ 102B]
᭑᭐᭒
ᬭᬾᬄᬢ᭄ᬯᬭᬧᬥᬦᬯᬂ᭞ᬫᭂᬢᬾᬓᬶᬦ᭄ᬩᬶᬦ᭄ᬢᬂᬤᬶᬮᬗᬶᬢ᭄᭞ᬫᬓᭂᬚᬂᬓᬤᬾᬦ᭄ᬧᭂᬮᬶᬄ᭞ᬤᭂᬧᬂᬬᬦ᭄ᬲᬸᬩᬭᬳᬬᬸ᭞ᬢ᭄ᬯᬭᬜᬦ᭄ᬤᬂᬲᭂᬫ᭄ᬲᭂᬫᬂ᭞ᬲᬂᬢᬶᬕᬭᬭᬶᬲ᭄ᬫᬧᬫᬶᬢ᭄᭞ᬲᬳᬳᬢᬹᬃ᭞ᬧᬸᬗ᭄ᬓᬸᬭᬦ᭄ᬫᬮᬶᬄᬩᬯᭀᬲᬂ᭟᭜᭟ᬧᬗ᭄ᬓᬸᬃ᭟᭜᭟ᬓᬘᬭᬶᬢᬓᬵᬫᬚᬬ᭞
ᬲᬬᬦ᭄ᬮᬶᬧᬸᬃᬳᬦ᭄ᬢᬸᬓ᭄ᬓᬶᬤᬸᬂᬓᬓᬯᬶᬦ᭄᭞ᬲᬓᬤᬶᬢᬦ᭄ᬯᬾᬦ᭄ᬢᭂᬦ᭄ᬭᬸᬗᬸ᭞ᬫᬮᬶᬄᬭᬶᬂᬓᬲᭂᬩᭂᬢᬦ᭄᭞ᬭᬹᬧᬮᬮᬶ᭞ᬭᬶᬂᬲᬂᬓᬤᬶᬕᬶᬭᬶᬯᬥᬹ᭞ᬓᬢᬸᬗ᭄ᬓᬸᬮ᭄ᬤᭂᬫᭂᬦ᭄ᬫᬪᬵᬱᬦ᭄᭞ᬫᬶᬢᭂᬕᭂᬲᬶᬦ᭄ᬪᬵᬱᬓᬵᬯᬶ᭟ᬋᬡᬫᬮᬶᬄᬭᬶᬂᬧᬤᬸᬓ᭄ᬯᬦ᭄᭞ᬲᬩ᭄ᬭᬦ᭄ᬯᭂᬗᬶᬕᬶᬭᬂᬲᬫᬶᬫ᭠
ᬕᭂᬦ᭄ᬤᬶᬂ᭞ᬤᭂᬳᬢᬭᬸᬡᬦᬾᬗᬗ᭄ᬕᬸᬃ᭞ᬓᬧᬤᬸᬓ᭄ᬯᬦ᭄ᬫᭂᬮᬚᬄ᭞ᬯᬃᬕ᭄ᬕᬲᬭᬶ᭞ᬫᬮᬢ᭄ᬯᬶᬍᬢ᭄ᬫᬶᬯᬄᬤᭂᬫᬸᬂ᭞ᬲᬦᬾᬳᭀᬤᬄᬲᬋᬂᬕᬶᬭᬂ᭞ᬦᬸᬦᬲ᭄ᬢᬸᬢᬹᬃᬭᬶᬂᬲᬂᬬᭀᬕᬶ᭟ᬓᬾᬯᬦ᭄ᬢᭂᬦ᭄ᬓᬵᬮᬭᬳᬶᬦ᭞ᬓᬵᬫᬚᬬᬫᬭᬹᬧᬓᬦ᭄ᬢᬸᬦ᭄ᬳᬾᬮᬶᬂ᭞ᬭᬶᬂᬳᬶᬤᬲᬂᬤ᭄ᬬᬄᬳᬬᬸ᭞
ᬭᬱᬭᬯᬸᬄᬫᬓᭂᬮᬧ᭄᭞ᬫᬗᬚᬓᬶᬦ᭄᭞ᬓᬵᬫᬚᬬᬫᬗ᭄ᬤᬦᬸᬢᬸᬕ᭄᭞ᬗᬶᬭᬶᬂᬳᬶᬤᬫᬲᬲᬜ᭄ᬚᬦ᭄᭞ᬫᬭᬶᬂᬢᬫ᭠ᬦ᭄ᬲᬋᬂᬓᬵᬮᬶᬄ᭟ᬇᬭᬶᬓᬵᬧᬘᬂᬫᬪᬵᬱᬦ᭄᭞ᬭᬵᬚᬧᬸᬢ᭄ᬭᬶᬫᬶᬦᬩ᭄ᬳᬃᬱᬫᬓᬯᬶᬦ᭄᭞ᬲᬃᬯ᭄ᬯᬶᬗᭂᬮᬗ᭄ᬮᬗᬸᬮᬗᬸᬦ᭄᭞ᬲᬕᬾᬢ᭄ᬭᬱ

[᭑᭐᭓ 103A]
᭑᭐᭓
ᬫᬓᭂᬮᬧ᭄᭞ᬗᬚᬶᬯᬢᬶᬦ᭄ᬲᬂᬓᬵᬮᬶᬄᬗᬚᬓᬶᬦ᭄ᬗᬗ᭄ᬕᬸᬃ᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬢᬦ᭄ᬲᬄᬕᬸᬫᬦ᭄ᬢᬸᬗᬾᬗ᭄ᬳᬢᬶ᭟ᬓᬵᬮᬲᭂᬫᭂᬂᬯᬸᬲ᭄ᬫᬧᬹᬚ᭞ᬤᬸᬓᬸᬄᬮᬦᬂᬲᬋᬂᬭᬶᬂᬤᬸᬓᬸᬄᬯᬶᬸᬥᬶᬹᬳᬶᬲ᭄ᬢ᭄ᬭᬶ᭞ᬗᬓ᭄ᬱᬶᬧᬸᬢᬸᬦ᭄ᬤᬦᬾᬗᬸᬦ᭄ᬗᬸᬦ᭄᭞ᬭᬶᬂᬢᬫ᭄ᬧᬸᬮᬾᬫᬲᬤᬄ᭞ᬫᭂᬘᬸ
ᬓ᭄ᬳᬮᬶᬲ᭄᭞ᬩᭂᬗᭀᬂᬫᬦᬢᬓᬶᬦ᭄ᬚᬕᬸᬢ᭄᭞ᬭᬶᬂᬩᬮᬾᬩᭂᬤᬯᬸᬄᬦᭂᬕᬓ᭄᭞ᬫᬫᬾᬗᭀᬲ᭄ᬗᬋᬧᬶᬦ᭄ᬯᬜ᭄ᬘᬶ᭟ᬫᬭᬵᬃᬬ᭄ᬬᬦ᭄ᬫᬲᬲᬸᬭᬵᬢᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬳᬕᬾᬤᬦᬾᬗᭂᬲᬾᬗᬶᬦ᭄᭞ᬥᬹᬄᬫᬵᬲ᭄ᬫᬶᬭᬄᬘᭂᬦᬶᬂᬘᬸᬘᬸ᭞ᬓᬗᭂᬦ᭄ᬦᬶᬦᬶᬗᬦ᭄ᬢᭂᬦᬂ᭞ᬩᬸᬓ᭠
ᬲᭂᬤᬶᬄ᭞ᬘᬸᬘᬸᬩᭂᬗᭀᬂᬢᭂᬓᬗᬸᬦ᭄ᬗᬸᬦ᭄᭞ᬳᬧᬲᬚᬦᬾᬗ᭄ᬭᬡᬬᬂ᭞ᬤᭀᬂᬢᬸᬢᬸᬭᬶᬦ᭄ᬓᬸᬤᬦᬶᬦᬶ᭟ᬓᬵᬫᬚᬬ᭠ᬩᭂᬘᬢ᭄ᬲᬾᬧᬦ᭄᭞ᬢᭂᬤᬸᬦ᭄ᬲᬓᬾᬂᬩᬮᬾᬩᭂᬤᬯᬸᬄᬢᬗ᭄ᬓᬶᬮ᭄᭞ᬦᬤᬓ᭄ᬤᬬᬦᬸᬮᬶᬫᬵᬢᬸᬃ᭞ᬧ᭄ᬭᬦᬫ᭄ᬬᬫᬢᬗᬦᬦ᭄᭞ᬳᬶᬗ᭄ᬕᬶᬄᬦᬶᬦᬶ
᭞ᬢᬶᬢ᭄ᬬᬂᬲᬓᬭᬶᬂᬗᭂᬮᬫᬸᬦ᭄᭞ᬳᬾᬮᬶᬂᬭᬶᬂᬤᬦᬾᬲᬂᬮᬸᬗ᭄ᬳ᭞ᬫᬾᬫᬾᬩᬧᬦ᭄ᬢᬶᬢ᭄ᬬᬂᬦᬶᬦᬶ᭟ᬲᬵᬫ᭄ᬧᬸᬦ᭄ᬮᬫᬶᬤᬦᬾᬮᬸᬗ᭄ᬳ᭞ᬚᬦ᭄ᬢᭀᬲ᭄ᬢᬶᬢ᭄ᬬᬂᬫᬤᬾᬯᬾᬓ᭄ᬲᬵᬫ᭄ᬧᬸᬦ᭄ᬓᭂᬮᬶᬄ᭞ᬫᬭᬹᬧᬢᬶᬢ᭄ᬬᬂᬢᬦ᭄ᬭᬸᬗᬸ᭞ᬦᬶᬜ᭄ᬚᭀᬤᬦᬾᬫᬢᬧ᭞ᬲᬋᬂᬓᬵᬮᬶᬄ᭞ᬭᬶᬂᬫ᭠ [ 104 ][᭑᭐᭓ 103B]
᭑᭐᭓
ᬥ᭄ᬬᬦᬶᬂᬕᬸᬦᬸᬂᬕᬸᬦᬸᬂ᭞ᬧᬸᬦᬶᬓᬲᬦᬾᬗᬯᬶᬦᬂ᭞ᬲᭂᬩᭂᬢ᭄ᬫᬦᬄᬢᬶᬢ᭄ᬬᬂᬦᬶᬦᬶ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬗᭂᬫ᭄ᬩᭂᬂᬘᬶᬗᬓ᭄᭞ᬳᬕᬾᬗᭂᬮᬸᬢ᭄ᬓᬵᬫᬚᬬᬦᬸᬢᬸᬭᬶᬦ᭄᭞ᬥᬹᬄᬫᬵᬲ᭄ᬫᬶᬭᬄᬘᭂᬦᬶᬂᬘᬸᬘᬸ᭞ᬓᬗᭂᬦ᭄ᬦᬶᬦᬶᬦᬶᬗᭂᬳᬂ᭞ᬘᬸᬘᬸᬗᭂᬮᬶᬂ᭞ᬳᬶᬗᭂᬢ᭄ᬢᭂᬓᬾᬦ᭄‌‌ᬬᬬᬳᬶᬩᬸ᭞᭠
ᬢᭀᬂᬜᬦ᭄ᬤᬂᬘᬸᬘᬸᬜᭂᬩᭂᬢᬂ᭞ᬫᬲᬢ᭄ᬯᬭᬮᬓᬃᬫᬸᬮᬶᬄ᭟ᬓᬾᬯᬮᬲᬸᬩᬲᭂᬗ᭄ᬕᬗᬦ᭄᭞ᬓᭂᬫᭀᬲᬸᬩᬫᬚᬮᬦ᭄ᬓᬩᭂᬲᬓᬶᬄ᭞ᬦᬶᬜ᭄ᬚᭀᬳᬶᬫᬾᬫᬾᬳᬶᬕᬸᬭᬸ᭞ᬫᬲᬦᬶᬦᬶᬦᭀᬫ᭄ᬩᬬᬂ᭞ᬦᬵᬗ᭄ᬳᬶᬂᬚᬦᬶ᭞ᬫᭂᬮᬄᬚᬸᬫᬄᬦᭀᬗᭀᬲ᭄ᬫᬮᬸ᭞ᬲᬯᬶ᭠
ᬭᬾᬄᬳᬶᬓ᭄ᬭᬫᬤᬾᬰ᭞ᬫᬓᬶᬭᬾᬗᬢᬸᬭᬂᬳᬘᬶ᭟ᬤᬶᬤᬍᬫ᭄ᬮᬓᬃᬗᬸᬲᬩ᭞ᬯᭂᬦᬂᬘᬸᬘᬸᬦᬩ᭄ᬤᬩᬂᬳᬘᬶᬦ᭄ᬕᬸᬫᬶ᭞ᬫᬓᬧᬗᭂᬦ᭄ᬢᭀᬲ᭄ᬳᬶᬕᬸᬭᬸ᭞ᬢ᭄ᬯᬭᬳᬤᬩ᭄ᬯᬶᬦ᭄ᬮᬾᬦᬦ᭄᭞ᬜᬍᬤᬶᬳᬶ᭞ᬓᬵᬫᬚᬬᬦᬶᬫ᭄ᬩᬮ᭄ᬫᬵᬢᬹᬃ᭞ᬲᬭᬮᬾᬤᬂᬧᬓᬬᬸᬦᬦ᭄᭞
ᬦᬸᬮᬶᬫᬵᬢᬹᬃᬭᬶᬂᬲᬂᬬᭀᬕᬶ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬦᬯᭂᬕᬂ᭞ᬫᬵᬢᬹᬃᬲᬶᬲᬶᬧ᭄‌‌ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬧᬯᬶᬲᬶᬓ᭄᭞ᬮᬫᬓᬦ᭄ᬫᬗ᭄ᬕᬶᬄᬭᬳᬬᬸ᭞ᬨᬮᬦ᭄ᬤᭂᬫᭂᬦ᭄ᬫᭂᬮᬚᬄ᭞ᬢᬸᬢᬹᬃᬬᬸᬓ᭄ᬢᬶ᭞ᬧᬸᬦᬧᬶᬓᬮᬶᬗᬦᬶᬧᬸᬦ᭄᭞ᬲᬹᬓ᭄ᬱᭂᬫᬦᬶᬂᬩᬸᬤ᭄ᬥᬢᬢ᭄ᬯ᭞ᬫᬗ᭄ᬤᬢᬶᬢ᭄ᬬᬂᬢ᭠

[᭑᭐᭔ 104A]
᭑᭐᭔
ᬢᬲ᭄ᬳᬸᬦᬶᬂ᭟ᬲᬂᬬᭀᬕᬶᬳᬮᭀᬦ᭄ᬗᬦ᭄ᬤᬶᬓ᭞ᬘᭂᬦᬶᬂᬘᬸᬘᬸᬍᬕᬲᬦ᭄ᬧᭂᬓᬓ᭄ᬗᬧᬶ᭞ᬧᬢᬓᭀᬦ᭄ᬘᬸᬘᬸᬦᬾᬘᬸᬘᬸᬤ᭄᭞ᬫᬓᭂᬦᭂᬄᬳᬧᬂᬦᬯᬂ᭞ᬦᬾᬲᬸᬚᬢᬶ᭞ᬮᬫᬓᬦᬾᬢᬢᬲ᭄ᬯᭂᬭᬸᬄ᭞ᬲᬹᬓ᭄ᬱᭂᬫᬦᬶᬂᬩᬸᬤ᭄ᬥᬢᬢ᭄ᬯ᭞ᬧᭂᬓᬓ᭄ᬦᬾᬚᬦᬶᬦᬸᬢᬸᬭᬶᬦ᭄᭟ᬅᬃᬬ᭄ᬬᬲᬢ᭄ᬬᬯᭂᬦ
ᬗᬦ᭄᭞ᬯᬢᭂᬓ᭄ᬯᬶᬓᬹᬦᬾᬓᬬᭀᬕ᭄ᬬᬮᬓᭀᬦᬶᬦ᭄᭞ᬳᬫ᭄ᬩᬳᬾᬗᬮᬶᬄᬭᬳᬬᬸ᭞ᬧᬸᬦᬂᬘᬢᬹᬃᬰᬰᬡ᭞ᬤᬾᬦ᭄ᬮᬓᭀᬦᬶ᭞ᬳᬦᬾᬧᬢ᭄ᬧᬢ᭄ᬧᬮᬶᬂᬮᬸᬳᬸᬭ᭄᭞ᬫᬯᬲ᭄ᬲᬚ᭄ᬭᭀᬦᬶᬂᬰᬭᬶᬭ᭞ᬚᬦᬶᬩᬘᬓ᭄ᬩᭂᬲᬶᬓ᭄ᬩᭂᬲᬶᬓ᭄᭟ᬳᬩᭂᬲᬶᬓ᭄ᬳᬶᬥᭂᬧ᭄ᬲᬦ᭄ᬢᭀᬲ᭞ᬫᬫᬶᬦᭂᬳᬶ᭠
ᬦ᭄ᬲᬗ᭄ᬲᬭᬦᬾᬦᬸᬫᬶᬢᬶᬲ᭄᭞ᬲᬾᬗᭂᬄᬢᭂᬓᬾᬦ᭄ᬳᬮᬳᬬᬸ᭞ᬓᬧᬶᬂᬤᬤ᭄ᬯᬯᬲ᭄ᬧᬥ᭞ᬢᭂᬓᬾᬦ᭄ᬓᬯᬶᬢ᭄᭞ᬧᬦᬗ᭄ᬓᬦ᭄ᬩᬶᬩᬶ᭠ᬢ᭄ᬧᬓᬾᬯᬸᬄ᭞ᬲᬗ᭄ᬲᬭᬤᬤᬶᬫᬵᬦᬹᬱ᭞ᬍᬓᬤ᭄ᬳᬶᬤᬸᬧ᭄ᬯᭂᬓᬲ᭄ᬫᬵᬢᬶ᭟ᬓᬧᬶᬂᬢᭂᬮᬸᬘᬾᬱ᭄ᬝᬵᬓᬭ᭞ᬫᬫᬶᬦᭂᬳᬶᬦ᭄ᬮᬫᬓᬦ᭄ᬲᬶᬤ᭄ᬥᬳᬸᬕᬶ᭞ᬢᬦ᭄ᬓ
ᬢᬫᬦ᭄ᬳᬮᬳᬬᬸ᭞ᬮᬸᬧᬸᬢᬶᬂᬧᬸᬦᬃᬪᬵᬯ᭞ᬧᬢᬶᬳᬸᬭᬶᬧ᭄᭞ᬫᭀᬓ᭄ᬱᬳᬸᬫᭀᬭᬶᬂᬘᬤᬶᬬᬸᬄ᭞ᬓᬧᬶᬂᬧᬢ᭄ᬗᬸᬗ᭄ᬲᬶᬦᬶᬃᬩ᭄ᬪᬦ᭞ᬧᬂᬍᬧᬲᬦ᭄ᬧᬢᬶᬳᬸᬭᬶᬧ᭄᭟ᬮᬸᬧᬸᬢᬶᬂᬲᬸᬓᬵᬮᬦ᭄ᬤᬸᬄᬓᬵ᭞ᬓᬾᬢᭀᬘᬸᬘᬸᬰᬰᬡᬦ᭄ᬯᬢᭂᬓ᭄‌‌ᬫᬹᬦᬶ᭞ᬫᬚᬮᬭᬦ᭄ᬦᬾᬳᬓᬸᬢᬸᬲ᭄᭞ [ 105 ][᭑᭐᭔ 104B]
᭑᭐᭔
ᬫᬵᬃᬕ᭄ᬕᬢᭂᬗᬄᬉᬢ᭄ᬢᬫ᭞ᬦᬾᬓᬧᬶᬗᬶᬢ᭄᭞ᬕᬮᬗᬧᬤᬂᬓᬲᭂᬗ᭄ᬕᬸᬄ᭞ᬅᬃᬬ᭄ᬬᬅᬲ᭄ᬣᬗᬶᬓᬫᬵᬃᬕ᭄ᬕ᭞ᬧᬚᬮᬦᬾᬦᬸᬗ᭄ᬓᬧ᭄ᬮᭂ᭠ᬯᬶᬄ‌᭟ᬫᬗᬸᬗ᭄ᬲᬶᬓᬰᬸᬤ᭄ᬥᬯᬲ᭞ᬓᬦᬶᬃᬩ᭄ᬪᬦᬦ᭄ᬓᬳᬸᬘᬧ᭄ᬲᬸᬓᬵᬯᬢᬶ᭞ᬲ᭄ᬯᬃᬕ᭄ᬕᬦᬾᬦᭀᬗᭀᬲ᭄ᬩᭂᬤᬯᬸᬄ᭞ᬮᬶᬗ᭄ᬕᬶᬄᬪᬝᬵᬭᬩᬸᬤ᭄ᬥ᭞ᬤᬾᬦᬶᬦᬸᬗ᭄ᬲᬶ
᭞ᬳᬤᬦ᭄ᬫᬵᬃᬕ᭄ᬕᬦᬾᬳᬓᬸᬢᬸᬲ᭄᭞ᬚᬦᬶᬧᭂᬓᬓ᭄ᬫᬶᬤᬃᬢ᭄ᬣᬬᬂ᭞ᬧᬤᬶᬗᭂᬳᬂᬳᬧᬂᬧᬲ᭄ᬢᬶ᭟ᬲᬫ᭄ᬬᬕ᭄ᬤ᭄ᬭᬶᬱ᭄ᬝᬶᬓᬲᬫ᭄ᬩᬢᬂ᭞ᬲᬓᬾᬂᬲᬚᬦᬯᬂᬦᬾᬩᭂᬦᭂᬄᬧᭂᬮᬶᬄ᭞ᬦᬾᬘᭀᬭᬄᬢᭂᬓᬾᬦ᭄ᬲᬥᬹ᭞ᬫᬩᬦ᭄ᬢᬂᬨᬮᬓᬵᬃᬫ᭄ᬫ᭞ᬧᬸᬮᬓᬾᬃᬢ᭄ᬢᬶ᭞ᬦᬾᬗᬤᬓᬂᬳᬮᬳᬬᬸ᭞ᬫᬢᭂᬫ᭠
ᬳᬦ᭄ᬲᬸᬓᬵᬤᬸᬄᬓᬵ᭞ᬲᬤ᭄ᬬᬢᬘ᭄ᬲᬤ᭄ᬬᬤᬸᬫᬤᬶ᭟ᬲᬫ᭄ᬬᬕ᭄ᬓᬮ᭄ᬧᬦᬓᬳᬸᬘᬧ᭄᭞ᬧᬧᬶᬦᭂᬳᬾᬳᬦᬾᬩᭂᬦᭂᬄᬮᬓᭀᬦᬶᬦ᭄᭞ᬳᭀᬮᬲᬲᬶᬄᬲᬮᬶᬂᬢᬸᬮᬸᬂ᭞ᬫᬵᬋᬧ᭄ᬢᭂᬓᬾᬦᬶᬂᬓᬤᬂ᭞ᬩ᭄ᬭᬬᬯᬃᬕ᭄ᬕᬶ᭞ᬬᬤ᭄ᬬᬧᬶᬦ᭄ᬲᬃᬯ᭄ᬯᬢᬸᬫᬸᬯᬸᬄ᭞ᬲᭀᬢᬦᬶᬂᬢᬺᬱ᭄ᬡᬵᬫᬜᬫ᭞
ᬢ᭄ᬯᬭᬤᬤᬶᬗᬧᬾᬢ᭄ᬧᬢᬶ᭟ᬲᬫ᭄ᬬᬕ᭄ᬯᬘᬦᬓᬳᬸᬘᬧ᭄᭞ᬓᬯᭂᬦᬗᬦ᭄ᬢᬶᬗ᭄ᬓᬳᬾᬫᭂᬲ᭄ᬯᬂᬫᬸᬜᬶ᭞ᬢ᭄ᬯᬭᬤᬤᬶᬧᬢᬶᬓ᭠ᬘᬸᬄ᭞ᬢ᭄ᬯᬭᬮᬸᬳᬸᬂᬫᬶᬰᬸᬦ᭞ᬤᬤᬶᬳᬢᬶ᭞ᬗᬯᬾᬦᬂᬢᬶᬫ᭄ᬧᬮᬾᬮᬘᬸᬭ᭄᭞ᬤᬃᬰᬡᬗᬮᬧ᭄ᬧᬶᬢᬺᬱ᭄ᬡᬵ᭞ᬫᬭᬭᬲᬦ᭄ᬲᬮᬶᬂᬢᬭᬶ᭟ᬲᬫ᭄ᬬ

[᭑᭐᭕ 105A]
᭑᭐᭕
ᬕ᭄ᬓᬵᬃᬫ᭄ᬫᬓᬲᬫ᭄ᬩᬢ᭄᭞ᬮᬓ᭄ᬱᬡᬦᬾᬳᬦᬾᬫᭂᬮᬄᬓᬧᬸᬚᬶ᭞ᬢ᭄ᬯᬭᬤᬤᬶᬗᬤᬸᬕᬤᬸᬕ᭄᭞ᬗᬤᬾᬓᬂᬩᬬᬸᬳ᭠ᬓᬲ᭄᭞ᬗᬧᬾᬢ᭄ᬧᬢᬶ᭞ᬢᬦ᭄ᬯᭂᬦᬂᬫᬩᬶᬓᬲ᭄ᬩᭂᬕᬸᬕ᭄᭞ᬧᬕᭂᬄᬢᭂᬓᬾᬦᬶᬂᬓᬥᬃᬫ᭄ᬫᬦ᭄᭞ᬳᭀᬮᬲᬲᬶᬄᬲᬵᬥᬹᬩᬸᬤ᭄ᬥᬶ᭟ᬲᬫ᭄ᬬᬕᬚᬶᬯᬓᬳᬸ
ᬘᬧ᭄᭞ᬓᬧᬵᬢᬹᬢᬦ᭄ᬮᭂᬓᬤ᭄ᬳᬶᬤᬸᬧ᭄ᬦᬸᬫᬶᬢᬶᬲ᭄᭞ᬓᬯᭂᬦᬗᬦ᭄ᬗᬮᬶᬄᬲᬗᬸ᭞ᬳᬗ᭄ᬕᭀᬦ᭄ᬧᬗᬸᬧᬚᬶᬯ᭞ᬲᬗ᭄ᬓᬦ᭄ᬳᬸᬭᬶᬧ᭄ᬫᬗ᭄ᬕᭂᬳᬂᬥᬃᬫ᭄ᬫᬧᬶᬢᬸᬢᬸᬭ᭄᭞ᬗᬫᬭᬶᬬᬂᬳᬱ᭄ᬝᬘᭀᬭᬄ᭞ᬢ᭄ᬯᬭᬤᬤᬶᬫᬦ᭄ᬤᬸᬂᬫᬮᬶᬂ᭟ᬲᬫ᭄ᬬᬕ᭄ᬯᬶᬃᬬ᭄ᬬᬓᬲᬫ᭄ᬩᬢᬂ᭞ᬲᬵᬥᬹᬦᬶᬥᭂᬧ᭄ᬗᬫᬗ᭄ᬕᭂᬳᬂᬲᬸᬓᬾᬃᬢ᭄ᬢᬶ᭞᭠
ᬳᬦᬾᬫᬯᬲᬦᬧᬵᬢᬹᬢ᭄᭞ᬉᬢ᭄ᬲᬳᬗᬲ᭄ᬢᬧᬬᬂ᭞ᬩ᭄ᬭᬬᬯᬃᬕ᭄ᬕᬶ᭞ᬳᬧᬂᬦᭂᬧᬸᬓᬶᬦ᭄ᬭᬳᬬᬸ᭞ᬲᬳᬶᬲᬳᬶᬧᬶᬢᬸᬢᬸᬭᬶᬦ᭄᭟ᬲᬫ᭄ᬬᬕ᭄ᬲᬫ᭄ᬭᬶᬢᬶᬓᬳᬸᬘᬧ᭄᭞ᬫᬶᬢᬸᬢᬸᬭᬶᬦ᭄ᬤᬾᬯᬾᬓᬶᬥᭂᬧ᭄ᬧᬤᬶᬤᬶ᭞ᬲᬾᬗᭂᬄᬢᭂᬓᬾᬦ᭄ᬲᬗ᭄ᬓᬦ᭄ᬳᬶᬤᬸᬧ᭄᭞ᬳᬸᬭᬶᬧᬾᬢ᭄ᬯᬭᬮᬦ᭞᭠
ᬮᬓᬃᬫᬵᬢᬶ᭞ᬓᬲᬧᬸᬢᬦ᭄ᬫᬮᬍᬢᬸᬄ᭞ᬳᬯᬦᬦ᭄ᬤᬤᬶᬲᬗ᭄ᬲᬭ᭞ᬤᬾᬦᬶᬂᬱᬤ᭄ᬭᬱᬜᬸᬲᬸᬧᬶᬦ᭄᭟ᬲᬫ᭄ᬬᬕ᭄ᬲᬵᬫᬥᬶᬓᬳᬸᬘᬧ᭄᭞ᬓᬧᬕᭂᬳᬦᬚ᭄ᬜᬦᬦᬗᬸᬦ᭄ᬓᬾᬃᬢ᭄ᬢᬶ᭞ᬥᬃᬫ᭄ᬫᬮᬓ᭄ᬱᬡᬫᬫᬸᬢᬸᬲ᭄᭞ᬫᬫ᭄ᬭᬶᬳᬂᬓᬦᬶᬲ᭄ᬓᬵᬮᬦ᭄᭞ᬫᬲᬵᬫᬥᬶ᭞ᬫᬬᭀᬕ᭠ [ 106 ][᭑᭐᭕ 105B]
᭑᭐᭕
ᬗᬶᬜ᭄ᬘᭂᬧᬂᬢᬸᬢᬸᬭ᭄᭞ᬧᬂᬍᬧᬲᬦ᭄ᬤᬶᬲᬵᬓᬵᬮ᭞ᬗᭂᬮᬸᬲ᭄ᬦᬾᬢᭂᬓᭂᬓ᭄ᬦᬸᬮᬾᬦᬶᬦ᭄᭟ᬓᬾᬢᭀᬘᬸᬘᬸᬓᬯᭂᬦᬗᬦ᭄᭞ᬲᬂᬲᬸᬚᬦᬗᬫᬗ᭄ᬕᭂᬳᬂᬲᬸᬓᬾᬃᬢ᭄ᬢᬶ᭞ᬦᬸᬯᬸᬢ᭄ᬫᬵᬃᬕ᭄ᬕᬦᬾᬳᬓᬸᬢᬸᬲ᭄᭞ᬳᬸᬘᬧᬶᬂᬩᬸᬤ᭄ᬥᬢᬢ᭄ᬯ᭞ᬫᬗᬲ᭄ᬢᬸᬢᬶ᭞ᬲᬗ᭄ᬳ᭄ᬬᬂᬥᬃᬫ᭄ᬫᬇᬥᭂᬧ᭄ᬲᬵᬥᬹ᭞ᬚ
ᬮᬭᬦ᭄ᬦᬸᬗ᭄ᬓᬧ᭄ᬦᬶᬃᬯᬦ᭞ᬳᬲ᭄ᬢᬶᬪᬓ᭄ᬢᬶᬓᬯᬶᬤ᭄ᬥᬶ᭟ᬓᬵᬫᬚᬬᬗᭂᬮᬸᬗᬗ᭄ᬕ᭞ᬫᬗᬪᬓ᭄ᬢᬶᬭᬶᬂᬩᬸᬓ᭄ᬧᬤᬦ᭄ᬲᬂᬬᭀᬕᬶ᭞ᬲᬸᬓ᭄ᬱ᭄ᬫᬢᬶᬢ᭄ᬬᬂᬥᬂᬕᬸᬭᬸ᭞ᬧᭀᬮᬶᬄᬧᬗᬸᬧᬚᬶᬯ᭞ᬲᬗᬸᬦᬸᬭᬶᬧ᭄᭞ᬮᬫᬓᬦ᭄ᬫᬗ᭄ᬕᬶᬄᬭᬳᬬᬸ᭞ᬭᬱᬓᬲᬶᬭᬢᬦ᭄‌ᬫᬺᬢ᭄ᬣ᭞ᬲᬜ᭄ᬚᬶᬯᬦᬶ
ᬬᬦᬸᬧᬫᬶ᭟ᬥᬹᬄᬳᬫ᭄ᬧᬸᬭᬳᬢᬹᬃᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬫᭂᬍᬤ᭄ᬧᬸᬭᬸᬦ᭄ᬦᬸᬦᬲᬂᬫᬮᬶᬄ᭞ᬬᬦᬸᬮᬢᬂᬭᬶᬂᬲᬲᬸᬤᬸᬓ᭄᭞ᬓᬮᬶ᭠ᬗᬦ᭄ᬩᬸᬤ᭄ᬥᬢᬢ᭄ᬯ᭞ᬚᬢᬶᬍᬯᬶᬄ᭞ᬗᬗ᭄ᬓᭂᬦᬶᬦ᭄ᬲᬃᬯ᭄ᬯᬢᬸᬫᬸᬯᬸᬄ᭞ᬲᬫᬶᬓᬲᭂᬗ᭄ᬕᬸᬄᬫᬜᬫ᭞ᬩᭀᬬᬯᬾᬦ᭄ᬢᭂᬦ᭄ᬫᬲᭀᬃᬲᬶᬗ᭄ᬕᬶᬄ᭟ᬓᬾᬢᭀᬘᬸ
ᬘᬸᬢ᭄ᬯᬭᬪᬶᬦ᭞ᬲᬗ᭄ᬳ᭄ᬬᬂᬳᬸᬭᬶᬧ᭄ᬳᬧᬶᬰᬭᬶᬭᬦ᭄ᬯᬶᬤ᭄ᬥᬶ᭞ᬳᬯᬦᬦ᭄ᬓᬳᬸᬘᬧ᭄ᬧᬢᬸᬄ᭞ᬳᬸᬭᬶᬧ᭄ᬲᬢᭀᬓᬮᬯᬦ᭄᭞ᬲᬃᬯ᭄ᬯᬧ᭄ᬭᬦᬶ᭞ᬢᭂᬓᬾᬦ᭄ᬫᬵᬦᬹᬱᬓᬲᭂᬗ᭄ᬕᬸᬄ᭞ᬲᬓᬾᬯᬮᬪᬶᬦᬧᬓ᭄ᬱ᭞ᬲᬗ᭄ᬳ᭄ᬬᬂᬳᬸᬭᬶᬧ᭄ᬪᬶᬦᬮᬶᬗ᭄ᬕᬶᬄ᭟ᬩᬸᬤ᭄ᬥᬢᬢ᭄ᬯᬫᬫᬯᭀᬲᬂ᭞ᬲᬂᬤᬸᬫᬤᬶᬢ᭄ᬯ᭠

[᭑᭐᭖ 106A]
᭑᭐᭖
ᬭᬚᬫᬲᭀᬃᬲᬶᬗ᭄ᬕᬶᬄ᭞ᬫᬶᬭᬶᬩ᭄ᬘᬸᬘᬸᬲᬮᬄᬲᭂᬗ᭄ᬕᬸᬄ᭞ᬗᬤᬾᬦ᭄ᬳᬸᬦ᭄ᬤᬸᬓ᭄ᬳᬕᬫ᭞ᬫᬲᭀᬃᬲᬶᬗ᭄ᬕᬶᬄ᭞ᬤᬾᬦᬶᬂᬤᬶᬩᬮᬶᬓᬮᬕᬸ᭞ᬯᬗ᭄ᬰᬳᬤᬢ᭄ᬮᬦᬕᬫ᭞ᬫᬵᬤᬸᬓᬦ᭄ᬤᬤᬶᬳᬩᭂᬲᬶᬓ᭄᭟ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬩᭀᬬᬲᬶᬫ᭄ᬧᬂᬓᬤᬶᬩᬯᭀᬲ᭄ᬲᬂᬬᭀ
ᬕᬶ᭞ᬯᬗ᭄ᬰᬮᬦᬕᬫᬕᬧᬸᬮ᭄᭞ᬫ᭄ᬯᬂᬳᬤᬢ᭄ᬢᬢᬓ᭄ᬭᬫ᭞ᬭᬹᬧᬢᬸᬗ᭄ᬕᬶᬮ᭄᭞ᬫᬓᬶᬮᬶᬢ᭄ᬓᬾᬗᬶᬦᬦ᭄ᬩᬳᬸᬃ᭞ᬳᬸᬮᬢᬂᬩ᭄ᬭᬳ᭄ᬫᬵᬡᬩᬸᬤ᭄ᬥ᭞ᬜᬶᬗ᭄ᬕᬶᬳᬂᬭᬕᬤᬶᬩᬮᬶ᭟ᬩᭀᬬᬫᬮᬶᬄᬗᬫᬗ᭄ᬕᭂᬳᬂ᭞ᬳᬸᬘᬧ᭄ᬰᬵᬲ᭄ᬢ᭄ᬭᬫᬵᬦᬹᬱᬧᬤᬚᬢᬶ᭞ᬲᬂᬬᭀᬕᬶᬳᬕᬾᬫᬲᬳᬸᬭ᭄᭞
ᬧᬧᬓ᭄ᬘᬸᬘᬸᬭᬯᭀᬲᬂ᭞ᬢ᭄ᬯᬭᬤᬤᬶ᭞ᬳᬧᬂᬤᬓᬤᬮᬶᬄᬩᭂᬕᬸᬕ᭄᭞ᬲᬸᬓᬶᬮ᭄ᬜᬫ᭄ᬩᬢᬂᬓᬯᬗ᭄ᬰᬦ᭄᭞ᬚᬢ᭄ᬳᬤᬦᬾᬲ᭠ᬮᬄᬢᬫ᭄ᬧᬶ᭟ᬓᬚᬃᬯ᭄ᬯᬓᬂᬫᬗᬦ᭄ᬤᬧᬂ᭞ᬲᬂᬓᬢ᭄ᬭᬶᬦᬶᬦᬾᬧᭀᬮᬶᬄᬮᬶᬗ᭄ᬕᬶᬄᬩᭂᬘᬶᬓ᭄᭞ᬦᬄᬧᭂᬓᬓ᭄ᬗᭀᬭᬳᬶᬦ᭄ᬢᬸᬢᬸᬭ᭄᭞ᬯᬢᭂᬓ᭄ᬩ᭄ᬭᬳ᭄ᬫᬵᬡ᭠
ᬩᬸᬤ᭄ᬥ᭞ᬩᬸᬓᬜᬮᬶᬢ᭄᭞ᬢᭂᬓᬾᬦ᭄ᬲᬂᬫᭀᬮᬶᬳᬂᬮᬸᬗ᭄ᬕᬸᬄ᭞ᬲᬯᬢᭂᬓ᭄ᬩ᭄ᬭᬳ᭄ᬫᬵᬡᬰᬶᬯ᭞ᬜᬶᬗ᭄ᬕᬶᬳᬂᬭᬕᬤᬶᬩᬮᬶ᭟ᬧᬗᬯᬶᬢ᭄‌ᬫ᭄ᬧᬸᬳᬱ᭄ᬝᬧᬓ᭞ᬯᬢᭂᬓ᭄ᬩᬸᬤ᭄ᬥᬢᭂᬤᬸᬦ᭄ᬫᬮᬸᬓᬩᬮᬶ᭞ᬗᭂᬢᬹᬢ᭄ᬧᬫᬵᬃᬕ᭄ᬕᬦ᭄ᬲᬂᬯᬶᬓᬹ᭞ᬫᬧᬭᬩ᭄‌ᬫ᭄ᬧᬸᬦᬶᬭᬵᬃᬢ᭄ᬣ᭞ᬧᬃᬡ᭄ᬦᬄᬳᬚᬶ᭞᭠ [ 107 ][᭑᭐᭖ 106B]
᭑᭐᭖
ᬤᬶᬲᬫᭂᬢᭀᬦ᭄ᬳᬦᬾᬫᬮᬸ᭞ᬮᬮᬗᬶᬢ᭄ᬩ᭄ᬭᬳ᭄ᬫᬵᬡᬰᬶᬯ᭞ᬦ᭄ᬢᭀᬳᬯᬦᬦ᭄ᬩᬸᬓᬚᬶᬸᬦᬶᬸᬜᬮᬶᬢ᭄᭟ᬲᬂᬩᬸᬤ᭄ᬥᬗᬦ᭄ᬤᬧᬂᬭᬕ᭞ᬤᬾᬦᬶᬂᬳᬾᬮᬶᬂᬤᬸᬕᬲᬾᬦᬸᬤᬶᬚᬯᬶ᭞ᬫᬸᬮᬫᬓᬯ᭄ᬯᬗᬦ᭄ᬧᬢᬸᬄ᭞ᬢᭂᬓᬾᬦ᭄ᬲᬂᬯᬢᭂᬓ᭄ᬰᬶᬯ᭞ᬲᬶᬮᬶᬳᬲᬶᬄ᭞ᬫ᭄ᬧᬸᬦᬶᬭᬵᬃᬢ᭄ᬣᬓᭀᬦᬾᬫᬮᬸ᭞
ᬤᬸᬕᬲ᭄ᬳᬶᬤᬦᬸᬯᬮᬓ᭞ᬫᬵᬕᬫᬩᬸᬤ᭄ᬥᬤᬶᬚᬯᬶ᭟ᬲᬲᬸᬓᬢ᭄ᬲᬸᬩᬫᬭᬩ᭄ᬬᬦ᭄᭞ᬤ᭄ᬬᬄᬓᭀᬫᬮᬯᬢᭂᬓ᭄ᬰᬶᬯᬩ᭄ᬭᬳ᭄ᬫᬵ᭠ᬡᬶ᭞ᬤᬸᬫᬭᬳᬶᬤᬲᬂᬯᬶᬓᬹ᭞ᬗᬦᬹᬢᬕᬫᬰᬶᬯ᭞ᬓᬬᬂᬚᬦᬶ᭞ᬓᬾᬢᭀᬓᬢᬢ᭄ᬯᬦᬾᬫᬮᬸ᭞ᬤᬤᬶᬓᬓᭂᬤᭂᬄᬩᬦ᭄ᬧᭂᬓᬓ᭄᭞ᬅᬕᬫᬤ
ᬤᬶᬕᭂᬦ᭄ᬢᭀᬲᬶᬦ᭄᭟ᬅᬕᬫᬢᭂᬓᬾᬦ᭄ᬓᬯᬗ᭄ᬰᬦ᭄᭞ᬫᬪᬶᬦᬬᬦᬶᬥᭂᬧ᭄ᬘᬸᬘᬸᬗᬸᬕᭀᬦᬶᬦ᭄᭞ᬩᬦ᭄ᬢᬶᬳᬂᬳᬧᬂᬤᬕᬧᬸᬮ᭄᭞ᬫᬧ᭄ᬯᬭᬲᬮᬄᬯᬸᬮᬢ᭄᭞ᬫᬦᬫ᭄ᬧᬾᬦᬶᬦ᭄᭞ᬓᬵᬫᬚᬬᬫᬮᬶᬄᬫᬵᬢᬹᬃ᭞ᬧ᭄ᬭᬦᬫ᭄ᬬᬗᬕᭂᬦ᭄ᬦᬸᬦᬲᬂ᭞ᬲᬶᬫᬦᬤᬢᬾᬭᬶᬂᬩᬮᬶ᭟᭜᭟ᬕᬶᬦᬤ᭠
᭟᭜᭟ᬓᬵᬫᬚᬬᬫᬢᬗᬦᬦ᭄᭞ᬫᬵᬢᬹᬃᬲᬶᬲᬶᬧ᭄ᬭᬶᬂᬲᬂᬬᭀᬕᬶ᭞ᬤᬕᬶᬂᬢᬶᬢ᭄ᬬᬂᬫᬦᬯᭂᬕᬂ᭞ᬫᭂᬍᬤ᭄ᬫᬮᬶᬄᬦᬸᬦᬲ᭄ᬢᬸᬢᬸᬃ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬲ᭄ᬯᬾᬘ᭄ᬙᬳᬸᬕᬶ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬧᬫᬶᬤᬃᬢ᭄ᬣ᭟ᬬᬦ᭄ᬢᬓᭀᬘᬧ᭄ᬲᬂᬩ᭄ᬭᬳ᭄ᬫᬵᬡ᭞ᬯᬾᬦ᭄ᬢᭂᬦ᭄ᬓᬬᬸᬦ᭄ᬫᬪᬓ᭄ᬢᬶ᭞᭠

[᭑᭐᭗ 107A]
᭑᭐᭗
ᬫᬭᬶᬂᬧᬸᬭᬧᬸᬲᭂᬄᬋᬓᭀ᭞ᬲᬫᬮᬶᬄᬭᬶᬂᬩᬮᬾᬳᬕᬸᬂ᭞ᬭᬶᬂᬧᬸᬭᬤᬍᬫ᭄ᬓᬾᬯᬮ᭞ᬓᬧᬶᬭᬕᬶ᭞ᬮᬦᬂᬳᬶᬲ᭄ᬢ᭄ᬭᬶᬓᬬᬸᬦ᭄ᬫᬸᬱ᭄ᬧ᭟ᬩᭀᬬᬓᬾᬓᬳ᭄ᬬᬗᬦ᭄ᬢᬶᬕ᭞ᬧᬜᬸᬗ᭄ᬲᬸᬗᬦ᭄ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬮᬦᬶᬰ᭄ᬯᬭ᭞ᬤᬸᬓᬸᬄᬲᬸᬮᬤ᭄ᬭᬶᬲᬸᬫᬯᬸᬭ᭄᭞ᬤᬤᬢᬘᬸᬘᬸᬢ
ᬓᭀᬦᬂ᭞ᬩᬸᬓᬧᬶᬭᬶ᭞ᬢᭀᬂᬜᬦ᭄ᬤᬂᬘᬸᬘᬸᬲᭂᬲᭂᬤᬂ᭟ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬭᬾᬄᬓᬤᬶᬲᭀᬮᬄᬧᬶᬭ᭠ᬕᬶ᭞ᬭᬹᬧᬓᬤᬶᬫᬪᬶᬦᬬᬦ᭄᭞ᬧᬸᬭᬧᬸᬲᭂᬄᬩᬮᬾᬳᬕᬸᬂ᭞ᬭᬶᬂᬧᬸᬭᬤᬍᬫ᭄ᬓᬫᬦᬄ᭞ᬫᬲᭀᬃᬲᬶᬗ᭄ᬕᬶᬄ᭞ᬪᬝᬵᬭᬫᬚᬩᬫᬾᬦᬓ᭄᭟
ᬩᬶᬮᬶᬄᬓᬩᬯᭀᬲ᭄ᬳᬦ᭄ᬤᬧᬦ᭄᭞ᬪᬝᬵᬭᬲᬦᬾᬓᬓᬵᬮᬶᬄ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬭᬶᬂᬇᬰ᭄ᬯᬭ᭞ᬓᭀᬘᬧ᭄ᬭᬶᬂᬤᬍᬫ᭄ᬫᬮᬸ᭠ᬗ᭄ᬕᬸᬄ᭞ᬪᬝᬵᬭᬶᬤᬹᬃᬕ᭄ᬕᬓᬮᭀᬓ᭞ᬚᬢᬶᬢᬸᬗ᭄ᬕᬶᬮ᭄᭞ᬲᬵᬢ᭄ᬫᬓᬪᬝᬵᬭᬰᬶᬯ᭟ᬲᬂᬬᭀᬕᬶᬳᬮᭀᬦᬗᬸᬘᬧ᭄᭞ᬳᬭᬄᬘᬸᬘᬸ
ᬓᬸᬤᬫᭂᬮᬶᬤ᭄᭞ᬦᬄᬧᭂᬓᬓ᭄ᬚᬦᬶᬫᬶᬤᬃᬢ᭄ᬣ᭞ᬳᬧᬂᬢ᭄ᬯᬭᬲᬮᬄᬲᭂᬗ᭄ᬕᬸᬄ᭞ᬧᬯᬗᬸᬦ᭄ᬓᬳ᭄ᬬᬗᬦ᭄ᬢᬶᬕ᭞ᬦᬾᬗᬹᬦᬶ᭞ᬲᬲᬸᬓᬢᬾᬫ᭄ᬧᬸᬓᬸᬢᬸᬭᬦ᭄᭟ᬢᬸᬫᬸᬭᬸᬦ᭄ᬓᬩᬮᬶᬳᬕ᭞ᬫᬮᬶᬗ᭄ᬕᬶᬄᬤᬶᬲᬶᬮᬬᬸᬓ᭄ᬢᬶ᭞ᬦᭂᬫᭀᬦᬶᬦ᭄ᬓᬵᬮᬇᬰᬓᬵ᭞ᬲᬗᬦᬗ᭄ᬕᬸᬢᭂᬮᬸᬮᬶ᭠ [ 108 ][᭑᭐᭗ 107B]
᭑᭐᭗
ᬓᬸᬭ᭄᭞ᬮᬮᬗᬶᬢ᭄ᬯᬢᭂᬓ᭄ᬩ᭄ᬭᬳ᭄ᬫᬵᬦ᭞ᬢᭀᬦ᭄ᬤᬾᬦ᭄ᬫᬳᬶ᭞ᬓᬩᬮᬶᬳᬸᬘᬧᬶᬂᬩᬩᬤ᭄᭟ᬓᭀᬦᬾᬳᬗ᭄ᬓ᭄ᬭᬄᬓᬕᬸᬦ᭄ᬢᬸᬭᬦ᭄᭞ᬫᬧᬶᬢᭂᬕᭂᬲ᭄ᬲᬸᬩᬦᬫᬶ᭞ᬧᬯᬗᬸᬦ᭄ᬓᬳ᭄ᬬᬗᬦ᭄ᬢᬶᬕ᭞ᬤ᭄ᬯᬦᬶᬂᬩ᭄ᬭᬳ᭄ᬫᬵᬦᬢᬦ᭄ᬓᬬᬸᬦ᭄᭞ᬫᬸᬱ᭄ᬧᬤᬶᬧᬸᬭᬦᬾᬤᬤ᭄ᬯ᭞ᬤᬤᬶᬫᬲᬶᬄ᭞ᬭᬯᭀ
ᬲᬂᬜᬶᬗ᭄ᬕᬶᬳᬂᬭᬕ᭟ᬗᬶᬂᬤᬶᬧᬸᬭᬤᬍᬫ᭄ᬜᬦ᭄ᬤᬂ᭞ᬳᬚᬓ᭄ᬫᬓᭂᬚᬂᬫᬪᬓ᭄ᬢᬶ᭞ᬩᬲ᭄ᬳᬶᬤᬪᬝᬵᬭᬶᬤᬹᬃᬕ᭄ᬕ᭞ᬗᬫᭂᬮᬂᬅᬢ᭄ᬫᬦ᭄ᬲᬂᬮᬫ᭄ᬧᬸᬲ᭄᭞ᬢᬓᬸᬢ᭄ᬲᬶᬂᬜᬳᬶᬤᬤᬸᬓᬵ᭞ᬫᬜᬦ᭄ᬫᬵᬢᬶ᭞ᬅᬢ᭄ᬫᬦᬾᬓᬮᬭᬮᬭ᭟ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬧᬸᬧᬸ᭠
ᬢᬂᬲᬂᬬᭀᬕᬶ᭞ᬢᭀᬂᬜᬦ᭄ᬤᬂᬫᬮᬶᬄᬧᬜ᭄ᬚᬗᬂ᭞ᬘᬸᬢᭂᬢ᭄ᬳᬫᬸᬦᬶᬓᬤᬸᬫᬸᬦ᭄᭞ᬲᬯᬶᬭᬾᬄᬲᬵᬫ᭄ᬧᬸᬦ᭄ᬓᬫᬦᬄ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬫ᭄ᬩᬾᬦᬶᬦᬸᬦᬲᬂ᭟ᬲᬧᬸᬦᬧᬶᬫᬓᬯᬶᬦᬦ᭄᭞ᬯᬢᭂᬓ᭄ᬫᬾᬦᬓᬾᬭᬶᬂᬩᬮᬶ᭞ᬦᬾᬦ᭄ᬢᭂᬦ᭄ᬓᬬᬸᬦ᭄ᬦᭂᬕᭂᬦ᭄ᬰᬯ᭞ᬩᬗ᭄ᬓᬾ
ᬦ᭄ᬲᬂᬲᬸᬤ᭄ᬭᬦᬾᬮᬫ᭄ᬧᬸᬲ᭄᭞ᬲᬂᬬᭀᬕᬶᬓᭂᬜᭂᬫ᭄ᬗᬦ᭄ᬤᬶᬓ᭞ᬓᬸᬤᬤᬤᬶ᭞ᬘᬸᬘᬸᬢᬦ᭄ᬤ᭄ᬭᬸᬄᬢᭂᬓᬾᬦ᭄ᬫᬾᬦᬓ᭄᭟ᬳᬧᬂᬢ᭄ᬯᬭᬓᬍᬢᭂᬳᬦ᭄᭞ᬦᭂᬕᭂᬦ᭄ᬩᬗ᭄ᬓᬾᬦ᭄ᬳᬦᬓ᭄ᬫᬵᬢᬶ᭞ᬲᬸᬤ᭄ᬭᬯᬗ᭄ᬰᬧᬮᬶᬂᬭᭀᬫᭀᬦ᭄᭞ᬢᬓᬸᬢ᭄ᬓᬤᭂᬓᭂᬢ᭄ᬩᬦ᭄ᬮᭂᬢᬸᬄ᭞ᬦᬵᬗ᭄ᬳᬶᬂᬢᬶᬤᭀᬂ

[᭑᭐᭘ 108A]
᭑᭐᭘
ᬚᬫᬓᭂᬚᬂ᭞ᬲᬂᬓᬢ᭄ᬭᬶᬦᬶ᭞ᬢ᭄ᬯᬭᬓᬬᬸᬦᭂᬕᭂᬦ᭄ᬰᬵᬯ᭟ᬮᬶᬬᬸᬦᬾᬫᬯᬢᬂᬳᭂᬜᬓ᭄᭞ᬦᭂᬕᭂᬦ᭄ᬩᬗ᭄ᬓᬾᬲᬸᬩᬫᬵᬢᬶ᭞ᬓ᭠ᬲᭂᬗ᭄ᬕᬸᬄᬭᬸᬫᬲᬢ᭄ᬢᬦᬄ᭞ᬢᭀᬂᬗ᭄ᬭᬡᬬᬂᬮᬓᬃᬲᬸᬲᬸᬤ᭄᭞ᬳᬚᬓ᭄ᬮᬶᬬᬸᬫᬮᬕᬾᬦ᭄ᬤᬄ᭞ᬲᬤᬓᭂᬜᬶᬂ᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄
᭟ᬳᬭᬄᬬᬦᬲᬧᬸᬦᬶᬓ᭞ᬰᬸᬘᬶᬦᬾᬫᬵᬤᬸᬓᬦ᭄ᬤᬓᬶ᭞ᬩᬶᬮᬶᬄᬗ᭄ᬭᬡᬬᬂᬧᬢᬸᬗ᭄ᬓᬲ᭄᭞ᬢᬦ᭄ᬓᬬᬸᬦ᭄ᬫᬮᬶᬄᬫᬕᬸᬩᬸ᭠ᬕ᭄᭞ᬲᬋᬂᬲᬫᭂᬢᭀᬦ᭄ᬫᬲᭀᬕ᭄ᬲᬕ᭄᭞ᬲᬮᬶᬂᬤᬮᬶᬄ᭞ᬦᬾᬦ᭄ᬢᭂᬦ᭄ᬳᬸᬦᬶᬂᬫᬓ᭄ᬢᬭᬕ᭟ᬫᭂᬕᬢᬶᬦ᭄ᬧᬲᬶᬤ᭄ᬥᬶᬓᬵᬭᬦ᭄᭞ᬜᭂᬫ᭄ᬩᬄᬓᬲᭂ᭠
ᬫ᭄ᬩᬄᬫᬫᬭᬶᬤ᭄᭞ᬲᬂᬬᭀᬕᬶᬳᬗᬸᬘᬧᬮᭀᬦ᭄᭞ᬲᬚᬓᬾᬢᭀᬘᭂᬦᬶᬂᬘᬸᬘᬸ᭞ᬬᬦ᭄ᬧᬶᬦᭂᬳᬶᬦ᭄ᬩᬸᬓᬢᬯᬄ᭞ᬲᬶᬫᬦ᭄ᬕᬸᬫᬶ᭞ᬤᬾᬦᬶᬂᬤᬾᬰᬫᬯᬵᬘᬭ᭟ᬲᬸᬓᭂᬄᬩᬦ᭄ᬚᬦᬶᬗᭂᬦᭂᬳᬂ᭞ᬫᬃᬡ᭄ᬦᬬᬂᬳᬧᬂᬜᬓ᭄ᬳᬲᬶᬦ᭄᭞ᬬᬾᬦ᭄ᬦᭂᬕᭂᬦ᭄ᬰᬯᬦ᭄ᬫᬵᬦᬹᬱ᭞ᬢ᭄ᬯᬭ᭠
ᬜᬓ᭄ᬢᭂᬓᬫᬕᭂᬚᬸᬄ᭞ᬬᬦᬶᬂᬦᭂᬕᭂᬦ᭄ᬘᬾᬮᬾᬂᬓᭂᬩᭀ᭞ᬤᭂᬫᭂᬦ᭄ᬕᬢᬶ᭞ᬢ᭄ᬯᬭᬳᬤᬗᬋᬦ᭄ᬢᬗᬂ᭟ᬫᬾᬄᬋᬲᬶᬓ᭄ᬋ᭠ᬲᬶᬓᬦ᭄ᬳᬸᬤᬂ᭞ᬳᬶᬍᬳᬶᬍᬄᬜᬸᬯᬸᬦ᭄ᬩᬘᬶᬦ᭄᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬧᬾᬢ᭄ᬲᬧᬸᬦᬶᬓᬥᬂᬕᬸᬭᬸ᭞ᬬᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ [ 109 ][᭑᭐᭘ 108B]
᭑᭐᭘
ᬲᬓᬾᬂᬭᬶᬫ᭄ᬩᬶᬢ᭄᭞ᬗᬫᬗ᭄ᬕᭂᬳᬂᬓᬸᬦᬤᬺᬱ᭄ᬝᬵ᭟ᬫᬩᬦ᭄ᬢᬂᬳᬦ᭄ᬢᬸᬓ᭄ᬓᬯᬗ᭄ᬰᬦ᭄᭞ᬢᬢᬘᬭᬦᬾᬭᬶᬂᬩᬮᬶ᭞ᬭᬹᬧᬓᬶᬭᬂᬧᬗ᭄ᬮᭀᬓᬶᬓ᭞ᬗᬸᬢᬂᬓᬦ᭄ᬤᬶᬓ᭄ᬦᬸᬤᬸᬓ᭄ᬚᬳᬸᬫ᭄᭞ᬓᬤᬶᬳᬸᬘᬧᬶᬂᬲᬲᭀᬗ᭄ᬕᬦ᭄᭞ᬢᬦᬶᬳᬲᬶᬦ᭄᭞ᬫᬧ᭄ᬯᬭᬧᭀᬘᭀᬮ᭄ᬫᬵᬕᬫ᭟ᬲᬶᬭ
ᬧᬘᬂᬧ᭄ᬭᬫᬲᬸᬓ᭞ᬳᬸᬧᬫᬶᬓᬤᬶᬯᭀᬂᬳᬲᬶᬂ᭞ᬫᬫᬦᬄᬲᬋᬂᬫᬵᬕᬫ᭞ᬭᬶᬂᬩᬮᬶᬳᬬᬢ᭄ᬫᬕᬸᬩᬸᬕ᭄᭞ᬚᬦ᭄ᬢᭂᬦ᭄ᬧ᭠ᬘᬂᬫᬓᭂᬍᬤᬦ᭄᭞ᬗᬭᬜ᭄ᬚᬶᬗᬶᬦ᭄᭞ᬭᬾᬄᬢᬦ᭄ᬯᬾᬦ᭄ᬢᭂᬦ᭄ᬦᬾᬜᬓ᭄ᬗᬚᬓ᭄᭟ᬬᬤᬶᬦ᭄ᬧᬾᬢ᭄ᬲᬵᬫ᭄ᬧᬸᬦ᭄ᬓᬲᭀᬦ᭄ᬢ᭄ᬭᬄ᭞ᬭᬤᬾᬦ᭄ᬫᬾᬦᬓᬾ
ᬭᬶᬂᬚᬯᬶ᭞ᬩᭀᬬᬯᬾᬦ᭄ᬢᭂᬦ᭄ᬦᬾᬲᬸᬫᬤ᭄ᬬ᭞ᬗᬤ᭄ᬬᬦᬶᬦ᭄ᬗᬚᬓ᭄ᬫᬲᬸᬩᬓ᭄᭞ᬦᬧᬶᬫᬮᬶᬄᬲᬂᬢ᭄ᬭᬶᬯᬗ᭄ᬰ᭞ᬩᭀᬬᬦ᭄ᬤᬸᬕᬶ᭞ᬜᬓ᭄ᬗᬚᬓ᭄ᬫᬲᬶᬤ᭄ᬥᬶᬓᬵᬭ᭟ᬲᬂᬬᭀᬕᬶᬦᬶᬫ᭄ᬩᬮ᭄ᬗᬦ᭄ᬤᬶᬓ᭞ᬲᬚᬓᬾᬢᭀᬭᬾᬄᬤᬶᬩᬮᬶ᭞ᬅᬕᬫᬮᬯᬦ᭄ᬓᬯᬗ᭄ᬰᬦ᭄᭞ᬤᬤᬶᬳᬩᭂ‌
ᬲᬶᬓ᭄ᬦᬸᬕᬧᬸᬮ᭄᭞ᬢᭀᬦ᭄ᬤᬾᬦ᭄ᬜᬶᬤ᭄ᬥᬬᬂᬫᬦ᭄ᬢᬶᬳᬂ᭞ᬓᬤᬸᬂᬢᬫᬶ᭞ᬤᬸᬓᬧᬦ᭄ᬜᬶᬤ᭄ᬥᬬᬂᬮᬶᬫ᭄ᬩᬓ᭄᭟ᬅᬕᬫᬫ᭄ᬯᬂᬢᬢᬓ᭄ᬭᬫ᭞ᬳᭀᬕᬦ᭄ᬓᬩᭂᬩᭂᬂᬤᬶᬩᬮᬶ᭞ᬲᭂᬫ᭄ᬩᬳᬾᬧᬶᬦᬓᬲᬸᬗ᭄ᬕ᭞ᬧᬭᬶᬤ᭄ᬓᬧᬭᬶᬤ᭄ᬲᬢ᭄ᬦᬸᬦ᭄ᬤᬸᬂ᭞ᬳᬦᬓ᭄ᬩᬦᬾᬄᬦᬾᬫᬓᬶᬢ᭞ᬫᬫ᭄ᬩ᭄ᬭᬶᬬᬸᬓᬶᬦ᭄᭞

[᭑᭐᭙ 109A]
᭑᭐᭙
ᬩᬋᬂᬤᬶᬩᬮᬶᬫᬵᬕᬫ᭟ᬫᬶᬭᬶᬩ᭄ᬘᬸᬘᬸᬢᭀᬦ᭄ᬤᬾᬦ᭄ᬦᬯᬂ᭞ᬳᬸᬦ᭄ᬤᬸᬓ᭄ᬓᬯᬗ᭄ᬰᬦ᭄ᬤᬶᬩᬮᬶ᭞ᬳᬤᬦᬾᬧᭀᬗᬄᬜᬫ᭄ᬩᬢᬂ᭞ᬫᬸᬮᬢᭂᬋᬄᬲᬗ᭄ᬳ᭄ᬬᬂᬯᬶᬱ᭄ᬡᬸ᭞ᬲᬗ᭄ᬓᬦ᭄ᬗᬓᬸᬯᬶᬱ᭄ᬡᬸᬯᬗ᭄ᬰ᭞ᬳᬤᬫᬲᬶᬄ᭞ᬜᬫ᭄ᬩᬢᬂᬭᬕᬩ᭄ᬭᬳ᭄ᬫᬵᬗ᭄ᬰ᭟ᬤᬾᬦᬶᬂᬳ᭄ᬬᬂᬩ᭄ᬭᬳ᭄ᬫᬵᬗᬤᬓᬂ᭞ᬮᬾᬦ᭄ᬳᬤᬳ
ᬦ᭄ᬢᭂᬩ᭄ᬗᬗ᭄ᬓᭂᬦᬶᬦ᭄᭞ᬲᬦ᭄ᬢᬦᬦ᭄ᬪᬝᬵᬭᬲᬹᬃᬬ᭄ᬬ᭞ᬲᬹᬃᬬ᭄ᬬᬯᬗ᭄ᬰᬧᭀᬗᬄᬗᬓᬸ᭞ᬫᬧᬶᬲᬚᬦᬯᬂᬲ᭄ᬯᬃᬕ᭄ᬕᬦ᭄᭞ᬧᭂᬧᭂᬲ᭄ᬢᬗ᭄ᬓᬶᬮ᭄᭞ᬭᬶᬂᬪᬝᬵᬭᬦᬸᬚᬸᬲᬶᬫ᭄ᬧᬂ᭟ᬲᬓᬾᬂᬢᭀᬂᬦᬯᬂᬅᬕᬫ᭞ᬤᬤᬢᬩᬓᬢ᭄ᬳᬗ᭄ᬓᭂᬦᬶᬦ᭄᭞ᬮᬕᬸᬢᬾᬤᭂᬫᭂᬦ᭄ᬚᬸᬂᬚᬸᬗᬂ᭞ᬫᬲᬶᬄᬳᬧᬗᬜᬓ᭄ᬧ
ᬗᬸᬲ᭄᭞ᬧᬗᬗ᭄ᬓᭂᬦᬾᬢᬶᬤᭀᬂᬢᬶᬤᭀᬂ᭞ᬜᬾᬦ᭄ᬜᬓ᭄ᬜᬤᬶᬦ᭄᭞ᬫᬮᬾᬗ᭄ᬓᬲ᭄ᬢᭂᬓᬾᬦ᭄ᬓᬮᬶᬗᬦ᭄᭟ᬢᬓᭀᬦᬂᬫᬮᬸ᭠ᬧᭂᬤᬲᬂ᭞ᬳᬧᬂᬤᬧᭂᬮᬶᬄᬧᬦᬫ᭄ᬧᬶ᭞ᬪᬝᬵᬭᬓᬤᬾᬦ᭄ᬓᬯᬶᬢᬦ᭄᭞ᬫᬧ᭄ᬯᬭᬧᭂᬮᬶᬄᬲᬲᬸᬤᬸᬓ᭄᭞ᬢᬶᬤᭀᬂᬓᬾᬯᬢᭂᬓ᭄ᬯᬿᬱ᭄ᬡᬯ᭞ᬲᬂᬫᬜᬶ
ᬯᬶ᭞ᬳ᭄ᬬᬂᬯᬶᬱ᭄ᬡᬸᬤᬶᬚᬫ᭄ᬪᬸᬤ᭄ᬯᬶᬧ᭟ᬓᬾᬢᭀᬲᬂᬫᬵᬕᬫᬩ᭄ᬭᬳ᭄ᬫᬵ᭞ᬯᬢᭂᬓ᭄ᬩ᭄ᬭᬳ᭄ᬫᬵᬡᬓᬵᬤᬦᬶᬦ᭄᭞ᬲᬓᬜ᭄ᬘᬦ᭄ᬫᬵᬕᬫᬲᬹᬃᬬ᭄ᬬ᭞ᬯᬢᭂᬓ᭄ᬰᭀᬭᬮᬶᬗᬶᬂᬢᬸᬢᬸᬭ᭄᭞ᬢᬶᬤᭀᬂᬯᬗ᭄ᬰᬗᬶᬂᬅᬕᬫ᭞ᬓᬧᬶᬢᬸᬯᬶ᭞ᬳᬸᬧᬫᬳᬶᬤᬲᬂᬭᬵᬫ᭟ᬪᬝᬵᬭᬯᬶᬱ᭄ᬡᬸᬦᬸᬫᬶᬦ᭄ᬤ᭞ [ 110 ][᭑᭐᭙ 109B]
᭑᭐᭙
ᬤᬶᬧᬸᬭᬶᬳᬬᭀᬥ᭄ᬬᬗᬹᬦᬶ᭞ᬢᬸᬭᬸᬦᬦ᭄ᬳᬶᬤᬓᬲᬫ᭄ᬩᬢ᭄᭞ᬓᬬᬂᬚᬦᬶᬯᬢᭂᬓ᭄ᬭᬖᬹ᭞ᬓᬾᬢᭀᬘᬸᬘᬸᬧ᭄ᬭᬢᬶᬯᬶᬫ᭄ᬩ᭞ᬤᬚᬜᬤᬶᬦ᭄᭞ᬳᬦᬓ᭄ᬧᬸᬜᬄᬩᬦ᭄ᬓᬯᬗ᭄ᬰᬦ᭄᭟ᬦᬵᬗ᭄ᬳᬶᬂᬢ᭄ᬯᬭᬜᬦ᭄ᬤᬂᬦᬸᬗ᭄ᬓᬲ᭄᭞ᬳᬧᬂᬢ᭄ᬯᬭᬤᬤᬶᬲᭂᬗᬶᬢ᭄᭞ᬫᭂᬮᬄᬓᬾᬯᬮᬤᬶᬗᭂᬳᬂ᭞
ᬫᬸᬜᬶᬦ᭄ᬕᭀᬗᬾᬘᭂᬕᬃᬘᭂᬕᬸᬭ᭄᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬥᬹᬄᬲᬂᬬᭀᬕᬶ᭞ᬓᬧᬶᬗᭀᬦ᭄ᬢᬶᬢ᭄ᬬᬂᬫᬶᬭᬕ᭄ᬬᬂ᭟ᬓᬝᬵᬄᬦᬾᬫᬓ᭄ᬢᬲᬮᬾᬓ᭞ᬲᬗ᭄ᬓᬦ᭄ᬯᬾᬦ᭄ᬢᭂᬦ᭄ᬩ᭄ᬭᬬᬯᬃᬕ᭄ᬕᬶ᭞ᬜᬸᬗ᭄ᬓᭂᬫᬶᬦᬕᬫᬲᬯᭀᬲ᭄᭞ᬫᬦᬯᬶᬲᬗ᭄ᬓᬦᬶᬂᬗᬫ᭄ᬩᬸᬮ᭄᭞ᬭᬾᬄᬓᬢᭂᬢᭂ
ᬳᬦ᭄ᬓᬯᬗ᭄ᬰᬦ᭄᭞ᬓᬾᬗᬶᬦ᭄ᬲᭂᬗᬶᬢ᭄᭞ᬗᬮᬮᬸᬦᬶᬮᬃᬅᬕᬫ᭟ᬲᬂᬬᭀᬕᬶᬳᬕᬾᬗᬦ᭄ᬤᬶᬓ᭞ᬢᭀᬂᬜᬦ᭄ᬤᬂᬘᬸᬘᬸ᭠ᬗᬚᬓᬶᬦ᭄᭞ᬳᬦᬓ᭄ᬮᬾᬦ᭄ᬩᬋᬂᬫᬵᬕᬫ᭞ᬩᭀᬩᭀᬢ᭄ᬢᭂᬓᬾᬦ᭄ᬳᬚᬓ᭄ᬮᬶᬬᬸ᭞ᬢᭀᬂᬜᬦ᭄ᬤᬂᬘᭂᬦᬶᬂᬫᬢᬜ᭄ᬚ᭞ᬢ᭄ᬯᬄᬦᬾᬧᬶᬗᬶᬢ᭄᭞ᬮᬗ
ᬳᬦ᭄ᬳᬦᬓᬾᬦᬯᬂ᭟ᬢᬦ᭄ᬪᬶᬦᬩᬸᬓᬲᬲᭀᬘᬦ᭄᭞ᬳᬶᬦ᭄ᬢᭂᬦ᭄ᬩᬃᬮ᭄ᬬᬦᬸᬧᬫᬶ᭞ᬮᬗᬄᬳᬦᬓᬾᬜᬶᬤ᭄ᬥᬬᬂ᭞ᬫᭂᬮᬶᬳᬗ᭄ᬕᭀᬦ᭄ᬲᭀᬘᬦ᭄ᬩᬸᬗ᭄ᬓᬸᬂ᭞ᬦᬾᬉᬢ᭄ᬢᬫᬫᬸᬮᬳᬭᬂ᭞ᬦᬾᬢᬦ᭄ᬧᬳᬚᬶ᭞ᬫᬸᬮᬮ᭄ᬬᬸᬦᬦ᭄ᬦᬾᬗᭂᬮᬄ‌᭟ᬦᬾᬧᬶᬗᬶᬢ᭄ᬫᬸᬮᬉᬢ᭄ᬢᬫ᭞

[᭑᭑᭐ 110A]
᭑᭑᭐
ᬉᬢ᭄ᬲᬳᬚᬮᬦ᭄ᬓᬃᬤ᭄ᬥᬶᬦᬶᬦ᭄᭞ᬩᬲ᭄ᬢᬢᬫ᭄ᬬᬦ᭄ᬳᬸᬮᬶᬮᬯᬲ᭄᭞ᬫᭂᬮᬄᬧᬲ᭄ᬢᬶᬓᬯᬳᬬᬸ᭞ᬢᭀᬂᬜᬦ᭄ᬤᬂᬘᬸᬘᬸᬗᭂᬤᭀᬢᬂ᭞ᬢᬹᬃᬗᬗᭀᬩᬶᬦ᭄᭞ᬕᭂᬮᬄᬳᬦᬓ᭄ᬢᭀᬦ᭄ᬤᬾᬦ᭄ᬢᬯᬂ᭟ᬓᬓᬤᬾᬦ᭄ᬲᬚᬫᭂᬮᬳᬦ᭄᭞ᬤᬲᬚᬧᬢᬶᬋᬲᭂᬧᬶᬦ᭄᭞ᬳᬧᬂᬤᬩᬸᬓ
ᬲᬲᭀᬗ᭄ᬕᬦ᭄᭞ᬧᬶᬮᬶᬄᬧᬶᬮᬶᬄᬩᬸᬯᬄᬩᭂᬓᬸᬮ᭄᭞ᬧᬬᬸᬩᬓᬢ᭄ᬩᬸᬯᬄᬩᬗ᭄ᬬᬂ᭞ᬓᬤᬸᬂᬧᭂᬮᬶᬄ᭞ᬦᬶᬃᬤᭀᬦ᭄ᬧᬬᬸᬫᬲᭂᬮ᭄ᬲᭂᬮᬦ᭄᭟ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬩᭀᬬᬢᬶᬢ᭄ᬬᬂᬢᬦ᭄ᬲᬳᬶᬭᬶᬂ᭞ᬤᬾᬦᬶᬂᬩᬲ᭄ᬓᬮᬶᬦ᭄ᬢᬂᬮᬗ᭄ᬲᭀᬢ᭄᭞ᬫᬓᬵᬃᬬ᭄ᬬᬧᬶᬤ᭠
ᬩ᭄ᬤᬩ᭄ᬢᭂᬧᬸ᭞ᬲᬓᬤᬶᬲᬂᬫᬗ᭄ᬕᭂᬄᬲᬸᬤ᭄ᬭ᭞ᬩᭀᬬᬓᬾᬗᬶᬦ᭄᭞ᬫᬭᬗ᭄ᬓᬢ᭄ᬭᬶᬂᬲᬂᬢ᭄ᬭᬶᬯᬗ᭄ᬰ᭟ᬰᬯᬦᬶᬧᬸᬦ᭄ᬢᬦ᭄ᬧᬢᭀᬬ᭞ᬭᬶᬓᬵᬮᬧᬥᭂᬫ᭄ᬓᬯᬶᬗ᭄ᬓᬶᬂ᭞ᬓᭀᬘᬧ᭄ᬗᬍᬢᭂᬳᬶᬦ᭄ᬚᬕᬢ᭄᭞ᬦᬵᬗ᭄ᬳᬶᬂᬬᬦ᭄ᬗᬩᬾᬦᬂᬩᬶᬓᬸᬮ᭄᭞ᬓᬬᬸᬦ᭄ᬲᬂᬲᬸᬮᬶᬗ᭄ᬕᬶᬄᬗᭂᬦ᭄ᬢᬲ᭄᭞ᬥᬹᬄᬲᬂ
ᬬᭀᬕᬶ᭞ᬤᬶᬚᬯᬾᬦ᭄ᬢᭂᬦ᭄ᬓᬧᬵᬢᬹᬢᬦ᭄᭟ᬫᬲᬓᬾᬰᬯᬦ᭄ᬫᬵᬦᬹᬱ᭞ᬧᬮᬶᬂᬭᭀᬫᭀᬦ᭄ᬗᬍᬢᭂᬳᬶᬦ᭄᭞ᬲᬳᬶᬳᬂᬭᬶᬂᬩᬗ᭄ᬓᬾᬦ᭄ᬲᬢᭀ᭞ᬬᬤᬶᬦ᭄ᬧᬢᭂᬄᬫᬫ᭄ᬩᬸᬩᭂᬗᬸ᭞ᬲᬂᬬᭀᬕᬶᬓᭂᬜᭂᬫᬶᬋᬗᬂ᭞ᬤᭀᬂᬤᬬᬦᬶᬦ᭄᭞ᬤᬤᬢᬘᬸᬘᬸᬭᬯᭀᬲᬂ᭟ [ 111 ][᭑᭑᭐ 110B]
᭑᭑᭐
ᬬᬦ᭄ᬓᭂᬦᭂᬳᬂᬲᬚᬢᬯᬄ᭞ᬦᬵᬗ᭄ᬳᬶᬂᬢᭀᬂᬜᬦ᭄ᬤᬂᬫᬧᬶᬭᬶ᭞ᬲᬭᬮᬾᬤᬂᬲᬂᬫᬦᬶᬢᬄ᭞ᬗᬯᬵᬱ᭄ᬝᬦᬶᬦ᭄‌‌ᬳᬶᬯᬂᬧᬵᬢᬹᬢ᭄᭞ᬲᭀᬢᬦᬶᬂᬤᬾᬯᬾᬓ᭄ᬫᬫᬜ᭄ᬚᬓ᭄᭞ᬢ᭄ᬯᬭᬤᬤᬶ᭞ᬫᭂᬮᬶᬳᬂᬲᬂᬗᬯᬯᭂᬦᬂ᭟ᬳᬫ᭄ᬩᬸᬮ᭄ᬢᭀᬘᬸᬘᬸᬧ᭄ᬭᬕᬢᬂ᭞ᬳᬧᬂᬤᬦᬦ᭄ᬗᬯᬾᬧᭂᬮᬶᬄ᭞
ᬓᬤᬮᬶᬄᬲᬓᬾᬂᬩᬚᬶᬕᬃ᭞ᬦᬸᬘᭂᬦᬶᬓ᭄ᬫᬧᬸᬧᬸᬓ᭄ᬘᭂᬓᬸᬄ᭞ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬲᬭᬮᬾᬤᬂᬧᬓᬬᬸᬦᬦ᭄᭟᭜᭟ᬳᬤ᭄ᬭᬶ᭟᭜᭟ᬭᬶᬂᬲ᭄ᬯᬾᬘ᭄ᬙᬧᬸᬭᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬲᬤᬕᬶᬂᬧᬸᬭᬶᬦᬾ᭞ᬲᬶᬕ᭄ᬲᬶᬕᬦ᭄ᬧᬕᭂᬭᭀᬂᬦᬗᬶᬲ᭄᭞ᬭᬵ᭠
ᬚᬧᬸᬢ᭄ᬭᬶᬫᬮᬶᬄᬓᬫ᭄ᬩᬸᬄ᭞ᬓᬤᬶᬲᬵᬫ᭄ᬧᬸᬦ᭄ᬲᬸᬗ᭄ᬓᬦ᭄ᬗᬶᬩᬸᬓ᭄᭞ᬳᭀᬲᭂᬓ᭄ᬲᬢᬢᬓᬬᬸᬦᬾ᭞ᬢᬦ᭄ᬚᭂᬦᭂᬓ᭄ᬳᬶᬤᬫᬮᬸᬗ᭄ᬕᬸᬄ᭞ᬩᭂᬗᭀᬂᬩᭂᬗᭀᬂᬲᬩ᭄ᬭᬦ᭄ᬤᬶᬦ᭞ᬩ᭄ᬬᬄᬧᬭᬲᬚ᭄ᬭᭀᬦᬶᬂᬘᬶᬢ᭟ᬭᬵᬚᬧᬸᬢ᭄ᬭᬶᬭᬹᬧᬲᬵᬫ᭄ᬧᬸᬦ᭄ᬓᬸᬭᬸ᭞ᬳᬘᬸᬫ᭄ᬲ᭄ᬯᬪᬵᬯᬦᬾ᭞ᬳᬗ᭄ᬕᬦ᭄ᬳᬶᬤᬲ
ᬬᬦ᭄ᬓᬾᬭᬶᬲ᭄᭞ᬢᬦ᭄ᬧᬾᬦ᭄ᬤᬄᬲᬓᬤᬶᬕᬸᬦᬸᬂ᭞ᬓᬮᬶᬓᬸᬩ᭄ᬳᬦ᭄ᬢᬸᬓ᭄‌‌ᬬᬂᬩᬸᬩᬸ᭞ᬲᬤᬲᬯᬢ᭄ᬧᬗᬓ᭄ᬱᬶᬦᬾ᭞ᬓᬸᬫᭂᬥᬧ᭄ᬫᬘᭂᬧᭀᬮ᭄ᬓᬦ᭄ᬢᬸ᭞ᬭᬱᬢᬦ᭄ᬧᬅᬢ᭄ᬫᬚᬶᬯ᭞ᬫᬸᬯᬸᬕ᭄ᬢᬗᬶᬲ᭄ᬲᬚ᭄ᬭᭀᬦᬶᬂᬧᬸᬭ᭟ᬫᭂᬓᭂᬮ᭄ᬫᬥᬾᬯᬢᬶᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬜᬶᬗᬓ᭄ᬳᭀᬓᬦ᭄ᬤ

[᭑᭑᭑ 111A]
᭑᭑᭑
ᬦᬾ᭞ᬲᬳᬸᬧ᭄ᬲᬗ᭄ᬓᭀᬮ᭄ᬓᬢᬗᬶᬲᬶᬦ᭄᭞ᬲᬲᬫ᭄ᬩᬢᬾᬫᭂᬭᬄᬫᭂᬭᬸᬄ᭞ᬜᭂᬮ᭄ᬲᭂᬮ᭄ᬭᬕᬲᬓᬾᬂᬮᬘᬸᬭ᭄᭞ᬮᬶᬦ᭄ᬢᬂᬢᬦ᭄ᬲ᭄ᬯᬾ᭠ᬘ᭄ᬙᬯᬶᬤ᭄ᬥᬶᬦᬾ᭞ᬲᬢᬢᬗᬶᬘ᭄ᬙᬾᬦ᭄ᬧᬓᬾᬯᬸᬄ᭞ᬩᬬᬧᬗᭂᬦ᭄ᬤᬦᬶᬂᬢᬶᬢᬄ᭞ᬦᬫ᭄ᬧᭂᬤᬂᬧᬵᬧᬦᬵᬭᬓ᭟ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬓᬦ᭄ᬢᬸᬦ᭄ᬳᬶᬤᬸᬧ᭄᭞
ᬤᬸᬄᬓᬶᬢᬫᬦᬳᬾ᭞ᬦᬦ᭄ᬤᬂᬲᭂᬤᬶᬄᬓᬶᬗ᭄ᬓᬶᬂ᭞ᬧᬶᬲᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬮᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬦᬫ᭄ᬩᬾᬦᬶᬦ᭄ᬫᬮᬶᬄᬢᬸᬫᬸᬯᬸᬄ᭞ᬢᬦ᭄ᬲᬦ᭄ᬤᬂᬲᬓᬶᬢ᭄ᬳᬢᬶᬦᬾ᭞ᬤᬸᬭᬸᬲ᭄ᬳᬸᬭᬶᬧ᭄ᬢᬶᬢ᭄ᬬᬂᬩᬜ᭄ᬘᬸᬢ᭄᭞ᬩᭀᬬᬯᬾᬦ᭄ᬢᭂᬦ᭄ᬳᬗᭂᬦ᭄ᬢᬶᬢ᭄ᬬᬂ᭞ᬲᬗ᭄ᬲᬭᬤᬤᭀᬲ᭄ᬫᬵᬦᬹᬱ᭟ᬲᬯᬢᭂᬓ᭄ᬧᬭᬭ᭠
ᬩᬶᬦᬾᬗᬸᬦ᭄ᬗᬸᬦ᭄᭞ᬓᬗᭂᬦ᭄ᬓᬬᬸᬦᬾ᭞ᬫᬶᬋᬂᬢᬗᬶᬲ᭄ᬫᬥᬾᬯᬢᬶ᭞ᬗᬢᬩ᭄ᬢᬩ᭄ᬫᬫᬦ᭄ᬢᭂᬕ᭄ᬧᬸᬧᬹ᭞ᬕᬕᬾᬲᭀᬦ᭄ᬭᬯᬸᬄᬫ᭠ᬩ᭄ᬭᬶᬬᬸᬓ᭄᭞ᬫᬘᬧ᭄ᬘᬧ᭄ᬢᭀᬬᬦᬓ᭄ᬱᬶᬦᬾ᭞ᬢᬗᬶᬲᬾᬲᬸᬫᬗ᭄ᬓᬶᬦ᭄ᬫᬸᬯᬸᬕ᭄᭞ᬢᬦ᭄ᬧᬾᬦ᭄ᬤᬄᬕᬸᬭᬸᬄᬓᬃᬝᬶᬓ᭞ᬫᬦ᭄ᬤ᭄ᬭᬫᬦ᭄ᬤ᭄ᬭᬢᬦ᭄ᬧᭂᬕᬢᬦ᭄᭟᭠
ᬭᬵᬚᬧᬸᬢ᭄ᬭᬶᬓᬦ᭄ᬢᬸᬦ᭄ᬳᬶᬤᬓᬦ᭄ᬢᬸ᭞ᬭᬶᬂᬧᬗ᭄ᬓᭀᬦ᭄ᬩᬶᬬᬗᬾ᭞ᬲ᭄ᬯᬪᬵᬯᬦᬾᬓᭂᬘᬸᬤ᭄ᬓᬸᬦᬶᬂ᭞ᬯᬾᬦ᭄ᬢᭂᬦ᭄ᬲᬦᬾᬫᬶᬚᭂᬢ᭄ᬲᬸᬓᬸ᭞ᬗᭀᬤᬓᬶᬦ᭄ᬲᬩᬶᬮᬂᬩᬸᬓᬸ᭞ᬯᬾᬦ᭄ᬢᭂᬦ᭄ᬜᭂᬫ᭄ᬩᬭᬶᬦ᭄ᬓᬵᬃᬡ᭄ᬦᬦᬾ᭞ᬳᬦ᭄ᬢᬸᬓ᭄ᬲᬶᬦ᭄ᬤ᭄ᬭᭀᬂᬚᭂᬩᬸᬕᬭᬹᬫ᭄᭞ᬓᬢᬶᬓ᭄ᬘᭂᬗ᭄ᬓᬾᬄᬧᬹᬃᬡ᭄ᬦᬚᬶᬯ᭞ᬳᬗᭂᬢᬗᭂᬢ᭄ᬢᬶ᭠ [ 112 ][᭑᭑᭑ 111B]
᭑᭑᭑
ᬩᬲ᭄ᬭᬦ᭟ᬯᬾᬦ᭄ᬢᭂᬦ᭄ᬗᬸᬦᬶᬗ᭄ᬳᬬᬂᬭᬶᬂᬲᬂᬧ᭄ᬭᬪᬹ᭞ᬳᬾᬜ᭄ᬘᭀᬂᬧᬫᬵᬃᬕ᭄ᬕᬶᬦᬾ᭞ᬫᬫᭂᬤᭂᬓ᭄ᬓᬭᬚᬥᬦᬶ᭞ᬲᬳᬶᬦ᭄ᬤᬶᬓ᭄ᬤᬶᬳᬕᬾ᭠ᬓᬵᬢᬸᬭ᭄᭞ᬭᬵᬚᬧᬸᬢ᭄ᬭᬶᬳᬶᬤᬓᬦ᭄ᬢᬸ᭞ᬢᬫ᭄ᬩᬶᬲ᭄ᬳᬶᬘᬮ᭄ᬳᬗ᭄ᬲᭂᬗᬦᬾ᭞ᬓᬕᬶᬬᬢ᭄ᬳᬶᬤᬲᬂᬧ᭄ᬭᬪᬹ᭞ᬫᬘᭂᬩᬸᬃᬕᭂᬮᬶᬲ᭄ᬫᬫᬵᬃᬕ᭄ᬕ᭞ᬚᬸᬫᬸᬚᬸᬕ᭄ᬓᬭ᭠
ᬢ᭄ᬦᬓᬡ᭄ᬬ᭟ᬗᬢᬩ᭄ᬢᬩ᭄ᬦᬭᬾᬦ᭄ᬤ᭄ᬭᬫᬦ᭄ᬢᭂᬕ᭄ᬧᬸᬧᬹ᭞ᬳᭀᬲᭂᬓ᭄ᬲ᭄ᬯᬘᬶᬢᬦᬾ᭞ᬗᬓ᭄ᬱᬶᬳᬶᬤᬭᬵᬚᬧᬸᬢ᭄ᬭᬶ᭞ᬮᬾᬮᭀᬭᬱᬢᬦ᭄ᬧᬩᬬᬸ᭞ᬕᭂᬲᬶᬢ᭄ᬲᬫᬶᬢᬗᬦ᭄ᬲᬸᬓᬸ᭞ᬭᬹᬧᬫᬹᬓ᭄ᬱᬧ᭄ᬭᬫᬡᬦᬾ᭞ᬳᬶᬳᬦᬓ᭄ᬭᬭᬶᬲ᭄ᬓᬕᭂᬮᬸᬢ᭄᭞ᬥᬹᬄᬘᭂᬦᬶᬂᬳᬧᬫᬓ᭄ᬭᬡ᭞ᬲᬢᬢ
ᬫᬗ᭄ᬕᬸᬄᬲᬗ᭄ᬲᬭ᭟ᬘᬶᬗᬓ᭄ᬓᬸᬤᬳᬚᬶᬘᭂᬦᬶᬂᬳᬬᬸ᭞ᬲᭂᬤᬶᬄᬩᬦ᭄ᬓᬗᭂᬦᬾ᭞ᬜᬶᬗᬓ᭄ᬘᭂᬦᬶᬂᬦᬦ᭄ᬤᬂᬲᬓᬶᬢ᭄᭞ᬫᬤᬓ᭄ᬘᭂᬦᬶᬂᬮᬸᬦᬲ᭄ᬮᬦᬸᬲ᭄᭞ᬲᭂᬕᭂᬃᬢᬹᬃᬦᬸᬢᬸᬕᬂᬢᬸᬯᬸᬄ᭞ᬳᬚᬶᬗᬸᬮᬸᬭᬶᬦᬶᬥᭂᬧᬾ᭞ᬜᬬᬗᬂᬘᭂᬦᬶᬂᬲᬢᬸᬯᬸᬓ᭄᭞ᬅᬢ᭄ᬫᬚᬶᬯᬦ᭄ᬳᬚᬶᬳᬶᬤ᭞ᬗᬮᬶᬮᬶᬃᬓᬸᬤᬳᬶ
ᬤᬾᬯ᭟ᬪᬵᬕᬯᬦ᭄ᬢᬯᬢᭂᬓ᭄ᬧᬭᬯᬶᬓᬹ᭞ᬭᬶᬂᬲᬚᭂᬩᬕ᭄ᬕᬾᬮ᭄ᬕᬾᬮ᭄᭞ᬭᬦ᭄ᬢᬩᬦ᭄ᬭᬯᬸᬄᬓᬧᬸᬭᬶ᭞ᬫᬗᬢᬸᬭᬂᬢᬫ᭄ᬩᬩᭂᬢᬸᬲ᭄᭞ᬲᬳᬯᬾᬤ᭄ᬥᬅᬲ᭄ᬢᬸᬧᬸᬗ᭄ᬓᬸ᭞ᬭᬵᬚᬧᬸᬢ᭄ᬭᬶᬓᬦ᭄ᬢᬸᬦ᭄ᬮᬾᬧᬾᬄ᭞ᬢᬦ᭄ᬫᬋᬦᬦ᭄ᬳᬶᬤᬓᬦ᭄ᬢᬸ᭞ᬓᬦ᭄ᬢᬸᬦ᭄ᬢᬦᬾᬮᬶᬂᬭᬶᬂᬭᬕ᭞ᬦᬭᬾᬦ᭄ᬤ᭄ᬭᬮᬶᬦ᭄ᬢᬂ᭠

[᭑᭑᭒ 112A]
᭑᭑᭒
ᬲᬸᬗ᭄ᬓᬯ᭟ᬓᬧᬫ᭄ᬭᬚᬦ᭄ᬤᬾᬯᬰ᭄ᬭᬬᬳᬰ᭄ᬭᬸ᭞ᬭᬶᬓᬵᬮᬯᭂᬗᬶᬦᬾ᭞ᬲᬂᬦᬵᬣᬫᬥᬾᬯᬢᬶ᭞ᬗ᭄ᬭᬤᬦᬪᬝᬵᬭᬕᬸᬭᬸ᭞ᬦᬸᬦᬲ᭄ᬳᬶᬘ᭄ᬙᬲᬳᬸᬤ᭄ᬳᬢᬸᬭ᭄᭞ᬗᬾᬦ᭄ᬤᬄᬧᬾᬮᬕ᭄ᬲᬲᬗᬶᬦᬾ᭞ᬗᭂᬦ᭄ᬢᭂᬕ᭄ᬮᬶᬗ᭄ᬕᬶᬄᬫᬲᬲᬧᬸᬄ᭞ᬗᬢᬸᬭᬂᬕᬸᬭᬸᬧᬶᬤᬸᬓ᭞ᬫᬫᭂᬕᭂᬂᬫᬗ᭄ᬭᬦᬵᬲᬶᬓ᭟ᬫᬾᬄ᭠
ᬯᬾᬦ᭄ᬢᭂᬦ᭄ᬲ᭄ᬯᬾᬘ᭄ᬙᬦ᭄ᬪᬝᬵᬭᬕᬸᬭᬸ᭞ᬓᬤᬶᬧᬶᬦᬸᬦᬲᬾ᭞ᬲᬂᬦᬵᬣᬮᬦ᭄ᬫᬥᬾᬯᬢᬶ᭞ᬳᬶᬳᬦᬓ᭄ᬗᬮᬶᬮᬶᬃᬲᬵᬫ᭄ᬧᬸᬦ᭄᭞ᬓᬾᬦᬓ᭄ᬜᬶᬤ᭄ᬥᬬᬂᬫᬮᬸᬗ᭄ᬕᬸᬄ᭞ᬫᬋᬦᬦ᭄ᬳᬶᬩᬸᬓ᭄ᬓᬬᬸᬦᬾ᭞ᬲᬓᬾᬯᬦ᭄ᬢᭂᬦ᭄ᬓᬦ᭄ᬢᬸᬦ᭄ᬮᭂᬲᬸ᭞ᬗᬶᬮᬸᬢ᭄ᬫᬥ᭄ᬬᬲᬯᬂᬫᬸᬲ᭄ᬦ᭞ᬓᬤᬶᬩᬸᬮᬦ᭄ᬓᬭᬳᬶᬦᬦ᭄᭟ᬤᬯᬸᬄ
ᬯᬘᬦᬦᬸᬮᬶᬲᬂᬧ᭄ᬭᬪᬹ᭞ᬧᬧᬶᬦᭂᬳᬶᬭᬦᬾ᭞ᬩᬦ᭄ᬲᬸᬗ᭄ᬓᬦ᭄ᬳᬶᬤᬳᬶᬘᭂᬦᬶᬂ᭞ᬫᭂᬮᬄᬓᬶᬲᬶᬤᬂᬓᬕᬸᬦᬸᬂ᭞ᬳᬧᬂᬢ᭄ᬯᬭᬩᬸᬯᬶᬦ᭄ᬓᬫ᭄ᬩᬸᬄ᭞ᬫᬸᬂᬧᬸᬂᬓᬾᬦᬓᬦ᭄ᬓᬬᬸᬦᬾ᭞ᬧᬶᬲᬭᬬᬂᬩᬧᬤᬸᬓᬸᬄ᭞ᬗᬸᬩᬤᬶᬦ᭄ᬩᬸᬓᬦᬾᬲᬸᬩ᭞ᬳᬧᬂᬳᬾᬗ᭄ᬕᬮ᭄ᬲᭂᬕᭂᬃᬕᬦ᭄ᬢᬲ᭄᭟ᬫᬥᬾᬯ
ᬢᬶᬲᬓ᭄ᬱᬦᬢᬮᬗ᭄ᬓᬸᬧ᭄᭞ᬦᬯᭂᬕᬂᬳᬢᬸᬭᬾ᭞ᬓᬯᬸᬮᬢᬦ᭄ᬯᬾᬦ᭄ᬢᭂᬦ᭄ᬗᬶᬭᬶᬂ᭞ᬓᬢᬫᬦ᭄ᬩᬮᬶᬓᬳᬸᬢᬸᬲ᭄᭞ᬗᬶᬭᬶᬂᬳᬶᬳᬦᬓ᭄ᬓᬕᬸᬦᬸᬂ᭞ᬤᬾᬦᬶᬂᬲᭂᬗ᭄ᬓᬯᭀᬦ᭄ᬫᬤᬾᬯᬾᬓ᭄᭞ᬯᬯᬸᬲᬦ᭄ᬓᬯᬸᬮᬘᬫ᭄ᬧᬸᬭ᭄᭞ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬤᭂᬧᬂᬳᬶᬘᭂᬦᬶᬂᬫᬫᬵᬃᬕ᭄ᬕ᭟ [ 113 ][᭑᭑᭒ 112B]
᭑᭑᭒
ᬜᬳᬶᬢ᭄ᬯᬭᬜᬦ᭄ᬤᬂᬩᬋᬂᬦᬸᬢᬸᬕ᭄᭞ᬤᭂᬧᬂᬧᬜ᭄ᬚ᭄ᬭᭀᬯᬦᬾ᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬗᭂᬫ᭄ᬩᬦ᭄ᬳᬶᬘᭂᬦᬶᬂᬤᬶᬕᬸ᭠ᬦᬸᬂ᭞ᬲᬯᬶᬭᬾᬄᬬᬲᬸᬩᬘᬮᬸᬄ᭞ᬮᭀᬕᬲᬂᬫᬮᬸᬇᬥᭂᬧᬾ᭞ᬢ᭄ᬯᬭᬜᬦ᭄ᬤᬂᬳᬚᬓ᭄ᬮᬶᬬᬸ᭞ᬫᬥᬾᬯᬢᬶᬫᬵᬢᬹᬃᬦᬶᬫ᭄ᬩᬮ᭄᭞ᬲᬭᬮᬾ᭠
ᬤᬂᬧᬓᬬᬸᬦᬦ᭄᭟ᬧᬸᬧᬸᬢ᭄ᬩᬩᬯᭀᬲᬦᬾᬓᬧᬵᬢᬹᬢ᭄᭞ᬲᭂᬫᭂᬂᬧᬮᬸᬗ᭄ᬳᬦᬾ᭞ᬫᬕᬶᬗ᭄ᬲᬶᬃᬓᬢᬫᬦ᭄ᬩᬮᬶ᭞ᬩᬾᬜ᭄ᬚᬗᬦ᭄ᬓᬦ᭄ᬢᬸᬦ᭄ᬗᬭᬸᬧᬸᬢ᭄᭞ᬲᬕᬺᬳᬦ᭄ᬲᬵᬫ᭄ᬧᬸᬦ᭄ᬮᬸᬫᬓᬸ᭞ᬯᬾᬦ᭄ᬢᭂᬦ᭄ᬲᬾᬓᭂᬢ᭄ᬧᬗᬶᬭᬶᬗᬾ᭞ᬲᬪᬶᬦᬦᬶᬂᬲᬂᬓᬳᬸᬢᬸᬲ᭄᭞ᬜᭀᬫᬦ᭄ᬲᬭᬶᬫᬥᬾ
ᬲᭂᬓᬃ᭞ᬫᬥᬾᬯᬢᬶᬓᬗᭂᬦ᭄ᬜᬶᬗᬓ᭄᭟ᬭᬵᬚᬧᬸᬢ᭄ᬭᬶᬫᬋᬫ᭄ᬩᬢ᭄ᬓᬕᬸᬦᬸᬂ᭞ᬳᬮᭀᬦ᭄ᬧᬫᬵᬃᬕ᭄ᬕᬶᬦᬾ᭞ᬕᬶᬭᬂᬲᬫᬶᬲᬂᬫᬗᬶᬭᬶᬂ᭞ᬫᭂᬤᬮ᭄ᬲᬓᬾᬂᬧᬸᬭᬶᬳᬕᬸᬂ᭞ᬮᬶᬦ᭄ᬢᬂᬲᬵᬫ᭄ᬧᬸᬦ᭄ᬢᬸᬓᬤ᭄ᬩᬸᬩᬸᬄ᭞ᬩᭂᬦᭂᬃᬓᬯᬸᬄᬧᬫᬵᬃᬕ᭄ᬕᬶᬦᬾ᭞ᬭᬶᬂᬩᬜ᭄ᬚᬭᬗ᭄ᬓᬦ᭄ᬚᬸᬫᬸᬚᬸᬕ᭄᭞ᬗᬮᬾᬭᬂᬓ
ᬤᬾᬰᬩᬓᬲ᭄᭞ᬲᬓᬾᬂᬇᬭᬶᬓᬵᬗᬯᬸᬳᬂ᭟ᬕᭂᬮᬶᬲᬶᬂᬘᬭᬶᬢᬲᬵᬫ᭄ᬧᬸᬦ᭄ᬭᬯᬸᬄ᭞ᬧᬦᬢᬲ᭄ᬫᬵᬃᬕ᭄ᬕᬶᬦᬾ᭞ᬫᬭᬶᬂᬤᬾᬰᬢᬫᬦ᭄ᬩᬮᬶ᭞ᬲᬵᬫ᭄ᬧᬸᬦ᭄ᬓᬵᬢᬹᬃᬭᬶᬂᬚ᭄ᬭᭀᬤᬸᬓᬸᬄ᭞ᬭᬵᬚᬧᬸᬢ᭄ᬭᬶᬧᬘᬂᬭᬯᬸᬄ᭞ᬤᬩ᭄ᬤᬩ᭄ᬲᬵᬫ᭄ᬧᬸᬦ᭄ᬧᬫᭂᬦ᭄ᬤᬓᬾ᭞ᬲᬯᭀᬂᬤᬾᬰᬲᬫᬶ

[᭑᭑᭓ 113A]
᭑᭑᭓
ᬢᭂᬤᬸᬦ᭄᭞ᬮᬦᬂᬳᬶᬲ᭄ᬢ᭄ᬭᬶᬢᬸᬯᬩᬚᬂ᭞ᬓᬵᬫᬚᬬᬫᬗᭀᬋᬕᬂ᭟ᬲᬓ᭄ᬱᬡᬭᬵᬚᬧᬸᬢ᭄ᬭᬶᬚᬸᬫᬸᬚᬸᬕ᭄᭞ᬲᬋᬂᬧᬗᬶᬭᬶᬗᬾ᭞ᬓᬧᬤᬸᬓ᭄ᬯᬦ᭄ᬯᬸᬲ᭄ᬗᭂᬭᬜ᭄ᬚᬶᬂ᭞ᬤᬦᬾᬤᬸᬓᬸᬄᬮᬦᬂᬯᬥᬹ᭞ᬳᬕᬾᬗᬢᬸᬭᬶᬦ᭄ᬫᬮᬸᬗ᭄ᬕᬸᬄ᭞ᬭᬵᬚᬧᬸᬢ᭄ᬭᬶᬭᬶᬂᬩᬮᬾᬦᬾ᭞ᬭᬾᬜ᭄ᬘᬂᬭᭀᬩᬦ᭄ᬲᬫᬶᬕᬸᬧᬸᬄ᭞
ᬯᬾᬦ᭄ᬢᭂᬦ᭄ᬲᬦᬾᬜᭀᬤᬘᬦᬂ᭞ᬯᬾᬦ᭄ᬢᭂᬦ᭄ᬦᬾᬗᬢᬸᬭᬂᬢᭀᬬ᭟ᬧᬗᬶᬭᬶᬗᬾᬓᬶᬘ᭄ᬙᬾᬦ᭄ᬭᬸᬚᬓ᭄ᬓᬸᬯᬸᬤ᭄᭞ᬗᬶᬘᬮᬂᬩᭂᬤᬓᬾ᭞ᬭᬾᬄᬕᭂᬧᬸᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬧᬗᬦ᭄ᬤᬶᬓᬦ᭄ᬤᬸᬓᬸᬄᬯᬥᬹ᭞ᬦᬄᬮᬯᬸᬢᬂᬧᬥᬵᬗᬶᬦᬸᬫ᭄᭞ᬬᬾᬄᬤᭀᬕᬾᬦ᭄ᬲᬶᬤ᭄ᬥᬩᬦ᭄ᬫᬾᬫᬾ᭞ᬮᬘᬸᬭᬾᬦᭀ
ᬗᭀᬲ᭄ᬤᬶᬕᬸᬦᬸᬂ᭞ᬢᬸᬦᬬᬦ᭄ᬫᬾᬫᬾᬫᬓᭂᬚᬂ᭞ᬋᬡᬇᬥᭂᬧᬾᬦᬭᬶᬫ᭟ᬧᬗᬶᬭᬶᬗᬾᬲᬫᬶᬲᬳᬸᬃᬫᬦᬸᬓ᭄᭞ᬧ᭄ᬭᬦᬫ᭄ᬬᬳᬢᬸᬭᬾ᭞ᬢᭀᬂᬲᬦ᭄ᬤᬂᬧᬜ᭄ᬚᬗᬂᬫᬮᬶᬄ᭞ᬢᬶᬢ᭄ᬬᬂᬫᬶᬲᬤ᭄ᬬᬗᬮᬸᬗ᭄ᬲᬸᬃ᭞ᬲᬧᬳᬶᬘ᭄ᬙᬦ᭄ᬚ᭄ᬭᭀᬤᬸᬓᬸᬄ᭞ᬲᬓᬾᬂᬲᬹᬓ᭄ᬱᭂᬫᬫᬦᬳᬾ᭞ᬓᬘᬭᬶᬢᬲᬵ
ᬫ᭄ᬧᬸᬦ᭄ᬧᬸᬧᬸᬢ᭄᭞ᬭᬢᬲᬫᬶᬓᬶᬘ᭄ᬙᬾᬦ᭄ᬧᬶᬘ᭞ᬓᬮᬸᬕ᭄ᬭᬫᬧᬫᬶᬢ᭄ᬩᬸᬤᬮ᭄᭟᭜᭟ᬫᬵᬲ᭄ᬓᬸᬫᬫ᭄ᬩᬂ᭟᭜᭟ᬳᬫ᭄ᬩᬢ᭄ᬓᭂᬦ᭄ᬤᭂᬮ᭄ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬤᬾᬦᬶᬂᬓᬲᬸᬓ᭄ᬲᬭ᭞ᬗᭂᬫ᭄ᬩᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬲᬋᬂᬓᬵᬮᬶᬄᬭᬶᬂᬧᬤᬸᬓ᭄ᬯᬦ᭄᭟ᬩᭀᬬᬯᬾᬦ᭄ᬢᭂᬦ᭄ᬲᬗ᭄ᬲᬬᬫᬦᬄᬲᬂ᭠ [ 114 ][᭑᭑᭓ 113B]
᭑᭑᭓
ᬓᬮᬶᬄ᭞ᬧᬢᭂᬄᬧᬯᬶᬮᬗᬦ᭄᭞ᬲᬵᬫ᭄ᬧᬸᬦ᭄ᬳᬤᬸᬂᬫᬤᬸᬫ᭄ᬧᬶᬮᬶᬄ᭞ᬘᬕᭂᬃᬜᬳᬸᬧᬂᬧᬫᭂᬦᬂ᭟ᬳᬕᭂᬢ᭄ᬮᬘᬸᬃᬲᬸᬓᬵᬤᬸᬓᬵᬲᬋᬂᬓᬵᬮᬶᬄ᭞ᬧᬢᭂᬄᬲᭀᬢᬦᬶᬂᬫᬯᬭᬂ᭞ᬧᬲᭀᬩᬬᬲᬮᬶᬂᬢᬶᬦ᭄ᬤᬶᬄ᭞ᬦᬫ᭄ᬢᬫᬶᬦ᭄ᬓᬍᬕᬦ᭄ᬫᬦᬄ᭟ᬢᬦ᭄ᬤᬂᬩᭂᬘᬶᬓ᭄ᬤᬦᬾᬫᭂᬓᭂᬮ᭄ᬫᬥᬾᬯᬢᬶ᭞ᬦᬾᬦ᭄ᬢᭂ
ᬦ᭄ᬲᬋᬂᬮᬸᬗ᭄ᬳ᭞ᬗᭂᬫᬶᬢ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬳᬯᬶᬦᬦ᭄ᬓᬤᬶᬳᬾᬮᬳᬦ᭄᭟ᬫᬢᬶᬦ᭄ᬤᬓᬦ᭄ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬜᬤᭂᬮᬶᬦ᭄᭞ᬩᬸᬤ᭄ᬥᬶᬢᬦ᭄ᬓᬯᬭ᭞ᬗᬸᬮᬸᬭᬶᬦ᭄ᬓᬍᬕᬦ᭄ᬳᬢᬶ᭞ᬢᬫ᭄ᬩᬾᬫᬗ᭄ᬓᬶᬦ᭄ᬧᭀᬮᬶᬄᬢᬤᬄ᭟ᬫᬾᬦ᭄ᬲᬗ᭄ᬓᭀᬮ᭄ᬮᬦ᭄ᬫᬾᬦ᭄ᬧ᭄ᬭᭀᬤᭀᬂᬢᬦ᭄ᬯᬾᬦ᭄ᬢᭂᬦ᭄ᬗᬶᬭᬶᬂ᭞ᬦᬾ᭠
ᬧᭂᬘᬓ᭄ᬫᬓ᭄ᬭᬡ᭞ᬮᬦ᭄ᬢᬸᬤ᭄ᬧᬫᬵᬃᬕ᭄ᬕᬶᬦᬾᬜᬶᬮᬶᬩ᭄᭞ᬳᬶᬧᬸᬦ᭄ᬜᭂᬮᬧ᭄‌‌ᬘ᭄ᬮᬧᬢ᭄‌‌ᬘ᭄ᬮᬧᬢ᭄᭟ᬗᬯᬾᬳᬾᬭᬂᬲᭀᬮᬳᬾᬤᭂᬫᭂᬦ᭄ᬜᭀᬗᬳᬶᬦ᭄᭞ᬢᬶᬤᭀᬂᬫᬢᬶᬍᬲᬂ᭞ᬳᬯᬓ᭄ᬢᬸᬯᬮᬓᬃᬫᬵᬢᬶ᭞ᬤᬤᬢᬩᬓᬢ᭄ᬋᬗᬬᬂ᭟ᬩᬸᬓᬢᬦ᭄ᬤ᭄ᬭᬸᬄᬢᭂᬓᬾᬦ᭄ᬳᬸᬦ᭄ᬤᬸᬓᬾᬦᬾᬗᬹ
ᬦᬶ᭞ᬤᬸᬕᬲᬾᬦᬸᬩᬚᬂ᭞ᬩᭀᬩᭀᬢ᭄ᬗᬮᬶᬄᬳᬦᬓ᭄ᬫ᭄ᬯᬦᬶ᭞ᬓᬦ᭄ᬢᬶᬗᭂᬮᬄᬧ᭄ᬬᬦᬓ᭄ᬧᬢ᭄ᬧᬢ᭄᭟ᬢᭀᬂᬗᭂᬦᭂᬳᬂᬲᬗ᭄ᬓᬦ᭄ᬧᭂᬧᭂᬲ᭄ᬗᬸᬢᬂᬩᭂᬮᬶᬂ᭞ᬢ᭄ᬯᬭᬗᬾᬤᬍᬫᬂ᭞ᬫᬧᬶᬲᬥᬹᬫᬶᬢᬸᬢᬸᬭᬶᬦ᭄᭞ᬮᬓ᭄ᬱᬡᬦᬾᬫᬵᬤᬦ᭄ᬫᭂᬮᬄ᭟ᬘᬭᬳᭀᬮᬲ᭄ᬦᬵᬗ᭄ᬳᬶᬂᬲᬗ᭄ᬓᬦᬶᬂᬩᬩᬾᬓᬶ᭞

[᭑᭑᭔ 114A]
᭑᭑᭔
ᬜᬾᬦ᭄ᬮᬓᬃᬗᬶᬥᭂᬧᬂ᭞ᬫᬸᬜᬶᬦ᭄ᬧᬶᬲᬕᬦᬾᬩᬗ᭄ᬕᬶ᭞ᬲᬸᬩᬳᭀᬤᬄᬕᬕ᭄ᬭᬜ᭄ᬚᬶᬢᬦ᭄᭟ᬳᬭᬄᬤᭂᬧᬂᬜᬓᬓᬾᬦ᭄ᬓᬾᬦ᭄ᬜᬓᬢᬸᬲᬶᬂ᭞ᬢᭀᬂᬜᬦ᭄ᬤᬂᬋᬲᭂᬧᬂ᭞ᬲᬭᬬᬂᬇᬥᭂᬧᬾᬚᬦᬶ᭞ᬓᬸᬤᬩᭂᬭᬕ᭄ᬫᬘᬭᬶᬓᬦ᭄᭟ᬲᬧᬸᬦᬶᬓᬧᬓᭂᬳᭂᬗᬦ᭄ᬲᬋᬂᬓᬵᬮᬶᬄ᭞ᬗᬸᬧᭂᬢ᭄ᬲᬦᬾᬳᭀ
ᬤᬄ᭞ᬫᬾᬦ᭄ᬲᬗ᭄ᬓᭀᬮ᭄ᬓᬤᬮᬶᬄᬚᬳᬶᬮ᭄᭞ᬫᬾᬦ᭄ᬧ᭄ᬭᭀᬤᭀᬂᬦᬕᬶᬄᬫᭂᬕᬭᬂ᭟ᬓᬤᬸᬂᬩᭂᬮᬸᬲ᭄ᬫᬍᬩ᭄ᬮᭂᬩᬦ᭄‌‌ᬲᬋᬂᬓᬵ᭠ᬮᬶᬄ᭞ᬳᬤᬸᬂᬧᬯᬶᬮᬗᬦ᭄᭞ᬢᬦ᭄ᬫᬮᬶᬄᬗᬾᬧᬸᬢᬂᬤᬶᬗᬶᬦ᭄᭞ᬭᬶᬂᬕᬸᬦᬸᬂᬗᬶᬤᬸᬫᭂᬤᬤᬂ᭟ᬲᬩ᭄ᬭᬦ᭄ᬤᬶᬦᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬫᬧ᭄ᬮᭂᬗᬾ
ᬤ᭄ᬫᬧᬬᬲ᭄᭞ᬫᬲᬸᬫ᭄ᬧᬂᬘᬫ᭄ᬧᬓᬯᬶᬮᬶᬲ᭄᭞ᬫᬲᬸᬩᭂᬂᬳᭂᬫ᭄ᬧᭂᬢᭂᬫ᭄ᬧᭂᬢᬦ᭄᭟ᬧᬸᬲᬸᬂᬮᬸᬓ᭄ᬮᬸᬓ᭄‌‌ᬳᬮᬶᬲ᭄ᬫᬩᭂᬗᬤ᭄ᬫᬓᬸᬭᬶᬲ᭄᭞ᬲ᭄ᬭᬶᬦᬵᬢᬦᬾᬳᬢᬧ᭄᭞ᬫᬭᬂᬭᬂᬩᬦ᭄ᬩᭀᬭᬾᬄᬫᬶᬳᬶᬓ᭄᭞ᬕᬶᬕᬶᬦᬾᬫᬲᬶᬲᬶᬕ᭄ᬧᬢ᭄ᬧᬢ᭄᭟ᬩᬶᬮᬂᬲᬫ᭄ᬧᬶᬂᬲᭂᬍᬫᬓᭂᬤᬾᬧ᭄ᬫᬍᬗᬶᬲ᭄᭞ᬓᬵ
ᬮᬫᬘᬶᬧ᭄ᬮᬓᬦ᭄᭞ᬗᬾᬤᬾᬗᬂᬕᬶᬕᬶᬦᬾᬧᬸᬢᬶᬄ᭞ᬫᬓᭂᬜᬄᬗᬲᭀᬭᬂᬥᬡ᭄ᬝ᭟ᬲᬤᬳᬲᬶᬦ᭄ᬫᬲᭂᬦ᭄ᬢᭂᬂᬩᬦ᭄ᬓᬫ᭄ᬩᭂᬦ᭄ᬘᭂᬭᬶᬓ᭄᭞ᬲᬲᬳᬸᬤᬦ᭄ᬮᬗᬄ᭞ᬫᬍᬘᭀᬜᭀᬜᭀᬦᬾᬜᬗ᭄ᬓᬶᬄ᭞ᬗᬲᭀᬭᬂᬜᬸᬄᬕᬤᬶᬂᬓᭂᬫ᭄ᬩᬃ᭟ᬲ᭄ᬮᬾᬦ᭄ᬤᬃᬲ᭄ᬮᬾᬦ᭄ᬤᭀᬃᬚᬸᬓᬸᬢ᭄ᬕᬤᭂᬩᭀᬂᬗᬾ᭠ [ 115 ][᭑᭑᭔ 114B]
᭑᭑᭔
ᬭᬾᬲᬶᬦ᭄᭞ᬧᬮᬶᬬᬢᬾᬮᬾᬤᬢ᭄᭞ᬓᬵᬫᬚᬬᬲᭂᬤᭂᬓ᭄ᬦᬸᬮᬶᬲ᭄᭞ᬤᭂᬲᭂᬓᬶᬦ᭄ᬜᬭᬸᬫᭂᬮᬚᬄ᭟ᬓᬶᬲᬶᬓᬶᬲᬶᬗᬚᬓᬶᬦ᭄ᬩᬋᬂ᭠ᬫᬮᬮᬶ᭞ᬗᭂᬩᬸᬢᬶᬦ᭄ᬧᬗ᭄ᬭᬸᬧᬓ᭄᭞ᬫᬸᬂᬧᬸᬂᬓᭀᬦᬾᬭᬵᬚᬧᬸᬢ᭄ᬭᬶ᭞ᬦᬸᬫᬓᭀᬍᬫ᭄ᬤᬶᬕᭂᬤᭀᬗᬦ᭄᭟ᬓᬵᬫᬚᬬᬢᬸᬫᬸᬮᬶᬗᭂᬚᬂᬧᬗᬸᬢᬶᬓ᭄᭞ᬫᬘᭂᬩᬸᬃ
ᬫᬚᬮᬦ᭄᭞ᬓᬧᬩ᭄ᬬᬦᬦ᭄ᬦᬸᬚᬸᬲᭂᬧᬶ᭞ᬜᬭᬸᬫᬧᬶᬓᬢ᭄ᬩᬘᬶᬘ᭟ᬫᬤᬾᬲᭂᬓᬃᬭᬶᬳᬶᬦᬦ᭄ᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬗᬸᬗ᭄ᬲᬶᬓᬧᭀ᭠ᬦ᭄ᬤᭀᬓᬦ᭄᭞ᬲᬂᬓᬵᬮᬶᬄᬲᬵᬫ᭄ᬧᬸᬦ᭄ᬗᭂᬭᬜ᭄ᬚᬶᬂ᭞ᬢᭀᬂᬲᬦ᭄ᬤᬂᬫᬮᬶᬄᬩᬯᭀᬲᬂ᭟ᬧᬭᬶᬧᭀᬮᬄᬲᬂᬲᭂᬤᭂᬓ᭄ᬦᬯᬸᬂᬓᬭᬲ᭄ᬫᬶᬦ᭄᭞ᬗᬸᬮᬸᬭᬶᬦ᭄ᬓᬍᬕᬦ᭄᭞ᬓ
ᬫᬚᬬᬬᬦᬸᬧᬫᬶ᭞ᬫᬾᬬᭀᬂᬤᬫ᭄ᬧᬶᬗᬶᬦᬸᬭᬸᬢᬦ᭄᭟ᬢᭀᬂᬚᬗ᭄ᬓᬬᬦ᭄ᬗᬸᬢ᭄ᬕᬸᬢ᭄ᬜᭂᬮᬾᬓᬶᬦ᭄ᬜᬶᬘᬶᬧᬶᬦ᭄᭞ᬚᬦ᭄ᬢᭀᬲ᭄ᬓᬯᬋᬕᬦ᭄᭞ᬗᬸᬢᬄᬩᬬᬃᬳᬗ᭄ᬓᬶᬳᬗ᭄ᬓᬶᬄ᭞ᬫᬥᬾᬲᭂᬓᬃᬓᬭᬦᭂᬳᬦ᭄‌᭟ᬗᭀᬜᬂᬍᬕᬚᬦ᭄ᬢᭀᬲ᭄ᬮᬾᬧᬾᬄᬲᬋᬂᬓᬵᬮᬶᬄ᭞ᬜᭂᬧᬸᬓᬂᬱᬤ᭄ᬭᬱ᭞ᬓ
ᬮᬗᭂᬦᬾᬓᬤᬶᬗᬶᬧᬶ᭞ᬓᬲᬸᬯᬾᬦ᭄ᬯᬯᬸᬫᬭᬵᬃᬬ᭄ᬬᬦ᭄᭟ᬫᬢᭂᬕ᭄ᬢᭂᬕᬦ᭄ᬫᬥᬾᬲᭂᬓᬃᬓᬶᬲᬶᬓ᭄ᬓᬶᬲᬶᬓ᭄᭞ᬫᬕᭂᬤᬶᬗᬾᬗ᭄ᬕᬮᬂ᭞ᬫᬘᭂᬩᬸᬃᬫᭂᬘᬶᬓᬂᬢᬧᬶᬄ᭞ᬜᬸᬦᬸᬢ᭄ᬜᬸᬦᬸᬢ᭄ᬓᬧᬤᬸᬓ᭄ᬯᬦ᭄᭟ᬜᭀᬫᬦ᭄ᬲᬭᬶᬤᬾᬭᬧ᭄ᬤᬾᬋᬧ᭄ᬤᭂᬫᬤᭂᬫᬶ᭞ᬗᬫ᭄ᬩᬸᬮ᭄ᬫᬫᭂᬦᭀᬮᬦ᭄᭞ᬫᬥᬾᬲᭂᬓᬃ

[᭑᭑᭕ 115A]
᭑᭑᭕
ᬓᬶᬲᬶᬓᬶᬲᬶ᭞ᬩᬶᬦ᭄ᬫᬦᬶᬕᬶᬮᬶᬭᬦ᭄ᬜᭀᬫᬦ᭄᭟ᬓᬵᬮᬲᭀᬭᬾᬩᬾᬜ᭄ᬚᬗᬦ᭄ᬳᬸᬘᬧᬂᬫᬮᬶᬄ᭞ᬜᬶᬮᬶᬩ᭄ᬓᬧᭀᬦ᭄ᬤᭀᬓ᭠ᬦ᭄᭞ᬓᬵᬫᬚᬬᬜᭀᬫᬦ᭄ᬲᬭᬶ᭞ᬭᬫᭂᬲ᭄ᬗᬤᬓᬂᬩ᭄ᬭᬦᬗᬦ᭄᭟ᬧᬥᬩᬋᬢ᭄ᬲᬫᬶᬕᬮᬓ᭄ᬳᬲᬄᬢᬦ᭄ᬤᬶᬂ᭞ᬧᬸᬭᬸᬦ᭄ᬓᬕᬾᬩᭀᬕᬦ᭄᭞ᬢᭀᬂᬗᬾ
ᬧᬸᬢᬂᬓᭂᬦᬶᬢᬚᬶ᭞ᬫᬢᬦ᭄ᬤᬂᬢᭀᬢᭀᬲ᭄ᬓᬤᬗ᭄ᬓᬦ᭄᭟ᬲᬮᬶᬂᬕᬶᬢᬶᬓ᭄ᬫᬚᬸᬮᬸᬓ᭄ᬧᬥᬘᬮᬶᬭᬶᬂ᭞ᬲᬶᬗ᭄ᬲᬾᬓᬲᬶᬗ᭄ᬲᬾᬬᬂ᭞ᬫᬧᬮ᭄ᬧᬮ᭄ᬲᬾᬩᭂᬢ᭄ᬫᬓᭂᬮᬶᬤ᭄᭞ᬲᬾᬧ᭄ᬲᬓᭂᬤᬧ᭄ᬓᭂᬦᬶᬧᬶᬬᬄ᭟ᬩᬄᬫᬩ᭄ᬭᬶᬬᬸᬕ᭄ᬓᬭᬳᬢᬦ᭄ᬦᬦ᭄ᬤᬂᬓᬦᬶᬦ᭄᭞ᬕᭂᬢᬶᬄᬫᬓᬘᬓᬦ᭄᭞ᬫ
ᬓᭂᬩ᭄ᬬᭀᬃᬢᬦ᭄ᬯᭂᬦᬂᬚᬫ᭄ᬧᬶ᭞ᬓᬵᬫᬚᬬᬾᬂᬢᬶᬮᬫ᭄᭟ᬜᭀᬫᬦ᭄ᬲᬭᬶᬜᬋᬗ᭄ᬲᭂᬂᬓᬮᬶᬫᬶᬤ᭄ᬮᬶᬫᬶᬤ᭄᭞ᬫᬢᬢᬸᬩᭀᬓᭀᬗᬦ᭄᭞ᬫᬧᬶᬓᬶᬫᬸᬤ᭄ᬗᭂᬍᬓ᭄ᬳᬢᬶ᭞ᬢᬶᬦ᭄ᬤᬓᬦᬾᬓᬫ᭄ᬩᬂᬓᬸᬫ᭄ᬩᬂ᭟ᬩᬶᬮᬂᬤᬗ᭄ᬓᬜᬮᬾᬫ᭄ᬧᭀᬄᬧᬶᬗ᭄ᬕᬶᬭᬶᬂᬫᬵᬃᬕ᭄ᬕᬶ᭞ᬜᬓᬶᬢᬂᬲᬶᬓ᭄ᬱᬶ
ᬓᬦ᭄᭞ᬜᬗ᭄ᬓᭂᬳᭂᬢ᭄ᬚᬗ᭄ᬓᭂᬄᬫᬫᬵᬃᬕ᭄ᬕᬶ᭞ᬗᬭᭀᬤ᭄ᬢᬸᬮᬓ᭄ᬓᬧᬤᬸᬓ᭄ᬯᬦ᭄᭟ᬫᬥᬾᬲᭂᬓᬃᬲᬤᬓᭂᬜᭂᬫ᭄ᬫᬫᬗ᭄ᬕᬶᬳᬶᬦ᭄᭞᭠ᬜᭀᬫᬦ᭄ᬲᬭᬶᬧᬾᬗ᭄ᬓᬂ᭞ᬗᭂᬚᭀᬄᬳᬸᬮᬢ᭄ᬫᬧᬶᬫᬧᬶ᭞ᬩᭂᬗᭀᬂᬗᬸᬦ᭄ᬢᬸᬮ᭄ᬗᬸᬭᬶᬓ᭄ᬢᬦᬄ᭟ᬓᬜ᭄ᬘᬶᬢ᭄ᬫᭂᬤᬮ᭄ᬲᬓᬾᬂᬕᭂᬤᭀᬂᬭᬵᬚᬧᬸᬢ᭄ᬭᬶ᭞ [ 116 ][᭑᭑᭕ 115B]
᭑᭑᭕
ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬜ᭄ᬚ᭞ᬫᬓᭀᬍᬫ᭄ᬯᬯᬸᬫᬢᬗᬶ᭞ᬓᬍᬲᭀᬦ᭄ᬧᭀᬮᬶᬄᬫᬕᬤᬂ᭟ᬳᬶᬩᬶᬲᭀᬭᬾᬓᬤᬸᬓ᭄ᬓᬮᬗᭂᬦ᭄ᬫᬓᬯᬶᬦ᭄᭞ᬲᬋᬂᬓᬵᬫᬚᬬ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬜᬋᬗᬶᬦ᭄᭞ᬫᬫᬘᬦᬶᬦ᭄ᬭᬵᬫᬬᬦ᭟ᬲᭂᬓᬃᬲᬭᬶᬧᬗᬦ᭄ᬤᬶᬓᬦ᭄ᬭᬵᬚᬧᬸᬢ᭄ᬭᬶ᭞ᬦᬄ
ᬚᬮᬦ᭄ᬓᬢᬸᬓᬤ᭄᭞ᬫᬜ᭄ᬚᬸᬲ᭄ᬲᬫ᭄ᬩᬶᬮᬂᬫᬮᬮᬶ᭞ᬤᬾᬦᬶᬂᬲᬸᬩᬮᬶᬗ᭄ᬲᬶᬃᬲᬜ᭄ᬚ᭟ᬫᬲᬤᬾᬯᬾᬓ᭄ᬳᬢᬹᬃᬧᬜ᭄ᬚ᭄ᬭᭀᬯᬦᬾᬓᬵᬮᬶᬄ᭞ᬢᬸᬫᬸᬮᬶᬫᬫᬵᬃᬕ᭄ᬕ᭞ᬢᭂᬤᬸᬦ᭄ᬓᬢᬸᬓᬤ᭄ᬫᭂᬮᬗᬶᬢ᭄᭞ᬫᬲᬶᬭᬫ᭄ᬗᬮᬶᬮᬘᬶᬢ᭟ᬯᬸᬲ᭄ᬫᬲᬶᬭᬫ᭄ᬫᬢᬸᬮᬓ᭄ᬓᬧᬤᬸᬓ᭄ᬯᬦ᭄ᬫᬮᬶᬄ᭞ᬲᬓᬾᬂ
ᬦᬾᬦ᭄ᬢᭂᬦ᭄ᬫᭂᬗ᭞ᬭᬵᬚᬧᬸᬢ᭄ᬭᬶᬭᬶᬂᬲᬂᬓᬵᬮᬶᬄ᭞ᬲᬾᬍᬩ᭄ᬲᬶᬮᬶᬩ᭄ᬗᭂᬧᬾᬢ᭄ᬕᬶᬤ᭄ᬭ᭟᭜᭟ᬲᬶᬦᭀᬫ᭄᭟᭜᭟ᬲᬲᬸᬓᬢ᭄ᬫᬭᬶᬂᬧᬤᬸᬓ᭄ᬯᬦ᭄᭞ᬳᬶᬤᬲᬂᬫᬦᬶᬓᬶᬂᬧᬸᬭᬶ᭞ᬫᬕᬶᬗ᭄ᬲᬶᬃᬗᬃᬱᬬᬂᬢᬫ᭄ᬩ᭞ᬭᬶᬂᬤᬦᬾᬤᬸᬓᬸᬄᬲᬸᬮᬤ᭄ᬭᬶ᭞ᬤᬸᬭᬸᬂᬦᬳᭂᬦ᭄ᬧᬸᬦᬧᬶ᭞ᬲᬸᬗ᭄ᬓᬦ᭄ᬳᬶᬤᬫᬮᬶᬄᬓᬫ᭄ᬩᬸᬄ᭞
ᬲᬩ᭄ᬭᬦ᭄ᬫᬚᬬᬚᬬ᭞ᬲᬓᬾᬗᬚ᭄ᬜᬦᬦ᭄ᬲᬂᬬᭀᬕᬶ᭞ᬲᬶᬤ᭄ᬥᬮᬶᬧᬸᬭ᭄᭞ᬓᬬᬸᬦ᭄ᬳᬶᬤᬢᬦ᭄ᬧᬢ᭄ᬩ᭟ᬯᬲ᭄ᬢᬸᬓᬾᬦᬓ᭄ᬚᬢᬶᬫᬸᬮ᭞ᬓᬲ᭄ᬮᬶᬫᬹᬃᬳᬦ᭄ᬢᬸᬓ᭄ᬓᬓᬯᬶᬦ᭄᭞ᬲᬩ᭄ᬭᬦ᭄ᬯᭂᬗᬶᬭᬶᬂᬧᬤᬸᬓ᭄ᬯᬦ᭄᭞ᬓᬵᬫᬚᬬᬢᬦ᭄ᬲᬄᬗᬶᬭᬶᬂ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬜᬋᬗᬶᬦ᭄᭞ᬫᬹᬃᬡ᭄ᬦᬬᬂᬓ

[᭑᭑᭖ 116A]
᭑᭑᭖
ᬬᬸᬦᬾᬳᬶᬩᬸᬓ᭄᭞ᬓᬓᬯᬶᬦ᭄ᬮᬦ᭄ᬩᬪᬵᬱᬦ᭄᭞ᬫᬓ᭄ᬢᬮᬾᬤᬂᬭᬵᬚᬧᬸᬢ᭄ᬭᬶ᭞ᬦᭂᬭᬸᬲ᭄ᬢᬸᬜ᭄ᬚᬸᬂ᭞ᬢᬦᬾᬮᬶᬂᬫᬮᬶᬄᬭᬶᬂᬲᬸᬗ᭄ᬓ᭠ᬦ᭄᭟ᬤᭂᬳᬢᬭᬸᬡᬓᬲᬾᬗᬦ᭄᭞ᬭᬯᬸᬄᬢᬗ᭄ᬓᬶᬮ᭄ᬲᬩ᭄ᬭᬦ᭄ᬯᭂᬗᬶ᭞ᬫᬗ᭄ᬤᬜᬋᬗᬶᬦ᭄ᬫᬫᬯᭀᬲ᭄᭞ᬲᬓᬾᬂᬳᬃᬱᬦ᭄ᬭᬵᬚᬧᬸᬢ᭄ᬭᬶ᭞ᬭᬦ᭄ᬢᬩᬦ᭄ᬭᬯᬸᬄ
ᬢᬗ᭄ᬓᬶᬮ᭄᭞ᬫᬮᬚᬄᬫᬕᬸᬭᬸᬮᬕᬸ᭞ᬓᬗ᭄ᬓᬢ᭄ᬋᬡᬲᬢᬢ᭞ᬭᬶᬂᬧᬤᬸᬓ᭄ᬯᬦ᭄ᬢᬫᬦ᭄ᬩᬮᬶ᭞ᬓᬤᬶᬲᬵᬫ᭄ᬧᬸᬦ᭄᭞ᬮᬸᬄᬫ᭄ᬯᬦᬶ᭠ᬕᬶᬭᬂᬫᭂᬮᬚᬄ᭟ᬭᬵᬚᬧᬸᬢ᭄ᬭᬶᬲᬓᬾᬂᬯᬶᬓᬦ᭄᭞ᬗᬮᬧ᭄ᬧᬶᬢᬺᬱ᭄ᬡᬲᬸᬪᬓ᭄ᬢᬶ᭞ᬲ᭄ᬭᭀᬫᬾᬄᬦᬩᬸᬳᬂᬩᬩᬯᭀᬲ᭄᭞ᬭᬶᬂᬧᬜ᭄ᬚᬓᬾᬭ
ᬯᬸᬄᬢᬗ᭄ᬓᬶᬮ᭄᭞ᬲᬳᬲ᭄ᬫᬶᬢᬫᬓᭂᬜᬶᬃ᭞ᬧᬗᬦ᭄ᬤᬶᬓᬫᬦᬶᬲ᭄ᬋᬫ᭄ᬧᬸᬄ᭞ᬗᬦ᭄ᬤᬶᬓᬬᬂᬫᭂᬮᬚᬄ᭞ᬤᭂᬳᬢᬭᬸᬡᬦᬾᬲ᭠ᬫᬶ᭞ᬫᬗ᭄ᬤᬗᬗ᭄ᬕᬸᬃ᭞ᬲᬩ᭄ᬭᬦ᭄ᬯᭂᬗᬶᬳᬓᬶᬬᬧᬦ᭄᭟ᬕᭂᬦ᭄ᬤ᭄ᬭᬓ᭄ᬲᬫᬶᬓᬧᬤᬸᬓ᭄ᬯᬦ᭄᭞ᬲᬦᬾᬮᬸᬄᬬᬤᬶᬦ᭄ᬦᬾᬫ᭄ᬯᬦᬶ᭞ᬲᬭᬸᬲᬫ᭄ᬩᬶᬮᬂᬫᭂᬮᬚᬄ᭞ᬫᭂ
ᬍᬤ᭄ᬫᬓᬶᬢᬦᭂᬧᬸᬓᬶᬦ᭄᭞ᬯᬵᬤᬦᬦ᭄ᬭᬵᬚᬧᬸᬢ᭄ᬭᬶ᭞ᬓᬳᬬᭀᬦ᭄ᬳᬶᬤᬓᬲᬸᬫ᭄ᬩᬸᬂ᭞ᬢᬭᬸᬡᬦᬾᬜᬮᬾᬫ᭄ᬧᭀᬢ᭄᭞ᬦᬾᬤᭂᬳᬲᬤᬗᬧᬶᬓᬶᬦ᭄᭞ᬧᬸᬲᬸᬂᬮᬸᬓ᭄ᬮᬸᬓ᭄᭞ᬫᬲᬲᭂᬦ᭄ᬢᭂᬂᬲᬫᬶᬤᬩ᭄ᬤᬩ᭄᭟ᬤᬾᬫ᭄ᬧᬤᬾᬫ᭄ᬧᭀᬓᬧᬤᬸᬓ᭄ᬯᬦ᭄᭞ᬧᬬᬲᬾᬲᬮᬶᬂ [ 117 ][᭑᭑᭖ 116B]
᭑᭑᭖
ᬮᬗ᭄ᬕᬾᬦᬶᬦ᭄᭞ᬩᬳᬦ᭄ᬓᭂᬦ᭄ᬤᭂᬮᬾᬓᬲᬾᬗᬦ᭄᭞ᬳᬦ᭄ᬢᬸᬓ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬲᬳᬕᬕᬦ᭄ᬤᬦ᭄ᬯᬗᬶ᭞ᬫᬶᬳᬶᬓᬾᬫᬗᬮᬸᬧᬮᬸᬧ᭄᭞ᬫᬥᬾᬲᭂᬓᬃᬘᬶᬦᬶᬤ᭄ᬭ᭞ᬜᭀᬫᬦ᭄ᬲᬭᬶᬤᭂᬫᬤᭂᬫᬶ᭞ᬩᬬᬮᬘᬸᬃ᭞ᬬᬾᬦᬫ᭄ᬧᬄᬢᬸᬦᬯᬲ᭄ᬧᬥ᭟ᬲᬶᬧ᭄ᬢᬦᭂᬧᬸᬓᬶᬦ᭄ᬲᬗ᭄ᬓᬮ᭞ᬬᬾ
ᬦ᭄ᬢᬸᬦᬬᬢ᭄ᬦᬦᬗᬭᬶᬦ᭄᭞ᬫᬧ᭄ᬯᬭᬦᬫ᭄ᬧᭂᬤᬂᬚᭂᬗᬄ᭞ᬲᬕᬶᬦᬾᬳᬜ᭄ᬘᭀᬕᬶᬦ᭄ᬘᬶᬘᬶᬂ᭞ᬢᬸᬬᬸᬄᬗᬸᬫ᭄ᬩᬳᬶᬦ᭄ᬧᬶᬭᬶᬂ᭞ᬮᬘᬸᬭᬦ᭄ᬓᬾᬮᬗᬦ᭄ᬲᬧᬸᬢ᭄᭞ᬧᬬᬸᬤᬶᬗᬶᬦ᭄ᬗᬶᬮ᭄ᬕᬶᬮᬂ᭞ᬤᭀᬂᬗᬸᬤᬫᬓᭂᬚᬂᬫᬳᬶ᭞ᬕ᭄ᬭᬤᬕ᭄ᬭᬸᬤᬸᬕ᭄᭞ᬤᬬᬦᬾᬫᬫᬗ᭄ᬕᬸᬮ᭄ᬕᬫ᭄ᬩᬂ᭟ᬫᬧᬶᬫᭂᬮᬚᬄᬫᬰᬵ
ᬲ᭄ᬢ᭄ᬭ᭞ᬲᬓᬭᬶᬂᬤᭂᬫᭂᬦ᭄ᬗᬾᬭᬾᬲᬶᬦ᭄᭞ᬗᬶᬮᬩ᭄ᬓᬵᬫᬚᬬᬫᭀᬦᭀᬄ᭞ᬗᭂᬭᬧᬸᬢ᭄ᬯᬭᬫᬶᬮᬶᬳᬶᬦ᭄᭞ᬤᬤᬳᬭᬦᬾᬧᬲᬶᬮ᭄᭞ᬮᬕᬸᬢᬾᬩᬲᬗᬾᬲᭂᬤᬸᬓ᭄᭞ᬢᭂᬓᬗᬤᭀᬓᬂᬧᭀᬗᬄ᭞ᬢᭀᬂᬫᬢᭀᬮᬶᬳᬦ᭄ᬓᬲᬫ᭄ᬧᬶᬂ᭞ᬜᬭᬸᬜᬭᬸ᭞ᬫᬧ᭄ᬮᭂᬗᬾᬤ᭄ᬗᬾ
ᬤᬾᬗᬂᬧᬬᬲ᭄᭟ᬢᬦᬶᬗᭂᬮᬄᬳᬾᬤᬍᬫᬦ᭄᭞ᬧᭀᬗᬄᬦᬕᬶᬄᬫᬕᬭᬗᬶᬦ᭄᭞ᬳᬸᬮᬶᬧᬶᬤᬦ᭄ᬦᬶᬸᬦ᭄ᬩᬦ᭄ᬦᬸᬬᬸᬳᬂ᭞ᬫᬕᬤᬗᬶᬦ᭄ᬲᬳᬶᬲᬳᬶ᭞ᬧᭀᬗᬄᬦᬕᬶᬄᬦᭂᬫᭂᬦᬶᬦ᭄᭞ᬫᬲᬓᬵᬫᬚᬬᬤᬾᬦ᭄ᬤᬸᬦ᭄᭞ᬲᬸᬩᬦᬫ᭄ᬧᬶᬂᬕᬕᬾᬮᬦ᭄᭞ᬓᬵᬫᬚᬬᬓ᭠

[᭑᭑᭗ 117A]
᭑᭑᭗
ᬲ᭄ᬮᭂᬤᬾᬢᬶᬦ᭄᭞ᬓᬵᬭᬶᬗᬸᬦ᭄ᬢᬸᬮ᭄᭞ᬗᬋᬧᬶᬦ᭄ᬯᬜ᭄ᬘᬶᬫᬫᬘ᭟ᬭᬵᬚᬧᬸᬢ᭄ᬭᬶᬫᬩᬪᬵᬱᬦ᭄᭞ᬧᭀᬮᬶᬄᬕᬶᬮᬶᬭᬦ᭄ᬦᭂᬕᭂᬲᬶᬦ᭄᭞ᬢᬩᬸᬄᬘᭂᬧᬸᬂᬢᭀᬂᬓᬸᬘᬶᬯ᭞ᬩᬦ᭄ᬩᬦ᭄ᬮᭂᬗᬸᬢ᭄ᬋᬫ᭄ᬧᬸᬄᬫᬦᬶᬲ᭄᭞ᬓᬮᬗᭂᬦ᭄ᬲᬂᬫᬶᬭᬕᬶ᭞ᬭᬱᬢᬶᬢᬶᬭᬦ᭄ᬗᬢᭂᬗ᭄ᬓᬸᬂ᭞ᬲᬓᬾᬂᬯᬶᬓᬦ᭄ᬫᬪᬵᬱ᭠
ᬦ᭄᭞ᬧᬦ᭄ᬢᭂᬲ᭄ᬧᬸᬢ᭄ᬭᬶᬦ᭄ᬤᬍᬫ᭄ᬩᬮᬶ᭞ᬲᬫᬶᬗᬚᬸᬫ᭄᭞ᬓᬳᬬᭀᬦ᭄ᬳᬶᬤᬲᬯᬯ᭟ᬢᭂᬓᬾᬦ᭄ᬓᬧ᭄ᬭᬚ᭄ᬜᬦᬦ᭄ᬳᬶᬤ᭞ᬧᬗᬍᬫ᭄ᬧ᭠ᬜ᭄ᬚᬓᬾᬦᬗ᭄ᬓᬶᬮ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬸᬮᬶᬜᭂᬮᬕ᭄᭞ᬫᬵᬢᬹᬃᬭᬶᬂᬤᬾᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬗᬶᬭᬶᬂᬭᬵᬃᬬ᭄ᬬᬦᬂᬭᬶᬳᬶᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬢᭂᬗᬄᬤᬮᬸ᭞
ᬫᬗ᭄ᬤᬲᬵᬫ᭄ᬧᬸᬦ᭄ᬓᬍᬲᭀᬦ᭄᭞ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄ᬳᬭᬶᬲ᭄᭞ᬲᬤᬓᭂᬜᬸᬲ᭄᭞ᬲᬭᬓᬾᬳᬚᬓ᭄ᬫᬓᭂᬚᬂ᭟ᬧᬦ᭄ᬳᬩᬲᬦ᭄ᬫᬵᬢᬹᬃᬦᬶᬫ᭄ᬩᬮ᭄᭞ᬤᬯᭂᬕ᭄ᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬗᬸᬦᬶᬗᬂᬳᬶᬦ᭄ᬤᬶᬓᬾᬩᬾᬜ᭄ᬚᬂ᭞ᬤᬾᬰᬦᬾᬳᬬᬢ᭄ᬗᬯᬶᬢᬶᬦ᭄᭞ᬦᭂᬤᬸᬦᬶᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬓ᭠
ᬧᬸᬭᬤᬍᬫ᭄ᬩᭂᬤᬳᬸᬄ᭞ᬫᬓᬵᬃᬬ᭄ᬬᬲᬲᬗᬦᬦ᭄᭞ᬉᬧᬓᬵᬭᬧᬘᬂᬜᬸᬘᬶ᭞ᬫᬵᬬᬸᬳᬬᬸ᭞ᬭᬾᬄᬫᬮᬶᬄᬢᬶ᭠ᬕᬂᬭᬳᬶᬦ᭟ᬗᬢᬸᬭᬂᬓᬵᬃᬬ᭄ᬬᬗᬸᬲᬩ᭞ᬚᬕᬢᬾᬭᬶᬂᬢᬫᬦ᭄ᬩᬮᬶ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮᬮᭀᬦ᭄᭞ᬳᬭᬄᬦ᭄ᬢᭀᬲᬚᬧᬦ᭄ᬘᭂᬦᬶᬂ᭞᭠ [ 118 ][᭑᭑᭗ 117B]
᭑᭑᭗
ᬓᬸᬤᬩᬓᬢ᭄ᬳᭂᬗ᭄ᬲᬧᬶᬦ᭄᭞ᬓᬢᬸᬗ᭄ᬓᬸᬮ᭄ᬤᭂᬫᭂᬦ᭄ᬫᬓᬶᬤᬸᬂ᭞ᬫᭂᬮᬄᬚᬦᬶᬭᬾᬭᬾᬦᬂ᭞ᬘᭂᬭᬶᬓ᭄ᬘᭂᬭᬶᬓᬾᬫᬕᭂᬦ᭄ᬤᬶᬂ᭞ᬧᬂᬤᬮᬸᬬᬸ᭞ᬦᬾᬫᬦᬶᬗᬬᬄᬓᬧᬸᬭ᭟ᬭᬵᬚᬧᬸᬢ᭄ᬭᬶᬜᭂᬮᬕ᭄ᬦᬶᬫ᭄ᬩᬮ᭄᭞ᬤᬤᬶᬢᬶᬬᬂᬓᭂᬫᭀᬦᬶᬦᬶ᭞ᬦᬾᬫᬦᬶᬗᬬᬄᬓᬧᬸᬭ᭞ᬳᬓᭂᬜᭂᬮᬦ᭄‌ᬲ
ᬢ᭄ᬫᬮᬮᬶ᭞ᬫᬓᬶᬢᬗᬭᬫᬦᬶᬦ᭄᭞ᬲᭀᬢᬦᬶᬂᬤᭂᬫᭂᬦ᭄ᬫᬕᬸᬩᬸᬕ᭄᭞ᬳᬮᬶᬢᬮᬶᬢᬾᬦᬶᬫ᭄ᬩᬮ᭄᭞ᬫᬩ᭄ᬭᬶᬬᬸᬓ᭄ᬗᬢᬸᬭᬂᬪᬓ᭄ᬢᬶ᭞ᬲᬳᬳᬢᬹᬃ᭞ᬤᬸᬭᬸᬲᬂᬘᭀᬓᭀᬭᬶᬤᬾᬯ᭟ᬮᬸᬗ᭄ᬳᬦᬾᬩᬾᬜ᭄ᬚᬂᬓᬧᬸᬭ᭞ᬲᬓᬾᬯᬦ᭄ᬢᭂᬦ᭄ᬮᬾᬤᬂᬗᬓ᭄ᬱᬶ᭞ᬧᬜ᭄ᬚᬓᬾᬗᬢᬸᬭᬂᬳ᭠
ᬬᬄ᭞ᬘᭀᬓᭀᬭᬶᬤᬾᬯᬫᬮᬶᬗ᭄ᬕᬶᬄ᭞ᬲᬹᬓ᭄ᬱᭂᬫᬲᬋᬂᬲᬫᬶ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄ᬫᬵᬢᬸᬭ᭄᭞ᬤᬸᬭᬸᬲᬂᬭᬢᬸᬮᬸᬗ᭄ᬳᬵ᭞᭠ᬗᬓ᭄ᬱᬶᬧᬜ᭄ᬚᬓᬾᬲᬸᬪᬓ᭄ᬢᬶ᭞ᬫᬸᬂᬧᬸᬂᬭᬢᬸ᭞ᬫᬮᬶᬗ᭄ᬕᬶᬄᬫᬭᬶᬂᬧᬤᬸᬓ᭄ᬯᬦ᭄᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬩᬩᬯᭀᬲᬦ᭄᭞ᬳᬮᬶᬢᬮᬶᬢᬾᬫᬧᬫᬶ᭠
ᬢ᭄᭞ᬩᬾᬜ᭄ᬚᬂᬲᭂᬫᭂᬂᬓᬘᬭᬶᬢ᭞ᬮᬦᬂᬳᬶᬲ᭄ᬢ᭄ᬭᬶᬢᭂᬤᬸᬦ᭄ᬕᭂᬭᬶᬢ᭄᭞ᬓ᭄ᬭᬫᬤᬾᬰᬦᬾᬲᬫᬶ᭞ᬯᬯᬸᬦᬶᬗᭂᬄᬲ᭄ᬯᬭᬦ᭄ᬓᬸᬮ᭄ᬓᬸᬮ᭄᭞ᬕᬶᬭᬂᬗᬬᬄᬓᬧᬸᬭ᭞ᬜᭂᬮᭂᬢ᭄‌ᬩ᭄ᬮᬓᬲ᭄ᬲᬦᬾᬫ᭄ᬯᬦᬶ᭞ᬲᬦᬾᬳᭂᬮᬸᬄ᭞ᬫᬓ᭄ᬢᬢᬶᬬᬸᬓ᭄ᬩᬩᬦ᭄ᬢᬾᬭᬦ᭄᭟ᬓᬵᬫᬚᬬᬫᬗᭀᬋ᭠

[᭑᭑᭘ 118A]
᭑᭑᭘
ᬕᬂ᭞ᬳᬶᬓ᭄ᬭᬫᬦᬗᬸᬦ᭄ᬢᬢᬭᬶᬂ᭞ᬫᬳᬶᬍᬄᬭᬯᬸᬄᬓᬚᬩ᭞ᬯᬾᬦ᭄ᬢᭂᬦ᭄ᬲᬦᬾᬫᬫ᭄ᬮᬯᬦᬶᬦ᭄᭞ᬤᭀᬦ᭄ᬳᬾᬦ᭄ᬤᭀᬂᬧᬓᬸᬧᬶ᭠ᬤ᭄ᬧᬶᬤ᭄᭞ᬲᬦᬾᬤᭂᬳᬗᬬᬄᬦᭂᬧᬸᬂ᭞ᬮᬦ᭄ᬫᬓᬵᬃᬬ᭄ᬬᬲᬗᬦᬦ᭄᭞ᬗᬶᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬲᬋᬂᬳᬶᬧᬸᬦ᭄᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ
᭟ᬭᬶᬂᬧ᭄ᬭᬦ᭄ᬢᭂᬦᬦ᭄ᬫᬕᭀᬭᬾᬗᬦ᭄᭞ᬳᬲᬶᬦ᭄ᬫᬢᬢᭂᬓᭂᬲ᭄ᬧᬸᬢᬶᬄ᭞ᬳᬦ᭄ᬢᬸᬓ᭄ᬓᬲᬳᬓᭂᬩᬶᬲᬦ᭄᭞ᬫᬘᭂᬍᬓ᭄ᬲᭂᬫᬢ᭄ᬳᬓ᭠ᬢᬶᬄ᭞ᬳᬲ᭄ᬭᬶᬗᬬᬄᬤᬶᬲᬸᬘᬶ᭞ᬫᬕᬭᬧᬦ᭄ᬲᬫᬶᬕᬸᬧᬸᬄ᭞ᬘᭂᬮᬂᬯᬾᬦ᭄ᬢᭂᬦ᭄ᬦᬸᬫᭀᬲᬂ᭞ᬓᬵᬫᬚᬬᬘᬸᬤᬲ᭄ᬘᬤᬶᬲ᭄᭞ᬫᭂᬤᬮ᭄ᬧᭂᬮᬸᬄ᭞ᬳᭀ
ᬲ᭄ᬗᭂᬜ᭄ᬚᬸᬳᬶᬦ᭄ᬮᭂᬓᭂᬲᬦ᭄᭟ᬲᬤᬓᭂᬜᭂᬫ᭄ᬦᭂᬲᭂᬓᬂ᭞ᬳᬭᬄᬮᬫ᭄ᬩᬾᬦ᭄ᬚ᭄ᬭᭀᬦᬾᬍᬧᬶᬲ᭄᭞ᬤᬸᬭᬸᬲᬂᬗᬚᭂᬗᬂᬲᭂᬤᬄ᭞ᬫᬥᬾᬲᭂᬓᬃᬤᭂᬫᬤᭂᬫᬶ᭞ᬗᬢᭂᬗ᭄ᬓᬾᬫ᭄ᬜᭀᬫᬦ᭄ᬲᬭᬶ᭞ᬓᬾᬳᬾᬓ᭄ᬧᬶᬂᬲᬤᬫᬓᭂᬘᬸᬄ᭞ᬳᬦ᭄ᬢᬸᬓ᭄ᬤᬸᬍᬕᬾᬗᭂᬢᭀᬦ᭄᭞ᬓᬵᬫᬚᬬᬓᬓᬺ᭠
ᬚᭂᬧᬶᬦ᭄᭞ᬢᬦᬶᬭᬸᬗᬸ᭞ᬗᬸᬦ᭄ᬢᬸᬮ᭄ᬓᬵᬭᬶᬫᬕᬭᬧᬦ᭄᭟ᬓᬤᬶᬧᬜ᭄ᬚᬂᬬᬦᬸᬘᬧᬂ᭞ᬧᬶᬤᬩ᭄ᬤᬩ᭄ᬚᬕᬢᬾᬜᬸᬘᬶ᭞ᬲᭂᬮᬶᬤ᭄ᬲᭀᬭᬾᬢᭂᬤᬸᬦ᭄ᬗᬬᬄ᭞ᬲᭀᬧᬘᬭᬧᬸᬮᬧᬮᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬢᬦ᭄ᬤᬶᬂ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬭᬶᬂᬦᭂᬫᭀᬦᬶᬦ᭄ [ 119 ][᭑᭑᭘ 118B]
᭑᭑᭘
ᬳᭀᬤᬮᬦ᭄᭞ᬮᬦᬂᬳᬶᬲ᭄ᬢ᭄ᬭᬶᬓᭂᬭᬶᬓ᭄ᬢᬶᬗ᭄ᬓᬶᬄ᭞ᬲᬫᬶᬢᭂᬤᬸᬦ᭄᭞ᬤᬩ᭄ᬤᬩ᭄ᬫᬢᬸᬭᬦ᭄ᬓᬧᬸᬭ᭟ᬯᬾᬦ᭄ᬢᭂᬦ᭄ᬗᬢᬸᬭᬂᬧ᭄ᬭᬗ᭄ᬓᬢᬦ᭄᭞ᬯᬾᬦ᭄ᬢᭂᬦ᭄ᬜᬸᬯᬸᬦ᭄ᬕᬸᬮᬶᬂᬓᬸᬘᬶᬢ᭄᭞ᬧᭂᬘᬓ᭄ᬧᭀᬮᬶᬄᬫᬲᬳᬸᬤᬦ᭄᭞ᬤᬯᭂᬕ᭄ᬓᬢᬶᬩᬦᬦ᭄ᬲᬓᬶᬢ᭄᭞ᬳᬬᬢ᭄ᬦᬯᬸᬃᬲᬲᬗᬶ᭞ᬮᬲ᭄ᬬᬲᭂᬕᭂᬃᬮᬸᬦᬲ᭄ᬮᬦᬸᬲ᭄
᭞ᬚ᭄ᬭᭀᬫᬗ᭄ᬓᬸᬦᬾᬗᬦ᭄ᬢᭂᬩᬂ᭞ᬫᬩᬩᬚ᭄ᬭᬦ᭄ᬜᬗ᭄ᬓᬸᬮ᭄ᬧᬸᬢᬶᬄ᭞ᬫᬢᬢᬩᬸᬄ᭞ᬳᬭᬓ᭄ᬩᭂᬋᬫ᭄ᬮᬦ᭄ᬲᭂᬕᭂᬳᬦ᭄᭟ᬫᬮᬸᬕ᭄ᬧᬸᬕ᭄ᬳᬦ᭄ᬤᬸᬲ᭄ᬧᬲᭂᬧᬦ᭄᭞ᬗᬮᬸᬧ᭄ᬫᭂᬜᬦᬲ᭄ᬢᬗ᭄ᬕᬶ᭞ᬳᬢᬸᬭᬾᬫᬲᬾᬭᬦ᭄ᬲᬾᬭᭀᬦ᭄᭞ᬗᬲ᭄ᬢᬯᬳᬶᬤᬪᬝᬵᬭᬶ᭞ᬭᬶᬂᬚᬩᬗᬜᬶᬳᬜᬶᬄ᭞ᬲ᭄ᬫᬭᬧᬕᬸᬮᬶ
ᬗᬦ᭄ᬦᬩᬸᬄ᭞ᬓᬵᬮᬲᭀᬭᬾᬫᬭᬾᬭᭀᬤ᭄᭞ᬫ᭄ᬯᬦᬶᬫ᭄ᬯᬦᬶᬦᬾᬫᬪᬓ᭄ᬢᬶ᭞ᬲᬫᬶᬜᬧᬸᬢ᭄᭞ᬜᬶᬗ᭄ᬓᬸᬃᬫᬲᭂᬍᬢ᭄ᬓᬤᬸᬢᬦ᭄᭟ᬫᬓᬫ᭄ᬩᭂᬦ᭄‌ᬦ᭄ᬤᭂᬓ᭄ᬧᬧᬢᬸᬳᬦ᭄᭞ᬫᬲᬧᬸᬢ᭄ᬕᬤᬂᬫᬢᭂᬧᬶ᭞ᬫᬳᬸᬫ᭄ᬧᬮ᭄ᬲᬲᬸᬢ᭄ᬭᬦ᭄ᬩᬭᬓ᭄᭞ᬫᬤᬲ᭄ᬢᬃᬲᭀᬗ᭄ᬓᬾᬢ᭄ᬫᬧᬶᬮ᭄ᬧᬶᬮ᭄᭞ᬲᭂᬓᬃᬲ
ᬦ᭄ᬤᬢ᭄ᬤᬶᬓᬸᬧᬶᬂ᭞ᬢᬹᬃᬳᬲᬶᬦ᭄ᬫᬲᬸᬫ᭄ᬧᬂᬚᭂᬧᬸᬦ᭄᭞ᬩᬩᬦ᭄ᬢᬾᬭᬦ᭄ᬓᬧᬸᬭᬦ᭄ᬓᬧᬸᬭ᭞ᬫᬩ᭄ᬭᬶᬬᬸᬓ᭄ᬗᬢᬸᬭᬂᬪᬓ᭄ᬢᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬸᬦᬲ᭄ᬢᭀᬬᬯᬲᬸᬄᬧᬤ᭟ᬭᬶᬂᬚᬩᬢᭂᬗᬄᬫᬭᬵᬃᬬ᭄ᬬᬦ᭄᭞ᬜᭀᬗ᭄ᬓᭀᬓ᭄ᬲᬫ᭄ᬩᬶᬮᬂᬫᬩᬮᬶᬄ᭞ᬤᬳᬦᬾᬭᬯᬸᬄᬫᬭᬾᬭᭀᬤ᭄᭞

[᭑᭑᭙ 119A]
᭑᭑᭙
ᬓᬧᬸᬭᬧᬘᬂᬫᬪᬓ᭄ᬢᬶ᭞ᬧᬧᬬᬲᬦᬾᬧᬗᬶᬤ᭄᭞ᬫᬮᬮᬾᬦ᭄ᬢᬾᬃᬲᭂᬓᬃᬕᬥᬹᬂ᭞ᬧᬸᬲᬸᬗᬦᬾᬕᬕᭀᬜ᭄ᬚᬾᬭᬦ᭄᭞ᬫᬲᬸᬫ᭄ᬧᬂᬘᬫ᭄ᬧᬓᬯᬶᬮᬶᬲ᭄᭞ᬫᬘᬘᬸᬦ᭄ᬤᬸᬓ᭄᭞ᬲᭂᬓᬃᬲᬦ᭄ᬤᬢᬾᬫᬕᬸᬩᬄ᭟ᬳᬲᬶᬦ᭄ᬩᬸᬗᬄᬧᬧᬢᭂᬳᬦ᭄᭞ᬯᬲ᭄ᬢ᭄ᬭᬲᭂᬍᬫ᭄ᬮᬾᬮᬫ᭄ᬮᭂᬗᬶᬲ᭄᭞ᬫᬲ᭠
ᬩᬸᬓ᭄ᬲᬸᬢ᭄ᬭᬦᬾᬩᬭᬓ᭄᭞ᬫᬲᬮᬾᬦ᭄ᬤᬂᬧᬾᬃᬫᬵᬲ᭄ᬯᬶᬮᬶᬲ᭄᭞ᬳᬲᬶᬦ᭄ᬫᬲᬶᬜ᭄ᬚᬂᬧ᭄ᬭᬜ᭄ᬘᬶᬲ᭄᭞ᬳᬸᬍᬲ᭄ᬩᬳᬸᬲᬸᬢ᭄ᬭᬤᬤᬸ᭞ᬭᬢ᭠ᬫᬕᭂᬮᬂᬧᭂᬦ᭄ᬤᭀᬓ᭄᭞ᬩᬸᬗ᭄ᬓᬸᬂᬚᬶᬦᬭᬦ᭄ᬤᬶᬓᬘᬶᬂ᭞ᬢᬦ᭄ᬤᬕᬥᬹᬂ᭞ᬢᬬᬸᬗᬦᬾᬓᭂᬧᬢ᭄ᬓᭂᬧᬶᬢ᭄᭟ᬩᬗ᭄ᬓ᭄ᬬᬂᬭᬫ᭄ᬧᬶᬂᬫᬕᭀᬮᬾᬭᬦ᭄᭞ᬦᬫ᭄ᬧᬩᭀ
ᬓᭀᬭᬦ᭄ᬫᬤᬕᬶᬂ᭞ᬓᬯᬗᬾᬦ᭄ᬮᬦ᭄ᬲᭂᬓᬭᬸᬭ᭞ᬫᬓᭂᬲ᭄ᬬᬸᬄᬕᬕᬡ᭄ᬥᬦ᭄ᬫᬶᬳᬶᬓ᭄᭞ᬢᬦ᭄ᬧᬾᬦ᭄ᬤᬄᬯᬶᬥ᭄ᬬᬥᬭᬶ᭞ᬓᬵᬮᬗᭂ᭠ᬮᬂᬮᬂᬳᬸᬮᬗᬸᬦ᭄᭞ᬗ᭄ᬭᬜ᭄ᬚᬶᬂᬲᬵᬫ᭄ᬧᬸᬦ᭄ᬓᬧᬸᬭ᭞ᬧᬫᭂᬤᬮ᭄ᬳᬕᬸᬂᬳᬸᬧᬫᬶ᭞ᬫᬳᬵᬫᬾᬭᬸ᭞ᬧᬃᬳ᭄ᬬᬗᬦ᭄ᬯᬢᭂᬓ᭄ᬤᬾᬯᬢ᭟ᬧᬤᬫ᭄ᬧ᭄ᬬᬓ᭄ᬫᬢᬶᬫ᭄ᬧᬸᬄ
ᬤᬩ᭄ᬤᬩ᭄᭞ᬲᬳᬓᬶᬤᬸᬂᬯᬃᬕ᭄ᬕᬲᬭᬶ᭞ᬫᬩ᭄ᬭᬶᬬᬸᬓ᭄ᬜᬓᬸᬧᬂᬮᬶᬫ᭞ᬢᬶᬮᬶᬂᬇᬥᭂᬧᬾᬫᬪᬓ᭄ᬢᬶ᭞ᬗᬲ᭄ᬢᬸᬗ᭄ᬓᬭᬪᬝᬵᬭᬶ᭞ᬫ᭠ᬫᬶᬢᬂᬲᬤ᭄ᬬᬭᬳᬬᬸ᭞ᬮᬫᬓᬦ᭄ᬤᬶᬃᬖ᭄ᬕᬬᬸᬱ᭞ᬓᬭᬳᬬᭀᬦ᭄ᬚᬕᬢ᭄ᬩᬮᬶ᭞ᬕᭂᬫᬸᬄᬮᬦ᭄ᬤᬸᬄ᭞ᬗᬋᬕᭂᬧ᭄ᬲᬳᬫᬫᬦ᭄ᬢ᭄ᬭ᭟ᬧᬸᬧᬸᬢ᭄ᬫᬪᬓ᭄ᬢᬶᬧᬶᬂ [ 120 ][᭑᭑᭙ 119B]
᭑᭑᭙
ᬢᬶᬕ᭞ᬢᬸᬫᬸᬮᬶᬭᬭᬶᬲ᭄ᬫᬓᭂᬢᬶᬲ᭄᭞ᬯᬲᬸᬄᬧᬤᬩᬜᬸᬦ᭄ᬘᭀᬓᭀᬃ᭞ᬦᬾᬓᬲᭂᬗ᭄ᬕᬸᬄᬓᬸᬡ᭄ᬥᬮᬶᬡᬶ᭞ᬦᬳᬧ᭄ᬢᭀᬬᬧᬶᬂᬢ᭄ᬭᬶᬦᬶ᭞ᬓᬂᬲᬶᬦᬗ᭄ᬕᬸᬄᬓᬫᬡ᭄ᬥᬮᬸ᭞ᬲᬸᬕ᭄ᬬᬂᬢᬍᬃᬧᬶᬂᬢᬶᬕ᭞ᬧᬯᬶᬢ᭄ᬭᬇᬥᭂᬧᬾᬳᭂᬦᬶᬂ᭞ᬲᬢ᭄ᬧᬫᬬᬸᬄ᭞ᬍᬢᬸᬳᬶᬂᬳᬗ᭄ᬕᬰᬭᬶᬭ᭟ᬗᬸᬲᬧᬂᬓᬃ
ᬡ᭄ᬦᬧᬶᬂᬢᬶᬕ᭞ᬲᬵᬢ᭄ᬫᬓᬬᬂᬲᬜ᭄ᬚᬶᬯᬦᬶ᭞ᬲᬓᬵᬮᬳᬸᬭᬶᬧᬾᬳᬫᭀᬂ᭞ᬗᬸᬲᬧᬂᬢᬗ᭄ᬓᬄᬧᬶᬂᬢ᭄ᬭᬶᬦᬶ᭞ᬅᬫᬺᬢ᭄ᬣᬲᬗᬸᬦᬸᬭᬶᬧ᭄᭞ᬫᬗ᭄ᬤᬲᭂᬕᭂᬃᬮᬸᬦᬲ᭄ᬮᬦᬸᬲ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬢᭀᬬ᭞ᬦᬳᬃᬯᬶᬚᬧᬶᬢᬸᬂᬩᭂᬲᬶᬓ᭄᭞ᬓᬲᬶᬦᬗ᭄ᬕᬸᬄ᭞ᬲᬹᬓ᭄ᬱᭂᬫᬦᬶᬂᬲᬧ᭄ᬢᬢᬶᬃᬢ᭄ᬣ᭟ᬲᬵ
ᬫ᭄ᬧᬸᬦ᭄ᬧᬸᬧᬸᬢ᭄ᬲᭀᬧᬘᬭ᭞ᬳᬮᬶᬢᬮᬶᬢᬾᬫᬪᬓ᭄ᬢᬶ᭞ᬯᭂᬗᬶᬦᬾᬫᬮᬶᬄᬳᬸᬘᬧᬂ᭞ᬢᭂᬤᬸᬦ᭄ᬲᬯᭀᬂᬤᬾᬰᬲᬫᬶ᭞ᬓᭂᬭᬶᬕᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬓᬧᬸᬭᬫᬮᬶᬄᬲᬸᬫᬸᬬᬸᬕ᭄᭞ᬦᬩ᭄ᬤᬩᬂᬩᬩᬦ᭄ᬢᭂᬦᬦ᭄᭞ᬯᬶᬤ᭄ᬥᬶᬯᬾᬤᬦᬲᬸᬫᬚᬶ᭞ᬲᬾᬗ᭄ᬕᬳᬾᬗ᭄ᬕᬸᬄ᭞ᬳᬬᬢ᭄ᬗᬢᬸ᭠
ᬭᬂᬧᬶᬳᭀᬤᬮ᭄᭟ᬲ᭄ᬯᬭᬦ᭄ᬕᬫᭂᬮᬦ᭄ᬕᬹᬃᬡ᭄ᬦᬶᬢ᭞ᬕᭀᬂᬓᬸᬫᭂᬜ᭄ᬘ᭄ᬬᬂᬗᬜᬶᬳᬜᬶᬄ᭞ᬲᬦᬾᬢᬭᬸᬡᬫᬭᬾᬭᭀᬤ᭄᭞ᬫᬫᬾᬦ᭄ᬤᬾᬢ᭄ᬗᬢᬸᬭᬂᬯᬮᬶ᭞ᬗᬗ᭄ᬲᭂᬮ᭄ᬫᭂᬦᬾᬓᬂᬩᬢᬶᬲ᭄᭞ᬫᬢᬜ᭄ᬚᭂᬓ᭄ᬫᬕᬸᬮᬸᬯᬗ᭄ᬲᬸᬮ᭄᭞ᬗᬶᬕᭂᬮ᭄ᬦᬫ᭄ᬧᬩᭀᬓᭀᬭᬦ᭄᭞ᬲᬩᬶᬮᬂᬤ᭠

[᭑᭒᭐ 120A]
᭑᭒᭐
ᬗ᭄ᬓᬫᬲᬮᬶᬦ᭄᭞ᬧᬗᬶᬤ᭄ᬘᬮᬸᬄ᭞ᬗᬶᬕᭂᬮ᭄ᬦᬩᬸᬳᬶᬦ᭄ᬕᬫᭂᬮᬦ᭄᭟ᬢᬦ᭄ᬧᬾᬦ᭄ᬤᬄᬓᬤᬶᬕᬡ᭄ᬥᬃᬯ᭄ᬯ᭞ᬧᭂᬤᭂᬓ᭄ᬭᬶᬂᬳᬶᬤᬪᬝᬵᬭᬶ᭞ᬲᬦᬾᬮᬸᬄᬢᬍᬃᬫᬭᬾᬭᭀᬤ᭄᭞ᬢᬢᬶᬕᬲᬦᬾᬫᬸᬘᬸᬓᬶᬦ᭄᭞ᬫᬓᬮᬸᬂᬩᭂᬦᬂᬧᬶᬧᬶᬲ᭄᭞ᬧᬕᭀᬩᬬᬦ᭄ᬲᬫᬶᬳᬬᬸ᭞ᬗᬶᬕᭂᬮ᭄ᬗᬋᬚᬂᬤᬾᬯ᭞ᬢ
ᬦ᭄ᬧᬾᬦ᭄ᬤᬄᬓᬤᬶᬥᬥᬭᬶ᭞ᬳᬃᬱᬢᭂᬤᬸᬦ᭄᭞ᬤᬾᬫ᭄ᬧᬤᬾᬫ᭄ᬧᭀᬫᬘᬗ᭄ᬓ᭄ᬭᬫ᭟ᬭᬶᬂᬓᬳ᭄ᬬᬗᬦ᭄ᬓᬤᬾᬯᬢᬦ᭄᭞ᬧᭂᬤᭂᬓ᭄ᬢᬗ᭄ᬓᬶᬮ᭄ᬭᬶᬂᬪᬝᬵᬭᬶ᭞ᬫᬗᬢᬸᬭᬂᬯᬲᬸᬄᬧᬤ᭞ᬫᬓᬧᬤ᭄ᬬᬃᬕ᭄ᬕᬘᬫᬡᬶᬬᬶᬸ᭞ᬯᬾᬦ᭄ᬢᭂᬦ᭄ᬓᭂᬭᬓ᭄ᬓᭂᬭᬶᬓ᭄᭞ᬮᬸᬄᬫ᭄ᬯᬦᬶᬋᬓᬾᬓᬧᬗ᭄ᬮᬸᬄ᭞ᬗᭂᬢᭀᬃᬢᬹᬃᬦᬶ
ᬕ᭄ᬢᬶᬕ᭄ᬢᬗ᭄ᬓᬄ᭞ᬜᭂᬭᬾᬢᬂᬓᬤᬸᬢᬦ᭄ᬗᬸᬜᬶᬂ᭞ᬦᬕᬶᬄᬢᬮᬸᬄ᭞ᬓᬭᬗ᭄ᬲᬸᬓᬦ᭄ᬪᬹᬢᬓᬵᬮ᭟ᬧᬤᬶᬂᬓ᭄ᬮᬓ᭄ᬫᬤᬤᬭᬢᬦ᭄᭞ᬯᬾᬦ᭄ᬢᭂᬦ᭄ᬗᭂᬮᬶᬂᬲᭂᬗᬶᬲᭂᬗᬶ᭞ᬧᬸᬲᬸᬂᬓᭂᬮᬾᬲ᭄ᬫᬕᬫ᭄ᬩᬳᬦ᭄᭞ᬓ᭄ᬭᬶᬬᬓ᭄ᬓ᭄ᬭᬶᬬᭂᬓ᭄ᬫᬓ᭄ᬧᬓ᭄ᬧᬶᬢᬶᬓ᭄᭞ᬳᬭᬓ᭄ᬩᭂᬋᬫ᭄ᬲᬸᬫᬚᬶ᭞ᬳᬕᬾᬗᬢᬸᬭᬂᬧ
ᬢᬩᬸᬄ᭞ᬚ᭄ᬭᭀᬫᬗ᭄ᬓᬸᬦᬾᬓᬢᬧᬓ᭄᭞ᬗᬶᬕᭂᬮ᭄ᬗᬍᬦ᭄ᬢᬾᬗᭂᬢᬶᬲᬶᬦ᭄᭞ᬲᬂᬓᬧᬗ᭄ᬮᬸᬄ᭞ᬳᬦ᭄ᬢᬸᬓ᭄ᬢᭀᬬᬯᬲᬸᬄ᭠ᬧᬤ᭟ᬯᬯᬸᬳᬾᬮᬶᬂᬚᬢᬶᬫᬸᬮ᭞ᬳᭂᬮᬸᬄᬫ᭄ᬯᬦᬶᬯᬸᬲᬦ᭄ᬦᬤᬶ᭞ᬦᭂᬕᬓ᭄ᬲᬤᬳᭀᬬᭀᬕᭀᬬᭀᬕ᭄᭞ᬜᬓᬸᬧᬂᬮᬶᬫᬫᬪᬓ᭄ᬢᬶ᭞᭠ [ 121 ][᭑᭒᭐ 120B]
᭑᭒᭐
ᬓᭂᬦ᭄ᬤᭂᬮ᭄ᬤᬾᬰᬦᬾᬫᬪᬓ᭄ᬢᬶ᭞ᬜᭂᬗ᭄ᬕᬸᬳᬂᬪᬝᬵᬭᬢᭂᬤᬸᬦ᭄᭞ᬚᬦ᭄ᬢᭀᬲ᭄ᬗᭂᬤᬲ᭄ᬭᬳᬶᬦ᭞ᬭᬶᬂᬤᬍᬫ᭄ᬗᬢᬸᬭᬂᬯᬮᬶ᭞ᬯᬯᬸ᭠ᬧᬸᬧᬸᬢ᭄᭞ᬲᬢᬶᬗ᭄ᬓᬄᬫᬤᬾᬯᬬᬚ᭄ᬜ᭟ᬩᬾᬜ᭄ᬚᬗᬦ᭄ᬫᬮᬶᬄᬢᬸᬢᬸᬭᬂ᭞ᬭᬶᬲᭂᬤᭂᬓ᭄ᬗᬢᬸᬭᬂᬧ᭄ᬭᬦᬶ᭞ᬜᭀᬭᬾᬬᬂᬫᬮᬶᬄᬓᬧᬸᬭ᭞ᬮᬦᬂ᭠
ᬳᬶᬲ᭄ᬢ᭄ᬭᬶᬢᭂᬤᬸᬦ᭄ᬲᬫᬶ᭞ᬫᬭᬾᬭᭀᬤ᭄ᬜᬸᬯᬸᬦ᭄ᬯᬜ᭄ᬘᬶ᭞ᬲᬤᬕᬶᬂᬭᬬᬸᬦᬦ᭄ᬓᬵᬢᬹᬃ᭞ᬲᬳᬲᬬᬸᬢ᭄ᬧᬗᬫ᭄ᬩ᭄ᬬᬦ᭄᭞ᬍᬗᬯᬗᬶ᭠ᬩᬸᬭᬢ᭄ᬯᬗᬶ᭞ᬨᬮᬕᬦ᭄ᬢᬸᬂ᭞ᬲᬲᬗᬦᬦ᭄ᬫᬢᭂᬕᭂᬧᬦ᭄᭟ᬚ᭄ᬭᭀᬫᬗ᭄ᬓᬸᬦᬸᬮᬶᬗᬦ᭄ᬢᭂᬩᬂ᭞ᬳᬢᬸᬭᬦ᭄ᬧᬜ᭄ᬚᬓᬾᬲᬫᬶ᭞ᬓᭂᬦ᭄ᬤᭂᬮ᭄ᬧᭀᬮᬶᬄᬲ
ᬭᬶᬦ᭄ᬘᬦᬂ᭞ᬗᬸᬬᭂᬂᬘᬦ᭄ᬢᬶᬂᬓᭂᬢᬲ᭄ᬓᭂᬢᬶᬲ᭄᭞ᬢᬸᬬᬸᬳᬾᬫᬧᬶᬓᭀᬮᬶᬄ᭞ᬲᭀᬧᬘᬭᬲᬵᬫ᭄ᬧᬸᬦ᭄ᬓᬵᬢᬹᬃ᭞ᬫᬭᬾᬭᭀᬤ᭄ᬫᬮᬶᬄᬩᬸᬤᬮ᭄᭞ᬯᬾᬦ᭄ᬢᭂᬦ᭄ᬦᬾᬓᬦ᭄ᬢᬸᬦ᭄ᬫᬩᬮᬶᬄ᭞ᬩᬭᬶᬲ᭄ᬕᬫ᭄ᬩᬸᬄ᭞ᬫᬓᬾᬩᬾᬓ᭄ᬭᬶᬂᬚᬩᬢᭂᬗᬄ᭟ᬯᭂᬗᬶᬦᬾᬫᬮᬶᬄᬳᬸᬘᬧᬂ᭞ᬯᬯᬮᬾ
ᬦ᭄ᬗᬢᬸᬭᬂᬯᬮᬶ᭞ᬭᬶᬂᬚ᭄ᬭᭀᬯᬦ᭄ᬯᬬᬂᬫᬤᬤᬄ᭞ᬤᬮᬂᬲᬓᬾᬂᬲᬸᬓᬯᬢᬶ᭞ᬓᬮᬗᭂᬦ᭄ᬲᬂᬫᬩᬮᬶᬄ᭞ᬲᬕᬾᬢᬦ᭄ᬭᬶᬂᬚ᭠ᬩᬳᬸᬬᬸᬢ᭄᭞ᬮᬦᬂᬳᬶᬲ᭄ᬢ᭄ᬭᬶᬭᬦ᭄ᬢᬩᬦ᭄᭞ᬓᬚᬩᬳᬬᬢ᭄ᬫᬩᬮᬶᬄ᭞ᬫᭀᬃᬢ᭄ᬢᬓᬲᬸᬩ᭄᭞ᬘᬮᭀᬦᬭᬂᬲᬓᬾᬂᬢᬸᬲᬦ᭄᭟ᬫᬲᬸᬓ᭄ᬱᬸ

[᭑᭒᭑ 121A]
᭑᭒᭑
ᬓ᭄ᬦᬩ᭄ᬤᬩᬂᬢᭂᬕᬓ᭄᭞ᬲᬕᬓ᭄ᬲᭀᬕᭀᬓ᭄ᬧᭂᬘᬓ᭄ᬧᭂᬘᬶᬓ᭄᭞ᬓᬮᬗᬦ᭄ᬤᭂᬳᬢᬭᬸᬡ᭞ᬫᬲ᭄ᬮᬶᬬᬸᬭᬦ᭄ᬧᭀᬮᬶᬄᬢᬗ᭄ᬓᬶ᭠ᬲ᭄᭞ᬗᭂᬩᬶᬢᬂᬓᬫ᭄ᬩᭂᬦ᭄ᬘᭂᬭᬶᬓ᭄᭞ᬗᬸᬭᬧᬾᬤᬤᬢᬳᬸᬲᬸᬤ᭄᭞ᬜᭀᬜᭀᬕᭂᬥᬾᬜᬮᭀᬦ᭄ᬤᭀᬄ᭞ᬳᬕᭂᬢᬦ᭄ᬧᭀᬮᬶᬄᬦᬾᬜ
ᬗ᭄ᬓᬶᬄ᭞ᬍᬕᬗᬸᬭᬸᬢ᭄᭞ᬜᬭᬸᬗᬍᬩᬶᬢ᭄ᬗᭂᬮᬜ᭄ᬚᬃ᭟ᬲᬦᬾᬤᭂᬳᬢᬦ᭄ᬮᬶᬗᬸᬦᭂᬦ᭄᭞ᬓᬩᬢᭂᬓ᭄ᬤᭂᬫᭂᬦ᭄ᬫᬩᬮᬶᬄ᭞ᬢᭀᬂ᭠ᬫᬶᬮᬶᬳᬶᬦ᭄ᬗᬮᬶᬄᬢᭀᬗᭀᬲ᭄᭞ᬯᬾᬦ᭄ᬢᭂᬦ᭄ᬚᬦ᭄ᬢᭀᬲ᭄ᬚᭂᬭᬢ᭄ᬚᭂᬭᬶᬢ᭄᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬦᬾᬫᬶᬲ᭄ᬩᬶᬲ᭄᭞ᬫᭂᬤᬮ᭄ᬧᬚᬃᬧᬢᬶᬓᬘᬸᬄ᭞ᬩ᭄ᬬᬸᬃᬳᭀ
ᬕᬦ᭄ᬫᬕᬾᬜ᭄ᬚᭀᬗᬦ᭄᭞ᬧᬗ᭄ᬮᬶᬫᬦ᭄ᬤᬾᬰᬦᬾᬦᭂᬗ᭄ᬓᬶᬓ᭄᭞ᬗᬸᬬᭂᬂᬧᭂᬘᬸᬢ᭄᭞ᬜᭀᬗ᭄ᬓᭀᬓᬂᬧᬚᬭᬾᬩᬗ᭄ᬕ᭄ᬭᬲ᭄᭟ᬧᬶ᭠ᬬᬓᬂᬳᬚᬓ᭄ᬫᬓᭂᬚᬂ᭞ᬤᭀᬂᬳᬶᬯᬲᬶᬦ᭄ᬭᬵᬚᬧᬸᬢ᭄ᬭᬶ᭞ᬳᬶᬤᬭᬯᬸᬄᬧᬘᬂᬦᭀᬦ᭄ᬢᭀᬦ᭄᭞ᬤᭀᬂᬳᬾᬤᬍᬫᬂᬳᬩᭂᬤᬶᬓ᭄᭞ᬓ᭄ᬭᬫᬤᬾ᭠
ᬰᬦᬾᬤᬶᬦᬶ᭞ᬤᬤᬶᬢ᭄ᬯᬭᬗᭂᬮᬄᬲᬶᬓᬸᬢ᭄᭞ᬯᬯᬸᬜᬓ᭄ᬫᬩᬦ᭄ᬢᬶᬳᬦ᭄᭞ᬲᬂᬫᬦᭀᬦ᭄ᬢᭀᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬲᬕᬾ᭠ᬢ᭄ᬭᬯᬸᬄ᭞ᬭᬵᬚᬧᬸᬢ᭄ᬭᬶᬲᬳᬘᬶᬳ᭄ᬦ᭟ᬭᬶᬂᬳᬚᭂᬂᬲᬸᬯᬃᬚᬦ᭄ᬢᬾᬭᬂ᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬗᬶᬭᬶᬂᬫᬓ᭄ᬢᬧᬘᬦᬗᬦ᭄᭞ᬲᬵᬫ᭄ᬧᬸᬦ᭄ᬓ [ 122 ][᭑᭒᭑ 121B]
᭑᭒᭑
ᬢᬸᬭᬦ᭄ᬫᬮᬶᬗ᭄ᬕᬶᬄ᭞ᬭᬶᬂᬩᬮᬾᬦᬾᬩᭂᬤᬗᬶᬦ᭄᭞ᬫᬪᬹᬱᬡᬳᬩ᭄ᬭᬫᬸᬭᬸᬩ᭄᭞ᬫᬲᭂᬓᬃᬫᬵᬲ᭄ᬳᬩᬜ᭄ᬘᬂ᭞ᬫᬲᬸᬫ᭄ᬧᬂᬘᬫ᭄ᬧᬓ᭠ᬯᬶᬮᬶᬲ᭄᭞ᬢᭂᬓᭂᬲ᭄ᬕᭂᬮᬸᬂ᭞ᬲᭂᬓᬃᬳᭂᬫᬲ᭄ᬲᬲᬓ᭄ᬱᬓᬦ᭄᭟ᬢᬦ᭄ᬧᬾᬦ᭄ᬤᬄᬩᬶᬦ᭄ᬢᬂᬓᬃᬝᬶᬓ᭞ᬲᭂᬗ᭄ᬓᬗᬾᬫᬲᭀᬘᬗᭂᬦ᭄ᬤᬶᬄ᭞ᬧᬓᬜᬶᬢ᭄ᬜᬶᬢ᭄ᬦᬯ
ᬭᬢ᭄ᬦ᭞ᬫᬢᬢᬄᬳᭂᬫᬲ᭄ᬫᬲᬗ᭄ᬮᬶᬂ᭞ᬓᬤᬶᬓᭂᬮᬾᬧᬦ᭄ᬢᬝᬶᬢ᭄᭞ᬭᬶᬓᬵᬮᬢᬶᬍᬫ᭄ᬓᬧᬶᬢᬸ᭞ᬲᬶᬦᭀᬫ᭄ᬓᬮᬵᬯᬦ᭄ᬲᭂᬗ᭄ᬓᬂ᭞ᬫᬕ᭠ᬭᬂᬭᬹᬧᬫᬓᬶᬮᬶᬢ᭄᭞ᬍᬕᭂᬫ᭄ᬗᬶᬧᬸᬄ᭞ᬗᬭᬲᬭᬲ᭄ᬧᬗᬭᬲᬦ᭄᭟ᬯᬲ᭄ᬢ᭄ᬭᬲᭀᬗ᭄ᬓᬾᬢ᭄ᬩᬩᬶᬦ᭄ᬢᬗᬦ᭄᭞ᬤᬲᬃᬕᬤᬂᬢᬸᬳᬸᬳᬲᬶᬦ᭄᭞ᬧᭂᬢᭂᬢ᭄ᬕᬕᬸ
ᬮᬸᬂᬫᬧ᭄ᬭᬤ᭞ᬲᬮᬾᬦ᭄ᬤᬂᬕᬕᬸᬮᬸᬂᬢᬗᬶ᭞ᬫᬧ᭄ᬭᬤᬓᬢᭀᬦ᭄ᬭᬯᬶᬢ᭄᭞ᬳᬸᬍᬲ᭄ᬩᬳᬸᬲᬸᬢ᭄ᬭᬤᬤᬸ᭞ᬫᬲᬶᬜ᭄ᬚᬂᬚᬕᬓᬃᬫ᭄ᬫ᭞ᬫᬧᬶᬗ᭄ᬕᭂᬮ᭄ᬓᬦᬓᬓᬵᬮᬶᬄ᭞ᬚᬕᬰᬢ᭄ᬭᬸ᭞ᬲᭀᬘᬦᬮᬶᬳᬮᬶᬫᬸᬦ᭄ᬢᬩ᭄᭟ᬢᬦ᭄ᬧᬾᬦ᭄ᬤᬄᬬᬦᬶᬂᬲᬯᬗᬂ᭞ᬩᬸᬮᬦ᭄ᬧᬹᬃᬡ᭄ᬦᬫᬦᬤᬭᬶᬦ᭄᭞ᬲᬸᬢᬾᬚ
ᬜᬸᬦ᭄ᬤᬭᬶᬦ᭄ᬚᬕᬢ᭄᭞ᬯᬤᬦᬦᬾᬮᬸᬫ᭄ᬮᬸᬫ᭄ᬕᬤᬶᬂ᭞ᬳᬧᬶᬢ᭄ᬩᬶᬦ᭄ᬢᬂᬓᬓᬵᬮᬶᬄ᭞ᬫᬓᭂᬜᭀᬃᬲᬯᬂᬫᬢᬭᬸᬂ᭞ᬓᬳᬬᭀ᭠ᬦ᭄ᬲᬂᬗᬶᬭᬶᬗᬂ᭞ᬫᬥᬾᬲᭂᬓᬃᬜᭀᬫᬦ᭄ᬲᬭᬶ᭞ᬢᬫᬾᬂᬭᬸᬫ᭄ᬭᬸᬫ᭄᭞ᬘᬾᬱ᭄ᬝᬓᬵᬭᬚᬬᬾᬂᬭᬭᬲ᭄᭟ᬧᬧᬬᬲᬦ᭄ᬲᬫᬶᬤᬩ᭄ᬤᬩ᭄᭞ᬧᬧᬢᭂᬳ

