Ban/Gaguritan I Liku 01

Deskripsi

Bahasa Indonesia

Gaguritan I Liku 01 menceritakan tentang situasi dan kondisi kehidupan di kerajaan Deha. Diceritakan mengenai kisah cinta antara I Dewagung bersama permaisurinya. Semuanya berjalan sangat baik, kehidupan di kerajaan dan di masyarakat tentram. Tetapi perlahan-lahan semua berubah karena adanya hasutan dari selir I Dewagung. Selir tersebut menghasut raja agar mengusir permaisurinya, hingga seluruh rakyatnya pun merasa sedih.

Naskah

[ 1 ]PERPUSTAKAAN
KTR. DOKBUD BALI
PROP. BALI
G/VIII/4/DOKBUD
Judul : GAGURITAN I LIKU
Panj : 30 cm. Leb. 3,5 cm. Jlm. 46 Lb.
Asal : Griya Muncan, Kr.asem.
[᭑ 1A]
G/VIII/4
Judul : GAGURITAN I LIKU
Panj : 30 cm. Leb. 3,5 cm. Jlm. 46 Lb.
Asal : Griya Muncan, Kr.asem. [ 2 ][᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬰᬶᬥ᭄ᬬᬀ᭛᭐᭛ᬧᬸᬄᬧᬗ᭄ᬓᬸᬃ᭟᭐᭟ᬳᬶᬲᭂᬂᬢᬶᬢ᭄ᬬᬂᬫᬗᬶᬓᭂᬢᬂ᭞ᬗᬯᬾᬓᬶᬤᬸᬂᬢᬸᬢᬸᬭᬦ᭄ᬲᬢ᭄ᬯᬵᬳᬓᬶᬤᬶ
ᬓ᭄᭞ᬧᬸᬧᬸᬳᬶᬦ᭄ᬩᬦ᭄ᬲᬶᬦᭀᬫ᭄ᬧᬗ᭄ᬓᬸᬃ᭞ᬗᬯᬾᬧᬜ᭄ᬮᬶᬫᬸᬃᬫᬦᬄ᭞ᬜᬭᬶᬢᬬᬂᬳᬯᬓᬾᬧᬗ᭄ᬓᬄᬢᬸᬃᬳᬚᬸᬫ᭄᭞ᬢ᭄ᬯᬭᬢᬓᬸᬢ᭄ᬓᬕᬸᬬᭀ
ᬦᬦ᭄᭞ᬩᬸᬓᬧᭀᬗᬄᬫᬗᬯᬾᬦᬶᬦ᭄᭟᭐ᬦᬗ᭄ᬳᬶᬂᬭᬢᬸᬳᬫ᭄ᬧᬸᬭᬬᬂ᭞ᬳᬲᬶᬂᬓᬬᬸᬦ᭄ᬧᬘᬂᬫᬫᬯᭀᬲᬶᬦ᭄᭞ᬰᬲ᭄ᬢ᭄ᬭᬓᬲᬃᬫ
ᬮᬶᬄᬩᬦ᭄ᬥᬸᬂ᭞ᬢᬸᬦᬧᬲᬗᬾᬓᬮᬶᬦ᭄ᬢᬂ᭞ᬗᬯᬾᬓᬶᬤᬸᬂ᭞ᬤᬤᬶᬬᬂᬫᬢᭂᬫ᭄ᬩᬂᬧᬗ᭄ᬓᬸᬃ᭞ᬳᬗ᭄ᬕᬾᬦ᭄ᬜᬮᬶᬫᬸᬭᬂᬫᬦᬄ᭞ᬲᭀᬓ᭄ᬤᭂᬫᭂᬦ᭄ᬢᬶᬬᬂ
[᭒ 2A]
ᬫᬦᬸᬮᬶᬲ᭄᭟᭐ᬤᬶᬢᬾᬧᬳᬶᬗᬾᬳᬸᬘᬧᬂ᭞ᬯᬭᬲᬶᬦ᭄ᬢᬵ᭞ᬳᬶᬭᬶᬓᬫᬗᬯᬶᬢᬶᬦ᭄᭞ᬰᬰᬶᬄᬓᬢᬶᬕᬵᬫᬦᭂᬫᬸ᭞ᬲᭂᬤᭂᬓ᭄ᬢᬗ᭄ᬕᬮ᭄ᬧᬶᬂᬮᬶ
ᬫᬵ᭞ᬫᬗᬸᬗ᭄ᬕᬳᬂ᭞ᬲᬢ᭄ᬯᬵᬦᬾᬳᬶᬮᬢ᭄ᬣᬢᬸᬳᬸ᭞ᬓᭀᬘᬧ᭄ᬲᬂᬧ᭄ᬭᬪᬸᬭᬶᬂᬤᭂᬳᬵ᭞ᬳᬶᬤᬵᬗᬗ᭄ᬕᬾᬦ᭄ᬧᬸᬢ᭄ᬭᬵᬯ᭄ᬬᬓ᭄ᬢᬶ᭟᭐ᬳᬶᬤᬵᬲᬂᬧ᭄ᬭᬪᬸᬭᬶᬂᬤᭂ
ᬳᬵ᭞ᬫᬓᬵᬤᬶᬦ᭄ᬜᬳᬶᬤ᭄ᬯᬕᬸᬂᬧᬸᬢᬸᬯ᭄ᬬᬓ᭄ᬢᬶ᭞ᬓᬮᬶᬓᬸᬢ᭄ᬳᬦ᭄ᬢᬸᬓ᭄ᬳᬶᬮᬶᬫ᭄ᬩᬸᬃ᭞ᬦ᭄ᬢᭀᬳᬯᬦᬦ᭄ᬧ᭄ᬭᬫᬶᬰ᭄ᬯᬃᬬ᭄ᬬ᭞ᬬᬓᬢᬸᬡ᭄ᬥᬸᬂ᭞ᬓᬓᬸᬢᬂᬭᬶᬂᬳᬮ
ᬲ᭄ᬳᬕᬸᬂ᭞ᬭᬳᬵᬤᬾᬦ᭄ᬕᬮᬸᬄᬤᭂᬳᬵ᭞ᬓᬓᬸᬢᬂᬢᬸᬃᬓᬧᭂᬘᬢᬶᬦ᭄᭟᭐ᬳᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬳᬸᬘᬧᬂ᭞ᬲᬫ᭄ᬧᬸᬦ᭄ᬤᬦᬾᬫᬤ᭄ᬯᬾᬳᭀᬓᬓᬓᬵᬮᬶᬄ᭞ [ 3 ][᭒ 2B]
᭒
ᬯᬃᬡ᭄ᬦᬦᬾᬓᬮᬶᬦ᭄ᬢᬂᬍᬢᬸᬄ᭞ᬢ᭄ᬯᬭᬵᬫᬶᬭᬶᬩ᭄ᬫᬦᬸᬱ᭞ᬩᭀᬓᬾᬩᬭᬓ᭄᭞ᬳᬯᬓᬾᬓᬄᬓᬄᬢᬸᬃᬓᭂᬩᬸᬦ᭄᭞ᬫᬶᬭᬶᬩ᭄ᬬᬢᭀᬜᬦ᭄ᬳᬮᬲ᭄᭞
ᬲᬫ᭄ᬧᬸᬦ᭄ᬤᬸᬳᬸᬃᬫᬓᬓᬵᬮᬶᬄ᭟᭐ᬳᬶᬤᬲᬂᬪᬸᬭᬶᬂᬤᭂᬳᬵ᭞ᬧ᭄ᬭᬫᬗ᭄ᬓᬶᬦ᭄ᬗᬸᬢᬸᬲ᭄ᬧᬋᬓᬦ᭄ᬫᬫᬃᬕ᭄ᬕᬶ᭞ᬓᬓᭀᬭᬶᬧᬦ᭄‌ᬗ᭄ᬮᬯᬸᬢ᭄᭞ᬧᬋᬓ᭄‌ᬫ᭄ᬯᬂ
ᬳᬗᬯᬲᬹᬭᬢ᭄᭞ᬤᬕᬶᬂᬧᬗ᭄ᬭᬯᭀᬲᬾᬧᬸᬧᬸᬢ᭄᭞ᬳᬶᬭᬶᬓᬢ᭄ᬮᬲ᭄ᬭᬶᬂᬲᬹᬭᬢ᭄᭞ᬳᬸᬢᬸᬲᬦ᭄‌ᬕ᭄ᬮᬶᬲ᭄ᬫᬫᬃᬕ᭄ᬕᬶ᭟᭐ᬧᬸᬗ᭄ᬕ᭄ᬯᬶᬂᬲᬹᬭᬢ᭄ᬧᬤᬕᬶᬗ
ᬦ᭄᭞ᬢᬦ᭄ᬮ᭄ᬬᬦ᭄ᬳᬶᬤ᭄ᬯᬕᬸᬂᬧᬸᬢᬸᬓᬳᬾᬲ᭄ᬢᬶ᭞ᬬᭀᬕ᭄ᬬᬧᬢᬹᬢ᭄ᬓᬗ᭄ᬕᬾᬦ᭄ᬫᬦ᭄ᬢᬸ᭞ᬤᬾᬦᬶᬂᬓᬧᬺᬡᬄᬓᬧᬸᬢ᭄ᬭᬵ᭞ᬫᬫᬶᬂᬲᬶᬓ᭄ᬬᬵ᭞ᬭᬶᬂᬳᬶᬤᬵᬳᬶᬕ
[᭓ 3A]
ᬮᬸᬄᬮᬶᬓᬸ᭞ᬳᬯᬶᬦᬦ᭄ᬲᬂᬧ᭄ᬭᬪᬸᬤᭂᬳᬵ᭞ᬳᬶᬤᬵᬗᬃᬱᬬᬂᬧ᭄ᬭᬫᬗ᭄ᬓᬶᬦ᭄᭟᭐ᬦᬗ᭄ᬳᬶᬂᬧᬘᬂᬓᬩᬸᬜ᭄ᬘᬶᬗᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬦᬸᬭᭀᬦᬶᬦ᭄᭞
ᬦᬗ᭄ᬳᬶᬂᬤᬸᬭᬸᬂᬳᬶᬤᬵᬓᬬᬸᬦ᭄᭞ᬓᬭᬶᬳᬶᬤᬵᬫᬦᬢᬲᬂ᭞ᬫᬜᬶᬗᬓᬶᬦ᭄᭞ᬬᬦ᭄ᬳᬬᬸᬮᬯᬦ᭄ᬢᬦ᭄ᬳᬬᬸ᭞ᬭᬭᬶᬲ᭄ᬳᬶᬤᬵᬫᬫᬃᬕ᭄ᬕᬵ᭞ᬓᬓᬓ
ᬓᬵᬲᬫᬶᬗᬶᬭᬶᬂ᭟᭐ᬗ᭄ᬭᬭᬶᬲ᭄ᬳᬶᬤᬵᬗᬧᬸᬃᬬ᭄ᬬᬂ᭞ᬓ᭄ᬭᬶᬦᬭᬾᬦ᭄ᬤ᭄ᬭᬲᭂᬤᭂᬓ᭄ᬳᬶᬤᬵᬫᬮᬶᬗ᭄ᬕᬶᬄ᭞ᬭᬶᬂᬦᬢᬄᬕ᭄ᬥᭀᬗᬾᬫᬗᬸᬦ᭄ᬗᬸᬦ᭄᭞ᬢᬢᬶᬕᬵᬫ
ᬲᬋᬗᬦ᭄᭞ᬳᬦᬓ᭄ᬭᬩᬶᬫᬓᬤᬶᬳᬶᬤᬵᬲᬂᬧ᭄ᬭᬪᬸ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬢᬸᬭᬵ᭞ᬓᬕ᭄ᬬᬢ᭄ᬳᬶᬤᬵᬰ᭄ᬭᬶᬪᬹᬧᬢᬶ᭟᭐ᬗᬦ᭄ᬤᬶᬓᬰ᭄ᬭᬶᬦᬭᬦᬵ [ 4 ][᭓ 3B]
᭓
ᬣ᭞ᬳᬤᬸᬄᬪᬵᬕ᭄ᬬᬩᬧᬳᬶᬤᬾᬯᬧ᭄ᬭᬧ᭄ᬢᬶ᭞ᬜᬾᬦ᭄ᬫᬜᬋᬗᬶᬦ᭄ᬳᬶᬤᬾᬯᬭᬯᬸᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬓᬾ
