Ban/Gaguritan I Ktut Bagus

Deskripsi

Naskah

[ 1 ][PERPUSTAKAAN
KTR. DOKBUD BALI
PROP. BALI
G/VIII/
Judul : GAGURITAN I KTUT BAGUS
Panj. 30 cm. Lb. 3,5 cm. Jml. 47/48 lb.

      : Petak, Gianyar]

[᭑ 1A]
[G/VIII/3
Judul : GAGURITAN I KTUT BAGUS.
Pnj. 30 cm. Lb 3,5 cm. Jml. 47/48 lb.
Asal : Petak, Gianyar] [ 2 ][᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬕᬕᬸᬭᬶᬢᬦ᭄ᬳᬶᬓᭂᬢᬸᬢ᭄ᬩᬕᬸᬲ᭄᭚᭜᭚ᬧᬸᬧᬸᬄᬲᬶᬦᭀᬫ᭄᭚ᬥᬸᬄᬳᬫ᭄ᬧᬸᬭᬳᬸᬕᬶᬢᬶᬢ᭄ᬬᬂ᭞ᬲᬶᬭ᭠ᬲᬂᬲᬸᬥᬶ᭠ᬫᬶ
ᬭᬕᬶ᭞ᬓᬶᬤᬸᬂᬧᬦᬸᬗ᭄ᬓᬸᬮ᭄ᬯᬶᬭᬂ᭞ᬢᭂᬫ᭄ᬩᬂᬲᬶᬦᭀᬫ᭄ᬫᬸᬜᬶᬩᬮᬶ᭞ᬳ᭄ᬦᬸᬲᬢᬶᬗ᭄ᬓᬳᬶᬂᬩᬮᬶ᭞ᬩᬶᬮᬶᬄᬩᬶᬮᬶᬄᬭ᭄ᬯᬢᬶᬂᬳᬬᬸᬂ᭞ᬢᭂᬕᬭᬂᬫᬗ᭄ᬓᬶᬦ᭄ᬢᬸᬧ᭄ᬢᬸᬧᬂ᭞ᬳᬗ᭄ᬳᬶᬂᬫᬸᬮᬯᬾᬦ᭄ᬢᭂ
ᬦ᭄ᬲᬫᬶ᭞ᬲᬵᬫ᭄ᬧᬸᬦ᭄ᬩᭂᬦ᭄ᬥᬸ᭞ᬮ᭄ᬯᬶᬄᬗᭂᬜ᭄ᬚᭂᬓᬶᬦ᭄ᬳᬳᬶᬦ᭄ᬳᬦᬓ᭄᭚ᬧᬸᬃᬯ᭄ᬯᬦᬶᬂᬫ᭠ᬗ᭄ᬓᬷᬦ᭄ᬘᬭᬶᬢ᭞ᬫᬭᬶᬂᬕ᭄ᬭᬶᬬᬓᬮᬾᬃᬓᬗᬶᬦ᭄᭞ᬳᬦᬩ᭄ᬭᬵᬳ᭄ᬫᬡᬓᬸᬮᬋᬓᭀ᭞ᬳ᭠
ᬲᬸᬢᬮᬓᬶᬲᬯᬶᬚᬶ᭞ᬧᬗᬤᬓ᭄ᬳ᭄ᬬᬂᬓᬵᬮᬓᬵᬮᬶ᭞ᬭᬫᬭᬾᬡᬗᬮᬳᬶᬦ᭄ᬮᬫ᭄ᬧᬸᬲ᭄‌ᬮᬭᬵᬦᬗᬶᬲ᭄ᬓᬮᬭᭀᬦ᭄᭞ᬳᬶᬤᬸᬓᬸᬄᬲᬸᬮᬤ᭄ᬭᬶᬫᬗ᭄ᬕᬶᬄ᭞ᬓᬯᭂ
[᭒ 2A]
ᬮᬲ᭄ᬳ᭄ᬬᬸᬦ᭄᭞ᬫᬦᬸᬤᬸᬓ᭄ᬓᬳᬗ᭄ᬕᭀᬦ᭄ᬧ᭄ᬬᬦᬓ᭄᭚ᬯᭂᬓᬲᬦ᭄ᬲᬵᬫ᭄ᬧᬸᬦ᭄ᬢᬭᬸᬡ᭞ᬳᬶᬓᭂᬢᬸᬢ᭄ᬩᬕᬸᬲ᭄ᬓᬵᬤᬦᬶᬦ᭄᭞ᬲᬤᬷᬦᬗᬗ᭄ᬕᬸᬃᬫᬗᭀᬃᬢ᭞ᬓᭀᬘᬧ᭄ᬯᬾᬦ᭄ᬢᭂ
ᬦ᭄ᬩᬮ᭄ᬬᬦ᭄ᬭᬶᬭᬶᬄ᭞ᬫᬳᬸᬫᬄᬭᬶᬂᬩᬜ᭄ᬚᬃᬓᬗᬶᬦ᭄᭞ᬫᬯᬲ᭄ᬢᬳᬶᬕᭂᬥᬾᬢᬸᬕᬸ᭞ᬓᬲᬸᬩ᭄ᬳᬲ᭄ᬢᬓᭀᬰᬮ᭞ᬲᬮ᭄ᬯᬶᬭᬶᬂᬲᬰ᭄ᬢ᭄ᬭᬦᬾᬧᬶᬗᬶᬢ᭄᭞ᬫᬶᬯᬄᬢᭂᬦᬸᬂ᭞ᬫ
ᬗᬦ᭄ᬢᬶᬢᭂᬓᬾᬂᬉᬱᬥ᭚ᬢᭂᬮᬲ᭄ᬲᬵᬫ᭄ᬧᬸᬦ᭄ᬓᬭᬗ᭄ᬲᬸᬓᬂ᭞ᬧᬸᬦᬧᬶᬓᬶᬤᬸᬂᬓᬓᬯᬶᬦ᭄᭞ᬯᬭᬶᬕᬢᭂᬮᬲ᭄ᬓᬭᬫ᭄ᬩᬂ᭞ᬧᬗᬶᬯᬧᬦᭂᬗᭂᬦ᭄ᬲᬫᬶ᭞ᬲᬢᬸᬃᬢᬸᬃᬲ
ᬰ᭄ᬢ᭄ᬭᬦᬾᬮ᭄ᬯᬶᬄ᭞ᬯᬸᬲ᭄ᬧᬥᬫᬸᬗ᭄ᬕᬸᬳᬶᬂᬢᬦᬸ᭞ᬓᬭᬡᬓᬚᬦᬧ᭄ᬭᬶᬬ᭞ᬗ᭄ᬳᬶᬂᬲᬲᬵᬦ᭄ᬢᬸᬦ᭄ᬦᭀᬭᬓᭂᬚᬶᬮ᭄᭞ᬲᬳᬶᬲᬳᬶ᭞ᬳᬦᬓᬾᬢᭂᬓᬓᬫᬦᭂᬫ᭄ᬩᬄ᭚ [ 3 ][᭒ 2B]
᭒
ᬜᬥ᭄ᬬᬫᬦᬸᬦᬲ᭄ᬲᬶᬓᭂᬧᬦ᭄᭞ᬦᭂᬦᬸᬗᬂᬓᬾᬮᬗᬦ᭄ᬫᬮᬶᬄ᭞ᬯᬾᬦ᭄ᬢᭂᬦ᭄ᬮᬾᬦ᭄ᬦᬸᬦᬲ᭄ᬢᬸᬮᬸᬗᬦ᭄᭞ᬫᬭᬸᬬ᭄ᬯᬦ᭄ᬗᬶᬲᬶᬤᬂᬲᬓᬶᬢ᭄᭞ᬳᬶᬕᭂᬥᬾᬩᬮ᭄ᬬᬦ᭄ᬓᭂᬜᬶᬂ᭞ᬦᬄᬕᬕ
ᬳᬂᬫᬮᬸᬢᭂᬦᬸᬂ᭞ᬲᬲᬵᬦ᭄ᬢᬸᬦᬾᬚ᭄ᬯᬲᬺᬕᭂᬧᬂ᭞ᬓᬶᬦᬶᬧᬂᬧᭂᬚᬗᬶᬦ᭄ᬧᬶᬧᬶᬲ᭄‌ᬲᬢᬓ᭄ᬲᬲᬸᬃ᭞ᬢ᭄ᬯᬭᬚᬤᬤᬶᬓᬸᬯᬗᬦ᭄᭚ᬤᬾᬩᬮ᭄ᬬᬦ᭄ᬮᬸᬄᬜᭂᬫᬓ᭄ᬧᬩ᭄ᬯᬵᬦ᭄
ᬗᭀᬢᬾᬲ᭄ᬢᬬᬸᬗᬦᬾᬓᭂᬜᬶᬂ᭞ᬭᬭᬶᬲᬂᬧᬥᬫᬮᬶᬗ᭄ᬕᬶᬄ᭞ᬮᬾᬤᬗᬂᬫᬜᭂᬤᬄᬤᬸᬫᬸᬦ᭄᭞ᬳᬗ᭄ᬳᬶᬂᬳᬫ᭄ᬧᬸᬭᬧᬶᬲᬦ᭄᭞ᬢᬫ᭄ᬬᬸᬦᬾᬳᬓᬾᬄᬜᬳᬸ
ᬭᬶᬦ᭄᭞ᬳᬶᬗ᭄ᬕᬶᬄᬲᬵᬫ᭄ᬧᬸᬦ᭄᭞ᬫᬳᬶᬗ᭄ᬕᬶᬄᬫᬲᬤᬯᭂᬕ᭄ᬢᬶᬢ᭄ᬬᬂ᭚ᬳᬶᬓᬶ᭠ᬢᬸᬢ᭄ᬩᬕᬸᬲ᭄ᬬᬢᭂᬓ᭞ᬲ᭄ᬭᬬᬂᬲ᭄ᬭᬸᬬᬸᬂᬗᬓᬸᬲᬓᬶᬢ᭄᭞ᬳᬶᬕᭂᬥᬾᬩᬮ᭄ᬬᬦ᭄ᬬ
[᭓ 3A]
ᬕᭂᬕᭂᬳᬦ᭄᭞ᬚᬮ᭄ᬫᬓᬾᬦ᭄ᬓᬾᬦ᭄ᬢᭂᬓᬫᬳᬶ᭞ᬓᬶᬮᬸᬲᬾᬫᬓᬶᬭᬾᬫᬵᬢᬶ᭞ᬗᬋᬋᬱᬲ᭄ᬳᬶᬓᭂᬢᬸᬢ᭄ᬫᬲᬳᬸᬃ᭞ᬳᬤᬸᬄᬲᬓᬶᬢ᭄ᬭᬳᬢ᭄ᬧᬶᬲᬦ᭄᭞ᬫᬗ᭄ᬮᬶᬦ᭄ᬢᬸᬓ᭄ᬤᬶ
ᬳᬸᬮᬸᬦᬢᬶ᭞ᬗ᭄ᬕᬶᬄᬚ᭄ᬭᭀᬩᬮ᭄ᬬᬦ᭄᭞ᬢᬸᬮᬸᬂᬢᬶᬢ᭄ᬬᬂᬦᬸᬦᬲ᭄ᬳᬶᬘ᭚᭠ᬫᬳᬸᬃᬤᬾᬩᬮ᭄ᬬᬦ᭄ᬩᬗ᭄ᬭᬲ᭄᭞ᬩᬸᬩᬸᬢ᭄ᬢᬸᬮᬾᬦ᭄ᬳᬩᬫᬳᬶ᭞ᬳᬸᬩᬤᬾᬢ᭄ᬯᬭᬚ
ᬫᬸᬤᬄ᭞ᬩᬧᬫᬗᭀᬭᬳᬶᬦ᭄ᬘᬳᬶ᭞ᬬᬦ᭄ᬤᬶᬦᬶᬲ᭄ᬢᬚᭂᬫᬓ᭄ᬘᬳᬶ᭞ᬩᬦ᭄ᬢᬲ᭄ᬘᬦᬂᬫᬲᬶᬓᬵᬢᬸᬃ᭞ᬫᬧᬶᬧᬶᬲ᭄ᬧᬢᬓ᭄ᬧᬢ᭄ᬧᬢ᭄᭞ᬓᬾᬢᬾᬂᬢᭀᬂ
ᬤᬤᬶᬢᬸᬦᬳᬶᬦ᭄᭞ᬓᬾᬢᭀᬧᬵᬢᬸᬢ᭄᭞ᬧᬫᬦ᭄ᬥᬶᬦ᭄ᬳᬸᬩᬤ᭄ᬳᬤᬦ᭄ᬜ᭚ᬲᬳᬸᬃᬳᬶᬓᭂᬢᬸᬢ᭄ᬫᬗᬲᬩ᭄᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬵᬢᬸᬃᬲᬶᬲᬶ [ 4 ][᭓ 3B]
᭓
ᬧ᭄᭞ᬤᬾᬦᬶᬢᬶᬢ᭄ᬬᬂᬓᬲᬗ᭄ᬓᬮᬦ᭄᭞ᬭᬶᬂᬫᬃᬕ᭄ᬕᬶᬓᬭᬳᬸᬳᬦ᭄ᬲᬓᬶᬢ᭄᭞ᬢᬶᬢ᭄ᬬᬂᬧ᭄ᬭᬬᬮᬸᬯᬲ᭄ᬦᬕᬶᬄ᭞ᬭᬶᬂᬳᬶᬲᬸᬤᬕᬃᬭᬶᬂᬢᬜ᭄ᬚᬸᬂ᭞ᬳᬶᬧᬸᬦ᭄ᬫᬸᬢᬂᬲᬢᬓ᭄ᬭᬸᬧ᭄ᬬᬄ᭞
ᬢᬶᬢ᭄ᬬᬂᬢᬍᬃᬜᬸᬤᬕᬭᬶᬦ᭄᭞ᬧᬸᬗ᭄ᬓᬸᬃᬳᬶᬧᬸᬦ᭄᭞ᬲᬮᬾᬤᬂᬯᬾᬦ᭄ᬢᭂᬦ᭄ᬳᬃᬱᬬᬂ᭚ᬚᬸᬫᬄᬯᬾᬦ᭄ᬢᭂᬦ᭄ᬳᬓᬾᬄᬧᬶᬲᬦ᭄᭞ᬲᬯᬶᬚᬶᬮ᭄ᬚᬫᬦᬾᬍᬯᬶᬄ᭞ᬳ
ᬓᬾᬄᬚᬸᬫᬄᬫᬩ᭄ᬬᬬᬕᬦ᭄᭞ᬲᬓᬋᬧ᭄ᬳᬦᬓᬾᬗᬶᬤᬶᬄ᭞ᬢᬶᬢ᭄ᬬᬂᬩ᭄ᬬᬦᬗᬶᬢᬸᬂᬳᬚᬶ᭞ᬫᭂᬦ᭄ᬤᭂᬧ᭄ᬳᬶᬩᬮ᭄ᬬᬦ᭄ᬗᬭᬸᬗᬸ᭞ᬩᬵᬦ᭄ᬫᭂᬍᬤ᭄ᬢᭂᬓᬾᬦ᭄ᬩ᭄ᬭᬦ᭞
ᬤ᭄ᬭᭀᬯᬓᬦᬾᬢᬶᬤᭀᬂᬕᬶᬕᬶᬲ᭄᭞ᬢ᭄ᬯᬭᬗᬶᬢᬸᬂ᭞ᬳᬯᬓᬾᬳᬸᬮᬸᬓᬸᬮᬸᬓ᭚ᬳᬸᬧᬫᬩᬸᬤᬸᬄᬓᬲᬵᬫᬭᬦ᭄᭞ᬳᬾᬤᬾᬗᬶᬦᬧᭂᬳᬧᬸ᭠
[᭔ 4A]
ᬢᬶᬄ᭞ᬓᬾᬢᭀᬮᬓ᭄ᬱᬡᬦ᭄ᬜᬦᬾᬋᬓᭀ᭞ᬯᭂᬓᬲᬦ᭄ᬲᬳᬸᬭᬾᬳᬭᬶᬲ᭄᭞ᬬᬦ᭄ᬓᬾᬢᭀᬳᬶᬥᭂᬧ᭄ᬘᬳᬶ᭞ᬦᬄᬤᬶᬦ᭄ᬬᬦ᭄ᬘᬳᬶᬫᬮᬸ᭞ᬘᬳᬶᬚᬢᬶ
ᬓᭂᬦᬯᬶᬰ᭄ᬬ᭞ᬲᬓᬶᬢᬾᬬᬗᬜᬶᬳ᭄ᬦᬳᬶᬦ᭄᭞ᬭᬳᬢ᭄ᬭᬗ᭄ᬓᬸᬂ᭞ᬬᬦ᭄ᬳᬶᬯᬂᬢᬦ᭄ᬳᬸᬭᬸᬂᬧᭂᬚᬄ᭚ᬘᬳᬶᬓᭂᬦᬕᭂᬮᬄᬳᬦᬓ᭄᭞ᬳᬶᬓ᭄ᬢᬸᬢ᭄ᬗᭂᬢᭀᬂᬫ᭠
ᬲᭂᬩᭂᬂᬳ᭄ᬮᬶᬂ᭞ᬕᭂᬮᬶᬲᬂᬦᬸᬮᬸᬗᬶᬦ᭄ᬢᬶᬢ᭄ᬬᬂ᭞ᬳᬶᬕᭂᬥᬾᬩᬮ᭄ᬬᬦ᭄ᬜᬳᬸᬭᬶᬦ᭄᭞ᬩᬧᬗᭂᬲᭂᬂᬦᬾᬦᬾᬚᬦᬶ᭞ᬯᬶᬱ᭄ᬬᬦ᭄ᬘᬳᬶᬳᬧᬂᬧᬸᬳᬸᬦ᭄᭞ᬫᬓ᭄ᬧᬓ᭄ᬫ᭠
ᬲ᭄ᬯᬶᬫᬲᬾᬧᬓ᭄᭞ᬫᬗᬦ᭄ᬥ᭄ᬭᬳᬶᬦ᭄ᬫᬜᬶᬫ᭄ᬩᬸᬳᬶᬦ᭄᭞ᬤᬰᬩᬬᬸ᭞ᬕᭂᬦᬶᬗ᭄ᬮᬬᬂᬓᬍᬓᬲᬂ᭚ᬳᬸᬦ᭄ᬢᬢ᭄ᬳᬸᬦ᭄ᬢᬶᬢ᭄ᬗᬯᭂᬢᬸᬯᬗ᭄᭞ᬓᭂᬫ᭄ᬩᬸᬂᬧᬶᬧᬶᬫ [ 5 ][᭔ 4B]
᭔
ᬢᬦᭂᬮᬶᬓ᭄᭞ᬢᭂᬮᬲ᭄ᬢᭂᬓᬾᬂᬩᬬᬸᬳᬦᭀᬫᬦ᭄᭞ᬗᭂᬫ᭄ᬩᭀᬮᬸᬯᬶᬃᬲ᭄ᬯᬭᬦ᭄ᬲᬫ᭄ᬧᬶ᭞ᬩᬶᬗᬄᬩᬶᬗᬸᬄᬧᭂᬮᬸᬄᬧᬶᬤᬶᬢ᭄᭞ᬳᬶᬓᭂᬢᬸᬢ᭄ᬢᬓᭂᬳᬾᬗᬸᬦ᭄ᬢᬸᬓ᭄
ᬫᬶᬭᬶᬩ᭄ᬫᬓᬶᬭᬾᬫᬦᬶᬘᬂ᭞ᬲᬸᬫᬶᬗ᭄ᬓᬶᬦ᭄ᬦᭂᬮᬲᬂᬳᬢᬶ᭞ᬓᭂᬤᬾᬓ᭄ᬗ᭄ᬭᬸᬓᬸᬓ᭄᭞ᬳᬶᬓᭂᬢᬸᬢ᭄ᬩᬕᬸᬲ᭄ᬳᬗᬸᬘᬧ᭄᭚ᬧᬗᭂᬲᭂᬗᬦᬾᬕᭂᬲᬶᬢ᭄ᬧᬶᬲᬦ᭄᭞ᬳᬤᭀᬄ
ᬲᬶᬤ᭄ᬥᬧᬲᬂᬫᬰ᭄ᬫᬶ᭞ᬓᭂᬤᬾᬓ᭄ᬳᬦᬓᬾᬫᬩ᭄ᬭᬶᬬᬕ᭄᭞ᬤᬾᬩᬮ᭄ᬬᬦ᭄ᬓ᭄ᬭᭀᬥᬫᬦᬸᬤᬶᬂ᭞ᬫᬸᬯᬲᭂᬩᬸᬄᬩᬳᬓ᭄ᬩᬶᬳᬶᬂ᭞ᬇᬄᬘᬳᬶᬜᬸᬕ᭄ᬚᬸᬕᬶᬦ᭄ᬥᬦᬸ᭞ᬫ
ᬳᬶᬗᬾᬤᬾᬗᬂᬓᬭᬶᬭᬶᬬᬦ᭄᭞ᬢ᭄ᬯᬭᬓᭀᬩᬧᬗᬾᬲᭂᬫᬶ᭞ᬦᬄᬤᭀᬂᬮᬳᬸᬢ᭄᭞ᬢᭀᬕ᭄ᬢᭀᬕᬂᬚᬦᬶᬢᭂᬫ᭄ᬩᬸᬗᬂ᭚ᬬᬤᬶᬦ᭄ᬕᬕᭂᬮᬭ
[᭕ 5A]
ᬓ᭄ᬳᬓᬲ᭄᭞ᬫᬰᬩᬧᬧᬘᬂᬚᭂᬭᬶᬄ᭞ᬲᬓᬶᬢᬓᬵᬋᬧ᭄ᬮᬳᬸᬢᬂ᭞ᬬᬤ᭄ᬬᬧᬶᬦ᭄ᬕᬕ᭄ᬮᬭᬦ᭄ᬯᭂᬗᬶ᭞ᬢᭂᬫ᭄ᬩᬸᬗᬂᬓᬰᬓ᭄ᬢ᭄ᬬᬦ᭄ᬘᬳᬶ᭞ᬬᬦ᭄ᬤᬶᬧᬲᬶᬄᬬᬦ᭄ᬤᬶᬕᬸᬦᬸᬂ
ᬯᬢᭂᬲ᭄ᬲᬯᬄᬫᬶᬯᬄᬢᭂᬕᬮ᭄᭞ᬦᬄᬲᬳᬸᬢᬶᬦ᭄ᬳᭂᬤᬤᭂᬗᬶᬮ᭄᭞ᬬᬳᬶᬓᭂᬢᬸᬢ᭄᭞ᬫᬲᬳᬸᬢ᭄ᬳᬗᭂᬮᬤ᭄ᬧ᭄ᬭᬡ᭚ᬧᬜ᭄ᬚᬗᬂᬗ᭄ᬕᬶᬄᬚᭂᬭᭀᬩᬮ᭄ᬬ
ᬦ᭄᭞ᬲᬵᬫ᭄ᬧᬸᬦ᭄ᬩ᭄ᬭᬗ᭄ᬢᬶᬲᬮᬄᬢᬫ᭄ᬧᬶ᭞ᬲ᭄ᬯᬾᬘ᭄ᬙᬫᬦᬸᬢᬸᬭᬶᬦ᭄ᬢᬶᬢ᭄ᬬᬂ᭞ᬤᬾᬩᬮ᭄ᬬᬦ᭄ᬲᬳᬸᬃᬫᬚᬚᭂᬗ᭄ᬓᬶᬂ᭞ᬦᬄᬮᬳᬸᬢ᭄ᬢᬓᭀᬦᬂᬘᬳᬶᬫᬾᬦ᭄ᬢ᭄ᬭᬦᬾ
ᬳᭀᬜᬓᬓᬤᬸᬢ᭄᭞ᬳᬦ᭄ᬢᬸᬓ᭄ᬦᬶᬓᬤᬶᬗᭂᬄᬢᬶᬢ᭄ᬬᬂ᭞ᬚ᭄ᬭᭀᬦᬾᬓᬲᬸᬩ᭄ᬩᬮ᭄ᬬᬦ᭄ᬰᬓ᭄ᬢᬶ᭞ᬗ᭄ᬕᬶᬄᬦ᭄ᬤᬶᬓᬬᬂ᭞ᬤᬤᭀᬲ᭄ᬧᬓᬶᬂᬚ᭄ᬭᭀᬦᬾᬯᬶ [ 6 ][᭕ 5B]
᭕
ᬓᬦ᭄᭚ᬩᬗ᭄ᬭᬲ᭄ᬲ᭄ᬯᬦ᭄ᬤᬾᬩᬮ᭄ᬬᬦ᭄᭞ᬫᬗᭂᬭᬾᬂᬲᬥᬫᬜᭂᬗ᭄ᬓᬶᬂ᭞ᬦᬄᬚᬦᬶᬧᭂᬤᬲᬂᬧᬶᬲᬦ᭄᭞ᬳᬧᬂᬗᬢᬶᬄᬤᬶᬗᭂᬄᬘᬳᬶ᭞ᬓᭀᬧᬶᬂᬘᬳᬶᬦᬾᬓᬶ
ᬭᬸᬓᬶᬦ᭄᭞ᬓᬵᬮᬲᬸᬩᬦᬦ᭄ᬲᬫ᭄ᬩᭂᬦ᭄ᬫᬗᭂᬗ᭄ᬭᬸᬗᬸ᭞ᬗ᭄ᬕᬶᬄᬤᬸᬭᬸᬲᬂᬢᬸᬢᬸᬭᬂ᭞ᬢᬶᬗ᭄ᬓᬄᬩᬮ᭄ᬬᬦᬾᬲᬚᬢᬶ᭞ᬦᬭᬶᬓ᭄ᬭᬡ᭞ᬤᬤᭀᬲ᭄ᬯᬾᬦ᭄ᬢᭂᬦ᭄ᬲᬓᬶᬢ᭄ᬗᬾᬦ᭄ᬤᬄ
᭚ᬚᬦᬶᬩᬧᬫᬭᬗᬂ᭞ᬢᬢᭂᬗᭂᬭᬾᬫᬵᬤᬦ᭄ᬚᬢᬶ᭞ᬜᭂᬫ᭄ᬧᬦᭂᬲᬾᬳᬧᬂᬢᬯᬂᬯᬾᬲ᭄ᬯᬲᭂᬦ᭄ᬫᬢᬦᬶᬂᬳᬕᭂᬭᬶᬂ᭞ᬯᬢ᭄ᬫᬢᬧᬦᭂᬲ᭄ᬲᬂᬳ᭠
ᬕᭂᬭᬶᬂ᭞ᬬᬦ᭄ᬕᬥᬶᬂᬘᭂᬫᭂᬗᬶᬂᬫᬢ᭞ᬓᬢᭂᬓᬾᬂᬚ᭄ᬭᭀᬧᬦᭂᬲ᭄ᬢᬢᬶᬬᬾᬦᬶᬂᬩᬶᬭᬸ᭞ᬗᬭᬦ᭄ᬳᬲᬺᬧ᭄ᬯᬂᬫᬗ᭄ᬓᬦ᭚ᬮᬫ᭄ᬩᬾᬳᬲᬢ᭄ᬧᬦᭂᬲ᭄ᬧᬶᬲᬦ᭄᭞
[᭖ 6A]
ᬓᭂᬫ᭄ᬩᬂᬮᬫ᭄ᬩᬾᬦ᭄ᬬᬗᬍᬧᬶᬲ᭄᭞ᬳᭂᬜᭂᬫ᭄ᬢᬢᬶᬬᬦᬓᬾᬢᭀ᭞ᬫᬩ᭄ᬯᬄᬩ᭄ᬯᬄᬩᬸᬮᬸᬦᬶᬗᬳ᭄ᬭᬶᬂ᭞ᬩᬸᬮᬸᬦ᭄ᬳᬯᬓ᭄ᬜᬦᬾᬚᭂᬭᬶᬂ᭞ᬧᬦᭂᬲ᭄ᬯᭀᬂᬫᬓᬤᬶᬳᬶ
ᬓᬸ᭞ᬫᬸᬯᬄᬩᬬᬸᬦ᭄ᬜᬭᬶᬂᬢᬗᬦ᭄᭞ᬮᬫ᭄ᬩᬢ᭄ᬯᭂᬢᭀᬦ᭄ᬬᬗᬤᬶᬃᬤᬶᬃ᭞ᬳᭂᬦ᭄ᬢᭀᬳᬲᬺᬧ᭄᭞ᬬᬦ᭄ᬤᬺᬲ᭄ᬧᬦᭂᬲ᭄ᬗᬭᬦᬶᬓ᭚ᬩᬬᬸᬫᭂᬤᬮ᭄ᬭᬶᬂᬳᬶᬭᬸᬂᬦ᭄ᬬ᭞ᬢᭂ
ᬓᬾᬂᬳᬗ᭄ᬲᭂᬗᬦ᭄ᬗᭂᬩᬸᬲᬶᬦ᭄᭞ᬚ᭄ᬭᬶᬚᬶᬲᬸᬓᬸᬲᭂᬫᬸᬳᬩᬵᬂ᭞ᬢ᭄ᬯᬶᬓᭂᬦᬓᬧᭂᬦ᭄ᬤᭂᬫ᭄ᬚᬢᬶ᭞ᬧᬦᬶᬲ᭄ᬭᬶᬂᬲᬚ᭄ᬭᭀᬦᬶᬗᬢᬶ᭞ᬳᬶᬓᭂᬢᬸᬢ᭄ᬓᭂᬜᭂᬫ᭄ᬲᬸᬫᬳᬸᬃ᭞ᬬ
ᬦ᭄ᬓᬦ᭄ᬢᭂᬦ᭄ᬲᬶᬲᬶᬦ᭄ᬬᬭᬶᬂᬢᭂᬗᬄ᭞ᬓᬾᬦ᭄ᬓᬾᬦ᭄ᬳᬦ᭄ᬢᬸᬓ᭄ᬫᬦᬫ᭄ᬩᬦᬶᬦ᭄᭞ᬘᬳᬶᬤᭂᬗᬸᬄ᭞ᬬᭀᬕ᭄ᬬᬢᭂᬭᬳ᭄ᬫᬓᬳᬯᬓ᭄᭚ᬯᬳᬸᬲᬶᬓᬶᬳᬸᬦᬶᬂ᭠ [ 7 ][᭖ 6B]
᭖
ᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬓᬾᬮᬦ᭄ᬢᬸᬭᬂᬫᬮᬶᬄ᭞ᬓᭂᬜᬸᬂᬤᬾᬩᬮ᭄ᬬᬦᬗᬸᬘᬧ᭄᭞ᬩᬧᬫᭀᬧᭀᬕ᭄ᬫᬗᭀᬭᬳᬶᬦ᭄᭞ᬢᬢᭂᬗᭂᬭᬦ᭄ᬧᬢᬶᬉᬭᬶᬧ᭄᭞