[᭑᭒᭒ 122A]
᭑᭒᭒
ᬦ᭄ᬲᬋᬂᬓᬵᬮᬶᬄ᭞ᬫᬲᬸᬩᭂᬂᬳᭂᬫ᭄ᬧᭂᬢ᭄ᬳᭂᬫ᭄ᬧᭂᬢᬦ᭄᭞ᬫᬧᬸᬲᬸᬂᬲᭀᬗ᭄ᬕᬾᬂᬓᬲᬫ᭄ᬧᬶᬂ᭞ᬳᬮᬶᬲ᭄ᬢᬚᭂᬧ᭄ᬫᬓᬸᬭᬶᬲ᭄᭞ᬢᬹᬃᬳᬲᬶᬦ᭄ᬫᬲᬸᬫ᭄ᬧᬂᬫᭂᬦᬸᬄ᭞ᬲᬤᬫᬘᬮᬶᬂᬓᬶᬤᬂ᭞ᬧᬫᬸᬮᬸᬦᬾᬜᬦ᭄ᬤᬢ᭄ᬕᬤᬶᬂ᭞ᬓᭂᬤᬢ᭄ᬓᭂᬤᬸᬢ᭄᭞ᬢᬭᬸᬡᬦᬾᬦᬍᬓ᭄ᬢᭂᬓᬂ᭟ᬓᬫ᭄ᬩᭂᬦ᭄ᬕᬤᬂᬧᬧᬢ᭄ᬭᬬᬦ᭄᭞ᬲᬮᬾ
ᬦ᭄ᬤᬂᬲᬗ᭄ᬓᭂᬮᬢ᭄ᬓᬸᬦᬶᬂ᭞ᬫᬲᬩᬸᬓ᭄ᬓᬮᬾᬗ᭄ᬓᬫ᭄ᬫᬓᭂᬜᭀᬃ᭞ᬗᬮᬶᬮᬶᬢ᭄ᬩᬗ᭄ᬓ᭄ᬬᬗᬾᬭᬫ᭄ᬧᬶᬂ᭞ᬫᬕᭀᬮᬾᬭᬦ᭄ᬗᬾᬤᬦᬶᬦ᭄᭞ᬢᬹᬃᬳᬲᬶᬦ᭄ᬫᬲᬶᬜ᭄ᬚᬂᬘᭂᬧᬸᬓ᭄᭞ᬫᬩᬸᬗ᭄ᬓᬸᬂᬫᬵᬲ᭄ᬫᬢᬢᬄ᭞ᬤᬶᬮᬾᬓ᭄ᬧᬢᬸᬭᬸᬳᬓᬢᬶᬄ᭞ᬲᭂᬩᭂᬂᬧᬗᬸᬲ᭄᭞ᬧᬗᬶᬤ᭄ᬗᬩᬶᬦ᭄ᬧᬘᬦᬗᬦ᭄᭟ᬳᬗᭀ᭠
ᬩ᭄ᬲᬫᬶᬲᬯᭀᬂᬤᬾᬰ᭞ᬍᬕᬇᬥᭂᬧᬾᬫᬩᬮᬶᬄ᭞ᬩᭂᬤᬗᬶᬦ᭄ᬓᬦ᭄ᬢᭂᬦ᭄ᬫᬓᭂᬜᭀᬃ᭞ᬫᬓᬶᬧᭂᬓᬦ᭄ᬓᬯᬸᬄᬢᬶᬗ᭄ᬮᬶᬲ᭄᭞ᬓᬵᬫᬚᬬᬓᬧᬗ᭄ᬕᬶᬄ᭞ᬫᬲᬶᬮᬜᭂᬫ᭄ᬧᬮ᭄ᬫᬮᬸᬗ᭄ᬕᬸᬄ᭞ᬦᬫ᭄ᬧᭂᬓ᭄ᬲᬫ᭄ᬧᬶᬂᬕᬫ᭄ᬩᭂᬮᬦ᭄᭞ᬫᬧᬧᬲ᭄ᬤᬯᬸᬄᬩᭂᬤᬗᬶᬦ᭄᭞ᬩᬦᬶᬗᬤᬸ᭞ᬫᬧᬮᬸᬬᬤᬶ᭠
ᬦ᭄ᬫᬮᬢ᭄ᬮᬢ᭄᭟ᬧᬓᭂᬳᭂᬗᬦ᭄ᬲᬂᬗᬢᭀᬦᬂ᭞ᬓᬵᬫᬚᬬᬩᬕᬸᬲ᭄ᬕᭂᬜ᭄ᬚᬶᬂ᭞ᬫᬯᬲ᭄ᬢ᭄ᬭᬲᭀᬗ᭄ᬓᬾᬢ᭄ᬫᬘ᭄ᬭᬘᬧ᭄᭞ᬕᬶᬕᬶᬦ᭄ᬩ᭠ᬭᭀᬂᬢᬸᬳᬸᬳᬲᬶᬦ᭄᭞ᬤᬲ᭄ᬢᬃᬕᬕᬸᬮᬸᬂᬢᬗᬶ᭞ᬫᬧ᭄ᬭᬤᬲᬩᬶᬮᬂᬩᬸᬘᬸ᭞ᬫᬓᬫ᭄ᬧᬸᬄᬲᬸᬢ᭄ᬭᬚᭂᬦᬃ᭞ᬫᬳᬾᬮᬾᬤ᭄ᬫᬧ᭄ᬭᬤᬘᭂᬧᬶᬂ᭞ᬓᬢᭀᬦ᭄ᬧ [ 123 ][᭑᭒᭒ 122B]
᭑᭒᭒
ᬗᬸᬲ᭄᭞ᬫᬳᬸᬫ᭄ᬧᬮ᭄ᬕ᭄ᬭᬶᬗ᭄ᬲᬶᬂᬯᬬᬂ᭟ᬲᭀᬘᬦ᭄ᬩᬸᬗ᭄ᬓᬸᬗᬾᬯᬾᬤᬹᬃᬬ᭄ᬬ᭞ᬧᬫᬸᬮᬸᬦᬾᬍᬫ᭄ᬧᬸᬂᬕᬤᬶᬂ᭞ᬜᬸᬂᬓ᭄ᬮᬶᬢ᭄ᬓ᭄ᬭᬶᬲ᭄ᬮᬡ᭄ᬥᬾᬬᬦ᭄ᬓ᭠ᬯᭀᬢ᭄᭞ᬫᬲᬲᭀᬘᬦ᭄ᬫᬶᬭᬄᬳᬤᬶ᭞ᬓᬤᬶᬩᬶᬦ᭄ᬢᬂᬭᬶᬂᬮᬗᬶᬢ᭄᭞ᬧᬓᬜᬶᬢ᭄ᬜᬶᬢᬩ᭄ᬭᬫᬸᬭᬸᬩ᭄᭞ᬢᬹᬃᬫᬲᬸᬫ᭄ᬧᬂᬧᬸᬘᬸᬓ᭄ᬩᬂ᭞ᬲᬸᬢᬾᬚᬲᬵ
ᬢ᭄ᬫᬓᬗᭂᬦ᭄ᬤᬶᬄ᭞ᬗᬯᬾᬮᬸᬮᬸᬢ᭄᭞ᬯᬢᭂᬓ᭄ᬧᬯᬾᬲ᭄ᬢ᭄ᬭᬶᬗᬢᭀᬦᬂ᭟ᬚᬦ᭄ᬢᭀᬲ᭄ᬮᬮᬶᬗᬋᬗᬬᬂ᭞ᬳᬶᬮᬾᬦᬶᬮᬾᬦ᭄ᬲᬓᬾᬂᬢᬸᬦᬶ᭞ᬮᬮᬫ᭄ᬧᬳᬦ᭄ᬘᬮᭀᬦᬭᬂ᭞ᬓᬤᬸᬂᬓᬧᬶᬗᭀᬦ᭄ᬗᬶᬮᬶᬗᬶᬦ᭄᭞ᬩᬸᬗᭂᬂᬫᬭᬱᬧᬮᬶᬂ᭞ᬲᬹᬃᬬ᭄ᬬᬦᬾᬦ᭄ᬤᬕ᭄ᬳᬸᬮᬶᬓᬯᬸᬄ᭞ᬢᬸᬫ᭄ᬩᬾ᭠
ᬦ᭄ᬦᭂᬧᬸᬓᬶᬦ᭄ᬕᬮᬂ᭞ᬍᬕᬦᬾᬘᬭᬫᬗᬶᬧᬶ᭞ᬫᬤᬓ᭄ᬧᬬᬸ᭞ᬤᬤᬶᬧᬗᬬᬄᬧᬤᬸᬓ᭄ᬯᬦ᭄᭟ᬭᬵᬚᬧᬸᬢ᭄ᬭᬶᬳᭀᬦᭂᬂᬮᬾᬤᬂ᭞ᬢᬦ᭄ᬯᬾᬦ᭄ᬢᭂᬦ᭄ᬫᬭᬱᬳᬭᬶᬧ᭄᭞ᬢᬫ᭄ᬩᬾᬓᬭᬳᬶᬦᬦᭀᬦ᭄ᬢᭀᬦ᭄᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬓᬵᬮᬗᬦ᭄ᬋᬓᬾᬫᬗ᭄ᬓᬶᬦ᭄᭞ᬭ᭠
ᬗ᭄ᬤᬦᬾᬓᬭᬜ᭄ᬘᬩ᭄ᬧᬦ᭄ᬤᬸᬂ᭞ᬘᬶᬳ᭄ᬦᬲᬵᬫ᭄ᬧᬸᬦ᭄ᬫᬭᬵᬃᬬ᭄ᬬᬦ᭄᭞ᬳᬶᬮᬾᬦᬶᬮᬾᬦᬾᬦᬾᬫᬗ᭄ᬓᬶᬦ᭄᭞ᬯᬯᬸᬫᬦ᭄ᬢᬸᬓ᭄᭞ᬧ᭄ᬭᬓᬗ᭄ᬕᬾᬤᬾᬰᬗᬶᬭᬶᬗᬂ᭟ᬓᬵᬫᬚᬬᬫᬧᬶᬗᬸᬦ᭄ᬤᬧ᭄᭞ᬭᬶᬂᬧᬸᬗ᭄ᬓᬸᬃᬗᬭᭀᬤ᭄ᬫᬫᬵᬃᬕ᭄ᬕᬶ᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬧᭀᬗᬄᬲᬂᬓᬵ᭠

[᭑᭒᭓ 123A]
᭑᭒᭓
ᬮᬶᬄᬗᬸᬮᬧᬶᬦ᭄᭞ᬤᭀᬂᬳᬾᬗ᭄ᬕᬮᬂᬳᬕᬶᬕᬶᬲ᭄᭞ᬓᬵᬫᬚᬬᬓᬵᬭᬶᬗᬸᬦ᭄ᬢᬸᬮ᭄᭞ᬭᬵᬚᬧᬸᬢ᭄ᬭᬶᬓᬍᬲᭀᬦ᭄᭞ᬳᬗᭂᬦᬾᬫᬭᬱᬓᬦᬶᬦ᭄᭞ᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬓᬤᬶᬕᭂᬤᬳᬾᬧᬦ᭄ᬢᬶᬕᬂ᭟ᬩᬸᬬᬃᬢᬦ᭄ᬓᭂᬦᬾᬂᬢᬸᬧ᭄ᬢᬸᬧᬂ᭞ᬢᬫ᭄ᬩᬾᬩᬸᬗᭂᬂᬫᬫᬗ᭄ᬕᬶᬳᬶᬦ᭄᭞ᬓᬵᬫᬚᬬ
ᬗᬩᭂᬢ᭄ᬧᬬᬲ᭄᭞ᬓᬤᬶᬳ᭄ᬬᬂᬲ᭄ᬫᬭᬗᬹᬢ᭄ᬧ᭄ᬢᬶ᭞ᬬᬦ᭄ᬮᬶᬂᬮᬶᬂᬮᬶᬂᬮᬸᬂᬧᬮᬶᬂ᭞ᬭᬵᬚᬧᬸᬢ᭄ᬭᬶᬫᬧᬓᬬᬸᬦ᭄᭞ᬭᬱᬓᬦ᭄ᬢᬸᬦ᭄ᬜᬸᬫ᭄ᬧᭂᬦ᭞ᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬢᬸᬦᬶ᭞ᬩᬬᬢᬸᬤᬸᬄ᭞ᬪᬝᬵᬭᬶᬤᬹᬃᬕ᭄ᬕᬫᬓᬃᬱ᭟ᬢᭂᬕᬓᬾᬳᬧᬂᬫᬧᬧᬲ᭄᭞ᬢᬤᬳᬾᬩᬸᬓᬕᬯᬾᬦᬶᬦ᭄᭞ᬜᭂᬧᬸᬓᬂ
ᬓᬵᬮᬫᬧᬬᬲ᭄᭞ᬓᬵᬫᬚᬬᬩᬕᬸᬲ᭄ᬕᭂᬜ᭄ᬚᬶᬂ᭞ᬓᬬᬸᬦ᭄ᬳᬶᬤᬓᬘᬢ᭄ᬭᬶ᭞ᬓᬵᬫᬚᬬᬓᬦ᭄ᬢᬸᬦ᭄ᬗᬸᬦ᭄ᬢᬸᬮ᭄᭞ᬭᬭᬫ᭄ᬩᬗᬦᬾ᭠ᬲᬯᬢ᭄᭞ᬭᬯᬸᬄᬭᬶᬂᬧᬤᬸᬓ᭄ᬯᬦ᭄ᬭᬭᬶᬲ᭄᭞ᬲᬂᬳᬸᬮᬗᬸᬦ᭄᭞ᬲᬵᬫ᭄ᬧᬸᬦ᭄ᬗᭂᬮᬸᬲᬶᬦ᭄ᬪᬹᬱᬡ᭟ᬓᬵᬫᬚᬬᬜᬶᬮᬶᬩ᭄ᬜᬸᬭᬵᬢ᭄᭞ᬳᬶᬢᭂᬄᬫᬓᬵᬃᬬ᭄ᬬ
ᬋᬋᬧᬶ᭞ᬧᬘᬂᬓᬵᬢᬹᬃᬭᬶᬂᬲᬂᬤᬶᬬᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬤᬦᬾᬦᬸᬮᬶᬲ᭄᭞ᬗᬦ᭄ᬢᬸᬗᬂᬭᬶᬂᬘᬗᬧᬶᬢ᭄᭞ᬭᬵᬚᬧᬸᬢ᭄ᬭᬶᬢᬸᬫᭀᬦ᭄ᬫᬗ᭄ᬕᬸᬄ᭞ᬓᬵᬫᬚᬬᬫᬓᬯᭀᬦ᭄᭞ᬭᬵᬚᬧᬸᬢ᭄ᬭᬶᬳᬕᬾᬗᬫ᭄ᬩᬶᬮ᭄᭞ᬦᬸᬚᬸᬲᬸᬯᬸᬂ᭞ᬗᬭᬕᬗᬯᬘᬾᬦ᭄ᬲᬸᬭᬵᬢ᭄᭟᭜᭟ᬤᭂᬫᬸᬂ᭟᭜᭟ᬥᬹᬄ [ 124 ][᭑᭒᭓ 123B]
᭑᭒᭓
ᬳᬫ᭄ᬧᬸᬭᬭᬵᬚᬧᬸᬢ᭄ᬭᬶ᭞ᬳᬢᬹᬃᬢᬶᬢ᭄ᬬᬂ᭞ᬫᬭᬶᬂᬋᬋᬧᬶᬫᬸᬗ᭄ᬕᬸᬄ᭞ᬓᬵᬢᬹᬃᬭᬶᬂᬳᬶᬭᬢᬸ᭞ᬤᬯᭂᬕ᭄ᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬫᬭᬹᬧᬧ᭄ᬭᬲᬗ᭄ᬕ᭞ᬲᬗ᭄ᬓᬦᬶᬂᬢᬦ᭄ᬧᬸᬭᬸᬦ᭄ᬫᬵᬢᬹᬃ᭞ᬭᬶᬂᬘᭀᬓᭀᬭᬶᬤᬾᬯ᭞ᬓᬶᬭᬗᬦ᭄ᬧᭀᬗᬄᬚ᭄ᬯᬭᬶ᭞ᬥᬹᬄᬮᬾᬤᬗᬂᬳᬦ᭄ᬢᬸᬓ᭄ᬲᬸᬭᬵᬢ᭄᭞ᬢᬶᬢ᭄ᬬᬂᬫᬵ
ᬢᬹᬃᬲᬓᬤᬶᬮᬸᬘᬸ᭟ᬳᬸᬦᬶᬂᬭᬶᬂᬫᬤᬾᬯᬾᬓ᭄ᬲᬶᬲᬶᬧ᭄᭞ᬫᬫᬋᬓᬦ᭄᭞ᬢᬫ᭄ᬩᭂᬢ᭄ᬢᬶᬢ᭄ᬬᬂᬓᬮᬗ᭄ᬓᬸᬂ᭞ᬫᬧᬶᬫᬧᬶᬯᭂᬭᬸᬄ᭞ᬳᬢᬹᬃᬢᬶᬢ᭄ᬬᬂᬢᬦ᭄ᬧᬳᬶᬦ᭄ᬤᬶᬓ᭄᭞ᬲᬵᬫ᭄ᬧᬸᬦ᭄ᬲᬮᬶᬢ᭄ᬳᬃᬱ᭞ᬫᬓᬵᬤᬶᬲᬵᬫ᭄ᬧᬸᬦᬂᬩᭂᬦ᭄ᬤᬸ᭞ᬭᬶᬂᬧᬋᬓᬦ᭄ᬧᬗ᭄ᬓᬄ᭞ᬦᬵᬗ᭄ᬳᬶᬂᬲᬓᬾᬂᬲᬸᬪᬓ᭄ᬢᬶ᭞ᬘᭀ᭠
ᬓᭀᬭᬶᬤᬾᬯᬜᬬᬗᬂ᭞ᬫᬯᬶᬦᬦ᭄ᬢᬶᬢ᭄ᬬᬂᬫᬵᬫ᭄ᬩᭂᬓ᭄ᬩᭂᬕᬸᬕ᭄᭟ᬲ᭄ᬯᬾᬘ᭄ᬙᬭᬢᬸᬫᭂᬢᬸᬳᬾᬮᬶᬂ᭞ᬤᬾᬯᬾᬓ᭄ᬢᬶᬢ᭄ᬬᬂ᭞ᬗᬶ᭠ᬘ᭄ᬙᬾᬦ᭄ᬲᬸᬭᬵᬢ᭄ᬦᬾᬲᬵᬫ᭄ᬧᬸᬦ᭄᭞ᬫᬤᬕᬶᬂᬧᬶᬢᬸᬢᬸᬭ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬮᬮᬶ᭞ᬭᬶᬂᬓᬯᬶᬢᬾᬧᭂᬘᬓ᭄᭞ᬲᬗ᭄ᬓᬦ᭄ᬧᬭᬦ᭄ᬢᬶᬢ᭄ᬬᬂᬳᬶᬤᬸ᭠
ᬧ᭄᭞ᬩᭀᬬᬧᬘᬂᬮᬾᬫ᭄ᬧᬲ᭄᭞ᬭᬶᬂᬓᬤᬤᬾᬦ᭄ᬢᬸᬗ᭄ᬓᬮᬶᬓ᭄᭞ᬳᬕᭂᬢ᭄ᬮᬘᬸᬃᬲᬸᬓᬵᬤᬸᬓᬵ᭞ᬳᬕᬸᬂᬳᬮᬶᬢ᭄ᬲᬫᬶᬢ᭠ᬦ᭄ᬮᬸᬧᬸᬢ᭄᭟ᬯᬯᬸᬢᬶᬢ᭄ᬬᬂᬫᬢ᭄ᬭᬳᬾᬮᬶᬂ᭞ᬭᬶᬂᬓᬮᬶᬗᬦ᭄᭞ᬧᬦᬗ᭄ᬓᬦ᭄ᬳᬮᬳᬬᬸ᭞ᬲᬶᬧᬢᬶᬂᬢᬸᬫᬸᬯᬸᬄ᭞ᬓᬢᬶᬩᬦᬦ᭄ᬲᭂᬕᭂᬃᬲᬓᬶᬢ᭄᭞ᬳᬸᬭᬶᬧᬾ

[᭑᭒᭔ 124A]
᭑᭒᭔
ᬢᬦ᭄ᬮᬦ᭞ᬧᬸᬦᬃᬪᬵᬯᬫᬢᬶᬳᬶᬤᬸᬧ᭄᭞ᬓᬳᬸᬘᬧ᭄ᬲᬗ᭄ᬲᬭ᭞ᬲᬓᬾᬂᬳᬮᬶᬢ᭄ᬫᬶᬩᬶᬢᬶᬦ᭄᭞ᬫᬵᬦᬹᬢ᭄ᬮᬶᬗᬶᬂᬩᬸᬤ᭄ᬥᬢᬢ᭄ᬯ᭞ᬧᬢᬶᬓᬲᬫᬸᬢ᭄ᬧᬤᬭᬢᬸ᭟ᬲᬬᬦ᭄ᬗᬕᭂᬗᬂᬫᬫᬹᬃᬢ᭄ᬢᬶ᭞ᬭᬶᬂᬰᬭᬶᬭ᭞ᬓᬵᬃᬫ᭄ᬫᬯᬲᬦᬗᬶᬗ᭄ᬕᬸ᭞ᬭᬸᬫᬓᭂᬢᬶᬂᬤᬶᬬᬸᬦ᭄᭞ᬕᬡ᭄ᬥᬦ᭄ᬬᬢᭂᬍᬗᬶᬂᬩᬸᬤ᭄ᬥᬶ᭞ᬯᭂᬢᬸᬭ᭠
ᬚᬄᬢᬫᬄ᭞ᬓᬲᬧᬸᬢᬦ᭄ᬧᭂᬢᭂᬂᬧᬶᬢᬸ᭞ᬮᬮᬶᬭᬶᬂᬰᬰᬡ᭞ᬘᬾᬢᬦᬮᬶᬗᬶᬂᬳᬚᬶ᭞ᬫᬦᭀᬦ᭄ᬲᬚ᭄ᬭᭀᬦᬶᬂᬰᬭᬶᬭ᭞ᬅ᭠ᬘᬾᬢᬦᬓᬤᬤᬾᬦ᭄ᬩᬶᬗᬸᬂ᭟ᬫᬢᭂᬫᬳᬦ᭄ᬢᬦ᭄ᬧᬓᬾᬃᬢ᭄ᬢᬶ᭞ᬢᬸᬦᬬᬰ᭞ᬮᬶᬧ᭄ᬬᬭᬶᬂᬧᬗᬯ᭄ᬭᬸᬄ᭞ᬧᬯᬶᬲᬶᬓ᭄ᬥᬂᬕᬸᬭᬸ᭞ᬧᬢᭂᬫᬸᬦ᭄ᬧᬸᬦᬶᬓᬓᬵᬮᬶᬄ᭞
ᬘᬾᬢᬦᬓᬮᬵᬯᬦ᭄᭞ᬅᬘᬾᬢᬦᬮᬶᬗᬶᬂᬢᬸᬢᬸᬭ᭄᭞ᬯᭂᬢᬸᬲᬃᬯ᭄ᬯᬢᬢ᭄ᬯ᭞ᬧ᭄ᬭᬥᬦᬢᬢ᭄ᬯᬓᬯᬶᬢ᭄᭞ᬓᬮᬵᬯᬦ᭄ᬢ᭄ᬭᬶᬕᬸ᭠ᬡᬢᬢ᭄ᬯ᭞ᬮᬵᬯᬦᬗ᭄ᬓᬭᬢᬢ᭄ᬯᬓᬲᭂᬗ᭄ᬕᬸᬄ᭟ᬮᬦ᭄ᬯᬚᬾᬦ᭄ᬤ᭄ᬭ᭄ᬬᬢᬢ᭄ᬯᬫᬮᬶᬄ᭞ᬭᬶᬂᬓᬮᬵᬯᬦ᭄᭞ᬓᬵᬫᬾᬦ᭄ᬤ᭄ᬭ᭄ᬬᬢᬢ᭄ᬯᬫᬮᬶᬄᬭᬢᬸ᭞ᬧᬸᬦᬶᬓᬲᬤᬸ
ᬮᬸᬭ᭄᭞ᬧᬜ᭄ᬘᬫᬳᬵᬪᬹᬢᬫᬮᬶᬄ᭞ᬦᬾᬗᬤᬓᬂᬢᬢ᭄ᬯ᭞ᬦᭂᬫ᭄ᬦᭂᬫ᭄ᬧᬯᬶᬮᬗᬦᬶᬧᬸᬦ᭄᭞ᬱᬤ᭄ᬭᬶᬧᬸᬭᬶᬗᬗ᭄ᬕ᭞ᬰᬭᬶᬭᬗᬯᬶᬱ᭄ᬬᬦᬶᬦ᭄᭞ᬗᬶᬂᬬᬦ᭄ᬯᭂᬭᬸᬄᬭᬶᬂᬘᬾᬢᬦ᭞ᬮᬫᬓᬦ᭄ᬫᬗ᭄ᬕᬸᬳᬂᬭᬳᬬᬸ᭟ᬘᬾᬢᬦᬲᬗ᭄ᬓᬦ᭄ᬢ᭄ᬭᬶᬰᬓ᭄ᬢᬶ᭞ᬓᬂᬓᬶᬦᬸᬘᬧ᭄᭞ᬧ᭄ᬭᬫᬰᬶᬯᬢ᭄ᬯᬾᬓᬸ᭞᭠ [ 125 ][᭑᭒᭔ 124B]
᭑᭒᭔
ᬮᬵᬯᬦ᭄ᬓᬂᬓᬲᭂᬗ᭄ᬕᬸᬄ᭞ᬲᬤ᭄ᬥᬰᬶᬯᬢᬢ᭄ᬯᬫᬮᬶᬄ᭞ᬮᬦ᭄ᬰᬶᬯᬵᬢ᭄ᬫᬢᬢ᭄ᬯ᭞ᬫᬯᬶᬮᬂᬦᬶᬓᬢᬢᭂᬮᬸ᭞ᬲᬦᬾᬓᬫᬗ᭄ᬕᭂᬳᬂ᭞ᬳ᭠ᬦ᭄ᬢᬸᬓ᭄ᬯᬢᭂᬓ᭄ᬲᬸᬮᬶᬗ᭄ᬕᬶᬄ᭞ᬩᬘᬓᬦ᭄ᬢᬢ᭄ᬯᬵᬤ᭄ᬬᬢ᭄ᬫᬶᬓ᭞ᬧᬗᬸᬗ᭄ᬲᬶᬦᬾᬓᬰᬸᬦ᭄ᬬᬲᬫᬸᬦ᭄᭟ᬯᬘᬦᬦ᭄ᬭᬢᬸᬫᬵᬲ᭄ᬫᬡᬶᬓ᭄᭞ᬩᭀᬬᬲᬶᬫ᭄ᬧᬂ᭞᭠
ᬧᬦᬗ᭄ᬓᬦ᭄ᬳᬕᭂᬢ᭄ᬮᬘᬸᬭ᭄᭞ᬲᬶᬧᬢᬶᬂᬢᬸᬫᬸᬯᬸᬄ᭞ᬩᬶᬮᬶᬄᬰᬵᬲ᭄ᬢ᭄ᬭᬦᬾᬫᬩᬤᬶᬂ᭞ᬲᬸᬭᬵᬢ᭄ᬭᬸᬭᬸᬩ᭄ᬓᬚᬂ᭞ᬩᬸᬭᬶᬘᭂᬓᬓ᭄ᬱᬭᬩᬦ᭄ᬤᬸᬂ᭞ᬧᬕᭂᬦᬳᬦ᭄ᬗᬦ᭄ᬤᬂ᭞ᬤ᭄ᬯᬦᬶᬂᬲᬗ᭄ᬲᬭᬫᬗ᭄ᬓᬶᬦ᭄᭞ᬤᬸᬫᬤᬶᬓᬾᬗᬶᬦ᭄ᬫᬵᬦᬹᬱ᭞ᬰᬵᬲ᭄ᬢ᭄ᬭᬦᬾᬫᬳᬸᬮᬸᬫᬲᬸᬓᬸ᭟ᬢᭀᬂᬜᬦ᭄ᬤᬂᬲᭂᬮ᭄ᬲᭂᬮᬂᬫᬮᬶᬄ᭞ᬩ
ᬬᬢᬶᬢᬄ᭞ᬓᬤᬶᬯᬘᬦᬦ᭄ᬳᬶᬭᬢᬸ᭞ᬧᬗᭂᬦ᭄ᬤᬦᬶᬂᬢᬸᬤᬸᬄ᭞ᬓᬢᬸᬤᬸᬄᬦᬫ᭄ᬧᭂᬤᬂᬕᬦ᭄ᬢᬶ᭞ᬧᬕᬦ᭄ᬢ᭄ᬬᬦ᭄ᬲᬗ᭄ᬲᬭ᭞ᬤ᭄ᬯᬦᬶᬂᬮᬘᬸᬭᬾᬫᬤᬸᬕ᭄ᬤᬸᬕ᭄᭞ᬭᬾᬄᬢᬦ᭄ᬧᬤᬾᬯᬲ᭞ᬍᬓᬤ᭄ᬢᬶᬢ᭄ᬬᬂᬦᬸᬫᬶᬢᬶᬲ᭄᭞ᬓᬮᬶᬦ᭄ᬤᭂᬭᬂᬘᬢᬹᬃᬬᬸᬕ᭞ᬓᬵᬮᬶᬲᬗ᭄ᬳᬭᬲᬗ᭄ᬓᬦ᭄ᬮᭂᬢᬸᬄ᭟ᬢᭀᬂᬲᬶᬤ᭄ᬥ᭠
ᬳᬦ᭄ᬢᬸᬓ᭄ᬫᬓᭂᬮᬶᬤ᭄᭞ᬤᬾᬦᬶᬂᬢᬶᬢᬄ᭞ᬦᭂᬫᭀᬓᬂᬢᬦ᭄ᬭᬳᬬᬸ᭞ᬢᬦ᭄ᬲᬾᬗᭂᬄᬭᬶᬂᬤᬳᬸᬄ᭞ᬓᭀᬘᬧ᭄ᬤᬶᬦᬳᬮᬄᬤᬾᬦᬶᬂ᭞ᬢᬗ᭄ᬕᬮ᭄ᬢᬍᬃᬳᬮᬄ᭞ᬤᬾᬦᬶᬂᬰᬰᬶᬄᬓᭀᬘᬧ᭄ᬭᬢᬸ᭞ᬳᬸᬘᬧᬶᬂᬯᬭᬶᬕ᭞ᬰᬰᬶᬳᬾᬳᬮᬄᬤᬾᬦᬶᬂ᭞ᬤᬳᬸᬄᬧᬦᬮᬶᬓᬦ᭄ᬚᬕᬢ᭄᭞᭠

[᭑᭒᭕ 125A]
᭑᭒᭕
ᬦᬾᬗᬚᬭᬂᬳᬮᬳᬬᬸ᭟ᬪ᭄ᬯᬦᬳᬕᬸᬂᬪ᭄ᬯᬦᬳᬮᬶᬢ᭄᭞ᬚᬢᬶᬢᬸᬗ᭄ᬕᬮ᭄᭞ᬲᬵᬥᬦᬫᬶᬮᬶᬄᬮᬸᬗ᭄ᬕᬸᬄ᭞ᬩᭀᬬᬢᬶᬢ᭄ᬬᬂ᭠ᬢᬫ᭄ᬩᬸᬄ᭞ᬭᬶᬂᬲᬲᬤ᭄ᬬᬧᭀᬮᬶᬄᬮᬶᬗ᭄ᬕᬶᬄ᭞ᬧᭀᬮᬶᬄᬓᬮᬾᬤᬗᬦ᭄᭞ᬧᭂᬘᬓ᭄ᬧᬓᬵᬃᬤ᭄ᬥᬶᬦᬾᬲᬵᬫ᭄ᬧᬸᬦ᭄᭞ᬤᬳᬢ᭄ᬫᬳᭀᬢ᭄ᬢᬫ᭞ᬓᬵᬃᬫ᭄ᬫᬨ
ᬮᬧᬸᬧᭀᬦᬶᬦ᭄᭞ᬤ᭄ᬯᬦᬶᬂᬭᬢᬸᬓᬵᬲ᭄ᬢᬯ᭞ᬭᬶᬂᬲᬚᭂᬩᬕ᭄ᬩᬮᬶᬓᬲᬸᬫ᭄ᬩᬸᬂ᭟ᬩᭀᬬᬲᬓᬶᬂᬫᬧᬶᬭᬶ᭞ᬳᬢᬹᬃᬢᬶᬢ᭄ᬬᬂ᭞ᬫᬓᬵᬤᬶᬩᭀᬬᬗᬚᬸᬫ᭄᭞ᬯᬦ᭄ᬢᬄᬲᬓᬾᬂᬲᬥᬹ᭞ᬫᬦᬄᬢᬶᬢ᭄ᬬᬗᬾᬲᬸᬪᬓ᭄ᬢᬶ᭞ᬫᭂᬓᬸᬮ᭄ᬫᬫᬋᬓᬦ᭄᭞ᬓᬯᬗᬾᬦ᭄ᬢᬶᬢ᭄ᬬᬂᬳᬶᬭᬢᬸ᭞ᬧᬦᭂᬫ᭄ᬩᬳ᭠
ᬦ᭄ᬢᬶᬢ᭄ᬬᬂ᭞ᬯᭂᬓᬲᬦ᭄ᬢᬶᬢ᭄ᬬᬂᬫᬵᬢᬶ᭞ᬤ᭄ᬬᬲ᭄ᬢᬸᬦ᭄ᬧ᭄ᬭᬤᬾᬢᬦ᭄ᬧᬢᭀᬬ᭞ᬲᬹᬓ᭄ᬱᭂᬫᬫᬦᬄᬢᬶᬢ᭄ᬬᬂᬮᬫ᭄ᬧᬸᬲ᭄᭟ᬬᬦ᭄ᬲᬵᬫ᭄ᬧᬸᬦ᭄ᬭᬢᬸᬫᬵᬲ᭄ᬫᬡᬶᬓ᭄᭞ᬫᬫᬗ᭄ᬕᬸᬳᬂ᭞ᬓᬮᬾᬤᬗᬦ᭄ᬓᬧᬸᬗ᭄ᬓᬸᬭ᭄᭞ᬧᬓᬾᬦᬓ᭄ᬭᬶᬂᬓᬬᬸᬦ᭄᭞ᬩᭀᬬᬜᬦ᭄ᬤᬂᬭᬢᬸᬫᬮᬶᬄ᭞ᬫᬗᬾᬮᬶᬗᬂᬢᬶᬢ᭄ᬬᬂ᭞
ᬭᬾᬄᬢᬶᬢ᭄ᬬᬂᬫᬤᬾᬯᬾᬓ᭄ᬳᭂᬦ᭄ᬤᬸᬓ᭄᭞ᬦᬶᬃᬕᬸᬡᬩᭀᬩᭀᬢᬂ᭞ᬢᬶᬢ᭄ᬬᬂᬜᬤ᭄ᬬᬗᬯᬶᬢᬶᬦ᭄᭞ᬤᬸᬫᬤᬶᬓᬾᬗᬶᬦ᭄ᬫᬵᬦᬹ᭠ᬱ᭞ᬤᬸᬫᬤᬓ᭄ᬢᬶᬢ᭄ᬬᬂᬲᬶᬤ᭄ᬥᬫᬗ᭄ᬕᬸᬄ᭟ᬓᬲᬤ᭄ᬬᬦ᭄ᬯᭂᬓᬲ᭄ᬦᬸᬫᬶᬢᬶᬲ᭄᭞ᬫᬰᬭᬶᬭ᭞ᬳᬕᭂᬢ᭄ᬦᬸᬢᬸᬕᬂᬢᬸᬯᬸᬄ᭞ᬫᬗ᭄ᬕᬸᬳᬂᬭᬳᬬᬸ᭞ᬩᭀᬬᬫᬮᬶᬄ [ 126 ][᭑᭒᭕ 125B]
᭑᭒᭕
ᬓᬤᬶᬫᬗ᭄ᬓᬶᬦ᭄᭞ᬲᬢᬢᬦᬫ᭄ᬧᭂᬤᬂ᭞ᬳᬾᬭᬂᬮᬦ᭄ᬲᬓᬶᬢ᭄ᬲᬢᬸᬯᬸᬓ᭄᭞ᬳᬸᬭᬶᬧ᭄ᬢᬦ᭄ᬧᬢᭂᬫᬄ᭞ᬤᭂᬫᭂᬦ᭄ᬳᬶᬤᬸᬧ᭄ᬩᬩᬾᬓᬶ᭞ᬮᬕᬸᬢᬾᬓᬧᬶᬳᬸᬢᬗᬦ᭄᭞ᬭᬶᬂᬲᬂᬗᬤᬓᬂᬳᬶᬩᬳᬶᬤᬸᬧ᭄᭟ᬲ᭄ᬯᬾᬘ᭄ᬙᬳᬶᬭᬢᬸᬦᬾᬫᬗ᭄ᬓᬶᬦ᭄᭞ᬗᬶᬘ᭄ᬙᬾᬦ᭄ᬳᬫ᭄ᬩᬄ᭞ᬢᬶᬢ᭄ᬬᬂᬫᬧᬫᬶᬢ᭄ᬮᬫ᭄ᬧᬸᬲ᭄᭞ᬦᬫ᭄ᬩᬾ
ᬦᬶᬦ᭄ᬢᬸᬫᬸᬯᬸᬄ᭞ᬲᬵᬫ᭄ᬧᬸᬦ᭄ᬭᬢᬸᬳᬾᬮᬶᬂᬳᬾᬮᬶᬂ᭞ᬭᬶᬂᬢᬶᬢ᭄ᬬᬂᬫᬫᬦᬄ᭞ᬗᬸᬫ᭄ᬩᬭᬲᬮᬓᬸᬮᬓᬸ᭞ᬢᭀᬂᬜᬦ᭄ᬤᬂᬓᭀᬩᭂᬢᬂ᭞᭠ᬭᬾᬄᬲᬵᬫ᭄ᬧᬸᬦ᭄ᬫᬤ᭄ᬯᬾᬓᬦ᭄ᬢᬶ᭞ᬳᬶᬧᬸᬦ᭄ᬳᬶᬮᬭᬮᬦ᭄ᬯᬶᬭᬂ᭞ᬚᭂᬫᭂᬢ᭄ᬧᬘᬂᬜᬋᬗᬶᬦ᭄ᬦᬸᬢᬸᬕ᭄᭟ᬦᬧᬶᬳᬗᭂᬦ᭄ᬢᬶᬢ᭄ᬬᬂᬳᬸᬭᬶᬧ᭄᭞ᬦᬦ᭄ᬤᬂᬮᬭ᭞ᬫᬯᬲ᭄ᬢᬸᬢᬶᬢ᭄ᬬᬂ
ᬩᬶᬗᬸᬂ᭞ᬫᬩᬸᬤ᭄ᬥᬶᬗᬮᬮᬸ᭞ᬓᭂᬩᬸᬲ᭄ᬩᬭᬦᬦ᭄ᬤᬂᬲᭂᬤᬶᬄ᭞ᬲᬢᬢᬤᬸᬄᬓᬶᬢ᭞ᬢᬶᬢ᭄ᬬᬂᬫᬧᬫᬶᬢ᭄ᬓᬕᬸᬦᬸᬂ᭞ᬜᬫᬶᬸᬮᬶᬫᬸᬭᬂᬫᬦᬄ᭞ᬫᭂᬤᭂᬓ᭄ᬭᬶᬂᬳᬦᬓ᭄ᬮᬶᬗ᭄ᬲᬶᬭ᭄᭞ᬳᬶᬫᬾᬫᬾᬓᬵᬮᬶᬄᬳᬶᬩᬧ᭞ᬗᬸᬦᬶᬗ᭄ᬳᬬᬂᬫᬦᬳᬾᬳᬶᬩᬸᬓ᭄᭟ᬤᬾᬦᬶᬂᬤᬦᬾᬧᭂᬘᬓ᭄ᬗᬃᬤ᭄ᬥᬶ᭞ᬤᬾᬯᬾᬓ᭄ᬢᬶᬢ᭄ᬬᬂ᭞᭠
ᬳᬮᬓᬵᬮᬵᬯᬦ᭄ᬳᬬᬸ᭞ᬧᬵᬢᬹᬢ᭄ᬢᬶᬢ᭄ᬬᬂᬫᬵᬢᬹᬃ᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬲᬶᬲᬶᬧ᭄᭞ᬫᬫᬸᬭᬸᬕ᭄ᬰᬰᬡ᭞ᬢᬦ᭄ᬳᬸᬦᬶᬂᬭᬶᬂᬳᬶᬯᬂᬧᬵᬢᬹ᭠ᬢ᭄᭞ᬫᬤᬓ᭄ᬤᬦᬾᬲ᭄ᬯᬾᬘ᭄ᬙ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬧᬯᬶᬲᬶᬓ᭄᭞ᬮᬫᬓᬦ᭄ᬢᬶᬢ᭄ᬬᬂᬓᬯᭂᬓᬲ᭄᭞ᬫᬗ᭄ᬕᬸᬳᬂᬲᬤ᭄ᬬᬮᬦ᭄ᬭᬳᬬᬸ᭟ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬢᬶᬢ᭄ᬬᬂᬮᬮᬶ᭞ᬓ

[᭑᭒᭖ 126A]
᭑᭒᭖
ᬲ᭄ᬯᬾᬘ᭄ᬙᬦᬦ᭄᭞ᬭᬢᬸᬗᬶᬘ᭄ᬙᬾᬦ᭄ᬧᬫᬬᬸᬄ᭞ᬤᬯᭂᬕ᭄ᬢᬶᬢ᭄ᬬᬂᬧᬸᬭᬸᬄ᭞ᬢᬶᬩᬲ᭄ᬭᬦᬤᬳᬢ᭄ᬧᬶᬗᬶᬢ᭄᭞ᬫᬧᬶᬘ᭄ᬙᬍᬓᭂᬲᬦ᭄᭞ᬲᬫᬵ᭠ᬮᬧᬢᬓᬍᬩᬸᬭ᭄᭞ᬲᬓ᭄ᬱᬡᬮᬶᬦᬸᬓᬢ᭄᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬳᬸᬭᬶᬧ᭄᭞ᬲᭂᬕᭂᬃᬳᭀᬕᭂᬃᬚᬢᬶᬫᬸᬮ᭞ᬓᬫᬺᬢ᭄ᬣᬦᬦ᭄ᬫᬦᬳᬾᬤᬬᬸᬄ᭟ᬦᬧᬶ
ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬦᬯᬭᬦ᭄᭞ᬦᬯᬸᬃᬲ᭄ᬯᬾᬘ᭄ᬙᬦ᭄ᬳᬶᬭᬢᬸ᭞ᬦᬸᬮᬸᬂᬚᬤ᭄ᬫᬮᬘᬸᬭ᭄᭞ᬓᬧᬶᬳᬸᬢᬗᬦ᭄ᬳᭀᬮᬲᬲᬶᬄ᭞ᬬᬦ᭄ᬧᬶᬦ᭄ᬤᬦᬶᬂᬯᭂᬦᬂ᭞ᬧᬶᬲᬦ᭄ᬓᬦ᭄ᬤᬶᬓᬬᬂᬗᬫᬹᬓ᭄᭞ᬜᬤ᭄ᬬᬫᬢᭂᬮᬲᬦ᭄᭞ᬧ᭄ᬭᬫᬲᬢ᭄ᬬᬦᬶᬦ᭄ᬤᬶᬳᬶᬦ᭄᭞ᬧᬾᬢ᭄ᬯᬾᬦ᭄ᬢᭂᬦ᭄ᬳᬦᬓ᭄ᬧ᭄ᬭᬲᬗ᭄ᬕ᭞ᬭᬶᬂᬳᬶᬭᬢᬸ᭠
ᬫᬕᬢᬶᬰᬢ᭄ᬭᬸ᭟ᬩᬗ᭄ᬕᬬᬂᬢᬶᬢ᭄ᬬᬂᬗᭂᬫᬲᬶᬦ᭄᭞ᬓᬢᬸᬫ᭄ᬩᬓᬦ᭄᭞ᬤᭀᬄᬧᬭᬢᬶᬢ᭄ᬬᬂᬫᬸᬭᬸᬤ᭄᭞ᬫᬾᬮᬦᬶᬦ᭄ᬳᬶᬭᬢᬸ᭞ᬜᬦ᭄ᬢᭂᬦᬂᬤᬺᬤ᭄ᬥᬲᬸᬪᬓ᭄ᬢᬶ᭞ᬬᬤ᭄ᬬᬲ᭄ᬢᬸᬦ᭄ᬗᭂᬭᬜ᭄ᬚᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬦᬦ᭄ᬤᬂᬢᬢᬸ᭞ᬮᬲ᭄ᬬᬭᬢᬸᬢᬶᬢ᭄ᬬᬂ᭞ᬗᭂᬢᭀᬳᬂᬧᬢᬶᬳᬸᬭᬶᬧ᭄᭞ᬭᬢᬸᬯᭂᬦᬂᬗᬯᬶ᭠
ᬯᭂᬦᬂ᭞ᬲᬹᬓ᭄ᬱᭂᬫᬫᬦᬄᬢᬶᬢ᭄ᬬᬂᬮᬫ᭄ᬧᬸᬲ᭄᭟ᬩᬶᬮᬶᬄᬢᬶᬢ᭄ᬬᬂᬓᬦ᭄ᬢᬸᬦ᭄ᬳᬸᬭᬶᬧ᭄᭞ᬫᬫᬋᬓᬦ᭄᭞ᬜᬤ᭄ᬬᬯᬦ᭄ᬢᬄᬫᬫᭂᬓᬸᬮ᭄᭞ᬩᬸᬓ᭄ᬧᬤᬦ᭄ᬳᬶᬭᬢᬸ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬲᬗᬸᬦ᭄ᬳᬸᬭᬶᬧ᭄᭞ᬫᬤᬓ᭄ᬓᬮᬾᬤᬗᬦ᭄᭞ᬜᬶᬦᬫ᭄ᬧᬸᬭᬢᬶᬢ᭄ᬬᬂᬩᭂᬕᬸᬕ᭄᭞ᬧᬋᬓᬦ᭄ᬤᬹᬃᬰᬶᬮ᭞ᬢ᭠ [ 127 ][᭑᭒᭖ 126B]
᭑᭒᭖
ᬫ᭄ᬩᭂᬢ᭄ᬢᬶᬢ᭄ᬬᬂᬢᬦ᭄ᬓᬤᬶ᭞ᬳᬾᬮᬶᬂᬭᬶᬂᬫᬤᬾᬯᬾᬓ᭄ᬲᬬᬂ᭞ᬧ᭄ᬭᬲᬗ᭄ᬕᬧᬸᬭᬸᬦ᭄ᬗᬤᬸᬕᬤᬸᬕ᭄᭟ᬮᬲ᭄ᬫᬦᬄᬢᬶᬢ᭄ᬬᬂᬫᬧᬫᬶᬢ᭄᭞ᬦᬶᬗ᭄ᬕᬮ᭄ᬤᬾᬰ᭞ᬤᬸᬫᬤᬓ᭄ᬲᬶᬤ᭄ᬥᬮᬶᬧᬸᬭ᭄᭞ᬫᬦᬄᬢᬶᬢ᭄ᬬᬂᬳᬶᬩᬸᬓ᭄᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬓᭂᬮᬶᬄ᭞ᬤᬸᬭᬸᬂᬦᬳᭂᬦ᭄ᬧᬶᬲᬦ᭄᭞ᬢᬶᬢ᭄ᬬᬂᬦᬶᬜ᭄ᬚᭀᬬᬬᬄ
ᬇᬩᬸ᭞ᬭᬶᬂᬕᬸᬦᬸᬂᬫᬢᬧ᭞ᬓᬤᬶᬢᬦ᭄ᬓᬸᬫᬭᬶᬲᬶᬦ᭄᭞ᬫᬾᬄᬤᬦᬾᬫᭂᬗ᭄ᬕᬄᬧᬶᬤᬸᬓ᭞ᬳᬚ᭄ᬭᬶᬄᬢᬶᬢ᭄ᬬᬂᬧᬘᬂᬓᬧᬲ᭄ᬢᬸ᭟ᬧᬸᬦᬶᬓᬤ᭄ᬯᬦᬶᬂᬫᬧᬫᬶᬢ᭄᭞ᬦᬸᬦᬲ᭄ᬮᬸᬕ᭄ᬭ᭞ᬩᭀᬬᬲᬓᬾᬂᬗᬮᬮᬸ᭞ᬫᬤᬓ᭄ᬓᬧᬓᬬᬸᬦ᭄᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬭᬶᬂᬲᬂᬗᬃᬤ᭄ᬥᬶ᭞ᬳᬾᬮᬶᬂᬭᬶᬂᬓᬯᬶᬢᬦ᭄᭞ᬲᬗ᭄ᬓᬦ᭄ᬢᬶ
ᬢ᭄ᬬᬂᬯᬾᬦ᭄ᬢᭂᬦ᭄ᬢᬸᬫ᭄ᬩᬸᬄ᭞ᬤᬕᬶᬂᬫᬦᬯᭂᬕᬂ᭞ᬢᬶᬢ᭄ᬬᬂᬧᬘᬂᬫᬫᬵᬃᬕ᭄ᬕᬶ᭞ᬫᬧᬫᬶᬢ᭄ᬲᬓᬾᬂᬧᬤᬸᬓ᭄ᬯᬦ᭄᭞ᬭᬸᬫᬲᬢ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬮ᭠ᬫ᭄ᬧᬸᬲ᭄᭟ᬓᬾᬯᬦ᭄ᬢᭂᬦ᭄ᬲᬫ᭄ᬧᬸᬦᬂᬳᬸᬕᬶ᭞ᬲᬮᬶᬢ᭄ᬳᬃᬱ᭞ᬫᬓᬵᬤᬶᬩᬗᭂᬢ᭄ᬩᭂᬦ᭄ᬤᬸ᭞ᬭᬶᬂᬧᬋᬓᬦ᭄ᬧᭂᬗ᭄ᬓᬸᬂ᭞ᬫᬗ᭄ᬤᬮᬲ᭄ᬬᬭᬶᬂᬧᬫᬵᬃᬕ᭄ᬕᬶ᭞ᬜᬸᬲᬸᬧ᭄ᬕᬸᬦᬸᬂᬳᬮ᭠
ᬲ᭄᭞ᬫᬤᬹᬃᬕ᭄ᬕᬫᬚᬸᬭᬂᬧᬗ᭄ᬓᬸᬂ᭞ᬫᬸᬭᬂᬫᬸᬭᬂᬮᬫ᭄ᬧᬄ᭞ᬭᬸᬫᬲᬢ᭄ᬗᬶᬘ᭄ᬙᬾᬦ᭄ᬲᬸᬦ᭄ᬤᬶᬄ᭞ᬓᬬᬸᬦ᭄ᬳᬶᬭᬢᬸᬦᬾᬮᬾᬤᬂ᭞ᬫᬗ᭄ᬤᬾᬄᬢᬶᬢ᭄ᬬᬂ᭠ᬧᬘᬂᬓᬢᬜ᭄ᬚᬸᬂ᭟ᬩᬶᬮᬶᬄᬢᬦ᭄ᬫᬢᬸᬮᬓ᭄ᬫᬮᬶᬄ᭞ᬭᬢᬸᬢᬶᬢ᭄ᬬᬂ᭞ᬲᬶᬦᬗ᭄ᬓᬯᭀᬦ᭄ᬭᬶᬂᬕᬸᬦᬸᬂ᭞ᬯᬲ᭄ᬢᬸᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬲᬃᬯ᭄ᬯᬕᬮᬓ᭄ᬗᬧᬾᬢ᭄ᬧᬢᬶ᭞

[᭑᭒᭗ 127A]
᭑᭒᭗
ᬭᬸᬫᬲᬢ᭄ᬓᬲᬸᬧᬢ᭄᭞ᬦᬧᬶᬳᬗᭂᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬫᭀᬦ᭄ᬘᭀᬓᭀᬭᬶᬤᬾᬯ᭞ᬧᭀᬮᬶᬄᬮᬶᬗ᭄ᬕᬶᬄᬦᬾᬩᭂᬘᬶᬓ᭄᭞ᬍ᭠ᬕᬲᬵᬫ᭄ᬧᬸᬦ᭄ᬫᬦᬄᬢᬶᬢ᭄ᬬᬂ᭞ᬗᭂᬢᭀᬦ᭄ᬭᬢᬸᬮᬾᬤᬂᬲᬢᬸᬯᬸᬓ᭄᭟ᬓᬗ᭄ᬓᬢ᭄ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬤᬸᬭᬘᬭ᭞ᬧᬸᬭᬸᬦ᭄ᬗᬸᬮ᭄ᬕᬸᬮ᭄ᬳᬶᬭᬢᬸ᭞ᬚᬤ᭄ᬫᬢ
ᬫ᭄ᬩᭂᬢ᭄ᬧᭂᬗ᭄ᬓᬸᬂ᭞ᬧ᭄ᬭᬲᬗ᭄ᬕᬧᬸᬭᬸᬦ᭄ᬗᭂᬩᬸᬓᬶᬦ᭄᭞ᬘᭀᬓᭀᬭᬾᬦᬶᬃᬫᬵᬮ᭞ᬳᬾᬫᬦ᭄ᬧᬘᬂᬓᭂᬦᬶᬳᭂᬦ᭄ᬤᬸᬢ᭄᭞ᬦᬾᬢᭂᬗᭂᬢᬂᬢᬶᬢ᭄ᬬᬂ᭞ᬲᬂᬓᬤᬶᬕᬶᬭᬶᬧᬸᬢ᭄ᬭᬶ᭞ᬗᬫᬺᬢ᭄ᬣᬦᬶᬦ᭄ᬳᬸᬭᬶᬧ᭄ᬢᬶᬢ᭄ᬬᬂ᭞ᬩᭀᬬᬲᬯᭀᬲ᭄ᬯᬦ᭄ᬢᬄᬳᬶᬭᬢᬸ᭟ᬧᬸᬧᬸᬢ᭄ᬓᬤᬶᬦᬶᬓᬫᬗ᭄ᬓᬶᬦ᭄᭞ᬳᬢᬹᬃᬢᬶᬢ᭄ᬬᬂ᭞ᬮᬾᬤᬗᬂ
ᬳᬸᬕᬶᬭᬢᬸ᭞ᬳᬦ᭄ᬢᬸᬓ᭄ᬲᬸᬭᬵᬢ᭄ᬫᬢᬹᬃ᭞ᬢᬶᬢ᭄ᬬᬂᬦ᭄ᬤᬯᭂᬕᬂᬫᬧᬫᬶᬢ᭄᭞ᬫᬤᬓ᭄ᬭᬢᬸᬓᬾᬦᬓ᭄᭞ᬫᬦ᭄ᬢᬸᬓ᭄ᬫᬭᬶᬂᬧᬸᬭᬶᬳᬕᬸᬂ᭞ᬯᬲ᭄ᬢᬸᬧᬜ᭄ᬚᬂᬬᬸᬱ᭞ᬓᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬶᬤ᭄ᬥᬶ᭞ᬮᬸᬧᬸᬢᬶᬂᬮᬭᬯᬶᬖᭂᬦ᭞ᬒᬁᬤᬶᬃᬖ᭄ᬕᬵᬬᬸᬭᬲ᭄ᬢᬸᬢᬢᬲ᭄ᬢᬸ᭟᭜᭟ᬲ᭄ᬫᬭᬦ᭄ᬥᬦ᭟᭜᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬭᬵᬚᬧᬸᬢ᭄ᬭᬶ᭞ᬗᬯ
ᬘᬾᬦ᭄ᬲᬸᬭᬵᬢ᭄ᬓᬵᬫᬚᬬ᭞ᬲᬓ᭄ᬱᬡᬮᬾᬮᭀᬫᬘᭂᬧᭀᬮ᭄᭞ᬋᬩᬄᬢᬦᬾᬮᬶᬂᬭᬶᬂᬭᬕ᭞ᬧᭂᬢᭂᬂᬭᬱᬦᬶᬂᬢᬸᬯᬲ᭄᭞ᬚᬚᭂᬭᭀᬦ᭄ᬫᬭᬱᬧᬸᬯᬸᬦ᭄᭞ᬓᭂᬩᬸᬲ᭄ᬩᬭᬓᬤᬶᬮᬩ᭄ᬮᬩ᭄᭟ᬳᬸᬮᬸᬦᬃᬱᬕᭂᬲᭃᬂᬩᬲ᭄ᬫᬶ᭞ᬧ᭄ᬭᬫᬡᬭᬱᬫᬮᬾᬘ᭄ᬙ᭞ᬫᬘᬧ᭄ᬘᬧ᭄ᬢᭀᬬᬦ᭄ᬧᬦᭀ᭠ [ 128 ][᭑᭒᭗ 127B]
᭑᭒᭗
ᬦᬾ᭞ᬢᬦ᭄ᬧᬾᬦ᭄ᬤᬄᬩ᭄ᬮᬩᬹᬃᬓᬢᬶᬕ᭞ᬳᭀᬲᭂᬓ᭄ᬲᬚ᭄ᬭᭀᬦᬶᬂᬘᬶᬢ᭄ᬢ᭞ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬳᬶᬤᬓᬦ᭄ᬢᬸ᭞ᬓᬭᬳᬢᬦ᭄ᬦᬦ᭄ᬤᬂᬮᬭ᭟ᬢᬦ᭄ᬤᬂᬩᭂᬘᬶᬓ᭄ᬲᭂᬤᭂᬓ᭄ᬲᭂᬧᬶ᭞ᬫᬭᬶᬂᬕᭂᬤᭀᬗᬦ᭄ᬗᬭᬕ᭞ᬭᬶᬓᬵᬮᬳᬶᬤᬫᬫᬯᭀᬲ᭄᭞ᬲᬤᬕᬶᬂᬲᬾᬯᬮᬧᬢ᭄ᬭ᭞ᬳᬢᬸᬭᬶᬧᬸᬦ᭄ᬓᬵᬫᬚᬬ᭞ᬲᬫᬶᬲᬵᬫ᭄ᬧᬸᬦ᭄ᬓ᭠
ᬧᬓᬬᬸᬦ᭄᭞ᬳᬬᬢ᭄ᬧᬘᬂᬦᬶᬗ᭄ᬕᬮ᭄ᬤᬾᬰ᭟ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬧᬗᬯᬾᬱᬤ᭄ᬮᬭᬯᬶᬭᬂ᭞ᬗᬮᬮᬸᬧᬢᬶᬓᬩᬯᭀᬲ᭄᭞ᬓᬲᬸᬲᬸᬧᬦ᭄ᬧᬜ᭄ᬘᭀᬦ᭄ᬤ᭄ᬭᬶᬬ᭞ᬳᬫᬸᬭᬂᬫᬸᬭᬂᬮᬫ᭄ᬧᬄ᭞ᬭᬸᬫᬓᭂᬢᬶᬂᬳᬲᬶᬄᬮᬸᬮᬸᬢ᭄᭞ᬓᬩᬦ᭄ᬤᬳᬦ᭄ᬢᬸᬓ᭄ᬤᬸᬄᬓᬶᬢ᭟ᬫᬢᭂᬫᬳᬦ᭄ᬲᭂᬤᬶᬄᬓᬶᬗ᭄ᬓᬶᬂ᭞ᬲ
ᬓᬶᬢ᭄ᬳᬢᬶᬲᬮᬄᬳᬸᬮᬢ᭄᭞ᬩᬶᬗᬸᬂᬧᬮᬶᬂᬧᬧᬶᬦᭂᬳᬾ᭞ᬦᬕᬶᬄᬗᬮᬫ᭄ᬧᬸᬲᬂᬳᬶᬩ᭞ᬢᭀᬂᬲᬶᬤ᭄ᬥᬩᬦ᭄ᬫᬸᬃᬡ᭄ᬦᬬᬂ᭞ᬗᬮᬮᬸᬮᬓᬃᬓᬕᬸᬦᬸᬂ᭞ᬮᬮᬶᬲ᭄ᬲᬚᬢᭀᬂᬗᬶᬗᭂᬢᬂ᭟ᬓᬧᬶᬢᬺᬱ᭄ᬡᬵᬦ᭄ᬩ᭄ᬭᬬᬯᬃᬕ᭄ᬕᬶ᭞ᬢ᭄ᬯᬭᬫᭀᬩᭀᬢᬂᬓᬲᬸᬓᬵᬦ᭄᭞ᬢᭂᬓᬗᬫ᭄ᬩ᭄ᬭᭀᬲ᭄ᬳᬸᬮᬄᬩᭂᬤᭀᬲ᭄᭞ᬜᭂ
ᬗ᭄ᬕᬸᬳᬂᬢᭀᬂᬳᬤᬢᬺᬱ᭄ᬡᬵ᭞ᬓᬤᬸᬂᬲᬮᬄᬢᬫ᭄ᬧᬾᬦᬦ᭄᭞ᬤᬭᬂᬤᬾᬭᬾᬂᬲᬸᬩᬗᬫ᭄ᬩᬸᬮ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭟ᬓᬗᭂ᭠ᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬫᬶᬋᬂᬳᬢᬹᬃᬓᬵᬫᬚᬬ᭞ᬓᬤᬶᬫᬸᬗ᭄ᬕᬄᬭᬶᬂᬲᬸᬭᬵᬢᬾ᭞ᬜᭂᬮ᭄ᬲᭂᬮᬂᬳᬯᬓ᭄ᬢᬦ᭄ᬧᭀᬭᬢ᭄᭞ᬭᬵᬚᬧᬸᬢ᭄ᬭᬶᬓᬾᬫᭂᬗᬦ᭄᭞ᬜᭂ

[᭑᭒᭘ 128A]
᭑᭒᭘
ᬮ᭄ᬲᭂᬮ᭄ᬭᬕᬫᭂᬭᬄᬫᭂᬭᬸᬄ᭞ᬤᭀᬂᬗᬸᬤᬗᬶᬭᬶᬫᬂᬲᬸᬭᬵᬢ᭄᭟ᬫᬯᬦᬦ᭄‌ᬬᬲᬓᬶᬢ᭄ᬳᬢᬶ᭞ᬤᬾᬯᬾᬓᬾᬲᬚᬫᬓᬤ᭞ᬧᬾᬢ᭄ᬧᬬᬸᬗᬫ᭄ᬩᬸᬮ᭄ᬧ᭄ᬭᬤᬾᬦᬾ᭞ᬓᬾᬦ᭄ᬓᬾᬦ᭄ᬩᬦ᭄ᬚᬦᬶᬗᭂᬦᭂᬳᬂ᭞ᬮᬫᬓᬦ᭄ᬲᬶᬤ᭄ᬥᬧᬹᬃᬡ᭄ᬦ᭞ᬓᬵᬫᬚᬬᬢ᭄ᬯᬭᬧᬬᬸ᭞ᬫᬕᭂᬤᬶᬓᬕᬸᬦᬸᬂᬗᬸᬫ᭄ᬩᬂ᭟ᬫᬶᬭᬶᬩ᭄ᬲᬓᬾᬂᬲᬮᬄ
ᬢᬫ᭄ᬧᬶ᭞ᬓᬵᬫᬚᬬᬦᬫ᭄ᬧᬶᬲᬸᬭᬵᬢ᭄᭞ᬜᭂᬗ᭄ᬕᬸᬳᬂᬤᬾᬯᬾᬓᬾᬩᭂᬮᭀᬕ᭄᭞ᬲᬓᬾᬂᬧᭀᬗᬄᬓᬤᬮᬶᬳᬂ᭞ᬢᭀᬂᬗᭂᬮᬄᬧᬗ᭄ᬮᭀᬓᬶᬓ᭞ᬫᬩᭂᬢ᭄ᬭᬶᬭᬶᬄᬫᬧᬶᬢᬸᬢᬸᬭ᭄᭞ᬓᬧᬲᬶᬄᬗᭂᬦ᭄ᬢᬸᬗᬂᬳᬸᬬᬄ᭟ᬓᬢᬓᭂᬩᭂᬜᬜᬸᬕ᭄ᬚᬸᬕᬶᬦ᭄᭞ᬯᬲ᭄ᬢᬸᬓᬵᬫᬚᬬᬚᭂᬗᬄ᭞ᬭᬵᬚᬧᬸᬢ᭄ᬭᬶᬦ᭠
ᬦᭂᬂᬩᭂᬗᭀᬂ᭞ᬓᬶᬲᬶᬓ᭄ᬓᬶᬲᬶᬓ᭄ᬗᬫ᭄ᬩᬶᬮ᭄ᬮᭀᬦ᭄ᬢᬃ᭞ᬦᬸᬮᬶᬫᬓᬵᬃᬬ᭄ᬬᬲᬸᬭᬵᬢ᭄᭞ᬧᬫᬍᬲ᭄ᬧᬫᭂᬢᭂᬂᬓᬬᬸᬦ᭄᭞ᬓᬢᬶᬩᬭᬶᬂᬓᬵᬫᬚᬬ᭟ᬢᬦᬸᬘᬧᬦ᭄ᬭᬵᬚᬧᬸᬢ᭄ᬭᬶ᭞ᬲᭂᬤᭂᬓ᭄ᬳᬶᬢᭂᬄᬳᬶᬤᬜᬸᬭᬵᬢ᭄᭞ᬲᬂᬓᬮᬶᬄᬳᬸᬘᬧᬂᬫᬗ᭄ᬓᭀ᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬓᬢᬸᬗ᭄ᬓᬸᬮ᭄ᬭᬶᬂᬧᭀᬦ᭄ᬤᭀᬓ
ᬦ᭄᭞ᬦᬫ᭄ᬢᬫᬶᬦᬶᬥᭂᬧᬸᬮᬗᬸᬦ᭄᭞ᬲᭂᬤᭂᬓ᭄ᬗᬶᬮᬩ᭄ᬓᬵᬫᬚᬬ᭟ᬚᬦ᭄ᬢᭀᬲ᭄ᬲᬸᬭᬸᬧ᭄ᬲᬗ᭄ᬳ᭄ᬬᬂᬭᬯᬶ᭞ᬯᬯᬸᬫᬦ᭄ᬢᬸᬓ᭄ᬓᬧᬤᬸᬓ᭄ᬯᬦ᭄᭞ᬓᬤᬸᬓ᭄ᬓᬮᬗᭂᬦᬶᬥᭂᬧᬾ᭞ᬜᭂᬧᬸᬓᬂᬘᬸᬫ᭄ᬩ᭄ᬯᬦᬭᬱ᭞ᬢᬦᬾᬮᬶᬂᬭᬶᬂᬕᬕᬫᬦ᭄᭞ᬮᬾᬫ᭄ᬧᭀᬃᬭᬱᬢᬦ᭄ᬧᬩᬬᬸ᭞ᬓᬕᬶᬬᬢ᭄ᬳᬶᬧᬸᬦ᭄ᬗᬦ᭄ᬢᭂᬦᬂ᭟ᬮᬯᬂᬓᬦ᭄ᬢᬸᬦ᭄ᬫᬓ᭠ [ 129 ][᭑᭒᭘ 128B]
᭑᭒᭘
ᬜ᭄ᬘᬶᬂ᭞ᬭᬵᬚᬧᬸᬢ᭄ᬭᬶᬭᬶᬂᬕᭂᬤᭀᬗᬦ᭄᭞ᬗᬭᬕᬳᬶᬦᬩ᭄ᬓᬍᬲᭀᬦ᭄᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬜ᭄ᬚ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬫᭂᬤᬮ᭄᭞ᬓᬧᬃᬡ᭄ᬦᬤᬾᬭᬾᬂᬫᬯᬸᬗᬸ᭞ᬦᬸᬮᬶᬳᬶᬧᬸᬦ᭄ᬦᭀᬕ᭄ᬢᭀᬕ᭄‌ᬮᬯᬂ᭟ᬳᬢᬸᬭᬾᬭᬢᬸᬫᬢᬗᬶ᭞ᬗᬶᬭᬶᬂᬓᬾᬮᬸᬗ᭄ᬳᬫᬲᬶᬭᬫ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬲᬦ᭄ᬤᬾᬓᬯᭀ
ᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬭᬢᬸᬲᬸᬗ᭄ᬓᬦ᭄᭞ᬍᬍᬄᬢᬶᬢ᭄ᬬᬂᬜᬦ᭄ᬢᭀᬲᬂ᭞ᬢᬍᬃᬫᭂᬦᭂᬂᬢᬦ᭄ᬧᬲᬳᬸᬭ᭄᭞ᬭᬵᬚᬧᬸᬢ᭄ᬭᬶᬓᬦ᭄ᬢᬸᬦ᭄ᬜᬸᬭᬵᬢ᭄᭟ᬲᬗ᭄ᬲᬬᬫᬦᬄᬲᬂᬓᬵᬮᬶᬄ᭞ᬯᬶᬭᬾᬄᬧᬶᬂᬓᬵᬮᬶᬄᬧᬶᬂᬢᬶᬕ᭞ᬲᬵᬫ᭄ᬧᬸᬦ᭄ᬓᬢᭀᬕ᭄ᬢᭀᬕ᭄ᬮᬯᬗᬾ᭞ᬢᬍᬃᬳᬶᬤᬤᬸᬭᬸᬂᬫᭂᬤᬮ᭄᭞ᬜᭀᬫᬦ᭄ᬲᬭᬶᬗᬢᬩ᭄ᬢᬩ᭄᭞
ᬳᬾᬜ᭄ᬘᭀᬂᬢᬸᬫᬸᬮᬶᬫᬘᭂᬩᬸᬭ᭄᭞ᬗᬢᬾᬧ᭄ᬮᬓ᭄ᬲᬤᬫᬚᬮᬦ᭄᭟ᬫᭂᬤᭂᬓ᭄ᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬗᬸᬦᬶᬗ᭄ᬳᬬᬂᬲᬧᬭᬶᬧᭀᬮᬄ᭞ᬭᬵᬚᬧᬸᬢ᭄ᬭᬶᬫᬭᬶᬂᬕᭂᬤᭀᬂ᭞ᬦᬾᬦ᭄ᬢᭂᬦ᭄ᬓᬬᬸᬦ᭄ᬓᬬᬸᬦ᭄ᬫᭂᬤᬮ᭄᭞ᬫᬦᬯᬶᬳᬶᬤᬲᬸᬗ᭄ᬓᬦ᭄᭞ᬲᬂᬓᬵᬢᬸᬭᬦ᭄ᬳᬕᬾᬢᭂᬤᬸᬦ᭄᭞ᬗᬤᬾᬩ᭄ᬭᬲ᭄ᬳᬶᬚᬸᬫᬫᬵᬃᬕ᭄ᬕ᭟ᬲ᭠
ᬓ᭄ᬱᬡᬤᬦᬾᬢᬸᬫᬸᬮᬶ᭞ᬫᬢᬶᬓᬲᬦ᭄ᬦᭀᬕ᭄ᬢᭀᬕ᭄ᬮᬯᬂ᭞ᬲᬤᬕᬕᬢᬾᬦ᭄ᬳᬢᬸᬭᬾ᭞ᬤᬸᬭᬸᬲᬂᬳᬶᬭᬢᬸᬫᭂᬤᬮ᭄᭞ᬤᭀᬂᬓᬸ᭠ᬤᬲᬸᬭᬸᬧ᭄ᬲᬹᬃᬬ᭄ᬬ᭞ᬳᬶᬭᬢᬸᬍᬍᬧᬢᬸᬭᬸ᭞ᬚᬦ᭄ᬢᭀᬲ᭄ᬮᬮᬶᬭᬶᬂᬫᬲᬶᬭᬫ᭄᭟ᬲᬾᬗᭂᬄᬳᬶᬤᬭᬵᬚᬧᬸᬢ᭄ᬭᬶ᭞ᬫᬭᬵᬃᬬ᭄ᬬᬦ᭄ᬫᬓᬵᬃᬬ᭄ᬬᬲᬸᬭᬵᬢ᭄᭞ᬢᬹᬃᬓ

[᭑᭒᭙ 129A]
᭑᭒᭙
ᬓᭂᬩᬂᬭᬶᬂᬳᬧᬤᬾ᭞ᬯᬯᬸᬳᬶᬤᬗᬸᬗ᭄ᬓᬩ᭄ᬮᬯᬂ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬗᭂᬮᬶᬲᬂ᭞ᬗᬭᬜ᭄ᬚᬶᬂᬗᬢᬩ᭄ᬢᬩ᭄ᬫᬵᬢᬸᬭ᭄᭞ᬫᬦᬯᬶᬳᬶᬭᬢᬸᬲᬸᬗ᭄ᬓᬦ᭄᭟ᬤᭀᬂᬗᬸᬤᬯᬯᬸᬫᬢᬗᬶ᭞ᬭᬵᬚᬧᬸᬢ᭄ᬭᬶᬳᬮᭀᬦ᭄ᬦᬶᬫ᭄ᬩᬮ᭄᭞ᬦᬶᬦᬶᬢᬶᬬᬂᬫᬭᬱᬯᭀᬦ᭄᭞ᬩᬦ᭄ᬫᬕᬤᬂᬳᬶᬩᬶᬲᬜ᭄ᬚ᭞ᬫᬩᬮᬶᬄᬘᬮᭀᬦᬭᬂ᭞
ᬤᬸᬓᬸᬄᬳᬶᬲ᭄ᬢ᭄ᬭᬶᬫᬮᬶᬄᬫᬵᬢᬸᬭ᭄᭞ᬯ᭄ᬬᬓ᭄ᬢᬶᬧᬸᬦᬶᬓᬗᬯᬶᬦᬂ᭟ᬳᬶᬭᬢᬸᬓᬤᬢ᭄ᬫᬢᬗᬶ᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬗᬯᬶ᭠ᬦᬂᬍᬲᬸᬓᬬᬸᬦᬾ᭞ᬫᬾᬄᬚᬦ᭄ᬢᭀᬲ᭄ᬢᬶᬕᬂᬭᬳᬶᬦ᭞ᬓᬦ᭄ᬢᬸᬦ᭄ᬳᬭᬶᬧ᭄ᬧᬘᬗ᭞ᬓᬍᬲᭀᬦ᭄ᬧᭀᬮᬶᬄᬫᬤᬬᬸᬄ᭞ᬩᭂᬘᬶᬓ᭄ᬦᬾᬫᬗ᭄ᬓᬶᬦ᭄ᬲᬶᬭᬫᬂ᭟ᬳᬦ᭄ᬢᬸ᭠
ᬓ᭄ᬢᭀᬬᬯᬾᬤᬂᬳᬸᬕᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬤᬸᬭᬸᬲ᭄ᬲᬸᬗ᭄ᬓᬦ᭄᭞ᬓᬾᬗᬶᬦ᭄ᬧᬶᬬᬗᬦ᭄ᬓᬬᬸᬦᬾ᭞ᬦᬸᬮᬶᬤᬦᬾᬫᬗᬦ᭄ᬤᬶᬓ᭞ᬗᭂᬲᬾᬗᬶᬦ᭄ᬭᬾᬜ᭄ᬘᬂᬭᭀᬩᬦ᭄᭞ᬫᬗ᭄ᬤᬤᬶᬳᬕᬾᬫᬧᬸᬦ᭄ᬧᬸᬦ᭄᭞ᬗᬭᬢᭂᬗᬂᬢᭀᬬᬯᬾᬤᬂ᭟ᬧᬲᬶᬭᬫᬦ᭄ᬭᬵᬚᬧᬸᬢ᭄ᬭᬶ᭞ᬲᬂᬓᬤᬯᬸᬳᬦ᭄ᬲᬓ᭄ᬱᬡ᭞ᬓᬧ᭄ᬭᬦ᭄ᬢᭂᬦᬦ᭄ᬦᬸ
ᬮᬶᬭᬾᬧᭀᬢ᭄᭞ᬗᬭᬢᭂᬗᬂᬢᭀᬬᬯᬾᬤᬂ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬲᬂᬓᬤᬶᬳ᭄ᬬᬂᬕᬶᬭᬶᬯᬥᬹ᭞ᬓᬵᬢᬸᬭᬦ᭄ᬲᬵᬫ᭄ᬧᬸᬦ᭄ᬫᬲᬶ᭠ᬭᬫ᭄᭟ᬓᭀᬘᬧ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬲᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬲᬸᬘ᭄ᬬᬦ᭄᭞ᬫᬮᬶᬗ᭄ᬕᬶᬄᬭᬶᬂᬳᬫ᭄ᬩᬾᬦ᭄ᬕᭂᬤᭀᬂ᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬗᬶᬭᬶᬂᬫ᭠ [ 130 ][᭑᭒᭙ 129B]
᭑᭒᭙
ᬩᬩᬯᭀᬲᬦ᭄᭞ᬲᬂᬓᬵᬮᬶᬄᬢᬸᬫᬸᬮᬶᬫᬵᬢᬹᬃ᭞ᬗᬸᬦᬶᬗ᭄ᬳᬂᬬᬦ᭄ᬓᬵᬫᬚᬬ᭟ᬫᬫᬦᬄᬧᬘᬂᬫᬧᬫᬶᬢ᭄᭞ᬓᬕᬸᬦᬸᬂᬦᬶᬜ᭄ᬚᭀᬭᬭᬫ᭞ᬦᬵᬗ᭄ᬳᬶᬂᬓᬾᬯᬦ᭄ᬢᬄᬳᬚᭂᬩᭀᬲ᭄᭞ᬧᬗᬗ᭄ᬓᭂᬦᬶᬧᬸᬦ᭄ᬭᬶᬂᬢᬶᬢ᭄ᬬᬂ᭞ᬫᬮᬶᬄᬧᬘᬂᬫᬢᬸᬮᬓ᭄᭞ᬢᬶᬢ᭄ᬬᬂᬦᬕᬶᬄᬲᬋᬂᬦᬸᬢᬸᬕ᭄᭞ᬳᬶᬧᬸᬦ᭄ᬢ
ᬦ᭄ᬗᬯᬾᬳᬶᬦ᭄‌ᬢᬶᬢ᭄ᬬᬂ᭟ᬤᬾᬦᬶᬂᬤᭀᬄᬓᭀᬘᬧ᭄ᬫᬫᬵᬃᬕ᭄ᬕᬶ᭞ᬗᬮᬶᬦ᭄ᬢᬗᬶᬦ᭄ᬢᬸᬓᬤ᭄ᬓᬢᬄ᭞ᬫᬤᬹᬃᬕ᭄ᬕᬫᬭᬶᬂᬳᬮᬲᬾ᭞ᬫᬘᬦ᭄ᬕ᭠ᬮᬓ᭄ᬮᬦ᭄‌ᬯ᭄ᬯᬂᬕᬫᬂ᭞ᬗᬤᬂᬲᬯᬶᬮᬂᬤᬗ᭄ᬓ᭞ᬦᬾᬗᬯᬶᬦᬂᬳᬶᬧᬸᬦ᭄ᬮᬦ᭄ᬢᬸᬤ᭄᭞ᬫᬫᬵᬃᬕ᭄ᬕᬶᬲᬋᬂᬭᬶᬂᬢᬶᬢ᭄ᬬᬂ᭟ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄ᬭᬭᬶᬲ᭄᭞ᬲᬤᬓᭂᬜᬶᬂᬫ
ᬯᬘᬦ᭞ᬮᬮᬶᬲ᭄ᬲᬦ᭄ᬳᬶᬥᭂᬧ᭄ᬜᬳᬶᬦᬾ᭞ᬢᭂᬓᬦᬕᬶᬄᬗᬸᬢᬂᬳᬶᬘᬂ᭞ᬧᬤᬶᬤᬶᬤᬶᬧᬤᬸᬓ᭄ᬯᬦ᭄᭞ᬫᬓᬶᬢᬩᬋᬂᬓᬕᬸᬦᬸᬂ᭞ᬦᬕᬶᬄᬦᬸᬢᬸᬕ᭄ᬓᬵᬫᬚᬬ᭟ᬳᬧᬧ᭄ᬯᬭᬦ᭄ᬳᬶᬘᬂᬤᬶᬦᬶ᭞ᬤᭀᬂᬜᬾᬦ᭄ᬳᬚᬓ᭄ᬫᬭᬭᬲᬦ᭄᭞ᬫᬥᬾᬲᭂᬓᬃᬫᬵᬢᬹᬃᬳᬮᭀᬦ᭄᭞ᬤᬲ᭄ᬮᬮᬶᬢᬶᬢ᭄ᬬᬂᬗᬸ
ᬦᬶᬗ᭄ᬳᬬᬂ᭞ᬧᬫᬶᬦᭂᬄᬓᬵᬫᬚᬬ᭞ᬲᬓᬾᬂᬳᬗᭂᬦᬶᬧᬸᬦ᭄ᬓᬦ᭄ᬢᬸᬦ᭄᭞ᬭᬶᬂᬳᬗ᭄ᬕᬦ᭄ᬘᭀᬓᭀᬭᬶᬤᬾᬯ᭟ᬲᬧᬲᬶᬭᬧᬘᬂᬗᭂ᭠ᬫᬶᬢ᭄᭞ᬘᭀᬓᬾᬭᬶᬤᬾᬯᬗᬭᬕ᭞ᬬᬦ᭄ᬢᬶᬢ᭄ᬬᬂᬲᬋᬂᬫᬓᬯᭀᬦ᭄᭞ᬦᬸᬢᬸᬕ᭄ᬳᬶᬧᬸᬦ᭄ᬲᬋᬂᬗᬮᬲ᭄᭞ᬫᬾᬄᬧᬘᬂᬲᬮᬶᬢ᭄ᬳᬃᬱ᭞ᬭᬵᬚᬧᬸ

[᭑᭓᭐ 130A]
᭑᭓᭐
ᬢ᭄ᬭᬶᬲᭂᬫᬸᬕᬸᬬᬸ᭞ᬓᬾᬢᭀᬲᬚᬜᬳᬶᬲᭂᬓᬃ᭟ᬓᬓᭂᬦᭂᬄᬩᬦ᭄ᬳᬶᬘᬂᬜᬳᬶ᭞ᬫᬾᬄᬲᬸᬩᬧ᭄ᬭᬕᬢ᭄ᬳᬶᬢᬸᬗᬦ᭄᭞ᬜᬓ᭄ᬲᬚ᭠ᬳᬶᬘᬂᬫᬢᬓᭀᬦ᭄᭞ᬩᬳᬦ᭄ᬢᬺᬱ᭄ᬡᬦᬾᬫᬓ᭄ᬭᬡ᭞ᬫᬶᬭᬶᬩ᭄ᬩᬸᬓᬜᬕᭂᬭᬂ᭞ᬓᬩᬢᭂᬓ᭄ᬳᬶᬥᭂᬧᬾᬘᬸᬮᬸᬓ᭄᭞ᬤᭀᬂᬓᬸᬤᬢ᭄ᬯᬭᬗᭂᬦᭂᬳᬂ᭟ᬩᬩᬶ
ᬓᬲᬦ᭄ᬳᬦᬓ᭄ᬫ᭄ᬯᬦᬶ᭞ᬮᬶᬬᬸᬳᬦᬓᬾᬜᬫ᭄ᬩᬢᬂ᭞ᬩᬸᬓᬲᬲᭀᬗ᭄ᬕᬦᬾᬋᬓᭀ᭞ᬢᭂᬕᬮᬾᬫᬩᬸᬤ᭄ᬥᬶᬢᭀᬬ᭞ᬜᬦ᭄ᬤᬂ᭠ᬫᬲᬶᬄᬳᬶᬗᭂᬭᬂ᭞ᬓᬸᬤᬤᬤᬶᬳᬾᬗ᭄ᬕᬮ᭄ᬗᬸᬕᬸ᭞ᬳᬲᬶᬂᬳᬤᬦᬾᬫᬓ᭄ᬭᬸᬡ᭟ᬫᬲᬶᬄᬓᬾᬕᬮᬶᬄᬕᬮᬶᬳᬶᬦ᭄᭞ᬲᬶᬂᬜᬲᬓᬾᬂᬗᬤᬸᬳᬤ᭞ᬤᭂᬫᭂᬦᬾ
ᬩᬦ᭄ᬢᬲ᭄ᬭᬯᭀᬲ᭄᭞ᬧᬍᬫᬸᬳᬶᬦ᭄ᬩᬦ᭄ᬓᭂᬫᬶᬓᬦ᭄᭞ᬗᭀᬭᬳᬂᬲᬚᬢᬺᬱ᭄ᬡᬵ᭞ᬓᬤ᭄ᬬᬗ᭄ᬕᬦᬶᬂᬗᭂᬫ᭄ᬓᭂᬫ᭄ᬢᭂᬩᬸ᭞ᬳᬫ᭄ᬧᬲ᭄ᬦᬾᬲᬶᬦᬄ᭠ᬫᬓᬸᬢᬂ᭟ᬓᬸᬤᬜᬳᬶᬗᬸᬕᬸᬕᬢᬶ᭞ᬫᬸᬜᬶᬦ᭄ᬓᬵᬫᬚᬬᬧᬸᬜᬄ᭞ᬮᬕᬸᬢᬾᬘᬸᬫ᭄ᬧᬸᬳᬶᬥᭂᬧᬾ᭞ᬫᬾᬄᬳᬸᬮᬧ᭄ᬢᭂᬓᬾᬦ᭄ᬓᬩᬶᬱᬵᬦ᭄᭞ᬓᬵᬫ᭠
ᬚᬬᬫᬪᬵᬱᬦ᭄᭞ᬓᬦ᭄ᬢᬶᬜᬳᬶᬦᬕᬶᬄᬦᬸᬢᬸᬕ᭄᭞ᬳᬯᬓᬾᬓᬳᬸᬮᬸᬓ᭄ᬳᬸᬮᬸᬓ᭄᭟ᬍᬓ᭄ᬳᬶᬘᬂᬢᭂᬓᬾᬦᬶᬂᬜᬳᬶ᭞ᬩᬲ᭄ᬳᬶᬘᬂᬓᭀᬦᬾᬫᬫᬶᬲᬦ᭄᭞ᬢᭂᬓᬾᬦ᭄ᬓᬵᬫᬚᬬᬲᬶᬧᭀᬓ᭄᭞ᬗᭂᬦᭂᬳᬂᬜᬳᬶᬲᬤᬦᬦ᭄᭞ᬢ᭄ᬯᬭᬫᬢᬳᬸᬳᬶᬘᬂ᭞ᬦᬄᬳᬧᬗᬤᬤᬶᬳ [ 131 ][᭑᭓᭐ 130B]
᭑᭓᭐
ᬤᬸᬂ᭞ᬳᬶᬘᬂᬫᬳᬂᬜᬳᬶᬲᬸᬭᬵᬢ᭄᭟ᬧᬫᭂᬓᬲ᭄ᬮᬓᬃᬦᬸᬢᬸᬭᬶᬦ᭄᭞ᬓᬵᬫᬚᬬᬳᬧᬂᬲᬚ᭞ᬜᬓ᭄ᬢᭂᬓᬾᬦ᭄ᬜᬳᬶᬗᬭᭀᬭᭀᬤ᭄᭞ᬳᬶᬘᬂᬩᬋᬂᬗᬍᬕᬬᬂ᭞ᬫᬥᬾᬲᭂᬓᬃᬗᭂᬦ᭄ᬤᭂᬮᬂ᭞ᬫᬢᬗᬦ᭄ᬦᬸᬮᬶᬫᬵᬢᬹᬃ᭞ᬲᬭᬮᬾᬤᬂᬧᬓᬬᬸᬦᬦ᭄᭟ᬲᬵᬫ᭄ᬧᬸᬦ᭄ᬓᬳᬶᬘ᭄ᬙᬾᬦ᭄ᬋᬋᬧᬶ᭞ᬫᬥᬾ᭠
ᬲᭂᬓᬃᬩᭂᬘᬢ᭄ᬲᬾᬧᬦ᭄᭞ᬓᬩᬢᭂᬓ᭄ᬳᬦ᭄ᬢᬸᬓ᭄ᬮᭂᬕᬦᬾ᭞ᬓᬢᭂᬫᬸᬭᬶᬂᬓᬵᬫᬚᬬ᭞ᬲᭂᬤᭂᬓ᭄ᬩᭂᬗᭀᬂᬧᬤᬶᬤ᭄ᬬᬦ᭄᭞ᬫᬥᬾᬲᭂᬓᬃ᭠ᬩᬩᬃᬳᬶᬚᬸ᭞ᬦᬭᬸᬗᬗᭂᬦ᭄ᬢᬸᬗᬶᬦ᭄ᬲᬸᬭᬵᬢ᭄᭟ᬗᬾᬗ᭄ᬕᬮᬂᬫᬮᬶᬄᬫᬕᭂᬤᬶ᭞ᬓᬵᬫᬚᬬᬓᬲ᭄ᬮᭂᬗᬕᬦ᭄᭞ᬕᬕᬾᬲᭀᬦ᭄ᬗᬫ᭄ᬩᬶᬮ᭄ᬲᬸᬭᬵᬢᬾ᭞ᬓ᭠
ᬧᬃᬡ᭄ᬦᬧᬳᬶᬘ᭄ᬙᬦ᭄ᬳᬶᬤ᭞ᬲᬂᬓᬤᬶᬤᬾᬯᬶᬉᬫ᭞ᬲᬓ᭄ᬱᬡᬓᬧᬘᬲᬵᬫ᭄ᬧᬸᬦ᭄᭞ᬲᬸᬭᬵᬢᬾᬫᬢᭂᬫ᭄ᬩᬂᬤᬂᬤᬂ᭟᭜᭟ᬤᬂᬤᬂ᭟᭜᭟ᬥᬹᬄᬲᬂᬓᬤᬶᬳ᭄ᬬᬂᬲ᭄ᬫᬭᬗᬹᬢ᭄ᬧᭂᬢᬶ᭞ᬓᬵᬫᬚᬬ᭞ᬧᬶᬦᭂᬳᬶᬦ᭄ᬮᬦ᭄ᬢᬗᬂ᭞ᬭᬾᬄᬲᭂᬗ᭄ᬓᬗᬮᬶᬄᬩᭂᬦᭂᬳᬾ᭞ᬳᬧᬂᬤᬦᬦ᭄ᬓᬢᬜ᭄ᬚᬸᬂ᭞ᬫᬚᬮᬦ᭄ᬦᬶᬦ᭄ᬤᬓᬂ᭠
ᬩᬢᬶᬲ᭄᭞ᬤᬾᬦᬶᬂᬫᬵᬃᬕ᭄ᬕᬦᬾᬭᬸᬗ᭄ᬓ᭞ᬗᬋᬕᬄᬓᬩᬜᬕᬸᬦᬸᬂ᭞ᬳᬮᬲ᭄ᬯᬬᬄᬫᬤᬹᬃᬕ᭄ᬕᬫ᭞ᬧᬗ᭄ᬓᬸᬂᬚᬸᬭᬂ᭞ᬳᬩᬶᬗᬾᬫᬲᬸᬗ᭄ᬕᬧᭀᬮᬶᬂ᭞ᬢᬗᬭᬶᬦ᭄ᬮᬓᬃᬲᬗ᭄ᬓᬮ᭟ᬧᭂᬢᭂᬂᬤᭂᬤᭂᬢ᭄ᬓᬮᬸᬤ᭄ᬢᬦ᭄ᬧᬲᬸᬦ᭄ᬤᬶᬄ᭞ᬫᬸᬭᬂᬮᬫ᭄ᬧᬄ᭞ᬲᬶᬂᬜᬫᬲᭂᬮ᭄ᬲᭂᬮᬦ᭄᭞ᬧ᭄ᬭᬤᬾᬫᬢᬢᬸᬩᬢᬶᬲᬾ᭞ᬜᬾ

[᭑᭓᭑ 131A]
᭑᭓᭑
ᬦ᭄ᬲᬾᬦ᭄ᬤᭂᬮᬓᬃᬦᬸᬮᬸᬂ᭞ᬲᬢ᭄ᬫᬓᬗᬮᬮᬸᬧᬢᬶ᭞ᬢᬸᬫᬶᬩᬾᬂᬤᬲᬃᬓᬯᬄ᭞ᬲᬗ᭄ᬲᬭᬦᬸᬳᬶᬤᬸᬧ᭄᭞ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭞ᬓᬬᬂᬯᭂᬓᬲ᭄᭞ᬓᬲᭂᬧᬾᬓᬂᬩ᭄ᬭᬬᬯᬃᬕ᭄ᬕᬶ᭞ᬳᬸᬭᬶᬧᬾᬭᬱᬢᬦ᭄ᬧᭀᬭᬢ᭄᭟ᬢᭂᬕᬭᬂᬫᬲᬶᬄᬧᬥᬧᬶᬦᭂᬳᬶᬦ᭄᭞ᬓᬵᬫᬚᬬ᭞ᬳᬶᬥᭂᬧᬂᬫᬯ᭠
ᬭᬂ᭞ᬗᭂᬢᭀᬳᬶᬦ᭄ᬩᭂᬦᭂᬄᬧᭂᬮᬶᬳᬾ᭞ᬳᬧᬂᬤᬓᬤᬮᬸᬫᬸᬓ᭄᭞ᬦᬾᬧᭂᬮᬶᬄᬩᬓᬢ᭄ᬢᬶᬦ᭄ᬤᬶᬳᬶᬦ᭄᭞ᬢᬸᬮ᭄ᬬᬩᬸᬓᬲᬲᭀᬗ᭄ᬕᬦ᭄᭞ᬲᬸᬩᬢᬸᬤᬸᬄᬳᬸᬕᬸᬕ᭄᭞ᬫᬧ᭄ᬯᬭᬩᭂᬮᬸᬲ᭄ᬗᬶᬮ᭄ᬕᬶᬮᬂ᭞ᬘᬓ᭄ᬘᬓ᭄ᬳᬸᬚᬦ᭄᭞ᬫᬲᬦ᭄ᬧᬦᬲᬾᬗᭂᬩᬸᬲᬶᬦ᭄᭞ᬤᬶᬚᬮᬓᬸᬫᬲᬬᬸᬩᬦ᭄᭟ᬦᬵᬗ᭄ᬳᬶᬂ
ᬤᬳᬾᬗ᭄ᬕᬮ᭄ᬲᬮᬄᬧᬦᬫ᭄ᬧᬶ᭞ᬗᬯᬢᬗᬂ᭞ᬬᬦ᭄ᬢᬸᬦᬬᬦ᭄‌ᬢᬺᬱ᭄ᬡᬵ᭞ᬫᬫᬶᬲᬦ᭄ᬢᭂᬓᬾᬦ᭄ᬳᬯᬓᬾ᭞ᬢᬶᬤᭀᬂᬲᬗ᭄ᬓᬦᬶᬂ᭠ᬢᬓᬸᬢ᭄᭞ᬇᬥᭂᬧ᭄‌ᬬᬂᬮᬓᬃᬦᬶᬦ᭄ᬤᬶᬳᬶᬦ᭄᭞ᬤᭀᬄᬧᬭᬢᬸᬦᬯᬶᬭᬂ᭞ᬫᬾᬮᬦᬶᬦ᭄ᬦᬾᬧᬵᬢᬹᬢ᭄᭞ᬲᭀᬢᬦᬶᬂᬤᬾᬯᬾᬓ᭄ᬫᬫᬶᬲᬦ᭄᭞ᬓᬵ
ᬫᬚᬬ᭞ᬢ᭄ᬯᬭᬬᬂᬮᬓᬃᬫᬓᬶᬭᬶᬕ᭄᭞ᬤ᭄ᬬᬲ᭄ᬢᬸᬦ᭄ᬧᬾᬢ᭄ᬫᬵᬢᬶᬬᬂᬮᬲ᭄ᬬ᭟ᬤᭂᬧᬂᬲᬸᬩᬩᬗ᭄ᬓᬾᬦ᭄‌ᬬᬂᬗᬸᬮᬶᬦ᭄ᬢᬶᬓ᭄᭞ᬲᬶᬂᬲᬶᬂᬚᬮᬦ᭄᭞ᬢ᭄ᬯᬭᬬᬂᬗᬾᬧᬸᬢᬂ᭞ᬬᬦ᭄ᬲᬸᬩᬩᭂᬦᭂᬄᬳᬸᬦ᭄ᬤᬸᬓᬾ᭞ᬦᬄᬓᬤᬸᬂᬲᬸᬩᬩᭂᬮᬸᬲ᭄᭞ᬤᭀᬂᬗᬸᬤᬦᬓᬸᬢᬶᬦ᭄ᬤᬶᬗᬶᬦ᭄᭞ᬬᬦ᭄ᬲᬸᬩᬧᬥ [ 132 ][᭑᭓᭑ 131B]
᭑᭓᭑
ᬮᬲ᭄ᬬ᭞ᬚᬸᬭᬕᬦ᭄ᬲᬧ᭄ᬭᬳᬸ᭞ᬚᬮᬦ᭄ᬗᬭᬸᬗᬶᬦ᭄ᬲᬵᬕᬭ᭞ᬳᬚᬓ᭄ᬤᬤ᭄ᬯ᭞ᬢᬦ᭄ᬧᬩᬶᬤᬓ᭄ᬢᬦ᭄ᬧᬓᬦ᭄ᬢᬶᬄ᭞ᬲᬮᬸᬂᬮᬸᬂᬲᬪᬬᬵᬦ᭄ᬢᬓ᭟ᬤᬸ᭠ᬫᬤᬓ᭄ᬳᬤᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬶᬤ᭄ᬥᬶ᭞ᬫᬗᬗ᭄ᬓᬶᬤᬂ᭞ᬅᬢ᭄ᬫᬦᬾᬦᬵᬭᬓ᭞ᬳᬸᬮᬶᬲᬶᬩᭂᬢᬾᬦ᭄ᬓᬯᬳᬾ᭞ᬳᭂᬗ᭄ᬓᬓᭂᬗ᭄ᬓᬓ᭄ᬓᬍᬩᬸ᭞ᬢ᭄ᬯᬭᬲᬶᬤ᭄ᬥᬩᬦ᭄ᬗ᭄ᬭᬱ
ᬦᬶᬦ᭄᭞ᬧᭂᬢᭂᬂᬍᬫᬄᬤᬸᬄᬓᬶᬢ᭞ᬲᬗ᭄ᬲᬭᬢᬸᬫᬸᬯᬸᬄ᭞ᬦᭂᬫᭀᬓᬂᬧᬵᬧᬦᬵᬭᬓ᭞ᬩᬬᬢᬶᬢᬄ᭞ᬧᬦᬸᬫᬶᬢᬶᬲᬦᬾᬲ᭠ᬗ᭄ᬲᬶᬄ᭞ᬧ᭄ᬭᬣᬶᬯᬶᬮᬵᬯᬦᬓᬵᬱ᭟ᬜᬾᬦ᭄ᬳᬦᬓᬾᬳᭀᬮᬲ᭄ᬫᬶᬢᬸᬤᬸᬳᬶᬦ᭄᭞ᬳᬧᬂᬦᬯᬂ᭞ᬳᬸᬦ᭄ᬤᬸᬓ᭄ᬧᬚᬗ᭄ᬓᭂᬧᬦ᭄᭞ᬢᬦᬳᬾᬢᭂᬓᬾᬦ᭄ᬮᬗᬶᬢᬾ
᭞ᬩᭂᬢᬾᬦ᭄ᬮᬵᬯᬦ᭄ᬩᬤᬸᬳᬸᬭ᭄᭞ᬤᬸᬓᬧᬦ᭄ᬮᬓᬃᬦᭂᬧᬸᬓᬶᬦ᭄᭞ᬲ᭄ᬯᬃᬕ᭄ᬕᬦᬾᬤᬶᬲᬓᬵᬮ᭞ᬬᬦᬶᬂᬩᬦᬶᬢᬓᬸᬢ᭄᭞ᬦᬸᬳᬗᭂᬦ᭄ᬢᭂᬓᬾᬦ᭄ᬓᬲᬸᬓᬵᬦ᭄᭞ᬲᬦ᭄ᬤᬂᬧᬗᬦ᭄᭞ᬫᭀᬩᭀᬢᬂᬧᬢᬶᬮᬦ᭄ᬳᬸᬭᬶᬧ᭄᭞ᬤᭀᬄᬧᬭᬮᬓᬃᬓᬲᬶᬤ᭄ᬥᬦ᭄᭟ᬧᬗᬘᭂᬧᬾᬮᬓᬃᬦᬸᬗ᭄ᬓᬧ᭄ᬮᭂᬯᬶᬄ᭞ᬤᬜ
ᬕᭂᬭᬂ᭞ᬲᬶᬦᬄᬢᭀᬂᬜᬶᬤ᭄ᬥᬬᬂ᭞ᬮᬓᬃᬢᭂᬧᬸᬓ᭄ᬓᬲᬸᬓᬵᬦᬾ᭞ᬫᬾᬄᬤᬶᬲᬸᬮᬸᬓᬾᬳᬜᬸᬤ᭄᭞ᬤᭂᬫᭂᬦ᭄ᬳᬶᬤᬸᬧ᭄ᬢᬓᬸᬢ᭄ᬫᬵᬢᬶ᭞ᬮᬲᬾᬫᬓ᭄ᬭᬡᬮᬲ᭄ᬬ᭞ᬤ᭄ᬬᬲ᭄ᬢᬸᬦ᭄ᬧᬾᬢ᭄ᬫᬘᭂᬩᬸᬭ᭄᭞ᬤᬶᬢᬸᬓᬤᬾᬓᬢᬸᬤᬸᬳᬂ᭞ᬬᬂᬫᬶᬲᬤ᭄ᬬ᭞ᬤᭂᬧᬂᬩᭂᬮᬸᬲ᭄ᬮᬾᬧᬾᬕ᭄ᬮᬶᬘᬶᬢ᭄᭞ᬢ᭄ᬯᬭᬬᬂᬮᬓᬃ᭠

[᭑᭓᭒ 132A]
᭑᭓᭒
ᬗᬾᬧᬸᬢᬂ᭟ᬲᬓᬾᬯᬮᬲᬸᬩᬧᬥᬕᬶᬮᬶᬓ᭄᭞ᬫᬩᭂᬲᬶᬓᬦ᭄᭞ᬲᬓᬾᬂᬧᬥᬮᬲ᭄ᬬ᭞ᬩᬦᬶᬦᬶᬦ᭄ᬤᬶᬳᬶᬦᬶᬥᭂᬧᬾ᭞ᬢ᭄ᬯᬭᬬᬂᬮᬓᬃᬫᬸᬭᬸᬤ᭄᭞ᬤ᭄ᬬᬲ᭄ᬢᬸᬦ᭄ᬢᬸᬫᬶᬩᬾᬂᬳᬯᬾᬘ᭄ᬙᬶ᭞ᬢᭂᬕᬸᬮ᭄ᬩᬦ᭄ᬧᬲᭀᬪᬬ᭞ᬫᬕᭂᬦᬄᬳᬩᬸᬂᬩᬸᬂ᭞ᬳᬕᭂᬢ᭄ᬮᬘᬸᬃᬚᭂᬮᬾᬫᭂᬮᬄ᭞ᬲᬸᬓᬵᬤᬸᬄᬓᬵ᭞ᬢ᭄ᬯᬭᬬᬂᬫ
ᬩᬭᬶᬩᬭᬶ᭞ᬫᭀᬩᭀᬢᬂᬲᬤ᭄ᬬᬓᬯᭂᬓᬲ᭄᭟ᬓᬵᬫᬚᬬᬓᬸᬤᬲᬚᬮᬮᬶᬲ᭄᭞ᬦᬶᬗ᭄ᬕᬮ᭄ᬤᬾᬰ᭞ᬓᬩᬢᭂᬓ᭄ᬩᬦ᭄ᬚᭂᬗᬄ᭞᭠ᬳᬶᬩᬸᬓ᭄ᬧᬮᬶᬂᬧᬧᬶᬦᭂᬳᬾ᭞ᬓᬩᬡ᭄ᬥᬳᬲᬶᬄᬮᬸᬮᬸᬢ᭄᭞ᬫᬩᬸᬤᬶᬗᬮᬮᬸᬧᬢᬶ᭞ᬢ᭄ᬯᬭᬲᬚᬗᬶᬗᭂᬢᬂ᭞ᬧᬓᬤᬗᬦ᭄ᬮᬘᬸᬭ᭄᭞ᬗᭂᬫ᭄ᬧᬶᬤᬶᬦᬶᬤᬶᬧ
ᬤᬸᬓ᭄ᬯᬦ᭄᭞ᬩᭂᬤᬓ᭄ᬮᬬᬄ᭞ᬧᭂᬢᭂᬂᬍᬫᬄᬲᭂᬤᬶᬄᬓᬶᬂᬓᬶᬂ᭞ᬳᬸᬭᬶᬧᬾᬓᬮᬭᬮᬭ᭟ᬲᬓ᭄ᬱᬢ᭄ᬫᭂᬤ᭄ᬧᭂᬤᬂᬬᬂᬳᬾᬗ᭄ᬕᬮ᭄ᬫᬵᬢᬶ᭞᭠ᬬᬦᬸᬧᬫ᭞ᬧᬶᬢᬶᬓ᭄ᬳᬸᬩᬸᬳᬶᬦ᭞ᬢᬦ᭄ᬧᭀᬭᬢ᭄ᬩᬳᬦ᭄ᬘᭂᬦᬶᬓᬾ᭞ᬢ᭄ᬯᬭᬳᬤᬗᬭᬸᬗᬸ᭞ᬢᬸᬮᬸᬲ᭄‌ᬬᬂᬫᬵᬢᬶᬧᬤᬶᬤᬶ᭞ᬳᭀᬕᬦ᭄ᬫᬵᬢᬶᬫᬓᭂ᭠
ᬦ᭄ᬢ᭞ᬳᬧᬳᬗᭂᬦ᭄ᬳᬶᬤᬸᬧ᭄᭞ᬬᬦ᭄ᬲᬚᬲᬓᬭᬶᬂᬢᬺᬱ᭄ᬡᬵ᭞ᬢᬸᬭᬶᬦᭀᬮᬲ᭄᭞ᬳᬚᬓ᭄‌ᬬᬂᬩᬋᬂᬫᬕᭂᬤᬶ᭞ᬲᬢᬶᬩᬧᬭᬦᬶᬂᬮᬫ᭄ᬧᬄ᭟ᬫᬾᬄᬢᬦ᭄ᬤ᭄ᬭᬸᬄᬢᭂᬓᬾᬦ᭄‌ᬬᬂᬦᭀᬗᭀᬲ᭄ᬤᬶᬦᬶ᭞ᬤᬶᬧᬤᬸᬓ᭄ᬯᬦ᭄᭞ᬲᬗ᭄ᬓᬦ᭄‌ᬬᬂᬫᬳᬸᬩᬤ᭄᭞ᬫᬳᬸᬩᬤᬂᬩᬸᬯᬢ᭄ᬲᬓᬶᬢᬾ᭞ [ 133 ][᭑᭓᭒ 132B]
᭑᭓᭒
ᬲᬓᬾᬂᬫᭀᬩᭀᬢᬂᬳᬶᬤᬸᬧ᭄᭞ᬦᬸᬢᬸᬕᬂᬓᬾᬃᬢ᭄ᬢᬶᬦᬾᬚᬦᬶ᭞ᬭᬸᬫᬲᬢ᭄‌ᬬᬂᬫᬢᬧ᭞ᬫᭂᬭᬶᬳᬂᬭᬳᬬᬸ᭞ᬲᭀᬢᬦᬶᬂᬤᬤᬶᬫᬵᬦᬹᬱ᭞ᬓᬍᬓᬤᬂ᭞ᬯᬲ᭄ᬢᬸᬢᭂᬧᬸᬓ᭄ᬩᬸᬓᬚᬦᬶ᭞ᬫᬶᬭᬶᬩ᭄ᬲᬓᬾᬂᬧᬤᬸᬫ᭄ᬢᬶᬢᬄ᭟ᬩᬸᬲᬦ᭄ᬩᬸᬲᬦ᭄ᬓᬢᬶᬩᬦᬦ᭄ᬲᬓᬶᬢ᭄᭞ᬢᭀᬂᬫᬋᬦᬦ᭄᭞
ᬳᬸᬭᬶᬧ᭄ᬢᬦ᭄ᬧᬢᭂᬫᬄ᭞ᬲᬗ᭄ᬲᬭᬳᬶᬤᬸᬧ᭄ᬳᬶᬩᬦᬾ᭞ᬫᬲᬶᬄᬓᬮᬸᬲᬸᬮᬸᬲᬸ᭞ᬫᬩᬸᬤ᭄ᬥᬶᬳᬧᬂᬳᭀᬮᬲᬶᬦ᭄᭞ᬳᬲᬶᬂᬕ᭄ᬮᬦ᭄ᬢᬶᬗᬶᬦᭂᬫ᭄ᬧᬓ᭄᭞ᬧᬫᬸᬧᬸᬢ᭄ᬫᬘᭂᬩᬸᬕ᭄᭞ᬳᬸᬮᬸᬂᬦᭂᬧᬾᬦ᭄ᬧᬗ᭄ᬓᬸᬂᬚᬸᬭᬂ᭞ᬫᬤᬹᬃᬕ᭄ᬕᬫ᭞ᬲᬨᬮᬬᬦ᭄ᬲᬸᬩᬫᬵᬢᬶ᭞ᬳᬧᬂᬢᭀᬂᬳᬤᬲᬓᬶᬢᬂ᭟ᬫᬗᭂᬦᬂ᭠
ᬳᬦᬓ᭄ᬢᭀᬂᬓᬸᬫᬭᬶᬲᬶᬦ᭄᭞ᬗᬤᬸᬧᭀᬗᬄ᭞ᬢ᭄ᬯᬭᬗᬾᬤᬍᬫᬂ᭞ᬤᭀᬂᬗᬸᬤᬜᬭᬾᬦ᭄ᬳᬦᬓᬾ᭞ᬓᬫᬸᬮᬦ᭄ᬢ᭄ᬯᬭᬘᬸᬫ᭄ᬧᬸ᭞ᬫᬲᬶᬄᬦᬸᬳᭀᬕᬦ᭄ᬫᬩᬸᬤ᭄ᬥᬶ᭞ᬗᬦ᭄ᬤᭂᬮᬂᬓᬓᭀᬲᬾᬦᬦ᭄᭞ᬧᬗ᭄ᬓᬄᬫᭂᬮᬸᬓ᭄ᬕᬸᬦᬸᬂ᭞ᬤᭀᬄᬧᬭᬮᬓᬃᬜᬶᬤ᭄ᬥᬬᬂ᭞ᬮᬶᬫᬩᬯᬓ᭄᭞ᬢᬦ᭄ᬪᬶᬦᬕᬥᬸᬂ
ᬓᬲ᭄ᬢᬸᬭᬶ᭞ᬫᬩᬸᬤ᭄ᬥᬶᬫᬲᬶᬄᬦᭂᬕᬭᬂ᭟ᬘᬗ᭄ᬓᬄᬘᬸᬫᬗ᭄ᬓᬄᬦᬕᬶᬄᬗᬮᬶᬮᬶᬢ᭄᭞ᬮᬗᬶᬢ᭄ᬩᭂᬤᬄ᭞ᬤᭀᬂᬧᬬᬸᬫᬕᬸᬬᬂ᭞ᬫᬓᬾᬧᬸᬦᬸᬤᬶᬢᬦᬳᬾ᭞ᬫᬧ᭄ᬯᬭᬮᬓᬃᬮᬬᬸ᭞ᬓᬓᭂᬩᬸᬲᬦ᭄ᬩᭂᬦ᭄ᬤᬾᬢ᭄ᬳᬳᬶ᭞ᬓᬾᬢᭀᬲᬢ᭄‌ᬓᬵᬫᬚᬬ᭞ᬳᭂᬤᬢ᭄ᬯᬭᬗᬸᬕᬸ᭞ᬓᬧᬶᬢᬺ

[᭑᭓᭓ 133A]
᭑᭓᭓
ᬱ᭄ᬡᬵᬦ᭄‌ᬬᬂᬫᬫᬶᬲᬦ᭄᭞ᬲᬓᬾᬂᬲᬚ᭞ᬫᬩᬸᬤ᭄ᬥᬶᬗᬦ᭄ᬢᬸᬗᬂᬳᬸᬭᬶᬧ᭄᭞ᬲᬭᬳᬯᬓᬾᬦᬶᬢᬳᬂ᭟ᬦᬄᬳᬧᬂᬢ᭄ᬯᬭᬩᬲ᭄ᬮᬦ᭄ᬢᬂᬕᬢᬶ᭞ᬫᬭᬭᬲᬦ᭄᭞ᬘᬸᬢᭂᬢ᭄‌ᬬᬂᬫᬶᬲᬤ᭄ᬬ᭞ᬩᬋᬂᬦᬸᬢᬸᬕ᭄ᬧᬚᬮᬦᬾ᭞ᬮᬫᬓᬦ᭄ᬢ᭄ᬯᬭᬧᬬᬸ᭞ᬬᬂᬫᬵᬢᬶᬲᬗ᭄ᬓᬦᬶᬂᬲᭂᬤᬶᬄ᭞ᬦᬄᬚᬮᬦ᭄ᬩᬋᬂ᭠
ᬗᬸᬫ᭄ᬩᬂ᭞ᬢᬤ᭄ᬢᬤ᭄‌ᬬᬂᬓᬕᬸᬦᬸᬂ᭞ᬩᬋᬂᬢᬗ᭄ᬓᬶᬮ᭄ᬳᬚᬓ᭄ᬤᬤ᭄ᬯ᭞ᬢᭂᬓᬾᬦ᭄ᬳᬶᬯ᭞ᬲᬶᬦᬄᬮᬾᬤᬂᬤᬦᬾᬗᬓ᭄ᬱᬶ᭞ᬩᬲ᭄ᬤᬦᬾᬫᬓᬧᭀᬦᬓᬦ᭄᭟ᬢᭂᬓᬾᬦ᭄‌ᬬᬂᬲᬢ᭄ᬫᬳᭀᬓᬲᬾᬧ᭄ᬳᬯᬳᬶ᭞ᬗᬸᬤᬢ᭄ᬯᬭ᭞ᬤᬦᬾᬮᬓᬃᬲ᭄ᬯᬾᬘ᭄ᬙ᭞ᬗᬫ᭄ᬧᬸᬭᬲᬶᬲᬶᬧ᭄ᬤᬾᬯᬾᬓᬾ᭞ᬤᬶᬢᬸᬦᬸ᭠
ᬦᬲ᭄ᬧᬫᬬᬸᬄ᭞ᬧᬗ᭄ᬮᬸᬓᬢᬦ᭄ᬫᬵᬮᬤᭂᬓᬶᬮ᭄᭞ᬤᬸᬫᬤᬓ᭄ᬲᬶᬤ᭄ᬥᬧᬹᬃᬡ᭄ᬦ᭞ᬓᭂᬦᭂᬄᬬᬗᬾᬤᬬᬸᬄ᭞ᬰᬸᬤ᭄ᬥᬫᬵᬮᬧᬭᬶᬧᬹᬃᬡ᭄ᬦ᭞ᬦᬾᬲᬤ᭄ᬬᬬᬂ᭞ᬘᬕᭂᬭᬂᬤᬦᬾᬢᬸᬦᬲᬶᬦ᭄᭞ᬧᬜᬸᬧᬢᬦ᭄ᬤᬶᬲᬓᬵᬮ᭟ᬳᬭᬄᬤᬗᬮᬶᬄᬍᬕᬧᬤᬶᬤᬶ᭞ᬓᬵᬫᬚᬬ᭞ᬚᬮᬦ᭄ᬧᬤᬸᬫ᭄ᬧᬥ᭞
ᬳᬕᭂᬢᬾᬢᭂᬓᬾᬦ᭄ᬮᬘᬸᬭᬾ᭞ᬯᬶᬭᬾᬄᬦᬸᬧᬥᬳᬶᬤᬸᬧ᭄᭞ᬧᬭᬲ᭄ᬧᬭᭀᬲᬮᬶᬂᬢᬶᬦ᭄ᬤᬶᬄ᭞ᬮᬶᬗᬶᬂᬫᬵᬦᬹᬱᬬᬚ᭄ᬜ᭞ᬯᭂᬦᬂᬲᬮᬶᬂᬢᬸᬮᬸᬂ᭞ᬚᬦᬶᬚᬮᬦ᭄ᬲᬓᬵᬮᬬᬂ᭞ᬳᬸᬘᬧ᭄ᬰᬵᬲ᭄ᬢ᭄ᬭ᭞ᬚᭂᬮᬾᬫᭂᬮᬄᬲᬮᬶᬂᬢᬭᬶ᭞ᬤᬮᬮᬶᬲ᭄ᬗᬸᬢᬂᬬᬂᬚᬸᬫᬄ᭟᭜᭟ᬫᬵᬲ᭄ᬓᬸᬫᬫ᭄ᬩᬂ᭟᭜᭟ [ 134 ][᭑᭓᭓ 133B]
᭑᭓᭓
ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬵᬫᬚᬬᬫᬘᬢᬸᬮᬶᬲ᭄᭞ᬧ᭄ᬭᬫᬗ᭄ᬓᬶᬦ᭄ᬗᬮᬶᬬᬩ᭄᭞ᬲᭂᬩᭂᬂᬩᬶᬗᬃᬓᭂᬜᬶᬂᬓᭂᬜᬶᬂ᭞ᬓᬤᬶᬓᬲᬶᬭᬢᬦ᭄ᬢᬶᬃᬢ᭄ᬣ᭟ᬬᬦᬸᬧᬫᬶᬢᬢᬦ᭄ᬤᬸᬭᬦ᭄ᬯᬯᬸᬫᭂᬦ᭄ᬢᬶᬓ᭄᭞ᬫᬍᬚᬶᬢ᭄ᬗᬘᬫ᭄ᬩᬄ᭞ᬓᬢᬶᬩᬦᬦ᭄ᬲᬩᭂᬄᬭᬶᬭᬶᬲ᭄᭞ᬤᬸᬭᬸᬲ᭄ᬳᬶᬤᬸᬧ᭄ᬫᬓᭂᬤᬧᬦ᭄᭟ᬩᭀᬬᬤᬸᬭᬸᬲ᭄ᬧᬘᬂᬧᬥᭂᬫ᭄ᬓᬦ᭄ᬢᬸᬦ᭄ᬳᬮᬶᬢ᭄᭞
ᬳᬦ᭄ᬤᭂᬮ᭄ᬭᬶᬂᬓᬲᬤ᭄ᬬᬦ᭄᭞ᬓᬲ᭄ᬯᬾᬘ᭄ᬙᬦᬦ᭄ᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬭᬭᬫ᭄ᬩᬗᬦ᭄ᬓᬵᬫᬚᬬ᭟ᬤ᭄ᬬᬲ᭄ᬢᬸᬦ᭄ᬧᬥᭂᬫ᭄‌ᬲᬶᬂᬲᬶᬂᬚᬮᬦ᭄ᬓᬢᬸᬫ᭄ᬩᬓᬶᬦ᭄᭞ᬩᬗ᭄ᬓᬾᬦᬾᬫᬧᬲᬄ᭞ᬮᬸᬫ᭄ᬩᬶᬄᬩᬗ᭄ᬓᬸᬂᬧᬳᬶᬤ᭄ᬘᬶᬘᬶᬂ᭞ᬮᬲ᭄ᬬᬫᬾᬮᬦᬶᬦ᭄ᬕᬕᬾᬮᬦ᭄᭟ᬚᬢᬸᬓᬵᬃᬫ᭄ᬫᬫᬸᬮᬧᬗᬦ᭄ᬢᬸᬗᬦ᭄ᬳᬸᬭᬶᬧ᭄᭞ᬭᬸᬫᬲᬢ᭄ᬓᬲᬸᬧᬢ᭄᭞
ᬓᬦᬶᬃᬩ᭄ᬪᬦᬦᬦᬕᬫᬶ᭞ᬓᬲᬸᬓᬵᬦᬾᬤᬶᬦᬶᬲᬵᬗ᭄ᬓᬮ᭟ᬚᬦ᭄ᬢᭀᬲ᭄ᬯᭂᬗᬶᬓᬵᬫᬚᬬᬓ᭄ᬭᬭᬓ᭄ᬓ᭄ᬭᬶᬭᬶᬓ᭄᭞ᬓᬤᬮᭀᬦ᭄ᬫᬕᬤᬂ᭞᭠ᬭᬶᬂᬢᭂᬗᬄᬫᭂᬢᬾᬦ᭄ᬧᬤᬶᬤᬶ᭞ᬦᭂᬕᬓ᭄ᬲᬫ᭄ᬩᬶᬮᬂᬫᬲᬤᬄ᭟ᬫᬋᬧ᭄ᬫᭂᬦᬾᬓ᭄ᬩᭂᬗᭀᬂᬫᭂᬍᬂᬮᬗᬶᬢ᭄ᬮᬗᬶᬢ᭄᭞ᬗᭂᬢᭀᬓ᭄ᬳᬶᬕᬳᬶᬕ᭞ᬲᬕᬾᬢ᭄ᬘᭂᬓ᭄ᬘᭂ᭠
ᬓᬾᬫᬫᬸᬜᬶ᭞ᬳᬸᬬᬸᬢ᭄ᬳᬶᬦᬩ᭄ᬗᬯᬗ᭄ᬲᬶᬢᬂ᭟ᬧᬘᬂᬲᬤ᭄ᬬᬓᬾᬯᬦ᭄ᬢᭂᬦ᭄ᬧᬕᭂᬄᬫᬓᬾᬃᬢ᭄ᬢᬶ᭞ᬓᬵᬫᬚᬬᬩᬶᬗᬃ᭞ᬧᬗᬸᬘ᭠ᬧᬾᬲᬶᬗ᭄ᬕ᭄ᬬᬦ᭄ᬰᬸᬘᬶ᭞ᬫᬸᬜᬶᬦ᭄ᬘᭂᬓ᭄ᬘᭂᬓᬾᬓᭂᬦ᭄ᬤᭂᬮᬂ᭟ᬫᬓᬲᬓ᭄ᬱᬶᬜᬓ᭄ᬱᬶᬦᬶᬦ᭄ᬳᬶᬥᭂᬧᬾᬢᬶᬮᬶᬂ᭞ᬜᬸᬫ᭄ᬩᬄᬩᬸᬲᬦ᭄ᬩᬸᬲ᭄᭞ᬤᬸᬫᬤᬓ᭄ᬢᬶᬢ᭄ᬬᬂᬤᬶᬕᭂ᭠

[᭑᭓᭔ 134A]
᭑᭓᭔
ᬮᬶᬲ᭄᭞ᬫᬤᭀᬦ᭄ᬚᬓᬫᬓᬭᭀᬦᬦ᭄᭟ᬗᬸᬦ᭄ᬤᬧᬸᬦ᭄ᬤᬧ᭄ᬓᬦ᭄ᬢᬸᬦ᭄ᬢᭂᬓᭂᬓ᭄ᬗᭂᬫᭂᬮ᭄ᬢᬸᬮᬶᬲ᭄᭞ᬧᭀᬮᬶᬄᬳᬚᬺᬧ᭄ᬚᭂᬧᬦ᭄᭞ᬓᬵᬫᬚᬬᬲᬕᬾᬢ᭄ᬗᬶᬧᬶ᭞ᬭᬱᬭᬯᬸᬄᬓᭂᬮᬧ᭄ᬓᭂᬮᬧ᭄᭟ᬭᬵᬚᬧᬸᬢ᭄ᬭᬶᬫᬭᬶᬂᬩᬮᬾᬦᬾᬫᬯᬶᬗ᭄ᬕᬶᬄ᭞ᬫᬶᬘ᭄ᬙᬬᬂᬍᬓᭂᬲᬦ᭄᭞ᬗᬸᬭᬸᬢᬸᬭᬸᬢ᭄ᬫᬧᬲᬶᬳᬶᬦ᭄᭞ᬭ
ᬱᬗᬚᬓᬶᬦ᭄ᬫᬓᬳᬤ᭄᭟ᬯᬯᬸᬳᭂᬦ᭄ᬢᭂᬦ᭄ᬕᬩᬕ᭄ᬢᬦ᭄ᬧᬗ᭄ᬕᬶᬄᬧᬸᬦᬧᬶ᭞ᬫᬜᭂᬢ᭄ᬓᬵᬫᬚᬬ᭞ᬍᬕᬦᬾᬲᬓᬭᬶᬂᬗᬶᬧᬶ᭞ᬦᭂᬕᬓ᭄ᬩᭂᬗᭀᬂᬓᬧᬸᬧᬸᬗᬦ᭄᭟ᬳᬕᬾᬫᬘᭂᬩᬸᬃᬦᬸᬮᬶᬗᬫ᭄ᬧᬓᬂᬓᭀᬭᬶ᭞ᬲᬵᬫ᭄ᬧᬸᬦ᭄‌ᬤᬲ᭄ᬭᬳᬶᬦ᭞ᬳᬾᬜ᭄ᬘᭀᬂᬫᬫᬵᬃᬕ᭄ᬕᬶᬓᬩᬾᬚᬶ᭞ᬭᬶᬂᬧᬜ᭄ᬘᭀ
ᬭᬦ᭄ᬫᬧᭂᬦᬶᬗᬦ᭄᭟ᬯᬸᬲ᭄ᬫᬲᬶᬭᬫ᭄ᬓᬢᬫᬦ᭄ᬭᬭᬶᬲ᭄ᬫᬗᬸᬗ᭄ᬲᬶ᭞ᬦᬸᬮᬶᬗᬮᬧ᭄ᬲᭂᬓᬃ᭞ᬚᭂᬧᬸᬦ᭄ᬘᬫ᭄ᬧᬓᬚᬫ᭄ᬧᬶᬭᬶᬂ᭞ᬢᬸᬮᬓ᭄ᬫᬮᬶᬄᬓᬧᬤᬸᬓ᭄ᬯᬦ᭄᭟ᬧ᭄ᬭᬤᬂᬲᬵᬫ᭄ᬧᬸᬦ᭄ᬓᬵᬫᬚᬬᬫᬗᬬᬳᬶᬦ᭄᭞ᬲᬂᬬᭀᬕᬶᬫᬧᬹᬚ᭞ᬜᬹᬃᬬ᭄ᬬᬰᬾᬯᬦᬗᬲ᭄ᬢᬸᬢᬶ᭞ᬳ᭄ᬬᬂᬅᬃᬓ᭄ᬓᬦᬸᬗ᭄ᬕᬂᬧᬃᬯ᭄ᬯᬢ᭟ᬲᬵᬫ᭄ᬧᬸ
ᬦ᭄ᬧᬸᬧᬸᬢ᭄ᬓᬵᬫᬚᬬᬫᬗᬬᬳᬶᬦ᭄᭞ᬲᬂᬬᭀᬕᬶᬫᬧᬹᬚ᭞ᬫᬫᬶᬢᬂᬮᬸᬕ᭄ᬭᬫᬧᬫᬶᬢ᭄᭞ᬲᬯᬸᬲᬦ᭄ᬫᬚᬬᬚᬬ᭟ᬘᬕ᭄ᬘᬕ᭄ᬘᬶᬕ᭄ᬘᬶᬕ᭄ᬓᬵᬫᬚᬬᬲ᭄ᬮᬩ᭄ᬲᬩ᭄‌ᬲ᭄ᬮᬶᬩ᭄ᬲᬶᬩ᭄᭞ᬜᬭᬸᬫᬢᬸᬮᬸᬧᬦ᭄᭞ᬭᬶᬂᬓᬸᬩᭀᬦ᭄ᬲᬫ᭄ᬩᬶᬮᬂᬗᭂᬢᬶᬲ᭄᭞ᬢᬫ᭄ᬩᬾᬳᭀᬗ᭄ᬓᭂᬩ᭄ᬧᬦᬲ᭄ᬩᬭ᭟ᬚᬗ᭄ᬓ [ 135 ][᭑᭓᭔ 134B]
᭑᭓᭔
ᬓ᭄ᬚᭀᬗ᭄ᬓᭀᬓ᭄‌‌ᬳᬶᬦᬩᬾᬗᬶᬮᬶᬗᬶᬦ᭄ᬧᬓ᭄ᬱᬶ᭞ᬫᬶᬤᭂᬃᬫᬧᬯᬲᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬶᬳᬶᬦ᭄ᬧᬸᬦᬧᬶ᭞ᬢᬫ᭄ᬩᬾᬲᬓᬤᬶᬩᬸᬜ᭄ᬘᬸᬮᬦ᭄᭟ᬫᬧᬗ᭄ᬲᭂᬕᬦ᭄‌‌ᬭᬶᬂᬩᭀᬗ᭄ᬓᭀᬮ᭄ᬢᬭᬸᬦᬾᬗᭂᬢᬶᬲ᭄᭞ᬢᬸᬮᬸᬧᬾᬲᬤᬳᬂ᭞ᬩᭂᬗᭀᬂᬜᭀᬗ᭄ᬓᭀᬓ᭄ᬗᭂᬮᬸᬢ᭄ᬩᬢᬶᬲ᭄᭞ᬲᬕᬾᬢ᭄ᬦᭂᬕᬓ᭄ᬗᬸ᭠
ᬭᬶᬓ᭄ᬢᬦᬄ᭟ᬮᬶᬗ᭄ᬲᬶᬃᬲᬜ᭄ᬚᬯᬯᬸᬫᬦ᭄ᬢᬸᬓ᭄ᬲᬤᬜᬶᬮᬶᬩ᭄᭞ᬧᬮᬶᬬᬢᬾᬗᭀᬫᬂ᭞ᬢᭀᬂᬲᭂᬍᬕ᭄ᬫᭂᬮᬚᬄᬫᬮᬶᬄ᭞ᬫᬓᬯᬶᬦ᭄‌‌ᬬᬤᬶᬦ᭄ᬫᬪᬵᬱᬦ᭄᭟ᬢᬦ᭄ᬤᬂᬩᭂᬘᬶᬓ᭄‌‌ᬭᬵᬚᬧᬸᬢ᭄ᬭᬶᬢᬍᬃᬓᬵᬭᬶ᭞ᬓᬍᬲᭀᬦ᭄ᬫᬕᬤᬂ᭞ᬲᬓᬾᬂᬢᬶᬕᬂᬤᬶᬦᬓᬯᬶᬢ᭄᭞ᬯᬸᬲᬦ᭄ᬦᭀᬦ᭄ᬢᭀᬦ᭄ᬘ
ᬮᭀᬦᬭᬂ᭟ᬓᬗ᭄ᬓᬢ᭄ᬲᬫᬸᬦ᭄ᬭᬶᬂᬧᬤᬸᬓ᭄ᬯᬦ᭄ᬲᬩ᭄ᬭᬦ᭄ᬯᭂᬗᬶ᭞ᬲᬯᬶᬭᬾᬄᬫᬭᬵᬃᬬ᭄ᬬᬦ᭄᭞ᬳᬮᬶᬢᬮᬶᬢᬾᬫᬕᭂᬦ᭄ᬤᬶᬂ᭞ᬓᬦ᭄ᬢᬸᬦ᭄ᬭᬾᬧᭀᬢ᭄ᬫᬓᭂᬚᬂ᭟ᬲᭀᬧᬘᬭᬭᬶᬂᬤᬍᬫ᭄ᬲᬯᬸᬲᬦ᭄ᬯᬮᬶ᭞ᬲᬫᬶᬓᬦ᭄ᬢᬸᬦ᭄ᬓᬶᬬᬧ᭄᭞ᬤᬸᬮᬸᬭᬶᬦ᭄ᬲᭂᬤᭂᬓ᭄ᬭᬶᬂᬘᬭᬶᬓ᭄᭞ᬫᬲᬦ᭄ᬫᬢᭂᬓᬧ᭄ᬫᭂᬮᬲᬄ᭟
ᬤᬸᬭᬸᬂᬧᭀᬮᬶᬄᬲᭂᬗ᭄ᬕᬂᬫᬗ᭄ᬕᬸᬭᬦ᭄ᬫᬕᭂᬦ᭄ᬤᬶᬂ᭞ᬫᭂᬮᬚᬄᬫᬰᬵᬲ᭄ᬢ᭄ᬭ᭞ᬭᬾᬄᬓᬦ᭄ᬢᬸᬦ᭄ᬗᭂᬳᭂᬓ᭄ᬭᬶᬂᬘᬭᬶᬓ᭄᭞ᬲᭂᬤᭂᬓ᭄ᬭᬶᬚᭂᬓ᭄ᬫᬕᬭᬧ᭠ᬦ᭄᭟ᬲᬯᭀᬂᬤᬾᬰᬮᬦᬂᬳᬶᬲ᭄ᬢ᭄ᬭᬶᬳᬕᬸᬂᬳᬮᬶᬢ᭄᭞ᬫᬓᬵᬃᬬ᭄ᬬᬓᬲᬯᬄ᭞ᬤᬸᬓ᭄ᬦᬶᬓᬭᬶᬂᬢᬫᬦ᭄ᬩᬮᬶ᭞ᬓᬗ᭄ᬓᬢ᭄ᬲᬫᬸᬦ᭄ᬭᬶᬂᬧᬤᬸᬓ᭄ᬯᬦ᭄᭟᭜᭟

[᭑᭓᭕ 135A]
᭑᭓᭕
ᬤᬹᬃᬫ᭄ᬫ᭟᭜᭟ᬓᬤᬶᬲᬶᬧ᭄ᬢᬜᬶᬧ᭄ᬢᬬᬂᬳᬬᬸᬓᬮᬵᬯᬦ᭄᭞ᬳᬮᬭᬶᬂᬢᬫᬦ᭄ᬩᬮᬶ᭞ᬯᬯᬸᬲᬦ᭄ᬤᬾᬓᬵᬮ᭞ᬲᬬᭀᬗᬾᬫ᭠ᬮᬶᬫᬸᬦᬦ᭄᭞ᬗᬮᬶᬓᬸᬩ᭄ᬫᬓᬦ᭄ᬢᭂᬦ᭄ᬧᬸᬢᬶᬄ᭞ᬯᬸᬲ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬋᬲ᭄ᬋᬲ᭄ᬲᬤᬾᬰᬲᬫᬶ᭟ᬳᬲᬸᬗᬸᬮᬸᬦ᭄ᬗᬮᬸᬧ᭄ᬲᬩᬶᬮᬂᬧᭂᬫ᭄ᬧᬢᬦ᭄᭞ᬢ
ᬗᬶᬲᬾᬲᭂᬗᬶᬲᭂᬗᬶ᭞ᬭᬱᬗᭂᬮᬤ᭄ᬧ᭄ᬭᬡ᭞ᬫᬭᬶᬂᬧᬗ᭄ᬳᬸᬮᬸᬦ᭄‌‌ᬓ᭄ᬱᬾᬢ᭄ᬭ᭞ᬓᬮᬸᬤ᭄ᬯᭂᬗᬶᬧᭂᬢᭂᬂᬰᬰᬶᬄ᭞ᬚᭂᬚᭂᬄᬲᬗ᭄ᬲᬬ᭞᭠ᬯᭀᬂᬤᬾᬰᬢᬫᬦ᭄ᬩᬮᬶ᭟ᬮᬦᬂᬳᬶᬲ᭄ᬢ᭄ᬭᬶᬢᬦ᭄ᬧᬸᬭᬸᬦ᭄ᬫᭂᬤᬮ᭄ᬓᬚᬩ᭞ᬲᬬᬕᬗᬜ᭄ᬘᬶᬂᬓᭀᬭᬶ᭞ᬮᬯᬂᬧᬓᬭᬗᬦ᭄᭞ᬳᬦ᭄ᬢᬸᬓ᭄ᬳᬗ᭄ᬓᭂᬩᬗ᭄ᬓᭂᬩ᭠
ᬦ᭄᭞ᬗᭂᬲ᭄ᬫᬢᭂᬢᭂᬄᬘᬭᬂᬘᬗᬶᬂ᭞ᬯᬾᬦ᭄ᬢᭂᬦ᭄ᬲᬗ᭄ᬓᬮ᭞ᬧ᭄ᬬᬦᬓᬾᬓᬵᬭᬶᬳᬮᬶᬢ᭄᭟ᬓᬸᬭᬓ᭄ᬓᬭᬶᬓ᭄ᬗᭂᬮᬶᬂᬫᬜᬓᬶᬢᬂᬩᬲᬂ᭞ᬓᬢᬳᬦ᭄ᬦᭂᬥᬕᭂᬦ᭄ᬤᬶᬲ᭄᭞ᬤᬸᬧ᭄ᬤᬸᬧᬂᬳᬶᬦ᭄ᬤᭂᬗᬂ᭞ᬢᬍᬃᬓᬦ᭄ᬢᬸᬦ᭄ᬗᬍᬗ᭄ᬕᬓ᭄᭞ᬭᬭᬫᬦᬶᬧᬸᬦ᭄ᬮᬸᬄᬫ᭄ᬯᬦᬶ᭞ᬢᬦ᭄ᬧᬸᬭᬸᬦ᭄ᬫᭂᬤᬮ᭄᭞ᬗᬋᬋᬄᬩᬮ᭄ᬬᬦ᭄ᬯᭂᬗᬶ᭟
ᬲᬬᬦ᭄ᬯᭂᬗᬶᬲᬬᬦ᭄ᬲᬬᬦ᭄ᬫᬤᬹᬃᬕ᭄ᬕᬫ᭞ᬫᬶᬭᬕᬶᬲᬩᬾᬂᬯᭂᬗᬶ᭞ᬫᬲ᭄ᬯᬭᬢᬦ᭄ᬧᭂᬕᬢ᭄᭞ᬘᬍᬧᬸᬓ᭄ᬧᬓ᭄ᬱᬶᬘᬳᬓ᭄᭞ᬭᬱᬬᬂᬫᭂᬤ᭄ᬧᭂᬤᬂᬫᬵᬢᬶ᭞ᬲᬂᬓᬢᬶᬩᬦ᭄᭞ᬲᬓᬶᬢ᭄ᬢᬹᬃᬗᬸᬢᬄᬫᬶᬲᬶᬂ᭟ᬧᭂᬢᭂᬂᬤᭂᬤᭂᬢ᭄ᬢᬦ᭄ᬯᬾᬦ᭄ᬢᭂᬦ᭄ᬫᬓᬦ᭄ᬢᭂᬦ᭄ᬩᬶᬦ᭄ᬢᬂ᭞ᬲᬳᬲᬩᭂᬄᬗᬭᬶᬩᬶᬲ᭄᭞ᬕᭂ᭠ [ 136 ][᭑᭓᭕ 135B]
᭑᭓᭕
ᬋᬄᬫᬦ᭄ᬤ᭄ᬭᬫᬦ᭄ᬤ᭄ᬭ᭞ᬓᬶᬮᬧ᭄ᬢᬝᬶᬢ᭄ᬢᬦ᭄ᬧᭂᬕᬢ᭄᭞ᬬᬦ᭄ᬲᬯᬗᬂᬳᬶᬦᬩ᭄ᬤᬾᬱ᭄ᬝᬶ᭞ᬲᭂᬤᭂᬓ᭄ᬫᬬᬸᬤ᭄ᬥ᭞ᬫᬲ᭄ᬮᬶᬯᭂᬭᬦ᭄ᬭᬶᬂᬮᬗᬶᬢ᭄᭟ᬓᭂᬮᬧ᭄ᬓᭂᬮᬾᬧ᭄ᬓᬦ᭄ᬢᭂᬦ᭄ᬕᬮᬂᬭᬶᬂᬧᬤᬸᬓ᭄ᬯᬦ᭄᭞ᬯᬾᬦ᭄ᬢᭂᬦ᭄ᬭᬱᬜᬮᬶᬩ᭄ᬲᬶᬩ᭄᭞ᬫᬭᬹᬧᬚᭂᬍᬕᬦ᭄᭞ᬲᬓᬾᬂᬕᭂᬤᭀᬗᬦ᭄ᬫᭂᬤᬮ᭄᭞ᬲᬋᬂᬓᬵᬮᬶᬄᬢᭂ
ᬤᬸᬦ᭄ᬓᬗᬶᬦ᭄᭞ᬗᬸᬗ᭄ᬲᬶᬓᬢᬸᬓᬤ᭄᭞ᬭᬶᬲᭂᬤᭂᬓ᭄ᬲᬸᬯᬸᬂᬲᭂᬧᬶ᭟ᬓᬸᬤᬸᬂᬓᬸᬤᬸᬂᬫᬫᬵᬃᬕ᭄ᬕᬶᬫᬤᬦ᭄ᬤᬦ᭄ᬢᬗᬦ᭄᭞ᬗᬸᬗ᭄ᬲᬶᬢᬸᬓᬤ᭄ᬫᭂᬮᬗᬶᬢ᭄᭞ᬜᬮᬶᬬᭂᬩ᭄ᬗᬮᬾᬭᬂ᭞ᬢᬦ᭄ᬯᬾᬦ᭄ᬢᭂᬦ᭄ᬦᬸᬫᭀᬦᬂ᭞ᬧᬓᬯᭀᬦ᭄ᬲᬂᬓᬵᬮᬶᬄᬜᬶᬮᬶᬩ᭄᭞ᬲᬓᬾᬂᬧᬤᬸᬓ᭄ᬯᬦ᭄᭞ᬯᬢᬭᬢᭂᬗᬄᬯᭂᬗᬶ᭟
ᬕᬮᬂᬓᬗᬶᬦ᭄ᬭᬾᬜ᭄ᬘᬂᬭᭀᬩᬦ᭄ᬲᭂᬤᭂᬓ᭄ᬜᬫ᭄ᬧᬢ᭄᭞ᬗᬢᬩ᭄ᬢᬩ᭄ᬫᬫᬗ᭄ᬕᬶᬳᬶᬦ᭄᭞ᬕᭂᬤᭀᬗᬾᬫᬫ᭄ᬧᬓᬦ᭄᭞ᬤᬶᬳ᭠ᬕᬾᬫᬤᭂᬮᭀᬓᬦ᭄᭞ᬧᬗ᭄ᬕᬶᬄᬳᬶᬧᬸᬦ᭄ᬜᭀᬫᬦ᭄ᬲᬭᬶ᭞ᬮᬦ᭄ᬫᬥᬾᬲᭂᬓᬃ᭞ᬍᬍᬧᬦᬶᬤ᭄ᬭᬓᬵᬭᬶ᭟ᬭᬵᬚᬧᬸᬢ᭄ᬭᬶᬦᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬭᬶᬂᬧᬫᬺ
ᬫᬦ᭄᭞ᬳᬶᬦᬩ᭄ᬲᬵᬫ᭄ᬧᬸᬦ᭄ᬫᬢᬗᬶ᭞ᬫᬲᬶᬭᬫ᭄ᬓᬢᬸᬓᬤ᭄᭞ᬢᬫ᭄ᬩᬾᬳᬶᬤᬗᬭᬕ᭞ᬲᬂᬓᬵᬮᬶᬄᬓᬤᬸᬦ᭄ᬤᬸᬦ᭄ᬭᬭᬶᬲ᭄᭞ᬩᬗᬸᬦ᭄ᬗᬮᬾᬚᬢ᭄᭞ᬓᬧᬸᬧᬸᬗᬦ᭄ᬓᬩᬶᬮ᭄ᬩᬶᬮ᭄᭟ᬩᭂᬘᬢ᭄ᬲᬾᬧᬦ᭄ᬓᬦ᭄ᬢᬸᬦᭀᬬᭀᬕᭀᬬᭀᬕ᭄ᬦᭂᬕᬓ᭄᭞ᬯᬯᬸᬦᭀᬮᬶᬄᬓᬲᬫ᭄ᬧᬶᬂ᭞ᬭᬵᬚ

[᭑᭓᭖ 136A]
᭑᭓᭖
ᬧᬸᬢ᭄ᬭᬶᬳᬶᬘᬮ᭄᭞ᬗᬢᬩ᭄ᬢᬩ᭄ᬫᬥᬾᬲᭂᬓᬃ᭞ᬲᬋᬂᬳᬶᬧᬸᬦ᭄ᬜᭀᬫᬦ᭄ᬲᬭᬶ᭞ᬗᭂᬜᭂᬢᬂᬳᬶᬤ᭞ᬭᬵᬚᬧᬸᬢ᭄ᬭᬶᬓᬩᬾᬚᬶ᭟ᬳᬕᬾᬜᬕ᭄ᬚᬕ᭄ᬲᬂᬓᬵᬮᬶᬄᬢᭂᬤᬸᬦ᭄ᬓᬢᬸᬓᬤ᭄᭞ᬧᬸᬦᬧᬶᬢᬦ᭄ᬓᬧᬗ᭄ᬕᬶᬄ᭞ᬲᬸᬯᬸᬂᬭᬶᬂᬧᬜ᭄ᬘᭀᬭᬦ᭄᭞ᬫᬾᬄᬲᭂᬭᬓ᭄ᬫᬚᭂᬭᬶᬢᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾ
ᬜᬳᬸᬭᬶᬦ᭄᭞ᬤᬸᬭᬸᬲ᭄ᬫᬕᬸᬬᬂ᭞ᬢᬹᬃᬳᭂᬗ᭄ᬕᭀᬃᬳᭂᬗ᭄ᬕᭀᬃᬗᭂᬮᬶᬂ᭟ᬫᬥᬾᬲᭂᬓᬃᬮᬦ᭄ᬜᭀᬫᬦ᭄ᬲᬭᬶᬲᬶᬕ᭄ᬲᬶᬕᬦ᭄᭞ᬫᬗᭂᬦᬂᬤᬾᬯᬾᬓ᭄ᬲᬶᬲᬶᬧ᭄᭞ᬫᬾᬄᬓᬭᬵᬚᬪᬵᬬ᭞ᬳᬦ᭄ᬢᬸᬓ᭄ᬳᬶᬤᬦᬭᬾᬦ᭄ᬤ᭄ᬭ᭞ᬳᬸᬭᬶᬧᬾᬮᬓᬃᬗᭂᬫᬲᬶᬦ᭄᭞ᬳᬸᬧᬳᬾᬳᬫ᭄ᬧᬄ᭞ᬫᬗᭂᬫᬶᬢ᭄ᬭᬵᬚᬧᬸ᭠
ᬢ᭄ᬭᬶ᭟ᬥᬹᬄᬤᬾᬯᬵᬕᬸᬂᬤᭀᬂᬓᬶᬚᬘᭀᬓᭀᬭᬶᬤᬾᬯ᭞ᬗᬯᬾᬦᬂᬢᬶᬢ᭄ᬬᬂᬲᬶᬲᬶᬧ᭄᭞ᬦᬧᬶᬳᬶᬯᬂᬢᬶᬢ᭄ᬬᬂ᭞ᬮᬮᬶᬲ᭄ᬘᭀᬓᭀᬭᬶᬤᬾᬯ᭞ᬗᬸᬢᬂᬢᬶᬢ᭄ᬬᬂᬲᬋᬂᬓᬵᬮᬶᬄ᭞ᬢᬦ᭄ᬯᬗ᭄ᬤᬾᬢᬶᬢ᭄ᬬᬂ᭞ᬧᬥᭂᬫ᭄ᬗᭂᬫᬲᬶᬦ᭄ᬲᬶᬲᬶᬧ᭄᭟ᬳᬚᬶᬦ᭄ᬘᭀᬓᭀᬭᬶᬤᬾᬯᬫᭂᬗ᭄ᬕᬄᬧᬶᬤᬸᬓ᭞
ᬭᬶᬂᬢᬶᬢ᭄ᬬᬂᬳᬫ᭄ᬧᬄᬗᭂᬫᬶᬢ᭄᭞ᬲᬕᬾᬢ᭄ᬭᬶᬂᬧᬤᬸᬓ᭄ᬯᬦ᭄᭞ᬭᬾᬜ᭄ᬘᬂᬭᭀᬩᬦ᭄ᬗᬢᬩ᭄ᬢᬩ᭄᭞ᬓᬵᬫᬚᬬᬢᬦ᭄ᬓᬧᬗ᭄ᬕᬶᬄ᭞ᬫ᭠ᬓᬯᭀᬦ᭄ᬳᬶᬘᬮ᭄᭞ᬳᬢᬸᬭᬾᬭᬶᬂᬲᬂᬬᭀᬕᬶ᭟ᬫᬶᬦᬓᬵᬤᬶᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶᬓᬸᬦᬶᬗᬂ᭞ᬧᬸᬢᬸᬦ᭄ᬤᬦᬾᬢᬦ᭄ᬓᬵᬭᬶ᭞ᬫᬭᬶᬂᬧᬲᬭᬾᬦᬦ᭄᭞ [ 137 ][᭑᭓᭖ 136B]
᭑᭓᭖
ᬫᬧ᭄ᬮᭂᬗᭂᬓ᭄ᬲᬂᬓᬵᬢᬸᬭᬦ᭄᭞ᬤᬸᬓᬸᬄᬮᬦᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬳᭀᬲᭂᬓᬶᬂᬘᬶᬢ᭄ᬢ᭞ᬩᬬᬧᬗᭂᬦ᭄ᬤᬦ᭄ᬯᬶᬤ᭄ᬥᬶ᭟ᬓᬵᬫᬚᬬᬗᬮᬓᭀᬦᬶᬦ᭄ᬤ᭄ᬭᬢᬶᬓ᭄ᬭᬫ᭞ᬓᬩᬡ᭄ᬥᬮᬸᬮᬸᬢ᭄ᬳᬲᬶᬄ᭞ᬢᭀᬂᬦᬯᬂᬓᬮᬶᬗᬦ᭄᭞ᬮᬶᬧ᭄ᬬᬢᭂᬓᬾᬦ᭄ᬰᬰᬡ᭞ᬢ᭄ᬯᬭᬦᬯᬂᬩᭂᬦᭂᬄᬧᭂᬮᬶᬄ᭞ᬓᭂᬫᭀᬳᬾᬗ᭄ᬕᬮᬂ᭞
ᬘᭂᬭᬶᬓ᭄ᬘᭂᬭᬶᬓᬾᬚᬦᬶ᭟ᬭᬸᬭᬸᬄᬓᬵᬫᬚᬬᬳᬧᬂᬓᬦ᭄ᬢᬶᬩᬓᬢ᭄᭞ᬫᬾᬄᬢᭀᬦ᭄ᬤᬾᬦ᭄ᬚᭀᬄᬫᬕᭂᬤᬶ᭞ᬢᬸᬢᬸᬕᬾᬗ᭄ᬕᬮᬾᬗ᭄ᬕᬮ᭄᭞ᬲᬂᬓᬤᬯᬸᬳᬦ᭄ᬕᬜ᭄ᬘᬂ᭞ᬧᬫᬵᬃᬕ᭄ᬕᬶᬦᬾᬗᭂᬢᬹᬢ᭄ᬩᬸᬭᬶ᭞ᬯᬾᬦ᭄ᬢᭂᬦ᭄ᬓᬢᬸᬓᬤ᭄᭞ᬯᬾᬦ᭄ᬢᭂᬦ᭄ᬓᬢᭂᬕᬮ᭄ᬘᬭᬶᬓ᭄᭟ᬫᬥᬾᬲᭂᬓᬃᬜᭀᬫᬦ᭄ᬲ᭠
ᬭᬶᬗᬫᬸᬗ᭄ᬕᬳᬂ᭞ᬫᬢᬸᬮᬓ᭄ᬲᬓᬾᬂᬩᬾᬚᬶ᭞ᬢᬦ᭄ᬲᬄᬜᭂᬮ᭄ᬲᭂᬮ᭄ᬳᬯᬓ᭄᭞ᬜᬫ᭄ᬩᬢᬂᬢᬦᬶᬩᬕ᭄ᬬ᭞ᬲᬂᬫᬲᬲᭂᬋᬧ᭄ᬓᬧᬗ᭄ᬕᬶᬄ᭞ᬜᬸᬦᬸᬢ᭄ᬦᭂᬤᬸᬦᬂ᭞ᬢᬸᬫᬸᬮᬶᬓᬢᬓᬾᬦᬶᬦ᭄᭟ᬲᬗ᭄ᬓᬦ᭄ᬕᭂᬲᬄᬫᬋᬲᬄᬲᬶᬦᬋᬂᬓᬢᬄ᭞ᬚᬦ᭄ᬢᭀᬲ᭄ᬫᬩᬸᬍᬢ᭄ᬜᭂᬮᬶᬢ᭄᭞ᬫᬸᬭᬂᬫᬸᬭᬂᬮ
ᬫ᭄ᬧᬄ᭞ᬲᬳᬸᬃᬲᬂᬓᬢᬓᬾᬦᬦ᭄᭞ᬢᬶᬬᬂᬓᬳᬸᬢᬸᬲ᭄ᬫᭂᬤᬲᬶᬦ᭄᭞ᬦᬾᬧᬸᬭᬸᬦ᭄ᬗᭂᬩᬂ᭞ᬤᬦᬾᬫᭂᬓᭂᬮᬾᬳᬮᬶᬢ᭄᭟ᬤᬾᬦᬶᬂᬚᬦ᭄ᬢᭂᬦ᭄ᬫᬓᬯᭀᬦ᭄ᬲᬓᬾᬂᬧᬤᬸᬓ᭄ᬯᬦ᭄᭞ᬫᬦᬯᬶᬤᬦᬾᬗᬶᬭᬶᬂ᭞ᬲᬂᬫᬡᬶᬓᬶᬂᬧᬸᬭ᭞ᬫᬥᬾᬲᭂᬓᬃᬩᭂᬮ᭄ᬩᭂᬮᬦ᭄᭞ᬫᬶᬭᬕᬶᬳᭀᬃ

[᭑᭓᭗ 137A]
᭑᭓᭗
ᬢ᭄ᬢᬶᬦᬾᬧᬲ᭄ᬢᬶ᭞ᬬᬦ᭄ᬓᬵᬫᬚᬬ᭞ᬓᬚᬃᬯ᭄ᬯᬓᬂᬢᬦ᭄ᬓᬵᬭᬶ᭟ᬭᬶᬂᬧᬤᬸᬓ᭄ᬯᬦ᭄ᬲᬶᬦᬄᬫᬤᬬᬘᭀᬭᬄ᭞ᬧᬜᭂᬢᬦ᭄ᬜᭀᬫᬦ᭄ᬲᬭᬶ᭞ᬓᬵᬮᬶᬄᬫᬥᬾᬲᭂᬓᬃ᭞ᬲᬫ᭄ᬩᬶᬮᬂᬗᬫᬸᬗ᭄ᬕᬳᬂ᭞ᬭᬯᬸᬄᬭᬶᬂᬧᬤᬸᬓ᭄ᬯᬦ᭄ᬢᬗ᭄ᬓᬶᬮ᭄᭞ᬫᬢᬶᬫ᭄ᬧᬸᬄᬤᬩ᭄ᬤᬩ᭄᭞ᬲᬤᬫᬲᭂᬩᭂᬂᬚᭂᬗᬶᬲ᭄᭟ᬳᬕᬾᬫᬵ
ᬢᬹᬃᬲᬂᬓᬵᬮᬶᬄᬭᬶᬂᬤᬸᬓᬸᬄᬮᬦᬂ᭞ᬓᬵᬮᬶᬄᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭ᭞ᬫᬧᬫᬶᬢ᭄ᬫᬗ᭄ᬓᬶᬦ᭄ᬩᬸᬤᬮ᭄᭞ᬭᬾᬄᬧᬸᬢᬸᬦ᭄ᬚ᭄ᬭᭀᬦᬾᬢᬦ᭄ᬓᬵᬭᬶ᭞ᬦᬶᬃᬕᬸᬡᬢᬶᬢ᭄ᬬᬂ᭞ᬫᬫᬋᬓᬦ᭄ᬳᬶᬭᬶᬓᬶ᭟ᬫᭂᬦᭂᬂᬤᬦᬾᬤᬸᬓᬸᬄᬳᬶᬲ᭄ᬢ᭄ᬭᬶᬢᬦ᭄ᬧᬗᬸᬘᬧ᭄᭞ᬫᬘᬧ᭄ᬘᬧ᭄ᬢᭀᬬᬦ᭄ᬳᬓ᭄ᬱᬶ᭞
ᬫᬗᭂᬦᬂᬲᬂᬳᬶᬘᬮ᭄᭞ᬓᬓᬵᬮᬶᬄᬲᬶᬦᬋᬗᬦ᭄᭞ᬧᬸᬢᬸᬦ᭄ᬤᬦᬾᬮᬦᬂᬳᬶᬲ᭄ᬢ᭄ᬭᬶ᭞ᬳᭀᬲᭂᬓᬶᬂᬢᬸᬯᬲ᭄᭞ᬲᬸᬗ᭄ᬲᬸᬢ᭄ᬢ᭠ᬦ᭄ᬓᬤᬶᬓᬤᬶ᭟ᬤᬸᬓᬸᬄᬮᬦᬂᬗᭂᬫ᭄ᬩᭂᬂᬳᬓ᭄ᬱᬶᬫᬗᬦ᭄ᬤᬶᬓ᭞ᬦᬄᬓᭂᬫᭀᬜᬳᬶᬫᬸᬮᬶᬄ᭞ᬓᬕᬾᬮ᭄ᬕᬾᬮ᭄ᬳᬾᬗ᭄ᬕᬮᬂ᭞ᬢᬗ᭄ᬓᬶᬮ᭄ᬓᬲ᭄ᬯᬾᬘ᭄ᬙᬧᬸᬭ᭞
ᬳᬸᬦᬶᬗ᭄ᬳᬂᬳᬸᬦ᭄ᬤᬸᬓᬾᬤᬶᬦᬶ᭞ᬢᬶᬩᬾᬦ᭄ᬲᬗ᭄ᬓᬮ᭞ᬲᬭᬮᬾᬤᬂᬰ᭄ᬭᬶᬳᬚᬶ᭟ᬢ᭄ᬯᬭᬜᬦ᭄ᬤᬂᬩᬧᬩ᭄ᬯᬶᬦ᭄ᬮᬦ᭄ᬢᬂᬫᬓᬦ᭄ᬤ᭞ᬩᬧᬜᬤ᭄ᬬᬦᬢᬓᬶᬦ᭄᭞ᬧᬫᬶᬤᬸᬓᬦ᭄ᬳᬶᬤ᭞ᬲᭀᬢᬦᬶᬂᬫᬗᬯᬸᬮ᭞ᬢᬦ᭄ᬯᭂᬦᬂᬳᬤ᭄ᬭᬸᬯᬾᬩᬸᬤ᭄ᬥᬶ᭞ᬗᭂᬮᬶᬂᬲᬶᬕ᭄ᬲᬶᬕᬦ᭄᭞ᬲᬓᬢᬳᬶᬂᬫᬶᬭ᭠ [ 138 ][᭑᭓᭗ 137B]
᭑᭓᭗
ᬕᬶ᭟ᬢᬫ᭄ᬩᬾᬓᬤᬶᬤᬸᬓᬸᬄᬮᬦᬂᬫᬢᭂᬮᬲᬦ᭄᭞ᬜᭀᬫᬦ᭄ᬲᬭᬶᬫᬧᬫᬶᬢ᭄᭞ᬲᬋᬫᬥᬾᬲᭂᬓᬃ᭞ᬲᬤᬳᬾᬜ᭄ᬘᭀᬂᬫᬚᬮᬦ᭄᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬲᬩᬶᬮᬂᬤᬗ᭄ᬓ᭞ᬫᬲᭂᬮ᭄ᬲᭂᬮᬦ᭄ᬢᬦ᭄ᬫᬭᬶ᭟ᬜᭂᬮ᭄ᬲᭂᬮ᭄ᬳᬯᬓ᭄‌ᬳᬭᬄᬢᬗᬭᬾᬳᬩᬸᬮᬦ᭄᭞ᬲᬗ᭄ᬓ
ᬮᬩᬦ᭄ᬳᬯᬳᬶ᭞ᬳᬫ᭄ᬧᬳᬾᬫᬓ᭄ᬭᬡ᭞ᬢ᭄ᬯᬭᬧᭂᬲᬦ᭄ᬫᬤᬬ᭞ᬓᬬᬸᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬜᭂᬭᭀᬤᬂᬭᬵᬕ᭞ᬫᭀᬩᭀᬢᬂᬚᬮ᭄ᬫᬍᬤᬶᬂ᭟ᬓᬵᬫᬚᬬᬧ᭄ᬭᬲᬗ᭄ᬕᬫᬵᬫ᭄ᬪᭃᬓᬦ᭄ᬘᭀᬭᬄ᭞ᬩᬲ᭄ᬧᬗ᭄ᬓᬄᬜᬸᬚᬸᬄᬮᬗᬶᬢ᭄᭞ᬮᬕᬸᬢᬾᬫᬫᬶᬲᬦ᭄᭞ᬢᭀᬂᬦᬯᬂᬢᬢᬓ᭄ᬭ
ᬫ᭞ᬳᬸᬭᬶᬧᬾᬮᬓᬃᬦᬦ᭄ᬤᬶᬗᬶᬦ᭄᭞ᬳᬸᬧᬄᬤᬹᬃᬰᬶᬮ᭞ᬧᬗᬸᬧᭂᬢ᭄ᬲᬂᬧ᭄ᬭᬶᬳᬢᬶᬦ᭄᭟᭜᭟ᬕᬶᬦᬤ᭟᭜᭟ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬧᬫᬵᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭞ᬢᬦᬸᬘᬧᬦ᭄ᬲᬂᬮᬸᬫᬓᬸ᭞ᬫᬾᬄᬲᬵᬫ᭄ᬧᬸᬦ᭄ᬭᬶᬂᬲ᭄ᬯᬾᬘ᭄ᬙᬧᬸᬭ᭞ᬲᬦᬾᬫ᭠
ᬗ᭄ᬓᬶᬦ᭄᭞ᬯᬮᬾᬦᬶᬦ᭄ᬧᬸᬦᬂᬘᬭᬶᬢ᭟ᬬᬦ᭄ᬢᬓᭀᬘᬧ᭄ᬭᬶᬂᬧᬤᬸᬓ᭄ᬯᬦ᭄᭞ᬤᬦᬾᬤᬸᬓᬸᬄᬮᬦᬂᬳᬶᬲ᭄ᬢ᭄ᬭᬶ᭞ᬧᬓᬵᬮᬶᬳᬦ᭄ᬩᭂ᭠ᬗᭀᬂᬩᭂᬗᭀᬂ᭞ᬗᬸᬦ᭄ᬗᬸᬦ᭄ᬓᬳᬶᬘᬮᬦ᭄ᬧᬸᬢᬸ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬲᬋᬂᬓᬵᬮᬶᬄ᭞ᬢᬦ᭄ᬧᬯᬗ᭄ᬲᬶᬢ᭄ᬦᬶᬗ᭄ᬕᬮ᭄ᬤᬾᬰ᭟ᬤᬸᬓᬸᬄᬳᬶᬲ᭄ᬢ᭄ᬭᬶ᭠

[᭑᭓᭘ 138A]
᭑᭓᭘
ᬫᬤᭂᬓᭂᬲᬦ᭄᭞ᬫᬵᬢᬹᬃᬭᬶᬂᬤᬸᬓᬸᬄᬲᬸᬮᬤ᭄ᬭᬶ᭞ᬲᬵᬫ᭄ᬧᬸᬦᬂᬩᭂᬮᬶᬦ᭄ᬤᬸᬓᬬᬂ᭞ᬳᬦ᭄ᬢᬸᬓ᭄ᬓᬵᬫᬚᬬᬩᭂᬕᬸᬕ᭄᭞ᬫᬲᬢ᭠ᬦ᭄ᬭᬶᬂᬧᬓᬬᬸᬦᬦ᭄᭞ᬩᬸᬤᬸᬄᬧᬮᬶᬂ᭞ᬓᬵᬫᬚᬬᬓᬮᬸᬮᬸᬢᬦ᭄᭟ᬲᭀᬢᬦᬶᬂᬤᭂᬳᬢᬭᬸᬡ᭞ᬫᬓᬓᬵᬮᬶᬄᬳᬲᬄᬢᬦ᭄ᬤᬶᬂ᭞ᬤᬶᬕᭀ
ᬩᬬᬤᬶᬦ᭄ᬓᬩᬶᬱᬵᬦ᭄᭞ᬓᬵᬫᬚᬬᬭᬶᬂᬤᬾᬯᬵᬬᬸ᭞ᬩᬕᬸᬲ᭄ᬚᭂᬕᬾᬕᬾᬲᬯᬯ᭞ᬧᬸᬢᬸᬦ᭄ᬩᭂᬮᬶ᭞ᬲᬢᬦ᭄ᬤᬶᬂᬭᬶᬂᬕᬸᬡᬭᬹᬧ᭟ᬫᬸᬜᬶᬦ᭄ᬳᬤᬶᬦᬾᬦ᭄ᬢᭀᬲᬚ᭞ᬯᬘᬦᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬢ᭄ᬯᬭᬓᭀᬩᭂᬮᬶᬦᬦ᭄ᬤ᭄ᬭᬸᬳᬂ᭞ᬚᭂᬕᬾᬕᬾᬫᬢᬶᬫ᭄ᬧᬮ᭄ᬩᬕᬸᬲ᭄᭞ᬳ
ᬲᬄᬢᬦ᭄ᬤᬶᬂᬬᬦ᭄ᬤᬶᬕᭀᬩ᭞ᬦᬵᬗ᭄ᬳᬶᬂᬚᬦᬶ᭞ᬧᬦᬗ᭄ᬓᬦ᭄ᬮᬘᬸᬭᬾᬭᬫ᭄ᬩᬂ᭟ᬘᬸᬘᬸᬦ᭄ᬳᬤᬶᬩᬸᬓᬤᬤ᭄ᬯ᭞ᬢᬦ᭄ᬧᬭᬶᬯᬗ᭄ᬤᬾᬗᭂᬫᬲᬶᬦ᭄᭞ᬓᬵᬫᬚᬬᬯᬶᬭᬾᬄᬚᬩ᭞ᬳᬗ᭄ᬮᬗ᭄ᬓᬳᬶᬓᬭᬂᬳᬸᬮᬸ᭞ᬤᭀᬱᬦᬾᬫᬸᬭᬸᬕ᭄ᬧᬲ᭄ᬯᬭ᭞ᬤᬾᬦᬶᬂᬩᬦᬶ᭞ᬗᬭᬗ᭄ᬓᬢᬂᬳᬶᬲ᭄ᬢ᭄ᬭᬶᬉᬢ᭄ᬢ᭠
ᬫ᭟ᬫᬓᬧ᭄ᬮᬸᬕ᭄ᬓᬢᬾᬫ᭄ᬩᭀᬓ᭄ᬩᬭᬓ᭄᭞ᬧᬵᬢᬹᬢ᭄ᬮᬶᬦᭂᬩᭀᬓ᭄ᬓᬧᬲᬶᬄ᭞ᬓᭀᬦᬾᬗᬍᬢᭂᬳᬶᬦ᭄ᬚᬕᬢ᭄᭞ᬩᬗ᭄ᬓᬾᬦ᭄ᬜᬯᭂᬦᬂᬫᬭᬭᬸᬂ᭞ᬤᬾᬦᬶᬂᬤ᭄ᬭᬢᬶᬲᬮᬄᬓ᭄ᬭᬫ᭞ᬳᭂᬮᬸᬄᬫ᭄ᬯᬦᬶ᭞ᬫᬓᬸᬋᬦᬦ᭄ᬪᬶᬦᬯᬗ᭄ᬰ᭟ᬤᬸᬓᬸᬄᬳᬶᬲ᭄ᬢ᭄ᬭᬶᬳᬮᭀᬦ᭄ᬦᬶᬫ᭄ᬩᬮ᭄᭞ᬢᬦ᭄ᬲᬶᬫ᭄ᬧᬂ [ 139 ][᭑᭓᭘ 138B]
᭑᭓᭘
ᬯᬘᬦᬦ᭄ᬩᭂᬮᬶ᭞ᬫᬗ᭄ᬓᬶᬦ᭄ᬓᬾᬦ᭄ᬓᬾᬦᬂᬭᬶᬂᬓᬸᬤ᭄ᬬᬂ᭞ᬧ᭄ᬭᬤᬾᬦᬾᬲᬵᬫ᭄ᬧᬸᬦᬂᬤᬸᬭᬸᬲ᭄᭞ᬧᬸᬢᬸᬦ᭄ᬩᭂᬮᬶᬫᬓᬤᬤ᭄ᬯ᭞ᬳᬶᬧᬸᬦ᭄ᬫᬵ᭠ᬢᬶ᭞ᬳᬸᬭᬶᬧ᭄ᬜᬭᬱᬢᬦ᭄ᬧᭀᬭᬢ᭄᭟ᬤᬸᬭᬸᬂᬳᬸᬦᬶᬂᬭᬶᬂᬧᬗ᭄ᬭᬱ᭞ᬳᬮᬳᬬᬸᬓᬯᭀᬦ᭄ᬩᭂᬘᬶᬓ᭄᭞ᬧᬗᭂᬦ᭄ᬤᬦᬶᬂᬓᬬᭀᬳᬦᬦ᭄᭞ᬓᬲᬧᬸ
ᬢᬦ᭄ᬧᭂᬢᭂᬂᬧᬶᬢᬸ᭞ᬓᬲᬸᬲᬸᬧᬦ᭄ᬤᬰᬾᬦ᭄ᬤ᭄ᬭᬶᬬ᭞ᬧᬸᬢᬸᬦ᭄ᬩᭂᬮᬶ᭞ᬢᬍᬃᬧᬶᬦᭂᬳᬶᬦ᭄ᬧᬜ᭄ᬚᬗᬂ᭟ᬫᬾᬄᬕᬸᬫᬦ᭄ᬢᬶᬚᬢᬸᬓᬵᬃᬫ᭄ᬫ᭞ᬫᬓᬳᬯᬶᬦᬦ᭄ᬮᬸᬮᬸᬢ᭄ᬳᬲᬶᬄ᭞ᬯᬢᬗᬂᬧᬸᬭᬸᬦ᭄ᬧ᭄ᬭᬲᬗ᭄ᬕ᭞ᬳᬾᬫᬦ᭄ᬢᬦ᭄ᬦᬸᬢᬸᬕᬂᬢᬸᬯᬸᬄ᭞ᬲᬂᬬᭀᬕᬶᬳᬮᭀᬦᬗᬸᬘᬧ᭄᭞ᬥᬹᬄᬫᬾᬦ᭄ᬘᭂᬦᬶᬂ᭞ᬦᬄᬚ
ᬦᬶᬚᬮᬦ᭄ᬘᬸᬢᭂᬢᬂ᭟ᬢᭀᬂᬜᬦ᭄ᬤᬂᬲᬗᭂᬢ᭄ᬲᭂᬮ᭄ᬲᭂᬮᬂ᭞ᬲᬭᬬᬂᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬚᭂᬮᬾᬫᭂᬮᬄᬧᬤᬸᬫ᭄ᬢᬶᬢᬄ᭞ᬢᬢᬓᬶ᭠ᬦ᭄ᬲᬳᬕᭂᬢ᭄ᬮᬘᬸᬭ᭄᭞ᬲᭀᬢᬦᬶᬂᬤᬤᬶᬫᬵᬦᬹᬱ᭞ᬢ᭄ᬯᬭᬍᬯᬶᬄ᭞ᬦᭂᬫᭀᬓᬂᬲᬸᬓᬵᬤᬸᬄᬓᬶᬢ᭟ᬩᭂᬮᬶᬚᬦᬶᬫᬶᬲᬭᬬᬂ᭞ᬧ᭄ᬬᬦᬓ᭄ᬳᬤᬶᬫ᭠
ᬥᬾᬯᬢᬶ᭞ᬤᬸᬫᬤᬓ᭄ᬳᬕᭂᬢ᭄ᬜᬶᬤ᭄ᬥᬬᬂ᭞ᬗᬃᬤ᭄ᬥᬶᬦᬶᬦ᭄ᬳᬦᬾᬭᬳᬬᬸ᭞ᬳᬤᬶᬩᭂᬮᬶᬲᬸᬩᬢᬸᬯ᭞ᬫᭂᬮᬄᬦᭂᬗᬶᬮ᭄᭞ᬳᬲ᭄ᬢᬧᬬᬂᬤᬶᬦᬶᬲ᭄ᬓᬵᬮ᭟ᬫᬶᬭᬶᬩ᭄ᬲᬸᬩᬧᬦᬫᬬ᭞ᬩᭂᬮᬶᬳᬤᬶᬧᬵᬢᬹᬢ᭄ᬫᬸᬮᬶᬄ᭞ᬫᬢᬸᬮᬓ᭄ᬓᬓᬭᬂᬯᬬᬄ᭞ᬭᬾᬄᬫᬓᭂᬮᭀᬲᬸᬩᬳᬶᬤᬸᬧ᭄᭞

[᭑᭓᭙ 139A]
᭑᭓᭙
ᬤᬾᬦᬶᬂᬲᬸᬩᬳᬤᬲᬶᬧ᭄ᬢ᭞ᬩᭂᬮᬶᬗᬶᬧᬶ᭞ᬤᬶᬩᬶᬲᬜ᭄ᬚᬤᬶᬧᬤᭂᬫᬦ᭄᭟ᬫᬾᬫᬾᬦ᭄ᬩᭂᬮᬶᬭᬱᬢᭂᬓ᭞ᬫᬫᬸᬢᬸᬲ᭄ᬫᬯᬵᬲ᭄ᬢ᭄ᬭᬧᬸᬢᬶᬄ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬯᬭᬯᬭᬄ᭞ᬳᬫ᭄ᬩᬳᬾᬓᬰᬸᬦ᭄ᬬᬲᬫᬸᬦ᭄᭞ᬭᬭᬶᬲ᭄ᬤᬦᬾᬫᬭᭀᬂᬓᬵᬃᬡ᭄ᬦ᭞ᬭᬶᬂᬦᬾᬳᬶᬲ᭄ᬢ᭄ᬭᬶ᭞ᬧᬂᬍᬧᬲᬦ᭄ᬧᬸᬦᬃᬪᬵᬯ᭟ᬤᬸ
ᬓᬸᬄᬳᬶᬲ᭄ᬢ᭄ᬭᬶᬲᭂᬫᬸᬳᬾᬕᬃ᭞ᬫᬶᬋᬂᬧᬯᬶᬲᬶᬓ᭄ᬲᬂᬬᭀᬕᬶ᭞ᬲᬳᬳᬢᬹᬃᬫᬦᬯᭂᬕᬂ᭞ᬢᬶᬢ᭄ᬬᬂᬗᬶᬭᬶᬂᬩᭂᬮᬶᬫᬦ᭄ᬢᬸᬓ᭄᭞ᬫᬯᬮᬶᬓ᭠ᬓᬭᬂᬯᬬᬄ᭞ᬓᬯᭀᬦ᭄ᬩᭂᬘᬶᬓ᭄᭞ᬫᬗ᭄ᬤᬢᬶᬢ᭄ᬬᬂᬫᬲᬋᬗᬦ᭄᭟ᬳᬦ᭄ᬢᬸᬓ᭄ᬲᬸᬪᬓ᭄ᬢᬶᬫᬫᬜ᭄ᬚᬓ᭄᭞ᬲᭀᬢᬦᬶᬂᬫᬕᬸᬭᬸᬮᬓᬶ᭞ᬲᬓᬾᬂᬲ᭠
ᬦ᭄ᬢᭀᬲᬦᬶᬃᬫᬵᬮ᭞ᬫᬦᬄᬢᬶᬢ᭄ᬬᬂᬧᬘᬂᬦᬸᬢᬸᬕ᭄᭞ᬤᬸᬓᬸᬄᬲᬸᬮᬤ᭄ᬭᬶᬳᬗᬸᬘᬧ᭄᭞ᬦᬄᬫᬾᬦ᭄ᬘᭂᬦᬶᬂ᭞ᬚᬮᬦ᭄ᬦᬾᬚᬦᬶᬤᬩ᭄ᬤᬩᬂ᭟ᬲᭀᬧᬘᬭᬧᬂᬍᬧᬲᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶᬫᬵᬢᬹᬃᬫᬮᬶᬄ᭞ᬳᬶᬗ᭄ᬕᬶᬄᬬᬦ᭄ᬧᬶᬦ᭄ᬤᬦᬶᬂᬯᭂᬦᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬲᭂᬫ᭄ᬧᬸᬢ᭄᭞ᬧᬫᬵᬃᬕ᭄ᬕᬦ᭄ᬩᭂᬮᬶ
ᬦᬾᬗᬜ᭄ᬘᬂ᭞ᬦᬸᬗ᭄ᬓᬧ᭄ᬮᭂᬯᬶᬄ᭞ᬫᬦᬯᬶᬓᬾᬗᬶᬦ᭄ᬯᭂᬤᬭᬂ᭟ᬭᬶᬂᬭᬾᬜ᭄ᬘᬂᬭᭀᬩᬦᬾᬢᬺᬱ᭄ᬡᬵ᭞ᬲᬯᬶᬭᬾᬄᬧᬘᬂᬓᬯᭀᬦᬶᬦ᭄᭞ᬫᬦ᭄ᬢᬸᬓ᭄ᬓᬰᬸᬦ᭄ᬬᬦᬶᬃᬩ᭄ᬪᬦ᭞ᬫᬗ᭄ᬤᬲᬵᬫ᭄ᬧᬸᬦᬂᬗᬤᬸᬯᬸᬂ᭞ᬪᬓ᭄ᬢᬶᬦᬶᬧᬸᬦᬾᬫᬫᬜ᭄ᬚᬓ᭄᭞ᬲᬓᬾᬂᬮᬫᬶ᭞ᬩᭂᬘᬶᬓ᭄ᬢᬍᬃᬧᬶᬤᬃᬢ᭄ᬣᬬᬂ‌᭟ᬤᬸᬭᬸᬂᬧᬸᬧᬸ [ 140 ][᭑᭓᭙ 139B]
᭑᭓᭙
ᬢ᭄ᬫᬭᬭᬲᬦ᭄᭞ᬲᬂᬬᭀᬕᬶᬓᬵᬮᬶᬄᬦᬾᬳᬶᬲ᭄ᬢ᭄ᬭᬶ᭞ᬲᬕᬾᬢ᭄ᬭᬯᬸᬄᬓᬧᬤᬸᬓ᭄ᬯᬦ᭄᭞ᬮᬸᬄᬫ᭄ᬯᬦᬶᬫᬲᭂᬩᭂᬂᬗᬸᬦ᭄ᬗᬸᬦ᭄᭞ᬤᬾᬦᬶᬂᬳᬶᬧᬸᬦ᭄ᬦᬶᬗᭂᬄᬳᭀᬃᬢ᭄ᬢ᭞ᬲᬵᬫ᭄ᬧᬸᬦ᭄ᬧᬲ᭄ᬢᬶ᭞ᬤᬦᬾᬤᬸᬓᬸᬄᬓᬲᬸᬗ᭄ᬲᬸᬢᬦ᭄᭟ᬧᬦ᭄ᬢᬳᬸᬫ᭄ᬮᬦ᭄ᬧᬦ᭄ᬳᬩᬲᬦ᭄᭞ᬲᬋᬂᬧᬦ᭄ᬲᬗ᭄ᬕᬶᬂᬫᬸᬘᬸᬓᬶᬦ᭄᭞ᬭᬯᬸᬄᬢ
ᬗ᭄ᬓᬶᬮ᭄ᬓᬧᬤᬸᬓ᭄ᬯᬦ᭄᭞ᬦᬸᬦᬲᬂᬲᬸᬚᬢᬶᬦᬶᬧᬸᬦ᭄᭞ᬳᬶᬦ᭄ᬤᬶᬓᬾᬧᭀᬮᬶᬄᬲᭂᬗ᭄ᬓᬯᭀᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬢᬸᬫᬸᬮᬶᬤᬦᬾᬗᬦ᭄ᬤᬶᬓ᭟ᬧᬦ᭄ᬘᭂᬦᬶᬂᬫᬾᬫᬾᬲᬗ᭄ᬓᬮ᭞ᬧ᭄ᬬᬦᬓ᭄ᬧᬦ᭄ᬘᭂᬦᬶᬗᬾᬤᬶᬦᬶ᭞ᬓᬵᬫᬚᬬᬲᬸᬩᬳᬶᬮᬂ᭞ᬢᬦ᭄ᬧᬯᬗ᭄ᬲᬶᬢ᭄ᬫᬸᬂᬧᬂᬮᬓᬸ᭞ᬳᬶᬭᬶᬩᬂᬫᬾᬫᬾ᭠
ᬫᬭᬗ᭄ᬓᬢ᭄᭞ᬢᬦᬶᬳᬲᬶᬦ᭄᭞ᬗᬶᬭᬶᬂᬲᬂᬫᬡᬶᬓᬶᬂᬧᬸᬭ᭟ᬭᬵᬚᬧᬸᬢ᭄ᬭᬶᬤᬾᬯᬵᬬᬸᬫᬵᬲ᭄᭞ᬫᬲᬶᬄᬳᬶᬘᬮ᭄ᬢᬦ᭄ᬧᬯᬗ᭄ᬲᬶᬢ᭄᭞ᬫᬾᬫᬾᬢ᭄ᬯᬭᬗᭂᬮᬄᬳᭂᬗ᭄ᬕᭀᬦ᭄᭞ᬮᬘᬸᬭᬾᬢᭂᬓᬫᬤᬸᬕ᭄ᬤᬸᬕ᭄᭞ᬓᬗᭂᬦ᭄ᬫᬦᬄᬲᬂᬫᬶᬭᬕ᭄ᬬᬂ᭞ᬲᬫᬶᬗᭂᬮᬶᬂ᭞ᬧᬕᭂᬭᭀᬂᬯᬾᬦ᭄ᬢᭂᬦ᭄ᬫ
ᬕᬸᬬᬂ᭟ᬓᬗᭂᬦ᭄ᬭᬶᬂᬲᬂᬓᬵᬮᬶᬄᬮᬸᬗ᭄ᬳᬵ᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬯᬾᬦ᭄ᬢᭂᬦ᭄ᬗᬸᬧᭂᬢ᭄ᬫᬸᬂᬧᬂᬮᬫ᭄ᬧᬄ᭞ᬢ᭄ᬯᬭᬦᬯᬂᬓᬗᬶᬦ᭄ᬓᬯᬸᬄ᭞ᬯᬾᬦ᭄ᬢᭂᬦ᭄ᬢᬍᬃᬫᬫᬦ᭄ᬢᭂᬲᬂ᭞ᬫᭂᬢᭀᬄᬳᬸᬭᬶᬧ᭄᭞ᬩᬦᬶᬫᬾᬮᬦᬶᬦ᭄ᬕᬕᬾᬮᬦ᭄᭟ᬤᬸᬓᬸᬄᬲᬸᬮᬤ᭄ᬭᬶᬗᬦ᭄ᬤᬶᬓ᭞ᬧᬦ᭄ᬘᭂᬦᬶᬂᬮᬦ᭄ᬜᬳᬶᬘᬳᬶ᭞ᬘᭂᬭᬶ᭠

[᭑᭔᭐ 140A]
᭑᭔᭐
ᬓ᭄ᬘᭂᬭᬶᬓᬾᬫᬓᭂᬚᬂ᭞ᬤᬶᬗᭂᬳᬂᬩᬧᬫᬶᬢᬸᬢᬸᬭ᭄᭞ᬢᭀᬂᬜᬦ᭄ᬤᬂᬲᬗᭂᬢ᭄ᬜᭂᬩᭂᬢᬂ᭞ᬫᬗᭂᬮᬶᬗᬶᬦ᭄᭞ᬓᬵᬫᬚᬬᬫᬸᬂᬧᬂᬮ᭠ᬫ᭄ᬧᬄ᭟ᬧᬗ᭄ᬓᬄᬩᬦᬶᬫᬮᬓ᭄ᬱᬡ᭞ᬫᬲᬬᬮᬓᬃᬫᬓᬶᬭᬶᬕ᭄᭞ᬦᬢᬓᬶᬦ᭄ᬲᬚᭂᬮᬾᬫᭂᬮᬄ᭞ᬲᬸᬓᬵᬤᬸᬄᬓᬵᬫᬸᬮᬧᬤᬸᬫ᭄᭞ᬫᬶᬭᬶᬩ᭄ᬲᬓᬾᬂ
ᬩᬩᭂᬓᭂᬮᬦ᭄᭞ᬬᬦᬸᬫᬶᬢᬶᬲ᭄᭞ᬢᭀᬂᬜᬦ᭄ᬤᬂᬧᬗᭂᬦᬂᬧᭂᬲᬦ᭄᭟ᬩᬧᬚᬦᬶᬫᬧᬶᬳᭀᬭᬄ᭞ᬫᬶᬭᬶᬩ᭄ᬩᬧᬳᬾᬗ᭄ᬕᬮ᭄ᬫᬵᬢᬶ᭞ᬤᬾᬦᬶᬂᬲᬸᬩᬳᬤᬲᬶᬧ᭄ᬢ᭞ᬳᬯᬓᬾᬫᬭᬱᬧᬸᬬᬸᬂ᭞ᬫᬶᬭᬶᬩ᭄ᬲᬸᬩᬧᬦᬫᬬ᭞ᬧᬵᬢᬹᬢ᭄ᬫᬸᬮᬶᬄ᭞ᬫᬢᬸᬮᬓ᭄ᬓᬓᬭᬂᬯᬬᬄ᭟ᬢᬗᬶᬲᬾᬲ
ᬬᬦ᭄ᬫᬗᭂᬢᬂ᭞ᬓᬗᭂᬦ᭄ᬲᬫᬶᬲᬂᬫᬶᬭᬕᬶ᭞ᬢᬦ᭄ᬧᬾᬦ᭄ᬤᬄᬓᬃᬝᬶᬓᬫᬵᬲ᭞ᬢᬗᬶᬲᬾᬫᬲᬯᬂᬕᬸᬭᬸᬄ᭞ᬧᬦᬩᬲᬦ᭄ᬫᬢᬗᬦᬦ᭄᭞ᬫᬵᬢᬹᬃᬲᬶᬲᬶᬧ᭄᭞ᬳᬫ᭄ᬧᬸᬭᬢᬶᬢ᭄ᬬᬂᬧ᭄ᬭᬲᬗ᭄ᬕ᭟ᬓᬩᬢᭂᬓ᭄ᬪᬓ᭄ᬢᬶᬗᬯᬸᬮ᭞ᬧᬸᬭᬸᬦ᭄ᬫᬵᬢᬹᬃᬫᬧᬶᬭᬶᬭᬶᬄ᭞ᬢᬦ᭄ᬪᬶᬦᬢᬶᬢ᭄ᬬᬂᬭᬸᬫᬲᬢ᭄᭞ᬗᬸᬭᬸᬓᬂ
ᬧᬓ᭄ᬱᬶᬫᬓᭂᬩᬸᬭ᭄᭞ᬮᬾᬫ᭄ᬧᬤ᭄ᬫᬵᬢᬹᬃᬦᬸᬦᬲ᭄ᬳᬶᬘ᭄ᬙ᭞ᬥᬹᬄᬲᬂᬬᭀᬕᬶ᭞ᬧᬶᬦᭂᬳᬶᬦ᭄ᬢᬍᬃᬧᬜ᭄ᬚᬗᬂ᭟ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬸᬭᬸ᭠ᬲᬦ᭄᭞ᬓᬶᬭᬂᬲᬦ᭄ᬢᭀᬲᬫᬓᬶᬃᬢ᭄ᬢᬶ᭞ᬮᬮᬶᬲ᭄ᬗᬮᬫ᭄ᬧᬸᬲᬂᬭᬕ᭞ᬓᬩᬢᭂᬓ᭄ᬲᬸᬗ᭄ᬲᬸᬢ᭄ᬭᬶᬂᬓᬬᬸᬦ᭄᭞ᬧᬸᬦᬧᬶᬲᬶᬄᬧ᭄ᬯᬭᬦ᭄ᬢᬶᬢ᭄ᬬᬂ᭞ᬓᬦ᭄ᬢᬸᬦ᭄ᬳᬸᬭᬶᬧ᭄᭞᭠ [ 141 ][᭑᭔᭐ 140B]
᭑᭔᭐
ᬓᬤᬶᬧᬶᬢᬶᬓ᭄ᬳᬸᬩᬸᬄᬳᬶᬦ᭟ᬤᬸᬭᬸᬲ᭄ᬧᬥᭂᬫ᭄ᬢᬦ᭄ᬧᬦᭂᬤ᭟ᬬᬦ᭄ᬤᬸᬭᬸᬲ᭄ᬲᬂᬬᭀᬕᬶᬮᬮᬶᬲ᭄᭞ᬦᬫ᭄ᬧᭀᬓᬂᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬦᬧᬶᬳᬗᭂᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬲᬂᬬᭀᬕᬶᬳᬮᭀᬦ᭄ᬗᬦ᭄ᬤᬶᬓ᭞ᬤᬸᬄᬧᬦ᭄ᬘᭂᬦᬶᬂ᭞ᬫᬶᬭᬶᬩᬦ᭄ᬲᬮᬄᬧᬫᬃᬡ᭄ᬦ᭟ᬗᬤᬾᬦ᭄ᬩᬧᬲᬮᬄᬳᬸᬮᬄ᭞ᬦ᭄ᬤᬮᬶ
ᬳᬂᬗᬮᬮᬸᬧᬢᬶ᭞ᬲᬗ᭄ᬓᬦᬶᬂᬓᬺᬢ᭄ᬣᬲᬫᬬ᭞ᬧᬚᬮᬦ᭄ᬩᬧᬦᬾᬮᬫ᭄ᬧᬸᬲ᭄᭞ᬢᬶᬤᭀᬂᬲᬓᬾᬂᬓᬲᭂᬩᭂᬢᬦ᭄᭞ᬮ᭠ᬲ᭄ᬦᬶᬗ᭄ᬕᬮᬶᬦ᭄᭞ᬘᭂᬭᬶᬓ᭄ᬘᭂᬭᬶᬓᬾᬫᬓᭂᬚᬂ᭟ᬓᬤ᭄ᬬᬗ᭄ᬕᬦᬶᬂᬓᬓᬬᭀᬦᬦ᭄᭞ᬲᬸᬩᬯᬬᬄᬭᬾᬕᬾᬲ᭄ᬮᬶᬕᬶᬃ᭞ᬫᭂᬦ᭄ᬢᬶᬓ᭄ᬤᬶᬢᭀᬗᭀᬲᬾᬮᬶ
ᬓᬤ᭄᭞ᬦᬾᬫᬫᬸᬮᬯᭂᬦᬂᬫᬸᬗ᭄ᬕᬸᬮ᭄᭞ᬳᬧᬂᬢ᭄ᬯᬭᬦᭂᬧᬾᬦ᭄ᬲᬗ᭄ᬕᬄ᭞ᬦᬾᬪᬓ᭄ᬢᬶᬦᬶᬦ᭄᭞ᬓᬾᬢᭀᬧᬦ᭄ᬘᭂᬦᬶᬂᬳᬸᬧᬫ᭟ᬩᬧᬚᬦᬶᬫᬶᬤᬃᬢ᭄ᬣᬬᬂ᭞ᬲᬶᬧ᭄ᬢᬦ᭄ᬕᬸᬫᬶᬦᬾᬤᬶᬩᬮᬶ᭞ᬫᬶᬭᬶᬩ᭄ᬲᬸᬩᬧᬦᬫᬬ᭞ᬋᬋᬤ᭄ᬓᬧ᭄ᬭᬪᭀᬦ᭄ᬲᬂᬧ᭄ᬭᬪᬹ᭞ᬲᬸᬩᬧᬶᬢᬸᬂᬧᬚᭂᬦᭂᬗᬦ᭄ᬓ᭠
ᬬᬂᬚᬦᬶ᭞ᬢᬦ᭄ᬧᬾᬦ᭄ᬤᬄᬳᬜᬸᬦᬦ᭄ᬚᬦ᭄ᬢ᭄ᬭ᭟ᬫᬕᬶᬮᬶᬃᬦᭀᬗᭀᬲ᭄ᬩᭂᬢᬾᬦᬦ᭄᭞ᬤ᭄ᬯᬧᬭᬫᬦᬫ᭄ᬧᬶᬓᬵᬮᬶ᭞ᬫᬫᬸᬲᬸᬄᬢᭂᬓᬾᬦᬶᬂᬓᬤᬂ᭞ᬳᬮᬶᬓᬦ᭄ᬕᬸᬫᬶᬦᬾᬳᬸᬯᬸᬕ᭄᭞ᬲᬓᬾᬂᬧᬗᭂᬦ᭄ᬤᬦᬶᬂᬢᬶᬢᬄ᭞ᬢ᭄ᬯᬭᬤᬤᬶ᭞ᬧᬦ᭄ᬘᭂᬦᬶᬂᬮᬓᬃᬮᬾᬫ᭄ᬧᬲ᭄‌᭟ᬳᬫ᭄ᬩᬸᬮ᭄ᬢᭀ

