Ban/Gaguritan Giriputri

Deskripsi

Naskah

[ 1 ][Judul: GAGURITAN GIRI PUTRI.
Pnj. 40 cm. Lb.3,5 cm. Jml.143 lb.
Asal: Jasri, Karangasem.
[᭑ 1A] [ 2 ][᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬦᬾᬩᬗᭂᬢ᭄ᬗᬯᬾ᭠ᬲᭂᬗ᭄ᬕᬂ᭞ᬢᬦ᭄ᬧᭂᬲᬦ᭄ᬯᬾᬦ᭄ᬢᭂᬦ᭄ᬗᬯᬾᬦᬶᬦ᭄᭞ᬫᬓᬵᬤᬶᬭᬶᬂᬘᬭᬶᬓ᭄ᬳᬩ᭄ᬬᬦ᭄᭞ᬫᬲᬮᬳ᭄ᬭᬸᬦᬾᬦᭂᬫᭀᬦᬶ
ᬦ᭄᭞ᬢᬦ᭄ᬓᬤᬸᬭᬸᬲ᭄ᬦᬦ᭄ᬤᬸᬃᬩᬶᬩᬶᬢ᭄᭞ᬧᬮᬯᬶᬚᬫᬶᬯᬄᬧᬦ᭄ᬢᬸᬦ᭄᭞ᬲᬸᬯᬾᬗᬦ᭄ᬢᭀᬲ᭄ᬫᬲᬦ᭄ᬳᬸᬚᬦ᭄᭞ᬳᭀᬍᬕ᭄ᬗᬸᬬᬸᬓ᭄ᬫᭂᬤ᭄ᬫᬦᭂᬗᬶᬮ᭄᭞ᬲᭂᬤᭂᬓ᭄‌ᬗ᭄ᬮᬸᬬᬸᬃ᭞ᬓᬕᬾᬢ᭄ᬫᬧᬶᬦᭂᬄᬭᬶᬂᬚᬮᬦ᭄᭟᭜᭟
ᬧᬸᬦᬧᬶᬳᬦ᭄ᬢᬸᬓ᭄ᬜᬳᬸᬭᬂ᭞ᬬᬦ᭄ᬧᬤᬾᬯᬾᬦ᭄ᬢᭂᬦ᭄ᬦᬓᬾᬦᬶᬦ᭄᭞ᬧᬚᬮᬦᬾᬢᬦᬓᬭ᭄ᬯᬦ᭄᭟ᬮᬸᬦ᭄ᬢᬂᬮᬦ᭄ᬢᬸᬂᬢᬦ᭄ᬧᬪᬸᬓ᭄ᬢᬶ᭞ᬫᭂᬮᬄᬜᬳᬾᬗ᭄ᬕᬮᬂᬫᬸᬮᬶᬄ᭞ᬓᬶᬫᬸᬤ᭄ᬓᬩᬯᭀᬲ᭄ᬫᬗᬗ᭄ᬕᬸᬃ᭞ᬳᬗ᭄ᬕᬾᬦ᭄ᬢᬗ᭄ᬓᬶᬲ᭄ᬫ
ᬗᬦ᭄ᬢᭀᬲᬂ᭞ᬢᬸᬭᬸᬦ᭄ᬳᬸᬚᬦᬾᬭᬶᬂᬮᬗᬶᬢ᭄᭞ᬩᭂᬮᭀᬕᬚᬸᬫ᭄᭞ᬩᬺᬕᬄᬫᬶᬧᬶᬮ᭄ᬕᬕᬸᬭᬷᬢᬦ᭄᭟᭜᭟ᬲᬓᬶᬂᬳᬸᬲᬶᬮ᭄ᬲᬋᬂᬧᬗ᭄ᬓᬄ᭞ᬫᬦᬶᬭᬸᬲᬂᬯᬶᬓᬦ᭄ᬗᬯᬶ᭞ᬦᬾᬯᬕᭂᬤ᭄ᬭᬶᬂᬓᬦ᭄ᬤᬢᬢ᭄ᬯ᭞ᬲᬵ
[᭒ 2A]
ᬓ᭄ᬱᬢ᭄ᬰᬸᬓ᭄ᬭᬯᬺᬳᬲ᭄ᬧᬢᬷ᭞ᬫᬚ᭄ᬜᬦᬾᬚᬶᬫ᭄ᬩᬃᬮᬸᬯᬶᬃ᭞ᬲᬕᬭᬯᭂᬭᬧᬸᬦᬶᬓᬸ᭞ᬤᬶᬩ᭄ᬬᬕᬸᬡᬵᬫᬹᬃᬩ᭄ᬪᬾᬂᬚᬕᬢ᭄᭞ᬢᬶᬢ᭄ᬬᬂᬳᬶᬧᬸᬗ᭄ᬕᬸᬂᬫᬲᭂᬮᬶᬕ᭄᭞ᬕᬦ᭄ᬢᬶᬧᬬᬸ᭞ᬤᬤᬶᬢᬗ᭄ᬕᬸᬦ᭄ᬓᬓᭂᬤᬾᬓᬦ᭄᭟᭜᭟
ᬲᭀᬓᬳ᭄ᬕᬾᬦ᭄ᬳᬶᬘᬳᬶᬘᬬᬦ᭄᭞ᬓᬚᬭ᭄ᬯᬓᬂᬓᬲᬸᬭ᭄ᬬᬓᬶᬦ᭄᭞ᬲᬢ᭄ᬯᬗᬯᬂᬢᬦᬾᬓᬭ᭄ᬯᬦ᭄᭞ᬳᭂᬜᬕ᭄ᬮᬾᬤᭀᬄᬤᭂᬓ᭄ᬤᭂᬓ᭄ᬮᭂᬕᬶᬢ᭄᭞ᬬᬦ᭄ᬳᬶᬦᬃᬕ᭄ᬕᬫᬬᬂᬧᬢᬶᬲ᭄᭞ᬭᬶᬂᬧᭀᬮᬄᬳᬶᬪᬸᬢ᭠
ᬓᭂᬫ᭄ᬩᬸᬃ᭞ᬲᬦᬾᬗᬸᬍᬃᬭᬶᬂᬢᬶᬩᬸᬳᬦ᭄᭞ᬫᬧᭀᬗᭂᬦᬄᬫᬧᭀᬢᬸᬲᬶᬂ᭞ᬗᬓᬸᬧᬢᬸᬲ᭄᭞᭠ᬢᬦᬸᬦᬶᬂᬗᬭᬘᬶᬓ᭄ᬩᬱ᭟᭜᭟ᬧᭀᬗᬄᬫᬦᬶᬗ᭄ᬕᬭᬂᬳᬯᬓ᭄᭞ᬩᬲ᭄ᬕᭂᬥᬾᬦᬦ᭄ᬤᬂᬚᬸᬯᬭᬶ᭞ᬓᬗ᭄ᬕᬾ
ᬦ᭄ᬚᭀᬗ᭄ᬓᭀᬓ᭄ᬧᬓᭂᬳᭂᬗᬦ᭄᭞ᬲᭀᬓ᭄ᬧᬢᭂᬩᭂᬮᬶᬦ᭄ᬩᬦ᭄ᬓᬸᬧᬶᬂ᭞ᬢᬦᬸᬦᬶᬂᬩᬲᬲᭀᬃᬲᬶᬗ᭄ᬕᬶᬄ᭞ᬫᬯᬦᬦ᭄ᬧᬢᬶᬚᭂᬮᬫᬸᬢ᭄᭞ᬘᬸᬢᭂᬢ᭄ᬳᬢᬸᬃᬢᬶᬢ᭄ᬬᬂᬳᬶᬫᬸᬥ᭞ᬭᬶᬂᬲᬂᬓᬯᬶᬯᬭᬍᬯᬶᬄ᭞ᬫᭀᬕᬶ [ 3 ][᭒ 2B]
᭒
ᬢᬸᬫᬸᬲ᭄᭞ᬗ᭄ᬭᬶᬢᬶᬲᬦ᭄‌ᬓ᭄ᬱᬫᬮᬸᬕ᭄ᬭᬵ᭟᭜᭟ᬧ᭄ᬭᬤᬾᬳᬶᬤᬤᬦᬾᬲᬫ᭄ᬬᬦ᭄᭞ᬲᬦᬾᬲᭂᬤᭂᬓ᭄ᬗᬯᬘᬾᬦᬶᬦ᭄᭞ᬫᭂᬍᬤ᭄ᬳᬕᬶᬫᬗ᭄ᬤᬢᬢᬲ᭄᭞ᬭᬶᬂᬲᬂᬫᬧᬶᬢᬸᬓᬂᬲ᭄ᬬᬳᬶᬃ᭞ᬳᬤᬦ᭄ᬢᬶᬢ᭄ᬬᬂᬚᬸᬢᬶᬧᬶᬗᬶ
ᬢ᭄᭞ᬳᬶᬮᬬᬂᬧᬸᬦᬶᬓᬕᭂᬩᬸᬃ᭞ᬓᬗ᭄ᬕᬾᬬᬂᬲᭀᬓ᭄ᬋᬭᬯᬢᬦ᭄᭞ᬫᬶᬦᬩ᭄ᬓᭂᬦᬶᬳᬦ᭄ᬢᬸ᭠ᬓ᭄ᬜᬯᬶᬲ᭄᭞ᬦᬗ᭄ᬳᬶᬂᬲᬭᬸ᭞ᬲᭂᬮᬢ᭄ᬓᭂᬮᬶᬢᬃᬦ᭄ᬧᬥᬫᬃ᭟᭜᭟ᬲᬧᬸᬦᬶᬓᬶᬋᬭᬯᬢᬦ᭄᭞ᬤᬾᬰ
ᬦ᭄ᬢᬶᬢ᭄ᬬᬂᬭᬶᬂᬤᬾᬦ᭄ᬩᬸᬓᬶᬢ᭄᭞ᬜᬸᬂᬲᬸᬂᬧᬸᬭᬩᬢᬸᬩᭀᬮᭀᬂ᭞ᬫᬢᭂᬤᬸᬂᬯᬡ᭄ᬟᬶᬭᬧᬢᬶ᭞᭠ᬭᬶᬂᬧᬲᬃᬗᬮᬾᬭᬂᬓᬶᬤᬶᬓ᭄᭞ᬧᬗ᭄ᬕᬶᬄᬧᬄᬢᬶᬕᬬᬦ᭄ᬳᬕᬸᬂ᭞ᬲᬓᬶᬂᬳᬶᬭᬶᬓᬗᬸᬮᭀᬦᬂ᭞ᬯᬾᬦ᭄ᬢ
ᬦ᭄ᬧᬍᬫᬳᬦ᭄ᬢᭂᬕᬶᬓ᭄᭞ᬢᬗ᭄ᬕᬸᬓᬶᬤᬸᬮ᭄᭞ᬧᭀᬦ᭄ᬤᭀᬓ᭄ᬢᬶᬢ᭄ᬬᬂᬩᬸᬘᬸᬩᬗ᭄ᬓ᭟᭜᭟ᬇᬩᬧᬗᬤᬦᬶᬦ᭄ᬢᬶᬢ᭄ᬬᬂ᭞ᬧ᭄ᬭᬪᬸᬦᬾᬭᬶᬂᬤ᭄ᬯᬭᬯᬢᬶ᭞ᬯᬾᬦ᭄ᬢᭂᬦ᭄ᬧᬸᬢ᭄ᬭᬦ᭄ᬳᬶᬤᬮᬦᬂ᭞ᬤᬸᬓ᭄ᬫᬬᬸᬱᬳᬦᭀ
[᭓ 3A]
ᬫ᭄ᬓᬭᬶ᭞ᬥᬷᬭᬢᬦ᭄ᬯᭂᬥᬶᬫᬫᬮᬶᬂ᭞ᬢᬢᬕᭀᬦ᭄ᬲᬂᬪᭀᬫᬳᬶᬓᬸ᭞ᬓᬧᬦ᭄ᬤᬸᬂᬲᭂᬤᭂᬓ᭄ᬭᬶᬂᬢᬫᬦ᭄᭞ᬗᬭᬦ᭄ᬤ᭄ᬬᬄᬬᬚ᭄ᬜᬯᬢᬶ᭞ᬳᬶᬓᬸᬢᬸᬳᬸ᭞ᬢᬦ᭄ᬩᬶᬦᬭᬶᬂᬳᬤᬦ᭄ᬢᬶᬢ᭄ᬬᬂ᭟᭜᭟ᬯᬾᬦ᭄ᬢᭂᬦ᭄ᬳᬶᬳᬭᬶ
ᬲᬦᬸᬗ᭄ᬕᬮ᭄᭞ᬤ᭄ᬬᬲ᭄ᬢᬸᬦ᭄ᬲᭂᬭᬶᬂᬳᬶᬯᬂᬓᬶᬤᬶᬓ᭄᭞ᬲᬸᬓᬲᬮᬶᬂᬳᬓ᭄ᬱᬫᬳᬶᬦ᭄᭞ᬲᬭ᭄ᬯᬦ᭄ᬩᭂᬮᭀᬕ᭄ᬢᬶᬢ᭄ᬬᬂᬳᬶᬮᬘᬸᬃ᭞ᬳᬤᬶᬦ᭄ᬢᬶᬢ᭄ᬬᬂᬭᬶᬂᬧᬶᬕᭂᬮᬦ᭄᭞ᬩᬧᬕᬾᬮᭀᬄᬓᬳᬤᬦᬶᬦ᭄᭞
ᬮᬮᬶᬮᬫ᭄ᬧᬸᬲ᭄᭞ᬬᬦ᭄ᬜᬾᬦ᭄ᬳᬤᬦ᭄ᬜᬲᬚᬬᬦ᭄᭟᭜᭟ᬩᬲ᭄ᬮᬶᬫ᭄ᬧᬤ᭄ᬳᬦ᭄ᬢᬸᬓ᭄ᬗ᭄ᬭᬯᬢᬂ᭞ᬭᬯᬸᬄᬳᬶᬬᬤᬿᬯᬶᬮᬗᬶᬦ᭄᭞ᬫᬫᬶᬢᬂᬕᬸᬂᬧᬗᬫ᭄ᬧᬸᬭ᭞ᬲᬓᬶᬂᬢᬢᬾᬚᭀᬦᬾᬩᭂᬘᬶᬓ᭄᭞ᬫᬰ᭄ᬭᬡᬧᬵ
ᬦ᭄ᬢᬸᬓ᭄ᬧᬾᬦ᭄ᬫᬗ᭄ᬲᬶ᭞ᬫᬢᬶᬢᬶᬲ᭄ᬲᬂᬳ᭄ᬬᬂᬭᬳᬬᬸ᭞ᬫᬓᬵᬤᬶᬓᬧᬭᬫᬵᬃᬣᬦ᭄᭞ᬗ᭄ᬳᬶᬂᬤᭀᬄᬧᬭᬫᬧᬶᬓᭀᬮᬶᬄ᭞ᬳᬦ᭄ᬢᬸᬓ᭄ᬯᬯᬸ᭞ᬲᬶᬓ᭄ᬬᬦ᭄ᬢᬶᬢ᭄ᬬᬗᬾᬫᬮᬚᬄ᭟᭜᭟ᬫᬮᬚᬄᬫᬶᬦ᭄ᬤᬕ᭠ [ 4 ][᭓ 3B]
᭓
ᬕᬕᬸᬭᬶᬢᬦ᭄᭞ᬢᬦᬸᬦᬶᬂᬭᬶᬂᬧᬸᬧᬸᬄᬜᬤᬶᬂᬲᬗ᭄ᬓᬦ᭄ᬢᬸᬗ᭄ᬕᬶᬮ᭄ᬜᬮᬶᬦ᭄ᬢᭂᬫ᭄ᬩᬂ᭞ᬳᬶᬫ᭄ᬧᬸᬢ᭄ᬗᬮᬶᬄᬢᬸᬓᬂᬕᭂᬦ᭄ᬤᬶᬂ᭞ᬗᬶᬭᬶᬂᬦᬾᬫᬗ᭄ᬓᬶᬦ᭄ᬓᬯᬶᬢᬶᬦ᭄᭞ᬲᬢ᭄ᬯᬦᬾᬫᬗ᭄ᬤᬗᬮᬸᬦ᭄ᬢᬸᬃ᭞ᬓᬗ᭄ᬕᬸᬬᬂᬩᬦ᭄ᬜᬢᬸᬬᬸᬳᬦ᭄᭞ᬓ
ᬦ᭄ᬢᬸᬦ᭄ᬫᬦᬸᬳᬸᬃᬦᬾᬫᬗ᭄ᬓᬶᬦ᭄᭞ᬢᭀᬳᬶᬳᬬᬸ᭞ᬭᬢ᭄ᬦᬲᬶᬦᭀᬫ᭄ᬚᭂᬕᬾᬕ᭄ᬜᬮᬂ᭟᭜᭟ᬚᭀᬕ᭄ᬚᭀᬕ᭄ᬦᬶᬲᬶᬦᭀᬫ᭄ᬓᬸᬫᬄᬜ᭞ᬤᬧᭂᬢᬂᬲᭂᬤᭂᬓ᭄ᬗᭂᬦᭂᬫᬶᬦ᭄᭞ᬧᬗ᭄ᬕᬸᬭᬦ᭄ᬫᬶᬦᬩ᭄ᬕᬾᬮᬦ᭄ᬜ᭞ᬕᭂᬥᬾ᭠
ᬤᬹᬃᬫ᭄ᬫᬤᭂᬮᬓ᭄ᬤᭂᬮᬶᬓ᭄᭞ᬓᬶᬤᬹᬃᬫ᭄ᬫᬲᬫ᭄ᬧᬸᬦ᭄ᬗᬮᬳᬶᬦ᭄᭞ᬳᬾᬗ᭄ᬕᬮᬂᬦᬶᬲᬶᬦᭀᬫ᭄ᬳᬧᬸᬮ᭄᭞ᬳᬓᬸᬯᬂᬢᬸᬫ᭄ᬩᬲᬂᬕᭂᬮᬂ᭞ᬯᬯᬸᬜᬓ᭄ᬳᬶᬧᬸᬦ᭄ᬫᬕᭂᬦ᭄ᬤᬶᬂ᭞ᬗᬯᬶᬢ᭄ᬫᬸᬧᬸᬄ᭞ᬲ᭄ᬯᬭᬦ᭄ᬜᬜᬸᬦ᭄ᬤᬭᬶᬢᬫ᭄ᬩᬂ᭟᭜᭟
ᬲᬢ᭄ᬯᬦᬾᬩᬤ᭄ᬩᬤᬂᬢᬶᬢ᭄ᬬᬂ᭞ᬳᬶᬧᭂᬓ᭄ᬢᬳᬾᬦ᭄ᬦᬤᬢᬸᬭᬶᬦ᭄᭞ᬋᬓᭀᬗᬸᬦᬶᬳᬓᬾᬄᬧᬶᬲᬦ᭄᭞ᬳᬦᬓᬾᬓᬕᬸᬦᬸᬂᬢᬗ᭄ᬓᬶᬮ᭄᭞ᬭᬾᬄᬳᬶᬭᬶᬓᬯᬾᬦ᭄ᬢᭂᬦ᭄ᬚᬤ᭄ᬕᬶ᭞ᬳᬸᬦᬶᬂᬧᬢᬶᬦᬗᬶᬦ᭄ᬳᬸᬦ᭄ᬤᬸ
[᭔ 4A]
ᬓ᭄᭞ᬮᬶᬬᬦᬦ᭄ᬭᬶᬂᬢᬗ᭄ᬓᬶᬮ᭄ᬓᬢᬄ᭞ᬲᬦᬾᬗᬮᬾᬤᬗᬶᬦ᭄ᬳᬢᬶ᭞ᬋᬓᭀᬤᬶᬢᬸ᭞ᬮᬶᬬᬸᬳᬤᬳᬸᬩᬤ᭄ᬫᬢ᭟᭜᭟ᬳᬓᬾᬦᬾᬤᬕᬶᬂᬲᬢ᭄ᬯᬦ᭄ᬜ᭞ᬯᬾᬦ᭄ᬢᭂᬦ᭄ᬲᬂᬢᬧᬦᬾᬗᬸᬦᬶ᭞ᬲᬫ᭄ᬧᬸᬦ᭄ᬓᬯᬶᬲ᭄ᬢᬭᬾᬂᬚᬕ
ᬢ᭄᭞ᬋᬱᬶᬲᬤ᭄ᬯᬤ᭄ᬜᬦᬍᬯᬶᬄ᭞ᬫᬮᬶᬗ᭄ᬕᬶᬄᬭᬶᬂᬕᬶᬭᬶᬧᬸᬢ᭄ᬭᬶ᭞ᬕᬸᬦᬸᬗᬾᬧᬸᬦᬶᬓᬤᬸᬫᬸᬦ᭄᭞᭠ᬕᬸᬦ᭄ᬤᬸᬮ᭄ᬫᬮᬓᬂᬢᬸᬃᬕᭂᬱᬃ᭞ᬯᬶᬦᬮᬸᬬᬧᬤᬂᬧᬲᬶᬃ᭞ᬓᭂᬭᬶᬂᬢᬦ᭄ᬤᬸᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬭᬸᬲᬦᬸᬗ᭄ᬕᬮ᭄᭟᭐
᭟ᬓᬲᬸᬯᬾᬦ᭄‌ᬬᬫᬲᬶᬮᬸᬫᬦ᭄᭞ᬫᬢᭂᬫᬳᬦ᭄ᬮᭂᬫ᭄ᬧᬸᬂᬯᬶᬮᬶᬲ᭄᭞ᬯᬶᬢ᭄ᬚᭂᬭᬶᬄᬧᬬᬄᬲᬂᬢᬧ᭞ᬭᬚᬶᬦ᭄ᬳᬸᬍᬢ᭄ᬫᬗᬃᬤ᭄ᬥᬶᬦᬶᬦ᭄᭞ᬫᬯᬶᬦᬦ᭄ᬤᬤᭀᬲ᭄‌ᬍᬲ᭄ᬢᬭᬶ᭞ᬚᬕᬢᬾᬭᬶᬂᬕᬶᬭᬶᬯᬥᬸ᭞ᬲᬦᬸᬗ᭄ᬕᬶᬮᬶᬂᬫᬲᬦ᭄ᬳᬸᬚᬦ᭄᭞ᬳᬶ
ᬢᭂᬧᬳᬶᬤᬫᬦᬦ᭄ᬤᬸᬭᬶᬦ᭄᭞ᬮᬦ᭄ᬢᭀᬭᭀᬕᬸᬂ᭞ᬕᬫᬮ᭄‌ᬲ᭄ᬢᬶᬂᬘᬫᬭᬤᬾᬯ᭟᭜᭟ᬫᬯᬶᬦᬦ᭄ᬲᬬᬦ᭄ᬢᬸᬦᬬᬦ᭄᭞ᬳᭂᬭᭀᬲᬶᬦᬶᬂᬕᬶᬭᬶᬧᬸᬢ᭄ᬭᬶ᭞ᬲᬦᬾᬮᬗ᭄ᬓᬸᬂᬗᬃᬤ᭄ᬥᬶᬪᬬ᭞ᬚᬕᬢᬾᬭᬸᬲᬓ᭄ᬢᬦ᭄ᬕᬶᬕᬶᬲ᭄᭞ᬲᬗ᭄ᬓᬦ᭄ᬲᬂ [ 5 ][᭔ 4B]
᭔
ᬧ᭄ᬭᬪᬸᬫᭂᬮᬶᬤ᭄᭞ᬢᬦ᭄ᬓᬳᬶᬘᬾᬦ᭄ᬗᭂᬩᬄᬓᬬᬸ᭞ᬤᬶᬕᬸᬦᬸᬗᬾᬗᬯᬕᬯᬕ᭄᭞ᬬᬦ᭄ᬕᬸᬦᬸᬗᬾᬲᬬ᭠ᬦ᭄‌ᬗ᭄ᬮᬶᬤᬶᬕ᭄᭞ᬧᬲ᭄ᬢᬶᬧᬭᬸᬤ᭄᭞ᬦᬧᬶᬫᬮᬶᬄᬫᬲᬦ᭄ᬳᬸᬚᬦ᭄᭟᭜᭟ᬲᬶᬦᬄᬧ᭄ᬭᬮᬬᬪᬬ᭞ᬚᬕᬢᬾ᭠
ᬓᬢᬶᬩᬸᬦ᭄ᬩᬜ᭄ᬚᬶᬃ᭞ᬘᬭᬶᬓ᭄ᬳᬩ᭄ᬬᬦ᭄ᬫᬲ᭄ᬚᬶᬤ᭄ᬧᬸᬭ᭞ᬩᭂᬜᬄᬭᬸᬲᬓ᭄ᬢᬦ᭄ᬫᬮᬸᬤᬶᬄ᭞ᬲᬂᬧ᭄ᬭᬪᬸᬜᬓᬶᬢ᭄ᬳᬢᬶ᭞ᬧᬜ᭄ᬚᬓᬾᬗᭂᬮᬶᬂᬧᬲ᭄ᬮᭂᬕᬸᬓ᭄᭞ᬯᬯᬗᬸᬦᬦ᭄ᬓᬢᬄᬭᬸᬲᬓ᭄᭞ᬳᬲᬶᬂᬢᭂᬫ᭄ᬧᬸᬄᬧᬚᬗ᭄ᬓ᭄ᬮᬶᬂ᭞ᬗᭂ
ᬩᬄᬓᬬᬸ᭞ᬓᬤᬂᬜᬸᬮᬓ᭄ᬱᬗᬮᬧᬂ᭟᭜᭟ᬗᬗ᭄ᬓᬾᬦ᭄ᬢᬶᬫ᭄ᬧᬮᬾᬳᬓᬸᬤ᭞ᬦᬾᬗᭂᬮᬦ᭄ᬢᬲ᭄ᬢᭀᬂᬓᬧᬗ᭄ᬕᬶᬄ᭞ᬦᭂᬫ᭄ᬤᬾᬰᬢᬗ᭄ᬓᭂᬩ᭄ᬳᭂᬫ᭄ᬩᬶᬤᬦ᭄᭞ᬮᬾᬦ᭄ᬮᬶᬬᬸᬲᭂᬤᭂᬓ᭄ᬫᭂᬲᬳᬶᬦ᭄᭞ᬭᬶᬂᬢᬸᬓᬤᬾ
ᬢᬦ᭄ᬧᬯᬗ᭄ᬲᬶᬢ᭄᭞ᬓᬜ᭄ᬘᬶᬢ᭄ᬜᭂᬍᬕ᭄‌ᬩ᭄ᬮᬩᬃᬳᬕᬸᬂ᭞ᬭᬾᬄᬦᬤᬓ᭄ᬩᬸᬓᬢᭀᬕ᭄ᬢᭀᬕᬂ᭞ᬳᬸᬚᬦᬾᬩᬍᬲ᭄ᬢᬦ᭄ᬓᬤᬶ᭞ᬩ᭄ᬮᬩᬃᬩᬢᬸ᭞ᬢᬦᬄᬮᭀᬗ᭄ᬲᭀᬃᬫᬕ᭄ᬭᬸᬤᬸᬕᬦ᭄᭟᭜᭟ᬓᬸ
[᭕ 5A]
ᬤ᭄ᬬᬂᬧᬘᬂᬫᬯᬶᬭᬲ᭞ᬗᬚᬓ᭄ᬳᬶᬩ᭄ᬮᬩᬃᬢᭀᬘᭂᬦᬶᬂ᭞ᬭᬾᬄᬢᭀᬂᬗᭂᬮᬄᬓᬧᬶᬯ᭄ᬮᬲᬦ᭄᭞ᬩᬶᬲᬦ᭄ᬜᬩᬦ᭄ᬢᭂᬲ᭄ᬗᬸᬯᬸᬕᬶᬦ᭄᭞ᬯᬯᬗᬸᬦᬦ᭄ᬦᬧᬶᬮᬸᬯᬶᬃ᭞ᬚᬯᬢ᭄ᬗ᭄ᬬᬬᬦ᭄ᬬᬳᬫ᭄ᬮᬶᬬᬸᬦ᭄᭞
ᬩᬯᭀᬲᬂᬓᬺᬢᭂᬕ᭄ᬦᬾᬚᭂᬕᬄ᭞ᬩᭂᬦ᭄ᬤᬸᬂᬭᬵᬓ᭄ᬱᬲᬗᬗᭀᬩᬶᬦ᭄᭞ᬩᬶᬲᬜ᭄ᬭᬸᬬᬸᬂ᭞ᬬᬦ᭄‌ᬩ᭄ᬮᬩᬃᬳᬕᬸᬂᬦᬋᬚᬓ᭄᭟᭜᭟ᬓᬾᬢᭀᬳᬫ᭄ᬩᭂᬓ᭄ᬜᬳᬶᬩ᭄ᬮᬩᬃ᭞ᬢᭀᬂᬚᬗ᭄ᬓᬬᬦ᭄ᬗᬸᬯᬸᬕ᭄ᬕᬸ
ᬫᬶ᭞ᬢᬦ᭄ᬮᬾᬦ᭄ᬦᬸᬩᬗᭂᬢ᭄ᬗᬯᬶᬦᬂ᭞ᬩᬦ᭄ᬳᬸᬲᬶᬮᬾᬗ᭄ᬮᬲᬓ᭄ᬩᬸᬓᬶᬢ᭄᭞ᬗᭂᬩᬄᬓᬬᬸᬲᬶᬬᬂᬮᬢ᭄ᬭᬶ᭞ᬳᬗ᭄ᬕᭀᬦ᭄ᬗᬧᬸᬲ᭄ᬩᬲᬂᬲᭂᬤᬸᬓ᭄᭞ᬲᭂᬓᭂᬦ᭄ᬳᬗ᭄ᬕᭀᬦ᭄ᬩᬳᬲ᭄ᬚᬓᬦ᭄᭞ᬗᬮᬶᬄᬳᬭᬶ
ᬧᬾᬧᬤᬶᬤᬶ᭞ᬓᬦ᭄ᬢᬶᬧᬬᬸ᭞ᬕᬸᬫᬶᬦᬾᬗᭂᬫᬲᬶᬦ᭄ᬩᭂᬜᬄ᭟᭜᭟ᬓᬾᬢᭀᬬᬦ᭄ᬕᬸᬦᬸᬗᬾᬮᬕ᭄ᬮᬕ᭄᭞ᬫᬲᬦ᭄ᬳᬸᬚᬦ᭄ᬗᬸᬯᬸᬕ᭄ᬕᬸᬫᬶ᭞ᬬᬦ᭄ᬫᬲᬦ᭄ᬧᬦᭂᬲ᭄ᬫᬗᭂᬦ᭄ᬢᬓ᭄᭞ᬢᭀᬬᬳᬶ᭠ [ 6 ][᭕ 5B]
᭕
ᬦᬸᬫ᭄ᬓᬾᬯᭂᬄᬗᬮᬶᬄ᭞ᬓᬮᬶᬂᬢᬢᬦ᭄ᬤᬸᬭᬦ᭄ᬫᬮᬶᬄ᭞ᬫᬓᬕᬸᬫᬶᬧ᭄ᬭᬕᬢ᭄ᬧᬸᬯᬸᬦ᭄᭞ᬮᬶᬗ᭄ᬲᬫ᭄ᬯᬶᬢ᭄ᬓᬶᬭᬗᬦ᭄ᬢᭀᬬ᭞ᬘᬸᬢᭂᬢ᭄‌ᬬᬦ᭄ᬕᬸᬦᬸᬗᬾᬗ᭄ᬮᬶᬤᬶᬕ᭄᭞ᬩᬦ᭄ᬢᭂᬲ᭄ᬧᬬᬸ᭞ᬳᬸᬚᬦ᭄ᬧᬦᭂᬲ᭄ᬗᬃᬤ᭄ᬥᬶ
ᬪᬬ᭟᭜᭟ᬲᬗ᭄ᬓᬦ᭄ᬲᭂᬭᬶᬂᬲᬮᬄᬳᬳᬢᬦ᭄᭞ᬧᬫᭂᬓᬲ᭄ᬧᬘᬸᬮᬾᬲᬫᬶ᭞ᬲᬦᬾᬭᬶᬂ᭠ᬘᬭᬶᬓ᭄‌ᬭᬶᬂᬳᬩ᭄ᬬᬦ᭄᭞ᬢᭂᬢᬦ᭄ᬤᬸᬭᬦ᭄ᬗᬸᬮᬗᬸᬦᬶᬦ᭄᭞ᬬᬦ᭄ᬭᬯᬾᬲᬂᬧᬤᬶᬓᬸᬦᬶᬂ᭞ᬫᬮᬶᬄᬚᭂ
ᬩᭀᬲ᭄ᬧᬘᬂᬗᬫ᭄ᬧᬸᬂ᭞ᬢ᭄ᬯᬭᬧᬬᬸᬗᭂᬮᬄᬕᬩᬄ᭞ᬬᬦ᭄‌ᬩ᭄ᬮᬩᬃᬳᬕᬸᬂᬜᬶᬮᬧᬶᬦ᭄᭞ᬤ᭄ᬬᬲ᭄ᬢᬸᬮᬗ᭄ᬓᬸᬂ᭞ᬲᬶᬬᬸᬳᬾᬓ᭄ᬢᬃᬧ᭄ᬭᬕᬢ᭄ᬮᬧᬂ᭟᭜᭟ᬮ᭄ᬬᬦᬦ᭄ᬭᬶᬂᬓᬾᬮᬗᬦ᭄ᬕᬩᬄ᭞ᬘᬭᬶᬓ᭄ᬳᬩ᭄ᬬᬦ᭄ᬢᬂ
ᬦ᭄ᬫᬮᬸᬤᬶᬄ᭞ᬧᬤᬶᬓᬸᬦᬶᬂᬫᬲᬶᬮᬸᬫᬦ᭄᭞ᬤᬤᬶᬩᬢᬸᬧᬕᭂᬮᬶᬮᬶᬓ᭄᭞ᬦᬾᬩᬗᭂᬢ᭄ᬮᬘᬸᬭᬦ᭄ᬫᬮᬶᬄ᭞ᬲᬫ᭄ᬧᬶᬳᬓᬶᬢᬓᬬᬂᬓᬸᬩᬸ᭞ᬳᬶᬘᬮ᭄ᬭᭀᬭᭀᬤᬂᬩᬮᬩᬃ᭞ᬦᬗ᭄ᬳᬶᬂᬯᬾ
[᭖ 6A]
ᬦ᭄ᬢᭂᬦ᭄ᬫᬗᭂᬦ᭄ᬢᭀᬲᬶᬦ᭄᭞ᬫᬗ᭄ᬓᬶᬦ᭄ᬤᬶᬢᬸ᭞ᬩᬸᬗ᭄ᬓᬶᬮ᭄ᬕᭂᬲᬶᬂᬦᬗᬸᬦ᭄ᬢᬧ᭟᭜᭟ᬓᬮᬶᬩᬶᬩᬶᬢᬾᬩᭂᬩᭂᬳᬂ᭞ᬦᬾᬓᭂᬢᬄᬓᬤᬦᬶᬦ᭄ᬩᬸᬮᬶᬄ᭞ᬲᬦᬾᬢᭀᬂᬳᬜᬸᬤᬂᬩ᭄ᬮᬩᬃ᭞ᬢᬗ᭄ᬓᭂᬩ᭄ᬩᬶᬬ
ᬲ᭄ᬘᬭᬩᬸᬓᬶᬢ᭄᭞ᬢᬶᬫᬦ᭄ᬤᬾᬰᬮ᭄ᬬᬸᬦᬾᬗᬕ᭄ᬮᬶᬓ᭄᭞ᬕᬲ᭄ᬕᬲ᭄‌ᬩ᭄ᬮᬩᬃᬤᬤᬶᬧᬗ᭄ᬓᬸᬂ᭞ᬲᬸᬩᬫᭀᬦ᭄ᬢᭀᬮᬩ᭄ᬭᬓ᭄ᬪᬬ᭞ᬓᬶᬚᬲᭃᬮᬓᬸᬫᬓᭂᬮᬶᬤ᭄᭞ᬧᬂᬦᬸᬳᬶᬤᬸᬧ᭄᭞ᬬᬦ᭄ᬫᬶᬫ᭄ᬩᬸᬄ
ᬢᬾᬓ᭄ᬢᭀᬦᬶᬓ᭄ᬢᬳᬸᬮᬦ᭄᭟᭜᭟ᬓᬶᬜ᭄ᬘᬄᬩᬲᬗᬾᬗᬢᭀᬦᬂ᭞ᬲᬂᬦᬸᬯᬾᬦᬂᬳᬩ᭄ᬬᬦ᭄ᬘᬭᬶᬓ᭄᭞ᬫᬶᬗ᭄ᬓᬶᬦ᭄ᬦᬾᬭᬶᬂᬧᬶᬗ᭄ᬕᬶᬃᬢᬸᬓᬤ᭄᭞ᬲᭂᬮᬸᬄᬩ᭄ᬮᬩᬃᬚᬦ᭄ᬢᭀᬲ᭄ᬮᬶᬲᬶᬓ᭄᭞ᬦᬾ
ᬯᬦ᭄ᬢᬄᬳᬶᬭᬶᬓᬵᬓᬭᬶ᭞ᬩᬢᬸᬦᬶᬓᬾᬄᬫᬓᬢᬸᬮᬸᬓ᭄᭞ᬲᬂᬦᬸᬯᬾᬦᬂᬤᬸᬓ᭄ᬗᬢᭀᬦᬂ᭞ᬩᬤᭂᬂᬫᬸᬓᬦ᭄ᬜᬧᬺᬫᬗ᭄ᬓᬶᬦ᭄᭞ᬲᭂᬤᬶᬄᬗᬸᬦ᭄ᬗᬸᬦ᭄᭞ᬫᬢᬚᬸᬄᬮᬶᬮᬶᬢ᭄ᬩᭂᬮ᭄ᬩᭂᬮᬦ᭄᭞ [ 7 ][᭖ 6B]
᭖
᭟᭜᭟ᬳᬓᬾᬄᬦᬾᬜᬸᬤ᭄ᬘᬭᬶᬓ᭄ᬜ᭞ᬧᭂᬤᬶᬄᬫᬗᬸᬫᬦ᭄ᬤᬂᬗᭂᬫ᭄ᬩᬶᬃ᭞ᬚᭂᬕ᭄ᬳᬶᬤᬳ᭄ᬬᬂᬯᬶᬤᬶᬯᬲ᭞ᬓᭂᬲᬫ᭄ᬩᬢ᭄ᬢᬦ᭄ᬯᭂᬮᬲᬲᬶᬄ᭞ᬫᬶᬭᬶᬩ᭄‌ᬢᭀᬂᬢᬳᬾᬦ᭄ᬗᬢᬸᬭᬶᬦ᭄᭞ᬓᭀᬚᭀᬂᬘ
ᬦᬂᬢᬸᬄ᭞ᬓᬾᬢᭀᬬᬗᭂᬫ᭄ᬩᬸᬳᬯᬮ᭄ᬜ᭞ᬯᬾᬦ᭄ᬢᭂᬦ᭄ᬦᬾᬮᬶᬬᬦᬦ᭄ᬫᬮᬶᬄ᭞ᬫᬗᭂᬫᬸᬓ᭄ᬫᬸᬓ᭄᭞ᬗᬸᬧᭂᬢ᭄ᬳᬶᬤᬲᬂᬳ᭄ᬬᬂᬇᬦ᭄ᬤ᭄ᬭ᭟᭜᭟ᬮᬕᬸᬢᬾᬓᬳᬸᬘᬧ᭄ᬧ᭄ᬭᬚ᭄ᬜᬦ᭄᭞ᬗᬯᬾᬳᬸᬚᬦ᭄ᬩᬲ᭄ᬧᬘᬤᬶ᭞ᬢ
ᬦ᭄ᬧᬶᬲᬦ᭄ᬫᬚᬗ᭄ᬓᬚᬗ᭄ᬓ᭞ᬓᬦ᭄ᬢᬶᬫᬗᬸᬯᬸᬕᬂᬕᬸᬫᬶ᭞ᬢᭀᬂᬫᬤᬍᬫ᭄ᬧᬜ᭄ᬚᬓ᭄ᬫᬶᬲ᭄ᬓᬶᬦ᭄᭞ᬓᬾᬢᭀᬯᬾᬮ᭄ᬜᬧᬢᬶᬓᬘᬸᬄ᭞ᬚᬢᬶᬦ᭄ᬜᬳᭂᬦ᭄ᬢᬾᬫᬓᭂᬚᬂ᭞ᬲᬓᬶᬂᬩᬗᭂᬢ᭄ᬲᬮᬄᬢᬫ᭄ᬧᬶ᭞ᬦᬾᬗ
ᬯᬾᬭᬸᬕ᭄᭞ᬲᬂᬤᭂᬫᭂᬦ᭄ᬗᬭᬸᬲᬓ᭄ᬳᬮᬲ᭄᭟᭜᭟ᬭᬶᬂᬕᬸᬦᬸᬂᬫᬗ᭄ᬓᬶᬦ᭄ᬩᬯᬾᬲᬂ᭞ᬳᬶᬧᬭᬧᭂ᭠ᬢᬦᬶᬓᭀᬧᬶ᭞ᬘᭀᬓ᭄ᬮᬢ᭄ᬘᭂᬗ᭄ᬓᬾᬄᬲᬮᬓ᭄ᬫᬶᬘ᭞ᬩᭂᬜᬄᬭᬸᬲᬓ᭄ᬢᬦ᭄ᬫᬮᬸᬤᬶᬄ᭞ᬲᬂᬦᬸᬯᬾᬦᬂ
[᭗ 7A]
ᬳᭀᬜᬲᭂᬤᬶᬄ᭞ᬗᭂᬢᭀᬦ᭄ᬢᭂᬢᬦ᭄ᬤᬸᬭᬦ᭄ᬳᬶᬧᬸᬦ᭄᭞ᬬᬦ᭄ᬓᬧᭀᬳᬓᬸᬤᬂᬧ᭄ᬮᬶᬬᬢ᭄᭞ᬲᬦᬾᬢᬗ᭄ᬓᭂᬩ᭄ᬯᬾᬓᬦ᭄ᬩᬸᬓᬶᬢ᭄᭞ᬩᬜ᭄ᬚᬃᬮᬸᬮᬸᬲ᭄᭞ᬩᬸᬓᬮᬫ᭄ᬧᬶᬢ᭄ᬫᬢᭂᬍᬲᬦ᭄᭟᭜᭟ᬦᬾᬩᬗᭂᬢ᭄ᬗᬺᬲᬶ
ᬦ᭄ᬫᬦᬄ᭞ᬢᬫ᭄ᬩᬶᬲ᭄ᬦᬲ᭄ᬢᬲᬂᬯᬢ᭄ᬳᬢᬶ᭞ᬢᬢᬦ᭄ᬤᬸᬭᬦ᭄ᬦᭂᬤᭂᬂᬲᬬᬂ᭞ᬯᭀᬄᬜᬫᬲᭂᬳᭂᬤ᭄ᬗᬗᭀᬩᬶᬦ᭄᭞ᬤᬤᭀᬲ᭄ᬳᬧᬶᬲᬦ᭄ᬚᭂᬕ᭄ᬮᭂᬤᬶᬲ᭄᭞ᬘᬧ᭄ᬮᭀᬓ᭄ᬮᭀᬗ᭄ᬲᭀᬃᬲᬶᬲᬦ᭄ᬳᬜᬸᬤ᭄᭞ᬬᬾᬦ᭄ᬲᬸᬩᬦᬾᬢᭀᬭᬶᬂᬓᬸᬤ᭄ᬬᬵᬂ᭞
ᬗᭂᬲᬳᬦ᭄ᬯᬾᬓ᭄‌ᬬᬦ᭄ᬳᬫ᭄ᬩᬸᬮᬶᬦ᭄᭞ᬓᬤᬾᬤᬸᬭᬸᬲ᭄᭞ᬬᬦ᭄ᬢᬦ᭄ᬗᭂᬮᬄᬳᬗ᭄ᬕᭀᬮᬾᬦᬦ᭄᭟᭜᭟ᬗ᭄ᬳᬶᬂᬳᬤᬫᬲᬶᬄᬓᬕᬾᬢᬦ᭄᭞ᬕᭀᬢᭀᬂᬭᭀᬬᭀᬗᬾᬫᬗᭂᬦ᭄ᬤᬶᬄ᭞ᬭᬸᬬᬸᬦ᭄ᬭᬸᬬᬸᬦ᭄ᬗᬚᬓ᭄ᬢᬶᬫ᭄ᬧᬮ᭄᭞ᬫᬕ
ᬭᬧᬦ᭄ᬤᬶᬢᬸᬤᬶᬦᬶ᭞ᬗᬸᬬᭂᬂᬢᬫ᭄ᬩᬄᬮᬸᬄᬫᬸᬯᬦᬶ᭞ᬦᬩ᭄ᬤᬩᬂᬳᬩ᭄ᬬᬦᬾᬳᬚᬸᬃ᭞ᬫᬕᬭᬫᬦ᭄ᬮᬸᬧᬸᬢ᭄ᬩᬾᬬ᭞ᬢᬦ᭄ᬧᬮᬜ᭄ᬚᬃᬢᬦ᭄ᬧᬲᬶᬭᬶᬄ᭞ᬫᬲᬶᬄᬦᬳᬸ᭞ᬤᬸᬯᬦᬶᬂᬧᬢᬸᬄᬗᬚᬓ᭄ᬢᬶᬫ᭄ᬧᬮ᭄᭟᭜᭟ [ 8 ][᭗ 7B]
᭗
ᬦᬾᬩᬚᬂᬲᬶᬢᭂᬂᬢᭂᬗᬦ᭄᭞ᬗᬦ᭄ᬤᬶᬩᬢᬸᬗᬸᬬᭂᬂᬮᬶᬗ᭄ᬕᬶᬲ᭄᭞ᬓᬗ᭄ᬕᬾᬦ᭄ᬜᬗ᭄ᬓᬢᬢᬾᬭᬲᬦ᭄᭞᭠ᬩᬸᬓᬲᭂᬢ᭄ᬮᭂᬃᬢᬶᬤᬶᬂ᭞ᬳᭂᬗ᭄ᬲᬧ᭄ᬢᭂᬓᬸᬦ᭄ᬧᭂᬮᬸᬄᬧᬶᬤᬶᬢ᭄᭞ᬬᬩᬶᬦ᭄ᬭᬾᬄᬳᬚᬓ᭄ᬮᬶᬬᬸ᭞ᬲᬸᬭ᭄ᬬᬓ᭄ᬲᬸᬭ᭄ᬬ
ᬓ᭄ᬲᬓᬶᬂᬕᬶᬭᬂ᭞ᬭᬫᬾᬕᬯᬾᬲᭂᬧᬶᬧᬫ᭄ᬭᬶᬄ᭞ᬧᬥᬕᬸᬮᬸᬓ᭄᭞ᬫᬦᬄᬜᬫᬸᬧᬸᬢᬂᬓᬃᬬ᭄ᬬᬵ᭟᭜᭟ᬓᬵᬮᬗᭂᬢᭀᬦ᭄ᬲᬂᬫᬓᬃᬬ᭄ᬬ᭞ᬚᭂᬚᭂᬮ᭄ᬫᬗᭂᬩᭂᬓᬶᬦ᭄ᬕᬸᬫᬶ᭞ᬢᬦ᭄ᬭᬵᬃᬬ᭄ᬬᬦᬦ᭄ᬢᬦ᭄ᬚᬗ᭄ᬓᬬᬦ᭄᭞ᬫᬕᬭᬧ᭄‌
ᬲᬫᬶᬕᬶᬧᬶᬄ᭞ᬳᭀᬮᬶᬂᬭᬶᬂᬲᬢ᭄ᬯᬦᬾᬗᬸᬦᬶ᭞ᬧᬜ᭄ᬚᬓ᭄ᬲᬂᬲᬸᬕ᭄ᬭᬶᬯᬵᬳᬶᬓᬸ᭞ᬤᬸᬓ᭄ᬫᬓᬵᬃᬬ᭄ᬬᬵᬲᬾᬢᬸᬩᬡ᭄ᬥ᭞ᬗᬚᬂᬩᬢᬸᬗᬸᬭᬸᬕ᭄ᬧᬲᬶᬄ᭞ᬓᬦ᭄ᬢᬶᬧᬬᬸ᭞ᬲᬕᬭᬦᬾᬫᬧᬸᬦ᭄ᬤᬸᬓᬦ᭄᭟᭜᭟ᬩᬦ᭄ᬢ
ᬗ᭄ᬲᭂᬄᬜᬫᬕᬭᬧᬦ᭄᭞ᬳᬚᬳᬦ᭄ᬲᬫ᭄ᬧᬸᬦ᭄ᬫᬲᬮᬶᬦ᭄᭞ᬳᬩ᭄ᬬᬦᬾᬯᬶᬢ᭄ᬫᬗ᭄ᬮᬢᬸᬭᬦ᭄᭞ᬦᬾᬢᬗ᭄ᬓᭂᬩ᭄ᬓᭂᬩᬾᬲᬦ᭄ᬩᬸᬓᬶᬢ᭄᭞ᬓᬕᬾᬢ᭄ᬲᬫ᭄ᬧᬸᬦ᭄ᬗᭂᬘᬶᬓ᭄ᬓᬵᬓ᭄ᬱᬶ᭞ᬫᬧᬗ᭄ᬓᭂᬤ᭄ᬫᬧᬸᬦ᭄ᬤᬸᬓ᭄ᬧᬸᬦ᭄ᬤᬸ
[᭘ 8A]
ᬓ᭄᭞ᬳᬩ᭄ᬬᬦ᭄ᬳᬶᬧᬸᬦ᭄ᬲᭀᬯᬂᬲᭀᬯᬂ᭞ᬲᬫ᭄ᬧᬸᬦ᭄ᬢᬶᬢᬦ᭄ᬤᬸᬭᬦ᭄ᬲᬫᬶᬩᬶᬩᬶᬢ᭄ᬳᬸᬗ᭄ᬕᬸᬮ᭄᭞ᬦᬦ᭄ᬤᬸᬃᬜᬫᬦᬸᬢ᭄ᬳᬸᬓᬸᬭᬦ᭄᭟᭜᭟ᬩᬶᬩᬶᬢᬾᬢᬦ᭄ᬤᬸᬃᬧᬸᬦᬶᬓ᭞ᬢᬦ᭄ᬚᬦᬸᬫ᭄ᬩᬲ᭄ᬤᬶᬢᬸᬤᬶᬦᬶ᭞ᬯᬦ᭄ᬢᬄᬲᬂᬰ᭄ᬭᬷᬪᬸᬫᬷ᭠
ᬦᬵᬣ᭞ᬫᬶᬘᬬᬂᬭᬶᬂᬳᬶᬧᭂᬢᬦᬶ᭞ᬫᬮᬶᬄᬮᬶᬬᬦᬦ᭄ᬭᬶᬂᬩᬶᬩᬶᬓ᭄᭞ᬲᬶᬭᬚᬧᬜ᭄ᬚᬓ᭄ᬲᬂᬧ᭄ᬭᬪᬸ᭞ᬲᬦᬾᬓᬢᬶᬩᬾᬦ᭄ᬩᭂᬜ᭄ᬘᬦ᭞ᬓᬳᬶᬘᬾᬦ᭄ᬯᬦ᭄ᬢᬸᬯᬦ᭄ᬲᬫᬶ᭞ᬮᬸᬯᬶᬃᬳᬶᬧᬸᬦ᭄᭞ᬳᬸᬩᬤ᭄ᬳᬸᬫᬄ
ᬲᬦ᭄ᬤᬂᬧᬗᬦ᭄᭟᭜᭟ᬓᬮᬶᬗ᭄ᬓᬾᬫᬪᬸᬓ᭄ᬢᬶᬧᭂᬲᬦ᭄᭞ᬲᬂᬧ᭄ᬭᬪᬸᬲᬫ᭄ᬧᬸᬦ᭄ᬳᬸᬦᬶᬂ᭞ᬕᭀᬢᭀᬂᬭᭀᬬᭀᬂᬦᬾᬫᬸᬧᬸᬢᬂ᭞ᬓᬃᬬ᭄ᬬᬦᬾᬳᬕᬸᬂᬗᭂᬋᬲᬶᬦ᭄᭞ᬲᬶᬦᬄᬫᬯᬸᬯᬸᬄᬭᬶᬂᬳᬢᬶ᭞ᬮᬾᬤᬂ
ᬜᬳᬶᬤᬲᬂᬧ᭄ᬭᬪᬸ᭞ᬭᬾᬄᬕᭀᬢᭀᬂᬭᭀᬬᭀᬂᬧᬸᬦᬶᬓᬵ᭞ᬓᬩᬯᭀᬲ᭄ᬧᬶᬦᬶᬄᬉᬢ᭄ᬢᬫᬶ᭞ᬓᬃᬬ᭄ᬬᬳᬕᬸᬂ᭞ᬤᬗᬦ᭄ᬕᭂᬮᬶᬲ᭄ᬓᬧᬸᬧᬸᬢᬂ᭟᭜᭟ᬲᬗ᭄ᬓᬦ᭄ᬧᬢᬸᬢ᭄ᬳᬚᬓ᭄ᬳᭀᬜ᭞ᬳᬶᬤᭂᬧᬂᬘᬭ [ 9 ][᭘ 8B]
᭘
ᬫᬚᬜ᭄ᬚᬶ᭞ᬧᬶᬬᬭᬫᬗ᭄ᬤᬲᬢᬢ᭞ᬕᭀᬢᭀᬂᬭᭀᬬᭀᬂᬫᬳᬸᬭᬶᬧ᭄᭞ᬤᬸᬯᬦᬶᬂᬓᬃᬬ᭄ᬬᬵᬕᬸᬂᬳᬮᬶᬢ᭄᭞ᬕᭀᬢᭀᬂᬭᭀᬬᭀᬂᬕᭂᬮᬶᬲ᭄ᬫᬸᬧᬸᬢ᭄᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬓᬸᬓᬸᬄᬓᬸᬯᬢ᭄᭞ᬓᬤᬸᬂ
ᬳᬚᬓ᭄ᬳᬾᬲᬾᬃᬩᬸᬓᬶᬢ᭄᭞ᬢ᭄ᬯᬭᬩᬸᬯᬸᬂ᭞ᬳᬦᬾᬢᭂᬕᭂᬄᬤᬤᬶᬍᬩᬄ᭟᭜᭟ᬤᬶᬢᬸᬫᬭᬲᬬᬦ᭄ᬲᬶᬦᬄ᭞ᬕᭀᬢᭀᬂᬭᭀᬬᭀᬂᬗᬾᬉᬢ᭄ᬢᬫᬶ᭞ᬲᬓ᭄ᬱᬢ᭄ᬫᬦᬶᬓ᭄ᬳᬲ᭄ᬢᬕᬶᬡ᭞ᬓᬃᬬ᭄ᬬᬵᬳᬩᭀ
ᬢ᭄ᬫ᭄ᬭᬲᬳᬶᬬᬶᬂ᭞ᬗᬶᬭᬶᬂᬚᬤᬸᬫᬸᬦ᭄ᬧᬸᬗ᭄ᬕᭂᬮᬶᬦ᭄᭞ᬳᬶᬦ᭄ᬤᬶᬓ᭄ᬕᭀᬢᭀᬂᬭᭀᬬᬵᬂᬳᬶᬓᬸ᭞ᬲᬫ᭄ᬧᬸ᭠ᬦ᭄ᬲᬶᬦᬄᬓᭀᬢ᭄ᬢᬫᬦ᭄ᬜ᭞ᬩᭂᬘᬶᬓ᭄ᬦᬾᬫᬗ᭄ᬓᬶᬦ᭄ᬯᬮᬶᬦᬶᬦ᭄᭞ᬳᬶᬘᬾᬦ᭄ᬳᬶᬧᬸᬦ᭄᭞ᬧᬯᬸᬗᬸᬲᬂᬗ᭄ᬭᬸᬲ᭠
ᬓ᭄ᬳᬮᬲ᭄᭟᭜᭟ᬬᬦ᭄ᬲᬫ᭄ᬧᬸᬦ᭄ᬢᬦ᭄ᬯᬸᬦ᭄ᬢᭂᬦ᭄ᬧᬶᬲᬦ᭄᭞ᬓᬃᬬ᭄ᬬᬫᬮᬶᬗ᭄ᬕᬶᬄᬳᬶᬭᬶᬓᬶ᭞ᬧᬮᬶᬂᬫᬮᬄᬚᭂᬕ᭄ᬢᬤᬯᬸᬢᬂ᭞ᬩᬯᭀᬲ᭄ᬲᬂᬧ᭄ᬭᬪᬸᬦᬾᬍᬯᬶᬄ᭞ᬮᬸᬗ᭄ᬳᬵᬫᬢ᭄ᬭᬦ᭄ᬫᬶᬕ᭄ᬭᬲᬶ᭞ᬤᬶᬢᬸᬕᬸᬫᬶᬮ᭄ᬬᬸᬦᬦ᭄ᬲᬸ
[᭙ 9A]
ᬯᬸᬂ᭞ᬩᬗᭂᬢ᭄ᬓᬶᬭᬗᬦ᭄ᬲᬂᬗᬭᬧ᭄᭞ᬢᬸᬃᬧᬲ᭄ᬢᬶᬓᬧᬳᬶᬘᬳᬶᬦ᭄᭞ᬲᬶᬓᬶᬢᬳᬸᬦ᭄᭞ᬳᬸᬩᬤ᭄ᬳᬸᬫᬄᬲᬦ᭄ᬤᬃᬧᬗᬦ᭄᭟᭜᭟ᬳᬶᬦ᭄ᬤᬶᬓ᭄ᬩᬾᬬᬦᬾᬭᬶᬂᬚᬮᬦ᭄᭞ᬳᬶᬤᬲᬂᬧ᭄ᬭᬪᬸᬗᬶᬢᬸᬗᬶᬦ᭄᭞ᬢ᭄ᬯᬭᬵ
ᬜᬦ᭄ᬤᬂᬲᬸᬫᬗ᭄ᬲᬬ᭞ᬢᭀᬂᬮᬶᬬᬸᬗᬶᬢᬸᬗᬦ᭄ᬧᬶᬧᬶᬲ᭄᭞ᬲᬸᬩᬓᬾᬢᭀᬗᬸᬤ᭄ᬬᬂᬳᬚ᭄ᬭᬶᬄ᭞ᬤᬶᬦᬶᬓᬾᬯᭂᬄᬦᬸᬦ᭄ᬢᬸᬢ᭄ᬳᬶᬤᬸᬧ᭄᭞ᬬᬾᬦᬶᬂᬩᬦ᭄ᬢᬲ᭄ᬫᬗᬶᬢᬸᬗᬂ᭞ᬗᬮᬶᬄᬳᬶᬤᬸᬧᬾᬧᬤᬶᬤᬶ᭞ᬬᬤᬶᬦ᭄ᬳ
ᬮᬸᬄ᭞ᬧ᭄ᬬᬦᬓ᭄ᬘᬸᬘᬸᬦᬾᬓᭂᬦᬳᬂ᭟᭜᭟ᬤᬶᬦᬶᬢ᭄ᬯᬭᬗᭂᬮᬳᬧ᭞ᬦᬾᬜᬦ᭄ᬤᬂᬢᭀᬮᬄᬢᭀᬮᬶᬳᬶᬦ᭄᭞ᬳᬗᭂᬦ᭄ᬗᬮᬳᬶᬦ᭄ᬯᬶᬢ᭄ᬮᭂᬓᬤ᭄᭞ᬢᭀᬗᭀᬲ᭄ᬗᭂᬜ᭄ᬘᭂᬄᬦᬸᬩᬦ᭄ᬜᬶᬮᬶᬄ᭞ᬢ᭄ᬯᬭᬗᭂᬮᬄᬢᬦᬄᬓᭂ
ᬩᬶᬲ᭄᭞ᬓᬤᬶᬭᬲᬢᭀᬗᭀᬲ᭄ᬜᬯᬸᬩ᭄᭞ᬭᬶᬓᬵᬮᬦᬸᬗ᭄ᬓᬸᬮᬂᬓᬶᬬᬧ᭄᭞ᬢᬦ᭄ᬧᬢᬶᬓᭂᬄᬢᬦ᭄ᬧᬤᬶᬂᬤᬶᬂ᭞ᬓᬮᬸᬤ᭄ᬢᬸᬤᬸᬄ᭞ᬢᬍᬃᬦᬸᬫ᭄ᬧᬂᬭᬶᬂ᭞ᬧᬶᬲᬕ᭟᭜᭟ᬫᬮᬶᬄᬜᬳᬶᬤᬲᬂᬦᬵ᭠ [ 10 ][᭙ 9B]
᭙
ᬣ᭞ᬫᭂᬮᬶᬤ᭄ᬗᬭᬄᬫᬶᬢᬸᬢᬸᬭᬶᬦ᭄᭞ᬓᬗ᭄ᬕᭀᬯᬂᬤᬤ᭄ᬯᬗᭂᬮᬄᬧ᭄ᬬᬦᬓ᭄᭞ᬚᬯᬢ᭄ᬚᬮᬸᬄᬫᬓᬵᬓᬮᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬗᬶᬦᬦ᭄ᬜᬢ᭄ᬯᬶ᭞ᬚᬯᬢ᭄ᬧᬶᬬᬦᬓᬾᬮᬸᬄᬮᬸᬄ᭞ᬫᬲᬓᭀᬮᬄᬲᬶᬦᬄ
ᬧ᭄ᬭᬚ᭄ᬜᬦ᭄᭞ᬢᭀᬓ᭄ᬭᬦᬧᬢᬸᬢᬶᬦᬸᬢᬶᬦ᭄᭞ᬳᬚᬓ᭄ᬮᬶᬬᬸ᭞ᬫᬓ᭄ᬮᬸᬯᬃᬕ᭄ᬕᬩᭂᬋᬜ᭄ᬘᬦ᭟᭜᭟ᬉᬧᬫᬶᬬᬦ᭄‌ᬢ᭄ᬯᬭᬳᭂᬜᬓ᭄᭞ᬫᬾᬦ᭄ᬘᭂᬦᬶᬂᬚᬦᬶᬗᬶᬦᬹᬢᬶᬦ᭄᭞ᬫᬓ᭄ᬮᬸᬯᬃᬕ᭄ᬕᬩᭂᬋᬜ᭄ᬘᬦ᭞ᬲᭂ
ᬧᬢ᭄ᬲᬂᬧ᭄ᬭᬪᬸᬦᬾᬍᬯᬶᬄ᭞ᬬᬦ᭄‌ᬍᬩᬶᬳᬦ᭄ᬭᬶᬂᬓᬓᬮᬶᬄ᭞ᬫᬾᬦ᭄ᬘᭂᬦᬶᬂᬫᬗᭂᬮᬄᬲᬸᬦᬸ᭞᭠ᬓᬦ᭄ᬢᬶᬳᬓᬸᬢᬸᬲ᭄ᬳᬤᬰ᭞ᬢᬸᬮᬾᬦ᭄ᬫᬜᬓᬶᬢᬶᬦ᭄ᬤᬶᬭᬶ᭞ᬩᭂᬭᬕ᭄ᬗᭂᬫ᭄ᬧᬸ᭞ᬲᬫ᭄ᬩᬶᬮ᭄ᬩᭂᬮᬶᬂᬫᬕᭂᬤᭂᬳ᭠
ᬦ᭄᭟᭜᭟ᬮᬦ᭄ᬢᬸᬤ᭄ᬕᭂᬮᬦ᭄ᬢᬶᬗᬶᬦ᭄ᬧ᭄ᬬᬦᬓ᭄᭞ᬳᬸᬮᬶᬗᬋᬧ᭄ᬳᬸᬮᬶᬂᬲᬫ᭄ᬧᬶᬂ᭞ᬳᬤᬵᬦᬾᬗᭂᬮᬶᬂᬫᬕᬸᬬᬂ᭞ᬩᬦ᭄ᬲᭂᬤᬸᬓ᭄ᬓᬸᬯᬗᬦ᭄ᬦᬲᬶ᭞ᬦᬾᬫᬕ᭄ᬮᬦ᭄ᬢᬶᬂᬳᬸᬮᬶᬂᬤᬸᬭᬶ᭞ᬗᭂᬮᬶᬂᬬᬫᬦᬶᬕ᭄ᬢᬶᬕ᭄ᬢᬸᬦ᭄ᬤᬸᬦ᭄᭞ᬫᬾᬦ᭄ᬘᭂᬦᬶᬂ
[᭑᭐ 10A]
ᬩᬶᬗᬸᬂᬗᬶᬢᬸᬗᬂ᭞ᬧ᭄ᬬᬦᬓᬾᬲᬶᬓᬸᬢ᭄ᬓᬧᬶᬂ᭞ᬧᬓᭂᬍᬜᬸᬓ᭄᭞ᬲᬫᬶᬩᭂᬭᬕ᭄ᬓᬭᬂᬳᬗᬦ᭄᭟᭜᭟ᬬᬾ᭠ᬦ᭄ᬲᬸᬩᬓᬤᬸᬂᬮᬶᬯᬢᬦ᭄᭞ᬤ᭄ᬬᬲ᭄ᬢᬸᬮᬶᬗᬂᬧ᭄ᬭᬕᬢ᭄ᬦᬗᬶᬲ᭄᭞ᬩᬦ᭄ᬮᬶᬬᬸᬦᬾᬗᭂᬮᬄᬧ᭄ᬬᬦᬓ᭄᭞ᬤ
ᬤᬶᬮᬸᬳᬸᬳᬸᬦ᭄ᬢᬗᬦ᭄ᬢᬶᬂ᭞ᬫᭂᬮᬄᬦᬾᬚᬦᬶᬫᬾᬦ᭄ᬘᭂᬦᬶᬂ᭞ᬧᬶᬦᬶᬄᬧᬶᬦᭂᬳᬶᬦ᭄ᬭᬶᬂᬓᬬᬸᬦ᭄᭞ᬧᬯᬭᬄᬕᬸᬭᬸᬯᬶᬰᬾᬱ᭞ᬦᬾᬫᬸᬮᬤᬳᬢ᭄ᬳᬸᬢ᭄ᬢᬫᬶ᭞ᬲᬓᬶᬂᬢᬸᬳᬸ᭞ᬗᬯᬾᬓᬭᬳᬃᬚ᭄ᬚᬦ᭄ᬚᬕᬢ᭄
᭟᭜᭟ᬤᬳᬗ᭄ᬕᬸᬢᬗ᭄ᬕᬸᬢ᭄ᬫᬩᭀᬬ᭞ᬫᭂᬮᬳᬂᬫᬶᬢ᭄ᬩᬶᬢ᭄ᬭᬶᬂᬳᬢᬶ᭞ᬬᬾᬦᬶᬂᬤᬤ᭄ᬯᬗᭂᬮᬄᬧ᭄ᬬᬦᬓ᭄᭞ᬲᬗᭂᬢ᭄ᬳᬾᬮᬄᬩᬦ᭄ᬗᬶᬢᬸᬗᬶᬦ᭄᭞ᬲᬦ᭄ᬤᬂᬫᬸᬯᬄᬲᬗᬸᬦ᭄ᬳᬸᬭᬶᬧ᭄᭞ᬧ᭄ᬭᬤᬾᬍᬩᬶᬄᬢᭂᬓᬾᬦ᭄ᬘᬓᬸ᭠
ᬧ᭄᭞ᬢᭀᬳᬗ᭄ᬕᭀᬦ᭄ᬩ᭄ᬬᬬᬦ᭄ᬲᬓᭀᬮᬄ᭞ᬧ᭄ᬬᬦᬓᬾᬫᬓᬮᬶᬄ᭞ᬲᬤ᭄ᬬᬳᬕᬸᬂ᭞ᬬᬾᬦᬶᬂᬗᭂᬮᬄᬧ᭄ᬬᬦᬓ᭄ᬧ᭄ᬭᬚ᭄ᬜᬦ᭄᭟᭜᭟ᬲᬤ᭄ᬬᬦᬾᬫᬢᬸᬫ᭄ᬧᬂᬢᬸᬫ᭄ᬧᬂ᭞ᬮᬾᬦᬦ᭄ᬓᬾᬦ᭄ᬗᬶᬢᬸᬗᬂᬫᬸᬭᬶᬤ᭄ [ 11 ][᭑᭐ 10B]
᭑᭐
᭞ᬜᬶᬤᬬᬂᬜᭂᬧᬶᬄᬓᬲ᭄ᬓᬬ᭞ᬫᬦᬹᬢ᭄ᬓᬫᬫ᭄ᬧᬸᬳᬦ᭄ᬘᭂᬦᬶᬂ᭞ᬫᬶᬢᬸᬂᬤᬶᬦᬬᬾᬦ᭄ᬗᬰᬰᬶᬄ᭞ᬭᬶᬂᬩᬾᬳᬾᬃᬳᬶᬲᬶᬫ᭄ᬧᭂᬦ᭄ᬮᬸᬯᬸᬂ᭞ᬢᭀᬂᬲᬗ᭄ᬲᬬᬢᭂᬓᬾᬦ᭄ᬳᬶᬮᬂ᭞ᬩᬸᬯᬢ᭄ᬧᬶᬧᬶᬲᬾᬘᬾᬮᬾᬗᬶ᭠
ᬦ᭄᭞ᬜᬶᬫ᭄ᬧᭂᬦ᭄ᬤᬶᬢᬸ᭞ᬩᬶᬲᬘᭂᬦᬶᬂᬲᬸᬕᬶᬄᬦᬤᬢ᭄᭟᭜᭟ᬳᬫᭀᬦ᭄ᬢᭀᬫᬮᬸᬧ᭄ᬭᬕᬢᬂ᭞ᬦᬸᬢᬸᬭᬂᬕᭂᬭᬶᬂᬳᬾᬭᭀᬲᬶ᭞ᬓᭂᬮᬸᬯᬃᬕ᭄ᬕᬩᭂᬋᬜ᭄ᬘᬦ᭞ᬕᭀᬢᭀᬂᬭᭀᬬᭀᬂᬢ᭄ᬭᬦ᭄ᬲ᭄ᬫᬶᬕ᭄ᬭᬲᬶ᭞ᬗᬶᬭᬶᬂ
ᬦᬾᬫᬗ᭄ᬓᬶᬦ᭄ᬢᬢᬲᬶᬦ᭄᭞ᬕᭂᬦᬄᬧᬢᬧᬦ᭄ᬲᬂᬯᬶᬓᬸ᭞ᬳᬮᬶᬢ᭄ᬫᬸᬗᬶᬮ᭄ᬩᬺᬲᬶᬄᬢᬶᬗ᭄ᬕᬃ᭞ᬧᬲᬃᬘᬓ᭄ᬱᬸᬦ᭄ᬕᬶᬭᬶᬧᬸᬢ᭄ᬭᬶ᭞ᬢᬭᬸᬢᬭᬸ᭞ᬗᬋᬫ᭄ᬩᬦ᭄ᬲᬫ᭄ᬧᬂᬧᬰ᭄ᬭᬫᬦ᭄᭟᭜᭟ᬦᬢᬃᬜᬫᬋᬧᬢ᭄ᬚᬶᬫ᭄ᬩᬃ᭞ᬦᬸᬦ᭄ᬤᬸᬦ᭄
ᬓ᭄ᬮᬶᬧᭂᬲ᭄ᬲᬗ᭄ᬓᬦ᭄ᬲᬶᬬᬶᬂ᭞ᬫᬧᬕᭂᬃᬧᬸᬘᬸᬓ᭄ᬩᬮᬸᬦ᭄ᬢᬲ᭄᭞ᬳᬦ᭄ᬢᬸᬓ᭄ᬲᬳᬶᬓᬧᬗ᭄ᬓᬲᬶᬦ᭄᭞ᬳᬲᬢ᭄ᬮᬸᬯᬶᬃᬢᬾᬫ᭄ᬩᭀᬓ᭄ᬧᬸᬭᬶ᭞ᬧᭀᬦ᭄ᬤᭀᬓᬾᬳᬸᬗ᭄ᬓᬸᬮᬶᬦ᭄ᬢᬜ᭄ᬚᬸᬂ᭞ᬭᬶᬂᬩᬮᬂᬲᬫ᭄ᬧᬶᬂᬧᬫᭂᬤᬮ᭄᭞ᬧᬸ
[᭑᭑ 11A]
ᬜᬦ᭄ᬕᬗ᭄ᬕᬢᭂᬕᭂᬄᬗᬮᬶᬓ᭄᭞ᬓ᭄ᬭᬾᬓᬾᬢ᭄ᬲᬫ᭄ᬮᬸᬦ᭄᭞ᬢᬸᬮ᭄ᬬᬧᬾᬜ᭄ᬚᭀᬃᬫᬓᭂᬫ᭄ᬩᬭᬦ᭄᭟᭜᭟ᬩᬶᬮᬂᬲᬫ᭄ᬧᬶᬂᬦᬢᬃᬳᬶᬤ᭞ᬓᬢᬦ᭄ᬤᬸᬭᬶᬦ᭄ᬲᭂᬓᬃᬳᬮᬶᬢ᭄᭞ᬋᬦᭂᬲ᭄ᬭᬯᬶᬢ᭄ᬫᬭᬶᬲᬓᬶᬦ᭄᭞ᬧᬜ᭄ᬘᬃᬕ
ᬮᬸᬄᬮᬦ᭄ᬕᬸᬫᬶᬢᬶᬃ᭞ᬚᬕᬰᬢ᭄ᬭ᭄ᬬᬢᬸᬮᬓ᭄ᬓᭂᬮᬶᬂ᭞ᬫᬧᬮᬶᬧᬶᬤ᭄ᬢᬶᬬᬶᬂᬢᬸᬮ᭄ᬢᬸᬮ᭄᭞ᬓᬳᬸᬗ᭄ᬓᬸᬮᬦ᭄ᬩᬬᭂᬫ᭄ᬭᬚ᭞ᬢᬶᬗᬢᬶᬗᬵᬮᬦ᭄ᬲᬸᬮᬰᬶᬄ᭞ᬩᬶᬮᬂᬢᬗ᭄ᬕᬸ᭞ᬢᬫ᭄ᬧᬓ᭄ᬗᬾᬮᬫᬓᭂᬤᬧᬦ᭄᭟᭜᭟
ᬬᬦ᭄ᬩᭂᬘᬶᬓᬂᬦᬍᬓ᭄ᬢᭂᬓᬂ᭞ᬭᬶᬂᬩᬸᬘᬸᬦᬾᬓᭂᬮᭀᬤ᭄ᬓᬗᬶᬦ᭄᭞ᬯᬾᬦ᭄ᬢᭂᬦ᭄ᬫᬭᬸᬫ᭄ᬧ᭄ᬬᬸᬓ᭄ᬢᬢᬦ᭄ᬤᬸᬭᬦ᭄᭞ᬲᬃᬯ᭄ᬯᬯᭂᬤᬓ᭄ᬮᬦ᭄ᬮᭀᬮᭀᬄᬢᬶᬲ᭄᭞ᬯᬲ᭄ᬢᬦ᭄ᬜᬢᬶᬢ᭄ᬬᬂᬢᬦ᭄ᬳᬸᬦᬶᬂ᭞ᬓᭀᬘᬧ᭄ᬦᬓᬧᭀᬢᬶ
ᬓ᭄ᬳᬶᬤᬸᬧ᭄᭞ᬬᬦ᭄ᬲᬸᬗ᭄ᬓᬦ᭄ᬤᬤᬓ᭄ᬤᬤᬓᬦ᭄᭞ᬢᬦ᭄ᬤᬸᬫᬸᬦ᭄ᬓᬭᬸᬫᬄᬲᬓᬶᬢ᭄᭞ᬩᬦ᭄ᬢᬸᬲ᭄ᬧᬸᬭᬸᬄ᭞ᬧᬸᬦᬶᬓᬵᬲᭂᬭᬶᬂᬜᭂᬕᬶᬭᬂ᭟᭜᭟ᬓᬫᬳᭀᬦ᭄ᬳᬓᬾᬄᬦᬸᬢᬸᬭᬂ᭞ᬧᬮᬸᬗ᭄ᬕᬸᬄᬳᬶᬤᬲᬂᬋᬱᬶ᭞᭠ [ 12 ][᭑᭑ 11B]
ᬓᬮᬶᬗ᭄ᬓᬾᬲᬸᬗ᭄ᬓᬦᬾᬭᬳᬢ᭄᭞ᬧᬶᬍᬓ᭄ᬓᬧᬄᬳᬶᬤᭂᬧ᭄ᬢᬾᬲᬶᬂ᭞ᬫᬶᬦᬩ᭄ᬢᬦ᭄ᬮᬾᬦ᭄ᬦᬾᬗᬯᬶᬦᬶᬦ᭄᭞ᬳᬶᬦ᭄ᬤᬶᬓ᭄ᬗᬚᭂᬂᬜᬢᬦ᭄ᬗ᭄ᬭᬧᬸ᭞ᬩᬶᬮᬶᬄᬦᬾᬢᬍᬃᬗᬯᬶᬦᬂ᭞ᬚ᭄ᬜᬦᬦ᭄ᬳᬶᬤᬦᬾᬲᬦ᭄ᬤᬿ᭞ᬲᬗ᭄ᬓᬦ᭄ᬢ
ᬓᬸᬢ᭄᭞ᬲᬓᬜ᭄ᬘᬦ᭄ᬕᭂᬭᬶᬗᬾᬫᬧᬲ᭄᭟᭜᭟ᬮᬶᬬᬦ᭄ᬧᬶᬲᬦ᭄ᬭᬶᬂᬳᬶᬓᭀᬧ᭞ᬦᬾᬤᭂᬫᭂᬦ᭄ᬫᬫᬸᬜᬄᬲᬳᬶ᭞ᬓᬾᬦ᭄ᬓᬾᬦᬂᬧᬂᬢ᭄ᬯᬭᬲᬸᬗ᭄ᬓᬦ᭄᭞ᬚᭂᬮᬧ᭄ᬕᭂᬭᬶᬗᬾᬚᬕ᭄ᬚᬕᬶᬦ᭄᭞ᬢᬂᬢᬗᬶᬦ᭄ᬢᬸᬦ᭄ᬤᬾ
ᬦ᭄ᬜᬓᬶᬢᬶᬦ᭄᭞ᬲᬗ᭄ᬓᬦ᭄ᬳᬶᬓᭀᬧᬬᬾᬦ᭄ᬓᬤᬸᬂ᭞ᬫᭂᬢᬬᬂᬤᭀᬢ᭄ᬢᭂᬓᬾᬦ᭄ᬭᬸᬚᬓ᭄᭞ᬮᬮᬓ᭄ᬫᬦᬲᬾᬳᬜᬫ᭄ᬧᬶᬄ᭞ᬓᬬᬂᬲᭂᬦ᭄ᬢᬸᬮ᭄᭞ᬳᬧᬸᬢᬸᬦ᭄ᬢᭂᬮᬲ᭄ᬲᬤᬶᬦ᭟᭜᭟ᬲᭂᬭᬶᬂᬜᭂᬍᬫ᭄ᬧᬂᬭᬶᬂᬫᬃᬕ᭄ᬕ᭞
ᬧᬸᬜᬄᬩᬦ᭄ᬳᬭᬓ᭄ᬗ᭄ᬭᬦ᭄ᬤᬶ᭞ᬤᬤᭀᬲ᭄ᬓᬓᭂᬤᬾᬓᬦ᭄ᬚᬕᬢ᭄᭞ᬭᬶᬂᬧᬫ᭄ᬗ᭄ᬬᬭᬦ᭄ᬗᬸᬬᬓ᭄ᬗᬘᬶᬦ᭄᭞ᬲᬗ᭄ᬓᬦ᭄ᬳᬾᬗ᭄ᬕᬮᬦ᭄ᬳᭂᬚᭀᬳᬶᬦ᭄᭞ᬳᬶᬮᭀᬪᬓᭀᬧᬧᬸᬦᬶᬓᬸ᭞ᬫᬗ᭄ᬤᬾᬦ᭄ᬜᬢᬦ᭄ᬓᬮᬄᬮᬳᬦ᭄᭞ᬩᭂ᭠
[᭑᭒ 12A]
ᬘᬶᬓ᭄ᬲᬂᬢᬧᬢᬫ᭄ᬧᭂᬓᬶᬦ᭄᭞ᬓᬤᬸᬓ᭄ᬦᬳᬸ᭞ᬗᬮᬶᬂᬮᬶᬂᬕᭂᬦᬄᬧᬢᬧᬦ᭄᭟᭜᭟ᬭᬶᬂᬧᬸᬗ᭄ᬓᬸᬃᬧᬰ᭄ᬭᬫᬦ᭄ᬳᬶᬤ᭞ᬯᬾᬦ᭄ᬢᭂᬦ᭄ᬧᬸᬜᬦ᭄ᬦᬕᬲᬭᬶ᭞ᬜᬦ᭄ᬤᬶᬂᬢᬶᬬᬶᬂᬲᬸᬤ᭄ᬥᬫᬮ᭞ᬲ᭄ᬭᬾᬬᬄᬲ᭄ᬭᬾᬬᭀᬄᬢᭂᬫ᭄ᬧᬸᬄ
ᬳᬗᬶᬦ᭄᭞ᬩᬸᬜ᭄ᬚᬂᬧᬸᬗ᭄ᬓᬸᬃᬬᬦ᭄ᬳᬸᬧᬫᬶ᭞ᬤᬦ᭄ᬤᬦ᭄ᬳᬶᬲᭂᬂᬓᬕᬶᬭᬶᬯᬥᬸ᭞ᬫᭂᬍᬤ᭄ᬢᬗ᭄ᬓᬶᬮ᭄ᬭᬶᬂᬲᬂᬢᬧ᭞ᬤ᭄ᬬᬲ᭄ᬢᬸᬮᬬᬳᬦ᭄ᬳᬓᬶᬤᬶᬓ᭄᭞ᬭᬯᬸᬄᬤᬶᬢᬸ᭞ᬫ᭄ᬭᬲᬯᬋᬕ᭄ᬢᬦ᭄ᬧᬦᭂᬤ᭟᭜᭟ᬧᬫᭂᬤᬮᬾᬫᬸ
ᬦ᭄ᬤᬕᬸᬦ᭄ᬤᬕ᭄᭞ᬫᬢᭂᬭᬧᬦ᭄ᬧᬶᬮᬄᬢᬶᬤᬶᬂ᭞ᬳᬃᬘ᭄ᬘᬦ᭄ᬳᬶᬤᬭᬶᬂᬧᬢᬧᬦ᭄᭞ᬫᬸᬦ᭄ᬤᬸᬓ᭄‌ᬩᭀᬦᬂᬧᬘᬕᬶᬃᬕᬶᬃ᭞ᬭᬶᬂᬳᬫ᭄ᬩᬾᬦ᭄ᬧᬰ᭄ᬭᬫᬦ᭄ᬓᬵᬓ᭄ᬱᬶ᭞ᬲᬶᬮᬩᬗ᭄ᬲᬶᬂᬩᬶᬮᬂᬩᬸᬘᬸ᭞ᬍᬄᬤᬗ᭄ᬮᭂᬄᬧᬸᬍᬄ
ᬕᬸᬫᬶᬮᬧ᭄᭞ᬧᬮᬶᬗ᭄ᬕᬶᬳᬦ᭄ᬲᬂᬳᬢᬶᬢᬶ᭞ᬲᬦᬾᬭᬯᬸᬄ᭞ᬳᭂᬲᭂᬂᬳᬶᬲᭂᬂᬫᬲᬲᬜ᭄ᬚᬦ᭄᭟᭜᭟ᬇᬭᬶᬓᬫᬩᬩᬯᭀᬲᬦ᭄᭞ᬫᬗᭀᬜ᭄ᬚᬓᬂᬢᬢ᭄ᬯᬮᬸᬯᬶᬄ᭞ᬤᬕᬶᬂᬤᬤᬕᬶᬂᬘᬢᬸᬃᬯᬾᬥ᭞ [ 13 ][᭑᭒ 12B]
᭑᭒
ᬲᬮᬶᬂᬘᬯᬶᬲ᭄ᬧᬢᬶᬄᬲᬯᬕ᭄ᬫᬶ᭞ᬧᬳᬫᬦ᭄ᬲᬂᬫ᭄ᬭᬕᬲᬶᬤᬶ᭞ᬧᬥᬫᬸᬯᬢ᭄ᬳᬃᬣᬶᬦ᭄ᬳᬬᬸ᭞ᬲᬶ᭠ᬳᬸᬕᬶᬫᬫᬶᬋᬗᬂ᭞ᬤ᭄ᬬᬲ᭄ᬢᬸᬢᬫ᭄ᬧ᭄ᬬᬲᬦ᭄ᬳᬓᬶᬤᬶᬓ᭄᭞ᬢᭂᬧᬾᬦ᭄ᬤᬫᬸᬄ᭞ᬧᬸᬧᬸᬢ᭄ᬗᭂᬧᬶᬮ᭄ᬫᬲᬂᬓᬃ
ᬡ᭄ᬦ᭟᭜᭟ᬓᬭᬶᬰᬶᬱ᭄ᬬᬦ᭄ᬜᬲᬦᬸᬗ᭄ᬕᬮ᭄᭞ᬭᬸᬧᬦᬾᬩᬕᬸᬲ᭄ᬦᬍᬓᬶᬓ᭄᭞ᬬᬸᬲ᭄ᬳᬶᬤᬓᬦ᭄ᬢᬸᬦ᭄ᬢᬭᬸ᭞ᬲᬂᬅᬃᬚ᭄ᬚᬯᬵᬓᬧᬭᬩᬶᬦ᭄᭞ᬭᬫ᭄ᬩᬸᬢᬾᬳᬶᬗ᭄ᬕᭂᬮ᭄ᬜᬸᬮᬮᬶᬢ᭄᭞ᬫᬯᬶᬦᬦ᭄ᬕᭂᬫ᭄ᬧᬸ
ᬓ᭄ᬫᬮᬸᬮᬸᬦ᭄᭞ᬓᭂᬜᬸᬂᬫᬦᬶᬲ᭄ᬦᬓᬧᬜ᭄ᬚᬂ᭞ᬳᬤᬶᬕᬾᬗᬸᬭᬗ᭄ᬓᬕᬦ᭄ᬤ᭄ᬭᬶᬂ᭞ᬘᬸᬗᬸᬄᬫᬜ᭄ᬘᬸᬂ᭞ᬳᬮᬶᬲᬾᬫᬸᬮᬦ᭄ᬨᬮ᭄ᬕᬸᬡ᭟᭜᭟ᬲᬶᬂᬲᭀᬮᬳᬂᬦᬸᬤᬸᬢ᭄ᬫᬦᬄ᭞ᬲᬭᬯᭀᬲᬾᬗᭂᬢᬸᬲ᭄ᬳᬢᬶ᭞ᬫ
ᬦᬄᬳᬶᬤᬳᬤᬢ᭄ᬯᬭ᭞ᬫᬦ᭄ᬤᭀᬄᬲᬓᬶᬂᬧᬶᬮᬶᬄᬓᬲᬶᬄ᭞ᬫᬶᬦᬩ᭄ᬳᬶᬤᬤᬸᬢᬦ᭄ᬯᬶᬤᬶ᭞ᬦᬾᬫᬮᬓᬃᬲᬭᬶᬦ᭄ᬧᬸᬬᬸᬂ᭞ᬓᬮᭀᬓᬬᬂᬤᬤᭀᬲ᭄ᬚᬤ᭄ᬫ᭞ᬓᬫᬸᬤᬶᬢᬦ᭄ᬳᬶᬤᬗᭂᬦ᭄ᬤᬶᬄ᭞ᬲᬗ᭄ᬕᬶᬂ
[᭑᭓ 13A]
ᬳᬕᬸᬂ᭞ᬢᬗ᭄ᬲᭂᬄᬗᬸᬓᬶᬃᬧ᭄ᬭᬚᬳᬶᬓ᭟᭜᭟ᬪᬸᬱᬡᬦ᭄ᬜᬲᬤᭂᬭᬦ᭞ᬢᬶᬦ᭄ᬤᬓ᭄ᬤᬩ᭄ᬤᬩ᭄ᬮᬫ᭄ᬧ᭄ᬬᬵᬲ᭄ᬓᬮᬶᬲ᭄᭞ᬲᬓᬬᬵᬯᬓ᭄ᬓᬬᬸᬦ᭄ᬳᬶᬤ᭞ᬲᬫ᭄ᬧᬸᬦ᭄ᬢᬦ᭄ᬲᬦ᭄ᬤᬂᬘᬾᬤᬦᬶᬦ᭄᭞ᬢᭀᬂᬢᬧᬵᬦ᭄ᬫᬶᬤᭂᬧ᭄ᬗᬸᬗ᭄ᬓᬸ
ᬮᬶᬦ᭄᭞ᬗᬮᬧ᭄ᬓᬲᭀᬃᬩᬯᭀᬲ᭄ᬳᬮᬸᬲ᭄᭞ᬳᬲᬶᬂᬯᬾᬦ᭄ᬢᭂᬦ᭄ᬢᬫ᭄ᬬᬸᬧ᭄ᬭᬧ᭄ᬢᬵ᭞ᬓᬧᭂᬦ᭄ᬤᬓ᭄ᬩᬦ᭄ᬘᬶᬗᬦ᭄ᬫᬦᬶᬲ᭄᭞ᬓᬦ᭄ᬢᬶᬗᬸᬦ᭄ᬢᬸᬮ᭄᭞ᬓᬶᬤᬗᬾᬲᬫ᭄ᬧᬶᬂᬧᬰ᭄ᬭᬫᬦ᭄᭟᭜᭟ᬳᬶᬤᬲᭂᬦᭂᬂᬭᬶᬂᬧᭂᬮᬮ᭄ᬬᬦ᭄᭞
ᬓᬗᭂᬦ᭄ᬗᬸᬯᬸᬳᬶᬦ᭄ᬮᭂᬲ᭄ᬢᬭᬶ᭞ᬢᬶᬗ᭄ᬓᬶᬓ᭄ᬤᬮᬜ᭄ᬘᬶᬮ᭄ᬢᬮᬸᬓ᭄ᬢᬸᬓ᭄᭞ᬧᬧᬶᬦ᭄ᬤᭂᬓᬦ᭄ᬫᬧᬘᬸᬦ᭄ᬢᬶᬮ᭄᭞ᬓᬤᬕᬶᬗᬶᬦ᭄ᬕᬫ᭄ᬩᬃᬧᭂᬭᬶᬓ᭄᭞ᬓᬓᬮᬶᬄᬩᬦ᭄ᬓᬸᬮᬶᬢ᭄‌ᬬᬶᬸᬣᬭᬸ᭞ᬤᬸᬭᬶᬦ᭄ᬢᭀᬗ᭄ᬓᭀᬓ᭄ᬫᬓᭂᬫ᭄ᬩᬭᬦ᭄᭞ᬬᬦᬸᬚᬸ
ᬳᬗᬶᬦ᭄ᬗᬸᬲᬶᬃᬲᬶᬃ᭞ᬗᬾᬮᭀᬕ᭄ᬮᭂᬫᬸᬄ᭞ᬍᬕᭀᬲᬂᬘᬸᬦ᭄ᬢᬶᬮ᭄ᬧᬶᬦ᭄ᬤᭂᬓᬦ᭄᭟᭜᭟ᬲᬫ᭄ᬧᬶᬂᬧᭀᬦ᭄ᬤᭀᬓᬾᬢᬮᬕ᭞ᬲᭂᬓᭂᬦ᭄ᬤᬸᬦᬸᬗᬶᬦ᭄ᬩᬮᬶᬩᬶᬲ᭄᭞ᬢᬦ᭄ᬤᭀᬄᬭᬶᬂᬓᭂᬘᭀᬭᬦ᭄ᬢᭀᬬ᭞ᬓᬧᬸᬓᬧᬸᬄ [ 14 ][᭑᭓ 13B]
᭑᭓
ᬦᬗᬸᬦᬮ᭄ᬦᬶᬮ᭄᭞ᬲᭂᬓᬃᬜᬭᬶᬂᬧᬶᬗ᭄ᬕᬶᬃᬳᬲ᭄ᬭᬶ᭞ᬧᬜ᭄ᬘᬃᬘᬶᬦᬧᬜ᭄ᬘᬃᬕᬮᬸᬄ᭞ᬳᬶᬫᬥᬩ᭄ᬭᬢᬬ᭠ᬩᬶᬦᬮ᭄᭞ᬫᬕ᭄ᬭᬶᬬᭂᬗᬦ᭄ᬗᬶᬲᭂᬧ᭄ᬲᬭᬶ᭞ᬘ᭄ᬮᬶᬬᬓ᭄‌ᬘ᭄ᬮᬶᬬᬸᬓ᭄᭞ᬩᬤᬸᬭᬲᬫ᭄ᬧᬶᬂᬧᬗ᭄ᬓᬚ᭟᭜᭟ᬩᬳᬶᬗᬶ
ᬭᬗᬺᬫ᭄ᬧᬬᬓ᭄᭞ᬗᬸᬯᬸᬩ᭄ᬢᬮᬕᬦᬾᬲᬫᬶ᭞ᬩᬗ᭄ᬲᬶᬂᬜᬳᬕᭃᬂᬢᬸᬃᬓᬯᭀᬢ᭄᭞ᬧᬺᬓᬱᬦᬸᬜ᭄ᬘᬶᬕ᭄ᬧᬺᬣᬶᬯᬶ᭞ᬜᬦ᭄ᬤᬶᬂᬓᭂᬧᬸᬄᬢᭂᬕᭂᬄᬗᬕ᭄ᬮᬶᬓ᭄᭞ᬓᬧᬸᬢ᭄ᬲᬶᬫ᭄ᬩᬃᬫᬓᬧᬸᬳᬸᬦ᭄᭞ᬮᬸᬯᬶᬃᬢᭀ
ᬕᭀᬕ᭄ᬓᬸᬫ᭄ᬪᬓᬃᬡ᭄ᬦ᭞ᬤᬸᬓ᭄ᬫᬬᬸᬥᬫᬾᬮᬕᬸᬫᬶ᭞ᬩᭀᬚᭀᬕ᭄ᬲᬶᬬᬸ᭞ᬫᬸᬗ᭄ᬕᬄᬗᬺᬩᬸᬢ᭄ᬳᬗ᭄ᬕᬦ᭄ᬳᬶᬤ᭟᭜᭟ᬩᬸᬗᬦ᭄ᬢᬸᬜ᭄ᬚᬗᬾᬫᬾᬦ᭄ᬤᬳᬦ᭄᭞ᬧᬓᭂᬩ᭄ᬯᬄᬓᬢᭀᬦ᭄ᬭᬯᬶᬢ᭄᭞ᬩᬭᬓ᭄ᬗᬶᬭᬸᬫᬶᬯᬄᬧᭂᬢ
ᬓ᭄᭞ᬗᬯᬾᬓᬤᬮᭀᬦ᭄ᬲᬂᬳᬵᬓ᭄ᬱᬶ᭞ᬳᬶᬩᭀᬓᬢ᭄ᬜᬮᭀᬄᬗᬸᬗ᭄ᬓᬸᬮᬶᬦ᭄᭞ᬳᬚᬸᬫ᭄ᬗᭂᬮᬄᬓᭂᬫ᭄ᬩᬃᬲᬸᬲᬸᬦ᭄᭞ᬲᭂᬫᭂᬗᬦ᭄ᬓᬓᬸᬮᬾᬦ᭄ᬭᭀᬫ᭄ᬧᭀᬂ᭞ᬳᬶᬓᬢᬓ᭄ᬫᬗᭀᬗ᭄ᬓᬾᬓ᭄ᬚᬗᬶᬄ᭞ᬬᭂᬗ᭄ᬕᬂᬗᭂ
[᭑᭔ 14A]
ᬫ᭄ᬧᬸᬮ᭄᭞ᬳᬶᬗᬮᬯᬸᬓᬚᭀᬕᬾᬤᬦ᭄᭟᭜᭟ᬳᬶᬩᬸᬘᬶᬘᬮᬦ᭄ᬓᬸᬢᬶᬮᬂ᭞ᬗᬸᬘᬘᬾᬗᬾᬘᭀᬫᬗᬸᬘᬶ᭞ᬭᬶᬂᬳᬸᬫ᭄ᬧᬸᬢ᭄ᬧᬮᬶᬢ᭄ᬲᭂᬤᬗᬦ᭄᭞ᬳᬶᬢᬤᬳᬲᬶᬄᬫᬗᭂᬗ᭄ᬓᬶᬓ᭄᭞ᬳᬶᬘᬸᬭᬶᬓ᭄ᬲᭂᬤᭂᬓ᭄ᬫᬲᬸ
ᬯᬶᬃ᭞ᬳᬶᬩ᭄ᬮᬢᬸᬓ᭄ᬚᭂᬕ᭄ᬦᭂᬧᬓ᭄ᬓᬸᬮ᭄ᬓᬸᬮ᭄᭞ᬳᬶᬢᬾᬗ᭄ᬓᬾᬓ᭄‌ᬫᬾᬕ᭄ᬘᬾᬓ᭄ᬢᬗᬃ᭞ᬗᭂᬗᬧ᭄‌ᬬᬫᬢᬢᬂᬩᭂᬤᬶᬮ᭄᭞ᬭᬾᬄᬳᬶᬘᬧᬸᬂ᭞ᬢᭂᬓᬵᬗᬫᬸᬓ᭄ᬗᬸᬬᭂᬂᬢᬸᬫ᭄ᬩᬓ᭄᭟᭜᭟ᬦᭂᬗᭀᬓ᭄ᬳᬶᬓᭂᬤᬶᬲ᭄ᬗᭀᬲ᭄ᬗᭀᬲᬦ᭄
ᬫ᭄ᬩᬸᬢᬶᬦ᭄᭞ᬓᬧᬃᬡ᭄ᬦᬯᬾᬦ᭄ᬢᬦ᭄ᬫᬜ᭄ᬘᬦᬳᬶᬦ᭄᭞ᬬᬾᬦ᭄ᬢᭂᬦ᭄ᬲᭂᬤᭂᬓ᭄ᬗᭂᬳᭂᬫ᭄ᬢᬮᬸᬄ᭞ᬫᬦᬯᬶᬲᬫ᭄ᬧᬸᬦ᭄ᬫ
ᬗᬂᬦ᭄ᬤᬂ᭞ᬦᬸᬭᬾᬓ᭄ᬱᬢᬶᬫ᭄ᬧᬮ᭄ᬜᬲᬫᬶ᭞ᬲᬶᬂᬓᬫᬸᬲᬸᬄ᭞ᬫᬳᬶᬢᭂᬓᬵᬗᬭᭀᬳᬭ᭟᭜᭟ᬲᬧᬸᬦᬶᬓᬜᬩ᭄ᬭᬦ᭄ᬤᬶᬦ᭞ᬫᬩ᭄ᬬᬬ᭄ᬯᬦ᭄ᬦᬗ᭄ᬳᬶᬂ᭞ᬲ᭄ᬯᬭᬦ᭄ᬧᬓ᭄ᬱᬶᬦᬾᬳᭂᬦ᭄ᬤᬧᬦ᭄᭞ᬫᬸ [ 15 ][᭑᭔ 14B]
᭑᭔
ᬜᬶᬦ᭄ᬢᬮᬸᬓ᭄ᬢᬓ᭄ᬦᬶᬫ᭄ᬩᬦᬶᬦ᭄᭞ᬫᬘᬦ᭄ᬤᭂᬢᬦ᭄ᬭᬶᬂᬤᬮᬜ᭄ᬘᬶᬮ᭄᭞ᬮᬸᬯᬶᬃᬩᭂᬡ᭄ᬥᬾᬗᬮᬸᬧᬮᬸᬧ᭄᭞ᬢᬸᬮᬶᬄᬫᭂᬦᬾᬓ᭄ᬧᬧᬶᬦ᭄ᬤᬶᬓᬦ᭄᭞ᬗᬸᬭᬸᬓᬂᬗᭂᬕᭂᬮ᭄ᬳᬶᬧᬭᬶᬓ᭄᭞ᬫᬶᬍᬲ᭄‌ᬗ᭄ᬮᬶᬧᬸᬓ᭄᭞ᬢᬶᬗ᭄ᬓ᭄ᬮᬶᬓ᭄ᬗᬸ
ᬘᬶᬭᬶᬂᬋᬭᬗ᭄ᬤᬦ᭄᭟᭜᭟ᬯᬾᬦ᭄ᬢᭂᬦ᭄ᬩᬮᬾᬧᬲᬬᬸᬩᬦ᭄᭞ᬫᬓᭂᬫ᭄ᬩᬭᬦ᭄ᬢᬤᬄᬗᭂᬜ᭄ᬚᬶᬓ᭄᭞ᬫᬮᬓᬃᬢᬭᬸᬘᭂᬦ᭄ᬤᬦ᭞ᬫᬚᬕᬯᬸᬮᬦ᭄ᬲᬸᬮᬲ᭄ᬢ᭄ᬭᬶ᭞ᬫᬭᬳᬩ᭄ᬤᬸᬓ᭄ᬫᬭᬓᬶᬢ᭄᭞ᬢᬶᬲ᭄ᬗᭂᬦ᭄ᬤᬶᬃ᭠
ᬳᬸᬗ᭄ᬓᬸᬮᬶᬦ᭄ᬚᭂᬧᬸᬦ᭄᭞ᬭᬲᬧᬦ᭄ᬢᭂᬲ᭄ᬫᬮᬶᬄᬚᬳᬦ᭄᭞ᬤᬤᬭᬶᬢᭂᬤᬸᬦ᭄ᬗᬸᬩᬶᬃᬩᬶᬃ᭞ᬧᬘᬩᬸᬃᬩᬸᬃᬭᬶᬂᬢ᭄ᬮᬕᬦᬾᬫᬘᬶᬫ᭄ᬧ᭄ᬮᬸᬗᬦ᭄᭟᭜᭟ᬢᬫ᭄ᬩᬶᬲ᭄ᬳᭂᬗ᭄ᬲᭂᬧ᭄ᬢᬓᬸᬦ᭄ᬳᬯᬓ᭄᭞ᬗᭂᬢᭀᬦ᭄ᬯᬦ᭄ᬯᬦᬾᬍᬲ᭄ᬢᬭᬶ᭞
ᬓᬕᬾᬢ᭄ᬲᬫ᭄ᬧᬸᬦ᭄ᬮᬶᬗ᭄ᬲᬶᬃᬲᬜ᭄ᬚ᭞ᬳᬶᬘᭀᬗᬾᬘᭀᬗᬾᬫᬯᬗ᭄ᬲᬶᬢ᭄᭞ᬢᬮᬸᬬᬦᬸᬦ᭄ᬤᬾᬦ᭄ᬫᬦᬗ᭄ᬓᬶᬮ᭄᭞ᬓᬧᭀᬦ᭄ᬤᭀᬓ᭄ᬳᬶᬤᬲᬂᬳᭂᬫ᭄ᬧᬸ᭞ᬲᬤ᭄ᬬᬬᬦ᭄ᬲᭂᬤᭂᬓ᭄ᬲᬂᬢᬧ᭞ᬫᬗᭀᬜ᭄ᬚᬓ
[᭑᭕ 15A]
ᬦ᭄ᬢᬢ᭄ᬯᬍᬯᬶᬄ᭞ᬧᭀᬮᬶᬄᬤᬶᬢᬸ᭞ᬲᬋᬂᬫᬚᭂᬦᬸᬓᬂᬓᬃᬡ᭄ᬦ᭟᭜᭟ᬧᬸᬧᬸᬄᬕᬶᬦᬤ᭟᭜᭟ᬗᬮᬦ᭄ᬢᬸᬃᬫᬗ᭄ᬓᬶᬦ᭄ᬩᬯᭀᬲᬂ᭞ᬭᬶᬂᬧᬰ᭄ᬭᬫᬦ᭄ᬕᬶᬭᬶᬧᬸᬢ᭄ᬭᬶ᭞ᬭᬶᬂᬲᬫ᭄ᬧᬸᬦᬾᬗᬭᭀᬭᭀᬓᬂ᭞ᬲᬂᬳ᭄ᬬᬂᬭᬯᬶᬢᬫ᭄ᬩᬶᬲ᭄ᬲᬸᬭᬸ
ᬧ᭄᭞ᬮᬗᬶᬢᬾᬫᬲᬯᬂᬗᬭᬓ᭄᭞ᬳᬗᬶᬦ᭄ᬢᬭᬶᬓ᭄᭞ᬢᬭᬸᬦᬾᬍᬫᬸᬄᬫᬬᭀᬤᬦ᭄᭟᭜᭟ᬭᬶᬗᬬᬢ᭄ᬧᭂᬢᭂᬗᬾᬦᬶᬫ᭄ᬩᬮ᭄᭞ᬓᬕᬾᬢ᭄ᬩᬸᬮᬦᬾᬦᬤᬭᬶᬦ᭄᭞ᬗᬢᬸᬚᬸᬋᬃᬡ᭄ᬦᬫᬦ᭄ᬓᬧᬢ᭄᭞᭞ᬕᬸ
ᬍᬫ᭄ᬜ᭄ᬭᬫᬢ᭄ᬢᬶᬧᬶᬲᬮᬸᬲ᭄᭞ᬕᬮᬂᬩᬸᬮᬦ᭄ᬫᬓᬮᬗᬦ᭄᭞ᬩᬶᬦ᭄ᬢᬢᬭᬶᬓ᭄᭞ᬗᬯᬸᬯᬸᬳᬶ᭠ᬦ᭄ᬫᬦᬄᬮᬶᬬᬂ᭟᭜᭟ᬚᬗ᭄ᬓ᭄ᬭᬶᬓᬾᬲᬫ᭄ᬧᬶᬂᬧᬰ᭄ᬭᬫᬦ᭄᭞ᬓᬤᬶᬫᬲᬫᬬᬗᭂᬭᬶᬂ᭞ᬳᬶᬘᭂᬍᬧᬸᬓ᭄ᬳᬸᬦ᭄ᬤ
ᬧᬸᬦ᭄ᬤᬧ᭄᭞ᬦᬤᬓ᭄ᬗᭂᬤᬢ᭄ᬓᬯᬸᬓᬯᬸᬓ᭄᭞ᬘᭂᬘᭂᬄᬫᬗᬸᬦ᭄ᬤᬂᬭᭀᬯᬂᬜ᭞ᬫᬗᬚᬓᬶᬦ᭄᭞ᬗᬶᬦ᭄ᬢᬶᬧ᭄ᬲᬂᬧᬡ᭄ᬥᬶᬢᬗᬃᬕ᭄ᬕ᭟᭜᭟ᬲᬧᬸᬦᬶᬓᬬᬦ᭄ᬭᬲᬬᬂ᭞ᬩᬸᬭᭀᬦᬾᬳᬶᬭᬶᬓᬵᬲᬫᬶ᭞ᬧᬥᬵ [ 16 ][᭑᭔ 14B]
᭑᭔
ᬳᬲᬶᬄᬧᬥᬕᬶᬭᬂ᭞ᬓᬶᬤᬂᬮᬸᬘᬸᬗᬦ᭄ᬤᬾᬂᬮᬸᬢᬸᬂ᭞ᬳᬶᬮᬮᬶᬧᬶᬭᬶᬂᬳᬶᬓᬢᬓ᭄᭞ᬳᬤᬸᬂᬲᬳᬶ᭞ᬫᬾᬬᭀᬂᬭᬶᬂᬩᬶᬓᬸᬮ᭄ᬫᬘᬦ᭄ᬤ᭟᭜᭟ᬲᬂᬢᬧᬗᬯᬶᬢ᭄ᬫᬫᬸᬚᬸ᭞ᬗᬃᬘ᭄ᬘᬦᬳ᭄ᬬᬂᬫᬳᬵᬲᬸᬘᬶ᭞ᬦᬾᬗᬬᬳᬶᬦ᭄
ᬲᬂᬅᬃᬚ᭄ᬪᬯᬵ᭞ᬩᭀᬦ᭄ᬲᭂᬓᬭᬾᬫᭂᬕᬢ᭄ᬧᬗ᭄ᬓᬸᬂ᭞ᬦᬤᬓ᭄ᬳᬶᬚᬗ᭄ᬓ᭄ᬭᬶᬓ᭄ᬘᭂᬧᭀᬓᬦ᭄᭞ᬲᬸᬯᬸᬤ᭄ᬗᭂᬭᬶᬂ᭞ᬓᬤᬸᬮᭀᬦᬂᬲ᭄ᬯᬭᬦ᭄ᬕᭂᬦ᭄ᬢ᭟᭜᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬤᬗᬃᬕ᭄ᬕ᭞ᬲᬂᬅᬃᬚ᭄ᬚᬯᬵᬦᬤᬕᬶᬧᬶᬄ᭞ᬲ
ᬗ᭄ᬓᬸᬩᬚ᭄ᬭᬓᭂᬢᬗ᭄ᬓᬶᬤᬂ᭞ᬳᬳᬲᬦ᭄ᬲᭂᬓᬭᬾᬓᬲᬳᬸᬧ᭄᭞ᬓᬓᬸᬢᬂᬚ᭄ᬭᭀᬦᬶᬂᬩᬮᬸᬂᬩᬂ᭞ᬲᬫ᭄ᬧᬸᬦ᭄ᬩᬺᬲᬶᬄ᭞ᬭᬯᬸᬄᬧᬲᬯᬫ᭄ᬩᬦ᭄ᬳᬶᬤ᭟᭜᭟ᬳᬶᬭᬶᬓᬭᬶᬂᬧᬰ᭄ᬭᬫᬦ᭄᭞ᬢᬦ᭄ᬧᬶᬲᬦ᭄ᬢᬳᬾᬦ᭄ᬫᬗ᭄ᬕᬶᬳᬶ
ᬦ᭄᭞ᬮᬸᬳᬸᬭᬶᬂᬳᬫ᭄ᬩᬾᬭᬶᬂᬦᬢᬃ᭞ᬭᬶᬂᬲᬫ᭄ᬧᬶᬂᬭᬯᬸᬄᬭᬶᬂᬧᬸᬗ᭄ᬓᬸᬃ᭞ᬲᬳᬶᬓᬢᭀᬦ᭄ᬓᭂᬤᬲ᭄ᬜᬮᬂ᭞ᬦᬾᬳᬯᬳᬶ᭞ᬬᬾᬦ᭄ᬧᬶᬂᬓᬸᬤᬫᬲᬫ᭄ᬧᬢᬂ᭟᭜᭟ᬳᬶᬭᬶᬓᬵᬢᬦ᭄ᬯᬾᬦ᭄ᬢᭂᬦ᭄ᬢᭀᬬ᭞ᬲᬦᬾᬗ
[᭑᭕ 15A]
ᬦ᭄ᬤᭂᬂᬩᭂᬤᬶᬓ᭄ᬩᭂᬤᬶᬓ᭄᭞ᬫᬯᬶᬦᬦ᭄ᬢᬦ᭄ᬧᭀᬮᬶᬄᬕᬶᬦᬄ᭞ᬍᬕᬸᬦᬾᬧᬘᬂᬫᬢᬮᬸᬄ᭞ᬦᬾᬗᬯᬶ᭠ᬦᬂᬲᬓᬶᬂᬢ᭄ᬭᬳᬢ᭄᭞᭞ᬳᬓᬾᬄᬚᬤ᭄ᬫᬶ᭞ᬘᭂᬕᬸᬢ᭄ᬮᭂᬕᬸᬗᬦ᭄ᬢᭀᬲ᭄ᬧᭂᬚᬄ᭟᭜᭟ᬫᬗ᭄ᬓᬶᬦ᭄ᬓᬢᭀᬦ᭄ᬭᬶᬂᬧᬰ᭄ᬭᬫ᭠
ᬦ᭄᭞ᬲᬂᬢᬧᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬳᬶᬭᬶᬓᬩᬕᬸᬲ᭄ᬳᬃᬚ᭄ᬚᬯᬵ᭞ᬧᭀᬮᬶᬄᬲᭂᬮᬄᬧᬘᬂᬫᬢᬸᬃ᭞ᬤᬸᬄᬭᬢᬸᬲᬂᬧᬗᭂᬫ᭄ᬧ᭄ᬯᬦ᭄᭞ᬮᬾᬤᬂᬗᬓ᭄ᬱᬶ᭞ᬫᬸᬗ᭄ᬕ᭄ᬯᬶᬂᬧᬗᬪᬓ᭄ᬢᬶᬦ᭄ᬢᬶᬢ᭄ᬬᬂ᭟᭜᭟ᬬᬦ᭄ᬯᬦ᭄ᬢᬄᬧᬶᬦ᭄ᬤᬦᬶᬂᬯᭂᬦᬂ᭞
ᬢᬦ᭄ᬗᬯᬦᬂᬢᬸᬮᬳᬸᬭᬶᬧ᭄᭞ᬫᭂᬍᬤ᭄ᬫᬦᬄᬢᬶᬢ᭄ᬬᬂᬦᬸᬦᬲ᭄᭞ᬧᭀᬮᬄᬳᬦᬓᬾᬫᬫᬦ᭄ᬤᬸᬂ᭞ᬚᬦ᭄ᬢᭀᬲ᭄ᬧᬸᬭᬸᬦ᭄ᬳᬶᬫ᭄ᬱᬓᬃᬫ᭄ᬫ᭞ᬬᬾᬦ᭄ᬓᭂᬢᭀᬦᬶᬦ᭄᭞ᬳᭀᬮᬶᬄᬳᬦᬓᬾᬗᭂᬮᬳᬂ᭟᭜᭟ᬲᬂᬢᬧᬵ
ᬫᬲᬳᬸᬃᬩᬦ᭄ᬩᬦ᭄᭞ᬳᬭᬄᬗᬸᬤ᭄ᬬᬂᬢ᭄ᬯᬭᬤᬤᬶ᭞ᬩᬦ᭄ᬢᬲ᭄ᬳᬦᬾᬢᬯᬂᬩᬧ᭞ᬧᬘᬂᬢᬸᬢᬸᬭᬶᬦ᭄ᬳᬶᬩᬕᬸᬲ᭄᭞ᬩᬧᬢ᭄ᬯᬭᬚᬫᬶᬗᬶᬢᬂ᭞ᬦᬄᬦᬾᬚᬦᬶ᭞ᬫᭂᬮᬳᬂᬘᭂᬦᬶᬂᬦᬶᬗᭂᬳᬂ᭟᭜᭟ [ 17 ][᭑᭕ 15B]
᭑᭖
ᬓᬯᬶᬢᬶᬦ᭄ᬚᬦᬶᬦᬸᬢᬸᬭᬂ᭞ᬩᬶᬓᬲ᭄ᬳᬦᬓᬾᬫᬫᬮᬶᬂ᭞ᬓ᭄ᬭᬡᬲᬫ᭄ᬧᬾᬗᬫᬢᬶᬬᬂ᭞ᬩᬦᬶᬦ᭄ᬜᬳᬸᬮᬶᬳᬦ᭄ᬢᬓᬸᬢ᭄᭞ᬢᬓᬸᬢ᭄‌ᬬᬦ᭄ᬧᬥᬾᬓᬢᬭ᭞ᬤᬤᬶᬫᬮᬶᬂ᭞ᬓᬶᬫᬸᬤ᭄‌ᬬᬓᬤᬦᬶᬦ᭄ᬤᬸᬱ᭄ᬝᬵ᭟᭜᭟
ᬳᬗᭂᬦ᭄ᬧᭂᬲᬦ᭄ᬓᭂᬦᭂᬄᬩᬧ᭞ᬢᭂᬓᬾᬦ᭄ᬲᬂᬤᬫᬂᬫᭂᬫᬮᬶᬂ᭞ᬦᬸᬳᬸᬢᬂᬓᭂᬦᭂᬄᬜᬘᭀᬭᬄ᭞ᬩᬦ᭄ᬢᭂ᭠ᬲ᭄ᬗᬗ᭄ᬕᭀᬦ᭄‌ᬩ᭄ᬮᬶᬧᬸᬃᬲᭂᬤᬸᬓ᭄᭞ᬓᬦ᭄ᬢᬶᬳᭂᬗ᭄ᬲᬧ᭄‌ᬬᬦ᭄ᬓᬢᬭ᭞ᬮᬓᬃᬫᬢᬶ᭞ᬬᬦ᭄ᬲᬗᭂᬢ᭄ᬲᬶᬕᬸᬕ᭄ᬲᬂᬗᭂᬮᬄ
᭟᭜᭟ᬫᭂᬮᬄᬚᬩᬸᬯᬶᬦ᭄ᬢᬸᬢᬸᬕᬂ᭞ᬓᬤᬸᬂᬫᬦᬸᬢᬸᬭᬂᬫᬮᬶᬂ᭞ᬤᬸᬦ᭄ᬤᬸᬦ᭄ᬧᬢᬓᭀᬦ᭄ᬳᬶᬦᬦᬓ᭄᭞ᬳᬶᬗᭂᬢ᭄ᬩᬧᬓᬾᬦ᭄ᬦᬾᬫᬮᬸ᭞ᬩᬧᬧᬲᬳᬶᬗᭂᬚᭀᬄᬮᬸᬗ᭄ᬳ᭞ᬩᬸᬤᬸᬄᬫ᭄ᬮᬮᬶ᭞ᬓᬢᬄᬗᬮᬶᬦ᭄ᬢᬗᬶᬦ᭄ᬤᬾ
ᬰ᭟᭜᭟ᬧᭂᬧᭂᬲ᭄ᬗᭂᬦ᭄ᬢᬧ᭄ᬧᬗ᭄ᬓᬸᬂᬚᬸᬭᬂ᭞ᬘᬭᬶᬓ᭄ᬳᬩ᭄ᬬᬦ᭄ᬲᬫ᭄ᬧ᭄ᬬᬄᬩᬸᬓᬶᬢ᭄᭞ᬢᬳᬾᬦ᭄ᬩᬧᬓᬧᭂᬢᭂᬗᬦ᭄᭞ᬫᭂᬍᬤ᭄ᬧᬘᬂᬫᬤᭂᬤᬸᬦᬸᬂ᭞ᬓᬕᬾᬢ᭄ᬫᬦᭂᬧᬸᬓᬶᬦ᭄ᬤᬾᬰ᭞ᬤᬶᬢᬸᬭᬭᬶᬲ᭄᭞ᬜᬮᬸᬓ᭄ᬱᬸᬓ᭄ᬜᬶᬮᬶᬄ᭠
[᭑᭖ 16A]
ᬤᬸᬦᬸᬗᬦ᭄᭟᭜᭟ᬢᬸᬫ᭄ᬩᬾᬦ᭄ᬤᬶᬢᬸᬢ᭄ᬯᬭᬢᬯᬂ᭞ᬳᬸᬫᬄᬤᬸᬱ᭄ᬝᬩᬓᬢ᭄ᬳᬶᬦᭂᬧᬶᬦ᭄᭞ᬗ᭄ᬳᬶᬂᬗᬧ᭠ᬜᭂᬢ᭄ᬳᬸᬮᬶᬂᬢᬸᬦᬶᬳᬦ᭄᭞ᬲᬗ᭄ᬓᬦ᭄ᬓᭂᬦᬢᬃᬜᬗ᭄ᬮᬶᬗ᭄ᬓᬸᬂ᭞ᬜᬭᬸᬳᬾᬗ᭄ᬓᭂᬩ᭄ᬗᬸᬬᭂᬂᬤᬲ᭄ᬢᬃ᭞ᬲᬫ᭄ᬩᬶᬮ᭄ᬗᬶᬦ᭄ᬢᬶᬧ᭄᭞ᬳᬶ
ᬧᬸᬦ᭄ᬦᬸᬢᬸᬃᬧᬤᬤ᭄ᬯᬦᬦ᭄᭟᭜᭟ᬓᬾᬦᬾᬦᬾᬫ᭄ᬯᬦᬶᬦ᭄ᬜᬗᬸᬘᬧ᭄᭞ᬦᬗ᭄ᬳᬶᬂᬲᬤᬕᬶᬕᬶᬲ᭄ᬕᬶᬕᬶᬲ᭄᭞ᬲᬗ᭄ᬓᬦ᭄ᬩᬶᬲᬫᬢᭂᬮᬦᬦ᭄᭞ᬫᬶᬦᬩ᭄ᬩᬦᬾᬦᬫ᭄ᬧᬶᬂᬢᬫ᭄ᬧᬸ᭞ᬦᬄᬓᬾᬦᬾᬦᬾᬤᬶᬗᭂᬄᬩᬧ᭞ᬦᬾ
ᬢᬾᬜᬳᬶ᭞ᬲᬸᬓᬦ᭄ᬳᬦᬶᬓᬸᬦᬾᬢᬦ᭄ᬧᬶᬭ᭟᭜᭟ᬳᬲᬶᬂᬤᭀᬢᬂᬮᬶᬬᬸᬗᭂᬮᬄ᭞ᬲᬧᬚᭂᬓ᭄ᬚᭂᬓᬦ᭄ᬧᬶᬧᬶᬲ᭄᭞ᬫᬵᬲ᭄ᬳᬶᬦ᭄ᬢᭂᬦ᭄ᬓᬬᬂᬩᭂᬃᬮ᭄ᬬᬦ᭄᭞ᬤᬤ᭄ᬯᬩᭂᬓ᭄ᬓᭀᬢᬓᬾᬫᬸᬚᬸᬂ᭞ᬲᭂᬓᬬᬦ᭄ᬳᭀᬓᬾᬩᬦ᭄ᬜᭀ
ᬭᬄ᭞ᬓᬬᬂᬚᬦᬶ᭞ᬭᬲᬬᬂᬢᭀᬂᬳᬤᬦᬯᬂ᭟᭜᭟ᬦᬾᬫᬤᬦ᭄ᬲᬸᬕᬶᬄᬲᬤᬶᬦ᭞ᬧᬦ᭄ᬢᭂᬲ᭄ᬫᬶᬮᬸᬓᭂᬦ᭄ᬤᭂᬮ᭄ᬜᬳᬶ᭞ᬩᬸᬯᬢ᭄ᬓᬢᬸᬬᬸᬳᬦ᭄‌ᬓᭀᬮᬲᬩᬶᬮᬂᬧᭂᬢᭂᬂᬫᬫᬦ᭄ᬤᬸᬂ᭞ᬜᬳᬶᬩᬦ᭄ᬢᬲ᭄ᬗᭀᬬᭀᬂᬚᬸᬫᬄ [ 18 ][᭑᭖ 16B]
᭑᭗
᭞ᬧᬸᬍᬲ᭄ᬗᭂᬗ᭄ᬓᬶᬲ᭄᭞ᬳᬯᬓ᭄ᬮᬸᬯᬫᬫ᭄ᬧᬸᬄᬗᬸᬤ᭄ᬬᬂ᭟᭜᭟ᬬᬦ᭄ᬜᬳᬶᬜᬓ᭄ᬢᬾᬂᬫᬩᭀᬬ᭞ᬓᬾᬦ᭄ᬓᭀᬮᬤᭂᬫᭂᬦ᭄ᬫᬮᬶᬫᬮᬶᬂ᭞ᬲᬸᬯᬸᬤ᭄‌ᬭᬾᬧᭀᬢ᭄ᬜᬳᬶᬜᬓᬦ᭄᭞ᬗᭂᬦ᭄ᬤᬶᬳᬂᬳᬧᬶᬫᬓᬸᬧᬸᬓ᭄
᭞ᬮᬦ᭄ᬓᬧᬲᬃᬮᬓᬸᬗᬫᬄ᭞ᬲᭀᬓ᭄ᬫᬶᬮᬶᬳᬶᬦ᭄᭞ᬩᬩᬶᬓᭀᬘᬧ᭄ᬳᬬᬕ᭄ᬧᬗ᭄ᬕᬂ᭟᭜᭟ᬬᬾᬦ᭄ᬤᭀᬢ᭄ᬢᭂᬓᬾᬦ᭄ᬢᬮᬸᬄᬲᬶᬬᬧ᭄᭞ᬲᬶᬂᬧᬺᬮᬸᬦᬸᬗᬸᬩᬸᬄᬧᬶᬢᬶᬓ᭄᭞ᬚᭂᬕ᭄ᬓᬧᬲᬃᬫᬮᬗ᭄ᬕᬦᬦ᭄᭞ᬓᬸᬤ
ᬓᬺᬗᬾᬗᬫᬄᬢᬮᬸᬄ᭞ᬫᭂᬮᬫᬥᬸᬚᭂᬕ᭄ᬗᭂᬮᬾᬓᬦ᭄᭞ᬤᬜᬗ᭄ᬓᬳᬶᬦ᭄᭞ᬫᬸᬦ᭄ᬳᬧᬓᬸᬯᬢᬾᬗᬫᬄ᭟᭜᭟ᬢᭂᬓᬦ᭄ᬩᬗ᭄ᬓᬦᭀᬂᬢᬯᬂ᭞ᬳᬶᬤᬸᬧ᭄ᬳᬘᭂᬧᭀᬓ᭄ᬳᬸᬮᬸᬭᬶᬦ᭄᭞ᬗᬸᬤ᭄ᬬᬂᬧᬶᬲᬕᬦᬾ
ᬋᬫ᭄ᬩᬕ᭄᭞ᬜᬓᬓᬾᬦ᭄ᬓᬾᬦ᭄ᬓᬧᬾᬤᬶᬢᬸ᭞ᬫ᭄ᬮᬚᬄᬜᬳᬶᬘᬭᬓᭀᬮ᭞ᬤᬤ᭄ᬬᬦ᭄ᬳᬢᬶ᭞ᬯᭂᬮᬲ᭄ᬳᬲᬶᬳᬾᬲᬧ᭄ᬲᬧᬂ᭟᭜᭟ᬳᬫᭀᬦ᭄ᬢᭀᬦᬾᬫ᭄ᬯᬦᬶᬫᭀᬚᬃ᭞ᬲᬦᬾᬮᬸᬄᬩᬦ᭄ᬜᬯᬸᬭᬶᬦ᭄᭞
[᭑᭗ 17A]
ᬮᬸᬯᭂᬲ᭄ᬳᬮᬄᬩᬸᬮᬸᬦ᭄ᬲᬸᬡ᭄ᬬᬵ᭞ᬫᬸᬜᬶᬦ᭄ᬜᬦᬸᬲᬸᬓ᭄ᬧᬧᬸᬲᬸᬄ᭞ᬗᬍᬲ᭄ᬮᬸᬯᬶᬃᬧᭂᬘᬸᬢ᭄ᬓᬸᬩᬮ᭄᭞ᬫ᭠ᬗ᭄ᬮᬫ᭄ᬩᬢᬶᬦ᭄᭞ᬲᬓᬶᬢᬾᬕᭂᬍᬲ᭄ᬫᬦᬸᬮᬂ᭟᭜᭟ᬋᬥᬹᬄᬩᭂᬮᬶᬩᬕᬸᬲ᭄ᬲᬬᬂ᭞ᬳᬫ᭄ᬧᬸᬭᬢᬶᬢ᭄ᬬᬂ᭠
ᬜᬯᬸᬭᬶᬦ᭄᭞ᬫᭀᬕᬶᬢᬦ᭄ᬓᬘᬓ᭄ᬭᬪᬯ᭞ᬧᬸᬭᬸᬦ᭄ᬮᬗ᭄ᬕᬦᬭᬶᬂᬓᬓᬸᬂ᭞ᬲᬫ᭄ᬧᬸᬦᬂᬩᬗᭂᬢ᭄ᬫᬶᬤᬸᬓ᭞ᬳᬦ᭄ᬢᬸᬓ᭄ᬚᬢᬶ᭞ᬫᬦᬄᬢᬶᬢ᭄ᬬᬗᬾᬯᬶᬢ᭄ᬢᬺᬱ᭄ᬡᬵ᭟᭜᭟ᬭᬶᬂᬭᬯᭀᬲ᭄ᬩᭂᬮᬶᬦᬾᬢᬸᬦᬶᬳᬦ᭄᭞ᬢᬶᬢ᭄ᬬᬂ
ᬩᬗᭂᬢ᭄ᬫᬦᬸᬗ᭄ᬓᬲᬶᬦ᭄᭞ᬧᬫᭂᬓᬲ᭄ᬧᬭᬶᬮᬓ᭄ᬱᬡᬦ᭄᭞ᬩᭂᬮᬶᬦᬾᬤᭂᬫᭂᬦ᭄ᬫᬫᬦ᭄ᬤᬸᬂ᭞ᬗᬸᬮᬄᬳᬮᬸᬄᬗᬶᬸᬗᬮᬶᬄᬳᬾᬮᬄ᭞ᬲᬸᬓᬩᭂᬮᬶ᭞ᬢᬶᬫ᭄ᬧᬮᬾᬦᬦ᭄ᬤᬂᬤᬸᬄᬓᬶᬢ᭟᭜᭟ᬢᬸᬦᬶᬬᬦ᭄ᬩᭂᬮᬶ
ᬗᬭᬯᭀᬲᬂ᭞ᬲᬸᬕᬶᬄᬢᬦ᭄ᬓᬶᬭᬗᬦ᭄ᬦᬧᬶ᭞ᬦᬗ᭄ᬳᬶᬂᬢᬶᬢ᭄ᬬᬂᬫ᭄ᬭᬲᬓᬶᬭᬗᬦ᭄᭞ᬲᬫ᭄ᬩᭂᬮ᭄ᬳᭀᬲᭂᬓ᭄ᬫᭂᬭᬄᬫᭂᬭᬸᬄ᭞ᬳᬤᬬᬦ᭄ᬫᬢᬶᬫᬓᭂᬦ᭄ᬢ᭞ᬩᬦ᭄ᬤᬶᬗᬂᬭᬶᬂ᭞ᬳᬸᬭᬶᬧ᭄ᬲᬫ᭄ᬩᬶᬮ᭄ᬩᭂᬢᭂᬓ᭄ᬫᬮ᭟᭜᭟ᬢ᭄ᬯᬭᬜᬶ [ 19 ][᭑᭗ 17B]
᭑᭘
ᬤᬬᬂᬗᭂᬍᬓᬂ᭞ᬦᬲᬶᬦᬾᬳᬸᬮᬶᬄᬫᬫᬮᬶᬂ᭞ᬮᬶᬬᬸᬗᭂᬮᬄᬗ᭄ᬳᬶᬂᬫᬤᬕ᭞ᬲᬳᬶᬦᬳᬦᬂᬩᬲᬂᬲᭂᬤᬸᬓ᭄᭞ᬚᬦ᭄ᬢᭀᬲ᭄ᬓᬤᬶᬕᭂᬍᬫ᭄ᬢᬳᬸᬦᬦ᭄᭞ᬩᭂᬭᬕᬭᬶᬕ᭄᭞ᬗᭂᬮᬄᬮᬶᬬᬸᬢᬦ᭄
ᬧᬕᬸᬡ᭟᭜᭟ᬍᬫ᭄ᬧᬸᬂᬫᭀᬕ᭄ᬮᭀᬗᬦ᭄ᬳᬶᬢᬶᬯᬲ᭄᭞ᬦᬸᬯᬦ᭄ᬢᬄᬗᬚᭂᬂᬓᭂᬮᬤᬶ᭞ᬗᬸᬲ᭄ᬓᬸᬲ᭄ᬲᭂᬲᬳᬶᬓᬸᬯᬗᬦ᭄᭞ᬫᭂᬤᬸᬫ᭄ᬧᬋᬂᬧ᭄ᬬᬦᬓ᭄ᬳᬶᬧᬸᬦᬍᬦᬗ᭄ᬳᬶᬂᬲᭂᬩᭂᬂᬜᬦᬾᬭᬶᬂᬭᬂ᭞ᬫᬶᬦᬩ᭄ᬲᬓᬶᬂ
᭞ᬦᬾᬳᬚᭂᬂᬳᬶᬧᬸᬦ᭄ᬜᬭᬶᬭ᭟᭜᭟ᬤᬶᬲᬫ᭄ᬧᬸᬦᬧᬶᬦᬾᬢᬶᬢ᭄ᬬᬂ᭞ᬫᬓᬶᬢᬧᬂᬳᬾᬗ᭄ᬕᬮ᭄ᬫᬢᬶ᭞ᬫᬦᬄᬢᬶᬢ᭄ᬬᬂᬧᬧᭂᬢᭂᬗᬦ᭄᭞ᬓᬗᬶᬦᬾᬭᬲᬬᬂᬓᬯᬸᬄ᭞ᬧᬢ᭄ᬮᬦᬦ᭄ᬜᬶᬮᬶᬩ᭄ᬫᬸᬮᬶ᭠
ᬳᬦ᭄᭞ᬫᬓᬢᬮᬶ᭞ᬗᬳᬢ᭄ᬧᬘᬂᬗᬦ᭄ᬢᬸᬂᬳᬶᬩ᭟᭜᭟ᬮᬯᬗᬦᬾᬬᬳᬸᬓᭂᬩᬂ᭞ᬲᬓᬶᬂᬚᬸᬫᬳᬦ᭄ᬓᭂᬓᬜ᭄ᬘᬶᬂ᭞ᬫᬗ᭄ᬤᬾᬦ᭄ᬜᬢᬦ᭄ᬓᬢᬸᬮᬸᬗᬦ᭄᭞ᬧᬤᬾᬯᬾᬦ᭄ᬢᭂᬦ᭄ᬳᬦᬓ᭄ᬢᬳᬸ᭞ᬢ
[᭑᭘ 18A]
ᬮᬶᬦᬾᬲᬫ᭄ᬧᬸᬦ᭄ᬳᭂᬗ᭄ᬲᬢᬂ᭞ᬧᬕᭂᬋᬢᬶᬦ᭄᭞ᬦᬤᬓ᭄ᬫᬧᬶᬦᭂᬄᬭᬶᬂᬫᬦᬄ᭟᭜᭟ᬗᬸᬤ᭄ᬬᬂᬓᭀᬦᬾᬗᬦ᭄ᬢᬸᬂᬳᬶᬩ᭞ᬫᭂᬢᬸᬢᬓᬸᬢ᭄ᬗᬮᬄᬧᬢᬶ᭞ᬢᬮᬶᬦᬾᬳᭂᬫ᭄ᬩᬸᬲ᭄ᬩᬸᬗ᭄ᬮᭂᬓᬂ᭞ᬳᬾᬗ᭄ᬕᬮᬂᬳᭂ
ᬦ᭄ᬢᬸᬗᬂᬓᬢᬸᬓᬸᬩ᭄᭞ᬜᬭᬸᬗᬮᬸᬦ᭄ᬢᬶᬓ᭄ᬤᭀᬦ᭄ᬳᭂᬦ᭄ᬢᬮ᭄᭞ᬳᬗ᭄ᬕᬾᬦ᭄ᬯᬺᬢᬶ᭞ᬫᬢᭂᬮᬦᬦ᭄ᬩᬧᬓ᭄‌ᬚ᭄ᬮᬦᬦ᭄᭟᭜᭟ᬧᭂᬲᬸᬧᬮᬶᬬᬢᬾᬳᬸᬮᬧ᭄᭞ᬲᬫᬄᬓᬶᬚᬧᬦᬾᬮᬶᬢᬶᬄ᭞ᬧᬮᬶᬬ
ᬢᬾᬲᬤᬗᭀᬫᬂ᭞ᬧᬤᬶᬤᬶᬦᬫ᭄ᬬᬓᬳᬶᬫᬸᬤ᭄᭞ᬓᭂᬦᭂᬳᬾᬫᬤᬸᬓᬦ᭄ᬭᬸᬦ᭄ᬢᬕ᭄᭞ᬬᬦ᭄ᬧᬶᬦᭂᬳᬶᬦ᭄᭞ᬳᬸᬦ᭄ᬤᬸᬓᬾᬦᬾᬩᬸᬓᬢᬸᬦᬶᬳᬦ᭄᭟᭜᭟ᬫᬓᭂᬮᭀᬦᭀᬗᭀᬲ᭄ᬚᬸᬫᬳᬦ᭄᭞ᬢ᭄ᬯ
ᬭᬳᬤᬳᬦᬓ᭄ᬳᬚᬶᬦ᭄᭞ᬓᬬᬂᬧᭂᬲᬸᬢᭀᬂᬓᬢᬯᬂ᭞ᬬᬦ᭄ᬤᬸᬭᬸᬲ᭄ᬫᬢᬶᬫᬕᬦ᭄ᬢᬸᬂ᭞ᬫᬾᬄᬚᬦ᭄ᬢᭀᬲ᭄ᬭᬯᬸᬄᬕᬮᬸᬗᬦ᭄᭞ᬫᬗᭂᬮᬦ᭄ᬢᬶᬂ᭞ᬩᬗ᭄ᬓᬾᬦᬾᬢᭀᬂᬳᬤᬦᬯᬂ᭟᭜᭟ᬗᭂᬋᬲ᭄ᬳ [ 20 ][᭑᭘ 18B]
᭑᭙
ᬢᬶᬦᬾᬗᭂᬦᭂᬳᬂ᭞ᬫᬩᬸᬯᬄᬩᬸᬯᬄᬭᬶᬂᬓᬸᬮᬶᬢ᭄᭞ᬧᭂᬮᬸᬄᬧᬶᬤᬶᬢ᭄ᬤᬶᬧᬢᭂᬕᬓ᭄᭞ᬓᬤᬶᬳᬦᬓ᭄ᬳᬸᬩᭂᬃᬫᬸᬲᬸᬄ᭞ᬗ᭄ᬮᬬᬸᬂᬭᬲᬢᬦ᭄ᬧᬵᬢ᭄ᬫ᭞ᬲᬫ᭄ᬩᬶᬮ᭄ᬗᭂᬮᬶᬂ᭞ᬜᭂᬮ᭄ᬲᬺᬮ᭄ᬳᬯᬓ᭄ᬢᬦᬩᬕ᭄ᬬ᭟᭜᭟
ᬳᬸᬕᬶᬲᭂᬭᬶᬂᬢᬶᬢ᭄ᬬᬂᬗᬫ᭄ᬩ᭄ᬭᬲ᭄᭞ᬫᬾᬯᭂᬄᬗᬦ᭄ᬤᭂᬕᬂᬤᬶᬳᬢᬶ᭞ᬧᬂᬧᬮᬲ᭄‌ᬤᭀᬕᬾᬦ᭄ᬫᬲᭀᬫᬄ᭞ᬦᬤᬓ᭄ᬳᬶᬗᭂᬢ᭄ᬢᭂᬓᬾᬦ᭄ᬲᬶᬕᬸᬕ᭄᭞ᬩᭂᬮᬶᬦᬾᬧᬘᬂᬓᬭᭀᬤ᭞ᬩ᭄ᬯᬶᬦ᭄ᬫᬩᬮᬶᬓ᭄᭞ᬳᬶᬗᭂᬢ᭄ᬢᭂᬓᬾ᭠
ᬦᬶᬂᬧ᭄ᬬᬦᬓ᭄᭟᭜᭟ᬦᬾᬫ᭄ᬯᬦᬶᬩᭂᬗᭀᬂᬩᭂᬮ᭄ᬩᭂᬮᬦ᭄᭞ᬢᬸᬮ᭄ᬬᬢᭀᬕᭀᬕᬾᬮᭀᬮᭀᬳᬶᬦ᭄᭞ᬗᬸᬦ᭄ᬢᬸᬮ᭄ᬫᬶᬩᬶᬢ᭄ᬩᬸᬘᬸᬦ᭄ᬧᬶᬮᬃ᭞ᬢᬦ᭄ᬲᬿᬤᬜ᭄ᬮᬶᬧᬶᬓ᭄ᬫᬲᬯᬸᬃ᭞ᬲᬦᬾᬮᬸᬄᬗᭂᬮᬦ᭄ᬢᬸᬃᬫᭀᬚᬃ᭞
ᬗᭂᬢᬸᬲ᭄ᬳᬢᬶ᭞ᬲᭂᬩᭂᬂᬧᬗᬸᬲ᭄ᬫᬸᬜᬶᬕᭂᬢᬃ᭟᭜᭟ᬓᬾᬢᭀᬩᭂᬮᬶᬫᬗ᭄ᬤᬢᬢᬲ᭄᭞ᬫᬦᬄᬢᬶᬢ᭄ᬬᬂᬲᬳᬶᬭᬶᬫ᭄ᬭᬶᬫ᭞ᬯᬶᬂᬭᬾᬄᬳᬦᬾᬳᬗ᭄ᬕᭀᬦ᭄ᬳᬫᬄ᭞ᬲᬓᬬᬢᬦ᭄ᬲᬓᬶᬂᬧᬢᬸᬢ᭄᭞᭠
[᭑᭙ 19A]
ᬬᬦ᭄ᬮᬯᬦᬶᬦ᭄ᬢᭀᬕᭂᬍᬓᬂ᭞ᬦᬲᬶᬮᬸᬯᬶᬃ᭞ᬚᬦ᭄ᬢᭂᬦ᭄ᬗᭂᬮᬸᬃᬳᬸᬢᬄᬢᬶᬢ᭄ᬬᬂ᭟᭜᭟ᬲᬗ᭄ᬓᬦ᭄ᬢᬶᬢ᭄ᬬᬂᬫᭂᬮᬶᬤ᭄ᬧᭂᬲᬦ᭄᭞ᬓᬬᬸᬦ᭄ᬚᬩᭂᬮᬶᬫᬲᬮᬶᬦ᭄᭞ᬳᬸᬲᬦ᭄ᬫᬲᭀᬮᬄᬤᬹᬃᬰᬶᬮ᭞ᬳᬚ᭄ᬭᬶᬄᬢᬶᬢ᭄ᬬᬂᬭᬶᬂᬲᬂᬧ᭄ᬭᬪᬸ᭞ᬤᬶ
ᬚᬮᬦᬾᬳᬶᬤᬢᬢᬲ᭄᭞ᬭᬶᬂᬩ᭄ᬮᬶᬤᬤᬶ᭞ᬤᬸᬱ᭄ᬝᬫᭂᬢᭀᬄᬳᬶᬫ᭄ᬱᬓᬃᬫ᭄ᬫ᭟᭜᭟ᬲᬶᬦᬄᬢᬦ᭄ᬓᬭ᭄ᬯᬦ᭄ᬢᬳᬸᬦᬦ᭄᭞ᬩᭂᬮᬶᬫᬗᬶᬚᭂᬂᬭᬶᬂᬩᬸᬯᬶ᭞ᬭᬾᬄᬳᬦᬓᬾᬗᬫᬢᬶᬬᬂ᭞ᬦᬾᬫᬶᬫ᭄ᬩᬸᬄᬲᬳᬶᬫᬫᬦ᭄ᬤᬂ᭞ᬲᬶ