ᬬᬦ᭄ᬓᬶᬯᬤ᭄ᬯᬭᬦ᭄ᬬᬧᭂᬮᬸᬄ᭞ᬓᬸᬓᬸᬲ᭄ᬕᬸᬦᬸᬂᬢᭀᬳᬭᬦ᭄ᬜ᭞ᬳ᭄ᬬᬂᬇ᭠ᬰ᭄ᬯᬭᬫᬜ᭄ᬘᬸᬢ᭄ᬳᬸᬭᬶᬧ᭄᭞ᬧ᭄ᬭᬡᬓᬩᬬᬸ᭞ᬚ᭄ᬭᭀᬦᬶᬂᬧᬶᬢᬸᬂᬤᬷᬤᬶᬸᬦᬧᭂᬚᬄ᭚
ᬬᬦ᭄ᬢᬦ᭄ᬫᬵᬢᬶᬯ᭄ᬯᬂᬲᬳᬶᬓ᭞ᬤᬤᬶᬲᭂᬕᭂᬃᬳᭀᬕᭂᬃᬚᬕᬶ᭞ᬩᬧᬩᬦᬶᬫᬗᭂᬫ᭄ᬩᬸᬮᬂ᭞ᬢ᭄ᬯᬭᬚᬧᬘᬂᬫᬶᬮᬶᬳᬶᬦ᭄᭞ᬳᬗ᭄ᬳᬶᬂᬮᬶᬬᬸᬳᬤᬩᬸᬯᬶᬦ᭄‌᭞ᬦᬾᬫᬵ
ᬤᬦ᭄ᬲᬵᬕᬭᬘᬢᬸᬃ᭞ᬘᭂᬍᬓᬶᬦ᭄ᬲᭀᬂᬓᬸᬧᬶᬂᬦ᭄ᬬ᭞ᬭᬱᬓᬓᬸ᭠ᬮᬶᬢ᭄ᬦᬾᬲᭂᬧᬶ᭞ᬗᬦ᭄ᬢᬶᬮᬫ᭄ᬧᬸᬲ᭄᭞ᬚ᭄ᬭᭀᬦᬶᬂᬧᬶᬢᬸᬂᬤᬷᬦᬧᭂᬚᬄ᭚ᬲᬸᬩ
[᭗ 7A]
ᬢᬸᬢᬸᬕ᭄ᬧᭂᬢᬂᬤᬷᬦ᭞ᬢ᭄ᬯᬭᬬᬫᬗ᭄ᬮᬦ᭄ᬢᬲ᭄ᬫᬵᬢᬶ᭞ᬩᬦᬶᬦᬸᬮᬸᬂᬫᬳᬂᬳᬸᬩᬤ᭄᭞ᬘᬕᭂᬃᬳᬶᬤᬸᬧ᭄ᬓᬬᬂᬮᬫᬶ᭞ᬳᬤᬧᬫ᭄ᬯᬢ᭄ᬜᬫᬮᬶᬄ᭞ᬩᬧᬩᬦᬶ
ᬫᬲᬲᬸᬫ᭄ᬩᬸᬂ᭞ᬳ᭄ᬬᬂᬲᬶᬮᬫᬘᬓᭂᬧ᭄ᬳᬭᬦ᭄ᬬ᭞ᬫᭂᬗᬢᬸᬢᬸᬓ᭄ᬯᭀᬗᬕᭂᬭᬶᬂ᭞ᬫᬜᬗᬗᬮ᭄᭞ᬢᬸᬭᬶᬂᬩᬾᬗᭀᬃᬚᬢᬶᬧᭂᬚᬄ᭚ᬳ᭄ᬬᬂᬬᬫᬲᬸᬩ
ᬫᬢᬶᬗ᭄ᬕᬮ᭄᭞ᬢ᭄ᬯᬭᬜᬦ᭄ᬤᬂᬩ᭄ᬯᬶᬦᬸᬩᬤᬶᬦ᭄᭞ᬳᬧᬦ᭄ᬚᬢᬶᬗ᭠ᬦ᭄ᬢᬶᬧᭂᬚᬄ᭞ᬳᬶᬓᭂᬢᬸᬢ᭄ᬲᬳᬸᬃᬫᬾᬗᭀᬭᬶᬦ᭄᭞ᬗ᭄ᬕᬶᬄᬲᬵᬫ᭄ᬧᬸᬦ᭄ᬘᬕᭂᬃᬫᬵ
ᬢᬶ᭞ᬲᬦᬾᬓᬾᬦ᭄ᬓᬾᬦ᭄ᬘᬕᭂᬃᬳᬶᬤᬸᬧ᭄᭞ᬲᬦᬾᬜ᭄ᬘᬾᬦ᭄ᬲ᭠ᬓᬶᬢᬾᬢᬫ᭄ᬩᬃ᭞ᬥᬾᬩᬮ᭄ᬬᬦ᭄ᬜᭂᬗᬾᬓ᭄ᬜᬳᬸᬭᬶᬦ᭄᭞ᬘᬳᬶᬢᬫ᭄ᬩᭂᬢ᭄᭞ [ 8 ][᭗ 7B]
᭗
ᬦᬄᬚᬦᬷᬩᬸᬯᬶᬦ᭄ᬤᬶᬗᭂᬳᬂ᭚ᬩᬲᬂᬲᬓᬶᬢ᭄ᬓᬤᬶᬲᬸᬮ᭞ᬢᭂᬓᬮᬸᬯᬲ᭄ᬫ᭄ᬭᬱᬧᬮᬶᬂ᭞ᬧᬸᬭᬸᬄᬳᬸᬲᬸᬧ᭄ᬢᭀᬳᬤᬦ᭄ᬜ᭞ᬬᬦ᭄ᬮᬫ᭄ᬩᬾᬦ᭄ᬬᬓᭂᬲᬢ᭄ᬲᬓᬶᬢ᭄᭞
ᬢᬸᬃᬫᬓᬧᬸᬢ᭄ᬓᬧᬸᬢ᭄ᬧᬸᬢᬶᬄ᭞ᬳᭂᬦ᭄ᬢᭀᬳᬸᬯᬶᬂᬗᬭᬦᬶᬓᬸ᭞ᬬᬦ᭄ᬕᬶᬕᬶᬲ᭄ᬮᬭᬦ᭄ᬬᬓᭀᬘᬧ᭄᭞ᬢᭀᬩ᭄ᬮᬬᬸᬭᬦ᭄ᬓᬾᬦ᭄ᬢᭀᬘᬳᬶ᭞ᬲᬓᬶᬢ᭄ᬤᬸᬯᬸᬃ᭞ᬗᬸ
ᬋᬓ᭄ᬧᬸᬭᬸᬄᬳᬸᬦ᭄ᬢᭂᬓ᭄ᬗᬭᬦ᭄ᬬ᭚ᬮᬭᬗᭂᬜ᭄ᬘᬂᬭᬶᬂᬲᬶᬓ᭄ᬲᬶᬓᬦ᭄᭞ᬕ᭄ᬭᬄᬳᬯᬓ᭄ᬦ᭄ᬬᬳᬸᬲᬸᬤᬶᬦ᭄᭞ᬧᬤᬰᬭᬶᬂᬚᭂᬭᭀᬳᬭᬦ᭄ᬬ᭞ᬫᬸᬯᬄᬳᬯ᭠
ᬓ᭄ᬗᬺᬋᬲ᭄ᬕᬤᬶᬂ᭞ᬳᬸᬧᬲ᭄ᬗ᭄ᬭᬬᬂᬗ᭄ᬮᬭᬦᬶᬦ᭄᭞ᬳᭂᬦ᭄ᬢᭀᬳᬸᬩᬤ᭄ᬜᬦᬾᬳᬮᬸᬄ᭞ᬰ᭄ᬭᬤᬓᭂᬦ᭄ᬥᬮ᭄ᬩᬢᬸᬓ᭞ᬫᬥᬾᬄᬲᬦ᭄ᬢᭂᬦ᭄ᬢᭂᬓᬾᬦ᭄ᬕᭂᬦ᭄ᬥᬶᬲ᭄
[᭘ 8A]
ᬩᬯᬂᬢᬫ᭄ᬩᬸᬲ᭄᭞ᬳᬗ᭄ᬕᭀᬦ᭄ᬮᭀᬮᭀᬄᬢᭀᬳᬸᬩᬤ᭄ᬜ᭚ᬬᬦ᭄ᬳᬤᬫᭂᬚᬸᬦᬂᬦᬦᬄ᭞ᬫᬲᭂᬤᭂᬦ᭄ᬫᬭᬱᬧᬮᬶᬂ᭞ᬮᬍᬗᭂᬤᬦ᭄ᬢᭀᬳᬤᬦ᭄ᬜ᭞
ᬕᬫ᭄ᬧᬂᬜᬦ᭄ᬩᬧᬗᬸᬩᬤᬶᬦ᭄᭞ᬤᭀᬦ᭄ᬤᬧ᭄ᬤᬧ᭄ᬢᭂᬓᬾᬦ᭄ᬕᭂᬦ᭄ᬤᬶᬲ᭄᭞ᬳᭂᬦ᭄ᬢᭀᬩᭂᬚᭂᬓ᭄ᬩᬳᬂᬫᬗᬶᬦᬸᬫ᭄᭞ᬳᬧᬩᬸᬯᬶᬦ᭄ᬳᬤᬢᬓᭀᬦᬂ᭞ᬩ
ᬧᬢᬾᬓ᭄ᬢᬾᬓᬦᬾᬦᬾᬚᬦᬶ᭞ᬳᬧᬂᬲᭂᬮᬄ᭞ᬧᬸᬦ᭄ᬓᭂᬢᬸᬢ᭄ᬓᭂᬜᭂᬫ᭄ᬫᬦᬶᬫ᭄ᬩᬮ᭄᭚ᬳᬦ᭄ᬢᬸᬓ᭄ᬦᬶᬓᬳᬸᬦᬶᬂᬢᬶᬢ᭄ᬬᬂ᭞ᬚ᭄ᬭᭀᬦᬾᬫᬩᬸᬤ᭄ᬥᬶᬫᬶᬓ
ᬢᬶᬦ᭄᭞ᬩᬳᬲ᭄ᬳᬦᬓᬾᬚᬸᬫᬄᬜ᭞ᬧᬳᭂᬫ᭄ᬧᬸᬓᬶᬦ᭄ᬳᬦ᭄ᬢᬸᬓ᭄ᬫᬸᬜᬶ᭞ᬭᬳᭀᬲ᭄ᬧᬸᬬᬸᬂᬢ᭄ᬯᬭᬫᬶᬲᬶ᭞ᬓᬾᬯᬮᬭᬳᭀᬲᬾᬫᬸᬩᬸ᭞ [ 9 ][᭘ 8B]
᭘
ᬳᬸᬧᬫᬶᬦ᭄ᬜᬓᬤᬶᬤᬮᬂ᭞ᬲᬓᬶᬢᬓᬵᬋᬧ᭄ᬗᬸᬘᬧᬶᬦ᭄᭞ᬫᬗ᭄ᬥᬧᬗᬸᬲ᭄᭞ᬫᬦᬤᬓᬂᬢ᭄ᬯᬭᬲᬚ᭚ᬚ᭄ᬭᭀᬦᬾᬢᬸᬯᬶᬫᬗᬯᬕ᭄ᬧᬶᬲᬦ᭄᭞
ᬦᬓᭂᬗᭂᬭᬶᬦ᭄ᬳᬦᬓ᭄ᬫᬵᬢᬶ᭞ᬩᬸᬗᬸᬢ᭄ᬳᭂᬗ᭄ᬕᬂᬚᬢᬶᬧᭂᬚᬄ᭞ᬢᬶᬢ᭄ᬬᬂᬓᬢᬄᬫᬫᬗ᭄ᬕᬶᬳᬶᬦ᭄᭞ᬩᬸᬗᬸᬢ᭄ᬳᭂᬗ᭄ᬕᬂᬦᬸᬫᬳᬸᬭᬶᬧ᭄᭞ᬢᬸᬯᬄᬚ᭄ᬭᭀᬦᬾᬮᬶᬯ
ᬢ᭄ᬤᭂᬗᬸᬄ᭞ᬦᬸᬍᬯᬶᬄᬭᬶᬭᬶᬳᬦ᭄ᬢᬶᬢ᭄ᬬᬂ᭞ᬫᬦᭂᬗᭂᬭᬶᬦ᭄ᬳᬦᬓ᭄ᬫᬵᬢᬶ᭞ᬢᭀᬂᬫᭂᬮᬶᬳᬂ᭞ᬢᬢᭂᬗᭂᬃᬢᬶᬢ᭄ᬬᬗᬾᬮᬶᬦ᭄ᬢᬂ᭚ᬓᬬᬸᬦ᭄ᬫᬰᬶᬯᬭᬶᬂᬢᬶᬢ᭄ᬬᬂ
᭞ᬢᬶᬢ᭄ᬬᬂᬜᬥ᭄ᬬᬗᬯᬘᬳᬶᬦ᭄᭞ᬳᬧᬂᬚᬢᬶᬢ᭄ᬯᬭᬗᬯᬕ᭄᭞ᬳᬧᬂᬚᬢᬶᬧᬲ᭄ᬢᬶᬧᬲ᭄ᬢᬶ᭞ᬦᬶᬓᬶᬧᬢᭂᬗᭂᬭᬦ᭄ᬚᬢᬶ᭞ᬬᬦ᭄ᬯᬾᬦ᭄ᬢᭂᬦ᭄ᬢᭀᬂᬫ
[᭙ 9A]
ᬩᬬᬸ᭞ᬦᭀᬭᬓᬭᬶᬫᬳᬗ᭄ᬓᬶᬳᬦ᭄᭞ᬳᭂᬦ᭄ᬢᭀᬧᬸᬭᬸᬦ᭄‌ᬜ᭄ᬦᬓᬂᬫᬵᬢᬶ᭞ᬦᬸᬦ᭄ᬤᬾᬦ᭄ᬧᬸᬭᬸᬦ᭄᭞ᬫᬦᬦᭂᬫ᭄ᬫᬗᬸᬧᬓᬭ᭚ᬳᬶᬗ᭄ᬕᬶᬄᬚ᭄ᬭᭀ
ᬦᬾᬫᬘᬓ᭄ᬫᬘᬓ᭄᭞ᬓᬢᬄᬗᬯᬲ᭄ᬢᬦᬶᬦ᭄ᬲᬓᬶᬢ᭄᭞ᬢᬶᬢ᭄ᬬᬂᬧᬸᬭᬸᬦ᭄ᬫᬦᬸᬗ᭄ᬓᬲᬂ᭞ᬯᬲ᭄ᬢᬦ᭄ᬲᬓᬶᬢ᭄ᬯᬩ᭄ᬢᬄᬲᬶᬓᬶ᭞ᬤᬃᬣᬬᬂᬢᬶᬢ᭄ᬬᬂᬦᬾᬫᬗ᭄ᬓᬶ
ᬦ᭄᭞ᬓᬦ᭄ᬥᬦ᭄ᬲᬓᬶᬢ᭄ᬢᬸᬯᬄᬢᬸᬚᬸ᭞ᬢᬸᬚᬸᬢᬶᬕᬓᬯᬲ᭄ᬢᬦ᭄ᬜ᭞᭠ᬢᬸᬚᬸᬲᬸᬗ᭄ᬓᬦ᭄ᬢᬸᬚᬸᬲᬓᬶᬢ᭄᭞ᬢᬸᬚᬸᬮᬭ᭞ᬧᬸᬦᬶᬓᬢᬶᬕᬯᬲ᭄ᬢᬦ᭄ᬜ᭚
ᬢᬶᬢ᭄ᬬᬂᬧᬸᬭᬸᬦ᭄ᬫᬦᬸᬓᬬᬂ᭞ᬫᭀᬬᬦᬶᬦ᭄ᬢᭂᬭᭀᬦᬾᬫᬗ᭄ᬓᬶᬦ᭄᭞ᬫᬩᭂᬢ᭄ᬫᬸᬦᬯᬂᬓᬮᬶᬗᬦ᭄᭞ᬳᬶᬦ᭄ᬥᬬᬂᬫᭂᬤᬮᬂᬫᬗ᭄ᬓᬶᬦ᭄᭞ᬥᬾᬩ [ 10 ][᭙ 9B]
᭙
ᬮ᭄ᬬᬦ᭄ᬮᬶᬯᬢ᭄ᬩ᭄ᬭᬗ᭄ᬢᬶ᭞ᬘᬳᬶᬢᬾᬧᭂᬢᬮᬶᬬᬸ᭞ᬦᬾᬕᬤᬳᬸᬘᬧ᭄ᬲᬰ᭄ᬢ᭄ᬭ᭞ᬦᬵᬗ᭄ᬳᬶᬂᬘᬳᬶᬫᬫᬲᬦᬶᬦ᭄᭞ᬳᬶᬗ᭄ᬕᬶᬄᬤᬸᬭᬸᬲ᭄᭞ᬓᭂᬦᬶᬢᬶᬢ᭄ᬬᬂᬢᬢᬲ᭄ᬯᬶᬓᬦ᭄᭚
ᬥᬾᬩᬮ᭄ᬬᬦ᭄ᬓ᭄ᬭᭀᬥᬓᬵᬩᬵᬗᬦ᭄᭞ᬫᬲᬳᬸᬃᬲᬥᬫᬦᭂᬗ᭄ᬓᬶᬓ᭄᭞ᬚᬶᬢ᭄ᬩᬧᬦᬾᬲᬶᬂᬜᬓ᭄ᬗᬶᬤᬶᬳᬂ᭞ᬫᬸᬮᬩᬮ᭄ᬬᬦ᭄ᬳᬸᬮᬶᬂᬘᭂᬦᬶᬓ᭄᭞ᬜᬫ᭄ᬩᬮ᭄ᬲᬰ᭄ᬢ᭄ᬭ
ᬲᬳᬶᬲᬳᬶ᭞ᬩ᭄ᬭᬣᬦᬾᬳᭀᬜᬓᬕᬤᬸᬄ᭞ᬲᬳᬸᬘᬧ᭄ᬲᬰ᭄ᬢ᭄ᬭᬦᬾᬳᭀᬜ᭞ᬲᬸᬩᬬᬓᬤᬸᬢ᭄ᬤᬶᬳᬢᬶ᭞ᬬᬳᬶᬓᭂᬢᬸᬢ᭄᭞ᬗᬤᭂᬫᬶ
ᬚ᭄ᬨ᭄ᬚ᭄ᬭᭀᬦᬾᬦᬯᬂ᭚ᬥᬾᬩᬮ᭄ᬬᬦ᭄ᬫᬗ᭄ᬓᬶᬦ᭄ᬫᬲᬾᬧᬓ᭄᭞ᬗᬫ᭄ᬩᬶᬮ᭄ᬳᭂᬦ᭄ᬢᬮ᭄ᬧᬭᬫᬗ᭄ᬓᬶᬦ᭄᭞ᬓᬸᬧᬶᬂᬫᬢᬦᬾᬤᭂᬗᬾᬗᬂ᭞ᬧᭂᬤᬲᬂᬘ
[᭑᭐ 10A]
ᬳᬶᬫᬶᬭᬕᬶ᭞ᬫᬸᬜᬶᬦ᭄ᬲᬰ᭄ᬢ᭄ᬭᬦᬾᬧᬂᬗᬢᬶᬄ᭞ᬳᬶᬓᭂᬢᬸᬢ᭄ᬫᬲ᭄ᬯᬭᬳᬮᬸᬲ᭄᭞ᬢᬶᬢ᭄ᬬᬂᬫᬶᬲᬥ᭄ᬬᬦᬶᬗᭂᬳᬂ᭞ᬳᬶᬭᬶᬓᬶᬭᬶᬂᬳᬚᭂᬂᬫᬗ᭄ᬓᬶᬦ᭄᭞ᬳᬶᬚ᭄ᬭᭀ
ᬤᬸᬓᬸᬦ᭄᭞ᬗᬕᬄᬳᭂᬦ᭄ᬢᬮ᭄ᬫᬤᬩ᭄ᬤᬩᬦ᭄᭚ᬧᬗᭀᬦᬾᬗᬾᬢᬶᬄᬓᭂᬭᬲ᭄᭞ᬢ᭄ᬯᬭᬩᬓ᭄ᬓᭂᬚᬶᬮ᭄ᬲᬯᬶᬚᬶ᭞ᬳᬶᬓᭂᬢᬸᬢ᭄ᬓᭂᬤᬾᬓ᭄ᬫᬗᬓᬓ᭄᭞ᬦᬄ
ᬫᬗ᭄ᬓᬶᬦ᭄ᬢᭂᬭᬂᬢᬶᬢ᭄ᬬᬂᬳᬸᬦᬶᬂ᭞ᬢ᭄ᬯᬭᬲᬰ᭄ᬢ᭄ᬭᬦᬾᬫᬫᬸᬜᬶ᭞ᬓᬤᬶ᭠ᬩᬳᭀᬲ᭄ᬢ᭄ᬭᭀᬦᬾᬩᬳᬸ᭞ᬚᭂᬭᭀᬦᬾᬫᬓᭂᬫᬾᬮᬦ᭄᭞ᬓᬗ᭄ᬕᭀᬓᬶᬢ
ᬦᬾᬫᬫᬸᬜᬶ᭞ᬯ᭄ᬬᬓ᭄ᬢᬶᬍᬫᬸᬄ᭞ᬮᬬᬳᬾᬩ᭄ᬬᬦᬫᬢᬸᬮᬂ᭚᭠ᬓᭂᬤᬾᬓ᭄ᬳᬦᬓᬾᬫᬩ᭄ᬭᬶᬬᬕ᭄᭞ᬯᬾᬦ᭄ᬢᭂᬦ᭄ᬗᬓᬓ᭄ᬓᭂᬤᬾᬓ᭄ᬫᬗ᭄ᬭᬶᬓᬶᬓ᭄᭞ [ 11 ][᭑᭐ 10B]
᭑᭐
ᬥᬾᬩᬮ᭄ᬬᬦ᭄ᬳᭂᬦᭂᬓ᭄ᬜᬗᭀᬗᬓ᭄‌᭞ᬳᬮᬄᬧᬸᬓᬸᬮ᭄ᬳᬸᬮᬸᬦᬢᬶ᭞ᬓ᭄ᬭᭀᬤᬜᭂᬫᬓ᭄ᬕᬕᬶᬢᬶᬓ᭄᭞ᬕᬦ᭄ᬢᬶᬦ᭄ᬘᬳᬶᬫᬵᬢᬶᬳ᭄ᬮᬸᬂ᭞ᬳᬶᬓᭂᬢᬸᬢ᭄‌ᬫ᭄ᬮᬳᬶᬩ᭄ᬗᭂᬮᬶ
ᬲᬂ᭞ᬥᬾᬩᬮ᭄ᬬᬦ᭄ᬓᬢᬄᬫᬗᬶᬲᬶ᭞ᬗ᭄ᬕᬶᬄᬧᬸᬃᬡ᭄ᬦᬬᬂ᭞ᬚᬦ᭄ᬫᬩᬸᬤᬸᬄᬤ᭠ᬕᬸᬕᬸᬦ᭚ᬥᬾᬩᬮ᭄ᬬᬦ᭄ᬮᬸᬄᬫ᭄ᬮᬳᬶᬩ᭄ᬫᭂᬲ᭄ᬯᬂ᭞ᬕᬮᬓ᭄ᬗᭂᬮᬸᬃᬫᬦᬸᬤᬶᬂᬦᬸᬤᬶᬂ᭞ᬯᬶᬄᬘ᭠
ᬳᬶᬩᬸᬗᬸᬢ᭄ᬢᬫ᭄ᬩᬦ᭄᭞ᬢᬦᬄᬲᭂᬫᬦᬾᬦᬸᬫᬶᬢᬶᬲ᭄᭞ᬫᬗᬤᬸᬓ᭄ᬳᬤᬸᬓ᭄ᬫᬳᬶ᭞ᬘᬶᬘᬶᬂᬩᭀᬲᬾᬢ᭄ᬓᬤᬤᬾᬦ᭄ᬫᬸ᭞ᬯᬾᬦ᭄ᬢᭂᬦ᭄ᬫᬫᭂᬮᬢ᭄ᬫᬗ᭄ᬭᬳᭀᬲ᭄
ᬲᬶᬬᭂᬧᬂᬲᬵᬫ᭄ᬧᬸᬦᬂᬩ᭄ᬭᬗ᭄ᬢᬶ᭞ᬤᬾᬩᬮ᭄ᬬᬦ᭄ᬮᬸᬄ᭞ᬤᬳᬲ᭄ᬤᬶᬳᬶᬲᭂᬗᬮ᭄ᬲᭂᬗᬮ᭄᭚ᬢᬦ᭄ᬓᭀᬘᬧᬦ᭄‌ᬬᬳᬶᬩᬮ᭄ᬬᬦ᭄᭞ᬧᬸᬦ᭄ᬓᭂᬢᬸᬢ᭄ᬓᬳᬸᬘᬧ᭄ᬫ
[᭑᭑ 11A]
ᬮᬶᬄ᭞ᬧ᭄ᬮᬳᬶᬩ᭄ᬜᬦᬾᬫᬩᬢᭂᬓᬦ᭄᭞ᬫᬭᬾᬭᬾᬦ᭄ᬫᬗᬮᬶᬄᬳ᭄ᬢᬶᬲ᭄᭞ᬓᭂᬤᬾᬓ᭄ᬧᬤᬶᬤ᭄ᬬᬦ᭄ᬗᬭᬶᬓ᭄ᬓᬶᬓ᭄᭞ᬩᬳᬦ᭄ᬳᬶᬥᭂᬧ᭄ᬜᬦᬾᬘᬸᬫ᭄ᬧᬸ᭞ᬤᭂᬫᭂᬦ᭄ᬗᬮᬶᬄ
ᬧᭂᬤᬶᬄᬩᬲᬂ᭞ᬜᬸᬕ᭄ᬢᬸᬕᬶᬦ᭄ᬳᬦᬓᬾᬭᬶᬭᬶᬄ᭞ᬗᬯᬾᬩᬦ᭄ᬢᬸᬕ᭄᭞ᬓᬕ᭄ᬬᬢ᭄ᬳᬦᬓᬾᬫᬦᬶᬗ᭄ᬳᬮ᭄᭚ᬢᭂᬓᬲᭂᬗᬧ᭄ᬫᬭᭀᬂᬭᭀᬗᬦ᭄᭞ᬫᬭᬾᬭᬾᬦ᭄ᬫ
ᬳᬶᬮᬶᬄ᭞ᬳᬶᬮᬶᬄ᭞ᬧᭂᬮᬸᬄᬧᬶᬤᬶᬢ᭄ᬧᬢᭂᬫ᭄ᬩ᭄ᬯᬲ᭄᭞ᬯᭂᬢᬸᬓᭂᬓᭂᬤᬾ᭠ᬓ᭄ᬫᬗᬶᬓᬶᬓ᭄᭞ᬓᬢᬄᬳᬦᬓᬾᬧᬓ᭄ᬭᬶᬫᬶᬓ᭄᭞ᬳᬦᬓ᭄ᬩᬸᬤ᭄ᬬᬂᬤᬾᬯᬭᬢᬸ᭞
ᬫᬶᬭᬶᬩ᭄ᬳᬦᬓ᭄ᬫᬵᬍᬕᬦ᭄ᬤᬂ᭞ᬓᬸᬮ᭄ᬓᬸᬮᬾᬢ᭄ᬯᬭᬫᬫᬸᬜᬶ᭞ᬓᬾᬄᬬᬦ᭄ᬯᬸᬯᬸᬲ᭄᭞ᬲᬃᬯ᭄ᬯᬾᬡ᭄ᬥᬄᬳᬸᬘᬧᬶᬂᬫᬃᬕ᭄ᬕ᭚᭜᭚ᬧᬸᬧᬸᬄᬕᬶᬦᬵᬤ᭚ᬕᭂ [ 12 ][᭑᭑ 11B]
᭑᭑
ᬮᬶᬲᬂᬭᬭᬶᬲ᭄ᬫᬚᬮᬦ᭄᭞ᬢᭂᬓᭂᬤ᭄ᬚᬸᬫᬄᬧᭂᬮᬸᬄᬧᬶᬤᬶᬢ᭄᭞ᬩᬶᬩᬶᬤᬸᬓᬸᬳᬲᭂᬫᬸᬳᬾᬜᭀᬃ᭞ᬲᭂᬫᭂᬗᬦ᭄ᬓᬶᬚᬫᬗᬗ᭄ᬕᬸᬃ᭞ᬫᬾᬫᬾᬫᬗᬦ᭄ᬢᬶᬳᬶᬤᬾᬯ᭞
ᬳᬸᬮᬶᬢᬸᬦᬶ᭞ᬫᬦᬄᬫᬾᬫᬾᬮᬶᬦ᭄ᬢᬂᬚᬧ᭄ᬚᬧ᭄᭚ᬳ᭄ᬤᬧᬢᬶᬮᬸᬯᬲ᭄ᬳᭂᬚᭀᬄ᭞ᬲᬶᬫᬦ᭄ᬕᬸᬫᬶᬘᬭᬚᬦᬶ᭞ᬘᬳᬶᬘᭂᬦᬶᬓ᭄ᬢ᭄ᬯᬭᬦᬯᬂ᭞ᬧ᭄ᬮᬧᬦᬶᬦ᭄ᬢᬶᬗ᭄ᬓ
ᬳᬾᬗᬗ᭄ᬕᬸᬃ᭞ᬫᬕᬸᬲ᭄ᬢᬶᬫᬶᬯᬄᬫᬩ᭄ᬭᬬ᭞ᬳᬧᬂᬚᬢᬶ᭞ᬗᬸᬦᬥᬶᬓᬍᬕᬦ᭄ᬳᬦᬓ᭄᭚ᬓᭂᬜᭂᬫ᭄ᬳᬶᬓᭂᬢᬸᬢ᭄ᬕᬗᬸᬘᬧ᭄᭞ᬳᬶᬕᬸᬭᬸᬓᬶᬚᬳᬩᬶᬩᬶᬥ
ᬦᬾᬮᬸᬯᬲ᭄ᬫᬭᬶᬂᬢᭂᬕᬮ᭄᭞ᬚᭂᬚᭂᬂᬫᬦᬸᬫ᭄ᬩᭂᬕᬶᬦ᭄ᬩᬸᬘᬸ᭞ᬭᬭᬶᬲ᭄ᬫᬗᭀᬢᬾᬲ᭄ᬓᬧᬳᭀᬦ᭄᭞ᬢᬸᬃᬫᬲᬕᬶ᭞ᬫᬭᬶᬓᬶᬤᬾᬯᬫᬤᬳᬃ᭚ᬦᭂᬳᭂᬃ
[᭑᭒ 12A]
ᬢᬸᬫᬸᬮᬶᬫᬤᬳᬃ᭞ᬫᬲᬶᬄᬓᬭᬶᬓᭂᬩ᭄ᬭᬲ᭄ᬓᭂᬩ᭄ᬭᬶᬲ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬧᬳᬶᬗᭂᬢᬦ᭄᭞ᬢᬦ᭄ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬤᬮᬸ᭞ᬭᬭᬶᬲ᭄ᬫᬸᬗ᭄ᬕᬄᬓᬧᬲᬭᬾᬬ
ᬦ᭄᭞ᬫᬲᬶᬄᬳᬾᬮᬶᬂ᭞ᬢᭂᬓᬾᬦ᭄ᬧᬚᬮᬦᬾᬲᬸᬩ᭚ᬘᭂᬤᬸᬕ᭄ᬧᬶᬢᬸᬂᬧᬦᬮᬶᬓᬦ᭄᭞ᬢᬸᬳᬸᬢᬸᬳᬸᬦᬾᬫᬫᬸᬜᬶ᭞ᬤᬶᬘᬭᬂᬓᬬᬸᬦᬾᬋᬓᭀ᭞
ᬬᬦ᭄ᬲᬯᬂᬫᬦᬸᬦ᭄ᬤᬸᬦ᭄ᬦᬸᬦ᭄ᬤᬸᬦ᭄᭞ᬳᬶᬓᭂᬢᬸᬢ᭄ᬩᬗᬸᬦ᭄ᬗᬺᬧᬢ᭞ᬤ᭄ᬯᬦᬶᬂᬳᬾᬮᬶᬂ᭞ᬢᬦ᭄ᬲᬸᬭᬸᬤ᭄ᬗᬥᬸᬓᬩᬶᬲᬦ᭄᭚ᬲᭂᬫᭂᬂᬢᬸᬃᬗᬭᬶᬜ᭄ᬘᬶᬓᬂᬤᬬ᭞ᬮᬳᬸᬢ᭄
ᬬᬜᭂᬫᬦ᭄ᬲᭀᬓᬲᬶ᭞ᬤᬩ᭄ᬤᬩ᭄ᬫᬳᬶᬲᬶᬤᬓ᭄ᬱᬶᬦ᭞ᬳᬸᬧᬓᬵᬭᬲᬺᬕᭂᬧ᭄ᬲᬵᬫ᭄ᬧᬸᬦ᭄᭞ᬮᬦ᭄ᬢᬲ᭄ᬮᬸᬗᬫᬮᬸᬯᬲᬂ᭞ᬲᬤᬕᬢᬶ᭞ᬢᬦ᭄ᬓᭀ [ 13 ][᭑᭒ 12B]