[᭑᭔᭑ 141A]
᭑᭔᭑
ᬩᬧᬜᬶᬧ᭄ᬢᬬᬂᬲᬭᬧᬦ᭄ᬘᭂᬦᬶᬂᬫᬶᬦᭂᬳᬶᬦ᭄᭞ᬤᬧᭂᬲᬦ᭄ᬚᬦᬶᬜᭂᬩᭂᬢᬂ᭞ᬳᬧᬂᬢ᭄ᬯᬭᬤᬤᬶᬲᬦ᭄ᬢᬸᬮ᭄᭞ᬧᬚᬮᬦ᭄ᬩᬧᬦᬾᬳ᭠ᬦ᭄ᬢᬃ᭞ᬲᬢ᭄ᬧᬦ᭄ᬘᭂᬦᬶᬂ᭞ᬦᬦ᭄ᬤᬦᬂᬩᬧᬓᬲ᭄ᬯᬃᬕ᭄ᬕᬦ᭄᭟ᬧᬦ᭄ᬳᬩᬲᬦ᭄ᬗ᭄ᬗ᭄ᬭᬱᬾᬂᬘᬶᬢ᭄ᬢ᭞ᬫᬶᬭᬕᬶᬢᬸᬢᬹᬃᬲᬂᬬᭀᬕᬶ᭞ᬕᭂᬕᭂᬂᬢᬦ᭄ᬧᬾᬦ᭄ᬤᬄᬧ᭄ᬭᬢᬶᬫ᭞ᬦᬾᬦ᭄ᬢᭂᬦ᭄ᬧᬸ
ᬭᬸᬦ᭄ᬫᬮᬶᬄᬫᬵᬢᬹᬃ᭞ᬲᬂᬬᭀᬕᬶᬫᬮᬶᬄᬗᬦ᭄ᬤᬶᬓ᭞ᬭᬶᬂᬦᬾᬳᬶᬲ᭄ᬢ᭄ᬭᬶ᭞ᬫᬾᬦ᭄ᬘᭂᬦᬶᬂᬚᬮᬦ᭄ᬤᬩ᭄ᬤᬩᬂ᭟ᬢᬶᬗ᭄ᬓᬳᬾᬗᬺᬢ᭄ᬣᬲᬫᬬ᭞ᬗᬮᬶᬄᬧᬚᬮᬦᬾᬫᬢᬶ᭞ᬤᬾᬦᬶᬂᬲᬸᬩᬢᬚᭂᬕ᭄ᬲᬹᬃᬬ᭄ᬬ᭞ᬤᬸᬓᬸᬄᬳᬶᬲ᭄ᬢ᭄ᬭᬶᬦᬶᬫ᭄ᬩᬮ᭄ᬫᬵᬢᬹᬃ᭞ᬲᬭᬮᬾᬤᬂᬧᬓᬬᬸᬦᬦ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬢᬸᬫᬸᬮᬶᬤᬦᬾ
ᬫᬢᬶᬗ᭄ᬓᬄ᭟ᬫᬫᬸᬢᬸᬲ᭄ᬫᬯᬵᬲ᭄ᬢ᭄ᬭᬧᭂᬝᬓ᭄᭞ᬲᬂᬬᭀᬕᬶᬓᬵᬮᬶᬄᬦᬾᬳᬶᬲ᭄ᬢ᭄ᬭᬶ᭞ᬫᬫᭂᬕᭂᬂᬦᬸᬗ᭄ᬕᬮᬂᬚᬶᬯ᭞ᬭᬶᬂᬩᬮᬾᬤᬗᬶᬦ᭄ᬫᬮᬸᬗ᭄ᬕᬸᬄ᭞ᬫᬫᬸᬲ᭄ᬢᬶᬗᭂᬭᬦᬵᬲᬶᬓ᭞ᬲᬋᬂᬓᬵᬮᬶᬄ᭞ᬬᬢ᭄ᬦᬫᭂᬓᭂᬓ᭄ᬤ᭄ᬯᬭᬲᬗ᭟ᬗᬲ᭄ᬢᬸᬗ᭄ᬓᬭᬳ᭄ᬬᬂᬲᬹᬓ᭄ᬱᭂᬫ᭞ᬫᬫᬸᬢᬸᬲ᭄ᬦᬸᬗ᭄ᬕᬮᬂᬩᬸᬤ᭄ᬥᬶ᭞ᬧᬂᬍᬧᬲᬦᬢ᭄ᬫᬚᬶ᭠
ᬚᬶᬯ᭞ᬧᬗᬘᭂᬧ᭄ᬓᬰᬸᬦ᭄ᬬᬲᬫᬸᬦ᭄᭞ᬗᬪᬓ᭄ᬢᬶᬫᬶᬤᭂᬃᬪᬹᬯᬦ᭞ᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬮᬦ᭄ᬤᬾᬯᬢᬦᬯᬲᬗ᭟᭜᭟ᬰᬶᬓᬭᬶᬡᬶ᭟᭜᭟ᬳ᭄ᬬᬗᬶᬰ᭄ᬯᬭᬫᬭᬶᬂᬧᬹᬃᬯ᭄ᬯᬲᬃᬯ᭄ᬯᬧᬶᬗᬾᬪᬹᬱᬡᬦᬶᬭ᭞ᬢᬸᬜ᭄ᬚᬸᬂᬧᭂᬝᬓ᭄ᬧᬸᬱ᭄ᬧᬦᬶᬭᬍᬫ᭄ᬩᬸᬧᬸᬢᬶᬄᬯᬳᬦᬦᬶᬭ᭞ᬩᬩᬳᬲᬂᬓᬵᬮᬯᬶᬰᬾᬱᬳᬢᬸ᭠ [ 142 ][᭑᭔᭑ 141B]
᭑᭔᭑
ᬗ᭄ᬕᬸᬲᬳᬲᬜ᭄ᬚᬢ᭞ᬮᬶᬗ᭄ᬕᬶᬳᬶᬭᬫᬸᬗ᭄ᬕ᭄ᬯᬶᬂᬰᬭᬶᬭᬭᬶᬂᬧᬧᬸᬲᬸᬄᬧᬤ᭄ᬫᬵᬲᬦ᭟ᬳ᭄ᬬᬂᬫᬳᬾᬰᭀᬭᬭᬶᬂᬖ᭄ᬦᬾᬬᬲᬃᬯ᭄ᬯᬤᬤᬸᬪᬹᬱ᭠ᬡᬦᬶᬭ᭞ᬢᬸᬜ᭄ᬚᬸᬂᬤᬤᬸᬧᬸᬱ᭄ᬧᬦᬶᬭᬳᬗ᭄ᬲᬫᬓᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬚᬬᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭ
ᬳᬦᬾᬂᬧᬧᬭᬸᬧᬃᬡ᭄ᬦᬳᬶᬭ᭟ᬳ᭄ᬬᬂᬩ᭄ᬭᬳ᭄ᬫᬵᬫᬭᬶᬂᬤᬓ᭄ᬱᬶᬡᬲᬃᬯ᭄ᬯᬳᬩᬂᬪᬹᬱᬡᬦᬶᬭ᭞ᬢᬸᬜ᭄ᬚᬸᬂᬳᬩᬂᬧᬸᬱ᭄ᬧᬦᬶᬭᬮ᭄ᬯᬶᬃᬩᬤᬃᬩ᭄ᬪᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬫᬡ᭄ᬥᬶᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬢᬸᬂᬢᬸᬗᬶᬂᬳᬢᬶᬧᬃᬡ᭄ᬦᬄᬳᬶᬭ᭟ᬳ᭄ᬬᬂᬭᬹᬤ᭄ᬭᬫᬭᬶᬂᬦᬿ᭠
ᬭᬶᬢᬶᬲᬃᬯ᭄ᬯᬚᬶᬗ᭄ᬕᬪᬹᬱᬡᬦᬶᬭ᭞ᬢᬸᬜ᭄ᬚᬸᬂᬚᬶᬗ᭄ᬕᬧᬸᬱ᭄ᬧᬦᬶᬭᬮᬶᬫᬦ᭄ᬳᬕᬸᬂᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬘᬓ᭄ᬭᬗᬢᬸ᭠ᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬭᬶᬂᬚᬚᬭᬶᬗᬦ᭄ᬧᬃᬡ᭄ᬦᬳᬶᬭ᭟ᬳ᭄ᬬᬂᬫᬳᬵᬤᬾᬯᬭᬶᬂᬧᬰ᭄ᬘᬶᬫᬲᬃᬯ᭄ᬯᬚᭂᬦᬃᬪᬹᬱᬡᬦᬶᬭ᭞ᬢᬸᬜ᭄ᬚᬸᬂᬚᭂᬦᬃᬧᬸᬱ᭄ᬧ
ᬦᬶᬭᬦᬵᬕᬧᬰᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬲ᭄ᬯᬃᬡ᭄ᬦᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬳᬦᬾᬂᬳᬸ᭠ᬗ᭄ᬲᬶᬮᬦ᭄ᬧᬃᬡ᭄ᬦᬳᬶᬭ᭟ᬳ᭄ᬬᬂᬰᬗ᭄ᬓᬭᬭᬶᬂᬯᬵᬬᬩ᭄ᬬᬲᬃᬯ᭄ᬯᬳᬶᬚᭀᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬳᬶᬚᭀᬧᬸᬱ᭄ᬧᬦᬶᬭᬓᬸᬤ᭄ᬥᬫᬓᬯᬵᬳᬦᬦᬶᬭ᭞ᬩᬩ

[᭑᭔᭒ 142A]
᭑᭔᭒
ᬳᬦ᭄ᬲᬂᬓᬵᬮᬩᬤ᭄ᬭᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬳᬦᬾᬂᬮᬶᬫ᭄ᬧᬧᬃᬡ᭄ᬦᬳᬶᬭ᭟ᬳ᭄ᬬᬂᬯᬶᬱ᭄ᬡᬸᬫᬭᬶᬂᬉᬢ᭄ᬢᬭ᭠ᬲᬃᬯ᭄ᬯᬇᬋᬂᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬦᬶᬮᬧᬸᬱ᭄ᬧᬦᬶᬭᬲᬂᬕᬭᬸᬥᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬫᬤᬶᬕᬸᬭᬸᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭ᭠
ᬳᬶᬂᬰᬭᬷᬭᬳᬦᬾᬂᬳᬫ᭄ᬧ᭄ᬭᬸᬧᬃᬡ᭄ᬦᬳᬦᬶᬭ᭟ᬳ᭄ᬬᬂᬲᬫ᭄ᬪᬸᬳᬦᬾᬂᬐᬃᬰᬡ᭄ᬬᬲᬃᬯ᭄ᬯᬩᬶᬭᬸᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬩᬶᬭᬸᬧᬸᬱ᭄ᬧᬦᬶᬭᬯᬭᬓ᭄ᬫᬓᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬫ᭄ᬭᬚᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬂᬰᬭᬷᬭᬭᬶᬂᬉᬲᬸᬲ᭄ᬳᬕᬸᬂᬧᬃᬡ᭄ᬦᬳᬶᬭ᭟ᬲᬗ᭄ᬳ᭄ᬬᬂᬰᬶ
ᬯᬳᬦᬾᬂᬫᬥ᭄ᬬᬲᬃᬯ᭄ᬯᬯᬃᬡ᭄ᬦᬲᬶᬦᬦ᭄ᬤᬗᬶᬭ᭞ᬢᬸᬜ᭄ᬚᬸᬂᬯᬃᬡ᭄ᬦᬧᬸᬱ᭄ᬧᬦᬶᬭᬲᬂᬯᬶᬮ᭄ᬫᬡᬯᬵᬳᬦᬦᬶᬭ᭞ᬩᬩᬳᬦ᭄ᬲᬂᬓᬵᬮᬲᬦ᭠ᬲᬗᬢᬸᬗ᭄ᬕᬸᬲᬳᬲᬜ᭄ᬚᬢ᭞ᬲ᭄ᬣᬦᬦᬶᬭᬳᬶᬰᬭᬷᬭᬳᬦᬾᬂᬇᬦᭂᬩᬦ᭄ᬧᬤ᭄ᬫᬵᬲᬦ᭟ᬳᬢᬭᬶᬯᬸᬲ᭄ᬗᬲ᭄ᬢᬸᬗ᭄ᬓᬭᬯᬢᭂᬓ᭄ᬤᬾᬯᬢᬦᬵᬯᬲᬗ᭞ᬤᬸᬓᬸᬄ
ᬲᬸᬮᬤ᭄ᬭᬶᬓᬮᬵᬯᬦ᭄ᬓᬂᬳᬶᬲ᭄ᬢ᭄ᬭᬶᬫᭂᬓᭂᬓ᭄ᬲᬗᬤ᭄ᬯᬭ᭞ᬳᬗ᭄ᬤᬾᬲᬂᬢ᭄ᬭᬶᬓᬵᬫᬭᬹᬧᬫᬦᬲ᭄ᬩᬸᬤ᭄ᬥᬶᬮᬵᬯᬦ᭄ᬲᬗᬢ᭄ᬫ᭞ᬫᭀᬓ᭄ᬱᬉᬫᭀᬭᬶᬂᬅᬘᬶᬦ᭄ᬢ᭄ᬬᬢᬸᬫᬶᬮᬭᬶᬂᬇᬓᬂᬪᬹᬮᭀᬓ᭟ᬓᬃᬫ᭄ᬫᬯᬲᬦᬓᬮᬵᬯᬦ᭄ᬧ᭄ᬭᬡᬳᬦᬾᬂᬮᬶᬗ᭄ᬕᬰᬭᬷᬭ᭞ᬮᬵᬯᬦ᭄ᬧᬜ᭄ᬘᬫᬳᬵᬪᬹᬢᬲᬸᬫᬸᬭᬸᬧᬶᬂᬇᬪᬹ [ 143 ][᭑᭔᭒ 142B]
᭑᭔᭒
ᬧ᭄ᬭᬣᬶᬯᬶ᭞ᬫᬢᭂᬫᬳᬦ᭄ᬦᬵᬕᬧᬰᬓᬮᬾᬯᬭᬦᬶᬂᬓᬵᬫᬮᭀᬓ᭞ᬕᬶᬦᭂᬲᭃᬂᬕᭂᬦᬶᬭᭀᬧᬢᬮᬶᬦᭂᬩᬸᬃᬲᬫᬮᬧᬢᬓ᭟᭠ᬲ᭄ᬯᬲ᭄ᬢᬢᬦ᭄ᬓᬢᬫᬦ᭄ᬫᬵᬮᬲᬂᬧᬶᬢᬭᬉᬫᭀᬭᬶᬂᬯᬶᬤ᭄ᬥᬶ᭞ᬫᬸᬗ᭄ᬲᬶᬃᬫᬭᬶᬂᬓᬤᬾᬯᬢᬦ᭄ᬲᬸᬓᬵᬲᬦᬳᬶᬂᬩᬸᬤ᭄ᬥᬮᬬ᭞ᬮᬸᬫᬸᬫ᭄ᬧᬢ᭄ᬲᬳᬾᬂᬓᬸᬭᬸᬗᬦ᭄‌‌ᬮ᭄ᬯᬶᬃ
ᬳᬸᬭᬗ᭄ᬓᬫᬜ᭄ᬚᬶᬗᬶᬂᬤᬸᬯᬸᬂ᭞ᬢᬸᬫᭀᬦᬶᬂᬳᬗ᭄ᬕᬰᬭᬷᬭᬬᬬᬢᬫ᭄ᬧᬓ᭄‌‌ᬓᬸᬦ᭄ᬢᬸᬮᬗ᭄ᬮᬬᬂ‌᭟ᬲᭂᬫᬸᬭᬶᬫ᭄ᬭᬶᬫ᭄ᬲᬗ᭄ᬳ᭄ᬬᬗᬢ᭄ᬫᬫᭂᬲᬢ᭄ᬫᬶᬩᭂᬃ᭠ᬳᬦᬾᬂᬦᬶᬃᬩ᭄ᬪᬦ᭞ᬥᬶᬧ᭄ᬢᬦᬶᬂᬤᬫᬃᬓᬸᬭᬸᬗᬦ᭄ᬳᬜᬸᬮᬸᬳᬶᬓᬂᬫᬵᬃᬕ᭄ᬕᬲᬗ᭞ᬫᭂᬲᬢ᭄ᬲᬶᬭᬾᬂᬫᬳᬵᬧᬭᬦᬶᬃᬯ᭄ᬯᬡᬳᬦᬾᬂᬲᬧ᭄ᬢᬮᭀᬓ᭞ᬳᬸᬫᬜ᭄ᬚᬶᬗᬶᬂ᭠
ᬲ᭄ᬯᬃᬕ᭄ᬕᬤᬶᬩ᭄ᬬᬲᬂᬦᬶᬲ᭄ᬓᬵᬮᬵᬢ᭄ᬫᬵᬦᬸᬗ᭄ᬓᬧ᭄ᬲᬤ᭄ᬬᬸᬄ᭟ᬧᬸᬦᬂᬮᬬ᭄ᬯᬦ᭄ᬭᬶᬦᬸᬭᬸᬩᬦ᭄‌‌ᬤᬸᬓᬸᬄᬲᬸᬮᬤ᭄ᬭᬶᬫ᭄ᬯᬂᬤᬬᬶᬢ᭞ᬯᬶᬪᬹᬓ᭄ᬢᬶᬮᬷᬦᬾᬂ᭠ᬰᬭᬷᬭᬲᬶᬦᬹᬓ᭄ᬱᭂᬫᬅᬚ᭄ᬜᬦᬲᬶᬤ᭄ᬥᬶ᭞ᬓᬵᬲ᭄ᬢᬯᬓᬚᬦᬮᭀᬓᬲᬗ᭄ᬳ᭄ᬬᬂᬒᬁᬓᬵᬭᬗᭂᬧᬾᬢ᭄ᬧᬢᬶ᭞ᬫᬃᬫ᭄ᬫᬦᬶᬂᬓᬺᬢ᭄ᬣᬲᬫᬬᬩ᭄ᬬᬓ᭄ᬢᬫᬸᬮᬶᬄ
ᬲᬗ᭄ᬓᬦᬶᬂᬤᬤᬶ᭟᭜᭟ᬧᬸᬘᬸᬂ᭟᭜᭟ᬲᭂᬤᬶᬄᬗᬸᬦ᭄ᬗᬸᬦ᭄᭞ᬲᬯᭀᬂᬤᬾᬰᬮᬦᬂᬯᬥᬹ᭞ᬓᬗᭂᬦ᭄ᬭᬶᬂᬲᬂᬮᬷᬦ᭞ᬲᬂᬬᭀᬕᬶᬓᬵᬮᬶᬄᬦᬾᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬯᬶᬪᭀᬕᬶᬮᬷᬦᬾᬂᬰᬭᬷᬭ᭟ᬜᬦ᭄ᬤᬂᬓᬲᬸᬩ᭄᭞ᬍᬯᬶᬄᬧᬫᬵᬃᬕ᭄ᬕᬦ᭄ᬲᬂᬧᬸᬢᬸᬲ᭄᭞ᬓᬰᬸᬦ᭄ᬬᬦᬶᬃᬩ᭄ᬪᬦ᭞ᬫᬓᭂ

[᭑᭔᭓ 143A]
᭑᭔᭓
ᬫ᭄ᬩᬭᬦ᭄ᬲᬋᬂᬓᬵᬮᬶᬄ᭞ᬬᬦ᭄ᬤᬶᬦᬸᬮᬸ᭞ᬮᬶᬬᭂᬧ᭄ᬲ᭄ᬯᬪᬵᬯᬾᬂᬧ᭄ᬭᬫᬡ᭟ᬮ᭄ᬯᬶᬭᬢᬸᬭᬸ᭞ᬮᬬᭀᬦ᭄ᬲᬂᬫᬭᬕᬧᬸᬢᬸᬲ᭄᭞ᬦᬶᬃᬫᬮᬲᬸᬘᬶᬢ᭞ᬅᬫᬺᬮᬷᬦᬲᬗ᭄ᬳ᭄ᬬᬂᬳᬸᬭᬶᬧ᭄᭞ᬲᭂᬫᬸᬕᬸᬬᬸ᭞ᬯᬥᬦᬦ᭄ᬲᬂᬲᬵᬫ᭄ᬧᬸᬦ᭄ᬮᬷᬦ᭟ᬫᬶᬳᬶᬓ᭄ᬗᬮᬸᬧ᭄᭞ᬢᬫ᭄ᬩᬸᬮᬶᬮᬶᬗᬦ᭄ᬗᬭᬸᬩᬸᬂ᭞ᬋᬫ᭄ᬋᬫ᭄ᬲᬗ᭄ᬳ᭄ᬬᬂ᭠
ᬲᬹᬃᬬ᭄ᬬ᭞ᬫᬤᬸᬮᬸᬭᬦ᭄ᬲᬩᭂᬄᬭᬶᬭᬶᬲ᭄᭞ᬓᬸᬯᬸᬂᬓᬸᬯᬸᬂ᭞ᬢᬾᬚᬗᬤᭂᬕ᭄ᬮᬦ᭄ᬧ᭄ᬭᬶᬂᬫᬵᬃᬕ᭄ᬕᬶ᭟ᬓᭂᬢᬸᬕ᭄ᬮᬶᬦᬸᬄ᭞ᬧ᭄ᬭᬪᬵᬯᬦ᭄ᬤᬦᬾᬚ᭄ᬭᭀᬤᬸᬓᬸᬄ᭞ᬫᬭᬶᬂᬩ᭄ᬬᭀᬫᬵᬦ᭄ᬢᬭ᭞ᬲ᭄ᬯᬭᬦ᭄ᬖᬡ᭄ᬝᬓ᭄ᬮᭂᬦᬂᬮᭂᬦᬶᬂ᭞ᬲᬯᬢ᭄ᬳᬸᬫᬸᬂ᭞ᬭᬱᬯᬢᭂᬓ᭄ᬋᬱᬶᬖᬡ᭟ᬗᬲ᭄ᬢᬸᬧᬸᬗ᭄ᬓᬸ᭞ᬧᬗ᭄ᬮᬸᬓᬢᬦ᭄ᬫᬵᬮᬍᬢᬸᬄ᭞ᬗᭂᬦ᭄ᬢᬲ᭄ᬲᬂ
ᬧ᭄ᬭᬮᬬ᭞ᬲᬳᬧᬸᬱ᭄ᬧᬧᬗᬜ᭄ᬚᬮᬶ᭞ᬲ᭄ᬯᬲ᭄ᬢᬶᬳᬲ᭄ᬢᬸ᭞ᬤᬶᬃᬖ᭄ᬕᬵᬬᬸᬦᬵᬫᬲᬶᬯᬬ᭟ᬦᬸᬮᬶᬧᬳᬸᬫ᭄᭞ᬧᬦ᭄ᬲᬗ᭄ᬕᬶᬂᬓᬵᬮᬶᬄᬧᬦ᭄ᬢᬳᬸᬫ᭄᭞ᬲᬋᬂᬧᬦ᭄ᬳᬩᬲᬦ᭄᭞ᬲᬂᬢᬶᬕᬬᭀᬕ᭄ᬬᬫᬶᬦᭂᬳᬶᬦ᭄᭞ᬧᬫᬳᬬᬸ᭞ᬮᬬᭀᬦ᭄ᬲᬂᬲᬵᬫ᭄ᬧᬸᬦ᭄ᬤᬾᬯᬢ᭟ᬤᬾᬦᬶᬂᬲᬸᬯᬸᬂ᭞ᬭᬶᬂᬧᬤᬸᬓ᭄ᬯᬦ᭄ᬦᭀᬭᬓᬦ᭄ᬢᬸᬦ᭄᭞
ᬲᬂᬯᭂᬦᬂᬫ᭄ᬭᬢᬾᬓ᭞ᬮᬬᭀᬦ᭄ᬲᬂᬲᬵᬫ᭄ᬧᬸᬦ᭄ᬯᬶᬪᭀᬕᬶ᭞ᬳᭀᬓᬧᬸᬢᬸ᭞ᬢᬦ᭄ᬯᬾᬦ᭄ᬢᭂᬦ᭄ᬓᬵᬭᬶᬭᬶᬂᬕ᭄ᬭᬶᬬ᭟ᬓᬾᬗᬶᬦ᭄ᬩᬶᬗᬸᬂ᭞ᬫᬦᬄᬳᬶᬧᬸᬦ᭄ᬲᬂᬳᬢᬸᬗ᭄ᬕᬸ᭞ᬓᬾᬦ᭄ᬓᬾᬦᬂᬭᬶᬂᬓᬸᬤ᭄ᬬᬂ᭞ᬓᬧᬵᬢᬹᬢ᭄ᬲᬶᬦᬋᬂᬲᬫᬶ᭞ᬬᭀᬕ᭄ᬬᬫᬵᬢᬹᬃ᭞ᬓᬕᬾᬮ᭄ᬕᬾᬮ᭄ᬳᬸᬕᬶᬳᬸᬦᬶᬗᬂ᭟ᬭᬶᬂᬲᬂᬧ᭄ᬭᬪᬹ᭞ᬦ᭠ [ 144 ][᭑᭔᭓ 143B]
᭑᭔᭓
ᬭᬾᬦ᭄ᬤ᭄ᬭᬧᬶᬗᬚᭂᬂᬫᬦ᭄ᬢᬸ᭞ᬳᭀᬮᬶᬄᬲᬂᬦ᭄ᬤᬾᬯᬢ᭞ᬮᬦ᭄ᬫᭂᬓᭂᬮᬾᬫᬥᬾᬯᬢᬶ᭞ᬬᭀᬕ᭄ᬬᬫᬵᬢᬹᬃ᭞ᬳᬧᬂᬤᬦᬦ᭄ᬓᬫᭂᬗ᭄ᬕᬳ᭠ᬦ᭄᭟ᬯᬾᬦ᭄ᬢᭂᬦ᭄ᬲᬗ᭄ᬕᬸᬧ᭄᭞ᬧᬘᬂᬫᬫᬵᬃᬕ᭄ᬕᬶᬓᬕᬸᬦᬸᬂ᭞ᬫᬭᬶᬂᬯᬵᬦᬵᬰ᭄ᬭᬫ᭞ᬭᬶᬂᬮᬶᬗ᭄ᬕᬶᬄᬤᬦᬾᬲᬂᬓᬵᬮᬶᬄ᭞ᬳᭀᬓᬫᬦ᭄ᬢᬸ᭞ᬦᬶᬮᬯᬢᬶᬫᬺᬢ᭄ᬣᬚᬶᬯ᭟
ᬲᭂᬤᭂᬓ᭄ᬧᬶᬕᬸᬫ᭄᭞ᬲᬕᬾᬢ᭄ᬫᬥᬾᬯᬢᬶᬭᬯᬸᬄ᭞ᬲᬓᬾᬂᬲ᭄ᬯᬾᬘ᭄ᬙᬧᬸᬭ᭞ᬓᬕᬶᬬᬢ᭄ᬤᬦᬾᬫᬗ᭄ᬕᬶᬳᬶᬦ᭄᭞ᬲᬗᬢᬸᬗ᭄ᬕᬸ᭞ᬮᬬᭀᬦ᭄ᬳᬶᬳᬚᬶᬳᬶᬩᬶᬬᬂ᭟ᬲᬫᬶᬗᬸᬦ᭄ᬗᬸᬦ᭄᭞ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬤᬦᬾᬓᬦ᭄ᬢᬸ᭞ᬜᬶᬗᬓ᭄ᬫᬓᭂᬫ᭄ᬩᬭᬦ᭄᭞ᬮᬬᭀᬦ᭄ᬲᬂᬲᬵᬫ᭄ᬧᬸᬦ᭄ᬯᬶᬪᭀᬕᬶ᭞ᬮ᭄ᬯᬶᬭᬢᬸᬭᬸ᭞ᬫᬥᬾᬯ
ᬢᬶᬜᭂᬮ᭄ᬲᭂᬮ᭄ᬭᬕ᭟ᬫᭂᬭᬄᬫᭂᬭᬸᬄ᭞ᬮᬘᬸᬭᬾᬢᭂᬓᬫᬤᬸᬕ᭄ᬤᬸᬕ᭄᭞ᬦᬧᬶᬳᬶᬯᬂᬢᬶᬢ᭄ᬬᬂ᭞ᬲᬗ᭄ᬓᬦᬩᬶᬬᬂᬮᬦ᭄ᬲᬂᬬᭀᬕᬶ᭞ᬜᬸ᭠ᬗ᭄ᬓᬦ᭄ᬓᬬᬸᬦ᭄᭞ᬮᬮᬶᬲ᭄ᬢᬦᬾᬮᬶᬂᬭᬶᬂᬢᬶᬢ᭄ᬬᬂ᭟ᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬧᬤᬾᬯᬾᬓᬦ᭄ᬓᬶᬢᬓ᭄ᬓᬶᬢᬸᬓ᭄᭞ᬳᬸᬭᬶᬧᬾᬢᬦ᭄ᬧᭀᬭᬢ᭄᭞ᬲᬋᬂᬲᬫᬶᬫᬗᬯᭀ᭠
ᬦᬶᬦ᭄᭞ᬢᬶᬢ᭄ᬬᬂᬳᬸᬩᬸᬄ᭞ᬲᬗ᭄ᬲᬭᬓᬾᬗᬶᬦ᭄ᬫᬵᬦᬹᬱ᭟ᬥᬹᬄᬤᬾᬯᬵᬬᬸ᭞ᬤᭀᬂᬗᬸᬤᬮᬮᬶᬲ᭄ᬳᬶᬭᬢᬸ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬚᭂᬗᬄ᭞ᬤᬤᭀᬲ᭄ᬓᬓᭂᬤᬾᬓᬦ᭄ᬕᬸᬫᬶ᭞ᬢᬶᬢ᭄ᬬᬂᬓᬶᬫᬸᬤ᭄᭞ᬳᬶᬭᬢᬸᬮᬲ᭄ᬫᬸᬂᬧᬂᬮᬫ᭄ᬧᬄ᭟ᬧᬢᬶᬧᬸᬭᬸᬕ᭄᭞ᬧᬫᬵᬃᬕ᭄ᬕᬦ᭄ᬳᬶᬭᬢᬸᬲᭂᬫ᭄ᬧᬸᬢ᭄᭞ᬮᬮᬶᬭᬶᬂᬰ᭠

[᭑᭔᭔ 144A]
᭑᭔᭔
ᬰᬡ᭞ᬰᬰᬡᬦ᭄ᬧᬸᬢ᭄ᬭᬶᬦᬾᬍᬯᬶᬄ᭞ᬗᬸᬮᬄᬮᬓᬸ᭞ᬲᬋᬂᬳᬶᬧᬸᬦ᭄ᬓᬵᬫᬚᬬ᭟ᬫᬵᬃᬕ᭄ᬕᬶᬲᬸᬦᬸᬢ᭄᭞ᬢᬦ᭄ᬧᬭᬶᬯᬗ᭄ᬤᬾᬓᬢᬜ᭄ᬚᬸᬂ᭞ᬩᭂᬮᬶᬫᬺᬢ᭄ᬣᬚᬶᬯ᭞ᬫᬓᬵᬤᬶᬫ᭄ᬩᭀᬓ᭄ᬦᬶᬮᬯᬢᬶ᭞ᬢᭂᬓᬮᬚᬸ᭞ᬲᬋᬂᬓᬵᬮᬶᬄᬗᬸᬢ᭄ᬬᬂ᭟ᬦᬾᬦ᭄ᬢᭂᬦ᭄ᬭᬸᬗᬸ᭞ᬓᬢᬸᬗ᭄ᬓᬸᬮ᭄ᬲᭂᬍᬕ᭄ᬭᬶᬂᬕᬸᬦᬸᬂ᭞ᬫᬢᬧᬬᭀᬕ᭞᭠
ᬚᬦ᭄ᬢᭀᬲ᭄ᬢᬦ᭄ᬗᬾᬮᬶᬗᬂᬫᬮᬶᬄ᭞ᬭᬶᬂᬧᬤᬸᬓ᭄ᬯᬦ᭄᭞ᬗᬸᬮᬸᬭᬶᬦ᭄ᬳᭀᬦᭂᬂᬗᬭᬕ᭟ᬧᬢᬶᬓᬘᬸᬄ᭞ᬫᬥᬾᬯᬢᬶᬓᬤᬶᬩᭂᬦ᭄ᬤᬸ᭞ᬭᬶᬂᬭᬾ᭠ᬜ᭄ᬘᬂᬧᬤᬸᬓ᭄ᬯᬦ᭄᭞ᬓᬩᬯᭀᬲ᭄ᬦᬾᬦ᭄ᬢᭂᬦ᭄ᬲᬸᬪᬓ᭄ᬢᬶ᭞ᬫᬦᬳᬶᬧᬸᬦ᭄᭞ᬲᬯᬶᬭᬾᬄᬢᬸᬦᬲᬬᬕ᭟ᬓᬤᬢ᭄ᬫᬵᬢᬹᬃ᭞ᬗᬸᬦᬶᬗ᭄ᬳᬂᬓᬧᬸᬭᬶᬳᬕᬸᬂ᭞ᬚᬦ᭄ᬢᭀ᭠
ᬲ᭄ᬤᬦᬾᬲᬾᬤ᭞ᬲᬧᬶᬲᬦ᭄ᬳᬦᬓᬾᬮᬶᬗ᭄ᬲᬶᬃ᭞ᬫᭂᬧᭂᬲ᭄ᬫᬵᬢᬹᬃ᭞ᬧᬦ᭄ᬳᬩᬲᬦ᭄ᬫᬢᬗᬦᬦ᭄᭟ᬲᬫᬶᬓᬵᬢᬸᬭ᭄᭞ᬧᬶᬢᬸᬢᬹᬃᬲᬗᬤᬶ᭠ᬕᬸᬭᬸ᭞ᬲᬤᬸᬭᬸᬂᬦ᭄ᬤᬾᬯᬢ᭞ᬲᬤᬕᬶᬂᬧᬯᬶᬲᬶᬓ᭄ᬲᬫᬶ᭞ᬳᬮᬳᬬᬸ᭞ᬲᬹᬓ᭄ᬱᭂᬫᬦᬶᬂᬯᬭᬯᬭᬄ᭟ᬫᬢ᭄ᬭᬮᬶᬧᬸᬭ᭄᭞ᬫᬥᬾᬯᬢᬶᬫᬾᬗᭂᬃᬲᬵᬫ᭄ᬧᬸᬦ᭄᭞
ᬭᬶᬂᬓᬺᬢ᭄ᬣᬲᬫᬬ᭞ᬧᬫᬵᬃᬕ᭄ᬕᬦ᭄ᬳᬦᬓᬾᬮᬶᬗ᭄ᬲᬶᬃ᭞ᬲᬾᬤᬧᬵᬢᬹᬢ᭄᭞ᬢᬦ᭄ᬲᬗ᭄ᬓᬦᬶᬂᬤᬦᬾᬲᬸᬗ᭄ᬓᬦ᭄᭟ᬲᬓᬾᬂᬢᬸᬤᬸᬄ᭞ᬦᬸᬮᬓᬂᬓᬰᬸᬦ᭄ᬬᬲᬫᬸᬦ᭄᭞ᬢᬸᬫᬸᬮᬶᬗᬦ᭄ᬤᬶᬓ᭞ᬫᬥᬾᬯᬢᬶᬭᬶᬂᬧᬦ᭄ᬲᬗ᭄ᬕᬶᬂ᭞ᬮᬦ᭄ᬧᬦ᭄ᬢᬳᬸᬫ᭄᭞ᬧᬫᭂᬓᬲ᭄ᬭᬶᬂᬧᬦ᭄ᬳᬩᬲᬦ᭄᭟ᬓᬧᬶᬢᬸᬤᬸᬄ᭞ᬲᬂᬢᬶᬕᬫᬗ᭄ᬓᬶ [ 145 ][᭑᭔᭔ 144B]
᭑᭔᭔
ᬦ᭄ᬫᬳᬬᬸ᭞ᬮᬬᭀᬦ᭄ᬲᬂᬯᬸᬲ᭄ᬮᬷᬦ᭞ᬲᭀᬧᬘᬭᬧᬸᬮᬧᬮᬶ᭞ᬢᭀᬬᬓᬸᬫ᭄ᬓᬸᬫ᭄᭞ᬧᬲᬶᬭᬫᬦ᭄ᬯᬸᬲ᭄ᬘᬸᬫᬤᬂ᭟ᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬯᭀᬂᬤᬾᬰᬲᬫᬶᬢᭂᬤᬸᬦ᭄᭞ᬕᬶᬦᬸᬲᬸᬂᬓᬂᬮᬬ᭄ᬯᬦ᭄᭞ᬭᬶᬂᬦᬢᬃᬧᬶᬦᬸᬮᬧᬮᬶ᭞ᬲᬳᬓᬶᬤᬸᬂ᭞ᬫᬥᬾᬯᬢᬶᬯᬸᬲ᭄ᬫᬗ᭄ᬕᬮ᭟ᬭᬶᬂᬧᬫᬬᬸᬦ᭄᭞ᬫ᭄ᬭᬢᬾᬓᬮᬬᭀ
ᬦ᭄ᬲᬂᬮᬫ᭄ᬧᬸᬲ᭄᭞ᬫᬲᬶᬲᬶᬕ᭄ᬫᬚᬫᬲ᭄᭞ᬲᬶᬦᬶᬭᬫᬦ᭄ᬲᬃᬯ᭄ᬯᬯᬗᬶ᭞ᬫᬶᬳᬶᬓ᭄ᬗᬮᬸᬧ᭄᭞ᬓᬤᬶᬳᬸᬓᬸᬧ᭄ᬭᬶᬂᬧᬤᬸᬓ᭄ᬯᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬩᬾᬜ᭄ᬚᬗᬦ᭄ᬫᬮᬶᬄᬓᬯᬸᬯᬸᬲ᭄᭞ᬓᬵᬃᬬ᭄ᬬᬧᬗᭂᬲᭃᬗᬦ᭄᭞ᬮᬬᭀᬦ᭄ᬲᬂᬓᬵᬮᬶᬄᬯᬶᬪᭀᬕᬶ᭞ᬯᬸᬲ᭄ᬕᬶᬦᬸᬲᬸᬂ᭞ᬳᭀᬮᬶᬄᬯᭀᬂᬤᬾᬰᬓᬲᬾᬢ᭄ᬭ᭟
ᬭᬶᬂᬧᬫᬸᬳᬸᬦ᭄᭞ᬮᬬᭀᬦᬾᬕᬶᬦᭂᬲᭃᬂᬲᬵᬫ᭄ᬧᬸᬦ᭄᭞ᬓᬶᬦᬸᬘᬧᬹᬢ᭄ᬢᬫ᭞ᬲᭀᬧᬘᬭᬲ᭄ᬯᬲ᭄ᬢᬵᬕᭂᬦᬶ᭞ᬫ᭄ᬭᬶᬄᬭᬳᬬᬸ᭞ᬫᬵᬦᬹ᭠ᬢ᭄ᬮᬶᬗᬶᬂᬬᬵᬫᬢᬢ᭄ᬯ᭟ᬓᬾᬗᬶᬦᬯᬸ᭞ᬪᬱ᭄ᬫᬦᬾᬦᬸᬮᬶᬓᬳᬜᬸᬢ᭄᭞ᬓᬩᬓ᭄ᬢᬓᬢᬸᬓᬤ᭄᭞ᬭᬶᬗᬶᬮᬶᬦ᭄ᬢᭀᬬᬫᭂᬮᬗᬶᬢ᭄᭞ᬲ᭄ᬯᬲ᭄ᬢᬲᬵᬫ᭄ᬧᬸᬦ᭄᭞ᬮᬸ
ᬫᭂᬓᬲ᭄ᬰᬯᬧ᭄ᬭᬢᬾᬓ᭟ᬲᬫᬶᬫᬦ᭄ᬢᬸᬓ᭄᭞ᬲᬯᭀᬂᬤᬾᬰᬲᭂᬫᬸᬗᬸᬦ᭄ᬗᬸᬦ᭄᭞ᬫᬥᬾᬯᬢᬶᬓᭀᬘᬧ᭄᭞ᬫᬭᬶᬂᬧᬤᬸᬓ᭄ᬯᬦᬸᬫᭂᬕᬶ᭠ᬮ᭄᭞ᬦᬾᬦ᭄ᬢᭂᬦ᭄ᬓᬬᬸᬦ᭄᭞ᬫᬯᬮᬶᬓᬲ᭄ᬯᬾᬘ᭄ᬙᬧᬸᬭ᭟ᬲᭂᬭᬶᬂᬭᬯᬸᬄ᭞ᬳᬸᬢᬸᬲᬦ᭄ᬳᬶᬤᬲᬂᬧ᭄ᬭᬪᬹ᭞ᬦᬾᬗᬢᬸᬭᬶᬦ᭄ᬩᬸᬤᬮ᭄᭞ᬫᬗ᭄ᬤᬫᬢᬸᬮᬓ᭄ᬓᬧᬸᬭᬶ᭞ᬤᬾ

[᭑᭔᭕ 145A]
᭑᭔᭕
ᬦᬶᬂᬲᬵᬫ᭄ᬧᬸᬦ᭄᭞ᬧᬸᬧᬸᬢ᭄ᬓᬵᬃᬬ᭄ᬬᬧᬦᬶᬍᬫᬦ᭄᭟ᬤᬦᬾᬧᭂᬗ᭄ᬓᬸᬂ᭞ᬢᬦ᭄ᬓᬬᬸᬦ᭄ᬫᬢᬸᬮᬓ᭄ᬫᬦ᭄ᬢᬸᬓ᭄᭞ᬳᬬᬢ᭄ᬫᬢᭂᬮᬲᬦ᭄᭞ᬧ᭄ᬭᬤᬾᬢ᭠ᬦ᭄ᬭᬯᬸᬄᬫᬯᬮᬶ᭞ᬲᬂᬓᬬᬸᬦ᭄ᬬᬸᬦ᭄᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭟ᬧᬶᬲᬦ᭄ᬮᬫ᭄ᬧᬸᬲ᭄᭞ᬦᬦ᭄ᬤᬂᬮᬭᬩᬭᬳᬾᬯᬸᬄ᭞ᬢᬦ᭄ᬧᬗᬾᬢᬂᬚᬶᬯ᭞ᬜᬤ᭄ᬬᬤ᭠
ᬦᬾᬫᬫᬾᬮᬦᬶᬦ᭄᭞ᬳᭀᬓᬫᬦ᭄ᬢᬸ᭞ᬓᬤᬸᬓ᭄ᬲᬵᬫ᭄ᬧᬸᬦ᭄ᬳᬶᬯᬂᬮᬫ᭄ᬧᬄ᭟ᬳᬶᬗ᭄ᬕᬶᬄᬧᬸᬧᬸᬢ᭄᭞ᬓᬤᬶᬳᬫᬸᬦᬶᬓᬤᬸᬫᬸᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬧᬜ᭄ᬚᬂ᭞ᬲᬢ᭄ᬯᬦᬾᬗᬶᬭᬶᬂᬢᬫ᭄ᬩᬾᬦᬶᬦ᭄᭞ᬧᬘᬂᬓᬵᬢᬸᬭ᭄᭞ᬭᬶᬂᬧᬗᬯᬶᬓᬧᬶᬂᬤᬰ᭛᭜᭛ᬤᬹᬃᬫ᭄ᬫ᭛᭜᭛ᬓᬘᬭᬶᬢᬦᬾᬫᬗ᭄ᬓᬶᬦ᭄ᬭᬶᬂ
ᬲ᭄ᬯᬾᬘ᭄ᬙᬧᬸᬭ᭞ᬲᬲᬵᬫ᭄ᬧᬸᬦ᭄ᬫᬥᬾᬯᬢᬶ᭞ᬫᬦ᭄ᬢᬸᬓ᭄ᬓᬧᬤᬸᬓ᭄ᬯᬦ᭄᭞ᬲᬸᬗ᭄ᬲᬸᬢ᭄ᬳᬶᬤᬲᬂᬦᬵᬣ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬓᬧᬶᬳᬸᬦᬶᬂ᭞ᬲᬧᬭᬶᬧᭀᬮᬄ᭞ᬤᬦᬾᬤᬸᬓᬸᬄᬲᬸᬮᬤ᭄ᬭᬶ᭟ᬫᬲᬋᬗᬦ᭄ᬦᬾᬳᬶᬲ᭄ᬢ᭄ᬭᬶᬗᬺᬢ᭄ᬣᬲᬫᬬ᭞ᬲᬓᬾᬗᬚ᭄ᬜᬦᬲᬶᬤ᭄ᬥᬶ᭞ᬳᬸᬫᭀᬭᬶᬗᬘᬶᬦ᭄ᬢ᭄ᬬ᭞ᬮᬬᭀᬦᬾ
ᬫᬓᭂᬫ᭄ᬩᬭᬦ᭄᭞ᬭᬶᬂᬲᭂᬫᬵᬲᬦᬩᬶᬦᬲ᭄ᬫᬶ᭞ᬳᬸᬚᬭᬶᬂᬧᬭ᭞ᬲᬂᬮᬷᬦᬦᬸᬗ᭄ᬓᬧ᭄ᬮᭂᬯᬶᬄ᭟ᬲᬬᬦ᭄ᬳᭀᬲᬄᬳᭀᬲᭂᬓ᭄ᬓᬬᬸᬦ᭄ᬰ᭄ᬭᬷᬦᬵᬭᬾᬦ᭄ᬤ᭄ᬭ᭞ᬳᬾᬮᬶᬂᬭᬶᬂᬫᬥᬾᬯᬢᬶ᭞ᬲᬂᬧᬶᬦᬶᬄᬓᬳᬾᬫᬦ᭄᭞ᬓᬢᬶᬩᬦ᭄ᬮᬭᬯᬶᬭᬂ᭞ᬳᬕᬸᬂᬅᬓᬵᬱᬧ᭄ᬭᬣᬶᬯᬶ᭞ᬢᭂᬜᬸᬳᬶᬂᬘᬶᬢ᭄ᬢ᭞ᬲᬶᬂᬜᬗᬮ᭠ [ 146 ][᭑᭔᭕ 145B]
᭑᭔᭕
ᬮᬸᬫᬵᬢᬶ᭟ᬩᬲ᭄ᬲᭂᬩᭂᬢᬾᬍᬓ᭄ᬚᭂᬗᬄᬓᬾᬮᬗᬦ᭄ᬧ᭄ᬬᬦᬓ᭄᭞ᬫᬕᭂᬤᬶᬢᬦ᭄ᬧᬯᬗ᭄ᬲᬶᬢ᭄᭞ᬳᬸᬮᬶᬤᬶᬧᬤᬸᬓ᭄ᬯᬦ᭄᭞ᬮᬮᬶᬲ᭄ᬲ᭠ᬦ᭄ᬫᬸᬭᬂᬮᬫ᭄ᬧᬄ᭞ᬢ᭄ᬯᬭᬗᬾᬤᬍᬫᬂᬚᬢᬶ᭞ᬫᬤᬾᬯᬾᬓ᭄ᬫᬾᬦᬓ᭄᭞ᬰᬰᬡᬦ᭄ᬧᬸᬢ᭄ᬭᬶᬍᬯᬶᬄ᭟ᬢᭂᬓᭂᬤ᭄ᬚᬸᬫᬄᬓᬮᬸᬤ᭄ᬦᬧᭂᬢᬂᬯᬢᬗᬦ᭄᭞ᬫᬾᬫᬾ
ᬩᬧᬦ᭄ᬜᬫᬵᬢᬶ᭞ᬜᬦ᭄ᬤᬂᬓᬲᭂᬩᭂᬢᬦ᭄᭞ᬫᬥᬾᬯᬢᬶᬫᬗᭂᬦᬂ᭞ᬮᬘᬸᬭᬾᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬦᬦ᭄ᬤᬂᬤᬸᬄᬓᬶᬢ᭞ᬮᬲ᭄ᬬᬩᬋᬂᬗᭂᬫᬲᬶᬦ᭄᭟ᬲᬧᬸᬦᬶᬓᬧᬫᬃᬡ᭄ᬦᬦ᭄ᬳᬶᬤᬲᬂᬦᬵᬣ᭞ᬓᬗᭂᬦ᭄ᬭᬶᬂᬫᬥᬾᬯᬢᬶ᭞ᬓᬤᬸᬭᬸᬲ᭄ᬲᬸᬗ᭄ᬓᬯ᭞ᬚᬦ᭄ᬢᭀᬲ᭄ᬢᬦ᭄ᬳᬃᬱᬫᭂᬤᬮ᭄᭞ᬓᬢᬗ᭄ᬓᬶ᭠
ᬮ᭄ᬭᬶᬂᬧᬭᬭᬩᬶ᭞ᬲᬂᬧᬜ᭄ᬘᬓᬡ᭄ᬬ᭞ᬧᭂᬤᭂᬓ᭄ᬓᬭᬵᬚᬥᬦᬶ᭟ᬫᬸᬦᭂᬩ᭄ᬮᬯᬂᬰ᭄ᬭᬷᬦᬭᬾᬦ᭄ᬤ᭄ᬭᬭᬶᬂᬕᭂᬤᭀᬗᬦ᭄᭞ᬋᬲ᭄ᬋᬲ᭄ᬲᬧᬭ᭠ᬭᬩᬶ᭞ᬢᭂᬓᬦᬶᬂᬧᬋᬓᬦ᭄᭞ᬕᭂᬕᭂᬂᬓᬤᬶᬧ᭄ᬭᬢᬶᬫ᭞ᬭᬶᬂᬳᬫ᭄ᬩᬾᬦ᭄ᬕᭂᬤᭀᬗᬾᬓᬵᬭᬶ᭞ᬗᬸᬦ᭄ᬢᬸᬮ᭄ᬧᬤᬫ᭄ᬧ᭄ᬬᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬸᬓ᭄ᬫᬶᬓ᭄᭟
ᬦᬸᬮᬶᬤᬦᬾᬜᬳᬶᬢᬗ᭄ᬓᭂᬩᬦ᭄ᬗᬦ᭄ᬤᬶᬓ᭞ᬲᬤᬫᬓᬶᬲᬶᬓᬶᬲᬶ᭞ᬭᬶᬂᬲᬂᬓᬧᬃᬘ᭄ᬙᬬ᭞ᬓᬳᬸᬢᬸᬲ᭄ᬗᬸᬦᬶᬗ᭄ᬳᬬᬂ᭞ᬭᬶᬂᬤᬦᬾᬲᬂᬫᬤᭂᬕ᭄ᬧᬢᬶᬄ᭞ᬫᬗ᭄ᬓᬸᬦᬵᬕᬭ᭞ᬫᬗ᭄ᬤᬤᬦᬾᬫᬶᬦᭂᬳᬶᬦ᭄᭟ᬳᬶᬦ᭄ᬤᬶᬓ᭄ᬤᬍᬫ᭄ᬓᬢᬶᬩᬦᬦ᭄ᬮᬭᬯᬶᬭᬂ᭞ᬲᬵᬫ᭄ᬧᬸᬦ᭄ᬯᬶᬦᭂᬓᬲ᭄ᬲᬫᬶ᭞ᬧᬓᭀᬩᭂᬢ᭄ᬦ᭠

[᭑᭔᭖ 146A]
᭑᭔᭖
ᬭᬾᬦ᭄ᬤ᭄ᬭ᭞ᬦᬾᬗᬯᬶᬦᬂᬲᬸᬗ᭄ᬓᬯ᭞ᬲᬂᬓᬳᬸᬢᬸᬲ᭄ᬯᬸᬲ᭄ᬫᬫᬵᬃᬕ᭄ᬕᬶ᭞ᬫᭂᬤᬮ᭄ᬓᬚᬩ᭞ᬢᬦ᭄ᬓᬧᬃᬡ᭄ᬦᬭᬶᬂᬧᬸᬭᬶ᭟ᬓᬘᬭᬶᬢᬲᬂᬓᬳᬸᬢᬸᬲ᭄ᬲᬫ᭄ᬧᬸᬦ᭄ᬦᬧᬓ᭄᭞ᬢᬗ᭄ᬓᬶᬮ᭄ᬭᬶᬂᬤᬦᬾᬓ᭄ᬬᬬᬶ᭞ᬲᬂᬫᬗ᭄ᬓᬸᬦᬵᬕᬭ᭞ᬫᬭᬶᬂᬓᬭᬂᬓᬧᬢ᭄ᬬᬦ᭄᭞ᬲᬳᬶᬦ᭄ᬤᬶᬓ᭄ᬯᬸᬲ᭄ᬓᬵᬢᬹᬃᬲᬫᬶ᭞ᬤᬍᬫ᭄ᬲᬸᬗ᭄ᬓᬯ᭞ᬧᬓᭀᬩᭂᬢ᭄ᬧ
ᬭᬭᬩᬶ᭟ᬓ᭄ᬬᬬᬶᬳᬕᬸᬂᬤᬶᬫᬥᬾᬓᬕ᭄ᬬᬢ᭄ᬫᬶᬳᬃᬱ᭞ᬳᬢᬹᬃᬲᬂᬭᬯᬸᬄᬢᬗ᭄ᬓᬶᬮ᭄᭞ᬲᬃᬯ᭄ᬯᬶᬦᭂᬩᬄᬤᬤ᭞ᬲᬺᬗᭂᬦ᭄ᬤᬦᬾᬗᬦ᭄ᬤᬶᬓ᭞᭠ᬳᬭᬄᬤᭀᬂᬫᬮᬄᬤᬬᬦᬶᬦ᭄᭞ᬓᬤᬸᬂᬳᬍᬫᬦ᭄᭞ᬓᬵᬫᬚᬬᬤᬹᬃᬩᬸᬤ᭄ᬥᬶ᭟ᬜᬶᬘᬶᬂᬲᬶᬗᬮ᭄‌‌ᬢ᭄ᬯᬭᬦᬯᬂᬢᬢᬓ᭄ᬭᬫ᭞ᬓᬯᬗ᭄ᬰᬦ᭄ᬫᬲᭀᬃᬲᬶᬗ᭄ᬕᬶᬄ᭞
ᬮᬕᬸᬢᬾᬫᬫᬶᬲᬦ᭄᭞ᬤᬍᬫ᭄‌‌ᬩᬲ᭄ᬮᬶᬯᬢ᭄ᬗᬾᬫᬦ᭄᭞ᬚᬮ᭄ᬫᬕᬸᬦᬸᬂᬢᬸᬦᬩᬸᬤ᭄ᬥᬶ᭞ᬯᬲ᭄ᬢᬸᬤᬹᬃᬰᬶᬮ᭞ᬳᬕᬾᬤᬦᬾᬗᭂᬲᬾ᭠ᬗᬶᬦ᭄᭟ᬧᬭᬚᬸᬭᬸᬤᬶᬕᭂᬮᬶᬲ᭄ᬦᭂᬫ᭄ᬩᬂᬧᬗᬭᬄ᭞ᬕᬾᬯᬃᬲᬚᬕᬢ᭄ᬩᬮᬶ᭞ᬫᬶᬭᬕᬶᬢᭂᬗᭂᬭᬦ᭄᭞ᬲ᭄ᬯᬭᬦ᭄ᬓᬸᬮ᭄ᬓᬸᬮᬾᬗᭂᬫ᭄ᬧᬂ᭞ᬩᬳᬸᬥᬡ᭄ᬥᬢᬦ᭄ᬥᬫᬦ᭄ᬢ᭄ᬭᬶ᭞ᬲ᭠
ᬳᬢᭂᬩᭂᬗᬦ᭄᭞ᬢᭂᬤᬸᬦ᭄ᬭᬦ᭄ᬢᬩᬦ᭄ᬕᬶᬧᬶᬄ᭟ᬓᬩᬜ᭄ᬘᬶᬗᬄᬲᬬᬕᬫᬓ᭄ᬢᬕᬕᬫᬦ᭄᭞ᬢᬸᬮ᭄ᬬᬜᬯᬦ᭄ᬗᬩᬩᬶᬦ᭄᭞ᬚᭂᬚᭂᬮ᭄ᬫᬥᬹᬨᬮ᭞ᬜᭂᬗ᭄ᬕᬸᬳᬂᬯᬾᬦ᭄ᬢᭂᬦ᭄ᬬᬸᬤ᭄ᬥ᭞ᬓ᭄ᬬᬬᬶᬳᬕᬸᬂᬲᬗᬧᬢᬶᬄ᭞ᬦᬸᬮᬶᬗᬦ᭄ᬤᬶᬓ᭞ᬫᬶᬤᬃᬢ᭄ᬣᬬᬂᬲᬳᬶᬦ᭄ᬤᬶᬓ᭄᭟ᬓᬓᭀᬩᭂᬢᬦ᭄ᬧᬮᬸᬗ᭄ᬕᬸᬄᬳᬶᬤᬲᬂ [ 147 ][᭑᭔᭖ 146B]
᭑᭔᭖
ᬦᬵᬣ᭞ᬓᬾᬘᬮᬦ᭄ᬭᬵᬚᬧᬸᬢ᭄ᬭᬶ᭞ᬲᬂᬫᬡᬶᬓᬶᬂᬧᬸᬭ᭞ᬫᬧᬭᬩ᭄ᬤᬾᬯᬵᬬᬸᬫᬵᬲ᭄᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬢᬦ᭄ᬧᬚᬫᬸᬕ᭞ᬓᬵᬮᬦᬶᬂᬢᭂᬗᬄᬯᭂᬗᬶ᭟ᬫᬳᬶᬭᬶᬗᬦ᭄ᬢᬭᬸᬡᬲᬓᬾᬂᬧᬤᬸᬓ᭄ᬯᬦ᭄᭞ᬓᬵᬫᬚᬬᬧᬧᬲᬶᬄ᭞ᬧ᭄ᬭᬲᬗ᭄ᬕᬤᬹᬃᬰᬶᬮ᭞ᬗᬫ᭄ᬪᭃᬓᬤ᭄ᬭᬢᬶᬓ᭄ᬭᬫ᭞ᬗᬭᬗ᭄ᬓᬢᬂ᭠
ᬭᬵᬚᬧᬸᬢ᭄ᬭᬶ᭞ᬫᬸᬭᬸᬕ᭄ᬧᬲ᭄ᬯᬭ᭞ᬤᭀᬱᬦᬾᬳᭀᬭᬢ᭄ᬧᬢᬶ᭟ᬧᬵᬢᬹᬢ᭄ᬭᬭᬸᬂᬓᬧᬲᬶᬄᬗ᭄ᬭᬸᬦ᭄ᬤᬄᬰᬰᬦ᭞ᬮᬳᬸᬢᬂᬚᬦᬶᬳᬮᬶᬄ᭞ᬭᬸᬭᬸᬄᬓᬵᬫᬚᬬ᭞ᬲᬋᬓᬂᬳᬧᬂᬩᬓᬢ᭄᭞ᬲᬂᬓᬤᬯᬸᬄᬫᬵᬢᬹᬃᬳᬶᬗ᭄ᬕᬶᬄ᭞ᬦᬸᬮᬶᬫᬤᬩ᭄ᬤᬩ᭄᭞ᬲᬵᬫ᭄ᬧᬸᬦ᭄ᬗᭂᬤᬸᬫ᭄ᬧᬫᬵᬃᬕ᭄ᬕᬶ᭟ᬓᬗᬶᬦ᭄ᬓᬯᬸᬄᬓᬚᬓᭂ᭠
ᬮᭀᬤ᭄ᬜᬢᬹᬃᬤᬾᬰ᭞ᬫᬶᬲᬤ᭄ᬬᬗᭂᬢᬹᬢ᭄ᬩᬸᬭᬶ᭞ᬮᬫ᭄ᬧᬄᬓᬵᬫᬚᬬ᭞ᬜᬸᬲᬸᬧ᭄ᬓᬕᬸᬦᬸᬂᬳᬮᬲ᭄᭞ᬩᬳᬸᬥᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬲᬵ᭠ᬫ᭄ᬧᬸᬦ᭄ᬫᬫᬵᬃᬕ᭄ᬕ᭞ᬫᬶᬦ᭄ᬢᬃᬓᬢᭂᬧᬶᬲᬶᬭᬶᬂ᭟ᬢᬦ᭄ᬓᬯᬃᬡ᭄ᬦᬮᬫ᭄ᬧᬄᬳᬦᬓᬾᬜᭂᬋᬧᬂ᭞ᬗᬭᬸᬭᬸᬄᬭᬵᬚᬧᬸᬢ᭄ᬭᬶ᭞ᬫᬶᬯᬄᬓᬵᬫᬚᬬ᭞ᬦᬾᬫᬗ᭄ᬓᬶᬦ᭄ᬘᬭᬶᬢᬬᬂ᭞᭠
ᬲᬂᬲᭂᬤᭂᬓ᭄ᬦᬯᬸᬂᬓᬭᬲ᭄ᬫᬶᬦ᭄᭞ᬫᬫᬸᬭᬂᬮᬫ᭄ᬧᬄ᭞ᬲᬄᬲᬓᬾᬂᬢᬫᬦ᭄ᬩᬮᬶ᭟᭜᭟ᬤᬂᬤᬂ᭟᭜᭟ᬓᬘᬭᬶᬢᬫᬗ᭄ᬓᬶᬦ᭄ᬭᬵᬚᬧᬸᬢ᭄ᬭᬶ᭞ᬫᬸᬭᬂ᭠ᬮᬫ᭄ᬧᬄ᭞ᬲᬋᬂᬓᬵᬫᬚᬬ᭞ᬓᬵᬮᬯᭂᬗᬶᬧᬫᬵᬃᬕ᭄ᬕᬶᬦᬾ᭞ᬲᬓᬾᬂᬧᬤᬸᬓ᭄ᬯᬦ᭄ᬢᭂᬤᬸᬦ᭄᭞ᬓᬢᬸᬓᬤ᭄ᬫᭂᬮᬗᬶᬢ᭄ᬗᬸᬗ᭄ᬲᬶ᭞ᬲᬃᬯ᭄ᬯᬶᬫᬤᬦ᭄ᬤᬦ᭄ᬢᬗᬦ᭄᭞ᬓᬵᬫ

[᭑᭔᭗ 147A]
᭑᭔᭗
ᬚᬬᬦᬸᬦ᭄ᬢᬸᬦ᭄᭞ᬲᬂᬤ᭄ᬬᬄᬫᬡᬶᬓᬶᬂᬧᬸᬭ᭞ᬦᬶᬗ᭄ᬕᬮ᭄ᬤᬾᬰ᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬲᬢᬶᬩᬧᬭᬦᬶᬂᬮᬫ᭄ᬧᬄ᭟ᬧᭂᬢᭂᬂᬤᭂᬤᭂᬢ᭄ᬓᬮᬸᬤ᭄ᬢᬦ᭄ᬧᬲᬸᬦ᭄ᬤᬶᬄ᭞ᬫᬓᬭᭀᬦᬦ᭄᭞ᬢᬦ᭄ᬧᬗᬾᬢᬂᬭᬸᬗ᭄ᬓ᭞ᬢᭂᬤᬸᬦ᭄ᬓᬗᬶᬦ᭄ᬭᬶᬂᬳᬩᬶᬗᬾ᭞ᬲᬃᬯ᭄ᬯᬶᬫᬓᬸᬤᬸᬂᬓᬸᬤᬸᬂ᭞ᬭᬵᬚᬧᬸᬢ᭄ᬭᬶᬮᬸᬗ᭄ᬳᬜᬶᬮᬶᬩ᭄᭞ᬓᬵᬫ᭠
ᬚᬬᬲᬬᬕ᭞ᬦᬸᬦ᭄ᬢᬸᬦ᭄ᬲᬂᬤ᭄ᬬᬄᬳᬬᬸ᭞ᬫᬭᬶᬂᬢᬸᬓᬤᬾᬗᬮᬾᬭᬂ᭞ᬩᭂᬘᬢ᭄ᬲᬾᬧᬦ᭄᭞ᬓᬤᬶᬓᬶᬤᬂᬢᭂᬧᬾᬦ᭄ᬢᬧᬶᬲ᭄᭞ᬲᬗ᭄ᬲᬬᬬᬦ᭄ᬓᬢᬸᬢᬸᬕᬦ᭄᭟ᬗᬮᬶᬦ᭄ᬢᬗᬶᬦ᭄ᬧᬗ᭄ᬓᬸᬂᬚᬸᬭᬂᬳᬶᬤᬶᬂ᭞ᬫᬤᬹᬃᬕ᭄ᬕᬫ᭞ᬢᬦ᭄ᬧᬗᬾᬢᬂᬪᬵᬬ᭞ᬗᭂᬩᭂᬢ᭄ᬜᬸᬦᬸᬢ᭄ᬧᬫᬵᬃᬕ᭄ᬕᬶᬦᬾ᭞ᬕᬕᬾᬲᭀᬦ᭄ᬫᬸᬗ᭄ᬕᬄᬢᭂᬤᬸᬦ᭄᭞ᬲᭂ
ᬭᬤ᭄ᬲᭂᬭᭀᬤ᭄ᬫᬶᬭᬶᬕ᭄ᬢᬗ᭄ᬓᬶᬤ᭄᭞ᬓᬮᬸᬤ᭄ᬩᭂᬮᬶᬕ᭄ᬲᬩᭂᬳᬦ᭄᭞ᬭᬵᬚᬧᬸᬢ᭄ᬭᬶᬭᬸᬦ᭄ᬢᬸᬄ᭞ᬭᬶᬂᬢᭀᬬᬦᬾᬫᬍᬩ᭄ᬮᭂᬩᬦ᭄᭞ᬓᬵᬫᬚᬬ᭞ᬲᬓ᭄ᬱᬡᬢᭂᬤᬸᬦ᭄ᬜᭂᬩᬸᬭᬶᬦ᭄᭞ᬭᬵᬚᬧᬸᬢ᭄ᬭᬶᬓᬲᬗ᭄ᬓᬮᬦ᭄᭟ᬩᭂᬮᬸᬲ᭄ᬮᭂᬧᬾᬕ᭄ᬲᬋᬂᬓᬵᬮᬶᬄᬗᬶᬮ᭄ᬕᬶᬮ᭄᭞ᬗᬫᬸᬗ᭄ᬕᬳᬂ᭞ᬲᬓ᭄ᬱᬡᬗᭂᬭᬕᬲ᭄᭞ᬫᬸᬗ᭄ᬕᬄᬓ
ᬗᬶᬦ᭄ᬭᬶᬂᬢᬗ᭄ᬓᬶᬤᬾ᭞ᬤᭂᬓᬄᬳᬗ᭄ᬲᭂᬕᬦ᭄ᬗᬗ᭄ᬲᬸᬃ᭞ᬯᬲ᭄ᬢ᭄ᬭᬲᬾᬢ᭄ᬲᬾᬢ᭄‌‌ᬓᬾᬢ᭄ᬓᬾᬢ᭄ᬤᬸᬯᬶ᭞ᬓᬲᭀᬮ᭄ᬓᬲᭀᬮ᭄ᬗᬋᬕᬄ᭞ᬳᬗ᭄ᬕᬩᬩᬓ᭄ᬩᭂᬮᬸᬭ᭄᭞ᬭᬸᬦ᭄ᬢᬸᬄᬧᬶᬂᬓᬵᬮᬶᬄᬧᬶᬂᬢᬶᬕ᭞ᬫᬧᬗ᭄ᬲᭂᬕᬦ᭄᭞ᬗᬾᬗ᭄ᬕᬮᬂᬫᬮᬶᬄᬫᬢᬗᬶ᭞ᬧᬢᬶᬕᬩᬕ᭄‌‌ᬓᬧᭂᬢᭂᬗᬦ᭄᭟ᬲᬩᭂᬄᬭᬶᬭᬶᬲ᭄‌‌ᬲᬳᬓᬶᬮ᭠ [ 148 ][᭑᭔᭗ 147B]
᭑᭔᭗
ᬧ᭄ᬢᬝᬶᬢ᭄᭞ᬭᬲᬳᭀᬮᬲ᭄᭞ᬗᬢᬸᬭᬂᬧᬗᬮᬂ᭞ᬓᭂᬮᬧ᭄ᬓᭂᬮᬾᬧ᭄ᬭᬶᬂᬮᬗᬶᬢᬾ᭞ᬮᬫᬓᬦ᭄ᬲᬶᬓ᭄ᬥᬧᬗ᭄ᬕᬸᬄ᭞ᬓᬯᬾᬦ᭄ᬢᭂᬦᬦ᭄ᬫᬵᬃᬕ᭄ᬕᬶᬮᬶᬲᬶᬕ᭄᭞ᬮᬲ᭄ᬬᬭᬯᬸᬄᬩᬩ᭄ᬯᬦᬦ᭄᭞ᬮᬶᬦ᭄ᬢᬂᬢᬸᬓᬤ᭄ᬩᬸᬩᬸᬄ᭞ᬩᭂᬦᭂᬃᬓᬗᬶᬦ᭄ᬫᭂᬕᬢ᭄ᬢᬸᬓᬤ᭄᭞ᬢᭀᬂᬭᬵᬃᬬ᭄ᬬᬦᬦ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬲᬂᬓᬵᬮᬶᬄ
ᬫᬤᬦ᭄ᬤᬦ᭄ᬢᬗᬦ᭄᭟ᬓᬸᬤᬂᬤᬾᬰᬢᭂᬕᬮ᭄ᬫᬶᬯᬄᬘᬭᬶᬓ᭄᭞ᬓᬮᬶᬦ᭄ᬢᬗᬦ᭄᭞ᬢᭀᬂᬫᬭᬵᬃᬬ᭄ᬬᬦ᭄ᬭᬵᬃᬬ᭄ᬬᬦ᭄᭞ᬜᭂᬫᬄᬜᭂᬫᬄᬧᬗᬸᬗ᭄ᬲᬶᬦᬾ᭞ᬧᬫᬵᬃᬕ᭄ᬕᬶᬦᬾᬩᬄᬩᬗᬸᬦ᭄᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬤᭀᬄᬲᬯᬢ᭄ᬲᬓᬾᬂᬤᬾᬰ᭞ᬢᬫᬦ᭄ᬩᬮᬶᬲᬵᬫ᭄ᬧᬸᬦ᭄᭞ᬧᬘᬂᬦᬶᬜ᭄ᬘ᭠
ᬧ᭄ᬤᬾᬰᬜᬮ᭄ᬬᬦ᭄᭞ᬫᬚᬗ᭄ᬕᭂᬮᬦ᭄᭞ᬯᬾᬦ᭄ᬢᭂᬦ᭄ᬕᭀᬯᭀᬓᬕᭃᬂᬧᬗ᭄ᬕᬶᬄ᭞ᬇᬭᬶᬓᬵᬧᬶᬗ᭄ᬕᬶᬭᬶᬂᬤᬾᬰ᭟ᬓᬾᬗᬶᬦ᭄ᬫᬭᬵᬃᬬ᭄ᬬᬦᬶ᭠ᬭᬶᬓᬵᬫᬗ᭄ᬓᬶᬦ᭄᭞ᬫᬢᭂᬕ᭄ᬢᭂᬕᬦ᭄᭞ᬧᭀᬮᬶᬄᬫᬲᬶᬦᬸᬢᬦ᭄᭞ᬓᬩᬢᭂᬓ᭄ᬳᬦ᭄ᬢᬸᬓ᭄ᬮᭂᬲᬸᬦᬾ᭞ᬫᬫᬵᬃᬕ᭄ᬕᬶᬘᭂᬩᬃᬘᭂᬩᬸᬃ᭞ᬓᬮᬸᬤ᭄ᬫᬕᬤᬂᬳᬯᭂᬗᬶ᭞ᬯᬯᬸ᭠
ᬧᭀᬮᬶᬄᬫᬗ᭄ᬲᭂᬕᬦ᭄᭞ᬭᬵᬚᬧᬸᬢ᭄ᬭᬶᬓᬾᬭᬸᬄ᭞ᬫᭂᬤᬮ᭄ᬧᬭᬶᬗᭂᬢ᭄ᬢᬦ᭄ᬧᭂᬕᬢ᭄᭞ᬫᬓᭀᬘᭀᬕᬦ᭄᭞ᬮᬾᬫ᭄ᬧᭀᬃᬭᬱᬢᬦ᭄ᬧ᭠ᬕᬮᬶᬄ᭞ᬫᬘᭂᬧᭀᬮ᭄ᬳᬶᬤᬲᬓ᭄ᬱᬡ᭟ᬭᬶᬂᬢᭂᬗᬄᬕᬸᬯᭀᬓᬾᬲᬤᬗᭂᬧᬶᬮ᭄᭞ᬲᭂᬗᬮ᭄ᬲᭂᬗᬮ᭄᭞ᬲᬋᬂᬓᬵᬫᬚᬬ᭞ᬗᬩᬶᬄᬢᬦ᭄ᬢᬸᬦᬬᬢ᭄ᬦᬦᬾ᭞᭠

[᭑᭔᭘ 148A]
᭑᭔᭘
ᬭᬵᬚᬧᬸᬢ᭄ᬭᬶᬫᬢᬶᬫ᭄ᬧᬸᬄ᭞ᬯᬲ᭄ᬢ᭄ᬭᬲᬾᬢ᭄ᬲᬾᬢ᭄ᬧᬲᬸᬭᬦ᭄ᬢᬶᬂ᭞ᬓᬍᬲᭀᬦ᭄ᬫᬢᭀᬤ᭄ᬢᭀᬤᬦ᭄᭞ᬢᬗᬦᬾᬫᬍᬗ᭄ᬓᬸᬂ᭞ᬲᬕᬾᬢ᭄ᬋᬩᬄᬭᬶᬂᬧᬗ᭄ᬓᭀᬦ᭞ᬓᬵᬫᬚᬬ᭞ᬢᬦ᭄ᬧᬲᬗ᭄ᬓᬦ᭄ᬳᬶᬤᬳᬭᬶᬧ᭄᭞ᬳᬦ᭄ᬢᬸᬓ᭄ᬮᭂᬲᬸᬦᬾᬫᬕᬤᬂ᭟ᬭᬾᬄᬓᬲᬶᬃᬲᬶᬃᬳᬦ᭄ᬢᬸᬓ᭄ᬳᬗᬶᬦ᭄ᬳᬭᬶᬲ᭄᭞ᬤᬲ᭄ᬭᬳᬶᬦ᭞ᬲᬵᬫ᭄ᬧᬸᬦ᭄ᬕ
ᬮᬂᬢᬦᬄ᭞ᬫᬘᬶᬳ᭄ᬦᬲ᭄ᬯᬭᬦ᭄ᬳᬬᬫᬾ᭞ᬢᬭᬶᬓ᭄ᬲᬵᬫ᭄ᬧᬸᬦ᭄ᬫᬓ᭄ᬭᬸᬬᬸᬓ᭄᭞ᬭᬶᬂᬤᬾᬰᬜᬮ᭄ᬬᬦ᭄ᬧᬶᬭᬕᬶ᭞ᬳᬦ᭄ᬢᬸᬓ᭄ᬧᬸᬦ᭄ᬓᬵᬫᬚᬬ᭞ᬭᬵᬚᬧᬸᬢ᭄ᬭᬶᬓᬦ᭄ᬢᬸᬦ᭄ᬮᭂᬍᬧ᭄ᬦᬶᬤ᭄ᬭᬭᬶᬂᬧᬗ᭄ᬓᭀᬦᬦ᭄᭞ᬓᬵᬫᬚᬬ᭞ᬲ᭄ᬯᬪᬵᬯᬦᬾᬓᭂᬘᬸᬤ᭄ᬓᬸᬦᬶᬂ᭞ᬓᬤᬶᬩᬸᬮᬦ᭄ᬓᬭᬳᬶᬦᬦ᭄᭟ᬓᬵᬫᬚᬬᬢᬦ᭄ᬧᬸᬭᬸᬦ᭄ᬦᬗᬶᬦᬶ
ᬦ᭄᭞ᬗᬸᬦ᭄ᬤᬧᬸᬦ᭄ᬤᬧ᭄᭞ᬲᬫ᭄ᬩᬶᬮᬂᬫᬲᬤᬄ᭞ᬢᬦ᭄ᬤᬸᬕᬶᬳᬦ᭄ᬢᬸᬓ᭄ᬓᬶᬬᬧᬾ᭞ᬲᬕᬾᬢᬮᭂᬍᬧᬢᬸᬭᬸ᭞ᬓᬵᬫᬚᬬᬲᬶᬃᬲᬶᬃᬳᬗᬶᬦ᭄᭞ᬮᬮᬶᬭᬶᬂᬧᬜ᭄ᬘᬪᬵᬬ᭞ᬧᬦᬗ᭄ᬓᬦ᭄ᬧᬓᬾᬯᬸᬄ᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬤᬯᬸᬄᬢᬶᬕ᭞ᬓᬍᬍᬧᬦ᭄᭞ᬯᬯᬸᬲᬂᬓᬵᬮᬶᬄᬫᬢᬗᬶ᭞ᬗᬭᬸᬧᬢᬓᬧᬸᬧᬸᬗᬦ᭄᭟ᬭᬾᬄ
ᬓᬕ᭄ᬬᬢ᭄ᬫᬶᬋᬂᬲ᭄ᬯᬭᬭᬶᬂᬘᬭᬶᬓ᭄᭞ᬲᬮᬶᬂᬢᬶᬫ᭄ᬩᬮ᭄᭞ᬤᬸᬮᬸᬭᬶᬦ᭄ᬓᭂᬧ᭄ᬯᬓᬦ᭄᭞ᬳᬸᬬᬸᬢ᭄ᬗᬸᬮᬳᬂᬧᬓ᭄ᬱᬶᬦᬾ᭞ᬧᭂᬭᬶᬢ᭄ᬩᭀᬦ᭄ᬤᭀᬮ᭄ᬫᬩᬸᬦ᭄ᬩᬸᬦ᭄᭞ᬧᭂᬢᬶᬗᬦ᭄ᬫᬶᬯᬄᬕᭂᬮᬢᬶᬓ᭄᭞ᬭᬶᬂᬩᬗ᭄ᬓᭂᬢ᭄ᬓᬫᬭᬡᬵᬦ᭄᭞ᬧᬓ᭄ᬱᬶᬦᭂᬥᬧᬦ᭄ᬢᬸᬦ᭄᭞ᬳᬮᬶᬢᬮᬶᬢᬾᬗᭂᬲᬸᬳᬂ᭞ᬫᬓᬮᬸᬓᬦ᭄᭞ [ 149 ][᭑᭔᭘ 148B]
᭑᭔᭘
ᬗᭂᬢᬕᬶᬦ᭄ᬤᬯᬸᬄᬩᭂᬤᬗᬶᬦ᭄᭞ᬲ᭄ᬯᬭᬦ᭄ᬧᭂᬘᬸᬢᬾᬢᬦ᭄ᬧᭂᬕᬢ᭄᭟ᬭᬵᬚᬧᬸᬢ᭄ᬭᬶᬲᬳᬗᭂᬫ᭄ᬩᭂᬂᬯᬲ᭄ᬧ᭞ᬫᬯᬘᬦ᭞ᬳᬤᬸᬄᬓᬵᬫᬚᬬ᭞ᬓᬶᬚᬚᬦᬶᬧᬕᭂᬤᬶᬦᬾ᭞ᬗᬸᬤᬤᬶᬦᬶᬗᬭᬸᬓ᭄ᬭᬸᬓ᭄᭞ᬲᬯᬶᬭᬾᬄᬲᬸᬩᬢᭂᬗᬳᬶ᭞ᬩᬬᬮᬓᬃᬓᬢᬭ᭞ᬓᬵᬫᬚᬬᬫᬵᬢᬹᬃ᭞ᬫᭂᬦᭂᬂᬓᬾᬭᬢᬸᬳᬚ᭠
ᬳᬦ᭄᭞ᬚᬦ᭄ᬢᭀᬲ᭄ᬩᬸᬤᬮ᭄᭞ᬚᬤ᭄ᬫᬦᬾᬗᬸᬮᬳᬂᬧᬓ᭄ᬱᬶ᭞ᬕᬸᬫᭂᬦ᭄ᬢᭀᬲ᭄ᬲᬸᬯᬸᬂᬭᬶᬂᬲᬯᬄ᭟ᬓᬵᬮᬇᬭᬶᬓᬵᬗᬶᬭᬶᬂᬫᬫᬵᬃᬕ᭄ᬕᬶ᭞ᬫᬗᬮᬾᬭᬂ᭞ᬓᬤᬶᬳᬢᬹᬃᬢᬶᬢ᭄ᬬᬂ᭞ᬧᭂᬘᬓ᭄ᬫᬸᬗ᭄ᬕᬄᬭᬶᬂᬲᬸᬭᬵᬢᬾ᭞ᬦᬾᬓᬵᬢᬹᬃᬭᬶᬂᬳᬶᬭᬢᬸ᭞ᬧ᭄ᬭᬬᬮᬸᬗ᭄ᬳᬓᬩᭂᬲᬓᬶᬄ᭞ᬕᭂᬦᬄᬭᬭᬫᬦ᭄ᬢᬶᬢ᭄ᬬᬂ᭞ᬫ
ᬢᬧᬭᬶᬂᬕᬸᬦᬸᬂ᭞ᬭᬵᬚᬧᬸᬢ᭄ᬭᬶᬦᬸᬮᬶᬦᬶᬫ᭄ᬩᬮ᭄᭞ᬫᬗᬦ᭄ᬤᬶᬓ᭞ᬓᬵᬫᬚᬬᬤᭀᬂᬧᬶᬦᭂᬳᬶᬦ᭄᭞ᬳᬧᬂᬤᬕᬗ᭄ᬲᬭᬦ᭄ᬢᬶᬦ᭄ᬤᬓ᭄᭟ᬬᬾᬦ᭄ᬮᬚᬸᬧᬾᬢ᭄ᬚᬦᬶᬓᬩᭂᬲᬓᬶᬄ᭞ᬗᬮᬶᬄᬳᬶᬯ᭞ᬢᬦ᭄ᬯᬗ᭄ᬤᬾᬲᭂᬗ᭄ᬓᬮ᭞ᬤᭀᬂᬢᬗᬭᬶᬦ᭄ᬧᬗᭂᬢᬹᬢᬾ᭞ᬲᬶᬂᬜᬮᬓᬃᬓᬘᬸᬦ᭄ᬤᬸᬓ᭄᭞ᬲᬶᬦᬄ
ᬳᬤᬓᬩᭂᬲᬓᬶᬄ᭞ᬦᬾᬫᬚᬮᬦ᭄ᬜᭂᬋᬧᬂ᭞ᬢᬸᬮ᭄ᬬᬓᭂᬦᬢᬫ᭄ᬧᬸᬲ᭄᭞ᬳᬫ᭄ᬧᬳᬾᬫᬧ᭄ᬯᬭᬚᭂᬗᬄ᭞ᬮᬓᬃᬓᬸᬤ᭄ᬬᬂ᭞ᬫᭂᬮᬄᬳᬤᬾᬗᬂᬳᬩᭂᬤᬶᬓ᭄᭞ᬮᬲ᭄ᬬᬦᬾᬫᬮᬸᬘᬕᭂᬭᬂ᭟ᬢᭀᬂᬜᬦ᭄ᬤᬂᬗᭀᬚᭀᬕ᭄ᬓᭂᬫᭀᬦᬾᬚᬦᬶ᭞ᬳᬾᬗ᭄ᬕᬮᬾᬗ᭄ᬕᬮ᭄᭞ᬳᬶᬮᬳᬶᬮᬤ

[᭑᭔᭙ 149A]
᭑᭔᭙
ᬳᬢ᭄᭞ᬲᬢ᭄ᬫᬘᭂᬩᬸᬃᬤᬶᬓᬯᬳᬾ᭞ᬓᬵᬫᬚᬬᬢᭂᬮᬗ᭄ᬓᬸᬧ᭄᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬯ᭄ᬬᬓ᭄ᬢᬶᬓᬤᬶᬯᬘᬦ᭞ᬗᬶᬭᬶᬂᬫᭂᬗ᭄ᬓᭂᬩ᭄ᬤᬸᬫᬸᬦ᭄᭞ᬕᬸᬫᭂᬦ᭄ᬢᭀᬲᬶᬧᬸᬦ᭄ᬓᬗ᭄ᬳᬾᬮᬦ᭄᭞ᬲᬂᬜᭂᬋᬧᬂ᭞ᬓᬾᬗᬶᬦ᭄ᬤᬗᬦᬦ᭄ᬫᬫᬵᬃᬕ᭄ᬕᬶ᭞ᬢᬦ᭄ᬓᬘᬦ᭄ᬤᬓ᭄ᬲᬶᬂᬲᬶᬂᬚᬮᬦ᭄᭟ᬩᬶᬮᬶᬄᬓᬢᬄᬲᬵᬫ᭄ᬧᬸ
ᬦ᭄ᬗᭂᬢᬹᬢ᭄ᬩᬸᬭᬶ᭞ᬩᬶᬮᬂᬤᬗ᭄ᬓ᭞ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬗᬮᬧ᭄ᬓᬲᭀᬃᬯᬘᬦᬦᬾ᭞ᬓᬵᬫᬚᬬᬬᬂᬢᬓᬸᬢ᭄᭞ᬬᬦᬶᬂᬳᬯᬓᬾᬦᬸ᭠ᬪᬓ᭄ᬢᬶ᭞ᬫᬵᬢᬹᬃᬦᬸᬗᭂᬲᭀᬃᬪᬵᬱ᭞ᬫᬘᭀᬓᭀᬭᬶᬭᬢᬸ᭞ᬲᬶᬦᬄᬮᬓᬃᬓᬘᬶᬭᬾᬦᬦ᭄᭞ᬪᬶᬦᬯᬗ᭄ᬰ᭞ᬧᬗᬸᬘᬧᬾᬫᭂᬲᭀᬃᬲᬶᬗ᭄ᬕᬶᬄ᭞ᬢ᭄ᬯᬭᬲᭀ
ᬢᬦᬶᬂᬫᬜᬫ᭟ᬫᭂᬮᬄᬕᭂᬦ᭄ᬢᭀᬲᬶᬦ᭄ᬫᬸᬜᬶᬦᬾᬚᬦᬶ᭞ᬫᬭᬭᬲᬦ᭄᭞ᬗᬸᬤᬫᬲᬺᬓᬾᬦᬦ᭄᭞ᬢ᭄ᬯᬭᬜᬾᬗᭂᬳᬂᬳᬸᬦ᭄ᬤᬸᬓᬾ᭞᭠ᬦᬫ᭄ᬧᭂᬤᬂᬳᬕᭂᬢ᭄ᬮᬘᬸᬭ᭄᭞ᬳᬚᬓ᭄ᬤᬤ᭄ᬯᬩᬸᬓᬚᬦᬶ᭞ᬫᬕᭂᬳᬂᬧᬲᭀᬪᬵᬬ᭞ᬫᬕᭂᬢᬶᬄᬳᬩᬸᬂᬩᬸᬂ᭞ᬗᬮᬶᬄᬍᬕᬤᬶᬲᬓᬵᬮ᭞ᬓᬵᬫᬚᬬ᭞ᬫᭂᬮ
ᬳᬦ᭄ᬫᬩᭂᬮᬶᬳᬤᬶ᭞ᬗᬲᬄᬪᬵᬱᬫᬲᭀᬘᬧᬦ᭄᭟ᬳᬧᬂᬢ᭄ᬯᬭᬓᬧᬧᬕ᭄ᬓᬧᬗ᭄ᬕᬶᬄ᭞ᬓᬢᭂᬗᭂᬭᬦ᭄᭞ᬬᬂᬫᬤᬾᬯᬾᬓ᭄ᬫᬾᬦᬓ᭄᭞ᬢᬦᬶᬳᬲᬶᬦ᭄ᬧᬚᬮᬦᬾ᭞ᬲᬮᬫ᭄ᬧᬄᬩᬋᬂᬦᬸᬢᬸᬕ᭄᭞ᬓᬵᬫᬚᬬᬗᭂᬧᭂᬲ᭄ᬗᭂᬮᬶᬂ᭞ᬲᬶᬕ᭄ᬲᬶᬕᬦ᭄ᬫᬵᬢᬹᬃᬦᬶᬫ᭄ᬩᬮ᭄᭞ᬓᬗᭂᬦ᭄ᬢᬶᬢ᭄ᬬᬂᬭᬢᬸ᭞ᬫᬶᬭ᭠ [ 150 ][᭑᭔᭙ 149B]
᭑᭔᭙
ᬕᬶᬘᭀᬓᭀᬭᬶᬤᬾᬯ᭞ᬗᭂᬲᭀᬃᬪᬵᬱ᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧᬸᬭᬸᬦ᭄ᬗᭂᬩᬸᬓᬶᬦ᭄ᬲᬢᬢ᭟ᬓᬤ᭄ᬬᬗ᭄ᬕᬦᬶᬂᬢᬶᬢ᭄ᬬᬂᬳᬲᬸᬕᬸᬤᬶ᭠ᬕ᭄᭞ᬢᬸᬦᬢᭂᬥ᭞ᬳᬶᬭᬢᬸᬜᬬᬗᬂ᭞ᬫᬯᬶᬦᬦ᭄ᬩᭂᬕᬸᬕ᭄ᬲᭀᬮᬳᬾ᭞ᬧᬸᬭᬸᬦ᭄ᬫᬸᬗ᭄ᬕᬄᬓᬫᬾᬭᬸ᭞ᬭᬶᬂᬧᬃᬳ᭄ᬬᬗᬦ᭄ᬤᬢ᭄ᬭᬤᬾᬯᬶ᭞ᬧᬵᬢᬹᬢᬾᬓᬤᬶᬢᬶᬢ᭄ᬬᬂ᭞ᬦᭂ᭠
ᬗᭂᬢᬂᬳᬶᬭᬢᬸ᭞ᬧᬶᬦᬓᬯᬗᬶᬦᬶᬂᬲᭂᬫ᭄ᬩᬄ᭞ᬲᬸᬲᬸᬳᬸᬦᬦ᭄᭞ᬫᬯᬲ᭄ᬢᬸᬲᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬮᬮᬶᬭᬶᬂᬰᬰᬡ᭟ᬧᬗᬯᬾᬱᬦ᭄ᬫᬦᬄᬢᬶᬢ᭄ᬬᬂᬧᬮᬶᬂ᭞ᬓᬮᬸᬮᬸᬢᬦ᭄᭞ᬯᭂᬢᬸᬦᬶᬗᬶᬦ᭄ᬤ᭄ᬭᬶᬬ᭞ᬮᬮᬶᬭᬶᬂᬳᬶᬯᬂᬧᬵᬢᬹᬢ᭞ᬫᬯᬲ᭄ᬢᬸᬢᬶᬢ᭄ᬬᬂᬧᬸᬭᬸᬦ᭄᭞ᬗᭀᬤᬲᬂᬫᬭᬕᬍᬯᬶᬄ᭞ᬕᬸᬫᬦ᭄ᬢᬶᬲᬓᬾᬂᬢᬶ᭠
ᬢ᭄ᬬᬂ᭞ᬗᬯᬶᬦᬂᬳᬶᬭᬢᬸ᭞ᬭᬸᬦ᭄ᬢᬸᬄᬲᬓᬾᬂᬧᬢᬭᬡ᭞ᬗᬾᬫᬦ᭄ᬢᬶᬢ᭄ᬬᬂ᭞ᬢᬹᬃᬗᬯᬶᬦᬂᬭᬢᬸᬫᬗ᭄ᬓᬶᬦ᭄᭞ᬤᬸᬄᬓᬶᬢᬫᬗ᭄ᬕᬸᬄᬲᬗ᭄ᬲᬭ᭟ᬓᬵ᭠ᬫᬚᬬᬲᬳᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬦᬶᬕ᭄ᬢᬶᬕ᭄ᬳᬯᬓ᭄᭞ᬜᭂᬮ᭄ᬲᭂᬮ᭄ᬧᬸᬮᬓᬺᬢ᭄ᬣ᭞ᬗᬲᬶᬳᬲᬶᬄᬲᬲᬫ᭄ᬩᬢᬾ᭞ᬭᬵᬚᬧᬸᬢ᭄ᬭᬶᬳᬫᬸᬯᬸᬲ᭄᭞ᬗᭂᬦ᭄ᬢᭀᬲᬶᬦ᭄ᬯᬘ
ᬦᬭᬭᬶᬲ᭄᭞ᬥᬹᬄᬩᭂᬮᬶᬓᬵᬫᬚᬬ᭞ᬓᬸᬤᬤᬤᬶᬩᬶᬗᬸᬢ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭞ᬫᬧᬗᭂᬦᬦ᭄᭞ᬳᬶᬭᬶᬩᬦ᭄ᬦᬓᬸ᭠ᬢᬶᬦ᭄ᬫᬵᬢᬶ᭞ᬫᬫᬾᬮᬦᬶᬦ᭄ᬚᬢᬸᬓᬵᬃᬫ᭄ᬫ᭟ᬲᬗ᭄ᬓᬦ᭄‌‌ᬬᬂᬜᬓ᭄ᬩᬋᬂᬦᬸᬢᬸᬕ᭄ᬩᭂᬮᬶ᭞ᬫᬸᬂᬧᬂᬮᬫ᭄ᬧᬄ᭞ᬲᬓᬾᬂᬧ᭄ᬭᬫᬲᬢ᭄ᬬ᭞ᬓᬩᬢᭂᬓ᭄ᬩᬳᬦ᭄‌‌ᬢᬺᬱ᭄ᬡᬦᬾ᭞

[᭑᭕᭐ 150A]
᭑᭕᭐
ᬩᬦᬶᬦᬢᬓᬶᬦ᭄ᬮᬘᬸᬭ᭄᭞ᬬᬦ᭄ᬲᬸᬩᬘᬸᬫ᭄ᬧᬸᬤᬶᬳᬢᬶ᭞ᬩᭀᬩᭀᬢ᭄ᬗᬮᬶᬄᬓᬲᬸᬓᬵᬦ᭄᭞ᬫᬸᬂᬧᬸᬂᬬᬂᬦᬸᬳᬶᬤᬸᬧ᭄᭞ᬚᭂᬮᬾᬫᭂᬮᬄᬫᬓᬭᭀᬦᬦ᭄᭞ᬗᬸᬤᬢ᭄ᬯᬭ᭞ᬬᬂᬩᬦᬶᬮᬓᬃᬦᬶᬦ᭄ᬤᬶᬳᬶᬦ᭄᭞ᬢ᭄ᬯᬭᬗᬾᬧᬸᬢᬂᬓᬯᬗ᭄ᬰᬦ᭄᭟ᬢ᭄ᬯᬭᬫᬤᬬᬬᬂᬩᬸᬓᬚᬦᬶ᭞ᬬᬦ᭄ᬓᭂᬦᭂᬳᬂ᭞ᬩᭂᬮᬶ᭠
ᬜᭂᬮ᭄ᬲᭂᬮ᭄ᬭᬕ᭞ᬫᬗᭂᬦᬂᬩᬳᬦ᭄ᬮᬘᬸᬭᬾ᭞ᬤᬾᬦᬶᬂᬬᬂᬩᬋᬂᬦᬸᬢᬸᬕ᭄᭞ᬓᬢᬓᭂᬄᬮᬓᬃᬗᭂᬫᬲᬶᬦ᭄᭞ᬳᬸᬭᬶᬧ᭄ᬩᭂᬮᬶᬢᬦ᭄ᬧᭀᬭᬢ᭄᭞ᬳᬸᬩᭂᬃᬘᬶᬘᬶᬂᬩᭂᬭᬸᬂ᭞ᬩᭂᬗᬸᬗᬭᬸᬂᬫᬗ᭄ᬭᬡᬬᬂ᭞ᬩᭂᬮᬶᬮᬶᬓᬤ᭄᭞ᬮᬦ᭄ᬢᬸᬤ᭄ᬧᬚᬮᬦᬾᬜᬶᬮᬶᬩ᭄᭞ᬦᬄᬤᭂᬧᬂᬬᬂᬤᬶᬦᬶᬓᬸᬢᬂ᭟ᬢ᭄ᬯᬭᬢᬦ᭄ᬤ᭄ᬭᬸᬄ
ᬬᬂᬫᬤᬾᬯᬾᬓ᭄ᬤᭂᬓᬶᬮ᭄᭞ᬜᬦ᭄ᬤᬂᬓᬸᬢᬂ᭞ᬳᬧᬂᬩᭂᬮᬶᬮᬲ᭄ᬬ᭞ᬳᬶᬤᬸᬧ᭄ᬧᬤᬶᬤᬶᬧ᭄ᬭᬤᬾᬦᬾ᭞ᬤᭂᬧᬂᬬᬂᬤᬶᬦᬶᬮᬫ᭄ᬧᬸᬲ᭄᭞᭠ᬫᬾᬮᬦᬶᬦᬶᬥᭂᬧ᭄ᬧᬤᬶᬤᬶ᭞ᬓᬵᬫᬚᬬᬩᭂᬮ᭄ᬩᭂᬮᬦ᭄᭞ᬲᬳᬫᬦ᭄ᬢᭂᬕ᭄ᬧᬸᬧᬹ᭞ᬳᬭᬄᬓᬸᬤᬲᬮᬶᬢᬃᬱ᭞ᬗᬯᬢᬗᬂ᭞ᬩᭂᬮᬶᬲᬓᬾᬂᬢᬓᬸᬢ᭄ᬫᬵᬢᬶ᭞
ᬓᬵᬫᬚᬬᬦᭂᬩᬄᬪᬵᬱ᭟ᬳᬢᬫ᭄ᬧᬓ᭄ᬩᭂᬮᬶᬢ᭄ᬯᬭᬫᬓᬶᬭᬶᬕ᭄᭞ᬗᬶᬭᬶᬂᬳᬶᬤ᭞ᬲᬓᬾᬂᬧ᭄ᬭᬫᬲᬸᬓᬵ᭞ᬮᬓᬃᬗᭂᬢᭀᬳᬂᬳᬸᬭᬶᬧᬾ᭞ᬤ᭄ᬬᬲ᭄ᬢᬸᬦ᭄ᬩᭂᬮᬶᬓᬋᬩᬸᬢ᭄᭞ᬬᬦ᭄ᬲᬸᬩᬦᬶᬦ᭄ᬤᬶᬳᬶᬦ᭄ᬳᬤᬶ᭞ᬚᬮᬦ᭄ᬚᬦᬶᬩᬯᬓᬂ᭞ᬳᬧᬂᬤᬤᬶᬲᬭᬸ᭞ᬧᬚᬮᬦᬾᬫᬸᬂᬧᬂᬮᬫ᭄ᬧᬄ᭞ᬦᬶᬗ᭄ᬕᬮ᭄ᬤᬾ [ 151 ][᭑᭕᭐ 150B]
᭑᭕᭐
ᬰ᭞ᬩᭂᬮᬶᬚᬦᬶᬫᬭᬤ᭄ᬳᬤᬶ᭞ᬫᬥᬾᬫᭂᬦᬸᬄᬲᬢ᭄ᬫᬜᬫ᭟ᬲᬤᬓᭂᬜᭂᬫ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬫᬗᬦ᭄ᬤᬶᬓ᭞ᬤᭀᬂᬗᬸᬤᬩᬲ᭄ᬫᭂᬮᬄ᭞ᬫᬶᬮᬶᬄᬧᬗᭂᬦ᭄ᬢᭀᬲ᭄ᬳᬤᬦᬾ᭞ᬤᬸᬓᬧᬦ᭄ᬮᬓᬃᬲᬭᬸ᭞ᬭᬾᬄᬳᬤᬦᬾᬫᭂᬮᬄᬕᬢᬶ᭞ᬩᬸᬓᬢ᭄ᬯᬭᬗᭂᬦᭂᬳᬂ᭞ᬩᬦ᭄ᬤᭂᬫᭂᬦᬾᬗᬚᬸᬫ᭄᭞ᬫᬯᬲ᭄ᬢᬸᬳᬾ
ᬗ᭄ᬕᬮ᭄ᬓᬢᬭ᭞ᬳᬸᬮᬶᬄᬳᬤᬦ᭄᭞ᬩᬶᬮᬶᬄᬮᬶᬬᬸᬦᬾᬜᭂᬍᬳᬶᬦ᭄᭞ᬗᬮᭀᬓᬂᬬᬂᬚᭂᬕᬾᬕ᭄ᬗᬬᬂ᭟ᬍᬕᬬᬦ᭄‌‌ᬬᬂᬬᬾᬦ᭄ᬩᭂᬮᬶᬗᬤᬦᬶᬦ᭄᭞ᬦᬾᬳᬸᬲᬓᬦ᭄᭞ᬧᬜᬫ᭄ᬩᬢ᭄ᬩᭀᬘᭀᬓᬦ᭄᭞ᬕᭀᬩᬦ᭄‌‌ᬬᬂᬫᬵᬦᬹᬢᬸᬘᬧᬾ᭞ᬩᬶᬮᬶᬄᬢᬸᬦᬬᬦ᭄ᬭᬸᬗᬸ᭞ᬳᬦᬓᬾᬮᬓᬃᬫᭂ
ᬤᬲᬶᬦ᭄᭞ᬫᭂᬮᬳᬦ᭄ᬫᬥᬾᬳᬾᬤᬦ᭄᭞ᬧᬜᬫ᭄ᬩᬢᬾᬮᬸᬳᬸᬂ᭞ᬫᬧᬶᬦ᭄ᬤᬩᬸᬤᬸᬄᬩᬸᬤᬸᬳᬦ᭄᭞ᬭᬾᬄᬫᬘᬶᬳ᭄ᬦ᭞ᬬᬂᬫᬓᬫ᭄ᬩᭂᬦ᭄ᬧᬲᬸᬭᬦ᭄ᬢᬶᬂ᭞ᬢ᭄ᬯᬭᬗᬾᬤᬍᬫᬂᬳᬯᬓ᭄᭟ᬓᬗᭂᬦ᭄ᬲᬂᬓᬵᬫᬚᬬᬫᬶᬭᬕᬶ᭞ᬲᬳᬗᬸᬘᬧ᭄᭞ᬥᬹᬄᬭᬢᬸᬫᬵᬲ᭄ᬫᬶᬭᬄ᭞ᬲᭂᬩᭂᬢ᭄ᬲᬦ᭄ᬫᬦᬄᬩᭂ
ᬮᬶᬦᬾ᭞ᬤᭀᬂᬗᬸᬤᬗᭂᬮᬲ᭄ᬓᬬᬸᬦ᭄᭞ᬫᬶᬭᬶᬩ᭄ᬲᬚᬢᬦ᭄ᬧᬳᬚᬶ᭞ᬲᬸᬓᬶᬮ᭄ᬩᭂᬮᬶᬜᬫ᭄ᬩᬢᬂ᭞ᬳᬦᬾᬢ᭄ᬯᬭᬧᬗᬸᬲ᭄᭞ᬫᬧ᭄ᬯᬭᬮᬓᬭᬦ᭄ᬳᭂᬗ᭄ᬲᬧ᭄᭞ᬫᬜᬫ᭄ᬩᬢᬂ᭞ᬯᬶᬭᬾᬄᬢ᭄ᬯᬭᬲᬚᬳᬲᬶᬦ᭄᭞ᬫᬾᬄᬓᬢᬭᬤᭀᬂᬫᬜᬫ᭟ᬦᬄᬓᬾᬦᬾᬧᭂᬲᬦ᭄ᬳᬤᬦᬾ

[᭑᭕᭑ 151A]
᭑᭕᭑
ᬚᬦᬶ᭞ᬳᬧᬂᬩᬯᬓ᭄᭞ᬢᭀᬂᬜᬦ᭄ᬤᬂᬮᬦ᭄ᬢᬗᬂ᭞ᬩᬦ᭄ᬢᬲ᭄ᬗᭂᬦ᭄ᬢᭀᬲᬶᬦ᭄ᬳᬤᬦᬾ᭞ᬩᭂᬮᬶᬫᬭᬤ᭄ᬳᬤᬶᬮᬸᬄ᭞ᬬᬦ᭄ᬩᭂᬮᬶᬗᭀᬦ᭄ᬓᭀᬦ᭄ᬗᬯᬸᬓᬶᬦ᭄᭞ᬳᬧᬂᬤᬤᬶᬘᬮᬸᬳᬦ᭄᭞ᬭᬵᬚᬧᬸᬢ᭄ᬭᬶᬘᬸᬫ᭄ᬧᬸ᭞ᬧᬦᬶᬫ᭄ᬩᬮᬾᬲᬭᬮᬾᬤᬂ᭞ᬧᬓᬬᬸᬦᬦ᭄᭞ᬓᬤᬶᬦᬶᬓᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞᭠
ᬭᬵᬚᬧᬸᬢ᭄ᬭᬶᬗᭂᬲᭀᬃᬪᬵᬱ᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬧᬯᬶᬮᬗᬦ᭄ᬧᬲ᭄ᬢᬶ᭞ᬫᭂᬲᬾᬄᬯᬵᬱ᭄ᬝ᭞ᬬᬤᬶᬦ᭄ᬓᬵᬫᬚᬬ᭞ᬧᬘᬂᬫᬕᭂᬦ᭄ᬢᭀᬲ᭄ᬧᬭᬩᬾ᭞ᬲᬯᬶᬭᬾᬄᬲᬵᬫ᭄ᬧᬸᬦ᭄ᬳᬤᬸᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬜᬸᬦᬸᬢ᭄ᬜᬸᬦᬸᬢ᭄ᬗᬗᬶᬦᬂ᭞ᬫᬸᬂᬧᬸᬂᬲᬵᬫ᭄ᬧᬸᬦ᭄ᬲᬸᬯᬸᬂ᭞ᬲᬂᬫᬓᬵᬃᬬ᭄ᬬᬲᬫᬶᬩᬸᬤᬮ᭄
᭞ᬲᬓᬾᬂᬲᬯᬄ᭞ᬲᬂᬓᬵᬮᬶᬄᬳᬕᬾᬜᬮᬶᬩ᭄ᬲᬶᬩ᭄᭞ᬫᬓᬯᭀᬦ᭄ᬲᬓᬾᬂᬧᬗ᭄ᬓᭂᬩᬦ᭄᭟᭜᭟ᬧᬗ᭄ᬓᬸᬭ᭄᭟᭜᭟ᬲᬲᬵᬫ᭄ᬧᬸᬦᬾᬫᬗ᭄ᬓᬶᬦ᭄ᬓᭀᬘᬧ᭄᭞ᬲᬂᬫᬓᬵᬃᬬ᭄ᬬᬓᬘᬭᬶᬓ᭄ᬩᬸᬤᬮ᭄ᬲᬫᬶ᭞ᬫᬭᬶᬂᬲᬯᬄᬲᭂᬧᬶᬲᬫᬸᬦ᭄᭞ᬫᬓᬶᬭᬾᬢᬚᭂᬕ᭄ᬲᬹᬃᬬ᭄ᬬ᭞ᬭᬵᬚᬧᬸᬢ᭄ᬭᬶᬢᬸᬫᬸᬮᬶ᭠
ᬳᬮᭀᬦᬫᬸᬯᬸᬲ᭄᭞ᬳᬸᬥᬹᬄᬩᭂᬮᬶᬓᬵᬫᬚᬬ᭞ᬦᬄᬚᬮᬦ᭄ᬤᬩ᭄ᬤᬩᬂᬚᬦᬶ᭟ᬫᬸᬂᬧᬸᬂᬚᬦᬶᬲᬸᬩᬲᭂᬗ᭄ᬕᬂ᭞ᬚᬮᬦ᭄ᬩᭂᬮᬶᬫᬓᬶᬲᬶᬤ᭄ᬳᬸᬮᬶᬤᬶᬦᬶ᭞ᬦᬵᬗ᭄ᬳᬶᬂᬓᬶᬚᬚᬦᬶᬮᬓᬸ᭞ᬓᬵᬫᬚᬬᬳᬗᬸᬘᬧ᭄᭞ᬥᬹᬄᬫᬵᬲ᭄ᬫᬡᬶᬓ᭄ᬗᬶᬭᬶᬂᬩᭂᬦᭂᬃᬓᬗᬶᬦ᭄ᬤᬸᬫᬸᬦ᭄᭞ᬲᬶᬦᬃᬯ᭄ᬯᬶᬫᬤᬦ᭄ᬤᬦ᭄ᬢᬗᬦ᭄᭞᭠ [ 152 ][᭑᭕᭑ 151B]
᭑᭕᭑
ᬲᬂᬓᬵᬮᬶᬄᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭟ᬫᭂᬕᬢ᭄ᬢᬸᬓᬤ᭄ᬩᭂᬘᬢ᭄ᬲᬾᬧᬦ᭄᭞ᬢᭀᬮᬄᬢᭀᬮᬶᬄᬫᬭᬾᬗᬂᬢᬹᬃᬜᬮᬶᬩ᭄ᬲᬶᬩ᭄᭞ᬧᬫᬵᬃᬕ᭄ᬕᬶᬦᬾᬜᬸᬦᬸᬢ᭄ᬜᬸᬦᬸᬢ᭄᭞ᬗᭂᬩᭂᬢ᭄ᬧᬶᬗ᭄ᬕᬶᬭᬶᬂᬚᬸᬭᬂ᭞ᬲᬋᬂᬓᬵᬮᬶᬄ᭞ᬫᬶᬭᬶᬕ᭄ᬢᬗ᭄ᬓᬶᬤ᭄ᬘᭂᬩᬃᬘᭂᬩᬸᬃ᭞ᬳᬚ᭄ᬭᬶᬄᬧᬘᬂᬓᬢᬗᭂᬳᬦ᭄᭞ᬳᬦ᭄ᬢᬸᬓ᭄ᬲᬂᬫᬗᭂᬢᬹ
ᬢ᭄ᬩᬸᬭᬶ᭟ᬢᬦ᭄ᬧᬸᬭᬸᬦ᭄ᬦᬫ᭄ᬧᭂᬓ᭄ᬓᬤᬾᬰ᭞ᬗᬫᬵᬃᬕ᭄ᬕᬶᬦᬶᬦ᭄ᬳᬦ᭄ᬢᬸᬓ᭄ᬢᬗᬃᬗᭂᬤᭀᬳᬶᬦ᭄᭞ᬧᬫᬵᬃᬕ᭄ᬕᬶᬦᬾᬲᬦᬾᬮᬸᬩᬸᬓ᭄᭞ᬮᬲ᭄ᬬᬭᬶᬂ᭠ᬢᭂᬕᬮ᭄ᬲᬯᬄ᭞ᬗᬫᬵᬃᬕ᭄ᬕᬶᬦᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦᬂᬓᬘᬸᬦ᭄ᬤᬸᬓ᭄᭞ᬭᬶᬂᬲᬂᬫᬫᬵᬃᬕ᭄ᬕᬶᬜᭂᬋᬧᬂ᭞ᬚᬦ᭄ᬢᭀᬲ᭄ᬳᬶᬤᬭᬵᬚᬧᬸᬢ᭄ᬭᬶ᭟ᬓᬍᬲᭀᬦ᭄ᬲᬵᬫ᭄ᬧᬸ᭠
ᬦ᭄ᬫᬫᬵᬃᬕ᭄ᬕ᭞ᬘᭂᬩᬃᬘᭂᬩᬸᬃᬭᬶᬂᬧᬸᬦ᭄ᬤᬸᬓᬦᬾᬳᬮᬶᬢ᭄᭞ᬓᬦ᭄ᬤᬸᬕᬶᬜᬸᬗ᭄ᬓᬦᬂᬯᬤᬸᬓ᭄᭞ᬭᬵᬚᬧᬸᬢ᭄ᬭᬶᬓᬗ᭄ᬳᬾᬮᬦ᭄᭞ᬗᬲᬶᬳᬲᬶᬄᬤᭀᬂᬫᬭᬾᬭᬾᬦ᭄ᬩᭂᬮᬶᬫᬮᬸ᭞ᬢᭀᬂᬲᬶᬤ᭄ᬥᬩᬳᬦ᭄ᬦᬳᬦᬂ᭞ᬩᬲᬗᬾᬫᬭᬱᬲᬓᬶᬢ᭄᭟ᬫᬘᭂᬧᭀᬮ᭄ᬳᬶᬤᬲᬓ᭄ᬱᬡ᭞ᬦᬳᭂᬦ᭄ᬯᬤᬸ
ᬓ᭄ᬫᬭᬵᬃᬬ᭄ᬬᬦ᭄ᬲᬳᬢᬗᬶᬲ᭄᭞ᬓᬵᬫᬚᬬᬕᬶᬧᬶᬄᬦᬸᬮᬸᬂ᭞ᬓᬗᭂᬦ᭄ᬲᬂᬫᬗᬦ᭄ᬢᭂᬦᬂ᭞ᬭᬵᬚᬧᬸᬢ᭄ᬭᬶᬦᬗᬶᬲ᭄ᬢᬦ᭄ᬲᬄᬳᬤᬸᬳᬤᬸᬄ᭞᭠ᬓᬢᬸᬦ᭄ᬢᬸᬦ᭄ᬳᬶᬤᬫᬭᬵᬃᬬ᭄ᬬᬦ᭄᭞ᬭᬶᬂᬲᭀᬃᬢᬭᬸᬦᬾᬫᬕᬶᬗ᭄ᬲᬶᬃ᭟ᬕᭂᬦᬄᬤᬬᬸᬄᬫᬲᬬᬸᬩᬦ᭄᭞ᬓᬵᬫᬚᬬᬫᬕᬸᬬᬂᬗᭂᬧᭂᬲ᭄ᬗᭂᬮᬶᬂ᭞ᬫᬧᬗᭂᬦ

[᭑᭕᭒ 152A]
᭑᭕᭒
ᬦ᭄ᬫᭂᬭᬄᬫᭂᬭᬸᬄ᭞ᬥᬹᬄᬫᬵᬲ᭄ᬫᬶᬭᬄᬲᬗ᭄ᬓᬮ᭞ᬲᬸᬗ᭄ᬓᬦ᭄ᬳᬤᬶᬲᬗ᭄ᬓᬦᬶᬂᬯᬲ᭄ᬢ᭄ᬭᬦᬾᬩᭂᬮᬸᬲ᭄᭞ᬳᬗ᭄ᬕᬦ᭄ᬳᬤᬶᬦᬾᬮᬾᬧᬾᬕᬦ᭄᭞ᬕᭂᬲᬶᬢ᭄ᬢᭀᬬᬦᬾᬜᬸᬲᬸᬧᬶᬦ᭄᭟ᬦᬾᬗᬯᬶᬦᬂᬤᬤᭀᬲ᭄ᬲᬸᬗ᭄ᬓᬦ᭄᭞ᬩᭀᬬᬮᬶᬬᬦ᭄ᬳᬦ᭄ᬢᬸᬓ᭄ᬮᭂᬍᬄᬫᬫᬵᬃᬕ᭄ᬕᬶ᭞ᬦᬳᬦᬂᬯᭂᬢᭂᬗᬾᬲᭂᬤᬸᬓ᭄᭞ᬲᬵᬫ᭄ᬧᬸ
ᬦ᭄ᬳᬸᬕᬶᬗᬶᬫᬸᬤᬂ᭞ᬥᬹᬄᬫᬵᬲ᭄ᬫᬡᬶᬓ᭄ᬩᭂᬘᬶᬓᬦ᭄ᬯᬲ᭄ᬢ᭄ᬭᬦᬾᬚᭂᬫᬸᬄ᭞ᬩᭂᬮᬶᬫᬧᬫᬶᬢ᭄ᬳᬚᬳᬦ᭄᭞ᬫᬓᬯᭀᬦ᭄ᬲᬓᬾᬂᬇᬭᬶᬓᬶ᭟ᬤᬸᬫᬤᬓ᭄ᬩᭂᬮᬶᬓᬲᬤ᭄ᬬᬦ᭄᭞ᬫᬫᬗ᭄ᬕᬶᬳᬶᬦ᭄ᬯᭀᬄᬯᭀᬳᬦ᭄ᬳᬗ᭄ᬕᬾᬦ᭄ᬳᬤᬶ᭞ᬧᬢᬗ᭄ᬕᭂᬄᬓᬮᬸᬯᬾᬦ᭄ᬲᭂᬤᬸᬓ᭄᭞ᬭᬵᬚᬧᬸᬢ᭄ᬭᬶᬲ᭄ᬫᬸᬯᬱ᭄ᬧ᭞ᬗᬸᬘᬧᬭᬶᬲ᭄‌ᬦᬄᬫ᭠
ᬚᬮᬦ᭄ᬩᭂᬮᬶᬳᬶᬚᬸ᭞ᬗᬮᬶᬳᬂᬬᬂᬤᬤᬳᬭᬦ᭄᭞ᬭᬾᬄᬫᬓᭂᬦ᭄ᬢᬳᬸᬮᬶᬢᬸᬦᬶ᭟ᬓᬵᬫᬚᬬᬲᬵᬫ᭄ᬧᬸᬦ᭄ᬓᬾᬲᬄᬭᬵᬚᬧᬸᬢ᭄ᬭᬶ᭠ᬗᭂᬮᬸᬲ᭄ᬯᬲ᭄ᬢ᭄ᬭᬢᬸᬫᬸᬮᬶ᭞ᬫᬭᬶᬂᬧᬤᬗᬾᬓᬚᭂᬫᬸᬄ᭞ᬲᬓᬾᬯᬦ᭄ᬢᭂᬦ᭄ᬫᬲᬶᬜ᭄ᬚᬂ᭞ᬳᬶᬤᬓᬵᬭᬶᬭᬶᬂᬲᭀᬃᬢᬭᬸᬦᬾᬫᬢᬶᬫ᭄ᬧᬸᬄ᭞ᬗᬤᭂᬕ᭄ᬮᬶᬕ᭄ᬗᬶᬮᬶᬤᬂᬭ
ᬕ᭞ᬦᬳᬦᬂᬯᬤᬸᬓᬾᬲᬓᬶᬢ᭄᭟ᬓᬘᬭᬶᬢᬓᬵᬫᬚᬬ᭞ᬘᭂᬩᬃᬘᭂᬩᬸᬃᬭᬶᬂᬳᬩᬶᬗᬾᬧᬤᬶᬤᬶ᭞ᬲᬤ᭄ᬬᬫᬗ᭄ᬕᬸᬳᬂᬯᭀᬄᬕᬸᬗ᭄ᬕᬸᬂ᭞ᬮᬦ᭄ᬯᭀᬄᬓᭂᬫ᭄ᬢᬲᬓ᭄ᬢᬲᬓ᭄᭞ᬓᭂᬦ᭄ᬤᭂᬮ᭄ᬕᬢᬶᬓᬵᬫᬚᬬᬗᬮᬧ᭄ᬫᬸᬓ᭄ᬧᬸᬓ᭄᭞ᬓᬩᭀᬗ᭄ᬓᭀᬲ᭄ᬳᬦ᭄ᬢᬸᬓ᭄ᬮᬜ᭄ᬘᬶᬗᬦ᭄᭞ᬩᬸᬦ᭄ᬓᬢᬂᬳᬗ᭄ᬕᬾ [ 153 ][᭑᭕᭒ 152B]
᭑᭕᭒
ᬦ᭄ᬦᬮᬾᬦᬶᬦ᭄᭟ᬯᬯᬸᬳᬬᬢ᭄ᬗᬫᬸᬗ᭄ᬕᬳᬂ᭞ᬲᬕᬾᬢ᭄ᬧᬗ᭄ᬕᬶᬄᬧᬸᬜᬦ᭄ᬚᬸᬯᭂᬢ᭄ᬓᬦ᭄ᬤᬸᬕᬶ᭞ᬗᭂᬤ᭄ᬫᬯᭀᬄᬢᬲᬓ᭄ᬩᬤᬸᬳᬸᬃ᭞ᬓᬵᬫᬚᬬᬫᬭᬾᬗᬂ᭞ᬢᭀᬮᬄᬢᭀᬮᬶᬄᬲᬶᬂᬜᬳᬦᬓ᭄ᬤᬶᬢᬸ᭞ᬦᭀᬗᭀᬲᬶᬦ᭄ᬫᬸᬮᬯᭂᬢ᭄ᬯᭂᬢᬦ᭄᭞ᬢᬓᬸᬢ᭄ᬓᬤᬮᬶᬄᬫᬫᬮᬶᬂ᭟ᬧᭂᬤᬲ᭄ᬲᬵᬫ᭄ᬧᬸᬦ᭄ᬓᬵᬫᬚ
ᬫᬚᬬ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬲᬦᬾᬦᭀᬗᭀᬲᬶᬦ᭄᭞ᬢᬦ᭄ᬤᬂᬩᭂᬘᬶᬓ᭄ᬦᬸᬚᬸᬲᬸᬯᬸᬂ᭞ᬢᬸᬫᬸᬮᬶᬫᬢᬶᬓᬲᬦ᭄᭞ᬩᬸᬍᬢ᭄ᬜᭂᬮᬶᬢ᭄‌ᬲᬓ᭄ᬱᬡᬫᬸᬗ᭄ᬕᬄᬓᬢᬭᬸ᭞ᬗᬮᬧ᭄ᬚᬸᬯᭂᬢ᭄ᬢᬲᬓ᭄ᬢᬲᬓ᭄᭞ᬲᭂᬍᬫ᭄ᬲᭂᬍᬫ᭄ᬫᬗᬾᬤᬦᬶᬦ᭄᭟ᬧᭀᬮᬶᬄᬲᬵᬫ᭄ᬧᬸᬦᬲᬦ᭄ᬤᬗᬦ᭄᭞ᬯᬯᬸᬢᭂᬤᬸ᭠
ᬦ᭄ᬲᭂᬩᭂᬂᬩᬶᬗᬃᬢᬦ᭄ᬓᬤᬶ᭞ᬢᬦ᭄ᬗᬾᬧᬸᬢᬂᬧᬘᬂᬧᭂᬮᬸᬂ᭞ᬤᬲ᭄ᬢᬭᬾᬫᬓᬩᬶᬤᬂ᭞ᬓᭂᬦᬶᬢᭀᬬᬦ᭄ᬯᭀᬄᬚᬸᬯᭂᬢ᭄ᬦᬾᬳᬗ᭄ᬕᬾᬦ᭄ᬗᬧᬸᬢ᭄᭞ᬓᬩᬢᭂᬓ᭄ᬫᬦᬳᬾᬍᬕ᭞ᬫᬓ᭄ᬢᬕᬧ᭄ᬕᬧᬦ᭄ᬫᬯᬮᬶ᭟ᬧᬫᬵᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭞ᬲᬓᬾᬗᬤᭀᬄᬭᬵᬚᬧᬸᬢ᭄ᬭᬶᬫᬗᬓ᭄ᬱᬶ᭞ᬓᬵᬫᬚᬬᬧ᭠
ᬘᬂᬭᬯᬸᬄ᭞ᬕᬕᬾᬲᭀᬦ᭄ᬗᬫ᭄ᬩᬶᬮ᭄ᬯᬲ᭄ᬢ᭄ᬭ᭞ᬢᬦ᭄ᬤᬂᬩᭂᬘᬶᬓ᭄ᬯᬲ᭄ᬢ᭄ᬭᬦ᭄ᬳᬶᬤᬲᬵᬫ᭄ᬧᬸᬦ᭄ᬳᭂᬢᬸᬄ᭞ᬓᬶᬫᬸᬤ᭄ᬓᬬᬸᬦᬾᬗᬮᬸᬕᬲ᭄᭞ᬫᬯᬲ᭄ᬢ᭄ᬭᬲᬶᬜ᭄ᬚᬂᬗᬤᭂᬕ᭄ᬮᬶᬕ᭄᭟ᬓᬵᬫᬚᬬᬓᭂᬦ᭄ᬤᭂᬮ᭄ᬧᬶᬲᬦ᭄᭞ᬫᬦᬧᭂᬢᬂᬭᬵᬚᬧᬸᬢ᭄ᬭᬶᬫᬮᬶᬗ᭄ᬕᬶᬄ᭞ᬲ᭄ᬯᬪᬵᬯᬦᬾᬓᬦ᭄ᬢᬸᬦ᭄ᬓᭂᬘᬸᬤ᭄᭞ᬳᬃᬱᬳᬶᬤᬗᬦ᭄ᬤᬶᬓᬲ᭠

[᭑᭕᭓ 153A]
᭑᭕᭓
ᬤᬓᭂᬜᬶᬂᬥᬹᬄᬩᭂᬮᬶᬤᬸᬫᬭᬭᬯᬸᬄ᭞ᬩᬸᬓᬲᬭᬢ᭄ᬫᬕ᭄ᬭᬾᬦ᭄ᬤᭀᬢᬦ᭄᭞ᬫᬶᬭᬶᬩ᭄ᬮᬶᬬᬸᬫᬧᬶᬓᭀᬮᬶᬄ᭟ᬓᬵᬫᬚᬬᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬥᬹᬄᬢᬦ᭄ᬲᬶᬫ᭄ᬧᬂᬓᬤᬶᬧᬦᬃᬓ᭄ᬓᬦ᭄ᬳᬤᬶ᭞ᬩᬕ᭄ᬬᬲᬦ᭄ᬩᭂᬮᬶᬓᬳᬸᬢᬸᬲ᭄᭞ᬮᬶᬬᬸᬫᬳᬦ᭄ᬯᭀᬄᬯᭀᬳᬦ᭄᭞ᬦᬶᬓᬶᬳᬤᬶᬩᬸᬯᬄᬓᭂᬫ᭄ᬮᬦ᭄ᬩᬸᬯᬄ᭠
ᬕᬸᬗ᭄ᬕᬸᬂ᭞ᬩᬸᬯᬄᬚᬸᬯᭂᬢ᭄ᬢᬲᬓ᭄ᬢᬲᬓ᭄᭞ᬲᬓᬾᬂᬲ᭄ᬯᬾᬘ᭄ᬙᬦᬦ᭄ᬯᬶᬤ᭄ᬥᬶ᭟ᬤᬸᬭᬸᬲᬂᬳᬤᬶᬳᬚᭂᬗᬂ᭞ᬳᬗ᭄ᬕᬾᬦ᭄ᬢᬫ᭄ᬩᬓᬲᬢᬦ᭄‌ᬭᬶᬂᬧᬫᬃᬕ᭄ᬕᬶ᭞ᬲᬓᬾᬂᬢᬸᬦᬶᬘᭂᬩᬃᬘᭂᬩᬸᬃ᭞ᬫᬤᬓ᭄ᬲᬶᬤ᭄ᬥᬓᬾᬦᬓᬦ᭄᭞ᬓᬬᬸᬦ᭄ᬳᬤᬶ᭞ᬭᬵᬚᬧᬸᬢ᭄ᬭᬶᬢᬦ᭄ᬧᬲᬳᬸᬃ᭞ᬳᬃᬱᬢᬸᬫᬸᬮᬶᬗᬚᭂᬗᬂ᭞ᬨᬮᬕᬦ᭄ᬢᬸᬂᬲ
ᬋᬂᬓᬵᬮᬶᬄ᭟ᬲᬫ᭄ᬩᬶᬮᬂᬳᬶᬢᭂᬄᬫᬯᭀᬲᬂ᭞ᬧᬫᬵᬃᬕ᭄ᬕᬶᬦᬾᬩᬾᬜ᭄ᬚᬂᬦᬾᬧᬘᬂᬳᬸᬗ᭄ᬲᬶ᭞ᬓᬵᬮᬶᬄᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬢᭂᬤᬸᬄ᭞ᬫᬓᬶᬭᬾᬲᬸᬭᬸᬧ᭄ᬲᬹᬃᬬ᭄ᬬ᭞ᬓᬵᬫᬚᬬᬢᬸᬫᬸᬮᬶᬳᬮᭀᬦ᭄ᬫᬲᬳᬸᬃ᭞ᬚᬮᬦ᭄ᬳᬤᬶᬫᬲᬦᭂᬓᬦ᭄᭞ᬤᬶᬢᬸᬳᬤᬓᬸᬩᬸᬘᭂᬦᬶᬓ᭄᭟ᬭᬭᬗ᭄ᬕᭀᬦ᭄ᬢᭂᬗᬳᬶᬂ
ᬲᬯᬄ᭞ᬫᬶᬭᬶᬩ᭄ᬢᭀᬗᭀᬲ᭄ᬳᬦᬓ᭄ᬗᬸᬮᬳᬂᬓᭂᬤᬶᬲ᭄᭞ᬚᬮᬦ᭄ᬳᬤᬶᬤᬶᬢᬸᬗᭂᬗ᭄ᬲᬸᬩ᭄᭞ᬓᬵᬮᬲᬸᬩᬧᭂᬢᭂᬗᬦ᭄᭞ᬭᬵᬚᬧᬸᬢ᭄ᬭᬶ᭠ᬢᬦ᭄ᬢᬸᬮᬓ᭄ᬳᬃᬱᬫᬫᬵᬢᬹᬢ᭄᭞ᬲᬭᬩᭂᬮᬶᬫᬦᬶᬢᬳᬂ᭞ᬳᬭᬶᬦ᭄ᬩᭂᬮᬶᬜᬤ᭄ᬬᬗᬶᬭᬶᬂ᭟ᬢᬦ᭄ᬤᬂᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬲᬋᬂᬓᬵᬮᬶᬄᬫᬭᬾ᭠ [ 154 ][᭑᭕᭓ 153B]
᭑᭕᭓
ᬭᭀᬤ᭄‌‌ᬯᬸᬲ᭄ᬫᬕᬶᬗ᭄ᬲᬶᬃ᭞ᬗᬸᬗ᭄ᬲᬶᬭᬭᬗ᭄ᬕᭀᬦᬾᬳᬸᬯᬸᬕ᭄᭞ᬇᬭᬶᬓᬫᬭᬭᬲᬦ᭄᭞ᬚᬦ᭄ᬢᭀᬲ᭄ᬯᭂᬗᬶᬗᬾᬢᬗᬂᬧᬘᬂᬧᬦᬸᬚᬸ᭞ᬧᬫᬵᬃᬕ᭄ᬕᬶᬦᬾᬲᬦᬾᬩᬾᬜ᭄ᬚᬂ᭞ᬲᭂᬫᭂᬗᬦ᭄ᬳᬬᬢ᭄ᬫᬕᬶᬗ᭄ᬲᬶᬃ᭟ᬓᬵᬫᬚᬬᬗᬸᬦ᭄ᬤᬧᬸᬦ᭄ᬤᬧ᭄᭞ᬧᬗᬸᬘᬧᬾᬳᬤᬶᬚᬮᬦ᭄ᬧᬶᬦᭂᬳᬶᬦ᭄᭞ᬗᬸᬤᬤ
ᬤᬶᬧᬢᬶᬮᬸᬧ᭄ᬮᬸᬧ᭄᭞ᬧᬚᬮᬦᬾᬜᬶᬳ᭄ᬦᬬᬂ᭞ᬲᬤᬋᬗᬲ᭄ᬩᬸᬓᬢᬓᬸᬢ᭄ᬳᬤᬗᭂᬧᬸᬂ᭞ᬫᬓ᭄ᬭᬡᬮᬓᬃᬓᬢᬭ᭞ᬫᭂᬮᬳᬦ᭄‌‌ᬦᬫᬩᬶᬦ᭄ᬫᬦᬶ᭟ᬲᬸᬩᬚᭀᬄᬢ᭄ᬯᬭᬚᬳᬤ᭞ᬳᬦᬓ᭄ᬦᬯᬂᬩᭂᬮᬶᬬᬤ᭄ᬬᬧᬶᬦ᭄ᬳᬤᬶ᭞ᬫᭂᬮᬳᬦ᭄ᬫᬢᬓᭂᬄᬘᬮᬸᬄ᭞ᬭᬵᬚᬧᬸᬢ᭄ᬭᬶᬫᬵᬗ᭄ᬕᬸᬢᬦ᭄᭞ᬲ
ᬓᬾᬂᬳᬭᬶᬧ᭄‌‌ᬲᬕᬾᬢ᭄ᬲᬶᬋᬧ᭄ᬢᬦ᭄ᬧᬲᬳᬸᬭ᭄᭞ᬓᬵᬫᬚᬬᬢᬍᬃᬓᬶᬬᬧ᭄᭞ᬗᭂᬭᭀᬓ᭄ᬧᬸᬍᬲ᭄ᬕᭂᬭᬶᬲ᭄ᬕᭂᬭᬶᬲ᭄᭟᭜᭟ᬫᬵᬲ᭄ᬓᬸᬫᬫ᭄ᬩᬂ᭟᭜᭟ᬩᬾᬜ᭄ᬚᬂᬲᭂᬫᭂᬂᬓᬦ᭄ᬢᬸᬦ᭄ᬗᬭᬸᬧᬸᬢ᭄ᬫᬢᬗᬶ᭞ᬲᬗᬫᬸᬭᬂᬮᬫ᭄ᬧᬄ᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬜᬧ᭄ᬜᬧ᭄ᬲᬶᬋᬧ᭄ᬤᬶᬩᬶᬲᬜ᭄ᬚ᭟ᬭᬵ
ᬚᬧᬸᬢ᭄ᬭᬶᬢᬸᬫᬸᬮᬶᬗᬦ᭄ᬤᬶᬓᬳᬭᬶᬲ᭄᭞ᬩᭂᬮᬶᬓᬵᬫᬚᬬ᭞ᬦᬄᬓᬶᬚᬮᬓᬸᬚᬦᬶ᭞ᬤᬾᬦᬶᬂᬲᬸᬩᬕᬮᬂᬢᬦᬄ᭟ᬩᬶᬦ᭄ᬳᬓᭂᬚᭂᬧ᭄ᬮᬶᬬᬸᬳᬦᬓᬾᬓᬘᬭᬶᬓ᭄᭞ᬓᬵᬫᬚᬬᬦᬶᬫ᭄ᬩᬮ᭄᭞ᬫᬵᬲ᭄ᬫᬶᬭᬄᬩᭂᬮᬶᬦᬾᬳᬤᬶ᭞ᬤᭀᬂᬗᬸᬤᬩᬸᬓᬲᬗ᭄ᬲᬬ᭟ᬤᬶᬩᬶᬲᬜ᭄ᬚᬩᭂᬮᬶᬲᬸᬩ

[᭑᭕᭔ 154A]
᭑᭕᭔
ᬫᬶᬗᭂᬢ᭄ᬳᬤᬶ᭞ᬧᬚᬮᬦᬾᬦᬫ᭞ᬢ᭄ᬯᬭᬜᬦ᭄ᬤᬂᬧᬢᬶᬲᬶᬮᬶ᭞ᬳᬧᬂᬢ᭄ᬯᬭᬓᬢᬗᭂᬳᬦ᭄᭟ᬧᬚᬮᬦᬾᬲᬗ᭄ᬓᬦᬶᬂᬚᭂᬚᭂᬄᬫᬮᬳᬶᬩ᭄᭞ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬬᬤᬶᬦ᭄ᬓᬾᬢᭀᬗᬸᬤᬤᬶᬦᬶ᭞ᬗᬭᬸᬓ᭄ᬭᬸᬓ᭄ᬓᬦ᭄ᬢᬶᬲᭂᬫᭂᬗᬦ᭄᭟ᬓᬵᬫᬚᬬᬩᬗᬸᬦ᭄ᬗᬶᬭᬶᬂᬭᬵᬚᬧᬸᬢ᭄ᬭᬶ᭞ᬫᬭᬾᬭᭀᬤ᭄ᬫ᭠
ᬚᬮᬦ᭄᭞ᬧᬗᬸᬗ᭄ᬲᬶᬦᬾᬩᭂᬦᭂᬂᬓᬗᬶᬦ᭄᭞ᬗᬮᬶᬦ᭄ᬢᬗᬶᬦ᭄ᬢᭂᬕᬮ᭄ᬲᬯᬄ᭟ᬫᬵᬃᬕ᭄ᬕᬶᬮᬸᬩᬸᬓ᭄ᬓᬫᬵᬃᬕ᭄ᬕᬶᬦᬶᬦ᭄ᬲᬋᬂᬓᬵᬮᬶᬄ᭞ᬲᬲᭂᬩᭂᬗᬦ᭄ᬢᬫ᭞ᬓᬤᬶᬘᬮᬸᬄᬫᬗᬶᬫ᭄ᬧᬲᬶᬦ᭄᭞ᬳᬦᬓ᭄ᬫᬓᬵᬃᬬ᭄ᬬᬓᬲᬯᬄ᭟ᬲᬫᬶᬩᭂᬗᭀᬂᬳᬲᬶᬂᬯᬾᬦ᭄ᬢᭂᬦ᭄ᬫᬗᬶᬫ᭄ᬧᬲᬶᬦ᭄᭞ᬳᬗᭀᬩ᭄ᬫᬗᬦ᭄ᬢᭂᬦᬂ᭞ᬓᬵᬫᬚᬬᬭᬵᬚ
ᬧᬸᬢ᭄ᬭᬶ᭞ᬫᬭᬾᬭᭀᬤ᭄ᬦᬸᬯᬸᬢ᭄ᬮᬸᬩᬸᬓᬦ᭄᭟ᬯᬾᬦ᭄ᬢᭂᬦ᭄ᬚᬦ᭄ᬢᭀᬲ᭄ᬘᬦᭂᬕ᭄ᬓᬢᬸᬗ᭄ᬓᬸᬮ᭄ᬫᬩᬮᬶᬄ᭞ᬲᬂᬦᭂᬕᭂᬦ᭄ᬢᭂᬗ᭄ᬕᬮ᭞ᬲᬋᬂᬦᬾᬗᭂᬢᬓᬂᬲ᭠ᬫ᭄ᬧᬶ᭞ᬓᬧᬶᬗᭀᬦ᭄ᬢᬫ᭄ᬩᬾᬗᬦ᭄ᬢᭂᬦᬂ᭟ᬳᬦᬓ᭄ᬚᭂᬕᬾᬕ᭄ᬦᬾᬦᬸᬢᬸᬢᬶᬦ᭄ᬩᬕᬸᬲ᭄ᬕᭂᬜ᭄ᬚᬶᬂ᭞ᬬᬦ᭄ᬭᬱᬭᬱᬬᬂ᭞ᬯᬶᬤ᭄ᬬᬥᬭᬯᬶᬤ᭄ᬬᬥᬭᬶ᭞ᬲᭂᬤᭂᬓ᭄ᬗᬮᬂᬮᬂᬓᬮᬗ᭄ᬯ᭠
ᬦ᭄᭟ᬯᬾᬦ᭄ᬢᭂᬦ᭄ᬦᬸᬗ᭄ᬓᬲ᭄ᬘᭂᬗ᭄ᬕᭂᬄᬧᬚᬭᬾᬦᬶᬤᭀᬗᬶᬦ᭄᭞ᬢ᭄ᬯᬭᬓᬧᭀᬤᬾᬯ᭞ᬫᬓᬫ᭄ᬩᭂᬦ᭄ᬯᬾᬓ᭄ᬧᬲᬸᬭᬦ᭄ᬢᬶᬂ᭞ᬫᬢᬓᭂᬄᬩᬸᬤᬸᬄᬩᬸᬤᬸᬳᬦ᭄᭟ᬫᬾᬄᬫᬫᭂᬤᬶᬦᬾᬫ᭄ᬯᬦᬶᬫᬩᬸᬍᬢ᭄ᬜᭂᬮᬶᬢ᭄᭞ᬲᬶᬂᬜᬢᭀᬜᬦ᭄ᬢᬸᬓᬤ᭄᭞ᬧᬚᬸᬮᬢ᭄ᬲᬦᬾᬦᬶᬤᭀᬗᬶᬦ᭄᭞ᬤᬤᬢᬩᬓᬢ᭄ᬋᬗᬬᬂ᭟᭠ [ 155 ][᭑᭕᭔ 154B]
᭑᭕᭔
ᬓᬵᬫᬚᬬᬗᬶᬭᬶᬂᬳᬶᬤᬭᬵᬚᬧᬸᬢ᭄ᬭᬶ᭞ᬢᬍᬃᬩᭂᬗᭀᬂᬜᬶᬗᬓ᭄᭞ᬳᬦᬓᬾᬲᭂᬤᭂᬓ᭄ᬭᬶᬂᬘᬭᬶᬓ᭄᭞ᬗᭂᬢᬓᬂᬩᬦ᭄ᬢᬾᬂᬫᬢᭂᬓᬧ᭄᭟ᬳᬤᬸᬄᬩᭂᬮᬶ᭞ᬧᬗᬦ᭄ᬤᬶᬓᬦ᭄ᬭᬵᬚᬧᬸᬢ᭄ᬭᬶ᭞ᬢ᭄ᬯᬭᬗᭂᬮᬄᬳᭀᬮᬲ᭄᭞ᬳᬦᬓᬾᬫᭂᬘᬸᬢᬶᬦ᭄ᬲᬫ᭄ᬧᬶ᭞ᬫᬓᬾᬓᬾᬄᬗᭂᬤᭂᬂᬢᭂᬗ᭄ᬕᬮ᭟ᬧᭂᬮᬸᬄ
ᬧᬶᬤᬶᬢ᭄ᬲᬫ᭄ᬧᬶᬦᬾᬢᬸᬬᬸᬄᬫᬢᬶᬕ᭄ᬢᬶᬕ᭄᭞ᬓᭂᬜᭂᬮ᭄ᬩᭂᬤᬓ᭄ᬮᬬᬄ᭞ᬕᭂᬫᭂᬲ᭄ᬧᭂᬲᬦ᭄ᬦᬾᬦᬸᬢᬸᬢᬶᬦ᭄᭞ᬢᭀᬂᬗᬶᬗᭂᬢᬂᬓᬯᬶᬮᬲᬦ᭄᭟ᬦᬾᬦᬸᬮᬸᬗᬶᬦ᭄ᬲᬗ᭄ᬓᬦ᭄ᬧᬬᬸᬫᬸᬧᬸᬧᬤᬶ᭞ᬓᭂᬜᭂᬫ᭄ᬓᬵᬫᬚᬬ᭞ᬲᬚᬩᬸᬓᬫᬸᬜᬶᬦ᭄ᬳᬤᬶ᭞ᬲᬫ᭄ᬧᬶᬦᬾᬬᬳᭀᬮᬲ᭄ᬧᬵᬧ᭟ᬲᬸᬩᬢᬸᬬᬸᬄᬢ᭄ᬯ
ᬭᬫᬋᬦᬦ᭄ᬫᬢᬶᬕ᭄ᬢᬶᬕ᭄᭞ᬩᬦ᭄ᬮᬘᬸᬭᬾᬍᬓᬤ᭄᭞ᬫᬦᬸᬫᬶᬢᬶᬲ᭄ᬤᬤᬶᬲᬫ᭄ᬧᬶ᭞ᬳᬕᭂᬢᬦ᭄ᬤᬤᬶᬫᬵᬦᬹᬱ᭟ᬫᬵᬦᬹᬱᬦᬾᬜᭂᬗ᭄ᬕᬸᬄᬤᬾᬯᬾᬓ᭄ᬧᬮᬶᬂᬮᬸᬯᬶᬄ᭞ᬜᬾᬦ᭄ᬮᬓᬃᬗᬸᬯᬭ᭞ᬗᬫ᭄ᬪᭃᬓᬂᬩᬶᬓᬲ᭄ᬩᬩᬾᬓᬶ᭞ᬫᬋᬧ᭄ᬢᭂᬓᬾᬦ᭄ᬯᬯᬮᬸᬗᬦ᭄᭟ᬓᭀᬦᬾᬯᭂᬦᬂᬗᬤᬸᬕᬤᬸᬕ᭄
ᬫᬜᬓᬶᬢᬶᬦ᭄᭞ᬧᬤᬶᬤᬶᬜᬫ᭄ᬩᬢᬂ᭞ᬬᬦᬸᬧᬫᬜᭂᬩᬶᬢ᭄ᬢᬮᬶ᭞ᬲᬶᬦᬄᬳᬫᬶᬲ᭄ᬓᬘᭂᬭᬶᬓᬦ᭄᭟ᬬᬦ᭄ᬓᭂᬦᭂᬳᬂᬫᬵᬦᬹᬱᬦᬾ᭠ᬧᬮᬶᬂᬘᬶᬗᬶᬂ᭞ᬢ᭄ᬯᬭᬗᭂᬮᬄᬳᭀᬮᬲ᭄᭞ᬗᭂᬦ᭄ᬤᭂᬮᬂᬳᬶᬤᬸᬧ᭄ᬧᬤᬶᬤᬶ᭞ᬓᬩᬢᭂᬓ᭄ᬩᬦ᭄ᬲᭂᬤᬸᬓ᭄ᬩᬲᬂ᭟ᬗᬮᬶᬄᬳᬫᬄᬫᬢᬸᬬᬸᬄᬢᬸᬬᬸᬄᬲᬲᬳᬶ᭞᭠

[᭑᭕᭕ 155A]
᭑᭕᭕
ᬳᬚᬓ᭄ᬧ᭄ᬬᬦᬓ᭄ᬲᭀᬫᬄ᭞ᬤᬶᬘᬭᬶᬓ᭄ᬦᬸᬫ᭄ᬩᭂᬕ᭄ᬫᬧᬸᬕ᭄ᬮᬶᬂ᭞ᬮᬫᬓᬦᬾᬧᬬᬸᬜᬓᬦ᭄᭟ᬦᬾᬳᬕᭂᬢᬦ᭄ᬗᬭᬧᬶᬦ᭄ᬘᬭᬶᬓ᭄ᬧᬤᬶᬤᬶ᭞ᬮᬘᬸᬭᬦ᭄ᬩᬦ᭄ᬜᬓᬧ᭄᭞ᬜᬸᬕᬶᬳᬂᬦᬾᬲᬸᬩᬲᬸᬕᬶᬄ᭞ᬭᬵᬚᬧᬸᬢ᭄ᬭᬶᬳᬕᬾᬦᬶᬫ᭄ᬩᬮ᭄᭟ᬓᬾᬦ᭄ᬓᬾᬦ᭄ᬩᭂᬮᬶᬜᬾᬦ᭄ᬜᬓᬧ᭄ᬭᬯᭀᬲᬂᬩᭂᬮᬶ᭞ᬓᬵ
ᬫᬚᬬᬦᬶᬫ᭄ᬩᬮ᭄᭞ᬤᭀᬂᬲᬚᬳᬤᬶᬢᬦ᭄ᬳᬸᬦᬶᬂ᭞ᬳᬦᬓᬾᬫᬵᬤᬦ᭄ᬧᭂᬜᬓᬧ᭄᭟ᬘᬭᬶᬓ᭄ᬳᬦᬓ᭄ᬕᬭᬧᬶᬦ᭄ᬩᬳᬦ᭄ᬦᬦ᭄ᬤᬶᬗᬶᬦ᭄᭞ᬢᬶᬤᭀᬂᬧᬕᭂᬮᬳᬦ᭄᭞ᬫᬸᬮᬕᭂᬮᬄᬳᬦᬓ᭄ᬲᬸᬕᬶᬄ᭞ᬢᬦ᭄ᬤᬶᬗᬶᬦ᭄ᬫᬳᬦ᭄ᬧᬶᬬᬓᬦ᭄᭟ᬩᬦ᭄ᬮᬘᬸᬭᬾᬤᬸᬕᬬᬂᬜᬓᬧ᭄ᬦᬦ᭄ᬤᬶᬗᬶᬦ᭄᭞ᬳᬧᬂᬧᬬᬸᬜᬓ
ᬦ᭄᭞ᬦᬯᭂᬕᬂᬢᭂᬓᬾᬦ᭄ᬦᬾᬲᬸᬕᬶᬄ᭞ᬲᬭᬓᭂᬦᭂᬄᬦᬾᬜᬓᬧᬂ᭟ᬲᬗ᭄ᬓᬦ᭄ᬳᬤᬧᬢᬦ᭄ᬤᬶᬗᬦ᭄ᬗᭂᬫ᭄ᬧᬢ᭄ᬗᭂᬲᬶᬓ᭄᭞ᬮᬾᬦ᭄ᬗᬮᬶᬫᬮᬶ᭠ᬫ᭞ᬳᬤᬦᭂᬮᭀᬦ᭄ᬫᭂᬮᬳᬶᬲᬶᬦ᭄᭞ᬮᬲ᭄ᬬᬳᬧᬂᬧᬬᬸᬜᬓᬧ᭄᭟ᬓᬾᬢᭀᬳᬤᬶᬲᭀᬮᬄᬲᬂᬜᬓᬧᬂᬘᬭᬶᬓ᭄᭞ᬮᬗᬄᬫᬢᬦ᭄ᬤᬸᬯᬂ᭞ᬩᭂ
ᬗᭀᬂᬓᬗᭂᬦ᭄ᬭᬵᬚᬧᬸᬢ᭄ᬭᬶ᭞ᬫᬶᬋᬗᬂᬳᬶᬦ᭄ᬤᬶᬓ᭄ᬧᬜᬓᬧ᭄᭟ᬢᬸᬬᬸᬄᬦᬸᬫ᭄ᬩᭂᬕ᭄ᬫᬳᬦ᭄ᬧᬶᬬᬓᬦᬩᭂᬤᬶᬓ᭄᭞ᬪᬾᬓ᭄ᬱᬦᬾᬫᬓ᭄ᬭᬡ᭞ᬓᬯᬸᬗᬦ᭄ᬢᬦᬄᬤᬶᬩᬮᬶ᭞ᬧᬵᬢᬹᬢᬾᬲᬂᬗᬫᭀᬂᬚᬕᬢ᭄᭟ᬳᬾᬗ᭄ᬕᬮ᭄ᬦᬩ᭄ᬤᬩ᭄ᬳᬧᬂᬤᬦᬦ᭄ᬩᬸᬓᬚᬦᬶ᭞ᬦᬾᬲᬸᬕᬶᬄᬜᬸᬕᬶᬳᬂ᭞ᬦᬾᬢᬶ [ 156 ][᭑᭕᭕ 155B]
᭑᭕᭕
ᬯᬲ᭄ᬢᭀᬂᬗᭂᬮᬄᬘᬭᬶᬓ᭄᭞ᬮᬘᬸᬭᬦ᭄ᬧᬬᬸᬫᬓᭂᬦ᭄ᬢ᭟ᬳᬭᬄᬳᬤᬶᬓᬵᬫᬚᬬᬫᬜᬳᬸᬭᬶᬦ᭄᭞ᬓᬸᬤᬫᬦᬦ᭄ᬤ᭄ᬭᬸᬳᬂ᭞ᬧᬭᬬᭀᬕ᭄ᬬᬘᬭᬚᬦᬶ᭞ᬮᬶᬬᬸᬦᬦ᭄ᬦᬾᬢ᭄ᬯᬭᬋᬗ᭟ᬢᭂᬓᬾᬦ᭄ᬧᬜ᭄ᬚᬓ᭄ᬢᬸᬦᬲᬗᬸᬢᬶᬯᬲ᭄ᬫᬶᬲ᭄ᬓᬶᬦ᭄᭞ᬧᭀᬗᬄᬫᬵᬓᬸᬲᬭ᭞ᬦᬸᬮᬸᬗᬶᬦ᭄ᬦᬾᬢᬸᬦᬩᬸᬓ᭄ᬢᬶ᭞
ᬗᬗ᭄ᬓᬶᬤᬂᬦᬾᬓᬢᭂᬢᭂᬳᬦ᭄᭟ᬢᬍᬓ᭄ᬢᭂᬓᬂᬲᬓᬭᬶᬂᬍᬫᬸᬄᬤᬶᬩᬶᬩᬶᬄ᭞ᬫᬓᭂᬦ᭄ᬤᭂᬮᬶᬦ᭄ᬧᬜ᭄ᬚᬓ᭄᭞ᬳᬧᬂᬓᬤᬾᬦᬗᬭᬶᬭᬶᬄ᭞ᬲᬓᬾᬂᬗᭂᬤᭀᬢᬂᬓᬯᬶᬃᬬ᭄ᬬᬦ᭄᭟ᬫᬮᬄᬮᭀᬕᬲ᭄ᬩᬋᬂᬫᬘᬸᬓᬂᬗᭂᬮᬸᬤᬶᬦ᭄᭞ᬳᬦᬾᬢᬶᬯᬲ᭄ᬤᬳᬢ᭄᭞ᬫᬫᬶᬱᬾᬦ᭄ᬦᬾᬩᭂᬮᭀᬕ᭄ᬲᬶᬦ᭄ᬢ᭄ᬭᬶ᭠
ᬕ᭄᭞ᬓᬩᬢᭂᬓ᭄ᬫᭀᬫᭀᬳᬗ᭄ᬓᬭ᭟ᬓᬫᭀᬫ᭄ᬯᬦᬾᬢᬦ᭄ᬪᬶᬦᬭᬸᬫᬲᬢ᭄ᬧᬲᬶᬄ᭞ᬢᭀᬂᬢᬳᬾᬦ᭄ᬗᭂᬫᭂᬤᬂ᭞ᬗᬶᬦᭂᬫ᭄ᬬᬾᬄᬲᬲᬳᬶᬲᬳᬶ᭞ᬲᬮᬶᬬᬸᬦ᭄ᬢᬸᬓᬤᬾᬫᭂᬫ᭄ᬩᬄ᭟ᬓᬾᬢᭀᬫᬲᬶᬄᬳᬗ᭄ᬓᬭᬦᬾᬢᬸᬮ᭄ᬬᬳᬧᬶ᭞ᬗᭂᬦ᭄ᬤᬶᬄᬢᭀᬂᬭᬾᬭᬾᬦᬦ᭄᭞ᬓᬾᬯᬮᬲᭂᬍᬕ᭄ᬗᬜ᭄ᬘᬸᬗᬶ
ᬦ᭄᭞ᬲᬳᬂᬢᬸᬄᬬᬤᬶᬦ᭄ᬦᬾᬫᬢᬄ᭟ᬳᬧᬩᬸᬯᬶᬦ᭄ᬜᬓ᭄ᬳᭀᬮᬲ᭄ᬦᬸᬭᬸᬳᬶᬦ᭄ᬮᭂᬗᬶᬲ᭄᭞ᬦᬾᬮᬤᬶᬮᬄᬤᬶᬮᬄ᭞ᬳᭀᬜᬮᬶᬗ᭄ᬲᭂᬫ᭄ᬕᭂᬲᭃᬂᬩᬲ᭄ᬫᬶ᭞᭞ᬓᬾᬢᭀᬳᬤᬶᬳᬸᬧᬫᬶᬦ᭄ᬜ᭟ᬩᬩᬶᬓᬲᬦ᭄ᬦᬾᬫᭀᬫᭀᬳᬗ᭄ᬓᬭᬩᬸᬤ᭄ᬥᬶ᭞ᬢᭀᬂᬲᬚᬗᬶᬗᭂᬢᬂ᭞ᬧᬶᬳᭀᬮᬲ᭄ᬳᬦᬾᬦᬸᬮᬸᬗᬶ

[᭑᭕᭖ 156A]
᭑᭕᭖
ᬦ᭄᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬓᬯᬶᬮᬲᬦ᭄᭟ᬫᬧᬶᬢ᭄ᬯᬭᬢᬳᬾᬦ᭄ᬲᭂᬗ᭄ᬓᬮᬤᬲ᭄ᬫᬵᬢᬶ᭞ᬲᬶᬂᬜᬓ᭄ᬫᬲᭀᬘᬧᬦ᭄᭞ᬢᭂᬓᬾᬦ᭄ᬦᬾᬢᬳᬾᬦ᭄ᬦᬸᬮᬸᬗᬶᬦ᭄᭞ᬭᬾᬄᬳᬕᭂᬢ᭄ᬫᬳᬦ᭄ᬓᬯᬶᬃᬬ᭄ᬬᬦ᭄᭟ᬳᬦ᭄ᬤᭂᬮ᭄ᬢᭂᬓᬾᬦ᭄ᬓᬵᬕᬸᬗᬦ᭄ᬫᬯᬗ᭄ᬰᬍᬯᬶᬄ᭞ᬤᭀᬂᬮᬮᬶᬲ᭄ᬜᭂᬫ᭄ᬲᭂᬫᬂ᭞ᬦᬾᬚᬩᬫᬳᬦ᭄ᬦᬸᬮᬗᬶᬦ᭄᭞ᬤᬤᬶᬳ
ᬢᬶᬗᭂᬚᭀᬄᬳᬸᬮᬢ᭄᭟ᬢᬦ᭄ᬧᬲᭂᬫᬸᬗᬤᬾᬦ᭄ᬦᬾᬫᬳᬦ᭄ᬦᬸᬮᬸᬗᬶᬦ᭄᭞ᬗᬶᬗᭂᬢᬂᬧᬶᬳᭀᬮᬲ᭄᭞ᬦᬕᬶᬄᬧᬯᬍᬲ᭄ᬓᬤᬮᬶᬄ᭞ᬫᬓᭂᬚᬂᬓᬓᬤᬾᬦ᭄ᬤᬳᬓ᭄᭟ᬓᬾᬢᭀᬳᬫ᭄ᬪᭃᬓ᭄ᬫᬵᬦᬹᬱᬦᬾᬳᬕᬸᬂᬳᬮᬶᬢ᭄᭞ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬢ᭄ᬯᬭᬓᭀᬫᬓᭂᬚᬂᬩᭂᬮᬶ᭞ᬢ
ᬦ᭄ᬧᬲᭂᬫᬸᬢᭀᬂᬗᬶᬗᭂᬢᬂ᭟ᬳᭀᬮᬲ᭄ᬳᬦᬓ᭄ᬩᬸᬓᬦᬾᬭᬯᭀᬲᬂᬩᭂᬮᬶ᭞ᬳᬤᬓᬢᬸᬢᬸᬭᬦ᭄᭞ᬲᬂᬓᬵᬃᬡ᭄ᬦᬤᬸᬕᬲ᭄‌ᬦᬸᬳᬮᬶᬢ᭄᭞ᬓᬤᬸᬤᬸᬓ᭄ᬩᬳᬦ᭄ᬩᬡ᭄ᬥᬾᬕ᭟ᬲᬸᬩᬤᬸᬳᬸᬃᬳᬕᭂᬢ᭄ᬳᬶᬤᬫᬫ᭄ᬭᬪᭀᬦᬶᬦ᭄᭞ᬤᬶᬕᬸᬫᬶᬳᬯᬗ᭄ᬕ᭞ᬚᬢᬶᬢ᭄ᬯᬭᬳᬶᬤᬮᬮᬶ᭞ᬢᭂᬓᬾᬦ᭄ᬳᭀ᭠
ᬮᬲ᭄ᬳᬶᬩᬡ᭄ᬥᬾᬕ᭟ᬮᬲ᭄ᬬᬳᬶᬤᬯᭂᬓᬲᬦ᭄ᬜᭂᬫ᭄ᬩᬄᬫᬓ᭄ᬢᬶᬦᬶᬦ᭄᭞ᬩᬗ᭄ᬓᬾᬦ᭄ᬳᬶᬩᬡ᭄ᬥᬾᬕ᭞ᬧᬦᬳᬸᬭᬦ᭄ᬳᬸᬢᬂᬳᬸᬭᬶᬧ᭄᭞ᬢ᭄ᬯᬭᬜᬸᬲᬸᬤᬂᬓᬯᬗ᭄ᬰᬦ᭄᭟ᬲᬚᬓᬾᬢᭀᬲᬳᬸᬃᬓᬵᬫᬚᬬᬓᭂᬜᬶᬂ᭞ᬤᭀᬂᬳᬓᬸᬤᬧᭂᬲᬦ᭄᭞ᬦᬾᬗᬶᬗᭂᬢᬂᬳᬸᬢᬂᬳᬸᬭᬶᬧ᭄᭞ᬲᬚᬩᬳᬶᬤᬲᬂ᭠ [ 157 ][᭑᭕᭖ 156B]
᭑᭕᭖
ᬓᬵᬃᬡ᭄ᬦ᭟ᬘᬶᬗᬓ᭄ᬳᬤᬶᬲᭂᬫᬸᬢᬾᬗᬭᬂᬚᭂᬮᬢᬶ᭞ᬫᬳᬾᬫᬾᬤᬾᬫᬾᬤᬦ᭄᭞ᬤᬶᬧᬸᬦ᭄ᬤᬸᬓᬦᬾᬦᬭᬶᬧᬶᬂ᭞ᬗ᭄ᬳᬶᬂᬲᭂᬫᬸᬢᬾᬢ᭄ᬯᬭᬮᬲ᭄ᬬ᭟ᬳᭀᬜᬫᬵᬢᬶᬓᬢᬓᬾᬢᭂᬓᬩᬩᬾᬓᬶ᭞ᬜᬧ᭄ᬮᭀᬓᬘᬧ᭄ᬮᭀᬓᬦ᭄᭞ᬓᬢᬓᬾᬫᬲᬶᬄᬗᭂᬫᬲᬶᬦ᭄᭞ᬤᬗᬮ᭄ᬮᬮᬶᬧᬶᬦᬾᬕᬮᬓ᭄᭞ᬳᬶ
ᬮᬮᬶᬧᬶᬫᬲᬶᬄᬢᬦ᭄ᬮᬸᬧᬸᬢ᭄ᬗᭂᬫᬲᬶᬦ᭄᭞ᬲᬦ᭄ᬤᭂᬭᬶᬦ᭄ᬓᬯᬗᬦ᭄᭞ᬲᬳᬲᬜᭀᬢᭀᬢ᭄ᬫᬢᬾᬦᬶᬦ᭄᭞ᬧᬬᬸᬫᬵᬢᬶᬚᬮᬦ᭄ᬫᬸᬮ᭟ᬦᬶᬓᬫᬮᬶᬄᬳᬶᬘᬧᬸᬂᬜᬦ᭄ᬤᭂᬭᬶᬦ᭄ᬫᬸᬭᬶᬂ᭞ᬫᬲᬶᬄᬢ᭄ᬯᬭᬮᬲ᭄ᬬ᭞ᬳᬶᬘᬸᬭᬶᬓ᭄ᬢᭂᬓᬗᭂᬮᬸᬤᬶᬦ᭄᭞ᬜᬦ᭄ᬤᭂᬭᬶᬦ᭄ᬳᬶᬘᬧᬸᬂᬗᬶᬦ᭄ᬤᬂ᭟ᬲᬃᬯ᭄ᬯᬩᬓ᭄ᬱᬫᬓᭂᬚᬂᬲᬮᬶᬂᬧ
ᬢᬾᬦᬶᬦ᭄᭞ᬳᬸᬭᬶᬧᬾᬢᬦ᭄ᬮᬦ᭞ᬫᬾᬲᭂᬫ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬤᭀᬂᬗᬸᬤᬩᭂᬮᬶᬦᬦ᭄ᬤ᭄ᬭᬸᬳᬂ᭟ᬳᬲᬶᬂᬳᬶᬤᬸᬧ᭄‌ᬧᬫᬸᬧᬸᬢ᭄ᬮᬓᬭ᭠ᬦ᭄ᬫᬵᬢᬶ᭞ᬬᬦᬶᬂᬧᬦᬫᬬ᭞ᬢ᭄ᬯᬭᬲᬶᬤ᭄ᬥᬩᬦ᭄ᬗᭂᬮᬶᬤᬶᬦ᭄᭞ᬲᬭᬢᬸᬤᬸᬄᬲᬗ᭄ᬳ᭄ᬬᬂᬢᬶᬢᬄ᭟ᬲᬚᬓᬾᬢᭀᬳᬸᬭᬶᬧᬾᬓᭀᬦᬾᬩᬦ᭄ᬜᬶᬮᬶᬄ᭞ᬲ
ᬳᬸᬃᬓᬵᬫᬚᬬ᭞ᬲᬗ᭄ᬓᬦ᭄ᬲᬗ᭄ᬲᬭᬦᬸᬫᬶᬢᬶᬲ᭄᭞ᬦᭂᬫᭀᬓᬂᬲᬸᬓᬵᬮᬦ᭄ᬤᬸᬄᬓᬵ᭟ᬭᬵᬚᬧᬸᬢ᭄ᬭᬶᬤᭂᬓᬲ᭄ᬤᭂᬓᭂᬲ᭄ᬫᬜᬳᬸᬭᬶᬦ᭄᭞ᬳᬄᬤᬤᬢᬭᬫ᭄ᬩᬂ᭞ᬜᬓᬓᬾᬦ᭄ᬓᬾᬦ᭄ᬜᬓᬢᬸᬲᬶᬂ᭞ᬓᬸᬤᬦᬾᬓᬾᬢᭀᬋᬲᭂᬧᬂ᭟ᬫᬵᬢᬶᬳᬶᬤᬸᬧ᭄‌ᬫᬸᬮᬩᭂᬓᭂᬮ᭄ᬲᬂᬤᬸᬫᬤᬶ᭞ᬚᬦᬶᬳᬲ᭄ᬢ᭠

[᭑᭕᭗ 157A]
᭑᭕᭗
ᬧᬬᬂ᭞ᬳᬧᬂᬤᬩᬸᬯᬶᬦ᭄ᬦᬸᬫᬶᬢᬶᬲ᭄᭞ᬓᬮᬶᬦ᭄ᬤᭂᬭᬂᬧᬸᬦᬃᬪᬵᬯ᭟ᬚᬮᬦ᭄ᬩᭂᬮᬶᬓᬤᬾᬰᬢᭂᬕᬭᬂᬚᬦᬶ᭞ᬢᭀᬂᬜᬦ᭄ᬤᬂᬲᬗ᭄ᬲᬬ᭞ᬫᬤᬓ᭄ᬲᬚᬭᬯᭀᬲ᭄ᬩᭂᬮᬶ᭞ᬢ᭄ᬯᬭᬳᬤᬦᬾᬦᬗᭂᬳᬂ᭟ᬓᬵᬫᬚᬬᬧᬲᬳᬸᬭᬾᬩᭂᬮᬶᬗᬶᬭᬶᬂ᭞ᬢᬸᬫᬸᬮᬶᬫᬫᬵᬃᬕ᭄ᬕ᭞ᬓᬤᬾᬰᬲᬂᬓᬵᬮᬶᬄᬗᬸ᭠
ᬗ᭄ᬲᬶ᭞ᬮᬶᬦ᭄ᬢᬂᬲᬵᬫ᭄ᬧᬸᬦ᭄ᬢᬚᭂᬕ᭄ᬲᬹᬃᬬ᭄ᬬ᭟ᬦᬫ᭄ᬧᭂᬓ᭄ᬤᬾᬰᬓᬵᬫᬚᬬᬓᬶᬲᬶᬓᬶᬲᬶ᭞ᬢᬗᬃᬫᬦᬓᬾᬦᬂ᭞ᬳᬤᬶᬲᬸᬩᬗᬩᬧᬶᬧᬶᬲ᭄᭞ᬳᬗ᭄ᬕᬾᬦ᭄ᬦᬾᬜᬦᬦ᭄ᬫᬩ᭄ᬮᬜ᭄ᬚ᭟ᬫᬤᬓ᭄ᬳᬤᬳᬦᬓ᭄ᬦᬸᬫᭂᬤᬕᬂᬦᬲᬶ᭞ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬬᬂᬫᬩᭂᬓᭂᬮ᭄ᬤᬸᬯᬂᬭᬶᬗ᭄ᬕᬶᬢ᭄᭞ᬳᬗ᭄ᬕᭀᬦ᭄ᬫᭂᬮᬶᬤᬤᬳᬭᬦ᭄
᭟ᬓᬵᬫᬚᬬᬳᬾᬕᬃᬲᭂᬩᭂᬗᬾᬫᬶᬭᬕᬶ᭞ᬭᬾᬄᬩᭂᬓᭂᬮᬾᬩᬾᬕᬓ᭄᭞ᬧᬲᬳᬸᬭᬾᬤᭂᬧᬂᬳᬤᬶ᭞ᬤᬫᬮᬸᬗᬕᬄᬩᬸᬦ᭄ᬢᬶᬮᬦ᭄᭟ᬤᬾᬦᬶᬂᬩᭂᬮᬶᬫᬲᬶᬄᬳᬶᬗᭂᬢ᭄ᬗᬤᬸᬢ᭄ᬧᬶᬧᬶᬲ᭄᭞ᬤᬸᬕᬲᬾᬫᭂᬚᬮᬦ᭄᭞ᬗᭂᬫ᭄ᬧᬸᬕ᭄ᬘᬾᬮᬾᬗᬦ᭄ᬩᭂᬓ᭄ᬫᬶᬲᬶ᭞ᬲᬯᬢᬭᬓᬭᭀᬩᭂᬮᬄ᭟ᬳᭂᬦ᭄ᬢᭀᬫ
ᬮᬸᬩᬬᬳᬂᬧᬫᭂᬮᬶᬦ᭄ᬦᬲᬶ᭞ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬲᬭᬮᬾᬤᬂᬓᬬᬸᬦ᭄ᬩᭂᬮᬶ᭞ᬗᬸᬤᬮᬦ᭄ᬢᬂᬫᬧᬶᬢᬸᬗᬦ᭄᭟ᬮᬳᬸᬢ᭄ᬩᭂᬮᬶᬓᬧᭂᬓᭂᬦ᭄ᬗᭀᬚᭀᬕ᭄ᬦᬾᬚᬦᬶ᭞ᬫᬤᬓ᭄ᬳᬤᬤᬕᬂ᭞ᬤᬶᬤᬾᬰᬭᬾᬄᬲᬸᬩᬮᬶᬗ᭄ᬲᬶᬃ᭞ᬲᬶᬂᬜᬮᬓᬃᬗᭂᬘᬕᬭᬂ᭟ᬲᬤᬳᬾᬜ᭄ᬘᭀᬂᬲᬂᬓᬵᬮᬶᬄᬭᬭᬶ᭠ [ 158 ][᭑᭕᭗ 157B]
᭑᭕᭗
ᬲ᭄ᬫᬫᬵᬃᬕ᭄ᬕᬶ᭞ᬫᬗᬸᬗ᭄ᬲᬶᬓᬧᬲᬃ᭞ᬓᬶᬧᬓ᭄ᬓᬶᬧᭂᬓ᭄ᬦᬸᬚᬸᬲᭂᬧᬶ᭞ᬧᬲᬭᬾᬜᭀᬭᬾᬬᬂᬯᬸᬲᬦ᭄᭟ᬳᬕᭂᬢ᭄ᬓᬦ᭄ᬢᬸᬦ᭄ᬯᬾᬦ᭄ᬢᭂᬦ᭄ᬤᬕᬂᬢᬸᬯᬗᬶᬮ᭄ᬕᬶᬮ᭄᭞ᬫᬤᭀᬮᬦ᭄ᬓᬢᬶᬧᬢ᭄᭞ᬲᭂᬤᭂᬓᬦ᭄ᬫᬢᬓᬶᬢᬓᬶ᭞ᬳᬬᬢ᭄ᬫᬦ᭄ᬢᬸᬓ᭄ᬲᬓᬾᬂᬧᬲᬃ᭟ᬦᬶᬓᬭᬭᬶᬲ᭄ᬓᬳᭀᬚᭀᬕ᭄ᬳᬦ᭄ᬢᬸᬓ᭄ᬲᬂᬓᬵᬮᬶᬄ᭞ᬳᬶᬤᬕᬂ
ᬫᬓᭂᬲ᭄ᬬᬩ᭄᭞ᬢᬦ᭄ᬢᬳᭂᬦ᭄ᬯᬾᬦ᭄ᬢᭂᬦ᭄ᬦᭂᬲᭂᬓᬶᬦ᭄᭞ᬳᬦᬓ᭄ᬧᬘᬂᬫᬢᬸᬫ᭄ᬩᬲᬦ᭄᭟᭜᭟ᬕᬶᬦᬤ᭟᭜᭟ᬓᭀᬘᬧ᭄ᬳᬶᬤᬕᬂᬓᬢᬶᬧᬢ᭄᭞ᬓᭂᬦ᭄ᬤᭂᬮᬾᬢᬦ᭄ᬓᬤᬶᬓᬤᬶ᭞ᬢᬦ᭄ᬧᬦᬳᭂᬦ᭄ᬓᬭᬯᬸᬳᬦ᭄᭞ᬳᬦᬓ᭄ᬲᭂᬮᬾᬄᬚᭂᬕᬾᬕ᭄ᬩᬕᬸᬲ᭄᭞ᬲᬋᬂᬓᬵᬮᬶᬄᬫᬓᭂᬫ᭄ᬩᬭᬦ᭄᭞ᬫᬦᬫ᭄ᬧᭂᬓᬶᬦ᭄᭞ᬲ
ᬳᬫᬢᬓᬾᬦ᭄ᬧ᭄ᬭᬦᬫ᭄ᬬ᭟ᬚ᭄ᬭᭀᬤᬕᬂᬢᬶᬬᬂᬦᬯᭂᬕᬂ᭞ᬧᬸᬭᬸᬦ᭄ᬦᬸᬦᬲᬂᬳᬓᭂᬤᬶᬓ᭄᭞ᬤᬸᬄᬧᬸᬦᬧᬶᬚ᭄ᬭᭀᬦᬾᬳᬤᭀᬮ᭄᭞ᬳᬶᬤᬕᬂᬓᬫᭂᬕᬦ᭄ᬓᬦ᭄ᬢᬸᬦ᭄᭞ᬢᬦ᭄ᬧᬲᬳᬸᬃᬩᭂᬗᭀᬂᬜᭀᬧᬓ᭄᭞ᬫᬗᬮᬶᬂᬮᬶᬂ᭞ᬲᬂᬫᬢᬓᬾᬦ᭄ᬓᬫᭂᬦᭂᬗᬦ᭄᭟ᬲᬸᬯᬾᬓᬦ᭄ᬢᬸᬦ᭄ᬦᬍᬓ᭄ᬢᭂᬓᬂ᭞ᬢᬦ᭄ᬤᬸᬭᬸᬲ᭄ᬫᬢ
ᬓᬶᬢᬓᬶ᭞ᬦᬫ᭄ᬧᭂᬤᬂᬲᭀᬓ᭄ᬧᭂᬤᬕᬗᬦ᭄᭞ᬫᬢᬾᬕ᭄ᬢᭀᬕ᭄ᬫᬮᬶᬄᬫᬢᬶᬫ᭄ᬧᬸᬄ᭞ᬚᬦ᭄ᬢᭀᬲ᭄ᬧᬶᬂᬓᬵᬮᬶᬄᬧᬶᬂᬢᬶᬕ᭞ᬓᬢᬓᬾᬦᬶᬦ᭄᭞ᬯᬯᬸᬓᭂᬜ᭄ᬘᬄᬲᬳᬵᬗᬸᬘᬧ᭄᭟ᬢᬶᬬᬂᬫᬤᭀᬮᬦ᭄ᬓᬢᬶᬧᬢ᭄᭞ᬥᬹᬄᬲᬧᬲᬶᬭᬧᬸᬦᬶᬓᬶ᭞ᬳᬗᭀᬩ᭄ᬢᬶᬬᬂᬫᬗᬦ᭄ᬢᭂᬦᬂ᭞ᬯᬃᬡ᭄ᬦᬦ᭄ᬚᭂᬭᭀ

[᭑᭕᭘ 158A]
᭑᭕᭘
ᬦᬾᬮᬶᬲ᭄ᬢᬸᬳᬬᬸ᭞ᬓᬤᬶᬢᬦ᭄ᬲᬫᬾᬂᬫᬵᬦᬹᬱ᭞ᬦᬶᬓᬤ᭄ᬯᬦᬶᬂ᭞ᬢᬶᬬᬂᬫᭂᬦ᭄ᬤᭂᬧ᭄ᬓᬢᭀᬩ᭄ᬢᭀᬩᬦ᭄᭟ᬓᬵᬫᬚᬬᬳᬮᭀᬦ᭄ᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬚ᭄ᬭᭀᬦᬾᬳᬦᬓ᭄ᬮᬶᬗ᭄ᬲᬶᬃ᭞ᬢᬶᬬᬂᬕᬸᬫᬦ᭄ᬢᬶᬫᬵᬦᬹᬱ᭞ᬥᬹᬄᬲᬵᬫ᭄ᬧᬸᬦᬂᬳᬶᬯᬂᬲᭂᬗ᭄ᬕᬸᬄ᭞ᬢᬶᬬᬂᬜᬤ᭄ᬬᬫᬢᬸᬫ᭄ᬩᬲᬦ᭄᭞ᬲ᭄ᬯᬾ
ᬘ᭄ᬙᬳᬸᬕᬶ᭞ᬗᬤᭀᬮᬶᬦ᭄ᬢᬶᬬᬂᬓᬢᬶᬧᬢ᭄᭟ᬲᬵᬫ᭄ᬧᬸᬦᬂᬚ᭄ᬭᭀᬦᬾᬲᬗ᭄ᬲᬬ᭞ᬫᬓᬵᬤᬶᬲᬵᬫ᭄ᬧᬸᬦᬂᬜᬮᬶᬢ᭄᭞ᬗ᭠ᬤᭀᬮᬶᬦ᭄ᬢᬶᬬᬂᬓᬢᬶᬧᬢ᭄᭞ᬥᬹᬄᬳᬚᬶᬓᬸᬤᬳᬩᬸᬗ᭄ᬓᬸᬮ᭄᭞ᬳᬶᬤᬕᬂᬓᬗᭂᬦ᭄ᬦᬶᬗᭂᬳᬂ᭞ᬳᭀᬮᬲᬲᬶᬄ᭞ᬳᬕᬾᬫᬮᬶᬄᬫᬕᬕᬳᬦ᭄᭟᭠
ᬩᭀᬬᬜᬦ᭄ᬤᬂᬫᬢᬯᬳᬦ᭄᭞ᬧᬸᬦᬶᬓᬶᬓᬢᬶᬧᬢ᭄ᬳᬫ᭄ᬩᬶᬮ᭄᭞ᬲᬭᬮᬾᬤᬂᬫᬗᬚᭂᬗᬂ᭞ᬲᬵᬫ᭄ᬧᬸᬦᬂᬗᬶᬘ᭄ᬙᬾᬦ᭄ᬧᬦᬸᬓᬸ᭞᭠ᬕᬸᬫᬦ᭄ᬢᬶᬲᬓᬾᬂᬲᬸᬰ᭄ᬭᬸᬱ᭞ᬫᬗᬢᬸᬭᬶᬦ᭄᭞ᬲᬵᬫ᭄ᬧᬸᬦᬂᬫᬧᬶᬘ᭄ᬙᬚᬶᬦᬄ᭟ᬬᬾᬦ᭄ᬚ᭄ᬭᭀᬦᬾᬗᬃᬱᬬᬂᬦᬸᬫ᭄ᬩᬲ᭄᭞ᬢᬶᬬᬂᬢᬦ᭄ᬯᬾᬦ᭄ᬢᭂᬦ᭄ᬗᬤᭀ᭠
ᬮᬶᬦ᭄᭞ᬓᬵᬫᬚᬬᬓᬩᭂᬮ᭄ᬩᭂᬮᬦ᭄᭞ᬲᬸᬯᬾᬩᭂᬗᭀᬂᬢᬦ᭄ᬧᬲᬳᬸᬃ᭞ᬭᬵᬚᬧᬸᬢ᭄ᬭᬶᬜᭂᬮᬕ᭄ᬦᬶᬫ᭄ᬩᬮ᭄᭞ᬲᬤᬓᭂᬜᬶᬂ᭞ᬚ᭄ᬭᭀᬤᬕᬂᬢᬶᬬᬂᬦᬭᬶᬫ᭟ᬓᬬᬸᬦᬾᬕᬸᬫᬦ᭄ᬢᬶᬳᭀᬮᬲ᭄᭞ᬗᬶᬘ᭄ᬙᬾᬦ᭄ᬢᬶᬬᬂᬲᬗᬸᬦ᭄ᬳᬸᬭᬶᬧ᭄᭞ᬓᬵᬫᬚᬬᬗᬫ᭄ᬩᬶᬮ᭄ᬚᬶᬦᬄ᭞ᬢᬦ᭄ᬧᬗᬾ [ 159 ][᭑᭕᭘ 158B]
᭑᭕᭘
ᬢᬂᬚᬕᬦᬯᬸᬭ᭄᭞ᬳᬶᬤᬕᬂᬍᬚᭂᬄᬦᬫ᭄ᬧᭀᬓᬂ᭞ᬭᬵᬚᬧᬸᬢ᭄ᬭᬶ᭞ᬜᭂᬮᬕ᭄ᬗᬸᬚᭂᬕ᭄ᬳᬶᬤᬕᬂ᭟ᬳᬮᬸᬲ᭄ᬫᬦᬶᬲ᭄ᬫᬗᬦ᭄ᬤᬶᬓ᭞ᬳᬶ᭠ᬗ᭄ᬕᬶᬄᬢᬶᬬᬂᬜᬤ᭄ᬬᬗᬶᬤᬶᬄ᭞ᬲᬭᬮᬾᬤᬂᬫᬧᬳᬶᬘ᭄ᬙ᭞ᬳᬶᬤᬕᬂᬦᭂᬩᬶᬄᬩᬦ᭄ᬢᬶᬬᬸᬓ᭄᭞ᬓᬢᬶᬧᬢᬾᬓᬦ᭄ᬢᬸᬦ᭄ᬧᬢ᭄ᬧᬢ᭄᭞ᬲᬦ᭄ᬤᬂᬩᭂᬘᬶᬓ᭄ᬲ
ᬋᬂᬓᬵᬮᬶᬄᬫᬗᬚᭂᬗᬂ᭟ᬓᭂᬢᭂᬦ᭄ᬓᭂᬢᭂᬦ᭄ᬓᬵᬫᬚᬬ᭞ᬲᬋᬂᬳᬶᬤᬭᬵᬚᬧᬸᬢ᭄ᬭᬶ᭞ᬤᬸᬭᬸᬲ᭄ᬗᬚᭂᬗᬂᬓᬢᬶᬧᬢ᭄᭞ᬳᬶᬤᬕᬂᬗᬬᬳᬶᬦ᭄ᬕᬸᬧᬸᬄ᭞ᬢ᭄ᬭᬕ᭄ᬬᬦᬫ᭄ᬧᬶᬂᬗᬶᬜ᭄ᬘᬭᬢᬦ᭄᭞ᬢᭀᬬᬯᬚᬶᬓ᭄᭞ᬲᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬚᭂᬗᬦ᭄᭟ᬓᬂᬤᬕᬂᬳᬮᭀᬦᬗᬸᬘᬧ᭄᭞ᬤᬸᬭᬸᬲᬂᬲᬶᬫ᭄ᬧᬂ
ᬦᬾᬫᬗ᭄ᬓᬶᬦ᭄᭞ᬓᬚᬸᬫᬄᬢᬶᬬᬂᬭᬶᬂᬧᭀᬦ᭄ᬤᭀᬓ᭄᭞ᬫᬸᬧᬸᬂᬚ᭄ᬭᭀᬦᬾᬮᬾᬤᬂᬓᬬᬸᬦ᭄᭞ᬭᬶᬂᬢᬶᬬᬂᬫᬓᬸᬫᬢᬺᬱ᭄ᬡᬵ᭞᭠ᬮᬦᬂᬳᬶᬲ᭄ᬢ᭄ᬭᬶ᭞ᬓᬵᬫᬚᬬᬓᭂᬜᭂᬫ᭄ᬦᬶᬫ᭄ᬩᬮ᭄᭟ᬲᬧᬲᬶᬭᬚ᭄ᬭᭀᬦᬾᬳᭀᬮᬲ᭄᭞ᬮᬾᬤᬗᬾᬢᬦ᭄ᬓᬤᬶᬓᬤᬶ᭞ᬤᭀᬂᬳᬃᬱᬫᬮᬶᬄᬜᬶᬫ᭄ᬧ᭠
ᬗᬂ᭞ᬳᬶᬤᬕᬂᬓᭂᬜᭂᬫ᭄ᬫᬲᬳᬸᬭ᭄᭞ᬢᬶᬬᬂᬫᬵᬤᬦ᭄ᬫᬾᬦ᭄ᬕᬸᬡᬓ᭄ᬱ᭞ᬢᬶᬯᬲ᭄ᬫᬶᬲ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬩᬮᬸᬲᬓᬾᬂᬮᬯᬲ᭄᭟ᬧᭂ᭠ᬘᬓᬾᬫᬤᬸᬯᬾᬧ᭄ᬬᬦᬓ᭄᭞ᬦᬵᬗ᭄ᬳᬶᬂᬮᬯᬲ᭄ᬲᬵᬫ᭄ᬧᬸᬦ᭄ᬫᬵᬢᬶ᭞ᬦ᭄ᬤᬾᬯᬾᬓ᭄ᬫᬕᭂᬦᬄᬭᬶᬂᬧᭀᬦ᭄ᬤᭀᬓ᭄᭞ᬫᭂᬮᬭᬢ᭄ᬓᬮᬶᬦ᭄ᬢᬂᬮᬘᬸᬭ᭄᭞ᬓᬵᬫ᭠