ᬯᬦ᭄ᬢᭂᬦ᭄ᬧᬸᬦᬶᬓᬶᬧᬸᬧᬸᬢ᭄᭞ᬦᬄᬚᬦᬶᬤᬾᬯᬢᬸᬢᬸᬕᬂ᭞ᬢᬺᬱ᭄ᬡᬦ᭄ᬩᬕᬸᬲᬾᬓᬾᬦ᭄ᬳᬚᬶ᭟᭐ᬳᭂᬦᬾᬤᬾᬯᬚᬦᬶᬚᬸᬯᬂ᭞ᬜᬫᬦ᭄ᬳᬶᬤᬵ
ᬮᬯᬸᬢᬂᬳᬚᬓ᭄ᬫᬸᬮᬶᬄ᭞ᬳᬶᬮᬶᬫ᭄ᬩᬸᬃᬫᬮᬸᬫᬳᬢᬸᬃ᭞ᬤᬸᬄᬤᬾᬯᬦ᭄ᬢ᭄ᬬᬗᬾᬳᬶᬤᬵ᭞ᬳᭂᬤᬚᬢᬸᬮᬓ᭄᭞ᬳᬶᬥᭂᬧᬂᬫᬗ᭄ᬤᬵᬭᬳᬬᬸ᭞ᬳᬶ
ᬤ᭄ᬯᬕᬸᬂᬧᬸᬢ᭄ᬭᬫᬦᬶᬫ᭄ᬩᬮ᭄᭞ᬕᭂᬤᭂᬕ᭄ᬓᬬᬸᬦᬾᬢᬦ᭄ᬲᬶᬧᬶ᭟᭐ᬫᬢᬸᬃᬢᭀᬗᬸᬤᬯᬲ᭄ᬢᬦ᭄ᬜᬵ᭞ᬕᬸᬭᬸᬳᬚᬶᬗᬦ᭄ᬤᬶᬓᬬᬂᬢᬶᬢ᭄ᬬᬂᬗᬫ᭄ᬩᬶᬮ᭄᭞
[᭔ 4A]
ᬩᬾᬮᭀᬗᬾᬫᭂᬩᭀᬫᬓ᭄ᬥᬸᬲ᭄᭞ᬳᭂᬩᭀᬦ᭄ᬦᬾᬓᬮᬶᬯᬢ᭄ᬳᭂᬗᬲ᭄᭞ᬩᭀᬬᬜᬦ᭄ᬤ᭞ᬩᬢᬶᬲ᭄ᬢᬶᬢ᭄ᬬᬗᬾᬓᬳᬸᬲᬸᬤ᭄᭞ᬫᬗ᭄ᬤᬵᬫᬮᬶᬄ
ᬫᬗᬸᬗ᭄ᬕᬳᬂ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭟᭐ᬫᬘ᭄ᬩᬸᬃᬭᬭᬶᬲ᭄ᬫᬫᬃᬕ᭄ᬕ᭞ᬭᬭᬶᬲ᭄ᬗᭀᬚᭀᬕ᭄ᬳᬶᬤᬧ᭄ᬭᬫᬾᬰ᭄ᬯᬭᬶ᭞ᬤᬫ᭄ᬧᭂᬢᬂᬳᬶᬤᬫᬢᬶᬫ᭄ᬧᬸᬄ᭞ᬭ
ᬤᬾᬦ᭄ᬫᬦ᭄ᬢ᭄ᬭᬶᬫᬜᭂᬫ᭄ᬩᬄ᭞ᬧ᭄ᬭᬫᬾᬰ᭄ᬯᬭᬶ᭞ᬗᬦ᭄ᬤᬶᬓᬤᬸᬄᬦᬦᬓ᭄ᬩᬕᬸᬲ᭄᭞ᬳᬶᬤᬾᬯᬵᬳᬶᬧᬶᬤᬦ᭄ᬢᭂᬓ᭞ᬳᬧᬧᬤ᭄ᬬᬦ᭄ᬳᬶᬤᬵᬫᬳᬶ᭟᭐ᬫᬢᬸᬃᬳᬶ
ᬤ᭄ᬯᬕᬸᬂᬧᬸᬢ᭄ᬭᬵ᭞ᬩ᭄ᬬᬂᬲᭀᬭᬶᬲᬤ᭄ᬬᬦ᭄ᬢᬶᬢ᭄ᬬᬂᬯᬦ᭄ᬢᬄᬫ᭄ᬭᬶᬓᬶ᭞ᬧᬘᬂᬗᬫ᭄ᬩᬶᬮ᭄ᬳᬶᬳᬤᬶᬳᬬᬸ᭞ᬲᬶᬦᬗ᭄ᬕᬸᬄᬢᬶᬢ᭄ᬬᬂ᭞ᬫᬤ᭄ᬭᬸᬯᬾᬧᬸᬢ᭄ᬭᬳᬶᬲ᭄ᬢ᭄ᬭᬶᬲᬫ᭄ᬧᬸᬦ᭄ᬤᬸᬳᬸᬃ᭞ [ 5 ][᭔ 4B]
᭔
ᬅᬚᬶᬫᬗᭂᬲᬾᬗᬶᬦ᭄ᬢᬶᬢ᭄ᬬᬂ᭞ᬳᬯᬶᬦᬦ᭄ᬢᬶᬢ᭄ᬬᬂᬭᬯᬸᬄᬫ᭄ᬭᬶᬓᬶ᭟᭐ᬲᬫ᭄ᬧᬸᬦ᭄ᬳᬶᬧᬸᬦ᭄ᬧᬗ᭄ᬕᬶᬄᬢᬶᬢ᭄ᬬᬂ᭞ᬫᬓᬓᬵᬮᬶᬄᬫᬶᬭᬶᬩ᭄ᬬᬧᬦᬓ᭄ᬯᬶᬮ᭄᭞ᬳ
ᬯᬓ᭄ᬓᬄᬓᬄᬕ᭄ᬭᬸᬄᬓᭂᬩᬸᬦ᭄᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬦᬶᬫ᭄ᬩᬮ᭄᭞ᬤᬸᬄᬫᬵᬲ᭄ᬫᬶᬭᬄᬮᬘᬸᬃᬲᬦ᭄ᬳᬶᬤᬾᬯᬵᬩᬕᬸᬲ᭄᭞ᬓᬵᬃᬫ᭄ᬫᬦ᭄ᬳᬶᬤᬾᬯᬦᬾᬳᬶᬮᬂ᭞ᬳᬤᬶᬦ᭄ᬳᬶ
ᬤᬾᬯᬦᬾᬤᬶᬦᬶ᭟᭐ᬫᬦᬸᬚᬸᬢᬶᬍᬫ᭄ᬓᬢᬫᬦ᭄᭞ᬳᬮᬶᬮᬮᬶᬮᬧᬋᬓᬦ᭄ᬳᬓᬾᬄᬫᬗᬶᬭᬶᬂ᭞ᬤᬤ᭄ᬬᬦ᭄ᬜᬲᬕᬾᬢᬦ᭄ᬮᬶᬫᬸᬢ᭄᭞ᬧᭂᬢᭂᬂᬦ᭄ᬤᬢᬦ᭄
ᬧᬲᬶᬗ᭄ᬓᬩᬦ᭄᭞ᬩᬶᬗᬸᬂᬧᬮᬶᬂᬧᬜ᭄ᬚᬓᬾᬦᭂᬕᬓ᭄ᬫᬧᬸᬡ᭄ᬥᬸᬄ᭞ᬭᬳᬶᬦ᭄ᬳᬶᬤᬵᬮᬳᬸᬢ᭄ᬳᬶᬮᬂ᭞ᬓᬾᬢᭀᬧᬶᬤᬃᬢ᭄ᬣᬦ᭄ᬜᬭᬶᬳᬶᬦ᭄᭟᭐ᬧ᭄ᬭᬩᭂᬓᭂᬮ᭄
[᭕ 5A]
ᬮᬸᬯᬲ᭄ᬫᬶᬍᬳᬦ᭄᭞ᬫᬜᬺᬧᬂᬫᬲᬶᬄᬢ᭄ᬯᬭᬓᬧᬗ᭄ᬕᬶᬄ᭞ᬩ᭄ᬬᬂᬚᬸᬫᬄᬲᭂᬤᬶᬄᬩ᭄ᬓᬸᬢ᭄᭞ᬩ᭄ᬭᬕ᭄‌ᬢ᭄ᬯᬭᬫᬤᬳᬃ᭞ᬭᬤᬾᬦ᭄ᬫᬦ᭄ᬢ᭄ᬭᬶᬤᬤᬶᬳᬶ
ᬤᬵᬚᬦᬶᬕ᭄ᬮᬸ᭞ᬩᭂᬗᭀᬂᬩᭂᬗᭀᬂᬫᬧᬗᭂᬦᬦ᭄᭞ᬫᬲᬶᬄᬫᬤᬸᬮᬸᬭᬦ᭄ᬢᬗᬶᬲ᭄᭟᭐ᬢᬦ᭄ᬧᭂᬕᬢ᭄ᬫᬲᬲᬫ᭄ᬩᬢᬦ᭄᭞ᬫᬲᭂᬮ᭄ᬲᭂᬮᬦ᭄ᬜ
ᬫ᭄ᬩᬢ᭄ᬲᬂᬦᬺᬧᬢᬶ᭞ᬫᬓᬵᬤᬶᬳᬶᬤ᭄ᬯᬕᬸᬂᬧᬸᬢᬸ᭞ᬩᭂᬲ᭄ᬢᬦ᭄‌ᬗᬺᬗᭂᬧᬶᬲᬦ᭄᭞ᬢ᭄ᬯᬭᬗᬶᬢᬸᬂ᭞ᬕᬸᬫᬶᬦᬾᬫᬦᬤᬶᬬᬭᬸᬕ᭄᭞ᬦᬾᬦᬾᬜ
ᬦ᭄ᬤᬂᬧ᭄ᬭᬫᬶᬰ᭄ᬯᬃᬬ᭄ᬬ᭞ᬓᬓᬸᬢᬂᬢᬸᬃᬓᬧᭂᬕᬢᬶᬦ᭄᭟᭐ᬭᬭᬶᬲ᭄ᬳᬶᬤᬵᬫᬢᬸᬃᬜᭂᬫ᭄ᬩᬄ᭞ᬩ᭄ᬬᬂᬲᭀᬭᬶᬢᬶᬢ᭄ᬬᬂᬦᬸᬦᬲ᭄ᬫᬧᬫᬶᬢ᭄᭞ᬳᬶᬭᬶᬓᬶ [ 6 ][᭕ 5B]
᭕
ᬚᬩ᭄ᬬᬂᬳᬕᬸᬂ᭞ᬧᬕᭂᬳᬂᬫᬗᬲ᭄ᬢᬯ᭞ᬧᬸᬗ᭄ᬓᬸᬃᬯᭂᬓᬲ᭄᭞ᬲᬶᬜᬯᬾᬦ᭄ᬢᭂᬦ᭄ᬳᬶᬘ᭄ᬘᬵᬢᬸᬤᬸᬄ᭞ᬓᬧᬗ᭄ᬕᬶᬄᬚᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬭᬶᬓᬢᬶᬢ᭄ᬬᬂ
ᬫᬦᬗ᭄ᬓᬶᬮ᭄᭟᭐ᬫᬤᬩ᭄ᬤᬩᬦ᭄ᬭᬭᬶᬲ᭄ᬫᬫᬃᬕ᭄ᬕ᭞ᬧᬭᬓᬓᬦᬾᬜᬸᬫ᭄ᬩᬄᬫᬢᬸᬃᬳᬭᬶᬲ᭄᭞ᬫᬩ᭄ᬭᬶᬬᬸᬓ᭄ᬳᬢᬸᬭᬾᬧᬢᬸᬄ᭞ᬤᬸᬄᬤᬾᬯᬲᬸᬲᬸ
ᬳᬸᬦᬦ᭄᭞ᬦᬸᬦᬲ᭄ᬭᬢᬸᬧᬋᬓ᭄ᬭᬶᬂᬳᬶᬤ᭄ᬯᬕᬸᬂᬧᬸᬢᬸ᭞ᬭᬶᬂᬭᬓᬦ᭄‌ᬘᭀᬓᭀᬃᬳᬶᬤᬾᬯ᭞ᬭᬶᬂᬳᬶᬤᬵᬫᬗ᭄ᬓᬶᬦ᭄ᬫᬧᬫᬶᬢ᭄᭚᭐᭚ᬰᬶ᭚
ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬃᬬ᭄ᬬᬦ᭄᭞ᬳᬶᬤ᭄ᬯᬕᬸᬂᬧᬸᬢᬸᬫᬮᬶᬗ᭄ᬕᬶᬄ᭞ᬓᬢᬗ᭄ᬓᬶᬮ᭄ᬳᬦ᭄ᬢᬸᬓ᭄ᬧᬋᬓᬦ᭄᭞ᬳᬶᬲ᭄ᬢ᭄ᬭᬶᬓᬭᬶᬳᬮᬶᬢ᭄ᬳᬮᬶᬢ᭄᭞ᬳᬶᬮᬶ
[᭖ 6A]
ᬫ᭄ᬩᬸᬃᬦᬾᬢᬦ᭄ᬫᬭᬶ᭞ᬭᬶᬂᬘᬶᬗᬓ᭄ᬫᬕᬦ᭄ᬢᬸᬂᬕᬦ᭄ᬢᬸᬂ᭞ᬓᬗ᭄ᬕᬾᬦ᭄ᬳᬃᬘᬵᬭᬶᬂᬢᬶᬮᬫ᭄᭞ᬫᬸᬓ᭄ᬢᬶᬭᬰ᭄ᬫᬶᬦᬶᬗᬕᬸᬫᬶ᭞ᬲᬕᬾᬢ᭄ᬭᬯᬸᬄ᭞ᬳᬶᬤ᭄ᬯᬕᬸᬂᬧᬸ
ᬢ᭄ᬭᬲᬕ᭄ᬭᭂᬳᬦ᭄᭟᭐ᬳᬶᬤ᭄ᬯᬕᬸᬂᬧᬸᬢᬸᬗᭂᬮᬶᬲᬂ᭞ᬫᬲᬳᬸᬃᬭᬭᬶᬲ᭄ᬫᬗᬫ᭄ᬩᬶᬮ᭄᭞ᬢᬗᬦᬾᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬫᬤᬦ᭄ᬤᬦ᭄ᬫᬸᬗ᭄ᬕᬄᬫᬮᬶᬗ᭄ᬕᬶᬄ᭞ᬫ
ᬜᬧᬯᬘᬡ᭄ᬦᬫᬦᬶᬲ᭄᭞ᬤᬸᬄᬫᬵᬲ᭄ᬫᬶᬭᬄᬳᬦᬓ᭄ᬳᬕᬸᬂ᭞ᬳᬧᬲᬤ᭄ᬬᬦ᭄ᬳᬶᬤᬾᬯ᭞ᬤᬶᬧᬶᬤᬦ᭄ᬳᬶᬤᬵᬫᬭᬶᬓᬶ᭞ᬤ᭄ᬯᬕᬸᬂᬧᬸᬢ᭄ᬭ᭞ᬭᬭᬶᬲ᭄ᬫᬢᬸᬃᬲ
ᬳᬲᭂᬫ᭄ᬩᬄ᭟᭐ᬢᬶᬢ᭄ᬬᬂᬳᬶᬦᬸᬦᬶᬲᭂᬫᭂᬗᬦ᭄᭞ᬲᬤ᭄ᬬᬦ᭄ᬢᬶᬢ᭄ᬬᬂᬯᬦ᭄ᬢᬄᬦᬗ᭄ᬓᬶᬮ᭄᭞ᬳᬦ᭄ᬢᬸᬓ᭄ᬭᬳᬬᬸᬦᬾᬮᬶᬦ᭄ᬢᬂ᭞ᬩ᭄ᬮᬶᬫᬮᬶᬗ᭄ᬕᬶᬄᬭᬶᬂᬧᬸᬭᬶ᭞ [ 7 ][᭖ 6B]
᭖
ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬢᬡ᭄ᬥᬶᬂ᭞ᬫᬓᬵᬤᬶᬳᬶᬤᬲᬂᬧ᭄ᬭᬪᬸ᭞ᬩ᭄ᬯᬢ᭄ᬫᬗᭂᬲᬾᬗᬶᬦ᭄ᬢᬶᬢ᭄ᬬᬂ᭞ᬳᬯᬶᬦᬦ᭄ᬢᬶᬢ᭄ᬬᬂᬫᬦᬗ᭄ᬓᬶᬮ᭄᭞ᬕ᭄ᬮᬶᬲ᭄ᬭᬯᬸᬄ᭞ᬯᬾᬦ᭄ᬢᭂᬦ᭄