᭑᭒
ᬘᬧᬦ᭄‌ᬬᬤᬶᬚᬮᬦ᭄᭚ᬓᭀᬘᬧ᭄ᬳᬶᬫᬗ᭄ᬓᬸᬳᬾᬗᬾᬗᬦ᭄᭞ᬬᬓᬧᬗ᭄ᬮᬸᬄᬲᬳᬶᬲᬳᬶ᭞ᬳᬓᬾᬄᬳᬦᬓᬾᬫᬮ᭄ᬯᬲᬂ᭞ᬫᬗᭀᬚᭀᬕ᭄ᬓᬸ
ᬫᬄᬳᬶᬫᬗ᭄ᬓᬸ᭞ᬤᬶᬲᬗ᭄ᬕᬄᬜᬦᬾᬫᬦᬫ᭄ᬧ᭄ᬬᬕ᭄᭞ᬚᬕ᭄ᬫᬘᭂᬮᬶᬕ᭄‌ᬳᬶᬓᭂᬢᬸᬢ᭄ᬩᬕᬸᬲ᭄‌ᬬᬦᭂᬕᬓ᭄᭚ᬦᬢ᭄ᬬᬭᬭᬶᬲ᭄ᬫᬦᭂᬲᭂᬓᬂ᭞ᬫᬫᬸᬜᬶᬫ
ᬲᭂᬩᭂᬂᬳ᭄ᬮᬶᬂ᭞ᬚᭂᬭᭀᬫᬗ᭄ᬓᬸᬗ᭄ᬕᬶᬄᬓᬾᬦᬓᬂ᭞ᬢᬶᬢ᭄ᬬᬂᬚᬸᬫᬄᬮᬶᬦ᭄ᬢᬂᬮᬘᬸᬃ᭞ᬦᬦᬂᬢᬶᬢ᭄ᬬᬂᬭᬳᬢ᭄ᬧᬶᬲᬦ᭄᭞ᬥᬦᬾᬲᬓᬶᬢ᭄᭞ᬮᬾᬤᬗᬂᬫ᭠
ᬳᭀᬲᬶᬦ᭄ᬧᬶᬲᬦ᭄᭚ᬫᬗ᭄ᬓᬸᬓᭂᬜᭂᬫ᭄ᬫᬗᬸᬘᬧ᭄᭞ᬦᬄᬢᬸᬦᬲᬂᬫᬮᬸᬤᬶᬦᬶ᭞ᬤᬓ᭄ᬱᬶᬦᬦᬾᬢᬾᬤᬩ᭄ᬤᬩᬂ᭞ᬧᬶᬧᬶᬲ᭄ᬜᬦᬾᬧᬶᬢᬸᬂᬳᬢᬸᬲ᭄
[᭑᭓ 13A]
ᬳᬶᬓᭂᬢᬸᬢ᭄ᬳᬮᬸᬲ᭄ᬳᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬩᭂᬘᬶᬓ᭄᭞ᬚᬶᬦᬳᬾᬲ᭄ᬮᬓᬯᬮᬦ᭄ᬜ᭚ᬳᬶᬫᬗ᭄ᬓᬸᬓᭂᬜᭂᬫ᭄ᬳᬗᬸᬘᬧ᭄᭞ᬤ᭄ᬬᬧᬶᬓᬾᬢᭀᬫᬲᬶᬄᬤᬤᬶ᭞ᬫ
ᬳᬾᬢᬂᬢ᭄ᬯᬭᬫᬳ᭄ᬮᭀᬂ᭞ᬢᬶᬬᬂᬲᬦ᭄ᬤᬶᬓᬦ᭄ᬚ᭄ᬭᭀᬫᬗ᭄ᬓᬸ᭞ᬫᬾᬫᬾᬦ᭄ᬘᭂᬦᬶᬂᬦᬄᬕᭂᬮᬭᬂ᭞ᬳᬧᬂᬕᬢᬶ᭞ᬥᬾᬫᬗ᭄ᬓᬸᬮᬸᬄᬫᬦᬩ᭄ᬤᬩᬂ᭚ᬲᬵᬫ᭄ᬧᬸᬦ᭄ᬲᬫᬶᬓ
ᬕᭂᬮᬭᬂ᭞ᬢᬸᬃᬗᬍᬗ᭄ᬕᬓ᭄ᬗ᭄ᬯᬃᬕ᭄ᬕᬲᬵᬭᬶ᭞ᬦᬄᬤᬶᬦᬶᬘᬳᬶᬧᬳᭂᬓᬂ᭞ᬳᬧᬂᬘᬳᬶᬲᭂᬮᬄᬫᬗ᭄ᬭᬸᬗᬸ᭞ᬯᬘᬦᬦ᭄ᬳᬶᬤᬪᬝᬵᬭ᭞ᬗ᭄ᬕᬶᬄᬢ᭄ᬬᬂᬗᬶᬭᬶᬂ᭞ᬳᬶᬓᭂ
ᬢᬸᬢ᭄ᬫᬦᭂᬫ᭄ᬧᬮ᭄ᬲᬶᬮ᭚ᬳᬶᬫᬗ᭄ᬓᬸᬜᭂᬫᬓ᭄ᬧᬲᭂᬧᬦ᭄᭞ᬫᬳᬢᬸᬃᬳᬢᬸᬃᬓᬯᬶᬥᬶ᭞ᬧᬸᬓᬸᬮᬸᬦ᭄ᬧᬤᬸᬓᬪᬝᬵᬭ᭞ᬲᭂᬧ᭄ᬬᬦᬾᬫᬯᭂᬓᬲ᭄ᬫ [ 14 ][᭑᭓ 13B]
᭑᭓
ᬢᬸᬃ᭞ᬢᬸᬭᬸᬦ᭄ᬪᬝᬵᬭᬫᬮᬶᬗ᭄ᬕ᭞ᬮᬦᬂᬳᬶᬲ᭄ᬢ᭄ᬭᬶ᭞ᬫ᭄ᬮᬶᬗ᭄ᬕᬫᬼᬗ᭄ᬕᬶᬄᬭᬶᬂᬧᬲᬫ᭄ᬯᬦ᭄᭚ᬪᬝᬵᬭᬳ᭄ᬬᬂᬤᬗᬶᬦ᭄ᬚᬸᬭᬂ᭞ᬪᬝᬵᬭᬳ᭄ᬬᬂᬤᬚᬦ᭄ᬩᬸᬓᬶᬢ᭄᭞ᬪᬝᬵᬭᬳ᭄ᬬᬂᬮᭀ
ᬤ᭄ᬲᬵᬕᬭ᭞ᬪᬝᬵᬭᬳ᭄ᬬᬂᬤᬳᬸᬄᬧᬗ᭄ᬓᬸᬂ᭞ᬢᬸᬭᬸᬦ᭄ᬳᬶᬭᬢᬸᬲᬶᬦᬫ᭄ᬬᬦ᭄᭞ᬫᬫᬳᭀᬲᬶᬦ᭄᭞ᬧᬾᬃᬫ᭄ᬫᬲᬾᬬᬓᬩᭂᬩᭂᬢᬦ᭄᭚ᬲᬸᬳᬸᬦ᭄ᬫᬢᬸᬃᬬᬫᬗᬸ
ᬦ᭄ᬤᬧ᭄᭞ᬮᬳᬸᬢ᭄ᬗᭂᬢᭀᬃᬫᬺᬚᬢ᭄ᬫᬺᬚᬶᬢ᭄᭞ᬳᬳᬶᬓ᭄ᬳᬳᬶᬓ᭄ᬢᬳᬕ᭄ᬢᬳᬕ᭄᭞ᬫᬫᬦ᭄ᬢᭂᬕ᭄ᬢᬗ᭄ᬓᬄᬫᬓᭂᬭᬸᬕ᭄᭞ᬢᬸᬮ᭄ᬬᬬᬢᬸᬧᬾᬂᬧᬚᭂᬕᬦ᭄᭞ᬢᬸᬤᬂ᭠
ᬢᬸᬤᬶᬃ᭞ᬤᬳᬃᬳᬲᭂᬧᬾᬓᬳᬗ᭄ᬕᬃ᭚ᬓᭂᬫᬸᬓ᭄ᬓᭂᬫᬸᬓ᭄ᬫᬦ᭄ᬢᭂᬕ᭄ᬤᬸᬮᬂ᭞ᬫᬶᬭᬶᬩ᭄ᬦᬕᬶᬄᬜᬶᬫ᭄ᬩᬸᬳᬂᬳᬧᬶ᭞ᬳᬶᬓᭂᬢᬸᬢ᭄ᬫᬗ᭄ᬓᬶᬦ᭄ᬦᬍᬓ᭄ᬢᭂᬓᬂ᭞ᬓᭂᬤᬾᬓ᭄‌ᬬ
[᭑᭔ 14A]
ᬫᬦᬳᭂᬦ᭄ᬩᬸᬗᬸᬢ᭄᭞ᬚᭂᬭᭀᬫᬗ᭄ᬓᬸᬚᬦᬶᬓᬢᬧᬓ᭄᭞ᬢ᭄ᬬᬂᬢᬦ᭄ᬳᬸᬦᬶᬂ᭞ᬳᬶᬗ᭄ᬕᬶᬄᬭᬭᬶᬲᬂᬍᬚᬭᬂ᭚ᬳᬶᬫᬗ᭄ᬓᬸᬗᭂᬚᬂᬧᬲᭂᬧᬦ᭄᭞ᬳᬓᬓᬾᬦᬾᬓᬾ
ᬦᬾᬘᬳᬶ᭞ᬲᭂᬧ᭄ᬬᬦᬾᬫᬺᬘᬧᬤ᭞ᬳᬶᬓᭂᬢᬸᬢ᭄ᬕᭂᬮᬶᬲ᭄ᬫᬲᬳᬸᬃ᭞ᬳᬶᬗ᭄ᬕᬶᬄᬭᬭᬶᬲᬂᬍᬚᬭᬂ᭞ᬧᬾᬃᬫ᭄ᬫᬲ᭄ᬳᬶᬓᬶ᭞ᬦᬦᬂᬩᬳᬶᬭᬜᬮᬳᬂ᭚ᬳᬶᬭ
ᬳ᭄ᬬᬂᬕᬸᬭᬸᬓᬫᬸᬮᬦ᭄᭞ᬫᬜᬓᬶᬢᬶᬦ᭄ᬦᬦᬂᬘᬳᬶ᭞ᬢ᭄ᬯᬭᬭᬸᬗᬸ᭠ᬢᭂᬓᬾᬦ᭄ᬦᬶᬭ᭞ᬢᬸᬲᬶᬂᬗᬢᬸᬭᬂᬲᬲᭂᬧᬸᬄ᭞ᬫᬶᬯᬄᬗᬢᬸᬭᬂᬳᭀᬤᬮᬦ᭄᭞
ᬓ᭄ᬮᭀᬱᬕᬢᬶ᭞ᬳᬓᬾᬢᭀᬳᬧᬂᬢᬯᬂ᭚ᬳᬓᭂᬓ᭄ᬳᬓᭂᬓ᭄ᬰᬶᬕ᭄ᬭᬧᬾᬃᬫ᭄ᬫᬲ᭄᭞ᬩᬩᬦᬶᬦᬦᬶᬗᬤ᭄ᬬᬦᬶᬦ᭄᭞ᬬᬮᬫᬸᬦ᭄ᬢ᭄ᬯᬭᬓᬵᬤ᭄ᬬᬦ [ 15 ][᭑᭔ 14B]
᭑᭔
ᬦ᭄᭞ᬧᬶᬍᬕᬂᬩᬳᭀᬂᬳᬧᬂᬮᬸᬂ᭞ᬫᭂᬦ᭄ᬢᬶᬓ᭄ᬧᬸᬗ᭄ᬕᭂᬮ᭄ᬘᬭᬂᬳᭂᬫ᭄ᬧᬓ᭄᭞ᬢᬸᬃᬫᬓᭂᬚᬶᬢ᭄᭞ᬳᬶᬓᭂᬢᬸᬢ᭄ᬓᭂᬤᬾᬓ᭄ᬫᬗᬓᬓ᭄᭚ᬚᭂᬭᭀᬫᬗ᭄ᬓᬸᬤᬶᬚᬪᬢᬵᬭ᭞
ᬢ᭄ᬯᬭᬓᭀᬢᬶᬬᬂᬦᭂᬧᬸᬓᬶᬦ᭄᭞ᬚᭂᬭᭀᬫᬗ᭄ᬓᬸᬗᭀᬫᭀᬂᬧᬤᬶᬤ᭄ᬬᬦ᭄᭞ᬫᬗᭂᬘᬾᬮ᭄ᬫᬸᬜᬶᬦᬾᬮᬶᬬᬸ᭞ᬗᭀᬭᬳᬂᬤᬾᬯᬫᬲᬶᬄᬤᬶᬤ᭄ᬬᬦ᭄᭞ᬚ᭄ᬭᭀ
ᬦᬾᬗᬸᬘᬶ᭞ᬫᬶᬭᬶᬩ᭄ᬳᬦᬓ᭄ᬩᬩᬳᬶᬦᬦ᭄᭚ᬋᬚᭀᬫᬗ᭄ᬓᬸᬩᬲ᭄ᬫᬳᬸᬓ᭄‌ᬧᬶᬲᬦ᭄᭞ᬗᬤᬸᬤᬬᬲᬳᬶᬲᬳᬶ᭞ᬓᬤᬸᬂᬧᬬᬸᬳᬸᬮᬶᬄᬮᭀᬬᬂ᭞ᬗᬸᬮᬸᬓᬸᬮᬸ
ᬓ᭄ᬳ᭄ᬳᬦᬓ᭄ᬧᬘᬸᬮ᭄᭞ᬤᬬᬦ᭄ᬢ᭄ᬭᭀᬦᬾᬢᬯᬂᬢᬶᬬᬂ᭞ᬲᬸᬩᬧᬲ᭄ᬢᬶ᭞ᬗᬓᬸᬓᬢᬧᬓ᭄ᬩᬵᬦ᭄ᬤᬾᬯ᭚ᬚ᭄ᬭᭀᬫᬗ᭄ᬓᬸᬜᬓ᭄ᬗᬸᬕᬸᬢᬶᬬᬂ᭞ᬢᬶᬬᬂᬓᬧᬗ᭄ᬮᬸᬄ
[᭑᭕ 15A]
ᬦᬾᬚᬦᬶ᭞ᬚ᭄ᬭᭀᬦᬾᬫᭂᬮᬳᬂᬫᬦᬢᬓ᭄᭞ᬪᬝᬭᬚᬦᬶᬫᬯᬸᬯᬸᬲ᭄᭞ᬳᬶᬭᬪᬝᬭᬭᬶᬂᬲ᭄ᬯᬃᬕ᭄ᬕᬦ᭄᭞ᬫᬗ᭄ᬓᬸᬫᬳᬶ᭞ᬳᬶᬭᬗᬶᬘᬾᬦ᭄ᬫᬗ᭄ᬓᬸᬳᭂᬫᬲ᭄᭚
ᬚᬸᬫᬄᬩᬩᬄᬫᬬᭀᬂᬚᬸᬯᬂ᭞ᬲᬸᬩᬤᬶᬢᬸᬫ᭄ᬯᬤᬄᬧᭂᬢᬶ᭞ᬳᬶᬭᬲᬸᬩᬗᬮᬸᬕ᭄ᬭᬬᬂ᭞ᬳᬶᬫᬗ᭄ᬓᬸᬳᭂᬦᭂᬓ᭄ᬢᬦ᭄ᬲᬳᬸᬃ᭞ᬳᬶᬓᭂᬢᬸᬢ᭄ᬓᭂᬤᬾᬓ᭄ᬫᬗᬓᬓ᭄᭞
ᬗᬸᬤᬦᭂᬗᬶᬮ᭄᭞ᬢ᭄ᬯᬭᬫᬵᬢᬸᬃᬭᬶᬂᬪᬝᬭ᭚ᬤᬬᬦ᭄ᬫᬗ᭄ᬓᬸᬓᬘᭂᬘᭂᬓᬦ᭄᭞ᬢᭂᬭᬂᬩᬳᬦ᭄ᬢᬶᬬᬂᬚᬦᬶ᭞ᬚ᭄ᬭᭀᬦᬾᬩᬲ᭄ᬮᬶᬯᬢᬶᬂᬮᭀᬬᬂ᭞ᬲᬸ
ᬩᬮᭀᬬᬂᬫᬶᬲᬶᬫᬳᬸᬓ᭄᭞ᬲᬸᬩᬫᬳᬸᬓ᭄ᬫᬶᬲᬶᬧᭀᬗᬄ᭞ᬫᬫᭀᬗᬳᬶᬦ᭄᭞ᬩᬳᬲ᭄ᬢᬮᬸᬄᬳᬸᬮᬶᬮᭀᬬᬂ᭚ᬢᬶᬬᬂᬮᬲ᭄ᬬᬫᬦᬸᬦᬲᬂ [ 16 ][᭑᭕ 15B]
᭑᭕
ᬤᭂᬧᬂᬩᬳᬢᬦ᭄ᬳ᭄ᬳᬕᬶᬕᬶᬲ᭄᭞ᬗᬩᬲᬲᬦ᭄ᬢᬸᬦᬾᬩᬸᬤᬮ᭄᭞ᬋᬚᭀᬦᬾᬦᭀᬢ᭄ᬢᬶᬬᬂᬢᬸᬬᬸᬄ᭞ᬓᬸᬮᬶᬢ᭄ᬲᬲᬦ᭄ᬢᬸᬦᬾᬚᬸᬯᬂ᭞ᬤᭂᬧᬂᬤᬶᬦᬶ᭞ᬳᬤ
ᬓᭀᬳᬗ᭄ᬕᭀᬦ᭄ᬧᬗᬸᬫ᭄ᬧᬦ᭄᭚ᬳᬶᬓᭂᬢᬸᬢ᭄ᬩᬗᬸᬦ᭄ᬫᬜᭂᬫᬓ᭄᭞ᬲᬲᬦ᭄ᬢᬸᬦᬾᬮᬳᬸᬢ᭄ᬳᬸᬮᬶᬄ᭞ᬳᬶᬫᬗ᭄ᬓᬸᬩᭂᬗᭀᬂᬫᬜᭀᬧᬓ᭄᭞ᬳᬦ
ᬓᬾᬓᭂᬤᬾᬓ᭄ᬫᬓᭂᬭᬸᬕ᭄᭞ᬫᬕᬦ᭄ᬢᬶᬕᬦ᭄ᬢᬶᬮᬸᬯᬶᬃᬳᭀᬫ᭄ᬩᬓ᭄᭞ᬓᬤᬶᬧᬲᬶᬄ᭞ᬧᬦᭂᬤᭂᬗᬦ᭄ᬜᬦᬾᬳᭀᬘᬓ᭄᭚ᬳᬶᬫᬗ᭄ᬓᬸᬮᬸᬲᭂᬩᭂᬂᬚᭂ
ᬗᬄ᭞ᬗᭂᬦ᭄ᬢᬸᬗᬂᬩᭀᬤᬕ᭄ᬗᬮᬶᬮᬶᬂ᭞ᬫᬫᬦ᭄ᬢᭂᬕ᭄ᬢᬗ᭄ᬓᬄᬫᬗᭂᬜᬶᬃ᭞ᬫᬶᬗ᭄ᬓᬶᬦ᭄ᬓᭂᬤᬾᬓᬾᬫᬩ᭄ᬭᬶᬬᬸᬓ᭄᭞ᬫᬶᬮᬸᬩᬸᬳᬸᬂᬫᬮᬸᬯᬲᬂ᭞ᬧᬤᬫᬸᬮᬶᬄ
[᭑᭖ 16A]
ᬲᬸᬓ᭄ᬮᬤᬓ᭄ᬱᬶᬦᬦ᭄ᬜᬦᬾᬩᬸᬤᬮ᭄᭚ᬳᬶᬫᬗ᭄ᬓᬸᬢᭀᬂᬤᬤᬶᬗᬸᬘᬧ᭄᭞ᬗᬶᬯᬲᬶᬦ᭄ᬳᬦᬓᬾᬫᬸᬮᬶᬄ᭞ᬳᭂᬦ᭄ᬢᬶᬧ᭄ᬓᬯᬳᬾᬫᬓᬤ᭞ᬚᬮ᭄ᬫ
ᬘᬶᬘᬶᬂᬫᬳᬶᬗᬤᬸᬓ᭄᭞ᬭᬢᬸᬧᬤᬸᬓᬪᬝᬭ᭞ᬫᬗ᭄ᬥᬾᬕᭂᬮᬶᬲ᭄᭞ᬚᬤ᭄ᬫᬦᬾᬧᬸᬦᬶᬓᬩᬗ᭄ᬓ᭚ᬲᬶᬲᬶᬧ᭄ᬳᬶᬧᬸᬦ᭄ᬳᬕᭂᬂᬧᬶᬲᬦ᭄᭞ᬫᬓᬃ
ᬤ᭄ᬥᬶᬚᭂᬗᬄᬢᬦ᭄ᬲᬶᬧᬶ᭞ᬗᬯᬗ᭄ᬥᬾᬬᬂᬢᬶᬢ᭄ᬬᬂᬫᬜᬓᬦ᭄᭞ᬳᬶᬫᬗ᭄ᬓᬸᬮᬸᬄᬲᬸᬫᬳᬸᬃ᭞ᬘᬳᬶᬩᬲ᭄ᬓᬲᭀᬫ᭄ᬧᭀᬓᬦ᭄᭞ᬳᬦᬓ᭄ᬭᬶᬭᬶᬄ
᭞ᬢ᭄ᬯᬭᬩᬶᬲᬗᬸᬦᬥᬶᬓ᭚ᬳᭂᬦ᭄ᬢᭀᬬᬦ᭄ᬳᬸᬧᬫᬶᬬᬂᬳᬶ᭠ᬘᬂ᭞ᬩᬸᬓᬲᬢ᭄ᬯᬦᬾᬭᬶᬂᬢᬦ᭄ᬢ᭄ᬭᬶ᭞ᬘᬭᬶᬢᬦ᭄ᬢᬶᬢᬶᬄᬳᬶᬢᬸᬫ᭞ᬢ [ 17 ][᭑᭖ 16B]
᭑᭖
ᬗᬭᬾᬗᬯᬾᬭᬵᬳᬬᬸ᭞ᬳᬓᬾᬄᬋᬓᭀᬬᬦᬸᬘᬧᬂ᭞ᬮᬸᬄᬫ᭄ᬯᬦᬶ᭞ᬓᬤᬸᬃᬫᬗ᭄ᬕᬮᬦᬶᬂᬫᬦᬄ᭚᭐᭚ᬧᬸᬄᬤᬸᬃᬫ᭄ᬫ᭚ᬢᬦ᭄ᬓᭀᬘᬧ
ᬦ᭄ᬚᬦᬶᬳᬶᬫᬗ᭄ᬓᬸᬳᬾᬗᬾᬗᬦ᭄᭞ᬕᬦ᭄ᬢ᭄ᬬᬦᬶᬂᬘᬭᬶᬢᬫᬮᬶᬄ᭞ᬳᬶᬓᭂᬢᬸᬢ᭄ᬘᬭᬶᬢ᭞ᬳᬶᬥᭂᬧᬾᬲᬬᬦ᭄ᬕᬦᬮ᭄᭞ᬗᭂᬗ᭄ᬤᬶᬕᬶᬦ᭄ᬳᬦᬓᬾᬭᬶᬭᬶᬄ᭠
ᬦᭀᬭᬚᬗ᭄ᬓᬬᬦ᭄᭞᭞ᬦᬩᬸᬄᬫᬸᬜᬶᬮᬕᬲ᭄ᬕᬢᬶ᭚ᬯᬶᬭᬾᬄᬗ᭄ᬭᬲᬤᬾᬯᬾᬓ᭄ᬲᬸᬩᬧᬰ᭄ᬘᬢ᭄᭞ᬳᬲᬶᬂᬭᬶᬭᬶᬄᬓᬳᬗ᭄ᬕᬸᬭᬶᬦ᭄᭞ᬕ
ᬦ᭄ᬢ᭄ᬬᬦᬶᬂᬘᬭᬶᬢ᭞ᬯᬾᬦ᭄ᬢᭂᬦ᭄ᬪᬸᬚᬗ᭄ᬕᬓ᭄ᬱᬢ᭄ᬭᬶᬬ᭞ᬧᭂᬲᬾᬗᬦ᭄ᬳᬶᬤᬾᬯᬋᬱᬶ᭞ᬓᬲᬸᬫ᭄ᬩᬸᬂᬧ᭄ᬭᬚ᭄ᬜᬦ᭄᭞ᬳᬰ᭄ᬭᬫᬭᬶᬂᬓᬮᬾᬃᬓᬗᬶᬦ᭄᭚
[᭑᭗ 17A]
ᬳᬲ᭄ᬢᬤᬰᬥᬃᬫ᭄ᬫᬲᬵᬫ᭄ᬧᬸᬦ᭄ᬢᭂᬮᬲ᭄᭞ᬢᬢ᭄ᬯᬤ᭄ᬬᬢ᭄ᬫᬶᬓᬲᬫᬶ᭞ᬲᬵᬫ᭄ᬧᬸᬦ᭄ᬯᬲ᭄ᬓᬋᬜ᭄ᬘᬄ᭞ᬲᬵᬫ᭄ᬧᬸᬦ᭄ᬩᬱᬩᬸᬯᬶᬦ᭄ᬩᬱᬬᬂ᭞ᬫᬓᬵᬥᬶᬓᬶᬤᬸᬂᬓᬓᬯᬶ
ᬦ᭄᭞ᬢᭂᬮᬲ᭄ᬓᬭᬫ᭄ᬩᬂ᭞ᬩᬪᬱᬦᬾᬫᬗᬾᬦ᭄ᬤᬳᬶᬦ᭄᭚ᬲᬢ᭄ᬯᬢᬸᬢᬸᬃᬲᬵᬫ᭄ᬧᬸᬦ᭄ᬲᬫᬶᬓᬭᬵᬕᬬᬂ᭞ᬲᬮᬸᬯᬶᬭᬶᬂᬰᬲ᭄ᬢ᭄ᬭᬦᬾᬧᬶᬗᬶᬢ᭄᭞ᬫᬓᬵᬥᬶ
ᬧᬗᬶᬯᬵ᭞ᬧᬦᭂᬗᭂᬦ᭄ᬲᬫ᭄ᬧᬸᬦ᭄ᬓᬭᬵᬳ᭞ᬫ᭄ᬯᬂᬢᭂᬦᬸᬂᬯᬭᬶᬕᬫᬮᬶᬄ᭞ᬗ᭄ᬕᬾᬦ᭄ᬕᬕᭀᬜ᭄ᬚᬓᬦ᭄᭞ᬢᬦ᭄ᬳᬦᬳᬶᬦᬸᬘᬧ᭄ᬫᬮᬶᬄ᭚ᬧᬸᬧᬸᬢ᭄ᬲᬵᬫ᭄ᬧᬸ
ᬦ᭄ᬓᬚᬦᬮᭀᬓᬓᬭᬶᬂᬚᬕᬢ᭄᭞ᬲᬸᬫᬸᬯᬸᬕ᭄ᬭᭀᬂᬢᭂᬓᬫᬦ᭠ᬗ᭄ᬓᬶᬮ᭄᭞ᬩᭀᬯᬓᬬᬂᬳᬘᬓ᭄᭞ᬦᬸᬦᬤ᭄ᬓᬲᬶᬤ᭄ᬥᬶᬬᬦ᭄ᬫᬦᬄ᭞ᬬᬤ᭄ᬬ [ 18 ][᭑᭗ 17B]
᭑᭗
ᬧᬶᬦ᭄ᬯᬢᭂᬓ᭄ᬩᬾᬘᬭᬶ᭞ᬧᬥᬜᬯᬶᬢ᭞ᬳᬶᬤᬤᬾᬯᬫᬦᬕᬶᬗᬶᬦ᭄᭚ᬚᬕ᭄ᬫᬲᭂᬤᬾᬃᬳᬶᬓᭂᬢᬸᬢ᭄ᬩᬕᬸᬲ᭄ᬧ᭄ᬭᬦᬢ᭞ᬲᬓᬶᬂᬤᭀᬄᬫᬳᬢᬸᬃᬲᬶ
ᬲᬶᬧ᭄᭞ᬤᬯᭂᬕ᭄ᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭ᭞ᬭᬶᬂᬲᬂᬓᬤᬶᬤᬾᬯᬪᬝᬵᬭ᭞ᬦᬄᬫᭂᬦᬾᬓᬦ᭄ᬮᬯᬸᬢ᭄ᬘᬳᬶ᭞ᬳᬧᬳᬶᬢᬸᬗᬂ᭞ᬢᭂᬫ᭄ᬩᬾᬲᬚᬘᬳᬶᬫᬳᬶ
᭚ᬬᬳᬶᬓᭂᬢᬸᬢ᭄ᬳᬮᬸᬲ᭄ᬳᬢᬸᬃᬜᬦᬾᬗᬲᬩ᭄᭞ᬭᬢᬸᬳᬕᬸᬂᬧ᭄ᬭᬦ᭄ᬥᬋᬱᬶ᭞ᬲᬂᬓᬤᬶᬲᬸᬃᬬ᭄ᬬᬘᬦ᭄ᬤ᭄ᬭ᭞ᬫᬓᬲᬸᬯᬃᬦᬶᬂᬦᬵᬕᬭ᭞ᬫᬭᬕ᭠
ᬳ᭄ᬬᬂᬕᬦᬮᬮᬶᬢ᭄᭞ᬳᬦᭀᬄᬧᬋᬓ᭞ᬢᬸᬫᭀᬦ᭄ᬲᬰᬡᬦᬶᬂᬪᬸᬫᬶ᭚ᬫᬓᬃᬤ᭄ᬥᬶᬦᬶᬦ᭄ᬳᬲᬶᬳᬶᬂᬯᭀᬂᬗ᭄ᬕᬦᬰ᭄ᬭᬬᬦ᭄᭞ᬳᬶᬤ
[᭑᭘ 18A]
ᬋᬱᬶᬲᭂᬫᬸᬲ᭄ᬫᬶᬢᬵᬭᬶᬲ᭄᭞ᬳᭂᬦ᭄ᬢᭀᬩᬸᬓᬓᬾᬢᭀᬲᬚ᭞ᬘᬳᬶᬳᬧᬧᬘᬂᬢᬸᬦᬲ᭄᭞ᬩᬧᬢ᭄ᬯᬭᬳᬤᬫᬮᬶᬄ᭞ᬮᬳᬸᬢ᭄ᬧᭂᬢᬳᬂ᭞
ᬤᬫᬗᬸᬩ᭄ᬥᬬᬂᬩᬸᬯᬶᬦ᭄᭚ᬬᬳᬶᬓᭂᬢᬸᬢ᭄ᬫᭂᬦ᭄ᬥᭂᬓ᭄ᬢᬸᬃᬫᬢᬢᬗ᭠ᬦᬦ᭄᭞ᬳᬶᬗ᭄ᬕᬶᬄᬲᬲᬸᬳᬸᬦ᭄ᬓᬫᬶ᭞ᬲ᭄ᬯᬾᬘᬳᬶᬘ᭄ᬙᬯᬭᬄ᭞ᬢᬶᬢ᭄ᬬᬂᬫᬫᬦᬄ
ᬫᬰᬶᬱ᭄ᬬ᭞ᬫᬫ᭄ᬥᬲᬶᬤ᭄ᬥᬫᭂᬤᬮ᭄ᬕᭂᬦᬶ᭞ᬲᬓᬶᬂᬰᬭᬭᬾ᭞ᬓᬤᬶᬳᬸᬘᬧᬾᬭᬶᬂᬅᬚᬶ᭚ᬧᬶᬢᭂᬓᭂᬢ᭄ᬜᬕᭂᬦᬶᬲᬪᬸᬯᬦ᭞ᬧᬸᬦᬶᬓᬓᭀ
ᬘᬧᬼᬯᬶᬄ᭞ᬫᬓᬢᬃᬓᬢᬭᬦ᭄᭞ᬢᭂᬢᭂᬄᬫᬢᬸᬫ᭄ᬧᬂᬢᬸᬫ᭄ᬧᬂ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬫᬗ᭄ᬥᬜᬶᬤ᭄ᬥᬬᬂ᭞ᬤᬾᬯᬾᬓ᭄ᬢᬶ᭠ [ 19 ][᭑᭘ 18B]