[᭑᭕᭙ 159A]
᭑᭕᭙
ᬚᬬᬫᬤᭂᬓᭂᬲᬦ᭄᭞ᬓᬗᭂᬦ᭄ᬲᭂᬤᬶᬄ᭞ᬫᬶᬭᬕᬶᬧᬚᬃᬳᬶᬤᬕᬂ᭟ᬧᬲᬳᬸᬭᬾᬢᬶᬬᬂᬜᬤ᭄ᬬ᭞ᬲᬶᬫ᭄ᬧᬂᬲᬢᬢᬗᭀᬩᭂ᭠ᬢᬶᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬫᬭᬾᬭᭀᬤ᭄ᬲᬋᬂᬢᬢᭂᬮᬸ᭞ᬲᬫ᭄ᬩᬶᬮᬂᬫᬮᬶᬄᬫᬩᬯᭀᬲ᭄᭞ᬭᬶᬂᬧᬫᬵᬃᬕ᭄ᬕᬶ᭞ᬳᬶᬤᬕᬂᬘᬸᬘᬸᬤ᭄ᬦᬓᬾ
ᬦᬂ᭟ᬥᬹᬄᬲᬧᬲᬶᬭᬧᬲᬾᬗᬦ᭄᭞ᬫᬗ᭄ᬤᬢᬶᬬᬂᬢᬢᬲ᭄ᬳᬸᬦᬶᬂ᭞ᬫᬓᬵᬤᬶᬫᬸᬗ᭄ᬕ᭄ᬯᬶᬂᬓᬯ᭄ᬯᬗᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬳᬶᬯᬂᬳᬢᬹᬃ᭞᭠ᬓᬵᬫᬚᬬᬦᬶᬫ᭄ᬩᬮ᭄ᬳᬮᭀᬦ᭄᭞ᬲᬵᬫ᭄ᬧᬸᬦ᭄ᬫᬮᬶᬄ᭞ᬓᬦ᭄ᬢᬸᬦ᭄‌ᬲᬺᬓᬾᬦ᭄ᬫᬲᭀᬘᬧᬦ᭄᭟ᬢᬶᬬᬂᬢᬦ᭄ᬳᬸᬦᬶᬂᬭᬶᬂᬯᬗ᭄ᬰ᭞ᬲᬭᬮᬾᬤᬂᬗᬯᬵ᭠
ᬱ᭄ᬝᬦᬶᬦ᭄᭞ᬯᬵᬱ᭄ᬝᬦ᭄ᬢᬶᬬᬂᬯᬬᬦ᭄ᬚᬕ᭄ᬭ᭞ᬓᬲᬗ᭄ᬲᬭᬦ᭄ᬢᬶᬬᬂᬳᬸᬩᬸᬄ᭞ᬓᬢᬶᬗ᭄ᬕᬮᬦ᭄ᬫᬾᬫᬾᬩᬧ᭞ᬓᬦ᭄ᬢᬸᬦ᭄ᬳᬮᬶᬢ᭄᭞ᬲᬋᬂᬳᬶᬧᬸᬦ᭄ᬳᬤᬶᬦ᭄ᬢᬶᬬᬂ᭟ᬮᬸᬄᬫᬥᬾᬓᬯᬸᬓᬶᬦ᭄ᬢᬶᬬᬂ᭞ᬍᬓᬤᬾᬕᬸᬫᬦ᭄ᬢᬶᬩᬸᬜ᭄ᬘᬶᬂ᭞ᬢᬶᬬᬂᬗᬸᬫ᭄ᬩᬂᬦᬶᬗ᭄ᬕᬮ᭄ᬤᬾᬰ᭞ᬧᭂᬘᬓ᭄ᬲᬓᬾᬂᬚᬕᬢ᭄ᬩ᭠
ᬤᬸᬂ᭞ᬳᬦ᭄ᬢᬸᬓ᭄ᬩᬾᬓ᭄ᬱᬦᬾᬗᬯᬶᬦᬂ᭞ᬮᬲ᭄ᬫᬕᭂᬤᬶ᭞ᬗᬮᬮᬸᬗᬸᬢᬂᬳᭂᬜ᭄ᬚᭂᬓᬦ᭄᭟ᬓᬗᭂᬦ᭄ᬳᬶᬤᬕᬂᬦᬶᬗᭂᬳᬂ᭞ᬥᬹᬄᬬᬾᬦ᭄ᬓᬾᬢᭀᬲᬚᬘᭂᬦᬶᬂ᭞ᬚᬮᬦ᭄ᬤᬶᬦᬶᬫᬲᬦᭂᬓᬦ᭄᭞ᬳᬚᬓ᭄ᬫᬾᬫᬾᬩᬋᬂᬮᬘᬸᬭ᭄᭞ᬘᭂᬦᬶᬂᬳᬗ᭄ᬕᭀᬦ᭄ᬫᬾᬫᬾᬧ᭄ᬬᬦᬓ᭄᭞ᬓᬬᬂᬮ᭠ [ 160 ][᭑᭕᭙ 159B]
᭑᭕᭙
ᬫᬶ᭞ᬤᬶᬦᬶᬤᬶᬤᬾᬰᬧᬲᬗ᭄ᬓᬦ᭄᭟ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬧᬲᬳᬸᬭᬾᬢᬶᬬᬂᬗᬶᬭᬶᬂ᭞ᬳᭀᬮᬲ᭄ᬲᬦ᭄ᬫᬾᬫᬾᬦᬫ᭄ᬧᭂᬤᬂ᭞ᬦᬸᬤᬸᬓ᭄ᬢᬶᬬᬂᬚᬤ᭄ᬫᬮᬘᬸᬭ᭄᭞ᬜᬸᬧᬢ᭄ᬳᬢ᭄ᬫᬦᬾᬓᬲᬲᬃ᭞ᬬᬦᬸᬧᬫᬶ᭞ᬳᬸᬭᬸᬂᬧᬥᭂᬫ᭄ᬫᬗ᭄ᬕᬶᬄᬩᬬ᭟ᬓᬤᬶᬧᬜ᭄ᬚᬂᬬᬦᬸᬘᬧᬂ᭞ᬩᬯᭀ
ᬲ᭄ᬲᬂᬢᬶᬕᬫᬫᬵᬃᬕ᭄ᬕᬶ᭞ᬲᬫᬶᬗᬲᬩ᭄ᬲᬶᬮᬶᬳᬮᬧ᭄᭞ᬲᬕᬾᬢ᭄ᬫᬗ᭄ᬓᬶᬦ᭄ᬭᬯᬸᬄᬲᬵᬫ᭄ᬧᬸᬦ᭄᭞ᬫᬭᬶᬂᬧᭀᬦ᭄ᬤᭀᬓ᭄ᬫᬾᬦ᭄ᬕᬸᬡᬓ᭄ᬱ᭞ᬓᬮᬾᬃᬓᬗᬶᬦ᭄᭞ᬭᬶᬂᬳᬜ᭄ᬘᬸᬢ᭄ᬤᬾᬰᬧᬲᬗ᭄ᬓᬦ᭄᭟ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬇᬭᬶᬓᬵᬚᭂᬦᭂᬓ᭄ᬦᬾᬫᬗ᭄ᬓᬶᬦ᭄᭞ᬫᬗ᭄ᬕᭂᬄᬧ᭄ᬬᬦᬓ᭄ᬫᬾ᭠
ᬦ᭄ᬕᬸᬡᬓ᭄ᬱ᭞ᬧᬯᬶᬮᬗᬦ᭄ᬲᬵᬫ᭄ᬧᬸᬦ᭄ᬳᬤᬸᬂ᭞ᬓᬵᬫᬚᬬᬓᬧᬶᬲᬭ᭞ᬗᬭᬶᬲᬓᬶᬦ᭄᭞ᬯᬶᬢ᭄ᬓᭂᬮᬧᬭᬶᬂᬧᬩ᭄ᬬᬦᬦ᭄᭟ᬓ᭠ᬓᬸᬤᬗᬦ᭄ᬫᬾᬦ᭄ᬕᬸᬡᬓ᭄ᬱ᭞ᬲᬫᬮᬶᬄᬩᬗ᭄ᬓᭂᬢ᭄ᬳᬲᬳᬶᬄ᭞ᬭᬶᬂᬮᭀᬩᭀᬗᬾᬩᭂᬢᬾᬦ᭄ᬓᭂᬮᭀᬤ᭄᭞ᬓᬵᬫᬚᬬᬯᬸᬲ᭄ᬲᬸᬫᬗ᭄ᬕᬸᬧ᭄᭞ᬜ᭠
ᬓᬧ᭄ᬧᬩ᭄ᬬᬦᬦ᭄ᬮᬦ᭄ᬲᬯᬄ᭞ᬭᬵᬚᬧᬸᬢ᭄ᬭᬶᬢᬍᬃᬳᬶᬤᬓᬧᬶᬲᬭ᭟ᬭᬶᬂᬧ᭄ᬭᬦ᭄ᬢᭂᬦᬦ᭄ᬓᬧᬶᬲᬭ᭞ᬦᭂᬩᬸᬓ᭄ᬧᬦ᭄ᬢᬸᬦ᭄ᬗᬸᬩᬸᬄᬩᬯᬶ᭞᭠ᬫᬾᬦ᭄ᬕᬸᬡᬓ᭄ᬱᬗᬤᭀᬮ᭄ᬢᬶᬧᬢ᭄᭞ᬓᬧᬲᬃᬓᬤᬶᬦᬾᬲᬵᬫ᭄ᬧᬸᬦ᭄᭞ᬜᬸᬓᬸᬄᬗᭂᬧᬳᬂᬧᬓᬵᬃᬬ᭄ᬬᬦ᭄᭞ᬲᬮᬶᬂᬢᬭᬶ᭞ᬳᬩᭀᬢ᭄ᬤᬗᬦ᭄ᬲᬋᬂ

[᭑᭖᭐ 160A]
᭑᭖᭐
ᬢᬶᬕ᭟ᬫᬾᬦ᭄ᬕᬸᬡᬓ᭄ᬱᬬᬦ᭄ᬫᬧᬚᬃ᭞ᬭᬶᬂᬓᬵᬫᬚᬬᬳᬸᬧᬫᬶ᭞ᬓᬤᬶᬘᬮᬸᬄᬢᬹᬃᬜᭂᬩᬸᬕᬂ᭞ᬘᭂᬦᬶᬂᬯᬬᬦ᭄ᬚᬕ᭄ᬭᬩᬕᬸᬲ᭄᭞ᬘᭂᬦᬶᬂᬫᬥᬾᬫᬵᬋᬧ᭄ᬳᬶᬤ᭞ᬭᬵᬚᬧᬸᬢ᭄ᬭᬶ᭞ᬲᭀᬢᬦᬶᬂᬢᬺᬱ᭄ᬡᬵᬫᬧ᭄ᬬᬦᬓ᭄᭟ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬳᬫ᭄ᬧᬢᬦ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬫᬮᬄ
ᬲᬂᬓᬵᬮᬶᬄᬗᭂᬦ᭄ᬤᭂᬮᬂ᭞ᬕᬸᬫᬦ᭄ᬢᬶᬫᬓᬵᬃᬬ᭄ᬬᬲᬭᬸ᭞ᬮᬫᬓᬦ᭄ᬢᬦ᭄ᬓᬢᬗᭂᬳᬦ᭄᭞ᬫᭂᬗ᭄ᬓᭂᬩ᭄ᬜᬶᬮᬶᬩ᭄᭞ᬗᭂᬫ᭄ᬧᬶᬭᬶᬂᬤᬾᬰᬧᬲᬗ᭄ᬓᬦ᭄᭟ᬲᭀᬮᬳᬾᬓᬤᬶᬫᬜᬫ᭞ᬧᬗᬸᬘᬧᬾᬩᭂᬮᬶᬳᬤᬶ᭞ᬳᬲᬶᬦᬸᬮᬢᬂᬤᬶᬕᭀᬩ᭞ᬚᭂᬕᬾᬕ᭄ᬩᬕᬸᬲᬾᬲᬧᬳᬸᬢ᭄᭞ᬩᭀᬬᬯᬾ
ᬦ᭄ᬢᭂᬦ᭄ᬢᬦ᭄ᬜᭂᬗ᭄ᬕᬸᬳᬂ᭞ᬍᬓᬤ᭄ᬩᬸᬜ᭄ᬘᬶᬂ᭞ᬮᬸᬄᬫᬥᬾᬭᬶᬂᬯᬬᬦ᭄ᬚᬕ᭄ᬭ᭟ᬳᬫ᭄ᬩᬢ᭄ᬮᭂᬕᬦ᭄ᬫᬾᬦ᭄ᬕᬸᬡᬓ᭄ᬱ᭞ᬧᭀᬮᬶᬄᬦᬸᬤᬸᬓ᭄ᬧ᭄ᬬᬦ᭠ᬓ᭄ᬓᭂᬮᬶᬄ᭞ᬭᬾᬄᬯᬾᬦ᭄ᬢᭂᬦ᭄ᬲᬦᬾᬳᬦ᭄ᬤᭂᬮᬂ᭞ᬗᬬᬳᬶᬦ᭄ᬤᬾᬯᬾᬓᬾᬕᬸᬕᬸᬄ᭞ᬢᬦᬶᬫᬫ᭄ᬧᬸᬄᬫᬕᬭᬧᬦ᭄᭞ᬓᬧᬶᬦᭂᬳᬶᬦ᭄᭞ᬦᬄᬦᬾ᭠
ᬫᬵᬤᬦ᭄ᬩᬕ᭄ᬬᬦᭂᬓ᭟᭜᭟ᬕᬶᬦᬦ᭄ᬢᬶ᭟᭜᭟ᬬᬦ᭄ᬢᬓᭀᬘᬧ᭄ᬮᬫᬶᬲᬵᬫ᭄ᬧᬸᬦ᭄᭞ᬫᬤᬸᬦᬸᬗᬦ᭄ᬲᬋᬂᬓᬵᬮᬶᬄ᭞ᬮᬸᬄᬫᬥᬾᬮᬦ᭄ᬯᬬᬦ᭄ᬚᬕ᭄ᬭ᭞ᬭᬶᬂᬫᬾᬦ᭄ᬕᬸᬡᬓ᭄ᬱᬧᬓᭂᬤᬶᬄ᭞ᬗ᭄ᬕᭂᬄᬧ᭄ᬬᬦᬓ᭄ᬤᬸᬤᬸᬓ᭄ᬤᬸᬤᬸᬓᬦ᭄᭞ᬚᭂᬫᭂᬢ᭄ᬫᬓᬵᬃᬬ᭄ᬬᬓᬢᬦᬶ᭟ᬧ᭄ᬭᬤᬂᬲᭂᬫᭂᬗᬦ᭄ᬫᬧᬸᬦ᭄ᬧᬸᬦ᭄᭞ᬮᬸᬄ [ 161 ][᭑᭖᭐ 160B]
᭑᭖᭐
ᬫᬥᬾᬗᭂᬦ᭄ᬤᬶᬳᬂᬳᬧᬶ᭞ᬦᬸᬗ᭄ᬕ᭄ᬯᬂᬧᬬᬸᬓ᭄ᬫᬭᬢᭂᬗᬦ᭄᭞ᬓᬢᬶᬧᬢ᭄ᬮᬦ᭄ᬚᬗᬦ᭄ᬳᬸᬦ᭄ᬤᬶᬲ᭄᭞ᬳᬤᭀᬮᬦ᭄ᬧᬸᬦ᭄ᬫᬾᬦ᭄ᬕᬸᬡᬓ᭄ᬱ᭞ᬓᬧᬲᬃᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭟ᬯᬬᬦ᭄ᬚᬕ᭄ᬭᬗᬫ᭄ᬩᬶᬮ᭄ᬧᬬᬸᬂ᭞ᬓᬩᬗ᭄ᬓᭂᬢ᭄ᬫᬲᭂᬍᬢ᭄ᬳᬭᬶᬢ᭄᭞ᬦᬶᬓᬸᬮ᭄ᬢᬫ᭄ᬩᬄᬫᬢᬸᬫ᭄ᬩᭂᬕᬦ᭄᭞ᬭᬶᬂᬲᬯᬄᬚᬦ᭄ᬢᭀᬲ᭄ᬢᭂᬗᬳᬶ᭞
ᬫᬦ᭄ᬢᬸᬓ᭄ᬫᬓ᭄ᬢᬚᬗᬦ᭄ᬚᬗᬦ᭄᭞ᬮᬸᬄᬫᬥᬾᬲᭂᬤᭂᬓ᭄ᬓᬧᬗ᭄ᬕᬶᬄ᭟ᬭᬶᬂᬧ᭄ᬭᬦ᭄ᬢᭂᬦᬦ᭄ᬗᬶᬓᬶᬄᬳᭂᬜᬸᬄ᭞ᬳᬤᬸᬳᬤᬸᬄᬗᭂᬧᭂᬲ᭄ᬦᬗᬶᬲ᭄᭞᭠ᬢᬗᬦᬾᬫᭂᬢᬢᬸᬩᭂᬜᬄ᭞ᬧᬘᬭᬶᬢ᭄ᬘᬶᬢ᭄ᬫᭂᬤᬮ᭄ᬕᭂᬢᬶᬄ᭞ᬯᬬᬦ᭄ᬚᬕ᭄ᬭᬳᬶᬚᬸᬜᬕ᭄ᬚᬕ᭄᭞ᬫᬓᭂᬩ᭄ᬬᭀᬲ᭄ᬢᭀᬬᬦ᭄ᬧᬗᬓ᭄ᬱᬶ᭟ᬫᬧᬗᭂᬦᬦ᭄ᬫᭂᬭᬄᬫᭂ
ᬭᬸᬄ᭞ᬤᬸᬄᬮᬘᬸᬃᬳᬤᬶᬤᬸᬫᬤᬶ᭞ᬳᬚᬓ᭄ᬩᭂᬮᬶᬮᬸᬯᬲ᭄ᬗᬸᬫ᭄ᬩᬂ᭞ᬢᬦ᭄ᬧᬓᬤᬂᬢᬦ᭄ᬧᬯᬃᬕ᭄ᬕᬶ᭞ᬢᬦ᭄ᬫᬋᬦ᭄ᬫᬗ᭄ᬕᬸᬄᬤᬸᬄᬓᬶᬢ᭞ᬓᬗᭂᬦ᭄ᬩᭂᬮᬶᬗᭂᬦᭀᬢ᭄ᬳᬤᬶ᭟ᬲᬲᬳᬶᬫᬢᬸᬬᬸᬄᬢᬸᬬᬸᬄ᭞ᬩᬦ᭄‌ᬢᬺᬱ᭄ᬡᬵᬦᬶᬦ᭄ᬤᬶᬳᬶᬦ᭄ᬩᭂᬮᬶ᭞ᬢ᭄ᬯᬭᬗᬾᬧᬸᬢᬂᬓᬯᬶᬃᬬ᭄ᬬᬦ᭄᭞ᬮᬸᬄᬫᬥᬾᬳᬶᬚᬸᬜᬳᬸ᭠
ᬭᬶᬦ᭄᭞ᬳᬭᬄᬩᭂᬮᬶᬓᬸᬤᬮᬦ᭄ᬢᬂ᭞ᬜᭂᬮ᭄ᬲᭂᬮᬂᬫᬸᬮᬧᬓᬵᬃᬤ᭄ᬥᬶ᭟ᬲᬕᬾᬢ᭄ᬫᬾᬦ᭄ᬕᬸᬡᬓ᭄ᬱᬭᬯᬸᬄ᭞ᬯᬸᬲᬦ᭄ᬦᬗᬶᬲ᭄ᬲᬋᬂᬓᬵᬮᬶᬄ᭞ᬩᭂᬘᬢ᭄ᬲᬾᬧᬦ᭄ᬫᬗᬸᬲᬧᬂ᭞ᬬᬾᬄᬧᬦᭀᬦᬾᬗᭂᬢᬾᬮ᭄ᬫᬶᬚᬶᬮ᭄᭞ᬲᭂᬍᬕ᭄ᬫᬮᬶᬄᬫᬕᬭᬧᬦ᭄᭞ᬗᬤᬸᬓᬂᬚᬗᬦ᭄ᬫᬲᬕᬶ᭟᭠

[᭑᭔᭑ 161A]
᭑᭔᭑
ᬮᬸᬄᬫᬥᬾᬳᬮᭀᬦᬫᬸᬯᬸᬲ᭄᭞ᬢᬸᬫ᭄ᬩᬾᬦ᭄ᬫᬾᬫᬾᬢᭂᬓᬲᭂᬮᬶᬤ᭄᭞ᬳᬸᬮᬶᬤᬶᬧᭂᬓᭂᬦ᭄ᬫᬤᬕᬂ᭞ᬫᬾᬦ᭄ᬕᬸᬡᬓ᭄ᬱᬫᬜᬳᬸᬭᬶᬦ᭄᭞ᬘᭂᬦᬶᬂᬲᬓᬾᬂᬗᬩᬩᬕ᭄ᬬ᭞ᬢᬸᬫ᭄ᬩᬾᬦ᭄ᬤᬕᬗᬦᬾᬮᬳᬶᬲ᭄᭟ᬢᭀᬂᬗᬦ᭄ᬢᬶᬳᬗᬦᬤᬳᬸᬄ᭞ᬓᬢᬶᬧᬢᬾᬲᬸᬩᬮᬶᬲᬶᬓ᭄᭞ᬮᬸᬄ
ᬫᬥᬾᬦᬜ᭄ᬚᬾᬦ᭄ᬫᬤᬳᬃ᭞ᬫᬾᬦ᭄ᬕᬸᬡᬓ᭄ᬱᬦᬸᬮᬶᬭᬭᬶᬲ᭄᭞ᬫᬤᬳᬃᬲᬋᬂᬢᬢᬶᬕ᭞ᬲᬫ᭄ᬩᬶᬮᬂᬗᬶᬢᬸᬗᬂᬩᬢᬶ᭟᭜᭟ᬤᬂᬤᬂ᭟᭜᭟ᬓᬲ᭄ᬯᬾᬦ᭄ᬲ᭄ᬯᬾᬦ᭄ᬫᬾᬦ᭄ᬕᬸᬡᬓ᭄ᬱᬫᬳᭀᬃᬢ᭄ᬣᬶ᭞ᬗᭂᬮᬄᬧ᭄ᬬᬦᬓ᭄᭞ᬯᬶᬢ᭄ᬤᬸᬤᬸᬓ᭄ᬤᬸᬤᬸᬓᬦ᭄᭞ᬤᬸᬓ᭄ᬫᬤᭀᬮᬦ᭄ᬭᬶᬂᬧᬲᬭᬾ᭞ᬓᬓᬵ᭠
ᬮᬶᬄᬮᬦᬂᬯᬥᬹ᭞ᬧᬜᬫᬬᬦ᭄ᬮᭂᬓᬤ᭄ᬩᬸᬜ᭄ᬘᬶᬂ᭞ᬲᬦᬾᬮᬸᬄᬚᭂᬕᬾᬕ᭄ᬗᬬᬂ᭞ᬲᬦᬾᬫ᭄ᬯᬦᬶᬩᬕᬸᬲ᭄᭞ᬢᬦ᭄ᬲᬫᬲᬫᬾᬂᬫᬵᬦᬹᬱ᭞ᬬᬦ᭄ᬲᬯᬗᬂ᭞ᬢᬦ᭄ᬧᬾᬦ᭄ᬤᬄᬳ᭄ᬬᬂᬲ᭄ᬫᬭᬭᬝᬶᬄ᭞ᬜᬮᬦ᭄ᬢᬭᬦᬶᬦ᭄ᬤ᭄ᬬᬾᬂᬲᬭᬵᬢ᭄᭟ᬗᬗᭀᬩᬶᬦ᭄ᬳᭀᬃᬢ᭄ᬣᬶᬦᬾᬩᬕᬸᬲ᭄ᬕᭂᬜ᭄ᬚᬶᬂ᭞ᬯ
ᬬᬦ᭄ᬚᬕ᭄ᬭ᭞ᬧ᭄ᬬᬦᬓ᭄ᬫᬾᬦ᭄ᬕᬸᬡᬓ᭄ᬱ᭞ᬧᬸᬢᬶᬄᬕᬤᬶᬂᬧᬫᬸᬮᬸᬦᬾ᭞ᬫᬓᬵᬤᬶᬲᬦᬾᬳᭂᬮᬸᬄ᭞ᬚᭂᬕᬾᬕᬾᬓᬤᬶᬥ᭠ᬥᬭᬶ᭞ᬧᬥᬫᬓᭂᬮᬸᬲ᭄ᬫᬾᬦᬓ᭄᭞ᬲᬬᬦ᭄ᬲᬬᬦ᭄ᬫᬩᬸᬓ᭄᭞ᬳᭀᬃᬢ᭄ᬣᬶᬦᬾᬓᬮᬸᬗ᭄ᬳᬮᬸᬗ᭄ᬳᬂ᭞ᬭᬶᬂᬧᬲᬗ᭄ᬓᬦ᭄᭞ᬭᬶᬂᬳᬜ᭄ᬘᬸᬢᬾᬓᬮᬾᬃ [ 162 ][᭑᭖᭑ 161B]
᭑᭖᭑
ᬓᬗᬶᬦ᭄᭞ᬤᬾᬯᬤᬾᬯᬶᬫᬓᬳ᭄ᬬᬗᬦ᭄᭟ᬤᭂᬳᬢᬭᬸᬡᬭᬯᬸᬄᬗᬗ᭄ᬕᬸᬭᬶᬦ᭄᭞ᬫᬭᬦ᭄ᬢᬩᬦ᭄᭞ᬫᬫᬦᬄᬦᬸᬫᭀᬦᬂ᭞᭠ᬜᬦ᭄ᬢᭂᬦᬂᬓᬤᬶᬳᭀᬃᬢ᭄ᬢᬶᬦᬾ᭞ᬯᬾᬦ᭄ᬢᭂᬦ᭄ᬜᬮᬶᬩ᭄ᬲᬶᬩ᭄ᬜᬭᬸ᭞ᬓᬳᬩ᭄ᬬᬦ᭄ᬫᬧᬶᬓᬢ᭄ᬧᭂᬭᬶᬢ᭄᭞ᬯᬾᬦ᭄ᬢᭂᬦ᭄ᬦᬾᬜᭂᬮᬂᬢᬫ᭄ᬩᬄ᭞ᬦᬾᬮᬸᬄᬜᬸᬯᬸᬦ᭄ᬳᭂᬚᬸ
ᬦ᭄᭞ᬫᬧ᭄ᬮᭂᬗᬾᬤ᭄ᬫᬶᬸᬤ᭄ᬲᬤᬫᬧᬬᬲ᭄᭞ᬓᬧᭀᬦ᭄ᬤᭀᬓᬦ᭄᭞ᬤᭂᬮᬓ᭄ᬤᭂᬮᭀᬓ᭄ᬫᬢᬢᭂᬮᬶᬓ᭄᭞ᬲᬫ᭄ᬩᬶᬮᬂᬦᬸᬫ᭄ᬩᬲ᭄ᬓᬢᬶᬧᬢ᭄᭟ᬳᬗᭀᬩ᭄ᬤᭂᬳᬢᬭᬸᬡᬦᬾᬲᬫᬶ᭞ᬫᬗᬦ᭄ᬢᭂᬦᬂ᭞ᬧ᭄ᬬᬦᬓ᭄ᬫᬾᬦ᭄ᬕᬸᬡᬓ᭄ᬱ᭞ᬯ᭄ᬬᬓ᭄ᬢᬶᬓᬤᬶᬳᭀᬃᬢ᭄ᬢᬶᬦᬾ᭞ᬩᬸᬗᭂᬃᬳᬲᬶᬂᬫᬫᬗ᭄ᬕᬸᬄ᭞ᬫᬓᬶᬢ᭠
ᬲᬳᬶᬗᬗ᭄ᬕᬸᬭᬶᬦ᭄᭞ᬗᬚᬓᬶᬦ᭄ᬫᬓᬦ᭄ᬢᬾᬦᬦ᭄᭞ᬲᬂᬓᬵᬚᬓᬶᬦ᭄ᬳᬲᬸᬂ᭞ᬯᬦᭀᬦ᭄ᬫᬘᬮᬸᬄᬘᬮᬸᬳᬦ᭄᭞ᬫᬘᬧᬢᬦ᭄᭞᭠ᬲ᭄ᬭᭀᬫᬾᬄᬗᬢᬸᬭᬶᬦ᭄ᬫᬮᬶᬗ᭄ᬕᬶᬄ᭞ᬧ᭄ᬭᬦᬫ᭄ᬬᬗᬫ᭄ᬩᬶᬮᬂᬧᬩ᭄ᬯᬦ᭄᭟ᬓᬲ᭄ᬯᬾᬦ᭄ᬲ᭄ᬯᬾᬦ᭄ᬘᬮᬸᬄᬮᬦᬂᬳᬶᬲ᭄ᬢ᭄ᬭᬶ᭞ᬫᬕᬸᬩᬸᬕᬦ᭄᭞ᬢᬦ᭄ᬧᭂᬕᬢ᭄ᬳᬗ᭄ᬕᬸᬭᬦ᭄᭞ᬲᭂ᭠
ᬮᬶᬤ᭄ᬲᭀᬭᬾᬮᬦ᭄ᬯᭂᬗᬶᬦᬾ᭞ᬲᬦᬾᬢᬭᬸᬡᬮᬶᬂᬮᬸᬂ᭞ᬢᭂᬫ᭄ᬩᬾᬫᬗ᭄ᬕᬶᬳᬶᬦ᭄ᬥᬥᬭᬶ᭞ᬮᬸᬄᬫᬥᬾᬬᬦ᭄ᬲᬯᬗᬂ᭞ᬲᬓ᭄ᬱᬢ᭄ᬕᬶᬭᬶᬯᬥᬹ᭞ᬚᭂᬕᬾᬕᬾᬢᬦ᭄ᬧᬢᬦ᭄ᬤᬶᬗᬦ᭄᭞ᬫᬗᬲᭀᬭᬂ᭞ᬓᬳᬬᭀᬦ᭄ᬲᬩᬢᬦ᭄ᬮᬗᬶᬢ᭄᭞ᬍᬫ᭄ᬧᬸᬂᬍᬫ᭄ᬩᬸᬢ᭄ᬫᬕᭀᬮᬾᬭᬦ᭄᭟ᬲᬦᬾᬤᭂ᭠

[᭑᭖᭒ 162A]
᭑᭖᭒
ᬳᬢᬍᬃᬩᬸᬤᬸᬄᬧᬮᬶᬂ᭞ᬓᬮᬸᬮᬸᬢᬦ᭄᭞ᬗᭂᬢᭀᬦ᭄ᬯᬬᬦ᭄ᬚᬕ᭄ᬭ᭞ᬩᬸᬓᬓᭂᬢᬸᬲ᭄ᬚᬚ᭄ᬭᭀᬦᬾ᭞ᬫᬓᬶᬢᬲᬳᬶᬗᬗ᭄ᬕᬸᬃ᭞ᬩ᭠ᬢᬶᬲᬾᬩᬶᬲᬓᬦ᭄ᬕᭂᬦᬶᬢ᭄᭞ᬓᬾᬯᬦ᭄ᬢᭂᬦ᭄ᬯᬸᬲᬦ᭄ᬜᬓᬦ᭄᭞ᬗᬾᬗ᭄ᬕᬮᬂᬫᬘᭂᬩᬸᬃ᭞ᬗᬗ᭄ᬕᬸᬃᬚᬸᬫᬄᬫᬾᬦ᭄ᬕᬸᬡᬓ᭄ᬱ᭞ᬭᬶᬂᬧᭀᬦ᭄ᬤᭀᬓᬦ᭄᭞ᬫᬧᬶᬫᬧᬶ
ᬗᬮᬮᬶᬦᬶᬦ᭄᭞ᬮᬸᬄᬫᬥᬾᬳᬗ᭄ᬕᭀᬦ᭄ᬚᬮᬭᬦ᭄᭟ᬦᬵᬗ᭄ᬳᬶᬂᬇᬥᭂᬧᬾᬲᬓᬶᬂᬗᬾᬭᬾᬲᬶᬦ᭄᭞ᬯᬬᬦ᭄ᬚᬕ᭄ᬭ᭞ᬧᬦᬸᬯᭂᬓ᭄ᬤᬶ᭠ᬫᬦᬄ᭞ᬦᭂᬓ᭄ᬤᭂᬓᬂᬳᬸᬮᬸᬦ᭄ᬳᬢᬶᬦᬾ᭞ᬮᬲ᭄ᬬᬧᬶᬲᬦ᭄ᬫᬫᭂᬓᬸᬮ᭄᭞ᬗᬢᬸᬭᬂᬳᬬᬄᬲᬲᬳᬶ᭞ᬤ᭄ᬬᬲ᭄ᬢᬸᬦ᭄ᬫᬕᬸᬮᬜᬯᬦ᭄᭞ᬓᭀᬦ᭄ᬓᭀᬦᬫᬫ
ᬤᬸ᭞ᬢᭂᬓᬾᬦ᭄ᬮᬸᬄᬫᬥᬾᬳᬸᬧᬫ᭞ᬩᬩᬃᬮᬲ᭄ᬬ᭞ᬓᬾᬯᬮᬲᬸᬩᬜᬗ᭄ᬕᬸᬧᬶᬦ᭄᭞ᬚᬸᬦ᭄ᬢᭀᬬᬤᬸᬭᬸᬲ᭄ᬫᬜ᭄ᬚᬶᬗᬂ᭟ᬢᬭᬸᬡᬦᬾᬭᬯᬸᬄᬲᬩ᭄ᬭᬦ᭄ᬯᭂᬗᬶ᭞ᬓᬧᭀᬦ᭄ᬤᭀᬓᬦ᭄᭞ᬲᬯᬸᬲᬦ᭄ᬫᬤᬳᬃ᭞ᬩᬩᬃᬩᬶᬜ᭄ᬘᬸᬄᬢᬶᬦ᭄ᬤᬓᬦᬾ᭞ᬧ᭄ᬭᬤᬂᬫᬕᬤᬂᬗᬗ᭄ᬕᬸᬃ᭞ᬫᬧᬶᬫᬧᬶᬗᭂᬮᬮᬶᬦᬶ
ᬦ᭄᭞ᬯᬬᬦ᭄ᬚᬕ᭄ᬭᬜᬫ᭄ᬩᬢᬂ᭞ᬩᬲ᭄ᬓᬤᬸᬂᬫᬓᬫ᭄ᬧᬸᬂ᭞ᬤᬾᬦᬶᬂᬍᬓᭂᬢ᭄ᬓᬧᬶᬢᬺᬱ᭄ᬡᬵᬦ᭄᭞ᬫᬲᬯᬶᬢ᭄ᬭᬦ᭄᭞ᬗ᭄ᬳᬶᬂᬲᬓᬾᬂᬍᬫᬸᬄᬤᬶ᭠ᬩᬶᬩᬶᬄ᭞ᬤᬬᬦᬾᬫᬫᬗ᭄ᬕᬸᬮ᭄ᬕᬫ᭄ᬩᬂ᭟ᬗᭂᬤᭀᬢᬂᬮᬸᬄᬫᬥᬾᬓᬦ᭄ᬢᬶᬗᬶᬧᬶ᭞ᬧᭂᬢᭂᬂᬍᬫᬄ᭞ᬤᬤᬶᬭᬭᬫ᭄ᬩᬗᬦ᭄᭞ᬜᬧ᭄ᬜᬧ᭄ᬲᬳᬶᬤᬶᬧᬸᬍᬲᬾ᭞ [ 163 ][᭑᭖᭒ 162B]
᭑᭖᭒
ᬫᬓᭂᬮᬧ᭄ᬭᬱᬭᬯᬸᬄ᭞ᬗᬚᬓᬶᬦ᭄ᬮᬸᬯᬲ᭄ᬫᬮᬮᬶ᭞ᬢᬦ᭄ᬧᬾᬦ᭄ᬤᬄᬬᬦ᭄ᬭᬱᬬᬂ᭞ᬓᭂᬦᬍᬗᬶᬲ᭄ᬤᬸᬬᬸᬂ᭞ᬩᬸᬓᬳᬭᬤ᭄ᬓᭂᬦᬕᬸᬡ᭞ᬓᬮᬸ᭠ᬮᬸᬢᬦ᭄᭞ᬫᬓᬶᬢᬜᬳᬸᬧ᭄ᬫᬗᬩᬶᬦ᭄᭞ᬗᬭᬲᬭᬲ᭄ᬤᬶᬧᭂᬤᭂᬫᬦ᭄᭟ᬭᬦ᭄ᬢᬩᬦ᭄ᬗᬗ᭄ᬕᬸᬃᬲᬩᬶᬮᬂᬯᭂᬗᬶ᭞ᬬᬦᬸᬧᬫ᭞ᬫᬵᬲᬦᬶᬂᬓᬲᬗ᭞ᬧᬲ᭄ᬮᬗ᭄ᬓᬩ᭄ᬭᬯᬸᬄ
ᬳᬲᬸᬦᬾ᭞ᬲᬩᬶᬮᬂᬤᬗ᭄ᬓᬗᬸᬮᬸᬦ᭄᭞ᬫᬦᭂᬫᭀᬦᬶᬦ᭄ᬕᬮᬂᬓᬶᬸᬗᬶᬸᬰᬰᬶᬄ᭞ᬳᬗ᭄ᬕᬸᬭᬦᬾᬢᬦ᭄ᬧᭂᬕᬢ᭄᭞ᬤᬶᬧᭀᬦ᭄ᬤᭀᬓ᭄ᬫ᭠ᬓᬸᬫ᭄ᬧᬸᬮ᭄᭞ᬗᭂᬮᬮᬶᬦᬶᬦ᭄ᬯᬬᬦ᭄ᬚᬕ᭄ᬭ᭞ᬫᬩᭂᬜᭀᬦᬦ᭄᭞ᬯᬾᬦ᭄ᬢᭂᬦ᭄ᬗᬾᬗ᭄ᬕᭀᬂᬯᬾᬦ᭄ᬢᭂᬦ᭄ᬜᬸᬮᬶᬂ᭞ᬢᬹᬃᬫᬕᭂᬦ᭄ᬤᬶᬂᬯᬯᬗ᭄ᬲᬮᬦ᭄᭟ᬥᬹᬄᬲᬸᬲᬸᬳᬸᬦᬦ᭄ᬲᬂᬓ
ᬤᬶᬭᬝᬶᬄ᭞ᬜᬮᬦ᭄ᬢᬭ᭞ᬘᬶᬗᬓ᭄ᬭᬢᬸᬢᬶᬢ᭄ᬬᬂ᭞ᬤᬸᬫᬤᬓ᭄ᬮᬾᬤᬂᬓᬬᬸᬦᬾ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬧᬫᬬᬸᬄ᭞ᬧᬗᬶᬓᬯᬸᬢ᭄ᬤᭀᬂ᭠ᬳᭀᬮᬲᬶᬦ᭄᭞ᬢᬶᬢ᭄ᬬᬂᬫᬩᭀᬭᬾᬄᬢᬗ᭄ᬓᬄ᭞ᬩᬸᬯᬢ᭄ᬭᬶᬂᬳᬶᬭᬢᬸ᭞ᬫᬤᭀᬦ᭄ᬚᬓᬫᬓᬭᭀᬦᬦ᭄᭞ᬘᬾᬤᭀᬓ᭄ᬲᬗ᭄ᬕᬄ᭞ᬫᬫᬦᬄᬧᬘᬂᬗᬮ
ᬦ᭄ᬢᬶᬂ᭞ᬤᭀᬦ᭄ᬩᬶᬬᬸᬢᬸᬄᬦᭂᬫ᭄ᬯᬂᬭᬭᬲ᭄᭟ᬫᬲᬭᬢᬦ᭄ᬗᬮᬶᬄᬳᭂᬗ᭄ᬓᭂᬢ᭄ᬳᬕᬶ᭞ᬦᬤᬓ᭄ᬱᬭ᭞ᬫᬚᬸᬓᬸᬢ᭄ᬤᬶᬢᬦᬄ᭞ᬮᬾᬮᭀᬃᬳᬦ᭄ᬢᬸ᭠ᬓ᭄ᬳᬸᬮᬗᬸᬦᬾ᭞ᬩᬶᬦ᭄ᬧᬶᬤᬦ᭄ᬭᬢᬸᬓᬬᬸᬦ᭄᭞ᬩᭂᬮᬸᬲ᭄ᬮᭂᬧᬾᬕᬦ᭄ᬗᭂᬜᭂᬫᬶᬦ᭄᭞ᬫᬾᬄᬫᬓᬸᬜᬶᬢ᭄ᬤᬶᬳᬮᬲ᭄᭞ᬤᬶᬳᬕᬾᬫᬢᭂᬫᬸ᭞ᬢᬶᬢ᭄ᬬᬂᬜᬤ᭄ᬬ᭠

[᭑᭖᭓ 163A]
᭑᭖᭓
ᬫᬫᬋᬓᬦ᭄᭞ᬫᬗᬯᬸᬮ᭞ᬤᭀᬂᬗᬶᬭᬶᬂᬫᬢᬮᬶᬩᭂᬲᬶ᭞ᬗᬦ᭄ᬢᬾᬦ᭄ᬲᬩᬦᬾᬦ᭄ᬕᬮᬸᬗᬦ᭄᭟ᬤᭀᬂᬗᬸᬤᬫᬶᬭᬶᬩ᭄ᬩᬸᬓᬩ᭠ᬩᬾᬓᬶ᭞ᬫᬫᬸᬯᬶᬓᬂ᭞ᬫᬩᬚᬸᬤᬶᬢᭂᬗᬄ᭞ᬗᬸᬢᬂᬢᬶᬢ᭄ᬬᬂᬩᬦ᭄ᬮᬘᬸᬭᬾ᭞ᬫᬤᬓᬶᬦ᭄ᬓᬸᬧᬶᬂᬳᬶᬮᬸ᭞ᬢᬶᬢ᭄ᬬᬂᬗᬚᬧ᭄ᬳᭀᬮᬲᬲᬶᬄ᭞ᬫᬓᬸᬢᬸᬦ᭄ᬳᬲᬸᬢᬶ
ᬢ᭄ᬬᬂ᭞ᬫᬫᬦᬄᬗᬢᭂᬓᬸᬮ᭄᭞ᬤᭀᬂᬗᬸᬤᬫᬢᬮᬶᬦ᭄ᬓᬨᬮ᭄᭞ᬢᬶᬢ᭄ᬬᬂᬘᬂᬘᬂ᭞ᬚᬦ᭄ᬢᭀᬲ᭄ᬫᬤᬫᬃᬤᬶᬮᬗᬶᬢ᭄᭞ᬩᬸᬮᬦᬦ᭄ᬲᬳᬶᬫᬕᬤᬂ᭟ᬜᬦ᭄ᬢᭀᬲᬂᬓᬮᬾᬤᬗᬦ᭄ᬫᬵᬲ᭄ᬫᬡᬶᬓ᭄᭞ᬅᬢ᭄ᬫᬚᬶᬯ᭞ᬧᬶᬋᬂᬳᬢᬹᬃᬢᬶᬢ᭄ᬬᬂ᭞ᬲᬵᬫ᭄ᬧᬸᬦᬂᬮᬮᬶᬲ᭄ᬓᬬᬸᬦᬾ᭞ᬫᬚᭂᬫ᭄ᬧᭀᬂᬩᬾᬩᬾᬓ᭄ᬗ᭠
ᬫ᭄ᬩᬸᬮ᭄᭞ᬳᬶᬭᬢᬸᬫᬩᬯᬂᬧᬸᬢᬶᬄ᭞ᬲᭂᬦᭂᬂᬗᭂᬕᬧᬶᬲᬸᬦ᭞ᬧᬚᬃᬳᬦᬓ᭄ᬩᬶᬜ᭄ᬚᬸᬮ᭄᭞ᬦᬤᬂᬧᬬᬸᬓ᭄ᬳᬜᬃᬗᬚᬄ᭞ᬫᬢᭂᬕᭂᬧᬦ᭄᭞ᬩᭂᬢᬾᬦ᭄ᬳᬸᬫᬄᬗᭂᬮᭀᬂᬚᬜ᭄ᬚᬶ᭞ᬢᬾᬫ᭄ᬩᭀᬓ᭄ᬓᬬᬸᬤᭀᬂᬧᬕᭂᬳᬂ᭟ᬓᬸᬤᬸᬂᬩᬗ᭄ᬓᬾᬕᬸᬫᬦ᭄ᬢᬶᬦᬶᬦ᭄ᬤᬶᬳᬶᬦ᭄᭞ᬧᬲᭀᬩᬬ᭞ᬤ᭄ᬬᬲ᭄ᬢᬸᬦ᭄ᬓᬦ᭄ᬤᬶᬓ᭠
ᬬᬂ᭞ᬫᬢᬶᬮᬸᬦ᭄ᬕᬚᬄᬧ᭄ᬭᬤᬾᬦᬾ᭞ᬢᬦ᭄ᬗᬾᬧᬸᬢᬂᬫᬢᬸᬗ᭄ᬕᬸ᭞ᬬᬦ᭄ᬲᬵᬫ᭄ᬧᬸᬦ᭄ᬮᬾᬤᬂᬫᬵᬲ᭄ᬫᬡᬶᬓ᭄᭞ᬫᬢᬳᬶᬦ᭄ᬩᭂᬦᬂᬜᬸᬧ᭠ᬢ᭄᭞ᬘᬾᬤᭀᬓ᭄ᬦᬲᬶᬜᬬᬸᬢ᭄᭞ᬮᬯᬃᬕᭂᬭᬂᬫᬜᬕᭂᬭᬂ᭞ᬓᬲ᭄ᬯᬾᬘ᭄ᬙᬦᬦ᭄᭞ᬫᬓᬓᬸᬮ᭄ᬘᭂᬦᬶᬓ᭄ᬫᬩᬸᬤ᭄ᬥᬶ᭞ᬢᬶᬢ᭄ᬬᬂᬫᬜᬸᬮ᭄ᬲᬸᬮᬂᬳᬯᬓ᭄᭟ [ 164 ][᭑᭖᭓ 163B]
᭑᭖᭓
ᬬᬦ᭄ᬭᬢᬸᬓᬦ᭄ᬢᬸᬦ᭄ᬫᬜᬫᬦ᭄ᬧᭂᬭᬶᬢ᭄᭞ᬫᬫᭂᬦᭀᬮᬂ᭞ᬧᬾᬢ᭄ᬫᬯᬤᬄᬳᬸᬬᬄ᭞ᬗᭀᬧᬓ᭄ᬢᬶᬢ᭄ᬬᬂᬩᬦ᭄ᬫᭂᬮᬶᬤᬾ᭞ᬫᬵᬢᬹᬃᬧᬸᬭᬸᬦ᭄ᬫᬧᬸᬗᬸ᭞ᬕᬸᬫᬦ᭄ᬢᬶᬲᬓᬾᬂᬲᬸᬪᬓ᭄ᬢᬶ᭞ᬤ᭄ᬬᬲ᭄ᬢᬸᬦ᭄ᬫᬤᬶᬦ᭄ᬮᬮᬯᬄ᭞ᬫᬲᬾᬮᭀᬂᬓᬢᬸᬦ᭄ᬤᬸᬂ᭞ᬓᬚᬩᬓᬸᬝᬳᬢᬶᬩᬦ᭄᭞ᬢᬶᬢ᭄ᬬᬂᬮᬲ᭄ᬬ᭞ᬬᬦ᭄
ᬲᬵᬫ᭄ᬧᬸᬦ᭄ᬗᬶᬭᬶᬂᬫᬵᬲ᭄ᬫᬡᬶᬓ᭄᭞ᬫᬤᭀᬦ᭄ᬚᬓᬫᬓᬭᭀᬦᬦ᭄᭟ᬦᬧᬶᬳᬗᭂᬦ᭄ᬢᬶᬢ᭄ᬬᬂᬓᬦ᭄ᬢᬸᬦ᭄ᬳᬸᬭᬶᬧ᭄᭞ᬦᬦ᭄ᬤᬂᬮᬭ᭞ᬬᬦ᭄ᬭᬢᬸᬢᬦ᭄ᬲ᭄ᬯᬾᬘ᭄ᬙ᭞ᬩᬶᬮᬶᬄᬫᬫᭂᬲᬦ᭄ᬫᬦᬳᬾ᭞ᬩ᭄ᬯᬬᬦᭂᬕᬮ᭄ᬗᬮᬮᬸ᭞ᬫᬸᬂᬧᬂᬮᬫ᭄ᬧᬄᬗᬸᬮᬄᬧᬢᬶ᭞ᬓᬯᬾᬱᬤᬲᬃᬫᭂᬓ᭞ᬗ᭄ᬭᬱᬦᬶᬦ᭄ᬳᬶᬭᬢᬸ᭞
ᬫᬾᬄᬤᬸᬭᬸᬲ᭄ᬫᬲᭀᬓ᭄ᬕᭂᬥᬾᬦᬦ᭄᭞ᬗᭀᬤᬕ᭄ᬳᭀᬤᬕ᭄᭞ᬢᬸᬯᬶᬳᬶᬤᬸᬧ᭄‌ᬮᬲᬦ᭄ᬫᬵᬢᬶ᭞ᬫᬳᬧᬸᬦ᭄ᬫᬾᬦᬓ᭄ᬫᬸᬮᬶᬲᬄ᭟ᬚᭂᬗᬄᬤᬤᭀᬲ᭄ᬓᬓᭂᬤᬾᬓᬦ᭄ᬕᬸᬫᬶ᭞ᬓᬕᬸᬬᭀᬦᬦ᭄᭞ᬲᬯᬶᬭᬾᬄᬫᬯᬢᬂ᭞ᬓᬤᬶᬲᬲᭀᬗ᭄ᬕᬦ᭄ᬳᬦᬓᬾ᭞ᬩᭂᬮᬳᬸᬓ᭄ᬗᬶᬦ᭄ᬤᬂᬗᬧᬸᬂ᭞ᬫᭂ
ᬦ᭄ᬤᬾᬢ᭄ᬫᬢᬲᬳᬶᬲᬳᬶ᭞ᬳᬭᬓ᭄ᬫᬦᬶᬲ᭄ᬫᬗ᭄ᬕᬸᬭᬦ᭄᭞ᬢᬶᬦ᭄ᬤᬓᬦᬾᬍᬧᬸᬕ᭄᭞ᬢᭀᬂᬳᬤᬲᬾᬦ᭄ᬤᭂᬫ᭄ᬜᬓ᭄ᬗᬚᬓ᭄᭞ᬫᬲᭀᬘᬧᬦ᭄᭞ᬢᬢᭂᬮᬸᬧᬶᬦ᭄ᬤᭀᬗᭂᬦᭂᬫᬶᬦ᭄᭞ᬳᬤᬶᬦ᭄ᬚᬸᬩᭂᬮ᭄ᬜᬭᬸᬢ᭄ᬘᬸᬢᬂ᭟ᬓᭂᬤᬾᬓ᭄ᬫᬩ᭄ᬭᬶᬬᬕ᭄ᬲᬫᬶᬫᬶᬭᬕᬶ᭞ᬲᬲᬯᬗᬦ᭄᭞ᬕᭂᬦ᭄ᬤᬶᬂᬯᬯᬗ᭄ᬲᬮᬦ᭄᭞

[᭑᭖᭔ 164A]
᭑᭖᭔
ᬧᬧᬶᬭᬶᬂᬩᬚᬂᬩᬚᬗᬾ᭞ᬧᭀᬗᬄᬚ᭄ᬯᬭᬶᬗᬮᬸᬘᬸ᭞ᬯᬬᬦ᭄ᬚᬕ᭄ᬭᬫᬧᬶᬫᬧᬶ᭞ᬓᭂᬤᬾᬓ᭄ᬘᬭᬗᭂᬦ᭄ᬤᭂᬮᬂ᭞ᬲᭀᬢᬦᬶᬂᬫᬕᬸᬩᬸᬕ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬘᬶᬭᬾᬦᬦ᭄᭞ᬤᬸᬍᬕ᭄ᬫᬦᬄ᭞ᬕᭂᬤᭂᬕᬾᬢᬦ᭄ᬲᬶᬧᬶᬲᬶᬧᬶ᭞ᬩᭂᬋᬓᬂᬤᬶᬢᭂᬗᬄᬩᬲᬂ᭟ᬳᬾᬮᬶᬂᬭᬶᬂᬤᬾᬯᬾᬓ᭄ᬤᬶᬧᭀᬦ᭄ᬤᭀ
ᬓ᭄ᬗᭂᬫ᭄ᬧᬶ᭞ᬢᬦ᭄ᬧᬓᬤᬂ᭞ᬫᬢᬶᬍᬲᬂᬳᬯᬓ᭄᭞ᬲᬾᬍᬩ᭄ᬤᬸᬄᬓᬶᬢᬦᬶᬥᭂᬧᬾ᭞ᬦᬶᬃᬕᬯᬾᬗᬤᬸᬕᬤᬸᬕ᭄᭞ᬢᬦ᭄ᬧᬭᬶᬯ᭠ᬗ᭄ᬤᬾᬗᭂᬫᬲᬶᬦ᭄᭞ᬮᬸᬄᬫᬥᬾᬫᬤᭂᬓᭂᬲᬦ᭄᭞ᬫᬓᬶᬧᭂᬓᬦ᭄ᬗᬸᬦ᭄ᬢᬸᬮ᭄᭞ᬲᬭᬸᬯᬂᬜᬳᬶᬢᬶᬦ᭄ᬯᬲ᭄ᬢ᭄ᬭ᭞ᬫᬲ᭄ᬭᬶᬗ᭄ᬓᬸᬢᬦ᭄᭞ᬫᬘᬧ᭄ᬘᬧ᭄ᬢᭀᬬᬦ᭄ᬧᬗᬓ᭄ᬱᬶ
᭞ᬜᬶᬓ᭄ᬱᬶᬓ᭄ᬭᬕᬢᬦᬶᬩᬕ᭄ᬬ᭟ᬦᬵᬗ᭄ᬳᬶᬂᬲᬭᬸᬲᬵᬦ᭄ᬢᬸᬓᬦᬾᬯᭂᬗᬶ᭞ᬢᬦ᭄ᬧᬤᬫᬃ᭞ᬫᭂᬦᭂᬂᬢᬦ᭄ᬧᬗᬸᬘᬧ᭄᭞ᬳᭀᬲᬄᬳᭀᬲᭂᬓ᭄ᬧᬧᬶᬦᭂᬳᬾ᭞ᬩᬬᬮᬓᬭᬦ᭄ᬮᬘᬸᬃ᭞ᬬᬾᬦ᭄ᬫᬓᭂᬮᭀᬦᭀᬗᭀᬲ᭄ᬤᬶᬦᬶ᭞ᬓᭀᬩᭂᬢ᭄ᬲᬚ᭄ᬭᭀᬦᬶᬂᬘᬶᬢ᭄ᬢ᭞ᬲᬕᬾᬢ᭄ᬢᭂᬗᬄᬤᬮᬸ᭞ᬫᬾᬦ᭄ᬕᬸ᭠
ᬡᬓ᭄ᬱᬜᬫ᭄ᬩᬢ᭄ᬲᬭ᭞ᬲᬂᬫᬗ᭄ᬕᬸᬭᬦ᭄᭞ᬳᬶᬤᬤᬦᬾᬲᬋᬂᬲᬫᬶ᭞ᬳᬫ᭄ᬧᬸᬭᬢᬶᬢ᭄ᬬᬂᬦᬯᭂᬕᬂ᭞ᬯᬸᬲᬦ᭄ᬗᬗ᭄ᬕᬸᬃᬲᬵᬫ᭄ᬧᬸᬦ᭄ᬢᭂᬗᬄᬯᭂᬗᬶ᭞ᬫᬕᭀᬜ᭄ᬚᬓᬦ᭄᭞ᬗᬶᬭᬶᬂᬓᬾᬫᬭᬵᬃᬬ᭄ᬬᬦ᭄᭞ᬧᬫ᭄ᬮᬧᬦ᭄ᬫᬦᬄᬢᬶᬢ᭄ᬬᬗᬾ᭞ᬫᬗ᭄ᬤᬲᬵᬫ᭄ᬧᬸᬦᬂᬍᬲᬸ᭞ᬩᬾᬜ᭄ᬚᬂᬫᬓᬵᬃᬬ᭄ᬬᬓᬘᬭᬶ [ 165 ][᭑᭖᭔ 164B]
᭑᭖᭔
ᬓ᭄᭞ᬫᬲᬓᬶᬭᬂᬭᬳᬶᬦ᭞ᬳᬶᬤᬤᬦᬾᬗᬗ᭄ᬕᬸᬃ᭞ᬤᬸᬭᬸᬲᬂᬤᭀᬂᬧᬥᬩᬸᬤᬮ᭄᭞ᬲᭀᬯᬂᬲᭀᬯᬂ᭞ᬦᬾᬩᬜ᭄ᬚᬂᬫ᭠ᬮᬶᬄᬢᭂᬫ᭄ᬩᬾᬦᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬮᭀᬦᬦ᭄᭟ᬚᬦ᭄ᬢᭀᬲ᭄ᬧ᭄ᬬᬦᬓ᭄ᬢᬶᬢ᭄ᬬᬂᬫᬓᬓᬵᬮᬶᬄ᭞ᬯᭀᬦ᭄ᬫᬕᬤᬂ᭞ᬲᬺᬗᭂᬦ᭄ᬫᬾᬦ᭄ᬕᬸᬡᬓ᭄ᬱ᭞
ᬓᬶᬫᬸᬤ᭄ᬚᭂᬗᬄᬳᬗ᭄ᬕᬸᬭᬦᬾ᭞ᬩᭂᬘᬢ᭄ᬲᬾᬧᬦ᭄ᬫᬘᭂᬩᬸᬭ᭄᭞ᬗᬾᬗ᭄ᬕᬮᬂᬲᬫᬶᬫᬕᭂᬤᬶ᭞ᬗᬫᬶᬕ᭄ᬫᬶᬕ᭄‌‌ᬲᬶᬂᬲᬶᬂᬚᬮᬦ᭄᭞ᬯᬾᬦ᭄ᬢᭂᬦ᭄ᬦᬾᬫᬫᬶᬲᬸᬄ᭞ᬫᬾᬦ᭄ᬕᬸᬡᬓ᭄ᬱᬳᬫᬄᬢᭂᬫᬄ᭞ᬲᬸᬩᬳᭀᬤᬄ᭞ᬢᬦ᭄ᬧᬲᭂᬫᬸᬤᬤᬶᬳᬢᬶ᭞ᬤᭀᬂᬗᬸᬤᬫᬓᬶᬬᬦ᭄ᬓᬶᬬᬦ᭄᭟ᬫᬶᬭᬶᬩ᭄ᬢ᭄ᬯᬭ᭠
ᬢᬳᬾᬦ᭄ᬗᬭᬱᬦᬶᬦ᭄᭞ᬤᬾᬯᬾᬓ᭄ᬩᬚᬂ᭞ᬤᬸᬕᬲᬾᬗᭂᬦᭂᬳᬂ᭞ᬧᬦ᭄ᬕᬸᬡᬓ᭄ᬱᬤᬶᬲᬸᬩᬦᬾ᭞ᬢ᭄ᬯᬭᬲᭂᬍᬕ᭄ᬫᬫᭂᬮᬸᬤ᭄᭞᭠ᬤᬤᬢᬩᬓᬢ᭄ᬓᭂᬜ᭄ᬘᬦᬶᬦ᭄᭞ᬜᭂᬮᬕ᭄ᬜᭂᬮᬕ᭄ᬢᬓᬶᬮᬦ᭄᭞ᬯᬾᬦ᭄ᬢᭂᬦ᭄ᬦᬾᬗᬭᬸᬫᬸᬓ᭄᭞ᬚᬮᬦ᭄ᬓᬸᬤᬩᬶᬱᬾᬓᬬᬂ᭞ᬳᬸᬧᬄᬤᭂᬕᬕ᭄᭞ᬓᬸᬩᬸ᭠
ᬦ᭄ᬦᬾᬚᬮᬦ᭄ᬳᭂᬜ᭄ᬚᬸᬢᬶᬦ᭄᭞ᬧᬓ᭄ᬭᬶᬫᬶᬓ᭄ᬲᬂᬓᬚᭂᬗᬳᬦ᭄᭟᭜᭟ᬳᬤ᭄ᬭᬶ᭟᭜᭟ᬓᭀᬘᬧ᭄ᬳᬗ᭄ᬕᬸᬭᬦᬾᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬲᬸᬯᬸᬂᬭᬶᬂᬧᭀᬦ᭄ᬤᭀᬓᬾ᭞ᬫᬾᬦ᭄ᬕᬸᬡᬓ᭄ᬱᬗᬸᬘᬧᬭᬶᬲ᭄᭞ᬘᭂᬦᬶᬂᬯᬬᬦ᭄ᬚᬕ᭄ᬭᬩᬕᬸᬲ᭄᭞ᬤᬗᭂᬦᭂᬫᬶᬦ᭄ᬳᬦᬓ᭄ᬗᬗ᭄ᬕᬸᬃ᭞ᬓᬦ᭄ᬢᬶᬓᬤᬮᭀᬦ᭄ᬫᬕᬤᬂ᭞

[᭑᭖᭕ 165A]
᭑᭖᭕
ᬳᬦᬓ᭄ᬢ᭄ᬯᬭᬗᭂᬮᬄᬲᭂᬫᬸ᭞ᬓᬦ᭄ᬢᬶᬘᭂᬦᬶᬂᬗᬸᬦ᭄ᬤᬧᬸᬦ᭄ᬤᬧ᭄᭞ᬓᭂᬫᭀᬫᬲᬭᬾᬳᬾᬗ᭄ᬕᬮᬂ᭟ᬮᬸᬄᬫᬥᬾᬮᬦ᭄ᬯᬬᬦ᭄ᬚᬕ᭄ᬭᬳᬰ᭄ᬭᬸ᭞ᬫᬜ᭄ᬚᬶᬂᬓᬳᬫ᭄ᬧᬶᬓᬾ᭞ᬮᬸᬄᬫᬥᬾᬲᬶᬕ᭄ᬲᬶᬕᬦ᭄ᬦᬗᬶᬲ᭄᭞ᬥᬹᬄᬩᭂᬮᬶᬧᬶᬦᭂᬳᬶᬦ᭄ᬫᬮᬸ᭞ᬫᬾᬄᬮᬓᬃᬲᬗ᭄ᬓᬮᬳᬕᬸᬂ᭞ᬬᬦ᭄ᬦᬸᬤᬶᬦᬶᬫᬤᬸᬦᬸᬗ
ᬦ᭄᭞ᬢᬗᬭᬶᬦ᭄ᬫᬋᬩᬢ᭄ᬧᬬᬸ᭞ᬩᭂᬮᬶᬗᬤᬓᬂᬩᬶᬬᭀᬢ᭞ᬫᬧ᭄ᬯᬭᬮᬓᬃᬓᬢᬭ᭟ᬘᬶᬗᬓᬶᬦ᭄ᬩᭂᬮᬶᬲᬸᬭᬵᬢ᭄ᬫᬤᬸᬕ᭄ᬤᬸᬕ᭄᭞ᬲᬓᬾᬂᬳᬗ᭄ᬕᬸᬭᬦᬾ᭞ᬧᬗ᭄ᬮᭂᬫᭂᬲᬾᬗᬲᬶᬳᬲᬶᬄ᭞ᬯᬾᬦ᭄ᬢᭂᬦ᭄ᬲᬓᬤᬶᬫᬫᭂᬕᬸᬕ᭄᭞ᬫᬸᬜᬶᬦ᭄ᬲᬸᬭᬵᬢᬾᬫᬫᭂᬭᬸᬤ᭄᭞ᬯᬬᬦ᭄ᬚᬕ᭄ᬭᬳᬕᬾ
ᬦᬶᬫ᭄ᬩᬮ᭄᭞ᬧᬧᬶᬦᭂᬄᬳᬤᬶᬦᬾᬧᬵᬢᬹᬢ᭄᭞ᬩᭂᬮᬶᬲᬢᬢᬲᬗ᭄ᬲᬬ᭞ᬗᭂᬦᭂᬳᬂᬫᬶᬭᬶᬩ᭄ᬢᭀᬂᬮᬲ᭄ᬬ᭟ᬧᬶᬦᭂᬄᬩᭂᬮᬶᬬᬦ᭄ᬧᬶᬦ᭄ᬤᬓᬧᬵᬢᬹᬢ᭄᭞ᬫᬓᬶᬲᬶᬤ᭄ᬲᬭᬦᬾ᭞ᬢ᭄ᬯᬭᬜᬦ᭄ᬤᬂᬦᭀᬗᭀᬲ᭄ᬤᬶᬦᬶ᭞ᬲᬂᬗᬗ᭄ᬕᬸᬃᬲᬬᬦ᭄ᬫᬫᭂᬕᬸᬕ᭄᭞ᬲᬶᬂᬜᬮᬓᬃᬗᬤᬸᬕᬤᬸᬕ᭄᭞ᬲ᭠
ᬭᭀᬲᬗᬤᭀᬓᬂᬧᭀᬗᬄ᭞ᬢᬦᬸᬭᬸᬂᬲᬗ᭄ᬓᬮᬳᬕᬸᬂ᭞ᬧᬬᬸᬫᬚᬸᬓ᭄ᬚᬮᬦ᭄ᬫᬸᬮ᭞ᬢᭀᬂᬲᬶᬤ᭄ᬥᬩᬳᬦ᭄ᬫᬮᬾᬗ᭄ᬓᬲ᭄᭟ᬲᬚᬓᬾᬢᭀᬮᬸᬄᬫᬥᬾᬫᬲᬳᬸᬢ᭄᭞ᬓᬶᬚᬧᬗᭀᬚᭀᬕᬾ᭞ᬢᭀᬗᭀᬲᬾᬮᬓᬃᬫᬕᭂᬤᬶ᭞ᬳᬧᬂᬢ᭄ᬯᬭᬓᬤᬮᬸᬫᬸᬓ᭄᭞ᬫᬲᬶᬄ [ 166 ][᭑᭖᭕ 165B]
᭑᭖᭕
ᬓᬾᬧᬶᬦᭂᬳᬶᬦ᭄ᬫᬮᬸ᭞ᬯᬬᬦ᭄ᬚᬕ᭄ᬭᬫᬮᬶᬄᬦᬶᬫ᭄ᬩᬮ᭄᭞ᬜᬓᬓᬶᬚᬫᬮᬸᬮᬓᬸ᭞ᬓᬾᬯᬮᬮᬲ᭄ᬬᬫᬚᬮᬦ᭄᭞ᬫᬕᭂᬤᬶᬳᬸᬮᬶᬧᭂᬲᬗ᭄ᬓᬦ᭄᭟ᬧᬧᬶᬦᭂᬄᬲᬂᬓᬵᬮᬶᬄᬲᬵᬫ᭄ᬧᬸᬦ᭄ᬳᬤᬸᬂ᭞ᬳᬬᬢ᭄ᬧᬓᬯᭀᬦᬾ᭞ᬲᬓᬾᬂᬧᭀᬦ᭄ᬤᭀᬓ᭄ᬦᬸᬚᬸᬓᬗᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ
ᬫᬶᬢᬳᬸ᭞ᬫᬾᬦ᭄ᬕᬸᬡᬓ᭄ᬱᬓᬵᬭᬶᬦᭂᬗ᭄ᬓᬸᬮ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬢᬳᬸᬭᬕ᭄᭞ᬓᬢᬗᭂᬳᬦ᭄ᬳᬦᬓ᭄ᬮᬶᬬᬸ᭞ᬫᬧ᭄ᬯᬭᬧᬘᬂᬲᬗ᭄ᬓᬮ᭞ᬜᬶᬮᬶᬩ᭄ᬳᬬᬢ᭄ᬦᬶᬗ᭄ᬕᬮ᭄ᬤᬾᬰ᭟ᬲᬕᬾᬢ᭄ᬳᬬᬫᬾᬫᬓ᭄ᬭᬸᬬᬸᬓ᭄ᬫᬸᬯᬸᬕ᭄᭞ᬗᭂᬤᬲ᭄ᬮᭂᬫᬄᬋᬓᬾ᭞ᬲᬂᬓᬵᬮᬶᬄᬳᬕᬾᬫᬢᬗᬶ᭞ᬫᬤᬦ᭄ᬤᬦ᭄ᬢᬗᬦ᭄ᬮᬸ
ᬫᬓᬸ᭞ᬫᬓᬯᭀᬦ᭄ᬫᬫᬵᬃᬕ᭄ᬕᬶᬳᬶᬚᬸ᭞ᬫᬢᬶᬗ᭄ᬕᬮ᭄ᬲᬓᬾᬂᬧᭂᬲᬗ᭄ᬓᬦ᭄᭞ᬩᭀᬬᬯᬾᬦ᭄ᬢᭂᬦ᭄ᬳᬦᬓ᭄ᬢᬳᬸ᭞ᬩᭂᬦᭂᬃᬓᬗᬶᬦ᭄ᬫᬸᬭᬂᬮ᭠ᬫ᭄ᬧᬄ᭞ᬢᭂᬕᬮ᭄ᬲᬯᬄᬓᬳᬸᬗ᭄ᬓᬸᬭᬦ᭄᭟᭜᭟ᬧᬗ᭄ᬓᬸᬃ᭟᭜᭟ᬬᬦ᭄ᬢᬓᭀᬘᬧ᭄ᬫᬾᬦ᭄ᬕᬸᬡᬓ᭄ᬱ᭞ᬳᬸᬮᬸᬦᬸᬮᬸᬦ᭄ᬲᭂᬤ᭄ᬲᭂᬤ᭄ᬲᬶᬕ᭄ᬲᬶᬕᬦ᭄ᬗᭂᬮᬶᬂ᭞ᬧᬲᭂᬫᭂᬗ᭠
ᬦ᭄ᬯᬯᬸᬩᬗᬸᬦ᭄᭞ᬲᭂᬤᬶᬄᬓᬾᬘᬮᬦ᭄ᬧ᭄ᬬᬦᬓ᭄᭞ᬫᬓᬓᬵᬮᬶᬄᬲᬦᬾᬧᭂᬘᬓ᭄ᬧᭀᬮᬶᬄᬦᬸᬤᬸᬓ᭄᭞ᬮᬸᬄᬫᬥᬾᬯᬬᬦ᭄ᬚᬕ᭄ᬭ᭞ᬢᬦ᭄ᬧᬯᬗ᭄ᬲᬶᬢ᭄ᬫᬗᬯᭀᬦᬶᬦ᭄᭟ᬚᬦ᭄ᬢᭀᬲ᭄ᬧᬶᬲᬕᬦ᭄ᬜᬲᭂᬭᬩ᭄᭞ᬫᬤᭂᬮᭀᬓᬦ᭄ᬭᬶᬗᬸᬫᬄᬲᬂᬓᬲ᭄ᬬᬲᬶᬄ᭞ᬧᬸᬦᬧᬶᬳᬯᬶᬦᬦᬶᬧᬸᬦ᭄᭞

[᭑᭖᭖ 166A]
᭑᭖᭖
ᬫᬾᬦ᭄ᬕᬸᬡᬓ᭄ᬱᬫᬕᬸᬬᬂ᭞ᬲᭂᬤᬶᬄᬓᬶᬗ᭄ᬓᬶᬂ᭞ᬲᬂᬓᬢᬓᬾᬦᬦ᭄ᬲᬸᬫᬳᬸᬃ᭞ᬗᬶᬦ᭄ᬤᬶᬓᬂᬧ᭄ᬬᬦᬓ᭄ᬜᬳᬶᬘᬮ᭄᭞ᬮᬸᬄᬫ᭄ᬯᬦᬶᬲᬵᬫ᭄ᬧᬸᬦ᭄ᬫᬕᭂᬤᬶ᭟ᬯᬾᬦ᭄ᬢᭂᬦ᭄ᬦᬾᬋᬲ᭄ᬋᬲ᭄ᬫᬶᬭᬕ᭄ᬬᬂ᭞ᬚᭂᬚᭂᬄᬗᭂᬢᭀᬃᬫᬢᭂᬮᬦᬦ᭄ᬫᬫᬸᬜᬶ᭞ᬳᬭᬄᬢ᭄ᬯᬭᬜᬦ᭄ᬤᬂᬳᬸᬬᬸᬢ᭄᭞ᬲᬶᬂᬜᬳᭀᬓᬦ᭄ᬪᬝᬵᬭ᭞᭠
ᬧ᭄ᬬᬦᬓ᭄ᬫᬾᬫᬾᬫᬓᬬᬸᬦᬦ᭄ᬲᬸᬩᬫᬦ᭄ᬢᬸᬓ᭄᭞ᬯᬾᬦ᭄ᬢᭂᬦ᭄ᬲᬓᬤᬶᬩᬚᬶᬕᬃ᭞ᬫᬾᬄᬚᭂᬦᭂᬂᬧᬦᬓ᭄ᬫᬫᭂᬤᬶ᭟ᬧᬜ᭄ᬚᬂᬬᬦ᭄ᬧᬘᬂᬳᬸᬘᬧᬂ᭞ᬧᬦᬸᬮᬫᬾᬦ᭄ᬫᬾᬦ᭄ᬕᬸᬡᬓ᭄ᬱᬓᬲ᭄ᬬᬲᬶᬄ᭞ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬧᬫᬵᬃᬕ᭄ᬕᬶᬦ᭄ᬯᬬᬦ᭄ᬚᬕ᭄ᬭ᭞ᬫᬸᬭᬂᬫᬸᬭᬂᬲᬋᬂᬮᬸᬄᬫᬥᬾᬲᬤᬸ᭠
ᬮᬸᬃ᭞ᬲᬵᬫ᭄ᬧᬸᬦ᭄ᬤᭀᬄᬲᬓᬾᬂᬧᭂᬲᬗ᭄ᬓᬦ᭄᭞ᬗᬮᬶᬦ᭄ᬢᬗᬶᬦ᭄ᬢᭂᬕᬮ᭄ᬘᬭᬶᬓ᭄᭟ᬧᬫᬵᬃᬕ᭄ᬕᬶᬦᬾᬢᭀᬂᬭᬾᬭᬾᬦᬦ᭄᭞ᬩᭂᬘᬢ᭄ᬲᬾᬧᬦ᭄ᬲᬗ᭄ᬲᬬᬓᬢᬹᬢ᭄ᬩᬸᬭᬶ᭞ᬦᬸᬯᬸᬢ᭄ᬢᬸᬓᬤ᭄ᬧᬮᬸᬄᬧᬮᬸᬄ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬤᬕ᭄ᬲᬹᬃᬬ᭄ᬬ᭞ᬕᬮᬂᬓᬗᬶᬦ᭄ᬮᬸᬄᬫᬥᬾᬫᬭᬱᬕᭂᬧᬸ᭞ᬫᬘᭂ
ᬧᭀᬮ᭄ᬭᬭᬶᬲ᭄ᬫᬭᬵᬃᬬ᭄ᬬᬦ᭄᭞ᬭᬶᬂᬩᬢᬸᬮᬸᬫ᭄ᬩᬂᬫᬮᬶᬗ᭄ᬕᬶᬄ᭟ᬮᬸᬄᬫᬥᬾᬳᬮᭀᬦᬗᬸᬘᬧ᭄᭞ᬳᬥᬹᬄᬩᭂᬮᬶᬫᬾᬄᬲᬸᬩᬍᬫᬄᬚᬦᬶ᭞ᬳᬭᬄᬓᬶᬚᬮᬓᬃᬮᬓᬸ᭞ᬯᬬᬦ᭄ᬚᬕ᭄ᬭᬳᬗᬸᬘᬧ᭄᭞ᬳᬥᬹᬄᬳᬤᬶᬚᬮᬦ᭄ᬫᬢᭂᬕ᭄ᬢᭂᬕᬦ᭄ᬫᬮᬸ᭞ᬲᬫ᭄ᬩᬶᬮᬂᬦᭂᬩᬶᬄᬓᬢᬶᬧ᭠ [ 167 ][᭑᭖᭖ 166B]
᭑᭖᭖
ᬢ᭄᭞ᬩᬶᬦ᭄ᬳᬓᭂᬚᭂᬧ᭄ᬤᭀᬂᬧᬶᬦᭂᬳᬶᬦ᭄᭟ᬲᬲᬵᬫ᭄ᬧᬸᬦ᭄ᬯᬸᬲᬦ᭄ᬫᬚᭂᬗᬦ᭄᭞ᬫᬤᬩ᭄ᬤᬩᬦ᭄ᬕᬾᬲᭀᬫᬮᬶᬄᬫᬢᬗᬶ᭞ᬧᬧᬶᬦᭂᬄᬲᬂᬓᬵᬮᬶᬄᬳᬤᬸᬂ᭞ᬧᬘᬂᬗᭀᬚᭀᬕ᭄ᬓᬤᬾᬰ᭞ᬲᬦᬾᬫᬗ᭄ᬓᬶᬦ᭄ᬧᬫᬵᬃᬕ᭄ᬕᬶᬦᬾᬜᬮᬸᬄᬜᬮᬸᬄ᭞ᬓᬘᬸᬦ᭄ᬤᬸᬓ᭄ᬯᬾᬦ᭄ᬢᭂᬦ᭄ᬯᭀᬂᬤᬾᬰ᭞ᬲᭂ᭠
ᬤᭂᬓ᭄ᬫᬗ᭄ᬕᬸᬭᬦ᭄ᬭᬶᬂᬫᬵᬃᬕ᭄ᬕᬶ᭟ᬚᬤ᭄ᬫᬫ᭄ᬯᬦᬶᬲᭂᬤᭂᬓ᭄ᬦᭂᬕᬓ᭄᭞ᬯᬬᬦ᭄ᬚᬕ᭄ᬭᬦᭂᬲᭂᬓ᭄ᬭᬭᬶᬲ᭄ᬦᬓᬾᬦᬶᬦ᭄᭞ᬚ᭄ᬭᭀᬦᬯᭂᬕᬂᬢᬶᬢ᭄ᬬᬂᬫᬵ᭠ᬢᬹᬃ᭞ᬫᬧᬶᬢᬓᬾᬦ᭄ᬦᬸᬦᬲᬂ᭞ᬭᬾᬄᬢᬦᬸᬦᬶᬂᬤᬾᬰᬦᬧᬶᬯᬵᬱ᭄ᬝᬦᬶᬧᬸᬦ᭄᭞ᬲᬂᬓᬢᬓᬾᬦᬦᬗᬸᬘᬧ᭄᭞ᬤᬾᬰᬲᬶᬩᭂᬢᬦ᭄ᬧᬸᬦᬶᬓᬶ᭟ᬳᬶᬗ᭄ᬕᬶᬄ
ᬚ᭄ᬭᭀᬦᬾᬲᬓᬾᬂᬤᬶᬚ᭞ᬲᬋᬂᬓᬵᬮᬶᬄᬲᭂᬫᭂᬂᬲᬵᬫ᭄ᬧᬸᬦ᭄ᬳᬶᬭᬶᬓᬶ᭞ᬦᬧᬶᬲᬤ᭄ᬬᬦ᭄ᬚ᭄ᬭᭀᬦᬾᬭᬯᬸᬄ᭞ᬲᬓᬵᬤᬶᬧ᭄ᬭᬡᬖ᭠ᬢ᭞ᬯᬬᬦ᭄ᬚᬕ᭄ᬭᬧ᭄ᬭᬦᬫ᭄ᬬᬳᬮᭀᬦ᭄ᬫᬲᬳᬸᬃ᭞ᬢᬶᬢ᭄ᬬᬂᬲᬓᬾᬂᬤᬾᬰᬦᭀᬗᬦ᭄᭞ᬕᬸᬫᬦ᭄ᬢᬶᬫᬮᬮᬶᬮᬮᬶ᭟ᬩᬶᬮᬶᬄᬯᬾᬦ᭄ᬢᭂᬦ᭄ᬳᬦᬓ᭄ᬳᭀ
ᬮᬲ᭄᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬓᬵᬃᬬ᭄ᬬᬭᬯᬸᬄᬫᬭᬶᬓᬶ᭞ᬢᬶᬢ᭄ᬬᬂᬦᬗ᭄ᬕᬧ᭄ᬳᬸᬧᬄᬦᭂᬩᬸᬓ᭄᭞ᬳᬦ᭄ᬢᬸᬓ᭄ᬩᬾᬓ᭄ᬱᬦᬾᬮᬶᬦ᭄ᬢᬂ᭞ᬓᬲᬗᭀᬦᬦ᭄ᬧ᭄ᬭᬤᬾᬢᬶᬢ᭄ᬬᬂᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬓᬗᭂᬦ᭄ᬯᭀᬂᬤᬾᬰᬧᬸᬦᬶᬓ᭞ᬫᬶᬭᬕᬶᬲᬳᬜᬳᬸᬭᬶᬦ᭄᭟ᬯᬾᬦ᭄ᬢᭂᬦ᭄ᬳᬶᬭᬶᬓᬶᬧᬓᬵᬃᬬ᭄ᬬᬦ᭄᭞ᬢᬶ

[᭑᭖᭗ 167A]
᭑᭖᭗
ᬢ᭄ᬬᬂᬲᬸᬕᬶᬄᬳᬓᬾᬄᬫᬤᬸᬯᬾᬧᬤᬶ᭞ᬗᬶᬭᬶᬂᬚ᭄ᬭᭀᬦᬾᬲᬶᬫ᭄ᬧᬂᬤᬸᬫᬸᬦ᭄᭞ᬮᬸᬄᬫᬥᬾᬯᬬᬦ᭄ᬚᬕ᭄ᬭ᭞ᬩᭀᬬᬫᬮᬶᬄᬧᬜ᭄ᬚᬂᬧᬲᬳᬸᬭᬾᬳᬮᬸᬲ᭄᭞ᬢᬶᬢ᭄ᬬᬂᬦᬸᬦᬲ᭄ᬓᬮᬾᬤᬗᬦ᭄᭞ᬓᬬᬸᬦ᭄ᬚ᭄ᬭᭀᬦᬾᬗᭀᬮᬲᬶᬦ᭄᭟ᬳᬗᭀᬩ᭄ᬲᬂᬓᬵᬮᬶᬄᬗᬦ᭄ᬢᭂᬦᬂ᭞ᬓᬯᬶᬃᬬ᭄ᬬ
ᬦ᭄ᬯᭀᬂᬤᬾᬰᬧᬸᬦᬶᬓᬲᬸᬕᬶᬄ᭞ᬓᬓᬵᬮᬶᬄᬫᬤᬸᬯᬾᬮᬸᬫ᭄ᬩᬸᬂ᭞ᬳᬸᬫᬳᬶᬧᬸᬦ᭄ᬫᬧ᭄ᬭᬤ᭞ᬩᬮᬾᬤᬗᬶᬦ᭄ᬢ᭄ᬬᬂᬲᬗᬩᬮᬾ᭠ᬩᭂᬤᬳᬸᬄ᭞ᬮᬮᭀᬚᬶᬬᬦ᭄ᬕᬸᬦᬸᬂᬭᬢ᭞ᬲᬦᬾᬩᬮᬾᬃᬢᭂᬕᭂᬄᬗᭂᬜ᭄ᬚᬶᬓ᭄᭟ᬜᬶᬳ᭄ᬦᬬᬂᬲᬸᬩᬮᬯᬶᬃᬬ᭄ᬬ᭞ᬲᬂᬓᬳᭀᬚᭀᬕ᭄ᬲᬤᬓᭂ᭠
ᬜᭂᬫ᭄ᬗᬯᬸᬓᬶᬦ᭄᭞ᬓᬸᬋᬦᬦᬶᬧᬸᬦ᭄ᬢᬢᭂᬮᬸ᭞ᬢᬹᬃᬓᬦ᭄ᬢᬸᬦ᭄ᬩᬚᬂᬩᬚᬂ᭞ᬯᬶᬄᬦ᭄ᬢᭀᬜᬳᬶᬳᬾᬗ᭄ᬕᬮᬂᬫᭂᬦᬾᬓ᭄ᬓᬓ᭄ᬭᬸᬫ᭄ᬧᬸ᭞ᬧᬤᬶᬦᬾᬳᭀᬜᬢᬸᬯᬸᬦᬂ᭞ᬧᬫᬸᬧᭀᬦ᭄ᬳᬸᬫᬦᬾᬓᬗᬶᬦ᭄᭟ᬓᬤᬸᬂᬳᬤᬳᬦᬓ᭄ᬢᭂᬓ᭞ᬦᬗ᭄ᬕᬧ᭄ᬳᬸᬧᬄᬩᬳᬂᬬᬦᭂᬩᬸᬓ᭄ᬧᬤᬶ᭞ᬓᬸᬋᬦᬦ᭄ᬳᬶᬧᬸ
ᬦ᭄ᬫᬲᬳᬸᬃ᭞ᬧᬸᬮᬸᬦᬾᬲᬸᬩᬗᬜ᭄ᬘᬩ᭄᭞ᬫᬶᬲᬶᬩᬳᬲ᭄ᬢ᭄ᬯᬭᬜᬦ᭄ᬤᬂᬦᭂᬩᬸᬓ᭄ᬳᬶᬚᬸ᭞ᬦᬾᬫ᭄ᬯᬦᬶᬧᭂᬤᬶᬄᬫᬧᬚᬃ᭞ᬜᬳᬶᬩᬲ᭄ᬮᬶᬬᬸᬦᬦ᭄ᬫᬸᬜᬶ᭟ᬩᬦᬶᬦᬸᬗ᭄ᬓᬲ᭄ᬓᭂᬦᭂᬄᬳᬶᬘᬂ᭞ᬬᬾᬦ᭄ᬲᬶᬂᬤᭂᬫᭂᬦ᭄ᬦᬄᬓᭂᬫᭀᬜᬳᬶᬫᬸᬮᬶᬄ᭞ᬳᬘᭂᬧᭀᬓᬦ᭄ᬳᬚᬓ᭄ᬢᭂᬮᬸ᭞ᬢᭀᬂᬓᭀᬩᭂᬃᬲᬚᬳᬶ [ 168 ][᭑᭖᭗ 167B]
᭑᭖᭗
ᬘᬂ᭞ᬫᬗᬶᬯᬲᬶᬦ᭄ᬜᬳᬶᬩᭂᬍᬃᬩᭂᬮᭀᬕ᭄ᬧᭂᬗ᭄ᬓᬸᬂ᭞ᬫᬲᬤᬾᬯᬾᬓᬾᬓᬸᬯᬗᬦ᭞ᬳᬦᬓ᭄ᬮᬸᬄᬫᬕᭀᬩᬜᬳᬶ᭟ᬲᬦᬾᬮᬸᬄᬚᭂᬗᬄᬦᬶᬗᭂᬳᬂ᭞ᬧᬚᬃᬲᬦᬾᬫ᭄ᬯᬦᬶᬩᬗ᭄ᬭᬲ᭄‌‌ᬢᬹᬃᬦᭂᬮᬶᬓ᭄᭞ᬯᬯᬸᬳᬶᬧᬸᬦ᭄ᬧᭂᬤᬲ᭄ᬭᬸᬗᬸ᭞ᬗᭂᬢᭀᬦ᭄ᬲᬂᬦᬗ᭄ᬕᬧ᭄ᬳᬸᬧᬄ᭞ᬫᬓᬓᬵᬮᬶᬄ᭞ᬦᬾᬫ᭄ᬯᬦᬶ
ᬫᬕᬾᬩᬩᬕᬸᬲ᭄᭞ᬲᬦᬾᬳᭂᬮᬸᬄᬚᭂᬕᬾᬕ᭄ᬗᬬᬂ᭞ᬢᬦ᭄ᬧᬾᬦ᭄ᬤᬄᬓᬤᬶᬥᬥᬭᬶ᭟ᬯᬯᬸᬫᬜᭂᬢ᭄ᬭᬶᬂᬳᬸᬧᬬᬦ᭄᭞ᬲᭀᬫᬳᬶᬧᬸᬦ᭄ᬓᬧᬃᬡ᭄ᬦᬩᬸᬤᬸᬄᬧᬮᬶᬂ᭞ᬦᬸᬫᭀᬦᬂᬲᬂᬯᬯᬸᬭᬯᬸᬄ᭞ᬯᭂᬢᬸᬫᬦᬄᬘᬶᬦᬶᬤ᭄ᬭ᭞ᬭᬶᬂᬦᬾᬫ᭄ᬯᬦᬶ᭞ᬩᬬᬮᬓᬭᬦ᭄ᬫᬫᬤᬸ᭞ᬗᭂᬮᬄᬲᭀᬫᬄᬕ᭠
ᬕ᭄ᬭᬜ᭄ᬚᬶᬢᬦ᭄᭞ᬗᬦ᭄ᬤᭂᬮᬂᬤᬾᬯᬾᬓᬾᬲᬸᬕᬶᬄ᭟ᬳᬤᬸᬂᬳᬶᬧᬸᬦ᭄ᬲᬋᬂᬢᬶᬕ᭞ᬢᬹᬃᬫᬩ᭄ᬭᬶᬬᬸᬓ᭄ᬦᬸᬗ᭄ᬓᬲ᭄ᬫᬦᬄᬦᬾᬫ᭄ᬯᬦᬶ᭞ᬫᭂᬤ᭠ᬮ᭄ᬧᬚᬃᬧᬢᬶᬓᬘᬸᬄ᭞ᬤᬸᬭᬸᬲ᭄ᬳᬶᬧᬸᬦ᭄ᬫᬋᬩᬢ᭄᭞ᬗᬯᬮᬗᬶᬦ᭄ᬲᭀᬫᬳᬶᬧᬸᬦ᭄ᬦᬫ᭄ᬧᬶᬢᬫ᭄ᬬᬸ᭞ᬮᬸᬄᬫᬥᬾᬮᬦ᭄ᬯᬬᬦ᭄ᬚᬕ᭄ᬭ᭞ᬍᬓ᭄ᬚᭂᬗᬄᬲᭂᬫᬸᬓᭂᬩᬶ
ᬮ᭄ᬩᬶᬮ᭄᭟ᬫᬓᬯᭀᬦ᭄ᬲᬓᬾᬂᬇᬭᬶᬓᬵ᭞ᬲᭂᬤᭂᬓ᭄ᬳᬶᬧᬸᬦ᭄ᬲᬂᬗᭂᬮᬄᬳᬸᬫᬄᬲᭂᬗᬶᬢ᭄᭞ᬫᬶᬬᭂᬕᬦ᭄ᬦᭂᬫᬄᬫᬫᬶᬲᬸᬄ᭞ᬢᬦᬸᬘᬧ᭄ᬲᬂᬫᬋᬩᬢ᭄᭞ᬓᭀᬘᬧ᭄ᬫᬗ᭄ᬓᬶᬦ᭄ᬯᬬᬦ᭄ᬚᬕ᭄ᬭᬲᬋᬂᬳᬶᬮᬸᬄ᭞ᬫᬥᬾᬫᬓᬯᭀᬦ᭄ᬗᬾᬗ᭄ᬕᬮᬂ᭞ᬲᬓᬾᬂᬲᬶᬩᭂᬢᬦ᭄ᬧ᭄ᬭᬤᬾᬰ᭟ᬫ

[᭑᭖᭘ 168A]
᭑᭖᭘
ᬫᬵᬃᬕ᭄ᬕᬶᬤᬸᬭᬸᬲ᭄ᬗᬗᬶᬦᬂᬫᬸᬭᬂᬫᬸᬭᬂᬮᬫ᭄ᬧᬄᬦᬸᬮᬶᬓᬧᬗ᭄ᬕᬶᬄ᭞ᬤᬾᬰᬩᬩᬦ᭄ᬤᭂᬫ᭄ᬓᬯᬸᬯᬸᬲ᭄᭞ᬇᬭᬶᬓᬵᬫᬲᬦᭂᬓᬦ᭄᭞᭠ᬩᭂᬮᬢ᭄ᬭᭂᬗᬶᬳᬬᬢ᭄ᬗᬋᬋᬄᬧᬤᬸᬦᬸᬂ᭞ᬯᬾᬦ᭄ᬢᭂᬦ᭄ᬧᬗ᭄ᬕᬶᬄᬳᬦᬓ᭄ᬳᭀᬤᬄ᭞ᬫᬢᬸᬗ᭄ᬓᭂᬤ᭄ᬲᭂᬤᭂᬓ᭄ᬭᬶᬂᬫᬵᬃᬕ᭄ᬕᬶ᭟ᬯᬬᬦ᭄ᬚᬕ᭄ᬭᬗᭂᬤᬶᬄᬳᭀᬮᬲ᭄᭞ᬳ
ᬦᬓ᭄ᬮᬶᬗ᭄ᬲᬶᬃᬥᬹᬄᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬮᬾᬤᬗᬂᬳᬸᬕᬶᬭᬶᬂᬓᬬᬸᬦ᭄᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬤᬸᬦᬸᬗᬦ᭄᭞ᬲᬋᬂᬓᬵᬮᬶᬄᬫᬫᬵᬃ᭠ᬕ᭄ᬕᬶᬓᬮᬧᬸᬮᬧᬸ᭞ᬳᬦᬓᬾᬳᭀᬤᬄᬜᭂᬫ᭄ᬩᬤ᭞ᬧᬲᬳᬸᬭᬾᬳᬮᬸᬲ᭄ᬫᬦᬶᬲ᭄᭟ᬲᬵᬫ᭄ᬧᬸᬦ᭄ᬳᬸᬕᬶᬲᬮᬶᬢ᭄ᬳᬃᬱ᭞ᬢᬹᬃᬗᬮᭀᬓᬂᬢᬶᬢ᭄ᬬᬂᬲᬓᬾᬂ
ᬩᬩᬾᬓᬶ᭞ᬭᬾᬄᬫᬭᬹᬧᬢᬦ᭄ᬧᬲᭂᬫᬸ᭞ᬢᬶᬢ᭄ᬬᬂᬓᬤᬶᬢᬦᭀᬮᬲ᭄᭞ᬫᬗᬢᬸᬭᬶᬦ᭄ᬚ᭄ᬭᭀᬦᬾᬳᬶᬭᬶᬓᬶᬫᬤᬸᬦᬸᬂ᭞᭠ᬤᬾᬦᬶᬂᬯᬾᬦ᭄ᬢᭂᬦ᭄ᬳᬭᬄᬳᬭᬄ᭞ᬩᬜ᭄ᬚᬭᬾᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄᭟ᬢᬶᬢ᭄ᬬᬂᬦᬭᬶᬫᬤᬸᬦᬸᬗᬦ᭄᭞ᬬᬦᬶᬂᬍᬚᭂᬄᬢᬶᬢ᭄ᬬᬂᬓᬢᬶᬩᬦ᭄ᬲᬶᬲᬶᬧ᭄᭞
ᬓᬬᭀᬕ᭄ᬬᬫᬲᬤᭀᬓ᭄ᬤᬸᬫᬸᬦ᭄᭞ᬭᬶᬂᬲᬂᬗᬫᭂᬮᬂᬚᬕᬢ᭄᭞ᬯᬬᬦ᭄ᬚᬕ᭄ᬭᬓᬵᬮᬶᬄᬮᬸᬄᬫᬥᬾᬢᬗ᭄ᬓᭂᬚᬸᬢ᭄᭞ᬫᬶᬋᬂ᭠ᬤᬃᬲᬦᬦ᭄ᬦᬾᬳᭀᬤᬄ᭞ᬩᭀᬬᬲᬗ᭄ᬓᬦᬶᬂᬩᬩᬾᬓᬶ᭟ᬧᬲᬳᬸᬭᬾᬳᬮᬸᬲ᭄ᬩᬦ᭄ᬩᬦ᭄᭞ᬬᬦ᭄ᬓᬾᬦ᭄ᬢᭂᬦ᭄ᬚᬮᬸᬕ᭄ᬭᬢᬶᬢ᭄ᬬᬂᬫᬧᬫᬶᬢ᭄᭞ [ 169 ][᭑᭖᭘ 168B]
᭑᭖᭘
ᬤᬕᬶᬂᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬤᬸᬭᬸᬲ᭄᭞ᬇᬭᬶᬓᬶᬫᬤᬸᬦᬸᬗᬦ᭄᭞ᬦᬸᬮᬶᬭᬭᬶᬲ᭄ᬯᬬᬦ᭄ᬚᬕ᭄ᬭᬲᬋᬂᬳᬶᬮᬸᬄ᭞ᬫᬥᬾᬫᬓᬯᭀ᭠ᬦ᭄ᬗᭂᬮᬶᬲᬂ᭞ᬓᬲᭂᬍᬓ᭄ᬓᬮᬗᬦ᭄ᬯᭂᬗᬶ᭟ᬤᬸᬭᬸᬲ᭄ᬫᬗᬸᬗ᭄ᬲᬶᬓᬓ᭄ᬱᬾᬢ᭄ᬭ᭞ᬯᬾᬦ᭄ᬢᭂᬦ᭄ᬓᭂᬧᬸᬄᬳᬕᭃᬂᬇᬭᬶᬓᬵᬧᬗ᭄ᬕᬶᬄ᭞ᬭᬶᬂᬲᭀᬃᬢᬭᬸᬦᬾᬫᬮᬸᬗ᭄ᬕᬸᬄ᭞
ᬫᬗ᭄ᬤᬲᬵᬫ᭄ᬧᬸᬦ᭄ᬤᬫᬸᬳᬦ᭄᭞ᬲᬋᬂᬓᬵᬮᬶᬄᬦᬦᭂᬂᬩᭂᬗᭀᬂᬲᭂᬤᬶᬄᬗᬸᬦ᭄ᬗᬸᬦ᭄᭞ᬫᬶᬦᭂᬳᬶᬦ᭄ᬧᬲᬫᭀᬤᬦᬦ᭄᭞ᬳᬦᬓᬾ᭠ᬳᭀᬤᬄᬜᬧᬢᬶᬦ᭄᭟ᬓᬧᬃᬡ᭄ᬦᬲᬚ᭄ᬭᭀᬦᬶᬂᬫᬦᬄ᭞ᬲᬶᬦᬄᬲᬵᬫ᭄ᬧᬸᬦ᭄ᬲᬚᬕᬢ᭄ᬓᬤᬯᬸᬳᬶᬦ᭄᭞ᬓᬧᬶᬲᬭᬧᬘᬂᬗᭂᬚᬸᬓ᭄᭞ᬲᬧᬲᬶᬭᬫᬗ᭄ᬕᬸ
ᬳᬂ᭞ᬲᬂᬫᬮᬳᬶᬩ᭄ᬲᬮᬄᬳᬸᬮᬄᬧᬢᬶᬮᬸᬧ᭄ᬮᬸᬧ᭄᭞ᬫᬗ᭄ᬤᬤᬶᬳᬕᬾᬓᬘᬦ᭄ᬤᬓ᭄᭞ᬫᬢᭂᬕᬸᬮ᭄ᬓᬵᬢᬹᬃᬓᬧᬸᬭᬶ᭟ᬯᬬᬦ᭄ᬚᬕ᭄ᬭ᭠ᬳᭂᬗ᭄ᬲᭂᬓ᭄ᬦᭂᬕᬓ᭄᭞ᬫᬫᬶᬦᭂᬳᬶᬦ᭄ᬓᬶᬚᬮᬓᬸᬫᬓᭂᬮᬶᬤ᭄᭞ᬮᬸᬄᬫᬥᬾᬳᬮᭀᬦᬫᬸᬯᬸᬲ᭄᭞ᬥᬹᬄᬩᭂᬮᬶᬧᬶᬲᬭᬬᬂ᭞ᬲᬗ᭄ᬳ᭄ᬬᬂᬯᬶᬤ᭄ᬥᬶᬤ᭄ᬬᬲ᭄ᬢᬸᬦ᭄ᬫᬵ
ᬢᬶᬧᬾᬢ᭄ᬦᬸᬳᬶᬤᬸᬧ᭄᭞ᬢ᭄ᬯᬭᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬦᬄᬮᬲᬂᬇᬥᭂᬧᬾᬚᬦᬶ᭟ᬩᬶᬦ᭄ᬫᬦᬶᬚᬮᬦ᭄ᬓᬲᬲᬓ᭄᭞ᬲᭂᬮᬢ᭄ᬧᬲᬶᬄᬫᬕᭂᬤᬶᬳᬸᬮᬶᬩᬮᬶ᭞ᬤᬸᬫᬤᬓ᭄ᬤᬶᬢᬸᬭᬳᬬᬸ᭞ᬯᬬᬦ᭄ᬚᬕ᭄ᬭᬳᬗᬸᬘᬧ᭄᭞ᬲᬚᬳᬤᬶᬩᬶᬦ᭄ᬫᬦᬶᬦᬄᬓᭂᬫᭀᬮᬓᬸ᭞ᬲᭂᬤᭂᬓ᭄ᬳᬶᬢᭂᬄᬫ

[᭑᭖᭙ 169A]
᭑᭖᭙
ᬭᬭᬲᬦ᭄᭞ᬫᬓᬲ᭄ᬬᬸᬄᬫᬳᭂᬩᭀᬳᬮᬶᬩ᭄᭟ᬮᬸᬄᬫᬥᬾᬚᭂᬚᭂᬄᬫᬓᭂᬲ᭄ᬬᬩ᭄᭞ᬳᬥᬹᬩᭂᬮᬶᬦᬧᬶᬳᬫ᭄ᬩᬸᬜᬧᭂᬗᬶᬢ᭄᭞ᬯᬬᬦ᭄ᬚᬕ᭄ᬭᬲᬳᬸᬃᬕᬸᬬᬸ᭞ᬤᬤᬢᬳᬤᬶᬭᬫ᭄ᬩᬂ᭞ᬦᬶᬓᬳᬤᬶᬢᬢᬦᭂᬫᬦ᭄ᬩᭂᬗᬸᬗᬭᬸᬂ᭞ᬩᬗ᭄ᬓᬾᬫᬢᬄᬦᬸᬫᬧᬲᬄ᭞ᬭᬾᬄᬢᭀᬦ᭄ᬤᬾᬦ᭄ᬤᬤᬶᬳᬸ
ᬭᬸᬕᬶᬦ᭄᭟ᬩᬗ᭄ᬓᬾᬦ᭄ᬫᬵᬦᬹᬱᬫᬍᬓᬕ᭄᭞ᬢᬶᬤᭀᬂᬳᬤᬳᬦᬾᬫᬳᭂᬩᭀᬫᬶᬳᬶᬓ᭄᭞ᬳᭂᬤᬦᬓᬸᬢᬶᬦ᭄ᬘᬍᬧᬸᬓ᭄᭞᭠ᬓᭂᬤᬶᬲ᭄ᬤᭀᬬᬦ᭄ᬫᬫᬗ᭄ᬲᬂ᭞ᬦᬶᬓᬳᬤᬶᬤᬾᬱ᭄ᬝᬶᬦᬾᬢᭂᬓᬧᬲ᭄ᬮᬶᬬᬸᬃ᭞ᬧᬤᬾᬂᬓ᭄ᬮᬾᬂᬦᭂᬗᭀᬓᬶᬦ᭄ᬩᬂᬩᬂ᭞ᬗᬤᭂᬓ᭄ᬩᭀᬧᭂᬗᬶᬢ᭄‌‌ᬢᬹᬃᬳᬮᬶᬩ᭄᭟᭠
ᬲᬕᬾᬢ᭄ᬲᬵᬫ᭄ᬧᬸᬦ᭄ᬕᬮᬂᬓᬶᬸᬗᬶᬸᬢᬦᬄ᭞ᬢᭂᬮᬲ᭄ᬳᬶᬘᬮ᭄ᬤᬾᬱ᭄ᬝᬶᬦᬾᬯᬸᬲ᭄ᬫᬕᭂᬤᬶ᭞ᬮᬸᬄᬫᬥᬾᬳᬮᬾᬦᬫᬸᬯᬸᬲ᭄᭞ᬩᭂᬮᬶᬚᬮᬦ᭄ᬫᬓᬳᬤ᭄᭞ᬳᬸᬮᬶᬤᬶᬦᬶᬲᬂᬓᬵᬮᬶᬄᬳᬕᬾᬮᬸᬫᬓᬸ᭞ᬕᬕᬜ᭄ᬘᬗᬦ᭄ᬢᬦ᭄ᬧᬗᬾᬢᬂ᭞ᬤᬹᬃᬕ᭄ᬕᬫᬭᬶᬂᬫᬵᬃᬕ᭄ᬕᬶ᭟᭜᭟ᬤᬹᬃᬫ᭄ᬫ᭟᭜᭟ᬕᬕᬜ᭄ᬘᬗᬦ᭄ᬲᬂ
ᬓᬵᬮᬶᬄᬗᬮᬾᬃᬓᬗᬶᬦᬂ᭞ᬩᭂᬘᬢ᭄ᬲᬾᬧᬦ᭄ᬫᬫᬵᬃᬕ᭄ᬕᬶ᭞ᬢᬦ᭄ᬫᬭᬵᬃᬬ᭄ᬬᬦ᭄ᬭᬵᬃᬬ᭄ᬬᬦ᭄᭞ᬮᬸᬄᬫᬥᬾᬯᬬᬦ᭄ᬚᬕ᭄ᬭ᭞ᬜᬸᬦᬸᬢ᭄ᬜᬸ᭠ᬦᬸᬢ᭄ᬢᬦ᭄ᬧᬦᭀᬮᬶᬄ᭞ᬗᬮᬶᬦ᭄ᬢᬂᬢᬸᬓᬤ᭄᭞ᬜᬸᬚᬸᬃᬓᬤᬗᬶᬦ᭄ᬚᬸᬭᬂ᭟ᬓᬸᬤᬂᬤᬾᬰᬓᬧᬗ᭄ᬕᬶᬄᬦᬸᬮᬶᬫᬭᬵᬃᬬ᭄ᬬᬦ᭄᭞ᬫᬲᬦᭂᬓᬦ᭄ᬳᬯᭂᬗᬶ᭞ᬗᬶᬂ᭠ [ 170 ][᭑᭖᭙ 169B]
᭑᭖᭙
ᬭᬶᬂᬧᬸᬭᬧᬸᬭ᭞ᬚᭂᬚᭂᬄᬧᬘᬂᬓᬢᬭ᭞ᬳᭀᬮᬶᬄᬲᬂᬫᬗᭂᬢᬹᬢ᭄ᬩᬸᬭᬶ᭞ᬜᬶᬮᬶᬩ᭄ᬫᬫᬵᬃᬕ᭄ᬕ᭞ᬫᬭᬾᬭᭀᬤ᭄ᬲᬋᬂᬓᬵᬮᬶᬄ᭟ᬳ᭠ᬮᬲ᭄ᬯᬬᬄᬲᬸᬓᭂᬢ᭄ᬚᬸᬭᬂᬫᬤᬹᬃᬕ᭄ᬕᬫ᭞ᬫᬫᬵᬃᬕ᭄ᬕᬶᬫᬶᬭᬶᬕ᭄ᬢᬗ᭄ᬓᬶᬤ᭄᭞ᬢᬦ᭄ᬧᬗᬾᬢᬂᬭᬸᬗ᭄ᬓ᭞ᬕᬕᬾᬲᭀᬦ᭄ᬢᭂᬤᬸᬦ᭄ᬫᬸᬗ᭄ᬕᬄ᭞ᬢᬦ᭄ᬗᬾᬧᬸᬢᬂᬓᬾᬢ᭄ᬓᬾᬢ᭄ᬤᬸ
ᬯᬶ᭞ᬧᭀᬮᬶᬄᬫᬭᬵᬃᬬ᭄ᬬᬦ᭄᭞ᬲᬲᬵᬫ᭄ᬧᬸᬦ᭄ᬤᭀᬄᬫᬫᬵᬃᬕ᭄ᬕᬶ᭟ᬢᬦ᭄ᬤᬂᬩᭂᬘᬶᬓ᭄ᬮᬸᬄᬫᬥᬾᬘᬦᭂᬕ᭄ᬫᬗ᭄ᬕᬸᬳᬂ᭞ᬢᬫ᭄ᬩᬸᬮᬶᬮᬶᬗ᭠ᬦ᭄ᬳᬮᬶᬢ᭄᭞ᬲᭂᬤᭂᬓᬦ᭄ᬫᬢᬶᬗ᭄ᬕᬄ᭞ᬲᬯᬸᬲᬦ᭄ᬮᭂᬍᬄᬗᬶᬦ᭄ᬤᬂ᭞ᬭᬶᬂᬲᭂᬓᬭᬾᬗᬶᬲᭂᬧ᭄ᬲᬵᬭᬶ᭞ᬫᬥᬹᬧᬶᬦᬗᬦ᭄᭞ᬧᬶᬦᬓᬲᬗᬸᬦ᭄ᬳᬸᬭᬶᬧ᭄᭟ᬧᬢᬶᬋᬲᭂᬧ᭄ᬮᬸᬄ
ᬫᬥᬾᬓᬗᭂᬦ᭄ᬲᬦ᭄ᬜᬶᬗᬓ᭄᭞ᬱᬤ᭄ᬧᬤᬦᬾᬩᬩᬾᬓᬶ᭞ᬦᬶᬓᬩᭂᬮᬶᬘᬶᬗᬓ᭄᭞ᬢᭀᬂᬗᭂᬮᬄᬓᭂᬦᭂᬄᬳᭀᬮᬲ᭄᭞ᬲᬸ᭠ᬩᬫᬳᬦ᭄ᬗᬶᬲᭂᬧ᭄ᬲᬵᬭᬶ᭞ᬓᬦ᭄ᬢᬶᬯᬋᬕᬦ᭄᭞ᬮᬲ᭄ᬫᬓᭂᬩᭂᬃᬫᬕᭂᬤᬶ᭟ᬢᬦ᭄ᬢᭀᬮᬶᬳᬦ᭄ᬫᬤᬍᬫ᭄ᬩᬸᬗᬦᬾᬫᬬᬂ᭞ᬮᬮᬶᬲ᭄ᬲᬦ᭄ᬤᬤᬶᬳᬢᬶ᭞ᬯᬬᬦ᭄ᬚᬕ᭄ᬭᬦᬶ
ᬫ᭄ᬩᬮ᭄᭞ᬥᬹᬄᬲᬚᬬᬦ᭄ᬋᬲᭂᬧᬂ᭞ᬢᬦ᭄ᬲᬶᬫ᭄ᬧᬂᬧᬧᬶᬦᭂᬄᬳᬤᬶ᭞ᬢᭀᬂᬗᭂᬮᬄᬳᭀᬮᬲ᭄᭞ᬗᬮᬶᬄᬍᬕᬧᬤᬶᬤᬶ᭟ᬦᬵᬗ᭄ᬳᬶᬂᬢ᭄ᬯᬭᬫᬓᭂᬚᬂᬲᬢᭀᬦᬾᬧᭀᬗᬄ᭞ᬗᬤᭀᬓᬂᬓᭂᬦᭂᬄᬚᬳᬶᬮ᭄᭞ᬫᬓᬤᬂᬫᬜᬫ᭞ᬲᬗ᭄ᬓᬦ᭄ᬳᬤᬲᬲᭀᬗ᭄ᬕᬦ᭄᭞ᬪᬶᬦᬧᬓ᭄ᬱᬪᬶᬦᬧ

[᭑᭗᭐ 170A]
᭑᭗᭐
ᬓ᭄ᬱᬶ᭞ᬫᬵᬦᬹᬢ᭄ᬓᬥᬃᬫ᭄ᬫᬦ᭄᭞ᬤᬤᭀᬬᬦ᭄ᬲᬂᬫᬳᬸᬭᬶᬧ᭄᭟ᬧᬢᬸᬄᬕᭀᬩᬓᭂᬦᭂᬳᬾᬧᬥᬫᬮᬾᬦᬦ᭄᭞ᬬᬦᬸᬧᬫᬬᬂᬩᭂᬮᬶ᭞ᬬᬳᬶᬓᭂᬤᬶᬲ᭄ᬕᭀᬯᬓ᭄᭞ᬢᬦ᭄ᬪᬶᬦᬬᬦ᭄ᬤᬶᬕᭀᬩ᭞ᬭᬶᬂᬓᭂᬤᬶᬲ᭄ᬢᬸᬳᬸᬳᬸᬧᬫᬶ᭞ᬗᬶᬂᬪᬶᬦᬧᬓ᭄ᬱ᭞ᬓᬥᬃᬫ᭄ᬫᬦ᭄ᬜᬦᬾᬲᬗ᭄ᬲᬶᬄ᭟ᬢᬸᬳᬸᬢᬸᬳᬸᬫᭂᬢᭂ
ᬓᬂᬲᭀᬭᭀᬄᬯᭀᬄᬯᭀᬳᬦ᭄᭞ᬕᭀᬯᬓᬾᬗᬫᬄᬤᬕᬶᬂ᭞ᬗᬸᬮᬳᬂᬫᬫᬗ᭄ᬲᬂ᭞ᬗᬮᬶᬄᬧᬗᬸᬧᬚᬶᬯ᭞ᬓᬾᬢᭀᬫᬲᬶᬄᬬᬦᬸᬧᬫᬶ᭞ᬢᬫ᭄ᬩᬸᬮᬶᬮᬶᬗᬦ᭄᭞ᬤᭀᬬᬦ᭄ᬗᬶᬲᭂᬧ᭄ᬲᬵᬭᬶ᭟ᬗᬶᬂᬩᬤᬸᬤᬳᬦᬾᬧᬢᬸᬄᬬᬦ᭄ᬤᬶᬕᭀᬩ᭞ᬤᭂᬫᭂᬦᬾᬗᬫᬄᬩᬘᬶᬦ᭄᭞ᬓᬾ᭠
ᬢᭀᬧ᭄ᬭᬢᬶᬯᬶᬫ᭄ᬪ᭞ᬧᬗᬶᬫ᭄ᬩᬂᬯᬬᬦ᭄ᬚᬕ᭄ᬭ᭞ᬲᬾᬗᭂᬄᬭᬶᬂᬓᭂᬦᬶᬧᬧᬶᬭᬶᬂ᭞ᬲᬳᬦ᭄ᬤᬮᬶᬳᬂ᭞ᬳᬤᬶᬗᬢᬶᬓ᭄ᬢᬸᬜ᭄ᬚᬸᬗᬶᬦ᭄᭟ᬢᭀᬂᬫ᭠ᬤᬬᬩᭂᬮᬶᬳᬤᬶᬦᬸᬲᬗ᭄ᬲᬬ᭞ᬭᬶᬂᬓᬧᬶᬢᬺᬱ᭄ᬡᬵᬦ᭄ᬩᭂᬮᬶ᭞ᬦᬸᬮᬶᬯᬬᬦ᭄ᬚᬕ᭄ᬭ᭞ᬦᭂᬕᬓ᭄ᬫᬲᬶᬮᬜᭂᬫ᭄ᬧᬮ᭄᭞ᬜᬓᬸᬧᬂᬮᬶᬫᬫᬪᬓ᭄ᬢᬶ᭞ᬲᬃᬯ᭄ᬯᬶᬳᬗᬸ
ᬘᬧ᭄᭞ᬥᬹᬄᬳ᭄ᬬᬂᬳ᭄ᬬᬗᬶᬂᬢᭀᬄᬮᬗ᭄ᬓᬶᬃ᭟ᬳᬓ᭄ᬱᬶᬲᭂᬫ᭄ᬩᬄᬧᬸᬓᬸᬮᬸᬦ᭄ᬧᬝᬶᬓ᭄ᬪᬝᬵᬭ᭞ᬬᬦ᭄ᬧ᭄ᬭᬤᬾᬗᭂᬮᭀᬂᬚᬜ᭄ᬚᬶ᭞ᬮᬶ᭠ᬜᭀᬓ᭄ᬭᬶᬗᬸᬩᬬ᭞ᬫᬋᬋᬤᬶᬦ᭄ᬓᬯᬸᬮ᭞ᬢᬸᬦᬢᬺᬱ᭄ᬡᬵᬮᬸᬮᬸᬢ᭄ᬳᬲᬶᬄ᭞ᬲ᭄ᬯᬾᬘ᭄ᬙᬪᬝᬵᬭ᭞ᬫᬶᬥᬡ᭄ᬥᬗᬶᬘ᭄ᬙᬾᬦ᭄ᬲᬶᬲᬶᬧ᭄᭟ᬲᬘᬡ᭄ᬥᬮ᭠ [ 171 ][᭑᭗᭐ 170B]
᭑᭗᭐
ᬦ᭄ᬯᭀᬂᬩᬮᬶᬜᬤ᭄ᬬᬓᬯᬸᬮ᭞ᬦᬫ᭄ᬧᭂᬤᬂᬫᬓᬲᬫᬶ᭞ᬓᭂᬦᬾᬗᬸᬧᬤ᭄ᬭᬯ᭞ᬢᬦ᭄ᬤᬤᭀᬲ᭄ᬫᬵᬦᬹᬱᬫᬸᬯᬄ᭞ᬤᬸᬫᬤᬓ᭄ᬓᬾᬗᬶᬦ᭄ᬓᬸᬫᬶᬢᬶᬧ᭄᭞ᬦᭂᬫᬸᬲᬗ᭄ᬲᬭ᭞ᬬᬦ᭄ᬦᬸᬫᬤᬶᬓᬯᬶᬗ᭄ᬓᬶᬂ᭟ᬓᬤᬶᬦᬶᬓᬳᬢᬸᬭᬢᬸᬃᬯᬬᬦ᭄ᬚᬕ᭄ᬭ᭞ᬜᬶᬳ᭄ᬦᬬᬂᬇᬥᭂᬧ᭄ᬢᬶᬮᬶᬂ᭞ᬮᬸᬄᬫᬥᬾᬓᬕᬶᬬᬢ᭄᭞
ᬓᬗᭂᬦ᭄ᬤᬦᬾᬫᬶᬳᬃᬱ᭞ᬢᬸᬫᬸᬮᬶᬫᬢᬶᬫ᭄ᬧᬸᬄᬢᬶᬤᬶᬂ᭞ᬜᬓᬸᬧᬂᬮᬶᬫ᭞ᬫᬵᬋᬧ᭄ᬓᬗᬶᬦ᭄ᬫᬪᬓ᭄ᬢᬶ᭟ᬭᬶᬂᬳ᭄ᬬᬂᬲᬹᬃᬬ᭄ᬬᬗᬸᬜ᭄ᬘᬭᬂᬲᭂᬫ᭄ᬩᬄ᭠ᬧᬫᬹᬚ᭞ᬢᬍᬃᬫᬉᬧᬲᬓ᭄ᬱᬶ᭞ᬥᬹᬄᬲᬶᬗ᭄ᬕᬶᬄᬪᬝᬵᬭ᭞ᬳᬓ᭄ᬱᬶᬲᭂᬫ᭄ᬩᬄᬓᬯᬸᬮ᭞ᬬᬦ᭄ᬢᬶᬢ᭄ᬬᬂᬫᬶᬢ᭄ᬬᬭᬶᬂᬫᬸᬜᬶ᭞ᬮᭀᬂᬭᬶᬗᬸᬩᬬ᭞ᬢᬦᬢᬺᬱ᭄ᬡᬵ
ᬦᬶᬦ᭄ᬤᬶᬳᬶᬦ᭄᭟ᬓᬵᬫᬚᬬᬤᬸᬫᬤᬓ᭄ᬫᬗ᭄ᬕᬶᬄᬲᬗ᭄ᬲᬭ᭞ᬮᬶᬦᭂᬩᭀᬓᬶᬗᬯᬾᬘᬶ᭞ᬓᬾᬗᬶᬦ᭄ᬤᬲᬃᬓᬯᬄ᭞ᬫᬭᬶᬂᬬᬫᬡᬶ᭠ᬮᭀᬓ᭞ᬢᬦ᭄ᬓᬲᬸᬧᬢ᭄ᬢᬶᬢ᭄ᬬᬂᬫᬮᬶᬄ᭞ᬧᬵᬧᬦᬵᬭᬓ᭞ᬪᬝᬵᬭᬗᬶᬘ᭄ᬙᬾᬦ᭄ᬲᬶᬲᬶᬧ᭄᭟ᬧᬸᬧᬸᬢ᭄ᬳᬢᬹᬃᬮᬸᬄᬫᬥᬾᬓᬤᬶᬧᬸᬦᬶᬓ᭞ᬯᬬᬦ᭄ᬚᬕ᭄ᬭᬫᬓᭂ᭠
ᬜᬶᬃ᭞ᬗᬚᬓᬶᬦ᭄ᬫᬫᬵᬃᬕ᭄ᬕ᭞ᬲᬂᬤ᭄ᬬᬄᬫᬤᬦ᭄ᬤᬦ᭄ᬢᬗᬦ᭄᭞ᬳᬕᬾᬲᬂᬓᬵᬮᬶᬄᬫᬫᬵᬃᬕ᭄ᬕᬶ᭞ᬗᬮᬾᬃᬓᬗᬶᬦᬂ᭞ᬜᬸᬚᬸᬃᬓᬢᭂᬧᬶᬲᬶᬭᬶᬂ᭟ᬢᬦ᭄ᬓᬯᬃᬡ᭄ᬦᬧᬫᬵᬃᬕ᭄ᬕᬶᬦᬾᬓᬸᬤᬂᬤᬶᬦ᭞ᬓᭀᬘᬧ᭄ᬭᬯᬸᬄᬦᬾᬫᬗ᭄ᬓᬶᬦ᭄᭞ᬭᬶᬂᬤᬾᬰᬢᬶᬬᬜᬃ᭞ᬬᬦ᭄ᬢᬓᭀᬘᬧ᭄ᬳᬶᬭᬶᬓᬵ᭞ᬧᬦᭂᬧᬶᬦ᭄ᬲᬵᬕ

[᭑᭗᭑ 171A]
᭑᭗᭑
ᬭᬓᬗᬶᬦ᭄᭞ᬦᬸᬮᬶᬫᬭᬵᬃᬬ᭄ᬬᬦ᭄᭞ᬲᬂᬓᬵᬮᬶᬄᬭᬶᬂᬧᬲᬶᬲᬶ᭟ᬩᭂᬗᭀᬂᬜᭀᬧᬓ᭄ᬢᬫ᭄ᬩᬾᬫᬗ᭄ᬕᬶᬳᬶᬦ᭄ᬲᬵᬕᬭ᭞ᬓᬮᬗᭃᬦᬾᬢᬦ᭄ᬲᬶᬧᬶ᭞ᬳᭀᬫ᭄ᬩᬓ᭄ᬫᬕᬸᬮᬸᬗᬦ᭄᭞ᬭᬱᬬᬂᬫᬘᬧᬢᬦ᭄᭞ᬭᬶᬂᬲᬂᬓᬵᬮᬶᬄᬯᬯᬸᬧ᭄ᬭᬧ᭄ᬢᬶ᭞ᬗᬢᬸᬭᬶᬦ᭄ᬦᭂᬕᬓ᭄᭞ᬫᬭᬶᬂᬩᬶᬬᬲᬾᬭᬶᬳᬶᬦ᭄᭟ᬯᬬᬦ᭄ᬚ᭠
ᬕ᭄ᬭᬳᬾᬮᬶᬂᬭᬶᬂᬳᬸᬘᬧᬦ᭄ᬩᬩᬤ᭄᭞ᬥᬹᬄᬳᬤᬶᬚᭂᬦᭂᬂᬤᬶᬦᬶ᭞ᬅᬃᬬ᭄ᬬᬕᬚᬄᬧᬭ᭞ᬧ᭄ᬭᬯᬶᬭᬳᬸᬮᬶᬚᬯ᭞ᬦᬾᬫᬮᬸᬢᭂᬤᬸᬦ᭄ᬓ᭠ᬩᬮᬶ᭞ᬤᬸᬓ᭄ᬩᬮᬶᬳᬕ᭞ᬳᬡ᭄ᬥᬕᬘᭀᬗᬄᬗᬹᬦᬶ᭟ᬫᬵᬋᬧ᭄ᬤᬍᬫᬧᬭᬩ᭄‌‌ᬓᬺᬱ᭄ᬡᬵᬓᬧᬓᬶᬲᬦ᭄᭞ᬲᬂᬫᬤᭂᬕ᭄ᬳᬤᬶᬧᬢᬶ᭞ᬤᬸᬕᬲ᭄ᬤᬶᬲᬫ᭄ᬧ᭄ᬭ
ᬗᬦ᭄᭞ᬲᬓᬾᬂᬧᬓᭀᬦ᭄ᬓ᭄ᬭ᭄ᬬᬦ᭄ᬫᬥ᭞ᬲᬲᬸᬩᬦᬾᬓᬮᬄᬩᬮᬶ᭞ᬰ᭄ᬭᬷᬪᬾᬥᬫᬸᬓ᭞ᬤᬶᬪᬾᬥᬸᬮᬸᬫᬧᬸᬭᬶ᭟ᬳᬶᬤᬤᬍᬫ᭄ᬯᬯᬸᬭᬯᬸᬄᬤᬶᬲᬫ᭄ᬧ᭄ᬭᬗᬦ᭄᭞ᬓᭀᬦᬾᬪᬝᬵᬭᬦ᭄ᬳᬤᬶ᭞ᬤᬸᬕᬲ᭄ᬦᬸᬓᬲᬫ᭄ᬩᬢ᭄᭞ᬳᬤᬶᬫᬭᬕᬫᬾᬦᬓ᭄᭞ᬓᬳᬸᬘᬧᬂᬭᬵᬚᬧᬸᬢ᭄ᬭᬶ᭞ᬮᬸᬄᬫ᭠
ᬥᬾᬦᬶᬫ᭄ᬩᬮ᭄᭞ᬧᬧᬓ᭄ᬭᬯᭀᬲᬂᬩᭂᬮᬶ᭟ᬳᬦᬾᬲᬸᬩᬤᭂᬧᬂᬩᭂᬮᬶᬤᬗᬶᬗᭂᬢᬂ᭞ᬳᬦᬾᬚᬦᬶᬓᭂᬦᭂᬳᬶᬦ᭄᭞ᬓᬾᬦ᭄ᬓᬾᬦᬂᬓᬲᬲᬓ᭄᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬫᬓᭂᬮᬧ᭄᭞ᬧ᭄ᬭᬳᬸᬫᬮᬬᬃᬭᬶᬂᬧᬲᬶᬄ᭞ᬗᭂᬦ᭄ᬢᬸᬗᬂᬫᬗ᭄ᬕᬃ᭞ᬫᬮᬩᬸᬄᬭᬶᬂᬧᬲᬶᬲᬶ᭟ᬯᬬᬦ᭄ᬚᬕ᭄ᬭᬦᭂᬲᭂᬓ᭄ᬧ᭄ᬭᬳᬸ [ 172 ][᭑᭗᭑ 171B]
᭑᭗᭑
ᬦᬾᬫᬘᬂᬘᬂ᭞ᬚᬸᬭᬕᬦᬾᬯᭀᬂᬩᬸᬕᬶᬲ᭄᭞ᬯᬢᭂᬓ᭄‌ᬦᬹᬱᬵᬦ᭄ᬢᬭ᭞ᬳᬸᬦᬶᬗᬶᬧᬸᬦ᭄ᬫᬧᬚᬃ᭞ᬫᬩᬩᬯᭀᬲ᭄ᬫᬸᬜᬶᬩᬮᬶ᭞ᬫᬢᬂᬢᬂᬳᬸᬧᬄ᭞ᬯᬬᬦ᭄ᬚᬕ᭄ᬭᬜᬗ᭄ᬕᬸᬧᬶᬦ᭄᭟ᬧᬘᬂᬫᬮᬬᬃᬲᬋᬂᬓᬧᬸᬮᭀᬲᬲᬓ᭄᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬲᬂᬓᬵᬮᬶᬄ᭞ᬭᬶᬂᬢᭂᬗᬄᬩᬳᬶᬢ᭞ᬕᬸᬫᬦ᭄ᬢᬶ
ᬧ᭄ᬭᬳᬸᬩᬚᬕ᭄᭞ᬲᬂᬓᬵᬮᬶᬄᬚᬢᬶᬢᬦ᭄ᬳᬸᬦᬶᬂ᭞ᬢᬫ᭄ᬩᬾᬫᬮᬬᬃ᭞ᬫᬶᬦ᭄ᬢᬃᬗᬭᬸᬗᬶᬦ᭄ᬧᬲᬶᬄ᭟ᬲᬫᬶᬩᭂᬚᬶᬢ᭄ᬚᬸᬭᬕᬦᬾᬫᬗᬦ᭄ᬢᭂ᭠ᬦᬂ᭞ᬮᬸᬄᬫᬥᬾᬓᬤᭂᬲᭂᬓᬶᬦ᭄᭞ᬳᬬᬢ᭄ᬓᬧ᭄ᬭᬓᭀᬲ᭞ᬯᬬᬦ᭄ᬚᬕ᭄ᬭᬫᬢᬗ᭄ᬕᬮ᭄᭞ᬢᬗᬦᬾᬳᭀᬕᬦ᭄ᬓᬘᬂᬓ᭄ᬮᬶᬂ᭞ᬲᬋᬂᬮᬮᬶᬫ᭞ᬫᬕᬸᬚᭂᬕ᭄ᬓᬓᭂᬫ᭄ᬩ᭠
ᬭᬶᬦ᭄᭞ᬤᬲ᭄ᬲᬗ᭄ᬓᬮᬳᬬᬢ᭄ᬓᬢᭂᬕᬸᬮ᭄ᬓᬓᭂᬜ᭄ᬘᬂ᭞ᬮᬸᬄᬫᬥᬾᬚᭂᬭᬶᬢ᭄ᬚᭂᬭᬶᬢ᭄᭞ᬯᬵᬲ᭄ᬢ᭄ᬭᬓᬮᬸᬓᬭᬦ᭄᭞ᬮᬜ᭄ᬘᬸᬢᬾᬦᬤᬓ᭄ᬲᬭ᭞ᬳᬕᭃᬂᬲᬳᬲᬗᭂᬮᬦ᭄ᬢᬶᬂ᭞ᬧ᭄ᬭᬳᬸᬦᬾᬩᭂᬜ᭄ᬘᬄ᭞ᬧᬕ᭄ᬮᬦ᭄ᬢᭂᬲ᭄ᬫᬍᬓᭂᬢᬶᬓ᭄᭟ᬕᬸᬮᬸᬂᬳᭀᬫ᭄ᬩᬓ᭄ᬓᬋᬫ᭄ᬢᭂᬗᬳᬶᬂᬲᬫᬸᬤ᭄ᬭ᭞ᬫᬸᬯᬢᬦᬾᬧᬘ᭄ᬮᭂᬗᬶ
ᬓ᭄᭞ᬯᬾᬦ᭄ᬢᭂᬦ᭄ᬲᬭᬧ᭄ᬓᬓ᭄ᬬ᭞ᬯᬾᬦ᭄ᬢᭂᬦ᭄ᬜᬶᬍᬫ᭄ᬩᭂᬓ᭄ᬩᭂᬓᬦ᭄᭞ᬤᬾᬦᬶᬂᬢᬦᬸᬦᬶᬂᬗᭂᬮᬗᬶ᭞ᬮᬸᬄᬫᬥᬾᬓᭀᬘᬧ᭄᭞ᬮᬦ᭄ᬯᬬᬦ᭄ᬚ᭠ᬕ᭄ᬭᬓᬫ᭄ᬧᬶᬄ᭟ᬓᬲᬶᬦᬸᬗᬦ᭄ᬯᬶᬤ᭄ᬥᬶᬓᬤᬶᬓᬲᬩᬢᬂ᭞ᬗᬸᬮᬶᬦ᭄ᬢᬶᬓ᭄ᬭᬶᬂᬧᬲᬶᬲᬶ᭞ᬢᬦᬾᬮᬶᬂᬭᬶᬂᬭᬕ᭞ᬮᬸᬄᬫᬥᬾᬢᬦ᭄ᬧᬚᬶᬯ᭞ᬓᬦ᭄ᬢᬸᬭᬱᬢᬦ᭄ᬧᬕ᭠

[᭑᭗᭒ 172A]
᭑᭗᭒
ᬮᬶᬄ᭞ᬗᬶᬂᬯᬬᬦ᭄ᬚᬕ᭄ᬭ᭞ᬮᬲ᭄ᬬᬳᬸᬦᬶᬂᬗᬮᬗᬶ᭟᭜᭟ᬲ᭄ᬫᬭᬦ᭄ᬥᬦ᭟᭜᭟ᬯᬬᬦ᭄ᬚᬕ᭄ᬭᬲᭂᬤ᭄ᬲᭂᬤ᭄ᬦᬗᬶᬲ᭄᭞ᬦᬸᬫᭀᬦᬂᬮᬸᬄᬫᬥᬾᬋᬩᬄ᭞ᬓᭂᬘᬸᬤ᭄ᬓᬸᬦᬶᬂᬲ᭄ᬯᬪᬵᬯᬦᬾ᭞ᬭᬱᬢᬦ᭄ᬧᬅᬢ᭄ᬫᬚᬶᬯ᭞ᬭᬶᬂᬩᬶᬬᬲᬾᬜᬍᬫ᭄ᬧᬄ᭞ᬕᭂᬲᬶᬢ᭄‌ᬮᬾᬢᬾᬕ᭄ᬢᬦ᭄ᬧᬩᬬᬸ᭞ᬭᬹᬧᬢᬦ᭄ᬓᬦ᭄ᬢᬸ
ᬦ᭄ᬫᬗ᭄ᬲᭂᬗᬦ᭄᭟ᬢᬦ᭄ᬫᬓ᭄ᬮᬶᬲᬶᬓᬦ᭄ᬗᬸᬮᬶᬦ᭄ᬢᬶᬓ᭄᭞ᬍᬫᭂᬢ᭄ᬭᬱᬢᬦ᭄ᬧᬢᬸᬮᬂ᭞ᬢᬦ᭄ᬧᬾᬦ᭄ᬤᬄᬲᬓᬤᬶᬮᬬᭀᬦ᭄᭞ᬭᭀᬫᬳᬢᬸᬩ᭄ᬫᬕᬫ᭄ᬩᬳᬦ᭄᭞ᬯᬵᬲ᭄ᬢ᭄ᬭᬩᭂᬮᬸᬲ᭄ᬮᬾᬧᬾᬕᬦ᭄᭞ᬢᬦᬾᬮᬶᬂᬮᬸᬄᬫᬥᬾᬓᬦ᭄ᬢᬸ᭞ᬳᭀᬫ᭄ᬩᬓᬾᬗᭂᬫ᭄ᬧᬸᬕ᭄ᬗᭂᬮᬜ᭄ᬘᬄ᭟ᬲᬾᬩᭂᬢ᭄ᬯᬬᬦ᭄ᬚᬕ᭄ᬭ
ᬳᬕ᭄ᬮᬶᬲ᭄᭞ᬜᬳᬸᬧ᭄ᬮᬸᬄᬫᬥᬾᬲᬬᬕ᭞ᬫᬸᬗ᭄ᬕᬳᬦ᭄ᬦᬸᬮᬶᬓᬲᬗ᭄ᬓᭀᬮ᭄᭞ᬫᬭᬶᬂᬕᭂᬦᬳᬾᬓᭂᬲᭂᬤᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬮᬶᬘᬶᬢᬦ᭄᭞ᬮᬸᬄᬫᬥᬾᬢᬦ᭄ᬓᬧᬶᬭᬸᬗᬸ᭞ᬭᬶᬂᬢᭂᬕᬶᬓᬾᬓᬭᬵᬃᬬ᭄ᬬᬦᬂ᭟ᬯᬬᬦ᭄ᬚᬕ᭄ᬭᬬᬢ᭄ᬦᬗᬩᬶᬦ᭄᭞ᬮᬸᬄᬫᬥᬾᬫᬭᬶᬂᬧᬗ᭄ᬓᭀᬦᬦ᭄᭞ᬓ᭠
ᬦ᭄ᬢᬸᬦ᭄ᬮᭂᬫᭂᬢ᭄‌ᬮᬬᬓ᭄ᬮᭀᬬᭀᬓ᭄᭞ᬯᬬᬦ᭄ᬚᬕ᭄ᬭᬢᬹᬃᬗᬸᬲᬧᬂ᭞ᬩᬶᬬᬲ᭄ᬩᭂᬓ᭄ᬫᬓᬭᬕ᭞ᬲᬫ᭄ᬩᬶᬮᬂᬫᭂᬘᬶᬓᬂᬧᬸᬲᬸᬂ᭞ᬓᭂᬮᬾᬲ᭄‌ᬲᬫ᭄ᬩᭂᬄᬧᬲᬸᬭᬫ᭄ᬩ᭄ᬬᬄ᭟ᬫᬘᬧ᭄ᬘᬧ᭄ᬢᭀᬬᬦ᭄ᬧᬗᬓ᭄ᬱᬶ᭞ᬯᬬᬦ᭄ᬚᬕ᭄ᬭᬓᬗᭂᬦ᭄ᬜᬶᬗᬓ᭄᭞ᬲᬳᬢᬗᬶᬲ᭄ᬳᭂᬗ᭄ᬕᭀᬃᬳᭂᬗ᭄ᬕᭀᬃ᭞ᬲᬲᬫ᭄ᬩᬢᬾᬗᭂᬮᬤ᭄ [ 173 ][᭑᭗᭒ 172B]
᭑᭗᭒
ᬧ᭄ᬭᬡ᭞ᬥᬹᬄᬳᬤᬶᬅᬢ᭄ᬫᬚᬶᬯ᭞ᬢᭂᬕ᭄ᬢᭂᬕᬂᬳᬸᬕᬶᬭᬶᬂᬓᬬᬸᬦ᭄᭞ᬕᬫᭂᬮᬂᬲᬗ᭄ᬳ᭄ᬬᬂᬧ᭄ᬭᬫᬡ᭟ᬥᬹᬄᬲᬵᬫ᭄ᬧᬸᬦᬂᬳᬤᬶᬮᬮᬶᬲ᭄᭞᭠ᬦᬶᬗ᭄ᬕᬮᬶᬦ᭄ᬩᭂᬮᬶᬲᬗ᭄ᬲᬭ᭞ᬦᬧᬶᬲᬶᬄᬧ᭄ᬯᬭᬦ᭄ᬩᭂᬮᬶᬦᬾ᭞ᬬᬦ᭄ᬳᬤᬶᬗᬮᬳᬶᬦ᭄ᬲᬾᬤ᭄ᬥ᭞ᬳᬸᬭᬶᬧ᭄ᬩᭂᬮᬶᬦᬶᬃᬕᬸᬡ᭞ᬧᬶᬲᬦ᭄ᬩᭂᬮᬶᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬲᬋᬂ
ᬳᬤᬶᬫᬓᬭᭀᬦᬦ᭄᭟ᬳᬾᬮᬶᬗᬂᬲᬗ᭄ᬕᬸᬧᬾᬗᬹᬦᬶ᭞ᬚᭂᬮᬾᬫᭂᬮᬄᬲᬸᬓᬵᬤᬸᬄᬓᬵ᭞ᬲᬋᬂᬓᬵᬮᬶᬄᬳᬸᬩᬬᬦᬾ᭞᭠ᬤᭀᬄᬧᬭᬩᭂᬮᬶᬫᬢᬶᬮᬲ᭄᭞ᬢᭂᬓᬾᬦ᭄ᬳᬢᬸᬭᬾᬲᬸᬩ᭞ᬩᬋᬂᬫᬕᭂᬢᬶᬄᬳᬩᬸᬂᬩᬸᬂ᭞ᬩᭂᬮᬶᬧᬕᭂᬄᬗᬫᬗ᭄ᬕᭂᬳᬂ᭟ᬤᬸᬓᬧᬦ᭄ᬢᬸᬦᬲᬸᬪᬓ᭄ᬢᬶ᭞
ᬗᬶᬭᬶᬗᬂᬓᬬᬸᬦ᭄ᬫᬵᬲ᭄ᬫᬶᬭᬄ᭞ᬬᬤᬶᬦ᭄ᬩᭂᬘᬶᬓ᭄ᬤ᭄ᬬᬲ᭄ᬢᬸᬦ᭄ᬓᬯᭀᬦ᭄᭞ᬩᭂᬮᬶᬲᬓᬾᬂᬧ᭄ᬭᬫᬲᬢ᭄ᬬ᭞ᬢᭀᬂᬫᬓᬶᬭᬶᬕ᭄ᬳᬢᬫ᭄ᬧᬓ᭄᭞ᬢᬦ᭄ᬧᬧᬓᬾᬭᬶᬂᬓᬋᬩᬸᬢ᭄᭞ᬫᬾᬮᬦᬶᬦ᭄ᬳᬤᬶᬲᬮᬫ᭄ᬧᬄ᭟ᬦᬶᬗ᭄ᬕᬮ᭄ᬤᬾᬰᬲᬋᬂᬓᬵᬮᬶᬄ᭞ᬓᬩᬡ᭄ᬥᬳᬦ᭄ᬢᬸᬓ᭄ᬧᬶᬢᬺᬱ᭄ᬡᬵ᭞ᬮᬶᬯᬢ᭄ᬢᬦ᭄
ᬲ᭄ᬯᬾᬘ᭄ᬙᬦ᭄ᬯᬶᬤ᭄ᬥᬶᬦᬾ᭞ᬬᬾᬦ᭄ᬳᬤᬶᬧᬾᬢ᭄ᬤᬸᬭᬸᬲ᭄ᬲᬾᬤ᭄ᬥ᭞ᬇᬭᬶᬓᬶᬭᬶᬂᬢᬶᬬᬜᬃ᭞ᬳᬤᬶᬓᬧᭂᬕᬢᬦ᭄ᬢᬸᬯᬸᬄ᭞ᬗᬸᬢᬂᬩᭂᬮᬶᬧ᭠ᬤᬾᬯᬾᬓᬦ᭄᭟ᬯᬲ᭄ᬢᬸᬩᭂᬮᬶᬍᬦ᭄ᬢᬃᬍᬦ᭄ᬢᬶᬃ᭞ᬲᬢᬢᬦᬦ᭄ᬤᬂᬤᬸᬄᬓᬶᬢ᭞ᬢᬦ᭄ᬧᭀᬭᬢ᭄ᬢᭀᬂᬗᭂᬮᬄᬳᭂᬗ᭄ᬕᭀᬦ᭄᭞ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾ

[᭑᭗᭓ 173A]
᭑᭗᭓
ᬓᬦ᭄᭞ᬦᬫ᭄ᬧᭂᬤᬂᬲᭂᬩᭂᬢ᭄ᬚᭂᬗᬄ᭞ᬦᬧᬶᬳᬗᭂᬦ᭄ᬩᭂᬮᬶᬳᬶᬤᬸᬧ᭄᭞ᬳᬸᬭᬶᬧᬾᬓᬮᬭᬮᬭ᭟ᬲᬸᬓᬵᬬᬦ᭄ᬩᭂᬮᬶᬗᭂᬫᬲᬶᬦ᭄᭞ᬳᬧᬂᬢᭀᬂᬳᬤᬳᬶᬩᬸᬓᬂ᭞ᬫᬗᭂᬦᬂᬦᬾᬢᬶᬤᭀᬂᬢᬶᬤᭀᬂ᭞ᬲᬸᬩᬦᬦ᭄ᬢᬦ᭄ᬓᬲ᭄ᬯᬾᬘ᭄ᬙᬦᬦ᭄᭞ᬳᬦ᭄ᬢᬸᬓ᭄ᬳᬶᬤᬳ᭄ᬬᬂᬢᬶᬢᬄ᭞ᬤᬶᬲᬓᬵᬮᬤᭂᬧᬂᬮ
ᬘᬸᬃ᭞ᬫᬤᬓ᭄ᬯᭂᬓᬲ᭄ᬤᬶᬦᬶᬲ᭄ᬓᬵᬮ᭟ᬩᭂᬮᬶᬫᬢᭂᬫᬸᬭᬶᬂᬳᬤᬶ᭞ᬤᬶᬢᬸᬩᭂᬮᬶᬫᬫᬋᬓᬦ᭄᭞ᬜᬤ᭄ᬬᬯᬦ᭄ᬢᬄᬗᭂᬩᬸᬓ᭄ᬘᭀᬓᭀᬃ᭞᭠ᬥᬹᬄᬲᬶᬗ᭄ᬕᬶᬄᬭᬢᬸᬪᬝᬵᬭ᭞ᬯᬸᬲᬦ᭄ᬫᬶᬤᬡ᭄ᬥᬢᬶᬢ᭄ᬬᬂ᭞ᬧᬶᬲᬦ᭄ᬩᬜ᭄ᬘᬸᬢ᭄ᬳᬸᬭᬶᬧᬶᬗ᭄ᬲᬸᬦ᭄᭞ᬲᬗ᭄ᬲᬭᬓᬾᬗᬶᬦ᭄ᬫᬵᬦᬹᬱ᭟ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬦᬦ᭄ᬤᬗᬶᬦ᭄᭞
ᬓᭂᬩᬸᬲ᭄ᬩᬭᬓᬤᬶᬮᬩ᭄ᬮᬩ᭄᭞ᬦᬧᬶᬲᬶᬄᬳᬶᬯᬂᬢᬶᬢ᭄ᬬᬂ᭞ᬳᬯᬶᬦᬦ᭄ᬦᭂᬫᬸᬲᬗ᭄ᬲᬭ᭞ᬲᬸᬓᬵᬬᬦ᭄ᬢᬶᬢ᭄ᬬᬂᬧᭂᬚᬄ᭞ᬦᭂᬫ᭄ᬩᬾᬦᬶᬦ᭄ᬫᬮᬶᬄᬢᬸᬫᬸᬯᬸᬄ᭞ᬲᬋᬂᬳᬶᬧᬸᬦ᭄ᬳᬤᬶᬦ᭄ᬢᬶᬢ᭄ᬬᬂ᭟ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬫᬗ᭄ᬓᬶᬦ᭄᭞ᬲᬢᬢᬫᬗ᭄ᬕᬸᬄᬤᬸᬄᬓᬶᬢ᭞ᬮᬮᬶᬲ᭄ᬪᬝᬵᬭᬫᬫᭀᬗᭀᬃ᭞ᬚᬤ᭄ᬫᬦᬶ
ᬲ᭄ᬢᬢᬦ᭄ᬧᬓᬤᬂ᭞ᬥᬹᬄᬳᬫ᭄ᬧᬸᬭᬪᬝᬵᬭ᭞ᬓᬯᬶᬢᬦ᭄ᬢᬶᬢ᭄ᬬᬂᬧᬸᬓᬸᬮᬸᬦ᭄᭞ᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬲᬲᬸᬧᬢᬦ᭄᭟ᬲᬕᬾᬢ᭄ᬮᬸᬄᬫᬥᬾᬗᬮᬶᬮᬶᬃ᭞ᬓᬶᬲᬶᬓ᭄ᬓᬶᬲᬶᬓ᭄ᬗᬸᬲᬧ᭄ᬲᭀᬘ᭞ᬢᬹᬃᬗᬮᬶᬬᬸᬤ᭄ᬗᬶᬮᬸᬢ᭄ᬯᬗ᭄ᬓᭀᬂ᭞ᬗᬭᬸᬧᬢᬓᬧᬸᬧᬸᬗᬦ᭄᭞ᬭᬹᬧᬓᬦ᭄ᬢᬸᬦ᭄ᬜᬸᬫ᭄ᬧᭂᬦ᭞ᬫᬢᬗᬶ᭠ [ 174 ][᭑᭗᭓ 173B]
᭑᭗᭓
ᬳᬬᬢ᭄ᬫᬚᬸᬚᬸᬓ᭄᭞ᬯᬬᬦ᭄ᬚᬕ᭄ᬭᬜᬫ᭄ᬩᬢ᭄ᬲᬭ᭟ᬲᬵᬫ᭄ᬧᬸᬦᬂᬳᬤᬶᬫᬢᬗᬶ᭞ᬓᬬᬸᬦᬾᬳᬸᬕᬶᬢᭂᬕ᭄ᬢᭂᬕᬂ᭞ᬮᬸᬄᬫᬥᬾᬳᬗᬸᬘᬧᬮᭀᬦ᭄᭞ᬗᬸᬤ᭄ᬬᬂᬤᬶᬦᬶᬩᭂᬮᬶᬦᭂᬕᬓ᭄᭞ᬲᬸᬩᬢᭂᬓᭂᬤ᭄ᬤᬶᬲᬲᬓ᭄᭞ᬦᬄᬓᬶᬚᬦᬾᬚᬦᬶᬮᬓᬸ᭞ᬚᬮᬦ᭄ᬓᬾᬗᬮᬶᬄᬤᬸᬦᬸᬗᬦ᭄᭟ᬯᬬ᭠
ᬦ᭄ᬚᬕ᭄ᬭᬓᭂᬦ᭄ᬤᭂᬮ᭄ᬲᭂᬤᬶᬄ᭞ᬫᬶᬋᬂᬓᬂᬳᬭᬶᬳᬗᬸᬘᬧ᭄᭞ᬲᬤᬩᬦ᭄ᬩᬦ᭄ᬧᬲᬳᬸᬭᬾ᭞ᬳᬾᬮᬶᬗᬂᬳᬤᬶᬳᬾᬮᬶᬗᬂ᭞ᬩᭀᬬ᭠ᬲᬵᬫ᭄ᬧᬸᬦ᭄ᬭᬶᬂᬲᬲᬓ᭄᭞ᬭᬶᬂᬢᬶᬬᬜᬃᬳᬤᬶᬓᬦ᭄ᬢᬸᬦ᭄᭞ᬲᬤ᭄ᬬᬓᬫ᭄ᬧᬶᬄᬕᬸᬮᬸᬂᬳᭀᬫ᭄ᬩᬓ᭄᭟ᬳᬕᭂᬢ᭄ᬲᬋᬂᬓᬵᬮᬶᬄᬫᬸᬭᬶᬧ᭄᭞ᬫᭂᬮᬬᬃᬧ᭄ᬭᬳᬸ᭠
ᬦᬾᬩᭂᬜ᭄ᬘᬄ᭞ᬯᬯᬸᬫᬶᬢᬳᭂᬦ᭄ᬮᬸᬄᬫᬥᬾ᭞ᬳᬾᬮᬶᬂᬭᬶᬂᬧᭀᬮᬶᬄᬲᬗ᭄ᬓᬮ᭞ᬬᬾᬄᬧᬦᭀᬦᬾᬫᬘᬧ᭄ᬘᬧ᭄᭞ᬲᭂᬤ᭄ᬲᭂᬤ᭄ᬦᬗᬶᬲ᭄ᬫᭂᬭᬄᬫᭂᬭᬸᬄ᭞ᬥᬹᬄᬦᬧᬶᬲᬚᬫᬓ᭄ᬭᬡ᭟ᬤ᭄ᬯᬦᬶᬂᬮᬘᬸᬃᬓᬤᬶᬫᬗ᭄ᬓᬶᬦ᭄᭞ᬲᬗ᭄ᬲᬭᬓᬾᬗᬶᬦ᭄ᬫᬵᬦᬹᬱᬵ᭞ᬤᬸᬄᬓᬶᬢᬲᬮᬫ᭄ᬧᬄᬳᭂᬗ᭄ᬕᭀ᭠
ᬦ᭄᭞ᬤᬸᬭᬸᬂᬧᬸᬧᬸᬢ᭄ᬜᭂᬮ᭄ᬲᭂᬮ᭄ᬭᬕ᭞ᬮᬸᬄᬫᬥᬾᬓᬗ᭄ᬕᭂᬓ᭄ᬓᬕ᭄ᬬᬢ᭄᭞ᬤᬾᬦᬶᬂᬫᬶᬋᬂᬲ᭄ᬯᬭᬦ᭄ᬓᬸᬮ᭄ᬓᬸᬮ᭄᭞ᬗᬶᬭᬶᬂᬩᭂᬮᬶᬫᬓᬶᬍᬲᬦ᭄᭟᭜᭟ᬤᭂᬫᬸᬂ᭟᭜᭟ᬳᬕᬾᬲᬂᬓᬵᬮᬶᬄᬫᬕᬶᬗ᭄ᬲᬶᬃ᭞ᬫᬓᬶᬍᬲᬦ᭄᭞ᬫᬶᬭᬕᬶᬲ᭄ᬯᬭᬦ᭄ᬓᬸᬮ᭄ᬓᬸᬮ᭄᭞ᬭᬶᬂᬤᬾᬰᬕᬸᬫᭂᬦ᭄ᬢᬸᬄ᭞ᬭᬦ᭄ᬢᬩᬦ᭄ᬯᭀᬂᬤᬾᬰ

[᭑᭗᭔ 174A]
᭑᭗᭔
ᬲᬫᬶ᭞ᬢᭂᬤᬸᬦ᭄ᬓᬲᬵᬕᬭ᭞ᬲᬬᬕᬧᬘᬂᬫᬢᬸᬮᬸᬂ᭞ᬫᭀᬃᬢ᭄ᬢᬶᬧ᭄ᬭᬳᬸᬩᭂᬜ᭄ᬘᬄ᭞ᬚᬸᬭᬕᬦᬾᬯᭀᬂᬩᬸᬕᬶᬲ᭄᭞ᬓᭀᬲᭂᬓᬦ᭄ᬲᬕᬾᬢ᭄ᬭᬶᬂᬩᬗ᭄ᬲᬮ᭄᭞ᬮᬦᬂᬳᬶᬲ᭄ᬢ᭄ᬭᬶᬭᬫᭂᬲ᭄ᬫᬋᬩᬸᬢ᭄᭟ᬩᬭᬂᬩᬭᬂᬭᬶᬂᬧᬲᬶᬲᬶ᭞ᬫᬩ᭄ᬭᬭᬓᬦ᭄᭞ᬳᬯᬶᬕ᭄ᬚᬕᬢᬾᬤᬸᬫᬸᬦ᭄᭞ᬬᬦᬶᬂᬯᬾᬦ᭄ᬢᭂ
ᬦ᭄ᬧ᭄ᬭᬳᬸ᭞ᬓᬦ᭄ᬤᬲ᭄ᬫᬭᬶᬂᬧᬲ᭄ᬯᬦ᭄ᬩᬮᬶ᭞ᬯᭂᬦᬂᬢᬯᬦ᭄ᬓᬭᬂ᭞ᬭᬶᬦᬫ᭄ᬧᬲ᭄ᬧᬶᬢᭂᬕᭂᬲᬶᬧᬸᬦ᭄᭞ᬯᭀᬂᬤᬾᬰᬓᬬᭀᬕ᭄ᬬ᭞ᬦᬸᬤᬸᬓ᭄ᬲᬯ᭠ᬢᭂᬓ᭄ᬓᬫ᭄ᬧᬶᬄ᭞ᬳᬯᬶᬦᬦ᭄ᬤᬸᬭᬸᬲ᭄ᬫᬕᬭᬂ᭞ᬯᭀᬂᬤᬾᬰᬫᬲᭀᬕ᭄ᬲᬕ᭄ᬫᬋᬩᬸᬢ᭄᭟ᬓᬧᬶᬗᭀᬦ᭄ᬲᬂᬓᬵᬮᬶᬄᬗᬶᬦ᭄ᬢᬶᬧ᭄᭞ᬓᬦ᭄ᬢᭂᬦ᭄ᬲᬶᬦᬄ᭞ᬲᬓᬾᬂ᭠
ᬳᭂᬩᭂᬢᬾᬜᬭᬸ᭞ᬭᬫᭂᬲ᭄ᬲᬂᬫᬋᬩᬸᬢ᭄᭞ᬯᬾᬦ᭄ᬢᭂᬦ᭄ᬦᬾᬧᬸᬭᬸᬦ᭄ᬗᭂᬮᬗᬶ᭞ᬭᬶᬂᬧᬲᬶᬄᬫᬮᭀᬫ᭄ᬩ᭞ᬗᭀᬦᭀᬂᬗᬫ᭄ᬩᬶᬮ᭄ᬳᬲᬶᬂ᭠ᬧᬗ᭄ᬕᬸᬄ᭞ᬳᬜᬸᬤ᭄ᬕᬸᬮᬸᬂᬳᭀᬫ᭄ᬩᬓ᭄᭞ᬓᬫ᭄ᬩᬂᬓᭀᬢᬓ᭄ᬮᬦ᭄ᬧᭂᬢᬶ᭞ᬩᬩᬦ᭄ᬤᬭᬦ᭄ᬧ᭄ᬭᬳᬸᬩᭂᬜ᭄ᬘᬄ᭞ᬫᬢᭂᬕᭂᬧᬦ᭄ᬲᬤᬕᬶᬂᬓᬭᬸᬂ᭟ᬥᬹᬄᬘᬶᬗᬓ᭄ᬧᬸᬦᬶ᭠
ᬓᬳᬤᬶ᭞ᬯᬵᬲ᭄ᬧᬥᬬᬂ᭞ᬯᬬᬦ᭄ᬚᬕ᭄ᬭᬳᬫᬸᬯᬸᬲ᭄᭞ᬳᬦᬓᬾᬢᭀᬂᬭᬸᬗᬸ᭞ᬳᭀᬫ᭄ᬩᬓᬾᬫᬲᬯᬂᬕᭂᬢᬶᬄ᭞ᬩᬭᬓ᭄ᬫ᭠ᬓᬦᬭᬦ᭄᭞ᬜᬶᬳ᭄ᬦᬬᬂᬲᬗ᭄ᬓᬮᬳᬕᬸᬂ᭞ᬮᬶᬬᬸᬲᬭᬧ᭄ᬓᬓ᭄ᬬ᭞ᬫᬶᬡᬮᭀᬤ᭄ᬭᬓᬵᬤᬦᬶᬦ᭄᭞ᬮᬸᬄᬫᬥᬾᬳᬮᭀᬦᬗᬸᬘᬧ᭄᭞ᬳᬭᬩᭂᬮᬶ [ 175 ][᭑᭗᭔ 174B]
᭑᭗᭔
ᬤᬤᬢᬭᬸᬗᬸ᭟ᬫᬗᬸᬦᬂᬩᬬᬸᬦᬾᬳᭂᬭᬶ᭞ᬬᬦᬶᬂᬭᬫ᭄ᬩᬂ᭞ᬧᬚᬮᬦᬾᬤᬲ᭄ᬮᬘᬸᬃ᭞ᬓᬶᬚᬚᬦᬶᬮᬓᬸ᭞ᬜᬶᬗᬶᬤ᭄ᬫᬚᬮᬦ᭄ᬫᬕᭂᬤᬶ᭞ᬯᬬᬦ᭄ᬚᬕ᭄ᬭᬦᬶᬫ᭄ᬩᬮ᭄᭞ᬗᬶᬭᬶᬂᬳᬤᬶᬓᬯᬸᬄᬮᬓᬸᬤᭂᬮᭀᬤ᭄ᬤᬾᬰᬧᬢᬲ᭄᭞ᬚᬮᬦ᭄ᬫᬢᬸᬮᬓ᭄ᬳᬤᬶ᭞ᬢ᭄ᬯᬭᬓᭀᬧᬬᬸᬓᬲᬲᬓ᭄᭞ᬧᬶᬲᬦ᭄ᬚᬦᬶ
ᬓᬕᬸᬦᬸᬂᬳᬕᬸᬂ᭟ᬢᬗ᭄ᬓᬶᬮ᭄ᬭᬶᬂᬳᬦᬓᬾᬮᬶᬗ᭄ᬲᬶᬃ᭞ᬫᬫᬋᬓᬦ᭄᭞ᬢᭂᬓᬾᬦ᭄ᬯᬦ᭄ᬳᬤᬶᬤᬶᬢᬸ᭞ᬭᬶᬂᬤᬦᬾᬫᬫᭂᬓᬸᬮ᭄᭞ᬗᬢᬸᬭᬂ᭠ᬲᬧᬢᬶᬳᬸᬭᬶᬧ᭄᭞ᬫᬤᬓ᭄ᬓᬲᬫ᭄ᬧᬸᬭ᭞ᬩᭂᬮᬶᬳᬤᬶᬫᬸᬂᬧᬂᬮᬓᬸ᭞ᬩᬶᬮᬶᬄᬓᬮᬾᬤᬗᬦ᭄᭞ᬮᬸᬄᬫᬥᬾᬦᬶᬫ᭄ᬩᬮ᭄ᬫᬮᬶᬄ᭞ᬳᬭᬶᬦ᭄ᬩᭂᬮᬶᬦᭀᬭᬧᬜ᭄ᬚᬂ᭞
ᬓᬬᬸᬦ᭄ᬩᭂᬮᬶᬤᬾᬯᬦᬶᬂᬧᬵᬢᬹᬢ᭄᭟ᬲᬂᬓᬵᬮᬶᬄᬦᬸᬮᬶᬫᬫᬵᬃᬕ᭄ᬕᬶ᭞ᬕᬕᬜ᭄ᬘᬗᬦ᭄᭞ᬢᬦᬸᬘᬧ᭄ᬲᬂᬓᬢᬸᬗ᭄ᬓᬸᬮ᭄᭞ᬭᬶᬂᬧᬲᬶᬄ᭠ᬫᬋᬩᬸᬢ᭄᭞ᬦᬾᬫᬗ᭄ᬓᬶᬦᬸᬘᬧᬂᬫᬮᬶᬄ᭞ᬧᬫᬵᬃᬕ᭄ᬕᬶᬦ᭄ᬲᬂᬫᬶᬦ᭄ᬢᬃ᭞ᬲᬓᬾᬂᬢᬶᬬᬜᬃᬓᬕᬸᬦᬸᬂ᭞ᬜᬶᬮᬶᬩ᭄ᬩᭂᬘᬢ᭄ᬲᬾᬧᬦ᭄᭞ᬜᬸᬦᬸᬢ᭄ᬜᬸᬦᬸᬢ᭄ᬫᬫᬵᬃᬕ᭄ᬕᬶ᭞
ᬗᬮᬶᬦ᭄ᬢᬗᬶᬦ᭄ᬳᬮᬲ᭄ᬯᬬᬄ᭞ᬫᬤᬹᬃᬕ᭄ᬕᬫᬭᬶᬂᬫᬸᬦ᭄ᬤᬸᬓ᭄ᬫᬸᬦ᭄ᬤᬸᬓ᭄᭟ᬫᬵᬃᬕ᭄ᬕᬶᬭᬸᬗ᭄ᬓᬦᬸᬯᬸᬢ᭄ᬮᬶᬲᬶᬕ᭄᭞ᬢᭂᬤᬸᬦ᭄ᬫᬸᬗ᭄ᬕᬄ᭞ᬗᬮᬶᬦ᭄ᬢᬂᬚᬸᬭᬂᬧ᭠ᬗ᭄ᬓᬸᬂ᭞ᬳᭀᬕᬦ᭄ᬘᭂᬩᬃᬘᭂᬩᬸᬃ᭞ᬢᬦ᭄ᬧᬗᬾᬢᬂᬓᬾᬢ᭄ᬓᬾᬢ᭄ᬤᬸᬯᬶ᭞ᬧᬗ᭄ᬕᬶᬄᬩᬸᬭᭀᬦ᭄ᬳᬮᬲ᭄᭞ᬓᬶᬤᬂᬓᬍᬲᬶᬄᬮᬦ᭄ᬳᬶᬚᬸᬂ᭞ᬩᭀᬚᭀᬕᬾᬧᬕ᭄ᬭᬾ

[᭑᭗᭕ 175A]
᭑᭗᭕
ᬓ᭄ᬕᬓ᭄᭞ᬫᬓᭂᬘᭀᬲ᭄ᬚᭂᬗᬢ᭄ᬚᭂᬗᬶᬢ᭄᭞ᬲᬃᬯ᭄ᬯᬶᬳᬶᬧᬸᬦ᭄ᬜᬗ᭄ᬓᬶᬮ᭄ᬧᬦᬓ᭄᭞ᬫᬲᭀᬕ᭄ᬲᬕ᭄ᬗᬋᬋᬄᬯᭀᬄᬕᬸᬗ᭄ᬕᬸᬂ᭟ᬳᬶᬓᬶᬤᬂᬫᬫᬶ᭠ᬭᬶᬕ᭄ᬢᬗ᭄ᬓᬶᬤ᭄᭞ᬬᬦ᭄ᬲᬯᬗᬂ᭞ᬲᬓᬾᬂᬤᭀᬳᬶᬧᬸᬦ᭄ᬫᬵᬢᬹᬃ᭞ᬥᬹᬄᬭᬢᬸᬤᬾᬯᬵᬬᬸ᭞ᬚᬕᬓᬶᬚᬮᬸᬗ᭄ᬳᬫᬗ᭄ᬓᬶᬦ᭄᭞ᬢᬦ᭄ᬲᬄᬫᬳᬶᬭᬶᬗᬦ᭄᭞ᬧᬋ᭠
ᬓᬦᬾᬲᬗᬩᬕᬸᬲ᭄᭞ᬲᬧᬳᬸᬢ᭄ᬫᬤᬦ᭄ᬤᬦ᭄᭞ᬳᬶᬦᬩ᭄ᬧᬘᬂᬫᬩᬸᬜ᭄ᬘᬶᬂ᭞ᬲᬤ᭄ᬬᬧᭀᬮᬶᬄᬚᬢᬸᬓᬵᬃᬫ᭄ᬫ᭞ᬚᭂᬕᬾᬕ᭄ᬩᬕᬸᬲ᭄ᬜᬦ᭄ᬤᬂᬓᬲᬸᬫ᭄ᬩᬸᬂ᭟ᬳᬶᬓᬍᬲᬶᬄᬩᬸᬗ᭄ᬓᭂᬃᬗᭂᬲᬶᬮ᭄᭞ᬢᬦ᭄ᬧᬗᬸᬘᬧ᭄᭞ᬤᬾᬦᬶᬂᬳᬶᬧᬸᬦ᭄ᬓᬢᬸᬗ᭄ᬓᬸᬮ᭄᭞ᬧᭀᬮᬶᬄᬦᭂᬥᬲᭂᬫᬸᬢ᭄᭞ᬓᬧᬶᬗᭀᬦ᭄ᬢᭀᬂᬲᬾᬦ᭄ᬤᭂ᭠
ᬫ᭄ᬦᭀᬮᬶᬄ᭞ᬩ᭄ᬬᬦᬫᬘᬧᬢᬦ᭄᭞ᬳᬶᬦᬩ᭄ᬓᬤᬶᬢᬦ᭄ᬧᬲᭂᬫᬸ᭞ᬳᬭᬄᬧᬧᬓ᭄ᬭᬫ᭄ᬩᬂ᭞ᬕᭂᬍᬂᬳᬶᬧᬸᬦ᭄ᬧᬤᬶᬤᬶ᭞ᬗᬋᬗᬵᬬᬂᬢᬢᭂᬥᬬᬦ᭄᭞ᬫᬓᬵᬯᬶᬦᬦ᭄ᬢᬦ᭄ᬓᬤᬶᬭᬸᬗᬸ᭟ᬳᬶᬚᬸᬗᬾᬭᬱᬜᬧᬢᬶᬦ᭄᭞ᬓᬧᬶᬢᬺᬱ᭄ᬡᬵᬦ᭄᭞ᬧᬤᬶᬂᬓ᭄ᬮᬓ᭄ᬕᬳᬸᬲ᭄ᬕᬳᬸᬲ᭄᭞ᬗᬢᬸᬭᬶᬦ᭄ᬫᬮᬸᬗ᭄ᬕᬸᬄ᭞ᬲᬯᬂ᭠
ᬳᬶᬧᬸᬦ᭄ᬦᬜ᭄ᬚᬾᬦ᭄ᬳᬸᬩᬶ᭞ᬳᬗ᭄ᬕᬾᬦ᭄ᬧᬜᬫ᭄ᬩ᭄ᬭᬫ᭞ᬭᬶᬂᬳᬶᬤᬲᬂᬯᬯᬸᬭᬯᬸᬄ᭞ᬳᬶᬓᬾᬓᬾᬃᬩᬚᬶᬕᬃ᭞ᬘᭂᬓᬾᬃᬘᭂᬓᬾᬃᬩᬩᬾ᭠ᬓᬶ᭞ᬳᬶᬭᬶᬳᬶᬧᬸᬦ᭄ᬫᬗᬦ᭄ᬢᭂᬦᬂ᭞ᬲᬂᬫᬫᬵᬃᬕ᭄ᬕᬶᬯᬢᬗᬂᬳᬚᬸᬫ᭄᭟ᬫᭂᬗ᭄ᬓᭀᬓ᭄ᬩᭀᬗ᭄ᬕᬦ᭄ᬧᭀᬗᬄᬚ᭄ᬯᬭᬶ᭞ᬓᬚᬃᬯ᭄ᬯᬓᬂ᭞ᬗᬸᬤᬢᭀᬂᬗᭂᬮᬄᬲᭂᬫᬸ᭞ [ 176 ][᭑᭗᭕ 175B]
᭑᭗᭕
ᬮᬕᬸᬢᬾᬓᬕᬸᬕᬸ᭞ᬗᬮᬶᬄᬲᭀᬫᬄᬚᭂᬕᬾᬕ᭄ᬕᬮᬶᬂ᭞ᬢ᭄ᬯᬭᬫᬢᭀᬮᬶᬳᬦ᭄᭞ᬫᬤᬦ᭄ᬤᬦ᭄ᬲᬫ᭄ᬩᬶᬮᬂᬗᬸᬦ᭄ᬢᬸᬮ᭄᭞ᬫᬧᭂᬮᬾᬄᬗᬾᬤᬾᬗᬂ᭞ᬓᬲᬤ᭄ᬬᬦᬾᬦᬸᬫᬶᬢᬶᬲ᭄᭞ᬓᬤᬾᬦ᭄ᬢᭀᬂᬳᬤᬍᬯᬶᬳᬦ᭄᭞ᬳᬶᬓᬾᬓᬾᬃᬗᬯᬸᬓᬶᬦ᭄ᬳᬶᬓᬶᬬᬸᬄ᭟ᬳᬶᬧᬾᬢᬸᬜᭀᬗ᭄ᬓᭀᬓ᭄ᬧ
ᬤᬶᬤᬶ᭞ᬓᬧᬶᬗᭀᬦᬦ᭄᭞ᬩᬤᬸᬳᬸᬃᬫᬭᬶᬂᬓᬬᬸ᭞ᬢᬓᭂᬳᬾᬫᬫᬸᬢ᭄ᬭᬸ᭞ᬗᬸᬜ᭄ᬘᬭᬂᬯᬾᬤ᭄ᬥᬦᬾᬧᬶᬗᬶᬢ᭄᭞ᬦᬵᬗ᭄ᬳᬶᬂᬲᬓᬾᬂᬢᬗᬃ᭞ᬫᬧᬶᬮᬶᬄᬬᬦ᭄ᬦᭂᬥᬤᬳᬸᬦ᭄᭞ᬓᬦ᭄ᬢᬸᬦ᭄ᬓᬸᬦᬵᬥᬶᬓ᭞ᬩᬸᬤᬂᬩᬤᬶᬂᬳᬶᬮᬶᬗᬶᬦ᭄᭞ᬳᬚ᭄ᬭᬶᬄᬦᭂᬥᬤᬳᬸᬦ᭄ᬩᭂᬤᬄ᭞ᬫᬩ᭄ᬭᬢᬫᬫᬶᬮᬶᬳᬶᬦ᭄ᬲᬗᬸ᭟ᬯᬶᬢ᭄ᬘ
ᬫᬭᬢᭂᬫ᭄ᬧᬸᬄᬳᬗᬶᬦ᭄᭞ᬫᬳᭀᬬᬕᬦ᭄᭞ᬧ᭄ᬭᬦᬫ᭄ᬬᬳᬶᬦᬩ᭄ᬳᬶᬧᬸᬦ᭄᭞ᬳᬬᬢ᭄ᬧᬘᬂᬫᬵᬢᬹᬃ᭞ᬕᬸᬫᬦ᭄ᬢᬶᬲᬓᬾᬂᬲᬸᬪᬓ᭄ᬢᬶ᭞ᬲᬳᬗᭂᬮᬸᬗᬗ᭄ᬕ᭞ᬦᬸᬦᬲ᭄ᬮᬸᬕ᭄ᬭᬭᬶᬂᬲᬂᬭᬯᬸᬄ᭞ᬭᬾᬄᬓᬤᬶᬧ᭄ᬭᬲᬗ᭄ᬕ᭞ᬫᬚᬸᬚᬸᬓ᭄ᬳᬶᬧᬸᬦ᭄ᬓᬵᬭᬶ᭞ᬲᬸᬫᬶᬬᭀᬓ᭄ᬲᬯᬂᬜᬶᬳ᭄ᬦᬬᬂ᭞ᬫᬦᬳᬶᬧᬸᬦ᭄ᬓᭂᬦ᭄ᬤᭂ᭠
ᬮ᭄‌ᬫᬫᬗ᭄ᬕᬸᬄ᭟ᬳᬶᬤᬲᬂᬫᬡᬶᬓᬶᬂᬧᬸᬭᬶ᭞ᬫᬮᬜ᭄ᬘᬭᬦ᭄᭞ᬓᬳᬶᬭᬶᬂᬲᬗᬩᬕᬸᬲ᭄᭞ᬗᬓ᭄ᬱᬶᬲᬃᬯ᭄ᬯᬲᬦ᭄ᬢᬸᬦ᭄᭞ᬭᬶᬂᬯᬦᬵᬰ᭄ᬭᬫᬗᬾᬤᬦᬶᬦ᭄᭞ᬦᭂᬫᭀᬦᬶᬦ᭄ᬓᬃᬝᬶᬓ᭞ᬦᭂᬥᭂᬂᬫᭂᬓᬃᬗᬮᬸᬧᬮᬸᬧ᭄᭞ᬳᬶᬓᬸᬫ᭄ᬩᬂᬫᬗᬸᬫ᭄ᬩᬂ᭞ᬫᬕᬭᬂᬗᬶᬲᭂᬧ᭄ᬲᬵᬭᬶ᭞ᬚᬦ᭄ᬢᭀᬲᬶᬧᬸᬦ᭄ᬓᬯᬋᬕᬦ᭄᭞

[᭑᭗᭖ 176A]
᭑᭗᭖
ᬜᬢᬸᬍᬕᬜᬶᬘᬶᬧᬶᬦ᭄ᬫᬥᬹ᭟ᬧᬗᬺᬂᬋᬂᬳᬶᬧᬸᬦ᭄ᬗᬋᬗᬶᬄ᭞ᬬᬦ᭄ᬲᬯᬗᬂ᭞ᬲ᭄ᬯᬭᬦ᭄ᬖᬡ᭄ᬝᬫᬩᬭᬸᬂ᭞ᬭᬶᬓᬵᬮᬲᬂᬯᬶᬓᬹ᭞ᬗᬸᬜ᭄ᬘᬭᬂᬯᬾᬤ᭄ᬥᬗᬲ᭄ᬢᬸᬢᬶ᭞ᬳ᭄ᬬᬂᬧ᭄ᬭᬫᬯᬶᬰᬾᬱ᭞ᬫᭂᬭᬶᬳᬂᬚᬕᬢ᭄ᬭᬳᬬᬸ᭞ᬫᬤᬓ᭄ᬤᬶᬃᬖ᭄ᬕᬬᬸᬱ᭞ᬲᬯᬢᭂᬓ᭄ᬲᬃᬯ᭄ᬯᬧ᭄ᬭᬡᬶ᭞ᬮᬸᬓᬢ᭄ᬲᬫᬮᬧᬢᬓ᭞ᬤᬾ
ᬦᬶᬂᬧᬫᬸᬦᬄᬳᬲ᭄ᬢᬸᬧᬸᬗ᭄ᬓᬸ᭟ᬓᬸᬤᬂᬭᬳᬶᬦᬫᬫᬵᬃᬕ᭄ᬕᬶ᭞ᬫᬩᬬᬗᬦ᭄᭞ᬫᬭᬶᬂᬳᬮᬲᬾᬜᬸᬲᬸᬧ᭄᭞ᬲᬂᬓᬵᬮᬶᬄᬮᬸᬫᬓᬸ᭞᭠ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬲᬄᬲᬓᬾᬂᬢᬶᬬᬜᬃ᭞ᬫᬗᬸᬗ᭄ᬲᬶᬓᬕᬸᬦᬸᬂᬳᬕᬸᬂ᭞ᬫᬥ᭄ᬬᬦᬶᬂᬧᬃᬯ᭄ᬯᬢ᭞ᬲᬕᬾᬢ᭄ᬭᬯᬸᬄᬦᬾᬫᬗ᭄ᬓᬶᬦ᭄᭞ᬫᬭᬶᬂᬤᬾᬰᬯ
ᬯᬶᬤᬗᬦ᭄᭞ᬩᭂᬲᬓᬶᬄᬫᬸᬦ᭄ᬤᬸᬓ᭄ᬓᭂᬮᭀᬤ᭄‌ᬓᬯᬸᬄ᭟ᬇᬭᬶᬓᬵᬓᭀᬘᬧ᭄ᬦᬾᬫᬗ᭄ᬓᬶᬦ᭄᭞ᬫᬘᬦᭂᬕᬦ᭄᭞ᬳᬗᭀᬩ᭄ᬲᬂᬓᬮᬶᬄᬫᬗ᭄ᬕᬸᬄ᭞ᬢᬸᬮ᭄ᬬᬫᬳᬵᬫᬾᬭᬸ᭞ᬧᬃᬳ᭄ᬬᬗᬦ᭄ᬪᬝᬵᬭᬲᬫᬶ᭞ᬓᬝᬄᬧᬸᬭᬧᬸᬭ᭞ᬯᬯᬗᬸᬦᬦ᭄ᬫᬾᬭᬸᬫᬾᬭᬸ᭞ᬧᬜᬸᬗ᭄ᬲᬸᬗᬦ᭄ᬚᬕᬢ᭄᭞ᬦᬸᬮᬶ᭠
ᬭᬭᬶᬲ᭄ᬫᬪᬓ᭄ᬢᬶ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬫᬜᬓᬸᬧᬂᬢᬗᬦ᭄‌ᬧᬶᬂᬢᭂᬮᬸ᭟ᬲᬯᬸᬲᬦ᭄ᬋᬓᬾᬫᬪᬓ᭄ᬢᬶ᭞ᬢᬦ᭄ᬧᬢᬶᬃᬢ᭄ᬣ᭞ᬲᬂᬓᬵᬮᬶᬄᬭᬭᬶᬲ᭄ᬩᬗᬸᬦ᭄᭞ᬇᬥᭂᬧᬾᬭᬳᬬᬸ᭞ᬦᬶᬃᬫᬵᬮᬓᬢᭂᬓᬾᬗ᭄ᬳᬢᬶ᭞ᬓᬬᬸᬦᬾᬫᬮᬶᬮᬂ᭞ᬢᬦ᭄ᬫᬮᬶᬄᬫᬭᬱᬕᭂᬧᬸ᭞ᬯᬯᬸᬫᬓᬶᬍᬲᬦ᭄᭞ᬲᭂ᭠ [ 177 ][᭑᭗᭖ 176B]
᭑᭗᭖
ᬥᭂᬂᬩᭂᬘᬶᬓ᭄ᬓᬧᬗ᭄ᬕᬶᬄ᭞ᬳᬦᬓ᭄ᬲᭂᬤᭂᬓᬦ᭄ᬫᬲᬶᬮ᭞ᬫᬳᬸᬤᭂᬂᬧᬸᬢᬶᬄᬫᬾᬄᬧᬫᬗ᭄ᬓᬸ᭟ᬦᬶᬓᬭᬭᬶᬲ᭄ᬓᬢᬓᬾᬦᬶᬦ᭄᭞ᬕᭂᬦᬄᬧᬸᬭ᭞ᬩ᭠ᬢᬸᬫᬤᭂᬕ᭄ᬓᬯᬸᬯᬸᬲ᭄᭞ᬳᭀᬮᬲ᭄ᬳᬶᬧᬫᬗ᭄ᬓᬸ᭞ᬦᬸᬤᬶᬗᬂᬦᬾᬧᬵᬢᬹᬢ᭄ᬳᬸᬗ᭄ᬲᬶ᭞ᬢᬸᬫᬸᬮᬶᬫᬫᬵᬃᬕ᭄ᬕ᭞ᬲᬂᬓᬵᬮᬶᬄᬤᬶᬳᬕᬾᬭᬯᬸᬄ᭞ᬭᬶᬂᬧᬸᬭᬧᬸᬦᬶᬓ᭞ᬩᭂ᭠
ᬗᭀᬂᬜᬶᬗᬓ᭄ᬲᬂᬓᬵᬮᬶᬄ᭞ᬳᬦᬓᬾᬮᬶᬗ᭄ᬲᬶᬃᬫᬢᬧ᭞ᬲᬋᬂᬓᬵᬮᬶᬄᬲᭂᬤᭂᬓ᭄ᬫᬫᬸᬢᬸᬲ᭄᭟ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬫᬘ᭠ᬦᭂᬕᬦ᭄᭞ᬳᬤᭀᬄᬫᬢᬢᬮᬸᬗ᭄ᬕᬸᬄ᭞ᬫᬲᬶᬮᬫᬢᬶᬫ᭄ᬧᬸᬄ᭞ᬜᬓᬸᬧᬂᬢᬗᬦ᭄ᬫᬪᬓ᭄ᬢᬶ᭞ᬭᬶᬂᬲᬂᬦᬗᬸᬦ᭄ᬢᬧ᭞ᬜᬶᬳ᭄ᬦᬬᬂᬪᬓ᭄ᬢᬶᬲᬢᬸᬯᬸᬓ᭄᭞ᬫᭂᬤᭂ
ᬓ᭄ᬭᬵᬫᬭᬾᬡ᭞ᬲᬗᬃᬤ᭄ᬥᬶᬲᬗ᭄ᬓᬦᬸᬭᬶᬧ᭄᭞ᬲᬸᬯᬾᬓᬦ᭄ᬢᬸᬦ᭄ᬫᬜᬦ᭄ᬢᭀᬲᬂ᭞ᬲᬗᬢᬧᬚᬦ᭄ᬢᭀᬲ᭄ᬗᬍᬲᬸ᭟᭜᭟ᬲᬶᬦᭀᬫ᭄᭟᭜᭟ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬓᬧᬶᬗᭀᬦᬗᭀᬩ᭄ᬜᬶᬗᬓᬶᬦ᭄᭞ᬳᬦᬓᬾᬮᬶᬗ᭄ᬲᬶᬃᬫᬢᬧ᭞ᬭᬶᬂᬕᭂᬦᬳᬾᬲᬸᬦ᭄ᬬᬲᭂᬧᬶ᭞ᬫᬓᭂᬫ᭄ᬩᬭᬦ᭄ᬫᬮᬶᬗ᭄ᬕᬶᬄ᭞ᬫᬲ
ᬦ᭄ᬤᬶᬂᬭᬶᬂᬤᬸᬳᬸᬃᬩᬢᬸ᭞ᬲᭂᬤᭂᬂᬫᬗ᭄ᬭᬦᬵᬲᬶᬓ᭞ᬮᬗ᭄ᬕᭂᬂᬫᬬᭀᬕᬲᬫᬵᬥᬶ᭞ᬦᬸᬗ᭄ᬕᬮ᭄ᬓᬬᬸᬦ᭄᭞ᬳᬫᬃᬦᬓᬵᬬᬯᬵᬓ᭄ᬘᬶᬢ᭄ᬢ᭟ᬓᬂᬓᬶᬦᬸᬘᬧ᭄ᬧᬭᬫᬵᬃᬢ᭄ᬣ᭞ᬤᬶᬦᭂᬍᬂᬢᭂᬍᬗᬶᬂᬩᬸᬤ᭄ᬥᬶ᭞ᬫᬚᬮᬭᬦ᭄ᬧ᭄ᬭᬡᬬᬵᬫ᭞ᬕᬶᬮᬶᬓ᭄ᬓᬬᬸᬦᬾᬫᬫᭂᬲᬶᬓ᭄᭞ᬫᬫᭂᬕᭂᬂᬢᬹᬃᬫᬫᬸᬲ᭄ᬢᬶ᭞ᬗᬲ᭄ᬢᬸᬗ᭄ᬓᬭᬳ᭄ᬬᬂ᭠

[᭑᭗᭗ 177A]
᭑᭗᭗
ᬒᬁᬅᬄᬉᬁ᭞ᬳ᭄ᬬᬂᬧᬭᬫᬭᬳᬱ᭄ᬬ᭞ᬫᬦ᭄ᬢ᭄ᬭᬦᬵᬬᬫᬵᬃᬕ᭄ᬕᬍᬯᬶᬄ᭞ᬤᬾᬦ᭄ᬓᬕᬶᬦᬸᬂ᭞ᬳᭀᬮᬶᬄᬲᬂᬧᬕᭂᬳᬶᬂᬢᬧ᭟ᬦᬶᬮᬯᬢᬶ᭠ᬫᬺᬢ᭄ᬣᬚᬶᬯ᭞ᬲᬂᬪᬶᬓ᭄ᬱᬹᬓᬵᬮᬦ᭄ᬪᬶᬓ᭄ᬱᬹᬦᬶ᭞ᬲᬓ᭄ᬱᬢ᭄ᬲᬗ᭄ᬳ᭄ᬬᬂᬯᬿᬭᭀᬘᬡ᭞ᬲᬋᬂᬤᬾᬯᬶᬤᬢ᭄ᬯᬷᬰ᭄ᬯᬭᬶ᭞ᬲᭂᬤᭂᬓ᭄ᬦᬸᬗ᭄ᬕᬮᬂᬩᬸᬤ᭄ᬥᬶ᭞ᬫᬫᭀᬦᬲᬳ
ᬫᬫᬸᬢᬸᬲ᭄᭞ᬢᬸᬫᭀᬦᬶᬂᬳᬗ᭄ᬕᬰᬭᬶᬭ᭞ᬳᬫᬃᬡ᭄ᬦᬲᬗ᭄ᬓᬦᬶᬂᬤᬤᬶ᭞ᬲᬃᬯ᭄ᬯᬯᬲ᭄ᬢᬸ᭞ᬧᬵᬭᭀᬓᬶᬗᬶᬓᬂᬅᬤ᭄ᬯᬬ᭟ᬓᬮᬵᬯᬦᬤ᭄ᬯᬬᬚ᭄ᬜᬦ᭞ᬦᬶᬫᬶᬢᬦᬶᬂᬳᬦᬫᬶᬚᬶᬮ᭄᭞ᬓᬂᬓᬶᬦᬸᬘᬧ᭄ᬤᬶᬯᬵᬭᬹᬧ᭞ᬲᬗ᭄ᬳ᭄ᬬᬂᬩᬸᬤ᭄ᬥᬰᬓ᭄ᬬᬫᬸᬦᬶ᭞ᬫᬯᬾᬄᬭᬱᬶᬦᬶᬂᬪᬹᬫᬶ᭞ᬲᬗ᭄ᬓᬦ᭄ᬯᬾᬦ᭄ᬢᭂᬦ᭄ᬓᬯᬶᬢ᭄ᬫᭂᬢᬸ᭞ᬭᬶᬂᬢᭂ᭠
ᬗᭂᬦ᭄ᬮᭀᬓᬾᬰ᭄ᬯᬭ᭞ᬫᬭᬶᬂᬓᬶᬯᬩᬚ᭄ᬭᬧᬦᬷ᭞ᬓᬂᬲᬶᬦᬗ᭄ᬕᬸᬄ᭞ᬗᬤᬓᬓᭂᬦ᭄ᬥ᭄ᬬᬦᬶᬩᬸᬤ᭄ᬥ᭟ᬅᬓ᭄ᬱᭀᬪ᭄ᬬᬭᬢ᭄ᬦᬲᬫ᭄ᬪᬯ᭞ᬯᬿ᭠ᬭᭀᬘᬡᬫᬓᬵᬤᬶ᭞ᬅᬫᬶᬢᬪᬫ᭄ᬯᬂᬓᬮᬵᬯᬦ᭄᭞ᬅᬫᭀᬖᬲᬶᬤ᭄ᬥᬶᬧᬶᬦᬸᬚᬶ᭞ᬯᬿᬭᭀᬘᬡᬓᬯᬶᬢ᭄᭞ᬗᬤᬓᬂᬩ᭄ᬭᬳ᭄ᬫᬵᬮᬦ᭄ᬯᬶᬱ᭄ᬡᬸ᭞ᬫᬓᬵᬤᬶ
ᬳ᭄ᬬᬂᬇᬰ᭄ᬯᬭ᭞ᬢ᭄ᬭᬶᬢᬸᬗ᭄ᬕᬮ᭄‌ᬫᬹᬃᬢ᭄ᬢᬶᬦᬶᬂᬪᬹᬫᬶ᭞ᬮᬶᬗᬶᬂᬢᬸᬢᬸᬭ᭄᭞ᬲᬂᬳ᭄ᬬᬂᬓᬫᬳᬵᬬᬡᬶᬓᬦ᭄᭟ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶᬗᬯᬶᬯᭂᬦᬂ᭞ᬪ᭄ᬯ᭠ᬦᬳᬕᬸᬂᬪ᭄ᬯᬦᬳᬮᬶᬢ᭄᭞ᬪᬹᬃᬪᬸᬯᬄᬲᬸᬯᬄᬢ᭄ᬭᬶᬫᬡ᭄ᬥᬮ᭞ᬧᬢᬮᬪᬹᬫᬶᬮᬦ᭄ᬮᬗᬶᬢ᭄᭞ᬲᬃᬯ᭄ᬯᬲᬢ᭄ᬯᬫᬓᬵᬤᬶ᭞ᬲᬹᬃᬬ᭄ᬬᬢᬭᬗ᭄ᬖᬡᬰᬶᬢᬗ᭄ᬰᬸ᭞ᬇᬓᬵ [ 178 ][᭑᭗᭗ 177B]
᭑᭗᭗
ᬧᬶᬦᬹᬚᬧᬹᬚ᭞ᬲᬶᬦᭂᬫ᭄ᬩᬄᬳᭀᬮᬶᬄᬯᭀᬂᬩᬮᬶ᭞ᬓᬂᬲᬶᬦᬗ᭄ᬕᬸᬄ᭞ᬭᬢ᭄ᬦᬢ᭄ᬭᬬᬚᬕᬢ᭄ᬦᬵᬣ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬂᬢᬧ᭞ᬗᭂᬮ᭠ᬭᬂᬬᭀᬕᬲᬫᬵᬥᬶ᭞ᬗᬍᬲᬸᬦᬸᬮᬶᬓᬘᬶᬗᬓ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬲᬳᬯᬘᬦᬳᬭᬶᬲ᭄᭞ᬗᭂᬲᬾᬗᬶᬦ᭄ᬲᬂᬯᬯᬸᬭᬯᬸᬄ᭞ᬥᬹᬄᬘᭂᬦᬶᬂ᭠
ᬓᬵᬫᬚᬬ᭞ᬓᬵᬮᬶᬄᬲᬂᬫᬡᬶᬓᬶᬂᬧᬸᬭᬶ᭞ᬫᬳᬶᬫᬮᬸ᭞ᬥᬹᬄᬧᬳᭂᬓᬂᬘᭂᬦᬶᬂᬦᭂᬕᬓ᭄᭟ᬦᬶᬮᬯᬢᬶᬗᭂᬫ᭄ᬩᭂᬂᬘᬶᬗᬓ᭄᭞ᬓᬗᭂ᭠ᬦ᭄ᬫᬗ᭄ᬕᬶᬄᬭᬵᬚᬧᬸᬢ᭄ᬭᬶ᭞ᬗᭂᬮᬸᬗᬗ᭄ᬕᬲᬳᬲᭂᬫ᭄ᬩᬄ᭞ᬧ᭄ᬭᬦᬫ᭄ᬬᬗᬢᬸᬭᬂᬪᬓ᭄ᬢᬶ᭞ᬓᬵᬫᬚᬬᬜᬋᬗᬶᬦ᭄᭞ᬲᬂᬪᬶᬓ᭄ᬱᬹᬦᬶᬳᬕᬾᬗᭂᬮᬸᬢ᭄᭞ᬓᬂ
ᬳᬦᬓ᭄ᬮᬦᬂᬯᬤᭀᬦ᭄᭞ᬧᬜᬧᬦᬾᬜᬸᬜᬸᬃᬫᬦᬶᬲ᭄᭞ᬥᬹᬄᬤᬾᬯᬵᬬᬸ᭞ᬓᬗᭂᬦ᭄ᬲᬚᬯᬗᬦ᭄ᬢᭂᬦᬂ᭟ᬚᬢᬶᬯᬢᭀᬂ᭠ᬓᬲᬫᬭᬦ᭄᭞ᬦᬸᬫᭀᬦᬂᬯᬤᬦᬦ᭄ᬘᭂᬦᬶᬂ᭞ᬤ᭄ᬯᬦᬶᬂᬮᬚᬸᬫᭂᬲ᭄ᬯᬂᬭᬯᭀᬲ᭄᭞ᬢ᭄ᬯᬭᬫᬮᬫ᭄ᬧᬶᬦᬦ᭄ᬩᬸᬯᬶᬦ᭄᭞ᬩᬩᬃᬳᬶᬚᬸᬫᬘᭂᬦᬶᬂ᭞ᬫᭂᬲ᭄ᬯᬂᬫᬸᬜᬶᬲ
ᬤᬘᬮᬸᬄ᭞ᬩᬦ᭄‌ᬢᬺᬱ᭄ᬡᬵᬦᬾᬫᬓ᭄ᬭᬡ᭞ᬢᭂᬓᬾᬦ᭄ᬧ᭄ᬬᬦᬓ᭄ᬲᬾᬧ᭄ᬳᬯᬳᬶ᭞ᬳᬕᬾᬫᬵᬢᬹᬃ᭞ᬭᬵᬚᬧᬸᬢ᭄ᬭᬶᬲᬳᬲᭂᬫ᭄ᬩᬄ᭟ᬥᬹᬄᬯᬲᬲᬸᬳᬸᬦᬦ᭄ᬢᬶᬢ᭄ᬬᬂ᭞ᬩᭀᬬᬜᬦ᭄ᬤᬂᬫᬮᬶᬄᬜᬮᬶᬢ᭄᭞ᬗᬦ᭄ᬤᬶᬓᬓᬤᬶᬧᬮᬧᬦ᭄᭞ᬗᬗᬲᬶᬦ᭄ᬳᬗ᭄ᬕᬳᬸᬧᬫᬶ᭞ᬤᬾᬦᬶᬂᬯᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬤ᭄ᬯ

