Ban/Gaguritan Gelem

Deskripsi

Naskah

[ 1 ]Judul: Geguritan Gelem
Panj.50 cm Leb.3,5 cm Jml. 18 1b
Asal: Gria Kecicang , Karangasem

[ ᭑ 1a]
Judul: Geguritan Gelem
Panj.50 cm Leb.3,5 cm Jml. 18 1b
Asal: Gria Kecicang , Karangasem [ 2 ][ ᭑ 1B]
᭑᭞
᭚ᬧᬗ᭄ᬓᬸᬃ᭚ᬳᬶᬲᭂᬂᬢᬶᬢ᭄ᬬᬂᬜᬭᬶᬢᬬᬂ᭞ᬫᬸᬜᬶᬦ᭄ᬲᬢ᭄ᬯᬳᬶᬓᭂᬢ᭄ᬳᬗ᭄ᬕᭀᬦ᭄ᬧᬗᬯᬶ᭞ᬢᭂᬫ᭄ᬩᬂᬗᬶᬦ᭄ᬩᬦ᭄ᬢᭂᬫ᭄ᬩᬂᬧᬗ᭄ᬓᬸᬃ᭞ᬰ᭄ᬤᭂᬓ᭄ᬤᬶᬢᬢᬢ᭄ᬭᬂ᭞ᬢ᭄ᬯᬭᬵᬮᬾᬦᬦᬾᬫ᭄ᬮᬄᬳᬗ᭄ᬕᭀᬦ᭄ᬧᬗᬜ᭄ᬤᬸᬃ᭞ᬳᬶᬤ᭄ᬯᬕᬸᬂᬧᬸᬢᬺᬢᬸᬘᬧᬂ᭞ᬗᬫ᭄ᬩᬶᬮ᭄ᬧᬸᬢ᭄ᬭᬶᬦᬾᬓᬓᬮᬶᬄ᭟ᬫᬸᬮᬵᬧᬸᬢ᭄ᬭᬶᬳᬶᬓᬵᬢ᭄ᬭᬂ᭞
ᬲᬸᬕᬶᬄᬩᬮᬵᬯᬶᬃᬬ᭄ᬬᬰᬓ᭄ᬢᬶᬢᬦ᭄ᬲᬶᬧᬶ᭞ᬗ᭄ᬩᭂᬓ᭄ᬤᬶᬚᬕᬢᬾᬓᬲᬸᬩ᭄᭞ᬩᬶᬱᬗᬫᬬᬫᬬᬵ᭞ᬢ᭄ᬯᬭᬵᬳᬤᬧᬭᬭᬵᬢᬸᬯ᭄ᬦᬂᬫᬕᬸᬢ᭄᭞ᬧᬦ᭄ᬢᬦᬓ᭄ᬯᭂᬓᬲ᭄ᬯᬶᬤᬕ᭄ᬥᬵ᭞ᬩᬶᬱᬫᬗᬶᬮᬂᬕᬸᬫᬶ᭟ᬲᬓᬵᬮᬳ᭄ᬬᬂᬕᬶᬭᬶᬲᬸᬢᬵ᭞ᬩᬋᬂᬢ᭄ᬓᬾᬦ᭄ᬪᬢᬭᬶᬰᬭᬲ᭄ᬯᬢᬶ᭞ᬤᬶᬳᬢᬢ᭄ᬭᬂᬢᬸᬫᬸᬭᬸ
ᬦ᭄᭞ᬫᬗ᭄ᬤᬤᬶᬧᬸᬢ᭄ᬭᬶᬓᭂᬫ᭄ᬩᬃ᭞ᬢ᭄ᬯᬭᬩᬓᬢ᭄ᬯᬤᭀᬕᭀᬩᬦ᭄ᬜᬦᬾᬧᬢᬸᬄ᭞ᬚ᭄ᬕᬾᬕ᭄ᬦᬸᬮᬸᬲ᭄‌ᬦ᭄ᬭᬸᬲ᭄ᬫᭂᬮᬄ᭞ᬲᬶᬗᭂᬦᭀᬢ᭄ᬳ᭄ᬬᬢᬸᬬᬂᬧᬮᬶᬂ᭟ᬢ᭄ᬯᬭᬵᬤᬵᬩᬓᬢ᭄‌ᬓ᭄ᬦᭂᬳᬂ᭞ᬓᬮᬬᭀᬦᬾᬜᬦ᭄ᬤᬂᬗ᭄ᬯᬶᬱ᭄ᬬᬦᬶᬦ᭄ᬕᬸᬫᬶ᭞ᬳᬓᬸᬤᬵᬧ᭄ᬭᬭᬵᬢᬸᬮᬶᬗ᭄ᬮᬸᬂ᭞ᬳᬸᬮᬍᬦ᭄ᬧᬘᬂᬗᬭᬂ᭞ᬬᬾ
ᬦᬶᬧᬓ᭄ᬱᬫᬧᬤᬶᬓ᭄ᬢᭀᬂᬩᬓᬢ᭄ᬭᬸᬭᬸᬄ᭞ᬩᬦ᭄ᬕᬸᬫᬶᬦᬾ ᬗᭂᬦᬳᬶᬮᬂ᭞ᬳᬦᬓ᭄ᬯᬶᬘᬓ᭄ᬱᬡ᭄ᬦᬵᬕᬢᬶ᭟ᬓᬸᬤ᭄ᬬᬂᬧᬘᬂᬫᬦᬬᬦᬂ᭞ᬲᬚᬯᬦᬶᬂᬫᭂᬦ᭄ᬤᭂᬧ᭄ᬗᭂᬧᭂᬲ᭄ᬫᬗᭂᬮᬶᬂ᭞ᬧ᭄ᬭᬕᬢᬂᬩᬳᬦ᭄ᬤᬸᬳᬸᬄ᭞ᬲᬭᬸᬯᬂᬩᬦ᭄‌ᬤ᭄ᬓᭂᬲᬦ᭄᭞ᬳᬲᬶᬗ᭄ᬮᬓᬸᬗᬦ᭄ᬢᬶᬗᬶᬜ᭄ᬘᬗᬂᬢᭀᬂ
[ ᭒ 2A]
ᬢ᭄ᬧᬸᬓ᭄᭞ᬓᬸᬤᬸᬢ᭄ᬧᬸᬓ᭄ᬳᬮᬫ᭄ᬳᬮᬫ᭄᭞ᬳᬤᬦ᭄ᬧᬶᬲᬦ᭄ᬥᬵᬗ᭄ᬮᬶᬬᬢᬶᬦ᭄᭟ᬫᬶᬗ᭄ᬓᬶᬦ᭄‌ᬚᬦᬶᬢᭀᬤᬶᬓᬧᬦ᭄᭞ᬮᬓᬃᬲᬶᬤᬵᬩ᭄ᬯᬶᬦ᭄ᬗᬢ᭄ᬧᬓᬶᬦ᭄᭞ᬳᬦᬓ᭄ᬗᭂᬮᬄᬩᬕᬸᬲ᭄᭞ᬓᭀᬘᬧ᭄ᬳᬸᬮᬶᬓᬸᬭᬶᬧᬦ᭄᭞ᬦᬾᬦᬾᬓᬲᬸᬩ᭄ᬧ᭄ᬭᬚᬸᬭᬶᬢᬹᬃᬚᬬᬾᬂᬲᬢ᭄ᬭᬸ᭞ᬲᬸ
ᬩᬵᬫᬶᬮᬶᬄᬗᬮᬤᬾᬰ᭞ᬜᬾᬦ᭄ᬩᬦᬶᬧᬘᬂᬦᬶᬫ᭄ᬧᬮᬶᬦ᭄᭟ᬳᬓᬾᬢᭀᬫᬸᬜᬶᬜᬗᬭᬂ᭞ᬫᬫᬸᬮᬶᬲᬄᬫᬲᬲᬫ᭄ᬩᬢᬦ᭄ᬲ᭄ᬤᬶᬄ᭞ᬢᭀᬚᬦᬶᬤᬶᬚᬫᬗ᭄ᬭᬸᬭᬸᬄ᭞ᬧᬸᬢ᭄ᬭᬶᬫᬕᭀᬩᬢ᭄ᬬ᭞ᬦᬄᬳᬓᬾᬢᭀᬲᭂᬮ᭄ᬲᭂᬮᬦ᭄‌ᬭᬚᬦᬾᬮ᭄ᬬᬸ᭞ᬳᬸᬘᬧᬂᬗᬦ᭄ᬢ᭄ᬬᬂᬓᬢᬫ
ᬦ᭄᭞ᬳ᭄ᬬᬂᬲ᭄ᬫᬭᬵᬫᬓᬭᭀᬦ᭄ᬭᬢᬶᬄ᭟ᬳᬧᬦ᭄ᬢᬦᬓ᭄ᬯᭂᬓᬲᬶᬂᬲᬮᬂ᭞ᬫᬓᬤᬤ᭄ᬯᬢ᭄ᬯᬭᬵᬳᬤᬵᬦᬦ᭄ᬤᬶᬗᬶᬦ᭄᭞ᬧᬦ᭄ᬢᭂᬲ᭄ᬧᬧᬲᬶᬳᬾᬳᬦᬸᬢ᭄᭞ᬳᬶᬯᬶᬦ᭄ᬢᭂᬦ᭄ᬓᬾᬦ᭄ᬳᬶᬫᬶᬭᬄ᭞ᬜᬦ᭄ᬤᬂᬳᬗ᭄ᬕᭀᬦ᭄ᬩᬩᬗ᭄ᬕᬦ᭄ᬳᬚᬓ᭄ᬫᬓ᭄ᬮᬗᬸᬦ᭄᭞ᬳᬸᬮᬶᬲ᭄ᬫᭂᬗᬦ᭄ᬫᬤᬩ᭄ᬤᬩ᭄᭞ᬤᬯᬸᬄᬭᭀᬫ
ᬭᬫᬫᬃᬕ᭄ᬕᬶ᭞ᬦᬾᬦᬾᬗᬩᬧᬘᬦᬗᬦ᭄᭞ᬳ᭄ᬬᬂᬳᬶᬮᬶᬭᬶᬂᬩᬋᬂᬢ᭄ᬓᬾᬦ᭄ᬳᬶᬧᬸᬭᬶᬂ᭞ᬳᬶᬜᭂᬜᭂᬃᬢ᭄ᬓᬾᬦ᭄‌ᬳᬶᬮᬸᬭᬸ᭞ᬦᬾᬗᬩᬲᬧᬸᬢᬗᬦ᭄᭞ᬳ᭄ᬬᬢᬶᬧ᭄ᬭᬸᬤ᭄ᬥᬵᬚᬸᬭᬸᬗᬩᬓ᭄ᬧᭂᬢ᭄ᬩᬸᬮᬸ᭞ᬳᬤᬦᬫ᭄ᬧᬯᬶᬰᬹᬮᬦ᭄᭞ᬓᬢᬫᬦ᭄ᬢᬾᬃᬫᬵᬲ᭄ᬫᬗ᭄ᬭᬭᬶᬲ᭄᭟ᬧᬋᬓ [ 3 ][ ᭒ 2B]
᭒᭞
ᬦᬾᬩᬚᬂᬩᬚᬂ᭞ᬲᬦᬾ ᬗᬶᬭᬶᬂᬫᬓ᭄ᬮᬗᭂᬦ᭄ᬮᬗᭃᬕᬢᬶ᭞ᬗᬺᬩᬸᬢ᭄ᬩᬸᬗᬦᬾᬫᬢᬸᬭᬸᬢ᭄᭞ᬧᬤᬫᬦ᭄ᬤᭂᬂᬓᭂᬫ᭄ᬩᬂ᭞ᬫᬳᬶᬬᬸᬭᬦ᭄‌ᬳ᭄ᬩᭀᬦᬾᬫᬶᬳᬶᬓ᭄ᬫᬗᬮᬸᬩ᭄᭞ᬧᬦ᭄ᬢᭂᬲ᭄ᬢᬫᬦ᭄ᬳ᭄ᬬᬂᬫᬦ᭄ᬫᬱᬵ᭞ᬫ᭄ᬮᬄᬢᭀᬗᭀᬲ᭄ᬫᬓᬭᬲ᭄ᬫᬶᬦ᭄᭟ᬤᬶᬢ᭄ᬗᬄᬢ᭄ᬮᬕᬦᬾᬮᬶᬗ᭄ᬕᬶᬄ᭞ᬫᬶᬲᬶᬕ᭄ᬤᭀᬂᬕ᭄ᬥᬄᬧᬸᬢᬶᬄ
ᬫᬳᬸᬓᬶᬃ᭞ᬍᬃᬳᬮᬸᬲ᭄ᬩᬸᬓᬵᬕ᭄ᬭᬸᬲ᭄᭞ᬳᬶᬍᬳᬦ᭄ᬧᬢᬸᬜ᭄ᬚᬸᬗᬦ᭄᭞ᬕ᭄ᬥᬄᬤᬤᬸᬫᬳᬶᬲᬶᬳᭀᬃᬧ᭄ᬧᬫᬢᬸᬭᬸᬢ᭄᭞ᬲᬯᬃᬡ᭄ᬦᬜᬫᬧᬮᬕᬦ᭄᭞ᬫᬭᬶᬂᬭᬶᬂᬕᬥᬸᬂᬓᬲ᭄ᬢᬸᬭᬶ᭟ᬦᬄᬳᬓᬾᬢᭀᬘᬭᬶᬢᬬᬂ᭞ᬮᬾᬦᬾᬮᭀᬜᬧ᭄ᬦᬾᬓᬂᬤᬶᬧᬗᬧᬶ᭞ᬓᬢᬶᬓ᭄ᬮᬦ᭄ᬢᬦᬄ
ᬕᬭᬸᬂ᭞ᬗᬭᬂᬓᬢᬸᬦᬦ᭄ᬓᬭᬲ᭄᭞ᬩᬳᬦ᭄‌ᬫ᭄ᬮᬄᬢᬫᬦᬾᬢᭀᬂᬩᬓᬢ᭄ᬳᬧᬸᬲ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬳᬸᬘᬧᬂ᭞ᬫᬓᭂᬮᬗᭂᬦ᭄ᬫᬗᬢᭂᬃᬭᬩᬶ᭟ᬲᬸᬩᬬᬲᬸᬳᬸᬤ᭄ᬫᬧᬬᬲ᭄᭞ᬧᬧᬢᬸᬳᬦ᭄ᬭᬩᬶᬦᬾᬫᬓᬓᬮᬶᬄ᭞ᬫᬓᬫ᭄ᬩᭂᬦ᭄ᬩᬶᬮᬸᬤ᭄ᬭᬸᬥᬥᬸ᭞ᬫᬋᬜᬾᬂᬫᬘ᭄ᬭᬘᬧ᭄᭞ᬲᬩᬸ
ᬓ᭄ᬜᬦᬾᬳ᭄ᬫᬲ᭄ᬓᬓᬯᬢᬦ᭄ᬳᬮᬸᬲ᭄᭞ᬫᬤᬲᬃᬩᬦ᭄ᬲᬸᬢᬺᬕᬥᬂ᭞ᬫᬗᬶᬸᬗᬗ᭄ᬕᭀᬫᬧᬢ᭄ᬭᬰᬭᬶ᭟ᬫᬓᬸᬮᬫ᭄ᬩᬶᬲᬸᬢ᭄ᬭᬵᬲᬫ᭄ᬧᬃ᭞ᬫᬓᬓᭂᬫ᭄ᬩᬂᬫᬓᬜ᭄ᬘᬶᬃᬫᬵᬲ᭄ᬫᬳᬸᬓᬶᬃ᭞ᬫᬧᬶᬡ᭄ᬥᬩᬭ᭄ᬯᬂᬫᬢᬭᬸᬂ᭞ᬫᬲᬗ᭄ᬓᬸᬳᬸᬗ᭄ᬲᬸᬢᬺᬱᬮ᭄᭞ᬢᬗᬶᬳᬮᬸᬲ᭄ᬧᬓᬶᬭᬸᬫ᭄ᬭᬚᬵᬲ

[ ᭓ 3A]
ᬢᬫ᭄ᬩᬸᬮ᭄᭞ᬫᬲᬸᬮᬫ᭄ᬩᬜᬸᬫᬲ᭄ᬢᬶᬫ᭄ᬩᬂ᭞ᬫᬢᬸᬭᬸᬢ᭄ᬗᭂᬜᬸᬤᬂᬳᬢᬶ᭟ᬫᬘᬘᬸᬦ᭄ᬤᬸᬓ᭄ᬩᬸᬗᬦ᭄ᬓ᭄ᬭᬢᬲ᭄᭞ᬫᭂᬫ᭄ᬧᬃᬋᬫ᭄ᬧᬃᬓᬘᬶᬢ᭄ᬣᬫᬵᬲ᭄ᬧᬓ᭄ᬭᬶᬡᬶᬂ᭞ᬳᬶᬤ᭄ᬯᬕᬸᬂᬧᬸᬢᬺᬫᬤᬸᬮᬸᬃ᭞ᬫᬫᬩᬓ᭄ᬬᬓ᭄ᬫᬲᬢ᭄ᬭᬯᬂ᭞ᬓᬳᬦᬸᬢᬂᬢᬸᬢᬶᬂᬘᬘᬸᬡ᭄ᬥᬸᬓᬾᬧᬢᬸᬄ᭞ᬫᬢᬶᬓᬸᬮᬂᬲᬧᬸᬢ᭄ᬲᬸᬢᬺ
᭞ᬲᬮ᭄ᬢᬗᬶᬫᬳᬸᬤᭂᬂᬧᬸᬢᬶᬄ᭟ᬧᬭᬧᬸᬢ᭄ᬭᬦᬾᬫᬓ᭄ᬚᬂ᭞ᬧᬧᬢᬸᬳᬦ᭄ᬳᬦᬸᬢ᭄ᬫᬓ᭄ᬮᬫ᭄ᬩᬶᬧᬸᬢᬶᬄ᭞ᬫᬓᬫ᭄ᬩᭂᬦ᭄‌ᬕ᭄ᬭᬶᬫ᭄ᬲᬢᬫ᭄ᬩᬸᬮ᭄᭞ᬤᬥᬸᬳᬮᬸᬲ᭄ᬫᬗ᭄ᬭᬜᬩ᭄᭞ᬫᬩᬩᬲᬓ᭄ᬕᬕᬸᬮᬸᬂᬓᬘ᭄ᬬᬮ᭄ᬢ᭄ᬭᬸᬲ᭄᭞ᬫᬳᬸᬤᭂᬂᬩᬢᬶᬓ᭄ᬫᬓᬲᬃ᭞ᬩᬸᬫᬭᬫᬲᬼᬢ᭄ᬲᬫᬶ᭟ᬳᬤᬫᬘᬘᬸᬦ᭄ᬤᬸᬓ᭄ᬧᬸᬤ
ᬓ᭄᭞ᬫᭂᬫ᭄ᬧᬃᬋᬫ᭄ᬧᬃᬩᬦ᭄ᬩᬸᬗᬦ᭄ᬳᬗ᭄ᬕ᭄ᬭᬾᬓ᭄ᬰᬰᬶᬄ᭞ᬳᬤᬫᬮᬮᬾᬦ᭄ᬢᬃᬕᬥᬸᬂ᭞ᬲᬦ᭄ᬤᬢ᭄ᬲᬸᬲᬸᬦ᭄ᬫᬕᬸᬩᬄ᭞ᬩᬬᭂᬫ᭄ᬭᬚᬵᬧᬥᬧᬦ᭄‌ᬓ᭄ᬧᬮ᭄ᬩᬶᬮᬸᬤ᭄ᬭᬸ᭞ᬕᬫ᭄ᬩᬶᬃᬫᬲᬶᬗ᭄ᬳᬵᬧᬜ᭄ᬚᬭ᭞ᬩᬕᬸᬲ᭄ᬜᬘᬸᬦ᭄ᬥᬸᬓᬂᬢᬦᬭᬶ᭟ᬧᬤᬗᬮᬶᬄᬤᬤ᭄ᬫᭂᬦᬦ᭄ᬗᬮᬧ᭄ᬩᬸᬗᬵᬧᬤᬲᬮᬾᬂᬮᬗ᭄ᬓᬸᬗᬶᬦ᭄᭞ᬳ
ᬤᬫ᭄ᬦᬾᬓ᭄ᬜᭀᬘᭀᬓ᭄ᬢᬜ᭄ᬤᬸ᭞ᬳᬤᬗᬮᬧ᭄ᬢᬾᬃᬫᬯᬵ᭞ᬮᬾᬜ᭄ᬘᬫ᭄ᬧᬓᬵᬳᬶᬤ᭄ᬯᬕᬸᬂᬧᬸᬢᬺᬫᬘ᭄ᬩᬸᬃ᭞ᬗᬮᬧ᭄ᬩᬸᬗᬦ᭄ᬢᬸᬜ᭄ᬚᬸᬂᬳ᭄ᬫᬲ᭄᭞ᬭᬩᬶᬦᬾᬫᬢᬺᬗ᭄ᬕᬡᬳᬶᬦ᭄᭟ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬭᬭᬲ᭄᭞ᬗᭂᬦᬄᬳᬶᬮᬂᬭᬱᬫᬼᬘᬢ᭄‌‌ᬮ᭄ᬬᬢᬶᬦ᭄᭞ᬗᬲᭀᬭᬂᬓᬮ [ 4 ][ ᭓ 3B]
᭓᭞ᬗᭂᬦ᭄ᬕᬸᬦᬸᬂ᭞ᬍᬯᬶᬄᬧᬲᬶᬃᬢᬸᬮᬸᬲᬦ᭄᭞ᬢᬦ᭄ᬧᬕᬢᬶᬍᬍᬄᬳᬧᬸᬳᬭᬦᬸᬗ᭄ᬓᬸᬮ᭄᭞ᬢᬓᬸᬢ᭄ᬳ᭄ᬬᬫᬢᬦ᭄ᬤᬶᬗᬦ᭄᭞ᬩᬳᬦ᭄‌ᬚ᭄ᬕᬾᬕᬾᬢᬦ᭄ᬲᬶᬧᬶ᭟ᬲᬸᬳᬸᬤ᭄ᬫᬓ᭄ᬮᬗᭂᬦ᭄ᬓᬳᬚᬓ᭄᭞ᬫᬗᬗᬶᬦᬂᬭᬾᬳᬶᬂᬲᬸᬩᬢ᭄ᬗᬳᬶ᭞ᬓᬬᬱᬓᬫ᭄ᬩᬂᬫᬗ᭄ᬮᬧᬸᬢ᭄᭞ᬳᬶᬯᬶᬦ᭄ᬢᭂᬦ᭄‌ᬓᬾ