ᬧᬘᬂᬓᬢᬸᬦᬲᬂ᭟᭐ᬧᬗᬭᬯᭀᬲ᭄ᬳᬸᬭᬶᬦ᭄ᬳᬶᬤᬾᬯ᭞ᬢᬶᬢ᭄ᬬᬂᬢ᭄ᬮᬲ᭄‌ᬯᬦ᭄ᬢᬄᬗᬶᬭᬶᬂ᭞ᬤᬾᬦᬶᬂᬫᬲᬮᬶᬦᬦ᭄ᬯᬃᬡ᭄ᬦ᭞ᬳᬸᬍᬤ᭄ᬢᬦᬳᬾᬫᬓᬫ᭄ᬧᬶᬤ᭄᭞
ᬫ᭄ᬭᬓᬾᬗᬸᬭᬕ᭄ᬢᬸᬃᬕᭂᬲᬶᬢ᭄᭞ᬩᬗ᭄ᬓᬸᬂᬩ᭄ᬭᬕᬾᬤᬶᬤᬸᬳᬸᬃ᭞ᬫᭂᬤᭂᬫ᭄ᬫᬕᬍᬂᬮᬶᬫ᭞ᬲᬸᬳᬸᬤ᭄ᬗᬫᬄᬩᬜᬸᬧᭂᬗᬶᬢ᭄᭞ᬬᬾᬦ᭄ᬜᬫᬦ᭄ᬥᬸᬲ᭄᭞ᬓᬓᬼ
ᬩᬸᬢᬦᬾᬮᬓᬸᬦ᭄ᬜ᭟᭐ᬲᬧᬸᬦᬶᬓᬳᬦ᭄ᬢᬸᬓ᭄ᬳᬶᬤᬵ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬶᬭᬶᬗᬶᬦ᭄᭞ᬢᬍᬃᬢᬦ᭄ᬯᬾᬦ᭄ᬢᭂᬦ᭄ᬓᬋᬗᭃ᭞ᬳᬸᬮᬢ᭄ᬜᬭᬸᬯᬂᬫᬜᬶ
[᭗ 7A]
ᬮᬶᬩ᭄᭞ᬦᬄᬳᬸᬘᬧᬂᬦᬾᬦᬾᬫᬗ᭄ᬓᬶᬦ᭄᭞ᬫᬃᬕ᭄ᬕᬦ᭄ᬳᬶᬤ᭄ᬯᬕᬸᬗᬾᬢᭂᬧᬸᬓ᭄᭞ᬢ᭄ᬯᬭᬤᬤᬶᬳᭂᬮᬾᬦᬂ᭞ᬳᬧᬦ᭄ᬧᬦᬶᬢᬳᬶᬂᬯᬶᬥᬶ᭞ᬲ
ᬕᬾᬢ᭄ᬭᬯᬸᬄ᭞ᬳᬶᬮᬢ᭄ᬣᬵᬫᬦᬫ᭄ᬧᬘᬦᬂ᭟᭐ᬫᭂᬯᬤᬄᬮᬮᬜ᭄ᬘᬂᬳ᭄ᬫᬲ᭄᭞ᬳᬶᬤ᭄ᬯᬕᬸᬂᬧᬸᬢᬸᬦ᭄ᬤᬯᬸᬳᬶᬦ᭄᭞ᬮᬢ᭄ᬣᬵᬦᬄᬫᬳᬶᬧᬳᭂᬓᬂ᭞
ᬳᬢᬸᬭᬂᬢᭂᬓᬾᬦ᭄ᬳᬶᬬᬤᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬜᬶᬗᬓᬶᬦ᭄᭞ᬤᬤᬶᬓᬲ᭄ᬫᬭᬵᬦ᭄ᬳᬸᬮᬗᬸᬦ᭄᭞ᬢᬦ᭄ᬧᭂᬕᬢ᭄ᬫᬦᬼᬓ᭄ᬢᭂᬓᬂ᭞ᬫᬫᬃᬕ᭄ᬕᬶᬢ
ᬦ᭄ᬦᬫ᭄ᬧᬓ᭄ᬱᬶᬢᬶ᭞ᬬᬦ᭄ᬫᬮ᭄ᬬᬢ᭄᭞ᬭᬲᬦᭂᬩᭂᬓ᭄ᬩᬢᬸᬦ᭄ᬫᬦᬄ᭟᭐ᬓ᭄ᬮᬶᬬᬄᬘᬳ᭄ᬬᬦᬾᬤᬸᬫᬶᬮᬄ᭞ᬭᬲᬦ᭄ᬜᬗᭂᬩᭂᬓᬶᬦ᭄ᬕᬸᬫᬶ᭞ᬦᬗ᭄ᬳᬶᬂ [ 8 ][᭗ 7B]
᭗
ᬢᬾᬄᬓᬭᬶᬫᬓᭂᬩᬂ᭞ᬤᬾᬦᬶᬂᬫᬭᬹᬧᬯᭀᬂᬢᬦᬶ᭞ᬤᬤᬶᬧᬋᬓᬦ᭄ᬘᭂᬦᬶᬓ᭄᭞ᬧᬗᬗ᭄ᬕᭀᬦᬾᬤ᭄ᬓᬶᬮ᭄ᬩᬸᬳᬸᬓ᭄᭞ᬧᬸᬦᬶᬓᬦᬾᬓᬳᬶᬮᬶ
ᬤᬂ᭞ᬓᬾᬯᬦ᭄ᬢᭂᬦ᭄‌ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬤᬯ᭄ᬭᬸᬄ᭞ᬜᬶᬗᬓ᭄ᬭᬾᬄᬳᬶᬤᬫᬓᬃᬫ᭄ᬫᬵ᭟᭐ᬬᬦᬶᬂᬮ᭄ᬬᬦᬦ᭄‌ᬭᬶᬂᬳᬶᬤᬵ᭟᭐ᬢᬦ᭄ᬯᬾᬦ᭄ᬢᭂᬦ᭄ᬓᭀᬳᬦ
ᬓ᭄ᬳᬸᬦᬶᬂ᭞ᬭᬶᬂᬘᬄᬳ᭄ᬬᬦᬾᬧᬸᬦᬶᬓ᭞ᬳᬾᬩᭂᬓ᭄ᬢᬶᬂᬭᬕᬢᬸᬃᬫ᭄ᬮᬶᬓ᭄᭞ᬚᬢᬶᬢᬸᬯᬄᬲᬭᬶᬦ᭄ᬕᬸᬫᬶ᭞ᬫᬗᬯᬾᬫᬺᬢ᭄ᬢᬭᬳᬬᬸ᭞ᬦᬾᬦᬾᬫᭂᬮᬄ
ᬬᬢᬶᬗ᭄ᬕᬃ᭞ᬚᭂᬕᬾᬕᬾᬦᬾᬓᬳᬸᬦᬶᬗᬶᬦ᭄᭞ᬭᬭᬶᬲ᭄ᬫᬢᬸᬃ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬦᬸᬦᬲᬂ᭟᭐ᬧᬸᬦᬶᬓᬶᬢᬾᬄᬲᬧᬲᬶᬭ᭞ᬳᬍᬧ᭄ᬩᬶᬓᬲᬾ
[᭘ 8A]
ᬗᬬᬳᬶᬦ᭄᭞ᬫᬳᬶᬭᬶᬩ᭄‌ᬢ᭄ᬯᬄᬳᬦᬓ᭄ᬫᬾᬦᬓ᭄᭞ᬧᬦ᭄ᬢᭂᬲ᭄ᬬᬯᬶᬚᬶᬮᬦ᭄ᬧᬸᬭᬶ᭞ᬤᬶᬚᬵᬓᬃᬱᬬᬂᬩᭂᬮᬶ᭞ᬲᬓᬶᬂᬧᬸᬦᬧᬶᬚ᭄ᬯᬳᬶᬧᬸᬦ᭄᭞ᬳᬶ
ᬤ᭄ᬯᬕᬸᬂᬧᬸᬢᬸᬫᬦᬶᬫ᭄ᬩᬮ᭄᭞ᬢᬸᬯᬄᬫᬸᬮᬵᬳᬸᬮᬶᬤᬶᬦᬶ᭞ᬫᬾᬫᬾᬩᬧ᭞ᬳᬶᬗᬶᬦ᭄ᬢᬾᬬᬢ᭄ᬯᬄᬳᬤᬦ᭄ᬜ᭟᭐ᬳᬸᬫᬄᬳᬶᬧᬸᬦ᭄ᬭᬶᬂᬓᬳᬬ᭄ᬬᬦ᭄᭞ᬯᬾᬦ᭄ᬢᭂ
ᬦ᭄ᬲᬫ᭄ᬧᬸᬦ᭄ᬓᬸᬢᬸᬲᬰᬶᬄ᭞ᬫᬯᬲ᭄ᬢᬵᬳᬶᬧᬸᬦ᭄ᬳᬶᬮᬢ᭄ᬣᬵ᭞ᬳᬶᬬᬳᬶᬮᬶᬫ᭄ᬩᬸᬃᬫᬫᬗᬶᬢ᭄᭞ᬢᬦ᭄ᬓᭀᬘᬧᬦ᭄ᬦᬾᬚᬦᬶ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬲᬫ᭄ᬧᬸᬦ᭄ᬢᭂᬤᬸᬄ᭞ᬳᬶ
ᬤ᭄ᬯᬕᬸᬂᬧᬸᬢᬸᬫᬗᬦ᭄ᬤᬶᬓᬵ᭞ᬳᬤᬶᬳᬕᬸᬂᬤᭂᬚᬵᬫᬸᬮᬶᬄ᭞ᬤᬶᬦᬶᬫᬮᬸᬦᬄᬲᬸᬩᬫᬫᬺᬫ᭄‌ᬫᭂᬋᬫᬦ᭄᭟᭐ᬳᬶᬤ᭄ᬯᬕᬸᬂᬧᬸᬢᬸᬫᬦ᭄ᬢᬸᬓᬦ᭄᭞ᬫᬗ᭄ᬭ [ 9 ][᭘ 8B]
᭘
ᬭᬶᬲ᭄ᬫᬸᬗ᭄ᬕᬄᬳᬕᬸᬮᬶᬂ᭞ᬓᭀᬘᬧ᭄ᬳᬶᬤᬤ᭄ᬯᬕᬸᬂᬧᬸᬢ᭄ᬭᬵ᭞ᬓᬭᬶᬫᬮᬶᬗ᭄ᬕᬶᬄᬓᬢᬗ᭄ᬓᬶᬮ᭄᭞ᬩᭂᬗᭀᬂᬫᭂᬦ᭄ᬤᭂᬧ᭄ᬫᬫᭂᬦ᭄ᬤᬶᬮ᭄᭞ᬫᬗ᭄ᬭᬯᭀᬲ᭄ᬧᬸᬧᬸᬢ᭄ᬭᬶᬓᬬᬸ
ᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬗᭂᬦᭂᬳᬂ᭞ᬳᬧᬂᬲᬶᬤ᭄ᬥᬓᬃᬯ᭄ᬯᬦ᭄ᬚᬢᬶ᭞ᬬᬦ᭄ᬭᬶᬂᬘᬬᬵ᭞ᬢ᭄ᬯᬄᬫᬸᬮᬵᬧᬸᬢ᭄ᬭᬶᬦᬶᬂᬤᭂᬳᬵ᭟᭐ᬓᬾᬢᭀᬓᬬᬸᬦᬾᬗ᭄ᬭᬯᭀᬲᬂ᭞ᬦᬗ᭄ᬳᬶᬂ
ᬢᬾᬄᬢᬦ᭄ᬯᬾᬦ᭄ᬢᭂᬦ᭄ᬫᬶᬚᬶᬮ᭄᭞ᬦᬾᬫᬗ᭄ᬓᬶᬦ᭄ᬳᬶᬤᬵᬗᬬᬸᬦᬂ᭞ᬳᬶᬮᬢ᭄ᬣᬵᬤᬦᬾᬗᬬᬳᬶᬦ᭄᭞ᬜᬸᬳᬸᬦ᭄‌ᬭᬬᬸᬦᬦ᭄ᬳᬰ᭄ᬭᬶ᭞ᬲᬉᬧᬵᬘᬭᬫᬤᬸᬮᬸᬃ᭞
ᬳᬶᬤ᭄ᬯᬕᬸᬂᬳᬶᬤᬫᬜᭂᬓᭂᬦᬂ᭞ᬜᬶᬗᬓ᭄ᬲᬫ᭄ᬩᬶᬮ᭄ᬫᬗᬸᬮᬶᬂᬮᬶᬂ᭞ᬤᬤᬶᬗᭂᬦᬄ᭞ᬢᬗᬦᬾᬫᬢᬡ᭄ᬥᬲᬹᬭᬢ᭄᭟᭐ᬳᭂᬦ᭄ᬢᭀᬘᬶᬭᬶᬦ᭄ᬧᬸᬢ᭄ᬭᬶᬤᭂᬳᬵ᭞
[᭙ 9A]
ᬧᬘᬂᬜᬸᬦᬭᬾᬰ᭄ᬯᬭᬶ᭞ᬫᬢᭂᬫᬸᬓᬵᬃᬫ᭄ᬫᬭᬶᬂᬫᬶᬲᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬢᬦ᭄ᬓᬤᬶ᭞ᬬᭀᬕ᭄ᬬᬫᬗᬗ᭄ᬕᬾᬦ᭄ᬧ᭄ᬭᬫᬶ᭞ᬫᬫᬸᬦ᭄ᬤᭂᬃᬤᬶᬕᬸᬫᬶᬳᬕᬸᬂ᭞
ᬢᬡ᭄ᬥᬦᬾᬘᬭᬶᬢᬬᬂ᭞ᬓᬾᬢᭀᬧᬦᬶᬢᬳᬶᬂᬯᬶᬥᬶ᭞ᬫᬗᬶᬓᭂᬢᬂᬓ᭄ᬭᬡᬢᭀᬂᬤᬤᬶᬩᭂᬮᬲᬂ᭟᭐ᬲᬫ᭄ᬧᬸᬦ᭄ᬓᬧᬶᬤᬃᬣᬧᬶᬲᬦ᭄᭞ᬳᬦ᭄ᬢᬸ
ᬓ᭄ᬳᬶᬤᬫᬜᬶᬗᬓᬶᬦ᭄᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬳᬮᬸᬲ᭄ᬱᬶᬮᬶᬩ᭄ᬫᬗᬸᬬᭀᬦᬶᬦ᭄᭞ᬩᭂᬦ᭄ᬩᬸᬤᬸᬳᬾᬦᬸᬦ᭄ᬤᬸᬦᬶᬦ᭄᭞ᬦᬄᬮᬢ᭄ᬣᬵᬫᬳᬶ
ᬬᬂᬫᬮᬸ᭞ᬧᬶᬭᬶᬂᬤᬸᬮᬗᬾᬚᭂᬫᬓ᭄᭞ᬳᭂᬦ᭄ᬢᭀᬬᬩᬳᬂᬦ᭄ᬮᬳᬶᬦ᭄᭞ᬤᬵᬚᬫᬶᬮᬸ᭞ᬮᬢ᭄ᬣᬵᬢᬸᬲᬶᬂᬧᬦ᭄ᬢᭂᬲ᭄ᬗᬬᬄ᭟᭐ᬧᬦ᭄ᬢᭂᬲ᭄ᬤᬶᬦᬶᬩᬋᬂ [ 10 ][᭙ 9B]