[᭑᭗᭘ 178A]
᭑᭗᭘
ᬦᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬭᬯᬸᬄ᭞ᬚᬢᬶᬫᬸᬭᬸᬕ᭄ᬰᬰᬡ᭞ᬧᬗᭂᬦ᭄ᬤᬦᬶᬂᬮᬸᬮᬸᬢ᭄ᬳᬲᬶᬄ᭞ᬫᬸᬂᬧᬂᬮᬓᬸ᭞ᬜᬲᬃᬳᬸᬮᬄᬤ᭄ᬭᬢᬶᬓ᭄ᬭᬫ᭟ᬮᬫᬓ᭠ᬦ᭄ᬧᬢᬶᬢᬯᬗ᭄ᬰ᭞ᬢᬶᬢ᭄ᬬᬂᬢᬦ᭄ᬗᬾᬧᬸᬢᬂᬫᬮᬶᬄ᭞ᬓᬯᬶᬃᬬ᭄ᬬᬦ᭄ᬤᬶᬲᬓᬵᬮ᭞ᬫᬺᬤ᭄ᬥᬶᬓᬾᬗᬶᬦ᭄ᬭᬵᬚᬧᬸᬢ᭄ᬭᬶ᭞ᬤᬸᬄᬓᬶᬢᬦᬦ᭄ᬤᬂᬲᭂᬤᬶᬄ᭞ᬫᬓᬸᬭᬸᬂᬭᬶᬂᬧᬸᬭᬶᬳ
ᬕᬸᬂ᭞ᬲᬵᬢ᭄ᬫᬓᬳᬶᬗᭀᬦᬶᬗᭀᬦ᭄᭞ᬧᬓ᭄ᬱᬶᬢᬶᬢᬶᬭᬦᬸᬧᬫᬶ᭞ᬦᬾᬗᬢᭂᬗ᭄ᬓᬸᬂ᭞ᬧᭀᬮᬶᬄᬕᬸᬯᬸᬗᬦ᭄ᬫᬧ᭄ᬭᬤ‌᭟ᬦᬵᬗ᭄ᬳᬶᬂᬲᬢᬢᬤᬸᬄᬓᬶᬢ᭞ᬳᬸᬭᬶᬧ᭄ᬢᬶᬢ᭄ᬬᬂᬢᬦ᭄ᬧᬳᬚᬶ᭞ᬍᬓᬤᬾᬭᬱᬢᬦ᭄ᬧᭀᬭᬢ᭄᭞ᬢᬸᬦᬬᬰᬓᬶᬭᬂᬓᬶᬃᬢ᭄ᬢᬶ᭞ᬤ᭄ᬯᬦᬶᬂᬗᬮᬮᬸᬧᬢᬶ᭞ᬢᬺᬱ᭄ᬡᬵᬓᬵᬫᬚᬬᬦᬸ᭠
ᬢᬸᬕ᭄᭞ᬳᭀᬓᬦ᭄ᬯᬧ᭄ᬭᬫᬩᬾᬮ᭞ᬲᬓᬾᬂᬢᬶᬢ᭄ᬬᬂᬫᬗᬃᬤ᭄ᬥᬶᬦᬶᬦ᭄᭞ᬳᬶᬧᬸᬦ᭄ᬮᬘᬸᬃ᭞ᬚᭂᬮᬾᬫᭂᬮᬄᬫᬲᬋᬗᬦ᭄᭟ᬲ᭄ᬯᬾᬘ᭄ᬙᬯᬫᬗ᭄ᬓᬶᬦ᭄ᬗᬫ᭄ᬧᬸᬭ᭞ᬓᬲᬶᬗ᭄ᬲᬮᬦ᭄ᬢᬶᬢ᭄ᬬᬂᬳᬸᬕᬶ᭞ᬮᬗ᭄ᬕᬦᬫᬸᬭᬸᬕ᭄ᬰᬰᬦ᭞ᬢᬦ᭄ᬧᬗᬾᬢᬂᬧᬢᬶᬳᬸᬭᬶᬧ᭄᭞ᬢᬶᬬᬂᬭᬯᬸᬄᬗᭀᬩᭂᬢᬶᬦ᭄᭞ᬲᬂᬪᬶᬓ᭄ᬱᬹᬦᬶᬲᭂᬫᬂᬲᭂ᭠
ᬦ᭄ᬤᬸ᭞ᬫᬶᬋᬂᬳᬢᬹᬃᬳᬶᬳᬦᬓ᭄᭞ᬓᬤᬶᬓᭂᬢᬸᬲ᭄ᬳᬸᬮᬸᬦ᭄ᬳᬢᬶ᭞ᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬓᬤᬶᬕᭂᬤᬳᬾᬧᬦ᭄ᬢᬶᬕᬂ᭟ᬩᬸᬬᬃᬢᬦ᭄ᬓᭂᬦᬾᬂᬢᬸᬧ᭄ᬢᬸᬧᬂ᭞ᬫᬘᬧ᭄ᬘᬧ᭄ᬢᭀᬬᬦ᭄ᬧᬗᬓ᭄ᬱᬶ᭞ᬳᬥᬹᬄᬘᭂᬦᬶᬂᬅᬢ᭄ᬫᬚᬶᬯ᭞ᬓᬗᭂᬦ᭄ᬯᬢᬦ᭄ᬓᬤᬶᬓᬤᬶ᭞ᬦᬶᬗᭂᬄᬧᬶᬳᭀᬭᬄᬘᭂᬦᬶᬂ᭞ᬜᬫ᭄ᬩᬢᬂᬤᬾᬯᬾᬓᬾᬮᬘᬸᬃ᭞᭠ [ 179 ][᭑᭗᭘ 178B]
᭑᭗᭘
ᬜᭂᬮ᭄ᬲᭂᬮᬂᬧᬸᬮᬓᬾᬃᬢ᭄ᬣᬶ᭞ᬓᬩᬡ᭄ᬥᬩᬦ᭄ᬮᬸᬮᬸᬢ᭄ᬳᬲᬶᬄ᭞ᬢᭂᬓᭂᬓ᭄ᬦᭂᬕᬸᬮ᭄᭞ᬫᬧ᭄ᬯᬭᬫᬗ᭄ᬕᬸᬄᬲᬗ᭄ᬲᬭ᭟ᬤᬸᬓᬧᬦ᭄ᬯᬫᬦᬦ᭄ᬤ᭄ᬭᬸᬳᬂ᭞᭠ᬢᬺᬱ᭄ᬡᬵᬦ᭄ᬘᭂᬦᬶᬂᬭᬶᬂᬳᬶᬩᭂᬮᬶ᭞ᬚᭂᬦᭂᬂᬫᬸᬮᬚᬢᬸᬓᬵᬃᬫ᭄ᬫ᭞ᬧᬸᬭᬸᬱᬮᬯᬦ᭄ᬧ᭄ᬭᬓᬺᬢ᭄ᬣᬶ᭞ᬲᬗ᭄ᬓᬦ᭄ᬤᬤᬶᬫᬓᬶᬮᬶᬢ᭄᭞ᬮᬸᬮᬸᬢ᭄ᬮᬦ᭄ᬳᬲᬶᬄᬫᬘᬫ᭄ᬧᬸᬄ᭞ᬢᭀᬂᬲᬶ᭠
ᬤ᭄ᬥᬩᬦ᭄ᬫᬲᬳᬂ᭞ᬫᬾᬦ᭄ᬤ᭄ᬭᬦᬶᬥᭂᬧᬾᬫᬫᬹᬃᬢ᭄ᬢᬶ᭞ᬗᭂᬦ᭄ᬤᬶᬄᬫᬸᬭᬸᬩ᭄᭞ᬢᬸᬫᬸᬮᬶᬤᬦᬾᬦᬸᬭᬾᬓ᭄ᬱ᭟ᬲᬸᬭᬵᬢ᭄ᬢᭂᬮᬧᬓᬦ᭄ᬢᬗᬦ᭄᭞ᬳᭀᬓᬦ᭄ᬤᬦᬾᬫᬓᬓᬵᬮᬶᬄ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬲᬵᬫ᭄ᬧᬸᬦ᭄ᬯᬵᬲ᭄ᬧᬥᬓᬳᬓ᭄ᬱᬶ᭞ᬲᬸᬭᬵᬢ᭄ᬢᬗᬦ᭄ᬲᬂᬓᬵᬮᬶᬄ᭞ᬦᬾᬗᬯᬶᬦᬂᬳᬲᬶᬄᬮᬸᬮᬸᬢ᭄᭞
ᬓᬫᬸᬮᬦ᭄ᬚᬢᬸᬓᬵᬃᬫ᭄ᬫ᭞ᬦᬸᬮᬶᬫᭀᬚᬃᬲᬳᬓᭂᬜᬶᬂ᭞ᬘᭂᬦᬶᬂᬫᬦ᭄ᬢᬸ᭞ᬓᬵᬮᬶᬄᬘᭂᬦᬶᬂᬓᬵᬫᬚᬬ᭟ᬢ᭄ᬯᬭᬜᬦ᭄ᬤᬂᬫᬲᭂᬮ᭄ᬲᭂᬮ᭠ᬦ᭄᭞ᬧᭂᬤᬲ᭄ᬫᬾᬫᬾᬲᬸᬩᬚᬦᬶ᭞ᬯᭂᬦᬂᬘᭂᬦᬶᬂᬫᬓᬸᬋᬦᬦ᭄᭞ᬫᬵᬋᬧ᭄ᬢᭂᬓᬾᬦ᭄ᬳᬤᬶᬦ᭄ᬘᭂᬦᬶᬂ᭞ᬬᬤᬶᬦ᭄ᬫᬫᬶᬲᬦ᭄ᬚᬢᬶ᭞ᬗ᭄ᬳᬶᬂᬧᬃᬡ᭄ᬦᬳᬾᬲᬓᬾᬂᬯᬥᬹ᭞ᬢᬸ᭠
ᬮᬶᬲ᭄ᬮᬶᬫᬗᬢᭂᬧᬂ᭞ᬧᬢᭂᬫᬸᬦ᭄ᬘᭂᬦᬶᬗᬾᬩᭂᬘᬶᬓ᭄᭞ᬩᬬᬢᬸᬤᬸᬄ᭞ᬯᭂᬓᬲ᭄ᬦᭂᬧᬸᬓᬶᬦ᭄ᬓᬲᬤ᭄ᬬᬦ᭄᭟ᬧᬕᭂᬳᬂᬘᭂᬦᬶᬂᬧᬕᭂᬳᬂ᭞ᬇᬥᭂᬧᬾᬦᬗᬸᬦᬂᬓᬶᬃᬢ᭄ᬢᬶ᭞ᬫᬺᬢ᭄ᬣᬚᬶᬯᬦᬶᬫ᭄ᬩᬮᬮᭀᬦ᭄᭞ᬢᭀᬂᬜᬦ᭄ᬤᬂᬘᭂᬦᬶᬂᬩᬭᬶᬩᬶᬦ᭄᭞ᬦᬦ᭄ᬤᬗᬶᬲᬓᬶᬢ᭄ᬳᬢᬶ᭞ᬦᬢᬓ᭄ᬲᬯᬢᭂᬓ᭄ᬧᬓᬾᬯᬸᬄ᭞ᬭᬸ

[᭑᭗᭙ 179A]
᭑᭗᭙
ᬫᬲᬢᬂᬕᬕᭀᬤᬦ᭄᭞ᬧᬗᬘᭂᬧᬾᬦᬸᬗ᭄ᬓᬧ᭄ᬮᭂᬯᬶᬄ᭞ᬓᬮᬄᬫᬮᬸ᭞ᬯᭂᬓᬲ᭄ᬦᬫ᭄ᬧᭂᬤᬂᬧᬫᭂᬦᬂ᭟ᬲᭀᬢᬦᬶᬂᬤᬤᬶᬫᬵᬦᬹᬱᬵ᭞ᬲᬸᬓᬵᬤᬸᬓᬵᬢ᭄ᬯᬭᬍᬯᬶᬄ᭞ᬦᬄᬩᬧᬩᬦᬶᬜᬸᬫ᭄ᬩᬭᬂ᭞ᬓᬲᬤ᭄ᬬᬦ᭄ᬘᭂᬦᬶᬂᬓᬯᬶᬗ᭄ᬓᬶᬂ᭞ᬧᬜᬤ᭄ᬫᬦ᭄ᬘᭂᬦᬶᬂᬍᬯᬶᬄ᭞ᬓᬳᬾᬫᬦ᭄ᬳᬦ᭄ᬢᬸᬓ᭄ᬲᬂᬧ᭄ᬭᬪᬹ᭞ᬓᬬᬂᬧ᭄ᬭ
ᬢᬶᬲᬦ᭄ᬢᬦ᭞ᬓᬧᬶᬲᬭᬗᭂᬭᬾᬄᬕᬸᬫᬶ᭞ᬲ᭄ᬯᬲ᭄ᬢᬶᬳᬲ᭄ᬢᬸ᭞ᬫᬤᬓ᭄ᬘᭂᬦᬶᬂᬤᬶᬃᬖ᭄ᬕᬬᬸᬱ᭟ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬲᬶᬤ᭄ᬥᬧᬹᬃᬡ᭄ᬦᬮᬶ᭠ᬮᬾᬂᬳᬢᬶ᭞ᬓᬤᬶᬓᬲᬶᬭᬢᬦ᭄‌ᬫᬺᬢ᭄ᬣ᭞ᬭᬸᬫᭂᬗᭃᬳᬸᬚᬃᬲᬂᬬᭀᬕᬶ᭞ᬭᬸᬯᬢ᭄ᬭᬱᬦᬶᬗ᭄ᬳᬢᬶ᭞ᬲᬓ᭄ᬱᬡᬕᬮᬂᬲᬶᬦᬧᬸᬄ᭞ᬫᬵᬮᬦᬶᬓᬂᬰᬭᬶᬭ᭞
ᬓᬇᬥᭂᬧ᭄ᬓᬮᬸᬓᬢ᭄ᬤᬾᬦᬶᬂ᭞ᬳᬲ᭄ᬢᬸᬧᬸᬗ᭄ᬓᬸ᭞ᬧᬂᬍᬩᬸᬭᬦ᭄ᬤᬰᬫᬵᬮ᭟ᬲᬶᬤ᭄ᬥᬮᬷᬮᬧᬭᬶᬧᬹᬃᬡ᭄ᬦ᭞ᬫᬮᬶᬄᬫᭀᬚᬃᬲᬂᬪᬶᬓ᭄ᬱᬹᬦᬶ᭞ᬉᬥᬹᬄᬘᭂᬦᬶᬂᬅᬢ᭄ᬫᬚᬶᬯ᭞ᬘᭂᬦᬶᬂᬧᬗᬦ᭄ᬢᬸᬗᬦ᭄ᬳᬸᬭᬶᬧ᭄᭞ᬫᬾᬫᬾᬦᬸᬢᬸᬭᬶᬦ᭄ᬚᬦᬶ᭞ᬫᬶᬭᬶᬩ᭄ᬘᭂᬦᬶᬂᬢᭀᬦ᭄ᬤᬾᬦ᭄ᬢᬳᬸ᭞ᬓᬲᬗ᭄ᬓᬮᬦᬾᬚᬸᬫᬄ᭞ᬤᬶᬧᬤᬸᬓ᭄ᬯᬦ᭄‌ᬢ
ᬫᬦ᭄ᬩᬮᬶ᭞ᬮᬦᬂᬯᬥᬹ᭞ᬳᬦᬓᬾᬮᬶᬗ᭄ᬲᬶᬃᬦ᭄ᬤᬾᬯᬢ᭞ᬦᬶᬦᬶᬦ᭄ᬘᭂᬦᬶᬂᬮᬦ᭄ᬳᬶᬧᭂᬓᬓ᭄᭞ᬲᬵᬫ᭄ᬧᬸᬦ᭄ᬮᬷᬦᬫᬓᬓᬵᬮᬶᬄ᭞ᬫᬦ᭄ᬢᬸᬓ᭄ᬓᬲᬸᬦ᭄ᬬᬦᬶᬃᬩ᭄ᬪᬦ᭞ᬲᬲᬸᬩᬦ᭄ᬘᭂᬦᬶᬂᬫᬕᭂᬤᬶ᭞ᬳᬸᬮᬶᬤᬶᬢᬫᬦ᭄ᬩᬮᬶ᭞ᬓᬵᬫᬚᬬᬫᬦ᭄ᬢᭂᬕ᭄ᬧᬸᬧᬹ᭞ᬲᬳᬦᬗᬶᬲ᭄ᬲᬶᬕ᭄ᬲᬶᬕᬦ᭄᭞ᬭᬵᬚᬧᬸᬢ᭄ᬭᬶᬗᬯᬭᬗᬶᬦ᭄᭞ᬲ᭄ᬮᭂ [ 180 ][᭑᭗᭙ 179B]
᭑᭗᭙
ᬕᬸᬓ᭄‌ᬲ᭄ᬮᭂᬕᬸᬓ᭄᭞ᬫᭂᬭᬄᬫᭂᬭᬸᬄᬜᭂᬮ᭄ᬲᭂᬮ᭄ᬭᬕ᭟ᬳᬫ᭄ᬩᬢ᭄ᬢᬦ᭄ᬲ᭄ᬯᬾᬘ᭄ᬙᬦ᭄ᬪᬝᬵᬭ᭞ᬧᬜᭂᬮ᭄ᬲᭂᬮᬾᬲᬋᬂᬓᬵᬮᬶᬄ᭞ᬤᬾᬯᬾᬓᬾᬲᬚᬫᬓ᭄ᬭᬡ᭞ᬦ᭄ᬤᬾᬯᬢᬳᬦᬓᬾᬮᬶᬗ᭄ᬲᬶᬃ᭞ᬧᬵᬢᬹᬢ᭄ᬫᬢᬸᬮᬓ᭄ᬫᬮᬶᬄ᭞ᬓᬲᬸᬦ᭄ᬬᬦᬶᬃᬩ᭄ᬪᬦᬫᬦ᭄ᬢᬸᬓ᭄᭞ᬩᬧᬲᬓᬾᬂᬗᬗᭀᬩᬂ᭞ᬧᬫᬵᬃᬕ᭄ᬕᬦ᭄ᬳᬦᬓᬾ᭠
ᬮᬶᬗ᭄ᬲᬶᬃ᭞ᬜᬦ᭄ᬤᬂᬢᬶᬭᬸ᭞ᬤᬤᬶᬓᬓᬲᬸᬩᬦ᭄‌ᬯᭂᬓᬲ᭄᭟ᬢ᭄ᬯᬭᬫᬚᬮᬭᬦ᭄ᬲᬸᬗ᭄ᬓᬦ᭄᭞ᬤᬦᬾᬮᬷᬦᬮᬦᬂᬳᬶᬲ᭄ᬢ᭄ᬭᬶ᭞ᬮᬬᭀᬦ᭄ᬤ᭠ᬦᬾᬫᬓᭂᬫ᭄ᬩᬭᬦ᭄᭞ᬲᬓᬾᬗᬚ᭄ᬜᬦᬲᬸᬲᬡ᭄ᬥᬶ᭞ᬧᬫᬵᬃᬕ᭄ᬕᬦ᭄ᬳᬦᬓ᭄ᬮᭂᬯᬶᬄ᭞ᬲᬗ᭄ᬓᬮ᭄ᬩᬧᬢᬢᬲ᭄ᬯᭂᬭᬸᬄ᭞ᬤᬾᬦᬶᬂᬳᬤᬢᬸᬢᬸᬤᬦ᭄᭞ᬩᬶᬬᬂᬘᭂᬦᬶᬂᬫᬥᬾ᭠
ᬯᬢᬶ᭞ᬲᬂᬫᬳᬬᬸ᭞ᬮᬬᭀᬦ᭄ᬤᬦᬾᬲᬂᬯᬸᬲ᭄ᬮᬷᬦ᭟ᬩᬶᬬᬂᬘᭂᬦᬶᬂᬚᬦᬶᬚᬸᬫᬄ᭞ᬤᬶᬧᬤᬸᬓ᭄ᬯᬦ᭄ᬢᬫᬦ᭄ᬩᬮᬶ᭞ᬲᭂᬤᬶᬄᬓᬶᬗ᭄ᬓᬶᬂᬫᬧᬗᭂᬦ᭠ᬦ᭄᭞ᬫᬗᭂᬦᬂᬘᭂᬦᬶᬂᬫᬕᭂᬤᬶ᭞ᬫᬕᭂᬤᬶᬢᬦ᭄ᬧᬯᬗ᭄ᬲᬶᬢ᭄᭞ᬤ᭄ᬯᬦᬶᬂᬩᬶᬬᬂᬘᭂᬦᬶᬂᬲᬸᬗ᭄ᬲᬸᬢ᭄᭞ᬦᬸᬚᬸᬫᬄᬫᬓᬸᬓᬸᬳᬦ᭄᭞ᬢ᭄ᬯᬭᬜᬓ᭄ᬩᬸᬯᬶᬦ᭄ᬓᬧᬸᬭᬶ᭞ᬜᬸ

[᭑᭘᭐ 180A]
᭑᭘᭐
ᬗ᭄ᬓᬦ᭄ᬓᬬᬸᬦ᭄᭞ᬲᬸᬓᬵᬬᬦ᭄ᬫᬗᬜᬸᬢ᭄ᬚᬶᬯ᭟ᬬᬦ᭄ᬘᭂᬦᬶᬂᬢ᭄ᬯᬭᬫᬢᬸᬮᬓ᭄᭞ᬧᬕᭂᬄᬤᬦᬾᬓᬬᬂᬚᬦᬶ᭞ᬗᬦ᭄ᬢᭀᬲᬂᬘᭂᬦᬶᬂᬦᬸᬚᬸᬫᬄ᭞ᬢ᭄ᬯᬭᬤᬦᬾᬜᬓ᭄ᬫᬓᬶᬲᬶᬤ᭄᭞ᬲᬢᬢᬗᬫᬾᬘᭂᬦᬶᬂ᭞ᬫᬩᬤ᭄ᬬᬬᬂᬘᭂᬦᬶᬂᬭᬯᬸᬄ᭞ᬫᬢᬸᬮᬓ᭄ᬓᬧᬤᬸᬓ᭄ᬯᬦ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬲᭂᬤᬶᬄᬗᬸ᭠
ᬦ᭄ᬗᬸᬦ᭄᭞ᬫᬫᬗᭂᬦᬂᬲᬂᬓᬢᬶᬗ᭄ᬕᬮ᭄᭟ᬫᬮᬶᬄᬦᬗᬶᬲ᭄ᬢᬦ᭄ᬧᭂᬕᬢᬦ᭄᭞ᬲᬳᬜᭂᬮ᭄ᬲᭂᬮ᭄ᬧᬸᬮᬓᬾᬃᬢ᭄ᬢᬶ᭞ᬫᬗᭂᬦᬂᬤᬦᬾᬳᬶᬩᬶ᭠ᬬᬂ᭞ᬗᬭᬕᬤᬶᬢᬫᬦ᭄ᬩᬮᬶ᭞ᬩᬶᬮᬶᬄᬗᬮᬮᬸᬧᬢᬶ᭞ᬓᬩᬢᭂᬓ᭄ᬓᬬᬸᬦᬾᬲᬸᬗ᭄ᬲᬸᬢ᭄᭞ᬲᬂᬪᬶᬓ᭄ᬱᬹᬦᬶᬗᬦ᭄ᬤᬶᬓ᭞ᬲᬤᬳᬮᭀᬦ᭄ᬫᬶᬢᬸᬢᬸᬭᬶᬦ᭄᭞ᬘᭂᬦᬶᬂ᭠
ᬳᬬᬸ᭞ᬓᬵᬮᬶᬄᬘᭂᬦᬶᬂᬓᬵᬫᬚᬬ᭟ᬫᭂᬮᬄᬫᬮᬸᬫᬢᭂᬕ᭄ᬢᭂᬕᬦ᭄᭞ᬮᬦ᭄ᬢᬗᬂᬘᭂᬦᬶᬂᬫᬶᬦᭂᬳᬶᬦ᭄᭞ᬳᬧᬂᬢ᭄ᬯᬭᬓᬤᬭᭀᬧᭀᬦ᭄᭞ᬭᬸᬫᬲᬢ᭄ᬜᭂᬩᬸᬭᬶᬦ᭄ᬳᬧᬶ᭞ᬫᬧ᭄ᬯᬭᬕᭂᬲᭃᬂᬩᬲ᭄ᬫᬶ᭞ᬲᬂᬓᬵᬮᬶᬄᬦᬸᬮᬶᬢᬮᬗ᭄ᬓᬸᬧ᭄᭞ᬳᬢᬸᬭᬾᬲᬭᬮᬾᬤᬂ᭞ᬫᬲᬤᬾᬯᬾᬓ᭄ᬢᬶᬢ᭄ᬬᬂᬗᬶᬭᬶᬂ᭞ᬜᬸᬩ
ᬮ᭄ᬲᬵᬫ᭄ᬧᬸᬦ᭄᭞ᬓᬤᬶᬦᬶᬓᬫᬭᬭᬲᬦ᭄᭟᭜᭟ᬧᬸᬘᬸᬂ᭟᭜᭟ᬲᭂᬤᬶᬄᬗᬸᬦ᭄ᬗᬸᬦ᭄᭞ᬓᬵᬫᬚᬬᬮᬦ᭄ᬤᬾᬯᬵᬬᬸ᭞ᬓᬗᭂᬦ᭄ᬫᬫᬗᭂᬦᬂ᭞ᬩᬶᬬᬂᬤᬦᬾᬫᬥᬾᬯᬢᬶ᭞ᬩᬗᭂᬢ᭄ᬲᬸᬗ᭄ᬲᬸᬢ᭄᭞ᬗᬭᬕᬫᬭᬶᬂᬧᬤᬸᬓ᭄ᬯᬦ᭄᭟ᬓᬶᬢᬓ᭄ᬓᬶᬢᬸᬓ᭄᭞ᬲᬧᬲᬶᬭᬦᬾᬗᬮᬶᬧᬹᬃ᭞ᬓᬳᬶᬘᬮᬦ᭄ᬳᭀᬓ᭞ [ 181 ][᭑᭘᭐ 180B]
᭑᭘᭐
ᬫᬓᬧᬗᬦ᭄ᬢᬸᬗᬦ᭄ᬳᬸᬭᬶᬧ᭄᭞ᬫᬾᬄᬗᬮᬮᬸ᭞ᬓᬬᬸᬦ᭄ᬤᬦᬾᬦᬦ᭄ᬤᬂᬮᬭ᭟ᬲᬕᬾᬢ᭄ᬭᬯᬸᬄ᭞ᬲᬂᬪᬶᬓ᭄ᬱᬹᬦᬶᬫᬧᬶᬢᬸᬢᬸᬭ᭄᭞ᬘᭂᬦᬶᬂ᭠ᬓᬵᬫᬚᬬ᭞ᬓᬵᬮᬶᬄᬲᬂᬫᬡᬶᬓᬶᬂᬧᬸᬭᬶ᭞ᬘᭂᬦᬶᬂᬳᬬᬸ᭞ᬚᬮᬦ᭄ᬩᬸᬯᬶᬦ᭄ᬫᬭᬭᬲᬦ᭄᭟ᬳᬚᬓ᭄ᬢᭂᬮᬸ᭞ᬦᬸᬢᬸᬭᬂᬳᬸᬦ᭄ᬤᬸᬓᬾᬫᬮᬸ᭞ᬢᭀᬦ᭄ᬤᬾᬦ᭄ᬫᬾᬫᬾᬧᭂ᭠
ᬤᬲ᭄᭞ᬢᭂᬓᬾᬦᬶᬂᬧᬚᬮᬦ᭄ᬘᭂᬦᬶᬂ᭞ᬫᬸᬂᬧᬂᬮᬓᬸ᭞ᬩᬸᬓᬭᬯᭀᬲᬂᬳᬶᬩᬸᬲᬦ᭄᭟ᬭᬭᬶᬲ᭄ᬫᬵᬢᬹᬃ᭞ᬲᬂᬓᬵᬮᬶᬄᬗᬸᬦᬶᬗ᭄ᬳᬂᬳᬸᬦ᭄ᬤᬸᬓ᭄᭞ᬧᬫᬵᬃᬕ᭄ᬕᬶᬦᬾᬧᭂᬘᬓ᭄᭞ᬓᬾᬲᬄᬲᬓᬾᬂᬢᬫᬦ᭄ᬩᬮᬶ᭞ᬘᭂᬩᬃᬘᭂᬩᬸᬃ᭞ᬗᬮᬶᬦ᭄ᬢᬂᬧᬗ᭄ᬓᬸᬂᬮᬦ᭄ᬚᬸᬭᬂ᭟ᬓᬯᬶᬢ᭄ᬭᬯᬸᬄ᭞ᬭᬶᬂᬤᬾᬰᬧᭂᬲᬗ᭄ᬓᬦ᭄ᬤᬸᬫᬸᬦ᭄᭞ᬧᭀ
ᬮᬶᬄᬫᬤᬸᬦᬸᬗᬦ᭄᭞ᬲᬓᬾᬂᬳᬶᬭᬶᬓᬵᬫᬕᬶᬗ᭄ᬲᬶᬃ᭞ᬢᬫ᭄ᬩᬶᬲ᭄ᬮᬘᬸᬃ᭞ᬤᬸᬓᬾᬭᬶᬂᬤᬾᬰᬲᬶᬩᭂᬢᬦ᭄᭟ᬩᭀᬬᬤᬸᬭᬸᬲ᭄᭞ᬇᬭᬶᬓᬵᬧᭀᬮᬶᬄᬫᬤᬸᬦᬸᬗᬦ᭄᭞ᬗᬸᬗ᭄ᬲᬶᬓᬢᬶᬬᬜᬃ᭞ᬳᬬᬢ᭄ᬦᬶᬗ᭄ᬕᬮ᭄ᬚᬕᬢ᭄ᬩᬮᬶ᭞ᬦᬸᬫ᭄ᬧᬂᬧ᭄ᬭᬳᬸ᭞ᬲᬗ᭄ᬓᬯᭀᬦ᭄ᬧ᭄ᬭᬳᬸᬦᬾᬩᭂᬜ᭄ᬘᬄ᭟ᬢᬫ᭄ᬩᬶᬲ᭄ᬮᬫ᭄ᬧᬸᬲ᭄᭞ᬬ
ᬦ᭄ᬢᬦ᭄ᬲ᭄ᬯᬾᬘ᭄ᬙᬲᬗ᭄ᬳ᭄ᬬᬂᬢᬸᬤᬸᬄ᭞ᬫᬗ᭄ᬤᭀᬄᬲᬶᬤ᭄ᬥᬮᬲ᭄ᬬ᭞ᬧᭀᬮᬶᬄᬓᬫ᭄ᬧᬶᬄᬓᬧᬲᬶᬲᬶ᭞ᬢᭂᬮᬲ᭄ᬓᬵᬢᬹᬃ᭞ᬲᬳᬶᬦ᭄ᬤᬶᬓ᭄ᬫᬗ᭄ᬕᬸᬄᬲ᭠ᬗ᭄ᬓᬮ᭟ᬲᭂᬫᬂᬲᭂᬦ᭄ᬤᬸ᭞ᬲᬂᬪᬶᬓ᭄ᬱᬹᬦᬶᬫᬗᬭᬸᬗᬸ᭞ᬢᬸᬢᬹᬃᬓᬵᬫᬚᬬ᭞ᬓᬵᬮᬶᬄᬳᬶᬤᬭᬵᬚᬧᬸᬢ᭄ᬭᬶ᭞ᬗᭂᬢᬸᬲ᭄ᬓᬬᬸᬦ᭄᭞ᬫᭂᬭᬄᬫᭂᬭᬸᬄᬫᬲᭂᬮ᭄ᬲᭂᬮᬦ᭄᭟

[᭑᭘᭑ 181A]
᭑᭘᭑
ᬓᬜ᭄ᬘᬶᬢ᭄ᬭᬯᬸᬄ᭞ᬲᬂᬪᬶᬓ᭄ᬱᬸᬓᬲᭂᬫᬸᬕᬸᬬᬸᬫᬓᬃᬱᬫᬶᬋᬗᬂ᭞ᬧᬶᬤᬃᬢ᭄ᬣᬳᬶᬳᬦᬓ᭄ᬓᬵᬮᬶᬄ᭞ᬓᬤᬶᬮᬸᬘᬸ᭞ᬗᬸᬘᬧᬂᬢᬫ᭄ᬩᬶᬲ᭄ᬲᬗ᭄ᬓᬮ᭟ᬘᭂᬦᬶᬂᬳᬬᬸ᭞ᬮᬦ᭄ᬓᬵᬫᬚᬬᬲᬤᬸᬮᬸᬃ᭞ᬳᬸᬚᬃᬲᬂᬪᬶᬓ᭄ᬱᬹᬓ᭞ᬦᬄᬩᬧᬦᬸᬢᬸᬭᬂᬚᬦᬶ᭞ᬳᬦᬾᬫᬮᬸ᭞ᬩᬧᬤᬲ᭄ᬫᬲᬶᬄᬲᬗ᭄ᬓᬮ᭟ᬢᬫ᭄ᬩᬶ
ᬲ᭄ᬩᬮᬸ᭞ᬬᬦᬶᬂᬫᬾᬫᬾᬦ᭄ᬘᭂᬦᬶᬂᬮᬫ᭄ᬧᬸᬲ᭄᭞ᬤᬸᬕᬲ᭄ᬓᬧ᭄ᬮᬕᬦ᭄ᬤᬂ᭞ᬮᬩᬸᬄᬓᬢᬸᬓᬤ᭄ᬫᭂᬮᬗᬶᬢ᭄᭞ᬳᬕᭂᬢ᭄ᬳᬶᬤᬸᬧ᭄᭞ᬤ᭄ᬯᬦᬶᬂᬩ᭠ᬧᬗᭂᬮᬄᬲᭀᬫᬄ᭟ᬚᭂᬕᬾᬕ᭄ᬦᬸᬮᬸᬲ᭄᭞ᬩᬜᭀᬮ᭄ᬲᬂᬪᬶᬓ᭄ᬱᬹᬓᬦᬸᬢᬸᬃ᭞ᬢᬸᬢᬹᬃᬮᬮᬯᬲᬦ᭄᭞ᬲᬤᬯᭂᬕ᭄ᬤᬦᬾᬢᬭᬸᬡᬶ᭞ᬧᭀᬮᬶᬳᬶ
ᬫ᭄ᬧᬸᬢ᭄᭞ᬩᬶᬜ᭄ᬘᬸᬄᬗᭂᬜ᭄ᬘᬦᬶᬦ᭄ᬕᬕᬾᬮᬦ᭄᭟ᬲᭂᬫᬸᬕᬸᬬᬸ᭞ᬭᬵᬚᬧᬸᬢ᭄ᬭᬶᬫᬶᬋᬂᬢᬸᬢᬹᬃ᭞ᬲᬂᬪᬶᬓ᭄ᬱᬹᬓᬯᬶᬓᬦ᭄᭞ᬗᬯᬾᬚᬶᬃᬡ᭄ᬦᬲᬂᬫᬶᬭᬕᬶ᭞ᬓᭂᬤᬾᬓ᭄ᬦᬸᬦ᭄ᬤᬸᬦ᭄᭞ᬓᬵᬫᬚᬬᬳᭀᬕᬦ᭄ᬗᬓᬓ᭄᭟ᬤᬾᬦᬶᬂᬩᬳᬸᬤ᭄᭞ᬕᬸᬭᬸᬦ᭄ᬤᬦᬾᬫᬧᬶᬢᬸᬢᬸᬭ᭄᭞ᬲᬂᬪᬶᬓ᭄ᬱᬹᬦᬶᬦᬶᬫ᭄ᬩᬮ᭄᭞ᬢ
ᬍᬃᬦᬸᬢᬸᬭᬂᬦᬾᬭᬶᬳᬶᬦ᭄᭞ᬢᬫ᭄ᬩᬶᬲ᭄ᬮᬘᬸᬃ᭞ᬧᭀᬮᬶᬄᬓᬚᬸᬓ᭄ᬭᬶᬂᬧ᭄ᬭᬦ᭄ᬢᭂᬦᬦ᭄᭟ᬳᬦ᭄ᬢᬸᬓᬶᬧᬸᬦ᭄᭞ᬯᬬᬦ᭄ᬲᬤ᭄ᬭᬳᬦᬓ᭄ᬩᬸᬤᬸᬄ᭞ᬤ᭄ᬯᬦᬶᬂᬦᬶᬗ᭄ᬕᬮ᭄ᬤᬾᬰ᭞ᬧᬢᬶᬍᬧᬂᬓᬩᭂᬲᬓᬶᬄ᭞ᬩᬋᬂᬦᬸᬢᬸᬕ᭄᭞ᬕᬸᬭᬸᬦ᭄ᬘᭂᬦᬶᬗᬾᬫᬢᬧ᭟ᬭᬭᬶᬲ᭄ᬫᬵᬢᬹᬃ᭞ᬓᬵᬫᬚᬬᬢᬶᬢ᭄ᬬᬂᬓᬦ᭄ᬢᬸᬦ᭄᭞ᬳᬾᬮᬶᬂ [ 182 ][᭑᭘᭑ 181B]
᭑᭘᭒
ᬤᬸᬓ᭄ᬧᬸᬦᬶᬓ᭞ᬤᬯᭂᬕ᭄ᬢᬶᬢ᭄ᬬᬂᬓᬦ᭄ᬢᬸᬦ᭄ᬳᬮᬶᬢ᭄᭞ᬲᭂᬤᬶᬄᬗᬸᬦ᭄ᬗᬸᬦ᭄᭞ᬗᭂᬮᬶᬂᬓᬶᬘᬮᬦ᭄‌ᬭᬭᬫ᭟ᬮᬦᬂᬯᬥᬹ᭞ᬫᬓᬵᬯᬶᬦᬦ᭄ᬢᬶᬢ᭄ᬬᬂᬳᬸᬩᬸᬄ᭞ᬲᬂᬪᬶᬓ᭄ᬱᬹᬓᬦᬶᬫ᭄ᬩᬮ᭄᭞ᬢᭀᬂᬜᬦ᭄ᬤᬂᬲᭂᬮ᭄ᬲᭂᬮᬂᬘᭂᬦᬶᬂ᭞ᬫᬸᬮᬧᬤᬸᬫ᭄᭞ᬳᬕᭂᬢ᭄ᬮᬘᬸᬭᬾᬫᬓᬤᬂ᭟ᬳᬮᬳᬬᬸ᭞ᬲᬶᬧᬢᬶᬂᬤᬾᬯᬾᬓ᭄ᬢᬸᬫᬸᬯᬸᬄ
᭞ᬦᬫ᭄ᬧᬶᬲᬸᬓᬵᬤᬸᬓᬵ᭞ᬓᬾᬯᬮᬩᬶᬱᬫᬶᬦᭂᬳᬶᬦ᭄᭞ᬢ᭄ᬯᬭᬮᬘᬸᬃ᭞ᬬᬦ᭄ᬮᬶᬬᬸᬗᭂᬮᬄᬧᬦᬯᬂ᭟ᬩᭂᬓᭂᬮ᭄ᬳᬶᬤᬸᬧ᭄᭞ᬳᬗ᭄ᬕᭀ᭠ᬦ᭄ᬦᬗ᭄ᬓᭂᬧᬶᬦ᭄ᬧᬓᬾᬯᬸᬄ᭞ᬧᬦᬯᬂᬭᬸᬫᬲᬢ᭄᭞ᬫᭂᬓᬳᬗ᭄ᬕᭀᬦ᭄ᬗᭂᬮᬯᬢᬶᬦ᭄᭞ᬳᬮᬳᬬᬸ᭞ᬥᬃᬫ᭄ᬫᬦᬶᬂᬤᭂᬫᭂᬦ᭄ᬫᭂᬮᬚᬄ᭟ᬢᬸᬢᬹᬃᬳᬬᬸ᭞ᬧᬶᬓᭀᬮᬶᬄ
ᬘᭂᬦᬶᬂᬫᬳᬸᬭᬸᬓ᭄᭞ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬦᬸᬦᬲᬂᬦᬾᬫᬗ᭄ᬓᬶᬦ᭄᭞ᬫᬾᬭᬸᬫᬾᬭᬸ᭞ᬓᬧᬗ᭄ᬕᬶᬳᬶᬭᬶᬓᬶᬓᬝᬄ᭟ᬢᬶᬢ᭄ᬬᬂᬢᬦ᭄ᬤ᭄ᬭᬸᬄ᭞ᬧᬸᬦᬧᬶᬫᬸᬗ᭄ᬕ᭄ᬯᬶᬂᬲᬲᬸᬤᬸᬓ᭄᭞ᬓᬵᬮᬶᬄᬯᬵᬱ᭄ᬝᬦ᭄ᬧᬸᬭ᭞ᬓᬝᬄᬧᬗ᭄ᬕᬶᬄᬭᬶᬂᬩᭂᬲᬓᬶᬄ᭞ᬦᬸᬮᬷᬓᭂᬢᬸᬭ᭄᭞ᬲᬂᬪᬶᬓ᭄ᬱᬸᬓᬫᬶᬤᬃᬢ᭄ᬣᬬᬂ᭟᭜᭟
ᬕᬶᬦᬤ᭟᭜᭟ᬯᬸᬲᬦ᭄ᬲᬂᬪᬶᬓ᭄ᬱᬹᬓᬗᬶᬦᬂ᭞ᬗᬸᬢᬂᬕᬦ᭄ᬢᬾᬦ᭄ᬗᬸᬘᬧᬭᬶᬲ᭄᭞ᬥᬹᬄᬘᭂᬦᬶᬂᬳᬬᬸᬧᬶᬋᬗᬂ᭞ᬦᬄᬯᬚᬦᬶᬫᬧᬶᬢᬸᬢᬸᬭ᭄᭞ᬲᬹᬓ᭄ᬱᭂᬫᬦᬶᬂᬧᬸᬭᬧᬸᬭ᭞ᬤᬶᬩᭂᬲᬓᬶᬄ᭞ᬫᬗ᭄ᬤᬘᭂᬦᬶᬂᬢᬢᬲ᭄ᬯᬶᬓᬦ᭄᭟ᬦᬾᬳᬤᬲᬧᬍᬩᬳᬦ᭄᭞ᬧᬸᬭᬕᭂᬮᬧ᭄ᬫᬶᬦᬓᬵᬤᬶ᭞ᬳᬸ

[᭑᭘᭒ 182A]
᭑᭘᭒
ᬮᬸᬦ᭄ᬓᬸᬮ᭄ᬓᬸᬮ᭄ᬫᬓᬫᬶᬯᬄ᭞ᬧᬸᬭᬧᬦᬢᬭᬦ᭄ᬳᬕᬸᬂ᭞ᬩᬢᬸᬫᬤᭂᬕ᭄ᬓᬂᬓᬶᬦᬸᬘᬧ᭄᭞ᬧᬸᬭᬦ᭄ᬕᬸᬫᬶ᭞ᬓᬶᬤᬸᬮᬶᬂᬓᬺᬢᭂᬕ᭄ᬓᬮᬯᬦ᭄᭟ᬧᬸᬭᬩᬡ᭄ᬯᬮᬦ᭄ᬫᬡᬶᬓ᭄ᬫᬵᬲ᭄᭞ᬫᬶᬦᬓᬵᬤᬶᬤᬍᬫ᭄ᬧᬸᬭᬶ᭞ᬩᬗᬸᬦ᭄ᬰᬓ᭄ᬢᬶᬫᬓᬫᬶᬯᬄ᭞ᬩᬲᬸᬓᬶᬳᬦ᭄ᬦᬾᬓᬲᬸᬂᬲᬸᬂ᭞ᬧᬯᬗᬸᬦ᭄ᬭᬵᬚᬤᬾᬯᬢ᭞
ᬰ᭄ᬭᬶᬓᬾᬲᬭᬶ᭞ᬧᬃᬡ᭄ᬦᬦ᭄ᬯᬚᭂᬦᭂᬂᬜᬶᬓᬸᬢᬂ᭟ᬧᬗᬶᬫ᭄ᬩᬂᬳᬗ᭄ᬕᬰᬭᬶᬭ᭞ᬫᬵᬦᬹᬢ᭄ᬩᬘᬓᬦ᭄ᬯᬢ᭄ᬦᬤᬶ᭞ᬳᬦᬾᬫᬳᬶᬢᬸᬂᬳᬤᬰ᭞ᬮᬦ᭄ᬩᬘᬓᬦ᭄ᬤᬰᬩᬬᬸ᭞ᬦᬾᬗᬤᬓᬂᬓᬳᬸᬭᬶᬧᬦ᭄᭞ᬫᬭᬶᬂᬩᬮᬶ᭞ᬧᬶᬦᬓᬲᬗ᭄ᬳ᭄ᬬᬂᬲᬹᬓ᭄ᬱᭂᬫ᭟ᬯᬢ᭄ᬦᬥᬶᬳᬦᬾᬳᬤᬰ᭞ᬧᬲ᭄ᬮᬶᬗ᭄ᬓᭂᬢ᭄ᬳ
ᬦᬾᬓᬵᬤᬦᬶᬦ᭄᭞ᬇᬥᬓᬮᬯᬦ᭄‌ᬨᬶᬗ᭄ᬕᬮ᭞ᬮᬦ᭄‌ᬲᬸᬫ᭄ᬲᬸᬫᭂᬦᬲᬤᬸᬮᬸᬃ᭞ᬕᬡ᭄ᬟᬭᬶᬮᬦ᭄‌ᬅᬲ᭄ᬫᬶᬫᬶᬯᬄ᭞ᬚᬶᬳ᭄ᬯᬩᬸᬯᬶᬦ᭄᭞ᬨᬹᬲ᭄ᬓᬮᬯᬦ᭄ᬳᬮᬫ᭄ᬪᬸᬱ᭟ᬫᬓᬵᬤᬶᬓᬹᬳᬸᬓᬮᬯᬦ᭄᭞ᬰᬗ᭄ᬓᬶᬦᬶᬳᬤᬰᬘᭂᬦᬶᬂ᭞ᬳᬤᬰᬫᬲᬶᬄᬓᬲᬫ᭄ᬩᬢ᭄᭞ᬳᬦᬾᬫᬵᬤᬦ᭄ᬤᬰᬩᬬᬸ᭞
ᬩᬬᬸᬦᬾᬫᬵᬤᬦ᭄ᬳᬗ᭄ᬲᭂᬗᬦ᭄᭞ᬩᬸᬂᬩᬸᬂᬕᭂᬢᬶᬄ᭞ᬧᬲ᭄ᬮᬶᬗ᭄ᬓᭂᬢ᭄ᬢᭂᬗᬳᬶᬂᬳᬗ᭄ᬕ᭟ᬳᬤᬳᬦᬾᬫᬵᬤᬦ᭄ᬧ᭄ᬭᬡ᭞ᬧᬲᬸᬓ᭄ᬯᭂᬢᬸᬦᬾᬤᬶᬩᬶᬩᬶᬄ᭞ᬢᭂᬓᬾᬦ᭄ᬤᬶᬘᬸᬗᬸᬄᬫᬓᬤᬂ᭞ᬅᬧᬡᬧᬚᬮᬦ᭄ᬩᬬᬸ᭞ᬦᬾᬤᬶᬲᬶᬮᬶᬢ᭄‌ᬫ᭄ᬯᬂᬤᬶᬧ᭄ᬭᬡ᭞ᬲᬗ᭄ᬓᬦ᭄ᬤᬤᬶ᭞ᬫᬜᬸᬄᬬᬤᬶᬦ᭄ᬫᬓᭂ᭠ [ 183 ][᭑᭘᭒ 182B]
᭑᭘᭒
ᬩᭀᬢᬦ᭄᭟ᬲᬫᬡᬳᬸᬭᬸᬗᬸᬭᬸᬗᬦ᭄᭞ᬩᬬᬸᬦᬾᬦᭀᬗᭀᬲ᭄ᬤᬶᬳᬢᬶ᭞ᬗᬶᬲᭂᬧ᭄ᬲᬵᬭᬶᬦ᭄ᬤᬳᬭᬦ᭄᭞ᬫᬧᬸᬦ᭄ᬤᬸᬄᬢᭂ᭠ᬗᬳᬶᬂᬳᬫ᭄ᬧ᭄ᬭᬸ᭞ᬲᬵᬭᬶᬦᬶᬗᬶᬦᬸᬫᬶᬦᬸᬫᬦ᭄᭞ᬤᬤᬶᬕᭂᬢᬶᬄ᭞ᬲᬵᬭᬶᬦ᭄ᬧᬗᬤᭂᬓᬾᬓᭀᬘᬧ᭄᭟ᬤᬤᬶᬧᭂᬘᬾᬄᬮᬦ᭄ᬢᭂᬗ᭄ᬓᬳᬓ᭄᭞ᬧᭂᬳᭂᬲ᭄ᬮᬦ᭄ᬢᬾᬗᬾ
ᬲ᭄ᬲᬮ᭄ᬯᬶᬭᬶᬂ᭞ᬉᬥᬦᬳᬸᬭᬸᬗᬸᬭᬸᬗᬦ᭄᭞ᬩᬸᬂᬩᬸᬂᬕᭂᬢᬶᬄᬳᬸᬫᬄᬩᬬᬸ᭞ᬤᬶᬧᬩᬳᬦ᭄ᬰᬶᬯᬤ᭄ᬯᬭ᭞ᬲᬃᬯ᭄ᬯᬲᬡ᭄ᬥᬶ᭞ᬩᬶᬮᬂᬩᬸᬓᬸᬲᬶᬤ᭄ᬥᬫᭀᬮᬄ᭟ᬩᬢᬶᬲᬾᬩᬶᬱᬫᬚᬮᬦ᭄᭞ᬮᬶᬫᬦᬾᬜᬶᬤ᭄ᬥᬬᬂᬗᬶᬲᬶ᭞ᬩ᭄ᬬᬦᬩᬬᬸᬦᬾᬫᭂᬜ᭄ᬘᬭᬂ᭞ᬕᭂᬢᬶᬳᬾᬫᬭᬶᬂᬧᬧᬸᬲᬸᬄ᭞ᬫᬶᬤᭂᬄᬤᬶ
ᬳᬗ᭄ᬕᬰᬭᬶᬭ᭞ᬲᬸᬲᬸᬧ᭄ᬕᭂᬢᬶᬄ᭞ᬤ᭄ᬯᬦᬶᬂᬳᬶᬤᬸᬧ᭄ᬲᬶᬤ᭄ᬥᬫᭀᬮᬄ᭟ᬳᬤᬳᬦᬾᬫᬵᬤᬦ᭄ᬦᬕ᭞ᬩᬬᬸᬧᬗᭂᬧᬾᬢᬦ᭄ᬧᬢᬶ᭞ᬦᭂᬕᬸᬮ᭄ᬢ᭄ᬯᬭᬤᬤᬶᬫᭀᬮᬄ᭞ᬬᬦᬶᬂᬧᬦᬫᬬᬮᬫ᭄ᬧᬸᬲ᭄᭞ᬓᬹᬫᬭᬳᬸᬭᬸᬗᬸᬭᬸᬗᬦ᭄᭞ᬩᬸᬂᬩᬸᬂᬕᭂᬢᬶᬄ᭞ᬳᬦᬾᬗᬤᬓᬂᬓᭂᬢᭂᬕᬦ᭄᭟ᬓᬺᬓ
ᬭᬳᬸᬭᬸᬗᬸᬭᬸᬗᬦ᭄᭞ᬩᬸᬂᬩᬸᬂᬕᭂᬢᬶᬄᬤᬤᬶᬯᬳᬶᬦ᭄᭞ᬫᬩᬗ᭄ᬓᭂᬲ᭄ᬮᬸᬫ᭄ᬩ᭄ᬭᬄᬓᬲᬫ᭄ᬩᬢ᭄᭞ᬤᬾᬯᬥᬢᬢᭀᬗᭀᬲ᭄ᬩᬬᬸ᭞᭠ᬦᬾᬗ᭄ᬭᬡᬬᬂᬳᬸᬯᬩᬸᬯᬩ᭄᭞ᬓᬶᬬᬧ᭄ᬳᬭᬶᬧ᭄᭞ᬥᬦᬜ᭄ᬚᬬᬩᬬᬸᬦ᭄ᬰᬩ᭄ᬥ᭟ᬲᬗ᭄ᬓᬦ᭄ᬩᬶᬱᬫᬲᭀᬘᬧᬦ᭄᭞ᬗᬭᬯᭀᬲ᭄ᬬᬤᬶᬦ᭄ᬫᬫᬸᬜᬶ᭞᭠

[᭑᭘᭓ 183A]
᭑᭘᭓
ᬓᬾᬢᭀᬘᭂᬦᬶᬂᬬᬦ᭄ᬢᬓᭀᬘᬧ᭄᭞ᬳᬦᬾᬫᬵᬤᬦ᭄ᬤᬰᬩᬬᬸ᭞ᬮᬶᬗᬶᬂᬯᬺᬳᬲ᭄ᬧᬢᬶᬢᬢ᭄ᬯ᭞ᬢᬸᬢᬹᬃᬬᬸᬓ᭄ᬢᬶ᭞ᬫᬗ᭄ᬤᬘᭂ᭠ᬦᬶᬂᬢᬢᬲ᭄ᬦᬯᬂ᭟ᬤᬾᬯᬵᬬᬸᬫᬵᬲ᭄ᬫᬵᬢᬹᬃᬦᬶᬫ᭄ᬩᬮ᭄᭞ᬥᬹᬄᬢᬶᬢ᭄ᬬᬂᬜᬤ᭄ᬬᬜᬸᬗ᭄ᬓᭂᬫᬶᬦ᭄᭞ᬤᭀᬄᬧᬭᬢᬶᬢ᭄ᬬᬂᬫᬩᭀᬬ᭞ᬓᬵᬫᬚᬬᬜᭂᬮ
ᬕ᭄ᬫᬵᬢᬹᬃ᭞ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬦᬸᬦᬲᬂ᭞ᬫᬗ᭄ᬤᬳᬸᬦᬶᬂ᭞ᬓᬮᬶᬗᬦ᭄ᬭᬶᬂᬧᬸᬭᬧᬸᬭ᭟ᬧᬮᬶᬗ᭄ᬕᬶᬳᬾᬫᬪᬶᬦᬬᬦ᭄᭞ᬧᬚᭂᬦᭂᬗᬦᬾᬓᬧᬗ᭄ᬕᬶᬄ᭞ᬯᬾᬦ᭄ᬢᭂᬦ᭄ᬫᬭᬳᬩ᭄ᬫᬢᬸᬫ᭄ᬧᬂ᭞ᬯᬾᬦ᭄ᬢᭂᬦ᭄ᬧᬭᬹᬧᬬᬦ᭄ᬫᬾᬭᬸ᭞ᬯᬾᬦ᭄ᬢᭂᬦ᭄ᬢᬍᬃᬢᬦ᭄ᬧᬢᬸᬫ᭄ᬧᬂ᭞ᬓᬾᬗᬶᬦ᭄ᬕᬧᬶ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬦᬳᬂ᭟ᬲᬂ᭠
ᬪᬶᬓ᭄ᬱᬹᬓᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬓᬾᬦᬾᬓᬮᬶᬗᬦᬾᬘᭂᬦᬶᬂ᭞ᬳᬦᬾᬫᬭᬳᬩ᭄ᬫᬢᬸᬫ᭄ᬧᬂ᭞ᬮᬶᬗ᭄ᬕᬶᬄᬲᬂᬧᬶᬢᬭᬤᬶᬢᬸ᭞ᬓᬲᬸᬂ᭠ᬲᬸᬂᬧᬶᬦᬹᬚᬧᬹᬚ᭞ᬘᬶᬳ᭄ᬦᬪᬓ᭄ᬢᬶ᭞ᬢᭂᬓᬾᬦ᭄ᬪᬝᬵᬭᬓᬯᬶᬢᬦ᭄᭟ᬧ᭄ᬭᬤᬾᬬᬦ᭄ᬢ᭄ᬯᬭᬫᬢᬸᬫ᭄ᬧᬂ᭞ᬮᬶᬗ᭄ᬕᬶᬄᬪᬝᬵᬭᬪᬝᬵᬭᬶ᭞ᬢᬶᬤᭀᬂᬘᭂᬦᬶᬂᬲᬂᬧᬶᬢᬭ᭞
ᬫᬭᬶᬂᬧᬦᬢᬭᬦ᭄ᬳᬕᬸᬂ᭞ᬫᬮᬶᬗ᭄ᬕᬶᬄᬤᬶᬧᬤ᭄ᬫᬵᬲᬦ᭞ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶ᭞ᬤᬾᬯᬮᬸᬳᬸᬭᬶᬗᬓᬵᬱ᭟ᬳᬯᬦᬦ᭄ᬢ᭄ᬯᬭᬫᬭᬳᬩ᭄᭞ᬗᬶᬂᬫᬾᬭᬸᬦᬾᬓᭀᬦᬾᬘᭂᬦᬶᬂ᭞ᬧᬧᬶᬦ᭄ᬤᬬᬦ᭄ᬕᬸᬦᬸᬂᬋᬓᭀ᭞ᬲᬵᬢ᭄ᬫᬓᬬᬂᬫᬳᬵᬫᬵᬭᬸ᭞ᬧᬮᬶᬗ᭄ᬕᬶᬄᬯᬢᭂᬓ᭄ᬧᬶᬢᬭ᭞ᬦᬾᬓᬲᬶᬯᬶ᭞ᬳᭀᬮᬶᬄ [ 184 ][᭑᭘᭓ 183B]
᭑᭘᭓
ᬲᬧ᭄ᬭᬢᬶᬲᬦ᭄ᬢᬦ᭟ᬢᬸᬫ᭄ᬧᬗᬾᬧᬶᬦᬓᬲ᭄ᬯᬃᬕ᭄ᬕᬦ᭄᭞ᬩᬩᬢᬸᬭᬦᬾᬳᬸᬧᬫᬶ᭞ᬕᬸᬫᬶᬮᬶᬗ᭄ᬕᬶᬄᬲᬂᬧᬶᬢᬭ᭞ᬤᬲᬭᬾᬩᭂᬢᬾᬦ᭄ᬓᬲᭂᬗ᭄ᬕᬸᬄ᭞ᬲᬧ᭄ᬢᬧᬢᬮᬳᬸᬧᬫ᭞ᬤᬲᬃᬕᬸᬫᬶ᭞ᬉᬗ᭄ᬕ᭄ᬯᬦᬶᬂᬪᬤᬯᬂᬦᬵᬮ᭟ᬧᬭᬹᬧᬬᬦ᭄ᬓᬤᬶᬳᭂᬫ᭄ᬧᬲ᭄᭞ᬦᬵᬕᬩᬲᬸᬓᬶᬄᬗᬮᬶᬮᬶᬢ᭄᭞ᬢᭀᬂᬜᬶ᭠
ᬤ᭄ᬥᬬᬂᬫᬓᬶᬩᭂᬳᬦ᭄᭞ᬬᬦ᭄ᬫᭀᬮᬄᬗᬤᬓᬂᬮᬶᬦᬸᬄ᭞ᬫᬗ᭄ᬓᬩᬦ᭄ᬭᬱᬲᬚᬕᬢ᭄᭟ᬓᬾᬢᭀᬘᭂᬦᬶᬂ᭞ᬢᬸᬢᬸᬭᬾᬢᭂᬧᬸᬓᬶᬦ᭄ᬩᬧ᭟ᬤᬾᬯᬵᬬᬸᬫᬵᬲ᭄ᬫᬮᬶᬄᬦᬶᬫ᭄ᬩᬮ᭄᭞ᬲᬓᬾᬂᬓᬗᬶᬦ᭄ᬓᬦ᭄ᬢᭂᬦ᭄ᬗᬶᬮᬶᬲ᭄᭞ᬤᬯᭂᬕ᭄ᬢᬶᬢ᭄ᬬᬂᬭᬶᬂᬢᬶᬬᬜᬃ᭞ᬫᬭᬶᬂᬧᬸᬘᬓ᭄ᬕᬸᬦᬸᬂᬳᬕᬸᬂ᭞ᬯᬾᬦ᭄ᬢᭂᬦ᭄ᬩᭀᬮᭀᬂ᭠
ᬳᬕᭃᬂᬮᬶᬗ᭄ᬕᬄ᭞ᬓᬮᬾᬃᬓᬗᬶᬦ᭄᭞ᬯᬶᬓᬦ᭄ᬯᬳᬦ᭄ᬢᬸᬓ᭄ᬧᬸᬦᬶᬓ᭟ᬲᬂᬪᬶᬓ᭄ᬱᬹᬓᬫᬗᬦ᭄ᬤᬶᬓ᭞ᬓᬾᬦᬾᬓᬮᬶᬗᬦᬾᬘᭂᬦᬶᬂ᭞᭠ᬳᬸᬘᬧᬶᬂᬧᬸᬭᬡᬢᬢ᭄ᬯ᭞ᬧᬸᬘᬓ᭄ᬕᬸᬦᬸᬂᬫᬳᬵᬫᬾᬭᬸ᭞ᬓᬲᭂᬧᬶᬄᬓᭀᬦᬾᬓᬩᬓ᭄ᬢ᭞ᬫᬭᬶᬂᬩᬮᬶ᭞ᬳᭀᬮᬶᬄᬲᬯᬢᭂᬓ᭄ᬤᬾᬯᬢ᭟ᬦᭂᬫᭀᬦᬶ᭠
ᬦ᭄ᬓᬵᬮᬇᬰᬓᬵ᭞ᬲᭀᬮᬲ᭄ᬕᭂᬦᭂᬧ᭄ᬮᬶᬗᬶᬂᬳᬚᬶ᭞ᬳᬸᬘᬧᬶᬂᬘᬦ᭄ᬤ᭄ᬭᬲᬗ᭄ᬓᬮ᭞ᬭᬹᬤ᭄ᬭᬪᬹᬫᬷᬓᬯᬸᬯᬸᬲ᭄᭞ᬯᭂᬦᬂᬳᬗ᭄ᬕᭀᬦ᭄ᬭᬭᬫ᭄ᬩᬗᬦ᭄᭞ᬧᬹᬚᬯᬮᬶᬫᬵᬤᬦᬾᬓᬤᬰᬮᬸᬤ᭄ᬭ᭟ᬲᬩ᭄ᬭᬦ᭄ᬦᬗ᭄ᬓᭂᬦ᭄ᬲᬢᬸᬲ᭄ᬢᬶᬩᬦ᭄᭞ᬦᬗᬸᬦ᭄ᬓᬵᬃᬬ᭄ᬬᬤᬶᬩᭂᬲᬓᬶᬄ᭞ᬫᬯᬶᬮᬂᬓᬯᬶᬢᬾᬧᭂᬘᬓ᭄᭞ᬕᬸᬦᬸᬂᬳᬕᬸ

[᭑᭘᭔ 184A]
᭑᭘᭔
ᬗᬾᬫᬓᭂᬧ᭄ᬮᬸᬕ᭄᭞ᬦᭂᬫᭀᬦᬶᬦ᭄ᬓᬵᬮᬇᬰᬓᬵ᭞ᬢ᭄ᬮᬸᬮᬲ᭄ᬧᬲ᭄ᬢᬶ᭞ᬳᬸᬘᬧᬶᬂᬘᬦ᭄ᬤ᭄ᬭᬲᬗ᭄ᬓᬮ᭟ᬕᭂᬦᬶᬪᬹᬥᬭᬓᬳᬸᬘᬧ᭄᭞ᬤᬸᬕᬲ᭄‌‌ᬦ᭄ᬢᭀᬓᭀᬦᬾᬤᬶᬩᬮᬶ᭞ᬓᭂᬢᬸᬕ᭄ᬮᬶᬦᬸᬄᬫᬕᭂᬚᭂᬭᬦ᭄᭞ᬳᬸᬚᬦ᭄ᬩᬍᬲ᭄ᬬᬂᬤᬮᬸ᭞ᬓᬦ᭄ᬢᬶᬤ᭄ᬯᬩᬸᬮᬦ᭄ᬢᬦ᭄ᬧᭂᬕᬢ᭄᭞ᬫᬶᬚᬶᬮ᭄ᬕᭂᬦᬶ᭞ᬳᬸᬮᬶᬧᬸᬘᬓ᭄ᬓᬢᭀ
ᬦ᭄ᬫᭂᬫ᭄ᬩᬄ᭟ᬓᬜ᭄ᬘᬶᬢ᭄ᬪᬝᬵᬭᬶᬪᬝᬵᬭ᭞ᬢᬸᬫᭂᬤᬸᬦ᭄ᬲᬋᬂᬓᬢ᭄ᬭᬶᬦᬶ᭞ᬲᬓᬾᬂᬲᬸᬦ᭄ᬬᬓᬤᬾᬯᬢᬦ᭄᭞ᬫᬮᬶᬗ᭄ᬕᬤᬶᬕᬸᬦᬸᬂᬳᬕᬸᬂ᭞ᬳᬶᬤᬲᬗ᭄ᬳ᭄ᬬᬂᬧᬸᬢ᭄ᬭᬚᬬ᭞ᬓᬲᬋᬗᬶᬦ᭄᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂᬕᭂᬦᬶᬚᬬ᭟ᬮᬦ᭄ᬤᬾᬯᬶᬥᬦᬹᬄᬓᬶᬦᬸᬘᬧ᭄᭞ᬧᬭᬩ᭄ᬪᬝᬵᬭᬪᬝᬵᬭᬶ᭞ᬥᬹᬄᬧᬸᬓᬸᬮᬸᬦ᭄ᬦᬸᬦᬲ᭄ᬮᬸ
ᬕ᭄ᬭ᭞ᬢᬸᬮᬄᬲᬭᬶᬓ᭄ᬫᭀᬖᬮᬸᬧᬸᬢ᭄᭞ᬳᬶᬤᬲᬗ᭄ᬳ᭄ᬬᬂᬧᬸᬢ᭄ᬭᬚᬬ᭞ᬭᬶᬂᬢᭀᬄᬮᬗ᭄ᬓᬶᬃ᭞ᬧᬶᬦᬓᬳ᭄ᬬᬂᬕᬶᬭᬶᬦᬵᬣ᭟ᬳᬶᬤᬳ᭄ᬬᬂᬕᭂᬦᬶᬚᬬ᭞ᬫᬭᬶᬂᬮᬫ᭄ᬧᬸᬬᬂᬲᬶᬦᬶᬯᬶ᭞ᬤᬾᬯᬶᬥᬦᬹᬄᬲᬂᬫᬮᬶᬗ᭄ᬕ᭞ᬪᬝᬵᬭᬶᬤᬶᬤᬦᬸᬩᬢᬸᬃ᭞ᬓᬾᬢᭀᬳᬸᬘᬧᬶᬂᬧᬸᬭᬡ᭞ᬗᬯᬗ᭄ᬲᬶᬢᬶᬦ᭄᭞ᬤ᭄ᬯᬦᬶᬂ
ᬚᬦᬶᬓᭀᬦᬾᬳᬤ᭟ᬩᭀᬮᭀᬂᬮᬶᬗ᭄ᬕᬄᬓᬩᬶᬦᬯ᭞ᬫᬭᬶᬂᬧᬸᬘᬓ᭄ᬓᬚᬓᬗᬶᬦ᭄᭞ᬲᬯᬶᬭᬾᬄᬤᬶᬢᬸᬫᬫᭂᬤᬄ᭞᭠ᬤᬸᬕᬲ᭄ᬕᬸᬦᬸᬗᬾᬫᬓᭂᬧ᭄ᬮᬸᬕ᭄᭞ᬩᭀᬮᭀᬗᬾᬜᬶᬳ᭄ᬦᬬᬂᬲᬚᬧᭂᬲᬸᬳᬧᬶ᭞ᬦᬾᬫᬮᬸᬢᬸᬢᬸᬭᬦ᭄ᬮᬯᬲ᭄᭟ᬓᬵᬫᬚᬬᬫᬵᬢᬹᬃᬦᬶᬫ᭄ᬩᬮ᭄᭞ [ 185 ][᭑᭘᭔ 184B]
᭑᭘᭔
ᬧᬸᬦᬧᬶᬯᬦ᭄ᬢᬄᬧᬶᬂᬓᬵᬮᬶᬄ᭞ᬓᬤᬶᬳᬸᬘᬧᬶᬂᬧᬸᬭᬡ᭞ᬕᬸᬦᬸᬂᬳᬕᬸᬗᬾᬫᬓᭂᬧ᭄ᬮᬸᬕ᭄᭞ᬲᬂᬪᬶᬓ᭄ᬱᬹᬓᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬳᬭᬄᬘᭂᬦᬶᬂ᭞ᬳᬤᬩᬸᬯᬶᬦ᭄ᬓᬢᬸᬢᬸᬭᬦ᭄᭟ᬲᬪᬶᬦᬦ᭄ᬧᬸᬭᬡᬢᬢ᭄ᬯ᭞ᬳᬤᬦᬾᬗᬸᬘᬧᬂᬩᬸᬯᬶᬦ᭄᭞ᬫᬲᬶᬄᬓᬢᬸᬢᬸᬭᬦ᭄ᬮᬯᬲ᭄᭞ᬫᬵᬤᬦ᭄ᬩᬩᬤ᭄ᬕᬸ᭠
ᬦᬸᬂᬳᬕᬸᬂ᭞ᬦᭂᬫᭀᬦᬶᬦ᭄ᬰᬰᬶᬄᬓᬮᬶᬫ᭞ᬳᬦᬾᬗᬹᬦᬶ᭞ᬯᬭᬢᭀᬮᬸᬤᬶᬦᬰᬸᬓ᭄ᬭ᭟ᬇᬰᬓᬵᬦ᭄ᬜᬧᬶᬢᬸᬂᬤᬰ᭞ᬕᬸᬦᬸᬂᬳᬕᬸᬂ᭠ᬫᭂᬤᬮ᭄ᬕᭂᬦᬶ᭞ᬓᬯᬶᬢ᭄ᬳᬤᬲᬮᭀᬤᬓ᭞ᬫᬥᬹᬓᬮᬸᬧᬓᬯᬸᬯᬸᬲ᭄᭞ᬤᬶᬢᬸᬤᬶᬩᭀᬮᭀᬗᬾᬓᭀᬘᬧ᭄᭞ᬓᬬᬂᬚᬦᬶ᭞ᬉᬢ᭄ᬢᬫᬧᬶᬘ᭄ᬙᬦ᭄ᬪᬝᬵ
ᬭ᭟ᬲᬸᬯᬸᬤ᭄ᬓᬾᬢᭀᬓᬳᬸᬘᬧᬂ᭞ᬩᬶᬦ᭄ᬘᭂᬧᭀᬓ᭄ᬫᭂᬤᬮᬂᬳᬧᬶ᭞ᬦᭂᬫᭀᬦᬶᬦ᭄ᬓᬵᬮᬇᬰᬓᬵ᭞ᬲᬢᬸᬲ᭄ᬲᭀᬮᬲ᭄ᬳᬦᬾᬫᬮᬸ᭞ᬳᬸᬘᬧᬶᬂᬘᬦ᭄ᬤ᭄ᬭᬲᬗ᭄ᬓᬮ᭞ᬫᬶᬢᭂᬕᭂᬲᬶᬦ᭄᭞ᬯᬵᬓ᭄ᬰᬰᬶᬯᬵᬓ᭄ᬗᬯᬢᬗᬂ᭟ᬲᬢᬸᬲ᭄ᬲᭀᬮᬲ᭄‌‌ᬇᬰᬓᬵᬦ᭄ᬜ᭞ᬤᬸᬕᬲ᭄‌‌ᬦ᭄ᬢᭀᬓᭀᬦᬾᬗ᭠
ᬢᬶᬦ᭄᭞ᬓᬵᬃᬬ᭄ᬬᬏᬓᬤᬰᬮᬸᬤ᭄ᬭ᭞ᬫᬤᬸᬮᬸᬭᬦ᭄ᬢᬯᬸᬃᬳᬕᬸᬂ᭞ᬓᬵᬃᬬ᭄ᬬᬦᬾᬧᬶᬦᬶᬄᬉᬢ᭄ᬢᬫ᭞ᬤᬶᬩᭂᬲᬓᬶᬄ᭞ᬳᬓᬾᬢᭀᬳᬸᬘᬧᬶᬂᬩᬩᬤ᭄᭟ᬳᬧᬂᬘᭂᬦᬶᬂᬧᭂᬤᬲ᭄ᬦᬯᬂ᭞ᬳᬸᬦ᭄ᬤᬸᬓᬾᬫᬮᬸᬤᬶᬩᬮᬶ᭞ᬳᬯᬦᬦ᭄ᬗᬦᬹᬢᬕᬫ᭞ᬫᬫᬸᬕᭂᬃᬤᬶᬕᬸᬦᬸᬂ᭞ᬲᬂᬪᬶᬓ᭄ᬱᬹᬦᬶᬜᭂᬮᬕ᭄ᬦᬶᬫ᭄ᬩᬮ᭄᭞

[᭑᭘᭕ 185A]
᭑᭘᭕
ᬫᬵᬢᬹᬃᬲᬶᬲᬶᬧ᭄᭞ᬥᬹᬄᬩᭂᬮᬶᬗᬶᬭᬶᬂᬧᬸᬗ᭄ᬕᭂᬮᬂ᭟ᬳᭀᬓᬦ᭄ᬩᭂᬮᬶᬫᬓᬤᬤ᭄ᬯ᭞ᬲᬵᬫ᭄ᬧᬸᬦ᭄ᬮᭂᬍᬄᬲᬓᬾᬂᬢᬸᬦᬶ᭞ᬦᭂᬕᬓ᭄ᬢᬦ᭄ᬧᭀᬮᬶᬄᬫᬲᬤᬄ᭞ᬳᬶᬧᬸᬦ᭄ᬲᬓᬾᬂᬯᬯᬸᬭᬯᬸᬄ᭞ᬫᬲᬓᬶᬭᬗᬦ᭄ᬭᬳᬶᬦ᭞ᬫᬶᬢᬸᬢᬸᬭᬶᬦ᭄᭞ᬲᬂᬪᬶᬓ᭄ᬱᬹᬓᬓᭂᬜᭂᬫ᭄ᬦᬶᬫ᭄ᬩᬮ᭄᭟ᬦᬄᬲᬚᬚᬮᬦ᭄ᬭᬾᬭᬾ
ᬦᬂ᭞ᬥᬹᬄᬘᭂᬦᬶᬂᬲᬶᬦᬋᬂᬓᬵᬮᬶᬄ᭞ᬘᭂᬦᬶᬂᬮᬸᬄᬮᬦ᭄ᬓᬵᬫᬚᬬ᭞ᬫᭂᬮᬄᬗᭂᬩᬄᬘᭂᬦᬶᬂᬫᬮᬸ᭞ᬳᬧᬂᬫᬳᬦ᭄ᬫᬢᭂᬕ᭄ᬢᭂᬕᬦ᭄᭞ᬦᬾᬩᬶᬦ᭄ᬫᬦᬶ᭞ᬲᬢ᭄ᬯᬦᬾᬚᬮᬦ᭄ᬮᬦ᭄ᬢᬸᬭᬂ᭟ᬳᬢᬹᬃᬲᬂᬓᬵᬮᬶᬄᬦᬯᭂᬕᬂ᭞ᬲᬭᬮᬾᬤᬂᬢᬶᬢ᭄ᬬᬂᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬳᬸᬕᬶᬗᬯᬦᭂᬳᬂ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬢᬸᬢᬹᬃ᭠
ᬳᬬᬸ᭞ᬳᬦ᭄ᬢᬸᬓ᭄ᬫᭂᬍᬤᬾᬫᭂᬮᬚᬄ᭞ᬫᬗ᭄ᬤᬳᬸᬦᬶᬂ᭞ᬓᬯᭀᬦ᭄ᬩᭂᬘᬶᬓ᭄ᬰᬶᬮᬓ᭄ᬭᬫ᭟ᬩᬶᬮᬶᬄᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬗᬋᬲᭂᬧᬂᬗᬮᬓᭀᬦᬶᬦ᭄᭞ᬲᬂᬓᬵᬮᬶᬄᬮᬾᬤᬂᬫᬶᬋᬗᬂ᭞ᬲᬗᬢᬧᬮᬦᬂᬯᬥᬹ᭞ᬢᬸᬫᬸᬮᬶᬭᬭᬶᬲ᭄ᬫᬭᬵᬃᬬ᭄ᬬᬦ᭄᭞ᬲᬋᬂᬲᬫᬶ᭞ᬚᬸᬫᭂᬦᭂᬓ᭄ᬫᬭᬶᬂᬧᬰ᭄ᬭᬫᬦ᭄᭟
᭜᭟ᬲᬶᬦᭀᬫ᭄᭟᭜᭟ᬩᬾᬜ᭄ᬚᬂᬲᭂᬫᭂᬂᬓᬘᬭᬶᬢ᭞ᬲᬗᬢᬧᬮᬦᬂᬳᬶᬲ᭄ᬢ᭄ᬭᬶ᭞ᬲᬬᬕᬜᬹᬃᬬ᭄ᬬᬲᬾᬯᬦ᭞ᬲᬋᬂᬓᬵᬮᬶᬄᬫᬵᬋᬧ᭄ᬓᬗᬶᬦ᭄‌‌᭞ᬗ᭄ᬕ᭄ᬭᬦᬵᬲᬶᬓᬫᬫᬸᬲ᭄ᬢᬶ᭞ᬫᬫᭀᬦᬲᬳᬫᬫᬸᬢᬸᬲ᭄᭞ᬗᬃᬘ᭄ᬘᬦᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬩᬂᬩᬂᬯᬾᬢᬦ᭄ᬦᬸᬗ᭄ᬕᬗᬤ᭄ᬭᬶ᭞ᬦᬸᬗ᭄ᬕᬮ᭄ᬓ᭠ [ 186 ][᭑᭘᭕ 185B]
᭑᭘᭕
ᬬᬸᬦ᭄᭞ᬲᬯᬸᬲᬦ᭄ᬜᬸᬃᬬ᭄ᬬᬲᬾᬯᬦ᭟ᬦᬫ᭄ᬩᬾᬦᬶᬦ᭄ᬫᬮᬶᬄᬫᬢᬶᬗ᭄ᬓᬄ᭞ᬦᬾᬳᬶᬲ᭄ᬢ᭄ᬭᬶᬫᬢᬶᬫ᭄ᬧᬸᬄᬢᬶᬤᬶᬂ᭞ᬦᬾᬮᬦᬂᬫᬫᬤ᭄ᬫᬵᬲᬦ᭞ᬮᬗ᭄ᬕᭂᬂᬫᬬᭀᬕᬲᬫᬵᬥᬶ᭞ᬫᬲᬦ᭄ᬤᬶᬂᬲᬋᬂᬓᬵᬮᬶᬄ᭞ᬗᬋᬕᭂᬧ᭄ᬦᬸᬗ᭄ᬕᬮᬂᬓᬬᬸᬦ᭄᭞ᬗᬃᬕ᭄ᬕᬳ᭄ᬬᬂᬅᬱ᭄ᬝᬯᬶᬥ᭄ᬬ᭞ᬲᬶᬦᬹᬓ᭄ᬱᭂᬫᬫᬭᬶᬂᬩᬸᬤ᭄ᬥᬶ᭞ᬲᬸᬦ᭄ᬬᬲ
ᬫᬸᬦ᭄᭞ᬭᬶᬦᬱᬫᬭᬶᬂᬰᬭᬶᬭ᭟ᬫᬲᬵᬥᬦᬓᬧᬕᭂᬳᬦ᭄᭞ᬗᬃᬕ᭄ᬕᬗᬃᬘ᭄ᬘᬦᬳ᭄ᬬᬂᬯᬶᬤ᭄ᬥᬶ᭞ᬫᬧᬸᬱ᭄ᬧᬧᬤ᭄ᬫᬵᬳᬺᬤ᭄ᬥᬬ᭞ᬫᬖᬡ᭄ᬝᬲ᭄ᬯᬭᬦᬶᬂᬲᭂᬧᬶ᭞ᬫᬕᬡ᭄ᬥᬇᬥᭂᬧ᭄ᬢᬶᬮᬶᬂ᭞ᬫᬮᬾᬧᬩᬸᬤ᭄ᬥᬶᬭᬳᬬᬸ᭞ᬫᬯᬶᬚᬫᬾᬗᭂᬢᬶᬂᬢ᭄ᬯᬲ᭄᭞ᬫᬓᬸᬓᬸᬲ᭄ᬲᬤ᭄ᬭᬶᬧᬸᬩᬲ᭄ᬫᬶ᭞ᬫᬶᬳᬶᬓ᭄ᬗᬮᬸᬧ᭄᭞ᬥᬹᬧᬥᬶᬧ᭠
ᬦᬶᬗᬚ᭄ᬜᬦ᭟ᬦᬶᬃᬫᬵᬮᬕᬮᬗᬧᬤᬂ᭞ᬳᬫ᭄ᬭᬶᬄᬲᬸᬓᬵᬦᬶᬂᬦᬵᬕᬭᬶ᭞ᬭᬱᬫᬭᬶᬂᬢᬹᬃᬬ᭄ᬬᬧᬤ᭞ᬧᬗ᭄ᬳᬶᬥᭂᬧ᭄ᬲᬂᬦᬸᬗ᭄ᬓᬧ᭄ᬮᭂᬯᬶᬄ᭞ᬫᭀᬮᬶᬳᬂᬘᬥᬹᬰᬓ᭄ᬢᬶ᭞ᬲᬶᬤ᭄ᬥᬶᬅᬚ᭄ᬜᬦᬧᬫᬸᬢᬸᬲ᭄᭞ᬫᬶᬯᬄᬤᬹᬭᬲᬃᬯ᭄ᬯᬵᬚ᭄ᬜᬦ᭞ᬳᬤᭀᬳᬧᬋᬓ᭄ᬓᬧᬗ᭄ᬕᬶᬄ᭞ᬤᬶᬩ᭄ᬬᬘᬓ᭄ᬱᬸ᭞ᬩᬾᬢᬾᬮ᭄ᬢᬶᬗ᭄ᬳᬮ᭄ᬓᬲᬫ᭄ᬩ
ᬢᬂ᭟ᬫᬓᬵᬤᬶᬤᬹᬭᬥᬃᬰᬡ᭞ᬫᬯᬲ᭄ᬲᬢᬶᬗ᭄ᬓᬄᬤᬶᬕᬸᬫᬶ᭞ᬲᬾᬗᭂᬄᬓᬮᬗ᭄ᬕᭂᬗᬦᬶᬓ᭞ᬲᬸᬮᬓ᭄ᬱᬡᬲᬗ᭄ᬓᬦ᭄ᬢᬸᬲ᭄ᬫᬶ᭞ᬲᬵᬫ᭄ᬧᬸᬦ᭄ᬓᬸᬤᬂᬧᬦᬮᬶᬓᬦ᭄᭞ᬲᬗᬢᬧᬮᬦᬂᬯᬥᬹ᭞ᬫᬫᭂᬕᭂᬂᬗ᭄ᬕ᭄ᬭᬦᬵᬲᬶᬓ᭞ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬧᬸᬮᬧᬮᬶ᭞ᬢᬹᬃᬗᬍᬲᬸ᭞ᬓᬸᬫᭂᬤᬧ᭄ᬲᬳᬗᬦ᭄ᬤᬶᬓ᭟ᬘᭂᬦᬶᬂ

[᭑᭘᭖ 186A]
᭑᭘᭖
ᬳᬬᬸᬓᬵᬫᬚᬬ᭞ᬫᬳᬶᬫᬮᬸᬲᬋᬂᬓᬵᬮᬶᬄ᭞ᬚᬮᬦ᭄ᬩᬸᬯᬶᬦ᭄ᬫᬭᬭᬱᬦ᭄᭞ᬲᬂᬓᬲᬾᬗᬦ᭄ᬭᬯᬸᬄᬢᬗ᭄ᬓᬶᬮ᭄᭞ᬗᭂᬮᬸᬗᬗ᭄ᬕᬗᬪᬓ᭄ᬢᬶ᭞ᬲᬳᬫᬢᬗᬦᬦ᭄ᬫᬵᬢᬹᬃ᭞ᬲᬂᬓᬵᬮᬶᬄᬦᬸᬦᬲ᭄ᬮᬸᬕ᭄ᬭ᭞ᬭᬶᬂᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬦᬸᬦᬲ᭄ᬢᬸᬢᬹᬃ᭞ᬓᬵᬫᬚᬬᬗᬭᬶᬳᬶᬦᬂ᭟ᬳᬶᬗ᭄ᬕᬶᬄᬬᬦ᭄ᬧᬶ
ᬦ᭄ᬤᬦᬶᬂᬯᭂᬦᬂ᭞ᬫᭂᬍᬤ᭄ᬢᬶᬢ᭄ᬬᬂᬫᬗ᭄ᬤᬳᬸᬦᬶᬂ᭞ᬧᬗᬶᬜ᭄ᬘᭂᬧ᭄ᬢᬢᬸᬚᭀᬦ᭄ᬬᭀᬕ᭞ᬦᬯᬂᬲᬹᬓ᭄ᬱᭂᬫᬦ᭄ᬜᬚᬢᬶ᭞ᬫᬗ᭄ᬤᬲᬵᬫ᭄ᬧᬸᬦᬂᬕᬧᬶ᭞᭠ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬗ᭄ᬓᬸᬂ᭞ᬲᬂᬪᬶᬓ᭄ᬱᬸᬦᬶᬫᬗ᭄ᬕᬮ᭞ᬗᬦ᭄ᬤᬶᬓᬲᬤᬓᭂᬜᬶᬂ᭞ᬳᬭᬄᬩᬕᬸᬲ᭄᭞ᬤᭀᬂᬗᬸᬤᬫᬾᬫᬾᬦᭂᬗᭂᬢᬂ᭟ᬧᭂᬦᬯᬂᬫᬾᬫᬾ
ᬫᬓᭂᬚᬂ᭞ᬜᬤ᭄ᬬᬫᬾᬫᬾᬫᬶᬢᬸᬢᬸᬭᬶᬦ᭄᭞ᬫᬾᬫᬾᬍᬕᬓᬲᬫ᭄ᬩᬢᬂ᭞ᬗᭂᬮᬄᬧ᭄ᬬᬦᬓ᭄ᬓᬲᬸᬩ᭄ᬭᬶᬭᬶᬄ᭞ᬤᬸᬫᬤᬓ᭄ᬫᬗ᭄ᬤᬘᭂ᭠ᬦᬶᬂ᭞ᬓᬵᬲ᭄ᬢᬯᬧᬭᬦᬶᬂᬢᬦ᭄ᬢᬸᬦ᭄᭞ᬓᬾᬦᬾᬘᭂᬦᬶᬂᬋᬲᭂᬧᬂ᭞ᬲᬤᬗ᭄ᬕᬬᭀᬕᬓᬵᬤᬦᬶᬦ᭄᭞ᬓᭂᬢᬾᬓ᭄ᬫᬮᬸ᭞ᬦᭂᬫ᭄ᬲᭀᬭᭀᬄᬩᬘᬓᬦ᭄ᬬᭀ
ᬕ᭟ᬓᬯᬶᬢ᭄ᬧ᭄ᬭᬢ᭄ᬬᬳᬭᬬᭀᬕ᭞ᬮᬯᬦ᭄ᬥ᭄ᬬᬦᬬᭀᬕᬘᭂᬦᬶᬂ᭞ᬫᬶᬯᬄᬧ᭄ᬭᬡᬬᬫᬬᭀᬕ᭞ᬥᬭᬦᬬᭀᬕᬫᬓᬵᬤᬶ᭞ᬢᬃᬓ᭄ᬓᬬᭀᬕᬢᭂᬓᬾᬦᬶᬂ᭞ᬲᬫᬵᬥᬶᬬᭀᬕᬧᬫᬸᬧᬸᬢ᭄᭞ᬚᬮᬦ᭄ᬚᬦᬶᬭᬯᭀᬲᬂ᭞ᬢᬢᬸᬚᭀᬦ᭄ᬦᬾᬩᭂᬲᬶᬓ᭄ᬩᭂᬲᬶᬓ᭄᭞ᬮᬶᬗᬶᬂᬢᬸ [ 187 ][᭑᭘᭖ 186B]
᭑᭘᭖
ᬢᬹᬃ᭞ᬳᬸᬘᬧ᭄‌ᬯᬺᬳᬲ᭄ᬧᬢᬶᬢᬢ᭄ᬯ᭟ᬧ᭄ᬭᬢ᭄ᬬᬳᬭᬬᭀᬕᬬᬢ᭄ᬦ᭞ᬦᬗ᭄ᬓᭂᬧᬶᬦᬶᬥᭂᬧ᭄ᬧᬤᬶᬤᬶ᭞ᬦᬾᬓᬳᬸᬘᬧ᭄ᬘᭀᬭᬄ᭠ᬫᭀᬫᭀ᭞ᬳᬧᬂᬤᬲᬬᬦ᭄ᬫᬫᬹᬃᬢ᭄ᬢᬶ᭞ᬇᬦ᭄ᬤ᭄ᬭ᭄ᬬᬦᬾᬫᬸᬲᬸᬄᬰᬓ᭄ᬢᬶ᭞ᬳᬦᬾᬓᬵᬤᬦᬶᬦ᭄ᬱᬤ᭄ᬭᬶᬧᬸ᭞ᬳᬧᬂᬲᬶᬤ᭄ᬥᬓᬲᭀᬭᬦ᭄᭞ᬢᭂᬓᬾᬦ᭄ᬫᬦᬄᬘᬶ
ᬢ᭄ᬢᬩᬸᬤ᭄ᬥᬶ᭞ᬓᬦ᭄ᬢᬶᬦᬸᬗ᭄ᬓᬸᬮ᭄᭞ᬩᬳᬦᬶᬥᭂᬧᬾᬲᬬᬕ᭟ᬥ᭄ᬬᬦᬬᭀᬕᬲᬸᬮᬓ᭄ᬱᬡ᭞ᬗᬶᬮᬶᬓᬂᬇᬥᭂᬧ᭄ᬫᬫᭂᬲᬶᬓ᭄᭞ᬳᬧᬂ᭠ᬢ᭄ᬯᬭᬤᬤᬶᬳᭀᬩᬄ᭞ᬧᬧᬶᬦᭂᬳᬾᬚᬢᬶᬢᬶᬮᬶᬂ᭞ᬲᬗ᭄ᬓᬦᬶᬂᬳᭀᬮᬲᬲᬶᬄ᭞ᬇᬥᭂᬧᬾᬫᬯᬾᬄᬧᬢᬸᬮᬸᬂ᭞ᬢᭂᬓᬾᬦᬶᬂᬓᬤᬂᬯᬃᬕ᭄ᬕ᭞ᬬᬤᬶᬦ᭄ᬯᬢᭂ
ᬓ᭄ᬲᬃᬯ᭄ᬯᬧ᭄ᬭᬡᬶ᭞ᬩᬋᬂᬳᬶᬤᬸᬧ᭄᭞ᬍᬓᬤ᭄ᬦᭂᬫᭀᬓᬂᬲᬗ᭄ᬲᬭ᭟ᬧ᭄ᬭᬡᬬᬵᬫᬬᭀᬕᬗᬸᬜ᭄ᬚᬮ᭄᭞ᬳᬗ᭄ᬓᬶᬳᬦ᭄ᬧᬵᬢᬹᬢ᭄ᬢᬶᬢᬾᬦᬶᬦ᭄᭞ᬫᬜ᭄ᬚᬶᬂᬫᭂᬢᬸᬲᬤᬭᬦᬾ᭞ᬗᬫ᭄ᬩᬄᬓᬘᬸᬗᬸᬄᬫᬕᬶᬮᬶᬃ᭞ᬫᬫᭂᬓᭂᬓ᭄ᬲᬤᬳᬭᬶᬲ᭄᭞ᬧᬧᬶᬜ᭄ᬘᭂᬭᬦ᭄ᬤᬰᬩᬬᬸ᭞ᬫᬭᬶᬗᬗ᭄ᬕᬰᬭᬶᬭ᭞ᬳᬸᬮᬶᬲᬗ
ᬤ᭄ᬯᬭᬫᬶᬚᬶᬮ᭄᭞ᬓᬾᬦ᭄ᬓᬾᬦ᭄ᬳᬦ᭄ᬢᬸᬓ᭄᭞ᬫᭂᬲᬶᬓᬂᬤᬶᬰᬶᬯᬤ᭄ᬯᬭ᭟ᬥᬭᬡᬬᭀᬕᬓᬲᬤ᭄ᬬᬦ᭄᭞ᬦᬶᬗᭂᬳᬂᬲᬃᬯ᭄ᬯᬧᬯᬶᬲᬶᬓ᭄᭞᭠ᬦᬾᬫᬵᬤᬦ᭄ᬒᬁᬓᬭᬰᬩ᭄ᬥ᭞ᬓᬵᬮᬇᬥᭂᬧᬾᬫᬫᭂᬲᬶᬓ᭄᭞ᬥᬭᬡᬦ᭄ᬮᬶᬗᬶᬂᬳᬚᬶ᭞ᬬᬦ᭄ᬲᬸᬩᬲᭂᬓᭂᬦ᭄ᬓᬭᬸᬗᬸ᭞ᬬᬦ᭄ᬢᭀᬂᬋᬗᭃᬰᬶᬯᬵᬢ᭄ᬫ᭞᭠

[᭑᭘᭗ 187A]
᭑᭘᭗
ᬤᬾᬦᬶᬂᬲᬭᬸᬢᭀᬦ᭄ᬤᬾᬦ᭄ᬗᬶᬮᬶᬲ᭄᭞ᬫᭂᬮᬄᬫᬮᬸ᭞ᬚᬸᬫᬸᬦᬶᬦ᭄ᬘᭂᬦᬶᬂᬫᬬᭀᬕ᭟ᬢᬃᬓ᭄ᬓᬬᭀᬕᬢᬸᬫᭀᬦ᭄ᬧᭂᬤᬲ᭄᭞ᬲᬂᬫ᭠ᬬᭀᬕᬫᬗᬶᬮᬶᬗᬶᬦ᭄᭞ᬳᬶᬤᬲᬗ᭄ᬳ᭄ᬬᬂᬧᬭᬫᬵᬃᬢ᭄ᬣ᭞ᬕᬮᬂᬲᬶᬦᬂᬓᬤᬶᬮᬗᬶᬢ᭄᭞ᬦᬶᬃᬫᬵᬮᬲᬸᬘᬶᬳᭂᬦᬶᬂ᭞ᬢ᭄ᬯᬭᬓᬯᭀᬭᬦ᭄ᬩᬦ᭄ᬮᭂᬢᬸᬄ᭞ᬨᬮ
ᬦ᭄ᬧᬕᭂᬄᬫᬬᭀᬕ᭞ᬓᬲ᭄ᬯᬾᬘ᭄ᬙᬦᬦ᭄ᬲᬗ᭄ᬳ᭄ᬬᬂᬯᬶᬤ᭄ᬥᬶ᭞ᬫᬭᬶᬂᬲᬫᬸᬦ᭄᭞ᬓᬢᭀᬦ᭄ᬳᬶᬤᬗᬯᬗᬯᬂ᭟ᬲᬫᬵᬥᬶᬬᭀᬕᬗᬸᬤᭂᬧᬂ᭞ᬫᬦᬄᬘᬶᬢ᭄ᬢᬫᬶᬯᬄᬩᬸᬤ᭄ᬥᬶ᭞ᬲᬵᬢ᭄ᬫᬓᬫᬫᬢᬶᬭᬕ᭞ᬢ᭄ᬯᬭᬩᬸᬯᬶᬦ᭄ᬳᬮᬂᬳᬾᬮᬶᬂ᭞ᬢᭂᬓᬾᬦ᭄ᬓᬲᬸᬓᬵᬦ᭄ᬕᬸᬫᬶ᭞ᬗᭂᬗ᭄ᬲᬧᬂᬤᬾᬯᬾᬓᬾᬳᬶ
ᬤᬸᬧ᭄᭞ᬮᬸᬧᬾᬂᬘᬢᬹᬃᬓᬮ᭄ᬨᬦ᭞ᬲᬳᬲᭂᬧᬶᬦᬶᬂᬧᬫᭂᬭᬶᬄ᭞ᬗᬸᬮᬢᬶᬲᬸᬦ᭄ᬬᬦᬶᬲ᭄ᬓᬵᬮ᭟ᬓᬾᬢᭀᬘᭂᬦᬶᬂᬮᬍᬓᬲᬦ᭄᭞ᬲᬤᬗ᭄ᬕᬬᭀᬕᬓᬵᬤᬦᬶᬦ᭄᭞ᬓᬵᬫᬚᬬᬫᬢᬗᬦᬦ᭄᭞ᬧ᭄ᬭᬦᬫ᭄ᬬᬗᬢᬸᬭᬂᬪᬓ᭄ᬢᬶ᭞ᬍᬕᬇᬥᭂᬧᬾᬗᬧᬶ᭞ᬤᬾᬯᬵᬬᬸᬫᬵᬲ᭄ᬜᭂᬮᬕ᭄ᬫᬵᬢᬹᬃ᭞
ᬢᬶᬢ᭄ᬬᬂᬫᬗ᭄ᬓᬶᬦ᭄ᬦᬯᭂᬕᬂ᭞ᬦᬸᬦᬲᬂᬫᬮᬶᬄᬦᬫ᭄ᬩᬾᬦᬶᬦ᭄᭞ᬫᬗ᭄ᬤᬮᬦ᭄ᬢᬸᬃ᭞ᬲ᭄ᬯᬾᬘ᭄ᬙᬦ᭄ᬯᬭᬶᬂᬤᬾᬯᬾᬓ᭄ᬢᬶᬢ᭄ᬬᬂ᭟
ᬲᭀᬢᬦᬶᬂᬤᭂᬫᭂᬦ᭄ᬫᭂᬮᬚᬄ᭞ᬓᬾᬗᬶᬦ᭄ᬘᬸᬘᬸᬤ᭄ᬢᬶᬢ᭄ᬬᬂᬫᬮᬶᬄ᭞ᬦᬸᬦᬲᬂᬳᬶᬦ᭄ᬤᬶᬓ᭄ᬫᬬᭀᬕ᭞ᬦᬧᬶᬯᬵᬱ᭄ᬝᬦᬶᬦ᭄ᬧᬶᬓᭀᬮᬶᬄ᭞ᬩᬶᬮᬶᬄᬲᬶᬤᬓᬯᬶᬗ᭄ᬓᬶᬂ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬃ [ 188 ][᭑᭘᭗ 187B]
᭑᭘᭗
ᬤ᭄ᬥᬶᬧᬵᬢᬹᬢ᭄᭞ᬲᬂᬪᬶᬓ᭄ᬱᬹᬦᬶᬳᬗᬸᬘᬧ᭄᭞ᬧᬶᬓᭀᬮᬶᬄᬢᬓᭀᬦᬂᬘᭂᬦᬶᬂ᭞ᬓᬸᬤᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬮᬪᬦᬶᬲ᭄ᬓᬵᬮ᭟ᬫᬧᬶᬓᭀᬮᬶᬳᬲ᭄ᬢᬾᬰ᭄ᬯᬃᬬ᭄ᬬ᭞ᬯᭂᬓᬲᬦ᭄ᬮᬓᬃᬧᬸᬧᭀᬦᬶᬦ᭄᭞ᬧᬫᬸᬮᬦᬾᬤᬶᬲᬓᬵᬮ᭞ᬲᬥᬹᬩᬸᬤ᭄ᬥᬶᬇᬥᭂᬧ᭄ᬢᬶᬮᬶᬂ᭞ᬫᬬᭀᬕᬫᬲᬫᬵᬥᬶ᭞ᬲᬶᬤ᭄ᬥᬦᭂᬧᬸᬓᬶᬦ᭄ᬭ
ᬳᬬᬸ᭞ᬦᬸᬳᬶᬤᬸᬧ᭄ᬫᬰᬭᬶᬭ᭞ᬬᬤᬶᬦ᭄ᬲᬲᬸᬩᬦᬾᬫᬵᬢᬶ᭞ᬫᬗ᭄ᬕᬶᬄᬳᬬᬸ᭞ᬧᬶᬓᬾᬦᭀᬄᬳᬦᬓ᭄ᬫᬬᭀᬕ᭟ᬳᬲ᭄ᬢᬾᬰ᭄ᬯᬃᬬ᭄ᬬᬓᬲᬫ᭄ᬩᬢᬂ᭞ᬓᬲᬶᬤ᭄ᬥᬾᬦ᭄ᬨᬮᬦ᭄ᬲᬸᬓᬾᬃᬢ᭄ᬢᬶ᭞ᬅᬦᬶᬫᬫᬶᬯᬄᬫᬳᬶᬫ᭞ᬮᬕᬶᬫᬕᬭᬶᬫᬧ᭄ᬭᬧ᭄ᬢᬶ᭞ᬧ᭄ᬭᬓᬫ᭄ᬬᬮᬶᬗᬶᬂᬳᬚᬶ᭞ᬮᬵᬯᬦ᭄ᬯᬲᬶᬢ᭄ᬯᬫ᭄‌ᬲᬤᬸᬮᬸᬃ᭞᭠
ᬢᭂᬓᬾᬦ᭄‌ᬇᬲᬢ᭄ᬯᬫ᭄‌ᬓᭀᬘᬧ᭄᭞ᬚᬦᬶᬳᭀᬦᭂᬓ᭄ᬩᭂᬲᬶᬓ᭄ᬩᭂᬲᬶᬓ᭄᭞ᬦᬾᬳᬓᬸᬢᬸᬲ᭄᭞ᬲᬹᬓ᭄ᬱᭂᬫᬦ᭄ᬜᬳᬧᬂᬢᬯᬂ᭟ᬅᬦᬶᬫᬲᬶᬤ᭄ᬥᬲᬓᬫ᭞ᬗᬮᬶᬗ᭄ᬲᬾᬫᬭᬕᬘᭂᬦᬶᬓ᭄᭞ᬲᬂᬲᬤ᭄ᬬᬫᭀᬮᬶᬳᬂᬬᭀᬕ᭞ᬢᬸᬮ᭄ᬬᬫᬧᬯᬓᬦ᭄ᬳᬗᬶᬦ᭄᭞ᬜᬸᬲᬸᬧ᭄ᬲᬕᬸᬫᬶᬕᬸᬫᬶ᭞ᬢ᭄ᬯᬭ᭠
ᬳᬤᬳᬦᬓ᭄ᬭᬸᬗᬸ᭞ᬲᬶᬤ᭄ᬥᬲᬮᬫ᭄ᬧᬄᬳᭂᬗ᭄ᬕᭀᬦ᭄᭞ᬓᬕᬸᬦᬸᬂᬬᬤᬶᬦ᭄ᬓᬧᬲᬶᬄ᭞ᬳᬾᬮᬄᬳᬮᬸᬄ᭞ᬢ᭄ᬯᬭᬲᬦ᭄ᬢᬸᬮ᭄ᬫᬢᬶᬦ᭄ᬤᬓᬦ᭄᭟ᬫᬳᬶᬫᬩᬶᬱᬗᬍᬓᬲ᭄᭞ᬦᬸᬗ᭄ᬕᬮᬂᬇᬥᭂᬧ᭄ᬫᬫᬹᬃᬢ᭄ᬢᬶ᭞ᬜᬸᬢᬶᬭᬹᬧᬫᭂᬲᬾᬄᬕᭀᬩ᭞ᬫᬧᬯᬓᬦ᭄ᬕᭂᬥᬾᬕᬢᬶ᭞ᬗᬶᬂᬢᬶ᭠

[᭑᭘᭘ 188A]
᭑᭘᭘
ᬤᭀᬂᬤᬤᬶᬤᬾᬱ᭄ᬝᬶ᭞ᬢᬭᬜ᭄ᬚᬦᬬᬤᬶᬦ᭄ᬢᭂᬮᬸᬄ᭞ᬲᬗ᭄ᬓᬦᬶᬂᬫᬯᬶᬰᬾᬱ᭞ᬯᬶᬃᬪᬹᬚᬓᬲᬶᬤ᭄ᬥᬾᬦ᭄ᬰᬓ᭄ᬢᬶ᭞ᬧᬗᬯᭂᬭᬸᬄ᭞ᬲᬸ᭠ᬪᬶᬓ᭄ᬱᬗᬶᬩᭂᬓᬶᬦ᭄ᬚᬕᬢ᭄᭟ᬮᬕᬶᬫᬓᬲᬶᬤ᭄ᬥᬾᬦ᭄ᬬᭀᬕ᭞ᬫᬰᬭᬶᬭᬬᬶᬂᬗᬍᬫ᭄ᬧᬶᬂ᭞ᬳᬗ᭄ᬕᬦ᭄ᬲᬂᬫᭀᬮᬶᬳᬂᬬᭀᬕ᭞ᬨᬮᬦ᭄ᬫᬕᭂᬳᬂ᭠
ᬲᬸᬓᬾᬃᬢ᭄ᬢᬶ᭞ᬫᬬᭀᬕᬫᬲᬫᬵᬥᬶ᭞ᬳᬶᬗᬦ᭄ᬢᬸᬮ᭄ᬬᬓᬤᬶᬓᬧᬸᬓ᭄᭞ᬳᬾᬮᬄᬫᬓᭂᬩᭂᬃᬗᬶᬦ᭄ᬤᬂ᭞ᬗᬸᬫ᭄ᬩᬭᬲᬩᬸᬤ᭄ᬥᬶᬩᬸ᭠ᬤ᭄ᬥᬶ᭞ᬫᭂᬲᬢ᭄ᬦᬫ᭄ᬩᬸᬂ᭞ᬫᬲᭀᬥᬦᬧ᭄ᬭᬡᬬᬫ᭟ᬕᬭᬶᬫᬓᬲᬶᬤ᭄ᬥᬾᬦ᭄ᬬᭀᬕ᭞ᬮᬓ᭄ᬱᬡᬦᬾᬫᬢᬸᬗ᭄ᬓᬮᬶᬓ᭄᭞ᬢᭂᬓᬾᬦ᭄ᬦᬾᬫᬵᬤᬦ᭄ᬮᬕᬶᬫ᭞
ᬫᬭᬕᬩᬳᬢ᭄ᬢᬦ᭄ᬓᬤᬶ᭞ᬢᭀᬂᬲᬶᬤ᭄ᬥᬩᬳᬦ᭄ᬦᬶᬂᬢᬶᬂ᭞ᬬᬦ᭄ᬲᬯᬗᬂᬓᬤᬶᬕᬸᬦᬸᬂ᭞ᬢᭀᬂᬮᬓᬃᬫᬓᬾᬲᬾᬭᬦ᭄᭞ᬢᭂᬫ᭄ᬧᬸᬄ᭠ᬳᭀᬫ᭄ᬩᬓ᭄ᬬᬤᬶᬦ᭄ᬳᬗᬶᬦ᭄᭞ᬘᬗ᭄ᬓᭂᬃᬓᬸᬓᬸᬄ᭞ᬫᬲᬵᬥᬦᬧ᭄ᬭᬡᬬᬫ᭟ᬧ᭄ᬭᬧ᭄ᬢᬶᬓᬲᬶᬤ᭄ᬥᬾᬦ᭄ᬫᬬᭀᬕ᭞ᬜᬶᬤ᭄ᬥᬬᬂᬫᬜ᭄ᬚᬸᬚᬸᬄᬮᬗᬶᬢ᭄᭞ᬫᬓ
ᬫᬶᬯᬄᬲᬹᬃᬬ᭄ᬬᬘᬦ᭄ᬤ᭄ᬭ᭞ᬢᭀᬂᬗᬾᬧᬸᬢᬂᬓᭂᬩᬸᬲ᭄ᬤᬶᬗᬶᬦ᭄᭞ᬨᬮᬦ᭄ᬧᬕᭂᬄᬫᬓᬶᬃᬢ᭄ᬢᬶ᭞ᬮᬸᬧᬸᬢ᭄ᬢᬦ᭄ᬓᭂᬦᬾᬂᬧᬓᬾᬯᬸᬄ᭞ᬫᬵᬯᬲ᭄ᬳ᭠ᬗ᭄ᬕᬰᬭᬶᬭ᭞ᬳᬤᭀᬳᬧᬋᬓ᭄ᬓᬧᬗ᭄ᬕᬶᬄ᭞ᬤᬶᬩ᭄ᬬᬘᬓ᭄ᬱᬸ᭞ᬧᭂᬤᬲ᭄ᬢᬯᬂᬢᭀᬦ᭄ᬤᬾᬦ᭄ᬳᬤ᭟ᬧ᭄ᬭᬓᬫ᭄ᬬᬗᬫᬬᬫᬬ᭞ᬜᬶᬤ᭄ᬥᬬᬂᬲᬩᬸᬤ᭄ᬥᬶᬩᬸᬤ᭄ᬥᬶ᭞᭠ [ 189 ][᭑᭘᭘ 188B]
᭑᭘᭘
ᬫᬘᭂᬍᬧ᭄ᬜᭂᬍᬧᬶᬦᬯᬓ᭄᭞ᬫᬵᬦᬹᬱᬮᬦ᭄ᬲᬃᬯ᭄ᬯᬧ᭄ᬭᬡᬶ᭞ᬲᬓᬾᬗᬚ᭄ᬜᬦᬲᬶᬤ᭄ᬥᬶ᭞ᬢᬦᬶᬳᬤᬳᬦᬓ᭄ᬭᬸᬗᬸ᭞ᬢᭀᬂᬕᭂᬲᬶᬢ᭄ᬫᬍᬩ᭄ᬮᭂᬩᬦ᭄᭞ᬜᬶᬍᬫ᭄ᬤᬶᬢᬸᬓᬤ᭄ᬤᬶᬧᬲᬶᬄ᭞ᬢ᭄ᬯᬭᬩᭂᬮᬸᬲ᭄᭞ᬫᭂᬫᭂᬫᬦ᭄ᬩᬸᬮᬦ᭄ᬩᬸᬮᬦᬦ᭄᭟ᬯᬲᬶᬢ᭄ᬯᬫ᭄‌ᬲᬶᬤ᭄ᬥᬶᬅᬚ᭄ᬜᬦ᭞ᬲᬓᬜ᭄ᬘᬦ᭄ᬩᬸᬭᭀᬦᬾᬳᬲᬶᬄ᭞ᬩᬸ᭠
ᬯᬂᬕᬮᬓ᭄ᬯᬲ᭄ᬢᬸᬳᭂᬩᭀᬄ᭞ᬧᭀᬮᭀᬲ᭄ᬜᬓ᭄ᬗᬶᬥᭂᬧᬂᬫᬸᬜᬶ᭞ᬫᬦ᭄ᬤᬭᬾᬂᬫᬸᬲᬸᬄᬲᭂᬗᬶᬢ᭄᭞ᬫᬢᬾᬤᭀᬄᬫᬲᭂᬭᬄᬦᬸᬗ᭄ᬓᬸᬮ᭄᭞ᬦᬯᭂᬕᬂᬦᬸᬦᬲ᭄ᬳᬶᬘ᭄ᬙ᭞ᬫᬩᬮᬶᬓ᭄‌ᬢᬺᬱ᭄ᬡᬵᬫᬓᬦ᭄ᬢᬶ᭞ᬲᬧᬢᬸᬤᬸᬄ᭞ᬗᬶᬥᭂᬧᬂᬢᭀᬂᬩᬦᬶᬢᬸᬮᬓ᭄᭟ᬇᬰᬢ᭄ᬯᬫ᭄‌ᬰᬓ᭄ᬢᬶᬜᬶᬤ᭄ᬥᬬᬂ᭞ᬗᬸ᭠
ᬭᬶᬧ᭄ᬳᬦᬓ᭄ᬲᬸᬩᬫᬵᬢᬶ᭞ᬲᬵᬢ᭄ᬫᬓᬤᬾᬯᬲᬓᬵᬮ᭞ᬓᬲᬶᬤ᭄ᬥᬾᬦ᭄ᬜᭂᬕᭂᬭᬂᬲᬓᬶᬢ᭄᭞ᬦᬸᬮᬸᬗᬶᬦ᭄ᬩ᭄ᬭᬬᬯᬃᬕ᭄ᬕᬶ᭞ᬮᬫᬓᬦ᭄ᬲᬤ᭄ᬬᬭᬳᬬᬸ᭞ᬮᬭᬭᭀᬕᬮᬶᬦᬸᬓᬢ᭄᭞ᬫᬮᬭᬤᬦᬶᬓᬂᬕᭂᬭᬶᬂ᭞ᬮᬸᬦᬲ᭄ᬮᬦᬸᬲ᭄᭞ᬲᬵᬥᬦᬩᬡ᭄ᬥᬮᬦ᭄ᬫᬸᬤ᭄ᬭ᭟ᬓᬾᬢᭀᬫᬵᬤᬦᬲ᭄ᬢᬾᬰ᭄ᬯᬃ᭠
ᬬ᭄ᬬ᭞ᬧᬶᬓᭀᬮᬶᬄᬲᬂᬦᬗᬸᬦ᭄ᬓᬾᬃᬢ᭄ᬢᬶ᭞ᬲᬂᬪᬶᬓ᭄ᬱᬹᬓᬜᭂᬮᬕ᭄ᬦᬶᬫ᭄ᬩᬮ᭄᭞ᬥᬹᬄᬘᭂᬦᬶᬂᬲᬶᬦᬋᬂᬓᬵᬮᬶᬄ᭞ᬩᬧᬩᬋᬂᬗᭂᬢᬸᬭᬶ᭠ᬦ᭄᭞ᬦᬾᬳᬤᬧᭂᬚᬮᬦ᭄ᬮᬸᬳᬸᬂ᭞ᬲᬢᭀᬦ᭄ᬤᬾᬦᬾᬜᬶᬤ᭄ᬥᬬᬂ᭞ᬘᭂᬦᬶᬂᬫᬬᭀᬕᬲᬫᬵᬥᬶ᭞ᬫᭂᬮᬄᬫᬮᬸ᭞ᬘᬢᬹᬃᬯᬃᬕ᭄ᬕᬦᬾᬚᬮᬦᬂ᭟ᬘᬢᬹᬃ᭠

[᭑᭘᭙ 189A]
᭑᭘᭙
ᬯᬃᬕ᭄ᬕᬳᬫ᭄ᬩᬄᬧᬢ᭄ᬧᬢ᭄᭞ᬦᬾᬜᬦ᭄ᬤᬂᬫᬲᬶᬄᬲᬸᬗ᭄ᬓᭂᬫᬶᬦ᭄᭞ᬮᬶᬗᬶᬂᬲᬭᬲᬫᬸᬰ᭄ᬘᬬ᭞ᬅᬃᬢ᭄ᬣᬮᬦ᭄ᬥᬃᬫ᭄ᬫᬫᬓᬵᬤᬶ᭞ᬓᬵᬫᬮ᭠ᬦ᭄ᬫᭀᬓ᭄ᬱᬫᬲᬶᬄ᭞ᬳᬫ᭄ᬩᬳᬾᬗᬮᬶᬄᬭᬳᬬᬸ᭞ᬦᬾᬚᬦᬶᬚᬮᬦ᭄ᬩᬘᬓ᭄᭞ᬲᬹᬓ᭄ᬱᭂᬫᬦ᭄ᬜᬩᭂᬲᬶᬓ᭄ᬩᭂᬲᬶᬓ᭄᭞ᬘᭂᬦᬶᬂᬳᬬᬸ᭞ᬓᬵᬮᬶᬄᬘᭂᬦᬶᬂᬓᬵᬫᬚ
ᬬ᭟ᬅᬃᬢ᭄ᬣᬫᬵᬤᬦ᭄ᬭᬵᬚᬩ᭄ᬭᬡ᭞ᬲᬃᬯ᭄ᬯᬫᬸᬮᬾᬮᬦ᭄ᬫᬵᬲ᭄ᬧᬶᬧᬶᬲ᭄᭞ᬲᬶᬤ᭄ᬥᬦᭂᬧᬸᬓᬶᬦ᭄ᬓᬯᬶᬃᬬ᭄ᬬᬦ᭄᭞ᬬᬦ᭄ᬲᬸᬩᬫᬯᬢᬂᬲᬸᬕᬶᬄ᭞ᬫᬓᭂᬚᬂᬗᬾᬤᬍᬫᬶᬦ᭄᭞ᬭᬾᬄᬫᬩᬳᬦ᭄ᬗᬶᬤᬶᬄᬢᬸᬮᬸᬂ᭞ᬮᬕᬲ᭄ᬫᬥᬦᬧᬸᬦ᭄ᬬ᭞ᬗᬍᬕᬦᬶᬦ᭄ᬩ᭄ᬭᬬᬯᬃᬕ᭄ᬕᬶ᭞ᬧᬗᬦ᭄ᬓᬶᬦᬸᬫ᭄᭞ᬳᬦᬾᬓᬾᬢᭀᬫᬵᬤ᭠
ᬦ᭄ᬬᬰ᭟ᬥᬃᬫ᭄ᬫᬓᬲᬥᭀᬦ᭄ᬮᬓ᭄ᬱᬡ᭞ᬗᬸᬭᬸᬓ᭄ᬗᬚᬄᬩ᭄ᬭᬬᬯᬃᬕ᭄ᬕᬶ᭞ᬳᬧᬂᬦᬯᬂᬰᬶᬮᬓ᭄ᬭᬫ᭞ᬅᬕᬫᬮᬦ᭄ᬢᬸᬢᬹᬃᬬᬸᬓ᭄ᬢᬶ᭞ᬪᬓ᭄ᬢᬶᬢᭂᬓᬾᬦ᭄ᬳ᭄ᬬᬂᬯᬶᬤ᭄ᬥᬶ᭞ᬦᬯᬂᬫᬵᬤᬦ᭄ᬳᬮᬳᬬᬸ᭞ᬦᬾᬓᬾᬢᭀᬫᬲᬶᬄᬬᬰ᭞ᬗᬯᬾᬓᬭᬳᬬᭀᬦ᭄ᬕᬸᬫᬶ᭞ᬫᬧᬶᬢᬸᬢᬸᬭ᭄᭞ᬉᬲᬦᬫᬶᬯᬄᬰᬰᬦ᭟
ᬓᬵᬫᬳᬸᬦ᭄ᬤᬸᬓᬾᬫᬲᭀᬫᬄ᭞ᬓᬧᬶᬢᬺᬱ᭄ᬡᬵᬦ᭄ᬮᬸᬮᬸᬢᬲᬶᬄ᭞ᬲᬶᬂᬜᬫᬦ᭄ᬬᬦ᭄ᬗᭂᬮᬄᬧ᭄ᬬᬦᬓ᭄᭞ᬳᬧᬂᬤᬸᬯᭂᬕ᭄ᬓᬲᬸᬩ᭄ᬭᬶᬭᬶᬄ᭞ᬫᬲᬗ᭄ᬕᬫᬢᬶᬢᬾᬦᬶᬦ᭄᭞ᬧᬹᬃᬡ᭄ᬦᬫᬢᬶᬍᬫ᭄ᬢᬦ᭄ᬧᬵᬢᬹᬢ᭄᭞ᬧᬗ᭄ᬮᭀᬂᬓᬧᬶᬂᬧᬢ᭄ᬩᭂᬮᬲ᭄᭞ᬢᬗ᭄ᬕᬮᬓᬸᬢᬸᬲ᭄ᬓᭂᬮᬶᬤᬶᬦ᭄᭞ᬲᬶᬤ᭄ᬥᬫᬗ᭄ᬕᬸᬄ᭞ᬭᬳᬬᬸᬲ [ 190 ][᭑᭘᭙ 189B]
᭑᭘᭙
ᬦ᭄ᬢᬦᬯᭂᬓᬲᬦ᭄᭟ᬫᭀᬓ᭄ᬱᬫᬵᬤᬦ᭄ᬓᬍᬧᬲᬦ᭄᭞ᬢ᭄ᬯᬭᬫᬩᬮᬶᬓ᭄ᬦᬸᬫᬶᬢᬶᬲ᭄᭞ᬦᬫ᭄ᬧᭂᬤᬂᬲᬸᬓᬵᬮᬦ᭄ᬤᬸᬄᬓᬵ᭞ᬲᬗ᭄ᬲᬭᬍᬓᬤᬾᬚᬦᬶ᭞ᬓᬓᭂᬦᬦ᭄ᬲᬓᬶᬢ᭄ᬳᬢᬶ᭞ᬫᬲᭂᬮ᭄ᬲᭂᬮᬦ᭄ᬫᭂᬭᬄᬫᭂᬭᬸᬄ᭞ᬦᬾᬚᬦᬶᬳᬲ᭄ᬢᬧᬬᬂ᭞ᬩᬳᬦ᭄ᬬᭀᬕᬮᬦ᭄ᬲᬫᬵᬥᬶ᭞ᬲᬶᬤ᭄ᬥᬧᬸᬢᬸ
ᬲ᭄᭞ᬳᬸᬮᬶᬧᬦᭂᬕᬸᬮᬦ᭄ᬮᭂᬓᬤ᭄᭟ᬓᬾᬢᭀᬫᬵᬤᬦ᭄ᬘᬢᬹᬃᬯᬃᬕ᭄ᬕ᭞ᬦᬾᬜᬦ᭄ᬤᬂᬘᭂᬦᬶᬂᬮᬓᭀᬦᬶᬦ᭄᭞ᬬᬦᬶᬂᬗᬮᬶᬄᬓᬭᬳᬬᭀᬦ᭄᭞ᬓᬯᭂᬦᬗᬦᬾᬫᬓᬾᬃᬢ᭄ᬢᬶ᭞ᬦᬵᬗ᭄ᬳᬶᬂᬧᬵᬢᬹᬢ᭄ᬤᬲᬭᬶᬦ᭄᭞ᬩᬦ᭄ᬳᬶᬥᭂᬧ᭄ᬲᬓᬾᬂᬭᬳᬬᬸ᭞ᬅᬃᬚ᭄ᬚᬯᬓᬮᬕᬲᬦ᭄᭞ᬇᬥᭂᬧᬾᬲᬚᬦᬸᬮᬸ
ᬗᬶᬦ᭄᭞ᬜᬫᬮᬘᬸᬭ᭄᭞ᬅᬦᬺᬲᬗ᭄ᬲ᭄ᬬᬢ᭄ᬯᬭᬫ᭄ᬭᬶᬳᬂ‌᭟ᬓᬲᬸᬓᬵᬦ᭄ᬮᭂᬕᬧᬤᬶᬤ᭄ᬬᬦ᭄᭞ᬢᭀᬂᬗᬶᬗᭂᬢᬂᬩ᭄ᬭᬬᬯᬃᬕ᭄ᬕᬶ᭞ᬥᬫᬢᬶ᭠ᬗ᭄ᬓᬳᬾᬲᬬᬕ᭞ᬦᬸᬢᬸᬭᬶᬦᬶᬥᭂᬧ᭄ᬧᬤᬶᬤᬶ᭞ᬦᬶᬫ᭄ᬩᬗᬶᬦ᭄ᬩᭂᬦᭂᬄᬧᭂᬮᬶᬄ᭞ᬳᬧᬂᬢ᭄ᬯᬭᬜᬮᬄᬳᬸᬦ᭄ᬤᬸᬓ᭄᭞ᬧᬫ᭄ᬓᬲᬶᬦ᭄ᬤ᭄ᬭ᭄ᬬᬦᬶᬕ᭄ᬭᬳ᭞ᬓᬲᬗ᭄ᬕᬸᬧᬦᬾᬦ᭠
ᬮᬾᬦᬶᬦ᭄᭞ᬢᭂᬓᭂᬓ᭄ᬦᭂᬕᬸᬮ᭄᭞ᬓᬫᭀᬫ᭄ᬯᬦ᭄ᬘᭀᬭᬄᬇᬦ᭄ᬤ᭄ᬭᬶᬬ᭟ᬲᬸᬓᬶᬮ᭄ᬘᭂᬦᬶᬂᬫᬮᬓ᭄ᬱᬡ᭞ᬗᬃᬤ᭄ᬥᬶᬓᬭᬳᬬᭀᬦ᭄ᬕᬸᬫᬶ᭞ᬳᬚᬓ᭄ᬮᬶᬬᬸᬫᬮᬕᬾᬦ᭄ᬤᬄ᭞ᬢᬸᬮ᭄ᬬᬓᬤᬶᬯᬿᬢᬭᬶᬡᬶ᭞ᬢᭀᬬᬦ᭄ᬜᬓᭂᬩᬸᬲ᭄ᬤᬶᬗᬶᬦ᭄᭞ᬪᬶᬦᬕᭀᬩᬗᬮᬶᬄᬳᬗ᭄ᬓᬸᬄ᭞ᬓᬧ᭄ᬭᬚ᭄ᬜᬦᬦ᭄ᬭᬸᬫᬲᬢ᭄᭞

[᭑᭙᭐ 190A]
᭑᭙᭐
ᬢᬦ᭄ᬧᬾᬦ᭄ᬤᬄᬍᬫ᭄ᬩᬸᬦᬵᬡ᭄ᬥᬶᬦᬶ᭞ᬲᬧᬓᬬᬸᬦ᭄᭞ᬜᬶᬤ᭄ᬥᬬᬂᬜᬗᭀᬦᬶᬦ᭄ᬚᬕᬢ᭄᭟ᬲᬂᬗᬫ᭄ᬩᭃᬓᬂᬓᭂᬦᭂᬄᬘᭀᬭᬄ᭞ᬢ᭄ᬯ᭠ᬭᬜᬦ᭄ᬤᬂᬳᬗ᭄ᬕᭀᬦ᭄ᬓᬦ᭄ᬢᬶ᭞ᬢᬦ᭄ᬧᬾᬦ᭄ᬤᬄᬓᬤᬶᬲᬂᬲᬶᬗ᭄ᬳᬵ᭞ᬕᬮᬓ᭄ᬦᬕᬶᬄᬗᭂᬧᬾᬢ᭄ᬧᬢᬶ᭞ᬢᭀᬂᬗᭂᬮᬄᬳᭀᬮᬲᬲᬶᬄ᭞ᬗᬫᭂᬍᬤᬂᬧᬗ
ᬦ᭄ᬓᬶᬦᬸᬫ᭄᭞ᬢ᭄ᬯᬭᬗᬸᬦᬵᬥᬶᬓᬬᬂ᭞ᬇᬥᭂᬧᬾᬫᬫᬵᬢᬶᬫᬵᬢᬶ᭞ᬢᭀᬂᬜᬓ᭄ᬗᬸᬦ᭄ᬢᬸᬮ᭄᭞ᬬᬦ᭄ᬢ᭄ᬯᬭᬲᬗ᭄ᬓᬦᬶᬂᬩᭂᬤᬓ᭄᭟ᬓᬵ᭠ᬮᬗᬶᬦᭂᬫ᭄ᬬᬾᬄᬤᬶᬢᬸᬓᬤ᭄᭞ᬓᬾᬢᭀᬳᬸᬧᬫᬶᬜᬘᭂᬦᬶᬂ᭞ᬳᬦᬓᬾᬗᬫ᭄ᬪᭃᬓᬂᬫᭀᬫᭀ᭞ᬫᬲᬾᬯᬓᬗᬲᬶᬳᬲᬶᬄ᭞ᬓᬩᬢᭂᬓ᭄ᬩᬦ᭄ᬫᬧᬺ
ᬤᬶ᭞ᬦᬸᬦᬲᬶᬘ᭄ᬙᬗᬶᬤᬶᬄᬢᬸᬮᬸᬂ᭞ᬗᬶᬂᬬᬦ᭄ᬲᬸᬩᬯᬋᬕᬦ᭄᭞ᬢᭀᬂᬲᬾᬦ᭄ᬤᭂᬫ᭄ᬦᭀᬮᬶᬄᬓᬲᬫ᭄ᬧᬶᬂ᭞ᬢ᭄ᬯᬭᬭᬸᬗᬸ᭞ᬢᭂᬓᬾᬦ᭄ᬓ᭠ᬓᬦ᭄ᬢᬾᬦᬦ᭄ᬮᬯᬲ᭄᭟ᬤ᭄ᬯᬦᬶᬂᬳᭂᬤᬧᬢᬶᬳᬫ᭄ᬧᬄ᭞ᬗᬮᬶᬄᬧᬲ᭄ᬯᬶᬢ᭄ᬭᬦ᭄ᬢᬗᬭᬶᬦ᭄᭞ᬦᬾᬲᬚᬦᬯᬂᬧᬗ᭄ᬭᬱ᭞ᬧᬵᬫ᭄ᬪᭃᬓᬦ᭄ᬜᬦᬾᬲᭂᬍᬳᬶᬦ᭄᭞ᬧᭂ
ᬤᬲᬂᬕᬢᬶᬕᬢᬶ᭞ᬢ᭄ᬯᬭᬜᬦ᭄ᬤᬂᬳᬾᬗ᭄ᬕᬮ᭄ᬗᬸᬕᬸ᭞ᬯᬶᬤ᭄ᬬᬫᬵᬤᬦ᭄ᬯᬶᬯᬾᬓ᭞᭞ᬗᬮᬶᬄᬓᬦ᭄ᬢᬶᬳᬦᬾᬭᬶᬭᬶᬄ᭞ᬇᬥᭂᬧ᭄ᬲᬥᬹ᭞ᬦᬾᬓᬾᬢᭀᬜᬦ᭄ᬤᬂᬩᭀᬩᭀᬢᬂ᭟ᬯᬶᬤ᭄ᬬᬫᬤᬫᬵᬤᬦ᭄ᬧᬸᬜᬄ᭞ᬩᬳᬦ᭄ᬓᬓᬲᬸᬩᬂᬭᬶᬭᬶᬄ᭞ᬢᭀᬂᬜᬦ᭄ᬤᬂᬳᬗ᭄ᬕᭀᬦ᭄ᬲᬯᬶᬢ᭄ᬭ᭞ [ 191 ][᭑᭙᭐ 190B]
᭑᭙᭐
ᬤᬦᬫᭂᬮᬄᬳᬗ᭄ᬕᭀᬦ᭄ᬓᬦ᭄ᬢᬶ᭞ᬲᬯᬶᬭᬾᬄᬜᬓ᭄ᬦᬸᬮᬸᬗᬶᬦ᭄᭞ᬓᬵᬮᬦᭂᬧᬸᬓᬶᬦ᭄ᬧᬓᬾᬯᬸᬄ᭞ᬤᬦᬫᬤᬓᬳᬸᬘᬧ᭄᭞ᬦᬾᬲᬸᬕᬶᬄᬫᬯᬢᬂᬤᭂᬫᬶᬢ᭄᭞ᬢ᭄ᬯᬭᬧᬵᬢᬹᬢ᭄᭞ᬳᬗ᭄ᬕᭀᬦ᭄ᬘᭂᬦᬶᬂᬓᬓᬦ᭄ᬢᬾᬦᬦ᭄᭟ᬅᬩᬶᬚᬦᬫᬵᬤᬦ᭄ᬫᬾᬦᬓ᭄᭞ᬓᬯᬗ᭄ᬰᬦ᭄ᬲᬸᬩᬲᬸᬮᬶᬗ᭄ᬕᬶᬄ᭞
ᬦᬾᬓᬾᬢᭀᬜᬦ᭄ᬤᬂᬩᭀᬩᭀᬢᬂ᭞ᬳᬗ᭄ᬕᭀᬦ᭄ᬓᬦ᭄ᬢᬶᬓᬲᬸᬩ᭄ᬭᬶᬭᬶᬄ᭞ᬬᬤᬶᬦ᭄ᬢᬸᬬᬸᬄᬮᬫ᭄ᬧᬳᬶᬦ᭄᭞ᬫᭂᬮᬚᬄᬗᬮᬶᬄᬧᬗᬯ᭄ᬭᬸᬄ᭞ᬮᬾᬦᬩᬶᬚᬦᬫᬤ᭞ᬢ᭄ᬯᬭᬜᬦ᭄ᬤᬂᬳᬗ᭄ᬕᭀᬦ᭄ᬓᬦ᭄ᬢᬶ᭞ᬳᬦᬓ᭄ᬩᬸᬤᬸᬄ᭞ᬧᬸᬜᬄᬢᭂᬓᬾᬦᬶᬂᬓᬯᬗ᭄ᬰᬦ᭄᭟ᬳᬫ᭄ᬩᬸᬮ᭄ᬢᭀᬫᬮᬸᬋᬲᭂ
ᬧᬂ᭞ᬢᬸᬢᬹᬃᬩᬧᬢᭂᬓᬾᬦ᭄ᬘᭂᬦᬶᬂ᭞ᬳᬗ᭄ᬕᭀᬦ᭄ᬫᬶᬢᬸᬢᬸᬭᬶᬦ᭄ᬳᬯᬓ᭄᭞ᬳᬧᬂᬦᬯᬂᬩᭂᬦᭂᬄᬧᭂᬮᬶᬄ᭞ᬲᬚ᭄ᬭᭀᬦᬶᬂᬦᬸᬫᬳᬸᬭᬶ᭠ᬧ᭄᭞ᬲᬂᬪᬶᬓ᭄ᬱᬸᬦᬶᬜᭂᬮᬕ᭄ᬫᬵᬢᬹᬃ᭞ᬗᬶᬭᬶᬂᬩᭂᬮᬶᬭᬵᬃᬬ᭄ᬬᬦᬂ᭞ᬲᬯᬶᬭᬾᬄᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬚᬦ᭄ᬢᭀᬲ᭄ᬮᬮᬶᬭᬶᬂᬫᬬᭀᬕ
᭟᭜᭟ᬳᬤ᭄ᬭᬶ᭟᭜᭟ᬲᬩ᭄ᬭᬦ᭄ᬤᬶᬦᬭᬶᬂᬧᬢᬧᬦ᭄ᬧᬭᬸᬫ᭄᭞ᬲᬋᬂᬧᬢ᭄ᬧᬢ᭄ᬋᬓᬾ᭞ᬲᬗᬢᬧᬮᬦᬂᬳᬶᬲ᭄ᬢ᭄ᬭᬶ᭞ᬲᬋᬂᬳᭀᬓ᭠ᬮᬦᬂᬯᬥᬹ᭞ᬓᬵᬫᬚᬬᬮᬦ᭄ᬤᬾᬯᬵᬬᬸ᭞ᬓᬩᬡ᭄ᬥᬳᬦ᭄ᬢᬸᬓ᭄‌ᬢᬺᬱ᭄ᬡᬦᬾ᭞ᬲᬗᬢᬧᬗᬶᬘ᭄ᬙᬾᬦ᭄ᬢᬸᬢᬹᬃ᭞ᬲᬩ᭄ᬭᬦ᭄ᬤᬶᬦᬯᬸᬲ᭄ᬫᬬᭀᬕ᭞ᬢᬸ

[᭑᭙᭑ 191A]
᭑᭙᭑
ᬢᬸᬭᬾᬧᬶᬗᬶᬢ᭄ᬫᬧᬹᬃᬯ᭄ᬯ᭟ᬩᬶᬗᬃᬓᬵᬫᬚᬬᬮᬦ᭄ᬤᬾᬯᬵᬬᬸ᭞ᬫᬶᬋᬗᬂᬢᬸᬢᬸᬭᬾ᭞ᬧᬯᬶᬲᬶᬓ᭄ᬳᬦᬓᬾᬮᬶᬗ᭄ᬲᬶᬃ᭞ᬲᬓ᭄ᬱᬡ᭠ᬓᬬᬸᬦᬾᬤᬬᬸᬄ᭞ᬮᬮᬶᬭᬶᬂᬧᭀᬮᬶᬄᬧᬓᬾᬯᬸᬄ᭞ᬲᬶᬃᬡ᭄ᬦᬳᬶᬘᬮ᭄ᬧᬓᭀᬩᭂᬢᬾ᭞ᬭᬱᬢᬦ᭄ᬓᬦ᭄ᬢᬸᬦ᭄ᬫᬕᬦ᭄ᬢᬸᬮ᭄᭞ᬲᬸᬗ᭄ᬲᬸᬢᬾᬦᬦ᭄ᬤᬗᬶ
ᬦ᭄ᬮᬭ᭞ᬓᬤᬶᬓᬲᬶᬭᬢᬦ᭄‌ᬫᬺᬢ᭄ᬣ᭟ᬲᬸᬘᬶᬦᬶᬃᬫᬵᬮᬢᬦ᭄ᬓᭂᬦᬾᬂᬍᬢᬸᬄ᭞ᬫᬮᬶᬮᬂᬓᬬᬸᬦᬾ᭞ᬲᬶᬦᬧᬸᬄᬤᬾᬦᬶᬂᬧᬯᬶᬲᬶᬓ᭄᭞ᬓᬤ᭄ᬬᬗ᭄ᬕᬦᬶᬂᬲᭂᬓᬃᬢᬸᬜ᭄ᬚᬸᬂ᭞ᬓᬵᬮᬦᬶᬂᬯᭂᬗᬶᬦᬾᬓᬸᬘᬸᬧ᭄᭞ᬲᭂᬫᭂᬂᬓᬲᬸᬦ᭄ᬤᬭᬦ᭄ᬲᬹᬃᬬ᭄ᬬ᭞ᬫᬮᬶᬄᬫᭂᬓᬃᬫᭂᬩᬸᬓ᭄ᬳᬭᬸᬫ᭄᭞ᬲᬧᬸᬦᬶᬓᬬᬦᬸᬧᬫ᭞
ᬢᬦ᭄ᬓᬾᬗ᭄ᬕᬸᬄᬭᬶᬂᬧᬜ᭄ᬘᬪᬬ᭟ᬓᬵᬫᬚᬬᬫᬓᬵᬤᬶᬤᬾᬯᬵᬬᬸ᭞ᬲᬩ᭄ᬭᬦ᭄ᬤᬶᬦᬋᬓᬾ᭞ᬓᬵᬮᬦᬶᬂᬳᬦᬓᬾᬮᬶᬗ᭄ᬲᬶᬃ᭞ᬫ᭠ᬬᭀᬕᬦᬸᬗ᭄ᬕᬮᬂᬓᬬᬸᬦ᭄᭞ᬫᬮᬶᬗ᭄ᬕᬶᬄᬭᬶᬂᬤᬸᬳᬸᬃᬩᬢᬸ᭞ᬧᭀᬮᬶᬄᬲᭂᬗ᭄ᬕᬂᬫᬮᬜ᭄ᬘᬭᬦ᭄᭞ᬦᬫ᭄ᬢᬫᬶᬦ᭄ᬓᬬᬸᬦᬸᬮᬗᬸᬦ᭄᭞ᬧᬦᭂᬥᭂᬂᬰᬰᬶᬄᬓᬃᬝᬶ
ᬓ᭞ᬲᬃᬯ᭄ᬯᬲᭂᬓᬃᬦᭂᬥᭂᬂᬓᭂᬫ᭄ᬩᬂ᭟ᬫᬘᬗ᭄ᬓ᭄ᬭᬫᬭᬶᬂᬫᬥ᭄ᬬᬦᬶᬂᬕᬸᬦᬸᬂ᭞ᬢᬦ᭄ᬓᬤᬶᬮᬾᬤᬗᬾ᭞ᬲᬂᬓᬵᬮᬶᬄᬓᬮᬗᭃᬦ᭄ᬗᬓ᭄ᬱᬶ᭞ᬫᬓᬦ᭄ᬢᭂᬦ᭄ᬮᬗᬶᬢᬾᬧᭂᬮᬸᬂ᭞ᬲᬓᬾᬂᬤᭀᬄᬭᬱᬫᬘᬓᬸᬧ᭄᭞ᬭᬶᬂᬧᬦᭂᬧᬶᬦ᭄ᬲᬵᬕᬭᬦᬾ᭞ᬭᬱᬬᬂᬓᬤᬶᬫᬕᭂᬮᬸᬢ᭄᭞ᬮᬸᬮᬸᬢ᭄ᬳᬲᬶᬄᬓᬧᬶᬢᬺᬱ᭄ᬡ [ 192 ][᭑᭙᭑ 191B]
᭑᭙᭑
ᬦ᭄᭞ᬫᬶᬦᬩ᭄ᬲᬵᬫ᭄ᬧᬸᬦ᭄ᬫᬲᭀᬩᬬ᭟ᬫᬭᬶᬂᬲᬸᬦ᭄ᬬᬢᬮᬗ᭄ᬕᭂᬂᬫᬢᭂᬫᬸ᭞ᬜᭂᬧᬸᬓᬂᬤᭂᬫᭂᬦᬾ᭞ᬧᬗ᭄ᬳᬶᬥᭂᬧ᭄ᬲᬂᬲᬶᬤ᭄ᬥᬾᬂᬓᬧ᭄ᬢᬶ᭞ᬓᬧᬶᬗᭀᬦ᭄‌ᬤᬤᬢᬭᬸᬗᬸ᭞ᬓᬤᬸᬓ᭄ᬓᬮᬗᭃᬳᬸᬮᬗᬸᬦ᭄᭞ᬧᬢᬶᬋᬲᭂᬧ᭄ᬲᬬᬦ᭄ᬫᬾᬦ᭄ᬤ᭄ᬭ᭞ᬲᬕᬾᬢ᭄ᬲᬂᬓᬵᬮᬶᬄᬫᬕᭂᬮᬸᬢ᭄᭞ᬫᬓᬶᬮᬶᬢ᭄ᬫᬸᬭᬸᬧᬂᬲᭂ᭠
ᬧᬄ᭞ᬧᬶᬦᬓᬢᬫ᭄ᬩᬓᬲᬢᬦ᭄᭟ᬫᬭᬶᬂᬲᭀᬃᬢᬭᬸᬦᬾᬲᬮᬶᬂᬭᬸᬫ᭄ᬭᬸᬫ᭄᭞ᬗᬸᬮᬸᬭᬶᬦ᭄ᬮᬾᬤᬗᬾ᭞ᬓᬤᬶᬓᬸᬫ᭄ᬩᬂᬗᬶᬲᭂᬧ᭄ᬲᬵᬭᬶ᭞ᬲᬤ᭄ᬬᬧᭀᬮᬶᬄᬕᭂᬦ᭄ᬤᬶᬲ᭄ᬫᬥᬹ᭞ᬢᬦ᭄ᬯᬾᬦ᭄ᬢᭂᬦ᭄ᬫᬭᬱᬕᭂᬧᬸ᭞ᬳᬦ᭄ᬢᬸᬓ᭄ᬤᭀᬄᬧᭂᬘᬓ᭄ᬫᬫᬵᬃᬕ᭄ᬕ᭞ᬓᬲᬤ᭄ᬬᬦ᭄ᬧᭀᬮᬶᬄᬧᬫᬬᬸᬄ᭞ᬓᭂᬜᭂᬮᬾᬳᬶᬘ᭠
ᬮ᭄ᬲᬓ᭄ᬱᬡ᭞ᬧᭀᬮᬶᬄᬢᬫ᭄ᬩᬧᬗ᭄ᬭᬋᬡ᭟ᬓᬵᬫᬚᬬᬓᬮᬶᬄᬲᬂᬤ᭄ᬬᬄᬳᬬᬸ᭞ᬲᬵᬫ᭄ᬧᬸᬦ᭄ᬲᭀᬭᬾᬋᬓᬾ᭞ᬯᬯᬸ᭠ᬫᬦ᭄ᬢᬸᬓ᭄ᬲᬋᬂᬓᬵᬮᬶᬄ᭞ᬲᬓᬾᬂᬗᬮᬂᬮᬂᬳᬸᬮᬗᬸᬦ᭄᭞ᬳᬦᬓᬾᬮᬶᬗ᭄ᬲᬶᬃᬓᬧᬗ᭄ᬕᬸᬄ᭞ᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬜᬦ᭄ᬢᭀᬲᬂ᭞ᬓᭂᬜᭂᬫ᭄ᬤᬦᬾᬮᬦᬂ
ᬯᬥᬹ᭞ᬳᬦ᭄ᬢᬸᬓ᭄ᬤᬦᬾᬮᬾᬤᬂᬜᬶᬗᬓ᭄᭞ᬓᬵᬫᬚᬬᬫᬓᭂᬫ᭄ᬩᬭᬦ᭄᭟ᬲᬋᬂᬤᬾᬯᬵᬬᬸᬫᬵᬲ᭄ᬯᬯᬸᬭᬯᬸᬄ᭞ᬓᬗᭂᬦ᭄ᬓᬬᬸᬦ᭄ᬤᬦᬾ᭞ᬲᬂᬪᬶᬓ᭄ᬱᬹᬦᬶᬗᬸᬘᬧᬭᬶᬲ᭄᭞ᬓᬶᬚᬘᭂᬦᬶᬂᬫᬭᬗᬗ᭄ᬕᬸᬃ᭞ᬫᬾᬄᬤᭂᬫᭂᬦ᭄ᬫᬩᬮᬶᬄᬲᬸᬯᬸᬂ᭞ᬢᬸᬭᬄᬫᬾᬫᬾᬩᬦ᭄ᬮᭂᬕᬦᬾ᭞ᬢᭀᬂᬗᬶᬗᭂ᭠

[᭑᭙᭒ 192A]
᭑᭙᭒
ᬢᬂᬩᬲᬂᬲᭂᬤᬸᬓ᭄᭞ᬦᬄᬓᭂᬫᭀᬘᭂᬦᬶᬂᬫᬤᬳᬃ᭞ᬮᬶᬗ᭄ᬲᬶᬃᬲᬜ᭄ᬚᬫᬭᬢᭂᬓ᭟ᬤᬾᬯᬵᬬᬸᬫᬵᬲ᭄‌ᬲᬓ᭄ᬱᬡᬢᬮᬗ᭄ᬓᬸ᭠ᬧ᭄᭞ᬧ᭄ᬭᬦᬫ᭄ᬬᬳᬢᬸᬭᬾ᭞ᬢᬶᬢ᭄ᬬᬂᬓᬤᬸᬓ᭄ᬲᬋᬂᬓᬵᬮᬶᬄ᭞ᬓᬧᬶᬗᭀᬦ᭄ᬯ᭄ᬬᬓ᭄ᬢᬶᬳᬸᬮᬗᬸᬦ᭄᭞ᬳᬦ᭄ᬢᬸᬓ᭄ᬤᬬᬸᬳᬾᬭᬶᬂᬕᬸᬦᬸᬂ᭞ᬫᬯᬶᬦᬦ᭄ᬧᬹᬃᬡ᭄ᬦᬫᬦ
ᬳᬾ᭞ᬭᬱᬫᬭᬶᬂᬫᬳᬵᬫᬾᬭᬸ᭞ᬧᭂᬤᭂᬓ᭄ᬢᬗ᭄ᬓᬶᬮ᭄ᬭᬶᬂᬪᬝᬵᬭ᭞ᬲᬗ᭄ᬳ᭄ᬬᬂᬕᬶᬭᬶᬚᬕᬢ᭄ᬦᬵᬣ᭟ᬳᬃᬱᬳᬶᬤᬗᬓ᭄ᬱᬶᬚᬤ᭄ᬫᬮᬘᬸᬃ᭞ᬢᬹᬃᬓᬩᬾᬭᬾᬓᬾᬩᬾᬭᬾ᭞ᬫᬓᬵᬤᬶᬳ᭄ᬬᬂᬕᬶᬭᬶᬧᬸᬢ᭄ᬭᬶ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬫᬦᬄᬤᬬᬸᬄ᭞ᬲᬂᬫᬫᬋᬓᬦ᭄ᬫᬫᭂᬓᬸᬮ᭄᭞ᬲᬂᬪᬶᬓ᭄ᬱᬹᬦᬶᬓᭂᬜᭂᬫ᭄ᬦᬶᬫ᭄ᬩ
ᬮ᭄᭞ᬳᬭᬄᬲᬚᬘᭂᬦᬶᬂᬳᬬᬸ᭞ᬗᬸᬤᬳᬶᬤᬢ᭄ᬯᬭᬲ᭄ᬯᬾᬘ᭄ᬙ᭞ᬢᭂᬓᬾᬦ᭄ᬲᬂᬲᬾᬯᬓᬥᬃᬫ᭄ᬫ᭟ᬩᬲ᭄ᬲᭀᬢᬦᬶᬂᬫᬧ᭄ᬬᬦᬓ᭄ᬫᬫᬦ᭄ᬢᬸ᭞ᬳᬫ᭄ᬩᬢ᭄ᬮᭂᬕᬦ᭄ᬯᬦᬾ᭞ᬗᭂᬦᭀᬢ᭄ᬘᭂᬦᬶᬂᬲᬋᬂᬓᬵᬮᬶᬄ᭞ᬭᬾᬭᬤ᭄ᬭᬾᬭᭀᬤ᭄ᬘᬶᬳ᭄ᬦᬳᬤᬸᬂ᭞ᬲᬸᬩᬫᬕᭂᬢᬶᬄᬳᬩᬸᬂᬩᬸᬂ᭞ᬦᬾᬫᬸᬮᬍᬕᬬᬂᬫᬾ
ᬫᬾ᭞ᬬᬤ᭄ᬬᬧᬶᬦ᭄ᬤᬦᬾᬳᬶᬕᬸᬭᬸ᭞ᬳᬯᬦᬦ᭄ᬤᬦᬾᬫᬢᬧ᭞ᬫᬸᬮᬗᬲ᭄ᬢᬧᬬᬂᬳᬶᬤ᭟ᬦᬸᬫᬤᬓᬂᬳᬧᬂᬘᭂᬦᬶᬂᬕᬮᬸᬄ᭞ᬳ᭠ᬤᬸᬂᬭᬶᬂᬫᬶᬲᬦᬾ᭞ᬲᬸᬓᬵᬤᬸᬄᬓᬵᬲᬋᬂᬓᬵᬮᬶᬄ᭞ᬫᬓᬭᭀᬦᬦ᭄ᬳᬲᬶᬄᬮᬸᬮᬸᬢ᭄᭞ᬯᬶᬭᬾᬄᬘᭂᬦᬶᬂᬲᬸᬩᬓᬤᬸᬂ᭞ᬢᬦ᭄ᬪᬶᬦᬩᬸᬓᬩᭂᬦᬗᬾ᭞ᬇ [ 193 ][᭑᭙᭒ 192B]
᭑᭙᭒
ᬥᭂᬧᬂᬲᬸᬩᬫᬘᭂᬮᬸᬩ᭄᭞ᬧᬸᬢᬶᬄᬩᬭᬓᬾᬫᬢᬶᬫ᭄ᬧᬮ᭄᭞ᬭᬾᬄᬓᬫᬸᬮᬦ᭄ᬚᬢᬸᬓᬵᬃᬫ᭄ᬫ᭟ᬫᬾᬫᬾᬮᬦ᭄ᬳᬶᬕᬸᬭᬸᬲᬓᬾᬂᬘᬸᬫ᭄ᬧᬸ᭞ᬲᬹᬓ᭄ᬱᭂᬫᬇᬥᭂᬧᬾ᭞ᬗᭂᬦᭀᬢ᭄ᬘᭂᬦᬶᬂᬮᬸᬮᬸᬢᬲᬶᬄ᭞ᬲᬓᬭᬶᬂᬯᬶᬤ᭄ᬥᬶᬦᬾᬳᬲᬸᬂ᭞ᬢᭂᬓᬾᬦᬶᬂᬫᬾᬫᬾᬦᬸᬳᬶᬤᬸᬧ᭄᭞ᬲᬸᬩᬦᭂᬧᬸᬓᬶᬦ᭄ᬲ᭄ᬯᬃᬕ᭄ᬕᬦᬾ᭞ᬍ
ᬕᬇᬥᭂᬧᬾᬲᬢᬸᬯᬸᬓ᭄᭞ᬧᬶᬓᭀᬮᬶᬄᬫᬾᬫᬾᬫᬢᬧ᭞ᬫᬓᬵᬤᬶᬕᬸᬭᬸᬦ᭄ᬳᬶᬤᬾᬯ᭟ᬘᭂᬦᬶᬂᬓᬵᬫᬚᬬᬫᬾᬫᬾᬮᬸᬘᬸ᭞ᬩᬳᬦ᭄ᬧᬶᬢᬺᬱ᭄ᬡᬵᬦᬾ᭞ᬲᬤᬫᭂᬮᬶᬤ᭄ᬫᬶᬗᭂᬢ᭄ᬘᭂᬦᬶᬂ᭞ᬓᬾᬦ᭄ᬓᬾᬦ᭄ᬩᬳᬦ᭄ᬳᬧᬂᬓᬸᬓᬸᬄ᭞ᬇᬥᭂᬧ᭄ᬘᭂᬦᬶᬂᬫᬧᬯᬗᬸᬦ᭄᭞ᬕᭂᬤᭀᬂᬲᬭᬶᬳᬸᬧᬫᬶᬦ᭄ᬜ᭞ᬳᬧᬂᬢ᭄ᬯ
ᬭᬳᬾᬗ᭄ᬕᬮ᭄ᬳᬸᬯᬸᬕ᭄᭞ᬤᬲᬭᬾᬧᬵᬢᬹᬢ᭄ᬤᬩ᭄ᬤᬩᬂ᭞ᬩᬢᬮᬦ᭄ᬩᬢᬸᬧᭂᬗᬦᬂ᭟ᬤᬗᬦ᭄ᬤᭂᬮᬂᬧᬓᭂᬦᬦ᭄ᬮᬸᬮᬸᬄᬦ᭄ᬤᬸᬢ᭄᭞ᬬᬢ᭄ᬦᬳᬶᬦ᭄ᬕᭂᬫ᭄ᬩᬦᬾ᭞ᬲᬶᬂᬜᬩᬢᬭᬦᬾᬕᬜ᭄ᬚᬶᬄ᭞ᬫᬧ᭄ᬯᬭᬳᬸᬯᬸᬕ᭄ᬫᬩ᭄ᬭᬶᬬᬸᬕ᭄᭞ᬭᬾᬄᬤᬲᬭᬾᬢ᭄ᬯᬭᬓᬸᬓᬸᬄ᭞ᬦᬶᬃᬕᬯᬾᬘᭂᬦᬶᬂᬢᬸᬬᬸᬳᬾ᭞ᬤᬤᬶᬓ
ᬓᭂᬤᬾᬓᬦ᭄ᬧᬬᬸ᭞ᬢ᭄ᬯᬭᬫᬫ᭄ᬧᬸᬄᬫᬕᬭᬧᬦ᭄᭞ᬫᬧ᭄ᬯᬭᬫᬾᬫᬾᬍᬓ᭄ᬚᭂᬗᬄ᭟ᬲᭂᬗ᭄ᬓᬫᬸᬮᬗᬃᬤ᭄ᬥᬶᬦᬾᬭᬳᬬᬸ᭞ᬧᬫ᭄ᬮᬧᬦ᭄ᬫᬾᬫᬾᬦᬾ᭞ᬳᬧᬂᬘᭂᬦᬶᬂᬲᬓᬾᬂᬚᬢᬶ᭞ᬢᬺᬱ᭄ᬡᬵᬫᬲᭀᬫᬄᬲᬢᬸᬯᬸᬓ᭄᭞ᬲᬓ᭄ᬱᬢ᭄ᬚᬸᬭᬕᬦ᭄ᬲᬧ᭄ᬭᬳᬸ᭞ᬚᭂᬮᬾᬫᭂᬮᬄᬳᬚᬓ᭄ᬤᬤ᭄ᬯ᭞ᬩ

[᭑᭙᭓ 193A]
᭑᭙᭓
ᬦᬶᬦᬢᬓ᭄ᬳᬕᭂᬢ᭄ᬮᬘᬸᬃ᭞ᬲᬢᬶᬩᬧᬭᬦᬶᬂᬮᬫ᭄ᬧᬄ᭞ᬳᭂᬤᬘᭂᬦᬶᬂᬫᬩᭂᬮᬲᬦ᭄᭟ᬳᭂᬤᬧᭂᬲᬦ᭄ᬘᭂᬦᬶᬂᬳᬫ᭄ᬧᬄᬗᭂᬫ᭄ᬧᬸ᭞ᬦᬶᬦ᭄ᬤᬶᬳᬶᬦ᭄ᬳᬤᬶᬦᬾ᭞ᬩᬦᬶᬮᬘᬸᬃᬳᬚᬓ᭄ᬘᭂᬦᬶᬂ᭞ᬫᬕᭂᬤᬶᬓᬮᬧᬸᬮᬧᬸ᭞ᬲᬮᬫ᭄ᬧᬄᬗ᭄ᬕᭀᬦ᭄ᬩᬋᬂᬦᬸᬢᬸᬕ᭄᭞ᬗᬶᬥᭂᬧᬂᬫᬸᬜᬶᬦ᭄ᬘᭂᬦᬶᬗᬾ᭞ᬓᬦ᭄ᬢᬶᬗᬸᬢᬂᬧᬸᬭᬶ
ᬳᬕᬸᬂ᭞ᬢ᭄ᬯᬭᬗᬾᬧᬸᬢᬂᬓᬯᬶᬃᬬ᭄ᬬᬦ᭄᭞ᬓᬩᬢᭂᬓ᭄‌ᬢᬺᬱ᭄ᬡᬵᬫᬲᭀᬫᬄ᭟ᬧᬵᬢᬹᬢ᭄ᬘᭂᬦᬶᬂᬳᬦᬾᬚᬦᬶᬭᬸᬗᬸ᭞ᬫᬤᬍᬫ᭄ᬳᬤᬶᬦᬾ᭞ᬢᬹᬃᬩᬦᬶᬗᭂᬢᭀᬳᬂᬳᬸᬭᬶᬧ᭄᭞ᬬᬦ᭄ᬧᬾᬢ᭄ᬳᬤᬩᬦᬶᬗᬸᬮ᭄ᬕᬸᬮ᭄᭞ᬳᬶᬳᬤᬶᬓᬮᬸᬲᬸᬮᬸᬲᬸ᭞ᬓᬬᭀᬕ᭄ᬬᬘᭂᬦᬶᬂᬫᬧᭂᬮᬂ᭞ᬤᬫᬸᬭᬸᬤ᭄ᬦᬗ᭄ᬓᭂᬧᬶ᭠
ᬦ᭄ᬫᬸᬲᬸᬄ᭞ᬫᬾᬮᬦᬶᬦ᭄ᬳᬤᬶᬦᬶᬤᬾᬯ᭞ᬳᭂᬤᬫᬓᬶᬭᬶᬕᬢᬫ᭄ᬧᬓ᭄᭟ᬓᬾᬢᭀᬫᬲᬶᬄᬳᬸᬤᬸᬄᬘᭂᬦᬶᬂᬫᬦ᭄ᬢᬸ᭞ᬕᬶᬮᬶᬓᬂᬇᬥᭂᬧᬾ᭞ᬢᬺᬱ᭄ᬡᬵᬦᬾᬢᭂᬓᬾᬦ᭄ᬳᬶᬩᭂᬮᬶ᭞ᬳᭂᬤᬘᭂᬦᬶᬂᬧᬢᬶᬗᬸᬕᬸ᭞ᬧᬶᬰᬹᬦᬬᬤᬶᬦ᭄ᬤᬤᬸᬭᬸᬲ᭄᭞ᬗᬯᬾᬦᬂᬘᭂᬦᬶᬂᬫᬢᬸᬗ᭄ᬓᬲ᭄᭞ᬧᬲᬤᬸᬫᬶᬯᬄᬕ
ᬕᭂᬚᬸᬮ᭄᭞ᬲᬸᬚᬢᬶᬗᭂᬤᭀᬢᬂᬳᬸᬧᬄ᭞ᬓᬵᬮᬦᬗᬸᬦᬂᬩᬶᬬᭀᬢ᭟ᬬᬦᬶᬂᬜᬓ᭄ᬲᬸᬩᬘᭂᬦᬶᬂᬫᬕᬸᬢ᭄ᬕᬸᬢ᭄᭞ᬍᬕᬧᬶᬲᬕᬦᬾ᭞ᬗᬤᭀᬓᬂᬤᭂᬫᭂᬦ᭄ᬜᬸᬃᬬ᭄ᬬᬓᬶᬦ᭄᭞ᬮᬫᬓᬦᬾᬘᭂᬦᬶᬂᬮᬘᬸᬃ᭞ᬩᭂᬮᬲ᭄ᬫᬓᬸᬋᬦᬦ᭄ᬧᬬᬸ᭞ᬯᬲ᭄ᬢᬸᬳᬾᬮᬄᬇᬥᭂᬧ᭄ᬜᬦᬾ᭞ᬗᭂᬜ᭄ᬘᬦᬶᬦ᭄ᬘᭂᬦᬶᬂᬧ [ 194 ][᭑᭙᭓ 193B]
᭑᭙᭓
ᬫᬸᬧᬸᬢ᭄᭞ᬫᬤᬤᬸᬭᬸᬲ᭄ᬗᬓᬸᬢᬺᬱ᭄ᬡᬵ᭞ᬲᬓᬾᬂᬗᬫᭂᬍᬤᬂᬩ᭄ᬭᬡ᭟ᬦᬵᬗ᭄ᬳᬶᬂᬬᬦ᭄ᬘᭂᬦᬶᬂᬲᬢᬢᬳᬤᬸᬂ᭞ᬍᬓᭂᬢ᭄ᬧᬶᬢᬺᬱ᭄ᬡᬵᬦᬾ᭞ᬢ᭄ᬯᬭᬳᬤᬳᬦᬓ᭄ᬚ᭄ᬯᬭᬶ᭞ᬗᭀᬤᬘᭂᬦᬶᬂᬩᬦᬶᬗᬸᬮ᭄ᬕᬸᬮ᭄᭞ᬲᬯᬢᭂᬓ᭄ᬦᬾᬢᬦ᭄ᬧᬲᭂᬫᬸ᭞ᬢ᭄ᬯᬭᬧᬬᬸᬫᬮᬓ᭄ᬱᬡ᭞ᬍᬓ᭄ᬜᬮᬦᬂᬳᬫ᭄ᬪᭃᬓ᭄ᬤᬸᬤᬹ᭞
ᬯᬶᬭᬾᬄᬘᭂᬦᬶᬂᬲᬸᬩᬬᬢ᭄ᬦ᭞ᬧᬢᬸᬄᬳᬤᬸᬂᬫᬓᬸᬋᬦᬦ᭄᭟ᬫᬾᬫᬾᬫᬶᬗᭂᬢ᭄ᬘᭂᬦᬶᬂᬮᬦᬂᬯᬥᬹ᭞ᬕᬶᬮᬶᬓᬂᬤᭂᬫᭂᬦᬾ᭞ᬉᬢ᭄ᬲᬳᬘᭂᬦᬶᬂᬓᬃᬤ᭄ᬥᬶᬦᬶᬦ᭄᭞ᬢᬶᬗ᭄ᬓᬳᬾᬗᬯᬾᬭᬳᬬᬸ᭟ᬲᬗᬶᬳᬦ᭄ᬓᬮᬯᬦ᭄ᬢᬶᬬᬸᬓ᭄᭞ᬓᬾᬢᭀᬘᭂᬦᬶᬂᬳᬸᬧᬫᬶᬜ᭞ᬧᬥᬗᬮᬄᬲᬓᬾᬂ
ᬳᬭᬸᬲ᭄᭞ᬮᬫᬓᬦᬾᬤᬤᬶᬫᬗᬦ᭄᭞ᬳᬾᬮᬄᬩᬜᬫᬫ᭄ᬭᬩᭀᬢᬂ᭟ᬲᬂᬪᬶᬓ᭄ᬱᬹᬓᬜᭂᬮᬕ᭄ᬲᭂᬫᬸᬕᬸᬬᬸ᭞ᬧᬗ᭠ᬦ᭄ᬤᬶᬓᬦ᭄ᬤᬦᬾ᭞ᬧᬸᬗ᭄ᬕᭂᬮᬂᬫᬮᬸᬫᬾᬦ᭄ᬘᭂᬦᬶᬂ᭞ᬭᬾᬄᬳᬶᬘᭂᬦᬶᬂᬲᬸᬩᬲᭂᬤᬸᬓ᭄᭞ᬦᬄᬤᭂᬧᬂᬫᬤᬳᬃᬫᬮᬸ᭞ᬢᬶᬤᭀᬂᬩᬶᬦ᭄ᬓᭂᬚᭂᬧ᭄ᬮᬦ᭄ᬢᬸᬭᬂ᭞ᬲᬂᬪᬶᬓ᭄ᬱᬹ
ᬦᬶᬓᭂᬜᭂᬫ᭄ᬫᬸᬯᬸᬲ᭄᭞ᬮᬯᬸᬢᬂᬘᭂᬦᬶᬂᬫᬤᬳᬃ᭞ᬤᬶᬧ᭄ᬭᬦ᭄ᬢᭂᬦᬦ᭄ᬳᬚᬓ᭄ᬤᬤ᭄ᬯ᭟ᬓᬵᬫᬚᬬᬮᬦ᭄ᬤᬾᬯᬵᬬᬸ᭞ᬢᬦ᭄ᬧᬜ᭄ᬚᬂᬳᬢᬸ᭠ᬭᬾ᭞ᬲᬂᬓᬵᬮᬶᬄᬲᬵᬫ᭄ᬧᬸᬦ᭄ᬫᬧᬫᬶᬢ᭄᭞ᬓᬧ᭄ᬭᬦ᭄ᬢᭂᬦᬦ᭄ᬯᬸᬲ᭄ᬮᬸᬫᬓᬸ᭞ᬳᬾᬧᭀᬢ᭄ᬦᬸᬮᬶᬦᬸᬦᬸᬚᬕᬸᬂ᭞ᬲᬃᬯ᭄ᬯᬶᬗᭀᬭᬾᬂᬓᬘᬂᬓᬘᬂ᭞ᬲᬫ᭄ᬩᭂᬮ᭄

[᭑᭙᭔ 194A]
᭑᭙᭔
ᬍᬗᬚᬗᬦ᭄ᬧᬓᬸ᭞ᬮᬾᬤᬂᬓᬬᬸᬦᬾᬗᬚᭂᬗᬂ᭞ᬢᬦ᭄ᬧᬳᬸᬮᬫ᭄ᬜᬭᬶᬭ᭟ᬧᬸᬧᬸᬢ᭄ᬫᬚᭂᬗᬦ᭄ᬲᬂᬓᬵᬮᬶᬳᬰ᭄ᬭᬸ᭞ᬧᭂᬤᭂᬓ᭄ᬭᬶᬂᬩᬶᬬᬗᬾ᭞ᬫᬓᬵᬤᬶᬤᬦᬾᬳᬶᬳᬚᬶ᭞ᬲᬂᬪᬶᬓ᭄ᬱᬹᬦᬶᬫᬮᬶᬄᬦᬸᬢᬸᬭ᭄᭞ᬭᬶᬂᬳᭀᬓᬦᬾᬮᬦᬂᬯᬥᬹ᭞ᬓᬤᬶᬲᬭᬢ᭄ᬓᬬᬸᬦ᭄ᬤᬦᬾ᭞ᬫᬗᬦ᭄ᬤᬶᬓ᭠
ᬩᬦ᭄ᬩᬦ᭄ᬳᬮᬸᬲ᭄᭞ᬳᬥᬹᬄᬘᭂᬦᬶᬂᬳᬚᬓ᭄ᬤᬤ᭄ᬯ᭞ᬫᬸᬜᬶᬦ᭄ᬫᬾᬫᬾᬦᬾᬇᬥᭂᬧᬂ᭟ᬓᭂᬦᭂᬄᬫᬾᬫᬾᬫᬓᬵᬤᬶᬳᬶᬕᬸᬭᬸ᭞ᬳ᭠ᬤᬸᬂᬳᬶᬢᬸᬗᬦᬾ᭞ᬦᬸᬦ᭄ᬤᬾᬦ᭄ᬘᭂᬦᬶᬂᬳᬾᬗ᭄ᬕᬮ᭄ᬫᬸᬮᬶᬄ᭞ᬮᬫᬓᬦᬾᬢ᭄ᬯᬭᬧᬬᬸ᭞ᬩᬶᬬᬂᬘᭂᬦᬶᬗᬾᬗᬮᬮᬸ᭞ᬫᬥᬾᬯᬢᬶᬳᬤᬶᬦ᭄ᬫᬾᬫᬾ᭞ᬤᬶ
ᬧᬤᬸᬓ᭄ᬯᬦ᭄ᬲᭂᬤᬶᬄᬗᬸᬦ᭄ᬗᬸᬦ᭄᭞ᬓᬮᬳᬶᬦ᭄ᬳᬚᬓ᭄ᬫᬓᭂᬚᬂ᭞ᬫᬲᭂᬮ᭄ᬲᭂᬮᬦ᭄ᬧᭂᬢᭂᬂᬍᬫᬄ᭟ᬢ᭄ᬯᬭᬜᬦ᭄ᬤᬂᬘᭂᬦᬶᬂᬚᭂᬚᭂᬄᬢ᭠ᬓᬸᬢ᭄᭞ᬲᬗ᭄ᬲᬬᬇᬥᭂᬧᬾ᭞ᬫᬾᬫᬾᬳᬦ᭄ᬤᭂᬮ᭄ᬘᭂᬦᬶᬂᬫᬸᬮᬶᬄ᭞ᬢ᭄ᬯᬭᬮᬓᬃᬘᭂᬦᬶᬂᬮᬘᬸᬭ᭄᭞ᬬᬤ᭄ᬬᬲ᭄ᬢᬸᬦ᭄ᬧᬾᬢ᭄ᬘᭂᬦᬶᬂᬓᬚᬸᬓ᭄᭞ᬲᭂᬭᬳᬂᬫ
ᬮᬸᬤᬾᬯᬾᬓᬾ᭞ᬤᬤᬶᬩᬩᬡ᭄ᬥᬦ᭄ᬓᬢᭂᬕᬸᬮ᭄᭞ᬗᬮᬶᬄᬓᬭᬳᬬᭀᬦ᭄ᬯᭂᬓᬲ᭄᭞ᬤᬲᬭᬶᬦᬶᬥᭂᬧ᭄ᬲᬦ᭄ᬢᭀᬲ᭟᭠ᬦᬸᬮᬶᬲᬂᬢᬧᬮᬦᬂᬯᬥᬹ᭞ᬦᭂᬲᭂᬓᬶᬦ᭄ᬳᭀᬓᬦᬾ᭞ᬫᬭᭀᬂᬓᬵᬃᬡ᭄ᬦᬓᬶᬲᬶᬓᬶᬲᬶ᭞ᬗᬶᬘ᭄ᬙᬾᬦ᭄ᬧᬫᬵᬃᬕ᭄ᬕᬶᬦᬾᬧᬵᬢᬹᬢ᭄᭞ᬮᬫᬓᬦ᭄ᬲᬤ᭄ᬬᬭ [ 195 ][᭑᭙᭔ 194B]
᭑᭙᭔
ᬳᬬᬸ᭞ᬯᬲ᭄ᬢᬸᬳᬾᬕᬃᬓᬵᬫᬚᬬ᭞ᬓᬵᬮᬶᬄᬤᬾᬯᬵᬬᬸᬗᬭᬸᬗᬸ᭞ᬧᬯᬶᬲᬶᬓ᭄ᬲᬂᬦᬗᬸᬦ᭄ᬢᬧ᭞ᬰᬶᬃᬡ᭄ᬦᬓᬬᬸᬦᬾᬲᬗ᭄ᬲᬬ᭟ᬫᬢᬗᬦᬦ᭄ᬲᬂᬓᬵᬮᬶᬄᬢᬮᬗ᭄ᬓᬸᬧ᭄᭞ᬥᬹᬄᬳᬶᬗ᭄ᬕᬶᬄᬳᬢᬸᬭᬾ᭞ᬲᬭᬮᬾᬤᬂᬢᬶᬢ᭄ᬬᬂᬗᬶᬭᬶᬂ᭞ᬦᬾᬩᬾᬜ᭄ᬚᬂᬓᬳᬸᬢᬸᬲ᭄ᬫᬦ᭄ᬢᬸᬓ᭄᭞ᬤ᭄ᬬ
ᬲ᭄ᬢᬸᬦ᭄ᬧᬾᬢ᭄ᬢᬶᬢ᭄ᬬᬂᬓᬋᬩᬸᬢ᭄᭞ᬤᬸᬓᬧᬦ᭄ᬢᬶᬢ᭄ᬬᬂᬫᬢᬸᬮᬓ᭄᭞ᬜᬤ᭄ᬬᬯᬦ᭄ᬢᬄᬓᬾᬗᬶᬦ᭄ᬘᬭᬸ᭞ᬫᬕᭂᬳᬂᬧᬸᬢ᭄ᬭᬰᬰᬡ᭞ᬭᬸᬫᬲᬢ᭄ᬢᬶᬢ᭄ᬬᬂᬓᬲᬸᬧᬢ᭄᭟ᬲᬓᬾᬂᬓᬯᬳᬾᬧᭂᬘᬓ᭄ᬓᬍᬩᬸ᭞ᬲᬹᬓ᭄ᬱᭂᬫᬫᬦᬳᬾ᭞ᬗᬶᬭᬶᬂᬓᬬᬸᬦ᭄ᬲᬂᬫᬗᬃᬤ᭄ᬥᬶ᭞ᬦᬧᬶᬳᬗ᭄ᬕᬾᬦ᭄ᬢᬶᬢ᭄ᬬᬂᬦᬯᬸᬃ᭞
ᬳᬸᬢᬗᬾᬳᬯᬶᬦᬦ᭄ᬳᬶᬤᬸᬧ᭄᭞ᬮᬕᬲ᭄ᬳᬢᬸᬭᬾᬲᬂᬓᬃᬯ᭄ᬯ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬲᬫᬶᬳᬤᬸᬂ᭞ᬦᬾᬩᬾᬜ᭄ᬚᬂᬳᬬᬢ᭄ᬫᬫᬵᬃᬕ᭄ᬕ᭞ᬢᬦ᭄ᬓᬾᬗ᭄ᬕᬸᬄᬤᬹᬃᬕ᭄ᬕᬫᬾᬂᬮᬫ᭄ᬧᬄ᭟᭜᭟ᬤᬹᬃᬫ᭄ᬫ᭟᭜᭟ᬩᬾᬜ᭄ᬚᬂᬲᭂᬫᭂᬂᬓᬘᬭᬶᬢᬭᬶᬂᬧᬢᬧᬦ᭄᭞ᬲ᭄ᬯᬭᬦ᭄ᬕᭂᬡ᭄ᬝᬦᬾᬗᬜᬶᬄ᭞ᬭᬱᬫᬩᬭᬗ
ᬦ᭄᭞ᬓ᭄ᬮᬦᬂᬓ᭄ᬮᭂᬦᬶᬂᬢᬦ᭄ᬧᭂᬕᬢ᭄᭞ᬲᬂᬪᬶᬓ᭄ᬱᬹᬓᬲᬂᬪᬶᬓ᭄ᬱᬹᬦᬶ᭞ᬗᬸᬜ᭄ᬘᬭᬂᬯᬾᬤ᭄ᬥ᭞ᬫᬩᬭᬸᬂᬲᬋᬂᬓᬵᬮᬶᬄ᭟ᬓᬵᬫᬚᬬᬫᬓᬫᬶᬯᬄᬤᬾᬯᬵᬬᬸᬫᬵᬲ᭄᭞ᬧ᭄ᬭᬤᬂᬲᬵᬫ᭄ᬧᬸᬦ᭄ᬫᬢᬗᬶ᭞ᬭᬾᬄᬳᬬᬢ᭄ᬫᬫᬵᬃᬕ᭄ᬕᬓᬢᬫᬦ᭄ᬩᬮᬶᬢᬸᬮᬓ᭄᭞ᬲᬓᬾᬂᬧᬓᭀᬦ᭄ᬳᬦᬓ᭄ᬮᬶᬗ᭄ᬲᬶᬃ᭞ᬲᭂ᭠

[᭑᭙᭕ 195A]
᭑᭙᭕
ᬫᭂᬂᬫᬲᬶᬭᬫ᭄᭞ᬓᬢᬸᬓᬤ᭄ᬲᬋᬂᬓᬵᬮᬶᬄ᭟ᬯᬸᬲ᭄ᬫᬲᬸᬘᬶᬬᬦ᭄ᬢᬸᬫᬸᬮᬶᬫᬚᬬᬚᬬ᭞ᬫᬲᬦ᭄ᬤᬶᬂᬲᬋᬂᬓᬵᬮᬶᬄ᭞ᬲᬂᬓᬳᬸᬢᬸ᭠ᬲ᭄ᬩᬸᬤᬮ᭄᭞ᬲᬳᬜᬓᬸᬧᬂᬢᬗᬦ᭄᭞ᬧᬫᬶᬢ᭄ᬭᬶᬂᬳᬦᬓᬾᬮᬶᬗ᭄ᬲᬶᬃ᭞ᬓᬺᬢ᭄ᬣᬮᬸᬕ᭄ᬭᬳ᭞ᬲᬂᬓᬵᬮᬶᬄᬯᬸᬲ᭄ᬫᬫᬵᬃᬕ᭄ᬕᬶ᭟ᬢᬦᬸᬘᬧᬦ᭄ᬲᬂᬫᬢᬧᬭᬶᬂᬧ
ᬢᬧᬦ᭄᭞ᬓᭀᬘᬧᬦ᭄ᬲᬂᬫᬫᬵᬃᬕ᭄ᬕᬶ᭞ᬓᬾᬲᬄᬕᬕᬜ᭄ᬘᬗᬦ᭄᭞ᬲᬓᬾᬂᬧᬢᬧᬦ᭄ᬫᬶᬦ᭄ᬢᬃ᭞ᬫᬓᬯᭀᬦ᭄ᬲᬓᬾᬂᬩᭂᬲ᭠ᬓᬶᬄ᭞ᬗᭂᬮᭀᬤ᭄ᬓᬯᬸᬳᬂ᭞ᬜᬸᬚᬸᬃᬓᬢᬫᬦ᭄ᬩᬮᬶ᭟ᬘᭂᬩᬃᬘᭂᬩᬸᬃᬦᬸᬮᬸᬄᬧᬗ᭄ᬓᬸᬂᬭᬾᬚᬾᬂᬚᬸᬭᬂ᭞ᬭᬱᬢᬦ᭄ᬧᬓᬾᬭᬶᬂ᭞ᬜᬸᬲᬸᬧ᭄ᬳᬮᬲ᭄ᬯᬬᬄ᭞
ᬓᬵᬲ᭄ᬢᬯᬫᬤᬹᬃᬕ᭄ᬕᬫ᭞ᬓᬝᬄᬩᬩᬸᬭᭀᬦᬦ᭄ᬧᬗ᭄ᬕᬶᬄ᭞ᬲᬫᬶᬫᬳᬶᬫ᭄ᬧᬲ᭄᭞ᬧᬥᬗᬾᬮᬶᬗᬶᬦ᭄ᬫᬵᬃᬕ᭄ᬕᬶ᭟ᬤᬾᬯᬵᬬᬸᬫᬵᬲ᭄ᬫᬓᬶᬤᬸᬂᬫᬕᬕᭂᬦ᭄ᬤᬶᬗᬦ᭄᭞ᬲᬧᬜ᭄ᬚᬂᬧᬜ᭄ᬚᬂᬫᬵᬃᬕ᭄ᬕᬶ᭞ᬲᬋᬂᬓᬵᬫᬚᬬ᭞ᬢᬦ᭄ᬧᭂᬕᬢᬦ᭄ᬗᬍᬗ᭄ᬕᬓ᭄᭞ᬲᭀᬢᬦᬶᬂᬜᬸᬲᬸᬧ᭄ᬫᬫᬵᬃᬕ᭄ᬕᬶ᭞ᬭᬶᬂᬢᭂᬗᬄ᭠
ᬳᬮᬲ᭄᭞ᬧ᭄ᬭᬤᬾᬦᬾᬢᬦ᭄ᬓᬧᬗ᭄ᬕᬶᬄ᭟ᬲᬃᬯ᭄ᬯᬕᬮᬓ᭄‌‌ᬧᬾᬢ᭄ᬬᬦ᭄ᬯᬾᬦ᭄ᬢᭂᬦ᭄ᬲᭂᬤᭂᬓ᭄ᬗᬤᬂ᭞ᬫᬗ᭄ᬤᬳᬶᬧᬸᬦ᭄ᬫᬕᭂᬤᬶ᭞ᬜᬫ᭄ᬧᬶᬂᬫ᭠ᬓᬶᬍᬲᬦ᭄᭞ᬲᬧᬸᬦᬶᬓᬲᬹᬓ᭄ᬱ᭄ᬫᬦ᭄ᬜ᭞ᬓᬢᭂᬗᭂᬭᬦ᭄ᬳᬦ᭄ᬢᬸᬓ᭄ᬕᭂᬦ᭄ᬤᬶᬂ᭞ᬮᬫᬓᬦ᭄ᬮᬲ᭄ᬬ᭞ᬢᬦ᭄ᬓᬧᬧᬕ᭄ᬓᬧᬗ᭄ᬕᬶᬄ᭟ᬲᬵᬫ᭄ᬧᬸᬦ᭄ᬳᬤᭀᬄᬲᬂᬓᬵᬮᬶᬄᬲᬓᬾᬂ [ 196 ][᭑᭙᭕ 195B]
ᬧᬢᬧᬦ᭄᭞ᬫᬸᬭᬂᬫᬸᬭᬂᬫᬫᬵᬃᬕ᭄ᬕᬶ᭞ᬢᬦ᭄ᬧᬗᬾᬢᬂᬩᬬ᭞ᬲᬓᬾᬂᬫᬸᬦ᭄ᬤᬸᬓᬾᬗᬯᬲ᭄᭞ᬫᬓᬦ᭄ᬢᭂᬦ᭄ᬩᬤᭂᬮᭀᬤ᭄ᬧᬲᬶᬄ᭞ᬚᬸᬓᬸᬂᬫᬩᬶᬤᬓ᭄᭞ᬫᬓᬦ᭄ᬢᭂᬦ᭄ᬧᬸᬢᬶᬄᬧᬸᬢᬶᬄ᭟ᬤᬾᬯᬵᬬᬸᬫᬵᬲ᭄ᬫᬢᬓᬾᬦ᭄ᬭᬶᬂᬓᬵᬫᬚᬬ᭞ᬥᬹᬄᬤᬶᬚᬚᭂᬦᭂᬂᬩᭂᬮᬶ᭞ᬳᬸᬮᬶᬤᬶᬦᬶᬢᬸᬭᬄ᭞ᬳᬸᬫᬳᬾ
ᬤᬶᬧᬤᬸᬓ᭄ᬯᬦ᭄᭞ᬳᭂᬗ᭄ᬓᬾᬦ᭄ᬤᬾᬰᬢᬫᬦ᭄ᬩᬮᬶ᭞ᬲᬶᬂᬜᬓᬩᬩᬲ᭄᭞ᬳᬭᬳᬭᬳᬾᬧᭂᬮᬶᬄ᭟ᬲᬶᬂᬜᬧᬮᬶᬂᬫᭂᬮᬳᬦ᭄ᬫᬮᬸᬧᭂᬤᬲᬂ᭞ᬓᬵᬫᬚᬬᬜᬳᬸᬭᬶᬦ᭄᭞ᬤᬳᬤᬶᬲᬗ᭄ᬲᬬ᭞ᬩᬩᬃᬗᭂᬮᭀᬤ᭄ᬓᬯᬸᬳᬂ᭞ᬫᬲᬩᬜᬮᬓᬃᬧᬮᬶᬂ᭞ᬓᬾᬯᬮᬭᬸᬗ᭄ᬓ᭞ᬫᬚᬮᬦ᭄ᬫᭂᬕᬢ᭄ᬤᬕᬶᬂ᭟
ᬓᬵᬫᬚᬬᬘᬦᭂᬕ᭄ᬫᬓᭂᬲ᭄ᬬᬩ᭄ᬗᬦ᭄ᬢᭂᬦᬂ᭞ᬩᭀᬚᭀᬕᬾᬲᭂᬗᬧ᭄ᬮᬶᬮᬶᬄ᭞ᬧᬓ᭄ᬭᬸᬯᬾᬓ᭄ᬫᬸᬗ᭄ᬕᬳᬦ᭄᭞ᬭᬶᬂᬢᬭᬸᬦᬾᬧᬕ᭄ᬭᬾᬓ᭄ᬕ᭠ᬓ᭄᭞ᬯᬾᬦ᭄ᬢᭂᬦ᭄ᬜᬶᬗᬮ᭄ᬧ᭄ᬬᬦᬓ᭄ᬘᭂᬦᬶᬓ᭄᭞ᬭᬹᬧᬲᬗ᭄ᬲᬬ᭞ᬳᬾᬗᬧᬾᬗᬧ᭄ᬗᬮᬶᬂᬮᬶᬂ᭟ᬫᬵᬋᬧ᭄ᬢᭂᬤᬸᬦ᭄ᬭᬸᬧᬫᬗ᭄ᬕᬸᬳᬂᬩᬜ᭄ᬘᬦ᭞ᬓᬵᬫᬚᬬᬦᬸᬦ᭄ᬤᬶᬓᬶ
ᬦ᭄᭞ᬭᬶᬂᬫᬡᬶᬓᬶᬂᬧᬸᬭ᭞ᬥᬹᬄᬳᬤᬶᬫᬶᬭᬶᬩ᭄ᬳᬤ᭞ᬜᬗ᭄ᬓᬮᬾᬦ᭄ᬧᬚᬮᬦ᭄ᬳᬤᬶ᭞ᬦᬄᬓᬾᬩᭂᬘᬢᬂ᭞ᬫᬕᭂᬤᬶᬳᬸᬮᬶᬤᬶᬦᬶ᭟ᬯ᭠ᬯᬸᬳᬬᬢ᭄ᬓᬾᬲᬄᬫᬓᬶᬍᬲᬦ᭄ᬫᬶᬫ᭄ᬧᬲ᭄᭞ᬫᬕ᭄ᬭᬸᬯᬾᬂᬓᬧᬶᬭᬕᬶ᭞ᬲ᭄ᬯᬭᬦ᭄ᬫᬘᬦ᭄ᬗᬤᬂ᭞ᬢᬹᬃᬗᭂᬮᬸᬃᬓᬩᬶᬦᬯ᭞ᬳᭀᬕᬦ᭄ᬩᭀᬚᭀᬕᬾᬗᭂᬫᬲᬶ᭠