ᬦᬄᬓᬲᭀᬮᭀᬂᬚᭀᬄᬲᬯᬢ᭄᭞ᬫᬧᬦ᭄ᬩᭂᬮᬶ᭞ᬓᬸᬭᬂᬧᬢᬶᬳᬕᬸᬂᬤᭀᬱ᭟᭜᭟ᬬᬸᬦ᭄ᬲᬸ᭠ᬩᬓᬾᬢᭀᬭᬶᬂᬓᬸᬤ᭄ᬬᬂ᭞ᬧᬫᭂᬓᬲ᭄ᬧ᭄ᬬᬦᬓ᭄ᬩᭂᬮᬶ᭞ᬦᬸᬘᭂᬭᬶᬓ᭄ᬘᭂᬭᬶᬓ᭄ᬧᬩ᭄ᬭᬶᬬᬓ᭄᭞ᬢᭀᬦ᭄ᬤᬾᬦ᭄ᬦᬯᬂᬓᬗᬶᬦ᭄ᬓ
ᬯᬸᬄ᭞ᬩᬸᬯᬸᬂᬲᬸᬕᬶᬄᬫᬢᭀᬬᬕᬦ᭄᭞ᬧᬬᬸᬫᬶᬲ᭄ᬓᬶᬦ᭄᭞ᬲᬓᬶᬢ᭄ᬚᭂᬗᬄᬧᬳᬶᬂᬤᬾᬰ᭟᭜᭟ᬓᬾᬢᭀᬮᬸᬄᬦ᭄ᬬᬫᬜᬺᬕ᭄ᬲᭂᬕᬂ᭞ᬲᬫ᭄ᬩᬶᬮ᭄ᬜᬩ᭄ᬘᬩ᭄ᬳᬶᬧᬸᬦ᭄ᬗᭂᬮᬶᬂ᭞ᬧ᭄ᬬᬦᬓ᭄ᬜᬢᬦ᭄ᬓᬋᬗᬬᬦ᭄᭞ᬓᬮᬶᬗ᭄ᬓᬾᬳᬶ [ 21 ][᭑᭙ 19B]
᭒᭐
ᬗᭂᬢ᭄ᬭᬶᬂᬢᬫ᭄ᬬᬸ᭞ᬓᬢᬸᬗ᭄ᬓᬸᬮ᭄ᬦᬸᬢᬸᬭᬶᬦ᭄ᬲᬾᬫᬄ᭞ᬓᬕᬾᬢ᭄ᬫᬮᬶᬄ᭞ᬦᬾᬮᬸᬄᬜᬳᬮᭀᬦ᭄ᬳᬗᬸᬘᬧ᭄᭞᭟᭜᭟ᬚᬮᬦ᭄ᬚᬫᭀᬦ᭄ᬢᭀᬲᬸᬳᬸᬤᬂ᭞ᬩᬶᬗᬸᬂᬫᬮᬓ᭄ᬱᬡᬭᬸᬲᬶᬢ᭄᭞ᬓᬤᬸᬂᬚᬜᬩ᭄ᬭᬦ᭄ᬭᬳᬶᬦ᭞ᬗᬮᬶᬄᬧ
ᬗᬦ᭄ᬲᬓᬶᬂᬧᬢᬹᬢ᭄᭞ᬤ᭄ᬬᬲ᭄ᬢᬸᬢᬸᬯᬶᬸᬬᬸᬄᬲᬸᬓᬢᬶᬢ᭄ᬬᬂ᭞ᬬᬦ᭄ᬜᬓ᭄ᬩᭂᬮᬶ᭞ᬯᬸᬲᬦ᭄ᬫᬮᬓ᭄ᬱᬡᬘᭀᬭᬄ᭟᭜᭟ᬩᭂᬮᬶᬲᬫ᭄ᬧᬸᬦ᭄ᬳᬓᬾᬄᬧᬶᬲᬦ᭄᭞ᬭᬶᬂᬩ᭄ᬭᬬᬦᬾᬗᬶᬸᬫᬸᬢᬂᬧᬢᬶ᭞ᬬᬦ᭄ᬢᬦ᭄ᬘᭂᬗᭂᬄᬫᬗ᭄ᬓᬶᬦ᭄ᬗᬶᬮᬓ᭄᭞ᬫ
ᬮᬶᬄᬧᬶᬤᬦ᭄ᬲᭃᬫᬚᬸᬫᬸ᭞ᬧᬓ᭄ᬱᬫᬦᬳᬾᬕᭂᬋᬢᬂ᭞ᬧᬮᬯᬦᬶᬦ᭄᭞ᬧᬗ᭄ᬤᬢᭂᬭᬸᬲ᭄ᬲᬮᬄᬢᬶᬗ᭄ᬓᬄ᭟᭜᭟ᬅᬚᬶᬫᬾᬗᭂᬢᬾᬳᭂᬦ᭄ᬤᬶᬳᬂ᭞ᬧᬂᬓᬦ᭄ᬢᬶᬲᬚᬗᭂᬩᬸᬲᬶᬦ᭄᭞ᬢᭀᬳᬗ᭄ᬕᭀᬦ᭄ᬦᬸᬜ᭄ᬚᭂᬮ᭄ᬫᬸᬘᭂᬳᬂ᭞ᬓᬰ
ᬓ᭄ᬢᬾᬦ᭄ᬲᭀᬮᬳᬾᬚᬭᬸᬄ᭞ᬬᬦ᭄ᬘᭀᬭᬄᬫᬦᬳᬾᬳᬶᬘᬮ᭄᭞ᬲᬬᬦ᭄ᬮᬫᬶ᭞ᬗᬸᬕᬸᬓᬃᬫ᭄ᬫᬦᬸᬫᬩᬸᬯᬄ᭟᭜᭟ᬬᬦ᭄ᬗᭂᬮᬶᬦᬦ᭄ᬤᬸᬃᬉᬢ᭄ᬢᬫ᭞ᬉᬢ᭄ᬢᬫᬶᬓᭂᬦᬶᬧᬸᬧᭀᬦᬶᬦ᭄᭞ᬬᬦ᭄ᬩᭂᬮᬶᬫᬫᬸᬮᬧᬶᬲᬂ᭞ᬧᬮᬶᬂᬢᬸᬲᬶᬂᬫᭂ
[᭒᭐ 20A]
ᬦ᭄ᬢᬶᬓ᭄‌ᬩᬶᬬᬸ᭞ᬲᬶᬭᬓᬾᬧᬸᬭᬸᬦ᭄ᬜᬗ᭄ᬕᬸᬧᬂ᭞ᬦᬦ᭄ᬤᬸᬃᬧᬤᬶ᭞ᬧᬘᬂᬫᭂᬦ᭄ᬢᬶᬓ᭄ᬚᬕᬸᬂᬕᬾᬫ᭄ᬩᬮ᭄᭟᭜᭟ᬤ᭄ᬬᬲ᭄ᬢᬸᬩᬗᭂᬢ᭄ᬳᬲᬶᬄᬲᬬᬂ᭞ᬢᬶᬢ᭄ᬬᬂᬫᬲᭀᬫᬄᬭᬶᬂᬩᭂᬮᬶ᭞ᬲᬮᬸᬂᬮᬸᬂᬲᬩᬬᬵᬦ᭄ᬢᬓ᭞ᬧᬢᬶᬩ᭄ᬭᬢᬲᬢ᭄ᬬᬓᬓᬸᬂ᭞ᬬᬾᬦ᭄ᬩᭂᬮᬶᬫᬗᬸᬤᬸᬄ
ᬢᬶᬢ᭄ᬬᬂ᭞ᬗ᭄ᬮᬸᬓᬢ᭄ᬩᭂᬮᬶ᭞ᬤᭀᬄᬧᬭᬢᬶᬢ᭄ᬬᬂᬜᬶᬤᬬᬂ᭟᭜᭟ᬲᬚᬩᬯᬦ᭄ᬢᬄᬳᬶᬭᬕ᭞ᬲᬶᬤᬗ᭄ᬮᬸᬓᬢ᭄ᬭᬕᬦᬾᬦᬶᬭᬶ᭞ᬤᬜᬕᭂᬃᬲᬂᬮ᭄ᬬᬦ᭄ᬜᬶᬤᬬᬂ᭞ᬧᬘᬂᬫᬗᭂᬮᬸᬓᬢ᭄ᬳᬓᬸ᭞ᬬᬦ᭄ᬭᬯᭀᬲᬂᬧᬧᭀᬚᭀᬮᬦ᭄᭞
ᬢᭀᬳᬶᬲᭂᬦ᭄ᬤᬶ᭞ᬢᬦ᭄ᬫᬫ᭄ᬧᬸᬄᬗ᭄ᬮᬸᬓᬢ᭄ᬳᬶᬤᬕ᭄ᬤᬕ᭄᭟᭜᭟ᬬᬾᬦ᭄ᬩᭂᬮᬶᬜᬓ᭄ᬫᭂᬲᬾᬄᬢᬶᬗ᭄ᬓᬄ᭞ᬓᬗ᭄ᬕᭀᬯᬂᬫᬮᬸᬮᬯᬦ᭄ᬮᬯᬦᬶᬦ᭄᭞ᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬧ᭄ᬭᬚ᭄ᬜᬦ᭄᭞ᬫ᭄ᬮᬄᬧ᭄ᬮᬧᬦ᭄ᬩᬦ᭄ᬜᬫᬢᬸᬃ᭞ᬦᬸᬦᬲ᭄ᬧᬶᬢᬸᬢᬸᬃᬉᬢ᭄ᬢᬫ᭞
ᬧᭂᬢᭂᬂᬧᬫᬶᬢ᭄᭞ᬢᬗ᭄ᬓᬶᬲ᭄ᬗᬗ᭄ᬕᬸᬃᬳᬓᬶᬬᬧᬦ᭄᭟᭜᭟ᬫᬸᬂᬧᬸᬂᬲᭂᬤᭂᬂᬗᭂᬮᬄᬧᭂᬲᬦ᭄᭞ᬳᬤᬲᬦ᭄ᬢᬶᬕᬶᬢᬤᬶᬦᬶ᭞ᬓᬫᬸᬮᬓᬸᬫᬲᬬᬸᬩᬦ᭄᭞ᬲᬫ᭄ᬩᬶᬮ᭄ᬫᬮᬚᬄᬓᬶᬤᬸᬂ᭞ᬧᭀᬘᭀᬮ᭄ᬧᭀᬘᭀᬮᬦ᭄ᬫᬮ [ 22 ][᭒᭐ 20B]
᭒᭑
ᬚᬄ᭞ᬗᬸᬮᬶᬓ᭄ᬳᬚᬶ᭞ᬮᬶᬬᬸᬦᬯᬂᬢᬸᬢᬸᬃᬢᬢ᭄ᬯ᭟᭜᭟ᬓᬤᬸᬂᬩᬸᬤᬸᬳᬶᬦ᭄ᬫᬢᭂᬫ᭄ᬩᬂ᭞ᬘᭂᬗᭂᬄᬭᬶᬂᬳᬦᬓ᭄ᬫᬕᭂᬦ᭄ᬤᬶᬂ᭞ᬓᬸᬧᬶᬗᬾᬳᬯᬗᬯᬗᬦ᭄᭞ᬢᬸᬫᬸᬮᬶᬮᬶᬗᬦ᭄ᬗᭂᬲᭂᬧ᭄ᬲᬦ᭄ᬢᬸᬦ᭄᭞ᬢᭀᬓᬤᬾᬦ᭄ᬳᬦᬓ᭄ᬫᬢᭂᬫ᭄ᬩᬂ᭞ᬲᭂ
ᬯᬕᬢᬶ᭞ᬩᬦ᭄ᬋᬫ᭄ᬧᬸᬄᬘᬭᬗᬶᬍᬕᬂ᭟᭜᭟ᬲᬳᬶᬫᬸᬦ᭄ᬢᬶᬮ᭄ᬢᬢᭂᬤᬸᬦᬦ᭄᭞ᬢᭀᬭᬫ᭄ᬩᬂᬫᬭᬾᬭᬾᬦ᭄ᬗᬭᬶᬢ᭄᭞ᬦᬤᬓ᭄ᬤᬤᬶᬓᬸᬢᬸᬦ᭄ᬰᬵᬲ᭄ᬢ᭄ᬭ᭞ᬧᭂᬢᭂᬂᬍᬫᬄᬫᭂᬍᬂᬩᬸᬓᬸ᭞ᬓᬤᬮᭀᬦ᭄ᬗᬸᬦ᭄ᬢᬸᬮ᭄ᬫᬫᬘ᭞ᬲᭂᬩᭂᬂ
ᬳᬰ᭄ᬭᬶ᭞ᬲᬸᬲᬸᬧᬶᬦ᭄ᬓᭀᬢ᭄ᬢᬫᬦ᭄ᬰᬲ᭄ᬢ᭄ᬭᬵ᭟᭜᭟ᬤᬶᬢᬸᬫᬭᬫᬧᬗᭂᬦᬦ᭄᭞ᬳᬶᬗᭂᬢ᭄ᬓᬾᬦ᭄ᬩᬶᬓᬲᬾᬗᬸᬦᬶ᭞ᬤᬸᬓ᭄ᬜᭂᬧ᭄ᬚᭂᬧᬶᬦ᭄ᬕᭂᬮᬄᬳᬦᬓ᭄᭞ᬫᬜ᭄ᬚᬓᬶᬦ᭄ᬩᬶᬓᬲᬾᬚᬭᬄ᭞ᬬᬾᬦ᭄ᬳᬤᬦᬾᬲᭂᬤᭂᬓ᭄ᬩᬳᬓ᭄᭞ᬗ᭄ᬮᬯᬦ᭄ᬦ᭠
ᬕᬶᬄ᭞ᬫᬮᬸᬦᬶᬦ᭄ᬜᭂᬓᬓ᭄ᬢᭂᬦ᭄ᬤᬲ᭄ᬜ᭟᭜᭟ᬩᭂᬗᭀᬂᬩᬸᬓᬸᬦᬾᬘᬓᭂᬧᬂ᭞ᬗᭂᬘᭂᬄᬬᬾᬄᬫᬢᬦᬾᬗᭂᬮᬶᬂ᭞ᬓᬸᬤᬩᬲ᭄‌ᬓᬾᬢᭀᬫᬩᬶᬦᬲ᭄᭞ᬳᬦᬓᬾᬳᬸᬮᬶᬳᬦ᭄ᬢᬸᬬᬸᬄ᭞ᬩᬶᬲᬗᭂᬮᬄᬳᬚᬓ
[᭒᭑ 21A]
ᬦᬦ᭄᭞ᬮᬸᬢ᭄ᬧᬮᬶᬗᬶᬦ᭄᭞ᬩᬶᬓᬲ᭄ᬳᬧᬢᭀᬳᬤᬦ᭄ᬜ᭟᭜᭟ᬫᭂᬍᬤᬧᬂᬮᬶᬬᬸᬗᭂᬮᬄ᭞ᬚᭂᬮᬧ᭄ᬳᬦᬓᬾᬲᬓᬶᬢᬶᬦ᭄᭞ᬩᬲ᭄ᬗᬮᬸᬭᬶᬦ᭄ᬓᭂᬦᭂᬄᬮᭀᬪ᭞ᬤᬶᬲᬸᬩᬦᬾᬗᬮᬄᬮᬶᬬᬸ᭞ᬲᭂᬮᬗᬾᬫᬶᬮᬸᬗ᭄ᬮᬶᬬᬸᬦᬂ᭞ᬩᬳᬢ᭄
ᬗ᭄ᬮᭂᬦ᭄ᬤᬶᬢ᭄᭞ᬳᬯᬓᬾᬫᬫᭀᬦ᭄ᬤᭀᬂᬲᭂᬮᬂ᭟᭜᭟ᬓᭂᬦᭂᬄᬲᭂᬮᬂᬫᭂᬕᭀᬄᬭᬦ᭄ᬢᬕ᭄᭞ᬓᬶᬚᬮᬓᬸᬫᬶᬭᬶᬩ᭄ᬧᭂᬮᬶᬄ᭞ᬚᬸᬫᬳᬦ᭄ᬗᭂᬢᬾᬦ᭄ᬗᭂᬓ᭄ᬗᭂᬓᬦ᭄᭞ᬤᬶᬦᬢᬳᬾᬫᬲᬶᬄᬢᬓᬸᬢ᭄᭞ᬲᬳᬶᬫᬭᬲᬭᬶᬂᬫᬦᬄ᭞ᬦᬾ
ᬧᬮᬶᬗᬶᬦ᭄᭞ᬢᭂᬓᬵᬗᬧ᭄ᬕᬧᬶᬦ᭄ᬓᬮᬾᬯᬂ᭟᭜᭟ᬓᬤᬸᬂᬲᬸᬩᬓᬧᬸᬢ᭄ᬲᭂᬮᬂ᭞ᬓᭂᬦᭂᬄᬕᭂᬮᬄᬢᬦ᭄ᬕᬸᬕᭀᬦᬶᬦ᭄᭞ᬩᭂᬮᬾᬓ᭄ᬢᭀᬮ᭄ᬢᭀᬮ᭄‌ᬬᬾᬄᬳᬩᬗᬦ᭄᭞ᬲᭂᬓᭂᬦ᭄ᬓᬤᬾᬦ᭄ᬓᬸᬮ᭄ᬓᬸᬮ᭄ᬩᬸᬮᬸᬲ᭄᭞ᬫᬸᬜᬶᬦ᭄ᬮᭀᬫ᭄ᬤᬾᬰᬗᬭᭀᬦ᭄ᬤ᭞
ᬰᬗᬭᭀᬦ᭄ᬤ᭞ᬓᬤᬾᬦ᭄ᬩᭂᬤᬶᬮ᭄᭞ᬩᬄᬩᬗᬸᬦ᭄ᬫᬩᬃᬚᭂᬦ᭄ᬤᬾᬮ᭟᭜᭟ᬳᭂᬗᬧᭂᬗᬧ᭄ᬫᬧᬯᬲᬦ᭄᭞ᬦᬾᬂᬢᬾᬂᬧᬫᬗ᭄ᬲᬕ᭄ᬜᬮᬶᬩ᭄ᬲᬶᬩ᭄᭞ᬓᬢᭂᬕᬮᬾᬗᬯᬾᬩᬂᬩᬂ᭞ᬤᬶᬢᬸᬗᭂᬧᬶᬮ᭄ᬘᬭᬩᬶᬓᬸᬮ᭄᭞ᬲᬸᬩᬤᬶ᭠ [ 23 ][᭒᭑ 21B]
᭒᭒
ᬢᬸᬫᬲᬶᬄᬲᭂᬮᬂᬩ᭄ᬯᬶᬤ᭄ᬫᬓᬶᬲᬶᬤ᭄᭞ᬫᭂᬕᬳᬂᬗᬮᬶᬄᬳᬸᬫ᭄ᬧᬸᬢᬦ᭄᭟᭜᭟ᬮᬸᬳᬸᬂᬤᬶᬢᬸᬫᬲᬳᬸᬩᬦ᭄᭞ᬲᭂᬓᭂᬦ᭄ᬢᭀᬂᬳᬤᬦᬶᬗᬮᬶᬦ᭄᭞ᬦᬗ᭄ᬳᬶᬂᬲᭂᬮᬗᬾᬗᭂᬤᬾᬦᬂ᭞ᬩᬳᬦᬾᬦᬾᬗ᭄ᬓ᭄ᬮᭂᬧ᭄ᬤᬶᬳᬸᬫ᭄ᬧᬸᬢ᭄᭞ᬲᭂ
ᬮᬂᬓᬾᬦ᭄ᬮᬮᬶᬧᬶᬕᬤᬂ᭞ᬬᬾᬦ᭄ᬢᭀᬗᬸᬢᬶᬮ᭄᭞ᬢᬦᬸᬭᬸᬂᬤᬶᬦᬶᬲᭂᬗ᭄ᬓᬮ᭟᭜᭟ᬩᬸᬯᬸᬩᬗ᭄ᬓᬋᬚᭂᬓ᭄ᬩᬜ᭄ᬚᬃ᭞ᬧᬬᬸᬮᬫ᭄ᬧᬸᬲ᭄‌ᬘᭀᬢᭀᬢ᭄ᬮᬮᬶᬧᬶ᭞ᬓᬾᬢᭀᬗᬭᬶᬫᬶᬓ᭄ᬭᬶᬂᬫᬦᬄ᭞ᬲᬫ᭄ᬩᬶᬮ᭄ᬗ᭄ᬭᭀᬭᭀᬤ᭄ᬦᬸ
ᬮᬸᬄᬧᬗ᭄ᬓᬸᬂ᭞ᬳᬕᭂᬢ᭄ᬦᭂᬧᬸᬓᬶᬦ᭄ᬧᬜ᭄ᬘᭀᬭᬦ᭄᭞ᬢᭀᬢᬸᬗ᭄ᬓᬸᬓᬶᬦ᭄᭞ᬜᬭᬸᬧᬦᭂᬲ᭄ᬗᭂᬫᭂᬫ᭄ᬩᬗ᭄ᬓ᭄ᬬᬂ᭟᭜᭟ᬭᬶᬲᭂᬤᭂᬓ᭄ᬜᬭᬸᬫᭂᬫᭂᬫᬦ᭄᭞ᬢ᭄ᬯᬭᬢᬯᬂᬘᬲᬭᬶᬓ᭄ᬘᭂᬭᬶᬓ᭄᭞ᬲᬮᬶᬫ᭄ᬧᭂᬩᬸᬦ᭄‌ᬬᬦᭂᬤᬸᬦᬂ᭞ᬚᬸᬦ᭄ᬜᬳᬸᬮᬸᬂ
ᬦᭂᬧᬾᬦ᭄ᬩᬢᬸ᭞ᬫᬲᬶᬄᬗᬯᬶᬦᬂᬫᬓᭂᬲ᭄ᬬᬩ᭄᭞ᬓᬦ᭄ᬢᬶᬜᬸᬫ᭄ᬧ᭄ᬭᬶᬢ᭄᭞ᬕᬶᬕᬶᬧᭀᬗ᭄ᬕᬂᬜᬧ᭄ᬮᭀᬓ᭄ᬰᬷᬮ᭟᭜᭟ᬫᭀᬦ᭄ᬢᭀᬦᬾᬮᬸᬄᬜᬯᬢᬂ᭞ᬫᬧᬶᬢᭂᬓᭂᬢ᭄ᬗᬮᬾᬫᬾᬓᬶᬦ᭄᭞ᬳᬦᬾᬫ᭄ᬯᬦᬶᬮᬸᬢ᭄ᬫᬸ
[᭒᭒ 22A]
ᬮᬶᬳᬦ᭄᭞ᬓᬕᬾᬢ᭄ᬤᬶᬗᭂᬄᬘᭂᬕᬸᬢ᭄ᬘᭂᬕᬸᬢ᭄᭞ᬗᭂᬮᬶᬂᬫᬶᬦᬩ᭄ᬫᬧᬗᭂᬦᬦ᭄᭞ᬜᬓᬶᬢ᭄ᬳᬢᬶ᭞ᬚᬸᬫᬳᬦ᭄ᬳᭂᬗ᭄ᬲᭂᬓ᭄ᬲᬶᬕ᭄ᬲᬶᬕᬦ᭄᭟᭜᭟ᬳᬦᬾᬮᬸᬄᬦᬸᬢᬸᬕ᭄ᬫᬸᬮᬶᬳᬦ᭄᭞ᬘᬭᬦᬸᬗ᭄ᬓᬓ᭄ᬫᬶᬢᬸᬢᬸᬭᬶ
ᬦ᭄᭞ᬦᬗ᭄ᬳᬶᬂᬩᬧᬢᬦ᭄ᬗᬦ᭄ᬢᭂᬦᬂ᭞ᬩᬦ᭄ᬢᭂᬲ᭄ᬤᬶᬗᭂᬄᬘᭂᬢᬕ᭄ᬘᭂᬢᬸᬕ᭄᭞ᬫᬦᬯᬶᬫᬦ᭄ᬢᬶᬕᬂᬳᬯᬓ᭄᭞ᬳᬦᬾᬫ᭄ᬯᬦᬶ᭞ᬫᬗᭂᬦᬂᬦᬾᬲᬸᬩᬮᬶᬯᬢ᭄᭟᭜᭟ᬓᬕᬾᬢ᭄ᬲᭂᬧᬶᬳᬘᭂᬧᭀᬓᬦ᭄᭞ᬩᬸᬓᬵᬚᬗ᭄ᬓ᭄ᬭᬶᬓᬾᬓᭂᬢᭂ
ᬩᬶᬦ᭄᭞ᬩᬧᬦᬸᬗ᭄ᬓ᭄ᬭᬸᬓ᭄ᬭᬶᬂᬦᬢᬃᬜ᭞ᬓᬕᬾᬢ᭄ᬳᬬᬫᬾᬓ᭄ᬭᬸᬬᬸᬓ᭄᭞ᬢᬸᬮᬶᬄᬓᬗᬶᬦ᭄ᬲᬸᬩᬕᬮᬂ᭞ᬓᭂᬤᬶᬲ᭄ᬗᬸᬘᬶ᭞ᬩᬧᬫᬩᬸᬤ᭄ᬥᬶᬫᬓᬳᬤ᭄᭟᭜᭟ᬢᬓᬸᬢ᭄ᬫᬕᭂᬤᬶᬫᭀᬭᬳᬦ᭄᭞ᬫᬧᬦ᭄ᬲᬸᬩᬢᬯᬂ
ᬫᬮᬶᬂ᭞ᬩᭂᬓᭂᬮ᭄ᬩᬧᬵᬦᬸᬳᬮᬾᬬᬃ᭞ᬬᬾᬦ᭄ᬳᭂᬦ᭄ᬢᭀᬓᬩᬾᬕᬮ᭄ᬮᬘᬸᬃ᭞ᬭᬾᬄᬢᭀᬦᬲᬶᬦᬾᬤᬶᬚᬮᬦ᭄᭞ᬧᬮᬶᬂᬩᭂᬘᬶᬓ᭄᭞ᬫᬕᭂᬤᬶᬳᭂᬤᬫᭀᬭᬳᬦ᭄᭟᭜᭟ᬩᬧᬗᬾᬗ᭄ᬕᬮᬂᬫᬓᬳᬤ᭄᭞ [ 24 ][᭒᭒ 22B]
᭒᭓
ᬲᬫ᭄ᬩᬶᬮ᭄ᬘᭂᬄᬘᭂᬄᬢᭀᬮᬄᬢᭀᬮᬶᬄ᭞ᬲᬸᬩᬚᭀᬄᬲᬓᬶᬂᬳᬸᬫᬄᬜ᭞ᬤᬶᬢᬸᬫᬢᭂᬕ᭄ᬢᭂᬕᬦ᭄ᬮᬯᬸᬢ᭄᭞ᬓᭂᬦᭂᬄᬩᬧᬘᬭᬦᬸᬗ᭄ᬕᬓ᭄᭞ᬭᬾᬄᬢᬦ᭄ᬳᬸᬦᬶᬂ᭞ᬳᬤᬦ᭄ᬲᬂᬫᬓᬤᬸᬯᬶᬢ᭟᭜᭟ᬤ᭄ᬯᬦᬂᬩ
ᬳᬦᬾᬩᬶᬲᬜ᭄ᬚ᭞ᬢᭂᬓᬵᬫᬭᬳᬶᬦ᭄ᬗᬶᬦᭂᬧᬶᬦ᭄᭞ᬕᬸᬫᬦ᭄ᬢᬶᬜᭂᬮᬂᬤᬸᬦᬸᬗᬦ᭄᭞ᬦᬾᬫᬸᬯᬦᬶᬩᬦ᭄ᬢᭂᬲ᭄ᬗᬗ᭄ᬕᬸᬢ᭄᭞ᬢ᭄ᬯᬭᬩᬶᬲᬫᬘᬧᬢᬦ᭄᭞ᬮᬸᬤ᭄ᬧᭂᬤᬲᬶᬦ᭄᭞ᬲᭂᬩᭂᬂᬦᬾᬮᬸᬄᬜᬩᭂᬮ᭄ᬩᭂᬮᬦ᭄᭟
᭐᭟ᬫᭂᬢᬸᬗᭂᬓᭀᬄᬩᬸᬗᬸᬤ᭄ᬩᬧ᭞ᬫᬦᬸᬢᬸᬃᬗᬚᬓ᭄ᬳᬶᬩᬸᬤ᭄ᬭᬶ᭞ᬫᬯᬶᬦᬦ᭄ᬓᬬᬂᬫᬓᬳᬤ᭄᭞ᬫᬲᬶᬄᬩᬧᬢ᭄ᬯᬭᬢᬳᬸ᭞ᬳᬤᬦ᭄ᬲᬂᬲᬶᬮ᭄ᬬᬶᬦ᭄ᬤᬸᬦᬸᬗᬦ᭄᭞ᬮᬸᬄᬫᬸᬯᬦᬶ᭞ᬓᬮᬸᬤ᭄ᬫᬕᭂᬤᬶᬢᭀᬂᬗᭀᬃ
ᬢ᭄ᬢ᭟᭜᭟ᬤᬶᬢᭀᬗᭀᬲᬾᬫᬢᭂᬕ᭄ᬢᭂᬕᬦ᭄᭞ᬗᬦ᭄ᬢᭀᬲᬂᬳᬦᬓ᭄ᬘᬓᭀᬦᬶᬦ᭄᭞ᬓᬕᬾᬢ᭄‌ᬬᬳᬤᬫᬓᭂᬮᬧ᭄᭞ᬳᬦᬓ᭄ᬮᬸᬄᬫᬜᬗ᭄ᬓᬶᬮ᭄ᬳᭂᬚᬸᬦ᭄᭞ᬫᬶᬦᬩ᭄ᬜᬮᬸᬤ᭄‌ᬢᭀᬬᬚᬓᬦ᭄
[᭒᭓ 23A]
ᬢᭀᬢᬓᭀᬦᬶᬦ᭄᭞ᬳᬤᬦ᭄ᬲᬂᬲᬶᬮ᭄ᬬᬶᬦ᭄ᬤᬸᬦᬸᬗᬦ᭄᭟᭜᭟ᬘᭂᬧᭀᬓᬦ᭄ᬩᬧᬦᬓᭀᬦᬂ᭞ᬤᬶᬢᬶᬫ᭄ᬯᬲ᭄ᬢᬤᬾᬰᬦᬧᬶ᭞ᬢᬗ᭄ᬓᭂᬚᬸᬢ᭄ᬳᬶᬧᬸᬦ᭄ᬦᬶᬗᭂᬳᬂ᭞ᬫᬯᬸᬃᬦᬶᬫ᭄ᬩᬮᬂᬳᭂᬚᬸᬦ᭄᭞ᬗᬸᬤᬩᬧ
ᬤᬫᬂᬧᭂᬲᬦ᭄᭞ᬬᬦ᭄ᬢᬦ᭄ᬳᬸᬦᬶᬂ᭞ᬧᬸᬦᬓᬵᬲᭀᬓ᭄ᬳᬶᬦᬦ᭄ᬤᬸᬱ᭄ᬝ᭟᭜᭟ᬫᬗ᭄ᬤᬩᬧᬚᬶᬢᬲ᭄᭞ᬬᬾᬦ᭄ᬳᬶᬧᬸᬦ᭄ᬲᬦᬾᬫ᭄ᬯᬦᬶ᭞ᬫᬤᬦ᭄‌ᬬᬳᬶᬕᭂᬥᬾᬩ᭄ᬭᬦ᭄ᬤᬮ᭄᭞ᬳᬤᬦᬶᬧᬸᬦ᭄ᬲᬦᬾᬳᭂᬮᬸᬄ᭞ᬦᬶᬲ
ᬢ᭄ᬬᬩᬸᬤ᭄ᬟᬶᬢᬦ᭄ᬮᬶᬬᬦ᭄᭞ᬩᬧᬦᬶᬓᬶ᭞ᬫᬯᬲ᭄ᬢᬤᬾᬰᬲᬶᬕᬯᬢ᭄᭟᭜᭟ᬳᬶᬕᭂᬥᬾᬩ᭄ᬭᬦ᭄ᬤᬮ᭄ᬧᬸᬦᬶᬓᬸ᭞ᬓᭀᬘᬧ᭄ᬗᬸᬦ᭄ᬢᬮ᭄ᬩᭂᬲᬶᬓᬸᬦᬶᬂ᭞ᬓᬮᭀᬓ᭄ᬢᬄᬢᬓᬸᬢᬶᬦ᭄ᬤᬾᬰ᭞ᬤ᭄ᬯᬦᬶᬂᬳᬶᬧᬸᬦ᭄ᬲᭂᬓᭂᬦ᭄ᬢᭂ
ᬕᬸᬄ᭞ᬓᬮᭀᬓᬮᭀᬓ᭄ᬗᭂᬮᬄᬚᬶᬫᬢ᭄᭞ᬓᭀᬘᬧ᭄ᬲᭂᬭᬶᬂ᭞ᬳᬧᬸᬦ᭄ᬜᬾᬭᬾᬢ᭄ᬕᭂᬢᬶᬄᬚᬮ᭄ᬫ᭟᭜᭟ᬲᭂᬭᬶᬂᬧᭂᬲᬦ᭄‌ᬬᬫᬢᭂᬕᬃ᭞ᬲᬮᬶᬂᬢᬸᬫ᭄ᬩᬓ᭄ᬲᬮᬶᬂᬢᭂᬩᬶᬄ᭞ᬲᬋᬂᬭᬶᬂᬢᬶᬫ᭄ᬧᬮ᭄ᬜᬘᭀᬭᬄ᭞ [ 25 ][᭒᭓ 23B]
᭒᭔
ᬲᬮᬶᬂᬢᬶᬦ᭄ᬤᬶᬄᬩᬳᬦ᭄ᬩᬢᬸ᭞ᬢᬦ᭄ᬯᬾᬦ᭄ᬢᭂᬦ᭄ᬕᭂᬫᬶᬂᬓᬲᭂᬫ᭄ᬧ᭄᭞ᬫᬗᬗᭀᬩᬶᬦ᭄᭞ᬢᭂᬕᬸᬄᬜᬯᬮᬸᬬᬯᬚ᭟᭜᭟ᬓᬮᬸᬤ᭄ᬳᬶᬕᭂᬥᬾᬩ᭄ᬭᬦ᭄ᬤᬮ᭄᭞ᬘᬸᬮᬶᬕ᭄ᬗᬸᬮ᭄ᬕᬸᬮ᭄ᬘᭂᬭᬶᬓ᭄ᬘᭂᬭᬶᬓ᭄᭞ᬓᬦ᭄ᬢᬸᬦ᭄ᬚᭀᬄᬳᬶᬧᬸ
ᬦ᭄ᬫᬓᭂᬮᬧ᭄᭞ᬲᬫ᭄ᬧᬸᬦ᭄ᬲᬫᬶᬧᬢᬶᬓᬧ᭄ᬮᬸᬧ᭄᭞ᬫᬮᬳᬶᬩ᭄ᬫᬦᬦ᭄ᬤᬂᬕᭂᬢᬧ᭄᭞ᬩᬶᬦ᭄ᬢᬶᬢ᭄ᬧᬮᬶᬂ᭞ᬜᬮᬸᬓ᭄ᬱᬸᬓ᭄ᬓᬩᬢᬦ᭄ᬳᬸᬫᬄ᭟᭜᭟ᬫᬗ᭄ᬓᬶᬦ᭄ᬭᬶᬂᬓᬵᬮᬫᬚᬮᬦ᭄᭞ᬧᬧᬓ᭄ᬧᬧᬓ᭄ᬓᬲᭂᬧᭂᬕᬶᬦ᭞ᬢᭀᬂᬢᬳᬾᬦ᭄ᬫᭂ
ᬚᬂᬓᬮᬾᬯᬂ᭞ᬓᬤᬕᬗᬾᬗᬤᬸᬕᬤᬸᬕ᭄᭞ᬗᬫᬄᬩᬸᬤᬕ᭄ᬢᭀᬂᬜᬓ᭄ᬫᬬᬄ᭞ᬘᭂᬕᬓ᭄ᬘᭂᬕᬶᬓ᭄᭞ᬓᬤᬶᬤᬾᬍᬫᬾᬭᬶᬂᬯᬬᬂ᭟᭜᭟ᬲᭂᬩᭂᬂᬚᭂᬗᬶᬲ᭄ᬢᬶᬦ᭄ᬤᬓ᭄ᬗᭀᬬᬕ᭄᭞ᬫᬢᬩᬭᬓ᭄ᬤᭂᬮᬓ᭄ᬤᭂᬮᬶᬓ᭄᭞
ᬳᬚᬸᬫ᭄ᬢᭂᬕᬸᬄᬤᬧᬫ᭄ᬩ᭄ᬬᬦᬦ᭄᭞ᬢᭂᬗᬄᬮᬸᬲᬶᬦ᭄ᬫᬓ᭄ᬧᬓ᭄ᬮᬸᬫᬸᬃ᭞ᬗᬓᬸᬕᭂᬦᬶᬢ᭄ᬜᭀᬄᬘᭀᬄᬳᬯᬓ᭄᭞ᬳᬦ᭄ᬢᬸᬓ᭄ᬢᬚᬶ᭞ᬢᬚᬶᬦᬾᬢᬾᬓᭀᬮ᭄ᬭᬶᬳᬶᬦᬦ᭄᭟᭜᭟ᬮᬶᬬᬦᬦ᭄ᬭᬶᬂᬲᬧᬸᬦᬶᬓ᭞ᬫᬫᭀ
[᭒᭔ 24A]
ᬢᭀᬄᬫᬫᬸᬳᬢ᭄ᬫᬳᬶᬢ᭄᭞ᬫᬫᬸᬜᬄᬫᬗᬸᬭᬳᬸᬭ᭞ᬢᬍᬃᬓᬲᬸᬩ᭄ᬗᭂᬕᬶᬕ᭄ᬳᬶᬧᬸᬦ᭄᭞ᬫᬭᬶᬓᭀᬱᬲᭀᬫᬄᬢᬶᬫ᭄ᬧᬮ᭄᭞ᬳᬓᬾᬄᬫᬮᬶᬄ᭞ᬦᬾᬗᬯᬶᬦᬂᬲᬓᬶᬢ᭄ᬧᬭ᭟᭜᭟ᬳᬶᬗ᭄ᬕᬶᬄᬯᬦ᭄ᬢᬄᬳ
ᬫᬸᬦᬶᬓᬵ᭞ᬢᬶᬢ᭄ᬬᬂᬜᬶᬤᬬᬂᬗᬢᬸᬭᬶᬦ᭄᭞ᬢᬶᬢ᭄ᬬᬂᬳᬬᬢ᭄ᬗᬫ᭄ᬩᬶᬮ᭄ᬢᭀᬬ᭞ᬩᬧᬫᬃᬕ᭄ᬕᬶᬲᬶᬫ᭄ᬧᬂᬤᬸᬫᬸᬦ᭄᭞ᬳᬶᬭᬶᬓᬭᬶᬂᬧᭀᬦ᭄ᬤᭀᬓ᭄ᬢᬶᬢ᭄ᬬᬂ᭞ᬤᬶᬢᬸᬭᬭᬶᬲ᭄᭞ᬩᬧᬜᬯᬶᬲ᭄ᬜᬸᬓ᭄ᬧᭂᬫᬬᬂ᭟᭜᭟ᬚ᭄ᬭᭀᬯᭀᬂ
ᬳᬶᬲ᭄ᬢ᭄ᬭᬶᬳᬶᬤᬾᬯ᭞ᬲᬫ᭄ᬧᬸᬦ᭄ᬗᬗᭂᬢ᭄ᬲᬮᬶᬢ᭄ᬢᬫ᭄ᬧᬶ᭞ᬤ᭄ᬬᬲ᭄ᬢᬸᬢᬦ᭄ᬦᬾᬫᬗ᭄ᬓᬶᬦ᭄ᬲᬶᬫ᭄ᬧᬂ᭞ᬩᭀᬬᬓᬶᬭᬂᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬦᬾᬭᬸᬭᬸᬄᬫᬭᬶᬓᬶᬢᬶᬢ᭄ᬬᬂ᭞ᬤᬶᬢᬸᬫᬮᬶᬄ᭞ᬯᬯᬦᬶᬦ᭄ᬫᬮᬶᬄᬲᬸᬫᬶᬫ᭄ᬧᬂ᭟᭜᭟ᬲᬸᬩᬲᬮᬶᬂ
ᬲᬸᬓ᭄ᬱᭂᬫᬬᬂ᭞ᬩᬧᬗᬾᬗ᭄ᬕᬮᬂᬫᬧᬫᬶᬢ᭄᭞ᬧᬚᬮᬦ᭄ᬩᬧᬦᬾᬦᬸᬫ᭄ᬩ᭄ᬭᬕ᭄᭞ᬗᬫᬸᬮᬶᬳᬂᬦᬸᬭᬸᬦ᭄ᬩᬸᬦᬸᬄ᭞ᬢᬓᬸᬢ᭄ᬓᬾᬦ᭄ᬩᬸᬯᬶᬦ᭄ᬲᬗ᭄ᬓᬮ᭞ᬦᬾᬳᬶᬦᭂᬧᬶᬦ᭄᭞ᬢᬍᬃᬬᬳᬶᬦᬦ᭄ᬩᬚᬶᬗᬦ᭄᭟᭜᭟ᬲᬂᬅᬃ [ 26 ][᭒᭔ 24B]
᭒᭕
ᬚ᭄ᬚᬯᬭᬭᬶᬲ᭄ᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬜᬸᬓ᭄ᬱᭂᬫᬭᬶᬳᬢᬶ᭞ᬫᬸᬗ᭄ᬕ᭄ᬯᬶᬂᬩᬯᭀᬲ᭄ᬤᬂᬕᬸᬭ᭄ᬯ᭞ᬩᬗᭂᬢ᭄ᬧᬶᬲᬦ᭄ᬦᬸᬤᬸᬢ᭄ᬓᬬᬸᬦ᭄᭞ᬫᬧᭀᬦᬤᬓ᭄ᬤᬤᭀᬲ᭄ᬭᬸᬦ᭄ᬢᬕ᭄᭞ᬤᬸᬓ᭄ᬫᬶᬭᬕᬶ᭞ᬩᬶᬓᬲ᭄ᬳᬶᬕᭂᬥᬾᬩ᭄ᬭᬦ᭄ᬤᬮ᭄᭟᭜᭟ᬲᬂᬢᬧᬭᬭᬶ
ᬲ᭄ᬫᬦᬶᬫ᭄ᬩᬮ᭄᭞ᬢᬸᬯᬄᬲᬚᬓᬾᬢᭀᬘᭂᬦᬶᬂ᭞ᬬᬦ᭄ᬓᬤᬸᬓ᭄ᬧᬜ᭄ᬚᬓᬂᬘᭀᬭᬄ᭞ᬲᭀᬓ᭄ᬮᬤᬶᬧᬫᭂᬓᭂᬮ᭄ᬚᬭᬸᬄ᭞ᬧᭂᬢᭂᬂᬍᬫᬄᬓᬧᬸᬢ᭄ᬲᭂᬮᬂ᭞ᬲᬳᬶᬭᬶᬫ᭄ᬭᬶᬫ᭄᭞ᬓᬤᬾᬦ᭄ᬫᬸᬲᬸᬄᬲᬶᬂᬓᬢᭀᬂᬦᬂ᭟᭜᭟ᬲᬗ᭄ᬓᬦ᭄ᬤᬩ᭠
ᬦ᭄ᬜᬕᭂᬕᬩᬄ᭞ᬳᬧᬂᬤᬜᭂᬗ᭄ᬲᭂᬮ᭄ᬓᬳᬸᬭᬶ᭞ᬬᬾᬦᬶᬂᬫᬸᬧᬸᬢᬂᬓᬓᭂᬜ᭄ᬘᬦ᭄᭞ᬫᭂᬮᬄᬳᬢᬶᬦᬗᬂᬫᬮᬸ᭞ᬭᬶᬂᬳᬶᬤᬲᬂᬢᬸᬳᬸᬧ᭄ᬭᬚ᭄ᬜᬦ᭄᭞ᬧᬂᬳᬸᬦᬶᬗᬶᬦ᭄᭞ᬫᭂᬮᬳᬾᬓᬗ᭄ᬕᬾᬯᬂᬚᬕᬢ᭄᭟᭜᭟
ᬓᬕᬾᬢ᭄ᬳᬬᬫᬾᬗ᭄ᬯᬗ᭄ᬲᬶᬢᬂ᭞ᬲᬂᬅᬃᬚ᭄ᬚᬯᬮᬦ᭄ᬲᬂᬬᭀᬕᬶ᭞ᬫᬗ᭄ᬤᬯᬸᬲᬦ᭄ᬫᬩᬯᭀᬲᬦ᭄᭞ᬯᬶᬭᬾᬄᬲᬫ᭄ᬧᬸᬦ᭄ᬢᭂᬗᬄᬤᬮᬸ᭞ᬲᬂᬢᬧᬳᬮᭀᬦᬗᬸᬘᬧ᭄᭞ᬲᬤᬓᭂᬜᬶᬂ᭞ᬤᬸᬄᬘᭂᬦᬶᬂᬦ
[᭒᭕ 25A]
ᬦᬓ᭄ᬳᬃᬚ᭄ᬚᬯ᭟᭜᭟ᬚᬮᬦ᭄ᬚᬫᭀᬦ᭄ᬢᭀᬧᬗ᭄ᬓᭂᬤᬂ᭞ᬫᬕᭂᬕᭀᬜ᭄ᬚᬓᬦᬾᬘᭂᬦᬶᬂ᭞ᬫᬸᬜᬶᬦ᭄ᬳᬬᬸᬫᬾᬫᬩ᭄ᬭᬶᬬᬕ᭄᭞ᬘᬭᬦᬸᬦ᭄ᬤᬾᬦ᭄ᬲᬶᬋᬧ᭄ᬫᬮᬸ᭞ᬭᬾᬄᬫᬮᬶᬄᬳᬚᬳᬦ᭄᭞ᬲᬸᬩᬩᬸᬯᬶᬦ᭄᭞ᬢᭂᬓᬕᬦ᭄ᬢᬶᬦᬾᬗᬃ
ᬘ᭄ᬘᬦ᭟᭜᭟ᬲᬂᬅᬃᬚ᭄ᬚᬯᬗᭂᬮᬸᬗᬗ᭄᭞ᬲᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬗᬶᬭᬶᬂ᭞ᬲᬂᬢᬧᬭᬭᬶᬲ᭄ᬓᬚ᭄ᬭᭀᬯᬦ᭄᭞ᬓᬧᬢᬸᬭᭀ᭠ᬦ᭄ᬳᬶᬤᬗ᭄ᬮᬦ᭄ᬢᬸᬃ᭞ᬲᬂᬅᬃᬚ᭄ᬚᬯᬵᬫᬗᬶᬕᬶᬗᬂ᭞ᬫᬶᬦᬩ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬲᬶᬋᬧ᭄ᬫᬓᬭᬸᬯ᭟᭜᭟ᬧᬸᬧᬸᬄᬓᬸᬫᬫ᭄ᬩᬂᬕ᭄ᬮᬶᬲᬶᬘ᭄ᬭᬶ
ᬢ᭞ᬦᬾᬫᬗ᭄ᬓᬶᬦ᭄ᬭᬶᬂᬳᬶᬭᬶᬧᬸᬢ᭄ᬭᬶ᭞ᬲᬫ᭄ᬧᬸᬦ᭄ᬧᬳᬓ᭄ᬮᭂᬫᬄ᭞ᬲᬯᬢᬭᬕᬮᬂᬓᬗᬶᬦ᭄᭞ᬲᬣᬯᬦᬗᬯᬵᬗ᭄ᬲᬶᬢᬂ᭟᭜᭟ᬳ᭄ᬬᬂᬪᬱ᭄ᬓᬭ᭞ᬫᬶᬦᬩ᭄ᬬᬸᬲ᭄ᬫᬢᬓᬶᬢᬓᬶ᭞ᬫᭂᬤᬮ᭄ᬗᬫᬸᬗ᭄ᬕᬳᬂ᭞ᬧᬶᬲᬭᬵᬢ᭄ᬧᬘᬂᬜᬸᬮᬸᬳᬶᬦ᭄᭞ᬚᬕ
ᬢᬾᬦᬾᬓᬧᭂᬢᭂᬗᬦ᭄᭟᭜᭟ᬮᬫ᭄ᬢᭀᬭᭀᬕᬸᬂ᭞ᬘ᭄ᬫᬭᬕᬫᬮ᭄ᬤᬧ᭄ᬤᬧ᭄ᬰᬓ᭄ᬢᬶ᭞ᬧᬶᬓᬦ᭄ᬢᭂᬦ᭄ᬫᭀᬬᭀᬤᬦ᭄᭞ᬯᬶᬢ᭄ᬢᭂᬫ᭄ᬧᬸᬄᬳᬶᬦ᭄ᬗᬲᬶᬃᬲᬶᬃ᭞ᬫᬓᭀᬳᭀᬲ᭄‌ᬬᬧᬢᭂᬮᬦᬦ᭄᭟᭜᭟ᬲᬬᬦ᭄ᬫ᭄ᬭᬢᬢ᭄᭞ᬕᬮᬗᬾᬫᬗᭂᬦᬄ [ 27 ][᭒᭕ 25B]
᭒᭖
ᬧᬶᬧᬶᬲ᭄᭞ᬘᬭᬸᬓ᭄ᬘᬸᬓᬾᬧᬸᬜᬄ᭞ᬓᬤᬘᬶᬦᬦᬾᬩᬾᬕᬮᬶᬦ᭄᭞ᬗᬯᬾᬳᬸᬫ᭄ᬬᬂᬭᬶᬂᬧᬢᬧᬦ᭄᭟᭜᭟ᬕᭀᬯᬓ᭄ᬩᬸᬂᬩᬸᬂ᭞ᬘᭂᬕᬸᬂᬘᭂᬕᬸᬂᬬᬫᬫᬸᬜᬶ᭞ᬗᭂᬭᬓ᭄ᬱᬓᭀᬓᭀᬳᬦ᭄᭞ᬲᬗ᭄ᬓᬦ᭄ᬢᭂᬕᭂᬄᬬᬫᬜᭂᬕᬶᬃ᭞ᬭᬶᬂᬯᬶᬢ᭄ᬕᬂᬕᬗ
ᬦᬾᬲᬯᬢ᭄᭟᭜᭟ᬲᬫᬃᬲᬭᬸ᭞ᬩᬮᬂᬓᬾᬓᬾᬦᬾᬦᬾᬧᬗᬶᬤ᭄᭞ᬗᬶᬚᭂᬂᬭᬶᬂᬳᬸᬫ᭄ᬧᬸᬢᬦ᭄᭞ᬫᬸᬜᬶᬓᭂᬭᬲ᭄ᬫᬧᬶᬚᬗᬶᬄ᭞ᬦᬶᬭᬸᬫᬦ᭄ᬢ᭄ᬭᬶᬭᬶᬂᬧᬗᬃᬚ᭄ᬚᬦ᭄᭟᭜᭟ᬲᭂᬫ᭄ᬩ᭄ᬬᬂᬲᭂᬫ᭄ᬩ᭄ᬬᬂ᭞ᬚᬗ᭄ᬓ᭄ᬭᬶᬓ᭄ᬲᭀᬦ᭄ᬢᬗᬾᬫᬗᭂᬭᬶᬂ᭞ᬓᬤᬶ
ᬲᬋᬂᬕᬶᬭᬂ᭞ᬗᭂᬢᭀᬦ᭄ᬚᬕᬢᬾᬍᬲ᭄ᬢᬭᬶ᭞ᬯᬸᬲᬦ᭄ᬕᬸᬦ᭄ᬤᬸᬮ᭄ᬓᭂᬭᬶᬂᬓ᭄ᬭᭀᬦ᭄ᬢᬂ᭟᭜᭟ᬓᬲᬾᬧ᭄ᬳᬶᬧᬸᬦ᭄᭞ᬳᬶᬫᬦᬸᬓ᭄ᬯᬭᬶᬦᬗᬶᬦᬶᬦ᭄᭞ᬳᬶᬤᬲᬂᬅᬃᬚ᭄ᬚᬯ᭞ᬲᬫ᭄ᬧᬸᬦ᭄ᬭᬳᬶᬦᬦ᭄ᬫᬢᬗᬶ᭞ᬗᬬᬳᬶᬦ᭄ᬲᬂᬢᬧᬗᬃᬕ᭄ᬕ᭟᭜᭟ᬕ᭄ᬮᬶ
ᬲᬶᬂᬘ᭄ᬭᬶᬢ᭞ᬲᬫ᭄ᬧᬸᬦ᭄ᬦᬤᬭᬶᬦ᭄ᬳ᭄ᬬᬂᬭᬯᬶ᭞ᬲᬂᬢᬧᬗᬦ᭄ᬤᬶᬓ᭞ᬤᬸᬄᬘᭂᬦᬶᬂᬩᬕᬸᬲ᭄ᬦᬾᬚᬦᬶ᭞ᬮᬓᬃᬧᬢᬸᬚᬸᬳᬶᬦ᭄ᬩᬧ᭟᭜᭟ᬓᭂᬧᬩ᭄ᬬᬦᬦ᭄᭞ᬗᭂᬩᬾᬢ᭄ᬩ᭄ᬬᬯᬸᬂᬮᬦ᭄ᬓᭂᬮᬤᬶ᭞ᬳᬗ᭄ᬕᬾᬦ᭄ᬧᬗ᭄ᬮᬶᬧᬸᬭᬦ᭄᭞ᬧᬗ᭄ᬭᬲ
[᭒᭖ 26A]
ᬦᬾᬢᬓᬸᬢ᭄ᬫᬢᬶ᭞ᬦᬕᬶᬄᬳᬶᬤᬸᬧ᭄ᬲᬾᬓᬾᬢ᭄ᬬᬕ᭟᭜᭟ᬲᬓᬾᬯᬮ᭞ᬤᬘᭂᬦᬶᬂᬜᭂᬮ᭄ᬲᭂᬮ᭄ᬤᬶᬳᬢᬶ᭞ᬤᬶᬦᬶᬤᬶᬧᬢᬧᬦ᭄᭞ᬢ᭄ᬯᬭᬳᬤᬓᭂᬘᬧ᭄ᬧᬶᬓ᭄ᬱᬶᬦ᭄᭞ᬢᬲᬶᬓ᭄ᬕᬃᬧ᭄ᬧᬸᬧᬶᬭᬶᬂᬲᬸᬢ᭄ᬭ᭟᭜᭟ᬓᭂᬮᬤᬶᬦᬾ᭞ᬳᬗᭂ
ᬢ᭄ᬳᬗᭂᬢ᭄ᬳᬚᭂᬂᬩᭂᬘᬶᬓ᭄᭞ᬢᭀᬲᬢ᭄ᬫᬓᬳᬸᬬᬄ᭞ᬫᬕᬃᬧ᭄ᬧᬸᬩᬦ᭄ᬚ᭄ᬭᬶᬚᬶᬩᬺᬲᬶᬄ᭞ᬤᬳᬸᬦ᭄ᬓᬸᬫ᭄ᬩᬂᬧᬶᬭᬶᬂᬲᬸᬢ᭄ᬭ᭟᭜᭟ᬦᬄᬤᬸᬫᬤᬓ᭄᭞ᬘᭂᬦᬶᬂᬜᬸᬓᬬᬂᬤᬶᬳᬢᬶ᭞ᬤᬶᬦᬶᬩᬋᬂᬩᬧ᭞ᬫᭂᬮᬚᬄᬦᬳᬦᬂᬲᬓᬶᬢ᭄
᭞ᬫᬩ᭄ᬮᬕ᭄ᬩᬕ᭄ᬳᬦ᭄ᬢᬸᬓ᭄ᬓᬲᬢ᭄ᬬᬦ᭄᭟᭜᭟ᬲᬫ᭄ᬩᬶᬮ᭄ᬫᬸᬦᬄ᭞ᬤᭀᬢᬾᬢᭂᬓᬾᬦᬶᬂᬍᬩᬶᬄ᭞ᬫᬧᬦ᭄ᬤᬳᬢ᭄ᬲᭂᬗ᭄ᬓ᭞ᬫᬸᬘᭂᬄᬧᬸᬜᬄᬧᬶᬢᬸᬂᬮᬧᬶᬲ᭞ᬬᬦ᭄ᬢᬸᬦᬮᭀᬓᬶᬓᬯᬶᬤ᭄ᬬ᭟᭜᭟ᬩᬧᬚᬸᬫᬄ᭞ᬗᬦ᭄ᬢᭀ
ᬲ᭄ᬗᬫ᭄ᬩᭂᬮ᭄ᬫᬋᬋᬲᬶᬓ᭄᭞ᬜᬧᬸᬳᬂᬳᭂᬫᬶᬲᬦ᭄᭞ᬫᬸᬯᬄᬲᬫ᭄ᬩᬶᬮ᭄ᬫᬫᬗ᭄ᬓᬲᬶᬦ᭄᭞ᬧᬕᭂᬳᬦ᭄ᬧᬸᬘᬸᬓ᭄ᬗᬮᬸᬦ᭄ᬢᬲ᭄᭟᭜᭟ᬧᬢᭂᬮᬜ᭄ᬚᬸᬓ᭄᭞ᬬᬾᬦ᭄ᬳᬤᬢᬫ᭄ᬬᬸᬗ᭄ᬭᬯᬸᬳᬶᬦ᭄᭞ᬓᬶᬫᬸᬤ᭄ᬫᬦᬄᬩᬧ᭞ᬦᬄᬓᭂ [ 28 ][᭒᭖ 26B]
᭒᭗
ᬫᬸᬘᭂᬦᬶᬂᬕᬦ᭄ᬢᬲᬶᬦ᭄᭞ᬲᬂᬅᬃᬚ᭄ᬚᬯᬵᬧᬫᬶᬢ᭄ᬓᬾᬲᬄ᭟᭜᭟ᬘᬭᬶᬢᬬᬂ᭞ᬲᬂᬅᬃᬚ᭄ᬚᬯᬲᬫ᭄ᬧᬸᬦ᭄ᬫᬗ᭄ᬓᬶ᭞ᬦᬧᬓ᭄ᬭᬶᬂᬧᬩ᭄ᬬᬦᬦ᭄᭞ᬗᭂᬩᬾᬢ᭄ᬩ᭄ᬬᬯᬸᬂᬫᬢᬸᬕ᭄ᬮᬶᬕ᭄᭞ᬭᬶᬂᬭᬸᬗ᭄ᬓᬦᬾᬜᬭᬾᬗ᭄ᬲᬾᬗᬂ᭟᭜᭟ᬫᬓᬸᬤᬸ
ᬲᬦ᭄᭞ᬓ᭄ᬭᬶᬗᭂᬢ᭄ᬳᬶᬤᬦᬾᬫᬤᬸᬢ᭄ᬤᬶᬢ᭄᭞ᬢᬗ᭄ᬓᭂᬚᬸᬢ᭄ᬗᭂᬢᬧᬃ᭞ᬤᬸᬯᬶᬦ᭄ᬩ᭄ᬬᬯᬸᬂᬦᭂᬩᭂᬓᬶᬦ᭄᭞ᬭᬄᬳᬶᬤᬦᬾᬚᬦ᭄ᬢᭀᬲ᭄ᬫᭂᬤᬮ᭄᭟᭜᭟ᬲᬶᬬᬢ᭄ᬲᬶᬬᬸᬢ᭄᭞ᬓᬳᬦᬂᬢᬗᬦᬾᬓᬦᬶᬦ᭄᭞ᬫᬭᬵᬃᬬ᭄ᬬᬦ᭄ᬳᬚᬳ
ᬦ᭄᭞ᬲᬫ᭄ᬩᬶᬮ᭄ᬗᬭᬸᬭᬸᬄᬧᬚᬫ᭄ᬧᬶ᭞ᬳᬸᬫ᭄ᬩᬶᬦ᭄ᬩ᭄ᬬᬯᬸᬂᬢᬦ᭄ᬓᭂᬦᬶᬬᬂ᭟᭜᭟ᬬᬢᬓᭀᬘᬧ᭄᭞ᬳᬸᬫ᭄ᬩᬶᬦ᭄ᬩ᭄ᬬ᭠ᬯᬸᬗᬾᬫᬮᬮᬶ᭞ᬭᬾᬄᬓᬦ᭄ᬢᬸᬦ᭄ᬲᭂᬫᭂᬗᬦ᭄᭞ᬓᬧᬲᬃᬬᬾᬦ᭄ᬦᬸᬫ᭄ᬩᬲ᭄ᬦᬧᬶ᭞ᬲᬧᬸᬦᬶᬓᬵᬓᭀᬚᬭᬦ᭄ᬜ᭟᭜᭟
ᬫᬮᬶᬄᬳᬶᬤ᭞ᬓᬲᬫ᭄ᬧᬶᬗᬦ᭄ᬗᭀᬓᭀᬄᬓ᭄ᬮᬤᬶ᭞ᬬᬳᬶᬢᬸᬫ᭄ᬮᬶᬮᬶᬗᬦ᭄᭞ᬢᭂᬓᬫᬶᬚᬮ᭄ᬚᭂ᭠ᬕ᭄ᬗᬘᭂᬮᬶᬦ᭄᭞ᬘᬗ᭄ᬓᭂᬫ᭄ᬳᬶᬤᬲᬂᬅᬃᬚ᭄ᬚᬯ᭟᭜᭟ᬕ᭄ᬮᬶᬲᬶᬂᬘ᭄ᬭᬶᬢ᭞ᬲᬫ᭄ᬧᬸᬦ᭄ᬳᬓᬾᬄᬧᭀᬮᬶᬄᬓ᭄ᬮᬤᬶ᭞ᬓ
[᭒᭗ 27A]
ᬢᭀᬦ᭄ᬲᬂᬅᬃᬚ᭄ᬚᬵ᭞ᬘᬗ᭄ᬓᭂᬫ᭄ᬜᬩᬭᬓ᭄ᬗᬘᭂᬩᬶᬃ᭞ᬫᬦ᭄ᬢᬸᬓ᭄ᬲᬫ᭄ᬩᬶᬮ᭄ᬫᬢᬳᬦᬦ᭄᭟᭜᭟ᬭᬶᬂᬲᬫ᭄ᬧᬸᬦᬾ᭞ᬢᬶᬩᬭᬶᬂᬧᬰ᭄ᬭᬫᬦ᭄ᬫᬗ᭄ᬓᬶᬦ᭄᭞ᬮᬶᬬᬂᬲᬂᬅᬃᬚ᭄ᬚᬯᬵ᭞ᬜᬶᬗᬓ᭄ᬧᬰ᭄ᬭᬫᬦᬾᬩᬺᬲᬶᬄ᭞ᬧᬕᭂᬳᬦ᭄ᬳᬢᬧ᭄ᬫᬭᬜ᭄ᬘ
ᬧ᭄᭟᭜᭟ᬫᬳᬶᬍᬳᬦ᭄᭞ᬧᬶᬓᬦ᭄ᬢᭂᬦ᭄ᬘᬢᬭᬾᬩᬺᬲᬶᬄ᭞ᬳᬮᬸᬲ᭄ᬫᬲᬫ᭄ᬧᬢᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬮᬸᬳᬸᬳᬓᬢᬶᬄ᭞ᬬᬲ᭄ᬜᬮᬂᬭᬯᬸᬄᬓᬚᬩ᭟᭜᭟ᬲᬂᬅᬃᬚ᭄ᬚᬯᬵ᭞ᬦᬤᬓ᭄ᬲᬓᬶᬢ᭄ᬜᬧ᭄ᬭᬫᬗ᭄ᬓᬶᬦ᭄᭞ᬳᬶᬘ᭠
ᬮ᭄‌ᬮ᭄ᬯᬶᬃᬲᬧ᭄ᬲᬧᬂ᭞ᬢᬗ᭄ᬓᬸᬮᬂᬧᬰ᭄ᬭᬫᬦ᭄ᬩᬺᬲᬶᬄ᭞ᬲᬂᬅᬃᬚ᭄ᬚᬯᬗᬚᭂᬭᭀᬯᬂ᭟᭜᭟ᬬᬤᬶᬬᬲ᭄ᬢᬸᬦ᭄᭞ᬲᬓᬶᬢᬾᬢᬦ᭄ᬯᬾᬦ᭄ᬢᭂᬦ᭄ᬓᬭᬶ᭞ᬩᭂᬲᭂᬄᬜᬩ᭄ᬮᭂᬕᭂᬭᬦ᭄᭞ᬲᬗ᭄ᬓᬦ᭄ᬜᬭᬸᬫᬲᬸᬮᬶᬢ᭄᭞ᬍᬓ᭄ᬓᬶᬫᬸᬤ᭄ᬭᬶᬂ᭠
ᬲᬂᬧᬡ᭄ᬥᬶᬢ᭟᭜᭟ᬲᬗᬢᬧ᭞ᬤᬸᬓ᭄ᬜᬶᬗᬓ᭄ᬰᬶᬱ᭄ᬬᬦ᭄ᬜᬕᬶᬧᬶᬄ᭞ᬭᬯᬸᬄᬲᬓᬶᬂᬳᬩ᭄ᬬᬦ᭄᭞ᬫᬕ᭄ᬭᬾᬦ᭄ᬤᭀᬢᬦ᭄ᬦᬶᬓᬸᬮ᭄‌ᬓ᭄ᬮᬤᬶ᭞ᬘᬗ᭄ᬓᭂᬫ᭄ᬜᬚᭂᬩᬶᬃᬓᬘᬶᬗᬓ᭄᭟᭜᭟ᬢᬸᬫ᭄ᬩᬾᬦ᭄ᬕᬸᬬᬸ᭞ᬘᬗ᭄ᬓᭂᬫ᭄ᬳᬶᬤᬾᬯ [ 29 ][᭒᭗ 27B]
᭒᭘
ᬦᬾᬩᭂᬮᬶᬂ᭞ᬲᬂᬅᬃᬚ᭄ᬚᬸᬤᬵᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬓᬚᬫᬄᬦᬾᬢᬸᬦᬶ᭞ᬳᭀᬮᬶᬄᬬᬳᬶᬢᬸᬫ᭄ᬮᬶᬮᬶᬗᬦ᭄᭟᭜᭟ᬲᬂᬅᬃᬚ᭄ᬚᬯᬵ᭞ᬢᬸᬫ᭄ᬩᬾᬦ᭄ᬧᬸᬭᬸᬦ᭄ᬗᬮᬳᬸᬭᬶ᭞ᬫᬢᬸᬃᬭᬶᬂᬲᬂᬢᬧ᭞ᬳᬦ᭄ᬢᬸᬓ᭄ᬩᬗᭂᬢ᭄‌ᬍᬓ᭄ᬭᬶᬂᬳ
ᬢᬶ᭞ᬭᬶᬂᬘᬗ᭄ᬓᭂᬫ᭄ᬜᬩᭂᬮᬶᬂᬓᬤᬓ᭄᭟᭜᭟ᬧᬸᬧᬸᬄᬲᬫᬭ᭄ᬥᬦ᭟᭜᭟ᬬᬦ᭄ᬫᬍᬢᬦ᭄ᬓᬸᬤᬂᬰᬰᬶᬄ᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬗᬯᬶᬮᬂ᭞ᬤᬯᭂᬕ᭄ᬘᬗ᭄ᬓᭂᬫ᭄ᬲᬂᬅᬃᬚ᭄ᬚᬯᬵ᭞ᬩᭂᬲᭂᬄᬕᬘᭂᬮ᭄ᬢᬸᬫ᭄ᬮᬶᬮᬶᬗᬦ᭄᭞ᬗᭂᬩᬾᬢ᭄ᬓ
ᬮᬤᬶᬭᬶᬂᬳᬩ᭄ᬬᬦ᭄᭞ᬫᬶᬯᬄᬤᬸᬓ᭄ᬗᭀᬓᭀᬄᬩ᭄ᬬᬯᬸᬂ᭞ᬢᬸᬲᬸᬓ᭄ᬤᬸᬯᬶᬢᬗᬦ᭄ᬳᬶᬤ᭟᭜᭟ᬦᬾᬫᬗ᭄ᬓᬶᬦ᭄ᬳᬸᬘᬧᬶᬫᬮᬶᬄ᭞ᬳᬶᬭᬶᬓᬵᬭᬶᬂᬧᬰ᭄ᬭᬫᬦ᭄᭞ᬳᬶᬤᬲᬂᬩᬸᬤ᭄ᬟᬶᬲᬢ᭄ᬯᬶᬓᬵ᭞ᬓᬳᬶᬭᬶᬂᬳᭀᬮᬶᬄ
ᬰᬶᬱ᭄ᬬᬦ᭄ᬜ᭞ᬫᬶᬦᬩ᭄ᬲᭂᬤᭂᬓ᭄ᬫᬕᭀᬜ᭄ᬚᬓᬦ᭄᭞ᬲᬗ᭄ᬓᬦ᭄ᬲᬂᬅᬃᬚ᭄ᬚᬯᬗᬸᬦ᭄ᬢᬸᬮ᭄᭞ᬦ᭄ᬤᬵᬢᬦ᭄‌ᬧᬸᬭᬸᬦ᭄ᬫᬦ᭄ᬤᬺᬂᬫᬸᬓᬵ᭟᭜᭟ᬲᬂᬢᬧᬗᬦ᭄ᬤᬶᬓᬳᬭᬶᬲ᭄᭞ᬉᬥᬸᬄᬦᬦᬓ᭄ᬲᬂᬅᬃᬚ᭄ᬚᬯᬵ᭞ᬩᬧᬓᬸᬫᭂ᭠
[᭒᭘ 28A]
ᬢᭂᬕ᭄ᬭᬶᬂᬫᬦᬄ᭞ᬓᬢᭀᬦ᭄ᬮᬾᬦ᭄ᬢᬶᬓᬲ᭄ᬳᬶᬤᬾᬯ᭞ᬫᬶᬭᬶᬩ᭄ᬳᬤᬦᬾᬢᬓᭀᬦᬂ᭞ᬭᬯᭀᬲᬂᬫᬦᬳᬾᬩᬕᬸᬲ᭄᭞ᬫᬗ᭄ᬤᬾᬦ᭄ᬩᬧᬲᬶᬤ᭄ᬥᬢᬢᬲ᭄᭟᭜᭟ᬲᬂᬅᬃᬚ᭄ᬚᬯᬵᬜᭂᬍᬤᬾᬢ᭄ᬜᬸᬭᬶ᭞ᬫᬢᬸᬃᬲᬶᬲᬶ
ᬧ᭄ᬭᬶᬂᬲᬂᬢᬧ᭞ᬥᬸᬄᬭᬢᬸᬲᬂᬧᬗᭂᬫ᭄ᬧ᭄ᬯᬦ᭄᭞ᬫᭂᬍᬤ᭄ᬢᬶᬢ᭄ᬬᬂᬫᬗ᭄ᬤᬢᬢᬲ᭄᭞ᬢᬶᬢ᭄ᬬᬂᬲᭀᬓ᭄ᬳᬸᬦᬶᬂᬭᬶᬂᬧᬭᬩ᭄᭞ᬭᬶᬂᬭᬹᬧᬢᬶᬢ᭄ᬬᬂᬢᬦ᭄ᬯᭂᬭᬸᬄ᭞ᬳ᭄ᬬᬂᬯᬶᬥᬶᬤᬶᬚᬫᬮᬶᬗ᭄ᬕ᭟᭜᭟ᬲᬂᬢᬧᬓᭂᬜᭂᬫ᭄ᬜᬳᬸᬭᬶᬦ᭄᭞
ᬘᭂᬦᬶᬂᬩᬕᬸᬲ᭄ᬲᬂᬅᬃᬚ᭄ᬚᬯ᭞ᬲᬓᬶᬂᬧᬢᬓᭀᬦ᭄ᬫᬘᬶᬳ᭄ᬦᬵ᭞ᬫᬦᬄᬘᭂᬦᬶᬂᬫᬓ᭄ᬭᬶᬢᬶᬧᬦ᭄᭞ᬢᭂᬍᬩ᭄ᬗᬸᬮᬶᬓ᭄ᬰᬵᬲ᭄ᬢ᭄ᬭᬵᬕᬫ᭞ᬫᬤᬓ᭄ᬘᭂᬦᬶᬂᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬤᬤᬶᬳᬦᬓ᭄ᬲᬥᬸᬥᬃᬫ᭄ᬫ᭟᭜᭟ᬫᭂᬮᬄᬦᬾᬚ
ᬦᬶᬯᬯᬦᬶᬦ᭄᭞ᬓᭀᬦ᭄ᬘᭂᬦᬶᬗᬾᬗᬾᬩᬸᬲᬦ᭄᭞ᬫᭂᬍᬤ᭄ᬘᭂᬦᬶᬂᬳᬧᬂᬦᬯᬂ᭞ᬓᬾᬦ᭄ᬓᬾᬦ᭄ᬭᬸᬧᬦ᭄ᬲᬂᬳ᭄ᬬᬂᬢᬶᬢᬄ᭞ᬳᬶᬤᬭᬶᬂᬤᬶᬚᬫᬮᬶᬗ᭄ᬕ᭞ᬩᬸᬯᬢ᭄ᬧᬢᬓᭀᬦ᭄ᬳᬶᬩᬕᬸᬲ᭄᭞ᬩᬧᬗᬶᬦ᭄ᬤᬬᬂᬜ᭠ [ 30 ][᭒᭘ 28B]
᭒᭙
ᬳᬸᬭᬂ᭟᭜᭟ᬫᭂᬮᬳᬂᬘᭂᬦᬶᬂᬫᬶᬭᬕᬶ᭞ᬳᬶᬤᬲᬂᬳ᭄ᬬᬂᬯᬶᬥᬶᬯᬲᬵᬩᭀᬬᬓᬤᬶᬳᬶᬫᬵᬦᬹᬱ᭞ᬳᬤᬤᬶᬦᬶᬤᬶᬢᬸᬦᭀᬭ᭞ᬫᬶᬯᬄᬢᬦ᭄ᬓᬤᬶᬳᬶᬚᬕᬢ᭄᭞ᬫ᭄ᬮᬳᬤ᭄ᬦᭀᬭᬫᬯᬓᬧᬮ᭄ᬱ᭄ᬬ᭞ᬳᬶᬤᬢᭀᬂᬢ
ᬳᬾᬦ᭄ᬢᭀᬂᬳᬤ᭟᭜᭟ᬳᬶᬤᬢᭀᬂᬳᬤᬫᬢᬸᬳᬶᬦ᭄᭞ᬩᬗᭂᬢ᭄ᬮᬶᬬᬦ᭄ᬓ᭄ᬭᬡᬢᬯᬄ᭞ᬤᬶᬚᬳᬸᬕᬶᬳᬶᬤᬳᬤ᭞ᬳᬤᬦᬗ᭄ᬳᬶᬂᬢᬦ᭄ᬧᬭᬕ᭞ᬢ᭄ᬯᬭᬩᬓᬢ᭄ᬩᬦ᭄ᬗᬶᬢᬸᬗᬂ᭞ᬓᬬᬂᬓ᭄ᬭᬶᬫᬶᬓᬦᬶᬂᬓᬬᬸᬦ᭄
᭞ᬲᬫᬶᬓᭀᬦᬶᬗᬶᬦ᭄ᬭᬶᬂᬳᬶᬤ᭟᭜᭟ᬢᬦ᭄ᬧᬢᬗ᭄ᬕᬸᬢᬦ᭄ᬧᬓᬯᬶᬢ᭄᭞ᬢᬦ᭄ᬓᭂᬦᬶᬳᬗ᭄ᬓᭂᬦᬶᬦ᭄ᬳᬶᬤ᭞ᬩᭀᬬᬳᬶᬳᬶᬓᬩᭀᬬᬳᬶᬓ᭞ᬢᭀᬂᬜᬶᬤᬬᬂᬗᬸᬧᬫᬶᬬᬂ᭞ᬳᬶᬤᬫ᭄ᬭᬕᬢᬦ᭄ᬧᬯᬃᬡ᭄ᬦ᭞ᬳᬸᬦᬶᬂᬢᬦ᭄ᬲᬓᬶᬂ
ᬫᬳᬸᬭᬸᬓ᭄᭞ᬫᬳᬵᬧ᭄ᬭᬚ᭄ᬜᬦ᭄ᬲᬂᬳ᭄ᬬᬂᬢᬶᬢᬄ᭟᭜᭟ᬧ᭄ᬭᬫᬳᬕᬸᬂᬫᬳᬵᬲᬸᬘᬶ᭞ᬫᬳᬵᬮᬶᬘᬶᬦ᭄ᬫᬳᬵᬲᬸᬓ᭄ᬱ᭄ᬫ᭞ᬳᬶᬤᬢᬦ᭄ᬫᬗ᭄ᬭᬜ᭄ᬚᬶᬂᬚᬕᬢ᭄᭞ᬳᬦᬾᬫᬤᬦ᭄ᬗ᭄ᬭᬜ᭄ᬚᬶᬂᬚᬕᬢ᭄᭞ᬲᬓᬵᬮᬫᬸᬯᬄᬦᬶᬲ᭄ᬓᬮ
[᭒᭙ 29A]
᭞ᬘᬸᬢᭂᬢ᭄ᬮ᭄ᬬᬦᬦ᭄ᬭᬶᬂᬳ᭄ᬬᬂᬢᬸᬤᬸᬄ᭞ᬢᭀᬗ᭄ᬭᬜ᭄ᬚᬶᬂᬚᬕᬢ᭄ᬳᬤᬦ᭄ᬜ᭟᭜᭟ᬯᬦ᭄ᬢᬄᬳᬶᬤᬓ᭄ᬭᬶᬬᬰᬓ᭄ᬢᬶ᭞ᬳᬲᬶᬂᬓᬓᬃᬤ᭄ᬥᬶᬓᬲᬶᬤ᭄ᬥᬦ᭄᭞ᬢᬦ᭄ᬧᬓᬦ᭄ᬢᬶᬢᬦ᭄ᬧᬰ᭄ᬭᬫ᭞ᬗᬤᬓᬂᬫᬶᬄᬫᬺᬮᬬ᭞ᬢᬦ᭄ᬭᬶᬫ᭄ᬩᬶᬢ᭄ᬧᬢᬸᬄᬧ᭄ᬭ᭠
ᬕᬢ᭄᭞ᬢᭀᬫᬤᬦ᭄ᬓ᭄ᬭᬶᬬᬰᬓ᭄ᬢᬶᬩᬕᬸᬲ᭄᭞ᬲᭀᬓ᭄ᬳᬶᬤᬫᬳᬵᬲᬫ᭄ᬧᬹᬃᬡ᭄ᬦ᭟᭜᭟ᬫᬦᬹᬦ᭄ᬭᭀᬦ᭄ᬢᬮ᭄ᬲᬗ᭄ᬓᬳᬚᬶ᭞ᬓᬩᬯᭀᬲ᭄ᬫᬦᬄᬧᬸᬦᬶᬓᬵ᭞ᬦᬾᬧᬸᬓᬸᬄᬲᬶᬤᬓᬸᬯᬰ᭞ᬫᬶᬸᬦᬶᬸ᭞ᬜᬶᬤᬬᬂ
ᬗᬤᬓᬂᬚᬕᬢ᭄᭞ᬧᬸᬓᬸᬄᬫᬦᬳᬾᬗᬯᬶᬦᬂ᭞ᬫᬦᬳᬾᬓ᭄ᬯᬰᬧᬸᬦᬶᬓᬸ᭞ᬦᬾᬫᬳᬵᬓ᭄ᬬᬰᬗᬤᬓᬂ᭟᭜᭟ᬲᬂᬅᬃᬚ᭄ᬚᬯᬵᬫᬢᬸᬃᬫᬮᬶᬄ᭞ᬤᬸᬓ᭄ᬳᬶᬤᬫᭂᬦᭂᬂᬳᬚᬳᬦ᭄᭞ᬥᬸᬄᬭᬢᬸᬲᬂᬧᬗᭂᬫ᭄ᬧᬸᬢᬦ᭄
᭞ᬯᬾᬦ᭄ᬢᭂᬦ᭄ᬫᬮᬶᬄᬢᬸᬦᬲ᭄ᬢᬶᬢ᭄ᬬᬂ᭞ᬳᭂᬜ᭄ᬘᬾᬦ᭄ᬓᬲᬦᬾᬭᬶᬳᬶᬦᬦ᭄᭞ᬯᬾᬦ᭄ᬢᭂᬦ᭄ᬳ᭄ᬬᬂᬯᬶᬥᬶᬭᬶᬂᬲᬸᬯᬸᬂ᭞ᬲᬸᬯᬸᬗᬾᬲᬶᬭᬗᬃᬬ᭄ᬬᬦᬂ᭟᭜᭟ᬲᬂᬢᬧᬳᬮᭀᬦ᭄ᬜᬯᬸᬭᬶᬦ᭄᭞ᬳ᭄ᬬᬂᬯᬶᬥᬶᬫᬳᬵᬧ᭄ᬭᬢᬫ᭞ᬤ᭄ᬬ [ 31 ][᭒᭙ 29B]
᭓᭐
ᬲ᭄ᬢᬸᬳᬶᬤᬲᬂᬳ᭄ᬬᬂᬢᬶᬢᬄ᭞ᬯᬾᬦ᭄ᬢᭂᬦ᭄ᬗᬯᬲ᭄ᬢᬦᬶᬦ᭄ᬳ᭄ᬬᬳᭂᬫ᭄ᬩᬂ᭞ᬧᬦ᭄ᬢᭂᬲ᭄ᬭᬾᬄᬳᬶᬤᬢᬦ᭄ᬧᬭᬕ᭞ᬚᬢᬶᬦ᭄ᬜᬲᬸᬯᬸᬗᬾᬩᬕᬸᬲ᭄᭞ᬧᬓᬃᬤ᭄ᬥᬶᬦ᭄ᬳᬶᬤᬳ᭄ᬬᬂᬢᬶᬢᬄ᭟᭜᭟ᬫᬶᬭᬶᬩ᭄ᬘᭂᬦᬶᬂᬓᬸᬯᬂᬗᭂᬃᬢ᭄ᬢᬶ᭞
ᬓᭂᬦᬾᬫᬮᬸᬩᬦ᭄ᬗᬶᬢᬸᬗᬂ᭞ᬭᬶᬂᬓᬢᭀᬲ᭄ᬫᬓᬤᬶᬯᬚ᭞ᬦᬾᬳᭂᬫ᭄ᬧᭂᬢ᭄ᬧᬤᭂᬢ᭄ᬫᬓ᭄ᬮᭂᬦ᭄ᬢᬂ᭞ᬫᬶᬭᬶᬩ᭄ᬩᬓᬢ᭄ᬩᬦ᭄ᬫᬲ᭄ᬢᬶᬓ᭞ᬤᬶᬢᬸᬮᬗᬄᬫᬶᬲᬶᬲᬸᬯᬸᬂ᭞ᬲᬂᬳ᭄ᬬᬂᬯᬶᬥᬶᬤᬶᬢᬸᬳᬤ᭟᭜᭟ᬫ᭄ᬭᬕᬳᬢᬶ
ᬢᬳ᭄ᬬᬂᬯᬶᬥᬶ᭞ᬳᬦᬕᬢᬯᬃᬢ᭄ᬳᬫᬦ᭞ᬲᬗ᭄ᬓᬦ᭄ᬤᬵᬲᬸᬫ᭄ᬩᬸᬂᬤᬶᬫᬦᬄᬧᬢᬸᬢᬮᬶᬫ᭄ᬩᬓᬂᬗᭂᬦᭂᬳᬂ᭞ᬮᬓᬃᬓᬾᬦ᭄ᬓᬾᬦ᭄ᬫᬮᬶᬄᬚᬳᬦ᭄᭞ᬦᬾᬫᬮᬶᬄᬚᬳᬦ᭄ᬢᬦ᭄ᬯᭂᬭᬸᬄ᭞ᬓᬮᬶᬂᬦᬾᬩᬶᬦ᭄ᬲᬶᬬᬸᬢᬶᬩᬦ᭄
᭟᭜᭟ᬗᬳᬶᬂᬳ᭄ᬬᬂᬯᬶᬥᬶᬳᬶᬤᬳᬸᬦᬶᬂ᭞ᬤ᭄ᬬᬲ᭄ᬢᬸᬗᬃᬤ᭄ᬥᬶᬦᬾᬢᬦ᭄ᬩ᭄ᬬᬲ᭞ᬢᭀᬬᬦᬾᬧᬂᬤᬤᬶᬗᬩᬃ᭞ᬦᬶᬮᬧ᭄ᬕᬮᬓ᭄ᬗᭂᬲᭂᬂᬚᬕᬢ᭄᭞ᬦᬾᬲᬫ᭄ᬧᬸᬦ᭄ᬓᬯᬲ᭄ᬢᭀᬦ᭄ᬗᬩᬃ᭞ᬧᬦ᭄ᬩᬶᬦ᭄ᬤᬤᬶᬩ᭄ᬮᬩᬃᬳᬕᬸᬂ᭞ᬳ᭄ᬬᬂ
[᭓᭐ 30A]
ᬯᬶᬥᬶᬮᬦ᭄ᬗᬫᬾᬯᭂᬳᬂ᭟᭜᭟ᬢᬦ᭄ᬚᬩᬦ᭄ᬲᬓᬶᬂᬕᬸᬕᭀᬦᬶᬦ᭄᭞ᬓ᭄ᬭᬡᬳᬤᬲᬂᬳ᭄ᬬᬂᬢᬶᬢᬄ᭞ᬕᬸᬕᬸᬢ᭄ᬕᬸᬕᬸᬭᬶᬂᬫᬦᬄ᭞ᬲᬂᬳ᭄ᬬᬂᬯᬶᬥᬶᬫᬗ᭄ᬕᭂᬄᬳᬤ᭞ᬩ᭄ᬯᬶᬦᬢᬦ᭄ᬚᬩᬦᬾᬩᬧ᭞ᬗᭀᬜ᭄ᬚᬓᬂᬳᬚᬓ᭄ᬳᬶ
ᬩᬕᬸᬲ᭄᭞ᬳᬶᬤᬲᬂᬳ᭄ᬬᬂᬢᬶᬢᬄᬳᬤ᭟᭜᭟ᬲᬂᬢᬦ᭄ᬗᬸᬕᬸᬳᬤᬯᬶᬥᬶ᭞ᬤ᭄ᬬᬲ᭄ᬢᬸᬲᬧᬲᬶᬭᬚᬸᬕ᭞ᬚᬢᬶᬦ᭄ᬜᬢᭀᬦᬾᬢᬦ᭄ᬳᬤ᭞ᬯᬶᬭᬾᬄᬬᬧᬯᬓᬦ᭄ᬦᭀᬭ᭞ᬩᬦ᭄ᬢᬳᬾᬦ᭄‌ᬫ᭄ᬮᬳᬤ᭄ᬢᬦ᭄ᬳᬤ᭞
ᬦᬾᬫ᭄ᬮᬳᬤ᭄ᬢᬦᬦᬧᬮ᭄ᬱᬸ᭞ᬧᬫᬸᬧᬸᬢ᭄ᬜᬢ᭄ᬯᬭᬳᬤ᭟᭜᭟ᬓᬾᬢᭀᬲᬸᬚᬢᬶᬦ᭄ᬜᬘᭂᬦᬶᬂ᭞ᬳᬶᬤᬵᬳ᭄ᬬᬂᬫᬳᬵᬯᬶᬰᬾᬱ᭞ᬫᬭᬕᬲᬹᬓ᭄ᬱ᭄ᬫᬭᬳᬲ᭄ᬬ᭞ᬦᬾᬢᭀᬂᬩᬓᬢ᭄ᬗᬦ᭄ᬗᭂᬦᭂᬳᬂ᭞ᬓᭂᬢᬶᬮ᭄ᬤᬤᬶᬘᬘᬶ
ᬫ᭄ᬧᭂᬤᬦ᭄᭞ᬲᬗ᭄ᬓᬦ᭄ᬧᭂᬧᭂᬲ᭄ᬳᬸᬮᬶᬂᬫᬮᬸ᭞ᬓᬬᬂᬚᬦᬶᬢᭀᬂᬫᬩᬳᬦ᭄᭟᭜᭟ᬫᬲ᭄ᬢᬶᬬᬂᬓ᭄ᬭᬶᬬᬦ᭄ᬳ᭄ᬬᬂᬯᬶᬥᬶ᭞ᬢᬶᬫᬦ᭄ᬲᬦᬾᬲᬸᬩᬗᭂᬦᬄ᭞ᬲᬫ᭄ᬩᬶᬮ᭄ᬧᭂᬤᬶᬄᬲᬮᬶᬂᬢᬶᬫ᭄ᬩᬮ᭄᭞ᬧᬥᬧᭂᬗ᭄ᬓᬸᬂᬢᭀᬂᬜᬓ᭄ᬗᬸ [ 32 ][᭓᭐ 30B]
᭓᭑
ᬮᬄ᭞ᬩᬦ᭄ᬢᭂᬲ᭄ᬦᬃᬓ᭄ᬓᬳᭂᬜ᭄ᬘᬾᬦ᭄ᬫᬮᬸᬯᬦ᭄᭞ᬳᬤᬲᬶᬬᬧ᭄ᬢᭂᬓᬾᬦ᭄ᬢᬮᬸᬄ᭞ᬓᬦ᭄ᬢᬶᬧᭂᬕᬢ᭄ᬗᬚᬓ᭄ᬜᬫ᭟᭜᭟ᬗᭂᬤᬸᬫ᭄ᬲᬗ᭄ᬕᬄᬧᬭᬚᬦᬶ᭞ᬦᬸᬕᭂᬮ᭄ᬳᬸᬫᬄᬜᭂᬍᬂᬦᬢᬄ᭞ᬧᬥᬢ᭄ᬯᬭᬜᬓ᭄ᬚᬸᬫᬳᬦ᭄᭞ᬲᬮᬶᬂᬭᭀ
ᬫ᭄ᬧᬓ᭄‌ᬬᬾᬦ᭄ᬫᬧᬧᬲ᭄᭞ᬜᬩ᭄ᬭᬦ᭄ᬫᬢᬂᬢᬂᬫᬲᬶᬬᬢ᭄᭞ᬮᬸᬂᬓᬲᬮᭀᬧᭂᬕᬢ᭄ᬩᬢᬸ᭞ᬳᬶᬤᬸᬧ᭄ᬫᬢᬶᬢᭀᬂᬢᬗᬳᬦ᭄᭟᭜᭟ᬓᬾᬢᭀᬓᬤᬦᬶᬦ᭄ᬜᬘᭂᬦᬶᬂ᭞ᬩᭂᬮᭀᬕ᭄ᬩᭂᬗ᭄ᬓᬸᬗᬾᬗᬯᬶᬦᬂ᭞ᬜᭂᬗ᭄ᬕᬸᬄ
ᬩᭂᬦᭂᬄᬧᬤᬶᬤᬶᬳᬦ᭄᭞ᬗᬓᬸᬤᬾᬯᬾᬓ᭄ᬧᬮᬶᬂᬦᬯᬂ᭞ᬓᬦ᭄ᬢᬶᬗᭂᬓᭀᬄᬫᬢᬶᬦᬗᬂ᭞ᬭᬶᬂᬳᬶᬤᬲᬂᬚᬢᬶᬯᭂᬭᬸᬄ᭞ᬫᬶᬦᬓᬤᬶᬯᬶᬥᬶᬢᬢ᭄ᬯ᭟᭜᭟ᬓᬬᬂᬩᬧᬵᬢᬸᬄᬲᬧᬶᬄ᭞ᬢᭂᬓᬾᬦ᭄ᬲᬂᬭᬯᭀᬲᬂᬢᬸ
ᬦᬶᬳᬦ᭄᭞ᬩᬦ᭄ᬢᬲ᭄ᬩᭂᬗ᭄ᬓᬸᬗᬾᬢᬸᬦᬬᬦ᭄᭞ᬓᬾᬢᭀᬘᭂᬦᬶᬂᬲᬂᬅᬃᬚ᭄ᬚᬯ᭞ᬬᬾᬦ᭄ᬫᬂᬭᬶᬗ᭄ᬢᭀᬦ᭄ᬤᬾᬦ᭄ᬜᬶᬤᬬᬂ᭞ᬦᬫ᭄ᬧᬶᬧᬲ᭄ᬯᬭᬯᬯᬸ᭞ᬦᬾᬢᭂᬧᬸᬓ᭄ᬤᬶᬓᭂᬦᭂᬄᬩᬧ᭟᭜᭟ᬘᭂᬦᬶᬂᬧᬂᬤᬚᭂᬕ᭄ᬫᭀᬬᬦᬶᬦ᭄᭞
[᭓᭑ 31A]
ᬫᭂᬮᬄᬜᬩᬸᬯᬶᬦ᭄ᬢᬓᭀᬦᬂ᭞ᬲᬭᬶᬂᬲᬭᬶᬂᬭᬶᬂᬲᬂᬧ᭄ᬭᬚ᭄ᬜᬦ᭄᭞ᬦᬾᬲᬸᬩᬢᬸᬢᬸᬭᬂᬩᬧ᭞ᬬᬾᬦ᭄ᬓᬦ᭄ᬢᬶᬲᬗᭂᬢ᭄ᬫᬢᬸᬗ᭄ᬓᬲᬸ᭞ᬳᭂᬤᬘᭂᬦᬶᬂᬤᬤ᭄ᬬᬦ᭄ᬓᬬᬸᬦ᭄᭞ᬢᬶᬫ᭄ᬧᬸᬕ᭄ᬩᬧᬩᬦ᭄ᬳᬓ᭄ᬱᬫ᭟᭜᭟ᬦᬾᬳᬤᬩ᭄ᬯᬶᬦ᭄ᬩᭂ
ᬤᬶᬓ᭄ᬘᭂᬦᬶᬂ᭞ᬢ᭄ᬯᬭᬤᬤᬶᬢᬸᬮᬾᬫᬦᬂ᭞ᬳᬸᬦ᭄ᬤᬸᬓ᭄‌ᬚ᭄ᬭᭀᬦᬶᬂᬧᬦᬸᬫᬥ᭄ᬬᬦ᭄᭞ᬫᬦᬸᬱᬧᬶᬦᬶᬄᬉᬢ᭄ᬢᬫ᭞ᬧᬢᬸᬢ᭄ᬳᬕᭂᬢᬂᬭᬶᬫᬦᬄ᭞ᬤ᭄ᬬᬲ᭄ᬢᬸᬭᬶᬂᬢᬶᬯᬲᬾᬢᬸᬫ᭄ᬩᬸᬄ᭞ᬫᬯᬸᬯᬸᬄᬭᬬᭀᬦᬶᬘᬦ᭄ᬤᬮ᭟᭜᭟
ᬳᬧᬦ᭄ᬫᬸᬮᬤᬳᬢ᭄ᬲᬸᬮᬶᬢ᭄᭞ᬜᬶᬤᬬᬂᬤᬸᬫᬤᬶᬚᬤ᭄ᬫ᭞ᬫᬸᬫ᭄ᬧᬸᬂᬦᬾᬲᭂᬗ᭄ᬓᬓᭂᬦᬶᬳᬂ᭞ᬳᭂᬤᬧᭂᬲᬦ᭄ᬘᭂᬦᬶᬂᬳᬶᬫ᭞ᬳᬧᬂᬲᭂᬓᭂᬦ᭄ᬩᬦ᭄ᬜᬢᬯᬂ᭞ᬳᭂᬜᬾᬦ᭄ᬚᬢᬶᬦ᭄ᬜᬳᬶᬩᬕᬸᬲ᭄᭞ᬲᬓᬶᬂᬤᬶᬚᬓᬶᬚᬧᬘᬂ᭟᭜᭟
ᬬᬾᬦ᭄ᬢᭀᬲᬸᬩᬢᬯᬂᬘᭂᬦᬶᬂ᭞ᬭᬸᬭᬸᬗᬾᬩᬸᬯᬶᬦ᭄ᬧᭂᬤᬲᬂ᭞ᬳᭂᬜ᭄ᬘᬾᬦ᭄ᬢᬸᬳᬸᬢ᭄ᬧᬮᬶᬂᬫᭂᬮᬄ᭞ᬓᬾᬦ᭄ᬓᬾᬦ᭄ᬘᬭᬦᬾᬫᬗᭂᬦ᭄ᬚᬧ᭄᭞ᬲᬶᬤ᭄ᬥᬢᭂᬧᬸᬓ᭄ᬦᬾᬧᬫᬸᬦ᭄ᬢᬢ᭄᭞ᬢᬢᬸᬚᭀᬦ᭄ᬳᬦᬓᬾᬳᬶᬤᬸᬧ᭄᭞ᬯᬦ᭄ᬢᬄᬲᬂ [ 33 ][᭓᭑ 31B]
᭓᭒
ᬳ᭄ᬬᬂᬓᬍᬧᬲᬦ᭄᭟᭜᭟ᬬᬾᬦ᭄ᬲᬸᬩᬲᬶᬤᬓᬧᬗ᭄ᬕᬶᬄ᭞ᬢᭀᬗᭀᬲᬾᬮᬗ᭄ᬕᭂᬂᬲᬢᬢ᭞ᬤᬶᬢᬸᬳᬸᬭᬶᬧᬾᬢᬦ᭄ᬳᭀᬩᬄ᭞ᬲᬸᬯᬸᬤ᭄ᬧᬘᬤᬶᬦᬶᬦ᭄ᬧᭂᬚᬄ᭞ᬭᬶᬂᬲᬸᬓᬦᬾᬢᬦ᭄ᬧᬭᬲ᭞ᬫᬗ᭄ᬤᭀᬄᬲᬓᬶᬂᬲᬸᬓᬧ
ᬮ᭄ᬱᬸ᭞ᬦᬾᬫᬳᬶᬓᬸᬢ᭄ᬓᬤᬸᬄᬓᬶᬢᬦ᭄᭟᭜᭟ᬳᬫᭀᬦ᭄ᬢᭀᬧᬗ᭄ᬓᭂᬤᬂᬘᭂᬦᬶᬂ᭞ᬫᬗᭀᬜ᭄ᬚᬓᬂᬯᬶ᭠ᬥᬶᬢᬢ᭄ᬯ᭞ᬫᬶᬯᬄᬳᬸᬦ᭄ᬤᬸᬓ᭄ᬧᬦᬶᬢᬶᬲᬦ᭄᭞ᬓᬤᬾᬦ᭄ᬳᬶᬘᭂᬦᬶᬂᬦᬾᬢᬸᬦᬳᬶᬦ᭄᭞ᬦᬫ᭄ᬩᬸᬲ᭄ᬓᭂᬦ᭄ᬢᬂᬮᬦ᭄ᬢᬲᬾ
ᬮ᭞ᬫᭂᬮᬄᬳᬗ᭄ᬓᬶᬤ᭄ᬳᬗ᭄ᬕᭀᬦ᭄ᬗᬧᬸᬮ᭄᭞ᬫᬸᬜᬶᬦ᭄ᬩᬚ᭄ᬭᬦᬾᬭᬶᬂᬕᬃᬩ᭄ᬪ᭟᭜᭟ᬲᬂᬅᬃᬚ᭄ᬚᬯᬜᬯᬸᬃᬓᭂᬜᬶᬂ᭞ᬦᬸᬦᬲ᭄ᬮᬸᬕ᭄ᬭᬭᬶᬂᬲᬂᬢᬧ᭞ᬢᬶᬢ᭄ᬬᬂᬜᬸᬯᬸᬦ᭄ᬧᬯᬘᬦ᭞ᬦᬸᬮᬶᬳᬶᬤᬧᬫᬶᬢ᭄ᬓᬾᬲᬄ᭞ᬗᬗ᭄ᬓᬶᬤ᭄ᬓᭂᬦ᭄ᬢᬂᬮᬦ᭄ᬓ
ᬲᬾᬮ᭞ᬦᬸᬮᬶᬓᬢᬸᬃᬭᬶᬂᬥᬂᬕᬸᬭᬸ᭞ᬲᬂᬅᬃᬚ᭄ᬚᬯᬵᬫᬲᬾᬲᭀᬳᬦ᭄᭟᭜᭟ᬧᬸᬧᬸᬄᬤᬹᬃᬫ᭄ᬫ᭟᭜᭟ᬩᬾᬜ᭄ᬚᬂᬲᭂᬫᭂᬂᬓᬦ᭄ᬢᬸᬦ᭄ᬧᬮᬶᬫᬸᬦᬦ᭄ᬧᭂᬲᬦ᭄᭞ᬲᬹᬃᬬ᭄ᬬᬦᬾᬤᬸᬭᬸᬂᬦᬤᬭᬶᬦ᭄᭞ᬓᬢᭀᬦ᭄ᬲᬂᬅᬃᬚ᭄ᬚᬯ᭞ᬦᬢᬤ᭄ᬩ
[᭓᭒ 32A]
ᬫᬤᬶᬦᬶᬓᬸᬮ᭄ᬢᬫ᭄ᬩᬄ᭞ᬫᬶᬲᬤ᭄ᬬᬧᬘᬂᬦᭂᬢᭂᬲᬶᬦ᭄᭞ᬧᭂᬍᬫᬳᬦ᭄᭞ᬚᬕᬢᬾᬭᬶᬂᬕᬶᬭᬶᬧᬸᬢ᭄ᬭᬶ᭟᭜᭟ᬬᬾᬦᬶᬂᬯᬾᬦ᭄ᬢᭂᬦ᭄ᬧᬍᬫᬳᬦ᭄ᬲᬦᬾᬩᭂᬗᬂ᭞ᬯᬶᬢ᭄ᬲᬗ᭄ᬓᬢ᭄ᬢᬭᬸᬦ᭄ᬜᬫᬦᬯᬶ᭞ᬉᬮᬶᬳᬦ᭄ᬲᬸᬩᬢᬄ᭞ᬕᭂᬮᬶᬲ᭄ᬓᬢ
ᬦ᭄ᬤᬸᬭᬶᬦ᭄ᬫᬸᬯᬄ᭞ᬳᬦ᭄ᬢᬸᬓ᭄ᬢᬭᬸᬓᬘᬸᬚᬢᬶ᭞ᬩ᭄ᬭᬳ᭄ᬫᬵᬲ᭄ᬣᬦ᭞ᬳᬜ᭄ᬘᬓ᭄ᬩᬬᬸᬃᬮᬦ᭄ᬓᬜᬶᬭᬶ᭟᭜᭟ᬕ᭄ᬮᬶᬲᬶᬂᬘ᭄ᬭᬶᬢᬲᬫ᭄ᬧᬸᬦ᭄ᬲᬸᬯᬾᬫᬳᬶᬍᬳᬦ᭄᭞ᬜᬮᬸᬓ᭄ᬱᬸᬓ᭄ᬭᬶᬂᬳᬮᬢ᭄ᬢ᭄ᬭᬧ᭄ᬢᬶ᭞ᬢᬦ᭄ᬫᬭᬯᬢ᭄ᬧᭂᬲᬦ᭄᭞ᬭᬕᬦ᭄ᬳᬶᬤᬓᬍ
ᬲᭀᬦᬦ᭄᭞ᬫᬩ᭄ᬯᬢ᭄ᬫᬦᬄᬜᬗ᭄ᬭᬗ᭄ᬲᬸᬓᬶᬦ᭄᭞ᬫᬫᬶᬬᬭ᭞ᬚᬕᬢᬾᬦᭂᬭᬸᬲ᭄ᬮᭂᬲ᭄ᬢᬭᬶ᭟᭜᭟ᬮᬶᬬᬂᬳᬶᬤᬗᭂᬢᭀᬦ᭄ᬩᬸᬭᭀᬦᬾᬧᬲ᭄ᬮᬶᬬᬩ᭄᭞ᬓᬶᬤᬂᬫᬜ᭄ᬚᬗᬦ᭄ᬮᬦ᭄ᬓᬜ᭄ᬘᬶᬮ᭄᭞ᬩᬶᬦᬮ᭄ᬤᬶᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬓ᭄‌ᬜ᭄ᬭᬶᬢ᭄ᬲ᭄ᬯᬭᬜ
ᬳᬸᬫ᭄ᬬᬂ᭞ᬲᬶᬭᬢᬦ᭄ᬓᬤᬮᭀᬦ᭄ᬗᬓ᭄ᬱᬶ᭞ᬩᬸᬮᬸᬩᬭᬓ᭄᭞ᬧᬮᬶᬬᬢ᭄ᬜᬓᬤᬶᬢᬢᬶᬢ᭄᭟᭜᭟ᬫᬮᬶᬄᬯᬾᬦ᭄ᬢᭂᬦ᭄ᬢᬭᬸᬳᬕᭂᬂᬗᬋᬫ᭄ᬧᬬᬓ᭄᭞ᬩᬗ᭄ᬲᬶᬂᬜᬦᬾᬧᬲᬸᬭᬦ᭄ᬢᬶᬂ᭞ᬩᭀᬚᭀᬕᬾᬧᬓ᭄ᬭᬾᬬᬓ᭄ᬫᬬᬸᬦ᭠ [ 34 ][᭓᭒ 32B]
᭓᭓
ᬦ᭄᭞ᬲᬋᬂᬢᬶᬫ᭄ᬧᬮ᭄ᬜ᭞ᬯᬾᬦ᭄ᬢᭂᬦ᭄ᬭᬶᬂᬘᬫ᭄ᬧᬂᬗᬚᭂᬗᬶᬢ᭄᭞ᬗᬜᬸᬢ᭄ᬜᬸᬢᬂ᭞ᬧ᭄ᬬᬦᬓ᭄ᬜᬢᭂᬓᭂᬦ᭄ᬗᬸᬮ᭄ᬢᬶᬂ᭟᭜᭟ᬭᬶᬂᬢᬭᬸᬦᬾᬫᬸᬜᬶᬦ᭄ᬧᬓ᭄ᬱᬶᬦᬾᬫᬾᬦ᭄ᬤᬳᬦ᭄᭞ᬳᬤᬗᬢᭂᬗ᭄ᬓᬸᬂᬫᬲᬸᬯᬶᬃ᭞ᬗᬯᬸᬓᬶᬦ᭄ᬭᭀᬯᬂ᭠
ᬜ᭞ᬓᬫ᭄ᬧᬶᬤ᭄ᬜᬦᬾᬓᬓᭂᬩᬶᬭᬂ᭞ᬲᬮᬶᬂᬲᭀᬮ᭄ᬲᭀᬮᬶᬂᬢᬫ᭄ᬩᬸᬗᬶᬦ᭄᭞ᬧᬥᬕᬶᬭᬂ᭞ᬫᬶᬭᬶᬩ᭄ᬢ᭄ᬯᬭᬢᬳᬾᬦ᭄ᬲᭂᬤᬶᬄ᭟᭜᭟ᬲᬧᬸᬦᬶᬓᬵᬓᬯᬾᬦ᭄ᬢᭂᬦᬦ᭄ᬜᬳᬶᬭᬶᬓ᭞ᬲᬶᬂᬓᬘᬶᬗᬓ᭄ᬗᬤ
ᬮᭀᬦᬶᬦ᭄᭞ᬓᬢᭀᬦ᭄ᬲᬂᬅᬃᬚ᭄ᬚᬯ᭞ᬗᭂᬮᬦ᭄ᬢᬸᬃᬫᬮᬶᬄᬫᬫᬃᬕ᭄ᬕ᭞ᬓᬧᬩ᭄ᬬᬦᬦ᭄ᬳᬶᬤᬗᬸᬗ᭄ᬲᬶ᭞ᬫᭂᬍᬤ᭄ᬜᬶᬗᬓ᭄᭞ᬢᬢᬦ᭄ᬤᬸᬭᬦ᭄ᬢᬸᬫ᭄ᬧᬂᬲᬭᬶ᭟᭜᭟ᬓᭂᬦ᭄ᬢᬂᬲᬶᬗ᭄ᬓᭀᬂᬓᬓᬭᬳᬸᬦ᭄ᬤᬶᬲ᭄ᬓᬮᭀᬗ᭄ᬓᬂ᭞ᬕ
ᬕᬕᬫ᭄ᬧ᭄ᬬᬕ᭄ᬦᭂᬤᭂᬂᬓᬸᬭᬶᬂ᭞ᬗᬮᭀᬃᬫᬳᭀᬬᭀᬤᬦ᭄᭞ᬫᭀᬫ᭄ᬩᬓᬦ᭄ᬢᭂᬫ᭄ᬧᬸᬄᬧᬯᬦ᭞ᬓᬘᬧᬜ᭄ᬚᬂᬍᬃᬢᬶᬤᬶᬂ᭞ᬫᬢᬸᬗ᭄ᬕᬸᬳᬦ᭄᭞ᬩᬸᬯᬄᬜᬗᭂᬤ᭄ᬧᬲᬸᬭᬦ᭄ᬢᬶᬂ᭟᭜᭟ᬭᬶᬲᭂᬤᭂᬓ᭄ᬭᬶᬚᭂᬓ᭄ᬲᬂᬅᬃᬚ᭄ᬚ
[᭓᭓ 33A]
ᬯᬫᬓᬃᬬ᭄ᬬ᭞ᬫᬧᭀᬜᭀᬗ᭄ᬓᭀᬓ᭄ᬳᬸᬦ᭄ᬢᬸᬦ᭄ᬢᬶᬢ᭄᭞ᬭᬶᬂᬢᭂᬗᬄᬧᬩ᭄ᬬᬦᬦ᭄᭞ᬗᬭᬶᬲᬓᬶᬦ᭄ᬢᬢᬦ᭄ᬤᬸᬭᬦ᭄᭞ᬓᬕᬾᬢ᭄ᬲ᭄ᬯᬭᬚᭂᬭᬶᬢ᭄ᬚᭂᬭᬶᬢ᭄᭞ᬧᬶᬋᬂᬳᬶᬤ᭞ᬗᬤᬳᬧ᭄ᬭᬭᬶᬲ᭄ᬫᬢᬗᬶ᭟᭜᭟ᬓᬧᬃ
ᬡ᭄ᬦᬳᬦ᭄ᬢᬸᬓ᭄ᬳᬶᬤᬲ᭄ᬯᬭᬦ᭄ᬓᬶᬤᬂ᭞ᬜ᭄ᬭᬶᬢ᭄ᬲᬭᬧ᭄ᬫ᭄ᬭᬖᬧᬢᬶ᭞ᬲᬗ᭄ᬓᬦ᭄ᬲᬂᬅᬃᬚ᭄ᬚᬯ᭞ᬫᬧᬸᬕ᭄ᬮᬶᬂᬫᬮᬶᬄᬫᬓᬃᬬ᭄ᬬ᭞ᬓ᭄ᬭᬶᬗᭂᬢ᭄ᬳᬶᬤᬧᬓᬭᬶᬢᬶᬲ᭄᭞ᬫᬓᬸᬤᬲᬦ᭄᭞ᬢᬗᬦ᭄ᬜᬓᬗ᭄ᬕᬾᬦ᭄ᬗᬸᬲᬧᬶᬦ᭄᭟᭜᭟ᬭᬾᬄ
ᬲᬫ᭄ᬧᬸᬦ᭄ᬲᬸᬯᬾᬲᬂᬅᬃᬚ᭄ᬚᬯᬫᬓᬃᬬ᭄ᬬ᭞ᬫᬭᬵᬃᬬ᭄ᬬᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬭᬶᬂᬯᬶᬢ᭄ᬢᬭᬸᬜᬤ᭞ᬭᬶᬂᬯᬯᬸᬦᬾᬫᬢᭂᬕ᭄ᬢᭂᬕᬦ᭄᭞ᬓ᭄ᬭᬶᬗᭂᬢ᭄ᬜᬤᬸᬭᬸᬂᬳᬶᬲᬶᬲ᭄᭞ᬫᬮᬶᬄᬳᬶᬤ᭞ᬫᬶᬋᬂᬲ᭄ᬯᬭᬚᭂᬭᬶᬢ᭄ᬚᭂ
ᬭᬶᬢ᭄᭟᭜᭟ᬦᬗ᭄ᬳᬶᬂᬳᬤᭀᬄᬭᬶᬂᬮᭀᬯᬳᬾᬲᬫᬃᬦ᭄ᬭᬯᬂ᭞ᬓᬤᬶᬧᬓᬯᬸᬓᬦ᭄ᬚᬤ᭄ᬫᬶ᭞ᬫᬓᬃᬱᬢᬸᬮᬸᬗᬦ᭄᭞ᬮᬘᬸᬃᬫᬢᬶᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬢᬸᬮᬸᬗᬶᬦ᭄ᬢᬶᬢ᭄ᬬᬂᬢᬸᬮᬸᬗᬶᬦ᭄᭞ᬲᬂᬅᬃᬚ᭄ᬚᬯ᭞ [ 35 ][᭓᭓ 33B]
᭓᭔
ᬗᭂᬲᬾᬗᬂᬲ᭄ᬭᭀᬢᬾᬫᬢᬗᬶ᭟᭜᭟ᬫᬗᭂᬤᬳᬧ᭄ᬗᭂᬚᭂᬃᬢᬃᬚ᭄ᬚᬦ᭄ᬲᬂᬅᬃᬚ᭄ᬚᬯ᭞ᬘᬶᬳ᭄ᬦᬢᬦ᭄ᬕᬩᬄᬭᬶᬂᬳᬢᬶ᭞ᬚᬕ᭄ᬭᬧᬭᬶᬬᬢ᭄ᬦ᭞ᬗᭂᬚᭀᬳᬂᬫᬦᬄᬗᬮᬾᬯ᭞ᬲᬳᬲᬫᬩᬸᬍᬢ᭄ᬚᬶᬮᬶᬢ᭄᭞ᬗᬦᭂᬤᬸ
ᬦᬂ᭞ᬫᬃᬕ᭄ᬕᬭᬸᬗ᭄ᬓᬢᭀᬂᬓᬾᬢᬗᬶᬦ᭄᭟᭜᭟ᬫᬸᬮᬳᬕᭂᬂᬓᬧᬶᬯ᭄ᬮᬲᬦ᭄ᬲᬂᬅᬃᬚ᭄ᬚᬯ᭞ᬲᬢᬢᬩᭂᬤᬓ᭄ᬦᬸᬮᬸᬗᬶᬦ᭄᭞ᬦᬧᬶᬫᬮᬶᬄᬳᬶᬤ᭞ᬲᬫ᭄ᬧᬸᬦ᭄ᬲᬸᬫᭂᬓᭂᬦ᭄ᬫᬶᬋᬗᬂ᭞ᬳᬦᬓ᭄ᬦᬸᬦᬲ᭄ᬢᬸᬮᬸᬂ᭠
ᬳᬸᬭᬶᬧ᭄᭞ᬤ᭄ᬬᬲ᭄ᬢᬸᬧᭂᬚᬄ᭞ᬭᬕᬦ᭄ᬳᬶᬤᬢᬦ᭄ᬓᬾᬢᬗᬶᬦ᭄᭟᭜᭟ᬭᬾᬄᬓᬶᬦᬸᬘᬧ᭄‌ᬬᬦ᭄ᬧᬤᭂᬫ᭄ᬭᬶᬂᬭᬡᬗ᭄ᬕᬦ᭞ᬯᬶᬤ᭄ᬬᬤᬭᬶᬫᬫᭂᬦ᭄ᬤᬓᬶᬦ᭄᭞ᬫᬸᬯᬂᬯᬶᬤ᭄ᬬᬥᬭ᭞ᬳᬢ᭄ᬫᬦᬾᬓᬮᬶᬯᬢ᭄ᬲᬬᬂ᭞ᬭᬶᬂ
ᬲᬸᬭᬮᭀᬓᬲᬶᬦᬶᬯᬶ᭞ᬫᬸᬧᬸᬲᬸᬓᬵ᭞ᬫᬦᬹᬢ᭄ᬭᭀᬦ᭄ᬢᬮ᭄ᬰᬵᬲ᭄ᬢ᭄ᬭᬦᬶᬢᬶ᭟᭜᭟ᬬᬾᬦ᭄ᬫᬧᬕᬸᬢ᭄ᬭᬶᬂᬫᬸᬲᬸᬄᬰᬓ᭄ᬢᬶᬯᬶᬰᬾᬱ᭞ᬢᬦ᭄ᬧᬤᭂᬫ᭄ᬮᬯᬸᬢ᭄ᬫᬮᬳᬶᬩ᭄᭞ᬩᬦ᭄ᬲᬗᭂᬢᬾᬕᭂᬢᬧ᭄᭞ᬲᬶᬦᬄᬳᬶᬤᬤᬦᬾᬲ
[᭓᭔ 34A]
ᬫ᭄ᬬᬦ᭄᭞ᬫᬜᭂᬧᭂᬓᬂᬫᬜᬸᬭ᭄ᬬᬓᬶᬦ᭄᭞ᬲᭀᬓ᭄ᬓᬘᬾᬤ᭞ᬢᬦ᭄ᬓᬶᬫᬸᬤ᭄ᬧᬘᬸᬦ᭄ᬤᬂᬳᬸᬭᬶᬧ᭄᭟᭜᭟ᬮᬶᬬᬦᬦ᭄ᬭᬶᬂᬓᬘᬾᬤᬚ᭄ᬭᭀᬦᬶᬂᬚᬕᬢ᭄᭞ᬩᬾᬜ᭄ᬚᬗᬦ᭄ᬲᬫ᭄ᬧᬸᬦᬾᬫᬢᬶ᭞ᬳᬢ᭄ᬫᬦᬾᬲᬗ᭄ᬲ
ᬭ᭞ᬢᬦ᭄ᬦᭂᬫᬸᬕᭂᬦᬄᬉᬢ᭄ᬢᬫ᭞ᬓᬲᬕᬺᬧ᭄ᬓᬧᬶᬤᬦ᭄ᬤᬳᬶᬦ᭄᭞ᬳᭀᬮᬶᬄᬧᬜ᭄ᬚᬓ᭄᭞ᬪᬝᬭᬬᬫᬤᬶᬧᬢᬶ᭟᭜᭟ᬬᬾᬦᬶᬂᬫᬦ᭄ᬤᬪᬕ᭄ᬬᬫᭀᬮᬶᬳᬂᬧᬬᬸᬥᬦ᭄᭞ᬲᬸᬓᬵᬯᬶᬪᬯᬪᬶᬦᬸᬓ᭄ᬢᬶ᭞ᬮᬸᬯᬶᬄᬉᬧᬪᭀ
ᬕ᭞ᬤᬤᬶᬓᬓᬲᬸᬩᬦ᭄ᬚᬕᬢ᭄᭞ᬳᬕᭂᬂᬬᬰᬢᬸᬃᬓᬧᬸᬚᬶ᭞ᬭᬶᬂᬧᬭᬯ᭄ᬯᬂ᭞ᬓᬶᬦᬸᬘᬧ᭄ᬲᬢ᭄ᬭᬶᬬᬍᬯᬶᬄ᭟᭜᭟ᬳᬓᬾᬄᬓ᭄ᬭᬶᬫᬶᬓᬦ᭄ᬳᬶᬤᬚ᭄ᬭᭀᬦᬶᬂᬫᬄ᭞ᬳᬶᬦ᭄ᬤᬶᬓ᭄ᬲᬂᬰᬹᬭᬯᬶᬮᬗᬶᬦ᭄᭞ᬤᬯᭂᬕ᭄ᬭᬶᬂᬧᬬᬸᬥᬘ᭄᭞
ᬲᬫ᭄ᬩᬶᬮ᭄ᬫᬫᬃᬕ᭄ᬕᬶᬦᭂᬤᬸᬦᬂ᭞ᬓᬤᬶᬩᬶᬤᬓ᭄ᬢᭂᬫ᭄ᬧᬸᬳᬗᬶᬦ᭄᭞ᬭᬶᬂᬲᬕᬭ᭞ᬦᭂᬭᬶᬢ᭄ᬢᬦ᭄ᬯᬾᬦ᭄ᬢᭂᬦ᭄ᬦᬯᭂᬗᬶᬦ᭄᭟᭜᭟ᬲᬲᬫ᭄ᬧᬸᬦ᭄ᬢᬶᬩᬲᬂᬅᬃᬚ᭄ᬚᬯᬭᬶᬂᬢᬸᬓᬤ᭄᭞ᬧᬸᬦᬧᬶᬢᬦ᭄ᬓᬧᬗ᭄ᬕᬶᬄ᭞ᬦᬾᬘᬶᬗᬓ᭄ᬧᬶᬋᬗᬂ᭞ᬲᭀ [ 36 ][᭓᭔ 34B]
᭓᭕
ᬓ᭄ᬢᭀᬬᬜᭂᬩᬸᬭᬶᬦ᭄ᬚᬸᬭᬂ᭞ᬦᭂᬧᬾᬦ᭄ᬩᬢᬸᬳᬕᬸᬂᬜᬸᬮᬶᬕ᭄᭞ᬫᬳᬮᬸᬦᬦ᭄᭞ᬢᭀᬬᬦᬾᬦᬸᬜ᭄ᬘᬧ᭄ᬫᬤᬶᬤᬶᬄ᭟᭜᭟ᬗ᭄ᬳᬶᬂᬲᬂᬅᬃᬚ᭄ᬚᬯᬢᬦ᭄ᬓᬶᬭᬶᬂᬧᬭᬶᬬᬢ᭄ᬦ᭞ᬭᬶᬂᬲᬫ᭄ᬧᬶᬂᬢᬸᬓᬤ᭄ᬜᬮᬶᬓ᭄ᬱᬓ᭄᭞ᬤᬶᬦᬶᬤᬶ
ᬢᬸᬳᬤ᭞ᬫᬤᭂᬗᭀᬓᬦ᭄ᬫᬧᬢᬲᬦ᭄᭞ᬲᬫ᭄ᬧᬶᬂᬢᬸᬓᬤ᭄ᬯᬾᬦ᭄ᬢᭂᬕᬶᬓ᭄᭞ᬕᭂᬮᬶᬲ᭄ᬫᬸᬗ᭄ᬕᬄ᭞ᬲᬓᬶᬂᬳᬶᬭᬶᬓᬵᬓᬯᬲᬶᬦ᭄᭟᭜᭟ᬓᬕᬾᬢ᭄ᬓᬘᬶᬗᬓ᭄ᬭᬓ᭄ᬱᬲᬗᬤᬸᬮᬸᬯᬂ᭞ᬭᬶᬂᬧᬶᬗ᭄ᬕᬶᬃᬢᬸᬓᬤ᭄ᬜᬮᬶᬗ᭄ᬲᬶᬩ᭄᭞
ᬫᬓᭀᬯᭀᬲ᭄ᬲ᭄ᬯᬭᬦ᭄ᬜ᭞ᬫᬸᬯᬸᬓ᭄ᬩᭂᬢ᭄ᬳᭂᬓᭀᬢ᭄ᬧᭂᬲᬦ᭄᭞ᬳᬦᬓ᭄ᬮᬸᬄᬢᭀᬦᬾᬓᬲᬗ᭄ᬓᬶᬮ᭄᭞ᬫᬕᬫ᭄ᬩᬳᬦ᭄᭞ᬲᭂᬗᬮ᭄ᬲᭂᬗᬮ᭄ᬳᬶᬧᬸᬦ᭄ᬗᭂᬮᬶᬂ᭟᭜᭟ᬓᬘᬶᬗᬓ᭄ᬤᬸᬓ᭄ᬧᬸᬦᬶᬓᬤᬦ᭄‌ᬓ᭄ᬮᬾᬚᬢ᭄ᬓ᭄ᬮᬾ
ᬚᬢ᭄᭞ᬮᬶᬲᬶᬓ᭄ᬩᬮᬸᬦ᭄ᬜᬫᬦᬯᬶ᭞ᬲᬫ᭄ᬧᬸᬦ᭄ᬲᬸᬯᬾᬧᭂᬲᬦ᭄᭞ᬫᬸᬦ᭄ᬢᬕ᭄ᬫᬦ᭄ᬢᬶᬕ᭄ᬫᬧ᭄ᬮᬯᬦᬦ᭄᭞ᬓᬸᬤ᭄ᬬᬂᬳᬧᬂᬫᬧᬶᬓᭀᬮᬶᬄ᭞ᬳᬯᬓ᭄ᬓᬢᬓ᭄᭞ᬫᬧᬕᬸᬢ᭄ᬭᬶᬂᬦᬕᬧᬢᬶ᭟᭜᭟ᬗᬫ᭄ᬩᬶᬮ᭄ᬘᬭᬂᬓ
[᭓᭕ 35A]
ᬬᬸᬳᬶᬤᬲᬂᬅᬃᬚ᭄ᬚᬯ᭞ᬤᬯᬸᬦ᭄ᬓᬸᬫ᭄ᬩᬂᬦᬾᬓᬮᬦ᭄ᬢᬶᬕ᭄᭞ᬫᬘᭂᬤᬃᬲ᭄ᬯᬭᬦ᭄ᬜ᭞ᬧᬸᬦᬶᬓᬵᬓᬗ᭄ᬕᬾᬦ᭄ᬢᬗᬭ᭞ᬫᬗ᭄ᬤᬾᬦ᭄ᬳᬶᬭᬵᬓ᭄ᬱᬲᬳᬸᬦᬶᬂ᭞ᬯᬾᬦ᭄ᬢᭂᬦ᭄ᬳᬶᬤ᭞ᬲᬂᬅᬃᬚ᭄ᬚᬯᬗᭂᬢᬸᬢ᭄ᬩᬸᬭᬶ᭟᭜᭟ᬫᬢᭂᬤ᭄ᬳᬶᬭᬵ
ᬓ᭄ᬱᬲᬦᬸᬮᬶᬫᬢᭀᬮᬶᬳᬦ᭄᭞ᬩᬸᬗᬸᬢ᭄ᬮᭀᬯᬾᬃᬫᬢᬦᭂᬮᬶᬓ᭄᭞ᬘᬸᬗᬸᬳᬾᬗᬵᬗᭀᬗᬓ᭄᭞ᬕᬶᬕᬶᬢᭀᬗ᭄ᬕᬾᬲ᭄ᬭᬗᬧ᭄ᬜᬧ᭄ᬜᬧ᭄᭞ᬗᬲᭀᬭᬂᬢᬚᬶᬳᬭᬶᬫ᭄ᬧᬶ᭞ᬘᬮᬶᬂᬦᬕ᭞ᬓᬗ᭄ᬕᬾᬦ᭄ᬓ
ᬮᬸᬂᬧᬲᬸᬭᬦ᭄ᬢᬶᬂ᭟᭜᭟ᬩᭀᬓ᭄ᬳᬶᬧᬸᬦ᭄ᬕᬸᬫ᭄ᬩ᭄ᬭᬶᬢ᭄ᬳᬶᬓᭂᬮ᭄ᬫᬧᭂᬮᬶᬮᬶᬢᬦ᭄᭞ᬫᬲᬯᬂᬩᬭᬓ᭄ᬳᬓᬶᬤᬶᬓ᭄᭞ᬫᬓᬫ᭄ᬩᭂᬦ᭄ᬧᭀᬮᬾᬂᬤᭀᬫ᭄ᬮᬂ᭞ᬫᬳᭀᬃᬢ᭄ᬢᬾᬦ᭄ᬧᬸᬗ᭄ᬕᬮᬦ᭄ᬚᬮ᭄ᬫ᭞ᬗᬾᬗ᭄ᬓᬕ᭄ᬢᬶᬦ᭄ᬤᬓᬦᬾᬚᬸᬗ᭄ᬓᬶᬄ᭞ᬓ
ᬮᬸᬤ᭄ᬗᬾᬮᬂ᭞ᬓᬸᬫᬶᬲ᭄ᬜᬗᬚᬸᬢ᭄ᬚᬸᬢ᭄ᬚᭂᬭᬶᬂ᭟᭜᭟ᬩᭂᬘᬢ᭄ᬜᬕ᭄ᬚᬕ᭄ᬗᬮᬶᬧᭂᬢᬶᬦ᭄ᬲᬂᬅᬃᬚ᭄ᬚᬯᬵ᭞ᬘᬶᬧ᭄ᬮᬓ᭄ᬘᬶᬧ᭄ᬮᬓ᭄ᬦᬶᬗ᭄ᬮᬲ᭄ᬘᬮᬶᬂ᭞ᬓᬦ᭄ᬢᬸᬦ᭄ᬤᭀᬄᬫᬓᭂᬭᬓ᭄᭞ᬢᬸᬮ᭄ᬬᬓᭂᬭᬸᬕ᭄ᬗᬸᬦ᭄ᬤᬂᬳᬸᬚᬦ᭄᭞ᬯᬭᬓ᭄ᬫᬘᬦᬾᬳᬚ᭄ᬭᬶᬄ᭞ᬲᭂ [ 37 ][᭓᭕ 35B]
᭓᭖
ᬗᬧ᭄ᬗᭂᬗᬧ᭄᭞ᬩᬄᬩᬗᬸᬦ᭄ᬫᬋᬤᬶᬕ᭄ᬤᬶᬕ᭄᭟᭜᭟ᬳ᭄ᬬᬂᬧᬺᬣᬶᬯᬶᬦᬤᬓ᭄ᬕᭂᬜ᭄ᬚᭀᬂᬫᬕᭂᬚᭂᬭᬦ᭄᭞ᬳᬶᬭᬵᬓ᭄ᬱᬲᬗᬸᬘᬧ᭄ᬗᬯᬶᬢ᭄᭞ᬇᬄᬳᬶᬩᬫᬵᬦᬸᬱ᭞ᬫᬶᬭᬶᬩ᭄ᬲᬸᬩᬫ᭄ᬬᬦ᭄ᬤᭂᬮ᭄ᬧᭂᬲᬦ᭄᭞ᬫᬯᬢ᭄ᬓᬯᬢ᭄ᬢᬸᬮᬂᬩᭂ
ᬲᬶ᭞ᬲᬗ᭄ᬓᬦ᭄ᬘᬕ᭄ᬯᬄ᭞ᬫᬶᬤᭂᬧ᭄ᬯᬶᬭᬂᬗᭂᬢᬸᬢ᭄ᬓᬳᬶ᭟᭜᭟ᬳᬚᬓ᭄ᬓᬸᬤᬳᬶᬩᬫᬳᬶᬗᬯᬶᬭᬗᬂ᭞ᬧᭂᬢᬾᬓ᭄ᬫᬮᬸᬢᬶᬫ᭄ᬧᬮ᭄ᬘᬳᬶ᭞ᬬᬾᬦ᭄ᬩᬦ᭄ᬢᬲ᭄ᬲᬦᬸᬗ᭄ᬕᬮ᭄᭞ᬳᬶᬩᬫᬶᬤᭂᬧ᭄ᬢᬦ᭄ᬤᬂᬯᬶᬭᬂ᭞ᬳᬾᬄᬳᭀᬄᬳᬄᬫ
ᬦᬸᬱᬘᭂᬭᬶᬓ᭄᭞ᬲᬮᬄᬚᬫ᭄ᬩᬮ᭄᭞ᬤᬤᬶᬲᭂᬍᬢᬦ᭄ᬜᬦ᭄ᬢᬸᬮᬶᬦ᭄᭟᭜᭟ᬕᭀᬩᬳᬶᬩᬦᬾᬩᬕᬸᬲ᭄ᬫᬶᬦᬩ᭄ᬦᬸᬩᬚᬂ᭞ᬧᬦ᭄ᬢᭂᬲ᭄ᬦᬸᬳᬗᭂᬦ᭄ᬓᬾᬦ᭄ᬳᬸᬭᬶᬧ᭄᭞ᬗᬸᬤ᭄ᬬᬂᬓᬦ᭄ᬢᬶᬘᬭ᭞ᬜᭂᬮᬧ᭄ᬢᭂᬓᬗᬮᬶᬄ
ᬩᬗ᭄ᬓ᭞ᬳᬧᬓᬾᬤᬶᬘᬸᬗ᭄ᬓᬸᬩ᭄ᬘᬳᬶ᭞ᬓ᭄ᬯᬗᬦ᭄ᬲᭂᬫ᭞ᬲᬗ᭄ᬓᬦ᭄ᬫᬳᬶᬜ᭄ᬭᬳᬂᬤᬶᬭᬶ᭟᭜᭟ᬓᬮ᭄ᬚᬦᬶᬗᭀᬃᬢ᭄ᬢᬳᬶᬦ᭄ᬳᬶᬩᬧᬂᬦᬯᬂ᭞ᬧᬂᬳᬤᬩᭂᬓᭂᬮᬂᬫᬢᬶ᭞ᬓᬳᬶᬳᬸᬮᬶᬂᬓᬸᬦ᭞ᬤᬤᬶᬢᬸᬓᬂᬧᬓ᭄ᬧ
[᭓᭖ 36A]
ᬓ᭄ᬚᬮ᭄ᬫ᭞ᬜᬫ᭄ᬩᬮ᭄ᬮᬶᬫ᭄ᬧᬗᬸᬦ᭄ᬢᬮ᭄ᬳᬢᬶ᭞ᬧᬧᬸᬲᬸᬳᬦ᭄᭞ᬓᬲᬸᬩ᭄ᬢᬸᬓᬂᬘᬾᬭᬾᬢ᭄ᬕᭂᬢᬶᬄ᭟᭜᭟ᬳᬸᬫᬄᬓᬳᬶᬦᬾᬤᬶᬢᬸᬤᬶᬕᬸᬳᬵᬭᬵᬚ᭞ᬳᬸᬗ᭄ᬓᬸᬮᬶᬦ᭄ᬯᬡ᭄ᬥᬶᬭᬧᬢᬶ᭞ᬲᬫ᭄ᬧᬶᬂᬩᬸᬗᬲ᭄ᬮᬳᬵ᭞ᬫᬕᬸᬦᬸᬂ
ᬢᬸᬮᬂᬫᬵᬦᬸᬱ᭞ᬫᬲᬦ᭄ᬤᬶᬂᬢᬮᬕᬕᭂᬢᬶᬄ᭞ᬫᬕᬸᬫ᭄ᬩ᭄ᬮᭂᬗᬦ᭄᭞ᬓᬳᬸᬦ᭄ᬢᭂᬦ᭄ᬤᬲ᭄ᬧᬕᭂᬮᬶᬮᬶᬓ᭄᭟᭜᭟ᬲᬸᬩᬓᬲᬸᬩ᭄ᬤᬶᬕᬸᬫᬶᬦᬾᬮᬶᬬᬸᬦᬯᬂ᭞ᬯᬢᭂᬓ᭄ᬭᬵᬓ᭄ᬱᬲᬦᬾᬲᬫᬶ᭞ᬭᬢᬸᬦ᭄ᬳᬫ᭄ᬱᬓᬃᬫ᭄ᬫ᭞
ᬲᬸᬓᬵᬫᬫᬳᬓ᭄ᬫᬫᬾᬕᬮ᭄᭞ᬢ᭄ᬯᬭᬢᬳᬾᬦ᭄ᬕᬕᬂᬕᬶᬕᬶᬂ᭞ᬤᬸᬓ᭄ᬗᬍᬫ᭄ᬧᬕ᭄᭞ᬢᭂᬦ᭄ᬤᬲ᭄ᬲᬂᬕᬮᬓ᭄ᬩᬾᬕᬮᬶᬦ᭄᭟᭜᭟ᬢᭀᬂᬢᬳᬾᬦ᭄ᬓᬾᬩᭂᬜᬭᬢᬂᬳᬃᬣᬩ᭄ᬭᬡ᭞ᬦᬾᬫᬸᬮᬘᬸᬫ᭄ᬧᭀᬦᬶᬦ᭄ᬓᬳᬶ᭞᭠
ᬫᬧᬦ᭄ᬲᬸᬩᬗᭂᬮᬄ᭞ᬤᬲᬃᬦᬾᬉᬢ᭄ᬢᬫᬧᬢ᭄ᬧᬢ᭄᭞ᬦᬲ᭄ᬢᬶᬓᬫᬸᬯᬂᬓᬰᬓ᭄ᬢᬶᬦ᭄᭞ᬓᬧᬸᬭᬹᬱᬦ᭄᭞ᬮᬦ᭄ᬧᬭᬶᬓᭀᬱᬦᬾᬫᬮᬶᬄ᭟᭜᭟ᬦᬾᬢᭂᬍᬩ᭄ᬪᬓ᭄ᬢᬶᬦᬶᬦ᭄ᬓᬳᬶᬲᭀᬓ᭄‌ᬬᬗ᭄ᬓᬭ᭞ᬳᬃ [ 38 ][᭓᭖ 36B]
᭓᭗
ᬣᬫᬵᬲ᭄ᬫᬦᬶᬓᬾᬗᭂᬦ᭄ᬤᬶᬄ᭞ᬢᭀᬫᬓᬧᬓᬸᬦ᭄ᬤᬦ᭄᭞ᬓᬫᬦᬾᬧᬶᬦᬓᬯᬶᬚ᭞ᬫᬲᭂᬓᬦᬸᬭᬲᬸᬫᬶᬭᬶᬢ᭄᭞ᬩᬦ᭄ᬓᬯᬶᬃᬬ᭄ᬬᬦ᭄᭞ᬓᬲᬸᬩᬾᬫᬓᬧᬮᬶᬗ᭄ᬕᬶᬄ᭟᭜᭟ᬬᬾᬦ᭄ᬲᬸᬩᬓᬾᬢᭀᬳᬧᬩᬸᬯᬶᬦ᭄ᬳᬶᬢᬸ
ᬗᬂ᭞ᬧ᭄ᬬᬦᬓ᭄ᬲᭀᬫᬄᬩᬸᬗᬄᬳᬰ᭄ᬭᬶ᭞ᬦᬾᬫᬸᬮᬲᬬᬗᬂ᭞ᬩᬲᬂᬯᬋᬕ᭄ᬓᭂᬦᭂᬄᬍᬕ᭞ᬓᬬᬂᬩᭂᬓᭂᬮ᭄ᬢᬸᬯᬫᬲᬶᬄ᭞ᬲᬸᬩᬳᬤ᭞ᬘᬸᬓᬸᬧ᭄ᬓᬢᭂᬓᬦᬶᬂᬫᬢᬶ᭟᭜᭟ᬲᭀᬓ᭄ᬳᬩᭂᬲᬶᬓ᭄ᬳᬦᬾᬦᬸᬗᬯᬶᬦᬂᬩ᭄ᬭᬸᬲᬄ᭞
ᬭᬶᬂᬓᬜ᭄ᬘᬦ᭄ᬫᬩᬸᬗᬸᬢ᭄ᬩᭂᬮᬶᬕ᭄᭞ᬫᬮᬾᬤ᭄ᬧᬾᬤ᭄ᬫᬧᭂᬢ᭞ᬗᭀᬭᬳᬂᬳᬤᬦᬶᬲ᭄ᬓᬮ᭞ᬲ᭄ᬯᬃᬕ᭄ᬕᬵᬦ᭄ᬭᬓᬨᬮᬓᬃᬫ᭄ᬫᬶ᭞ᬧ᭄ᬭᬫᬫᭀᬓ᭄ᬱ᭞ᬮᬦ᭄ᬩᬸᬮᬓ᭄ᬩᬮᬶᬓ᭄ᬦᬸᬫᬤᬶ᭟᭜᭟ᬮᬶᬬᬸᬗᬸᬕᬸᬩᬦ᭄ᬲᬸᬩᬓᬗ᭄ᬕᭂᬄᬧᬡ᭄ᬥᬶᬢ᭞
ᬤᬤᬶᬕᬸᬭᬸᬗᬯᬶᬓᭀᬦᬶᬦ᭄᭞ᬭᬸᬬᬸᬦ᭄ᬭᬸᬬᬸᬦ᭄ᬢᬶᬓᬵ᭞ᬫᭂᬍᬤ᭄ᬫᬮᬚᬄᬫᬰᬲ᭄ᬢ᭄ᬭ᭞ᬧᬂᬦᬯᬂᬓᬦ᭄ᬤᬦ᭄ᬦᬸᬫᬤᬶ᭞ᬭᬾᬄᬲᭀᬓ᭄ᬲᬶᬮ᭞ᬦᬾᬤᬤᬶᬩᭂᬓᭂᬮᬂᬫᬢᬶ᭟᭜᭟ᬲᭀᬓ᭄ᬤᬶᬓᬯᬳᬾᬓᭀᬦᬾᬓᬕᭂᬮᬕᭂ
[᭓᭗ 37A]
ᬮ᭞ᬚᭂᬭᬢ᭄ᬚᭂᬭᬶᬢ᭄ᬦᬳᬦᬂᬲᬓᬶᬢ᭄᭞ᬓᬾᬢᭀᬓᬧᬸᬧᬸᬯᬂ᭞ᬳᬢ᭄ᬫᬦ᭄ᬲᬂᬤᬸᬓ᭄ᬤᬶᬲᬓᬮ᭞ᬲᬢᬢᬫᬩᬶᬓᬲ᭄ᬭᬸᬲᬶᬢ᭄᭞ᬮ᭄ᬯᬶᬃᬫᬫᬾᬕᬮ᭄᭞ᬓᬲᬸᬩ᭄ᬢᬸᬓᬂᬧᭂᬲ᭄ᬧᭂᬢ᭄ᬩᭂᬮᬶᬂ᭟᭜᭟ᬳᭂᬦ᭄ᬢᭀᬩᬦ᭄ᬢᭂᬲ᭄ᬧᭂᬢᬕᬚᭂᬚᭂᬳᬶᬦ᭄ᬢᬶ