᭙
ᬳᬶᬬᬂ᭞ᬤᭀᬂᬚᬫᬓᬂᬬᬂᬳᬧᬶ᭞ᬳᬸᬢᬶᬓᬾᬬᭂᬦ᭄ᬢᭀᬳᭂᬜ᭄ᬚᬸᬯᬂ᭞ᬳᬶᬮᬢ᭄ᬣᬵᬕ᭄ᬮᬶᬲ᭄ᬫᬗᬫ᭄ᬩᬶᬮ᭄᭞ᬗᬢᬸᬭᬂᬓᬳᬫ᭄ᬩᬶᬮᬶᬦ᭄᭞ᬲᬫ᭄ᬩᬶᬮᬂ
ᬳᬶᬤᬫᬗᬸᬲᬸᬤ᭄᭞ᬲᬃᬯ᭄ᬯᬶᬫᬗᬸᬲᬧᬸᬲᬧ᭄᭞ᬜᬾᬦ᭄ᬲᬬᬂᬚ᭄ᬕᬾᬕ᭄ᬢᬦ᭄ᬱᬶᬧᬶ᭞ᬭᬭᬶᬲ᭄ᬫᬢᬸᬃ᭞ᬳᬶᬮᬢ᭄ᬣᬵᬫᭂᬧᭂᬲ᭄ᬜᬸᬫ᭄ᬩᬄ᭟᭐ᬳᬶᬗ᭄ᬕᬶᬄ
ᬭᬢᬸᬤ᭄ᬯᬕᬸᬂᬧᬸᬢ᭄ᬭ᭞ᬧᬶᬦᭂᬳᬂᬚᬵᬭᬢᬸᬫᬗ᭄ᬓᬶᬦ᭄᭞ᬬᬦ᭄ᬓᬤᬶᬘᭀᬓᭀᬃᬳᬶᬤᬾᬯ᭞ᬯᬮᬸᬬᬫ᭄ᬭᬕᬯᬶᬥᬶ᭞ᬢᬶᬢ᭄ᬬᬂᬓᬯᬸᬮᬳᬮᬶ
ᬢ᭄᭞ᬦᬶᬱ᭄ᬝᬩᭂᬗᬶᬮ᭄ᬢᬦ᭄ᬧᬳᬸᬡ᭄ᬥᬸᬓ᭄᭞ᬢᭂᬋᬄᬯᭀᬂᬢᬦᬶᬲᬸᬤ᭄ᬭᬵ᭞ᬢᬦ᭄ᬯᬾᬦ᭄ᬢᭂᬦ᭄‌ᬚᬜᬦ᭄ᬤᬂᬳᬲᬶ᭞ᬢᬦ᭄ᬧᬧᬳᬸᬢ᭄᭞ᬭᬹᬧ
[᭑᭐ 10A]
ᬦ᭄ᬢᬶᬢ᭄ᬬᬗᬾᬗᬯᬸᬮᬵ᭟᭐ᬬᬦ᭄ᬳᬸᬧᬫᬦ᭄ᬜᬭᬶᬂᬲᭂᬓᬃ᭞ᬢᬶᬢ᭄ᬬᬂᬯᬦ᭄ᬢᬄᬲᭂᬓᬃᬮᬤᬶᬂ᭞ᬫᬓᭂᬲ᭄ᬬᬸᬄᬳᬫ᭄ᬩᬸᬦ᭄ᬜᬦᬾᬓᬳᭀᬦ᭄᭞ᬦᭂᬓᭂᬢ᭄ᬭᬶᬂ
ᬭᬕᬳᬮᬶᬤ᭄ᬧ᭄ᬗᬶᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬳᬫ᭄ᬩᬶᬮ᭄᭞ᬧᬘᬂᬲᭂᬓᬃᬳᬦᬓ᭄ᬳᬕᬸᬂ᭞ᬢᬦ᭄ᬩᬶᬦᬓᬫ᭄ᬧᬸᬄᬲᬸᬢ᭄ᬭᬵ᭞ᬲᬫ᭄ᬧᬸᬦ᭄‌ᬲᬶᬢ᭄ᬲᬶ
ᬢ᭄ᬤᭂᬓᬶᬮ᭄ᬘᬸᬯᬶᬮ᭄᭞ᬦᬾᬦ᭄ᬢᭂᬦ᭄ᬧᬢᬸᬢ᭄᭞ᬳᬶᬭᬢᬸᬗᬗ᭄ᬕᬾᬦ᭄ᬧᬸᬦᬶᬓ᭟᭐ᬧᬢᬸᬢ᭄ᬩᬳᬦ᭄ᬜᬗᭂᬗ᭄ᬓᭂᬩᬂ᭞ᬜᬭ᭄ᬯᬂᬳᬧᬗᬮᬶᬳᬶᬦ᭄᭞ᬲ
ᬚᬵᬢ᭄ᬯᬄᬳᬦᬓ᭄ᬳᬸᬢ᭄ᬢᬫᬵ᭞ᬯᬶᬤᬕ᭄ᬥᬦᬶᬗ᭄ᬓᬳᬂᬫᬸᬜᬶ᭞ᬳᬍᬧ᭄ᬩᬶᬓᬲᬾᬳᬲᬶᬦ᭄᭞ᬫᬧᭂᬲ᭄ᬚᬭᬶᬚᬶᬦᬾᬮᬸᬭᬸᬲ᭄᭞ᬳᬦᬸᬢ᭄ᬢᭂᬓᬾᬦ᭄ᬓ [ 11 ][᭑᭐ 10B]
᭑᭐
ᬫᬶᬳᬶᬓᬦ᭄᭞ᬫᬦᬶᬲᬾᬫᬢᬸᬂᬢᬸᬂᬕᭂᬦ᭄ᬤᬶᬲ᭄᭞ᬗᭂᬫᬸᬚᬸᬭᬸᬄ᭞ᬫᬸᬜᬶᬦᬾᬫᬦᬶᬲ᭄ᬫᬍᬜᬤ᭄᭟᭐ᬲᬫ᭄ᬧᬸᬦᬶᬓᬚᬳᬢᬸᬃᬜ᭞ᬳᬶᬤ᭄ᬯᬕᬸᬂ
ᬧᬸᬢ᭄ᬭᬜᬯᬸᬭᬶᬦ᭄᭞ᬢᭀᬗᬸᬤᬲᬕᬾᬢᬦ᭄ᬮᬢ᭄ᬣᬵ᭞ᬗᬫ᭄ᬩᬸᬮ᭄ᬗᬸᬘᬧ᭄ᬫᬸᬜᬶᬦ᭄ᬜᬳᬶ᭞ᬲᬶᬂᬧᬶᬲᬦ᭄ᬫᬢ᭄ᬭᬫᬶᬭᬶᬩ᭄᭞ᬮᬢ᭄ᬣᬵᬦᬯᬂᬳᬦᬓ᭄ᬩᬸ
ᬤᬸᬄ᭞ᬲᬶᬧᭀᬓ᭄ᬲᬶᬕᬸᬕ᭄‌ᬢᬸᬃᬗᬦ᭄ᬤᬂ᭞ᬜᬦ᭄ᬤᬂᬮᬢ᭄ᬣᬵᬫᬗᬸᬩᬤᬶᬦ᭄᭞ᬳᬧᬦ᭄ᬮᬢ᭄ᬣᬵ᭞ᬫᬯᬓ᭄ᬢᭂᬤᬸᬂᬘᬬᬳᬸᬢ᭄ᬢᬫ᭟᭐ᬳᬫ᭄ᬩᬸᬮ᭄ᬢᭀᬚ
ᬦᬶᬳᬸᬘᬧᬂ᭞ᬧᬗ᭄ᬭᬯᭀᬲ᭄ᬳᬶᬤᬲᬂᬓᬮᬶᬄ᭞ᬳᬶᬮᬶᬫ᭄ᬩᬸᬃᬲᬫ᭄ᬧᬸᬦ᭄ᬫᬶᬤᬃᬣ᭞ᬕ᭄ᬥᭂᬕ᭄‌ᬬᬮᬯᬸᬢ᭄ᬫᬫᬸᬜᬶ᭞ᬮᬢ᭄ᬣᬵᬗᬬᬳᬶᬦ᭄ᬤᬶᬦᬶ᭞ᬚᭂᬫ
[᭑᭑ 11A]
ᬓ᭄ᬧᬳᬬᬳᬦᬾᬫᬮᬸ᭞ᬳᬶᬮᬢ᭄ᬣᬵᬫᬗᭂᬮᬶᬲᬂ᭞ᬫᬧᬫᬶᬢ᭄ᬭᬶᬂᬭᬤᬾᬦ᭄ᬫᬦ᭄ᬢ᭄ᬭᬶ᭞ᬮᬯᬸᬢ᭄ᬗᬫ᭄ᬩᬶᬮ᭄᭞ᬧᬬᬳᬬᬦᬾᬫᬓᭂᬚᬂ᭟᭐ᬦ
ᬫ᭄ᬧᬵᬓᬫ᭄ᬧᬸᬄᬧᬗᭂᬢᬾᬓᬦ᭄᭞ᬫᬕᭂᬦ᭄ᬲᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬳᬶᬮᬢ᭄ᬣᬵᬭᬭᬶᬲ᭄ᬗᬢᬸᬭᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗᬫ᭄ᬩᬶᬮ᭄᭞ᬳᬶᬮᬶᬫ᭄ᬩᬸᬃ
ᬫᬢᬸᬃᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬭᬢᬸᬩ᭄ᬮᬶᬳᬕᬸᬂ᭞ᬳᬶᬮᬢ᭄ᬣᬵᬫᬤᭂᬤᭂᬫᭂᬦᬦ᭄᭞ᬳᬶᬤᬳᬶᬩᬕᬸᬲ᭄ᬜᭂᬦᭂᬗᬶᬦ᭄᭞ᬢ᭄ᬯᬭᬓᬾᬗ᭄ᬕᬸᬄᬳᬶᬮᬢ᭄ᬣᬵ
ᬫᬫᬦᬄᬳᬶᬭᬶᬓ᭟᭐ᬭᬶᬲᬫ᭄ᬧᬸᬦ᭄ᬳᬶᬬᬤᬶᬩᬸᬤᬮ᭄᭞ᬢᬶᬢ᭄ᬬᬂᬧᬘᬂᬜᬓᬶᬢᬶᬦ᭄᭞ᬓᭂᬦᬶᬢᬦ᭄ᬯᬾᬦ᭄ᬢᭂᬦ᭄ᬓᬲᬶᬤ᭄ᬥᬦ᭄᭞ᬤᬸᬭᬸᬲ᭄ᬳᬶᬬ [ 12 ][᭑᭑ 11B]
᭑᭑
ᬤᬶᬜᭂᬦᭂᬗᬶᬦ᭄᭞ᬯᬦ᭄ᬢᬄᬳᬶᬧᬸᬦ᭄ᬫᬗᬃᬬ᭄ᬬᬦᬶᬦ᭄᭞ᬳᬶᬗᬸᬄᬓᬬᬸᬦ᭄ᬩᭂᬮᬶᬳᬕᬸᬂ᭞ᬦᬫ᭄ᬩᭂᬮ᭄ᬢᬶᬢ᭄ᬬᬂᬩᬦ᭄ᬚᭂᬗᬄ᭞ᬢᬸᬯᬶᬢ᭄ᬯᬄᬳᬶᬧᬸᬦ᭄ᬢᬦ᭄ᬪᬓ᭄ᬢᬶ᭞
ᬲᬧᬸᬦᬶᬓᬵ᭞ᬳᬦ᭄ᬢᬸᬓ᭄ᬳᬶᬮᬶᬫ᭄ᬩᬸᬃᬗᬢᬸᬭᬂ᭟᭐ᬫᬗ᭄ᬤᬵᬳᬶᬤᬲᬋᬂᬤᬸᬓᬵ᭞ᬫᬫᬶᬲᬸᬦᬫᬗᬯᬾᬦᬲ᭄ᬥᬶᬄ᭞ᬫᬦᬄᬳᬶᬮᬢ᭄ᬣᬵᬲᬢᬢ᭞
ᬦᬾᬫᬗ᭄ᬓᬶᬦ᭄ᬓᭀᬘᬧᬦ᭄ᬫᬮᬶᬄ᭞ᬳᬶᬤ᭄ᬯᬕᬸᬂᬫᬧᬫᬶᬢ᭄᭞ᬭᬶᬂᬳᬶᬤᬤᬾᬯᬕᬸᬂᬧᬸᬢᬸ᭞ᬢᭂᬥᬸᬦ᭄‌ᬭᬭᬶᬲ᭄ᬫᬫᬃᬕ᭄ᬕ᭞ᬓᬓᬵᬓᬓᬦᬾᬫᬗᬶ
ᬭᬶᬂ᭞ᬲᬕᬺᬳᬦ᭄‌ᬫᬾᬄᬢᬫ᭄ᬧᭂᬓ᭄ᬫᬭᬶᬂᬓᭀᬭᬶᬧᬦ᭄᭟᭐ᬦᬗ᭄ᬳᬶᬂᬓᬬᬸᬦᬾᬭᬶᬂᬤᭂᬳᬵ᭞ᬳᬶᬮᬢ᭄ᬣᬵᬧᬶᬲᬦ᭄ᬓᬳᬾᬱ᭄ᬝᬶ᭞ᬢᬦ᭄ᬯᬾᬦ᭄ᬢᭂᬦ᭄ᬤ
[᭑᭒ 12A]
ᬤᭀᬲ᭄ᬧᬹᬃᬡ᭄ᬦᬬᬂ᭞ᬮᬶᬮᬵᬮᬶᬮᬬᬂᬢᭀᬂᬮᬮᬶ᭞ᬮᬶᬧᬸᬭᬂᬫᬲᬶᬄᬳᬾᬮᬶᬂ᭞ᬭᬶᬂᬘᬶᬗᬓ᭄ᬫᬕᬦ᭄ᬢᬸᬂᬕᬦ᭄ᬢᬸᬂ᭞ᬭᬲᬦ᭄ᬜᬵᬫᬓᬭᭀᬦᬦ᭄᭞ᬲᬢ
ᬢᬵᬩᬸᬓᬫᬲᬡ᭄ᬥᬶᬂ᭞ᬲ᭄ᬬᬸᬄᬋᬫ᭄ᬧᬸᬄ᭞ᬜᬕ᭄ᬫᭂᬦᬤᬶᬩ᭄ᬬᬸᬄᬧᬭᬵ᭟᭐ᬫᬺᬫ᭄ᬢᬦ᭄‌ᬚᭂᬦᭂᬓ᭄ᬓᬧᬺᬫᬂ᭞ᬫᬢᬗ᭄ᬳᬶᬢᬦ᭄ᬚᭂᬦᭂᬓ᭄ᬫᬮᬶᬗ᭄ᬕᬶᬄ᭞ᬳᬶᬩᬸᬓ᭄ᬧ
ᬮᬶᬂᬕᬤᬓ᭄ᬳᬸᬬᬂ᭞ᬗᭂᬫ᭄ᬩᭂᬗᭂᬫ᭄ᬩᭂᬢᭀᬬᬦ᭄ᬳᬓ᭄ᬱᬶ᭞ᬩᭂᬗᬸᬮ᭄ᬓᭂᬘᬸᬤ᭄‌ᬧᬺᬚᬦᬶ᭞ᬗᭂᬫ᭄ᬓᭂᬫ᭄ᬤᬸᬄᬓᬶᬢᬲᬢᬸᬳᬸᬓ᭄᭞ᬫ᭄ᬭᬄᬫᭂᬭᬸᬄᬢᬦ᭄ᬧᭂᬕᬢ᭄᭞
ᬦᬸᬳᬸᬄᬫᬤᭂᬓᭂᬲᬦ᭄ᬢᬶᬢᬶᬃ᭞ᬫᬫᬸᬮᬶᬲᬄ᭞ᬧᬸᬧᬸᬦᬾᬧᬦ᭄ᬢᭂᬕ᭄ᬲᬚᬬᬂ᭟᭐ᬧᬋᬓᬦ᭄ᬲᬶᬬᭂᬧ᭄ᬫᬓᭂᬚᬂ᭞ᬗᭂᬦᭀᬢ᭄ᬕᬸᬲ᭄ᬢᬶᬓᬯ᭄ᬮᬲᬲᬶᬄ᭞ᬚᭂ [ 13 ][᭑᭒ 12B]
᭑᭒
ᬚᭂᬄᬭᬲᬧᬘᬂᬭᬸᬲᬓ᭄᭞ᬩᭂᬗᭀᬂᬦ᭄ᬕᬓ᭄‌ᬚᭀᬄᬤᬶᬳᭀᬭᬶ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬦᬾᬫᬗ᭄ᬓᬶᬦ᭄᭞ᬫᬦ᭄ᬢᬸᬓᬦ᭄ᬫᬗᬫ᭄ᬩᬶᬮ᭄ᬓᬫ᭄ᬧᬸᬄ᭞ᬫᬶᬭᬶᬩ᭄ᬫᬓ