[᭑᭙᭖ 196A]
᭑᭙᭖
ᬦ᭄᭞ᬳᬸᬮᬸᬂᬫᬓᭂᬲ᭄ᬬᬩ᭄᭞ᬲᬂᬫᭀᬂᬦᬓᭂᬧ᭄ᬜᬕᬺᬧᬶᬦ᭄᭟ᬢᬹᬃᬓᬤᬗᬮ᭄ᬫᬭᬶᬂᬳᭂᬩᭂᬢᬾᬓᬩᬓ᭄ᬢ᭞ᬇᬭᬶᬓᬓᬧᬢᬾᬦᬶᬦ᭄᭞ᬓᬵᬫᬚᬬᬗᬸᬘᬧ᭄᭞ᬚᬮᬦ᭄ᬳᬤᬶᬳᬾᬗ᭄ᬕᬮᬂ᭞ᬫᬕᭂᬤᬶᬦᬸᬯᬸᬢᬂᬮᬶᬲᬶᬕ᭄᭞ᬗᬸᬗ᭄ᬲᬶᬧᭀᬦ᭄ᬤᭀᬓᬦ᭄᭞ᬤᬶᬢᬸᬢᭀᬗᭀᬲ᭄ᬫᬓᭂᬮᬶᬤ᭄᭟
ᬕᬕᬜ᭄ᬘᬗᬦ᭄ᬲᬂᬓᬵᬮᬶᬄᬦᬸᬮᬶᬫᬫᬵᬃᬕ᭄ᬕ᭞ᬯᬾᬦ᭄ᬢᭂᬦ᭄ᬧᭀᬦ᭄ᬤᭀᬓ᭄ᬓᬧᬗ᭄ᬕᬶᬄ᭞ᬇᬭᬶᬓᬫᬭᬵᬃᬬ᭄ᬬᬦ᭄᭞ᬲᬫ᭄ᬩᬶᬮᬂᬫᬢᭂᬕ᭄ᬢᭂ᭠ᬕᬦ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬚᭂᬚᭂᬄᬗᬾᬮᬶᬗᬂ᭞ᬤᬲ᭄ᬲᬗ᭄ᬓᬯᭀᬦ᭄ᬫᬫᬵᬃᬕ᭄ᬕᬶ᭟ᬦᬸᬚᬸᬲᬸᬯᬸᬂᬭᬶᬂᬧᭀᬦ᭄ᬤᭀᬓ᭄ᬢᬦ᭄ᬯᬾᬦ᭄ᬢᭂᬦ᭄ᬚᬤ᭄ᬫ᭞ᬧᬓᬶᬢᬸᬓ᭄ᬲᬋᬂ
ᬓᬵᬮᬶᬄ᭞ᬧᭀᬮᬶᬄᬫᬢᭂᬕ᭄ᬢᭂᬕᬦ᭄᭞ᬲᬬᬦ᭄ᬢᬦ᭄ᬲᬸᬫᬗ᭄ᬲᬬ᭞ᬤᬾᬦᬶᬂᬤᭀᬄᬲᬵᬫ᭄ᬧᬸᬦ᭄ᬫᬓᬶᬲᬶᬤ᭄᭞ᬳᬦ᭄ᬤᭂᬮ᭄ᬭᬶᬂᬮᬲ᭄ᬬ᭞᭠ᬓᬵᬫᬚᬬᬫᬶᬩᬶᬢᬶᬦ᭄᭟ᬗᬯᬾᬚᬶᬃᬡ᭄ᬦᬫᬗ᭄ᬤᬲᬵᬫ᭄ᬧᬸᬦ᭄ᬤᬾᬯᬵᬬᬸᬫᬵᬲ᭄᭞ᬩᬗᭂᬢ᭄ᬓᬭᬶᬩᬭᬶᬩᬶᬦ᭄᭞ᬢᬦ᭄ᬓᬦ᭄ᬢᬸᬦ᭄ᬗᬾᬮᬶᬗᬂ᭞ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬲ᭠
ᬗ᭄ᬓᬮ᭞ᬧᬗᬸᬘᬧᬾᬳᬮᬸᬲ᭄ᬫᬦᬶᬲ᭄᭞ᬥᬹᬄᬳᬤᬶᬩᬬ᭞ᬲᬢ᭄ᬯᬦ᭄ᬳᬦᬓᬾᬭᬶᬭᬶᬄ‌‌᭟ᬢ᭄ᬯᬭᬜᬦ᭄ᬤᬂᬓᬧᭀᬕᬸᬕᬸᬢᬹᬃᬋᬲᭂᬧᬂ᭞ᬩᭀᬚᭀᬕᬾᬓᭀᬦᬾᬭᬶᬭᬶᬄ᭞ᬫᬓᬦ᭄ᬤᬫᬸᬘᬧᬦ᭄᭞ᬩᬶᬱᬫᬫᬸᬜᬶᬚᬮ᭄ᬫ᭞ᬧᭂᬤᬲ᭄ᬩᭂᬮᬶᬳᬦᬾᬢᬸᬦᬶ᭞ᬢ᭄ᬯᬭᬓᭀᬲᬚ᭞ᬤᬾᬯᬵ [ 197 ][᭑᭙᭖ 196B]
᭑᭙᭖
ᬬᬸᬫᬵᬲ᭄ᬜᬳᬸᬭᬶᬦ᭄᭟ᬳᬭᬄᬩᭂᬮᬶᬓᬸᬤᬫᬶᬭᬶᬩ᭄ᬦᬸᬫᬩᭀᬬ᭞ᬭᬶᬂᬢᬸᬢᬹᬃᬳᬦᬓ᭄ᬮᬶᬗ᭄ᬲᬶᬃ᭞ᬤᬦᬾᬲᬂᬯᬸᬲ᭄ᬮᬷᬦ᭞ᬤᬸᬕᬲᬾᬤᬶᬧ᭠ᬤᬸᬓ᭄ᬯᬦ᭄᭞ᬢᬶᬢ᭄ᬬᬂᬲᬋᬂᬗᬶᬭᬶᬂᬩᭂᬮᬶ᭞ᬧᭀᬮᬶᬄᬦᬸᬦᬲᬂ᭞ᬭᬶᬂᬤᬦᬾᬧᭂᬘᬓ᭄ᬭᬶᬳᬶᬦ᭄᭟ᬓᬵᬮᬯᭂᬗᬶᬤᬸᬓ᭄ᬫᬓᬯᬶᬦ᭄ᬭᬵᬫᬬᬡ᭞ᬫᬲᬩᭂᬮᬶᬢ᭠
ᬦᬾᬮᬶᬂ᭞ᬲᬵᬫ᭄ᬧᬸᬦ᭄ᬓᬧᬶᬤᬃᬢ᭄ᬣᬲᬳᬶᬦ᭄ᬤᬶᬓᬦ᭄ᬯᬵᬦᬭ᭞ᬕᬸᬫᬦ᭄ᬢᬶᬓᭀᬘᬧ᭄ᬧᬧᬶᬭᬶᬂ᭞ᬲᬓᬭᬶᬂᬧ᭄ᬭᬚ᭄ᬜᬦ᭄᭞ᬲᬂᬫᬓᬵᬃᬬ᭄ᬬᬓᬓᬯᬶᬦ᭄᭟ᬩᭀᬬᬜᬦ᭄ᬤᬂᬩᭂᬮᬶᬓᬢᭂᬍᬩ᭄ᬜᬚᬬᬂ᭞ᬧᬢᬶᬋᬲᭂᬧ᭄ᬋᬲᭂᬧᬶᬦ᭄᭞ᬓᬵᬫᬚᬬᬦᬶᬫ᭄ᬩᬮ᭄ᬲᬤᬓᭂᬜᭂᬫᬗᬸᬘᬧ᭄᭞ᬩᭀᬬᬓᭀ
ᬩᭂᬮᬶᬦᬸᬗ᭄ᬓᬲᬶᬦ᭄᭞ᬳᬦᬾᬧᬲᬚ᭞ᬜᬤ᭄ᬬᬩᭂᬮᬶᬗᬸᬕᭀᬦᬶᬦ᭄᭟ᬓᭀᬦᬾᬳᬤᬶᬤᬸᬕᬲᬾᬩᭂᬮᬶᬦᬸᬩᬚᬂ᭞ᬳᬶᬲᭂᬂᬤᭂᬫᭂᬦ᭄ᬫᬕᭂᬦ᭄ᬤᬶᬂ᭞ᬜᬮᬶᬫᬸᬭᬂᬫᬦᬄ᭞ᬫᬫᬘᬕᬕᬸᬭᬶᬢᬦ᭄᭞ᬧᬓᬵᬃᬬᬦ᭄ᬲᬂᬓᬲᬸᬩ᭄ᬭᬶᬭᬶᬄ᭞ᬳᬤᬗᬸᬘᬧᬂ᭞ᬗᬸᬗ᭄ᬕᬳᬂᬤᬶᬧᬗᬯᬶ᭟ᬬᬦ᭄ᬢ
ᬓᭀᬘᬧ᭄ᬩᭀᬚᭀᬕᬾᬢᬾᬢᬾᬄᬫᬧᭂᬢ᭞ᬗᬭᬯᭀᬲ᭄ᬘᬭᬩᬮᬶ᭞ᬢᭂᬓᬾᬦᬶᬂᬫᬵᬦᬹᬱ᭞ᬲᬤᬭᬶᬭᬶᬄᬓᬳᬸᬘᬧ᭄᭞ᬗᬋᬲᭂᬧᬂᬢᬸᬢᬹᬃᬬᬸᬓ᭄ᬢᬶ᭞ᬦᬯᬂᬰᬰᬡ᭞ᬓᭂᬤᬾᬓ᭄ᬩᭂᬮᬶᬗᬭᬶᬓᬶᬓ᭄᭟ᬩᬦ᭄ᬢᬯᬳᬾᬤᭀᬂᬧᭀᬗᬄᬳᬦᬓᬾᬜᬢ᭄ᬯ᭞ᬗᬸᬗ᭄ᬕ᭠

[᭑᭙᭗ 197A]
᭑᭙᭗
ᬳᬂᬤᬶᬧᬗᬯᬶ᭞ᬳᬦᬾᬢᬦᬶᬲᬚ᭞ᬤᬾᬯᬵᬬᬸᬫᬵᬲ᭄ᬳᬗᬸᬘᬧ᭄᭞ᬦᬶᬓᬫᬵᬤᬦ᭄ᬳᬦᬓ᭄ᬗᬯᬶ᭞ᬳᭀᬃᬢ᭄ᬣᬳᭀᬃᬢ᭄ᬣᬦᬦ᭄ᬳᬧᬂᬓᬮᭀᬓᬭᬶᬭᬶᬄ᭟ᬬᬦ᭄ᬋᬲᭂᬧᬂᬲᬓᬾᬂᬤᭂᬫᭂᬦ᭄ᬗᬧᬸᬲ᭄ᬢᬶᬫ᭄ᬧᬮ᭄᭞ᬦᬾᬭᬶᬭᬶᬄᬗᬭᬶᬭᬶᬳᬶᬦ᭄᭞ᬓᬤᬸᬂᬤᭂᬫᭂᬦ᭄ᬫᭀᬩᬩ᭄᭞ᬫᬲᬓᬶᬭᬗᬦ᭄ᬲ
ᬢ᭄ᬯ᭞ᬬᬦ᭄ᬕᬸᬫᬦ᭄ᬢᬶᬳᬦᬓ᭄ᬭᬶᬭᬶᬄ᭞ᬦᬯᬂᬰᬰᬡ᭞ᬩᬩᬤ᭄ᬬᬤᬶᬦ᭄ᬮᬮᬶᬦ᭄ᬢᬶᬄ᭟ᬓᬝᬄᬩᭂᬘᬶᬓ᭄ᬧᬵᬢᬹᬢ᭄ᬳᬗ᭄ᬕᬾᬦ᭄ᬩᬦ᭄ᬢᬂᬲᬢ᭄ᬯ᭞ᬳ᭠ᬲᬶᬦ᭄ᬢᬍᬃᬭᬲ᭄ᬫᬾᬦᬶᬦ᭄᭞ᬫᬗ᭄ᬤᬜᬓ᭄ᬮᭂᬗᬸᬢᬦ᭄᭞ᬦᬵᬗ᭄ᬳᬶᬂᬲᬦᬾᬧᬲᬚ᭞ᬳᬗ᭄ᬕᬾᬦ᭄ᬗᬸᬭᬸᬓ᭄‌‌ᬳᬮᬶᬢᬮᬶᬢ᭄᭞ᬫᭂᬍᬤ᭄ᬫᭂᬮᬚᬄᬓᬤᬸᬓ᭄ᬤᭂᬫᭂᬦ᭄ᬫᬕᭂᬦ᭄ᬤᬶᬂ
᭟ᬗᬋᬲᭂᬧᬂᬢᬸᬢᬹᬃᬧᬶᬗᬶᬢ᭄ᬰᬵᬲ᭄ᬢ᭄ᬭᬵᬕᬫ᭞ᬓᬵᬫᬚᬬᬜᬳᬸᬭᬶᬦ᭄᭞ᬢᭀᬂᬜᬦ᭄ᬤᬂᬮᬦ᭄ᬢᬗᬂ᭞ᬫᬧ᭄ᬯᬭᬓᬤᬮᬶᬳᬂ᭞ᬩᬜᬫᬶ᭠ᬭᬶᬩ᭄ᬧᬮᬶᬂᬭᬶᬭᬶᬄ᭞ᬫᬕᬕᬸᬭᬶᬢᬦ᭄᭞ᬳᬤᬢᬶᬤᭀᬗᬶᬦ᭄ᬩᭂᬮᬶ᭟ᬜᬫᬩ᭄ᬭᬬᬫᬓᭂᬚᬂᬢᭂᬓᬗᬲᬸᬩᬂ᭞ᬮᬓ᭄ᬱᬡᬤᬾᬯᬶᬓᬸᬦ᭄ᬢᬶ᭞ᬩᬳᬦᬾᬫ᭠
ᬳᭀᬓ᭞ᬳᬸᬮᬶᬄᬫᬤᬤᭂᬫᭂᬦᬦ᭄᭞ᬬᬤ᭄ᬬᬧᬶᬦ᭄ᬤᬾᬯᬶᬤ᭄ᬭᬸᬧᬤᬶ᭞ᬕᬫᬦᬲᬫ᭄ᬩᬢ᭄᭞ᬓᬲᬸᬫ᭄ᬩᬸᬂᬳᬶᬲ᭄ᬢ᭄ᬭᬶᬍᬯᬶᬄ᭟ᬩᬦᬾᬗᭂ᭠ᬮᬄᬳᬦᬓ᭄‌‌ᬫ᭄ᬯᬦᬶᬓᭀᬦᬾᬮᬮᬶᬫ᭞ᬬᬦ᭄ᬩᭂᬮᬶᬢᬦᬶᬳᬲᬶᬦ᭄᭞ᬦᬾᬓᬾᬢᭀᬓᬲᬸᬩᬂ᭞ᬲᬓᬵᬮᬢ᭄ᬯᬭᬳᬤ᭞ᬧᭂᬭᬄᬳᬤᬢᬾ [ 198 ][᭑᭙᭗ 197B]
᭑᭙᭗
ᬤᬶᬩᬮᬶ᭞ᬫᬵᬤᬦᬹᬢ᭄ᬢᬫ᭞ᬗᬫᬤ᭄ᬯᬂᬳᬦᬓ᭄ᬫ᭄ᬯᬦᬶ᭟ᬲᬤᬓᭂᬜᬶᬂᬤᬾᬯᬵᬬᬸᬫᬵᬲ᭄ᬳᬕᬾᬦᬶᬫ᭄ᬩᬮ᭄᭞ᬧᬧᬓ᭄ᬭᬯᭀᬲᬂᬩᭂᬮᬶ᭞ᬤᭀᬂᬗᬸᬤᬦᬦ᭄ᬤ᭄ᬭᬸᬳᬂ᭞ᬕᬸᬕᭀᬦ᭄ᬢᬸᬯᭀᬦ᭄ᬜᬚᬬᬂ᭞ᬓᬢᭂᬍᬩ᭄ᬦᬶᬗᭂᬄᬓᬓᬯᬶᬦ᭄᭞ᬳᬶᬲ᭄ᬢ᭄ᬭᬶᬉᬢ᭄ᬢᬫ᭞ᬳᬲᬶᬂᬫᬸᬗ᭄ᬕᬄᬓᬕᬸᬭᬶᬢ᭄᭟ᬧᬢᬶᬋᬲᭂᬧ᭄ᬩᬲ᭄ᬭ
ᬩᬶᬦ᭄ᬧᬜ᭄ᬘᬧᬵᬡ᭄ᬥᬯ᭞ᬓᬵᬲ᭄ᬢᬯᬓᬲᬸᬩ᭄ᬰᬓ᭄ᬢᬶ᭞ᬚᬬᬾᬂᬭᬡᬗ᭄ᬕᬦ᭞ᬲᬓᬾᬂᬫᬹᬥᬧᬶᬥᭂᬧᬦ᭄᭞ᬩᭀᬬᬫᬮᬶᬄᬫᬫᬶᬦᭂᬳᬶᬦ᭄᭞ᬗᬸᬦᬤᬶᬓᬬᬂ᭞ᬮᬲ᭄ᬬᬲᬋᬂᬜᬸᬗ᭄ᬓᭂᬫᬶᬦ᭄᭟ᬩ᭄ᬭᬶᬬᬓ᭄ᬩ᭄ᬭᬶᬬᬸᬓ᭄ᬧᬧᬶᬦᭂᬳᬾᬫᬗ᭄ᬕᬸᬮ᭄ᬕᬫ᭄ᬩᬂ᭞ᬬᬦ᭄ᬯᬾᬦ᭄ᬢᭂᬦ᭄ᬧᬾᬢ᭄ᬦᬸᬗ᭄ᬓᬲᬶᬦ᭄᭞ᬳᭀᬕᬦ᭄ᬫᬕᭀ᭠
ᬜ᭄ᬚᬓᬦ᭄᭞ᬦ᭄ᬤᬮᬶᬳᬂᬲᬦᬾᬢᬸᬗ᭄ᬓᬲ᭄᭞ᬢᬦᬸᬦᬶᬂᬭᬶᬂᬳᬦᬓ᭄ᬮᭂᬯᬶᬄ᭞ᬤᬮᬶᬄᬜᭂᬫ᭄ᬲᭂᬫᬂ᭞ᬫᭀᬓᬓ᭄ᬤᭂᬫᭂᬦ᭄ᬦᬸᬗ᭄ᬓᬲᬶᬦ᭄᭟ᬓᬤᬸᬓ᭄ᬢᭂᬍᬩ᭄ᬦᬶᬗᭂᬄᬲᬢ᭄ᬯᬓᬯᬶᬃᬪᬹᬚᬵᬦ᭄᭞ᬢᬦᬶᬲᬚᬕᬸᬕᭀᬦᬶᬦ᭄᭞ᬮᬮᬫ᭄ᬧᬳᬦ᭄ᬯᬬᬂ᭞ᬚᬦ᭄ᬢᭀᬲ᭄ᬯᬾᬦ᭄ᬢᭂᬦ᭄ᬦᬾᬚᭂᬗᬄ᭞ᬬᬦ᭄ᬯᬢᭂᬓ᭄ᬧᬜ᭄ᬘᬧᬵᬡ᭄ᬥᬯ᭠
ᬮᬶᬮᬶᬄ᭞ᬭᬶᬂᬭᬡᬗ᭄ᬕᬦ᭞ᬳᭀᬕᬦ᭄ᬤᬮᬗᬾᬤᬮᬶᬄ᭟ᬢ᭄ᬯᬭᬦᬯᬂᬓᬓᬯᬶᬦ᭄ᬪᬭᬢᬬᬸᬤ᭄ᬥ᭞ᬅᬤᬶᬧᬃᬯ᭄ᬯᬫᬓᬵᬤᬶ᭞ᬓᬵ᭠ᬫᬚᬬᬦᬶᬫ᭄ᬩᬮ᭄᭞ᬭᬯᭀᬲ᭄ᬳᬤᬶᬢᬦ᭄ᬲᬶᬫ᭄ᬧᬂ᭞ᬗᬶᬂᬩᭂᬮᬶᬢ᭄ᬯᬭᬦᬶᬤᭀᬗᬶᬦ᭄᭞ᬲᬓᬤᬶᬳᬶᬤ᭞ᬤᬾᬯᬶᬲᬶᬦ᭄ᬢᬓᬧᬸᬚᬶ᭟ᬳᬶᬲ᭄ᬢ᭄ᬭᬶᬍᬯᬶᬄᬦᬾᬜ

[᭑᭙᭘ 198A]
᭑᭙᭘
ᬦ᭄ᬤᬂᬫᬸᬮᬓᬲᬸᬩᬂ᭞ᬲᬢ᭄ᬬᬫᬕᬸᬭᬸᬮᬓᬶ᭞ᬭᬶᬂᬳᬶᬤᬲᬂᬭᬵᬫᬤᬾᬯ᭞ᬳᬭᬄᬭᬱᬢᬦ᭄ᬪᬶᬦ᭞ᬲᬓᬤᬶᬧᬫᬵᬃᬕ᭄ᬕᬦ᭄ᬳᬤᬶ᭞ᬓᬫᬸᬮᬦ᭄‌‌ᬢᬺᬱ᭄ᬡᬵ᭞ᬮᬲ᭄ᬩᬋᬂᬦᬸᬢᬸᬕ᭄ᬩᭂᬮᬶ᭟ᬯᬯᬸᬲᬾᬗᭂᬄᬤᬾᬯᬵᬬᬸᬫᬵᬲ᭄ᬓᬲᭂᬫᭀᬦᬦ᭄᭞ᬧᭂᬘᬓ᭄ᬓᬲᭂᬗ᭄ᬕᬸᬄᬯ᭄ᬬᬓ᭄ᬢᬶ᭞ᬓᬵᬫᬚᬬᬲᬭᬢ᭄᭞ᬫᬯᭀᬲᬂ᭠
ᬳᬶᬦ᭄ᬤᬶᬓ᭄ᬰᬵᬲ᭄ᬢ᭄ᬭ᭞ᬢᭀᬂᬫᬤᬬᬲᬓᬾᬂᬲᬶᬮᬶᬩ᭄᭞ᬗᬮᬶᬄᬤᬮᬶᬳᬦ᭄᭞ᬲᬗ᭄ᬓᬦᬶᬂᬫᬧᬧᬶᬭᬶᬂ᭟ᬯᭂᬢᬸᬫᬾᬦ᭄ᬤ᭄ᬭᬓᬵᬫᬚᬬᬗᬭ᭠ᬲᬭᬲ᭄᭞ᬗᬭᬸᬫ᭄ᬭᬸᬫ᭄ᬜᬳᬸᬧ᭄ᬗᬩᬶᬦ᭄᭞ᬲᬂᬫᬡᬶᬓᬶᬂᬧᬸᬭ᭞ᬓᬤᬶᬦᬶᬓᬧᬸᬧᬸᬢᬂ᭞ᬧᬸᬗ᭄ᬕᭂᬮᬂᬲᬢ᭄ᬯᬦᬾᬫᬗ᭄ᬓᬶᬦ᭄᭞ᬩᬾᬜ᭄ᬚᬂᬧᬸᬗ᭄ᬓᬸᬭᬦ᭄᭞ᬢᬶᬢ᭄ᬬᬂᬜᬤ᭄ᬬᬜ
ᬫ᭄ᬩᬸᬗᬶᬦ᭄᭛᭜᭛ᬧᬗ᭄ᬓᬸᬃ᭛᭜᭛ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬓᬘᬭᬶᬢᬭᬶᬂᬕᬸᬦᬸᬂᬓᬦ᭄ᬢᬸᬦ᭄ᬜᬗᬶᬤ᭄᭞ᬧᭀᬮᬶᬄᬗᬮᬶᬗ᭄ᬓᬸᬂ᭠ᬓᬓᬸᬩᬸ᭞ᬤᬸᬓ᭄ᬢᬫ᭄ᬩᬶᬲ᭄ᬲᬭᬧ᭄ᬫᬘᬦ᭄᭞ᬲᭂᬤᭂᬓ᭄ᬗᭂᬧᬶᬮ᭄ᬭᬶᬂᬩᭀᬗ᭄ᬓᭀᬮ᭄ᬢᬭᬸᬦᬾᬦᭂᬗ᭄ᬓᬸᬮ᭄᭞ᬗᭂᬢᭀᬦ᭄ᬩᭀᬚᭀᬕᬾᬫᬘᬦ᭄ᬤ᭞ᬩᬤᬸᬳᬸᬃᬦᭂᬥ᭠
ᬯᭀᬄᬯᬦᬶ᭟ᬢᬦ᭄ᬭᬸᬗᬸᬭᬶᬂᬯᬾᬦ᭄ᬢᭂᬦ᭄ᬫᬘᬦ᭄᭞ᬲᬕᬾᬢ᭄ᬗᭂᬮᬸᬃᬲᬂᬫᭀᬂᬩᭂᬢᬾᬦ᭄ᬧᬶᬭᬕᬶ᭞ᬫᬓᭂᬲ᭄ᬬᬩ᭄ᬩᭀᬚᭀᬕᬾᬮᬩᬸᬄ᭞ᬓᬤᬓᭂᬧ᭄ᬢᬸᬃᬓᬤᬗᬮ᭄᭞ᬓᬧᬢᬾᬦᬶᬦ᭄ᬭᬶᬂᬢᭂᬗᬄᬩᭂᬮᬹᬗᬋᬫ᭄ᬩᬸᬦ᭄᭞ᬓᬩᬾᬲ᭄ᬩᬾᬲ᭄ᬓᬧᬸᬓᬂᬧᬸᬓᬂ᭞ᬍᬕᬲᬂᬫᭀᬂᬜᬾᬭᬾᬢ᭄ᬕᭂᬢᬶᬄ᭟ᬭᬵ [ 199 ][᭑᭙᭘ 198B]
᭑᭙᭘
ᬚᬧᬸᬢ᭄ᬭᬶᬓᬵᬫᬚᬬ᭞ᬩᬶᬮᬶᬄᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬭᬶᬂᬳᬧᬦᬮᬶᬓ᭄᭞ᬭᬶᬂᬓᬸᬩᬸᬫᭂᬤᬮᬂᬧᭂᬮᬸᬄ᭞ᬫᬓᭀᬘᭀᬕᬦ᭄ᬫᬭᬵᬃᬬ᭄ᬬᬦ᭄᭞ᬲᬋᬂᬓᬵᬮᬶᬄᬲᬵᬦ᭄ᬢᬸᬓᬦ᭄ᬧᭀᬮᬶᬄᬢᬗ᭄ᬓᭂᬚᬸᬢ᭄᭞ᬓᬦ᭄ᬢᬸᬦ᭄ᬦᭂᬕ᭄ᬢᭂᬕᬂᬧ᭄ᬭᬫᬡ᭞ᬲᭂᬗ᭄ᬓᬯᭀᬦ᭄ᬫᬩᬬᬧᬢᬶ᭟ᬳᬗ᭄ᬲᭂᬕᬗ᭄ᬲᭂᬕ᭄ᬲᭂᬗᬮ᭄ᬲᭂᬗᬮ᭄
᭞ᬤᭂᬓᬄᬗᬗ᭄ᬲᬸᬃᬳᬗ᭄ᬓᬶᬳᬗ᭄ᬓᬶᬄᬫᬢᬗᬶ᭞ᬤᬸᬓ᭄ᬫᬓᬯᭀᬦ᭄ᬲᬓᬾᬂᬓᬸᬩᬸ᭞ᬓᬍᬲᭀᬦ᭄ᬫᬢᬶᬦ᭄ᬤᬓᬦ᭄᭞ᬓᬫ᭄ᬩᬂᬓᬸᬫ᭄ᬩᬂᬮᬾ᭠ᬫ᭄ᬧᭀᬃᬭᬱᬢᬦ᭄ᬧᬩᬬᬸ᭞ᬢᬦ᭄ᬫᬭᬶᬫᬤᬦ᭄ᬤᬦ᭄ᬢᬗᬦ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭟ᬓᬦ᭄ᬢᬸᬦ᭄ᬫᬕᭂᬦ᭄ᬤᬶᬂᬗᬍᬗ᭄ᬕᬓ᭄᭞ᬲᬋᬂᬓᬵᬮᬶᬄᬜᬸᬦᬸᬢ᭄ᬗᭂᬩᭂᬢ᭄ᬫᬫᬵᬃ
ᬕ᭄ᬕᬶ᭞ᬗᬸᬗ᭄ᬲᬶᬧᬕᭂᬦᬳᬦ᭄ᬤᬬᬸᬄ᭞ᬢᬗᬃᬭᬶᬂᬓᬧᬦᬲᬦ᭄᭞ᬩᭂᬦ᭄ᬤᬾᬢ᭄ᬳᬳᬶᬢᬚᭂᬕ᭄ᬲᬹᬃᬬ᭄ᬬᬲᭂᬤᭂᬂᬓᭂᬩᬸᬲ᭄᭞ᬧᬫᬃᬕ᭄ᬕᬶᬦᬾᬗ᭠ᬧᬂᬗᬧᬂ᭞ᬭᬶᬂᬢᭂᬗᬄᬳᬮᬲᬾᬧᬶᬗᬶᬢ᭄᭟ᬳᬮᬲ᭄ᬯᬬᬄᬫᬤᬹᬃᬕ᭄ᬕᬫ᭞ᬲᬸᬯᬸᬂᬲᭂᬧᬶᬲᬧᬜ᭄ᬚᬂᬧᬜ᭄ᬚᬂᬫᬵᬃᬕ᭄ᬕᬶ᭞ᬭᬶᬂᬲᭀᬃᬢᬭᬸᬦᬾᬗᬋᬫ᭄ᬩᬸᬦ᭄᭞ᬲ᭠
ᬕᬾᬢ᭄ᬫᬸᬗ᭄ᬕᬄᬩᬜ᭄ᬘᬦ᭞ᬢᬦ᭄ᬧᬵᬦ᭄ᬢᬭᬧᬘᭂᬢᬾᬭᬯᬸᬄᬗᬋᬩᬸᬢ᭄᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬚᬦ᭄ᬢᭀᬲ᭄ᬓᬗᬾᬮᬦ᭄ᬗᭂᬮᬶᬤᬶᬦ᭄᭟ᬧᬘᭂᬢᬾᬲᬬᬦ᭄ᬗᬓᬾᬳᬂ᭞ᬭᬯᬸᬄᬗᬭᬂᬗᬾᬢᬾᬮ᭄ᬳᬗ᭄ᬕᬦ᭄ᬲᬂᬓᬵᬮᬶᬄ᭞ᬭᬵᬚᬧᬸᬢ᭄ᬭᬶᬳᬤᬸᬳᬤᬸᬄ᭞ᬫᭂᬓᭂᬮᬾᬗᬢᬾᬧᬾ

[᭑᭙᭙ 199A]
᭑᭙᭙
ᬓᬂ᭞ᬳᬲᬶᬂᬦᭂᬓᭂᬢ᭄ᬗᬶᬲᭂᬧ᭄ᬕᭂᬢᬶᬄᬧᬕᬮᬬᬸᬢ᭄᭞ᬲᭂᬂᬋᬕᭂᬤ᭄ᬓᬬᬸᬦᬾᬜᬶᬗᬓ᭄᭞ᬫᬘᬧ᭄ᬘᬧ᭄ᬢᭀᬬᬦ᭄ᬧᬗᬓ᭄ᬱᬶ᭟ᬓᬵᬫᬚᬬᬓᬫᭂᬫᭂᬕᬦ᭄᭞ᬢᬦ᭄ᬮᬶᬗᬸᬦᬦ᭄ᬭᬶᬂᬭᬵᬚᬧᬸᬢ᭄ᬭᬶᬦᬗᬶᬲ᭄᭞ᬤᬾᬦᬶᬂᬓᬗᬾᬮᬦ᭄ᬓᬋᬩᬸᬢ᭄᭞ᬳᬦ᭄ᬢᬸᬓ᭄ᬮᬮᬶᬦ᭄ᬢᬄᬳᬮᬲ᭄᭞ᬦᬦ᭄ᬤᬂᬲᬓᬶᬢ᭄ᬲ᭠
ᬋᬂᬢᬍᬃᬗᬶᬬᬄᬗᬶᬬᬸᬄ᭞ᬫᭂᬤᬮ᭄ᬧᬚᬃᬗᬯᬕᬯᬕ᭄‌ᬢᬦ᭄ᬧᬢᭂᬫᬄᬗᬶᬲᭂᬧ᭄ᬕᭂᬢᬶᬄ᭟ᬢ᭄ᬯᬭᬗᭂᬮᬄᬓᭂᬦᭂᬄᬳᭀᬮᬲ᭄᭞ᬢᭂᬓᬾᬦ᭄ᬓᬳᬶᬮᬘᬸᬭᬾᬩᬸᬓᬚᬦᬶ᭞ᬢᭂᬓᬫᬓᭂᬚᬂᬗᬋᬩᬸᬢ᭄᭞ᬭᬵᬚᬧᬸᬢ᭄ᬭᬶᬗᬦ᭄ᬤᬶᬓ᭞ᬳᬭᬄᬩᭂᬮᬶᬢ᭄ᬯᬭᬜᬦ᭄ᬤᬂᬧᬢᬶᬓᬘᬸᬄ᭞ᬚᬮᬦ᭄ᬓᬾᬩᭂ
ᬮᬶᬳᬾᬗ᭄ᬕᬮᬂ᭞ᬫᬓᬶᬍᬲᬦ᭄ᬳᬸᬮᬶᬤᬶᬦᬶ᭟ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬩᭂᬘᬢ᭄ᬲᬾᬧᬦ᭄ᬫᬓᬶᬍᬲᬦ᭄ᬫᬕᬶᬗ᭄ᬲᬶᬃ᭞ᬲᬓᬾᬂᬕᭂᬦᬳᬾᬗᬋᬫ᭄ᬩᬸᬦ᭄᭞ᬗᬸᬗ᭄ᬲᬶᬕᭂᬦᬳᬾᬕᬮᬂ᭞ᬲᬋᬂᬓᬵᬮᬶᬄᬗᬤᭀᬳᬶᬦ᭄ᬢᬭᬸᬫᬮᬸᬗ᭄ᬕᬸᬄ᭞ᬫᬭᬵᬃᬬ᭄ᬬᬦ᭄ᬲᬃᬯ᭄ᬯᬶᬗᬸᬘᬧᬂ᭞ᬳᭂᬭᬳᬾᬫᭂᬤᬮ᭄ᬧᬘ᭄ᬭᬶᬢ᭄ᬘᬶ
ᬢ᭄᭟ᬭᬵᬚᬧᬸᬢ᭄ᬭᬶᬫᬲᭂᬮ᭄ᬲᭂᬮᬦ᭄‌ᬳᬭᬄᬩᭂᬮᬶᬲᬓᬾᬂᬳᬶᬭᬕᬧᭂᬮᬶᬄ᭞ᬗᬸᬤᬓᭂᬫᭀᬩᬓᬢ᭄ᬮᬓᬸ᭞ᬢᬸᬮ᭄ᬬᬩᬸᬓᬲᬲᭀᬗ᭄ᬕᬦ᭄᭞ᬫᬗᭂᬮᬶᬤᬶᬲᭂᬫᬧᬬᬸᬲᬾᬢ᭄ᬭᬢᭂᬧᬸᬓ᭄᭞ᬓᬵᬫᬚᬬᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬲᬚᬩᬸᬓᬫᬸᬜᬶᬦ᭄ᬳᬤᬶ᭟ᬜᬾᬦ᭄ᬦᬯᬂᬮᬓᬃ᭠ [ 200 ][᭑᭙᭙ 199B]
᭑᭙᭙
ᬲᬗ᭄ᬓᬮ᭞ᬲᬸᬩᬓᬤᬸᬂᬚᬦᬶᬚᬮᬦ᭄ᬚᬸᬫᬸᬦᬶᬦ᭄᭞ᬤᬳᬤᬶᬦᬓᬸᬢᬶᬦ᭄ᬓᭂᬩᬸᬲ᭄᭞ᬲᬵᬫ᭄ᬧᬸᬦ᭄ᬫᬓ᭄ᬢᬲᬮᬾᬦ᭄ᬤᬂ᭞ᬦᬶᬓᬳᬤᬶᬓᬸᬤᬸᬗᬂᬫᬓᭂᬩᬸᬲ᭄ᬓᭂᬩᬸᬲ᭄᭞ᬓᬾᬗᬶᬦ᭄ᬳᬤᬸᬂᬧᬯᬶᬮᬗᬦ᭄᭞ᬲᬂᬓᬵᬮᬶᬄᬭᬭᬶᬲ᭄ᬫᬫᬵᬃᬕ᭄ᬕᬶ᭟ᬗᬮᬶᬦ᭄ᬢᬗᬶᬦ᭄ᬧᬗ᭄ᬓᬸᬂᬚᬸᬭᬂ᭞ᬫᭂᬕᬢ᭄ᬤᬕᬶᬂᬤᬳᬢ᭄ᬭᬸᬗ᭄ᬓᬫ
ᬫᬵᬃᬕ᭄ᬕᬶ᭞ᬓᬵᬫᬚᬬᬬᬢ᭄ᬦᬦᬸᬦ᭄ᬢᬸᬦ᭄᭞ᬭᬵᬚᬧᬸᬢ᭄ᬭᬶᬫᬫᬵᬃᬕ᭄ᬕ᭞ᬫᬶᬭᬶᬕ᭄ᬢᬗ᭄ᬓᬶᬤ᭄‌‌ᬲᭂᬭᬤ᭄ᬲᭂᬭᭀᬤ᭄ᬘᭂᬩᬃᬘᭂᬩᬸᬃ᭞ᬫᬾᬄᬮᬶᬦ᭄ᬢᬂᬧ᭠ᬤᬸᬦᬶᬗ᭄ᬳᬮᬲ᭄᭞ᬓᬧᬗ᭄ᬕᬶᬄᬢᭂᬕᬮᬦ᭄ᬘᬭᬶᬓ᭄᭟ᬯᬯᬸᬕᬮᬂᬓᬦ᭄ᬢᭂᬦ᭄ᬲᬶᬦᬂ᭞ᬧᭂᬘᬓ᭄ᬳᭂᬩᭂᬢ᭄ᬓᬤᬶᬓᬢᬗ᭄ᬓᭂᬩ᭄ᬮᬗᬶᬢ᭄᭞ᬧᬤ᭄ᬖᬢᬓᬵᬮᬫᬫᬗ᭄ᬕᬸᬄ᭞ᬩᬸ
ᬮᬓᬦ᭄ᬦᬶᬂᬫᬢᭀᬬ᭞ᬳᬶᬚᬸᬭᬭᬶᬲ᭄ᬲᬂᬓᬵᬮᬶᬄᬫᬲᬶᬭᬫ᭄ᬢᭂᬤᬸᬦ᭄᭞ᬫᬘᬾᬫ᭄ᬧ᭄ᬮᬸᬗᬦ᭄ᬫᬕᭂᬩᭂᬕᬦ᭄᭞ᬫᬘᬦ᭄ᬤᬢᬹᬃᬲᬕᬢ᭄ᬲᬶᬕᬶᬢ᭄᭟ᬲᬯᬸᬲᬦ᭄ᬲᬵᬫ᭄ᬧᬸᬦ᭄ᬫᬲᬶᬭᬫ᭄᭞ᬩᭂᬗᭀᬂᬳᬗᭀᬩ᭄ᬲᬂᬓᬵᬮᬶᬄᬫᬜᬶᬗᬓᬶᬦ᭄᭞ᬓᬩᭂᬘᬶᬓᬦ᭄ᬕᬸᬦᬸᬂᬳᬕᬸᬂ᭞ᬲᬓᬾᬂᬤᭀᬄᬓ
ᬦ᭄ᬕᬮᬂ᭞ᬗᬮᬗᬸᬦᬶᬦ᭄ᬳᬕᭃᬂᬢᭂᬕᭂᬳᬾᬲᬧᬳᬸᬢ᭄᭞ᬧᬦ᭄ᬢᭂᬲ᭄ᬧᬶᬲᬦ᭄ᬓᬢᭂᬗᭂᬢᬂ᭞ᬧᬜᬸᬗ᭄ᬲᬸᬗᬦ᭄ᬚᬕᬢ᭄ᬩᬮᬶ᭟ᬬᬦ᭄ᬲᬯ᭠ᬗᬂᬲᬗᬢᬧ᭞ᬭᬶᬲᭂᬤᭂᬓᬦ᭄ᬫᬬᭀᬕᬫᬲᬵᬫᬥᬶ᭞ᬗᬾᬃᬢ᭄ᬢᬶᬬᬂᬚᬕᬢ᭄ᬭᬳᬬᬸ᭞ᬲᬸᬪᬶᬓ᭄ᬱᬧᬭᬶᬧᬹᬃᬡ᭄ᬦ᭞ᬚᬕᬢ᭄ᬩᬮᬶᬥᬶᬓ᭄ᬱᬶᬢᬢᬹᬃᬕᭂ

[᭒᭐᭐ 200A]
᭒᭐᭐
ᬫᬸᬄᬮᬦ᭄ᬤᬸᬄ᭞ᬢᬢᭂᬫ᭄ᬧᬭᬦ᭄ᬲᬃᬯ᭄ᬯᬫᬸᬭᬄ᭞ᬲᬦ᭄ᬤᬂᬧᬗᬦ᭄ᬨᬮᬪᬹᬓ᭄ᬢᬶ᭟ᬲᬧᬸᬦᬶᬓᬬᬦ᭄ᬧᬃᬡ᭄ᬦᬬᬂ᭞ᬓᬍᬯᬶᬳᬦ᭄ᬕᬸᬦᬸᬂᬳᬕᬸᬂᬭᬶᬂᬩᬮᬶ᭞ᬢᬦ᭄ᬧᬾᬦ᭄ᬤᬄᬮ᭄ᬯᬶᬃᬫᬳᬵᬫᬾᬭᬸ᭞ᬮᬶᬗ᭄ᬕᬶᬄᬧᬭᬤᬾᬯᬢ᭞ᬭᬶᬂᬩᭂᬲᬓᬶᬄᬲᬓᬝᬳᬶᬂᬫᬾᬭᬸᬫᬾᬭᬸ᭞ᬧᬶᬦᬓᬢᬸᬗ᭄ᬕᬸᬮᬕᬫ᭞ᬧ
ᬗᬪᬓ᭄ᬢᬶᬦᬾᬓᬯᬶᬤ᭄ᬥᬶ᭟ᬓᬵᬫᬚᬬᬫᬧᬯᬲᬦ᭄᭞ᬲᬕᬾᬢ᭄ᬫᬮᬶᬗ᭄ᬕᬶᬄᬢᬮᬕᬫᬢᭀᬬᬦᬶᬂ᭞ᬢᬹᬃᬫᬤᬕᬶᬂᬲᭂᬓᬃᬢᬸ᭠ᬜ᭄ᬚᬸᬂ᭞ᬓᬵᬫᬚᬬᬫᬮᭀᬦᬦ᭄᭞ᬫᬗᬚᬓᬶᬦ᭄ᬭᬵᬚᬧᬸᬢ᭄ᬭᬶᬲᬋᬂᬗᬗ᭄ᬕᬸᬃ᭞ᬇᬭᬶᬓᬵᬗᬮᬷᬮᬘᬶᬢ᭄ᬢ᭞ᬫᬸᬂᬧᬸᬂᬳᬤᬶᬓᬦ᭄ᬢᬸᬦ᭄ᬲᭂᬮᬶᬤ᭄᭟ᬲᬂᬓᬵᬮᬶᬄ
ᬭᬭᬶᬲ᭄ᬫᬫᬵᬃᬕ᭄ᬕ᭞ᬲᬵᬫ᭄ᬧᬸᬦ᭄ᬭᬯᬸᬄᬇᬭᬶᬓᬵᬩᭂᬗᭀᬂᬫᬮᬶᬄ᭞ᬗᬮᬶᬂᬮᬶᬂᬳᬶᬲᭂᬓᬃᬢᬸᬜ᭄ᬚᬸᬂ᭞ᬫᬾᬗᭀᬮᬦ᭄ᬦᭂᬥᭂᬂᬫᭂᬓᬃ᭞ᬢᭂ᭠ᬫ᭄ᬧᬸᬄᬳᬗᬶᬦ᭄ᬳᬸᬮᬫᬾᬩᭂᬢᬾᬦ᭄ᬧᬓ᭄ᬮᬶᬫᬸᬤ᭄᭞ᬭᬱᬳᬶᬧᬸᬦ᭄ᬬᬢ᭄ᬦᬗᭂᬩᬕ᭄᭞ᬲᭂᬓᬭᬾᬕᬸᬫᬦ᭄ᬢᬶᬧᬶᬗᬶᬢ᭄᭟ᬓᬵᬫᬚᬬᬫᬦᬸᬤᬶᬗᬂ᭞ᬘᬶᬗᬓ᭄ᬳ
ᬤᬶᬲᭂᬓᬃᬢᬸᬜ᭄ᬚᬸᬂᬗᬾᬲᬸᬘᬶ᭞ᬢ᭄ᬯᬭᬓᬭᬭᬩᬦ᭄ᬮᭂᬢᬸᬄ᭞ᬬᬤ᭄ᬬᬦᬶᬧᬸᬦ᭄ᬫᬕᭂᬦᬄ᭞ᬭᬶᬂᬳᭂᬦ᭄ᬤᬸᬢᬾᬓᭂᬦᬶᬢᭀᬬᬫᬗ᭄ᬤᭀᬄᬩᭂᬮᬸᬲ᭄᭞ᬳᬸᬦᬶᬂᬓᬮᬶᬲ᭄ᬫᬍᬩ᭄ᬮᭂᬩᬦ᭄᭞ᬲᬗ᭄ᬓᬦᬶᬂᬦᬶᬃᬫᬵᬮᬚᬢᬶ᭟ᬳᬕᭂᬢ᭄ᬲᬂᬧᭀᬮᬶᬄᬜᬸᬫ᭄ᬧᬗᬂ᭞ᬭᬱᬧᭀᬮᬶᬄᬅᬫᬺᬢ᭄ᬣᬲᬜ᭄ᬚᬶ [ 201 ][᭒᭐᭐ 200B]
᭒᭐᭐
ᬯᬦᬶ᭞ᬯᬗ᭄ᬤᬾᬧᬥᭂᬫ᭄ᬤᬸᬭᬸᬲ᭄ᬳᬶᬤᬸᬧ᭄᭞ᬜᬮᬶᬗᬄᬓᭂᬦᭂᬄᬮᬶᬬᬂ᭞ᬭᬵᬚᬧᬸᬢ᭄ᬭᬶᬲᬾᬗᭂᬄᬭᬶᬂᬧᬧᬶᬭᬶᬂᬗᬚᬸᬫ᭄᭞ᬫᬓᭂᬜᬶᬃᬓᭂ᭠ᬜᭂᬫ᭄ᬗᬦ᭄ᬤᬶᬓ᭞ᬯ᭄ᬬᬓ᭄ᬢᬶᬓᬤᬶᬩᬯᭀᬲ᭄ᬩᭂᬮᬶ᭟ᬲᬓᬭᬶᬂᬳᬶᬢᬸᬜ᭄ᬚᬸᬂᬩᭀᬗ᭄ᬕᬦ᭄᭞ᬘᬭᬳᭀᬮᬲ᭄ᬦᬵᬗ᭄ᬳᬶᬂᬫᬧᬶᬮᬶᬄᬓᬲᬶᬄ᭞ᬲᬓᬾᬂᬩᬩᬾᬓᬶ᭠
ᬢᬦ᭄ᬭᬸᬗᬸ᭞ᬭᬶᬂᬳᬸᬮᬫᬾᬗᭂᬤᭀᬢᬂ᭞ᬲᬓᬾᬂᬮᬫᬶᬗᬢᬸᬭᬂᬳᬬᬄᬫᬢᬸᬗ᭄ᬕᬸ᭞ᬢᬍᬃᬦᬾᬦ᭄ᬢᭂᬦ᭄ᬓᬲ᭄ᬯᬾᬘ᭄ᬙᬦᬦ᭄᭞ᬢᬸᬬᬸᬄᬫᬕᭂᬩᬕᬦ᭄ᬲᬳᬶ᭟ᬱᬤ᭄ᬧᬤᬦᬾᬲᬓᬾᬂᬲᬤ᭄ᬬ᭞ᬯᬯᬸᬭᬯᬸᬄᬲᬓ᭄ᬱᬡᬓᬢᬜ᭄ᬚᬾᬦᬶᬦ᭄᭞ᬗᬶᬲᭂᬧ᭄ᬲᬵᬭᬶᬕᭂᬦ᭄ᬤᬶᬲ᭄ᬫᬥᬹ᭞ᬗᬢᭂᬓᬸᬮ᭄ᬧᭀ
ᬮᬶᬄᬢᭂᬥ᭞ᬓᬵᬫᬚᬬᬕᬕ᭄ᬭᬾᬧᬾᬦᬦ᭄ᬭᬭᬶᬲ᭄ᬗᭂᬮᬸᬢ᭄᭞ᬭᬵᬚᬧᬸᬢ᭄ᬭᬶᬓᬭᬲᬭᬲ᭄᭞ᬲᬳᬸᬧ᭄ᬲᬗ᭄ᬓᭀᬮ᭄ᬦᬸᬮᬶᬓᬵᬩᬶᬦ᭄᭟ᬭᬶᬂᬤᬸᬳᬸᬃᬩᬢᬸᬦᬾᬮᬸᬫ᭄ᬩᬂ᭞ᬲᬋᬂᬓᬵᬮᬶᬄᬭᬶᬲᭂᬤᭂᬓ᭄ᬲᬸᬯᬸᬂᬲᭂᬧᬶ᭞ᬗᬮᬧ᭄ᬓᬲᭀᬃᬲᬮᬶᬂᬭᬸᬫ᭄ᬭᬸᬫ᭄᭞ᬫᬾᬄᬓᬦ᭄ᬢᭀᬲ᭄ᬮᬶᬗ᭄ᬲᬶᬃᬲᬜ᭄ᬚ᭞ᬫᬗᬸᬮᬸ
ᬭᬶᬦ᭄ᬮᭂᬕᬦᬶᬥᭂᬧᬾᬫᬕᭂᬮᬸᬢ᭄᭞ᬫᬤᭀᬧ᭄ᬤᭀᬧ᭄ᬲᬤᬫᬤᬶᬫᬦ᭄᭞ᬳᬶᬘᬮ᭄ᬓᭂᬜᭂᬮᬾᬫᬫᬵᬃᬕ᭄ᬕᬶ᭟᭜᭟ᬫᬵᬲ᭄ᬓᬸᬫᬫ᭄ᬩᬂ᭟᭜᭟ᬘᬶᬗᬓ᭄ᬳᬤᬶᬩᭂᬤᬳᬸᬄᬮᬗᬶᬢᬾᬕᬤᬶᬂ᭞ᬢᬹᬃᬫᬲᬯᬂᬩᬭᬓ᭄᭞ᬢᬸᬮ᭄ᬬᬳᭂᬫᬲᬾᬫᬲᬗ᭄ᬮᬶᬂ᭞ᬗᬸᬮᬗᬸᬦᬶᬦ᭄ᬬᬦ᭄ᬢᬍᬓ᭄ᬢᭂᬓᬂ᭟ᬦᬲᬓ᭄ᬕᭂᬤᬂ

[᭒᭐᭑ 201A]
᭒᭐᭑
ᬧᭂᬮᬸᬂᬓᬸᬦᬶᬂᬤᬤᬸᬢᬗᬶ᭞ᬯᬃᬡ᭄ᬦᬦᬾᬫᬾᬦ᭄ᬤᬳᬦ᭄᭞ᬬᬦ᭄ᬲᬯᬗᬂᬫᬶᬭᬶᬩ᭄ᬧ᭄ᬮᬗᬶ᭞ᬤᬶᬮᬗᬶᬢᬾᬫᬓᭂᬩᬢᬦ᭄᭟ᬭᬱᬳᭀᬮᬲ᭄ᬫᬫᬹᬃᬡ᭄ᬦᬬᬂᬩᬜᬲᭂᬤᬶᬄ᭞ᬭᬾᬄᬓᬮᬸᬦ᭄ᬢᬮᬸᬦ᭄ᬢ᭞ᬗᭂᬦ᭄ᬢᬧ᭄ᬳᬮᬲ᭄ᬢᭂᬕᬮ᭄ᬘᬭᬶᬓ᭄᭞ᬳᬤᬶᬦᬸᬢᬸᬕ᭄ᬩᭂᬮᬶᬗᬸᬫ᭄ᬩᬂ᭟ᬲᬤᬓᭂᬜᭂᬫ᭄ᬤᬾᬯᬵᬬᬸᬫᬵᬲ᭄ᬫ᭠
ᬜᬳᬸᬭᬶᬦ᭄᭞ᬫᬶᬭᬶᬩ᭄ᬩᭂᬮᬶᬲᬚ᭞ᬮᬗᬶᬢᬾᬫᬓ᭄ᬮᬶᬬᬄᬲᭂᬫᬶᬂ᭞ᬭᬾᬄᬲᬹᬃᬬ᭄ᬬᬦᬾᬗᬭᭀᬭᭀᬓᬂ᭟ᬬᬦ᭄‌ᬢ᭄ᬮᭂᬓ᭄ᬢᭂᬓᬂᬲᬚᬲᬧᬸᬢ᭄ᬧᭂᬮᬗᬶ᭞ᬫᬭᬫᬓᭂᬩᬢᬦ᭄᭞ᬚᭂᬦᭂᬂᬫᬸᬮᬦᬜ᭄ᬚᬾᬦ᭄ᬩᭂᬮᬶ᭞ᬳᬧᬂᬜᬓ᭄ᬩᭂᬮᬶᬜᬧᬸᬢᬂ᭟ᬳᬧᬂᬩᬸᬗᬄᬓᬵᬮᬦᬶᬂᬩᭂᬮᬶᬫᬩᬸᬜ᭄ᬘᬶᬂ᭞ᬬᬾ᭠
ᬦ᭄ᬳᬤᬤᬾᬯᬲ᭞ᬤᬤᬶᬫᬲᬶᬄᬳᬗ᭄ᬕᭀᬦ᭄ᬩᭂᬮᬶ᭞ᬫᬧᬬᬲ᭄ᬓᬵᬮᬫᬵᬗ᭄ᬕᬸᬭᬦ᭄᭟ᬓᬵᬫᬚᬬᬕᬕ᭄ᬭᬾᬧᬾᬦᬦ᭄ᬗᬭᬲ᭄ᬧᬶᬧᬶ᭞ᬢᬦ᭄ᬲᬄᬫᭂᬮᬸᬓ᭄ᬫᬥ᭄ᬬ᭞ᬗᬩᬕ᭄ᬲᬸᬲᬸᬩᬸᬦ᭄ᬢᭂᬃᬜᬗ᭄ᬓᬶᬄ᭞ᬜᬢᬸᬍᬕᬤᬶᬧᬩᬶᬦᬦ᭄᭟ᬳᬭᬄᬩᭂᬮᬶᬧᬗᬦ᭄ᬤᬶᬓᬦ᭄ᬭᬵᬚᬧᬸᬢ᭄ᬭᬶ᭞ᬤᭀᬂᬗᬸᬤᬫᬘᬦ᭄ᬤ᭞ᬲᬶᬂ
ᬜᬳᬤᬳᬦᬓ᭄ᬗᬶᬦ᭄ᬢᬶᬧ᭄᭞ᬫᬧ᭄ᬯᬭᬦᭂᬧᬸᬓᬶᬦ᭄ᬚᭂᬗᬄ᭟ᬘᬶᬗᬓ᭄ᬩᭂᬮᬶᬕᬸᬍᬫᬾᬦᭀᬕᭀᬕ᭄ᬗᬶᬮᬶᬗᬶᬦ᭄᭞ᬫᬶᬭᬶᬩ᭄ᬓᬚᭂᬗᬳᬦ᭄᭞ᬫᬫᬾᬗᭀᬲ᭄ᬗᭂᬤᬾᬓᬶᬦ᭄ᬩᭂᬮᬶ᭞ᬗᬤᭂᬫᬶᬩᬦ᭄ᬩᭂᬮᬶᬩᬶᬦᬮ᭄᭟ᬢ᭄ᬯᬭᬦᬯᬂᬭᬱᬦ᭄ᬫᭂᬤ᭄ᬳᬗᬦ᭄ᬳᬩᭂᬤᬶᬓ᭄᭞ᬓᬤᬸᬂᬓᬳᬸᬮᬸᬭᬦ᭄᭞ᬤᭀᬂᬦᬶᬓ [ 202 ][᭒᭐᭑ 201B]
᭒᭐᭑
ᬘᬶᬗᬓᬶᬦ᭄ᬩᭂᬮᬶ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬗᬤᬾᬲᭂᬫᬂ᭟ᬓᬶᬫᬸᬤ᭄ᬚᭂᬗᬄᬜᬶᬗᬓ᭄ᬩᭂᬮᬶᬩᬶᬦᬮ᭄ᬩᭂᬚᬶᬢ᭄᭞ᬤᬸᬭᬸᬲ᭄ᬳᬶᬤᬓᬾᬲᬄ᭞ᬫᬓᭀᬍᬫ᭄ᬗᬮᬳᬶᬦ᭄ᬩᭂᬮᬶ᭞ᬧᬬᬸᬩᬜᬓᬧᭂᬢᭂᬗᬦ᭄᭟ᬓᬶᬚᬮᬓᬸᬫᬲᬦᭂᬓᬦ᭄ᬓᭀᬦᬾᬚᬦᬶ᭞ᬢᬸᬫᬸᬮᬶᬫᬫᬵᬃᬕ᭄ᬕ᭞ᬲᬂᬓᬵᬮᬶᬄᬲᬵᬫ᭄ᬧᬸᬦ᭄ᬫᬕᬶ
ᬗ᭄ᬲᬶᬃ᭞ᬓᬧᬸᬭᬤᬸᬕᬸᬮ᭄ᬫᬭᬵᬃᬬ᭄ᬬᬦ᭄᭟ᬜᬮᬸᬓ᭄ᬯᭂᬗᬶᬢᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬭᬶᬂᬘᬭᬶᬓ᭄᭞ᬭᬶᬂᬧᬸᬭᬫᬕᭂᬦᬄ᭞ᬫᬲᬬᬸᬩᬦ᭄ᬲᬋᬂᬓᬵᬮᬶᬄ᭞ᬕᬸᬫᬦ᭄ᬢᭀᬲ᭄ᬢᬢᬲ᭄ᬭᬳᬶᬦ᭟᭜᭟ᬧᬸᬘᬸᬂ᭟᭜᭟ᬲᭂᬧᬶᬲᬫᬸᬦ᭄᭞ᬯᭂᬗᬶᬭᬶᬂᬧᬸᬭᬩᬤᬸᬕᬸᬮ᭄᭞ᬧᬸᬭᬧᬸᬭᬦ᭄ᬲᬸᬩᬓ᭄᭞ᬧᬜᬸᬗ᭄ᬲᬸᬗ
ᬦ᭄ᬲᬫᬘᬭᬶᬓ᭄᭞ᬕᭂᬦᬄᬜᬶᬦᬸᬢ᭄᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭟ᬧᭂᬢᭂᬂᬮᬶᬩᬸᬢ᭄᭞ᬫᬭᬶᬂᬩᬢᬭᬦ᭄ᬫᬮᬸᬗ᭄ᬕᬸᬄ᭞ᬲᬫ᭄ᬩᬶᬮᬂᬫᬲᬤᬄ᭞ᬓᬵᬫᬚᬬᬫᭂᬍᬂᬮᬗᬶᬢ᭄᭞ᬗᭂᬮᬸᬢ᭄ᬳᭂᬦ᭄ᬢᬸᬤ᭄᭞ᬭᬵᬚᬧᬸᬢ᭄ᬭᬶᬦᭀᬭᬧᬲᬄ᭟ᬢᬹᬢ᭄ᬲᬤᬸᬮᬸᬃ᭞ᬇᬭᬶᬓᬵᬲᬋᬂᬫᬢᬶᬫ᭄ᬧᬸᬄ᭞ᬓᬧᬶᬗᭀ
ᬦ᭄ᬜᬶᬗᬓ᭄᭞ᬩᬶᬦ᭄ᬢᬗᬾᬳᭂᬩᭂᬓ᭄ᬭᬶᬂᬮᬗᬶᬢ᭄᭞ᬗᬯᬾᬮᬶᬧᬹᬃ᭞ᬧᬓᬜᬶᬢ᭄ᬜᬶᬢ᭄‌ᬬᬦ᭄ᬲᬯᬗᬂ᭟ᬮ᭄ᬯᬶᬃᬲᬗ᭄ᬓᬸᬯᬸᬩ᭄᭞ᬮᬗᬶᬢᬾᬳᬶᬦᬩ᭄ᬕᬕᬸᬮᬸᬂ᭞ᬫᬓ᭄ᬮᬶᬬᬄᬲᬸᬢᬾᬚ᭞ᬩᬶᬦ᭄ᬢᬗᬾᬢᬦ᭄ᬪᬶᬦᬓᬤᬶ᭞ᬳᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬫᬲᬦ᭄ᬤᬶᬂᬩᬃᬮ᭄ᬬᬦ᭄ᬲᬫ᭄ᬩᭂᬳᬂ᭟ᬲᬬᬦ᭄ᬫᬸᬯᬸᬕ᭄᭞ᬲ᭄ᬯᬭᬦ᭄ᬓ

[᭒᭐᭒ 202A]
᭒᭐᭒
ᬢᬓ᭄ᬗᭀᬗ᭄ᬓᬾᬓ᭄ᬳᬸᬬᬸᬢ᭄᭞ᬗᭀᬜ᭄ᬘᬂᬫᬘᬦ᭄ᬤᭂᬢᬦ᭄᭞ᬭᬹᬧᬓᬮᬗᭂᬦ᭄ᬫᬕᭂᬦ᭄ᬤᬶᬂ᭞ᬓᬾᬓ᭄ᬓᬸᬂᬓᬾᬓ᭄ᬓᬸᬂ᭞ᬲ᭄ᬯᬭᬦ᭄ᬳᭂᬗ᭄ᬕᬸᬂᬜᬦ᭄ᬤᭂᬢ᭄ᬦᬶᬫ᭄ᬩᬮ᭄᭟ᬢᬸᬮ᭄ᬬᬓᭂᬫ᭄ᬧᬹᬃ᭞ᬫᬢᭂᬧᬓ᭄‌ᬲ᭄ᬯᬭᬦ᭄ᬬᬢᬗ᭄ᬮᬸᬲ᭄᭞ᬤᭀᬗ᭄ᬓᬂᬮᬦ᭄ᬕᭀᬤᭀᬕᬦ᭄ᬓᭂᬭᬓ᭄ᬓᭂᬭᭀᬓ᭄ᬗᬕᭂᬦ᭄ᬜᬗ᭄ᬲᬶᬄ᭞ᬲᬋᬂᬦᬩᬸᬄ᭞ᬗᬫᬶᬍᬢᬶᬦ᭄ᬲᭂᬓ᭠
ᬓᬾᬘᬓ᭄᭟ᬧᬗᬸᬲ᭄ᬳᬤᬸᬂ᭞ᬲᬩᬶᬮᬂᬯᭂᬗᬶᬫᬓᬸᬫ᭄ᬧᬸᬮ᭄᭞ᬗᬸᬦ᭄ᬤᬗᬸᬦ᭄ᬤᬂᬤᬾᬯ᭞ᬦᬗᬸᬦᬂᬲᬗ᭄ᬳ᭄ᬬᬂᬥᬥᬭᬶ᭞ᬓᬵᬮᬦᬸᬤᬸᬲ᭄᭞ᬦᬩᬸᬄᬕᭂᬦ᭄ᬤᬶᬂᬓᭂᬫ᭄ᬩᬂᬚᭂᬦᬃ᭟ᬲᬂᬓᬧᬗ᭄ᬮᬸᬄ᭞ᬳᭀᬬᭀᬕᭀᬬᭀᬕ᭄ᬓᬶᬢᬓ᭄ᬓᬶᬢᬸᬓ᭄᭞ᬗᬃᬱᬬᬂᬫᬲᬶᬭᬫ᭄᭞ᬧᬲᬶᬭᬫᬦ᭄ᬳᬦ᭄ᬢᬸᬓ᭄ᬕᭂᬦᬶ᭞ᬩ᭄ᬬᬦᬧᬸᬯᬸᬦ᭄᭞ᬍᬕ᭠
ᬇᬥᭂᬧ᭄ᬲᬂᬗᭂᬦ᭄ᬤᬶᬳᬂ᭟ᬚᬗ᭄ᬓ᭄ᬭᬶᬓ᭄ᬓᬮᬸᬂ᭞ᬗᭂᬭᬶᬂᬮᬦᬶᬩᬮᬂᬳᬤᬸᬂ᭞ᬫᬲᭂᬦ᭄ᬤᭀᬜᬗ᭄ᬓ᭄ᬭᬶᬫᬂ᭞ᬬᬦ᭄ᬲᬯᬗᬂᬗᬲᬶᬳᬲᬶᬄ᭞ᬚᬗᬶᬄᬢᬗ᭄ᬮᬸ᭠ᬲ᭄᭞ᬫᬹᬃᬡ᭄ᬦᬬᬂᬲᬂᬦᬦ᭄ᬤᬂᬮᬭ᭟ᬫᬗ᭄ᬤᬲᬵᬫ᭄ᬧᬸᬦ᭄᭞ᬗᬾᬮᬶᬗᬂᬫᬮᬶᬄᬧᬓᬾᬯᬸᬄ᭞ᬢᬸᬬᬸᬳᬾᬫᬫᬵᬃᬕ᭄ᬕ᭞ᬓᭀᬩᭂᬢ᭄ᬓᬬᬸᬦᬾᬫᬓᬵᬤᬶ᭞ᬢᭂᬗᬄ
ᬤᬮᬸ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭟ᬳᬶᬦᬩ᭄ᬮᭂᬲᬸ᭞ᬋᬩᬄᬢᬸᬫᬸᬮᬶᬫᬩ᭄ᬭᬶᬬᬸᬕ᭄᭞ᬲᬯᬸᬲᬦ᭄ᬫᬕᬤᬂ᭞ᬓᬧᬶᬗᭀᬦ᭄ᬫᬩᬮᬶᬄ᭠ᬮᬗᬶᬢ᭄᭞ᬚᬦ᭄ᬢᭀᬲ᭄ᬮᬬᬸ᭞ᬭᬶᬂᬩᬢᬭᬦᬾᬜᬍᬫ᭄ᬧᬄ᭟ᬲᬕᬾᬢ᭄ᬦᭂᬗ᭄ᬓᬸᬮ᭄᭞ᬲᬂᬓᬵᬮᬶᬄᬫᬕᬍᬂᬓᬬᬸ᭞ᬧᭀᬮᬶᬄᬳᬚᬺᬧ᭄ᬚᭂᬧᬦ᭄᭞ᬗᬋ [ 203 ][᭒᭐᭒ 202B]
᭒᭐᭒
ᬜ᭄ᬚᬶᬢ᭄ᬫᬮᬶᬄᬫᬢᬗᬶ᭞ᬳᬸᬬᬂᬓᭂᬩᬸᬲ᭄᭞ᬲᬯᬢᬄᬯᬾᬦ᭄ᬢᭂᬦ᭄ᬩᬜ᭄ᬘᬦ᭟ᬯᬸᬲ᭄ᬫᬮᬸᬗ᭄ᬕᬸᬄ᭞ᬲᬂᬓᬵᬮᬶᬄᬳᬗᭀᬩ᭄ᬫᬫᬗ᭄ᬕᬶᬄ᭞᭠ᬭᬱᬳᬸᬜ᭄ᬚᬦᬸᬜ᭄ᬚᬦ᭄᭞ᬤᬫᬃᬮᭀᬩᬓᬦ᭄ᬜᬮᬶᬩ᭄ᬲᬶᬩ᭄᭞ᬗᭂᬚᬸᬓ᭄ᬮᬶᬦ᭄ᬤᬸᬂ᭞ᬓᬧᬃᬡ᭄ᬦᬭᬶᬂᬢᭂᬗᬄᬲᬯᬄ᭟ᬲᬶᬬᭂᬧ᭄ᬓᬮᬸᬤ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬫ
ᬧᬶᬬᬸᬲ᭄᭞ᬩᬸᬗ᭄ᬓᭂᬫ᭄ᬲᬧᬶᬲᬦᬦ᭄᭞ᬯᬢᭂᬓ᭄ᬓᬸᬫᬢᬧ᭄ᬓᬸᬫᬶᬢᬶᬧ᭄᭞ᬲᭂᬧᬶᬲᬫᬸᬦ᭄᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬘ᭄ᬮᭂᬓᬶᬲᬦ᭄᭟ᬓᭂᬩ᭄ᬬᬃ᭠ᬓᭂᬩ᭄ᬬᬸᬃ᭞ᬳᭂᬦ᭄ᬤᬶᬄᬮᭀᬩᬓᬦᬾᬫᬸᬭᬸᬩ᭄᭞ᬚᬦ᭄ᬢᭂᬦ᭄ᬩᭀᬬᬤᬫᬃ᭞ᬗᬍᬚᭂᬕ᭄ᬫᬜᬸᬘᬸᬓ᭄ᬮᬗᬶᬢ᭄᭞ᬯᬾᬦ᭄ᬢᭂᬦ᭄ᬧᭂᬮᬸᬂ᭞ᬯᬾᬦ᭄ᬢᭂᬦ᭄ᬩᬭᬓ᭄ᬫᬮᬕᬾᬦ᭄ᬤᬄ
᭟ᬲᬬᬦ᭄ᬫᬸᬭᬸᬩ᭄᭞ᬫᬕᭂᬧ᭄ᬬᬸᬓ᭄ᬭᬸᬧᬫᬢᬭᬸᬂ᭞ᬲᬾᬗᭂᬄᬓᬵᬫᬚᬬ᭞ᬬᬤᬶᬦ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄᭞ᬓᬯᬶᬰᬾᬱᬦ᭄ᬯᬢᭂᬓ᭄ᬗᬶᬯ᭟ᬧᬲᬮᬶᬬᬸᬃ᭞ᬫᬜᭂᬦ᭄ᬢᭀᬓᬂᬧᬗᬯᭂᬭᬸᬄ᭞ᬢᭂᬮᬸᬄᬢᬭᬜ᭄ᬚᬦ᭞ᬓᬯᬶᬰᬾᬱᬦ᭄ᬯᬢᭂᬓ᭄ᬤᬾᬱ᭄ᬝᬶ᭞ᬢᭂᬗᬄᬤᬮᬸ᭞ᬕᬸᬫᬦ᭄ᬢᬶᬗ
ᬤᬓᬂᬬᬸᬤ᭄ᬥ᭟ᬬᬢ᭄ᬦᬲᬵᬫ᭄ᬧᬸᬦ᭄᭞ᬓᬵᬫᬚᬬᬫᭂᬓᭂᬓ᭄ᬩᬬᬸ᭞ᬫᬫᭂᬕᭂᬂᬫᬫᬦ᭄ᬢ᭄ᬭ᭞ᬲᬋᬂᬳᬶᬤᬭᬵᬚᬧᬸᬢ᭄ᬭᬶ᭞ᬦᬸᬗ᭄ᬕᬮ᭄ᬓᬬᬸ᭠ᬦ᭄᭞ᬗᬸᬜ᭄ᬘᬭᬂᬧᬗᬮᬄᬤᬹᬃᬕ᭄ᬕ᭟ᬦᬾᬓᬲᬸᬫ᭄ᬩᬸᬂ᭞ᬧᬗᬮᬄᬤᬹᬃᬕ᭄ᬕᬓᬲᭂᬗ᭄ᬕᬸᬄ᭞ᬕᭂᬦᬶᬯᬿᬭᭀᬘᬡ᭞ᬧᬫᬸᬦᬄᬲᬯᬢᭂᬓ᭄ᬤᬾᬱ᭄ᬝᬶ᭞ᬳᬗ᭄ᬕᬾᬦ᭄ᬦᭂ

[᭒᭐᭓ 203A]
᭒᭐᭓
ᬫ᭄ᬧᬹᬃ᭞ᬮᬦ᭄ᬧᬰᬸᬧᬢᬶᬭᬘᬦ᭟ᬧᬸᬦᬄᬢᬫ᭄ᬧᬸ᭞ᬲᬃᬯ᭄ᬯᬫᬯᬶᬰᬾᬱᬗᬬᬸᬄ᭞ᬢᬦ᭄ᬧᬸᬭᬸᬦ᭄ᬫᬢᬗᬄ᭞ᬫᬶᬦᬦ᭄ᬢ᭄ᬭᬦ᭄ᬲᬸᬮᬫ᭄ᬩᬕᭂᬦᬶ᭞᭠ᬢᬦ᭄ᬧᬕᬦ᭄ᬢᬸᬮ᭄᭞ᬲᬯᬢᭂᬓᬶᬂᬤᬸᬭᬘᬭ᭟ᬲᬫᬶᬭᬭᬸᬤ᭄᭞ᬫᬓᬶᬍᬲᬦ᭄ᬧᬢᬶᬮᬸᬧ᭄ᬮᬸᬧ᭄᭞ᬢᬦ᭄ᬧᬦᭀᬮᬶᬄᬳᬸᬦ᭄ᬢᬢ᭄᭞ᬧᬲ᭄ᬮᬗ᭄ᬓᬩ᭄ᬳᭀᬜᬫᬕᭂ
ᬤᬶ᭞ᬓᬲᭀᬃᬦᬸᬗ᭄ᬓᬸᬮ᭄᭞ᬤᬾᬦᬶᬂᬫᬦ᭄ᬢ᭄ᬭᬫᬉᬢ᭄ᬢᬫ᭟ᬤᬳᬸᬢ᭄ᬧᬬᬸᬂ᭞ᬲᬫ᭄ᬩ᭄ᬭᬕ᭄ᬫᬓᬯᭀᬦ᭄ᬗᬤᬸᬩᬸᬕ᭄᭞ᬲᬃᬯ᭄ᬯᬫᬤᬹᬃᬕ᭄ᬕᬫ᭞ᬳᬸᬤᭂᬧ᭄ᬳᭂᬦ᭄ᬤᬶᬄᬜᬦᬾᬲᬫᬶ᭞ᬩᭀᬬᬧᬸᬭᬸᬦ᭄᭞ᬫᬧᬲ᭄ᬲᬂᬓᬵᬮᬶᬄᬫᬫᬦ᭄ᬢ᭄ᬭ᭟ᬕᬮᬂᬲᬵᬫ᭄ᬧᬸᬦ᭄᭞ᬲᬂᬓᬵᬮᬶᬄᬦᬸᬮᬶᬗᬍᬲᬸ᭞ᬲᬃᬯ᭄ᬯᬶᬫᬭᬭᬲᬦ᭄᭞ᬤᬾᬦᬶᬂᬲᬵ᭠
ᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬦᭀᬭᬓᬾᬗ᭄ᬕᬸᬄ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭟ᬲᭂᬫᬸᬕᬸᬬᬸ᭞ᬲᬂᬓᬵᬮᬶᬄᬳᬦ᭄ᬤᭂᬮ᭄ᬭᬶᬂᬓᬬᬸᬦ᭄᭞ᬧᭀᬮᬶᬄᬫᬶᬘᬸᬦ᭄ᬤᬗᬂ᭞ᬓᬯᬶᬰᬾᬱᬦ᭄ᬯᬢᭂᬓ᭄ᬤᬾᬱ᭄ᬝᬶ᭞ᬫᭂᬦᭂᬂᬓᬦ᭄ᬢᬸᬦ᭄᭞ᬕᬸᬫᭂᬦ᭄ᬢᭀᬲ᭄ᬢᬢᬲ᭄ᬭᬳᬶᬦ᭟᭜᭟ᬕᬶᬦᬤ᭟᭜᭟ᬩᬶᬦ᭄ᬢᬂᬲᬶᬬᬂᬓᬦ᭄ᬢᭂᬦ᭄ᬳᭂᬦ᭄ᬤᬸᬓ᭄᭞ᬘᬶᬳ᭄ᬦ
ᬲᬵᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬢᭀᬕᭀᬕ᭄ᬢᭀᬕᭀᬕᬦ᭄ᬧᬚᭀᬤᭀᬕ᭄᭞ᬳᬬᬫᬾᬢᬭᬶᬓ᭄ᬫᬓ᭄ᬭᬸᬬᬸᬓ᭄᭞ᬫᬭᬶᬂᬧᭀᬦ᭄ᬤᭀ᭠ᬓ᭄ᬧᬓᬸᬩᭀᬦᬦ᭄᭞ᬗᬯᬗ᭄ᬲᬶᬢᬶᬦ᭄᭞ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬕᬮᬂᬢᬦᬄ᭟ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬦᬾᬦ᭄ᬢᭂᬦ᭄ᬲᬸᬫᬗ᭄ᬲᬬᬫᬮᬶᬄ᭞ᬮᬶᬬᬓᬾᬲᬵ᭠ [ 204 ][᭒᭐᭓ 203B]
᭒᭐᭓
ᬫ᭄ᬧᬸᬦ᭄ᬫᬓᬯᭀᬦ᭄᭞ᬲᬂᬓᬵᬮᬶᬄᬇᬭᬶᬓᬵᬓᬦ᭄ᬢᬸᬦ᭄᭞ᬫᬚᬦ᭄ᬢᭀᬲᬦ᭄ᬫᬭᬭᬱᬦ᭄᭞ᬓᬶᬲᬶᬓᬶᬲᬶ᭞ᬕᬸᬫᬦ᭄ᬢᭀᬲ᭄ᬢᬢᬲ᭄ᬭᬳᬶᬦ᭟ᬓᬵᬫᬚᬬᬫᬤᭂᬓᭂᬲᬦ᭄᭞ᬳᬭᬄᬤᬲ᭄ᬲᬗ᭄ᬓᬮᬳᬤᬶ᭞ᬬᬦᬶᬂᬳᬤᬶᬢᬸᬦᬧ᭄ᬭᬚ᭄ᬜᬦ᭄᭞ᬲᬶᬦᬄᬩᭂᬮᬶᬲᬸᬩᬧᬸᬯᬸᬦ᭄᭞ᬲᬓᬾᬂᬩᭂᬮᬶᬢᭀᬂᬫᬤᬬ᭞
ᬢᭂᬓᬾᬦ᭄ᬳᬤᬶ᭞ᬤᬳᬢ᭄ᬰᬓ᭄ᬢᬶᬫᬯᬶᬰᬾᬱ᭟ᬫᬾᬲᭂᬫ᭄ᬭᬵᬚᬧᬸᬢ᭄ᬭᬶᬦᬶᬫ᭄ᬩᬮ᭄᭞ᬤᬤᬢᬭᬯᭀᬲᬂᬩᭂᬮᬶ᭞ᬤᭂᬫᭂᬦ᭄ᬗᬚᬸᬫ᭄ᬳᬦᬓ᭄ᬩᭂᬮᭀᬕ᭄᭞ᬳᬭᬶᬦ᭄ᬩᭂᬮᬶᬢᬫ᭄ᬩᭂᬢ᭄ᬚᬸᬕᬸᬮ᭄᭞ᬤᭂᬫᭂᬦ᭄ᬲᬦ᭄ᬗᬦ᭄ᬤᬧᬂᬭᬕ᭞ᬩᭂᬮᬶᬫᬧᬶ᭞ᬢᬦ᭄ᬳᬸᬦᬶᬂᬭᬶᬂᬓᬯᬶᬰᬾᬱᬦ᭄᭟ᬳᬭᬶᬦ᭄ᬩᭂᬮᬶᬢᬸᬫᭀᬦ᭄ᬧᭂᬤᬲ᭄᭞ᬲ
ᬓᬭᬶᬂᬓᬲᬶᬤ᭄ᬥᬾᬦ᭄ᬩᭂᬮᬶ᭞ᬗᬲᭀᬭᬂᬯᬢᭂᬓ᭄ᬤᬹᬃᬕ᭄ᬕᬫ᭞ᬮᬫᬓᬦ᭄ᬫᬓᭂᬚᬂᬗᬬᬸᬄ᭞ᬤᬾᬱ᭄ᬝᬶᬢᭂᬮᬸᬄᬢᬭᬜ᭄ᬚᬦ᭞ᬗᬚᬶᬯᭂ᭠ᬕᬶᬕ᭄᭞ᬤᭀᬂᬗᬸᬤᬩᭂᬮᬶᬫᬓᭂᬩᬂ᭟ᬢᭀᬂᬜᬦ᭄ᬤᬂᬦᬶᬓᬧᬜ᭄ᬚᬗᬂ᭞ᬚᬕᬦᬧᬶᬲᬮᬶᬂᬤᬮᬶᬄ᭞ᬓᬵᬫᬚᬬᬦᬶᬫ᭄ᬩᬮᬮᭀᬦ᭄᭞ᬲᬗ᭄ᬓᬦᬶᬂᬯᬶᬤ᭄ᬥᬶ
ᬦᬾᬳᬲᬸᬂ᭞ᬩᭂᬮᬶᬳᬤᬶᬫᬜᬶᬤ᭄ᬥᬬᬂ᭞ᬗᬸᬮᬄᬤᬾᬱ᭄ᬝᬶ᭞ᬫᬯᬶᬰᬾᬱᬓᬪᬶᬦᬯ᭟ᬩᭂᬮᬶᬲᬓᬾᬂᬓᬩ᭄ᬭᬦᬸᬯᬦ᭄᭞ᬢᬸᬦᬲᭂᬓᭂᬦ᭄ᬫᬫᭂᬤᬲᬶᬦ᭄᭞ᬓᬢᬸᬗ᭄ᬓᬸᬮ᭄ᬳᬶᬢᭂᬄᬫᬫᬦ᭄ᬢ᭄ᬭ᭞ᬤᬤᬶᬢ᭄ᬯᬭᬧᬢᬶᬭᬸᬗᬸ᭞ᬢᭂᬓᬾᬦ᭄ᬳᭂᬦ᭄ᬤᬶᬳᬾᬫᬓᭂᬚᬂ᭞ᬦᬄᬓᬾᬳᬤᬶ᭞ᬢᭂᬕᬭᬂᬚᬦᬶᬢᬸᬢᬸᬭᬂ᭟

[᭒᭐᭔ 204A]
᭒᭐᭔
ᬳᬤᬦ᭄ᬤᬾᬱ᭄ᬝᬶᬦᬾᬫᬓᭂᬚᬂ᭞ᬧᬦᬤᭀᬲᬦᬾᬩᭂᬲᬶᬓ᭄ᬩᭂᬲᬶᬓ᭄᭞ᬭᬵᬚᬧᬸᬢ᭄ᬭᬶᬫᬮᬶᬄᬦᬶᬫ᭄ᬩᬮ᭄᭞ᬫᬗᬦ᭄ᬤᬶᬓᬲᭂᬫᬸᬕᬸᬬᬸ᭞ᬳᬭᬄᬩᭂᬮᬶᬤᭂᬫᭂᬦ᭄ᬧᭂᬲᬦ᭄᭞ᬫᬜᬸᬕ᭄ᬚᬸᬕᬶᬦ᭄᭞ᬫᬲᬩᭂᬮᬶᬢ᭄ᬯᬭᬦᬯᬂ᭟ᬭᬾᬄᬭᬾᬳᬦ᭄ᬯᬢᭂᬓ᭄ᬯᬶᬰᬾᬱ᭞ᬦᬾᬗᬤᭀᬓᬂᬳᬚᬶᬯᭂᬕᬶᬕ᭄᭞
ᬳᬭᬶᬦ᭄ᬩᭂᬮᬶᬦᭀᬭᬢᬸᬮᬓ᭄᭞ᬗᬶᬭᬶᬂᬲᬗ᭄ᬓᬦᬶᬂᬓᬢᬸᬤᬸᬄ᭞ᬫᬶᬤᬃᬢ᭄ᬣᬬᬂᬲᭀᬯᬂᬲᭀᬯᬂ᭞ᬫᬵᬦᬹᬢ᭄ᬳᬶᬦ᭄ᬤᬶᬓ᭄᭞ᬦᬾᬦᭂᬫ᭄ᬦᭂ᭠ᬫ᭄ᬧᬶᬦᬶᬄᬯᬶᬰᬾᬱ᭟ᬬᬦ᭄ᬢᬓᭀᬘᬧ᭄ᬓᬮᬸᬂᬲ᭄ᬯᬾᬢ᭞ᬗᭂᬦ᭄ᬤᬶᬄᬫᬲᬯᬂᬧᬸᬢᬶᬄ᭞ᬋᬓᬾᬭᬢᬸᬦᬶᬂᬧᬗᬶᬯ᭞ᬫᬮᬶᬕᭂᬤᬦ᭄ᬓᬤᬶᬓᬮᬸᬂ᭞ᬫᬓᬦ᭄ᬢᭂᬦ᭄ᬫᬢᬸᬫ᭄ᬧᬂᬢᬸ᭠
ᬫ᭄ᬧᬂ᭞ᬜᬸᬓ᭄ᬘᬸᬓ᭄ᬮᬗᬶᬢ᭄᭞ᬓᭀᬘᬧ᭄ᬤᬳᬢᬶᬂᬯᬶᬰᬾᬱ᭟ᬲᬶᬯᭂᬃᬫᬵᬲ᭄ᬫᬭᬹᬧᬚᭂᬦᬃ᭞ᬳᭂᬦ᭄ᬤᬶᬄᬜᬫᬲᬯᬂᬕᬤᬶᬂ᭞ᬫᬳᬸᬤᭂᬭᬦ᭄ᬓᭂᬮᬧ᭄ᬓᭂᬮᬧ᭄᭞ᬫᬓᭂᬩ᭄ᬬᬃᬲᬕᬾᬢ᭄ᬦᬭᬸᬤᬸ᭞ᬧᬸᬦᬶᬓᬦᬾᬓᬶᬬᬓᬶᬬᬓ᭄᭞ᬧᬶᬢᬶᬓ᭄ᬩᭂᬗᬶᬮ᭄᭞ᬧᬗᬶᬯᬤᬳᬢ᭄ᬯᬶᬰᬾᬱ᭟ᬫᬲᬶᬮᬸᬫᬦ᭄ᬜᬸᬢᬶᬭᬹᬧ᭞ᬦᬶᬓ
ᬫᬲᬶᬄᬧᬸᬦ᭄ᬢᬂᬧᬦ᭄ᬢᬶᬂ᭞ᬢᬸᬮ᭄ᬬᬕᬗ᭄ᬲᬶᬂᬫᬧᬶᬜ᭄ᬘᭂᬭᬦ᭄᭞ᬳᭂᬦ᭄ᬤᬶᬄᬜᬫᬲᬯᬂᬧᭂᬮᬸᬂ᭞ᬧᬸᬦᬶᬓᬕᬭᬶᬗ᭄ᬲᬶᬂᬯᬬᬂ᭞ᬤᬳᬢ᭄ᬰᬓ᭄ᬢᬶ᭞᭠ᬳᭂᬦ᭄ᬤᬶᬄᬜᬦᬾᬫᬮᬕᬾᬦ᭄ᬤᬄ᭟ᬓᬪᬶᬦᬯᬫᬜ᭄ᬘᬯᬃᬡ᭄ᬦ᭞ᬭᬾᬂᬭᬾᬂᬧᭀᬮᬾᬂᬗᬋᬲ᭄ᬋᬲᬶᬦ᭄᭞ᬫᬶᬯᬄᬓᭂᬋᬩᬶᬗᬓᬱ᭞ᬧᬗᬶᬯᬲᬦᬾᬓ [ 205 ][᭒᭐᭔ 204B]
᭒᭐᭔
ᬲᬸᬫ᭄ᬩᬸᬂ᭞ᬳᬸᬦᬶᬂᬫᬓᭂᬩᭂᬃᬦᬸᬗ᭄ᬓᬬᬓ᭄᭞ᬫᬸᬭᬸᬩ᭄ᬗᭂᬦ᭄ᬤᬶᬄ᭞ᬢᬸᬮ᭄ᬬᬓᬤᬶᬲᬫ᭄ᬧ᭄ᬬᬦ᭄ᬳᭂᬫᬲ᭄᭟ᬲᬧᬸᬦᬶᬓᬬᬦ᭄ᬢᬓᭀᬘᬧ᭄᭞ᬓᬯᬶ᭠ᬰᬾᬱᬦ᭄ᬯᬢᭂᬓ᭄ᬤᬾᬱ᭄ᬝᬶ᭞ᬲᬦᬾᬮᬶᬬᬦ᭄ᬭᬶᬂᬧᬸᬦᬶᬓ᭞ᬭᬭᬾᬜ᭄ᬘᬾᬓ᭄ᬗᬯᬾᬧᬦᬓᬸᬢ᭄᭞ᬓᭀᬘᬧ᭄ᬮᬶᬬᬓ᭄ᬧᬫᭀᬓ᭄ᬧᭀᬓᬦ᭄᭞ᬲᭀᬓ᭄ᬜᬋᬗᬶ᭠
ᬦ᭄᭞ᬦᬾᬦ᭄ᬢᭂᬦ᭄ᬫᭂᬮᬸᬭᬂᬓᬓᬸᬘᬄ᭟ᬓᭂᬜᭂᬫ᭄ᬓᬵᬫᬚᬬᬦᬶᬫ᭄ᬩᬮ᭄᭞ᬢᬶᬤᭀᬂᬓᬾᬫᬮᬄᬤᬬᬦᬶᬦ᭄᭞ᬳᬤᬶᬦᬯᬂᬧᬂᬍᬓ᭠ᬲᬦ᭄᭞ᬤᬾᬱ᭄ᬝᬶᬢᬭᬜ᭄ᬚᬦᬢᭂᬮᬸᬄ᭞ᬭᬵᬚᬧᬸᬢ᭄ᬭᬶᬳᬕᬾᬦᬶᬫ᭄ᬩᬮ᭄᭞ᬳᬭᬄᬩᭂᬮᬶ᭞ᬲᬵᬫ᭄ᬧᬸᬦᬂᬳᬶᬯᬂᬢᬫ᭄ᬧᬾᬦᬦ᭄᭟ᬭᬹᬧᬩᭂᬮᬶᬫᬦᬮᬶᬳᬂ᭞
ᬳᬭᬶᬦ᭄ᬩᭂᬮᬶᬳᬸᬦᬶᬂᬦᬾᬱ᭄ᬝᬶ᭞ᬫᬶᬢᬳᭂᬦ᭄ᬳᬸᬦᬶᬂᬗᬮᬾᬬᬓ᭄᭞ᬓᬵᬫᬚᬬᬲᬳᬸᬃᬕᬸᬬᬸ᭞ᬤᭀᬄᬧᬭᬩᭂᬮᬶᬦᬮᬶᬳᬂ᭞ᬩᬸ᭠ᬳᬤᬶ᭞ᬩᬶᬱᬗᬶᬯᬫᬯᬶᬰᬾᬱ᭟ᬤᬸᬓᬧᬦ᭄ᬩᭂᬮᬶᬲᬦ᭄ᬤᬾᬳ᭞ᬲᬵᬫ᭄ᬧᬸᬦ᭄ᬳᬤᬶᬲᬮᬶᬢ᭄ᬢᬫ᭄ᬧᬶ᭞ᬲᬓᬾᬂᬤᭂᬫᭂᬦ᭄ᬫᬕᭀᬜ᭄ᬚᬓᬦ᭄᭞ᬲᬵᬫ᭄ᬧᬸᬦ᭄ᬳᬤᬶᬩ
ᬗᭂᬢ᭄ᬩᭂᬦ᭄ᬤᬸ᭞ᬲᬵᬫ᭄ᬧᬸᬦ᭄ᬢᬸᬫᭀᬦ᭄ᬧᭂᬤᬲ᭄᭞ᬲᬦᬾᬢᬸᬦᬶ᭞ᬤᬸᬓ᭄ᬳᬤᬶᬲᭂᬤᭂᬓ᭄ᬫᬫᬦ᭄ᬢ᭄ᬭ᭟ᬗᭂᬮᬭᬂᬧᬗ᭄ᬭᬓ᭄ᬱᬚᬶᬯ᭞ᬲᭂᬓᭂᬦ᭄ᬲᬵᬫ᭄ᬧᬸᬦ᭄ᬤᬶᬗᭂᬄᬩᭂᬮᬶ᭞ᬗᬭᬤ᭄ᬲᬫᭂᬢᭀᬦᬾᬧᬢ᭄ᬧᬢ᭄᭞ᬓᬚᬓᭂᬮᭀᬤ᭄ᬓᬗᬶᬦ᭄ᬓᬯᬸᬄ᭞ᬳᬦᬾᬩᬋᬂᬳᬚᬓ᭄ᬮᭂᬓᬤ᭄᭞ᬳᬭᬶᬳᬭᬶ᭞ᬬᬾᬄᬜᭀᬫ᭄ᬕᭂᬢᬶᬄ᭠

[᭒᭐᭕ 205A]
᭒᭐᭕
ᬫᬶᬯᬄᬩᬦᬄ᭟ᬩᬜᬫᬵᬤᬦ᭄ᬮᭂᬕᬧ᭄ᬭᬡ᭞ᬤᬸᬕᬲᬾᬍᬓᬤ᭄ᬗᬯᬶᬢᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬤᬤᬶᬗᭂᬗ᭄ᬲᬧᬂ᭞ᬗᬯᬸᬓᬶᬦ᭄ᬜᬫ᭠ᬦᬾᬘᬢᬹᬃ᭞ᬓᬵᬮᬫᬗ᭄ᬕᬸᬳᬂᬩᬜ᭄ᬘᬦ᭞ᬗᬧᬾᬢ᭄ᬧᬢᬶ᭞ᬮᬫᬓᬦᬾᬤᬶᬃᬖ᭄ᬕᬬᬸᬱ᭟ᬓᬾᬢᭀᬭᬱᬕᬕᭂᬮᬭᬦ᭄᭞ᬳᬤᬶᬤᬸᬓ᭄ᬦᬸᬗ᭄ᬕᬮᬂ
ᬩᬸᬤ᭄ᬥᬶ᭞ᬭᬵᬚᬧᬸᬢ᭄ᬭᬶᬫᬮᬶᬄᬦᬶᬫ᭄ᬩᬮ᭄᭞ᬤᭀᬂᬮᬯᬸᬢᬂᬩᭂᬮᬶᬦᬸᬢᬸᬃ᭞ᬢ᭄ᬯᬭᬜᬦ᭄ᬤᬂᬫᬓᭂᬩᬂ᭞ᬫᬮᬶᬄᬢᬓᬶᬮ᭄᭞ᬲᬦᬾ᭠ᬲᬵᬫ᭄ᬧᬸᬦ᭄ᬫᬕᬕᬄᬳᬦ᭄᭟ᬳᬗ᭄ᬕᬾᬦ᭄ᬧᬗᬶᬫ᭄ᬩᬂᬧᬗ᭄ᬭᬱ᭞ᬫᬸᬂᬧᬸᬂᬫᬗ᭄ᬓᬶᬦ᭄ᬲᬋᬂᬓᬵᬮᬶᬄ᭞ᬤᬸᬭᬸᬲᬂᬩᭂᬮᬶᬯᭂᬤᬭᬂ᭞ᬩᭀᬬᬜᬦ᭄ᬤᬂᬗᬸᬤᬓᬶᬫᬸ᭠
ᬤ᭄᭞ᬳᬭᬶᬦ᭄ᬩᭂᬮᬶᬗᬕᭂᬦ᭄ᬦᬸᬦᬲ᭄᭞ᬧᬶᬘ᭄ᬙᬦ᭄ᬩᭂᬮᬶ᭞ᬓᬩᬢᭂᬓ᭄ᬤᭂᬫᭂᬦ᭄ᬫᭂᬮᬚᬄ᭟ᬗᬶᬂᬲᬵᬫ᭄ᬧᬸᬦ᭄ᬳᬶᬯᬂᬢᬫ᭄ᬧᬾᬦᬦ᭄᭞ᬩᭀᬬᬲᬓᬭᬶᬂᬜᬸᬕ᭄ᬚᬸᬕᬶᬦ᭄᭞ᬲᬓᬾᬂᬫᬫᬦᬄᬗᬤᬸᬗᬂ᭞ᬳᬮᬳᬬᬸᬳᬶᬯᬂᬧᬵᬢᬹᬢ᭄᭞ᬓᬵᬫᬚᬬᬯᬯᬸᬩᬶᬗᬃ᭞ᬭᬾᬄᬲᬸᬚᬢᬶ᭞ᬭᬵᬚᬧᬸ᭠
ᬢ᭄ᬭᬶᬕᬕᬢᬾᬦᬦ᭄᭟ᬫᬗᬃᬱᬬᬂᬢᬢᬶᬫ᭄ᬩᬗᬦ᭄᭞ᬢᬦᬶᬸᬦ᭄ᬯᬾᬦ᭄ᬢᭂᬦ᭄ᬲᬓᬾᬂᬜᭂᬧᭂᬢᬶᬦ᭄᭞ᬓᬵᬫᬚᬬᬗᬸᬘᬧᬮᭀᬦ᭄᭞ᬩᭂᬮᬶᬗᬶᬭᬶᬂᬲᬧᬓᬬᬸᬦ᭄᭞ᬗᬶᬂᬩᭂᬮᬶᬦᬸᬦᬲ᭄ᬳᬫ᭄ᬧᬸᬭ᭞ᬫᬵᬢᬹᬃᬲᬶᬲᬶᬧ᭄᭞ᬲᬯᬶᬭᬾᬄᬩᭂᬮᬶᬳᬸᬧᬫ᭟ᬗᬬᬄᬧᬥᬵᬡ᭄ᬥᬫᬯᬾᬤ᭄ᬥ᭞ [ 206 ][᭒᭐᭕ 205B]
᭒᭐᭕
ᬗᬸᬭᬸᬓᬂᬩᬾᬩᬾᬓ᭄ᬗᭂᬮᬗᬶ᭞ᬓᬧᬲᬶᬄᬗᭂᬦ᭄ᬢᬸᬗᬂᬳᬸᬬᬄ᭞ᬓᬩᬢᭂᬓ᭄ᬩᬦ᭄ᬩᭂᬮᭀᬕ᭄ᬳᬚᬸᬫ᭄᭞ᬭᬵᬚᬧᬸᬢ᭄ᬭᬶᬳᬶᬘ᭄ᬙᬦᬶᬫ᭄ᬩᬮ᭄᭞ᬳᬭᬄᬩᭂᬮᬶ᭞ᬲᬓᬾᬂᬤᬸᬯᭂᬕ᭄ᬫᬯᬗ᭄ᬲᬮᬦ᭄᭟ᬤᭀᬂᬩᭂᬮᬶᬩᬲ᭄ᬧᭂᬮᬧᬦᬦ᭄᭞ᬲᭀᬂᬩᬤᬸᬤᬦᬾᬢᬶᬢᬶᬦᬶᬦ᭄᭞ᬩᬲ᭄ᬢᬗᬃᬢᭂᬓᬾᬦ᭄ᬓᬸ᭠
ᬋᬦᬦ᭄᭞ᬘᬭᬓᬶᬫᬸᬤ᭄ᬢᬦᬶᬫᬗ᭄ᬓᬸᬄ᭞ᬳᬭᬶᬦ᭄ᬩᭂᬮᬶᬫᬗ᭄ᬭᬱᬬᬂ᭞ᬲᬓᬾᬂᬩᭂᬮᬶ᭞ᬢᭀᬂᬲᬚᬢᬺᬱ᭄ᬡᬵᬫᬲᭀᬫᬄ᭟ᬩ᭠ᬦ᭄ᬢᬲ᭄ᬧᬧᬶᬦᭂᬄᬦᬸᬗᭂᬩᬂ᭞ᬓᬮᬶᬂᬓᬾᬩᬦᬶᬦᬶᬦ᭄ᬤᬶᬳᬶᬦ᭄᭞ᬳᬕᭂᬢ᭄ᬮᬘᬸᬃᬚᭂᬮᬾᬫᭂᬮᬄ᭞ᬭᬵᬚᬧᬸᬢ᭄ᬭᬶᬫᬾᬗᭀᬲ᭄ᬗᬫ᭄ᬩᬸᬮ᭄᭞ᬓᬵᬫᬚᬬᬓᬲ᭄ᬮᭂ
ᬗᬕᬦ᭄᭞ᬳᬥᬹᬄᬳᬤᬶ᭞ᬲᬵᬫ᭄ᬧᬸᬦ᭄ᬳᬤᬶ᭞ᬲᬵᬫ᭄ᬧᬸᬦ᭄ᬳᬸᬕᬶᬲᬮᬶᬢ᭄ᬳᬃᬱ᭟ᬢ᭄ᬯᬭᬩᭂᬮᬶᬫᬓᭂᬩᬗᬦ᭄᭞ᬲᬧᬢᬸᬤᬸᬄᬜᬤ᭄ᬬᬗᬶᬭᬶᬂ᭞ᬕᬫᬦᬢᬍᬃᬭᬯᭀᬲᬂ᭞ᬲᬶᬂᬜᬢᬦ᭄ᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄᭞ᬩᭂᬮᬶᬲᬓᬾᬂᬗᬢᬓ᭄ᬯᬬᬄ᭞ᬫᬧᬶᬭᬶᬭᬶᬄ᭞ᬓᬩᬶᬱᬵᬦᬾᬦᭀᬗ᭄ᬓᬂᬦᭀ᭠
ᬗ᭄ᬓᬂ᭟ᬦᬾᬫᬗ᭄ᬓᬶᬦ᭄ᬩᭂᬮᬶᬜᬯᬶᬲᬂ᭞ᬮᬦ᭄ᬢᬸᬭᬦ᭄ᬭᬯᭀᬲᬾᬢᬸᬦᬶ᭞ᬲᬫᭂᬢᭀᬦᬾᬲᬦᬾᬧᬢ᭄ᬧᬢ᭄᭞ᬓᬂᬓᬶᬦᬸᬘᬧ᭄ᬜᬫᬘ᭠ᬢᬹᬃ᭞ᬳᬦᬾᬩᬋᬂᬳᬚᬓ᭄ᬮᭂᬓᬤ᭄᭞ᬳᬭᬶᬳᬭᬶᬬᬾᬄᬜᭀᬫ᭄ᬕᭂᬢᬶᬄᬫᬶᬯᬄᬩᬦᬄ᭟ᬲᬚ᭄ᬭᭀᬦᬶᬂᬳᬤᬰᬩᬸᬮᬦ᭄᭞ᬜᬫᬦᬾᬢᬺ᭠

[᭒᭐᭖ 206A]
᭒᭐᭖
ᬱ᭄ᬡᬵᬗᭂᬩᬕᬶᬦ᭄᭞ᬢ᭄ᬯᬭᬢᬳᬾᬦ᭄ᬫᬩᭂᬮᬲᬦ᭄᭞ᬕᬸᬫᬦ᭄ᬢᭀᬲ᭄ᬦᬸᬢᬸᬕᬂᬢᬸᬯᬸᬄ᭞ᬤᬶᬢᬸᬫᬭᬫᭂᬲᬾᬄᬳᬤᬦ᭄᭞ᬲᬂᬗᭂᬩᬕᬶᬦ᭄᭞ᬜᬫᬦ᭄ᬩᬜᬩᬸᬓᬧᬢ᭄ᬧᬢ᭄᭟ᬳᬶᬚᬮᬳᬶᬃᬓᬲᬫ᭄ᬩᬢᬂ᭞ᬳᬶᬲᬮᬩᬶᬃᬫᬶᬦᬓᬵᬤᬶ᭞ᬳᬶᬫᬓᬳᬶᬃᬫᬓᬫᬶᬯᬄ᭞ᬳᬶᬫᭀᬓ
ᬳᬶᬃᬢᬹᬢ᭄ᬲᬤᬸᬮᬸᬃ᭞ᬭᬾᬭᬤ᭄ᬭᬾᬭᭀᬤ᭄ᬬᬢ᭄ᬦᬗᭂᬩᬕ᭄᭞ᬲᬳᬶᬲᬳᬶ᭞ᬭᬭᬾᬦᬾᬤᬸᬫᬭᬍᬓᬤ᭄᭟ᬢᬸᬢᬸᬕ᭄ᬓᭂᬮᬶᬄ᭠ᬤᬰᬩᬸᬮᬦ᭄᭞ᬜᬫᬦᬾᬫᬭᬫᬕᭂᬤᬶ᭞ᬓᬾᬯᬮᬫᬓᬶᬲᬶᬤ᭄ᬢᭀᬗᭀᬲ᭄᭞ᬳᬶᬚᬮᬳᬶᬃᬫᬭᬶᬂᬢᬓ᭄ᬱᬸᬫᬲᬶᬮᬸᬫᬦ᭄ᬤᬤᬶᬤᬾᬯ᭞ᬳᬶᬲ
ᬮᬩᬶᬃ᭞ᬦᭀᬗᭀᬲ᭄ᬫᬭᬶᬂᬧᬲᬭᬾᬦᬦ᭄᭟ᬳᬶᬫᬓᬳᬶᬃᬤᬶᬧᭂᬫ᭄ᬧᬢᬦ᭄᭞ᬤᬶᬢᬸᬢᭀᬗᭀᬲ᭄ᬜᬫᬓᬶᬲᬶᬤ᭄᭞ᬳᬶ᭠ᬫᭀᬓᬳᬶᬃᬤᬶᬓᬫᬸᬮᬦ᭄᭞ᬲᬲᬸᬩᬦ᭄ᬦᬸᬢᬸᬕᬂᬢᬸᬯᬸᬄ᭞ᬲᬯᬢᬭᬓᬵᬮᬶᬄᬢᬶᬩᬦ᭄᭞ᬦᬯᬂᬫᬸᬜᬶ᭞ᬫᬗᬸᬘᬧᬂᬫᬾᬫᬾᬩᬧ᭟ᬜ᭠
ᬫᬦᬾᬲᬬᬦ᭄ᬗᭂᬚᭀᬳᬂ᭞ᬫᬓᬶᬲᬶᬤ᭄ᬮᭀᬕᬲ᭄ᬗᭂᬤᬶᬦᬶᬦ᭄᭞ᬯᬶᬭᬾᬄᬩᬜᬢᬸᬦᬋᬗᭃ᭞ᬢᭂᬓᬾᬦᬶᬂᬜᬫᬦᬾᬗᬫ᭄ᬩᬸᬮ᭄᭞ᬳᬶᬚᬮᬳᬶᬃᬫᬗᬗᬶᬦᬂ᭞ᬳᬶᬲᬮᬩᬶᬃ᭞ᬜᬸᬦᬸᬢ᭄ᬜᬸᬦᬸᬢ᭄ᬫᬗᭂᬮᭀᬤᬂ᭟ᬳᬶᬫᬓᬳᬶᬃᬫᬗᬯᬸᬳᬂ᭞ᬦᬾᬗᬚᬦᬂᬳᬶᬫᭀᬓᬳᬶᬃ᭞ᬯᭂᬓᬲ᭄ᬫ᭠ [ 207 ][᭒᭐᭖ 206B]
᭒᭐᭖
ᬳᬦ᭄ᬧᬦᬸᬕ᭄ᬭᬳᬦ᭄᭞ᬜᬫᬦ᭄ᬩᬜᬫᬓᬘᬢᬹᬃ᭞ᬢᬸᬫᬸᬮᬶᬫᬕᭂᬦ᭄ᬢᭀᬲ᭄ᬳᬤᬦ᭄᭞ᬳᬗ᭄ᬕᬧᬢᬶ᭞ᬩᬦᬲ᭄ᬧᬢᬶᬫᬓᬫᬶᬯᬄ᭟ᬫ᭄ᬭᬚᬧᬢᬶᬓᬮᬵᬯᬦ᭄᭞ᬩᬦᬲ᭄ᬧᬢᬶᬭᬵᬚᬚᬦᬶ᭞ᬩᬸᬓᬧᬢ᭄ᬧᬢ᭄ᬫᬯᬶᬰᬾᬱ᭞ᬢᬺᬱ᭄ᬡᬵᬫᬜᬫᬲᬢᬸᬯᬸᬓ᭄᭞ᬦᬵᬗ᭄ᬳᬶᬂᬬᬦ᭄ᬤᬾᬯᬾᬓᬾ
ᬋᬗᭃ᭞ᬫᬗᬸᬮᬧᬶᬦ᭄᭞ᬳᬶᬗᭂᬢ᭄ᬢᭂᬓᬾᬦᬶᬂᬲᭀᬤᭂᬢᬦ᭄᭟ᬲᬲᬳᬶᬢᬜ᭄ᬚᬾᬦ᭄ᬫᬤᬳᬃ᭞ᬲᭀᬤᬬᬂᬭᬳᬶᬦᬯᭂᬗᬶ᭞ᬳᬘᭂᬧ᭄ᬳᬭᬤ᭄ᬩᬸᬓᬧᬢ᭄ᬧᬢ᭄᭞ᬓᬵᬮᬦᭂᬧᬸᬓᬶᬦ᭄ᬧᬓᬾᬯᬸᬄ᭞ᬜᬓ᭄ᬓᭀᬦ᭄ᬓᭀᬦ᭄ᬗᬭᬓ᭄ᬱᬚᬶᬯ᭞ᬳᬗ᭄ᬕᬧᬢᬶ᭞ᬫᬚᬕᬦᭀᬗᭀᬲ᭄ᬤᬶᬫᬢ᭟ᬩ
ᬦᬲ᭄ᬧᬢᬶᬫᬭᬶᬂᬕ᭄ᬭᬦ᭞ᬫ᭄ᬭᬚᬧᬢᬶᬤᬶᬓᬸᬧᬶᬂ᭞ᬩᬦᬲ᭄ᬧᬢᬶᬭᬵᬚᬦᭀᬗᭀᬲ᭄᭞ᬤᬶᬩᬶᬩᬶᬄᬬᬢ᭄ᬦᬳᬢᬸᬗ᭄ᬕᬸ᭞ᬦᬸᬮᬓ᭄ᬲᬓᬜ᭄ᬘᬦ᭄ᬩᬜ᭄ᬘᬦ᭞ᬲᬂᬦᬸᬫᬤᬶ᭞ᬩᬜᬫᬤᬦ᭄ᬮᭂᬕᬧ᭄ᬭᬡ᭟ᬮᬸᬧᬸᬢ᭄ᬢᬦ᭄ᬓᬢᬫᬦ᭄ᬯᬶᬱ᭄ᬬ᭞ᬍᬕᬧ᭄ᬭᬡᬲᬬᬦ᭄ᬓᭂᬮᬶᬄ᭞ᬢᬸᬫᬸᬮᬶᬫᬕᭂᬦ᭄ᬢᭀᬲ᭄ᬳᬤ
ᬦ᭄᭞ᬳᬶᬢᬸᬢᬹᬃᬫᬾᬗᭂᬢ᭄ᬓᬯᬸᬯᬸᬲ᭄᭞ᬤᬾᬦᬶᬂᬳᬶᬗᭂᬢ᭄ᬢᭂᬓᬾᬦ᭄ᬜᬫ᭞ᬲᬶᬄᬓᬸᬫᬲᬶᬄ᭞ᬢᭂᬓᬾᬦ᭄ᬳᬦᬾᬳᬚᬓ᭄ᬮᭂᬓᬤ᭄᭟ᬦᬵ᭠ᬗ᭄ᬳᬶᬂᬬᬦ᭄ᬗᬮᬫᬾᬦᬄ᭞ᬜᬫᬦᬾᬗᭀᬤᬜᬓᬶᬢᬶᬦ᭄᭞ᬜᬗ᭄ᬲᬭᬾᬦ᭄ᬳᬶᬍᬕᬧ᭄ᬭᬡ᭞ᬦᬦ᭄ᬤᬂᬮᬭᬩᬭᬳᬾᬯᬸᬄ᭞ᬲᬢᬢᬲᬓᬶᬢ᭄ᬲ᭠

[᭒᭐᭗ 207A]
᭒᭐᭗
ᬓᬶᬢᬦ᭄᭞ᬓᬬᬂᬓᭂᬮᬶᬄ᭞ᬳᬯᬦᬦ᭄ᬤᬤᬶᬲᬗ᭄ᬲᬭ᭟ᬢᭀᬂᬦᬯᬂᬲᭂᬕᭂᬃᬳᬩᬸᬮᬦ᭄᭞ᬜᬫᬦᬾᬕᭂᬤᭂᬕ᭄ᬜᬓᬶᬢᬶᬦ᭄᭞᭠ᬜᬸᬢᬶᬭᬹᬧᬫᬲᬶᬮᬸᬫᬦ᭄᭞ᬲᬲᬳᬶᬢᭂᬓᬗᬋᬩᬸᬢ᭄᭞ᬫᬢᭂᬫᬳᬦ᭄ᬪᬹᬢᬓᬵᬮ᭞ᬤᭂᬗᭂᬦ᭄ᬤᬾᬱ᭄ᬝᬶ᭞ᬜᬗ᭄ᬓᬮᬾᬦ᭄ᬲᬤᬶᬦᬤᬶᬦ᭟ᬭᬵᬚ᭠
ᬧᬸᬢ᭄ᬭᬶᬜᭂᬮᬕ᭄ᬦᬶᬫ᭄ᬩᬮ᭄᭞ᬯ᭄ᬬᬓ᭄ᬢᬶᬧᬗᬦ᭄ᬤᬶᬓᬦ᭄ᬩᭂᬮᬶ᭞ᬫᬺᬢ᭄ᬣᬫᬢᭂᬫᬳᬦ᭄ᬯᬶᬱ᭄ᬬ᭞ᬨᬮᬦ᭄ᬮᬾᬗᬳᬶᬯᬂᬲᭂᬗ᭄ᬕᬸᬄ᭞ᬮᬮᬶᬭᬶᬂ᭠ᬫᬸᬮᬫᬜᬫ᭞ᬢᬸᬗ᭄ᬕᬮ᭄ᬩᬶᬩᬶ᭞ᬲᬫᭂᬢᭀᬦᬾᬩᬋᬂᬍᬓᬤ᭄᭟ᬳᬭᬶᬦ᭄ᬩᭂᬮᬶᬜᬹᬓ᭄ᬱᭂᬫᬬᬂ᭞ᬢᬸᬢᬹᬃᬩᭂᬮᬶᬮᬶᬦ᭄ᬢᬂᬲᬶᬗ᭄ᬕᬶᬄ᭞ᬳᬤᬸᬂᬭᬶᬂᬧᬧᬶᬦᭂᬄ
ᬢᬶᬢ᭄ᬬᬂ᭞ᬦᬾᬧᬗ᭄ᬕᬶᬄᬫᬸᬗ᭄ᬕᬄᬭᬶᬂᬢᬸᬢᬹᬃ᭞ᬫᬗ᭄ᬓᬶᬦ᭄‌ᬬᬦ᭄ᬳᬶᬗᭂᬭᬶᬗᭂᬭᬂ᭞ᬲᬂᬤᬸᬫᬤᬶ᭞ᬢᬦ᭄ᬧᬾᬦ᭄ᬤᬄᬬᬦᬶᬂᬳᬶᬫ᭄ᬩᬗᬂ᭟ᬫᬲᬫᭂᬢᭀᬦ᭄ᬲᬋᬂᬧᬢ᭄ᬧᬢ᭄᭞ᬓᬤᬶᬓᬦ᭄ᬤᬦ᭄ᬚᬕᬢ᭄ᬩᬮᬶ᭞ᬯᬾᬦ᭄ᬢᭂᬦ᭄ᬘᬢᬹᬃᬮᭀᬓᬨᬮ᭞ᬧᬶᬦ᭄ᬤᬬᬂᬫᬭᬹᬧᬕᬸᬦᬸᬂ᭞ᬪᬓ᭄ᬢᬶᬦᬶᬦ᭄ᬳᬚᬓ᭄ᬫᬓᭂᬚᬂ᭞ᬭ᭠
ᬯᬸᬄᬫᬗ᭄ᬓᬶᬦ᭄᭞ᬧᬸᬦᬶᬓᬕᬸᬦᬸᬂᬧᬢ᭄ᬧᬢ᭄᭟ᬮᬫ᭄ᬧᬸᬬᬂᬮᬦᬦ᭄ᬤᬓᬲ᭞ᬯᬢᬸᬓᬭᬸᬩ᭄ᬭᬢᬦ᭄ᬫᬮᬶᬄ᭞ᬦᬾᬫᬕᭂᬦᬄᬜ᭠ᬢᬹᬃᬤᬾᬰ᭞ᬫᬭᬶᬂᬢᭂᬗᬄᬕᬸᬦᬸᬂᬳᬕᬸᬂ᭞ᬲᬓᬵᬮᬬᬂᬍᬕᬧ᭄ᬭᬡ᭞ᬭᬭᬾᬳᬮᬶᬢ᭄᭞ᬧᬗᬶᬫ᭄ᬩᬂᬳᬗ᭄ᬕᬰᬭᬶᬭ᭟ᬲᬧᬸᬦᬶᬓᬬᬦ᭄ᬓᬫᬦᬄ᭞ [ 208 ][᭒᭐᭗ 207B]
᭒᭐᭗
ᬓᬵᬫᬚᬬᬫᬜᬳᬸᬭᬶᬦ᭄᭞ᬧᬗᬶᬫ᭄ᬩᬂᬳᬤᬶᬢᬦ᭄ᬲᬶᬫ᭄ᬧᬂ᭞ᬪ᭄ᬯᬦᬳᬮᬶᬢ᭄‌ᬪ᭄ᬯᬦᬳᬕᬸᬂ᭞ᬳᬯᬦᬦ᭄ᬲᬩᬶᬮᬂᬓᬵᬃᬬ᭄ᬬᬧᬹᬚᬵᬯᬮᬶ᭞ᬤᬶᬩᭂᬲᬓᬶᬄᬫᬭᬶᬂᬧᬸᬭ᭟ᬳᬸᬮᬸᬦ᭄ᬓᬸᬮ᭄ᬓᬸᬮ᭄ᬫᬶᬯᬄᬕᭂᬮᬧ᭄᭞ᬩᬢᬸᬫᬤᭂᬕ᭄ᬫᬶᬦᬓᬵᬤᬶ᭞ᬓᬶᬤᬸᬮᬶᬂᬓᬺᬢᭂᬕ᭄ᬗᬢᬶᬩᬦ᭄᭞ᬯᬾᬦ᭄ᬢᭂᬦ᭄ᬳᬘᬶᬪ
ᬓ᭄ᬢᬶᬘᬢᬹᬃ᭞ᬲᬲᭂᬫ᭄ᬩᬳᬦ᭄ᬜᬢᬹᬃᬤᬾᬰ᭞ᬓᬯᬸᬄᬓᬗᬶᬦ᭄᭞ᬓᬚᬓᭂᬮᭀᬤ᭄ᬤᬶᬢᬸᬗᬸᬗᬂ᭟ᬤ᭄ᬯᬦᬶᬂᬩᭂᬮᬶᬫᭂᬲᬚᬬᬂ᭞ᬧᬶᬢᬸᬢᬹᬃᬳᬦᬓᬾᬮᬶᬗ᭄ᬲᬶᬃ᭞ᬗᬶᬫ᭄ᬩᬗᬂᬳᬗ᭄ᬕᬰᬭᬷᬭ᭞ᬫᬩᬦ᭄ᬢᬂᬩᬦ᭄ᬤᬰᬩᬬᬸ᭞ᬧᬸᬭᬦᬾᬤᬶᬢᬸᬫᬓᭂᬚᬂ᭞ᬤᬶᬩᭂᬲᬓᬶᬄ᭞ᬳᬯᬦᬦ᭄ᬳᬤᬧᬜᬫ᭄ᬩ
ᬢ᭄᭟ᬓᬬᬂᬚᬦᬶᬓᬳᬸᬘᬧᬂ᭞ᬤᬾᬯᬦᬾᬤᬶᬤᬾᬲᬾᬓ᭄ᬚᬢᬶ᭞ᬦᬵᬗ᭄ᬳᬶᬂᬩᬜᬢ᭄ᬯᬭᬋᬗᭃ᭞ᬗᬭᬯᭀᬲ᭄ᬧᭂᬮᬶᬄᬲᬲᬸᬤᬸᬓ᭄᭞ᬩᬦ᭄ᬩᭂᬮᭀᬕᬾᬢ᭄ᬯᬭᬦᬯᬂ᭞ᬲᬸᬤᬸᬓ᭄ᬫᬸᬜᬶ᭞ᬓᬾᬯᬮᬩᬶᬱᬜᬫ᭄ᬩᬢᬂ‌᭟ᬮᬶᬬᬸᬦᬦ᭄ᬲᬮᬄᬓᬤᬾᬦᬦ᭄᭞ᬓᬩᬢᭂᬓ᭄ᬩᭂᬮᭀ
ᬕ᭄ᬫᬶᬦᭂᬳᬶᬦ᭄᭞ᬳᬦᬾᬧᬳᭂᬓ᭄ᬓᬦ᭄ᬢᭂᬦ᭄ᬳᭂᬚᭀᬄ᭞ᬧᬢᬶᬕᬩᬕ᭄ᬧᬢᬶᬓᭂᬧᬸᬕ᭄᭞ᬭᬵᬚᬧᬸᬢ᭄ᬭᬶᬜᭂᬮᬕ᭄ᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬩᭂᬮᬶ᭞ᬓᬤᬶᬧᬸᬦᬶᬓᬧᬸᬗ᭄ᬕᭂᬮᬂ᭟ᬤᬸᬭᬸᬲᬂᬫᬗ᭄ᬓᬶᬦ᭄ᬫᬫᬵᬃᬕ᭄ᬕ᭞ᬲᬯᬶᬭᬾᬄᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬲᬶᬂᬜᬯᬾᬦ᭄ᬢᭂᬦ᭄ᬦᬾᬦᬗᭂᬳᬂ᭞ᬇᬭᬶᬓᬶᬓᬦ᭄ᬢᬸᬦ᭄ᬗ᭠

[᭒᭐᭘ 208A]
᭒᭐᭘
ᬭᬸᬓ᭄ᬭᬸᬓ᭄᭞ᬩᬶᬮᬶᬄᬯᬾᬦ᭄ᬢᭂᬦ᭄ᬫᬜᬃᬯ᭄ᬯᬓᬂ᭞ᬳᬭᬶᬦ᭄ᬩᭂᬮᬶ᭞ᬮᬾᬬᬓ᭄ᬫᬢᬄᬓᬢᭂᬦᬗᬦ᭄᭟᭜᭟ᬤᬹᬃᬫ᭄ᬫ᭟᭜᭟ᬕᬕᬜ᭄ᬘᬗ᭠ᬦ᭄ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬲᬓᬾᬂᬧᬸᬭᬫᬕᬶᬗ᭄ᬲᬶᬃ᭞ᬯᬸᬲ᭄ᬢᬢᬲ᭄ᬭᬳᬶᬦ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬢᬭ᭞ᬳᬦ᭄ᬢᬸᬓ᭄ᬲᬂᬚᬕᬓᬘᬭᬶᬓ᭄᭞ᬲᭂᬫᭂᬂᬦ᭄ᬤᬕ᭄ᬲᬹᬃ
ᬬ᭄ᬬ᭞ᬫᬓᬵᬃᬬ᭄ᬬᬓᬧ᭄ᬭᬣᬶᬯᬶ᭟ᬲᬵᬫ᭄ᬧᬸᬦ᭄ᬓᬝᬄᬚᬤ᭄ᬫᬭᬯᬸᬄᬦᬶᬓᬸᬮ᭄ᬢᬫ᭄ᬩᬄ᭞ᬯᬾᬦ᭄ᬢᭂᬦ᭄ᬗᭂᬢᬓᬂᬲᬫ᭄ᬧᬶ᭞ᬫᬢᭂᬓᬧ᭄ᬭᬶᬂᬲᬯᬄ᭞ᬲᬂᬓᬵᬮᬶᬄᬩᭂᬘᬢ᭄ᬲᬾᬧᬦ᭄᭞ᬭᬶᬂᬧᬸᬦ᭄ᬤᬸᬓᬦᬾᬫᬫᬵᬃᬕ᭄ᬕᬶ᭞ᬗᭂᬮᭀᬤ᭄ᬓᬯᬸᬳᬂ᭞ᬢᬦ᭄ᬧᬦᭀᬮᬶᬄᬓᬲᬫ᭄ᬧᬶᬂ᭟ᬓᬤᬶᬭᬸᬗ᭄ᬓᬧᬫᬵᬃᬕ᭄ᬕᬶᬦᬾᬕᬕᭂ᭠
ᬮᬶᬲᬦ᭄᭞ᬦᬸᬯᬸᬢ᭄ᬧᬸᬦ᭄ᬤᬸᬓᬦ᭄ᬳᬮᬶᬢ᭄᭞ᬦᬫ᭄ᬧᬶᬂᬚᬮᬶᬂᬚᬶᬗᬦ᭄᭞ᬫᬓᬤᬶᬦ᭄ᬭᬶᬂᬜᬭᬗᬦ᭄᭞ᬧᬸᬦ᭄ᬤᬸᬓᬦᬾᬓᬮᬸᬤ᭄ᬩᭂᬮᬶᬕ᭄᭞ᬓᬶᬭᬂᬲᬬᬕ᭞ᬫᬲᭂᬭᭀᬤ᭄ᬭᬵᬚᬧᬸᬢ᭄ᬭᬶ᭟ᬳᭀᬕᬦ᭄ᬭᬸᬦ᭄ᬢᬸᬄᬫᭂᬫᭂᬫᬦ᭄ᬢᭂᬗᬄᬜᬭᬗᬦ᭄᭞ᬪᬹᬱᬡᬩᭂᬮᬸᬲ᭄ᬮᬶᬘᬶᬢ᭄᭞ᬭᬶᬂᬦ᭄ᬤᬸᬢᬾᬫᬕᬸᬬᬂ᭞ᬭᬵᬚ
ᬧᬸᬢ᭄ᬭᬶᬗᬢᬩ᭄ᬢᬩ᭄᭞ᬓᬵᬫᬚᬬᬫᬜᬕ᭄ᬚᬕᬶᬦ᭄᭞ᬗᭂᬤᭂᬢᬶᬦ᭄ᬢᬗᬦ᭄᭞ᬭᬵᬚᬧᬸᬢ᭄ᬭᬶᬫᬢᬗᬶ᭟ᬫᬘᬶᬂᬘᬶᬗᬦ᭄ᬤᬶᬳᬕᬾᬫᭂ᭠ᬘᬶᬓᬂᬯᬵᬲ᭄ᬢ᭄ᬭ᭞ᬫᬓᭂᬘᭀᬲ᭄ᬭᬸᬦ᭄ᬢᬸᬄᬫᬮᬶᬄ᭞ᬓᬗᭂᬦ᭄ᬓᬵᬫᬚᬬ᭞ᬫᬵᬲ᭄ᬫᬶᬭᬄᬅᬢ᭄ᬫᬚᬶᬯ᭞ᬫᬢᭂᬕ᭄ᬢᭂᬕᬦ᭄ᬤᬸᬫᬸᬦ᭄ᬳᬤᬶ᭞ᬗᬶᬭᬶᬂᬫᬮᭀᬦᬦ᭄᭞ᬫ [ 209 ][᭒᭐᭘ 208B]
᭒᭐᭘
ᬫᬵᬃᬕ᭄ᬕᬦᬸᬯᬸᬢ᭄ᬮᬶᬲᬶᬕ᭄᭟ᬫᬗ᭄ᬤᬲᬵᬫ᭄ᬧᬸᬦ᭄ᬳᬤᬶᬭᬸᬦ᭄ᬢᬸᬄᬩᬸᬲᬦ᭄ᬩᬸᬲᬦ᭄᭞ᬭᬵᬚᬧᬸᬢ᭄ᬭᬶᬜᬳᬸᬭᬶᬦ᭄᭞ᬥᬹᬄᬲᬓᬾᬂᬩᬩᬾᬤᬦ᭄᭞ᬧᬚᬮᬦᬾᬫᬢᬸᬮᬓ᭄᭞ᬲᬸᬩᬢᬗᬃᬳᬸᬮᬶᬢᬸᬦᬶ᭞ᬫᬲᬶᬄᬲᬗ᭄ᬓᬮ᭞ᬫᬾᬄᬮᬘᬸᬭᬾᬫᬘᬶᬭᬶ᭟ᬩᬶᬮᬂᬤᬗ᭄ᬓᬢᭂᬓᬦᭂᬧᬸᬓᬶᬦ᭄ᬩᬜ᭄ᬘᬦ᭞ᬓᬵ
ᬫᬚᬬᬜᬳᬸᬭᬶᬦ᭄᭞ᬧᬧᬓ᭄ᬳᬤᬶᬭᬫ᭄ᬩᬂ᭞ᬢᭀᬂᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬲᬭᬬᬂᬢᬶᬢᬄᬳ᭄ᬬᬂᬯᬶᬤ᭄ᬥᬶ᭞ᬩᬸᬓᬲᬲᭀᬗ᭄ᬕᬦ᭄᭞ᬳᬸᬭᬶᬧᬾᬩᬳᬦ᭄ᬜᬶᬮᬶᬄ᭟ᬢ᭄ᬯᬭᬤᬤᬶᬩᭂᬮᬶᬳᬤᬶᬫᬓᭂᬮᬢᬂ᭞ᬚᬮᬦ᭄ᬩᬋᬂᬢᬦ᭄ᬤᬗᬶᬦ᭄᭞ᬗᬮᬶᬄᬧᬜᬸᬧᬢᬦ᭄᭞ᬯᭂᬓᬲᬦ᭄ᬤᬶᬦᬶᬲ᭄ᬓᬵᬮ᭞ᬳ
ᬧᬗᬩᬜᬦᭂᬧᬸᬓᬶᬦ᭄᭞ᬲᬸᬓᬵᬲᬢᬢ᭞ᬢᬦ᭄ᬓᬢᬫᬦᬦ᭄ᬲᭂᬤᬶᬄ᭟ᬫᬲᬳᬤᬶᬢᬦᬾᬮᬶᬂᬭᬶᬂᬧᬗᬦ᭄ᬤᬶᬓᬦ᭄᭞ᬤᬦᬾᬳᬦᬓᬾᬮᬶᬗ᭄ᬲᬶᬃ᭞ᬗᬦ᭄ᬤᬶᬓᬬᬂᬩᬸᬤᬮ᭄᭞ᬩᭂᬮᬶᬳᬤᬶᬫᬢᬸᬮᬓ᭄᭞ᬓᬧᬤᬸᬓ᭄ᬯᬦ᭄ᬢᬫᬦ᭄ᬩᬮᬶ᭞ᬲᬓᬾᬂᬧᬶᬲᬭᬢ᭄᭞ᬗᬕᭂᬦ᭄ᬗᭂᬢᭀᬳᬂᬳᬸ᭠
ᬭᬶᬧ᭄᭟ᬜᬤ᭄ᬬᬩᭂᬮᬶᬦᬯᬸᬃᬳᬸᬢᬂᬭᬶᬂᬓᬯᬶᬢᬦ᭄᭞ᬭᬵᬚᬧᬸᬢ᭄ᬭᬶᬜᬳᬸᬭᬶᬦ᭄᭞ᬳᬭᬶᬦ᭄ᬩᭂᬮᬶᬩᬾᬩᬲ᭄᭞ᬗᬶᬭᬶᬂᬩᭂᬮᬶᬲᬮ᭠ᬫ᭄ᬧᬄ᭞ᬤᭀᬄᬧᬭᬧᬘᬂᬫᬓᬶᬭᬶᬕ᭄᭞ᬕᬫᬦᬲᬫ᭄ᬩᬢ᭄᭞ᬩᬜ᭄ᬘᬦᬦᬾᬢᬦ᭄ᬫᬭᬶ᭟ᬗᬶᬭᬶᬂᬩᭂᬮᬶᬦᬾᬫᬗ᭄ᬓᬶᬦ᭄ᬫᬮᬶᬄᬫᬫᬵᬃᬕ᭄ᬕ᭞ᬚᬕᬦᬧᬶᬇᬭᬶ᭠

[᭒᭐᭙ 209A]
᭒᭐᭙
ᬓᬶ᭞ᬓᬢᬄᬧᬯᬶᬮᬗᬦ᭄᭞ᬲᬂᬓᬵᬮᬶᬄᬭᬭᬶᬲ᭄ᬓᬾᬲᬄ᭞ᬗᭂᬮᭀᬤ᭄ᬓᬯᬸᬳᬂᬫᬫᬵᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂ᭞ᬤᬾᬰᬫᭂᬦᬗᬫᬗ᭄ᬓᬶᬦ᭄᭟ᬫᭂᬕᬢ᭄ᬢᬸᬓᬤ᭄ᬗᬯᬸᬳᬂᬲᬓᬾᬂᬇᬭᬶᬓᬵ᭞ᬤᬾᬰᬩᬂᬩᬂᬓᬧᬗ᭄ᬕᬶᬄ᭞ᬯᬾᬦ᭄ᬢᭂᬦ᭄ᬳᬦᬓ᭄ᬳᭀᬮᬲ᭄᭞ᬗᬸᬯᬾᬳᬶᬦ᭄ᬫᬤᬸᬦᬸᬗᬦ᭄᭞ᬧᭀᬮᬶᬄᬗᬋ
ᬋᬧ᭄ᬳᬯᭂᬗᬶ᭞ᬩᬾᬜ᭄ᬚᬂᬲᭂᬫᭂᬗᬦ᭄᭞ᬧ᭄ᬭᬤᬂᬫᬮᬶᬄᬫᬫᬵᬃᬕ᭄ᬕᬶ᭟ᬫᬸᬭᬂᬫᬸᬭᬂᬲᬓᬾᬂᬇᬭᬶᬓᬵᬗᭂᬮᭀᬤᬂ᭞ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬢᭂᬧᭂᬢ᭄ᬢᬚᭂᬕ᭄ᬲᬹᬃᬬ᭄ᬬ᭞ᬗᭂᬦ᭄ᬢᬧ᭄ᬤᬾᬰᬫᬯᬵᬱ᭄ᬝ᭞ᬲᬶᬤᭂᬫ᭄ᬩᬸᬦᬸᬢ᭄ᬤᭂᬮᭀᬤ᭄ᬩᬸᬓᬶᬢ᭄᭞ᬦᬸᬮᬶᬫᬭᬵᬃᬬ᭄ᬬᬦ᭄᭞ᬳᬦ᭄ᬢᬸᬓ᭄ᬮᭂᬲᬸᬫᬫᬵᬃᬕ᭄ᬕᬶ᭟ᬯᬾᬦ᭄ᬢᭂᬦ᭄ᬧᭂᬗ᭄ᬕ
ᬓ᭄ᬫᬕᭂᬦᬄᬭᬶᬂᬧᬶᬗ᭄ᬕᬶᬃᬤᬾᬰ᭞ᬇᬭᬶᬓᬵᬲᬋᬂᬓᬵᬮᬶᬄ᭞ᬜᬮᬾᬫ᭄ᬧᭀᬄᬫᬭᬵᬃᬬ᭄ᬬᬦ᭄᭞ᬫᬲᬤᬄᬫᬢᭂᬕ᭄ᬢᭂᬕᬦ᭄᭞ᬫᬓᭀᬘᭀᬕᬦ᭄ᬧᭂᬮᬸᬄᬧᬶᬤᬶᬢ᭄᭞ᬳᭀᬧᭂᬓ᭄ᬓᭂᬩᬸᬲᬦ᭄᭞ᬲᬃᬯ᭄ᬯᬶᬫᬳᬶᬮᬶᬳᬶᬮᬶᬄ᭟ᬤᬸᬭᬸᬂᬯᬾᬦ᭄ᬢᭂᬦ᭄ᬳᬧᬗᬶᬦᬂᬫᬢᭂᬕ᭄ᬢᭂᬕᬦ᭄᭞ᬲᬕᬾᬢ᭄ᬳᬮᬶᬢ᭄ᬳᬮᬶᬢ᭄᭞
ᬭᬯᬸᬄᬫᬭᬦ᭄ᬢᬩᬦ᭄᭞ᬫᬗ᭄ᬕᬸᬳᬂᬳᬦᬓ᭄ᬢᬯᬄ᭞ᬭᬶᬂᬧᭂᬗ᭄ᬕᬓᬾᬲᬋᬂᬓᬵᬮᬶᬄ᭞ᬓᬧᬶᬢᬳᭂᬦᬂ᭞ᬳᬦᬓ᭄ᬩᬸᬤᬸᬄᬮᬸᬄᬫ᭄ᬯᬦᬶ᭟ᬫᬓᬫ᭄ᬩᭂᬦ᭄‌‌ᬯᬾᬓ᭄ᬧᬲᬸᬭᬦ᭄ᬢᬶᬂᬗᭀᬕᬾᬢ᭄ᬦᭂᬕᬓ᭄᭞ᬯᬾᬦ᭄ᬢᭂᬦ᭄ᬫᬢᬸᬮᬓ᭄ᬫᬸᬮᬶᬄ᭞ᬕᭂᬲᬄᬫᬧᬶᬳᭀᬭᬄ᭞ᬭᬶᬂᬫᬾᬫᬾᬮᬦ᭄ᬩᬧᬦ᭄ᬬ᭞ᬬᬦᬶ᭠ [ 210 ][᭒᭐᭙ 209B]
᭒᭐᭙
ᬧᬸᬦ᭄ᬯᬯᬸᬫᬗ᭄ᬕᬶᬳᬶᬦ᭄᭞ᬭᬶᬂᬧᬶᬗ᭄ᬕᬶᬃᬤᬾᬰ᭞ᬚᬤ᭄ᬫᬩᭂᬦᭂᬄᬮᬸᬄᬫ᭄ᬯᬦᬶ᭟ᬜᬾᬢ᭄ᬲᬾᬢ᭄ᬓᬫ᭄ᬩᭂᬦ᭄ᬫᬢᬓᭂᬄᬩᬸᬤᬸᬄᬩᬸᬤᬸᬳᬦ᭄᭞ᬦᬾ᭠ᬫ᭄ᬯᬦᬶᬩᬕᬸᬲ᭄ᬕᭂᬜ᭄ᬚᬶᬂ᭞ᬦᬾᬮᬸᬄᬚᭂᬕᬾᬕ᭄ᬗᬬᬂ᭞ᬭᬭᬫᬦ᭄ᬜᬗᬾᬗ᭄ᬕᬮᬂ᭞ᬫᭂᬤᬮ᭄ᬫᬓᬶᬢᬦᭂᬮᭀᬓᬶᬦ᭄᭞ᬳᬗᭀᬩ᭄ᬗᬦ᭄ᬢᭂᬦᬂ᭞ᬲᬂᬓᬵᬮᬶᬄᬦᭂ᭠
ᬕᬓ᭄ᬓᬭᬶ᭟ᬭᬶᬂᬧᭂᬗ᭄ᬕᬓᬾᬫᬲᬤᬄᬩᭂᬗᭀᬂᬗᬦ᭄ᬢᭂᬦᬂ᭞ᬳᬮᬶᬢ᭄ᬳᬮᬶᬢᬾᬩᬗ᭄ᬕᬶ᭞ᬗᬭᬸᬜᬸᬂᬦᭂᬲᭂᬓᬂ᭞ᬦᬂᬮᬕᬲ᭄ᬜᬫ᭄ᬩᬢ᭄ᬲᬭ᭞ᬭᬭᬾᬳᬗᭀᬦᬾᬦᭂᬲᭂᬓᬶᬦ᭄᭞ᬩᬗ᭄ᬭᬲ᭄ᬫᬧᬚᬃ᭞ᬓᭂᬫᭀᬧᬥᬫᬕᭂᬤᬶ᭟ᬳᬧᬤᬶᬦᬶᬧᬩᬮᬶᬄᬳᬚᬓ᭄ᬫᬓᭂᬚᬂ᭞ᬲᬫ᭄ᬩᭂᬄᬲᬫᬶᬫᭂᬮᬳᬶ
ᬩ᭄᭞ᬲᬯᬶᬭᬾᬄᬓᬤᬫ᭄ᬧ᭄ᬭᬢ᭄᭞ᬳᬮᬶᬢ᭄ᬳᬮᬶᬢᬾᬩᬩᬂ᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬫᬢᬗᬶᬓᬾᬲᬄ᭞ᬗᬸᬦ᭄ᬢᬸ᭠ᬮ᭄ᬲᭂᬫᬸᬓᬩᬶᬮ᭄ᬩᬶᬮ᭄᭟ᬫᬗᬦ᭄ᬢᭂᬦᬂᬢᬫ᭄ᬩᬸᬗᬦᬾᬲᬬᬦ᭄ᬓᬢᬄ᭞ᬧᬘ᭄ᬮᬸᬩ᭄ᬘᬸᬩ᭄ᬗᬭᬯᬸᬳᬶᬦ᭄᭞ᬢᬦ᭄ᬧᬦᭀᬮᬶᬄᬳᬸᬦ᭄ᬢᬢ᭄᭞ᬗᬯᬸᬳᬂᬫᬓᬶᬍ
ᬲᬦ᭄᭞ᬦᬂᬮᬕᬲ᭄ᬩᭂᬗᭀᬂᬗᬶᬮᬶᬗᬶᬦ᭄᭞ᬢᬦ᭄ᬫᬘᬧᬢᬦ᭄᭞ᬭᬶᬂᬢᬫ᭄ᬬᬸᬦᬾᬫᬕᭂᬤᬶ᭟ᬜᬸᬦᬸᬢ᭄ᬜᬸᬦᬸᬢ᭄ᬗᬸᬗ᭄ᬲᬶᬳᭂᬩᭂᬢ᭄ᬤᬯᬸᬄᬤᬾᬰ᭞ᬲᬵᬫ᭄ᬧᬸᬦ᭄ᬳᬶᬘᬮ᭄ᬲᬂᬓᬵᬮᬶᬄ᭞ᬯᬯᬸᬫᬧᬗᭂᬦᬦ᭄᭞ᬦᬂᬮᬕᬲ᭄ᬭᬶᬂᬲᭀᬫᬄᬜ᭞ᬓᬸᬤᬢᭀᬂᬩᬓᬢ᭄ᬢᬓᭀᬦᬶᬦ᭄᭞ᬳᬦᬓᬾ᭠

[᭒᭑᭐ 210A]
᭒᭑᭐
ᬩᬸᬲᬦ᭄᭞ᬩᬸᬗᬸᬢᬾᬩᬸᬓᬚᬳᬶᬢ᭄᭟ᬲᬓᬾᬂᬳᬗᭀᬩ᭄ᬓᬧᬶᬗᭀᬦ᭄ᬚᬢᬶᬗᬦ᭄ᬢᭂᬦᬂ᭞ᬳᬦᬓᬾᬦ᭄ᬢᭀᬮᬸᬄᬫ᭄ᬯᬦᬶ᭞ᬢ᭄ᬯᬭᬓᬧᭀᬢᬸᬭᬄ᭞ᬲᬚᬩᬸᬤᬸᬄᬩᬸᬤᬸᬳᬦ᭄᭞ᬚᭂᬕᬾᬕ᭄ᬩᬕᬸᬲᬾᬲᬢᬦ᭄ᬤᬶᬂ᭞ᬲᬳᬸᬃᬫᬾᬦ᭄ᬮᬕᬲ᭄᭞ᬢᬓᭂᬄᬬᬦ᭄ᬢ᭄ᬯᬭᬧᭂᬮᬶᬄ᭟ᬫᬾᬄᬢᬾᬦᬾ
ᬦᬦ᭄ᬳᬦᬾᬫᬵᬤᬦ᭄ᬓᬵᬫᬚᬬ᭞ᬧᬸᬢᬸᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬦᬾᬫ᭄ᬯᬦᬶᬳᬶᬩᬸᬲᬦ᭄᭞ᬳᬦᬾᬮᬸᬄᬚᭂᬕᬾᬕ᭄ᬗᬬᬂ᭞ᬫᬶᬭᬶᬩ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬓᭀᬦᬾᬫᬭᬗ᭄ᬓᬢ᭄᭞ᬳᬸᬮᬶᬤᬶᬢᬫᬦ᭄ᬩᬮᬶ᭟ᬯᬯᬸᬳᬾᬮᬶᬂᬦᬂᬮᬕᬲ᭄ᬭᬶᬂᬤᬤᬯᬸᬳᬦ᭄᭞ᬩᬜ᭄ᬚᬭᬾᬲᬵᬫ᭄ᬧᬸᬦ᭄ᬮᬫᬶ᭞ᬓ
ᬢᬸᬤᬸᬄᬜᭂᬋᬧᬂ᭞ᬬᬦ᭄ᬲᬤ᭄ᬬᬧᭀᬮᬶᬄᬳᬸᬧᬄ᭞ᬢᭂᬕᬮ᭄ᬳᬘᬸᬢᬓ᭄ᬮᬦ᭄ᬘᬭᬶᬓ᭄᭞ᬲᬂᬗᬘᬸᬦ᭄ᬤᬸᬓᬂ᭞ᬧᬫᬵᬃᬕ᭄ᬕᬦ᭄ᬭᬵᬚᬧᬸᬢ᭄ᬭᬶ᭟ᬓᬭᭀᬭᭀᬤᬂᬳᬦ᭄ᬢᬸᬓ᭄ᬳᬶᬧᬸᬦ᭄ᬓᬵᬫᬚᬬ᭞ᬳᬕᬾᬦᬂᬮᬕᬲ᭄ᬭᬭᬶᬲ᭄᭞ᬫᬫᬵᬃᬕ᭄ᬕᬶᬜᬤᭀᬓᬂ᭞ᬓᬚᬸᬫᬄᬓ᭄ᬮᬶᬬᬂᬩᬜ᭄ᬚᬃ᭞ᬢᬦᬸᬘᬧᬦ᭄ᬲᬫ
ᬫᬫᬵᬃᬕ᭄ᬕᬶ᭞ᬓᬦ᭄ᬢᬸᬦ᭄ᬜᬤᭀᬓᬂ᭞ᬦᬾᬫᬗ᭄ᬓᬶᬦ᭄ᬳᬸᬘᬧ᭄ᬫᬮᬶᬄ᭟ᬭᬵᬚᬧᬸᬢ᭄ᬭᬶᬜᬸᬦᬸᬢ᭄ᬲᬋᬂᬓᬫᬚᬬ᭞ᬭᬶᬂᬤᬯᬸᬄᬤᬾᬰᬫᬗ᭄ᬕᬶᬄ᭞ᬩᭂᬢ᭄ᬫᬭᬹᬧᬳᬮᬲ᭄᭞ᬓᬓᬬᭀᬦᬦ᭄ᬚᬭᬓ᭄ᬩᬂ᭞ᬇᬭᬶᬓᬵᬦᬸᬮᬶᬲᬂᬓᬵᬮᬶᬄ᭞ᬧᭀᬮᬶᬄᬜᬸᬦ᭄ᬤᬸᬓᬂ᭞ᬳᬦᬓ᭄ᬫᬧᬶᬓᬢ᭄ᬧᬓ᭄ᬱᬶ᭟᭠ [ 211 ][᭒᭑᭐ 210B]
᭒᭑᭐
ᬲᬤᬩᬗ᭄ᬕ᭄ᬭᬲ᭄ᬧᬚᬭᬶᬧᬸᬦ᭄ᬲᬫᬧᬶᬓᬢ᭄᭞ᬳᬭᬄᬚ᭄ᬭᭀᬲᬋᬂᬓᬵᬮᬶᬄ᭞ᬗᬸᬤᬘ᭄ᬮᬧᬢ᭄‌ᬘ᭄ᬮᬧᬢ᭄᭞ᬜᭂᬮᬕ᭄ᬳᬦᬓ᭄ᬫᬧᬶᬓᬢ᭄᭞ᬓᭂᬤᬶᬲᬾᬋᬗᬲ᭄ᬫᭂᬮᬳᬶᬩ᭄᭞ᬲᬓᬾᬂᬩᬩᬾᬤᬦ᭄᭞ᬢᭀᬂᬗᭂᬮᬄᬲᭂᬫᬸᬕᬢᬶ᭟ᬓᬲ᭄ᬮᭂᬗᬕᬦ᭄ᬓᬶᬸᬫᬶᬸᬦ᭄ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬤᬾᬦᬶᬂᬢ
ᬦ᭄ᬲᬾᬗᭂᬄᬚᬢᬶ᭞ᬭᬶᬂᬳᬦᬓ᭄ᬫᬧᬶᬓᬢ᭄᭞ᬧᬲᬳᬸᬭᬾᬗᭂᬤᬶᬳᭀᬮᬲ᭄᭞ᬥᬹᬄᬲᬵᬫ᭄ᬧᬸᬦᬂᬲᬮᬶᬢ᭄ᬢᬫ᭄ᬧᬶ᭞ᬩᭀᬬᬜᭂ᭠ᬮᬧᬂ᭞ᬢᬶᬢ᭄ᬬᬂᬳᬶᬯᬂᬧᬫᬵᬃᬕ᭄ᬕᬶ᭟ᬦᬾᬦ᭄ᬢᭂᬦ᭄ᬫᭂᬗᬢᬶᬢ᭄ᬬᬂᬭᬶᬂᬚ᭄ᬭᭀᬦᬾᬫᬧᬶᬓᬢ᭄᭞ᬩᭀᬬᬲᬗ᭄ᬓᬦᬶᬂᬚᬳᬶᬮ᭄᭞ᬢᬶᬢ᭄ᬬᬂᬫᬦᬯᭂᬕᬂ᭞ᬫᬫᬶᬢᬂᬧᬗ
ᬫ᭄ᬧᬸᬭ᭞ᬲᬕᬾᬢ᭄ᬓᬕᬶᬬᬢ᭄ᬫᬶᬭᬕᬶ᭞ᬓᬸᬮ᭄ᬓᬸᬮ᭄ᬫᬲ᭄ᬯᬭ᭞ᬓᬵᬫᬚᬬᬦᬓᬾᬦᬶᬦ᭄᭟ᬲᬂᬫᬧᬶᬓᬢ᭄ᬳᬶᬗ᭄ᬕᬶᬄᬧᬸᬦᬧᬶᬳᬯᬶᬦᬦ᭄᭞ᬲ᭄ᬯᬭᬦ᭄ᬓᬸᬮ᭄ᬓᬸᬮᬾᬢᬶᬢᬶᬃ᭞ᬲᬳᬸᬃᬲᬂᬫᬧᬶᬓᬢ᭄᭞ᬦᬧᬶᬫᬮᬶᬄᬢᬓᬾᬦᬂ᭞ᬢᬦ᭄ᬤ᭄ᬭᬸᬄᬭᬶᬂᬓᬸᬮ᭄ᬓᬸᬮ᭄ᬫᬫᬸᬜᬶ᭞ᬚᬦ᭄ᬢᭂᬦ᭄ᬫᬢᭂᬧᬓ᭄᭞ᬧᬲᬳᬸᬃᬳᬶᬧᬸᬦ᭄ᬩᬗ᭄ᬕᬶ
᭟ᬓᬵᬫᬚᬬᬲᬤᬓᭂᬜᭂᬫ᭄ᬳᬕᬾᬦᬶᬫ᭄ᬩᬮ᭄᭞ᬤᭀᬂᬚ᭄ᬭᭀᬦᬾᬩᬲ᭄ᬩᬩᬾᬓᬶ᭞ᬢᬹᬃᬩᬗ᭄ᬕᬶᬲᬤᬦᬦ᭄᭞ᬫᬤᬓ᭄ᬭᬢᬸ᭠ᬭᬶᬯᭂᬓᬲ᭄᭞ᬧ᭄ᬭᬤᬾᬳᬮᬲᬾᬧᬸᬦᬶᬓᬶ᭞ᬫᬦᬤᭀᬲ᭄ᬤᬾᬰ᭞ᬯᬲ᭄ᬢᬸᬫᬯᬵᬱ᭄ᬝᬩᬗ᭄ᬕᬶ᭟ᬤᬸᬭᬸᬂᬧᬸᬧᬸᬢ᭄ᬓᬵᬫᬚᬬᬫᬕᭂᬜ᭄ᬚᬮᬦ᭄᭞ᬭᬶᬂᬲᬂ

[᭒᭑᭑ 211A]
᭒᭑᭑
ᬫᬧᬶᬓᬢ᭄ᬧᬓ᭄ᬱᬶ᭞ᬲᬕᬾᬢᬦ᭄ᬧᬲ᭄ᬮᬗ᭄ᬓᬩ᭄᭞ᬭᬯᬸᬄᬳᭂᬦ᭄ᬤᭂᬳᬦ᭄ᬓᬝᬄ᭞ᬯᬾᬦ᭄ᬢᭂᬦ᭄ᬦᬾᬗᬗ᭄ᬕᬃᬕᬕᬶᬢᬶᬓ᭄᭞ᬩᭀᬓᬢ᭄ᬮ᭠ᬦ᭄ᬢᬸᬫ᭄ᬩᬓ᭄᭞ᬲᬬᬕᬫᬓ᭄ᬢᬢᬮᬶ᭟ᬦ᭄ᬤᭂᬄᬫᬲᬹᬃᬬ᭄ᬬᬓ᭄ᬫᬫᭂᬮᭂᬢᬂᬓᬵᬫᬚᬬ᭞ᬫᬓᬵᬤᬶᬭᬵᬚᬧᬸᬢ᭄ᬭᬶ᭞ᬯᬾᬦ᭄ᬢᭂᬦ᭄ᬦᬕᬶᬄᬦᬸᬫ᭄ᬩᬓ᭄᭞ᬯᬾᬦ᭄ᬢᭂᬦ᭄ᬲ᭠
ᬦᬾᬗᬯᬭ᭞ᬓᬩᭂᬩᭂᬂᬲᬵᬫ᭄ᬧᬸᬦ᭄ᬲᬂᬓᬵᬮᬶᬄ᭞ᬤᬸᬭᬸᬲ᭄ᬫᬲᭂᬭᬄ᭞ᬓᬵᬫᬚᬬᬓᬘᬂᬓ᭄ᬮᬶᬂ᭟ᬭᬵᬚᬧᬸᬢ᭄ᬭᬶᬢᬍᬃᬢᬦ᭄ᬧᭀᬮᬶᬄᬫᬮᬾᬗ᭄ᬓᬲ᭄᭞ᬫᬲᭂᬭᬄᬓᬢᬮᬾᬦᬶᬦ᭄᭞ᬓᬦ᭄ᬤᬸᬕᬶᬓᬩᬢ᭄ᬩᬢ᭄᭞ᬳᬦ᭄ᬢᬸᬓ᭄ᬲᬂᬗᭂᬚᬸᬓ᭄ᬩᬗ᭄ᬭᬲ᭄᭞ᬧᬸᬢ᭄ᬭᬶᬳᬧᬫᭂᬮᬾᬂᬚᬮᬶᬃ᭞ᬢᭀᬂ
ᬦᬯᬂᬚᭂᬗᬄ᭞ᬗᬸᬗ᭄ᬕᬳᬶᬦ᭄ᬳᬦᬓ᭄ᬫ᭄ᬯᬦᬶ᭟ᬧᬗ᭄ᬮᬾᬦ᭄ᬢᬶᬭᬦ᭄ᬢᭀᬂᬗᬾᬤᬍᬫᬂᬓᬯᬗ᭄ᬰᬦ᭄᭞ᬢ᭄ᬯᬭᬦᬯᬂᬲᭀᬃᬲᬶᬗ᭄ᬕᬶᬄ᭞ᬩ᭠ᬕᬸᬲ᭄ᬓᬤᬶᬳᬧ᭞ᬕᭀᬩᬦ᭄ᬳᬶᬓᬵᬫᬚᬬ᭞ᬮᬲ᭄ᬬᬦᬸᬢᬸᬕ᭄ᬦᬶᬗ᭄ᬕᬮ᭄ᬧᬸᬭᬶ᭞ᬯᬾᬦ᭄ᬢᭂᬦ᭄ᬗᬯᬭ᭞ᬧᬩᭂᬤᬶᬓᬶᬦ᭄ᬫᬫᬸᬜᬶ᭟ᬧᬧᬓ᭄ᬭᬫ᭄ᬩᬂᬕᬸᬡᬦᬶᬂ
ᬤᬾᬯᬾᬓ᭄ᬫᬫᬜ᭄ᬚᬓ᭄᭞ᬫᬸᬜᬶᬦᬾᬳᬗ᭄ᬕᭀᬦ᭄ᬧᭂᬮᬶᬄ᭞ᬩᬗ᭄ᬭᬲ᭄ᬲᬂᬓᬯᬭ᭞ᬳᭀᬕᬦ᭄ᬗᭂᬦ᭄ᬢᬾᬓᬂᬳᬸᬧᬄ᭞ᬢᬦ᭄ᬯᭂᬦᬂᬗᭂᬤᬸᬫ᭄ᬜᬋᬗᬶᬦ᭄᭞ᬳᬸᬧᬄᬫᬶᬮᭀᬦᬦ᭄᭞ᬫᬢᬓᭂᬄᬳᭀᬮᬲ᭄ᬳᬢᬶ᭟ᬲᬺᬗᭂᬦ᭄ᬓᬦ᭄ᬢᭀᬲ᭄‌ᬓ᭄ᬮ᭄ᬬᬂᬩᬜ᭄ᬚᬭᬾᬜᬧ᭄ᬲᬧᬂ᭞ᬤᭀᬂ᭠ [ 212 ][᭒᭑᭑ 211B]
᭒᭑᭑
ᬳᬧᬧᬕᬭᬗᬶᬦ᭄᭞ᬳᬾᬗ᭄ᬕᬮᬂᬢᭂᬓᭂᬓᬂ᭞ᬦᭂᬕᬸᬮ᭄ᬳᬶᬓᬵᬫᬚᬬ᭞ᬳᬧᬗᬢ᭄ᬯᬭᬫᭂᬮᬳᬶᬩ᭄᭞ᬬᬦᬶᬂᬗᬮᬯᬦ᭄᭞ᬩᬩᬃᬢᭂᬓᬢᬸᬫ᭄ᬩᬓᬶᬦ᭄᭟ᬓᬵᬫᬚᬬᬳᭀᬕᬦ᭄ᬓᬓ᭄ᬮᬾᬢᬾᬓ᭄ᬓᬧᭂᬦ᭄ᬢᬂ᭞ᬫᬓᬵᬤᬶᬭᬵᬚᬧᬸᬢ᭄ᬭᬶ᭞ᬲᭀᬢᬦᬶᬂᬩᬩᬡ᭄ᬥᬵᬦ᭄᭞ᬲᬳᬫᬢᬸᬫ᭄ᬩ᭠
ᬓ᭄ᬲᬬ᭞ᬫᬢᭂᬕᬸᬮ᭄ᬓᬤᬦ᭄ᬤᬦ᭄ᬭᬭᬶᬲ᭄᭞ᬗᬸᬗ᭄ᬲᬶᬗᭂᬮᭀᬤᬂ᭞ᬜᬸᬚᬸᬃᬓᬢᬫᬦ᭄ᬩᬮᬶ᭟ᬭᬾᬄᬇᬭᬶᬓᬵᬲᬶᬓᭂᬧ᭄ᬕᬾᬮ᭄ᬕᬾᬮᬾᬜᬦ᭄ᬢᭀᬲᬂ᭞ᬦᬾᬗᭂᬩᬕ᭄ᬫᬥᬾᬯᬢᬶ᭞ᬭᬾᬄᬤᬦᬾᬢᬦ᭄ᬳᬃᬱ᭞ᬫᬦ᭄ᬢᬸᬓ᭄ᬓᬲ᭄ᬯᬾᬘ᭄ᬙᬧᬸᬭ᭞ᬲᬲᬸᬓᬢ᭄ᬳᬦᬓᬾᬮᬶᬗ᭄ᬲᬶᬃ᭞ᬗᬺᬢ᭄ᬣᬲᬫᬬ᭞
ᬦ᭄ᬤᬾᬯᬢᬮᬦᬂᬳᬶᬲ᭄ᬢ᭄ᬭᬶ᭟ᬧᬕᭂᬄᬓᬦ᭄ᬢᬸᬦ᭄ᬫᬥᬾᬯᬢᬶᬭᬶᬂᬧᬤᬸᬓ᭄ᬯᬦ᭄᭞ᬲᬤᬶᬦᬗᬕᭂᬫ᭄ᬓᭂᬭᬶᬲ᭄᭞ᬬᬢ᭄ᬦᬫᭂᬢᬗᬭᬦ᭄᭞ᬧ᭄ᬭ᭠ᬤᬾᬬᬦ᭄ᬓᬧ᭄ᬭᬓᭀᬲ᭞ᬜᬤ᭄ᬬᬤᬦᬾᬗᭂᬧᬾᬢ᭄ᬧᬢᬶ᭞ᬜᬸᬤᬸᬓ᭄ᬰᬭᬷᬭ᭞ᬮᬲ᭄ᬬᬧᬶᬲᬦ᭄ᬗᭂᬫᬲᬶᬦ᭄᭟ᬫᬢᭂᬮᬲᬦ᭄ᬢᬦᬗᭂᬦ᭄ᬫᬮᬶᬄᬭᬶᬂᬭᬕ᭞
ᬓᬘᬭᬶᬢᬦᬾᬫᬗ᭄ᬓᬶᬦ᭄᭞ᬲᬂᬓᬾᬗᬶᬦ᭄ᬩᬩᬡ᭄ᬥᬦ᭄᭞ᬓᬵᬢᭂᬄᬳᬦ᭄ᬢᬸᬓ᭄ᬳᬾᬦ᭄ᬤᬾᬳᬦ᭄᭞ᬜᬸᬚᬸᬃᬤᬾᬰᬢᬫᬦ᭄ᬩᬮᬶ᭞ᬩᬶᬬᬸᬃᬭᬦ᭄ᬢᬩᬦ᭄᭞ᬯᭀᬂᬤᬾᬰᬮᬦᬂᬳᬶᬲ᭄ᬢ᭄ᬭᬶ᭟ᬳᬕᬸᬂᬳᬮᬶᬢ᭄ᬫᭂᬤᬮ᭄ᬕᬕᬾᬲᭀᬦ᭄ᬓᬚᬩ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬫᬳᭀᬃᬢ᭄ᬢᬶ᭞ᬲᬂᬓᬾᬗᬶᬦ᭄ᬩᬩᬡ᭄ᬥ

[᭒᭑᭒ 212A]
᭒᭑᭒
ᬦ᭄᭞ᬫᭂᬓᭂᬮᬾᬓᬵᬫᬚᬬ᭞ᬲᬋᬂᬳᬶᬤᬭᬵᬚᬧᬸᬢ᭄ᬭᬶ᭞ᬓᬗᭂᬦ᭄ᬗᬦ᭄ᬢᭂᬦᬂ᭞ᬧᬕᭂᬭᭀᬂᬳᬶᬧᬸᬦ᭄ᬗᭂᬮᬶᬂ᭟ᬯᬾᬦ᭄ᬢᭂᬦ᭄ᬜᬕ᭄ᬚᬕ᭄ᬫᬢᬓᭂ᭠ᬳᬶᬧᬸᬦ᭄ᬲᬭᭀᬲ᭞ᬫᬦᬳᬶᬧᬸᬦ᭄ᬗᭂᬫ᭄ᬩᬸᬲᬶᬦ᭄᭞ᬲᬂᬓᬵᬮᬶᬫᬩᬲ᭄ᬢ᭞ᬕᭂᬮᬶᬲᬦ᭄ᬓᬘᬋᬫᬦ᭄᭞ᬳᬦ᭄ᬢᬸᬓ᭄ᬳᭂᬦ᭄ᬤᭂᬳᬦᬾᬲᬫᬶ᭞ᬩᬗ᭄ᬭᬲ᭄ᬫᬧᬚᬃ᭞ᬳᬶᬩᬫᬓᬶ᭠
ᬢᭂᬓᬳᬮᬸᬄᬇᬥᭂᬧ᭄ᬘᬳᬶᬫᬮᬓ᭄ᬱᬡ᭞ᬩᬩᬃᬦᬕᬶᬄᬗᭂᬫ᭄ᬩᬸᬲᬶᬦ᭄᭞ᬢᭀᬂᬗᭂᬮᬄᬢᭀᬮᬶᬳᬦ᭄᭞ᬮᬕᬸᬢᬾᬘᬳᬶᬢᬺᬱ᭄ᬡᬵ᭞ᬳᬸᬭᬶᬧᬾᬫᬲᬶᬄᬓᭂᬦᭂᬳᬶᬦ᭄᭞ᬫᬵᬢᬶᬫᬢᬸᬫ᭄ᬩᬓ᭄᭞ᬢ᭄ᬯᬭᬜᬦ᭄ᬤᬂᬩᬾᬮᬦᬶᬦ᭄᭟ᬳᬦᬾᬧᭂᬮᬶᬄᬤᭂᬧᬂᬲᬸᬩᬧᬶᬲᬭᬬᬂ᭞ᬢᭂᬓᬾ
ᬦ᭄ᬲᬂᬗ᭄ᬭᬓ᭄ᬱᬕᬸᬫᬶ᭞ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬩ᭄ᬬᭀᬢ᭞ᬬᬦ᭄ᬢᬦ᭄ᬕᭂᬮᬶᬲᬦ᭄ᬜᬕ᭄ᬚᬕ᭄᭞ᬧᬦ᭄ᬢᬳᬸᬫ᭄ᬲᬋᬂᬧᬦ᭄ᬲᬗ᭄ᬕᬶᬂ᭞ᬮᬦ᭄ᬧᬦ᭄ᬳᬩᬲᬦ᭄᭞ᬜᬧ᭄ᬲᬧᬂᬲᬂᬫᬯ᭄ᬬᬤᬶ᭟ᬲᬳᬳᬢᬹᬃᬲᬵᬫ᭄ᬧᬸᬦᬂᬳᬸᬕᬶᬲᬭᭀᬱ᭞ᬥᬹᬄᬳᬶᬤᬤᬦᬾᬲᬫᬶ᭞ᬧᬶᬦᭂᬳᬶᬦ᭄ᬧᬜ᭄ᬚᬗᬂ᭞ᬢᬦ᭄ᬩᭂᬘᬶᬓ᭄ᬫᬕᭀᬜ᭄ᬚᭀᬗ᭠
ᬦ᭄᭞ᬇᬭᬶᬓᬶᬭᬶᬂᬢᬫᬦ᭄ᬩᬮᬶ᭞ᬩᭀᬬᬓᬾᬢᬶᬢ᭄ᬬᬂ᭞ᬓᬾᬗᬶᬦ᭄ᬲᬶᬦᭀᬫᬦ᭄ᬕᬸᬫᬶ᭟ᬩᭀᬬᬯᬾᬦ᭄ᬢᭂᬦ᭄ᬫᬦᬄᬢᬶᬢ᭄ᬬᬂᬫ᭠ᬧᬶᬮᭀᬦᬦ᭄᭞ᬭᬶᬂᬚᬕᬢᬾᬳᬶᬭᬶᬓᬶ᭞ᬳᬾᬮᬶᬂᬭᬶᬂᬫᬫᬜ᭄ᬚᬓ᭄᭞ᬗᬶᬭᬶᬂᬤᬸᬫᬸᬦ᭄ᬭᬋᬫᬂ᭞ᬳᬶᬯᬂᬧᬵᬢᬹᬢᬾᬩᬯᭀᬲᬶᬦ᭄᭞ᬫᬓ᭄ᬢᬩᬩᬡ᭄ᬥᬵ [ 213 ][᭒᭑᭒ 212B]
᭒᭑᭒
ᬦ᭄᭞ᬚ᭄ᬭᭀᬦᬾᬭᬯᬸᬄᬳᬶᬭᬶᬓᬶ᭟ᬮᬩ᭄ᬥᬓᬵᬃᬬ᭄ᬬᬬᬦ᭄ᬓᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬸᬂᬧᬸᬂᬯᬾᬦ᭄ᬢᭂᬦ᭄ᬳᬶᬭᬶᬓᬶ᭞ᬲᬶᬓᭂᬧ᭄ᬕᬾᬮ᭄ᬕᬾᬮ᭄ᬓ᭠ᬝᬄ᭞ᬩᭂᬘᬶᬓ᭄ᬲᬵᬫ᭄ᬧᬸᬦ᭄ᬲᭂᬭᬳᬂ᭞ᬩᬩᬡ᭄ᬥᬦᬾᬫᬓᬓᬵᬮᬶᬄᬓᬾᬗᬶᬦ᭄ᬤᬗᬦᬦ᭄᭞ᬚ᭄ᬭᭀᬦᬾᬫᬢᬸᬮᬓ᭄ᬯᬮᬶ‌᭟ᬭᬾᬄᬓᬧᬵᬢᬹᬢ᭄ᬧᬚᬃᬳᬶᬧᬸᬦ᭄ᬧ
ᬦ᭄ᬳᬩᬲᬦ᭄᭞ᬲᬶᬓᭂᬧ᭄ᬕᬾᬮ᭄ᬕᬾᬮ᭄ᬓᬦ᭄ᬤᬸᬕᬶ᭞ᬗᬤ᭄ᬬᬦᬶᬦ᭄ᬫᬫᬓ᭄ᬢ᭞ᬩᬩᬡ᭄ᬥᬦᬾᬧᬸᬦᬶᬓ᭞ᬗᬢᬸᬭᬂᬧᬘᬂᬓᬧᬸᬭᬶ᭞ᬭᬶᬂᬲ᭄ᬯᬾᬘ᭄ᬙᬧᬸᬭ᭞ᬓᬾᬗᬶᬦ᭄ᬢᬦ᭄ᬧᬜ᭄ᬚᬂᬫᬮᬶᬄ᭟ᬲᬂᬫᬫᬓ᭄ᬢᬯᭀᬂᬲᬶᬤᭂᬫ᭄ᬩᬸᬦᬸᬢ᭄ᬭᬦ᭄ᬢᬩᬦ᭄᭞ᬫᬢᬸᬮᬓ᭄ᬳᬶᬧᬸᬦ᭄ᬫᬸᬮᬶᬄ᭞ᬭᬾᬄᬲᬵᬫ᭄ᬧᬸᬦ᭄ᬓᬢᬗ᭄ᬕᬧ᭄᭞ᬲᬶᬓᭂᬧ᭄ᬕᬾᬮ᭄ᬕᬾᬮ᭄ᬫᬶᬲ
ᬤ᭄ᬬ᭞ᬗᬢᭂᬳᬂᬧᬘᬂᬓᬧᬸᬭᬶ᭞ᬲᬂᬫᬓᬸᬲᬭ᭞ᬲᬵᬫ᭄ᬧᬸᬦ᭄‌‌ᬬᬢ᭄ᬦᬫᬓᬶᬦ᭄ᬓᬶᬦ᭄᭟ᬓᬜ᭄ᬘᬶᬢ᭄ᬭᬯᬸᬄᬫᬥᬾᬯᬢᬶᬗᬕᭂᬫ᭄ᬓᬤ᭄ᬕ᭞ᬗᬢᬩ᭄ᬢᬩ᭄ᬗᭂᬧᭂᬲ᭄ᬦᬗᬶᬲ᭄᭞ᬓᬗᭂᬦ᭄ᬤᬦᬾᬜᬶᬗᬓ᭄᭞ᬢᬸᬫᭀᬦ᭄ᬭᬶᬂᬲᬂᬫᬩᬲ᭄ᬢ᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬓᬾᬗᬶᬦ᭄ᬩᬩᬡ᭄ᬥᬦ᭄᭞ᬫᬢᭂᬕᬸᬮ᭄ᬲᬋᬂᬓᬵ᭠
ᬮᬶᬄ᭟ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬦᬸᬯᭂᬓ᭄ᬭᬕᬫᬢᭂᬮᬲᬦ᭄᭞ᬬᬦ᭄ᬢᬦ᭄ᬭᬾᬜ᭄ᬘᬗᬾᬲᬫᬶ᭞ᬫᬧᬸᬗᬸᬗᭂᬮᬶᬲᬂ᭞ᬫᬥᬾᬯᬢᬶᬫᬵᬢᬹᬢᬂ᭞ᬜᬋᬗᬶᬦ᭄ᬢᬗ᭄ᬓᬶᬮ᭄ᬓᬧᬸᬭᬶ᭞ᬩᬶᬮᬶᬄᬓᬲ᭄ᬯᬾᬘ᭄ᬙᬦ᭄᭞ᬦᬯᭂᬕᬂᬫᬢᬹᬃᬲᬶᬲᬶᬧ᭄᭟᭜᭟ᬲ᭄ᬫᬭᬦ᭄ᬥᬦ᭟᭜᭟ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬓᬧᬶᬓᭂᬤᭂᬄᬗᬭᬭᬶᬲᬂ᭞

[᭒᭑᭓ 213A]
᭒᭑᭓
ᬫᬫᬵᬃᬕ᭄ᬕᬳᬦ᭄ᬢᬸᬓ᭄ᬲᬶᬓᭂᬧᬾ᭞ᬢᬦ᭄ᬓᬾᬗᬶᬦ᭄ᬫᬮᬶᬄᬫᬭᬵᬃᬬ᭄ᬬᬦ᭄᭞ᬳᬚ᭄ᬭᬶᬄᬓᭂᬦᬶᬧᬶᬰᬸᬦ᭞ᬲᬶᬓᭂᬧ᭄ᬕᬾᬮ᭄ᬕᬾᬮᬾᬓᬧᬸᬗ᭄ᬓᬸᬃ᭞ᬢᬸᬦ᭠ᬪᬓ᭄ᬢᬶᬭᬶᬂᬲᬂᬦᬵᬣ᭟ᬩᬶᬮᬶᬄᬓᬩᬯᭀᬲ᭄ᬗᬶᬮᭀᬦᬶᬦ᭄᭞ᬫᬤᬍᬫ᭄ᬲᬂᬫᬵᬫ᭄ᬪᭃᬓ᭄ᬘᭀᬭᬄ᭞ᬓᬘᬯᬶᬲ᭄ᬫᬫᬦᬄᬭᭀᬫ᭄ᬭᭀᬫ᭄᭞ᬫᬧ᭄ᬯᬭᬧᬘᬂᬲ
ᬗ᭄ᬓᬮ᭞ᬲᬶᬲᬶᬧ᭄ᬓᬭᬵᬚᬩᬬ᭞ᬓᬚᬩᬓᬸᬝᬓᬢᬸᬦ᭄ᬤᬸᬂ᭞ᬨᬮᬦ᭄ᬕᬶᬸᬡᬶᬸᬦ᭄ᬳᭀᬮᬲ᭄ᬕᬸᬡᬤᭀᬱ᭟ᬓᬩᬜ᭄ᬘᬸᬢᬦ᭄ᬢᭂᬕᬮ᭄ᬘᬭᬶ᭠ᬓ᭄᭞ᬢᬦ᭄ᬓᬗ᭄ᬕᬾᬤᬤᭀᬲ᭄ᬧᬜᬓᬧ᭄᭞ᬧ᭄ᬬᬦᬓ᭄ᬮᬦ᭄ᬲᭀᬫᬄᬓᬕᭂᬤᭀᬲ᭄᭞ᬲᬂᬦᬵᬣᬫᭂᬗ᭄ᬕᬄᬧᬶᬤᬸᬓ᭞ᬲᬶᬲᬶᬧ᭄ᬫᬸᬭᬸᬕ᭄ᬧᬲ᭄ᬯᬭ᭞ᬳᬬᬄᬤᬍᬫ᭄
ᬫ᭄ᬯᬂᬧᬘᬢᬸ᭞ᬓᬩᬜ᭄ᬘᬸᬢᬦ᭄ᬓᬭᬦ᭄ᬤᬳᬦ᭄᭟ᬭᬵᬚᬩ᭄ᬭᬡᬳᭀᬜᬮᬶᬲᬶᬓ᭄᭞ᬢᬦ᭄ᬧᭀᬭᬢ᭄ᬓᬾᬗᬶᬦ᭄ᬫᬵᬦᬹᬱ᭞ᬓᬮᬭᬮᬭᬳᬸᬭᬶᬧᬾ᭞ᬨᬮᬦ᭄ᬧᬂᬧᬂᬫᬫᬋᬓᬦ᭄᭞ᬭᬶᬂᬲᬂᬗᭀᬘᬾᬢᬂᬧᬜ᭄ᬚᬓ᭄᭞ᬤᬾᬯᬲᬓᬵᬮᬲᬂᬧ᭄ᬭᬪᬹ᭞ᬲᭀᬢᬦᬶᬂᬪᬓ᭄ᬢᬶᬗᬯᬸᬮ᭟ᬢᬦ᭄ᬯᭂᬦᬗ
ᬤ᭄ᬭᬸᬯᬾᬩᬸᬤ᭄ᬥᬶ᭞ᬢᬦ᭄ᬯᭂᬦᬂᬦᬸᬮᬓ᭄ᬤᬤᬯᬦ᭄᭞ᬧᬓᬃᬱᬦ᭄ᬳᬶᬤᬲᬂᬓᬢᭀᬂ᭞ᬫᬗ᭄ᬕᭂᬄᬓᬾᬗᬶᬦ᭄ᬳᬯᬶᬕ᭄ᬚᬕᬢ᭄᭞ᬗᬯᭂᬦᬗᬂᬢᬦ᭄ᬯᭂᬦᬂ᭞ᬲᬭᬧᬓᬃᬱᬦ᭄ᬲᬂᬧ᭄ᬭᬪᬹ᭞ᬧᬜ᭄ᬚᬓᬾᬢᬦ᭄ᬯᭂᬦᬂᬢᬸᬮᬓ᭄᭟ᬳᬢᬹᬃᬳᬶᬧᬸᬦ᭄ᬲᬋᬂᬲᬫᬶ᭞ᬭᬶᬂᬫᬥᬾᬯᬢᬶᬦᬯᭂᬕᬂ᭞ᬫᬗ᭄ᬤᬲᬵᬫ᭄ᬧᬸᬦᬂᬓᬩ᭠ [ 214 ][᭒᭑᭓ 213B]
᭒᭑᭓
ᬯᭀᬲ᭄ᬩᬩᬾᬓᬶᬲᬓᬾᬂᬢᬦᭀᬮᬲ᭄᭞ᬩᭂᬕᬸᬕ᭄ᬫᬵᬫ᭄ᬪᭃᬓ᭄ᬤᬹᬃᬰᬶᬮ᭞ᬧᬸᬭᬸᬦ᭄ᬫᬶᬓᭂᬤᭂᬳᬂᬳᬢᬹᬃ᭞ᬗᬢᬸᬭᬶᬦ᭄ᬲᬋᬂᬫᬫᬵᬃᬕ᭄ᬕ᭟ᬭᬶᬂᬳᬶᬳᬦᬓ᭄ᬫᬓᬓᬵᬮᬶᬄ᭞ᬲᬂᬲᬶᬤ᭄ᬥᬓᬾᬗᬶᬦ᭄ᬩᬩᬡ᭄ᬥᬦ᭄᭞ᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬓᬢᭀᬂ᭞ᬫᬥᬾᬯᬢᬶᬳᬮᭀᬦ᭄ᬦᬶᬫ᭄ᬩᬮ᭄᭞ᬢ᭄ᬯᬭᬜᬦ᭄ᬤᬂ᭠
ᬳᭂᬚᭀᬳᬂ᭞ᬩᬗ᭄ᬓᬾᬦ᭄ᬢᬶᬢ᭄ᬬᬂᬳᬚᬓ᭄ᬢᭂᬮᬸ᭞ᬦᬄᬤᬶᬦᬶᬲᬸᬩᬧ᭄ᬭᬕᬢᬂ᭟ᬫᬭᬶᬂᬓ᭄ᬱᬾᬢ᭄ᬭᬦ᭄ᬢᬫᬦ᭄ᬩᬮᬶ᭞ᬤᬾᬦᬶᬂᬤᬶᬦᬶᬫᬮᬸ‌᭠ᬍᬓᬤ᭄᭞ᬤᬚᬗ᭄ᬓᬩᬸᬯᬶᬦᬶᬥᭂᬧᬾ᭞ᬗᬶᬭᬶᬂᬓᬬᬸᬦ᭄ᬦᬵᬭᬦᬵᬣ᭞ᬦᬄᬮᬳᬸᬢᬂᬭᭀᬲᬬᬂ᭞ᬮᬲ᭄ᬬᬢᬶᬢ᭄ᬬᬂᬩᬋᬂᬮᬫ᭄ᬧᬸᬲ᭄᭞ᬫᬾᬮᬦᬶᬦ᭄ᬫᬦ᭄ᬢᬸᬫ᭄ᬯᬂ
ᬧ᭄ᬬᬦᬓ᭄᭟ᬢ᭄ᬯᬭᬜᬦ᭄ᬤᬂᬓᬲᬤ᭄ᬓᬶᬲᬶᬤ᭄᭞ᬫᬢᭂᬕᭂᬳᬶᬦ᭄ᬲᭂᬫᬦ᭄ᬳᬦᬓ᭄᭞ᬳᬧᬤᭀᬂᬳᬗᭂᬦ᭄ᬫᬓᭂᬮᭀ᭞ᬦᬸᬳᬶᬤᬸᬧ᭄ᬦᭂᬫᬸᬲᬗ᭄ᬲᬭ᭞ᬦᬫ᭄ᬧᭂᬤᬂᬳᬸᬚᬃᬧᬭ᭞ᬍᬓ᭄ᬚᭂᬗᬄᬦᬦ᭄ᬤᬂᬧᬓᬾᬯᬸᬄ᭞ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭟ᬳᬕᬸᬂᬤᭀᬱᬓᬸᬭᬂᬧᬢᬶ᭞ᬮᬗ᭄ᬕᬦᬫᬸᬭᬸ᭠
ᬕ᭄ᬧᬲ᭄ᬯᬭ᭞ᬦᬶᬃᬤᬵᬦ᭄ᬦᬸᬢᬸᬕᬂᬢᬸᬯᬸᬳᬾ᭞ᬬᬾᬦ᭄ᬲᬚᬳᬚᬓ᭄ᬫᬓᭂᬚᬂ᭞ᬲᬓᬾᬂᬢᬺᬱ᭄ᬡᬵᬢᬹᬃᬳᭀᬮᬲ᭄᭞ᬫᬤᬍᬫ᭄ᬲᬗ᭄ᬓᬦᬶᬂᬢᬸᬳᬸ᭞ᬦᬄᬮᬳᬸᬢᬂᬤᬶᬦᬶᬫᬢ᭄ᬬᬂ᭟ᬭᬾᬜ᭄ᬘᬗᬾᬲᬶᬕ᭄ᬲᬶᬕᬦ᭄ᬲᭂᬤᬶᬄ᭞ᬲᭂᬩᭂᬢ᭄ᬫᬦᬄᬜᬫᬶᬭᬕ᭄ᬬᬂ᭞ᬯᬾᬦ᭄ᬢᭂᬦ᭄ᬗᭂᬮᬶᬂᬳᭂᬗ᭄ᬕᭀᬃᬳᭂᬗ᭄ᬕᭀᬃ᭞

[᭒᭑᭔ 214A]
᭒᭑᭔
ᬫᬕᬸᬬᬂᬢᬹᬃᬦᬶᬕ᭄ᬢᬶᬕ᭄ᬳᬯᬓ᭄᭞ᬬᬾᬄᬫᬢᬦᬾᬫᬘᬧ᭄ᬘᬧ᭄᭞ᬬᬦ᭄ᬲᬯᬗᬂᬫᬶᬦᬩ᭄ᬕᬸᬭᬸᬄ᭞ᬓᬵᬮᬦᬶᬂᬰᬰᬶᬄᬓᬃᬝᬶᬓ᭟ᬲᬸᬫᬶᬬᭀᬓ᭄ᬧᬕᭂᬭᭀᬂᬗᭂᬮᬶᬂ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬩᬕ᭄ᬬ᭞ᬫᬗᭂᬦᬂᬮᬘᬸᬃᬫᭂᬓᭂᬮᬾ᭞ᬲᬶᬓᭂᬧ᭄ᬕᬾᬮ᭄ᬕᬾᬮᬾᬓᬫᭂᬕᬦ᭄᭞ᬩᭂᬗᭀᬂᬓᬗᭂᬦ᭄ᬗᬦ᭄ᬢᭂ᭠
ᬦᬂ᭞ᬫᬥᬾᬯᬢᬶᬗᭂᬮᬸᬢ᭄ᬩᬳᬸ᭞ᬳᭀᬓᬦ᭄ᬤᬦᬾᬫᬓᬤᬤ᭄ᬯ᭟ᬲᬳᬦᬗᬶᬲ᭄ᬫᬧᬲᬶᬳᬶᬦ᭄᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬥᬹᬄᬘᭂᬦᬶᬂᬳᬫ᭄ᬩᬢ᭄ᬮᬘᬸᬭᬾ᭞ᬲᬢᬢᬦᭂᬫᬸᬤᬸᬄᬓᬶᬢ᭞ᬫᬾᬫᬾᬳᬚᬓ᭄ᬳᬶᬤᬾᬯ᭞ᬢᭀᬂᬮᬓᬃᬦᬸᬢᬸᬕᬂᬢᬸᬯᬸᬄ᭞ᬲᬓᬾᬂᬫᬾᬫᬾᬢᬸᬦᬬᬰ᭟
ᬲᬗ᭄ᬓᬦ᭄ᬢᭂᬧᬸᬓ᭄ᬩᬸᬓᬚᬦᬶ᭞ᬓᬵᬫᬚᬬᬭᬭᬶᬲ᭄ᬦᬶᬫ᭄ᬩᬮ᭄᭞ᬲᬓᬾᬂᬢᬶᬢ᭄ᬬᬂᬫᬓ᭄ᬢᬓᬯᭀᬦ᭄᭞ᬢᬦ᭄ᬳᬸᬦᬶᬂᬭᬶᬂᬢᬢᬓ᭄ᬭᬫ᭞ᬤᬹᬃ᭠ᬰᬶᬮᬫᬫᬋᬓᬦ᭄᭞ᬲᬗ᭄ᬓᬦ᭄ᬩᬶᬩᬶᬫᬗ᭄ᬕᬶᬄᬓᬾᬯᬸᬄ᭞ᬦᬶᬃᬕᬯᬾᬗᭀᬓᬬᬂᬢᬶᬢ᭄ᬬᬂ᭟ᬲᬢᬢᬧᬸᬭᬸᬦ᭄ᬗᭀᬩᭂᬢᬶᬦ᭄᭞ᬭᬵᬚᬧᬸᬢ᭄ᬭᬶᬳᬕᬾ᭠
ᬦᬶᬫ᭄ᬩᬮ᭄᭞ᬲᬵᬫ᭄ᬧᬸᬦ᭄ᬓᬤᬶᬧᬜ᭄ᬚᬂᬫᬾᬫᬾ᭞ᬲᬮᬶᬂᬤᬮᬶᬄᬩᭀᬬᬜᬦ᭄ᬤᬂ᭞ᬜᭂᬮ᭄ᬲᭂᬮᬂᬧᬸᬮᬓᬺᬢ᭄ᬣ᭞ᬲᬭᬢᬶᬝᬄᬲ᭠ᬗ᭄ᬳ᭄ᬬᬂᬢᬸᬤᬸᬄ᭞ᬳᬶᬤᬗᭀᬋᬕᬂᬳᬶᬭᬕ᭟ᬳᬕᭂᬢ᭄ᬮᬘᬸᬃᬓᬯᭀᬦ᭄ᬩᭂᬘᬶᬓ᭄᭞ᬢᬦ᭄ᬓᬾᬗᬶᬦ᭄ᬓᭂᬮᬶᬤᬶᬦ᭄ᬯᬦ᭄ᬢᬄ᭞ᬲᬭᬓᬾᬢᬶᬝᬄᬯᬶᬤ᭄ᬥᬶᬦᬾ᭠ [ 215 ][᭒᭑᭔ 214B]
᭒᭑᭔
ᬢᭀᬂᬜᬦ᭄ᬤᬂᬫᬮᬶᬄᬲᭂᬮ᭄ᬲᭂᬮᬂ᭞ᬧᬫᬸᬧᭀᬦ᭄ᬨᬮᬓᬃᬫ᭄ᬫ᭞ᬧᭂᬘᬓ᭄ᬧᬓᬃᬤ᭄ᬥᬶᬦᬾᬲᬵᬫ᭄ᬧᬸᬦ᭄᭞ᬦᬾᬫᬗ᭄ᬓᬶᬦ᭄ᬳᬸᬕᬶᬢᬫ᭄ᬧᭂᬤᬂ᭟ᬤᭀᬂᬗᬸᬤᬦᬓᬸᬢᬶᬦ᭄ᬫᬵᬢᬶ᭞ᬩᬸᬓᬢᭀᬂᬫᬓᬤᬂᬰᬵᬲ᭄ᬢ᭄ᬭ᭞ᬩᬗ᭄ᬭᬲ᭄ᬧᬲᬳᬸᬃᬧᬦ᭄ᬚᬫ᭄ᬩᭀᬢ᭄᭞ᬧᬗᭀᬋᬕ᭄ᬲᬶᬓᭂᬧ᭄ᬧᬸᬦᬶᬓ᭞ᬲᬓᬾᬂᬫᬶᬗ᭄ᬕᬶᬃᬧ᭄ᬭᬤᬾᬰ᭞ᬤᬸ
ᬍᬕ᭄ᬫᬦᬄᬜᬗᬭᬸᬗᬸ᭞ᬩᬯᭀᬲ᭄ᬲᬂᬫᬡᬶᬓᬶᬂᬧᬸᬭ᭟ᬳᬭᬄᬳᬾᬗ᭄ᬕᬮᬂᬳᬩᭂᬤᬶᬓ᭄᭞ᬤᬤᬢᬩᬓᬢ᭄ᬭᬯᭀᬲᬂ᭞ᬜᬾᬦ᭄ᬗᬸᬕᬸᬲᭀᬮᬳᬾᬲᬶᬧᭀᬓ᭄᭞ᬤ᭄ᬭᬢᬶᬓ᭄ᬭᬫᬫᬧᬶᬧ᭄ᬭᬚ᭄ᬜᬦ᭄᭞ᬳᬾᬕᬭᬾᬕᬭᬦ᭄ᬲᬢ᭄ᬬ᭞ᬢᬦ᭄ᬯᬸᬭᬸᬂᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬓᬍᬩᭀᬓ᭄ᬢᭂᬗᬄ
ᬲᬵᬕᬭ᭟ᬫᬥᬾᬯᬢᬶᬫᬜᬳᬸᬭᬶᬦ᭄᭞ᬗᬲᬶᬳᬲᬶᬄᬗᭂᬮᬤ᭄ᬧ᭄ᬭᬡ᭞ᬳᬶᬘ᭄ᬙᬾᬦ᭄ᬧᬦ᭄ᬘᭂᬦᬶᬂᬳᬚᭂᬩᭀᬲ᭄᭞ᬫ᭄ᬩᭀᬓ᭄ᬫᬲ᭠ᬗ᭄ᬓᬾᬦᬸᬦᬩ᭄ᬤᬩᬂ᭞ᬫᬳᬂᬳᬶᬘᭂᬦᬶᬂᬤᬳᬃᬫᬓᬤᬤ᭄ᬯᬲᬶᬦᬄᬲᭂᬤᬸᬓ᭄᭞ᬳᬸᬮᬶᬢᬸᬦᬶᬚᬾᬄᬫᬚᬮᬦ᭄᭟ᬧᬦ᭄ᬳᬩᬲᬦ᭄ᬮᬦ᭄ᬧᬦ᭄ᬲᬗ᭄ᬕᬶᬂ᭞ᬲᬋᬂᬫᬩ᭄ᬭᬶ
ᬬᬸᬓ᭄ᬦᬯᭂᬕᬂ᭞ᬭᬶᬂᬧᬦ᭄ᬚᬫ᭄ᬩᭀᬢ᭄ᬧᬗᬾᬦ᭄ᬢᭂᬭᬾ᭞ᬥᬹᬄᬲᬵᬫ᭄ᬧᬸᬦᬂᬳᬮᬶᬢ᭄ᬳᬃᬱ᭞ᬢᬶᬢ᭄ᬬᬂᬓᬤᬶᬮᬗ᭄ᬕᬦ᭞ᬘᬾᬘᬾᬮ᭄ᬗᬢᬸᬭᬂᬧ᭠ᬯᬸᬗᬸ᭞ᬭᬶᬂᬚ᭄ᬭᭀᬦᬾᬦᬸᬦᬲ᭄ᬳᬶᬘ᭄ᬙ᭟ᬫᬤᬓ᭄ᬮᬾᬤᬂᬫᬶᬓᬬᬸᬦᬶᬦ᭄᭞ᬢᬹᬃᬗᬃᬱᬾᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬚᬦ᭄ᬢᭀᬲᬂᬫᬮᬶᬄᬳᬚᭂᬩᭀᬲ᭄᭞ᬕᬸᬫᬦ᭄ᬢᭀ