ᬦ᭄ᬳᬶᬫᬶᬭᬄ᭞ᬲᬂᬮ᭄ᬯᬶᬃᬫ᭄ᬲᬭᬤᬶᬲᬶᬲᬶᬦ᭄‌ᬢ᭄ᬮᬕᬦᬾᬳ᭄ᬦᬸ᭞ᬓᬢᬗ᭄ᬓᬶᬮ᭄ᬩᬳᬦ᭄ᬧᬋᬓᬦ᭄᭞ᬧᬭᬧᬸᬢᬺᬦᬾᬫᬗᬶᬭᬶᬂ᭟ᬫᬭᬳᬶᬗᭂᬢ᭄ᬫᬦᬓᭀᬦᬂ᭞ᬕᬸᬲ᭄‌ᬓ᭄ᬦᬧᬳᬶᬩᬸᬩᬢ᭄ᬲᬶᬤᬵᬫᬳᬶ᭞ᬳᬶᬦᬸᬦ᭄ᬬᬦ᭄ᬤᬸᬭᬸᬂᬤᬵᬫᬸᬗᬸ᭞ᬳᬶᬰᬗ᭄ᬓᬵᬫᬢᭀᬮᬶᬳᬦ᭄᭞ᬲᬳᬫᬸᬜᬶᬥᬅ᭄
ᬓ᭄ᬫᬵᬢᬗᬶᬦᬶᬦ᭄ᬫᬮᬸ᭞ᬳᬄᬢᬸᬫᬦ᭄ᬗᬸᬮᬢᬂᬳᬯᬓ᭄᭞ᬕᬸᬲ᭄ᬢᬶᬦᬾᬳ᭄ᬦᬸᬤᬶᬧᬸᬭᬶ᭟ᬓ᭄ᬤᬾᬓ᭄ᬳᬶᬕᬤᬵᬫᬦᬶᬫ᭄ᬩᬮ᭄᭞ᬳᬭᬄᬮᬓᭀᬦ᭄ᬢᬵᬕᬸᬲ᭄ᬩᬚᬶᬩᬃᬕᬢᬶ᭞ᬦᬄᬓ᭄ᬫᬵᬢᬾᬤᬅ᭄‌ᬤᬧᭂᬗ᭄ᬓᬸᬂ᭞ᬳᬶᬤ᭄ᬯᬕᬸᬂᬗᬦ᭄ᬤᬷᬓᬬᬂ᭞ᬓ᭄ᬜᭂᬫ᭄‌ᬤᬤᬶᬳᬶᬕᬤᬵᬩ᭄ᬯᬶᬦ᭄ᬫᬲᬳᬸᬢ᭄᭞ᬗ᭄ᬕᬶᬄᬬᬾᬦ᭄ᬕᬸᬲ᭄ᬤᬦᬸ
ᬦ᭄ᬤᬾᬦ᭄ᬢ᭄ᬬᬂ᭞ᬧᬩᬺᬓ᭄ᬲᬶᬂᬤᬵᬍᬫᬶᬦ᭄᭟ᬳᬶᬫᬸᬭᬸᬪ᭄ᬬᬫᬗ᭄ᬯᬗ᭄ᬲᬶᬢᬂ᭞ᬫᬓᬓ᭄ᬫᬶᬓ᭄ᬤᬅ᭄ᬥᬵᬜᬓ᭄ᬫᬗᬢᬹᬭᬶᬦ᭄᭞ᬫᭂᬦ᭄ᬤᭂᬧ᭄ᬳᬶᬕᬥᬫᬗᬸᬦ᭄ᬢᬸᬓ᭄᭞ᬳᬶᬤ᭄ᬯᬕᬸᬂᬫᬗᬦ᭄ᬤᬶᬓᬵ᭞ᬓ᭄ᬫᬵᬳᬮᬶᬄᬳᬶᬕ᭄ᬬᭀᬮᬯᬸᬢᬂᬤᬸᬦ᭄ᬤᬸᬦ᭄᭞ᬥᬅ᭄ᬫᬓᬤᬤ᭄ᬯᬳᬾᬗ᭄ᬕᬮᬂ᭞ᬫᬸᬂᬧᬸᬂᬲᬗ᭄ᬓᬮᬶᬂᬦᬸᬲ᭄ᬮᬶ
[ ᭔ 4A]
ᬤ᭄᭟ᬳᬶᬕᬤᬵᬫᬧᬫᬶᬢ᭄ᬜᬸᬫ᭄ᬩᬄ᭞ᬮᬯᬸᬢ᭄ᬩᬗᬸᬦ᭄‌ᬦᭀᬮᬶᬄᬫᬦᬕᬶᬄᬳᬸᬢᬶᬓ᭄᭞ᬧᬋᬓᬦᬾᬮ᭄ᬬᬸᬦᬸᬢᬸᬕ᭄᭞ᬗ᭄ᬜᬶᬢ᭄ᬭᭀᬓᭀᬫᬚᬮᬦ᭄᭞ᬗᬧᬸᬭ᭄ᬬᬂᬤᬶᬕ᭄ᬤᭀᬂᬓᬫᬃᬓᬢ᭄ᬧᬸᬓ᭄᭞ᬫᬭᬩᬗᬸᬦ᭄ᬫᬓᬤᬤ᭄ᬯ᭞ᬜᬧᬢᬶᬦ᭄ᬫᬸᬜᬶᬫᬦᬶᬲ᭄᭟ᬥᬅ᭄ᬳᬸᬮᬶᬤᬶᬚᬵᬳᬶᬢᬸᬦ᭄ᬬᬦ᭄
᭞ᬫᬶᬢᭀᬂᬫᬮᬶᬲ᭄ᬦᬸᬦ᭄ᬤᬸᬦ᭄ᬗᬚᬓ᭄ᬢ᭄ᬬᬂᬗᬶᬭᬶᬂ᭞ᬳᬶᬕᬥᬵᬜᬸᬫ᭄ᬩᬄᬫᬳᬢᬸᬃ᭞ᬢᬶᬢ᭄ᬬᬂᬓᬧᬗᬦ᭄ᬤᬶᬓᬬᬂ᭞ᬫᬗᬢᬸᬭᬶᬦ᭄‌‌ᬘᭀᬓᭀᬃᬳᬶᬤᬾᬯᬤᬾᬯᬕᬸᬂ᭞ᬓ᭄ᬜᭂᬫ᭄ᬲᬂᬓᬮᬶᬄᬫᬮ᭄ᬬᬢ᭄᭞ᬜᬾᬦ᭄ᬤᬶᬢᬸᬓᬫ᭄ᬩᭂᬦᬾᬳᬮᬶᬄ᭞ᬧᬥᬬᬢ᭄ᬓᬗᬢᬸᬭᬂ᭞ᬮᬳᬸᬢ᭄ᬗᬮᭀᬧᬧᬭᬱᬦᬾ
ᬲ᭄ᬧᬶ᭞ᬢᬕ᭄ᬢᬕᬾᬫᬜᬺᬕᭂᬫ᭄ᬕᭂᬫ᭄ᬧᬓ᭄᭞ᬜᬼᬕ᭄ᬗᬦᬸᬢᬂᬧᬳ᭄ᬬᬲ᭄᭞ᬧᬧᬢᬸᬢᬦ᭄ᬫᬓᬫ᭄ᬩᭂᬦ᭄ᬧᬭᬜ᭄ᬘᬶᬲ᭄ᬤᬤᬸ᭞ᬫᬢ᭄ᬧᬕᬥᬂᬫᬧ᭄ᬭᬥᬵ᭞ᬩᬩᬱᬅ᭄‌ᬲᬸᬢ᭄ᬭᬵᬱᬮ᭄ᬓᬸᬦᬶᬂ᭟ᬫᬳᬸᬤᭂᬂᬯᬶᬚᬶᬮ᭄ᬫᬧ᭄ᬭᬤᬵ᭞ᬫᬓᬸᬮᬫ᭄ᬩᬶᬳᬮᬸᬲ᭄ᬩᬶᬮᬸᬤ᭄ᬭᬸᬢᬗᬶ᭞ᬫᬢ᭄ᬧᬶᬭᬾᬦ᭄ᬤᬫᬵᬲ᭄ᬢᬢᬹᬃ᭞ᬫᬫᭀᬤ᭄ᬭᬾᬩᬶ
ᬦ᭄ᬢᬂᬗ᭄ᬲᬃ᭞ᬩᬳᬸᬫ᭄ᬮᬚᬄᬫᬲᬼᬢ᭄ᬲᬸᬫᬗ᭄ᬓᬶᬦ᭄ᬩᬕᬸᬲ᭄᭞ᬳᭀᬭᬗ᭄ᬓᬵᬧᬾᬮᬾᬢ᭄ᬫᬃᬩ᭄ᬗᬤ᭄᭞ᬧᬳᬸᬢ᭄ᬫᬤᬗᬦᬦ᭄ᬕ᭄ᬭᬡ᭄ᬝᬶᬫ᭄᭟ᬫᬕ᭄ᬮᬂᬧᭂᬦ᭄ᬤᭀᬓ᭄ᬫᬢ᭄ᬭᬯ᭄ᬯᬂ᭞ᬫᬘᬘᬸᬦ᭄ᬤᬸᬓ᭄ᬧᬥᬫᬦᬵᬕ᭄ᬕᬵᬰᬭᬶ᭞ᬩᬋᬂᬢ᭄ᬓᬾᬦ᭄ᬢᬸᬜ᭄ᬚᬸᬂᬢᬸᬢᬹᬃ᭞ᬗ᭄ᬕᬯᬾᬧᬓ᭄ᬦᭂᬄᬭᬕᬦ᭄᭞ᬫᬢ᭄ᬗᭂᬭᬦ᭄‌ᬩᭀᬦᬼᬍᬄ [ 5 ][ ᭔ 4B]
᭔᭞ᬫᬶᬳᬶᬓ᭄ᬫᬲ᭄ᬧᬸᬓ᭄᭞ᬧ᭄ᬲᬸᬳᬶᬭᬶᬗᬂᬓᬮᬾᬯ᭄ᬯᬂ᭞ᬗᬺᬤᭂᬕ᭄ᬧᬋᬓᬦᬾᬗᬶᬭᬶᬂ᭟ᬢ᭄ᬓᭂᬤᬶᬢᬫᬦ᭄ᬤᬧᭂᬢᬂᬳᬦᬓ᭄ᬗᭀᬧᬶᬤᬶᬳᬫ᭄ᬩᬾᬦᬾᬫᬲᬦ᭄ᬤᬶᬂ᭞ᬲᬗ᭄ᬓᬮᬶᬄᬢᬓᬸᬢ᭄ᬫᬗ᭄ᬮᬯᬸᬢ᭄᭞ᬜᬼᬢ᭄ᬫᬮᬶᬗᬦ᭄ᬧᬸᬤᬓ᭄᭞ᬫᬓᬶᬧᭂᬓᬦ᭄ᬳᬶᬜᭂᬜᭂᬃᬦᬸᬦ᭄ᬤᬶᬔᬶᬮᬸᬭᬸ᭞ᬜᬾᬦ᭄ᬲᬶᬫᬶᬳᬶᬓ᭄ᬫᬳᬶᬬᬸᬭᬦ᭄᭞ᬧ᭄ᬤᬲ᭄ᬢ᭄ᬯᬄ
ᬳᬶᬤ᭄ᬯᬕᬸᬂᬭᬳᬶ᭟ᬓ᭄ᬜᭂᬫ᭄ᬲᬂᬓᬮᬶᬄᬦᬶᬗᭂᬳᬂ᭞ᬤ᭄ᬯᬕᬸᬂᬧᬸᬢ᭄ᬭᬓ᭄ᬜᭂᬫ᭄‌ᬢᬹᬃᬫᬗᬸᬮᬧᬶᬦ᭄᭞ᬦᬓᬕᬸᬂᬫᬳᬶᬫᬗ᭄ᬮᬯᬸᬢ᭄᭞ᬳᬶᬯᬶᬦ᭄ᬢᭂᬦ᭄ᬫᬓᬾᬲᬾᬭᬦ᭄᭞ᬗ᭄ᬕᬶᬄᬕ᭄ᬮᬶᬲᬂᬦᬓᬕᬸᬂᬫᬸᬗ᭄ᬕᬄᬫᬮᬸᬗ᭄ᬕᬸᬄ᭞ᬫᬦᬸᬦᬲ᭄ᬮᬸᬕᬺᬫ᭄ᬦᬾᬓᬦ᭄᭞ᬗᬓ᭄ᬲᬸᬩᬵᬫᬓᬵᬓᬮᬶᬄ᭟ᬳᬶᬯᬶᬡ᭄ᬝᭂᬦ᭄ᬩᬋᬂᬳᬶᬫᬶᬭᬄ
᭞ᬫᬢᬹᬃᬳᬶᬗ᭄ᬕᬶᬄᬤ᭄ᬯᬕᬸᬂᬭᬭᬶᬲ᭄ᬗᭀᬧᬶ᭞ᬭᬕᬚ᭄ᬮᬧ᭄ᬲᬫ᭄ᬧᬸᬦ᭄ᬢᭂᬤᬸᬄ᭞ᬫᬭᬭᬯᬸᬄᬓᬢᬫᬦ᭄᭞ᬤᬤᬶᬫᭂᬧᭂᬲ᭄ᬳᬶᬤ᭄ᬯᬕᬸᬂᬮᬦᬂᬫᬲᬯᬸᬢ᭄᭞ᬕᬸᬂᬦᬾᬦ᭄ᬢᭂᬦ᭄ᬓᬬᬸᬦ᭄ᬗᬦ᭄ᬤᬶᬓᬵ᭞ᬓ᭄ᬜᭂᬫ᭄ᬮᬳᬸᬢᬫᬗᭀᬧᬶ᭟ᬲᬸᬳᬸᬤ᭄ᬳ᭄ᬬᬫᬳᬶᬫ᭄ᬬᬦ᭄ᬢᬶᬫ᭄ᬬᬦ᭄᭞ᬗᬮᬶᬗ᭄ᬲᬶᬭᬂᬫᬧᬬᬲ᭄ᬗᬦ᭄ᬢ᭄ᬬᬂᬫᬸᬮᬶᬄ
᭞ᬲᬗ᭄ᬓᬤᬶᬭᬢᬶᬄᬫᬦᬸᬭᬸᬦ᭄᭞ᬫᬓᬫ᭄ᬩᭂᬦ᭄ᬧ᭄ᬭᬜ᭄ᬘᬶᬲ᭄ᬕᬸᬯᬂ᭞ᬲᬩᬸᬓ᭄ᬜᬦᬾᬲᬸᬢᬺᬓᬸᬦᬶᬂᬩᬗ᭄ᬰᬳᬮᬸᬲ᭄᭞ᬫᬳᬦ᭄ᬢᭂᬂᬤᬥᬸᬫᬧ᭄ᬭᬥᬵ᭞ᬓᬸᬮᬫ᭄ᬩᬶᬧᬭᬜ᭄ᬘᬶᬲ᭄ᬓᬸᬦᬶᬂ᭟ᬓᬜ᭄ᬘᬶᬂᬓᬸᬮᬫ᭄ᬩᬶᬦᬾᬢᬯᬄ᭞ᬢᬸᬭᬄᬚᬯᬵᬩᭂᬓ᭄ᬩᬦ᭄ᬩᬶᬦ᭄ᬢᬂᬩᬳ᭄ᬤᬵᬭᬶ᭞ᬮᬾᬦ᭄ᬓᬸᬧᬸᬓᬸᬧᬸᬫᬢ

[ ᭕ 5A]
ᬭᬸᬂ᭞ᬫᬲᬶᬗ᭄ᬢᬵᬦᬶᬤᭂᬃᬮᬦ᭄ᬤ᭞ᬲᬸᬩᭂᬂᬜᬦᬾᬳ᭄ᬫᬲ᭄ᬓᬓᬧᬢᬦ᭄ᬫᬸᬭᬸᬩ᭄᭞ᬫᬘᬘᬸᬦ᭄ᬤᬸᬓ᭄‌ᬳᬾᬃᬫ᭄ᬫᬯᬫᬲ᭄᭞ᬓᬢᬸᬢ᭄ᬤᭀᬦ᭄ᬫᬗᬯᬶᬃᬳᬯᬶᬃ᭟ᬚᬸᬫᬳᬦ᭄ᬗᬶᬮᭀᬫᬕᬫ᭄ᬩᬃ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬗᬸᬲᬧᬶᬦ᭄‌ᬍᬗᬶᬲ᭄‌ᬧᬳ᭄ᬬᬲᬶᬦ᭄ᬢ᭄ᬬᬂᬳᬦᬓ᭄ᬳᬕᬸᬂ᭞ᬮᬯᬸᬢ᭄ᬫᬦᬸᬢ᭄ᬳᬦᬸᬢᬦ᭄᭞ᬓᬓᬫ᭄ᬩᭂᬦᬶᬦ᭄ᬩ
ᬦ᭄ᬳᬕᬸᬮᬸᬂᬤᬤᬸᬳᬮᬸᬲ᭄᭞ᬩᬩᬲᬅ᭄‌ᬲᬸᬢᬺᬱᬮ᭄ᬕᬥᬂ᭞ᬫᬲᬧᬸᬢ᭄ᬧᬭᬜ᭄ᬘᬶᬲ᭄ᬓᬸᬦᬶᬂ᭟ᬧᬦ᭄ᬢᭂᬲ᭄ᬫᬳᭀᬭᬗ᭄ᬓᬵᬤᬡ᭄ᬝᬵ᭞ᬫᬤᬗᬦᬦ᭄ᬢᭀᬕᭀᬕ᭄ᬭᬢ᭄ᬫᬚᬵᬗᭂᬦ᭄ᬤᬶᬄ᭞ᬫᬳᬸᬤᭂᬂᬯᬶᬚᬶᬮ᭄ᬲᬢᬫ᭄ᬩᬸᬮ᭄᭞ᬢᬗᬶᬫᬸᬭᬸᬩ᭄ᬫᬧ᭄ᬭᬥ᭞ᬫᬓᬸᬮᬫ᭄ᬩᬶᬕᬥᬂᬕᬕᬸᬮᬸᬂᬫᬧᬳᬸᬢ᭄᭞
ᬫᬢ᭄ᬧᬶᬭᬾᬦ᭄ᬤᬫᬲᬸᬮᬫ᭄᭞ᬫᬫᭀᬦ᭄ᬭᬾᬩᬶᬦ᭄ᬢᬂᬩᬳ᭄ᬤᬵᬭᬶ᭟ᬳᬶᬯᬶᬦ᭄ᬢᭂᬦ᭄ᬩᬋᬂᬳᬶᬫᬶᬭᬄ᭞ᬫᬗᬸᬲᬧᬶᬦ᭄ᬩᬦ᭄‌ᬚ᭄ᬩᬤ᭄ᬓᬲ᭄ᬢᬸᬭᬶ᭞ᬍᬗᬶᬲᬭᬸᬮᬾᬦ᭄ᬲᬢᬫ᭄ᬩᬸᬮ᭄᭞ᬳᬾᬃᬕᬸᬮᭀᬍᬗᬶᬲᬡ᭄ᬤᬢ᭄᭞ᬫᬘᬵᬘᬸᬦ᭄ᬤᬸᬓ᭄ᬢᬸᬜ᭄ᬚᬸᬂᬫᬵᬲ᭄‌ᬧ᭄ᬲᬸᬫᬥᬸᬮᬸᬃ᭞ᬲᬗ᭄ᬓᬤᬶᬩᬲ᭄ᬓᬭ
ᬓᭂᬫ᭄ᬩᬃ᭞ᬤᬶᬲᬶᬲᬶᬦ᭄ᬢᭂᬮᬕᬦᬾᬗᬦ᭄ᬢᬶ᭟ᬫᬩ᭄ᬭᬶᬬᬸᬓ᭄ᬭᬭᬶᬲ᭄ᬫᬫᬃᬕ᭄ᬕᬵ᭞ᬢᬦ᭄‌ᬲᬭᬶᬢᬧᬚᬮᬦ᭄ᬜᬦᬾᬫᬸᬮᬶᬄ᭞ᬢ᭄ᬓᭂᬤᬶᬚ᭄ᬭᭀᬫᬗ᭄ᬮᬯᬸᬢ᭄᭞ᬧᬶᬤᬫᬗᬸᬗ᭄ᬲᬶᬳᬸᬗ᭄ᬕ᭄ᬯᬦ᭄᭞ᬘᬭᬶᬢᬬᬂᬳᬶᬕᬥᬕ᭄ᬤᭂᬕᬾᬫᬸᬧᬸᬢ᭄᭞ᬳᬶᬗᭂᬢ᭄‌ᬚ᭄ᬜᬄᬜᬦᬾᬯ᭄ᬓᬲ᭄᭞ᬢ᭄ᬓᬾᬦᬶᬂᬳᬶᬤ᭄ᬯᬕᬸᬂᬭᬳᬶ᭟ [ 6 ][ ᭕ 5B]
᭕᭞
ᬳᬓ᭄ᬤᭂᬧ᭄ᬲᬕᬾᬢᬦ᭄‌ᬢ᭄ᬓ᭞ᬳᬶᬤ᭄ᬯᬕᬸᬂᬭᬳᬶᬫᬸᬜᬶᬦᬾᬫᬦᬶᬲ᭄᭞ᬢᬧᬲᬶᬳᬤᬦᬓᬕᬸᬂ᭞ᬳᭀᬃᬢᬬᬂᬳᬶᬤᬵᬲᬬᬂ᭞ᬤᬤᬶᬫᭂᬦ᭄ᬤᭂᬧ᭄‌ᬳᬶᬕᬥᬵᬲ᭄ᬩᭂᬗᬾᬓᬳᬸᬲ᭄᭞ᬳᬶᬤ᭄ᬯᬕᬸᬂᬭᬳᬶᬜ᭄ᬫᬓ᭄᭞ᬓᬕᬯᬸᬓ᭄ᬳ᭄ᬬᬓᬢᬶᬕ᭄ᬢᬶᬕ᭄᭟᭚ᬥᬂᬥᬂ᭚ᬦᬄᬮᬯᬸᬢᬂᬲᬸᬩ
ᬢᬶᬕ᭄ᬢᬶᬕ᭄᭞ᬤᬵᬫᬚᬗ᭄ᬓᬵ᭞ᬢ᭄ᬬᬂᬲᬚᬲᬮᬄ᭞ᬚᬮᬦᬂᬕ᭄ᬤᭂᬕ᭄ᬓᬬᬸᬦᬾ᭞ᬲᬓᬬᬸᬦ᭄ᬳᬶᬤᬵᬩᭂᬦ᭄ᬤᬸ᭞ᬢ᭄ᬬᬂᬢ᭄ᬯᬭᬵᬧᬜ᭄ᬚᬂᬲᬳᬶᬭᬶᬂ᭞ᬲᬓᬾᬯᬮᬫᬧᬶᬦᬸᬦᬲ᭄᭞ᬢ᭄ᬬᬂᬳᬦᬓ᭄ᬳᬕᬸᬂ᭞ᬤᬳᭂᬗ᭄ᬲᬧ᭄ᬫᬗᬗ᭄ᬕᭀᬦ᭄ᬧᬜ᭄ᬚᬓ᭄᭞ᬩᬸᬓᬫᬸᬜᬶᬦ᭄‌ᬢ᭄ᬬᬗᬾᬫᬮᬸᬧᬶᬢᬶᬦ᭄ᬤᬶᬄ᭞ᬭᬢᬸᬳᬶᬮᬶ