ᬬᬸᬦ᭄ᬳᬶᬮᬂ᭞ᬓᬫ᭄ᬧᬸᬳᬾᬮᬯᬸᬢᬂᬲᬶᬢ᭄ᬲᬶᬢ᭄᭞ᬲᬲᬹᬂᬓ᭄ᬮᬶᬢᬾ᭞ᬚ᭄ᬫᬓ᭄ᬳᬫ᭄ᬧᬶᬕᬂᬳᭂᬦ᭄ᬢᬸᬗᬂ᭟᭐ᬢᭀᬕᭀᬕ᭄ᬤᭂᬓ᭄ᬤᭂᬓ᭄ᬲᬫ᭄ᬩᭂᬄᬩᬸᬬᬃ᭞ᬲᬰᭀᬘ
ᬦᬾᬧᬼᬓᭂᬢᬶᬓ᭄᭞ᬗ᭄ᬭᬜᬩ᭄‌ᬭᬶᬂᬢ᭄ᬗᬳᬶᬂᬦᬢᬃ᭞ᬧᬓᬜᬄᬜᬄᬲᬫᬶᬗᭂᬦ᭄ᬤᬶᬄ᭞ᬓᬓᬵᬓᬓᬦᬾᬲᬫᬶ᭞ᬩ᭄ᬮᬶᬂᬫᬲᭂᬮ᭄ᬲᭂᬮᬦ᭄ᬮᬳᬸᬢ᭄᭞ᬳᭂ
ᬜᬾᬦ᭄ᬚᬚᬦᬶᬫ᭄ᬓᬤᬵ᭞ᬜᬾᬦ᭄ᬢᬸᬦ᭄ᬤᬾᬦ᭄ᬫᬦᬫ᭄ᬩᬦᬶᬦ᭄᭞ᬳᬧᬂᬮᬶᬧᬸᬃ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬗᬦ᭄ᬤᬶᬓᬵ᭟᭐ᬦᬾᬓᬓᬵᬓᬓᬫᬓᭂᬚᬂ᭞ᬦᬶ
[᭑᭓ 13A]
ᬭᬚᬦᬶᬫᬦᬸᬢᬸᬭᬶᬦ᭄᭞ᬬᬾᬦ᭄ᬢ᭄ᬯᬭᬲᬶᬤ᭄ᬥᬓᬢᭂᬓᬦ᭄᭞ᬮᬫᬸᬦ᭄ᬓᭂᬦᭂᬄᬳᬶᬭᬚᬦᬶ᭞ᬢᬸᬲᬶᬂᬦᬶᬭᬧᬘᬂᬫᬸᬮᬶᬄ᭞ᬤᬶᬦᬶᬜᭂᬦᭂᬂᬤ
ᬤᬶᬳᬕᬸᬂ᭞ᬲᬓᬾᬢᭀᬚᬵᬳᬶᬲᬶᬦ᭄ᬜ᭞ᬧᬋᬓᬦᬾᬜᬸᬗ᭄ᬓᭂᬮ᭄ᬲᬫᬶ᭞ᬢᬦ᭄ᬧᬳᬢᬸᬃ᭞ᬩᭂᬮ᭄ᬩᭂᬮᬦ᭄ᬩᬢᭂᬓ᭄ᬩᬦ᭄‌ᬢᬺᬱ᭄ᬡᬵ᭟᭐ᬳᬫ᭄ᬩᬸᬮ᭄ᬢᭀᬳᬶ
ᬤᬵᬳᬸᬘᬧᬂ᭞ᬭᬶᬂᬤᭂᬳᬵᬘᬭᬶᬢᬫᬮᬶᬄ᭞ᬳᬶᬮᬶᬫ᭄ᬩᬸᬃᬗᬯᬾᬉᬧᬵᬬ᭞ᬩᬳᬦ᭄ᬕᭂᬤᭂᬕᬾᬢᬦ᭄ᬲᬶᬧᬶ᭞ᬗᬮᬶᬄᬤᬮᬶᬳᬦ᭄ᬫᬮᬶᬄ᭞ᬧᬘᬂᬳᬗ᭄ᬕᭀ
ᬦ᭄ᬢᬸᬂᬢᬸᬂᬩᭂᬦ᭄ᬥᬸ᭞ᬳᬶᬮᬢ᭄ᬣᬵᬲᬫ᭄ᬧᬸᬦ᭄ᬦᬯᬂ᭞ᬤᬦᬾᬧᬘᬂᬫᬦᬢᬓᬶᬦ᭄᭞ᬜᬭᬸᬜᬭᬸ᭞ᬳᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬳᬗᬸᬘᬧ᭄᭟᭐ᬳᬶᬮᬢ᭄ᬣᬵᬚᬦᬶ [ 14 ][᭑᭓ 13B]
᭑᭓
ᬕᬯᬾᬦᬂ᭞ᬳᬧᬸᬦ᭄ᬮᬯᬸᬢᬂᬳᬧᬸᬦᬶᬦ᭄᭞ᬳᬶᬮᬢ᭄ᬣᬵᬕ᭄ᬮᬶᬲ᭄ᬗᬃᬬ᭄ᬬᬦᬂ᭞ᬮᬯᬸᬢ᭄ᬥᬦᬾᬫᬗᬧᬸᬦᬶᬦ᭄᭞ᬳᬶᬮᬶᬫ᭄ᬩᬸᬃᬫᬸᬜᬶᬦᬾᬫᬦᬶᬲ᭄᭞ᬤᬸᬯᭂ
ᬕ᭄ᬲᬦ᭄ᬮᬢ᭄ᬣᬵᬫᬗᬸᬭᬸᬢ᭄᭞ᬦᬗ᭄ᬳᬶᬂᬲᬓᬶᬢ᭄‌ᬭᬲᬦ᭄ᬜᬵ᭞ᬓᬸᬓᬸᬦᬾᬗ᭄ᬭᬦᬂᬜᬓᬶᬢᬶᬦ᭄᭞ᬗᬯᬾᬢᬢᬸ᭞ᬳᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬫᬜᭂᬫᬓ᭄᭟᭐
ᬗ᭄ᬮᬸᬂᬦᬓᬵᬫᬦ᭄ᬢᭂᬓ᭄ᬢᬗᬦ᭄᭞ᬗᬫ᭄ᬩᬶᬮᬶᬤᬶᬭᬭᬶᬲ᭄ᬦᬶᬕ᭄ᬢᬶᬕ᭄᭞ᬢ᭄ᬯᬭᬵᬧᬶᬲᬦ᭄ᬫᬚᬗ᭄ᬓᬵ᭞ᬫᬓᬵᬤᬶᬗᭂᬦ᭄ᬢᬸᬗᬶᬦ᭄ᬦᬲᬶ᭞ᬓᬸᬮᬸᬓᬾᬫᬗᬭᬗᬶᬦ᭄᭞
ᬋᬫᭂᬓ᭄ᬳᬶᬮᬢ᭄ᬣᬵᬫᬢᬢᬸ᭞ᬫᬘᬧ᭄ᬘᬧ᭄‌ᬕ᭄ᬢᬶᬳᬾᬫᭂᬘᬧ᭄᭞ᬲᬶᬂᬗᭂᬦᭀᬢ᭄‌ᬬᬫᬶᬮᬸᬲ᭄ᬥᬶᬄ᭞ᬯᬃᬡ᭄ᬦᬲᭂᬩᬸᬄ᭞ᬭᬕᬦᬾᬫᬭᬗ᭄ᬭᬂᬭᬄ᭟᭐ᬳᬶᬮᬶᬫ᭄ᬩᬸᬃ
[᭑᭔ 14A]
ᬬᬫᬗᬢᬸᬭᬂ᭞ᬭᬶᬂᬳᬶᬤ᭄ᬯᬕᬸᬂᬧᬸᬢᬸᬕᭂᬮᬸᬲ᭄᭞ᬗᬢᬸᬭᬂᬭᬕᬦᬾᬲᭂᬭᬄ᭞ᬳᬶᬮᬢ᭄ᬣᬵᬳᬶᬧᬸᬦ᭄ᬗᬦᬶᬦᬶᬦ᭄᭞ᬲᬓᬶᬢ᭄‌ᬭᬲᬦ᭄ᬜᬵᬳᬶᬗ᭄ᬕᬶᬄ᭞ᬢ
ᬢᬸᬦ᭄ᬢᬶᬢ᭄ᬬᬂᬩ᭄ᬮᬶᬳᬕᬸᬂ᭞ᬓᬾᬢᭀᬩᬳᬦ᭄ᬜᬵᬗᬯᬾᬦᬂ᭞ᬫᬗ᭄ᬤᬾᬦ᭄ᬳᬶᬤᬵᬲᬋᬂᬲᭂᬗᬶᬢ᭄᭞ᬭᬭᬶᬲ᭄ᬩᭂᬦ᭄ᬥᬸ᭞ᬳᬶᬤ᭄ᬯᬕᬸᬂᬧᬸᬢᬸᬫᬦᬶᬜ᭄ᬚᬓ᭄᭟᭐
ᬓᬢᬾᬗ᭄ᬢᬾᬂᬮᬯᬸᬢ᭄ᬓᭂᬦ᭄ᬢᬸᬗᬂ᭞ᬓᬮᬸᬂᬲᬩᬸᬓᬾᬓᬲᬶᬢ᭄ᬱᬶᬢ᭄᭞ᬮᬯᬸᬢ᭄ᬢᬸᬜ᭄ᬚᭂᬮ᭄ᬤᬶᬢ᭄ᬗᬄᬦᬢᬄ᭞ᬗᬦ᭄ᬤᬶᬓᬢᬦ᭄ᬧᬲ᭄ᬭᬸᬢᬶ᭞ᬳᬶᬮᬢ᭄ᬣᬵᬢ᭄ᬧᭂᬄ
ᬯ᭄ᬯᬂᬢᬦᬶ᭞ᬩᬦᬶᬢ᭄ᬓᬾᬦ᭄ᬳᬶᬬᬤᬶᬳᬬᬸ᭞ᬩᬸᬓᬵᬲᬶᬂᬮᬢ᭄ᬣᬵᬦᬯᬂ᭞ᬳᬶᬳᬤᬶᬢ᭄ᬯᬄᬧ᭄ᬭᬫᬶᬰ᭄ᬯᬭᬶ᭞ᬬᭀᬕ᭄ᬬᬫᬸᬦ᭄ᬥᭂᬃ᭞ᬕᬸᬫᬶᬤᭂᬳᬵᬦᬾᬫᬓᭂᬚᬂ᭟᭐ [ 15 ][᭑᭔ 14B]
᭑᭔
ᬚᬦᬶᬳᬶᬭᬵᬫᬦᬸᬦ᭄ᬤᬾᬦᬂ᭞ᬗᬸᬭᬸᬓᬂᬳᬶᬮᬢ᭄ᬣᬵᬲᬳᬶ᭞ᬤᬤᬶᬮᬾᬕᭀᬂᬳᬧᬂᬩᬶᬱ᭞ᬭᬭᬶᬲ᭄ᬳᬶᬤᬫᬦᬯᬸᬳᬶᬦ᭄᭞ᬧᬋᬓᬦ᭄ᬳᬮᬶᬢ᭄ᬫ
ᬫᬃᬕ᭄ᬕᬶ᭞ᬗᬮᬶᬄᬧᬗᬸᬭᬸᬓᬾᬧᭂᬲᬸ᭞ᬲᬫ᭄ᬧᬸᬦ᭄ᬲᬫᬶᬗᬧᬸᬃᬬ᭄ᬬᬂ᭞ᬕᬕᬫᭂᬮᬦᬾᬘᬸᬫᬯᬶᬲ᭄᭞ᬧᬤᬵᬦᬩᬸᬄ᭞ᬭᬲᬦ᭄ᬜ᭞ᬫᬗᭀᬃᬣᬬᬂ᭟᭐ᬳᬶ
ᬮᬢ᭄ᬣᬵᬬᬓᬳᬸᬭᬸᬓᬂ᭞ᬗᬶᬕᭂᬮ᭄‌ᬚᭀᬕᬾᬤ᭄ᬲᬳᬶᬲᬳᬶ᭞ᬫᬶᬯᬄᬓᬲᬓᬶᬢᬶᬦ᭄ᬧᬶᬲᬦ᭄᭞ᬓᬢᬶᬕ᭄ᬢᬶᬕ᭄ᬓᬳᬸᬫ᭄ᬧᬂᬳᬫ᭄ᬧᬶᬂ᭞ᬳᬶᬮᬶᬫ᭄ᬩᬸᬃ
ᬳᬦᬾᬗᬯᬾᬦᬶᬦ᭄᭞ᬫᬢᬸᬃᬭᬶᬂᬳᬶᬤ᭄ᬯᬕᬸᬂᬧᬸᬢᬸ᭞ᬢᬸᬃᬳᬶᬤᬲᬋᬂᬤᬸᬓᬵ᭞ᬧᬘᬂᬓᬳᬶᬕᭂᬮᬂᬕ᭄ᬮᬶᬲ᭄᭞ᬭᬶᬂᬓᬓᬼᬘᬦ᭄᭞ᬳᬶᬤᬦᬾᬢ᭄ᬯᬭ
[᭑᭕ 15A]
ᬩᬸᬳᬸᬗᬦ᭄᭟᭐ᬓᬾᬢᭀᬳᭀᬃᬣᬦ᭄ᬕᬕᬫᭂᬮᬦ᭄᭞ᬮᬯᬸᬢ᭄ᬳᬶᬬᬫᬳᬸᬭᬸᬓ᭄ᬚᬦᬶ᭞ᬲᬋᬂᬩᬗᬸᬦ᭄ᬫᬤᬩ᭄ᬤᬩᬦ᭄᭞ᬧᬗᬸᬭᬸᬓᬾ
ᬫᬜᬋᬗᬶᬦ᭄᭞ᬳᭂᬗ᭄ᬲᭂᬓ᭄ᬢᬩᬄᬧᬺᬚᬦᬶ᭞ᬧᬗᬸᬭᬸᬓᬾᬲ᭄ᬥᬶᬄᬩᭂᬓᬸᬢ᭄᭞ᬕᭂᬕᬫᭂᬮᬦᬾᬫᬓᭂᬚᬂ᭞ᬤᬤᬶᬲᬶᬬᭂᬧ᭄ᬧ᭄ᬭᬫᬗ᭄ᬓᬶ
ᬦ᭄᭞ᬢ᭄ᬯᬭᬦᬩᬸᬄ᭞ᬦᬾᬫᬕᬫᭂᬮ᭄ᬫᬶᬮᬸᬳᭂᬩᬄ᭟᭐ᬜᬸᬗ᭄ᬓᭂᬮ᭄ᬗᭂᬮᬶᬂᬬᬲᬶᬕ᭄ᬲᬶᬕᬦ᭄᭞ᬫᬓᬓᭂᬩ᭄ᬳᬶᬧᬸᬦ᭄ᬭᬶᬂᬕᬸᬫᬶ᭞ᬳᬤᬦᭂ
ᬧᬾᬦ᭄ᬕᬕᬫᭂᬮᬦ᭄᭞ᬤᬤᬶᬧᭂᬘᭀᬓ᭄ᬧᭂᬲᬸᬕ᭄ᬢᬶᬄ᭞ᬲᬓᬶᬢᬾᬢ᭄ᬯᬭᬳᬲᬦᬶᬦ᭄᭞ᬤᬤᬶᬳᬶᬤᭂᬓᭂᬮᬯᬸᬢ᭄᭞ᬫᬤᬍᬫ᭄ᬧᬶᬲ [ 16 ][᭑᭕ 15B]
᭑᭕
ᬦ᭄ᬧᬶᬲᬦ᭄᭞ᬳᬤᬵᬫᬕ᭄ᬤᬶᬫᭂᬮᬳᬶᬩ᭄᭞ᬳᬤᬦᬸᬯᬸᬄ᭞ᬦᬶᬕ᭄ᬢᬶᬕ᭄ᬳᬯᬓ᭄ᬫᬧᬗᭂᬦᬦ᭄᭟᭐ᬳᬶᬮᬢ᭄ᬣᬵᬗᬾᬕᭂᬭᬂᬫᬦᬄ᭞ᬫᬫᬸᬜᬶᬫ
ᬢᬸᬂᬢᬸᬂᬢᬗᬶᬲ᭄᭞ᬗ᭄ᬕᬶᬄᬮᬯᬸᬢᬂᬓᬾᬳᬸᬭᬸᬓᬂ᭞ᬢ᭄ᬬᬂᬳᬧᬂᬢ᭄ᬯᬭᬲᬶᬲᬶᬧ᭄᭞ᬦᬶᬓᬦᬾᬦᬾᬗᬫ᭄ᬩᭂᬮᬶᬦ᭄᭞ᬤᬸᬭᬸᬲᬂᬳᬸᬕᬶᬫᬦᬩᬸᬄ
᭞ᬲᬫ᭄ᬧᬸᬦᬂᬫᬜᬶᬬᭂᬧᬂ᭞ᬫᬲᬶᬄᬲᬶᬬᭂᬧ᭄ᬩᬸᬓᬚᬫ᭄ᬧᬶ᭞ᬭᬭᬶᬲ᭄ᬭᬯᬸᬄ᭞ᬳᬶᬮᬶᬫ᭄ᬩᬸᬃᬩᭂᬲᬸᬲ᭄ᬫᬜᭂᬫᬓ᭄᭟᭐ᬲᬫ᭄ᬩᬶᬮ᭄‌ᬬᬚᬦᬶᬗᭀᬭᬳᬂ