[᭒᭑᭕ 215A]
᭒᭑᭕
ᬲ᭄ᬧᭀᬮᬶᬄᬦᬩ᭄ᬤᬩᬂ᭞ᬳᬚᭂᬗᬦ᭄ᬲᬂᬓᬮᬭᬦ᭄᭞ᬳᬾᬜ᭄ᬘᭀᬂᬫᬫᬵᬃᬕ᭄ᬕᬶᬧᬦ᭄ᬢᬳᬸᬫ᭄᭞ᬲᬋᬂᬭᬾᬜ᭄ᬘᬂᬓᬧᬤᬸᬓ᭄ᬯᬦ᭄᭟ᬗᬫ᭄ᬩᬶᬮ᭄ᬳᬚᭂᬗᬦ᭄ᬤᬶᬕᭂᬮᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬦᬫ᭄ᬧᬲᭀᬤ᭞ᬦᬸᬮᬶᬫᬧᬚᬃᬧᬦ᭄ᬚᬫ᭄ᬩᭀᬢ᭄᭞ᬦᬄᬧᬤᬳᬭᬶᬦᬾᬗ᭄ᬕᬮᬂ᭞ᬳᬧᬂᬓᬦ᭄ᬢᬶᬯᬋ
ᬕᬦ᭄᭞ᬦᬵᬗ᭄ᬳᬶᬂᬳᭂᬤᬧᭂᬲᬦ᭄ᬗᭂᬮᬸᬲ᭄᭞ᬓ᭄ᬮᬾᬢᬾᬓ᭄‌ᬬᬤᬶᬦ᭄ᬢᬸᬫ᭄ᬩᬓ᭄ᬲᬬ᭟ᬗᭂᬧᭂᬲ᭄ᬦᬗᬶᬲ᭄ᬫᬥᬾᬯᬢᬶ᭞ᬢᭀᬬᬦ᭄ᬧᬦᭀ᭠ᬦᬾᬫᬘᬧ᭄ᬘᬧ᭄᭞ᬫᬓᬚᭂᬗᬶᬦ᭄ᬳᭀᬓᬦ᭄ᬤᬦᬾ᭞ᬤᬾᬦᬶᬂᬢᬗᬦᬾᬫᬓᭂᬜ᭄ᬘᬂ᭞ᬢᬦ᭄ᬜᬶᬤ᭄ᬥᬬᬂᬗᬭᬕ᭞ᬗᬚᭂᬗᬂᬓᬦ᭄ᬢᬸᬦ᭄ᬫᬢᭂᬕᬸᬮ᭄᭞ᬓᬗᭂᬦ᭄ᬲᬫᬶ
ᬲᬂᬗᬦ᭄ᬢᭂᬦᬂ᭟ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬲᭂᬤᬸᬓ᭄ᬢᬦ᭄ᬓᬬᬸᬦ᭄ᬗᬚᭂᬗᬂ᭞ᬢᬗᬶᬲᬾᬲᬬᬦ᭄ᬧᬕᭂᬭᭀᬂ᭞ᬯᬾᬦ᭄ᬢᭂᬦ᭄ᬲᬦᬾᬫ᭠ᬤᭂᬓᭂᬲᬦ᭄᭞ᬓᬶᬲᬶᬓᬶᬲᬶᬗᬸᬘᬧᬂ᭞ᬮᬕᬸᬢᬾᬫᭂᬓᭂᬮᬾᬮᬘᬸᬃ᭞ᬢᭀᬂᬚᬗ᭄ᬓᬬᬦ᭄ᬫᬧᭂᬢᬲᬸᬕᬮ᭄᭟ᬲᬃᬯ᭄ᬯᬶᬤᬦᬾᬫᬓᬚᭂᬗᬶᬦ᭄᭞ᬫᬥᬾ᭠
ᬯᬢᬶᬳᬮᭀᬦ᭄ᬗᬸᬘᬧ᭄᭞ᬜᬫᬩ᭄ᬭᬬᬓᭂᬫᭀᬓᬧᭀ᭞ᬫᬚᬮᬦ᭄ᬚᬦᬶᬳᬾᬗ᭄ᬕᬮᬂ᭞ᬳᬮᬶᬳᬂᬢᬶᬬᬂᬢᭀᬬ᭞ᬧᬗᭂᬦ᭄ᬢᬲ᭄ᬤᬶᬢᬶᬃᬢ᭄ᬣᬳᬭᬹᬫ᭄᭞ᬧᬂᬍᬩᬸᬭᬦ᭄ᬤᬰᬫᬵᬮ᭟ᬤᬜᭂᬩᭂᬢᬂᬜᬓᬫᬵᬢᬶ᭞ᬯᬶᬭᬾᬄᬲᬸᬩᬧᬤᬸᬫ᭄ᬢᬶᬝᬄ᭞ᬲᬸᬫᬶᬗ᭄ᬓᬶᬦ᭄ᬗᭂᬮᬶᬂᬭᬾᬜ᭄ᬘᬗᬾ᭞ [ 216 ][᭒᭑᭕ 215B]
᭒᭑᭕
ᬢᬦ᭄ᬧᬾᬦ᭄ᬤᬄᬩ᭄ᬮᬩᬸᬃᬓᬢᬶᬕ᭞ᬯᬾᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬫᬚᬮᬦ᭄᭞ᬓᬢᬸᬓᬤ᭄ᬫᭂᬮᬗᬶᬢ᭄ᬢᭂᬤᬸᬦ᭄᭞ᬲᬕᬾᬢ᭄ᬭᬯᬸᬄᬫᬓ᭄ᬢᬢᬶᬃᬢ᭄ᬣ᭟ᬯᬸᬲ᭄ᬓᬵᬢᬹᬃᬭᬶᬂᬫᬥᬾᬯᬢᬶ᭞ᬲᭂᬤᭂᬂᬩᭂᬘᬶᬓ᭄ᬤᬦᬾᬯᬸᬲᬦ᭄᭞ᬫᬧᬓᬚᭂᬗᬶᬦ᭄ᬳᭀᬓᬦᬾ᭞ᬢᬸᬫᬸᬮᬶᬤᬦᬾᬫᬗ᭄ᬕᬮ᭞ᬫᬓᬓᭂᬢᬶᬲ᭄ᬲᬓ᭄ᬱᬡ᭞
ᬢᭀᬬᬧᬶᬗᬶᬢ᭄ᬢᬶᬃᬢ᭄ᬣᬳᬭᬹᬫ᭄᭞ᬭᬶᬂᬳᭀᬓᬦᬾᬫᬓᬤᬤ᭄ᬯ᭟ᬧᬸᬧᬸᬢ᭄ᬫᬢᬶᬃᬢ᭄ᬣᬫᬓᭂᬢᬶᬲ᭄᭞ᬢᬸᬫᬸᬮᬶᬤᬦᬾᬗᬦ᭄ᬤᬶᬓ᭞ᬦᬄᬚᬮᬦ᭄ᬚᬦᬶᬧᬦ᭄ᬚᬫ᭄ᬩᭀᬢ᭄᭞ᬲᬭᬇᬥᭂᬧᬾᬗᬢᭂᬳᬂ᭞ᬢᬶᬢ᭄ᬬᬂᬢ᭄ᬯᬭᬮᬓᬃᬢᬸᬮᬓ᭄᭞ᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬧ᭄ᬭᬪᬹ᭞ᬲᭀᬢᬦᬶᬂᬪᬓ᭄ᬢᬶᬫ᭠
ᬫᬜ᭄ᬚᬓ᭄᭟ᬲᬓᬾᬂᬫᬤᬍᬫ᭄ᬧᬦ᭄ᬘᭂᬦᬶᬂ᭞ᬮᬓᬃᬲᬶᬲᬶᬧ᭄ᬭᬶᬂᬲᬂᬦᬵᬣ᭞ᬓᬘᬯᬶᬲ᭄ᬧᬦ᭄ᬘᭂᬦᬶᬂᬭᭀᬫ᭄ᬭᭀᬫ᭄᭞ᬗᬭᭀᬫ᭄ᬭᭀ᭠ᬫᬶᬦ᭄ᬚᬮ᭄ᬫᬘᭀᬭᬄ᭞ᬦᬸᬮᬶᬤᬦᬾᬫᬕᬶᬩ᭄ᬭᬲ᭄᭞ᬦᬸᬢᬸᬢᬶᬦ᭄ᬳᭀᬓᬮᬦ᭄ᬫᬦ᭄ᬢᬸ᭞ᬫᬢᭂᬕᬸᬮ᭄ᬓᬲ᭄ᬯᬾᬘ᭄ᬙᬧᬸᬭ᭟᭜᭟ᬤᬂᬤᬂ᭟᭜᭟ᬓᬵᬫᬚᬬᬲ
ᬋᬂᬭᬵᬚᬧᬸᬢ᭄ᬭᬶ᭞ᬫᬓᭂᬫ᭄ᬩᬭᬦ᭄᭞ᬲᭀᬢᬦ᭄ᬤᬶᬂᬩᬩᬡ᭄ᬥᬦ᭄᭞ᬧᬶᬦᬶᬄᬳᬚᭂᬂᬧᬫᬵᬃᬕ᭄ᬕᬶᬦᬾ᭞ᬫᬥᬾᬯᬢᬶᬭᬶᬂᬧᬸᬗ᭄ᬓᬸᬃ᭞ᬬᬢ᭄ᬦᬤᬦᬾᬗᬕᭂᬫ᭄ᬓᭂᬭᬶᬲ᭄᭞ᬓᬬᬸᬦᬾᬫᬢᭂᬮᬲᬦ᭄᭞ᬜᬤ᭄ᬬᬲᬋᬂᬮᬫ᭄ᬧᬸᬲ᭄᭞ᬦᬶᬦ᭄ᬤᬶᬳᬶᬦ᭄ᬳᭀᬓᬓᬮᬯᬦ᭄᭞ᬓᬧᭀᬦᬓᬦ᭄᭞ᬫᬓᬧ

[᭒᭑᭖ 216A]
᭒᭑᭖
ᬗᬦ᭄ᬢᬸᬗᬦ᭄ᬳᬸᬭᬶᬧ᭄᭞ᬭᬵᬚᬧᬸᬢ᭄ᬭᬶᬓᬵᬫᬚᬬ‌᭟ᬧᬦ᭄ᬢᬳᬸᬫ᭄ᬫᬶᬦᬓᬵᬤᬶᬧᬦ᭄ᬲᬗ᭄ᬕᬶᬂ᭞ᬫᬗᬶᬭᬶᬗᬂ᭞ᬓᬵᬮᬶᬄᬧᬦ᭄ᬳᬩᬲᬦ᭄᭞ᬓ᭠ᬩᬢᭂᬓ᭄ᬳᬦ᭄ᬢᬸᬓ᭄ᬪᬓ᭄ᬢᬶᬦᬾ᭞ᬫᬫᬋᬓᬦ᭄ᬦᬾᬲᬵᬫ᭄ᬧᬸᬦ᭄᭞ᬭᬶᬂᬤᬦᬾᬤᬸᬓᬸᬄᬲᬸᬮᬤ᭄ᬭᬶ᭞ᬲᬂᬲᬵᬫ᭄ᬧᬸᬦ᭄ᬩᬱ᭄ᬫᬶᬮᬷᬦ᭞ᬫᬗ᭄ᬤᬢᬍᬃᬓᬦ᭄ᬢᬸᬦ᭄᭞ᬭᬯᬸᬄᬭᬶᬂ᭠
ᬧᬸᬢᬸᬮᬦ᭄ᬳᭀᬓ᭞ᬗᬫᬗ᭄ᬕᭂᬳᬂ᭞ᬲ᭄ᬯᬾᬘ᭄ᬙᬪᬓ᭄ᬢᬶᬲᬶᬮᬶᬄᬳᬲᬶᬄ᭞ᬳᬾᬮᬶᬂᬧᭂᬘᬓ᭄ᬓᬯᬶᬮᬲᬦ᭄᭟ᬦᬶᬓᬫᬓᬵᬯᬶᬦᬦᬶᬧᬸ᭠ᬦ᭄ᬗᬶᬭᬶᬂ᭞ᬲᬋᬂᬢᬶᬕ᭞ᬫᬶᬯᬄᬭᬾᬜ᭄ᬘᬂᬭᭀᬩᬦ᭄᭞ᬲᬓᬾᬂᬪᬓ᭄ᬢᬶᬫᬦᬄᬜᬦᬾ᭞ᬲᬕᬺᬳᬦ᭄ᬲᬋᬂᬦᬸᬢᬸᬕ᭄᭞ᬯᬾᬦ᭄ᬢᭂᬦ᭄ᬗᭂᬜᬂᬧ᭄ᬬᬦᬓ᭄ᬳᬮᬶ᭠
ᬢ᭄᭞ᬬᬾᬄᬧᬦᭀᬦᬾᬫᬘᬧ᭄ᬘᬧ᭄᭞ᬗᭂᬮᬶᬂᬲ᭄ᬮᭂᬕᬸᬓ᭄‌ᬲ᭄ᬮᭂᬕᬸᬓ᭄᭞ᬦᬾᬳᭀᬤᬄᬲᬋᬂᬫᬤᬦ᭄ᬤᬦ᭄᭞ᬕ᭄ᬭᬶᬚᬕ᭄ᬕ᭄ᬭᬶᬚᬕ᭄᭞ᬫᬢᬸᬗ᭄ᬓᭂᬤ᭄ᬫᬫᬦᬄᬗᬶᬭᬶᬂ᭞ᬢ᭄ᬭᬕ᭄ᬬᬫᬩᭂᬓᭂᬮ᭄ᬓᬢᬶᬧᬢ᭄᭟ᬢᭂᬤᬸᬦ᭄ᬓᬗᬶᬦ᭄ᬭᬶᬂᬢᬸᬓᬤ᭄ᬫᭂᬮᬗᬶᬢ᭄᭞ᬲᬋᬂᬓᬝᬄ᭞ᬗᬢᭂᬳᬂᬩᬩᬡ᭄ᬥᬦ᭄᭞ᬜᬋᬗᬶ
ᬦ᭄ᬲᬶᬓᭂᬧ᭄ᬕᬾᬮ᭄ᬕᬾᬮᬾ᭞ᬧᬦ᭄ᬚᬫ᭄ᬩᭀᬢ᭄ᬲᬓᬾᬂᬧᬸᬗ᭄ᬓᬸᬃ᭞ᬯᬮᬸᬬᬗᭂᬢᬓᬂᬲᬫ᭄ᬧᬶ᭞ᬗᬫᭂᬮᬂᬢᬸᬫ᭄ᬩᬓ᭄ᬲᬬ᭞ᬲᬳᬫᬓ᭄ᬢᬧᭂᬘᬸᬢ᭄᭞ᬲᬶᬓᭂᬧᬾᬫᬓ᭄ᬢᬕᬕᬯᬦ᭄᭞ᬢᬸᬫ᭄ᬩᬓ᭄ᬩᭀᬓ᭄᭞ᬬᬢ᭄ᬦᬗᬩᬶᬄᬩᬶᬮᬂᬲᬫ᭄ᬧᬶᬂ᭞ᬫᬫᬵᬃᬕ᭄ᬕᬶᬫᬮᭀᬦᬮᭀᬦᬦ᭄᭟ᬫᬸᬗ᭄ᬕᬄᬓᬗᬶ [ 217 ][᭒᭑᭖ 216B]
᭒᭑᭖
ᬦ᭄ᬫᬭᬶᬂᬢᭂᬕᬮ᭄ᬯᬗᬶ᭞ᬢᬦ᭄ᬫᬭᬵᬃᬬ᭄ᬬᬦ᭄᭞ᬗᬸᬗ᭄ᬲᬶᬤᬾᬰᬩᬓᬲ᭄᭞ᬲᭂᬭᬩ᭄ᬲᬫᬶᬯᭀᬂᬤᬾᬰᬦᬾ᭞ᬮᬦᬂᬳᬶᬲ᭄ᬢ᭄ᬭᬶᬧᬕ᭄ᬭᬸᬤᬸᬕ᭄᭞ᬫᭂᬤᬮ᭄‌‌ᬭᬾᬄᬫᬶᬭᬕᬶᬳᭀᬃᬢ᭄ᬢᬶ᭞ᬯᬾᬦ᭄ᬢᭂᬦ᭄ᬋᬓᬾᬩᬩᬡ᭄ᬥᬦ᭄᭞ᬓᬓᬵᬮᬶᬄᬫᬢᭂᬕᬸᬮ᭄᭞ᬓᬗᭂᬦ᭄ᬳᬶᬧᬸᬦ᭄ᬗᬦ᭄ᬢᭂᬦᬂ᭞ᬓᬵᬫᬚᬬ
᭞ᬓᬵᬮᬶᬄᬳᬶᬤᬭᬵᬚᬧᬸᬢ᭄ᬭᬶ᭞ᬢᬦ᭄ᬧᬾᬦ᭄ᬤᬄᬮᬬᭀᬦ᭄ᬫᬫᬵᬃᬕ᭄ᬕ᭟ᬓᭂᬘᬸᬤ᭄ᬓᬸᬦᬶᬂᬫᬲᭂᬩᭂᬂᬓᬩᬶᬮ᭄ᬩᬶᬮ᭄᭞ᬬᬦ᭄‌‌ᬢ᭄ᬮᭂᬓ᭄ᬢᭂᬓᬂ᭞ᬢᬶᬦ᭄ᬤᬓᬦᬾᬓᬫ᭄ᬩᬂ᭞ᬓᬶᬫᬸᬤ᭄ᬚᭂᬗᬄᬲ᭄ᬯᬪᬵᬯᬦᬾ᭞ᬲᬧᬜ᭄ᬚᬂᬫᬫᬵᬃᬕ᭄ᬕᬶᬗᬸᬦ᭄ᬢᬸᬮ᭄᭞ᬢᬦ᭄ᬓᬬᬸᬦ᭄ᬦᭀᬮᬶᬄᬓᬲᬫ᭄ᬧᬶᬂ᭞ᬜᬶᬗᬓ᭄ᬧ
ᬜ᭄ᬚᬓᬾᬦᭂᬕᬓ᭄᭞ᬫᬲᬶᬮᬫᬢᬶᬫ᭄ᬧᬸᬄ᭞ᬭᬶᬂᬳᬫ᭄ᬩᬮᬫ᭄ᬩᬮᬾᬜᭀᬧᬓ᭄᭞ᬓᬲ᭄ᬮᭂᬗᬕᬦ᭄᭞ᬗᭂᬢᭀᬦ᭄ᬲᬂᬫᬡᬶᬓᬶᬂᬧᬸᬭᬶ᭞ᬫᬲᬋᬗᬦ᭄ᬓᬵᬫᬚᬬ᭟ᬫᬢᭂᬕᬸᬮ᭄ᬢᬗᬦᬾᬫᬓᬓᬵᬮᬶᬄ᭞ᬫᬘᬗ᭄ᬓᬮᬓ᭄᭞ᬓᬾᬗᬶᬦ᭄ᬢᬢᭀᬦ᭄ᬢᭀᬦᬦ᭄᭞ᬓ᭠
ᬳᬢᭂᬄᬳᬦ᭄ᬢᬸᬓ᭄ᬩᬶᬬᬗᬾ᭞ᬓᬗᭂᬦ᭄ᬳᬲᬶᬂᬫᬫᬗ᭄ᬕᬸᬄ᭞ᬯᬾᬦ᭄ᬢᭂᬦ᭄ᬗᭂᬮᬶᬂᬲᭂᬗᬶᬲᭂᬗᬶ᭞ᬲᬳᬫᬫᬦ᭄ᬢᭂᬕ᭄ᬢᬗ᭄ᬓᬄ᭞ᬯᬾᬦ᭄ᬢᭂᬦ᭄ᬫᬦ᭄ᬢᭂᬕ᭄ᬧᬸᬧᬹ᭞ᬤᬳᬧ᭄ᬤᭂᬳᭂᬧ᭄ᬫᬤᭂᬓᭂᬲᬦ᭄᭞ᬫᬫᬗᭂᬦᬂ᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬲᬗ᭄ᬲᬭᬤᬤᭀᬲ᭄ᬩᬩᬡ᭄ᬥᬦ᭄᭟ᬲᬋᬂᬢᬶᬫ᭄ᬧᬮᬶᬧᬸᬦ᭄ᬓᬶᬲᬶᬓᬶ

[᭒᭑᭗ 217A]
᭒᭑᭗
ᬲᬶ᭞ᬫᬓᭂᬳᭂᬗᬦ᭄᭞ᬥᬹᬄᬳᬫ᭄ᬩᬢ᭄ᬤᬸᬄᬓᬶᬢ᭞ᬓᬬᬸᬦ᭄ᬲᬂᬫᬤ᭄ᬯᬾᬳᭀᬓᬦᬾ᭞ᬯᬾᬦ᭄ᬢᭂᬦ᭄ᬲᬦᬾᬫᬲᬳᬸᬃ᭞ᬢᭀᬂ᭠ᬜᬦ᭄ᬤᬂᬭᬯᭀᬲᬂᬩᬸᬯᬶᬦ᭄᭞ᬓᬮᬶᬂᬲᬂᬫᬤ᭄ᬯᬾᬳᭀᬓ᭞ᬢ᭄ᬯᬭᬩᬗᭂᬢ᭄ᬲᬸᬗ᭄ᬲᬸᬢ᭄᭞ᬤᬾᬯᬾᬓᬾᬩᬋᬂᬫᬗᭂᬦᬂ᭞ᬓᬮᬘᬸᬭᬦ᭄᭞
ᬧᬤᬸᬓ᭄ᬯᬦ᭄ᬤᬶᬢᬫᬦ᭄ᬩᬮᬶ᭞ᬓᬢᬶᬩᬦᬦ᭄ᬮᬭᬯᬶᬭᬂ᭟ᬢᭀᬂᬫᬤᬬᬓᬵᬫᬚᬬᬩᬦᬶ᭞ᬗᬭᬗ᭄ᬓᬢᬂ᭞ᬲᬂᬫᬡᬶᬓᬶᬂᬧᬸᬭ᭞ᬩᬲ᭄ᬮᬗ᭄ᬕᬦᬇᬥᭂᬧ᭄ᬜᬦᬾ᭞ᬫᬋᬧ᭄ᬓᬧᬸᬭᬶᬳᬕᬸᬂ᭞ᬮᬕᬸᬢᬾᬫᬫᬶᬲᬦ᭄ᬚᬢᬶ᭞ᬢᭀᬂᬦᬯᬂᬢᬢᬓ᭄ᬭᬫ᭞ᬯᬾᬦ᭄ᬢᭂᬦ᭄ᬦᬾᬫᬲᬳᬸᬃ᭞ᬳᬭᬄ
ᬳᬮᬸᬄᬲᬦ᭄ᬜᭂᬮ᭄ᬲᭂᬮᬂ᭞ᬢᭀᬂᬗᭂᬦᭂᬳᬂ᭞ᬩᬩᬶᬓᬲᬦ᭄ᬮᬸᬄᬮᬦ᭄ᬫ᭄ᬯᬦᬶ᭞ᬤᬸᬕᬲᬾᬦᬸᬧᬥᬩᬚᬂ᭟ᬢ᭄ᬯᬭᬦᬯᬂᬦᬾᬫᬤᬦ᭄ᬲᭀᬃᬲᬶᬗ᭄ᬕᬶᬄ᭞ᬢᬢᬓ᭄ᬭᬫ᭞ᬗᬸᬦ᭄ᬤᬸᬓᬂᬓᬯᬗ᭄ᬰᬦ᭄᭞ᬓᬩᬢᭂᬓ᭄ᬮᬸᬮᬸᬢ᭄ᬳᬲᬶᬳᬾ᭞ᬚᭂᬕᬾᬕ᭄ᬫᬢᬶᬫ᭄ᬧᬮ᭄ᬩᬕᬸᬲ᭄᭞ᬤᭀᬂᬗᬸᬤᬦᬦ᭄ᬤ᭄ᬭᬸᬳᬂ
ᬩᬸᬯᬶᬦ᭄᭞ᬓᬫᬸᬮᬦ᭄ᬚᬢᬸᬓᬵᬃᬫ᭄ᬫ᭞ᬳᬯᬦᬦ᭄ᬜᬓ᭄ᬳᬤᬸᬂ᭞ᬯᬾᬦ᭄ᬢᭂᬦ᭄ᬜᭂᬮᬕ᭄ᬦᬶᬫ᭄ᬩᬮ᭄᭞ᬫᬧᬶᬦᬯᬂ᭞ᬧᬫᬵᬢᬹᬢ᭄ᬲᬓᬭᬶᬂᬗᬸ᭠ᬧᬶᬂ᭞ᬧᬧᬦ᭄ᬢᭂᬲᬶᬦ᭄ᬳᬦ᭄ᬢᬸᬓ᭄ᬧᬚᬃ᭟ᬤᭂᬫᭂᬦᬾᬢᭀᬂᬗᬶᬢᬸᬗᬂᬲᭀᬃᬲᬶᬗ᭄ᬕᬶᬄ᭞ᬤ᭄ᬭᬢᬶᬓ᭄ᬭᬫ᭞ᬯᭂᬦᬂᬓᬲᬶᬲᬶᬧᬂ᭞ᬳᬦ᭄ᬢᬸᬓ᭄ᬲᬂᬗᭂᬭᬾᬄᬕᬸᬫᬶᬦᬾ᭞ᬤᬾᬦᬶᬂ [ 218 ][᭒᭑᭗ 217B]
᭒᭑᭗
ᬢ᭄ᬯᬭᬓᬮᬕᬸ᭞ᬰᬸᬤ᭄ᬭᬫᬵᬋᬧ᭄ᬲᬂᬓᬢ᭄ᬭᬶᬦᬶ᭞ᬫᬭᬗ᭄ᬓᬢ᭄ᬗᬋᬕᬳᬂ᭞ᬫᬵᬤᬦ᭄ᬳᬲᬸᬫᬸᬦ᭄ᬤᬸᬂ᭞ᬓᭀᬚᬭᬦ᭄ᬫᬸᬭᬸᬕ᭄ᬧᬲ᭄ᬯᬭ᭞ᬫᬓᬫᬶᬯᬄ᭞ᬦᬾᬓᬵᬤᬦᬶᬦᬗ᭄ᬮᬗ᭄ᬓᬳᬶᬓᬭᬂᬳᬸᬮᬸᬯᭂᬦᬂᬲᬮᬄ᭟ᬓᭀᬚᬭᬦ᭄ᬫᬫᬦᭂᬲ᭄ᬫᬦᭂᬲ᭄ᬕᬸᬫᬶ᭞ᬧᬵᬢᬹᬢ᭄ᬧᬸᬮᬂ᭞ᬓᬧᬲᬶᬄᬳᬾᬗ᭄ᬕᬮᬂ᭞ᬳᬧᬂᬤ
ᬍᬢᭂᬄᬕᬸᬫᬶᬦᬾ᭞ᬫᬵᬋᬧ᭄ᬓᬧᬸᬭᬶᬳᬕᬸᬂ᭞ᬳᬕᬸᬂᬤᭀᬱᬓᬸᬭᬂᬧᬢᬶ᭞ᬢ᭄ᬯᬭᬳᬤᬕᬫᬦ᭞ᬲᬂᬫᬫ᭄ᬪᭃᬓᬦ᭄ᬩᭂᬕᬸᬕ᭄᭞ᬧᬂᬧᬂᬭᬶᬂᬲᬂᬫᬤ᭄ᬯᬾᬚᬕᬢ᭄᭞ᬓᬲᬫ᭄ᬧᬸᬭ᭞ᬓᬾᬢᭀᬳᬤᬢᬾᬤᬶᬩᬮᬶ᭞ᬗᬫᬗ᭄ᬕᭂᬳᬂᬓᬸᬮᬤᬺᬱ᭄ᬝ᭟ᬧᬜ᭄ᬚᬂᬬᬦ᭄ᬧᬘᬂᬳᬸᬘᬧᬂᬲᬫᬶ᭞ᬭ
ᬭᬯᭀᬲᬦ᭄᭞ᬯᭀᬂᬤᬾᬰᬭᬶᬂᬩᬓᬲ᭄᭞ᬫᬢᭂᬕᭂᬧᬦ᭄ᬧᬗᬸᬧᭂᬢᬾ᭞ᬯᬾᬦ᭄ᬢᭂᬦ᭄ᬲᬦᬾᬫᬫᬵᬢᬹᬢ᭄᭞ᬳᬓᬾᬳ᭠ᬦ᭄ᬲᬦᬾᬦᬸᬗ᭄ᬓᬲᬶᬦ᭄᭞ᬮᬓ᭄ᬱᬡᬦ᭄ᬓᬵᬫᬚᬬ᭞ᬓᬯᬢᬗᬂᬩᭂᬕᬸᬕ᭄᭞ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂ᭞ᬤᬾᬰᬩᬓᬲ᭄᭞ᬗᭂᬮᭀᬤᬂᬲᬵ
ᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬲᬶᬓᭂᬧᬾᬗᬢᭂᬄᬩᬩᬡ᭄ᬥᬦ᭄᭟ᬫᬭᬾᬭᭀᬤ᭄ᬓᬵᬮᬦᬶᬂᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬲᬋᬂᬓᬝᬄ᭞ᬬᬦ᭄ᬲᬯᬢᬭᬬᬂ᭞ᬯᬾᬦ᭄ᬢᭂᬦ᭄ᬲᬢᬸᬲ᭄ᬳᬓᬾᬄᬜᬦᬾ᭞ᬲᬫᬶᬫᬲᭂᬩᭂᬂᬗᬸᬦ᭄ᬗᬸᬦ᭄᭞ᬲᬓᬾᬯᬦ᭄ᬢᭂᬦ᭄ᬲᬂᬗᭀᬋᬕᬶᬦ᭄᭞ᬧᬦ᭄ᬚᬫ᭄ᬩᭀᬢ᭄‌‌ᬭᬹᬧᬩᬶᬗᬃ᭞ᬤᬾᬦᬶᬂ᭠

[᭒᭑᭘ 218A]
᭒᭑᭘
ᬧᭀᬮᬶᬄᬫᬦ᭄ᬢᬸᬓ᭄᭞ᬲᬓᬾᬂᬕᬸᬦᬸᬂᬫᬕᭂᬩᬕᬦ᭄᭞ᬭᬶᬂᬧᬤᬸᬓ᭄ᬯᬦ᭄᭞ᬫᬾᬄᬮᬗ᭄ᬓᬸᬂᬲᬵᬫ᭄ᬧᬸᬦᬰᬰᬶᬄ᭞ᬗᬯᭀᬦᬶᬦ᭄ᬧ᭄ᬬᬦᬓ᭄ᬮᬦ᭄ᬲᭀᬫᬄ᭟ᬭᬯᬸᬄᬫᬭᬶᬂᬧᬸᬭᬓᭂᬦ᭄ᬢᭂᬮ᭄ᬕᬸᬫᬶ᭞ᬤᬾᬰᬢᬸᬲᬦ᭄᭞ᬇᬭᬶᬓᬶᬫᬭᬵᬃᬬ᭄ᬬᬦ᭄᭞ᬘᬦᭂᬕ᭄ᬭᬶᬂᬚᬩᬵᬦ᭄ᬧᬸᬭᬦᬾ᭞ᬭᬾᬄᬭᬵᬚᬧᬸ
ᬢ᭄ᬭᬶᬓᬾᬭᬸᬄ᭞ᬫᬘᭂᬧᭀᬮ᭄ᬳᬶᬤᬫᬮᬶᬗ᭄ᬕᬶᬄ᭞ᬢᬦ᭄ᬜᬶᬤ᭄ᬥᬬᬂᬫᬫᬵᬃᬕ᭄ᬕ᭞ᬳᬦ᭄ᬢᬸᬓ᭄ᬮᬶᬦ᭄ᬢᬂᬍᬲᬸ᭞ᬓᬵᬫᬚᬬᬲᬋᬂᬦᭂᬕᬓ᭄ᬫ᭠ᬓᭂᬫ᭄ᬩᬭᬦ᭄᭞ᬫᬢᬶᬫ᭄ᬧᬸᬄᬫᬲᬶᬮᬢᬶᬤᬶᬂ᭞ᬫᬳᬶᬦᬩ᭄ᬗᬢᬸᬭᬂᬲᭂᬫ᭄ᬩᬄ᭟ᬭᬶᬂᬳᬶᬤᬪᬝᬵᬭᬓᭂᬦ᭄ᬢᭂᬮ᭄ᬕᬸᬫᬶ᭞ᬚᬕᬢ᭄ᬦᬵᬣ᭞ᬧᬜᬸᬗ᭄ᬲᬸᬗᬦ᭄ᬚᬕᬢ᭄᭞
ᬜᬶᬳ᭄ᬦᬬᬂᬤᬺᬤ᭄ᬥᬪᬓ᭄ᬢᬶᬦᬾ᭞ᬧᬦ᭄ᬚᬫ᭄ᬩᭀᬢ᭄ᬗᬶᬫᬸᬭᬶᬫᬹᬃ᭞ᬲᬳᬲᬗᭂᬤᭂᬢᬶᬦ᭄ᬢᬮᬶ᭞ᬤᭀᬂᬗᬸᬤᬗᬾᬦ᭄ᬤᬄᬧᬾᬮᬕ᭄᭞ᬳᭀᬕᬦ᭄ᬢ᭄ᬯᬭᬩᬸᬯᬸᬂ᭞ᬮᬓᬃᬫᬵᬢᬶᬫᬍᬩ᭄ᬮᭂᬩᬦ᭄᭞ᬤᬶᬲᬵᬕᬭ᭞ᬤ᭄ᬬᬲ᭄ᬢᬸᬦ᭄ᬧᬶᬂᬲᬶᬬᬸᬫᬪᬓ᭄ᬢᬶ᭞ᬓ᭄ᬭᬫᬓ᭄ᬓ᭄ᬭᬶᬫᬶᬓ᭄ᬗᬸᬦ᭄ᬤᬤᬾᬯ᭟ᬳᬾᬗ᭄ᬕᬮᬂᬩᬗᬸ
ᬦ᭄᭞ᬤᬤᬶᬦᬶᬦᭂᬮᬶᬓ᭄᭞ᬳᬚᬓ᭄ᬤᬤ᭄ᬯ᭞ᬲᬸᬩᬧᭂᬮᬦ᭄ᬲᬜ᭄ᬚ᭞ᬳᬶᬯᬲᬶᬦ᭄ᬓᬯᬸᬄᬲᬹᬃᬬ᭄ᬬᬦᬾ᭞ᬫᬥᬾᬯᬢᬶᬳᬫᬸᬯᬸᬲ᭄᭞ᬧ᭠ᬦ᭄ᬘᭂᬦᬶᬂᬓᬸᬤᬩᬩᬾᬓᬶ᭞ᬭᬵᬚᬧᬸᬢ᭄ᬭᬶᬓᬲᬢᬦ᭄᭞ᬲᬕᬾᬢ᭄ᬳᬓᬾᬄᬭᬯᬸᬄ᭞ᬳᭂᬮᬸᬄᬫ᭄ᬯᬦᬶᬫᬭᬦ᭄ᬢᬩᬦ᭄᭞ᬲᬯᭀᬂᬤᬾᬰ᭞ᬭᬾᬄᬳᬶᬧᬸ᭠ [ 219 ][᭒᭑᭘ 218B]
᭒᭑᭘
ᬦ᭄ᬧᭀᬮᬶᬄᬫᬶᬭᬕᬶ᭞ᬩᬩᬡ᭄ᬥᬦ᭄ᬭᬶᬂᬚᬩᬵᬦ᭄ᬧᬸᬭ᭟ᬜᬤ᭄ᬬᬦᬸᬫᭀᬦᬂᬲᬓᬤᬶᬳᭀᬃᬢ᭄ᬢᬶ᭞ᬬᬦ᭄ᬢᬓᭀᬘᬧ᭄᭞ᬲᬂᬓᬾᬗᬶᬦ᭄ᬩᬩᬡ᭄ᬥᬦ᭄᭞ᬢᬦ᭄ᬲᬯᭀᬲ᭄ᬳᬸᬚᬃᬧᬭᬦᬾ᭞ᬓᬵᬫᬚᬬᬫᬢᭂᬕᬸᬮ᭄᭞ᬲᬋᬂᬳᬶᬤᬭᬵᬚᬧᬸᬢ᭄ᬭᬶ᭞ᬓᬗᭂᬦᬶᬧᬸᬦ᭄ᬗᬦ᭄ᬢᭂᬦᬂ᭞ᬯᬾᬦ᭄ᬢᭂᬦ᭄ᬫᬓ᭄ᬢᬓᬸ᭠
ᬯᬸᬤ᭄᭞ᬓᬮᬸᬗᬄᬢᬫ᭄ᬩᬓᬲᬢᬦ᭄᭞ᬫᬶᬯᬄᬘᬦᬂ᭞ᬲᬸᬪᬓ᭄ᬢᬶᬦᬶᬧᬸᬦ᭄ᬢᬦ᭄ᬫᬭᬶ᭞ᬓᬩᬢᭂᬓ᭄ᬫᬦᬳᬾᬳᭀᬮᬲ᭄᭟ᬢᬦ᭄ᬮᬶᬗᬸᬦᬦ᭄ᬭᬶᬂᬧᬦ᭄ᬚᬫ᭄ᬩᭀᬢ᭄ᬦᭂᬗ᭄ᬓᬶᬓ᭄᭞ᬜᬫ᭄ᬩᬢ᭄ᬲᬭ᭞ᬳᬭᬄᬢᬦ᭄ᬧᬢᭂᬫᬄ᭞ᬢᭀᬂᬜᬬᬗᬂᬳᬸᬓᬸᬤᬦᬾ᭞ᬤᭀᬂᬗᬸᬤᬧᬘᬭᬸᬗᬸᬂ᭞ᬳᬧᬳᬮᬶᬄ
ᬳᬶᬩᬫᬳᬶ᭞ᬢᬹᬃᬗᬩᬫᬕᭂᬦᭂᬧᬦ᭄᭞ᬢ᭄ᬯᬭᬦᬯᬂᬳᭂᬮᬸᬤ᭄᭞ᬭᭀᬫ᭄ᬭᭀᬫ᭄ᬢᭂᬓᬾᬦ᭄ᬳᬦᬓ᭄ᬘᭀᬭᬄ᭞ᬕᬸᬡᬤᭀᬱ᭞ᬳᭀᬮᬲᬾᬫᬓ᭄ᬭᬡᬲᬶᬲᬶᬧ᭄᭞ᬓᬢᬸᬦ᭄ᬤᬸᬂᬓᬚᬩᬓᬸᬝᬵ᭟ᬧ᭄ᬬᬦᬓ᭄ᬲᭀᬫᬄᬫᬾᬄᬩᬋᬂᬗᭂᬫᬲᬶᬦ᭄᭞ᬳᭀᬮᬲᬵᬧ᭞ᬢᬸᬮᬸᬲ᭄ᬫᬲᭂᬮ᭄ᬲᭂᬮ
ᬦ᭄᭞ᬩᬸᬓᬲᬲᭀᬗ᭄ᬕᬦ᭄ᬳᬦᬓᬾ᭞ᬜᬫ᭄ᬩᬢᬂᬢᬸᬤᬸᬄᬳᬸᬕᬸᬕ᭄᭞ᬢᬦ᭄ᬮᬶᬗᬸᬦᬦᬶᬧᬸᬦ᭄ᬲᬫᬶ᭞ᬯᭀᬂᬤᬾᬰᬦᬾᬫᬵᬢᬸ᭠ᬭᬦ᭄᭞ᬫᬲᬶᬮᬫᬢᬶᬫ᭄ᬧᬸᬄ᭞ᬧᬕᭂᬭᭀᬂᬗᭂᬮᬶᬂᬲᬶᬕ᭄ᬲᬶᬕᬦ᭄᭞ᬫᬢᬗᬦᬦ᭄᭞ᬥᬹᬄᬳᬫ᭄ᬧᬸᬭᬭᬵᬚᬧᬸᬢ᭄ᬭᬶ᭞ᬓᬯᬸᬮᬭᬯᬸᬄᬫᬵᬢᬸᬭᬦ᭄᭟᭠

[᭒᭑᭙ 219A]
᭒᭑᭙
ᬲ᭄ᬯᬾᬘ᭄ᬙᬳᬸᬕᬶᬳᬶᬭᬢᬸᬦᬫ᭄ᬧᬾᬦᬶᬦ᭄᭞ᬩᬦ᭄ᬢᬲ᭄ᬢᭀᬬ᭞ᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬓᬘᬶᬳ᭄ᬦᬲᬸᬪᬓ᭄ᬢᬶᬦᬾ᭞ᬧᬶᬦᬓᬢᬍᬤ᭄ᬳᬢᬹᬃ᭞ᬓᬗᭂᬦ᭄ᬲᬫᬶᬲᬂᬫᬶᬭᬕᬶ᭞ᬳᬢᬹᬃᬯᭀᬂᬤᬾᬰᬢᬸᬲᬦ᭄᭞ᬲᬓᬾᬂᬪᬓ᭄ᬢᬶᬓᬦ᭄ᬢᬸᬦ᭄᭞ᬫᬦᬄᬳᬶᬧᬸᬦᬾᬗᬯᬸᬮ᭞ᬫᬫᬋᬓᬦ᭄᭞ᬳᬃᬱ᭠
ᬤᬦᬾᬫᬥᬾᬯᬢᬶ᭞ᬦᬗ᭄ᬕᬧ᭄ᬲᬶᬦᬃᬯ᭄ᬯᬶᬗᬦ᭄ᬤᬶᬓ᭟ᬗᬸᬤᬢ᭄ᬯᬭᬢᬶᬢ᭄ᬬᬂᬜᬓ᭄ᬦᬫ᭄ᬧᬾᬦᬶᬦ᭄᭞ᬜᬹᬓ᭄ᬱᭂᬫᬬᬂ᭞ᬳᭀᬮ᭠ᬲ᭄ᬜᬫᬩ᭄ᬭᬬ᭞ᬦᬸᬮᬸᬂᬢᭂᬧᭂᬗᬦ᭄ᬮᬘᬸᬭᬾ᭞ᬲᬓ᭄ᬱᬡᬤᬦᬾᬲᬵᬫ᭄ᬧᬸᬦ᭄᭞ᬫᬘᭂᬧ᭄ᬘᭂᬧᬶᬦ᭄ᬭᬵᬚᬧᬸᬢ᭄ᬭᬶ᭞ᬫᬓᬵᬤᬶᬓᬵᬫᬚᬬ᭞ᬳᬦ᭄ᬢᬸᬓ᭄ᬢᭀ᭠
ᬬᬦ᭄ᬓᬸᬯᬸᬤ᭄᭞ᬩᬩᬬᭀᬦ᭄ᬢᬫ᭄ᬩᬓᬲᬢᬦ᭄᭞ᬯᬲ᭄ᬢᬸᬩᬶᬗᬃ᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬓᬤᬶᬓᬲᬶᬭᬢᬦ᭄‌‌ᬫᬺᬢ᭄ᬣ᭟ᬗᬤᬾᬩ᭄ᬭᬲ᭄ᬳᬶᬚᬸᬫᬮᬶᬄᬫᬢᬗᬶ᭞ᬲᬶᬦᬋᬗᬦ᭄᭞ᬢᬸᬫᬸᬮᬶᬫᬫᬵᬃᬕ᭄ᬕ᭞ᬩᭂᬦᭂᬃᬓᬗᬶᬦ᭄ᬧᬗᬸᬗ᭄ᬲᬶᬦᬾ᭞ᬗᬮᬶᬦ᭄ᬢᬂᬢᬸᬓᬤ᭄ᬩᬸᬩᬸᬄ᭞ᬧᬜ᭄ᬚᬂ
ᬬᬦᬸᬘᬧᬂᬲᬫᬶ᭞ᬲᬧᬜ᭄ᬚᬂᬧᬜ᭄ᬚᬂᬫᬵᬃᬕ᭄ᬕ᭞ᬓᬗᭂᬦ᭄ᬲᬂᬫᬫᬗ᭄ᬕᬸᬄ᭞ᬩᬩᬡ᭄ᬥᬦᬾᬫᬓᭂᬫ᭄ᬩᬭᬦ᭄᭞ᬫᬘᭂᬗ᭄ᬓᬮᬓ᭄᭞ᬲᬸᬭᬸᬧ᭄ᬲᬹᬃᬬ᭄ᬬᬯᬯᬸᬧ᭄ᬭᬧ᭄ᬢᬶ᭞ᬭᬶᬂᬩᬜ᭄ᬘᬶᬗᬄᬲ᭄ᬯᬾᬘ᭄ᬙᬧᬸᬭ᭟ᬧᬭᬚᬸᬭᬸᬧᬋᬓᬦ᭄ᬭᬶᬂᬧᬸᬭᬶ᭞ᬫᬗᬦ᭄ᬤᭂᬕᬂ᭞ᬫᬗ᭄ᬤᬭᬶᬂᬯᬦ᭄ᬢᬶᬮᬦ᭄᭞ᬓᬕᭂᬦᬳᬂᬩᬩᬡ᭄ᬥ᭠ [ 220 ][᭒᭑᭙ 219B]
᭒᭑᭙
ᬦᬾ᭞ᬲᬓᬾᬂᬳᬃᬱᬦ᭄ᬲᬂᬧ᭄ᬭᬪᬹ᭞ᬲᬓᬾᬯᬦ᭄ᬢᭂᬦ᭄ᬫᬥᬾᬯᬢᬶ᭞ᬓᬦ᭄ᬤᬶᬓᬬᬂᬓᬧᬸᬭ᭞ᬤᬦᬾᬦᭀᬭᬓᬬᬸᬦ᭄᭞ᬫᬕᭂᬳᬂᬢᬶᬦ᭄ᬤᬶᬄᬭᬶᬂᬳᭀᬓ᭞ᬓᬧᭀᬦᬓᬦ᭄᭞ᬭᬶᬂᬯᬦ᭄ᬢᬶᬮᬦᬾᬜᬋᬗᬶᬦ᭄᭞ᬳᬯᭂᬗᬶᬲᬋᬂᬫᬕᬤᬂ᭟᭜᭟ᬤᭂᬫᬸᬂ᭟᭜᭟ᬓᬘᬭᬶᬢᬓᬵᬮᬯᭂᬗᬶ᭞
ᬭᬶᬂᬚ᭄ᬭᭀᬧᬸᬭ᭞ᬳᬶᬤᬤᬍᬫ᭄ᬧᬫ᭄ᬩᬬᬸᬦ᭄᭞ᬓᭀᬩᭂᬢ᭄ᬫᬧᬓᬬᬸᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬓᬧᬶᬳᬸᬦᬶᬂ᭞ᬲᬂᬫᬡᬶᬓᬶᬂᬧᬸᬭ᭞ᬤᬤᭀᬲ᭄ᬩᬩᬡ᭄ᬥᬦ᭄ᬫᬢᭂᬕᬸᬮ᭄᭞ᬓᬵᬮᬶᬄᬓᬵᬫᬚᬬ᭞ᬫᬥᬾᬯᬢᬶᬜᬋᬗᬶᬦ᭄᭞ᬫᬭᬶᬂᬯᬦ᭄ᬢᬶᬮᬦ᭄ᬫᬕᭂᬦᬄ᭞ᬬᬢ᭄ᬦᬗᬕᭂᬫ᭄ᬓᭂᬭᬶᬲ᭄ᬫᬳᬸᬦᬸᬲ᭄᭟ᬗᭂᬫᬶ
ᬢ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬦᭀᬭᬧᬲᬄ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬓᬬᬸᬦ᭄᭞ᬓᬧᬸᬭᬶᬫᬯᬦ᭄ᬢᬸᬦ᭄᭞ᬧᭂᬤᭂᬓ᭄ᬩᬸᬓ᭄ᬧᬤᬦ᭄‌‌ᬦᬺᬧᬢᬶ᭞ᬧᬶᬂᬓᬸᬤᬓᬵᬢᬸᬭᬦ᭄᭞ᬢᬦᬃᬱᬓᬧᬸᬭᬶᬳᬕᬸᬂ᭞ᬳᬸᬢᬸᬲᬦ᭄ᬓᬢᬸᬮᬓ᭄᭞ᬫᬵᬢᬹᬃᬭᬶᬂᬰ᭄ᬭᬷᬪᬹᬧᬢᬶ᭞ᬫᬥᬾᬯᬢᬶᬫᬢᭂᬮᬲᬦ᭄᭞ᬜᬤ᭄ᬬ᭠
ᬦᬶᬦ᭄ᬤᬶᬳᬶᬦ᭄ᬳᭀᬓᬫᬦ᭄ᬢᬸ᭟ᬲᬸᬗ᭄ᬓᬯᬳᬶᬤᬦᬺᬧᬢᬶ᭞ᬓᬭᬸᬫᬲ᭞ᬫᬥᬾᬯᬢᬶᬗᬮᬮᬸ᭞ᬫᬘᬸᬢᭂᬢᬶᬦ᭄ᬢᬸᬯᬸᬄ᭞ᬓᬩᬢᭂᬓ᭄‌‌ᬢᬺᬱ᭄ᬡᬵᬢᬦ᭄ᬫᬭᬶ᭞ᬭᬶᬂᬳᭀᬓᬓᬮᬵᬯᬦ᭄᭞ᬓᬧᭀᬦᬓᬦ᭄ᬳᬗ᭄ᬕᬾᬦ᭄ᬫᬦ᭄ᬢᬸ᭞ᬚᬦ᭄ᬢᭀᬲ᭄ᬦᬵᬭᬦᬵᬣ᭞ᬓᬲᭂᬍᬓ᭄ᬫᬶᬓᬬᬸᬦᬶᬦ᭄᭞᭠

[᭒᭒᭐ 220A]
᭒᭒᭐
ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬸᬭᬸᬲᬦ᭄᭞ᬫᬥᬾᬯᬢᬶᬗᭂᬫᬲᬶᬦ᭄ᬮᬫ᭄ᬧᬸᬲ᭄᭟ᬧᬭᬭᬩᬶᬭᬯᬸᬄᬢᬗ᭄ᬓᬶᬮ᭄᭞ᬢᬦ᭄ᬮᬶᬗᬸᬦᬦ᭄᭞ᬭᬶᬂ᭠ᬩᬢᬭᬦ᭄ᬫᬮᬸᬗ᭄ᬕᬸᬄ᭞ᬧᬤᬫ᭄ᬧ᭄ᬬᬓ᭄ᬫᬢᬶᬫ᭄ᬧᬸᬄ᭞ᬲᭀᬢᬦᬶᬂᬤᬺᬤ᭄ᬥᬪᬓ᭄ᬢᬶ᭞ᬭᬶᬂᬳᬶᬤᬲᬂᬦᬵᬣ᭞ᬦᬵᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬵᬢᬹᬃ᭞ᬳᬚ᭄ᬭᬶᬄᬓ᭠
ᬩᭂᬦ᭄ᬤᬸᬯᬦ᭄᭞ᬳᬶᬯᬂᬢᬤᬄᬓᬘᬯᬶᬲ᭄᭞ᬲᬫᬶᬫᭂᬦᭂᬂᬢᬦ᭄ᬧᬗᬸᬘᬧ᭄᭞ᬢᬦ᭄ᬧᬸᬭᬸᬦ᭄ᬗᬢᬸᬭᬂᬧᬯᬸᬗᬸ᭟ᬢᬦ᭄ᬓᬯᬃᬡ᭄ᬦᬫᬭᬶᬂᬧᬸ᭠ᬭᬶ᭞ᬦᬭᬦᬵᬣ᭞ᬭᬶᬂᬭᬵᬚᬥᬦᬶᬲᬸᬗ᭄ᬲᬸᬢ᭄᭞ᬳᭀᬲᭂᬓ᭄ᬫᬧᬓᬬᬸᬦ᭄᭞ᬦᬾᬫᬗ᭄ᬓᬶᬦᬸᬘᬧᬂᬫᬮᬶᬄ᭞ᬭᬶᬂᬚᬩᬢᬦ᭄ᬧᭂᬕᬢ᭄᭞ᬯᭀᬂᬤᬾᬰᬕᬾ
ᬮ᭄ᬕᬾᬮ᭄ᬢᭂᬤᬸᬦ᭄᭞ᬧᬕ᭄ᬭᬸᬤᬸᬕ᭄‌‌ᬫᬜᬕ᭄ᬚᬕ᭄᭞ᬓᬩᬜ᭄ᬘᬶᬗᬄᬮᬸᬄᬫ᭄ᬯᬦᬶ᭞ᬫᬫᬦᬳᬶᬧᬸᬦ᭄ᬦᬸᬫᭀᬦᬂ᭞ᬲᬂᬤᬤᭀᬲ᭄ᬩᬩᬡ᭄ᬥᬦ᭄ᬫᬢᭂᬕᬸᬮ᭄᭟ᬓᬗᭂᬦᬶᬧᬸᬦ᭄ᬲᬋᬂᬲᬫᬶ᭞ᬫᬗᬦ᭄ᬢᭂᬦᬂ᭞ᬭᬵᬚᬧᬸᬢ᭄ᬭᬶᬫᬢᬶᬫ᭄ᬧᬸᬄ᭞ᬢᬗᬦᬾᬫᬢᭂᬕᬸᬮ᭄᭞ᬲ᭄ᬯᬪᬵᬯᬦᬾᬓᭂᬘᬸᬤ᭄ᬓᬸᬦᬶᬂᬓᬍᬲᭀ
ᬦ᭄ᬫᬲᬤᬄ᭞ᬫᬭᬶᬂᬢᬫ᭄ᬧᬸᬮᬾᬫᬓᬸᬤᬸᬂ᭞ᬲᬋᬂᬓᬵᬫᬚᬬ᭞ᬫᬥᬾᬯᬢᬶᬫᬗᬩᬶᬄ᭞ᬭᬾᬜ᭄ᬘᬂᬭᭀᬩᬦ᭄‌‌ᬬᬢ᭄ᬦᬗᭂᬩᬕ᭄᭞ᬫᬓᬲᬫᬶᬫᬲᭂᬩᭂᬂᬗᬸᬦ᭄ᬗᬸᬦ᭄᭟ᬳᬦ᭄ᬢᬸᬓ᭄ᬲᭂᬩᭂᬢ᭄ᬜᬗᬶᬮᬶᬗᬶᬦ᭄᭞ᬲᬂᬓᬮᬭᬦ᭄᭞ᬚᬦ᭄ᬢᭀᬲ᭄ᬯᬾᬦ᭄ᬢᭂᬦ᭄ᬢᬦ᭄ᬭᬸᬗᬸ᭞ᬭᬶᬂᬓᬾᬦ᭄ᬘᭂᬭᬶᬓ᭄ᬩᭂᬮᬸᬲ᭄᭞ᬬᬾᬄ [ 221 ][᭒᭒᭐ 220B]
᭒᭒᭐
ᬫᬢᬦᬾᬗᭂᬢᬾᬮ᭄ᬫᬶᬚᬶᬮ᭄᭞ᬲᭂᬤᬶᬄᬫᬫᬗᭂᬦᬂ᭞ᬫᬥᬾᬯᬢᬶᬫᬾᬄᬗᬮᬮᬸ᭞ᬜᬶᬗᬓ᭄ᬫᬦ᭄ᬢᬸᬳᭀᬓ᭞ᬢᬦᬸᬭᬸᬗᬦ᭄ᬗᭂᬫᬲᬶᬦ᭄᭞ᬩᬾᬜ᭄ᬚᬂᬲᭂᬫᭂᬂᬓᬲᬾᬤ᭄ᬥᬬᬂ᭞ᬭᬶᬂᬲᬵᬕᬭᬲᬶᬦᬄᬮᬶᬦᭂᬩᬸ᭟ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬦᬫ᭄ᬧᭂᬓᬶᬦ᭄᭞ᬲᬲᬶᬮᬶᬩᬦ᭄᭞ᬳᬦ᭄ᬢᬸᬓ᭄ᬯᭂᬗᬶ᭠
ᬦᬾᬲᬭᬸ᭞ᬜᬮᬶᬩ᭄ᬲᬶᬩ᭄ᬧᬤ᭄ᬭᬸᬢ᭄ᬤᬸᬢ᭄᭞ᬚᬢ᭄ᬫᬳᭂᬮᬸᬄᬲᬋᬂᬓᬵᬮᬶᬄ᭞ᬫᬸᬗ᭄ᬕᬄᬓᬯᬦ᭄ᬢᬶᬮᬦ᭄᭞ᬫᬢᬾᬕ᭄ᬢᭀᬕ᭄ᬫᬢᬶᬫ᭄ᬧᬸᬄ᭞ᬲᬳᬫᬦ᭄ᬢᭂᬕ᭄ᬢᬗ᭄ᬓᬄ᭞ᬲᬶᬕ᭄ᬲᬶᬕᬦᬶᬧᬸᬦ᭄ᬗᭂᬮᬶᬂ᭞ᬲᬳᬳᬢᬹᬃᬫᭂᬕᬢ᭄ᬫᭂᬕᬢ᭄᭞ᬥᬹᬄᬦᬧᬶᬳᬯᬶᬦᬦ᭄ᬫᬤᬸᬕ᭄ᬤᬸᬕ᭄᭟ᬮᬘᬸᬭᬾᬲᬓᬤᬶᬫᬗ᭄ᬓᬶᬦ᭄᭞
ᬩᬬᬢᬶᬢᬄ᭞ᬦᬫ᭄ᬧᭂᬤᬂᬢᬦ᭄ᬭᬳᬬᬸ᭞ᬫᬗ᭄ᬕᬸᬳᬂᬧᬓᬾᬯᬸᬄ᭞ᬥᬹᬄᬫᭂᬓᭂᬮᬾᬫᬥᬾᬯᬢᬶ᭞ᬩᬶᬮᬶᬄᬓᬤᬸᬭᬸᬲᬦ᭄᭞᭠ᬳᭀᬓᬦ᭄ᬫᭂᬓᭂᬮᬾᬫᬭᬭᬸᬂ᭞ᬢᬶᬢ᭄ᬬᬂᬫᬗᬢᬸᬭᬂ᭞ᬓᬲᬯᬦ᭄ᬢᬄᬳᬍᬫ᭄ᬧᬶᬃ᭞ᬘᬶᬳ᭄ᬦᬪᬓ᭄ᬢᬶᬫᬗᬯᬸᬮ᭞ᬮᬾᬤᬗᬂᬳᬸᬕᬶᬳᬗ᭄ᬕᬾᬦ᭄ᬭᬸᬭᬸᬩ᭄᭟ᬳ
ᬦ᭄ᬢᬸᬓ᭄ᬦᬶᬲ᭄ᬢᬶᬢ᭄ᬬᬂᬢᬦ᭄ᬓᬤᬶ᭞ᬫᬫᬋᬓᬦ᭄᭞ᬓᬾᬗᬶᬦ᭄ᬧᬗᭂᬫ᭄ᬩᬦ᭄ᬮᬘᬸᬭ᭄᭞ᬦᬵᬗ᭄ᬳᬶᬂᬲᬓᬾᬂᬲᬥᬹ᭞ᬫᬦᬄᬢᬶᬢ᭄ᬬᬗᬾᬫᬕᬸᬲ᭄ᬢᬶ᭞ᬫᬗ᭄ᬕᭂᬄᬓᬤᬶᬓᬸᬦ᭞ᬳᬢᬹᬃᬫᬾᬦ᭄ᬧ᭄ᬭᭀᬤᭀᬂᬮᬦ᭄ᬳᬶᬧᬸᬦ᭄᭞ᬫᬾᬦ᭄ᬲᬗ᭄ᬓᭀᬮ᭄ᬦᬯᭂᬕᬂ᭞ᬭᬶᬂᬤᬦᬾᬫᬥᬾᬯᬢᬶ᭞ᬮᬾᬤᬂᬫᬥᬾᬯᬢᬶᬦ

[᭒᭒᭑ 221A]
᭒᭒᭑
ᬗ᭄ᬕᬧ᭄᭞ᬫᬦᬫ᭄ᬧᬾᬦᬶᬦ᭄ᬳᬢᬸᬭᬦᬶᬧᬸᬦ᭄᭟ᬲᬳᬧᬗᬦ᭄ᬤᬶᬓᬫᬦᬶᬲ᭄᭞ᬢᬶᬢ᭄ᬬᬂᬦᬭᬶᬫᬤᬸᬫᬤᬓ᭄ᬮᬦ᭄ᬢᬂᬢᬸᬯᬸᬄ᭞ᬜᬳᬶᬲ᭠ᬤ᭄ᬬᬳᬶᬤᬸᬧ᭄᭞ᬦᬄᬓᭂᬫᭀᬲᬸᬩᬫᬕᭂᬤᬶ᭞ᬳᬧᬂᬤᬓᬢᬗᭂᬳᬦ᭄᭞ᬪᬓ᭄ᬢᬶᬦᬾᬫᬧ᭄ᬯᬭᬮᬘᬸᬃ᭞ᬲᬶᬂᬜᬕᬸᬡᬤᭀᬱ᭞ᬲᬂᬓᬵᬮᬶᬄᬯᬸᬲ᭄ᬫ
ᬧᬫᬶᬢ᭄᭞ᬤᭂᬓᬲ᭄ᬤᭂᬓᭂᬲ᭄‌‌ᬲᬶᬂᬲᬶᬂᬚᬮᬦ᭄᭞ᬫᬫᬗᭂᬦᬂᬕᬸᬲ᭄ᬢᬶᬦ᭄ᬜᬮᬘᬸᬃ᭟ᬯᬾᬦ᭄ᬢᭂᬦ᭄ᬲᬦᬾᬓᬭᬕ᭄ᬓᬶᬭᬶᬕ᭄᭞ᬤᬾᬭᬾᬂᬕᬦ᭄ᬢ᭠ᬲ᭄᭞ᬫᬫᬵᬃᬕ᭄ᬕᬶᬫᬭᬫᬸᬦ᭄ᬤᬸᬃ᭞ᬭᬹᬧᬓᬤᬶᬓᬶᬫᬸᬤ᭄᭞ᬭᬶᬂᬧᬗᬶᬭᬶᬂᬫᬥᬾᬯᬢᬶ᭞ᬳᬾᬩᭂᬓ᭄ᬭᬶᬂᬯᬦ᭄ᬢᬶᬮᬦ᭄᭞ᬫᬶᬦᬩ᭄ᬗᬾᬮᬶᬗᬂᬦᬾᬲᬵᬫ᭄ᬧᬸᬦ᭄᭞ᬤ᭠
ᬯᭂᬕ᭄ᬭᬶᬂᬧᬤᬸᬓ᭄ᬯᬦ᭄᭞ᬩᭀᬬᬲᬯᭀᬲ᭄ᬲᬂᬓᬵᬮᬶᬄ᭞ᬜᭀᬫᬦ᭄ᬲᬭᬶᬫᬥᬾᬲᭂᬓᬃ᭞ᬫᬭᬱᬭᬶᬂᬳᭂᬚᬶᬢᬾᬩᭂᬮᬸᬲ᭄᭟ᬍᬓ᭄ᬚᭂᬗᬄᬳᬶᬧᬸᬦ᭄ᬲᬂᬓᬵᬮᬶᬄ᭞ᬓᬕᬸᬬᭀᬦᬦ᭄᭞ᬤ᭄ᬯᬦᬶᬂᬢᬦ᭄ᬯᬾᬦ᭄ᬢᭂᬦ᭄ᬤᬸᬭᬸᬲ᭄᭞ᬳᬕᭂᬦᬦ᭄ᬫᬢᭂᬫᬸ᭞ᬭᬶᬂᬓᬵᬫᬚᬬᬕᬸᬫᬦ᭄ᬢᬶ᭞ᬓᬦ᭄ᬢᬸᬦᬮ᭠
ᬫᬮᬫ᭄᭞ᬫᬦᬳᬶᬧᬸᬦ᭄ᬭᬶᬂᬲᬗᬩᬕᬸᬲ᭄᭞ᬳᭀᬕᬦ᭄ᬫᬓᬶᬍᬲᬦ᭄᭞ᬗᬫᬸᬓ᭄ᬫᬸᬓ᭄ᬫᬓᬶᬍᬲᬦ᭄᭞ᬳᬭᬄᬤᭀᬂᬤᬤᬢᬭᬫ᭄ᬩᬂ᭞ᬜᬓᬓᬾᬦ᭄ᬓᬾᬦ᭄ᬢᭀᬂᬜᬦ᭄ᬤᬂᬭᬸᬗᬸ᭟ᬧᬜ᭄ᬚᬂᬬᬦᬸᬘᬧᬂᬲᬫᬶ᭞ᬢᬢᬶᬗ᭄ᬓᬳᬦ᭄᭞ᬯᭀᬂᬤᬾᬰᬮᬦᬂᬯᬥᬹ᭞ᬓᬢᬳᬦ᭄ᬢᬦ᭄ᬧᬸᬭᬸᬦ᭄᭞ᬦᬫ᭄ᬧᭂ᭠ [ 222 ][᭒᭒᭑ 221B]
᭒᭑᭑
ᬓ᭄ᬫᬫᬦᬄᬫᬩᬮᬶᬄ᭞ᬳᬚ᭄ᬭᬶᬄᬧᬘᬂᬲᬮᬄ᭞ᬧᬾᬢ᭄ᬓᬘᬯᬶᬲ᭄ᬭᬶᬂᬲᬂᬧ᭄ᬭᬪᬹ᭞ᬗᬭᭀᬫ᭄ᬭᭀᬫᬶᬦ᭄ᬘᭀᬭᬄ᭞ᬮᬶᬦ᭄ᬢᬂᬭᬶᬂᬢᭂᬗᬄ᭠ᬯᭂᬗᬶ᭞ᬲᭂᬧᬶᬲᬫᬸᬦ᭄ᬭᬶᬂᬩᬜ᭄ᬘᬶᬗᬄ᭞ᬫᬥᬾᬯᬢᬶᬦᬸᬗ᭄ᬕᬮᬂᬓᬬᬸᬦ᭄᭟ᬫᬫᭂᬕᭂᬂᬲᬳᬫᬫᬸᬲ᭄ᬢᬶ᭞ᬗ᭄ᬕ᭄ᬭᬦᬵᬲᬶᬓ᭞ᬫᬫᭂᬓᭂᬓ᭄ᬤᬰᬩᬬᬸ᭞ᬯᬲ᭄ᬢᬸᬓᭂᬢᬸ
ᬕ᭄ᬮᬶᬦᬸᬄ᭞ᬫᬤᬸᬮᬸᬭᬦ᭄ᬲᬩᭂᬄᬭᬶᬭᬶᬲ᭄᭞ᬭᬱᬲ᭄ᬯᬭᬦ᭄ᬖᬡ᭄ᬝ᭞ᬫᬭᬶᬂᬩ᭄ᬬᭀᬫᬦ᭄ᬢᬭᬳᬸᬫᬸᬂ᭞ᬮ᭄ᬯᬶᬃᬲᬧ᭄ᬢᬧᬵᬡ᭄ᬥᬶᬢ᭞ᬗᬃᬖ᭄ᬕᬫᬭᬶᬂᬅᬯ᭄ᬬᬢᬶ᭞ᬫᬗᬸᬜ᭄ᬘᬭᬂᬘᬢᬹᬃᬯᬾᬤ᭄ᬥ᭞ᬧᬂᬍᬩᬸᬭᬦ᭄ᬫᬵᬮᬦᬶᬂᬍᬢᬸᬄ᭟ᬕᭂᬋᬄᬫᬦ᭄ᬤ᭄ᬭᬓᬶᬮᬧ᭄ᬢᬝᬶᬢ᭄᭞ᬫᬲ᭄ᬮᬶᬯᭂᬭᬦ᭄᭞ᬓᬩᬶᬦᬯᬫᬢᬭᬸᬂ᭞ᬋ᭠
ᬲ᭄ᬋᬲ᭄ᬲᬗᬦ᭄ᬤᬸᬮᬸ᭞ᬧ᭄ᬭᬪᬵᬯᬦ᭄ᬲᬂᬦᬳᭂᬦ᭄ᬓᬶᬂᬓᬶᬂ᭞ᬭᬶᬦᬱᬧ᭄ᬭᬮᬬ᭞ᬓᬂᬪᬹᬯᬦᬤᬾᬦᬶᬂᬫᬺᬢ᭄ᬬᬸ᭞ᬳᬦ᭄ᬢᬸᬓ᭄ᬓᬲᬶᬤ᭄ᬥᬾᬦᬦ᭄᭞᭠ᬫᬥᬾᬯᬢᬶᬗᬲ᭄ᬢᬸᬢᬶ᭞ᬪᬝᬵᬭᬢᬶᬕᬧᬸᬭᬸᬱ᭞ᬦᬾᬫᬮᬶᬗ᭄ᬕᬭᬶᬂᬕᬸᬦᬸᬂᬳᬕᬸᬂ᭟ᬓᭂᬩᬸᬲ᭄ᬩᬭᬮ᭄ᬯᬶᬃᬤᬶᬦᬕ᭄ᬤᬶ᭞ᬲᬦᬵᬕᬭ᭞ᬤᬹᬃᬩᬶᬓ᭄ᬱᬲᭂᬧᬶᬲᬫᬸ᭠
ᬦ᭄᭞ᬗᬚᬭᬂᬧᬓᬾᬯᬸᬄ᭞ᬲᬂᬦᬵᬣᬭᬢᬸᬭᬶᬂᬩᬮᬶ᭞ᬤᬍᬫ᭄ᬲ᭄ᬯᬾᬘ᭄ᬙᬧᬸᬭ᭞ᬲᬸᬗ᭄ᬓᬯᬓᬬᬸᬦᬾᬲᬸᬗ᭄ᬲᬸᬢ᭄᭞ᬳᭀᬲᭂ᭠ᬓᬶᬂᬲ᭄ᬯᬘᬶᬢ᭄ᬢ᭞ᬗᬾᬮᬶᬗᬂᬳᭀᬓᬭᬩᬶ᭞ᬓᬢᬶᬩᬦ᭄ᬮᬭᬯᬶᬖᭂᬦ᭞ᬲᬶᬬᬸᬄᬦᬵᬮᬦ᭄ᬤᬍᬫ᭄ᬧᬫ᭄ᬩᬬᬸᬦ᭄᭟ᬧᬗᬯᬾᬱᬦ᭄ᬮᬭᬓᬶᬂᬓᬶᬂ᭞ᬫᬳᬵᬩ

[᭒᭒᭒ 222A]
᭒᭒᭒
ᬭ᭞ᬚᬦ᭄ᬢᭀᬲ᭄ᬳᬶᬤᬲᬂᬧ᭄ᬭᬪᬹ᭞ᬍᬲᬸᬫᬧᬓᬬᬸᬦ᭄᭞ᬢᬦ᭄ᬧᭀᬮᬶᬄᬲᬶᬋᬧ᭄ᬳᬯᭂᬗᬶ᭞ᬯᬮᬾᬦᬶᬦ᭄ᬢᬸᬢᬸᬭᬂ᭞ᬫᬥᬾᬯᬢᬶᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬗᬲᬶᬳᬲᬶᬄᬢᬦ᭄ᬲᬄ᭞ᬫᬦᬸᬮᬫᬾᬲᬂᬓᬵᬮᬶᬄ᭞ᬦᬶᬮᬯᬢᬶᬫᬺᬢ᭄ᬣᬚᬶᬯ᭞ᬭᬓᬦ᭄ᬤᬦᬾᬭᬶᬂᬕᬸᬦᬸᬂᬳᬕᬸᬂ᭟ᬥᬹᬄᬮᬮᬶᬲ᭄ᬲᬦ᭄ᬗᬫᭂ
ᬦᭂᬗᬶᬦ᭄᭞ᬤᬾᬯᬾᬓ᭄ᬢᬶᬢ᭄ᬬᬂ᭞ᬲᬗ᭄ᬲᬭᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬫᬗ᭄ᬕᬸᬳᬂᬧᬓᬾᬯᬸᬄ᭞ᬳᭂᬫ᭄ᬩᭀᬓ᭄ᬩᭂᬮᬶᬭᬹᬧᬮᬮᬶ᭞ᬭᬶᬂᬫᬦ᭄ᬢᬸᬮᬦ᭄ᬳᭀᬓ᭞ᬫᬦᬯᬶᬓᬤᬸᬓ᭄ᬓᬢᬸᬗ᭄ᬓᬸᬮ᭄᭞ᬫᬫᭂᬕᭂᬂᬫᬬᭀᬕ᭞ᬭᬶᬂᬕᬸᬦᬸᬂᬲᬋᬂᬓᬵᬮᬶᬄ᭞ᬓᬩᬢᭂᬓ᭄ᬓᬬᬸᬦᬾᬮᬾᬤᬂ᭞ᬚᬦ᭄ᬢᭀᬲ᭄ᬳᭂᬫ᭄ᬩᭀᬓ᭄ᬩᭂᬮᬶᬢᬦ᭄ᬭᬸ
ᬗᬸ᭟ᬭᬶᬂᬢᬶᬢ᭄ᬬᬂᬧᬘᬂᬗᭂᬫᬲᬶᬦ᭄᭞ᬲᬋᬂᬢᬶᬕ᭞ᬢᬦ᭄ᬧᬭᬶᬯᬗ᭄ᬤᬾᬤᬸᬭᬸᬲ᭄᭞ᬲᬦ᭄ᬢᬦᬦᬾᬧᬸᬢᬸᬂ᭞ᬬᬦ᭄‌‌ᬫ᭄ᬩᭀᬓ᭄ᬩᭂᬮᬶᬗᬫᭂᬦᭂᬗᬶᬦ᭄᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂ᭞ᬧᬾᬢ᭄ᬓᬵᬭᬶᬦᬸᬢᬸᬕᬂᬢᬸᬯᬸᬄ᭞ᬤᬸᬄᬓᬶᬢᬲᬢᬢ᭞ᬓᬕᬸᬬᭀᬦᬦ᭄ᬢᬦ᭄ᬫᬭᬶ᭞ᬩᬶᬮᬶᬄᬭᬶᬯᭂᬓᬲ᭄ᬓᬲᬫ᭄ᬩᬢ᭄᭞ᬧᬤᬸᬓ᭄ᬯ
ᬦ᭄ᬢᬫᬦ᭄ᬩᬮᬶᬍᬢᬸᬄ᭟ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬩᬂᬩᬂᬯᬾᬢᬦ᭄᭞ᬫᬥᬾᬯᬢᬶᬢᬦ᭄ᬲᬸᬭᬸᬤ᭄᭞ᬤᬦᬾᬫᭂᬭᬄ᭠ᬫᭂᬭᬸᬄ᭞ᬫᬗᬫᬾᬳᬫᬾᬲᬂᬓᬵᬮᬶᬄ᭞ᬲᬳᬗᬲ᭄ᬢᬸᬗ᭄ᬓᬭ᭞ᬭᬓᬦ᭄ᬤᬦᬾᬫᬭᬶᬂᬕᬸᬦᬸᬂ᭞ᬓᬜ᭄ᬘᬶᬢ᭄ᬓᬦ᭄ᬢᭂᬦ᭄ᬲᬶᬧ᭄ᬢ᭞ᬓᬭᬯᬸᬳᬦ᭄ᬲᬂᬓᬵᬮᬶᬄ᭞ᬓᭂ᭠ [ 223 ][᭒᭒᭒ 222B]
᭒᭒᭒
ᬮᬧ᭄ᬓᭂᬮᬧ᭄ᬗᬯᬗᬯᬂ᭞ᬢᬦ᭄ᬧᬵᬫᭂᬗᬦ᭄ᬫᬳᬯᬦ᭄ᬳ᭄ᬬᬸᬦ᭄᭟ᬭᬱᬗᬶᬘ᭄ᬙᬾᬦᬶᬦ᭄ᬧᬯᬶᬲᬶᬓ᭄᭞ᬲᬂᬓᬮᬭᬦ᭄᭞ᬫᬗ᭄ᬤᬲᬵᬫ᭄ᬧᬸᬦᬂᬲᬸᬗ᭄ᬲᬸᬢ᭄᭞ᬳᭀᬲᭂᬓ᭄ᬫᬧᬓᬬᬸᬦ᭄᭞ᬤᬾᬦ᭄ᬧᬕᭂᬄᬲᬦ᭄ᬢᭀᬰᬾᬂᬩᬸᬤ᭄ᬥᬶ᭞ᬫᬫ᭄ᬭᬶᬳᬂᬓᬲᬸᬓᬵᬦ᭄᭞ᬮᬫᬓᬦ᭄ᬲᬤ᭄ᬬᬭᬳᬬᬸ᭞ᬯᬲ᭄ᬢᬸᬤᬶᬃᬖ᭄ᬕᬬᬸᬱ᭞
ᬯᬾᬦ᭄ᬢᭂᬦ᭄ᬰᬩ᭄ᬤᬧᬶᬭᬕᬶ᭞ᬲᬓ᭄ᬱᬡᬕᬮᬗᬧᬤᬂ᭞ᬓᬬᬸᬦ᭄ᬫᬥᬾᬯᬢᬶᬗᬭᬸᬗᬸ᭟᭜᭟ᬕᬶᬦᬦ᭄ᬢᬶ᭟᭜᭟ᬩᬾᬜ᭄ᬚᬗᬦ᭄ᬫᬮᬶᬄᬓᬯᬸᬯᬸᬲ᭄᭞ᬓᬮᬸᬗ᭄ᬳᬂᬮᬸᬗ᭄ᬳᬂᬫᬳᭀᬃᬢ᭄ᬢᬶ᭞ᬲᬫ᭄ᬩᬸᬂᬲᬶᬦᬫ᭄ᬩᬸᬂᬫᬕᬢ᭄ᬭ᭞ᬫᬾᬄᬭᬯᬸᬄᬢᭂᬧᬶᬲᬶᬭᬶᬂ᭞ᬬᬦ᭄ᬢᬓᭀᬘᬧ᭄ᬓᬵᬫᬚᬬ᭞ᬲᬓᬾᬂᬤᬾ᭠
ᬰᬢᬫᬦ᭄ᬩᬮᬶ᭟ᬧ᭄ᬭᬲᬗ᭄ᬕᬓᬧᬸᬭᬶᬳᬕᬸᬂ᭞ᬗᬭᬗ᭄ᬓᬢᬂᬭᬵᬚᬧᬸᬢ᭄ᬭᬶ᭞ᬦᬾᬫᬧᬭᬩ᭄ᬤᬾᬯᬵᬬᬸᬫᬵᬲ᭄᭞ᬳᭀᬓᬦ᭄ᬳᬶᬤᬤ᭠ᬍᬫ᭄ᬩᬮᬶ᭞ᬓᬳᬬᭀᬦ᭄ᬢᬦ᭄ᬧᬢᬦ᭄ᬤᬶᬗᬦ᭄᭞ᬗᬲᭀᬭᬂᬲᬚᬕᬢ᭄ᬩᬮᬶ᭟ᬫᬓᬓᬵᬮᬶᬄᬲᬵᬫ᭄ᬧᬸᬦ᭄ᬫᭂᬚᬸᬓ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬫᬢᭂ
ᬕᬸᬮ᭄ᬤᬤᭀᬲ᭄ᬩᬩᬡ᭄ᬥᬦ᭄᭞ᬤ᭄ᬭᬢᬶᬓ᭄ᬭᬫᬳᬗ᭄ᬮᬗ᭄ᬓᬳᬶ᭞ᬓᬭᬂᬳᬸᬮᬸᬳᬸᬚᬃᬧᬭ᭞ᬳᬕᬸᬂᬤᭀᬱᬓᬸᬭᬂᬧᬢᬶ᭟ᬳᬓᬾᬦ᭄ᬢᭂᬦ᭄ᬳᭀᬃᬢ᭄ᬢᬶᬦᬾᬫᬩᬸᬓ᭄᭞ᬤᬤᬶᬳᬭᬤᬶᬧᬸᬦ᭄ᬲᬫᬶ᭞ᬯᭀᬂᬤᬾᬰᬭᬶᬂᬤᬾᬰᬤᬾᬰ᭞ᬳᬕᬸᬂᬳᬮᬶᬢ᭄ᬮᬦᬂᬳᬶᬲ᭄ᬢ᭄ᬭᬶ᭞ᬭᬯᬸᬄᬓᬕᬾ᭠

[᭒᭒᭓ 223A]
᭒᭒᭓
ᬮ᭄ᬕᬾᬮ᭄ᬜᭂᬮᬧᬂ᭞ᬦᬸᬫᭀᬦᬂᬲᬓᬤᬶᬳᭀᬃᬢ᭄ᬢᬶᬦᬶᬸ᭟ᬯᬾᬦ᭄ᬢᭂᬦ᭄ᬦᬾᬫᬤᭀᬮᬦ᭄ᬜᬭᬸ᭞ᬓᬧᬲᬃᬢᬫ᭄ᬩᬾᬮᬸᬄᬫ᭄ᬯᬦᬶ᭞ᬯᬾᬦ᭄ᬢᭂᬦ᭄ᬫᬧᬶᬫᬢᬸᬫ᭄ᬩᬲᬦ᭄᭞ᬕᬸᬫᬦ᭄ᬢᬶᬗᬕᭂᬦ᭄ᬫᬩᬮᬶᬄ᭞ᬩᬩᬡ᭄ᬥᬦᬦᬾᬭᬶᬂᬯᬦ᭄ᬢᬶᬮᬦ᭄᭞ᬲᭂᬩᭂᬢ᭄ᬢᬦ᭄ᬧᭀᬮᬶᬄᬫᬩᬮᬶᬄ᭟ᬚᬦ᭄ᬢᭀᬲ᭄ᬭᬶᬂᬧ᭠
ᬲᬭᬾᬲᬸᬯᬸᬂ᭞ᬗᬸᬢᬂᬤᬕᬗᬦ᭄ᬫᬮᬳᬶᬩ᭄᭞ᬩᭂᬗᭀᬂᬳᬶᬧᬸᬦ᭄ᬫᬗᬦ᭄ᬢᭂᬦᬂ᭞ᬩᬩᬡ᭄ᬥᬦᬾᬫᬓᬓᬵᬮᬶᬄ᭞ᬢᬦ᭄ᬲᬫᬾᬂᬲᬫᬾᬂᬫᬵᬦᬹᬱ᭞ᬩᬕᬸᬲ᭄ᬚᭂᬕᬾᬕᬾᬲᬢᬦ᭄ᬤᬶᬂ᭟ᬓᬵᬫᬚᬬᬚᬢᬶᬩᬕᬸᬲ᭄᭞ᬧᬵᬢᬹᬢ᭄ᬳᬶᬤᬭᬵᬚᬧᬸᬢ᭄ᬭᬶ᭞ᬓᬮᬸᬮᬸᬢᬦ᭄ᬓᬲᭂᬫᬭᬦ᭄᭞᭠
ᬢ᭄ᬯᬭᬗᬾᬮᬶᬗᬂᬲᭀᬃᬲᬶᬗ᭄ᬕᬶᬄ᭞ᬓᬯᬗ᭄ᬰᬦ᭄ᬫᬚᬩᬫᬾᬦᬓ᭄᭞ᬓᬵᬫᬚᬬᬬᬦᬶᬂᬮᬶᬂᬮᬶᬂ᭟ᬢᬦ᭄ᬧᬾᬦ᭄ᬤᬄᬳ᭄ᬬᬂᬲ᭄ᬫᬭᬦᬸ᭠ᬮᬸᬲ᭄᭞ᬫᬓᭂᬮᬸᬲ᭄ᬫᬾᬦᬓ᭄ᬗᬾᬤᬦᬶᬦ᭄᭞ᬚᬢᬶᬢᭀᬂᬳᬤᬗᬲᭀᬭᬂ᭞ᬧᬫᬸᬮᬸᬦᬾᬮᬸᬫ᭄ᬮᬸᬫ᭄ᬕᬤᬶᬂ᭞ᬗᬸᬚᬂᬢ᭄ᬯᬭᬓᬮᬸᬮᬸᬢᬦ᭄᭞ᬭᬵᬚᬧᬸ
ᬢ᭄ᬭᬶᬳᬶᬤᬗᬓ᭄ᬱᬶ᭟ᬩᬜᬫᬲᬶᬄᬩᬋᬂᬮᬶᬂᬮᬸᬂ᭞ᬗᭂᬦᭀᬢ᭄ᬓᬵᬫᬚᬬᬕᭂᬜ᭄ᬚᬶᬂ᭞ᬫᬓᬶᬢᬜᭂᬭᬳᬂᬳᬯᬓ᭄᭞ᬍᬕᬇ᭠ᬥᭂᬧᬾᬫᬜ᭄ᬚᬓᬶᬦ᭄᭞ᬓᬵᬫᬚᬬᬓᬦ᭄ᬢᬶᬳᭀᬤᬄ᭞ᬬᬤᬶᬦ᭄ᬧᬾᬢ᭄ᬗᭂᬘᭀᬭᬂᬕᭂᬢᬶᬄ᭟ᬫᬾᬮᬦᬶᬦ᭄ᬤᬤᬶᬩᬾᬦ᭄ᬘᬭᬸ᭞ᬬᬦ᭄ᬲᬸᬩᬫ᭠ [ 224 ][᭒᭒᭓ 223B]
᭒᭒᭓
ᬳᬦ᭄ᬫᬲᬦ᭄ᬤᬶᬂ᭞ᬲᬧᬸᬦᬶᬓᬧᬕᬺᬗ᭄ᬕᭂᬗᬦ᭄᭞ᬳᬶᬧᬸᬦ᭄ᬲᬫᬶᬲᬂᬫᬩᬮᬶᬄ᭞ᬓᬵᬫᬚᬬᬲᬬᬂᬓᬸᬢᬂ᭞ᬫᬫᬦᬳᬶᬧᬸᬦ᭄ᬜᬗ᭄ᬓᬸᬢᬶ᭠ᬦ᭄᭟ᬧᬦ᭄ᬚᬫ᭄ᬩᭀᬢ᭄ᬫᬘᭂᬮᬶᬕ᭄ᬭᬯᬸᬄ᭞ᬲᬳᬲᬗᬗ᭄ᬕᬃᬕᬕᬶᬢᬶᬓ᭄᭞ᬩᬗ᭄ᬭᬲ᭄ᬧᬚᬃᬳᬶᬧᬸᬦ᭄ᬲᬸᬕᬮ᭄᭞ᬤᭀᬂᬳᬧᬧᬩᬮᬶᬄᬤᬶᬦᬶ᭞ᬓᬦ᭄ᬢᬶᬗᬸᬢᬂ
ᬧᬤᬕᬗᬦ᭄᭞ᬫᬓᬶᬢᬩᬗ᭄ᬓᬫᬢᬶᬕ᭄ᬢᬶᬕ᭄᭟ᬳᭀᬕᬦ᭄ᬲᬂᬫᬩᬮᬶᬄᬩᬶᬬᬸᬃ᭞ᬫᬓᬶᬍᬲᬦᬶᬧᬸᬦ᭄ᬲᬫᬶ᭞ᬧᬕ᭄ᬭᬸᬤᬸᬕ᭄ᬫᬮᬶᬄ᭠ᬓᬧᬲᬃ᭞ᬤᬕᬗᬦᬾᬘᬧ᭄ᬮᭀᬓ᭄ᬘᬶᬘᬶᬂ᭞ᬢᬦ᭄ᬯᬾᬦ᭄ᬢᭂᬦᬶᬧᬸᬦ᭄ᬮᬶᬗᬸᬦᬦ᭄᭞ᬓᬤᬸᬓ᭄ᬓᬧᬶᬗᭀᬦ᭄ᬫᬩᬮᬶᬄ᭟ᬭᬶᬂᬧᬲᬃᬲᬫᬶᬧᬓ᭄ᬭᬸᬫᬸᬓ᭄᭞ᬦᭂᬫᬄᬫ᭠
ᬫᬶᬲᬸᬄᬧᬓᬶᬲᬶ᭞ᬮᬕᬸᬢᬾᬳᬯᬓᬾᬩᬕ᭄ᬬ᭞ᬓᬢᬸᬫ᭄ᬩᬾᬦ᭄ᬲᬩᬾᬂᬧᬸᬭᬶ᭞ᬢ᭄ᬯᬭᬗᭂᬮᬄᬧᬗ᭄ᬮᭀᬓᬶᬓ᭞ᬗᬸᬦᬵᬤᬶᬓ᭠ᬬᬂᬳᬩᭂᬤᬶᬓ᭄᭟ᬫᬲᬳᬕᭂᬢᬾᬲᬢᬸᬯᬸᬓ᭄᭞ᬧᬗ᭄ᬓᬄᬢᭂᬕᭂᬳᬾᬩᬵᬦ᭄ᬗᭂᬜ᭄ᬚᬶᬓ᭄᭞ᬢ᭄ᬯᬭᬗᭂᬮᬄᬢᬢᭀᬮᬶᬳᬦ᭄᭞ᬩᭂᬮᭀᬕ᭄ᬳᬚᬸᬫ᭄ᬢᬶ
ᬤᭀᬂᬕᬶᬕᬶᬲ᭄᭞ᬫᬾᬄᬫᬢᬦᬾᬤᬶᬧᬩᬳᬦ᭄᭞ᬢ᭄ᬯᬭᬗᭂᬮᬄᬳᭀᬮᬲ᭄ᬳᬢᬶ᭟ᬫᬭᬤᬤᬶᬧᬭᬚᬸᬭᬸ᭞ᬫᭀᬓᬓ᭄ᬫᬋᬓᬓ᭄ᬢᬸᬃᬚᬤᬶᬕ᭄᭞ᬯᬾᬦ᭄ᬢᭂᬦ᭄ᬲᬦᬾᬜᬫ᭄ᬩᬢ᭄ᬲᬭ᭞ᬦᭀᬫ᭄ᬩᬬᬂᬲᬦᬾᬗᬭᬶᬫᬶᬓ᭄᭞ᬧᬕᬶᬕᬶᬲᬶᬦ᭄ᬤᭀᬂᬫᬧᭂᬢ᭞ᬳᬧᬂᬢ᭄ᬯᬭᬳᬗ᭄ᬕᭀᬦ᭄ᬧᭂ

[᭒᭒᭔ 224A]
᭒᭒᭔
ᬮᬶᬄ᭟ᬗᬸᬤᬤᬤᬶᬢᭂᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬧ᭄ᬭᬓᬗ᭄ᬕᭀᬤᬶᬧᬸᬭᬶ᭞ᬮᬶᬬᬸᬦᬦ᭄ᬗᬤᭀᬓᬂᬧᭀᬗᬄ᭞ᬢ᭄ᬯᬭᬚᬗ᭄ᬓᬬᬦ᭄ᬫ᭠ᬫᬸᬜᬶ᭞ᬭᬾᬄᬢ᭄ᬯᬭᬫᬓᬤᬂᬰᬵᬲ᭄ᬢ᭄ᬭ᭞ᬩᬾᬢᬓ᭄ᬧᬓᭂᬋᬗᬶᬦ᭄ᬦᭂᬗ᭄ᬓᬶᬓ᭄᭟ᬤᬾᬦᬶᬂᬤᭂᬫᭂᬦ᭄ᬗᬸᬮᬸᬓᬸᬮᬸᬓ᭄᭞ᬫᬫᬶᬱᬾᬦ᭄ᬗᬗ᭄ᬓᬩᬗ᭄ᬓᬩᬶᬦ᭄᭞ᬳᬸᬮᬶᬄ᭠
ᬳᬮᬸᬄᬗᬮᬶᬄᬳᬾᬮᬄ᭞ᬳᬦᬾᬩᭂᬮᭀᬕ᭄ᬜᬓ᭄ᬗᬸᬕᭀᬦᬶᬦ᭄᭞ᬧᬦᬫᬂᬲᬂᬫᬵᬫ᭄ᬪᭃᬓ᭄ᬘᭀᬭᬄ᭞ᬳᬯᬦᬦ᭄ᬕᬸᬫᬶᬦᬾᬚᬦᬶ᭟ᬩᬶᬬᬸᬃᬫᬵᬤᬸᬓᬦ᭄ᬢᭀᬂᬫᬗ᭄ᬓᬸᬄ᭞ᬧᬭᬚᬸᬭᬸᬫᬢᬓᬭᬶᬦ᭄᭞ᬲᬓᬾᬂᬢ᭄ᬯᬭᬦᬯᬂᬳᬤᬢ᭄᭞ᬢᬢᬓ᭄ᬭᬫᬰᬶᬮᬬᬸᬓ᭄ᬢᬶ᭞ᬫᬗᬦ᭄ᬤᭂᬮᬂᬓᬓᭀᬲᬾ
ᬦᬦ᭄᭞ᬲᭀᬓ᭄ᬫᬩᬳᬦ᭄ᬦᬫ᭄ᬧᬶᬕᬚᬶᬄ᭟ᬕᬚᬶᬄᬫᬧᬶᬢᭂᬕᭂᬲ᭄ᬫᬸᬮᬸᬓ᭄᭞ᬫᬸᬮᬸᬓᬾᬫᬸᬮᬤᭂᬫᭂᬦᬶᬦ᭄᭞ᬳᬧᬗᬜᬓ᭄ᬗᬫᭀᬓᭀᬳᬂ᭞ᬯᬾᬦ᭄ᬢᭂᬦ᭄ᬦᬾᬕᭂᬢᬧ᭄ᬜᬳᬸᬭᬶᬦ᭄᭞ᬳᬭᬄᬧᬧᬓ᭄ᬧᬧᬓ᭄ᬭᬫ᭄ᬩᬂ᭞ᬫᬸᬜᬶᬦᬾᬫᬓ᭄ᬭᬡᬧᭂᬮᬶᬄ᭟ᬓᬤᬸᬓᬾᬦ᭄ᬳᬦ᭄ᬢᬸᬓ᭄ᬳᬶᬤᬲᬂᬧ᭄ᬭᬪᬹ᭠
ᬤᬤᬢᬩᬓᬢ᭄ᬭᬲᬦᬶᬦ᭄᭞ᬫᭂᬮᬄᬦᬾᬚᬦᬶᬭᬯᭀᬲᬂ᭞ᬩᬩᬡ᭄ᬥᬦᬾᬫᬗᬗᭂᬦᬶᬦ᭄᭞ᬲᬬᬂᬓᬸᬢᬂᬓᬵᬫᬚᬬ᭞ᬬᬤᬶᬦ᭄ᬳᬶᬤᬭᬵᬚᬧᬸᬢ᭄ᬭᬶ᭟ᬧᬤᬍᬫ᭄‌‌ᬬᬦᬶᬂᬧᬾᬢ᭄ᬧᬬᬸ᭞ᬫᬭᬭᬸᬂᬮᬓᬃᬓᬧᬲᬶᬄ᭞ᬕᬫᬦᬫᬲᬶᬄᬭᬯᭀᬲᬂ᭞ᬲᬓᬾᬂᬩᭂᬮᭀᬕ᭄ [ 225 ][᭒᭒᭔ 224B]
᭒᭒᭔
ᬢᬦᬶᬳᬲᬶᬦ᭄᭞ᬓᬲᬶᬲᬶᬧᬦ᭄ᬲᬂᬫᬭᬗ᭄ᬓᬢ᭄᭞ᬳᬦᬓ᭄ᬮᬸᬄᬢᭂᬓᬾᬦᬾᬫ᭄ᬯᬦᬶ᭟ᬮᬍᬓᬤᬦ᭄ᬚᬢᬶᬧᬢᬸᬄ᭞ᬳᬸᬮᬶᬭᬸᬭᬸᬗᬾ᭠ᬳᬩᭂᬲᬶᬓ᭄᭞ᬢ᭄ᬯᬭᬳᬤᬧᬪᬶᬦᬬᬦ᭄᭞ᬭᬸᬭᬸᬂᬘᬸᬧᬶᬢ᭄ᬫᬲᭀᬃᬲᬶᬗ᭄ᬕᬶᬄ᭞ᬢᭂᬕᬭᬂᬧᬥᬓᭂᬦᭂᬳᬂ᭞ᬍᬓᬤᬾᬦᬾᬫᬵᬤᬦ᭄ᬮᭂᬯᬶᬄ᭟ᬫᬲᬶᬄᬳᬸᬮᬶ
ᬲᭀᬗᬾᬩᭂᬗᬸ᭞ᬯᬾᬦ᭄ᬢᭂᬦ᭄ᬦᬾᬦᬸᬗ᭄ᬓᬲ᭄ᬜᬳᬸᬭᬶᬦ᭄᭞ᬳᬭᬄᬓᬸᬤᬤᬤᬶᬩᬯᬓ᭄᭞ᬗᭂᬦᭂᬳᬂᬫᬵᬤᬦ᭄ᬲᭀᬃᬲᬶᬗ᭄ᬕᬶᬄ᭞ᬫᬲᬶᬄᬓᬾᬧᬥᬮᬦ᭄ᬢᬗᬂ᭞ᬤᬾᬯᬾᬓᬾᬍᬓᬤ᭄ᬤᬶᬩᬮᬶ᭟ᬓᬤ᭄ᬬᬗ᭄ᬕᬦᬶᬂᬕᭀᬂᬳᬩᬭᬸᬂ᭞ᬫᬕᭂᬦᭂᬧᬦ᭄ᬧᬥᬫᬶᬲᬶ᭞ᬘᬾᬂᬘᬾᬂᬢᬭᭀᬫ᭄ᬧᭀᬂ
ᬮᬦ᭄ᬓᭂᬡ᭄ᬥᬂ᭞ᬚᬾᬕᭀᬕᬦ᭄ᬓᭂᬫ᭄ᬧᬸᬮ᭄ᬮᬦ᭄ᬓᭂᬫ᭄ᬧ᭄ᬮᬶ᭞ᬕᭂᬦ᭄ᬤᬾᬃᬧᭀᬗ᭄ᬕᬂᬮᬦ᭄ᬓᬍᬦᬂᬢᬩᬸᬳᬂᬗᬦᬹᬢᬶᬦ᭄ᬫᬸᬜᬶ᭟ᬬᬦ᭄ᬤᬸᬯᭂᬕ᭄ᬳᬦ᭠ᬓᬾᬦᬩᬸᬄ᭞ᬗᬸᬤᬢ᭄ᬯᬭᬗᬮᬗᭂᬦᬶᬦ᭄᭞ᬧ᭄ᬭᬤᬾᬬᬦ᭄ᬳᬤᬸᬓ᭄ᬜᬜᬳᬂ᭞ᬦᭂᬧᬓ᭄ᬫᬾᬄᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭞ᬓᬾᬢᭀᬳᬗ᭄ᬕᭀᬦ᭄ᬧ᭄ᬭᬢᬶᬯᬶᬫ᭄ᬪ᭞
ᬢᬢᬓ᭄ᬭᬫᬦᬾᬤᬶᬩᬮᬶ᭟ᬫᬸᬮᬢᬫᬶᬳᬸᬮᬶᬳᬶᬮᬸ᭞ᬧᬵᬢᬹᬢ᭄ᬤᬾᬯᬾᬓᬾᬜᬸᬗ᭄ᬓᭂᬫᬶᬦ᭄᭞ᬧᬲ᭄ᬯᬭᬦ᭄ᬲᬂᬗᭂᬭᬾᬄᬚᬕᬢ᭄᭞ᬳᬶᬮᬳᬶᬮᬬᬦ᭄ᬢᬸᬗ᭄ᬓᬲᬶᬦ᭄᭞ᬯᬾᬦ᭄ᬢᭂᬦ᭄ᬫᬯᬵᬱ᭄ᬝᬦᬂᬧᬢ᭄ᬭ᭞ᬗᬚᭂᬫ᭄ᬚᭂᬫ᭄ᬳᬶᬧᬸᬦ᭄ᬫᬕᭂᬤᬶ᭟ᬫᬢᬓᭂᬳᬶᬧᬸᬦ᭄ᬢᬦ᭄ᬘᬸᬫ᭄ᬧᬸ᭞ᬦᬶᬗᭂᬄᬳᬦ

[᭒᭒᭕ 225A]
᭒᭒᭕
ᬓᬾᬫᬓᬶᬲᬶ᭞ᬧᬓᬯᭀᬦᬾᬲᬓᬾᬂᬧᬲᬃ᭞ᬦᬂᬢᬗ᭄ᬓᬶᬮ᭄ᬦᬸᬢᬸᬕ᭄ᬜᬋᬗᬶᬦ᭄᭞ᬯᬸᬲᬦᬶᬧᬸᬦ᭄ᬫᬲᬤᬾᬕᬦ᭄᭞ᬫᬓᭀᬘᭀᬕᬦ᭄ᬧᭂᬮᬸᬄᬧᬶᬤᬶᬢ᭄᭟ᬲᬋᬂᬓᬵᬮᬶᬄᬦᬸᬮᬶᬳᬶᬧᬸᬦ᭄᭞ᬗᬋᬋᬄᬲᬸᬯᬸᬂᬫᬓᬶᬲᬶᬤ᭄᭞ᬗᬕᭂᬦ᭄ᬧᬘᬂᬫᬭᬭᬲᬵᬦ᭄᭞ᬫᬶᬦᭂᬳᬶᬦ᭄ᬦᬾᬭᬶᬫ᭄ᬩᬶᬢ᭄ᬭᬶᬫ᭄ᬩᬶ᭠
ᬢ᭄᭞ᬲᬫ᭄ᬩᬶᬮᬂᬳᬶᬧᬸᬦ᭄ᬫᬲᬤᬄ᭞ᬭᬶᬂᬩᬢᬸᬦᬾᬲᬋᬂᬓᬵᬮᬶᬄ‌᭟ᬦᬂᬧᬢ᭄ᬭᬗᬯᬶᬢᬶᬦ᭄ᬤᬸᬫᬸᬦ᭄᭞ᬫᬚᬭᬶᬦᬶᬧᬸᬦ᭄ᬦᬂᬢᬗ᭄ᬓᬶᬮ᭄᭞ᬢᭂ᭠ᬕᬭᬂᬧᬥᬓᭂᬦᭂᬳᬂ᭞ᬭᬯᭀᬲ᭄ᬳᬦᬓᬾᬳᬶᬢᬸᬦᬶ᭞ᬳᬚᬓ᭄ᬤᬤ᭄ᬯᬫᬕᭀᬜ᭄ᬚᬓᬦ᭄᭞ᬓᬾᬦ᭄ᬓᬾᬦ᭄ᬓᬧᬶᬦᭂᬄᬩᬦ᭄ᬘᬳᬶ᭟ᬦᬂᬢᬗ᭄ᬓᬶᬮ᭄ᬭᬭᬶᬲ᭄ᬫᬲᬳᬸᬃ
᭞ᬧᬥᬩᭂᬦᭂᬄᬧᬥᬧᭂᬮᬶᬄ᭞ᬬᬦᬶᬂᬳᬸᬮᬢᬂᬤᬶᬰᬵᬲ᭄ᬢ᭄ᬭ᭞ᬳᬦᬾᬢᬳᬾᬦ᭄ᬧᭂᬮᬚᬳᬶᬦ᭄᭞ᬫᬵᬤᬦ᭄ᬥᬂᬥᬂᬩᬂᬩᬸᬗᬮ᭠ᬦ᭄᭞ᬧᬓᬵᬃᬬ᭄ᬬᬦ᭄ᬲᬂᬯᬶᬓᬦ᭄ᬗᬸᬦᬶ᭟ᬧᭂᬤᬲ᭄ᬤᬶᬢᬸᬲᬸᬩᬫᬸᬗ᭄ᬕᬸᬄ᭞ᬩ᭄ᬭᬸᬦᬳᬓᭀᬦᬾᬓᬵᬤᬦᬶᬦ᭄᭞ᬬᬾᬦ᭄ᬳᬤᬲᬮᬄᬚᬸᬯᬗᬦ᭄᭞ᬫᬵᬋᬧ᭄ᬜ
ᬫᬢ᭄ᬯᬭᬤᬤᬶ᭞ᬤᬤᬶᬳᭂᬦ᭄ᬤᭂᬧᭂᬦ᭄ᬤᭂᬧ᭄ᬯᭂᬓᬲ᭄᭞ᬬᬦᬶᬂᬩᬶᬦ᭄ᬧᬶᬤᬦ᭄ᬦᬸᬫᬶᬢᬶᬲ᭄᭟ᬳᬧᬩᬸᬯᬶᬦ᭄ᬜᬸᬯᬂᬫᬦ᭄ᬢᬸ᭞ᬢ᭄ᬯᬭᬤᬤᬶᬕᬢᬶᬕᬢᬶ᭞ᬤᬤᬶᬦᬫᬸᬦᬫᬸᬯᭂᬓᬲ᭄᭞ᬜᬸᬯᬂᬳᬶᬧᬄᬫᬲᬶᬄᬧᭂᬮᬶᬄ᭞ᬬᬦ᭄ᬦᬸᬫᬶᬢᬶᬲ᭄ᬫᬢᭂᬫᬳᬦ᭄᭞ᬳᬶᬭᬶᬲᬶᬭᬶᬲ᭄ᬧᭀᬄᬓᬯᬶᬗ᭄ᬓᬶᬂ᭟ᬓᬾ᭠ [ 226 ][᭒᭒᭕ 225B]
᭒᭒᭕
ᬢᭀᬫᬲᬶᬄᬢᬦ᭄ᬓᬧᬵᬢᬹᬢ᭄᭞ᬜᬸᬯᬂᬢᬸᬫᬶᬦ᭄ᬢ᭄ᬯᬭᬤᬤᬶ᭞ᬳᬧᬩᬸᬯᬶᬦ᭄ᬫᬓᬸᬋᬦᬦ᭄᭞ᬢᭂᬓᬾᬦ᭄ᬭᬭᬫᬦᬾᬗᬃᬤ᭄ᬥᬶ᭞ᬲᬗ᭄ᬲᬭ᭠ᬦᬸᬫᬶᬢᬶᬲ᭄ᬯᭂᬓᬲ᭄᭞ᬮᬓᬃᬤᬤᬶᬳᬸᬮᬤᬮᬶᬤ᭄᭟ᬳᬓᬾᬢᭀᬫᬲᬶᬄᬲᬂᬧ᭄ᬭᬪᬹ᭞ᬅᬃᬬ᭄ᬬᬤᬍᬫ᭄ᬯᬗ᭄ᬰᬲᬶᬗ᭄ᬕᬶᬄ᭞ᬢ᭄ᬯᬭᬤᬤᬶᬩᬩᬃᬜᬸᬯᬂ᭞ᬧ᭄ᬬᬦᬓ᭄ᬮᬸᬄ
ᬲᬤ᭄ᬭᬯᭀᬂᬣᬦᬶ᭞ᬳᭀᬓᬦᬾᬤᬤᬶᬩᬗ᭄ᬓᬶᬯ᭞ᬲᬸᬲᬸᬤ᭄ᬯᬗ᭄ᬰᬮᬶᬗᬶᬂᬳᬚᬶ᭟ᬓᬲᬫ᭄ᬩᬢᬂᬲ᭄ᬯᬃᬕ᭄ᬕᬳᬸᬭᬸᬂ᭞ᬬᬾᬦ᭄ᬮᬶᬬᬸᬫᬤᬸᬯᬾᬭ᭠ᬩᬶ᭞ᬫᬵᬤᬦ᭄ᬮᭀᬪᬧᬭᬥᬭ᭞ᬓᭀᬦᬾᬳᭀᬓᬦᬾᬦᬸᬫᬤᬶ᭞ᬲᬃᬯ᭄ᬯᬫᬜᬶᬗᭂᬢ᭄ᬯᭂᬓᬲᬦ᭄᭞ᬫᬵᬤᬦ᭄ᬓᬸᬫᬢᬧ᭄ᬓᬸᬫᬶᬢᬶᬧ᭄᭟ᬓᭀᬚᬭᬦᬾᬘᭂ
ᬦ᭄ᬤᭂᬓ᭄ᬢᬸᬯᬸᬄ᭞ᬓᭀᬦᬾᬗᬍᬢᭂᬳᬶᬦ᭄ᬕᬸᬫᬶ᭞ᬓᬾᬢᭀᬫᬲᬶᬄᬲᬂᬩ᭄ᬭᬳ᭄ᬫᬵᬡ᭞ᬢ᭄ᬯᬭᬤᬤᬶᬗᬫ᭄ᬩᬶᬮ᭄ᬭᬩᬶ᭞ᬳᬦᬓ᭄ᬮᬸᬄᬳᬦᬾᬲᭀᬃᬯᬗ᭄ᬰ᭞ᬩᬗ᭄ᬓᬾᬓᭀᬓ᭄ᬳᬸᬘᬧᬶᬂᬳᬚᬶ᭟ᬓᭀᬦᬾᬦᬾᬫᬵᬤᬦ᭄ᬲᬭᬸᬦ᭄ᬤᬸᬂ᭞ᬲᬂᬢ᭄ᬭᬶᬯᬗ᭄ᬰᬦᬾᬫᬭᬩᬶ᭞ᬢ᭄ᬯᬭᬧᬧᬥᬦ᭄‌‌ᬲᭀᬃᬯᬗ᭄ᬰ᭞ᬫᬲᬶᬄᬗᬍᬢᭂ᭠
ᬳᬶᬦ᭄ᬕᬸᬫᬶ᭞ᬲᬸᬲᬸᬤ᭄ᬕᬸᬡᬲᬸᬲᬸᬤ᭄ᬯᬗ᭄ᬰ᭞ᬲᬮᬄᬚᬸᬯᬗᬦ᭄ᬓᬵᬤᬦᬶᬦ᭄‌᭟ᬧᬶᬢᭂᬕᭂᬲ᭄ᬫᬵᬤᬦ᭄ᬲᬭᬸᬦ᭄ᬤᬸᬂ᭞ᬲᬫᬃᬲᬭᬸᬢᬦ᭄ᬧᬲᬸᬦ᭄ᬤᬶᬄ᭞ᬧᬢᬶᬕᬩᬕ᭄ᬳᬸᬮᬄᬲᬲᬃ᭞ᬢ᭄ᬯᬭᬗᬾᬤᬍᬫᬂᬓᬸᬮᬶᬢ᭄᭞ᬢᭀᬂᬗᬫᬗ᭄ᬕᭂᬳᬂᬓᬯᬗ᭄ᬰᬦ᭄᭞ᬓᬾᬢᭀᬰᬵᬲ᭄ᬢ᭄ᬭᬦᬾᬗᬤᬦᬶᬦ᭄᭟ᬦᬂᬧᬢ᭄ᬭ᭠

[᭒᭒᭖ 226A]
᭒᭒᭖
ᬓᭂᬜᭂᬫ᭄ᬫᬲᬳᬸᬭ᭄᭞ᬬᬦ᭄ᬓᬾᬢᭀᬭᬯᭀᬲᬂᬘᬳᬶ᭞ᬢ᭄ᬯᬭᬳᬤᬳᬦᬓ᭄ᬫᬾᬦᬓ᭄᭞ᬬᬾᬦ᭄ᬰᬵᬲ᭄ᬢ᭄ᬭᬳᬗ᭄ᬕᭀᬦᭂᬧᬲᬶᬦ᭄᭞ᬭᬾᬄᬲᬸᬩᬓᬤᬸᬂᬫᬵᬤᬸᬓᬦ᭄᭞ᬳᬸᬮᬶᬫᬮᬸᬓᬬᬂᬚᬦᬶ᭟ᬩᭂᬮᬶᬫᬲᬶᬄᬦᬯᬂᬳᬸᬦ᭄ᬤᬸᬓ᭄᭞ᬦᬵᬗ᭄ᬳᬶᬂᬘᬓᭂᬧᬦ᭄ᬩᬦ᭄ᬜᬶᬮᬶᬄ᭞ᬰᬵᬲ᭄ᬢ᭄ᬭᬯᬶᬤ᭄ᬥᬶᬧᬧᬶᬜ᭄ᬘ᭠
ᬢᬦ᭄᭞ᬫᬸᬗ᭄ᬕᬄᬰᬰᬡᬦ᭄ᬲᬂᬢ᭄ᬭᬶᬦᬶ᭞ᬗᬦᬹᬢᬶᬦ᭄ᬰᬶᬯᬰᬰᬡ᭞ᬬᬦᬶᬂᬗᬫᬗ᭄ᬕᭂᬳᬂᬓᬸᬮᬶᬢ᭄᭟ᬲᬂᬩ᭄ᬭᬳ᭄ᬫᬵᬡᬢᬦ᭄ᬓᬧᬵᬢᬹᬢ᭄᭞ᬦᭀᬗᭀᬲ᭄ᬤᬶᬚᬸᬫᬄᬯᭀᬂᬣᬦᬶ᭞ᬫᬲᭂᬗ᭄ᬓᭂᬃᬮᬶᬯᬢ᭄ᬳᬢᬶᬩᬦ᭄᭞ᬫᬕᬸᬩᬸᬕᬦ᭄ᬲᬳᬶᬲᬳᬶ᭞ᬧᬗᬦ᭄ᬓᬶᬦᬸᬫ᭄ᬓᬘᬢᭀᬦᬦ᭄᭞ᬧᬭᬲ᭄ᬧᬭᭀ
ᬲᬶᬄᬕᬸᬫᬲᬶᬄ᭟ᬗᬲᬄᬪᬵᬱᬲᬮᬶᬂᬧᬶᬲᬸᬄ᭞ᬯᬵᬓ᭄ᬧᬭᬸᬱ᭄ᬬᬢᬦ᭄ᬧᬰ᭄ᬭᬸᬢᬶ᭞ᬳᬱ᭄ᬝᬘᬧᬮᬭᬶᬂᬰᬸᬤ᭄ᬭ᭞ᬲᬸᬲᬸᬤ᭄ᬯᬗ᭄ᬰᬮᬶᬗᬶᬂᬳᬚᬶ᭞ᬲᬮᬯᬲ᭄ᬮᬯᬲ᭄ᬢᬦ᭄ᬯᭂᬦᬂ᭞ᬲᬶᬮᬶᬄᬳᬮᬧ᭄ᬲᬶᬮᬶᬳᬲᬶᬄ᭟ᬭᬶᬂᬧᬲᬫᭂᬢᭀᬦᬦ᭄ᬓᬦ᭄ᬢᬸᬦ᭄᭞ᬗᬫᬗ᭄ᬕᭂᬳᬂᬯᬗ᭄ᬰᬲᬶᬗ᭄ᬕᬶᬄ᭞ᬓᬧᭂᬕᬢᬶᬦ᭄ᬲᬶᬤ᭄ᬟᬶᬓᬵᬭ᭞
ᬢᭂᬓᬾᬦ᭄ᬦᬾᬗᬚᬶᬦᬶᬦ᭄ᬓᬸᬮᬶᬢ᭄᭞ᬢᬦ᭄ᬯᭂᬦᬂᬲᭂᬫ᭄ᬩᬄᬓᬲᭂᬫ᭄ᬩᬄ᭞ᬬᬤ᭄ᬬᬧᬶᬦ᭄ᬧᬭᬶᬤ᭄ᬓᬧᬭᬶᬤ᭄᭟ᬓᭀᬦᬾᬢᬦ᭄ᬯᭂᬦᬂᬗᬮᬸ᭠ᬗ᭄ᬲᬸᬃ᭞ᬘᬭᬶᬓᬦ᭄ᬯᭀᬂᬰᬸᬤ᭄ᬭᬣᬦᬶ᭞ᬧᬶᬢᬸᬯᬶᬫᬸᬭᬸᬓ᭄ᬫᬰᬵᬲ᭄ᬢ᭄ᬭ᭞ᬫᬩᬶᬯᬥᬃᬫ᭄ᬫᬓᬵᬤᬦᬶᬦ᭄᭞ᬢᬦ᭄ᬯᭂᬦᬂᬢᭂᬓᬾᬦ᭄ᬯᭀᬂᬰᬸᬤ᭄ᬭ᭞ᬢᬹᬃᬫᬢᭂᬕᭂᬦ᭠ [ 227 ][᭒᭒᭖ 226B]
᭒᭒᭖
ᬦ᭄ᬢᭀᬂᬤᬤᬶ᭟ᬧ᭄ᬭᬩᭀᬢ᭄ᬯᭀᬂᬣᬦᬶᬫᬫᬘᬸᬮ᭄᭞ᬢᬦ᭄ᬬᭀᬕ᭄ᬬᬗᬮᬓᭀᬦᬶᬦ᭄᭞ᬲᬧᬢᬸᬤᬸᬳᬶᬂᬯᭀᬂᬰᬸᬤ᭄ᬭ᭞ᬭᬾᬄᬫᭂᬍᬤ᭄ᬢᭂᬓᬾᬦ᭄ᬧᬶᬓᭀᬮᬶᬄ᭞ᬗᬭᬧᬶᬦ᭄ᬲᬭᬵᬚᬓᬵᬃᬬ᭄ᬬ᭞ᬯᭀᬂᬰᬸᬤ᭄ᬭᬢ᭄ᬯᬭᬚᬤᬤᬶ᭟ᬬᬾᬦ᭄ᬳᬤᬩᬦᬶᬫᬫᬸᬭᬸᬕ᭄᭞ᬰᬰᬡᬳᬸᬘᬧᬶᬂᬳᬚᬶ᭞ᬓᭀᬦᬾᬧ᭠
ᬢᬶᬢᬯᬮᬓ᭞ᬯᭂᬓᬲᬦ᭄ᬢ᭄ᬯᬭᬚᬤᬤᬶ᭞ᬦᬾᬓᬾᬢᭀᬦᬕᬶᬄᬫᬤᬶᬓ᭄ᬱ᭞ᬲᬸᬲᬸᬤ᭄ᬢᬦ᭄ᬯᭂᬦᬂᬲᬸᬮᬶᬗ᭄ᬕᬶᬄ᭟ᬳᬧᬩᬸᬯᬶᬦ᭄ᬫᬸᬂᬧᬂᬮᬓᬸ᭞ᬗᬮᬓᭀᬦᬶᬦ᭄ᬫᬦ᭄ᬤᬸᬂᬫᬮᬶᬂ᭞ᬫᬫᬳᬓ᭄ᬬᬤᬶᬦ᭄ᬫᬫᬾᬕᬮ᭄᭞ᬫ᭄ᬮᬕᬦ᭄ᬤᬂᬫᬗᭂᬧᬾᬢ᭄ᬧᬢᬶ᭞ᬫᬲᭀᬮᬄᬜᬾᬮᬾᬂᬩᭀᬮᭀᬢᬦ᭄᭞ᬳᬱ᭄ᬝᬪᬹ
ᬱ᭄ᬝᬲᬓᬮ᭄ᬯᬶᬭᬶᬂ᭟ᬢ᭄ᬯᬭᬤᬤᬶᬢᬦ᭄ᬓᬧᬢᬹᬢ᭄᭞ᬦᬾᬓᬾᬢᭀᬧᬦ᭄ᬢᭂᬦ᭄ᬓᬵᬤᬦᬶᬦ᭄᭞ᬓᬾᬢᭀᬫᬲᬶᬄᬲᬂᬢ᭄ᬭᬶᬯᬗ᭄ᬰ᭞ᬢ᭄ᬯᬭᬤᬤᬶᬗ᭠ᬮᬓᭀᬦᬶᬦ᭄᭞ᬲᬮ᭄ᬯᬶᬭᬶᬂᬩᬦᬶᬚᬓ᭄ᬭᬫ᭞ᬩᬘᬓᬦᬾᬮᬶᬬᬸᬕᬢᬶ᭟ᬫᬤᬕᬂᬳᬤᭀᬮᬢᬸᬓᬸ᭞ᬫᬕᬭᬧᬦ᭄ᬓᬧ᭄ᬭᬣᬶᬯᬶ᭞ᬫᬫᭀᬢᭀᬄᬤᬤᬶ᭠
ᬫᭂᬮᬦ᭄ᬤᬂ᭞ᬦᬗ᭄ᬕᬧ᭄ᬳᬸᬧᬄᬤᬤᬶᬓᬸᬮᬶ᭞ᬗᬮᬶᬄᬫᬶᬢ᭄ᬭᬲᭀᬫᬄᬳᬦᬓ᭄᭞ᬢ᭄ᬯᬭᬤᬤᬶᬢᬸᬗ᭄ᬕᬂᬢᬸᬗ᭄ᬕᬶᬂ᭟ᬗᬶᬦ᭄ᬢᬶᬧ᭄ᬳᬦᬓ᭄ᬮᬸᬄᬫᬮᬮᬸᬂ᭞ᬢᬦ᭄ᬯᭂᬦᬂᬤᬤᬶᬧᬓᬢᬶᬓ᭄᭞ᬮᬶᬬᬸᬬᬦ᭄ᬘᬃᬘ᭄ᬘᬫᬓᭂᬚᬂ᭞ᬮᬓ᭄ᬱᬡᬦᬾᬢ᭄ᬯᬭᬤᬤᬶ᭞ᬫᬵᬤᬦ᭄ᬫᬸᬳᬭᬧᬢᬶᬢ᭞ᬬᬦ᭄ᬫᬫᬸᬭᬸᬕ᭄ᬲᬂᬓᬢ᭄ᬭᬶᬦᬶ᭟ᬦᬂᬢᬗ᭄ᬓᬶ

[᭒᭒᭗ 227A]
᭒᭒᭗
ᬮ᭄ᬓᭂᬤᬾᬓ᭄ᬫᬲᬳᬸᬃ᭞ᬬᬦ᭄ᬓᬾᬢᭀᬭᬯᭀᬲᬂᬩᭂᬮᬶ᭞ᬲᬸᬓᭂᬄᬤᬤᬶᬳᬦᬓ᭄ᬫᬾᬦᬓ᭄᭞ᬫᬓᭂᬚᬂᬩᬓᬢ᭄ᬧ᭄ᬮᬧᬦᬶᬦ᭄᭞ᬧᭂᬮᬶᬄᬳᬩᭂᬤᬶᬓ᭄ᬧᬢᬶᬢ᭞ᬦᬂᬧᬢ᭄ᬭᬫᬲᬳᬸᬃᬓᭂᬜᬶᬂ᭟ᬲᬗ᭄ᬓᬮ᭄ᬘᬳᬶᬧᬮᬶᬂᬳᬮᬸᬄ᭞ᬤᬤᬶᬯᭀᬂᬣᬦᬶᬦᬸᬫᬶᬢᬶᬲ᭄᭞ᬢ᭄ᬯᬭᬮᬓᬃᬲᬸᬲᬸᬤ᭄ᬯᬗ᭄ᬰ᭞ᬭᬾᬄᬲᬸᬩᬲᬶᬩᭂᬢᬾ
ᬦ᭄ᬲᬶᬲᬶ᭞ᬤᬶᬢᬦᬳᬾᬫᬧ᭄ᬮᬶᬲᬳᬦ᭄᭞ᬓᬶᬚᬮᬓᬃᬮᬩᬸᬄᬩᬸᬯᬶᬦ᭄᭞ᬦᬂᬢᬗ᭄ᬓᬶᬮ᭄ᬫᬮᬶᬄᬫᬲᬳᬸᬃ᭞ᬳᬭᬄᬩᭂᬮᬶᬩᬯᬓ᭄ᬕᬢᬶ᭞ᬳᬚᬓ᭄ᬫᬓᬡ᭄ᬥᬗᭂᬦᭂᬳᬂ᭞ᬳᬦᬾᬫᬵᬤᬦ᭄ᬩᭂᬦᭂᬄᬧᭂᬮᬶᬄ᭞ᬬᬤᬶᬦ᭄ᬚᬩᬓᬲᬫ᭄ᬩᬢᬂ᭞ᬓᭂᬦᭂᬳᬾᬫᬾᬦᬓ᭄ᬢᬶᬦ᭄ᬤᬶᬳᬶᬦ᭄᭟ᬫᬶᬭᬶᬩ᭄ᬩᭂᬮᬶᬩᬸᬓᬢᬦ᭄ᬤ᭄ᬭᬸᬄ᭞ᬢᭂ
ᬓᬾᬦᬶᬥᭂᬧᬾᬧᬤᬶᬤᬶ᭞ᬪᬿᬭᬯᬅᬦᭀᬭᬕ᭞ᬫᬧᬶᬢᭂᬕᭂᬲ᭄ᬲᬓᬾᬂᬩᬦᬶ᭞ᬩᬜᬗᭂᬢᭀᬳᬶᬦ᭄ᬳᬸᬓᬸᬤᬦ᭄᭞ᬤ᭄ᬬᬲ᭄ᬢᬸ᭠ᬦ᭄ᬧᬾᬢ᭄ᬮᬓᬃᬗᭂᬫᬲᬶᬦ᭄᭟ᬫᬾᬮᬦᬶᬦ᭄ᬦᬾᬫᬵᬤᬦ᭄ᬧᬵᬢᬹᬢ᭄᭞ᬢᭀᬂᬜᬦ᭄ᬤᬂᬩᬜᬫᬓᬶᬭᬶᬕ᭄᭞ᬧᬸᬭᬸᬱᬗᬦ᭄ᬤᬧᬂᬭᬕ᭞ᬲᬸᬩᬫᬤᬃᬰᬡ
ᬫᬲᬶᬄᬳᬦᬓᬾᬦᬸᬗᬦᬶᬱ᭄ᬝᬬᬂ᭞ᬤᭀᬂᬗᬸᬤᬩᬜᬗᬶᬫᬸᬤᬶᬦ᭄᭟ᬳᬦᬓᬾᬫᬩᬶᬓᬲ᭄ᬗᬕᬸ᭞ᬧᬸᬜᬄᬩᬵᬦ᭄ᬓᬯᬗ᭄ᬰᬦ᭄ᬮᬸᬯᬶᬄ᭞ᬫᭂᬭᬳᬂᬦᬾᬢᬯᬄᬢᬯᬄ᭞ᬦᬸᬫᬤᭀᬓ᭄ᬚᬦᬶᬤᬶᬩᬮᬶ᭞ᬗᬦ᭄ᬤᭂᬮᬂᬤᬾᬯᬾᬓᬾᬫᬾᬦᬓ᭄᭞ᬜᬸᬯᬂᬳᬦᬓ᭄ᬮᬸᬄᬯᭀᬂᬣᬦᬶ᭟ᬓᬵᬮᬦᬢ [ 228 ][᭒᭒᭗ 227B]
᭒᭒᭗
ᬩ᭄ᬫᬲᬫᬬᬸᬢ᭄᭞ᬢ᭄ᬯᬭᬜᬓ᭄ᬩᬋᬂᬦᬾᬫ᭄ᬯᬦᬶ᭞ᬗᬚᬓ᭄ᬦᬾᬮᬸᬄᬫᬲᬓᬧᬦ᭄᭞ᬓᬕᭂᬦ᭄ᬢᭀᬲᬶᬦ᭄ᬩᬳᬦ᭄ᬓᭂᬭᬶᬲ᭄᭞ᬲᬲᬓᬦᬾᬭᬸᬫ᭠ᬲᬢᬂᬳᬦᬾᬫ᭄ᬯᬦᬶᬚᭀᬄᬦᭀᬤ᭄ᬬᬦᬶᬦ᭄᭟ᬲᬓᬵᬮᬦᬾᬗᬚᬓ᭄ᬢᬫ᭄ᬧᬸᬮ᭄᭞ᬳᬦᬾᬮᬸᬄᬦᬢᬩ᭄ᬧᬤᬶᬤᬶ᭞ᬢᭂᬕᬭᬂᬩᭂᬮᬶᬓᭂᬦᭂᬳᬂ᭞ᬳᬤᬓᬾᬳᬸᬦ᭄ᬤᬸ
ᬓ᭄ᬗᬤᬦᬶᬦ᭄᭞ᬲᬸᬩᬫᬯᬶᬤ᭄ᬥᬶᬯᬶᬤᬦ᭞ᬳᬦᬾᬓᬾᬢᭀᬮᬶᬗᬶᬂᬳᬚᬶ᭟ᬦᬂᬧᬢ᭄ᬭᬓᭂᬜᭂᬫ᭄ᬫᬲᬳᬸᬃ᭞ᬲᬚᬢᬯᬄᬕᬢᬶᬕᬢᬶ᭞ᬫᬶ᭠ᬭᬶᬩ᭄ᬦᬾᬮᬸᬄᬤᭀᬂᬫᬵᬦᬹᬱ᭞ᬢ᭄ᬯᬭᬧᭂᬲᬦ᭄ᬫᬗᬚᬶᬦᬶᬦ᭄᭞ᬳᬦᬾᬮᬓᬃᬳᬗ᭄ᬕᭀᬦ᭄ᬲᭀᬫᬄ᭞ᬗᬧᬸᬲ᭄ᬤᬾᬯᬾᬓ᭄ᬢᬦᬶᬳᬲᬶᬦ᭄᭟ᬲᬸᬩᬦᬦ᭄ᬢ᭄ᬯᬭᬚᬘᬸᬫ᭄ᬧᬸ
᭞ᬮᬓᬃᬕᭂᬦᬳᬗ᭄ᬕᭀᬦ᭄ᬭᬩᬶ᭞ᬩᭀᬩᭀᬢᬂᬯᬶᬦᬮᬢ᭄ᬓᬵᬭ᭞ᬲᬓᬾᬂᬢᭀᬂᬦᬯᬂᬲᬸᬚᬢᬶ᭞ᬬᬦ᭄ᬢᬦ᭄ᬫᬯᬶᬤ᭄ᬥᬶᬯᬾᬤᬦ᭞ᬢᭀᬂᬳᬤᬳᬸᬦ᭄ᬤᬸᬓ᭄ᬗᬤᬦᬶᬦ᭄᭟ᬧ᭄ᬭᬲᬶᬤ᭄ᬥᬳᬦᬓᬾᬳᭂᬮᬸᬄ᭞ᬓᬕᭂᬮᬄᬩᬳᬦ᭄ᬦᬾᬫ᭄ᬯᬦᬶ᭞ᬯᭂᬓᬲ᭄ᬬᬦᬶᬂᬗᭂᬮᬄᬧ᭄ᬬᬦᬓ᭄᭞ᬩᬩᬶᬜ᭄ᬚᬢ᭄ᬳᬲ᭄ᬢ᭄ᬭᬓᬵᬤᬦᬶᬦ᭄᭞
ᬲᬸᬲᬸᬤ᭄ᬯᬗ᭄ᬰᬓᬚᬃᬯ᭄ᬯᬓᬂ᭞ᬭᬸᬫᬲᬢ᭄ᬧᬵᬯᬓᬦ᭄ᬲᭂᬦ᭄ᬤᬶ᭟ᬯᬶᬭᬾᬄᬩᬧᬦ᭄ᬜᬦᬾᬢᬫ᭄ᬧᬸᬮ᭄᭞ᬓᬾᬢᭀᬓᬧᬶᬦᭂᬄᬩᬦ᭄ᬩᭂᬮᬶ᭞᭠ᬤᬾᬦᬶᬂᬢᭀᬂᬳᬤᬗᬸᬘᬧᬂ᭞ᬰᬵᬲ᭄ᬢ᭄ᬭᬤᬶᬢᬸᬢᬹᬃᬓᬓᬯᬶᬦ᭄᭞ᬯᭂᬦᬂᬫᬓᬵᬮᬓᬵᬮᬳᬦ᭄᭞ᬳᬦᬾᬮᬸᬄᬦᬢᬩ᭄ᬧᬤᬶᬤᬶ᭟ᬲᬗ᭄ᬓᬦᬶᬂᬢᭀᬂᬦᬯᬂ᭠

[᭒᭒᭘ 228A]
᭒᭒᭘
ᬳᬸᬦ᭄ᬤᬸᬓ᭄᭞ᬩᬦᬶᬩᭂᬮᬶᬫᬗᬤᬦᬶᬦ᭄᭞ᬦᬾᬓᬾᬢᭀᬋᬲᬶᬓᬦ᭄ᬳᬸᬤᬂ᭞ᬳᬍᬳᬶᬍᬄᬜᬸᬯᬸᬦ᭄ᬩᬘᬶᬦ᭄᭞ᬫᬧᬶᬓᬶᬫᬸᬤ᭄ᬗᬚᬓ᭄᭠ᬲᭀᬫᬄ᭞ᬫᬧᬶᬦ᭄ᬤᬗᬚᬶᬦᬶᬦ᭄ᬓᬸᬮᬶᬢ᭄᭟ᬍᬓ᭄ᬗᬦ᭄ᬢᭂᬦᬂᬳᬦᬓ᭄ᬮᬶᬬᬸ᭞ᬦᬵᬗ᭄ᬳᬶᬂᬲᬲᬸᬩᬦᬾᬲᭂᬧᬶ᭞ᬧᬤᬤ᭄ᬯᬦᬦ᭄ᬤᬶᬧᭂᬤᭂᬫᬦ᭄᭞ᬤᬶᬢᬸᬫᬭᬓᬶᬲᬶᬓ᭄ᬓᬶᬲᬶᬓ᭄᭞
ᬘᬭᬢᬸᬗ᭄ᬓᭂᬤ᭄ᬓᬧᭂᬢᭂᬗᬦ᭄᭞ᬢ᭄ᬯᬭᬩᬸᬯᬶᬦ᭄ᬫᬫᬶᬮᬶᬳᬶᬦ᭄᭟ᬤᬢᬤᬢᬩᬓᬢ᭄ᬮᬶᬫ᭄ᬧᬸᬓ᭄᭞ᬦᬾᬩᭂᬗᬸᬓᬓᬤᬾᬦ᭄ᬫᬶᬳᬶᬓ᭄᭞ᬧᬢᬶᬲᬸᬦ᭄ᬤᬸᬮ᭄ᬧᬢᬶᬕᬩᬕ᭄᭞ᬘᭂᬮᬓ᭄ᬘᭂᬍᬓ᭄‌‌ᬢᭀᬂᬗᬶᬫᬸᬤᬶᬦ᭄᭞ᬫᬲᬸᬯᬮ᭄ᬗᬮᬶᬄᬲᭀᬂᬲᭀᬫ᭄ᬩᬄ᭞ᬮᬗ᭄ᬓᬗᬦ᭄ᬩᬓᬢ᭄ᬲᬸᬮᬸᬩᬶᬦ᭄᭟ᬦᬂᬢᬗ᭄ᬓᬶᬮ᭄ᬓᭂᬤᬾᬓ᭄ᬗ
ᬭᬸᬓᬸᬓ᭄᭞ᬲᬚᬓᬾᬢᭀᬬᬦ᭄ᬧᬶᬦᭂᬳᬶᬦ᭄᭞ᬳᬦᬓᬾᬮᬸᬄᬫᬲᬶᬄᬩᬶᬦᬮ᭄᭞ᬤᭂᬫᭂᬦ᭄ᬗᬮᬶᬄᬳᬦᬓ᭄ᬫ᭄ᬯᬦᬶ᭞ᬓᬮᭀᬓᬫᬯᬗ᭄ᬰᬫᬾᬦᬓ᭄᭞ᬫᬓᬶᬢᬲᬦ᭄ᬤᬤᬶᬭᬩᬶ᭟ᬫᭀᬩᭀᬢᬂᬫᬕᭂᬦ᭄ᬢᭀᬲ᭄ᬧᬗ᭄ᬓᬸᬲ᭄᭞ᬚᭂᬭᭀᬜᭀᬫᬦ᭄ᬫᭂᬓᭂᬮ᭄ᬳᬶᬲ᭄ᬢ᭄ᬭᬶ᭞ᬢ᭄ᬯᬭᬗᬶᬗᭂᬢᬂᬭᬭᬫ᭞ᬢᭂᬓᬾᬦ᭄ᬳ
ᬦᬾᬫᬸᬮᬗᬃᬤ᭄ᬥᬶ᭞ᬓᬦ᭄ᬢᬶᬮᬮᬶᬲ᭄ᬢᭀᬂᬜᬓ᭄ᬜᬸᬫ᭄ᬩᬄ᭞ᬓᬵᬮᬭᬭᬫᬦ᭄ᬜᬫᬵᬢᬶ᭟ᬢ᭄ᬯᬭᬫᬳᬦ᭄ᬲᬸᬫ᭄ᬩᬄᬘᬸᬘᬸ᭞ᬓᬾᬢᭀᬳᬯᬶᬕᬾᬤᬶᬩᬮᬶ᭞ᬩᬾᬕᬓ᭄ᬧᭀᬘᭀᬮ᭄ᬗᭂᬮᬄᬧ᭄ᬬᬦᬓ᭄᭞ᬮᬸᬄᬗᬭᭀᬭᭀᬤ᭄ᬤᬤᬶᬭᬩᬶ᭞ᬦᬂᬧᬢ᭄ᬭᬫᬲᬳᬸᬢ᭄ᬦᬶᬫ᭄ᬩᬮ᭄᭞ᬤᬤᬢᬩᬓᬢ᭄ᬭᬲᬦᬶᬦ᭄᭟ [ 229 ][᭒᭒᭘ 228B]
᭒᭒᭘
ᬜᬓᬓᬾᬦ᭄ᬓᬾᬦ᭄ᬲᬭᬤᬶᬢᬸ᭞ᬲᬸᬩᬲᬜ᭄ᬚᬚᬮᬦ᭄ᬫᬸᬮᬶᬄ᭞ᬧᬬᬸᬓ᭄ᬚᬓᬦᬾᬓᭂᬦᭂᬳᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬲᬂᬓᬵ᭠ᬮᬶᬄᬳᬶᬦᬩᬶᬦᬩᬂ᭞ᬭᬹᬧᬓᬲᬶᬦᭀᬫᬦ᭄ᬕᬸᬫᬶ᭟᭜᭟ᬲᬶᬦᭀᬫ᭄᭟᭜᭟ᬢᬦ᭄ᬓᬯᬃᬡ᭄ᬦᬲᬂᬫᬫᬲᬃ᭞ᬦᬾᬫᬗ᭄ᬓᬶᬦᬸᬘᬧᬂᬫᬮᬶᬄ᭞ᬧᬮᬸᬗ᭄ᬕᬸᬄᬳᬶᬤ
ᬲᬂᬓᬢᭀᬂ᭞ᬭᬶᬂᬭᬵᬚᬥᬦᬶᬫᬮᬶᬗ᭄ᬕᬶᬄ᭞ᬓᬢᬗ᭄ᬓᬶᬮ᭄ᬧᬭᬭᬩᬶ᭞ᬲᬂᬧᬜ᭄ᬘᬓᬡ᭄ᬬᬓᬯᬸᬯᬸᬲ᭄᭞ᬢᬦ᭄ᬮᬾᬦ᭄ᬜᬳᬶᬢᬗ᭄ᬓᭂᬩᬦ᭄᭞ᬧᬶᬗᬚᭂᬂᬮᬦ᭄ᬜᬳᬶᬧᬾᬮᬶᬂ᭞ᬲᬋᬂᬧᬶᬕᬸᬫ᭄᭞ᬲᬂᬓᬶᬦᬸᬘᬧ᭄‌ᬲ᭄ᬢ᭄ᬭᬶᬓᭂᬫ᭄ᬩᬃ᭟ᬓᬮᬵᬯᬦ᭄ᬜᬳᬶᬧᬘᭂᬓᬦ᭄᭞ᬜᬳᬶᬲᭂᬮᬢ᭄ᬫᬶᬦᬓᬵᬤᬶ᭞ᬳᬢᬧ᭄ᬫᬢᬶᬫ᭄ᬧᬸᬄᬫ᭠
ᬢᬾᬢᬾᬤᭀᬄ᭞ᬭᬶᬂᬧᬫ᭄ᬮᬗᬾᬲᬋᬂᬲᬫᬶ᭞ᬫᭂᬦᭂᬂᬢᬦ᭄ᬧᬸᬭᬸᬦ᭄ᬫᬸᬓ᭄ᬫᬶᬓ᭄᭞ᬗᬸᬭᬶᬓ᭄ᬢᬦᬄᬲᬃᬯ᭄ᬯᬶᬗᬸᬦ᭄ᬢᬸᬮ᭄᭞ᬭᬾᬄᬰ᭄ᬭᬷᬳᬚᬶᬲᬸᬗ᭄ᬓᬯ᭞ᬦᬾᬦ᭄ᬢᭂᬦ᭄ᬫᬓᭀᬍᬫᬯᭂᬗᬶ᭞ᬩᬗᭂᬢ᭄ᬲᬸᬗ᭄ᬲᬸᬢ᭄᭞ᬗᭂᬲ᭄ᬗᭂᬲ᭄ᬯᬪᬵᬯᬦ᭄ᬦᬭᬾᬦ᭄ᬤ᭄ᬭ᭟ᬫᬭᬶᬂᬧᬢᬸᬭᭀᬦ᭄ᬗᬮᬸᬫᬄ᭞ᬢᬦ᭄ᬳᬃᬱᬫᭂᬤᬮ᭄ᬫᬲᬸᬘᬶ᭞ᬫᬾᬄᬮᬶ
ᬦ᭄ᬢᬂᬲᬵᬫ᭄ᬧᬸᬦ᭄ᬤᬯᬸᬄᬭᭀ᭞ᬢᬍᬃᬢᬦ᭄ᬓᬬᬸᬦ᭄ᬫᬢᬗᬶ᭞ᬭᬶᬂᬧᬫᬺᬫᬦ᭄ᬕᬸᬮᬓ᭄ᬕᬸᬮᬶᬓ᭄᭞ᬤᬯᬸᬄᬯᬘᬦᬲᬂᬧ᭄ᬭᬪᬹ᭞ᬜᬳᬶᬳᬚᬓ᭄ᬫᬓᭂᬚᬂ᭞ᬢᭂᬕᬭᬂᬩᬋᬂᬧᬶᬦᭂᬳᬶᬦ᭄᭞ᬳᬮᬳᬬᬸ᭞ᬦᬾᬧᬵᬢᬹᬢ᭄ᬚᬮᬦᬂᬦᬶᬭ᭟ᬦᬶᬭᬗᬶᬤᬶᬄᬢᬢᬶᬫ᭄ᬩᬗᬦ᭄᭞ᬩᬦ᭄ᬓᭀᬩᭂᬢᬾᬩᬸᬓᬚᬦᬶ᭞ᬓ

[᭒᭒᭙ 229A]
᭒᭒᭙
ᬢᬶᬩᬦᬦ᭄ᬮᬭᬯᬶᬭᬂ᭞ᬳᬕᬸᬂᬅᬓᬵᬱᬧ᭄ᬭᬣᬶᬯᬶ᭞ᬢᭀᬂᬲᬶᬤ᭄ᬥᬩᬦ᭄ᬫᬶᬦᭂᬳᬶᬦ᭄᭞ᬮᬶᬗ᭄ᬕᬶᬄᬦᬶᬭᬓᭂᬦᬲᭂᬧᬸᬂ᭞ᬦᬄᬓᬾᬧᬥᬩᬢᭂᬓᬂ᭞ᬇᬥᭂᬧ᭄ᬜᬳᬶᬫᬫᬶᬦᭂᬳᬶᬦ᭄᭞ᬫᬸᬂᬧᬸᬂᬲᬸᬯᬸᬂ᭞ᬤᬶᬕᭂᬤᭀᬂᬳᬚᬓ᭄ᬮᬮᬶᬫ᭟ᬋᬡᬜᬳᬶᬫᬗᬸᬲᬧᬂ᭞ᬓᬮᬶᬮᬶᬧᬦᬶᬭᬚᬦᬶ᭞ᬳᬧᬂᬢ᭄ᬯᬭᬲᬮᬄᬳᬸ
ᬮᬢ᭄᭞ᬦᬾᬤᬍᬫ᭄ᬩᬓᬢ᭄ᬘᭂᬩᬸᬭᬶᬦ᭄᭞ᬦᬸᬯᬸᬢ᭄ᬭᬸᬭᬸᬂᬲᬭᬶᬧᬶᬢ᭄᭞ᬚᭂᬚᭂᬄᬦᬶᬭᬮᬓᬃᬮᬩᬸᬄ᭞ᬢᭂᬕᬭᬂᬦᬶᬭᬤᬦ᭄ᬤᬦ᭄᭞ᬤᬶᬕᬮᬗᬾᬗᬩᬲᬸᬦ᭄ᬤᬶᬄ᭞ᬧᬢᬶᬧᬸᬭᬸᬕ᭄᭞ᬫᬧ᭄ᬯᬭᬮᬓᬃᬲᬗ᭄ᬓᬮ᭟ᬚᬦᬶᬦᬶᬭᬜᬸᬓ᭄ᬲᬭᬬᬂ᭞ᬇᬥᭂᬧ᭄ᬜᬳᬶᬫᬫᬶᬦᭂᬳᬶᬦ᭄᭞ᬢ᭄ᬯᬭᬜᬦ᭄ᬤᬂᬫᬓᭂᬩᬗ
ᬦ᭄᭞ᬗᬭᬱᬦᬶᬦ᭄ᬩᭂᬦᭂᬄᬧᭂᬮᬶᬄ᭞ᬲᬗ᭄ᬓᬦᬶᬂᬲᬥᬹᬩᬸᬤ᭄ᬥᬶ᭞ᬇᬥᭂᬧ᭄ᬜᬳᬶᬦᬾᬫᬧᬸᬗᬸ᭞ᬫᬗ᭄ᬤᭀᬄᬦᬶᬭᬦ᭄ᬤᬸᬓᬬᬂ᭞ᬢ᭄ᬯᬭᬮᬓᬃᬲᬮᬄᬢᬫ᭄ᬧᬶ᭞ᬗᬮᬶᬄᬧᬵᬢᬹᬢ᭄᭞ᬧᬧᬶᬦᬄᬳᬚᬓ᭄ᬫᬓᭂᬚᬂ᭟ᬢᭂᬕᬭᬂᬧᬥᬕᬸᬚᭂᬕᬂ᭞ᬩᭂᬦᭂᬄᬧᭂᬮᬶᬳᬾᬕᬮᬶᬳᬶᬦ᭄᭞ᬳᬧᬂᬢ᭄ᬯᬭᬫᬸᬂ
ᬧᬂᬮᬫ᭄ᬧᬄ᭞ᬤᬤᬶᬓᬓᭂᬤᬾᬓᬦ᭄ᬕᬸᬫᬶ᭞ᬫᬤᬓ᭄ᬲᬶᬤ᭄ᬥᬩᬦ᭄ᬜᬳᬶ᭞ᬗᬢᬸᬭᬶᬦᬶᬭᬭᬳᬬᬸ᭞ᬮᬶᬗ᭄ᬕᬶᬄᬦᬶᬭᬢᭀᬂᬕᬶᬗ᭄ᬕᬂ᭞ᬗᬯᬶ᭠ᬯᭂᬦᬂᬕᬸᬫᬶᬩᬮᬶ᭞ᬫᬤᭂᬕ᭄ᬧ᭄ᬭᬪᬹ᭞ᬢᬦ᭄ᬓᬢᬫᬦᬸᬚᬃᬧᬭ᭟ᬗᬯᭂᬦᬗᬂᬢᬦ᭄ᬯᭂᬦᬂ᭞ᬫᬫᬸᬭᬸᬕᬸᬘᬧᬶᬗ᭄ᬳᬚᬶ᭞ᬲᬧᬸᬦᬶᬓᬧᬯᬘᬦᬦ᭄᭞ᬲᬂᬦᬵᬣ [ 230 ][᭒᭒᭙ 229B]
᭒᭒᭙
ᬭᬶᬂᬧᬭᬭᬩᬶ᭞ᬲᬤᬘᭂᬘᭂᬄᬗᬸᬥᬦᬶ᭞ᬲᬂᬧᬜ᭄ᬘᬓᬡ᭄ᬬᬢᬮᬗ᭄ᬓᬸᬧ᭄᭞ᬲᬳᬜᬓᬸᬧᬂᬢᬗᬦ᭄᭞ᬗᬪᬓ᭄ᬢᬶᬭᬶᬂᬰ᭄ᬭᬷᬪᬹᬧᬢᬶ᭞ᬦᬸ᭠ᬮᬶᬫᬵᬢᬹᬃ᭞ᬜᬳᬶᬢᬗ᭄ᬓᭂᬩᬦ᭄ᬫᬗ᭄ᬕᬮ᭟ᬳᬫ᭄ᬧᬸᬭᬥᬹᬄᬦᬭᬦᬵᬣ᭞ᬳᬢᬹᬃᬢᬶᬢ᭄ᬬᬂᬢᬦ᭄ᬧᬰ᭄ᬭᬸᬢᬶ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬦᬵᬗ᭄ᬳᬶᬂᬲᬗ᭄ᬓᬦᬶᬂᬲᬸ
ᬪᬓ᭄ᬢᬶ᭞ᬗᭂᬩᬸᬓ᭄ᬘᭀᬓᭀᬃᬤᬶᬧᬸᬭᬶ᭞ᬧᬸᬭᬸᬦ᭄ᬗᬢᬸᬭᬂᬧᬯᬸᬗᬸ᭞ᬤᬾᬦᬶᬂᬓᬧᬶᬓᭂᬤᭂᬳᬂ᭞ᬦᬗᬶᬦᬶᬦ᭄ᬤᬍᬫ᭄ᬳᬸᬧᬫᬶ᭞ᬯᬸᬲ᭄ᬫᬮᬸᬗ᭄ᬕᬸᬄ᭞ᬲ᭠ᬓ᭄ᬱᬢ᭄ᬦᬲᬶᬓᬶᬦ᭄ᬲᬵᬕᬭ᭟ᬩᬗ᭄ᬕᬬᬂᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬂ᭞ᬤᬺᬱ᭄ᬝᬓᬸᬦᬦᬾᬫᬫᬵᬃᬕ᭄ᬕᬶ᭞ᬓᬲᬶᬲᬶᬧᬦ᭄ᬲᬂᬮᬗ᭄ᬕᬦ᭞ᬧ᭄ᬭᬲᬗ᭄ᬕᬫᬵᬋᬧ᭄ᬓᬧᬸᬭᬶ᭞ᬲᬶᬦᬗ᭄ᬕᬄ
ᬯᭂᬭᬢ᭄ᬧᬢᬶ᭞ᬫᬭᬶᬂᬲᬵᬕᬭᬮᬶᬦᭂᬩᬸ᭞ᬫᬫᬸᬭᬸᬕ᭄ᬧᬹᬃᬯ᭄ᬯᬵᬤᬶᬕᬫ᭞ᬅᬤᬶᬕᬫᬫᬶᬦᬓᬵᬤᬶ᭞ᬯᭂᬦᬂᬭᬭᬸᬂ᭞ᬤᬾᬦᬶᬂᬗᬍᬢᭂᬳᬶᬦ᭄ᬚᬕᬢ᭄᭟ᬲᬧᬸᬦᬶᬓᬦᬭᬦᬵᬣ᭞ᬦᬾᬲᬵᬫ᭄ᬧᬸᬦ᭄ᬧᭂᬘᬓ᭄ᬫᬫᬵᬃᬕ᭄ᬕᬶ᭞ᬲᬦᬾᬫᬗ᭄ᬓᬶᬦ᭄ᬲᬭᬮᬾᬤᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬲᬶᬲᬶᬧ᭄᭞ᬳᬶᬢᬫ᭄ᬩᭂᬢ᭄ᬫᬩᭂᬢ᭄ᬭᬶ
ᬭᬶᬄ᭞ᬜᬳᬶᬧᬘᭂᬓᬦ᭄ᬫᬶᬓᬸᬓᬸᬄ᭞ᬳᬢᬹᬃᬜᬳᬶᬢᬗ᭄ᬓᭂᬩᬦ᭄᭞ᬳᬢᬹᬃᬤᬦᬾᬫᬢᬩᭂᬳᬶᬦ᭄᭞ᬥᬹᬄᬲᬂᬧ᭄ᬭᬪᬹ᭞ᬧᭂᬘᬓ᭄ᬓᬯᬸᬮᬗᬸᬦᬶᬗᬂ᭟ᬅᬕᬫᬓᬵᬮᬶᬄᬉᬕᬫ᭞ᬮᬦᬶᬕᬫᬫᬵᬦᬹᬢ᭄ᬳᬶᬦ᭄ᬤᬶᬓ᭄᭞ᬫᬓ᭄ᬢᬲᬮᬾᬓᬓᬫᬦᬄ᭞ᬬᬦ᭄ᬫᬗ᭄ᬕᭂᬄᬓᬦ᭄ᬢᬸᬦ᭄ᬲᬸᬗ᭄ᬓᭂᬫᬶᬦ᭄᭞ᬧᬶᬦᬓᬳᬯᬶᬕᬯᬶᬕ᭄᭞᭠

[᭒᭓᭐ 230A]
᭒᭓᭐
ᬕᬕᭂᬮᬭᬦ᭄ᬯᬢᭂᬓ᭄ᬯᬶᬓᬹ᭞ᬢᬦ᭄ᬓᬬᬸᬦ᭄ᬗᬶᬘ᭄ᬙᬾᬦ᭄ᬢᭀᬬ᭞ᬧᬗᭂᬦ᭄ᬢᬲ᭄ᬭᬶᬂᬲᬗᬫᬵᬢᬶ᭞ᬫᬵᬮᬍᬢᬸᬄ᭞ᬰᬸᬤ᭄ᬭᬫᬵᬋᬧ᭄ᬲᬂᬢ᭄ᬭᬶᬯᬗ᭄ᬰ᭟ᬫᬭᬗ᭄ᬓᬢ᭄ᬳᬶᬯᬂᬳᬫ᭄ᬩᬶᬮᬦ᭄᭞ᬓᬬᭀᬕ᭄ᬬᬢᬶᬯᬓᬶᬦ᭄ᬲᬶᬲᬶᬧ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬮᬶᬳᬂ᭞ᬳᬦ᭄ᬢᬸᬓ᭄ᬧᬭᬯᬶᬓᬹᬲᬫᬶ᭞ᬫᬫᬸᬭᬸᬕ᭄ᬮᬶᬗᬶᬂᬳᬚᬶ᭞ᬲᬂᬲᬵᬥ
ᬓᬤᬸᬭᬸᬲ᭄ᬗᬫ᭄ᬩᬸᬮ᭄᭞ᬓᬤ᭄ᬬᬗ᭄ᬤᬾᬓᬲᬫ᭄ᬧᬸᬭ᭞ᬦᭀᬭᬗᬭᬚᭂᬕᬂᬫᬮᬶᬄ᭞ᬳᬶᬯᬂᬧᬵᬢᬹᬢ᭄᭞ᬰᬵᬲ᭄ᬢ᭄ᬭᬵᬕᬫᬮᬦ᭄ᬰᬰᬡ᭟ᬫᬾᬄ᭠ᬓᬳᬸᬧᭂᬢ᭄ᬳᬦ᭄ᬢᬸᬓ᭄ᬳᬾᬫᬦ᭄᭞ᬭᬶᬂᬳᭀᬓᬜᬬᬗᬂᬭᬩᬶ᭞ᬧᬓᬺᬢ᭄ᬣᬦ᭄ᬚᬕᬢᬾᬭᬸᬲᬓ᭄᭞ᬲᬦᬾᬦᬶᬫᬸᬄᬫᬦᬄᬳᬸᬯᬶᬢ᭄᭞ᬲᬬᬦ᭄ᬗᬓᬾᬳᬂᬫᭂᬦ᭄ᬢᬶ᭠
ᬓ᭄᭞ᬫᬧ᭄ᬯᬭᬚᬕᬢᬾᬩᬶᬬᬸᬃ᭞ᬢᬦ᭄ᬫᬗ᭄ᬕᭂᬳᬂᬰᬰᬡ᭞ᬥᬹᬄᬧᬜ᭄ᬚᬗᬂᬫᬶᬓᬬᬸᬦᬶᬦ᭄᭞ᬦᬸᬮᬶᬫᬵᬢᬹᬃ᭞ᬜᬳᬶᬧᬾᬮᬶᬂᬜᭂᬮᬕ᭄ᬦᬶ᭠ᬫ᭄ᬩᬮ᭄᭟ᬲᬳᬫᭂᬧᭂᬲ᭄ᬫᬢᬗᬦᬦ᭄᭞ᬥᬹᬄᬳᬫ᭄ᬧᬸᬭᬰ᭄ᬭᬷᬪᬹᬧᬢᬶ᭞ᬓᬯᬸᬮᬢᬫ᭄ᬩᭂᬢ᭄ᬓᬮᬶᬦ᭄ᬢᬂ᭞ᬦᬵᬗ᭄ᬳᬶᬂᬲᭀᬢᬦᬶᬂᬲᬸᬪᬓ᭄ᬢᬶ᭞ᬓᬧᬶᬲᭂᬋᬂᬓᬯᬶᬤᬶ᭞ᬧᬗ᭄ᬓᬄ᭠
ᬗᬢᬸᬭᬂᬧᬯᬸᬗᬸ᭞ᬢᬍᬃᬳᬸᬘᬧᬦ᭄ᬰᬵᬲ᭄ᬢ᭄ᬭ᭞ᬰ᭄ᬮᭀᬓᬵᬦ᭄ᬢᬭᬦᬾᬓᬧᬶᬗᬶᬢ᭄᭞ᬓᬤᬶᬳᬢᬹᬃ᭞ᬳᬶᬧᬸᬦ᭄ᬫᬥᬾᬯᬢᬶᬧᭂᬘᬓ᭄᭟᭠ᬳᬶᬦ᭄ᬤᬶᬓᬾᬫᬥᬦᬧᬸᬡ᭄ᬬ᭞ᬰᬵᬲ᭄ᬢ᭄ᬭᬗᬯᬵᬱ᭄ᬝᬦᬶᬦ᭄ᬩᭂᬘᬶᬓ᭄᭞ᬬᬦ᭄ᬲᬂᬢ᭄ᬭᬶᬯᬗ᭄ᬰᬫᬶᬘ᭄ᬙᬬᬂ᭞ᬳᭀᬓᬳᬶᬲ᭄ᬢ᭄ᬭᬶᬬᬤᬶᬦ᭄ᬭᬩᬶ᭞ᬦᬾᬓᬳᬾᬫᬦ᭄ᬕᬸᬫᬦ᭄ᬢᬶ᭞᭠ [ 231 ][᭒᭓᭐ 230B]
᭒᭓᭐
ᬭᬶᬂᬲᭀᬃᬯᬗ᭄ᬰᬦᬾᬗᬮᬸᬗ᭄ᬲᬸᬃ᭞ᬲᬗ᭄ᬓᬦᬶᬂᬧ᭄ᬭᬫᬲᬸᬓᬵ᭞ᬥᬦᬓᬡ᭄ᬬᬓᬯᬵᬱ᭄ᬝᬦᬶᬦ᭄᭞ᬮᬶᬗᬶᬂᬢᬸᬢᬹᬃ᭞ᬩᭀᬬᬓᬳᬸᬘᬧ᭄ᬘᬡ᭄ᬥ᭠ᬮ᭟ᬢᬹᬃᬲᬵᬫ᭄ᬧᬸᬦ᭄ᬫᬯᬢᬂᬧᭂᬘᬓ᭄᭞ᬭᬶᬂᬩᬮᬶᬦᬳᭂᬦ᭄ᬫᬫᬵᬃᬕ᭄ᬕᬶ᭞ᬓᬤᬶᬧᬫᬵᬃᬕ᭄ᬕᬦ᭄ᬪᬝᬵᬭ᭞ᬲᬂᬲᬵᬫ᭄ᬧᬸᬦᬸᬫᭀᬭᬶᬂᬯᬶᬤ᭄ᬥᬶ᭞ᬳᬶᬤᬤᬍᬫ᭄ᬲᬕᬦᬶᬂ᭞ᬫᬫᬶ
ᬢᬂᬮᬸᬕ᭄ᬭᬧᬸᬓᬸᬮᬸᬦ᭄᭞ᬳᬚᬶᬦ᭄ᬘᭀᬓᭀᬭᬶᬤᬾᬯ᭞ᬳᬶᬤᬦᬾᬫᬶᬘ᭄ᬙᬬᬂᬭᬩᬶ᭞ᬲᬦᬾᬲᬵᬫ᭄ᬧᬸᬦ᭄᭞ᬭᬶᬂᬓ᭄ᬬᬬᬶᬩᭀᬕᭀ᭠ᬮ᭄ᬓᬶᬦᬸᬘᬧ᭄᭟ᬭᬩᬶᬦ᭄ᬦᬭᬾᬦ᭄ᬤ᭄ᬭᬓᬳᬾᬫᬦ᭄᭞ᬮᬸᬄᬧᬘᭂᬓ᭄ᬫᬸᬗ᭄ᬕ᭄ᬯᬶᬂᬧᬧᬲᬶᬄ᭞ᬤᬸᬓ᭄ᬧᬸᬦᬶᬓᬓᬦ᭄ᬢᬸᬦ᭄ᬩᭀᬩᭀᬢ᭄᭞ᬫᬓᬵᬯᬶᬦᬦ᭄ᬯᬾᬦ᭄ᬢᭂᬦ᭄ᬫᬶᬚᬶᬮ᭄᭞ᬳᬶ
ᬕᬸᬲ᭄ᬢᬶᬧᬜ᭄ᬚᬶᬰᬓ᭄ᬢᬶ᭞ᬫᬭᬶᬂᬤᬾᬦ᭄ᬩᬸᬓᬶᬢ᭄ᬗᬯᭂᬗ᭄ᬓᬸ᭞ᬓᬧᬶᬲᬭᬗᭀᬤᬕᬂ᭞ᬧᬜ᭄ᬚᬓᬾᬲᬩᬮᬾᬃᬩᬸᬓᬶᬢ᭄᭞ᬥᬹᬄᬲᬂᬧ᭄ᬭᬪᬹ᭞ᬲᬧᬸᬦᬶᬓᬫᬸᬗ᭄ᬕ᭄ᬯᬶᬂᬩᬩᬤ᭄᭟ᬩᭀᬬᬲᬗ᭄ᬓᬦᬶᬂᬓᬯᬸᬮ᭞ᬓᬾᬫᬤ᭄ᬭᬶᬂᬧᬸᬦ᭄ᬫᬥᬾᬯᬢᬶ᭞ᬤᭂᬫᭂᬦ᭄ᬗᬭᭀᬫ᭄ᬭᭀᬫᬶᬦ᭄ᬘᭀᬭᬄ᭞ᬫᬺᬲᬯᬵᬤᬗᬯᬶᬳᬯᬶ᭞
ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬫᬩᬸᬓ᭄ᬢᬶ᭞ᬜᬳᬶᬲᭂᬮᬢ᭄ᬜᭂᬮᬕ᭄ᬫᬵᬢᬹᬃ᭞ᬓᬯᬸᬮᬦᬸᬦᬲ᭄ᬮᬸᬕ᭄ᬭ᭞ᬫᬧᬶᬦ᭄ᬤᬲᬋᬂᬗᬶᬮᭀᬦᬶᬦ᭄᭞ᬫᬧᬶᬓᬸᬓᬸᬄ᭞ᬜᬳᬶᬧᬾᬮᬶᬂᬥᬹᬄᬲᬂᬦᬵᬣ᭟ᬲᬯᬶᬭᬾᬄᬲᬵᬫ᭄ᬧᬸᬦ᭄ᬫᬯᬢᬂ᭞ᬳᬢᬹᬃᬳᬶᬧᬸᬦ᭄ᬫᬵᬦᬹᬢ᭄ᬳᬶᬦ᭄ᬤᬶᬓ᭄᭞ᬳᬶᬦ᭄ᬤᬶᬓᬾᬫᬥᬦᬓᬡ᭄ᬬ᭞ᬤ᭄ᬯᬦᬶᬂᬓᬯᬸᬮᬜᬸᬗ᭄ᬓᭂ

[᭒᭓᭑ 231A]
᭒᭓᭑
ᬫᬶᬦ᭄᭞ᬤᬾᬦᬶᬂᬯᬾᬦ᭄ᬢᭂᬓᬧᬗ᭄ᬕᬶᬄ᭞ᬫᬭᬶᬂᬩᬩᬤ᭄ᬳᬃᬬ᭄ᬬᬤᬯᬸᬄ᭞ᬓᭀᬘᬧ᭄ᬳᬶᬕᬸᬲ᭄ᬢᬶᬢᬗ᭄ᬓᬲ᭄᭞ᬢᭂᬋᬄᬓᬦᬸᬭᬸᬳᬦ᭄‌ᬗᬹᬦᬶ᭞᭠ᬢᬫ᭄ᬩᬶᬲ᭄ᬧᬸᬢᬸᬂ᭞ᬲᬧᬸᬦᬶᬓᬶᬫᬸᬗ᭄ᬕ᭄ᬯᬶᬂᬩᬩᬤ᭄᭟ᬳᬶᬕᬸᬲ᭄ᬢᬶᬢᬗ᭄ᬓᬲ᭄ᬫᬳᭀᬓ᭞ᬮᬦᬂᬢᬍᬃᬓᬧᬭᬩᬶᬦ᭄᭞ᬓᬂᬳᬦᬓ᭄ᬳᬶᬕᬸᬲ᭄ᬢᬶᬢᬗ᭄ᬓᬲ᭄᭞ᬤᬶᬫ᭠
ᬥᬾᬯᬦ᭄ᬢᬄᬳᬤᬶᬭᬶ᭞ᬓᭀᬘᬧ᭄ᬤᬦᬾᬫᬧᬸᬭᬶ᭞ᬭᬶᬂᬧ᭄ᬭᬤᬾᬰᬓᬺᬢ᭄ᬣᬮᬗᬹ᭞ᬫᬭᬶᬂᬩᬤᬸᬂᬦᬵᬕᬭ᭞ᬦᬾᬫᬗ᭄ᬓᬶᬦᬸᬘᬧᬂᬫ᭠ᬮᬶᬄ᭞ᬤᬍᬫ᭄ᬩᬗ᭄ᬲᬸᬮ᭄᭞ᬧᭀᬮᬶᬄᬜᬶᬲᬶᬧᬂᬓᬯᬸᬮ᭟ᬯᭂᬭᬢ᭄ᬧᬢᬶᬓᬦ᭄ᬤᬶᬓᬬᬂ᭞ᬫᬓ᭄ᬢᬲᬸᬭᬵᬢ᭄ᬭᬶᬂᬳᬶᬕᬸᬲ᭄ᬢᬶ᭞ᬢᬗ᭄ᬓᬲ᭄ᬭᬶᬂᬩᬤᬸᬂᬦᬵᬕᬭ᭞ᬲᬤ
ᬕᬶᬂᬧᬸᬦᬂᬋᬋᬧᬶ᭞ᬫᬗ᭄ᬤᬤᬦᬾᬳᬶᬕᬸᬲ᭄ᬢᬶ᭞ᬗᬫᬥᭂᬫᬂᬲᬦᬾᬭᬯᬸᬄ᭞ᬫᬓ᭄ᬢᬲᬸᬭᬵᬢ᭄ᬧᬸᬦᬶᬓ᭞ᬤᬾᬦᬶᬂᬳᬶᬧᬸᬦ᭄ᬧᭀᬮᬶᬄᬲᬶᬲᬶᬧ᭄᭞ᬭᬶᬂᬲᬂᬧ᭄ᬭᬪᬹ᭞ᬯᭂᬦᬂᬲᬓ᭄ᬱᬡᬧᬶᬦᭂᬚᬄ᭟ᬓᭀᬘᬧ᭄ᬲᬂᬫᬫᬓ᭄ᬢᬲᬸᬭᬵᬢ᭄᭞ᬢᬦ᭄ᬗᬘᬸᬦ᭄ᬤᬸᬓᬂᬳᬶᬕᬸᬲ᭄ᬢᬶ᭞ᬭᬶᬂᬧᬸᬭᬶᬲᬸᬯᬸᬂᬲᭂᬤᭂᬓᬦ᭄᭞ᬤᭀᬄ
ᬮᬸᬗ᭄ᬳᬫᬧᬶᬓᬢ᭄ᬧᬓ᭄ᬱᬶ᭞ᬳᭀᬓᬦ᭄ᬤᬦᬾᬦᬭᬶᬫᬲᬸᬭᬵᬢ᭄ᬢᬦ᭄ᬳᬸᬦᬶᬂᬭᬶᬂᬢᬸᬮᬶᬲ᭄᭞ᬩᭂᬮᭀᬕ᭄ᬢᬸᬢᬹᬢ᭄᭞ᬲᬗ᭄ᬕᬸᬧ᭄ᬧᬘᬂᬗᬢᬸᬭᬂ᭟ᬭᬶᬂᬳᬚᬶᬦ᭄ᬤᬦᬾᬦᬾᬜᬦᬦ᭄᭞ᬓᬾᬗᬶᬦ᭄ᬲᬂᬫᬫᬓ᭄ᬢᬢᬸᬮᬶᬲ᭄᭞ᬲᬓ᭄ᬱᬡᬳᬶᬧᬸᬦ᭄ᬫᬓᬯᭀᬦ᭄᭞ᬓᬲᬤ᭄ᬬᬦ᭄ᬢᬦ᭄ᬤᬸᬭᬸᬲ᭄ᬫᬵᬢᬶ᭞ᬓᬘᬭᬶᬢ᭠ [ 232 ][᭒᭓᭑ 231B]
᭒᭓᭑
ᬦᬾᬫᬗ᭄ᬓᬶᬦ᭄᭞ᬳᬶᬕᬸᬲ᭄ᬢᬶᬤᬶᬫᬥᬾᬫᬦ᭄ᬢᬸᬓ᭄᭞ᬲᬓᬾᬂᬲᬯᬄᬫᬢᭂᬓᬧ᭄᭞ᬓᬧᬗ᭄ᬕᬶᬄᬤᬦᬾᬳᬶᬳᬚᬶ᭞ᬦᬸᬮᬶᬓᬵᬢᬹᬃ᭞ᬲᬸᬭᬵᬢ᭄ᬧᬸᬦᬶᬓᬓᬯᬘ᭟ᬓᬕᬶᬬᬢ᭄ᬳᬶᬕᬸᬲ᭄ᬢᬶᬢᬗ᭄ᬓᬲ᭄᭞ᬗᬯᬘᬾᬦ᭄ᬤᬕᬶᬂᬋᬋᬧᬶ᭞ᬧᬶᬘ᭄ᬙᬦ᭄ᬤᬍᬫ᭄‌ᬲ᭄ᬯᬾᬘ᭄ᬙᬧᬸᬭ᭞ᬫᬗ᭄ᬤᬳᬶᬕᬸᬲ᭄ᬢᬶᬫᬢᬾᬦᬶᬦ᭄᭞ᬲᬂᬫ
ᬗᬢᬸᬭᬂᬢᬸᬮᬶᬲ᭄᭞ᬳᭀᬓᬦᬾᬦᬸᬮᬶᬓᬲᬸᬤᬸᬓ᭄᭞ᬤᬸᬭᬸᬲ᭄ᬗᭂᬫᬲᬶᬦ᭄ᬲᬾᬤ᭄ᬥ᭞ᬲᭀᬢᬦᬶᬂᬤᬺᬤ᭄ᬥᬲᬸᬪᬓ᭄ᬢᬶ᭞ᬭᬶᬂᬲᬂ᭠ᬧ᭄ᬭᬪᬹ᭞ᬢᬦᬗᭂᬦ᭄ᬫᬮᬶᬄᬭᬶᬂᬳᭀᬓ᭟ᬳᭀᬃᬢ᭄ᬣᬶᬦᬾᬓᬮᬸᬗ᭄ᬳᬂᬮᬸᬗ᭄ᬳᬂ᭞ᬓᬵᬢᬹᬃᬭᬶᬂᬳᬶᬤᬰ᭄ᬭᬷᬳᬚᬶ᭞ᬓᬗᭂᬦ᭄ᬦᬭᬾᬦ᭄ᬤ᭄ᬭᬫᬶᬋᬗᬂ᭞ᬮᬓ᭄ᬱᬡᬦ᭄ᬤ᭠
ᬦᬾᬳᬶᬕᬸᬲ᭄ᬢᬶ᭞ᬲᬓᬾᬂᬤᬺᬤ᭄ᬥᬲᬸᬪᬓ᭄ᬢᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬤᬦᬾᬜᬫ᭄ᬧᬸᬢ᭄᭞ᬳᬃᬱᬤᬍᬫ᭄ᬫᬶᬘ᭄ᬙᬬᬂ᭞ᬧᬯᬾᬲ᭄ᬢ᭄ᬭᬶᬕᬸᬫᬦ᭄ᬢᬶᬭᬩᬶ᭞ᬮᬶᬲ᭄ᬢᬸᬳᬬᬸ᭞ᬧᬶᬦᬓᬧᬦᭂᬩᬸᬲ᭄ᬤᭀᬱ᭟ᬭᬩᬶᬦᬾᬓᬦ᭄ᬢᬸᬦ᭄ᬩᭀᬩᭀᬢᬦ᭄᭞ᬲᬯᬢᬭᬓᬵᬮᬶᬄᬰᬰᬶᬄ᭞ᬓᬧᬶᬘ᭄ᬙᬭᬶᬂᬕᬸᬲ᭄ᬢᬶᬢ
ᬗ᭄ᬓᬲ᭄᭞ᬤᬦᬾᬫᬗ᭄ᬤᬗᬗ᭄ᬕᬾᬦ᭄ᬭᬩᬶ᭞ᬲᬵᬫ᭄ᬧᬸᬦ᭄ᬳᭀᬓᬦᬾᬫᬶᬚᬶᬮ᭄᭞ᬓᬧᬭᬩ᭄ᬳᬦ᭄ᬢᬸᬓ᭄ᬲᬂᬧ᭄ᬭᬪᬹ᭞ᬓ᭄ᬬᬬᬶᬧᬗᬾᬭᬦ᭄ᬢ᭠ᬗ᭄ᬓᬲ᭄᭞ᬓᭀᬭᬶᬳᬕᬸᬂᬓᬧᬶᬲᬶᬗ᭄ᬕᬶᬄ᭞ᬫᬗ᭄ᬕᭂᬄᬲᬸᬦᬸ᭞ᬧᬗᬚᭂᬂᬳᬶᬕᬸᬲ᭄ᬢᬶᬢᬗ᭄ᬓᬲ᭄᭟ᬲᬧᬸᬦᬶᬓᬫᬸᬗ᭄ᬕ᭄ᬯᬶᬂᬩᬩᬤ᭄᭞ᬲᬗ᭄ᬓᬦ᭄ᬓᬯᬸᬮᬜᬸᬗ᭄ᬓᭂᬫᬶᬦ᭄᭞

[᭒᭓᭒ 232A]
᭒᭓᭒
ᬩᬩ᭄ᬯᬢᬦ᭄ᬫᬥᬦᬓᬡ᭄ᬬ᭞ᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶᬦᬾᬭᬶᬳᬶᬦ᭄᭞ᬢᬸᬫᬸᬮᬶᬜᬳᬶᬧᬾᬮᬶᬂ᭞ᬦᬾᬳᬮᬶᬢᬦ᭄ᬦᬶᬫ᭄ᬩᬮ᭄ᬫᬵᬢᬹᬃ᭞ᬳᬫ᭄ᬧᬸᬭᬦᬭᬦᬵᬣ᭞ᬓᬯᬸᬮᬘᬕ᭄ᬮᬾᬓ᭄ᬗᭂᬢᬸᬭᬶᬦ᭄᭞ᬫᬧᬶᬯᭂᬭᬸᬄᬭᬶᬗᬸᬲᬦᬮᬦ᭄ᬰᬰᬡ᭟ᬩᭀᬬᬓᬧᬵᬢᬹᬢᬫᬗ᭄ᬕᭂᬳᬂ᭞ᬓᬤᬶᬳᬸᬘᬧᬶᬂᬧ᭄ᬭ
ᬰᬱ᭄ᬝᬶ᭞ᬧᬓᬵᬃᬬ᭄ᬬᬦ᭄ᬲᬂᬗᭂᬭᬾᬄᬚᬕᬢ᭄᭞ᬧᬦᬸᬕ᭄ᬭᬳᬦ᭄ᬲᬳᬢᬸᬮᬶᬲ᭄᭞ᬪᬝᬵᬭᬤᬍᬫ᭄ᬗᬹᬦᬶ᭞ᬓᬧᬶᬘ᭄ᬙᬭᬶᬂᬲᬵᬦᬓ᭄ᬧᬶᬢᬸ᭞ᬧᬲᭂᬓ᭄ᬓᬵᬮᬶᬄᬩᬦ᭄ᬤᬾᬰ᭞ᬓᬸᬩᬬᬦ᭄ᬫᬶᬯᬄᬲᬮᬳᬶᬦ᭄᭞ᬤᬗ᭄ᬓᬕᬤᬸᬄ᭞ᬮᬦ᭄ᬗᬸᬓᬸᬳᬶᬦ᭄‌ᬦᬾᬓᬶᬦᬸᬘᬧ᭄᭟ᬲᬦ᭄ᬢᬦᬦ᭄ᬲᬧ᭄ᬢᬧᬵᬡ᭄ᬥᬶᬢ᭞ᬧᭂᬘ
ᬓ᭄ᬪᬹᬚᬗ᭄ᬕᬭᬶᬂᬩᬮᬶ᭞ᬭᬶᬂᬧ᭄ᬭᬰᬲ᭄ᬢᬶᬦᬶᬧᬸᬦ᭄ᬫᬸᬗ᭄ᬕᬄ᭞ᬢᬦ᭄ᬯᭂᬦᬂᬲᬂᬗᭂᬭᬾᬄᬕᬸᬫᬶ᭞ᬜᬶᬲᬶᬧᬂᬯᭂᬭᬢ᭄ᬧᬢᬶ᭞ᬲᬲᬦ᭄ᬢᬦᬦ᭄ᬲᬦᬓ᭄ᬧᬶᬢᬸ᭞ᬢᬦ᭄ᬓᭂᬦᬾᬂᬧᬜ᭄ᬚᬶᬂᬧᭂᬚᬄ᭞ᬳᬫ᭄ᬩᭂᬗᬫ᭄ᬩᭂᬗᬦ᭄ᬫᬓᬵᬤᬶ᭞ᬬᬦ᭄ᬫᬫᬸᬭᬸᬕ᭄᭞ᬓᬧᬲ᭄ᬢᬸᬳᬦ᭄ᬢᬸᬓ᭄ᬪᬝᬵᬭ᭟ᬦᭂᬫᭀᬓᬂᬧᬧᬦᬵᬭᬓ᭞ᬢᬦ᭄ᬮᬗ᭄ᬕᭂᬂᬓᭀᬘ᭠
ᬧ᭄ᬫ᭄ᬭᬪᭀᬦᬶᬦ᭄᭞ᬫᬗ᭄ᬤᬋᬓᬾᬘᭂᬦ᭄ᬤᭂᬓ᭄ᬬᬸᬱ᭞ᬓᬢᭂᬫᬄᬳ᭄ᬬᬂᬰᬭᬲ᭄ᬯᬢᬶ᭞ᬢᬦ᭄ᬢᬶᬦᬹᬢ᭄ᬮᬶᬗᬶᬂᬳᬚᬶ᭞ᬋᬋᬤ᭄ᬓᬵᬕᬸᬗᬦ᭄ᬲᬂᬧ᭄ᬭᬪᬹ᭞ᬳᬶᬮᬳᬶᬮᬓᭀᬚᬭᬦ᭄᭞ᬜᬦ᭄ᬤᬂᬢᬍᬃᬧᬶᬓᬬᬸᬦᬶᬦ᭄᭞ᬓᭂᬦᬶᬲᬵᬫ᭄ᬧᬸᬦ᭄᭞ᬗᬯᭂᬦᬗᬂᬦᬾᬢᬦ᭄ᬯᭂᬦᬂ᭟ᬲᬵᬫ᭄ᬧᬸᬦᬂᬘᭀᬓᭀᬭᬶᬤᬾᬯᬶᬸᬯ᭞ᬯᬶ [ 233 ][᭒᭓᭒ 232B]
᭒᭓᭒
ᬭᭀᬤᬲᬗ᭄ᬓᬦᬶᬂᬭᬸᬦ᭄ᬢᬶᬓ᭄᭞ᬧᬍᬄᬧᬍᬄᬭᬶᬂᬳᬺᬤ᭄ᬥᬬ᭞ᬓᬯᬸᬮᬲᬗ᭄ᬓᬦᬶᬂᬪᬓ᭄ᬢᬶ᭞ᬩᭀᬬᬲᬓᬾᬂᬗᬶᬮᭀᬦᬶᬦ᭄᭞ᬲᬲᬦ᭄ᬢᬦᬦ᭄ᬲᬦᬓ᭄ᬧᬶᬢᬸ᭞ᬤᬕᬶᬂᬲᬭᬲᬂᬦᬵᬣ᭞ᬓᬯᬸᬮᬫᬵᬢᬹᬃᬧᬓᬾᬮᬶᬂ᭞ᬲᬓᬾᬂᬲᬥᬹ᭞ᬫᬦᬄᬓᬯᬸᬮᬫᬫᬜ᭄ᬚᬓ᭄᭟ᬫᬗ᭄ᬤᭀᬄᬓᬯᬸᬮᬦ᭠
ᬦ᭄ᬤ᭄ᬭᬸᬳᬂ᭞ᬓᬯᬶᬪᬵᬯᬦ᭄ᬤᬍᬫ᭄ᬩᬮᬶ᭞ᬮᬮᬗᬶᬢ᭄ᬘᭀᬓᭀᬭᬶᬤᬾᬯ᭞ᬢᬩᬾᬧᬸᬓᬸᬮᬸᬦ᭄‌ᬦᬺᬧᬢᬶ᭞ᬧ᭄ᬭᬲᬗ᭄ᬕᬫᭂᬢᬸᬳᬾ᭠ᬮᬶᬂ᭞ᬓᬤᬶᬳᬶᬤᬤᬍᬫ᭄ᬓᭂᬢᬸᬕ᭄᭞ᬰ᭄ᬭᬷᬲ᭄ᬫᬭᬓᬧᬓᬶᬲᬦ᭄᭞ᬤᬸᬓ᭄ᬫᬤᭂᬕ᭄ᬧᭂᬘᬓ᭄ᬦᬾᬗᬹᬦᬶ᭞ᬭᬢᬸᬯᬶᬪᬹᬄ᭞ᬭᬶᬂᬩᬩᬤ᭄ᬤᬍᬫ᭄ᬓᬵᬲ᭄ᬢᬯ᭟ᬲᬤᬯᭂᬕ᭄ᬭᬶᬂ᭠
ᬤᬾᬰᬧᬡ᭄ᬥᬓ᭄᭞ᬤᬾᬭᬾᬂᬭᬶᬂᬕᬾᬮ᭄ᬕᬾᬮ᭄ᬫᬧᬸᬭᬶ᭞ᬓᬲᬬᬸᬢ᭄ᬳᭀᬮᬶᬄᬯᭀᬂᬤᬾᬰ᭞ᬲᬓᬦ᭄ᬢᬸᬦ᭄ᬳᬶᬤᬗᬸᬍᬲᬶᬃ᭞ᬭᬶᬂ᭠ᬲᬵᬫ᭄ᬧᬸᬦ᭄ᬧᭀᬮᬶᬄᬮᬶᬗ᭄ᬕᬶᬄ᭞ᬓᬦ᭄ᬤᬸᬕᬶᬳᬶᬤᬂᬲᬂᬧ᭄ᬭᬪᬹ᭞ᬳᬾᬮᬶᬂᬭᬶᬂᬓᬯᬶᬮᬲᬦ᭄᭞ᬨᬮᬦ᭄ᬯᭀᬂᬧᬡ᭄ᬥᬓ᭄ᬲᬸᬪᬓ᭄ᬢᬶ᭞ᬓᬶᬘ᭄ᬙᬾᬦ᭄ᬮᬸᬗ᭄ᬕᬸᬄ᭞ᬓᬮᬸᬕ᭄ᬭᬫ
ᬯᬗ᭄ᬰᬲᬗ᭄ᬳ᭄ᬬᬂ᭟ᬭᬯᬸᬄᬫᬗ᭄ᬓᬶᬦ᭄ᬓᬫᬗ᭄ᬕᭂᬳᬂ᭞ᬪᬱᬫᬦ᭄ᬳᬶᬤᬰ᭄ᬭᬷᬳᬚᬶ᭞ᬧᬸᬦᬶᬓᬦᬾᬗᬯᬢᬗᬂ᭞ᬓᬯᬶᬪᬵᬯᬦ᭄ᬤᬍᬫ᭄ᬩᬮᬶ᭞ᬬᭀᬕ᭄ᬬᬳᬶᬤᬕᬸᬫᬦ᭄ᬢᬶ᭞ᬫᬗᭂᬲᭀᬃᬲᬶᬗ᭄ᬕᬶᬳᬂᬮᬸᬗ᭄ᬕᬸᬄ᭞ᬲᬯᬢᭂᬓ᭄ᬘᬢᬹᬃᬯᬗ᭄ᬰ᭞ᬲᬧᬜ᭄ᬚᬓ᭄ᬳᬶᬤᬭᬶᬂᬩᬮᬶ᭞ᬲᬶᬭᬧᬸᬭᬸᬦ᭄᭞ᬫᬩᭀᬬᬲᬯᬶᬭᬾᬄᬳᬶ

[᭒᭓᭓ 233A]
᭒᭓᭓
ᬤ᭟ᬭᬸᬫᬕᬲᬗ᭄ᬳ᭄ᬬᬂᬯᬶᬰᬾᬱ᭞ᬦᭂᬍᬄᬢᭂᬋᬧᬂᬭᬶᬂᬩᬮᬶ᭞ᬧᬮᬸᬗ᭄ᬕᬸᬄᬘᭀᬓᭀᬭᬶᬤᬾᬯ᭞ᬓᬾᬗᬶᬦ᭄ᬫᬗ᭄ᬓᬶᬦ᭄ᬢᭂᬤᬸᬂᬕᬸᬫᬶ᭞ᬯᬶᬰᬾᬱᬓᬬᬾᬂᬗᬹᬦᬶ᭞ᬬᭀᬕ᭄ᬬᬗᬫᬵᬃᬕ᭄ᬬᬂᬧᬫᬵᬢᬹᬢ᭄᭞ᬗᭂᬲᭀᬃᬲᬶᬗ᭄ᬕᬶᬳᬂᬯᬗ᭄ᬰ᭞ᬲᬂᬘᬢᬹᬃᬚᬤ᭄ᬫᬭᬶᬂᬩᬮᬶ᭞ᬳᬶᬯᬂᬧᬵᬢᬹᬢ᭄᭞ᬘᭀ᭠
ᬓᭀᬭᬶᬤᬾᬯᬭᬸᬫᬓ᭄ᬱ᭟ᬗᬶᬂᬲᬵᬫ᭄ᬧᬸᬦ᭄ᬫᬶᬮᭀᬦᬶᬮᭀᬦᬦ᭄᭞ᬘᭀᬓᭀᬭᬶᬤᬾᬯᬦᭂᬧᬲᬶᬦ᭄᭞ᬳᬶᬯᬂᬧᬵᬢᬹᬢ᭄‌ᬤᬺᬱ᭄ᬝᬓᬸᬦ᭞ᬬᬦ᭄ᬫᬗ᭄ᬕᭂᬄᬫᬗ᭄ᬕᭂᬳᬂᬲᬫᬶ᭞ᬳᬸᬘᬧᬶᬂᬅᬓ᭄ᬱᬭᬵᬚᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬮᭂᬩᬄᬕ᭄ᬮᬶᬦ᭄ᬢᬸᬂ᭞ᬓᬦ᭄ᬢᬸᬦ᭄ᬫᬤᬕᬶᬂᬓᬾᬫᬤ᭄᭞ᬭᬶᬂᬲᬫᭂᬢᭀᬦ᭄ᬭ
ᬓᬭᬳᬶ᭞ᬬᬦ᭄ᬫᬫᬸᬭᬸᬕ᭄᭞ᬲᬸᬤᭀᬱᬯᭂᬦᬂᬲᬶᬲᬶᬧᬂ᭟ᬲᬂᬫᭂᬍᬤ᭄ᬭᬶᬂᬓᬫᬾᬦᬓᬦ᭄᭞ᬧᬵᬢᬹᬢ᭄ᬜᬶᬤ᭄ᬥᬬᬂᬗᬦᬹᬢᬶᬦ᭄᭞ᬳᬸᬘᬧ᭄ᬯᬶᬤ᭄ᬥᬶᬧᬧᬶᬜ᭄ᬘᬢᬦ᭄᭞ᬫᬓᬵᬤᬶᬘᬢᬹᬃᬧ᭄ᬭᬓᬺᬢ᭄ᬢᬶ᭞ᬰᬰᬡᬦ᭄ᬲᬂᬓᬢ᭄ᬭᬶᬦᬶ᭞ᬰᬸᬤ᭄ᬭᬯᬗ᭄ᬰᬚᬦ᭄ᬢᭂᬦᬶᬧᬸᬦ᭄᭞ᬲᬸᬪᬓ᭄ᬢᬶᬢᬹᬃᬗᬍᬫᬂ᭞ᬓᬫᬾᬦᬓᬦ᭄ᬲᬂᬓ
ᬢ᭄ᬭᬶᬦᬶ᭞ᬫᬗ᭄ᬤᭀᬄᬳᬶᬧᬸᬦ᭄᭞ᬧᬸᬭᬸᬦ᭄ᬧ᭄ᬭᬲᬗ᭄ᬕᬗᬯᬸᬮ᭟ᬫᭂᬦᭂᬂᬳᬶᬤᬦᬭᬦᬵᬣ᭞ᬫᬶᬋᬂᬳᬢᬹᬃᬧᬭᬭᬩᬶ᭞ᬫᬭᬹᬧᬓᬤᬶ᭠ᬫᬢᬸᬗ᭄ᬓᬲ᭄᭞ᬢᬢᬶᬕᬫᭂᬲᭂᬄᬓᬓᬵᬮᬶᬄ᭞ᬓᬦ᭄ᬢᬸᬦ᭄ᬓᭀᬩᭂᬢ᭄ᬫᬶᬦᭂᬳᬶᬦ᭄᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬭᬶᬂᬓᬭᬂᬓᬧᬢ᭄ᬬᬦ᭄᭞ᬲᬂᬚᬸᬫᭂᬦᭂᬂ᭠ [ 234 ][᭒᭓᭓ 233B]
᭒᭓᭓
ᬓᬾᬗᬶᬦ᭄ᬧᬢᬶᬄ᭞ᬓ᭄ᬬᬬᬶᬳᬕᬸᬂ᭞ᬤᬶᬫᬥᬾᬫᬸᬗ᭄ᬕ᭄ᬯᬶᬂᬧᬲᬾᬗᬦ᭄᭟ᬲᬵᬫ᭄ᬧᬸᬦ᭄ᬢᬍᬃᬗᬭᬋᬫᬂ᭞ᬩᬳᬸᬥᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬧᬭᬫᬾᬦᬓ᭄ᬲᬩᬾᬂᬧᬸᬭ᭞ᬫᬓᬵᬤᬶᬧᬭᬲᬸᬮᬶᬗ᭄ᬕᬶᬄ᭞ᬓᬵᬢᬸᬭᬦ᭄ᬫᬫᬶᬦᭂᬳᬶᬦ᭄᭞ᬧᬓᭀᬩᭂᬢ᭄ᬭᬶᬂᬧᬸᬭᬶᬳᬕᬸᬂ᭞ᬩᬩᬯᭀᬲᬦ᭄ᬢᬦ᭄ᬧᬜ᭄ᬚᬂ᭞ᬓᬧᬵ᭠
ᬢᬹᬢ᭄ᬲᬶᬦᬋᬂᬲᬫᬶ᭞ᬯᭂᬦᬂᬭᬭᬸᬂ᭞ᬩᬩᬡ᭄ᬥᬦᬾᬭᬶᬂᬲᬵᬕᬭ᭟ᬤᬾᬦᬶᬂᬗᬍᬢᭂᬳᬶᬦ᭄ᬚᬕᬢ᭄᭞ᬳᬕᬸᬂᬤᭀᬱᬓᬸᬭᬂᬧᬢᬶ᭞ᬓᬬᭀᬕ᭄ᬬᬲᬂᬗᬯᬶᬯᭂᬦᬂ᭞ᬜᬶᬲᬶᬧᬂᬲᬂᬧᭀᬮᬶᬄᬲᬶᬲᬶᬧ᭄᭞ᬤᭂᬕᬕ᭄ᬫᬵᬋᬧ᭄ᬓᬧᬸᬭᬶ᭞ᬳᬗ᭄ᬮᬗ᭄ᬓᬳᬶᬓᬭᬂᬳᬸᬮᬸ᭞ᬤᬹᬃᬰᬶᬮᬫᬫᬋᬓᬦ᭄᭞ᬗᬭᬗ᭄ᬓ᭠
ᬢᬂᬭᬵᬚᬧᬸᬢ᭄ᬭᬶ᭞ᬓᬲᬶᬦᬗ᭄ᬕᬸᬄ᭞ᬳᬲᬸᬗᬸᬬᬸᬳᬶᬦ᭄ᬧ᭄ᬭᬲᬤ᭄ᬥ᭟ᬫᬲ᭄ᬢᬓᬦ᭄ᬬᬧᬵᬢᬹᬢ᭄ᬧᬸᬗ᭄ᬕᬮ᭄᭞ᬳᬯᬓ᭄ᬦ᭄ᬬᬓᬧᬸᬢ᭄ᬩᬦ᭄ᬤᬸᬯᬶ᭞᭠ᬮᬶᬦᭂᬩᭀᬓ᭄ᬫᬭᬶᬂᬲᬵᬕᬭ᭞ᬧᬫᬵᬢᬹᬢ᭄ᬧᬭᬲᬸᬮᬶᬗ᭄ᬕᬶᬄ᭞ᬤᬾᬦᬶᬂᬳᬶᬤᬰ᭄ᬭᬷᬳᬚᬶ᭞ᬲᬸᬗ᭄ᬓᬯᬓᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬓᬓᭂᬦᬦ᭄ᬮᬭᬯᬶᬭᬂ᭞᭠
ᬫᬗ᭄ᬤᭀᬄᬜᬶᬤ᭄ᬥᬬᬂᬫᬶᬦᭂᬳᬶᬦ᭄᭞ᬳᬶᬯᬂᬧᬵᬢᬹᬢ᭄᭞ᬦᬫ᭄ᬩᬦᬶᬦ᭄ᬲᬸᬗ᭄ᬓᬦ᭄ᬗᬭᬕ᭟ᬓᬧᬵᬢᬹᬢ᭄ᬫᬗ᭄ᬓᬶᬦ᭄ᬫᬗ᭄ᬕᬮ᭞ᬓ᭄ᬬᬬᬶᬳᬕᬸᬂᬲᬗᬧᬢᬶᬄ᭞ᬜᭂᬍᬕᬂᬧᬓᬺᬢ᭄ᬣᬦ᭄ᬚᬕᬢ᭄᭞ᬲᬓᬤᬶᬳᬸᬘᬧᬶᬂᬳᬚᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬮᬶᬄ᭞ᬢᬦ᭄ᬳᬸᬦᬶᬂᬭᬶᬂᬳᬶᬯᬂᬧᬵᬢᬹᬢ᭄᭞ᬳᬃ