ᬗᬗ᭄ᬧᬶᬲᬦ᭄᭟ᬬᬤᬶᬦ᭄ᬢ᭄ᬬᬂᬫᬗ᭄ᬮᬄᬳᬓ᭄ᬢᬶᬢ᭄ᬯᬭᬧᬤ᭞ᬩᬦ᭄ᬢ᭄ᬬᬂᬜᬬᬗᬂᬲᬯᬯᬢ᭄ᬓᬾᬦ᭄ᬳᬸᬭᬶᬧᬾ᭞ᬫᬳᬶᬫᬺᬫ᭄ᬳᬦᬓ᭄ᬳᬕᬸᬂ᭞ᬲᬸᬩᬓᬾᬦᬾᬳ᭄ᬬᬂᬳᭀᬜᬲᬶᬢ᭄ᬲᬶᬢ᭄᭞ᬳᬸᬩᬤᬶᬦ᭄ᬭᬢᬸᬢ᭄ᬬᬂ᭞ᬫᬾᬲᬬᬂᬧᭂᬗ᭄ᬓᬸᬂ᭞ᬫᬲᬶᬄᬳ᭄ᬦᬸᬫᬫᬾᬦ᭄ᬢᭀᬲᬂ᭞ᬤᬤ᭄ᬬᬜᬵ᭞ᬫᭂᬦ᭄ᬤᭂᬧ᭄ᬫᬲᬳᬸ
ᬩᬦ᭄ᬮᬶᬂ᭞ᬩᬳᬦ᭄‌ᬕ᭄ᬤᭂᬕᬾᬯ᭄ᬓᬲ᭄᭟ᬮᬯᬸᬢ᭄ᬓᬚᬔ᭄ᬬᬓᬲᬗ᭄ᬓᬶᬮ᭄᭞ᬓᬧ᭄ᬤᭂᬫᬂ᭞ᬦᬸᬚᭂᬦ᭄ᬤᬸᬮ᭄ᬧᬲᬚᬵ᭞ᬗᬺᬤᬶᬓ᭄ᬳ᭄ᬬᬤᬶᬧ᭄ᬤᭂᬫᬦᬾ᭞ᬫᬦᬸᬗ᭄ᬓᬲᬂᬫᬲᬯᬸᬢ᭄᭞ᬤᬵᬚ᭄ᬯᬭᬶᬫᬲ᭄ᬯᬂᬫᬸᬜᬶ᭞ᬳᬯᬓ᭄ᬫᬸᬮᬵᬧᬢᬫ᭄ᬧᬕ᭄᭞ᬩᭀᬩᬤ᭄ᬜᬾᬦ᭄ᬫᬗᬸᬢ᭄ᬲᬧ᭄ᬢᬓᭀᬗᬓᬸᬜᬬ
[ ᭖ 6A]
ᬗᬂ᭞ᬓ᭄ᬫᬵᬲᬸᬩ᭞ᬫᬓᬳᬤᬫᭂᬦ᭄ᬢᬲ᭄ᬫᬳᬶ᭞ᬗ᭄ᬮᬶᬂᬲᬫ᭄ᬩᬶᬮ᭄ᬦᬸᬮᬸᬤᬂ᭟ᬳᬶᬤ᭄ᬯᬕᬸᬂᬭᬳᬶᬩᬄᬗᬺᬋᬫᬶᬄᬗᬸᬲᬧᬸᬲᬧ᭄᭞ᬫᬦᬶᬲ᭄ᬫᬫ᭄ᬮᬤ᭄ᬧ᭄ᬭᬡᬵ᭞ᬫᭂᬫ᭄ᬩᬄᬕᬸᬮᬵᬧᬗ᭄ᬭᬸᬫ᭄ᬭᬸᬫᬾ᭞ᬰᬺᬗ᭄ᬕᬭᬫᬸᬮᬸᬄᬋᬫ᭄ᬧᬸᬄ᭞ᬜᬦ᭄ᬤᬂᬫᬭᬶᬫᬹᬃᬡ᭄ᬦᬬᬂᬲ᭄ᬤᬶᬄ᭞ᬦᬳᬾᬓᬾᬢᭀᬳᬸᬘᬧᬂ᭞ᬫᬦᬶᬤᬯᬸᬄᬢ᭄ᬮᬸ᭞ᬫ
ᬭᬩᬗᬸᬦ᭄ᬫᬓᬵᬤᬤ᭄ᬯ᭞ᬓᬸᬫᬘᬦ᭄ᬤᬵ᭞ᬢ᭄ᬯᬭᬵᬤ᭄ᬤᬵᬕᬦ᭄ᬢᬲ᭄ᬫᬕ᭄ᬤᬶ᭞ᬲᭀᬢᬦᬶᬂᬳᬦᬓ᭄ᬲᬬᬂ᭟᭚ᬧᬗ᭄ᬓᬸᬃ᭚ᬳᬓᬾᬢᭀᬳ᭄ᬮᬾᬦ᭄ᬳᬸᬘᬧᬂ᭞ᬳᬶᬤ᭄ᬯᬕᬸᬂᬮᬦᬂᬩ᭄ᬯᬶᬦ᭄ᬩᬮᬶᬓᬶᬦ᭄᭞ᬤᬶᬢᬸᬤᬶᬫᬵᬥᬸᬭᬦ᭄ᬤᬳᬸᬄ᭞ᬳᬶᬗᬢ᭄ᬓᬾᬦᬶᬂᬳᬯᬓ᭄᭞ᬤᬤᬶᬚ᭄ᬜ᭄ᬕᬄᬩᬳᬦᬾᬫᬦ᭄ᬤᬤᬶᬋᬥᬸ
ᬢ᭄᭞ᬚᬦᬶᬧᬂᬧᬶᬲᬜᬓᬭ᭄ᬯᬦ᭄᭞ᬬᬾᬦ᭄ᬢᬸᬭᬵᬗᬸᬶᬱᬶᬤ᭄ᬥᬵᬲᬸᬳᬸᬤᬶᬦ᭄᭟ᬮᬳᬸᬢ᭄ᬗᭂᬲᬾᬗᬶᬦ᭄ᬢᬶᬤ᭄ᬕᬕ᭄᭞ᬲᬕᬾᬢ᭄‌ᬢ᭄ᬓᬜᬸᬫ᭄ᬩᬄᬳᬢᬸᬭᬾᬫᬦᬶᬲ᭄᭞ᬧᬸᬦᬧᬶᬭᬢᬸᬤᬾᬯᬕᬸᬂ᭞ᬢᬶᬢ᭄ᬬᬂᬢᭂᬫ᭄ᬩᬾᬓᬲᬾᬗᬦ᭄᭞ᬤᬤ᭄ᬬᬜᬩᬯᬓ᭄ᬧᬲᬯᬸᬢᬾᬢᬸᬮᬸᬂ᭞ᬮᬯᬸ
ᬢ᭄ᬫᬦᬸᬢᬸᬭᬂᬓᬦ᭄ᬤᬵ᭞ᬓ᭄ᬤᬾᬓ᭄ᬳᬶᬤ᭄ᬕᬕ᭄ᬜᬯᬸᬢᬶᬦ᭄᭟ᬭᬵᬢᬸᬫ᭄ᬦᭂᬂᬲᬸᬓᬢ᭄ᬩᬾᬩᬲ᭄᭞ᬦᬄᬬᬾᬦ᭄ᬓᬾᬢᭀᬤ᭄ᬕᬕ᭄ᬚᬦᬶᬲᬸᬩᬳᬮᬶᬄ᭞ᬫᬧᬫᬶᬢ᭄ᬜᬸᬫ᭄ᬩᬄᬫᬳᬢᬸᬃ᭞ᬦᬦ᭄ᬤᬶᬂᬓᬳ᭄ᬫᬲ᭄ᬧ᭄ᬭᬥᬫ᭄᭞ᬓᬤᬧ᭄ᬢᬂᬳᬶᬕᬥᬬᬵᬫᬭᬩᬍᬦ᭄᭞ᬜᬼᬕ᭄ᬗᬯᬸᬓᬶᬦ᭄ᬧᬋ [ 7 ][ ᭖ 6B]
᭖᭞
ᬓᬦ᭄᭞ᬦᬸᬦ᭄ᬤᬾᬦ᭄ᬫᬦᬩ᭄ᬤᬩᬂᬓᭀᬧᬶ᭟ᬫᬗ᭄ᬮᬯᬸᬢ᭄‌ᬢ᭄ᬓᬵᬳᬶᬤ᭄ᬕᬕ᭄᭞ᬫᬦᬓᭀᬦᬂᬤᬶᬚᬵᬳᬶᬤ᭄ᬯᬕᬸᬂᬭᬳᬶ᭞ᬚᬸᬫᬳᬦ᭄‌ᬓ᭄ᬫᬫᬗ᭄ᬮᬯᬸᬢ᭄᭞ᬳᬶᬤ᭄ᬕᬕ᭄ᬜᭀᬗ᭄ᬓᭀᬓ᭄ᬜᬸᬫ᭄ᬩᬄ᭞ᬫᬢᬹᬭᬓᬦ᭄ᬘᭀᬓᭀᬃᬳᬶᬤ᭄ᬯᬕᬸᬂ᭞ᬭᬢᬸᬗᬦ᭄ᬤᬶᬓᬬᬂᬢᬶᬢ᭄ᬬᬂ᭞ᬦᬸᬦᬲ᭄ᬓᬫᬥᬸᬭᬵᬫᬗ᭄ᬓᬶᬦ᭄᭟
ᬳᬶᬤ᭄ᬯᬕᬸᬂᬭᬳᬶᬫᬓᭂᬲ᭄ᬬᬩ᭄᭞ᬚ᭄ᬗᬄᬢ᭄ᬓᬾᬦ᭄ᬳᬯᬓᬾᬳᭀᬜᬲᬶᬢ᭄ᬲᬶᬢ᭄᭞ᬜ᭄ᬫᬓᬸᬮᬫ᭄ᬩᬶᬫᬘ᭄ᬩᬸᬃ᭞ᬤᬤᬶᬩ᭄ᬯᬶᬦ᭄ᬫᬦ᭄ᬕᬓ᭄᭞ᬗᬸᬲᬧ᭄ᬩᬶᬩᬶᬄᬜᬗ᭄ᬕᬸᬳᬂᬳ᭄ᬩᭀᬓᬾᬓ᭄ᬩᬸᬦ᭄᭞ᬜᬭᬾᬭᬾᬓᬸᬓᬸᬫᬮ᭄ᬬᬢ᭄᭞ᬕᬕ᭄‌ᬦ᭄ᬫᬓ᭄ᬩᬲᬾᬳᬩ᭄ᬲᬶᬓ᭄᭟ᬧ᭄ᬲ᭄ᬭᬦ᭄ᬓᬭᭀᬮᬜ᭄ᬘᬶᬗᬦ᭄᭞
ᬫᬢᭀᬮᬶᬳᬦ᭄‌‌ᬓ᭄ᬫᭂᬫ᭄ᬫᬳᬶᬕᬕ᭄ᬗᭀᬧᬶ᭞ᬳᬶᬤ᭄ᬕᬕ᭄‌ᬜᬸᬫ᭄ᬩᬄᬫᬳᬢᬸᬃ᭞ᬭᬵᬢᬸᬫ᭄ᬦᭂᬂᬩᬗ᭄ᬕᬬᬂ᭞ᬢᬶᬢ᭄ᬬᬂᬩᬳᬸᬫᬭᬳᬸᬲᬦ᭄ᬲᬦᬾᬩᬳᬸ᭞ᬳᬶᬕᬥᬫᬲᬳᬸᬢ᭄ᬦᬶᬫ᭄ᬩᬮ᭄᭞ᬳᭂᬗ᭄ᬕᬶᬄᬚᬧᬥᬫᬘᬗ᭄ᬓᬶᬃ᭟ᬳᬶᬤ᭄ᬕᬕ᭄‌ᬢ᭄ᬯᬭᬵᬤᬵᬳ᭄ᬜᬓ᭄᭞ᬲᬸᬳᬸᬤ᭄ᬗᭀᬧᬶᬫᬸᬮ᭄ᬬᬦ᭄ᬳᬶᬕᬥ
ᬚ᭄ᬜ᭄ᬕᬶᬲ᭄᭞ᬳᬶᬤ᭄ᬯᬕᬸᬂᬭᬳᬶᬫᭂᬦᬸᬢᬸᬕ᭄᭞ᬫᬲᬤᬸᬳ᭄ᬬᬂᬓ᭄ᬱᬾᬗᬦ᭄᭞ᬗ᭄ᬕᬶᬄᬫ᭄ᬭᬶᬓᬵᬳᬭᬄᬓ᭄ᬦᭂᬄᬳ᭄ᬬᬗᬾᬲᬶᬫᬸᬄ᭞ᬲᬶᬂᬕᬕᬢᬾᬦ᭄ᬕᬢᬶᬲᬚᬵ᭞ᬲᬓᬶᬢᬦ᭄‌‌ᬢ᭄ᬓᬾᬦᬶᬂᬫᬢᬶ᭟ᬫᭂᬦ᭄ᬤᭂᬧ᭄ᬳᬶᬕᬥᬫᬓᬳᬤ᭄᭞ᬓᬢᬓᭀᬦᬶᬦ᭄‌ᬤᬅ᭄ᬗᬦ᭄ᬢ᭄ᬬᬓ᭄ᬚᬚᬦᬶ᭞ᬜ᭄ᬩᭂᬂᬳ᭄ᬬᬢ᭄ᬯᬭᬫᬲ
[ ᭗ 7A]
ᬳᬸᬢ᭄᭞ᬳᬶᬤ᭄ᬯᬕᬸᬂᬭᬳᬶᬲ᭄ᬫᬂ᭞ᬜ᭄ᬫᬓ᭄ᬳᬸᬤᭂᬂᬫᬩᬩᬲᬅ᭄‌ᬮᬯᬸᬢ᭄ᬧᭂᬲᬸ᭞ᬫᬚᬮᬦ᭄ᬩᬋᬂᬳᬶᬤ᭄ᬕᬕ᭄᭞ᬮ᭄ᬬᬸᬧᬋᬓᬦᬾᬗᬶᬭᬶᬂᬳᬶᬤ᭄ᬯᬕᬸᬂᬮᬦᬂᬗᬦ᭄ᬢ᭄ᬬᬂ᭞ᬤᬶᬳᬫ᭄ᬩᬾᬦᬾᬓᬭᭀᬮᬜ᭄ᬘᬶᬗᬦ᭄ᬕᭂᬲᬶᬢ᭄᭞ᬫᬓᬫ᭄ᬩᭂᬦ᭄ᬕᭂᬭᬶᬫ᭄ᬲᬢᬫ᭄ᬩᬸᬮ᭄᭞ᬜ᭄ᬗᬾᬂᬲ᭄ᬩᭂᬗᬾᬲᬸᬲ᭄ᬬᬄ᭞ᬲᬕᬾᬢ᭄‌ᬢ᭄ᬓᬳᬶᬤ᭄ᬯᬕᬸᬂᬭ
ᬳᬶᬫᬥᬸᬮᬸᬃ᭞ᬩᬋᬂᬢ᭄ᬓᬾᬦᬶᬂᬳᬶᬤ᭄ᬕᬕ᭄᭞ᬧᬢᬸᬢ᭄ᬫᬓᬸᬮᬫ᭄ᬩᬶᬧᬸᬢᬶᬄ᭟ᬳᬶᬤ᭄ᬯᬕᬸᬂᬮᬦᬂᬫᬜᬶᬗᬓ᭄᭞ᬲᬳᬫᬸᬜᬶᬳᬶᬤᬵᬓ᭄ᬚᬫᬮᬮᬶ᭞ᬧᬮᬶᬂᬧᬜ᭄ᬚᬓ᭄ᬢ᭄ᬬᬗᬾᬗ᭄ᬭᬸᬭᬸᬄ᭞ᬳᬶᬤᬵᬓ᭄ᬤᬳᬤᬜ᭞ᬤᬤᬶᬓ᭄ᬜᭂᬫ᭄ᬳᬶᬤ᭄ᬯᬕᬸᬂᬭᬳᬶᬫᬲᬳᬸᬢ᭄᭞ᬳ᭄ᬬᬂᬳᬸᬮᬶᬤᬶᬫᬵᬲ᭄ᬧᬺᬤᬫ᭄᭞ᬓᬍᬍ
ᬧ᭄ᬲᬸᬳᬸᬤ᭄ᬫᬘ᭄ᬓᬶ᭟ᬓᬥᬡ᭄ᬤᬦ᭄ᬓᬚᬓ᭄ᬫᬸᬮ᭄ᬬᬦ᭄᭞ᬓᬾᬦ᭄ᬓᬾᬦ᭄‌ᬫ᭄ᬦᬂᬳᬢᬸᬅ᭄ᬢ᭄ᬬᬗᬾᬫᬘ᭄ᬓᬶ᭞ᬚᬕᭀᬯᬦ᭄ᬓᬸᬤᬵ ᬭᬢᬸ᭞ᬳᬚᬓᬶᬦ᭄ᬳᬸᬓᬦᬢ᭄ᬬᬂ᭞ᬫᬗᬸᬤᬤᬶᬳᬶᬤ᭄ᬯᬕᬸᬂᬭᬳᬶᬫᬲᬳᬸᬢ᭄᭞ᬓᬮᬶᬂᬫ᭄ᬦᬂᬓᬾᬢ᭄ᬬᬂᬓ᭄ᬮᬄ᭞ᬮ᭄ᬬᬸᬚᬫ᭄ᬩᬾᬗᬦ᭄ᬳᬭᬶᬗ᭄ᬕᬶᬢ᭄᭟ᬓ᭄ᬤᬾᬓ᭄ᬳ᭄ᬬᬳᬶᬤ᭄ᬯᬕᬸᬂ
ᬮᬦᬂ᭞ᬳᬭᬄᬮᬘᬸᬃᬚ᭄ᬜᭂᬂᬢᭀᬫ᭄ᬩᬳᬦ᭄‌ᬗ᭄ᬮᬶᬮᬶᬃ᭞ᬓᬮᬄᬚᬶᬦᬄᬫ᭄ᬦᬂᬢᬢᬸ᭞ᬜᬦᬦ᭄ᬤᬶᬦᬶᬳᬤᬬᬂ᭞ᬳᬸᬦ᭄ᬤᬗᬂᬳᬵᬩᬩᭀᬢᭀᬄᬦᬾᬧᬧᬤᬸ᭞ᬤᬶᬢᬸᬲᬓᬺᬂᬫᬗ᭄ᬮᬯᬦ᭄᭞ᬯᬍᬲᬗ᭄ᬓᬮᬳᬾᬳᬶᬩᬶ᭟ᬧᬤᬫᬺᬫᬓᬤᬤ᭄ᬯ᭞ᬧ᭄ᬢᬂᬤᬶᬦᬵᬢ᭄ᬯᬭᬵᬤᬳᬶᬗᭂᬢ᭄ᬫᬸᬮᬶᬄ [ 8 ][ ᭗ 7B]
᭞ᬢᬶᬕᬥᬯ᭄ᬓᬲᬶᬂᬳᬷᬩᬸᬓ᭄᭞ᬚ᭄ᬗᬄᬩᬦᬾᬓᬓᬸᬢᬂ᭞ᬬᬾᬦ᭄ᬢᬸᬳᬸᬓᬶᬦ᭄‌ᬓ᭄ᬦᭂᬳᬵᬫᬩᬸᬤᬶᬜᬹᬳᬸᬤ᭄᭞ᬓᬧᭀᬩᬳᬜᬦᬸᬗ᭄ᬓᬲᬂ᭞ᬭᬾᬄᬗ᭄ᬮᬯᬦ᭄ᬲᬂᬫᬯᬪᬹᬫᬶ᭟ᬤᬤᬶᬩ᭄ᬗᭀᬂᬫᬓ᭄ᬦᭂᬳᬦ᭄᭞ᬓᬤᬮᬓᬸᬳ᭄ᬜᬾᬦ᭄ᬳᬦᬓᬾᬳᬮᬶᬄ᭞ᬬᬾᬦ᭄ᬧᬓ᭄ᬱᬮᬮ᭄ᬯᬂᬗᬕᬸᬲ᭄᭞ᬳᬸᬮᬶᬄ
ᬧ᭄ᬤᬲ᭄ᬢᭀᬳ᭄ᬜᬓ᭄᭞ᬳᬧᬦ᭄ᬲᬸᬩᬓᬾᬦᬾᬲᬸᬳᬸᬤ᭄ᬳᬸᬮᬶᬳᬶᬮᬸ᭞ᬢᭀᬂᬓ᭄ᬭᬡ᭄ᬦᬵᬫᬩᬸᬤᬶᬳᬶᬮᬂ᭞ᬲᬶᬧᬶᬲᬦᬺᬱ᭄ᬡᬳᬶᬦ᭄ᬳᬸᬭᬶᬧ᭄᭟ᬧ᭄ᬢᭂᬂᬢᬤᬤᬯᬸᬄᬧᬶᬲᬦ᭄᭞ᬮᬯᬸᬢ᭄‌ᬧ᭄ᬲᬸᬜᬭᬸᬮ᭄ᬯᬲ᭄ᬫᬮᬮᬶ᭞ᬗᬚᬓ᭄ᬧ᭄ᬲᬓᬦ᭄ᬢᬢ᭄ᬮᬸ᭞ᬫᬚᬮᬦ᭄ᬫᬸᬭᬂᬫᬸᬭᬂ᭞ᬓᬲᬸᬦ᭄ᬤᬭᬦ᭄ᬩᬦ᭄ᬕᬮᬂᬩᬸᬮᬦ᭄ᬤᬳᬸᬤᬸ᭞ᬗ᭄ᬳᬶᬲᬶ
ᬧᬶᬲᬦ᭄ᬳᬦᬓ᭄ᬦᬯᬂ᭞ᬫᬚᬮᬦ᭄ᬜᬦᬾᬫᬕ᭄ᬤᬶ᭟ᬲᬸᬩᬚᭀᬄᬫᬮᬶᬸᬗ᭄ᬮᬶᬸᬯᬢ᭄‌ᬤᬾᬱᬵ᭞ᬤᬤᬶᬲᬦ᭄ᬲᬦ᭄‌ᬓ᭄ᬩᬸᬲ᭄‌ᬓ᭄ᬦᭂᬳᬾᬧᬮᬶᬂᬋᬗᭂᬢ᭄ᬫᬧ᭄ᬯᬭᬗᬫ᭄ᬩᬸᬮ᭄᭞ᬳᬶᬗᭂᬢ᭄‌ᬢ᭄ᬓᬾᬦ᭄ᬓᬲᬢ᭄ᬭᬶᬬᬦ᭄᭞ᬳᬤᬦ᭄ᬫᬢᬶᬢ᭄ᬓᬾᬦᬶᬂᬓᬾᬦᬾᬦᬸᬳᬶᬤᬸᬧ᭄᭞ᬮᬯᬸᬢ᭄ᬫ᭄ᬗᬼᬓᬲᬂᬫᬦ᭄ᬢ᭄ᬭ᭞ᬫᬗᬗ᭄ᬕᭀᬓ᭄ᬫᬶᬢᬦ᭄ᬳᭂ
ᬚᬶᬫ᭄᭟ᬗᬫ᭄ᬩᬂᬭᬵᬬᬵᬫᬩᬬᬗᬦ᭄᭞ᬫᬧᬯᬲᬦ᭄‌ᬬᬾᬦ᭄ᬓᬾᬦ᭄ᬧᬘᬂᬧᬭᬦᬶᬦ᭄᭞ᬤᬤᬶᬗᬸᬗ᭄ᬲᬶᬤᬾᬰᬭᬹᬫ᭄᭞ᬜᬭᬸᬗᭀᬚᭀᬕ᭄ᬓᬢᬫᬦ᭄᭞ᬫᬫᬸᬮᬶᬲᬄᬤᬶᬲᬶᬲᬶᬦ᭄ᬢᭂᬮᬕᬦᬾᬦ᭄ᬤᬸᬯᬸᬄ᭞ᬳᬶᬗᭂᬢ᭄ᬓᬗᭂᬦ᭄‌ᬢ᭄ᬓᬾᬦᬯᬓ᭄᭞ᬬᬾᬦ᭄ᬳᬧᬳᬤᬜᬚᬦᬶ᭟ᬗᭂᬧᭂᬲ᭄ᬬᬾᬄ
[ ᭘ 8A]