᭞ᬳᬶᬮᬢ᭄ᬣᬵᬫᬕᬸᬡᬍᬯᬶᬄ᭞ᬓ᭄ᬭᬡᬧᬗᬸᬭᬸᬓᬾᬳᭂᬩᬄ᭞ᬤᬤᬶᬳᬶᬬᬫᬯ᭄ᬢᬸᬗ᭄ᬮᬶᬂ᭞ᬫᬓᬤᬶᬦᬾᬗᬫ᭄ᬩᭂᬮᬶᬦ᭄᭞ᬲᬶᬬᭂᬧ᭄ᬩᬗᬸᬦ᭄ᬱ᭄ᬥᬶᬄᬗᬸ
[᭑᭖ 16A]
ᬤᬶᬢᬸ᭞ᬳᬶᬤᭂᬧ᭄ᬜᬦᬾᬫᬓᭂᬚᬂ᭞ᬲᭀᬭᭀᬄᬩᬸᬭᭀᬦ᭄᭞ᬧᬤᬬᬲ᭄ᬥᬶᬄᬧᬲᭂᬕᬸ᭞ᬩᭂᬗᭀᬂᬬᬫᬧᬸᬮᬶᬲᬳᬦ᭄᭞ᬬᬾᬄᬫᬢᬦᬾ
ᬤᬺᬲ᭄ᬫᬶᬚᬶᬮ᭄᭟᭐ᬩᬸᬗᬸᬢ᭄ᬜᬵᬳᭂᬗ᭄ᬕᬂᬫᬓᭂᬚᬂ᭞ᬮᬬᬄᬳᬶᬧᬸᬦ᭄ᬫᬮᬾᬤ᭄ᬮᬾᬤ᭄ᬢᬸᬃᬫᬤᬶᬤᬶᬄ᭞ᬤ᭄ᬯᬕᬸᬂᬧᬸᬢ᭄ᬭᬫᬜᬶᬗᬓ᭄᭞ᬤᬤᬶᬕᬯᭀᬓ᭄᭞
ᬜᬶᬗᬓ᭄ᬩᬸᬭᭀᬦᬾᬮᬶᬬᬸ᭞ᬤᬸᬯᭂᬕ᭄ᬫᬦᬶᬗ᭄ᬓᬳᬂᬳᬯᬓ᭄᭞ᬫᬧᭀᬳᭀᬲ᭄‌ᬧᭀᬳᭀᬲᬦ᭄ᬢᬶᬢᬶᬩ᭄᭟᭐ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓᬵ᭞ᬲᬫ᭄ᬩᬶ
ᬮ᭄ᬲ᭄ᬥᬶᬄᬦᬾᬳᬶᬩᬩᬸᬭᭀᬦ᭄ᬲᬫᬶ᭞ᬩᬸᬓᬭᬱᬧᬘᬂᬦᬸᬢᬸᬕ᭄᭞ᬢᬺᬱ᭄ᬡᬵᬢᭂᬓᬾᬦ᭄ᬳᬶᬭᬵ᭞ᬳᬶᬭᬢᬸᬯᬄᬧᬘᬂᬗᬮᬶᬄᬳᬶᬳᬤᬶᬳᬬᬸ᭞ [ 17 ][᭑᭖ 16B]
᭑᭖
ᬗᬶᬭᬶᬂ᭞ᬲᬢᬶᬩᬧᬭᬦᬶᬂᬮᬓᬸ᭞ᬬᬤᬶᬦ᭄ᬫᬯᬶᬦᬦ᭄ᬫᬯᬶᬦᬦ᭄ᬭᬸᬲᬓ᭄᭞ᬬᬤᬶᬦ᭄ᬭᬢᬸᬫᬫᬃᬕ᭄ᬕᬶ᭞ᬢᬦ᭄ᬯᬗ᭄ᬤᬾᬦᬦ᭄ᬧᬘᬂᬍᬲᬸ᭞ᬧᬸᬦᬶᬓᬶᬳᬶ
ᬧᬸᬦ᭄ᬳᬶᬕᬚᬄ᭞ᬮᬶᬗ᭄ᬕᬶᬳᬶᬦ᭄ᬭᬢᬸᬦᬾᬫᬗ᭄ᬓᬶᬦ᭄᭟᭐ᬬᬦᬶᬂᬓᬲᬢᬦ᭄ᬭᬶᬂᬫᬃᬕ᭄ᬕ᭞ᬦᬶᬓᬶᬭᬢᬸᬳᬶᬩᭀᬚᭀᬕ᭄ᬳᬶᬧᬸᬦ᭄ᬱᬫᬶ᭞ᬮᬸᬗ᭄ᬳᬵ
ᬗᬮᬶᬄᬩᬸᬯᬄᬓᬬᬸ᭞ᬜᬸᬲᬸᬧ᭄ᬭᬶᬂᬢᭂᬗᬳᬶᬳᬮᬲ᭄‌᭞ᬬᬦ᭄ᬫᬧᬶᬂᬓᬬᬸᬦ᭄‌ᬲᭀᬭᭀᬄᬨᬮᬩᬸᬗ᭄ᬓᬄᬭᬢᬸ᭞ᬧᬸᬦᬶᬓᬶᬬᬓ᭄ᬱᬧᬶ
ᬰᬘ᭞ᬦᬶᬓᬬᬂᬮᬸᬗ᭄ᬳᬗᬺᬋᬳᬶᬦ᭄᭟᭐ᬲᬓᬬᬸᬦ᭄ᬭᬢᬸᬦ᭄ᬤᬶᬓᬬᬂ᭞ᬢᬶᬢ᭄ᬬᬂᬭᬢᬸᬢᬦ᭄ᬢᬸᬮᬓ᭄‌ᬯᬦ᭄ᬢᬄᬗᬶᬭᬶᬂ᭞ᬓᬢᭀᬭᬱᬯᬃᬡ᭄ᬦ
[᭑᭗ 17A]
ᬯᬦ᭄ᬫᬜ᭄ᬚᬗᬦ᭄᭞ᬕᬚᬄᬯᬭᬓ᭄ᬲᬦᬸᬓ᭄ᬮᬦ᭄ᬓᬜ᭄ᬘᬶᬮ᭄᭞ᬩᭀᬚᭀᬕ᭄ᬧᬾᬢᬸᬦᬾᬫᬧᬸᬡ᭄ᬥᬸᬄ᭞ᬓᬼᬲᬶᬄᬭᬲᬾᬮᬦ᭄ᬫᬄᬫᬄ᭞ᬬ
ᬓ᭄ᬱᬬᬓ᭄ᬱᬶ᭞ᬭᬵᬓ᭄ᬱᬲᬧᬶᬰᬘᬭᬯᬸᬄ᭞ᬳᭂᬦ᭄ᬢᭀᬧᬤᬲ᭄ᬥᬶᬄᬓᬢᬺᬱ᭄ᬡᬦ᭄᭞ᬓᬗᭂᬦ᭄ᬗᭂᬦᭀᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭟᭐ᬚᬦᬶᬦ᭄ᬢᭀᬮᬯᬸᬢ᭄ᬧᬃ
ᬡ᭄ᬦᬬᬂ᭞ᬩᬸᬓᬜᬸᬫ᭄ᬩᬄᬫᬢᬸᬃᬲᬶᬗ᭄ᬕᬶᬄᬦᬺᬧᬢᬶ᭞ᬧᬸᬦᬧᬶᬤ᭄ᬯᬦᬶᬂᬳᬶᬭᬢᬸ᭞ᬢᬦ᭄ᬧ᭄ᬕᬢ᭄ᬫᬲᬲᬫ᭄ᬩᬢᬦ᭄᭞ᬲ᭄ᬥᬶᬄᬓᬶᬗ᭄ᬓᬶᬂ᭞ᬫᬶᬭᬶᬩ᭄ᬳᬤᬗᬯᬾ
ᬳᬶᬩᬸᬓ᭄᭞ᬓ᭄ᬭᬡᬳᬶᬭᬢᬸᬲᬗ᭄ᬲᬭᬵ᭞ᬳᬶᬭᬶᬓᬶᬭᬶᬂᬳᬮᬲ᭄ᬳᬸᬓᬶᬃ᭟᭐ᬳᬯᬶᬦᬦ᭄ᬢᬶᬢ᭄ᬬᬂᬗᭂᬮᬶᬲᬂ᭞ᬭᬯᬸᬄᬦᬗ᭄ᬓᬶᬮ᭄‌ᬫᬶᬲᬤ᭄ᬬᬧᬘᬂ [ 18 ][᭑᭗ 17B]
᭑᭗
ᬫ᭄ᬫᬮᬵ᭞ᬫᬸᬮᬲᬂᬢᬧᬵᬦ᭄ᬭᬸᬯᬾᬦᬶᬦ᭄᭟᭐ᬳᬶᬤᬳᬶᬤ᭄ᬯᬕᬸᬂᬧᬸᬢ᭄ᬭᬵ᭞ᬲᬦᬾᬫᬗ᭄ᬓᬶᬦ᭄‌ᬧᬸᬦᬶᬓᬯᬦ᭄ᬢᬄᬓᬳᬸᬗ᭄ᬲᬶ᭞ᬭᬭᬶᬲ᭄ᬫᬫᬃᬕ᭄ᬕᬶ
ᬗᬺᬭᬦ᭄ᬢᬸᬦ᭄᭞ᬢᬗᬶᬲᬾᬰ᭄ᬯᬭᬵᬧᭂᬕᬢ᭄᭞ᬦᭀᬮᬶᬄᬦᭀᬮᬶᬄ᭞ᬭᬲᬦ᭄ᬜᬢᭂᬓᬫᬢᭂᬫᬸ᭞ᬤᬤᬶᬩᬸᬯᬶᬦ᭄ᬩᬄᬫᬕᬸᬬᬂ᭞ᬍᬫᭂᬢ᭄ᬩᬸᬓᬢ
ᬦ᭄ᬧᬕᬮᬶᬄ᭟᭐ᬫᬦᬗ᭄ᬓᬶᬲ᭄ᬫᬲᬲᬫ᭄ᬩᬢᬦ᭄᭞ᬫᬤᭂᬓᭂᬲᬦ᭄‌ᬲᬶᬕ᭄ᬲᬶᬕᬦ᭄ᬳᬸᬬᬂᬧᬮᬶᬂ᭞ᬢᬸᬯᬶᬢ᭄ᬯᬄᬚᬳᬦᬓ᭄ᬳᬶᬗᬸᬄ᭞ᬫᬫ᭄ᬭᬢ᭄ᬩᭂᬲ᭄ᬓ
ᬢᬼᬩᬦ᭄᭞ᬫᬗ᭄ᬓᬶᬦ᭄ᬓᭀᬘᬧ᭄‌ᬲᬳᬶᬲᬶᬦ᭄ᬳᬮᬲᬾᬤᬶᬢᬸ᭞ᬲᭀᬭᭀᬄᬗᬸᬭᭀᬦᬾᬫᬓᭂᬚᬂ᭞ᬧᬤᬬᬢ᭄ᬓᬵᬧᬤᭂᬗ᭄ᬲᬶᬮ᭄᭟᭐ᬲᭂᬗ᭄ᬕᬄᬓ᭄ᬮ
[᭑᭘ 18A]
ᬚ᭄ᬮᬾᬧᬶᬲᬦ᭄ᬢᭂᬫᬸᬦ᭄ᬳᬶᬧᬸᬦ᭄᭞ᬦᬾᬦᭂᬗᬄᬫᬗ᭄ᬕᬶᬄᬲᬤ᭄ᬬ᭞ᬤᬾᬦᬶᬂᬬᬫᬸᬮᬵᬫᬲᬡ᭄ᬥᬶᬂ᭟᭐ᬕᬸᬦᬸᬗᬾᬳᬶᬍᬳᬶᬦ᭄ᬢᬸᬓᬤ᭄᭞ᬦᬾᬭᬶᬂ
ᬫᬥ᭄ᬬᬯᬦ᭄ᬢᬄᬕᭂᬦᬄᬫᬓᬾᬃᬣᬶ᭞ᬦᬗᬸᬦ᭄ᬬᬰᬩ᭄ᬭᬢᬭᬶᬂᬕᬸᬦᬸᬂ᭞ᬧᬕᭂᬄᬗᭂᬬᬰᬬᬂᬭᬕᬵ᭞ᬢᬦ᭄ᬳᬸᬭᬸᬗᬦ᭄ᬫᬗ᭄ᬕᬶᬄᬲᬤ᭄ᬬᬭᬳᬬᬸ
᭞ᬲᬸᬓᬯᬶᬃᬬ᭄ᬬᬭᬶᬂᬚᬕᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬘᬂᬦᬦ᭄ᬤᬶᬗᬶᬦ᭄᭟᭐ᬦᬾᬭᬶᬂᬲᭀᬃᬤᬶᬲᬫ᭄ᬧᬶᬂᬢᬸᬓᬤ᭄᭞ᬯᬢᭂᬓ᭄ᬧ᭄ᬭᬫᬦᬾᬲᬫ᭄ᬧᬸᬦ᭄ᬦᬶ
ᬗ᭄ᬕᬮ᭄ᬦᬕᬭᬶ᭞ᬳᬶᬭᬶᬓᬵᬚᬫᬸᬮᬓᬸᬫ᭄ᬧᬸᬮ᭄᭞ᬮᬶᬗ᭄ᬕᬄᬕᭂᬦᬳᬾᬫᬦᬧᬓ᭄᭞ᬫᬲᬫᬥᬶᬬᬾᬳᬾᬕ᭄ᬥᬾᬫᬗ᭄ᬭᬸᬤᬸᬕ᭄᭞ᬳᭂᬦᬶᬂᬲᬸᬘᬶᬦᬶᬃ [ 19 ][᭑᭘ 18B]
᭑᭘
ᬢᬦ᭄ᬲᬄᬫᬲᬸᬓᬦ᭄ᬲᬸᬓᬦ᭄᭞ᬢ᭄ᬯᬭᬩ᭄ᬮᬲ᭄‌ᬳᬶᬬᬤᬶᬚᭀᬄᬓᬢᭂᬧᬸᬓ᭄᭞ᬳᬧᬂᬫᬢᬸᬗ᭄ᬕᬮᬦ᭄ᬕᭂᬦᬄ᭞ᬫᬸᬓ᭄ᬢᬶᬓ᭄ᬭᬰ᭄ᬫᬶᬦᬶᬗᬕᬸ
ᬫᬶ᭟᭐ᬤᬤᬶᬳᬤᬚᬦᬶᬗᭂᬦᬄ᭞ᬧᭂᬤᬲ᭄ᬢᬶᬗ᭄ᬓᬄᬕᬸᬦᬸᬗᬾᬗᬸᬮᬗᬸᬦᬶᬦ᭄᭞ᬲᬲᬪᬵᬦ᭄ᬤᬥᬭᬶᬤᬶᬢᬸ᭞ᬫᬶᬯᬄᬲᬳᬶᬲᬶᬦᬶᬂᬲ᭄ᬯᬃᬕ᭄ᬕᬦ᭄᭞ᬫ
ᬓᬸᬮᬗᬸᬦ᭄᭞ᬫᬳᬶᬍᬳᬦ᭄ᬗᬮᬧ᭄ᬲᬦ᭄ᬢᬸᬦ᭄᭞ᬲᬃᬯ᭄ᬯᬶᬫᬜᬶᬗᬓᬶᬦ᭄ᬚᬕᬢ᭄᭞ᬗᭂᬦᬄᬢ᭄ᬮᬕᬦᬾᬩᭂᬘᬶᬓ᭄᭟᭐ᬲᬓᬶᬂᬕᬸᬦᬸᬗᬾᬧᬸᬦᬶᬓᬵ᭞
ᬲᬦᬾᬓ᭄ᬭᬯᭀᬲ᭄‌ᬜᬦ᭄ᬤᬂᬧᬘᬂᬳᬶᬘᬳᬶᬦ᭄᭞ᬲᬸᬓᬵᬤᬸᬓᬢᬸᬯᬄᬫᬧᬸᬡ᭄ᬥᬸᬄ᭞ᬦᬾᬦᬾᬳᬬᬸᬫᬗ᭄ᬕᬶᬄᬲᬤ᭄ᬬ᭞ᬦᬾᬦᬾᬳᬮ᭞
[᭑᭙ 19A]
ᬧᬶᬲᬦ᭄ᬜᬵᬢᬶᬢ᭄ᬬᬂᬗ᭄ᬫᬲᬶᬦ᭄ᬫᬢᬶ᭞ᬓᬸᬗ᭄ᬓᬸᬃᬬᬦ᭄ᬫᬮᬶᬄᬓᬢᬸᬤᬸᬄ᭞ᬫᬢᬸᬮᬓ᭄ᬤᬤᭀᬲ᭄ᬚᬦ᭄ᬫᬵ᭞ᬲᬫ᭄ᬧᬸᬦ᭄ᬓᬤᬶᬫᬗ᭄ᬓᬶᬦ᭄ᬳᬤᬶᬳᬬᬸ᭞ᬳᬧᬂ
ᬲᬸᬩᬫᬩᬋᬗᬦ᭄᭞ᬓᭂᬦᬶᬢᬶᬢ᭄ᬬᬂᬳᬸᬲᬦ᭄ᬲᬓᬶᬢ᭄᭟᭐ᬬᬦ᭄ᬳᬤᬶᬫᬳᬗ᭄ᬕᬵᬮᭀᬦ᭄ᬢᬃ᭞ᬳᬧᬂᬢᬶᬢ᭄ᬬᬂᬢᬸᬫ᭄ᬩᬸᬄᬤᬤᬶᬧᬗᬸᬢᬶ