᭑᭘
ᬢ᭄ᬬᬂᬫᭂᬤᬮ᭄ᬕᭂᬦᬶ᭚ᬤᬾᬯᬋᬱᬶᬓᭂᬜᬶᬂᬢᬸᬃᬗᬦ᭄ᬤᬶᬓᬕᭂᬢᬃ᭞ᬢᭀᬫᬉᬢ᭄ᬢᬫᬕᬢᬶ᭞ᬚᬦᬶᬩᬧᬫᬯᬭᬄ᭞ᬧᬫᬸᬗ᭄ᬓᬄᬳᬶᬜ᭄ᬘᭂᬧᬶᬦ᭄ᬘᭂᬧᬦ᭄᭞
ᬏᬓᬵᬓ᭄ᬱᬭᬫᬦᭂᬫ᭄ᬩᬾᬦᬶᬦ᭄᭞ᬫᭀᬤ᭄ᬭᬾᬰ᭄ᬯᬮᬶᬢ᭞ᬤᬸᬯᬂᬤᬰᬳᭂᬦ᭄ᬢᭀᬫᬦᬤᬶ᭚ᬳᭂᬦ᭄ᬢᭀᬭᬶᬗ᭄ᬓᭂᬲᬂᬬᬤᬤᬶᬤᬰᬵᬓ᭄ᬱᬭ᭞ᬤᬰᬵ
ᬓ᭄ᬱᬭᬳᭂᬦ᭄ᬢᭀᬭᬶᬗ᭄ᬓᭂᬲ᭄ᬩᬸᬯᬶᬦ᭄᭞ᬫᬢᭂᬫᬳᬦ᭄ᬧᬦ᭄ᬘᬵᬓ᭄ᬱᬭ᭞ᬧᬜ᭄ᬘᬵᬓ᭄ᬱᬭᬦᬾᬭᬶᬗ᭄ᬓᭂᬲᬂ᭞ᬢᭀᬫᬦᬤᬶᬢ᭄ᬭᬶᬳᬓ᭄ᬱᬭ᭞ᬬ᭠
ᬩᬸᬯᬶᬦ᭄ᬭᬶᬗ᭄ᬓᭂᬲᬂ᭞ᬫᬢᭂᬫᬳᬦ᭄‌ᬭᬸᬯᬪᬶᬦ᭄ᬦᬾᬤᬵᬥᬶ᭚ᬭᬸᬯᬪᬶᬦ᭄ᬦᬾᬤᬢᭀᬳᬧᬂᬤᬤᬶᬢᬸᬗ᭄ᬕᬮ᭄᭞ᬧᬢᭂᬫ᭄ᬯᬂᬳᬧᬂᬧᬲ᭄ᬢᬶ᭞ᬗ
[᭑᭙ 19A]
ᬤᭂᬕ᭄ᬮᬦ᭄ᬲᬸᬫᬸᬗ᭄ᬲᬂ᭞ᬲᬸᬃᬬ᭄ᬬᬘᬦ᭄ᬤ᭄ᬭᬧᬢᭂᬫ᭄ᬯᬂ᭞ᬓ᭄ᬮᬸᬯᬂᬕᭂᬦᬶᬦᬾᬳᬸᬩᬸᬗᬶᬦ᭄᭞ᬳᬧᬂᬜᬓ᭄‌ᬦ᭄ᬤᬶᬮᬄ᭞ᬳᬧᬶᬦᬾᬗᭂᬩ᭄ᬭᬾᬲ᭄ᬓᬲᬶᬲᬶ᭚ᬬᬳᬶᬓᭂ
ᬢᬸᬢ᭄ᬫᬵᬢᬸᬃᬫᬮᬶᬄᬫᬦᬸᬢᬸᬤᬂ᭞ᬭᬢᬸᬳᬕᬸᬂᬧ᭄ᬭᬦ᭄ᬥᬋᬱᬶ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬲᬓᬶᬂᬓᬢᬸᬦᬳᬦ᭄ᬫᬦᬄ᭞ᬳᬗᭀᬩ᭄ᬢᬶᬢ᭄ᬬᬂᬫᬶᬭᬕᬶ᭞ᬓ
ᬤᬶᬯᬘᬦ᭞ᬗ᭄ᬭᬶᬗ᭄ᬓᭂᬲ᭄ᬰᬲ᭄ᬢ᭄ᬭᬲᬧᬸᬦᬧᬶ᭚ᬤᬾᬯᬋᬱᬶᬗᬦ᭄ᬢᬶᬤᬶᬓᬓᬮᬗ᭄ᬓᬸᬂᬕᭂᬢᬃ᭞ᬲᬚᬘᬳᬶᬢᬫ᭄ᬩᭂᬢ᭄ᬕᬢᬶ᭞ᬢᬶᬗ᭄ᬓᬳᬾᬗ᭄ᬭᬶᬗ᭄ᬓᭂᬲ᭄ᬰᬲ᭄ᬢ᭄ᬭ
ᬢ᭄ᬯᬄᬬᬤᬶᬢᭂᬗᬄᬩᬲᬂ᭞ᬧᬢᭂᬫ᭄ᬯᬂᬰᬲ᭄ᬢ᭄ᬭᬦᬾᬲᬫᬶ᭞ᬦᬵᬗ᭄ᬳᬶᬂᬳᬾᬮᬶᬗᬂ᭞ᬮᬸᬯᬶᬃᬗᬤᬸᬧᬸᬘᬸᬓᬶᬂᬭ᭄ᬯᬶ᭚ᬳᬤᬩᬸᬯᬶᬦ᭄ᬮᬸᬯᬶᬃ [ 20 ][᭑᭙ 19B]
᭑᭙
ᬓᬤᬶᬫᬲᬗ᭄ᬕᬫ᭞ᬦᬾᬓᬢᬸᬂᬮᬵᬯᬦ᭄ᬦᬾᬳᬶᬲ᭄ᬢ᭄ᬭᬶ᭞ᬳᭂᬦ᭄ᬢᭀᬯᭂᬓᬲᬶᬂᬫᬲᭂᬗ᭄ᬓ᭞ᬳᭂᬦ᭄ᬢᭀᬘᬳᬶᬋᬲᭂᬧᬂ᭞ᬫᬚᬮᬭᬦ᭄ᬢᬶᬮᬶᬂᬩᬸᬤ᭄ᬥᬶ᭞
ᬤᭀᬄᬢ᭄ᬯᬭᬲᬶᬤ᭄ᬥ᭞ᬳᬸᬫᬶᬚᬶᬮ᭄ᬲᬂᬳ᭄ᬬᬂᬳᬕ᭄ᬦᬶ᭚ᬳᬗ᭄ᬳᬶᬂᬘᬳᬶᬳᬧᬂᬫᭂᬧᭂᬢ᭄ᬤ᭄ᬯᬭᬲᬗ᭄ᬳᬵ᭞ᬢᬸᬗ᭄ᬕᬮᬂᬩᬬᬸᬦᬾᬲᬫᬶ᭞ᬭᬶᬂᬦᬲᬶᬓᬢᬚᭃ
ᬧᬂ᭞ᬮᬬᬳᬾᬮᬳᬸᬢ᭄ᬲᭂᬮᬾᬧᬂ᭞ᬳᬶᬜ᭄ᬘᭂᬧᬂᬓᬚᭂᬭᭀᬦᬶᬂᬳᬢᬶ᭞ᬓᬾᬢᭀᬢᬶᬗ᭄ᬓᬄᬜ᭞ᬧᬫ᭄ᬭᬕᬢ᭄ᬤᬶᬩᬲᬂᬲᬫᬶ᭚ᬬᬳᬶ᭠
ᬓᭂᬢᬸᬢ᭄ᬫᬵᬢᬸᬃᬳᬮᬸᬲ᭄ᬧᬢᭂᬮᬳᬦᬦ᭄᭞ᬧ᭄ᬭᬲᬗ᭄ᬕᬢᬶᬢ᭄ᬬᬂ᭠ᬳᬓᬶᬤᬶᬓ᭄᭞ᬤᭂᬫ᭄ᬯᬂᬰᬲ᭄ᬢ᭄ᬭᬭᬶᬂᬩᬲᬂ᭞ᬲᬓᬶᬂᬦᬧᬶᬳᬫ᭄ᬩᭂᬮ᭄ᬦᬶᬓ᭞
[᭒᭐ 20A]
ᬲᬦᬄᬩ᭄ᬬᬦᬧᬘᬂᬤᬤᬶ᭞ᬰᬲ᭄ᬢ᭄ᬭᬦᬾᬳᬸᬦ᭄ᬢᬮ᭄᭞ᬫᬾᬫᬾᬳᬤᬸᬓᬦ᭄ᬩᬘᬶᬦ᭄᭚ᬓᬤᬶᬩᬳᭀᬲ᭄‌ᬬᬦ᭄ᬗ᭄ᬭᬶᬗ᭄ᬓᭂᬲ᭄ᬤᬰᬵᬓ᭄ᬱᬭ᭞ᬓᭂᬦᬶ
ᬤᬤᭀᬲ᭄ᬧᬜ᭄ᬘᬵᬓ᭄ᬱᬭᬶ᭞ᬮᬮᬶᬫᬓᬶᬚᬩᬓ᭄ᬢ᭞ᬤᬤᭀᬲ᭄ᬧᬘᬂᬧᭂᬚᬸᬦᬂ᭞ᬫᬗ᭄ᬥᬤᬤᭀᬲ᭄ᬧᬜ᭄ᬘᬓ᭄ᬱᬭᬶ᭞ᬬᬦ᭄ᬗ᭄ᬭᬶᬗ᭄ᬓᭂᬲ᭄ᬰᬲ᭄ᬢ᭄ᬭ᭞᭠
ᬤᬤᭀᬲ᭄ᬩᭀᬗ᭄ᬓᭀᬲ᭄ᬤᬤᬶᬬᬂᬲᬶᬓᬶ᭚ᬫᬮᬶᬄᬲᬧᬸᬦᬧᬶᬬᬂᬫᬢᭂᬫ᭄ᬯᬂᬲᬸᬃᬬ᭄ᬬᬘᬦ᭄ᬤ᭄ᬭ᭞ᬲᬶᬭᬳᬦᬓᬾᬭᬶᬭᬶᬄ᭞ᬜᬶᬦ᭄ᬥᬬᬂᬫᬜᭂᬫᬓ᭄
ᬦᬸᬗ᭄ᬕᬮᬂᬲᬸᬃᬬ᭄ᬬᬩᬸᬮᬦ᭄᭞ᬕᭂᬦᬄᬲᬯᬢ᭄ᬫᬗᬸᬮᬗᬶᬦ᭄᭞ᬩᬳᭀᬲ᭄ᬢᬸᬯᬄᬢᬯᬄ᭞ᬜᭀᬬᬜᬦ᭄ᬤᬂᬤᬶᬗᭂᬄᬓᭀᬧᬶᬂ᭚ᬳᬲᬶᬂᬦᬶ [ 21 ][᭒᭐ 20B]
᭒᭐
ᬗᭂᬄᬲᬫᬶᬬᬓᭂᬤᬾᬓ᭄ᬗᬓᬓ᭄᭞ᬤᬾᬯᬋᬱᬶᬮᬗ᭄ᬓᬸᬂᬩ᭄ᬭᬗ᭄ᬢᬶ᭞ᬮᬸᬯᬶᬃᬧᬸᬘᬸᬓᬾᬓᬸᬘ᭞ᬳᬶᬓᭂᬢᬸᬢ᭄ᬫᬧᬫᬶᬢ᭄ᬩᬸᬤᬮ᭄᭞ᬫᭂᬦᭂᬂᬳᬶᬤᬤᬾᬯᬋᬱᬶ᭞ᬤᬸ
ᬓᬦᬾᬮᬶᬯᬢ᭄᭞ᬯᬃᬡ᭄ᬦᬲᭂᬩᬸᬄᬩᬭᬓ᭄ᬩᬶᬳᬶᬂ᭚ᬦᬄᬩᬶᬦ᭄ᬧᬶᬤᬦ᭄ᬲᬕᬾᬢ᭄ᬗᬸᬦᬶᬗᬂᬳᬧ᭞ᬤᬶᬢᬸᬩᬓᬮ᭄ᬧᬲᬶᬮᬶᬳᬶᬦ᭄᭞ᬚᬮ᭄ᬫᬮᬶᬯ᭠
ᬢ᭄ᬤᭂᬕᬕ᭄᭞ᬫᬤᬓ᭄ᬳᬧᬂᬳᬾᬗ᭄ᬕᬮ᭄ᬩᬗ᭄ᬓ᭞ᬳᬫᬄᬕ᭄ᬭᬸᬩᬸᬕᬺᬩᬸᬢ᭄ᬕᭂᬭᬶᬂ᭞ᬯᬾᬦ᭄ᬢᭂᬦ᭄ᬫᬫᬸᬗ᭄ᬯᬂ᭞ᬚᬤ᭄ᬫᬩᬸᬤᬸᬄᬤᬗ᭄ᬮᬶᬗ᭄ᬕᬶᬳᬶᬦ᭄᭚ᬧᬶᬦᭂᬄᬭᬢᬸ
ᬫᬮᬶᬄᬧᬜ᭄ᬚᬗᬂ᭞ᬦᬶᬤᬾᬲᬓ᭄ᬳᬶᬲ᭄ᬢ᭄ᬭᬶᬫᬜᭂᬭᬶᬢ᭄᭞ᬳᬶᬤᬍᬩᬶᬄᬩᭀᬗ᭄ᬗᬦ᭄᭞ᬢ᭄ᬯᬭᬫᬗᬸᬦᬥᬶᬓ᭞ᬭᬶᬂᬲᬧᬶᬦᬸᬦᬲ᭄ᬤᬕᬶᬗᬶᬦ᭄᭞
[᭒᭑ 21A]
ᬓᬾᬦᬾᬨᬮᬦ᭄ᬜ᭞ᬗᬯᬾᬚᭂᬗᬄᬩᬸᬓᬫᬵᬢᬶ᭚ᬳᬧᬳᬢᬸᬭᬶᬦᬤᬤᬶᬫᬘᬍᬫᬾᬗᬦ᭄᭞ᬲᬮᬓᬫᬵᬲ᭄ᬳᬧᭂᬢᬶ᭞ᬮᬾᬦ᭄ᬫᬵᬢᬸᬃᬫᬧ
ᬳᬸᬗ᭄ᬯ᭞ᬳᬶᬗ᭄ᬕᬶᬄᬭᬢᬸᬫᭂᬦᭂᬗᬂ᭞ᬓᬤᬶᬳᬶᬤᬧᬭᬋᬱᬶ᭞ᬯᬾᬦ᭄ᬢᭂ᭠ᬦ᭄ᬧᬶᬦᬸᬦᬲ᭄᭞ᬢᬍᬃᬧᬵᬢᬸᬢ᭄ᬲ᭄ᬯᬾᬘᬦᬶᬦ᭄᭚ᬯᬶᬭᬾᬄᬳᬶᬤᬫᬭᬵ
ᬕᬥᬃᬫ᭄ᬫᬉᬢ᭄ᬢᬫ᭞ᬮᬸᬯᬶᬃᬲᬂᬳ᭄ᬬᬂᬚᬶᬦᬫᬸᬃᬣᬶ᭞ᬳᬸᬫᬶᬫ᭄ᬩᬭᬶᬂᬚᬕᬢ᭄᭞ᬧᬗᭂᬲᭂᬗᬦ᭄ᬫᬮᬓ᭄ᬮᬾᬰ᭞ᬲᬵᬫ᭄ᬧᬸᬦ᭄ᬫᬗᭀᬩᭂᬢᬂᬓᬭᬶ᭞ᬩᭂ
ᬘᬶᬓ᭄ᬧᬸᬃᬡ᭄ᬦᬬᬂ᭞ᬫᭂᬦᭂᬂᬳᬶᬤᬾᬲᬓ᭄ᬳᬶᬲ᭄ᬢ᭄ᬭᬶ᭚ᬤᬾᬯᬋᬱᬶ᭠ᬫᬤᭂᬓᭂᬲᬦ᭄ᬢᬸᬃᬓᬧᬫᬺᬫᬦ᭄᭞ᬤᬾᬲᬓ᭄ᬳᬶᬲ᭄ᬢ᭄ᬭᬶᬫᬳᬶᬤᬶᬦᬶ᭞ᬳᬸ [ 22 ][᭒᭑ 21B]
᭒᭑
ᬭᬸᬢᬸᬭᬸᬢ᭄ᬢᬶᬬᬂ᭞ᬦᬶᬤᬾᬲᬓ᭄ᬳᬶᬲ᭄ᬢ᭄ᬭᬶᬫᬜᬕ᭄ᬚᬕ᭄᭞ᬗᬸᬭᬸᬢ᭄ᬘᭀᬓᭀᬃᬢᬗᬦ᭄ᬲᬫᬶ᭞ᬳᬶᬤᬧᬭᬦ᭄ᬥ᭞ᬮᬶᬫᬸᬄᬓᬳ᭄ᬬᬸᬦᬾᬧ᭄ᬭᬚᬦᬶ᭚ᬓᬳᬸ
ᬮᬸᬂᬢᬸᬮᬸᬂᬤᬾᬲᬓ᭄ᬳᬶᬲ᭄ᬢ᭄ᬭᬶᬜᭂᬭᬶᬳᬶᬦ᭄ᬳᭀᬓ᭞ᬘᭂᬦᬶᬂᬤᬾᬲᬓ᭄ᬳᬬᬸᬫᬡᬶᬓ᭄᭞ᬲᭂᬫ᭄ᬩᬃᬳᬚᬶᬦ᭄ᬳᬶᬤᬾᬯᬕᭂᬮᬶᬲᬂ᭞ᬜᬕ᭄ᬜᬕ᭄ᬚᬕ᭄ᬤᬾᬲᬓ᭄ᬳᬬᬸ
ᬫᬦᬶᬓ᭄᭞ᬫᬓ᭄ᬢᬬᬂᬲᭂᬫ᭄ᬩᬃ᭞ᬫᬯᬤᬄᬩᭀᬓᭀᬃᬫᬵᬲ᭄ᬫᬳᬸᬓᬶᬃ᭚ᬕᬶᬧᬶᬄᬫᬜᭂᬫ᭄ᬩᬃᬲᬃᬯ᭄ᬯᬶᬫᭂᬘᬶᬓᬂᬢᬗᬦ᭄᭞ᬓᬃᬡ᭄ᬦᬦᬾᬓᬳᭂᬗ᭄ᬓᬳᬶᬦ᭄᭞
ᬢᬸᬃᬫᬦᭂᬳᭂᬦ᭄ᬤᬦ᭞ᬤᬾᬯᬋᬱᬶᬗᬦ᭄ᬤᬶᬓ᭞ᬩᬲᬂᬩᬧᬚᬦᬶᬲᬓᬶᬢ᭄᭞ᬫᬮᬶᬄᬓᬲᭂᬫ᭄ᬩᬃ᭞ᬭᬭᬲᬾᬗᭂᬜᬕᬂᬳᬢᬶ᭚ᬫᬸᬮ
[᭒᭒ 22A]
ᬧ᭄ᬭᬚ᭄ᬜᬦ᭄ᬢᬸᬃᬚᭂᬕᬾᬕ᭄ᬫᬕᭀᬮᬾᬭᬦ᭄᭞ᬳᬸᬦ᭄ᬢᬸᬜᬮᬂᬳᬮᬄᬫᬡᬶᬓ᭄᭞ᬓᭂᬜᬶᬂᬓᬤᬶᬕᬸᬮ᭞ᬧᬫᬸᬮᬸᬦᬾᬕᬤᬶᬂᬜᬮᬂ᭞ᬲᬸᬲᬸᬗᬲᭀᬭᬂ
ᬜᬸᬄᬤᬦ᭄ᬢᬶ᭞ᬦᬓᬗᬸᬭᬜᬄ᭞ᬢᬗᬦᬾᬍᬫᭂᬢ᭄ᬗᬾᬤᬦᬶᬦ᭄᭚ᬲᬶᬂᬗᬦ᭄ᬢᭂᬦᬂᬧᬥᬓᬕᬳᭀᬓᬦ᭄ᬫᬦᬄ᭞ᬧᬦ᭄ᬢᭂᬲ᭄ᬳ᭄ᬬᬂᬦᬶᬂᬫᬤᬸᬧᬲᬶᬃ᭞ᬤᬾ
ᬯᬦᬶᬂᬰᬬᬡ᭞ᬫᬮᬶᬄᬓᬢᬸᬚᬸᬢᬦ᭄ᬭᬶᬂᬳᬸᬫᬄ᭞ᬲᬫᭂᬢᭀᬦᬾᬮᬦᬂᬲᬶᬓᬶ᭞ᬓᬤᬶᬩᬮᬯ᭞ᬧᭂᬲᬾᬗᬦ᭄ᬤᬾᬯᬳ᭄ᬬᬂᬳᬧᬶ᭚ᬭᬫ᭄ᬩᬸ
ᬢ᭄ᬳᬕᬶᬫ᭄ᬩᬮ᭄ᬳᬩᭀᬜ᭄ᬘᬾᬂᬲᭀᬘᬩᬾᬭᭀ᭞ᬓᬸᬫᬶᬲ᭄ᬫᬚᬤᬾᬗ᭄ᬓᭀᬮ᭄᭞ᬳᬮᬶᬲ᭄ᬧᬗᬤᭂᬕᬾᬘᭂᬧᬕ᭄᭞ᬗᬯᬾᬗᬺᬲᬶᬂᬫᬦᬄ᭞ᬦ [ 23 ][᭒᭒ 22B]
᭒᭒
ᬕ᭄ᬬᬢᬦ᭄ᬳᬦᬭᬶᬂᬳᬰ᭄ᬭᬫᬶ᭞ᬬᬦ᭄ᬳᬶᬤᬚᬸᬫᬄ᭞ᬫᬾᬄᬥᬳᬶᬓᭂᬢᬸᬢ᭄ᬫᬵᬢᬶ᭚ᬧᬜ᭄ᬚᬂᬬᬦ᭄ᬘᬭᬶᬢᬢᬶᬗ᭄ᬓᬳᬶᬂᬳᬰᬺᬫ᭞ᬕᭂᬮᬶᬲᬂᬲᬢ᭄ᬯᬦᬾᬫᬮᬶᬄ᭞
ᬲᬸᬭᬸᬧ᭄ᬲᬂᬳ᭄ᬬᬂᬬ᭄ᬬ᭞ᬕᬦ᭄ᬢ᭄ᬬᬦᬷᬢᬢ᭄ᬯᬘᬭᬶᬢ᭞ᬳᬶᬓᭂᬢᬸᬢ᭄ᬳᬸᬘᬧᬂᬫᬮᬶᬄ᭞ᬫᬗ᭄ᬭᬶᬜ᭄ᬘᬶᬓᬂᬤᬬ᭞ᬳᬶᬥᭂᬧ᭄ᬜᬫᬮᬶᬄᬗᬯᬯᬦᬶᬦ᭄᭚ᬧ
ᬲᭂᬫᭂᬗᬦ᭄ᬫᬚᬮᬦ᭄ᬕᬕᬜ᭄ᬘᬸᬗᬦ᭄᭞ᬫᬮᬶᬄᬢᬗ᭄ᬓᬶᬮᬾᬂᬳᬰ᭄ᬭᬫᬶᬤᬾᬯᬋᬱᬶᬯᬸᬲ᭄ᬳᬳ᭄ᬬᬲ᭄᭞ᬩᬸᬲᬦᬦᬾᬯᬸᬲ᭄ᬤᬩ᭄ᬤᬩ᭄᭞ᬳᬶᬓᭂᬢᬸᬢ᭄ᬩᬕᬸ
ᬲ᭄ᬓᬳᬓ᭄ᬱᬶ᭞ᬗ᭄ᬮᬾᬦᬂᬘᬘᬶᬗᬓ᭄᭞ᬳᬶᬓᭂᬢᬸᬢ᭄ᬫᬢᬸᬃᬲᬶᬲᬶᬧ᭄᭚ᬭᬢᬸᬳᬕᬸᬂᬧ᭄ᬭᬦ᭄ᬥᬋᬱᬶᬲᬲᬸᬳᬸᬦᬦ᭄᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬫᬵᬢᬸᬃᬲᬶ
[᭒᭓ 23A]
ᬲᬶᬧ᭄᭞ᬦᬸᬦᬲ᭄ᬧᬗᬫ᭄ᬧᬸᬭ᭞ᬯᬾᬦ᭄ᬢᭂᬦ᭄ᬳᬸᬦᬶᬗᬂᬢᬶᬢ᭄ᬬᬂ᭞ᬳᬶᬩᬶᬲᭀᬭᬾᬢᬶᬢ᭄ᬬᬂᬗᬶᬧᬶ᭞ᬓᭀᬘᬧ᭄ᬗᬢᬸᬭᬂ᭞ᬓ᭄ᬮᬧᬲᬾᬓᭂᬢ᭄ᬫᬭᬶᬓᬶ᭚ᬲᬧᬸᬦ
ᬧᬶᬋᬓᬾᬓᭀᬚᬭᬦᬾᬧᬸᬦᬶᬓ᭞ᬫᬦ᭄ᬤᭂᬮ᭄ᬳᬶᬤᬾᬯᬋᬱᬶ᭞ᬚᬦᬶᬓᬯᬍᬲᬂ᭞ᬫᬓᬶᬩᭂᬄᬭᬭᬶᬲ᭄ᬗᬦ᭄ᬤᬶᬓ᭞ᬬᬦ᭄ᬓᬾᬢᭀᬤᬫᬗᬶᬫ᭄ᬧ᭠
ᬲᬶᬦ᭄᭞ᬰᬓ᭄ᬢᬶᬦᬶᬂᬳᬶᬧ᭄ᬬᬦ᭄᭞ᬮᬳᬸᬢ᭄ᬜᬸᬄᬳᬢᬸᬭᬂᬫᬳᬶ᭚ᬩᬧᬢ᭄ᬯᬭᬳᬾᬜ᭄ᬘᬾᬄᬳᬾᬜ᭄ᬘᬾᬄᬳᬶᬧ᭄ᬬᬦ᭄‌ᬗ᭄ᬭᬸᬩᬾᬤ᭞ᬳᬶᬧ᭄ᬬᬦ᭄ᬫᬭᬕᬯᬶ
ᬥᬶ᭞ᬳᬶᬓᭂᬢᬸᬢ᭄ᬫᬵᬢᬸᬭ᭞ᬤᬾᬦᬶᬂᬫᬯᬲ᭄ᬢᬳᬶᬧ᭄ᬬᬦ᭄᭞ᬫᬦᬳᬂᬢᬶᬢ᭄ᬬᬂᬤᬤᭀᬲ᭄ᬮᬶᬜᭀᬓᬶᬦ᭄᭞ᬳᬗ᭄ᬳᬶᬂᬬᬦ᭄ᬩᬧ᭞ᬤᬧᬶᬲᬦ᭄ᬘᬳᬶ [ 24 ][᭒᭓ 23B]
᭒᭓
ᬗ᭄ᬮᬶᬜᭀᬓᬶᬦ᭄᭚ᬘᬭᬩᬧᬲᬶᬂᬳᭀᬯᬶᬲᬦ᭄ᬩᬦᬶᬫᬦᬸᬗ᭄ᬓᬲ᭄᭞ᬳᬶᬧ᭄ᬬᬦ᭄ᬳᬸᬢ᭄ᬢᬫᬕᬢᬶ᭞ᬦᬄᬫᬸᬮᬶᬄᬤᬩ᭄ᬤᬩᬂ᭞ᬳᬾᬗ᭄ᬕᬮᬂᬘᬳᬶᬗᬢᬸᬭᬂ
ᬳᬧᬂᬤᬦᬦ᭄ᬲᬶᬧᬢ᭄ᬯᬶᬥᬶ᭞ᬳᬶᬗ᭄ᬕᬶᬄᬤᬦ᭄ᬤᬶᬓᬦ᭄᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬫᬧᬫᬶᬢ᭄᭚᭚ᬲᬵᬫ᭄ᬧᬸᬦᬼᬧᬲ᭄ᬮᬫ᭄ᬧᬳᬾᬳᬶᬓᭂᬢᬸᬢ᭄ᬫᬢᬶᬗ᭄ᬕᬮ᭄᭞ᬤᬾ
ᬯᬋᬱᬶᬫᬦ᭄ᬤᭂᬮ᭄ᬢᬦ᭄ᬲᬶᬧᬶ᭞ᬢᬸᬃᬳᬶᬤᬗᬦ᭄ᬤᬶᬓ᭞ᬲᬓ᭄ᬳᬶᬲ᭄ᬢ᭄ᬭᬶᬧᬶᬋᬂᬳᬶᬤᬲᬸᬩ᭞ᬚᬦᬶᬕᬦ᭄ᬢᬶᬦ᭄ᬳᬶᬤᬧᭀᬮᬶᬄ᭞ᬫᬜᬢ᭄ᬲᬢ᭄ᬕᭀᬯ
ᬓ᭄᭞ᬚᬮ᭄ᬫᬤᭂᬕᬕ᭄ᬢᬦᬶᬓᬗᬶᬦ᭄᭚ᬓᬤᬸᬂᬳᬦ᭄ᬤᬶᬄᬢᬦ᭄ᬤᬸᬓ᭄ᬜᬦᬾᬫᬜᬶᬗᬢ᭄᭞ᬲᬓ᭄ᬳᬶᬲ᭄ᬢ᭄ᬭᬶᬓᭂᬜᭂᬫ᭄ᬜᬳᬸᬭᬶᬦ᭄᭞ᬫᬤᬓ᭄ᬲᬧᬸ
[᭒᭔ 24A]
ᬦᬶᬓ᭞ᬚᭂᬗᬄᬢᬶᬢ᭄ᬬᬂᬫᬤᬶᬗᭂᬳᬂ᭞ᬲᬳᬶᬦᭀᬭᬳᬶᬘ᭄ᬙᬾᬦ᭄ᬯᬶᬥᬶᬓᬾᬄᬬᬦ᭄ᬢᬸᬢᬸᬭᬂ᭞ᬕᬦ᭄ᬢ᭄ᬬᬦᬶᬂᬘᬭᬶᬢᬫᬮᬶᬄ᭚ᬬᬳᬶᬓᭂᬢᬸᬢ᭄ᬳᬶᬥᭂᬧ
ᬦ᭄ᬜᬓᭂᬦ᭄ᬤᭂᬮ᭄ᬧᬶᬲᬦ᭄᭞ᬗᬚᬓ᭄ᬢᬶᬫ᭄ᬧᬮ᭄ᬲᬤᬕᬢᬶ᭞ᬳᬯᬢᬭᬧᬢ᭄ᬧᬢ᭄᭞ᬦᭂᬕᭂᬦ᭄ᬜᬸᬄᬫᬕ᭄ᬭᬾᬦ᭄ᬤᭀᬢᬦ᭄᭞ᬕᭂᬮᬶᬲ᭄ᬭᬳᬸᬳᬶᬂᬳᬰ᭄ᬭᬫᬶ
ᬤᬾᬯᬋᬱᬶᬜᬧ᭞ᬫᬳᬶᬓᬾᬧᬳᭂᬓᬂᬘᬳᬶ᭚ᬳᭂᬦ᭄ᬢᭀᬜᬸᬳᬾᬤᬶᬧᬳᭀᬦ᭄ᬮᬳᬸᬢᬂᬳᭀᬯᭂᬚᬂ᭞ᬘᭂᬦᬶᬂᬤᬾᬲᬓ᭄ᬳᬬᬸᬢᬫ᭄ᬧᬶ᭞ᬗ᭄ᬕᬷᬄ
ᬢᬶᬢ᭄ᬬᬂᬲᬦ᭄ᬤᬶᬓᬦ᭄᭞ᬧᬚᬮᬦᬾᬫᬕᭀᬮᬾᬭᬦ᭄᭞ᬢ᭠ᬬᬸᬗᬦᬼᬫᭂᬢ᭄ᬗᬾᬤᬦᬶᬦ᭄᭞ᬲ᭄ᬮᬾᬦ᭄ᬤᬂᬜ᭄ᬮᭀᬲᬂ᭞ᬗᭂᬦᬄᬲᬸᬲᬸᬦᬾᬜ [ 25 ][᭒᭔ 24B]
᭒᭔