ᬫᬢᬦᬾᬫᭂᬫ᭄ᬩᬄ᭞ᬧᬓ᭄ᬭᬾᬩᬾᬲ᭄ᬩᬸᬓᬳᬸᬶᬳᬸᬚᬦᬾᬢᬶᬢᬶᬃ᭞ᬩᬩᬲᬅᬓ᭄ᬮᬸᬲ᭄ᬓᬸᬘᭂᬢ᭄᭞ᬳᬗ᭄ᬕᭀᬦ᭄ᬗᬸᬲᬧᬶᬦ᭄‌ᬬᬾᬄᬫᬢ᭄ᬣᬵ᭞ᬧ᭄ᬢᭂᬂᬧ᭄ᬢᭂᬂᬩᬳᬸᬦᬾᬭᬱᬫᬓᬸᬳᬸᬲ᭄᭞ᬤᬶᬦᬶᬕᬩ᭄ᬬᬕ᭄ᬧᬧ᭄ᬢᭂᬗᬦ᭄᭞ᬧᬋᬓᬦ᭄ᬜᬦᬾᬦᬸᬮᬸᬗᬶᬦ᭄᭟ᬧᬮᬶᬂᬫᬗᬮᬶᬄᬧᬗᭂᬗ᭄ᬓᬄ᭞ᬲᬮᬄᬢᭀᬦ᭄ᬩᬓᬢ᭄ᬤᭀᬦ
ᬖᬵᬰᬭᬶ᭞ᬳᭂᬦ᭄ᬢᭀᬳᬗ᭄ᬕᭀᬜᬫᬜᭂᬫ᭄ᬩᬄ᭞ᬳᬶᬲᬲᭀᬤᭀᬃᬫᬓᭂᬲ᭄ᬬᬩ᭄᭞ᬫᬢᭀᬮᬶᬳᬦ᭄‌ᬧᬾᬅ᭄‌ᬲᬶᬜᬳᬶᬯᬂᬧ᭄ᬜᬸ᭞ᬓᬲᬸᬭᬸᬂᬳ᭄ᬬᬓᬧ᭄ᬦᬾᬓᬂ᭞ᬤᬶᬢᬸᬤᬶᬩᬮᬾᬦᬾᬘ᭄ᬦᬶᬓ᭄᭟ᬥᬂᬥᬂ᭚᭜᭚ᬫᬲᬶᬄᬢ᭄ᬯᬭᬵᬤᬵᬳ᭄ᬜᬓ᭄ᬫᬗ᭄ᬮᬶᬮᬶᬃᬧᬶᬦᬄᬮ᭄ᬫᬄ᭞ᬳᬤᬤᬯᬸᬄᬧᬶᬲᬦ᭄᭞
ᬳ᭄ᬜᭂᬫ᭄ᬳᬯᬓᬾᬜᬼᬧ᭄ᬢᬾᬕ᭄᭞ᬳᬗ᭄ᬕᬶᬫᬯᬸᬯᬸᬄᬩᬕᬸᬲ᭄᭞ᬧᬋᬓᬦᬾᬧᬚᬸᬗ᭄ᬓᭂᬮ᭄‌ᬗ᭄ᬮᬶᬂ᭞ᬜ᭄ᬭᬶᬢ᭄ᬫᬲᬲᬫ᭄ᬩᬢᬦ᭄᭞ᬫᬾᬭᬵᬢᬸᬤᬾᬯᬕᬸᬂ᭞ᬫᬢᬗᬶᬓᬾᬘᬶᬗᬓ᭄ᬢᬶᬢ᭄ᬬᬂ᭞ᬬᬦ᭄ᬲᬶᬧᬤᬾ᭞ᬘᭀᬓᭀᬃᬳᬶᬤᬾᬯᬦᬶᬗ᭄ᬕᬮᬶᬦ᭄᭞ᬦᬧᬶᬯᬱ᭄ᬝᬜᬢᬶᬢ᭄ᬬᬂ᭟ᬤᬤᬶᬫᭂᬦ᭄ᬤᭂᬧ᭄ᬢ᭄ᬯᬭᬵᬗᬸᬭᬶᬲᬶ
ᬓ᭄‌ᬳᭀᬳᭀᬦ᭄ᬧᬶᬲᬦ᭄᭞ᬍᬍᬄᬢᬦ᭄ᬧᬳᬢ᭄ᬫᬵ᭞ᬳᬳᬲ᭄‌ᬫ᭄ᬭᬱᬢᬸᬮᬗᬾ᭞ᬓᬓᭂᬢᭂᬕᬾᬲᬬᬦ᭄ᬲᬫᬸᬦ᭄᭞ᬲᬗ᭄ᬳ᭄ᬬᬂᬳᬢ᭄ᬫᬵᬫᬶᬭᬶᬩ᭄ᬦᬶᬗ᭄ᬕᬮᬶᬦ᭄᭞ᬫ᭄ᬧᬸᬢ᭄ᬲᬓᬶᬂᬓᬸᬭᬸᬗᬦ᭄᭞ᬓ᭄ᬭᬡᬢᬦ᭄ᬧᬩᬬᬸ᭞ᬧᬋᬓᬵᬦ᭄ᬜᬦᬾᬫᬓ᭄ᬚᬂ᭞ᬫᬫᬸᬮᬶᬲᬄ᭞ᬲᬶᬕ᭄ᬲᬶᬕᭂᬦ᭄ᬫᬗ᭄ᬮᬸ [ 9 ][ ᭘ 8B]
᭘᭞
ᬢ᭄ᬩᬢᬶᬲ᭄᭞ᬫᬲᬲᬗᬶᬫᬕᬸᬬᬂ᭟ᬳᬶᬧᬦᬸᬗ᭄ᬕᬸᬦ᭄ᬢᬫᬦ᭄‌ᬢ᭄ᬓᬚ᭄ᬜ᭄ᬕᬶᬲ᭄᭞ᬗᬩᬵᬚ᭄ᬯᬦ᭄᭞ᬧ᭄ᬭᬬᬗᬮᬧ᭄ᬲ᭄ᬓᬃ᭞ᬫᬜ᭄ᬘᬤᬾᬰᬮᬮ᭄ᬬᬢᬾ᭞ᬫᬳᬤᬦ᭄ᬳᬶᬓᬵᬮᬶᬕ᭄ᬮᬸ᭞ᬤᬶᬗᭂᬄᬳᬦᬓ᭄ᬲ᭄ᬤᬶᬄᬫᬗ᭄ᬮᬶᬂ᭞ᬦᬾᬚ᭄ᬭᭀᬦᬾᬳᬸᬮᬶᬤᬶᬚᬵ᭞ᬗᬸᬤ᭄ᬬᬂᬤᬶᬦᬶᬳᬸᬬᬸᬢ᭄᭞ᬳᬶᬘ᭄ᬧᬾᬅ᭄ᬫᬲᬳᬸᬢ᭄ᬦᬶᬫ᭄ᬩᬮ᭄᭞ᬗ᭄ᬕᬶᬄᬦ
ᬯ᭄ᬕᬂ᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬗᬾᬮᬸᬗᬶᬦ᭄᭞ᬚ᭄ᬜᭂᬂᬲᬵᬫ᭄ᬧᬸᬦ᭄ᬤᬾᬯᬢ᭄ᬣᬵ᭟ᬤᬤᬶᬗ᭄ᬢᭀᬃᬳᬶᬓᬮᬶᬳᬧᬸᬭᬶ᭞ᬫᬗᬢᬸᬭᬂ᭞ᬩᬦᬾᬳᬦᬓ᭄ᬢᬯᬄ᭞ᬢᬹᬃᬯ᭄ᬓᬲ᭄ᬩᬕᬸᬲ᭄ᬯᬃᬡ᭄ᬦᬦᬾᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬤᬾᬯᬕᬸᬂ᭞ᬢᬶᬢ᭄ᬬᬂᬗᬸᬦᬶᬗᬬᬂᬦᬾ ᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬮᬬᭀᬦ᭄ᬭᬶᬂᬢᬫᬦ᭄᭞ᬳᬶᬕ᭄ᬮᬾᬫ᭄‌ᬢᭀᬗ᭄ᬓᭂᬚᬸ
ᬢ᭄᭞ᬢᭀᬢᬾᬩᬗ᭄ᬓᬾᬧᬗᬾᬦ᭄ᬢᬾᬦᬦ᭄᭞ᬬᬾᬦ᭄ᬯᬗᬧᬵ᭞ᬭᬵᬢᬸᬢᬶᬢ᭄ᬬᬂᬫᬢᬹᬃᬲᬶᬲᬶᬧ᭄᭞ᬧᭀᬮᬾᬂᬳᬾᬗ᭄ᬕᬮᬂᬢᬢᬲ᭄᭟ᬮᬯᬸᬢ᭄ᬜᬸᬫ᭄ᬩᬄᬫᬧᬫᬶᬢ᭄ᬫᬫᬵᬃᬕᬶ᭞ᬕᬕᬜ᭄ᬘᬗᬦ᭄᭞ᬩᬸᬢ᭄ᬓᭂᬤᬶᬢᬫᬦ᭄᭞ᬗᭀᬚᭀᬕ᭄ᬓᬩᬮᬾᬘ᭄ᬦᬶᬓᬾ᭞ᬳᬶᬧᭀᬮᬾᬂᬤᬤᬶᬕ᭄ᬮᬸ᭞ᬲᬸᬩᬢᬢᬲ᭄ᬩᬜᬵᬗ᭄ᬮᬶᬮ
ᬢᬶᬦ᭄᭞ᬦᬾᬦᬸᬓᭀᬫᬲ᭄ᬯᬰᬵ᭞ᬓᬾᬯᬮᬩᬦ᭄ᬓᬦ᭄ᬢᬸ᭞ᬮᬯᬸᬢ᭄ᬬᬦᭀᬮᬶᬄᬦᬓᭀᬦᬂ᭞ᬦᬾᬢᬾᬳ᭄ᬜᬾᬦ᭄᭞ᬕᭂᬕᬢᬾᬦᬾᬳᬶᬭᬶᬂᬘᬳᬶ᭞ᬢᬸᬢᬸᬭᬶᬦ᭄ᬓᬸᬤᬵᬳ᭄ᬬᬂ᭟ᬜᬾᬦ᭄ᬧᬃᬲᬾᬗᬦ᭄‌ᬬᬾᬦ᭄ᬤᬶᬚᬫᬧᬸᬭᬶ᭞hᬳᬶᬩᬦ᭄ᬤᬾᬭᬦᬶᬫ᭄ᬩᬮ᭄᭞ᬲᬫ᭄ᬩᬶᬮ᭄ᬗᬸᬲᬧ᭄ᬬᬾᬄᬫᬢ
[ ᭙ 9A]
ᬦᬾ᭞ᬧ᭄ᬲᬸᬫᬸᬜᬶᬜᬵᬳᬮᬸᬲ᭄᭞ᬳᬶᬗ᭄ᬕᬶᬄᬳᬶᬤᬵᬲᬢ᭄ᬭ᭄ᬬᬧᬜ᭄ᬚᬶ᭞ᬫᬯᬸᬭᬶᬭᬶᬂᬫᬕᬥ᭞ᬳᬦ᭄ᬢᬸᬓ᭄ᬜᬸᬗ᭄ᬓᬓ᭄ᬓᬬᬸᬦ᭄᭞ᬓᬩ᭄ᬯᬢᬦ᭄ᬧᬶᬲᬦ᭄ᬧᬶᬲᬦ᭄᭞ᬥᬸᬄᬧᬸᬦᬶᬓᬵ᭞ᬳᬯᬦᬦ᭄‌ᬭᬯᬸᬄᬫᬭᬶᬓᬶ᭞ᬦᬄᬳᬓᬾᬢᭀᬫᬸᬜᬶᬜᬵ᭟ᬫᬮᬶᬧ᭄ᬢᬦ᭄ᬳᬶᬧᭀᬮᬾᬂᬳ᭄ᬬᬂᬤᬤᬶᬫᬗᬢᬸᬭᬂ᭞ᬓᬦ᭄ᬤᬜᬫᬓ᭄ᬚᬂ᭞ᬮᬶᬯ
ᬢ᭄ᬓᬗᭂᬦ᭄ᬳᬶᬕᭂᬮᬾᬫᬾ᭞ᬳᬶᬗᭂᬢ᭄ᬬᬂᬩᬦᬾᬮᬘᬸᬃ᭞ᬓᬧᬶᬯ᭄ᬮᬲᭂᬦ᭄ᬓᬾᬦᬾᬓᬲ᭄ᬬᬰᬷᬄ᭞ᬲ᭄ᬫᬂᬗᭂᬫ᭄ᬩᭂᬂᬬᬾᬄᬫᬢ᭄ᬣᬵ᭞ᬗᭂᬗ᭄ᬕᬮᬂᬫᬢᬸᬮᬸᬂ᭞ᬤᬧᭂᬢᬗᬵᬤᬸᬫᬲᬸᬦ᭄ᬤᬂ᭞ᬓ᭄ᬘᬸᬤ᭄ᬕᭂᬧᬂ᭞ᬓᬳᬸᬘᬧ᭄ᬳ᭄ᬬᬓᬫᬦ᭄ᬢ᭄ᬭᬳᬶᬦ᭄᭟ᬢᬶᬦᬸᬢᬶᬧᬰᬸᬧᬢ᭄ᬬ᭟ᬢᬦ᭄ᬤᬸᬫᬥᬾᬧ᭄ᬭᬚᬦᬶᬫᬗ᭄ᬮᬶᬮᬶᬃ᭞ᬩᬢ᭄ᬓᬩᬦ᭄ᬫᬦ᭄ᬢ᭄ᬭᬦᬾᬯᬶᬰᬾᬱ
᭞ᬳᬮᬄᬳᬭᬤ᭄ᬓᭀᬩᬬᬸᬦᬾ᭞ᬤᬤᬶᬫᬮ᭄ᬬᬢ᭄ᬮᬸᬭᬸ᭞ᬫᭂᬫ᭄ᬩᬄᬕᬸᬮᬵᬜᭂᬜᭂᬘᬮᬶᬭᬶᬂ᭞ᬗᬦᬄᬩᬕᬸᬲ᭄ᬫᬩ᭄ᬗᬤ᭄᭞ᬜᭀᬗ᭄ᬓᭀᬓ᭄ᬗᬸᬭᬸᬢ᭄ᬳᬸᬭᬸᬢ᭄᭞ᬢᭀᬓ᭄ᬭᬡᬤᬤᬶᬦᬸᬗ᭄ᬓᬲᬂ᭞ᬫᬗ᭄ᬤᬾᬫᬳᬦ᭄᭞ᬫᬢ᭄ᬫᬸᬭᬯᭀᬲ᭄ᬜᭀᬘᬧᬶᬦ᭄᭞ᬩᬦᬾᬯ᭄ᬓᬲᬶᬂᬲ᭄ᬯᬘ᭄ᬙᬵ᭟ᬜᬭᬸᬦ᭄ᬤᬸᬯᬸᬄᬫᬓ᭄ᬮᬶ
ᬬᬸᬤ᭄ᬫᬩᬤᬶᬂ᭞ᬧᬢᬶᬕᬫ᭄ᬕᬫ᭄᭞ᬓᬤᬕ᭄ᬮᬗᬶᬦ᭄ᬮᬶᬫᬵ᭞ᬤᬶᬧᬩᬶᬦᬦ᭄ᬳᬶᬕ᭄ᬮᬾᬫᬾ᭞ᬲ᭄ᬯᬾᬘ᭄ᬙᬵᬲᬦ᭄ᬳᬦᬓᬕᬸᬂ᭞ᬳᬭᬸᬄᬢᬸᬮᬸᬂᬳᬭᬄᬳᭀᬮᬲᬶᬦ᭄᭞ᬤᬸᬤᬸᬓ᭄ᬢᬗ᭄ᬕᭀᬦ᭄ᬧᬋᬓᬦ᭄᭞ᬳᬶᬕ᭄ᬮᬾᬫᬲᬳᬸᬃ᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬧᬜ᭄ᬚᬗᬂ᭞ᬦᬸᬦᬲ᭄ᬫᬦ᭄ᬢᬸᬓ᭄᭞ᬗᬸᬤ᭄ᬬᬂᬫᬧᬲ [ 10 ][ ᭙ 9B]
᭙᭞
ᬳᬶᬭᬶᬓᬶ᭞ᬮᬯᬸᬢ᭄ᬓᬚᬓ᭄ᬗᬚ᭄ᬭᭀᬯᬂ᭟ᬤᬯᬸᬄᬢ᭄ᬮᬸᬩᬸᬢ᭄ᬓᬤᬶᬧᬸᬭᬶ᭞ᬓᬚᬓ᭄ᬫᬸᬮ᭄ᬬᬦ᭄᭞ᬳ᭄ᬦᬸᬳᭀᬳᭀᬦ᭄ᬧᬶᬲᬦ᭄᭞ᬫ᭄ᬤᭂᬫ᭄ᬤᬶᬩᬮᬾᬭᬜ᭄ᬚᬗ᭄ᬤᬾ᭞ᬢᬗ᭄ᬲᬄᬳᬶᬕ᭄ᬮᬾᬫ᭄ᬤᬶᬢᬸ᭞ᬫᬦᭀᬗᭀᬲᬶᬦ᭄ᬕᬓ᭄ᬜᬶᬲᬶᬦᬶᬦ᭄᭞ᬩᬸᬗ᭄ᬕᬸᬦᬜ᭄ᬚᬾᬦᬶᬦ᭄ᬗᬫᬄ᭞ᬳᬶᬕᬥᬫᬲᬳᬸᬢ᭄᭞ᬫᬺᬫᬮᬸᬫᬸᬍᬲᬂᬢ᭄ᬬᬂ᭞
ᬤᬤᬶᬳ᭄ᬜᬓ᭄᭞ᬳᬶᬕ᭄ᬮᬾᬫ᭄‌ᬫ᭄ᬤᭂᬫ᭄ᬫᬜᬶᬓ᭄ᬲᬶᬓ᭄᭞ᬧᬸᬍᬲ᭄ᬬᬫᬓᬤᬤ᭄ᬯ᭟ᬩᬳᬸᬲᬜ᭄ᬚᬫᬭᬫᬗᬸᬦ᭄ᬗᭀᬧᬶ᭞ᬮᬯᬸᬢ᭄ᬗᬫᬄ᭞ᬫᬳᬶᬦᬸᬫ᭄ᬳᬶᬦᬸᬫᬦ᭄᭞ᬢ᭄ᬓᬲ᭄‌ᬍᬕᬦ᭄ᬳᬶᬕᬥᬦᬾ᭞ᬲᬸᬩᬗᬸᬶᬫᬯᭀᬃᬲᬮᬸᬮᬸᬢ᭄᭞ᬦᬄᬤᬶᬳᬢᬢ᭄ᬭᬂᬮᬶᬧᭂᬢᬶᬦ᭄᭞ᬧᬋᬦᬾᬕᭂᬫ᭄ᬩᬸᬭᬵ᭞ᬧᬮᬶᬂᬧᬤᬗ᭄ᬭᬸᬭᬸᬄ
᭞ᬓᬢᬹᬃᬓᬾᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬓᬦ᭄ᬤᬦ᭄ᬜᬦᬾ᭞ᬳᬶᬮᬂᬢ᭄ᬯᬭᬵᬩᬓᬢ᭄ᬳᬮᬶᬄ᭞ᬫᬗᭂᬲᬾᬗᬶᬦ᭄ᬧ᭄ᬭᬧᬸᬢ᭄ᬭᬵ᭟᭚ᬤᬹᬃᬫ᭄ᬫᬵ᭚ᬤᬤᬶᬢ᭄ᬮᬸᬳᬶᬤ᭄ᬯᬕᬸᬂᬭᬸᬶᬳᬸᬶᬮᬦᬂᬫᬶᬋᬗᬂ᭞ᬩᬋᬂᬳᬶᬤ᭄ᬯᬕᬸᬂᬭᬳᬶ᭞ᬧᬓ᭄ᬦᬳᬳᬸᬲᬓ᭄ᬓᬧᬶᬓᬢᬸᬢᭂᬦ᭄ᬲ᭄ᬫᬂ᭞ᬓᬗᭂᬦ᭄ᬫᬧᬗᭂᬦᬦ᭄‌ᬚ᭄ᬜ᭄ᬕᬶᬲ᭄᭞ᬗᭂᬫ᭄ᬩᭂᬂᬬᬾᬄᬫᬢ
᭞ᬫ᭄ᬧᬸᬫᬗ᭄ᬮᬯᬸᬢ᭄ᬦᬗ᭄ᬓᬶᬮ᭄᭟ᬳ᭄ᬬᬂᬳᬶᬤ᭄ᬕᬕ᭄ᬳᬶᬕ᭄ᬤᬩ᭄‌ᬢ᭄ᬓᬾᬦ᭄ᬳᬶᬕᬸᬩᬃ᭞ᬳᬶᬕ᭄ᬩᬸᬃᬦᬾᬫᬗᬶᬭᬶᬂ᭞ᬤᬧᭂᬢᬗᬵᬦᬧᬓ᭄᭞ᬧ᭄ᬭᬧᬸᬢ᭄ᬭᬦᬾᬫᬗᭂᬦᬄ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬮᬶᬗ᭄ᬕᬶᬄ᭞ᬳᬾᬫᭂᬂᬭᬯᭀᬲᬂ᭞ᬦᬾᬓ᭄ᬚᬵᬮᬓᬃᬳᬮᬶᬄ᭟ᬤᬤᬶᬜᬸᬫ᭄ᬩᬄᬳᬶᬓᭂᬲ᭄ᬬᭂᬕ᭄ᬩᬋᬂᬳᬶᬤᭀᬤ᭄ᬤᬵ᭞ᬫᬧᬫᬶᬢ᭄ᬮᬸᬯ
[ ᭑᭐ 10A]