ᬫ᭄ᬧᬮ᭄᭞ᬢᬦ᭄ᬗᬶᬦᬢᭂᬓᬾᬦ᭄ᬲᬂᬳᬶᬧᬶᬢ᭄᭞ᬧᭂᬢᬢᬦ᭄ᬧᬩᬸᬓ᭄ᬢ᭞ᬢᬲᬓᬂᬳᭀᬃᬣᬤᬶᬚᬮᬵᬦ᭄᭞ᬓᭀᬦᬾᬦᬾᬩᬸᬯᬶᬦ᭄ᬧᬬᬲᬶᬦ᭄᭞ᬩᬳᬦ᭄ᬓᭀᬘᬧ᭄᭞ᬓᬘᬧ᭄ᬫᬢᬶᬫ᭄ᬧᬶᬕᬸᬕᭀᬦᬶᬦ᭄᭟᭜᭟ᬲᬳᬶᬗᬸᬦ᭄ᬢᬸ
ᬮ᭄ᬓᬤᬮᭀᬦᬂᬓᭂᬘᬧ᭄ᬰᬵᬲ᭄ᬢ᭄ᬭ᭞ᬭᬕ᭄ᬭᬕᬦ᭄ᬲᬂᬍᬗᬶᬢ᭄᭞ᬗᬸᬦᬶᬦ᭄ᬢᭀᬢᬫᬢᬶᬦᬫ᭞ᬤᬮᬶᬄᬤᬳᬢᬶᬂᬉᬢ᭄ᬢᬫ᭞ᬘᬢᬹᬃᬯᬾᬥᬍᬯᬶᬄᬧᬶᬗᬶᬢ᭄᭞ᬳᬚᬯᬾᬭ᭞ᬭᬾᬄᬓᭀᬦᬾᬯᬳ᭄ᬬᬸᬦ᭄ᬳ᭄ᬬᬂᬯᬶᬥᬶ᭟᭜᭟ᬓᬯ᭄ᬭᬸᬳᬦᬾᬤᬳ
ᬢ᭄ᬓᬢᬄᬓᬧᭂᬢᬬᬂ᭞ᬤᬤᬶᬧᬫᭂᬤᬲ᭄ᬭᬶᬂᬳᬢᬶ᭞ᬳᭂᬦ᭄ᬢᭀᬦᬾᬗᬚᬶᬦᬂ᭞ᬢᬶᬗ᭄ᬓᬄᬧᬢᬹᬢ᭄ᬮᬯᬦ᭄ᬳᬮ᭞ᬓᬬᬂᬯᬰᬦᬦ᭄ᬜᬲᬫᬶ᭞ᬢᭀᬦᬾᬦᬯᬂ᭞ᬬᬦ᭄ᬢᬦ᭄ᬢᬾᬓᬶᬬᬸᬮ᭄ᬫᭂᬤᬲᬶᬦ᭄᭟᭜᭟ᬬᬾᬦ᭄ᬘᭀᬢᭀᬦ᭄ᬢᭀᬩᬓ [ 39 ][᭓᭗ 37B]
᭓᭘
ᬢ᭄ᬕᬸᬕᭀᬦᬶᬦ᭄ᬢᬸᬳᬸᬢᬂ᭞ᬫᬦᬗ᭄ᬲᭂᬳᬂᬲᬶᬬᬂᬮᬢ᭄ᬭᬶ᭞ᬧᬂᬗᭂᬮᬄᬓᬯ᭄ᬭᬸᬄᬓᬢᬄ᭞ᬦᬾᬘᭂᬮᬗᬦ᭄ᬓᬾᬦ᭄ᬤᬶᬫᬸᬯ᭞ᬢᭀᬦ᭄ᬤᬾᬦ᭄ᬩᬓᬢ᭄ᬳᬦᬾᬳᬮᬶᬄ᭞ᬓᬕᬾᬢ᭄ᬫᬮ᭄ᬯᬦ᭄᭞ᬦᬾᬤᬤ᭄ᬯᬤᬶᬫᬸᬯᬩᬸᬢᬶ᭟᭜᭟ᬮᬶᬬᬸᬧᭂᬲᬦ᭄ᬢᬸᬢᬹᬃᬜ
ᬫᬓᭂᬚᬂᬫᭀᬓᬓ᭄᭞ᬓᭀᬦᬾᬬᬦ᭄ᬲᬗᭂᬢ᭄ᬩᬕᭀᬦᬶᬦ᭄᭞ᬢᬸᬃᬪᬓ᭄ᬢᬶᬭᬶᬂᬢᬶᬢᬄ᭞ᬳᬸᬮᬶᬓᬾᬢᭀᬫ᭄ᬭᬲᬫᬳᬦ᭄᭞ᬧᬗᬸᬭᬶᬧ᭄ᬧᬧᬶᬦᭂᬄᬩᭂᬘᬶᬓ᭄᭞ᬦᬾᬗᬯᬶᬦᬂ᭞ᬲᬩᬶᬓᬲᬾᬘᭀᬭᬄᬤᬕ᭄ᬤᬶ᭟᭜᭟ᬲᬂᬫᬸ
ᬥᬳᬶᬤᭂᬧᬦ᭄ᬗᬸᬦ᭄ᬢᬸᬮ᭄ᬫᬤᭂᬗᭂᬳᬂ᭞ᬧᬫᬸᬜᬶᬦ᭄ᬲᬂᬤᭂᬫᭂᬦ᭄ᬚᬳᬶᬮ᭄᭞ᬫᬗ᭄ᬓᬶᬦ᭄ᬤᬸᬓ᭄ᬦᬸᬢᬸᬭᬂ᭞ᬧᬸᬬᬸᬗᬾᬩᭂᬓ᭄ᬫᬶᬲᬶᬢᬯᬄ᭞ᬲᬗ᭄ᬓᬦ᭄ᬮᬗᬄᬳᬦᬓ᭄ᬳᬚᬶᬦ᭄᭞ᬩᬦ᭄ᬢᬸᬯᬭ᭞ᬢᬳᬾᬦ᭄ᬳᬶᬲ᭄ᬢ᭄ᬭᬶᬓ᭄ᬫᬫᭂᬤᬲᬶᬦ᭄᭟᭜᭟ᬲᬸᬩᬓᬭ᭄ᬯᬦ᭄ᬧᬸ
ᬬᬸᬗᬾᬩᬦ᭄ᬢᬲᬢᬮᬂ᭞ᬢᭀᬩᬸᬯᬶᬦ᭄ᬋᬩᬕ᭄ᬧᭂᬤᬲᬶᬦ᭄᭞ᬲᬗ᭄ᬓᬦ᭄ᬓᬧᬄᬮᬲ᭄ᬬ᭞ᬧ᭄ᬮᬶᬬᬢᬾᬢᬸᬗ᭄ᬓᬸᬮᬶᬦ᭄ᬤᬗᬂ᭞ᬤᬫ᭄ᬧᬃᬗᬦ᭄ᬤᬂᬩᬓᬢ᭄ᬢᬫ᭄ᬧᬸᬮᬶᬕ᭄᭞ᬓᬦ᭄ᬢᬶᬗ᭄ᬭᬾᬤᬕ᭄᭞ᬢᬸᬮᬂᬮᬸᬦᬲᬾᬗᭂᬫᬲᬶᬦ᭄᭟᭜᭟ᬓᬸ
[᭓᭘ 38A]
ᬦᬶᬂᬓᭂᬘᬸᬤ᭄ᬕᭀᬩᬦᬾᬫᬤᬍᬫ᭄ᬳᬦᬓ᭄᭞ᬜᬾᬄᬧᬜ᭄ᬚᬓᬂᬯᭂᬮᬲᬲᬶᬄ᭞ᬢᭂᬧᭂᬢ᭄‌ᬗ᭄ᬮᬭᬂᬩ᭄ᬭᬢ᭞ᬲᬢ᭄ᬬᬧᬕᭂᬄᬭᬶᬂᬲᬸᬰᬶᬮ᭞ᬩᬦ᭄ᬤᭂᬫᭂᬦ᭄ᬫᬶᬲᬓᬶᬢ᭄ᬤᬶᬭᬶ᭞ᬓᬦ᭄ᬢᬶᬩᭂᬭᬕ᭄᭞ᬳᬯᬓᬾᬚᭂᬮ
ᬧ᭄ᬤᬕᬳᬶᬦ᭄᭟᭜᭟ᬳᬦᬾᬦᬓᬢᭀᬫᬲᬶᬄᬮᬶᬬᬸᬫᬦᬸᬳᬢᬂ᭞ᬕᬢᬶᬦᬦ᭄ᬚᬮ᭄ᬫᬧᬮᬶᬂ᭞ᬗᬫᬸᬲᬸᬳᬶᬬᬗ᭄ᬓᬭ᭞ᬤᬸᬕᬫᭂᬢᭂᬓᬂᬤᭀᬦ᭄ᬤᭀᬦᬦ᭄᭞ᬢᬶᬗ᭄ᬕᬮ᭄ᬦᬾᬫᬸᬮᬘᬸᬫ᭄ᬧᬸᬦᬶᬦ᭄᭞ᬓᬜ᭄ᬘᬦ᭄ᬳᬸᬮ
ᬫ᭄᭞ᬫᬓᭂᬚᬂᬢ᭄ᬯᬭᬳᬤᬸᬗᬶᬦ᭄᭟᭜᭟ᬳᬸᬮᬶᬄᬲᬗᭂᬢ᭄ᬫᬗᬸᬕᭀᬦᭂᬦ᭄ᬓᭂᬘᬧ᭄ᬰᬲ᭄ᬢ᭄ᬭ᭞ᬲᬃᬯ᭄ᬯᬮᬭᬗᬦ᭄ᬳᬶᬫ᭄ᬧᬲᬶᬦ᭄᭞ᬦᬾᬢᬸᬗ᭄ᬓᬲ᭄ᬓᬾᬦ᭄ᬟᬃᬫ᭄ᬫ᭞ᬦᬾᬫᬓᭂᬚᬂᬩᬦ᭄ᬢᬲ᭄‌ᬓᭀᬘᬧ᭄᭞ᬬᬾᬦ᭄ᬢᭀᬂᬫᬳᬦ᭄ᬦᬄ
ᬲᬶᬧᬲᬶᬮ᭄᭞ᬲᭀᬓ᭄ᬓᬾᬧ᭄ᬯᬦ᭄᭞ᬢᬸᬮᬸᬲ᭄ᬩᬗ᭄ᬓᬢ᭄ᬯᬭᬦᬶᬤᬶᬓ᭄᭟᭜᭟ᬲᬗᭂᬢ᭄ᬧᭂᬲ᭄ᬫᬢᬸᬗ᭄ᬓᬲ᭄ᬓᬾᬦ᭄ᬩᬶᬓᬲ᭄ᬬᬓ᭄ᬱ᭞ᬳᬦᬾᬩ᭄ᬬᬲᬜᬫ᭄ᬩᬮ᭄ᬳᬢᬶ᭞ᬤᬭᬂᬧᬸᬧᬸᬲᬸᬳᬦ᭄᭞ᬫᬗ᭄ᬓᬾᬦ᭄ᬫᬳᬦ᭄ᬧᭀᬮᭀᬦ᭄ᬚᬮ᭄ᬫ᭞ᬦᬾ [ 40 ][᭓᭘ 38B]
᭓᭙
ᬧᬮᬶᬂᬲᬗᭂᬢ᭄ᬦᬸᬗ᭄ᬓᬲᬶᬦ᭄᭞ᬩᬶᬓᬂᬲ᭄ᬬᬓ᭄ᬱ᭞ᬦᬾᬤᭂᬕᬕ᭄ᬤᬤ᭄ᬬᬦ᭄ᬳᬢᬶ᭟᭜᭟ᬢᭀᬦᬾᬗᬯᬦᬂᬓᬳᬶᬫᬢᬸᬫ᭄ᬧᬂᬢᬸᬫ᭄ᬧᬂ᭞ᬲᬓᬶᬢ᭄ᬳᬢᬶᬦᬾᬓᬾᬦ᭄ᬚᬤ᭄ᬫᬶ᭞ᬫᬓᬶᬢᬦᭂᬮᬳᬂ᭞ᬳᬲᬶᬂᬢᬸᬗ᭄ᬓᬲ᭄ᬓᬾᬦ᭄‌ᬬᬗ᭄ᬓ
ᬭ᭞ᬦᬾᬲᭂᬫ᭄ᬩᬄᬪᬓ᭄ᬢᬶᬦᬶᬦ᭄ᬓᬳᬶ᭞ᬭᬾᬄᬬᬗ᭄ᬓᬭ᭞ᬦᬾᬗ᭄ᬭᬾᬓᬕᬸᬫᬶᬦᬾᬲᬫᬶ᭟᭜᭟ᬳᭂᬦ᭄ᬢᭀᬓ᭄ᬭᬡᬲᬗ᭄ᬓᬦ᭄ᬧᬦ᭄ᬢᭂᬲ᭄ᬓᬳᬶᬯᬶᬭᬂ᭞ᬳᬗ᭄ᬕᭀᬦ᭄ᬫᬓᬢᬦ᭄ᬤᬪᬓ᭄ᬢᬶ᭞ᬳᬲᬶᬂᬩᬦᬶᬘᬫ᭄ᬧᬄ᭞ᬚᬫ᭄ᬩᬮ᭄ᬓᬳᬶ
ᬢᭀᬫᬓᭂᬚᬂ᭞ᬓᬮᬶᬂᬳᬶᬩᬲᬢ᭄‌ᬗ᭄ᬮᭂᬩᭀᬦᬶᬦ᭄᭞ᬤᬗᬕᭂᬦᬂ᭞ᬲᬤ᭄ᬬᬜᬶᬤᬬᬂᬫᬯᬮᬶ᭟᭜᭟ᬯᬯᬸᬫᬫᭂᬗᬦ᭄ᬩᬸᬦ᭄ᬢᬸᬢ᭄ᬜᬳᬶᬭᬵᬓ᭄ᬱᬲ᭞ᬫᬶᬤᭂᬕ᭄ᬜᭀᬕ᭄ᬭᭀᬄᬳᬸᬮᬸᬦᬢᬶ᭞ᬓᬶᬬᬓ᭄ᬱᬓᬾᬫᭂ
ᬗᬦ᭄᭞ᬭᬾᬄᬓᬚᬶᬦᬂᬲᬂᬅᬃᬚ᭄ᬚᬯ᭞ᬚᭂᬗᭂᬢ᭄‌ᬮ᭄ᬯᬶᬃᬚᬦ᭄ᬢ᭄ᬭᬧᬢᬶᬲ᭄᭞ᬫᬲᬂᬕᭂᬮᬃ᭞ᬦᬶᬳᬂᬲᬦ᭄ᬤᬶᬯᬶᬕ᭄ᬭᬳᬚᬶ᭟᭜᭟ᬓᬲᬾᬧᬦ᭄ᬓᭂᬦᭂᬄᬳᬶᬭᬵᬓ᭄ᬱᬲᬗ᭄ᬮᬯᬦ᭄᭞ᬳᭂᬜ᭄ᬘᬾᬦ᭄ᬤᭂᬧᬂᬘᬾᬦ᭄ᬧᬕᬸᬢᬶᬦ᭄᭞ᬭᬶᬂ
[᭓᭙ 39A]
ᬳᬋᬧ᭄ᬭᬶᬂᬯᬾᬢᬦ᭄᭞ᬭᬶᬂᬮᭀᬓᬤᬸᬮ᭄ᬓᬸᬮᬮᭀᬦ᭄‌ᬫᬸᬯᬄ᭞ᬭᬶᬂᬩᬶᬮᬂᬩᬸᬘᬸᬫᬤᬕᬶᬂ᭞ᬲᬂᬆᬃᬚ᭄ᬚᬯ᭞ᬓᬢᭀᬦ᭄ᬤᬤᭀᬲ᭄ᬲᬶᬬᬤᬶᬭᬶ᭟᭜᭟ᬮᬾᬫ᭄ᬧᭀᬃᬩᬶᬗᬸᬂᬓᬶᬬᬓ᭄ᬱᬤᬶᬧᬢᭀᬗᭀᬲᬦ᭄᭞
ᬓᬧᬶᬧᬶᬮᬦ᭄ᬋᬦ᭄ᬤᬄᬤᬶᬭᬶ᭞ᬯᬦᬾᬦᬾᬳᬶᬢᬸᬦᬶᬳᬦ᭄᭞ᬲᬂᬳ᭄ᬬᬂᬬᬫᬫᬶᬭᬶᬩ᭄ᬜᭂᬭᬄ᭞ᬧᬦᬗ᭄ᬓᬦᬾᬩᬸᬓᬚᬦᬶ᭞ᬦᬤᬓ᭄ᬳᬶᬮᬂ᭞ᬗᬭᭀᬭᭀᬤ᭄ᬓᬧᬲᬶᬄᬕᬾᬚᬶᬂ᭟᭜᭟ᬩᬸᬗᬸᬢ᭄ᬜᬦᬾᬜᭂᬩ
ᬓ᭄ᬮᬶᬗ᭄ᬕᬄᬓᬤᬶᬕᬸᬳᬵ᭞ᬦᬤᬓ᭄ᬘᭂᬕᭂᬫ᭄ᬩᬸᬓᬤᬮᬶᬢ᭄᭞ᬘᬮᬶᬂᬜᬦᬾᬜᬜᬧ᭄᭞ᬓᬭᬲᬬᬂᬧᬸᬦ᭄ᬢᬸᬮ᭄ᬦᬤᬓ᭄᭞ᬫᬶᬭᬶᬩ᭄ᬢᬸᬯᬭᬦᬢᬸᬦᬶᬦ᭄᭞ᬬᬦ᭄ᬳᬤᭀᬓᬂ᭞ᬭᬶᬂᬲᬂᬅᬃᬚ᭄ᬚᬯᬫᬢᬦ᭄ᬤᬶᬂ᭟᭜᭟ᬢᬸᬯᬄᬚ
ᬮᬶᬬᬸᬦᬾᬢᬯᬄᬢᬯᬄ᭞ᬤᬶᬗᭂᬄᬲᬢ᭄ᬯᬦᬾᬤᬶᬕᬸᬫᬶᬮᬸᬧᬸᬢᬶᬂᬲᬜ᭄ᬚᬢ᭞ᬰᬓ᭄ᬢᬶᬦᬾᬢᬦ᭄‌ᬧᬢᬦ᭄ᬤᬶᬗᬦ᭄᭞ᬲᬶᬂᬓᬾᬢᬯᬄᬢᭀᬓᬤᬦᬶᬦ᭄᭞ᬩᬦᬾᬦᬤᬓ᭄᭞ᬓᭂᬜᬶᬄᬮᬫ᭄ᬩᬾᬲ᭄ᬢᭀᬬᬫᬢᬶ [ 41 ][᭓᭙ 39B]
᭔᭐
᭟᭜᭟ᬳᬤᬩᬸᬯᬶᬦ᭄ᬲᬢ᭄ᬯᬧᬢᬸᬄᬓᬾᬢᭀᬢᬯᬄ᭞ᬓᬯᬶᬲ᭄ᬢᬭᬳᬦ᭄ᬢᬸᬓ᭄ᬰᬓ᭄ᬢᬶ᭞ᬗᬮᬾᬜ᭄ᬘᭀᬓᬂᬚᬕᬢ᭄᭞ᬢᭂᬕᬸᬳᬾᬢᬦ᭄ᬓᬧᬂᬧᬗᬦ᭄᭞ᬫᬲᬶᬄᬬᬾᬦ᭄ᬫᬲᬦᬶᬂᬫᬢᬶ᭞ᬦᬗ᭄ᬓᭂᬚᬸᬢᬂ᭞ᬕᬾᬭᬾᬢ᭄ᬳ
ᬜ᭄ᬘᬸᬓ᭄ᬦᬓᬜᬸᬫ᭄ᬧ᭄ᬭᬶᬢ᭄᭟᭜᭟ᬳᭂᬦ᭄ᬢᭀᬫᬲᬶᬄᬜᬦ᭄ᬤᬂᬳᬗ᭄ᬕᭀᬦ᭄ᬧᬺᬢᬶᬯᬶᬫ᭄ᬩᬵ᭞ᬧᬂᬤᬧᬸᬜᬄᬓᬾᬦ᭄ᬓᬰᬓ᭄ᬢᬶᬦ᭄᭞ᬫᭂᬮᬄᬳᬧᬂᬢᬯᬂ᭞ᬭᬶᬂᬓᬜ᭄ᬘᬦ᭄ᬳᬤᬤᬶᬚᬕᬢ᭄᭞ᬫᬓᭂᬚᬂᬧᬯᬓᬦ᭄ᬕᬜ᭄ᬚᬶᬄ᭞ᬩᬦ᭄ᬯᬶ
ᬰᬾᬱ᭞ᬓᬤᬾᬦ᭄ᬢ᭄ᬯᬭᬮᬓᬃᬮᬶᬘᬶᬓ᭄᭟᭜᭟ᬳᭂᬜ᭄ᬘᬾᬦᬾᬫ᭄ᬭᬸᬧᬫᬶᬭᬶᬩ᭄ᬓᬸᬯᬢ᭄ᬤᬶᬚᬕᬢ᭄᭞ᬕᬸᬦᬸᬂ᭠ᬯᬚᬩᬶᬲᬧᬸᬗ᭄ᬕᬶᬢ᭄᭞ᬲᬂᬧ᭄ᬭᬚ᭄ᬜᬦ᭄ᬫᬯᭀᬲᬂ᭞ᬲᬮ᭄ᬯᬶᬃᬦᬾᬫ᭄ᬮᬳᬤ᭄ᬢᭀᬂᬳᬤ᭞ᬢᬦ᭄ᬮᬗ᭄ᬕᭂᬂᬧᬸᬦᬶᬓᬲᬫᬶ᭞ᬲᬗ᭄ᬓᬦ᭄ᬢ᭄ᬯ
ᬭ᭞ᬜᬦ᭄ᬤᬂᬫᬢᬶᬦᬾᬢᬓᬸᬢᬶᬦ᭄᭟᭜᭟ᬚᬮᬦ᭄ᬯᬮᬶᬘᬶᬦ᭄ᬦᬸᬢᬸᬭᬂᬳᬶᬭᬓ᭄ᬱᬲ᭞ᬢᬦ᭄ᬫᬫ᭄ᬧᬸᬄ᭠ᬜᬸᬚᬸᬓᬂᬤᬶᬭᬶ᭞ᬩᭂᬗᭀᬗᬫᬾᬗ᭄ᬓ᭄ᬮᭀᬓᬂ᭞ᬢ᭄ᬯᬭᬩᬦᬶᬫᬓ᭄ᬮᬶᬲᬶᬓᬦ᭄᭞ᬫᬶᬦᬩ᭄ᬲᬂᬅᬃᬚ᭄ᬚᬯᬓᬓ᭄ᬱ
[᭔᭐ 40A]
ᬢᬦ᭄ᬫᬦᬸᬱ᭞ᬦᬾᬧᬢᬸᬄᬘᬭᬤᬶᬕᬸᬫᬶ᭟᭜᭟ᬤᬩ᭄ᬤᬩ᭄ᬮᬫ᭄ᬧ᭄ᬬᬲ᭄ᬢᬶᬦ᭄ᬤᬓ᭄ᬳᬶᬤᬲᬂᬅᬃᬚ᭄ᬚᬯᬵ᭞ᬦᬫ᭄ᬧᭂᬓᬶᬦ᭄ᬲᬂᬦᬤᬓ᭄ᬚᭂᬭᬶᬄ᭞ᬟᬸᬄᬓᬓᬶᬭᬵᬓ᭄ᬱᬲ᭞ᬗᬸᬤ᭄ᬬᬂᬤᬤᬶᬩᭂᬗᭀᬂᬜᭀᬧᬓ᭄᭞ᬩᬸᬯᬸᬂᬓᬓᬶᬜᬾ
ᬭᬾᬢ᭄ᬕᭂᬢᬶᬄ᭞ᬫᬓ᭄ᬧᬓ᭄ᬢᬸᬮᬂ᭞ᬳᬶᬬᬂᬲᬸᬩᬜ᭄ᬭᬳᬂᬤᬶᬭᬶ᭟᭜᭟ᬳᬧᬫᬶᬦᬩ᭄‌ᬦᬾᬗᬯᬦᬂᬓᬓᬶᬲᭂᬗ᭄ᬓ᭞ᬜᬧ᭄ᬮᭀᬓ᭄ᬳᬦᬓ᭄ᬲᬸᬩᬦᭂᬗᬶᬮ᭄᭞ᬫᬜᭂᬭᬳᬂᬳᬯᬓ᭄᭞ᬲᬗᭂᬢ᭄ᬢᬯᬄᬬᬦ᭄ᬭᬲᬬᬂ
᭞ᬢᬸᬫ᭄ᬩᬾᬦ᭄ᬕᬭᬸᬥᬦᬾᬦᭂᬗᬶᬮ᭄᭞ᬦᬋᬓᬸᬕᬂ᭞ᬓᬤᭂᬲᭂᬓ᭄ᬩᬦ᭄ᬳᬶᬮᬮᬶᬧᬶ᭟᭜᭟ᬢᭂᬓᬵᬗᬸᬤ᭄ᬬᬂᬳᬯᬓ᭄ᬓᬓᬶᬦᬾᬗᬶᬮ᭄ᬕᬶᬮᬂ᭞ᬤᭂᬓᬸᬲ᭄ᬮᬸᬯᬶᬃᬢᬗ᭄ᬓᭂᬩ᭄ᬮᬗᬶᬢ᭄᭞ᬓᬾᬢᭀᬲᬂᬅᬃᬚ᭄ᬚᬯ᭞ᬫᬢᬓᬾᬦ᭄ᬭᬶᬂᬳᬶᬭ
ᬓ᭄ᬱᬲ᭞ᬲᬸᬫᬶᬗ᭄ᬓᬶᬦᬦ᭄‌ᬬᬧᭂᬮᬸᬄᬧᬶᬤᬶᬢ᭄᭞ᬗᬸᬲᬧ᭄ᬢᭂᬦ᭄ᬤᬲ᭄᭞ᬗᭂᬦᬄᬍᬗᬃᬜᬳᬜᬫ᭄ᬧᬶᬄ᭟᭜᭟ᬭᬭᬶᬲ᭄ᬗᭂᬳᭂᬤ᭄ᬳᬶᬭᬵᬓ᭄ᬱᬲᬫᬢᬸᬃᬩᬦ᭄ᬩᬦ᭄᭞ᬲᬫ᭄ᬩᬶᬮ᭄ᬜᭂᬫ᭄ᬩᬄᬫᬗᭂᬪᬓ᭄ᬢᬶ᭞ᬫᬲᬶᬄᬗᬧ᭄ᬬᬗᭂᬦᬂ᭞ᬤ᭄ᬬᬲ᭄ᬢᬸ [ 42 ][᭔᭐ 40B]
᭔᭑
ᬦᬤᬓ᭄ᬫᬢᬶᬍᬲᬦ᭄᭞ᬤᬸᬄᬭᬢᬸᬲᬂᬩᬕᬸᬲ᭄ᬮᬸᬯᬶᬄ᭞ᬲᬧᬸᬦᬧᬶᬧ᭄ᬬᬂ᭞ᬳᬦ᭄ᬢᬸᬓ᭄ᬫᬮᬶᬓᬶᬦ᭄ᬦᬾᬢᬸᬦᬶ᭟᭜᭟ᬩᬗᭂᬢ᭄ᬳᬕᬸᬂᬤᭀᬱᬓᬸᬭᬂᬧᬢᬶᬢᬶᬢ᭄ᬬᬂ᭞ᬭᬶᬂᬘᭀᬓᭀᬃᬳᬶᬭᬢᬸᬮᬸᬯᬶᬄ᭞ᬯᬶᬢ᭄ᬮᬗ᭄ᬓᬸᬂᬧᬺᬲᬗ᭄ᬕ᭞ᬳᬕᬸᬂᬅ
ᬗ᭄ᬓᬭᬦᬾᬗᭀᬤᬕ᭄᭞ᬗᬮᬶᬧᬸᬢ᭄ᬫᬮᬶᬓᭂᬢ᭄ᬳᬢᬶ᭞ᬩ᭄ᬭᬸᬯᬕ᭄ᬩ᭄ᬭᬸᬯᬕ᭄᭞ᬧᭂᬢᬦᬾᬜᬳᬶᬮᬶᬦ᭄ᬳᬚᬶ᭟᭜᭟ᬫ᭄ᬭᬲᬰᬓ᭄ᬢᬶᬦᬾᬗᬯᭂᬲᬦᬬᬂᬤᭂᬕᬕ᭄᭞ᬗᬧᬓᬧᬓ᭄ᬫᬗ᭄ᬓᬸᬮᬶᬦ᭄᭞ᬢᭀᬂᬤᬤᬶᬓᬦ᭄ᬤᬧ᭠
ᬦ᭄᭞ᬗᬫ᭄ᬩᭂᬓᬂᬓᬧᬭᬶᬓᭀᬲᬦ᭄᭞ᬢ᭄ᬯᬭᬳᬗᭂᬦ᭄ᬢ᭄ᬯᬭᬲᭂᬤᬶᬄ᭞ᬳᬸᬮᬶᬂᬧᬶᬤᬦ᭄᭞ᬬᬾᬦ᭄ᬓᬸᬤᬂᬚᬮ᭄ᬫᬵᬲᬓᬶᬢᬶᬦ᭄᭟᭜᭟ᬓᬤᬸᬓ᭄ᬦᬲ᭄ᬢᬶᬓᬦᬾᬢᭂᬓᭂᬓ᭄ᬳᬗ᭄ᬕᬾᬦ᭄ᬤᬲᬃ᭞ᬫᬯᬶᬦᬦ᭄ᬓᬸᬧᬶᬗᬾᬲᬓᬶᬢ᭄᭞ᬬᬾᬦᬶᬂᬦᬶᬗᭂᬄᬧᭂ
ᬢᬦ᭄᭞ᬳᬦᬓ᭄ᬦᬸᬢᬸᬭᬂᬦᬶᬲ᭄ᬓᬮ᭞ᬳᬦ᭄ᬢᬸᬓ᭄ᬲᭀᬓ᭄ᬲᬦᬾᬕᬸᬕᭀᬦᬶᬦ᭄᭞ᬚ᭄ᬭᭀᬦᬶᬂᬫᬦᬄ᭞ᬲᬓᬵᬮᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭟᭜᭟ᬲᬶᬦᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬩᬗᭂᬢ᭄ᬢᬸᬮᬄᬢᬗᬄ᭞ᬭᬶᬂᬘᭀᬓᭀᬃᬳᬶᬭᬢᬸᬮᬸᬯᬶᬄ
[᭔᭑ 41A]
᭞ᬦᬾᬫᬶᬦᬩ᭄ᬳᬸᬢᬸᬲᬦ᭄᭞ᬳᬶᬤᬳ᭄ᬬᬂᬧᬭᬫᬯᭂᬓᬲ᭄᭞ᬫᬗ᭄ᬤᬾᬦ᭄ᬢᬸᬭᬸᬦ᭄ᬕᭂᬮᬶᬲᭂᬮᬶᬲ᭄᭞ᬲᬓᬶᬂᬳᭂᬫ᭄ᬩᬂ᭞ᬜᬤ᭄ᬬᬫᬓ᭄ᬩᬓ᭄ᬚᬕᬢ᭄ᬓᬮᬶ᭟᭜᭟ᬫᬓᬵᬤᬶᬫᬸᬘᭂᬄᬲᬓᬜ᭄ᬘᬦ᭄ᬤᬸᬭᬢ᭄ᬫᬓ᭞ᬲᬤ᭄ᬬᬳᬶᬭᬢᬸᬤᬶᬕᭂᬮᬶᬲ᭄᭞ᬫᬧᬗ᭄ᬕᬶᬄ
ᬭᬶᬂᬢᬶᬢ᭄ᬬᬂ᭞ᬦᬾᬘᭀᬭᬄᬮᬶᬧᬸᬢ᭄ᬓ᭄ᬭᭀᬥ᭞ᬤᭀᬄᬧᬭᬢᬶᬢ᭄ᬬᬂᬳᭂᬤᭂᬗ᭄ᬓᬶ᭞ᬲᬶᬤᬦᬸᬮᬓ᭄᭞ᬧᬫᬲ᭄ᬢᬸᬦ᭄ᬤᬸᬢᬦ᭄ᬳ᭄ᬬᬂᬯᬶᬥᬶ᭟᭜᭟ᬫᬯᬶᬦᬦ᭄ᬢᬶᬢ᭄ᬬᬂᬢᬦ᭄ᬫᬤᬺᬩᬾᬫᬦᬄ᭞ᬧᬸᬧᬸᬢ᭄ᬫᬗᬢᬸᬭᬂᬤᬶᬭᬶ᭞ᬤᬸᬭᬸᬲᬂᬢᬶ
ᬯᬓᬂ᭞ᬧᬫᬲ᭄ᬢᬸᬲ᭄ᬘᭀᬓᭀᬃᬳᬶᬤᬾᬯ᭞ᬩᬶᬮᬶᬄᬢᬶᬢ᭄ᬬᬂᬤᬤᭀᬲ᭄ᬚᬤ᭄ᬫᬶ᭞ᬲᬓᬶᬢ᭄ᬭᬳᬢ᭄᭞ᬭᬶᬂᬕᭂᬦᬳᬾᬢᬦ᭄ᬧᭀᬱᬥᬶ᭟᭜᭟ᬲᬧᬸᬦᬶᬓᬵᬳᬢᬸᬃᬳᬶᬧᬸᬦ᭄ᬳᬶᬭᬵᬓ᭄ᬱᬲ᭞ᬩᬦ᭄ᬩᬦ᭄ᬜᭂᬮᬸᬄᬳᬸᬮᬸᬦᬢᬶ᭞ᬬᬾᬄ
ᬫᬢᬦ᭄ᬜᬜᬩ᭄ᬘᬩ᭄᭞ᬭᬶᬂᬮᬸᬳᬸᬦ᭄ᬤᬤᬄᬫᬕᬸᬬᬂ᭞ᬲᬂᬓᬲᬗ᭄ᬓᬶᬮ᭄ᬲᬫ᭄ᬧᬸᬦ᭄ᬢᬸᬦᬶ᭞ᬓᬓ᭄ᬳᭂᬍᬲᬂ᭞ᬓᭂᬕᬓ᭄ᬩᭂᬗᭀᬂᬲᭂᬧᬶᬮᬶᬢᬶᬕ᭄᭟᭜᭟ᬲᬂᬓᬧᬦ᭄ᬤᬸᬂᬕᬕᬯᭀᬓ᭄ᬚ᭄ᬭᭀᬦᬶᬂᬫᬦᬄ᭞ᬗᬯᬶᬢ᭄ᬳᬶᬗᭂᬢ᭄ᬭᬯᬸᬄ [ 43 ][᭔᭑ 41B]
᭔᭒
ᬫᬗ᭄ᬓᬦ᭄᭞ᬢᭂᬫ᭄ᬩᬾᬫᬗᭂᬢᭀᬦᬂ᭞ᬳᬸᬦ᭄ᬤᬸᬓ᭄ᬢᬯᬄᬮ᭄ᬯᬶᬃᬜᬸᬫ᭄ᬧᭂᬦ᭞ᬬᬾᬦ᭄ᬤᬾᬯᬾᬓᬾᬲᭂᬤᭂᬓ᭄ᬗᬶᬧᬶ᭞ᬳᬸᬮᬶᬂᬧᬶᬤᬦ᭄᭞ᬲᬾᬧᬸᬍᬲ᭄ᬢ᭄ᬯᬭᬗᭂᬤᬸᬲᬶᬦ᭄᭟᭜᭟ᬩᬶᬗᬸᬂᬫᬦᬄᬳᬶᬧᬸᬦ᭄ᬢᭂᬧᬾᬦ᭄ᬳᬸᬦ᭄ᬤᬸᬓ᭄ᬢ
ᬯᬄ᭞ᬫᬮᬶᬄᬓ᭄ᬭᬲᬬᬂᬢᬦ᭄ᬗᬶᬧᬶ᭞ᬦᬾᬲᭂᬤᭂᬓ᭄ᬭᬶᬂᬳᬮᬲ᭄᭞ᬲᬶᬂᬓᬾᬦᬾᬫᬤᬦ᭄ᬓᬯᬾᬳᬦ᭄᭞ᬦᭂᬧᬸᬓ᭄ᬦᬾᬢᭀᬂᬢᬳᬾᬦ᭄ᬧᬗ᭄ᬕᬶᬄ᭞ᬲᭂᬗ᭄ᬓᬧᭂᬲᬦ᭄᭞ᬫᬤ᭄ᬩᬤᬂᬦᬤᬶᬬᬂᬫᬸᬜᬶ᭟᭜᭟ᬓᬾᬢᭀᬓ᭄ᬭᬶᬫᬶ
ᬓ᭄ᬜᬩᬸᬮᬓ᭄ᬩᬮᬶᬓ᭄ᬭᬶᬂᬫᬦᬄ᭞ᬲᬫ᭄ᬩᬶᬮ᭄ᬬᬓᭂᬤᬾᬓ᭄ᬭᬶᬂᬳᬢᬶ᭞ᬭᬾᬄᬢᭂᬫ᭄ᬩᬾᬗᬢᭀᬦᬂ᭞ᬭᬵᬓ᭄ᬱᬜᭂᬩᬓ᭄ᬲᬶᬕ᭄ᬲᬶᬕᬦ᭄᭞ᬩᭀᬓ᭄ᬜᬕᭀᬫ᭄ᬗ᭄ᬭᬂᬧᬲᬸᬮᬯᬶᬃ᭞ᬯᬯᬸᬜᭂᬩᬓ᭄᭞ᬩᬸᬗᬸᬢ᭄ᬜᬢᭂᬓᭂᬤ᭄ᬓᬓᬸᬧᬶᬂ
᭟᭜᭟ᬲᬬᬦ᭄ᬲᬸᬯᬾᬲᬬᬦ᭄ᬗᬶᬦ᭄ᬤᬸᬓᬂᬲᭂᬩᬓ᭄ᬜ᭞ᬬᬾᬄᬫᬢᬦ᭄ᬜᬫᬶᬦᬩ᭄ᬮᭂᬤᭂᬲ᭄᭞ᬯᬸᬲᬦ᭄‌ᬬᬫᬕᬸᬬᬂ᭞ᬫᬮᬶᬄᬦᭂᬕᬓ᭄ᬧᬢᭂᬮᬦᬦ᭄᭞ᬳᬯᬓ᭄ᬜᬦᬾᬤᬓᬶᬘᬸᬯᬶᬮ᭄᭞ᬓᬫ᭄ᬩᭂᬦ᭄ᬤᭀᬫ᭄ᬩ᭄ᬮᬂ᭞ᬲᬸᬭᬸᬳᭀᬃ
[᭔᭒ 43A]
ᬢ᭄ᬢᬾᬦᬦ᭄ᬜᬓᬓ᭄ᬱᬶ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬧᬸᬦᬶᬓᬵᬳᬶᬭᬵᬓ᭄ᬱᬲ᭞ᬫᬢᬾᬕ᭄ᬢᭀᬕ᭄ᬲᬶᬕ᭄ᬲᬶᬕᬦ᭄ᬗᭂᬮᬶᬂ᭞ᬩᭂᬗᬸᬮ᭄ᬗᬸᬦ᭄ᬢᬸᬮ᭄ᬫᬲᬂᬲᭂᬫ᭄ᬩᬄ᭞ᬓᬗ᭄ᬓᬭᬦ᭄ᬜᬦᬤᬓ᭄ᬮᬶᬲᬶᬓ᭄᭞ᬫ᭄ᬭᬲᬓᬾᬮᬗᬦ᭄ᬓᬰ
ᬓ᭄ᬢᬶᬦ᭄᭞ᬫᬯᬶᬦᬦ᭄ᬚᭂᬫᭂᬢᬾᬂᬢᬓᬸᬢ᭄᭞ᬓᬸᬤ᭄ᬬᬂᬜᬶᬤᬬᬂᬫᬢᬶᬗ᭄ᬓᬄ᭞ᬭᬶᬂᬲᬂᬲᬓ᭄ᬱᬢ᭄ᬮᬶᬗ᭄ᬕᬵᬫᬦᬶᬓ᭄᭞ᬩᬾᬢᬾᬮ᭄ᬢᬸᬢᬸᬦ᭄᭞ᬩᬾᬢᬾᬮ᭄ᬫᭂᬦᬾᬓ᭄ᬢᬦ᭄ᬧᬳᬶᬗᬦ᭄᭟᭜᭟ᬳᬍᬧ᭄ᬢᬶᬓᬲ᭄ᬲᬂᬅᬃᬚ᭄ᬚᬯ
᭞ᬫᭀᬮᬄᬧᬶᬦᬧᬳᬶᬂᬮᬶᬭᬶᬂ᭞ᬜ᭄ᬮᬶᬫᭂᬢ᭄ᬢᬗ᭄ᬕᬸᬦ᭄ᬮᬮᬜ᭄ᬘᬶᬗᬦ᭄᭞ᬗᬯᬲ᭄ᬲᬫ᭄ᬩᬶᬮ᭄ᬜᭂᬫᬸᬫᬦᬶᬲ᭄᭞ᬫᬯᬸᬯᬸᬄᬭᬸᬧᬦᬾᬩᬗ᭄ᬓᬶᬢ᭄᭞ᬗᬃᬕ᭄ᬕᬭᬂᬫᬦᬄᬳᬸᬮᬗᬸᬦ᭄᭞ᬲᭂᬫᬶᬢᬦ᭄ᬳᬶᬤᬜᬶᬳ᭄ᬦᬬᬂ᭞ᬫᬕᬶᬬᭂᬢ᭄ᬫᬾ
ᬮᬦᬶᬦ᭄ᬮᬯᬶᬄ᭞ᬭᬭᬶᬲ᭄ᬜᬯᬸᬃ᭞ᬓᬾᬦᬾᬧᬗᬦ᭄ᬤᬶᬓ᭄ᬳᬶᬤ᭟᭜᭟ᬤᬸᬄᬓᬓᬶᬭᬵᬓ᭄ᬱᬲᬓ᭄ᬭᬸᬭ᭞ᬳᬧᬦᬾᬗᬯᬶᬦᬂᬓᬓᬶ᭞ᬩᬶᬲᬦᬤ᭄ᬫᬲᬶᬮᬸᬫᬦ᭄᭞ᬕᬮᬓᬾᬫᬗᬸᬩᬢᬩᬶᬢ᭄᭞ᬫᬶᬭᬶᬩ᭄ᬲᬶᬬᬸᬳᬤᬚ [ 44 ][᭔᭒ 42B]
᭔᭓
ᬤ᭄ᬫᬶ᭞ᬢᭂᬄᬦᬾᬗᬸᬦᬶᬩᬦ᭄ᬩᬸᬮᬸᬄ᭞ᬢᬦ᭄ᬧᬲᬗ᭄ᬓᬦ᭄ᬓᬕᬾᬢ᭄ᬧ᭄ᬮᬧᬦ᭄᭞ᬗᬯᬶᬦᬂᬳᬗᭀᬩ᭄ᬢᬦ᭄ᬕᬶᬕᬶᬲ᭄᭞ᬩ᭄ᬯᬶᬦ᭄ᬫᬲᬶᬮᬸᬃ᭞ᬳᬗᭀᬩᬾᬤᬶᬘᭂᬮᬂ᭟᭜᭟ᬭᬾᬄᬫᬸᬮᬳᬶᬤᬸᬭᬢ᭄ᬫᬓ᭞ᬫᬗ
ᬩᬾᬳᬶᬦ᭄ᬤᬬᬭᬸᬦ᭄ᬤᬶᬓ᭄᭞ᬕᬮᬶᬃᬫᬗᭀᬩᬄᬲᬫᬶᬢ᭞ᬤᬸᬯᭂᬕ᭄ᬗᬸᬦ᭄ᬢᬸᬮ᭄ᬫᬧᬶᬚᭂᬭᬶᬄ᭞ᬳᭂᬦ᭄ᬢᭀᬦᬾᬓᬳᬗ᭄ᬕᭀᬦ᭄ᬧᬜ᭄ᬘᬶᬂ᭞ᬫᬩᬭᬾᬦ᭄ᬮᬶᬫᬦᬾᬓᬸᬘᬸᬧ᭄᭞ᬳᬮᬸᬲ᭄ᬘᬭᬜᬓ᭄ᬦᬸᬳᬸᬢᬂ᭞ᬓᬾᬢᭀᬬ
ᬦ᭄ᬫ᭄ᬭᬲᬓᬮᬶᬮᬶᬄ᭞ᬲᭀᬓ᭄ᬧᬸᬦᬶᬓᬸ᭞ᬓᬗ᭄ᬕᬾᬦ᭄ᬭᬸᬭᬸᬂᬗᬃᬤ᭄ᬥᬶᬩᬬ᭟᭜᭟ᬳᬓᬾᬢᭀᬲᬂᬫᬫ᭄ᬩᭂᬓ᭄ᬘᭀᬭᬄ᭞ᬩᬶᬗᬸᬂᬫᬫᬜ᭄ᬚᬓᬶᬦ᭄ᬭᬸᬦ᭄ᬢᬶᬓ᭄᭞ᬲᬬᬂᬪᬓ᭄ᬢᬶᬭᬶᬂᬬᬗ᭄ᬓᬭ᭞ᬦᬾᬫᬸᬮᬧᬢᬸᬢ᭄ᬲᬶᬬᬢᬶᬦ᭄᭞ᬳᬸ
ᬮᬶᬂᬢᭀᬤᬲᬭᬾᬧᭂᬮᬶᬄ᭞ᬦᬗ᭄ᬳᬶᬂᬬᬾᬦ᭄ᬲᬗ᭄ᬕᬸᬧ᭄ᬫᬚᬸᬫᬸ᭞ᬓᬓᬶᬲᬸᬳᬸᬤ᭄ᬫᬫ᭄ᬩᭂᬓ᭄ᬘᭀᬭᬄ᭞ᬦᬾᬳᬤᬧᬶᬭᬦ᭄ᬢᬶᬮᬸᬯᬶᬄ᭞ᬳᬗ᭄ᬕᭀᬦ᭄ᬦᭂᬫ᭄ᬧᬸᬃ᭞ᬰᬓ᭄ᬢᬶᬦᬾᬗᬶᬫ᭄ᬧᬲᬶᬦ᭄ᬥᬃᬫ᭄ᬫ᭟᭜᭟ᬳᭂᬦᬾᬳᬤᬘᬢ᭄ᬯᬓᬸ᭞
[᭔᭓ 43A]
ᬳᬗ᭄ᬕᭀᬦ᭄ᬲᬸᬮᬸᬄᬳᬶᬫ᭄ᬩᬪᬸᬓ᭄ᬢᬶ᭞ᬤᬸᬓᬾᬗᬸᬦᬶᬯᬾᬦ᭄ᬢᭂᬦ᭄ᬓᭀᬘᬧ᭄᭞ᬳᬕᬸᬂᬭᬵᬓ᭄ᬱᬲᬗᬗᭀᬗᬶᬦ᭄᭞ᬓᬮᬶᬲ᭄ᬭᬶᬂᬲᬜ᭄ᬚᬢᬲᬫᬶ᭞ᬮᬸᬧᬸᬢ᭄ᬧᭂᬚᬄᬲᬶᬬᬂᬤᬮᬸ᭞ᬧᬜ᭄ᬚᬓ᭄ᬜᬢᬦ᭄ᬓᭂᬦᬾᬂᬯᬶᬮᬂ᭞ᬭᬶᬂᬫᬦᬶ
ᬓ᭄ᬫᬦ᭄ᬢᬓᬵᬧᬸᬭᬶ᭞ᬭᬢᬸᬦᬶᬧᬸᬦ᭄᭞ᬧ᭄ᬭᬪᬸᬦᬶᬯᬢᬓᬯᬘ᭟᭜᭟ᬭᬶᬂᬚᬕᬢ᭄ᬫᬦᬶᬓ᭄ᬫᬦ᭄ᬢᬓ᭄᭞ᬢᭀᬂᬳᬤᬧᬶᬤᬦᬳᬸᬭᬶᬧ᭄᭞ᬧᭂᬮᬶᬄᬩᭂᬤᬶᬓ᭄ᬲᭀᬓ᭄ᬫᬧᬸᬗ᭄ᬕᬮ᭄᭞ᬳᬶᬯᬂᬫᬢᬸᬃᬧᬬᬸᬫᬢᬶ᭞ᬮᬶᬯ
ᬢ᭄ᬫᬗᭂᬋᬲᬶᬦ᭄ᬳᬢᬶ᭞ᬓᭀᬘᬧ᭄ᬲᭂᬤᭂᬓ᭄ᬤᬶᬦᬳᬦᬸ᭞ᬧ᭄ᬭᬪᬸᬦᬶᬯᬢᬓᬯᬘ᭞ᬓᬲ᭄ᬯᬃᬕ᭄ᬕᬮᭀᬓᬫᬧᬤᬶᬓ᭄᭞ᬧᬕᭂᬭᬸᬤᬸᬕ᭄᭞ᬓᬢᬄᬯᬤ᭄ᬯᬦ᭄ᬜᬗᬶᬭᬶᬗᬂ᭟᭜᭟ᬲᬫ᭄ᬧᬸᬦ᭄ᬢᬶᬭᬶᬂᬓᬳ᭄ᬬᬗᬦ᭄᭞ᬧᬸᬭᬶᬦ᭄ᬳ᭄ᬬᬂ
ᬇᬦ᭄ᬤ᭄ᬭᬓᬳᬸᬗ᭄ᬲᬶ᭞ᬲᭂᬤᭂᬓᬓ᭄ᬳᬾᬩᭂᬓ᭄ᬭᬶᬂᬧᬲᬾᬪᬦ᭄᭞ᬯᬶᬤ᭄ᬬᬤᬭᬯᬶᬤ᭄ᬬᬤᬭᬶ᭞ᬳ᭄ᬬᬂᬇᬦ᭄ᬤ᭄ᬭᬲᬦᬾᬫᬸᬘᬸᬓᬶᬦ᭄᭞ᬬᬾᬦ᭄ᬦᬧᬶᬓᬧᭀᬓᬋᬫ᭄ᬩᬸᬕ᭄᭞ᬲᬂᬓᬯᬾᬯᭂᬄᬜᬸᬭᬢᬂ᭞ᬤ᭄ᬯᬦᬶᬂᬭᬵᬓ᭄ᬱᬲᬦᭂᬓ᭠ [ 45 ][᭔᭓ 43B]
᭔᭔
ᬳᬶᬦ᭄᭞ᬧᬕᭂᬭᬸᬤᬸᬕ᭄᭞ᬲᬫᬶᬗᭂᬮᬸᬃᬓᭂᬤᬾᬓ᭄ᬗᬓᬓ᭄᭟᭜᭟ᬓᬕᬾᬢ᭄ᬦᬶᬃᬯ᭄ᬯᬢᬓᬯᬘ᭞ᬫᬳᬸᬚᬃᬲᭂᬩᭂᬗᬾᬚᭂᬗᬶᬲ᭄᭞ᬫᬸᬮᬓᬾᬢᭀᬩᬶᬓᬲ᭄ᬬᬓ᭄ᬱ᭞ᬢ᭄ᬯᬭᬳᬶᬢᭂᬧ᭄ᬦᬶᬜ᭄ᬚᬾᬤᬶᬭᬶ᭞ᬬᬓᬾᬦᬾᬳᬶ
ᬧᬸᬦ᭄ᬫᬫᬸᬜᬶ᭞ᬤᬸᬄᬭᬢᬸᬲᬂᬰᬣᬓᬺᬢᬸ᭞ᬭᬯᬸᬄᬢᬶᬢ᭄ᬬᬗᬾᬢᬦ᭄ᬮᬶᬬᬦ᭄᭞ᬢᬗ᭄ᬓᬶᬮ᭄ᬭᬶᬂᬳᬶᬭᬢᬸᬫᬗ᭄ᬓᬶᬦ᭄᭞ᬯᬦ᭄ᬢᬄᬗ᭄ᬮᬸᬗ᭄ᬲᬸᬃ᭞ᬧᬸᬢ᭄ᬤᬦ᭄ᬧᬤᬸᬓᬵᬪᬝᬭ᭟᭜᭟ᬤ᭄ᬬᬄᬲᬸᬧ᭄ᬭᬪᬢᬸᬦᬲ᭄ᬢᬶᬢ᭄ᬬᬂ᭞ᬳ
ᬗ᭄ᬕᭀᬦ᭄ᬧᬩᬸᬗᬄᬕᬸᬫ᭄ᬢᬶ᭞ᬭᬶᬂᬫᬦᬶᬓ᭄ᬫᬦ᭄ᬢᬓᬵᬧᬸᬭ᭞ᬜᬤ᭄ᬬᬧᬘᬂᬲᬸᬂᬲᬸᬂᬲᬶᬯᬶ᭞ᬮᬶᬗ᭄ᬕᬬᬂᬭᬶᬂᬩᬮᬾᬫᬦᬶᬓ᭄᭞ᬮᬾᬤᬗᬂᬓᬬᬸᬦ᭄ᬳᬶᬭᬢᬸ᭞ᬫᬗ᭄ᬓᬶᬦ᭄ᬚᬕᬢᬸᬦᬲ᭄ᬢᬶᬢ᭄ᬬᬂ᭞ᬢᬦ᭄ᬤᬤᭀᬲ᭄ᬲᬗ᭄ᬓᬸᬬᬂᬫ
ᬮᬶᬄ᭞ᬧᬶᬦᬶᬄᬫᬦᬸᬢ᭄᭞ᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬢ᭄ᬯ᭟᭜᭟ᬦᬧᬶᬓᭀᬩᭂᬢᬂᬪᬝᬭ᭞ᬫᬤ᭄ᬯᬾᬫᬦ᭄ᬢᬸᬓᬲᬸᬩ᭄ᬰᬓᬓ᭄ᬢᬶ᭞ᬢᬶᬢ᭄ᬬᬂᬦᬶᬃᬯ᭄ᬯᬢᬓᬯᬘ᭞ᬢᭂᬦ᭄ᬯᬾᬦ᭄ᬢᭂᬦ᭄ᬲᬦᬾᬜᬫᬾᬦᬶᬦ᭄᭞ᬫᬦᬸᬱ
[᭔᭔ 44A]
ᬤᬾᬯᬧᬶᬰᬘᬶ᭞ᬢᬦ᭄ᬢᬄᬤᭂᬍᬂᬲᬫ᭄ᬧᬸᬦ᭄ᬮᬫ᭄ᬮᬫ᭄ᬧᬸᬲ᭄᭞ᬲᬂᬳ᭄ᬬᬂᬇᬦ᭄ᬤ᭄ᬭᬭᬭᬶᬲ᭄ᬦᬶᬫ᭄ᬩᬮ᭄᭞ᬥᬸᬄᬯᬢᬓᬯᬘᬘᭂᬦᬶᬂ᭞ᬳᭂᬤᬲᬶᬕᬸᬕ᭄᭞ᬯᬶᬭᬾᬄᬢ᭄ᬯᬭᬳᬤᬧᭂᬭᬄ᭟᭜᭟ᬬᬾᬦ᭄ᬧᬤᬾᬳᬤᬭᬵᬓ᭄ᬱᬲ᭞ᬤᭀᬢ᭄ᬫ
ᬲᭀᬫᬄᬤᬤᬭᬶ᭞ᬗᬤᬸᬕᬤᬸᬕ᭄ᬓᭀᬚᬭᬦ᭄ᬜ᭞ᬓᬶᬫᬸᬤ᭄ᬦᬶᬭᬫᬫᬶᬭᬕᬶ᭞ᬤ᭄ᬬᬲ᭄ᬢᬸᬘᭂᬦᬶᬂᬮᬶᬯᬢ᭄ᬰᬓ᭄ᬢᬶ᭞ᬭᬾᬄ᭠ᬯᬢᭂᬓ᭄ᬬᬓ᭄ᬱᬳᬶᬩᬕᬸᬲ᭄᭞ᬮᬸᬯᬸᬗᬦ᭄ᬤᬤᬶᬚᬸᬭᬸᬭᬵᬓ᭄ᬱ᭞ᬲᬮ᭄ᬯᬶᬃᬧᬭᬦᬦᬾᬲᬫᬶ᭞ᬫᬧᬦ᭄ᬓᬲᬸᬩ᭄᭞ᬗᭂᬮᬄ᭠
ᬳᭂᬤᭂᬧ᭄ᬩᬬᬸᬓᬸᬯᬢ᭄᭟᭜᭟ᬯᬯᬸᬳᬶᬤᬲᬂᬳ᭄ᬬᬂᬇᬦ᭄ᬤ᭄ᬭ᭞ᬳᬳᬸᬓᬸᬄᬗ᭄ᬮᬦ᭄ᬢᬸᬃᬫᬶᬤᬃᬢ᭄ᬢᬳᬶᬦ᭄᭞ᬓᬕᬾᬢ᭄ᬦᬶᬃᬯᬢᬓᬯᬘ᭞ᬩᬗ᭄ᬕ᭄ᬭᬲ᭄ᬳᬸᬚᬭᬾᬫᬘᭂᬕᬶᬓ᭄ ᬩᬗᬸᬦ᭄‌ᬬᬗᬢᭂᬩᬂᬩᬢᬶᬲ᭄᭞ᬗᬫᭂᬮ᭄ᬓᬮᬾᬯᬂᬫᬳᬸᬦᬸᬲ᭄᭞
ᬳᬶᬄᬦᬾᬢᬾᬪᬝᬭᬇᬦ᭄ᬤ᭄ᬭ᭞ᬬᬾᬦ᭄ᬤᬸᬭᬸᬲ᭄ᬧᬘᬂᬫᬸᬘᬶᬗᬶᬦ᭄᭞ᬳᬶᬤᭂᬧ᭄ᬳᬓᬸ᭞ᬇᬦ᭄ᬤ᭄ᬭᬮᭀᬓᬢᬦ᭄ᬳᬸᬭᬸᬂᬜᬕ᭄᭟᭜᭟ᬓᬾᬢᭀᬦᬶᬃᬯᬢᬓᬯᬘᬫᬓᭂᬩ᭄ᬭᬶᬲ᭄ᬲᬳᬫᬦᬸᬤᬶᬂ᭞ᬧᬗᬸᬗ᭄ᬕᬸᬄᬳᬶᬤᬳ᭄ᬬᬂᬇᬦ᭄ᬤ᭄ᬭ᭞ᬲᬳᬧᬦ᭄ᬯ [ 46 ][᭔᭔ 44B]
᭔᭕
ᬤ᭄ᬯᬦ᭄ᬳᬶᬤᬲᬫᬶ᭞ᬳᬤᬦᬸᬫ᭄ᬩᬓ᭄ᬫᬜᭂᬧᭂᬕᬶᬦ᭄᭞ᬢᬢᭂᬓ᭄ᬭᬵᬓ᭄ᬱᬲᬦᬾᬳᬸᬫᬸᬂ᭞ᬧᭂᬭᬂᬢ᭄ᬯᬭᬢᬂᬢᬗᬦ᭄᭞ᬧᬥᬲᭂᬗᬶᬢ᭄ᬗᬸᬩᬢᬩᬶᬢ᭄᭞ᬲᬸᬯᬾᬲᬫ᭄ᬧᬸᬦ᭄᭞ᬬᬸᬥᬦᬾᬭᬶᬂᬇᬦ᭄ᬤ᭄ᬭᬮᬮᭀᬓ᭟᭜᭟ᬓᬕᬾᬢ᭄ᬯᬤ᭄ᬯᬦ᭄ᬲᬂᬳ᭄ᬬᬂᬇᬦ᭄ᬤ᭄ᬭ᭞ᬓ
ᬧᭂᬲᬦ᭄ᬓᬧᬶᬮᬶᬧᬶᬮᬶ᭞ᬳᬚᬳᬦ᭄ᬧᬸᬭᬶᬦ᭄ᬳ᭄ᬬᬂᬇᬦ᭄ᬤ᭄ᬭ᭞ᬳᭂᬜᬕ᭄ᬮᭂᬤᭀᬄᬤᭂᬓ᭄ᬤᭂᬓ᭄ᬮᭂᬕᬶᬢ᭄᭞ᬳᬃᬘ᭄ᬘᬦᬾᬲᬫᬶᬧᬚᬸᬫ᭄ᬧ᭄ᬭᬶᬢ᭄᭞ᬓᭀᬭᬶᬳᬕᬸᬂᬕᬶᬩᬮ᭄ᬗ᭄ᬭᬸᬤᬸᬕᬕ᭄᭞ᬩᬮᬾᬧᬦᬗ᭄ᬓᬶᬮᬦ᭄ᬳᬶᬲ᭞ᬢᬦ᭄ᬯᬾᬦ᭄ᬢᭂᬦ᭄ᬜᬍᬕ᭄ᬳᬓᬶᬤᬶᬓ᭄᭞ᬳᭀᬜ
ᬭᬧᬸᬄ᭞ᬩᭂᬜᬄᬭᬶᬫ᭄ᬧᬸᬂᬫᬕ᭄ᬮᬢᬸᬭᬦ᭄᭟᭜᭟ᬦᬶᬃᬯᬢᬓᬯᬘᬗ᭄ᬭᬓᬓ᭄᭞ᬳ᭄ᬬᬂᬇᬦ᭄ᬤ᭄ᬭᬳᬸᬓᬸᬄᬓᬘᬵᬗ᭄ᬓ᭄ᬮᬶᬂ᭞ᬭᬭᬶᬲ᭄ᬦᬶᬤᬫᬳᬵᬦ᭄ᬤᬶᬓᬵ᭞ᬥᬸᬄᬯᬢᬓᬯᬘᬘᭂᬦᬶᬂ᭞ᬦᬾᬚᬦᬶᬫᬭᬫᬪᬸᬓ᭄ᬢᬶ᭞ᬘᭂᬦᬶᬂᬲᬚᬮᬶᬯᬢ᭄ᬢᭂᬕᬸᬄ᭞
ᬦᬶᬭᬳᬗᭀᬩ᭄‌ᬚ᭄ᬭᭀᬦᬶᬂᬫᬦᬄ᭞ᬦᬾᬢᬸᬦᬶᬳᬦ᭄ᬚᬢᬶᬦ᭄ᬜᬗᬸᬚᬶ᭞ᬭᬾᬄᬢᭀᬂᬳᬮᬸᬄ᭞ᬬᬓ᭄ᬱᬗᭂᬤᭀᬢᬂᬪᬝᬭ᭟᭜᭟ᬤ᭄ᬬᬲ᭄ᬢᬸᬧᬸᬭᬶᬦᬶᬭᬳᭂᬜᬕ᭄᭞ᬢᬦ᭄ᬗᬯᬾᬲᬸᬗ᭄ᬲᬸᬢ᭄ᬤᬶᬳᬢᬶ᭞ᬫᬧᬦ᭄ᬲᬸᬩᬲᭂᬓᭂᬦ᭄ᬢᬯᬂ᭞ᬢᬢ
[᭔᭕ 45A]
ᬕᭀᬦ᭄ᬫᬦ᭄ᬢᬸᬦᬾᬰᬓ᭄ᬢᬶ᭞ᬤᭀᬄᬧᬭᬩᬧᬫᬸᬘᬶᬗᬶᬦ᭄᭞ᬓᬾᬢᭀᬤᬾᬯᬬᬓ᭄ᬱᬳᬕᬸᬂ᭞ᬦᬗ᭄ᬳᬶᬂᬯᬾᬳᬶᬦ᭄ᬫᬮᬸᬦᬶᬭ᭞ᬢᬾᬫ᭄ᬧᭀᬯᬦ᭄ᬢᬄᬧᬶᬢᬸᬂᬯᭂᬗᬶ᭞ᬲᬫ᭄ᬩᬶᬮ᭄ᬫᬮᬸ᭞ᬫᭀᬃᬢ᭄ᬢᬬᬦ᭄ᬭᬶᬂᬤᬾᬯᬲᬫ᭄ᬬᬦ᭄᭟᭜᭟
ᬓᬾᬯᬮᬲᬸᬩᬫᬗᭀᬃᬢ᭄ᬢ᭞ᬓᬍᬕᬦ᭄ᬓᬮᬯᬦ᭄ᬢᬸᬲᬶᬂ᭞ᬳᭂᬦ᭄ᬢᭀᬦᬶᬭᬫᬫᬸᬢᬸᬲᬂ᭞ᬭᬾᬄᬤᭀᬢ᭄ᬫᬫᬦ᭄ᬢᬸᬭᬶᬂᬘᭂᬦᬶᬂ᭞ᬦᬾᬚᬦᬶᬫᭂᬮᬄᬫᬯᬮᬂ᭞ᬓᬫᬦᬶᬓ᭄ᬫᬦ᭄ᬢᬓᬫᬮᬸ᭞ᬬᬾᬦ᭄ᬲᬸᬩᬧᬸᬢᬕ᭄ᬳᬸᬩ
ᬬ᭞ᬦᬶᬭᬓᭂᬫᬫᬗᬢᭂᬳᬶᬦ᭄᭞ᬢᭀᬳᬶᬬᬬᬸ᭞ᬢᬢᬕᭀᬦ᭄ᬘᭂᬦᬶᬂᬲᬸᬧ᭄ᬭᬪ᭟᭜᭟ᬓᬾᬢᭀᬯᬶᬦᬬᬦ᭄ᬳ᭄ᬬᬂᬇᬦ᭄ᬤ᭄ᬭ᭞ᬦᬶᬃᬯᬢᬓᬯᬘᬜᬯᬶᬲ᭄᭞ᬲᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬇᬦ᭄ᬤ᭄ᬭ᭞ᬲᬫ᭄ᬧᬸᬦᬂᬗᭂᬮᭀᬂ᭠
ᬚᬜ᭄ᬚᬶ᭞ᬫᬮᬶᬄᬧᬶᬢᬸᬯᭂᬗᬶᬫᬗ᭄ᬓᬶᬦ᭄᭞ᬬᬾᬦᬶᬂᬪᬝᬭᬢᬦ᭄ᬭᬯᬸᬄ᭞ᬗᬢᭂᬳᬶᬦ᭄ᬟ᭄ᬬᬄᬲᬸᬧ᭄ᬭᬪ᭞ᬢᬦ᭄ᬳᬸᬭᬸᬂᬢᬶᬢ᭄ᬬᬂᬫᬯᬮᬶ᭞ᬧᬘᬂᬗᭂᬚᬸᬓ᭄᭞ᬦᬫ᭄ᬧᬄᬧᬤᬸᬓᬵᬪᬝᬭ᭟᭜᭟ᬫᬗ᭄ᬓᬶᬦ᭄ᬦᬶᬃᬯᬢᬓᬯᬘ᭞ [ 47 ][᭔᭕ 45B]
᭔᭖
ᬫᬧᬶᬫᬶᬢ᭄ᬭᬭᬶᬲ᭄ᬫᬯᬮᬶ᭞ᬓᬫᬦᬶᬓ᭄ᬫᬦ᭄ᬢᬓᬵᬧᬸᬭ᭞ᬫᬗ᭄ᬓᬶᬦ᭄ᬘᬭᬶᬢᬬᬂᬫᬮᬶᬄ᭞ᬲᬂᬳ᭄ᬬᬂᬇᬦ᭄ᬤ᭄ᬭᬲᭂᬤᬶᬄᬓᬶᬂᬓᬶᬂ᭞ᬩᬶᬗᬸᬂᬲᬸᬗ᭄ᬲᬸᬢ᭄ᬚ᭄ᬭᭀᬦᬶᬂᬓᬬᬸᬦ᭄᭞ᬲᬧᬸᬦᬧ᭄ᬬᬂᬭᬶᬂᬓᬸᬤ᭄ᬬᬂ᭞ᬗᬶᬢᬸᬗᬂᬫᭂᬤᬬᬚᬦᬶ᭞ᬲᬶᬦ
ᬮᬘᬸᬃ᭞ᬬᬾᬦ᭄ᬧᬤᬾᬫᬶᬢ᭄ᬬᬯᬘᬦ᭟᭜᭟ᬩᬾᬜ᭄ᬚᬂᬯᬗᬶᬦᬾᬳ᭄ᬬᬂᬇᬦ᭄ᬤ᭄ᬭ᭞ᬫᬶᬋᬂᬧᬯᬶᬲᬶᬓ᭄ᬳ᭄ᬬᬂᬯᬶᬥᬶ᭞ᬳᬓᬾᬦᬾᬫᬸᬗ᭄ᬕᬸᬳᬶᬂᬰᬩ᭄ᬤ᭞ᬯᬦ᭄ᬢᬄᬫᬵᬦᬸᬱᬦᬾᬰᬓ᭄ᬢᬶ᭞ᬜᬶᬤᬬᬂᬧᬘᬂᬫᬢᬾᬦᬶᬦ᭄᭞ᬦᬶᬃᬯ
ᬢᬓᬯᬘᬳᬶᬓᬸ᭞ᬓᬾᬢᭀᬰᬩ᭄ᬤᬦᬾᬓᬋᬗᭃ᭞ᬲᬂᬳ᭄ᬬᬂᬇᬦ᭄ᬤ᭄ᬭᬲᭂᬤᭂᬂᬩᭂᬲᬶᬓ᭄᭞ᬲᬫ᭄ᬧᬸᬦ᭄‌ᬗ᭄ᬮᬶᬗᬸ᭞ᬕᬢ᭄ᬭᬯᬾᬦ᭄ᬢᭂᬦ᭄‌ᬯ᭄ᬯᬂᬫᬢᬧ᭟᭜᭟ᬦᬾᬫᬧᬭᬩ᭄ᬲᬂᬅᬃᬚ᭄ᬚᬡ᭞ᬭᬶᬂᬇᬦ᭄ᬤ᭄ᬭᬓᬶᬮᬫᬓᬾᬃᬢ᭄ᬢᬶ᭞᭠
ᬳᬸᬦᬶᬂᬳᬶᬤᬲᬂᬳ᭄ᬬᬂᬇᬦ᭄ᬤ᭄ᬭ᭞ᬓᬧᬕᭂᬳᬦ᭄ᬲᬂᬢᬧᬢᬶᬲᬗ᭄ᬓᬦ᭄ᬳ᭄ᬬᬂᬩ᭄ᬭᬳ᭄ᬫᬵᬓᬢᬸᬭᬶᬦ᭄᭞ᬫᬗ᭄ᬤᬵᬳᬶᬤᬮᬾᬤᬂᬓᬬᬸᬦ᭄᭞ᬗᬶᬬᬲ᭄ᬤᬤᬭᬶᬦᬾᬲᬧ᭄ᬢ᭞ᬓᬗ᭄ᬕᬾᬦ᭄ᬗᭀᬤᬲᬂᬓᬶᬭᬶᬣᬶ᭞ᬤᬤᬭᬶᬓᬸ᭞ᬲᬫ᭄ᬧᬸ
[᭔᭖ 46A]
ᬦ᭄ᬩᬸᬭᬸᬄᬜᬬᬾᬂᬢᬧ᭟᭜᭟ᬕ᭄ᬮᬶᬲᬶᬂᬘ᭄ᬭᬶᬢᬲᬂᬳ᭄ᬬᬂᬩ᭄ᬭᬳ᭄ᬫᬵ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬗᬶᬬᬲᬶᬦ᭄᭞ᬮᬓ᭄ᬱ᭄ᬫᬶᬦᬶᬂᬇᬦ᭄ᬤ᭄ᬭᬮᬬ᭞ᬗᬭᬭᬶᬲ᭄ᬢᭂᬤᬸᬦ᭄ᬗᬩᬶᬃᬩᬶᬃ᭞ᬇᬦ᭄ᬤ᭄ᬭᬓᬶᬮᬦᬾᬓᬳᬸᬗ᭄ᬲᬶ᭞ᬕ᭄ᬮᬶᬲᬶᬂᬘ᭄ᬭᬶᬢᬲᬫ᭄ᬧᬸᬦ᭄ᬭᬯᬸᬄ᭞
ᬭᬶᬂᬮᬶᬗ᭄ᬕᬶᬄᬲᬂᬥᬦᬜ᭄ᬚᬬ᭞ᬩᬜᬕᬾᬕᭀᬤᬦᬾᬗᬶᬭᬸᬢ᭄ᬳᬢᬶ᭞ᬚ᭄ᬭᭀᬦᬶᬂᬓᬬᬸᬦ᭄᭞ᬲᬫᬶᬫ᭄ᬬᬦ᭄ᬤᭂᬮ᭄ᬗᬲᭀᬭᬂ᭟᭜᭟ᬧᬗ᭄ᬭᬸᬫ᭄ᬭᬸᬫᬾᬗᬾᬦ᭄ᬤᬄᬧᬾᬮᬕ᭄᭞ᬳᬤᬫᬩᬶᬦ᭄ᬗᭀᬬᭀᬢ᭄ᬧᬶᬧᬶ᭞ᬮᬾᬦ᭄ᬳᬤ
ᬗᭂᬮᬾᬲᬂᬲᬶᬜ᭄ᬚᬂ᭞ᬫᬮᬸᬓᬭᬦ᭄ᬲᬫᬶᬲᬫᬶ᭞ᬚᬦ᭄ᬢᭀᬲ᭄ᬗᬶᬮᬶᬲ᭄ᬲᬦᬾᬧᬶᬗᬶᬢ᭄᭞ᬫᬢᬶᬫ᭄ᬧᬄᬗᭀᬲᭀᬤᬂᬧᬸᬧᬸ᭞ᬗᭂᬮᬸᬢ᭄ᬩᬳᬸᬗᬭᬲᬭᬲ᭄᭞ᬘᬘᬶᬗᬾᬓᬾᬗᭂᬫ᭄ᬧᭂᬓ᭄ᬳᬢᬶ᭞ᬩᭂᬮᬶᬩᬕᬸᬲ᭄᭞ᬧᬤ
ᬍᬫ᭄ᬚᬓᬸᬤᬢᬶᬢ᭄ᬬᬂ᭟᭜᭟ᬲᬸᬯᬾᬢᬶᬢ᭄ᬬᬂᬗᬚᬧᬚᬧ᭄᭞ᬫᭂᬍᬤ᭄ᬫᬳᬗ᭄ᬕᬸᬄᬭᬶᬂᬩᭂᬮᬶ᭞ᬫᬳᬶᬍᬄᬢᬶᬢ᭄ᬬᬂᬜᭀᬭᭀᬢᬂᬓᬇᬦ᭄ᬤ᭄ᬭᬯᬶᬧ᭄ᬭᬲ᭄ᬢᬢᬗ᭄ᬓᬶᬮ᭄᭞ᬫᬦᬓᬾᬦᬂᬭᬕᬦ᭄ᬩᭂᬮᬶ᭞ᬭᬯᬸᬄᬭᬶᬂᬧᬸᬭᬶᬢ [ 48 ][᭔᭖ 46B]
᭔᭕
ᬦ᭄ᬧᬗ᭄ᬕᬸᬄ᭞ᬢᬓᬾᬦᬂᬭᬶᬂᬬᬚᬶᬩᬶᬬᬂ᭞ᬓᬩᬯᭀᬲᬂᬲᬫ᭄ᬧᬸᬦ᭄ᬮᬫᬶ᭞ᬩᭂᬮᬶᬩᬕᬸᬲ᭄᭞ᬦᬶᬗ᭄ᬕᬮ᭄‌ᬧᬸᬭᬶᬢᭀᬂᬫᬧᬫᬶᬢ᭄᭟᭜᭟ᬢᬶᬢ᭄ᬬᬂᬫᬧᬫᬶᬢ᭄‌ᬗᬾᬗ᭄ᬕᬮᬂ᭞ᬭᬶᬂᬳᬶᬤᬳᬶᬩ᭄ᬬᬂᬬᬚᬶ᭞ᬲᬫ᭄ᬩᬶᬮ᭄ᬲᭂᬤᬶᬄ
ᬗᬚᬩᬬᬂ᭞ᬓᬢᬫᬦ᭄ᬢᬶᬢ᭄ᬬᬂᬜᬮᬶᬓ᭄ᬱᬶᬓ᭄᭞ᬇᬭᬶᬓᬵᬢᬍᬃᬢᭀᬂᬓᭂᬦᬶ᭞ᬯᬾᬦ᭄ᬢᭂᬦ᭄ᬧᬜᭂᬭᭀᬯᬦ᭄ᬧᬗ᭄ᬕᬸᬄ᭞ᬢᬓᬾᬦᬶᬦ᭄ᬳᬸᬕᬶᬢᬦ᭄ᬩᬶᬦ᭞ᬓᬤᬶᬭᬯᭀᬲ᭄ᬳᬶᬩ᭄ᬬᬂᬳᬚᬶ᭞ᬓᭀᬘᬧ᭄ᬭᬢᬸ᭞ᬲᬫ᭄ᬧᬸᬦ᭄ᬲᬸ
ᬯᬾᬦᬶᬗ᭄ᬕᬮ᭄ᬚᬕᬢ᭄᭟᭜᭟ᬯᬯᬸᬮᬕᭂᬲ᭄ᬫᬦᬄᬢᬶᬢ᭄ᬬᬂ᭞ᬫᬢᬶᬗ᭄ᬕᬮ᭄ᬲᬓᬶᬂᬤᬶᬧᬸᬭᬶ᭞ᬲᬋᬂᬦᭂᬫ᭄ᬦᭂᬫ᭄ᬦᬾᬗᬢᭂᬳᬂ᭞ᬫᬶᬦᬩ᭄ᬮᬶᬦ᭄ᬢᬂᬭᬶᬂᬳᬰᬰᬶᬄ᭞ᬫᬗᬸᬮᬢᬶᬭᬕᬦ᭄ᬩᭂᬮᬶ᭞ᬫᬶᬦᬩ᭄ᬓᬶᬮᭀᬦᬦ᭄ᬳ᭄ᬬᬂ
ᬢᬸᬤᬸᬄ᭞ᬇᬭᬶᬓᬶᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂ᭞ᬩᭂᬮᬶᬚᭂᬦᭂᬓ᭄ᬦᬗᬸᬦ᭄ᬓᭂᬃᬢ᭄ᬢᬶ᭞ᬲᬶᬗ᭄ᬕᬶᬄᬭᬢᬸ᭞ᬍᬲᬸᬯᬂᬤᬸᬫᬸᬦᬸᬳᬚᬳᬦ᭄᭟᭜᭟ᬗᬶᬭᬶᬂᬚᬫᬩᬯᭀᬲᬦ᭄᭞ᬤᭀᬂᬲᬍᬤᬾᬢ᭄ᬢᬶᬢ᭄ᬬᬂᬩᭂᬮᬶ᭞ᬢᬶᬢ᭄ᬬᬂᬜᬸᬯᬸ
[᭔᭗ 47A]
ᬦ᭄ᬧᬯᬘᬦ᭞ᬤ᭄ᬬᬲ᭄ᬢᬸᬧᬤᭂᬫ᭄ᬢᬦ᭄ᬓᬾᬢᬗᬶᬦ᭄᭞ᬳᬢᬫ᭄ᬧᬓ᭄ᬢᭀᬂᬫᬓᬶᬭᬶᬕ᭄᭞ᬜᬤ᭄ᬬᬗᬶᬭᬶᬂᬲᬧᬢᬸᬤᬸᬄ᭞ᬦᬶᬓᬲᬓ᭄ᬱᬢ᭄ᬧᬦᬸᬕ᭄ᬭᬳᬦ᭄᭞ᬢᬶᬢ᭄ᬬᬂᬗᬶᬭᬶᬂᬳᬗ᭄ᬕᬦ᭄ᬩᭂᬮᬶ᭞ᬯᬦ᭄ᬢᬄᬧᬸᬧᬸᬢ᭄᭞ᬭᬶᬂᬩᭂᬮᬶᬗ
ᬢᬸᬭᬂᬳᬬᬄ᭟᭜᭟ᬬᬾᬦ᭄ᬧᬤᬾᬲᬶᬓ᭄ᬬᬦ᭄ᬢᬶᬢ᭄ᬬᬂ᭞ᬢᬦ᭄ᬫᬦ᭄ᬢᬸᬓᬶᬂᬓᬬᬸᬦ᭄ᬩᭂᬮᬶ᭞ᬧᬘᬂᬗᬗ᭄ᬕᬾᬦ᭄ᬲᬲᬤ᭄ᬧᬤ᭞ᬫᬦᬄᬢᬶᬢ᭄ᬬᬂᬢᬦ᭄ᬚᬩ᭄ᬭᬗ᭄ᬢᬶ᭞ᬓᬾᬯᬦ᭄ᬢᭂᬦ᭄ᬮᬾᬤᬂᬫᬦᬫ᭄ᬧᬶ᭞ᬢᬶᬢ᭄ᬬᬂᬤᭀᬲ᭄ᬢᬸᬓᬂᬲ
ᬧᬸ᭞ᬭᬶᬂᬧᬸᬭᬶᬭᬯᬸᬄᬓᬚᬩ᭞ᬜᬮᬸᬤ᭄ᬢᭀᬬᬗᭂᬩᭂᬓ᭄ᬚᭂᬤᬶᬂ᭞ᬢᬍᬃᬲᬫ᭄ᬧᬸᬦ᭄᭞ᬫᬯᬲ᭄ᬢᬗᬢᬸᬭᬂᬳᬬᬄ᭟᭜᭟ᬦᬧᬶᬢᬾᬫᬮᬶᬄᬓᬶᬭᬗᬦ᭄᭞ᬩᭂᬮᬶᬤᭂᬕᬂᬦᬗᬸᬦ᭄ᬓᬾᬃᬢ᭄ᬢᬶ᭞ᬜᬓᬸᬧᬂᬢᬗᬦ᭄ᬫᬢᬮᬂ
᭞ᬫᬧᬶᬦᬸᬦᬲ᭄ᬭᬶᬂᬳ᭄ᬬᬂᬯᬶᬥᬶ᭞ᬲᬜ᭄ᬚᬢᬲᬫ᭄ᬧᬸᬦ᭄ᬗᬩᬾᬳᬶᬦ᭄᭞ᬓᬧ᭄ᬭᬚ᭄ᬜᬦᬦ᭄ᬲᬫ᭄ᬧᬸᬦ᭄ᬓᬲᬸᬩ᭄᭞ᬚ᭄ᬭᭀᬦᬶᬂᬳᬚᬶᬤᬦᬸᬃᬥᬭ᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬲᬸᬫᬳᬶᬄ᭞ᬭᬸᬧᬩᬕᬸᬲ᭄᭞ᬗᬲᭀᬭᬂᬢ᭄ᬭᬸᬡᬳᬚ [ 49 ][᭔᭗ 47B]
᭔᭘
ᬕᬢ᭄᭟᭜᭟ᬦᬧᬶᬓᬾᬲᬫ᭄ᬧᬸᬦ᭄ᬫᬓᬦ᭄ᬓᬦ᭄᭞ᬜᬸᬤᬶᬫᭀᬓ᭄ᬱᬮᭀᬓᬩᭂᬮᬶ᭞ᬬᬾᬦ᭄ᬢᬶᬢ᭄ᬬᬂᬗᭂᬢᭀᬦ᭄ᬭᬶᬂᬭᬸᬧ᭞ᬮᬦ᭄‌ᬬᬸᬱᬦᬾᬳᬦᭀᬫ᭄ᬓᬭᬶ᭞ᬩᭂᬲ᭄ᬳᬶᬚᬸᬫᬢᬓᬶᬢᬓᬶ᭞ᬧᬶᬦᭂᬳᬶᬦ᭄ᬤᬸᬫᬸᬦ᭄ᬭᬶᬂ
ᬓᬬᬸᬦ᭄᭞ᬢᬦ᭄ᬓᬾᬢᬯᬄᬬᬦ᭄ᬭᬲᬬᬂ᭞ᬲᬫᬭᬦᬶᬗ᭄ᬕᬮᬶᬦ᭄ᬭᬢᬶᬄ᭞ᬩᬸᬤᬸᬄᬜᬸᬚᬸᬃ᭞ᬲᬭᬶᬦᬶᬂᬧᬭᬫᬫᭀᬓ᭄ᬱ᭟᭜᭟ᬓᭀᬘᬧ᭄‌ᬬᬦ᭄ᬲᬫ᭄ᬧᬸᬦ᭄ᬭᬶᬂᬫᭀᬓ᭄ᬱ᭞ᬢᬦ᭄ᬲᬶᬤ᭄ᬥᬫᬮᬶᬄᬫᬯᬮᬶ᭞ᬫᬮᬶ
ᬓᬶᬦ᭄ᬳᬸᬮᬗᬸᬦ᭄ᬫᬦᬄ᭞ᬫᬕᭂᬮᬸᬢ᭄ᬭᬶᬂᬭᬜ᭄ᬚᬂᬫᬸᬓᬶᬃ᭞ᬲᬸᬓᬢᬶᬢ᭄ᬬᬂᬫᬗᬬᬳᬶᬦ᭄᭞ᬤ᭄ᬬᬲ᭄ᬢᬸᬧᬶᬂᬲᬾᬓᭂᬢ᭄ᬧᬶᬂᬲᬢᬸᬲ᭄᭞ᬳᬶᬤᬸᬧ᭄ᬫᬢᬶᬫᬸᬯᬄᬍᬓᬤ᭄᭞ᬬᬾᬦ᭄ᬲᬫ᭄ᬧᬸᬦ᭄ᬫᬗᬶᬭᬶᬂᬩᭂᬮᬶ᭞ᬢ᭄ᬯᬭᬢᬓᬸᬢ᭄᭞
ᬫᬜ᭄ᬚᬓᬶᬦ᭄ᬘᬓ᭄ᬭᬕᬶᬮᬶᬗᬦ᭄᭟᭜᭟ᬗᭂᬤᬢ᭄ᬚᬤᬸᬫᬸᬦ᭄ᬳᬚᬳᬦ᭄᭞ᬦᬶᬓᬶᬢᬶᬢ᭄ᬬᬂᬳᬶᬤ᭄ᬭᬸᬧᬤᬶ᭞ᬗᬢᬸᬭᬶᬦ᭄ᬩᭂᬮᬶᬧᬂᬩᬸᬤᬮ᭄᭞ᬦᬶᬃᬢ᭄ᬯᬲ᭄ᬩᭂᬮᬶᬦᬗᬸᬦ᭄ᬓᬾᬃᬢ᭄ᬢᬶ᭞ᬤ᭄ᬯᬦᬶᬂᬭᬓᬭᬳᬶᬦ᭄ᬩᭂᬮᬶ᭞ᬲᬫ᭄ᬧᬸᬦ᭄ᬢᭂ
[᭔᭘ 48A]
ᬮᬲ᭄ᬧᬤᭂᬫ᭄ᬓᬫᬸᬓ᭄᭞ᬭᬶᬂᬳᬶᬤᬲᬂᬲᬸᬬᭀᬥᬦ᭞ᬭᬶᬂᬢᬧᬯᬦᬯᬤᬭᬶ᭞ᬤᭂᬓ᭄ᬤᭂᬓ᭄ᬋᬜᬸᬄ᭞ᬮᬬᭀᬦ᭄ᬳᬶᬤᬧᬚᬸᬮᬶᬫ᭄ᬧᬂ᭟᭜᭟ᬓᬾᬢᭀᬤᬤᬭᬶᬲᬸᬧ᭄ᬭᬪ᭞ᬭᬯᭀᬲ᭄ᬤᬦᬾᬧᬮᬶᬂᬧᬮᬶᬂ
᭞ᬢᬸᬜ᭄ᬚᬂᬩᬶᬭᬸᬕᬕᬃᬫᬬᬂ᭞ᬢᬶᬮᭀᬢ᭄ᬢᬫᬤ᭄ᬬᬄᬇᬦ᭄ᬤ᭄ᬭᬤᬶ᭞ᬲᬮᬶᬂᬢᬶᬫ᭄ᬩᬮ᭄ᬗᬲᬶᬳᬲᬶᬄ᭞ᬫᬧᭀᬲᬶᬩᬋᬗᬦ᭄ᬗᭂᬮᬸᬢ᭄᭞ᬤ᭄ᬬᬄᬫᬾᬦᬓᬗᬶᬲᭂᬄᬗᬭᬲ᭄᭞ᬗᭀᬬᬮ᭄ᬲᬂᬗᬸᬦ᭄ᬢᬸ
ᬮ᭄ᬫᬫᬸᬲ᭄ᬢᬶ᭞ᬦᬗ᭄ᬳᬶᬂᬓᬦ᭄ᬢᬸᬦ᭄᭞ᬤᭂᬕᭂᬂᬮᬸᬯᬶᬃᬕᬸᬦᬸᬂᬭᬚ᭟᭜᭟ᬤᬤᬭᬶᬦᬾᬓᬶᬫᬸᬤ᭄ᬚᭂᬗᬄ᭞ᬲᬫᬶᬩᬸᬤᬮ᭄ᬢᬦ᭄ᬧᬧᬫᬶᬢ᭄᭞ᬗᬶᬦ᭄ᬤᬂᬤᬦᬾᬓᬓᬳ᭄ᬬᬗᬦ᭄᭞ᬇᬦ᭄ᬤ᭄ᬭᬧᬸᬭᬶᬦᬾᬓᬳᬸᬗ᭄ᬲᬶ
᭞ᬕ᭄ᬮᬶᬲᬶᬂᬲᬢ᭄ᬯᬲᬫ᭄ᬧᬸᬦ᭄ᬢᬗ᭄ᬓᬶᬮ᭄᭞ᬭᬶᬂᬳ᭄ᬬᬂᬇᬦ᭄ᬤ᭄ᬭᬫᭂᬧᭂᬲ᭄ᬫᬢᬸᬃ᭞ᬗᬸᬦᬶᬗᬂᬳᬶᬦ᭄ᬤᬶᬓ᭄ᬜᬮᬸᬗ᭄ᬳ᭞ᬓᬸᬘᬶᬯᬢᬦ᭄ᬫᬧᬶᬓᭀᬮᬶᬄ᭞ᬢ᭄ᬯᬭᬫᬫ᭄ᬧᬸᬄ᭞ᬗ᭄ᬭᬸᬲᬓ᭄‌ᬬᬰᬦ᭄ᬲᬂᬅᬃᬚ᭄ᬚᬸᬡ᭟᭜᭟ᬢᭂᬮᬲ᭄ᬢᬶᬓᬲ᭄ᬢᬶ [ 50 ][᭔᭘ 48B]
᭔᭙
ᬢ᭄ᬬᬂᬫᭂᬤᬮ᭄᭞ᬳᬗ᭄ᬕᬾᬦ᭄ᬗᭂᬍᬲᬸᬯᬂᬓᬾᬃᬢ᭄ᬢᬶᬦ᭄᭞ᬲᬂᬯᬶᬦᬮᬸᬬᬅᬃᬘ᭄ᬘᬫᬵᬲ᭄᭞ᬫᬗ᭄ᬕᭂᬄᬤᭂᬕᭂᬗᬂᬕᬯᭀᬓᬶᬦ᭄᭞ᬓᬾᬢᭀᬫᬢᬸᬃᬲᬫ᭄ᬩᬶᬮ᭄ᬲᭂᬤᬶᬄ᭞ᬳ᭄ᬬᬂᬇᬦ᭄ᬤ᭄ᬭᬓᭂᬜᭂᬫ᭄ᬜᬯᬶᬸᬭᬶᬸᬦ᭄‌ᬫᬲᬯᬸᬃ᭞
ᬉᬤᬸᬄᬘᭂᬦᬶᬂᬦᬦᬓ᭄ᬲᬬᬂ᭞ᬢ᭄ᬯᬭᬜᬦ᭄ᬤᬂᬤᬾᬯᬲᭂᬤᬶᬄ᭞ᬫᭂᬮᬄᬫᬮᬸ᭞ᬫᬭᬵᬃᬬ᭄ᬬᬦ᭄ᬳᬚᬓ᭄ᬫᬓᭂᬚᬂ᭟᭜᭟ᬮᬾᬤᬂᬓᬬᬸᬦ᭄ᬲᬂᬳ᭄ᬬᬂᬇᬦ᭄ᬤ᭄ᬭ᭞ᬫᬶᬯᬄᬪᬝᬭᬦᬾᬲᬫᬶ᭞ᬫᬶᬋᬂᬕᬢ᭄ᬭᬦ᭄ᬲᬂ
ᬅᬃᬚ᭄ᬚᬸᬡ᭞ᬗᬫᭀᬮᬶᬳᬂᬓᬾᬃᬢ᭄ᬢᬶᬮᬸᬯᬶᬄ᭞ᬮᬶᬬᬂᬓᬬᬸᬦ᭄ᬳᬶᬤᬮᬸᬯᬶᬃ᭞ᬲᬫ᭄ᬧᬸᬦ᭄ᬓᬕᬫᭂᬮ᭄ᬓᬧᬸᬦ᭄ᬤᬸᬢ᭄᭞ᬧᬸᬗ᭄ᬕᬮᬦ᭄ᬦᬶᬃᬯᬢᬓ᭄ᬯᬘ᭞ᬦᬗ᭄ᬳᬶᬂᬯᬾᬦ᭄ᬢᭂᬦ᭄ᬫᬮᬶᬄᬲᬶᬓᬶ᭞ᬗᬯᬾᬲᬦ᭄ᬢᬸᬮ᭄᭞ᬮᬾᬤᬂᬜᬫ
ᬯᭀᬃᬲᬭ᭄ᬲᬬ᭟᭜᭟ᬢᬦ᭄ᬮᬾᬦ᭄ᬳᬶᬦ᭄ᬤᬶᬓ᭄ᬕᬕᭂᬮᬭᬦ᭄᭞ᬓᬧᬶᬡ᭄ᬥᬶᬢᬦ᭄ᬲᬂᬓᬶᬭᬶᬣᬶ᭞ᬲᬫ᭄ᬧᬸᬦ᭄ᬲᬶᬤ᭄ᬥᬗᬫᭀᬮᬶᬳᬂ᭞ᬤ᭄ᬬᬦᬲᬫᬥᬶᬦᬾᬲᬸᬘᬶ᭞ᬗᬯᬶᬦᬂᬳᬶᬤᬮᬮᬶᬭᬶᬂ᭞ᬲᬸᬓᬲᬓᬮᬧᬸᬦᬶᬓᬸ
[᭔᭙ 49A]
᭞ᬗᬯᬶᬦᬂᬓᬬᬸᬦ᭄ᬳ᭄ᬬᬂᬇᬦ᭄ᬤ᭄ᬭ᭞ᬲᬶᬦᬄᬧᭂᬲᬦ᭄ᬢᬦ᭄ᬫᬤᬕᬶᬂ᭞ᬬᬾᬦ᭄ᬲᬂᬧᬡ᭄ᬥᬸ᭞ᬲᬸᬢᬢᭂᬍᬩ᭄ᬭᬶᬂᬓᬫᭀᬓ᭄ᬱᬦ᭄᭟᭜᭟ᬫᬯᬶᬦᬦ᭄ᬳᬶᬳ᭄ᬬᬂᬇᬦ᭄ᬤ᭄ᬭ᭞ᬤᬶᬕᭂᬮᬶᬲ᭄ᬢᭂᬤᬸᬦ᭄ᬗ᭄ᬭᬯᬸᬳᬶᬦ᭄᭞ᬕ᭄ᬮᬶᬲᬶᬂᬘ᭄ᬭᬶᬢᬲᬵ
ᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬳ᭄ᬬᬂᬇᬦ᭄ᬤ᭄ᬭᬫᬕᭂᬦ᭄ᬢᭀᬲ᭄ᬯᬃᬡ᭄ᬦᬶ᭞ᬫᬢᭂᬫᬳᬦ᭄ᬋᬱᬶᬮᬸᬯᬶᬄ᭞ᬮᬶᬗ᭄ᬲᬶᬃᬧᬫᬃᬕ᭄ᬕᬶᬦ᭄ᬳᬶᬤᬭᬸᬬᬸᬤ᭄᭞ᬫᬢᭂᬢᭂᬓᭂᬦ᭄ᬲᬫ᭄ᬧᬶᬂᬮᬸᬳᬵ᭞ᬗᬢᬸᬚᬸᬲᬩᭂᬄᬗᬸᬭᬶᬧᬶᬲ᭄᭞ᬲᬸᬯᬾᬦᬸᬗ᭄ᬕᬸ᭞
ᬪᬝᬭᬢᬦ᭄ᬓᬲᬫ᭄ᬩ᭄ᬭᬫ᭟᭜᭟ᬭᬭᬶᬲ᭄ᬳᬶᬗ᭄ᬭᬶᬬᭀᬧᬬ᭞ᬫᬗ᭄ᬤᬲᬂᬅᬃᬚ᭄ᬚᬸᬡᬳᬸᬦᬶᬂ᭞ᬯᬾᬦ᭄ᬢᭂᬦ᭄ᬪᬝᬭᬗᬦ᭄ᬢᭀᬲᬂ᭞ᬭᬭᬶᬲ᭄ᬳᬶᬤᬜᬭᬸᬫᬗᬶᬮ᭄ᬕᬶᬮ᭄᭞ᬫᬢᭂᬗ᭄ᬓᬾᬫ᭄ᬫᬯᬦ᭄ᬢᬶᬯᬦ᭄ᬢᬶ᭞ᬫᬯᬸᬯᬸᬄᬘᭂᬘᭂᬄ
ᬫᬯᬢᬸᬓ᭄᭞ᬲᬂᬫᬮᬶᬗ᭄ᬕᬶᬄᬗᬩᬶᬦ᭄ᬢᬗᬦ᭄᭞ᬫᬧᬭᭀᬓᬬᬸᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬫᭂᬢᬸ᭞ᬗᬭᬦᬶᬦ᭄ᬩᬸᬗᬲ᭄ᬕᬸᬳᬵ᭟᭜᭟ᬓᬕ᭄ᬬᬢ᭄ᬳᬶᬤᬲᬂᬅᬃᬚ᭄ᬚᬸᬡ᭞ᬳᬦ᭄ᬢᬸᬓ᭄ᬜᬶᬗᬓ᭄ᬳᬦᬓ᭄ᬮᬶᬗ᭄ᬲᬶᬃ᭞ᬯᬶᬓᬸᬪᬯᬾ [ 51 ][᭔᭙ 49B]
᭕᭐
ᬭᬸᬧᬦ᭄ᬳᬶᬤ᭞ᬦᬾᬫᬮᬸᬦ᭄ᬢᬗᬶᬤᬶᬳᬶᬤᬶᬄ᭞ᬳᬸᬦ᭄ᬢᬸᬜᬮᬂᬲᭂᬦ᭄ᬢᬓ᭄ᬧᬸᬢᬶᬄ᭞ᬘ᭄ᬭᬯᬶᬲ᭄ᬳᬶᬤᬭᭀᬩ᭄ᬜᬫ᭄ᬩ᭄ᬬᬄ᭞ᬓᬓᬦ᭄ᬜᬫᬓ᭄ᬬᬸᬤ᭄ᬧᬜ᭄ᬚᬂ᭞ᬲᬓᬶᬂᬘᬘᬶᬗᬓ᭄ᬫᬘᬶᬭᬶ᭞ᬳᬶᬤᬲᬫ᭄ᬧᬸᬦ᭄᭞ᬯᬶᬩᬸᬳᬶᬂᬚ᭄ᬜᬦ
ᬩᬮ᭟᭜᭟ᬲᬂᬧᬃᬣᬳᬚ᭄ᬭᬶᬄᬓᬲᬾᬧᬦ᭄᭞ᬫᬫᭂᬦ᭄ᬤᬓ᭄ᬲᬂᬯᬯᬸᬧ᭄ᬭᬧ᭄ᬢᬶ᭞ᬕᭂᬮᬶᬲ᭄ᬜᬕ᭄ᬚᬕ᭄ᬫᬢᬸᬃᬧ᭄ᬮᬧᬦ᭄᭞ᬗᭂᬳᭂᬤ᭄ᬳᬗ᭄ᬕᬦᭂᬓᬾᬂᬳᬢᬶ᭞ᬲᬮ᭄ᬯᬶᬃᬧᬗᬲ᭄ᬢᬯᬦᬾᬮ᭄ᬯᬶᬄ᭞ᬓᬢᬸᬃᬭᬶᬂᬲᬂᬫ᭄ᬭᬕᬢᬫ᭄ᬬᬸ᭞ᬳ
ᬍᬧ᭄ᬧᬗᬸᬲ᭄ᬫᬯᬶᬪᬯ᭞ᬫᬤᬸᬮᬸᬃᬘᬘᬶᬗᬓ᭄ᬮᬶᬦ᭄ᬤᬶ᭞ᬯᬯᬸᬭᬯᬸᬄ᭞ᬭᬢᬸᬫᬮᬶᬗ᭄ᬕᬶᬄᬭᬭᬶᬲᬂ᭟᭜᭟ᬫᬫᬶᬢᬂᬓ᭄ᬱᬫᬭᬵᬚ᭞ᬳᬶᬦ᭄ᬤᬶᬓ᭄ᬳᬶᬭᬢᬸᬗ᭄ᬭᬯᬸᬳᬶᬦ᭄᭞ᬭᬶᬂᬧᬢᬧᬦ᭄ᬫᬶᬦ᭄ᬢᬭᬕ᭞ᬮᬾᬤᬗᬂᬓᬬᬸ᭠
ᬦ᭄ᬲᬂᬋᬱᬶ᭞ᬕᭂᬦᬄᬲᭀᬓ᭄‌ᬳᬾᬫ᭄ᬩᭀᬦᬦ᭄ᬓᬶᬤᬶᬓ᭄᭞ᬓᬾᬢᭀᬲᬂᬅᬃᬚ᭄ᬚᬸᬡᬫᬢᬸᬃ᭞ᬲᬫ᭄ᬩᬶᬮ᭄ᬕᬶᬧᬶᬄᬫᬢᬗᬦᬦ᭄᭞ᬩᬯᭀᬲ᭄ᬩᬦ᭄ᬩᬦ᭄ᬦᭂᬫ᭄ᬧᬸᬄᬰ᭄ᬭᬸᬢᬶ᭞ᬲᬮ᭄ᬯᬶᬃᬳᬢᬸᬃ᭞ᬗᭂᬢᬸᬲ᭄ᬓᬬᬸᬦ᭄ᬫᭂᬤᬄ
[᭕᭐ 50A]
ᬧ᭄ᬭᬡ᭟᭜᭟ᬤᬸᬓ᭄ᬲᬂᬳ᭄ᬬᬂᬇᬦ᭄ᬤ᭄ᬭᬇᬭᬶᬓᬵᬜᬸᬄᬢᬶᬭᬸᬧᬤᬤᭀᬲ᭄ᬋᬱᬶ᭞ᬋᬱᬶᬧᬤ᭄ᬬᬧᬭᬩ᭄ᬳᬶᬤ᭞ᬢᬦ᭄ᬧᬭᬯᬢ᭄ᬳᬶᬦ᭄ᬤ᭄ᬭᬫᬮᬶᬄ᭞ᬓᬤᬾᬯᬢᬦ᭄ᬳᬶᬤᬳᬶᬮᬶᬤ᭄᭞ᬢᬍᬃᬲᬂᬢᬦᬬᬧᬡ᭄ᬥᬸ᭞ᬤᬸᬓ᭄ᬗᬶ
ᬦᭂᬂᬩ᭄ᬭᬢᬳᬶᬭᬶᬓᬵ᭞ᬫᬧᬭᬩ᭄ᬋᬱᬶᬘᬶᬧ᭄ᬢᭀᬦᬶᬂ᭞ᬢᭂᬍᬓ᭄ᬢᬳᬸ᭞ᬲᬥᬸᬥᬃᬫ᭄ᬫᬶᬓᬓᬘᬶᬗᬓ᭄᭟᭜᭟ᬦᬶᬃᬯᬶᬓᬵᬭᬵᬚ᭄ᬜᬦᬦ᭄ᬳᬶᬤ᭞ᬤᬯᭂᬕ᭄ᬫᬪᬸᬱᬡᬵᬋᬱᬶ᭞ᬫᬲᬸᬦ᭄ᬢᬕᬶᬫᬢ᭄ᬭᬶᬓᬸᬰ᭞ᬫᬕᬦᬶᬢ᭄ᬭᬶ
ᬫᬦ᭄ᬢᬶᬗᬦ᭄ᬢᬶ᭞ᬭᬸᬧᬦᬾᬮᬶᬗ᭄ᬲᬶᬃᬳᬧᭂᬓᬶᬦ᭄᭞ᬫᬧᬦ᭄ᬫᬸᬮᬳᬶᬤᬩᬕᬸᬲ᭄᭞ᬚ᭄ᬭᭀᬲᬗ᭄ᬕᬶᬂᬫᬾᬯᭂᬄᬗᬃᬘ᭄ᬘᬬᬂ᭞ᬦᬸᬮᬶᬳᬶᬤᬫᬢᬸᬃᬫᬮᬶᬄ᭞ᬭᬶᬂᬚ᭄ᬭᭀᬢᬫ᭄ᬬ᭞ᬫᬢᬓᬾᬦ᭄ᬘᬸᬘᬸᬤ᭄ᬜᭂᬓᭂᬦᬂ᭟᭜᭟ᬳᬶᬦ᭄ᬤᬶᬓ᭄ᬓ
ᬭᬯᬸᬳᬦ᭄ᬳᬶᬤ᭞ᬲᬓᬶᬂᬤᬶᬚᬓᬶᬚᬗ᭄ᬭᬭᬶᬲ᭄᭞ᬲᬃᬚ᭄ᬚᬯᬋᬱᬶᬧᬤ᭄ᬬ᭞ᬭᬶᬂᬳᬬᬢᬾᬧᬘᬂᬜᬯᬶᬲ᭄᭞ᬗᭂᬮᬸᬗᬗ᭄ᬕᬢᬗᬦ᭄ᬕᬫᬧᬶᬮ᭄᭞ᬗᬸᬜ᭄ᬘᬭᬂᬒᬁᬲ᭄ᬯᬲ᭄ᬢ᭄ᬬᬲ᭄ᬢᬸ᭞ᬫᬦ᭄ᬢ᭄ᬭᬧᬸᬚᬧᬗᬓ᭄ᬱᬫ᭞ᬗᬺᬲᬶ [ 52 ][᭕᭐ 50B]
᭕᭑
ᬦ᭄ᬦᬬᬸᬦ᭄ᬲᬂᬫᬶᬭᬕᬶ᭞ᬫ᭄ᬭᬲᬮᬦ᭄ᬤᬸᬄ᭞ᬓᭂᬲᬶᬭᬶᬦ᭄ᬓᬫᬸᬦᬶᬯᬭᬦ᭄᭟᭜᭟ᬉᬥᬸᬄᬤᬾᬯᬲᬗᬢᬧ᭞ᬲᬢᭂᬓᬦ᭄ᬩᬧᬦᬾᬫᬳᬶ᭞ᬕᬸᬫᬦ᭄ᬢᬶᬫᬯᬦᬯᬲ᭞ᬜᬸᬲᬸᬧ᭄ᬭᬶᬂᬳᬮᬳᬲᬾᬲ᭄ᬭᬶᬧᬶᬢ᭄᭞ᬓᬕᬾ
ᬢ᭄ᬢᬗ᭄ᬓᭂᬚᬸᬢ᭄ᬢᬦ᭄ᬲᬶᬧᬶ᭞ᬩᬧᬗᭂᬢᭀᬦ᭄ᬢᬚᬫ᭄ᬮᭂᬗ᭄ᬓᬸᬂ᭞ᬲᭀᬓ᭄ᬳᬶᬭᬶᬓᬶᬢᬢᬶᬩᬦ᭄ᬜ᭞ᬫᬶᬦᬩ᭄ᬳᬶᬓᬸᬢᭀᬬᬲᬸᬘᬶ᭞ᬦᬾᬓᬭᬸᬭᬸᬄ᭞ᬳᬗ᭄ᬕᬦ᭄ᬳᬶᬤᬾᬯᬫᬢᬧ᭟᭜᭟ᬳᬫ᭄ᬧᬸᬭᬬᬂᬳᬸᬕᬶ
ᬤᬾᬯ᭞ᬩᭀᬬᬚᬲᬗ᭄ᬓᬦᬶᬂᬧᬘᬂ᭞ᬗᬤᬸᬓᬤᬸᬓ᭄ᬲᬂᬫᬓᬾᬃᬢ᭄ᬢᬶ᭞ᬫᬓᬵᬤᬶᬳᬗ᭄ᬕᬦ᭄ᬲᬂᬋᬱᬶ᭞ᬧᬚᭂᬄᬫᬦᬸᬗ᭄ᬕᬶᬮᬂᬓᬬᬸᬦ᭄᭞ᬓᬤᬮᭀᬦ᭄ᬗᬲ᭄ᬢᬯᬳ᭄ᬬᬂ᭞ᬲᬦᬾᬓᬯᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬲᬶᬓᬶ᭞ᬓᬶᬭᬂᬫᬦᬸ᭠
ᬢ᭄᭞ᬫᬦᬄᬩᬧᬦᬾᬗᬢᭀᬦᬂ᭟᭜᭟ᬲᬫ᭄ᬧᬸᬦ᭄ᬓᬮᭀᬓ᭄ᬢᬄᬭᬶᬂᬚᬕᬢ᭄᭞ᬳᬶᬭᬢᬸᬧᬕᭂᬄᬫᬓᬾᬃᬢ᭄ᬢᬶ᭞ᬯᬶᬓᬸᬧᬸᬢᬸᬲ᭄ᬓᬂᬪᬸᬱᬡ᭞ᬓᬤᬶᬲᭀᬮᬄᬬᬦ᭄ᬧᭂᬤᬲᬶᬦ᭄᭞ᬲᬂᬫᬭᬕᬲᬶᬤ᭄ᬥ
[᭕᭑ 51A]
ᬬᭀᬕᬶ᭞ᬲᬺᬕᭂᬧ᭄ᬧᬦᬄᬮᬗ᭄ᬓᬧ᭄ᬲᬤᬸ᭞ᬢᬦ᭄ᬓᬾᬓᬘᬾᬤᬭᬶᬂᬚᬕᬢ᭄᭞ᬲᬂᬧᬡ᭄ᬥᬶᬢᬦᬾᬯᬸᬲ᭄ᬯᬕ᭄ᬫᬶ᭞ᬳᭂᬩᭂᬓ᭄ᬢᬸᬢᬸᬃ᭞ᬓᬘᬭᬸᬩᬦ᭄ᬳᬶᬫ᭄ᬱᬓᬃᬫ᭄ᬫ᭟᭜᭟ᬧᬓᬬᬸᬦᬦ᭄ᬲᬶᬗ᭄ᬕᬶᬄᬧ᭄ᬭᬡ᭄ᬥ᭞ᬬᬾᬦ᭄
ᬲᬫ᭄ᬧᬸᬦ᭄ᬲᬸᬚᬢᬶᬗᬢᬶᬄ᭞ᬗᬦᬸᬢᬶᬦ᭄ᬩ᭄ᬭᬢᬮᬦ᭄ᬢ᭞ᬲᭀᬓ᭄ᬧᬢᬸᬢ᭄ᬧᬶᬲᬦ᭄ᬤᬶᬕᭂᬮᬶᬲ᭄᭞ᬫᬤᬩ᭄ᬤᬩ᭄ᬫᬢᬓᬶᬢᬓᬶ᭞ᬜᬸᬚᬸᬃᬲᬢ᭄ᬬᬧᬤᬳᬶᬓᬸ᭞ᬦᬗ᭄ᬳᬶᬂᬬᬾᬦ᭄ᬯᬾᬦ᭄ᬢᬄᬜᬭᬢᬶ᭞ᬲᬸᬓᬲᬓᬮᬧᬶ᭞
ᬢᬸᬯᬶ᭞ᬚᬦ᭄ᬢᭂᬦ᭄ᬲᬫ᭄ᬧᬸᬦ᭄᭞ᬧᬸᬦᬶᬓᬵᬓᬩᬯᭀᬲ᭄ᬫᬶᬫ᭄ᬧᬲ᭄᭟᭜᭟ᬫᬧᬦ᭄‌ᬬᬾᬦ᭄ᬧᭂᬤᬲ᭄ᬧᭂᬤᬲᬂ᭞ᬗᬸᬮᬸᬭᬶᬦ᭄ᬓᬲᬸᬓᬦ᭄ᬳᬢᬶ᭞ᬧᬗᬦ᭄ᬓᬶᬦᬸᬫ᭄ᬫᬶᬯᬄᬲ᭄ᬯᬃᬕ᭄ᬕᬦ᭄᭞ᬳᬶᬗ᭄ᬕ᭄ᬬᬓᬧᬺᬲᬶᬤ᭄ᬥᬳᬸᬕᬶ᭞ᬫᬗ᭄ᬕᭂᬄᬲᬗ᭄ᬲᬭᬓᬧ
ᬗ᭄ᬕᬶᬄ᭞ᬳᬶᬧᬜ᭄ᬘᬳᬶᬦ᭄ᬤ᭄ᬭᬫᬍᬗ᭄ᬕᬸ᭞ᬗᬯᬩᬶᬗᬸᬂᬲᬮᬄᬧᬃᬡ᭄ᬦ᭞ᬮᬶᬂᬮᬸᬂᬢᬦ᭄ᬢᬗᭂᬄᬭᬶᬂᬤᬶᬭᬶ᭞ᬧᬢᬶᬧᬸᬭᬸᬕ᭄᭞ᬲᬃᬯ᭄ᬯᬯᬲ᭄ᬢᬸᬗᬤᬮᭀᬦᬂ᭟᭜᭟ᬓᬤᬶᬳᬦᬓ᭄ᬦᭀᬦ᭄ᬢᭀᬦ᭄ᬯᬬᬂ᭞ᬓᬢᬶᬫᬦ᭄ᬲᬫ᭄ᬧᬸᬦ᭄ᬓᭀᬦᬶᬗᬶ [ 53 ][᭕᭑ 51B]
᭕᭒
ᬦ᭄᭞ᬯᬬᬗᬾᬧᬶᬦᬓᬯᬦ᭄ᬢᬄ᭞ᬩᬮᬸᬮᬂᬋᬕᭂᬲ᭄ᬫᬳᬸᬓᬶᬃ᭞ᬬᬾᬦ᭄ᬯᬬᬗᬾᬲᭂᬤᭂᬓ᭄ᬲᭂᬤᬶᬄ᭞ᬲᬂᬫᬦᭀᬦ᭄ᬢᭀᬦ᭄ᬲᬋᬂᬩᭂᬓᬸᬢ᭄᭞ᬩᭂᬮᭀᬕ᭄ᬢᬸᬢᬸᬢ᭄ᬜᬗᬯᬶᬦᬂ᭞ᬕᭂᬭᬶᬂᬢᬺᬱ᭄ᬡᬦᬾᬜᬸᬲᬸᬧᬶᬦ᭄᭞ᬫᭂᬢᬸᬢᬦ᭄ᬯ᭄ᬭᬸᬄ᭞ᬲᬸ
ᬗ᭄ᬮᬧ᭄ᬰᬓ᭄ᬢᬶᬦ᭄ᬪᬯᬵᬫᬬ᭟᭜᭟ᬋᬱᬶᬧᬤ᭄ᬬᬫᬢᭂᬤ᭄ᬫᭀᬚᬃ᭞ᬫᬲᬯᬸᬃᬋᬱᬶᬘᬶᬧ᭄ᬢᭀᬦᬶᬂ᭞ᬧᬢᬸᬢ᭄ᬧᭂᬲᬦ᭄ᬲᬶᬗ᭄ᬕᬶᬄᬧ᭄ᬭᬦ᭄ᬤ᭞ᬬᬾᬦ᭄ᬲᬫ᭄ᬧᬸᬦ᭄ᬫᬦᬤᭀᬲ᭄ᬋᬱᬶ᭞ᬢᬦ᭄ᬤᬤᭀᬲ᭄ᬫᬫᬢᬶᬫᬢᬶ᭞ᬳᬶᬫ᭄ᬱᬓᬃᬫ᭄ᬫᬯᬲ᭄ᬢᬦᬶ
ᬧᬸᬦ᭄᭞ᬩᬗᭂᬢ᭄ᬮᬶᬬᬦ᭄ᬭᬶᬂᬦᬾᬮ᭄ᬬᬦᬦ᭄᭞ᬳᬗ᭄ᬕᬦ᭄ᬢᬶᬢ᭄ᬬᬂᬤᬤᭀᬲ᭄ᬱᬱᬶ᭞ᬳᬦ᭄ᬢᬸᬓ᭄ᬓᬦ᭄ᬢᬸᬦ᭄᭞ᬲᬺᬕᭂᬧ᭄ᬲᬃᬯ᭄ᬯᬲᬜ᭄ᬚᬢ᭟᭜᭟ᬭᬾᬄᬗᬦᬸᬢᬶᬦ᭄ᬢᬍᬃᬢᬶᬢ᭄ᬬᬂ᭞ᬲᬸᬥᬃᬫ᭄ᬫᬓ᭄ᬱᬢ᭄ᬭᬶᬬᬮᬸᬯᬶᬄ᭞ᬲᬓᬾᬃᬢ᭄ᬢᬶᬫ᭄ᬯᬂᬓ
ᬧᬸᬭᬸᬱᬦ᭄᭞ᬦᬾᬓᬧᬸᬘᬸᬓᬂᬧᬶᬢᬸᬯᬶ᭞ᬧᬸᬦᬶᬓᬲᬢ᭄ᬫᬓᬢᬶᬢᬶ᭞ᬫᬤᬕᬶᬂᬧᬗᬜ᭄ᬘᬦ᭄ᬓᬸᬓᬸᬄ᭞ᬲᬸᬓᬲᬓᬮᬧᬸᬦᬶᬓᬵ᭞ᬲᭀᬓ᭄ᬳᬗ᭄ᬕᬾᬦ᭄ᬧᬗᬦ᭄ᬢᬶᬳᬦ᭄ᬢᬶ᭞ᬧᬸᬢᬸᬦ᭄ᬳᭂᬫ᭄ᬧᬸ᭞ᬫᬸᬧᬸᬢᬂᬲᬂᬳ᭄ᬬᬂᬓᬫᭀᬓ᭄ᬱ
[᭕᭒ 52A]
ᬦ᭄᭟᭜᭟ᬳᬘᭀᬮᭀᬳᬦ᭄ᬫᬦᬄᬢᬶᬢ᭄ᬬᬂ᭞ᬧᬤᬾᬯᬾᬦ᭄ᬢᭂᬦ᭄ᬫᬸᬲᬸᬄᬰᬓ᭄ᬢᬶ᭞ᬗᬭᭀᬳᬭᬗ᭄ᬭᬸ᭠ᬲᬓ᭄ᬚᬕᬢ᭄᭞ᬗᬾᬢᬮᬾᬢᬮ᭄ᬗᬦᬾᬰᬓ᭄ᬢᬶ᭞ᬧᬤᬾᬯᬾᬦ᭄ᬢᭂᬦ᭄ᬲᬂᬓᬯᬸᬕᬶᬦ᭄᭞ᬦᬤᬓ᭄ᬭᬯᬸᬄᬳᬗ᭄ᬕᬦᬶ
ᬧᬸᬦ᭄᭞ᬭᬶᬂᬢᬶᬢ᭄ᬬᬂᬗᬶᬤᬶᬄᬢᬸᬮᬸᬗᬦ᭄᭞ᬮᬲ᭄ᬬᬢᬶᬢ᭄ᬬᬂᬢᬦ᭄ᬧᬫ᭄ᬭᬶᬄ᭞ᬫᬢᭂᬢᬸᬮᬸᬂ᭞ᬢᬦ᭄ᬚᬗ᭄ᬮᬯᬦᬶᬦ᭄ᬭᬶᬂᬫᬦᬄ᭟᭜᭟ᬦᬗ᭄ᬓᭂᬧᬶᬦ᭄ᬫᬸᬲᬸᬄᬯᬶᬰᬾᬱ᭞ᬤ᭄ᬯᬦᬶᬂᬢᬶᬢ᭄ᬬᬂᬫ᭄ᬭᬕᬋᬱᬶ᭞ᬤᬕᬶᬂᬤᬕᬶᬂᬓᬧᬡ᭄ᬥᬶᬢᬦ᭄᭞ᬳᬗ᭄ᬕᬾ
ᬦ᭄ᬧᬯᬸᬗᬸᬗᬯᬶᬢᬶᬦ᭄᭞ᬬᬾᬦ᭄ᬧᬸᬦᬶᬓᬵᬓᬘᬫ᭄ᬧᬳᬶᬦ᭄᭞ᬮᬗ᭄ᬓᬧᬾᬓᬗ᭄ᬕᬾᬦ᭄ᬧᬶᬢᬸᬢᬸᬃ᭞ᬮᬾᬦ᭄ᬤᬸᬭᬸᬂᬫᬸᬲᬸᬳᬾᬧᭂᬚᬄ᭞ᬧᬶᬲᬦ᭄ᬢᬶᬢ᭄ᬬᬂᬦᬾᬗᭂᬫᬲᬶᬦ᭄᭞ᬢ᭄ᬯᬭᬲᬸᬭᬸᬤ᭄᭞ᬢᬶᬢ᭄ᬬᬂᬗᭂᬚᭀᬢᬂᬢᬸᬮᬸᬗ
ᬦ᭄᭟᭜᭟ᬢᬶᬢ᭄ᬬᬂᬋᬱᬶᬩᬗᭂᬢ᭄ᬮᬶᬬᬦ᭄᭞ᬤᬸᬓ᭄ᬦᬗ᭄ᬓᭂᬧᬶᬦ᭄ᬫᬸᬲᬸᬄᬰᬓ᭄ᬢᬶ᭞ᬋᬱᬶᬦᬤᬓ᭄ᬫᬲᬶᬮᬸᬫᬦ᭄᭞ᬤᬤᭀᬲ᭄‌ᬓ᭄ᬱᬢ᭄ᬭᬶᬬᬗᭂᬦ᭄ᬤᬶᬄ᭞ᬢ᭄ᬯᬭᬲᬸᬭᬸᬤ᭄ᬗᬃᬤ᭄ᬥᬶᬦᬶᬦ᭄᭞ᬚᬕᬢᬾᬓᭂᬦᬶᬭᬳᬬᬸ᭞ᬳᬸᬕᬶ [ 54 ][᭕᭒ 52B]
᭕᭓
ᬭᬢᬸᬫᬗ᭄ᬤᬢᬢᬲ᭄᭞ᬫᬯᬶᬦᬦ᭄ᬢᬶᬢ᭄ᬬᬂᬫᬓᬾᬃᬢ᭄ᬢᬶ᭞ᬳᬦ᭄ᬢᬸᬓ᭄ᬓᬦ᭄ᬢᬸᬦ᭄᭞ᬓᬭᬓᭂᬢᬦ᭄ᬪᬓ᭄ᬢᬶᬲᬬᬂ᭟᭜᭟ᬯᬾᬦ᭄ᬢᭂᬦ᭄ᬧᭂᬃᬡ᭄ᬦᬄᬩᭂᬮᬶᬦ᭄ᬢᬶᬢ᭄ᬬᬂ᭞ᬓᬮᭀᬓ᭄ᬢᬄᬲᬩᬢᬦ᭄ᬮᬗᬶᬢ᭄᭞ᬫᬧᬭᬩ᭄ᬲᬂᬥᬃᬫ᭄ᬫᬯᬗ᭄ᬰ᭞ᬢᬦ᭄ᬦᬳᭂ
ᬦᬶᬦ᭄ᬧᬗ᭄ᬕᬸᬄᬩ᭄ᬭᬗ᭄ᬢᬶ᭞ᬓᬧᬭᬵᬃᬣᬦ᭄ᬳᬶᬤᬗᭂᬦ᭄ᬤᬶᬄ᭞ᬧᬸᬦᬶᬓᬓᬯ᭄ᬬᬓ᭄ᬢᬾᬦ᭄ᬳᬶᬧᬸᬦ᭄᭞ᬦᬾᬯᬗᬸᬦᬂᬢᬶᬢ᭄ᬬᬂᬢᬧ᭞ᬳᬦᬢᬸᬓᬦ᭄ᬳᬶᬤᬳᬶᬩᭂᬮᬶ᭞ᬫᬧᬓᬬᬸᬦ᭄᭞ᬗᬃᬤ᭄ᬥᬶᬚᬕᬢ᭄ᬓᬺᬢᬬᬸᬕ᭟᭜᭟ᬳᬶᬤᬫᭂᬍ
ᬤ᭄‌ᬗ᭄ᬯᬗᬸᬦ᭄ᬬᬰ᭞ᬗᬃᬤ᭄ᬥᬶᬓᬭᬳᬬᭀᬦ᭄ᬕᬸᬫᬶ᭞ᬲᬢᬸᬗ᭄ᬕᭀᬦᬶᬂᬳᬸᬭᬶᬧ᭄ᬳᬶᬤ᭞ᬲᭀᬓ᭄ᬓᬗ᭄ᬕᬾᬦ᭄ᬫᬾᬮᬦᬶᬦ᭄ᬕᬸᬫᬶ᭞ᬢᬍᬃᬢᬶᬢ᭄ᬬᬂᬲᬂᬓᬶᬭᬶᬣᬶ᭞ᬧᬸᬢᬸᬦ᭄ᬲᬶᬗ᭄ᬕᬶᬄᬧ᭄ᬭᬡ᭄ᬥᬳᬕᬸᬂ᭞ᬫᬕᬸᬢ᭄ᬲᬕᬲᬓᭂᬲᬶᬤ᭄ᬥᬦ᭄᭞ᬫ
ᬜᬭᬢᬂᬫᬗ᭄ᬤᬫᭀᬮᬶᬄᬧᬤᬾᬩᬾᬜ᭄ᬚᬾᬮ᭄᭞ᬳᬶᬤᬪᬝᬭᬢᬦ᭄ᬲ᭄ᬯᬾᬘ᭄ᬙᬵ᭟᭜᭟ᬬᬤ᭄ᬬᬵᬲ᭄ᬢᬸᬦ᭄ᬗᭂᬫᬲᬶᬦ᭄ᬧᭂᬚᬄ᭞ᬢᬶᬢ᭄ᬬᬂᬢᬦ᭄ᬧᬘᬂᬫᬯᬮᬶ᭞ᬓᬾᬢᭀᬳᬢᬸᬃᬲᬂᬅᬃᬚ᭄ᬚᬤᬡ᭞ᬦᬾᬫᬕᭂᬮᬃᬳᭂᬫ᭄ᬧᬸᬘᬶ
[᭕᭓ 53A]
ᬧ᭄ᬢᭀᬦᬶᬂ᭞ᬳᬢᬸᬭᬾᬩᬦ᭄ᬩᬦ᭄ᬫᬗᬺᬲᬶᬦ᭄᭞ᬗᭂᬦ᭄ᬤᬸᬳᬂᬳᬸᬯᬢ᭄ᬧᬧᬸᬲᬸᬄ᭞ᬫᭂᬤᬄᬓᬧᬸᬲᭂᬃᬧᬗ᭄ᬭᬲ᭞ᬋᬱᬶᬧᬤ᭄ᬬᬫᬓᭂᬜᬶᬂ᭞ᬓᬕᬾᬢ᭄ᬲᬫ᭄ᬧᬸᬦ᭄᭞ᬫᬯᬮᬶᬤᬤᭀᬲ᭄ᬳ᭄ᬬᬂᬰᬓ᭄ᬭ᭟᭜᭟ᬉᬦᬶᬂᬳᬶᬤᬲᬂᬅᬃ
ᬚ᭄ᬚᬸᬡ᭞ᬫᬯᬶᬦᬦ᭄ᬜᭀᬗ᭄ᬓᭀᬓ᭄ᬗᬪᬓ᭄ᬢᬶ᭞ᬤᬶᬕᭂᬮᬶᬲ᭄ᬳᬶᬤᬳ᭄ᬬᬂᬇᬦ᭄ᬤ᭄ᬭ᭞ᬗᬫ᭄ᬩᬶᬮ᭄ᬢᬗᬦ᭄ᬲᬂᬢᬧᬢᬶ᭞ᬥᬸᬄᬤᬾᬯᬵᬅᬃᬚ᭄ᬚᬸᬡᬘᭂᬦᬶᬂ᭞ᬮᬦ᭄ᬢᬲᬂᬤᬳᭀᬩᬄᬓᬬᬸᬦ᭄᭞ᬤ᭄ᬯᬦᬶᬂᬳᬶᬤᬲᬂᬳ᭄ᬬᬂᬰᬶᬯ᭞ᬲᬸᬩᬦᬦ᭄ᬤᭂᬲ᭄ᬗᬭᬯᬸ
ᬳᬶᬦ᭄᭞ᬳᬗ᭄ᬕᬦ᭄ᬩᬕᬸᬲ᭄᭞ᬦᬶᬩᬓᬂᬯᬭᬦᬸᬕ᭄ᬭᬳᬵ᭟᭜᭟ᬫᬸᬗ᭄ᬕ᭄ᬯᬶᬂᬓᬲᬭᬢᬂᬩᬧ᭞ᬫᬳᬶᬦᬤᬓ᭄ᬗᬭᬯᬸᬳᬶᬦ᭄᭞ᬜᬸᬕ᭄ᬚᬸᬕᬶᬦ᭄ᬓᬬᬸᬦ᭄ᬳᬶᬦᬦᬓ᭄᭞ᬳᬦ᭄ᬢᬸᬓ᭄ᬤᬕᬶᬂᬓᬯᬶᬭᬢᬶᬦ᭄᭞ᬩᬦ᭄ᬩᬧᬲᭂᬮᬂᬭᬶᬂᬘᭂᬦᬶᬂ᭞ᬢᭀ
ᬦ᭄ᬧᬕᭂᬄᬗᬸᬍᬗᬂᬓᬬᬸᬦ᭄᭞ᬘᬸᬢᭂᬢ᭄‌ᬬᬾᬦ᭄ᬧᬤᬾᬳᬶᬦᬦᬓ᭄᭞ᬤᬸᬭᬸᬲ᭄ᬚᭂᬦᭂᬓ᭄ᬫᬦ᭄ᬤᬶᬢᬳᬶ᭠ᬦ᭄᭞ᬲᬶᬦᬄᬲᬫ᭄ᬧᬸᬦ᭄᭞ᬦᬶᬲ᭄ᬨᬮᬲᬗᬦ᭄ᬩᬧ᭟᭜᭟ᬧᬫᬸᬦ᭄ᬢᬢ᭄ᬬᬘᬦᬦ᭄ᬳᬶᬤ᭞ᬫᬯᭀᬲᬂᬧᬘᬂᬫᬯ [ 55 ][᭕᭓ 43B]
᭔᭔
ᬮᬶ᭞ᬢᬦᬲᬯᬾᬓᬕᬾᬢ᭄ᬳᬶᬘᬮ᭄᭞ᬰᬶᬃᬡ᭄ᬦᬫᬸᬱ᭄ᬡᬵᬢᬦ᭄ᬧᬘᬶᬭᬶ᭞ᬫᬧᬦ᭄ᬫ᭄ᬭᬕᬤᬾᬯᬚᬢᬶ᭞ᬉᬦᬶᬂᬳᬸᬫᬭᭀᬓᬶᬂᬲᬸᬯᬸᬂ᭞ᬳᬶᬤᬫᬭᬕᬲᬸᬫᭂᬤᬂ᭞ᬲᬂᬧᬃᬣᬉᬘᬧᬂᬫᬮᬶᬄ᭞ᬮᬾᬤᬂᬫ᭄ᬯᬗ᭄ᬲᬸᬮ᭄᭞ᬗᬭ
ᬜ᭄ᬚᬶᬂᬓᬢᭂᬗᬄᬕᬸᬳᬵ᭟᭜᭟ᬭᬶᬂᬤᬸᬯᬸᬃᬩᬢᬸᬦᬾᬮᬸᬫ᭄ᬩᬂ᭞ᬓᬧᬸᬢ᭄ᬮᬸᬫᬸᬢ᭄ᬲᬯᬂᬓᬸᬦᬶᬂ᭞ᬇᬭᬶᬓᬵᬫᬮᬶᬄᬲᬂᬧᬃᬣ᭞ᬫᬲᬂᬬᭀᬕᬫᬲᬫᬥᬶ᭞ᬫᬰᬶᬮᬧᬓᬶᬮ᭄ᬫᬫᬸᬲ᭄ᬢᬶ᭞ᬜᭂᬍᬕ᭄ᬢᬾᬚᬦ᭄ᬳᬶᬤᬫᬸᬭᬸᬩ᭄᭞
ᬓᬧᬶᬢᭂᬢ᭄ᬧᬫᬶᬋᬂᬳᬶᬤ᭞ᬲᬸᬓ᭄ᬱ᭄ᬫᬰᬭᬶᬭᬦᬾᬮᬶᬲᬶᬓ᭄᭞ᬢᬸᬳᬸᬲᬫ᭄ᬧᬸᬦ᭄᭞ᬫ᭄ᬭᬕᬒᬁᬗ᭄ᬓᬭᬧᬺᬡᬯ᭟᭜᭟ᬲᬫ᭄ᬧᬸᬦ᭄ᬳᬫᭀᬭᬶᬂᬅᬘᬶᬦ᭄ᬬ᭞ᬚ᭄ᬜᬦᬦ᭄ᬳᬶᬤᬦᬾᬲᬦ᭄ᬤᬶ᭞ᬫᭀᬮᬶᬳᬶᬂᬧᬭᬫᬲᬸ᭠
ᬓᬵ᭞ᬢᬦ᭄ᬧᬶᬤ᭄ᬥᬓᬕᭀᬤᬫᬮᬶᬄ᭞ᬧᬸᬦᬶᬓᬵᬗᬯᬶᬦᬂᬭᬶᬳᬶᬦ᭄᭞ᬫᬸᬲ᭄ᬢᬶᬓᬦ᭄ᬓᬾᬦ᭄ᬤ᭄ᬭᬦᬾ᭠ᬗᬫ᭄ᬩᬸᬮ᭄᭞ᬓᬮᬶᬮᬶᬄᬗᬃᬤ᭄ᬟᬶᬕᬕᭀᬥᬦ᭄᭞ᬲᭂᬥᬶᬄᬩᬸᬤᬮ᭄ᬢᬦ᭄ᬧᬧᬫᬶᬢ᭄᭞ᬲᬋᬂᬧᬶᬢᬸ᭞ᬳᬶᬦᬦ᭄ᬚᭂ
[᭕᭔ 44A]
ᬕᬾᬕᬾᬗᬯᬾᬂ᭟᭜᭟ᬓᬾᬢᭀᬳᬶᬮᬦᬾᬬᬾᬦ᭄ᬲᬸᬫ᭄ᬩᬃ᭞ᬧᬸᬜᬄᬩᬦ᭄ᬭᬸᬧᬦᬾᬩᬗ᭄ᬓᬶᬢ᭄᭞ᬳᬚᬸᬫ᭄ᬩᬸᬭᬸᬄᬜᬬᬾᬂᬢᬧ᭞ᬢ᭄ᬯᬭᬢᬳᬾᬦ᭄ᬫᬶᬗ᭄ᬓᬮᬶᬳᬶᬦ᭄᭞ᬲᬚᬬᬾᬦ᭄ᬢᬧᬦᬾᬕᬜ᭄ᬚᬶᬄ᭞ᬢ
ᬜ᭄ᬚᬾᬦ᭄ᬮᬓ᭄ᬮᬓ᭄ᬲᬶᬬᬢ᭄ᬲᬶᬬᬸᬢ᭄᭞ᬓᬶᬤᭂᬧ᭄ᬓᬾᬢᭀᬲᬂᬅᬃᬚ᭄ᬚᬸᬡ᭞ᬩᬦᬾᬤᬶᬕᭀᬯᭀᬓᬾᬦᭂᬗᬶᬮ᭄᭞ᬓᬤᬾᬦ᭄ᬳᭂᬜᬸᬤ᭄᭞ᬲᭀᬓ᭄ᬮᭂᬕ᭄ᬮᭂᬕᬶᬦ᭄ᬢᬢᬸᬭᭀᬕ᭄ᬭᬕ᭄᭟᭜᭟ᬦᬧᬶᬫᬮᬶᬄᬫᬗ᭄ᬓᬶᬦ᭄ᬳᬶᬤ᭞ᬫᬕᬶᬬᭂᬢ᭄ᬚ
ᬦ᭄ᬢᭀᬲ᭄ᬦᬶᬓᭂᬮᬶᬦ᭄᭞ᬧᬶᬂᬤᬰᬉᬢ᭄ᬲᬳᬦ᭄ᬳᬶᬤ᭞ᬗᬫᬗ᭄ᬕᭂᬳᬂᬬᭀᬕᬮᬸᬯᬶᬄ᭞ᬧᬤᬩ᭄ᬤᬩ᭄ᬳᬶᬤᬦᬾᬧᬢᬶᬲ᭄᭞ᬓᬤᬶᬳᬦᬓᬾᬫᬓᬸᬲᬸ᭞ᬭᬶᬂᬯᬯᬸᬳᬦ᭄ᬤᬸᬲ᭄ᬜᬫᭂᬤᬮ᭄᭞ᬬᬾᬦ᭄ᬳᬶᬭᬶᬓᬵᬢ᭄ᬮᬾᬫᬦ᭄ᬭᬭᬶᬲ᭄᭞ᬚ
ᬦ᭄ᬢᭂᬦ᭄ᬲᬫ᭄ᬧᬸᬦ᭄᭞ᬕᭂᬦᬶᬦᬾᬢᬦ᭄ᬓᬓᭂᬦᬶᬳᬂ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬲᬂᬫᬕ᭄ᬬᭂᬢ᭄ᬦᬗᬸᬦ᭄ᬢᬧ᭞ᬳ᭄ᬦᭂᬗᬂᬤᬸᬫᬸᬦ᭄‌᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭞ᬳᬶᬦ᭄ᬤᬶᬓ᭄ᬧᬭᬋᬫᬦ᭄ᬳᬕᬸᬂ᭞ᬭᬶᬂᬫᬦᬶᬓ᭄ᬫᬦ᭄ᬢᬓᬧᬸᬭ᭞ᬮᬶᬦ᭄ᬢᬂᬳᭀᬲᬄ᭞ᬦᬶᬃ [ 56 ][᭕᭔ 54B]
᭕᭕
ᬯᬢᬓᬯᬘᬵᬗ᭄ᬮᬶᬗᬸ᭞ᬳᬢᬸᬃᬢᭂᬮᬶᬓ᭄ᬲᬦ᭄ᬤᬶᬦ᭄ᬳᬶᬤ᭞ᬯᬾᬦ᭄ᬢᭂᬦ᭄ᬚᬤ᭄ᬫᬦᬗᬸᬦ᭄ᬓᬾᬃᬢ᭄ᬢᬶ᭟᭜᭟ᬋᬭᬶᬓᬵᬭᬶᬂᬇᬦ᭄ᬤ᭄ᬭᬓᬶᬮ᭞ᬧᬡ᭄ᬥᬸᬲᬸᬦᬸ᭞ᬓᬲᬸᬩ᭄ᬧᬕᭂᬄᬫᬲᬫᬥᬶ᭞ᬕᬕᭀᬤᬦᬾᬗᬾᬦ᭄ᬤᬄᬳᬾᬭᬸᬢ᭄᭞ᬗ᭄ᬳᬶᬂᬲᬫᬥᬶ
ᬦ᭄ᬜᬢᬦ᭄ᬳᭀᬩᬄ᭞ᬤᭂᬕᭂᬂᬓᬯᭀᬢ᭄᭞ᬤᬤᬭᬶᬦᬾᬳᬓᬾᬄᬭᬯᬸᬄ᭞ᬗᬭᬸᬲᬓ᭄ᬢᬧᬦ᭄ᬲᬂᬧᬃᬣ᭞ᬗ᭄ᬕᬂᬢᬦ᭄ᬯᬾᬦ᭄ᬢᭂᬦ᭄ᬫᬧᬶᬓᭀᬮᬶᬄ᭟᭜᭟ᬧ᭄ᬭᬪᬸᬦᬶᬃᬯᬢᬓᬯᬘ᭞ᬤᬳᬢ᭄ᬗᭂᬦ᭄ᬤᬸ᭞ᬫᬦᬄᬦ᭄ᬬᬬᬾᬦ᭄ᬫᬫᬶ
ᬭᬕᬶ᭞ᬳᭀᬃᬣᬳᬤᬳᬦᬓ᭄ᬢᭂᬕᬸᬄ᭞ᬤ᭄ᬬᬲ᭄ᬢᬸᬢᭂᬗᬳᬶᬂᬲᬕᬭ᭞ᬭᬶᬂᬲ᭄ᬯᬃᬕ᭄ᬕᬦ᭄᭞ᬓᭀᬤᬕ᭄ᬳᬦ᭄ᬢᬸᬓᬗᬭᬸᬭᬸᬄ᭞ᬭᬶᬂᬤᬶᬚᬫᭂᬗ᭄ᬓᭂᬩ᭄ᬓᬲᬩ᭄ᬲᬩ᭄᭞ᬳᬾᬭᬂᬬᬾᬦ᭄ᬳᬤᬗᬸᬗ᭄ᬓᬸᬮᬶᬦ᭄᭟᭜᭟ᬦᬧᬶᬫᬮᬶᬄᬳᬶᬭᬵᬓ᭄ᬱ