ᬗ᭄ᬕᬶᬄ᭚ᬲᭂᬫᬸᬓᭂᬜᬶᬂᬗ᭄ᬕᬶᬄᬩᭂᬮᬶᬓᭂᬢᬸᬢ᭄ᬭᬭᬶᬲᬂᬜᭂᬤᬄ᭞ᬫᬓᭂᬩ᭄ᬬᬄᬳᬸᬦ᭄ᬢᬸᬦᬾᬧᬸᬢᬶᬄ᭞ᬮᬮᬄᬫᬤᬸᬫᭂᬫ᭄ᬩᬄ᭞ᬳᬶᬓᭂᬢᬸᬢ᭄ᬳᭂᬗ᭄ᬕᬂᬜᬸᬗᬗᬮ᭄᭞
ᬭᬱᬢᬦ᭄ᬧᬚᬶᬯᬓᬭᬶ᭞ᬩᬵᬦ᭄ᬓᬭᬦᭂᬳᬦ᭄᭞ᬯᭂᬓᬲᬦ᭄ᬫᬵᬢᬸᬃᬳᬭᬶᬲ᭄᭚ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬜᬤ᭄ᬬᬦᬸᬦᬲ᭄᭞ᬤᬾᬯᬋᬱᬶᬭᬭᬶᬲ᭄ᬜ
ᬳᬸᬭᬶᬦ᭄᭞ᬦᬄᬘᬳᬶᬮᬳᬸᬢᬂ᭞ᬲᬵᬫ᭄ᬧᬸᬦ᭄ᬤᬦᬾᬫᬗᬶᬦᬂ᭞ᬢᬸᬫᬸᬮᬶᬫᬵᬢᬸᬃᬫᬧᬫᬶᬢ᭄᭞ᬲᬂᬳᬶᬦᬢᬸᬭᬦ᭄‌ᬲᬸᬂᬲ᭄ᬫᬶᬢᬦᬄᬓᭂᬫᭀᬫᬸ
ᬮᬶᬄ᭚ᬬᬳᬶᬓᭂᬢᬸᬢ᭄ᬧᬚᬮᬦᬾᬓᬫ᭄ᬩᬂᬓᬸᬫ᭄ᬩᬂ᭞ᬳᬶᬗᭂᬢ᭄ᬢᭂᬓᬾᬦ᭄ᬢᭀᬫ᭄ᬧ᭄ᬮᭀᬓ᭄ᬫᬡᬶᬓ᭄᭞ᬓᬤᬸᬂᬓᬭᬦᭂᬳᬦ᭄᭞ᬦᬄᬚᬦᬶᬓᬸᬤ᭄ᬬᬂᬓᬾ
[᭒᭕ 25A]
ᬦ᭄ᬓᬾᬦᬂ᭞ᬮᬶᬦᬮᬶᬮᬮᬶᬢᬦ᭄ᬮᬮᬶ᭞ᬳᬶᬗᭂᬢᬂᬫᬢ᭞ᬓᬘᬭᬶᬢᬲᬵᬫ᭄ᬧᬸᬦ᭄ᬯᭂᬗᬶ᭚ᬢᭂᬓᭂᬤ᭄ᬚᬸᬫᬄᬭᬭᬶᬲ᭄ᬗᭀᬚᭀᬕ᭄ᬓᬧᭂᬤᭂᬫᬦ᭄᭞ᬕ
ᬕᬸᬮᬶᬗᬾᬧᬧᬲᬶᬳᬶᬦ᭄᭞ᬳᬶᬥᭂᬧᬂᬳᬶᬤᬾᬲᬓ᭄᭞ᬧᬜ᭄ᬚᬂᬬᬦ᭄ᬧᬘᬂᬢᬸᬢᬸᬭᬂ᭞ᬧᬮᬶᬫᬸᬦᬦ᭄‌ᬬᬦ᭄ᬗᭂᬦ᭄ᬤᬸᬲᬶᬦ᭄᭞ᬧ᭄ᬭᬬᬦ᭄ᬜᬮᬸᬯᬲ᭄᭞ᬫ᭠
ᬗᬤᬸᬤᬬᬫᬮᬶᬄ᭚ᬧᬲᭂᬫᭂᬗᬦ᭄ᬮᬳᬸᬢ᭄ᬦᬸᬳᬸᬲ᭄‌ᬬᬫᬚᬮᬦ᭄᭞ᬗᬸᬗ᭄ᬲᬶᬳᬰ᭄ᬭᬫᬶᬫᬮᬶᬄ᭞ᬓᭀᬘᬧ᭄ᬳᬶᬤᬤᬾᬯ᭞ᬲᬵᬫ᭄ᬧᬸᬦ᭄ᬯᬸᬲ᭄ᬫᬫᬸᬚ
᭞ᬳᬶᬓᭂᬢᬸᬢ᭄‌ᬬᬢᭂᬓᬦᬗ᭄ᬓᬶᬮ᭄᭞ᬯᬘᬦᬦ᭄ᬳᬶᬤ᭞ᬘᬳᬶᬓᭂᬢᬸᬢ᭄ᬳᬦ᭄ᬢᭂᬂᬫᬳᬶ᭚ᬳᬧᬳᬤᬩᬶᬧ᭄ᬭᬬᬩ᭄ᬯᬶᬦ᭄ᬳᬸᬦᬶᬗᬂ᭞ᬦᬄᬘᬭᬶᬢ᭠ [ 26 ][᭒᭕ 25B]
᭒᭕
ᬬᬂᬚᬦᬶ᭞ᬳᬶᬓᭂᬢᬸᬢ᭄ᬫᬳᬢᬸᬃᬗᬲᬩ᭄᭞ᬳᬕᬸᬂᬦᬸᬦᬲ᭄ᬧᬗᬫ᭄ᬧᬸᬭ᭞ᬳᬶᬩᭂᬲᭀᬭᬾᬢᬶᬢ᭄ᬬᬂᬗᬶᬧᬶ᭞ᬤᬾᬯᬋᬱᬶᬗᬓᬓ᭄᭞ᬦᬄᬓᬾᬦ᭄ᬓᬾᬦ᭄ᬳᬶ
ᬧ᭄ᬬᬦ᭄ᬘᬳᬶ᭚ᬭᬢᬸᬳᬕᬸᬂᬧ᭄ᬭᬦ᭄ᬥᬋᬱᬶᬲᬲᬸᬳᬸᬦᬦ᭄᭞ᬳᬶᬧ᭄ᬬᬦ᭄ᬢᬶᬢ᭄ᬬᬂᬲᬧᬸᬦᬶᬓᬶ᭞ᬢᬶᬢ᭄ᬬᬂᬫᬶᬤᬃᬣᬬᬂ᭞ᬢᬶᬢ᭄ᬬᬂᬋᬓᬾᬓᬳᬦ᭄ᬢᬾᬦᬂ᭞ᬭᬶᬂᬳᬶ᭠
ᬳᬦᬓ᭄ᬤᬾᬲᬓ᭄ᬫᬡᬶᬓ᭄᭞ᬳᬶᬗ᭄ᬕᬶᬄᬧᬶᬘᬬᬂ᭞ᬭᬾᬄᬳᬶᬧ᭄ᬬᬦ᭄ᬫᬭᬵᬕᬯᬶᬥᬶ᭚ᬤᬾᬦᬶᬂᬧ᭄ᬭᬦ᭄ᬥᬫᬭᬵᬕᬮᬶᬃᬧᬕᭂᬄᬥᬃᬫ᭄ᬫ᭞ᬩ᭄ᬬᬦᬧᬸᬭᬸᬦ᭄ᬫᬦᬸ᭠
ᬗ᭄ᬓᬲᬶᬦ᭄᭞ᬳᬶᬧ᭄ᬬᬦ᭄ᬫᬉᬢ᭄ᬢᬫ᭞ᬫᬗ᭄ᬓᬶᬦ᭄ᬓᭀᬢᬸᬦᬲ᭄ᬢᬶᬳ᭄ᬬᬂ᭞ᬳᬶᬬᬦᬓ᭄ᬳᬶᬤᬾᬲᬓ᭄ᬫᬡᬶᬓ᭄᭞ᬧ᭄ᬭᬦ᭄ᬥᬜᭂᬗᭀᬗᬓ᭄᭞ᬢᬦ᭄ᬓᭂᬦᬶᬳᬦ᭄ᬢᬸ
[᭒᭖ 26A]
ᬓ᭄ᬜᬳᬸᬭᬶᬦ᭄᭚ᬬᬳᬶᬓᭂᬢᬸᬢ᭄ᬫᬵᬢᬸᬃᬫᬮᬶᬄᬦᬸᬕᭂᬲᬂ᭞ᬓᬸᬤᬫᭂᬦᭂᬂᬤᭀᬂᬲᬳᬸᬭᬶᬦ᭄᭞ᬓᬬᬸᬦᬾᬍᬚᬭᬂ᭞ᬕᭂᬮᬶᬲᬂᬭᬢᬸᬧᬶᬘᬬᬂ᭞ᬳᬶᬤᬾᬯᬋ
ᬱᬶᬜᬳᬸᬭᬶᬧ᭄᭞ᬜᬸᬄᬘᬳᬶᬚᬸᬯᬂ᭞ᬩᬧᬗᬸᬮᬶᬳᬂᬫᬍᬩᬶᬳᬶᬦ᭄᭚ᬩᬳᬸᬲᬧᬸᬦᬶᬓᬳᬶᬓᭂᬢᬸᬢ᭄ᬩᬗᬸᬦ᭄ᬫᬗᬓᬓ᭄᭞ᬓᭂᬤᬾᬓ᭄‌ᬬᬢᬸᬃᬫ
ᬓᭂᬚᬶᬢ᭄᭞ᬭᬢᬸᬮᭀᬬᬂᬧᬶᬲᬦ᭄᭞ᬫᭀᬫᭀᬤ᭄ᬭᭀᬯᬓᬦᬾᬮᬶᬯᬢ᭄᭞ᬧ᭄ᬭᬲᬗ᭄ᬳᬢᬶᬢ᭄ᬬᬂᬳᬓᬶᬤᬶᬓ᭄᭞ᬲᬵᬫ᭄ᬧᬸᬦ᭄‌ᬦ᭄ᬤᬸᬓᬬᬂ᭞ᬧ
ᬋᬓᬦ᭄ᬲᬓᬶᬂᬗᬸᬦᬶ᭚ᬫᬭᬫᭀᬦ᭄ᬢᭀᬦᬶᬤᬾᬲᬓ᭄ᬫᬡᬶᬓ᭄ᬳᬗᬸᬘᬧ᭄᭞ᬤᭂᬧᬂᬳᬫᭀᬦ᭄ᬢᭀᬩᭂᬮᬶ᭞ᬤᭂᬫᭂᬦ᭄ᬫᬕᬕᭀᬜ᭄ᬚᬓᬦ᭄ [ 27 ][᭒᭖ 26B]
᭒᭖
ᬲᬶᬲᬸᬳᬶᬤᬳᬚᬶᬦ᭄ᬢᬶᬢ᭄ᬬᬂ᭞ᬳᬧᬦ᭄ᬳᬶᬤᬲᬸᬩᬮᬶᬗ᭄ᬲᬶᬃ᭞ᬤᬤᬾᬯᬦᬸᬘᬧ᭄᭞ᬘᭂᬦᬶᬂᬳᬬᬸᬤᬗᭂᬦᭂᬫᬶᬦ᭄᭚ᬤᬾᬯᬋᬱᬶᬗᬤᭂᬕ᭄ᬢᬸᬃᬓᬕᭂ
ᬤᭀᬗᬦ᭄᭞ᬦᬶᬤᬾᬲᬓ᭄ᬫᬡᬶᬓ᭄ᬓᬕᬶᬲᬶ᭞ᬓᭂᬜᭂᬫ᭄ᬫᬦᬫ᭄ᬧᭀᬓᬂ᭞ᬩᬸᬤᬩᭂᬮᬶᬳᬚᬸᬫ᭄ᬧᬶᬲᬦ᭄᭞ᬜᭂᬦ᭄ᬳᬸᬦᬶᬂᬳᬦᬓᬾᬮᬶᬗ᭄ᬲᬶᬃ᭞ᬳᬧᬓᭂ
ᬫᬦ᭄ᬢᬶᬬᬂ᭞ᬳᬶᬓᭂᬢᬸᬢ᭄‌ᬜ᭄ᬮᬾᬫ᭄ᬧᭀᬄᬜᬳᬸᬭᬶᬦ᭄᭚ᬗᭂᬮᬸᬢ᭄ᬲᬸᬓᬸᬳᬗᭂᬮᬤ᭄ᬧ᭄ᬭᬡ᭞ᬬᬾᬄᬫᬢᬦᬾᬤᭂᬋᬲ᭄ᬫᬶᬚᬶᬮ᭄᭞ᬬᬦ᭄ᬢᬦ᭄ᬤᬸᬭᬸ
ᬰᬶᬘ᭄ᬙ᭞ᬢᬸᬮᬸᬂᬫᬗᬶᬘᬾᬦ᭄ᬢᬫ᭄ᬩ᭞ᬧᬜᬸᬤ᭄ᬥᬦᬶᬂᬫᬦᬄᬯᬶᬗᬶᬢ᭄᭞ᬍᬳᭂᬂᬬᬦ᭄ᬧᭂᬚᬄ᭞ᬩᬲ᭄ᬓᬭᬗ᭄ᬓᬸᬂᬭᬦ᭄ᬓᬸᬂᬫᬦᬶᬲ᭄᭚ᬓ᭄ᬭᬡᬢᬶᬢ᭄ᬬᬂᬧᬸ
[᭒᭗ 27A]
ᬭᬸᬦ᭄ᬧᬋᬓ᭄ᬗᬯᬕ᭄ᬳᬯᬕ᭄᭞ᬫᬦᬄᬢᬶᬢ᭄ᬬᬂᬮᬶᬦ᭄ᬢᬂᬧᬮᬶᬂ᭞ᬓ᭄ᬭᬡᬩᬵᬦ᭄ᬳᬶᬤᬾᬯ᭞ᬢᬦ᭄ᬧᭂᬕᬢ᭄ᬧᭂᬕᬢ᭄ᬤᬶᬫᬢ᭞ᬢᬦ᭄ᬲᬶᬤ᭄ᬥᬦᬳᭂᬦ᭄ᬓᬶᬂᬗ᭄ᬓᬶᬂ᭞ᬮᬸᬯᬶᬃᬓᬤᬶ
ᬩᬓᬃ᭞ᬓᭂᬜᭂᬫ᭄ᬦᬶᬤᬾᬲᬓ᭄ᬜᬳᬸᬭᬶᬦ᭄᭚ᬦᬄᬬᬦ᭄ᬓᬾᬢᭀᬩᭂᬮᬶᬓᭂᬢᬸᬢ᭄ᬳᬫ᭄ᬧᬸᬭᬬᬂ᭞ᬬᬦ᭄ᬩᬵᬦ᭄ᬢᭀᬬᬂᬲᬶᬂᬩᬦᬶ᭞ᬳᬶᬤᬾᬯᬓᬸᬤ᭞᭠
ᬩᭂᬮᬶᬩᬲ᭄ᬮᬶᬯᬢ᭄ᬗᭂᬦ᭄ᬤᬮ᭄᭞ᬓᬾᬦᬾᬨᬮᬦ᭄ᬜᬦᬾᬚᬦᬶ᭞ᬬᬂ᭠ᬲᬶᬂᬗᭂᬮᬄᬳᬸᬩᬤ᭄᭞ᬳᬶᬓᭂᬢᬸᬢ᭄ᬜᭂᬭᬶᬢ᭄ᬫᬗᭂᬮᬶᬂ᭚ᬫᬭᬫᭀᬦ᭄ᬢᭀ
ᬳᬶᬤᬾᬯᬬᬗᬧᬶᬢᭂᬓ᭞ᬳᬾᬗᬧ᭄ᬳᬾᬗᬧ᭄ᬦᬤ᭄ᬢᬤ᭄ᬫᬦᬶᬓ᭄᭞ᬜᭂᬍᬩ᭄ᬲᭂᬩ᭄ᬲᬓᬶᬂᬢᭂᬩ᭞ᬫᬓᭂᬲ᭄ᬬᬩ᭄ᬳᬶᬓᭂᬢᬸᬢ᭄ᬢᬸᬫᬶᬗ᭄ᬳᬮ᭄᭞ [ 28 ][᭒᭗ 27B]
᭒᭗
ᬜᭂᬍᬲᭂᬄᬕᭂᬮᬶᬲ᭄ᬫᬕᭂᬤᬶ᭞ᬫ᭄ᬮᬳᬶᬩ᭄ᬗᬤᬸᬫ᭄ᬧ᭄ᬮᬂ᭞ᬧᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭚ᬜᭂᬫᬄᬜᭂᬫᬄᬓᬤᬶᬚᬸᬓᬸᬂᬩᬩᬃᬮᬬᬃ᭞ᬓᬫ᭄ᬩᭂᬦ᭄ᬲᬾᬢ᭄ᬲᬾ
ᬢ᭄ᬧᬲᬸᬭᬦ᭄ᬢᬶᬂ᭞ᬳᬗ᭄ᬓᬶᬳᬦ᭄ᬜᬦᬾᬢᬸᬗ᭄ᬕᬄ᭞ᬤᬳᬲ᭄ᬤᬶᬳᬶᬲ᭄ᬫᬭᬾᬗᬂᬩᭂᬗᭀᬂᬳᬦᬓᬾᬫᬗ᭄ᬕᬶᬳᬶᬦ᭄᭞ᬦᬾᬳᬦᬓ᭄ᬗᬸᬤ᭄ᬬᬂ᭞ᬫᬶᬭᬶᬩ᭄ᬫᬮᬳᬶ
ᬩ᭄ᬫᬫᬮᬶᬂ᭚ᬳᬓᬾᬄᬬᬦ᭄ᬳᬸᬘᬧᬂᬧᬓᭂᬫᬶᬓᬾᬭᬶᬂᬫᬵᬃᬕ᭞ᬳᬶᬓᭂᬢᬸᬢ᭄ᬘᬭᬶᬢᬬᬂᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬾᬂᬳᬸᬫᬄ᭞ᬭᬭᬶᬲ᭄ᬗᭀ
ᬚᭀᬕ᭄ᬓᬧᭂᬥᭂᬫᬦ᭄᭞ᬫᬕ᭄ᬭᭀᬤᭀᬕ᭄ᬗᬸᬩᭂᬢᬂᬓᬸᬭᬶ᭞ᬳᬧᬦ᭄ᬓᬗᬾᬮᬦ᭄᭞ᬮᬸᬯᬶᬃᬲᬶᬤ᭄ᬯᬫ᭄ᬓᬲᭂᬦ᭄ᬯᬦ᭄ᬭᬯᬶ᭚᭜᭚ᬧᬸᬄᬤᬸᬃ
[᭒᭘ 28A]
ᬫ᭄ᬫ᭚᭜᭚ᬧᬸᬧᬸᬄᬲᬶᬦᭀᬫ᭄᭚ᬫᬾᬤᬸᬓᬸᬄᬯᬥᬸᬫᬜᬕ᭄ᬚᬕ᭄‌᭞ᬫᬘᭂᬩᬸᬃᬗᬸᬗ᭄ᬓᬩᬂᬓᭀᬭᬶ᭞ᬓᬢᭀᬦ᭄ᬧ᭄ᬬᬦᬓᬾᬗ᭄ᬭᬸᬗ᭄ᬓᬸᬕᬂ᭞ᬕᭂᬩ᭄ᬮᬕ᭄ᬕᭂᬩ᭄ᬮᬸᬕ᭄
ᬬᬳᬕᬸᬮᬶᬂ᭞ᬫᬾᬤᬸᬓᬸᬄᬭᬭᬶᬲ᭄ᬗᬸᬲᬸᬤᬶᬦ᭄᭞ᬗᬸᬤᬓᬾᬦᬾᬘᬳᬶᬩᬕᬸᬲ᭄᭞ᬚᬮᬦ᭄ᬩᬗᬸᬦ᭄ᬫᬤᬳᬃ᭞ᬳᬶᬓᭂᬢᬸᬢ᭄ᬲᬳᬸᬭᬾᬳᬭᬶᬲ᭄᭞ᬢᬶᬢ᭄ᬬᬂᬳᬶᬩᬸ
ᬓ᭄᭞ᬲᬵᬫ᭄ᬧᬸᬩ᭄ᬩᬶᬩᬶᬗᬸᬮ᭄ᬕᬸᬮ᭄ᬢᬶᬢ᭄ᬬᬂ᭚ᬫᬓᭂᬲ᭄ᬬᬩ᭄ᬫᬾᬤᬸᬓᬸᬄᬗᬦ᭄ᬢᭂ᭠ᬦᬂ᭞ᬳᬧᬓ᭄ᬭᬡᬘᬳᬶᬘᭂᬦᬶᬂ᭞ᬧᬚᬭᬶᬦ᭄ᬫᬾᬦᬾᬦ᭄ᬳᬶᬤᬾᬯ᭞ᬤᬤᬶᬘᬳᬶᬓᭂ
ᬘᬸᬤ᭄ᬓᬸᬦᬶᬂ᭞ᬬᬦ᭄ᬢᬸᬯᬄᬤᬤᬶᬭᬱᬦᬶᬦ᭄᭞ᬩᬵᬦ᭄ᬫᬾᬫᬾᬫ᭄ᬯᬂᬳᬶᬕᬸᬭᬸ᭞ᬫᬾᬫᬾᬜᬥ᭄ᬬᬫᬩᬸᬯᬢ᭄᭞ᬓᬕᬾᬢ᭄ᬤᬸᬓᬸᬄᬮᬦᬂᬧ᭄ᬭᬵᬧ᭄ᬢᬶ᭞ᬳᬧ [ 29 ][᭒᭘ 28B]
᭒᭘
ᬳᬸᬦ᭄ᬤᬸᬓ᭄᭞ᬧᬵᬚᬭᬶᬦ᭄ᬳᬸᬭᬸᬦ᭄ᬳᬶᬤᬾᬯ᭚ᬳᬶᬓᭂᬢᬸᬢ᭄ᬢᭀᬂᬤᬤᬶᬗᬸᬘᬧ᭄᭞ᬲᭂᬤᭂᬕ᭄ᬲᭂᬤᭂᬕ᭄ᬫᭂᬧᭂᬲ᭄ᬳᭂᬮᬶᬂ᭞ᬯᭂᬓᬲᬦ᭄ᬲᬳᬸᬭᬾᬳᬮᭀᬦ᭄᭞ᬫᬲᬢᬦ᭄ᬭᬶᬂᬓ
ᬬᬸᬦ᭄ᬩᬶᬩᬶ᭞ᬓᬵᬗᭂᬦ᭄ᬭᬶᬂᬤᬾᬲᬓ᭄ᬫᬡᬶᬓ᭄᭞ᬳᬶᬤᬸᬓᬸᬄᬓᬵᬮᬶᬄᬫᬲᬳᬸᬃ᭞ᬗᬢᬩ᭄ᬢᬩ᭄ᬫᬫᬦ᭄ᬢᭂᬕ᭄ᬢᬗ᭄ᬓᬄ᭞ᬘᭂᬦᬶᬂᬬᬦ᭄ᬤᬤᬶᬢᭂᬧ᭄ᬢᭂᬧᬶᬦ᭄᭞ᬩᭀᬬᬕᬸᬭᬸ᭞ᬢᬓᬸ
ᬢ᭄ᬗᭂᬢᭀᬳᬶᬦ᭄ᬳᬶᬤᬾᬯ᭚ᬓᬳᬸᬘᬧ᭄ᬤ᭄ᬭᬢᬶᬓ᭄ᬭᬫ᭞ᬭᬾᬄᬳᬶᬤ᭄ᬫᬭᬕᬍᬯᬶᬄ᭞ᬳᬤᬢᬸᬢᬸᬭᬦ᭄ᬜᬋᬓᭀ᭞ᬯᭂᬓᬲ᭄ᬭᬶᬓᬵᬮᬦᬶᬂᬧᬢᬶ᭞ᬧᬶᬢ
ᬭᬢᬶᬩᬾᬂᬳᬯᬾᬘᬶ᭞ᬓᬾᬢᭀᬘᭂᬦᬶᬂᬨᬮᬦ᭄ᬳᬶᬧᬸᬦ᭄᭞ᬢᬦ᭄ᬓ᭠ᬲᬸᬧᬢᬶᬂᬰᬶᬯᬩᬸᬤ᭄ᬥ᭞ᬳᬶᬥᭂᬧᬂᬧᬶᬢᬸᬢᬸᬃᬩᬶᬩᬶ᭞ᬫ᭄ᬯᬂᬳᬶᬕᬸᬭᬸ᭞ᬳᭂᬮᬾ
[᭒᭙ 29A]
ᬦᬦ᭄ᬤᬾᬯᬓᭂᬦᭂᬳᬂ᭚ᬳᭂᬤᬜᬓᬶᬢᬂᬘ᭄ᬮᬩᭀᬦ᭄ᬓᬓᬦ᭄᭞ᬲᬸᬦ᭄ᬤᭂᬮ᭄ᬓᬳᬸᬂᬳᬸᬯᬳᬸᬯᬶ᭞ᬫᬰᬓᬾᬘᬳᬶᬓᬸᬯᬗᬦ᭄᭞ᬳᬦᬓ᭄ᬳᬶᬮᬸᬄᬚᭂᬕᬾᬕ᭄ᬕᬮᬶᬂ᭞
ᬩ᭄ᬭᬬᬮᬶᬬᬸᬢᭀᬧᬶᬮᬶᬳᬦ᭄᭞ᬳᬲᬶᬂᬓᬢᬸᬚᬸᬭᬶᬂᬓᬬᬸᬦ᭄᭞ᬬᬤᬶᬦ᭄ᬗᬗ᭄ᬓᭂᬧ᭄ᬢᭂᬮᬸᬧᬢ᭄ᬧᬢ᭄᭞ᬩᬧᬫᬶᬲᬥ᭄ᬬᬗᭂᬢᭀᬳᬶᬦ᭄᭞ᬲᬸᬳᬸᬤ᭄ᬗᬸᬦ᭄ᬗᬸᬦ᭄᭞
ᬧᬸᬃᬡ᭄ᬦᬬᬂᬓᬬᬸᬦ᭄ᬳᬶᬤᬾᬯ᭚ᬳᬶᬓᭂᬢᬸᬢ᭄ᬳᬮᬸᬲ᭄ᬳᬗᬸᬘᬧ᭄᭞ᬗ᭄ᬕᬶᬄᬲᬦ᭄ᬤᬶᬓᬦ᭄ᬕᬸᬭᬸᬩᬶᬩᬶ᭞ᬫᬭᬶᬓᬓᬳᭀᬦᬶᬦ᭄ᬢᬶᬢ᭄ᬬᬂ᭞ᬢᬸᬢᬸᬢ᭄ᬭᬲᬫᬦ᭄ᬜᬓᬵᬮᬶᬄ᭞
ᬳᬶᬓᭂᬢᬸᬢ᭄ᬫᬮᬶᬄᬳᬕᬸᬮᬶᬂ᭞ᬕᬕᬸᬮᬶᬗᬾᬳᬸᬓᬸᬢ᭄ᬳᬸᬓᬸᬢ᭄᭞ᬳᬭᬲ᭄ᬤᬶᬫᬦ᭄ᬲᬳᬸᬧ᭄ᬲᬗ᭄ᬓᭀᬮ᭄᭞ᬧᬶᬦᬓᬬᬂᬤᬾᬲᬓ᭄ᬫᬡᬶᬓ᭄᭞ᬯᭂᬕᬸ [ 30 ][᭒᭙ 29B]
᭒᭙
ᬩᬶᬗᬸᬂ᭞ᬲᬶᬦᬧᬸᬢᬶᬂᬧᬜ᭄ᬘᬾᬦ᭄ᬤ᭄ᬭᬶᬬ᭚ᬤᬤᬶᬧᭂᬲᬸᬫᬸᬜᬶᬗᬭᬂ᭞ᬤᬶᬧᭂᬤᭂᬫᬦ᭄ᬗᬰᬶᬳᬰᬶᬄ᭞ᬭᬢᬸᬳᬕᬸᬂᬲᬲᬸᬳᬸᬦᬦ᭄᭞ᬩᭀᬬᬜᬶᬤ᭄ᬥᬬᬂᬦᬦ᭄ᬥᬗᬶ
ᬦ᭄‌᭞ᬗᭂᬦᭀᬢ᭄ᬫᬦᬶᬲᬾᬳᬧᬲᬶᬄ᭞ᬗ᭄ᬳᬶᬂᬓᬵᬭᬶᬢᭂᬍᬗᬶᬂᬢᬦᬸ᭞ᬓᭂᬮᬧ᭄ᬓᭂᬮᬧ᭄ᬚᭀᬄᬤᬶᬢᭂᬗᬄ᭞ᬢ᭄ᬯᬭᬓᭀᬓᭂᬦᬳᬸᬲᬸᬤᬶᬦ᭄᭞ᬤᬾᬯᬭᬢᬸ᭞᭠
ᬓᬵᬗᭂᬦ᭄ᬮᬘᬸᬭᬾᬓᬮᬶᬦ᭄ᬢᬂ᭚ᬲᬓᬶᬢ᭄ᬲᬦ᭄ᬓᭀᬫᬦᬄᬢᬶᬢ᭄ᬬᬂ᭞ᬗ᭠ᬤᬸᬳᬂᬢᭀᬂᬳᬤᬲᬓᬶᬢ᭄᭞ᬳᬶᬩᬳᬯᬓ᭄ᬢᬦ᭄ᬧᬘᬸᬭ᭞ᬫᬜᬓᬶᬢᬂ
ᬍᬢᭂᬄᬕᬸᬫᬶ᭞ᬦᬾᬢ᭄ᬯᬭᬲᭂᬥᭂᬂᬤᭂᬫᭂᬦᬶᬦ᭄᭞ᬢᬸᬯᬄᬕᬦ᭄ᬢᬶᬦ᭄ᬳᬶᬩᬮᬘᬸᬃ᭞ᬚᬮᬦᬾᬩᬲ᭄ᬮᬶᬯᬢ᭄ᬲᬲᬃ᭞ᬢᭀᬂᬢᬳᬾᬦ᭄ᬫᬓᬾᬃᬣᬶᬬᬸᬓ᭄ᬢᬶ᭞
[᭓᭐ 30A]
ᬤᬶᬚᬭᬸᬭᬸᬄ᭞ᬭᬵᬳᬬᬸᬦᬾᬩᬓᬮ᭄ᬕᭀᬬᬄ᭚ᬲᬳᬸᬲᬦ᭄ᬫᬜᭂᬮ᭄ᬲᭂᬮ᭄ᬳᬯᬓ᭄᭞ᬮᬳᬸᬢ᭄ᬩᬗᬸᬦ᭄‌ᬬᬫᬓᬺᬱᬶᬄ᭞ᬫᬲᬶᬲᬶᬕ᭄ᬫᬫ᭄ᬩᬸᬄᬫᬲᬸᬯᬄ᭞ᬭ
ᬭᬶᬲ᭄ᬫᭂᬲᬾᬄᬯᬲ᭄ᬢ᭄ᬭᬰᬸᬘᬶ᭞ᬳᬶᬥᭂᬧᬾᬧᬘᬂᬫᬓᬵᬃᬤ᭄ᬥᬶ᭞ᬫᬗ᭄ᬥᬓᬲᬶᬤ᭄ᬥᬦ᭄ᬭᬵᬳᬬᬸ᭞ᬤ᭄ᬬᬲ᭄ᬢᬸᬓᬾᬗᭂᬫᬲᬶᬦ᭄ᬧᭂᬚᬄ᭞ᬬᬦ᭄ᬲᬵᬫ᭄ᬧᬸᬦ᭄ᬫᬓᬶᬃᬣᬶᬄ᭠
ᬬᬸᬓ᭄ᬢᬶ᭞ᬩᭀᬬᬓᬾᬗ᭄ᬕᬸᬄ᭞ᬓᬧᬸᬗ᭄ᬓᬸᬃᬫᬮᬶᬄᬬᬰᬬᬂ᭚᭜᭚ᬧᬸᬧᬸᬄᬧᬗ᭄ᬓᬸᬃ᭚ᬦᭂᬳᭂᬃᬢᬸᬫᬸᬮᬶᬫᬚᬮᬦ᭄᭞ᬫᬗᬮᬾᬭᬂᬚᬸᬫᬸᬚᬸᬂ