ᬲ᭄ᬗᬮᬶᬄ᭞ᬳᬶᬘᬓᬺᬳᬶᬩᬚ᭄ᬭᬵ᭞ᬳᬶᬧᬱᬳᬶᬢᭀᬫᬭᬵ᭞ᬳᬶᬰᬗ᭄ᬓᬵᬳᬶᬓᬤ᭄ᬕᬩ᭄ᬯᬶᬦ᭄᭞ᬳᬶᬫᬸᬲᬮᬜᬸᬫ᭄ᬩᬄᬧᬤᬫᬧᬫᬶᬢ᭄᭟ᬫ᭄ᬦᭂᬂᬤᬤᬶᬳᬶᬤ᭄ᬯᬕᬸᬂᬧᬸᬢ᭄ᬭᬓᬾᬫ᭄ᬗᬦ᭄᭞ᬢ᭄ᬓᬳᬶᬤ᭄ᬯᬕᬸᬂᬭᬳᬶ᭞ᬓᬾᬦ᭄ᬳᬶᬤ᭄ᬯᬕᬸᬂᬮᬦᬂ᭞ᬦᬸᬦᬲ᭄ᬮᬸᬕᬺᬫᬜᬸᬫ᭄ᬩᬄ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬗᬗ᭄ᬕᬸᬢᬶᬦ᭄᭞ᬫᬳᬶᬫ᭄ᬦᬾᬓ
ᬦ᭄᭞ᬳᬧᬳᬤᬜᬚᬦᬶ᭟ᬳᬶᬤ᭄ᬯᬕᬸᬂᬭᬳᬶᬳᬶᬤᬳᬶᬤ᭄ᬯᬕᬸᬂᬮᬦᬂ᭞ᬫᬢᬸᬃᬢᬶᬢ᭄ᬬᬂᬫᬧᬫᬶᬢ᭄᭞ᬮᬸᬗᬵᬫᬜᬺᬧᬂ᭞ᬲᬶᬂᬤᬵᬭᬵᬢᬸᬮ᭄ᬯᬲ᭄᭞ᬦᬾᬧᬋᬓᬦ᭄ᬳᬶᬤᬵᬚᬦᬶ᭞ᬢᬸᬦ᭄ᬤᬾᬦᬂᬢ᭄ᬬᬂ᭞ᬳᬧᬗᬮ᭄ᬯᬲ᭄ᬗᬮᬶᬄ᭟ᬫᬩᬭ᭄ᬬᬓ᭄ᬱᬭᬧᬸᬢ᭄ᬭᬦᬾᬫᬜᬸᬫ᭄ᬩᬄ᭞ᬫᬳᬢᬸᬃᬢᬶᬢ᭄ᬬᬂᬧᬫᬶᬢ᭄᭞
ᬮᬯᬸᬢ᭄ᬢ᭄ᬬᬫᬶᬸᬫᬚᬮᬦ᭄᭞ᬧᬤᬦ᭄ᬕᬓᬶᬦ᭄‌ᬚᬮᬦ᭄᭞ᬳᭀᬜᬧᬺᬫᬾᬦᬓᬾᬲᬫᬶ᭞ᬮ᭄ᬯᬲ᭄ᬫᬓ᭄ᬚᬂ᭞ᬲᬶᬂᬤ᭄ᬤᬵᬳ᭄ᬬᬸᬦᬂᬳᬩ᭄ᬲᬶᬓ᭄᭟ᬩᬸᬤᬮ᭄ᬲᬸᬩᬳᬶᬤ᭄ᬯᬕᬸᬂᬧᬸᬢ᭄ᬭᬗᬚ᭄ᬭᭀᬯᬂ᭞ᬲᬶᬕ᭄ᬭᬩᬶᬦᬾᬓᬓᬮᬶᬄ᭞ᬳᬶᬯᬶᬦ᭄ᬢᭂᬦ᭄ᬓᭀᬦᬂ᭞ᬩᬶᬄᬦᬶᬓᬵᬳᬦᬓ᭄ᬗᬸᬤ᭄ᬬᬂ᭞ᬕᭂᬫ᭄ᬩᬸᬭᬵ
ᬳᬸᬮᬶᬄᬳᬶᬢᬸᬦ᭄᭞ᬢᬭᬄᬳᬶᬕᬥ᭞ᬲᬶᬤ᭄ᬥᬢ᭄ᬧᬸᬓ᭄ᬩᬦ᭄ᬗᬮᬶᬄ᭟ᬓ᭄ᬤᬾᬓ᭄ᬤᬤᬶᬳᬶᬯᬶᬦ᭄ᬢᭂᬦ᭄ᬜᬭᬾᬭᬾᬫᬮ᭄ᬬᬢ᭄᭞ᬳᬶᬫᬶᬭᬄᬫᬜᬯᬸᬢᬶᬦ᭄᭞ᬓᬓᬾᬳᬦ᭄ᬩᬸᬯᬸᬢᬂ᭞ᬤ᭄ᬧᬂᬤᬸᬗᬶᬸᬜᬢᬸᬫᬦ᭄᭞ᬳᬶᬤ᭄ᬯᬕᬸᬂᬭᬳᬶᬩᭂᬲ᭄ᬮᬓ᭄ᬤᬶᬄ᭞ᬳᬯᬓᬾᬗᬸᬤ᭄ᬬᬂ᭞ᬫᬶᬮᬸᬤᬢᬓᭂᬜ᭄ᬘ [ 11 ][ ᭑᭐ 10B]
᭑᭐᭞ᬦᬶᬦ᭄᭟ᬩᬗᬸᬦ᭄ᬤᬤᬶᬳᬶᬤ᭄ᬯᬕᬸᬂᬮᬶᬸᬧᬸᬢ᭄ᬭᬫᬦᬦ᭄ᬤᬦ᭄᭞ᬭᬩᬶᬦᬾᬓᬓᬰᬶᬳᬶᬦ᭄᭞ᬫᬺᬫ᭄ᬫᬳᬶᬳᬢᬸᬫᬵᬲ᭄᭞ᬧᬸᬍᬲᬂᬢ᭄ᬬᬂᬲᬬᬂ᭞ᬓᬲᬶᬗᬮ᭄ᬫᬸᬮ᭄ᬬᬦ᭄ᬫᬗ᭄ᬭᬭᬶᬲ᭄᭞ᬫᬺᬫᬺᬫᬦ᭄᭞ᬤᬶᬩᬮᬾᬫᬹᬃᬤ᭄ᬥᬵᬫᬡᬶᬓ᭄᭟ᬦᬸᬫᬲᬦ᭄ᬤᬳᬶᬤ᭄ᬯᬕᬸᬂᬭᬳᬶᬳᬸᬘᬧᬂ᭞ᬓᬫᬤᬸᬭᬫᬗ᭄ᬭᬭᬶᬲ᭄᭞
ᬗ᭄ᬳᬶᬂᬫᬲᬗᬸᬳᬸᬬᬂ᭞ᬩᬋᬂᬳᬶᬤ᭄ᬯᬕᬸᬂᬮᬦᬂ᭞ᬘ᭄ᬭᬶᬢᬬᬂᬦᬾᬮ᭄ᬯᬲ᭄ᬗᬮᬶᬄ᭞ᬧᬘᬂᬜᬭᬢᬂ᭞ᬢ᭄ᬯᬭᬵᬗᬶᬢᬸᬂᬲᬶᬂ᭟ᬫᬗ᭄ᬮᬲᬦ᭄ᬫᬧᭂᬜ᭄ᬘᬃᬫᬜ᭄ᬚᬚᬄᬤᬾᬰ᭞ᬳᬤᬗᭀᬚᭀᬕ᭄ᬧᬲᬶᬲᬶ᭞ᬮᬾᬦ᭄ᬫᬓᬓᬧᬮᬦ᭄᭞ᬫᬱᬵᬲᬼᬄᬓᬚᬯᬵ᭞ᬳᬤᬫᬗᬸᬗ᭄ᬲᬶᬧᬦ᭄ᬧᬶ᭞ᬮᬾᬦ᭄ᬕᬸᬦᬸᬂᬳᬮᬲ᭄
᭞ᬧᬤᬓᬲᬭᬫ᭄ᬩᬳᬶᬦ᭄᭟ᬳᭀᬜᬲᬸᬩᬲᬯᬯᭂᬗ᭄ᬓᭀᬦ᭄‌ᬚᬫ᭄ᬩᬸᬤ᭄ᬯᬶᬧᬵ᭞ᬓᬸᬤᬂᬧᬸᬮᭀᬦᭂᬕ᭄ᬭᬶ᭞ᬫᬲᬶᬄᬢ᭄ᬯᬭᬳᬤ᭞ᬓ᭄ᬲᭂᬄᬳᬗᬶᬦ᭄ᬳᬗᬶᬦᬦ᭄᭞ᬓᬩᬃᬫᬭᬯᬢ᭄ᬢᬦ᭄ᬓᬶᬓᬶᬢ᭄᭞ᬗ᭄ᬭᬱᬵᬓᬾᬯᭂᬳᬦ᭄᭞ᬲᬦᬾ ᬮ᭄ᬯᬲ᭄ᬫᬗᬮᬶᬄ᭟ᬳᬤᬵᬢᬗᬦ᭄ᬳᬩᬸᬮᬦ᭄ᬩᬳᬜᬫᬳ
ᬲ᭄᭞ᬜᬭᬸᬮ᭄ᬯᬲ᭄ᬫᬮᬮᬶ᭞ᬧᬂᬤᬵᬳᬦᬓ᭄ᬦᬯᬂ᭞ᬩᬶᬓᬲ᭄ᬜᬦᬾᬜᬺᬧᬂ᭞ᬫᬯᬾᬱᬵᬗ᭄ᬮᬮᬦᬵᬲᬫᬶ᭞ᬫᬲᬶᬄᬲᬶᬂᬧᬶᬲᬦ᭄᭞ᬦ᭄ᬧᬸᬓᬶᬦᬗᬩ᭄ᬲᬶᬓ᭄᭟ᬦᬄᬳᬓᬾᬢᭀᬳᬶᬤ᭄ᬯᬕᬸᬂᬭᬳᬶᬳᬸᬘᬧᬂ᭞ᬲ᭄ᬫᬂᬳᬶᬗᬸᬄᬢᬦ᭄ᬲᬶᬧᬶ᭞ᬢ᭄ᬩᭀᬂᬫᬧᬗᭂᬦᬦ᭄᭞ᬫᬗᭂ
[ ᭑᭑ 11A]
ᬦᭂᬳᬂᬳᬕᬥ᭞ᬩᬦᬾᬢ᭄ᬯᬭᬩᬲᬢ᭄ᬳᬮᬶᬄ᭞ᬢᭀᬓ᭄ᬭᬡᬳᬸᬬᬂ᭞ᬳᬶᬩᬸᬓ᭄ᬳᬤᬬᬦ᭄ᬫᬢᬶ᭟ᬲᬦ᭄ᬲᬦ᭄ᬳᭂᬗ᭄ᬲᭂᬓ᭄‌ᬧᬓ᭄ᬦᭂᬢᬜᬲᬓ᭄ᬱᬡᬵ᭞ᬮᬯᬸᬢ᭄ᬜᭂᬫᬓᬸᬮᬫ᭄ᬩᬶ᭞ᬧ᭄ᬘᬓᬸᬮᬫ᭄ᬩᬶᬜ᭞ᬫᬶᬳᬶᬓ᭄ᬫᬳ᭄ᬩᭀᬢ᭄ᬬ᭞ᬓᬳᬗ᭄ᬕᭀᬓᬧᬧᬲᬶᬳᬶᬦ᭄᭞ᬓᬮᬗ᭄‌ᬢ᭄ᬓᬵ᭞ᬳᬶᬤ᭄ᬯᬕᬸᬂᬮᬦᬂᬗ
ᬮᬶᬄ᭟ᬧᬗ᭄ᬓᬸᬃ᭚᭜᭚ᬫᬩᬤᬶᬂᬫᬋᬧ᭄ᬓᬢ᭄ᬗᬄ᭞ᬫᬧᬶᬢᬸᬍᬲ᭄ᬗᭂᬧᬶᬮ᭄‌ᬗ᭄ᬮᬸᬢ᭄ᬕᬕᬸᬮᬶᬂ᭞ᬬᬾᬄᬫᬢᬦᬾᬫᭂᬫ᭄ᬩᬄᬧ᭄ᬲᬸ᭞ᬢ᭄ᬯᬭᬤᬤᬶᬳᬸᬲᬧᬂ᭞ᬩᬓ᭄ᬓᬩᬦ᭄ᬧᬮᬶᬂᬓ᭄ᬦᭂᬳᬾᬫᬗ᭄ᬮᬶᬧᬸᬢ᭄᭞ᬩᬸᬗᭂᬦᭀᬢ᭄ᬳᬶᬤ᭄ᬯᬕᬸᬂᬮᬦᬂ᭞ᬲᬶᬕ᭄ᬲᬶᬕᭂᬦ᭄ᬤᬤᬶᬫᬗ᭄ᬮᬶ᭟ᬳᬶᬤ᭄ᬯᬕᬸᬂᬮᬦᬂᬫᬘᬶᬗᬓ᭄᭞ᬩᬄᬫᬕᬸᬬᬂ
ᬭᬵᬢᬸᬓ᭄ᬦᬧᬗ᭄ᬮᬶ᭞ᬜᬾᬦ᭄ᬗᬾᬢ᭄ᬯᬂᬳᬦᬓ᭄ᬳᬕᬸᬂ᭞ᬢᬸᬢᬸᬭᬦ᭄ᬭᬢᬸᬢᬶᬢ᭄ᬬᬂ᭞ᬗᬸᬲᬧᬸᬲᬧ᭄ᬳᬶᬤ᭄ᬯᬕᬸᬂᬭᬳᬶᬫᬲᬯᬸᬢ᭄᭞ᬕᬸᬂᬗᬦᬂᬤ᭄ᬭᬶᬓᬶᬧᬂᬫ᭄ᬮᬄ᭞ᬳᬶᬘᬾᬦ᭄ᬢ᭄ᬬᬫᬧᬫᬶᬢ᭄ᬫᬢᬶ᭟ᬬᬤᬶᬦ᭄ᬳᬶᬤᬸᬧ᭄ᬮᬓᬃᬳᬧᬵ᭞ᬗᬼᬕᬼᬲᬢᬢᬗᬳᬾᬓᬮᬶ᭞ᬓᬮᬶᬬᬸᬦᬦ᭄ᬳᬗ᭄ᬕᭀᬦᬸᬲᬸᬄ᭞ᬫ
ᬓ᭄ᬚᬂᬢᭀᬗᭀᬲ᭄ᬚᭂᬗᬄ᭞ᬫᬓᬤᬶᬜᬢ᭄ᬓᬾᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞ᬲᭀᬮᬄᬲ᭄ᬯᬦᬯᬦᬾᬫᭂᬗ᭄ᬕᬄ᭞ᬢᬸᬃᬩᬶᬦᬢᬦ᭄ᬓᬬᬾᬂᬮᬕᬶ᭟ᬦᬶᬓᬵᬦᬾᬫᬓ᭄ᬭᬡᬵᬢ᭄ᬬᬂ᭞ᬲᬓᬶᬢ᭄‌ᬓ᭄ᬦᭂᬄᬳᬭᬸᬄᬳᬤᬬᬦ᭄ᬫᬢᬶ᭞ᬕᬸᬗᬦᬂᬲᬵᬫ᭄ᬧᬸᬦᬂᬢᬦ᭄ᬤ᭄ᬭᬸᬄ᭞ᬳᬶᬧᬸᬦ᭄ᬧᬜᬢ᭄ᬭᬶᬦ᭄ᬢᬶᬢᬄ᭞ [ 12 ][ ᭑᭑ 11B]
ᬢ᭄ᬯᬭᬵᬤᬤᬶᬓ᭄ᬮᬶᬤᬶᬦ᭄ᬓᬾᬦᬾᬓᬢ᭄ᬧᬸᬓ᭄᭞ᬢᬶᬢ᭄ᬬᬂᬓᬩᬯᭀᬲ᭄ᬫᬓ᭄ᬭᬡᬵ᭞ᬳᬶᬧᬸᬦ᭄ᬗᬶᬘᭂᬮ᭄ᬗᭂᬩᬸᬲ᭄ᬳᬢᬶ᭟ᬤᭀᬂᬫᬸᬮᬵᬮᬘᬸᬭᬾᬫᬯᬓ᭄᭞ᬢᭀᬂᬫᬤᬬᬫᬦᬥᬶᬩᬸᬓᬵᬚᬦᬶ᭞ᬫᬤ᭄ᬓᭂᬲᬦ᭄ᬤᬤᬶᬕ᭄ᬮᬸ᭞ᬢ᭄ᬓᬳᬶᬫᬳᭀᬤᬭᬵ᭞ᬗᬸᬦᬶᬗᬬᬂᬩᬦ᭄ᬧᬭᬵᬧᬸᬢ᭄ᬭᬦᬾ ᬓᬢᬹᬃ᭞ᬫ
ᬓ᭄ᬚᬂᬲᬸᬩᬫᬢᬸᬮᬓ᭄᭞ᬩᬗᬸᬦ᭄ᬳ᭄ᬬᬤᬤᬶᬲᬗ᭄ᬓᬮᬶᬄ᭟ᬫᬘ᭄ᬩᬸᬃᬜ᭄ᬫᬓ᭄ᬩᬩᬲᬓ᭄᭞ᬓᬾᬦ᭄ᬓᬤᬸᬢᬦ᭄‌ᬧ᭄ᬲᬸᬫᬳᬸᬤᭂᬂᬧᬸᬢᬶᬄ᭞ᬫᬓᬸᬮᬫ᭄ᬩᬶᬩᬦᬾᬓ᭄ᬘᬸᬤ᭄᭞ᬫᬢᬦᬾᬩᬮᬸᬢ᭄ᬫᬢ᭄ᬭᬵ᭞ᬲᬓᬾᬯᬮᬧᬋᬓᬦ᭄ᬢᬾᬓᭀᬃᬫᬦᬸᬢᬸᬕ᭄᭞ᬓᬢ᭄ᬧᬸᬓ᭄ᬳᬶᬤ᭄ᬯᬕᬸᬂᬧᬸᬢᬺ᭞ᬲᬸᬩᬤᬶᬭᬓᬶᬸᬗ᭄ᬓᬶᬓ
ᬢᬗ᭄ᬓᬶᬮ᭄᭟ᬧᬭᬧᬸᬢ᭄ᬭᬦᬾᬳᭀᬜᬗᬦ᭄᭞ᬩᭂᬓ᭄ᬫᬗᬫ᭄ᬩ᭄ᬬᬃᬢ᭄ᬓᬲᬂᬯᬶᬭᬓᬮᬶᬄ᭞ᬗᬾᬗ᭄ᬕᬮᬂᬧᬤᬫᬘ᭄ᬩᬸᬃ᭞ᬫᬶᬸᬧ᭄ᬭᬫᬾᬦᬓᬾᬫᬜᬶᬗᬓ᭄᭞ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬾᬕᬃᬫᬗ᭄ᬮᬯᬸᬢ᭄᭞ᬫᬦᬸᬦᬲ᭄ᬮᬸᬕᬺᬫ᭄ᬦᬾᬓᬦ᭄᭞ᬲᬸᬩᬧᬤᬫᬮᬶᬗ᭄ᬕᬶᬄ᭟ᬳᬶᬓᬂᬲ᭄ᬬᭂᬕ᭄ᬲᬸᬩᬗᬢᬸᬭᬂ᭞
ᬓᬦ᭄ᬥᬦ᭄ᬜᬦᬾᬜᬸᬲᬸᬧ᭄‌ᬮ᭄ᬯᬲ᭄ᬫᬗᬮᬶᬄ᭞ᬳᬶᬕᬤ᭄ᬤᬵᬢ᭄ᬯᬭᬓᬢ᭄ᬧᬸᬓ᭄᭟ᬓᬾᬯᬮᬵᬳᬤᬳᭀᬃᬢ᭄ᬣᬵ᭞ᬦᬗ᭄ᬳᬶᬂᬚᬢᬶᬓᭀᬘᬧ᭄ᬳ᭄ᬬᬦᭀᬗᭀᬲ᭄ᬤᬶᬳ᭄ᬭᬸᬫ᭄᭞ᬜᬶᬯᬢ᭄ᬣᬵᬓᬾᬦ᭄ᬭᬚᬵᬧᬸᬢ᭄ᬭᬵ᭞ᬩᬕᬸᬲ᭄ᬫᬭᬫ᭄ᬦᬾᬓ᭄ᬮᬶᬄ᭟ᬳᬶᬤ᭄ᬯᬕᬸᬂᬧᬸᬢ᭄ᬭᬗᬦ᭄ᬤᬶᬓᬵ᭞ᬓᬾᬦ᭄ᬓᬾ
[ ᭑᭒ 12A]
ᬦ᭄ᬩᬳᬦ᭄ᬫᬤᬬᬓ᭄ᬫᬳᬮᬶᬄ᭞ᬳᬶᬘᬓᬺᬜᭂᬫ᭄ᬩᬄᬫᬳᬢᬹᬃ᭞ᬭᬵᬢᬸᬳᬯᬶᬦᬦ᭄ᬢᬶᬢ᭄ᬬᬂ᭞ᬫᬮᬶᬄᬢᬸᬮᬓ᭄ᬓᬭᬶᬗᬸᬦᬶᬗᬬᬂᬳᬢᬸᬃ᭞ᬚᬦ᭄ᬢᭂᬦ᭄ᬩᬾᬩᬲ᭄ᬧᬓᬬᬸᬦᬦ᭄᭞ᬳᬲᬧᬸᬦᬧᬶᬫᬫᬵᬃᬕ᭄ᬕᬶ᭟ᬳᬶᬤ᭄ᬯᬕᬸᬂᬭᬳᬶᬫᬓᭂᬲ᭄ᬬᬩ᭄᭞ᬳᬮᬄᬕ᭄ᬲᭂᬂᬓ᭄ᬩᬸᬲ᭄‌ᬓ᭄ᬦᭂᬳᬾᬤᬤᬶ᭞ᬦᬶᬗᭂᬄᬳᬶᬕᬤ᭄ᬥᬵᬤᬶᬳ᭄ᬬᬸ
ᬫ᭄᭞ᬩᬳᬦ᭄ᬭᬚᬵᬧᬸᬢᬺ᭞ᬯ᭄ᬓᬲ᭄‌ᬚ᭄ᬗᬄᬫᬳᬢᬸᬭᬢᬸᬤᬾᬯᬕᬸᬂ᭞ᬬᬦ᭄ᬓᬾᬗᬶᬦ᭄ᬧᬫᬶᬢᬂᬢᬶᬢ᭄ᬬᬂ᭞ᬳᬲᬶᬓᬶᬭᬶᬂᬲᬗ᭄ᬳ᭄ᬬᬂᬯᬶᬤ᭄ᬥᬶ᭟᭚᭜᭚ᬤᬹᬃᬫ᭄ᬫᬵ᭚ᬲᬓᬾᬯᬦ᭄ᬢᭂᬦ᭄ᬳᬶᬧᬸᬦ᭄ᬓᬭᬶᬫᬳᬗ᭄ᬓᬶᬳᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬳᬚ᭄ᬭᬶᬄ᭞ᬧᬘᬂᬫᬫ᭄ᬩᬸᬯᬢᬂ᭞ᬫᬗ᭄ᬤᬓᬾᬲᬫᬶᬚᬦ᭄ᬫᬵ᭞ᬕ᭄ᬦᬄᬳᬶᬧᬸᬦᬾ