ᬲ᭞ᬲᬫ᭄ᬧᬸᬦ᭄ᬯᭂᬭᬸᬄ᭞ᬯᬶᬢ᭄ᬳᬢᬸᬃᬓᬶᬢᭂᬮᬶᬓ᭄ᬲᬦ᭄ᬤᬶ᭞ᬧᬭᬤᬾᬯᬦᬾᬧᬸᬦᬶᬓᬸ᭞ᬲᬫᬶᬫᬓᬃᬱᬢᬸᬮᬸᬗᬦ᭄᭞ᬭᬶᬂᬲᬂᬧᬃᬣ᭞ᬳᬶᬤᬓᬦ᭄ᬤᬶᬓᬬᬂᬫᬜ᭄ᬘᬸᬢ᭄᭞ᬳᬸᬭᬶᬧ᭄ᬦᬶᬃᬯᬢᬓᬯᬘᬵ᭞ᬲᬗ᭄ᬓᬦ᭄ᬩ᭄ᬭᬦ᭄ᬢᬶᬦ᭄ᬜᬦᬶ
[᭕᭕ 55A]
ᬓᭂᬮᬶᬦ᭄᭟᭜᭟ᬲᬗ᭄ᬓᬦ᭄ᬦᬶᬃᬯᬢᬓᬯᬘ᭞ᬤᬳᬢ᭄ᬕᬶᬲᬸ᭞ᬦᬯᬸᬳᬶᬦ᭄ᬓ᭄ᬭᬶᬬᬦ᭄ᬫᬧᬢᬶᬄ᭞ᬫᬗ᭄ᬤᬗᬋᬧᬂᬫᬮᬸᬗ᭄ᬕᬸᬄ᭞ᬓᬶᬧᬢᬶᬄᬫᭀᬫᭀᬲᬶᬫᬸᬓ᭞ᬳᬾᬕᬃᬜᬕ᭄ᬚᬕ᭄᭞ᬦᬫ᭄ᬧᭂᬓᬶᬦ᭄ᬮᬶᬗ᭄ᬕᬶᬄᬲᬂᬧ᭄ᬭᬪᬸ᭞ᬭᬶᬂᬲᬶᬗ᭄ᬳᬵ
ᬲᬦᬓᬦᬓᬵ᭞ᬓᬶᬧᬢᬶᬄᬗᭂᬳᭂᬤ᭄ᬗᬪᬓ᭄ᬢᬶ᭟᭜᭟ᬫᬢᬸᬃᬓᬶᬫᭀᬫᭀᬲᬶᬫᬸᬓ᭞ᬲᬶᬗ᭄ᬕᬶᬄᬭᬢᬸ᭞ᬯᬾᬦ᭄ᬢᭂᬦ᭄ᬳᬶᬦ᭄ᬤᬶᬓ᭄ᬭᬳᬢ᭄ᬫᬦᬯᬶ᭞ᬫᬯᬶᬦᬦ᭄ᬓᬤᬶᬕᬕᬶᬲᬸᬦ᭄᭞ᬦᬯᬸᬳᬶᬦ᭄ᬲᬶᬓᬶᬳᬦ᭄ᬢᬶᬢ᭄ᬬᬂ᭞ᬦᬧᬶᬫᬶᬦ
ᬩ᭄᭞ᬯᬾᬦ᭄ᬢᭂᬦ᭄ᬫᬸᬲᬸᬄᬰᬓ᭄ᬢᬶᬭᬯᬸᬄ᭞ᬩᭂᬤᬓ᭄ᬫᬩᬸᬤ᭄ᬥᬶᬫᬢᭂᬕᬃ᭞ᬭᬶᬂᬓᬯᬶᬰᬾᬱᬦ᭄ᬳᬶᬕᬸᬲ᭄ᬢᬶ᭟᭜᭟ᬲᬫ᭄ᬧᬸᬦᬂᬳᭂᬚᬸᬳᬶᬤᬾᬯᬵ᭞ᬫᭂᬍᬤ᭄ᬢᭂᬤᬸᬦ᭄᭞ᬩᭂᬘᬶᬓᬦ᭄ᬭᬢᬸᬫᬮᬶᬗ᭄ᬕᬶᬄ᭞ᬩᬗ᭄ᬕᬬᬂᬚᬢᬶᬢ᭄ᬬᬂᬤᬸᬫᬸᬦ᭄
᭞ᬦᬗ᭄ᬓᭂᬃᬧᬶᬦ᭄ᬫᬸᬲᬸᬳᬾᬢᭂᬓᬵ᭞ᬗᬧᬓᬧᬓ᭄᭞ᬳᬯᬓ᭄ᬢᬶᬢ᭄ᬬᬗᬾᬧᬓ᭄ᬭᬸᬬᬸᬓ᭄᭞ᬫᭂᬍᬤ᭄ᬭᬶᬂᬲᬜ᭄ᬚᬢᬜᬜᬧ᭄᭞ᬳᬗ᭄ᬕᬾᬦ᭄ᬳᬸᬩᬤ᭄ᬓᬸᬮᬶᬢ᭄ᬕᭂᬦᬶᬢ᭄᭟᭜᭟ᬓᬾᬢᭀᬓᬶᬫᭀᬫᭀᬲᬶᬫᬸᬓ᭞ᬭᬶᬂᬧ [ 57 ][᭕᭕ 55B]
᭕᭖
ᬧᬭᬸᬫ᭄᭞ᬫᬢᬸᬃᬲᬳᬵᬘᭂᬕᬶᬓ᭄᭞ᬫᬧᭀᬦᭂᬕᬓ᭄ᬫᬧᭀᬩᬗᬸᬦ᭄᭞ᬲᬫ᭄ᬩᬶᬮ᭄ᬫᬗᬸᬦᬸᬲ᭄ᬓᬮᬾᬯᬂ᭞ᬫᬶᬭᬶᬩ᭄ᬫᬓ᭄ᬧᬢ᭄᭞ᬕᬮᬓᬾᬬᬾᬦ᭄ᬳᬤᬫᬸᬲᬸᬄ᭞ᬲᬸᬜᬩᬗᬸᬦ᭄ᬩᬸᬯᬶᬦ᭄ᬦᭂᬕᬓ᭄᭞ᬫᭂᬃᬓ᭄ᬓᬓ᭄‌ᬬᬫᭂᬦᬾ᭠
ᬓᬂᬩᬢᬶᬲ᭄᭟᭜᭟ᬦᬶᬃᬯᬢᬓᬯᬘᬳᬾᬕᬃ᭞ᬤ᭄ᬯᬦᬶᬂᬧᬢᬸᬄ᭞ᬳᬫ᭄ᬩᭂᬓᬾᬧᬢᬸᬭᬸᬤᭂᬗ᭄ᬓᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬫᬸᬯᬸᬲ᭄᭞ᬥᬸᬄᬧᬫᬦ᭄ᬤᭀᬫᭀᬲᬶᬫᬸᬓᬵ᭞ᬧᬢᬶᬄᬲᬬᬂ᭞ᬢ᭄ᬯᬭᬚᬢᭂᬓᬳᬶᬦ᭄ᬫᬸᬲᬸᬄ᭞ᬜᬾ
ᬦ᭄ᬜᬾᬦ᭄ᬜᬾᬦ᭄ᬩᬦᬶᬫᬢᭂᬕᬃ᭞ᬦᬶᬃᬯᬢᬓᬯᬘᬵᬰᬓ᭄ᬢᬶ᭟᭜᭟ᬓᬾᬢᭀᬫᬲᬶᬄᬩᬸᬓᬧᬫᬦ᭄᭞ᬜᬾᬦ᭄ᬢᬦ᭄ᬯᭂᬭᬸᬄ᭞ᬭᬶᬂᬓᬯᬶᬰᬾᬱᬦ᭄ᬓᬶᬧᬢᬶ᭞ᬲᬸᬩᬓᬸᬤᬂᬓᬸᬤᬂᬫᬸᬲᬸᬄ᭞ᬦᬾᬲᬸᬩᬓᬲᬸᬩ᭄ᬯᬶᬰᬾ
ᬱ᭞ᬫᬲᬶᬄᬗᬦ᭄ᬤᬧ᭄᭞ᬫᬓᬓᭂᬧ᭄ᬬᬗᬶᬤᬶᬄᬳᬶᬤᬸᬧ᭄᭞ᬩᬦ᭄ᬚᬓᬸᬢ᭄ᬫᬢᬶᬫᬮᬯᬃ᭞ᬓᬦ᭄ᬢᬶᬫᬕᬳᬂᬫᬧᬫᬶᬢ᭄᭟᭜᭟ᬓᬾᬢᭀᬦᬶᬃᬯᬢᬓᬯᬘ᭞ᬲᬤᬗᬚᬸᬫ᭄᭞ᬓᬾᬦᬾᬧᬫ᭄ᬫᬸᬓᬧ
[᭕᭖ 56A]
ᬢᬶᬄ᭞ᬲᬗ᭄ᬓᬦ᭄ᬦᬶᬭᬩᬸᬓᬧᬺᬮᬸ᭞ᬢᬳᬸᬳᬶᬦ᭄ᬫᬓᬤᬶᬧᬫᬦ᭄᭞ᬭᬶᬂᬧᬲᬾᬪᬦ᭄᭞ᬩᬸᬓᬚᬦᬶᬤᬶᬦᬶᬧᬭᬸᬫ᭄᭞ᬳᬚᬓ᭄ᬦᬶᬭᬫᬧᬶᬢᬸᬗᬦ᭄᭞ᬭᬾᬄᬦᬾᬘᬕᭂᬃᬲᭀᬓ᭄ᬓᬶᬧᬢᬶᬄ᭟᭜᭟ᬧᬫᬦ᭄ᬚᬦᬶᬳᬸᬢᬸ
ᬲ᭄ᬕᭂᬮᬄ᭞ᬩᬸᬯᬢ᭄ᬜᬸᬚᬸᬃ᭞ᬇᬦ᭄ᬤ᭄ᬭᬓᬶᬮᬦ᭄ᬢᭀᬳᬸᬗ᭄ᬲᬶ᭞ᬭᬾᬄᬳᬤᬫᬦᬸᬱᬤᬶᬢᬸ᭞ᬳᬦᬾᬫᬤᬦ᭄ᬲᬂᬅᬃᬚ᭄ᬚᬸᬡ᭞ᬦᬗᬸᬦ᭄ᬢᬧ᭞ᬢᭀᬗᭀᬲ᭄ᬜᬦᬾᬫᬮᬸᬳᬤᬸᬓ᭄᭞ᬳᬸᬯᬸᬕᬶᬦ᭄ᬧᬂᬓᬦ᭄ᬢᬶᬩᭂ
ᬜᬄ᭞ᬭᬾᬄᬬᬫᬸᬲᬸᬄᬓᬧᬶᬢᬸᬯᬶ᭟᭜᭟ᬬᬾᬦ᭄ᬲᬸᬩᬢᭀᬗᭀᬲ᭄ᬜᬭᬸᬲᬓ᭄᭞ᬚᭂᬕ᭄ᬢᬮᬸᬚᬸ᭞ᬲᬂᬅᬃᬚ᭄ᬚᬸᬡᬳᭂᬚᬸᬓ᭄ᬘᬓᬶᬗ᭄ᬓ᭄ᬮᬶᬂ᭞ᬳᭂᬤᬚᭂᬕ᭄ᬘᬄᬘᬳᬤᬶᬢᬸ᭞ᬳᬚᬓ᭄ᬫᬳᬶᬬᬳᬶᬤᬸᬧᬂ᭞ᬤᬶ
ᬩᬜ᭄ᬘᬶᬗᬄ᭞ᬚᭂᬫᬸᬄᬧᬩᬮᬶᬄᬫᬳᬶᬫ᭄ᬧᬸᬲ᭄᭞ᬬᬾᬦ᭄ᬲᭂᬤᬸᬓ᭄ᬤᬩᬗᬵᬗᬫᬄ᭞ᬧᬂᬩᬗ᭄ᬓᬫᬓᭂᬦ᭄ᬢᬤᬶᬦᬶ᭟᭜᭟ᬫᬭᬳᬫᭀᬦ᭄ᬢᭀᬗᬦ᭄ᬤᬶᬓᬵ᭞ᬕᬸᬲ᭄ᬢᬶᬦᬶᬧᬸᬦ᭄᭞ᬓᬶᬫᭀᬫᭀᬲᬶᬫᬸᬓ [ 58 ][᭕᭖ 56B]
᭕᭗
ᬜᬯᬶᬲ᭄᭞ᬓᭂᬤᬾᬓ᭄ᬗ᭄ᬭᬓᬓ᭄ᬳᬶᬧᬸᬦᬚᬸᬫ᭄᭞ᬥᬸᬄᬭᬢᬸᬪᬝᬭᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬚᬵ᭞ᬭᬢᬸᬲᬗ᭄ᬲᬬᬭᬶᬂᬓᬬᬸᬦ᭄᭞ᬳᬦ᭄ᬤᭂᬮ᭄ᬢᬶᬢ᭄ᬬᬂᬧᬘᬂᬫᬓ᭄ᬢ᭞ᬲᬂᬧᬃᬣᬳᬓᭂᬧᭂᬮ᭄ᬫᬶᬜ᭄ᬘᬶᬤ᭄᭟᭜᭟ᬢᬦ᭄ᬚᬫ
ᬮᬶᬄᬕᬶᬢᬸᬢᬶᬢ᭄ᬬᬂ᭞ᬗᬭᬸᬭᬸᬄᬩᬸᬦ᭄᭞ᬩᬸᬯᬢ᭄ᬗᬶᬫ᭄ᬧᬸᬲ᭄ᬫᬦᬮᬶᬳᬶᬦ᭄᭞ᬲᬂᬅᬃᬚ᭄ᬚᬸᬡᬲᬮᬄᬢᭂᬕᬸᬮ᭄᭞ᬚᬮ᭄ᬫᬘᭂᬦᬶᬓ᭄ᬓᬮᬸᬤ᭄ᬩᭂᬭᬕ᭄᭞ᬲᭂᬫ᭄ᬧᬬᬢᬦ᭄᭞ᬫᬶᬦᬩ᭄ᬢᬦ᭄ᬫᬫ᭄ᬧᬸᬄᬫᬚᬸᬚᬸᬓ᭄᭞ᬲᬗ᭄ᬓᬦ᭄ᬲᬳᬶ
ᬗᭂᬚᭀᬄᬢᬶᬫ᭄ᬧᬮ᭄᭞ᬤᭂᬫᭂᬦ᭄ᬦᭂᬕᬓ᭄ᬗᬮᬶᬄᬲᭂᬧᬶ᭟᭜᭟ᬬᬾᬦ᭄ᬢᬦ᭄ᬭᬢᬸᬗᬸᬢᬸᬲ᭄ᬢᬶᬢ᭄ᬬᬂ᭞ᬗᭂᬚᬸᬓ᭄ᬳᬶᬧᬸᬦ᭄᭞ᬲᬂᬧᬃᬣᬯᭀᬦ᭄ᬜᬕ᭄ᬚᬕᬶᬦ᭄᭞ᬓᬶᬫᬸᬤ᭄ᬫᬦᬄᬢᬶᬢ᭄ᬬᬂᬭᬢᬸ᭞ᬳᬶᬧᬸᬦ᭄ᬩᭀᬬᬢᬦ᭄ᬤᬶᬂᬢᬶᬢ᭄ᬬᬂ᭞
ᬢᬦ᭄ᬧᬕᬸᬡ᭞ᬗᭂᬓᭀᬄᬦᬗ᭄ᬓᬶᬲ᭄ᬧᬦᬄᬳᬶᬧᬸᬦ᭄᭞ᬧᬦᬄᬲᬂᬧᬃᬣᬲᬫᬾᬦ᭄ᬜ᭞ᬫᬸᬜ᭄ᬘᬸᬓ᭄ᬳᬫ᭄ᬩᭂᬗᬦᬾᬳᬓᬶᬂ᭟᭜᭟ᬲᬶᬦᬄᬤᬤᭀᬲ᭄ᬓᬓᭂᬤᬾᬓᬦ᭄᭞ᬢᬶᬢ᭄ᬬᬂᬭᬢᬸ᭞ᬭᬾᬄᬢᭀᬂᬢᬦ᭄ᬤᬶᬂᬦᬾᬢᬦ᭄ᬤᬶᬗᬶ
[᭕᭗ 57A]
ᬦ᭄᭞ᬤ᭄ᬯᬦᬶᬂᬳᬗ᭄ᬕᬦ᭄ᬢᬶᬢ᭄ᬬᬂᬭᬢᬸ᭞ᬩᭂᬮᬶᬕ᭄ᬧᬸᬢᬶᬓᬂᬲᬜ᭄ᬚᬢ᭞ᬲᬦᬾᬜᬜᬧ᭄᭞ᬧᭂᬤᬂᬘᬓ᭄ᬭᬮᬦ᭄ᬩᭂᬮᬶᬬᬸᬂ᭞ᬓᬮᬶᬂᬲᭀᬓ᭄ᬢᬸᬫ᭄ᬩᬓ᭄ᬧᬚᭂᬕᬦ᭄᭞ᬓᭂᬭᬶᬲ᭄ᬲᬸᬯᬃᬕ᭄ᬕᬦᬾᬮᬶᬮᬶᬄ᭟᭜᭟ᬤᬸᬓ᭄ᬢᬶᬢ᭄ᬬᬂ
ᬭᬶᬂᬇᬦ᭄ᬤ᭄ᬭᬮᭀᬓ᭞ᬲᬦᬾᬤᬸᬫᬸᬦ᭄᭞ᬗᬶᬭᬶᬂᬳᬶᬭᬸᬢᬸᬫᬧᬤᬶᬓ᭄᭞ᬬᬾᬦ᭄ᬢᬦ᭄ᬳ᭄ᬬᬂᬰᬣᬓᬺᬢᬸ᭞ᬕᭂᬮᬶᬲ᭄ᬫᬜᬭᬳᬂᬭᬕ᭞ᬭᬶᬂᬳᬶᬤᬾᬯ᭞ᬢᬶᬢ᭄ᬬᬂᬳᬸᬓᬸᬄᬦᭂᬭᬸᬲ᭄ᬗᬫᬸᬓ᭄᭞ᬤᭂᬧᬂᬓᬳ᭄ᬬᬗᬦᬾ
ᬗ᭄ᬮᬾᬫ᭄ᬩᭂ᭞ᬳᬜᬸᬤᬂᬩ᭄ᬮᬩᬃᬕᭂᬢᬶᬄ᭟᭜᭟ᬓᬾᬢᭀᬓᬶᬫᭀᬫᬾᬲᬶᬫᬸᬓ᭞ᬤᭂᬕᬕ᭄ᬳᬚᬸᬫ᭄᭞ᬦᬶᬗ᭄ᬕᬭᬂᬤᬾᬯᬾᬓ᭄ᬜᬰᬓ᭄ᬢᬶ᭞ᬢᭀᬂᬚᬗ᭄ᬓᬬᬦ᭄ᬳᬶᬧᬸᬦ᭄ᬫᬢᬸᬃ᭞ᬦᬶᬃᬯᬢᬓᬯᬘᬮᬾᬤᬂ᭞
ᬫᬶᬬᬃᬱᬬᬂ᭞ᬦᬸᬮᬶᬗᬤᭂᬕ᭄ᬲᬳᬵᬫᬸᬢᬸᬲ᭄᭞ᬧᬢᬶᬄᬲᬬᬂᬫᭀᬫᭀᬓ᭞ᬫᭂᬮᬄᬤᬩ᭄ᬤᬩᬂᬮᬸᬫᬭᬶᬲ᭄᭟᭜᭟ᬕ᭄ᬮᬶᬲᬶᬂᬲᬢ᭄ᬯᬯᬸᬲ᭄ᬮᬸᬫᬫ᭄ᬧᬄ᭞ᬫᭂᬲᬢ᭄ᬫᬩᬸᬃ᭞ᬭᬶᬂᬩ᭄ᬬᭀᬫᬦ᭄ᬢᬭᬫ [ 59 ][᭕᭗ 57B]
᭕᭘
ᬫᬃᬕ᭄ᬕᬶ᭞ᬲᬶᬫᭀᬫᭀᬲᬶᬫᬸᬓᬜᬸᬚᬸᬃ᭞ᬕᬸᬦᬸᬗᬾᬩᬯᭀᬲᬂᬢᬸᬦᬶᬳᬦ᭄᭞ᬲᬫ᭄ᬧᬸᬦ᭄ᬦᬧᬓ᭄᭞ᬢᬦ᭄ᬓᭀᬦᬶᬗᬶᬦ᭄ᬕᭂᬦᬳᬶᬧᬸᬦ᭄᭞ᬲᬂᬅᬃᬚ᭄ᬚᬡᬗ᭄ᬯᬗᬸᬦ᭄ᬢᬧ᭞ᬧᬸᬘᬓ᭄ᬕᬸᬦᬸᬗᬾᬳᬸᬗ᭄ᬲᬶ᭟᭜᭟ᬲᬢᬶ
ᬩᬦ᭄ᬜᬬᬭᬶᬂᬧᬸᬘᬓ᭄᭞ᬗ᭄ᬭᬭᬶᬲ᭄ᬤᬶᬢᬸ᭞ᬫᬲᬮᬶᬦ᭄ᬭᬸᬧᬧᬺᬫᬗ᭄ᬓᬶᬦᬸ᭞ᬫᬢᭂᬫᬳᬦ᭄ᬩᬯᬶᬳᬕᬸᬂ᭞ᬘᬧ᭄ᬮᬸᬓ᭄ᬘᬧ᭄ᬮᬸᬓ᭄ᬫᬕᬯᬸᬲᬦ᭄᭞ᬘᬮᬶᬂᬜᬜᬧ᭄᭞ᬧᬸᬢᬶᬄᬗᭂᬭᬜᬄᬫᬍᬗ᭄ᬓᬸᬂ᭞ᬲᬢᬧᭂᬓᭂᬦ᭄ᬢᬾ
ᬭᬦ᭄ᬲᬸᬃᬬ᭄ᬬᬕᬩᬸᬮᬸᬳᬢᬸᬩ᭄ᬳᬶᬋᬂᬚᭂᬭᬶᬂ᭟᭜᭟ᬗᬮᬸᬫ᭄ᬩᬶᬄᬕᬮᬓ᭄ᬧ᭄ᬭᬓᬱ᭞ᬧᬕᭂᬭᬸᬤᬸᬕ᭄᭞ᬩᬢᬸᬳᬕᬸᬂᬧᬘᬶᬕᬶᬃᬕᬶᬃ᭞ᬧᬕ᭄ᬮᬦ᭄ᬢᭂᬲ᭄ᬓᬸᬦ᭄ᬢᬮᬂᬫᬸᬫ᭄ᬩᬸᬮ᭄᭞ᬲᬓᭂᬤᬧ᭄ᬕᬸᬦᬸᬗᬾᬭᬸᬲᬓ᭄᭞ᬫᬕ᭄ᬮᬢᬸ
ᬭᬦ᭄᭞ᬕᬾᬜ᭄ᬚᭀᬂᬕᭂᬬᭀᬃᬮᬶᬦᬸᬄ᭞ᬢᬭᬸᬢᬢᬸᬩᬮ᭄ᬩᬮ᭄ᬩᭂᬜᬄ᭞ᬳᬚᬳᬦ᭄ᬕᬸᬦᬸᬗᬾᬗ᭄ᬮᬶᬤᬶᬕ᭄᭟᭜᭟ᬕᬸᬳᬵᬕᭂᬦᬄᬲᬂᬅᬃᬚ᭄ᬚᬸᬡ᭄᭞ᬫᬬᭀᬕᬭᬸᬕ᭄᭞ᬳᭂᬗ᭄ᬓᬕ᭄ᬭᬸᬲᬓ᭄ᬢᬦ᭄ᬫᬮᬸᬤᬶᬄ᭞᭠
[᭕᭘ 58A]
ᬢᭂᬧᬾᬦ᭄ᬩᬢᬸᬳᬕᬸᬗᬕᬸᬂ᭞ᬫᬯᬶᬦᬦ᭄ᬳᬶᬤᬲᬂᬧᬃᬣ᭞ᬓᬍᬲᬸᬯᬂ᭞ᬲᬫᬤᬶᬦ᭄ᬳᬶᬤᬦᬾᬤᬸᬫᬸᬦ᭄᭞ᬳᬦ᭄ᬢᬸᬓ᭄ᬲᭂᬓᭂᬦ᭄ᬓᬫᬦᬳᬂ᭞ᬭᬯᬦ᭄ᬢᭂᬦ᭄ᬫᬸᬲᬸᬄᬗᬸᬲᬓᬲᬶᬓ᭄᭟ᬪᬸᬱᬡᬦ᭄ᬜᬓᬧᬡ᭄ᬥᬶᬢᬦ᭄
᭞ᬩᭀᬬᬓᬦ᭄ᬢᬸᬦ᭄᭞ᬓᬍᬧᬲ᭄ᬧᬸᬦᬶᬓᬲᬫᬶ᭞ᬓᬯᬘᬧ᭄ᬭᬂᬜᬓᬭᬗ᭄ᬲᬸᬓ᭄᭞ᬮᬗ᭄ᬓᬧᬾᬲᬫ᭄ᬧᬸᬦ᭄ᬓᬤᭂᬕᬂ᭞ᬲᬧᭀᬧᬦᬄ᭞ᬲ᭄ᬯᬾᬪᬯᬦ᭄ᬜᬓᬯᭀᬢ᭄ᬧᬸᬕᬸᬄ᭞ᬚᬦ᭄ᬢᬦ᭄ᬚᬦ᭄ᬢᬦ᭄ᬗᬫᬸᬗ᭄ᬕᬳᬂ᭞ᬧᬸ
ᬘᬸᬓ᭄ᬕᬸᬦᬸᬗᬾᬓᬳᬸᬗ᭄ᬲᬶ᭟᭜᭟ᬤᬶᬬᬶᬲ᭄ᬤᬶᬬᬶᬲ᭄ᬲᬂᬅᬃᬚ᭄ᬚᬸᬡ᭞ᬦᬸᬜ᭄ᬘᬧ᭄ᬕᬸᬦᬸᬂ᭞ᬦᬸᬭᬾᬓ᭄ᬱᬲᬂᬫᬗᬸᬯᬸᬕᬶᬦ᭄᭞ᬇᬦ᭄ᬤ᭄ᬭᬓᬶᬮᬦᬾᬜᬕ᭄ᬮᭂᬩᬸᬃ᭞ᬓᬕ᭄ᬬᬢ᭄ᬳᬶᬤᬲᬂᬅᬃᬚ᭄ᬚᬸᬡ᭞ᬳᬦ᭄ᬢᬸᬓ᭄ᬜᬶᬗᬓ᭄᭞ᬘᬾᬮᬾᬂ
ᬳᬕᬸᬂᬗ᭄ᬮᬸᬫ᭄ᬩᬶᬄᬕᬸᬦᬸᬂ᭞ᬲᬂᬧᬃᬣᬫᭂᬢᬢᬂᬧᬦᬄ᭞ᬮᬶᬤᬄᬓᬮᬵᬦ᭄ᬢᬓᬮᬜ᭄ᬘᬶᬧ᭄᭟᭜᭟ᬤᬸᬓ᭄ᬲᬂᬧᬃᬣᬫᭂᬦ᭄ᬢᬂᬧᬦᬄ᭞ᬓᬢᭀᬦ᭄ᬤᬶᬢᬸ᭞ᬯᬾᬦ᭄ᬢᭂᬦ᭄‌ᬯ᭄ᬯᬂᬫᬩᬸᬭᬸᬜᬶᬮᬶᬩ᭄᭞ᬩᬂᬩᬂᬓ᭄ᬭᬢᬭ [ 60 ][᭕᭘ 58B]
᭕᭙
ᬧᬳᬶᬓᬸ᭞ᬲᬋᬂᬤᬦᬾᬫᭂᬦ᭄ᬢᬂᬧᬦᬄ᭞ᬦᬾᬧᬶᬧᬶᬢᬂ᭞ᬳᬸᬕᬶᬮᬫ᭄ᬩᬸᬂᬘᬾᬮᬾᬂᬳᬶᬓᬸ᭞ᬜᬓ᭄ᬩᬸᬓᬲᬫᬬᬳᬂ᭞ᬧᬦᬳᬾᬩᬋᬗᬦ᭄‌ᬩ᭄ᬮᬳᬶᬩ᭄᭟᭜᭟ᬤᬸᬓ᭄ᬧᬦᬄᬲᬂᬫᬓᬃᬯ᭄ᬯ᭞ᬧᬥ
ᬦᬫ᭄ᬩᬸᬂ᭞ᬢᭂᬓᬵᬜᬓ᭄ᬤᬤᬶᬳᬩᭂᬲᬶᬓ᭄᭞ᬫᬶᬭᬶᬩ᭄ᬘᬭᬓᭂᬦᬧᬲ᭄ᬢᬸ᭞ᬲᬗ᭄ᬓᬦ᭄ᬩᬶᬲᬳᬦᬾᬤᬤ᭄ᬯ᭞ᬫᬢᬸᬗ᭄ᬕᬶᬮᬦ᭄᭞ᬧᬮᬳᬶᬩ᭄ᬜᬓᬤᬶᬓᬬᬸᬦ᭄᭞ᬫᭂᬦᭂᬗᬶᬦ᭄ᬮᬫ᭄ᬩᬸᬂᬯᬭᬳ᭞ᬳᬗ᭄ᬓᭂᬃ
ᬓᬸᬓᬸᬄᬗᬕᬯᭀᬓᬶᬦ᭄᭟᭜᭟ᬯᬯᬸᬳᬶᬤᬲᬂᬅᬃᬚ᭄ᬚᬸᬡ᭞ᬜᬕ᭄ᬚᬕ᭄ᬳᬸᬓᬸᬄ᭞ᬗᬫ᭄ᬩᬶᬮ᭄ᬯᬭᬬᬗᬾᬓᬭᬶ᭞ᬦᬜ᭄ᬘᭂᬩ᭄ᬮᬫ᭄ᬩᬸᬂᬩᬯᬶᬳᬶᬓᬸ᭞ᬭᬾᬄᬳᬶᬘᬾᬮᬾᬂᬲᬫ᭄ᬧᬸᬦ᭄ᬋᬩᬄ᭞ᬢᬫ᭄ᬩᬶᬲ᭄ᬧᭂᬚᬄ᭞ᬦ
ᬳᬦᬂᬲᬓᬶᬢ᭄ᬫᬮᬶᬗ᭄ᬓᬸᬄ᭞ᬜᭂᬕᬶᬢ᭄ᬩᬂᬩᬂᬓ᭄ᬭᬢᬭᬸᬧ᭞ᬫᬸᬜᬶᬦ᭄ᬜᬩᬗ᭄ᬕ᭄ᬭᬲ᭄ᬢᬸᬃᬦᬸᬤᬶᬂ᭟᭜᭟ᬳᬾᬄᬳᬾᬄᬳᬾᬄᬤᬳᬶᬩᬘᭀᬗᬄ᭞ᬮᬸᬢᬸᬂᬧᬸᬭᬸᬄ᭞ᬫᬶᬤᭂᬧ᭄ᬜᬫᬓ᭄ᬧᬦᬄᬓᬳᬶ᭞ᬳᭂᬦ᭄ᬢᭀᬲᭀ
[᭕᭙ 59A]
ᬲᬜ᭄ᬚᬢᬦ᭄ᬳᬶᬓᬸ᭞ᬗᭂᬦᬾᬦ᭄ᬮᬫ᭄ᬩᬸᬂᬳᬶᬯᬭᬳ᭞ᬳᭂᬦ᭄ᬢᭀᬫᬸᬮ᭞ᬢᬸᬯᬄᬩᬩᬸᬭᬸᬯᬦ᭄ᬳᬓᬸ᭞ᬤᬤᬶ᭠ᬓᬂᬓᬗᬶᬦ᭄‌ᬬᬾᬦ᭄ᬳᬶᬩ᭞ᬫᬯᬢ᭄ᬓᬯᬢ᭄ᬫᬢᬸᬮᬂᬩᭂᬲᬶ᭟᭜᭟ᬫᬲᬳᬸᬢ᭄ᬳᬶᬩᬳᬸᬗ᭄ᬕᬮᬂ᭞ᬗᬸᬤ᭄ᬬᬂᬗᬸᬦ᭄ᬢᬸᬮ᭄
᭞ᬘᬭᬩᭀᬗᭀᬮ᭄ᬫᬧᬶᬫᬧᬶ᭞ᬬᬾᬦ᭄ᬧᬬᬸᬳᬶᬩᬗᬋᬗ᭄ᬓᬸᬄ᭞ᬲᬓᬶᬂᬓᬢᬕᬶᬳᬦ᭄ᬩᬗ᭄ᬓ᭞ᬫᬧᬦ᭄ᬫᬸᬮ᭞ᬓᬳᬶᬳᬸᬮᬶᬂᬘᭂᬭᬶᬓ᭄ᬲᬂᬕᬸᬕ᭄᭞ᬫᭂᬮᬄᬦᬾᬳᬶᬩᬳᬾᬗ᭄ᬕᬮᬂ᭞ᬫᬓᬳᬤ᭄‌ᬬᬾᬦ᭄ᬢᬓᬸᬢ᭄ᬫᬢᬶ᭟᭜᭟
ᬓᬳᬶᬲᬗᭂᬢ᭄ᬲᬮᬄᬧᬃᬡ᭄ᬦ᭞ᬩᬦ᭄ᬫᬧ᭄ᬭᬸᬘᬸᬢ᭄᭞ᬕᭀᬩᬦ᭄ᬳᬶᬩᬦᬾᬫᬗ᭄ᬭᬲᬂᬦ᭄᭞ᬫᬲᬮᬾᬫ᭄ᬧᭀᬤ᭄ᬓᬸᬮᬶᬢ᭄ᬓᬬᬸ᭞ᬦᭀᬗᭀᬲ᭄ᬤᬶᬳᬮᬲᬾᬯᬬᬄ᭞ᬓᬤᬾᬦ᭄ᬲᬚ᭞ᬘᬮᬸᬄᬫᬩᬶᬓᬲ᭄ᬭᬳᬬᬸ
᭞ᬫᭀᬮᬶᬳᬶᬂᬓᬧᬭᬫᬵᬃᬣᬦ᭄᭞ᬢᬦ᭄ᬫ᭄ᬭᬶᬄᬳᬮᬦ᭄ᬧ᭄ᬭᬡᬶ᭟᭜᭟ᬬᬾᬦᬶᬂᬦᬸᬓᬸᬯᬸᬩ᭄ᬯᬶᬲᬬ᭞ᬫᬸᬯᬸᬄᬘᬮᬸᬄ᭞ᬮᬕᬲ᭄ᬧᬧᬮ᭄ᬗᬸᬦᬸᬲ᭄ᬓᭂᬭᬶᬲ᭄᭞ᬤ᭄ᬬᬲ᭄ᬢᬸᬳᬫ᭄ᬩᬸᬮ᭄ᬕᬸᬦᬸᬂᬫᬾᬭᬸ᭞ᬧ᭄ᬭᬸᬘᬸᬢ᭄ᬳᬶᬩᬦᬾᬫᬢᬸᬫ᭄ᬧᬂ᭞ᬘ᭄ᬮᬶᬗ [ 61 ][᭕᭙ 59B]
᭖᭐
ᬧ᭄‌ᬘ᭄ᬮᬶᬗᬧ᭄᭞ᬦᬶᬓᬸᬮ᭄ᬮᬗ᭄ᬓᬧ᭄ᬜᬸᬗ᭄ᬓ᭄ᬮᬶᬢ᭄ᬲᬤᬸ᭞ᬲᬺᬕᭂᬧ᭄ᬫᬓᬯᬘᬧᭂᬭᬂ᭞ᬜᬾᬦ᭄ᬫᬗᬸᬕᬸᬗᬯᬶᬓᭀᬦᬶᬦ᭄᭟᭜᭟ᬩᬦ᭄ᬲᬗᭂᬢ᭄ᬓᭀᬗ᭄ᬕᬸᬳᬦ᭄ᬓ᭄ᬭᭀᬥ᭞ᬗᬤᬸᬕᬤᬸᬕ᭄᭞ᬜᬧᬓᬤᬶᬳᬓᬸᬲᬳᬶ᭞ᬗᬫ᭄ᬩᭂᬓᬂᬲᬫᬭᬸᬤᬸᬤᬸ
᭞ᬤᬰᬰᬶᬮᬦᬾᬚᭀᬄᬧᬭ᭞ᬢᬯᬂᬳᬶᬩ᭞ᬬᬾᬦ᭄ᬧᬳᬶᬩᬗᭂᬮᬄᬕᬸᬭᬸ᭞ᬢᬦ᭄ᬫᬋᬦ᭄ᬦᭂᬫᬸᬦᬭᬓᬵ᭞ᬧᬺᬘᬫ᭄ᬧᬄᬳᬸᬮᬶᬳᬦ᭄ᬘᬳᬶ᭟᭜᭟ᬲᬂᬫᬩᬶᬓᬲ᭄ᬩᬸᬓᬵᬳᬶᬩ᭞ᬫᬸᬮᬧᬢᬸᬢ᭄᭞ᬳᬾ
ᬗ᭄ᬕᬮᬂᬫᬢᬶᬬᬂᬓᬳᬶ᭞ᬤᭂᬧᬂᬳᬫᭀᬦ᭄ᬢᭀᬯᬦ᭄ᬳᬶᬤᬸᬧ᭄᭞ᬧᬂᬲᬸᬯᬸᬤ᭄ᬗᬯᬾᬲᭂᬗ᭄ᬓᬮ᭞ᬲᬶᬤ᭄ᬥᬮᬲ᭄ᬬ᭞ᬳᬯᬓᬾᬤᬶᬦᬶᬫᬩᬸᬭᬸ᭞ᬭᬾᬄᬦᬾᬧᬡ᭄ᬥᬶᬢᬤ᭄ᬭᭀᬯᬓ᭞ᬜᬗ᭄ᬓ᭄ᬭᬳᬶᬦ᭄ᬗᬩᬸᬭ᭄ᬯᬦ᭄ᬓᬳᬶ᭟᭜᭟
ᬓᬾᬢᭀᬩᬂᬩᬂᬓ᭄ᬭᬢᬭᬸᬧ᭞ᬘᭂᬕᬓ᭄ᬘᭂᬕᬸᬓ᭄᭞ᬗᬢᭂᬳᭂᬩᬂᬫᬦᬄᬚᭂᬭᬶᬄ᭞ᬫᬚᭂᬗ᭄ᬓᬶᬂᬲᭂᬩᭂᬗᬾᬫᬺᬗᬸᬢ᭄᭞ᬲᬓᬶᬂᬚᭂᬮᬧ᭄ᬓᬋᬗᬸᬢᬂ᭞ᬫᬓᬘᬶᬳ᭄ᬦ᭞ᬓᬬᬸᬦᬾᬓᬮᬗ᭄ᬓᬸᬂᬩᭂᬦ᭄ᬤᬸ᭞ᬋᬱᬶᬘᬶᬧ᭄ᬢᭀ
[᭖᭐ 60A]
ᬓᬶᬂᬗᭂᬤᬳᬧ᭄᭞ᬫᬗ᭄ᬓᬩᬦ᭄ᬕᭂᬢᬃᬜᬯᬸᬭᬶᬦ᭄᭟᭜᭟ᬬᬄᬳᬶᬄᬓ᭄ᬮᬗ᭄ᬲᭀᬢ᭄ᬧᭂᬢᬦ᭄ᬳᬶᬩ᭞ᬧᬢᬶᬓᬘᬸᬄ᭞ᬗᬯᬾᬰᬸᬯᬓᬃᬡ᭄ᬦᬦ᭄ᬓᬳᬶ᭞ᬗᭂᬦᬶᬢᬶᬦ᭄ᬧᭂᬢᬦᬾᬗᭂᬫ᭄ᬩᬸᬃ᭞ᬮᬗ᭄ᬓᬧ᭄ᬤᭂᬕᬕ᭄ᬧᬭᬶᬘᬾᬤ᭞ᬦᬶᬃᬰᬰᬡ᭞ᬫᭂᬮᬳᬂᬫᬶᬯᬲᬦ᭄ᬫᬮᬸ᭞ᬫᬶᬭᬶᬩ᭄ᬳᬶᬩᬯᭀᬦ᭄ᬤᬾᬦ᭄ᬦᬯᬂ᭞ᬦᬾᬲᬂᬅᬃᬚ᭄ᬚᬸᬡᬢᬗᬭᬶᬦ᭄᭟᭜᭟ᬓᬾᬦ᭄ᬓᬾᬦ᭄ᬭᬲᬦᬾᬫᬗᬤ᭄ᬓᬤ᭄᭞ᬫᬶᬭᬶᬕ᭄ᬧᬗ᭄ᬓᬸᬂ᭞ᬫᬮᬳᬶᬩᬶᬦ᭄ᬫᬸᬲᬸᬄᬰᬓ᭄ᬢᬶ᭞ᬩ
ᬦ᭄ᬢᬓᬸᬢ᭄ᬓᬋᬚᭂᬓ᭄ᬤᬶᬢᬸ᭞ᬫᬸᬲᬸᬳᬾᬍᬩᬶᬄᬯᬶᬰᬾᬱ᭞ᬬᬾᬦ᭄ᬢᭀᬮᬯᬦ᭄᭞ᬳᬯᬓᬾᬢᬦ᭄ᬯᬸᬭᬸᬂᬮᬫ᭄ᬧᬸᬲ᭄᭞ᬓᬮᬸᬤ᭄ᬦᬸᬲᬬᬂᬓᬾᬦ᭄ᬚᬶᬯᬵ᭞ᬢᭀᬓ᭄ᬭᬡᬧᬬᬸᬫᬮᬳᬶᬩ᭄᭟᭜᭟ᬦᬗ᭄ᬳᬶᬂᬓᬳᬶᬲᬂᬅᬃ
ᬚ᭄ᬚᬸᬡ᭞ᬢ᭄ᬯᬭᬦᬳᬸ᭞ᬫᬮᬳᬶᬩᬶᬦ᭄ᬫᬸᬲᬸᬄᬰᬓ᭄ᬢᬶ᭞ᬲᬸᬓᬬᬦ᭄ᬫᬢᬶᬫᬧᬕᬸᬢ᭄᭞ᬩᬦ᭄ᬤᬶᬂᬳᬸᬭᬶᬧ᭄ᬓᬧᬘᬸᬦ᭄ᬤᬂ᭞ᬫᬗ᭄ᬓᬶᬦ᭄ᬲᬚᬵ᭞ᬰᬓ᭄ᬢᬶᬦᬾᬮᬯᬦ᭄ᬫᬕᬸᬢ᭄ᬕᬸᬢ᭄᭞ᬢᬦ᭄ᬚᬫᬸᬲᬸᬄᬯᬦᬾᬦ᭄ᬧᭂᬢ᭞ᬳᬗ᭄ᬓ [ 62 ][᭖᭐ 60B]
᭖᭑
ᬩᬗ᭄ᬓᬩ᭄ᬩᬭᭀᬂᬲᭀᬫᬶ᭟᭜᭟ᬩᬸᬯᬶᬦ᭄ᬘᭂᬧᭀᬓ᭄ᬓᬳᬶᬜᭂᬓᭂᬦᬂ᭞ᬳᬧᬂᬢᬳᬸ᭞ᬳᬶᬩᬓᬾᬦ᭄ᬓᬚᬢᬾᬦ᭄ᬓᬳᬶ᭞ᬧᬂᬤᬳᬶᬩᬓᬤᬸᬂᬘᬮᬸᬄ᭞ᬫᬧᭂᬢᬵᬢᭂᬓᬦᬶᬂᬕᭂᬮᬄ᭞ᬗᬯᬕᬯᬕ᭄᭞ᬦᬾᬧᬸᬢ᭄ᬭᬦ᭄ᬪᬝᬭ
ᬧᬡ᭄ᬥᬸ᭞ᬤ᭄ᬬᬄᬓᬸᬦ᭄ᬢᬶᬓᬮᬶᬩ᭄ᬭᬢ᭞ᬳᬶᬤᬦᬸᬗᬤᬓᬂᬓᬳᬶ᭟᭜᭟ᬕᬸᬫᬶᬦ᭄ᬓᬳᬶᬤᬶᬳᬲ᭄ᬢᬶᬦ᭞ᬗᬋᬧ᭄ᬤᬶᬢᬸ᭞ᬓᬳᬶᬤᬤᬶᬘᬮᬶᬂᬕᬸᬫᬶ᭞ᬲᬗ᭄ᬓᬦ᭄ᬓᬳᬶᬧᬮᬶᬂᬫᬮᬸ᭞ᬢᬸᬓᬂᬭᬜ᭄ᬘᬩ᭄ᬤᬸᬭᬢ᭄ᬫᬓ᭞ᬳᬚᬶᬦ᭄ᬕᭂᬮᬄ
᭞ᬲᬳᬶᬤᬶᬗᭂᬄᬓᬳᬶᬦᬸᬢᬸᬃ᭞ᬳᬸᬮᬶᬂᬫᬭᬩᬶᬲᬦᭂᬕᬓ᭄᭞ᬓᭂᬭᬶᬲ᭄ᬧᬮᬮ᭄ᬬᬦᬦ᭄ᬓᬳᬶ᭟᭜᭟ᬳᬶᬩᬓ᭄ᬮᬶᬯᬢ᭄ᬦᬸᬕᬓᬸᬕ᭞ᬩᬯᭀᬂᬕᬸᬦᬸᬂ᭞ᬓᬤᬾᬦ᭄ᬲᭀᬓ᭄ᬫᭂᬢᭂᬓᬂᬓ᭄ᬮᬤᬶ᭞ᬩᬦᬾᬮᬶᬬᬸᬦ᭄ᬫᬗᬸᬦ᭄ᬢᬸᬮ᭄᭞
ᬗᬸᬦ᭄ᬢᬸᬮ᭄ᬗᬸᬦ᭄ᬢᬸᬮ᭄ᬓᬤᬾᬦ᭄ᬕᭂᬢᬧ᭄᭞ᬤᭀᬂᬮᬳᬸᬢᬂ᭞ᬬᬾᬦᬶᬂᬳᬶᬩᬯᬦᬾᬦ᭄ᬢᬸᬳᬸ᭞ᬮᬶᬯᬢᬂᬫᬳᬶᬳᬢᬫ᭄ᬧᬓ᭄᭞ᬩᬗ᭄ᬓᬳᬶᬩᬳᬩᬲ᭄ᬓᬳᬶ᭟᭜᭟ᬓᬳᬶᬢᬸᬮᬶᬸᬲᬶᬂᬧᭂᬲᬦᬦ᭄ᬦᬶᬮᬲ᭄᭞ᬬᬾᬦᬶᬂᬢᬢᬸᬳᬸ᭞ᬕᭀ
[᭖᭑ 61A]
ᬩᬦ᭄ᬓᬳᬶᬦᬾᬫᬗᬺᬲᬶᬦ᭄᭞ᬲᭀᬓ᭄ᬋᬱᬶᬭᬫᬧᬭᬰᬸ᭞ᬦᬾᬢᬸᬮᬤ᭄ᬓᬳᬶᬭᬶᬂᬚᬕᬢ᭄᭞ᬬᬾᬦᬶᬂᬳᬤ᭞ᬳᬦᬓ᭄ᬜᬧᬓᬤᬶᬳᬓᬸ᭞ᬫᬯᬶᬦᬦ᭄ᬗᬩᬕᬡ᭄ᬥᬾᬯ᭞ᬳᭂᬦ᭄ᬢᭀᬫᬓᬲᬤᬦᬢᬸᬯᬶ᭟
᭐᭟ᬓᬲᬶᬦᬳᬦ᭄ᬜᬓᬮᬶᬯᬢ᭄᭞ᬧᭂᬲᬓ᭄ᬢᬩᬸᬄ᭞ᬳᬶᬩᬦᬸᬜᬓᬶᬢᬶᬦ᭄ᬓᬸᬧᬶᬂ᭞ᬦᬗ᭄ᬳᬶᬂᬬᬾᬦ᭄ᬳᬶᬩᬜᬓ᭄ᬗᬬᬸᬄ᭞ᬗᬶᬤᬶᬄᬧᭂᬮᬶᬄᬤᬶᬢᬢᬓᬦ᭄᭞ᬩᬢᬶᬲ᭄ᬕᭂᬮᬄ᭞ᬫᬸᬮᬓᬳᬶᬢᬦ᭄ᬚᬧᬢᬸᬢ᭄᭞ᬗᬸᬮᬦ᭄ᬢᬸ
ᬗᬂᬕᭂᬤᭂᬕ᭄ᬩᬲᬂ᭞ᬫᬸᬯᬄᬓᬯᬶᬭᭀᬱᬦ᭄ᬳᬢᬶ᭟᭜᭟ᬬᬾᬦ᭄ᬚᬦᬶᬢᬶᬸᬳᬶᬩᬢ᭄ᬯᬭᬜᬓ᭄᭞ᬜᭂᬫ᭄ᬩᬄ᭠ᬦᬸᬗᬗ᭄ᬓᬸᬮ᭄᭞ᬓᬳᬶᬢᭀᬂᬫᬲᬮᬶᬦ᭄ᬫᬸᬜᬶ᭞ᬓᬾᬢᭀᬯᬓ᭄ᬲᬂᬧᬃᬣᬘᭂᬧᬸᬂ᭞ᬦᬸᬤᬶᬂᬳᬦ᭄ᬢᬸᬓ᭄ᬢᬗᬦ᭄ᬓᬶᬯ᭞ᬘᭂᬫ᭄ᬧᭂ
ᬤ᭄ᬩᬗ᭄ᬕ᭄ᬭᬲ᭄᭞ᬍᬓᬳᬦ᭄ᬓᬬᬸᬦᬾᬩᭂᬡ᭄ᬥᬸ᭞ᬮᬸᬯᬶᬃᬕᭂᬦᬶᬫᬸᬮᬸᬓᬸᬤ᭞ᬳᬕᭂᬫᬾᬗᬢ᭄ᬕᬢ᭄ᬦᬦ᭄ᬢᬗᬶᬦ᭄᭟᭜᭟ᬭᬶᬂᬓᬜ᭄ᬚᬶᬓᬦ᭄ᬲᬧᬸᬦᬶᬓᬵ᭞ᬓᬕ᭄ᬬᬢ᭄ᬮᬗ᭄ᬓᬸᬂ᭞ᬲᬂᬅᬃᬚ᭄ᬚᬸᬡᬧᬢᬶᬓᭂᬮᬶᬤ᭄᭞ᬦᬗ᭄ᬓᬶᬲ᭄ᬲᬜ᭄ᬚᬢ [ 63 ][᭖᭑ 61B]
᭖᭒
ᬦᬾᬳᬸᬮᬸᬂ᭞ᬫᬲ᭄ᬭᬸᬬᬾᬓ᭄ᬲᬓᬶᬳᬫ᭄ᬩᬭ᭞ᬓᭂᬭᬶᬲ᭄ᬧᬦᬄ᭞ᬫᭀᬰᬮᬮᬶᬫ᭄ᬧᬸᬂ᭞ᬦᬾᬓᬍᬧᬲ᭄ᬳᭀᬮᬶᬄᬧᬭ᭞ᬤᬾᬯᬱᬱᬶᬦᬾᬫᬗᬶᬭᬂ᭟᭜᭟ᬲᬂᬧᬃᬣᬮᬸᬯᬶᬄᬧᬸᬭᬸᬱ᭞ᬜᭂᬭᬶᬢ᭄ᬳᬸᬫᬸᬂ᭞ᬗᬯᭂᬢ᭄ᬯᬂ
ᬧᬦᬄᬳᬗᬶᬦ᭄᭞ᬩ᭄ᬬᬸᬃᬓᬫ᭄ᬩᬂᬳᬲᬶᬂᬓᬢᭂᬫ᭄ᬧᬸᬄ᭞ᬗᬋᬢ᭄ᬮᬸᬯᬶᬃᬲᬢᬸᬲ᭄ᬳᬫ᭄ᬩᬮ᭄᭞ᬧᬭᬸᬧᬬᬦ᭄᭞ᬳᬗᬶᬦ᭄ᬲ᭄ᬮᬳᬸᬗᬾᬫᬗᬮᬶᬦᬸᬲ᭄᭞ᬩᬢᬸᬳᬫ᭄ᬩᬸᬮ᭄ᬕᬚᬄᬧᬢ᭄ᬧᬢ᭄᭞ᬓᬓᭂᬩᭂᬭᬂᬦ᭄ᬮᬶ
ᬗ᭄ᬓᬧ᭄ᬳᬩᬶᬂ᭟᭜᭟ᬳᬮᬲᬾᬭᬶᬂᬇᬦ᭄ᬤ᭄ᬭᬓᬶᬮ᭞ᬩᬸᬓᬧᬢᬸᬢ᭄᭞ᬢᬦ᭄ᬧᬤᬯᬸᬦ᭄ᬲᬫᬶᬮᬶᬕᬶᬃ᭞ᬩᬭᭀᬭᭀᬢ᭄ᬳᬗᬶᬦ᭄ᬲᬮᬳᬸᬂ᭞ᬳᬓᬾᬄᬩᬲᬾᬢᭂᬗᬄᬧᭂᬕᬢ᭄᭞ᬧᬩᭂᬭᬸᬯᬓ᭄᭞ᬯᬶᬢ᭄ᬩᭂ
ᬮᬮᬸᬲᬢᬸᬲ᭄ᬧᭂᬮᬸᬓ᭄᭞ᬧᬸᬗ᭄ᬕᬶᬢ᭄ᬳᬓᬄᬜᬦᬾᬲᬸᬗ᭄ᬕᬃ᭞ᬩᬦᬲ᭄ᬧᬢᬶᬦ᭄ᬜᬧᬚᭂᬭᬶᬢ᭄᭟᭜᭟ᬯᬮᬸᬬᬓᬸᬮ᭄ᬓᬸᬮ᭄ᬩᬸᬮᬸᬲᬂ᭞ᬫᭂᬲᬢ᭄ᬫᬩᬸᬃ᭞ᬳᬶᬩ᭄ᬬᬲ᭄ᬳᬶᬩᬢᬸᬓ᭄ᬭᬶᬓᬶᬮ᭄᭞ᬯᬶᬢ᭄ᬧᬶᬜ᭄ᬘᭂᬭᬂᬳᬗᬶᬦ᭄ᬳᬸᬘᬸᬃ᭞᭠
[᭖᭒ 62A]
ᬩᬸᬭᭀᬦᬾᬫᬢᬶᬫᬓᭂᬚᬂ᭞ᬓᬫᭂᬫᭂᬕᬦ᭄᭞ᬚᭂᬓ᭄ᬚᭂᬓ᭄ᬧᭂᬢᭂᬂᬧᬢᬶᬳᭂᬦ᭄ᬢᬸᬮ᭄᭞ᬓᬕᬾᬢ᭄ᬧᬚ᭄ᬭᬶᬢ᭄ᬘᭂᬧᭀᬓᬦ᭄᭞ᬧᬾᬤᬾᬮ᭄ᬩᭂᬦᬮ᭄ᬳᬸᬚᬦ᭄ᬓ᭄ᬭᬶᬓᬶᬮ᭄᭟᭜᭟ᬰᬢ᭄ᬭᬸᬦ᭄ᬳᬶᬤᬲᬂᬅᬃᬚ᭄ᬚᬸᬡ᭞ᬧᬢᬶᬓᭂᬧᬸᬕ᭄᭞
ᬓᬋᬲ᭄ᬋᬲ᭄ᬢᬦ᭄ᬧᬗᬸᬦ᭄ᬤᬶᬮᬶ᭞ᬲᬜ᭄ᬚᬢᬦ᭄ᬜᬤᭂᬓ᭄ᬤᭂᬓ᭄ᬩᭂᬲᬸᬃ᭞ᬳᬶᬦᬶᬯᬶᬃᬢᬦ᭄ᬧᬕᬦ᭄ᬢᬸᬮᬦ᭄᭞ᬗᬺᬲᬶᬦ᭄ᬫᬦᬄ᭞ᬩᬬᬸᬩᬚ᭄ᬭᬦ᭄ᬫᬳᬵᬩᬳᬸ᭞ᬯᬦ᭄ᬢᬄᬩᬂᬩᬂᬓ᭄ᬭᬢᬭᬸᬧ᭞ᬗᬤᭂᬕ᭄ᬦᬶᬃᬯᬶᬓᬭᬓᬭᬶ᭟᭜᭟ᬩᬂᬩᬂ
ᬓ᭄ᬭᬢᬭᬸᬧᬦ᭄ᬭᭀᬥ᭞ᬫᬸᬦ᭄ᬢᬩ᭄ᬫᬸᬩᬸᬩ᭄᭞ᬤᬿᬢ᭄ᬬᬢ᭄ᬭᬶᬧᬸᬭᬸᬱᬫᬶᬭᬶᬩ᭄᭞ᬗᬫ᭄ᬩᬿᬮ᭄ᬧᬦᬄᬮᬸᬯᬶᬄᬓᬲᬸᬩ᭄᭞ᬦᬾᬫᬯᬲ᭄ᬢᬅᬃᬤ᭄ᬟᬘᬦ᭄ᬤ᭄ᬭ᭞ᬓᬢᬶᬢᬓᬂ᭞ᬫᬚᭂᬂᬭᬶᬂᬲᬂᬧᬡ᭄ᬥᬸᬲᬸᬦᬸ᭞ᬲᬬᬂᬧᬦᬳᬾᬗᬤᭀᬯᬂ᭞ᬓᬾᬓ
ᬧᬶᬧᬶᬢᬂᬢᬦ᭄ᬓᭂᬦᬶ᭟᭜᭟ᬤᬦᬾᬩᬂᬩᬂᬦᭂᬧᬓ᭄ᬤᬤ᭞ᬫᬦ᭄ᬢᭂᬕ᭄ᬧᬸᬧᬸ᭞ᬗ᭄ᬭᬾᬢᬾᬓ᭄ᬳᬸᬦ᭄ᬢᬸᬦᬾᬫᬕᬶᬭᬶᬓ᭄᭞ᬓᭂᬢᭂᬩ᭄ᬓᭂᬢᭂᬩ᭄ᬳᬦ᭄ᬢᬸᬓ᭄ᬩᭂᬦ᭄ᬤᬸ᭞ᬧᬶᬤᬩ᭄ᬤᬩ᭄ᬤᬦᬾᬫᬬᬸᬥ᭞ᬫᬢᭂᬮᬲᬦ᭄᭞ᬧᬦᬄᬧᬸᬘᬓ᭄ᬕᬸᬦᬸᬂᬩᬢᬸ᭞ᬓᬗ᭄ᬕᬾ [ 64 ][᭖᭒ 63B]
᭖᭓
ᬦ᭄ᬫᬕᬸᬢᬶᬦ᭄ᬲᬂᬧᬃᬣ᭞ᬫᬭᬸᬧᬮᬶᬫ᭄ᬧᬸᬂᬗᬗᭀᬩᬶᬦ᭄᭟᭜᭟ᬲᬳᬵᬫᬘᬶᬗᬓ᭄ᬦᬸᬗᬤᬄ᭞ᬧᬡ᭄ᬥᬸᬲᬸᬦ᭄᭞ᬫᬕ᭄ᬬᭂᬢ᭄ᬦᭂᬧᬓ᭄ᬧᬺᬣᬶᬯᬶ᭞ᬮᬸᬯᬶᬃᬓᬮᬵᬦ᭄ᬢᬓᬗᬫᬸᬓ᭄᭞ᬧᬦᬗ᭄ᬓᬦ᭄ᬓᬮᬶᬲᬗᬭ᭞ᬤᬸᬓ᭄ᬓᬘᬶᬗᬓ᭄᭞᭠
ᬫᭂᬲᭂᬄᬳᬶᬤᬦᬫ᭄ᬧᬕᬸᬦᬸᬂ᭞ᬫᬲᬸᬯᬓ᭄ᬳᬶᬤᬲᬂᬧᬃᬣ᭞ᬗᬫ᭄ᬩᬶᬮ᭄ᬧᬦᬄᬍᬩᬶᬄᬰᬓ᭄ᬢᬶ᭟᭜᭟ᬧᬦᬄᬫᬭᬸᬧᬢᬗ᭄ᬕᬮ᭞ᬢᭂᬕᭂᬕ᭄ᬲᬶᬬᬸ᭞ᬧᬘ᭄ᬭᬾᬗ᭄ᬕᬄᬫᬕᬶᬕᬶᬩᭂᬲᬶ᭞ᬜᭂᬍᬕ᭄‌ᬓᭀᬓᭀᬢ᭄ᬓ
ᬤᬶᬫᬾᬭᬸ᭞ᬲᬺᬕᭂᬧ᭄ᬢᭀᬂᬜᬦ᭄ᬤᬂᬳᬫ᭄ᬧᬳᬂ᭞ᬓᬗ᭄ᬕᬾᬦ᭄ᬫᬧᬲ᭄᭞ᬧᬦᬳᬾᬫᬭᬸᬧᬕᬸᬦᬸᬂ᭞ᬲᬶᬦᬋᬗᬦ᭄ᬧᬢᬶᬯᬓ᭄ᬜ᭞ᬫᬕᬧ᭄ᬬᬸᬓ᭄ᬗ᭄ᬭᬸᬤᬸᬕ᭄ᬜᭂᬚᭂᬳᬶᬦ᭄᭟᭜᭟ᬲᭀᬗ᭄ᬕᬾᬂᬲᭀᬗ᭄ᬕᬾᬂᬳᬗ᭄ᬩᬗ᭄ᬓᬩ᭄᭞᭠
ᬮᬶᬦᬸᬄᬳᬕᬸᬂ᭞ᬳᭂᬗ᭄ᬓᬕ᭄ᬕᭂᬦ᭄ᬗᬶᬤ᭄ᬳ᭄ᬬᬂᬧᬺᬣᬶᬯᬶ᭞ᬢᭀᬬᬦ᭄ᬲᬕᬭᬦᬾᬫᬸᬫ᭄ᬩᬸᬮ᭄᭞ᬳᭀᬘᬓ᭄ᬳᭀᬫ᭄ᬩᬓ᭄ᬜᬦᬾᬩᬸᬬᬃ᭞ᬫᬳᬸᬬᭂᬗᬦ᭄᭞ᬩᬢᬸᬦᬾᬭᬶᬂᬩᬗ᭄ᬓ᭄ᬬᬂᬕᬸᬦᬸᬂ᭞ᬜᭂᬕᭀᬕ᭄ᬳᬶᬕ᭄ᬳᬫ᭄ᬩᬸᬮ᭄ᬩᬮᬾ
[᭖᭓ 63A]
ᬩᬜ᭄ᬚᬃ᭞ᬗᬭᭀᬭᭀᬤ᭄ᬜᭂᬩᬸᬭᬶᬦ᭄ᬳᬶᬤᬶᬂ᭟᭜᭟ᬩᬂᬩᬂᬓ᭄ᬭᬢᬭᬸᬧᬓᬕ᭄ᬬ᭞ᬭᬾᬄᬓᬤᬸᬮᬸ᭞ᬧᬦᬄᬕᬸᬦᬸᬗᬾᬢᬦ᭄ᬓᬭᬶ᭞ᬜᬕ᭄ᬧᬺᬮᬬᬤᬤᭀᬲ᭄ᬢᭂᬧᬸ᭞ᬳᬦ᭄ᬢᬸᬓ᭄ᬢᬗ᭄ᬕᬮᬦ᭄ᬲᬂᬧᬃᬣ᭞
ᬢᭀᬫᬯᬦᬦ᭄᭞ᬩᭂᬦ᭄ᬤᬸᬦ᭄ᬜᬦᭂᬓᭂᬮ᭄ᬧᬶᬂᬲᬢᬸᬲ᭄᭞ᬫᬮᬶᬄᬳᬶᬤᬗ᭄ᬮᭂᬧᬲ᭄ᬧᬦᬄ᭞ᬤᬸᬫᬶᬮᬄᬫᬭᬸᬧᬕᭂᬦᬶ᭟᭜᭟ᬳ᭄ᬭᬸᬕᬸᬍᬫ᭄ᬧᬗ᭄ᬮᭂᬩᬸᬃᬚᬕᬢ᭄᭞ᬤᬸᬓ᭄ᬧᬸᬦᬶᬓᬸ᭞ᬓᬗ᭄ᬕᬾᬦ᭄ᬲᬂᬧᬃᬣᬫᬕᬸᬢᬶ
ᬦ᭄᭞ᬧᬺᬫᬗ᭄ᬓᬶᬦ᭄ᬘᭂᬫᭂᬂᬫᬮᬸᬳᬸᬦ᭄᭞ᬜᭂᬍᬕ᭄ᬭᬶᬂᬚᬗ᭄ᬕᬮᬬᬸᬥ᭞ᬫᬤᬸᬮᬸᬭᬦ᭄᭞ᬢᬢᬶᬢ᭄‌ᬕ᭄ᬮᭂᬤᭂᬕ᭄ᬘᭂᬤᬃᬘᭂᬤᬸᬃ᭞ᬳᬸᬚᬦᬾᬩᬸᬓᬢᭀᬕ᭄ᬢᭀᬕᬂ᭞ᬳᬚᬳᬦ᭄ᬕᭂᬦᬶᬦᬾᬪᬱ᭄ᬫᬶ᭟᭜᭟ᬲᬗᭂᬢ᭄ᬢᬸᬯᬄᬬᬾ
ᬦ᭄ᬭᬲᬬᬂ᭞ᬳᬤᬳᬸᬦ᭄ᬤᬸᬓ᭄᭞ᬦᬾᬲᬢ᭄ᬯᬬᬂᬩᬸᬓᬚᬦᬶ᭞ᬳᬶᬧᬶᬜᭂᬍᬕ᭄ᬓᬤᬶᬕᬸᬦᬸᬂ᭞ᬤᬶᬮᬄᬜᬦᬾᬗᬩᬭᬩᬃ᭞ᬢᭀᬂᬫᬤᬬ᭞ᬳᬧᬶᬦᬾᬤᬲ᭄ᬫᬗᭂᬲᭂᬂᬕᬸᬦᬸᬂ᭞ᬓᬕᬾᬢ᭄ᬳᬶᬘᬮ᭄ᬢᬦ᭄ᬧᬲᬗ᭄ᬓᬦ᭄᭞ᬫ [ 65 ][᭖᭓ 63B]
᭖᭔
ᬮᭀᬤᬦ᭄ᬩᬾᬭᬯᬄᬤᬤᬶ᭟᭜᭟ᬜᭂᬭᬶᬢ᭄ᬩᬂᬩᬂᬓ᭄ᬭᬢᬭᬸᬧ᭞ᬓᬤᬶᬓᭂᬭᬸᬕ᭄᭞ᬧ᭄ᬭᬭᬳᬶᬦᬾᬩᬭᬓ᭄ᬩᬶᬬᬶᬂ᭞ᬧᬦᬄᬤᬦᬾᬧᬮᬶᬂᬳᬫ᭄ᬧᬸᬄ᭞ᬓᬫ᭄ᬩᬶᬮ᭄ᬩᭂᬮᬶᬲ᭄ᬓᬩᬄᬩᬳᬂ᭞ᬓᬳᬸᬦ᭄ᬢᬮᬂ᭞ᬧᬦᬄᬫᬯ
ᬓ᭄ᬭᬦ᭄ᬢᬾᬓᬸᬓᬸᬄ᭞ᬍᬫᬤ᭄ᬮᭂᬫᬤ᭄ᬲᬶᬬᬸᬤᭂᬧ᭞ᬫᬫᬸᬓᬵᬚᬕᬧᬢᬶ᭟᭜᭟ᬲᬂᬬᭀᬥᬾᬂᬭᬡᬨᬮ᭄ᬕᬸᬡ᭞ᬲᬫ᭄ᬧᬸᬦ᭄ᬯᭂᬭᬸᬄ᭞ᬫᬯᬶᬦᬦ᭄ᬤᬶᬕᭂᬮᬶᬲ᭄ᬫᬮᬶᬄ᭞ᬗᬤᭂᬕᬂᬕᬡ᭄ᬥᬾᬯᬓᬸᬓᬸᬄ᭞ᬫᭂᬢᬢᬂᬧᬦᬄ
ᬧᬫᬗ᭄ᬓᬲ᭄᭞ᬓ᭄ᬭᬸᬭᬪᬯ᭞ᬕᬡ᭄ᬥᬾᬯᬦᬾᬩᭂᬭᬢ᭄ᬓᬸᬓᬸᬄ᭞ᬤᬗᬦ᭄ᬳᬦ᭄ᬢᬸᬓᬫᭂᬦ᭄ᬢᬾᬮᬂ᭞᭠ᬫᬍᬗ᭄ᬓᬸᬂᬩᬸᬦ᭄ᬢᭂᬃᬓᬳᬓ᭄ᬱᬶ᭟᭜᭟ᬧᬦᬄᬲᬂᬅᬃᬚ᭄ᬚᬸᬡᬢᬯᬄ᭞ᬤᬸᬓ᭄ᬫᬍᬘᬸᬢ᭄᭞ᬧᭂᬲᬸᬘᬸᬘᬸᬓ᭄ᬧᭂᬲᬸᬓᬵ
ᬫ᭄ᬧᬶᬤ᭄᭞ᬫᬦᬤᭀᬲ᭄‌ᬕᬭᬸᬥᬳᬕᬸᬂ᭞ᬕᬮᬓ᭄ᬲᭂᬗᬶᬢ᭄ᬫᬫᬸᬭᬓ᭄᭞ᬭᬶᬂᬳᬫ᭄ᬩᬭᬵ᭞ᬗᬩᬶᬃᬩᬶᬃᬫᬶᬭᬶᬂᬫᬢᬲ᭄ᬭᬶᬬᬸᬢ᭄᭞ᬧᬦᬳᬾᬫᬫᬸᬳᬵᬦᬕ᭞ᬓᬲᬦ᭄ᬤᭂᬃᬘᭀᬢᭀᬢ᭄ᬓᬢᬫ᭄ᬧ᭄ᬮᬶᬕ᭄᭟᭜᭟
[᭖᭔ 64A]
ᬧᬦᬄᬪᬸᬚᬕᬦᬾᬢᬲ᭄ᬢᬲ᭄᭞ᬧᬘᭂᬩᬸᬕ᭄ᬩᬸᬕ᭄᭞ᬫᬕᬩᬸᬭᬦ᭄ᬤᬤ᭄ᬬᬓᭂᬢᬶ᭞ᬳᬦ᭄ᬢᬸᬓ᭄ᬮᬶᬦ᭄ᬢᬂᬚᭂᬗᬄᬓᬬᬸᬦ᭄᭞ᬫᭂᬦᭂᬂᬩᬂᬩᬂᬓ᭄ᬭᬢᬭᬸᬧ᭞ᬢᭂᬤᬸᬦ᭄ᬜᬕ᭄ᬚᬕ᭄᭞ᬳᬶᬤᬲᬂᬧᬃᬣᬓᬚᬸᬚᬸᬃ᭞ᬧᬥᬫᬗᬸᬦ᭄ᬢᬂ
ᬲᬜ᭄ᬚᬢ᭞ᬓᬕᬾᬢ᭄ᬲᬫ᭄ᬧᬸᬦ᭄ᬲᬮᬶᬂᬧᬦ᭄ᬢᬶᬂ᭟᭜᭟ᬲᬮᬶᬂᬤᭂᬗ᭄ᬲᭂᬓ᭄ᬲᬮᬶᬂᬫᬳᬸᬤᭂᬭᬦ᭄᭞ᬲᬮᬶᬂᬲᬶᬗ᭄ᬕᬸᬓ᭄᭞ᬲᬮᬶᬂᬮᬜ᭄ᬚᬓ᭄ᬲᬮᬶᬂᬢᬗ᭄ᬓᬶᬲ᭄᭞ᬧᬥᬫᬫ᭄ᬯᬢᬂᬗᬭᬸᬭᬸᬄ᭞ᬕᬮᬄᬧᬘᬂᬫᬗ᭄ᬯᬍᬲᬂ᭞ᬲᬂᬅᬃᬚ᭄ᬚᬸ
ᬡ᭞ᬓᭂᬦᬶᬓᬚᬫ᭄ᬩᬓ᭄ᬓᬳᬶᬮᬸᬢ᭄᭞ᬳᭀᬮᬶᬄᬩᬂᬩᬂᬓ᭄ᬭᬢᬭᬸᬧ᭞ᬩᬄᬫᬓᬓᭂᬩ᭄ᬓᬢᭂᬮᬓᬶᬦ᭄᭟᭜᭟ᬲᬂᬓᬢᭂᬢᭂᬄᬦ᭄ᬓᬾᬫᭂᬗᬦ᭄᭞ᬲᬓ᭄ᬱᬢ᭄ᬯᬤ᭄ᬬᬸᬢ᭄᭞ᬢᬗᬦ᭄ᬜᬩᭂᬘᬢ᭄ᬜᬦ᭄ᬤᭂᬭᬶᬦ᭄᭞ᬳᬘᭂᬧᭀ
ᬓᬦ᭄‌ᬬᬓᬲᬳᬸᬧ᭄᭞ᬘᭀᬓᭀᬃᬩᬂᬩᬂᬓ᭄ᬭᬢᬭᬸᬧ᭞ᬢᭂᬓᭂᬦ᭄ᬧᭂᬲᬦ᭄᭞ᬤᬦᬾᬯᬮᬸᬬᬵᬫᬳᬶᬫ᭄ᬧᬸᬲ᭄᭞ᬭᬶᬂᬳᬬᬢ᭄ᬳᬤᬫᬦ᭄ᬢᬶᬕᬂ᭞ᬓᬲᬶᬦᬳᬦ᭄ᬜᬧᬸᬦᬧᬶ᭟᭜᭟ᬳᬶᬘᬮ᭄ᬫᬸᬱ᭄ᬡᬵᬢᬦ᭄ᬧᬫᭂ [ 66 ][᭖᭔ 64B]
᭖᭕
ᬗᬦ᭄᭞ᬢ᭄ᬯᬭᬓᬦ᭄ᬢᬸᬦ᭄᭞ᬘᭀᬓᭀᬭᬾᬲᬦᬾᬓᬕᬶᬲ᭞ᬓ᭄ᬭᬶᬗᭂᬢ᭄ᬤᬶᬗᬶᬦ᭄ᬳᬶᬤᬫᬢᬸ᭞ᬭᬭᬦᬶᬦ᭄ᬲᬮᬄᬳᬘᭂᬧᬦ᭄᭞ᬲᬫ᭄ᬩᬶᬮ᭄ᬕᬕᬂ᭞ᬢᬗᬦᬾᬓᬮᬶᬄᬧᬸᬬᬸᬂ᭞ᬫᭂᬢᬸᬲᭂᬮᬂᬓᬬᬸᬦ᭄ᬳᬶᬤ᭞ᬭᬶᬂ
ᬢᬦ᭄ᬚᬤ᭄ᬫᬦᬾᬢᬦ᭄ᬤᬶᬗᬶᬦ᭄᭟᭜᭟ᬓᬕᬾᬢ᭄ᬜᬶᬗᬓ᭄ᬲᬩᭂᬄᬲᭂᬓᬃ᭞ᬫᬶᬬᬶᬓ᭄ᬗᬮᬸᬩ᭄᭞ᬲᬫ᭄ᬧ᭄ᬬᬃᬭᬸᬦ᭄ᬢᬸᬄᬲᬓᬶᬂᬮᬗᬶᬢ᭄᭞ᬭᬶᬂᬫᭂᬂᬧᭂᬂᬓᬭᬾᬳᬸᬮᬸ᭞ᬲᬸᬫᭂᬓᭂᬦ᭄ᬳᬶᬤᬫᬶᬋᬋᬗᬂ᭞ᬲ᭄ᬯᬭᬦ᭄ᬯᬾᬥ᭞ᬧᬜ᭄ᬚᬬ
ᬚᬬᬫᬲ᭄ᬭᬶᬬᬸᬂ᭞ᬫᬯᬸᬯᬸᬄᬢᬾᬚᬤᬸᬫᬶᬮᬄ᭞ᬲᬂᬧᬃᬣᬭᬭᬶᬲ᭄ᬗᬪᬓ᭄ᬢᬶ᭟᭜᭟ᬜᬮᬦ᭄ᬢᬭᬲᬂᬳ᭄ᬬᬂᬰᬶᬯ᭞ᬳᬶᬤᬭᬯᬸᬄ᭞ᬲᬋᬂᬤᬾᬯᬶᬉᬫᬓᬵᬓ᭄ᬱᬶ᭞ᬭᬶᬂᬧᬤ᭄ᬫᬲᬦᬫᬮᬸᬗ᭄ᬕᬸᬄ᭞ᬤᬸᬫᬶᬮᬄᬳ
ᬦ᭄ᬢᬸᬓ᭄ᬲᬲᬾᬘᬦ᭄᭞ᬲᬂᬅᬃᬚ᭄ᬚᬸᬡ᭞ᬫᬮᬶᬗ᭄ᬕᬶᬄᬚᭂᬚᭂᬃᬫᬗᬸᬦ᭄ᬢᬸᬮ᭄᭞ᬫᬗᬸᬜ᭄ᬘᬭᬤᬾᬯᬵᬧᬸᬚᬵ᭞ᬢᬾᬢᬾᬄᬢᬶᬗ᭄ᬕᬃᬓᬧᬶᬭᬕᬶ᭟᭜᭟ᬧᬸᬧᬸᬄᬲᬫᬭᬤᬳᬦ᭟᭜᭟ᬤᬸᬭᬸᬲᬂᬲᬹᬃᬬ᭄ᬬᬦᬶ
[᭖᭕ 65A]
ᬦ᭄ᬳᬸᬕᬶ᭞ᬲᭂᬫ᭄ᬩᬄᬢᬶᬢ᭄ᬬᬗᬾᬳᬶᬦᬶᬱ᭄ᬝ᭞ᬲᬓᬮᬫᬸᬯᬄᬦᬶᬲ᭄ᬓᬮ᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬭᬶᬂᬪᬝᬭ᭞ᬯᬦ᭄ᬢᬄᬳᬶᬭᬢᬸᬯᬮᬸᬬ᭞ᬕᭂᬦᬶᬫᬶᬚᬶᬮ᭄ᬲᬓᬶᬂᬢᬸᬭᬸ᭞ᬓᬤᬶᬫᬶᬜᬓ᭄ᬚ᭄ᬭᭀᬦᬶᬂᬓ᭄ᬮᬧ᭟᭜᭟ᬧᬤᬸᬓᬵ
ᬪᬝᬭᬳᬸᬕᬶ᭞ᬲᬓ᭄ᬱᬢ᭄ᬫᭂᬤᬮᬤᬮ᭄ᬜᬮᬦ᭄ᬢᬭ᭞ᬭᬶᬂᬲᬂᬧᬕᭂᬄᬫᬗᬶᬜ᭄ᬘᭂᬧᬂ᭞ᬓᬜ᭄ᬘᬦ᭄ᬢᬸᬢᬸᬭᬾᬉᬢ᭄ᬢᬫ᭞ᬫᬓᬵᬤᬶᬢᬢ᭄ᬯᬅᬕᬫ᭞ᬲᬮ᭄ᬯᬶᬃᬫᬯᬲᬦᬳᬬᬸ᭞ᬲᬢ᭄ᬬᬫᬭᬶᬂᬓᬧᬢᬸᬢᬦ᭄᭟᭜᭟
ᬜᬸᬲᬸᬧ᭄ᬭᬶᬂᬲᬃᬯ᭄ᬯᬤᬸᬫᬤᬶ᭞ᬫᬭᬕᬲᬭᬶᬦᬶᬂᬢᬢ᭄ᬯ᭞ᬦᬾᬲᭂᬗ᭄ᬓᬓᬧᬶᬓᭀᬮᬶᬳᬂ᭞ᬳᬗ᭄ᬕᬦ᭄ᬧᬤᬸᬓᬵᬪᬝᬭ᭞ᬯᬾᬦ᭄ᬢᭂᬦ᭄ᬢᬦ᭄ᬯᬾᬦ᭄ᬢᭂᬦ᭄ᬧᬸᬦᬶᬓᬵ᭞ᬫᬶᬯᬄᬲᬦᬾᬳᬮᬶᬢᬕᬸᬂ᭞ᬉᬕᬶᬧᬦᬶᬢᬄᬪ
ᬝᬭ᭟᭜᭟ᬍᬓᬤ᭄ᬳᬶᬤᬸᬧ᭄ᬫᬶᬯᬄᬫᬢᬶ᭞ᬳᬶᬧᬸᬦ᭄ᬲᬂᬫᬦᬸᬫᬤ᭄ᬬ᭞ᬓᬯᭀᬦ᭄ᬩᭂᬘᬶᬓᬾᬧᬸᬦᬶᬓᬵ᭞ᬉᬕᬶᬧᬦᬶᬢᬄᬪᬝᬭ᭞ᬲᬓᬮᬵᬮᬯᬦ᭄ᬦᬶᬲ᭄ᬓᬮ᭞ᬲᬗ᭄ᬓᬦ᭄ᬧᬭᬦᬶᬂᬭᬵᬢ᭄ᬳᬶᬓᬸ᭞ᬢᬍᬃ [ 67 ][᭖᭕ 65B]
᭖᭖
ᬧ᭄ᬭᬕᬬᬦ᭄ᬪᬝᬭ᭟᭜᭟ᬲᬓᬤᬭᬯᬢ᭄ᬳ᭄ᬬᬂᬰᬰᬶ᭞ᬭᬶᬂᬚᬸᬦᬾᬫᬤᬕᬶᬂᬢᭀᬬ᭞ᬯᬦ᭄ᬢᬄᬲᬦᬾᬦᬶᬂᬦᬶᬃᬫ᭄ᬫᬮ᭞ᬫᬤᬕᬶᬂᬮᬯᬢ᭄ᬰᬰᬗ᭄ᬓ᭞ᬳᬶᬗ᭄ᬕᬶᬄᬲᬓᬤᬶᬧᬸᬦᬶᬓ᭞ᬧᬤᬸᬓᬪᬝᬭᬢᬸᬳᬸ᭞ᬭᬶᬂᬲ
ᬮ᭄ᬯᬶᬃᬧᬦᬸᬫᬤ᭄ᬬᬦ᭄᭟᭜᭟ᬪᬝᬭᬲᬶᬤᬓᬧᬗ᭄ᬕᬶᬄ᭞ᬦᬾᬢᭀᬂᬢᬳᬾᬦ᭄ᬓᬧᬗ᭄ᬕᬸᬳᬂ᭞ᬧ᭄ᬭᬲᬶᬤ᭄ᬥᬓᬧᬶᬓᭀᬮᬶᬳᬂ᭞ᬦᬾᬢᭀᬂᬢᬳᬾᬦ᭄ᬧᬶᬓᭀᬮᬶᬳᬂ᭞ᬢᬍᬃᬧᬤᬸᬓᬵᬪᬝᬭ᭞ᬲᬶᬤ᭄ᬥᬓᬳᬸ
ᬦᬶᬗᬶᬦ᭄ᬢᬸᬳᬸ᭞ᬦᬾᬢᬦ᭄ᬓᭀᬦᬶᬗᬶᬦ᭄ᬭᬶᬳᬶᬦᬦ᭄᭟᭜᭟ᬧᬸᬧᬸᬄᬕᬶᬦᬦ᭄ᬢᬶ᭟᭜᭟ᬲᬂᬧᬃᬣᬫᬫᭂᬫᬶᬸᬕᭃᬂᬦᬦ᭄ᬢᬸᬦ᭄᭞ᬯᬮᬸᬬᬲᬶᬋᬧ᭄ᬳᬢᬗᬶ᭞ᬓᬸᬘᬸᬧ᭄ᬢᬗᬦ᭄ᬳᬶᬤᬫᬸᬗ᭄ᬕᬄ᭞ᬗᬸᬍᬂᬓᬬᬸᬦᬾᬫᬦᬸᬗ᭄ᬕᬶᬮ᭄᭞ᬫᬸᬤ᭄ᬭᬫᬶᬯᬄ᭠
ᬓᬸᬢᬫᬦ᭄ᬢ᭄ᬭ᭞ᬓᬗ᭄ᬕᬾᬦ᭄ᬲᬭᬦᬗᬪᬓ᭄ᬢᬶ᭟᭜᭟ᬳᬶᬤᬤᬸᬭᬸᬂᬫ᭄ᬯᬲ᭄ᬢᬧᬸᬧ᭄᭞ᬫᬗᬸᬜ᭄ᬘᬭᬂᬧᬸᬚᬵᬲ᭄ᬢᬸᬢᬶ᭞ᬤᬶᬕᭂᬮᬶᬲ᭄ᬳᬶᬤᬳ᭄ᬬᬂᬰᬶᬯ᭞ᬫᬰᬩ᭄ᬤᬩᬦ᭄ᬩᬦ᭄ᬜᬯᬸᬭᬶᬦ᭄᭞ᬲ᭄ᬯᬭᬦ᭄ᬳᬶᬤᬫᬢᬗ᭄ᬕᬸᬭᬦ᭄᭞ᬭᬲᬫᭂᬤᬄ
[᭖᭖ 66A]
ᬧᬶᬢᬸᬂᬮᬧᬶᬲ᭄᭟᭜᭟ᬧ᭄ᬬᬦᬓ᭄ᬩᬧᬘᭂᬦᬶᬂᬩᬕᬸᬲ᭄᭞ᬲᬸᬩᬲᬶᬦᬄᬧᭂᬲᬦ᭄ᬗᬶᬮᬶᬲ᭄᭞ᬓᬧᬶᬲᬭᬢᬂᬳᬶᬦᬓ᭄᭞ᬧᬗ᭄ᬕᬸᬳᬂᬳᬶᬤᬾᬯᬲᬫᬶ᭞ᬦᬾᬳᬤᬧᬳᬶᬘᬦ᭄ᬩᬧ᭞ᬫᬭᬸᬧᬲᬜ᭄ᬚᬢᬮᬸᬯᬶᬄ᭟᭜᭟ᬧᬦᬄ
ᬧᬕᬸᬧᬢᬶᬓᬲᬸᬩ᭄᭞ᬳᬤᬦ᭄ᬜᬦᬾᬦᬾᬢᬶᬗ᭄ᬳᬮᬶᬦ᭄᭞ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬢᬦ᭄ᬳᬲᬸᬯᬾᬓᬕᬾᬢ᭄ᬕᬶᬫᬶᬚᬶᬮ᭄᭞ᬕᭂᬦᬶᬲᬓᬶᬂᬢᬗᬦ᭄ᬳᬶᬤ᭞ᬢᬓ᭄ᬧᬓᬸᬓᬸᬲ᭄ᬫᬗᬸᬮᬧᬶᬦ᭄᭟᭜᭟ᬕᭂᬦᬶᬦᬾᬫ᭄ᬩᬲ᭄ᬲ
ᬓᬶᬂᬩᬳᬸ᭞ᬓᬕᬾᬢ᭄ᬧᭂᬲᬸᬮᬶᬩᬢᬶᬲ᭄᭞ᬫᬧᬤᬾᬯᬾᬓᬦ᭄ᬭᬵᬓ᭄ᬱᬲ᭞ᬦᬢᬤ᭄ᬧᬦᬄᬧᬰᬸᬧᬢᬶ᭞ᬓᬢ᭄ᬭᬶᬫᬳᬦ᭄ᬢᬸᬓ᭄ᬲᬂᬧᬃᬣ᭞ᬳᬶᬘᬦ᭄ᬳᬶᬦᬾᬍᬯᬶᬄ᭟᭜᭟ᬭᬶᬂᬲᬫ᭄ᬧᬸᬦᬾᬲᬧᬸᬦᬶᬓᬸ᭞ᬦᬾᬫ᭠
ᬭᬸᬧᬫᬗᬺᬲ᭄ᬋᬲᬶᬦ᭄᭞ᬓᬕᬾᬢ᭄ᬳᬶᬘᬮ᭄ᬢᬦ᭄ᬧᬲᬗ᭄ᬓᬦ᭄᭞ᬭᬾᬄᬧᬫᬸᬧᬸᬢ᭄ᬲᬫ᭄ᬧᬸᬦ᭄ᬫᬜ᭄ᬚᬶᬂ᭞ᬭᬶᬂᬧ᭠ᬦᬳᬾᬫᬢᬗ᭄ᬕᬶᬮᬦ᭄᭞ᬓᬾᬢᭀᬬᬾᬦ᭄ᬧᬦᬳᬾᬍᬯᬶᬄᬲᬲᬫ᭄ᬧᬸᬘ᭄ᬲᬂᬫᬳᬵᬩᬳᬸ᭞ [ 68 ][᭖᭖ 66B]
᭖᭗
ᬧᭀᬮᬶᬄᬧᬦᬸᬕ᭄ᬭᬳᬦ᭄ᬮᭂᬯᬶᬄ᭞ᬧᬺᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬦᬸᬮᬶᬳ᭄ᬬᬂᬰᬶᬯᬗᭂᬦ᭄ᬢᭀᬲᬶᬦ᭄᭞ᬢᬸᬢᬸᬧ᭄ᬕᭂᬮᬸᬂᬫ᭄ᬯᬂᬕᬡ᭄ᬥᬾᬯ᭞ᬢᬦ᭄ᬧᬓᬶᬭᬂᬢᭂᬕᭂᬧ᭄ᬲᬫᬶ᭟᭜᭟ᬳᬶᬤᬳ᭄ᬬᬂᬰᬶᬯᬫᬗ᭄ᬮᬦ᭄ᬢᬸᬃ᭞ᬗᬚᬄᬗᬯᬭᬄᬯᬭ
ᬳᬶᬦ᭄᭞ᬳᬶᬦ᭄ᬤᬶᬓ᭄ᬢᬢ᭄ᬯᬤᬦᬃᬥᬭ᭞ᬫᬶᬯᬄᬲᬜ᭄ᬚᬢᬲᬶᬦᬫᬶ᭞ᬲᬧᬸᬧᬸᬢᬶᬂᬧᬦᭂᬫᬬ᭞ᬚ᭄ᬭᭀᬦᬶᬂᬫᬶᬕᬸᬡᬬᬂᬲᬫᬶ᭟᭜᭟ᬳᬶᬤᬲᬂᬳ᭄ᬬᬂᬰᬶᬯᬫᬗ᭄ᬮᬦ᭄ᬢᬸᬃ᭟ᬫᬯᬲ᭄ᬢᬸᬪᬝᬭᬕᬸᬭᬸ᭞ᬫᬸᬱ᭄ᬡᬵᬲᬳᬵᬤᬾᬯ
ᬋᬱᬶ᭞ᬚᬸᬭᬸᬓᬶᬤᬸᬫᬗᬶᬭᬶᬗᬂ᭞ᬧ᭄ᬭᬫᬗ᭄ᬓᬶᬦ᭄ᬲᬸᬯᬸᬂᬫᬶᬄ᭞ᬭᬶᬂᬧᬢᬧᬦ᭄ᬫᬦ᭄ᬢᬭᬕ᭞ᬯᬦ᭄ᬢᬄᬲᬂᬅᬃᬚ᭄ᬚᬸᬡᬓᬭᬶ᭟᭜᭟ᬓᬲᬬᬂᬤᬸᬓ᭄ᬧᬸᬦᬶᬓᬸ᭞ᬓᬤᬶᬢᬦ᭄‌ᬯᬾᬦ᭄ᬢᭂᬦ᭄ᬭᬶᬂᬕᬸᬫᬶ᭞ᬧᬓᬬᬸᬦᬦ᭄ᬲᬂᬅᬃᬚ᭄ᬚᬸᬡ᭞ᬭ
ᬕᬦᬾᬓᬤᬶᬫᬲᬮᬶᬦ᭄᭞ᬲᬸᬓᬢᬦ᭄ᬧᬯᬮᬶᬤᬸᬄᬓ᭞ᬩᬾᬩᬲ᭄ᬮᬦ᭄ᬤᬸᬄᬤᭂᬕ᭄ᬤᭂᬕ᭄ᬧᬺᬧ᭄ᬢᬶ᭟᭜᭟ᬳᭂᬦ᭄ᬢᭀᬲᬗᭂᬢ᭄ᬧᭂᬲᬦ᭄ᬧᬢᬸᬢ᭄᭞ᬳᬗ᭄ᬕᬾᬦ᭄ᬧ᭄ᬭᬢᬶᬯᬶᬫ᭄ᬩᬩᭂᬘᬶᬓ᭄᭞ᬳᬶᬤᬲᬂᬲᬶᬤ᭄ᬥᬾᬂᬳᬘᭂᬧᬦ᭄᭞
[᭖᭗ 67A]
ᬫᬮᬦ᭄ᬢᬭᬦ᭄ᬳᬦ᭄ᬢᬸᬓ᭄ᬚᬓ᭄ᬢᬶ᭞ᬢᭂᬍᬩ᭄ᬢᬗ᭄ᬲᭂᬄᬫᬶᬯᬄᬢᬢᬓ᭄᭞ᬧᬕᭂᬄᬲᬓᬚᬕ᭄ᬭᬢᬾᬮᬶᬂ᭟᭜᭟ᬲᬶᬭᬓᬾᬢᬦ᭄ᬦᭂᬫᬸᬳᬬᬸ᭞ᬬᬾᬦ᭄ᬭᬳᬬᬸᬦᬾᬓᬶᬦᬃᬤ᭄ᬥᬶ᭞ᬚᬦ᭄ᬢᭂᬦ᭄ᬓᬯᭀᬦᬾᬢᭂᬫᭀᬓᬂ᭞ᬬᬾᬦ᭄ᬓ
ᬯᭀᬦ᭄ᬲᬦᬾᬓᬶᬦᬃᬤ᭄ᬥᬶ᭞ᬳᬮᬳᬬᬸᬲᬓᬶᬂᬓᬃᬫ᭄ᬫ᭞ᬲᬗ᭄ᬓᬦ᭄ᬫᬲᭀᬮᬄᬳᬧᬶᬓᬶᬦ᭄᭟᭜᭟ᬯᬾᬦ᭄ᬢᭂᬦ᭄ᬫᬦᬸᬱᬧᬸᬦᬶᬓᬸ᭞ᬢᭀᬂᬢᬳᬾᬦ᭄ᬫᬸᬢᬗᬂᬓᬾᬃᬢ᭄ᬢᬶ᭞ᬫᬓᬵᬤᬶᬫᬥᬦᬧᬸᬡ᭄ᬬ᭞ᬗ᭄ᬮᬭᬂᬢ
ᬧᬩ᭄ᬭᬢᬫᬮᬶᬄ᭞ᬫᬫᭀᬗᬄᬦᬸᬦᬲ᭄ᬧᬲ᭄ᬯᬾᬘᬦ᭄᭞ᬓᬯᬶᬃᬬ᭄ᬬᬦ᭄ᬭᬶᬂᬲᬂᬳ᭄ᬬᬂᬯᬶᬥᬶ᭟᭜᭟ᬲᬓᬤᬶᬫᬫᬓ᭄ᬱᬳᬶᬧᬸᬦ᭄᭞ᬫᬗ᭄ᬤᬫᬧᬶᬓᭀᬮᬶᬄᬳᬸᬕᬶ᭞ᬤᬶᬢᬸᬭᬭᬶᬲ᭄ᬓᬩᬮᬶᬓᬂ᭞ᬢᬢᬸᬚᭀᬦ᭄ᬳᬶᬧᬸ
ᬦ᭄ᬧ᭄ᬭᬫᬗ᭄ᬓᬶᬦ᭄᭞ᬦᬶᬓᭂᬮ᭄ᬫᬗ᭄ᬕᬶᬳᬶᬦ᭄ᬲᬗ᭄ᬲᬭ᭞ᬫᬸᬯᬸᬄᬢᭂᬢᭂᬄᬲᬓᬶᬢ᭄ᬳᬢᬶ᭟᭜᭟ᬕᭂᬮᬶᬲᬶᬂᬘᬭᬶᬢᬲᬫ᭄ᬧᬸᬦ᭄᭞ᬳᬶᬤᬲᬂᬧᬃᬣᬫᬓᬶᬦ᭄ᬓᬶᬦ᭄᭞ᬧᬘᬂᬓᬯᬤᬭᬶᬢᬸᬮᬓ᭄᭞ᬓᬕᬾᬢ᭄ᬯᬾᬦ᭄ᬢᭂᬦ᭄ᬢᬫ᭄ᬬᬸᬧ᭄ᬭᬧ᭄ᬢᬶ [ 69 ][᭖᭗ 67B]
᭖᭘
᭞ᬯᬶᬤ᭄ᬬᬤᬭᬓᬮᬶᬄᬳᬦ᭄ᬯᬫ᭄᭞ᬓᬳᬸᬢᬸᬲ᭄ᬗᬸᬦ᭄ᬤᬂᬲᬂᬓᬶᬭᬶᬣᬶ᭟᭜᭟ᬫᬓ᭄ᬢᬓ᭄ᬯᬘᬳᬦ᭄ᬢᬸᬓ᭄ᬩᬸᬮᬸ᭞ᬫᬶᬯᬄᬢ᭄ᬮᬸᬫ᭄ᬧᬄᬫ᭄ᬮᬃᬫᬦᬶᬓ᭄᭞ᬫᬢᬸᬃᬤᬳᬢ᭄ᬧᬺᬡᬫ᭄ᬬ᭞ᬗᭂᬳᭂᬤ᭄ᬗᬢᬸᬭᬂᬋᬋᬧᬶ᭞ᬫᬘᬘᬶᬭᬾ
ᬦ᭄ᬲᬂᬳ᭄ᬬᬂᬇᬦ᭄ᬤ᭄ᬭ᭞ᬲᬂᬧᬃᬣᬦᬭᬶᬫᬫᬗ᭄ᬓᬶᬦ᭄᭟᭜᭟ᬕᬸᬮᬸᬗᬦ᭄ᬭᭀᬦ᭄ᬢᬮᬾᬳᬮᬸᬲ᭄᭞ᬓᬕᬕᬄᬓᬯᬘᬾᬦ᭄ᬭᬭᬶᬲ᭄᭞ᬲᬧᬸᬦᬶᬓᬶᬫᬸᬗ᭄ᬕ᭄ᬯᬶᬂᬲᬸᬭᬢ᭄᭞ᬥᬸᬄᬫᬵᬲ᭄ᬩᬧᬦᬾᬳᬶᬘᭂᬦᬶᬂ᭞ᬩᬧᬲᬂᬳ᭄ᬬᬂᬲᬸ
ᬭᬥᬶᬧ᭞ᬫ᭄ᬯᬢᬂᬓᬧᬶᬯ᭄ᬮᬲᬦ᭄ᬘᭂᬦᬶᬂ᭟᭜᭟ᬫᬋᬧ᭄ᬢᭂᬓᬾᬦ᭄ᬘᭂᬦᬶᬩᬕᬸᬲ᭄᭞ᬢᬸᬮᬸᬂᬳᬸᬕᬶᬩᬘᭂᬦᬶᬂ᭞ᬩᬧᬓᬢᬶᬩᬾᬦ᭄ᬲᬗ᭄ᬓᬮᬵᬳᬕᬸᬂᬪᬬᬢᬦ᭄ᬧᬓᬦ᭄ᬢᬶ᭞ᬫᬢᬶᬦ᭄ᬜᬦᬶᬃᬯᬢᬓᬯᬘ᭞ᬦᬾᬲᬭ
ᬢᬂᬩᬧᬚᬦᬶ᭟᭜᭟ᬓᬾᬢᭀᬓᬩ᭄ᬯᬢᬦᬾᬩᬕᬸᬲ᭄᭞ᬧᬂᬢᬸᬳᬸᬘᭂᬦᬶᬂᬜᬗ᭄ᬕᬸᬧᬶᬦ᭄᭞ᬮᬯᬸᬢᬂᬘᭂᬦᬶᬂᬕᬦ᭄ᬢᬲᬂ᭞ᬧᬦᬄᬧᬳᬶᬘᬦᬾᬮᬸᬯᬶᬄ᭞ᬳᬗ᭄ᬕᭀᬦ᭄ᬦᬗ᭄ᬓᭂᬧᬶᬦ᭄ᬭᬶᬂᬭᬡᬵ᭞ᬲᬶᬦᬄᬲᭀᬃᬓᬶᬬᬓ᭄ᬱ
[᭖᭘ 68A]
ᬧᬢᬶ᭟᭜᭟ᬯᬦ᭄ᬢᬄᬳᬫᬸᬦᬶᬓᬵᬢᬸᬳᬸ᭞ᬫᬸᬗ᭄ᬕᬸᬳᬶᬂᬤᬕᬶᬂᬋᬋᬧᬶ᭞ᬗ᭄ᬳᬶᬂᬲ᭄ᬯᬪᬯᬦ᭄ᬲᬂᬓᬳᬸᬦ᭄ᬤᬂ᭞ᬲᬸᬗ᭄ᬲᬸᬢ᭄ᬳᬸᬮᬗᬸᬦ᭄ᬭᬶᬂᬳᬢᬶ᭞ᬭᬶᬂᬭᬓᬮᬦ᭄ᬭᬳᬶᬦ᭄ᬳᬶᬤ᭞ᬭᬶᬂᬧᬗᬓ᭄ᬱᬶᬦᬾᬫᬘᬶᬭᬶ᭟᭜᭟ᬲᬗ᭄ᬲᬸᬢ᭄
ᬲᬂᬓᬢᬶᬗ᭄ᬕᬮ᭄ᬧᬢᬸᬄ᭞ᬭᬶᬂᬳᬸᬮᬗᬸᬦ᭄ᬲᬂᬦᬶᬗ᭄ᬕᬮᬶᬦ᭄᭞ᬫᬯᬦᬦ᭄ᬲᬂᬧᬃᬣᬲᬓ᭄ᬱᬢ᭄᭞ᬢᭀᬕᭀᬕ᭄ᬫᬲ᭄ᬫᬲᭂᬫᬸᬚᭂᬗᬶᬲ᭄᭞ᬫᭂᬦᭂᬂᬘᬘᬗᬓᬾᬦ᭄ᬭᬯᬂ᭞ᬓᬮᬶᬧᬸᬢ᭄ᬳᬸᬮᬗᬸᬦ᭄ᬳᬢᬶ᭟᭜᭟
ᬲᬂᬓᬳᬸᬢᬸᬲ᭄ᬫᬮᬶᬄᬫᬢᬸᬃ᭞ᬤᬸᬭᬸᬲᬂᬲ᭄ᬯᬾᬘ᭄ᬘᬦᬶᬦ᭄ᬳᬸᬮᬶ᭞ᬳᬶᬤᬜᭂᬮᬂᬓᬰᬓ᭄ᬢᬶᬬᬦ᭄᭞ᬓᬗ᭄ᬕᬾᬦ᭄ᬫᬸᬘᭂᬄᬦᬾᬫᬗ᭄ᬭᬲᬶᬦ᭄᭞ᬲᬓ᭄ᬱᬢ᭄ᬧᬗ᭄ᬯᬍᬲ᭄ᬳᬶᬤᬾᬯ᭞ᬫᬯᬶᬦᬦ᭄ᬧᬢᬸᬢ᭄ᬢᬸᬮᬸᬗᬶᬦ᭄᭟᭜᭟ᬫᭂ
ᬧᭂᬲ᭄ᬳᬢᬸᬃᬲᬂᬓᬳᬸᬢᬸᬲ᭄᭞ᬲᬂᬧᬃᬣᬭᬭᬶᬲ᭄ᬜᬯᬸᬭᬶᬦ᭄᭞ᬓ᭄ᬱᬫᬢᬶᬢ᭄ᬬᬂᬢᬦ᭄ᬢᬸᬮᬓ᭄᭞ᬜᬶᬳ᭄ᬦᬬᬂᬫᬦᬄᬲᬸᬪᬓ᭄ᬢᬶ᭞ᬧᬸᬭᬸᬦ᭄ᬫᬗᭂᬢᭀᬳᬂᬚᬶᬯ᭞ᬓᭂᬦᬶᬲ᭄ᬯᬃᬕ᭄ᬕᬦᬾᬢᬺᬧ᭄ᬢᬶ᭟᭜᭟ᬫᬯᬶᬦᬦ᭄ᬢᬶᬢ᭄ᬬᬂ [ 70 ][᭖᭘ 68B]
᭖᭙
ᬲᬸᬫᬗ᭄ᬕᬸᬧ᭄᭞ᬤᬤᭀᬲ᭄ᬫᬓᬰ᭄ᬭᬬᬓᬦ᭄ᬢᬶ᭞ᬳᬦ᭄ᬢᬸᬓ᭄ᬚᭂᬗᬄᬫᬦᬄᬢᬶᬢ᭄ᬬᬂ᭞ᬭᬶᬂᬲᬂᬤᭂᬕᬕ᭄ᬗᬸᬲᬓᬲᬶᬓ᭄᭞ᬩᬦ᭄ᬰᬓ᭄ᬢᬶᬩᬗᭂᬢ᭄ᬗᬫ᭄ᬧᬳᬂ᭞ᬓᬤᬾᬯᬢᬦ᭄ᬳᬶᬤᬮᬸᬯᬶᬄ᭟᭜᭟ᬯᬦ᭄ᬢᬄᬳᬫᬸᬦᬶᬓ
ᬳᬢᬸᬃ᭞ᬳᬶᬤᬲᬂᬅᬃᬚ᭄ᬚᬸᬡᬭᬭᬶᬲ᭄᭞ᬗᬤᭂᬕ᭄ᬲᬳᬫᬤᬩ᭄ᬤᬩᬦ᭄᭞ᬲᬫ᭄ᬧᬸᬦ᭄ᬫᬢᭂᬮᬸᬫ᭄ᬧᬄᬫᬦᬶᬓ᭄᭞ᬗ᭄ᬭᬗ᭄ᬲᬸᬓ᭄ᬓᬯᬘᬓᬫ᭄ᬩᬮ᭞ᬧᬳᬶᬘᬦ᭄ᬲᬂᬲᬸᬭᬧᬢᬶ᭟᭜᭟ᬓ᭄ᬯᬘᬓᬫ᭄ᬩᬮᬧᬸᬦᬶᬓᬸ᭞᭠
ᬢᬦ᭄ᬮᬶᬬᬦ᭄ᬫᬓᬧᬶᬭᬦ᭄ᬢᬶ᭞ᬓᬗ᭄ᬕᬾᬦ᭄‌ᬗ᭄ᬮᬶᬦ᭄ᬢᬗᬶᬦ᭄ᬳᬫ᭄ᬩᬭ᭞ᬓᬘ᭄ᬭᬶᬢᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬢᬦ᭄ᬓᬯᬃᬡ᭄ᬦᬮᬫ᭄ᬧᬳᬶᬭ᭞ᬲᬂᬓᬧᬶᬓᬵᬃᬱᬳᬶᬦ᭄ᬓᬦ᭄ᬢᬶ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬕ᭄ᬮᬶᬲᬶᬂᬲᬢ᭄ᬯᬲᬂᬅᬃᬚ᭄ᬚᬡ᭞
᭞ᬲᬫ᭄ᬧᬸᬦ᭄ᬭᬶᬂᬓᬳ᭄ᬬᬗᬦ᭄ᬢᬗ᭄ᬓᬶᬮ᭄᭞ᬩᬯᭀᬲ᭄ᬳ᭄ᬬᬂᬇᬦ᭄ᬤ᭄ᬭᬢᬦ᭄ᬮᬶᬬᬦ᭄᭞ᬭᬶᬂᬤᬕᬶᬂᬋᬋᬧᬶᬲᬫᬶ᭞ᬳ᭄ᬬᬂᬇᬦ᭄ᬤ᭄ᬭᬭᬭᬶᬲ᭄ᬗᭂᬲᬾᬗᬶᬦ᭄᭞ᬤ᭄ᬬᬄᬲᬸᬧ᭄ᬭᬪᬫᬗ᭄ᬤᬾᬦ᭄ᬢᬸᬭᬸᬦ᭄᭞ᬲᬋᬂᬓᬫᬦᬶᬓ᭄ᬫᬦ᭄ᬢᬓ᭞ᬗᬭᬶᬜ᭄ᬘᬶ
[᭖᭙ 69A]
ᬓ᭄ᬯᬶᬦᬬᬲᬶᬗᬶᬤ᭄᭞ᬫᬗ᭄ᬤᬾᬦ᭄ᬢᬳᬸ᭞ᬕᭂᬦᬄᬓᬰᬓ᭄ᬢᬶᬦ᭄ᬲᬶᬬᬓ᭄ᬱ᭟᭜᭟ᬓᬾᬦᬶᬘᭂᬦᬶᬂᬥᬦᬜ᭄ᬚᬬ᭞ᬲᬲᬶᬤ᭄ᬥᬲᬶᬤ᭄ᬥᬬᬦ᭄ᬘᭂᬦᬶᬂ᭞ᬤᬗᭂᬚᭀᬄᬭᬶᬂᬲᬸᬧ᭄ᬭᬪ᭞ᬭᬶᬓᬵᬮᬜᬸᬂᬚᬸᬂᬫᬫᬸᬚᬶ᭞ᬦᭂᬭᬸᬲ᭄ᬦ
ᬓᭀᬦᬂᬓᬰᬓ᭄ᬢᬶᬦ᭄᭞ᬫᬗ᭄ᬤᬾᬦ᭄ᬘᭂᬦᬶᬂᬢᬫ᭄ᬧᭂᬓ᭄ᬤᬶᬢᬸ᭞ᬩᬶᬲᬬᬂᬫᬗᬮᬶᬄᬕᭂᬦᬄ᭞ᬧᬲᬳᬸᬃ᭠ᬲᬶᬬᬓ᭄ᬱᬳᬶᬦ᭄ᬢᬶᬧ᭄᭞ᬓᬾᬢᭀᬩᬕᬸᬲ᭄᭞ᬮᬳᬸᬢᬂᬘᭂᬦᬶᬂᬫᬫᬃᬕ᭄ᬕ᭟᭜᭟ᬘ᭄ᬭᬶᬢᬭᬶᬂᬫᬦᬶᬓ᭄ᬫᬦ᭄ᬢᬓ
᭞ᬦᬶᬃᬯᬢᬓᬯᬘᬩ᭄ᬭᬗ᭄ᬢᬶ᭞ᬭᬾᬄᬲᬸᬩᬢᬸᬢᬸᬕ᭄ᬲᬫᬬ᭞ᬳᬶᬤᬳ᭄ᬬᬂᬇᬦ᭄ᬤ᭄ᬭᬦᬸᬚᬦᬶ᭞ᬢᭀᬂᬳᬤᬭᬯᬸᬄᬓᬳᬓ᭄ᬱᬶ᭞ᬗᬢᭂᬄᬦᬶᬲᬸᬧ᭄ᬭᬪᬳᬬᬸ᭞ᬯᬯᬸᬳᬶᬭᬵᬓ᭄ᬱᬲᬳᬬᬢ᭄᭞ᬗᬢᬕ᭄ᬯᬤ᭄ᬯᬦ᭄ᬜ
ᬦᬾᬲᬫᬶ᭞ᬧᬘᬂᬗᬫᬸᬓ᭄᭞ᬫᬯᬮᬶᬓᬇᬦ᭄ᬤ᭄ᬭᬮᭀᬓ᭟᭜᭟ᬓᬕᬾᬢ᭄ᬓᬘᬶᬗᬓ᭄ᬧᬋᬓᬦ᭞ᬲᬓᬶᬂᬚᬩᬤᬶᬬᬶᬲ᭄ᬤᬶᬬᬶᬲ᭄᭞ᬜᭀᬗ᭄ᬓᭀᬓ᭄ᬫᬢᬸᬃᬫᬗᬸᬦᬶᬗᬂ᭞ᬤᬸᬄᬭᬢᬸᬲᬂᬰ᭄ᬭᬷᬪᬸᬧᬢᬶ᭞ᬭᬶᬂᬩ [ 71 ][᭖᭙ 69B]
᭗᭐
ᬜ᭄ᬘᬶᬗᬄᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬮᬶᬢᬸᬄᬳᬬᬸ᭞ᬗᬗ᭄ᬕᬾᬦ᭄ᬲᬃᬯ᭄ᬯᬓᬸᬮᬶᬢ᭄ᬦᬕ᭞ᬫᬗᬫᬾᬳᬫᬾᬳᬶᬕᬸᬲ᭄ᬢᬶ᭞ᬫᬶᬦᬩ᭄ᬳᬶᬓᬸ᭞ᬢᬢᬕᭀᬦ᭄ᬘᭀᬓᭀᬃᬳᬶᬤᬾᬯ᭟᭜᭟ᬫᬢᭂᬤ᭄ᬳᬢᬸᬃᬳᬶᬧᬋ
ᬓᬦ᭄᭞ᬭᬾᬄᬕᬸᬲ᭄ᬢᬶᬳᬶᬧᬸᬦ᭄ᬫᬘᭂᬕᬶᬓ᭄᭞ᬳᬶᬄᬦᬾᬢᬾᬧᬋᬓᬦ᭄᭞ᬫᬶᬭᬶᬩ᭄ᬢᭀᬦ᭄ᬤᬾᬦ᭄ᬗᬫᬄᬘᬳᬶ᭞ᬲᬗ᭄ᬓᬦ᭄ᬫᭂᬮᬄᬓᭂᬦᭂᬄᬘᬳᬶ᭞ᬦᭂᬧᬂᬦᬶᬲᬸᬧ᭄ᬭᬪᬤᬶᬢᬸ᭞ᬢᬢᬕᭀᬦ᭄ᬕᭂᬮᬄᬦᬾᬗᬬᬂ᭞ᬢ᭄ᬯᬭ
ᬳᬶᬭᬶᬗᬂᬓᬧᬸᬭᬶ᭞ᬕᬦ᭄ᬢᬶᬦ᭄ᬧᬬᬸ᭞ᬳᬶᬩᬫᬗᭂᬫᬲᬶᬦ᭄‌ᬩᬗ᭄ᬓ᭟᭜᭟ᬢᬸᬫᬸᬮᬶᬭᬭᬶᬲ᭄ᬓᬢᬶᬜ᭄ᬚᬓ᭄᭞ᬓᬢᬜ᭄ᬚᬸᬂᬓᭂᬢᭂᬲ᭄ᬗᬸᬮᬶᬮᬶᬓ᭄᭞ᬩᬦ᭄ᬓᬲᬾᬧ᭄ᬗᭂᬮᬶᬤᬂᬳᬯᬓ᭄᭞ᬧᬬᬸᬫᬗᭂᬫᬲᬶᬦ᭄ᬫᬢᬶ᭞ᬦᬶᬂᬳᬸᬦ᭄ᬤ
ᬕ᭄ᬩᬢᬸᬦᬾᬜᬸᬫ᭄ᬧ᭄ᬭᬶᬢ᭄᭞ᬫᬢᬜ᭄ᬘᭂᬩᬦ᭄ᬢᭂᬦ᭄ᬤᬲ᭄ᬳᬶᬧᬸᬦ᭄᭞ᬫᬓᭂᬘ᭄ᬭᭀᬢ᭄ᬧᭀᬮᭀᬦ᭄ᬜᬫᬸᬜ᭄ᬘ᭄ᬭᬢ᭄᭞ᬳᬸᬮᬶᬂᬘᬸᬗᬸᬄᬳᬸᬮᬶᬂᬓᬸᬧᬶᬂ᭞ᬕᭂᬢᬶᬄᬳᬶᬧᬸᬦ᭄᭞ᬫᬭᭀᬓ᭄ᬩᭀᬓ᭄ᬫᬫᬩᬄᬫᬮᬾᬤᬦ᭄᭟᭜᭟
[᭗᭐ 70A]
ᬓᬾᬢᭀᬬᬾᬦᬶᬂᬤᬤᬶᬧᬜ᭄ᬚᬓ᭄᭞ᬫ᭄ᬭᬢᬸᬭᬶᬂᬲᬂᬤᬸᬄᬓᬩᬗᬶᬲ᭄᭞ᬢᭀᬂᬳᬤᬫᬤᬦ᭄ᬳᬫ᭄ᬧᬭ᭞ᬧᬶᬤᬦ᭄ᬤᬦ᭄ᬜᬢᬸᬯᬄᬫᬢᬶ᭞ᬓᬶᬢᬸᬢ᭄ᬯᬭᬳᬤᬩᬸᬯᬶ᭞ᬬᬾᬦ᭄ᬳᬤᬧᬜ᭄ᬚᬓ᭄ᬫᬳᬸᬓᬸᬫ᭄᭞ᬧ᭄ᬭᬕᬢᬂᬩᬦ᭄ᬓ
ᬮᬾᬯᬂ᭞ᬳᬶᬯᬂᬩᬗᭂᬢ᭄ᬳᬶᬯᬂᬓᬶᬤᬶᬓ᭄᭞ᬢ᭄ᬯᬭᬩᬸᬳᬸᬂ᭞ᬫᬢᬶᬦ᭄ᬜᬫᬧᭀᬓᬂᬧᭀᬓᬂ᭟᭜᭟ᬓᭀᬘᬧ᭄ᬭᬶᬂᬫᬦᬶᬓ᭄ᬫᬦ᭄ᬢᬓᬵ᭞ᬲᭀᬓ᭄ᬧᬸᬭᬶᬦᬾᬤᭀᬕᬾᬦ᭄ᬮᬸᬯᬶᬄ᭞ᬦᬾᬮᬾᬦ᭄ᬢᭀᬂᬳᬤᬗᬶᬢᬸᬗᬂ᭞ᬲᬾ
ᬢᬸᬢᬫ᭄ᬩᬓ᭄ᬮᬦ᭄ᬧᬢᬦᬶ᭞ᬧᬲᬃᬳᬕᬸᬂᬧᬲᬃᬳᬮᬶᬢ᭄᭞ᬫᬕ᭄ᬮᬢᬸᬭᬦ᭄ᬭᬸᬲᬓ᭄ᬳᬚᬸᬃ᭞ᬕᭀᬢᭀᬂᬭᭀᬬᭀᬂᬢ᭄ᬯᬭᬳᬤ᭞ᬮᬸᬳᬸᬦᬾᬗᭂᬩᭂᬓᬶᬦ᭄ᬕᬸᬫᬶ᭞ᬫᬃᬕ᭄ᬕᬳᬕᬸᬂ᭞ᬢ᭄ᬯᬭᬢᬳᬾᬦ᭄ᬫᬩᭂᬦᬳᬦ᭄
᭟᭜᭟ᬲᬗᭂᬢ᭄ᬫᬗᭂᬋᬲᬶᬦ᭄ᬫᬦᬄ᭞ᬬᬾᬦ᭄ᬓᭂᬦᭂᬳᬂᬳᭂᬦ᭄ᬢᭀᬓᬓᬶ᭞ᬳᬶᬦ᭄ᬤᬶᬓ᭄ᬦᬶᬃᬯᬢᬓᬯᬘᬵ᭞ᬤᬤᬶᬳᬕᬸᬂᬗᬶᬲᬶᬕᬸᬫᬶ᭞ᬢ᭄ᬯᬭᬦᬯᬂᬩᬶᬓᬲ᭄ᬧᭂᬮᬶᬄ᭞ᬲᬳᬶᬜᬧᬓᬤᬶᬳᬓᬸ᭞ᬫᭂᬮᬄᬦᭀᬚᬦᬶ [ 72 ][᭗᭐ 70B]
᭗᭑
ᬢᬸᬢᬸᬕᬂ᭞ᬲᬢ᭄ᬯᬦᬾᬧᬂᬓᬦ᭄ᬢᬶᬜᬭᬶᬓ᭄᭞ᬭᬭᬶᬲ᭄‌ᬗ᭄ᬮᬦ᭄ᬢᬸᬃ᭞ᬳᬶᬤᬲᬂᬅᬃᬚ᭄ᬚᬸᬡᬜᬢ᭄ᬯ᭟᭜᭟ᬫᬗ᭄ᬓᬶᬦ᭄ᬦᬶᬃᬯᬢᬓᬯᬘ᭞ᬦᬩ᭄ᬤᬩᬂᬢᬗ᭄ᬕᬸᬦ᭄ᬮᬮᬜ᭄ᬘᬶᬂ᭞ᬫᭂᬲᬾᬄᬲᭂᬩᭂᬂᬗᬚᬩᬬᬂ᭞ᬲᬫ᭄ᬩᬶᬮ᭄ᬫᭂᬘᬶᬓ᭄ᬕᭂᬮᬸᬂ᭠
ᬫᬶᬭᬶᬂ᭞ᬢᬶᬩᬭᬶᬂᬩᬜ᭄ᬘᬶᬗᬄᬓᬵᬓ᭄ᬱᬶ᭞ᬤ᭄ᬬᬄᬲᬸᬧ᭄ᬭᬪᬫᬗᬸᬦ᭄ᬢᬸᬮ᭄᭞ᬲᬫ᭄ᬧᬶᬂᬢᭀᬕᭀᬕ᭄ᬗᬫᬾᬗ᭄ᬓ᭄ᬮᭀᬓᬂ᭞ᬲᭂᬩᭂᬗᬾᬗᭂᬋᬲᬶᬦ᭄ᬳᬢᬶ᭞ᬗᬸᬩᬃᬕᭂᬮᬸᬂ᭞ᬭᭀᬫᬳᬢᬸᬩ᭄ᬜᬧᬸᬚᬕᬢ᭄᭟᭜᭟
ᬬᬾᬦ᭄ᬳᬦᬓᬾᬚᭂᬕᬾᬕ᭄ᬗᬬᬂ᭞ᬤ᭄ᬬᬲ᭄ᬢᬸᬓᬾᬦᬸᬚᬸᬫᬗᭂᬮᬶᬂ᭞ᬫᬲᬶᬄᬚᭂᬕᬾᬕᬕ᭄ᬬᬓᬢᭀᬦᬂ᭞ᬤᬫᬯᭀᬲᬂᬲᭂᬤᭂᬓ᭄ᬓᭂᬜᬶᬂ᭞ᬲᬫ᭄ᬧᬸᬦ᭄ᬲᬶᬦᬄᬜᭂᬮᬾᬳᬢᬶ᭞ᬓᬢᬸᬫ᭄ᬩᬓ᭄ᬩᬦ᭄ᬮᬶᬬᬢ᭄ᬩᬮᬸᬢ᭄᭞ᬤ᭄ᬬᬲ᭄ᬢᬸ
ᬭᬶᬂᬢᭂᬗᬄᬩᭂᬭᬯᬄ᭞ᬫᬕ᭄ᬮᬶᬮᬶᬗᬦ᭄ᬓᬧᬸᬢ᭄ᬤᬓᬶ᭞ᬫᬗ᭄ᬕᭂᬄᬳᬬᬸ᭞ᬫᬦᬶᬓ᭄ᬫᬸᬓᬶᬭᬾᬭᬶᬂᬓᬾᬦ᭄ᬤ᭄ᬭᬦ᭄᭟᭜᭟ᬜᬕ᭄ᬚᬕ᭄ᬦᬶᬃᬯᬢᬓᬯᬘ᭞ᬧᬚᬃᬳᬵᬘᬭᬫᬚᬗᬶᬦ᭄᭞ᬭᬢᬸᬲᬂᬯᬮᬸᬬᬩᬸᬮᬦ᭄᭞
[᭗᭑ 71A]
ᬤᬤᭀᬲ᭄ᬓᬤᬶᬳᬦᬓᬮᬶᬢ᭄᭞ᬫᬫᬾᬗᭀᬲ᭄ᬭᬶᬂᬲᬫ᭄ᬧᬶᬂᬓᭀᬭᬶ᭞ᬳᬸᬯᬾᬮᬂᬚᬢᬶᬢ᭄ᬬᬂᬭᬢᬸ᭞ᬭᬶᬳᬦ᭄ᬢᬸᬓ᭄ᬓᬲᬾᬧ᭄ᬫᬜᬧ᭞ᬲᬸᬯᬾᬓᬾᬲᬫ᭄ᬧᬸᬦ᭄ᬳᬶᬭᬶᬓᬶ᭞ᬲᬶᬭᬭᬢᬸ᭞ᬗᬶᬭᬶᬗᬂᬲᬓᬶᬂᬲᬸᬯᬃᬕ᭄ᬕ
᭟᭜᭟ᬫᬢ᭄ᬯᬦ᭄ᬢᬶᬢ᭄ᬬᬗᬾᬭᬶᬂᬤᬶᬚ᭞ᬳᬶᬬᬚᬶᬳ᭄ᬬᬂᬇᬦ᭄ᬤ᭄ᬭᬳᬤᬶ᭞ᬳᬶᬭᬢᬸᬓᬢᭀᬦ᭄ᬗᬭᬕ᭞ᬫᬶᬦᬩ᭄ᬯᬦ᭄ᬢᬄᬢᭂᬗᬄᬫᬃᬕ᭄ᬕᬶ᭞ᬳᬶᬬᬚᬶᬗᬢᭂᬄᬳᬶᬫᬦᬶᬓ᭄᭞ᬲᬫ᭄ᬧᬸᬦ᭄ᬓᬲ᭄ᬯᬃᬕ᭄ᬕᬫᬯᬗ᭄ᬲᬸᬮ᭄᭞ᬭᬾᬄ
ᬳᬶᬭᬶᬓᬭᬶᬂᬓᬳ᭄ᬬᬗᬦ᭄᭞ᬢᬦ᭄ᬤᬤᭀᬲ᭄ᬲᬸᬯᬾᬓᬯᭀᬦᬶᬦ᭄᭞ᬕᬯᬾᬮᬶᬬᬸ᭞ᬗᬾᬜ᭄ᬘᬓᬂᬕᬡ᭄ᬥᬃᬯ᭄ᬯᬓᬢᬄ᭟᭜᭟ᬩᬶᬮᬶᬄᬬᬤᬶᬧᬺᬭᬕᬬᬦ᭄᭞ᬓᬦ᭄ᬤᬶᬓᬬᬂᬭᬶᬂᬳᬶᬬᬚᬶ᭞ᬢᭂᬤᬸᬦ᭄ᬓᬫᬦ᭄ᬢᬓᬧᬸᬭ
᭞ᬭᬾᬄᬳᬶᬬᬚᬶᬲᬫ᭄ᬧᬸᬦ᭄ᬳᬸᬦᬶᬂ᭞ᬲᬗ᭄ᬓᬦ᭄ᬢᬦ᭄ᬲᬗ᭄ᬲᬬᬫᬮᬶᬄ᭞ᬭᬶᬂᬦᬾᬧᬘᬂᬓᬗ᭄ᬕᬾᬦ᭄ᬫᬦ᭄ᬢᬸ᭞ᬩᭂᬮᬶᬦᬶᬃᬯᬢᬓᬯᬘ᭞ᬓᬲᬸᬩ᭄ᬜᬶᬲᬬᬂᬓᬰᬓ᭄ᬢᬶ᭞ᬲᬶᬭᬧᬸᬭᬸᬦ᭄᭞ᬫᬾᬮᬕᬂᬭᬢᬸᬭᬶᬂᬫᬃᬕ᭄ᬕ᭟᭜᭟ [ 73 ][᭗᭑ 71B]
᭗᭒
ᬫᬗ᭄ᬤᬾᬦ᭄ᬜᬮᬾᬤᬂᬳᬶᬫᬶᬭᬄ᭞ᬗᬯᬶᬢ᭄ᬭᬳᬶᬦᬾᬫᬗ᭄ᬓᬶᬦ᭄᭞ᬫᬜ᭄ᬚᬓᬂᬲᬶᬓᬶᬳᬦ᭄ᬢᬶᬢ᭄ᬬᬂ᭞ᬗᭀᬤᬕᬂᬲᬤᬕᬶᬂᬕᬸᬫᬶ᭞ᬦᬧᬶᬫᭂᬍᬤᬂᬭᬶᬂᬳᬢᬶ᭞ᬭᬯᭀᬲᬂᬫᬦᬄᬳᬶᬭᬢᬸ᭞ᬭᬶᬓᬶᬭᬶᬂᬫᬦᬶᬓ᭄ᬫᬫᬦ᭄ᬢᬓ᭞ᬚᬕᬢ᭄ᬢ
ᬦ᭄ᬓᬶᬭᬗᬦ᭄ᬦᬧᬶ᭞ᬢᬸᬳᬸᬯᬶᬪᬸᬄ᭞ᬜᬶᬲᬳᬶᬦ᭄ᬫᬓᭂᬚᬂᬓᭂᬚᬂ᭟᭜᭟ᬢᭀᬂᬜᬦ᭄ᬤᬂᬳᬶᬭᬢᬸᬓᬾᬫᬤ᭄᭞ᬫᬗᬸᬤᬸᬄᬳᬶᬓᬸᬮᬪᬓ᭄ᬢᬶ᭞ᬦᬾᬩᬤᬓ᭄ᬫᬗ᭄ᬧᬓᬢᬶᬢᬄ᭞ᬗᬜ᭄ᬘᬗᬶᬦ᭄ᬧᬸᬦᬧᬶᬮᬸᬯᬶᬃ᭞ᬲ
ᬦᬾᬫᭂᬍᬤᬂᬳᬶᬫᬦᬶᬓ᭄᭞ᬬᬾᬦ᭄ᬯᬾᬦ᭄ᬢᭂᬦ᭄ᬭᬶᬂᬚᬕᬢ᭄ᬢᭂᬮᬸ᭞ᬢᬦ᭄ᬓᬾᬗ᭄ᬕᬸᬄᬢᬶᬢ᭄ᬬᬂᬜᬭᬢᬂ᭞ᬫᬯᬶᬦᬦ᭄ᬧᬸᬭᬸᬦ᭄ᬫᬚᬜ᭄ᬚᬶ᭞ᬭᬶᬂᬭᬢᬸ᭞ᬗᬸᬮᬸᬭᬶᬦ᭄ᬲᬓᬫᬓᬫ᭟᭜᭟ᬲᬧᬸᬦᬶᬓᬭᬢᬸᬫᬶᬭᬄ᭞ᬕᭂ
ᬮᬶᬲᬂᬫᬗ᭄ᬓᬶᬦ᭄ᬲ᭄ᬮᭂᬤᬾᬢᬶᬦ᭄᭞ᬧᬸᬦᬶᬓᬵᬲᬢ᭄ᬳᬗ᭄ᬕᬾᬦ᭄ᬳᬸᬧᬄ᭞ᬧᬸᬭᬸᬦ᭄ᬢᬶᬢ᭄ᬬᬗᬾᬕᬚᬜ᭄ᬚᬶ᭞ᬦᬾᬫᬗ᭄ᬓᬶᬦ᭄ᬤᬸᬭᬸᬲ᭄‌ᬦ᭄ᬤᬶᬓᬳᬶᬦ᭄᭞ᬩᬶᬮᬶᬄᬳᬶᬭᬢᬸᬫᬓᬬᬸᬦ᭄᭞ᬭᬩᬶᬦ᭄ᬳ᭄ᬬᬂᬯᬶᬱ᭄ᬡᬸᬭᬯᬸᬳᬂ᭞ᬫᭂ
[᭗᭒ 72A]
ᬘᬶᬓ᭄ᬘᭀᬓᭀᬃᬜᬩ᭄ᬭᬦ᭄ᬯᭂᬗᬶ᭞ᬚ᭄ᬭᭀᬦᬶᬂᬓᬲᬸᬃ᭞ᬭᬯᬸᬄᬬᬾᬦ᭄ᬢᬶᬢ᭄ᬬᬂᬫᭂᬲᭂᬦᬂ᭟᭜᭟ᬲᬫᬮᬶᬄᬬᬾᬦ᭄ᬳᬶᬫᬵᬲ᭄ᬫᬶᬭᬄ᭞ᬯᬦᭂᬄᬫᬮᬶᬗ᭄ᬕᬶᬄᬭᬶᬂᬧᬸᬭᬶ᭞ᬦᬧᬶᬓᬾᬫᭂᬍᬤ᭄ᬫᬜᬶᬗᬓ᭄᭞ᬢᬢᬫᬦᬦ᭄ᬩᬸᬗᬄ
ᬳᬰ᭄ᬭᬶ᭞ᬤᭂᬳᬲᬭᬶᬦᬾᬫᬗᬶᬭᬶᬂ᭞ᬭᬶᬂᬢᬫᬦ᭄‌ᬗ᭄ᬮᬂᬮᬂᬉᬮᬗᬸᬦ᭄᭞ᬫᬮᬶᬗ᭄ᬕᬶᬄᬭᬶᬂᬩᬮᬾᬓᬫ᭄ᬩᬂ᭞ᬓᬶᬢᬶᬂᬢ᭄ᬮᬕᬩᬸᬗᬄᬳᬰ᭄ᬭᬶ᭞ᬮᬸᬯᬶᬓᬲᬸᬩ᭄᭞ᬭᬾᬄᬜᬦ᭄ᬤᬶᬂᬕᬸᬦᬸᬂᬅᬗ᭄ᬲᭀᬓᬵ᭟᭜᭟
ᬬᬾᬦ᭄ᬲᬫ᭄ᬧᬸᬦ᭄ᬯᬦᭂᬄᬭᬶᬂᬢᬫᬦ᭄᭞ᬫᭂᬍᬤ᭄ᬳᬶᬭᬢᬸᬦᬢᬲᬶᬦ᭄᭞ᬕᬸᬫᬦ᭄ᬢᬶᬫᬗ᭄ᬤᬧᬯᬶᬓᬦ᭄᭞᭠ᬧᬚᬚᬳᬦᬾᬳᬭᬶᬓᬶ᭞ᬓ᭄ᬭᬾᬢᬫᬲᬾᬮᬶᬗ᭄ᬕᬶᬳᬶᬦ᭄᭞ᬓᬓᭂᬤᭂᬂᬩᬦ᭄ᬓᬸᬤᬘᬢᬸᬃ᭞ᬲᬫ᭄ᬧᬸᬦᬂᬭ
ᬢᬸᬲᬗ᭄ᬲ᭞ᬢᬶᬢ᭄ᬬᬧᬰ᭄ᬘᬢ᭄ᬤᬤᭀᬲ᭄ᬲᬸᬧᬶᬃ᭞ᬗᬶᬭᬶᬂᬭᬢᬸ᭞ᬗᬮᬂᬮᬗᬶᬦ᭄ᬧᬚᬕᬢᬦ᭄᭟᭜᭟ᬩᬺᬢ᭄ᬬᬓᬸᬮᬦᬾᬢᬾᬗ᭄ᬓᭀᬩᬦ᭄᭞ᬭᬯᬸᬳᬂᬧᬭᬧᬺᬚᬸᬭᬶᬢ᭄᭞ᬗᬶᬭᬶᬗᬂᬓᬵ‌ [ 74 ][᭗᭒ 72B]
᭗᭓
ᬮᬫᬫᬃᬕ᭄ᬕ᭞ᬢᭂᬤᬸᬂᬳᬕᬸᬂᬩᬶᬮᬂᬲᬫ᭄ᬧᬶᬂ᭞ᬲ᭄ᬯᬭᬦ᭄ᬕᭀᬂᬩᬾᬭᬶᬗᬗᭀᬩᬶᬦ᭄᭞ᬩᬧᬂᬧᭀᬗ᭄ᬕᬂᬩᬮᬶᬕᬜ᭄ᬚᬸᬃ᭞ᬲᬫᬶᬲᬃᬯ᭄ᬯᬫᬵᬲ᭄ᬲᬲᭀᬘᬦ᭄᭞ᬲᬶᬬᬸᬲᬹᬃᬬ᭄ᬬᬦᬾᬓᬮᬶᬮᬶᬄ᭞ᬭᬶᬓᬶᬭᬢᬸ᭞ᬬᬾᬦ᭄ᬭᬶᬂ
ᬕᬸᬫᬶᬢᬦ᭄ᬧᬧᬥ᭟᭜᭟ᬲᬯᬸᬭᬶᬦ᭄ᬚᬧᭂᬢᬦ᭄ᬢᬶᬢ᭄ᬬᬂ᭞ᬗᬸᬤᬭᬢᬸᬗᬫᭂᬦᭂᬗᬶᬦ᭄᭞ᬫᬦᬯᬶᬳᬗᭀᬩ᭄ᬭᬶᬂᬫᬦᬄ᭞ᬫᬗᬢᬾᬦᬂᬧᬸᬭᬶᬦ᭄ᬩᭂᬮᬶ᭞ᬗᭂᬩᭂᬓ᭄ᬫᬤᬕᬶᬂᬫᬲ᭄ᬫᬓᬶᬦᬶᬓ᭄᭞ᬧᬓᭂᬤᬾᬧ᭄ᬤᬾᬧ᭄ᬳᭂᬦ᭄ᬤᬶᬄᬫᬸᬭᬸᬩ᭄᭞
ᬚᬯᬢ᭄ᬦᬸᬚᬸᬧᭂᬢᭂᬂᬩᬸᬮᬦ᭞ᬕᬮᬂᬢᬦ᭄ᬯᬾᬦ᭄ᬢᭂᬦ᭄ᬜᬸᬮᬸᬳᬶᬦ᭄᭞ᬭᬶᬓᬶᬭᬢᬸ᭞ᬲᬭᬸᬧᭂᬢᭂᬗᬾᬭᬶᬂᬍᬫᬄ᭟᭜᭟ᬗᬶᬭᬶᬂᬚᬭᬢᬸᬓᬯᬶᬢᬂ᭞ᬳᬸᬗ᭄ᬓᬩᬂᬮᬫ᭄ᬩᬾᬦᬾᬫᬦᬶᬲ᭄᭞ᬳᬭᬄᬧᬂᬤᬓᬤᬂᬢᬸᬫᬦ᭄᭞ᬳᬶ
ᬜᬯᬦ᭄ᬤᭂᬕᬕ᭄ᬗᬶᬩᭂᬭᬶᬦ᭄᭞ᬳᬚᬸᬫ᭄ᬭᬶᬂᬩᬸᬗᬸᬢ᭄ᬜᬫᬦᬶᬲ᭄᭞ᬳᬦ᭄ᬢᬸᬓ᭄ᬲᬳᬶᬗᭂᬫᬸᬫᬥᬸ᭞ᬬᬾᬦ᭄ᬬᬢᬳᬸᬤᬸᬓ᭄ᬫ᭄ᬧᬓᬦ᭄᭞ᬮᬫ᭄ᬩᬾᬦ᭄ᬳᬶᬭᬢᬸᬦᬾᬫᬦᬶᬲ᭄᭞ᬲᬶᬦᬄᬩᬸᬚᬸᬄ᭞ᬩᬸᬗᬸᬢ᭄ᬳᬶᬧᬸᬦ᭄ᬗᬘᭀᬫᭀᬤᬂ᭟
[᭗᭓ 73A]
᭐᭟ᬳᬶᬩᬸᬗᬦ᭄ᬧᬸᬤᬓ᭄ᬗᬲᭀᬭᬂ᭞ᬓᬫ᭄ᬭᭀᬲᬦ᭄ᬗᬢᬶᬲ᭄ᬳᬕᬸᬫᬶ᭞ᬬᬾᬦ᭄ᬧᬲ᭄ᬢᬤ᭄ᬳᬶᬭᬢᬸᬫᬧᬲ᭄᭞ᬗᭂᬩᭂᬢᬂᬯᬲ᭄ᬢ᭄ᬭᬳᬓᬶᬤᬶᬓ᭄᭞ᬫᬮᭀᬦᬦ᭄ᬦᬶᬜ᭄ᬚᬶᬓ᭄ᬫᬫᬃᬕ᭄ᬕᬶ᭞ᬩᬸᬗᬦ᭄ᬧᬸᬤᬓ᭄ᬳᬫᬸᬦ᭄ᬤᬸᬓ᭄᭞ᬓᬤᬾᬦ᭄ᬗ
ᬦ᭄ᬓᭂᬦ᭄ᬢᬾᬭᬦ᭄ᬲᬸᬃᬬ᭄ᬬ᭞ᬮᬾᬕ᭄ᬮᭀᬕ᭄ᬮᬸᬤᬸᬲ᭄ᬫᬓᭂᬲᬫᬶ᭞ᬲᬓᬶᬂᬓᬶᬫᬸᬤ᭄᭞ᬭᬶᬂᬘᭀᬓᭀᬃᬳᬶᬭᬢᬸᬜᬮᬂ᭟᭜᭟ᬓᬮᬶᬂᬓᬾᬬᬳᬶᬜᬸᬄᬤᬦ᭄ᬢ᭞ᬓᬸᬤ᭄ᬬᬂᬧᬂᬫᭂᬦᬂᬦᬦ᭄ᬤᬶᬗᬶᬦ᭄᭞ᬯᬯᬸᬯᬦ᭄ᬢᬄᬦᬶᬗᭂᬄ
ᬳᭀᬃᬢ᭄ᬢ᭞ᬳᬶᬭᬢᬸᬧᬘᬂᬦᬫ᭄ᬧᭂᬓᬶᬦ᭄᭞ᬜᬾᬦ᭄ᬤᭀᬭᬶᬦ᭄ᬲᬸᬲᬸᬭᬸᬧᬶᬢ᭄᭞ᬲᬫ᭄ᬧᬸᬦ᭄ᬳᬳᬵᬲ᭄ᬫᬓᭂᬧᬸᬳᬸᬦ᭄᭞ᬳᭂᬦ᭄ᬢᬶᬓᬦ᭄ᬕᬤᬸᬗᬾᬩᬮ᭄ᬩᬮ᭄᭞ᬗᭂᬢᭀᬦ᭄ᬫᬤ᭄ᬬᬦᬾᬩᭂᬲ᭄ᬭᬫ᭄ᬧᬶᬂ᭞ᬕᬵᬦ᭄ᬤᬮᬬᬸ
᭞ᬳᬘᭂᬓᭂᬮ᭄ᬢᬍᬃᬓᬸᬘᬶᬯᬵ᭟᭜᭟ᬫᬶᬦᬩ᭄ᬳᬶᬩᬸᬮᬦ᭄ᬢᬸᬫᬗ᭄ᬕᬮ᭄᭞ᬗᬾᬗ᭄ᬕᬮᬂᬳᬜ᭄ᬘᭂᬩ᭄ᬧᬂᬳᬶ᭠ᬮᬤ᭄᭞ᬩᬾᬜ᭄ᬚᬂᬲᬶᬦᬃᬜᬫᬳᭀᬩᬄ᭞ᬯᬸᬲᬦ᭄ᬫᬍᬗ᭄ᬓᬸᬂᬜᬸᬭᬶᬭᬶᬢ᭄᭞ᬫᬶᬦᬩ᭄ᬓᬧᭀᬓ᭄ᬢᬸᬃᬓᬩᬶ [ 75 ][᭗᭓ 73B]
᭗᭔