ᬯᬦᬕᬶᬭᬶ᭞ᬓᬂᬤᬾᬰᬓᬳᬸᬦ᭄ᬢᬧ᭄ᬲᬫ᭄ᬧᬸᬦ᭄᭞ᬢᭂᬓᬫᬭᬶᬂᬢᭂᬕᬮ᭄ᬢᭂᬕᬮ᭄᭞ᬤᬤᬶᬧᬗ᭄ᬕᬶᬄᬭᬵᬫ᭄ᬬᬦᬶᬂᬚᭂᬗ᭄ᬕᬮᬕᬸᬦᬸᬂ᭞ᬳᬋᬦᭂᬩ᭄ᬓᬂᬧ [ 31 ][᭓᭐ 30B]
᭓᭐
ᬕᬕᬦ᭄᭞ᬳᬗᬯᬾᬋᬜ᭄ᬘᭂᬫᬶᬂᬳᬢᬶ᭚ᬧ᭄ᬭᬶᬂᬩᬸᬂᬩᬂᬫᬸᬦᬶᬓᬵᬗᬶᬦᬦ᭄᭞ᬳᬗᬺᬋᬗᬶᬄᬮ᭄ᬯᬶᬃᬗᬫᭂᬃᬲᬂᬓᬯᬶᬮᬸᬯᬶᬄ᭞ᬮᬮᬓᬸᬢ᭄ᬜᭂᬗ᭄ᬓᬶᬂᬳᬮᬸᬗ᭄ᬕᬸᬄ᭞
ᬮᬸᬯᬶᬃᬓᬢᭀᬦ᭄ᬫᬗᭃᬫᬗᭃ᭞ᬗ᭄ᬭᬓ᭄ᬳᬦᬦᬶᬲ᭄‌ᬕ᭄ᬭᬸᬢᬦ᭄ᬳᬸᬫᬸᬗ᭄ᬕ᭄ᬯᬦ᭄ᬢᬭᬸ᭞ᬮᬸᬯᬶᬃᬲ᭄ᬯᬭᬦᬶᬂᬓᬵᬮᬰᬗ᭄ᬓ᭞ᬳᬦᬸᬗ᭄ᬲᬸᬂᬲᬂᬳᬜᭂᬃᬧ᭄ᬭᬵᬧ᭄ᬢᬶ᭚ᬍ
ᬧᬲ᭄ᬮᬫ᭄ᬧᬳᬾᬮᬸᬫᬫ᭄ᬧᬄ᭞ᬧ᭄ᬭᬵᬧ᭄ᬢᬾᬂᬯᬦᬮᬸᬯᬶᬄᬤᬸᬃᬕ᭄ᬕᬫᬦᬶᬂ᭠ᬫᬃᬕ᭄ᬕᬶ᭞ᬲᬸᬓᭂᬃᬚᬸᬭᬂᬧ᭄ᬭᬶᬗ᭄ᬕᬢᬺᬚᬸᬂ᭞ᬓᬶᬤᬂᬓᬢᭀᬦ᭄ᬳᬲᬲᬭᬦ᭄᭞ᬫᬺ᭠
ᬳᬧᬢᬶ᭞ᬭᭀᬤ᭄ᬭᬳᬗᬺᬗᬶᬂᬧᬗ᭄ᬓᬸᬂ᭞ᬓᭂᬢᬸᬢ᭄ᬳᬦ᭄ᬲᬸᬭᬸᬤᬶᬂᬢᬸᬯᬲ᭄᭞ᬳᬫ᭄ᬭᬶᬄᬓᬲᬶᬤ᭄ᬥᬦᬶᬂᬳᬢᬶ᭚ᬢᬂᬯᬶᬚᬸᬂᬳᬰ᭄ᬭᬸᬮᬸᬮᬸᬦᬦ᭄᭞᭠
[᭓᭑ 31A]
ᬗᭂᬫ᭄ᬩᬢ᭄ᬲᬸᬢᬳᬤᬸᬮᬸᬤᬸᬮᬸᬃᬮᬸᬫᬭᬶᬲ᭄᭞ᬯ᭄ᬭᬾᬘᭂᬫᭂᬂᬫᬸᬗ᭄ᬕᬸᬳᬶᬂᬢᬭᬸ᭞ᬲᬃᬯ᭄ᬯᬶᬳᬦᭂᬫ᭄ᬧᬮ᭄ᬲᬶᬦ᭄ᬯᬫ᭄᭞ᬮ᭄ᬯᬶᬃᬳᬗᬸᬭᬶᬢ᭄ᬮᬫ᭄ᬧᬳᬾᬲᬂᬳᬜᬃᬭᬯᬸᬄ᭞
ᬯᬦᬾᬄᬓᬵᬬᬧᬸᬦ᭄ᬢᬶᬃᬬ᭄ᬬᬓ᭄᭞ᬕᬸᬫᬸᬭᬸᬄᬭᬶᬂᬢᬳᭂᬦ᭄ᬲᬫᬶ᭚ᬳᬯ᭄ᬬᬢᬭᬧᬶᬢᬸᬂᬤᬷᬦ᭞ᬳᬩᬬᬗᬦ᭄ᬳᬶᬓᭂᬢᬸᬢ᭄ᬭᬶᬂᬯᬦᬯᬸᬓᬶᬃ᭞ᬯᭂᬓᬲᬦ᭄ᬤᬤᬶ
ᬓᬭᬸᬗᬸ᭞ᬕᬸᬫᬸᬭᬸᬄᬓᬸᬬᬸᬓᬶᬂᬲᬢ᭞ᬫᬥ᭄ᬬᬦᬶᬂᬯᬸᬓᬶᬃᬓᬵᬬᬰᬶ᭠ᬳᬦᬶᬂᬳ᭄ᬬᬂᬢᬸᬥᬸᬄ᭞ᬢᬸᬫᬸᬥᬸᬳᬶᬂᬳᬰ᭄ᬭᬫ᭞ᬢᭂᬳᭂᬃᬢᬸᬫᬸᬮᬶᬮᬸᬫᬭᬶᬲ᭄
᭚ᬲᬭᬳᬸᬄᬤᬦᬾᬳᬶᬭᬶᬓ᭞ᬓᬤᬶᬓᬰ᭄ᬘᬃᬬ᭄ᬬᬦ᭄ᬧᬸᬦ᭄ᬓᭂᬢᬸᬢ᭄ᬳᬦᬶᬗ᭄ᬳᬮᬶ᭞ᬯᬢᬸᬢᬶᬦᬸᬦ᭄ᬥᬢᬸᬦ᭄ᬥᬾᬂᬳ᭄ᬦᬸ᭞ᬓᬭᬂᬓᬮᬶᬕᬮᬶᬦ᭄ᬢᬸᬗ᭠ [ 32 ][᭓᭑ 31B]
᭓᭑
ᬦ᭄᭞ᬳᬍᬧ᭄ᬳᬰ᭄ᬭᬶ᭞ᬲᬫᬶᬧᬦᬶᬂᬓᬾᬚᬶᬳᬭᬸᬫ᭄᭞ᬛᬃᬢᬮᬶᬓᬸᬫᬭᬶᬜ᭄ᬘᬶᬂ᭞ᬓᬸᬫᬸᬥᬫᭂᬓᬃᬭᬶᬂᬩᬾᬚᬶ᭚ᬓᬤᬶᬳᬯᭂᬯᭂᬳᬶᬂᬭᬵᬫ᭄ᬬ᭞ᬧᬗᬺᬗ᭄ᬕᬦ᭄ᬬ
ᬳᬦ᭄ᬤᭀᬂᬩᬵᬂᬮᬦ᭄ᬓᬬᬸᬧᬸᬭᬶᬂ᭞ᬧᬭᬶᬚᬢᬦᬶᬓᬦᬸᬦ᭄ᬢᬸᬦ᭄᭞ᬫᬓᬵᬥᬶᬢᬳᭂᬦ᭄ᬓᬜ᭄ᬘᬦ᭞ᬢᬂᬫᬯᬶᬭᬫᬦ᭄ᬥᬮᬶᬓᬦᬾᬂᬲᬸᬲᬸᬭᬸᬄ᭞ᬳᬗ᭄ᬰᭀᬓᬵ
ᬲ᭄ᬢᬶᬲᭂᬥᭂᬂᬳᬜ᭄ᬢ᭄ᬭᬄ᭞ᬳᬗᬫᬾᬢ᭄ᬭᬶᬫᬗᬶᬂᬳᬢᬶᬛᬃᬢᬫ᭄ᬩᬂᬫ᭠ᬮᬓᬸᬚᬸᬭᬂ᭞ᬦᬶᬩᬾᬂᬯᬸᬗ᭄ᬓᬮ᭄ᬕᬸᬫᬺᬄᬲ᭄ᬯᬭᬦ᭄ᬬᬓᬸᬫᬭᬶᬜ᭄ᬘᬶᬂ᭞ᬓᬸᬂᬓᬂᬫᬸᬦ᭄ᬬ᭠
ᬚᬸᬭᬂᬧᬗ᭄ᬓᬸᬂ᭞ᬲᬶᬦᬳᬸᬭᬦᬶᬂᬢ᭄ᬮᬸᬓ᭄ᬢᬓ᭄᭞ᬘᬶᬘᬶᬗ᭄ᬕᬭᬦ᭄ᬲᬶᬦ᭄ᬭᬗᬶᬂ᭠ᬲ᭄ᬯᬭᬦᬶᬂᬓᭂᬢᬸᬃ᭞ᬫᬶᬦᬓᬢᭀᬦ᭄ᬕᬮᬶᬦ᭄ᬤᬸᬗᬦ᭄᭞ᬳᬤᬸᬮᬸᬃᬳᬗ᭄ᬮᬸᬂᬭᬶ
[᭓᭒ 32A]
ᬜ᭄ᬚᬶᬂ᭚ᬫᬶᬗ᭄ᬕᬸᬄᬤᭂᬍᬕ᭄ᬳᬮᬶᬫᬸᬦᬦ᭄᭞ᬓᬸᬮᬸᬩᬦ᭄ᬬᬳᬗᬸᬗ᭄ᬲᬶᬧᬭᬸᬂᬕ᭄ᬭᭀᬂᬳᬫᬶᬧᬶᬢ᭄᭞ᬲᬧᬢᬫᬸᬗᬸᬧᬶᬂᬯᬢᬸ᭞ᬳᬸᬭᬂᬦ᭄ᬬᬳᬲᬲᬭᬦ᭄᭞
ᬮᬸᬫᬸᬢ᭄ᬳᬰ᭄ᬭᬶᬭᬓᬢᬲᭂᬮᬦᬶᬂᬯᬢᬸ᭞ᬓᬭᬘᬘᬸᬫ᭄ᬬᬗᭀᬱ᭞ᬯᬮᬶᬯᬶᬲ᭄ᬫᬋᬩᬸᬢ᭄ᬩᬸᬓ᭄ᬢᬶ᭚ᬲᬸᬫ᭄ᬬᭀᬓᬶᬂᬘᬫᬭᬓᬵᬗᬶᬦᬦ᭄᭞ᬓᬬᬵ
ᬕᬶᬭᬂᬲᬸᬫᬸᬗ᭄ᬲᬸᬂᬳᬜᬃᬧ᭄ᬭᬵᬧ᭄ᬢᬶ᭞ᬳᬫ᭄ᬧᬾᬮ᭄ᬕᬥᬶᬳᬰ᭄ᬭᬶᬤᬶᬤᬸᬮᬸ᭞ᬳᬚᬚᬃᬢᭂᬧᬶᬦᬶᬂᬢᭀᬬ᭞ᬗᬸᬮᬗᬸᬦᬶᬦ᭄ᬧᬦ᭄ᬤᬦ᭄ᬭᬗ᭄ᬓᬂᬦᬶᬓᬦᬸᬦ᭄ᬢᬸ
ᬦ᭄᭞ᬧᬥᬵᬗᬸᬗ᭄ᬓᬸᬮᬶᬂᬚᬸᬭᬂ᭞ᬲᬸᬫᬃᬕᬦ᭄ᬥᬫ᭄ᬭᬶᬓ᭄ᬲᬸᬫᬶᬭᬶᬢ᭄᭚ᬰ᭄ᬭᬶᬤᬦ᭄ᬢᬮᬦ᭄‌ᬯᬸᬗᬸᬳᬗ᭄ᬰᬦ᭞ᬬᬲᬸᬫᬦ᭄ᬤᬶᬂᬯᬶᬦᬶᬍᬢ᭄ᬚᬗ᭄ᬕᬓᬲ᭄ᬢᬸ [ 33 ][᭓᭒ 32B]
᭓᭒
ᬭᬶ᭞ᬫᬫᬦ᭄ᬤᬮᬶᬓᬮᬶᬂᬲᬸᬲᬸᬭᬸᬄ᭞ᬋᬓᬶᬚᬶᬮᬦ᭄ᬲᬸᬮᬲ᭄ᬢ᭄ᬭᬶᬬ᭞ᬫ᭄ᬯᬂᬩᬓᬸᬮᬦ᭄ᬯᬃᬰᬶᬓᬶᬫᬵᬃᬫ᭄ᬭᬶᬓ᭄ᬳᬭᬸᬫ᭄᭞ᬳᬶᬸᬫᬸᬂᬫᬶᬸᬗ᭄ᬭᬶᬂᬭᬶᬸᬂᬪ᭄ᬭᬫᬶᬸᬭᬶᬸ᭞ᬲᬶᬦᬶᬮᬶᬭᬶᬂᬫ
ᬦ᭄ᬥᬫᬵᬭᬸᬢ᭞ᬳᬗᬢ᭄ᬕᬢ᭄‌ᬭᬜ᭄ᬘᬦᬶᬂᬳᬢᬶ᭚ᬢᬩᬾᬄᬬᬦ᭄ᬫᬮᬶᬄᬭᬱᬬᬂ᭞ᬯᬦᬵᬰ᭄ᬬᬫᬓᬶᬦᬸᬮᬶᬮᬶᬗᬦᬶᬂᬧᬸᬱ᭄ᬧᬫ᭄ᬭᬶᬓ᭄᭞ᬫᬬᬂᬫᭂᬓᬃ
ᬫᭂᬩᬸᬃᬓ᭄ᬳᬭᬸᬫ᭄᭞ᬳᬸᬫᬸᬂᬫᬗ᭄ᬭᬶᬭᬶᬂᬪ᭄ᬭᬫᬭ᭞ᬳᬩᬬᬗᬦ᭄ᬳᬗᬶᬲᭂᬧ᭄ᬧᬵᬭᬷᬦᬶᬂᬲᬵᬦ᭄ᬢᬸᬦ᭄᭞ᬯᬦᬾᬄᬢᬳᭂᬦ᭄‌ᬯ᭄ᬬᬮᬧᬸᬱ᭄ᬧ᭞ᬳᬸᬫᬬ
ᬢ᭄ᬲᬶᬦ᭄ᬯᬫᬶᬂᬲᬵᬭᬶ᭚᭜᭚ᬧᬸᬄᬲᬶᬦᭀᬫ᭄᭚ᬓᬸᬦᭂᬂ᭠ᬫᬗ᭄ᬓᬶᬦ᭄ᬓᬯᬸᬯᬸᬲᬦ᭄᭞ᬳᬶᬤᬧ᭄ᬭᬦ᭄ᬥᬳᬶᬂᬳᬰ᭄ᬭᬫᬶ᭞ᬲᬂᬲᬵᬓ᭄ᬱᬢ᭄
[᭓᭓ 33A]
ᬳ᭄ᬬᬂᬯᬷᬭᭀᬘᬦ᭞ᬯᬢᭂᬓ᭄ᬫᭀᬦᬩᭀᬤ᭄ᬥᬓᭂᬮᬶᬂ᭞ᬤᬶᬩ᭄ᬬᬘᬓ᭄ᬱᬸᬰᬸᬭᬾᬂᬳᬚᬶ᭞ᬧ᭄ᬭᬡᬢᬓᬂᬧᬜ᭄ᬘᬭᬶᬧᬸ᭞ᬲᬤ᭄ᬯᬶᬦᬬᬦᬾᬫᬮᬶ
ᬮᬂ᭞ᬯᬮᬸᬬᬳ᭄ᬬᬂᬚᬷᬦᬫᬸᬃᬢ᭄ᬢᬶ᭞ᬦᬵᬲ᭄ᬢᬯᬾᬂᬪᬸᬄ᭞ᬢᬬᬫᬭᬬᬓᬢᬺᬱ᭄ᬡ᭚ᬓᬕᬾᬢ᭄ᬳᬶᬓᭂᬢᬸᬢ᭄‌ᬬᬢᭂᬓ᭞ᬲᬓᬶᬂᬤᭀᬄᬫᭂᬦ᭄ᬥᭂ
ᬓ᭄ᬢᬃᬩᬓ᭄ᬢᬶ᭞ᬭᬢᬸᬢᬶᬢ᭄ᬬᬂᬦᬸᬦᬲ᭄ᬮᬸᬕ᭄ᬭ᭞ᬧᬥᬦ᭄ᬥᬳᬲᬸᬂᬲ᭄ᬫᬶᬢᬵᬭᬶᬲ᭄᭞ᬦᬄᬫᬳᬶᬦᬂᬜᬾᬦ᭄ᬘᬳᬶ᭞ᬮᬶᬯᬃᬯᭂᬮᬲ᭄ᬩᬧᬦ᭄ᬤᬸᬮᬸ᭞ᬧᬬᬄ
ᬘᬳᬶᬦᬾᬓᬮᬶᬦ᭄ᬢᬂ᭞ᬯᬭᬄᬩᬧᬤᬸᬕᬶᬤᬸᬕᬶ᭞ᬬᬳᬶᬓᭂᬢᬸᬢ᭄᭞ᬗᬢ᭄ᬧᬥᬲᬯᭀᬢ᭄ᬲᭂᬓᬃ᭚ᬢᬦ᭄ᬳᬶᬯᬂᬯᬘᬦᬦ᭄ᬧ᭄ᬭ [ 34 ][᭓᭓ 33B]
᭓᭓
ᬦ᭄ᬥ᭞ᬤ᭄ᬯᬦᬶᬂᬢᬶᬢ᭄ᬬᬂᬭᬳᬸᬄᬢᬗ᭄ᬓᬶᬮ᭄᭞ᬓᭂᬥ᭄ᬯᬦᬸᬦᬲ᭄ᬯᬭᬵᬫᬺᬢ᭄ᬢ᭞ᬗᬼᬫᭂᬳᬶᬲᬂᬮ᭄ᬯᬶᬃᬉᬥᬤᬶ᭞ᬮᬸᬯᬶᬃᬓᬰ᭄ᬫᬮᬾᬂᬳᬢᬶ᭞ᬲᬢᬢᬳᬸᬮᬄᬳᬭᬸ
ᬲᬸᬄ᭞ᬦᬸᬪᬯᬰ᭄ᬭᬶᬤ᭄ᬯᬶᬚᬾᬰ᭄ᬯᬭ᭞ᬲ᭄ᬯᬾᬘ᭄ᬙᬓᭂᬦᬶᬳᬫᬫᬗ᭄ᬕᬶᬄ᭞ᬳᬶᬂᬭᬵᬳᬬᬸ᭞ᬧᬗᬼᬩᬸᬭᬦ᭄ᬤᬰᬫᬮ᭚ᬭᬢᬸᬢᬶᬢ᭄ᬬᬂᬗᬸᬦᬶᬗᬬᬂ᭞ᬲᬵᬓ᭄ᬱ
ᬢ᭄ᬳᬓᬱᬧ᭄ᬭᬢᬶᬯᬶ᭞ᬳᬕᬸᬂᬩ᭄ᬯᬢ᭄ᬦᬶᬂᬫᬮᬓ᭄ᬮᬾᬰ᭞ᬯᬶᬲᬃᬚ᭄ᬚᬲᬶᬃᬡ᭄ᬦᬓᬯᬾᬭᬶ᭞ᬕᬗ᭄ᬕᭀᬧᬫᬰᬸᬤ᭄ᬥᬳᬕ᭄ᬦᬶᬂ᭞ᬓᬲᭂᬃᬩ᭄ᬓᬸᬳᬚ᭄ᬜᬡᬲᬶᬦᬸᬳᬸ᭠
ᬦ᭄᭞ᬲᬂᬓᬤᬶᬢᬼᬗᬶᬂᬲᬵᬫᬸᬤ᭄ᬭ᭞ᬲᬂᬳᬲ᭄ᬢᬧᬓᬲ᭄ᬫᬶᬜᬭᬶᬲ᭄‌ᬳᬃᬱᬵᬗ᭄ᬭᬸᬗᬸ᭞ᬳᬢᬸᬃᬦ᭄ᬬᬲᬂᬳᬜᬃᬢᭂᬓ᭚ᬳᬮᭀᬦ᭄ᬯᬶᬚᬶᬮᬶᬂᬯ
[᭓᭔ 34A]
ᬘᬦ᭞ᬤᬸᬮᬸᬃᬳᬲᬸᬂᬲ᭄ᬫᬶᬢᬵᬭᬶᬲ᭄᭞ᬕᭂᬜᬾᬦ᭄ᬘᬳᬶᬳᬸᬮᬶᬤᬶᬚ᭞ᬲᬂᬢᬶᬦᬜᬦ᭄ᬳᬢᬸᬃᬩᬓ᭄ᬢᬶ᭞ᬢᬶᬢ᭄ᬬᬂᬲᬓᬶᬂᬲᬸᬮᬤ᭄ᬭᬶ᭞ᬓᬮᬶᬦ᭄ᬢᬂᬤᬭᬶᬤ᭄ᬭᬤᬸᬲᬸᬦ᭄᭞ᬳ
ᬗ᭄ᬳᬶᬂᬓᬯᬗᬦ᭄ᬢᬶᬢ᭄ᬬᬂ᭞ᬤᬸᬭᬸᬂᬢᭂᬢᭂᬲ᭄ᬢᬶᬢ᭄ᬬᬂᬳᬸᬦᬶᬂ᭞ᬬᬦᬶᬂᬲᬶᬭ᭞ᬲᬶᬤ᭄ᬥᬳᬗ᭄ᬭᬸᬧᬓᬢᬶᬢ᭄ᬬᬂ᭚ᬓᭂᬜᭂᬫ᭄ᬧᬥᬦ᭄ᬥᬗᬦ᭄ᬤᬶᬓ᭞ᬩᬵᬦ᭄ᬢᭀᬩᬧ᭠
ᬧᭂᬤᬲ᭄ᬳᬸᬦᬶᬂ᭞ᬢᬸᬯᬶᬘᬳᬶᬩ᭄ᬭᬵᬳ᭄ᬫᬯᬗ᭄ᬰ᭞ᬳᬗ᭄ᬕᬶᬂᬯᬢᭂᬓ᭄ᬰᬶᬯᬘᬕᬶᬜᬦ᭄ᬥᬂᬘᬳᬶᬢᬦ᭄ᬳᬸᬦᬶᬂ᭞ᬭᬭᬾᬢᬶᬗ᭄ᬕᬮᬶᬦ᭄ᬬᬬᬾᬩᬸ᭞ᬫᬸᬮᬘᬳᬶᬉᬢ᭄ᬢ
ᬫ᭞ᬳᭀᬮᬲ᭄ᬥᬾᬤᬸᬓᬸᬄᬲᬸᬮᬵᬤ᭄ᬭᬶ᭞ᬲᬸᬓᬤᬸᬤᬸᬓ᭄᭞ᬫᬗ᭄ᬓᬸᬗᬗ᭄ᬕᭀᬦ᭄ᬧ᭄ᬬᬦᬓ᭄᭚ᬬᬦ᭄ᬘᬳᬶᬫᬰᬶᬯᬭᬶᬂᬩᬧ᭞ᬳᬧᬦ᭄ᬩᬧᬩᬸᬤ᭄ᬥ [ 35 ][᭓᭔ 34B]
᭓᭔
ᬚᬢᬶ᭞ᬘᬳᬶᬫᬵᬯᬓ᭄ᬯᬢᭂᬓ᭄ᬰᬶᬯ᭞ᬢᭀᬘᬮᬶᬫᬲᬶᬄᬧᬶᬦᭂᬳᬶᬦ᭄᭞ᬩᬧᬢ᭄ᬯᬭᬵᬤᬫᬮᬶᬄ᭞ᬳᬶᬓᭂᬢᬸᬢ᭄ᬳᬢᬸᬭᬾᬳᬮᬸᬲ᭄᭞ᬲᬵᬫ᭄ᬧᬸᬦ᭄ᬭᬢᬸ
ᬫᬫᬳᭀᬲᬂ᭞ᬬᬤᬶᬦ᭄ᬮᬮᬗᬶᬢᬾᬭᬶᬳᬶᬦ᭄᭞ᬧᬵᬢᬸᬢ᭄ᬢᬶᬭᬸ᭞ᬢᬸᬮᬸᬲ᭄ᬳᬰᬶᬄᬤ᭄ᬯᬶᬚᬯᬭ᭚ᬦᬄᬬᬦ᭄ᬲᬸᬩᬩᬸᬓᬓᬾᬢᭀ᭞ᬤᬩ᭄ᬤᬩᬂᬚ
ᬦᬶᬥᬳᬶᬲ᭄ᬢ᭄ᬭᬶ᭞ᬉᬧᬓᬵᬭᬦᬶᬂᬫᬰᬶᬯ᭞ᬯᬶᬥᬶᬯᬾᬥᬦᬫ᭄ᬯᬂᬲᬸᬘᬶ᭞ᬲᬦ᭄ᬤᬶᬓᬦ᭄ᬢᬶᬢ᭄ᬬᬂᬗᬶᬭᬶᬂ᭞ᬢᬸᬫᬸᬮᬶᬥᬳᬶᬲ᭄ᬢ᭄ᬭᬶᬕᬶᬜ᭄ᬘᬸᬄ᭞ᬳᬗᬯᬾᬩ᭠
ᬩᬦ᭄ᬢᭂᬦᬺᬓᭀ᭞ᬧᬸᬢ᭄ᬭᬧᬸᬢ᭄ᬭᬓᬫᬗᬶᬭᬶᬂ᭞ᬕ᭄ᬮᬶᬲᬶᬂᬧᬸᬧᬸᬢ᭄᭞ᬉᬧᬓᬵᬭᬦ᭄ᬳᬦᬓ᭄ᬫᬰᬶᬯ᭠᭚ᬲᬵᬫ᭄ᬧᬸᬦ᭄ᬲᬫᬶᬓᬕᭂᬮᬭᬂ᭞ᬲᬗ᭄ᬕᬃᬢ᭠
[᭓᭕ 35A]
ᬯᬂᬫᬶᬦᬓᬵᬥᬶ᭞ᬳᭀᬋᬕ᭄ᬲᬳᬦᬾᬂᬳᬰ᭄ᬭᬫ᭞ᬮᬦᬂᬳᬶᬲ᭄ᬢ᭄ᬭᬶᬳᬕᬸᬂᬳᬮᬶᬢ᭄᭞ᬲᬂᬲᬶᬦᬸᬳᬸᬦ᭄ᬯᬘᬭᬵᬭᬶᬲ᭄᭞ᬦᬄᬤᬶᬦᬶᬘᬳᬶᬩᬕᬸᬲ᭄᭞
ᬩᬧᬦᬾᬚᬦᬶᬫᬢᬓᭀᬦ᭄᭞ᬲᬳᬸᬮᬄᬢᬦ᭄ᬤᬸᬗᬾᬗᬸᬦᬶ᭠ᬲᬂᬲᬶᬦᬾᬗᬦ᭄᭞ᬳᬦᭂᬫ᭄ᬩᬄᬢᬸᬃᬢᬶᬦ᭄ᬧᬓᬦ᭄᭚ᬲᬓ᭄ᬭᬶᬬᬨᬮᬦᬾ
ᬓᬸᬦ᭞ᬲᬵᬫ᭄ᬧᬸᬦ᭄ᬓᬯᬶᬲ᭄ᬢᬭᬲᬫᬶ᭞ᬧ᭄ᬭᬲᬶᬤ᭄ᬥᬳᬧᬸᬲ᭄ᬕᬮ᭞ᬯᬘᬦᬲᬂᬫᬳᬵᬬᬢᬶ᭞ᬦᬦᬓ᭄ᬲᬂᬕᭂᬥᬾᬚᬦᬶ᭞ᬯᬸᬲ᭄ᬲᬶᬤ᭄ᬥᬳᬲᬸᬭᬸᬦ᭄ᬳ
ᬬᬸ᭞ᬦᬦᬓ᭄ᬚᬦᬶᬫᬋᬦᬂ᭞ᬧᬵᬧᬤ᭄ᬯᭀᬯᬓᬦᬶᬂᬳᬢᬶ᭞ᬳᬧᬂᬩᬕᬸᬲ᭄᭞ᬢ᭄ᬬᬕᬬᬢ᭄ᬦᬬᬢ᭄ᬦᬾᬂᬳᬸᬮᬄ᭚ᬲᬰᬦᬦᬶᬂᬩᬸᬤ᭄ᬥᬵ [ 36 ][᭓᭕ 35B]
᭓᭕
ᬲ᭄ᬢᬯ᭞ᬳ᭄ᬤᬫᬫᬶᬮᬶᬦ᭄ᬪᬸᬓ᭄ᬢᬶ᭞ᬤᬤᭂᬕᬕ᭄ᬫᬚᭂᬗᬚᭂᬗᬦ᭄᭞ᬧ᭄ᬭᬢᬶᬲ᭄ᬢᬭᬶᬂᬚ᭄ᬭᭀᬦᬶᬂᬳᬢᬶ᭞ᬲᬫᬬᬂᬦᬦᬓ᭄ᬧᬂᬚᬢᬶ᭞ᬰᬸᬘᬶᬦᬾᬓᬮᬯᬦ᭄ᬘᬫ᭄ᬧᬸᬃ᭞
ᬓᬾᬢᭀᬓᬥᬃᬫᬦᬶᬂᬩᬸᬤ᭄ᬥ᭞ᬬᬦ᭄ᬰᬶᬯᬩᬸᬤ᭄ᬥᬵᬳᬰ᭄ᬭᬶᬥᬦ᭄ᬢᬶ᭞ᬬᬧᬢᬸᬄ᭞ᬓᬉᬢ᭄ᬢᬫᬦ᭄ᬜᬦᬾᬦᬦᬓ᭄᭚ᬆᬧᬦ᭄ᬢ᭄ᬯᬭᬳᬤᬪᬶᬦ᭞ᬲᬂᬳ᭄ᬬᬂᬫᬳᬸ
ᬮᬸᬦ᭄ᬓᬳᬶᬲ᭄ᬢᬶ᭞ᬳᬦᬾᬤᬶᬫᬦᬄᬧᬸᬚᬶᬬᬂ᭞ᬓᬾᬦᬾᬢᬶᬗ᭄ᬓᬄᬜᬦᬾᬩᬸᬯᬶᬦ᭄᭞ᬧᬲ᭄ᬢᬶᬬᬂᬦᬦᬓ᭄ᬗᭂᬦᭂᬳᬶᬦ᭄᭞ᬳᬗᬶᬲ᭄ᬢᬶᬲᬂᬳ᭄ᬬᬂᬫᬕᬸᬮᬸ
ᬦ᭄᭞ᬬᬦ᭄ᬭᬶᬂᬰᬶᬯᬢ᭄ᬭᬶᬳᬓ᭄ᬱᬭ᭞ᬳᬢ᭄ᬫᬄᬒᬗ᭄ᬓᬭᬚᬢᬶ᭞ᬬᬦ᭄ᬭᬶᬂᬩᬸᬤ᭄ᬥ᭞ᬢ᭄ᬭᬶᬓᭀᬦᬳ᭄ᬭᬶᬄᬧᬫᬸᬢᬸᬲ᭄ᬦ᭄ᬬ᭚ᬧᬫ᭄ᬭᬕᬢ᭄‌ᬬᬫᬲᬶᬄᬢᬸ
[᭓᭖ 36A]
ᬗ᭄ᬕᬮ᭄᭞ᬧᬗᬲ᭄ᬢᬶᬢᬶᬦᬾᬭᬶᬂᬳ᭄ᬬᬂᬯᬶᬥᬷ᭞ᬚᬮᬭᬦ᭄ᬰᬲ᭄ᬢ᭄ᬭᬦᬾᬤᬤ᭄ᬯ᭞ᬲᬢᬢᬧᬢᭂᬫ᭄ᬯᬂᬓᬵᬮᬶᬄ᭞ᬳᬶᬜ᭄ᬘᭂᬧᬂᬤᬶᬚ᭄ᬭᭀᬦᬶᬂᬳᬢᬶ᭞ᬧ᭄ᬭᬲᬶᬤ᭄ᬥᬲᬸᬩᬗᬯᬶ
ᬦ᭄ᬥᬸ᭞ᬫ᭄ᬯᬄᬧᬢᭂᬫ᭄ᬯᬂᬲᬸᬃᬬ᭄ᬬᬘᬦ᭄ᬤ᭄ᬭ᭞ᬢᭀᬧᬲ᭄ᬢᬶᬬᬂᬫᬗᭂᬦᭂᬳᬶᬦ᭄᭞ᬕᭂᬦᬶᬩᬜᬸ᭞ᬧᬗ᭄ᬭᬸᬯᬢᬦ᭄ᬤᬰᬫᬮ᭚ᬲᬳᬕᬸᬗᬶᬂᬫᬮᬓ᭄ᬮᬾᬰ᭞᭠
ᬧᬥᬕᭂᬲᭂᬂᬢᭂᬮᬲ᭄ᬤᬕ᭄ᬥᬶ᭞ᬳᭂᬦ᭄ᬢᬶᬳᬃᬱᬲᬂᬯᬶᬦᬶᬲᬶᬓᬦ᭄‌ᬕᬗᬲ᭄ᬢᬸᬗ᭄ᬓᬭᬵᬢᬸᬃᬪᬓ᭄ᬢᬶ᭞ᬬᬦ᭄ᬬᭀᬕ᭄ᬬᬢᬸᬮᬸᬲ᭄ᬳᬰᬶᬄ᭞ᬲᬦ᭄ᬫᬢᬤᬂᬫᬳᬵ