ᬫᬗᬸᬗ᭄ᬲᬶ᭞ᬫᬾᬭᬵᬢᬸᬩᬾᬩᬲ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬦᬳᬶᬦ᭄᭟ᬢᭀᬦ᭄ᬤᬾᬦ᭄ᬧ᭄ᬕᬢ᭄ᬫᬜᬶᬜᬵᬓᬮᬗᬦ᭄‌ᬢ᭄ᬓᬵ᭞ᬳᬶᬤ᭄ᬯᬕᬸᬂᬫᬥᬾᬚᬦᬶ᭞ᬲᬸᬩᬦᬶᬗᭂᬄᬳᭀᬃᬢ᭄ᬣᬵ᭞ᬩᬦ᭄ᬳᬶᬕᬥᬦᬾᬳᬶᬮᬂ᭞ᬫᬗ᭄ᬮᬯᬸᬢ᭄‌ᬗᭀᬚᭀᬕ᭄ᬓᬭᬗ᭄ᬓᬶ᭞ᬢᬦ᭄ᬧᬮᬭᬧᬦ᭄᭞ᬧᬺᬫᬾ
ᬦᬓ᭄‌ᬮ᭄ᬬᬸᬗᬶᬭᬶᬂ᭟ᬫᬢᭀᬮᬶᬳᬦ᭄ᬫᬘ᭄ᬩᬸᬃᬧᬥᬗᬾᬗ᭄ᬕᬮᬂ᭞ᬧᬤᬗ᭄ᬓᬶᬮᬦᬾᬲᬫᬶ᭞ᬫᬓᬤᬶᬲᬂᬢᬶᬕ᭄ᬕᬵ᭞ᬢᬸᬳᬸᬦ᭄ᬭᬢᬸᬪᬵᬝᬵᬭᬦ᭄ᬢᬶᬢ᭄ᬬᬗᬾᬫᬸᬗ᭄ᬕᬄᬫᬮᬶᬗ᭄ᬕᬶᬄ᭞ᬳᬶᬗ᭄ᬕᬶᬄᬩᬯᭀᬲᬂ᭞ᬳᬾᬯᭂᬄᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭟ᬓᬳᬢᬸᬭᬂᬩᬳᬦ᭄ᬳᬶᬕᬥᬦᬾᬳᬶᬮᬂ᭞ᬳᬶᬤ᭄ᬯ [ 13 ][ ᭑᭒ 12B]
᭑᭒᭞
ᬕᬸᬂᬫᬥᬾᬤᬤᬶ᭞ᬳᬮᬸᬲ᭄ᬫᬗᬦ᭄ᬤᬶᬓᬵ᭞ᬳᬄᬢᬦ᭄ᬧᬓ᭄ᬦᭂᬄᬢ᭄ᬬᬂ᭞ᬩᬳᬸᬦᬶᬗᭂᬄᬳᭀᬃᬢ᭄ᬣᬵᬳᬶᬩᬶ᭞ᬳᬶᬤᬵᬲᬶᬂᬜᬓ᭄᭞ᬦᬸᬦ᭄ᬤᬾᬦ᭄ᬫᬲᬥᬸᬫᬸᬮᬶᬄ᭟ᬢᭀᬂᬫᬤᬬᬢ᭄ᬬᬂᬢ᭄ᬯᬄᬳᬶᬗᬦᬦ᭄ᬢᬶᬢᬄ᭞ᬢ᭄ᬯᬭᬤᬤᬶᬓ᭄ᬮᬶᬤᬶᬦ᭄᭞ᬢ᭄ᬬᬂᬕᬦ᭄ᬢᬶᬜ᭞ᬢ᭄ᬓᬭᬵᬢᬸᬤ᭄ᬥᬵᬦᬦ᭄ᬤ᭄ᬭᬸᬳᬂ᭞ᬲᬶᬂᬤ᭄ᬧᬂᬢ᭄ᬬᬂᬮ᭄ᬯᬲ᭄ᬗᬮᬶᬄ᭞ᬳᬶ
ᬤ᭄ᬯᬕᬸᬂᬧᬸᬢᬺ᭞ᬫᬢᬸᬃᬫᬲ᭄ᬩᭂᬂᬗᬸᬶᬂ᭟ᬯᬾᬦ᭄ᬢᭂᬦ᭄ᬳᭀᬃᬢ᭄ᬣᬳᬶᬧᬸᬦ᭄ᬭᬶᬳ᭄ᬭᬸᬫ᭄ᬫᬕ᭄ᬦᬄ᭞ᬦᬗ᭄ᬳᬶᬂᬲᬸᬫ᭄ᬓᭂᬦ᭄‌ᬚᬢᬶ᭞ᬲᬚ᭄ᬭᭀᬦᬶᬂᬦᬕᬭᬵ᭞ᬭᬹᬫ᭄ᬲᬫᬶᬓᬧᬶᬢᬺᬧ᭄ᬩᬦ᭄᭞ᬳᬫ᭄ᬓᬸᬮ᭄ᬗᬸᬬᬸᬳᬸᬬᬸᬕᬸᬲ᭄ᬢᬶ᭞ᬦᬯᬶᬩᭀᬬᬜᬓ᭄᭞ᬳᬶᬧᬸᬦ᭄ᬫᬢᬸᬮᬓ᭄ᬫᬮᬶᬄ᭟ᬳᬶᬤ᭄ᬯᬕᬸᬂᬫᬥᬾᬗᬦ᭄ᬤᬶᬓᬵᬢ᭄ᬬᬂᬦᬯ᭄ᬕᬂ᭞ᬧᭂᬧᭂᬲ᭄ᬓ᭄ᬭᬸᬫ᭄ᬫᬮ
ᬮᬶ᭞ᬳ᭄ᬬᬜ᭄ᬭᬳᬂᬳᬯᬓ᭄᭞ᬳᬶᬕ᭄ᬮᬾᬫ᭄ᬢᭂᬓᬾᬦ᭄ᬢ᭄ᬬᬂ᭞ᬓᬓᬾᬳᬦ᭄ᬧᬘᬂᬓᭂᬜ᭄ᬘᬦᬶᬦ᭄᭞ᬓ᭄ᬭᬸᬫ᭄ᬢᬸᬦ᭄ᬤᬾᬦᬂ᭞ᬧᬋᬓᬦ᭄ᬳᬶᬤᬵᬗᬮᬶᬄ᭟ᬤᭀᬮᬸᬶᬃᬤ᭄ᬥᬵᬮ᭄ᬯᬲ᭄ᬳᬶᬫᬸᬭᬸᬩ᭄ᬩᬋᬳᬶᬰᬗ᭄ᬓᬵ᭞ᬳ᭄ᬬᬂᬳᬚᬓ᭄ᬩ᭄ᬯᬶᬦ᭄ᬫᬦᬶ᭞ᬓᬾᬢᭀᬚᬵᬳᭀᬃᬢᬬᬂ᭞ᬫᬸᬜᬶᬦ᭄ᬳᬶᬜ᭄ᬚᭀᬃᬩᬋᬂᬳ᭄ᬬᬂ᭞ᬳᬭᬄᬳ᭄ᬤᬚᬵ
ᬗᬩᬢᬸᬮᬶᬲ᭄᭞ᬓᬤᬸᬂᬢᬸᬢᬶᬳ᭄ᬬ᭞ᬳᬶᬕ᭄ᬮᬾᬫ᭄ᬢᬸᬦ᭄ᬤᬾᬦ᭄ᬫᬳᬶ᭟ᬲᬳᬸᬃᬲᭂᬫ᭄ᬩᬄᬧᬭᬧᬸᬢ᭄ᬭᬦᬾᬫᬓ᭄ᬚᬂ᭞ᬢ᭄ᬓᬢᬾᬄᬫᬶᬫ᭄ᬮᬢᬶᬦ᭄᭞ᬩᬋᬂᬲᬲᬗᬦᬦ᭄᭞ᬫᬤᬸᬮᬸᬃᬫᬫᬦᬶᬲᬦ᭄᭞ᬳᬶᬤ᭄ᬯᬕᬸᬂᬫᬥᬾᬢᬦ᭄ᬫᬭᬶ᭞ᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄᭞ᬗ᭄ᬭᬯᭀᬲᬮᬾᬂᬢᬢᬫ᭄ᬩᬸᬗᬶᬦ᭄᭟ᬲᬸ

[ ᭑᭓ 13A]
ᬩᬲᬜ᭄ᬚᬧᬦᬗ᭄ᬓᬶᬮᬦᬾᬫᬓ᭄ᬚᬂ᭞ᬜᬸᬫ᭄ᬩᬄᬧᬤᬫᬧᬫᬶᬢ᭄᭞ᬫᬗᭀᬚᭀᬕ᭄ᬤᬸᬦᬸᬗᬦ᭄᭞ᬳᬶᬤ᭄ᬯᬕᬸᬂᬫᬥᬾᬩᬸᬤᬮ᭄᭞ᬲᬂᬢᬶᬕᬵᬢᬗ᭄ᬲᬄᬫᬗᬶᬭᬶᬂ᭞ᬮᬯᬸᬢ᭄ᬗᬚ᭄ᬭᭀᬯᬂ᭞ᬘᬭᬶᬢᬬᬂᬩ᭄ᬯᬶᬦ᭄ᬫᬦᬶ᭟ᬢᬢᬲᬼᬫᬄᬳᬶᬘᬓᬺᬱᬸᬩᬫᬚᬮᬦ᭄᭞ᬗᬓᬶᬦ᭄ᬓᬧᬮ᭄ᬳᬗᬶᬦ᭄᭞ᬩ᭄ᬘᬢᬾᬩᬸᬓᬵᬫᬬᬵ᭞ᬩᬸᬓᬧᬶ
ᬢᬸᬤᬸᬳᬶᬂᬳ᭄ᬬᬂ᭞ᬢ᭄ᬓᭂᬤᬶᬳ᭄ᬭᬸᬫ᭄ᬦᬸᬲ᭄ᬮᬶᬤ᭄᭞ᬳᬶᬕ᭄ᬮᬾᬫ᭄‌ᬲ᭄ᬤᭂᬓ᭄ᬤᬶᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭟ᬓ᭄ᬫᬵᬲᬸᬩᬳᬶᬘᬓᬺᬦᬸᬦ᭄ᬤᬾᬦ᭄ᬫᬯ᭄ᬓᬲ᭄᭞ᬓᬳᬢᬸᬭᬶᬦ᭄ᬫᬗ᭄ᬭᬭᬶᬲ᭄᭞ᬗ᭄ᬭᬶᬸᬗ᭄ᬮᬯᬸᬢ᭄ᬓᬩᬜ᭄ᬘᬶᬗᬄ᭞ᬳᬶᬕᬤ᭄ᬥᬵᬫᬗᬾᬗ᭄ᬕᬮᬂ᭞ᬫᬘ᭄ᬩᬸᬃᬫᬸᬜᬶᬦᬾᬫᬦᬶᬲ᭄᭞ᬓᭀᬤᬵᬳᬶᬧᬶᬤᬦ᭄᭞ᬫᬫᬃᬕᬶᬭᬯᬸᬄᬫ᭄ᬭᬶ
ᬓᬶ᭟ᬓ᭄ᬜᭂᬫ᭄ᬓᬶᬫ᭄ᬩᬮ᭄ᬳᬶᬫᬸᬭᬸᬩ᭄ᬩᬋᬂᬳᬶᬰᬗ᭄ᬓᬵ᭞ᬭᬵᬢᬸᬢ᭄ᬬᬂᬳᬶᬓᬢᬸᬦᬶ᭞ᬳᬶᬕ᭄ᬮᬾᬫ᭄ᬫᬮ᭄ᬬᬢ᭄᭞ᬢᬸᬳᬸᬦ᭄ᬗᬶᬭᬲ᭄ᬮᬜ᭄ᬘᬶᬗᬦ᭄᭞ᬧ᭄ᬲᬸᬫᬸᬜᬶᬜᬦᬾᬫᬦᬶᬲ᭄᭞ᬭᬵᬢᬸᬕ᭄ᬮᬶᬲᬂ᭞ᬦᬸᬦᬲ᭄ᬭᬢᬸᬫᬮᬶᬗ᭄ᬕᬶᬄ᭟ᬲᬯᬸᬃᬕᬸᬬᬸᬫ᭄ᬦᬾᬓᬦ᭄ᬧᬤᬫᬦ᭄ᬕᬓ᭄᭞ᬧᬦᬗ᭄ᬓᬶᬮᬦᬾᬲᬫᬶ᭞ᬧᬤᬕᬕᬯᭀᬓᬦ᭄᭞
ᬗ᭄ᬦᭀᬢ᭄‌ᬢᬫ᭄ᬬᬸᬦᬾᬜᬜᬧ᭄᭞ᬳᬶᬕ᭄ᬮᬾᬫᬢᬸᬃᬧᬸᬦᬧᬶᬯᬾᬦ᭄ᬢᭂᬦ᭄ᬤᬶᬓᬵᬬᬂ᭞ᬭᬶᬂᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭟ᬳᬦ᭄ᬢᬸᬓ᭄ᬢᭂᬫ᭄ᬩᬾᬭᬯᬸᬄᬓᬳ᭄ᬬᬸᬫ᭄ᬫᬘᬶᬗᬓ᭄᭞ᬲᬯᬾᬦ᭄ᬢᭂᬜᬳᬶᬭᬶᬓᬶ᭞ᬭᬵᬢᬸᬲᬵᬫ᭄ᬧᬸᬦ᭄ᬧᬶᬲᬦ᭄᭞ᬫᬮᬶᬄᬚᬗ᭄ᬓᬵᬓᬃᬱᬬᬂ᭞ᬳᬶᬘᬓᬺᬓ᭄ᬜᭂᬫ᭄ᬜᬯᬸᬢᬶᬦ᭄᭞ᬦᬓ [ 14 ][ ᭑᭓ 13B]
᭑᭓᭞
ᬢᬸᬂᬳᬤ᭄ᬥᬵᬢᬸᬦᬲ᭄ᬢ᭄ᬬᬂᬳᬓᬶᬓᬶᬢ᭄᭟ᬳᬶᬤ᭄ᬯᬕᬸᬂᬫᬥᬾᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬗᬦ᭄ᬤᬶᬓᬬᬂᬢ᭄ᬬᬂᬫᬳᬶ᭞ᬜᬤ᭄ᬬᬫᬋᬓ᭄ᬳᬶᬤᬵ᭞ᬧᬘᬂᬦᬸᬦᬰᬶᬕᬤ᭄ᬥᬵ᭞ᬫᬓᬤᬶᬦᬓᬕᬸᬂᬩ᭄ᬯᬶᬦ᭄᭞ᬓᬧᬦ᭄ᬤᬶᬓᬬᬂ᭞ᬓᬢᬢ᭄ᬭᬂᬫᬮᬮᬶ᭟ᬫᬜᬭᬾᬭᬾᬳᬶᬫᬸᬭᬸᬩᬋᬂᬳᬶᬰᬗ᭄ᬓᬵ᭞ᬭᬵᬢᬸᬤᬅ᭄ᬧᭂᬗ᭄ᬓᬸᬂ
ᬗ᭄ᬕᬶᬄ᭞ᬳᬶᬭᬶᬂᬧᬓᬬᬸᬦᬦ᭄᭞ᬳᬶᬧᬶᬤᬦ᭄ᬳᬶᬧᬸᬦ᭄ᬳᬶᬕᬤ᭄ᬥᬵ᭞ᬭᬢᬸᬳᬚᬓ᭄ᬳᬶᬤᬵᬫᬳᬶ᭞ᬳᬗᬦ᭄ᬳᬢᭂᬫ᭄ᬯᬂ᭞ᬦᭀᬗᭀᬲᬶᬦ᭄ᬳᬶᬤᬵᬤᬶᬦᬶ᭟ᬫᬗᬸᬤᬤᬶᬳᬶᬕ᭄ᬮᬾᬫ᭄‌ᬦᭀᬮᬶᬄᬳᬶᬕᬤ᭄ᬥᬵ᭞ᬗ᭄ᬕᬶᬄᬫ᭄ᬭᬶᬓᬵᬲᬵᬫ᭄ᬧᬸᬦ᭄ᬫᬸᬮᬶᬄ᭞ᬤᬅ᭄ᬓᬧᬦ᭄ᬤᬶᬓᬵᬬᬂ᭞ᬓᬾᬦ᭄ᬢᭂᬦ᭄ᬳᬢᬸᬭᬂᬢ᭄ᬬᬂ᭞ᬦᬯ᭄ᬕᬂᬫᬳᬢᬹᬃᬲᬶᬲᬶᬧ᭄
᭞ᬩᬲᬸᬳᬸᬧᬶᬲᬦ᭄᭞ᬳᬸᬫᬄᬢ᭄ᬬᬗᬾᬦᬶᬸᬤᬶᬦᬶ᭟ᬤᬤᬶᬫᭂᬦ᭄ᬤᭂᬧ᭄ᬳᬶᬕᬤᬵᬗᬸᬦ᭄ᬢᬸᬓ᭄ᬗᭂᬮᬾᬦᬂ᭞ᬲ᭄ᬩᭂᬗᬾᬳᬶᬩᬸᬓ᭄ᬕᬢᬶ᭞ᬳᬶᬕ᭄ᬮᬾᬫ᭄ᬗᬱ᭄ᬝᬧᬵ᭞ᬗᭂᬦᭀᬢ᭄ᬗᭂᬫ᭄ᬩᭂᬂᬬᬾᬄᬫᬢᬵ᭞ᬲᬵᬫᬵᬧᬸᬦᬂᬢᬾᬤᬅ᭄ᬧᭂᬗ᭄ᬓᬸᬂᬗ᭄ᬕᬶᬄ᭞ᬧᬶᬤᬦ᭄ᬬᬂᬓ᭄ᬫᬵ᭞ᬜᬤ᭄ᬬᬧᬘᬂᬦᬗ᭄ᬓᬶᬮ᭄᭟ᬚᬦᬶᬓᬾᬦᬾᬢ᭄ᬬᬂᬩᬸᬤᬸᬄᬧᬤᬶᬤ᭄ᬬ
ᬦ᭄᭞ᬜᬾᬦ᭄ᬧᬘᬂᬗᬾᬤᬍᬫᬶᬦ᭄᭞ᬳᬓ᭄ᬚᭂᬧ᭄ᬓᭀᬢ᭄ᬓ᭞ᬫᬸᬲᬸᬄᬫᬗᬮᬤᬾᬰᬵ᭞ᬳᬶᬘᬓᬺᬓ᭄ᬤᬾᬜᬳᬸᬢᬶᬦ᭄᭞ᬤᬢᬲ᭄ᬩᭂᬢᬂ᭞ᬤ᭄ᬧᬂᬢ᭄ᬬᬂᬦᬶᬫ᭄ᬧᬮᬶᬦ᭄᭟ᬲᬶᬤᬵᬭᬢᬸᬢ᭄ᬬᬂᬦᬸᬩᬮᬶᬳᬂᬳᬶᬤᬵ᭞ᬓᬾᬯᬮᬦᬸᬫᬸᬘᬶᬗᬶᬦ᭄᭞ᬳᬶᬫᬸᬭᬸᬩ᭄ᬫᬦᬶᬫ᭄ᬩᬮ᭄᭞ᬩᬋᬂᬢ᭄ᬓᬾᬦ᭄ᬳᬶ
[ ᭑᭔ 14A]
ᬰᬗ᭄ᬓᬵ᭞ᬢ᭄ᬬᬂᬲᬭᬸᬯᬂᬭᬵᬢᬸᬗ᭄ᬕᬶᬄ᭞ᬦᬓᬕᬸᬂᬗᬓ᭄᭞ᬤᬶᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭟ᬤᬵᬗᬾᬯᭂᬳᬂᬳ᭄ᬬᬫᬸᬲᬸᬄᬧᬤᬫᬦᬸᬱᬵ᭞ᬢ᭄ᬓᬢᬓᭂᬃᬢᬦ᭄ᬤᬶᬗᬶᬦ᭄᭞ᬳᬶᬤ᭄ᬮᬾᬫ᭄ᬓᬧᬼᬕᬦ᭄᭞ᬓᬧᬶᬰᬺᬂᬦᬸᬳᬸᬢᬂ᭞ᬮᬯᬸᬢ᭄ᬓᬳᬚᬓᬧᬸᬭᬶ᭞ᬓᬲ᭄ᬫᬭᬵᬮᬗᭃ᭞ᬤᬶᬕ᭄ᬤᭀᬗᬾᬲᬶ
ᬓᬗᬶᬦ᭄᭟ᬩᬳᬸᬧ᭄ᬭᬕᬢ᭄‌ᬳᬼᬃᬫᬢᬾᬫ᭄ᬩᭀᬓ᭄ᬕᬫ᭄ᬩᬃ᭞ᬫᬢᬭᬶᬩ᭄‌ᬕ᭄ᬤᬄᬓᬸᬦᬶᬂ᭞ᬓᬸᬭᬶᬦᬾᬫᬩ᭄ᬗᬤ᭄᭞ᬕ᭄ᬤᬄᬤᬥᬸᬫᬧ᭄ᬭᬤ᭞ᬫᬦᬢᬄᬲᬾᬮᬘᬡ᭄ᬤᬦ᭞ᬫᬓ᭄ᬮᬫ᭄ᬩᬸᬩᬳᬦ᭄᭞ᬓᬱᬭᬸᬦ᭄ᬢᬗᬾᬂᬳᬮᬶᬫ᭄᭟ᬧᬤᬗ᭄ᬮᬯᬸᬢ᭄‌ᬫ᭄ᬦᬾᬓᬳᬫ᭄ᬩᬾᬃᬦᬾᬦ᭄ᬕᬓ᭄᭞ᬳᬶᬕ᭄ᬮᬾᬫᬗᭂᬦ᭄ᬫᬶ