ᬮ᭄ᬩᬶᬮ᭄᭞ᬭᬶᬂᬮᬜ᭄ᬘᬶᬢᬂᬧ᭄ᬢᬃᬚ᭄ᬚᬦ᭄ᬳᬶᬭᬢᬸ᭞ᬓᬮᬶᬂᬳᬶᬚᬦᬸᬃᬜᬓ᭄ᬤᭂᬕᬕ᭄᭞ᬤ᭄ᬬᬲ᭄ᬢᬸᬳᬫ᭄ᬧᬸᬢᬂᬧᬶᬂᬓᭂᬢᬶ᭞ᬓᬲᭀᬃᬳᬦ᭄ᬢᬸᬓ᭄᭞ᬍᬫᬸᬄᬢᬬᬸᬗᬦ᭄ᬳᬶᬫᬶᬭᬄ᭟᭜᭟ᬫᭀᬦ᭄ᬢᭀᬦᬶᬃᬯᬢᬓᬯᬘ᭞ᬢᬸᬫ᭄ᬩᬾᬦ᭄ᬫᭂᬲᬸ
ᬯᬂᬭᬯᭀᬲ᭄ᬫᬦᬶᬲ᭄᭞ᬗᬚᬸᬫ᭄ᬤᬶᬬᬄᬲᬸᬧ᭄ᬭᬪ᭞ᬭᬭᬶᬲ᭄ᬢᬗᬦ᭄ᬜᬓᬳᬫ᭄ᬩᬶᬮ᭄᭞ᬓᬭᬸᬫ᭄ᬭᬸᬫ᭄ᬓᬧᬧᬲᬶᬳᬶᬦ᭄᭞ᬤᬸᬄᬫᬵᬲ᭄ᬫᬶᬭᬄᬳᬤᬶᬳᬬᬸ᭞ᬗᬶᬭᬶᬂᬫᬗ᭄ᬓᬶᬦ᭄ᬗᬧᬸᬭᬶᬬᬂ᭞ᬭᬶᬂᬲᬶᬗ᭄ᬳᬲᬦᬫᬮᬶᬗ᭄ᬕᬶᬄ᭞ᬧᬂ
ᬢᬦ᭄ᬮᬩᬸᬄ᭞ᬢᬶᬢ᭄ᬬᬂᬦᬦ᭄ᬤᬦᬶᬦ᭄ᬫᬫᬃᬕ᭄ᬕ᭟᭜᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬢᬗᬦ᭄ᬲᬂᬳᬬᬸᬓᬕᬶᬲᬶ᭞ᬢᬍᬃᬤᬶᬬᬄᬲᬸᬧ᭄ᬭᬪ᭞ᬤᬸᬭᬸᬂᬫᬗᬸᬜ᭄ᬘᬭᬂᬫᬸᬜᬶ᭞ᬤ᭄ᬬᬲ᭄ᬢᬸᬤᬦᬾᬫᭂᬦᭂᬂᬓᬭᬶ᭞ᬯᬤ᭄ᬯᬦᬾᬲᬫᬶ
ᬫᬗᬸᬦ᭄ᬢᬸᬮ᭄᭞ᬳᬸᬮᬧ᭄ᬭᬶᬄᬤ᭄ᬬᬄᬲᬸᬧ᭄ᬭᬪ᭞ᬲᬗ᭄ᬓᬦ᭄ᬲᬫᬶᬫᭂᬘᬸᬓ᭄ᬳᬮᬶᬲ᭄᭞ᬲᬫ᭄ᬩᬶᬮ᭄ᬗᬸᬦ᭄ᬢᬸᬮ᭄᭞ᬧᬓᬶᬲᬶᬗᬚᬓ᭄ᬢᬶᬫ᭄ᬧᬮ᭄ᬜ᭟᭜᭟ᬢᭂᬫ᭄ᬩᬾᬚᬦᬶᬗᭂᬦᭀᬢ᭄ᬩᬸᬮᬦ᭄᭞ᬫᬚᬮᬦ᭄ᬜᭂᬍᬧᬶᬦ᭄ᬧᬸᬭᬶ᭞ᬳᬕᭂᬢ᭄ᬢᬫ᭄ᬩᬸᬄ
[᭗᭔ 74A]
ᬤᬤᬶᬧᬧᬜ᭄ᬚᬓ᭄᭞ᬭᬶᬂᬫᬦᬶᬓ᭄ᬫᬦ᭄ᬢᬓᬧᬸᬭᬶ᭞ᬫᬜᬸᬗ᭄ᬲᬸᬂᬭᬢᬸᬤᬤᬭᬶ᭞ᬧᬜ᭄ᬚᬓᬂᬤᬾᬯᬦ᭄ᬳᬸᬮᬗᬸᬦ᭄᭞ᬧᬸᬃᬡ᭄ᬦᬫᬦᬾᬢᭀᬂᬫᬫᬲᬦ᭄᭞ᬤ᭄ᬬᬲ᭄ᬢᬸᬲᭂᬤᭂᬓ᭄ᬳᬸᬚᬦ᭄ᬳᬗᬶᬦ᭄᭞ᬧᭂᬢᭂᬂᬮᬶᬩᬸᬢ᭄᭞ᬦᬗ᭄ᬳᬶᬂ
ᬤᬶᬦᬶᬕᬮᬂᬩᬸᬮᬦ᭄᭟᭜᭟ᬲᬲᬸᬓᬢ᭄ᬓ᭄ᬭᬯᬸᬳᬦᬩᬸᬮᬦ᭄᭞ᬮᬶᬬᬸᬩᭂᬗᭀᬂᬩᬸᬓᬗᬶᬧᬶ᭞ᬭᬾᬄᬢᬸᬫ᭄ᬩᬾᬦ᭄ᬚᬦᬶᬗᬢᭀᬦᬂ᭞ᬕᬸᬲ᭄ᬢᬶᬦ᭄ᬜᬫᬲᭂᬩᭂᬂᬓᭂᬜᬶᬂ᭞ᬯᬶᬢ᭄ᬲᬲᬳᬶᬳᬶᬤᬚᭂᬗᬶᬲ᭄᭞
ᬧᬜ᭄ᬚᬓ᭄ᬲᬮᬄᬩᭂᬤᬶᬓ᭄ᬢᬸᬦ᭄ᬤᬸᬂ᭞ᬫᬲᬶᬄᬫᬗᬯᬶᬦᬂᬢᬯᬄ᭞ᬢᬸᬫ᭄ᬩᬾᬦᬾᬚᬯᬢ᭄‌ᬗ᭄ᬮᭂᬕᬦᬶᬦ᭄᭞ᬩᬗᭂᬢ᭄ᬭᬶᬓᬸᬄ᭞ᬓᭂᬦᭂᬳᬾᬜᬮᬶᬦᬶᬦ᭄ᬢᬶᬗ᭄ᬓᬄ᭟᭜᭟ᬓᬤᬸᬂᬳᬶᬚᬋᬚᭂᬧᬦ᭄᭞ᬢ᭄ᬯᬭᬜ
ᬓ᭄ᬘᬮᬸᬄᬦᬫ᭄ᬧᭂᬓᬶᬦ᭄᭞ᬭᬾᬄᬲᬂᬧ᭄ᬭᬪᬸᬢᬸᬫ᭄ᬩᬾᬦ᭄ᬩᬶᬗᬃ᭞ᬫᭂᬢᬸᬲᭂᬮᬗᬾᬜᬦ᭄ᬢᬸᬮᬶᬦ᭄᭞ᬫᬲᬶᬄᬳᬤᬬᬦ᭄ᬗᭂᬚᭀᬳᬶᬦ᭄᭞ᬜᬧ᭄ᬜᬧ᭄ᬓᭂᬦᭂᬳᬾᬗᬭᬸᬜᬸᬂ᭞ᬤᬶᬮᬘᬸᬭᬾᬳᬤᬦᬤᬓ᭄᭞ [ 76 ][᭗᭔ 74B]
᭗᭕
ᬤᬸᬄᬓᬢᬸᬃᬩᬗ᭄ᬭᬲ᭄ᬫᬘᭂᬕᬶᬓ᭄᭞ᬢᬸᬗ᭄ᬓᬸᬮ᭄ᬗᬸᬦ᭄ᬢᬸᬮ᭄᭞ᬯᬚᬶᬓ᭄ᬘᭀᬓᭀᬃᬦᭂᬧᬾᬦ᭄ᬢᭂᬦ᭄ᬤᬲ᭄᭟᭜᭟᭠ᬕ᭄ᬮᬶᬲᬶᬂᬘ᭄ᬭᬶᬢᬲᬂᬓᬭᭀᬯ᭞ᬲᬫ᭄ᬧᬸᬦ᭄ᬓᬕᭂᬤᭀᬂᬗᬭᬜ᭄ᬚᬶᬂ᭞ᬓᬤᬶᬳᬦᬓ᭄ᬧᬗᬦ᭄ᬢᬾᬦᬦ᭄᭞ᬫᬸᬦᭂ
ᬩ᭄ᬮᬯᬗᬦ᭄ᬫᬓᬜ᭄ᬘᬶᬂ᭞ᬲᬂᬓᬯᬶᬚᬢᬶᬢᬦ᭄ᬳᬸᬦᬶᬂ᭞ᬬᬾᬦ᭄ᬦᬧᬶᬤᬶᬢᬸᬓᬋᬫ᭄ᬩᬸᬕ᭄᭞ᬗ᭄ᬳᬶᬂᬯᬾᬦ᭄ᬢᭂᬦ᭄ᬯᭀᬂᬚ᭄ᬭᭀᬳᭀᬤᬄ᭞ᬧᭀᬮᬶᬄᬲᬮᬄᬳᬶᬧᬸᬦ᭄ᬗᬶᬦ᭄ᬢᬶᬧ᭄᭞ᬦᬾᬗ᭄ᬮᭂᬧ᭄ᬤᬶᬢᬸ᭞ᬗᭂᬫᬾᬂᬭᬂᬩᭂᬮᬳᬦ᭄ᬲᭀ
ᬫ᭄ᬩᬄ᭟᭜᭟ᬳᬦᬓᬾᬦᬾᬳᬶᬧᬸᬦ᭄ᬦᬸᬢᬸᬭᬂ᭞ᬤᬤᬭᬶᬲᬸᬧ᭄ᬭᬪᬦᬗᬶᬲ᭄᭞ᬩᬯᭀᬲᬾᬫᭂᬮᬤ᭄‌ᬧ᭄ᬭᬡ᭞ᬩᭂᬮᬶᬩᬕᬸᬲ᭄ᬰ᭄ᬭᬷᬪᬹᬧᬢᬶ᭞ᬭᬯᬸᬄᬢᬶᬢ᭄ᬬᬗᬾᬫᬭᬶᬓᬶ᭞ᬩᭀᬬᬲᬧᬲᬶᬭᬗᬸᬤᬸᬄ᭞ᬕᬸᬫ
ᬦ᭄ᬢᬶᬫᬦᬄᬗᬭᬕ᭞ᬜ᭄ᬭᬳᬂᬲᬶᬓᬶᬬᬦ᭄ᬭᬂᬩᭂᬮᬶ᭞ᬳᬦ᭄ᬢᬸᬓ᭄ᬯᬯᬸ᭞ᬧᬗ᭄ᬕᬶᬄᬚᬢᬶᬚᬢᬸᬓᬵᬃᬫ᭄ᬫ᭟᭜᭟ᬓᬤᬶᬤᬸᬤᬸᬢ᭄ᬫᬦᬄᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬫᬶᬋᬂᬕᬢ᭄ᬭᬦ᭄ᬩᭂᬮᬶ᭞ᬢᬦ᭄ᬢᬸᬬᬸᬄᬗᬸᬬᭂᬂᬓᬮᬾᬯᬂ᭞
[᭗᭕ 75A]
ᬬᬾᬦ᭄ᬦᬗ᭄ᬓᭂᬧᬶᬦ᭄ᬫᬸᬲᬸᬄᬰᬓ᭄ᬢᬶ᭞ᬩᬦ᭄ᬢᭂᬲ᭄ᬦᭂᬮᬶᬓ᭄ᬳᬓ᭄ᬱᬶᬦ᭄ᬩᭂᬮᬶ᭞ᬫᬸᬲᬸᬳᬾᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞᭠ᬭᬯᬸᬄᬓᬲᬧ᭄ᬢᬧᬢᬮ᭞ᬫᭀᬮᬄᬬᬾᬦ᭄ᬩᭂᬮᬶᬫᬫᬃᬕ᭄ᬕᬶ᭞ᬚᬦ᭄ᬢᭀᬲ᭄ᬗᭂᬢᬸᬕ᭄᭞ᬓᬬᬸᬦ᭄ᬳ᭄ᬬᬂ
ᬳᬦᬦ᭄ᬢᬪᭀᬕ᭟᭜᭟ᬬᬾᬦ᭄ᬜᬭᬢᬂᬓᬸᬮᬗᬸᬦᬦ᭄᭞ᬭᬶᬂᬢᬶᬢ᭄ᬬᬂᬳᬶᬯᬶᬤ᭄ᬬᬤᬭᬶ᭞ᬬᬾᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬓᬧᭂᬲᬦ᭄᭞ᬭᬶᬂᬧᬬᬸᬥᬦ᭄ᬫᬶᬦᬓᬤᬶ᭞ᬧᬢᬹᬢ᭄ᬢᬗ᭄ᬓᬶᬮ᭄ᬦᬸᬦᬲ᭄ᬓᬦ᭄ᬢᬶ᭞ᬭᬶᬂᬧᬮᬸᬗ᭄ᬕᬸᬄᬩᭂ
ᬮᬶᬳᬕᬸᬂ᭞ᬤ᭄ᬯᬦᬶᬂᬩᭂᬮᬶᬓᬯᬶᬲ᭄ᬯᬭ᭞ᬢᬦ᭄ᬓᬢᬢᭀᬦ᭄ᬓᬜ᭄ᬘᬦ᭄ᬮᬸᬗᬶᬤ᭄᭞ᬤᬤᭀᬲ᭄ᬳᬩᬸ᭞ᬲᬶᬂᬧᬸᬭᬸᬦ᭄ᬫᬧᬲ᭄ᬳᬶᬓᬓ᭟᭜᭟ᬫᬯᬶᬦᬦ᭄ᬢᬦ᭄ᬓᬧᬂᬧᬂᬗᬦ᭄᭞ᬢᭂᬕᬸᬄᬢᬦ᭄ᬓᬢᬫᬦ᭄ᬧᬢᬶ᭞ᬩ᭄ᬭᬳ᭄ᬫ
ᬯᬶᬱ᭄ᬡᬸᬰᬶᬯᬮᭀᬓ᭞ᬫᬓᬓᭂᬧ᭄ᬗᬬᬸᬄᬭᬶᬂᬩᭂᬮᬶ᭞ᬲᬫ᭄ᬧᬸᬦᬂᬫᬯᭀᬲᬂᬫᬮᬶᬄ᭞ᬇᬦ᭄ᬤ᭄ᬭ᭠ᬮᭀᬓᬦᬾᬓᬓᬸᬯᬸᬩ᭄᭞ᬲᬫ᭄ᬧᬸᬦ᭄ᬓᬋᬲ᭄ᬋᬲ᭄ᬭᬶᬳᬶᬦᬦ᭄᭞ᬲᬫᬶᬜᭂᬫ᭄ᬩᬄᬦᬸᬦᬲ᭄ᬳᬸᬭᬶᬧ᭄᭞ᬳ [ 77 ][᭗᭕ 75B]
᭗᭖
ᬕᭂᬢ᭄ᬓᬦ᭄ᬢᬸᬦ᭄᭞ᬩᭂᬮᬶᬫᬤ᭄ᬯᬾᬳᬲᬶᬄᬲᬬᬂ᭟᭜᭟ᬬᬾᬦ᭄ᬮᬕᭂᬲ᭄ᬓᬬᬸᬦ᭄ᬳᬶᬓᬓ᭞ᬲᬹᬃᬬ᭄ᬬᬩᬸᬮᬦ᭄ᬩᬶᬦ᭄ᬢᬂᬲᬫᬶ᭞ᬤᬗᬦ᭄ᬳᬦ᭄ᬢᬸᬓ᭄ᬩᭂᬮᬶᬗᬸᬦ᭄ᬢᬮ᭄᭞ᬫᬾᬯᭂᬄᬲᬧᬸᬦᬧᬶᬫᬮᬶᬄ᭞ᬫᭂᬚᭂᬓ᭄ᬚᬕᬢᬾᬧᬸᬦᬶᬓᬶ
᭞ᬫᬗ᭄ᬤᬾᬦ᭄ᬋᬫᬸᬓ᭄ᬤᬤᭀᬲ᭄ᬲᬢᬸᬲ᭄᭞ᬧᬶᬲᬦ᭄ᬫᬓᬚᬬᬸᬦ᭄ᬗᬶᬲᬶᬤᬂ᭞ᬧᬂᬚᬕᬢᬾᬧᬶᬦᬶᬄᬗᬸᬕ᭄ᬮᬶᬓ᭄᭞ᬧᬸᬧᬸᬢ᭄ᬤᬸᬭᬸᬲ᭄᭞ᬲ᭄ᬯᬃᬕ᭄ᬕᬦᬾᬭᬶᬂᬩᭂᬢᬾᬦ᭄ᬚᬕᬢ᭄᭟᭜᭟ᬳᬭᬄᬗᬕᬕᭀᬓᬶᬦ᭄ᬧᭂᬲᬦ᭄᭞
ᬓᬍᬯᬶᬳᬦ᭄ᬳᬗ᭄ᬕᬦ᭄ᬩᭂᬮᬶ᭞ᬬᬦᬶᬂᬲᬧᬸᬦᬧᬶᬫᬶᬦᬩ᭄᭞ᬦᬧᬶᬓᬾᬲᬓᬶᬂᬧᬓᭀᬮᬶᬄ᭞ᬗᭂᬋᬢ᭄ᬳᬶᬦ᭄ᬤ᭄ᬭ᭄ᬚ᭄ᬬᬦᬾᬰᬓ᭄ᬢᬶ᭞ᬫᬢᬧᬭᬶᬂᬧᬸᬘᬓ᭄ᬫᬾᬭᬸ᭞ᬩᬶᬮᬶᬄᬦᭂᬧᬸᬤ᭄ᬲᬢᬸᬲ᭄ᬬᬸᬕ᭞ᬩᭂᬮᬶᬗᬫ
ᬗ᭄ᬕᭂᬳᬂᬓᬾᬃᬢ᭄ᬢᬶ᭞ᬮᬾᬤᬂᬢᭂᬤᬸᬦ᭄᭞ᬲᬂᬳ᭄ᬬᬂᬭᬸᬤ᭄ᬭᬫᬧᬲ᭄ᬯᬾᬘ᭟᭜᭟ᬓᬾᬢᭀᬤᬤᬭᬶᬲᬸᬧ᭄ᬭᬪ᭞ᬗᬭᬸᬫ᭄ᬭᬸᬫ᭄‌ᬫᬸᬯᬄᬫᬫᬸᬚᬶ᭞ᬲᬂᬤ᭄ᬬᬄᬢᬸᬳᬸᬧ᭄ᬭᬚ᭄ᬜᬦ᭄᭞ᬓᬲᬸᬩ᭄ᬜᬬᬾᬂᬢᬧᬍᬯᬶᬄ
[᭗᭖ 76A]
᭞ᬲᬶᬭᬉᬕᬶᬓᬢᬫ᭄ᬧᭂᬓᬶᬦ᭄᭞ᬭᬶᬂᬤ᭄ᬬᬄᬲᬸᬧ᭄ᬭᬪᬮᬘᬸᬃ᭞ᬓᬾᬘᬮᬦ᭄ᬫᬓᭂᬚᬂᬓᭂᬚᬂ᭞ᬍᬂᬍᬂᬩᬸᬗᭂᬂᬳᬸᬬᬂᬧᬮᬶᬂ᭞ᬓᬤᬶᬲᭂᬫᬸᬢ᭄᭞ᬫᬢᬶᬬᬂᬚᬸᬭᬸᬄᬳᬘᬯᬦ᭄᭟᭜᭟ᬲᬗ᭄ᬓᬦ᭄ᬦᬶᬃᬯᬢᬓᬯᬘ᭞ᬓᬤᬶᬢ
ᬦ᭄ᬳᬾᬮᬶᬂᬭᬶᬂᬤᬶᬭᬶ᭞ᬦᬤᬓ᭄ᬗᬶᬤᭂᬫ᭄ᬳᬶᬤᬚᬳᬦ᭄᭞ᬤᬸᬧ᭄ᬤᬸᬧᬂᬫᬸᬜᬶᬦᬾᬫᬦᬶᬲ᭄᭞ᬫᬭᬲᬧᭀᬮᬶᬄᬫᬮᬮᬶ᭞ᬭᬶᬂᬧᬶᬗ᭄ᬕᬶᬃᬲᬕᬭᬫᬥᬸ᭞ᬲᬋᬂᬦᬶᬤ᭄ᬬᬄᬲᬸᬧ᭄ᬭᬪ᭞ᬦᬶᬃᬯᬢᬓᬯᬘᬗᬩᬶᬦ᭄᭞ᬳ
ᬗᭀᬩ᭄ᬤᬶᬢᬸ᭞ᬗᭂᬢᭀᬦ᭄ᬳᭀᬫ᭄ᬩᬓᬾᬫᬍᬜᬤ᭄᭟᭜᭟ᬯᬯᬸᬳᬾᬮᬶᬂᬫᬮᬶᬄᬋᬩᬄ᭞ᬓᬘᬦ᭄ᬢᭂᬢ᭄ᬩᬦ᭄ᬮᬶᬬᬢ᭄ᬮᬶᬦ᭄ᬤᬶ᭞ᬓᬧᭂᬢᬢᬂᬳᬮᬶᬲ᭄ᬜᬜᬧ᭄᭞ᬲᬮᬾᬦ᭄ᬤᭀᬭᬶᬦ᭄ᬲᬸᬲᬸᬭᬸᬧᬶᬢ᭄᭞ᬓᭀᬭᭀᬢ᭄ᬧᬸᬧᬸ
ᬧᬸᬢᬶᬄᬕᬤᬶᬂ᭞ᬜᬸᬗ᭄ᬓᬩ᭄ᬩᬸᬮᬸᬫᬓᬳᬸᬓᬸᬤ᭄᭞ᬗᭂᬋᬲ᭄ᬕᬶᬤᬶᬄᬗᬚᭂᬭᭀᬯᬂ᭞ᬦᬾᬍᬩᬶᬄᬦᬢᭀᬦᬶᬦ᭄ᬳᬢᬶ᭞ᬗᬫ᭄ᬩ᭄ᬭᬲ᭄ᬗᬫ᭄ᬩᬸᬮ᭄᭞ᬫᬮᬶᬄᬜᬕ᭄ᬚᬕ᭄ᬫᬲᬾᬦ᭄ᬢᭀᬤᬦ᭄᭟᭜᭟ᬉᬥᬸᬄᬩᭂᬮᬶᬳᬢ᭄ᬫᬚᬶᬯ᭞ [ 78 ][᭗᭖ 76B]
᭗᭗
ᬬᬾᬦ᭄ᬢᬶᬢ᭄ᬬᬂᬗᬶᬭᬶᬂᬫᬭᬩᬶ᭞ᬩᬗᭂᬢ᭄ᬲᬗ᭄ᬲᬬᬭᬶᬂᬫᬦᬄ᭞ᬲᬶᬂᬲᭀᬮᬳᬂᬫᬶᬦᬢ᭄ᬧᭂᬮᬶᬄ᭞ᬫ᭄ᬭᬲᬭᬶᬓᬸᬄᬳᬲᬶᬂᬳᬫ᭄ᬩᬶᬮ᭄᭞ᬦᬸᬗ᭄ᬓᬮᬶᬓ᭄ᬤᬤᭀᬲ᭄ᬜᬭᬢᬸ᭞ᬲᭀᬫᬄᬮᬸᬧᬸᬢ᭄ᬭᬶᬂᬲᬜ᭄ᬚᬢ᭞ᬯᬶᬢ᭄ᬓᬶᬫᬸᬤ᭄ᬗᭂᬓᭀᬄ
ᬦᬓᬾᬦᬶᬦ᭄᭞ᬗᬯᬾᬮᬘᬸᬃ᭞ᬲᬦᬾᬧᬶᬗᬶᬢ᭄ᬩᬓᬢ᭄ᬕᬤᬩ᭄᭟᭜᭟ᬩᬗᭂᬢ᭄ᬫᬗᬯᬾᬧᬗᭂᬦᬦ᭄᭞ᬳᬦ᭄ᬢᬸᬓ᭄ᬲᬮᬶᬢ᭄ᬳᬦ᭄ᬢᬸᬕ᭄ᬓᬶᬤᬶᬓ᭄᭞ᬩᭂᬮᬶᬫᭂᬫᬲᬶᬦ᭄ᬧᭂᬚᬄ᭞ᬚᬦ᭄ᬢᭂᬦ᭄ᬢᬶᬢ᭄ᬬᬂᬜᬓᬶᬢ᭄ᬳᬢᬶ᭞ᬫ᭄ᬭ
ᬲᬢᬦ᭄ᬧᬕᬸᬡᬳᬸᬭᬶᬧ᭄᭞ᬳᬸᬦ᭄ᬢᭂᬂᬢᬶᬦᬾᬢᬦ᭄ᬓᬦ᭄ᬢᬸᬦ᭄᭞ᬧᬶᬦᭂᬳᬶᬦ᭄ᬤᬸᬫᬸᬦ᭄ᬧᬜ᭄ᬚᬗᬂ᭞ᬳᬢᬸᬃᬢᬶᬢ᭄ᬬᬗᬾᬧᬸᬦᬶᬓᬶ᭞ᬢᬦ᭄ᬓᬾᬧᬢᬸᬢ᭄᭞ᬬᬦ᭄ᬢᬶᬢ᭄ᬬᬂᬘᬸᬘᬸᬤ᭄ᬦᬓᬾᬦᬂ᭟᭜᭟ᬬᬾᬦ᭄ᬲᬗ᭄ᬓᬦᬶᬂᬚᬢᬶ
ᬢᬺᬱ᭄ᬡᬵ᭞ᬧᬘᬂᬗᬗ᭄ᬕᬾᬦ᭄ᬢᬶᬢ᭄ᬬᬂᬭᬩᬶ᭞ᬦ᭄ᬤᬶᬓᬳᬶᬦ᭄ᬚᬓᬸᬤᬢᬶᬢ᭄ᬬᬂ᭞ᬮᬶᬗ᭄ᬕᬶᬄᬓᬯᬶᬰᬾᬱᬦ᭄ᬩᭂᬮᬶ᭞ᬓᭂᬦᬶᬳᬾᬮᬄᬫᬗᭂᬮᬶᬤᬶᬦ᭄᭞ᬲᬦᬾᬳᭂᬜ᭄ᬘᬾᬦ᭄ᬢᬦ᭄ᬤᬤᭀᬲ᭄ᬳᬦ᭄ᬢᬸᬕ᭄᭞ᬬᬾᬦᬶᬂᬩᭂᬮᬶᬳᬚᬯᬾᬭ
[᭗᭗ 77A]
᭞ᬢᬦ᭄ᬓᬾᬗᬯᬾᬲᬓᬶᬢ᭄ᬳᬢᬶ᭞ᬲᭀᬫᬄᬮᬫ᭄ᬧᬸᬲ᭄᭞ᬓᭂᬦᬶᬚᬗ᭄ᬓᬸᬢᬶᬦ᭄ᬢᭀᬂᬢᬯᬂ᭟᭜᭟ᬦᬶᬃᬯᬢᬓᬯᬘᬦᬶᬫ᭄ᬩᬮ᭄᭞ᬥᬸᬄᬫᬶᬭᬄᬩᭂᬮᬶᬦᬾᬬᬤᬶ᭞ᬤᭀᬗᬸᬤᬜᬶᬤᬬᬂᬧᬶᬲᬦ᭄᭞ᬫᬶᬢ᭄ᬩᬶᬢ᭄ᬳᬸ
ᬦ᭄ᬤᬸᬓ᭄ᬲᬦᬾᬭᬶᬫ᭄ᬩᬶᬢ᭄᭞ᬤᬾᬯᬦ᭄ᬧᬶᬗᬶᬢᬾᬦ᭄ᬢᭀᬳᬤᬶ᭞ᬦᬗ᭄ᬳᬶᬂᬬᬾᬦ᭄ᬳᬶᬳᬤᬶᬜᬸᬚᬸᬢ᭄᭞ᬲᬶᬂᬩᬸᬯᬸᬂᬩᭂᬮᬶᬦᬸᬢᬸᬭᬂ᭞ᬢᬓᬸᬢ᭄ᬓᬤᬶᬭᬯᭀᬲ᭄‌ᬬᬤᬶ᭞ᬲᬮᬄᬳᬸᬲᬸᬤ᭄᭞ᬩᭂᬮᬶᬫᬗᭂᬫᬲᬶᬦ᭄
ᬧᭂᬚᬄ᭟᭜᭟ᬦᬶᬃᬯᬢᬓᬯᬘᬮᬶᬧ᭄ᬬ᭞ᬓᭂᬦᬶᬳᬸᬧᬲ᭄ᬦᬬᬲᬶᬗᬶᬤ᭄᭞ᬓᬤᬶᬦ᭄ᬩᬦ᭄ᬧᬦᬄᬲᬫᬭ᭞ᬦᬤᬓ᭄ᬯᬶᬯᬾᬓᬦ᭄ᬜᬫᬢᬶ᭞ᬲᬗ᭄ᬓᬦ᭄ᬳᬶᬦ᭄ᬤᬶᬓ᭄ᬲᬦᬾᬧᭂᬗᬶᬢ᭄᭞ᬓᬕᬸᬩᬃᬭᬯᬾᬲᬾᬫ᭄ᬭᬸᬲ᭄ᬩᬸᬲ᭄᭞ᬤᬯᭂ
ᬕ᭄ᬦᬶᬃᬯᬢᬓᬯᬘ᭞ᬫᬯᭀᬲᬂᬕᭂᬦᬄᬓᬰᬓ᭄ᬢᬶᬦ᭄᭞ᬓᬢᭀᬦ᭄ᬤᬶᬢᬸ᭞ᬯᬾᬦ᭄ᬢᭂᬦ᭄ᬚᬤ᭄ᬫᬗᭂᬧᬶᬮ᭄ᬧᬶᬲᬦ᭄᭟᭜᭟ᬗᬶᬚᭂᬂᬭᬶᬂᬩᭂᬮᬄᬚᬦ᭄ᬤᬾᬮ᭞ᬢᬦ᭄ᬓᬶᬦᬶᬳᬦ᭄ᬢᬸᬓ᭄ᬗᬶᬗᭂᬢᬶᬦ᭄᭞ᬭᬾᬄᬳᬯᬓ᭄ᬳᬶᬧᬸᬦ᭄ᬓ [ 79 ][᭗᭗ 77B]
᭗᭘
ᬗ᭄ᬓᭂᬩᬦ᭄᭞ᬳᬾᬢᬾᬳᬾᬢᬾᬄᬧᬬᬲ᭄ᬧᬸᬭᬶ᭞ᬤ᭄ᬬᬲ᭄ᬢᬸᬓᬾᬕᬶᬕᬶᬲ᭄ᬕᬶᬕᬶᬲ᭄᭞ᬦᬶᬃ᭠ᬯᬢᬓᬯᬘᬦᬸᬢᬸᬃ᭞ᬲᬋᬂᬦᬶᬤ᭄ᬬᬄᬲᬸᬧ᭄ᬭᬪ᭞ᬓᬧᬶᬋᬂᬩᬯᭀᬲ᭄ᬜᬲᬫᬶ᭞ᬦᬫ᭄ᬧᭂᬓ᭄ᬮᬸᬗ᭄ᬕᬸᬄ᭞
ᬯᬦ᭄ᬢᬄᬫᬲᭂᬮᬢ᭄ᬚᭂᬦ᭄ᬤᬾᬮ᭟᭜᭟ᬗᬯᬶᬢ᭄ᬦᬶᬃᬯᬢᬓᬯᬘ᭞ᬦᬸᬢᬸᬭᬂᬕᭂᬦᬄᬓᬰᬓ᭄ᬢᬶᬦ᭄᭞ᬥᬸᬄᬳᬤᬤᬾᬯᬲᬸᬧ᭄ᬭᬪ᭞ᬓᬗ᭄ᬕᬾᬬᬂᬚᬕᬶᬕᬶᬲ᭄ᬕᬶᬕᬶᬲ᭄᭞ᬦᬸᬢᬸᬭᬂᬦᬾᬫᬸᬮᬧᬶ
ᬗᬶᬢ᭄᭞ᬯᬦ᭄ᬢᬄᬬᬤᬶᬤᬤᭀᬲ᭄ᬢᬳᬸ᭞ᬢᬦᬸᬢ᭄ᬫᬲᬗᭂᬢᬶᬦ᭄ᬗᭀᬃᬢ᭄ᬢ᭞ᬤᬶᬮᬘᬸᬭᬾᬳᬤᬗᬶᬦ᭄ᬢᬶᬧ᭄᭞ᬫᬗ᭄ᬤᬾᬦ᭄ᬲᬭᬸ᭞ᬓᬾᬫ᭄ᬧᭂᬃᬩᬦ᭄ᬜᬫᬤᬶᬗᭂᬳᬂ᭟᭜᭟ᬩᭂᬘᬶᬓᬂᬬᬤᬶᬫᬶᬋᬗᬂ᭞ᬦᬾᬚ
ᬦᬶᬮᬩᭂᬮᬶᬦᬸᬢᬸᬭᬶᬦ᭄᭞ᬕᭂᬦᬄᬓᬰᬓ᭄ᬢᬶᬬᬦ᭄ᬓᬓ᭞ᬭᬶᬂᬘᬦ᭄ᬢᬶᬓ᭄ᬓᭀᬮᭀᬗᬦ᭄ᬩᭂᬮᬶ᭞ᬢᬸᬯᬄᬲᬚᬤᬳᬢ᭄ᬲᬶᬗᬶᬤ᭄᭞ᬕᭂᬦᬄᬜᬢᬦ᭄ᬳᬦᬯᭂᬭᬸᬄ᭞ᬧᬳᬶᬘᬦ᭄ᬪᬝᬭᬭᬸᬤ᭄ᬭ᭞ᬧᬶᬓᭀᬮᬶᬄᬲ
[᭗᭘ 78A]
ᬓᬶᬫᬓᬾᬃᬢ᭄ᬢᬶ᭞ᬧᬸᬧᬸᬢ᭄ᬭᬢᬸ᭞ᬦᬾᬮᬶᬬᬦ᭄ᬫᬮᬶᬂᬭᬯᭀᬲᬂ᭟᭜᭟ᬫᬶᬦᬩ᭄ᬢᭂᬧᬾᬦ᭄ᬤᬯᬸᬄᬰᬹᬦ᭄ᬬ᭞ᬦᬤᬓ᭄ᬩᭂᬗᭀᬂᬫᬓᬓᬮᬶᬄ᭞ᬓᬕᬾᬢ᭄ᬳᬦᬓᬾᬓᬗ᭄ᬓᭂᬩᬦ᭄᭞ᬳᬾᬢᬾᬳᭀᬢᬾᬄᬧᬬᬲ᭄ᬧᬸᬭᬶ᭞ᬫ
ᬦᭀᬫ᭄ᬩ᭄ᬮᭀᬲ᭄ᬗᬤᭂᬕ᭄ᬗᬭᬭᬶᬲ᭄᭞ᬯᬯᬸᬓᬢ᭄ᬮᭂᬓ᭄ᬢᭂᬓᬂᬳᬶᬧᬸᬦ᭄᭞ᬯᬦ᭄ᬢᬄᬳᬶᬤᬲᬂᬅᬃᬚ᭄ᬚᬸᬡ᭞ᬘᬭᬓᬶᬮᭀᬦᬦ᭄ᬳ᭄ᬬᬂᬯᬶᬥᬶ᭞ᬲᬗ᭄ᬓᬦ᭄ᬮᬸᬧᬸᬢ᭄᭞ᬢᬦ᭄ᬤᬾᬦ᭄ᬢᭂᬦ᭄ᬲᬦᬾᬗᬢᭀᬦᬂ᭟᭜᭟ᬕᭂᬮᬶᬲ᭄ᬫᬓᭂ
ᬘᭀᬲ᭄ᬫᬕᬶᬩ᭄ᬭᬲ᭄᭞ᬕᭂᬮᬸᬂᬓᭀᬭᬶᬦᬾᬓᭂᬜ᭄ᬚᭂᬓᬶᬦ᭄᭞ᬚᬦ᭄ᬢᭀᬲ᭄ᬕᭂᬫ᭄ᬩᬶᬤ᭄ᬫᬕᭂᬚᭂᬭᬦ᭄᭞ᬓᬕ᭄ᬬᬢ᭄ᬲᬂᬬᬓ᭄ᬱᬫᬶᬭᬕᬶ᭞ᬗᬸᬧᬓ᭄ᬮᬯᬗᬦ᭄ᬫᬜᭂᬭᬶᬢ᭄᭞ᬫᬮᬸᬦᬦ᭄ᬭᭀᬫᬦᬾᬳᬢᬸᬩ᭄᭞
ᬫᬚᭂᬚᭂᬗ᭄ᬓᬶᬂᬢᬗᬦᬾᬓᬦᬦ᭄᭞ᬲᬦᬾᬯᬫᬶᬭᬶᬢ᭄ᬓᬸᬫᬶᬲ᭄᭞ᬤᬳᬢ᭄ᬩᭂᬦ᭄ᬤᬸ᭞ᬚᬦ᭄ᬢᭀᬲ᭄ᬮᬮᬶᬭᬶᬂᬲᬂᬤ᭄ᬬᬄ᭟᭜᭟ᬲᬂᬬᬓ᭄ᬱᬭᬸᬫᬲᬾᬂᬢᬿᬯᬲ᭄᭞ᬧᬗᬶᬦ᭄ᬤ᭄ᬭᬚᬮᬦᬶᬩᬾᬦᬶᬦ᭄᭞ᬳᬾᬮᬶᬂ [ 80 ][᭗᭘ 78B]
᭗᭙
ᬭᬶᬂᬩᬯᭀᬲᬾᬳᬶᬯᬂ᭞ᬗᬯᬾᬲᬗ᭄ᬓᬮᬢᬦ᭄ᬲᬶᬧᬶ᭞ᬲᬦᬾᬗᬶᬦ᭄ᬢᬶᬧ᭄ᬢᭀᬂᬓᬧᬗ᭄ᬕᬶᬄ᭞ᬤ᭄ᬬᬄᬲᬸᬧ᭄ᬭᬪᬢᬦ᭄ᬓᬦ᭄ᬢᬸᬦ᭄᭞ᬓᬾᬢᭀᬬᬾᬦ᭄ᬢᬸᬦᬯᬶᬯᬾᬓ᭞ᬩᬶᬲᬗᬸᬦ᭄ᬤᬂᬩᬬᬧᬢᬶ᭞ᬰᬓ᭄ᬢᬶᬓ
ᬲᬸᬩ᭄᭞ᬫᬸᬜᬶᬫᬦᬶᬲ᭄ᬗᬫᬢᬶᬬᬂ᭟᭜᭟ᬳᬫᬾᬦ᭄ᬢᭀᬲᬢ᭄ᬯᬦᬾᬧ᭄ᬭᬕᬢ᭄᭞ᬕᬫ᭄ᬩᬃᬲᬂᬧᬸᬜᬳᬂᬰᬓ᭄ᬢᬶ᭞ᬳᬓᬾᬢᭀᬢᬸᬯᬄᬨᬮᬦ᭄ᬜ᭞ᬬᬾᬦ᭄ᬳᬦᬓᬾᬢᬦ᭄ᬧᬯᬶᬥᬶ᭞ᬗᬤᬸᬕᬤᬸᬕ᭄ᬗᬸᬲᬓ
ᬲᬶᬓ᭄᭞ᬲᬳᬶᬜᬧᬓᬤᬶᬳᬓᬸ᭞ᬫᬓᭂᬚᬂᬩᬓᬢ᭄ᬳᬦ᭄ᬤᬧᬂ᭞ᬤᭂᬕᬕᬾᬓᬤᬮᬶᬄᬰᬓ᭄ᬢᬶ᭞ᬢ᭄ᬯᬭᬢᬸᬳᬸ᭞ᬫᭂᬮᬳᬂᬓᬓᬶᬗᭂᬦᭂᬳᬂ᭟᭜᭟ᬳᬭᬄᬢᬫ᭄ᬩᬶᬲ᭄ᬢᬦ᭄ᬳᬮᬶᬂᬳ᭄ᬬᬂ᭞ᬓᬤᬸᬓ᭄ᬜᬢ᭄ᬯᬳᬸᬮᬶᬂ
ᬢᬸᬦᬶ᭞ᬳᬤᬦ᭄ᬓᬓᬶᬜᬾᬦ᭄ᬚᬢᬶᬦ᭄ᬜ᭞ᬫᭂᬮᬄᬳᭀᬭᬳᬂᬦᬾᬚᬦᬶ᭞ᬳᬶᬭᬵᬓ᭄ᬱᬲᬳᬮᭀᬦ᭄ᬜᬯᬶᬲ᭄᭞ᬩᬸᬦ᭄ᬢᬸᬢ᭄ᬜᬢᬦ᭄ᬢᬸᬯᬸᬦ᭄ᬢᬸᬯᬸᬦ᭄᭞ᬓᬸᬘᬸᬧ᭄ᬤᭂᬕᬕ᭄ᬫᬲᬂᬲᭂᬫ᭄ᬩᬄ᭞ᬘᬭᬦᬗ᭄ᬲᭂ
[᭗᭙ 79A]
ᬳᬂᬤᬶᬳᬢᬶ᭞ᬳᬧᬂᬲᬸᬯᬸᬤ᭄᭞ᬓᬩ᭄ᬮᭂᬗ᭄ᬕᬸᬩᬦ᭄ᬓᬘᭀᬭᬳᬦ᭄᭟᭜᭟ᬲᬤᬘᭂᬘᭂᬄᬫᬢᬸᬃᬲᬚ᭄ᬜ᭞ᬦᬸᬦᬲ᭄ᬳᬫ᭄ᬧᬸᬭᬫᬶᬂᬧᬢᬶᬦ᭄᭞ᬥᬸᬄᬭᬢᬸᬲᬂᬧᬦᭂᬫ᭄ᬩᬳᬦ᭄᭞ᬧᬭᬕᬬᬦ᭄ᬚᬶᬦᬫᬹᬃᬢ᭄ᬢᬶ᭞ᬳᬤᬦ᭄ᬢᬶᬢ᭄ᬬᬂ
ᬗᬾᬧᬸᬦᬶᬓᬶ᭞ᬢᬦ᭄ᬮ᭄ᬬᬦ᭄ᬳᬶᬤᬹᬃᬳᬓᬭᬢᬸ᭞ᬩᬸᬯᬢ᭄ᬳᬤᬦ᭄ᬲᭀᬫᬄᬢᬶᬢ᭄ᬬᬂ᭞ᬯᬦ᭄ᬢᬄᬬᬳᬶᬲ᭄ᬯᬾᬤᬺᬢᬶ᭞ᬚᭂᬦᭂᬓ᭄ᬳᬶᬧᬸᬦ᭄᭞ᬭᬶᬂᬕᬸᬳᬵᬗᭂᬫᬶᬢ᭄ᬗ᭄ᬭᬡ᭟᭜᭟ᬳᬶᬧᬸᬦ᭄ᬢᭀᬂᬦᬳᭂᬦᬶᬦ᭄ᬓᬶᬚ᭞ᬧᬸᬧᬸᬢ᭄ᬗᬶᬚᭂᬂᬲᬶ
ᬬᬮᬢ᭄ᬭᬶ᭞ᬯᬶᬢ᭄ᬲᬓᬶᬂᬧᬗᬸᬤᬸᬄᬢᬶᬢ᭄ᬬᬂ᭞ᬤᬦᬾᬲ᭄ᬯᬭᬦᬾᬗ᭄ᬭᬭᬦᬶᬦ᭄᭞ᬦᬾᬫᬚᬮᬭᬦ᭄ᬩᬦ᭄ᬜᬶᬮᬶᬩ᭄᭞ᬗᬃᬤ᭄ᬥᬶᬲᭂᬮᬂᬚᬸᬯᬂᬧᬦ᭄ᬤᬸᬂ᭞ᬫᭀᬦ᭄ᬢᭀᬳᬢᬸᬃᬳᬶᬭᬵᬓ᭄ᬱᬲ᭞ᬫᬢᬾᬕ᭄ᬢᭀᬕ᭄ᬗᬸ
ᬦ᭄ᬢᬸᬮ᭄ᬓᬩᬶᬮ᭄ᬩᬶᬮ᭄᭞ᬲᭂᬩᭂᬂᬲᭂᬦ᭄ᬤᬸ᭞ᬕᭂᬍᬓ᭄ᬕᭂᬍᬓ᭄ᬫᬧᬗᭂᬦᬦ᭄᭟᭜᭟ᬲᬂᬅᬃᬚ᭄ᬚᬯᬵᬭᬭᬶᬲ᭄ᬦᬶᬫ᭄ᬩᬮ᭄᭞ᬬᬦ᭄ᬜᬸᬓ᭄ᬱ᭄ᬫᬬᬂᬭᬶᬂᬳᬢᬶ᭞ᬤ᭄ᬯᬦᬶᬂᬲᬸᬩᬲᭂᬓᭂᬦ᭄ᬢᬯᬂ᭞ᬳᬤᬦ᭄ᬓᬓᬶᬦᬾᬧᬶᬢᬸᬯᬶ᭞ᬦᬾᬚᬦᬶᬳ᭄ᬬᬂ [ 81 ][᭗᭙ 79B]
᭘᭐
ᬗᭀᬭᬳᬶᬦ᭄᭞ᬓᬓᬶᬫᬲᬶᬄᬳᬧᬂᬢᬳᬸ᭞ᬳᬶᬬᬂᬫᬤᬦ᭄ᬲᬂᬅᬃᬚ᭄ᬚᬯᬵ᭞ᬫᬫᭀᬦ᭄ᬤᭀᬓ᭄ᬤᬶᬤᬸᬭᬦ᭄ᬤᬗᬶᬦ᭄᭞ᬫᬧᬕᬸᬭᬸ᭞ᬫᬸᬭᬸᬓ᭄ᬫᬸᬦᬄᬭᬲᬓᬸᬯᬂ᭟᭜᭟ᬫᬸᬗ᭄ᬕ᭄ᬯᬶᬂᬧᬭᬩ᭄ᬥᬂᬕᬸᬭ᭄ᬯ᭞ᬋᬱᬶᬲᬤ᭄ᬯᬚ᭄ᬜᬦ
ᬓᬓᬶ᭞ᬫᭀᬕᬶᬢᬦ᭄ᬢᬸᬮᬄᬫᬗᭀᬚᬄ᭞ᬧᬶᬲᬚ᭄ᬜᬦ᭄ᬳᬦᬓᬾᬮᬶᬗ᭄ᬲᬶᬃ᭞ᬦᬾᬧᭂᬢᭂᬂᬍᬫᬄᬢᬸᬦᬲᬶᬦ᭄᭞ᬢᬢ᭄ᬯᬫᬶᬦᬓᬤᬶᬦ᭄ᬳᬶᬧᬸᬦ᭄᭞ᬳᬶᬭᬵᬓ᭄ᬱᬲᬫᬮᬶᬄᬦᬶᬫ᭄ᬩᬮ᭄᭞ᬥᬸᬄ
ᬭᬢᬸᬲᬂᬕᬸᬲ᭄ᬮᭂᬯᬶᬄ᭞ᬬᬾᬦ᭄ᬳᬶᬭᬢᬸ᭞ᬢᬦ᭄ᬧᬘᬂᬗᬯᬲ᭄ᬢᬾᬦ᭄ᬢᬶᬢ᭄ᬬᬂ᭟᭜᭟ᬢᬸᬫᬸᬲᬂᬲᬾᬘᬦ᭄ᬳᬶᬤᬾᬯ᭞ᬭᬶᬂᬢᬶᬢ᭄ᬬᬂᬳᬶᬢᬸᬦᬩᬸᬤ᭄ᬥᬶ᭞ᬫᬗ᭄ᬤᬯᬸᬲᬦ᭄ᬧᬢᬶᬕᬤᬩ᭄᭞ᬚᭂᬓ᭄ᬚᭂᬓ᭄ᬧᭂᬢᭂᬂᬧᬶᬢᬸ
ᬮᬧᬶᬲ᭄᭞ᬲᬫ᭄ᬧᬸᬦᬂᬓᬮᬗ᭄ᬓᬸᬂᬮᬮᬶᬲ᭄᭞ᬉᬓᬶᬸᬭᬓᬂᬚᬢᬢ᭄ᬬᬂᬭᬢᬸ᭞ᬲᬶᬤᬲᬬᬦ᭄ᬕᭂᬮᬶᬲ᭄ᬳᬶᬘᬮ᭄᭞ᬤᬓᬶᬦ᭄ᬢᬶᬢ᭄ᬬᬗᬾᬭᬶᬂᬳᬢᬶ᭞ᬧᬢᬸᬢ᭄ᬭᬢᬸ᭞ᬦᬾᬜᬸᬧᬢ᭄ᬢᬶᬢ᭄ᬬᬂᬓᬲᬲᬃ᭟᭜᭟
[᭘᭐ 80A]
ᬲᬂᬅᬃᬚ᭄ᬚᬯᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬲᭂᬗᭂᬢ᭄‌ᬬᬂᬓᭂᬦ᭄ᬤᭂᬮ᭄ᬭᬶᬂᬳᬢᬶ᭞ᬗᭂᬢᭀᬦ᭄ᬲᭀᬮᬄᬓᬓᬶᬦᬤᬓ᭄᭞ᬫᬲᬮᬶᬦ᭄ᬳᬮᬸᬲ᭄ᬧ᭄ᬭᬫᬗ᭄ᬓᬶᬦ᭄᭞ᬩᬶᬲᬫᬢᬶᬍᬲᬂᬤᬶᬭᬶ᭞ᬢᬗᭂᬄᬲᭀᬮᬄᬭᬶᬂᬢᬦ᭄ᬧᬢᬸ
ᬢ᭄᭞ᬅᬗ᭄ᬓᬭᬦᬾᬕᭂᬭᬶᬂᬭᬳᬢ᭄᭞ᬫᬲᬶᬄᬲᬸᬩᬢᬯᬂᬓᬓᬶ᭞ᬤ᭄ᬭᭀᬧᭀᬦ᭄ᬓᬬᬸᬦ᭄᭞ᬦ᭄ᬢᭀᬫᬸᬲᬸᬄᬢᬸᬓᬂᬚᬸᬗ᭄ᬓ᭄ᬮᬶᬗᬂ᭟᭜᭟ᬳᬶᬬᬂᬩᬦᬶᬫᬲ᭄ᬢᬶᬓᬬᬂ᭞ᬮᬓᬃᬤᬤᬶᬬᬓ᭄ᬱᬍᬯᬶᬄ᭞ᬮᬸ
ᬯᬶᬃᬲᬸᬫᬮᬶᬪᬕᬯᬦ᭄᭞ᬬᬾᬦ᭄ᬳᬦ᭄ᬢᭂᬂᬓᬓᬶᬦᭂᬧ᭄ᬢᭂᬧᬶᬦ᭄᭞ᬳᬫ᭄ᬩᭂᬓᬾᬧ᭄ᬭᬶᬄᬳᬚᬸᬫ᭄ᬲᬶᬮᬶᬩ᭄᭞ᬗᬸᬓᬸᬃᬩᬦᬾᬢᭂᬕᬸᬄᬢᬶᬫ᭄ᬩᬮ᭄᭞ᬦᬾᬓᬤᬾᬦ᭄ᬢᭀᬂᬩᬶᬲᬍᬩᬃ᭞ᬩᬸᬓᬲᬢ᭄ᬯᬦᬾᬳᬶᬢᬸᬦᬶ᭞
ᬳᭂᬦ᭄ᬢᭀᬲᬸᬮᬸᬄ᭞ᬳᬗ᭄ᬕᭀᬦ᭄ᬫᭂᬓᬧᭂᬢᭂᬂᬍᬫᬄ᭟᭜᭟ᬥᬸᬄᬓᬤᬶᬭᬾᬄᬲᬸᬩᬲᬜ᭄ᬚ᭞ᬢᬸᬢᬸᬭᬾᬚᬮᬦ᭄ᬧᬸᬗ᭄ᬕᭂᬮᬶᬦ᭄᭞ᬓᬤᬮᭀᬦᬾᬓᬤᭀᬂᬗᭀᬤᬕ᭄᭞ᬓᬾᬯᭂᬄᬗᬫ᭄ᬧᭂᬕᬂ᭠ [ 82 ][᭘᭐ 80B]
᭘᭑
ᬫᭂᬕᬢᬶᬦ᭄᭞ᬫᭂᬮᬄᬜᬦᬾᬚᬦᬶᬓᬓᬶ᭞ᬳᬾᬗ᭄ᬕᬮᬂᬫᬸᬮᬶᬄᬫᬯᬗ᭄ᬲᬸᬮ᭄᭞ᬭᬾᬄᬫᬓᭂᬮᭀᬦᬶᬗ᭄ᬕᬮ᭄ᬤᬳᬵ᭞ᬳᬶᬤᬤᭀᬂᬧᬤᬍᬫ᭄ᬫᬶᬭᬶ᭞ᬤ᭄ᬭᬮᬲ᭄ᬳᬕᬸᬂ᭞᭞ᬗᭂᬫᬶᬢ᭄ᬓᬲᬸᬕᬶᬳᬦ᭄ᬳᭀᬩᬄ᭟᭜᭟ᬳᬦᬓᬾ
ᬮᬸᬄᬧ᭄ᬮᬳᬶᬩᬂᬢᬸᬦᬶᬬᬦ᭄᭞ᬳᭂᬦ᭄ᬢᭀᬢᭂᬭᬂᬲᭀᬮᬄᬧᭂᬮᬶᬄ᭞ᬳᬾᬗ᭄ᬕᬮᬂᬦᬸᬦᬲ᭄ᬳᬫ᭄ᬧᬸᬭ᭞ᬤᬓᬦ᭄ᬢᬶᬗᬶᬦᭂᬧᬂᬧᭂᬮᬶᬄ᭞ᬳᬶᬭᬓ᭄ᬱᬲᬫᬢᬸᬃᬲᭂᬤᬶᬄ᭞ᬲᬶᬗ᭄ᬕᬶᬄᬚᭂᬭᭀᬳᬦᬓ᭄ᬳᭂᬮᬸᬄ᭞ᬮᬾᬤᬂᬉᬕᬶᬗ᭠ᬓ᭄ᬱᬫᬬᬂ᭞ᬓᬓᬶᬦᬾᬚᬦᬶᬫᬚᬜ᭄ᬚᬶ᭞ᬲᬸᬯᬸᬤ᭄ᬩᬸᬤᬸᬄ᭞ᬗᬬᬳᬶᬦ᭄ᬲᭀᬮᬄᬤᬹᬃᬰᬶᬮ᭟᭜᭟ᬤᬩᭂᬲ᭄ᬫᬓᭂᬮᭀᬜᭂᬩᭂᬢᬂ᭞ᬩᬶᬓᬲ᭄ᬓᬓᬶᬦᬾᬤᬶᬢᬸᬦᬶ᭞ᬫᬶᬭᬶᬩ᭄ᬲᬸᬩᬕᬦ᭄ᬢᬶᬦ᭄ᬮᭂᬩᬃ᭞ᬳᬮᬦ᭄ᬓᬃᬫ᭄ᬫᬦ᭄ᬓ
ᬓᬶᬗᬸᬦᬶ᭞ᬲᬗ᭄ᬓᬦ᭄ᬢᭂᬧᬸᬓ᭄ᬩᬸᬓᬚᬦᬶ᭞ᬲᬢ᭄ᬳᬶᬤᬾᬯᬗᬮ᭄ᬬᬂᬭᬸᬭᬸᬂ᭞ᬦᬾᬗᬯᬶᬦᬂᬓᬓᬶᬲᬤ᭄ᬬ᭞ᬲᬸᬩᬢᬸᬯᬦᬦ᭄ᬤᭂᬲ᭄ᬫᬢᬶ᭞ᬫᬦ᭄ᬫᬚᬸᬫᬸ᭞ᬫᬮᬚᬳᬶᬦ᭄ᬥᬃᬫ᭄ᬫᬢᬢ᭄ᬯ᭟᭜᭟ᬳᬦᬓᬾᬮᬸᬄᬢᬦ᭄ᬜᬯᬸᬭᬂ᭞
[᭘᭑ 81A]
ᬯᬦ᭄ᬢᬄᬫᬗ᭄ᬕᬸᬢᬦ᭄ᬳᬓᬶᬤᬶᬓ᭄᭞ᬫᬦᬯᬶᬓᬦ᭄ᬢᬸᬦ᭄ᬩᭂᬮ᭄ᬩᭂᬮᬦ᭄᭞ᬓᬢᭂᬳᭂᬩ᭄ᬚᭂᬭᭀᬦᬶᬂᬧᬢᬶ᭞ᬗᭂᬦᭂᬳᬂᬳᬸᬦ᭄ᬤᬸᬓ᭄ᬜᬗᬸᬦᬶ᭞ᬭᬶᬂᬓ᭄ᬭᬲᬬᬂᬧᬘᬂᬮᬫ᭄ᬧᬸᬲ᭄᭞ᬤ᭄ᬬᬲ᭄ᬢᬸᬳᬶᬧᬸᬦ᭄ᬲᭀᬓ᭄ᬫᬗ᭄ᬕᬸᬢᬦ᭄᭞ᬳᬶ
ᬭᬓ᭄ᬱᬲᬲᬫ᭄ᬧᬸᬦ᭄ᬗᭂᬃᬢ᭄ᬢᬶ᭞ᬫ᭄ᬭᬲᬳᬶᬧᬸᬦ᭄᭞ᬲᬫ᭄ᬧᬸᬦ᭄ᬓᬶᬘᬾᬦ᭄ᬧᬗᬫ᭄ᬧᬸᬭ᭟᭜᭟ᬳᬶᬭᬓ᭄ᬱᬲᬫᬢᬗᬦᬦ᭄᭞ᬗᬸᬦᬶᬗᬂᬦᬸᬦᬲ᭄ᬫᬧᬫᬶᬢ᭄᭞ᬓᬸᬫᬄᬜᬓᬕᬸᬳᬵᬭᬵᬚ᭞ᬲᬂᬩᬕᬸ
ᬲ᭄ᬫᬮᬶᬄᬫᬓᬾᬮᬶᬂ᭞ᬤᬸᬄᬭᬵᬓ᭄ᬱᬲᬲᬬᬂᬓᬓᬶ᭞ᬩᬾᬜ᭄ᬚᬗᬦ᭄ᬧᬲ᭄ᬢᬶᬬᬦ᭄ᬭᬯᬸᬄ᭞ᬫᬗᬸᬜᬳᬶᬦ᭄ᬕᬸᬳᬵᬭᬵᬚ᭞ᬓᬫ᭄ᬮᭂᬤᬦ᭄ᬓᭂᬦᭂᬳᬾᬫᬳᬶᬤ᭄᭞ᬦᬸᬢᬸᬃᬦᬸᬢᬸᬃ᭞ᬗᬶᬓᭂᬢ᭄ᬢᬮᬶᬦ᭄ᬧᬲᬯᬶᬢ᭄ᬭᬦ᭄᭟᭜᭟
ᬬᬦᬶᬂᬲᬸᬩᬢᭂᬓᭂᬤ᭄ᬚᬸᬫᬄ᭞ᬳᬾᬗ᭄ᬕᬮᬂᬤᬶᬢᬸᬩᬺᬲᬶᬳᬶᬦ᭄᭞ᬕᬸᬳᬦᬾᬫᬕᬸᬦᬸᬂᬢᬸᬮᬂ᭞ᬦᬾᬲᬦ᭄ᬤᬶᬂᬢᬮᬕᬕᭂᬢᬶᬄ᭞ᬓᬯᬸᬦ᭄ᬢᭂᬦ᭄ᬤᬲᬾᬧᬕ᭄ᬮᬶᬮᬶᬓ᭄᭞ᬫᬓᭂᬚᬂᬢᬸᬜ᭄ᬚᭂᬃᬮ᭄ᬧᬂᬧᬸᬯᬸᬦ᭄᭞ᬳ [ 83 ][᭘᭑ 81B]
᭘᭒
ᬩᬸᬦ᭄ᬜᬳᬜᬸᬤ᭄ᬓᬓᬶᬢᬸᬓᬤ᭄᭞ᬢ᭄ᬮᬕᬕᭂᬢᬶᬳᬾᬳᬲᬶᬮᬸᬭᬶᬦ᭄᭞ᬩᬳᬦ᭄ᬩᬜᬸ᭞ᬧᬸᬮᬳᬶᬦ᭄ᬢᬸᬜ᭄ᬚᬸᬂᬧᬂᬩᬸᬗᬄ᭟᭜᭟ᬢᬍᬃᬲᬫ᭄ᬧᬶᬂᬩᬸᬗᬲ᭄ᬕᬸᬳᬵ᭞ᬲᬗᭂᬢ᭄ᬮᬸᬳᬸᬂᬬᬦ᭄ᬧᬸᬮᬳᬶᬦ᭄᭞ᬧᬸᬜᬦ᭄ᬚᭂᬧᬸᬦ᭄ᬩᬮᬶᬳᬕ᭞ᬧᬮᬶ
ᬤ᭄ᬧᬶᬤᬶᬦ᭄ᬳᬜ᭄ᬘᬓ᭄ᬲᬚᬶ᭞ᬕᬳᬾᬦᬂᬤᬶᬢᬸᬧᬮᬶᬗ᭄ᬕᬶᬄ᭞ᬢᭀᬗᭀᬲ᭄ᬗᬲ᭄ᬢᬯᬳ᭄ᬬᬂᬢᬸᬤᬸᬄ᭞ᬓᬤᬸᬂᬲᭀᬓ᭄ᬲᬗ᭄ᬕᬄᬧᭀᬮ᭄ᬧᭀᬮᬦ᭄᭞ᬬᬾᬦ᭄ᬜᬓ᭄ᬫᬶᬗᬶᬢᬂᬤᬶᬳᬢᬶ᭞ᬲᬶᬦᬄᬤᬶᬢᬸ᭞ᬮᬾᬤᬂᬳ᭄ᬬᬂ
ᬯᬶᬤᬶᬫᬮᬶᬗ᭄ᬕ᭟᭜᭟ᬕᬸᬳᬵᬳᬗ᭄ᬓᭂᬃᬓᬪᬶᬦᬯ᭞ᬦᬾᬫᬸᬮᬢᬓᬸᬢᬶᬦ᭄ᬚᬤ᭄ᬫᬶ᭞ᬦᬤᬓ᭄ᬤᬶᬢᬸᬫᬲᬶᬮᬸᬫᬦ᭄᭞ᬓᬢᭀᬦ᭄ᬤᬸᬫ᭄ᬬᬗᬸᬮᬗᬸᬦᬶᬦ᭄᭞ᬲᬳᬶᬓᬭᬯᬸᬳᬦ᭄ᬚᬤ᭄ᬫᬶ᭞ᬦᬾᬲᬭᬢ᭄‌ᬩ᭄ᬮᬂᬮᬂᬉᬮᬗᬸ
ᬦ᭄᭞ᬫᬲᭂᬲᬜ᭄ᬚᬦ᭄ᬲᬫ᭄ᬧᬶᬂᬕᬸᬳᬵ᭞ᬫᬶᬗ᭄ᬓᬶᬦ᭄ᬜᬓ᭄ᬓᬓᬶᬲᬲᬳᬶ᭞ᬲᭂᬫᬸᬂᬓᭂᬜᬸ᭞ᬜᬧᬲᬂᬳᬲᬶᬂᬧ᭄ᬭᬧ᭄ᬢᬵ᭟᭜᭟ᬲᬶᬦᬄᬓᬧᬸᬚᬶᬭᬶᬂᬚᬕᬢ᭄᭞ᬓᬓᬶᬯᬶᬢ᭄ᬲᬳᬶᬦᬓᬸᬢᬶᬦ᭄᭞ᬩᬦᬾᬫ
[᭘᭒ 82A]
ᬫᬲᬮᬶᬦ᭄ᬤᬤᬓᬦ᭄᭞ᬲᬂᬬᬓ᭄ᬱᬓᬤᬶᬲᬂᬱᬱᬶ᭞ᬗᬫ᭄ᬩᭂᬓᬂᬓᬥᬃᬫ᭄ᬫᬦ᭄ᬮᭂᬯᬶᬄ᭞ᬢᭂᬍᬩ᭄ᬪᬓ᭄ᬢᬶᬭᬶᬂᬳ᭄ᬬᬂᬢᬸᬤᬸᬄ᭞ᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬭᬶᬂᬲᬂᬬᬓ᭄ᬱᬰᬶᬮᬥᬃᬫ᭄ᬫ᭟᭜᭟ᬦᬄᬢᬸᬯᬄᬳᬫᭀᬦ᭄ᬢᭀ
ᬳᬶᬬᬂ᭞ᬫᬧᭂᬲᭂᬓᭂᬦ᭄ᬢᭂᬓᬾᬦ᭄ᬓᬓᬶ᭞ᬳᬬ᭄ᬯᬮᬮᬶᬳᬚᬮᬸᬧ᭞ᬫᬦᬶᬬᬦ᭄‌ᬬᬾᬦ᭄ᬲᬸᬩᬵᬫᬸᬭᬶᬤ᭄᭞ᬜᬶᬤᬬᬂᬓᬓᬶᬗᬶᬲᬶᬦᬶᬦ᭄᭞ᬧᬗᬶᬤᬶᬄᬳᬶᬬᬦᬾᬯᬮᬶᬸᬯᬸ᭞ᬲᬶᬦᬄᬳᬶᬬᬂᬮᬓᬃᬢᭂᬓ᭞
ᬫᬮᬮᬶᬲᬫ᭄ᬩᬶᬮ᭄ᬗᬶᬮ᭄ᬗᬧ᭄ᬕᬧᬶᬦ᭄᭞ᬩᬶᬩᬶᬢ᭄ᬳᬸᬗ᭄ᬕᬸᬮ᭄᭞ᬫᬶᬯᬄᬮᭀᬦ᭄ᬢᬃᬲᬃᬯ᭄ᬯᬢᬢ᭄ᬯ᭟᭜᭟ᬳᬶᬭᬵᬓ᭄ᬱᬲᬲᭂᬫᬸᬳᬾᬕᬃ᭞ᬫᬸᬭᬸᬓ᭄ᬫᬢᬸᬃᬫᭂᬮᬧᬦᬶᬦ᭄᭞ᬯᬸᬄᬭᬢᬸᬲᬂᬧᬦᭂᬫ᭄ᬩᬳᬦ᭄᭞ᬢᬶᬢ᭄ᬬᬂᬫᬗᬦ᭄ᬢᭀᬲᬂ
ᬳᬸᬕᬶ᭞ᬓᬭᬯᬸᬳᬦ᭄ᬲᬂᬮᬶᬦᭂᬯᬶᬄ᭞ᬓᭂᬤᭂᬄᬫᬦᬄᬢᬶᬢ᭄ᬬᬂᬭᬢᬸ᭞ᬫᬗ᭄ᬤᬳᬢᭂᬧ᭄ᬫᬕᭂᬋᬢᬦ᭄᭞ᬳᬦ᭄ᬢᭂᬦ᭄ᬧᬲ᭄ᬯᬶᬢ᭄ᬭᬦᬾᬩᭂᬘᬶᬓ᭄᭞ᬭᬾᬄᬳᬶᬭᬢᬸ᭞ᬧᬗ᭄ᬮᬸᬓᬢ᭄‌ᬫᭀᬫᭀᬫᬦᬄ᭟ [ 84 ][᭘᭒ 82B]
᭘᭓
᭟᭜᭟ᬫᬦᬄᬢᬶᬢ᭄ᬬᬂᬗᬾᬩᬜ᭄ᬚᬗᬦ᭄᭞ᬉᬕᬶᬲᬭᬵᬢ᭄ᬧᭂᬲᬦ᭄ᬢᬗ᭄ᬓᬶᬮ᭄᭞ᬫᭂᬚᭂᬂᬭᬶᬂᬥᬂᬳᬕᬸ᭠ᬭᬸᬯᬦ᭄᭞ᬓᬧᬰ᭄ᬭᬫᬦ᭄ᬕᬶᬭᬶᬧᬸᬢ᭄ᬭᬶ᭞ᬦᭂᬭᬸᬲᬂᬳᭂᬤᭀᬢᬾᬭᬶᬭᬶᬄ᭞ᬦᬸᬦᬲ᭄ᬳᬚᬄᬭᬶᬂᬥᬂᬕᬸᬭᬸ᭞ᬢᬍᬃᬭᬶᬂ
ᬘᭀᬓᭀᬃᬳᬶᬤᬾᬯ᭞ᬤᬸᬫᬤᬓ᭄ᬲᬢᬢᬳᬾᬮᬶᬂ᭞ᬳᬗ᭄ᬕᬦ᭄ᬭᬢᬸ᭞ᬦᬫ᭄ᬧᬢ᭄ᬢᬶᬢ᭄ᬬᬂᬗᭂᬮᬦᬸᬮᬢ᭄᭟᭜᭟ᬲᬫ᭄ᬧᬸᬦ᭄ᬲᬮᬶᬂᬲᬹᬓ᭄ᬱ᭄ᬫᬬᬂ᭞ᬓᬓᬶᬭᬵᬓ᭄ᬱᬲᬫᬧᬫᬶᬢ᭄᭞ᬬᬾᬦ᭄ᬢᬦ᭄ᬳᬶᬮᬶ᭠
ᬤ᭄‌ᬬᬢᬦ᭄ᬬᬸᬲᬦ᭄᭞ᬘᬘᭂᬄᬮᬦ᭄ᬢᬸᬤ᭄‌ᬢᭀᬮᬄᬢᭀᬮᬶᬄ᭞ᬢᬸᬗ᭄ᬕᬶᬮ᭄ᬦᭀᬮᬶᬄᬬᬫᬓᭂᬜᬶᬂ᭞ᬗᬶᬗ᭄ᬕᭂᬓ᭄ᬩᬸᬦ᭄ᬢᬸᬢ᭄ᬭᬶᬂᬲᬂᬩᬕᬸᬲ᭄᭞ᬲᬫ᭄ᬩᬶᬮ᭄‌ᬬᬾᬄᬫᬢᬦ᭄ᬜᬜᬩ᭄ᬘᬩ᭄᭞ᬧᬓᭂᬢᬾᬮ᭄ᬢᬾ
ᬮ᭄ᬦᭂᬧᬾᬦ᭄ᬓᬸᬫᬶᬲ᭄᭞ᬘᬶᬳ᭄ᬦᬦᬶᬧᬸᬦ᭄᭞ᬪᬓ᭄ᬢᬶᬢᭀᬂᬮᬕᭂᬲ᭄ᬫᬢᬶᬗ᭄ᬕᬮ᭄᭟᭜᭟ᬲᬂᬤᬲ᭄ᬓᬧᬦ᭄ᬤᬸᬂᬦᬸᬦᭂᬕᬓ᭄᭞ᬳᬓᬾᬄᬩᭂᬤᬸᬕ᭄ᬓᬲᬾᬦ᭄ᬢᭀᬤᬶᬦ᭄᭞ᬫᬦᬄᬜᬚᭂᬚᭂᬄᬫᬤᬸᬓᬦ᭄᭞ᬭᬶᬂ
[᭘᭓ 83A]
ᬲᭂᬦᭂᬂᬳᬶᬧᬸᬦ᭄ᬦᬶᬗᬮᬶᬦ᭄᭞ᬲᬂᬅᬃᬚ᭄ᬚᬯᬩᬕᬸᬲ᭄ᬕᭂᬜ᭄ᬚᬶᬂ᭞ᬓᭂᬜᬸᬂᬲᭂᬫᬶᬢᬦᬾᬧᬗᬸᬲ᭄᭞ᬗ᭄ᬳᬶᬂᬤ᭄ᬯᭂᬕ᭄ᬳᬶᬧᬸᬦ᭄ᬜᬭᬸᬯᬂ᭞ᬗᬸᬦ᭄ᬢᬸᬮ᭄ᬲᬫ᭄ᬩᬶᬮ᭄‌ᬜ᭄ᬮᬶᬤᬾᬢ᭄ᬦᬢᬶᬢ᭄᭞ᬲᭂᬩᭂᬂᬓᬶᬫᬸᬤ᭄᭞ᬓᬾᬯᬦ᭄ᬢᭂᬦ᭄ᬢᬳᬸᬓ᭄ᬢᬳᬸᬓ᭄ᬜᬓ᭄
᭟᭜᭟ᬧᬸᬧᬸᬄᬥᬂᬥᬂ᭟᭜᭟ᬲᬂᬅᬃᬚ᭄ᬚᬯᬸᬧᬂᬢᬗᬦ᭄ᬜᬓᬮᬶᬄ᭞ᬲ᭄ᬮᬦᬶᬂᬤᬤ᭞ᬗᭂᬳᭂᬤ᭄ᬳᬗ᭄ᬕᬦ᭄ᬜᬸᬕᬸᬳᬂ᭞ᬍᬯᬶᬄᬧᬗᬬᬸᬪᬕ᭄ᬬᬦᬾ᭞ᬗᬯᬶᬢᬶᬦ᭄ᬜᬶᬦ᭄ᬗᬸᬜ᭄ᬘᬭᬂᬯᬸᬯᬸᬲ᭄᭞ᬭᬶᬂᬲᬂᬲᬓ᭄ᬱ᭠
ᬢ᭄ᬫᬦᬶᬓ᭄ᬫᬸᬓᬶᬃ᭞ᬑᬀᬲ᭄ᬯᬲ᭄ᬢ᭄ᬬᬲ᭄ᬢᬸᬋᬂᬳᬶᬤ᭞ᬲᬶᬗ᭄ᬕᬶᬄᬤᬸᬫᬤᬓ᭄ᬳᬶᬭᬢᬸ᭞ᬢᬦ᭄ᬲᬮᬶᬢ᭄ᬳᬃᬭᬶᬂᬢᬶᬢ᭄ᬬᬂ᭞ᬯᬶᬢ᭄ᬓᬲᬾᬧᬦ᭄᭞ᬳᬦ᭄ᬢᬸᬓ᭄ᬜᬫ᭄ᬩ᭄ᬭᬫᬳᬶᬫᬦᬶᬓ᭄᭞ᬮᬾᬤᬗᬂᬉᬕᬶᬗᬫ᭄ᬧᬸᬭ᭟᭜᭟
ᬚᬯᬢ᭄ᬭᬢᬸᬢᬦ᭄ᬲᬦ᭄ᬢᬸᬮᬶᬦ᭄ᬳᬦ᭄ᬳᬶᬸᬦ᭄ᬤᬶᬸᬓ᭄‌ᬦ᭄ᬲᬮ᭄ᬯᬶᬃᬳᬶᬦ᭄ᬤᬶᬓ᭄᭞ᬚ᭄ᬭᭀᬦᬶᬂᬫᬦᬄ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫ᭄ᬭᬲ᭞ᬩᬗᭂᬢ᭄ᬲᬮᬶᬢ᭄ᬮᬓ᭄ᬱᬡᬦᬾ᭞ᬤ᭄ᬬᬲ᭄ᬢᬸᬲ᭄ᬯᬾᬘᬳᬶᬭᬢᬸ᭞ᬢᬍᬃᬓᬾᬫᬤᬾᬢᬦ᭄ᬤᬶᬗᬶᬦ᭄᭞ᬗᬯᬾ [ 85 ][᭘᭓ 83B]
᭘᭔
ᬲᬗ᭄ᬲᬭᬭᬶᬂᬫᬦᬄ᭞ᬭᬶᬓᬢ᭄ᬲᬧᬭᬦᬶᬂᬮᬓᬸ᭞ᬢᬦ᭄ᬫᬦᬸᬢ᭄ᬓᬤᬶᬮᬓ᭄ᬱᬡᬦ᭄᭞ᬲᬂᬲᬸᬚᬦ᭞ᬲᬗ᭄ᬓᬦ᭄ᬦᬤᬓ᭄ᬢᬶᬢ᭄ᬬᬂᬚ᭄ᬯᬭᬶ᭞ᬢᬦ᭄ᬓᬶᬫᬸᬤ᭄‌ᬦᬸᬦᬲ᭄ᬳᬫ᭄ᬧᬸᬭ᭟᭜᭟ᬫᬸᬯᬄᬢᬓᬸᬢ᭄ᬫᬓᭂᬮᭀᬧᭂᬮᬶᬄ᭞ᬚ᭄ᬭᭀ
ᬦᬶᬂᬢᬶᬗ᭄ᬓᬄ᭞ᬩᬗᭂᬢ᭄ᬮᬶᬬᬦ᭄᭞ᬫᬦᬄᬢᬶᬢ᭄ᬬᬂᬧᬤᬶᬤᬶ᭞ᬭᬶᬂᬳᬦᬓᬾᬮᬶᬬᬦ᭄ᬮᬶᬬᬸ᭞ᬬᬾᬦ᭄ᬧᬤᬾᬫᬲᭀᬮᬄᬲᬮᬶᬢ᭄᭞ᬦᬧᬶᬫᬮᬶᬄᬲᬓᬶᬂᬢᬦ᭄ᬜᭂᬮᬧ᭄᭞ᬮᬶᬯᬢ᭄ᬓᬸᬓᬸᬄᬫᬦᬄᬳᬶᬧᬸᬦ᭄᭞ᬬᬾᬦ᭄ᬧ
ᬤᬾᬓᬲᭂᬗ᭄ᬕᬸᬄᬳᬶᬯᬂ᭞ᬭᬶᬂᬤᬦᬾᬲᬂ᭞ᬲᬦᬾᬓᬢᬶᬩᬾᬦᬶᬦ᭄ᬧᭂᬮᬶᬄ᭞ᬓᬮᬶᬂᬜᬓ᭄ᬦᬸᬦᬲ᭄ᬳᬫ᭄ᬧᬸᬭ᭟᭜᭟ᬢᬶᬢ᭄ᬬᬂᬫ᭄ᬭᬲᬳᬶᬭᬢᬸᬧᬘᬗ᭄ᬮᬸᬕ᭄ᬭᬳᬶᬦ᭄᭞ᬧᬗᬫ᭄ᬧᬸᬭ᭞ᬭᬾᬄᬲᬫ᭄ᬧᬸᬦ᭄ᬫᬲᬶᬳ᭄ᬦ᭞ᬍᬯᬶᬄᬲ᭄ᬯᬪᬯᬦ᭄‌ᬬ
ᬤᬶᬦᬾ᭞ᬢᬦ᭄ᬩᬶᬦᬲᬂᬥᬃᬫ᭄ᬫᬲᬥᬸ᭞ᬦᬾᬩᭂᬋᬲ᭄ᬗᬫ᭄ᬧᬸᬭᬲᬳᬶ᭞ᬢᬦ᭄ᬧᬶᬮᬶᬄᬓᬲᬶᬄᬭᬶᬂᬫᬦᬄ᭞ᬢᬦ᭄ᬓᭀᬗ᭄ᬕ᭄ᬯᬦ᭄ᬧᬫ᭄ᬭᬶᬄᬲᬭᬸ᭞ᬦᬧᬶᬫᬮᬶᬄᬓᬤᬶᬢᬶᬢ᭄ᬬᬂ᭞ᬢᬚᬵᬜᭂᬮᬧ᭄᭞ᬧᬶᬦᬾᬫᬯᬦᬦ᭄ᬓᬤᬶ
[᭘᭔ 84A]
᭞ᬓᬲᬾᬧᬳᬦ᭄ᬢᬸᬓ᭄ᬫᬜᬧ᭟᭜᭟ᬳᬦ᭄ᬢᬸᬓ᭄ᬢᬸᬦᬶᬬᬦ᭄ᬢᬶᬢ᭄ᬬᬂᬓᬦ᭄ᬢᬸᬦ᭄ᬫᬶᬓᭂᬢᬶᬦ᭄᭞ᬓᬓᬶᬬᬓ᭄ᬱ᭞ᬦᬾᬓᬮᬗ᭄ᬓᬸᬂᬤᭂᬕ᭄᭞ᬗᬧᬓᬧᬓ᭄ᬩᬶᬓᬲ᭄ᬜᬦᬾ᭞ᬯᬶᬢ᭄ᬢᭀᬂᬦᬯᬂᬧᬢᬸᬢ᭄᭞ᬗᬸᬮᬸᬭᬶᬦ᭄ᬓᭂᬦᭂᬄᬯᬾᬘᬶ
᭞ᬓᬾᬯᬮᬲᬸᬩᬫᭂᬩᬳᬦ᭄᭞ᬓᬃᬫ᭄ᬫᬨᬮᬮᬢᬦ᭄ᬓᬳᬶᬢᬸᬂ᭞ᬲᭀᬓ᭄ᬧᬸᬦᬶᬓᬦᬾᬗᬯᬶᬦᬂ᭞ᬭᬢᬸᬫᬶᬭᬄ᭞ᬢᬸᬃᬤᬸᬓ᭄ᬧᬸᬦᬶᬓᬳᬶᬫᬦᬶᬓ᭄᭞ᬩᬗᭂᬢ᭄ᬭᬸᬦ᭄ᬢᬕ᭄ᬢᭀᬦᬂᬢᬶᬢ᭄ᬬᬂ᭟᭜᭟ᬤ᭄ᬯᬦᬶᬂᬳᬶᬧᬸᬦ᭄ᬳᬶᬓᬓᬶᬭᬵᬓ᭄ᬱ
ᬲᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬓᬾᬲᬄ᭞ᬢᬦ᭄ᬢᬸᬬᬸᬄᬜᬧ᭄ᬲᬧᬂ᭞ᬚᭂᬭᬶᬄᬫᬦᬳᬾᬢᬦ᭄ᬓᬭᬶ᭞ᬯᬸᬲᬦ᭄ᬳᬶᬧᬸᬦ᭄ᬗᬤᬸᬓᬤᬸᬓ᭄᭞ᬜᭂᬧᬸᬗᬶᬦ᭄ᬓᬬᬸᬦ᭄ᬳᬶᬬᬤᬶ᭞ᬗᬯᬶᬦᬂᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬢᬦ᭄ᬲᬦ᭄ᬢᬸᬮ᭄ᬫᬢᬓᬾᬦ᭄ᬘᬸᬘᬸᬤ᭄᭞ᬲᬧ
ᬲᬶᬭᬓᬾᬳᬶᬤᬾᬯ᭞ᬫᬸᬗ᭄ᬕ᭄ᬯᬶᬂᬧᬭᬩ᭄᭞ᬢᬸᬃᬲᬶᬭᬳᬶᬩ᭄ᬬᬂᬬᬚᬶ᭞ᬕ᭄ᬭᬶᬬᬦ᭄‌ᬬᬤᬶᬦᬾᬭᬶᬂᬤᬶᬚ᭟᭜᭟ᬲᬫ᭄ᬧᬸᬦᬂᬚᬳᬶᬭᬢᬸᬫᬮᬶᬄᬗᬸᬮ᭄ᬕᬸᬮᬶᬦ᭄᭞ᬳᬗ᭄ᬕᬦ᭄ᬢᬶᬢ᭄ᬬᬂ᭞ᬦᬾᬗᬗᭂᬢ᭄ᬓᬢᬸᬦᬦ᭄᭞ᬢᬦ᭄ᬗᬸᬮᬗᬸᬦᬶᬦ᭄᭞ [ 86 ][᭘᭔ 84B]
᭘᭕
ᬳᬢᬸᬭᬾ᭞ᬲᬗ᭄ᬓᬦ᭄ᬫᬸᬜᬶᬦᬾᬩᬭᬸᬲᬸᬢ᭄᭞ᬳᬗ᭄ᬕᬄᬳᬸᬗ᭄ᬕᬸᬄᬢᬦ᭄ᬳᬸᬦᬶᬗᬶᬦ᭄᭞ᬧᬸᬦᬶᬓᬵᬳᬸᬕᬶᬳᬫ᭄ᬧᬸᬭ᭞ᬦᬸᬦᬲ᭄ᬚᬓᬯᬶᬢᬶᬦ᭄ᬭᬢᬸ᭞ᬩᬤ᭄ᬩᬤᬂᬓᬬᬸᬦ᭄ᬳᬶᬤᬾᬯᬵ᭞ᬤᬤ᭄ᬬᬗᬸᬚᬃ᭞ᬩᬤᬓ᭄ᬢᬶᬢ᭄ᬬᬂᬦᬶ
ᬗᭂᬄᬫᬸᬜᬶᬦ᭄᭞ᬳᬶᬭᬢᬸᬚᬗᬶᬄᬫᬓᬺᬫ᭄ᬧ᭄ᬬᬂ᭟᭜᭟ᬲᬶᬦᬄᬳᬶᬗ᭄ᬲᬧᬢᬶᬓᭂᬧᬸᬂᬬᬫᬮᬳᬶᬩ᭄᭞ᬧᬮᬶᬂᬗᬯᬕ᭄᭞ᬳᬚ᭄ᬭᬶᬄᬫᬚ᭄ᬮᬯᬢᬦ᭄᭞ᬦᬤᬓ᭄ᬜᬮᬶᬦ᭄ᬜᬦᬾ᭞ᬦᬶᬗᭂᬳᬂᬲ᭄ᬯᬭᬦ᭄ᬳᬶ
ᬭᬢᬸ᭞ᬗᬲᭀᬭᬂᬕᭂᬦ᭄ᬲᬂᬋᬱᬶ᭞ᬓᬤᬸᬂᬕᭂᬦ᭄ᬤᬾᬃᬫᬩᬭᬗᬦ᭄᭞ᬫᬲᬦ᭄ᬤᬶᬂᬋᬩᬩᬾᬮᬸᬧ᭄᭞ᬚᭀᬄᬧᬭᬜᬯᬸᬧ᭄ᬧᬫᭂᬦᬂ᭞ᬧ᭄ᬭᬕᬢ᭄ᬓᬮᬄ᭞ᬓᬬᬂᬲᬸᬦ᭄ᬤᬭᬶᬦᬾᬮᬶᬮᬶᬄ᭞ᬓᭀᬮᭀᬓ᭄ᬢᭂᬫ᭄ᬧᬸᬄᬲᬫᬶᬭᬦ
᭟᭜᭟ᬓᬮᬶᬗ᭄ᬓᬾᬬᬳᬶᬩᬮᬂᬓᬾᬓᬾᬓᬦ᭄ᬤ᭄ᬯᬭᬶ᭞ᬲᬫ᭄ᬧᬸᬦ᭄ᬓᬭ᭄ᬯᬦ᭄᭞ᬫᬸᬜᬶᬲᭂᬋᬓ᭄ᬧᭂᬗᬓ᭄᭞ᬢᬸᬮᬾᬦ᭄ᬫᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭞ᬕᭂᬢᬭᬾᬯᬦ᭄ᬢᬄᬭᬶᬂᬳᬸᬫ᭄ᬧᬸᬢ᭄᭞ᬦᬗᬄᬕᬮᬂᬢ᭄ᬯᬭᬩᬦᬶ᭞ᬓᬫ᭄ᬧᬶ
[᭘᭕ 85A]
ᬤ᭄ᬭᬾᬕᬾᬲ᭄ᬳᬯᬓ᭄ᬩᭂᬭᬕ᭄᭞ᬓᬢᬶᬫᬦ᭄ᬳᬶᬲ᭄ᬯᬭᬦ᭄ᬳᬗ᭄ᬓ᭄ᬮᬸᬂ᭞ᬲᬫᬭᬧᬸᬕᬸᬮᬶᬗᬦᬾ᭞ᬭᬶᬂᬩᬜ᭄ᬘᬶᬗᬄ᭞ᬦᬤᬓ᭄ᬲᭂᬧᬶᬯᬸᬲᬦ᭄ᬗᬸᬘᬶ᭞ᬬᬤ᭄‌ᬬᬤᬶᬜᬕ᭄ᬚᬕ᭄ᬫᬭᬶᬓ᭟᭜᭟ᬳᭀᬜᬲ᭄ᬮᬓ᭄ᬱᬓ᭄ᬚᬯᬢ᭄ᬓᬬᬂᬢᭀ᭠
ᬳᬢᬶᬳᬶᬂ᭞ᬲᬸᬤᬫᬮ᭞ᬦᬾᬫ᭄ᬧᬸᬦ᭄ᬓᬮᭀᬓ᭞ᬮᬗ᭄ᬲᬶᬂᬮᬜ᭄ᬚᬃᬳᬤᭂᬕ᭄ᬜᬦᬾ᭞ᬲ᭄ᬭᬾᬬᬄᬲ᭄ᬭᬾᬬᭀᬄᬤᬳᬢ᭄ᬮᭂᬫᬸᬄ᭞ᬫᬮᬾᬕᭀᬲᬦ᭄ᬢᭂᬫ᭄ᬧᬸᬄᬳᬗᬶᬦ᭄᭞ᬓᬤᬶᬩᭂᬲ᭄ᬳᬚᬸᬫ᭄ᬧᭀᬮᬄᬜ᭞ᬦᬤᬓ᭄ᬫ
ᬓᬮᬶᬗ᭄ᬲᭂᬄᬮᬬᬸ᭞ᬢᬶᬢ᭄ᬓᭂᬦᬾᬂᬧᬲ᭄ᬢᬸᬓᬤᬓᬦ᭄᭞ᬭᬶᬂᬳᬶᬫᬶᬭᬄ᭞ᬩᬦ᭄ᬤᭂᬕᬕ᭄ᬫᬶᬤᬶᬧ᭄ᬫᬦ᭄ᬤᬸᬗᬶᬦ᭄᭞ᬳᬤᭂᬕ᭄ᬳᬶᬬᬤᬶᬦᬾᬚᬂᬚᬂ᭟᭜᭟ᬳᬶᬩᬸᬦ᭄ᬕᬥᬸᬂᬩᬸᬯᬸᬂᬍᬫᬸᬄᬢᭂᬫ᭄ᬧᬸᬳᬗᬶᬦ᭄᭞ᬫᬕᭀᬮᬾᬭ
ᬦ᭄᭞ᬭᬾᬄᬓᬤᬮᭀᬦ᭄ᬜᭀᬧᬓ᭄᭞ᬗᬯᬲ᭄ᬓ᭄ᬭᬫ᭄ᬧᬶᬗᬦ᭄ᬫᬤ᭄ᬬᬦᬾ᭞ᬳᬦ᭄ᬤᬸᬲ᭄ᬧᬲᭂᬧᬦᬾᬓᬲᬸᬩ᭄᭞ᬦᬾᬲᬶᬭᬫ᭄ᬫᬶᬜᬓ᭄ᬳᬲ᭄ᬢᬗ᭄ᬕᬶ᭞ᬳᬫ᭄ᬩᬸᬦ᭄ᬜᬫᬸᬜᬳᬂᬳᬸᬗᬲ᭄᭞ᬧᬦ᭄ᬢᭂᬲ᭄ᬚᬸᬭᬸᬳᬭᬄᬳᬶᬧᬸᬦ᭄᭞ [ 87 ][᭘᭕ 85B]
᭘᭖
ᬗᬸᬦ᭄ᬤᬂᬤᬾᬯᬓᬲ᭄ᬯᬃᬕ᭄ᬕᬦ᭄᭞ᬢᬍᬃᬓᬮᬄ᭞ᬭᬂᬳᬫ᭄ᬩᬸᬦ᭄ᬲᬶᬜ᭄ᬚᬂᬳᬶᬫᬦᬶᬓ᭄᭞ᬭᬶᬢᬵᬢ᭄ᬓᬮᬫᬮᬸᬓᬭᬦ᭄᭟᭜᭟ᬓᬬᬦ᭄ᬳᬶᬧᬸᬦ᭄ᬳᬶᬓᬢᬶᬩᬂᬩᬸᬂᬢᭀᬂᬚ᭄ᬯᬭᬶ᭞ᬫᬗᭂᬩᬶᬢᬂ᭞ᬓ᭄ᬭᬾᬤᬾᬧᬦ᭄ᬓᬫ᭄ᬧᬶᬤᬾ᭞ᬭᬾᬄᬳᬶᬧᬸ
ᬦ᭄ᬲᬫ᭄ᬧᬸᬦ᭄ᬢᬳᬸᬭᬶᬂ᭞ᬳᬗᬕᬦ᭄ᬳᬶᬭᬢᬸᬯᬾᬦ᭄ᬢᭂᬦ᭄ᬤᬶᬢᬸ᭞ᬗᬾᬤᬾᬗᬂᬳᬸᬦ᭄ᬢᬸᬫᬓᭂᬜᬶᬂ᭞ᬫᬓᭂᬤᬾᬧ᭄ᬗᬲᭀᬭᬂᬤᬦ᭄ᬢ᭞ᬳᬶᬮᬦ᭄ᬤᬓ᭄‌ᬓ᭄ᬮᬶᬗᬲ᭄‌ᬓ᭄ᬮᬶᬗᬸᬲ᭄᭞ᬭᬾᬄᬳᬯᬓ᭄ᬳᬶᬧᬸᬦᬾᬮᬕ᭄ᬮᬕ᭄᭞ᬳᬦ᭄ᬢᬸᬓᬳᬳᬲ᭄᭞ᬩᬸᬮᬸ
ᬦ᭄ᬳᬶᬧᬸᬦ᭄ᬲᭂᬓᬓᬮᬶᬄ᭞ᬗᭂᬢᭀᬦ᭄ᬚᬭᬶᬚᬶᬦ᭄ᬳᬶᬫᬶᬭᬄ᭟᭜᭟ᬫᬶᬦᬩ᭄ᬳᬶᬤᬳ᭄ᬬᬂᬩ᭄ᬭᬳ᭄ᬫᬵᬮᬶᬦ᭄ᬢᬂᬗᬧᬶᬓᬶᬦ᭄᭞ᬗᬃᬤ᭄ᬥᬶᬫᬶᬭᬄ᭞ᬫᬯᬲᬦᬧ᭄ᬭᬕᬢ᭄᭞ᬢᬦ᭄ᬫᬮᬶᬄᬓᬗ᭄ᬓᬢ᭄ᬘᬾᬤᬓᬶᬦ᭄᭞ᬩᬶᬮᬶᬄᬓᬾᬳᬗ᭄ᬕᬾᬦ᭄ᬳᬶᬭᬢᬸ
᭞ᬧᬭᬕᬬᬦ᭄ᬤᬾᬯᬶᬭᬢᬶᬄ᭞ᬢᬸᬭᬸᬦ᭄ᬫᬦᭀᬤ᭄ᬬᬦᬶᬦ᭄ᬚᬕᬢ᭄᭞ᬫᬶᬗᬸᬗᬂᬲᬂᬓᬯᬶᬳᬕᬸᬂ᭞ᬦᬾᬫᬧᬶᬓᬬᬸᬦ᭄‌ᬗᬸᬗ᭄ᬕᬸᬳᬂ᭞ᬗᬗ᭄ᬕᬾᬦ᭄ᬕᬶᬢ᭞ᬍᬯᬶᬄᬓᬳᬬᭀᬦ᭄ᬳᬶᬫᬦᬶᬓ᭄᭞ᬲᭀᬓ᭄ᬗᭂᬗᭀᬂᬯᬗ᭄ᬤᬾᬫᬜᬸ
[᭘᭖ 86A]
ᬭᬢ᭄᭟᭜᭟ᬳᬫᬸᬦᬶᬓᬲᬂᬅᬃᬚ᭄ᬚᬯᬫᬦᬓᬾᬦᬶᬦ᭄᭞᭞ᬢᬸᬃᬜᬸᬫ᭄ᬩᬸᬗᬂ᭞ᬲᬂᬳᬶᬲ᭄ᬢ᭄ᬭᬶᬧᬸᬦᬶᬓ᭞ᬦᬾᬫᬗ᭄ᬓᬶᬦ᭄ᬯᬯᬸᬓᬘᬯᬶᬲ᭄᭞ᬲᬍᬤᬾᬢ᭄ᬜᬦᬸᬜ᭄ᬚᬸᬂᬩᬶᬭᬸ᭞ᬢᬢᬶᬢ᭄ᬓᬧᬶᬢᬸᬦᬶᬮᬶᬮᬶᬄ᭞ᬫᬸᬜᬶᬦ᭄ᬜᬚᬄ
ᬫᬗᬺᬗ᭄ᬲ᭄ᬯᬂ᭞ᬳᬶᬮᬸᬢᬸᬂᬚᬦ᭄ᬢᭀᬲ᭄ᬫᬘᭂᬧᬸᬂ᭞ᬗᬮᬶᬬᭂᬃᬗᭂᬗ᭄ᬲᬧᬶᬦ᭄ᬳᬶᬩ᭞ᬤᬸᬯᬸᬃᬲᬫ᭄ᬧᬂ᭞ᬯᬶᬢ᭄ᬤᬸᬧ᭄ᬤᬸᬧᬂᬫᬸᬜᬶᬫᬦᬶᬲ᭄᭞ᬳᬓᬾᬦᬾᬳᬶᬧᬸᬦ᭄ᬫᬸᬜᬶᬦ᭄ᬜ᭟᭜᭟ᬧᬸᬧᬸᬄᬕᬶᬦᬤ᭟᭜᭟ᬲᬶᬗ᭄ᬕᬶᬄᬩᭂᬮᬶᬲᬂᬧ᭄ᬭᬚ᭄ᬜ
ᬦ᭄᭞ᬲᬓ᭄ᬱᬢ᭄ᬳᬃᬘ᭄ᬘᬮᬶᬗ᭄ᬕᬍᬯᬶᬄ᭞ᬧᬢᬸᬢ᭄ᬲᬸᬂᬲᬸᬂᬲᬋᬂᬳᭀᬜ᭞ᬲᭂᬓᭂᬦᬂᬪᬓ᭄ᬢᬶᬦᬶᬦ᭄ᬮᬯᬸᬢ᭄᭞ᬢᬸᬓᬂᬧᬢᬸᬤᬸᬳᬶᬦ᭄ᬲ᭄ᬯᬃᬕ᭄ᬕ᭞ᬩᬸᬯᬸᬂᬧᬮᬶᬂ᭞ᬗᭀᬚᭀᬕ᭄ᬓᬚᬕᬢ᭄ᬦᬭᬓ᭟᭜᭟ᬳᬦᬓᬾᬚᬢᬶᬧ᭄ᬭᬚ᭄ᬜᬦ᭄᭞ᬫᬗ᭄ᬓᬶᬦ᭄ᬫᭀ
ᬕᭀᬄᬭᬸᬧᬩᬗ᭄ᬓᬶᬢ᭄᭞ᬲᬂᬓᬢᬸᬢᬸᬭᬶᬦ᭄ᬓᬳᬚᬄ᭞ᬫᭂᬢᭀᬄᬲᬶᬓᬶᬓᬮᬶᬄᬗᬸᬓᬸᬧ᭄᭞ᬓᬃᬡ᭄ᬦᬦᬾᬲᬸᬓᬫᬶᬋᬗᬂ᭞ᬢᬸᬢᬸᬃᬍᬯᬶᬄ᭞ᬳᬓ᭄ᬱᬶᬦᬾᬲᬸᬓᬬᬂᬭᬸᬧ᭟᭜᭟ᬲᬂᬫᬤ᭄ᬯᬾᬓᬯ᭄ᬭᬸᬄᬓᬢᬄ᭞ᬲᬂᬭᬯᭀ [ 88 ][᭘᭖ 86B]
᭘᭗
ᬲᬂᬗᬸᬮᬗᬸᬦᬶᬦ᭄᭞ᬯᬶᬓᬦ᭄ᬗᬸᬮᬢᬂᬍᬗ᭄ᬓᬭ᭞ᬩᬯᭀᬲ᭄ᬮᭂᬫᬸᬄᬕᭂᬢᬃᬧᬗᬸᬲ᭄᭞ᬫᬓᬶᬮᬶᬢ᭄ᬜᬸᬲᬸᬧ᭄ᬭᬶᬂ᭠ᬓᬃᬡ᭄ᬦ᭞ᬫᭂᬤᬄᬳᬢᬶ᭞ᬦᬶᬜ᭄ᬘᬧ᭄ᬓᬰᬶᬯᬤ᭄ᬯᬭ᭟᭜᭟ᬤ᭄ᬬᬲ᭄ᬢᬸᬭᬸᬧᬦᬾᬗᭀᬘᭀᬓᬦ᭄᭞ᬬᬦᬶᬂᬚᬢᬶᬳᬶ
ᬧᬸᬦ᭄ᬭᬶᬭᬶᬄᬫᬗ᭄ᬓᬶᬦ᭄ᬲ᭄ᬫᬶᬢᬦ᭄ᬜᬩᬸᬗᬄ᭞ᬢᬦ᭄ᬧᬓᬶᬭᬂᬦᬸᬤᬸᬢ᭄ᬓᬬᬸᬦ᭄᭞ᬓᬢᬄᬦᬾᬗᬗ᭄ᬕᬾᬦ᭄ᬲᬯᬶᬢ᭄ᬭ᭞ᬓᭂᬫᬫᬳᬶ᭞ᬮᬦ᭄ᬢᬸᬤ᭄ᬘᬧᬢᬶᬦ᭄ᬢᬶᬫ᭄ᬧᬮ᭄ᬜ᭟᭜᭟ᬳᬸᬦᬶᬂᬫᬢᬸᬢᬂᬓᬓᭂᬜ᭄ᬘᬦ᭄᭞ᬫᬗᬶᬢᬸᬗᬂᬩᭂᬦᭂᬄᬧᭂᬮᬶᬄ
᭞ᬤᬸᬓ᭄ᬦᬶᬫ᭄ᬩᬂᬮᬸᬯᬶᬃᬧᬳᬸᬦ᭄ᬤᬸᬓᬦ᭄᭞ᬢᬦ᭄ᬚᬫᬶᬮᭀᬦ᭄ᬤᬶᬦᬶᬤᬶᬢᬸ᭞ᬚᬢᬶᬳᬤᬶᬮ᭄ᬩᬶᬚᬓ᭄ᬧᬦ᭞ᬓᬤᬶᬤᬘᬶᬦ᭄᭞ᬢ᭄ᬯᬭᬩᬳᬢᬦ᭄ᬳᬲᬶᬩᬓ᭄᭟᭜᭟ᬩᬦ᭄ᬧ᭄ᬭᬚ᭄ᬜᬦ᭄ᬫᬯᭀᬲᬂᬫᬢᬶᬗ᭄ᬓᬄ᭞ᬲᬗ᭄ᬓᬦ᭄ᬳᭂᬤᬍᬫᬶᬦ᭄ᬕᬸᬫᬶ᭞
ᬩᬯᭀᬲᬾᬳᬮᬸᬲ᭄ᬧᬮᬧᬦ᭄᭞ᬳᬸᬦᬶᬂᬗ᭄ᬮᬶᬧᬸᬃᬫᬦᬄᬲᬸᬗ᭄ᬲᬸᬢ᭄᭞ᬢᬸᬗ᭄ᬕᬶᬮ᭄ᬗᬯᬶᬢᬶᬦ᭄ᬗᬦ᭄ᬤᬶᬓᬵ᭞ᬲᭂᬩᭂᬂᬓᭂᬜᬶᬂ᭞ᬪᭀᬬᬫᬤᭂᬫᭂᬦ᭄ᬤᭂᬫᭂᬦᬦ᭄᭟᭜᭟ᬘᭂᬭᬶᬓ᭄ᬓᭂᬮᬶᬄᬢᬸᬯᬩᬚᬂ᭞ᬚᬯᬢ᭄ᬮᬸᬄᬚᬯᬢ᭄‌ᬫ᭄ᬯᬦᬶ᭞
[᭘᭗ 87A]
ᬫᬦᬄᬜᬢᬦ᭄ᬫᬩᬶᬦᬬᬦ᭄᭞ᬬᬾᬦ᭄ᬗᬚᬓ᭄ᬳᬶᬘᭂᬭᬶᬓ᭄ᬦᬸᬢᬸᬃ᭞ᬫᬲᬶᬄᬳᬸᬦᬶᬂᬗᬯᬾᬕᬶᬭᬂ᭞ᬬᬾᬦ᭄ᬲᬂᬮᬶᬗ᭄ᬲᬶᬃ᭞ᬓᬚᬓ᭄ᬜᬢ᭄ᬯᬳᬸᬕᬶᬋᬡ᭟᭜᭟ᬓᬾᬢᭀᬲᬂᬢᬸᬳᬸᬧ᭄ᬭᬚ᭄ᬜᬦ᭄᭞ᬢᬦ᭄ᬧᬶᬮᬶᬄᬩᬸᬮᬸᬭᬶᬂᬳᬢᬶ᭞
ᬩᭀᬘᭀᬓ᭄ᬩᬗ᭄ᬓᬶᬢ᭄ᬫᬸᬗ᭄ᬕ᭄ᬯᬶᬂᬭᬸᬧ᭞ᬢᬦ᭄ᬗᬯᬾᬩᬸᬯᬸᬂᬓᬧᬘᬸᬓ᭄᭞ᬤ᭄ᬬᬲ᭄ᬢᬸᬩᭀᬘᭀᬓ᭄‌ᬬᬾᬦᬶᬂᬧ᭄ᬭᬚ᭄ᬜᬦ᭄᭞ᬓᬗ᭄ᬕᬾᬬᬂᬕᬸᬫᬶ᭞ᬜᬦ᭄ᬤᬂᬳᬗ᭄ᬕᬾᬦ᭄ᬢᬢᬸᬮᬤᬦ᭄᭟᭜᭟ᬤᬳᬶᬘᬭᬩᬕᬸᬲ᭄ᬩᬚᬂ᭞ᬤ᭄ᬯᬲ᭄ᬢᬸ
ᬫᬾᬕᭀᬄᬮᬶᬯᬢ᭄ᬲᬸᬕᬶᬄ᭞ᬮᬶᬢᬸᬦᬯᬂᬢᬸᬢᬸᬃᬢᬢ᭄ᬯ᭞ᬦᬗ᭄ᬳᬶᬂᬓᬧ᭄ᬭᬚ᭄ᬜᬦᬦ᭄ᬳᬶᬧᬸᬦ᭄᭞ᬯᬦ᭄ᬢᬄᬓᬗ᭄ᬕᬾᬦ᭄ᬫᬜᬭᬸᬯᬂ᭞ᬩᬶᬓᬲ᭄ᬤᭂᬗ᭄ᬓᬶ᭞ᬳᬶᬭᬶᬳᬢᬶᬓᬸᬤᬸᬬᭀᬪ᭟᭜᭟ᬤᬤᬶᬳᬕᭀᬮ᭄ᬜᬾᬤᬢᬶ
ᬫ᭄ᬧᬮ᭄᭞ᬗᬩᬶᬮ᭄ᬩᬶᬮᬂᬲᭂᬤᭂᬓ᭄ᬢᬶᬢᬶᬩ᭄᭞ᬢᬸᬮᬾᬦ᭄ᬗᬯᬾᬳᬦᬓ᭄ᬚᭂᬗᬄᬲᬮᬄᬢᬫ᭄ᬧᬶᬬᬲᬢᬸᬯᬸᬓ᭄᭞ᬓᭂᬤᬶᬲ᭄ᬘᬶᬍᬧᬸᬓ᭄‌ᬲᬫᬶᬦ᭄ᬜ᭞ᬬᬾᬦ᭄ᬲᬸᬮᬸᬳᬶᬦ᭄᭞ᬲᬸᬫᬶᬗ᭄ᬓᬶᬦ᭄ᬗᬯᬶᬦᬂᬳᬸᬮᬧ᭄᭟ [ 89 ][᭘᭗ 87B]
᭘᭘
᭐᭟ᬧᬢᬶᬓᬧ᭄ᬮᬸᬕ᭄ᬫᬕᬤᬗᬦ᭄᭞ᬲᬫ᭄ᬩᬶᬮ᭄ᬗᬘᬸᬄᬳᬶᬧᬸᬦ᭄ᬗᭂᬮᬶᬂ᭞ᬯᬾᬮ᭄ᬜᬓᬶᬫᬸᬤ᭄ᬫᬶᬋᬗᬂ᭞ᬲᬂᬗᭀᬦᬾᬓ᭄ᬓᬳᬸᬫ᭄ᬩᬄᬳᬬᬬᬸ᭞ᬓᬦ᭄ᬢᬶᬩᬸᬯᬸᬂᬫᬤᬦ᭄ᬧ᭄ᬭᬚ᭄ᬜᬦ᭄᭞ᬧᬬᬸᬭᬶᬭᬶᬄ᭞ᬭᬶᬭᬶᬄᬗᬗᬩᬶᬮ᭄ᬩᬶᬮᬂᬢᬶᬫ᭄ᬧᬮ᭄᭟᭜᭟ᬦ
ᬗ᭄ᬳᬶᬂᬲᬂᬓᬩᬶᬮ᭄ᬩᬶᬮᬂ᭞ᬬᬾᬦ᭄ᬜᬶᬤᬬᬂᬢᬦ᭄ᬩ᭄ᬭᬗ᭄ᬢᬶ᭞ᬢᬸᬃᬚᬢᬶᬳᬶᬧᬸᬦ᭄ᬢᬦ᭄ᬤᬸᬄᬓ᭞ᬤᬯᭂᬕ᭄ᬜᬓᬘᬾᬤᬤᬶᬢᬸ᭞ᬫᬸᬯᬸᬄᬲᬸᬓᬗᬫ᭄ᬧᬸᬭᬬᬂ᭞ᬚ᭄ᬭᭀᬦᬶᬂᬳᬢᬶ᭞ᬦ᭄ᬢᭀᬦᬾᬚᬢᬶᬳᬦᬓ᭄ᬧ᭄ᬭᬚ᭄ᬜᬦ᭄᭟᭜᭟ᬥᬸᬄ
ᬩᭂᬮᬶᬲᬂᬓᬦ᭄ᬢᬶᬦ᭄ᬪᬬ᭞ᬩᬲ᭄‌ᬗ᭄ᬮᬦ᭄ᬢᬸᬃᬢᬶᬢ᭄ᬬᬂᬫᬫᬸᬜᬶ᭞ᬢᬸᬮ᭄ᬬᬓᬘᭂᬧ᭄ᬯᬓᬦ᭄ᬕᬕ᭞ᬢᬦ᭄ᬢᬗᭂᬄᬭᬶᬂᬤᬾᬯᬾᬓ᭄ᬤᬸᬲᬸᬦ᭄᭞ᬢ᭄ᬯᬭᬩᬶᬲᬫᬓᬶᬧᭂᬓᬘ᭄᭞ᬚᬢᬶᬧᬶᬗ᭄ᬕᬶᬃ᭞ᬢᬦ᭄ᬳᬸᬦᬶᬂᬜᬸᬓᬦᬶᬦ᭄ᬫᬦᬄ᭟᭜᭟ᬦᬾᬢᬸᬦ᭄ᬬ
ᬦ᭄ᬩᭂᬮᬶᬦᬓᬾᬦᬂ᭞ᬳᬤᬦ᭄ᬢᬶᬢ᭄ᬬᬗᬾᬧᬸᬦᬶᬓᬶ᭞ᬧᬭᬩ᭄ᬳᬶᬬᬚᬶᬳᬶᬩᬶᬬᬂ᭞ᬢᬸᬃᬦᬓᬾᬦᬂᬕᭂᬦᬄᬗᬸᬩᬸ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬜᬶᬦᬳᬂ᭞ᬢᬦ᭄ᬚᬧᬶᬗᬶᬢ᭄᭞ᬳᬤᬦ᭄ᬢᬶᬢ᭄ᬬᬂᬦᬶᬫᬾᬢ᭄ᬭ᭄ᬬᬵ᭟᭜᭟ᬳᬶᬕᬸ
[᭘᭘ 88A]
ᬭᬸᬯᬦ᭄ᬢᬄᬫᬧᬭᬩ᭄᭞ᬤᬸᬓᬸᬄᬥᬃᬫ᭄ᬫᬶᬓᬢᬷᬩᭂᬮᬶ᭞ᬩᬶᬬᬂᬢᬶᬢ᭄ᬬᬗᬾᬫᬧᬭᬩ᭄᭞ᬤᬸᬓᬸᬄᬳᬲ᭄ᬢ᭄ᬭᬦ᭄ᬬᬢᭀᬭᬢᬸ᭞ᬢᬦ᭄ᬚᬳᬤᭀᬄᬧᭀᬦ᭄ᬤᭀᬓ᭄ᬢᬶᬢ᭄ᬬᬂ᭞ᬲᬗ᭄ᬓᬦ᭄ᬳᬶᬮᬶᬤ᭄᭞ᬤᬶᬂᬤᬶᬗᬶᬦ᭄ᬫᬸ
ᬦ᭄ᬤᬸᬓ᭄ᬳᬓᬩᬂ᭟᭜᭟ᬳᬶᬬᬚᬶᬫᬸᬯᬄᬳᬶᬩᬶᬬᬂ᭞ᬬᬸᬱᬦ᭄ᬳᬶᬤᬲᬫ᭄ᬧᬸᬦ᭄ᬮᬶᬗ᭄ᬲᬶᬃ᭞ᬫᬤᬯᬾᬯᭂᬓᬲᬦᬸᬗ᭄ᬕᬮ᭄᭞ᬯᬦ᭄ᬢᬄᬲᬶᬓ᭄ᬬᬦ᭄ᬢᬶᬢ᭄ᬬᬂᬭᬢᬸ᭞ᬫᬯᬦᬦ᭄ᬓᭂᬦᬶᬓᬚᬭᬄ᭞ᬲᬦᬾᬢᬸᬦᬶ᭞ᬭᬶᬂᬳᬶᬧᬸᬦ᭄ᬓᬓᬶ
ᬭᬵᬓ᭄ᬱᬲ᭟᭜᭟ᬯᬶᬢ᭄ᬢᬶᬢ᭄ᬬᬂᬗᬋᬋᬄᬲᭂᬓᬃ᭞ᬭᬶᬂᬧᬶᬗ᭄ᬕᬶᬃᬢᬸᬓᬤ᭄ᬜᬮᬶᬓ᭄ᬱᬶᬓ᭄᭞ᬳᬶᬬᬚᬶᬫᬗᬸᬤᬸᬄᬢᬶᬢ᭄ᬬᬂ᭞ᬫᬗ᭄ᬕᬾᬭᬶᬂᬧᬫᬸᬚᬦ᭄ᬳᬶᬓᬸ᭞ᬓᬢᬸᬗ᭄ᬓᬸᬮ᭄ᬢᬶᬢ᭄ᬬᬦᬸᬗᬤᬄ᭞ᬗᬶᬮᬶᬢ᭄ᬓᬢᬶᬓ᭄᭞ᬲᭂᬓᬭᬾᬤᬶᬮᬶ
ᬤᬶᬦ᭄ᬤᭀᬦ᭄ᬬ᭟᭜᭟ᬬᬦᬶᬂᬓᬧᭀᬲᬓᬶᬂᬤᬶᬚ᭞ᬳᬶᬭᬵᬓ᭄ᬱᬲᬚᭂᬕ᭄ᬜᬯᬸᬧᬶᬦ᭄᭞ᬢᬶᬢ᭄ᬬᬂᬩᬗᭂᬢ᭄ᬓᬫᭂᬫᭂᬕᬦ᭄᭞ᬯᬦ᭄ᬢᬄᬳᬶᬗᭂᬢ᭄ᬢᬸᬮᬸᬂᬢᬸᬮᬸᬂ᭞ᬤᬸᬓ᭄ᬓᬲᬗ᭄ᬓᭀᬮ᭄ᬭᬶᬂᬓᬶᬬᬓ᭄ᬱ᭞ᬓᬕᬾᬢ᭄ᬗᭂᬮᬶᬂ᭞ᬜᬕ᭄ᬚᬕᬶᬦ᭄ᬢᬶ᭠ [ 90 ][᭘᭘ 88B]
᭘᭙
ᬢ᭄ᬬᬂᬲᬗ᭄ᬓᬮ᭟᭜᭟ᬬᬦ᭄ᬢᬦ᭄ᬕᭂᬮᬶᬲ᭄ᬓᬢᬸᬮᬸᬗᬦ᭄᭞ᬓᬧᬶᬤᬤᭀᬲ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬲᬶᬦᬄᬲᬫ᭄ᬧᬸᬦ᭄ᬲᬓᬶᬂᬢᬸᬦ᭄ᬬᬦ᭄᭞ᬳᬯᬓ᭄ᬢᬶᬢ᭄ᬬᬗᬾᬓᬕᬸᬢ᭄ᬕᬸᬢ᭄᭞ᬳᭀᬮᬶᬄᬳᬶᬓᬓᬶᬭᬵᬓ᭄ᬱᬲ᭞ᬧᬸᬧᬤᬢ᭄ᬲᭂᬮᬶᬂ᭞ᬢᬸᬮᬂᬢᬶᬢ᭄ᬬᬵᬂ
ᬫᬓᬘᬓᬦ᭄᭟᭜᭟ᬢᬍᬃᬦᬾᬗᬯᬾᬋᬢ᭄ᬫᬦᬄ᭞ᬬᬾᬦ᭄ᬢᬶᬢ᭄ᬬᬂᬗᬮᬳᬶᬦ᭄ᬫᬢᬶ᭞ᬦᬧᬶᬤᬤᭀᬲ᭄ᬜ᭠ᬳᬶᬩᬶᬬᬂ᭞ᬫᬸᬯᬄᬧᬸᬦᬶᬓᬵᬳᬶᬕᬸᬭ᭞ᬧᬤᬾᬳᬶᬤᬮᬘᬸᬃᬲᬾᬤ᭞ᬢᬦ᭄ᬳᬸᬦᬶᬗᬶᬦ᭄᭞ᬭᬾᬄᬢᬶᬢ᭄ᬬᬂᬭᬶ
ᬳᬶᬦᬦ᭄ᬧᭂᬚᬄ᭟᭜᭟ᬩᬸᬯᬸᬂᬫᬢᬶᬧᬓ᭄ᬧᬓ᭄ᬬᬓ᭄ᬱ᭞ᬦᬶᬓᭂᬮ᭄ᬧᬧᬦᬾᬢᬦ᭄ᬤᬗᬶᬦ᭄᭞ᬭᬶᬓᬢ᭄ᬲᬧᬭᬶᬦᬶᬂᬮᬫ᭄ᬧᬄ᭞ᬳᬸᬢᬂᬩᬸᬤ᭄ᬥᬶᬦᬾᬫᬍᬗ᭄ᬕᬸ᭞ᬫᬾᬯᭂᬄᬧᬘᬂᬲᬶᬤ᭄ᬥᬦᬸᬜ᭄ᬘᬧ᭄᭞ᬕᭂᬦᬄᬍᬯᬶᬄ᭞ᬳᬸᬢᬂ
ᬩᬸᬤ᭄ᬥᬶᬕᭂᬭᬶᬂᬭᬳᬢ᭄᭞ᬬᬾᬦ᭄ᬢᬫ᭄ᬩᭂᬢ᭄ᬲᬓᬤᬶᬢᬶᬢ᭄ᬬᬂ᭞ᬲᬚᬯᬳᬦ᭄ᬢᬸᬓ᭄ᬧᬫᬃᬕ᭄ᬕᬶ᭞ᬜᬶᬤᬬᬂᬦᬸᬯᬮ᭄ᬧᬫᬢ᭄ᬭ᭞ᬬᬾᬦ᭄ᬯᬾᬦ᭄ᬢᭂᬦ᭄ᬢᬶᬢᬄᬳᬶᬭᬢᬸ᭞ᬰᬭᬶᬭᬳᬗ᭄ᬕᬾᬦ᭄ᬚᬮᬭᬦ᭄᭞ᬳᬦ᭄ᬢᬸᬓ᭄ᬲᬸᬓᬶᬮ᭄᭞
[᭘᭙ 89A]
ᬦᬯᬸᬃᬳᬸᬢᬂᬓᬧᬂᬢᬺᬱ᭄ᬡᬦ᭄᭟᭜᭟ᬲᬶᬦᬄᬩᭂᬮᬶᬲᬫ᭄ᬧᬸᬦ᭄ᬢᬢᬲ᭄᭞ᬳᬶᬦ᭄ᬤᬶᬓ᭄ᬲᬂᬤᬮᬦ᭄ᬦᬫ᭄ᬧᬶ᭞ᬨᬮᬓᬃᬫ᭄ᬫᬦᬾᬦᬩ᭄ᬤᬩᬂ᭞ᬓᬃᬫ᭄ᬫᬦᬾᬗ᭄ᬯᬍᬲᬂᬧᬸᬗ᭄ᬓᬸᬃ᭞ᬬᬦ᭄ᬧᬥᬫᬩᬸᬤ᭄ᬥᬶᬫᬸᬯᬄ᭞ᬲᬂᬫᬗᬶᬤᬶᬄ᭞
ᬲᬶᬦᬄᬓᬶᬤᬶᬳᬶᬦ᭄ᬩᬾᬜ᭄ᬚᬗᬦ᭄᭟᭜᭟ᬚᬢᬶᬤᬳᬢᬶᬂᬉᬢ᭄ᬢᬫ᭞ᬳᬦᬓᬾᬳᬦ᭄ᬢᭂᬂᬕᬮᬶᬢᬶᬓ᭄᭞ᬦᭂᬩᬸᬦᭂᬩᬸᬧᭂᬢᭂᬂᬍᬫᬄ᭞ᬦᬶᬫᬸᬄᬲᬮ᭄ᬯᬶᬃᬮᬓ᭄ᬱᬡᬳᬬᬸ᭞ᬦᬾᬧᬘᬂᬫᬯᭀᬄᬉᬢ᭄ᬢᬫ᭞ᬓᬧᬸᬧᭀ
ᬦᬶᬦ᭄᭞ᬭᬶᬂᬚᬕᬢ᭄ᬧᭂᬦᬩᬾᬜ᭄ᬚᬗᬦ᭄᭟᭜᭟ᬗᬶᬭᬶᬂᬦᬾᬮᬶᬬᬦ᭄ᬩᬯᭀᬲᬂ᭞ᬫᬸᬫ᭄ᬧᬸᬂᬧᬗ᭄ᬕᬸᬄᬭᬕᬦ᭄ᬩᭂᬮᬶ᭞ᬯᬾᬦ᭄ᬢᭂᬦ᭄ᬦᬾᬢᬸᬦᬲᬂᬢᬶᬢ᭄ᬬᬂ᭞ᬫᬦᬯᬶᬢᬩᭂᬮᬶᬯᭂᬭᬸᬄ᭞ᬳᬶᬦ᭄ᬤᬶᬓ᭄ᬪᬕᬯᬦ᭄ᬩ᭄ᬬᬲ᭞ᬦᬧᬶ
ᬦᬳᭂᬦᬶᬦ᭄᭞ᬯᬾᬦ᭄ᬢᭂᬦ᭄ᬦᬾᬭᬶᬳᬶᬦ᭄ᬭᬶᬂᬚᬕᬢ᭄᭟᭜᭟ᬤ᭄ᬯᬦᬶᬂᬓᭀᬘᬧ᭄ᬭᬕᬦ᭄ᬳᬶᬤ᭞ᬫᬤ᭄ᬯᬾᬩᬶᬬᬂᬫᬶᬯᬄᬳᬚᬶ᭞ᬭᬯᬸᬦᬶᬂᬕᭂᬦᬄᬳᭂᬫ᭄ᬩᬲ᭄ᬜ᭞ᬭᬶᬂᬓᬺᬱ᭄ᬡᬵᬤ᭄ᬯᬶᬧᬓᬲᬸᬩ᭄᭞ᬓᭀᬘᬧ᭄‌ᬬᬦ᭄ᬢᬦᬶᬸᬦ᭄ᬯᬾᬦ᭄ᬢᭂᬦ᭄ᬳᬶᬤ᭞ [ 91 ][᭘᭙ 89B]
᭙᭐
ᬭᬶᬳᬶᬦ᭄ᬗᬃᬤ᭄ᬥᬶ᭞ᬢᬦ᭄ᬯᬾᬦ᭄ᬢᭂᬦ᭄ᬳᬚᬶᬭᬶᬂᬚᬕᬢ᭄᭟᭜᭟ᬓᬦ᭄ᬢᬸᬦ᭄ᬳᬓᬾᬄᬭᬯᭀᬲᬂ᭞ᬧᬓᬃᬤ᭄ᬥᬶ᭠ᬦ᭄ᬳᬶᬤᬦᬾᬍᬯᬶᬄ᭞ᬫᬓᭀᬤᬶᬦ᭄ᬜᬲᬫᬸᬰ᭄ᬘᬬ᭞ᬲᬂᬅᬃᬚ᭄ᬚᬯᬕᭂᬮᬶᬲ᭄ᬜᬯᬸᬃ᭞ᬤᬸᬄᬳᬤᬶᬫ᭄ᬭᬾᬢ᭄ᬬᬗ
ᬬᬂ᭞ᬓᬸᬤᬳᬸᬲᬶᬮ᭄᭞ᬩᬲ᭄‌ᬗ᭄ᬮᬶᬯᬢ᭄ᬫᬦᬄᬳᬶᬤᬾᬯ᭟᭜᭟ᬢᬸᬯᬄᬚᬦ᭄ᬢᭀᬫᬲᬶᬄᬫᭂᬮᬄ᭞ᬤᭀᬢᬾᬧᬂᬲᬫᬶᬳᬸᬦᬶᬗᬶᬦ᭄᭞ᬦᬗ᭄ᬳᬶᬂᬦᬸᬩᬦ᭄ᬜᬫᭂᬮᬳᬦ᭄᭞ᬮ᭄ᬯᬶᬃᬫᭂᬢᬾᬓ᭄ᬓᬬᬸᬤᬶᬕᬸᬦᬸᬂ᭞
ᬲᭀᬓ᭄ᬳᬘᭂᬓᭂᬮ᭄‌ᬦ᭄ᬢᭀᬧᬂᬢᬯᬂ᭞ᬓᬬᬸᬦᬧᬶ᭞ᬫᬸᬯᬄᬳᬧᬕᬕᬸᬡᬦ᭄ᬜ᭟᭜᭟ᬩᬦ᭄ᬤᭀᬢ᭄ᬧᬂᬫᬓᭂᬚᬂᬢᬯᬂ᭞ᬧᭂᬢᬾᬓ᭄ᬩᬶᬬᬲᬾᬤᬶᬧᬲᬶᬄ᭞ᬳᬤᬦ᭄ᬓᬬᬸᬦᬾᬤᬶᬳᬮᬲ᭄᭞ᬢᬗ᭄ᬕᬸᬦ᭄ᬮᬗᬶ᭠
ᬢ᭄ᬦᬕᬶᬄᬚᬸᬚᬸᬄ᭞ᬳᬧᬄᬮᬓ᭄ᬱᬢᭀᬦ᭄ᬤᬾᬦ᭄ᬩᬓᬢ᭄᭞ᬩᬦ᭄ᬜᭂᬍᬳᬶᬦ᭄᭞ᬳᬗ᭄ᬓ᭄ᬬᬦᬾᬫ᭠ᬫᬮᬸᬯᬦ᭄ᬢᭂᬮᬄ᭟᭜᭟ᬫᬧᬦ᭄ᬲᭂᬓᭂᬦ᭄ᬲᬸᬩᬳᬤ᭞ᬧᬓᬃᬤ᭄ᬥᬶᬦ᭄ᬳᬶᬤᬦᬾᬍᬯᬶᬄ᭞ᬳᭂᬦ᭄ᬢᭀᬕᬸᬮᬶ
[᭙᭐ 90A]
ᬓ᭄ᬧᬮᬶᬂᬫᬮᬄ᭞ᬳᬗ᭄ᬕᬾᬦ᭄ᬥᬫᬃᬚ᭄ᬭᭀᬦᬶᬂᬳᬶᬤᬸᬧ᭄᭞ᬭᬾᬄᬳᬸᬮᬶᬓᬾᬢᭀᬜᬶᬤᬬᬂ᭞ᬲᭂᬓᬓᭂ᭠ᬤᬶᬓ᭄᭞ᬦᬶᬜ᭄ᬘᬧ᭄ᬢᬢᬸᬚᭀᬦ᭄ᬳᬸᬢ᭄ᬢᬫ᭟᭜᭟ᬚᬮᬦ᭄ᬚᬫᭀᬦ᭄ᬢᭀᬧᬗ᭄ᬓᭂᬤᬂ᭞ᬫᬦᬶᬬᬦ᭄ᬩᬸᬯᬶᬦ᭄ᬲᬫ᭄ᬩᬸᬗᬶᬦ᭄᭞ᬧᬂ
ᬢᭀᬂᬦᬸᬗ᭄ᬓᬓ᭄ᬓᬧᬶᬯ᭄ᬮᬲᬦ᭄᭞ᬫᬦᬄᬩᭂᬮᬶᬭᬶᬂᬳᬶᬬᬬᬸ᭞ᬧᬘᬂᬳᬢᭂᬳᬂᬳᬶᬤᬾᬯ᭞ᬫᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦᬂᬲᬗ᭄ᬲᬬ᭟᭜᭟ᬧᬂᬤᬓᬦ᭄ᬢᬶᬓᬢᭂᬗᭂᬭᬦ᭄᭞ᬢᭂᬗᬄᬚᬮᬦ᭄ᬢᬦ᭄ᬧᬲᬸᬦ᭄ᬤᬶᬄ᭞ᬤᬜᬕᭂᬃᬳᬶ
ᬓᬸᬦᬂᬓᬸᬦᬂ᭞ᬲᬂᬤ᭄ᬬᬄᬳᬮᭀᬦ᭄ᬫᬲᬯᬸᬃ᭞ᬥᬸᬄᬩᭂᬮᬶᬢᬶᬢ᭄ᬬᬂᬦᬯᭂᬕᬂ᭞ᬬᬾᬦᬶᬂᬫᬗ᭄ᬓᬶᬦ᭄᭞ᬩᭂᬮᬶ᭠ᬫᬗᬢᭂᬳᬶᬦ᭄ᬢᬶᬢ᭄ᬬᬂ᭟᭜᭟ᬯᭂᬮᬲᬾᬢᬦ᭄ᬫᬦᬸᬢ᭄ᬕᭂᬦᬄ᭞ᬳᬸᬦ᭄ᬢᭂᬂᬳᬢᬶᬦᬾᬦᬶᬤᭀᬗᬶᬦ᭄᭞ᬯᬶᬢ᭄ᬲᭂᬓᭂᬦ᭄ᬧᬸ
ᬦᬶᬓᬳᬶᬯᬂ᭞ᬳᬶᬲ᭄ᬢ᭄ᬭᬶᬚᬮᬶᬃᬗᬸᬦ᭄ᬤᬂᬓᬓᬸᬂ᭞ᬭᬶᬂᬤᬶᬚᬢᬶᬢ᭄ᬬᬂᬕᭂᬦᬳᬂ᭞ᬦᬓᬾᬮᬶᬗ᭄ᬲᬶᬃ᭞ᬩᭂᬲ᭄ᬦᬸᬕᬤ᭄ᬬᬲ᭄ᬢᬸᬢᬦ᭄ᬫᭂᬗ᭄ᬕᬄ᭟᭜᭟ᬲᬸᬓᬧᬤᭂᬫ᭄‌ᬬᬾᬦ᭄ᬩᬦ᭄ᬤᬶᬗᬂ᭞ᬧᬗ᭄ᬮᭂᬫᭂᬓ᭄ᬤᬗ᭄ᬮᭂᬄᬓᬶᬘᬾᬦᬶᬦ᭄᭞ᬦᬾᬫ᭄ᬮᬶᬓᬸᬢ᭄ [ 92 ][᭙᭐ 90B]
᭙᭑
ᬧᬸᬘᭂᬧᬗ᭄ᬭᬲ᭞ᬯᬶᬢ᭄ᬳᬶᬗᬾᬓᭂᬦᬶᬧᬸᬯᬸᬓ᭄᭞ᬫᬸᬫ᭄ᬧᬸᬂᬤᬸᬭᬸᬓᬮᬶᬯᬢᬦ᭄᭞ᬗᬶᬭᬶᬂᬩᭂᬮᬶ᭞ᬧᬶᬦᬳᬶᬦ᭄ᬤᬸᬫᬸᬦ᭄ᬧᬜ᭄ᬚᬗᬂ᭟᭜᭟ᬲᬅᬃᬚ᭄ᬚᬯᬓᭂᬜᭂᬫ᭄ᬦᬶᬫ᭄ᬩᬮ᭄᭞ᬳᬦᬾᬓᬾᬢᭀᬩᭂᬮᬶᬗᬃᬢ᭄ᬢᬶ᭞ᬲᬚᬫᬶᬗ᭄ᬓᬶᬦ᭄‌ᬬᬾᬦ᭄ᬮᬸᬄ᭠
ᬩᬚᬂ᭞ᬩᬗᭂᬢ᭄ᬳᬶᬧᬸᬦ᭄ᬓᬢᭀᬦ᭄ᬮᬸᬘᬸ᭞ᬢᬦ᭄ᬧᬶᬲᬦ᭄ᬫᬦᬸᬢᬶᬂᬓ᭄ᬭᬫ᭞ᬮᬸᬯᬲ᭄ᬫᬸᬮᬶᬄ᭞ᬬᬦ᭄ᬫᬳᬶᬓᬸᬢ᭄ᬳᬦᬓ᭄ᬮᬦᬂ᭟᭜᭟ᬬᬤᬂᬧᬂᬭᬸᬫ᭄‌ᬲᬂᬢ᭄ᬯᬲ᭄᭞ᬓᬾᬦ᭄ᬳᬸᬦ᭄ᬤᬸᬓᬾᬩᬸᬓᬚᬦᬶ᭞ᬢᬫ᭄ᬩᬶᬲ᭄ᬢᭂᬧᬾᬦ᭄ᬧᬢᬶᬪᬬ᭞ᬓᬾᬢᭀ
ᬮᬶᬬᬸᬩᬩᬓ᭄ᬲᭂᬩᬸᬄ᭞ᬳᭂᬦ᭄ᬢᭀᬫᬲᬶᬄᬤᬤᬶᬧᭂᬲᬦ᭄᭞ᬳᬗ᭄ᬕᭀᬦ᭄ᬪᬸᬓ᭄ᬢᬶ᭞ᬬᬤᬶᬓᬢᬶᬩᬾᬦ᭄ᬲᭂᬗ᭄ᬓᬮ᭄᭟᭜᭟ᬬᬤᬶᬢᭀᬂᬗᬓ᭄ᬱᬶᬦᬾᬢᬸᬦᬶᬬᬦ᭄᭞ᬤᬸᬓ᭄ᬳᬶᬭᬵᬓ᭄ᬱᬲᬗᭂᬜ᭄ᬚᬸᬳᬶᬦ᭄᭞ᬩᭂᬮᬶᬓᬮᬸᬂᬘᬮᬶᬂᬦᬕ᭞ᬲᬫ᭄ᬩᬶ
ᬮ᭄ᬓᬶᬲᬶᬓᬶᬲᬶᬫᬢᬸᬃ᭞ᬢᭀᬦᬾᬲᬢ᭄ᬫᬓᬤᬾᬯᬾᬓ᭄ᬜ᭞ᬩᬋᬂᬩᭂᬮᬶ᭞ᬓᭂᬫᬫᬳᬶᬧᭂᬢᭂᬂᬍᬫᬄ᭟᭜᭟ᬳᭂᬦ᭄ᬢᭀᬦᬾᬮᬓᬃᬳᬢᬸᬭᬂ᭞ᬳᬗ᭄ᬕᬾᬦ᭄ᬫᬓᬪᬸᬓ᭄ᬢᬶᬰᬓ᭄ᬱᬶ᭞ᬗᬸᬤ᭄ᬬᬂᬲᬾᬳᬶᬬᬚᬶᬧᬲ᭄ᬮᬂ᭞ᬚᬮᬦ᭄ᬩᬋᬂ
[᭙᭑ 91A]
ᬤᬶᬢᬸᬢᬸᬃ᭞ᬦᬶᬫᬾᬢ᭄ᬭ᭄ᬬᬚᭂᬕ᭄ᬫᬗ᭄ᬕᬸᬢᬦ᭄᭞ᬓᬮᬸᬤ᭄ᬲᬫ᭄ᬩᬶᬮ᭄᭞ᬭᬶᬂᬳᬢᬶᬢᭀᬂᬓᬬᬸᬦ᭄ᬧᬮᬲ᭄᭟᭜᭟ᬧᬫᬸᬧᬸᬢ᭄ᬤᬸᬭᬸᬲ᭄ᬓᬢᭂᬳᬂ᭞ᬤ᭄ᬬᬄᬫᬾᬢ᭄ᬭ᭄ᬬᬫᬢᬗᬶ᭞ᬦᬸᬮᬶᬬᬫᬢᬸᬃᬲᬹᬓ᭄ᬱ᭄ᬫᬵ᭞ᬭᬶᬂᬲᬂᬮᬕᬲ᭄ᬫᬢᭂᬢᬸᬮᬸᬂ᭞ᬢᬦ᭄ᬲᬸᬭᬸ
ᬤ᭄ᬦᬗ᭄ᬓᭂᬧᬶᬦ᭄ᬪᬬ᭞ᬲᬫ᭄ᬩᬶᬮ᭄‌ᬗ᭄ᬭᬭᬶᬲ᭄᭞ᬫᬭᬾᬭᭀᬤ᭄ᬳᬶᬤᬫᬫᬕ᭄ᬕ᭟᭜᭟ᬲᬂᬅᬃᬚ᭄ᬚᬯᬮ᭄ᬯᬶᬃᬜᬸᬫ᭄ᬧᬦ᭞ᬳᬦ᭄ᬢᬸᬓ᭄ᬢᭂᬫ᭄ᬩᬾᬦᬾᬫᬗ᭄ᬕᬶᬳᬶᬦ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬚᭂᬕᬾᬕ᭄ᬗᬬᬂ᭞ᬳᬍᬧ᭄ᬘᬘᬶᬗᬓᬾᬩᬮᬸᬢ᭄᭞ᬢᬃᬚ᭄ᬚᬦᬾᬗᬢᬶᬓ᭄ᬓᬸᬫᬸᬥᬵ᭞
ᬲᬸᬲᬸᬭᬸᬯᬶᬢ᭄᭞ᬗᬭᬸᬩᬸᬳᬂᬕᬶᬮᬶᬓᭂᬫ᭄ᬩᬃ᭟᭜᭟ᬲᬂᬅᬃᬚ᭄ᬚᬯᬭᬶᬂᬧᬸᬗ᭄ᬓᬸᬭ᭄᭞ᬗᬢᭂᬳᬶᬦ᭄ᬳᬮᭀᬦ᭄ᬫᬫᬃᬕ᭄ᬕᬶ᭞ᬭᬫ᭄ᬩᬸᬢ᭄ᬦᬶᬤ᭄ᬬᬄᬫᬾᬢ᭄ᬭ᭄ᬬᬾ᭞ᬓᬢᭀᬦ᭄ᬫᬕᬫ᭄ᬩᬳᬦ᭄ᬳᬢᬸᬩ᭄᭞ᬓᬤᬶᬕᬸᬍᬫ᭄ᬗᭂᬫᬸᬳᬚᬦ᭄᭞ᬫᭂᬓ᭄ᬫᭂᬓ᭄ᬭᬯᬶᬢ᭄
᭞ᬳᬗ᭄ᬕᬦ᭄ᬜᬫᭂᬭᭀᬲ᭄ᬗᬸᬭᬗ᭄ᬓ᭟᭜᭟ᬧᬚᬮᬦᬾᬫᬕᬫ᭄ᬧᬭᬦ᭄᭞ᬢᬬᬸᬗᬦᬾᬗᭂᬫ᭄ᬩᬢ᭄ᬫᬶᬭᬶᬂ᭞ᬩᬩᭀᬓᭀᬗᬦ᭄ᬫᬾᬃᬧᬾᬃᬧᬶᬲᬦ᭄᭞ᬲᬂᬅᬃᬚ᭄ᬚᬯᬲᬶᬬᬢ᭄ᬲᬶᬬᬸᬢ᭄᭞ᬢᬸᬮ᭄ᬬᬩᭂᬤᬓ᭄ᬓᬲᭂᬫᬭᬦ᭄᭞ᬓᬦ᭄ᬢᬶ᭠ [ 93 ][᭙᭑ 91B]