ᬓ᭄᭞ᬢᬦ᭄ᬧ᭄ᬕᬢᬶᬢ᭄ᬬᬂᬫᬢᭂᬫᬸ᭞ᬲᬸᬓᬵᬗᬸᬮᬸᬭᬶᬦ᭄ᬫᬦᬄ᭞ᬫᬓᬭᭀᬦᬦ᭄‌ᬩᬋᬂᬫᬢᭂᬫᬸᬤᬶᬓᬲᬸᬃ᭞ᬬᬦ᭄ᬳᬤᬶᬫᬦᬤᬶᬢ᭄ᬮᬕ᭞
ᬢᬶᬢ᭄ᬬᬂᬢᬸᬜ᭄ᬚᬸᬂᬦᬶᬮᬯᬢᬶ᭟᭐ᬬᬦ᭄ᬳᬤᬶᬤᬤᬶᬲᬕᬭᬵ᭞ᬢᬶᬢ᭄ᬬᬂᬚᬸᬦ᭄ᬬᬂᬫ᭄ᬮᬬᬃᬩᬩᬃᬳᬗᬶᬦ᭄᭞ᬗᬯᬾᬦᬂᬫᬦᬄᬳᬸᬮᬗᬸᬦ᭄᭞ [ 20 ][᭑᭙ 19B]
᭑᭙
᭚᭐᭚ᬧᬗ᭄ᬓᬸᬃ᭚᭐᭚ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬬᬾᬄᬘᬶᬗᬓᬾᬢᬦ᭄ᬧ᭄ᬕᬢ᭄ᬤᬺᬲ᭄ᬫᬶᬚᬶᬮ᭄᭞ᬜᭂᬮ᭄ᬲᭂᬮ᭄ᬭᬕ᭄ᬕᬵᬗᬦ᭄ᬢᬸᬦᬦ᭄ᬢᬸᬦ᭄᭞ᬜ
ᬮᬾᬫ᭄ᬧᬾᬄᬩᬄᬫᬕᬸᬬᬂ᭞ᬤᬸᬄᬫᬲ᭄ᬫᬶᬭᬄ᭞ᬤᬶᬚᬳᬶᬳᬤᬶᬫᬮᬸᬗ᭄ᬕᬸᬄ᭞ᬢᬶᬜ᭄ᬚᭀᬳᬶᬦ᭄‌ᬚᬵᬢᬶᬢ᭄ᬬᬂ᭞ᬓᬮᬭᬦ᭄ᬧ᭄ᬥᬶᬄᬓᬶᬗ᭄ᬓᬶᬂ᭟᭐
ᬫᬾᬄᬢᬶᬢ᭄ᬬᬂᬫᬯᬶᬦᬦ᭄ᬭᬸᬲᬓ᭄᭞ᬬᬾᬦ᭄ᬲᬶᬂᬳᬤᬶᬳᬾᬮᬶᬂᬫᬜᭂᬫ᭄ᬧᭀᬮᬶᬄ᭞ᬬᬦ᭄ᬲᬫ᭄ᬧᬸᬦ᭄ᬳᬶᬳᬤᬶᬳᬬᬸ᭞ᬫᬢ᭄ᬭᬫᬢ᭄ᬭᬫᬜᬶᬗᬓ᭄᭞
ᬫᬗ᭄ᬤᬵᬮᬶᬧᬸᬃᬫᬦᬄᬢᬶᬢ᭄ᬬᬂᬳᬶᬗᬸᬄ᭞ᬳᬸᬲᬦ᭄ᬲᬓᬶᬢ᭄ᬲᬗ᭄ᬲᬭᬵ᭞ᬫᭂᬗᬲᬶᬦ᭄ᬫᬦᬳᬾᬧᬮᬶᬂ᭟᭐ᬬᬦ᭄ᬳᬤᬶᬢᬦ᭄ᬢᬸᬮᬸᬲ᭄ᬳᬶᬘ᭄ᬘᬵ᭞ᬦᬄ
[᭒᭐ 20A]
ᬭᬵᬢᭀᬫᬦᬯᬂᬫᬸᬮᬶᬄ᭞ᬬᬾᬦ᭄ᬢ᭄ᬯᬭᬲᬶᬤ᭄ᬥᬓᬢ᭄ᬓᬦ᭄᭞ᬓᬾᬢᭀᬓᭂᬦᭂᬄᬳᬶᬭᬚᬦᬶ᭞ᬬᬤᬶᬦ᭄ᬗᭂᬫᬲᬶᬦ᭄ᬫᬢᬶ᭞ᬬᬦ᭄ᬢᬦ᭄ᬳᬶᬳᬤᬶᬓᬢ᭄ᬧᬸ
ᬓ᭄᭞ᬳᬶᬭᬵᬢ᭄ᬯᬄᬫᬶᬲᬤ᭄ᬬ᭞ᬳᬶᬧᬭᭀᬲ᭄ᬫᬲᬯᬸᬃᬪᬓ᭄ᬢᬶ᭞ᬢᬶᬢ᭄ᬬᬂᬭᬢᬸ᭞ᬗᬶᬭᬶᬂᬳ᭄ᬬᬦ᭄ᬘᭀᬓᭀᬃᬳᬶᬤᬾᬯ᭟᭐ᬭᬭᬶᬲ᭄ᬳᬶᬤᬵᬫᬤᬩ᭄ᬤ
ᬩᬦ᭄᭞ᬧ᭄ᬭᬫᬗ᭄ᬓᬶᬦ᭄ᬮᬯᬸᬢ᭄ᬫᬫᬃᬕ᭄ᬕᬶ᭞ᬲᬫ᭄ᬧᬸᬦ᭄ᬭᬯᬸᬄᬢᬦ᭄ᬧᬶᬦ᭄ᬳᬸᬮᬸᬲ᭄᭞ᬫᬭᬃᬬ᭄ᬬᬦ᭄ᬳᬶᬤᬫᬮᬶᬗ᭄ᬕᬶᬄ᭞ᬲᬃᬯ᭄ᬯᬶᬗᬦ᭄ᬤᬶᬓᬳᬭᬶᬲ᭄᭞
ᬧᬭᭀᬲ᭄‌ᬦᬄᬓ᭄ᬦᭂᬳᬂᬫᬮᬸ᭞ᬚᭂᬚᬵᬳᭀᬯᬦ᭄ᬢᭂᬲ᭄ᬬᬮᬓᬸᬦ᭄ᬜᬵ᭞ᬧᬫᬃᬕ᭄ᬕᬶᬦ᭄ᬳᬶᬤᬳᬶᬳᬤᬶ᭞ᬓ᭄ᬫᬵᬫᬳᬶ᭞ᬧᬮᬓᬸᬦᬾᬢ᭄ᬯᬭᬗᭂᬦᬄ᭞ [ 21 ][᭒᭐ 20B]
᭒᭐
ᬓᬳᬾᬜ᭄ᬘᭂᬧᬂ᭞ᬗᬃᬘ᭄ᬘᬡᬲᬗ᭄ᬳ᭄ᬬᬂᬯᬶᬥᬶ᭞ᬫᬶᬯᬄᬯᬢᭂᬓ᭄ᬥᬾᬯᬢ᭄ᬣᬵ᭞ᬳᬸᬢ᭄ᬢᬫᬯᬶᬤᬕ᭄ᬥᬚᬢᬶ᭞ᬯ᭄ᬬᬓ᭄ᬢᬶᬫᬭᬕᬍᬯᬶᬄ᭞ᬫᬗ᭄ᬤᬵᬲᬶᬤ᭄ᬥᬫᬗ᭄ᬕᬶᬄ
ᬳᬬᬸ᭞ᬗᬲ᭄ᬢᬶᬢᬶᬗᬺᬜ᭄ᬘᬦ᭞ᬗᬸᬧ᭄ᬢᬶᬦᬾᬦᬾᬍᬯᬶᬄ᭞ᬲᬶᬤᬧᬗ᭄ᬕᬸᬄ᭞ᬧᬸᬦᬶᬓᬦᬾᬓᬓᬸᬩ᭄ᬤᬬᬂ᭟᭐ᬳᬶᬤ᭄ᬯᬕᬸᬂᬧᬸᬢᬸᬫᬦᬶᬫ᭄ᬩᬮ᭄᭞ᬳᬶᬭᬢ᭄ᬯᬄ
ᬫᬫᬶᬲᬶᬗ᭄ᬕᬶᬄ᭞ᬢᬸᬫᬸᬮᬶᬫᬮᬶᬄᬫᬫᬃᬕ᭄ᬕ᭞ᬗᭀᬚᭀᬕ᭄ᬳᬮᬲ᭄ᬫᬶᬯᬄᬯᬸᬓᬶᬃ᭞ᬲᬶᬂᬧᬦ᭄ᬢᭂᬲ᭄ᬦᭀᬗᭀᬲ᭄ᬤᬶᬦᬶ᭞ᬲᬫ᭄ᬧᬸᬦ᭄ᬓᭀᬲᬫᬶᬓᬧᬗ᭄ᬕᬸᬄ᭞ᬢ᭄ᬯ
ᬭᬗᭂᬮᬄᬲᬗ᭄ᬲᬬᬵ᭞ᬫᬲᬶᬄᬳᬶᬤᬢᬦ᭄ᬓᬧᬗ᭄ᬕᬶᬄ᭞ᬤᬤᬶᬍᬲᬸ᭞ᬓᭂᬘᬸᬤ᭄ᬩᬦ᭄ᬚᭀᬳᬾᬫᬫᬃᬕ᭄ᬕ᭟᭐ᬧᬭᭀᬲ᭄‌ᬬᬾᬦ᭄ᬓᬾᬦᬾᬭᬲᬦ᭄ᬜᬵ᭞ᬳᬶ
[᭒᭑ 21A]
ᬮᬂ᭞ᬧᭂᬲᬸᬯᬦ᭄ᬭᬭᬶᬲ᭄ᬫᬯᭀᬲᬶᬦ᭄᭞ᬲᬫ᭄ᬧᬸᬦ᭄ᬲᬫᬶᬓᬧᬶᬦᭂᬳᬶᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬧ᭄ᬭᬫᬗ᭄ᬓᬶᬦ᭄᭞ᬳᭂᬲ᭄ᬫᬘᭂᬧᭀᬮ᭄ᬤᬤᬶᬓᬦ᭄ᬢᬸ᭞
ᬳᬶᬧᬭᭀᬲ᭄ᬬᬫᬓᭂᬲ᭄ᬬᬩ᭄᭞ᬚᭂᬚᭂᬳᬾᬫᬤᬸᬮᬸᬭᬦ᭄ᬳᭂᬮᬶᬂ᭞ᬲᬫ᭄ᬩᬶᬮ᭄ᬫᬢᬸᬃ᭞ᬳᬢᬸᬭᬾᬭᬢᬸᬳᬾᬮᬶᬗᬂ᭟᭐ᬧᬕᭂᬳᬂᬫᬗᬫᭀᬂ
ᬬᬸᬱᬵ᭞ᬳᭂᬤᬵᬭᬢᬸᬫᬗᬸᬮᬸᬭᬶᬦ᭄᭞ᬳᬸᬮᬗᬸᬦᬾᬩᭂᬲ᭄ᬢᭂᬍᬩᬂ᭞ᬦᬶᬓᬗᬯᭂᬢ᭄ᬬᬂᬲᭂᬤᬶᬄ᭞ᬳᬯᬶᬦᬦ᭄ᬓᬤᬶᬫᬗ᭄ᬓᬶᬦ᭄᭞ᬤᬤᭀᬲ᭄ᬧ
ᬜᬸᬗ᭄ᬓᬦ᭄ᬤᬾᬯᬵᬕᬸᬂ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬩᬸᬫᬭᬵ᭞ᬫᬗ᭄ᬭᬲᬭᬲᬤᬶᬳᬢᬶ᭞ᬓᬧᬶᬳᬸᬗᬸ᭞ᬲᬶᬤ᭄ᬥᬫᬗ᭄ᬕᬸᬳᬂᬓᬭᬳᬚ᭄ᬗᬦ᭄᭟᭐ᬧᬸᬦᬶᬓᬲᬦᬾ [ 22 ][᭒᭑ 21B]
᭒᭑
ᬫᬢᬸᬃᬜᭂᬫ᭄ᬩᬄ᭞ᬲᬶᬕ᭄ᬲᬶᬕᬦ᭄ᬢᬸᬃᬤᬶᬬᬶᬲ᭄ᬤᬶᬬᬶᬲ᭄᭞ᬗᭂᬢᭀᬃᬫᬲᬯᬂᬗ᭄ᬮᬶᬂ᭞ᬳᬶᬗ᭄ᬕᬶᬄᬭᬢᬸᬤᬾᬯᬵᬕᬸᬂ᭞ᬳᬶᬮᬢ᭄ᬣᬵᬤᬦᬾᬳᬸᬘᬮ᭄᭞ᬲᬸᬯᬸᬂ
ᬢᬦ᭄ᬯᬾᬦ᭄ᬢᭂᬦ᭄ᬳᬶᬭᬶᬓᬶ᭞ᬤᬤᬶᬕᭂᬮᬸ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬵᬗᭂᬮᬶᬲᬂ᭟᭐ᬳᬸᬮᬶᬫ᭄ᬢᬾᬦ᭄ᬳᬶᬤᬵᬦᭂᬭᬚᬂ᭞ᬭᬭᬶᬲ᭄ᬫᬘᭂᬍᬧ᭄ᬓᬮᭀᬚᬶ᭞ᬓᬘᬶᬗᬓ᭄
ᬲᬫ᭄ᬧᬸᬦ᭄ᬲᭂᬧᬶᬕᬮᬂ᭞ᬢᬦᬶᬓᬮᬸᬂᬦᬂᬳᬩ᭄ᬱᬶᬓ᭄᭞ᬕᬍᬗᬾᬮᬯᬸᬢᬂᬳᬫ᭄ᬩᬶᬮ᭄᭞ᬓᬲᬸᬭᬾᬳᭂᬦ᭄ᬢᬸᬗᬂᬧᭂᬲᬸ᭞ᬭᬶᬂᬦᬢᬳᬾᬫ
ᬲᬄᬲᬄ᭞ᬮᬗ᭄ᬱᬾᬦᬾᬳᬫ᭄ᬧᬶᬕᬂᬫᬮᬶᬄ᭞ᬮᬯᬸᬢ᭄ᬱᬾᬢ᭄ᬱᬾᬢ᭄᭞ᬤᬤᬶᬳᬤᬗᭂᬦᬄᬲᬹᬭᬢ᭄᭟᭐ᬳᬫ᭄ᬩᬶᬮ᭄‌ᬲᬹᬭᬢᬾᬳᬾᬗ᭄ᬕᭂ
[᭒᭒ 22A]
ᬳᬭᬂᬚᬵᬢᬶᬢ᭄ᬬᬂᬳᬶᬭᬶᬓᬶ᭞ᬲᬸᬭᬢᬾᬧ᭄ᬭᬫᬗ᭄ᬓᬶᬦ᭄᭞ᬕ᭄ᬦᬳᬂᬭᬶᬂᬩᬢᬦ᭄ᬓᬲᬸᬃ᭞ᬯ᭄ᬗᬶᬦᬾᬭᬭᬶᬲ᭄ᬳᬶᬮᬂ᭞ᬢᬦ᭄ᬯᬾᬦ᭄ᬢᭂᬦ᭄‌ᬚᬵᬳᬦᬓ᭄ᬳᬸ
ᬦᬶᬂ᭞ᬭᬭᬶᬲ᭄ᬳᬶᬤᬫᬋᬓ᭄ᬫᬗᭀᬚᭀᬕ᭄‌ᬲ᭄ᬯᬃᬕ᭄ᬕᬦ᭄᭟᭐ᬢᬦ᭄ᬘᬭᬶᬢᬭᬶᬂᬲ᭄ᬯᬃᬕ᭄ᬕᬦ᭄᭞ᬓᭀᬘᬧ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲ᭄ᬫᭂᬗᬦ᭄ᬫᬢᬗᬶᬫ᭄ᬥ
ᬮ᭄᭞ᬕᬸᬲ᭄ᬢᬶᬦ᭄ᬢᬾᬫᬓᬓᬵᬮᬶᬄ᭞ᬜᬕ᭄ᬚᬕ᭄ᬭᬭᬶᬲ᭄ᬓᬮᭀᬚᬶ᭞ᬓᭂᬦᭂᬳᬾᬧᬘᬂᬫᬳᬢᬸᬃ᭞ᬤᬧᭂᬢᬂᬲᬸᬯᬸᬂᬳᬶᬮᬂ᭞ᬕᬸᬲ᭄ᬢᬶᬗᬶᬦ᭄ᬢᬾᬓ