ᬦ᭄᭞ᬩᬋᬂᬓᬾᬦ᭄ᬳᬶᬜᬜᬧ᭄᭞ᬫᬶᬲᬜᬗᬶᬂᬲᬫ᭄ᬧᬶᬗᬦ᭄᭞ᬧᬢᬸᬄᬧᬤᬳᬸᬩᬸᬄᬘ᭄ᬦᬶᬓ᭄᭞ᬩᬕᬸᬲ᭄ᬫᬩ᭄ᬗᬤ᭄᭞ᬩᬸᬫᬭᬵᬫ᭄ᬦᬾᬓ᭄ᬮᬶᬄ᭟ᬲᬕᬾᬢ᭄‌ᬢ᭄ᬓᬳᬶᬕᬥᬳᬸᬮᬶᬚ᭄ᬭᭀᬯᬦ᭄᭞ᬳᬶᬭᬶᬗᬂᬯᬭᬧ᭄ᬲᬭᬶ᭞ᬗᬩᬧᬧᬸᬦ᭄ᬤᬸᬢᬦ᭄᭞ᬲᬸᬩᬬᬵᬓᬳᬢᬸᬭᬂ᭞ᬢᬶᬕ᭄ᬮᬾᬫᬸᬜᬶ
ᬦᬾᬫᬦᬶᬲ᭄᭞ᬭᬢᬸᬳᬚᬗᬂ᭞ᬢ᭄ᬤᬸᬄᬲᬵᬫ᭄ᬧᬸᬦ᭄ᬧᬸᬦᬶᬓᬶ᭟ᬓ᭄ᬜᭂᬫ᭄ᬤᬤᬶᬳᬶᬜᬜᬧ᭄ᬫᬢᬸᬃᬤᬸᬭᬸᬲᬂ᭞ᬭᬵᬢᬸᬗᬚ᭄ᬗᬂᬳᬶᬗ᭄ᬕᬶᬄ᭞ᬜᬦᬦᬸᬦᬲ᭄ᬮᬸᬗ᭄ᬳᬵ᭞ᬓᬢᬫᬦ᭄ᬫᬲᬲᬜ᭄ᬚᬦ᭄᭞ᬓ᭄ᬜᭂᬫ᭄ᬳᬶᬘᬓ᭄ᬭᬜᬳᬸᬢᬶᬦ᭄᭞ᬫᬳᬶᬓᬾᬳᬶᬤᬵ᭞ᬫᬳᭂᬫ᭄ᬧᬤᬫᬓᬶᬓᬶ [ 15 ][ ᭑᭔ 14B]
᭑᭔᭞
ᬢ᭄᭟ᬫᬢᭀᬮᬶᬳᬦ᭄ᬳᬶᬰᬗ᭄ᬓᬵᬜ᭄ᬭᬾᬭᬾᬳᬶᬤᬤ᭄ᬥᬵ᭞ᬳᬶᬕ᭄ᬮᬾᬫ᭄ᬓᬳᬚᬓᬶᬦ᭄᭞ᬩᬋᬂᬫᬓᭂᬫ᭄ᬩᬸᬮᬦ᭄᭞ᬲᬸᬩᬧᬤᬵᬗᬚ᭄ᬜ᭄ᬕᬂ᭞ᬢᬸᬢᬶᬂᬧᬋᬓᬦᬾᬲᬫᬶ᭞ᬗᬫᬄᬫᬓ᭄ᬚᬂ᭞ᬲᬸᬳᬸᬤ᭄ᬗᬚ᭄ᬜ᭄ᬕᬂᬗᭀᬧᬶ᭟ᬫᬢᬹᬃᬤᬤᬶᬳᬶᬕ᭄ᬮᬾᬫ᭄ᬳᬚᬓ᭄ᬳᬶᬜᬜᬧ᭄᭞ᬦᬓᬕᬸᬂᬤᬸᬭᬸᬲ᭄ᬫᬗ᭄ᬓᬶ
ᬦ᭄᭞ᬮᬸᬗ᭄ᬳᬵᬫᬲᬲᬜ᭄ᬚᬦ᭄᭞ᬓ᭄ᬜᭂᬫ᭄ᬤᬤᬶᬳᬶᬰᬗ᭄ᬓᬵ᭞ᬳᬶᬫᬸᬭᬸᬩ᭄ᬫᬸᬜᬶᬦᬾᬫᬦᬶᬲ᭄᭞ᬢ᭄ᬬᬂᬫᬼᬤ᭄ᬲᬚᬵ᭞ᬦᬯᬂᬢᬵᬫᬦᬾᬤᬶᬦᬶ᭟ᬫᬢᭀᬮᬶᬳᬦ᭄ᬳᬶᬕ᭄ᬮᬾᬫ᭄ᬦᬸᬮᬶᬄᬧᬋᬓᬦ᭄᭞ᬦᬩ᭄ᬤᬩᬂᬓ᭄ᬭᬾᬢᬳᬧᬶ᭞ᬩᬾᬡ᭄ᬤᬶᬫᬶᬭᬄᬚᬭᬦ᭄᭞ᬧᬤᬢ᭄ᬢᬶᬲ᭄ᬧᬸᬃᬤᭀᬓᬃ᭞ᬓ᭄ᬮᬶ
ᬢ᭄ᬤᬶᬧ᭄ᬓᭂᬦᬾᬢᬶᬢᬶᬩ᭄᭞ᬳ᭄ᬬᬳᬶᬍᬗ᭄ᬓᬭᬵ᭞ᬧᬾᬦ᭄ᬢᭂᬃᬗᭂᬦ᭄ᬢᬬᬂᬲᬫᬶ᭟ᬲᬸᬩᬧ᭄ᬭᬕᬢ᭄ᬳᬦᬸᬢ᭄‌ᬢ᭄ᬓᬾᬦᬶᬂᬢᭂᬗ᭄ᬭᬦ᭄᭞ᬲᭀᬫ᭄ᬧ᭄ᬭᬾᬢ᭄‌ᬜ᭄ᬭᬶᬢ᭄ᬫᬫᬸᬜᬶ᭞ᬩᬸᬓᬵᬫᬦᬸᬦ᭄ᬤᬾᬦᬂ᭞ᬧᬋᬓᬦᬾᬫᬧᬬᬲ᭄᭞ᬩᭂᬓ᭄ᬤᬶᬩᬜ᭄ᬘᬶᬗᬄᬫᬗᬦ᭄ᬢᬶ᭞ᬲᬸᬩᬵᬓᬢᬸᬭ?ᬳᬂ᭞ᬓᬾᬦ᭄ᬳᬶᬕ᭄ᬮᬾᬫ᭄ᬓᬧᬸ
ᬭᬶ᭟ᬫᬓ᭄ᬫᬶᬓ᭄ᬳᬶᬕ᭄ᬮᬾᬫ᭄ᬓᬾᬦ᭄ᬳᬶᬜᬜᬧ᭄᭞ᬦᬄᬳᬶᬤᬵᬮ᭄ᬯᬲ᭄ᬗᬶᬭᬶᬂ᭞ᬦᬓᬕᬸᬂᬓᬢᬫᬦ᭄᭞ᬳᬦᬓ᭄ᬢ᭄ᬬᬳᭀᬳᭀᬦ᭄ᬧᬶᬲᬦ᭄᭞ᬳᬭᬄᬳᬶᬗᬸᬄᬕᬢᬶᬕᬢᬶ᭞ᬓ᭄ᬜᭂᬫ᭄ᬳᬶᬜᬜᬧ᭄᭞ᬩᬗ᭄ᬕᬬᬂᬢᬶᬢ᭄ᬬᬂᬗᬶᬭᬶᬂ᭟ᬲᬕᬾᬢ᭄ᬓᬳᬶᬧᭀᬮᬾᬂᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄ᭞ᬫᬗᬢᬸᬭᬂᬧ
[ ᭑᭕ 15A]
ᬲᬮᬶᬦ᭄᭞ᬢ᭄ᬓᬦᬶᬂᬳᬶᬘᬓᬺ᭞ᬓᬾᬦ᭄ᬳᬶᬫᬸᬭᬹᬩ᭄ᬳᬶᬰᬗ᭄ᬓᬵ᭞ᬧᬢᬸᬄᬧᬤᬫᬍᬫᬭᬶ᭞ᬕ᭄ᬤᬄᬫᬢ᭄ᬭᬯᬂ᭞ᬍᬗᬶᬲ᭄ᬧᬤᬫᬧ᭄ᬢᬶ᭟ᬫᬥᬸᬮᬸᬭᬦ᭄ᬳᬾᬃᬕᬸᬮᭀᬢ᭄ᬓᬦᬶᬂᬳᬫ᭄ᬩᬃ᭞ᬧᬾᬦ᭄ᬤᬾᬃᬦᬾᬦᬾᬓᬸᬫ᭄ᬧ᭄ᬦᬶ᭞ᬳᬶᬘᬓᬺᬫᬮ᭄ᬬᬢ᭄᭞ᬓ᭄ᬜᭂᬫ᭄ᬦᭀᬮᬶᬄᬦᬾᬤᬤ᭄ᬯ᭞ᬫᬩ᭄ᬭᬶᬬᬸᬓ᭄ᬫᬸᬜᬶᬦᬾᬫᬦᬶᬲ᭄᭞ᬦᬓᬕᬸᬂᬢ᭄ᬬᬂ᭞ᬦᬸ
ᬦᬲ᭄ᬫᬾᬩ᭄ᬕᭂᬄᬕᬢᬶ᭟ᬓ᭄ᬜᭂᬫ᭄ᬳ᭄ᬬᬳᬶᬕ᭄ᬮᬾᬫᬢᬹᬃᬭᬭᬶᬲᬂ᭞ᬫ᭄ᬬᬲ᭄‌ᬲᬵᬫ᭄ᬧᬸᬦ᭄ᬧᬸᬦᬶᬓᬶ᭞ᬜᬦ᭄ᬤᬂᬧᬘᬂᬮᬸᬗ᭄ᬳᬵ᭞ᬭᬢᬸᬢᬶᬢ᭄ᬬᬂᬦᬯ᭄ᬕᬂ᭞ᬫᬵᬢᬹᬃᬲᬶᬲᬶᬧ᭄‌ᬦᬾᬦ᭄ᬢᭂᬦ᭄ᬗᬶᬭᬶᬂ᭞ᬳᬶᬧᬸᬦ᭄ᬳᬶᬜᬜᬧ᭄᭞ᬓᬾᬦ᭄ᬓᬾᬦ᭄ᬢᬶᬢ᭄ᬬᬂᬫᬗᬶᬭᬶᬂ᭟ᬓᬲᬳᬸᬢᬶᬦ᭄ᬩᬦ᭄‌ᬓ᭄ᬜᭂᬫ᭄‌ᬢ᭄ᬓᬾᬦ᭄ᬳᬶᬘᬓᬺ᭞ᬳᬶᬫᬸᬭᬸᬩ᭄ᬦᬶᬫ᭄ᬩᬮ᭄ᬤᬤᬶ᭞ᬢᬸᬅᬤᬵ
ᬲᬶᬮ᭄ᬯᬲ᭄᭞ᬫᬾᬧᬗᭂᬦᬂᬢ᭄ᬬᬲᬚᬵ᭞ᬓ᭄ᬜᭂᬫ᭄ᬳᬶᬕ᭄ᬮᬾᬫ᭄ᬧᬸᬦᬶᬓᬶ᭞ᬤᬅ᭄‌ᬲᬋᬂᬮᬸᬗ᭄ᬳᬵ᭞ᬲᬧᬓᬬᬸᬦ᭄ᬗᬃᬱᬳᬶᬦ᭄᭟ᬮᬳᬸᬢ᭄ᬫᬸᬮᬶᬄᬳᬶᬕ᭄ᬮᬾᬫ᭄ᬩᬋᬂᬳᬶᬜᬜᬧ᭄᭞ᬬᬳᬶᬕᬥᬗᬮᬳᬶᬦ᭄᭞ᬫᬶᬲᬦᬾᬫᬧᬬᬲ᭄᭞ᬗᬦᬹᬢᬂᬧᬧᬭᬱᬦ᭄᭞ᬳᬮᬶᬲᬾᬚᭂᬧ᭄ᬫᬳᬶᬗᬶ
ᬤ᭄᭞ᬜᬦ᭄ᬤᬂᬗᬮᬧᬂ᭞ᬲᬶᬂᬧᬧᬲ᭄ᬫᬱᬮᬸᬤᬶᬄ᭟᭚ᬥᬂᬥᬂ᭚ᬧᬢᬸᬄᬓᬫ᭄ᬩᭂᬦᬾ ᬫᬧᬳᬸᬢ᭄ᬫᬦᬶᬲ᭄᭞ᬧ᭄ᬭᬜ᭄ᬘᬶᬲ᭄ᬕᬥᬂ᭞ᬫᬢ᭄ᬧᬶᬫᬧ᭄ᬭᬤᬵ᭞ᬳᬦᬸᬢ᭄ᬓᬾᬦ᭄ᬩᬩᬲᬅ᭄ᬳᬾ᭞ᬕᬕᬸᬮᬸᬂᬤᬤᬸᬢ᭄ᬭᬸᬲ᭄᭞ᬫᬓᬸᬮᬫ᭄ᬩᬶᬩᬶᬮᬸᬤ᭄ᬭᬸᬢᬗᬶ᭞ᬫᬫᭀᬤ᭄ᬭᬾᬓᬸᬱ᭄ᬬᬭᬕ᭄ᬕᬵ᭞ [ 16 ][ ᭑᭕ 15B]
᭑᭕᭞
ᬫᬤᭂᬂᬲᬸᬢᬺᬤᬤᬸ᭞ᬫᬢᬸᬧᬶᬲᬼᬫ᭄ᬫᬳ᭄ᬫᬲ᭄᭞ᬓᬓᬯᬢᬦ᭄᭞ᬫᬲᬲᭂᬫ᭄ᬩᬃᬫᬶᬭᬄᬳᬤ᭄᭞ᬗ᭄ᬕᬳᬾᬧᬓ᭄ᬦᭂᬄᬧᬸᬲᬂ᭟ᬫᬩᬸᬗ᭄ᬓᬸᬮ᭄ᬯᬶᬦ᭄ᬢᭂᬦ᭄ᬲ᭄ᬤᭂᬂᬤᬶᬓᬘᬶᬂ᭞ᬫᬳᭀᬭᬗ᭄ᬓᬵ᭞ᬓᬓᭀᬚᭀᬗᬦ᭄ᬫᬲ᭄᭞ᬧᬳᬸᬢ᭄ᬓᬾᬦ᭄ᬧᬜᬫ᭄ᬩᬸᬗᬾ᭞ᬩᭂᬓ᭄ᬩᬳᬦ᭄ᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬧᬦ᭄ᬢᭂᬲ᭄ᬫᬤᬗᬦᬦ᭄
ᬢ᭄ᬭᬡ᭄ᬤᬶᬫ᭄᭞ᬫᬳᬸᬲᬧᬼᬗᬶᬲᬦ᭄ᬤᬢ᭄᭞ᬳᬾᬃᬕᬸᬮᭀᬲᬢᬫ᭄ᬩᬸᬮ᭄᭞ᬯᬮᬸᬬᬳ᭄ᬩᭀᬗᬦ᭄ᬤᬃᬯ᭄ᬯᬵ᭞ᬢᬦ᭄ᬧᬫ᭄ᬧᭂᬢᬦ᭄᭞ᬫᬶᬳᬶᬓ᭄ᬫᬗ᭄ᬩᭂᬓᬶᬦ᭄ᬧᬸᬭᬶ᭞ᬧᬢᬸᬄᬢᬸᬢ᭄ᬗ᭄ᬳᬶᬕᬥᬵ᭞ᬧᬋᬓᬦᬾᬩᭂᬓ᭄ᬫᬧᬬᬲᬫᬶ᭞ᬲᬕᬾᬢ᭄ᬓᬵ᭞ᬳᬶᬜᬜᬧ᭄ᬗᬾᬗ᭄ᬕᬮᬂ᭞ᬜᬼᬕ᭄ᬤᬶᬩᬢᬦ᭄ᬧᬜ᭄ᬚᬸᬗᬾ
᭞ᬫᬓᬫ᭄ᬩᭂᬦ᭄ᬲᬸᬢ᭄ᬭᬥᬥᬸ᭞ᬫᬓᬸᬮᬫ᭄ᬩᬶᬕᬕᬸᬮᬸᬂᬓᬸᬦᬶᬂ᭞ᬲᭀᬭᭀᬄᬩᬗ᭄ᬲᬓᬸᬫᭂᬦ᭄ᬤᬫ᭄᭞ᬫᬫᭀᬤ᭄ᬭᬾᬫᬲ᭄ᬢᬢᬸᬃ᭞ᬩᬩᬲᬅ᭄‌ᬲᬸᬢ᭄ᬭᬩᬦ᭄ᬤᬾᬭᬵ᭞ᬧᬦ᭄ᬢᭂᬲ᭄ᬢᭀᬦ᭄ᬤᭂᬦ᭄᭞ᬫᬲᬼᬢ᭄ᬫᬳᬸᬤᭂᬂᬧᬶᬚᬶᬮ᭄᭞ᬕᬥᬂᬫᬸᬭᬸᬩ᭄ᬩᬦ᭄ᬧ᭄ᬭᬥᬵ᭟᭚ᬧᬗ᭄ᬓᬸᬃ᭚ᬳᬸᬘᬧᬂᬲᬸᬩᬫᬚᬮ
ᬦ᭄᭞ᬕᬕᬜ᭄ᬘᬗᬦ᭄‌ᬗᬓᬶᬦ᭄‌ᬓ᭄ᬭᬾᬢ᭄ᬦᬵᬕ᭄ᬦᬶ᭞ᬗᬺᬤᭂᬕ᭄ᬕᬶᬭᬶᬗᬦᬾ ᬮ᭄ᬬᬸ᭞ᬧᬺᬫᬾᬦᬓ᭄ᬮᬾᬦ᭄ᬧᬺᬫᬜ᭄ᬘ᭞ᬧᬸᬗ᭄ᬕᬯᬦᬾ ᬧᬥᬵᬫᬗᬓᬶᬦ᭄ᬲᭂᬧᬸᬃ᭞ᬕᬶᬭᬂᬬᬧᬤᬫᬤᭀᬓᬃ᭞ᬳᬤᬗᬓᬶᬦ᭄ᬧ᭄ᬤᬢᬶ᭟ᬲᬳᬲᬭᬢᬶᬢ᭄ᬗᭂᬭᬦ᭄᭞ᬤᬤᬶᬕ᭄ᬩᬸᬃᬯᬂᬤᬾᬰᬦᬾᬫᬩᬮᬶᬄ᭞ᬘ᭄ᬭᬶ
[ ᭑᭖ 16A]
ᬓ᭄‌ᬓ᭄ᬮᬶᬄᬧᬤᬵᬧ᭄ᬲᬸ᭞ᬲᭀᬭᭀᬄᬦᬾᬩᬚᬂ᭞ᬫ᭄ᬮᭂᬤ᭄ᬧᬶᬲᬦ᭄‌ᬦ᭄ᬧᬸᬓᬶᬦ᭄ᬢᬫ᭄ᬬᬸᬦᬾᬩᬕᬸᬲ᭄᭞ᬓᭀᬘᬧ᭄ᬳᬸᬮᬶᬳᬢ᭄ᬭᬂ᭞ᬩᬦᬾᬢᬸᬫ᭄ᬩᬾᬦ᭄ᬭᬯᬸᬄᬫᬳᬶ᭟ᬕᬧᭀᬓ᭄ᬫᬭᬧᬓᬯᬾᬳᬦ᭄᭞ᬢᬮᬫ᭄ᬳᬮᬫ᭄‌ᬢ᭄ᬯᬭᬧ᭄ᬤᬲ᭄ᬮᬶᬬᬢᬶᬦ᭄᭞ᬳᬾᬗ᭄ᬕᬮᬦ᭄‌ᬩ᭄ᬘᬢ᭄ᬫᬦ᭄ᬤᬯᬸᬲ᭄᭞ᬓ᭄ᬭᬾᬢᬦᬾ
ᬫᬚᬮᬦ᭄᭞ᬩᬸᬓᬵᬳᬗᬶᬦ᭄᭞ᬦᬾᬩᬋᬢᭀᬂᬩᬓᬢ᭄ᬢᬸᬢᬸᬕ᭄᭞ᬢ᭄ᬓᭂᬤ᭄ᬤ᭄ᬬᬲᬸᬩᬤᬶᬢᬫᬦ᭄᭞ᬳᬾᬓᬵᬲ᭄ᬫᬭᬵᬗᬸᬮᬗᬸᬦ᭄᭟ᬲᬦᭂᬕ᭄ᬳ᭄ᬬᬩ᭄ᬗᭀᬫᬮ᭄ᬬᬢ᭄᭞ᬗᬯᬲ᭄ᬢᬫᬦ᭄‌ᬦᬾᬯ᭄ᬓᬲ᭄ᬮᬗᬵᬕᬢᬶ᭞ᬧᬸᬜᬦ᭄ᬩᬸᬗᬦᬾᬫᬢᬸᬭᬸᬢ᭄᭞ᬫᬯᬤᬄᬧᬢᬸᬜ᭄ᬚᬸᬗᬦ᭄᭞ᬮᬾᬦ᭄ᬢᭀᬩ᭄ᬯᬶᬦ᭄ᬤᭂᬮᭀ
ᬤ᭄‌ᬢ᭄ᬮᬕᬦᬾ ᬮᬸᬳᬸᬂ᭞ᬳᬤᬮᭀᬚᬶᬫᬓᭂᬫ᭄ᬩᬭᬦ᭄᭞ᬫᬳᬸᬓᬶᬃᬫᬧ᭄ᬭᬤᬗᭂᬦ᭄ᬤᬶᬄ᭟ᬳᬶᬫᬸᬭᬸᬩᬋᬂᬳᬶᬘᬓᬺ᭞ᬦᬸᬳᬸᬢ᭄ᬧᬦ᭄ᬢᬫᬦᬾᬓᬳᬶᬍᬳᬶᬦ᭄᭞ᬚᬤᭀᬚᬤᭀᬫᬗᬺᬭᬦ᭄ᬢᬸᬦ᭄᭞ᬲᬫ᭄ᬩᬶᬮᬫᬧᬯᬲᬦ᭄᭞ᬳ᭄ᬦᬸᬳᬶᬬᬵᬳᬶᬕᬥᬳᬚᬓ᭄ᬢᬢ᭄ᬮᬸ᭞ᬤᬶᬲᬶᬲᬶᬦ᭄‌ᬢ᭄ᬮᬕᬦᬾᬲ᭄ᬫᬂ᭞ᬳᬢ᭄ᬫᬵ