᭙᭒
ᬲᭂᬭᬶᬂ᭞ᬘᭀᬓᭀᬭᬾᬦᬜ᭄ᬚᬸᬂᬧᬭᬗᬦ᭄᭟᭜᭟ᬲᬂᬓᬢᬶᬩᬾᬦ᭄ᬧᬦᬄᬲ᭄ᬫᬭ᭞ᬤ᭄ᬬᬲ᭄ᬢᬸᬬᬸᬱᬦᬾᬯᬸᬲ᭄ᬮᬶᬗ᭄ᬲᬶᬃ᭞ᬢᬦ᭄ᬳᬾᬮᬶᬂᬭᬶᬂᬲᬫ᭄ᬧᬸᬦ᭄ᬧᬯᬄ᭞ᬭᬫ᭄ᬩᬸᬢᬾᬲᬬᬦ᭄ᬩᬭᬸᬦ᭄ᬩᬸᬦ᭄᭞ᬮᬶᬤᬳᬾᬘᬗ᭄ᬓᭂᬤ᭄ᬓᭂᬚᭀᬓᬦ᭄
᭞ᬗᭀᬫᭀᬂᬩᬮᬶ᭞ᬢ᭄ᬯᬭᬩᬶᬲᬳᬸᬮᬶᬂᬧᬶᬤᬦ᭄᭟᭜᭟ᬓᬾᬢᭀᬲᬂᬓᬲ᭄ᬫᬭᬢᬦ᭄ᬢ᭄ᬭ᭞ᬳᭂᬗ᭄ᬲᭂᬧ᭄‌ᬓᬾᬦ᭄ᬳᬗ᭄ᬓ᭄ᬬᬦᬾᬘᭂᬭᬶᬓ᭄᭞ᬬᬦᬶᬂᬲᬫ᭄ᬧᬸᬦ᭄ᬓᬓᬲᭀᬭᬂ᭞ᬧᬗ᭄ᬭᬸᬩᬾᬤᬦ᭄ᬲ᭄ᬫᬭᬮᬸᬮᬸᬢᬸ᭞ᬓᬮᬶᬂᬳᬶ᭠
ᬤᬲᬂᬳᬶᬤᬲᬂᬅᬃᬚ᭄ᬚᬯᬵ᭞ᬤᭀᬢᬦ᭄ᬓᬦᬶᬦ᭄᭞ᬬᬸᬱᬦᬾᬫᭂᬫ᭄ᬧᭂᬂᬩᬚᬗ᭟᭜᭟ᬚᬦ᭄ᬢᭀᬲ᭄ᬢᬦ᭄ᬳᬾᬮᬶᬂᬭᬶᬂᬮᬧ᭞ᬤᬸᬭᬸᬂᬗᬚᭂᬂᬲᬓᬶᬂᬢᬸᬦᬶ᭞ᬚᭂᬕ᭄ᬮᬶᬧ᭄ᬬᬫᬓᭂᬚᬂᬓᭂᬚᬂ᭞ᬭᭀᬭᭀᬤᬂᬲᬫᬭᬮᬸᬮᬸᬢ᭄᭞
ᬲᬗ᭄ᬓᬦ᭄ᬦᬤᬓ᭄ᬲᬂᬅᬃᬚ᭄ᬚᬯ᭞ᬧᭀᬗᬄᬚ᭄ᬯᬭᬶ᭞ᬦᬸᬦ᭄ᬤᬶᬓ᭄ᬫᬤ᭄ᬬᬦ᭄ᬦᬶᬫᬾᬢ᭄ᬭ᭄ᬬ᭟᭜᭟ᬓᬮᬶᬂᬦᬶᬤ᭄ᬬᬄᬫᬾᬢ᭄ᬭ᭄ᬬ᭞ᬓᬸᬤ᭄ᬬᬂᬧᬂᬢ᭄ᬯᬭᬧᬮᬶᬂ᭞ᬲᬓᬶᬂᬤᬸᬓ᭄ᬯᬯᬸᬦᬘᬶᬗᬓ᭄᭞ᬲᬂᬅᬃᬚ᭄ᬚᬯᬢᬸᬳᬸᬩᬕᬸᬲ᭄᭞ᬳ
[᭙᭒ 92A]
ᬗ᭄ᬕᬜᭂᬧᭂᬓ᭄ᬓᬤᬶᬕᬫ᭄ᬩᬃ᭞ᬗᬯᬾᬧᬮᬶᬂ᭞ᬤ᭄ᬬᬄᬫᬾᬢ᭄ᬭ᭄ᬬᬓᬲ᭄ᬫᬭᬦ᭄᭟᭜᭟ᬫᬧᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶᬧ᭄ᬭᬚ᭄ᬜᬦ᭄᭞ᬳᬸᬦᬶᬂᬫᬜᬭᬸᬯᬂᬧᬮᬶᬂ᭞ᬜᬶᬤᬬᬂᬗᭂᬫ᭄ᬓᭂᬫ᭄ᬳᬦ᭄ᬤ᭄ᬭ᭞ᬢᬳᬸᬭᬶᬂᬫᬭᬕᬳᭂᬮᬸᬄ᭞ᬓᬶ
ᬫᬸᬤ᭄‌ᬬᬾᬦ᭄ᬧᬤᬾᬓᬲᬫ᭄ᬩᬢ᭄᭞ᬧᭀᬗᬄᬚ᭄ᬯᬭᬶ᭞ᬗᬍᬫᭂᬲᬶᬦ᭄ᬳᬦᬓ᭄ᬮᬦᬂ᭟᭜᭟ᬤ᭄ᬯᬦᬶᬂᬲᬫ᭄ᬧᬸᬦ᭄ᬓᬭᬶᬳᬶᬦᬦ᭄᭞ᬲᬂᬓᬳᬾᬲ᭄ᬢᬶᬧᭀᬗᬄᬦᬸᬦ᭄ᬤᬶᬓ᭄᭞ᬲᬗ᭄ᬓᬦ᭄ᬕᬲᬾᬓ᭄ᬫᬢᭀᬮᬶᬳᬦ᭄᭞ᬤ᭄ᬬᬄᬫᬾ
ᬢ᭄ᬭ᭄ᬬᬫᬓᭂᬜᬸᬂ᭞ᬲᬂᬅᬃᬚ᭄ᬚᬯᬤᬲ᭄ᬫᬕᬸᬬᬂ᭞ᬦᬦᬳᬂᬲᬓᬶᬢ᭄᭞ᬓᬢᬸᬫ᭄ᬩᬓ᭄ᬩᬦ᭄ᬳᬮᬶᬲ᭄ᬜᬜᬶᬧ᭄᭟᭜᭟ᬬᬦ᭄ᬦᬧᬶᬓᬓᬧᭀᬓᬭᬫ᭄ᬩᬂ᭞ᬲᬧᬜ᭄ᬚᬂᬫᬃᬕ᭄ᬕᬶᬲᬂᬓᬮᬶᬄ᭞ᬓᬕᬾᬢ᭄‌‌ᬬᬫᬤᬦ᭄ᬤᬦ᭄ᬢᬗᬦ᭄᭞ᬫᬃᬕ᭄ᬕᬘᬸᬧᬶᬢ᭄ᬲᬶᬮ
ᬓ᭄ᬲᬶᬮᬸᬓ᭄᭞ᬫᬧᭀᬢᭂᬤᬸᬦ᭄ᬫᬧᭀᬫᬸᬗ᭄ᬕᬄ᭞ᬫᬮᬶᬄᬓᬵᬓ᭄ᬱᬶ᭞ᬲᬂᬓᬮᬶᬄᬗᬢᭂᬧᬂᬫᬸ᭟᭜᭟ᬢᬗᬦ᭄ᬳᬶᬤᬲᬂᬅᬃᬚ᭄ᬚᬯᬵ᭞ᬗᭂᬮᬸᬢ᭄ᬩᬳᬸᬲᬦᬾᬓᬾᬭᬶ᭞ᬦᬾᬓᬦᬦ᭄ᬭᬾᬧᭀᬢ᭄ᬕᬭᬸᬜᬫ᭄᭞ᬗᬤ [ 94 ][᭙᭒ 91]
᭙᭓
ᬩ᭄ᬦᬘᭂᬓᭀᬓ᭄ᬫᬚᬸᬚᬸᬮ᭄᭞ᬓᬕᬾᬢ᭄ᬫᬮᬶᬄᬬᬫᬫᬃᬕ᭄ᬕ᭞ᬲᬸᬦᬸᬢ᭄ᬦ᭄ᬭᬶᬧᬶᬃ᭞ᬢᬸᬃᬜᭂᬢ᭄ᬳᬳᬸᬩᬾᬫᬶᬬᬮᬂ᭟᭜᭟ᬫᬸᬯᬸᬄᬲᬫ᭄ᬧᬸᬦ᭄ᬗᬭᭀᬭᭀᬓᬂ᭞ᬢᬫ᭄ᬩᬶᬢ᭄ᬲᬸᬭᬸᬧ᭄ᬲᬂᬳ᭄ᬬᬂᬭᬯᬶ᭞ᬲᬸᬮᬶᬢ᭄ᬫᭂᬤᬲᬂ
ᬲᬂᬭᬸᬯ᭞ᬳᬶᬮᬶᬤᬶᬦ᭄ᬳᬸᬫ᭄ᬧᬸᬢ᭄ᬚᬭᬸᬚᬸ᭞ᬲᬗ᭄ᬓᬦ᭄ᬢ᭄ᬯᬭᬓᬲᬸᬭᬢᬂ᭞ᬫᬶᬦᬩ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬧᬤᬸᬓᬸᬳᬦ᭄᭟᭜᭟ᬧᬸᬧᬸᬄᬧᬸᬘᬸᬂ᭟᭜᭟ᬢᬦ᭄ᬓᬯᬸᬯᬸᬲ᭄᭞ᬳᬶᬦ᭄ᬤᬶᬓ᭄ᬲᬂᬅᬃᬚ᭄ᬚᬯᬤᬶᬢᬸ᭞ᬗᬢᭂᬄ
ᬦᬶᬫᬾᬢ᭄ᬭ᭄ᬬ᭞ᬫᬶᬦᬩ᭄ᬢᬦ᭄ᬲᬸᬯᬾᬢᬸᬫᬗ᭄ᬓᬶᬮ᭄᭞ᬭᬶᬂᬚ᭄ᬭᭀᬤᬸᬓᬸᬄ᭞ᬲᬗ᭄ᬓᬦ᭄ᬕᭂᬮᬶᬲ᭄ᬫᬮᬶᬄᬘᬶᬗᬓ᭄᭟᭜᭟ᬳᬶᬤᬫ᭄ᬯᬗ᭄ᬲᬸᬮ᭄᭞ᬲᬤᬗᬸᬦ᭄ᬢᬸᬮ᭄ᬓᭂᬲᬸᬮ᭄ᬓᭂᬲᬮ᭄᭞ᬓᬤᬶᬕᬕᬶᬲᭀᬦᬦ᭄᭞ᬧᬫᬃᬕ᭄ᬕᬶᬦᬾᬢᭂᬤᬸ
ᬦ᭄ᬓᬗᬶᬦ᭄᭞ᬳᬦ᭄ᬢᬸᬓ᭄ᬲᬫ᭄ᬧᬸᬦ᭄᭞ᬲᬸᬯᬾᬦᬶᬗ᭄ᬕᬮᬶᬦ᭄ᬧᬰ᭄ᬭᬫᬦ᭄᭟᭜᭟ᬚᬦ᭄ᬢᭀᬲ᭄ᬲᬫ᭄ᬧᬸᬦ᭄᭞ᬢᬸᬦᬲᬂᬳ᭄ᬬᬂᬭᬯᬶᬲᬸᬭᬸᬧ᭄᭞ᬧᭂᬢᭂᬗᬾᬫᬦᬶᬫ᭄ᬩᬮ᭄᭞ᬳᬕᭂᬢ᭄ᬩᬮᬦᬾᬗᬶᬮᭀᬦᬶᬦ᭄᭞ᬗᬸᬯᬸ᭠
[᭙᭓ 93A]
ᬩ᭄ᬕᬸᬦᬸᬂ᭞ᬳᬮᬲ᭄ᬧᬗ᭄ᬓᬸᬂᬋᬦᭂᬓ᭄ᬚᬭᬂ᭟᭜᭟ᬲᬗ᭄ᬓᬦ᭄ᬳᬮᬸᬄ᭞ᬲᬂᬲᬃᬚ᭄ᬚᬯᬦᬸᬮᬸᬄᬲᬸᬦᬸᬢ᭄᭞ᬤ᭄ᬬᬲ᭄ᬢᬸᬤᬳᬢ᭄ᬭᬸᬗ᭄ᬓ᭞ᬳᬸᬗ᭄ᬓᬸᬮᬶᬦ᭄ᬧᬶᬮᬄᬦᬭᬶᬧᬶᬂ᭞ᬳᬓᬄᬢᬭᬸ᭞ᬧᬲᭂᬮᬾᬗ᭄ᬓᬢ᭄ᬕᭂᬕᬢ᭄ᬫᬃᬕ᭄ᬕ᭟᭜᭟ᬫᬸᬯᬸᬄᬮᬶᬬᬸ᭞
ᬳᬯᬸᬩᬾᬗᬸᬗ᭄ᬓᬸᬮᬶᬦ᭄ᬭᬸᬭᬸᬂ᭞ᬳᬶᬤᬲᬂᬳ᭄ᬬᬂᬘᬦ᭄ᬤ᭄ᬭ᭞ᬢᬦ᭄ᬲᬶᬤ᭄ᬥᬩᬾᬢᬾᬮ᭄ᬜᬸᬦ᭄ᬤᬭᬶᬦ᭄᭞ᬓᬗ᭄ᬳᬶᬂᬓᬦ᭄ᬢᬸᬦ᭄᭞ᬕᬮᬗᬾᬫᬭᬯᬢ᭄ᬫᬢ᭄ᬭ᭟᭜᭟ᬲᬗ᭄ᬓᬦ᭄ᬦᭂᬭᬸᬲ᭄᭞ᬲᬂᬅᬃᬚ᭄ᬚᬯᬦᬸᬭᬸᬦ᭄ᬩᬸᬦᬸᬄ᭞ᬓᬧᬄᬫᬢᭀᬮᬶᬳᬦ᭄
᭞ᬜᬮᬶᬲ᭄ᬘᬶᬲ᭄ᬩᭀᬜ᭄ᬘᭀᬲ᭄ᬫᬫᬃᬕ᭄ᬕᬶ᭞ᬳᭂᬗ᭄ᬲᬧ᭄ᬫᬜ᭄ᬚᬸᬲ᭄᭞ᬳᬶᬤᬳᬶᬭᬶᬓᬭᬶᬂᬢᬸᬓᬤ᭄᭟᭜᭟ᬢᬸᬫ᭄ᬩᬾᬦ᭄ᬤᬶᬢᬸᬕᬸᬍᬫᬾᬚᭂᬫᬢ᭄ᬗᬮᬶᬗ᭄ᬓᬸᬂ᭞ᬓᬤᬶᬓᬳᬶᬮᭀᬦᬦ᭄᭞ᬲᬂᬓᬧᭂᬢᭂᬗᬦ᭄ᬭᬶᬂᬫᬃᬕ᭄ᬕᬶ᭞ᬩᭂᬘᬢ᭄ᬦᬫ᭄ᬩᬸᬂ᭞ᬢ᭄ᬯ
ᬭᬜᬓ᭄ᬦᭂᬓᭂᬧᬶᬦ᭄ᬩᬸᬮᬦ᭄᭟᭜᭟ᬲᬗ᭄ᬓᬦ᭄ᬤᭂᬓᬸᬲ᭄᭞ᬳᬶᬓᬸᬦᬂᬓᬸᬦᬂᬗᬮᬶᬗᬸᬲ᭄᭞ᬭᬾᬄᬳᬸᬓᬸᬄᬓᭂᬦᭂᬄᬦ᭄ᬬ᭞ᬢᭂᬮᬲ᭄ᬜᬸᬮᬸᬳᬶᬦ᭄ᬳᬩᬗ᭄ᬓᬶᬢ᭄᭞ᬦᭀᬳᭀᬲ᭄ᬗᬫ᭄ᬩᬸᬮ᭄᭞ᬓᬧᬗ᭄ᬓᬸᬗᬾᬗᬸᬬᭂᬂᬧ᭄ᬭᬦ᭄ᬧᬓ᭄ [ 95 ][᭙᭓ 93B]
᭙᭔
᭟᭜᭟ᬓᬬᬂᬤᬫᬸᬄ᭞ᬩᬸᬯᬸᬂᬳᬸᬮᬸᬂᬦᭂᬧᬾᬦ᭄ᬢᬸᬦ᭄ᬤᬸᬦ᭄᭞ᬭᬾᬄᬲᬫ᭄ᬧᬸᬦ᭄ᬚᭀᬄᬲᬯᬢ᭄᭞ᬲᭂᬫ᭄ᬩᬸᬃᬧᬸᬗ᭄ᬲᬂᬧᬗ᭄ᬲᬶᬂᬳᬗᬶᬦ᭄᭞ᬤᬤᭀᬲ᭄ᬳᬦ᭄ᬤᬸᬲ᭄᭞ᬢᬦ᭄ᬩᬗᭂᬢ᭄ᬫᭂᬮᬸᬲᬶᬦ᭄ᬳᬶᬤ᭟᭜᭟ᬦᬗ᭄ᬳᬶᬂᬮᬶᬬᬸ᭞ᬦᬾᬳᬸᬮᬸᬂᬫᬦᭂᬧᬾ
ᬦ᭄ᬤᬸᬳᬸᬃ᭞ᬳᬶᬤᬲᬂᬅᬃᬚ᭄ᬚᬯ᭞ᬘᬭᬂᬢᬭᬸᬳᬮᬶᬢᬮᬶᬢ᭄᭞ᬦᬾᬲᬫ᭄ᬧᬸᬦ᭄ᬢᬸᬄ᭞ᬳᬗᬶᬦᬾᬜᬋᬢ᭄ᬗᭂᬫ᭄ᬧᬓᬂ᭟᭜᭟ᬦᬗ᭄ᬳᬶᬂᬳᬶᬓᬸ᭞ᬢᬦ᭄ᬗᬯᬾᬲᬂᬩᬕᬸᬲ᭄ᬲᬦ᭄ᬢᬸᬮ᭄᭞ᬫᬶᬬᬮᬂᬭᬶᬂᬫᬃᬕ᭄ᬕ᭞ᬧᬸᬧᬸᬢ᭄ᬗᭂᬲᭂᬃᬫᭂᬦᬾᬓ᭄ᬓ
ᬗᬶᬦ᭄᭞ᬯᬾᬦ᭄ᬢᭂᬦ᭄ᬳᬸᬓᬸᬤ᭄᭞ᬦᬾᬜᬸᬭ᭄ᬬᬓᬶᬦ᭄ᬲᬂᬅᬚ᭄ᬚᬯ᭟᭜᭟ᬯᬦ᭄ᬢᬄᬳᬶᬧᬸᬦ᭄᭞ᬦᬾᬓᬲᬸᬩ᭄ᬩᬶᬚᬮ᭄ᬭᬶᬂᬕᬸᬦᬸᬂ᭞ᬳᬶᬓᭂᬤᬶᬲ᭄ᬓᬋᬓ᭄ᬯᬓ᭄᭞ᬚᭂᬕ᭄ᬓᭂᬤᬾᬓ᭄ᬫᬫᬸᬗ᭄ᬓᬓ᭄ᬫᬗ᭄ᬓᬶᬓ᭄᭞ᬬᬭᬶᬂᬳᬸᬫ᭄ᬧᬸᬢ᭄᭞ᬳᬕᬾᬢ᭄ᬮᬶ
ᬬᬸᬗᭂᬢᬭᬬᬂ᭟᭜᭟ᬢᭀᬳᬶᬬᭂᬗ᭄ᬕᬸᬂ᭞ᬳᬶᬓᬢᬓ᭄ᬤᭀᬗ᭄ᬓᬂᬭᬶᬂᬧᬗ᭄ᬓᬸᬂ᭞ᬲᬫᬶᬧᬥᬕᬮᬓ᭄᭞ᬳᬤᬦᬕᬶᬄᬗᭂᬳᭂᬢ᭄ᬓᬶᬓᬶᬮ᭄᭞ᬗᭀᬭᭀᬓ᭄ᬦᬶᬫ᭄ᬩᬂ᭞ᬳᬤᬦᬕᬶᬄᬦᬕ᭄ᬤᬕ᭄ᬩᬲᬂ᭟᭜᭟ᬢᬸᬫ᭄ᬩᬾᬦ᭄ᬫᬶ
[᭙᭔ 94A]
ᬮᬸ᭞ᬓᬬᬂᬳᬶᬩᬸᬯᬄᬲᭂᬦ᭄ᬢᬸᬮᬸ᭞ᬗᬸᬤᬗᬸᬤᬳᬳᬲ᭄᭞ᬫᬦᭂᬧᬾᬦ᭄ᬢᭂᬦ᭄ᬤᬲ᭄ᬳᬶᬓᭂᬤᬶᬲ᭄᭞ᬜᬓ᭄ᬳᬶᬧᬸᬦ᭄᭞ᬘᬭᬕᭂᬤᭂᬕ᭄ᬳᬸᬮᬶᬂᬢᬸᬦ᭄ᬬᬦ᭄᭟᭜᭟ᬢ᭄ᬯᬭᬦᬳᬸ᭞ᬦᬶᬗᭂᬄᬓᭂᬤᬾᬓ᭄ᬢᬦ᭄ᬧᬳᬸᬦ᭄ᬤᬓ᭄᭞ᬲᬸᬩᬢᬯᬂᬳᬦ
ᬓ᭄᭞ᬩᭀᬜ᭄ᬘᭀᬲ᭄ᬢᬸᬃᬫᬲᭂᬩᭂᬚᭂᬗᬶᬲ᭄᭞ᬫᬲᬶᬄᬧᬬᬸ᭞ᬓᭂᬤᬾᬓ᭄ᬢᬸᬮᬾᬦ᭄ᬗᬯᬾᬚᭂᬗᬄ᭟᭜᭟ᬫᬗ᭄ᬓᬶᬦ᭄ᬳᬶᬧᬸᬦ᭄᭞ᬳᬶᬓᭂᬋᬓ᭄ᬯᬓ᭄ᬲᬸᬯᬸᬤ᭄ᬳᬸᬬᬸᬢ᭄᭞ᬚᭂᬕ᭄ᬲᬶᬬᭂᬧ᭄ᬘᬶᬧᭀᬓᬦ᭄᭞ᬗᬢᭀᬕᭀᬭᬂᬦᬳᬦᬂᬲᬓᬶᬢ᭄
᭞ᬢᭂᬧᬾᬦ᭄ᬲᭂᬦ᭄ᬢᬸᬮ᭄᭞ᬢᭂᬦ᭄ᬤᬲ᭄ᬳᬶᬧᬸᬦ᭄ᬗᬘᭀᬘᭀᬮᬂ᭟᭜᭟ᬓᬾᬢᭀᬢᬸᬳᬸ᭞ᬲᬓᬜ᭄ᬭᬦ᭄ᬩᬸᬭᭀᬦᬾᬤᬶᬢᬸ᭞ᬯᬾᬳ᭄ᬢᭂᬦ᭄ᬓᬤᬶᬩᬶᬚᬮ᭄᭞ᬯᬾᬦ᭄ᬢᭂᬦ᭄ᬲᬓᬤᬶᬗᬶᬮᭀᬦᬶᬦ᭄᭞ᬲᬂᬳᬩᬕᬸᬲ᭄᭞ᬦᬗ᭄ᬳᬶᬂᬳᬶᬤᬲᬂᬅᬃᬚ᭄ᬚ
ᬯ᭟᭜᭟ᬢ᭄ᬯᬭᬭᬸᬗᬸ᭞ᬭᬶᬂᬓᬯᬾᬦ᭄ᬢᭂᬦᬦ᭄ᬜᬤᬶᬢᬸ᭞ᬩᬸᬭᭀᬦᬾᬫᬓᭂᬚᬂ᭞ᬤ᭄ᬯᬦᬶᬂᬓᬤᬸᬓ᭄ᬫᬶᬓᬬᬸᬦᬶᬦ᭄᭞ᬲᬸᬯᬾᬲᬫ᭄ᬧᬸᬦ᭄᭞ᬫᬢᬶᬗ᭄ᬕᬮ᭄ᬲᬓᬶᬂᬧᬰ᭄ᬭᬫᬦ᭄᭟᭜᭟ᬚᬦ᭄ᬢᭀᬲ᭄ᬮᬗ᭄ᬓᬸᬂ᭞ᬓ᭄ᬭᬲᬬᬂᬯᭂᬗᬶᬦᬾᬤᬶᬢᬸ᭞ᬢ [ 96 ][᭙᭔ 94B]
᭙᭕
ᬍᬃᬤᬸᬭᬸᬂᬦᬧᬓ᭄᭞ᬭᬶᬂᬧᬰ᭄ᬭᬫᬦ᭄ᬭᬯᬸᬄᬫᬗ᭄ᬓᬶᬦ᭄᭞ᬳᬶᬤᬲᬂᬫ᭄ᬧᬸ᭞ᬫᬦᬯᬶᬲᬫ᭄ᬧᬸᬦ᭄ᬫᬸᬮᬶᬲᬄ᭟᭜᭟ᬲᬶᬦᬄᬲᬫ᭄ᬧᬸᬦ᭄᭞ᬓᬧᬃᬡ᭄ᬦᬳᬦ᭄ᬢᬸᬓ᭄ᬥᬂᬕᬸᬭᬸ᭞ᬳᬶᬤᬾᬯᬾᬓ᭄ᬲᬗ᭄ᬓᬮ᭞ᬗᬦ᭄ᬢᬸᬫ᭄ᬩᬾᬦ᭄ᬓᭂᬓᬮᬶᬚᬦᬶ᭞ᬢ᭄ᬯᬭᬭ
ᬯᬸᬄ᭞ᬤᬾᬯᬾᬓᬾᬓᬧᬰ᭄ᬭᬫᬦ᭄᭟᭜᭟ᬩᬶᬮᬶᬄᬤᬶᬢᬸ᭞ᬓᬢᬃᬓ᭄ᬓᬳᬦ᭄ᬢᬸᬓ᭄ᬥᬂᬕᬸᬭᬸ᭞ᬗᬫ᭄ᬩᬸᬮ᭄ᬢᬦ᭄ᬧᬲᬗ᭄ᬓᬦ᭄᭞ᬦᬤᬓ᭄ᬫᬶᬗ᭄ᬕᬢ᭄ᬢᬦ᭄ᬧᬳᬶᬦ᭄ᬤᬶᬓ᭄᭞ᬢᬸᬫ᭄ᬩᬾᬦ᭄ᬧᬸᬭᬸᬦ᭄᭞ᬤᬾᬯᬾᬓᬾᬓᬾᬲᬄᬢᭀᬂᬗᭀᬃᬢ᭄ᬢ᭟
᭐᭟ᬬᬦᬶᬂᬲᬫ᭄ᬧᬸᬦ᭄᭞ᬦᬧᬓ᭄ᬭᬶᬂᬧᬰ᭄ᬭᬫᬦ᭄ᬮᬳᬸᬢ᭄᭞ᬲᬶᬦᬄᬓᬢᬓᬾᬦᬦ᭄᭞ᬭᬶᬂᬳᬶᬤᬳᬦᬓᬾᬮᬶᬗ᭄ᬲᬶᬃ᭞ᬳᬧᬩᬕᬸᬲ᭄᭞ᬦᬾᬗᬯᬶᬦᬂᬫᬭᬢᭂᬓ᭟᭜᭟ᬬᬾᬦ᭄ᬫᬲᬯᬸᬃ᭞ᬲᬚᬳᬮᬸᬄᬗᬮᬓ᭄ᬗᬶᬮᬸᬓ᭄᭞ᬮ
ᬬᬄᬢᬦ᭄ᬧᬢᬸᬮᬂ᭞ᬤ᭄ᬬᬲ᭄ᬢᬸᬳᬢᬸᬭᬂᬢᬸᬦᬶ᭞ᬲᬤ᭄ᬬᬫᬗ᭄ᬕᬸᬄ᭞ᬲᬂᬳ᭄ᬬᬂᬲᬗ᭄ᬓᬭᬭᬶᬂᬳᬬᬲ᭄᭟᭜᭟ᬢᬶᬢ᭄ᬬᬂᬭᬢᬸ᭞ᬓᬳᬶᬘᬾᬦ᭄ᬧᬯᬶᬲᬶᬓ᭄ᬳᬬᬸ᭞ᬯᬸᬲ᭄ᬳᬶᬤᬗᬦ᭄ᬤᬶᬓ᭞ᬢᬦ᭄ᬧᬫᭂᬗᬦ᭄ᬢᬦ᭄ᬧᬯᬗ᭄ᬲᬶᬢ᭄᭞ᬮᬸᬢ᭄ᬓᬲ
[᭙᭕ 95A]
ᬳᬸᬧ᭄᭞ᬳᬗ᭄ᬕᬦᬢᬶᬢ᭄ᬬᬂᬓᬓᭂᬩᭂᬭᬂ᭟᭜᭟ᬩᭂᬘᬢ᭄ᬫᬩᬸᬃ᭞ᬲᬶᬓᬶᬬᬦ᭄ᬢᬶᬢ᭄ᬬᬗᬾᬓᬧᬸᬦ᭄ᬤᬸᬢ᭄᭞ᬮᬗ᭄ᬓᬸᬂᬓᬧᬶᬧᬶᬮᬦ᭄᭞ᬢᬶᬢ᭄ᬬᬂᬯᭀᬂᬲᬶᬤ᭄ᬥᬫᬫᬸᬜᬶ᭞ᬦᬗ᭄ᬳᬶᬂᬦᬳᬸ᭞ᬢᬦ᭄ᬧᬓᬫ᭄ᬧᬶᬤ᭄ᬩᬶᬲᬗᬶᬦ᭄ᬤᬂ᭟᭜᭟ᬳᬦ᭄ᬢᬸᬓ᭄ᬮ
ᬗ᭄ᬓᬸᬂ᭞ᬦᬢᬶᬢᬾᬳᬶᬤᬫᬓᭂᬩᬸᬃ᭞ᬲᬓᭂᬤᬧ᭄ᬢᬸᬫᬶᬩ᭞ᬭᬶᬂᬰᬶᬯᬪᬸᬯᬦᬧᬸᬭᬶ᭞ᬳᬗᭀᬩ᭄ᬤᬶᬢᬸ᭞ᬭᬾᬄᬲᬶᬂᬓᬢᭀᬦ᭄ᬲᬫᬶᬓᬫ᭄ᬩᬂ᭟᭜᭟ᬤᬯᭂᬕ᭄ᬤᬶᬢᬸ᭞ᬢᬶᬢ᭄ᬬᬂᬢᬦ᭄ᬫᬭᬲᬲᭂᬤᬸᬓ᭄᭞ᬩᭂᬮᬶᬦᬾᬗᬯᬶᬦᬂ
ᬓᬵᬮᬗᭂᬦᬾᬗᭂᬩᭂᬓ᭄ᬳᬢᬶ᭞ᬭᬲᬤᬶᬢᬸ᭞ᬢ᭄ᬯᬭᬳᬤᬫᬤᬦ᭄ᬤᬸᬄᬓ᭟᭜᭟ᬲᬦᬾᬮᬗ᭄ᬓᬸᬂ᭞ᬗᬃᬤ᭄ᬥᬶᬫᬦᬄᬢᬶᬢ᭄ᬬᬂᬩᬶᬗᬸᬂ᭞ᬤᬸᬓ᭄ᬢᬢ᭄ᬬᬂᬳᬶᬭᬶᬓᬵ᭞ᬢᭂᬓᬦᬤᬓ᭄ᬢᭂᬓᬳᬶᬬᬶᬂ᭞ᬲᬗ᭄ᬓᬦ᭄ᬧᬬᬸ᭞ᬭᬶᬂᬧᬸ
ᬬᬸᬗᬾᬫᬲ᭄ᬮᬾᬧᭀᬳᬦ᭄᭟᭜᭟ᬫᬶᬦᬩ᭄ᬲᬫ᭄ᬧᬸᬦ᭄᭞ᬳᬗ᭄ᬕᬦᬢᬶᬢ᭄ᬬᬗᬾᬓᬧᬲ᭄ᬢᬸ᭞ᬭᬶᬂᬳᬶᬤᬳ᭄ᬬᬂᬰᬶᬯᬵ᭞ᬲᬗ᭄ᬓᬦ᭄ᬩᬶᬲᬘᬭᬳᬗᬶᬦ᭄᭞ᬢ᭄ᬯᬭᬢᬸᬬᬸᬄ᭞ᬓᭂᬫᬫᬳᬶᬫᬢᬶᬦ᭄ᬤᬓᬦ᭄᭟᭜᭟ [ 97 ][᭙᭕ 95B]
᭙᭖
ᬯᬦ᭄ᬢᬄᬓᬬᬸ᭞ᬳᬗ᭄ᬕᬾᬦ᭄ᬓᭂᬫᬫᬳᬶᬭᬢᬸ᭞ᬚᭂᬕ᭄ᬜᬓ᭄ᬗᬫ᭄ᬭᬶᬓᬬᬂ᭞ᬯᬸᬲ᭄ᬤᬶᬢᬸᬫᬓᭂᬦᭂᬄᬦᭂᬗᬶᬮ᭄᭞ᬚᭂᬕ᭄ᬫᬶᬢᬸᬭᬸᬢ᭄᭞ᬳᬯᬓᬾᬢᭀᬂᬫᬓ᭄ᬮᬶᬲᬶᬓᬦ᭄᭟᭜᭟ᬲᭂᬤᭂᬓ᭄ᬦᬳᬸ᭞ᬭᬶᬂᬧᬸᬬᬸᬗᬾᬕᬜ᭄ᬚᬸᬂᬕᬜ᭄ᬚᬸᬂ
᭞ᬓᬕᬾᬢ᭄ᬯᬾᬦ᭄ᬢᭂᬦ᭄ᬘᬶᬗᬓ᭄᭞ᬤᬾᬯᬫᬪᬸᬱᬡᬧᬸᬢᬶᬄ᭞ᬗᬗ᭄ᬕᬃᬩ᭄ᬮᬶᬬᬸᬂ᭞ᬗᬫᬭᬦᬶᬦ᭄ᬳᬗ᭄ᬕᬦ᭄ᬢᬶᬢ᭄ᬬᬂ᭟᭜᭟ᬢᬦ᭄ᬧᬯᬸᬯᬸᬲ᭄᭞ᬢᬶᬢ᭄ᬬᬂᬓᬢᬶᬜ᭄ᬚᬓ᭄ᬜᬭᬸᬬᬸᬂ᭞ᬧᬫᬸᬧᬸᬢ᭄ᬗᬦ᭄ᬢᬾᬯᬂ᭞ᬦᬗ᭄ᬳᬶᬂᬓᬦ᭄ᬢᬸᬦ᭄ᬫ᭄ᬭᬲᬳᬶᬬᬶᬂ
ᬓᬤᬶᬓᬧᬸᬓ᭄᭞ᬲᬗ᭄ᬓᬦ᭄ᬳᬸᬮᬸᬗᬾᬧᬢ᭄ᬮᬦᬦ᭄᭟᭜᭟ᬜᬓ᭄ᬳᬸᬮᬸᬂᬩᭂᬦᭂᬂᬭᬶᬂᬕᭂᬦᬳᬾᬤᬸᬫᬸᬦ᭄᭞ᬤᬸᬓ᭄ᬫᬗ᭄ᬕᬶᬄᬳ᭄ᬬᬂᬰᬶᬯ᭞ᬲᬫᬸᬦᬶᬓᬵᬫᬗ᭄ᬤᬳᬸᬦᬶᬂ᭞ᬳᬗ᭄ᬕᬦ᭄ᬭᬢᬸ᭞ᬲᬗ᭄ᬓᬦ᭄ᬯᬯᬸᬢᬶᬢ᭄ᬬᬂᬧ᭄ᬭᬧ᭄ᬢ᭟᭜᭟
ᬳᭂᬗ᭄ᬲᬧ᭄ᬮᬫ᭄ᬧᬸᬲ᭄᭞ᬫᬗᭂᬧᬸᬲ᭄ᬩᬶᬦ᭄ᬢᬂᬳᬩᬸᬗ᭄ᬓᬸᬮ᭄᭞ᬥᬫᬃᬢᬦ᭄ᬧᬫᬶᬜᬓ᭄᭞ᬩᬓ᭄ᬢᬫᬦ᭄ᬢᬸᬓ᭄ᬫᬓᬪᬸᬓ᭄ᬢᬶ᭞ᬘᬶᬳ᭄ᬦᬢᬸᬳᬸ᭞ᬢᬶᬢ᭄ᬬᬂᬧᭀᬮᬶᬄᬓᬲ᭄ᬯᬃᬕ᭄ᬕᬦ᭄᭟᭜᭟ᬬᬦ᭄ᬲᬳᬶᬓᬸ᭞ᬳᬢᬸᬭᬂᬫᬭᬶᬂᬥᬵᬂ
[᭙᭖ 96A]
ᬕᬸᬭᬸ᭞ᬧᬤᬾᬓᬢᬓᭀᬦᬦ᭄᭞ᬓᬤᬸᬂᬓᬾᬩᬸᬯᬶᬦ᭄ᬬᬸᬯᬸᬳᬶᬦ᭄᭞ᬢ᭄ᬯᬭᬓᬾᬗ᭄ᬕᬸᬄ᭞ᬗ᭄ᬳᬶᬂᬧᬂᬬᬸᬓ᭄ᬢᬶᬳᬶᬤᬗᭂᬕ᭟᭜᭟ᬢᭀᬦᬾᬓᬾᬯᬸᬄ᭞ᬗᬶᬢᬸᬗᬂᬚ᭄ᬭᭀᬦᬶᬂᬓᬬᬸᬦ᭄᭞ᬭᬾᬄᬧᬲᬯᬸᬩᭀᬩᬩ᭄᭞ᬚᬢ᭄ᬮᭂᬗᬸ
ᬢ᭄ᬦᬸᬫ᭄ᬭᬢᬢ᭄ᬮᭂᬗᬶᬢ᭄᭞ᬤᬾᬯᬭᬸ᭞ᬗ᭄ᬭᭀᬤᭀᬓ᭄‌ᬧᭀᬮᭀᬦᬾᬗᭂᬦᭂᬳᬂ᭟᭜᭟ᬫᬶᬫ᭄ᬩᬸᬄᬓᬮᬸᬤ᭄᭞ᬳᬶᬦ᭄ᬤᬶᬓᬾᬫᬢᬸᬃᬧᬜᬸᬫᬸ᭞ᬫᬯᭀᬲᬂᬳ᭄ᬬᬂᬰᬶᬯᬵ᭞ᬮᬾᬤᬂᬫᬂᬘᬬᬂᬧᬯᬶᬲᬶᬓ᭄᭞ᬧ
ᬤᬤᬶᬢᬸ᭞ᬥᬂᬕᬸᬭᬸᬂᬳᬶᬮᬶᬂᬜᬸᬚᬢᬂ᭟᭜᭟ᬓᬾᬦ᭄ᬓᬾᬦ᭄ᬩᬕᬸᬲ᭄᭞ᬧᬯᬶᬲᬶᬓ᭄ᬪᬝᬭᬕᬸᬭᬸ᭞ᬓᬾᬦ᭄ᬓᬾᬦ᭄ᬩᬦ᭄ᬗᬢᬸᬭᬂ᭞ᬤᬬᬦᬾᬲᬬᬦ᭄ᬫᬍᬕᬶᬂ᭞ᬢ᭄ᬯᬭᬩᬸᬯᬸᬂ᭞ᬩᭀᬩᬩᬾᬧᬢᬸᬄᬭᬶᬂᬫᭀᬓᬓ᭄᭞
᭟᭜᭟ᬗᬸᬤ᭄ᬬᬂᬮᬶᬬᬸ᭞ᬩᬳᬦ᭄ᬗᬭᬕ᭄ᬭᬕ᭄ᬧᬲᬯᬸᬃ᭞ᬢᬶᬤᭀᬂᬢᬶᬤᭀᬂᬭᬫ᭄ᬩᬂ᭞ᬢᬢᭂᬭᬗᬦ᭄ᬧᬮᬶᬂᬩᭂᬘᬶᬓ᭄᭞ᬧᬮᬶᬂᬧᬢᬸᬢ᭄᭞ᬳᬢᬸᬭᬂᬳᬶᬦ᭄ᬤᬶᬓᬾᬢᬸᬦ᭄ᬬᬦ᭄᭟᭜᭟ᬕ᭄ᬮᬶᬲᬶᬂᬯᬸᬯᬸᬲ᭄᭞ᬳᬶᬤᬓᬕᬾᬢ᭄ᬢᬶ [ 98 ][᭙᭖ 96B]
᭙᭗
ᬩᬲᬫ᭄ᬧᬸᬦ᭄᭞ᬭᬶᬂᬚᬩᬦ᭄ᬧᬰ᭄ᬭᬫᬦ᭄᭞ᬧᬫᬃᬕ᭄ᬕᬶᬤᬦᬾᬗᬶᬕᬶᬂ᭞ᬓᭂᬢᬸᬕ᭄ᬓᭂᬢᬸᬕ᭄᭞ᬳᬮᬸᬦ᭄ᬳᬗᭂᬦ᭄ᬲᬂᬅᬃᬚ᭄ᬚᬯ᭟᭜᭟ᬦᬗ᭄ᬲᭂᬄᬗ᭄ᬮᬦ᭄ᬢᬸᬃ᭞ᬦᬸᬜ᭄ᬘᬧ᭄ᬳᬸᬦ᭄ᬤᬕ᭄ᬦᭂᬧᬓ᭄ᬳᭂᬦ᭄ᬢᬸᬤ᭄᭞ᬲᬬᬦ᭄ᬗᬫᬸᬗ᭄ᬕᬳᬂ᭞ᬳ
ᬫ᭄ᬩᬾᬦ᭄ᬧᬰ᭄ᬭᬫᬦᬾᬓᬵᬓ᭄ᬱᬂ᭞ᬩ᭄ᬬᬄᬢᬗ᭄ᬓᭂᬚᬸᬢ᭄᭞ᬲᬂᬅᬃᬚ᭄ᬚᬯᬵᬫᬗᬯᬲᬂ᭟᭜᭟ᬭᬾᬄᬲᬂᬯᬶᬓᬸ᭞ᬓᬤᬶᬢᬦ᭄ᬳᭀᬲᬄᬭᬶᬂᬓᬬᬸᬦ᭄᭞ᬤᬸᬳᬸᬃᬩᬢᬸᬮᬸᬫ᭄ᬩᬂ᭞ᬫᬮᬶᬗ᭄ᬕᬶᬄᬲᬫ᭄ᬩᬶᬮ᭄ᬗᬮᬶᬂᬮᬶᬂ᭞ᬧᬗ᭄ᬭᬸᬧᬓ᭄ᬳ
ᬮᬸᬲ᭄᭞ᬲᬳᬵᬗᬸᬧᬓ᭄ᬧᬘᬓᭂᬧᬦ᭄᭟᭜᭟ᬦᬸᬮᬶᬗ᭄ᬮᬦ᭄ᬢᬸᬃ᭞ᬗᬯᬘᬾᬳ᭄ᬳᬶᬤᬲᬂᬯᬶᬓᬸ᭞ᬓᬓᬯᬶᬬᬦ᭄ᬪᭀᬫ᭞ᬯᬶᬭᬫᬦ᭄ᬳᬶᬤᬗᬗᭀᬩᬶᬦ᭄᭞ᬧᬸᬄᬓᬶᬮᬬᬸ᭞ᬓᬯᬘᬾᬦ᭄ᬫᬥᬫᬃᬩᬸᬮᬦ᭄᭟
᭐᭟ᬋᬂᬜᬋᬫ᭄ᬧᬸᬄ᭞ᬢᬸᬮ᭄ᬬᬢᬶᬢᬶᬭᬦ᭄ᬗᭂᬢᭂᬗ᭄ᬓᬸᬂ᭞ᬬᬤ᭄ᬬᬲ᭄ᬢᬸᬦ᭄ᬭᬶᬂᬤᬶᬚ᭞ᬭᬸᬭᬸᬳᬂᬢᬦ᭄ᬧᭀᬮᬶᬄᬱᬳᬶᬄ᭞ᬯᬗ᭄ᬤᬾᬓᬲᬸᬩ᭄᭞ᬳᬶᬓᬶᬸᬢᬸᬓᬂᬕᭂᬦ᭄ᬤᬶᬂᬚᭂᬫ᭄ᬩ᭄ᬭᬡ᭟᭜᭟ᬘᬧ᭄ᬮᭀᬓ᭄ᬩᬶᬗᬸᬂ᭞ᬲᬂᬅᬃᬚ᭄ᬚᬯᬵᬫᬧᬶᬓᬬᬸ
[᭙᭗ 97A]
ᬦ᭄᭞ᬭᬶᬂᬲ᭄ᬧᬶᬂᬧᬫᭂᬤᬮ᭄᭞ᬗᬬᬸᬦᬂᬓᬬᬸᬦ᭄ᬲᬂᬋᬱᬶ᭞ᬦᬧᬶᬩᭂᬦ᭄ᬤᬸ᭞ᬧᬮᬸᬗ᭄ᬕᬸᬄᬳᬶᬤᬦᬧᬶᬢᬦ᭄᭟᭜᭟ᬚᬯᬢ᭄ᬲᬫ᭄ᬧᬸᬦ᭄᭞ᬗᭂᬦ᭄ᬤᬓᬂᬭᬸᬦ᭄ᬢᬕ᭄ᬲᬂᬩᬕᬸᬲ᭄᭞ᬦᬗ᭄ᬳᬶᬂᬓᬦ᭄ᬢᬸᬦ᭄ᬲᬮᬂ᭞ᬭᬶᬂᬫᬸᬮᬭᬕᬦ᭄ᬲᬂᬯ
ᬕ᭄ᬫᬶ᭞ᬧ᭄ᬭᬚ᭄ᬜᬦ᭄ᬮᬗ᭄ᬓᬸᬂ᭞ᬜᬭᬸᬯᬂᬤᬸᬄᬓᬶᬢᬦ᭄ᬫᬦᬄ᭟᭜᭟ᬳᬤᬳᬸᬦ᭄ᬤᬸᬓ᭄᭞ᬦᬾᬧᬦ᭄ᬢᭂᬲ᭄ᬗᬯᬶᬦᬂᬩᭂᬦ᭄ᬤᬸ᭞ᬬᬂᬭᬶᬂᬲᬗᬢᬧ᭞ᬫᬗ᭄ᬕᭂᬄᬫᬲᬫᬶᬢᬓᭂᬜᬶᬂ᭞ᬜᬫ᭄ᬩᬶᬮ᭄ᬳᬮᬸᬲ᭄᭞ᬧᬫᭂᬤᬮ᭄ᬯᬘᬦᬦ᭄ᬳᬶᬤ᭠
᭟᭜᭟ᬲᬫ᭄ᬧᬸᬦ᭄ᬮᬗ᭄ᬓᬸᬂ᭞ᬓᬮᬶᬄᬢᬳᬸᬦ᭄ᬤᬶᬦᬶᬗᬸᬩᬸ᭞ᬗᬶᬭᬶᬂᬲᬂᬧᬡ᭄ᬥᬶᬢ᭞ᬫᬩᬜ᭄ᬚᬭᬦ᭄ᬗᬚᬓ᭄ᬲᭂᬧᬶ᭞ᬳᬲ᭄ᬮᭂᬫ᭄ᬓᬸᬓᬸ᭞ᬢᬦ᭄ᬦᬳᭂᬦᬶᬦ᭄ᬧᬗ᭄ᬕᬸᬄᬤᬸᬄᬓ᭟᭜᭟ᬬᬦᬶᬂᬦᬸᬚᬸ᭞ᬳᬶᬯᬂᬫᬮᬓ᭄ᬱᬡᬳᬦ᭄ᬢᬸᬓ᭄᭞
ᬢᬦ᭄‌ᬚᭂᬕ᭄ᬢᬩᬸᬄᬩᬗ᭄ᬕ᭄ᬭᬲ᭄᭞ᬓᬶᬘᬾᬦ᭄ᬓᬗ᭄ᬕᬾᬦ᭄ᬫᬓᬾᬮᬶᬗᬶᬦ᭄᭞ᬩᬯᭀᬲ᭄ᬳᬮᬸᬲ᭄᭞ᬓᬗ᭄ᬕᬾᬦ᭄ᬦᬸᬍᬓ᭄ᬓᬧᭂᬮᬶᬳᬦ᭄᭟᭜᭟ᬓᬾᬢᭀᬓᬬᬸᬦ᭄᭞ᬳᬶᬤᬢᬦ᭄ᬓᬢᬫᬦ᭄ᬩᭂᬦ᭄ᬤᬸ᭞ᬫᬸᬫ᭄ᬩᬄᬳᬦ᭄ᬢᬸᬓ᭄ᬰᬵᬲ᭄ᬢ᭄ᬭᬵ᭞ [ 99 ][᭙᭗ 97B]
᭙᭘
ᬲᬜ᭄ᬘᬦ᭄ᬦᬾᬜᭂᬧᬸᬗᬶᬦ᭄ᬳᬢᬶ᭞ᬢᬸᬮ᭄ᬬᬤᬫᬸᬄ᭞ᬳᬶᬘᬮ᭄ᬓᬲᬸᬦ᭄ᬤᬭᬦ᭄ᬲᬸᬃᬬ᭄ᬬ᭟᭜᭟ᬦᬾᬳᬶᬯᬯᬸ᭞ᬳᬶᬦ᭄ᬤᬶᬓᬾᬦᬶᬓᭂᬮ᭄ᬧᬶᬂᬲᬢᬸᬲ᭄᭞ᬳᬶᬯᬂᬜᬭᬲᬬᬂ᭞ᬭᬶᬂᬲᬦᬾᬳᬶᬭᬶᬳᬶᬦ᭄ᬭᬶᬳᬶᬦ᭄᭞ᬲᬫ᭄ᬧᬸᬦ᭄ᬢᬸᬳᬸ
᭞ᬢᭀᬂᬧᬦ᭄ᬢᭂᬲ᭄ᬓᬶᬘᬾᬦ᭄ᬳᬓ᭄ᬫᬫ᭟᭜᭟ᬬᬦ᭄ᬧᬸᬦᬶᬓᬸ᭞ᬳᬸᬕᬶᬓᬓ᭄ᬱᬫᬬᬂᬧᬢᬸᬄ᭞ᬭᬶᬂᬦᬾᬧᬶᬤᬦ᭄ᬧᬶᬤᬦ᭄᭞ᬧᭂᬮᬶᬳᬾᬲᭀᬓ᭄ᬩᭂᬤᬶᬓ᭄ᬗᭂᬤᬶᬓ᭄᭞ᬲᬦ᭄ᬤᬂᬕᬸᬕᬸ᭞ᬳᬶᬤᬢᬦ᭄ᬓᬯᭀᬭᬦ᭄ᬤᬸᬄᬓ᭟
᭐᭟ᬫᭀᬦ᭄ᬢᭀᬮᬶᬬᬸᬦ᭄᭞ᬓ᭄ᬭᬶᬫᬶᬓᬦ᭄ᬳᬶᬤᬭᬶᬂᬓᬬᬸᬦ᭄᭞ᬗᭂᬗᭀᬂᬗᬫᭂᬦᭀᬮᬂ᭞ᬢᭀᬂᬫᬓᬶᬚᭂᬧᬦ᭄ᬗᬮᬶᬂᬮᬶᬂ᭞ᬲᬂᬫᬮᬸᬗ᭄ᬕᬸᬄ᭞ᬭᬶᬂᬤᬸᬳᬸᬃᬩᬢᬸᬦᬾᬮᬸᬫ᭄ᬩᬂ᭟᭜᭟ᬯᬸᬲᬦ᭄ᬗᭂᬮᬸᬢ᭄᭞ᬯᬶᬢ᭄ᬕᬗ᭄ᬕᬦᬾᬓ᭄ᬭᬾᬓᭀ
ᬢ᭄ᬲᬫ᭄ᬮᬦ᭄᭞ᬦᬸᬮᬶᬗᬚᬶᬭᭀᬯᬂ᭞ᬓᬦ᭄ᬢᬸᬦ᭄ᬤᭀᬄᬜ᭄ᬭᬲᬩ᭄ᬗᬪᬓ᭄ᬢᬶ᭞ᬭᬶᬂᬥᬂᬕᬸᬭᬸ᭞ᬘᭂᬘᭂᬄᬦᬸᬦᬲ᭄ᬧᬗᬫ᭄ᬧᬸᬭ᭟᭜᭟ᬫᬸᬓᬗᬸᬦ᭄ᬢᬸᬮ᭄᭞ᬢᬦ᭄ᬧᬸᬭᬸᬦ᭄ᬫᬦ᭄ᬤᬺᬃᬥᬂᬕᬸᬭᬸ᭞ᬢᬸᬳᬸᬫᬦᬸᬢ᭄ᬧᭂᬲᬦ᭄᭞ᬫ
[᭙᭘ 98A]
ᬭᬶᬂᬲ᭄ᬯᬥᬃᬫ᭄ᬫᬦᬶᬂᬫᬸᬭᬶᬤ᭄᭞ᬭᬭᬶᬲ᭄ᬫᬸᬯᬸᬲ᭄᭞ᬥᬂᬕᬸᬭᬸᬍᬯᬶᬄᬧᬜᬧ᭟᭜᭟ᬦᬦᬓ᭄ᬩᬕᬸᬲ᭄᭞ᬯᬯᬸᬓᬾᬳᬶᬤᬾᬯᬭᬯᬸᬄ᭞ᬲᬸᬯᬸᬤ᭄ᬫᬲ᭄ᬮᬾᬫ᭄ᬧᭀᬳᬦ᭄᭞ᬤᬶᬢᬸᬢᭂᬧᬾᬦ᭄ᬤᬫᬸᬄᬍᬗᬶᬲ᭄᭞ᬫᬳᬶᬕᬸᬲ᭄᭞
ᬤᬶᬦᬶᬦᭂᬕᬓᬩᬋᬂᬩᬧ᭟᭜᭟ᬓᬾᬢᭀᬳᬮᬸᬲ᭄᭞ᬧᬜᬧᬦ᭄ᬳᬶᬤᬦᬾᬫᭂᬢᬸ᭞ᬮᬸᬯᬶᬃᬕᭂᬋᬄᬓᬧᬢ᭄᭞ᬜᬸᬗ᭄ᬓᬩ᭄ᬩᬸᬮᬸᬦ᭄ᬲᬂᬫᬶᬭᬕᬶ᭞ᬲᬦᬾᬓᬦ᭄ᬢᬸᬦ᭄᭞ᬫᬓᬬᬸᬦ᭄ᬓᬬᬸᬦ᭄ᬭᬶᬂᬦᬢᬃ᭟᭜᭟ᬩᬶᬦᬮᬗ᭄ᬓᬸᬂ᭞
ᬲᬂᬧᬡ᭄ᬥᬶᬢᬭᬶᬂᬳᬲᬶᬕᬸᬕ᭄᭞ᬭᬶᬭᬶᬄᬩᬦ᭄ᬢᭂᬲ᭄ᬩᬗ᭄ᬕ᭄ᬭᬲ᭄᭞ᬲᬶᬧᭀᬓ᭄ᬚᭂᬦ᭄ᬤᬸᬮ᭄ᬲᬫ᭄ᬩᬶᬮ᭄ᬚᭂᬗᬶᬲ᭄᭞ᬬᬦᬶᬂᬩᭂᬦ᭄ᬤᬸᬂ᭞ᬩᬦ᭄ᬢᭂᬲ᭄ᬧᬬᬸᬫᬚᬕᬸᬭᬦ᭄᭟᭜᭟ᬢᬩᬸᬄᬗᬕᬸ᭞ᬗᭂᬦ᭄ᬤᭀᬕᬶᬦ᭄ᬢᬶᬫ᭄ᬧᬮ᭄ᬲᬢᬸᬯᬸᬓ᭄᭞ᬳᬲᬶᬂᬓ
ᬧᭂᬢᬬᬂ᭞ᬘᬭᬦᬯᬂᬳᬦᬾᬧᬱ᭄ᬝᬶ᭞ᬢ᭄ᬮᭂᬓ᭄ᬢᭂᬓ᭄ᬳᬶᬧᬸᬦ᭄᭞ᬳᬸᬦ᭄ᬤᬸᬓ᭄ᬘᭂᬭᬶᬓ᭄ᬗᬩᭂᬮᬢᬂ᭟᭜᭟ᬘ᭄ᬭᬶᬢᬲᬫ᭄ᬧᬸᬦ᭄᭞ᬫᬢᬗᬶᬳᬶᬤᬲᬂᬩᬕᬸᬲ᭄᭞ᬦᬗ᭄ᬳᬶᬂᬧᬢᭂᬮᬦᬦ᭄᭞ᬤᬸᬮᬸᬃᬫᬳᬗ᭄ᬕᬸᬢᬦ᭄ᬓᬶᬤᬶᬓ᭄᭞ᬦᬫ᭄ᬧᭂᬓ᭄ᬮᬸ [ 100 ][᭙᭘ 98B]
᭙᭙
ᬗ᭄ᬕᬸᬄ᭞ᬭᬶᬂᬲᬂᬯᬶᬓᬸᬢᬤᬄᬲᭀᬭᬦ᭄᭟᭜᭟ᬫᬮᬶᬄᬫᬸᬯᬸᬄ ᬲᬂᬢᬧᬫᬲᬯᬂᬓᭂᬜᬸᬂ᭞ᬤᬤᬶᬢᬸᬫ᭄ᬩᬾᬦ᭄ᬧᭂᬲᬦ᭄᭞ᬤᭂᬓᬸᬲ᭄ᬯᬤᬦᬦᬾᬩᬗ᭄ᬓᬶᬢ᭄᭞ᬫᭂᬦᭂᬂᬲᭂᬦ᭄ᬤᬸ᭞ᬳᬓᬶᬤᬶᬓ᭄ᬩᬯᭀᬲᬾᬫᭂᬤᬮ᭄᭟᭜᭟ᬫᬶᬦᬩ᭄ᬳ
ᬦ᭄ᬢᬸᬓ᭄᭞ᬩᬦ᭄ᬓᬲᬾᬧ᭄ᬳᬶᬘᭂᬦᬶᬂᬭᬯᬸᬄ᭞ᬓᬤᬶᬳᬚ᭄ᬭᬶᬄᬫᬦᬄ᭞ᬘᭂᬦᬶᬗᬾᬬᬦ᭄ᬩᬧᬧᭂᬤᬶᬄ᭞ᬘᭂᬦᬶᬂ᭠ᬩᬕᬸᬲ᭄᭞ᬢᭀᬂᬜᬦ᭄ᬤᬂᬢᭀᬓᭀᬩᭂᬢᬂ᭟᭜᭟ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬩᬧᬢᬳᬸᬢᭂᬓᬾᬦ᭄ᬳᬸᬦ᭄ᬤᬸᬓ᭄᭞
ᬳᬶᬤᬯᬦᬾᬢᬸᬦ᭄ᬬᬦ᭄᭞ᬫᬧᬶᬢᬸᬮᬸᬂᬲᬓᬶᬂᬳᬲᬶᬄ᭞ᬫᬸᬮᬧᬢᬸᬢ᭄᭞ᬦᬸᬮᬸᬗᬶᬦ᭄ᬳᬦᬓ᭄ᬲᭂᬗ᭄ᬓᬮ᭟᭜᭟ᬢᬦ᭄ᬚᬮᬶᬬᬸ᭞ᬩᬧᬫᬦᬸᬢᬸᬭᬂᬳᬸᬦ᭄ᬤᬸᬓ᭄᭞ᬘᭂᬦᬶᬗᬾᬭᬶᬂᬳᬮᬲ᭄᭞ᬘᬸᬢᭂᬢ᭄ᬧᭀᬮᬶᬄᬫᬦᬸᬮᬸ
ᬗᬶᬦ᭄᭞ᬳᬦᬓ᭄ᬳᭂᬮᬸᬄ᭞ᬜᭂᬭᬶᬢ᭄ᬓᬧᬦ᭄ᬤᬸᬂᬭᬵᬓ᭄ᬱᬲ᭟᭜᭟ᬤᬲ᭄ᬜᬭᬸᬬᬸᬂ᭞ᬳᬶᬤᬲᬂᬩᬕᬸᬲ᭄ᬢᬗ᭄ᬓᭂᬚᬸᬢ᭄᭞ᬫᬶᬋᬂᬧᬯᬘᬦᬦ᭄᭞ᬧᬮᬸᬗ᭄ᬕᬸᬄᬳᬶᬤᬲᬂᬋᬱᬶ᭞ᬲᬫ᭄ᬧᬸᬦ᭄ᬢᬳᬸ᭞ᬦᬶᬸᬭᬶᬂᬳᬶᬦ᭄ᬤᬶᬓ᭄ᬲᬂᬩᬕᬸᬲ᭄ᬢᬸᬦ᭄ᬬᬦ᭄᭟᭜᭟
[᭙᭙ 99A]
ᬲᬶᬦᬄᬲᬫ᭄ᬧᬸᬦ᭄᭞ᬧᬮᬸᬗ᭄ᬕᬸᬄᬳᬶᬤᬲᬂᬳᭂᬫ᭄ᬧᬸ᭞ᬫᬳᬶᬍᬄᬜᭀᬭᭀᬢᬂ᭞ᬓᬧᬗ᭄ᬕᬶᬄᬳᬶᬦ᭄ᬤᬶᬓᬾᬢᬸᬦᬶ᭞ᬤᬯᭂᬕ᭄ᬤᬶᬢᬸ᭞ᬭᬶᬂᬳᬮᬲ᭄ᬲᬋᬂᬢᬢᬶᬕ᭟᭜᭟ᬗ᭄ᬳᬶᬂᬲᬂᬯᬶᬓᬸ᭞ᬫᬳᬸᬢ᭄ᬲᬳᬫᬗ᭄ᬤᬲᬭᬸ᭞ᬗᬶᬦ᭄ᬢᬶᬧ᭄ᬭᬶᬂᬳᬸ
ᬫ᭄ᬧᬸᬢᬦ᭄᭞ᬲᬗ᭄ᬓᬦ᭄ᬤᬾᬯᬾᬓᬾᬢᬦ᭄ᬗᬓ᭄ᬱᬶ᭞ᬫᬮᬶᬄᬫ᭄ᬯᬗ᭄ᬲᬸᬮ᭄᭞ᬜᬮᬶᬩ᭄ᬲᬶᬩ᭄ᬓᬧᬰ᭄ᬭᬫᬦ᭄᭠᭟᭜᭟ᬫᬶᬫᬶᬄᬳᬤᬸᬄ᭞ᬬᬾᬦ᭄ᬤᬾᬯᬾᬓᬾᬳᬧᬧᬬᬸ᭞ᬫᬘᭂᬫ᭄ᬧ᭄ᬮᬾᬂᬗᬢᬸᬭᬂ᭞ᬕᬲᬾᬓ᭄ᬤᬸᬭᬂᬓᬢᬓᬾ
ᬦᬶᬦ᭄᭞ᬭᬶᬂᬲᬂᬯᬶᬓᬸ᭞ᬗᬓᬸᬧᭀᬮᬶᬄᬓᬲ᭄ᬯᬃᬕ᭄ᬕᬦ᭄᭟᭜᭟ᬤ᭄ᬬᬲ᭄ᬢᬸᬲᬫ᭄ᬧᬸᬦ᭄᭞ᬳᬶᬤᬲᬂᬧᬡ᭄ᬥᬶᬢᬯᭂᬭᬸᬄ᭞ᬳᬢᬸᬃᬜᬳᬶᬰᬶᬱ᭄ᬬ᭞ᬦᬾᬫᭀᬓᬓ᭄ᬳᬸᬮᬶᬂᬧᬗᬯᬶᬢ᭄᭞ᬓᬦ᭄ᬢᬶᬦᬗ᭄ᬕᬸ᭞ᬩᬦ᭄ᬢᭂᬲ᭄ᬧᬭᬕᬢᬂᬩᭀ
ᬩᬩ᭄᭟᭜᭟ᬳᬶᬤᬯᬶᬓᬸ᭞ᬢᬦ᭄ᬧᬸᬭᬸᬦ᭄ᬫᬯᬦ᭄ᬢᬸᬦ᭄ᬯᬦ᭄ᬢᬸᬦ᭄᭞ᬜᭂᬲᭂᬤᬂᬦᬓᬾᬦᬂ᭞ᬭᬾᬄᬲᬂᬯᬶᬓᬸᬲᬫ᭄ᬧᬸᬦ᭄ᬳᬸᬦᬶᬂ᭞ᬬᬦ᭄ᬢᭀᬚᬸᬚᬸᬢ᭄᭞ᬢᭂᬭᬂᬓᬩᬶᬮ᭄ᬩᬶᬮ᭄ᬰᬶᬱ᭄ᬬᬦ᭄ᬜ᭟᭜᭟ᬚᬯᬢ᭄ᬩᬸᬯᬸᬂ᭞ᬤᬾᬯᬾᬓᬾᬦᬦ᭄ᬤᬂᬓ [ 101 ][᭙᭙ 99B]
᭑᭐᭐
ᬳᬶᬫᬸᬤ᭄᭞ᬯᬶᬢ᭄ᬧᬸᬭᬸᬦ᭄ᬗᬢᬸᬭᬂ᭞ᬳᬶᬦ᭄ᬤᬶᬓ᭄ᬲᬦᬾᬗᬯᬶᬳᬯᬶ᭞ᬢ᭄ᬯᬭᬩᬸᬯᬸᬂ᭞ᬲᭀᬮᬳᬾᬳᭂᬦ᭄ᬢᭀᬫᬤᬦ᭄ᬳᬶᬯᬂ᭟᭜᭟ᬫᬲᬶᬄᬧᬬᬸ᭞ᬗᬯᬶᬦᬂᬜᭂᬮ᭄ᬲᭂᬮ᭄ᬭᬶᬂᬓᬬᬸᬦ᭄᭞ᬓᬾᬢᭀᬲᬂᬅᬃᬚ᭄ᬚᬯ᭞ᬩᬸᬮᬓ᭄ᬩᬮᬶᬓ᭄ᬫᬶᬓᬬᬸᬦᬶᬦ᭄᭞
ᬲᭀᬮᬄᬤᬸᬤᬸ᭞ᬧᬫᬸᬧᬸᬢ᭄ᬤᬤᬶᬧᬗᭂᬦᬦ᭄᭟᭜᭟ᬗᬯᬶᬢ᭄ᬫᬢᬸᬃ᭞ᬲᬂᬅᬃᬚ᭄ᬚᬯᬗᬍᬮᬸᬜᬸᬄ᭞ᬤᬸᬄᬭᬢᬸᬲᬂᬢᬧ᭞ᬤᬯᭂᬕ᭄ᬢᬶᬢ᭄ᬬᬂᬫᬢᬸᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬩᬶᬗᬸᬂ᭞ᬜᬗ᭄ᬕ᭄ᬭᬯᬘᬦᬦ᭄ᬲᬂᬢᬧ᭟᭜᭟ᬢᬶᬢ᭄ᬬᬵᬂ
ᬤᬸᬭᬸᬂ᭞ᬧᭀᬮᬶᬄᬫᬗᬢᬸᬭᬂᬳᬸᬦ᭄ᬤᬸᬓ᭄᭞ᬭᬢᬸᬲᬫ᭄ᬧᬸᬦ᭄ᬢᬢᬲ᭄᭞ᬭᬶᬂᬳᬶᬦ᭄ᬤᬶᬓ᭄ᬢᬶᬢ᭄ᬬᬗᬾᬢᬸᬦᬶ᭞ᬩᬶᬮᬶᬄᬭᬢᬸ᭞ᬧᭀᬮᬶᬄᬦᭂᬢᭂᬲᬶᬂᬳᬮᬲ᭄᭟᭜᭟ᬯᬦᬾᬄᬳᬶᬓᬸ᭞ᬢᬸᬦᬲ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬮᬾᬤᬂ
ᬜᬶᬦᬫ᭄ᬧᬸᬭ᭞ᬬᬦ᭄ᬢᬦ᭄ᬩᭂᬲ᭄ᬓᬤᬶᬓᬧᬶᬗᬶᬢ᭄᭞ᬫᬤᬓ᭄ᬭᬢᬸ᭞ᬓᬕᬶᬗᬶᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭟᭜᭟ᬭᬭᬶᬲ᭄ᬜᬯᬸᬃ᭞ᬲᬂᬢᬧᬩᬯᭀᬲᬾᬳᬮᬸᬲ᭄᭞ᬲᬫ᭄ᬩᬶᬮ᭄ᬫᬦᬗ᭄ᬓᬶᬤᬂ᭞ᬧᬗ᭄ᬭᬸᬧᬓᬾᬧᭂᬚᬂᬜᬫ᭄ᬧᬶᬂ᭞ᬲᬳᬓᭂᬜᬸᬂ᭞ᬦᭂ
[᭑᭐᭐ 100A]
ᬧᬓ᭄ᬩᬳᬸᬦ᭄ᬲᬂᬅᬃᬚ᭄ᬚᬯ᭟᭜᭟ᬘᭂᬦᬶᬂᬩᬕᬸᬲ᭄᭞ᬫᭂᬮᬶᬳᬂᬦᬫ᭄ᬧᬶᬧᬲᬯᬸᬃ᭞ᬚᬢᬶᬢᬶᬤᭀᬂᬧᭂᬲᬦ᭄᭞ᬩᬸᬓᬧᬢᬓᭀᬦ᭄ᬳᬶᬘᭂᬦᬶᬂ᭞ᬢᬸᬦᬶᬲᬫ᭄ᬧᬸᬦ᭄᭞ᬩᬧᬧᭀᬮᬶᬄᬫᬳᬶᬍᬳᬦ᭄᭟᭜᭟ᬤᬶᬦᬶᬤᬶᬢᬸ᭞ᬜᬮᬶᬓ᭄ᬱᬶᬓ᭄ᬜ
ᬩ᭄ᬲᬩ᭄ᬜᬮᬸᬓ᭄ᬱᬸᬓ᭄᭞ᬭᬶᬂᬲᬸᬓᭂᬢᬶᬂᬳᬮᬲ᭄᭞ᬗᬸᬮᬢᬶᬭᬕᬦ᭄ᬳᬶᬘᭂᬦᬶᬂ᭞ᬚᬢᬶᬦ᭄ᬳᬶᬧᬸᬦ᭄᭞ᬩᬧᬢᬦ᭄ᬚᬧᭀᬮᬶᬄᬓᬶᬚ᭟᭜᭟ᬩᬧᬭᬸᬬᬸᬤ᭄᭞ᬩᬢᬶᬲᬾᬲᬸᬩᬢᬢᭂᬮᬸ᭞ᬓᬗ᭄ᬳᬶᬂᬳᬕᭂᬢ᭄ᬩᬦ᭄ᬜ᭞ᬢ᭄ᬯᬭᬗᭂᬮᬄ
ᬳᬸᬤᭂᬂᬧᬸᬢᬶᬄ᭞ᬫᬓᬩᬸᬗ᭄ᬓᬸᬮ᭄᭞ᬢᭂᬭᬲ᭄ᬗᬸᬧᬓᬢᭀᬦ᭄ᬲᭂᬦ᭄ᬢᬓ᭄᭟᭜᭟ᬢᬦ᭄ᬗᬤᬸᬯᬸᬂ᭞ᬕᬶᬕᬶᬦ᭄ᬗᬧᬢᭂᬮᬲ᭄ᬘᬧ᭄ᬮᬸᬲ᭄᭞ᬫᬲᬶᬄᬫᬳᬦ᭄ᬲᬤ᭄ᬬ᭞ᬧᬯᬄᬳᬮᬸᬄᬢᭀᬂᬜᬶᬓᬢᬶᬦ᭄᭞ᬳᬸᬮᬶᬂᬳᬶᬮᬸ᭞ᬳᬶᬧᬸᬢᬸᬲᬶ᭠
ᬦ᭄ᬲᬶᬓ᭄ᬫᬸᬯᬶᬓᬂ᭟᭜᭟ᬳᬕᭂᬢ᭄ᬮᬘᬸᬃ᭞ᬢᭀᬤᬤᬶᬧᬲᬳᬂᬢᬸᬳᬸ᭞ᬫᬄᬳᭀᬭᬳᬂᬫᭂᬮᬄ᭞ᬧᬯᬄᬳᬮᬸᬄᬢᭀᬂᬜᬶᬓᬢᬶᬦ᭄᭞ᬫᬓᬢᭂᬮᬸᬦ᭄᭞ᬕᭀᬭᭀᬗᬦ᭄ᬓᬘᬗᬾᬮᬲ᭄ᬬ᭟᭜᭟ᬮᬾᬦ᭄ᬢᭀᬤᬶᬢᬸ᭞᭠ [ 102 ][᭑᭐᭐ 100B]
᭑᭐᭑
ᬓᬵᬮᬫᬕᭂᬕᭀᬜ᭄ᬚᬓ᭄ᬦᬸᬢᬸᬃ᭞ᬮᬸᬯᬶᬃᬩᬩᬜᭀᬮᬦ᭄᭞ᬢᬶᬫ᭄ᬧᬮᬾᬧᬥᬫᬓᭂᬜᬶᬂ᭞ᬩᬧᬓᬶᬫᬸᬤ᭄᭞ᬓᭂᬤᬾᬓ᭄ᬭᬾᬄᬳᬶᬲᬶᬢᬾᬮᬕ᭄ᬮᬕ᭄᭟᭜᭟ᬓ᭄ᬱᬫᬩᬕᬸᬲ᭄᭞᭞ᬧᭂᬢᬦ᭄ᬩᬧᬕᬶᬭᬂᬕᬸᬬᬸ᭞ᬩᬦ᭄ᬢᭂᬲ᭄ᬳᬩ᭄ᬭᬶᬬᬕ
ᬦ᭄᭞ᬫᬲᬶᬄᬗᭂᬮᬄᬳᬃᬢ᭄ᬢᬶᬩᭂᬘᬶᬓ᭄᭟ᬲᬗ᭄ᬮᬶᬧᬸᬃ᭞ᬫᬦᬄᬲᭂᬤᬶᬄᬳᬓᭂᬩ᭄ᬬᬸᬢᬦ᭄᭟᭜᭟ᬓᬾᬢᭀᬩᬕᬸᬲ᭄᭞ᬫᭂᬮᬄᬦᬾᬚᬦᬶᬫᬚᬸᬫᬸ᭞ᬧᬢᬓᬾᬦ᭄ᬳᬶᬦᬦᬓ᭄᭞ᬓᬯᬶᬢᬶᬦ᭄ᬩᬧᬜᬯᬸᬭᬶᬦ᭄᭞
ᬲᬸᬯᬸᬤ᭄ᬕᬸᬬᬸ᭞ᬩᬸᬓᬧᭂᬢᬦ᭄ᬩᬧᬢᬸᬦ᭄ᬬᬦ᭄᭟᭜᭟ᬲᬗ᭄ᬓᬦ᭄ᬳᬮᬸᬄ᭞ᬳᬸᬮᬶᬂᬚᬸᬫᬄᬩᬧᬢᬸᬳᬸ᭞ᬳᬸᬦ᭄ᬤᬸᬓ᭄ᬘᭂᬦᬶᬗᬾᬢᬸᬦ᭄ᬬᬦ᭄᭞ᬩᬧᬗᬗ᭄ᬕᭀᬦ᭄ᬫᬢᬦ᭄ᬳᬢᬶ᭞ᬲᬦᬾᬲᬵᬫ᭄ᬧᬸᬦ᭄᭞ᬦᬶᬃᬫᬮᬕᬮᬂᬫᬮᬯᬢ᭄᭠
᭟᭜᭟ᬲᭂᬮᬢ᭄ᬕᬸᬦᬸᬂ᭞ᬜᬶᬤᬬᬂᬩᬾᬢᬾᬮ᭄ᬫᬧᬦ᭄ᬢᬸᬮ᭄᭞ᬭᬶᬂᬳᬚ᭄ᬜᬦᬦ᭄ᬩᬧ᭞ᬦᬾᬯᬮᬸᬬᬕᭂᬤᬄᬘᭂᬦᬶᬂ᭞ᬓᬦᬶᬸᬜ᭄ᬘᬦ᭄ᬳᬸᬦ᭄ᬤᬸᬓ᭄᭞ᬭᬶᬂᬚᬕᬢᬾᬫ᭄ᬭᬲᬢᬯᬂ᭟᭜᭟ᬓ᭄ᬱᬫᬩᬕᬸᬲ᭄᭞ᬩᬧᬢᬦ᭄ᬲᬗ᭄ᬓᬦᬶᬂᬳᬚᬸ᭠
[᭑᭐᭑ 101A]
ᬫ᭄᭞ᬳᬋᬧᬾᬭᬶᬂᬦᬦᬓ᭄᭞ᬭᬾᬄᬢᬸᬯᬄᬦ᭄ᬢᭀᬧᬶᬢᬸᬯᬶ᭞ᬳᬦᬾᬢᬳᬸ᭞ᬳᬸᬦ᭄ᬤᬸᬓ᭄ᬘᭂᬦᬶᬂᬦᬾᬢᬸ᭠ᬦ᭄ᬬᬦ᭄᭟᭜᭟ᬩᬧᬢᬳᬸ᭞ᬫᬶᬭᬶᬩ᭄ᬘᭂᬦᬶᬂᬓᬸᬯᬂᬗᬸᬕᬸ᭞ᬳᬚ᭄ᬜᬦᬦᬾᬕᬮᬂ᭞ᬩᬶᬲᬫᭂᬤᬲᬶᬦᬾᬳᬶᬮᬶ
ᬤ᭄᭞ᬓᬾᬦᬾᬫᬮᬸ᭞ᬧᬂᬤᬘᭂᬦᬶᬂᬚᭂᬕ᭄ᬫᬩᭀᬬ᭟᭜᭟ᬲᭂᬤᭂᬮᬸᬯᬸᬂ᭞ᬲᬂᬳ᭄ᬬᬂᬯᬸᬮᬦ᭄ᬚᭂᬕ᭄ᬚᭂᬕ᭄ᬲᬫ᭄ᬧᬸᬦ᭄᭞ᬚᭂᬫᬦ᭄ᬢᭀᬳᬾᬗ᭄ᬕᬮᬂ᭞ᬚᬸᬦᬾᬲᬮᬸᬤᬂᬯᬭᬶᬄ᭞ᬮᬳᬸᬢᬂᬤᬶᬢᬸ᭞ᬚᬸᬦᬾᬕᭂᬦᬳᬂᬭᬶᬦᬢᬃ᭟᭜᭟
ᬢᬦ᭄ᬧᬲᬯᬸᬃ᭞ᬲᬂᬅᬃᬚ᭄ᬚᬯᬚᭂᬕ᭄ᬫᬶᬢᬸᬭᬸᬢ᭄᭞ᬗᬫ᭄ᬩᬶᬮ᭄ᬚᬦ᭄ᬗᬾᬗ᭄ᬕᬮᬂ᭞ᬓᬧᬜ᭄ᬘᭀᬭᬦ᭄ᬜᬮᬸᬤ᭄ᬯᬭᬶᬄ᭞ᬘ᭄ᬭᬶᬢᬲᬫ᭄ᬧᬸᬦ᭄᭞ᬚᬸᬦᬾᬯᬾᬦ᭄ᬢᭂᬦ᭄ᬭᬶᬂᬦᬢᬃ᭟᭜᭟ᬦᬸᬮᬶᬢᭂᬤᬸᬦ᭄᭞ᬲᬂᬧᬡ᭄ᬥᬶᬢᬦᬫ᭄ᬧᭂᬓᬶᬦ᭄ᬚᬦ᭄
᭞ᬦᬾᬫᬓᬲᬭᬦ᭞ᬗᬶᬫ᭄ᬩᬗᬶᬦ᭄ᬩᬯᭀᬲ᭄ᬜᬢᬸᬦᬶ᭞ᬳᭂᬦᬶᬂᬳᬶᬓᬸ᭞ᬲᬦᬾᬗᬯᬶᬦᬂᬫᬮᬯᬢ᭄᭟᭜᭟ᬳᬧᬩᬕᬸᬲ᭄᭞ᬳᬤᬤᬶᬚ᭄ᬭᭀᬦᬶᬂᬚᬸᬦ᭄᭞ᬦᬾᬫᬤᬕᬶᬂᬢᭀᬬ᭞ᬲᬂᬅᬃᬚ᭄ᬚᬯ᭞ᬫᬜᬯᬸ [ 103 ][᭑᭐᭑ 101B]
᭑᭐᭒
ᬭᬶᬦ᭄᭞ᬲᬶᬗ᭄ᬕᬶᬄᬭᬢᬸ᭞ᬭᬶᬂᬚᬸᬦᬾᬯᬾᬦ᭄ᬢᭂᬦ᭄ᬩᬸᬮᬓ᭄᭟᭜᭟ᬓᬶᬢᬓ᭄ᬓᬶᬢᬸᬓ᭄᭞ᬲᬂᬩᬕᬸᬲ᭄ᬳᬗᭀᬩ᭄ᬭᬶᬂᬓᬬᬸᬦ᭄᭞ᬭᬾᬄᬢᬸᬫ᭄ᬩᬾᬦ᭄ᬗᬢᭀᬦᬂ᭞ᬢᭀᬬᬦᬾᬦᬶᬂᬢᭂᬓᬰᬓ᭄ᬢᬶ᭞ᬫᬧᬦ᭄ᬯᭂᬭᬸᬄ᭞ᬗᬭᬤ᭄ᬳᬶᬤᬳ᭄ᬬᬂᬰ
ᬰᬗ᭄ᬓ᭟᭜᭟ᬫᬮᬶᬄᬫᬸᬯᬸᬲ᭄᭞ᬲᬂᬧᬡ᭄ᬥᬶᬢᬭᬶᬂᬲᬂᬩᬕᬸᬲ᭄᭞ᬫᬶᬭᬶᬩ᭄ᬲᬸᬩᬢᬶᬗ᭄ᬮᬲ᭄᭞ᬲᬸᬯᬸᬤ᭄ᬓᬫᭂᬃᬚ᭄ᬭᭀᬦᬶᬂᬳᬢᬶ᭞ᬦᬶᬃᬫᬮᬾᬓᬸ᭞ᬳᬸᬦᬶᬂᬗᬭᬸᬧᬓᬮᬯᬢ᭄᭟᭜᭟ᬲᬸᬩᬮᬶᬬᬸ᭞ᬩᬧᬦᬸᬢᬸᬭᬶᬦ᭄ᬳᬶᬩᬕᬸᬲ᭄᭞ᬤ
ᬧᭂᬲᬦ᭄ᬜᬩᭂᬢᬂ᭞ᬦᬾᬧᭂᬮᬶᬄᬚᬮᬦ᭄ᬚᬸᬫᬸᬦᬶᬦ᭄᭞ᬓᬾᬢᭀᬩᬕᬸᬲ᭄᭞ᬮᬕᬸᬢ᭄ᬦᬸᬤᬤᬶᬚᬸᬫᬸᬦᬦ᭄᭟᭜᭟ᬫᬮᬄᬩᬕᬸᬲ᭄᭞ᬓᬮᬤᬶᬦᬾᬳᬗ᭄ᬓᬶᬤ᭄ᬫᬮᬸ᭞ᬩᬧᬩᬶᬧ᭄ᬭᬬ᭞ᬦᬫ᭄ᬩᬸᬲᬂᬘᭂᬦᬶᬂᬓᬮᬤᬶ᭞ᬮᬦ᭄ᬩ᭄ᬬ
ᬯᬸᬂ᭞ᬧᬂᬳᬤᬳᬚᭂᬂᬳᬶᬤᬾᬯ᭟᭜᭟ᬤ᭄ᬯᬦᬶᬂᬓᬮᬸᬤ᭄᭞ᬳᬸᬮᬶᬂᬲᭂᬫᭂᬗᬦ᭄ᬳᬶᬩᬕᬸᬲ᭄᭞ᬤᬸᬭᬸᬂᬫᬗᬚᭂᬗᬂ᭞ᬦᬄᬓᭂᬫᬘᭂᬦᬶᬂᬕᬦ᭄ᬢᬲᬶᬦ᭄᭞ᬗᬚᭂᬂᬫᬮᬸ᭞ᬧᬂᬤᬲᬸᬲᬸᬧᬶᬦ᭄ᬕᭂᬭᬶᬂᬫᬄ᭟᭜᭟ᬲᬗᬩ
[᭑᭐᭒ 102A]
ᬕᬸᬲ᭄᭞ᬗᭂᬳᭂᬤ᭄ᬳᬗ᭄ᬕᬳᬗ᭄ᬕᬸᬢᬗ᭄ᬕᬸᬢ᭄᭞ᬗᬢᬸᬭᬂᬲᬸᬓ᭄ᬱ᭄ᬫᬵ᭞ᬫᬭᬶᬂᬧᬮᬸᬗ᭄ᬕᬸᬄᬲᬂᬋᬱᬶ᭞ᬲᬶᬗ᭄ᬕᬶᬄᬭᬢᬸ᭞ᬢᬶᬢ᭄ᬬᬂᬧᬫᬶᬢᬢ᭄ᬬᬂᬧᬫᬶᬢ᭄ᬦᬸᬦᬲ᭄ᬮᬸᬕ᭄ᬭ᭟᭜᭟ᬫᬶᬍᬲ᭄‌ᬗ᭄ᬮᬶᬗ᭄ᬓᬸᬂ᭞ᬲᬂᬅᬃᬚ᭄ᬚᬯᬜᬸᬭᬸᬢ᭄ᬜᬸᬭᬸᬢ᭄᭞ᬓᬲᬫ᭄ᬧᬶᬂᬩᬍᬫᬦ᭄
᭞ᬫᭂᬮᬸᬢ᭄ᬦᬫ᭄ᬩᬸᬲᬦ᭄ᬓᬮᬤᬶ᭞ᬮᬦ᭄ᬩᬶᬬᬯᬸᬂ᭞ᬓᬕᬾᬢ᭄ᬫᬗᬶᬍᬕ᭄ᬮᭂᬦ᭄ᬮᭂᬦᬦ᭄᭟᭜᭟ᬘᭂᬓᬸᬢ᭄ᬘᭂᬓᬸᬢ᭄᭞ᬲᬂᬅᬃᬚ᭄ᬚᬯᬦᭂᬧᬓ᭄ᬗᭂᬭᬸᬓ᭄᭞ᬫᭂᬍᬤ᭄ᬗᬶᬦᬸᬫ᭄ᬢᭀᬬ᭞ᬓᬗ᭄ᬕᬾᬦ᭄ᬜᭀᬭᭀᬕᬂᬓᬮᬤᬶ᭞ᬮᬦ᭄ᬗᬶᬬᬯᬸᬂ᭞ᬦᬦᬾ
ᬗᬗ᭄ᬲᭂᬮ᭄ᬓᬓᭀᬮᭀᬗᬦ᭄᭟᭜᭟ᬧᬸᬧᬸᬄᬓᬸᬫᬫ᭄ᬩᬂ᭟᭜᭟ᬓᬶᬭᬂᬭᬗ᭄ᬓᬸᬂ᭞ᬫᬶᬦᬩ᭄ᬯᬾᬦ᭄ᬢᭂᬦ᭄ᬢᬶᬕᬂᬰᬰᬶᬄ᭞ᬳᬶᬤᬲᬂᬅᬃᬚ᭄ᬚᬯᬵ᭞ᬫᬦ᭄ᬢᬸᬓ᭄ᬜᬫᬢᬤᬄᬯᭂᬗᬶ᭞ᬯᬶᬢ᭄ᬗᬢᭂᬳᬂᬦᬶᬫᬾᬢ᭄ᬭ᭄ᬚ᭟᭜᭟ᬲᬬᬦ᭄ᬩᬸᬤᬸᬄ᭞ᬮᬶᬂ
ᬮᬸᬂᬫᬦᬄᬜᬲᬂᬓᬮᬶᬄ᭞ᬥᬓᬮᬸᬮᬸᬢᬦ᭄᭞ᬫᬢᭂᬫᬸᬬᬲᬬᬦᬸ‌ᬲᭂᬭᬶᬂ᭞ᬭᬾᬄᬧᬥᬲᬮᬶᬂᬳᬳᬢᬂ᭟᭜᭟ᬦᬶᬮᬸᬄᬳᬬᬸ᭞ᬫᬾᬢ᭄ᬭ᭄ᬬᬲᬬᬦ᭄ᬲᬲᬳᬶ᭞ᬧᬶᬓᬦ᭄ᬢᭂᬦ᭄ᬭᬶᬂᬢᬸᬓᬤ᭄᭞ᬫᬧᭀᬜᬭᬸᬬᬵ [ 104 ][᭑᭐᭒ 102B]
᭑᭐᭓
ᬫᭂᬲᬳᬶᬦ᭄᭞ᬫᬧᭀᬜᬭᬸᬗᬮᬧ᭄ᬲᭂᬓᬃ᭟᭜᭟ᬧᬗᬗ᭄ᬕᬾᬦ᭄ᬜ᭞ᬓᭂᬤᬲ᭄ᬓᭂᬤᬲ᭄ᬓᬩᭂᬲᬶᬳᬶᬦ᭄᭞ᬫᬓᭂᬮᭀᬭᬶᬂᬢᬸᬓᬤ᭄᭞ᬢᬗ᭄ᬓᬶᬲ᭄ᬗᬦ᭄ᬢᭀᬲ᭄ᬲᬂᬓᬳᬾᬲ᭄ᬢᬶ᭞ᬪᬸᬱᬡᬦ᭄ᬜᬯᬾᬓ᭄ᬫᬩᭂᬲᬶᬳᬦ᭄᭟᭜᭟ᬲᭂᬭᬶᬂᬳᬶ᭠
ᬧᬸᬦ᭄᭞ᬜᬭᬸᬗᭂᬘᬕᬂᬓᭂᬜ᭄ᬘᭂᬭᬶᬓ᭄᭞ᬤᬶᬢᬸᬧᬶᬗ᭄ᬕᬶᬃᬢᬸᬓᬤ᭄᭞ᬬᬦ᭄ᬦᬸᬚᬸᬢ᭄ᬯᬭᬓᬧᬗ᭄ᬕᬶᬄ᭞ᬲᬂᬗᬯᬶᬦᬂᬧᬸᬲᬂᬫᬦᬄ᭟᭜᭟ᬫᬗ᭄ᬤᬧᭀᬮᬶᬄ᭞ᬢᬗ᭄ᬓᬶᬲᬮᬶᬧᭂᬢᬦ᭄ᬫᬮᬶᬄ᭞ᬫᬧᬫᬶᬢ᭄ᬭᬶᬂᬩᬶᬬᬂ᭞ᬫᬦ᭄ᬢᭂᬕ᭄ᬧᬸᬧᬸᬲ
ᬤᬳᬗᬶᬦ᭄᭞ᬫᬯᭀᬲᬂᬢᭂᬜ᭄ᬘᬶᬭᬶᬓ᭄ᬓᭂᬘᬕ᭄᭟᭜᭟ᬫᬗ᭄ᬓᬶᬦ᭄ᬤᬶᬢᬸ᭞ᬤᬸᬓ᭄ᬫᬢᬸᬃᬧᬫᬶᬢ᭄ᬭᬶᬂᬬᬚᬶ᭞ᬓᬢᬃᬓ᭄ᬓᬭᬶᬂᬫᬦᬄ᭞ᬕᬸᬭᬸᬢᬦ᭄ᬲᭂᬮᬂᬫᬶᬭᬶᬩ᭄᭞ᬭᬶᬂᬳᬶᬦ᭄ᬤᬶᬓ᭄ᬜᬗᬯᬶᬦᬬ᭟᭜᭟ᬓᭂᬦ᭄ᬤᬮ᭄ᬗ᭄ᬭᬸᬓᬸᬓ᭄᭞ᬦᬶᬫᬾ
ᬢ᭄ᬭ᭄ᬬᬚ᭄ᬭᭀᬦᬶᬂᬢᬶ᭞ᬫᬯᬮᬶᬓᬢᬸᬦᬤ᭄᭞ᬢᬸᬃᬗᬘᭂᬧ᭄ᬫᬤᬓ᭄ᬚᬫᬗ᭄ᬓᬶᬦ᭄᭞ᬧᬗ᭄ᬕᬶᬄᬲᬂᬩᬕᬸᬲ᭄ᬳᬶᬭᬶᬓ᭟᭜᭟ᬭᬯᬸᬄᬤᬶᬢᬸ᭞ᬧᬢᭂᬄᬭᬶᬂᬳᬶᬦ᭄ᬤᬶᬓ᭄ᬜᬢᬸᬦᬶ᭞ᬲᬸᬯᬸᬂᬫᬭᬶᬂᬢᬸᬓᬤ᭄᭞ᬚᬦ᭄ᬢᭀᬲ᭄ᬮᭂᬲᬸᬢᭀᬮᬄ
[᭑᭐᭓ 103A]
ᬢᭀᬮᬶᬄ᭞ᬦᬶᬫᬾᬢ᭄ᬭ᭄ᬬᬫᬲᭂᬮ᭄ᬲᭂᬮᬦ᭄᭟᭜᭟ᬲᭂᬩᭂᬂᬫᬗᬸ᭞ᬦᬗ᭄ᬲᭂᬳᬂᬗᬫ᭄ᬩᬶᬮ᭄ᬓᭂᬜ᭄ᬘᭂᬭᬶᬓ᭄᭞ᬦᬾᬚᬮᬧ᭄ᬓᭂᬘᬕᬂ᭞ᬦᬸᬮᬶᬫᬦ᭄ᬢᬸᬓ᭄ᬲᬫ᭄ᬩᬶᬮ᭄ᬲᭂᬤᬶᬄ᭞ᬘᬘᬶᬗᬓᬾᬲᬯᬢ᭄ᬦ᭄ᬭᬯᬂ᭟᭜᭟ᬗᬫᬸᬗ᭄ᬕᬳᬂ᭞ᬫᬾᬗᬫᬾᬗᭀ
ᬢᭀᬮᬄᬢᭀᬮᬶᬄ᭞ᬢᬦ᭄ᬓᬾᬲᬂᬅᬃᬚ᭄ᬚᬯ᭞ᬲᭂᬦᭂᬂ᭞ᬗᬸᬮ᭄ᬕᬸᬮ᭄ᬫᬗᭂᬗ᭄ᬓᭂᬩᬶᬦ᭄ ᬯᬶᬢ᭄ᬳᬸᬦᬶᬂᬯᬾᬦ᭄ᬢᬦ᭄ᬓᭂᬘᬕᬦ᭄᭟᭜᭟ᬫᬶᬦᬩ᭄ᬮᬗ᭄ᬓᬸᬂ᭞ᬭᬶᬂᬧᬶᬂᬲᬶᬬᬸᬢᭀᬮᬄᬢᭀᬮᬶᬄ᭞ᬳᬸᬕᬢᬦ᭄ᬓᬘᬶᬗᬓ᭄᭞ᬦᬗ᭄ᬳᬂᬯᬦ᭄ᬢᬄ᭠
ᬳᬮᬸᬲᭂᬭᬶᬂ᭞ᬧᬗ᭄ᬕᬶᬄᬤᬶᬢᬸᬦᬗ᭄ᬓᭂᬚᬸᬢᬂ᭟᭜᭟ᬓᬬᬂᬮᬸᬢᬸᬂ᭞ᬓᬤᬶᬢᬳᬸᬬᬭᬶᬂᬳᬶᬦ᭄ᬤᬶᬓ᭄᭞ᬤᬬᬦ᭄ᬦᬶᬫᬾᬢ᭄ᬭ᭄ᬬᬵ᭞ᬲᬗ᭄ᬓᬦ᭄ᬫᬓᭂᬚᬶᬢ᭄ᬜᬫ᭄ᬧᬶᬗᬶᬦ᭄᭞ᬗᬜᬸᬢ᭄ᬜᬿᬢ᭄ᬗᬋᬓᭀᬢ᭄ᬧᬭᬲ᭄᭟᭜᭟ᬓᬾᬢᭀ
ᬳᬸᬦ᭄ᬤᬸᬓ᭄᭞ᬤ᭄ᬬᬄᬫᬾᬢ᭄ᬭ᭄ᬬᬲᭂᬲᬳᬶ᭞ᬕᭂᬮᬶᬲᬶᬂᬘᬭᬶᬢ᭞ᬩᬾᬜ᭄ᬚᬦᬶᬜᬲᬗᬬᬸᬫᬮᬶᬄ᭞ᬜᬤ᭄ᬬᬓᬢᬸᬓᬤ᭄ᬫᬲᬶᬭᬫ᭟᭜᭟ᬲᬤᬮᬾᬤᬢ᭄᭞ᬧᬫᬃᬕ᭄ᬕᬶᬦ᭄ᬜᬢᬤᬸᬦ᭄ᬓᬗᬶᬦ᭄᭞ᬫᬜᬗ᭄ᬓᬶᬮ᭄ᬚᬸᬦ᭄ᬢᬦᬄ᭞ [ 105 ][᭑᭐᭓ 103B]
᭑᭐᭔
ᬫᬓ᭄ᬢᬳᬫ᭄ᬩᬸᬄᬓᬮᬶᬄᬲᬶᬲᬶᬕ᭄᭞ᬢᬬᬸᬗᬦ᭄ᬜᬓᭂᬧᬢ᭄ᬓᭂᬧᬢ᭄᭟᭜᭟ᬚᬦ᭄ᬢᭀᬲ᭄ᬮᭂᬧᬸᬕ᭄᭞ᬤᭀᬦ᭄ᬦᬗ᭄ᬓᬦᬾᬓᬸᬦᬶᬂᬓᬸᬦᬶᬂ᭞ᬓᬗ᭄ᬕᬾᬦ᭄ᬜᭂᬭᬸᬓ᭄ᬫᬸᬓ᭞ᬲᬗ᭄ᬓᬦ᭄ᬳᬮᬸᬲ᭄ᬮᬸᬫ᭄ᬮᬸᬫ᭄ᬕᬤᬶᬂ᭞ᬧᬺᬭᬳᬶᬦ᭄ᬦᬶᬮᬸᬄᬫᬾᬢ᭄ᬭ᭄ᬬᬵ᭟᭜᭟ᬭᬸᬧᬳᬬᬸ᭞ᬫᬸᬯᬸᬄ
ᬫᬧᬶᬬᬭᬲᬳᬶ᭞ᬲᬸᬫᬶᬗ᭄ᬓᬶᬦ᭄ᬜᭂᬕᬾᬕᬂ᭞ᬭᬸᬧᬦ᭄ᬜᬗᭂᬜᬸᬤᬶᬦ᭄ᬳᬢᬶ᭞ᬲᬗ᭄ᬓᬦ᭄ᬲᬳᬶᬦᬗ᭄ᬓᭂᬚᬸᬢᬂ᭟᭜᭟ᬭᬶᬂᬳᬮᬲᬾ᭞ᬓᬢᬄᬳᬶᬧᬸᬦ᭄ᬗᬤᬾᬦ᭄ᬦᬧᬶ᭞ᬭᬄᬫᬘᭂᬩ᭄ᬮᭂᬂᬕᬮᬂ᭞ᬯᬯᬸᬓᬧᭂᬤᬲ᭄ᬧᭂᬤᬲᬶᬦ᭄᭞ᬦᬾᬫᬾᬢ᭄ᬭ᭄ᬬ
ᬗᬮᬧ᭄ᬲᭂᬓᬃ᭟᭜᭟ᬢᬬᬸᬂᬢᬬᬸᬂ᭞ᬢᬗᬦ᭄ᬜᬫᬍᬗ᭄ᬓᬸᬂᬓᬶᬤᬶᬓ᭄᭞ᬚᬭᬶᬚᬶᬦᬾᬗᬜ᭄ᬘᬦ᭄᭞ᬫᬲᬮᬶᬩᬄᬓᬫ᭄ᬩᭂᬦ᭄ᬘᭂᬭᬶᬓ᭄᭞ᬲ᭄ᬭᬸᬧᬢᬦ᭄ᬜᬫᬶᬦ᭄ᬢᬂᬓᭂᬫ᭄ᬩᬃ᭟᭜᭟ᬭᬶᬂᬮᬶᬲᬶᬕᬦ᭄᭞ᬧᬫᬃᬕ᭄ᬕᬶᬦᬾᬢᬤᬄᬦᬶᬜ᭄ᬚᬶᬓ᭄᭞ᬭᭀ
ᬫᬫᬕᬫ᭄ᬩᬳᬦ᭄᭞ᬗᭂᬩᬶᬢᬂᬯᬲ᭄ᬢ᭄ᬭᬳᬓᬶᬤᬶᬓ᭄᭞ᬘᭀᬓᭀᬭᬾᬫᬸᬤᬓ᭄ᬘᬶᬦᬕ᭟᭜᭟ᬲᭂᬤᭂᬓ᭄ᬗᬸᬦ᭄ᬢᬸᬮ᭄᭞ᬫ᭄ᬮᬯᬦᬶᬦ᭄ᬫᬃᬕ᭄ᬕᬶᬦᬾᬩᭂᬮᬶᬕ᭄᭞ᬦᬶᬤ᭄ᬬᬄᬫᬾᬢ᭄ᬭ᭄ᬬ᭞ᬘᭂᬗᭂᬄᬫᬶᬋᬗᬂᬧ᭄ᬭᬸᬯᬶᬢ᭄᭞ᬤᬸᬭᬦ᭄ᬤᬗᬶᬦ᭄ᬢ
[᭑᭐᭔ 104A]
ᬤᬄᬤᭀᬳᬦ᭄᭟᭜᭟ᬲᬫ᭄ᬩᬶᬮ᭄ᬗᬸᬦ᭄ᬢᬸᬮ᭄᭞ᬦᬶᬫᬾᬢ᭄ᬭ᭄ᬬᬍᬤᬾᬢ᭄ᬫᬮᬶᬂ᭞ᬓᬶᬫᬸᬤ᭄ᬧᬤᬾᬗᭀᬫᭀᬂ᭞ᬧᬮᬶᬬᬢᬾᬫᭂᬦᬾᬓ᭄ᬓᬗᬶᬦ᭄᭞ᬭᬸᬦ᭄ᬢᬕᬾᬫᬢᬸᬫ᭄ᬩᬓ᭄ᬮᬶᬬᬢ᭄᭟᭜᭟ᬫᬧᬦ᭄ᬲᬫ᭄ᬧᬸᬦ᭄᭞ᬓᬧᬃᬡ᭄ᬦᬭᬶᬂᬳᬢᬶ᭞ᬢᬦ᭄ᬚᬮᬶ
ᬬᬦ᭄ᬲᬂᬓᬳᬾᬲ᭄ᬢᬶ᭞ᬫᬫᬃᬕ᭄ᬕᬶᬳᬬᬢᬢ᭄ᬦᭂᬤᬸᬦᬂ᭟᭜᭟ᬤᬯᭂᬕ᭄ᬜᬭᬸ᭞ᬲᬗᬬᬸᬫᭂᬦᭂᬄᬓᭂᬜ᭄ᬘᭂᬭᬶᬓ᭄᭞ᬫᬗᬸᬦ᭄ᬢᬮᬂᬭᭀᬫ᭞ᬗᬯᬾᬧᭀᬮᬶᬄᬜᭂᬍᬤᬾᬢ᭄ᬜᬸᬭᬶ᭞ᬓᬕᬾᬢ᭄ᬲᬂᬩᬕᬸᬲ᭄ᬓᬘᬶᬗᬓ᭄᭟᭜᭟ᬢᭂᬤᬸᬘ᭄ᬓᬯᬸᬄ᭞ᬭᬶᬂᬲᬫ᭄ᬧ᭄ᬬ
ᬳᬶᬂᬕᬶᬭᬶᬧᬸᬢ᭄ᬭᬶ᭞ᬫᬶᬲᬤ᭄ᬬᬓᬢᬸᬓᬤ᭄᭞ᬧᬘᬂᬲᬫ᭄ᬩᬶᬮ᭄ᬗᭂᬚᬸᬓ᭄ᬓᬶᬤᬶᬓ᭄᭞ᬜᬮ᭄ᬬᬦ᭄‌ᬗ᭄ᬕᬾᬦ᭄ᬧᬗᬶᬚᭂᬂᬢ᭄ᬮᬕ᭟᭜᭟ᬲᬂᬅᬃᬚ᭄ᬯᬯᬵ᭞ᬲᬬᬦ᭄ᬦᬫ᭄ᬧᭂᬓᬂᬓᬵᬳᬓ᭄ᬱᬶ᭞ᬲᬗ᭄ᬓᬦ᭄ᬦᬶᬫᬾᬢ᭄ᬭ᭄ᬬ᭞ᬳᬶᬜ᭄ᬚᬸᬦ᭄ᬢᬶᬦ᭄ᬤᬓᬦ᭄ᬜᬧᬮᬶᬂ᭞ᬓᬾᬢᭂᬕᭂᬄ
ᬢᭂᬕᭂᬄᬓᬕ᭄ᬭᬕᬲ᭄᭟᭜᭟ᬫᬸᬮᬓᬾᬢᭀ᭞ᬳᬶᬢᬭᬸᬡᬮᬦ᭄ᬢᬭᬸᬡᬶ᭞ᬫᬶᬗ᭄ᬓᬶᬦ᭄‌ᬬᬦ᭄ᬕᬾᬮᬦ᭄ᬜ᭞ᬢᬦ᭄ᬧᬲᬗ᭄ᬓᬦ᭄ᬚᭂᬕ᭄ᬫᬧᬗ᭄ᬕᬶᬄ᭞ᬦᬤᬓ᭄ᬮᬾᬫ᭄ᬧ᭄ᬭᭀᬄᬩᬬᬸᬭᬸᬦ᭄ᬢᬕ᭄᭟᭜᭟ᬕ᭄ᬮᭂᬩᬸᬄᬕ᭄ᬮᭂᬩᬸᬄ᭞ᬲᬸᬫ᭄ᬩ᭄ᬭᬸᬄᬢᬗ᭄ᬓᬄᬜ [ 106 ][᭑᭐᭔ 104B]
᭑᭐᭗
᭑᭐᭕
ᬗᬩᬶᬩᬶ᭞ᬤ᭄ᬬᬲ᭄ᬢᬸᬲᭀᬓ᭄ᬭᬶᬂᬢᭂᬩ᭞ᬬᬦ᭄ᬓᬧᬗ᭄ᬕᬶᬄᬲᬂᬓᬳᬾᬲ᭄ᬢᬶ᭞ᬢᭂᬩᬦᬾᬫᬭᬲᬧᬸᬭ᭟᭜᭟ᬳᬕᭂᬢ᭄ᬧᭂᬲᬦ᭄᭞ᬳᬶᬤᬲᬂᬳ᭄ᬬᬂᬧ᭄ᬭᬫᬓᬯᬶ᭞ᬮᬾᬤᬂᬫᬧᬳᬶᬘ᭞ᬫᬓᬵᬤᬶᬭᬶᬂᬧᬭᬚᬤ᭄ᬫᬶ᭞ᬲᬫᬶᬓᬳᬶᬘᬾᬦ᭄ᬮᭂᬓ᭄ᬫᬦᬄ᭟᭜᭟ᬗ
ᬯᬾᬩᬸᬯᬸᬂ᭞ᬢᬶᬤᭀᬂᬢᬶᬤᭀᬂᬓᬓᬃᬬ᭄ᬬᬦᬶᬦ᭄᭞ᬭᬶᬂᬕᭂᬦᬳᬾᬮᬶᬓᬤ᭄᭞ᬬᬦ᭄ᬤᬶᬢᬸᬫᬲᭂᬭᭀᬤ᭄ᬓᬶᬤᬶᬓ᭄᭞ᬗᬯᬾᬕᭂᬢᬶᬄᬫᬓᬘᬓᬦ᭄᭟᭜᭟ᬓᬕᬾᬢ᭄ᬲᬫ᭄ᬧᬸᬦ᭄᭞ᬲᬬᬦ᭄ᬢᬫ᭄ᬧᭂᬓ᭄‌ᬬᬲᬂᬓᬮᬶᬄ᭞ᬗᬯᬶᬢ᭄ᬲᬂᬅᬃᬚ᭄ᬚᬯ᭞
ᬗᭂᬩᬶᬢᬂᬮᬫ᭄ᬩᬾᬩᬾᬫᬓᭂᬜᬶᬂ᭞ᬗᬫ᭄ᬩᬶᬮ᭄ᬢᬗᬦ᭄ᬦᬶᬫᬾᬢ᭄ᬭ᭄ᬬ᭟᭜᭟ᬭᬢᬸᬳᬬᬸ᭞ᬚᬶᬯᬢᬫᬦ᭄ᬩᭂᬮᬶᬦᬾᬬᬤᬶ᭞ᬲᬂᬫᬸᬲ᭄ᬢᬶᬓᬦ᭄ᬫᬦᬄ᭞ᬲᬸᬯᬾᬓᬾᬲᬫ᭄ᬧᬸᬦ᭄ᬳᬶᬭᬶᬓᬶ᭞ᬤᬶᬚᬧᬘᬂᬗᬮᬧ᭄ᬲᭂᬓᬃ᭟᭜᭟ᬩᭂᬮᬶᬯᬯᬸ᭞ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬢ
ᬫ᭄ᬬᬸᬧ᭄ᬭᬧ᭄ᬢᬶ᭞ᬢᬗ᭄ᬓᬶᬮ᭄ᬭᬶᬂᬲᬂᬢᬧ᭞ᬢᬦ᭄ᬯᭂᬦᬂᬢᬫ᭄ᬬᬸᬓᬮᬳᬶᬦ᭄᭞ᬓᬩᬯᭀᬲ᭄ᬢᬦ᭄ᬫᬦᬸᬢ᭄ᬓ᭄ᬭᬫ᭟᭜᭟ᬓᬾᬢᭀᬢᬸᬳᬸ᭞ᬳᬶᬦ᭄ᬤᬶᬓᬾᬧᬂᬬᬤᬶᬳᬸᬦᬶᬂᬲᬗ᭄ᬓᬦ᭄ᬩᬸᬓᬓᬤᬢ᭄᭞ᬤᬾᬯᬾᬓ᭄ᬩᭂᬮᬶᬢᭂᬓᬫᬳᬶ᭞ᬳᬶᬗᭂ
[᭑᭐᭕ 105A]
ᬢ᭄ᬭᬶᬂᬚᬜ᭄ᬚᬶᬦᬾᬲᬸᬩ᭟᭜᭟ᬓᬤᬾᬦ᭄ᬬᬤᬶ᭞ᬗᬓᬸᬯᬂᬧᬘᬂᬗᬧ᭄ᬕᬧᬶᬦ᭄᭞ᬦᬾᬳᬶᬢᬶᬕᬂᬤᬶᬦ᭞ᬩᬸᬗ᭄ᬓᬸᬂᬧᬧᭂᬦ᭄ᬤᭀᬓ᭄ᬳᬓᬢᬶᬄ᭞ᬳᬗ᭄ᬕᬾᬦ᭄ᬧᬳᬶᬗᭂᬢ᭄ᬳᬶᬧᬶᬬᬦ᭄᭟᭜᭟ᬧᬶᬘᬦ᭄ᬭᬢᬸ᭞ᬧᬘᬂᬕᬯᬾᬦᬂᬧᬮᬶᬗ᭄ᬕᬶᬄ᭞
ᬤᬸᬳᬸᬃᬧᬢᬸᬭᭀᬦᬦ᭄᭞ᬧᭂᬢᭂᬂᬍᬫᬄᬓᬪᬓ᭄ᬢᬶᬦᬶᬦ᭄᭞ᬧᬶᬗᬶᬢᬂᬳᬗ᭄ᬕᬾᬦ᭄ᬪᬝᬭ᭟᭜᭟ᬓᬾᬢᭀᬗᬚᬸᬫ᭄᭞ᬲᬂᬅᬃᬚ᭄ᬚᬯᬓᭂᬜᭂᬫ᭄ᬢᬶᬧᬶᬲ᭄᭞ᬫᬯᬸᬯᬸᬄᬫᬕᬸᬲᬂ᭞ᬓᬸᬫᬶᬲᬾᬕᭂᬍᬲ᭄ᬗᬸᬭᬶᬭᬶᬢ᭞ᬲᬫ᭄ᬧᬶᬂᬚᬕᬸᬢᬾ
ᬳᬤᭂᬗᬦ᭄᭟᭜᭟ᬦᬶᬮᬸᬄᬳᬬᬸ᭞ᬗᬮᬶᬜᬸᬂᬲᬸᬗ᭄ᬕᬶᬂᬜᬯᬸᬭᬶᬦ᭄᭞ᬗᬮᬶᬮᬶᬃᬘᬘᬶᬗᬓ᭄᭞ᬩᭂᬮᬶᬲᬂᬅᬃᬚ᭄ᬚᬯᬚᬳᬶᬮ᭄᭞ᬲᬢᬢᬩᭂᬮᬶᬗᬚᬸᬫᬂ᭟᭜᭟ᬤ᭄ᬬᬲ᭄ᬢᬸᬓᬤᬸᬂ᭞ᬩᭂᬮᬶᬢᬦ᭄ᬭᬯᬸᬄᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂ
ᬢᬦ᭄ᬚᬗ᭄ᬬᬢ᭄ᬬᬢ᭄ᬬᬢ᭄᭞ᬗᬤ᭄ᬬᬂᬲᬾᬢᬶᬢ᭄ᬬᬂᬢᬦ᭄ᬭᬢᬶᬄ᭞ᬗᬦ᭄ᬢᭀᬲᬂᬲᬂᬳ᭄ᬬᬂᬲᬫᬭ᭟᭜᭟ᬢᬍᬃᬢᬶᬢ᭄ᬬᬂ᭞ᬬᬳᬶᬤᬤᬾᬯᬶᬲᬘᬶ᭞ᬗᬸᬤ᭄ᬬᬂᬲᬾᬗᬦ᭄ᬢᭀᬲᬂ᭞ᬧᬂᬭᬯᬸᬄᬳ᭄ᬬᬂᬇᬦ᭄ᬤ᭄ᬭᬫ᭄ᬭᬶᬓᬶᬢᬶᬢ᭄ᬬᬂᬯᬦ᭄ᬢᬄ [ 107 ][᭑᭐᭕ 105B]
᭑᭐᭖
ᬦᬶᬢ᭄ᬭ᭄ᬬ᭟᭜᭟ᬩᭂᬮᭀᬕ᭄ᬧᬗ᭄ᬕᬸᬂᬢᬦ᭄ᬳᬸᬦᬶᬂᬜᬸᬓᬦᬶᬦ᭄ᬳᬢᬶ᭞ᬲᭂᬩᭂᬂᬫᬭᬸᬗᬸᬲᬂ᭞ᬧᬸᬧᬸᬢ᭄ᬯᬦ᭄ᬢᬄᬫᬦᭀᬍᬕᬶᬦ᭄᭞ᬢ᭄ᬯᬭᬩᬶᬲᬫᬓᬶᬧᭂᬓᬦ᭄᭟᭜᭟ᬩᬦ᭄ᬢᬲ᭄ᬦᬸᬚᬸ᭞ᬭᬯᬸᬄᬢᬫ᭄ᬬᬸᬓᬧᬄᬳᬾᬮᬶᬂ᭞ᬫᬭᬶᬂᬧᭀᬦ᭄ᬤᭀ
ᬓ᭄ᬢᬶᬢ᭄ᬬᬂ᭞ᬗᬾᬗ᭄ᬕᬮᬂᬢᬶᬢ᭄ᬬᬂᬜᬮᬶᬩ᭄ᬲᬶᬩ᭄᭟᭜᭟ᬩᬦ᭄ᬢᬦ᭄ᬳᬸᬦᬶᬂᬫᬘᬧᬢᬦ᭄᭟᭜᭟ᬧᬸᬢ᭄ᬭᬶᬕᬸᬦᬸᬂ᭞ᬢ᭄ᬯᬭᬦᬯᬂᬭᬲᬦ᭄ᬦᬲᬶ᭞ᬯᬋᬕᬂᬓᬲᬾᬮ᭞ᬫᬯᬶᬦᬦ᭄ᬜᬮᬶᬦᬾᬘᭂᬭᬶᬓ᭄᭞ᬫᬦᬳᬾᬳᬘᭂᬗ᭄ᬓᬂᬦᬸᬗ᭄ᬓᬓ᭄᭞
᭟᭜᭟ᬚᭀᬄᬧᬭ᭞ᬲᬶᬤᬤᬤᭀᬲ᭄ᬳᬦᬓ᭄ᬭᬶᬭᬶᬄ᭞ᬦᬾᬲᬸᬕᬶᬄᬯᬶᬯᬾᬓ᭞ᬢᬢᬲ᭄ᬭᬶᬂᬳᬗ᭄ᬓᬶᬬᬦ᭄ᬕᬸᬫᬶ᭞ᬓᭂᬜ᭄ᬘᬄᬭᬶᬂᬲᬮ᭄ᬯᬶᬃᬓᭂᬜ᭄ᬘᬦ᭄᭟᭜᭟ᬬᬦᬶᬂᬢᬶᬢ᭄ᬬᬂ᭞ᬲᬶᬭᬗᬗ᭄ᬓᬾᬦ᭄ᬢᭂᬤᬸᬂᬕᬸᬫᬶ᭞ᬦᬾᬲᬫ᭄ᬧᬸᬦ᭄ᬓᬭ᭄ᬯᬦ᭄᭞ᬳᬸ
ᬦᬶᬂᬯᬦ᭄ᬢᬄᬧᬓᬸᬮᬶᬓᬶᬂ᭞ᬫᬩᬜ᭄ᬚᬭᬦ᭄ᬗᬚᬓ᭄ᬮᬸᬩᬓ᭄᭟᭜᭟ᬲᬧᬸᬦᬶᬓᬵ᭞ᬤ᭄ᬬᬄᬫᬢ᭄ᬭ᭄ᬬᬜᬯᬸᬭᬶᬦ᭄᭞ᬢᬤᬄᬫᬭᬸᬗᬸᬲᬂ᭞ᬲᬓᬶᬂᬤᬸᬯᭂᬕ᭄ᬗᬯᬾᬳᬚᬶ᭞ᬓᬤᬶᬗᬫ᭄ᬩᬸᬮ᭄ᬫᬢᭂᬳᭂᬦᬦ᭄᭟᭜᭟ᬳᬸᬓᬸᬄᬜᬯᬸᬃ᭞ᬲᬂᬅᬃᬚ᭄ᬚ
[᭑᭐᭖ 106A]
ᬯᬵᬗ᭄ᬯᬯᬦᬶᬦ᭄᭞ᬚᭂᬕ᭄ᬦᬤᬓ᭄ᬫᬯᭀᬲᬂ᭞ᬢᬦ᭄ᬫᬫ᭄ᬧᬸᬄᬜᬸᬚᬸᬓᬂᬤᬶᬭᬶ᭞ᬲᬗ᭄ᬓᬦ᭄ᬩᬋᬂᬫᬲ᭄ᬮᬾᬧᭀᬲᬦ᭄᭟᭜᭟ᬧᬸᬧᬸᬢ᭄ᬤᬶᬢᬸ᭞ᬧᬥᬩᭂᬗᭀᬂᬫᬓᬓᬮᬶᬄ᭞ᬢᭂᬧᬾᬦ᭄ᬤᬯᬸᬄᬰᬹᬦ᭄ᬬ᭞ᬦᬗ᭄ᬳᬶᬂᬢᬗᬦ᭄ᬜᬦᬾᬕᬸ
ᬤᬶᬧ᭄᭞ᬲᬂᬅᬃᬚ᭄ᬚᬯᬗᭂᬮᬸᬢ᭄ᬫᬤ᭄ᬬ᭟᭜᭟ᬲᬦᬾᬓᬶᬯ᭞ᬗᭂᬮᬸᬢ᭄ᬩᬳᬸᬗᬭᬲ᭄ᬧᬶᬧᬶ᭞ᬦᬾᬳᬗ᭄ᬓᭂᬩᬶᬄᬦ᭄ᬭᭀᬫ᭞ᬲᬗ᭄ᬓᬦ᭄ᬲᬭᬸᬯᬦ᭄ᬳᬓᬶᬤᬶᬓ᭄᭞ᬦᬧᬶᬓᬾᬫᬲᭂᬧ᭄ᬲᭂᬧ᭄ᬮᬶᬤᬄ᭟᭜᭟ᬦᬶᬫᬾᬢ᭄ᬭ᭄ᬬ᭞ᬓ
ᬤᬾᬦ᭄ᬲᬚᬍᬓ᭄ᬳᬢᬶ᭞ᬓᬶᬫᬸᬤ᭄ᬫᬢᬶᬍᬲᬂ᭞ᬢᬓᬸᬢ᭄ᬗᭂᬦ᭄ᬢᬸᬮ᭄ᬳᬦᬓ᭄ᬫ᭄ᬯᬦᬶ᭞ᬦᬗ᭄ᬳᬶᬂᬯᬯᬸᬧᬤᬤ᭄ᬯᬦᬦ᭄᭟᭜᭟ᬢᭂᬓᬵᬧᬢᬸᬄ᭞ᬕᬮᬓ᭄ᬜᬭᬶᬲᬦᬾᬫ᭄ᬯᬦᬶ᭞ᬢᭂᬓᭂᬓ᭄ᬫᬕᬺᬫᭂᬢᬦ᭄᭞ᬢᬗᬦ᭄ᬜᬗᭂᬮᬸᬢ᭄ᬜᬗ᭄ᬓᬸ
ᬢᬶᬦ᭄᭞ᬗᭀᬬᭀᬢ᭄ᬧᬶᬧᬶᬫᭂᬤ᭄ᬫᬶᬤᬦ᭄᭟᭜᭟ᬘᬸᬗᬸᬄᬫᬜ᭄ᬘᬸᬂ᭞ᬤ᭄ᬬᬲ᭄ᬢᬸᬳᬩᬸᬮᬦ᭄ᬧ᭄ᬭᬩᭀᬢᬶᬦ᭄᭞ᬳᬗ᭄ᬕᬾᬦ᭄ᬗᬸᬋᬓ᭄ᬫᬸᬳᬵ᭞ᬢᬦ᭄ᬧᬘᬂᬢᬸᬢᬸᬤ᭄ᬳᬓᬶᬤᬶᬓ᭄᭞ᬧᬸᬧᬸᬢ᭄ᬬᬗᬲᬸᬦᬦᬸᬗ᭄ᬕᬮ᭄᭟᭜᭟ [ 108 ][᭑᭐᭖ 106B]
᭑᭐᭗
ᬫᬶᬦᬩ᭄ᬮᬗ᭄ᬓᬸᬂ᭞ᬳᬤᬯᬸᬄᬤᬶᬢᬸᬲᬂᬓᬮᬶᬄ᭞ᬫᬢᬾᬤᭀᬄᬫᬕᬸᬬᬂ᭞ᬗᬸᬮᬸᬭᬶᬦᬓᬲᬸᬓᬦ᭄ᬳᬢᬶ᭞ᬗᬍᬜᬕᬂᬮᬸᬯᬸᬦ᭄ᬤᬤᬄ᭟᭜᭟ᬦᬗ᭄ᬳᬶᬂᬳᬕᭂᬢ᭄᭞ᬫᬘᬦ᭄ᬤᬢᬦ᭄ᬗᬸᬦᬸᬲ᭄ᬓᭂᬭᬶᬲ᭄᭞ᬧᬸᬧᬸᬢ᭄ᬯᬦ᭄ᬢᬄᬢᬗ
ᬦ᭄᭞ᬓᬗ᭄ᬕᬾᬦ᭄ᬤᬶᬢᬸᬲᬮᬶᬂᬢ᭄ᬓᬶᬲ᭄᭞ᬲᬗ᭄ᬓᬦ᭄ᬢ᭄ᬯᬭᬫᭂᬤᬮ᭄ᬭᬄ᭟᭜᭟ᬲᬓᬾᬯᬦ᭄ᬢᭂᬦ᭄᭞ᬳᬓᬾᬄᬓᬦᬶᬦ᭄ᬲᬶᬲᬶᬦ᭄ᬓᬸᬮᬶᬢ᭄᭞ᬫᬲᬶᬄᬚᬢᬳᬦᬂ᭞ᬭᬾᬄᬘᬸᬗᬸᬄᬫᬜ᭄ᬘᬸᬂᬦᭂᬩᭂᬓᬶᬦ᭄᭞ᬧᬶᬧᬶᬦᬾᬫᬘᭂ
ᬩ᭄ᬮᬾᬂᬩᬭᬓ᭄᭟᭜᭟ᬘᬭᬶᬢᬬᬂ᭞ᬢᬍᬃᬓᬦ᭄ᬢᬸᬦ᭄ᬬᬲᬂᬓᬮᬶᬄ᭞ᬳᬶᬭᬶᬓᬵᬫᭂᬦᭂᬫᬦ᭄᭞ᬦᬗ᭄ᬳᬶᬂᬲᬫ᭄ᬧᬸᬦ᭄ᬧᬮᬲ᭄ᬓᬶᬤᬶᬓ᭄᭞ᬯᬸᬲᬦ᭄ᬲᬮᬶᬂᬕᭂᬮᬸᬢ᭄ᬫᬤ᭄ᬬ᭟᭜᭟ᬬᬦ᭄ᬤᬶᬕᬸᬦᬸᬂ᭞ᬫᬸᬮᬲᬧᬸᬦᬶᬓᬲᭂ
ᬭᬶᬂ᭞ᬦᬤᬓ᭄ᬢᬦ᭄ᬧᬲᬗ᭄ᬓᬦ᭄᭞ᬲᬬᭀᬂᬢᬶᬸᬗᬾᬢᭂᬓᬵᬫᬫᬸᬢᬶᬄ᭞ᬦᬗ᭄ᬓᭂᬩ᭄ᬳᬮᬲ᭄ᬫᬮᬶᬗ᭄ᬓᬸᬩᬦ᭄᭟᭜᭟ᬩᬸᬯᬸᬂᬧᬬᬸ᭞ᬗᭂᬚᬸᬓ᭄ᬜᬮ᭄ᬬᬦ᭄ᬓᬬᬂᬫᬦᬶ᭞ᬤ᭄ᬯᬦᬶᬂᬲᬂᬅᬃᬚ᭄ᬚᬯᬵ᭞ᬓᬤᬶᬮᬶᬧ᭄ᬬᬧᬺᬫᬗ᭄ᬓᬶᬦ᭄᭞ᬯᬶ
[᭑᭐᭗ 107A]
ᬢ᭄ᬕᭂᬜ᭄ᬘᭂᬮ᭄ᬫᬦᬄᬲᬫᬭ᭟᭜᭟ᬲᬬᬦ᭄ᬮᬫᬶ᭞ᬲᬬᭀᬗᬾᬗᭂᬩᭂᬓᬶᬦ᭄ᬕᬸᬫᬶ᭞ᬢᭀᬂᬫᬓᬦ᭄ᬢᭂᬦ᭄ᬚᬕᬢ᭄᭞ᬤᬸᬮᬸᬭᬶᬦ᭄ᬲᬩᭂᬄᬗᬸᬭᬶᬩᬶᬲ᭄᭞ᬲᬂᬓᬮᬶᬄᬫᬦᬯᬶᬩᬸᬤᬮ᭄᭟᭜᭟ᬓᬮᬶᬂᬓᬾᬬ᭞ᬦᬶᬫᬾᬢ᭄ᬭ᭄ᬬᬫ᭄ᬭᬕ
ᬳᬶᬲ᭄ᬢ᭄ᬭᬶ᭞ᬳᬚ᭄ᬭᬶᬄᬬᬦ᭄ᬓᬲᬾᬧᬦ᭄᭞ᬫᬦ᭄ᬢᬸᬓ᭄‌ᬯᬶᬢ᭄ᬤᬬᬦᬾᬩᭂᬜᬶᬕ᭄᭞ᬫᬘᬦ᭄ᬤᬭᬶᬂᬳᬦᬓ᭄ᬮᬦᬂ᭟᭜᭟ᬓᬬᬂᬭᬫ᭄ᬩᬸᬢ᭄᭞ᬲᬸᬯᬩ᭄ᬲᬸᬯᬩᬂᬲᬮᬶᬓ᭄ᬱᬶᬓ᭄᭞ᬲᭂᬮᬂᬭᬶᬂᬮᬸᬯᬸᬦ᭄ᬤᬤᬄ᭞ᬳᬓᬾᬄᬭᬶᬂᬭ
ᬫ᭄ᬩᬸᬢᬾᬗᭂᬲᬶᬮ᭄᭞ᬭᬾᬄᬢᬸᬦ᭄ᬬᬦ᭄ᬬᬸᬲᬦ᭄ᬫᬮᬢ᭄ᬮᬢ᭄᭟᭜᭟ᬓᬸᬢᬶᬂᬢᬸᬦ᭄ᬤᬸᬦ᭄᭞ᬳᬳᬗ᭄ᬕᬮᬶᬕᬤᬩ᭄ᬲᬧ᭄ᬲᬧᬶᬦ᭄᭞ᬢᬦ᭄‌ᬬᬓᬧᬸᬢ᭄ᬜᬜᬤ᭄᭞ᬫᬓᬳᬸᬓᬸᬤ᭄ᬚᭂᬕ᭄ᬜᭂᬮᬗᬶᬦ᭄᭞ᬦᬾᬗᬯᬶᬳᬶᬬᬚᬶᬫᭂᬗ᭄ᬕᬄ᭟᭜᭟
ᬫᬗ᭄ᬓᬶᬦ᭄ᬯᬯᬸ᭞ᬭᬯᬸᬄᬧᬤᬓᬢᬓᬾᬦᬶᬦ᭄᭞ᬭᬶᬂᬳᬶᬬᬚᬶᬩᬶᬬᬂ᭞ᬫᬲᬯᬸᬃᬫᬓᭂᬜᬶᬂᬧᬗᬶᬤ᭄᭞ᬦᬗ᭄ᬳᬶᬂᬢᬤᬄᬜᬍᬩᬶᬗ᭄ᬓᬄ᭟᭜᭟ᬤᬕᬶᬂᬳᬶᬧᬸᬦ᭄᭞ᬓᬤᬶᬩᬯᭀᬲᬾᬤᬶᬢᬸᬦᬶ᭞ᬳᬦ᭄ᬢᬸᬓ᭄ᬲᬋᬂᬳᭀᬜ [ 109 ][᭑᭐᭗ 107B]
᭑᭐᭘
᭞ᬲᬫ᭄ᬧᬸᬦ᭄ᬫᬤᬸᬯᬾᬍᬓ᭄ᬳᬢᬶ᭞ᬲᬸᬓ᭄ᬱ᭄ᬫᬦ᭄ᬮᭂᬓᬾᬉᬢ᭄ᬢᬫ᭟᭜᭟ᬯᬦ᭄ᬢᬄᬳᬶᬧᬸᬦ᭄᭞ᬳᬶᬩᭂᬮᭀᬕ᭄ᬩᭂᬗ᭄ᬓᬸᬂᬢᭀᬂᬗᬃᬢ᭄ᬢᬶ᭞ᬫᬮᬶᬄᬬᬜᭂᬓᭂᬦᬂ᭞ᬚᬤ᭄ᬫᬦᬾᬲᬩᬢᬦ᭄ᬮᬗᬶᬢ᭄᭞ᬢᬦ᭄ᬳᭀᬜᬫᬤ᭄ᬯᬾᬍᬓ᭄ᬫᬦᬄ᭟᭐
᭟ᬬᬦ᭄ᬭᬯᭀᬲᬂ᭞ᬲᬂᬪᬶᬫᬲᬂᬓᬸᬭᬸᬧᬢᬶ᭞ᬓᬺᬱ᭄ᬡᬵᬩᬮᬤᬾᬯ᭞ᬲᬂᬧᬃᬣᬅᬯᬗ᭄ᬕᬧᬢᬶ᭞ᬲᬋᬂᬲᬶᬋᬧ᭄ᬫᬮᬶᬄᬚᬳᬦ᭄᭟᭜᭟ᬓᬾᬢᭀᬫ᭄ᬭᬸᬩᬸᬲ᭄᭞ᬧᭂᬢᬦ᭄ᬳᬶᬩᭂᬗ᭄ᬓᬗᬾᬗᭂᬫ᭄ᬩᬶᬃ᭞ᬢᭀᬂᬦᬯᬂᬮᬮᬶ
[᭑᭐᭘ 108A]
ᬦ᭄ᬢᬄ᭞ᬗᭀᬫ᭄ᬧᬂᬲᬫ᭄ᬩᬶᬮ᭄ᬤᭂᬮᬓ᭄ᬓᭂᬮᬶᬓ᭄᭞ᬢᬸᬮ᭄ᬬᬫᬢᬦ᭄ᬤᬯᬂᬤᬯᬂ᭟᭜᭟ᬚᭂᬕ᭄ᬓᬢᬸᬦ᭄ᬤᬸᬦ᭄᭞ᬧᬮᬶᬂᬓᭂᬤᬾᬓ᭄ᬲᬂᬫᬶᬭᬕᬶ᭞ᬳᬶᬩᭂᬗ᭄ᬓᬸᬂᬗᬭᬾᬘᬓ᭄᭞ᬓᬤᬶᬳᭀᬜᬓᬳᬸᬦᬶᬗᬶᬦ᭄᭞ᬫᬧᭂᬢᬢᭀᬂ
ᬤᬤᬶᬲᭂᬮᬕ᭄᭟᭜᭟ᬢᭂᬓᬦᬤᬓ᭄᭞ᬳᬶᬩᭂᬗ᭄ᬓᬸᬂᬫᬢᭂᬤ᭄ᬫᬫᬸᬜᬶ᭞ᬭᬾᬄᬓᬫᬸᬮᬦ᭄ᬓᭂᬢ᭞ᬩᬸᬗᬸᬢ᭄ᬜᬳᭂᬗ᭄ᬕᬂᬫᬤᬶᬤᬶᬄ᭞ᬳᬕᭂᬢ᭄ᬯᬾᬦ᭄ᬢᭂᬦ᭄ᬗᬢᬭᬬᬂ᭟᭜᭟ᬳᬸᬮᬶᬂᬧᬶᬤᬦ᭄᭞ᬘᬳᬶᬓᭂᬦᬕᬸᬡᬦ᭄ᬓᭂᬮᬶᬃ᭞ᬳᬸ
ᬮᬸᬓᬸᬮᬸᬓ᭄ᬯᬬᬂ᭞ᬫᬢᬦᬾᬓᬦ᭄ᬢᬶᬫᬩᬤᬶᬂ᭞ᬯᬬᬗᬾᬓᬤᬾᬦ᭄ᬫᬦᬸᬱ᭟᭜᭟ᬘᬳᬶᬢᬳᬾᬦ᭄᭞ᬫᬩᬮᬶᬄᬯᬬᬂᬤᬶᬓᭂᬮᬶᬃ᭞ᬤᬸᬓ᭄ᬗᬭᬫᬬᬦ᭞ᬫᬕᭂᬦ᭄ᬤᬾᬃᬫᬓᭂᬫ᭄ᬧᬸᬮ᭄ᬚᬗᬶᬄ᭞ᬫᬓᭂᬦᭀᬓ᭄ᬫᬘᬾᬂᬘᬾᬶ᭠
ᬓᭂᬦ᭄ᬤᬂ᭟᭜᭟ᬲᬚᬮᬸᬯᬸᬂ᭞ᬳᬶᬕᭂᬮ᭄ᬯᬬᬗᬾᬗ᭄ᬮᬗᭂᬦᬶᬦ᭞ᬫᬶᬗ᭄ᬓᬶᬦ᭄ᬲᬂᬲᬸᬕ᭄ᬭᬶᬯ᭞ᬤᬸᬓ᭄ᬤᬦᬾᬫᬧ᭄ᬭᬂᬢᬦ᭄ᬤᬶᬂ᭞ᬭᬶᬂᬲᬂᬩᬮᬶᬢᭀᬭᬦᬦ᭄ᬜ᭟᭜᭟ᬲᬮᬶᬂᬩᬢ᭄ᬩᬢ᭄᭞ᬓᬤᬾᬦ᭄ᬯᬬᬗᬾᬫᬸᬜᬶ᭞ᬜ [ 110 ][᭑᭐᭘ 108B]
᭑᭐᭙
ᬓ᭄ᬘᬭᬲᭂᬗᬶᬢᬦ᭄᭞ᬫᬶᬗ᭄ᬓᬶᬦ᭄‌ᬬᬦ᭄ᬦᭂᬗᬶᬮ᭄ᬧᬩᬮᬶᬄ᭞ᬯᬬᬗᬾᬘᬭᬫᬗ᭄ᬓᬶᬦ᭄᭟᭜᭟ᬧᬋᬓᬦ᭄ᬜ᭞ᬢᬸᬗ᭄ᬕᬶᬮ᭄ᬗᭀᬫᭀᬂᬓᭂᬮᬶᬓ᭄ᬓᭂᬮᬶᬓ᭄᭞ᬮᬶᬫᬦ᭄ᬜᬗᬮᬾᬯᬢ᭄᭞ᬬᬦ᭄ᬫᭂᬦ᭄ᬤᭂᬧ᭄ᬓᬤᬸᬂᬳᬯᭂᬗᬶ᭞ᬧᬩ
ᬮᬶᬄᬢᭀᬂᬫᬓᬶᬚᭂᬧᬦ᭄᭟᭜᭟ᬘᬳᬶᬩᭂᬗ᭄ᬓᬸᬂ᭞ᬳᬶᬘᬂᬦᬾᬚᬦᬶᬗᭀᬭᬳᬶᬦ᭄᭞ᬳᬧᬂᬲᭂᬓᭂᬦ᭄ᬢᬯᬂ᭞ᬲᬸᬯᬸᬤ᭄ᬩᬜᬘᬳᬶᬧᬮᬶᬂ᭞ᬯᬬᬗᬾᬓᬤᬾᬦ᭄ᬫᬦᬸᬱ᭟᭜᭟ᬲᬸᬚᬢᬶᬦ᭄ᬜ᭞ᬦ᭄ᬢᭀᬫᬓᭂᬚᬂᬫ᭄ᬮ
ᬓᬃᬓᬸᬮᬶᬢ᭄᭞ᬳᬶᬘᬂᬢ᭄ᬯᬭᬧᭂᬤᬲ᭄᭞ᬬᬦ᭄ᬓᬸᬮᬶᬢ᭄ᬲᬫ᭄ᬧᬶᬬᬦ᭄ᬓᬫ᭄ᬩᬶᬂ᭞ᬘᬸᬢᭂᬢ᭄ᬜᬓᬸᬮᬶᬢ᭄ᬫᬓᭂᬚᬂ᭟᭜᭟ᬫᬧᬧᬶᬦ᭄ᬤᬦ᭄᭞ᬫᬳᭀᬃᬢ᭄ᬢᬾᬦ᭄ᬫᬳᬸᬓᬶᬃᬩᭂᬘᬶᬓ᭄᭞ᬫᬕᭂᬮᬸᬂᬫᬾᬦ᭄ᬤᬳᬦ᭄᭞ᬫᬧᬸᬮᬲ᭄ᬫᬢᭂᬕᭂ
ᬧ᭄ᬯᬶᬡ᭄ᬦᬶ᭞ᬳᬧᬂᬜᬓ᭄ᬫᬭᬸᬧᬗᬾᬦ᭄ᬤᬄ᭟᭜᭟ᬲᬗ᭄ᬓᬦ᭄‌ᬬᬜᬓ᭄᭞ᬓᬶᬚᬧ᭄ᬓᬶᬚᬧ᭄ᬳᬗ᭄ᬓᬶᬳᬗ᭄ᬓᬶᬄ᭞ᬳᬦᬾᬓᬶᬚᬧ᭄ᬓᬶᬚᬧ᭄᭞ᬳᭂᬦ᭄ᬢᭀᬯᬬᬂᬫᬧᬥᬸᬦ᭄ᬢᬶᬮ᭄᭞ᬳᬗ᭄ᬓᬶᬳᬂᬲᬾᬫ᭄ᬩᬾᬫᬜᬸᬦᬦ᭄᭠
[᭑᭐᭙ 109A]
᭟᭜᭟ᬤᬸᬭᬶᬦ᭄ᬥᬫᬃ᭞ᬢᬳᬾᬦ᭄ᬓᬾᬘᬳᬶᬫᭂᬤᬲᬶᬦ᭄᭞ᬜᬾᬦ᭄ᬫᬰᬶᬮᬢᬧᬓ᭄᭞ᬫᬯᬶᬪᬯᬫᬸᬤᭂᬂᬧᬸᬢᬶᬄ᭞ᬲᬥᬸᬥᬃᬫ᭄ᬫᬶᬓᬵᬓᬘᬶᬗᬓ᭄᭟᭜᭟ᬲᬸᬚᬢᬶᬦ᭄ᬜ᭞ᬦ᭄ᬢᭀᬚ᭄ᬭᭀᬤᬮᬂᬓᬤᬦᬶᬦ᭄᭞
ᬤᬦᬾᬫᬜᭀᬮᬳᬂ᭞ᬯᬬᬗᬾᬳᬤᬤᬶᬓᭂᬮᬶᬃ᭟ᬦᬾᬓᬤᬾᬦ᭄ᬘᬳᬶᬢᭀᬚᬮ᭄ᬫ᭟᭜᭟ᬚᬦ᭄ᬢᭀᬲ᭄ᬓᬾᬢᭀ᭞ᬮᬶᬬᬸᬦ᭄ᬜᬩᬦ᭄ᬜᬦᬸᬢᬸᬭᬶᬦ᭄᭞ᬳᬶᬩᭂᬗ᭄ᬓᬸᬂᬯᬯᬸᬜᬓ᭄᭞ᬳᬗ᭄ᬕᬸᬢᬗ᭄ᬕᬸᬢ᭄ᬘᬭ