[᭒᭓᭔ 234A]
᭒᭓᭔
ᬱᬓ᭄ᬬᬬᬶᬫᬶᬋᬗᬂ᭞ᬧᬫᬸᬗᬸᬦ᭄ᬢᬢᭂᬓ᭄ᬲᬸᬮᬶᬗ᭄ᬕᬶᬄ᭞ᬢᬹᬃᬓᬧᬵᬢᬹᬢ᭄᭞ᬧᬫᬸᬢᬸᬲ᭄ᬯᬢᭂᬓ᭄ᬲᬤ᭄ᬥᬓ᭟ᬧᬦᬗ᭄ᬓᬶᬮᬦ᭄ᬲᬵᬫ᭄ᬧᬸᬦ᭄ᬩᬸᬩᬃ᭞ᬓ᭄ᬬᬬᬶᬳᬕᬸᬂᬳᬕᬾᬭᬭᬶᬲ᭄᭞ᬗᭂᬲᬾᬗᬶᬦ᭄ᬯᬢᭂᬓ᭄ᬩ᭄ᬭᬕᬮ᭞ᬳᬦ᭄ᬤᭂᬮᬦ᭄ᬤᭂᬮ᭄ᬲᬓᬾᬂᬗᬹᬦᬶ᭞ᬦᬾᬧᬘᬂᬗᬧᬾᬢ᭄ᬧᬢᬶ᭞ᬚᬸᬭᬸᬭᬜ᭄ᬘ᭠
ᬩᬾᬧᬧᬤᬸ᭞ᬲᭂᬭᬶᬂᬲᬵᬫ᭄ᬧᬸᬦ᭄ᬫᬯᬾᬤᬂ᭞ᬗᬫᬥᭂᬫᬂᬚᬤ᭄ᬫᬲᬶᬲᬶᬧ᭄᭞ᬫᬸᬂᬧᬂᬮᬓᬸ᭞ᬧ᭄ᬭᬲᬗ᭄ᬕᬭᬶᬂᬲᬸᬲᬸᬳᬸᬦᬦ᭄᭟ᬫᬯᬵᬱ᭄ᬝᬳᬶᬧᬸᬦ᭄ᬦᬂᬲᬸᬂᬲᬂ᭞ᬩᭂᬭᬶᬲ᭄ᬓᬮᬾᬲ᭄ᬓᬸᬫᬶᬲ᭄‌ᬕᬶᬮᬶᬂ᭞ᬫᬢᬩᬭᬓ᭄ᬲᭂᬭᬶᬂᬧᬸᬜᬄ᭞ᬫᬲᬚᭂᬗᬦ᭄ᬢᭀᬂᬗᬶᬗᬦᬶᬦ᭄᭞ᬲᭂᬮᬶᬤ᭄ᬲᭀᬭᬾᬧᬶᬂᬓᬵᬮᬶᬄ
᭞ᬢᬦ᭄ᬓᬶᬭᬂᬭᬶᬂᬤᬰᬧᬸᬘᬸᬂ᭞ᬓᬮᬸᬤᬦ᭄ᬧᬫᬤᬢᬦ᭄᭞ᬓᬢᬕᬶᬳᬦ᭄ᬲᬳᬶᬲᬳᬶ᭞ᬗᬶᬫᬸᬭᬶᬫᬸᬃ᭞ᬬᬦᬶᬂᬓᬶᬭᬗᬦ᭄ᬮᬗ᭄ᬲᬶᬗᬦ᭄᭟ᬫᬫᭀᬢᭀᬄᬗᬶᬬᬸᬢ᭄ᬲᬤᬦᬦ᭄᭞ᬢᭀᬂᬫᬤᬸᬯᬾᬳᭀᬮᬲᬲᬶᬄ᭞ᬦᬂᬲᬸᬂᬲᬂᬭᬯᬸᬄᬓᬲᬾᬗᬦ᭄᭞ᬧᬗᬦ᭄ᬤᬶᬓᬦ᭄ᬲᬗᬧᬢᬶᬄ
᭞ᬦᬄᬓᭂᬫᭀᬘᬳᬶᬚᬦᬶ᭞ᬫᬚᬮᬦ᭄ᬤᬾᬯᬾᬓᬾᬗᬸᬢᬸᬲ᭄᭞ᬫᬢᬓᬭᬶᬦ᭄ᬩᬩᬡ᭄ᬥᬦ᭄᭞ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬩᬩᬃᬭᬭᬸᬂ᭞ᬓᬧᬲᬶᬄᬚᬦᬶᬳᬾᬗ᭄ᬕᬮᬂ᭟ᬓᬵᬮᬶᬄᬲᬵᬫ᭄ᬧᬸᬦ᭄ᬓᬧᬶᬢᭂᬮᬲ᭄᭞ᬳᬶᬦ᭄ᬤᬶᬓ᭄ᬮᬦ᭄ᬕᭂᬦᬄᬫᬢᬾᬦᬶᬦ᭄᭞ᬭᬶᬂᬲᬵᬕᬭᬩᬢᬸᬓ᭄ᬮᭀ [ 235 ][᭒᭓᭔ 234B]
᭒᭓᭔
ᬢᭀᬓ᭄᭞ᬲᬂᬓᬤᬯᬸᬳᬦ᭄ᬫᬧᬫᬶᬢ᭄᭞ᬧᬶᬢᭂᬮᬲᬶᬧᬸᬦ᭄ᬗᬶᬭᬶᬂ᭞ᬦᬂᬲᬸᬂᬲᬂᬳᬕᬾᬮᬸᬫᬓᬸ᭞ᬳᬾᬗᬧᬾᬗᬧ᭄ᬮᬸᬫᬓᬸ᭞ᬓᬶᬧᭂᬓᬦ᭄ᬢᬦ᭄ᬧᬧᬓᬾᬭᬶᬂ᭞ᬩᬩᬃᬳᬶᬚᬸ᭞ᬦᬭᬸᬗᬫᬭᬶᬂᬯᬦ᭄ᬢᬶᬮᬦ᭄᭟᭜᭟ᬤᬹᬃᬫ᭄ᬫ᭟᭜᭟ᬗᬧᬓᬧᬓ᭄ᬦᬂᬲᬸᬂᬲᬂᬲᬸᬕᬮ᭄ᬫᬧᬚᬃ᭞ᬦᭂᬗ᭄ᬓᬶᬓ᭄ᬲᬳᬲᬦᬸᬤᬶᬂ
᭞ᬘᬳᬶᬓᬵᬫᬚᬬ᭞ᬤᭂᬕᬕ᭄ᬘᬗ᭄ᬓᬄᬘᬸᬫᬗ᭄ᬓᬄ᭞ᬗᬓᬭᬸᬳᬶᬦ᭄ᬭᬵᬚᬧᬸᬢ᭄ᬭᬶ᭞ᬢᭀᬂᬦᬯᬂᬳᬤᬢ᭄᭞ᬩᭂᬍᬃᬢᭀᬂᬦᬯᬂᬕᬸᬲ᭄ᬢᬶ᭟ᬜᬶᬘᬶᬂᬲᬶᬗᬮ᭄‌ᬳᬍᬫᬦ᭄ᬳᬶᬩᬲᬬᬗᬂ᭞ᬦᬄᬕᬦ᭄ᬢᬶᬦ᭄ᬳᬶᬩᬫᬵᬢᬶ᭞ᬳᬸᬧᬳᬾᬮᬗ᭄ᬕᬦ᭞ᬓᬵᬫᬚᬬᬓᬩᬢ᭄ᬩᬢ᭄᭞ᬫᬥᬾᬯᬢᬶᬗᬕᭂ
ᬫ᭄ᬓᭂᬭᬶᬲ᭄᭞ᬯᬯᬸᬓᬢᭂᬩᬄ᭞ᬦᬂᬲᬸᬂᬲᬂᬲᬾᬩᭂᬢ᭄ᬦᬗ᭄ᬓᬶᬲ᭄᭟ᬓᭂᬮᬤ᭄ᬓᭂᬮᬶᬤ᭄ᬲᬶᬦᬃᬯ᭄ᬯᬶᬫᬓᬶᬭᬶᬕ᭄ᬳᬸᬤᬂ᭞ᬫᬓᬶᬍᬲᬦ᭄ᬓᬲᬫ᭄ᬧᬶᬂ᭞ᬲᬾᬩᭂᬢ᭄ᬗᬶᬲᬶᬢᬗᬦ᭄᭞ᬫᬥᬾᬯᬢᬶᬓᬘᬂᬓ᭄ᬯᬓ᭄᭞ᬓᭂᬭᬶᬲᬾᬓᭂᬦᬶᬓᭂᬩᬸᬢᬶᬦ᭄᭞ᬳᭀᬮᬶᬄᬦᬂᬲᬸᬂᬲᬂ᭞ᬫᬥᬾᬯᬢᬶᬓᬢᬸᬤᬶᬂ᭟ᬢᭀᬂᬫᬤᬬ
ᬚ᭄ᬭᭀᬦᬾᬢᭂᬓᬩᬋᬂᬯᬶᬭᬂ᭞ᬗᬭᭀᬫ᭄ᬭᭀᬫᬶᬦ᭄ᬦᬾᬧᭂᬮᬶᬄ᭞ᬮᬕᬸᬢᬾᬫᬧ᭄ᬬᬦᬓ᭄᭞ᬢᭀᬂᬦᬯᬂᬧᬚᬕᬢᬦ᭄᭞ᬗᬶ᭠ᬮᭀᬦᬶᬦ᭄ᬧ᭄ᬬᬦᬓᬾᬚᬮᬶᬃ᭞ᬫᭀᬩᭀᬢᬂᬲᭀᬫᬄ᭞ᬢᭀᬂᬗᬾᬤᬍᬫᬂᬓᬸᬮᬶᬢ᭄᭟ᬧᬢᬶᬓᭂᬧᬸᬕ᭄ᬗᬮᬶᬄᬲᭀᬫᬄᬢᭀᬂᬧᬶᬮᬶᬳᬦ᭄᭞

[᭒᭓᭕ 235A]
᭒᭓᭕
ᬗᬸᬗ᭄ᬕᬳᬶᬦ᭄ᬳᬦᬓ᭄ᬫ᭄ᬯᬦᬶ᭞ᬮᬘᬸᬃᬧᬂᬍᬦ᭄ᬢᬶᬭᬦ᭄᭞ᬮᬕᬸᬢᬾᬦᬸᬫᬫᬶᬲᬦ᭄᭞ᬢᭂᬓᬾᬦ᭄ᬓᬵᬫᬚᬬᬍᬤᬶᬂ᭞ᬓᬮᬸᬤ᭄ᬲᭀᬃᬯᬗ᭄ᬰ᭞᭠ᬤᭀᬂᬓᬤᬾᬦ᭄ᬲᬚᬭᬶᬭᬶᬄ᭟ᬫᬥᬾᬯᬢᬶᬦᬯᬂᬰᬵᬲ᭄ᬢ᭄ᬭᬓᬓᬲᬸᬩᬂ᭞ᬓᬳᬾᬫᬦ᭄ᬤᬤᬶᬭᬩᬶ᭞ᬫᬭᬶᬂᬲ᭄ᬯᬾᬘ᭄ᬙᬧᬸᬭ᭞ᬚᬢᬶᬢᭀᬂᬦᬯᬂᬓ᭄ᬭᬫ᭞᭠
ᬢᬶᬗ᭄ᬓᬄᬫᬫᬜ᭄ᬚᬓ᭄ᬤᬶᬧᬸᬭᬶ᭞ᬮᬕᬸᬢᬾᬲᬬᬂ᭞ᬢ᭄ᬯᬭᬦᭀᬮᬶᬄᬓᬲᬫ᭄ᬧᬶᬂ᭟ᬩᭂᬗᭀᬂᬓᬗᭂᬦ᭄ᬳᬦᬓᬾᬲᬫᬶᬗᬦ᭄ᬢᭂᬦᬂ᭞ᬦᬸ᭠ᬫᭀᬦᬂᬫᬥᬾᬯᬢᬶ᭞ᬦᬗᬶᬲ᭄ᬢᬸᬃᬲᬶᬕ᭄ᬲᬶᬕᬦ᭄᭞ᬢᬦ᭄ᬫᬭᬶᬜᭂᬮ᭄ᬲᭂᬮ᭄ᬭᬕ᭞ᬲᬗ᭄ᬲᬭᬲᬚᬦᬸᬫᬶᬢᬶᬲ᭄᭞ᬦᭂᬫᬸᬤᬸᬄᬓᬶᬢ᭞ᬮᬘᬸᬭᬾᬢᬶᬤᭀᬂᬕᬶᬕᬶ
ᬲ᭄᭟ᬩᬗ᭄ᬭᬲ᭄ᬦᭂᬗ᭄ᬓᬶᬓ᭄ᬦᬂᬲᬸᬂᬲᬂᬫᬮᬶᬄᬫᬧᬚᬃ᭞ᬤᭀᬂᬳᬧᬧᬗᭂᬮᬶᬗᬶᬦ᭄᭞ᬢᬦ᭄ᬤ᭄ᬭᬸᬄᬢᭂᬓᬾᬦ᭄ᬲᬮᬄ᭞ᬫᬤᬍᬫ᭄ᬓᬧᭀᬦᬓᬦ᭄᭞ᬩᬳᬂᬧ᭄ᬬᬦᬓᬾᬜᬗ᭄ᬓᬸᬢᬶᬦ᭄᭞ᬧᬚᬃᬦᬂᬲᬸᬂᬲᬂ᭞ᬲᬳᬗᬫ᭄ᬧᭂᬕᬂᬢᬮᬶ᭟ᬩᬗᬸᬦ᭄ᬳᬶᬩᬳᬚᬓ᭄ᬤᬤ᭄ᬯᬦᬄᬫᬚᬮᬦ᭄᭞ᬧᬲᬶᬳᬾᬓ᭄ᬭᭀᬩᭀ
ᬓ᭄ᬚᬦᬶ᭞ᬨᬮᬦ᭄ᬳᬶᬩᬤᭂᬕᬕ᭄᭞ᬢᭀᬂᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬳᬸᬭᬶᬧ᭄ᬳᬶᬩᬦᬾᬗᭂᬫᬲᬶᬦ᭄᭞ᬤᬤᬶᬧᬗᬦ᭄᭞ᬩᬾᬓᬓ᭄ᬬᬦᬾᬤᬶᬧᬲᬶᬄ᭟ᬗᬭᬸᬧᬢᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬫᬢᬗᬶᬲᬋᬂᬓᬵᬮᬶᬄ᭞ᬲᭀᬢᬦᬶᬂᬩᬩᬡ᭄ᬥᬦ᭄᭞ᬫᬓ᭄ᬮᬾᬢᬾᬓ᭄ᬢᬸᬫ᭄ᬩᬓ᭄ᬲᬬ᭞ᬫᬢᭂ᭠ [ 236 ][᭒᭓᭕ 235B]
᭒᭓᭕
ᬕᬸᬮ᭄ᬭᬭᬶᬲ᭄ᬫᬫᬵᬃᬕ᭄ᬕᬶ᭞ᬗᭂᬮᭀᬤ᭄ᬓᬯᬸᬳᬂ᭞ᬧᬗᬸᬗ᭄ᬲᬶᬦᬾᬓᬧᬲᬶᬄ᭟ᬫᬥᬾᬯᬢᬶᬲᬋᬂᬦᬸᬢᬸᬕ᭄ᬗᭂᬤᬶᬄᬳᭀᬮᬲ᭄᭞ᬩᭀᬬᬤᬤᭀᬲ᭄ᬢᬫ᭄ᬩᬓᬶᬦ᭄᭞ᬩᬶᬬᬸᬃᬫᬭᬶᬂᬧᬲᬃ᭞ᬲᬯᬢᭂᬓᬶᬂᬯᭀᬂᬤᬕᬂ᭞ᬦᭂᬮᭀᬓ᭄ᬯᬾᬦ᭄ᬢᭂᬦ᭄ᬲᭂᬗᬶᬲᭂᬗᬶ᭞ᬗᭂᬮᬶᬂᬲᬶᬕ᭄ᬲᬶᬕᬦ᭄᭞ᬓᬗᭂᬦᬶᬧᬸᬦ᭄ᬫᬗ᭄ᬕᬶᬳᬶ᭠
ᬦ᭄᭟ᬫᬥᬾᬯᬢᬶᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬫᬲᬋᬗᬦ᭄ᬫᬫᬵᬃᬕ᭄ᬕᬶ᭞ᬦᬂᬲᬸᬂᬲᬂᬗᬢᭂᬳᬂ᭞ᬓᬵᬲ᭄ᬢᬯᬚᬸᬭᬸᬭᬜ᭄ᬘᬩ᭄᭞ᬲᬋᬂᬧᬢ᭄ᬧᬢ᭄ᬗᬭᬾᬜ᭄ᬘᬗᬶᬦ᭄᭞ᬓᬶᬧᭂᬓᬦ᭄ᬲᬮᬧ᭄᭞ᬢᭀᬂᬗᭂᬮᬄᬳᭀᬮᬲᬲᬶᬄ᭟ᬤᭂᬗ᭄ᬓᬓ᭄ᬤᭂᬗ᭄ᬓᬶᬓ᭄ᬢ᭄ᬯᬭᬚᬗ᭄ᬓᬬᬦ᭄ᬫᬧᭂᬢ᭞ᬗᭂᬮᭀᬤᬂᬭᬶᬂ᭠
ᬚᭂᬮᬡ᭄ᬝᬶᬓ᭄᭞ᬗᭂᬦ᭄ᬢᬧ᭄ᬤᬾᬰᬢᭀᬚᬦ᭄᭞ᬦᭂᬧᭀᬲ᭄ᬭᬶᬂᬲᬯᬄᬲᬯᬄ᭞ᬫᬫᬵᬃᬕ᭄ᬕᬶᬦᬸᬯᬸᬢᬂᬮᬶᬲᬶᬕ᭄᭞ᬜᬮᬾᬫ᭄ᬧᭀᬄᬦᭂᬕᬓ᭄᭞ᬓᬍᬲᭀᬦ᭄ᬭᬵᬚᬧᬸᬢ᭄ᬭᬶ᭟ᬲᭂᬗᬶᬢ᭄ᬤᬸᬍᬕ᭄ᬦᬂᬲᬸᬂᬲᬂᬳᬶᬧᬸᬦ᭄ᬗᬦ᭄ᬢᭂᬦᬂ᭞ᬧᬚᬭᬾᬢᬦ᭄ᬧᬰ᭄ᬭᬸᬢᬶ᭞ᬗᬸᬤ᭄ᬬᬂᬤᬶᬦᬶᬦᭂᬕᬓ᭄᭞ᬫᬗᬸᬦᬂᬕᭂ
ᬤᭂᬕ᭄ᬩᬲᬂ᭞ᬗᭂᬦᭀᬢ᭄ᬳᬶᬩᬫᭂᬮᬾᬂᬚᬮᬶᬃ᭞ᬲᬸᬦ᭄ᬤᭂᬮ᭄ᬧᬦᬬᬂ᭞ᬤᭀᬂᬜᬾᬦ᭄ᬮᬓᬃᬗᭀᬮᬲᬶᬦ᭄᭟ᬢᬦ᭄ᬧᬢᭂᬫᬄᬢ᭄ᬯᬭᬗᬾᬤᬍᬫᬂᬳᬯᬓ᭄᭞ᬩᬦ᭄ᬤᭂᬫᭂᬦᬾᬫᬲᬓᬶ᭞ᬗᬚᬓ᭄ᬓᬵᬫᬚᬬ᭞ᬢᭀᬂᬫᭂᬮᬸᬢᬂᬫᬚᬮᬦ᭄᭞ᬓᬵᬫᬚᬬᬫᬜᬳᬸᬭᬶᬦ᭄᭞ᬳᬶᬗ᭄ᬕᬶᬄᬦᬯᭂᬕᬂ᭞

[᭒᭓᭖ 236A]
᭒᭓᭖
ᬲᬫ᭄ᬧᬸᬦᬂᬚ᭄ᬭᭀᬦᬾᬩ᭄ᬭᬗ᭄ᬢᬶ᭟ᬦᬸᬦᬲ᭄ᬳᬶᬘ᭄ᬙᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬫᬢᭂᬕ᭄ᬢᭂᬕᬦ᭄᭞ᬤᬾᬦᬶᬂᬍᬍᬄᬫᬫᬵᬃᬕ᭄ᬕᬶ᭞ᬦᬂᬲᬸᬂᬲᬂᬓᬩᬗ᭠ᬦ᭄᭞ᬓᬵᬫᬚᬬᬓᬢᬶᬜ᭄ᬚᬓ᭄᭞ᬜᬮᬾᬫ᭄ᬧᭀᬄᬭᬶᬂᬧᬶᬗ᭄ᬕᬶᬃᬫᬵᬃᬕ᭄ᬕᬶ᭞ᬋᬩᬄᬦᬸᬗ᭄ᬓᬬᬓ᭄᭞ᬓᬩᬢ᭄ᬩᬢ᭄ᬢᬸᬃᬓᬢᬸᬤᬶᬂ᭟ᬫᭂᬦ᭄ᬤᭂᬧ᭄ᬘᬳᬶᬓᬵᬫᬚᬬ᭠
ᬢᬦ᭄ᬧᬢᭂᬫᬄ᭞ᬧᭀᬗᬄᬳᬶᬩᬫᬫᬸᬜᬶ᭞ᬩᬦ᭄ᬕᭀᬩᬦᬾᬗ᭄ᬭᬜᬩ᭄᭞ᬓᬓᬤᬾᬦ᭄ᬓᬳᬶᬳᬸᬮᬧ᭄᭞ᬢᬦ᭄ᬯᬸᬭᬸᬂᬳᬶᬩᬫᬵᬢᬶ᭞ᬚᬭᬸᬄᬢᬦ᭄ᬧᭂᬭᬄ᭞ᬢ᭄ᬯᬭᬦᬯᬂᬲᭀᬃᬲᬶᬗ᭄ᬕᬶᬄ᭟ᬫᬥᬾᬯᬢᬶᬜᬕ᭄ᬚᬕ᭄ᬗᭂᬮᬸᬢ᭄ᬓᬵᬫᬚᬬ᭞ᬫᬘᬧ᭄ᬘᬧ᭄ᬢᭀᬬᬦ᭄ᬳᬓ᭄ᬱᬶ᭞ᬦᬦᬓ᭄ᬓᬵᬫᬚᬬ᭞
ᬦᬄᬫᭂᬦ᭄ᬤᭂᬧ᭄ᬧᬢᬶᬍᬲᬂ᭞ᬳᬯᬓ᭄ᬮᬘᬸᬃᬩᬸᬓᬚᬦᬶ᭞ᬢᭀᬂᬳᬤᬳᭀᬮᬲ᭄᭞ᬫᭂᬮᬳᬦ᭄ᬲᬸᬩᬦᭂᬗᬶᬮ᭄᭟ᬓᬗᭂᬦ᭄ᬫᬾᬫᬾᬗᭂᬦᭀᬢ᭄ᬦᬦᬓ᭄ᬓᬲᬓᬶᬢᬦ᭄᭞ᬩᬦ᭄ᬤᬂᬩᬾᬦ᭄ᬤᬾᬂᬫᬢᬶᬕ᭄ᬢᬶᬕ᭄᭞ᬦᭂᬕᬓ᭄ᬲᬶᬂᬲᬶᬂᬚᬮᬦ᭄᭞ᬩᬗ᭄ᬭᬲ᭄ᬦᭂᬗ᭄ᬓᬶᬓ᭄ᬦᬂᬲᬸᬂᬲᬂ᭞ᬗᬸᬤ᭄ᬬᬂᬳᬶᬩᬤᬶᬦᬶᬦᭂᬮᬶᬓ᭄᭞
ᬳᬧᬧᬗᭂᬦᬂ᭞ᬢ᭄ᬯᬭᬗᭂᬦᭂᬳᬂᬓᬳᬶ᭟ᬳᬸᬮᬶᬢᬸᬦᬶᬩᭂᬤᬓ᭄ᬢᭀᬦ᭄ᬤᬾᬦ᭄ᬜᬾᬭᬾᬢ᭄ᬢᬸᬯᬓ᭄᭞ᬢᬸᬗ᭄ᬓᬸᬮ᭄ᬫᭂᬦᭂᬫᬦ᭄ᬤᬶᬦᬶ᭞ᬤᬶᬘᬭᬶᬓᬾᬩᭂᬗᬂ᭞ᬯᬾᬦ᭄ᬢᭂᬦ᭄ᬳᬦᬓ᭄ᬫᬢᭂᬓᬧ᭄᭞ᬜᬕ᭄ᬚᬕ᭄ᬫᬓ᭄ᬢᬧ᭄ᬭᭀᬘᭀᬢ᭄ᬕᬶᬧᬶᬄ᭞ᬫᬤᬕᬶᬂᬢᭀᬬ᭞ᬲᬶᬕ᭄ᬲᬶᬕᬦᬶᬧᬸᬦ᭄ᬗᭂᬮᬶᬂ᭟ᬦᬜ᭄ᬚᬾᬦ᭄ [ 237 ][᭒᭓᭖ 236B]
᭒᭓᭖
ᬢᭀᬬᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬫᬓᬵᬤᬶᬫᬥᬾᬯᬢᬶ᭞ᬓᬗᭂᬦ᭄ᬲᬂᬫᬢᭂᬓᬧ᭄᭞ᬦᬸᬫᭀᬦᬂᬲᬂᬓᬮᬭᬦ᭄᭞ᬚᬦ᭄ᬢᭀᬲᬶᬧᬸᬦ᭄ᬗᬸᬢᬂᬲᬫ᭄ᬧᬶ᭞ᬓᬦ᭄ᬢᬸᬦ᭄ᬫᬳᬸᬕ᭞ᬓᬩᬢᭂᬓ᭄ᬳᭀᬮᬲ᭄ᬳᬲᬶᬄ᭟ᬯᬯᬸᬫᭂᬜ᭄ᬚᬸᬄᬧ᭄ᬭᭀᬘᭀᬢᬾᬳᬬᬢ᭄ᬓᬢ᭄ᬭᬶᬫ᭞ᬭᬶᬂᬤᬦᬾᬫᬥᬾᬯᬢᬶ᭞᭠
ᬲᬵᬦ᭄ᬢᬸᬓᬦ᭄ᬓᬲᬢᬦ᭄᭞ᬧᭀᬗᬄᬳᬶᬧᬸᬦ᭄ᬦᬂᬲᬸᬂᬗ᭄ᬕᬶᬸᬂᬲᬂ᭞ᬜᬢᭀᬢᬶᬦ᭄ᬮᭀᬕᬲ᭄ᬗᭂᬩᬸᬢᬶᬦ᭄᭞ᬫᬚᬭᬂᬩᭂᬤᬓ᭄᭞ᬩᭂᬦᬫᬮᬸᬳᬢᬸᬭᬶᬦ᭄᭟ᬕᬸᬡᬤᭀᬱᬘᬳᬶᬗᭀᬮᬲᬶᬦ᭄ᬩᬩᬡ᭄ᬥᬦ᭄᭞ᬫᬲᬶᬄᬬᬮᬓᬃᬫᬵᬢᬶ᭞ᬓᬗᭂᬦ᭄ᬲᬂᬫᬢᭂᬓᬧ᭄᭞ᬗᬦ᭄ᬢᭂᬦᬂᬓᬵᬫᬚᬬ᭞
ᬩᭂᬗᭀᬂᬲᬋᬂᬭᬵᬚᬧᬸᬢ᭄ᬭᬶ᭞ᬜᬶᬗᬓ᭄ᬦᬂᬲᬸᬂᬲᬂ᭞ᬩᬩᬾᬓᬶᬢᬶᬤᭀᬂᬕᬶᬕᬶᬲ᭄᭟ᬩᭀᬬᬤᬸᬭᬸᬲ᭄ᬲᬂᬓᬵᬮᬶᬄᬗᬚᭂ᭠ᬗᬂᬢᭀᬬ᭞ᬓᭂᬜᭂᬫ᭄ᬗᬦ᭄ᬤᬶᬓᬳᬭᬶᬲ᭄᭞ᬤᬸᬭᬸᬲᬂᬫᬫᬵᬃᬕ᭄ᬕ᭞ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬩᭂᬤᬓ᭄᭞ᬦᬂᬲᬸᬂᬲᬂᬩᬗ᭄ᬕᬶᬜᬳᬸᬭᬶᬦ᭄᭞ᬜᬦᬦ᭄ᬢᭂᬮᬳᬂ᭞
ᬳᬶᬦᭂᬫ᭄ᬬᬾᬳᬾᬤᬶᬧᬲᬶᬄ᭟ᬓᬘᬭᬶᬢᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬲᬵᬕᬭ᭞ᬩᬢᬸᬓ᭄ᬮᭀᬢᭀᬓ᭄ᬦᬾᬫᬗ᭄ᬓᬶᬦ᭄᭞ᬫᬧᬚᬃᬦᬂᬲᬸᬂᬲᬂ᭞ᬫᬭᬾᬭᬾᬦ᭄ᬤᬶᬦᬶᬲᬸᬩ᭞ᬢᭂᬕ᭄ᬢᭂᬕᬂᬩᬬᬸᬦᬾᬚᬦᬶ᭞ᬮᬓᬃᬫᬧᬸᬗ᭄ᬕᬮ᭄᭞ᬦᬾᬧᭂᬤᬗᬾᬳᬶᬯᬲᬶᬦ᭄᭟ᬯᬯᬸᬜᭂᬭᬾᬢ᭄‌‌ᬦᬂ᭠

[᭒᭓᭗ 237A]
᭒᭓᭗
ᬲᬸᬂᬲᬂᬳᬬᬢ᭄ᬫᬫᬸᬗ᭄ᬕᬮ᭄᭞ᬕᭂᬮᬶᬲᬦ᭄ᬫᬥᬾᬯᬢᬶ᭞ᬜᬕ᭄ᬚᬕ᭄ᬗᭂᬮᬸᬢ᭄ᬓᬡ᭄ᬝ᭞ᬳᭀᬓᬦᬾᬫᬓᬤᬤ᭄ᬯ᭞ᬮᬲ᭄ᬬᬓᬬᬸᬦᬾᬗᭂᬫᬲᬶᬦ᭄᭞ᬲᬋᬂᬫᬧᬸᬗ᭄ᬕᬮ᭄᭞ᬢᬦ᭄‌‌ᬢᬺᬱ᭄ᬡᬾᬂᬚᬶᬯᬧᬢᬶ᭟ᬓᬗ᭄ᬓᬢ᭄ᬘᬦᭂᬕ᭄‌‌ᬦᬂᬲᬸᬂᬲᬂᬢᬦ᭄ᬤᬸᬭᬸᬲ᭄ᬫᬸᬗ᭄ᬕᬮ᭄᭞ᬲᬯᬶᬭᬾᬄᬫᬥᬾᬯᬢᬶ᭞ᬲᬾ
ᬩᭂᬢ᭄ᬗᭂᬮᬸᬢ᭄ᬳᭀᬓ᭞ᬓᬾᬗᬶᬦ᭄ᬧᬗᬮᬗᬮᬂ᭞ᬓᬓᭂᬤᭂᬂᬓᬚᬫ᭄ᬩᬓ᭄ᬓᬭᬶ᭞ᬢᬦ᭄ᬓᬬᬸᬦ᭄ᬧᬮᬲ᭄᭞ᬫᬥᬾᬯᬢᬶᬓᬩᬶᬲ᭄ᬩᬶ᭠ᬲ᭄᭟ᬲᭂᬤᭂᬓ᭄ᬭᬫᭂᬲ᭄ᬓᬦ᭄ᬢᬸᬦ᭄ᬫᬕᬸᬚᭂᬕᬸᬚᭂᬕᬦ᭄᭞ᬲᬓᬾᬂᬤᭀᬄᬚᭂᬭᬶᬢ᭄ᬚᭂᬭᬶᬢ᭄᭞ᬳᬸᬢᬸᬲᬦ᭄ᬲᬂᬦᬵᬣ᭞ᬭᬯᬸᬄᬲᬋᬂᬢᬢᬶᬕ᭞ᬫᬓᬸᬤᬬ
ᬦ᭄ᬢᬸᬃᬗᬸᬮᬧᬶᬦ᭄᭞ᬳᬶᬫᬸᬦ᭄ᬦᬂᬲᬸᬂᬲᬂ᭞ᬫᬗ᭄ᬤᬲᬵᬫ᭄ᬧᬸᬦᬂᬳᬸᬕᬶ᭟ᬫᬮᬓ᭄ᬱᬡᬯᬶᬭᭀᬲᬢᬹᬃᬫᬫᬥᭂᬫᬂ᭞ᬩᬩᬡ᭄ᬟᬦᬾᬮᬾᬩᬗᬶᬦ᭄᭞ᬦ᭄ᬤᬾᬦ᭄ᬫᬮᬸᬳᬚᬳᬦ᭄᭞ᬧᬚᬃᬲᬂᬯᬯᬸᬧ᭄ᬭᬧ᭄ᬢ᭞ᬘᬦᭂᬕ᭄ᬦᬂᬲᬸᬂᬲᬂᬫᬶᬭᬕᬶ᭞ᬓᬦ᭄ᬢᬸᬦ᭄ᬜᬦ᭄ᬢᭀᬲᬂ᭞ᬓ᭄ᬭᬯᬸᬳᬦ᭄ᬲᬂᬗᬸᬮᬧᬶᬦ᭄᭟᭜᭟ᬲ᭄ᬫᬭ
ᬦ᭄ᬥᬦ᭟᭜᭟ᬓᬵᬫᬚᬬᬭᬵᬚᬧᬸᬢ᭄ᬭᬶ᭞ᬗᬲᬶᬳᬲᬶᬄᬗᭂᬮᬤ᭄ᬧ᭄ᬭᬡ᭞ᬳᬶᬗ᭄ᬕᬶᬄᬤᬸᬭᬸᬲᬂᬚᭂᬭᭀᬦᬾ᭞ᬧᬥᭂᬫᬂᬢᬶᬢ᭄ᬬᬂᬕᭂ᭠ᬮᬶᬲᬂ᭞ᬦᬧᬶᬫᬮᬶᬄᬚᬦ᭄ᬢᭀᬲᬂ᭞ᬳᬸᬭᬶᬧ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬓᬵᬢᬹᬃ᭞ᬭᬶᬂᬳᬶᬤᬲᬂᬗᬯᬶᬯᭂᬦᬂ᭟ᬩᭀᬬᬜᬦ᭄ᬤᬂᬦᬧᬶᬫᬮᬶᬄ᭞ᬚ᭄ᬭᭀᬦᬾᬗ [ 238 ][᭒᭓᭗ 237B]
᭒᭓᭗
ᬗᭂᬦ᭄ᬳᬸᬭᬶᬧ᭄ᬢᬶᬢ᭄ᬬᬂ᭞ᬲᬸᬤᭀᬱᬓᬮᬶᬦ᭄ᬢᬂᬭᭀᬫᭀᬦ᭄᭞ᬫᬮᬗᬍᬢᭂᬳᬶᬦ᭄ᬚᬕᬢ᭄᭞ᬤᬹᬃᬰᬶᬮᬫᬫᬋᬓᬦ᭄᭞ᬭᬶᬂᬧᬮᬸ᭠ᬗ᭄ᬕᬸᬄᬤᬍᬫ᭄ᬩᬗ᭄ᬲᬸᬮ᭄᭞ᬧ᭄ᬭᬲᬗ᭄ᬕᬲᬶᬗ᭄ᬲᬮ᭄ᬮᬓ᭄ᬱᬡ᭟ᬤ᭄ᬭᬢᬶᬓ᭄ᬭᬫᬯᭂᬭᬢ᭄ᬧᬢᬶ᭞ᬤᬸᬓᬧᬦ᭄ᬳᬶᬤᬲᬂᬦᬵᬣ᭞ᬗᬫ᭄ᬧᬸᬭᬲᬂᬫᬵᬫ᭄ᬪᭃᬓ᭄ᬫᭀᬫᭀ᭞ᬧᬗ᭄ᬓᬄ
ᬗᬭᬸᬦ᭄ᬤᬄᬰᬰᬡ᭞ᬯᭂᬦᬂᬲᬵᬫ᭄ᬧᬸᬦ᭄ᬧᬶᬦᭂᬚᬄ᭞ᬲᬯᬶᬭᬾᬄᬫᬤᬾᬯᬾᬓ᭄ᬮᭂᬢᬸᬄ᭞ᬘᬡ᭄ᬥᬮᬫᬵᬮᬧᬢᬓ᭟ᬦᬶᬃᬕᬸᬡᬢᬶᬢ᭄ᬬᬂᬫᬳᬸᬭᬶᬧ᭄᭞ᬲᬮᬯᬲ᭄ᬫᬗ᭄ᬕᬸᬄᬲᬗ᭄ᬲᬭ᭞ᬥᬹᬄᬮᬾᬤᬂᬚ᭄ᬭᭀᬦᬾ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬧᬜᬸᬧᬢᬦ᭄᭞ᬫᬥᭂᬫᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬩᬶᬮᬶᬄᬜᬶ
ᬤ᭄ᬥᬬᬂᬓᬧᬸᬗ᭄ᬓᬸᬃ᭞ᬦᬸᬫᬶᬢᬶᬲ᭄ᬤᬤᭀᬲ᭄ᬫᬵᬦᬹᬱ᭟ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬫᬗ᭄ᬓᬶᬦ᭄᭞ᬤᬤᭀᬲ᭄ᬚᬤ᭄ᬫᬦᬶᬲ᭄ᬢᬤᬫ᭞ᬗᭂᬩᬸᬓ᭄ᬘᭀᬓᭀᬃᬭᬶᬂᬲᬂᬓᬢᭀᬂ᭞ᬢᬦ᭄ᬳᬸᬦᬶᬂᬭᬶᬂᬰᬶᬮᬓ᭄ᬭᬫ᭞ᬲᬗ᭄ᬓᬦ᭄ᬧᬵᬧᬦᬵᬭᬓ᭞ᬗᭂᬩᬸᬓᬶᬦ᭄ᬮᬶᬗ᭄ᬕᬶᬄᬲᬂᬧ᭄ᬭᬪᬹ᭞ᬤᬤᭀᬲ᭄ᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭟ᬩᭀ᭠
ᬬᬳᬗᭂᬦ᭄ᬢᬶᬢ᭄ᬬᬂᬫᬮᬶᬄ᭞ᬭᬶᬂᬳᬸᬭᬶᬧ᭄ᬫᬤᬾᬯᬾᬓ᭄ᬲᬮᬄ᭞ᬫᬥᬾᬯᬢᬶᬦᬶᬫ᭄ᬩᬮ᭄ᬳᬮᭀᬦ᭄᭞ᬥᬹᬄᬕᬸᬭᬸᬦ᭄ᬘᭂᬦᬶᬂᬓ᭄ᬭᭀᬥᬬᬂ᭞ᬇᬥᭂᬧᬾᬫᬮᬓ᭄ᬱᬡ᭞ᬫᬫᬸᬗ᭄ᬕᬮ᭄ᬢᬶᬢ᭄ᬬᬂᬳᬚᬓ᭄ᬢᭂᬮᬸ᭞ᬳᬧᬂᬫᬵᬢᬶᬲᬧᬶᬲᬦᬦ᭄᭟ᬩᬋᬂᬢᭂᬓᬾᬦᬶᬂᬳᬶᬘᭂᬦᬶᬂ᭞ᬳᬚᬓ᭄ᬫᬦ᭄ᬢᬸᬓᬧᭀᬦᬓ᭠

[᭒᭓᭘ 238A]
᭒᭓᭘
ᬦ᭄᭞ᬓᬩᬢᭂᬓ᭄ᬩᬳᬦ᭄ᬢᬺᬱ᭄ᬡᬦᬾ᭞ᬮᬲ᭄ᬬᬗᬮᬫ᭄ᬧᬸᬲᬂᬳᬯᬓ᭄᭞ᬲᬗ᭄ᬓᬦᬶᬂᬧ᭄ᬭᬫᬲᬢ᭄ᬬ᭞ᬤᬤᬶᬕᭀᬩᬬᬂᬗᬮᬮᬸ᭞ᬢᬶᬢ᭄ᬬᬂᬢ᭄ᬯᬭᬗᬕᭂᬦ᭄ᬳᬗ᭄ᬓᬶᬳᬦ᭄᭟ᬲᬓᬾᬂᬢᬶᬢ᭄ᬬᬂᬫᬓᬶᬢᬫᬵᬢᬶ᭞ᬮᬮᬶᬲ᭄ᬫᬧᬫᬶᬢ᭄ᬲᬧᬶᬲᬦ᭄᭞ᬭᬶᬂᬮᬶᬗ᭄ᬕᬶᬄᬳᬶᬤᬲᬂᬓᬢᭀᬂ᭞ᬦᬄᬓᬾᬢᭀᬩᬳ
ᬦ᭄ᬗᬸᬦᬶᬗᬂ᭞ᬭᬶᬂᬳᬶᬤᬦᬭᬦᬵᬣ᭞ᬫᬗ᭄ᬤᭀᬄᬳᬶᬤᬮᬓᬃᬩᭂᬦ᭄ᬤᬸ᭞ᬫᬓᬫᬶᬯᬄᬲᬮᬶᬢ᭄ᬳᬃᬱ᭟ᬫᬵᬋᬧ᭄ᬢᭂᬓᬾᬦ᭄ᬕᬸᬭᬸᬦ᭄ᬘᭂᬦᬶᬂ᭞ᬲᭀᬢᬦᬶᬂᬪᬓ᭄ᬢᬶᬫᬫᬜ᭄ᬚᬓ᭄᭞ᬫᬫᬋᬓᬦ᭄ᬗᭂᬩᬸᬓ᭄ᬘᭀᬓᭀᬃ᭞ᬕᬸᬭᬸᬦ᭄ᬘᭂᬦᬶᬂᬩ᭄ᬬᬦᬲᬮᬄ᭞ᬲᬭᭀᬲᬫᬮᬓ᭄ᬱᬡ᭞ᬢᭂᬓᬾᬦᬶᬂᬲᬂᬫᬵᬫ᭄ᬪᭃᬓ᭄ᬩᭂᬕᬸ᭠
ᬕ᭄᭞ᬧ᭄ᬭᬲᬗ᭄ᬕᬭᬶᬂᬲᬸᬲᬸᬳᬸᬦᬦ᭄᭟ᬳᬕᬸᬂᬤᭀᬱᬓᬸᬭᬂᬧᬢᬶ᭞ᬦᬂᬲᬸᬂᬲᬂᬲᭂᬫᬸᬓᬩᬗᬦ᭄᭞ᬩᬭᬓ᭄ᬩᬶᬳᬶᬂᬩᬦ᭄ᬚᭂᬗᬳᬾ᭞ᬓ᭠ᬢᭀᬮᬾᬓ᭄ᬳᬦ᭄ᬢᬸᬓ᭄ᬩᬩᬦ᭄ᬥᬦ᭄᭞ᬲᬳᬲᬗᬗ᭄ᬕᬃᬧᭂᬤᬂ᭞ᬳᬭᬄᬧᬧᬓ᭄ᬩᬓᬢ᭄ᬭᬸᬗᬸ᭞ᬳᬶᬩᬩᬲ᭄ᬮᬾᬫ᭄ᬧᬤ᭄ᬫᬧᭂᬢ᭟ᬚᬦᬶᬧᬬᬸᬳᬶᬩᬫᬵᬢᬶ᭞ᬳ᭠
ᬚᬓ᭄ᬢᭂᬮᬸᬳᬘᭂᬧᭀᬓᬦ᭄᭞ᬢ᭄ᬯᬭᬓᬳᬶᬮᬦ᭄ᬢᬂᬭᬯᭀᬲ᭄᭞ᬦᬲᬸᬂᬲᬂᬳᬬᬢ᭄ᬫᬫᬸᬗ᭄ᬕᬮ᭄᭞ᬓᬮᬾᬯᬗᬾᬗᬮᬾᬮᬫ᭄᭞ᬲᬂᬢᬶᬕᬕᭂᬮᬶᬲᬦ᭄ᬭᬯᬸᬄ᭞ᬦᬫ᭄ᬩᬓᬶᬦ᭄ᬳᬶᬧᬸᬦ᭄ᬦᬂᬲᬸᬂᬲᬂ᭟ᬗᬸᬚᭂᬕ᭄‌‌ᬲᬳᬲᬗᭂᬩᬸᬢᬶᬦ᭄᭞ᬓᬮᬾᬯᬗᬶᬧᬸᬦ᭄ᬦᬂᬲᬸᬂᬲᬂ᭞ᬍᬩᬶᬄᬫᬮᬸᬕᬕᬯᬦᬾ᭞ᬧ᭠ [ 239 ][᭒᭓᭘ 238B]
᭒᭓᭘
ᬚᬃᬲᬂᬢᬶᬕᬧᬸᬦᬶᬓ᭞ᬦ᭄ᬤᬾᬦ᭄ᬓᬾᬫᬮᬸᬲᬭᭀᬲ᭞ᬳᬶᬘᬂᬲᭀᬢᬦᬶᬂᬓᬳᬸᬢᬸᬲ᭄᭞ᬳᬦ᭄ᬢᬸᬓ᭄ᬳᬶᬤᬦᬭᬦᬵᬣ᭟ᬳᬧᬂᬧᬦ᭄ᬘᭂᬦᬶᬂᬗᭂᬮᬾᬩᬶᬦ᭄᭞ᬩᬩᬡ᭄ᬥᬦᬾᬫᬓᬤᬤ᭄ᬯ᭞ᬫᬶᬭᬶᬩ᭄ᬢ᭄ᬯᬭᬧᬬᬸᬓᬧᭀ᭞ᬲᬶᬲᬶᬧ᭄‌‌ᬩᬶᬮᬶᬄᬓᬲᬫ᭄ᬧᬸᬭ᭞ᬦᬄᬦᬾᬲᬸᬭᬵᬢ᭄ᬧᬫᭂᬕᬢ᭄᭞ᬧᬳᬶᬘ᭄ᬙ
ᬦ᭄ᬳᬶᬤᬲᬂᬧ᭄ᬭᬪᬹ᭞ᬳᬶᬘᬂᬓᬳᬸᬢᬸᬲ᭄ᬦᬸᬮᬓᬂ᭟ᬩᬩᬡ᭄ᬥᬦᬾᬳᬧᬂᬢᬗ᭄ᬓᬶᬮ᭄᭞ᬓᬧᬸᬭᬶᬫᭂᬤᭂᬓ᭄ᬲᬂᬦᬵᬣ᭞ᬲᬋᬂᬭᬶᬂᬤᬦᬾᬫᭂᬓᭂ᭠ᬮᬾ᭞ᬫᬥᬾᬯᬢᬶᬗᬧᬸᬭᬶᬬᬂ᭞ᬩᭂᬗᭀᬂᬳᬶᬧᬸᬦ᭄ᬦᬂᬲᬸᬂᬲᬂ᭞ᬗᬤᬾᬲᭂᬫ᭄ᬲᬤᬫᬲᬳᬸᬃ᭞ᬗᬸᬤᬫᬘᭂᬭᬶᬓ᭄ᬘᭂᬭᬶᬓᬦ᭄᭟ᬳᬤᬦᬸᬦ᭄ᬤᬾᬦ᭄ᬫᬫᬢᬾᬦᬶᬦ᭄᭞
ᬳᬤᬫᬧᭂᬮᬂᬦᭀᬫ᭄ᬩᬬᬂ᭞ᬢ᭄ᬯᬭᬧ᭄ᬭᬕᬢ᭄ᬧ᭄ᬭᬕᬢ᭄ᬭᬯᭀᬲ᭄᭞ᬗᬯᬾᬦᬂᬤᬾᬯᬾᬓᬾᬚᭂᬗᬄ᭞ᬮᬕᬸᬢᬾᬫᬫᬋᬓᬦ᭄᭞ᬪᬓ᭄ᬢᬶᬢᭂᬓᬾᬦ᭄ᬓ᭄ᬬᬬᬶᬳᬕᬸᬂ᭞ᬳᬦᬾᬜ᭄ᬘᬾᬦ᭄ᬫᬵᬤᬦ᭄ᬲᬂᬯᭂᬦᬂ᭟ᬳᬸᬢᬸᬲᬦᬾᬫᬜᬳᬸᬭᬶᬦ᭄᭞ᬧᬦ᭄ᬘᭂᬦᬶᬂᬢᭀᬂᬜᬦ᭄ᬤᬂᬮᬦ᭄ᬢᬂ᭞ᬳᬧᬂᬢ᭄ᬯᬭᬧᭂᬮᬶᬄ
ᬭᬯᭀᬲ᭄᭞ᬲᭀᬢᬦᬶᬂᬤᬾᬯᬾᬓ᭄ᬫᬫᬜ᭄ᬚᬓ᭄᭞ᬫᭂᬮᬄᬤᭀᬂᬧᬢᬶᬍᬲᬂ᭞ᬲᬭᬧᬓᬃᬱᬦ᭄ᬲᬂᬧ᭄ᬭᬪᬹ᭞ᬩᬜᬢ᭄ᬯᬭᬤᬤᬶᬢᬸᬮᬓ᭄᭟ᬲᬶᬂᬜᬳᬸᬭᬶᬧᬾᬗᭂᬫᬲᬶᬦ᭄᭞ᬧ᭄ᬭᬤᬾᬧᬦ᭄ᬘᭂᬦᬶᬂᬜᭂᬚᭂᬭᬂ᭞ᬓᬧᬵᬢᬹᬢᬦ᭄ᬮᬓ᭄ᬱᬡᬦᬾ᭞ᬳᬶᬮᬳᬶᬮᬦᬂᬢᬂᬩᬬ᭞ᬫᭂᬦ᭄ᬤᭂᬧᬶᬧᬸᬦ᭄ᬦᬂᬲᬸᬂ᭠

[᭒᭓᭙ 239A]
᭒᭓᭙
ᬲᬂ᭞ᬢᬦ᭄ᬧᬸᬭᬸᬦ᭄ᬫᬮᬶᬄᬫᬲᬳᬸᬃ᭞ᬫᬥᬾᬯᬢᬶᬜᭂᬮᬕ᭄ᬦᬶᬫ᭄ᬩᬮ᭄᭟ᬤᭀᬂᬗᬸᬤᬩᬸᬯᬶᬦ᭄ᬓᬧᬸᬭᬶ᭞ᬳᬸᬭᬶᬧᬾᬓᬮᬭᬮᬭ᭞ᬓᭂᬫᬫᬳᬶᬩᬦ᭄ᬤᬂᬩᬾᬦ᭄ᬤᬾᬂ᭞ᬳᭀᬕᬦ᭄ᬤᬤᬶᬢᭀᬦ᭄ᬢᭀᬦᬦ᭄᭞ᬍᬓ᭄ᬚᭂᬗᬄᬓᬕᬸᬬᭀᬦᬦ᭄᭞ᬧᬤᬍᬫ᭄ᬤᭀᬂᬳᬦᬓ᭄ᬮᬘᬸᬃ᭞ᬢᬸᬬᬸᬄᬢᬹᬃᬓᭂᬜᭂ
ᬮ᭄ᬫᬚᬮᬦ᭄᭟ᬧᬫᬸᬧᬸᬢ᭄ᬫᬲᬶᬳᬦ᭄ᬫᬵᬢᬶ᭞ᬬᬤᬶᬦ᭄ᬓᭂᬚᬮᬓᬃᬳᬩ᭞ᬳᬸᬢᬸᬲᬦᬾᬦᬶᬫ᭄ᬩᬮᬮᭀᬦ᭄᭞ᬲᬤᬫᭂᬧᭂᬲ᭄ᬫ᭠ᬢᬗᬦᬦ᭄᭞ᬥᬹᬄᬫᭂᬓᭂᬮᬾᬧᬜ᭄ᬚᬗᬂ᭞ᬧᬶᬦᭂᬳᬶᬦ᭄ᬢᬍᬃᬭᬶᬂᬓᬬᬸᬦ᭄᭞ᬲᬵᬫ᭄ᬧᬸᬦᬂᬳᬸᬕᬶᬗᬫ᭄ᬩᬸᬮᬂ᭟ᬩᬶᬮᬶᬄᬯᬾᬦ᭄ᬢᭂᬦ᭄‌‌ᬲ᭄ᬯᬾᬘ᭄ᬙᬦ᭄ᬯᬶᬤ᭄ᬥᬶ᭞ᬭᬶᬂᬫᭂ
ᬓᭂᬮᬾᬮᬦ᭄ᬳᬶᬳᬦᬓ᭄᭞ᬤᬸᬫᬤᬓ᭄ᬳᬶᬤᬲᬂᬓᬢᭀᬂ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬧᬗᬫ᭄ᬧᬸᬭ᭞ᬢᬦ᭄ᬤᬸᬭᬸᬲ᭄ᬓᬲᬾᬤ᭄ᬥᬬᬂ᭞ᬳᬯᬶᬦ᭠ᬦ᭄ᬢᬶᬢ᭄ᬬᬂᬓᬳᬸᬢᬸᬲ᭄᭞ᬗᬢᬸᬭᬶᬦ᭄ᬫᭂᬓᭂᬮᬾᬢᬸᬮᬓ᭄᭟ᬫᬓᬘᬶᬳ᭄ᬦᬰ᭄ᬭᬷᬪᬹᬧᬢᬶ᭞ᬓᬦ᭄ᬢᭂᬦ᭄ᬳᬗᭂᬦ᭄ᬓᬬᬸᬦ᭄ᬳᬶᬤ᭞ᬜᬾᬤ᭄ᬥᬬᬂᬳᭀᬓᬦ᭄ᬫᭂᬓᭂᬮᬾ᭞
ᬤ᭄ᬯᬦᬶᬂᬢᬶᬢ᭄ᬬᬂᬓᬦ᭄ᬤᬶᬓᬬᬂ᭞ᬳᬦ᭄ᬢᬸᬓ᭄ᬳᬶᬤᬲᬂᬦᬵᬣ᭞ᬫᬗ᭄ᬤᬲᬵᬫ᭄ᬧᬸᬦᬂᬫᬢᭂᬕᬸᬮ᭄᭞ᬗᬶᬭᬶᬂᬲᬂᬤᬤᭀᬲ᭄ᬩᬩᬡ᭄ᬥᬦ᭄᭟ᬲᬃᬯ᭄ᬯᬶᬳᬶᬧᬸᬦ᭄ᬗᭂᬮᬸᬲ᭄ᬢᬮᬶᬦ᭄᭞ᬩᬩᬡ᭄ᬥᬦᬾᬢᬹᬃᬓᬮᬾᬩᬂ᭞ᬤᬕᬶᬂᬧᬯᭂᬯᭂᬄᬳᬢᬸᬭᬾ᭞ᬗᬸᬤᬗᭀᬩᭂᬢᬂᬫᬫᬵᬃᬕ᭄ᬕ᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬓᬸᬤ᭄ᬥ᭞ [ 240 ][᭒᭓᭙ 239B]
᭒᭓᭙
ᬢᬢᬶᬕᬕᬸᬫᬦ᭄ᬢᬶᬓᬵᬢᬸᬭ᭄᭞ᬭᬶᬂᬫᭂᬓᭂᬮᬾᬮᬦ᭄ᬳᬶᬳᬦᬓ᭄᭟ᬤᬸᬭᬸᬲᬂᬲᬵᬫ᭄ᬧᬸᬦ᭄ᬮᬶᬗ᭄ᬕᬶᬳᬶᬦ᭄᭞ᬫᬗ᭄ᬤᬕᭂᬮᬶᬲᬦ᭄ᬫᬫᬵᬃᬕ᭄ᬕ᭞ᬢᬶᬢ᭄ᬬᬂᬗᬩᬶᬄᬲᬓᬾᬂᬩᭂᬢᬾᬦ᭄᭞ᬫᬥᬾᬯᬢᬶᬫᬮᬶᬄᬦᬶᬫ᭄ᬩᬮ᭄᭞ᬦᬄᬤᭂᬧᬂᬢᬶᬢ᭄ᬬᬂᬫᬚᬮᬦ᭄᭞ᬳᬤᬾᬂᬳᬤᬾᬂᬳᬚᬓ᭄ᬢᭂᬮᬸ᭞ᬳᬧᬂᬢ᭄ᬯᬭᬓᬢᬸᬫᬦᬦ᭄᭟
ᬩᬢᬶᬲᬾᬦᬕᬶᬄᬳᬮᬸᬳᬶᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬲᬋᬂᬢᬶᬕᬭᬶᬂᬳᭀᬓᬦᬾ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬢ᭠ᬦ᭄ᬓᭀᬘᬧ᭄ᬦᬂᬲᬸᬂᬲᬂ᭞ᬭᬶᬂᬩ᭄ᬬᬲᬾᬓᬵᬭᬶᬜᬗ᭄ᬓ᭄ᬭᬸᬂ᭞ᬗᭂᬮᬸᬢ᭄ᬳᭂᬦ᭄ᬢᬸᬤ᭄ᬫᬧᬗᭂᬦᬦ᭄᭟ᬦᬾᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬫᬫᬵᬃᬕ᭄ᬕᬲ
ᬋᬂᬩᬶᬬᬗᬾ᭞ᬫᬲᬢᭂᬗᬄᬫᬓᭂᬫ᭄ᬩᬭᬦ᭄᭞ᬓᬳᬧᬶᬦ᭄ᬫᬦ᭄ᬢᬸᬳᭀᬓ᭞ᬓᬲᬾᬗᬦ᭄ᬓᬧᬸᬭᬶᬳᬕᬸᬂ᭞ᬢᬗ᭄ᬓᬶᬮ᭄ᬩᬸᬓ᭄ᬧᬤᬦ᭄ᬲᬂᬦᬵᬣ᭟ᬳᬸᬢᬸᬲᬦᬾᬲᬋᬂᬗᬶᬭᬶᬂ᭞ᬫᬫᬵᬃᬕ᭄ᬕᬶᬫᬮᭀᬦᬮᭀᬦᬦ᭄᭞ᬲᬫ᭄ᬩᬶᬮᬂᬦᬦ᭄ᬤᬦ᭄ᬓᬸᬤ᭄ᬥᬦᬾ᭞ᬯᬯᬸᬗᭂᬦ᭄ᬢᬧ᭄ᬤᬾᬰᬢᭀᬚᬦ᭄᭞ᬮᬸᬄᬫ᭄ᬯ
ᬦᬶᬲᬫᬶᬫᭂᬤᬮ᭄᭞ᬘᭂᬭᬶᬓ᭄ᬓᭂᬮᬶᬄᬧᬕᬭᬸᬤᬸᬕ᭄᭞ᬯᭀᬂᬤᬾᬰᬩᭂᬗᭀᬂᬗᬦ᭄ᬢᭂᬦᬂ᭟ᬧᬓᭂᬳᭂᬗᬦᬶᬧᬸᬦ᭄ᬲᬫᬶ᭞ᬦᬄᬓᬾ᭠ᬦ᭄ᬓᬾᬦ᭄ᬤᬤᬶᬫᬢᬸᬮᬓ᭄᭞ᬮᬲ᭄ᬬᬳᬶᬤᬸᬧ᭄ᬩᬩᬡ᭄ᬥᬦᬾ᭞ᬯᬾᬦ᭄ᬢᭂᬦ᭄ᬲᬦᬾᬜᬫ᭄ᬩᬢ᭄ᬲᬭ᭞ᬧᬧᬓ᭄ᬩᬓᬢ᭄ᬭᬯᭀᬲᬂ᭞ᬚᬮᬦ᭄ᬓᬩᬜ᭄ᬘᬶᬄᬦᬸᬢᬸ

[᭒᭔᭐ 240A]
᭒᭔᭐
ᬕ᭄᭞ᬳᬧᬂᬢᬯᬂᬲᬸᬚᬢᬶᬦ᭄ᬜ᭟ᬓ᭄ᬭᬡᬦ᭄ᬜᬦᬾᬩᬸᬯᬸᬂᬫᬵᬢᬶ᭞ᬚᬮᬦ᭄ᬤᬶᬢᬸᬗᬮᬶᬄᬳᭀᬃᬢ᭄ᬣ᭞ᬲᬕᬺᬳᬦᬶᬧᬦᬸᬦ᭄ᬫᬭᬾᬭᭀ᭠ᬤ᭄᭞ᬲᬋᬂᬦᬸᬢᬸᬕ᭄ᬓᬩᬜ᭄ᬘᬶᬗᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬳᬶᬭᬶᬓᬵ᭞ᬗᬭᬜ᭄ᬚᬶᬂᬓᬧᬸᬭᬶᬳᬕᬸᬂ᭞ᬭᬵᬚᬧᬸᬢ᭄ᬭᬶᬓᬵᬫᬚᬬ᭟ᬲᬋᬂᬤᬦᬾᬫᬥᬾᬯᬢᬶ᭞᭠
ᬧᭂᬤᭂᬓ᭄ᬢᬗ᭄ᬓᬶᬮ᭄ᬭᬶᬂᬲᬂᬦᬵᬣ᭞ᬫᬭᬶᬂᬭᬵᬚᬥᬦᬶᬋᬓᭀ᭞ᬤᬍᬫ᭄ᬲᭂᬤᭂᬓ᭄ᬭᬶᬂᬕᭂᬤᭀᬗᬦ᭄᭞ᬲᬂᬢᬶᬕᬫᬸᬗ᭄ᬕ᭄ᬯᬶᬂᬦᬢᬃ᭞ᬫᬲᬶᬮᬤᬩ᭄ᬤᬩ᭄ᬫᬢᬶᬫ᭄ᬧᬸᬄ᭞ᬲᬃᬯ᭄ᬯᬶᬗᬸᬦ᭄ᬢᬸᬮ᭄ᬗᬸᬭᬶᬓ᭄ᬢᬦᬄ᭟᭜᭟ᬲᬶᬦᭀᬫ᭄᭟᭜᭟ᬓᭀᬘᬧ᭄ᬳᬶᬤᬦᬭᬦᬵᬣ᭞ᬲᭂᬤᭂᬓ᭄ᬭᬶᬂᬕᭂᬤᭀᬗᬦ᭄ᬓᬵᬭᬶ᭞ᬕᬸᬮᬓ᭄ᬕᬸᬮᬶᬓ᭄ᬭᬶᬂᬧᬢᬸ
ᬭᭀᬦ᭄᭞ᬩ᭄ᬬᬄᬧᬭᬲᬸᬗ᭄ᬲᬸᬢ᭄ᬓᬵᬭᬶ᭞ᬗᬾᬮᬶᬗᬂᬳᭀᬓᬭᬩᬶ᭞ᬫᬘᭂᬮᬶᬕ᭄ᬧᬋᬓᬦ᭄ᬭᬯᬸᬄ᭞ᬲᬳᬜᬓᬸᬧᬂᬮᬶᬫ᭞ᬦᬸᬦ᭠ᬲ᭄ᬮᬸᬕ᭄ᬭᬫᬵᬢᬹᬃᬲᬶᬲᬶᬧ᭄᭞ᬥᬹᬄᬲᬂᬧ᭄ᬭᬪᬹ᭞ᬤᬕᬶᬂᬓᬯᬸᬮᬗᬸᬦᬶᬗᬂ᭟ᬭᬵᬚᬧᬸᬢ᭄ᬭᬶᬓᬵᬫᬚᬬ᭞ᬲᬋᬂᬫᭂᬓᭂᬮ᭄ᬫᬥᬾᬯᬢᬶ᭞ᬯ᭄ᬯᬂᬚᭂᬭᭀᬦ᭄ᬘᭀᬓᭀ
ᬭᬶᬤᬾᬯ᭞ᬲᬋᬂᬢᬶᬕᬭᬯᬸᬄᬢᬗ᭄ᬓᬶᬮ᭄᭞ᬫᬸᬗ᭄ᬕ᭄ᬯᬶᬂᬦᬢᬃᬜᬦ᭄ᬢᭀᬲᬶᬦ᭄᭞ᬓᬕᬶᬬᬢ᭄ᬳᬶᬤᬲᬂᬧ᭄ᬭᬪᬹ᭞ᬕᬕᬾᬲᭀᬦ᭄ᬦᬸᬮᬶ᭠ᬫᭂᬤᬮ᭄᭞ᬭᬶᬂᬳᬫ᭄ᬩᬾᬦ᭄ᬕᭂᬤᭀᬂᬫᬮᬶᬗ᭄ᬕᬶᬄ᭞ᬲᭂᬫᬶᬂᬲᭂᬦ᭄ᬤᬸ᭞ᬲ᭄ᬯᬪᬵᬯᬦ᭄ᬲᬂᬦᬵᬣᬜᬶᬗᬓ᭄᭟ᬭᬵᬚᬧᬸᬢ᭄ᬭᬶᬤᬾᬯᬵᬬᬸᬫᬵᬲ᭄᭞ᬗᬸᬦ᭄ᬢᬸᬮ᭄ᬭᬶᬂᬦᬢᬃᬫ᭠ [ 241 ][᭒᭔᭐ 240B]
᭒᭔᭐
ᬮᬶᬗ᭄ᬕᬶᬄ᭞ᬓᭂᬘᬸᬤ᭄ᬓᬸᬦᬶᬂᬢᬸᬮ᭄ᬬᬮᬬᭀᬦ᭄᭞ᬳᬗ᭄ᬕᬦᬾᬓᬦ᭄ᬢᭂᬦ᭄ᬓᬾᬭᬶᬲ᭄᭞ᬫᬥᬾᬯᬢᬶᬓᬳᬓ᭄ᬱᬶ᭞ᬢᬦ᭄ᬧᬾᬦ᭄ᬤᬄᬳᭂᬦ᭄ᬢᬶᬓ᭠ᬦ᭄ᬕᬥᬹᬂ᭞ᬓᭂᬩᬸᬲᬦ᭄ᬩᭂᬦ᭄ᬤᬾᬢ᭄ᬲᬹᬃᬬ᭄ᬬ᭞ᬢᬾᬓᭀᬮ᭄ᬧᬸᬜᬤᬳᬸᬦ᭄ᬗ᭄ᬭᬶᬗ᭄ᬲᬶᬂ᭞ᬮᬬᬸᬤᬸᬤᬸᬲ᭄᭞ᬭᬶᬂᬦᬢᬃᬤᬸᬭᬸᬲ᭄ᬫᬕᬸᬬᬂ᭟ᬲᬂᬦᬵᬣᬓᬤᬶᬧ᭄ᬭᬢᬶᬫ᭞ᬗᬓ᭄ᬱᬶ
ᬓᬵᬫᬚᬬᬕᭂᬜ᭄ᬚᬶᬂ᭞ᬩᬕᬸᬲ᭄ᬢᬸᬃᬫᬓᭂᬮᬸᬲ᭄ᬫᬾᬦᬓ᭄᭞ᬓᬸᬮᬶᬢ᭄ᬳᬮᬸᬲ᭄ᬮᭂᬫ᭄ᬧᬸᬂᬕᬤᬶᬂ᭞ᬲᬭᬭᬲᬾᬗᬾᬤᬦᬶᬦ᭄᭞ᬢᬦ᭄ᬧᬾᬦ᭄ᬤᬄᬲᬗ᭄ᬳ᭄ᬬᬗᬢᬦᬸ᭞ᬧᬯᬓᬦᬾᬗᬸᬭᬗ᭄ᬓ᭞ᬬᬦ᭄ᬲᬯᬗᬂᬢᬸᬮ᭄ᬬᬓᬤᬶ᭞ᬲᭂᬓᬃᬢᬸᬜ᭄ᬚᬸᬂ᭞ᬯᬯᬸᬫᭂᬓᬃᬫᭂᬂᬧᭂᬂᬓᭂᬫ᭄ᬩᬂ᭟ᬳᬾᬫᬦ᭄ᬫᭂᬦ᭄ᬢᬶᬓ᭄ᬭᬶᬂᬢᭂᬕᬮᬾ᭞ᬢᭀᬬᬦᬾ᭠
ᬧᬸᬯᭂᬓ᭄ᬢᬸᬃᬤᬓᬶ᭞ᬗᬶᬂᬢᬦ᭄ᬓᬭᬭᬩᬦ᭄ᬭᭀᬫᭀᬦ᭄᭞ᬦᬶᬃᬫᬵᬮᬲᬸᬘᬶᬲᬚᬢᬶ᭞ᬤᬾᬦᬶᬂᬜᬶᬤ᭄ᬥᬬᬂᬓᬮᬶᬲ᭄᭞ᬢᬦ᭄ᬓᬤᭂᬓᭂᬢ᭄ᬳ᭠ᬦ᭄ᬢᬸᬓ᭄ᬳᭂᬦ᭄ᬤᬸᬢ᭄᭞ᬲᬧᬸᬦᬶᬓᬭᬶᬦᬲ᭞ᬳᬦ᭄ᬢᬸᬓ᭄ᬳᬶᬤᬦᬭᬧᬢᬶ᭞ᬫᬭᬶᬂᬓᬬᬸᬦ᭄᭞ᬧᬦ᭄ᬢᭂᬲ᭄ᬲᬂᬫᬡᬶᬓᬶᬂᬧᬸᬭ᭟ᬮᬶᬂᬮᬸᬂᬧᬮᬶᬂᬓᬮᬸᬮᬸᬢᬦ᭄᭞ᬲᬕᬾᬢ᭄ᬭᬯᬸᬄ
ᬧᬭᬭᬩᬶ᭞ᬲᬗᬶᬦᬸᬘᬧ᭄ᬧᬜ᭄ᬘᬓᬡ᭄ᬬ᭞ᬭᬦ᭄ᬢᬩᬦ᭄ᬓᬭᬵᬚᬥᬦᬶ᭞ᬓᬗᭂᬦ᭄ᬲᬫᬶᬫᬗ᭄ᬕᬶᬳᬶᬦ᭄᭞ᬲᬂᬢᬶᬕᬗᬸᬦ᭄ᬢᬸᬮ᭄ᬫᬮᬸᬗ᭄ᬕᬸᬄ᭞ᬫᬦᬫ᭄ᬧ᭄ᬬᬓ᭄ᬫᬸᬗ᭄ᬕ᭄ᬯᬶᬂᬦᬢᬃ᭞ᬳᭀᬮᬲ᭄ᬜᬳᬶᬧᬾᬮᬶᬂᬓᬵᬮᬶᬄ᭞ᬳᬕᬾᬗᭂᬮᬸᬢ᭄᭞ᬫᬥᬾᬯᬢᬶᬓᬸᬫᬢᬺᬱ᭄ᬡᬵ᭟ᬲᬋᬂᬤᬦᬾᬜᬳᬶᬲᭂᬮᬢ᭄᭞ᬫᬘᬧ᭄ᬘ

[᭒᭔᭑ 241A]
᭒᭔᭑
ᬧ᭄ᬢᭀᬬᬦ᭄ᬧᬗᬓ᭄ᬱᬶ᭞ᬲᭀᬢᬦᬶᬗᬲᬸᬂᬫᬫᭂᬜᬦ᭄᭞ᬜᬳᬶᬧᬘᭂᬓᬦ᭄ᬓᬩᬶᬮ᭄ᬩᬶᬮ᭄᭞ᬗᬸᬦ᭄ᬢᬸᬮ᭄ᬓᬮᬶᬫᬶᬤ᭄ᬮᬶᬫᬶᬤ᭄᭞ᬳᬾᬮᬶᬂᬭᬶᬂᬩᬯᭀᬲᬾᬲᬳᬸᬤ᭄᭞ᬜᬳᬶᬢᬗ᭄ᬓᭂᬩᬦ᭄ᬯᬶᬓᬦ᭄᭞ᬘᬾᬱ᭄ᬝᬓᬵᬭᬢᬫᬾᬂᬕᬢᬶ᭞ᬫᬧᬶᬭᬸᬗᬸ᭞ᬲᬋᬂᬫᬮᬶᬗ᭄ᬕᬶᬄᬭᬶᬂᬦᬢᬃ᭟ᬯ᭄ᬯᬂ᭠
ᬚ᭄ᬭᭀᬫᬓᬵᬤᬶᬧᬋᬓᬦ᭄᭞ᬧᬤᬫ᭄ᬧ᭄ᬬᬓ᭄ᬳᬶᬧᬸᬦ᭄ᬮᬸᬄᬫ᭄ᬯᬦᬶ᭞ᬫᬲᬶᬮᬫᬢᬶᬫ᭄ᬧᬸᬄᬤᬩ᭄ᬤᬩ᭄᭞ᬜᬧᬸᬢ᭄ᬫᬲᬲᭂᬦ᭄ᬢᭂᬂᬲᬫᬶ᭞ᬓᬲᭀᬩ᭄ᬳᬶᬧᬸᬦ᭄ᬗᬶᬮᬶᬗᬶᬦ᭄᭞ᬧᬭᬭᬩᬶᬦᬾᬫᬭᬸᬫ᭄ᬧ᭄ᬬᬸᬓ᭄᭞ᬢᬸᬮ᭄ᬬᬓᬤᬶᬭᬶᬂᬲ᭄ᬯᬃᬕ᭄ᬕᬦ᭄᭞ᬲᬯᬢᭂᬓᬶᬂᬯᬶᬤ᭄ᬬᬥᬭᬶ᭞ᬲᭂᬤᭂᬓ᭄ᬧᬶᬕᬸᬫ᭄᭞ᬢᬗ᭄ᬓᬶᬮ᭄ᬭᬶᬂᬪᬝᬵ᭠
ᬭᬇᬦ᭄ᬤ᭄ᬭ᭟ᬦᬭᬾᬦ᭄ᬤ᭄ᬭᬤᬯᬸᬄᬯᬘᬦ᭞ᬓᬵᬫᬚᬬᬫᬶᬯᬄᬘᭂᬦᬶᬂ᭞ᬤᬾᬯᬵᬬᬸᬫᬵᬲ᭄ᬧᬤᬶᬗᭂᬳᬂ᭞ᬢᬹᬃᬫᬓᭂᬚᬂᬧᬥᬤᬶᬦᬶ᭞᭠ᬧᬫᬸᬢᬸᬲ᭄ᬦᬶᬭᬚᬦᬶ᭞ᬳᬧᬂᬢ᭄ᬯᬭᬤᬤᬶᬢᬦ᭄ᬤ᭄ᬭᬸᬄ᭞ᬢᭂᬓᬾᬦᬶᬂᬓᬬᬸᬦᬶᬭ᭞ᬫᬶᬲᬸᬓᬵᬬᬂᬭᬵᬚᬧᬸᬢ᭄ᬭᬶ᭞ᬲᬓᬾᬂᬳᬭᬸᬲ᭄᭞ᬢᭂᬓᬾᬦ᭄‌‌ᬬᬳᬶᬓᬵ
ᬫᬚᬬ᭟ᬲᭀᬢᬦᬶᬂᬫᬥᬦᬓᬡ᭄ᬬ᭞ᬯᭂᬦᬂᬦᬶᬭᬗᬮᬸᬕ᭄ᬭᬳᬶᬦ᭄᭞ᬫᬵᬦᬹᬢ᭄ᬮᬶᬗᬶᬂᬰ᭄ᬮᭀᬓᬵᬦ᭄ᬢᬭ᭞ᬦᬾᬫᬸᬮᬜᬦ᭄ᬤᬂᬲᬸᬗ᭄ᬓᭂᬫᬶᬦ᭄᭞ᬲᬯᬶᬭᬾᬄᬦᬶᬭᬚᬦᬶ᭞ᬫᬧᬶᬦ᭄ᬤᬲᬸᬩᬫᬫᬦ᭄ᬢᬸ᭞ᬢᭂᬓᬾᬦ᭄ᬳᬶᬓᬵᬫᬚᬬ᭞ᬧᬵᬢᬹᬢ᭄ᬫᬲᬶᬄᬗᬮᬸᬕ᭄ᬭᬳᬶᬦ᭄᭞ᬩᬸᬯᬢ᭄ᬧᬗ᭄ᬓᬸᬲ᭄᭞ᬚᬦᬶᬫᬯ᭠ [ 242 ][᭒᭔᭑ 241B]
᭒᭔᭑
ᬗ᭄ᬰᬧᬸᬗᬓᬦ᭄᭟ᬧᬸᬗᬓᬦ᭄ᬫᬵᬤᬦ᭄ᬓᭂᬧᬾᬳᬦ᭄᭞ᬳᬗ᭄ᬕᬦᬶᬭᬤᬍᬫ᭄ᬩᬮᬶ᭞ᬳᬧᬂᬘᬳᬶᬜᬳᬶᬦᬯᬂ᭞ᬦᬶᬭᬢ᭄ᬯᬭᬗᬭᭀᬫ᭄ᬭᭀᬫᬶᬦ᭄᭞ᬦᬾᬫᬮᬓ᭄ᬱᬡᬧᭂᬮᬶᬄ᭞ᬲᬓᬾᬂᬲᬸᬩᬳᬸᬮᬶᬫᬮᬸ᭞ᬢᬢᬓ᭄ᬭᬫᬓᬧᭂᬭᬄ᭞ᬓᬫᬗ᭄ᬕᭂᬳᬂᬦᬸᬤᬶᬩᬮᬶ᭞ᬘᬭᬳᬶᬡ᭄ᬥᬸ᭞ᬰᬰᬡᬦ᭄ᬲᬧ
ᬭᬫᬾᬦᬓ᭄᭟ᬓᬾᬢᭀᬘᬳᬶᬓᬵᬫᬚᬬ᭞ᬦᬶᬭᬦ᭄ᬭᬶᬫᬾᬦ᭄ᬘᬳᬶᬚᬦᬶᬳᬦᬓ᭄ᬮᬸᬄᬳᬗ᭄ᬕᭀᬦ᭄ᬓᬸᬋᬦᬦ᭄᭞ᬓᬭᬂᬤᬚᬦ᭄ᬩᬜ᭄ᬘᬶᬗᬄ᭞ᬤᬫᬸᬮᬶᬄᬓᬢᬫᬦ᭄ᬩᬮᬶ᭞ᬧᬕᭂᬄᬧᬸᬕᬸᬄ᭞ᬇᬥᭂᬧ᭄ᬘᬳᬶᬫᬫᬋᬓᬦ᭄᭟ᬢᬕᭂᬦ᭄ᬫᭂᬮᬚᬳᬂᬳᬯᬓ᭄᭞ᬲᬢᬶᬗ᭄ᬓᬳᬾᬗᬶᬲᬶᬕᬸᬫᬶ᭞ᬗ᭄ᬭᬚᭂᬕᬂ
ᬩᬸᬯᬢ᭄ᬧᬓᬺᬢ᭄ᬣᬦ᭄᭞ᬫᬗ᭄ᬕᭂᬄᬓᬜ᭄ᬘᬳᬸᬮᬶᬚᬦᬶ᭞ᬩᬋᬂᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬓᬵᬫᬚᬬᬓᬵᬭᬶᬗᬸᬦ᭄ᬢᬸᬮ᭄᭞ᬓᬤᬶᬫᬭᬶᬂᬲ᭄ᬯᬧᭂᬦ᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬥᬹᬄᬲᬂᬧ᭄ᬭᬪᬹ᭞ᬲᬭᬮᬾᬤᬂᬧᬓᬬᬸᬦᬦ᭄᭟ᬓᬯᬸᬮᬢᬦ᭄ᬧᬸᬭᬸᬦ᭄ᬢᬸᬮᬓ᭄᭞ᬤ᭄ᬬᬲ᭄ᬢᬸᬦ᭄ᬧᬥᭂᬫ᭄ᬩᬶᬮᬶᬄᬳᬸᬭᬶᬧ᭄᭞ᬜ
ᬤ᭄ᬬᬗᬶᬭᬶᬂᬧᬓᬬᬸᬦᬦ᭄᭞ᬦᬭᬾᬦ᭄ᬤ᭄ᬭᬗᬦ᭄ᬤᬶᬓᬫᬮᬶᬄ᭞ᬦᬄᬓᭂᬫᭀᬧᬥᬫᬸᬮᬶᬄ᭞ᬯᬶᬭᬾᬄᬲᬸᬩᬧᬥᬢᬳᬸ᭞ᬘᭂᬭᬶᬓ᭄ᬘᭂᬭᬶᬓ᭄ᬫᬓᭂᬚᬂ᭞ᬢᭂᬓᬾᬦ᭄ᬓᬬᬸᬦᬶᬭᬚᬦᬶ᭞ᬗᬃᬤ᭄ᬥᬶᬧᬵᬢᬹᬢ᭄᭞ᬫᬲᬶᬄᬚᬃᬯ᭄ᬯᬓᬂᬤᬶᬚᬩ᭟ᬧᬦᬗ᭄ᬓᬶᬮᬦ᭄ᬲᬵᬫ᭄ᬧᬸᬦ᭄ᬩᬸᬩᬃ᭞ᬫᬓᬶᬍᬲ᭄ᬲᬫᬶᬫᬧᬫᬶᬢ᭄᭞ᬧ

[᭒᭔᭒ 242A]
᭒᭔᭒
ᬕ᭄ᬭᬸᬤᬸᬕ᭄ᬫᭂᬤᬮ᭄ᬓᬚᬩ᭞ᬧᬓᬶᬲᬶᬲᬫ᭄ᬩᬶᬮᬂᬫᬸᬮᬶᬄ᭞ᬫᬶᬦᭂᬳᬶᬦ᭄ᬢᬸᬃᬦᭂᬧᬲᬶᬦ᭄᭞ᬯᬘᬦᬦ᭄ᬳᬶᬤᬲᬂᬧ᭄ᬭᬪᬹ᭞ᬓᬤᬶᬲᭀᬮᬾᬄᬭᬶᬦᬱ᭞ᬲᬮᬾᬗ᭄ᬲᭀᬂᬯᬗ᭄ᬤᬾᬫᬘᬭᬶ᭞ᬦᬾᬢᬦ᭄ᬘᬸᬫ᭄ᬧᬸ᭞ᬗᬤᬾᬲᭂᬫ᭄ᬢᬸᬃᬫᬤᭂᬓᭂᬲ᭄᭟ᬗᬸᬧᭂᬢ᭄ᬧᬫᬵᬢᬹᬢ᭄ᬦᬭᬾᬦ᭄ᬤ᭄ᬭ᭞ᬲᬯᬢᭂᬓ᭄ᬫᬗ᭄ᬕᭂᬄ
ᬓᬢ᭄ᬭᬶᬦᬶ᭞ᬗᬮᭀᬓᬂᬫᬸᬭᬸᬰᬰᬡ᭞ᬲᬂᬧ᭄ᬭᬪᬹᬜᬬᬗᬂᬭᬩᬶ᭞ᬓᬾᬫᬤ᭄ᬭᬶᬂᬫᬥᬾᬯᬢᬶ᭞ᬫᬾᬄᬕᬦ᭄ᬢᬶᬦ᭄ᬕᬸᬫᬶᬦᬾᬳᬸᬯᬸᬕ᭄᭞ᬯᬢᭂᬓ᭄ᬰᬸᬤ᭄ᬭᬫᬢᬗ᭄ᬕᬮ᭄᭞ᬗᬍᬫ᭄ᬯᬘᬦᬦ᭄‌‌ᬦᬺᬧᬢᬶ᭞ᬓᬾᬢᭀᬧᬵᬢᬹᬢ᭄᭞ᬦᬭᬾᬦ᭄ᬤ᭄ᬭᬜᬬᬗᬂᬧᬜ᭄ᬚᬓ᭄᭟ᬦᬍᬧᬾᬓᬂᬳᬸᬘᬧ᭄ᬰᬵ
ᬲ᭄ᬢ᭄ᬭ᭞ᬗᬭᬚᭂᬕᬂᬩᭂᬦᭂᬄᬧᭂᬮᬶᬄ᭞ᬳᬧᬂᬢ᭄ᬯᬭᬤᬤᬶᬢᬶᬫ᭄ᬧᬂ᭞ᬢᬢᬶᬫ᭄ᬩᬗᬦᬾᬗᬦᬾᬳᬶᬦ᭄᭞ᬜᭂᬓ᭄ᬚᭂᬓᬂᬦᬾᬳᬩᭂᬲᬶᬓ᭄᭞ᬦᬸᬜ᭄ᬚᬸᬓ᭄ᬦᬾᬓᬤᬸᬂᬩᬤᬸᬳᬸᬃ᭞ᬤᬶᬚᬳᬸᬦ᭄ᬤᬸᬓ᭄ᬫᬲᭂᬭᭀᬤ᭄᭞ᬓᬯᬗ᭄ᬰᬦ᭄ᬳᬦᬓᬾᬫ᭄ᬯᬦᬶ᭞ᬫᬮᬄᬫᬸᬜ᭄ᬚᬸᬓ᭄᭞ᬬᬦ᭄ᬜᬸᬯᬂᬓᬸᬋᬦᬦ᭄ᬫᬾᬦᬓ᭄᭟ᬧᬵᬢᬹᬢ᭄ᬳ᭠
ᬧᬗ᭄ᬓᭂᬤ᭄ᬫᬜ᭄ᬘᭀᬕᬦ᭄᭞ᬗᬫᭂᬦᬾᬓᬂᬩᬶᬦ᭄ᬳᬩᭂᬤᬶᬓ᭄᭞ᬳᬗ᭄ᬤᬾᬳᬦᬓᬾᬮᬸᬄᬚᬩ᭞ᬫᬓᬸᬋᬦᬦ᭄ᬤᬤᬶᬭᬩᬶ᭞ᬭᬩᬶᬦ᭄ᬯᬢᭂᬓ᭄ᬓᬢ᭄ᬭᬶᬦᬶ᭞ᬓᬸᬤᬤᬤᬶᬢᭂᬓᬳᬮᬸᬄ᭞ᬦᬸᬦ᭄ᬤᬾᬦ᭄ᬜᬶᬗ᭄ᬕᬶᬳᬂᬪᬵᬱ᭞ᬗᬸᬘᬧᬂᬫᭂᬓᭂᬮᬾᬳᬶᬲ᭄ᬢ᭄ᬭᬶ᭞ᬢᭂᬓᬩᬦ᭄ᬢᬸᬕ᭄᭞ᬬᬾᬦ᭄ᬳᬧᬩᬦᬶᬜᬫ᭄ᬩᬢᬂ᭟ᬳᭂᬫ᭄ᬩᭀᬓ᭄ᬯ [ 243 ][᭒᭔᭒ 242B]
᭒᭔᭒
ᬬᬦ᭄ᬳᭂᬫ᭄ᬩᭀᬓ᭄ᬜᭀᬫᬦ᭄᭞ᬳᬦᬾᬲᬸᬩᬤᬤᬶᬭᬩᬶ᭞ᬧᬦ᭄ᬢᭂᬲ᭄ᬚᬦᬶᬓᬵᬫᬚᬬ᭞ᬓᬳᬶᬘ᭄ᬙᬾᬦ᭄ᬯᬗ᭄ᬰᬦᬾᬲᬶᬗ᭄ᬕᬶᬄ᭞ᬲᬸᬯᬸᬤ᭄ᬤᬤᬶ᭠ᬯᭀᬂᬣᬦᬶ᭞ᬤᬾᬦᬶᬂᬗᭂᬮᬄᬳᬦᬓ᭄ᬮᬸᬄ᭞ᬢ᭄ᬭᬶᬯᬗ᭄ᬰᬧᬮᬶᬂᬫᬾᬦᬓ᭄᭞ᬗᬭᬗ᭄ᬓᬢᬂᬭᬵᬚᬧᬸᬢ᭄ᬭᬶ᭞ᬯᬾᬦ᭄ᬢᭂᬦ᭄ᬩᬜ᭄ᬘᬸᬓ᭄᭞ᬧᬲᬳᬸᬭᬾᬗᬸᬮᬳᬸᬮᬄ᭟
ᬤᭀᬂᬜᬾᬦ᭄ᬢ᭄ᬯᬭᬫᬫᬦ᭄ᬢᭂᬲᬂ᭞ᬩᬲ᭄ᬲᬓᬵᬮᬭᬵᬚᬧᬸᬢ᭄ᬭᬶ᭞ᬩᬸᬓᬲᬲᭀᬗ᭄ᬕᬦ᭄ᬳᬸᬧᬫ᭞ᬳᭀᬩᬾᬂᬳᭀᬩᬾᬂᬫᬦᭂᬧᬾ᭠ᬦᬶᬦ᭄᭞ᬧᬢᭀᬓᬦ᭄ᬦᭀᬗᭀᬲ᭄ᬦᭂᬗᬶᬮ᭄᭞ᬗᬸᬚᬂᬢ᭄ᬯᬭᬫᬘᬍᬫ᭄ᬧᬸᬂ᭞ᬓᭂᬤᬾᬓ᭄ᬲᬫᬶᬫᬩ᭄ᬭᬶᬬᬕ᭄᭞ᬦᬶᬗᭂᬄᬢᬶᬫ᭄ᬧᬮᬶᬧᬸᬦ᭄ᬩᬗ᭄ᬕᬶ᭞ᬦᬤᬓ᭄ᬲᬳᬸᬃ᭞ᬢ᭄ᬯᬭᬚ
ᬗ᭄ᬓᬬᬦ᭄ᬫᬧᬚᬃ᭟ᬧᬜ᭄ᬚᬂᬬᬦ᭄ᬲᬫᬶᬳᬸᬘᬧᬂ᭞ᬭᬭᬯᭀᬲᬦ᭄ᬩ᭄ᬭᬬᬯᬃᬕ᭄ᬕᬶ᭞ᬲᬯᬢᭂᬓᬶᬂᬧᬺᬢᬓ᭄ᬚᬦ᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬫᬧᬫᬶᬢ᭄ᬲᬓᬾᬂᬧᬸᬭᬶ᭞ᬓᬵᬫᬚᬬᬓᬧᬤᬸᬦᬸᬂ᭞ᬫᬭᬶᬂᬩᬮᬾᬃᬩᬜ᭄ᬘᬶᬗᬄ᭞ᬲᬋᬂᬳᬶᬤᬭᬵᬚᬧᬸᬢ᭄ᬭᬶ᭞ᬲᬂᬓᬬᬸᬦ᭄ᬬᬸᬦ᭄᭞ᬓᬶᬘ᭄ᬙᬾᬦ᭄ᬓᬭᬂᬧᬳᬸᬫᬳ
ᬦ᭄᭟ᬳᬦ᭄ᬢᬸᬓ᭄ᬳᬶᬤᬦᬭᬦᬵᬣ᭞ᬓᭀᬘᬧ᭄ᬤᬦᬾᬫᬥᬾᬯᬢᬶ᭞ᬚᭂᬦᭂᬓ᭄ᬫᬮᬶᬗ᭄ᬕᬶᬄᬭᬶᬂᬚᭂᬭᭀ᭞ᬫᬗ᭄ᬕᭂᬄᬤᬦᬾᬤᬤᭀᬲ᭄ᬭᬩᬶ᭞᭠ᬓᬳᬾᬫᬦ᭄ᬰ᭄ᬭᬶᬪᬹᬧᬢᬶ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬭᬶᬂᬓᬭᬂᬓᬧᬢᬶᬳᬦ᭄᭞ᬲᬂᬚᬸᬫᭂᬦᭂᬂᬓᬾᬗᬶᬦ᭄ᬧᬢᬶᬄ᭞ᬓ᭄ᬬᬬᬶᬳᬕᬸᬂ᭞ᬤᬶᬫᬥᬾᬫᭂᬗ᭄ᬕᬄᬧᬶ

[᭒᭔᭓ 243A]
᭒᭔᭓
ᬤᬸᬓ᭟ᬓ᭄ᬬᬬᬶᬳᬕᬸᬂᬲᬮᬶᬢ᭄ᬳᬃᬱ᭞ᬭᬶᬂᬧᬫᬢᬹᬢ᭄ᬦᬭᬧᬢᬶ᭞ᬫᬸᬭᬸᬕ᭄ᬰᬰᬡᬓᬩᬯᭀᬲ᭄᭞ᬓᬩᬢᭂᬓ᭄ᬳᬾᬫᬦ᭄ᬭᬶᬂᬭᬩᬶ᭞ᬜᬬᬗᬂᬫᬥᬾᬯᬢᬶ᭞ᬭᬩᬶᬦ᭄ᬳᬶᬤᬳᬸᬮᬶᬕᬸᬦᬸᬂ᭞ᬢᭀᬂᬦᬯᬂᬢᬢᬓ᭄ᬭᬫ᭞ᬲᬦ᭄ᬢᬦᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬗᬯᬾᬩᬶᬬᬸᬃ᭞ᬜᬫᬩ᭄ᬭᬬᬓᬤᬂᬯᬃᬕ᭄ᬕ᭟ᬦᬭᬧ
ᬢᬶᬓᬮᬸᬮᬸᬢᬦ᭄᭞ᬢᭂᬓᬾᬦ᭄ᬳᬦᬓ᭄ᬮᬸᬄᬯᭀᬂᬣᬦᬶ᭞ᬢᭀᬂᬗᬾᬮᬶᬗᬂᬓᬸᬦᬤᬺᬱ᭄ᬝ᭞ᬫᬫᬸᬭᬸᬕ᭄ᬳᬸᬘᬧᬶᬂᬳᬚᬶ᭞ᬰᬰᬡᬦ᭄ᬤᬍ᭠ᬫ᭄ᬩᬮᬶ᭞ᬧᬦᬫᬬᬦ᭄ᬕᬸᬫᬶᬳᬸᬯᬸᬕ᭄᭞ᬫᬤᬍᬫ᭄ᬓᬵᬫᬚᬬ᭞ᬦᬾᬲᬸᬩᬫᬯᬢᬂᬧᭂᬮᬶᬄᬳᬗ᭄ᬕᭀᬦ᭄ᬫᬦ᭄ᬢᬸ᭞ᬓᬯᬶᬰᬸᬤ᭄ᬥᬓᬶᬘ᭄ᬙᬾᬦ᭄ᬯᬗ᭄ᬰ᭟ᬓ᭄ᬬᬬᬶᬳᬕᬸᬂ
ᬤᬳᬢ᭄ᬳᬾᬭᬂ᭞ᬫᬶᬢᬳᭂᬦ᭄ᬭᬕᬓᬧᬾᬭᬶᬂ᭞ᬫᬤᭂᬓᭂᬲᬦ᭄ᬦᭂᬩᬄᬤᬤ᭞ᬲᬕᬾᬢ᭄ᬦᬂᬲᬸᬂᬲᬂᬫᬘᭂᬮᬶᬕ᭄᭞ᬧᬦᬫᬬᬭᬯᬸᬄᬢᬗ᭄ᬓᬶ᭠ᬮ᭄᭞ᬫᬢᬾᬤᭀᬄᬓᬸᬫᬶᬲᬾᬮᬸᬓᬸᬲ᭄᭞ᬳᬢᬸᬭᬾᬫᭂᬕᬢ᭄ᬫᭂᬕᬢ᭄᭞ᬍᬓ᭄ᬚᭂᬗᬄᬢᬶᬢ᭄ᬬᬂᬢᬦ᭄ᬓᬤᬶ᭞ᬓᬧᬶᬢᬸᬤᬸᬄ᭞ᬫᬫᬥᭂᬫᬂᬓᬵᬫᬚᬬ᭟ᬓᬵ᭠
ᬮᬶᬄᬲᬂᬫᬡᬶᬓᬶᬂᬧᬸᬭ᭞ᬲᬯᬶᬭᬾᬄᬓᬩᬯᭀᬲ᭄ᬲᬶᬲᬶᬧ᭄᭞ᬳᭀᬕᬦ᭄ᬫᬗ᭄ᬓᬶᬦ᭄ᬓᬲᬫ᭄ᬧᬸᬭ᭞ᬳᬦ᭄ᬢᬸᬓ᭄ᬳᬶᬤᬦᬭᬧᬢᬶ᭞ᬩᭀᬬᬤᬸᬭᬸᬲ᭄ᬗᭂᬫᬲᬶᬦ᭄᭞ᬯᬗ᭄ᬤᬾᬧᬥᭂᬫ᭄ᬤᬸᬭᬸᬲ᭄ᬳᬶᬤᬸᬧ᭄᭞ᬗᬯᬾᬦᬂᬢᬶᬢ᭄ᬬᬂᬚᭂᬗᬄ᭞ᬤᬤᭀᬲ᭄ᬓᬓᭂᬤᬾᬓᬦ᭄ᬕᬸᬫᬶ᭞ᬘᭀᬓᭀᬃᬭᬢᬸ᭞ᬜᬦ᭄ᬤᬂᬫᬗ᭄ᬓᬶᬦ᭄ᬗᬯᬶᬭ [ 244 ][᭒᭔᭓ 243B]
᭒᭔᭓
ᬗᬂ᭟ᬫᬗ᭄ᬤᬲᬵᬫ᭄ᬧᬸᬦᬂᬓᬩ᭄ᬬᬬ᭞ᬓᬮᬸᬗ᭄ᬳᬂᬮᬸᬗ᭄ᬳᬂᬫᬳᭀᬃᬢ᭄ᬣᬶ᭞ᬢᬦ᭄ᬫᬤᬺᬩᬾᬓᬯᬶᬪᬵᬯᬦ᭄᭞ᬓᬳᬸᬧᭂᬢ᭄ᬭᬶᬂᬫᬵᬃᬕ᭄ᬕᬶᬫᬵᬃᬕ᭄ᬕᬶ᭞ᬓ᭠ᬲᬫ᭄ᬩᬢᬂᬓᬧᬾᬭᬶᬂ᭞ᬧᬮᬸᬗ᭄ᬕᬸᬄᬘᭀᬓᭀᬃᬳᬶᬭᬢᬸ᭞ᬳᬾᬤᬍᬫ᭄ᬫᬦᬄᬢᬶᬢ᭄ᬬᬂ᭞ᬫᬫᬋᬓᬦ᭄ᬲᬩᬾᬂᬧᬸᬭᬶ᭞ᬓ᭄ᬬᬬᬶᬳᬕᬸᬂ᭞ᬲᬺᬗᭂᬦ᭄ᬢᬸᬫᬸᬮᬶᬗᬦ᭄ᬤᬶ᭠
ᬓ᭟ᬩᭂᬦᬩᬋᬂᬍᬓ᭄ᬜᭂᬗᬳᬂ᭞ᬲᬚᬩᬸᬓᬫᬸᬜᬶᬦ᭄ᬘᬳᬶ᭞ᬧᬫᬵᬢᬹᬢᬾᬢᬶᬤᭀᬂᬢᬶᬤᭀᬂ᭞ᬓᬾᬯᬮᬲᭂᬓᭂᬧᬂᬚᬦᬶ᭞ᬓᭂᬦᭂᬄᬩᭂᬦᬫᬾᬮᬦᬶᬦ᭄᭞ᬧᬫᬵᬢᬹᬢᬾᬦᬾᬭᬳᬬᬸ᭞ᬳᬧᬂᬤᬦᬦ᭄ᬓᬳᬸᬘᬧ᭄᭞ᬢ᭄ᬯᬭᬦᬯᬂᬩᭂᬦᭂᬄᬧᭂᬮᬶᬄ᭞ᬯᬲ᭄ᬢᬸᬭᬸᬕ᭄ᬭᬸᬕ᭄᭞ᬩᬲ᭄ᬮᬶᬬᬸᬦᬦ᭄‌‌ᬭᬭᬕ᭄ᬭᬕ᭠
ᬦ᭄᭟ᬢᭂᬕᬭᬂᬘᬳᬶᬦᬂᬲᬸᬂᬲᬂ᭞ᬗᭀᬮᬾᬲ᭄ᬧᬜ᭄ᬚᬓ᭄ᬢᭂᬧᬶᬲᬶᬭᬶᬂ᭞ᬳᬦᬾᬦᬸᬫᬓᬸᬫᬢᬺᬱ᭄ᬡᬵ᭞ᬢᭂᬓᬾᬦᬶᬂᬩᭂᬦᬫᬕᬸᬲ᭄ᬢᬶ᭞ᬬ᭠ᬦ᭄ᬲᬸᬪᬓ᭄ᬢᬶ᭞ᬳᬚᬓ᭄ᬫᬕᭂᬢᬶᬄᬳᬩᬸᬂᬩᬸᬂ᭞ᬤᬶᬢᬸᬫᬭᬚᬮᬦᬂ᭞ᬇᬥᭂᬧᬾᬮᬓᬃᬦᬶᬦ᭄ᬤᬶᬳᬶᬦ᭄᭞ᬳᬦᬾᬧᬵᬢᬹᬢ᭄᭞ᬫᬩᬦ᭄ᬢᬂᬩᬦ᭄ᬓᬧᬸᬭᬸᬱᬵᬦ᭄᭟ᬍ
ᬕᬦᬂᬲᬸᬲᬂᬫᬶᬭᬕ᭄ᬬᬂ᭞ᬲᬳᬳᬢᬹᬃᬢᬶᬢ᭄ᬬᬂᬗᬶᬭᬶᬂ᭞ᬲᬭᬮᬾᬤᬂᬧᬓᬬᬸᬦᬦ᭄᭞ᬜᬤ᭄ᬬᬫᬗᭂᬢᭀᬳᬂᬳᬸᬭᬶᬧ᭄᭞ᬓ᭄ᬬᬬᬶᬳᬕᬸᬂᬗᬶᬘ᭄ᬙᬾᬦᬶᬦ᭄᭞ᬦᬂᬲᬸᬂᬲᬂᬳᬫ᭄ᬧ᭄ᬬᬸᬦ᭄ᬳᬩᬸᬗ᭄ᬓᬸᬮ᭄᭞ᬤᬸᬭᬸᬲ᭄ᬗᭀᬢᭀᬓ᭄ᬫᬫᬤᬢ᭄᭞ᬜᬮᬶᬩ᭄ᬲᬶᬩ᭄ᬳᬶᬧᬸᬦ᭄ᬫᬧᬫᬶᬢ᭄᭞ᬲᬕᬾᬢ᭄ᬭᬯᬸᬄ᭞ᬧᬦ᭄ᬚ

[᭒᭔᭔ 244A]
᭒᭔᭔
ᬫ᭄ᬩᭀᬢ᭄ᬫᬲᬶᬮᬜᭂᬫ᭄ᬧᬮ᭄᭟ᬢᬍᬃᬳᬶᬧᬸᬦ᭄ᬓᬚᭂᬗᬳᬦ᭄᭞ᬓᬕᬸᬬᭀᬦᬦ᭄ᬲᬳᬶᬲᬳᬶ᭞ᬓᬵᬮᬗᬗ᭄ᬕᬸᬃᬤᬶᬧᬶᬲᬕ᭞ᬯᬾᬦ᭄ᬢᭂᬦ᭄ᬓᬾᬯᬦ᭄ᬢᭂᬦ᭄ᬫᬶᬚᬮᬶᬦ᭄᭞ᬫᬚᬭᬂᬧᭀᬗᬄᬚ᭄ᬯᬭᬶ᭞ᬗᬧᬓ᭄ᬳᬧᬓ᭄ᬢᬦᬶᬫᬗ᭄ᬓᬸᬄ᭞ᬩᬚᬶᬕᬃᬫᬫᬋᬓᬦ᭄᭞ᬤ᭄ᬯᬦᬶᬂᬳᬶᬧᬸᬦ᭄ᬭᬯᬸᬄᬢᬗ᭄ᬓᬶᬮ᭄᭞ᬫᬤ
ᬤᬸᬭᬸᬲ᭄᭞ᬫᬗ᭄ᬤᬓ᭄ᬬᬬᬶᬳᬕᬸᬂᬯᬶᬭᬂ‌᭟ᬳᬃᬱᬓ᭄ᬬᬬᬶᬳᬕᬸᬂᬦᬗ᭄ᬕᬧ᭄᭞ᬳᬢᬹᬃᬧᬦ᭄ᬚᬫ᭄ᬩᭀᬢ᭄ᬓᬲ᭄ᬬᬲᬶᬄ᭞ᬗᬸᬦᬶᬗᬂᬤᬾᬯᬾ᭠ᬓᬾᬚᭂᬗᬄ᭞ᬓᬾᬗᬶᬦ᭄ᬓᬓᭂᬤᬾᬓᬦ᭄ᬕᬸᬫᬶ᭞ᬗᬤᬬᬦ᭄ᬧᬶᬲᬦ᭄ᬫᬵᬢᬶ᭞ᬧᬗᬦ᭄ᬤᬶᬓᬦ᭄ᬓ᭄ᬬᬬᬶᬳᬕᬸᬂ᭞ᬧᬦ᭄ᬢᭂᬲ᭄ᬘᬳᬶᬍᬓ᭄ᬚᭂᬗᬄ᭞ᬦᬸᬮᬶᬓᬳᬶᬘ᭄ᬙᬾᬦ᭄ᬧ
ᬯᬶᬲᬶᬓ᭄᭞ᬫᬗ᭄ᬤᬳᬶᬧᬸᬦ᭄ᬓᬧᬸᬗ᭄ᬓᬸᬃᬲᬋᬂᬯᬶᬭᭀᬤ᭟᭜᭟ᬧᬗ᭄ᬓᬸᬃ᭟᭜᭟ᬧᬸᬗᬓᬦ᭄ᬓᬜ᭄ᬘᬓᬲᬫ᭄ᬩᬢ᭄᭞ᬓᬵᬫᬚᬬᬳᬦ᭄ᬢᬸᬓ᭄ᬲᬂᬭᬯᬸᬄᬢᬗ᭄ᬓᬶᬮ᭄᭞ᬭᬶᬂᬤᬾᬦ᭄ᬩᬜ᭄ᬘᬶᬗᬄᬳᬓᬸᬯᬸ᭞ᬯᬾᬦ᭄ᬢᭂᬦ᭄ᬦᬾᬜᬭᬸᬪᬵᬱ᭞ᬲᬂᬓᬢ᭄ᬭᬶᬦᬶ᭞ᬦᬾᬲᬶᬧᭀᬓ᭄ᬩᭂᬕᬸᬕ᭄ᬢᬸᬃᬧᭂᬗ᭄ᬓᬸᬂ᭞ᬢᬦ᭄ᬓᬬᬸᬦ᭄ᬗᬦ᭄ᬤᬧᬂᬭ᭠
ᬕ᭞ᬗᬤᬾᬲᭂᬫᬂᬤᭂᬫᬤᭂᬫᬶ᭟ᬦᭀᬭᬓᬬᬸᬦ᭄ᬫᬲᭀᬘᬧᬦ᭄᭞ᬓᬦ᭄ᬢᬸᬦ᭄ᬓᬾᬫᬤ᭄‌‌ᬫᬢᬓᭂᬄᬘᬭᬜᬮᬶᬢ᭄᭞ᬲᬂᬢ᭄ᬭᬶᬯ᭠ᬗ᭄ᬰᬓᬵᬭᬶᬓᬶᬫᬸᬤ᭄᭞ᬫᬵᬋᬧ᭄ᬧᬸᬗᬓᬦ᭄ᬓᬜ᭄ᬘ᭞ᬤᬾᬦ᭄ᬩᬜ᭄ᬘᬶᬗᬄ᭞ᬲᬂᬲᬵᬫ᭄ᬧᬸᬦ᭄ᬓᬲᬶᬦᬸᬂᬮᬸᬗ᭄ᬕᬸᬄ᭞ᬳᬦ᭄ᬢᬸᬓ᭄ᬤᬍᬫ᭄‌‌ᬲ᭄ᬯᬾᬘ᭄ᬙᬧᬸᬭ᭞ᬤᬾᬦᬶᬂᬳᬾᬤ [ 245 ][᭒᭔᭔ 244B]
᭒᭔᭔
ᬍᬫ᭄ᬓᬤᬮᬶᬄ᭟ᬳᬦ᭄ᬢᬸᬓ᭄ᬧᬭᬲᬫᭂᬢᭀᬦᬦ᭄᭞ᬢᬸᬦᬧᬕᭂᬄᬓᬭᬯᭀᬲ᭄ᬫᬓ᭄ᬢᬓᬸᬮᬶᬢ᭄᭞ᬲᬗ᭄ᬲᬬᬬᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬸᬄ᭞ᬲᬮᬶᬂᬢᭂᬩᬄᬓᬢᭂᬩᬄ᭞ᬦᬧᬶᬫᬮᬶᬄ᭞ᬗᭂᬲᭀᬃᬪᬵᬱᬩᬶᬮᬶᬄᬲᬸᬲᬸᬤ᭄᭞ᬓᬯᬗ᭄ᬰᬦ᭄ᬫᬾᬄᬓᬧᭂᬕᬢᬦ᭄᭞ᬲᬶᬤ᭄ᬥᬶᬓᬵᬭᬲᬮᬶᬂᬧᬭᬶᬤ᭄᭟ᬦᬵᬗ᭄ᬳᬶᬂᬦᬸ᭠
ᬚᬸᬫᬧ᭄ᬭᬓᬭ᭞ᬦᬸᬦᬲ᭄ᬩᬯᭀᬲ᭄‌‌ᬲᬧᬸᬦᬧ᭄ᬬᬂᬫᬓᭂᬮᬶᬤ᭄᭞ᬤᬸᬭᬸᬲ᭄ᬫᬲᬶᬮᬫᬢᬶᬫ᭄ᬧᬸᬄ᭞ᬦᬯᭂᬕᬂᬦᬸᬦᬲ᭄ᬮᬸᬕ᭄ᬭ᭞ᬫᬵᬢᬹᬃᬲᬶ᭠ᬲᬶᬧ᭄᭞ᬭᬶᬂᬧᬸᬗᬓᬦ᭄ᬓᬜ᭄ᬘᬫᬵᬢᬹᬃ᭞ᬫᬢᬗᬦᬦ᭄ᬫᬗ᭄ᬤᬫᭂᬦᬂ᭞ᬫᬧ᭄ᬭᬓᬭᬗᭂᬤᬸᬫ᭄ᬘᬭᬶᬓ᭄᭟ᬧᬸᬗᬓᬦ᭄ᬓᬜ᭄ᬘᬫᬢᬢ᭞ᬬᬦ᭄ᬫᬩᬯᭀᬲ᭄ᬭᬶᬂᬳᬶᬤᬤ᭠
ᬦᬾᬲᬫᬶ᭞ᬧᬮᬧᬦ᭄‌‌ᬲᬺᬗ᭄ᬕᬭᬦᬩᬸᬄ᭞ᬩᬶᬭᬯᬳᬦᬸᬭᬕ᭞ᬲᬥᬹᬩᬸᬤ᭄ᬥᬶ᭞ᬗᬮᬧ᭄ᬓᬲᭀᬃᬫᭂᬧᭂᬲ᭄ᬫᬵᬢᬹᬃ᭞ᬭᬶᬂᬲᬯᬢᭂ᭠ᬓ᭄ᬧᬭᬫᬾᬦᬓ᭄᭞ᬬᬤᬶᬦ᭄ᬫᬵᬋᬧ᭄ᬩ᭄ᬭᬬᬯᬃᬕ᭄ᬕᬶ᭟ᬯᬾᬦ᭄ᬢᭂᬦ᭄ᬢᬍᬃᬦᬾᬜᭂᬫ᭄ᬲᭂᬫᬂ᭞ᬳᬶᬭᬶᬳᬢᬶᬲᬵᬦ᭄ᬢᬸᬓᬦ᭄ᬧᭀᬮᬶᬄᬮᬶᬗ᭄ᬕᬶᬄ᭞ᬧᬸᬗᬓᬦ᭄ᬓᬜ᭄ᬘ᭠
ᬢᬦ᭄ᬓᬾᬗ᭄ᬕᬸᬄ᭞ᬲᬢᬢᬫᬤᬃᬱᬡ᭞ᬫᬘᬧᬢᬦ᭄᭞ᬩᭀᬬᬧᬶᬲᬦ᭄ᬫᬫ᭄ᬩᭂᬓ᭄ᬩᭂᬕᬸᬕ᭄᭞ᬫᬵᬋᬧ᭄ᬭᬶᬂᬧᬭᬳᬮᬶᬢᬦ᭄᭞ᬫᬢᬢᬫᬢᬶᬢ᭄ᬬᬂᬳᬶᬗ᭄ᬕᬶᬄ‌᭟ᬯᬶᬓᬦᬾᬗᬦ᭄ᬤᬧᬂᬭᬕ᭞ᬲᬬᬦ᭄ᬓᬢᬄᬯᭀᬂᬕᬾᬮ᭄ᬕᬾᬮ᭄ᬲᬩᬾᬂᬧᬸᬭᬶ᭞ᬫᬭᬶᬂᬤᬾᬦ᭄ᬩᬜ᭄ᬘᬶᬗᬄᬗᬗ᭄ᬕᬸᬃ᭞ᬫᭂᬮᬚᬄ

[᭒᭔᭕ 245A]
᭒᭔᭕
ᬫᬩᬪᬵᬱᬦ᭄᭞ᬫᬓᬓᬯᬶᬦ᭄᭞ᬭᬾᬄᬧᬸᬗᬓᬦ᭄ᬓᬜ᭄ᬘᬓᬲᬸᬩ᭄᭞ᬧ᭄ᬭᬚ᭄ᬜᬦ᭄ᬮᬶᬗᬶᬂᬲᬃᬯ᭄ᬯᬢᬢ᭄ᬯ᭞ᬬᬤᬶᬦ᭄ᬰᬵᬲ᭄ᬢ᭄ᬭᬲᬭᭀᬤᬺᬢ᭄ᬢᬶ᭟ᬩᭀᬬᬯᬾᬦ᭄ᬢᭂᬦ᭄ᬫᬗᬲᭀᬭᬂ᭞ᬓᬵᬮᬦᬸᬢᬹᬃᬤ᭄ᬬᬢ᭄ᬫᬶᬓ᭞ᬰᬶᬮᬬᬸᬓ᭄ᬢᬶ᭞ᬕᬸᬫᬦ᭄ᬢᬶᬧᬭᬦᬶᬂᬢᬦ᭄ᬢᬸᬦ᭄᭞ᬧᬸᬗᬓᬦ᭄ᬤᬾᬦ᭄ᬩᬜ᭄ᬘᬶᬗᬄ᭞ᬮᬦᬂ᭠
ᬳᬶᬲ᭄ᬢ᭄ᬭᬶ᭞ᬚᬮᬭᬦ᭄ᬲᬬᬦ᭄ᬲᬸᬫᬸᬬᬸᬕ᭄᭞ᬧᬭᬳᬮᬶᬢᬦ᭄ᬫᭂᬮᬚᬄ᭞ᬫᬰᬵᬲ᭄ᬢ᭄ᬭᬭᬳᬶᬦᬯᭂᬗᬶ᭟ᬢᬦ᭄ᬧᭂᬕᬢ᭄ᬭᬯᬸᬄᬳᬗ᭄ᬕᬸ᭠ᬭᬦ᭄᭞ᬳᭂᬮᬸᬄᬫ᭄ᬯᬦᬶᬭᬶᬂᬤᬾᬦ᭄ᬩᬜ᭄ᬘᬶᬗᬄᬢᬗ᭄ᬓᬶᬮ᭄᭞ᬓᬧᬶᬋᬂᬳᬦ᭄ᬢᬸᬓ᭄ᬲᬂᬧ᭄ᬭᬪᬹ᭞ᬮᬾᬤᬂᬳᬶᬤᬫᬶᬳᬃᬱ᭞ᬳᬢᬹᬃᬳᬸᬦᬶᬂᬧᬜ᭄ᬚᬓᬾᬗᬚᬸᬫ᭄᭞ᬧᬸ
ᬗᬓᬦ᭄ᬭᬶᬂᬤᬾᬦ᭄ᬩᬜ᭄ᬘᬶᬗᬄ᭞ᬮᬦᬂᬳᬶᬲ᭄ᬢ᭄ᬭᬶᬧ᭄ᬭᬚ᭄ᬜᬦ᭄ᬭᬶᬭᬶᬄ᭟ᬳᬃᬱᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬗᭂᬲᬾᬗᬶᬦ᭄ᬲᬯᬢᭂᬓ᭄ᬓᬲᬸᬩ᭄ᬭᬶᬭᬶᬄ᭞ᬫᬫᭂᬤᭂᬓ᭄ᬓᬧᬸᬭᬶᬳᬕᬸᬂ᭞ᬓᬦ᭄ᬤᬶᬓᬬᬂᬫᬪᬵᬱᬦ᭄᭞ᬫᬓᬓᬯᬶᬦ᭄ᬗᬶᬭᬶᬂᬯᬢᭂᬓ᭄ᬧᬭᬯᬶᬓᬹ᭞ᬧᬭᬫᬾᬦᬓ᭄ᬲᬫᭂᬢᭀᬦᬦ᭄᭞ᬲᬂᬓᬲᬾᬗᬦ᭄ᬭ᭠
ᬯᬸᬄᬢᬗ᭄ᬓᬶᬮ᭄᭟ᬜᬤ᭄ᬬᬗᬶᬭᬶᬂᬧᬓᬬᬸᬦᬦ᭄᭞ᬓᬦ᭄ᬤᬶᬓᬬᬂᬫᬩᬪᬵᬱᬦ᭄ᬭᬶᬂᬧᬸᬭᬶ᭞ᬫᬘᭂᬦ᭄ᬢᭀᬓ᭄ᬗᬕᭀᬮᬂᬢᬩᬸᬄ᭞ᬤᬍᬫ᭄ᬳᬃ᭠ᬱᬦᬸᬫᭀᬦᬂ᭞ᬧᬭᬭᬩᬶᬧᬜ᭄ᬘᬓᬡ᭄ᬬᬲᬫᬶᬢᭂᬤᬸᬦ᭄᭞ᬫᭂᬍᬤ᭄ᬓᬬᬸᬦᬾᬫᬶᬋᬗᬂ᭞ᬧᬸᬗᬓᬦ᭄ᬓᬜ᭄ᬘᬫᬓᬯᬶᬦ᭄᭟ᬩᬦ᭄ᬩᬦ᭄ᬤᬩ᭄ᬤᬩ᭄ᬫᬯᬶᬭᬫ᭞ᬲ᭄ᬯᬭᬫᬸ [ 246 ][᭒᭔᭕ 245B]
᭒᭔᭕
ᬮᬸᬓ᭄ᬫᭀᬫ᭄ᬩᬓᬦ᭄ᬲᬤᬚᬗᬶᬄ᭞ᬢᬸᬮ᭄ᬬᬢᬶᬢᬶᬭᬦ᭄ᬗᬢᭂᬗ᭄ᬓᬸᬂ᭞ᬢᭀᬂᬓᬚᬶᬮ᭄ᬗᭀᬦᬾᬓ᭄ᬰᬵᬲ᭄ᬢ᭄ᬭ᭞ᬚᬦ᭄ᬢᭀᬲ᭄ᬮᬮᬶᬲᬂᬫᬫᬲᬦᬶᬦ᭄ᬓ᭠ᬢᬸᬗ᭄ᬓᬸᬮ᭄᭞ᬩᭂᬗᭀᬂᬫᬶᬋᬗᬂᬯᬶᬭᬫ᭞ᬦᬸᬤᬸᬢ᭄ᬓᬬᬸᬦ᭄ᬗᬸᬮᬗᬸᬦᬶᬦ᭄᭟ᬜᬳᬶᬢᬗ᭄ᬓᭂᬩᬦ᭄ᬗᬸᬕᬮᬂ᭞ᬫᬓᬓᬯᬶᬦ᭄ᬧᬸᬗᬓᬦ᭄ᬓᬜ᭄ᬘᬭᬭᬶᬲ᭄᭞ᬫᬲᬦᬶᬦ᭄
ᬲᬺᬗ᭄ᬕᬭᬦᬩᬸᬄ᭞ᬢᬾᬢᬾᬄᬕᭂᬢᬃᬫᬪᬵᬱᬦ᭄᭞ᬢᭀᬂᬓᬸᬘᬶᬯᬧᬭᬶᬪᬵᬱᬤᬩ᭄ᬤᬩ᭄ᬮᭂᬗᬸᬢ᭄᭞ᬧᬗᬶᬤ᭄ᬦᭂᬕᭂᬲ᭄ᬧ᭄ᬭᬫᬰᬵᬲ᭄ᬢ᭄ᬭ᭞ᬲᬲᬸᬤᬸᬓ᭄ᬤᬕᬶᬂᬧᬗᬯᬶ᭟ᬓᬲᭀᬩ᭄ᬲᬫᬶᬲᬂᬫᬶᬋᬗᬂ᭞ᬲᬳᬗᬚᬸᬫ᭄ᬧᬸᬗᬓᬦ᭄ᬓᬜ᭄ᬘᬭᬶᬭᬶᬄ᭞ᬧᬭᬫᬾᬦᬓ᭄ᬧᬭᬯᬶᬓᬹ᭞ᬓᬧᬶᬗᭀᬦ᭄ᬫᬫᬦ᭄ᬢᭂᬲᬂ᭞ᬧ
ᬢᬹᬢ᭄ᬭᬶᬭᬶᬄᬧᬸᬢᬸᬦ᭄ᬤᬦᬾᬚᭂᬭᭀᬤᬸᬓᬸᬄ᭞ᬤᬶᬕᭀᬩᬫᬓᭂᬮᬸᬲ᭄ᬫᬾᬦᬓ᭄᭞ᬧᬦ᭄ᬢᭂᬲ᭄ᬫᬶᬓᬦ᭄ᬤᭂᬮᬶᬦ᭄ᬧᬸᬭᬶ᭟ᬤᬤᭀᬲ᭄ᬩᬩᬸᬗᬄᬩᬜ᭄ᬘᬶᬗᬄ᭞ᬲᬧᬸᬦᬶᬓᬧᬓ᭄ᬭᬶᬫᬶᬓ᭄ᬲᬂᬫᬩᬮᬶᬄ᭞ᬫᬥᬾᬯᬢᬶᬲᬾᬗᭂᬄᬗᬸᬦ᭄ᬢᬸᬮ᭄᭞ᬫᬧᬶᬫᬧᬶᬢᬦ᭄ᬋᬗᭃ᭞ᬫᬫᬶᬋᬗᬂᬧᬓ᭄ᬭᬶᬫᬶᬓ᭄ᬳᬦᬓᬾᬗ
ᬚᬸᬫ᭄᭞ᬫᬦ᭄ᬢᬸᬦ᭄ᬤᬦᬾᬓᬵᬫᬚᬬ᭞ᬫᬪᬵᬱᬦ᭄ᬬᬤᬶᬦ᭄ᬫᬓᬯᬶᬦ᭄᭟ᬳᬫ᭄ᬩᬢ᭄ᬮᬾᬤᬂᬰ᭄ᬭᬶᬦᬭᬾᬦ᭄ᬤ᭄ᬭ᭞ᬫᬶᬓᬬᬸᬦᬶᬦ᭄ᬧᬗᬚᬸᬫ᭄ᬲᬂᬫ᭠ᬦᬗ᭄ᬓᬶᬮ᭄᭞ᬩᭀᬬᬯᬾᬦ᭄ᬢᭂᬦ᭄ᬦᬾᬢᬦ᭄ᬘᬸᬫ᭄ᬧᬸ᭞ᬭᬶᬂᬲᬂᬓᬤᭂᬕᬂᬓᬜ᭄ᬘ᭞ᬓᬲᬶᬦᬳᬦ᭄ᬧᬜ᭄ᬚᬓᬾᬓᬢᬳᬦ᭄ᬳᬲᬸᬂ᭞ᬭᬶᬂᬧᬸᬗᬓᬦ᭄‌‌ᬤᬾᬦ᭄ᬩᬜ᭄ᬘᬶᬗᬄ᭞

[᭒᭔᭖ 246A]
᭒᭔᭖
ᬲᬓᬾᬂᬤᬸᬯᭂᬕ᭄ᬗᭂᬢᬸᬲ᭄ᬳᬢᬶ᭟ᬳᬶᬗ᭄ᬕᬶᬄᬬᬦ᭄ᬓᬸᬤᬂᬫᬲ᭞ᬲᬗᬓᬜ᭄ᬘᬓᬳᬾᬫᬦ᭄ᬲᬩᬾᬂᬧᬸᬭᬶ᭞ᬫᬮᬶᬄᬓᬲ᭄ᬯᬾᬘ᭄ᬙᬦᬦ᭄ᬮᬸᬗ᭄ᬕᬸᬄ᭞ᬳᬦ᭄ᬢᬸᬓ᭄ᬲᬂᬫᬸᬢᭂᬃᬚᬕᬢ᭄᭞ᬓᬦ᭄ᬤᬶᬓᬬᬂᬗᬫᭂᬮ᭄ᬚᬕᬢᬾᬭᬶᬂᬕᬸᬦᬸᬂ᭞ᬫᬕᭂᬦᬄᬭᬶᬂᬤᬾᬰᬜᬮ᭄ᬬᬦ᭄᭞ᬤᬤᭀᬲ᭄ᬧᬸᬗ᭄ᬕᬯᬗᬕᬸᬗᬶᬦ᭄᭟ᬓᬶᬘ᭄ᬙᬾᬦ᭄ᬓᭂ᭠
ᬭᬶᬲ᭄ᬓᬮᬶᬮᬶᬭᬦ᭄᭞ᬦᬾᬫᬯᬵᬱ᭄ᬝᬓᬶᬮᭀᬩᬃᬚᬬᬾᬂᬚᬸᬭᬶᬢ᭄᭞ᬧᬚᭂᬦᭂᬗᬦ᭄ᬫᬸᬮᬓᬲᬸᬩ᭄᭞ᬧᬗᬮᬄᬤᬸᬭᬢ᭄ᬫᬓ᭞ᬦᬾᬓᬧᬸᬚᬶᬧᬸᬦᬶᬓᬫᬗ᭄ᬤᬓᬧᬸᬦ᭄ᬤᬸᬢ᭄᭞ᬳᬦ᭄ᬢᬸᬓ᭄ᬲᬂᬫᬤᭂᬕ᭄ᬧᬸᬗ᭄ᬕᬯ᭞ᬓᬤᬾᬰᬜᬮ᭄ᬬᬦ᭄ᬫᬕᬶᬗ᭄ᬲᬶᬃ᭟ᬢᬦᬸᬘᬧᬦ᭄ᬲᬂᬫᬸᬗ᭄ᬕᬯ᭞ᬚᭂᬦᭂᬓ᭄ᬲᬵᬫ᭄ᬧᬸᬦ᭄ᬭᬶᬂᬜᬮ᭄ᬬᬦ᭄
ᬧᭀᬮᬶᬄᬮᬶᬗ᭄ᬕᬶᬄ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬗᬶᬂᬓᬭᬂᬓᬧᬢ᭄ᬬᬦ᭄᭞ᬓ᭄ᬬᬬᬶᬳᬕᬸᬂᬤᬶᬫᬥᬾᬫᬾᬦ᭄ᬤᭂᬮ᭄ᬭᬶᬂᬓᬬᬸᬦ᭄᭞ᬫᬶᬋᬂᬧᬗᬾᬫᬦ᭄ᬲᬂᬦᬵᬣ᭞ᬫᬶᬘ᭄ᬙᬬᬂᬓᭂᬭᬶᬲᬾᬦᬾᬧᬶᬗᬶᬢ᭄᭟ᬭᬶᬂᬧᬸᬗᬓᬦ᭄ᬤᬾᬦ᭄ᬩᬜ᭄ᬘᬶᬗᬄ᭞ᬓᬧᬶᬲᬭᬫᬸᬗ᭄ᬕᬯᬗᬶᬲᬶᬕᬸᬫᬶ᭞ᬤᬍᬫᭂᬦᭂᬂᬢᬦ᭄ᬧᬢ
ᬦ᭄ᬢᬸᬦ᭄᭞ᬫᬶᬢᬳᭂᬦ᭄ᬓᬲᭂᬫ᭄ᬧᬾᬗᬦ᭄᭞ᬜᬶᬓ᭄ᬱᬶᬓ᭄ᬭᬕᬓ᭄ᬬᬬᬶᬳᬕᬸᬂᬤᬸᬭᬸᬲ᭄ᬗᬫ᭄ᬩᬸᬮ᭄᭞ᬲᬮᬶᬢ᭄ᬳᬃᬱᬧᬫᬶᬤᬸᬓ᭞ᬢᬦ᭄ᬦᬳᭂᬦ᭄ᬢᬗ᭄ᬓᬶ᭠ᬮ᭄ᬓᬧᬸᬭᬶ᭟ᬓᬮᬸᬤᬦ᭄ᬳᬶᬤᬲᬂᬦᬵᬣ᭞ᬢᬦ᭄ᬮᬶᬗᬸᬦᬦ᭄ᬭᬶᬂᬤᬦᬾᬲᬗᬧᬢᬶᬄ᭞ᬧᬚᬦ᭄ᬢᭀᬲᬦ᭄ᬚᬕᬩᬶᬬᬸᬃ᭞ᬓ᭄ᬬᬬᬶᬳᬕᬸᬂᬳᬦ᭄ᬤᬕ᭞ᬢᬦ᭄ᬤᬂᬩᭂᬘᬶᬓ᭄ᬦ᭠ [ 247 ][᭒᭔᭖ 246B]
᭒᭔᭖
ᬭᬾᬦ᭄ᬤ᭄ᬭᬢᬦ᭄ᬯᬾᬦ᭄ᬢᭂᬦ᭄ᬭᬸᬗᬸ᭞ᬭᬶᬂᬲᬧᬭᬭᬵᬚᬧᬸᬢ᭄ᬭ᭞ᬲᬦᬾᬓᬩᬯᭀᬲ᭄ᬧᬦᬯᬶᬂ᭞ᬧᬲᬾᬗᬦ᭄ᬭᬵᬚᬧᬸᬢ᭄ᬭ᭞ᬦᬾᬧᬦᬯᬶᬂᬤᬾᬯᬧᬘᭂᬓᬦ᭄ᬫᬮᬶᬄ᭞ᬤᬾᬯᬩᬸᬤ᭄ᬥᬶᬲᬯᭀᬲᬶᬩᬸ᭞ᬲᬫᬮᬶᬄᬤᬾᬯᬩᬸᬓ᭄ᬬᬦ᭄᭞ᬫᬶᬦᬓᬵᬤᬶᬤᬾᬯᬢᬫ᭄ᬧ᭄ᬯᬕᬦ᭄ᬓᬯᬸᬯᬸᬲ᭄᭞ᬫᬓᬫᬶᬯᬄᬤᬾᬯᬕ᭄ᬬᬜᬃ᭞
ᬤᬾᬯᬩᬢᬦ᭄ᬜᬫ᭄ᬩᬸᬫᬮᬶᬄ᭟ᬦᭀᬫ᭄ᬦᭀᬫ᭄ᬲᬫᬶᬧᬭᬧᬸᬢ᭄ᬭ᭞ᬓᬲᬶᬦᬗ᭄ᬕᬄᬦᬾᬫᬩᬶᬩᬶᬧᬦᬯᬶᬂ᭞ᬧᬸᬢ᭄ᬭᬧᬗᬋᬧ᭄ᬓᬲᭂᬗ᭄ᬕᬸᬄ᭞ᬓᬓᬵᬮᬶᬄᬮᬦᬂᬮᬦᬂ᭞ᬓᬦ᭄ᬢᬸᬦ᭄ᬳᬮᬶᬢ᭄ᬫᬧᬭᬩ᭄ᬤᬾᬯᬵᬕᬸᬂᬫᬬᬸᬦ᭄᭞ᬳᬭᬶᬦ᭄ᬳᬶᬤᬫᬧᬲᬾᬗᬦ᭄᭞ᬤᬾᬯᬵᬕᬸᬂᬚᬫ᭄ᬩᬾᬮᬾᬦ᭄ᬩᬶᬩᬶ᭟ᬧᬸᬦᬶᬓᬲᬫᬶᬢᬦ᭄ᬧᭀ᭠
ᬭᬢ᭄᭞ᬤᬍᬫ᭄ᬓᬤᬸᬓ᭄ᬜᬬᬗᬂᬫᬥᬾᬯᬢᬶ᭞ᬓᬵᬮᬶᬄᬲᬂᬧᬶᬦᬓᬫᬦ᭄ᬢᬸ᭞ᬧᬸᬦᬶᬓᬤᬤᭀᬲ᭄ᬓ᭄ᬭᬡ᭞ᬩᬦ᭄ᬢᬂᬓᬵᬮᬶᬓ᭄ᬬᬬᬶᬳ᭠ᬕᬸᬂᬫᬤᬤᬸᬭᬸᬲ᭄᭞ᬧᬭᬧᬸᬢ᭄ᬭᬦᬾᬓᬾᬭᬗᬦ᭄᭞ᬫᬶᬢᬳᭂᬦ᭄ᬭᬕᬓᬧᬾᬭᬶᬂ᭟ᬓ᭄ᬬᬬᬶᬳᬕᬸᬂᬲᬓᬾᬂᬯᬶᬓᬦ᭄᭞ᬫᬫᬭᬓᬂᬧᬗᬶᬦ᭄ᬤ᭄ᬭᬚᬮᬲᬶᬮᬶᬩ᭄᭞
ᬲᬾᬍᬩ᭄ᬤᬦᬾᬫᬧᬓᬬᬸᬦ᭄᭞ᬫᬗ᭄ᬤᬧᬭᬳᬗ᭄ᬮᬸᬭᬄ᭞ᬮᬾᬤᬂᬲᬫᬶ᭞ᬓᬵᬢᬸᬭᬦ᭄ᬫᬕᬶᬗ᭄ᬲᬶᬃᬮᬸᬗ᭄ᬕᬸᬄ᭞ᬲᬓᬾᬂᬕᬾᬮ᭄ᬕᬾᬮ᭄ᬓ᭠ᬧᭂᬜ᭄ᬘᬭᬂ᭞ᬭᬶᬂᬲᭀᬯᬂᬤᬾᬰᬗᬕᬸᬗᬶᬦ᭄᭟ᬫᬗᬾᬮᬶᬗᬶᬦ᭄ᬯᬯᬶᬤᬗᬦ᭄᭞ᬓᬮᬶᬮᬶᬭᬦ᭄ᬕᬸᬫᬦ᭄ᬢᬶᬲᬓᬾᬂᬗᬹᬦᬶ᭞ᬫᬗ᭄ᬤᬲᬵᬫ᭄ᬧᬸᬦᬂᬗᬤᬸᬯᬸᬂ᭞ᬧᬜ᭄ᬚ᭠

[᭒᭔᭗ 247A]
᭒᭔᭗
ᬓᬾᬫᬭᬶᬂᬤᬾᬰ᭞ᬬᬦᬶᬂᬫᬗ᭄ᬕᭂᬄ᭞ᬭᬶᬂᬕᬾᬮ᭄ᬕᬾᬮ᭄ᬲᬫᬶᬫᬓᬸᬫ᭄ᬧᬸᬮ᭄᭞ᬲᬧᬸᬦᬶᬓᬓᬧᬶᬤᬩ᭄ᬤᬩ᭄᭞ᬳᬦ᭄ᬢᬸᬓ᭄ᬲᬂᬚᬸᬫᭂᬦᭂᬂᬧᬢᬶᬄ᭟ᬧᬭᬳᬗ᭄ᬮᬸᬭᬄᬢᬦ᭄ᬢᬸᬮᬓ᭄᭞ᬲᬭᬮᬾᬤᬂᬲᬂᬯᭂᬦᬂᬦᬩ᭄ᬤᬩ᭄ᬕᬸᬫᬶ᭞ᬫᬵᬯᬶᬦᬦ᭄ᬫᬕᬶᬗ᭄ᬲᬶᬃᬮᬸᬗ᭄ᬕᬸᬄ᭞ᬓᬯᬶᬢ᭄ᬲᬓᬾᬂᬧᬸᬦᬶᬓ᭞ᬲᬋᬂᬲᬫᬶ᭞ᬲᬓᬾᬂ᭠
ᬕᬾᬮ᭄ᬕᬾᬮ᭄ᬓᬾᬲᬄᬫᬦ᭄ᬢᬸᬓ᭄᭞ᬫᬯᬦ᭄ᬢᬸᬦ᭄ᬓᬤᬾᬰᬤᬾᬰ᭞ᬯᬸᬲᬦ᭄ᬫᬶᬓᬦ᭄ᬤᭂᬮᬶᬦ᭄ᬧᬸᬭᬶ᭟ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬭᬶᬂᬦᬵᬕᬭ᭞ᬤᬾᬦᬶᬂᬧᬭᬳᬗ᭄ᬮᬸᬭᬄᬯᬸᬲ᭄ᬫᬕᬶᬗ᭄ᬲᬶᬃ᭞ᬲᭀᬯᬂᬲᭀᬯᬂᬗᬸᬗ᭄ᬲᬶᬮᬸᬗ᭄ᬕᬸᬄ᭞ᬗᬾᬮᬶᬗᬂᬩᬩᭂᬓᭂᬮᬦ᭄᭞ᬓᬬᬾᬂᬮᬕᬶ᭞ᬧᭂᬘᬓ᭄ᬧᬓᬯᬶᬢᬾᬢᭂᬤᬸᬦ᭄᭞ᬮ
ᬮᬗᬶᬢ᭄ᬲᬯᬢᭂᬓ᭄ᬳᬃᬬ᭄ᬬ᭞ᬤᬸᬓ᭄ᬲᬓᬾᬂᬚᬯᬶᬓᬩᬮᬶ᭟ᬬᬦ᭄ᬲᬯᬗᬂᬓᬤᬶᬳᬮᬲ᭄᭞ᬧᭂᬘᬓ᭄ᬳᭂᬩᭂᬢ᭄ᬓᬢᬄᬫᬤᬕᬶᬂᬤᬸᬯᬶ᭞ᬫᬤᬹᬃᬕ᭄ᬕᬫᬚᬸᬭᬂᬧᬗ᭄ᬓᬸᬂ᭞ᬦᬾᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬮᬮᬓ᭄᭞ᬢᭂᬤᬲ᭄ᬕᬮᬂ᭞ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬗᬋᬫ᭄ᬩᬸᬦ᭄᭞ᬯᬶᬢ᭄ᬢᬭᬸᬢᭂᬮᬲ᭄ᬭᬶᬦᭂᬩᬲ᭄᭞ᬳᬦ᭄ᬢᬸᬓ᭄ᬲᬂᬗᬗᭀ
ᬦᬂᬲᬫ᭄ᬧᬶ᭟ᬲᬂᬲᬶᬗ᭄ᬳᬓᬦ᭄ᬢᬸᬦ᭄ᬗᬭᬕ᭞ᬓᬶᬢᬓ᭄ᬓᬶᬢᬸᬓ᭄ᬭᬶᬂᬕᬸᬯᬦᬾᬗᭂᬧᬶᬮ᭄᭞ᬓᬢᬸᬗ᭄ᬓᬸᬮ᭄ᬩᭂᬗᭀᬂᬢᬦ᭄ᬭᬸᬗᬸ᭞ᬭᬶᬂᬳᬮᬲᬾᬗᬮᬸᬦ᭄ᬢᬂ᭞ᬕᭂᬲᭃᬂᬩᬱ᭄ᬫᬶ᭞ᬓᬓᬬᭀᬦᬦ᭄ᬢᭂᬮᬲ᭄ᬧᬸᬯᬸᬦ᭄᭞ᬳᬮᬗᬮᬂᬫᬶᬯᬄᬧᬤᬂ᭞ᬢᬦ᭄ᬯᬾᬦ᭄ᬢᭂᬦ᭄ᬓᬭᬶᬫᬍᬚᬶᬢ᭄᭟ᬓᬢᭂᬗᭂᬢᬦᬶᬓᬗ᭄ᬳᬮᬲ᭄᭞ [ 248 ][᭒᭔᭗ 247B]
᭒᭔᭗
ᬩᭀᬬᬓᬦ᭄ᬢᬸᬦ᭄ᬫᬵᬯᭂᬄᬧᬘᬂᬫᬓᭂᬮᬶᬤ᭄᭞ᬲᬂᬲᬶᬗ᭄ᬳᬦᬦ᭄ᬤᬂᬧᬓᬾᬯᬸᬄ᭞ᬓᬶᬚᬮᬓᬸᬫᬓᬳᬤ᭄᭞ᬫᬓᬶᬍᬲᬦ᭄᭞ᬧ᭄ᬭᬤᬾᬚᬸᬭᬸᬩᭀᬭᭀᬲ᭄ᬭᬯᬸᬄ᭞ᬫᬜ᭄ᬘᬦᬾᬦ᭄‌‌ᬤᬸᬭᬸᬲ᭄ᬲᬗ᭄ᬓᬮ᭞ᬩᬶᬮᬶᬄᬲᬂᬲᬶᬗ᭄ᬳᬗᭂᬫᬲᬶᬦ᭄᭟ᬲᬧᬸᬦᬶᬓᬬᬦᬸᬧᬫ᭞ᬓᬯᬾᬦ᭄ᬢᭂᬦᬦ᭄ᬫᬭᬶᬂᬕᬾᬮ᭄ᬕᬾ᭠
ᬮ᭄ᬦᬵᬕᬭᬶ᭞ᬧᬮᬸᬗ᭄ᬕᬸᬄᬤᬍᬫ᭄ᬧᬫ᭄ᬩᬬᬸᬦ᭄᭞ᬓᬢᬶᬩᬦ᭄ᬧᬜ᭄ᬘᬪᬵᬬ᭞ᬓᬓᬯᭀᬦᬶᬦ᭄᭞ᬳᬦ᭄ᬢᬸᬓ᭄ᬩᬳᬸᬥᬡ᭄ᬥᬭᬭᬸᬤ᭄᭞ᬓ᭄ᬬ᭠ᬬᬶᬳᬕᬸᬂᬳᬬᬢ᭄ᬘᭀᬗᬄ᭞ᬳᬡ᭄ᬥᬕᬭᬶᬂᬤᬍᬫ᭄ᬩᬮᬶ᭟᭜᭟ᬤᬹᬃᬫ᭄ᬫ᭟᭜᭟ᬤᬹᬃᬫ᭄ᬫᬗ᭄ᬕᬮᬧᬗᭂᬦ᭄ᬤᬦᬶᬂᬓᬵᬮᬶᬬᬸᬕ᭞ᬪᬹᬢᬓᬵᬮᬫᬫᬹᬃᬢ᭄ᬢᬶ᭞ᬓᬵᬫ
ᬮᭀᬪᬫᬹᬃᬓ᭄ᬓ᭞ᬫᭀᬳᬳᬶᬗ᭄ᬲᬫᬢ᭄ᬲᬃᬬ᭄ᬬ᭞ᬇᬓᬂᬤᬰᬾᬦ᭄ᬤ᭄ᬭ᭄ᬬᬮᬸᬫᬶᬦ᭄ᬤᬶᬄ᭞ᬫᭀᬫᭀᬤ᭄ᬭᭀᬯᬓ᭞ᬗᬯᬾᬭᬸᬦ᭄ᬤᬄᬦᬵᬕᬭᬶ᭟ᬯᬲ᭄ᬢᬸᬢᬸᬗ᭄ᬓᬲ᭄ᬫᬜᬫᬫᬓᬤᬂᬩ᭄ᬭᬬ᭞ᬓᬩᬢᭂᬓ᭄ᬳᬶᬯᬂᬢᬫ᭄ᬧᬶ᭞ᬍᬓ᭄ᬚᭂᬗᬄᬫᬓ᭄ᬭᬡ᭞ᬜᭂᬚᭂᬭᬂᬓᬧᬵᬢᬹᬢᬦ᭄᭞ᬓᬤᬸᬓ᭄ᬲᬵᬫ᭄ᬧᬸ
ᬦ᭄ᬲᬮᬶᬂᬤᬮᬶᬄ᭞ᬗᬮᭀᬓᬂᬢᬶᬫ᭄ᬧᬮ᭄᭞ᬳᬶᬯᬂᬲᬶᬗ᭄ᬲᬮ᭄ᬧᬫᬵᬃᬕ᭄ᬕᬶ᭟ᬢᬦ᭄ᬓᬯᬭᬫᭀᬫᭀᬦᬶᬥᭂᬧᬾᬚᬮᬦᬂ᭞ᬮᭀᬕᬲ᭄ᬫᬫᬵᬢᬶᬫᬵᬢᬶ᭞ᬲᬂᬓᬤᬮᬶᬄᬢᬸᬗ᭄ᬓᬲ᭄᭞ᬓᬸᬓᬸᬄᬭᬶᬂᬭᬭᬯᭀᬲᬦ᭄᭞ᬧᬯᬶᬮᬗᬦ᭄ᬩ᭄ᬭᬬᬯᬃᬕ᭄ᬕᬶ᭞ᬫᬶᬤᬩ᭄ᬤᬩ᭄ᬚᬕᬢ᭄᭞ᬧ᭄ᬭᬬᬜᬸᬭᬸᬤᬂ

[᭒᭔᭘ 248A]
᭒᭔᭘
ᬕᬸᬲ᭄ᬢᬶ᭟ᬧᭀᬗᬄᬚ᭄ᬯᬭᬶᬗᬮᭀᬓᬂᬤᬾᬯᬾᬓᬾᬧ᭄ᬭᬚ᭄ᬜᬦ᭄᭞ᬧᬗ᭄ᬓᬄᬦᬩ᭄ᬤᬩᬂᬕᬸᬫᬶ᭞ᬢᬦ᭄ᬧᬾᬦ᭄ᬤᬄᬳᬸᬧᬫ᭞ᬲᬓᬤᬶᬧᬓ᭄ᬱᬶᬕᭀᬯᬓ᭄᭞ᬗᬤᬦᬶᬦ᭄ᬳᬶᬩᬧᬤᬶᬤᬶ᭞ᬧᭀᬗᬄᬫᬧᬚᬃ᭞ᬤᬾᬯᬾᬓᬾᬧᬮᬶᬂᬭᬶᬭᬶᬄ᭟ᬳᬾᬗᬧᬾᬗᬧ᭄ᬓᬶᬧᭂᬓᬦ᭄ᬦᬂᬲᬸᬂᬲᬂᬲᬗᬄ᭞ᬜᬸᬲᬸᬧ᭄ᬓ
ᬢᭂᬧᬶᬲᬶᬭᬶᬂ᭞ᬫᬭᬄᬫᬭᬄᬤᬾᬰ᭞ᬕᬸᬫᬦᬫᬧᬶᬤᬃᬢ᭄ᬣ᭞ᬗᬚᬓᬶᬦ᭄ᬢᬶᬫ᭄ᬧᬮ᭄ᬫᬩᬮᬶᬓ᭄᭞ᬘᭀᬗᬳᬡ᭄ᬥᬕ᭞ᬭᬶᬂᬳᬶᬤᬤᬍ᭠ᬫ᭄ᬩᬮᬶ᭟ᬓᬚᬃᬯ᭄ᬯᬓᬂᬦᬭᬾᬦ᭄ᬤ᭄ᬭᬫᬸᬭᬸᬕ᭄ᬰᬰᬡ᭞ᬰᬰᬡᬦ᭄ᬤᬍᬫ᭄ᬩᬮᬶ᭞ᬓᬩᬢᭂᬓ᭄ᬜᬬᬗᬂ᭞ᬫᬦ᭄ᬢᬸᬭᬩᬶᬮᬦ᭄ᬳᭀᬓ᭞ᬦᬾᬲᬸᬩᬫᬯᬢᬂᬲᬶᬲᬶ
ᬧ᭄᭞ᬓᬲᬶᬦᬫ᭄ᬧᬸᬭ᭞ᬢᭀᬂᬗᬾᬮᬶᬗᬂᬲᭀᬃᬲᬶᬗ᭄ᬕᬶᬄ᭟ᬪᬾᬤᬧᬓ᭄ᬱᬫᬗ᭄ᬭᬡᬬᬂᬳᬸᬭᬸᬳᬭ᭞ᬕᬸᬫᬶᬦ᭄ᬤᬾᬯᬾᬓᬾᬚᬦᬶ᭞ᬤᬾᬦᬶᬂᬦᬭᬦᬵᬣ᭞ᬗᬯᭂᬦᬗᬂᬢᬦ᭄ᬯᭂᬦᬂ᭞ᬗᬯᬾᬍᬢᬸᬄᬕᬸᬫᬶᬩᬮᬶ᭞ᬯᬢᭂᬓ᭄ᬤᬸᬃᬰᬶᬮ᭞ᬓᭂᬦ᭄ᬤᭂᬮ᭄ᬓᬳᬶᬘ᭄ᬙᬾᬦ᭄ᬩᬸᬓ᭄ᬢᬶ᭟ᬜᬦ᭄ᬤᬂᬚᬦᬶᬳᬚᬓ᭄ᬫᬓᭂ
ᬚᬂᬗᭂᬦᭂᬳᬂ᭞ᬓᬾᬦ᭄ᬓᬾᬦ᭄ᬩᬳᬦ᭄ᬗᬃᬤ᭄ᬥᬶᬦᬶᬦ᭄᭞ᬮᬫᬓᬦ᭄ᬧ᭄ᬭᬲᬶᬤ᭄ᬥ᭞ᬕᬸᬫᬶᬦᬾᬫᬩᭂᬲᬶᬓᬦ᭄᭞ᬕᬶᬮᬶᬓ᭄ᬫᬜᬫᬦᬶᬦ᭄ᬤᬶᬳᬶᬦ᭄᭞ᬧᬓᬺᬢ᭄ᬣᬦ᭄ᬚᬕᬢ᭄᭞ᬩᬦᬶᬗᭂᬘᭀᬭᬂᬕᭂᬢᬶᬄ᭟ᬤ᭄ᬬᬲ᭄ᬢᬸᬦ᭄ᬫᬵᬢᬶᬲᭀᬢᬦᬶᬂᬤᬾᬯᬾᬓ᭄ᬫᬫᬜ᭄ᬚᬓ᭄᭞ᬢᭀᬂᬜᬦ᭄ᬤᬂᬗᬗᭂᬦ᭄ᬳᬸᬭᬶᬧ᭄᭞ᬫᬾᬮ [ 249 ][᭒᭔᭘ 248B]
᭒᭔᭘
ᬦᬶᬦ᭄ᬦᬾᬲᬚ᭞ᬗᬭᬚᭂᬕᬂᬧᬓᬺᬢ᭄ᬣᬦ᭄᭞ᬓ᭄ᬬᬬᬶᬳᬕᬸᬂᬜᬦ᭄ᬤᬂᬳᬶᬭᬶᬂᬫᬲᬸᬓᬵᬤᬸᬄᬓᬵ᭞ᬢᭀᬗᭀᬲ᭄ᬗᬢᬸᬭᬂᬪᬓ᭄ᬢᬶ᭟ᬲᬧᬸᬦᬶᬓᬧᬤᬃᬢ᭄ᬣᬦᬶᬧᬸᬦ᭄ᬦᬂᬲᬸᬂᬲᬂ᭞ᬫᬢᬸᬗ᭄ᬓᭂᬤ᭄ᬩᬗ᭄ᬓ᭄ᬬᬂᬜᭂᬗ᭄ᬓᬶᬂ᭞ᬦᭂᬗ᭄ᬓᬶᬓ᭄ᬗᭀᬮᬾᬲ᭄ᬧᬜ᭄ᬚᬓ᭄᭞ᬚᭂᬚᭂᬄᬲᬫᬶᬯᭀᬂᬤᬾᬰ᭞ᬲᬳᬳᬢᬹᬃᬢᬶᬢ᭄ᬬᬂᬗᬶᬭᬶᬂ᭞ᬲ
ᬧᬓᬬᬸᬦᬦ᭄᭞ᬤᬦᬾᬳᬶᬕᬸᬲ᭄ᬢᬶᬧᬢᬶᬄ᭟ᬲᬭᬮᬾᬤᬂᬩᭀᬬᬧᬸᬭᬸᬦ᭄ᬢᬶᬢ᭄ᬬᬂᬢᬸᬮᬓ᭄᭞ᬓᬦ᭄ᬢᬸᬦ᭄ᬫᬗ᭄ᬕᭂᬄᬲᬸᬪᬓ᭄ᬢᬶ᭞ᬳᬢᬹᬃᬲᬯᭀᬂᬤᬾᬰ᭞ᬓᭂᬦ᭄ᬤᭂᬮ᭄ᬳᬶᬧᬸᬦ᭄‌‌ᬦᬂᬲᬸᬂᬲᬂ᭞ᬲᬲᬵᬫ᭄ᬧᬸᬦᬶᬧᬸᬦ᭄ᬫᬕᭂᬤᬶ᭞ᬭᬯᬸᬄᬳᬸᬢᬸᬲᬦ᭄ᬲᬂᬦᬵᬣᬲᬓᬾᬂᬧᬸᬭᬶ᭟ᬤᬸᬗᬄᬤᬸᬗᬄᬓᬂᬳᬸᬢᬸᬲᬦ᭄ᬫ
ᬧᬶᬤᬃᬢ᭄ᬣ᭞ᬗᬚᬓᬶᬦ᭄ᬩ᭄ᬭᬬᬯᬃᬕ᭄ᬕᬶ᭞ᬫᬗ᭄ᬤᬫᬗᬸᬓᬸᬳᬂ᭞ᬪᬓ᭄ᬢᬶᬦᬶᬧᬸᬦ᭄ᬫᬫᬜ᭄ᬚᬓ᭄᭞ᬭᬶᬂᬳᬶᬤᬰ᭄ᬭᬷᬳᬚᬶᬩᬮᬶ᭞ᬳᬢᬹᬃᬯᭀᬂᬤᬾ᭠ᬰ᭞ᬢᬍᬃᬲᬸᬫᬗ᭄ᬕᬸᬧ᭄ᬗᬶᬭᬶᬂ᭟ᬲᬧᬓᬯᭀᬦ᭄ᬳᬸᬢᬸᬲᬦ᭄ᬳᬶᬤᬲᬂᬦᬵᬣ᭞ᬯᬾᬦ᭄ᬢᭂᬦ᭄ᬫᬮᬶᬄᬫᬘᭂᬮᬶᬕ᭄᭞ᬓᬶᬧᭂᬓᬦᬾᬲᬗᬄ᭞ᬧᬜ᭄ᬚᬫ᭄ᬩᭀᬢ᭄ᬦᬤ᭄ᬢᬤ᭄ᬧᭂᬤᬂ᭞
ᬲᭂᬫᬸᬦᬾᬢᬦ᭄ᬧᬧᬓᬾᬭᬶᬂ᭞ᬢᬾᬢᬾᬄᬫᬧᬚᬃ᭞ᬓᭀᬮᭀᬗᬦ᭄ᬢᬦ᭄ᬧᬓᭂᬮᬶᬢ᭄᭟ᬫᬧᬶᬤᬃᬢ᭄ᬣᬚᭂᬗ᭄ᬓᬂᬚᭂᬗ᭄ᬓᬶᬂᬫᭀᬦ᭄ᬤᬾ᭠ᬮ᭄ᬘᭂᬧᬕ᭄᭞ᬢᬸᬮ᭄ᬬᬤᭀᬗ᭄ᬓᬗᬾᬧᭂᬦ᭄ᬢᬶᬮ᭄᭞ᬗᭂᬦ᭄ᬤᬶᬕ᭄ᬳᬗ᭄ᬓᬩᬗ᭄ᬓᬩ᭄᭞ᬮᬕᬲ᭄ᬫᬓᭀᬦᬓᭀᬦᬦ᭄᭞ᬫᬓᬸᬲᬭᬗᭂᬤᬸᬫ᭄ᬘᬭᬶᬓ᭄᭞ᬤᬗᬶᬦ᭄ᬲᬫ᭄ᬧᬮ

[᭒᭔᭙ 249A]
᭒᭔᭙
ᬦ᭄᭞ᬭᬢᬧᭀᬮᬶᬄᬳᬲᬳᬶᬄ᭟ᬬᬦ᭄ᬓᬲᬤ᭄ᬬᬦ᭄ᬓ᭄ᬬᬬᬶᬳᬕᬸᬂᬗᬫᭂᬮ᭄ᬚᬕᬢ᭄᭞ᬗᭀᬘᬾᬢᬂᬕᬸᬫᬶᬩᬮᬶ᭞ᬩᬋᬂᬦᭂᬫᬸᬲᬤ᭄ᬬ᭞ᬢᬦ᭄ᬓᬸᬭᬂᬲᬦ᭄ᬤᬂᬧᬗᬦ᭄᭞ᬓᬘᬢᭀᬦᬦ᭄ᬩ᭄ᬭᬬᬯᬃᬕ᭄ᬕᬶ᭞ᬘᬭᬶᬓ᭄ᬲᬂᬦᬵᬣ᭞ᬮᬓᬃᬫᬩᬕᬶᬩᬕᬶ᭟ᬗᬸᬤᬢ᭄ᬯᬭᬓᬲᬤ᭄ᬬᬦ᭄ᬳᬚᬓ᭄ᬫᬓᭂᬚᬂ᭞ᬨ
ᬮᬦ᭄ᬤᬾᬯᬾᬓᬾᬪᬓ᭄ᬢᬶ᭞ᬗᬶᬮᭀᬦᬶᬦ᭄ᬦᬾᬫᭂᬦᬂ᭞ᬓ᭄ᬬᬬᬶᬳᬕᬸᬂᬓᬵᬍᬫᬂ᭞ᬦᬵᬗ᭄ᬳᬶᬂᬬᬦ᭄ᬢ᭄ᬯᬭᬲᬳᬶᬭᬶᬂ᭞ᬯᭂᬦᬂᬧᬶᬦᭂᬚᬄ᭞ᬤᭀᬱᬦᬾᬢᬦ᭄ᬪᬓ᭄ᬢᬶ᭟ᬲᬳᬸᬃᬫᬦᬸᬓ᭄ᬳᬢᬹᬃᬯᭀᬂᬤᬾᬰᬗᬶᬭᬶᬗᬂ᭞ᬢᬦ᭄ᬯᬾᬦ᭄ᬢᭂᬦ᭄ᬧᬜ᭄ᬚᬂᬫᬮᬶᬄ᭞ᬧᬦ᭄ᬚᬫ᭄ᬩᭀᬢ᭄ᬗᭂᬦ᭄ᬤᭂᬮᬂ᭞ᬲᬗ᭄ᬕᬸᬧᬶᬧᬸᬦ᭄ᬯᭀᬂᬤᬾᬰ᭞ᬘᬕᭂᬃ᭠
ᬧᬘᬂᬧᭀᬮᬶᬄᬩᬢᬶ᭞ᬓᬵᬮᬗᭂᬤᬸᬫᬂ᭞ᬢᭂᬕᬮ᭄ᬲᬯᬄᬓᬯᬶᬗ᭄ᬓᬶᬂ᭟ᬲᬧᬓᬯᭀᬦ᭄ᬧᬦ᭄ᬚᬫ᭄ᬩᭀᬢ᭄ᬫᭂᬤᬮ᭄‌‌ᬭᬭᬲᬦ᭄᭞ᬲᬯᭀᬂᬤᬾᬰᬧᬓᬶᬲᬶ᭞ᬦᬄᬚᬦᬶᬓᬾᬦ᭄ᬓᬾᬦᬂ᭞ᬫᬓᭂᬦᭂᬄᬫᬮᬓ᭄ᬱᬡ᭞ᬳᬧᬂᬢ᭄ᬯᬭᬩᬜᬧᭂᬮᬶᬄ᭞ᬲᬮᬄᬲᭂᬤᭂᬦᬦ᭄᭞ᬫᬾᬄᬳᬸᬭᬶᬧᬾᬗᭂ᭠
ᬲᬶᬦ᭄᭟ᬤᬾᬯᬾᬓ᭄ᬩᭂᬮᭀᬕ᭄ᬲᬸᬓᭂᬄᬩᬳᬦ᭄ᬗᬋᬲᭂᬧᬂ᭞ᬧᬶᬤᬃᬢ᭄ᬣᬘᬭᬚᬦᬶ᭞ᬫᬧᬶᬫᬧᬶᬳᭀᬮᬲ᭄᭞ᬗᬃᬤ᭄ᬥᬶᬦᬶᬦ᭄ᬩᬜᬲᬤ᭄ᬬ᭞ᬳᬦᬾᬜ᭄ᬘᬾᬦ᭄ᬜᬦ᭄ᬤᬂᬕᬸᬕᭀᬦᬶᬦ᭄᭞ᬧᬥᬓᭂᬦᭂᬳᬂ᭞ᬚᭂᬮᬶᬄᬧᬸᬬᬸᬂᬧᬶᬮᬶᬳᬶᬦ᭄᭟ᬳᬧᬂᬤᬫᬲᭂᬮ᭄ᬲᭂᬮᬦ᭄ᬕᬗ᭄ᬲᬭᬦ᭄ᬢᬶᬦ᭄ᬤᬓ᭄᭞ᬯᬾᬦ᭄ᬢᭂᬦ᭄ᬲ᭠ [ 250 ][᭒᭔᭙ 249B]
᭒᭔᭙
ᬦᬾᬜᬳᬸᬭᬶᬦ᭄᭞ᬢᭀᬂᬓᬓᭂᬦᭂᬄᬧᭂᬲᬦ᭄᭞ᬭᬯᭀᬲ᭄ᬳᬦᬓᬾᬩᬸᬲᬦ᭄᭞ᬩᬸᬓᬢᬢᭂᬮᬸᬗᬚᬓᬶᬦ᭄᭞ᬕᬶᬮᬶᬓ᭄ᬫᬜᬫ᭞᭠ᬗᭂᬢᭀᬳᬂᬧᬢᬶᬳᬸᬭᬶᬧ᭄᭟ᬩᬸᬓᬲᭀᬮᬾᬄᬬᬦ᭄ᬋᬲᭂᬧ᭄ᬋᬲᭂᬧᬂ᭞ᬓᬾᬦ᭄ᬓᬾᬦᬂᬜᬓ᭄ᬫᬫᭂᬲᬶᬓ᭄᭞ᬫᬢᬾᬫ᭄ᬧᬾᬓ᭄ᬢᬾᬫ᭄ᬧᬾᬓᬦ᭄᭞ᬢᬦ᭄ᬪᬶᬦ᭠
ᬲᭂᬓᬫᬸᬮ᭞ᬓᬾᬢᭀᬫᬲᬶᬄᬲᭂᬓᬫᬜᬶ᭞ᬫᬗ᭄ᬤᭀᬄᬜᬶᬤ᭄ᬥᬬᬂ᭞ᬤ᭄ᬯᬂᬢᬾᬫ᭄ᬧᬾᬓ᭄ᬜᬓ᭄ᬫᬫᭂᬲᬶᬓ᭄᭟ᬳᭀᬕᬦ᭄ᬧᬬᬸᬫᬘᬸ᭠ᬋᬂᬫᭂᬦ᭄ᬤᭀᬕᭂᬦ᭄ᬤᭀᬕᬦ᭄᭞ᬫᬲᭂᬓᬲᬮᬶᬂᬢᬶᬦ᭄ᬤᬶᬄ᭞ᬧᬥᬢᭀᬂᬜᬓ᭄ᬗᬮᬄ᭞ᬤᬾᬦᬶᬂᬧᬥᬜᬸᬜ᭄ᬚᬸᬗᬂ᭞ᬓᭀᬩᭂᬭᬾᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬯᬲ᭄ᬢᬸ
ᬫᬢᬸᬗ᭄ᬓᬲ᭄᭞ᬯᬾᬦ᭄ᬢᭂᬦ᭄ᬜᭂᬮᬕ᭄ᬜᬳᬸᬭᬶᬦ᭄᭟ᬳᬭᬄᬗᬸᬤ᭄ᬬᬂᬦᬾᬓᬾᬢᭀᬩᬓᬢ᭄ᬮᬦ᭄ᬢᬗᬂ᭞ᬲᬭᬇᬥᭂᬧᬾᬚᬦᬶ᭞ᬳᬧᬂᬤ᭠ᬫᬢᬸᬗ᭄ᬓᬲ᭄᭞ᬲᬚᭂᬭᭀᬦᬶᬂᬩᬩᬜ᭄ᬚᬭᬦ᭄᭞ᬚᭂᬮᬾᬫᭂᬮᬄᬲᬮᬶᬂᬢᬶᬦ᭄ᬤᬶᬄ᭞ᬕᬶᬮᬶᬓ᭄ᬫᬜᬫ᭞ᬢ᭄ᬯᬭᬜᬦ᭄ᬤᬂᬗᬶᬢᬸᬗᬶᬦ᭄᭟ᬩᬜ᭄ᬚᬃᬮᬾᬦᬦ᭄᭞ᬲ᭠
ᬭᬤᬶᬢᬸᬫᬧᬶᬤᬩ᭄ᬤᬩ᭄᭞ᬯᬾᬦ᭄ᬢᭂᬦ᭄ᬫᬲᬳᬸᬃᬫᬮᬶᬄ᭞ᬚᬮᬦ᭄ᬧᬢᬶᬍᬲᬂ᭞ᬮᬫᬓᬦ᭄ᬩᬜᬮᬲ᭄ᬬ᭞ᬫᭂᬮᬳᬦ᭄ᬫᬲᬦᬦ᭄ᬧᬤᬶ᭞ᬩᬸᬓᬲᬲᭀᬗ᭄ᬕᬦ᭄᭞ᬗᭂᬮᬗ᭄ᬕᬂᬓᭂᬫᭀᬫᬳᬶ᭟ᬦᭂᬩᭂᬓ᭄ᬤᬤ᭄ᬯᬫᬓᬤᬤ᭄ᬯᬳᬧᬂᬩᬓᬢ᭄᭞ᬮᬲ᭄ᬬᬫᬳᬦ᭄ᬧᬶᬓᭀᬮᬶᬄ᭞ᬦᬫ᭄ᬧᭂᬤᬂᬧᬫᭂᬦᬂ᭞ᬢ᭄ᬯᬭ᭠

[᭒᭕᭐ 250A]
᭒᭕᭐
ᬜᬦ᭄ᬤᬂᬗᬶᬫᬸᬤᬂ᭞ᬓᬵᬮᬬᬾᬄᬧᬸᬯᭂᬓ᭄ᬫᬫᬜ᭄ᬘᬶᬂ᭞ᬫᬭᬾᬤᬶᬦ᭄ᬳᬸᬤᬂ᭞ᬩᬕ᭄ᬬᬫᬳᬦ᭄ᬩᬾᬚᬸᬮᬶᬢ᭄᭟ᬯᬾᬦ᭄ᬢᭂᬦᬸᬗ᭄ᬓᬲ᭄ᬳᬶᬮᬳᬶᬮᬫᬫᬚᬭᬂ᭞ᬬᬦ᭄ᬫᬢᬚᬶᬓᬓᬵᬮᬶᬄ᭞ᬭᬶᬓᬢ᭄ᬦᭂᬩᭂᬓ᭄ᬳᬶᬩ᭞ᬧ᭄ᬭᬤᬾᬬᬦ᭄ᬓᬘᬶᬭᬾᬦᬦ᭄᭞ᬲᬗ᭄ᬓᬮᬳᭀᬕᬦ᭄ᬗᭂᬫᬲᬶᬦ᭄᭞ᬫᬫᬗ᭄ᬕᬸᬮ᭄ᬕᬫ᭄ᬩᬂ᭞ᬤᬬᬦᬾ
ᬓᬢᬶᬤᭀᬗᬶᬦ᭄᭟ᬲᬓᬾᬂᬪᬾᬤᬧᬫᬸᬧᬸᬢ᭄ᬤᬸᬭᬸᬲ᭄ᬫᬢᬸᬗ᭄ᬓᬲ᭄᭞ᬧᬶᬬᬓ᭄ᬤᬤᭀᬲ᭄ᬓᬓᬵᬮᬶᬄ᭞ᬫᬢᬾᬫ᭄ᬧᬾᬓ᭄ᬢᬾᬫ᭄ᬧᬾᬓᬦ᭄᭞ᬳᬢᬾᬫ᭄ᬧᬾᬓ᭄ᬫᬧᬶᬮᭀᬦᬦ᭄᭞ᬲᬸᬪᬓ᭄ᬢᬶᬓᬦ᭄ᬢᬸᬦ᭄ᬓᬧᬸᬭᬶ᭞ᬢᬾᬫ᭄ᬧᬾᬓ᭄ᬲᬯᭀᬲᬦ᭄᭞ᬫᬗ᭄ᬕᭂᬄᬳᬶᬧᬸᬦ᭄ᬲᬸᬪᬓ᭄ᬢᬶ᭟ᬭᬶᬂᬧᬮᬸᬗ᭄ᬕᬸᬄᬓ᭄ᬬᬬᬶᬳ᭠
ᬕᬸᬂᬧ᭄ᬭᬫᬲᬢ᭄ᬬ᭞ᬭᬾᬄᬧᭀᬮᬶᬄᬜᬓᬧ᭄ᬘᬭᬶᬓ᭄᭞ᬦᬾᬫᬗ᭄ᬓᬶᬦᬸᬘᬧᬂ᭞ᬓ᭄ᬬᬬᬶᬳᬕᬸᬂᬳᬡ᭄ᬥᬕ᭞ᬲᬓ᭄ᬱᬡᬲᬶᬓᭂᬧ᭄ᬢᬦ᭄ᬓᭀᬢᬶ᭞ᬲᬳᬲᬜ᭄ᬚᬢ᭞ᬓᬶᬦᭂᬧᬸᬂᬇᬓᬂᬧᬸᬭᬶ᭟ᬧᬭᬫᬾᬦᬓ᭄ᬫᬓᬵᬤᬶᬧᬭᬓ᭄ᬱᬢ᭄ᬭᬶᬬ᭞ᬦᬾᬫᬗ᭄ᬕᭂᬄᬓᬦ᭄ᬢᬸᬦ᭄ᬪᬓ᭄ᬢᬶ᭞ᬭᬶᬂᬳᬶᬤᬦᬭᬾᬦ᭄ᬤ᭄ᬭ᭞ᬢᬦ᭄ᬜᬶᬤ᭄ᬥ
ᬬᬂᬫᬢᬗ᭄ᬕᬮ᭄᭞ᬭᬾᬄᬲᬵᬫ᭄ᬧᬸᬦ᭄ᬓᬲᬾᬧᬦ᭄ᬢᬗ᭄ᬓᬶᬲ᭄᭞ᬫᬜ᭄ᬚᬶᬂᬓᬧᬸᬭ᭞ᬓᬩᭂᬩᭂᬂᬫᬭᬶᬂᬧᬸᬭᬶ᭟ᬲᬵᬫ᭄ᬧᬸᬦ᭄ᬮᬫᬶᬤᬍᬫ᭄ᬓᬩᭂᬩᭂᬂᬭᬶᬂᬧᬸᬭ᭞ᬧᭀᬮᬶᬄᬳᬶᬤᬫᬕᬶᬗ᭄ᬲᬶᬃ᭞ᬓᬾᬲᬄᬲᬓᬾᬂᬧᬸᬭ᭞ᬦᭂᬧᭀᬲ᭄ᬜᬸᬦᬸᬢ᭄ᬗᭂᬮᭀᬤᬂ᭞ᬢᬶᬕᬗᬢᬸᬲ᭄ᬲᬶᬓᭂᬧ᭄ᬗᬶᬭᬶᬂ᭞ᬲᬳ [ 251 ][᭒᭕᭐ 250B]
᭒᭕᭐
ᬲᬜ᭄ᬚᬢ᭞ᬢᬸᬓᬤ᭄ᬩᬸᬩᬸᬄᬓᬳᬸᬗ᭄ᬲᬶ᭟ᬤᬳᬸᬄᬢᬸᬓᬤ᭄ᬲᬬᬕᬯᬾᬦ᭄ᬢᭂᬦ᭄ᬫᬫᭂᬦ᭄ᬤᬓ᭄᭞ᬧᬫᬵᬃᬕ᭄ᬕᬦ᭄ᬤᬍᬫ᭄ᬩᬮᬶ᭞ᬗᬸᬗ᭄ᬲᬶ᭠ᬤᬾᬰᬕᬸᬮ᭄ᬬᬂ᭞ᬇᬭᬶᬓᬵᬫᬲᬦᭂᬓᬦ᭄᭞ᬬᬦᬓᬸᬤᬂᬫᬲᬮᬫᬶ᭞ᬚᬦ᭄ᬢᭀᬲ᭄‌ᬦ᭄ᬤᬾᬯᬢ᭞ᬫᬭᬶᬂᬕᬸᬮ᭄ᬬᬂᬰ᭄ᬭᬷᬳᬚᬶ᭟ᬤᬸᬓ᭄ᬳᬶᬰᬓᬵᬧᬶᬢᬸᬂ᭠
ᬩᬗ᭄ᬲᬶᬢ᭄ᬲᬢᬸᬲ᭄ᬮᬶᬦ᭄ᬢᬂ᭞ᬧᬶᬢᬸᬂᬤᬰᬕᬸᬫᬦ᭄ᬢᬶ᭞ᬫᬢᬗ᭄ᬕᬸᬢᬢᬶᬕ᭞ᬲ᭄ᬯᬾᬘ᭄ᬙᬧᬸᬭᬧ᭄ᬭᬮᬬ᭞ᬧᬚᬦ᭄ᬢᭀᬲᬦ᭄ᬚᬕᬢ᭄ᬩᬮᬶ᭞ᬓᬯᬶᬢ᭄ᬧᬸᬦᬶᬓ᭞ᬭᬸᬦ᭄ᬤᬄᬢᬦ᭄ᬓᬦ᭄ᬢᬸᬦ᭄ᬕᬶᬮᬶᬓ᭄᭟ᬓᬤᬶᬦᬶᬓᬲᬢ᭄ᬯᬦᬾᬧᬸᬗ᭄ᬕᭂᬮᬂᬢᬶᬢ᭄ᬬᬂ᭞ᬦ᭄ᬤᬯᭂᬕᬂᬫᬵᬢᬹᬃᬲᬶᬲᬶᬧ᭄᭞ᬢᬶᬢ᭄ᬬᬂᬓᬢᬫ᭄ᬩᭂᬢᬦ᭄᭞ᬓ᭠
ᬩᬢᭂᬓ᭄ᬳᬦ᭄ᬢᬸᬓ᭄ᬧᭀᬗᬄ᭞ᬫᬧᬶᬧ᭄ᬭᬚ᭄ᬜᬦ᭄ᬫᬩᭂᬢ᭄ᬭᬶᬭᬶᬄ᭞ᬦᬸᬮᬤ᭄ᬲᬂᬯᬶᬓᬦ᭄᭞ᬧᬗ᭄ᬓᬄᬫᬶᬍᬢᬶᬦ᭄ᬗᬯᬶ᭟ᬫᬗ᭄ᬤᭀᬄᬳᬾᬭᬂᬫ᭠ᬦᬄᬢᬶᬢ᭄ᬬᬂᬓᬕᬸᬬᭀᬦᬦ᭄᭞ᬫᬫᬢᬗᬸᬮᬶᬢ᭄ᬢᬶᬗ᭄ᬓᬶᬄ᭞ᬫᬓᬸᬧᬶᬂᬲᭀᬂᬲᭀᬫ᭄ᬩᬄ᭞ᬚᬦ᭄ᬢᭂᬦ᭄ᬧᬘᬂᬓᬳᬸᬘᬧ᭄᭞ᬧᬗᬯᬶᬦᬾᬢᬸᬦᬍᬯᬶᬄ᭞ᬳᬸᬧ᭠
ᬫᬶᬤᬕᬂ᭞ᬳᬤᭀᬮᬦᬾᬜᭂᬭᬓᬶ᭟ᬳᬗᭂᬢᬗᭂᬢ᭄ᬲᭂᬧᭂᬢ᭄ᬲᭂᬧᭂᬢ᭄ᬩᬲᬦ᭄ᬩᬸᬯᬢ᭄᭞ᬲᬭᬮᬾᬤᬂᬦᬸᬫ᭄ᬩᬲᬶᬦ᭄᭞ᬫᬓᬢᬫ᭄ᬩᬲᬸᬗ᭄ᬓᬦ᭄᭞ᬤᬸᬫᬤᬓ᭄ᬲᬶᬤ᭄ᬥᬧᬹᬃᬡ᭄ᬦ᭞ᬓᬲᬮᬶᬫᬹᬃᬳᬦ᭄ᬢᬸᬓ᭄ᬕᭂᬦ᭄ᬤᬶᬂ᭞ᬬᬦ᭄ᬯᬦ᭄ᬢᬄᬳᬃᬱ᭞ᬲ᭄ᬯᬾᬘ᭄ᬙᬳᬸᬕᬶᬦᬸᬫ᭄ᬩᬲᬶᬦ᭄᭟ᬕᭂᬮᬶᬓ᭄ᬤᬸᬫᬸᬦ᭄ᬫᬗ᭄ᬤᬲᬵᬫ᭄ᬧᬸᬦ᭄ᬫᬲᭂᬮ᭄ᬲᭂᬮᬦ᭄᭞

[᭒᭕᭑ 251A]
᭒᭕᭑
ᬳᬶᬤᬤᬦᬾᬓᬯᬶᬗ᭄ᬓᬶᬂ᭞ᬤᬸᬭᬸᬲᬂᬧᬲ᭄ᬢᬶᬓ᭞ᬬᬦᬶᬂᬓᬩᬯᭀᬲ᭄ᬧᬜ᭄ᬚᬂ᭞ᬤᬸᬭᬸᬲᬂᬳᬸᬕᬶᬢᭂᬧ᭄ᬢᭂᬧᬶᬦ᭄᭞ᬬᬦ᭄ᬯᬦ᭄ᬢᬄᬓᬶᬭᬂ᭞ᬮᬾᬤᬂᬳᬸᬕᬶᬦᬫ᭄ᬩᭂᬳᬶᬦ᭄᭟ᬫᬤᬓ᭄ᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬚᬦ᭄ᬢᭀᬲᬮᬶᬢ᭄ᬳᬃᬱ᭞ᬗᬮᭀᬓᬂᬢᬶᬢ᭄ᬬᬂᬩᬗ᭄ᬕᬶ᭞ᬤᭂᬫᭂᬦ᭄ᬫᬭᬶᬘᬾᬤ᭞ᬗᬸᬮᬳᬸᬮᬄᬫᬧ
ᬚᬃᬢᬸᬯᬢᬸᬯᬸᬄᬩᬶᬗᬸᬂᬧᬮᬶᬂ᭞ᬢᬦ᭄ᬫᬵᬦᬹᬢ᭄ᬓ᭄ᬭᬫ᭞ᬢᬦ᭄ᬳᬸᬦᬶᬂᬭᬶᬂᬲᭀᬃᬲᬶᬗ᭄ᬕᬶᬄ᭟ᬲᬓᬾᬂᬲᬥᬹᬫᬦᬄᬢᬶᬢ᭄ᬬᬂᬫᬗᬢᬸᬭᬂ᭞ᬳᬲᬶᬂᬳᬲᬶᬂᬓᬧᬗ᭄ᬕᬶᬄ᭞ᬫᬗ᭄ᬤᭀᬄᬫᬺᬱᬯᬤ᭞ᬳᬢᬹᬃᬢᬶᬢ᭄ᬬᬂᬧᬜ᭄ᬚᬗᬂ᭞ᬧᬳᬸᬍᬄᬭᬶᬂᬓᬬᬸᬦ᭄ᬫᬮᬶᬄ᭞ᬫᬲᬢᬦ᭄ᬯᬶᬓᬦ᭄᭞ᬧᬕᭂᬦ᭄ᬢᭀ᭠
ᬲ᭄ᬚᬕᬢ᭄ᬫᬗ᭄ᬓᬶᬦ᭄᭟ᬩᭀᬬᬜᬦ᭄ᬤᬂᬓᬦ᭄ᬢᬸᬦ᭄ᬫᬓᬸᬩ᭄ᬤᬓᬸᬩ᭄ᬤᬬᬦ᭄᭞ᬫ᭄ᬩᬯᭀᬲᬂᬤᬳᬢ᭄ᬧᬶᬗᬶᬢ᭄᭞ᬜᬮᬶᬢ᭄ᬗᬯᬾᬭᬬᬂ᭞ᬓᬸᬓᬸᬄᬓᬵᬭᬶᬦᭂᬗᭂᬢᬂ᭞ᬦᬾᬲᬵᬫ᭄ᬧᬸᬦ᭄ᬳᬶᬯᬂᬕᬸᬫᬦ᭄ᬢᬶ᭞ᬗᬶᬭᬶᬂᬧᬶᬤᬩ᭄ᬤᬩ᭄᭞ᬲᬫᬗ᭄ᬤᬾᬓᬾᬗᬶᬦ᭄ᬩᭂᬘᬶᬓ᭄᭟ᬳᬮᬶᬢ᭄ᬳᬮᬶᬢ᭄ᬢᬸᬭᬄᬫᬗ᭄ᬓᬶᬦ᭄ᬲᬫᬶ
ᬘᭂᬮᬂ᭞ᬩᭀᬬᬜᬦ᭄ᬤᬂᬓᭂᬩᬗᬶᬦ᭄᭞ᬗᬶᬭᬶᬂᬲᬓᬵᬮᬬᬂ᭞ᬧᬯᭂᬯᭂᬄᬳᬢᬹᬃᬢᬶᬢ᭄ᬬᬂ᭞ᬧᬳᬶᬦ᭄ᬤᬶᬓᬦ᭄ᬢᬶᬢ᭄ᬬᬂᬗᬯᬶ᭞ᬧᬶᬦᬓ᭠ᬩᬦ᭄ᬢᬂ᭞ᬫᬗ᭄ᬤᬧᬯᬶᬓᬦ᭄ᬲᬫᬶ᭟ᬲᬓᬾᬂᬮᭀᬦ᭄ᬢᬃᬘᬓᭂᬧᬦ᭄ᬲᬦᬾᬫᬯᬵᬱ᭄ᬝ᭞ᬩᬩᬤ᭄ᬤᬍᬫ᭄ᬫᬓᬵᬤᬶ᭞ᬓᬶᬤᬸᬂᬧᬫᬜ᭄ᬘᬗᬄ᭞ᬫᬮᬶᬄᬲᬦᬾᬓ [ 252 ][᭒᭕᭑ 251B]
᭒᭕᭑
ᬮᭀᬓ᭞ᬩᬩᬤ᭄ᬧᬲᭂᬓ᭄ᬫᬶᬦᬓᬵᬤᬶ᭞ᬳᬶᬓᭂᬢᬶᬢᬶᬢ᭄ᬬᬂ᭞ᬩᭀᬬᬲᬢ᭄ᬯᬗᬭᬶᬓ᭄ᬭᬶᬓ᭄᭟ᬫᬗ᭄ᬤᬚᬦ᭄ᬢᭂᬦ᭄ᬫᬩᬸᬓ᭄ᬢᬶᬧᬗᬸᬦᬶᬂᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬫᬮᬶᬄᬓᬓᬵᬮᬶᬄ᭞ᬳᭀᬓᬦ᭄ᬲᬂᬯᬸᬲ᭄ᬮᬷᬦ᭞ᬲᬦᬾᬫᬸᬗ᭄ᬕᬸᬄᬭᬶᬂᬩᬩᬤ᭄᭞ᬲᬦ᭄ᬢᬦᬦ᭄ᬤᬸᬓᬸᬄᬲᬸᬮᬤ᭄ᬭᬶ᭞ᬢᬦ᭄ᬲᬋᬂᬫᬸᬗ᭄ᬕᬄ᭞ᬳᬶᬭᬶᬓᬵᬭᬶᬂᬧ
ᬗᬯᬶ᭟ᬤ᭄ᬯᬦᬶᬂᬦᬾᬦ᭄ᬢᭂᬦ᭄ᬧᬸᬦᬶᬓᬳᬸᬗ᭄ᬕᬳᬂᬢᬶᬢ᭄ᬬᬂ᭞ᬤᬾᬦᬶᬂᬦᬾᬦ᭄ᬢᭂᬦ᭄ᬜᬋᬗᬶᬦ᭄᭞ᬳᬶᬦᬸᬘᬧ᭄ᬭᬶᬂᬩᬩᬤ᭄᭞ᬫᬤ᭄ᬯᬾᬮᬮᬓᭀᬦ᭄ᬓᭀᬘᬧ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬗᬯᬦᭂᬳᬶᬦ᭄᭞ᬬᬦ᭄ᬧᬾᬢ᭄ᬳᬸᬗ᭄ᬕᬳᬂ᭞ᬦᬶᬗᬸᬦᬢᬦ᭄ᬧᬳᬶᬦ᭄ᬤᬶᬓ᭄᭟ᬦᬵᬗ᭄ᬳᬶᬂᬜᬦ᭄ᬤᬂᬳᬶᬤᬤᬦᬾᬫᬗ᭄ᬤᬯᬶᬓᬦ᭄᭞ᬳᬗ᭄ᬕᬾ
ᬦ᭄ᬧᬗᬾᬮᬶᬗᬾᬮᬶᬂ᭞ᬘᬶᬳ᭄ᬦᬳᬢᬹᬃᬢᬶᬢ᭄ᬬᬂ᭞ᬢᬦ᭄ᬯᬾᬦ᭄ᬢᭂᬦ᭄ᬜᬾᬯᬕᬭ᭞ᬓᬩᬯᭀᬲ᭄ᬫᬗᬯᬶᬳᬯᬶ᭞ᬤᬸᬭᬸᬲᬂᬘᬶᬗᬓ᭄᭞ᬯᬾᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬮᬮᬶᬦ᭄ᬢᬶᬄ᭟ᬫᬭᬶᬂᬧᬸᬗ᭄ᬓᬸᬃᬧᬸᬦᬶᬓᬶᬲᬵᬫ᭄ᬧᬸᬦ᭄ᬘᬸᬫᬤᬂ᭞ᬢᭂᬋᬄᬤᬸᬓᬸᬄᬲᬸᬮᬤ᭄ᬭᬶ᭞ᬧᬸᬧᬸᬢ᭄ᬓᬤᬶᬦᬶᬓ᭞ᬧᬶᬤᬕᬶᬂᬦᬸᬦᬲ᭄ᬮᬸᬕ᭄ᬭ᭞ᬳᬢᬹᬃᬢᬶ᭠
ᬢ᭄ᬬᬂᬲᬂᬫᬗᬯᬶ᭞ᬕᭀᬭᬲᬶᬭᬶᬓᬦ᭄᭞ᬲᬓᬾᬂᬕ᭄ᬬᬜᬃᬮᭀᬤ᭄ᬧᬸᬭᬶ᭟᭜᭟ᬧᬸᬧᬸᬢ᭄ᬓᬲᬸᬭᬵᬢ᭄ᬳᭀᬮᬶᬄᬳᬶᬕᬸᬲ᭄ᬢᬶᬕ᭄ᬥᬾᬩᬶᬮᬶᬄᬲᬓᬶᬂᬧᬤᬂᬓᬺᬢ᭄ᬣᬵ᭞ᬅᬫ᭄ᬮᬧᬸᬭ᭞ᬭᬶᬂᬤᬶᬦ᭞ᬯᬺ᭞ᬯ᭞ᬯᬵᬭ᭞ᬢᭀᬮᬸ᭞ᬢᬶᬢᬶ᭞ᬧᬂ᭞ᬧᬶᬂ᭞᭑᭕᭞ᬰᬰᬶᬄ᭞ᬓᬮᬶᬫ᭞ᬭᬄ᭞᭓᭞ᬢᭂᬗ᭄ᬕᭂᬓ᭄

[᭒᭕᭒ 252A]
᭒᭕᭒
᭞᭑᭞ᬇᬰᬓᬵ᭞᭑᭙᭑᭓᭟ᬢᬗ᭄ᬕᬮ᭄᭞᭗᭞ᬦᭀᬧᬾᬫ᭄ᬩᭂᬃ᭞᭑᭙᭙᭑᭟᭜᭟ [ 253 ]Page:Bali-lontar-gaguritan-dukuh-suladri-02-250ppi.pdf/253