ᬦᬾᬓ᭄ᬘᬕ᭄ᬤᬶᬧᬸᬭᬶ᭟ᬳᬶᬜᬜᬧ᭄ᬗᬮᬧ᭄ᬢᬺᬗ᭄ᬕᬦᬵ᭞ᬫᬲᬲᬸᬦ᭄ᬤᬸᬓ᭄ᬮᬶᬃᬕᬶᬮᭀᬗᬯᬶᬃᬳᬣᬶᬃ᭞ᬓᬢᬸᬢ᭄ᬤᭀᬦ᭄ᬫᬗᬺᬋᬫᬸ᭞ᬳᬦᬸᬢ᭄ᬓᬾᬦᬶᬂᬮᬮ᭄ᬬᬢ᭄᭞ᬫᭂᬫ᭄ᬩᬄᬕᬸᬮᬵᬫᬦᬶᬲ᭄ᬜᭂᬜᭂᬃᬫᬢ᭄ᬭᬸᬄᬚᬸᬭᬸᬄ᭞ᬜᬦ᭄ᬤᬂᬕᬸᬲ᭄ᬮᬾᬮᭀᬢᬦ᭄ᬧᬢ᭄ᬫᬵ᭞ᬓᬧ᭄ᬭᬡᬦ᭄ᬫᬭᬗᬶᬬᬢᬶᬦ᭄᭟ᬍᬍᬄᬧᬶᬢᬸᬗᬦᬾᬳᬸᬲᬓ᭄ [ 17 ][ ᭑᭖ 16B]
᭑᭖᭞
ᬗ᭄ᬭᬦᭂᬳᬶᬦ᭄ᬳᬸᬮᬗᬹᬦᬾᬢᬦ᭄ᬲᬶᬧᬶ᭞ᬮᬮ᭄ᬬᬢᬾᬳᬸᬮᬢ᭄ᬮᬸᬭᬸ᭞ᬲᭀᬢᬦᬶᬂᬚᬬᬾᬂᬢᬶᬮᬫ᭄᭞ᬗᬮᬶᬄᬲᬭᬸᬜ᭄ᬚ᭄ᬭᬶᬢ᭄ᬫᬫᬸᬜᬶᬦᬓᬕᬸᬂ᭞ᬭᬵᬢᬸᬚᬮᬦ᭄ᬫᬗᬗᬶᬦᬂ᭞ᬳᬚᬓ᭄‌ᬚᬵᬢ᭄ᬬᬂᬫᬮᬮᬶ᭟ᬓᬚᬓ᭄ᬳ᭄ᬬᬓᬤᬦ᭄ᬤᬦ᭄᭞ᬦᬸᬧᬤᬶᬤᬶᬳᬶᬕᬥᬜᬾᬗ᭄ᬓᭀᬓ᭄‌ᬚ᭄ᬜ᭄ᬕᬶᬲ᭄᭞ᬳᬶᬜᬜᬧ᭄‌ᬗ᭄ᬮᬂᬮᬂᬓᬸ
ᬮᬗᬸᬦ᭄᭞ᬩᬋᬂᬳᬚᬓ᭄ᬳᬶᬰᬗ᭄ᬓᬵ᭞ᬗᭂᬦᬄᬧᬸᬥᬓᬾᬓᭂᬫ᭄ᬩᬂᬫᬶᬳᬶᬓ᭄ᬫᬗᬮᬸᬩ᭄᭞ᬓᬳᬮᬧ᭄ᬩᬳᬦ᭄ᬳᬶᬰᬗ᭄ᬓᬵ᭞ᬳ᭄ᬦᬸᬧᬸᬘᬸᬓᬦ᭄ᬓᬢᬸᬮᬶᬲ᭄᭟ᬫᬸᬜᬶᬦ᭄ᬧᬗᬯᬶᬦᬾᬗᬭᬂ᭞ᬫᬾᬭᬵᬢᬸᬫᬵᬲᬬᬂᬦᬶᬓᬶᬧᬯᭀᬲᬶᬦ᭄᭞ᬳᬢᬹᬃᬢ᭄ᬬᬗᬾᬤᬶᬓᬶᬤᬸᬂ᭞ᬜᬤ᭄ᬬᬗᬢᬸᬭᬂᬳᬯᬓ᭄᭞ᬧᬶᬢᬸᬮᬸᬲᬂᬲ᭄ᬯᬾ
ᬘ᭄ᬙᬵᬦᬾᬗ᭄ᬕᬶᬄᬳᬦᬓᬕᬸᬂ᭞ᬤᬸᬤᬸᬓ᭄ᬚᬵᬳᬗ᭄ᬕᭀᬦ᭄ᬧᬋᬓᬦ᭄᭞ᬜᬦᬦ᭄ᬢ᭄ᬬᬂᬓ᭄ᬫᬵᬫᬓ᭄ᬫᬶᬢ᭄᭟ᬓᬾᬢᭀᬫᬸᬜᬶᬜᬵᬫ᭄ᬮᬤ᭄ᬧ᭄ᬭᬡ᭄ᬦᬵ᭞ᬮᬯᬸᬢ᭄ᬩᬗᬸᬦ᭄ᬳᬶᬜᬜᬧ᭄ᬓᬤᭂᬲ᭄ᬓᬶᬦ᭄᭞ᬫᬩᬸᬗᬗ᭄ᬕᬶᬄᬳᬦᬔᬕᬸᬂ᭞ᬳᬶᬜᬜᬧ᭄ᬫᬗᬫ᭄ᬧᬶᬕᬂ᭞ᬓᬧᬘᬳᬶᬦ᭄ᬤᬶᬓ᭄ᬦᭂᬄᬚ᭄ᬜᬳᬾᬫᬸᬧᬸᬢ᭄᭞ᬓᬲᬶᬢ᭄ᬲᬶᬢ᭄ᬳ᭄ᬬᬓᬳᭂᬦ᭄ᬢᬸᬗᬂ᭞
ᬓ᭄ᬜᭂᬫ᭄ᬳᬶᬰᬗ᭄ᬓᬵᬗ᭄ᬮᬶᬬᬢᬶᬦ᭄᭟ᬦᬓᬕᬸᬂᬳᬫ᭄ᬧᬸᬭᬵᬳ᭄ᬬᬂ᭞ᬢᬦ᭄ᬲᬓᬭᬶᬳᬚᬶᬕᬃᬲᬓᬾᬂᬚᬢᬶ᭞ᬩᬸᬓᬵᬦᬾᬫᬸᬗ᭄ᬕᬸᬄᬤᬶᬓᬶᬤᬸᬂᬧᬓ᭄ᬦᭂᬄᬢᬶᬢ᭄ᬬᬂᬲᬳᬢ᭄᭞ᬬᬤᬶᬦ᭄ᬫᬢᬶᬲᬸᬓᬵᬫᬲ᭄ᬫᬤᬶᬳ᭄ᬭᬸᬫ᭄᭞ᬭᬢᬸᬲᬓᬾᬯᬮᬵᬳᬶᬤᬵ᭞ᬳᬾᬮᬶᬂᬓᬬᬸᬦ᭄ᬫᬗ᭄ᬭᬸᬭᬸᬩᬶᬦ᭄᭟ᬳᬶᬜᬜᬧ᭄ᬫᭂᬦ᭄ᬥᭂᬧ᭄

[ ᭑᭗ 17A]
ᬗ᭄ᬮᬾᬤᬂ᭞ᬲᬕᬾᬢ᭄ᬓᬵᬧᬋᬓᬦ᭄‌ᬘ᭄ᬭᬶᬓ᭄ᬗᬮᬶᬄ᭞ᬜᭀᬗ᭄ᬓᭀᬓ᭄ᬳ᭄ᬬᬜᬸᬫ᭄ᬩᬄᬫᬳᬢᬸᬃ᭞ᬭᬵᬢᬸᬓᬧᬦ᭄ᬤᬶᬓᬬᬂ᭞ᬳᬦ᭄ᬢᬸᬓ᭄ᬳᬓᬾᬄᬳᬚᬶᬳᬚᬶᬦ᭄‌ᬘᭀᬓᭀᬃᬭᬵᬢᬸ᭞ᬭᬯᬸᬄᬲᬫᬶᬫᬳᬢᬸᬭᬦ᭄᭞ᬳᬶᬭᬶᬓᬩᬮᬾᬃᬫᬮᬶᬗ᭄ᬕᬶᬄ᭟ᬫᬗᬸᬤᬤᬶᬫᬓᬤᬤ᭄ᬯ᭞ᬫᬢᭀᬮᬶᬳᬦ᭄ᬜᬭᬾᬭᬾᬦᬕᬶᬄᬳᬸᬢᬶᬓ᭄
᭞ᬦᬗ᭄ᬓᭂᬧᬂᬭᭀᬓᭀᬫᬘ᭄ᬩᬸᬃ᭞ᬦᬦ᭄ᬤᬂᬗᬶᬭᬲ᭄ᬮᬜ᭄ᬘᬶᬗᬦ᭄᭞ᬢ᭄ᬯᬶᬫ᭄ᬮᬄᬳᬲᬶᬂᬭᬭᬲ᭄ᬗᬩᬕᬸᬲ᭄᭞ᬗᬯᬾᬧᬓ᭄ᬦᭂᬄᬧ᭄ᬭᬫᬜ᭄ᬘ᭞ᬜᬦ᭄ᬤᬂᬫᬗ᭄ᬯᬶᬱᬦᬶᬦ᭄ᬳᬢᬶ᭟ᬢ᭄ᬓᬳᬶᬬᬫᬩᬋᬗᬦ᭄᭞ᬤᬧᭂᬢᬗᬳᬶᬕᬥᬫᬗᭂᬦ᭄ᬫᬶᬦ᭄᭞ᬧᬭᬧᬸᬗ᭄ᬕᬯᬦᬾᬮ᭄ᬬᬸ᭞ᬩᬋᬂᬢ᭄ᬓᬾᬦ᭄ᬳᬶᬘᬓᬺ᭞ᬬᬳᬶᬫᬸᬭᬸᬩ᭄‌ᬗ᭄ᬮᬾᬤᬗᬶᬦᬗ᭄ᬭᬯᭀᬲ᭄ᬤᬶᬢᬸ᭞ᬭᬸᬶ
ᬭᬫᬾᬬᬵᬫᬕᬕᭀᬜ᭄ᬚᬓᬦ᭄᭞ᬓ᭄ᬤᬾᬓᬾᬫᬯᬦ᭄ᬢᬶᬯᬦ᭄ᬢᬶ᭟ᬳᬶᬰᬗ᭄ᬓᬵᬲᬸᬩᬫᬦ᭄ᬕᬓ᭄᭞ᬳ᭄ᬬᬳᬶᬜᬜᬧ᭄‌ᬓ᭄ᬜᭂᬫᬸᬜᬶᬦᬾᬫᬦᬶᬲ᭄᭞ᬩᬧᬩ᭄ᬮᬶᬯᬳᬸᬭᬯᬸᬄ᭞ᬫᬩ᭄ᬭᬶᬬᬸᬓ᭄ᬫᬢᬸᬃᬜᬸᬫ᭄ᬩᬄ᭞ᬭᬵᬢᬸᬢᬶᬢ᭄ᬬᬂᬫᬶᬭᬕᬶᬘᭀᬓᭀᬃᬳᬶᬭᬵᬢᬸ᭞ᬫᬳᬫᭂᬗ᭄ᬳᬫᭂᬂᬓᬢᬫᬦ᭄᭞ᬲ
ᬋᬂᬳᬦᬓᬕᬸᬂᬲᬫᬶ᭟ᬦᬾᬦ᭄ᬢᭂᬦ᭄‌ᬯᬾᬦ᭄ᬢᭂᬦ᭄ᬧᬗᬦ᭄ᬤᬶᬓᬵ᭞ᬲᬧᬸᬦᬧᬶᬧᬓᬬᬸᬦᬦ᭄ᬳᬶᬭᬶᬓᬶ᭞ᬗᬺᬋᬧ᭄ᬭᬢᬸᬳᬦᬓᬕᬸᬂ᭞ᬳᬶᬜᬜᬧ᭄ᬫᬓᬶᬧᭂᬓᬦ᭄᭞ᬤᬅ᭄ᬩᬯᭀᬲᬂᬳᬶᬕᬥᬫᬸᬜᬶᬦᬾᬳᬮᬸᬲ᭄᭞ᬦᬾᬦ᭄ᬢᭂᬦ᭄ᬩᬧᬵᬩ᭄ᬮᬶᬢᬶᬢ᭄ᬬᬂ᭞ᬫᬦ᭄ᬢᬸᬓ᭄ᬲᬯ᭄ᬗᬶᬜᬫᬗ᭄ᬓᬶᬦ᭄᭟ [ 18 ][ ᭑᭗ 17B]
ᬓ᭄ᬜᭂᬫ᭄ᬳ᭄ᬬᬫᭂᬧᭂᬲ᭄ᬫᬓ᭄ᬚᬂ᭞ᬲᬸᬩᬓᬢᬸᬃᬳᬢᬸᬭᬦ᭄ᬜᬦᬾᬲᬫᬶ᭞ᬓᬾᬦ᭄ᬧᬭᬧᬸᬢ᭄ᬭᬦᬾᬲᬵᬫ᭄ᬧᬸᬦ᭄᭞ᬭᬢᬵᬢᬸᬢᬶᬂᬧᬋᬓᬵᬦ᭄᭞ᬮᬾᬦ᭄ᬢᭀᬳ᭄ᬩᬾᬳᬶᬦᬸᬫᬶᬦᬸᬫᬦ᭄ᬫᬢᬸᬭᬸᬢ᭄᭞ᬧᬤᬦᬸᬫᬮᬮᬕᬭᬦ᭄᭞ᬲᬓᬤᬦ᭄ᬳᬦᬓᬾᬗᬶᬭᬶᬂ᭟ᬲᬸᬓᬫᬧᬸᬜᬄᬧᬸᬜᬳᬦ᭄᭞ᬳᬤᬗᬶᬕᭂᬮ᭄ᬳ
ᬤᬵᬜ᭄ᬭᬶᬢ᭄ᬫᬓᬓᬯᬶᬦ᭄᭞ᬳᬶᬰᬗ᭄ᬓᬵᬩᬋᬂᬳᬶᬫᬸᬭᬸᬩ᭄᭞ᬦᬸᬭᬸᬄᬦᬸᬳᬸᬓᬶᬦ᭄‌ᬢ᭄ᬯᬓ᭄᭞ᬮᬾᬦ᭄‌ᬩ᭄ᬭᬦ᭄ᬤᬶᬲᬸᬧᬶᬅ᭄ᬩ᭄ᬭᬫ᭄ᬕᬶᬯᬾᬃᬳᬗ᭄ᬕᬸᬃ᭞ᬳᬶᬘᬓᬺᬦᬸᬦ᭄ᬤᬾᬦ᭄ᬜᬸᬳᬸᬦᬶᬸᬤᬂ᭞ᬤᬕᬦᬮ᭄ᬚᬮᬦ᭄ᬫᬮᬮᬶ᭟ᬩᬗᬸᬦ᭄ᬳ᭄ᬬᬦᬸᬢᬸᬕ᭄ᬳᬶᬘᬓ᭄ᬭ᭞ᬳᬤᬕᭂᬕᭂᬃᬩᭂᬓ᭄ᬩᬦ᭄ᬧᬸᬜᬦ᭄ᬲᬭᬸᬦᬶ᭞
ᬲᬕᭀᬩᬦ᭄ᬜᬦᬾ ᬫᬢᬸᬭᬸᬢ᭄᭞ᬧᬭᬧᬸᬢ᭄ᬭᬦᬾᬕᬶᬭᬂ᭞ᬮᬾᬦ᭄ᬧᬋᬓᬦ᭄ᬧᬺᬫᬾᬦᬓ᭄ᬧᬸᬗ᭄ᬕᬸᬯᬮ᭄ᬬᬸ᭞ᬗᬼᬫ᭄ᬧᬕ᭄ᬲᬭᬸᬡᬶᬧᬸᬳᬸᬦᬦ᭄᭞ᬫᬩᬸᬗᬵᬲᬮᬶᬂᬮᬶᬫ᭄ᬧᬤᬶᬦ᭄᭟ᬤᬶᬫᬸᬭᬸᬩ᭄ᬗᬮᬧ᭄ᬓᬘᬶᬢ᭄ᬣᬵ᭞ᬢ᭄ᬓᬾᬦ᭄ᬕᬥᬸᬂᬳᬶᬜᬜᬧ᭄ᬓᬩᬸᬗᬳᬶᬦ᭄᭞ᬳᬶᬘᬓᬺᬲᬫ᭄ᬧᬶᬳᬾ
ᬓᬬᬸᬄ᭞ᬳᬋᬂᬢ᭄ᬓᬾᬦ᭄ᬳᬶᬕᬤᬵ᭞ᬗᬮᬧ᭄ᬲᬦ᭄ᬤᬢ᭄ᬗᬺᬫ᭄ᬧᬬᬓ᭄ᬩᬓᬢ᭄ᬩᬦ᭄ᬜᬸᬄᬚᬸᬄ᭞ᬓᬗ᭄ᬕᭀᬮᬦ᭄ᬢᬾᬃᬫᬕᬸᬩᬄ᭞ᬗᬭᬲ᭄ᬧᬶᬧᬶᬗᬯᬶᬃᬭᬯᬶ᭟ᬳᬶᬰᬗ᭄ᬓᬵᬳ᭄ᬬᬫᬓᬯᬸᬓᬦ᭄᭞ᬓᬾᬦ᭄ᬳᬶᬜᬜᬧ᭄ᬦᬓᬕᬸᬂᬦᬧᬶᬦᬶᬓᬶ᭞ᬓ᭄ᬤᬶᬲ᭄ᬓᬸᬦᬶᬂᬗ᭄ᬳᭂᬫ᭄ᬢᬮᬸᬄ᭞ᬳᬜᬜ
[ ᭑᭘ 18A]
ᬧ᭄ᬫᬗᬾᬗ᭄ᬕᬮᬂ᭞ᬫᬜᬕ᭄ᬚᬕᬶᬦ᭄‌ᬤᭀᬂᬗ᭄ᬕᬶᬄᬓᬾᬮᬯᬸᬢᬂᬳ᭄ᬚᬸᬓ᭄᭞ᬳ᭄ᬬᬂᬗᬶᬘᬾᬦ᭄ᬳᬗ᭄ᬕᭀᬦ᭄ᬧ᭄ᬮᬮ᭄ᬬᬦ᭄᭞ᬳᬭᬫ᭄ᬮᬄᬕᬢᬶᬕᬢᬶ᭟ᬳᬶᬰᬗ᭄ᬓᬵᬓ᭄ᬤᬾᬓ᭄ᬗᬤᬾᬗᬂ᭞ᬤᭀᬂᬤᬅ᭄‌ᬳᬸᬬᬸᬢ᭄ᬚᬦᬶᬓ᭄ᬦᬳᬶᬦ᭄ᬮᬢᬶᬄ᭞ᬮᬯᬸᬢ᭄ᬓᬧᬲᬗᬶᬦ᭄‌ᬚᬯᬸᬓ᭄᭞ᬧᬋᬓᬦᬾᬫᬓ᭄ᬚᬂ᭞ᬫᬳᬶᬮᬶᬤᬦ᭄ᬫᬗ᭄ᬤᬾᬓ᭄ᬤᬶᬲᬾᬤᬵᬘ᭄ᬮᬸ
ᬢ᭄᭞ᬳᬶᬰᬗ᭄ᬓᬵᬗᬶᬦ᭄ᬢᬶᬧ᭄ᬫᬶᬫᬶᬸᬧᬶᬢᬂ᭞ᬤᬶᬩᭀᬗ᭄ᬓᭀᬮ᭄ᬓᬬᬸᬦᬾᬗᭂᬧᬶᬮ᭄᭟ᬓᬓ᭄ᬤᭂᬂᬤᬤᬶᬳᬶᬜᬜᬧ᭄᭞ᬳ᭄ᬬᬓᬳᬩᬶᬦ᭄‌ᬓ᭄ᬕ᭄ᬮᬸᬢ᭄ᬓᬓᬲᬶᬳᬶᬦ᭄᭞ᬓᬤᬶᬗᬫᬾᬳᬦᬓᬕᬸᬂ᭞ᬦᬶᬓᬶᬧᬺᬘᬶᬳ᭄ᬦᬦ᭄ᬢᬶᬢ᭄ᬬᬂ᭞ᬫᬫᬋᬓᬦ᭄ᬫᬫᬜ᭄ᬚᬓ᭄ᬧᬶᬦ᭄ᬤᬾᬧᬶᬂᬢ᭄ᬮᬸ᭞ᬭᬵᬢᬸᬧᬶᬢ᭄ᬫᭂᬲ᭄ᬤᬅ᭄‌ᬳᭀᬩᬄ᭞ᬧᬶᬢᬺ
ᬱ᭄ᬡᬦ᭄ᬢᬶᬢ᭄ᬬᬂᬗᬾᬕᬶᬲᬶ᭟ᬬᬤᬶᬦ᭄ᬧᬶᬂᬲᬧ᭄ᬢᬵᬫᬜᬦ᭄ᬫᬵ᭞ᬲᬧᬦ᭄ᬤᬤ᭄ᬥᬶᬳᬧᬂᬢ᭄ᬬᬂᬩᬋᬂᬳᬸᬕᬶ᭞ᬬᬤᬶᬦ᭄ᬫᬢᬶᬮ᭄ᬯᬶᬄᬳᬶᬤᬸᬧ᭄᭞ᬲᬓᬵᬬᬸᬦ᭄‌ᬭᬵᬢᬸᬦᬶᬢᬄ᭞ᬗ᭄ᬕᬶᬄᬮᬶᬗ᭄ᬕᬶᬳᬶᬦ᭄‌ᬳᬢᬹᬃᬢᬶᬢ᭄ᬬᬗᬾᬤᬵᬧᭂᬗ᭄ᬓᬸᬂ᭞ᬳᬶᬜᬜᬧ᭄ᬗᬯᬸᬓ᭄ᬤᬵᬮᬗ᭄ᬲᬕ᭄᭞ᬳᬶᬄᬩ᭄ᬚᬶᬕᬃᬕ᭄ᬫᬄᬚ᭄ᬯᬭᬶ᭟ᬩᭂᬲ᭄ᬓᬩᬸᬤ᭄ᬬᬦ᭄ᬫ
ᬧ᭄ᬢᬵ᭞ᬫᬸᬜᬶᬧᬮᬶᬂᬜᭀᬩᬤ᭄ᬜᬾᬦ᭄ᬫᬗᭂᬦᭂᬫᬶᬦ᭄᭞ᬦ᭄ᬤᬾᬦ᭄ᬮᬾᬩᬂᬤᬵᬗᬶᬲᬶᬢᬭᬸᬄ᭞ᬓᬢᬶᬕ᭄ᬢᬶᬕ᭄ᬓᬲᬚᬬᬂ᭞ᬮᬓᭀᬦ᭄‌ᬢ᭄ᬓᬵᬓ᭄ᬤᬾᬔᬶᬰᬗ᭄ᬓᬵᬫᬲᬳᬸᬢ᭄᭞ᬓᬕᬶᬲᬶᬬᬓᬧᭂᬤᭂᬫᬂ᭞ᬤᬶᬧᬩᬶᬦᬦᬾkᬳᬭᬶᬂᬭᬶᬂ᭟ᬇᬢᬶᬕᬕᬸᬭᬶᬢᬦ᭄᭝ᬕ᭄ᬮᬾᬫ᭄᭚᭜᭚ [ 19 ][ ᭑᭘ 18B]
᭛᭜᭛ᬧᬸᬧᬸᬢ᭄‌ᬲᬶᬦᬸᬭᬵᬢ᭄ᬭᬶᬂᬭᬳᬶᬦᬵ᭞ᬲᭀᬫ᭞ᬉᬫᬦᬶᬲ᭄᭞ᬯᬭᬵᬢᭀᬮᬸ᭞ᬢᬂ᭞ᬧᬶᬂ᭞᭔᭞ᬰᬰᬶᬄ᭞ᬓ᭞᭕᭞ᬭᬄ᭞᭙᭞ᬢᭂᬗ᭄ᬕᭂᬓ᭄᭞᭐᭞ᬇᬰᬓᬵ᭞᭑᭙᭐᭙᭞ᬯᬃᬱᬦᬶᬗ᭄ᬮᭀᬓᬵ᭟ᬓᬲᬸᬭᬵᬢ᭄ᬳᬦ᭄ᬢᬸᬓ᭄‌ᬳᬶᬤᬵᬩᬕᬸᬲ᭄ᬫᬥᬾᬚ᭄ᬮᬡ᭄ᬝᬶᬓ᭄᭞ᬭᬶᬂᬕ᭄ᬭᬶᬬᬵᬓᬘᬶᬘᬂ᭞ᬳᬫ᭄ᬮᬧᬸᬭ
ᬓᬭᬗ᭄ᬳᬲᭂᬫ᭄᭝ᬩᬮᬶ᭚᭜᭚
[ 19A]