ᬗᬃᬢ᭄ᬢᬶ᭞ᬚᭂᬕ᭄ᬫᬕᭂᬤᬶᬢᭀᬂᬫᬧᬫᬶᬢ᭄᭟ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞᭞ᬘ᭄ᬭᬶᬢᬬᬂᬲᬂᬩᬕᬸᬲ᭄ᬫᬮᬶᬄ᭞ᬤᬸᬓ᭄ᬧᬯᬮᬶᬦ᭄ᬳᬤ᭞ᬯᬾᬦ᭄ᬢᭂᬦ᭄ᬚᬤ᭄ᬫᬲᬋᬂᬓᬮᬶᬄ᭞ᬜᬤ᭄ᬬᬢᬗ᭄ᬓᬶᬮ᭄ᬭᬶᬂᬲᬂᬢᬧ᭟᭜᭟ᬯᬯᬸᬜᬶᬗ
ᬓ᭄᭞ᬳᬦᬓ᭄ᬢ᭄ᬭᬸᬡᬩᬕᬸᬲ᭄ᬕᭂᬜ᭄ᬚᬶᬂ᭞ᬦᬸᬮᬶᬫᬓᭂᬳᭂᬗᬦ᭄᭞ᬭᬶᬢᬶᬫ᭄ᬧᬮ᭄ᬜᬕᬶᬕᬶᬲ᭄᭞ᬳᬶᬄᬳᬶᬄᬓᬤᬸᬂᬲᭂᬤᭂᬂᬫᭂᬮᬄ᭟᭜᭟ᬳᬦ᭄ᬢᭀᬳᬤ᭞ᬰᬶᬱ᭄ᬬᬦ᭄ᬲᬂᬢᬧᬫᬦᬯᬶ᭞ᬫᬦ᭄ᬢᬸᬓ᭄ᬓᬧᬰ᭄ᬭᬫ [ 111 ][᭑᭐᭙ 109B]
᭑᭑᭐
ᬦ᭄᭞ᬳᬧᬂᬤᬤᬳᬾᬗ᭄ᬕᬮᬦ᭄ᬳᬶᬮᬶᬤ᭄᭞ᬫᭂᬮᬄᬜᬩᬸᬦ᭄ᬢᬸᬢᬶᬦ᭄ᬳᬶᬤ᭟᭜᭟ᬳᬧᬂᬳᬾᬗ᭄ᬕᬮ᭄᭞᭠ᬢᬶᬩᬭᬶᬂᬧᬰ᭄ᬭᬫᬦ᭄ᬢᬗ᭄ᬓᬶᬮ᭄᭞ᬓᬕᬾᬢ᭄ᬲᬂᬧᬡ᭄ᬥᬶᬢ᭞ᬤᬧᭂᬢᬂᬲᭂᬤᭂᬓ᭄ᬫᬕᭂᬦ᭄ᬤᬶᬂ᭞ᬓᬤᬸᬂᬜᬓᬕᬕᬸᬭᬶ
ᬢᬦ᭄᭟᭜᭟ᬳᬸᬮᬶᬂᬧᬶᬤᬦ᭄᭞ᬗᬳᬢ᭄ᬫᬮᬚᬄᬫᬕᭂᬦ᭄ᬤᬶᬂ᭞ᬢᬦ᭄ᬯᬾᬦ᭄ᬢᭂᬦ᭄ᬗᬸᬭᬸᬓᬂ᭞ᬲᬗ᭄ᬓᬦ᭄ᬧᬸᬧᬸᬢ᭄ᬭᬯᬸᬄᬫᬗ᭄ᬓᬶᬦ᭄᭞ᬳᬤᭀᬲ᭄ᬢᬸᬓᬂᬧᬤᬶᬗᭂᬳᬂ᭟᭜᭟ᬫᬸᬜᬶᬋᬫ᭄ᬧᬸᬄ᭞ᬧᭀᬘᭀᬮ᭄‌ᬢᭀᬂ
ᬩᬶᬲᬫᬕᭂᬦ᭄ᬤᬶᬂ᭞ᬩᬦ᭄ᬲᭂᬓᭂᬦ᭄ᬫᬳᭀᬃᬢ᭄ᬢ᭞ᬳᬦᬓᬾᬩᬶᬲᬫᬕᭂᬦ᭄ᬤᬶᬂ᭟ᬳᬶᬫᬢᬫ᭄ᬧᬳᬦ᭄ᬲᬶᬬᬧ᭄᭟᭜᭟ᬫᬗ᭄ᬓᬶᬦ᭄ᬲᬚ᭞ᬍᬫᬸᬄᬩᬦ᭄ᬗᬶᬍᬕᬂᬕᭂᬦ᭄ᬤᬶᬂ᭞ᬤᬸᬯᭂᬕ᭄ᬫᬯᬶᬭᬵᬫ᭞ᬦᭂᬧᭂᬢ᭄ᬕᬸᬭᬸᬫᬓ᭠
ᬓᬯᬶᬦ᭄᭞ᬤᬸᬮᬸᬭᬶᬦ᭄ᬳᬸᬦᬶᬂᬫᬩᬲᬦ᭄᭟᭜᭟ᬩᬸᬗᬄᬳᬭᬸᬫ᭄᭞ᬢᬶᬗ᭄ᬕᬃᬤᬤᬶᬩᬸᬦ᭄ᬕᬸ᭠ᬫᬶ᭞ᬫᬓᭂᬚᬂᬜᬬᬗᬂ᭞ᬢᬸᬯᬩᬚᬂᬮᬸᬄᬫ᭄ᬯᬦᬶ᭞ᬲ᭄ᬭᭀᬫᬾᬄᬜᬕ᭄ᬚᬕ᭄ᬫᬘᬧᬢᬦ᭄᭟᭜᭟ᬳ
[᭑᭑᭐ 110A]
ᬦ᭄ᬢᬸᬓ᭄ᬕᬸᬧᬸᬄ᭞ᬲᭂᬲᬳᬶᬗᬢᬸᬭᬂᬕᬸᬭᬶᬢ᭄᭞ᬬᬾᬦ᭄ᬦᬸᬚᬸᬯᭂᬤᬮᬦ᭄᭞ᬭᬶᬂᬧᬸᬭᬤᬾᬰᬫᬓᬤᬶ᭞ᬭᬯᬸᬄᬭᬶᬂᬧᬦ᭄ᬢᬶᬭᬶᬂᬫ᭄ᬭᬚᬦ᭄᭟᭜᭟ᬫᬸᬯᬸᬄᬮᬸᬯᬸᬂ᭞ᬬᬦ᭄ᬳᬤᬗᬢᬸᬭᬂᬕᬸᬭᬶᬢ᭄ ᬓᬵᬮᬧᬗᬪᬓ᭄ᬢᬶᬬ
ᬦ᭄᭞ᬲ᭄ᬯᬭᬦ᭄ᬕᬕᭂᬫᭂᬮᬶᬦ᭄ᬗᬜᬶᬄ᭞ᬲᬦ᭄ᬤᬶᬗᬶᬦ᭄ᬩᬦ᭄ᬓᬓᬶᬤᬸᬗᬦ᭄᭟᭜᭟ᬮᬶᬬᬸᬧᭂᬲᬦ᭄᭞ᬩᬢᬶᬦ᭄ᬜᬤᭂᬫᭂᬦ᭄ᬫᬕᭂᬦ᭄ᬤᬶᬂ᭞ᬬᬦᬶᬂᬲᬶᬧᭀᬓ᭄ᬫᬺᬓᬓ᭄᭞ᬩᬶᬲᬧᬸᬦᬄᬲᬓᬩᭂᬤᬶᬓ᭄᭞ᬩᬦ᭄ᬲᬳᬶᬦᬾᬫ
ᬘᬢᬢ᭄ᬯ᭟᭜᭟ᬫᬗ᭄ᬓᬶᬦ᭄ᬓᬤᬸᬓ᭄᭞ᬜᬓ᭄ᬩᬋᬂᬫᬥᬃᬫ᭄ᬫᬲᬦ᭄ᬢᬶ᭞ᬭᬸᬓᬸᬦ᭄ᬗᬚᬓ᭄ᬢᬶᬫ᭄ᬧᬮ᭄᭞ᬫᬕᭂᬦ᭄ᬢᬶᬲᬮᬶᬂᬳᬸᬜᬳᬶᬦ᭄᭞ᬩᬶᬮᬂᬧᭂᬢᭂᬂᬳᬓᬶᬬᬧᬦ᭄᭟᭜᭟ᬬᬦ᭄ᬦᬾᬫᬮᬸ᭞ᬧᭂᬧᭂᬲ᭄ᬧᭂᬤᬶᬄᬦᬫ᭄ᬧ᭄ᬮᬓ᭄ᬭ
ᬩᬶ᭞ᬩᬦ᭄ᬓᬸᬯᬗᬦ᭄ᬳᬸᬬᬄ᭞ᬗᬶᬗ᭄ᬲᬓ᭄ᬧᬶᬭᬶᬂᬫᬶᬲᬶᬦᬲᬶ᭞ᬫᬘᭂᬕᬶᬢ᭄ᬦᬜ᭄ᬚᬓ᭄ᬚᬮᬶᬓᬦ᭄᭟᭜᭟ᬗ᭄ᬳᬶᬂᬲᬲᬸᬓᬢ᭄᭞ᬧᭂᬧᭂᬲ᭄ᬫᬘᬢᬢ᭄ᬯᬳᬚᬶ᭞ᬮᬶᬬᬸᬦᭂᬧᬸᬓ᭄ᬳᬶᬫ᭄ᬩ᭞ᬤ᭄ᬬᬲ᭄ᬢᬸᬫᬸᬲᬸᬄᬗᬶᬤᬶᬄᬧᭂᬮᬶᬄ᭞ᬢ᭄ᬯ [ 112 ][᭑᭑᭐ 110B]
᭑᭑᭑
ᬭᬓᭀᬩᭂᬢ᭄ᬗᬫ᭄ᬧᬸᬭᬬᬂ᭟᭜᭟ᬓᬾᬢᭀᬳᬸᬦ᭄ᬢᬸᬂ᭞ᬲᬂᬚᭂᬫᭂᬢ᭄ᬗᬸᬮᬶᬓ᭄ᬰᬲ᭄ᬢ᭄ᬭᬵᬚᬶ᭞ᬦ᭄ᬢᭀᬓ᭄ᬭᬡᬕᬶᬩ᭄ᬭ᭠ᬲᬂ᭞ᬤᭂᬫᭂᬦ᭄ᬤᭂᬦᭂᬦ᭄ᬤᭂᬦᬦ᭄ᬩᬸᬯᬶᬦ᭄᭞ᬗᭂᬓᭀᬄᬳᬢᬶᬦᬾᬢᬶᬗ᭄ᬕᬮᬂ᭟᭜᭟ᬬᬦᬶᬂᬓᬤᬸᬓ᭄᭞ᬗᭂᬓᭀᬄᬳᬢᬶ
ᬦᬾᬳᬸᬮᬸᬭᬶᬦ᭄᭞ᬲᬤ᭄ᬬᬦᬾᬗᭂᬚᭀᬳᬂ᭞ᬫᬗ᭄ᬓᬶᬦ᭄ᬓᬤᬸᬓ᭄ᬲᬫ᭄ᬩᬶᬮ᭄ᬧᭂᬮᬶᬄ᭞ᬩᬳᬦ᭄ᬗᬮᬶᬄᬓᬓᬲᬶᬳᬦ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬂᬫᬶᬲᬤ᭄ᬬᬫᬢᬶᬦᬗᬂ᭞ᬳᬶᬦ᭄ᬤᬶᬓ᭄ᬭᬶᬂᬳᬶᬤᬲᬂᬋᬱᬶ᭞ᬩᭀᬜ᭄ᬘᭀᬲ᭄ᬗᭂᬢᬹ
ᬢ᭄ᬲᬂᬅᬃᬚ᭄ᬚᬯ᭞ᬳᬕᭂᬢ᭄ᬳᬗᬶᬦᬾᬗᬶᬮᭀᬦᬶᬦ᭄᭞ᬗᬯᬶᬦᬂᬢᬦ᭄ᬧᭂᬮᬸᬄᬧᬶᬤᬶᬢ᭄᭞ᬗᭂᬦ᭄ᬢᬧ᭄ᬲᬸᬦᬸᬢ᭄ᬲᬶᬮᬓ᭄ᬲᬶᬮᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬢᬦ᭄ᬗᬫᬸᬗ᭄ᬕᬳᬂ᭞ᬬᬦ᭄ᬮ᭄ᬬᬦᬦ᭄ᬭᬶᬂᬕᬶᬭᬶᬧᬸᬢ᭄ᬭᬶ᭞ᬲᬶᬦᬄᬕᭂᬧᬸ᭞ᬫᭀᬦ᭄ᬢᭀᬲᬸᬯᬾ
ᬦ᭄ᬜᬗᬸᬗ᭄ᬕᬳᬂ᭟᭜᭟ᬳᬦ᭄ᬢᬸᬓ᭄ᬳᬓᬾᬄᬦᬾᬦᬸᬗ᭄ᬓᬸᬮᬂ᭞ᬯᬾᬦ᭄ᬢᭂᬦ᭄ᬜᬭᬶᬂᬢᭂᬗᬄᬫᬃᬕ᭄ᬕᬶ᭞ᬩᬸᬭᬾ᭠ᬦᬾᬫᬗᬾᬦ᭄ᬤᬄᬧᬾᬮᬕ᭄᭞ᬧᬲᭂᬮᬶᬬᬩ᭄ᬫᭂᬕᬢ᭄ᬫᬃᬕ᭄ᬕᬶ᭞ᬲᬫᬶᬓᬤᬶᬫᬜᬬᬢᬶᬦ᭄᭞ᬯᬯᬸᬭᬯᬸᬄᬚ᭄ᬭᭀᬢᬫ᭄ᬬᬸ
[᭑᭑᭑ 111A]
᭞ᬘᬭᬓᬾᬢᭀᬓᬭᬲᬬᬂ᭞ᬲᬗ᭄ᬓᬦ᭄ᬩᭀᬄᬜᬮᬶᬫ᭄ᬧᬸᬢ᭄ᬩᬢᬶᬲ᭄᭞ᬓᬬᬂᬮᬸᬢᬸᬂ᭞ᬳᬶᬭᬶᬓᬢᬦ᭄ᬯᬾᬦ᭄ᬢᭂ᭠ᬦ᭄ᬩᬶᬚᬮ᭄᭟᭜᭟ᬕᬶᬭᬂᬲᬂᬓᬮᬶᬄᬳᬶᬭᬶᬓ᭞ᬲᬫ᭄ᬩᬶᬮ᭄ᬗᭂᬦ᭄ᬢᬧ᭄ᬲᬸᬦᬸᬢ᭄ᬩᬺᬲᬶᬄ᭞ᬳᬦ᭄ᬢᬸᬓ᭄ᬲᬳᬶᬫᬧᬶᬬᬭ᭞ᬫᬯᬶᬦ
ᬦ᭄ᬕᬮᬂᬜᬸᬭᬶᬭᬶᬢ᭄᭞ᬳᬯᬸᬩᬾᬦᬾᬗᬸᬭᬫ᭄ᬩᬢᬶᬦ᭄᭞ᬳᬢᬧ᭄ᬫᬭᬜ᭄ᬘᬧ᭄ᬓᬤᬸᬮᬸ᭞ᬘᬫᬭᬦᬾᬫᬮᬾᬕᭀᬲᬦ᭄᭞ᬲᬺᬬᬂᬲᬺᬬᭀᬂᬢᭂᬫ᭄ᬧᬸᬄᬳᬗᬶᬦ᭄᭞ᬮᬫ᭄ᬢᭀᬭᭀᬕᬸᬂ᭞ᬦᬗ᭄ᬓᭂᬩ᭄ᬕᬸᬦᬸᬂᬫᬳᬶᬍᬳ
ᬦ᭄᭟᭜᭟ᬯᬶᬢ᭄ᬓᬧᬄᬓᬧᬄᬳᬶᬭᬶᬓ᭞ᬲᬫᬶᬩᬗᭂᬢ᭄ᬗᬧᬶᬗᭀᬦᬶᬦ᭄᭞ᬓᬤᬶᬓᬶᬤᬗᬾᬓᬓᭀᬢ᭞ᬢᬸᬫ᭄ᬩᬾᬦ᭄ᬗᭂᬦᭀᬢ᭄ᬮᬶᬲ᭄ᬢ᭄ᬭᬶᬓ᭄ᬗᭂᬦ᭄ᬤᬶᬄ᭞ᬓᬤᬮᭀᬦᬮᬦ᭄ᬢᬸᬤ᭄ᬫᬃᬕ᭄ᬕᬶ᭞ᬢᬸᬫ᭄ᬩᬾᬦ᭄ᬢᬸᬫ᭄ᬩᬾᬦᬾᬓᬕᬸᬦᬸᬂ᭞ᬓᬸ
ᬤ᭄ᬬᬂᬩᬦ᭄ᬢ᭄ᬯᬭᬗᬗᭀᬩᬂ᭞ᬭᬾᬄᬲᭂᬓᭂᬦ᭄ᬓᬢᭀᬦ᭄ᬮᭂᬲ᭄ᬢᬭᬶ᭞ᬕᬶᬭᬶᬯᬥᬸ᭞ᬧᬦ᭄ᬢᭂᬲ᭄ᬓᬮᭀᬓ᭄ᬢᬄᬭᬶᬂᬚᬕᬢ᭄᭟᭜᭟ᬦᬾᬩᬗᭂᬢ᭄ᬤᬤᭀᬲ᭄ᬗᬾᬦ᭄ᬗᭀᬦᬦ᭄᭞ᬮ᭄ᬬᬦᬦ᭄ᬭᬶᬂᬕᬸᬦᬸᬗᬾᬭᬯᬶᬢ᭄᭞ᬫᬓᬓᬸᬯᬸᬩ᭄ᬮᭂᬫ᭄ᬧᬸᬂ [ 113 ][᭑᭑᭑ 111B]
᭑᭑᭒
ᬕᬤᬂ᭞ᬢᬭᬸᬦᬾᬜᬫ᭄ᬩᬸᬮᬸᬂᬲᬫᬶ᭞ᬬᬦ᭄ᬭᬶᬂᬮ᭄ᬬᬦᬦ᭄ᬢᬦ᭄ᬫᬗ᭄ᬕᬶᬳᬶᬦ᭄᭞ᬧᬓ᭄ᬱᬶᬦᬾᬗᭂᬩᭂᬓᬶᬦ᭄ᬕᬸᬦᬸᬂ᭞ᬮᬶᬬᬸᬢᭀᬂᬢᬯᬂᬳᬤᬦ᭄ᬜ᭞ᬓᬬᬂᬓᭂᬤᬶᬲ᭄᭟ᬘᬾᬦ᭄ᬤ᭄ᬭᬯᬲᬶᬄ᭞ᬳᬓᬾᬄᬧᬗ᭄ᬕᬸᬄ᭞ᬩᬸᬮᬸᬦ᭄ᬜᬭᬯᬶᬢ᭄ᬜ᭄ᬭᬸᬭᬩ᭄ᬬᬄ᭟᭜᭟ᬳ
ᬓᬾᬄᬬᬦ᭄ᬫᬮᬶᬄᬩᬯᭀᬲᬂ᭞ᬳᬶᬦ᭄ᬤᬶᬓ᭄ᬜᬭᬶᬂᬢᭂᬗᬄᬫᬃᬕ᭄ᬕᬶ᭞ᬧᬸᬧᬸᬢ᭄ᬮᬶᬬᬂᬫᬸᬯᬄᬍᬕ᭞ᬗᬯᬲ᭄ᬕᬸᬦᬸᬗᬾᬍᬲ᭄ᬢᬭᬶ᭞ᬓᬕᬾᬢ᭄ᬬᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬧᬢ᭄ᬬᬕᬦ᭄ᬳᬶᬤᬯᬶᬓᬸ᭞ᬓᬚᬶᬦᬂᬩᬕᬸᬲ᭄ᬳᬃᬚ᭄ᬚᬯ᭞ᬳᬸᬕᬶᬯᬯᬸᬳᬶ
ᬤᬧ᭄ᬭᬧ᭄ᬢᬶ᭞ᬲᬗ᭄ᬓᬦ᭄ᬯᬯᬸ᭞ᬫᬦᬯᬶᬓᬭᬶᬫᬲᬶᬭᬫ᭄᭟᭜᭟ᬓᬦ᭄ᬢᬸᬦ᭄ᬤᭀᬄᬳᬶᬤᬭᬶᬂᬦᬢᬃ᭞ᬲᬫ᭄ᬧᬸᬦ᭄ᬜᭀᬗ᭄ᬓᭀᬓ᭄ᬫᬗᬪᬓ᭄ᬢᬶ᭞ᬧᬺᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬭᬶᬂᬳᬶᬤᬲᬂᬫᬳᬵᬫᬸᬦᬶ᭞ᬫᬸᬗ᭄ᬕᬄᬢᬗᬦ᭄ᬳᬶᬤᬕᬫ᭄ᬧᬶᬮ᭄᭞ᬓ
ᬢᭀᬦ᭄ᬦᬓᬦ᭄ᬜᬫᬍᬗ᭄ᬓᬸᬂ᭞ᬗ᭄ᬭᬦᬂᬮᬸᬯᬶᬃᬫᬦᬶᬓ᭄ᬢᭀᬬ᭞ᬓᬲᭀᬃᬦᬓᬦ᭄ᬚᭂᬭᭀᬲᬗ᭄ᬕᬶᬂ᭞ᬚ᭄ᬭᬶᬚᬶᬮᬸᬭᬸᬲ᭄᭞ᬧᬫᬸᬮᬸᬦ᭄ᬳᬶᬤᬜᬶᬓᬧ᭟᭜᭟ᬓᬶᬤᬗᬾᬲᬫ᭄ᬧᬶᬂᬧᬰ᭄ᬭᬫᬦ᭄᭞ᬜᬕ᭄ᬚᬕ᭄ᬦᬫ᭄ᬧᭂᬓᬂᬳᬓᬶᬤᬶᬓ᭄᭞ᬧᬤᭂᬗᭀᬓ᭄
[᭑᭑᭒ 112A]
ᬲᬶᬲᬶᬦ᭄ᬧᬕᭂᬳᬦ᭄᭞ᬩᭂᬗᭀᬂᬫᬮᭀᬗᭀᬓ᭄ᬫᬩᬮᬶᬄ᭞ᬲᬂᬅᬃᬚ᭄ᬚᬯᬩᬕᬸᬲ᭄ᬚᬶᬸᬲ᭄ᬕᭂᬜ᭄ᬚᬶᬂ᭞ᬲᬭᬭᬲ᭄ᬧᭀᬮᬳᬾᬳᬮᬸᬲ᭄᭞ᬬᬦ᭄ᬩᬶᬲᬫᬧᭂᬢᬚᬮ᭄ᬫ᭞ᬳᬶᬓᬶᬤᬂᬫᬶᬦᬩ᭄ᬲᬲᬳᬶ᭞ᬜᬕ᭄ᬚᬕ᭄ᬫᬢᬸᬃ᭞ᬗᬚᬸᬫ᭄ᬳᬶᬤᬲᬂ
ᬅᬃᬚ᭄ᬚᬯ᭟᭜᭟ᬘᬭᬓᬾᬢᭀᬬᬓᭂᬦᭂᬄᬜ᭞ᬲᬗ᭄ᬓᬦ᭄ᬩᭂᬗᭀᬂᬫᬗᭂᬮᬶᬂᬮᬶᬂ᭞ᬳᬥᬸᬄᬢᬸᬫ᭄ᬩᬾᬦ᭄ᬲᬂᬅᬃᬚ᭄ᬚᬯ᭞ᬳᬸᬲᬶᬮ᭄ᬜᬍᬤᬾᬢ᭄ᬓᬲᬫ᭄ᬧᬶᬂ᭞ᬳᬶᬓᬶᬤᬂᬤᬲ᭄ᬜᭂᬮᬾᬳᬢᬶ᭞ᬜᬜᬧ᭄ᬲ᭄ᬮᭂᬤᬾᬢ᭄ᬳᬶᬤᬦᬸᬲᬸᬓ᭄᭞
ᬲᬗ᭄ᬓᬦ᭄ᬧᬮᬶᬂᬫᬲᭂᬮᬶᬬᬩ᭄᭞ᬗᬮᬶᬄᬳᬸᬫ᭄ᬧᬸᬢ᭄ᬦᬳᬦᬂᬲᬓᬶᬢ᭄᭞ᬓᬦ᭄ᬢᬶᬩᬸᬯᬸᬂ᭞ᬤᭀᬢ᭄ᬩᬶᬲᬫ᭠ᬧᭂᬢᬚᬮ᭄ᬫ᭟᭜᭟ᬓᬬᬂᬩᭀᬚᭀᬕ᭄ᬲᬸᬩᬳᬸᬩᬦ᭄᭞ᬫᬶᬮᬸᬤᭂᬦ᭄ᬤᬸᬦ᭄ᬓᭂᬚᬢ᭄ᬓᭂᬚᬶᬢ᭄᭞ᬫᬜᬧᬩᬕᬸᬲ᭄ᬳᬃᬚ᭄ᬚᬯ᭞
ᬭᬾᬄᬓᬢᬯᬂᬯᬯᬸᬧ᭄ᬭᬧ᭄ᬢᬶ᭞ᬗ᭄ᬳᬶᬂᬲᬂᬅᬃᬚ᭄ᬚᬯᬢᬦ᭄ᬗᬓ᭄ᬱᬶ᭞ᬳᬶᬩᭀᬚᭀᬕ᭄ᬜᬧᬤᬶᬤᬸᬯᬸᬃ᭞ᬓᬢᬸᬗ᭄ᬓᬸᬮ᭄ᬳᬶᬤᬗᬢᬸᬭᬂᬲᭂᬫ᭄ᬩᬄᬭᬶᬂᬳᬦᬓᬾᬮᬶᬗ᭄ᬲᬶᬃ᭞ᬫᬸᬓᬗᬸᬦ᭄ᬢᬸᬮ᭄᭞ᬲᬗ᭄ᬓᬦ᭄ᬓᭂᬚᬶᬢ᭄ᬜᬗᬤᭀᬯᬂ᭟᭜᭟ᬤᬸᬓ᭄ᬳᬶᬤ [ 114 ][᭑᭑᭒ 112B]
᭑᭑᭓
ᬗᬢᬸᬭᬂᬲᭂᬫ᭄ᬩᬄ᭞ᬭᬶᬂᬳᬶᬤᬲᬂᬫᬳᬵᬫᬸᬦᬶ᭞ᬗ᭄ᬭᬭᬶᬲ᭄ᬫᬢᬸᬃᬦᬸᬦᬲ᭄ᬮᬸᬕ᭄ᬭ᭞ᬲ᭄ᬯᬭᬦ᭄ᬳᬶᬤᬋᬫ᭄ᬧᬸᬄᬫᬦᬶᬲ᭄᭞ᬳᬶᬘᭂᬍᬧᬸᬓ᭄ᬦᬶᬗᭂᬄᬗᬶᬮᬶᬲ᭄᭞ᬲ᭄ᬯᬭᬦ᭄ᬲᬂᬅᬃᬚ᭄ᬚᬯᬫᬢᬸᬃ᭞ᬩᬦ᭄ᬮᬶᬯᬢ᭄ᬳᬸᬮᬧ᭄ᬫᬢᬦ᭄ᬜ᭞ᬩᬸᬯᬸᬂᬬᬢᬸᬯᬸᬦ᭄ᬫᬩᬮᬶᬄ᭞
ᬓᬦ᭄ᬢᬶᬳᬬᬸ᭞ᬓᬯᬸᬓ᭄ᬓᬯᬸᬓ᭄ᬳᬶᬍᬫᬄ᭟᭜᭟ᬓᬸᬤᬩᭂᬲ᭄ᬓᬓᬾᬢᭀᬲᬚᬦ᭄᭞ᬓᬬᬂᬩᬸᬭᭀᬦ᭄ᬩᬸᬤᬸᬄᬧᬮᬶᬂ᭞ᬫᬭᬶᬂᬭᬸᬧᬦ᭄ᬲᬂᬅᬃᬚ᭄ᬚᬯ᭞ᬓᬮᬶᬂᬓᬾᬧᬭᬢᬭᬸᬡᬶ᭞ᬓᬸᬤ᭄ᬬᬂᬢ᭄ᬯᬶᬧᬂᬢᬸᬯᬭᬕᬶᬤᬶᬄ᭞ᬗᭂᬢᭀ
ᬦ᭄ᬳᬦᬓ᭄ᬢᬸᬳᬸᬩᬕᬸᬲ᭄᭞ᬢᭀᬂᬜᬮᬳᬂᬦᬶᬫᬾᬢ᭄ᬭ᭄ᬬ᭞ᬧᭂᬢᭂᬂᬍᬫᬄᬳᬸᬬᬂᬧᬮᬶᬂ᭞ᬢ᭄ᬯᬭᬍᬲᬸ᭞ᬧᬶᬂᬢᭂᬮᬸᬧᬶᬂᬧᬢ᭄ᬓᬢᬸᬓᬤ᭄᭟᭜᭟ᬲᬗ᭄ᬓᬦ᭄ᬧᭂᬧᭂᬲ᭄ᬮᬸᬄᬫᬾᬢ᭄ᬭ᭄ᬬ᭞ᬗᬸᬢᬂᬢᭀᬬᬦᬶᬗ᭄ᬓᭂᬩ᭄ᬚᭂᬤᬶᬂ᭞ᬯᬶᬢ᭄ᬫᬦᬄᬜ᭠
ᬮᬶᬦ᭄ᬢᬂᬳᭀᬲᬄ᭞ᬫᬗ᭄ᬤᬧᭀᬮᬶᬳᬶᬧᬸᬦ᭄ᬢᬗ᭄ᬓᬶᬲ᭄᭞ᬭᬶᬂᬳᬶᬤᬳᬶᬬᬂᬳᬚᬶ᭞ᬗᬢᬸᬭᬂᬕᭂᬦ᭄ᬢᭀᬗᬾᬧᬸᬬᬸᬂ᭞ᬦᬸᬦᬲ᭄ᬧᬫᬶᬢ᭄ᬜᬮᬸᬤ᭄‌ᬢᭀᬬ᭞ᬩᭂᬘᬦ᭄ᬧᭂᬲᬦ᭄ᬢᭂᬤᬸᬦ᭄ᬓᬗᬶᬦ᭄᭞ᬚᬢᬶᬦ᭄ᬳᬶᬧᬸᬦ᭄᭞ᬤᭀᬢ᭄ᬗᭂᬢᬾᬮ᭄ᬫ
[᭑᭑᭓ 113A]
ᬓᬸᬜᬶᬢ᭄ᬤ᭄ᬬᬮᬲ᭄᭟᭜᭟ᬤ᭄ᬬᬲ᭄ᬢᬸᬚᬯ᭄ᬢᬄᬳᬚᬳᬦ᭄᭞ᬬᬦ᭄ᬲᬫ᭄ᬧᬸᬦ᭄ᬓᭂᬦᬶᬓᬧᬗ᭄ᬕᬶᬄ᭞ᬳᬶᬤᬲᬂᬓᬶᬧᬶᬢ᭄ᬓᬶᬧᬶᬢᬂ᭞ᬧᬃᬣᬦᬾᬭᬶᬂᬕᬶᬭᬶᬧᬸᬢ᭄ᬭᬶ᭞ᬫᬶᬗ᭄ᬓᬶᬦ᭄‌ᬬᬦ᭄ᬧᭀᬮᬶᬄᬳᬓᬶᬤᬶᬓ᭄᭞ᬗᭀᬲᭀᬤᬂᬧᬶᬧᬶᬦᬾᬳᬮᬸ
ᬲ᭄᭞ᬲᬮᬶᬂᬮᬫ᭄ᬩᭂᬢ᭄ᬩᬦ᭄ᬘᬘᬶᬗᬓ᭄᭞ᬲᬮᬶᬂᬧᭂᬦ᭄ᬢᬮ᭄ᬳᬦ᭄ᬢᬸᬓ᭄ᬓᭂᬜᬶᬂ᭞ᬮᬶᬬᬂᬲᬫ᭄ᬧᬸᬦ᭄᭞ᬫᬦᬄᬜᬦᬶᬮᬸᬄᬫᬾᬢ᭄ᬭ᭄ᬬ᭟᭜᭟ᬦᬗ᭄ᬳᬶᬂᬢᬦ᭄ᬚᬲᬸᬯᬾᬓᬸᬤ᭞ᬮᬸᬫᬄᬩᬸᬤᬸᬄᬜᬭᬶᬂᬳᬢᬶ᭞ᬩᬾᬜ᭄ᬚᬂᬯᬯᬸᬳᬩᬂᬯᬾᬢ᭠
ᬦ᭄᭞ᬲᬳᬬᬸᬲᬫ᭄ᬧᬸᬦ᭄ᬗᭂᬤᬸᬲᬶᬦ᭄᭞ᬭᬶᬂᬧᬫᬺᬫᬦ᭄ᬓᭂᬲᬄᬓᭂᬲᬶᬄ᭞ᬗᬬᬸᬦᬂᬳᬶᬤᬲᬂᬩᬕᬸᬲ᭄᭞ᬲᭂᬫᭂᬂᬯᬯᬸᬳᭂᬦ᭄ᬢᬃᬲᬸᬃᬬ᭄ᬬ᭞ᬕᬶᬕᬶᬲ᭄ᬓᬢᬸᬤᬸᬄᬭᬶᬂᬬᬚᬶ᭞ᬗᭂᬲᭂᬃᬲᬫ᭄ᬧᬸᬦ᭄᭞ᬫᬓ᭄ᬢᬕᬦ᭄ᬢᬸᬲ᭄ᬗᬮᬧ᭄ᬲᭂᬓᬃ᭟᭜᭟
ᬦᬾᬫᬗ᭄ᬓᬶᬦ᭄ᬫᬮᬶᬄᬳᬸᬘᬧᬂ᭞ᬲᬂᬢᬧᬢᭂᬤᬸᬦ᭄ᬦᬫ᭄ᬧᭂᬓᬶᬦ᭄᭞ᬲᬂᬅᬃᬚ᭄ᬚᬯᬯᬯᬸᬧ᭄ᬭᬧ᭄ᬢᬵ᭞ᬘᬶᬗᬓ᭄ᬳᬭᬸᬫ᭄ᬩᬢᭀᬲ᭄ᬫᬦᬶᬲ᭄᭞ᬳᬸᬥᬸᬄᬦᬦᬓ᭄ᬲᬂᬳᬧᭂᬓᬶᬓ᭄᭞ᬯᬯᬸᬓᬾᬳᬶᬤᬾᬯᬭᬯᬸᬄ᭞ᬓᬸᬤᬂᬲᬬᬂᬧᭀᬮᬶᬄ [ 115 ][᭑᭑᭓ 113B]
᭑᭑᭔
ᬜᬮ᭄ᬬᬦ᭄᭞ᬩᬧᬲᬸᬩᬳᬸᬮᬶᬂᬢᬸᬦᬶ᭞ᬭᬾᬧᭀᬢ᭄ᬕᬶᬲᬸ᭞ᬫᬋᬋᬲᬶᬓ᭄ᬭᬶᬂᬢᬮᬕ᭟᭜᭟ᬓᭂᬫᬍᬩᬶᬦ᭄᭞ᬬᬳᬾᬗ᭄ᬕᬮᬂ᭞ᬜᬮ᭄ᬬᬦᬾᬧᬂᬢ᭄ᬯᬭᬫᬢᬶ᭞ᬧᬂᬳᬾᬗ᭄ᬕᬮ᭄ᬘᭂᬦᬶᬂᬗᬚᭂᬗᬂ᭞ᬦᬲᬶᬢᬸᬮᬾᬦ᭄ᬳᬓᬄᬓ᭄ᬮ
ᬤᬶ᭞ᬗ᭄ᬳᬶᬂᬓᬗ᭄ᬕᬾᬬᬂᬢᬦ᭄ᬧᬢᬲᬶᬓ᭄᭞ᬳᬗᭂᬢᬗᭂᬢ᭄ᬳᬚᭂᬂᬮᬸᬯᬸᬂ᭞ᬭᬾᬄᬩᬧᬲᬫ᭄ᬧᬸᬦ᭄ᬳᬫᬗᬦ᭄᭞ᬓᬗ᭄ᬕᬾᬬᬂᬩᬦ᭄ᬜᬧᬤᬶᬤᬶ᭞ᬘᭂᬦᬶᬂᬤᬶᬢᬸ᭞ᬫᬧᬾᬲ᭄ᬢᬗᬚᭂᬗᬂᬳᬓᬄ᭟᭜᭟ᬩᬧᬫᬶᬘᬶᬳᬸᬮᬶᬂᬮᬯ
ᬲ᭄᭞ᬳᬦᬾᬮᬾᬦᬦ᭄ᬢᭀᬂᬳᬤᬸᬗᬶᬦ᭄᭞ᬲᬗ᭄ᬓᬦ᭄ᬧᬸᬧᬸᬢ᭄ᬤᭀᬦ᭄ᬤᭀᬦᬦ᭄᭞ᬲᬲᬬᬸᬭᬦ᭄ᬦᬧᬶᬮᬸᬯᬶᬃ᭞ᬓᬾᬢᭀᬧᬜᬧᬦ᭄ᬲᬂᬋᬱᬶ᭞ᬢᬤᬄᬩᬜᭀᬮ᭄ᬕᬶᬭᬭᬶᬂᬕᬸᬬᬸ᭞ᬦᭂᬧᬓ᭄ᬩᬳᬸᬦ᭄ᬲᬂᬅᬃᬚ᭄ᬚᬯ᭞
ᬭᬾᬄᬲᬂᬢᬧᬲᬫ᭄ᬧᬸᬦ᭄ᬳᬸᬦᬶᬂ᭞ᬭᬶᬂᬲᬂᬩᬕᬸᬲ᭄᭞ᬳᬯᬸᬓᬸᬤ᭄ᬢᭀᬂᬗᬩᬜᬮ᭄ᬬᬦ᭄᭟᭜᭟ᬢᬍᬃᬳᬶᬤᬲᬗᬢᬧ᭞ᬲᬫ᭄ᬧᬸᬦ᭄ᬫ᭄ᬭᬲᬲᬓᬶᬂᬢᬸᬦᬶ᭞ᬮᬸᬗᬦ᭄ᬳᬶᬤᬲᬂᬅᬃᬚ᭄ᬚᬯ᭞ᬓᬤᬮᭀᬦ᭄ᬭᬶᬂᬢᭂᬗᬄᬫᬃᬕ᭄ᬕᬶ᭞ᬳᬸᬕᬶᬳᬶ
[᭑᭑᭔ 114A]
ᬤᬲᬫ᭄ᬧᬸᬦ᭄ᬤᬸᬦᬶᬂ᭞ᬭᬶᬂᬰᬶᬱ᭄ᬬᬦ᭄ᬜᬜᬗᭂᬢ᭄ᬓᬶᬫᬸᬤ᭄᭞ᬬᬸᬱᬦ᭄ᬲᬂᬓᬦ᭄ᬢᬸᬦ᭄ᬢᬭᬸᬡ᭞ᬲᭂᬦᭂᬂᬗᬸᬮᬢᬶᬭᬸᬡᬶ᭞ᬫᬶᬍᬄᬗᬗ᭄ᬕᬸᬃ᭞ᬲᬗ᭄ᬓᬦ᭄ᬢᬦ᭄ᬚᬓᬋᬗᭂᬬᬂ᭟᭜᭟ᬲᬂᬅᬃᬚ᭄ᬚᬯᬭᬭᬶᬲ᭄ᬦᬶᬫ᭄ᬩᬮ᭄᭞ᬕᬍᬲ᭄ᬫᬲᬯᬸᬭᬾᬫᬶᬚᬶᬮ᭄᭞ᬲᬶᬗ᭄ᬕᬶᬄᬭᬢᬸᬲᬗᬢᬧ᭞ᬳᬫ᭄ᬧᬸᬭᬢᬶᬢ᭄ᬬᬂᬳᬶᬲᬶᬲᬶᬧ᭄᭞ᬧᬺᬲᬗ᭄ᬕᬦ᭄ᬢᬶᬢ᭄ᬬᬂᬗ᭄ᬮᬶᬦ᭄ᬢᬗᬶᬦ᭄᭞ᬫᬭᬶᬂᬧᬮᬸᬗ᭄ᬕᬄᬲᬂᬳᭂᬫ᭄ᬧᬸ᭞ᬲᬧᬦᬧ᭄ᬬᬂᬢᬶᬢ᭄ᬬᬂᬫᬗ᭄ᬤ᭞ᬧᭀᬮᬶᬄᬳᬸᬮᬫ᭄ᬲᬦᬾᬢᬸᬦᬶ᭞ᬳᬦ᭄ᬢᬸᬓ᭄ᬮᬘᬸᬃ᭞ᬲᬫᬭᬵ
ᬮᬸᬮᬸᬢ᭄ᬗᬜᬸᬤᬂ᭟᭜᭟ᬯᬗ᭄ᬤᬾᬢᬶᬢ᭄ᬬᬂᬗᭂᬚᬸᬓ᭄ᬜᬮ᭄ᬬᬦ᭄᭞ᬳᬶᬦ᭄ᬤ᭄ᬭ᭄ᬬᬦ᭄ᬫᬦᬳᬾᬗᬮᬗᬶᬦ᭄᭞ᬳᬶᬭᬶᬓᬵᬭᬶᬂᬧᬶᬗ᭄ᬕᬶᬃᬢᬸᬓᬤ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬳᬦᭀᬫ᭄ᬧᬗ᭄ᬕᬶᬄ᭞ᬯᬶᬢ᭄ᬦᬾᬢᬸᬮᬸᬂᬢᬶᬢ᭄ᬬᬂᬗᬸᬦᬶ᭞ᬤᬯᭂᬕ᭄ᬳᬶᬭᬵᬓ᭄ᬡᬲᬫ
ᬦ᭄ᬤᬸᬂ᭞ᬳᬦᬓᬾᬳᬶᬲ᭄ᬢ᭄ᬭᬶᬧᬸᬦᬶᬓᬵ᭞ᬦᬶᬫᬾᬢ᭄ᬭ᭄ᬬᬓᬳᬤᬦᬶᬦ᭄᭞ᬓᬗ᭄ᬕᬾᬦ᭄ᬲᬸᬦᬸ᭞ᬭᬶᬂᬳᬶᬤᬤᬸᬓᬸᬄᬥᬃᬫ᭄ᬫᬶᬓᬵ᭟᭜᭟ᬩᬶᬬᬂᬜᬤᬸᬓᬸᬄᬳᬲ᭄ᬢᬾᬦ᭄ᬬ᭞ᬢᬫ᭄ᬧᭂᬓ᭄ᬳᬶᬭᬶᬓᬶᬫᬮᬶᬗ᭄ᬕᬶᬄ᭞ᬭᬶᬂᬫᬸᬦ᭄ᬤᬸᬦ᭄ᬤᬸᬓ᭄ᬓᬾᬩᬤᬯᬸᬳᬦ᭄ [ 116 ][᭑᭑᭔ 114B]
᭑᭑᭕
᭞ᬕ᭄ᬭᬶᬬᬦ᭄ᬳᬶᬤᬢᬶᬢ᭄ᬬᬂᬳᬸᬦᬶᬂ᭞ᬤᬸᬓ᭄ᬗᬢᭂᬳᬶᬦ᭄ᬳᬶᬧᬸᬦ᭄ᬭᬶᬳᬶᬦ᭄᭞ᬓᬾᬢᭀᬲᬂᬅᬃᬚ᭄ᬚᬯᬫᬢᬸᬃ᭞ᬲᬂᬢᬧᬓᭂᬜᬸᬂᬫᬦᬶᬫ᭄ᬩᬮ᭄᭞ᬥᬸᬄᬳᬦᬓ᭄ᬳᬃᬚ᭄ᬚᬯᬵᬘᭂᬦᬶᬂ᭞ᬤᬚᬓᬶᬫᬸᬤ᭄᭞ᬳᭂᬦ᭄ᬢᭀᬳᬦᬓ᭄ᬲᬸᬩᬧᭂᬭᬄ᭟᭜᭟ᬳᬦ
ᬓᬾᬓᬦ᭄ᬢᬸᬦ᭄ᬢᬭᬸᬡ᭞ᬢᬶᬫ᭄ᬧᬮ᭄ᬜᬫᬸᬮᬢᬭᬸᬡᬶ᭞ᬲᬗᭂᬢ᭄ᬲᭂᬗ᭄ᬓᬫᬫᬸᬘᭂᬳᬂ᭞ᬦᬾᬫᬤᬦ᭄ᬳᬶᬦ᭄ᬤ᭄ᬭᬶᬬᬰᬓ᭄ᬢᬶ᭞ᬓᬮᬶᬂᬓᬾᬩᬧᬮᬦ᭄ᬘᭂᬦᬶᬂ᭞ᬜᬶᬤᬬᬂᬗᬮᬗᬶᬦ᭄ᬳᬦ᭄ᬢᬸᬓ᭄᭞ᬢᬶᬫᬦ᭄ᬳᬶᬤᬲᬂᬲᬸᬚᬦ᭞ᬦᬾᬲᬫ᭄ᬧᬸᬦ᭄ᬫᭀ
ᬮᬶᬳᬶᬂᬓᬾᬃᬢ᭄ᬢᬶ᭞ᬮᬶᬬᬸᬗᬬᬸᬄ᭞ᬧᬸᬧᬸᬢ᭄ᬤᬸᬭᬸᬲ᭄ᬫᬕ᭄ᬭᬳᬲ᭄ᬢ᭟᭜᭟ᬦᬾᬳᬤᬧᬳᬶᬗᭂᬢ᭄ᬩᬧ᭞ᬲᬤᬸᬭᬸᬂᬢᬸᬢᬸᬕ᭄ᬳᬶᬘᭂᬦᬶᬂ᭞ᬫᬳᬸᬭᬸᬓᬶᬦ᭄ᬤᬕᬶᬂᬢᬢ᭄ᬯ᭞ᬧᬂᬢᬯᬂᬓᬦ᭄ᬤᬦ᭄ᬤᬸᬫᬤᬶ᭞ᬦ᭄ᬤᬾᬦ᭄ᬳᬶᬚᬸᬫᬗᬫᬾᬢ᭄ᬭᬩᬶ᭞ᬢᬸᬢ᭄
ᬕᬂᬫᬮᬸᬳᬶᬩᬕᬸᬲ᭄᭞ᬫ᭄ᬮᬚᬄᬤᬶᬦᬶᬳᬚᬓ᭄ᬩᬧ᭞ᬳᬗ᭄ᬕᭀᬦ᭄ᬩᭂᬓᭂᬮ᭄ᬫᬦᬶᬫᬦᬶ᭞ᬚ᭄ᬭᭀᬦᬶᬂᬳᬶᬤᬸᬧ᭄᭞ᬫᬕᬸᬡᬤᬶᬦᬶᬤᬶᬚᬕᬢ᭄᭟᭜᭟ᬳᭂᬤᬧᭂᬲᬦ᭄ᬢᬸᬦᬬᬢ᭄ᬦ᭞ᬫᬢᬶᬗ᭄ᬓᬄᬚᭂᬭᭀᬦᬶᬂᬳᬸᬭᬶᬧ᭄᭞ᬓ
[᭑᭑᭕ 115A]
ᬢᬸᬢᬦ᭄ᬳᬗ᭄ᬕᭀᬦ᭄ᬤᬲᬃ᭞ᬗᬮᬶᬄᬲᬮᬸᬭᬶᬦ᭄ᬦᬾᬳᬮᬶᬄ᭞ᬳᭂᬤᬕᬗ᭄ᬕᬸᬫᬦᭂᬕᬭᬶᬦ᭄᭞ᬓᬜ᭄ᬘᬦ᭄ᬘᭀᬭᬳᬾᬦᬾᬓᬤᬸᬓ᭄᭞ᬢᬸᬲᬶᬂᬢᬳᬾᬦ᭄ᬮᬓ᭄ᬱᬡᬬᬂ᭞ᬫᬶᬗ᭄ᬓᬶᬦ᭄ᬲᬸᬩᬯᬂᬘᭂᬦᬶᬂ᭞ᬘᭀᬭᬄᬳᬶᬓᬸ᭞ᬫ
ᬢᬸᬗ᭄ᬓᬲ᭄ᬢᭂᬓᬾᬦ᭄ᬓᬥᬃᬫ᭄ᬫᬦ᭄᭟᭜᭟ᬲᬗ᭄ᬓᬦ᭄ᬜᬦ᭄ᬤᬂᬧᬺᬢ᭄ᬬᬓ᭄ᬱᬬᬂ᭞ᬲᬓᬜ᭄ᬘᬦ᭄ᬳᬸᬦ᭄ᬤᬸᬓᬾᬲᬫᬶ᭞ᬦᬾᬫᭂᬢᬸᬲᬓᬶᬓᬬᬯᬓ᭄᭞ᬫᬦᬄᬘᭂᬦᬶᬗᬾᬧᬶᬢᬸᬯᬶ᭞ᬬᬦ᭄ᬘᭂᬦᬶᬂᬢ᭄ᬯᬭᬜᬸᬫ᭄ᬧᭀᬦᬶᬦ᭄᭞ᬩᬶᬮᬶᬄᬗᬯᬾ᭠
ᬲᬓᬶᬢ᭄ᬓᬬᬸᬦ᭄᭞ᬳᬶᬤᬤᬦᬾᬭᬶᬂᬧᬸᬦᬶᬓᬵ᭞ᬳᬾᬗ᭄ᬕᬮᬂᬧᬸᬘᭂᬄᬤᬶᬳᬢᬶ᭞ᬧᬗ᭄ᬤᬢᬸᬫ᭄ᬩᬸᬄ᭞ᬲᬮ᭄ᬯᬶᬃᬗᬯᬾᬲᬓᬶᬢ᭄ᬚᬕᬢ᭄᭟᭜᭟ᬳᬧᬩᬸᬯᬶᬦ᭄ᬘᭂᬦᬶᬂᬲᬬᬂ᭞ᬧᬦᬗ᭄ᬓᬦᬾᬩᬸᬓᬚᬦᬶ᭞ᬚ᭄ᬭᭀᬦᬶᬂᬓᬮᬶᬬᬸᬕ
ᬦᬦᬓ᭄᭞ᬮᬶᬬᬸᬳᬦᬓ᭄ᬫᬶᬤᭂᬧ᭄ᬧᬮᬶᬂ᭞ᬳᬶᬩᭂᬮᭀᬕ᭄‌ᬬᬫᬧᬶᬭᬶᬭᬶᬄ᭞ᬳᬶᬧ᭄ᬬᬦᬓ᭄ᬳᬮ᭄ᬧᬓᬕᬸᬭᬸ᭞ᬩᬯᭀᬲ᭄ᬳᬮᬸᬲ᭄ᬢᬦ᭄ᬓᬳᬾᬢᬂ᭞ᬲᬂᬧ᭄ᬭᬚ᭄ᬜᬦ᭄ᬲᭀᬓ᭄ᬓᬘᬫ᭄ᬧᬳᬶᬦ᭄᭞ᬮᬶᬬᬸᬕᬸᬮᬸᬓ᭄᭞ᬗᬚᬧᬚᬧ᭄ᬤ [ 117 ][᭑᭑᭕ 115B]
᭑᭑᭖
ᬦᬾᬰ᭄ᬯᬭ᭟᭜᭟ᬳᬸᬮᬶᬳᬮᬸᬄᬧᬂᬫᬩᬳᬦ᭄᭞ᬢᭀᬂᬫᬗᭂᬦᬂᬩᬶᬓᬲ᭄ᬧᭂᬮᬶᬄ᭞ᬢᬦ᭄ᬗᭀᬩᭂᬢᬂᬓᬾᬯᭂᬄᬚᬕᬢ᭄᭞ᬬᬦᬶᬂᬧᬶᬗᭂᬢ᭄ᬲᬮᬄᬢᬫ᭄ᬧᬶ᭞ᬤᭂᬫᭂᬦ᭄ᬫᬚᬮ᭄ᬚᬮ᭄ᬫᬘᬓ᭄ᬮᬶ᭞ᬲᬂᬧᬭᬵᬃᬣᬓᬗ᭄ᬕᭂᬄᬩᬶᬗᬸᬂ᭞
ᬓᬾᬢᭀᬘᭂᬦᬶᬂᬲᬂᬅᬃᬚ᭄ᬚᬯ᭞ᬬᬢ᭄ᬦᬬᬢ᭄ᬦᬗᬫᭀᬂᬩᬸᬤ᭄ᬥᬶ᭞ᬧᬂᬤᬧᬬᬸ᭞ᬩᭂᬦᬮ᭄ᬳᭀᬫ᭄ᬩᬓ᭄ᬓᬮᬶᬬᬸᬕ᭟᭜᭟ᬮᬶᬬᬸᬧᭂᬲᬦ᭄ᬳᬤᬳᬦᬓ᭄᭞ᬧᬦᬗ᭄ᬓᬦ᭄ᬚᬕᬢᬾᬓᬮᬶ᭞ᬢ᭄ᬯᬭᬗᬸᬕᬸᬲ᭄ᬯᬃᬕ᭄ᬕᬦ᭄ᬭᬓ᭞ᬩᬸᬯᬄᬧᬓᬃ
ᬤ᭄ᬥᬶᬦᬾᬫᬮᬶᬄ᭞ᬫᬓᬵᬤᬶᬭᬶᬂᬲᬂᬳ᭄ᬬᬂᬯᬶᬥᬶ᭞ᬲᬤ᭄ᬬᬬᬦ᭄ᬗᭂᬄᬜᬓ᭄ᬫᬚᬸᬫᬸ᭞ᬗᬶᬫ᭄ᬧᬲᬶᬦ᭄ᬲᭀᬮᬳᬾᬳᬮ᭞ᬦᬾᬗᬯᬶᬦᬂᬮᬩᬸᬄᬗ᭄ᬮᬶᬮᬶᬂ᭞ᬲᭂᬧᬢ᭄ᬕᬦ᭄ᬢᬸᬂ᭞ᬧᬯᬭᬄᬲᬂᬳ᭄ᬬᬂᬳᬕᬫ᭟᭜᭟ᬳᬲᬶᬂᬦᬾ
ᬫᬤᬦ᭄ᬮᬭᬗᬦ᭄᭞ᬓᬩᬯᭀᬲ᭄ᬳᭀᬮᬶᬄᬲᬂᬋᬱᬶ᭞ᬳᬶᬫ᭄ᬧᬲᬶᬦ᭄ᬧᭂᬲᬦ᭄ᬫᬓᭂᬚᬂ᭞ᬳᭂᬤᬳᭀᬩᬄᬳᭃᬩᬄᬳᭂᬤᬕᬜ᭄ᬚᬶᬄ᭞ᬢᭂᬓᬾᬦ᭄ᬳᬲᬶᬂᬦᬾᬫ᭄ᬬᬮᬗᬶᬦ᭄᭞ᬭᬸᬭᬸᬗᬾᬗᭀᬚᭀᬕ᭄ᬭᬳᬬᬸ᭞ᬧᭂᬮᬧᬳᬶᬦ᭄ᬩ
[᭑᭑᭖ 116A]
ᬦ᭄ᬳᬸᬢ᭄ᬲᬳᬵ᭞ᬧᬂᬤᬚᭂᬕ᭄ᬜ᭄ᬭᬳᬂᬓᬾᬦ᭄ᬯᬶᬥᬶ᭞ᬲᭂᬗ᭄ᬓᬗ᭄ᬭᬸᬭᬸᬄ᭞ᬫᭂᬮᬳᬾᬓᬗ᭄ᬕᭀᬯᬂᬚᬕᬢ᭄᭟᭜᭟ᬲᬚ᭄ᬭᭀᬦᬶᬂᬘᬢᬸᬃᬯᬃᬡ᭄ᬦ᭞ᬩ᭄ᬭᬳ᭄ᬫᬡᬧᬶᬦᬶᬄᬉᬢ᭄ᬢᬫᬶ᭞ᬬᬦ᭄ᬭᬶᬂᬰᬭᬷᬭᬩᬯᭀᬲᬂ᭞ᬤᬸᬳᬸᬭᬾᬧᬶᬦᬶᬄᬉᬢ᭄ᬢᬫᬶ᭞ᬬᬦ᭄ᬭᬶᬂᬰᬭᬷᬭᬩᬯᭀᬲᬂ᭞ᬤᬸᬳᬸᬭᬾᬧᬶᬦᬶᬄᬉᬢ᭄ᬢ
ᬫᬶ᭞ᬬᬦ᭄ᬲᬚ᭄ᬭᭀᬦᬶᬂᬥᬃᬫ᭄ᬫᬘᭂᬦᬶᬂ᭞ᬲᬢ᭄ᬬᬳᬶᬓᬸᬧᬶᬦᬶᬄᬮᬸᬳᬸᬃ᭞ᬢᬦ᭄ᬳᬦᬥᬃᬫ᭄ᬫᬍᬯᬶᬳ᭞ᬲᬓᬶᬂᬓᬲᬢ᭄ᬬᬦ᭄ᬢᬵᬘᭂᬦᬶᬂ᭞ᬢᭂᬕᭂᬲ᭄ᬳᬶᬧᬸᬦ᭄᭞ᬲᬢ᭄ᬬᬦᬾᬭᬢᬸᬦ᭄ᬓᬥᬃᬫ᭄ᬫᬦ᭄᭟᭜᭟ᬫᬯᬦᬦ᭄ᬩᬧᬜᬾᬮ᭄ᬜᬾ
ᬮᬦ᭄᭞ᬫᬗ᭄ᬤᬾᬦ᭄ᬜᬲᬢᬢᬘᭂᬦᬶᬂ᭞ᬲᬢ᭄ᬬᬧᬕᭂᬄᬭᬶᬂᬰᬶᬮ᭞ᬗᬸᬍᬗᬂᬚᬕᬢᬾᬢᬺᬧ᭄ᬢᬶ᭞ᬦ᭄ᬢᭀᬕᬕᬶᬡᬦ᭄ᬤᬳᬢ᭄ᬮᭂᬯᬶᬄ᭞ᬲᬸᬓᬲᬳᬶᬫᬢᭂᬢᬸᬮᬸᬂ᭞ᬤᬤ᭄ᬬᬦ᭄ᬳᬢᬶᬦᬾᬢᬶᬗ᭄ᬕᬮᬂ᭞ᬤᬫ᭄ᬯᬢᬂᬧᬗ᭄ᬯᬍᬲ᭄ᬘᭂᬦᬂ
᭞ᬫᬢᭂᬢᬸᬮᬸᬂ᭞ᬯᭂᬮᬲ᭄ᬳᬲᬶᬳᬾᬕᭂᬥᬾᬦᬂ᭟᭜᭟ᬧᬸᬭᬸᬓᬶᬦ᭄ᬗᬫᬸᬤᬶᬲᬫ᭄ᬧᬦ᭄᭞ᬗᬮᬬᬭᬶᬦ᭄ᬳᭀᬫ᭄ᬩᬓ᭄ᬕᬸᬫᬶ᭞ᬩᬓᬮ᭄ᬗᬮᬶᬄᬓ᭄ᬭᬳᬬᬸᬯᬦ᭄᭞ᬦᬾᬳᬤᬧᬓᬓᬲ᭄ᬰᬓ᭄ᬢᬶ᭞ᬧᬳᬶᬘᬦ᭄ᬲᬂᬢᬢ᭄ᬯᬵᬤ᭄ᬜᬍᬯᬶᬄ [ 118 ][᭑᭑᭖ 116B]
᭑᭑᭗
᭞ᬫᬓᬲᭂᬧᬢ᭄ᬲᬶᬓᬸᬲᬶᬓᬸ᭞ᬳᬗ᭄ᬕᭀᬦ᭄‌ᬗ᭄ᬯᬗᬸᬦ᭄ᬢ᭄ᬬᬕᬤᬦ᭞ᬲᬶᬦᬄᬲᬶᬤᬫᬧᬶᬓᭀᬮᬶᬄ᭞ᬢᬦ᭄ᬮᬾᬦ᭄ᬳᬶᬓᬸ᭞ᬬᬫᬫ᭄ᬯᬂᬦᬶᬬᬫᬩ᭄ᬭᬢ᭟᭜᭟ᬦᬾᬓᬲᭂᬗ᭄ᬕᬸᬄᬬᬫᬩ᭄ᬭᬢ᭞ᬲᭂᬩᬶᬢ᭄ᬤᬤᬶᬰᬩᬤᬶᬄ᭞ᬓᬧᭂᬃ
ᬢ᭄ᬢᬫᬳᬦᬺᬲᬗ᭄ᬰ᭞ᬓ᭄ᬱᬫᬦᬾᬓᬧᬶᬂᬓᬮᬶᬄ᭞ᬲᬢ᭄ᬬᬦᬾᬓᬧᬶᬂᬢ᭄ᬭᬶᬡᬶ᭞ᬓᬧᬶᬂᬧᬢ᭄ᬳᬶᬳᬫ᭄ᬲᬩᬕᬸᬲ᭄᭞ᬥᬫᬦᬾᬓᬧᬶᬂᬮᬶᬫᬦ᭄ᬜ᭞ᬦᬾᬓᬧᬶᬂᬦᭂᬫ᭄ᬫᬤᬦ᭄ᬧ᭄ᬭᬶᬢᬶ᭞ᬓᬧᬶᬧᬶᬢᬸ᭞ᬧᬺᬲᬤ᭄ᬢᭀ
ᬳᬤᬦ᭄ᬜ᭟᭜᭟ᬦᬾᬓᬧᬶᬂᬓᬸᬢᬸᬲ᭄ᬫᬤᬸᬃᬬ᭄ᬬ᭞ᬫᬃᬤ᭄ᬥᬯᬵᬓᬧᬶᬂᬲ᭄ᬬᬘᭂᬦᬶᬂ᭞ᬦᬾᬓᬧᬶᬂᬤᬰᬵᬅᬃᬚ᭄ᬚᬯ᭞ᬫᭂᬮᬄᬦᬾᬚᬦᬶᬢᭂᬕᭂᬲᬶᬦ᭄᭞ᬧᬗᬸᬦᬶᬗᬶᬦ᭄ᬫᬓᬲᬫᬶ᭞ᬦᬾᬯᬶᬮᬗᬶᬦ᭄ᬩᬧᬯᬯᬸ᭞ᬲᬫ᭄ᬩ
ᬢ᭄ᬳᬮᬶᬂᬳᬦᬺᬲᬗ᭄ᬰ᭞ᬲᭀᬮᬄᬧᬢᬸᬢ᭄ᬢᭀᬂᬓᬶᬫ᭄ᬧᬲᬶᬦ᭄᭞ᬢᭂᬕᭂᬲ᭄ᬳᬶᬧᬸᬦ᭄᭞ᬳᬦᬾᬫᬤᬦ᭄ᬳᬦᬺᬲᬗ᭄ᬰ᭟᭜᭟ᬓ᭄ᬱᬫᬢᬢᬓ᭄ᬢᭂᬕᭂᬲ᭄ᬜ᭞ᬲᬢ᭄ᬬᬢᬦ᭄ᬮᭂᬜᭀᬓ᭄ᬓᬃᬢ᭄ᬢᬶᬦᬶᬦ᭄᭞ᬳᬦᬾᬫᬢᭂᬕᭂᬲ᭄ᬳᬳᬶ
[᭑᭑᭗ 117A]
ᬫ᭄ᬧᬸ᭞ᬲᬬᬂᬢᬦ᭄ᬫᬫᬢᬶᬫᬢᬶ᭞ᬗ᭄ᬮᭂᬫᭂᬓᬶᬦ᭄ᬤᬾᬯᬾᬓ᭄ᬧᬤᬶᬤᬶ᭞ᬢᭂᬕᭂᬲ᭄ᬥᬫᬧᬸᬦᬶᬓᬸ᭞ᬫᬃᬤ᭄ᬥᬯᬵᬦᬶᬗ᭄ᬓᭂᬲᬂᬭᬕ᭞ᬧ᭄ᬭᬶᬢᬶᬫᬃᬢ᭄ᬢᬶᬯᭂᬮᬲᬲᬶᬄ᭞ᬧ᭄ᬭᬲᬤ᭄ᬥᬾᬓᬸ᭞ᬓᬬᬸᬦ᭄ᬦᬶᬫ᭄ᬫᬮᬢᭂᬕᭂᬲ᭄ᬜ᭟᭜᭟ᬫᬶ᭠
ᬯᬄᬦᬾᬫᬤᬦ᭄ᬫᬤᬸᬃᬬ᭄ᬬ᭞ᬫᬧᬶᬢᭂᬕᭂᬲ᭄ᬘᬶᬗᬓ᭄ᬮᬶᬦ᭄ᬤᬶ᭞ᬳᬦᬾᬧᬫᬸᬦ᭄ᬢᬢ᭄ᬳᬃᬚ᭄ᬚᬯ᭞ᬳᬤᬢ᭄ᬯᬭᬓᬢᭂᬕᭂᬲᬶᬦ᭄᭞ᬧᭀᬮᭀᬲ᭄ᬤᬶᬢᭂᬗᬄᬤᬶᬲᬶᬲᬶ᭞ᬬᬫᬩ᭄ᬭᬢᬵᬢᭂᬕᭂᬧ᭄ᬲᬫ᭄ᬧᬸᬦ᭄᭞ᬦ᭄ᬢᭀᬳ
ᬗ᭄ᬕᭀᬦ᭄ᬧᬗᭂᬫ᭄ᬩᬦ᭄ᬭᬕ᭞ᬲᬚ᭄ᬭᭀᬦᬶᬂᬫᬾᬮᬦᬶᬦ᭄ᬮᬸᬯᬶᬄ᭞ᬧᬗ᭄ᬤᬓ᭄ᬮᭂᬩᬸ᭞ᬫᬭᬶᬂᬩ᭄ᬭᬯᬄᬓᬤᬸᬃᬰᬶᬮᬦ᭄᭟᭜᭟ᬫᭂᬮᬄᬦᬾᬚᬦᬶᬮᬦ᭄ᬢᬸᬭᬂ᭞ᬦᬶᬬᬫᬩ᭄ᬭᬢᬦᬾᬫᬮᬶᬄ᭞ᬫᬲᬶᬄᬬᬦ᭄ᬲᭂᬩᬶᬢ᭄ᬧᬮᬶ
ᬳᬂ᭞ᬧᬢᬸᬄᬤᬤᬶᬤᬰᬩᬤᬾᬄ᭞ᬤᬦᬦᬾᬦᬾᬧᭂᬃᬢ᭄ᬢᬫᬶ᭞ᬳᬶᬚ᭄ᬬᬓᬧᬶᬂᬤᬸᬯᬦ᭄ᬳᬶᬧᬸᬦ᭄᭞ᬢᬧᬦᬾᬓᬧᬶᬂᬢᭂᬮᬸᬦ᭄ᬜ᭞ᬓᬧᬶᬂᬧᬢ᭄ᬤ᭄ᬬᬦᬓᬤᬦᬶᬦ᭄᭞ᬫᬗᭂᬮᬦ᭄ᬢᬸᬃ᭞ᬦᬾᬓᬧᬶᬂᬮᬶᬫ [ 119 ][᭑᭑᭗ 117B]
᭑᭑᭘
ᬲ᭄ᬯᬤ᭄ᬬᬬ᭟᭜᭟ᬫᬸᬯᬂᬳᬸᬧᬲ᭄ᬢᬦᬶᬕ᭄ᬭᬳ᭞ᬯᬶᬮᬗᬦ᭄ᬓᬧᬶᬂᬦᭂᬫ᭄ᬘᭂᬦᬶᬂ᭞ᬳᬦᬾᬓᬧᬶᬂᬢᬸᬩ᭄ᬭᬢ᭞᭠ᬦᬾᬓᬧᬶᬂᬓᬸᬢᬸᬲ᭄‌ᬦ᭄ᬢᭀᬂᬘᭂᬦᬶᬂ᭞ᬉᬧᬯᬰᬓᬳᬤᬦᬶᬦ᭄᭞ᬫᭀᬦᬓᬧᬶᬂᬲᬶᬬᬦ᭄ᬳᬶᬧᬸᬦ᭄᭞ᬲ᭄ᬦᬦᬦᬾ
ᬓᬧᬶᬂᬤᬰ᭞ᬢᭂᬕᭂᬲ᭄ᬜᬚᬦᬶᬳᬃᬣᬶᬦᬶᬦ᭄᭞ᬧᬗ᭄ᬤᬩᬶᬗᬸᬂ᭞ᬲᬫ᭄ᬩᬢ᭄ᬳᬸᬮᬶᬂᬓᬧᭂᬃᬢ᭄ᬢᬫ᭟᭜᭟ᬤᬦᬫᬧ᭄ᬯᬾᬯᬾᬄᬢᭂᬕᭂᬲ᭄ᬜ᭞ᬳᬶᬚ᭄ᬬᬦ᭄ᬢᭀᬦᬾᬓᬧᬶᬂᬓᬮᬶᬄ᭞ᬪᬓ᭄ᬢᬶᬭᬶᬂᬤᬾᬯᬳᬃᬣᬶᬦ᭄ᬜ᭞ᬢᬧᬫᬃᬣᬶᬜᬶᬓ᭄ᬱ
ᬤᬶᬭᬶ᭞ᬦᬾᬫᬤᬦ᭄ᬤ᭄ᬬᬦᬦ᭄ᬢᭀᬘᭂᬦᬶᬂ᭞ᬪᬓ᭄ᬢᬶᬮᬶᬂᬭᬶᬂᬳ᭄ᬬᬂᬢᬸᬄ᭞ᬳᬦᬾᬫᬤᬦ᭄ᬲ᭄ᬯᬤ᭄ᬬᬬ᭞ᬢᭂᬕᭂᬲ᭄ᬜᬦᬾᬗᬸᬮᬶᬦ᭄ᬳᬚᬶ᭞ᬲ᭄ᬮᬦ᭄ᬢᬸᬃᬳᬶᬧᬸᬦ᭄᭞ᬉᬧᬲ᭄ᬢᬦᬶᬕ᭄ᬭᬳᬶᬓᬵ᭟᭜᭟ᬗᬺᬢ᭄ᬩᬕᬧᬲ᭄ᬣᬢᬶ
ᬕᭂᬲ᭄ᬜ᭞ᬩ᭄ᬭᬢᬦᬾᬚᬦᬶᬢᭂᬕᭂᬲᬶᬦ᭄᭞ᬗᬶᬭᬗᬶᬦ᭄ᬓᬶᬦᬸᬫ᭄ᬮᬦ᭄ᬧ᭄ᬧᬗᬦ᭄᭞ᬩᬸᬤ᭄ᬥᬶᬯᬶᬰᬬᬫᬓᬵᬤᬶ᭞ᬩ᭄ᬭᬢᬫᬗ᭄ᬕᭂᬄᬭᬶᬂᬲᬸᬘᬶ᭞ᬢᭂᬕᭂᬲ᭄ᬳᬸᬧᬯᬰᬳᬶᬓᬸ᭞ᬫᭀᬦᬳᬸᬫᭂᬦᭂᬂᬳᬃᬣᬶᬦ᭄ᬜ᭞ᬲ᭄ᬦᬦᬚ
[᭑᭑᭘ 118A]
ᬦᬶᬢᭂᬕᭂᬲᬶᬦ᭄᭞ᬢᭂᬧᭂᬢ᭄ᬧᬶᬂᬢ᭄ᬮᬸ᭞ᬦᬾᬳᬤᬶᬦᬦ᭄ᬭᬶᬲᬦ᭄ᬟ᭄ᬬ᭟᭜᭟ᬓᬾᬢᭀᬘᭂᬦᬶᬂᬅᬃᬚ᭄ᬚᬯᬵ᭞ᬦᬶᬬᬫᬩ᭄ᬭᬢᬦᬾᬍᬯᬶᬄ᭞ᬧᬢᬸᬢ᭄ᬧᭂᬲᬦ᭄ᬳᬗ᭄ᬕᭀᬦ᭄ᬕᭂᬮᬃ᭞ᬫᬸᬘᭂᬄᬫᬸᬲᬸᬳᬾᬭᬶᬂᬳᬢᬶ᭞ᬲᬓᬜ᭄ᬘᬦ᭄ᬲᬦᬾᬫ᭄ᬬᬮᬗᬶ
ᬦ᭄᭞ᬧᬶᬲᬭᬢᬾᬭᬶᬂᬭᬳᬬᬸ᭞ᬯᬶᬭᬾᬄᬫᬸᬲᬸᬳᬾᬤᬶᬢᭂᬗᬄ᭞ᬲᬗᭂᬢ᭄ᬓᬸᬯᬢ᭄ᬮᭂᬩᬶᬄᬰᬓ᭄ᬢᬶ᭞ᬦᬶᬓᭂᬮ᭄ᬲᬢᬸᬲ᭄᭞ᬢᭂᬓᬾᬦ᭄ᬫᬸᬲᬸᬳᬾᬤᬶᬚᬩ᭟᭜᭟ᬳᬲᬧᬸᬦᬶᬓᬲᬶᬢᬧ᭞ᬫᬧᬶᬢᭂᬓᭂᬢ᭄ᬭᬶᬂᬳᬶᬩᬗ᭄ᬓᬶᬢ᭄᭞ᬲᬂᬅᬃᬚ᭄ᬚᬯᬵ
ᬜᬸᬓ᭄ᬱ᭄ᬫᬬᬂ᭞ᬧᬢᬸᬤᬶᬂᬳᬶᬤᬦᬾᬍᬯᬶᬄᬕ᭄ᬮᬶᬲᬶᬂᬘ᭄ᬭᬶᬢᬦᬾᬫᬗ᭄ᬓᬶᬦ᭄᭞ᬮᬶᬦ᭄ᬢᬂᬭᬶᬂᬳᬰᬰᬶᬄᬲᬫ᭄ᬧᬸᬦ᭄᭞ᬓᬕᬾᬢ᭄ᬳᬶᬤᬲᬂᬅᬃᬚ᭄ᬚᬯᬵ᭞ᬫᬋᬲᬄᬫᬦᬄᬜᬳᬾᬮᬶᬂ᭞ᬭᬶᬂᬤᬸᬓ᭄ᬤᬸᬫᬸᬦ᭄᭞ᬫᬚᬜ᭄ᬚᬶᬭᬶᬂᬳᬶᬭᬵᬓ᭄ᬱᬲ᭟᭜᭟
ᬧᬘᬂᬭᬯᬸᬄᬓᬕᭀᬢᬦ᭄ᬜ᭞ᬧᬸᬦᬶᬓᬫᬯᬦᬦ᭄ᬫᬗ᭄ᬓᬶᬦ᭄᭞ᬕᭂᬮᬶᬲ᭄ᬢᬗ᭄ᬓᬶᬮ᭄ᬭᬶᬂᬲᬢᬧ᭞ᬗᭂᬳᭂᬤ᭄ᬫᬢᬸᬃᬦᬸᬦᬲ᭄ᬧᬫᬶᬢ᭄᭞ᬲᬗᬢᬧᬗᬮᬸᬕ᭄ᬭᬳᬶᬦ᭄᭞ᬘᭂᬦᬶᬂᬅᬃᬚ᭄ᬚᬯᬩᬕᬸᬲ᭄᭞ᬩᬧᬩᭀᬬᬫᬫᬶᬬᬮᬂ᭞ᬫᬶᬗ᭄ᬓᬶᬦ᭄ᬓᬾ [ 120 ][᭑᭑᭘ 118B]
᭑᭑᭙
ᬧᭀᬮᬶᬄᬫᬚᬜ᭄ᬚᬶ᭞ᬮᬳᬸᬢᬂᬩᬕᬸᬲ᭄᭞ᬢᭂᬓᬳᬶᬦ᭄ᬓᬓᬶᬭᬵᬓ᭄ᬱᬲ᭟᭜᭟ᬲᬫ᭄ᬩᬶᬮ᭄ᬗᬯᬶᬢᬶᬦ᭄ᬫᬮᬚᬄ᭞ᬢᬗ᭄ᬲᭂᬄᬗᬸᬫ᭄ᬩᬄᬤᬓᬶᬳᬢᬶᬩ᭞ᬦᬾᬫᬮᬶᬓᬸᬢ᭄ᬳᬶᬭᬵᬓᬱᬲ᭞ᬦᬗ᭄ᬳᬶᬂᬫᬸᬮᬤᬳᬢ᭄ᬓᭂᬢᬶᬮ᭄᭞ᬫᭂᬮᬄᬲᬓᬶᬂᬧᬮᬧᬦᬶᬦ᭄᭞
ᬢᭂᬮᬦ᭄ᬢᭂᬮᬦ᭄ᬤᬕᬕᬶᬲᬦ᭄᭞ᬤᬓᬦᬾᬓᬤᬸᬓ᭄ᬫᬤᬸᬕᬮ᭞ᬗᭂᬜ᭄ᬘᭀᬢ᭄ᬲᬢᬸᬢ᭄ᬲᬸᬢ᭄ᬢᭀᬂᬫᬮᬤᬶᬄ᭞ᬳᭀᬩᭀᬢ᭄ᬩᬕᬸᬲ᭄᭞ᬗᬸᬫ᭄ᬩᬄᬓᬫᭀᬫᭀᬳᬦ᭄ᬫᬦᬄ᭟᭜᭟ᬢᬩᬸᬄᬳᬮᬸᬄᬳᬗ᭄ᬕᭀᬦ᭄ᬤᬲᬃ᭞ᬤᬸᬮᬸᬭᬶᬦ᭄ᬩᬦ᭄ᬲ᭄ᬫᬶᬢᬫᬦᬶ
ᬲ᭄᭞ᬬᬦ᭄ᬗᭂᬲ᭄ᬫᭂᬮᬶᬤ᭄ᬫᬲᬶᬄᬳᬶᬯᬂ᭞ᬩᬶᬲᬗᬯᬾᬲᬮᬄᬢᬫ᭄ᬧᬶ᭞ᬬᬦ᭄ᬩᬗ᭄ᬭᬲ᭄ᬫᬸᬜᬶᬦᬾᬲᬳᬶ᭞ᬲᬬᬦ᭄ᬢᬩᭂ᭠ᬮ᭄ᬓᬧᬶᬂᬳᬶᬧᬸᬦ᭄᭞ᬘᭂᬗᭂᬄᬜᬦᬶᬧᬶᬲ᭄ᬦᬶᬧᬶᬲᬂ᭞ᬯᬶᬢ᭄ᬲᭂᬲᬳᬶᬦᬶᬗᭂᬄᬫᬸᬜᬶ᭞ᬘᭂᬕᬓ᭄ᬘᭂᬕᬸᬓ᭄᭞ᬓᬾᬢᭀᬳᬶᬮᬦᬾ
ᬬᬦ᭄ᬩᬗ᭄ᬭᬲ᭄᭟᭜᭟ᬲᭀᬓ᭄ᬳᬫᬾᬏᬦ᭄ᬢᭀᬘᭂᬦᬶᬂᬲᬬᬂ᭞ᬲᬶᬂᬮᬶᬬᬸᬩᬧᬦᬸᬢᬸᬭᬶᬦ᭄᭞ᬩᬸᬯᬢ᭄ᬗᭂᬫ᭄ᬩᬦ᭄ᬓᬓᬶᬬᬓ᭄ᬱ᭞ᬯᬶᬭᬾᬄᬦᬦᬓ᭄ᬲᬸᬩᬳᬸᬦᬶᬂ᭞ᬫᭂᬮᬄᬦᬾᬫᬦᬶᬓᬯᬶᬢᬶᬦ᭄᭞ᬫᬚᬮᬦ᭄ᬳᬶᬘᭂᬦᬶᬂᬩᬕᬸᬲ᭄᭞ᬓᬤᬸᬂ᭠
[᭑᭑᭙ 119A]
ᬦᬸᬚᬸᬤᬶᬦᬫᭂᬮᬄ᭞ᬤᬯᬸᬄᬳᬬᬸᬤᬶᬢᬸᬫᬲᬶᬄ᭞ᬮᬳᬸᬢᬂᬫᬮᬤ᭞ᬢᬸᬧ᭄ᬢᬸᬧᬂᬩᭂᬓᭂᬮᬾᬮᬸᬯᬲ᭄᭟᭜᭟ᬕ᭄ᬮᬶᬲᬶᬂᬘ᭄ᬭᬶᬢᬩᬾᬜ᭄ᬚᬗᬦ᭄ᬜ᭞ᬯᬸᬲᬦ᭄ᬫᬗᬸᬢᬭᬂᬪᬓ᭄ᬢᬶ᭞ᬦᬸᬦᬲ᭄ᬧᬫᬶᬢ᭄ᬭᬶᬂᬲᬂᬢᬧ᭞ᬗᬯᬶᬢᬶᬦ᭄ᬳᬶᬤᬫᬃᬕ᭄ᬕᬶ᭞
ᬲᬄᬲᬓᬶᬂᬕᬶᬭᬶᬧᬸᬢ᭄ᬭᬶ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬗ᭄ᬮᬸᬮᬸ᭞ᬭᬾᬄᬤᬸᬭᬸᬂᬦᬳᭂᬦᬶᬦ᭄ᬧᭂᬲ᭄᭞ᬓᬕᬸ᭠ᬳᬭᬵᬚᬯᬶᬬᬓ᭄ᬢᬶ᭞ᬓᬢᭀᬦ᭄ᬤᬶᬢᬸ᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬓᬫ᭄ᬩᬂ᭟᭜᭟ᬓᬮᬸᬤ᭄ᬲᬫ᭄ᬩᬶᬮ᭄ᬫᬕ᭄ᬭᬾᬦ᭄ᬤᭀᬢᬦ᭄᭞
ᬫᬓ᭄ᬢᬘᬓᭂᬧᬦ᭄‌ᬫ᭄ᬯᬂᬩᬶᬩᬶᬢ᭄᭞ᬓᬕᬾᬢ᭄ᬲᬫ᭄ᬧᬸᬦ᭄ᬳᬶᬤᬢᬶᬩ᭞ᬭᬶᬂᬳᬮᬲᬾᬳᬕᬸᬂᬲ᭄ᬭᬶᬧᬶᬢ᭄᭞ᬳᬲᬶᬂᬓᬢᭀᬦ᭄ᬗᬺᬲᬶᬦ᭄ᬳᬢᬶ᭞ᬢᬭᬸᬳᬢᬸᬩ᭄ᬳᬕᬸᬂᬳᬕᬸᬂ᭞ᬩᬗ᭄ᬲᬶᬂᬜᬫᬲ᭄ᬮᬶᬗ᭄ᬲᭂᬢᬦ᭄᭞ᬜᬦ᭄ᬤᬶᬂᬩᬢᬸᬧᬘᭂᬕᬶ
ᬕᬶᬃ᭞ᬓᬧᬸᬢ᭄ᬮᬸᬫᬸᬢ᭄᭞ᬤᭂᬕᭂᬂᬮᬸᬯᬶᬃᬲᬗᬢᬧ᭟᭜᭟ᬓᬕᭂᬕᬯᭀᬓ᭄ᬲᬂᬅᬃᬚ᭄ᬚᬯ᭞ᬗᭂᬢᭀᬦ᭄ᬳᬮᬲᬾᬲ᭄ᬭᬶᬧᬶᬢ᭄᭞ᬓᬦ᭄ᬢᬶᬲᬭᬶᬂᬫᬚᬗ᭄ᬕᭂᬮᬦ᭄᭞ᬳᬦ᭄ᬢᬸᬓ᭄ᬲᬸᬓᭂᬢᬾᬢᬦ᭄ᬲᬶᬧᬶ᭞ᬭᬶᬂᬧᬶᬗ᭄ᬕᬶᬃᬮᬸᬯᬄᬫᬫᬃᬕ᭄ᬕᬾ [ 121 ][᭑᭑᭙ 119B]
᭑᭒᭐
᭞ᬗᬫᬸᬗ᭄ᬕᬳᬂᬓᭂᬲᬸᬮ᭄ᬓᭂᬲᬸᬮ᭄᭞ᬧᬫᬃᬕ᭄ᬕᬶᬦ᭄ᬳᬶᬤᬦᬾᬮᬲ᭄ᬬ᭞ᬓᬤᬶᬯᬾᬦ᭄ᬢᭂᬦ᭄ᬫᬶᬢᬸᬤᬸᬳᬶᬦ᭄᭞ᬫ᭄ᬭᬲᬢᬳᬸ᭞ᬭᬶᬂᬕᬸᬳᬦ᭄ᬓᬓᬶᬭᬵᬓ᭄ᬱᬲ᭟᭜᭟ᬯᬯᬸᬦᬸᬜ᭄ᬘᬧ᭄ᬳᬧᬗ᭄ᬓᭂᬤᬦ᭄᭞ᬳᬶᬤᬜᬶᬗᬓ᭄ᬯᬶᬢ᭄ᬩᬳᬶᬗᬶᬦ᭄᭞᭠
ᬳᬕᭂᬂᬮᬸᬳᬸᬃᬫᬜᬸᬭᬩ᭄ᬬᬄ᭞ᬦᬗ᭄ᬳᬶᬂᬓᬦ᭄ᬢᬸᬦ᭄ᬤᭀᬳᬦ᭄ᬓᬶᬤᬶᬓ᭄᭞ᬯᬾᬦ᭄ᬢᭂᬦ᭄ᬲᬢᬓ᭄ᬤᭂᬧᬫ᭄ᬦᬯᬶ᭞ᬲᬗ᭄ᬓᬦ᭄ᬲᭀᬃᬜᬢᬦ᭄ᬓᬤᬸᬮᬸ᭞ᬩᭂᬢ᭄ᬳᭂᬓᭀᬢᬫᬫᬶᬬᬮᬂ᭞ᬢᬗ᭄ᬓᭂᬩ᭄ᬳᬫ᭄ᬩᬸᬂᬧᬲᬸᬮᬯᬶᬃ᭞ᬧᬦ᭄ᬢᭂᬲ᭄ᬤᬶᬢᬸ᭞᭠
ᬤᬤᭀᬲ᭄ᬧᬢᬫ᭄ᬩᬸᬦᬦ᭄ᬫᬘᬦ᭄᭟᭜᭟ᬦᬾᬢᭀᬓᬬᬸᬦ᭄ᬲᬂᬅᬃᬚ᭄ᬚᬯᬵ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬬᬦ᭄ᬢᬫ᭄ᬧᭂᬓ᭄ᬲᬬᬦ᭄ᬚᭂᬕᬄ᭞ᬯᬶᬢ᭄ᬩᬶᬗᬶᬦᬾᬓᬘᬶᬗᬓᬶᬦ᭄᭞ᬯᬾᬦ᭄ᬢᭂᬦ᭄ᬲ᭄ᬮᬶᬓᬸᬃᬤᭂᬧᬫ᭄ᬦᬯᬶ᭞ᬮᬶᬗ᭄ᬕᬶᬄᬳᬶ
ᬤᬤᬸᬓ᭄ᬧᬸᬦᬶᬓᬸ᭞ᬭᬶᬂᬲᭀᬃᬩᬶᬗᬶᬦᬾᬓᬘᬶᬗᬓ᭄᭞ᬕᬸᬳᬵᬳᬕᭂᬂ᭞ᬗᬕᬯᭀᬓᬶᬦ᭄᭞ᬩᬸᬗᬲ᭄ᬳᬶᬧᬸᬦ᭄᭞ᬜᬮᬂᬭᬯᬸᬄᬭᬶᬂᬫ᭄ᬧᬶᬂᬜ᭟᭜᭟ᬓᬘᬶᬗᬓ᭄ᬓᬓᬶᬭᬵᬓ᭄ᬱᬲ᭞ᬲᭂᬤᭂᬓ᭄ᬭᬶᬚᭂᬓ᭄ᬗᬭᬶᬲᬓᬶ᭠
[᭑᭒᭐ 120A]
ᬦ᭄᭞ᬓᬭᬂᬲᬭᬶᬦᬾᬳᬶᬭᬶᬓᬵ᭞ᬦᭂᬤᭂᬂᬓᭂᬫ᭄ᬩᬂᬗᬸᬮᬗᬸᬦᬶᬦ᭄᭞ᬲᬗ᭄ᬓᬦ᭄ᬲᬂᬭᬯᬸᬄᬢᬦ᭄ᬓᬵᬓ᭄ᬱᬶ᭞ᬦᬾᬩᭂᬗᭀᬂᬗᬤᭂᬕ᭄ᬫᬓᭂᬜᬸᬂ᭞ᬮᬶᬬᬂᬗᭂᬢᭀᬦ᭄ᬳᬶᬭᬵᬓ᭄ᬱᬲ᭞ᬦᬸᬮᬶᬜᬕ᭄ᬚᬕ᭄ᬫᬦᬫ᭄ᬧᭂᬓᬶᬦ᭄᭞ᬦᬸᬦ᭄ᬤᬶᬓ᭄ᬢᬸᬦ᭄ᬤᬸᬦ᭄᭞ᬓ
ᬓᬶᬬᬓ᭄ᬱᬫᬢᭀᬮᬶᬳᬦ᭄᭟᭜᭟ᬚᬦ᭄ᬢᬾᬲ᭄ᬩᬄᬳᬶᬧᬸᬦ᭄ᬫᬓᭂᬲ᭄ᬬᬩ᭄᭞ᬗᭂᬢᭀᬦ᭄ᬲᬂᬯᬯᬸᬧ᭄ᬭᬧ᭄ᬢᬶ᭞ᬫᬮᬶᬄᬬᬩᬗᬸᬦ᭄ᬫᬕᬶᬩ᭄ᬭᬲ᭄᭞ᬘᭀᬓᭀᬃᬳᬶᬤᬓᬓᬓᭂᬩᬶᬦ᭄᭞ᬦ᭄ᬢᬸᬓ᭄ᬓᭂᬦ᭄ᬤᭂᬮ᭄ᬜᬢᬦ᭄ᬲᬶᬧᬶ᭞ᬲᬸᬯᬾᬢᭀᬂ
ᬜᬶᬤᬬᬂᬫᬢᬸᬃ᭞ᬳᬾᬗ᭄ᬕᬮᬦ᭄ᬧᭂᬲᬸᬬᬾᬄᬫᬢ᭞ᬲᬗ᭄ᬓᬦ᭄ᬲᭂᬤᭂᬕ᭄ᬬᬫᬫᬸᬜᬶ᭞ᬉᬥᬸᬄᬭᬢᬸ᭞ᬲᬤ᭄ᬬᬳᬶᬤᬾᬯᬧ᭄ᬭᬧ᭄ᬢᬵ᭟᭜᭟ᬲᬧᬲᬶᬭᬫᬗᬶᬭᬶᬗᬂ᭞ᬜᬶᬤᬬᬂᬭᬯᬸᬄᬫᬭᬶᬓᬶ᭞ᬗᭂᬦ᭄ᬢᬧ᭄ᬳᬮᬲ᭄ᬫᬤᬹᬃᬕ᭄ᬕᬫ
᭞ᬩᬸᬭᭀᬦ᭄ᬳᬕᬸᬂᬕᬮᬓ᭄ᬧᬚ᭄ᬭᬶᬢ᭄᭞ᬫᬶᬢᬸᬧᬲ᭄ᬮᬂᬭᬶᬂᬳᬢᬶ᭞ᬢᬶᬢ᭄ᬬᬂᬗᬦ᭄ᬢᭂᬦᬂᬳᬶᬭᬢᬸ᭞ᬭᬯᬸᬳᬾᬢᬦ᭄ᬧ᭄ᬭᬦᬕᬢ᭞ᬢᬦ᭄ᬓᬾᬢᬶᬢ᭄ᬬᬂᬲᭂᬤᭂᬓ᭄ᬗᬶᬧᬶ᭞ᬧᬸᬍᬲ᭄ᬮᬸᬯᬸᬂ᭞ᬳᬧᬸᬲ᭄ᬕᬫ᭄ᬩᬃᬳᬶᬬᬂᬓᬭ᭟᭜᭟ᬬᬾᬦ᭄ᬢᬶᬢ᭄ᬬᬂ [ 122 ][᭑᭒᭐ 120B]
᭑᭒᭑
ᬯᬦ᭄ᬢᬄᬜᬸᬫ᭄ᬧᭂᬦ᭞ᬗᬯᬾᬓᬘ᭄ᬮᬸᬯᬕ᭄ᬭᬶᬂᬳᬢᬶ᭞ᬗᭂᬢᭀᬦ᭄ᬳᬶᬭᬢᬸᬧᬭᬧ᭄ᬢ᭞ᬫᬄᬢᬶᬢ᭄ᬬᬂᬫᬜᬧᬕᬶᬧᬶᬄ᭞ᬭᬶᬂᬮᬘᬸᬭᬾᬯᬸᬲᬦ᭄ᬗᬶᬧᬶ᭞ᬗᭂᬤᬢ᭄ᬫᬢᬦ᭄ᬢᬶᬢ᭄ᬬᬂᬮᬯᬸᬢ᭄᭞ᬓᬸᬤ᭄ᬬᬂᬧᬂᬢᭀᬂᬫᬧᬗᭂᬦᬦ᭄᭞ᬭᬾᬄᬳᬶ
ᬭᬢᬸᬢ᭄ᬯᬭᬓᬭᬶ᭞ᬧᭀᬘᭀᬮ᭄ᬳᬕᬸᬂ᭞ᬫᬧᬗ᭄ᬕᬶᬄᬭᬶᬂᬧᬗᬶᬧᬶᬬᬦ᭄᭟᭜᭟ᬓᬾᬢᭀᬫᬸᬜᬶᬦ᭄ᬳᬶᬭᬵᬓ᭄ᬱᬲ᭞ᬗᭂᬮᬸᬢ᭄ᬘᭀᬓᭀᬃᬲᬗᬧᭂᬓᬶᬓ᭄᭞ᬲᬫ᭄ᬩᬶᬮ᭄ᬜᬸᬢ᭄ᬲᬸᬢᬶᬦ᭄‌ᬬᬾᬄᬫᬢ᭞ᬗᬸᬦ᭄ᬢᬸᬮ᭄ᬳᬤᬸᬓ᭄ᬲᭂᬮᬂᬳᬢᬶ᭞ᬓᭂ᭠
ᬜᭂᬫ᭄ᬲᬂᬅᬃᬚ᭄ᬚᬯᬜᬯᬶᬲ᭄᭞ᬲᬫ᭄ᬩᬶᬮ᭄ᬦᭂᬧᬓ᭄ᬲᬂᬫᬗᬸᬦ᭄ᬢᬸᬮ᭄᭞ᬤᬸᬄᬓᬓᬶᬭᬵᬓ᭄ᬱᬲᬲᬬᬂ᭞ᬢᭀᬂᬜᬦ᭄ᬤᬂᬲᭂᬮᬂᬤᬶᬳᬢᬶ᭞ᬫᬧᬦ᭄ᬢᬸᬳᬸ᭞ᬓᬓᬶᬩᭀᬬᬫᬜᬸᬫ᭄ᬧᭂᬦ᭄᭟᭜᭟ᬦᬾᬲᭂᬓᭂᬦ᭄ᬘᬸᬘᬸᬦᬾᬢᭂᬓᬵ᭞ᬜᭂᬮ
ᬧ᭄ᬲᬓᬶᬂᬕᬶᬭᬶᬧᬸᬢ᭄ᬭᬶ᭞ᬩᬦ᭄ᬳᬶᬲᭂᬂᬢᭂᬓᬦᬶᬂᬯᬬᬄ᭞ᬢᭀᬂᬳᬤᬳᬦᬓ᭄ᬗᬢᭂᬳᬶᬦ᭄᭞ᬳᬶᬬᬂᬫᬚᬮᬦ᭄ᬧᬤᬶᬤᬶ᭞ᬗᭂᬦ᭄ᬢᬧ᭄ᬳᬮᬲ᭄ᬳᬗ᭄ᬓᭂᬃᬳᬕᬸᬂ᭞ᬲᬂᬳ᭄ᬬᬂᬳᬦ᭄ᬢᬭᬯᬶᬰᬾᬱ᭞ᬫᬶᬦᬩ᭄ᬦᬾᬲᬗᭂᬢ᭄ᬗᬶᬮᭀᬦᬶᬦ᭄᭞
[᭑᭒᭑ 121A]
ᬲᬗ᭄ᬓᬦ᭄ᬮᬦ᭄ᬢᬸᬃ᭞ᬢᬦ᭄ᬓᬧᬶᬬᬮᬂᬤᬶᬚᬮᬦ᭄᭟᭜᭟ᬳᬶᬭᬵᬓ᭄ᬱᬲᬫᬮᬶᬄᬦᬶᬫ᭄ᬩᬮ᭄᭞ᬲᬶᬗ᭄ᬕᬶᬄᬭᬢᬸᬲᬗᬧᭂᬓᬶᬓ᭄᭞ᬮᬾᬤᬗᬂᬓᬬᬸᬦ᭄ᬳᬶᬤᬾᬯ᭞ᬗ᭄ᬭᬯᬸᬳᬶᬦ᭄ᬢᬶᬢ᭄ᬬᬂᬳᬶᬫᬶᬲ᭄ᬓᬶᬦ᭄᭞ᬦᭀᬗᭀᬲ᭄ᬭᬶᬂᬳᬲᬾᬲᭂ
ᬧᬶ᭞ᬢᬦ᭄ᬳᬸᬦᬶᬂᬭᬶᬂᬫᬸᬜᬶᬦ᭄ᬲᬸᬯᬸᬂ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬗᬯᬶᬦᬂ᭞ᬲᬗ᭄ᬓᬦ᭄ᬢᬶᬢ᭄ᬬᬂᬲᬓᬶᬂᬗᬯᬶᬢ᭄᭞᭠ᬲᬫ᭄ᬧᬸᬦ᭄ᬮᭂᬧᬸᬢ᭄᭞ᬳᬫ᭄ᬧᬸᬭᬦᬾᬩᬦ᭄ᬫᭂᬢᬬᬂ᭟᭜᭟ᬩᬦ᭄ᬓᭂᬦ᭄ᬤᭂᬮ᭄ᬜᬳᬶᬭᬵᬓ᭄ᬱᬲ᭞ᬜᬶᬤᬬᬂᬢᭀᬂᬲᭂ
ᬧᬶᬲᭂᬧᬶ᭞ᬚᬦ᭄ᬢᭀᬲ᭄ᬳᬶᬤᬲᬂᬅᬃᬚ᭄ᬚᬯ᭞ᬢᬦ᭄ᬧᭀᬮᬶᬄᬲᬮᬄᬜᬯᬸᬭᬶᬦ᭄᭞ᬳᬶᬭᬵᬓ᭄ᬱᬲᬮᬶᬯᬢ᭄ᬕᬶᬧᬶᬄ᭞ᬫᬗᬫ᭄ᬩᬶᬮ᭄ᬢᬗᬦ᭄ᬲᬂᬩᬕᬸᬲ᭄᭞ᬲᭂᬩᭂᬂᬳᬜᬃᬫᬸᬓᬵᬩᬸᬗᬄ᭞ᬫᬤᬦ᭄ᬤᬦ᭄ᬢᬗᬦ᭄ᬫᬫᬃᬕ᭄ᬕᬶ᭞ᬗᬶᬭᬶᬂ
ᬭᬢᬸ᭞ᬭᬶᬂᬩᬢᬦ᭄ᬕᬸᬳᬵᬫᬭᬵᬃᬬ᭄ᬬᬦ᭄᭟᭜᭟ᬓᬾᬯᬦ᭄ᬢᭂᬦ᭄ᬭᬢᬸᬓᬗ᭄ᬕᬾᬬᬂ᭞ᬯᬦ᭄ᬢᬄᬢᬫ᭄ᬩᬸᬲᬦ᭄ᬓᬮᬤᬶ᭞ᬳᬗ᭄ᬕᬾᬦ᭄ᬫᬓᬧᬜᬫ᭄ᬩ᭄ᬭᬫ᭞ᬫᬲᬳᬶᬭᬢᬸᬢᬦ᭄ᬳᬾᬮᬶᬂ᭞ᬭᬶᬂᬢᬢ᭄ᬬᬂᬚᬢᬶᬢᬦ᭄ᬳᬸᬦᬶᬂ᭞ᬫᬢᬸᬃ [ 123 ][᭑᭒᭑ 121B]
᭑᭒᭒ᬗᬮᬾᬤᬗᬶᬦ᭄ᬓᬬᬸᬦ᭄᭞ᬓᬮᬶᬂᬓᬾᬗᬶᬭᬶᬂᬳᬶᬤᬾᬯ᭞ᬲᬢᬢᬩᬯᭀᬲᬾᬳᬧᬶᬓ᭄᭞ᬲᬗ᭄ᬓᬦ᭄ᬭᬢᬸ᭞ᬧᭀᬘᭀᬮ᭄ᬗᬭᬯᬸᬳᬶᬦ᭄ᬢᬶᬢ᭄ᬬᬂ᭟᭜᭟ᬲᬓ᭄ᬱᬢ᭄ᬢᬦ᭄ᬯᬾᬦ᭄ᬢᭂᬦ᭄ᬫᬜᬧ᭞ᬯᬶᬢ᭄ᬭᬶᬓᬸᬄᬫᭂᬲᬸᬯᬂᬫᬸᬜᬶ᭞ᬭᬲᬧᭂ
ᬮᬶᬄᬲᬶᬂᬧᭂᬢᬬᬂ᭞ᬬᬦ᭄ᬫᭂᬦᭂᬂᬢᬍᬃᬓᬩᬶᬮ᭄ᬩᬶᬮ᭄᭞ᬫᬯᬶᬦᬦ᭄ᬧᬸᬧᬸᬢ᭄ᬫᬦᭂᬗᬶᬮ᭄᭞ᬲᬫ᭄ᬩᬶᬮ᭄ᬘᭂᬘᭂᬄᬳᬗ᭄ᬕᬸᬢᬗ᭄ᬕᬸᬢ᭄᭞ᬬᬦ᭄ᬫᬮᬶᬄᬤᬸᬮᬸᬭᬶᬦ᭄ᬢᬶᬢ᭄ᬬᬂ᭞ᬗᬭᬕ᭄ᬭᬕ᭄ᬧᬜᬧᬫᬦᬶᬲ᭄᭞ᬯᬗ᭄ᬤᬾᬳᬮᬸᬲ᭄᭞ᬭᬾᬄᬩᬸᬦ᭄ᬢᬸ
ᬢ᭄ᬩᬓᬢ᭄ᬚᭂᬗ᭄ᬓᬶᬗᬂ᭟᭜᭟ᬳᬕᭀᬮᬾᬫᬾᬯᭂᬄᬗᬶᬘᬮᬂ᭞ᬬᬦ᭄ᬓᬤᬸᬓ᭄ᬳᬸᬮᬶᬂᬧᬗᬯᬶᬢ᭄᭞ᬲᬢᬢᬫᬢᬩᬸᬄᬩᬗ᭄ᬭᬲ᭄᭞ᬦᬾᬫᬸᬮᬢᬓᬸᬢᬶᬦ᭄ᬕᬸᬫᬶ᭞ᬢᬦ᭄ᬢᬸᬦ᭄ᬤᬾᬦᬂᬫᬗ᭄ᬤᬚᭂᬗᬶᬲ᭄᭞ᬲᭂᬫᬸᬦᬾᬢᭂᬓᬫᬋᬗᬸ
ᬢ᭄᭞ᬲᬫ᭄ᬧᬸᬦ᭄ᬧ᭄ᬮᬧᬦᬶᬦ᭄ᬫᬚᬮᬦ᭄᭞ᬧᬸᬧᬸᬢ᭄ᬗᬾᬗ᭄ᬓᬕ᭄ᬗᭂᬩᭂᬓ᭄ᬫᬃᬕ᭄ᬕᬶ᭞ᬚᬯᬢ᭄ᬗᬸᬦ᭄ᬢᬸᬮ᭄᭞ᬫᬢᬦᬾᬦᭂᬮᬶᬓ᭄ᬢᭀᬂᬜᭂᬮᬧ᭄᭟᭜᭟ᬓᬮᬶᬂᬓᬾᬤᭂᬧᬂᬕᬓ᭄ᬕᬓᬂ᭞ᬓᬶᬧᬓ᭄ᬓᬶᬧᭂᬓᬂᬓᬲᬫ᭄ᬧᬶᬂ᭞ᬫᬢᬦᬾᬳᬮᬸᬄᬦᭂᬂ
[᭑᭒᭒ 122A]
ᬦᭂᬗᬂ᭞ᬢᬦ᭄ᬚᬲᬓᬶᬂᬫᬮᬚᬳᬶᬦ᭄᭞ᬫᬸᬯᬸᬄᬧᬦ᭄ᬢᭂᬲ᭄‌ᬬᬦ᭄ᬳᭂᬕᭀᬳᬶᬦ᭄᭞ᬦᬢᬤ᭄ᬓᬮᬾᬯᬂᬫᬳᬸᬦᬸᬲ᭄᭞ᬳᬧᬧᬳᬓ᭄ᬓᬾᬢᭀᬲᭂᬫ᭄ᬧᬮ᭄᭞ᬢᭀᬂᬲᬬᬂᬭᬶᬂᬦᬧᬶᬮᬸᬯᬶᬃ᭞ᬢ᭄ᬯᬭᬢᬓᬸᬢ᭄᭞ᬬᬦ᭄ᬳᬤᬳᬦᬓ᭄ᬯᬶ
ᬭᭀᬱ᭟᭜᭟ᬩᬦ᭄ᬤᭂᬫᬦᬾᬫᬕᭂᬋᬗᬦ᭄᭞ᬓᬦ᭄ᬢᬶᬜᭂᬮᬧ᭄ᬗᬯᬾᬧᭂᬮᬶᬄ᭞ᬓᭂᬦ᭄ᬤᭂᬮ᭄‌ᬬᬦ᭄ᬳᬶᬧᬸᬦ᭄ᬜᬓ᭄ᬕᬮᬓ᭄᭞ᬧᭀᬮᬶᬄᬦᬶᬗ᭄ᬕᬭᬂᬓᬰᬓ᭄ᬢᬶᬦ᭄᭞ᬢ᭄ᬯᬭᬢᬓᬸᬢ᭄ᬓᬲᭂᬧᭂᬕᬶᬦ᭄᭞ᬧᭂᬗᭂᬦᬦ᭄ᬢ᭄ᬯᬭᬚᬩᭂᬮᬸᬃ᭞ᬲᬫ᭄ᬧᬸᬦ᭄ᬫᬶᬬᬦ᭄ᬤᭂᬮ᭄ᬭᬶᬂ
ᬳᬯᬓ᭄᭞ᬢᬓᬸᬢᬶᬦ᭄ᬳᬶᬜᬜᬧ᭄ᬮᬸᬗᬶᬤ᭄᭞ᬫᬸᬯᬸᬄᬚᬸᬫ᭄ᬩᬸᬄ᭞ᬬᬦ᭄ᬮᬶᬬᬸᬳᬦᬓ᭄ᬗᬯᬲᬂ᭟᭜᭟ᬲᬬᬦ᭄ᬮᬶᬬᬸᬳᬦᬓ᭄ᬦᬯᬂ᭞ᬤᬸᬓ᭄ᬢᬶᬢ᭄ᬬᬗᬾᬓᬲᭂᬧᭂᬕᬶᬦ᭄᭞ᬚᬢᬶᬮᬸᬧᬸᬦ᭄ᬭᬶᬂᬲᬜ᭄ᬚᬢ᭞ᬲᬶᬦᬄᬫᬓᭂᬚᬂᬦᬓᬸᬢᬶᬦ᭄᭞
ᬬᬦ᭄ᬲᬫ᭄ᬧᬸᬦ᭄ᬢᬓᬸᬢᬶᬦ᭄ᬕᬸᬫᬶ᭞ᬳᬾᬮᬄᬳᬦ᭄ᬢᬸᬓ᭄ᬗᬤᬸᬕᬤᬸᬕ᭄᭞ᬢᬦ᭄ᬢᬸᬬᬸᬄᬫᬮᬶᬄᬫᬕᬤᬂ᭞ᬲᭀᬓ᭄ᬮᭂᬫᬄᬧᬬᬸᬗᬗ᭄ᬕᬸᬭᬶᬦ᭄᭞ᬲᬫᬶᬩ᭄ᬭᬬᬸᬢ᭄᭞ᬓᬲᬸᬕ᭄ᬬᬦ᭄ᬬᬧ᭄ᬭᬕᬢ᭄ᬜᭂᬭᬄ᭟᭜᭟ᬢ᭄ᬯᬭᬩᬦᬶᬫᬓ᭄ᬮᬶᬲᬶᬓᬦ᭄᭞ᬓᬮᬶᬂᬓᬾᬫᭂᬲᬸ [ 124 ][᭑᭒᭒ 122B]
᭑᭒᭓
ᬯᬂᬫᬸᬜᬶ᭞ᬫᬗ᭄ᬓᬶᬳᬦ᭄ᬫᬶᬦᬩ᭄ᬦᬮᬦᬂ᭞ᬤᬸᬓ᭄ᬗᭂᬮᬄᬜᬓᭂᬤᬸᬓ᭄ᬳᬫ᭄ᬩᬶᬮ᭄᭞ᬓᬾᬢᭀᬳᬮᬸᬳᬾᬬᬦ᭄ᬰᬓ᭄ᬢᬶ᭞ᬩᭂᬘᬶᬓ᭄ᬳᬗ᭄ᬕᬾᬦ᭄ᬗᬤᬸᬕᬤᬸᬕ᭄᭞ᬤ᭄ᬬᬲ᭄ᬢᬸᬦ᭄ᬢᭀᬦᬾᬧᬮᬶᬂᬲᬬᬂ᭞ᬧ᭄ᬬᬦᬓ᭄ᬜᬮᬸᬄᬩᬚᬂᬳᬶᬤᬶᬄ᭞ᬢ᭄ᬯᬭᬩᬸᬯᬸᬂ᭞ᬩᬸᬗᬦ᭄ᬦᬢᬃᬜ
ᬓᬲ᭄ᬭᬳᬂ᭟᭜᭟ᬬᬦ᭄ᬓᬤᬸᬓ᭄ᬧᬜ᭄ᬚᬓᬂᬘᭀᬭᬄ᭞ᬓᭂᬤᬾᬓ᭄ᬭᬶᬂᬳᬢᬶᬗᬶᬯᬲᬶᬦ᭄᭞ᬲᬂᬫᬓᬃᬬ᭄ᬬᬧᭂᬢᭂᬂᬍᬫᬄ᭞ᬮᬶᬫᬩᬢᬶᬲ᭄ᬜᬫᬮᬶᬂᬩᬶᬂ᭞ᬫᬗ᭄ᬮᬯᬦᬶᬦ᭄ᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬢᭀᬂᬗᭂᬤᬍᬫ᭄ᬳᬶᬩᬦ᭄ᬢᬸᬬᬸᬄ᭞ᬗᬸᬮᬢᬶᬧᬗᬸᬧᬚᬶᬯᬵ᭞᭠
ᬧ᭄ᬭᬤᬾᬳᬧᬂᬦᬸᬫᬳᬸᬭᬶᬧ᭄᭞ᬭᬾᬄᬢᬦ᭄ᬘᬸᬫ᭄ᬧᬸ᭞ᬗᬫᬄᬳᬸᬮᬶᬳᬦ᭄ᬫᬜᭀᬭᬄ᭟᭜᭟ᬓᭀᬦᬾᬬᬦ᭄ᬤᭂᬫᭂ᭠ᬦ᭄ᬫᬜᭀᬭᬄ᭞ᬨᬮᬦ᭄ᬜᬢᬸᬯᬭᬩᭂᬘᬶᬓ᭄᭞ᬬᬾᬦ᭄ᬗᭂᬧᬾᬢ᭄ᬧᬢᬶᬦ᭄ᬢᭀᬳᬶᬯᬂ᭞ᬳᬶᬫ᭄ᬲᬓᬃᬫ᭄ᬫᬓᬯᬲ᭄ᬢᬦᬶᬦ᭄᭞ᬳᭂᬦ᭄ᬢᭀ
ᬫᬓᭂᬚᬂᬓᬶᬫ᭄ᬧᬲᬶᬦ᭄᭞ᬭᬾᬄᬢᭀᬂᬫᬯᬰᬦᬳᬬᬸ᭞ᬬᬦ᭄ᬲᬸᬩᬓᬾᬢᭀᬜᬶᬤᬬᬂ᭞ᬩᬾᬜ᭄ᬚᬗ᭠ᬦ᭄ᬲᬫ᭄ᬧᬸᬦᬾᬫᬢᬶ᭞ᬢᬦ᭄ᬓᬾᬤᬸᬭᬸᬄ᭞ᬧᬤᭂᬫ᭄ᬧᬸᬦᬶᬓᬲᭀᬓ᭄ᬧᭂᬚᬄ᭟᭜᭟ᬩᭂᬲ᭄ᬮᬶᬬᬸᬗᭂᬮᬄᬧᬶᬢᬸᬗᬦ᭄᭞ᬚᬦ᭄ᬢᭀᬲ᭄ᬩ
[᭑᭒᭓ 123A]
ᬗᭂᬢ᭄ᬕᬕᬂᬕᬶᬕᬶᬂ᭞ᬩᬦ᭄ᬢᭂᬲ᭄ᬤᭀᬢ᭄ᬭᬶᬂᬤᭀᬦ᭄ᬓᬍᬦ᭄ᬢᬂ᭞ᬩᬶᬦ᭄ᬢᬶᬢ᭄ᬦᬾᬗᭂᬮᬳᬂᬳᬮᬶᬄ᭞ᬫᬗ᭄ᬤᬧᭀᬮᬶᬄᬗᭀᬃᬢ᭄ᬢᬗᬶᬤᬶᬄ᭞᭠ᬬᬦ᭄ᬓᬳᬶᬘᬾᬦ᭄ᬫᬭᬧᬬᬸ᭞ᬫᬜ᭄ᬘᬦ᭄ᬗᬫᬄᬤᭀᬦ᭄ᬤᭀᬦᬦ᭄᭞ᬓᭂᬘᬕ᭄ᬓᬶᬓᬶᬮᬾᬗᬘᬶᬕ᭄ᬘᬶᬕ᭄᭞ᬤ᭄ᬯᬦᬶᬂᬢᬓᬸᬢ᭄᭞ᬚᭂᬕ᭄ᬗᬮᬶᬄᬢ᭄ᬯ
ᬭᬫᭀᬭᬳᬦ᭄᭟᭜᭟ᬲᬓᬭᬶᬂᬫᬸᬲᬳᬶᬤᭂᬧᬦ᭄᭞ᬩᭂᬲ᭄ᬕᬸᬕᭀᬦ᭄ᬢᬸᬯᭀᬦ᭄ᬭᬶᬂᬳᭀᬃᬢ᭄ᬢᬶ᭞ᬓᬦ᭄ᬢᬶᬩᬸᬯᬸᬂᬮᬸᬯ᭠ᬲ᭄ᬓᬾᬚ᭞ᬬᬤᬶᬦ᭄ᬮᭂᬫᬄᬓᬮᬶᬂᬯᭂᬗᬶ᭞ᬢᬓᬸᬢ᭄ᬬᬦ᭄ᬤᬶᬢᬸᬗᭂᬜ᭄ᬚᭂᬓᬶᬦ᭄᭞ᬳᬤᬲᭂᬫᬸᬢ᭄ᬢᭂᬗᬄᬭᬸᬭᬸᬂ᭞ᬬᬤᬶᬦ᭄ᬢᬾᬂᬜᭂᬮᬧ᭄ᬫᬗᬶ
ᬗ᭄ᬲᬓ᭄᭞ᬢᬍᬃᬳᬶᬫ᭄ᬧᬓᬯᬲ᭄ᬢᬦᬶᬦ᭄᭞ᬳᬭᬄᬭᬢᬸ᭞ᬮᬸᬦ᭄ᬢᭂᬩ᭄ᬮᬸᬦ᭄ᬢᭂᬩ᭄ᬫᬤᬶᬗᭂᬳᬂ᭟᭜᭟ᬢᬶᬢ᭄ᬬᬂᬗᬮᬦ᭄ᬢᬸᬃᬫᬧᬶᬢ᭞ᬜᬶᬦᬳᬂᬩᭂᬋᬓ᭄ᬧᬤᬶᬤᬶ᭞ᬳᬦ᭄ᬢᬸᬓ᭄ᬤᬢᬶᬲᬧᬸᬦᬶᬓᬵ᭞ᬩᬶᬓᬲ᭄ᬢᬶᬢ᭄ᬬᬂᬲᬓᬶᬂᬗᬸᬦᬶ᭞ᬦᬗ᭄ᬳᬶᬂᬲᬲᬸᬓ
ᬢ᭄ᬫᬶᬭᬕᬶ᭞ᬧᬶᬢᬸᬢᬸᬃᬳᬶᬭᬢᬸᬤᬸᬫᬸᬦ᭄᭞ᬜᬢ᭄ᬯᬬᬂᬦᬶᬃᬯᬢᬓ᭄ᬯᬘᬵ᭞ᬧᬗᬸᬫ᭄ᬩᬳᬦ᭄ᬤᬓᬶᬦ᭄ᬳᬢᬶ᭞ᬲᬬᬦ᭄ᬮᬸᬦ᭄ᬢᬸᬃ᭞ᬓᬳᬗ᭄ᬓᬭᬦ᭄ᬫᬦᬄᬢᬶᬢ᭄ᬬᬂ᭟᭜᭟ᬯᬯᬸᬲᭀᬓ᭄ᬳᬓᬩᬂᬲᬮᬓ᭄᭞ᬜᬶᬤᬬᬂᬳᬦ᭄ᬢᬸᬓ᭄ᬦᭂᬧ᭄ᬢᭂᬧᬶᬦ᭄᭞ᬩᬶ [ 125 ][᭑᭒᭓ 123B]
᭑᭒᭔
ᬓᬲᬾᬗᬾᬯᭂᬳᬶᬦ᭄ᬚᬕᬢ᭄᭞ᬭᬲᬬᬂᬲᬫ᭄ᬧᬸᬦ᭄ᬫᬲᬮᬶᬦ᭄᭞ᬬᬦ᭄ᬗᬶᬯᬲᬶᬦ᭄ᬳᬦᬓ᭄ᬲᭂᬤᬶᬄ᭞ᬢᭂᬓᬫᬶᬮᬸᬢᬶᬢ᭄ᬬᬂᬗᬸᬦ᭄ᬗᬸᬦ᭄᭞ᬬᬦ᭄ᬳᬦᬓ᭄ᬗᭂᬮᬶᬂᬢᭀᬦ᭄ᬢᬶᬢ᭄ᬬᬂ᭞ᬕᬲᬾᬓ᭄ᬬᬾᬄᬫᬢᬦᬾᬫᬶᬚᬶᬮ᭄᭞ᬓᬦ᭄ᬢᬶᬩᭂᬗᬸᬮ᭄᭞ᬢᬶᬢ᭄ᬬᬂᬗᭂᬮᬶᬂ
ᬫᬶᬮᬸᬩᬯᬂ᭟᭜᭟ᬫᬶᬗ᭄ᬓᬶᬦ᭄ᬲᬯᬢᬂᬗᭂᬦᭂᬳᬂ᭞ᬬᬦ᭄ᬓᬸᬤᬂᬩᬸᬭᭀᬦ᭄ᬮᬦ᭄ᬚᬤ᭄ᬫᬶ᭞ᬲᬦᬾᬢᭂᬮᬲ᭄ᬳᬫᬄᬢᬶᬢ᭄ᬬᬂ᭞ᬢᬸᬮᬂᬳᬶᬧᬸᬦ᭄ᬲᬫ᭄ᬧᬸᬦ᭄ᬲᭂᬮᬶᬂ᭞ᬢᬸᬫ᭄ᬧᬸᬓᬂᬭᬭᬶᬲ᭄ᬳᬶᬭᬶᬓᬶ᭞ᬚᬦ᭄ᬢᬾᬲ᭄ᬜᭂᬍᬕ᭄ᬓᬤᬶᬕᬸᬦᬸᬂ᭞ᬧᬶᬂᬓᬸᬤᬢᬶᬢ᭄ᬬᬂᬳ
ᬬᬳᬂ᭞ᬩᬸᬮᬓ᭄ᬩᬮᬶᬓ᭄ᬫᬦᬸᬫᬤᬶ᭞ᬦ᭄ᬢᬸᬓ᭄ᬮᬗ᭄ᬓᬸᬂ᭞ᬳᬓᬾᬳᬾᬫᬦᭂᬩᬸᬲ᭄ᬤᬾᬱ᭟᭜᭟ᬬᬦᬶᬂᬢᬦ᭄ᬘᭀᬓᭀᬃᬳᬶᬤᬾᬯ᭞ᬧᬗ᭄ᬕᬶᬳᬶᬦ᭄ᬢᬶᬢ᭄ᬬᬂᬦᬾᬭᬶᬳᬶᬦ᭄᭞ᬲᬶᬦᬄᬭᬯᬸᬄᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬓᬦ᭄ᬢᬸᬦ᭄ᬫᬩᬶᬓᬲ᭄ᬦᬾᬭᬸᬲᬶᬢ᭄᭞
ᬤᬸᬫᬤᬓ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬗᬸᬯᬸᬳᬶᬦ᭄ᬓᬾᬃᬢ᭄ᬢᬶᬦ᭄ᬳᬶᬭᬢᬸ᭞ᬳᬦ᭄ᬢᬸᬓ᭄ᬓᬮᬶᬦ᭄ᬢᬂᬲᬸᬯᬾᬘ᭞ᬗᭂᬫ᭄ᬩᬳᬶᬦ᭄ᬢᬶᬢ᭄ᬬᬂᬧᬯᬶᬲᬶᬓ᭄᭞ᬳᬗ᭄ᬕᬾᬦ᭄ᬜᬸᬢ᭄ᬲᬸᬢ᭄᭞ᬤᬓᬶᬦ᭄ᬫᬦᬳᬾᬫᬤᬸᬕᬮ᭄᭟᭜᭟ᬫᬗ᭄ᬓᬶᬦ᭄ᬯᬯᬸᬢᬶᬢ᭄ᬬᬂᬢᬢᬲ᭄᭞ᬬᬦ᭄ᬓᬤᬸ
[᭑᭒᭔ 124A]
ᬓ᭄ᬫᬳᬸᬮᬄᬭᬸᬲᬶᬢ᭄᭞ᬧᬫᬸᬧᬸᬢ᭄ᬦᬦ᭄ᬤᬂᬲᬗ᭄ᬲᬭ᭞ᬫᬯᬸᬯᬸᬄᬭᬸᬦ᭄ᬢᬕ᭄ᬲᭂᬲᬳᬶ᭞ᬲᬫᬶᬫᬜᭂᬮᬗᬶᬦ᭄ᬳᬢᬶ᭞ᬓᭂᬦᭂᬄᬕᭂᬮᬄᬢᭀᬂᬓᬕᬸᬕᬸ᭞ᬧᭂᬢᭂᬂᬍᬫᬄᬫᬧᬗᭂᬦᬦ᭄᭞ᬬᬾᬦ᭄ᬗᬶᬢ᭄ᬗᬶᬢ᭄ᬗᬶᬓᬲᬾᬗᬸᬦᬶ᭞ᬓᬦ᭄ᬢᬶᬘᭂᬮᬸᬄ᭞
ᬤᭂᬗ᭄ᬓ᭄ᬮᬓ᭄ᬤᭂᬗ᭄ᬓ᭄ᬮᬸᬓ᭄ᬫᬓ᭄ᬧᬓ᭄ᬢᬶᬫ᭄ᬧᬮ᭄᭟᭜᭟ᬫᬢᭂᬤ᭄ᬳᬶᬭᬵᬓ᭄ᬱᬲᬗᬸᬭᬧ᭄᭞ᬫᬶᬭᬶᬩ᭄ᬓᭂᬜᭂᬮ᭄‌ᬬᬫᬫᬸ᭠ᬜᬶ᭞ᬲᬫ᭄ᬩᬶᬮ᭄ᬗᬸᬲᬧ᭄ᬩᬸᬗᬸᬢ᭄ᬮᬶᬗ᭄ᬕᬄ᭞ᬫᬓᭂᬜᭂᬫ᭄ᬜᬭᬸᬯᬂᬲᭂᬤᬶᬄ᭞ᬤᬶᬢᬸᬲᬂᬅᬃᬚ᭄ᬚᬯᬜᬯᬶᬲ᭄᭞ᬉᬥᬹᬄᬓᬓᬶᬬᬵ
ᬓ᭄ᬱᬳᬕᬸᬂ᭞ᬳᬗᭀᬩ᭄ᬳᬶᬬᬂᬫᬤᬶᬗᭂᬳᬂ᭞ᬫᬸᬜᬶᬦ᭄ᬓᬓᬶᬗᬤᬮᭀᬦᬶᬦ᭄᭞ᬳᬧᬶᬫᬸᬭᬸᬩ᭄᭞ᬩᬶᬲᬤᬤᬶᬢᭀᬬᬫᭂᬫ᭄ᬩᬄ᭟᭜᭟ᬓᬤᬓ᭄ᬓᬸᬯᬸᬄᬓᬧᬶᬯ᭄ᬮᬲᬦ᭄᭞ᬫᬯᬦᬦ᭄ᬳᬶᬫ᭄ᬲᬦᬾᬮᬶᬲᬶᬓ᭄᭞ᬳᬸᬮᬶᬳᬦ᭄ᬳᬾ
ᬫ᭄ᬲᬦᬾᬍᬩᬸᬃ᭞ᬢᬸᬫ᭄ᬩᬸᬄᬲᬬᬗᬾᬤᬶᬳᬢᬶ᭞ᬫᬭᬶᬂᬳᬶᬲᬃᬯ᭄ᬯᬫᬳᬸᬭᬶᬧ᭄᭞ᬲᬗ᭄ᬓᬦ᭄ᬩᬶᬲᬫᬶᬮᬸᬗᬸᬦ᭄ᬗᬸᬦ᭄᭞ᬢᬢᬲ᭄ᬭᬶᬂᬓᬧᬭᬶᬓᭀᬲᬦ᭄᭞ᬧᬫᬸᬃᬡ᭄ᬦᬦ᭄ᬜᬯᭂᬮᬲᬲᬶᬄ᭞ᬲᬗ᭄ᬓᬦ᭄ᬲᬸᬯᬸᬤ᭄᭞ᬦᬾᬚᬦᬶ [ 126 ][᭑᭒᭔ 124B]
᭑᭒᭕
ᬩᬶᬗᬸᬗᬂᬫᬸᬃᬓ᭄ᬓ᭟᭜᭟ᬢᬮᬶᬦ᭄ᬲᬗ᭄ᬲᬬᬦᬾᬢᬢᬲ᭄᭞ᬗᬯᬶᬦᬂᬩᬾᬩᬲ᭄ᬤᬶᬳᬢᬶ᭞ᬲᬸᬯᬸᬤ᭄ᬳᬤᬸᬓ᭄ᬭᬲᬲᭂ᭠ᬮᬂ᭞ᬳᬸᬮᬶᬦ᭄ᬢᬶᬗ᭄ᬓᬳᬾᬭᬸᬲᬶᬢ᭄᭞ᬚᬦᬶᬢᬗᭂᬄᬢᭂᬓᬾᬦ᭄ᬤᬶᬭᬶ᭞ᬲᬾᬩᭂᬢ᭄ᬗᬸᬢᬂᬦᬾᬢᬦ᭄ᬧᬢᬸᬢ᭄᭞ᬳᬸᬮᬶᬄ
ᬢᭂᬍᬩᬾᬫᬮᬚᬄ᭞ᬫᬯᬶᬦᬦ᭄ᬓᭂᬦᬶᬳᬸᬦᬶᬗᬶᬦ᭄᭞ᬢᬫ᭄ᬩᭂᬲ᭄ᬳᬶᬓᬸ᭞ᬧᬜᬓᬶᬢᬾᬧᬮᬶᬂᬭᬦᬢ᭄᭟᭜᭟ᬦᬗ᭄ᬳᬶᬂᬦᬾᬲᬳᬶᬚᭂᬚᭂᬳᬂ᭞ᬫᭂᬦ᭄ᬢᬶᬓ᭄ᬲᬸᬫ᭄ᬩᬸᬗᬾᬤᬶᬳᬢᬶ᭞ᬗᭂᬤᬢ᭄ᬫᬭᬳᬸᬮᬶᬂᬢᬸᬦ᭄ᬬᬦ᭄ᬬᬦ᭄᭞ᬩᬶ
ᬲᬩᬦ᭄ᬢᭂᬲ᭄ᬦᬸᬗ᭄ᬓᬂᬕᬶᬕᬶᬲ᭄᭞ᬫᬓᬶᬲᬶᬤ᭄ᬳᬸᬮᬶᬂᬤᬶᬩ᭄ᬭᬗ᭄ᬢᬶ᭞ᬲᬸᬩᬫᭂᬦ᭄ᬢᬶᬓ᭄ᬓᭂᬦᭂᬄᬳᬚᬸᬫ᭄᭞ᬗᬾᬦ᭄ᬤᭀᬂᬤᬤᬶᬤᬕᬂᬓᬾᬘᬧ᭄᭞ᬫ᭄ᬭᬲᬢᬓᬸᬢ᭄ᬓᬳᬸᬗ᭄ᬓᬸᬮᬶᬦ᭄᭞ᬲᬗᭂᬢ᭄ᬗᬸᬦ᭄ᬢᬸᬮ᭄᭞ᬦᬶᬗ᭄ᬕᬮᬂᬲᬸᬫ᭄ᬩᬸᬂᬤᬶᬫᬦᬄ᭟᭜᭟
ᬢᬸᬯᬄᬓᬾᬢᭀᬫᬸᬮᬲᬚ᭞ᬤᬶᬦᬯᬗᬾᬩᭂᬤᬶᬓ᭄ᬩᭂᬤᬶᬓ᭄᭞ᬧᭂᬧᭂᬲ᭄ᬳᭀᬩᬄᬗᭂᬫᬶᬢ᭄ᬫᬦᬄ᭞ᬓᬢᬸᬦᬦ᭄ᬧ᭄ᬭᬦ᭄ᬢᭀᬲ᭄ᬗᬯᬶᬦᬶᬦ᭄᭞ᬮᬾᬦ᭄ᬓᬾᬦ᭄ᬲᬂᬫᬳᬵᬫᬸᬦᬶ᭞ᬦᬾᬤᭂᬕ᭄ᬤᭂᬕ᭄ᬫᬗᬫᭀᬂᬓᬬᬸᬦ᭄᭞ᬤ᭄ᬯ
[᭑᭒᭕ 125A]
ᬦᬶᬂᬳᬶᬤᬲᬸᬩᬢᬢᬲ᭄᭞ᬫᬸᬲᬸᬄᬫᬓᬫᬶᬯᬄᬓᬦ᭄ᬢᬶ᭞ᬳᬤᬤᬶᬢᬸ᭞ᬭᬶᬂᬓᬬᬸᬦ᭄ᬤᬤᬶᬳᬯᬤᬄ᭟᭜᭟ᬓ᭄ᬭᬶᬫᬶᬓᬦ᭄ᬓᭂᬦᭂᬳᬾᬘᭀᬭᬄ᭞ᬬᬦ᭄ᬳᭂᬦ᭄ᬢᬾᬩᬓᬢ᭄ᬕᬸᬕᭀᬦᬶᬦ᭄᭞ᬗᬸᬕᬸᬦᬾᬗᬯᬶᬦᬂᬓᬮᬄᬗᬮ
ᬯᬦ᭄ᬫᬸᬲᬸᬄᬤᬶᬳᬢᬶ᭞ᬧᬭᬯᬤᬦᬾᬗᬮᬶᬮᬶᬢ᭄᭞ᬦᬾᬍᬢᬸᬳᬦ᭄ᬓᬾᬦ᭄ᬦᬾᬍᬢᬸᬄ᭞ᬓᬾᬢᭀᬓᬓᬶᬓᬤᬤᬶᬦ᭄ᬜ᭞ᬢᭀᬂᬕᬫ᭄ᬧᬂᬗᬶᬫ᭄ᬧᬂᬲᬶᬦ᭄ᬧᭂᬮᬶᬄ᭞ᬳᬶᬬᬂᬘᬸᬘᬸᬤ᭄᭞ᬬᬢ᭄ᬦᬬᬢ᭄ᬦᬗᭂᬫ᭄ᬩᬦ᭄ᬫᬦᬄ᭟᭜᭟
ᬤ᭄ᬬᬲ᭄ᬢᬸᬓᬓᬶᬲᬸᬩᬦᬯᬂ᭞ᬬᬦ᭄ᬧᭂᬮᬶᬄᬤᬤᬶᬚᬸᬫᬸᬦᬶᬦ᭄᭞ᬗ᭄ᬮᬯᬦ᭄ᬫᬸᬲᬸᬳᬾᬤᬶᬢᭂᬗᬄ᭞ᬦᬾᬩᬶᬚᬮ᭄ᬤᬸᬯᭂᬕ᭄ᬗᬧᬸᬲᬶᬦ᭄᭞ᬦᬸᬲᬗᭂᬢ᭄ᬫᭂᬮᬳᬦ᭄ᬬᬦᬶᬂ᭞ᬢᬗ᭄ᬲᭂᬳᬂᬲᬧᬶᬲᬦ᭄ᬦᭂᬫ᭄ᬧᬸᬃ᭞ᬧᬂᬫᬢᬶᬤᭂᬳᬵᬤᬶᬢᭂᬗᬄ᭞ᬤ᭄ᬯᬦᬶᬂᬬ
ᬦ᭄ᬢᬸᬗ᭄ᬓᬸᬮ᭄ᬲᬲᬳᬶ᭞ᬲᭀᬓ᭄ᬫᬚᬸᬫᬸ᭞ᬢᬾᬫ᭄ᬧᭀᬦᬾᬳᬾᬗ᭄ᬕᬮᬦ᭄ᬢᭂᬮᬄ᭟᭜᭟ᬳᬓᬾᬄᬬᬦ᭄ᬫᬮᬶᬄᬩᬯᭀᬲᬂ᭞ᬧᬶᬢᭂᬓᭂᬢ᭄ᬳᬶᬤᬦᬾᬍᬯᬶᬄ᭞ᬓᬢᬶᬩᬭᬶᬂᬳᬶᬭᬵᬓ᭄ᬱᬲ᭞ᬳᬓᭂᬘᬧ᭄ᬢᬦ᭄ᬯᬾᬦ᭄ᬢᭂᬦ᭄ᬮᭂ [ 127 ][᭑᭒᭕ 125B]
᭑᭒᭖
ᬧᬶᬢ᭄᭞ᬲᬫᬶᬓᬳᬶᬜ᭄ᬘᭂᬧ᭄ᬭᬶᬂᬳᬢᬶ᭞ᬭᬶᬂᬢᭂᬗᬄᬕᬸᬳᬦᬾᬧᭂᬗᬸᬂ᭞ᬫᬤᬫᬃᬳᬦ᭄ᬢᬸᬓ᭄ᬩᬍᬫᬦ᭄᭞ᬦᬾᬩᭂᬓ᭄ᬫᬤᬕᬶᬂᬓᭂᬮᬤᬶ᭞ᬬᬓ᭄ᬱᬮᬸᬘᬸ᭞ᬢᬸᬗ᭄ᬕᬶᬮ᭄ᬭᬢᭂᬂᬓᬳᬢᬸᬭᬂ᭟᭜᭟ᬧᭂᬢᭂᬗᬾᬓᬕᬾᬢ᭄ᬫᬍᬲᬢ᭄᭞ᬫᭂᬮᬳᬶ
ᬩ᭄ᬓᬩᬮᬶᬓ᭄ᬪᬸᬫᬶ᭞ᬩᬦ᭄ᬢᬓᬸᬢ᭄ᬫᬧᬲ᭄ᬳ᭄ᬬᬂᬲᬸᬃᬬ᭄ᬬᬵ᭞ᬧᬓ᭄ᬱᬶᬦᬾᬭᬫᬾᬜᬸᬭ᭄ᬬᬓᬶᬦ᭄᭞ᬲᭀᬓ᭄ᬳᬶᬘᬾᬍᬧᬸᬓ᭄ᬦᬾᬲᭂᬧᬶ᭞ᬓᬦ᭄ᬢᬶᬗᬶᬤᭂᬫ᭄ᬦᬳᬦᬂᬢᬓᬸᬢ᭄᭞ᬭᬾᬄᬓᬢᬶᬗ᭄ᬕᬮ᭄ᬭᬶᬂᬓᬦ᭄ᬢᬶᬦ᭄ᬜ᭞ᬦᬗ᭄ᬳᬶᬂᬢᭀᬂᬜᬓ᭄ᬜᭂᬭᬄ
ᬕᭂᬮᬶᬲ᭄᭞ᬜᬦᬦ᭄ᬳᬶᬧᬸᬦ᭄᭞ᬧᬲᬂᬫᬮᬶᬄᬓᬯᬍᬲᬂ᭟᭜᭟ᬭᬶᬂᬯᬸᬲᬦᬾᬲᬂᬅᬃᬚ᭄ᬚᬯ᭞ᬫᬸᬓ᭄ᬢᬶᬢᬫ᭄ᬩᬸᬲᬦ᭄ᬓᬮᬤᬶ᭞ᬫᬮᬶᬄᬳᬶᬤᬫᬗᬦ᭄ᬤᬶᬓᬵ᭞ᬤᬸᬄᬓᬓᬶᬭᬵᬓ᭄ᬱᬲᬰᬓ᭄ᬢᬶ᭞ᬚᬮᬦ᭄ᬳᬫᭀᬦ᭄ᬢᭀᬦᬾᬚᬦᬶ᭞
ᬲᬢ᭄ᬯᬦᬾᬧᬗ᭄ᬓᭂᬤᬂᬫᬮᬸ᭞ᬯᬶᬭᬾᬄᬲᬸᬩᬧᬲᭂᬫᭂᬗᬦ᭄᭞ᬳᬶᬬᬂᬧᬸᬫᬸᬦ᭄ᬢᬸᬓ᭄ᬦᬾᬚᬦᬶ᭞ᬓᬓᬶᬧᬬᬸ᭞ᬩᬋᬂᬢᬗ᭄ᬓᬶᬮ᭄ᬓᬧᬰ᭄ᬭᬫᬦ᭄᭟᭜᭟ᬲᬶᬗ᭄ᬕᬶᬄᬭᬢᬸᬬᬦᬶᬂᬯᬦ᭄ᬢᬄ᭞ᬤᬤᭀᬲ᭄ᬳᬗ᭄ᬕᬦ᭄ᬢᬶᬢ᭄ᬬᬂᬗᬶᬭᬶᬂ᭞ᬚ
[᭑᭒᭖ 126A]
ᬢᭂᬫᭂᬍᬤ᭄ᬫᬦᬄᬢᬢᬢ᭄ᬬᬂ᭞ᬢᬗ᭄ᬓᬶᬮ᭄ᬭᬶᬂᬳᬦᬓᬾᬮᬶᬗ᭄ᬲᬶᬃ᭞ᬳᬶᬭᬶᬓᬭᬶᬂᬕᬶᬭᬶᬧᬸᬢ᭄ᬭᬶ᭞ᬲᬫ᭄ᬩᬶᬮ᭄ᬗᬶᬭᬶᬗᬂ᭞ᬳᬶᬭᬢᬸ᭞ᬓᬾᬢᭀᬳᬢᬸᬃᬳᬶᬭᬓ᭄ᬱᬲ᭞ᬲᬂᬅᬃᬚ᭄ᬚᬯᬫᬗᬤᬸᬗᬶᬦ᭄᭞ᬘ᭄ᬭᬶᬢᬲᬫ᭄ᬧᬸᬦ᭄᭞ᬫᭂᬢᬸᬲᬂᬓ᭠
ᬮᬶᬄᬫᬫᬃᬕᬕ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬓᬢᭀᬦ᭄ᬲᬤᬫᬮᭀᬦ᭄ᬮᭀᬦᬦ᭄᭞ᬦᬸᬜ᭄ᬘᬧ᭄ᬫᬸᬦ᭄ᬤᬸᬓ᭄᭞ᬓᬲᭀᬮ᭄ᬓᬲᭀᬮ᭄ᬬᬫᬫᬃᬕ᭄ᬕᬶ᭞ᬗᬺᬕᬄᬦ᭄ᬭᬶᬧᬶᬂᬲᬶᬮᬓ᭄ᬲᬶᬮᬸᬓ᭄᭞ᬩᬢᬸᬫᬕᭂᬂᬢᬶᬗ᭄ᬩᬶᬮ᭄ᬓᬢᬾ᭞ᬓ