ᬕᬸᬭᬸ᭞ᬲᬧᬸᬦᬧᬶᬫᬮᬶᬄᬧᬸᬦᬶᬓ᭞ᬳᬶᬮᬗᬶᬂᬮᬸᬧᬫ᭄ᬯᬂᬳᬾᬮᬶᬂ᭞᭠ᬧᬲᬸᬓ᭄ᬯᭂᬢᬸ᭞ᬧᬸᬦᬶᬓᬫᬗ᭄ᬓᬶᬦ᭄ᬧᬶᬘᬬᬂ᭚ᬲᬂᬅᬥᬶᬕᬸᬭᬸᬗᬦ᭄ᬤᬶᬓ᭞ [ 37 ][᭓᭖ 36B]
᭓᭖
ᬦᬦᬓ᭄ᬢᭀᬓᬮᬶᬯᬢ᭄ᬮᬸᬯᬶᬄ᭞ᬬᬦᬸᬧᬫ᭄ᬬᬂᬩᬧᬳᭂᬦ᭄ᬢᭀ᭞ᬓᬤᬶᬲᬸᬳᬸᬗᬾᬭᬶᬂᬮᬗᬶᬢ᭄ᬳᬶ᭞ᬤᭂᬧᬾᬫᬓᭂᬚᬂᬫᬭᬶ᭞ᬮᬓ᭄ᬱᬡᬲᬸᬩᬫᬢᭂ
ᬫᬸ᭞ᬢ᭄ᬯᬭᬩ᭄ᬯᬶᬦ᭄ᬫᬬᭀᬕᬬᭀᬕ᭞ᬬᬤ᭄ᬬᬧᬶᬦ᭄ᬢᭂᬓᬾᬂᬲᬲ᭄ᬫ᭄ᬭᬢᬶ᭞᭠ᬳᬰᬶᬄᬢᬸᬮᬸᬲ᭄᭞ᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬶᬥᬷᬯᬰ᭚ᬳᭂᬦ᭄ᬢᭀᬧᬶᬲᬥ᭄ᬬᬂᬦᬦᬓ᭄᭞
ᬳᬫ᭄ᬭᬶᬄᬳᬸᬢ᭄ᬢᬫᬚᬢᬶ᭞ᬫᬚᬮᬭᬦ᭄ᬧᬦᬸᬕ᭄ᬭᬳᬦ᭄᭞ᬓᭂᬦᭂᬄᬓᭂᬦᭂᬳᬂᬧᬂᬧᬲ᭄ᬢᬶ᭞ᬓᬾᬢᭀᬲᬶᬧ᭄ᬢᬦ᭄ᬩᬧᬚᬦᬶ᭞ᬧᬶᬦᭂᬄᬦᬦᬓ᭄
ᬤᬲᬮᬶᬲᬸᬄ᭞ᬳᬶᬗᭂᬦᬶᬦ᭄ᬳᬧᬂᬧᬲᬚ᭞ᬯᭂᬓᬲ᭄ᬩᬧᬗᬯᬭ᭠ᬳᬶᬦ᭄᭞ᬢᭀᬳᬶᬗᭂᬢᬂ᭞ᬧᬯᬶᬲᬶᬓ᭄ᬩᬧᬳᬶᬩᬸᬲᬦ᭄᭚ᬲᭀᬓ᭄ᬳᬤ
[᭓᭗ 37A]
ᬧᬯᬾᬄᬩᬧ᭞ᬫᬳᬤᬦ᭄ᬧᬸᬚᬢ᭄ᬭᬶᬦᬤᬶ᭞ᬢᬶᬜ᭄ᬘᭂᬧᬂᬤᬶᬫᬦᬄᬦᬦᬓ᭄᭞ᬳᬗ᭄ᬕᭀᬦ᭄ᬫᬗᬲ᭄ᬢᬯᬲᬳᬶ᭞ᬲᬂᬯᬶᬦᬶᬲᬶᬓᬦ᭄ᬳᬯᭀᬢ᭄ᬲᬵᬭᬶ᭞
ᬲᬦ᭄ᬤᬶᬓᬦ᭄ᬫᬳᬵᬤᬂᬕᬸᬭᬸ᭞ᬢᬦ᭄ᬲᬶᬧᬶᬲᬸᬓᬦᬶᬂᬢᬸᬯᬲ᭄᭞ᬓᬤᬶᬯᬸᬲ᭄ᬳᬦᬸᬗ᭄ᬓᬧ᭄ᬮᬸᬯᬶᬄ᭞ᬳᬶᬗ᭄ᬕᬶᬄᬭᬢᬸ᭞ᬤᬺᬲᬵᬓ᭄ᬱᬢ᭄ᬲᬵᬫ᭄ᬧᬸᬦ᭄ᬫᬳᭂᬦ᭄ᬢᬲ᭄
᭚ᬲᬂᬳᬥᬶᬕᬸᬭᬸᬗᬦ᭄ᬤᬶᬓ᭞ᬦᬦᬓ᭄ᬲᬂᬕᭂᬥᬾᬚᬦᬶ᭞ᬓᭂᬫᭀ᭠ᬮᬸᬯᬲ᭄ᬫᬮᬸᬫᬰᬸᬘ᭄ᬬᬦ᭄᭞ᬓᬚᬳᬤᬩᬾᬚᬶᬮᬸᬯᬶᬄ᭞ᬦᬶᬃᬫᬮᬢ
ᬦ᭄ᬧᬲᬶᬭᬶᬂ᭞ᬓᭀᬘᬧ᭄ᬓᬢᬢ᭄ᬯᬦ᭄ᬜᬳᬶᬓᬸ᭞ᬧᬗᭂᬲᭂᬗᬦ᭄ᬤᬰᬫᬮ᭞ᬗ᭄ᬳᬶᬂᬤᬲᬭᬶᬦ᭄ᬧᬕᭂᬄᬩᬸᬤ᭄ᬥᬶ᭞ᬳ᭄ᬤᬲᬸᬭᬸᬤ᭄᭞ᬤᬺᬲᬵᬓ᭄ᬱᬢ᭄ᬲᬸ [ 38 ][᭓᭗ 37B]
᭓᭗
ᬩᬫᬦ᭄ᬤᬸᬲᬂ᭚ᬓᬾᬢᭀᬦᬦᬓ᭄ᬢᭀᬧᬕᭂᬳᬂ᭞ᬬᬦ᭄ᬲᬸᬩᬲᬸᬳᬸᬤ᭄ᬫᬩᬺᬲᬶᬄ᭞ᬳᬤᬩ᭄ᬯᬶᬦ᭄ᬧᬯᬶᬲᬶᬓ᭄ᬩᬧ᭞ᬲᬂᬓᬶᬦᭀᬦ᭄ᬫᭂᬦ᭄ᬥᭂᬓ᭄ᬬᭀᬢ᭄ᬲᬵᬭᬶ᭞ᬢᭂ
ᬳᭂᬃᬢᬸᬫᬸᬮᬶᬫᬫᬃᬕ᭄ᬕᬶ᭞ᬍᬧᬲ᭄ᬮᬫ᭄ᬧᬳᬾᬮᬸᬫᬓᬸ᭞ᬦᬸᬳᬸᬢ᭄ᬭᬾᬚᭂᬂᬧ᭄ᬭᬶᬗ᭄ᬕᬚᬸᬭᬂ᭞ᬦᭀᬭᬵᬦᬓᬾᬗ᭄ᬕᬸᬄᬮᬸᬫᬭᬶᬲ᭄᭞ᬢᭂᬓᬚᬸᬚᬸᬭ᭄᭞ᬳᬾ
ᬲ᭄ᬢᬶᬓᬲᬶᬤ᭄ᬥᬦᬶᬂᬮᬫ᭄ᬧᬄ᭚ᬍᬯᬶᬄᬤᬸᬃᬕ᭄ᬕᬫᬦᬶᬂᬳᬮᬲ᭄᭞ᬳᬲᬶᬮᬸᬓ᭄ᬳᬸᬗ᭄ᬓᬕᭃᬂᬢᬺᬩᬶᬲ᭄᭞ᬳᬓᬾᬄᬩᬸᬭᭀᬦ᭄ᬳᬲᬲᬭᬦ᭄᭞ᬤᬸᬮᬸᬭᬶᬦ᭄ᬳᬸ
ᬚᬦ᭄ᬗᬸᬭᬶᬩᬶᬲ᭄᭞ᬧᭂᬢᭂᬂᬲᬬᭀᬂᬗᬮᬶᬫᬸᬢᬶᬦ᭄᭞ᬓᬤᬶᬳᬗᭂᬫᬭᬶᬂᬮᬓᬸ᭞ᬓᬾᬄᬬᬦ᭄ᬯᬰᬶᬢᬋᬓᭀ᭞ᬯᭂᬓᬲᬦ᭄ᬯᬲ᭄ᬢᬸᬓᬧᬗ᭄ᬕᬶᬄ
[᭓᭘ 38A]
ᬳᬪ᭄ᬭᬫᬸᬭᬸᬩ᭄᭞ᬯᭂᬢᬸᬲᭂᬫᭂᬂᬲᬸᬢᬾᬚᬩᬵᬂ᭚ᬓᬤᬶᬕᭂᬦᬶᬢᬦ᭄ᬧᬤᬸᬫ᭞ᬢᬾᬚᬦ᭄ᬬᬓᬮᬶᬦ᭄ᬢᬂᬳ᭄ᬦᬶᬂ᭞ᬢᬸᬫᬸᬮᬶᬭᬭᬶᬲ᭄ᬗᬓ᭄ᬱᬫ᭞ᬫᬳᬶ
ᬤᭂᬃᬗᬢᬸᬭᬂᬪᬓ᭄ᬢᬶ᭞ᬩᬢᬸᬦᬾᬓᬳᬶᬍᬳᬶᬦ᭄᭞ᬦᭀᬭᬵᬦᬢᭀᬬᬓᬢᭂᬫᬸ᭞ ᬩᬸᬮᬦ᭄ᬩᬮᬶᬓ᭄ᬫᬳᬶᬤᭂᬭᬦ᭄᭞ᬓᬵᬗᭂᬦ᭄ᬓᬬᬸᬦᬾᬢᬦ᭄ᬲᬶ
ᬧᬶ᭞ᬤᬤ᭄ᬬᬧᬗ᭄ᬕᬸᬄ᭞ᬩᬗ᭄ᬓᬾᬦᬶᬂᬯᭀᬂᬲᬵᬫ᭄ᬧᬸᬦ᭄ᬳᭂᬜᬕ᭄᭚ᬩᬲᬂᬧᬧᬸᬲ᭄ᬯᬦᬾᬗᭂᬦᬄ᭞ᬩᬗ᭄ᬓᬾᬦᬾᬮᬶᬮᬶᬢ᭄ᬮᬮᬶᬧᬶ᭞ᬮᬮᬶᬫ᭠
ᬳᬸᬮᬦ᭄ᬬᬭᬓ᭄ᬯ᭞ᬧᬥᬦ᭄ᬥᬳᬜᬃᬫᬮᬳᬶᬩ᭄᭞ᬚᭂᬚᭂᬄᬗᭂᬢᭀᬃ ᬩᬸᬓᬫᬵᬢᬶ᭞ᬢ᭄ᬯᬭᬗᬶᬢᬸᬂᬫᬩᬃᬧᬗ᭄ᬓᬸᬂ᭞ᬭᬭᬶᬲ᭄ᬢᬸᬮᬓ᭄ᬓ᭠ [ 39 ][᭓᭘ 38B]
᭓᭘
ᬧᬰ᭄ᬭᬶᬕᬶᬬᬦ᭄᭞ᬢᬦ᭄ᬮᬶᬗᬸᬦᬦ᭄ᬕᬭᬂᬘᬶᬘᬶᬂ᭞ᬤᭂᬓᬄᬗᬗ᭄ᬲᬸᬃ᭞ᬳᬗ᭄ᬓᬶᬳᬦᬾᬢᬸᬗ᭄ᬕᬄᬗᬢᬸᬕ᭄ᬢᬸᬕ᭄᭚ᬕᬶᬕ᭄ᬬᬦ᭄ᬲᬶᬦᬸᬳᬸᬦ᭄ᬫᬜᬶᬗᬓ᭄᭞ᬳᬧ᭠
ᬓ᭄ᬭᬡᬦ᭄ᬜᬦᬾᬕᬢᬶ᭞ᬤᬳᬲ᭄ᬤᬶᬳᬶᬲ᭄ᬲᭂᬩᭂᬂᬲᭂᬗᬧ᭄᭞ᬳᬶᬦ᭄ᬥᬬᬂᬩᬧᬢᬸᬢᬸᬭᬶᬦ᭄᭞ᬥᭂᬕᭂᬥᬾᬳᬜᬃᬗᬪᬓ᭄ᬢᬶ᭞ᬳᬫ᭄ᬧᬸᬭᬦᬲᬂᬲᬶᬦᬸ
ᬳᬸᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬗᬸᬦᬶᬗᬬᬂ᭞ᬲᭂᬗ᭄ᬓᬮᬢᬶᬢ᭄ᬬᬂᬫᬫᬃᬕ᭄ᬕᬶ᭞ᬢᬶᬢ᭄ᬬᬂᬫᬗ᭄ᬕᬸᬄ᭞ᬯᬗ᭄ᬓᬾᬜ᭄ᬚᬤ᭄ᬫᬲᭂᬥᭂᬂᬳᭂᬜᬕ᭄᭚ᬩᭂᬜᬄᬳᬫ᭄ᬩᬸᬫ᭠
ᬮᬶᬫ᭄ᬧᬸᬕᬦ᭄᭞ᬩᬗ᭄ᬓᬾᬦᬾᬮᬶᬮᬶᬢ᭄ᬮᬮᬶᬧᬶ᭞ᬮᬮᬶᬫᬳᬸᬮᬦ᭄ᬬᬜᭂᬩᬓ᭄᭞ᬚᭂᬚᭂᬄᬢᬶᬢ᭄ᬬᬂᬫᬗᬦ᭄ᬢᭂᬦᬶᬦ᭄᭞ᬭᬱᬜᭀᬢᭀ
[᭓᭙ 39A]
ᬢ᭄ᬫᬗᬸᬢᬶᬮ᭄᭞ᬕᬶᬘ᭄ᬙᬩ᭄ᬭᬲᬶᬦᬸᬳᬸᬦ᭄ᬩ᭄ᬭᬸᬓᬸᬓ᭄᭞ᬦᬦᬓ᭄ᬢᬸᬯᬄᬓᬸᬭᬂᬢ᭄ᬬᬕ᭞ᬧᬜ᭄ᬘᬯᬶᬰᬬᬦᬾᬗ᭄ᬮᬶᬮᬶᬢ᭄᭞ᬓᬸᬭᬂᬧᬸᬢᬸᬲ᭄᭞ᬳᬢᬶᬦᬾᬳ
ᬩᬂᬤᬸᬫᬶᬮᬄ᭚ᬥᬕᭂᬥᬾᬳᬜᬃᬫᬦ᭄ᬢᭂᬕ᭄ᬥᬥ᭞ᬗᬲ᭄ᬢᬸᬗ᭄ᬓᬭᬫᬵᬢᬸᬃᬲᬶᬲᬶᬧ᭄᭞ ᬩᬸᬤ᭄ᬥᬶᬦ᭄ᬢᬶᬢ᭄ᬬᬂᬘᭂᬫᭂᬃᬧᬶᬲᬦ᭄᭞ᬧᬵᬧᬓ᭄ᬮᬾᬰᬦᬾᬳᬕᬸ
ᬫᬶ᭞ᬬᬦ᭄ᬢᬦ᭄ᬲᬂᬮ᭄ᬯᬶᬭᬕᭂᬦᬶ᭞ᬳᬶᬘ᭄ᬮᬫᬗ᭄ᬓᬶᬦ᭄ᬧᬘᬂᬗᬼᬩᬸᬃ᭞ᬲᬶᬤ᭄ᬥᬫᬢᭂᬫᬳᬦ᭄ᬯᬃᬱ᭞ᬓᬳᬶᬮᬶᬢᭂᬓᬾᬂᬕᬸᬤᬥᬶ᭞ᬩ᭄ᬭᬲᬶᬦᬸᬳᬸᬦ᭄᭞ᬢᬸ
ᬫᬸᬮᬸᬲ᭄ᬲᬶᬳᬶᬂᬯᭀᬂᬳᬷᬦ᭚ᬲᬂᬅᬥᬶᬕᬸᬭᬸᬗᬦ᭄ᬤᬶᬓ᭞ᬩᬧᬗᬶᬘ᭄ᬙᬾᬦ᭄ᬦᬦᬓ᭄ᬚᬦᬶ᭞ᬓᬵᬭᬯᬶᬲ᭄ᬢᬦᬾᬲᬸᬫ᭄ᬧᬗᬂ᭞ᬇᬥᭂᬧᬾᬳ᭠ [ 40 ][᭓᭙ 39B]
᭓᭙
ᬧᬗᬢᬶᬮᬶᬂ᭞ᬢ᭄ᬭᬶᬧ᭄ᬭᬫᬦᬦᬾᬳᬶᬲ᭄ᬢᬶ᭞ᬩᬬᬸᬰᬩ᭄ᬤᬇᬥᭂᬧ᭄ᬳᬶᬓᬸ᭞ᬳᬶᬜ᭄ᬘᭂᬧᬂᬳᬧᬂᬢᬸᬗ᭄ᬕᬮ᭄᭞ᬤᬰᬫᬮᬦᬾᬢᬸᬜ᭄ᬚᭂᬮᬶᬦ᭄᭞ᬮᬳᬸᬢ᭄ᬲᬧᬸᬄ᭞
ᬳᬳᬸᬦ᭄ᬫᬮᬦᬾᬫᬓᭂᬚᬂ᭚ᬮᬳᬸᬢᬂᬮᬦ᭄ᬢᬲ᭄ᬳᬜᬸᬤᬂ᭞ᬢᭂᬭᬸᬲᬂᬓᬧᬸᬲᭂᬃᬢᬲᬶᬓ᭄᭞ᬳᬶᬥᭂᬧ᭄ᬦᬦᬓᬾᬧᬕᭂᬳᬂ᭞ᬳᬧᬂᬳᭂᬦᬶᬂᬢᬶᬮᬶᬂᬰᬸ
ᬘᬶ᭞ᬓᬾᬢᭀᬢᬶᬗ᭄ᬓᬳᬾᬫᬓᬶᬃᬣᬶ᭞ᬳᬧᬦᬵᬫ᭄ᬭᬕᬲᬂᬳ᭄ᬬᬂᬳᬬᬸ᭞ᬲᭂᬗ᭄ᬓᬕᬳᬦ᭄ᬗᭂᬤᭂᬢᬂ᭞ᬧᬕᭂᬳᬾᬳᬗ᭄ᬕᭀᬦ᭄ᬦᬲᬭᬶᬦ᭄᭞ᬳᬧᬂᬓᬸ᭠
ᬓᬸᬄ᭞ᬢ᭄ᬯᬭᬬᬓᭂᬮᬾᬲᬂ᭚ᬢ᭄ᬭᬶᬧ᭄ᬭᬫᬡᬮᬸᬯᬶᬄᬧᭂᬲᬦ᭄᭞ᬳᭂᬦ᭄ᬢᭀᬫᬗᭂᬩᭂᬓᬶᬗᬸᬫᬶ᭞ᬫᬕᬾᬦ᭄ᬤᬳᬦ᭄ᬢᭀᬤᬤᬶᬦ᭄ᬜ᭞ᬩᬶᬲᬫᭂ
[᭔᭐ 40A]
ᬲᬾᬄᬕᭀᬩᬲᬳᬶ᭞ᬫᬕᭂᬦ᭄ᬢᭀᬲ᭄ᬳᬭᬦ᭄ᬩᬸᬯᬶᬦ᭄᭞ᬲᬸᬚᬢᬶᬦ᭄ᬜᬢ᭄ᬯᬭᬮᬶᬬᬸ᭞ᬚᬢᬶᬲᬓᬶᬂᬯᬶᬢ᭄ᬦ᭄ᬬᬢᬸᬗ᭄ᬕᬮ᭄᭞ᬫᬳᭂᬩᬸᬦ᭄ᬫᬳ᭄ᬤᭀᬦ᭄ᬫᬳᬸᬫ᭄ᬩᬶ᭞
ᬤᬤᬶᬮᬶᬬᬸ᭞ᬮᬾᬦ᭄ᬕᭀᬩᬮᬾᬦ᭄ᬳᬤᬦ᭄ᬜ᭚ᬓᬾᬢᭀᬢᬢ᭄ᬯᬶᬬᬦ᭄ᬜᬦᬦᬓ᭄᭞ᬤᬩᬸᬯᬶᬦ᭄ᬮᬶᬬᬸᬭᬱᬦᬶᬦ᭄᭞ᬧᬕᭂᬳᬂᬇᬥᭂᬧ᭄ᬢᬶᬮᬶᬗᬂ
ᬗᬸᬗ᭄ᬲᬶᬃᬓᬶᬃᬣᬶᬳᬬᬸᬮᬸᬯᬶᬄ᭞ᬲᬂᬯᬶᬦᬶᬲᬶᬓᬦ᭄ᬳᬯᭀᬢ᭄ᬲᬵᬭᬶᬢᬦ᭄ᬲᬶᬧᬶᬕᬶᬭᬗᬶᬂᬓᬬᬸᬦ᭄᭞ᬓᬤᬶᬢᬺᬡᬮᬳ᭄ᬭᬸᬓᬂᬓᬂ᭞ᬢᬶᬦᬶᬩ
ᬦᬶᬦ᭄ᬳᬸᬚᬦ᭄ᬯᭂᬗᬶ᭞ᬩ᭄ᬭᬲᬶᬦᬸᬳᬸᬦ᭄᭞ᬳᬮᭀᬦ᭄ᬯᬶᬚᬶᬮᬶᬂᬯᬵᬘᬦ᭚ᬓᭂᬫᭀᬚᬦᬶᬦᬦᬓ᭄ᬢᬸᬮᬓ᭄᭞ᬤᬶᬢᭀᬗᭀᬲ᭄ᬩᬢᬸᬦᬾ [ 41 ][᭔᭐ 40B]
᭔᭐
ᬢᬸᬦᬶ᭞ᬢᭂᬗᬄᬜᬳ᭄ᬦᬾᬳᬤᬢᭀᬬ᭞ᬓᬮᬶᬯᬢ᭄ᬦᬶᬃᬫᬮᬰᬸᬘᬶ᭞ᬮᬸᬯᬶᬳᬶᬂᬉᬢ᭄ᬢᬫᬕᬢᬶ᭞ᬢᬶᬃᬣᬧᬯᬶᬢ᭄ᬭᬧᬸᬦᬶᬓᬸ᭞ᬳᬤᬕᬸᬯᬫᬋᬧ᭄ᬧᬸᬃ
ᬯ᭄ᬯ᭞ᬳᭂᬦ᭄ᬢᭀᬮᬳᬸᬢᬂᬘᭂᬍᬧᬶᬦ᭄᭞ᬳ᭄ᬤᬓᬾᬗ᭄ᬕᬸᬄ᭞ᬩᬧᬗᬮᬸᬕ᭄ᬭᬬᬂᬦᬦᬓ᭄᭚ᬥᬕᭂᬥᬾᬳᬜᬃᬳᬜᭂᬫ᭄ᬩᬄ᭞ᬳᬗᬲ᭄ᬢᬸᬗ᭄ᬓᬭᬫᬧᬫᬶ᭠
ᬢ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬜᭀᬮᭀᬂᬫᬃᬕᬶᬓᬤᬶᬕᬭᬶᬲ᭄ᬕᭂᬮᬶᬲᬶᬂᬫᬗ᭄ᬓᬶᬦ᭄ᬓᬧᬗ᭄ᬕᬶᬄ᭞ᬯᬢᬸᬲᬸᬢᬾᬚᬦ᭄ᬤᬶᬄ ᬫᬸᬭᬸᬩ᭄᭞ᬓᬢᭀ
ᬦ᭄ᬕᬸᬯᬦᬾᬋᬓᭀ᭞ᬥᬕᭂᬥᬾᬭᬭᬶᬲ᭄ᬗᬭᬜ᭄ᬚᬶᬂ᭞ᬕᭂᬮᬶᬲ᭄ᬭᬯᬸᬄᬭᬶᬂᬚ᭄ᬭᭀ ᬓᬢᭀᬦ᭄ᬤᬍᬫ᭄ᬮᬶᬗ᭄ᬕᬄ᭚ᬢᬍᬃᬓᬭᬶᬗᬢᭂᬗᬳᬂ᭞᭠
[᭔᭑ 41A]
ᬲᬬᬦ᭄ᬧᭂᬢᭂᬂᬢᬦ᭄ᬲᬶᬦᬶᬧᬶ᭞ᬓᭂᬤᬢᬂᬓᬶᬤᭂᬫᬂᬲᬫ᭞ᬥᬕᭂᬥᬾᬫᬷᬤᭂᬃᬗᬪᬓ᭄ᬢᬶ᭞ᬫᬗᬸᬜ᭄ᬘᬭᬂᬧᬗᬜ᭄ᬚᬮᬶ᭞ᬫᬓᭂᬩ᭄ᬬᬃᬚᬕ᭄ᬕᬮᬂᬭᬳᬸᬄ
ᬯᬗᬶᬦᬾᬫᬳᬶᬫ᭄ᬧᬸᬕᬦ᭄᭞ᬓᬢᭀᬦ᭄ᬧᬤ᭄ᬫᬵᬰᬦᬫᬡᬶᬓ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄᭞ᬫᬲᬯᬂᬫᬾᬭᬸᬧᬃᬯ᭄ᬯᬢ᭚ᬫᬤᬲᬃᬩᬤᬯᬂᬦᬮ
ᬓᬮᬶᬮᬶᬢ᭄ᬯᬶᬬᬮᬧᬢᬶ᭞ᬳᬃᬘ᭄ᬘᬳᬃᬘ᭄ᬘᬫᬳᬶᬤᭂᬭᬦ᭄᭞ᬳᬧᬶᬦ᭄ᬥᬦᬾᬯᬤᬾᬯᬢᬶ᭞ᬫᬪᬸᬱᬦᬯᬶᬦ᭄ᬢᭂᬦ᭄ᬫᬡᬶᬓ᭄᭞ᬲᬫᬶᬧᬥᬦᭂ᭠
ᬭᬸᬲ᭄ᬦᭂᬭᬸᬲ᭄᭞ᬦᬾᬓᬗᬶᬦ᭄ᬫᬡᬶᬓ᭄ᬧᭂᬢᬓ᭄᭞ᬳᬦᬾᬓᭂᬮᭀᬤ᭄ᬫᬶᬭᬄᬅᬥᬶ᭞ᬳᬦᬾᬓᬳᬸᬄ᭞ᬭᬵᬢ᭄ᬦᬯᬸᬮᬦ᭄ᬪᬸᬱᬦᬦ᭄ᬬ᭚ᬧᬸᬦᬶᬓ [ 42 ][᭔᭑ 41B]
᭔᭑
ᬫᬮᬶᬄᬦᬾᬚᬓ᭞ᬩᬗ᭄ᬲᬶᬂᬓᬺᬱ᭄ᬡᬥᬦᬮᬸᬯᬶᬄ᭞ᬦᬾᬭᬶᬂᬫᬥ᭄ᬬᬦᬯᬭᬵᬢ᭄ᬦ᭞ᬧᬸᬦᬶᬓᬦᬾᬓᭂᬮᭀᬤ᭄ᬓᬗᬶᬦ᭄᭞ᬫᬸᬢ᭄ᬬᬭᬳᬍᬧ᭄ᬳᬰ᭄ᬭᬶ᭞ᬫᬮᬶᬄ
ᬲᬦᬾᬓᭂᬮᭀᬤ᭄ᬓᬳᬸᬄ᭞ᬭᬵᬢ᭄ᬦᬚᬶᬗ᭄ᬕᬦᬾᬕᬸᬫ᭄ᬬᬃ᭞ᬓᬢᭀᬦ᭄ᬓᬮᬾᬃᬓᬳᬸᬄᬫᬮᬶᬄ᭞ᬮᬶᬦ᭄ᬢᬂᬳᬬᬸ᭞ᬪᬸᬰᬦᬭᬵᬢ᭄ᬦᬤᬸᬮᬸᬃᬬ᭚ᬓᬢᭀᬦ᭄ᬓ
ᬚᬓᬗᬶᬦ᭄ᬕᬮᬂ᭞ᬫᬡᬶᬓ᭄ᬦᬶᬮᬦᬾᬫᬗᭂᬦ᭄ᬤᬶᬄ᭞ᬲᬫᬶᬧᬥᬫᬶᬚᬶᬮ᭄ᬢᬶᬃᬢ᭄ᬣ᭞ᬧᬯᬶᬢ᭄ᬭᬧᬥᬓᬸᬭᬶᬜ᭄ᬘᬶᬂ᭞ᬦᬯᬭᬵᬡ᭄ᬬᬧᬶᬦᬸᬚᬶ᭞ᬫᭂᬃᬢ᭄ᬣᬦᬶᬂᬪᬸᬯ
ᬦᬳᬶᬓᬸ᭞ᬧᬦᬺᬩᭂᬲᬶᬂᬧᬤ᭄ᬫᬫᭂᬓᬃ᭞ᬫᭂᬢᬸᬲᬓᬶᬂᬕᬸᬳ᭄ᬬᬲᬭᬶ᭞ᬲᬭᬶᬓ᭄ᬓᬬᬸᬦ᭄᭞ᬧᬭᬕᬬᬦ᭄ᬲᬂᬳ᭄ᬬᬂᬢᬶᬢᬄ᭚ᬪᬝᬵᬭᬳ᭄ᬬᬂᬚᬕ᭠
[᭔᭒ 42A]
ᬢ᭄ᬦᬵᬣ᭞ᬭᬶᬂᬧᬤᬵᬰᬦᬳᬮᬶᬗ᭄ᬕᬶᬄ᭞ᬢᬸᬮ᭄ᬬᬓᬤᬶᬲ᭄ᬨᬢᬶᬓ᭞ᬯᬲ᭄ᬧᬥᬧᬥᬦ᭄ᬥᬜᬶᬗᬦᬶᬓ᭄᭞ᬳᬕᬾᬭᬭᬶᬲ᭄ᬗᬲ᭄ᬢᬸᬢᬶ᭞ᬫᭂᬧᭂᬲ᭄ᬗᬜ᭄ᬚ
ᬮᬶᬢᬮᬗ᭄ᬓᬸᬧ᭄᭞ᬲᬂᬲᬶᬦᭂᬫ᭄ᬩᬄᬳᬦ᭄ᬢᬃᬮᬶᬦ᭞ᬫᬓᭂᬮᬧ᭄ᬭᬱᬗᬸᬮᬧᬶᬦ᭄᭞ᬩᬚ᭄ᬭᬳᬸᬫᬸᬂ᭞ᬫᬢᭂᬫᬳᬦ᭄ᬧᬸᬱ᭄ᬧᬯᬃᬱ᭚ᬧᬥᬦ᭄ᬥᬳᬜᬃ
ᬜᭂᬋᬓᬂ᭞ᬗᬲ᭄ᬢᬯᬲᬃᬯ᭄ᬯᬶᬗᬜ᭄ᬚᬮᬶ᭞ᬧᬸᬓᬸᬮᬸᬦ᭄ᬳ᭄ᬬᬂᬲᬭᬶᬦᬶᬂᬳ᭄ᬬᬂᬫᬯᬲ᭄ᬢᬸᬧ᭄ᬢᬶᬲ᭄ᬢᬶᬢᬶ᭞ᬚᭂᬓᬾᬂᬧ᭄ᬭᬮᬶᬡᬦᬷᬤᬤᬶ᭞ᬯᭂᬭᬸᬄᬮᬯᬦ᭄ᬳᬸᬲ᭄ᬢ᭠