ᬲᬸᬮᬸᬩᬦ᭄᭞ᬕᭀᬯᭀᬓ᭄ᬤᬍᬫ᭄ᬳᬓᬾᬄᬧᬗ᭄ᬕᬸᬄ᭞ᬭᬗ᭄ᬤᬸᬧᭀᬭᭀᬂᬓᬪᬶᬦᬯ᭞ᬚᬾᬗ᭄ᬕᭀᬢ᭄ᬢᬭᬸᬧᬲᬸᬮᬯᬶᬃ᭟᭜᭟ᬳᬶᬭᬵᬓ᭄ᬱᬲᬦᬾᬭᬶᬳᬶᬦᬦ᭄᭞ᬫᬓ᭄ᬩᬓ᭄ᬤᬶᬢᬸ᭞ᬮᬢᭂᬂᬓᬶᬤᬗᬾᬳᬜᬫ᭄ᬧᬶᬄ
᭞ᬳᭂᬫ᭄ᬧᬢ᭄ᬳᬢᭂᬧ᭄ᬚᭂᬚᭂᬮ᭄ᬫᬮᬸᬳᬸᬦ᭄᭞ᬓᭂᬤᬧᬦ᭄ᬜᬫᬲᬯᬂᬩᬂ᭞ᬗᬺᬲᬶᬦ᭄ᬫᬦᬄ᭞ᬬᬦ᭄ᬮᬘᬸᬃᬦ᭄ᬢᭀᬩᬓᬢ᭄ᬧᬸᬯᬸᬓ᭄᭞ᬫᭂᬤᬂᬮᬢᭂᬂᬗᬾᬫᬳᬸᬧᬲ᭄᭞ᬓᭂᬩ᭄ᬬᬄᬓᭂᬩ᭄ᬬᬸᬄᬲᬓᬶᬢ᭄ᬕᭂᬦᬶᬢ᭄᭟᭜᭟ᬕ᭄ᬮᬶᬲᬶᬂ [ 128 ][᭑᭒᭖ 126B]
᭑᭒᭗
ᬲᬢ᭄ᬯᬲᬂᬭᬯᬸ᭞ᬢᬶᬩᬲᬫ᭄ᬧᬸᬦ᭄᭞ᬭᬶᬂᬤᬸᬳᬸᬃᬫᬸᬦ᭄ᬤᬸᬓᬾᬦ᭄ᬭᬶᬧᬶᬂ᭞ᬢᭂᬕᭂᬄᬗᬬᭀᬃᬳᬧᬶᬢᬺᬤᬸᬂ᭞ᬫᬸᬦ᭄ᬤᬸ᭠ᬓ᭄ᬘᭂᬗ᭄ᬓᭂᬤ᭄ᬫᬗ᭄ᬓ᭄ᬬᬂᬚᬭᬦ᭄᭞ᬩᬲᬢᭂᬕᭂᬄᬗᬄ᭞ᬘᭂᬮᭀᬂᬫᭂᬭᭀᬲ᭄ᬫᬧᬄᬩᬶᬬᬸ᭞ᬓᬢᭀᬦ᭄ᬭᬶᬂᬫᬸᬦ᭄ᬤᬸᬓ᭄ᬧᬸᬦᬶᬓ᭞ᬳ
ᬓᬾᬳᬦ᭄ᬢᬭᬸᬦᬾᬓᭂᬃᬤ᭄ᬥᬶᬮ᭄᭟᭜᭟ᬳᬫ᭄ᬩᭂᬗᬦ᭄ᬩᬕᬲ᭄ᬕᭂᬮᬕᬄ᭞ᬢᬫ᭄ᬩᬸᬄᬤᬶᬢᬸ᭞ᬬᬦ᭄ᬓᬸᬤᬂᬧᬮᬶᬬᬢ᭄‌ᬫ᭄ᬦᬯᬶ᭞ᬲᭂᬮᬕ᭄ᬲᭂᬮᬕ᭄ᬧᬸᬜᬦ᭄ᬩᭂᬓᬸᬮ᭄᭞ᬫᬸᬗ᭄ᬕᬸᬃᬫᬸᬗ᭄ᬕᬸᬃᬲᬓ᭄ᬱᬢ᭄ᬩᬚ᭄ᬭ᭞ᬩᬸᬦ᭄ᬓᬢᭀᬂᬢᬂ᭞ᬳᬢᬸᬩ᭄ᬗᬶᬮᬶᬢ᭄ᬧᬸ
ᬜᬦ᭄ᬗᬤᬸᬂ᭞ᬦᬾᬩᬜ᭄ᬚᭂᬂᬦᬸᬜ᭄ᬚᬂᬅᬓᬰ᭞ᬯᭀᬄᬜᬢᬲᬓ᭄ᬫᬳᬶᬢᬶᬕ᭄᭟᭜᭟ᬮᬶᬬᬂᬓᬬᬸᬦ᭄ᬲᬂᬅᬃᬚ᭄ᬚᬯ᭞ᬳᬦ᭄ᬢᬸᬓ᭄ᬦᬳᬸ᭞ᬭᬶᬂᬤᬸᬯᬸᬃᬫᬸᬦ᭄ᬤᬸᬓᬾᬗᭂᬜ᭄ᬚᬶᬓ᭄᭞ᬩᬶᬮᬂᬲᬫ᭄ᬧᬶᬂᬓᬢᭀᬦ᭄ᬧᭂᬗᬸᬂ᭞ᬢᬶᬤᬶᬂᬗᬮᬸᬯᬾ
ᬗᬧᬹᬃᬯ᭄ᬯ᭞ᬯᬾᬦ᭄ᬢᭂᬦ᭄ᬫᬶᬦᬩ᭄᭞ᬲᬢᬸᬲᬦ᭄ᬧᬦᬸᬂᬢᬸᬂᬳᭂᬜᬸᬄ᭞ᬦᬾᬤᭀᬄᬓᬢᭀᬦ᭄ᬲᬫᬃᬲᬫᬃ᭞ᬭᬾᬄᬳᬯᬸᬦᬯᬸᬦ᭄ᬦᭂᬓᭂᬧᬶᬦ᭄᭟᭜᭟ᬳᬶᬭᬵᬓ᭄ᬱᬲᬫᬢᬸᬮᬶᬳᬦ᭄᭞ᬮᬸᬢ᭄ᬓᬤᬸᬮᬸ᭞ᬲᬂᬩᬕᬸᬲ᭄ᬚᬗ᭄ᬕᭂᬮ᭄ᬫ
[᭑᭒᭗ 127A]
ᬫᬃᬕ᭄ᬕᬶ᭞ᬜᬫ᭄ᬩᭂᬳᬂᬘᬘᬶᬗᬓ᭄ᬢᭂᬤᬸᬦ᭄᭞ᬓᬧᬃᬡ᭄ᬦᬭᬶᬂᬳᬶᬭᬓᬓ᭄ᬱᬲ᭞ᬲᬂᬅᬃᬚ᭄ᬚᬯᬵ᭞ᬓᬕᭂᬕᬯᭀᬓ᭄‌ᬚ᭄ᬭᭀᬦᬶᬂᬓᬬᬸᬦ᭄᭞ᬲᬗ᭄ᬓᬦ᭄ᬢ᭄ᬯᬭᬫᬓᬶᬚᭂᬧᬦ᭄᭞ᬜᭂᬳᭂᬩᬶᬦ᭄ᬚᬸᬭᬗᬾᬗ᭄ᬮᬗᬶᬢ᭄᭟᭜᭟ᬓᬶᬬᬓ᭄ᬱᬩᭂᬘᬢ᭄ᬫᬜᬕ᭄ᬚᬕ᭄᭞ᬲ
ᬤᬕᬸᬧᬸᬄ᭞ᬲᬤᬭᬫᬢᬸᬃᬗᬪᬓ᭄ᬢᬶ᭞ᬲᬶᬗ᭄ᬕᬶᬄᬭᬢᬸᬲᬂᬦᬸᬳᬸᬦ᭄᭞ᬤᬯᭂᬕ᭄ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭ᭞ᬫᬦᬯᬶᬢ᭞ᬗᭂᬋᬲ᭄ᬧᬓᬬᬸᬦ᭄ᬳᬶᬭᬢᬸ᭞ᬗᬢᭀᬦᬂᬳᬮᬲᬾᬯᬬᬄ᭞ᬩᬸᬭᭀᬦ᭄ᬳᬕᬸᬂᬧᬕᭂᬤᬶᬕᬶᬃ᭟᭜᭟ᬦᬾ
ᬧᬋᬂᬜᭂᬭᬶᬢ᭄ᬧᬸᬦᬶᬓᬵ᭞ᬢᬦ᭄ᬮᬾᬦ᭄ᬳᬶᬧᬸᬦ᭄᭞ᬓᬶᬤᬂᬲᬭᬧ᭄ᬲᬶᬗ᭄ᬳᬧᬢᬶ᭞ᬫᬶᬦᬩ᭄ᬲᬫ᭄ᬧᬸᬦ᭄ᬢᬸᬮᬸᬂᬢᬸᬮᬸᬂ᭞ᬬᬾᬦ᭄ᬳᬶᬧᬸᬦ᭄ᬓᬶᬤᬂᬫᬭᬶᬘᬵ᭞ᬤ᭄ᬯᬦᬶᬂᬫᬸᬮ᭞ᬳᬓᬾᬳᬦ᭄ᬲᬓᬜ᭄ᬘᬦ᭄ᬳᬶᬧᬸᬦ᭄᭞ᬫᬢᬶᬦᬾᬧᬮᬶᬂᬚᭂᬚᭂᬳᬂ
᭞ᬦᬾᬧᬘᬂᬧᬫᬸᬧᬸᬢ᭄ᬫᬢᬶ᭟᭜᭟ᬬᬦ᭄ᬫᬦᬄᬫᬦᬳᬂᬢᬢ᭄ᬬᬂ᭞ᬢᬓᬸᬢ᭄ᬮᬫ᭄ᬧᬸᬲ᭄᭞ᬯᬦ᭄ᬢᬄᬢᬫ᭄ᬩᭂᬢᬾᬗᬯᬶᬦᬶᬦ᭄᭞ᬲᬫ᭄ᬧᬸᬦ᭄ᬢᬫ᭄ᬩᭂᬢ᭄ᬓᬮᬸᬤ᭄ᬓᬶᬬᬸᬮ᭄᭞ᬫᬬᬸᬲ᭄ᬫᬮᬚᬳᬂᬳᬯᬓ᭄᭞ᬬᬦᬶᬂᬳᬶᬤ᭞ᬲᬂᬧ᭄ᬭᬚ᭄ᬜ [ 129 ][᭑᭒᭗ 127B]
᭑᭒᭗
ᬦ᭄ᬗᬶᬘᬾᬦ᭄ᬧᬶᬢᬸᬢᬸᬃ᭞ᬗᬸᬦ᭄ᬢᬸᬮ᭄ᬫᬧᬶᬫᬳᬶᬢᬶᬗᭂᬳᬂ᭞ᬦᬗ᭄ᬳᬶᬂᬫᬩᭀᬬᬭᬶᬂᬳᬢᬶ᭟᭜᭟ᬫᬦᬳᬾᬢᬸᬗ᭄ᬓᬲ᭄ᬫᬩᭀᬬ᭞ᬭᬶᬂᬧᬶᬢᬸᬢᬸᬃ᭞ᬳᬬᬸᬫᬯᬰᬦᬍᬯᬶᬄ᭞ᬗᬯᬶᬦᬂᬫᬦᬳᬾᬩ᭄ᬭᬸᬲᬸᬢ᭄᭞ᬲᬶᬂᬢᬸᬓᬂᬫ᭄ᬭ
ᬲᬲᭂᬮᬂ᭞ᬲᬓᬶᬂᬲᭂᬮᬂ᭞ᬗᬸᬦ᭄ᬤᬂᬭᬸᬦ᭄ᬢᬕᬾᬫᬢᬫ᭄ᬩᬸᬦ᭄᭞ᬲᬸᬕᬶᬄᬭᬸᬦ᭄ᬢᬕᬾᬗᬯᬶᬦᬂ᭞ᬗᬾᬤᬾᬗᬂ᭠ᬢᬓᬸᬢᬾᬫᬢᬶ᭟᭜᭟ᬮᬶᬬᬦ᭄ᬧᬶᬲᬦ᭄ᬭᬶᬂᬲᬂᬧ᭄ᬭᬚ᭄ᬜᬦ᭄᭞ᬲᬦᬾᬲᬫ᭄ᬧᬸᬦ᭄᭞ᬗᭂᬮᬭᬂᬚ᭄ᬜᬦᬫᬃᬕ᭄ᬕᬶ᭞ᬲᬸᬘᬶᬢ
ᬦ᭄ᬓᬯᭀᬭᬦ᭄ᬮᭂᬢᬸᬄ᭞ᬚ᭄ᬜᬦᬦ᭄ᬳᬶᬤᬫᬮᬶᬮᬂ᭞ᬓᬗ᭄ᬕᬾᬦ᭄ᬰ᭄ᬭᬦ᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬢᬸᬤᬸᬄ᭞ᬪᬓ᭄ᬢᬶᬦᬸᬮᬸᬲ᭄ᬗᬯᬾᬮᬕᬲ᭄᭞ᬧᬸᬦᬄᬲᭂᬮᬗᬾᬭᬶᬂᬳᬢᬶ᭟᭜᭟ᬓᬦᬶᬃᬫ᭄ᬫᬮᬚ᭄ᬜᬦ᭄ᬳᬶᬤ᭞ᬗᬯᬾᬢᬓᬸ
ᬢ᭄᭞ᬢᬫ᭄ᬧᭂᬓ᭄ᬧᬧᬶᬦᭂᬳᬾᬭᬸᬲᬶᬢ᭄᭞ᬰᬓ᭄ᬢᬶᬦ᭄ᬢᬶᬗ᭄ᬓᬳᬾᬭᬳᬬᬸ᭞ᬫᬸᬘᭂᬄᬲᬓᬜ᭄ᬘᬦ᭄ᬤᬸᬃᬰᬶᬮ᭞ᬲᬗ᭄ᬓᬦ᭄ᬳᬶᬤ᭞ᬲᬢᬢᬫᬦᬸᬤᬸᬢ᭄ᬓᬬᬸᬦ᭄᭞ᬭᬾᬄᬲᬮ᭄ᬯᬶᬃᬢᬶᬓᬲ᭄ᬳᬶᬤ᭞ᬢᭀᬂᬗᬶᬫ᭄ᬧᬲᬶᬦ᭄ᬰᬶᬮᬬᬸᬓ᭄ᬢᬶ᭞
[᭑᭒᭘ 128A]
᭟᭜᭟ᬢᬍᬃᬦᬾᬗᬯᬶᬦᬂᬳᬶᬤ᭞ᬚ᭄ᬭᭀᬦᬶᬂᬓᬬᬸᬦ᭄᭞ᬢ᭄ᬯᬭᬢᬓᬸᬢ᭄ᬢᭂᬓᬾᬦ᭄ᬫᬢᬶᬫᬧᬦ᭄ᬳᬶᬤᬲᬫ᭄ᬧᬸᬦ᭄ᬯᭂᬭᬸᬄ᭞ᬭᬶᬂᬦᬫ᭄ᬮᬳᬤ᭄ᬢ᭄ᬯᬭᬳᬤ᭞ᬧᬫ᭄ᬭᬕᬢ᭄ᬜ᭞ᬧᬘᬂᬳᬶᬘᬮ᭄ᬢᬦ᭄ᬧᬕᬦ᭄ᬢᬸᬮ᭄᭞ᬲᬦᬾᬢᭀᬂᬢᬳᬾᬦ᭄ᬢᭀᬂᬳ
ᬤ᭞ᬯᬦ᭄ᬢᬄᬳ᭄ᬬᬂᬲᬸᬓ᭄ᬱ᭄ᬫᬮᬶᬘᬶᬦ᭄᭟᭜᭟ᬲᬧᬸᬦᬶᬓᬲᬂᬧ᭄ᬭᬚ᭄ᬜᬦ᭄᭞ᬚᬢᬶᬯᭂᬭᬸᬄ᭞ᬫᬭᬶᬂᬓᬦ᭄ᬤᬦᬶᬂᬤᬸᬫᬤᬶ᭞ᬳᬸᬦᬶᬂᬭᬶᬂᬓᬚᬢᬾᬦ᭄ᬧᬮ᭄ᬲᬸ᭞ᬲᬸᬩᬳᬤᬧ᭄ᬭᬕᬢ᭄ᬳᬶᬮᬂ᭞ᬢᬸᬃᬲᬂᬯᬶᬓᬦ᭄᭞ᬢᭀᬂᬢᬳᬾᬦ᭄ᬲᬦ᭄ᬢᬸᬮᬶ
ᬦ᭄ᬳᬸᬦ᭄ᬤᬸᬓ᭄᭞ᬢᬦ᭄ᬓᬓ᭄ᬯᬲᬾᬂᬲᬸᬓᬤᬸᬄᬓ᭞ᬲᬗ᭄ᬓᬦ᭄ᬮᬦ᭄ᬤᬸᬳᬾᬓᬧᬗ᭄ᬕᬶᬄ᭟᭜᭟ᬲᬧᬸᬦᬶᬓᬵᬳᬢᬸᬃᬢᬶᬢ᭄ᬬᬂ᭞ᬘᭀᬗᬄᬧᬸᬭᬸᬦ᭄᭞ᬗᬸᬭᬸᬓᬂᬩ᭄ᬮᬶᬩᬶᬲ᭄‌ᬗᭂᬮᬗᬶ᭞ᬲᬦᬾᬲᬓᬶᬂᬭᬶᬳᬶᬦ᭄ᬓᬲᬸᬩ᭄᭞ᬜᬶᬍᬫ᭄ᬢᬦ᭄ᬩᭂᬮᬸᬲᬂᬢᭀ
ᬬ᭞ᬓᬮᬶᬲ᭄ᬓᬫ᭄ᬩᬂ᭞ᬫᬢᬶᬗ᭄ᬕᬄᬭᬶᬂᬳᭀᬫ᭄ᬩᬓ᭄ᬤᬦᬸ᭞ᬲᬧᬸᬦᬶᬓᬵᬉᬧᬫᬶᬦ᭄ᬜ᭞ᬮᬾᬤᬂᬜᬶᬦᬫ᭄ᬧᬸᬭᬳᬸᬕᬶ᭟᭜᭟ᬢᬶᬢ᭄ᬬᬂᬳᬸᬦᬶᬂᬢᬦ᭄ᬚᬧᬘᬂ᭞ᬫᬦᬄᬭᬢᬸ᭞ᬓᬤᬾᬮᭀᬦᬂᬭᬶᬂᬧᬸᬦᬧᬶ᭞ᬧᬸᬦᬶᬓᬫᬯᬦᬦ᭄ᬧᬸᬭᬸᬦ᭄ [ 130 ][᭑᭒᭘ 129B]
᭑᭒᭙
᭞ᬢᬶᬢ᭄ᬬᬂᬫᬢᬸᬃᬭᬶᬂᬳᬶᬤᬾᬯ᭞ᬭᬭᬶᬲᬂᬚ᭞ᬓᬯᬶᬢᬶᬦ᭄ᬫᬫᬃᬕ᭄ᬕᬶᬤᬸᬭᬸᬲ᭄᭞ᬗᬶᬭᬶᬂᬳᬶᬭᬶᬓᬵᬦᭂᬤᬸᬦᬂ᭞ᬓᬗ᭄ᬕᬾᬬᬂᬭᬸᬗ᭄ᬓᬬᬦ᭄ᬓᬶᬤᬶᬓ᭄᭟᭜᭟ᬲᬂᬅᬃᬚ᭄ᬚᬯᬵᬢᭀᬂᬜᬯᬸᬭᬂ᭞ᬦᬗ᭄ᬳᬶᬂᬧᬗᬸᬲ᭄᭞ᬫᬗ᭄ᬕᬸᬢᬦ᭄ᬫᬓᭂᬜᬸᬂᬫᬦᬶᬲ᭄᭞
ᬓᬾᬢᭀᬬᬦᬳᬦᬓᬾᬩᬕᬸᬲ᭄᭞ᬫᬾᬕᭀᬄᬧ᭄ᬭᬚ᭄ᬜᬦ᭄ᬫᬯᬶᬪᬵᬯ᭞ᬫᬯᬶᬕᬸᬡ᭞ᬤ᭄ᬬᬲ᭄ᬢᬸᬳᬶᬤᬯᬦ᭄ᬢᬄᬗᬗ᭄ᬕᬸᬢ᭄᭞ᬳᬶᬭᬵᬓ᭄ᬱᬲᬲᬫ᭄ᬧᬸᬦ᭄ᬫ᭄ᬭᬲ᭞ᬧᭀᬮᬶᬄᬓᬮᬶᬬᬳᬦ᭄ᬓᬾᬃᬢ᭄ᬢᬶ᭟᭜᭟ᬓᭂᬜᬸᬗᬾᬫᬦᬶᬲ᭄ᬫᬍᬜ
ᬤ᭄᭞ᬯᬸᬮᬢ᭄ᬫᬭᬸᬫ᭄᭞ᬫᬦᭀᬳᬭᬲᬂᬫᬗᬓ᭄ᬱᬶ᭞ᬩᬾᬢᬾᬮ᭄ᬦᬸᬲᬸᬓ᭄ᬳᬸᬦ᭄ᬢᭂᬂᬓᬬᬸᬦ᭄᭞ᬧᬸᬦᬶᬓᬢᬍᬃᬗᬯᬶᬦᬂ᭞ᬳᬶᬭᬵᬓ᭄ᬱᬲ᭞ᬫ᭄ᬭᬲᬤᬾᬯᬾᬓ᭄ᬜᬲᬫ᭄ᬧᬸᬦ᭄᭞ᬲᬓ᭄ᬱᬢ᭄ᬓᬶᬘᬾᬦ᭄ᬧᬦᬸᬕ᭄ᬭᬳᬦ᭄᭞ᬲᬗ᭄ᬓᬦ᭄ᬗᭂᬳᭂᬤ᭄ᬫ
ᬮᬶᬄᬓᬶᬤᬶᬓ᭄᭟᭜᭟ᬕ᭄ᬮᬶᬲᬶᬂᬲᬢ᭄ᬯᬯᬸᬲ᭄ᬮᬸᬫᬫ᭄ᬧᬄ᭞ᬫᬜᬮᬸᬓ᭄ᬱᬸᬓ᭄᭞ᬭᬶᬂᬜᬋᬂᬲᭂᬗᬾᬲᬭᬶᬧᬶᬢ᭄᭞ᬲᭂᬭᬶᬂᬫᬗ᭄ᬮᬦ᭄ᬢᬶᬗᬶᬦ᭄ᬩᬸᬦ᭄᭞ᬳᬓᬾᬄᬢᬭᬸᬦᬾᬧᬲ᭄ᬮᬾᬗ᭄ᬓᬢ᭄᭞ᬗ᭄ᬕᬾᬦ᭄ᬧᬗᬜ᭄ᬘᬦ᭄᭞ᬧᬶᬮᬳᬾ
[᭑᭒᭙ 129A]
ᬢᬾᬗ᭄ᬓ᭄ᬮᬾᬓ᭄ᬫᬢᬸᬫ᭄ᬧᬸᬓ᭄᭞ᬦ᭄ᬢᭀᬓᬢᬸᬯᬸᬢ᭄ᬢᭂᬮᬦ᭄ᬢᭂᬮᬦ᭄᭞ᬢᭂᬓᭂᬓ᭄ᬦᬗ᭄ᬳᬶᬳᬸᬕᬮᬕᬶᬮ᭄᭟᭜᭟ᬲᬸᬯᬾᬲᬂᬓᬮᬶᬄᬦᭂᬤᬸᬦᬂ᭞ᬓᭀᬘᬧ᭄ᬲᬫ᭄ᬧᬸᬦ᭄᭞ᬢᬸᬫᬶᬩᬭᬶᬂᬲᬫ᭄ᬧ᭄ᬬᬄᬩᬸᬓᬶᬢ᭄᭞ᬳᬶᬢᭂᬧ᭄ᬲᬋᬂᬓᬮᬶᬄᬤᬶᬢᬸ
᭞ᬫᬸᬓ᭄ᬢᬶᬯᭀᬄᬯᭀᬳᬦᬾᬓᬢᬄ᭞ᬓᬷᬘᬶᬂᬩᬗ᭄ᬓᬸᬂ᭞ᬓᬸᬘᬮ᭄ᬘᬶᬮ᭄ᬓᬮ᭄ᬬᬲᭂᬫ᭄ᬕᬸᬂᬕᬸᬂ᭞ᬳᬗ᭄ᬕᬾᬦ᭄‌ᬗ᭄ᬮᬶᬧᬸᬃᬩᬲᬂᬮᬬᬄ᭞ᬳᬸᬕᬶᬩᬗᭂᬢ᭄ᬗᬫᬺᬢᬦᬶᬦ᭄᭟᭜᭟ᬯᬸᬲᬦ᭄ᬜᬗᬚᭂᬂᬯᭀᬄᬯᭀᬳᬦ᭄᭞ᬫᬮᬶᬄ
ᬗ᭄ᬮᬦ᭄ᬢᬸᬃ᭞ᬲᬂᬓᬮᬶᬄᬳᬮᭀᬦ᭄ᬫᬫᬃᬕ᭄ᬕᬶ᭞ᬢᬦ᭄ᬲᬸᬯᬾᬓᬕᬾᬢ᭄ᬫᬫᬗ᭄ᬕᬸᬄ᭞ᬢᭀᬬᬦᬶᬂᬫᬕᬸᬫ᭄ᬩ᭄ᬮᭂᬗᬦ᭄᭞ᬮ᭄ᬯᬶᬃᬢᬮᬕ᭞ᬳᭀᬘᬓ᭄ᬗᬮᬾᬜ᭄ᬘᭀᬓ᭄ᬗᬍᬩᬸᬢ᭄᭞ᬤᬶᬤᬶᬄᬜᬧᬸᬢᬶᬄᬫᬮᬶᬬᬄ᭞ᬓᭂᬫ᭄ᬩᬸᬂᬩᭂᬜ᭄ᬘᬄ
ᬢᭂᬫ᭄ᬧᬸᬄᬳᬗᬶᬦ᭄᭟᭜᭟ᬓᬸᬮᭀᬦ᭄ᬕᬸᬫ᭄ᬩ᭄ᬮᭂᬗᬦ᭄ᬧᬸᬦᬶᬓᬵ᭞ᬓᬢᭀᬦ᭄ᬜᭂᬗ᭄ᬓᬸ᭞ᬰᬶᬮᬢᬮᬮᬸᬫ᭄ᬩᬂᬜᭂᬮᬶᬕ᭄᭞ᬲᬫ᭄ᬧᬶᬂᬜᬳᬢᬸᬩ᭄ᬗᬋᬫ᭄ᬩᬸᬦ᭄᭞ᬫ᭄ᬬᬦᬳᬶᬚᭀᬮᬦ᭄ᬳᬦ᭄ᬤᬾᬂᬩᬂ᭞ᬦ᭄ᬤᬶᬂᬧᬸᬤᬓ᭄᭞ᬳᬗ᭄ᬲᬦᬫᭂ [ 131 ][᭑᭒᭙ 129B]
᭑᭓᭐
ᬦᬸᬄᬢᬸᬮᬸᬤ᭄ᬜᬸᬄ᭞ᬮᬗᬶᬢᬾᬳᬭᬂᬓᬘᬶᬗᬓ᭄᭞ᬳᬦ᭄ᬢᬸᬓ᭄ᬢᬗ᭄ᬓᭂᬩ᭄ᬯᬶᬢ᭄ᬩᬃᬕ᭄ᬕᬶᬤᬶᬂ᭟᭜᭟ᬧᬸᬜᬦ᭄ᬧᭂᬚᬶᬫᬕᭀᬫ᭄ᬧ᭄ᬮᬾᬓᬦ᭄᭞ᬮᬦ᭄ᬬᬦ᭄ᬳᬸᬤᬸᬄ᭞ᬓᬋᬓᭀᬢ᭄ᬩᬸᬦ᭄ᬕᭂᬢᬶᬂᬕᭂᬢᬶᬂ᭞ᬧᬓᬸᬧᬶᬤ᭄ᬧᬶᬤᬗᬭᬯᬸᬦ᭄᭞ᬗᭂᬩ᭄ᬓᭂᬩ᭄ᬗ
ᬢᬸᬦᬾᬮᬸᬫᬸᬢᬦ᭄᭞ᬧᬮᬶᬢ᭄ᬲᭂᬫᬮ᭄᭞ᬢᭂᬕᭂᬄᬗᬬᭀᬮᬶᬮᬶᬢ᭄ᬕᬤᬸᬂ᭞ᬤᬶᬂᬤᬶᬂᬳᬳᬶᬦᬾᬜᬸᬭᬾᬫ᭄ᬧ᭄ᬬᬄ᭞ᬳᬜᬸᬦᬜᬸᬦ᭄ᬢᭂᬫ᭄ᬧᬸᬄᬳᬗᬶᬘ᭄᭟᭜᭟ᬓᬧᬸᬓᬧᬸᬦᬾᬫᬜᬫ᭄ᬧ᭄ᬬᬕ᭄᭞ᬳᬜ᭄ᬚᬸᬢᬜ᭄ᬚᬸᬢ᭄
᭞ᬜᬭᬾᬕ᭄ᬲᬾᬕ᭄ᬳᬶᬬᬶᬤ᭄ᬓᬲᬶᬲᬶ᭞ᬳᭀᬫ᭄ᬩᬓ᭄‌ᬓ᭄ᬮᭂᬩᬸᬢᬦᬾᬦᬸᬦ᭄ᬤᬸᬂ᭞ᬲᬫᬶᬢᬓᬸᬢ᭄ᬗᬢᭂᬗᬳᬂ᭞ᬦᬗ᭄ᬳᬶᬂᬢᬦᬄ᭞ᬳᬶᬧᬸᬜᬦ᭄ᬚᬗᬸᬦᬾᬩᭂᬗ᭄ᬓᬸᬂ᭞ᬓᬢᬸᬦ᭄ᬤᬸᬂᬢᭀᬂᬜᬓ᭄ᬫᬓᬓᬳᬤ᭄᭞ᬗᬘᬺᬂᬓᬤᬶᬫᬦᬂᬢᬗᬶᬦ᭄᭟᭐
᭟ᬧᬸᬜᬦ᭄ᬩᬶᬮᬦᬾᬜᬸᬭᬩ᭄ᬬᬄ᭞ᬲᬾᬦ᭄ᬤᬾᬄᬘᬗ᭄ᬓᬸᬂ᭞ᬗᬸᬗ᭄ᬓᬸᬮᬶᬦ᭄ᬢᭀᬬᬦᬾᬳᭂᬦᬶᬂ᭞ᬩᬸᬯᬄᬜᬜᭂᬤ᭄ᬧᬕᭂᬮᬬᬸᬢ᭄᭞ᬳᬶᬤᬲᬂᬅᬃᬚ᭄ᬚᬯᬮᬾᬤᬂ᭞ᬫᬗᬦ᭄ᬢᭂᬦᬂ᭞ᬲᬶᬂᬓᬘᬶᬗᬓ᭄ᬦᬸᬤᬸᬢ᭄ᬓᬬᬸᬦ᭄᭞ᬮᬶᬬᬂᬜ
[᭑᭓᭐ 130A]
ᬓᬤᬶᬕᬃᬕᬭᬂ᭞ᬲᬗ᭄ᬓᬦ᭄ᬢᬦ᭄ᬤᬸᬭᬸᬲ᭄ᬫᬫᬃᬕ᭄ᬕᬶ᭟᭜᭟ᬭᬶᬂᬤᬸᬯᬸᬃᬩᬢᬸᬦᬾᬮᬸᬫ᭄ᬩᬂ᭞ᬦᬸᬦ᭄ᬤᬸᬦ᭄ᬧᭂᬜᬸ᭞ᬳᬶᬭᬶ᭠ᬓᬳᬶᬤᬫᬮᬶᬗ᭄ᬕᬶᬄ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬥᬸᬄᬓᬓᬶᬭᬵᬓ᭄ᬱᬲᬲᬬᬂ᭞ᬧᬮᬶᬂᬫᭂᬮᬄ᭞ᬤᬶᬦᬶ
ᬫᬢᭂᬕ᭄ᬢᭂᬕᬦ᭄ᬫᬮᬸ᭞ᬗᭂᬢᬶᬲ᭄ᬲᬫ᭄ᬩᬶᬮᬂᬫᬲᬢ᭄ᬯ᭞ᬗᬶᬘᬮᬂᬍᬲᬸᬦᬾᬓᬶᬤᬶᬓ᭄᭟᭜᭟ᬬᬂᬢᬸᬗ᭄ᬕᬶᬮ᭄ᬗᭂᬢᭀᬦ᭄ᬯᬶᬢ᭄ᬩᬶᬮ᭞ᬩᬸᬓᬤᬸᬦ᭄ᬤᬸᬦ᭄᭞ᬳᬶᬗᭂᬢ᭄ᬭᬶᬂᬲᬢ᭄ᬯᬧᬓᬃᬤ᭄ᬥᬶᬦ᭄᭞ᬢᬲᬶᬭᬳᭂᬫ᭄ᬧᬸᬢᬦᬓᬸ᭞ᬗᬗᭀ
ᬩᬶᬦ᭄ᬓᬍᬯᬶᬳᬦ᭄ᬜ᭞ᬧᬢᬸᬧᭂᬲᬦ᭄᭞ᬢᬶᬭᬸᬮᬓ᭄ᬱᬡᬬᬂᬮᬯᬸᬢ᭄᭞ᬦᬾᬳᬢᬳᬸᬦ᭄ᬲᭀ᭠ᬓ᭄ᬳᬧᬶᬲᬦ᭄᭞ᬦ᭄ᬢᭀᬦᬾᬫᬤᬦ᭄ᬰᬶᬯᬭᬵᬢ᭄ᬭᬶ᭟᭜᭟ᬓᬯᬶᬢᬶᬦ᭄ᬚᬦᬶᬦᬸᬢᬸᬭᬂ᭞ᬓ᭄ᬭᬶᬬᬦ᭄ᬳᭂᬫ᭄ᬧᬸ᭞ᬢᬦᬓᬸᬂᬲᬦᬾ
ᬮᬶᬦᭂᬯᬶᬄ᭞ᬩᬤ᭄ᬩᬤᬶᬳᬸᬮᬶᬂᬧᬜᬸᬫᬸ᭞ᬗᬸᬦᬶᬓᬵᬮᬯᬾᬦ᭄ᬢᭂᬦ᭄ᬓᭀᬘᬧ᭄᭞ᬳᬦᬓ᭄ᬢᬶᬯᬲ᭄᭞ᬫᬸᬫᬄᬤᬶᬤᬾᬰᬧᬤᬸᬤᬸᬦ᭄᭞ᬕᬕᬶᬡᬦ᭄ᬳᬶᬧᬸᬦᬾᬯᬦ᭄ᬢᬄ᭞ᬫᬩᭀᬭᭀᬲ᭄ᬫᬫᬢᬶᬫᬢᬶ᭟᭜᭟ᬲᬦᬾᬗᭂᬩᭂ᭠ [ 132 ][᭑᭓᭐ 130B]
᭑᭓᭑
ᬓᬶᬦ᭄ᬳᬸᬫᬄᬜ᭞ᬮᬸᬯᬶᬃᬳᬶᬧᬹᬦ᭄᭞ᬧᭂᬜ᭄ᬘᬃᬲᬯᬸᬩᬸᬩᬸᬚᬭᬶᬂ᭞ᬢᭂᬧᬶᬲ᭄ᬲᬩᬂᬢᬸᬫ᭄ᬩᬓ᭄ᬢᬸᬮᬸᬧ᭄᭞ᬧᬜ᭄ᬘᬶᬂᬲᬢᭂᬩ᭄ᬚᭂᬳᭂᬢ᭄ᬚᭂᬩᬕ᭄᭞ᬩᬸᬮᬦ᭄ᬢᬶᬗᬦ᭄᭞ᬦᬾᬮᬦᬦ᭄ᬫᬲᬶᬄᬦᬸᬮᬶᬬᬸ᭞ᬢ᭄ᬯᬭᬢᬯᬂᬦ᭄ᬢᭀᬳᬤᬦ᭄ᬜ᭞ᬲᭀ
ᬭᭀᬄᬧᬗᭂᬚᬸᬓᬦ᭄ᬓᭂᬤᬶᬲ᭄᭟᭜᭟ᬳᬧᬂᬤᬓᬤᬸᬂᬗᬮᬶᬯᬢ᭄᭞ᬩᬳᬦ᭄ᬘᬸᬘᬸ᭞ᬦᬾᬲᬢ᭄ᬯᬬᬂᬩᬸᬓᬚᬦᬶ᭞ᬲᬂᬮᬩ᭄ᬤᬓᬳᬤᬶᬦ᭄ᬳᬶᬧᬸᬦ᭄᭞ᬗᬩᬾᬳᬶᬦ᭄ᬤᬬᬤᬤᬓᬦ᭄᭞ᬢᬳᬾᬦ᭄ᬓᭀᬘᬧ᭄᭞ᬫᬩᭀᬭᭀᬲ᭄ᬭᬶᬂᬳᬮᬲᬸᬳ᭠
ᬕᬸᬂ᭞ᬗᬸᬩᭂᬃᬓᬶᬤᬂᬦᭂᬧᬸᬓ᭄ᬫᬘᬦ᭄᭞ᬲᬾᬩᭂᬢ᭄ᬦᬢᬶᬢ᭄‌ᬬᬫᬓᭂᬮᬶᬤ᭄᭟᭜᭟ᬤ᭄ᬬᬲ᭄ᬢᬸᬳᬶᬫᬘᬦ᭄ᬢᬦ᭄ᬓᬭᬂ᭞᭠ᬢᬗᬃᬳᬶᬧᬸᬦ᭄᭞ᬭᬶᬂᬓᬵᬮᬫᬫᬢᬶᬫᬢᬶ᭞ᬬᬦ᭄ᬭᬶᬂᬓᬯᬦᬾᬦᬦ᭄ᬓᬲᬸᬩ᭄᭞ᬦᬗ᭄ᬳᬶᬂᬳᬶᬧᬸᬦ᭄ᬲᬂᬮᬸᬩ᭄ᬤᬓ᭞ᬢᭀᬂᬓᬸᬘᬶᬯ
᭞ᬭᬶᬂᬳᬶᬧᬸᬦ᭄ᬭᬶᬂᬳᬶᬩᬸᬭᭀᬦ᭄ᬳᬕᬸᬂ᭞ᬚᬯᬢ᭄ᬗᭂᬮᬄᬓᬸᬓᬸᬜᬜᬧ᭄᭞ᬘᬮᬶᬂᬮᬸᬗᬶᬤ᭄ᬓᬤᬶᬢᬚᬶ᭟᭜᭟ᬫᬵᬮᬶᬄᬗᭂᬮᬄᬩᬸᬗᬸᬢ᭄ᬮᬶᬗ᭄ᬕ᭞ᬮᬸᬯᬶᬃᬘᬮᬸᬂ᭞ᬤᬍᬫ᭄ᬜᭂᬩᬓ᭄ᬫᬗᬺᬲ᭄ᬋᬲᬶᬦ᭄᭞ᬮᬬᬄᬫᬮᬾᬤ᭄ᬮᬾᬤ᭄ᬫᬍᬗ᭄ᬓᬸᬂ᭞ᬦᬾᬢ
[᭑᭓᭑ 131A]
ᬦ᭄ᬩᬶᬦᬳᬸᬮᬩᬶᬲ᭞ᬲᬾᬩᭂᬢ᭄ᬧᬰ᭄ᬘᬢ᭄᭞ᬜᬭᬺᬧ᭄‌ᬜᭀᬕ᭄ᬭᭀᬄᬳᬦ᭄ᬢᬸᬓᬸ᭞ᬦᬾᬓ᭄ᬭᬸᬭᬩᬚ᭄ᬭ᭞ᬩᬸᬮᬸᬢᬸᬮ᭄ᬢᬸᬮ᭄ᬫᬗᬾᬗᭀᬩᬶᬦ᭄᭟᭜᭟ᬗᬤᭀᬯᬂᬳᭂᬦ᭄ᬢᭀᬫᬓᭂᬚᬂ᭞ᬭᬾᬄᬫᬧᬕᬸᬢ᭄᭞ᬭᬶᬂᬲᬂᬮᬸᬩ᭄ᬤᬓᬵ
ᬗᬩᬾᬳᬶᬦ᭄᭞ᬳᬓᬮ᭄‌ᬫ᭄ᬯᬂᬲᬜ᭄ᬚᬢᬳᬫ᭄ᬧᬸᬄ᭞ᬓᬸᬤ᭄ᬬᬂᬧᬂᬫᭂᬦᬂᬳᬶᬫᬘᬦ᭄᭞ᬭᬾᬄᬫᬮᬸᬯᬦ᭄᭞ᬮᬫ᭄ᬩᬸᬂᬜᬩᬾᬢᬾᬮ᭄ᬓᬲᬸᬤᬸᬓ᭄᭞ᬩᬦ᭄ᬧᬦᬄᬯᬚᬦᬾᬜᬜᬧ᭄᭞ᬲᬫ᭄ᬩᬶᬮ᭄ᬩᬸᬗ᭄ᬓᬸᬲ᭄ᬓᭂᬦᬚᬭᬶᬂ᭟᭜᭟ᬩᬸᬯᬶᬦ᭄‌ᬢᭂ
ᬓᬫᬘᬦ᭄ᬮᬾᬦᬦ᭄᭞ᬲᭂᬗᬶᬢ᭄ᬳᬦ᭄ᬢᬸᬓ᭄᭞ᬗᭂᬦᭀᬢ᭄ᬢᬶᬫ᭄ᬧᬮ᭄ᬜᬦᬾᬫᬢᬶ᭞ᬲᬂᬮᬸᬩ᭄ᬤᬓᬩᭀᬬᬓᬾᬗ᭄ᬕᬸᬄ᭞ᬦᬗ᭄ᬓᭂᬧᬶᬦ᭄ᬳᬶᬢᬸᬦᬤᬬ᭞ᬲᬂᬮᬸᬩ᭄ᬤᬓᬵ᭞ᬦᬢᬶᬢᬶᬢ᭄ᬫᬓᭂᬘᭀᬲ᭄ᬫᬘ᭄ᬮᬶᬬᬸᬓ᭄᭞ᬓᬕᬾᬢ᭄ᬲᬸᬩᬤᬸᬯᬸᬃᬘᬫ᭄ᬧᬂ᭞
ᬦᬫ᭄ᬧᭂᬓ᭄ᬭᬶᬂᬚᭂᬳᭂᬢ᭄ᬧᬜᬮᬶᬦ᭄᭟᭜᭟ᬳᬶᬫᬘᬦ᭄ᬕᬮᬓ᭄ᬫᬗᬃᬓᬃ᭞ᬕ᭄ᬭᬯᬸᬂᬕ᭄ᬭᬯᬸᬂ᭞ᬦᬸᬗᬤᬄᬫᬢᬦ᭄ᬜᬦᭂᬮᬶᬓ᭄᭞ᬲᭂᬩᭂᬢ᭄ᬲᬂᬮᬸᬩ᭄ᬤᬓᬲᬭᬸ᭞ᬫᭂᬢᬢᬂᬫᬦᬄᬫᬳᬸᬧᬲ᭄᭞ᬓᬤᬶᬓᬶᬮᬧ᭄᭞ᬧᬦᬳᬾᬮᬜ᭄ᬘᬶᬧ᭄ᬫᬍ [ 133 ][᭑᭓᭑ 131B]
᭑᭓᭒
ᬘᬸᬢ᭄᭞ᬢᭂᬓᬩᭂᬦᭂᬂᬦᭂᬩᭂᬓ᭄ᬫᬢ᭞ᬳᬶᬫᬘᬦ᭄ᬫᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭟᭜᭟ᬩᬳᬦ᭄ᬓᬮᬶᬯᬢ᭄ᬤᬍᬫ᭄ᬜ᭞ᬫᬢᬦᬶᬧᬸᬦ᭄᭞ᬢᭂᬩᭂᬓ᭄ᬧᬦᬄᬚ᭄ᬭᭂᬭᬢ᭄ᬚ᭄ᬭᬶᬭᬶᬢ᭄᭞ᬳᭂᬩᬸᬓᬾᬩᬗᬸᬦ᭄ᬫᬲᭂᬧᬸᬓ᭄᭞ᬧᬸᬢᬶᬄᬫᬮᬶᬓᬸᬩ᭄ᬤᬸᬍᬗᬦ᭄᭞ᬗᬸᬯᬸ
ᬩ᭄ᬳᬮᬲ᭄᭞ᬳᬶᬫᬘᬦ᭄ᬗᬾᬄᬓᬾᬄᬗᬮᬶᬤᬸ᭞ᬳᭂᬩᬸᬓᬾᬫᬸᬯᬸᬄᬗᭂᬤᬾᬦᬂ᭞ᬳᬾᬗ᭄ᬕᭂᬮ᭄ᬕᭂᬮ᭄ᬕᭂᬮ᭄ᬢᬫ᭄ᬧᬸᬳᬗᬶᬦ᭄᭟᭜᭟ᬫᬧᭀᬲᬭᬸᬫᬧᭀᬗᭂᬦᬄ᭞ᬳᬧᬓᬶᬧᬸᬦ᭄᭞ᬮ᭄ᬯᬩᬦ᭄ᬳᬶᬩᬸᬓᬾᬗᬶᬮᬶᬤᬶᬦ᭄᭞ᬮᬸᬯᬸᬦ᭄ᬤᬤᬳᬾᬧᬲ᭄ᬮᬫ᭄ᬩᬸᬃ᭞
ᬤᭂᬓ᭄ᬤᭂᬓ᭄ᬮᭂᬕᬶᬢ᭄ᬳᬸᬮᬶᬕ᭄ᬫᬘᬦ᭄᭞ᬲᬂᬮᬸᬩ᭄ᬤᬓᬵ᭞ᬢᭂᬓᭂᬓ᭄ᬫᭂᬮᬸᬓ᭄ᬘᬫ᭄ᬧᬂᬓᬬᬸ᭞ᬳᬸᬮᬶᬂᬤᬶᬢᬸᬫᬧᬯᬲᬦ᭄᭞ᬓᬕᬾᬢ᭄ᬫᬘᬦ᭄ᬓᬳᬓ᭄ᬱᬶ᭟᭜᭟ᬧᬮᬶᬂᬗᬯᬕ᭄ᬧᬮᬳᬶᬩ᭄ᬜ᭞ᬓᬗᬶᬦ᭄ᬓᬯᬸᬄ᭞ᬗᬸᬮᬸᬦᬸᬮᬸᬦ᭄ᬦᬳᬦᬂᬲᬓᬶᬢ᭄᭞᭠
ᬜᬓ᭄ᬩᬸᬓᬢᬸᬚᬸᬳᬂᬤᬶᬢᬸ᭞ᬚᭂᬳᭂᬢ᭄ᬳᬶᬧᬸᬦ᭄ᬲᬂᬮᬸᬩ᭄ᬤᬓ᭞ᬜᬧ᭄ᬮᭀᬓ᭄ᬢᭂᬦ᭄ᬤᬲ᭄᭞ᬧᬫ᭄ᬭᬕᬢ᭄ᬳᬶᬫᬘᬦ᭄ᬮᬫ᭄ᬧᬸᬲ᭄᭞ᬫᬢᬩᭀᬦᭀᬃᬳᬸᬋᬓ᭄ᬧᬦᬄ᭞ᬩᬳᭀᬂᬕᭂᬢᬶᬂᬩᬗ᭄ᬲᭀᬢ᭄ᬢᬮᬶ᭟᭜᭟ᬧᬸᬧᬸᬄᬲᬫᬭᬡ᭄ᬥᬦ᭟᭜᭟
[᭑᭓᭒ 132A]
ᬫᭂᬮᬄᬮᬦ᭄ᬢᬸᬭᬂᬦᬾᬚᬦᬶ᭞ᬓᬢᬸᬢᬸᬭᬦ᭄ᬲᬂᬮᬸᬩ᭄ᬤᬓ᭞ᬓᬦ᭄ᬢᬸᬦ᭄ᬧᬮᬶᬫᬸᬦᬦ᭄ᬧᭂᬲᬦ᭄᭞ᬓᬦ᭄ᬢᭂᬦ᭄ᬳᬶᬧᬸᬦ᭄ᬓᭂᬮᬧ᭄ᬓᭂᬮᬧ᭄᭞ᬦᬶᬓᬸᬮ᭄ᬚᬭᬶᬂᬦᬢᬤ᭄ᬢᬸᬫ᭄ᬩᬓ᭄᭞ᬜᬤ᭄ᬬᬃᬓᬳᬮᬲ᭄ᬫᬩᬸᬭᬸ᭞ᬩᬯᬸᬤ᭄ᬫᬓᬮᬸᬂᬕᬡ᭄ᬥᬾᬯ᭟᭜᭟ᬩᭀᬜ᭄ᬘᭀ᭠
ᬲ᭄ᬧᬚᬮᬦ᭄ᬜᬦᬶᬭᬶᬢ᭄᭞ᬫᬗᬩ᭄ᬬᬮ᭄ᬗᬚᬓᬗᬶᬦᬂ᭞ᬫᬩᬸᬍᬢ᭄ᬚᭂᬮᬶᬢ᭄ᬫᬕᬾᬕᬲ᭄᭞ᬧᬮᬶᬬᬢ᭄ᬜᬲᬯᬢ᭄ᬗᭂᬗ᭠ᬧ᭄᭞ᬫᬧᭀᬗᬘᬺᬕ᭄ᬫᬦᬸᬗᬤᬄ᭞ᬓᬾᬢᭀᬲᬂᬩᬸᬤᬸᬄᬫᬩᬸᬭᬸ᭞ᬲᬶᬂᬩᬸᬭᭀᬦ᭄ᬤᭀᬢ᭄ᬗᬫᬢᬶᬬᬂ᭟᭜᭟ᬤᬸᬓ᭄ᬲᬂᬮᬸᬩ᭄ᬤᬓ
ᬫᬫᬃᬕ᭄ᬕᬶ᭞ᬫᬓᬳᬤ᭄ᬲᬓᬶᬂᬳᬸᬫᬄᬜ᭞ᬤᬶᬦᬦᬾᬤᬯᭂᬕ᭄ᬧᬸᬦᬶᬓᬵ᭞ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬸᬄᬭᬶᬂᬓᭂᬘᬧ᭄᭞ᬦᬗ᭄ᬳᬶᬂᬲᭂᬓᭂᬦ᭄ᬤᬸᬓ᭄ᬧᬸᬦᬶᬓᬵ᭞ᬧᬹᬃᬯ᭄ᬯᬦᬶᬦ᭄ᬢᬶᬍᬫ᭄ᬓᬧᬶᬢᬸ᭞ᬧᬗ᭄ᬮᭀᬗᬾᬧᬶᬂᬧᬢᬩᭂᬮᬲ᭄᭟᭜᭟ᬕ᭄ᬮᬶᬲᬶᬂᬲᬢ᭄ᬯᬦᬾ
ᬚᬦᬶ᭞ᬲᬂᬮᬸᬩ᭄ᬤᬓᬲᬫ᭄ᬧᬸᬦ᭄ᬦᬧᬓ᭄᭞ᬭᬶᬂᬳᬮᬲᬾᬫᬲᬸᬲᬸᬧᬦ᭄᭞ᬢᬗᬦ᭄ᬜᬫᬍᬗ᭄ᬓᬸᬂᬫᬸᬗ᭄ᬕᬄ᭞ᬗᬳᬸᬤ᭄ᬧᬦᬄᬫᭂᬦ᭄ᬢᬂᬮᬗ᭄ᬓᬧ᭄᭞ᬕᬶᬤᬢ᭄ᬜᬕᭂᬮ᭄ᬫᬋᬗᬸᬢ᭄᭞ᬓᬧᬄᬓᬧᬄᬫᬓᬶᬚᭂᬧᬦ᭄᭟᭜᭟ᬢᬸ [ 134 ][᭑᭓᭒ 132B]
᭑᭓᭓
ᬮ᭄ᬬᬳᬦᬓ᭄ᬗᬶᬦ᭄ᬢᬶᬧ᭄ᬚᬗ᭄ᬓ᭄ᬭᬶᬓ᭄᭞ᬤᭂᬳᭂᬤ᭄ᬤᭂᬳᭂᬤ᭄ᬫᬢᬶᬦ᭄ᬤᬓᬦ᭄᭞ᬫᬓᬶᬬᬸᬤ᭄ᬗᭂᬲᬾᬗᬂᬓᬃᬡ᭄ᬦ᭞ᬲᬫ᭄ᬩᬶᬮ᭄ᬜᭀᬗ᭄ᬓᭀᬓ᭄ᬧᬢᭂᬮᬦᬦ᭄᭞ᬮᬶᬄᬩᬗᬸᬦ᭄ᬫᬧᬯᬲᬦ᭄᭞ᬜᬮᬶᬩ᭄ᬲᬂᬩ᭄ᬜᬸᬮᬸᬗᬶᬦ᭄ᬳᬫ᭄ᬩᬸᬂ᭞ᬓᬶᬤᭂᬧ᭄ᬤᬶᬢᬸᬳᬤᬓᬶᬤᬂ
᭟᭜᭟ᬧᬶᬢᬸᬂᬤᬸᬯᬸᬄᬓᬶᬭᬂᬍᬩᬶᬄ᭞ᬲᬸᬯᬾᬦ᭄ᬜᬲᬫ᭄ᬧᬸᬦ᭄ᬫᬚᬮᬦ᭄᭞ᬤᭂᬓ᭄ᬤᭂᬓ᭄ᬋᬫᬸᬓ᭄ᬢᬶᬦ᭄ᬤᬓᬦ᭄ᬜ᭞ᬜᬮᬸᬓ᭄ᬱᬸᬓ᭄ᬭᬶᬂᬳᬮᬲ᭄ᬯᬬᬄ᭞ᬢᬸᬯᬸᬦ᭄ᬧᬗ᭄ᬓᬸᬂᬫᭂᬦᬾᬓ᭄ᬚᬭᬂ᭞ᬳᬳᬸᬓᬸᬤ᭄ᬢ᭄ᬯᬭᬫᬫᬸᬗ᭄ᬕᬄ᭞ᬚ᭄ᬮᬯᬢᬦ᭄ᬩᬸᬭᭀᬦ᭄ᬳᬶᬭᬶᬓ
᭟᭜᭟ᬓᬮᬶᬗ᭄ᬓᬾᬓᬶᬤᬂᬓᬧᬗ᭄ᬕᬶᬄ᭞ᬗᬶᬢ᭄ᬕᭂᬍᬫ᭄ᬢᭀᬂᬓᬚᬶᬦᬂ᭞ᬫᭀᬦ᭄ᬢᭀᬲᬸᬯᬾᬦ᭄ᬜᬫᬚᬮᬦ᭄᭞ᬧᬸᬧᬸᬢ᭄ᬯᬦ᭄ᬢᬄᬗᬢᭂᬗᬳᬂ᭞ᬧᬚᬮᬦ᭄ᬜᬍᬩᬶᬄᬓᬸᬯᬂ᭞ᬤᬸᬯᬂᬮᬓ᭄ᬱᬤᭂᬧᬲᬫ᭄ᬧᬸᬦ᭄᭞ᬚᭀᬄᬳᬶᬧᬸᬦ᭄ᬲᬓᬶᬂᬳᬸ
ᬫᬄᬜ᭟᭜᭟ᬳᬦ᭄ᬢᬸᬓ᭄ᬚᭂᬗᬄᬜᬢᬦ᭄ᬓᬤᬶ᭞ᬚᭂᬕ᭄‌ᬗ᭄ᬮᬦ᭄ᬢᬸᬃᬳᬶᬧᬸᬦ᭄ᬫᬚᬮᬦ᭄᭞ᬳᬚ᭄ᬭᬶᬄᬓᭂᬦᭂᬄᬜᬦᬾᬳᬶᬮᬂ᭞ᬳᬧᬶᬦ᭄ᬚᭂᬗᬳᬾᬫᬸᬯᬸᬦᬂ᭞ᬳᭂᬦ᭄ᬤᬶᬄᬫᬸᬭᬸᬩ᭄ᬗᬩᬃᬫᭀᬫ᭄ᬩᬓᬦ᭄᭞ᬚᬦ᭄ᬢᭀᬲ᭄ᬳᬶᬮᬸᬩ᭄ᬤᬓᬩᬶᬗᬸᬂ᭞
[᭑᭓᭓ 133A]
ᬢᭀᬂᬫ᭄ᬭᬲᬦ᭄ᬢᭀᬲᬸᬩᬤᬶᬚ᭟᭜᭟ᬲᬦᬾᬗᬯᬦᬂᬫᬗᬶᬧᬶ᭞ᬚᭂᬗᬄᬓᭂᬦᭂᬄᬲᬂᬮᬸᬩ᭄ᬤᬓᬵ᭞ᬩᬦ᭄ᬢᬸᬫ᭄ᬩᬾᬦ᭄ᬫᭀᬦ᭄ᬢᭀᬫᬚᬮᬦ᭄᭞ᬜᬮᬸᬓ᭄ᬲᬸᬓ᭄ᬭᬶᬂᬢᭂᬗᬳᬮᬲ᭄᭞ᬬᬾᬦ᭄ᬳᬧᬦᬾᬫᬗ᭄ᬭᬦᬬᬂ᭞ᬓᬫᬳᬶᬧᬸᬦ᭄ᬘᬧ᭄ᬮᭀ᭠
ᬓ᭄ᬲᬸᬯᬸᬂ᭞ᬫᬳᬶᬳᬶᬧᬸᬦ᭄ᬚᭂᬓ᭄ᬚᭂᬓ᭄ᬰᬦ᭄ᬬ᭟᭜᭟ᬩᭂᬗᭀᬂᬬᬫᬢᭂᬤ᭄ᬫᬫᬃᬕ᭄ᬕᬶ᭞ᬫᬧᬶᬦᭂᬄᬧᬶᬦᭂᬄᬭᬶᬂᬫᬦᬄ᭞ᬚᭂᬗᬄᬓᭂᬦᭂᬄᬜᬜᬶᬸᬗᬶᬦ᭄ᬤᬸᬓᬂ᭞ᬩᬢᬶᬲ᭄ᬜᬍᬫᭂᬢ᭄ᬫᬦᬤᬓ᭄᭞ᬮᬾᬕ᭄ᬮᭀᬕ᭄ᬜᬮᬾᬫ᭄ᬧᭀᬄᬫᬦᭂᬕᬓ᭄᭞ᬚ
ᬭᬶᬂᬜᬓᬭᬶᬓᬢᬶᬓᬸᬮ᭄᭞ᬫᬢᬾᬕ᭄ᬢᭀᬕ᭄ᬫᬢᬸᬗ᭄ᬓᭂᬤ᭄ᬢᬸᬫ᭄ᬩᬓ᭄᭟᭜᭟ᬗ᭄ᬭᬶᬫᬶᬓ᭄ᬬᬲᬫ᭄ᬩᬶᬮ᭄ᬲᭂᬤᬶᬄ᭞ᬜᭂᬮ᭄ᬳᬯᬓ᭄ᬢᬦᬾᬩᬕ᭄ᬬ᭞ᬲᬲᬫ᭄ᬩᬢᬾᬢᬶᬤᭀᬂᬢᬶᬤᭀᬂ᭞ᬓᬸᬤᬓᬾᬦᬾᬢᭂᬫ᭄ᬯᬂᬢᬶᬢ᭄ᬬᬂ᭞ᬤᬸᬄᬭᬢᬸᬳ᭄ᬬᬂᬯᬶᬥᬶᬯ
ᬱ᭞ᬦᬧᬶᬳᬶᬯᬂᬜᬳᬶᬮᬘᬸᬃ᭞ᬫᬯᬶᬦᬦ᭄ᬭᬢᬸᬦ᭄ᬲ᭄ᬯᬾᬘ᭟᭜᭟ᬦᬧᬶᬓᬾᬢᬶᬢ᭄ᬬᬂᬦᬳᭂᬦᬶᬦ᭄᭞ᬢᭂᬮᬤ᭄ᬗᬲ᭄ᬢᬶᬢᬶᬪᬝᬭ᭞ᬫᬢᬸᬭᬦ᭄ᬜᬩ᭄ᬭᬦ᭄ᬭᬳᬶᬦ᭞ᬗᬸᬗ᭄ᬕᬳᬂᬲᬘᬗ᭄ᬕᬶᬸᬄᬦᬂᬭᬶᬂᬲᬗ᭄ᬕᬄ᭞ᬫᬶᬗ᭄ᬓᬶᬦ᭄ᬢᭂᬓᬦᬶᬂᬕᬮᬸ [ 135 ][᭑᭓᭓ 133B]
᭑᭓᭔
ᬗᬦ᭄᭞ᬳᬢᬸᬭᬦᬾᬗᬾᬦ᭄ᬤᬄᬳᭂᬭᬸᬢ᭄᭞ᬗ᭄ᬕᬾᬦ᭄ᬘᬶᬳ᭄ᬦᬩᬓ᭄ᬢᬶᬭᬶᬂᬳ᭄ᬬᬂ᭟᭜᭟ᬦᬧᬶᬓᬾᬢᬦ᭄‌ᬫ᭄ᬯᬲ᭄ᬢᬪᬓ᭄ᬢᬶ᭞ᬳᬦᬓᬾᬳᬦ᭄ᬢᭂᬂᬫᬢᬸᬭᬦ᭄᭞ᬓᬤᬶᬢᬶᬢ᭄ᬬᬂᬧᭂᬢᭂᬂᬍᬫᬄ᭞ᬫᬢ᭄ᬭᬶᬲᬦ᭄ᬤ᭄ᬬᬧᬶᬂᬢᬶᬕ᭞ᬦᬧᬶᬓᬾᬓᬦ᭄ᬢᬸᬦ᭄ᬲᬓᬶ
ᬭᬂ᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬦᬾᬧᬕᭂᬄᬗᬸᬦ᭄ᬢᬸᬮ᭄ᬗᬲ᭄ᬢᬯᬵ᭟᭜᭟ᬦᬧᬶᬓᬾᬳᬶᬤᬲᬂᬋᬱᬶ᭞ᬍᬜᭀᬓ᭄‌ᬭᬾᬄᬲᬳᬶᬫᬯᭀᬲᬂ᭞ᬲᬂᬳ᭄ᬬᬂᬢᬦ᭄ᬧᬓ᭄ᬭᬡᬳᬦ᭄᭞ᬓᬩᬯᭀᬲ᭄ᬦᬾᬧᬮᬶᬂᬲᬬᬂ᭞ᬢᬍᬃᬳ᭄ᬬᬂᬧᬭᬫᬵ
ᬳᭂᬫ᭄ᬩᬂ᭞ᬓᬳᬸᬘᬧ᭄ᬦᬾᬧᬮᬶᬂᬳᬲᬸᬂ᭞ᬢᬸᬃᬫᬳᬵᬳᬤᬶᬮ᭄ᬭᬶᬂᬚᬕᬢ᭄᭟᭜᭟ᬓᬾᬢᭀᬳᬶᬮᬸᬩ᭄ᬤᬓᬗ᭄ᬭᬶᬫᬶᬓ᭄᭞ᬘᬭᬲᬚᬳᬸᬮᬶᬂᬧᬶᬤᬦ᭄᭞ᬪᬓ᭄ᬢᬶᬯᬾᬮᬶᬂᬭᬶᬂᬳ᭄ᬬᬂᬢᬶᬢᬄ᭞ᬓᬓᬤᬾᬦ᭄ᬘᬭᬫᬦᬸᬱ᭞ᬳᬮᬸᬄᬗᬸᬮᬸᬓᬸᬮᬸᬓ᭄ᬳᬶᬤ᭞
ᬧᬘᬭᬸᬯᬶᬦ᭄ᬩᬦ᭄ᬫᬗᬸᬦ᭄ᬢᬸᬮ᭄᭞ᬧᭂᬢᬦ᭄ᬳᬶᬧᬸᬦ᭄ᬧᬂᬓᬕᭂᬕ᭟᭜᭟ᬬᬦ᭄ᬢᬦ᭄ᬩᬸᬓᬓᬾᬢᭀᬓᬦ᭄ᬢᬶ᭞ᬓᬾᬯᭂᬄᬜᬦᬾᬓᬢᭂᬫᭀᬓᬂ᭞ᬢᭀᬂᬢᬳᬾᬦ᭄ᬳᬶᬗᭂᬢ᭄ᬭᬶᬂᬳᬶᬤ᭞ᬓᬮᬶᬂᬓᬾᬫᬢᬸᬭᬦ᭄ᬘᬦᬂ᭞ᬦᬾᬲᬸᬩᬓᬭ᭄ᬯᬦ᭄ᬚᬸᬫᬄᬜ᭞ᬓᬢ
[᭑᭓᭔ 134A]
ᬫᭂᬦ᭄ᬢᬸᬕᬸᬳᬩᬸᬗ᭄ᬓᬸᬮ᭄᭞ᬭᬸᬲᬓ᭄ᬢ᭄ᬯᬭᬓᬩᭂᬘᬶᬓᬂ᭟᭜᭟ᬚᬦᬶᬫᬭᬫ᭄ᬭᬲᬘᭂᬭᬶᬓ᭄᭞ᬜᭂᬮ᭄ᬲᭂᬮᬂᬦᬾᬲᬸᬩᬮᬶᬯᬢ᭄᭞ᬲᬫ᭄ᬩᬶᬮ᭄ᬦᬳᬦᬂᬲᭂᬤᬸᬓ᭄ᬩᬲᬂ᭞ᬳᬦ᭄ᬢᬸᬓ᭄ᬢᬦ᭄ᬫᬓ᭄ᬢᬢᬓᬶᬮᬦ᭄᭞ᬓᬮᬶᬂᬦᬲᬶᬳᬩᬮᬸᬯᬧ᭄᭞ᬭᬶᬂᬚᬸᬫᬄᬜᬓᬧᬄ
ᬫᬸᬩᬸᬄ᭞ᬩᬗᭂᬢ᭄ᬢᬸᬦᬲᬦ᭄ᬤᬂᬧᬗᬦ᭄᭟᭜᭟ᬫᬮᬶᬄᬲᬂᬮᬸᬩ᭄ᬤᬓᬳᬾᬮᬶᬂ᭞ᬫᬭᬶᬂᬓ᭄ᬭᬶᬫᬶᬓᬦ᭄ᬜᬳᬶᬯᬂ᭞ᬧᬸᬭᬸᬦ᭄ᬗᬸᬧᭂᬢ᭄ᬲᬂᬳ᭄ᬬᬂᬢᬶᬢᬄ᭞ᬫᬮᬶᬄᬫᬚᬸᬫᬸᬫᬢᬶᬗ᭄ᬓᬄ᭞ᬢᬸᬫ᭄ᬩᬓᬾᬩᭂᬘᬢ᭄ᬲᬤᬳᬂ᭞ᬫᬰᬶᬮᬢᬶᬤᬶᬂᬫᬗᬸᬦ᭄ᬢᬸᬮ᭄᭞ᬦᬸᬦᬲ᭄ᬳᬶ
ᬯᬂᬜᬸᬫ᭄ᬩᬄᬜᬸᬫ᭄ᬩᬄ᭟᭜᭟ᬭᬢᬸᬳ᭄ᬬᬂᬧᬭᬫᬓᬯᬶ᭞ᬮᬾᬤᬂᬳᬸᬕᬶᬜᬶᬦᬫ᭄ᬧᬸᬭ᭞ᬓᬬᬯᬓ᭄ᬓᬬᬸᬦ᭄ᬳᬶᬦᬶᬱ᭄ᬝ᭞ᬭᬶᬳᬦ᭄ᬢᬸᬓ᭄ᬳᭂᬗ᭄ᬲᬧ᭄ᬭᬶᬂᬳᬯᬓ᭄᭞ᬧᭂᬤᬶᬳᬾᬲᭀᬓ᭄ᬳᬓᭂᬩ᭄ᬬᬸᬢᬦ᭄᭞ᬘᬯᬸᬄᬧᭂᬢᬦᬾᬫᬭᬸᬲ᭄ᬩᬸᬲ᭄᭞ᬤ᭄ᬭᭀᬯᬓᬦ᭄ᬫ
ᬦᬳᬾᬗᬯᬶᬦᬂ᭟᭜᭟ᬧᬮᬸᬗ᭄ᬕᬸᬄᬳᬶᬭᬢᬸᬤᬸᬫᬸᬕᬶ᭞ᬢᬦ᭄ᬗᬗᭂᬢ᭄ᬫᭂᬗ᭄ᬕᬄᬭᬶᬂᬢᬶᬢ᭄ᬬᬂ᭞ᬦᬾᬗᬯᬶᬢ᭄ᬳᬦ᭄ᬢᭂᬂ᭠ᬗᬲ᭄ᬢᬯ᭞ᬤᬸᬭᬸᬲᬂᬲ᭄ᬯᬾᬘᬦ᭄ᬪᬝᬭ᭞ᬫᬗ᭄ᬤᬯᬗ᭄ᬤᬾᬧᭀᬘᭀᬮ᭄ᬢᬶᬢ᭄ᬬᬂ᭞ᬯᬸᬲᬦ᭄ᬚᬳᬶᬭᬢᬸᬗᬸᬮ᭄ᬕᬸᬮ᭄᭞ᬩᬸᬭᭀ [ 136 ][᭑᭓᭔ 134B]
᭑᭓᭕
ᬦᬤᬶᬚᬓᬗ᭄ᬓᭂᬩᬂ᭟᭜᭟ᬫᭀᬦ᭄ᬢᭀᬳᬶᬮᬸᬩ᭄ᬤᬓᬵᬗ᭄ᬭᬶᬫᬶᬓ᭄᭞ᬭᬶᬂᬳᬮᬲᬾᬲᬶᬬᭂᬧ᭄ᬰᬸᬦ᭄ᬬ᭞ᬦᬾᬭᬫᬾᬓᬧᬶᬋᬂᬯᬦ᭄ᬢᬄᬓ᭄ᬭᭀᬬᬵᬓᬦ᭄ᬩᬲᬂᬫᬢᬮᬂ᭞ᬲᭀᬓ᭄ᬳᬤᬜᬯᬸᬭᬶᬦ᭄ᬩᬶᬚᬮ᭄᭞ᬳᬶᬢᭀᬓᬾᬭᬶᬂᬕᭀᬳᭀᬓ᭄ᬓᬬᬸ᭞
ᬓᭂᬤᬾᬓ᭄ᬗᬋᬓᭂᬓ᭄ᬗᬦ᭄ᬤᬸᬧᬂ᭟᭜᭟ᬳᬶᬮᬸᬩ᭄ᬤᬓᬩᬗᬸᬦ᭄ᬲᭂᬗᬶᬢ᭄᭞ᬦᬶᬗᭂᬄᬓᭂᬤᬾᬓ᭄ᬳᬶᬧᬸᬦ᭄ᬩᬶᬚᬮ᭄᭞ᬜᬕ᭄ᬚᬕ᭄ᬲᬫ᭄ᬩᬶᬮ᭄ᬗᬸᬬᭂᬂᬢᬸᬫ᭄ᬩᬓ᭄᭞ᬳᬶᬄᬳᬶᬢᭀᬓᬾᬩᬲ᭄‌ᬧᭀᬗᬄ᭞ᬳᬶᬩᬢᬸᬯᬄᬩᬸᬭᭀᬦ᭄ᬦᬶᬱ᭄ᬝ᭞ᬧᬶᬂᬲᬢᬓ᭄ᬫᬲ
ᬮᬶᬦ᭄ᬩᬚᬸ᭞ᬧ᭄ᬭᬕᬢ᭄ᬭᬾᬂᬭᬾᬂᬳᬳᬶᬤᬸᬧᬦ᭄᭟᭜᭟ᬳᬶᬩᬗᭂᬮᬄᬢᬓᬸᬢ᭄ᬫᬶᬭᬶᬩ᭄᭞ᬢᭀᬂᬩᬦᬶᬗᬾᬤᬾᬗᬂᬕᭀᬩ᭞ᬗᬯᬶᬦᬂᬳᬶᬩᬢᭀᬂᬧᭂᬤᬲ᭄᭞ᬢᭂᬓᬾᬦ᭄ᬓᬳᬶᬲᬂᬮᬸᬩ᭄ᬤᬓ᭞ᬦᬾᬗᬶᬲᬳᬶᬦ᭄ᬓᬯᬦᬾᬦᬦ᭄᭞
ᬤ᭄ᬬᬲ᭄ᬢᬸᬯᬭᬓ᭄ᬲᬢᬸᬲ᭄ᬗᬫᬸᬓ᭄᭞ᬢᭀᬂᬮᬲ᭄ᬬᬬᬦ᭄ᬓᬳᬶᬫᬧᬲ᭄᭟᭜᭟ᬓᬾᬢᭀᬲᬂᬮᬸᬩ᭄ᬤᬓᬗᭂᬫ᭄ᬩᬃ᭞ᬓᬤᬶᬳᬦᬓ᭄ᬓᬲᬸᬭᬸᬧᬦ᭄᭞ᬲᬫ᭄ᬩᬶᬮ᭄ᬫᬕᬶᬩ᭄ᬭᬲ᭄ᬫᬚᬮᬦ᭄᭞ᬳᭂᬦ᭄ᬤᭂᬮᬦ᭄ᬤᭂᬮ᭄ᬦᬢᬦ᭄ᬢᬸᬫ᭄ᬩᬓ᭄᭞ᬦᬃᬯᬸᬗᬗᬚᬓᬗᬶ
[᭑᭓᭕ 135A]
ᬦᬂ᭞ᬢᬦ᭄ᬲᬯᬾᬓᬕᬾᬢ᭄‌ᬬᬤᬶᬢᬸ᭞ᬫᬫᬗ᭄ᬕᬸᬳᬶᬦ᭄ᬩᬩᬢᬸᬭᬦ᭄᭟᭜᭟ᬯᭂᬢ᭄ᬚᭂᬧᬸᬦᬾᬢᭂᬕᭂᬄᬗᬕ᭄ᬮᬶᬓ᭄᭞ᬧᬩᬺᬦ᭄ᬢᭀᬂᬩᭂᬦ᭄ᬤᭀᬢ᭄ᬫᬶᬮᬸᬢᬦ᭄᭞ᬩᬸᬗᬦ᭄ᬜᬦᬾᬦᭂᬤᭂᬂᬓᭂᬫ᭄ᬩᬂ᭞ᬳᬳᬲ᭄ᬦᬫ᭄ᬧ᭄ᬬᬕ᭄ᬭᬶᬂᬧᬶᬬᬲᬦ᭄᭞ᬯᬾᬦ᭄ᬢᭂᬦ᭄ᬫ
ᬤᬸᬕ᭄ᬤᬸᬕ᭄ᬭᬶᬂᬘᬫ᭄ᬧ᭞ᬫᬤᬸᬓᬦ᭄ᬭᬶᬂᬩᬸᬗᬦ᭄ᬢᬜ᭄ᬚᬸᬂ᭞ᬤᬸᬄᬫᬶᬬᬶᬓ᭄ᬜᬗ᭄ᬮᬸᬄᬳᬫ᭄ᬩᬸᬦ᭄ᬜ᭟᭜᭟ᬯᬾᬦ᭄ᬢᭂᬦ᭄ᬓᬢᭀᬦ᭄ᬩᬮᬾᬳᬮᬶᬢ᭄᭞ᬲᬓᬦ᭄ᬜᬦᬾᬫᬓᬧᬢ᭄ᬧᬢ᭄᭞ᬭᬾᬬᭀᬤ᭄‌ᬲᬾᬦ᭄ᬤᭀᬄᬫᬢ᭄ᬭᬶᬬᬸᬕᬦ᭄᭞ᬭᭀᬫᭀᬓ᭄ᬮᭂᬧᬲ᭄ᬭᬶᬂ
ᬲᭂᬦ᭄ᬤᬶᬦ᭄ᬜ᭞ᬫᬭᬳᬩ᭄ᬤᬸᬓ᭄ᬧᬢᭂᬄᬭᬸᬲᬓ᭄᭞ᬗᬮᬦ᭄ᬢᭂᬂᬓᭂᬮᬾᬲ᭄ᬗᬮᬬᬸᬢ᭄᭞ᬮᬧᬸᬓ᭄ᬮᬤ᭄ᬕᬾᬫ᭄ᬧᬾᬮ᭄ᬮᬸᬫᬸᬢᬦ᭄᭟᭜᭟ᬦᬾᬓᬭᬶᬤᬶᬤᬸᬯᬸᬃᬓᬶᬤᬶᬓ᭄᭞ᬢᭂᬧᭀᬂᬫᬍᬫ᭄ᬧᭂᬂᬍᬫ᭄ᬧᭂᬗᬦ᭄᭞ᬳᬓᬄᬧᬓᬸᬦᬾᬜᬮᬶᬫᬢ᭄᭞ᬲᬗ᭄ᬓ
ᬦ᭄ᬩᬸᬯᬸᬂᬫᬢᬳᬲᬦ᭄᭞ᬧᬬᬸᬤᬶᬤᬸᬯᬸᬃᬳᬾᬫ᭄ᬩᭀᬦᬦ᭄᭞ᬓᬸᬤ᭄ᬬᬂᬧᬂᬮᬾᬧᬾᬕ᭄ᬩᬦ᭄ᬤᬫᬸᬄ᭞ᬭᬾᬄᬮᬸᬯᬸᬂᬫᬧᬬᬸᬂᬲᬶᬫ᭄ᬩᬃ᭟᭜᭟ᬳᬓᬄᬩᬸᬦᬸᬢᬾᬫᬗᭂᬦ᭄ᬤᬶᬕ᭄᭞ᬲᬶᬧᭀᬓ᭄ᬗᬮᬸᬫ᭄ᬩᬶᬄᬧᬶᬬᬲᬦ᭄᭞ᬗᬢᬸᬧᬭᬲ᭄ᬫ [ 137 ][᭑᭓᭕ 135B]
᭑᭓᭖
ᬓᭀᬲᭀᬢᬦ᭄᭞ᬳᭂᬗ᭄ᬓᬕ᭄ᬕᭂᬫ᭄ᬩᬶᬤ᭄ᬫᬮᬸᬮᬸᬦᬦ᭄᭞ᬤᬤᬶᬧᬲᭂᬭᬫᬦ᭄ᬩᬩ᭄ᬯᬂ᭞ᬭᬚᬢᬗᬶᬦᬾᬜᬫ᭄ᬩᬸᬮᬸᬂ᭞᭠ᬫᬸᬗ᭄ᬕᬄᬗᬮᬶᬮᬶᬢ᭄ᬳᬤᭂᬕᬦ᭄᭟᭜᭟ᬭᬶᬂᬩᬢᬦ᭄ᬢᬭᬸᬓᬫᬸᬦᬶᬂ᭞ᬩᭂᬗᭀᬂᬳᬶᬮᬸᬩ᭄ᬤᬓᬦᭂᬕᬓ᭄᭞ᬓᬢᭀᬦ᭄ᬮᬶᬫᬦ᭄ᬜ
ᬗᬮᬾᬧᬢ᭄᭞ᬢᬸᬫ᭄ᬩᬾᬦ᭄ᬳᬸᬲᬶᬮ᭄ᬗᬸᬭᬸᬢ᭄ᬮᭂᬗᬃ᭞ᬗᬸᬦ᭄ᬢᬸᬮ᭄‌ᬬᬗᭂᬦᭂᬄᬗᭂᬦᭂᬳᬂ᭞ᬦ᭄ᬢᭀᬩᬩᬢᬸᬭᬦᬾᬳᬸᬯᬸᬕ᭄᭞ᬢᭀᬂᬳᬤᬳᬦᬓ᭄ᬗᬺᬗᬬᬂ᭟᭜᭟ᬫᬶᬦᬩ᭄ᬲᬢᬸᬲ᭄ᬢᬶᬩᬦ᭄ᬮᭂᬩᬶᬄ᭞ᬲᬂᬦ᭄ᬭᬸᬯᬾᬦᬂᬲᬫ᭄ᬧᬸᬦ᭄ᬮᬶᬡ᭞ᬲᬗ᭄ᬓᬦ᭄ᬓᬾ
ᬦᬾᬩᭂᬜᬄᬭᬸᬲᬓ᭄᭞ᬲᬢ᭄ᬩᬸᬯᬶᬦ᭄ᬫᬩᬮᬶᬓ᭄ᬳᬮᬲ᭄᭞ᬬᬦ᭄ᬢᬦ᭄ᬧᭂᬮᬶᬄᬩᬳᬦ᭄ᬦᬃᬓ᭄ᬓ᭞ᬳᭂᬦᬾᬕᭂᬦᬄᬳᬦᬓ᭄ᬯᬶᬓᬸ᭞ᬗᬸᬦᬶᬤᬶᬦᬶᬦᬗᬸᬦ᭄ᬢᬧ᭟᭜᭟ᬫᬶᬦᬩ᭄ᬢᬧᬮᬗ᭄ᬓᬸᬂᬯᬕ᭄ᬫᬶ᭞ᬯᬸᬲ᭄ᬫᭀᬮᬶᬄᬲᬭᬶᬦᬶᬂᬬᭀᬕ᭞ᬲᬗ᭄ᬓᬦ᭄‌ᬬᬦ᭄ᬢᭂᬓ
ᬦᬶᬂᬲ᭄ᬫᬬ᭞ᬧᬸᬫᬦ᭄ᬢᬸᬓ᭄ᬓᬚᬕᬢ᭄ᬫᭀᬓ᭄ᬱ᭞ᬢᬦ᭄ᬧᬲᬯᬲᬾᬤᬦ᭄ᬳᬶᬤ᭞ᬕᭂᬲᭂᬂᬫᬢᭂᬫᬳᬦ᭄ᬓᬸᬓᬸᬲ᭄᭞ᬧᬸᬯᬸᬦᬂᬕᭂᬦᬶᬳᬚ᭄ᬜᬦ᭟᭜᭟ᬓᬾᬢᭀᬓᬧᬃᬡ᭄ᬦᬭᬶᬂᬳᬢᬶ᭞ᬓᬕᬾᬢ᭄ᬫᬮᬶᬄᬲᬂᬮᬸᬩ᭄ᬤᬓ᭞ᬳᬶᬗᭂᬢ᭄ᬭᬶᬂᬳᬸᬦ᭄ᬤᬸᬓ᭄ᬜᬮᬸ
[᭑᭓᭖ 136A]
ᬯᬲ᭄᭞ᬢᬦ᭄ᬧᭀᬮᬶᬄᬦᬾᬓᬩᬸᬯᬢᬂ᭞ᬩᬸᬯᬶᬦ᭄ᬫᬚᬸᬫᬸᬩᭂᬮ᭄ᬩᭂᬮᬦ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬗᬦᬾᬮᬘᬸᬃ᭞ᬲᬫ᭄ᬩᬶᬮ᭄ᬫᬦᬧᬓ᭄ᬕᬡ᭄ᬥᬾᬯ᭟᭜᭟ᬢᬸᬮ᭄ᬬᬕᬸᬡᬦ᭄ᬢᬸᬂᬢᬸᬂᬢᬗᬶᬲ᭄᭞ᬗᭂᬦᬾᬦ᭄ᬳᬶᬧᬸᬦ᭄ᬲᬂᬮᬸᬩ᭄ᬤᬓ᭞ᬬᬾᬄᬫᬢ
ᬦ᭄ᬢᬵᬫᬢᬫ᭄ᬩ᭄ᬯᬲᬦ᭄᭞ᬫᬢᬾᬕ᭄ᬢᭀᬕ᭄ᬫᬧᬸᬮᬶᬲᬳᬦ᭄᭞ᬳᬮᬄᬩᬩ᭄ᬯᬂᬓᬩᬸᬦ᭄ᬢᬸᬢᬦ᭄᭞ᬮᬜ᭄ᬘᬶᬗᬦ᭄ᬜᬮᬾᬧᬾᬕ᭄ᬩᭂᬮᬸᬲ᭄᭞ᬓᭂᬘᭀᬭᬶᬦ᭄ᬬᬾᬄᬫᬢᬫᭂᬫ᭄ᬩᬄ᭟᭜᭟ᬳᬕᭂᬢ᭄ᬲᬂᬮᬸᬩ᭄ᬤᬓᬳᬾᬮᬶᬂ᭞ᬦᭀᬮᬶᬄᬓ
ᬯᬸᬄᬜᬗ᭄ᬮᬾᬧ᭄ᬲᬸᬃᬬ᭄ᬬᬵ᭞ᬲᬫ᭄ᬧᬸᬦ᭄ᬜᬾᬤᬾᬧ᭄ᬗᬭᭀᬭᭀᬓᬂ᭞ᬦᬾᬫᬸᬮᬩᭂᬘᬶᬓ᭄ᬓᬘᬶᬗᬓ᭄᭞ᬮᬗᬶᬢᬾᬫᬲᬯᬂᬩᬭᬓ᭄᭞ᬓᬸᬦᬶᬂᬕᬤᬂᬢᬗᬶᬩᬶᬭᬸ᭞ᬓᬲᬸᬮᬸᬳᬦ᭄ᬳ᭄ᬬᬂᬪᬱ᭄ᬓᬭ᭟᭜᭟ᬢᬸᬮ᭄ᬬᬓᬓᬸᬤᬸᬂᬤᬤᬭᬶ᭞ᬤᬸᬓ᭄ᬢᭂ
ᬤᬸᬦ᭄ᬫᬮᬶᬫᬮᬶᬮ᭞ᬗᬩᬶᬃᬩᬶᬃᬲᬓᬶᬂᬓᬾᬦ᭄ᬤ᭄ᬭᬦ᭄᭞ᬗᬶᬤᬂᬦᭂᬫ᭄ᬧᬸᬄᬳᬯᬗᬯᬂ᭞ᬗᬶᬤᭂᬭᬶᬦ᭄ᬕᬸᬦᬸᬂᬓᬾᬮᬰ᭞ᬲᬭᬢ᭄ᬗᬮᬂᬮᬂᬳᬸᬮᬗᬸᬦ᭄᭞ᬲᬫ᭄ᬩᬶᬮ᭄ᬗᭀᬤᬲᬂᬫᬢᬧ᭟᭜᭟ᬮᬗᬶᬢᬾᬦᬾᬓᬢᭀᬦ᭄ᬩᬶᬗ᭄ᬓᬶ [ 138 ][᭑᭓᭖ 136B]
᭑᭓᭗
ᬢ᭄᭞ᬢᬦ᭄ᬧᭂᬲᬦ᭄ᬗᬯᬶᬦᬂᬮᬶᬬᬂ᭞ᬓᭂᬦᭂᬳᬶᬧᬸᬦ᭄ᬲᬂᬮᬸᬩ᭄ᬤᬓᬵ᭞ᬦᬸᬗ᭄ᬓᬮᬶᬓ᭄ᬓᬲᭂᬗ᭄ᬕᬸᬄᬩᬶᬚᬮ᭄᭞ᬢᬶᬯᬲ᭄ᬭᬶᬂᬓᬧᬶᬯᭂᬮᬲᬦ᭄᭞ᬳᬦ᭄ᬢᬸᬓ᭄ᬢᬦ᭄ᬧᬶᬲᬦ᭄ᬬᬭᬸᬗᬸ᭞ᬫᬭᬶᬂᬲᬂᬮᬘᬸᬃᬧᬮᬶᬚᬮᬦ᭄᭟᭜᭟ᬗᭂᬜ᭄ᬘᭀᬢᬂᬩᬗᬸᬦ᭄ᬫ
ᬓᬶᬦ᭄ᬓᬶᬦ᭄᭞ᬫᬗ᭄ᬮᬯᬦᬶᬫ᭄ᬫᬢᬶᬦ᭄ᬤᬓᬦ᭄᭞ᬗᬋᬫᬾᬢ᭄ᬢᬗ᭄ᬕᬸᬦ᭄ᬮᬜ᭄ᬘᬶᬗᬦ᭄᭞ᬚᭂᬓ᭄ᬚᭂᬓ᭄ᬧᭂᬢᭂᬂᬧᬶᬢᬸᬂᬳᬫ᭄ᬩᬮ᭄᭞ᬳᬕᭂᬢ᭄ᬬᬫᬢᬸᬗ᭄ᬓᭂᬤ᭄ᬢᬸᬫ᭄ᬩᬓ᭄᭞ᬦ᭄ᬢᭀᬓᬗ᭄ᬕᬾᬦ᭄ᬗᬤᬩᬶᬦ᭄ᬭᬸᬭᬸᬂ᭞ᬲᬢ᭄ᬲᬸᬯᬸᬤ᭄ᬗᬗ᭄ᬕᭀᬦᬂᬫᬢ᭟
᭐᭟ᬲᬤ᭄ᬬᬵᬜᬶᬤᬬᬂᬫᬫᬃᬕ᭄ᬕᬶ᭞ᬳᬶᬗ᭄ᬕᬶᬬᬦ᭄ᬲᭀᬓ᭄ᬧ᭄ᬮᭂᬓᬸᬢᬸᬲ᭄ᬤᭂᬧ᭞ᬤᭀᬄᬜᬭᬶᬂᬕᭂᬦᬳᬾᬢᬸᬦ᭄ᬬᬦ᭄᭞ᬲᬓᬶᬂᬧᬶᬢᬺᬱ᭄ᬡᬦ᭄ᬳᬶᬢᬸᬫ᭄ᬩᬓ᭄᭞ᬓᬢᭀᬦ᭄ᬳᬶᬧᬸᬦ᭄ᬲᬂᬮᬸᬩ᭄ᬤᬓ᭞ᬫᬗ᭄ᬓᬺᬕ᭄ᬧᬚᬮᬦ᭄ᬜᬤᬶᬢᬸ᭞ᬦᬾ
ᬩᬾᬗᬶᬦ᭄ᬕᬶᬤᬢ᭄ᬫᭂᬤᬲᬂ᭟᭜᭟ᬓᬢᭀᬦ᭄ᬤᬦᬸᬓᬶᬢᭂᬃᬩᬸᬓᬶᬢ᭄᭞ᬚᬶᬫ᭄ᬩᬃᬢᭀᬬᬦ᭄ᬜᬦᬾᬜᬮᬂ᭞ᬧᭂᬮᬸᬂᬗᬮᬾᬜ᭄ᬘᭀᬓ᭄ᬧᬢ᭄ᬮᬦᬦ᭄᭞ᬳᭀᬫ᭄ᬩᬓ᭄ᬜᬫᬮᬸᬮᬸᬦ᭄ᬩᬦ᭄ᬩᬦ᭄᭞ᬍᬫᬸᬄᬗᬮᭀᬤ᭄ᬗᬲᬶᬲᬶᬬᬂ᭞ᬯᬶᬢ᭄ᬓᭂᬲᬶ
[᭑᭓᭗ 137A]
ᬭᬶᬦ᭄ᬳᬗᬶᬦ᭄ᬕᬸᬦᬸᬂ᭞ᬤᭀᬄᬓᬤᬶᬳᭀᬫ᭄ᬩᬓ᭄ᬲᬕᬭ᭟᭜᭟ᬦᬾᬗᬯᬦᬂᬮᬶᬬᬂᬓᬶᬤᬶᬤᬓ᭄᭞ᬓᭂᬦᭂᬄᬜᬦᬾᬲᬂᬮᬸᬩ᭄ᬤᬓ᭞ᬤ᭄ᬯᬦᬶᬂᬲᭂᬓᭂᬦ᭄ᬓᬭᬲᬬᬂ᭞ᬓᬜ᭄ᬘᬦ᭄ᬩᬸᬭᭀᬦᬾᬳᬶᬭᬶᬓ᭞ᬦᬾᬩᭂᬤᬓ᭄ᬢᬦ᭄ᬳᬸᬭᬸᬂᬧᬘᬂ᭞ᬢᭂ
ᬓᬗᬶᬦᭂᬫ᭄ᬢᭀᬬᬦ᭄ᬤᬦᬸ᭞ᬦ᭄ᬢᭀᬓ᭄ᬭᬡᬬᬫᬤᬩᬩᬦ᭄᭟᭜᭟ᬳᬶᬫ᭄ᬧᬸᬦ᭄ᬫᬗᭂᬫ᭄ᬩᬢᬂᬚᬭᬶᬂ᭞ᬭᬶᬂᬲᬶᬲᬶᬦ᭄ᬤᬦᬸᬦᬾᬩᭂᬗᬂ᭞ᬗᭂᬤ᭄ᬫᬲᭂᬳᭂᬤ᭄ᬳᬶᬢᬸᬗᬦ᭄ᬜ᭞ᬤᬶᬢᬸᬧᬦᬳᬾᬧᭂᬦ᭄ᬢᬗᬂ᭞ᬳᬤᬾᬳᬤᬩᬸᬭᭀ
ᬦ᭄ᬢᭂᬓᬵ᭞ᬳᬧᬬᬗᬯᬶᬦᬂᬮᬸᬧᬸᬢ᭄᭞ᬢᬗ᭄ᬓᭂᬩ᭄ᬚᬭᬶᬂᬓᭂᬦᬧᬦᬄ᭟᭜᭟ᬓᬢᭀᬦ᭄ᬲᬬᬦ᭄ᬳᭂᬫ᭄ᬧᬕ᭄ᬗᬶᬗ᭄ᬓᬶᬄ᭞ᬗᭂᬘᭀᬃᬧᭂᬮᬸᬄᬲᬂᬮᬸᬩ᭄ᬤᬓ᭞ᬲᬫ᭄ᬩᬶᬮᬸᬜᭂᬮᬶᬢᬂᬮᬜ᭄ᬘᬶᬗᬦ᭄᭞ᬫᬲᬶᬂᬚᬭᬶᬂᬕᬕᬾᬲᭀᬦᬦ᭄᭞᭠
ᬚᭂᬳᭂᬢᬾᬭᬶᬂᬧᬮᭀᬂᬧᬾᬗᬦ᭄᭞ᬩᬸᬦ᭄ᬢᭂᬃᬜᬮᭀᬮᭀᬗᬶᬂᬲᬭᬸ᭞ᬭᬶᬂᬳᬸᬫ᭄ᬧᬸᬢᬾᬜᬦ᭄ᬤᬶᬂ᭠ᬧᬭᬲ᭄᭟᭜᭟ᬳᬶᬮᬸᬩ᭄ᬤᬓᬩᭂᬘᬢ᭄ᬜᬗ᭄ᬓ᭄ᬮᬶᬩ᭄᭞ᬗᬮᬶᬄᬳᬶᬮᬶᬤ᭄ᬫᭂᬦ᭄ᬢᬂᬧᬦᬄ᭞ᬜᬕᬦᬶᬦ᭄ᬩᬸᬭᭀᬦᬾᬢᭂ᭠ [ 139 ][᭑᭓᭗ 137B]
᭑᭓᭘
ᬓ᭄᭞ᬯᬾᬦ᭄ᬢᭂᬦ᭄ᬳᬤᬯᬸᬄᬗᬦ᭄ᬢᭀᬲᬂ᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄‌ᬚ᭄ᬮᬯᬢᬦ᭄᭞ᬩᬸᬭᭀᬦ᭄ᬩᭂᬤᬓ᭄‌ᬜᭀᬮᭀᬤᬦᬸ᭞ᬚᬭᬶᬗᬾᬗᭂᬧᬄᬗᬦ᭄ᬢᭀᬲᬂ᭟᭜᭟ᬚᭂᬳᭂᬢᬾᬩᭀᬮᭀᬂᬦᬍᬗᬶᬂ᭞ᬳᬘᭀ
ᬮᭀᬳᬦ᭄ᬢᭂᬦ᭄ᬤᬲ᭄ᬓᬶᬤᬂ᭞ᬓᬤᬸᬂᬬᬳᬶᬘᬾᬮᬾᬂᬳᬮᬲ᭄᭞ᬢᭂᬦ᭄ᬤᬲ᭄ᬳᬶᬧᬸᬦ᭄ᬫᬲᬶᬄᬜᬦ᭄ᬤᬂ᭞ᬦᬗ᭄ᬳᬶᬂᬬᬦ᭄ᬮᬘᬸᬃᬬᬢᭂᬓ᭞ᬳᬶᬕᬚᬄᬦᬾᬳᬫ᭄ᬩᬸᬮ᭄ᬕᬸᬦᬸᬂ᭞ᬚᭂᬳᭂᬢᬾᬳᬧᬳᬃᬣᬶᬦ᭄ᬜ᭟᭜᭟ᬚᬦ᭄ᬢᭀᬲ᭄ᬢᬾ
ᬚᬾᬂᬓᬶᬢᬶᬂᬓᬶᬢᬶᬂ᭞ᬚᬭᬶᬚᬶᬦ᭄ᬜᬫᭂᬦ᭄ᬢᬂᬧᬦᬄ᭞ᬤ᭄ᬬᬲ᭄ᬢᬸᬮᬯᬦᬶᬦ᭄ᬢᬗ᭄ᬲᭂᬳᬂ᭞ᬩᬬᬸᬦᬾᬲᬬᬦ᭄ᬧᬓᬶᬭᬂ᭞ᬳᬦ᭄ᬢᬸᬓ᭄ᬲᬸᬯᬾᬦᬾᬫᬚᬮᬦ᭄᭞ᬲᬫ᭄ᬩᬶᬮ᭄ᬦᬳᬦᬂᬩᬲᬂᬲᭂᬤᬸᬓ᭄᭞ᬫᬶᬫ᭄ᬩᬸᬄᬗᭂᬢᭀᬃᬓᬤᬶᬗᬶᬦᬦ᭟᭜᭟
ᬳᭂᬦ᭄ᬢᭀᬦᬾᬲᬗᭂᬢ᭄ᬗᬶᬬᬩᬶᬦ᭄᭞ᬓᭂᬦᭂᬄᬜᬫᬯᬸᬯᬸᬄᬮᬸᬫᬄ᭞ᬳᭂᬦ᭄ᬢᭂᬂᬮᬶᬫᬦ᭄ᬜᬗᭂᬦ᭄ᬤᬸᬓᬂ᭞ᬤ᭄ᬬᬲ᭄ᬢᬸᬳᭂᬜ᭄ᬘᭀᬢᬂᬕᬶᬩ᭄ᬭᬲᬂ᭞ᬍᬫᭂᬢ᭄ᬳᬯᬓᬾᬫᬶᬬᬮᬂ᭞ᬫᬮᬸᬯᬦ᭄ᬳᭂᬦ᭄ᬢᬸᬤᬾᬤᭂᬗ᭄ᬓ᭄ᬮᬸᬓ᭄᭞ᬮᬗ᭄ᬓᬧᬾᬳᬸᬮᬸᬂᬢᭀᬂ
[᭑᭓᭘ 138A]
ᬜᭂᬮᬧ᭄᭟᭜᭟ᬩᭂᬗᭀᬂᬳᬶᬮᬸᬩ᭄ᬤᬓᬗᭂᬧᬶᬮ᭄᭞ᬦᬢᬓᬶᬦ᭄ᬚᬕᬸᬢ᭄ᬗᭂᬃᬕ᭄ᬕᭂᬭᬂ᭞ᬢᬦ᭄ᬲᬸᬯᬾᬓᬕᬾᬢ᭄ᬗᬢ᭄ᬬᬧ᭄᭞ᬢᬸᬫ᭄ᬩᬸᬄᬬᬢ᭄ᬦᬦᬜᬭᬶᬂᬫᬦᬄ᭞ᬬᬦ᭄ᬫᬓᭂᬮᭀᬩᭂᬢᬾᬦ᭄ᬦᭂᬕᬓ᭄᭞ᬮᬘᬸᬃᬫᬘᬦ᭄ᬢᭂᬓᬮᬳᬸᬢ᭄᭞ᬩᬬᬤᬾᬯᬾᬓᬾ
ᬓᬲᬭᬧ᭄᭟᭜᭟ᬫᬧᬕᬸᬢ᭄ᬭᬶᬂᬫᬘᬦᬦ᭄ᬯᭂᬗᬶ᭞ᬤᬾᬯᬾᬓᬾᬓᬮᬄᬤᬶᬫᬢ᭞ᬤ᭄ᬬᬲ᭄ᬢᬸᬲᬶᬬᬸᬗᬩᬧᬦᬄ᭞ᬳᬸᬕᬶᬢᬦ᭄ᬳᬸᬭᬸᬂᬓᬸᬘᬶᬯ᭞ᬭᬾᬄᬳᬶᬫᬘᬦ᭄ᬓᬲᬸᬩ᭄ᬘᭂᬮᬂᬚᬯᬢ᭄ᬧᭂᬢᭂᬂᬓᬧᬸᬢ᭄ᬮᬶᬫᬸᬢ᭄᭞ᬫᬢᬦ᭄ᬜᬧᬢᬸᬄᬭᬶᬂᬍᬫᬄ᭟
᭐᭟ᬳᬧᬂᬤᬚᬧ᭄ᬚᬧ᭄ᬭᬶᬂᬳᬢᬶ᭞ᬳᭂᬦᬾᬫᬶᬭᬶᬩ᭄ᬧᬸᬜᬦ᭄ᬩᬶᬮ᭞ᬫᭂᬮᬄᬦᬾᬧᭂᬦᬾᬓ᭄ᬳᬾᬗ᭄ᬕᬮᬂ᭞ᬤᬶᬤᬸᬯᬸᬃᬘᬫ᭄ᬧᬂᬜᬦᭂᬕᬓ᭄᭞ᬚᬭᬶᬗᬾᬤᭂᬧᬂᬫᬧᬲᬂ᭞ᬧᬤᬾᬳᬤᬩᬸᬭᭀᬦ᭄ᬫᬸᬯᬸᬓ᭄᭞ᬳᬾᬗ᭄ᬕᬮᬂᬢᬸᬯᬸᬦ᭄ᬳᬚᬳ
ᬦ᭄᭟᭜᭟ᬲᬂᬮᬸᬩ᭄ᬤᬓᬫᭂᬦᬾᬓ᭄‌ᬜ᭄ᬮᬶᬰ᭄ᬘᬶᬲ᭄᭞ᬦᬭᭀᬧ᭄ᬢᬾᬧ᭄ᬯᬮᬸᬬᬲᭂᬫᬮ᭄᭞ᬓᬕᬾᬢ᭄ᬲᬸᬩᬤᬸᬯᬸᬃᬘᬫ᭄ᬧᬂ᭞ᬫᬓᬶᬮᬶᬢ᭄ᬩᬢᬶᬲ᭄ᬜᬦᭂᬕᬓ᭄᭞ᬯᬶᬢ᭄ᬩᭂᬢᬾᬦ᭄ᬢᬓᬸᬢ᭄ᬭᬶᬂᬫᬘᬦ᭄᭞ᬫᬲᬶᬄᬬᬧᬬᬸᬤᬶᬤᬸᬯᬸᬃ᭞ᬗᬮᬯᬦ᭄ᬳᬶ [ 140 ][᭑᭓᭘ 138B]
᭑᭓᭙
ᬫᬢᬓᬶᬬᬧ᭄᭟᭜᭟ᬳᬗᬶᬦ᭄ᬩᬸᬦᬸᬗᬾᬗᬲᬶᬃᬲᬶᬃ᭞ᬤᬸᬯᭂᬕ᭄ᬦᬸᬦ᭄ᬤᬸᬦ᭄ᬫᬢᬓᬶᬬᬧ᭄᭞ᬦᬾᬗᬯᬶᬦᬂᬳᬸᬦ᭄ᬤᬧᬸᬦ᭄ᬤᬧ᭄᭞ᬤ᭄ᬬᬲ᭄ᬢᬸᬓᬾᬲᭂᬤᭂᬓ᭄ᬫᬚᬮᬦ᭄᭞ᬬᬦ᭄ᬳᭂᬦ᭄ᬢᬾᬦᭂᬫ᭄ᬧᬸᬄᬳᬶᬫᬢ᭞ᬢᬦ᭄ᬳᬸᬭᬸᬂᬬᬕ᭄ᬮᬮᬓ᭄‌ᬕ᭄ᬮᬸᬮᬸᬓ᭄᭞ᬭᬾᬄᬧᭀ
ᬮᬶᬄᬗᬶᬤᭂᬫ᭄ᬳᬚᬳᬦ᭄᭟᭜᭟ᬤ᭄ᬬᬲ᭄ᬢᬸᬳᬫᬸᬦᬶᬓᬰᬓ᭄ᬢᬶᬦ᭄᭞ᬳᬗᬶᬦ᭄ᬕᬸᬦᬸᬗᬾᬓᬮᭀᬓ᭄ᬢᬄ᭞ᬦ᭄ᬤᬾᬦ᭄ᬫᬮᬸᬗᬦ᭄ᬤᭂᬮ᭄ᬧᬫᭂᬦᬂ᭞ᬳᬗᬶᬦ᭄ᬕᬸᬦᬸᬗᬾᬬᬦ᭄ᬫᬧᬲ᭄᭞ᬲᬂᬯᬾᬦ᭄ᬢᭂᬦ᭄ᬭᬶᬂᬧᬸᬜᬦ᭄ᬩᬶᬮ᭞ᬦᬾᬓᭀᬓᭀᬢ᭄ᬗᬸᬗ᭄ᬓᬸᬮᬶᬦ᭄ᬤᬦᬸ᭞ᬦᭂ
ᬓᭂᬢ᭄ᬮᬸᬯᬶᬃᬓᬧᬲᬶᬮᬦ᭄᭟᭜᭟ᬓᬾᬢᭀᬢᭂᬓᭂᬓ᭄ᬜᬫᬕᬶᬲᬶ᭞ᬢᬗᬦ᭄ᬳᬶᬧᬸᬦ᭄ᬫᬓᬤᬤ᭄ᬯ᭞ᬓᬬᬂᬩᬢᬶᬲ᭄ᬫᬧ᭄ᬮᬶᬓᭂᬢᬦ᭄᭞ᬭᬶᬂᬘᬫ᭄ᬧᬂᬩᬶᬮᬦᬾᬗᬦ᭄ᬤᬂ᭞ᬗᬍᬩᬶᬳᬶᬦ᭄ᬧᬭᬶᬬᬢ᭄ᬦ᭞ᬢᬳᬸᬭᬶᬂᬕᭂᬦᬄᬜᬤᬶᬢᬸ᭞ᬤᬳᬢ᭄ᬭᬸᬗ᭄ᬓ
ᬫᬤᬹᬃᬕ᭄ᬕᬫ᭟᭜᭟ᬬᬦ᭄ᬮᬘᬸᬃᬤᬶᬢᬸᬓᬮᬶᬮᬶᬄ᭞ᬗᭂᬮᬯᬦ᭄ᬫᬢᬦᬾᬓᬶᬬᬧ᭄᭞ᬚᬦ᭄ᬢᭂᬦ᭄ᬮᬶᬫᬦ᭄ᬜᬩᬢᬶᬲ᭄ᬜ᭞ᬦᬾᬗᬭᬾᬓᭀᬢ᭄ᬧᬸᬜᬦ᭄ᬩᬶᬮ᭞ᬕᬕᬂᬓᭂᬮᬾᬲ᭄ᬫᬓᬧᬢ᭄ᬧᬢ᭄᭞ᬧᬸᬧᬸᬢ᭄ᬗᬦ᭄ᬢᬾᬯᬂᬓᬍᬩᬸ᭞ᬭᬶᬂᬤ
[᭑᭓᭙ 139A]
ᬦᬸᬫᬢᬶᬩᭂᬓ᭄ᬩᭂᬓᬦ᭄᭟᭜᭟ᬩᬳᬦ᭄ᬢᬓᬸᬢ᭄ᬜᬓᬮᬶᬮᬶᬄ᭞ᬫᭂᬢᬸᬲᬾᬩᭂᬢ᭄ᬫᬯᬶᬯᬾᬓᬵ᭞ᬕᬲᬾᬓ᭄ᬩᬸᬦ᭄ᬢᬸᬢ᭄ᬲᬂᬮᬸᬩ᭄ᬤᬓ᭞ᬗᬶᬤᬶᬄᬓᬦ᭄ᬢᬶᬭᬶᬂᬤᭀᬦ᭄ᬩᬶᬮ᭞ᬲᬗ᭄ᬓᬦ᭄ᬳᬲᬶᬂᬳᬦᬾᬧᬳᭂᬓ᭄᭞ᬓᬓᭂᬧᬶᬓ᭄ᬓᬢᬶᬓ᭄ᬜ᭠
ᬤᬶᬢᬸ᭞ᬓᬧᬶᬭᬶᬢ᭄ᬚᭂᬗᭂᬢ᭄ᬓᬶᬕᭂᬮᬂ᭟᭜᭟ᬲᬸᬩᬫᬓᭂᬮᬮᭀᬓᬮᬶᬂᬮᬶᬂ᭞ᬯᬾᬦ᭄ᬢᭂᬦ᭄ᬳᬧᬓ᭄ᬧᬓᬦ᭄ᬲᭂᬤᬄ᭞ᬓᬳᬶᬕᭂᬮᬂᬘᬭᬯᬬᬂ᭞ᬤᭀᬦ᭄ᬩᬶᬮᬦᬾᬮᬸᬢ᭄ᬓᭂᬦ᭄ᬢᬸᬗᬂ᭞ᬩᬦ᭄ᬩᬦ᭄ᬳᬮᭀᬧᬢᭂᬮᬦᬦ᭄᭞ᬳᬸᬮᬸᬗᬦ᭄ᬜ
ᬘ᭄ᬮᬶᬬᬓ᭄‌ᬘ᭄ᬮᬶᬬᬸᬓ᭄᭞ᬦᭂᬧᬾᬦ᭄ᬬᬄᬤᬦᬸᬓᬸᬫᬫ᭄ᬩᬂ᭟᭜᭟ᬲᬸᬯᬸᬤ᭄ᬗᭂᬦ᭄ᬢᬸᬗᬂᬬᬩᬸᬯᬶᬦ᭄᭞ᬗᭂᬧᬶᬓ᭄ᬤᭀᬦ᭄ᬩᬶᬮᬦᬾᬮᬾᬦᬦ᭄᭞ᬓᬧᬢᬸᬳᬂᬘᬭᬢᬸᬦ᭄ᬬᬦ᭄᭞ᬢᭀᬂᬢᬳᬾᬦ᭄ᬳᬶᬧᬸᬦ᭄ᬭᬾᬭᬾᬦᬦ᭄᭞ᬭᬾᬄᬦ᭄ᬢᭀ
ᬓᬦ᭄ᬢᬶᬦ᭄ᬜᬧᬸᬭᬸᬱ᭞ᬳᬦ᭄ᬤᭂᬮ᭄ᬓᬚᬓ᭄ᬗᭂᬩᬸᬕ᭄ᬰᬢ᭄ᬭ᭄ᬬ᭞ᬗᬲᭀᬭᬂᬫᬢᬦ᭄ᬜᬓᬶᬬᬧ᭄᭟᭜᭟ᬓᬤᬸᬂᬤᭀᬦ᭄ᬩᬶᬮᬫᬦᬯᬶ᭞ᬲᬦᬾᬓᬓᭂᬧᬶᬓ᭄ᬓᭂᬦ᭄ᬢᬸᬗᬂ᭞ᬭᬶᬂᬢᭀᬬᬦ᭄ᬤᬦᬸᬦᬾᬓᬫ᭄ᬩᬂ᭞ᬲᬂᬮᬸᬩ᭄ᬤᬓᬩᬗᭂᬢ᭄ᬓᬕ᭄ᬬᬢ᭄᭞᭠ [ 141 ][᭑᭓᭙ 139B]
᭑᭔᭐
ᬭᬾᬄᬓᬢᭀᬦ᭄ᬩᬤᬗᬶᬦ᭄ᬕᬮᬂ᭞ᬫᬶᬦᬩ᭄ᬲᬂᬳ᭄ᬬᬂᬲᬹᬃᬬ᭄ᬬᬲᬫ᭄ᬧᬸᬦ᭄᭞ᬫᬓᬶᬦ᭄ᬓᬶᬦ᭄ᬦᬸᬗ᭄ᬕᬂᬳᬘᬮ᭟᭜᭟ᬢᬦ᭄ᬲᬸᬯᬾᬲᬫ᭄ᬧᬸᬦ᭄ᬲᬶᬦᬫᬶ᭞ᬚᬕᬢᬾᬓᬓᬸᬯᬸᬩ᭄ᬕᬮᬂ᭞ᬯᬯᬸᬳᬶᬧᬸᬦ᭄ᬲᬂᬮᬸᬩ᭄ᬤᬓ᭞ᬢᭂᬤᬸᬦ᭄ᬜᬭᭀᬤ᭄ᬲᭀ
ᬤ᭄ᬦᭂᬮᬦᬂ᭞ᬩᬗᭂᬢ᭄ᬫᬗ᭄ᬮᬯᬦᬶᬦ᭄ᬧᭂᬲᬦ᭄᭞ᬳᬦ᭄ᬢᬸᬓ᭄ᬮᭂᬫ᭄ᬧᭀᬃᬢᬦ᭄ᬧᬩᬬᬸ᭞ᬓᬸᬭᬸᬳᬯᭂᬗᬶᬫᬕᬤᬂ᭟᭜᭟ᬗ᭄ᬳᬶᬂᬳᬶᬲᭂᬂᬢᬍᬃᬫᭂᬢᬾᬓᬶᬦ᭄᭞ᬤᭀᬦ᭄ᬩᬶᬮᬦᬾᬲᬦᬾᬓᬫ᭄ᬩᬂ᭞ᬭᬶᬂᬤᬦᬸᬦᬾᬧᬕᬸᬮᬾᬫ᭄ᬩᬵᬂ᭞
ᬦᬾᬚᭂᬮᬧ᭄ᬓᭂᬧᬶᬓ᭄ᬳᭂᬦ᭄ᬢᬸᬗᬂ᭞ᬳᬓ᭄ᬯᬾᬄᬜᬦᬾᬧᬸᬦᬶᬓ᭞ᬫᬯᬶᬮᬂᬲᬢᬸᬲ᭄ᬓᬸᬢᬸᬲ᭄᭞ᬢᬦ᭄ᬚᬍᬩᬶᬄᬢᬦ᭄ᬚᬵᬓᬸᬯᬂ᭟᭜᭟ᬜᬩ᭄ᬚᬕ᭄ᬲᬂᬮᬸᬩ᭄ᬤᬓᬗᬫ᭄ᬩᬶᬮ᭄᭞ᬚᬭᬶᬂᬜᬓᬭᬶᬫᭂᬫ᭄ᬩᬢᬦ᭄᭞ᬲᬮᬸᬯᬶᬃᬩᬩᬓ᭄ᬢᬗ
ᬦ᭄ᬜ᭞ᬲᬫ᭄ᬧᬸᬦ᭄ᬫᬢᬸᬧ᭄ᬢᬸᬧ᭄ᬲᬫᬶᬬᬦ᭄᭞ᬓᬕᬾᬦ᭄ᬤᭀᬢ᭄ᬓᬩᬓ᭄ᬢᬩᬸᬤᬮ᭄᭞ᬲᭂᬩᭂᬂᬲᬂᬮᬸᬩ᭄ᬤᬓᬮᬗᬸ᭞ᬤᬾᬫ᭄ᬧᬤᬾᬫ᭄ᬧᭀᬫᬢ᭄ᬭᬶᬬᬸᬕᬦ᭄᭟᭜᭟ᬦᬾᬦ᭄ᬢᭂᬦ᭄ᬧᬶᬲᬦ᭄ᬓᬳᬸᬦᬶᬗᬶᬦ᭄᭞ᬳᭀᬮᬶᬄᬳᬶᬧᬸᬦ᭄ᬲᬂᬮᬸᬩ᭄ᬤᬓ᭞
[᭑᭔᭐ 140A]
ᬤᬸᬓ᭄ᬯᬾᬦ᭄ᬢᭂᬦ᭄ᬭᬶᬂᬧᬸᬜᬦ᭄ᬩᬶᬮ᭞ᬲᬫ᭄ᬧᬸᬦ᭄ᬧᭀᬮᬶᬄᬗ᭄ᬮᬭᬂᬩ᭄ᬭᬢ᭞ᬰᬶᬯᬭᬢ᭄ᬭᬶᬫᬳᬾᬢ᭄ᬢᬫ᭞ᬧᬹᬃᬯ᭄ᬯᬦᬶᬦ᭄ᬢᬶᬍᬫ᭄ᬓᬧᬶᬢᬸ᭞ᬲᭂᬤᭂᬓ᭄ᬧᬗ᭄ᬮᭀᬂᬧᬶᬂᬧᬢ᭄ᬩᭂᬮᬲ᭄᭟᭜᭟ᬗ᭄ᬮᬭᬂᬩ᭄ᬭᬢᬰᬶᬯᬭᬢ᭄ᬭᬶ᭞ᬳᬸᬮᬶᬂᬫᬭᬗᬯᬶᬢ᭄ᬬᬸᬕ᭞ᬧᬮᬶᬂ
ᬫᬮᬸᬲᬂᬮᬸᬩ᭄ᬤᬓᬵ᭞ᬗ᭄ᬮᬓ᭄ᬱᬡᬬᬂᬩ᭄ᬭᬢᬳᬶᬓᬵ᭞ᬲᬦᬾᬢᬦ᭄ᬲᬗ᭄ᬓᬦᬶᬂᬜᭂᬮᬧ᭄᭞ᬫᬩ᭄ᬭᬢᬳᬸᬮᬶᬳᬦ᭄ᬢᬓᬸᬢ᭄᭞ᬗᬸᬦ᭄ᬤᬧ᭄ᬳᬸᬮᬸᬂᬧᬘᬂᬩᬬ᭟᭜᭟ᬦᬾᬗᬯᬦᬂᬩᬸᬓᬵᬤᬶᬗᬶ᭞ᬢᭀᬂᬫᬗ᭄ᬕᬶᬦ᭄ᬗᬩᬸᬭᬸᬯᬦ᭄᭞
ᬯᬦ᭄ᬢᬄᬲᬓᬶᬂᬍᬯᬶᬳᬦ᭄᭞ᬧᬺᬪᬯᬦ᭄ᬩ᭄ᬭᬢᬧᬸᬦᬶᬓᬵ᭞ᬲᬶᬤ᭄ᬥᬗ᭄ᬮᭂᬩᬸᬃᬓᬫᭀᬫᭀᬳᬦ᭄᭞ᬳᬶᬧᬸᬦᬾᬫᬢᬸᬫ᭄ᬧᬸᬓ᭄ᬢᬸᬫ᭄ᬧᬸᬓ᭄᭞ᬍᬩᬃᬧᭂᬢᭂᬗᬾᬤᬶᬲᬜ᭄ᬚ᭟᭜᭟ᬲᬸᬓ᭄ᬱ᭄ᬫᬦ᭄ᬗ᭄ᬭᬢᬰᬶᬯᬭᬵᬢ᭄ᬭᬶ᭞ᬓᬮᬄᬨᬮᬦ᭄
ᬲᬂᬫᬬᬚ᭄ᬜᬫᬢᬧᬫᬤᬦᬧᬸᬡ᭄ᬬ᭞ᬫᬸᬯᬄᬫᬢᬶᬃᬣᬕᬫᬦ᭞ᬭᬶᬂᬨᬮᬦᬾᬗ᭄ᬮᬓ᭄ᬱᬡᬬᬂ᭞ᬩ᭄ᬭᬢᬰᬶᬯᬭᬵᬢ᭄ᬭᬶᬳᬶᬓᬸ᭞ᬗ᭄ᬮᭂᬩᬸᬃᬦ᭄ᬭᬓᬲᬶᬬᬸᬬᬸᬢ᭟᭜᭟ᬢᬦ᭄ᬘᬭᬶᬢᬬᬂᬭᬶᬂᬫᬃᬕ᭄ᬕᬶ᭞ᬲᬫ᭄ᬧᬸᬦ᭄ᬦᬧᬓ᭄ᬭᬶᬂᬳᬸᬫᬄ [ 142 ][᭑᭔᭐ 140B]
᭑᭔᭑
ᬜ᭞ᬲᭀᬫᬄᬜᬕᬶᬧᬶᬄᬜᬧ᭞ᬧᭂᬲᬸᬫᬸᬜᬶᬦ᭄ᬜᬦᬾᬩᬦ᭄ᬩᬦ᭄᭞ᬳᬸᬤᬸᬄᬩᭂᬮᬶᬲᬂᬮᬸᬩ᭄ᬤᬓ᭞ᬤᬤᭀᬲ᭄ᬯᬯᬸᬩᭂᬮᬶᬭᬯᬸᬄ᭞ᬭᬶᬂᬤᬶᬚᬗᬶᬦᭂᬧ᭄ᬤᬶᬲᬜ᭄ᬚ᭟᭜᭟ᬭᬯᬸᬄᬤᬶᬚᬮᬸᬗ᭄ᬳᬦ᭄ᬩᭂᬮᬶ᭞ᬢᭂᬫ᭄ᬩᬾᬚᬦ᭄ᬢᬾᬲ᭄ᬫᬳᬶᬦᭂ
ᬧᬦ᭄᭞ᬳᬶᬩᬸᬓ᭄ᬫᬦᬄᬢᬶᬢ᭄ᬬᬂᬚᬸᬫᬄ᭞ᬗᭂᬦᭂᬳᬂᬩᭂᬮᬶᬭᬶᬂᬳᬮᬲ᭄᭞ᬧᬫᬃᬡ᭄ᬦᬦᬾᬢᬯᬄᬢᬯᬄ᭞ᬳᭀᬲᬄᬢᬦ᭄ᬚᭂᬦᭂᬓ᭄ᬫᬮᬸᬗ᭄ᬕᬸᬄ᭞ᬜᬧ᭄ᬜᬧ᭄ᬩᬶᬗᬸᬂᬓᭂᬦᭂᬄᬢᬶᬢ᭄ᬬᬂ᭟᭜᭟ᬭᬲᬫᬮᬶᬄᬚᬳᬦ᭄ᬩᭂᬮᬶ᭞ᬭᬯᬸᬄᬫᬓ᭄ᬢᬵ
ᬩᬩᬸᬭᬸᬯᬦ᭄᭞ᬲᬦᬾᬤᬶᬩᬶᬲᬫ᭄ᬧᬸᬦ᭄ᬲᬜ᭄ᬚ᭞ᬳᬸᬕᬶᬤᬸᬭᬸᬂᬩᭂᬮᬂᬧ᭄ᬭᬧ᭄ᬢ᭞ᬭᬯᬸᬄᬧᭂᬢᭂᬂᬫᬮᬶᬄᬍᬫᬄ᭞ᬢᬍᬃᬤᬸᬭᬸᬂᬩᭂᬮᬶᬭᬯᬸᬄ᭞ᬤᬸᬄᬫᬗ᭄ᬓᬶᬦ᭄ᬯᬯᬸᬧ᭄ᬭᬧ᭄ᬢ᭟᭜᭟ᬦ᭄ᬢᭀᬤᬤᭀᬲ᭄ᬫᬢᬮᬂᬩᭂᬮᬶ᭞ᬩᬩᬸᬭᬸ
ᬯᬦᬾᬭᬂᬤᬶᬚ᭞ᬦᬧᬶᬓᬾᬓᬤᭀᬮ᭄ᬭᬶᬂᬚᬮᬦ᭄᭞ᬲᭂᬤᭂᬕ᭄ᬳᬶᬮᬸᬩ᭄ᬤᬓᬦᬶᬫ᭄ᬩᬮ᭄᭞ᬕᭂᬍᬲ᭄ᬧᬲᬯᬸᬭᬾᬧ᭄ᬮᬧᬦ᭄᭞ᬯᬮᬸᬬᬕᭂᬋᬄᬓᭂᬘᬢᬸᬃ᭞ᬫᬾᬢᬾᬮ᭄ᬜᭂᬮᬸᬄᬧᬧᬸᬲᬸᬯᬦ᭄᭟᭜᭟ᬳᬫ᭄ᬧᬸᬭᬩᭂᬮᬶ
[᭑᭔᭑ 141A]
ᬜᬯᬸᬭᬶᬦ᭄᭞ᬳᬸᬥᬸᬄᬫᬾᬦ᭄ᬮᬸᬩ᭄ᬤᬓᬲᬬᬂ᭞ᬢᬸᬂᬢᬸᬗᬶᬂᬚ᭄ᬜᬦᬦ᭄ᬓᬓ᭞ᬲᬂᬫᭀᬮᬶᬳᬶᬦ᭄ᬧᬢᬶᬩ᭄ᬭᬢ᭞ᬢᬸᬳᬸᬲᬸᬰ᭄ᬭᬸᬱᬲᬢᬢ᭞ᬧᬕᭂᬄᬗᬫᭀᬂᬲᬢ᭄ᬬᬓᬓᬸᬂ᭞ᬲᬧᬓᬹᬦ᭄ᬢᭀᬂᬢᬳᬾᬦ᭄ᬢᬸᬮᬓ᭄᭟᭜᭟ᬫᬗ᭄ᬤᬬᬤᬶᬢ
ᬢᬲ᭄ᬳᬸᬦᬶᬂ᭞ᬭᬶᬂᬳᬶᬦ᭄ᬤᬶᬓ᭄ᬩᭂᬮᬶᬦᬾᬮᬸᬯᬲ᭄᭞ᬫᬩᭀᬭᭀᬲ᭄ᬭᬶᬂᬢᭂᬗᬄᬳᬮᬲ᭄᭞ᬫᬗᬸᬢᬶᬩᬩᬸᬭᬸᬯᬦ᭄᭞ᬢᬦ᭄ᬓᬶᬫᬸᬤ᭄ᬩᭂᬮᬶᬦᬸᬢᬸᬭᬂ᭞ᬳᬶᬦ᭄ᬤᬶᬓ᭄ᬧᬚᬮᬦᬾᬮᬘᬸᬃ᭞ᬗᬸᬤ᭄ᬬᬂᬦᬾᬓᬾᬢᭀᬳᭂᬗ᭄ᬓᭂᬩᬂ᭟᭜᭟
ᬳᬩᭂᬲᬶᬓ᭄ᬢᭀᬂᬳᬤᬍᬧᬶᬢ᭄᭞ᬳᬶᬦ᭄ᬤᬶᬓ᭄ᬳᬶᬧᬸᬦᬾᬭᬶᬂᬳᬮᬲ᭄᭞ᬓᬢᬸᬢᬸᬭᬂᬭᬶᬂᬲᭀᬫᬄᬜ᭞ᬓᬢᭀᬦ᭄ᬲᭀᬫᬄᬲᬂᬮᬸᬩ᭄ᬤᬓ᭞ᬩᭂᬗᭀᬂᬗᬸᬦ᭄ᬢᬸᬮ᭄ᬫᬤᬶᬗᭂᬳᬂ᭞ᬲᬫ᭄ᬩᬶᬮ᭄ᬜᬗ᭄ᬓᭀᬮ᭄ᬧ᭄ᬬᬦᬓ᭄ᬧᬸᬲᬸᬄ᭞ᬗᭂᬦᭂᬳᬂᬳᬶᬦ᭄ᬤᬶ
ᬓ᭄ᬲᭀᬫᬄᬜ᭟᭜᭟ᬩᬗᬸᬦ᭄ᬚᭂᬭᬶᬂᬫᬓᬲᬫᬶ᭞ᬩᬸᬮᬸᬦ᭄ᬳᬯᬓ᭄ᬳᬶᬧᬸᬦ᭄ᬲᬸᬗ᭄ᬓᬩ᭄᭞ᬗᭂᬋᬲ᭄ᬕᬶᬤᬶᬄᬫᬤᬶᬗᭂᬳᬂ᭞ᬳᬶᬦ᭄ᬤᬶᬓ᭄ᬤᬳᬢ᭄ᬓᬤᬸᬃᬕ᭄ᬕᬫ᭞ᬯᬶᬢ᭄ᬢᬺᬱ᭄ᬡᬳᬶᬧᬸᬦ᭄ᬫᬲᭀᬫᬄ᭞ᬗᬯᬶᬦᬂᬩᭂᬮ᭄ᬩᭂᬮᬦ᭄ᬓᬬᬸᬦ᭄᭞ᬗᭂᬜ᭄ᬘᬄᬫ [ 143 ][᭑᭔᭑ 141B]
᭑᭔᭒
ᬮᬶᬬᬄᬓᬫᬢ᭟᭜᭟ᬦᬾᬧᬮᬶᬂᬗᭂᬜ᭄ᬘᬄᬓᬩᬶᬩᬶᬄ᭞ᬤᬤᬶᬮᬶᬂᬫᬩ᭄ᬬᬬᬸᬳᬦ᭄᭞ᬬᬦ᭄ᬮᬶᬗᬾᬧᬓ᭄ᬱᬕᭂᬍᬓᬂ᭞ᬳᬗ᭄ᬓ᭄ᬬᬦᬾᬫᬫᭂᬕᬢ᭄ᬫᭂᬕᬢ᭄᭞ᬮᬸᬢ᭄ᬲᬶᬕ᭄ᬲᬶᬕᬦ᭄ᬲᭂᬗᬮ᭄ᬲᭂᬗᬮ᭄᭞ᬳᭂᬫ᭄ᬧᬄᬩᬦ᭄ᬲᭂᬤᬶᬳᬾᬤᬶᬢᬸ᭞᭠
ᬫᬢᬦᬾᬩᭂᬗᬸᬮ᭄ᬫᬶᬦᭂᬧᬦ᭄᭟᭜᭟ᬢᬦ᭄ᬳᬸᬘᬧᬂᬳᬶᬦ᭄ᬤᬶᬓ᭄ᬲᭂᬤᬶᬄ᭞ᬓᬧᬶᬯ᭄ᬮᬲᬦ᭄ᬫᬾᬦ᭄ᬮᬸᬩ᭄ᬤᬓᬵ᭞ᬮᬦ᭄ᬢᬸ᭠ᬭᬂᬚᬦᬶᬦᬸᬢᬸᬭᬂ᭞ᬲᬢ᭄ᬯᬦᬾᬧᬂᬳᬾᬗ᭄ᬕᬮ᭄ᬧ᭄ᬭᬕᬢ᭄᭞ᬓᬘ᭄ᬭᬶᬢᬤᬸᬓ᭄ᬲᬂᬮᬸᬩ᭄ᬤᬓ᭞ᬓᬢᬶᬩᬾᬦᬦ᭄ᬕᭂᬭᬶᬂᬓᭂᬩᬸ
ᬲ᭄᭞ᬳᭂᬗ᭄ᬓᬓᭂᬗ᭄ᬓᬓ᭄ᬧᭂᬢᭂᬂᬍᬫᬄ᭟᭜᭟ᬬᬦ᭄ᬳᬓᬸᬤᬂᬩᬮ᭄ᬬᬦ᭄ᬰᬓ᭄ᬢᬶ᭞ᬭᬯᬸᬄᬦᬶᬯᬓᬂᬧᬦᬯᬃ᭞ᬦᭂᬫ᭄ᬧᬸᬃᬕᭂᬭᬶᬂᬲᬂᬮᬸᬩ᭄ᬤᬓᬵ᭞ᬢᭀᬂᬳᬤᬫᬫ᭄ᬧᬸᬄᬗᬶᬘᬮᬂ᭞ᬳᬗᭂᬢᬗᭂᬢᬾᬫᬾᬦ᭄ᬤᬳᬦ᭄᭞ᬓᬗ᭄ᬕᬾᬦ᭄ᬫᭀ
ᬮ᭄ᬧᭀᬮ᭄ᬳᬯᬓ᭄ᬳᬶᬧᬸᬦ᭄᭞ᬳᬶᬓᬸᬢᬍᬃᬢᭀᬂᬜᭂᬕᭂᬭᬂ᭟᭜᭟ᬲᬬᬦ᭄ᬮᬫᬶᬲᬬᬦ᭄ᬓᬾᬭᬶᬲ᭄᭞ᬕᭂᬍᬫ᭄ᬜᬫᬸᬯᬸᬄᬫᬗᭂᬢᬂ᭞ᬚᬦ᭄ᬢᭀᬲ᭄ᬳᬯᬓ᭄ᬲᬂᬮᬸᬩ᭄ᬤᬓᬵ᭞ᬫᬫᬸᬓᬸᬦ᭄ᬓᬮᭀᬢ᭄ᬩᬦ᭄ᬩᭂᬭᬕ᭄᭞ᬬᬦ᭄ᬢᬦ᭄ᬳᬶᬓᬸᬮᬶ
[᭑᭔᭒ 142A]
ᬢ᭄ᬦᬾᬯᭂᬮᬲ᭄᭞ᬗᬧᬸᬢ᭄ᬳᬶᬢᬸᬮᬂᬫᬾᬄᬲᬫ᭄ᬧᬸᬦ᭄᭞ᬳᬳᬲ᭄ᬓᭂᬮᬾᬲ᭄ᬫᬩ᭄ᬭᬭᬓᬦ᭄᭟᭜᭟ᬯᬦ᭄ᬢᬄᬳᬫ᭄᭠ᬦᬶᬓᬵᬫ᭄ᬦᬯᬶ᭞ᬢᬸᬯᬸᬄᬳᬶᬧᬸᬦ᭄ᬲᬂᬮᬸᬩ᭄ᬤᬓᬵ᭞ᬓᬢᭀᬦ᭄ᬬᬦ᭄ᬲᬫ᭄ᬧᬸᬦ᭄ᬭᬶᬂᬦᬢᬃ᭞ᬓᬲᬸᬦ᭄ᬤᬂᬳᭀᬮᬶᬄᬲᭀᬫᬄᬜ
᭞ᬳᬗ᭄ᬓᬶᬳᬦ᭄ᬜᬮᬗᬄᬮᬗᬄ᭞ᬧᬮ᭄ᬬᬢ᭄ᬳᬶᬧᬸᬦ᭄ᬲᬫ᭄ᬧᬸᬦ᭄ᬓᬮᬸ᭞ᬢᬦ᭄ᬲᬸᬯᬾᬧᬫᬸᬧᬸᬢ᭄ᬧᭂᬚᬄ᭟᭜᭟ᬓᬾᬢᭀᬬᬦ᭄ᬲᬫᬬᬫᬢᬶ᭞ᬢ᭄ᬯᬭᬳᬤᬩᬦᬶᬫᬧᬲ᭄᭞ᬚᬯᬢ᭄ᬫᬓᬦ᭄ᬢᬶᬩᬦ᭄ᬤᬾᬯ᭞ᬳᬸᬕᬶᬢᬦ᭄ᬫᬋᬦ᭄ᬓᬸᬘᬶ
ᬢᬵ᭞ᬓᬮᬶᬗ᭄ᬓᬾᬫᬭᬸᬧᬚᬤ᭄ᬫ᭞ᬦ᭄ᬤᬾᬦ᭄ᬫᬮᬸᬗᬦ᭄ᬤᭂᬮ᭄ᬧᬫᬸᬧᬸ᭞ᬯᬶᬭᬸᬄᬓᬾᬜᬫ᭄ᬩᬸᬂᬳᬗ᭄ᬓᬶᬳᬦ᭄᭠᭟᭜᭟ᬘᬸᬢᭂᬢ᭄ᬭᬯᭀᬲᬂᬦᬾᬚᬦᬶ᭞ᬳᬢ᭄ᬫᬦ᭄ᬳᬶᬧᬸᬦ᭄ᬲᬂᬮᬸᬩ᭄ᬤᬓ᭞ᬫᬕᭂᬦᬄᬭᬶᬂᬰᬶᬯᬮᭀᬓ᭞ᬓᬳᬾᬫᬦ᭄ᬳ
ᬦ᭄ᬢᬸᬓ᭄ᬳ᭄ᬬᬂᬰᬶᬯ᭞ᬯᬶᬢ᭄ᬧᬵᬮᬶᬄᬫᬸᬮᬢ᭄ᬰᬭᬶᬭ᭞ᬫᬯᬲ᭄ᬤᬶᬭᬶᬳᬃᬣᭀᬲ᭄ᬳᬶᬧᬸᬦ᭄᭞ᬤᬯᭂᬕᬾᬭᬶᬂᬧᬸᬜᬦ᭄ᬩᬶᬮ᭟᭜᭟ᬲᭀᬓ᭄ᬳᬫᭀᬦ᭄ᬢᭀᬧ᭄ᬭᬕᬢ᭄ᬓᬓᬶ᭞ᬢᬢ᭄ᬯᬰᬶᬯᬭᬵᬢ᭄ᬭᬶᬓᬮ᭄ᬧ᭞ᬫᭂᬮᬄᬜᬚᬦᬶᬳᬾᬗ᭄ᬕᬮᬂ᭞ [ 144 ][᭑᭔᭒ 142B]
᭑᭔᭓
ᬫᬚᬮᬦ᭄ᬭᬄᬲᬸᬩᬲᬜ᭄ᬚ᭞ᬳᬧᬂᬫᬳᬦ᭄ᬢᬗ᭄ᬓᬶᬮ᭄ᬲᬶᬫ᭄ᬧᬂ᭞ᬓᬧᭀᬦ᭄ᬤᭀᬓ᭄ᬜᬦᬾᬚ᭄ᬭᭀᬤᬸᬓᬸᬄ᭞ᬚᬶᬦ᭄ᬦᬶᬤ᭄ᬬᬄᬫᬾᬢ᭄ᬭᬶᬬ᭟᭜᭟ᬳᬶᬭᬵᬓ᭄ᬱᬲᬩᭂᬗᭀᬂᬓᬭᬶ᭞ᬳᭂᬗ᭄ᬕᬂᬩᬸᬗᬸᬢ᭄ᬜᬦᬾᬮᬶᬗ᭄ᬕᬄ᭞ᬲᭀᬓ᭄ᬗᭂᬦᭂᬳᬂ
ᬲᬢ᭄ᬯᬦ᭄ᬳᬶᬤ᭞ᬲᬶᬂᬓ᭄ᬭᬯᭀᬲᬂᬫᬶᬭᬶᬩ᭄ᬲᬚ᭞ᬓᬕᬾᬢ᭄ᬢᬗ᭄ᬓᭂᬚᬸᬢ᭄ᬬᬕᬕᬂ᭞ᬢᭂᬧᬾᬦ᭄ᬘᬭᬂᬓᬬᬸᬦᬾᬢᬸᬄ᭞ᬩᬋᬢ᭄ᬳᬗᬶᬦᬾᬗᭂᬫ᭄ᬧᬓᬂ᭟᭜᭟ᬲᬂᬩᬕᬸᬲ᭄ᬕᬲᬾᬓ᭄ᬦᬫ᭄ᬧᭂᬓᬶᬦ᭄᭞ᬳᬶᬭᬵᬓ᭄ᬱᬲᬢᭂᬧᬾᬦ᭄ᬲᬬᬂ᭞ᬓᭂ
ᬤᬾᬓ᭄ᬜᬭᬸᬯᬂᬲᬓᬶᬢ᭄ᬜ᭞ᬓᬩᬶᬮ᭄ᬩᬶᬮ᭄ᬭᬶᬂᬲᬂᬅᬃᬚ᭄ᬚᬯ᭞ᬲᬂᬅᬃᬚ᭄ᬚᬯᬫᬘᭂᬗᭂᬳᬂ᭞ᬲᬫ᭄ᬩᬶᬮ᭄ᬕᬶᬧᬶᬄᬳᬶᬤᬗᬸᬲᬸᬤ᭄᭞ᬢᬦ᭄ᬤᬸᬦ᭄ᬳᬶᬭᬵᬓ᭄ᬱᬲᬮᬸᬫ᭄ᬩᬂ᭟᭜᭟ᬇᬓᬶᬕᬕᬸᬭᬶᬢᬦ᭄ᬕᬶᬭᬶᬧᬸᬢ᭄ᬭᬶ᭟᭜᭟ᬳᭀᬮᬾᬄᬳᬶᬓ᭄ᬢᬸᬢ᭄ᬲᬫ᭄ᬩᬵ᭞
ᬤᬾᬰᬲᬯᬦ᭄᭞ᬩᬜ᭄ᬚᬃᬧᬡ᭄ᬤᬾ᭟᭜᭟ᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬤᬶᬦ᭞ᬰᬸ᭞ᬯ᭞ᬯᬭᬓ᭄ᬭᬸᬮᬸᬢ᭄᭞ᬢᬶᬢᬶ᭞ᬢᬂ᭞ᬧᬶᬂ᭞᭑᭐᭞ᬰᬰᬶᬄᬓᬲ᭞ᬭᬄ᭑᭞ᬢᭂᬂ᭞᭒᭞ᬇᬰᬓᬵ᭞᭑᭙᭒᭑᭟ᬢᬗ᭄ᬕᬮ᭄ᬫᬰᬾᬳᬶ᭞
[᭑᭔᭓ 143A]
᭒᭓᭞ᬚᬸᬮᬶ᭞᭑᭙᭙᭙᭟᭜᭟ᬲᬶᬦᬸᬭᬢ᭄ᬤᬾᬲᬗᬧᬦ᭄ᬮᬄ᭞ᬳᬶᬓ᭄ᬢᬸᬢ᭄ᬲᭂᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕ᭞ᬓᬘᬫᬢᬦ᭄ᬳᬩᬂ᭞ᬓᬭᬗ᭄ᬳᬲᭂᬫ᭄᭚᭜᭚ [ 145 ]Page:Bali-lontar-gaguritan-giriputri-250ppi.pdf/145