ᬲᬥᬸ᭞ᬬᬦ᭄‌ᬯ᭄ᬯᬂᬓᬶᬃᬣ᭄ᬬᬳᬮ᭞ᬳᬫᬸᬓ᭄ᬢᬶᬧᬵᬧᬦᬶᬂᬳᬢᬶ᭞ᬓᬶᬃᬣᬶᬳᬬᬸ᭞ᬮᬸᬯᬶᬄᬫᬸᬓ᭄ᬢᬶᬲᬸᬓᬦᬶᬂᬫᬦᬄ᭚ᬢᬶᬢ᭄ᬬᬂᬗᬲ᭄ᬢᬯᬪ᭠ [ 43 ][᭔᭒ 42B]
᭔᭒
ᬝᬵᬭ᭞ᬲᬓᬶᬂᬰ᭄ᬭᬶᬤᬦ᭄ᬢᬦᬶᬂᬳᬢᬶ᭞ᬦᭀᬭᬵᬦᬍᬢᬸᬳᬶᬂᬫᬦᬄ᭞ᬗᬲ᭄ᬢᬸᬢᬶᬲᬭᬶᬦᬶᬂᬯᬶᬥᬷ᭞ᬤᬤᬶᬳᬰᬶᬄᬢᬦ᭄ᬳᬰᬶᬄ᭞ᬳᬗ᭄ᬳᬶᬂᬓᬢᭀᬦ᭄‌ᬦᭀ
ᬭᬧᬗ᭄ᬕᬸᬄ᭞ᬫᬯᬃᬡ᭄ᬦᬢᬦ᭄ᬧᬯᬂᬡ᭄ᬦ᭞ᬳᬶᬘ᭄ᬙᬢᭀᬂᬩᬓᬢ᭄ᬳᬸᬲᬸᬤᬶᬦ᭄᭞ᬥᬸᬄᬧᬸᬓᬸᬮᬸᬦ᭄᭞ᬳᬾᬫᭂᬂᬢᬶᬢ᭄ᬬᬂᬗᬭᬱᬬᬂ᭚ᬩᬕᬸᬫᬭᬲᬧᬸ
ᬦᬶᬓ᭞ᬓᬕᬾᬢ᭄ᬯᬾᬦ᭄ᬢᭂᬦ᭄ᬯᬃᬱᬲᬭᬶ᭞ᬫᬶᬳᬶᬓ᭄ᬗᬮᬸᬩ᭄ᬫᬮᬶᬫ᭄ᬧᬸᬕᬦ᭄᭞ᬫᬓᭂᬮᬧ᭄ᬲᬶᬦᬸᬳᬸᬦ᭄ᬧ᭄ᬭᬵᬯ᭄ᬢᬶ᭞ᬥᬕᭂᬥᬾᬕᭂᬮᬶᬲ᭄ᬗᬩᬓ᭄ᬢᬶ᭞ᬳ᭠
ᬫᭂᬧᭂᬲ᭄ᬢᬗᬦ᭄ᬢᬮᬗ᭄ᬓᬸᬧ᭄᭞ᬩ᭄ᬭᬲᬶᬦᬸᬳᬸᬦ᭄ᬲᬸᬂᬗᬦ᭄ᬤᬶᬓ᭞ᬦᬦᬓ᭄ᬳᬸᬯᬸᬲ᭄ᬲᬶᬤ᭄ᬥᬾᬂᬓᬵᬧ᭄ᬢᬶ᭞ᬢ᭄ᬬᬕᬧᬸᬧᬸᬢ᭄᭞ᬗᬲ᭄ᬢᬸᬢᬶᬳ᭄ᬬᬂᬯᬷᬭᭀᬘᬦ᭚
[᭔᭓ 43A]
ᬚᬦᬶᬩᬧᬗᬶᬘᬾᬦ᭄‌ᬦᬵᬫ᭞ᬦᬦᬓ᭄ᬫᬵᬤᬦ᭄‌ᬫ᭄ᬧᬸᬰ᭄ᬭᬸᬢᬶ᭞ᬚᬦᬶᬩᬧᬵᬲᬸᬂᬮᬪᬳᬦ᭄᭞ᬳ᭄ᬤᬳᬫᬶᬮᬶᬳᬶᬦ᭄ᬪᬸᬓ᭄ᬢᬶ᭞ᬲᬮᬸᬯᬶᬃᬓᭂᬦᬳᬸᬮᬢᬶ᭞ᬳᭂ
ᬦ᭄ᬢᭀᬬᭀᬕ᭄ᬬᬧᬗᬦ᭄ᬓᬶᬦᬸᬫ᭄᭞ᬬᬤᬦ᭄ᬳᬬᬸᬫ᭄ᬯᬂᬳᬮ᭞ᬳ᭄ᬤᬕᬶᬮᬳᬶᬓᬂᬳᬢᬶ᭞ᬲᬂᬲᬶᬦᬸᬳᬸᬦ᭄᭞ᬢᬦ᭄ᬧᬜ᭄ᬚᬂᬲᬃᬯ᭄ᬯᬶᬯᭀᬢ᭄ᬲᭂᬓᬃ᭚ᬦᭂᬳᭂᬃᬢᬸᬫᬸ
ᬮᬶᬦᬃᬧ᭄ᬧᬡ᭞ᬲᬶᬄᬲᬶᬦᬸᬳᬸᬦ᭄ᬓᬩᬸᬓ᭄ᬢᬶ᭞ᬫᬮᬶᬮᬂᬯ᭄ᬬᬓ᭄ᬢᬶᬢᬦ᭄ᬳᬶᬮ᭞ᬮᭀᬮᬳᬦ᭄ᬚᬤ᭄ᬫᬫᬳᬮᬶᬩ᭄᭞ᬓᬸᬮᬸᬩᬦ᭄ᬬᬫᬍᬗᬶᬲ᭄᭞ᬳᬤᬤᬲᬃ
ᬢᬸᬮᬂᬳᬸᬮᬸ᭞ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬧᬶᬦᬗᬦ᭄᭞ᬫᬮᬶᬮᬂᬓᬬᬸᬦᬾᬰᬸᬘᬶ᭞ᬜᬦ᭄ᬥᬂᬧᬸᬢᬸᬲ᭄᭞ᬉᬢ᭄ᬢᬫᬦᬶᬂᬩᬸᬤ᭄ᬥᬢᬢ᭄ᬯ᭚ᬲᬵᬫ᭄ᬧᬸ [ 44 ][᭔᭓ 43B]
᭔᭓
ᬦ᭄ᬯᬸᬲ᭄ᬫᬗ᭄ᬓᬶᬦ᭄ᬫᬭᬬᬸᬦᬦ᭄᭞ᬩ᭄ᬭᬲᬶᬦᬸᬳᬸᬦ᭄ᬗᬦ᭄ᬤᬶᬓᬵᬭᬶᬲ᭄᭞ᬢᬸᬯᬶᬦᬦᬓ᭄ᬮᬸᬯᬶᬄᬢ᭄ᬬᬕ᭞ᬲᬓ᭄ᬭᬫᬦᬶᬂᬢᬢ᭄ᬯᬩᭀᬤ᭄ᬥᬶ᭞ᬚᬮᬦ᭄ᬫᬦ᭄ᬢᬸᬓᬾᬂᬳᬰ᭄ᬭ
ᬫ᭞ᬲᬂᬮᬶᬦᬶᬗᬦ᭄ᬳᬯᬶᬸᬯᭀᬢ᭄ᬲᬦ᭄ᬢᬸᬦ᭄᭞ᬗᬤᭂᬕ᭄ᬧᬜᬳᬸᬃᬲᭂᬫ᭄ᬩᬄ᭞ᬲᬳᬚ᭄ᬜᬢᬶᬢ᭄ᬬᬂᬫᬗᬶᬭᬶᬂ᭞ᬢᬸᬃᬢᬸᬫᬸᬦ᭄ᬢᬸᬦ᭄᭞ᬳᬸᬫᬦ᭄ᬢᬸᬓ᭄ᬫᬭᬶᬂᬳᬰᬫᬵ
᭚ᬢᬦ᭄ᬓᬘᬭᬶᬢᬭᬶᬂᬳᬯᬦ᭄᭞ᬕᬕᭂᬮᬶᬲᬦ᭄ᬲᬵᬫ᭄ᬧᬸᬦ᭄ᬧ᭄ᬭᬵ᭠ᬧ᭄ᬢᬶ᭞ᬥᬳᬶᬲ᭄ᬢ᭄ᬭᬶᬦᬸᬗ᭄ᬲᬸᬗᬶᬂᬢᬶᬗ᭄ᬳᬮ᭄᭞ᬳᬶᬚᬸᬢᬸᬃᬫᬳᬢᬸᬃᬳᬭᬶᬲ᭄᭞ᬲ᭠
ᬓᬶᬂᬢᬸᬦᬶᬳᬢᬶᬳᬢᬶ᭞ᬩᬸᬫᬭᬳᬶᬭᬢᬸᬭᬳᬸᬄ᭞ᬓᬳᬶᬭᬶᬂᬳᬦ᭄ᬢᬸᬓ᭄ᬳᬶᬦᬦᬓ᭄᭞ᬩ᭄ᬭᬲᬶᬦᬸᬳᬸᬦ᭄ᬲᬸᬂᬲ᭄ᬫᬶᬢᬵᬭᬶᬲ᭄᭞ᬘᭂᬦᬶᬂᬥᬬᬸ᭞ᬳ
[᭔᭔ 44A]
ᬮᬶᬳᬂᬭᬓᬦᬾᬲᭂᬤᬄ᭚ᬳᬶᬗ᭄ᬕᬶᬄᬢᬶᬢ᭄ᬬᬂᬲᬦ᭄ᬤᬶᬓᬦ᭄᭞ᬗᭀᬢᬾᬲ᭄ᬢᬬᬸᬗᬦᬾᬧᬲ᭄ᬢᬶ᭞ᬕᭂᬮᬶᬲ᭄ᬭᬯᬸᬄᬓ᭄ᬢᬘᬦᬂ᭞ᬩ᭄ᬭᬲᬶᬦᬸᬳᬸᬦ᭄ᬳᬮᬶ
ᬕ᭄ᬕᬶᬄ᭞ᬯᬶᬚᬶᬮᬶᬂᬯᬘᬦᬵᬭᬶᬲ᭄᭞ᬧᬳᭂᬓᬂᬦᬦᬓ᭄ᬳᬮᬸᬗ᭄ᬕᬸᬄ᭞ᬲᬫ᭄ᬩᬶᬮᬂᬫᬘᬶᬫ᭄ᬧᭂᬤᬦ᭄᭞ᬳᬧᬓ᭄ᬭᬡᬳᬤᬕᭂᬭᬶᬂ᭞ᬭᬶᬂᬲᬭᬦ᭄ᬥᬸ᭞ᬓᭂᬦ
ᬩᬳᬦ᭄ᬦᬦᬓ᭄ᬦᬸᬢᬸᬭᬂ᭚ᬲᬂᬯᬶᬦᬶᬤᬶᬳᬯᭀᬢ᭄ᬲᭂᬓᬃ᭞ᬲᬶᬗ᭄ᬕᬶᬄᬲᬂᬮ᭄ᬯᬶᬃᬧ᭄ᬭᬚᬧᬢᬶ᭞ᬲᬵᬓ᭄ᬱᬢ᭄ᬦᬲᬶᬓᬶᬦ᭄ᬲᬵᬕᬭ᭞ᬓᬾᬯᬫ᭄ᬢᭂ᭠
ᬦ᭄ᬢᬶᬢ᭄ᬬᬂᬫᬗᬶᬭᬶᬂ᭞ᬳᬶᬗ᭄ᬕᬶᬄᬯ᭄ᬯᬶᬢᬶᬂᬫᭂᬢᬸᬕᭂᬭᬶᬂ᭞ᬲᬓᬶᬂᬰᬭᬷᬭᬳᬸᬫᭂᬢᬸ᭞ᬓᬵᬮᬬᬸᬃᬖ᭄ᬕᬲᬧ᭄ᬢᬓᬸᬯᬾᬄᬦ᭄ᬬ᭞ᬳᬶᬓᬵᬗ᭄ᬯᬾᬰᬭ [ 45 ][᭔᭔ 44B]
᭔᭔
ᬗ᭄ᬥᬶ᭞ᬯᬲ᭄ᬢᬦᬶᬧᬸᬦ᭄᭞ᬓᬵᬮᬩᬜᬸᬫ᭄ᬯᬂᬧᬯᬓ᭚ᬓᬵᬮᬳᬗᬶ᭠ᬦ᭄ᬓᬵᬮᬰᬩ᭄ᬥ᭞ᬓᬵᬮᬓᬸᬓᬸᬲ᭄ᬓᬵᬮᬩᬘᬶᬦ᭄᭞ᬓᬵᬮᬮᬶᬦᬸᬲ᭄ᬧᬶᬢᬸ
ᬓ᭄ᬯᬾᬄᬦ᭄ᬬ᭞ᬲᬫᬶᬗᬯᬕᭂᬭᬶᬂᬫᬦ᭄ᬥᬶ᭞ᬢᬦ᭄ᬳᬤᭀᬄᬭᬶᬂᬳᬗ᭄ᬕᬲᬫᬶ᭞ᬲᬂᬅᬥᬶᬕᬸᬭᬸᬲᬸᬫᬳᬸᬃ᭞ᬓᬾᬦ᭄ᬓᬾᬦ᭄ᬧᬗ᭄ᬭᬩ᭄ᬤᬯᬶᬱ᭄ᬬᬦ᭄ᬜ᭞ᬲᬂᬢᬶ
ᬦᬓ᭄ᬯᬦᬦ᭄ᬳᬯᭀᬢ᭄ᬲᬭᬶ᭞ᬳᬶᬗ᭄ᬕᬶᬄᬲᬶᬦᬸᬳᬸᬦ᭄᭞ᬧᬢᭂᬫᬸᬦ᭄ᬬᬤᬤᭀᬲ᭄ᬯᬶᬱ᭄ᬬ᭚ᬕᭂᬦᬶᬳᬗᬶᬦ᭄ᬫᬳᬳᭀᬭᬦ᭄᭞ᬫᬩᬭᬯᬶᬱ᭄ᬬᬫ᭠
ᬗᭂᬩᬸᬲᬶᬦ᭄᭞ᬳᬗᬶᬦ᭄ᬩᬜᬸᬮᬦ᭄ᬧᬯᬓ᭞ᬫᬳᭀᬭᬦ᭄ᬓᬢᬶ᭠ᬕᬲᬫᬶ᭞ᬕᭂᬭᬶᬂᬦ᭄ᬬᬮᬶᬓᬤ᭄ᬧᬫᬮᬶ᭞ᬬᬦ᭄ᬳᬗᬶᬦ᭄ᬫᬳᭀᬂᬓᬸᬓᬸ
[᭔᭕ 45A]
ᬲ᭄᭞ᬯᭂᬢᬸᬕᭂᬭᬶᬂᬢᭀᬃᬫᬗᭂᬢᭀᬃ᭞ᬬᬦ᭄ᬳᬗᬶᬦ᭄ᬫᬳᭀᬃᬩᬘᬶᬦ᭄᭞ᬢᬫ᭄ᬧ᭄ᬬᬲ᭄ᬯᬲ᭄ᬢᬸ᭞ᬩᬸᬤᬸᬄᬧᬗ᭄ᬭᬩ᭄ᬤᬦ᭄ᬬᬓᭀᬘᬧ᭄᭚ᬳᬗᬶᬦᬾᬫ
ᬳᭀᬃᬰᬩ᭄ᬥ᭞ᬫᬓ᭄ᬭᬡᬯᬶᬱ᭄ᬬᬩᬩᬳᬶ᭞ᬬᬦ᭄ᬳᬗᬶᬦ᭄ᬢᭀᬬ᭠ᬫᬵᬤᬸᬓᬦ᭄᭞ᬗᬯᬾᬢᬸᬚᬸᬩᬶᬮᬂᬲᬦ᭄ᬥᬶ᭞ᬬᬦ᭄ᬮᬶᬦᬸᬲ᭄ᬳᬳᭀᬃᬕᭂᬦᬶ᭞
ᬢᬶᬯᬂᬓᬧᬢ᭄ᬬᬦ᭄ᬢᬸᬫᭂᬢᬸ᭞ᬯᬶᬱ᭄ᬬᬦ᭄ᬬᬘᬍᬓᬸᬢᬦ᭄᭞ᬲᬂᬲᬶᬦᬸᬳᬸᬦ᭄ᬳᬶᬤᬓᭂᬜᬶᬂ᭞ᬗᬦ᭄ᬤᬶᬓᬵᬮᬸᬲ᭄᭞ᬢᬦ᭄ᬲᬶᬫ᭄ᬧᬂᬧᬦᬳᭂᬦ᭄ᬳᬶ
ᬦᬦᬓ᭄᭚ᬩᬧᬚᬦᬶᬫᬜᬫ᭄ᬩᬸᬗᬂ᭞ᬲᬧ᭄ᬢᬳᬶᬓᬗᬭᬦ᭄ᬯᬾᬘᬶ᭞ᬍᬧᬄᬳᬶᬓᬂᬲᬧ᭄ᬢᬢᬶᬃᬢ᭄ᬣ᭞ᬳᭂᬦ᭄ᬢᭀᬤᬤᬶᬲᬧ᭄ᬢᬯᬾ [ 46 ][᭔᭕ 45B]
᭔᭕
ᬘᬶ᭞ᬫᬓᬘᬮᬤᬾᬯᬱᬶ᭞ᬢᬦ᭄ᬬᭀᬕ᭄ᬬᬳᬗ᭄ᬕᬾᬦ᭄ᬳᬬᬸ᭞ᬳᬧᬦ᭄ᬳᬶᬬᬗᬯᬾᬭᬸᬲᬓ᭄᭞ᬧᬢᭂᬫᬸᬦ᭄ᬬᬗᬯᬾᬯᬾᬘᬶ᭞ᬗᬯᬾᬕᬶ
ᬬᬸᬃ᭞ᬳᬧᬦ᭄ᬧᬢᭂᬫᬸᬦ᭄ᬬᬢᬸᬗ᭄ᬓᬲ᭄᭚ᬳᭂᬫ᭄ᬧᬸᬰ᭄ᬭᬸᬢᬶᬫᬵᬢᬸᬃᬲᭂᬫ᭄ᬩᬄ᭞ᬧᬢᭂᬫᬸᬦᬶᬂᬲᬧ᭄ᬢᬯᬾᬘᬶ᭞ᬧᬸᬦᬧᬶᬓᬢᭂᬫᬳᬦ᭄ᬬ᭞ᬲᬂ
ᬅᬥᬶᬕᬸᬭᬸᬜᬳᬸᬭᬶᬦ᭄᭞ᬦᬄᬩᬧᬫᬗᭀᬭᬳᬶᬦ᭄᭞ᬬ᭠ᬦ᭄ᬳᬗᬶᬦ᭄ᬫᬳᭀᬃᬓᬸᬓᬸᬲ᭄᭞ᬧᬢᬶᬧᬢᭂᬫᬳᬦ᭄ᬬ᭞ᬬᬳᬗᬶᬦ᭄ᬮ
ᬯᬦ᭄ᬳᬕ᭄ᬦᬶ᭞ᬬᬫᬘᬫ᭄ᬧᬸᬄ᭞ᬫᬦᬤᬶᬕᭂᬦᬶᬭᭀᬯᬦ᭚ᬳᬗᬶᬦ᭄ᬫᬳᭀᬃᬭᬶᬂᬰᬩ᭄ᬥ᭞ᬤᬕ᭄ᬥᬶᬕ᭄ᬭᬡᬬᬫᬦᬤᬶ᭞ᬳᬧᬶᬮᬶᬦᬸ
[᭔᭖ 46A]
ᬲ᭄ᬫᬘᬫ᭄ᬧᬸᬳᬦ᭄‌᭞ᬧᭂᬧᭂᬤᬦ᭄ᬦᬦᬓ᭄ᬫᬦ᭄ᬤᬤᬶ᭞ᬬᬦ᭄ᬳᬗᬶᬦ᭄ᬫᬳᭀᬃᬩᬘᬶᬦ᭄᭞ᬳᭂᬦ᭄ᬢᭀᬫᬦ᭄ᬤᬤᬶᬳᬶᬧ᭄ᬭᭀᬓ᭄ᬢᬳᬸᬓ᭄᭞ᬳᬗᬶᬦ᭄ᬩᬜᬸᬫᬳᭀᬭ
ᬦ᭄᭞ᬮᬭᬸᬂᬧᬕ᭄ᬮᬗᬦ᭄ᬫᬦ᭄ᬤᬤᬶ᭞ᬢᭀᬳᬤᬦ᭄ᬳᬶᬧᬸᬦ᭄᭞ᬬᬦ᭄ᬢᬶᬕᬵ᭠ᬫᬦ᭄ᬤᬤᬶᬢᬸᬗ᭄ᬕᬮ᭄᭚ᬕᭂᬦᬶᬳᬗᬶᬦ᭄ᬫᬸᬯᬂᬢᭀᬬ᭞ᬳᬳᭀᬃᬫᬦ᭄ᬤᬤᬶ
ᬳᬩᭂᬘᬶᬓ᭄᭞ᬧᬫᬘᭂᬓᬦ᭄ᬢᭀᬳᬤᬦ᭄ᬜ᭞ᬢᭀᬫᬵᬤᬦ᭄ᬲᬧ᭄ᬢᬯᬾᬘᬶ᭞ᬫᬓᬯᬶᬱ᭄ᬬᬦᬶᬂᬕᬸᬫᬶ᭞ᬳᬤᬷᬦᬳᬫᬺᬢ᭄ᬣᬦᬶᬂᬳᬶᬓᬸ᭞ᬳ᭠
ᬧᬂᬢᬦ᭄ᬗᬯᬾᬫᬮ᭞ᬲᬳᬶᬮᬸᬓᬢ᭄ᬳᬧᬂᬩᬺᬰᬶᬄ᭞ᬳᭂᬦᬶᬂᬦᬸᬮᬸᬲ᭄᭞ᬫᬢᭂᬫᬳᬦ᭄ᬲᬧ᭄ᬢᬢᬶᬃᬢ᭄ᬣ᭚ᬢᬶᬃᬢ᭄ᬣᬦᬾᬧᬥᬦᬶᬃᬫ᭄ᬫᬮ [ 47 ][᭔᭖ 46B]
᭔᭖
ᬰᬩ᭄ᬥᬤᬤᬶᬢᬶᬃᬢ᭄ᬣᬳᭂᬦᬶᬂ᭞ᬢᬶᬃᬢ᭄ᬣᬦᬾᬫᬭᬸᬧᬰ᭄ᬯᬾᬢ᭞ᬩᬬᬸᬤᬤᬶᬢᬶᬃᬢ᭄ᬣᬰᬸᬘᬶ᭞ᬫᬭᬸᬧᬩᬭᬓ᭄ᬗᭂᬦ᭄ᬤᬶᬄ᭞ᬮᬶᬦᬸᬲ᭄ᬤᬤᬶᬢᬶᬃᬢ᭄ᬣᬫᬸᬫ᭄ᬩᬸᬮ᭄᭞ᬫ
ᬭᬸᬧᬕᬥᬶᬂᬜᬮᬂ᭞ᬩᬜᬸᬤᬤᬶᬢᬶᬃᬢ᭄ᬣᬳᭂᬦᬶᬂ᭞ᬮᬶᬦ᭄ᬢᬂᬳᬬᬸ᭞ᬢᬶᬃ᭠ᬢ᭄ᬣᬦᬾᬩᬤᭂᬂᬤᬸᬫᬶᬮᬄ᭚ᬕᭂᬦᬶᬫᬢᭂᬫᬳᬦ᭄ᬢᬶᬃᬢ᭄ᬣ᭞ᬭᬸᬧᬤᬤᬸᬮᬶᬦ᭄ᬢᬂ
ᬳᭂᬦᬶᬂ᭞ᬩᬘᬶᬦ᭄ᬫᬢᭂᬫᬳᬦ᭄ᬢᬶᬃᬢ᭄ᬣ᭞ᬳᬶᬚᭀᬢᬶᬃᬢ᭄ᬣᬦ᭄ᬜᬦᬾᬳᭂᬦᬶᬂ᭞ᬓᬸᬓᬸᬲᬾᬬᬫᬦ᭄ᬤᬤᬶ᭞ᬢᬶᬃᬢ᭄ᬣᬧᭂᬮᬸᬂᬗᭂᬦ᭄ᬤᬶᬄᬫᬸᬭᬸᬩ᭄᭞ᬳᭂᬦ᭄ᬢᭀᬦ
ᬦᬓ᭄ᬳᬧᬂᬢᬢᬲ᭄᭞ᬲᬧ᭄ᬢᬢᬶᬃᬢ᭄ᬣᬦᬾᬫᬦ᭄ᬤᬤᬶ᭞ᬲᬶᬤ᭄ᬥᬗᬼᬩᬸᬃ᭞ᬤᬰᬫᬮᬦᬾᬲᬚᬕᬢ᭄᭚ᬓᬾᬢᭀᬦᬦᬓ᭄ᬢᭀᬳᬶᬗᭂᬢᬂ᭞
[᭔᭗ 47A]
ᬳᬶᬜ᭄ᬘᭂᬧᬂᬲᬚ᭄ᬭᭀᬦᬶᬂᬳᬢᬶ᭞ᬫᬗ᭄ᬤᭀᬄᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬯᬘᬦᬲᬂᬮ᭄ᬯᬶᬃᬉᬤᬥᬶ᭞ᬮᬶᬦ᭄ᬢᬂᬳᬢᬸᬃᬓᬶᬭᬂᬲᬫᬶ᭞ᬚᬷᬯᬦ᭄ᬢᬶᬢ᭄ᬬᬗᬾᬓᬳᬢᬸᬃ᭞
ᬫᬓᬧᬗᬸᬭᬶᬬᬕᬦ᭄᭞ᬲᬂᬅᬥᬶᬕᬸᬭᬸᬜᬳᬸᬭᬶᬦ᭄᭞ᬥᬸᬳᬦᬓ᭄ᬓᬸ᭞ᬳᭂᬤᬩᬸᬯᬶᬦ᭄ᬫᬫᬜ᭄ᬚᬗᬂ᭚ᬤᭂᬧᬂᬦ᭄ᬤᬾᬦ᭄ᬫᬮᬸᬳᬫᭀᬦᬶᬸᬦ᭄ᬢᭀ᭞᭠
ᬯᭂᬓᬲ᭄ᬩᬸᬯᬶᬦ᭄ᬩᬧᬦᬸᬢᬸᬭᬶᬦ᭄᭞ᬲᭀᬓ᭄ᬳᬜ᭄ᬘᭂᬂᬫᬮᬸᬢᬶᬦ᭄ᬤᬶᬳᬂ᭞ᬮᬶᬬᬸᬦᬸᬧᬘᬂᬭᬱᬦᬶᬦ᭄᭞ᬚᬦᬶᬮᬾᬦ᭄ᬩᬸᬯᬶᬦ᭄ᬳᬶᬢᬸᬗᬶᬦ᭄᭞ᬲᬫ᭄ᬩᬶᬮᬂᬫ
ᬕᬸᬬᬸᬕᬸᬬᬸ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬦ᭄ᬤᬶᬓᬦ᭄᭞ᬳᬶᬤᬬᬸᬲᭂᬦ᭄ᬥᬸᬲᭂᬫᬸᬚᭂᬗᬶᬲ᭄᭞ᬩ᭄ᬭᬲᬶᬦᬸᬳᬸᬦ᭄᭞ᬫᬾᬲᭂᬫ᭄ᬢᬸᬫᬸᬮᬶᬗᬦ᭄ᬤᬶᬓ᭚ᬦᬦ᭠ [ 48 ][᭔᭗ 47B]
᭔᭗
ᬓ᭄ᬲᬂᬕᭂᬥᬾᬳᬜᬃ᭞ᬢᭂᬕᬭᬂᬦᬦᬓ᭄ᬦᬾᬚᬦᬶ᭞ᬳᬢᬸᬭᬶᬦ᭄ᬩᬶᬬᬂᬳᬶᬦᬦᬓ᭄᭞ᬓᬶᬤᬸᬂᬲᬢ᭄ᬯᬗᬸᬦᬶᬗᬸᬦᬶ᭞ᬧᬤᬦ᭄ᬥᬳᬶᬲ᭄ᬢ᭄ᬭᬶᬜᬳᬸᬭᬶᬦ᭄᭞
ᬦᬦᬓ᭄ᬳᭂᬦ᭄ᬢᭀᬮᬶᬦ᭄ᬢᬂᬳᬬᬸ᭞ᬤᭂᬫᭂᬦ᭄ᬫᬾᬫᬾᬢᭂᬓᬾᬦ᭄ᬲᬢ᭄ᬯ᭞᭠ᬕᭂᬫ᭄ᬧᬸᬰ᭄ᬭᬸᬢᬶᬳᬗᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸ᭞ᬲᬂᬓᬤᬶᬳ᭄ᬬᬂᬫᬳᬶᬢᬮ
᭚ᬦᬵᬗ᭄ᬳᬶᬂᬓᬾᬳᬫ᭄ᬧᬸᬭᬧᬶᬲᬦ᭄᭞ᬲᭀᬓ᭄ᬯᬾᬦ᭄ᬢᭂᬦ᭄ᬳᬢᬸᬃᬳ᭠ᬓᬶᬓᬶᬢ᭄᭞ᬘᬶᬳ᭄ᬦᬪ᭄ᬓᬢᬶᬳᬲᬲᬸᬳᬸᬦᬦ᭄᭞ᬲ᭄ᬯᬫᬢᬄᬳᬤᬗᬶᬘ
ᬦᬶᬦ᭄᭞ᬗ᭄ᬳᬶᬂᬢᬦ᭄ᬫᬧᬸᬃᬯ᭄ᬯᬚᬢᬶ᭞ᬓᭂᬤᬸᬂᬢᬦᬶᬓᬗᬶᬦ᭄ᬓᬳᬸᬄ᭞ᬧᬤᬦ᭄ᬥᬳᬶᬲ᭄ᬢ᭄ᬭᬶᬗᬦ᭄ᬤᬶᬓ᭞ᬫᬾᬫᬾᬦᬾᬚᬦᬶᬗᬯᬶᬤᬶ᭞ᬦᬄᬓᬤᬸ
[᭔᭘ 48A]
ᬭᬸᬲ᭄᭞ᬢᭂᬫ᭄ᬩᬂᬥᬸᬃᬫ᭄ᬫᬓᬗ᭄ᬕᭀᬦᬦᬓ᭄᭚᭐᭚ᬇᬢᬶᬕᬕᬸᬭᬶᬢᬦ᭄ᬳᬶᬓᭂᬢᬸᬢ᭄ᬩᬕᬸᬲ᭄ᬲᬫᬵᬧ᭄ᬢ᭞ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬤᬷᬦᬢᬸᬫ᭄ᬧᭂ
ᬓ᭄ᬓ᭄ᬭᬸᬮᬸᬢ᭄᭞ᬤ᭄ᬯᬤᬰᬫᬷᬓᬺᬱ᭄ᬡᬧᬓ᭄ᬱ᭞ᬇᬰᬓᬯᬃᬱ᭞᭑᭙᭑᭓᭞ᬳᭀᬮᬶᬄᬧᬦ᭄ᬥᬾᬓᭂᬢᬸᬢ᭄ᬳᬸᬭᬶᬧ᭄᭞ᬧᬾᬢᬓ᭄ᬕ᭄ᬬᬜᬃᬩᬮᬶ᭚ [ 49 ][᭔᭘ 48B]
[empty]