ᬮᬶᬄᬜ᭄ᬚ᭄ᬭᬶᬢ᭄᭞ᬲ᭄ᬥᬶᬄᬗᬸᬮᬸᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬗᬦ᭄ᬤᬶᬓᬵ᭟᭐ᬗᬶᬦ᭄ᬢᬾᬓᭂᬦᬧᬮᬳᬤᬦ᭄ᬜ᭞ᬤᬤᬶᬜᬳᬶᬗᬶᬦ᭄ᬢᬾᬗ᭄ᬮᬶᬂ᭞ᬕᬸᬲ᭄ᬢᬶᬗᬶᬦ᭄ᬢᬾ [ 23 ][᭒᭒ 22B]
᭒᭒
ᬧᬗᭂᬦᬦ᭄ᬓᬮᬶᬄ᭞ᬧᬗ᭄ᬭᬯᭀᬲᬾᬫᬸᬗ᭄ᬕ᭄ᬯᬶᬂᬓᬬᬸᬦ᭄᭞ᬲᬶᬂᬧᬦ᭄ᬢᭂᬲ᭄ᬢ᭄ᬯᬭᬲᬬᬂ᭞ᬕᭀᬩᬜᬦ᭄ᬤᬂᬧ᭄ᬭᬫᬶᬰ᭄ᬯᬭᬶ᭞ᬫᬗ᭄ᬓᬶᬦ᭄ᬳᬸᬯᬸᬕ᭄᭞ᬲᬸᬯᬸᬂᬳᬶ
ᬮᬢ᭄ᬣᬵᬫᬢᬸᬮᬓ᭄᭟᭐ᬮᬯᬸᬢ᭄ᬫᬗᭀᬚᭀᬕ᭄ᬫᬸᬮᬶᬳ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬵᬜᬋᬗᬶᬦ᭄᭞ᬳᬶᬮᬢ᭄ᬣᬵᬗ᭄ᬮᬾᬲᬂᬧᬬᬲ᭄᭞ᬗᬫ᭄ᬩᬶᬮᭀᬦ᭄ᬢᬃ
ᬭᬭᬶᬲ᭄ᬦᬸᬮᬶᬲ᭄᭞ᬬᬜ᭄ᬘᬭᬶᬢᬭᬶᬂᬢᬸᬮᬶᬲ᭄᭞ᬳᬶᬗ᭄ᬕᬶᬄᬭᬢᬸᬩ᭄ᬮᬶᬳᬕᬸᬂ᭞ᬩ᭄ᬮᬶᬫᬦ᭄ᬢ᭄ᬭᬶᬓᭀᬭᬶᬧᬦ᭄᭞ᬢᬶᬢ᭄ᬬᬂᬲᬧᬶᬲᬦᬦ᭄ᬫᬧᬫᬶᬢ᭄᭞
ᬩ᭄ᬮᬶᬳᬕᬸᬂ᭞ᬳᬶᬭᬶᬓᬶᬩ᭄ᬮᬶᬧᬕᭂᬳᬂ᭟᭐ᬢᬶᬢ᭄ᬬᬂᬗ᭄ᬮᬮᬸᬗᬸᬢᬂᬳᬯᬓ᭄᭞ᬬᬤᬶᬦ᭄ᬫᬗᭂᬫᬲᬶᬦ᭄ᬫᬢᬶ᭞ᬯ᭄ᬬᬓ᭄ᬢᬶᬢᬶᬢ᭄ᬬᬂᬧᬸᬢ᭄ᬭᬶᬂᬤᭂᬳᬵ᭞
[᭒᭓ 23A]
ᬧᭂᬲᬸ᭞ᬲ᭄ᬥᬶᬄᬩᬦᬾᬫᬶᬕᭂᬮᬦ᭄᭞ᬕᬕᬫᭂᬮᬦ᭄ᬦᬩᬸᬄᬲᬫᬶ᭞ᬫᬗ᭄ᬓᬶᬦ᭄ᬧᭂᬲᬸ᭞ᬳᬶᬮᬢ᭄ᬣᬵᬗᭀᬚᭀᬕ᭄ᬯᬦ᭄ᬢᬶᬮᬦ᭄᭟᭐ᬲᬫ᭄ᬧᬸ
ᬦ᭄ᬭᬯᬸᬄᬭᬶᬂᬯᬦ᭄ᬢᬶᬮᬦ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬳᬸᬫᬶᬚᬶᬮ᭄᭞ᬗᬤᭂᬕ᭄ᬳᬶᬤᬫᬘᬘᬶᬗᬓ᭄᭞ᬳᬶᬮᬢ᭄ᬣᬵᬓᬗᭂᬦ᭄ᬭᬶᬂᬳᬢᬶ᭞ᬳᬓᬸᬤᬚᭂᬗᬄ
ᬢᬢᬓᬶᬦ᭄᭞ᬩᬸᬫᬭᬵᬤᬲ᭄ᬗᬶᬕᭂᬮ᭄ᬩᬗᬸᬦ᭄᭞ᬤᬤ᭄ᬬᬦ᭄ᬜᬲᬶᬬᭂᬧᬶᬲᬦ᭄᭞ᬕᬕᬫᭂᬮᬦᬾᬧ᭄ᬭᬚᬦᬶ᭞ᬦᬾᬗᬫᭂᬮᬂ᭞ᬓᬗᭂᬦ᭄ᬫᬦᬳᬾ
ᬓᬮᬶᬦ᭄ᬢᬂ᭟᭐ᬕᬸᬦ᭄ᬢᬂᬕᬕᬫᭂᬮᬦ᭄ᬳᬶᬮᬂ᭞ᬫᬶᬯᬄᬦᬾᬫᬩᬮᬶᬄᬲᬫᬶ᭞ᬩᬸᬤᬮ᭄ᬩᬳᬦ᭄ᬓᬧᬶᬯ᭄ᬮᬲ᭄᭞ᬧ᭄ᬭᬭᬢᬸᬦᬾᬕᭂᬮᬸᬓᬶᬗ᭄ᬓᬶᬂ᭞ᬓᬗᭂᬦ᭄ᬫ [ 24 ][᭒᭓ 23B]
᭒᭓
ᬕᬸᬂᬧᬸᬢᬸᬗᭂᬲᬾᬗᬶᬦ᭄᭞ᬗᬧᬸᬃᬬ᭄ᬬᬂ᭞ᬧᬘᬂᬦᬾᬜᬦᬦ᭄ᬫᬶᬕᭂᬮᬦ᭄᭟᭐ᬳᬶᬤ᭄ᬯᬕᬸᬂᬧᬸᬢ᭄ᬭᬫᬶᬳᬃᬱ᭞ᬤᬸᬓᬦᬾᬢᬦ᭄ᬲᬶᬧᬶᬲᬶ
ᬧᬶ᭞ᬗ᭄ᬭᬭᬶᬲ᭄ᬳᬶᬤᬫᬓᬵᬃᬬ᭄ᬬ᭞ᬲᬸᬭᬢ᭄ᬧᬲ᭄ᬯᬭᬵᬫᬜᬶᬮᬶᬩ᭄᭞ᬓᬢᬸᬃᬭᬶᬂᬧ᭄ᬭᬭᬢᬸᬲᬫᬶ᭞ᬓᭂᬦᬶᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬢᭂᬥᬸᬦ᭄᭞ᬜᬶᬗᬓ᭄
ᬚᭀᬕᬾᬤ᭄ᬫᬶᬕᭂᬮᬦ᭄᭞ᬫᬓᬵᬤᬶᬧᬘᬂᬫᬗᬶᬜᬶᬂ᭞ᬬᬦ᭄ᬫᬫᬸᬭᬸᬕ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬦᬸᬓᬬᬂ᭟᭐ᬲᬧᬸᬦᬶᬓᬧᬶᬤᬕᬶᬗᬦ᭄᭞ᬲᬸᬭ
ᬢᬾᬓᬢᬸᬃᬧ᭄ᬭᬫᬗ᭄ᬓᬶᬦ᭄᭞ᬲᬫᬶᬧ᭄ᬭᬭᬢᬸᬦᬾᬪᭂᬗᭀᬂ᭞ᬳᬚᭂᬭᬶᬄᬧᬘᬂᬗᬶᬩᬶᬂ᭞ᬢᬦ᭄ᬓᭀᬘᬧᬦ᭄ᬦᬾᬚᬦᬶ᭞ᬳᬶᬮᬢ᭄ᬣᬵᬫᬧᬬᬲ᭄
[᭒᭔ 24A]
ᬫᬸᬜᬶᬦᬾᬳᬶᬧᬭᭀᬲ᭄᭞ᬳᬶᬤ᭄ᬯᬕᬸᬂᬫᬶᬮᬸᬦᬸᬂᬢᬸᬗᬶᬦ᭄᭞ᬚᬢᬶᬢ᭄ᬯᬄᬩᬸᬓᬓᬾᬢᭀ᭞ᬳᬶᬮᬢ᭄ᬣᬵᬕᭂᬮᬶᬲ᭄ᬜᬯᬸᬭᬶᬦ᭄᭞ᬢᬶ
ᬢ᭄ᬬᬂᬯᬦ᭄ᬢᬄᬯ᭄ᬯᬂᬢᬦᬶ᭞ᬗᬸᬤᬵᬢᬶᬢ᭄ᬬᬂᬗᬓᬸᬭᬢᬸ᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬢ᭄ᬭᬶᬤᭂᬳᬵ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬗᬯᭀᬦᬶᬦ᭄᭞ᬗᬧᬸᬃᬬ᭄ᬬᬂ᭞ᬓᭀ
ᬘᬧ᭄ᬦᬾᬩᬜ᭄ᬚᬂᬓᬓᬼᬘᬦ᭄᭟᭐ᬭᬭᬶᬲ᭄ᬳᬶᬤᬫᬓᬓᬼᬘᬦ᭄᭞ᬯ᭄ᬬᬓ᭄ᬢᬶᬳᬶᬤᬓᬯᭀᬦ᭄ᬓᬶᬤᬶᬓ᭄᭞ᬫᬗᬮᬶᬄᬤᬮᬶᬳᬦ᭄ᬫᬫᬺᬫ᭄᭞
ᬫᬗ᭄ᬓᬶᬦ᭄ᬳᬶᬤᬫᬗᭂᬭᬭᬶᬲ᭄᭞ᬭᬶᬂᬳᬶᬮᬢ᭄ᬣᬵᬦᬾᬫᬮᬶᬄ᭞ᬫᬲᬗ᭄ᬕ᭄ᬭᬳᬦ᭄ᬗᬮᬶᬄᬩᬬᬸ᭞ᬳᬶᬮᬢ᭄ᬣᬵᬬᬓᭂᬲᬾᬗᬦ᭄᭞ᬳᬶᬤ᭄ᬯ [ 25 ][᭒᭔ 24B]
᭒᭔
ᬳᬶᬲᬸᬩᬗᬶᬕᭂᬮ᭄᭞ᬳᬤᬧ᭄ᬭᬭᬢᬸᬫᬗᬶᬩᬶᬂ᭞ᬳ᭄ᬬᬂᬢᬸᬯᬄᬫᬗᭂᬦᭂᬳᬶᬦ᭄᭞ᬳᬯᬓ᭄ᬜᬳᬶᬦᬾᬩᭂᬦ᭄ᬢᬸᬳᬸᬄ᭞ᬬᬤᬶᬦ᭄ᬫᬯᬦᬦ᭄ᬭᬸᬲ
ᬓ᭄᭞ᬓᬾᬢᭀᬮᬢ᭄ᬣᬵᬚᬧᬶᬦᭂᬳᬶᬦ᭄᭞ᬳᬧᬂᬧᬢᬸᬢ᭄᭞ᬳᭂᬤᬮᬢ᭄ᬣᬵᬦᬸᬫᬗᬸᬩ᭄ᬤᬵ᭟᭐ᬳᬶᬫᬭᭀᬲ᭄ᬫᬶᬮᬸᬗ᭄ᬮᬦ᭄ᬢᬸᬭᬂ᭞ᬫᬸᬜᬶ
ᬦᬾᬫᬗᬲᬶᬳᬲᬶᬄ᭞ᬜᬾᬦ᭄ᬲᬬᬂᬤᬾᬯᬦ᭄ᬢᬶᬢ᭄ᬬᬂ᭞ᬜᬾᬦ᭄ᬚᬵᬓᬭᬶᬜᬗ᭄ᬰᬬᬳᬶᬦ᭄᭞ᬳᬶᬭᬢᬸᬦᬶᬢᬄᬲᬫᬶ᭞ᬲᬶᬦᬳᬂᬭᬢᬸ
ᬫᬲ᭄ᬳᬬᬸ᭞ᬲᬫ᭄ᬧᬸᬦᬂᬚᬫᬗᬸᬩ᭄ᬤᬬᬂ᭞ᬫᬜ᭄ᬚᬓᬂᬚᬕᬢᬾᬲᬫᬶ᭞ᬳᬧᬦ᭄ᬭᬢᬸ᭞ᬫᬸᬮᬵᬫᬓᬢ᭄ᬥᬸᬂᬚᬕᬢ᭄᭟᭐ᬓᬾᬢᭀ
[᭒᭕ 25A]
ᬤᬦ᭄ᬫᬦ᭄ᬢ᭄ᬭᬶ᭞ᬘᭀᬓᭀᬃᬤᬾᬯᬫ᭄ᬭᬶᬓᬶ᭞ᬜᬶᬗᬓ᭄ᬢᬶᬢ᭄ᬬᬂᬚᬦ᭄ᬫᬵᬓᬶᬫᬸᬤ᭄᭞ᬦ᭄ᬭᬓᬵᬲᬸᬤ᭄ᬭᬵᬢᬸᬃᬦᬶᬱ᭄ᬝ᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬭᬯᬸᬳᬶᬦ᭄᭞ᬳᬶ
ᬤ᭄ᬯᬕᬸᬂᬧᬸᬢ᭄ᬭᬵ᭞ᬳᬶᬤᬗᬦ᭄ᬤᬶᬓᬫᬦᬶᬫ᭄ᬩᬮ᭄᭟᭐ᬦ᭄ᬢᭀᬳᬧᬦᬾᬧᬩᬳᬦᬂᬳ᭄ᬬᬂ᭞ᬬᬾᬦ᭄ᬓᬾᬢᭀᬮᬢ᭄ᬣᬵᬦᬾᬚᬦᬶ᭞ᬓ᭄ᬭᬦᬳ᭄ᬬᬂᬫᬳᬶᬢᭂ
ᬓᬵ᭞ᬦ᭄ᬮᭀᬓᬶᬦ᭄ᬮᬢ᭄ᬣᬵᬫᭂᬭᬶᬓᬶ᭞ᬳᬤᬳᭀᬃᬣᬦᬾᬲᬚᬢᬶ᭞ᬮᬢ᭄ᬣᬵᬧᬘᬂᬗᬶᬕᭂᬮ᭄ᬧᭂᬲᬸ᭞ᬤᬶᬢᬸᬤᬶᬢᭂᬗᬄᬯᬦ᭄ᬢᬶᬮᬦ᭄᭞ᬧᬗ᭄ᬭᬯᭀ
ᬲ᭄ᬳᬶᬤᬳᬶᬩ᭄ᬮᬶ᭞ᬫᬓᬵᬤᬶᬦ᭄ᬜ᭞ᬳᬶᬮᬶᬫ᭄ᬩᬸᬃᬚᬵᬫᬗᬯᬾᬦᬂ᭟᭐ᬳᭂᬦᬾᬳᬶᬬᬂᬫᬗᭀᬭᬳᬂ᭞ᬧᬶᬢᬺᬱ᭄ᬡᬦ᭄‌ᬳ᭄ᬬᬗᬾᬢ᭄ᬓᬾᬦ᭄ᬜᬳᬶ᭞ᬬᬾᬦᬶᬂᬜ [ 26 ][᭒᭕ 25B]
᭒᭕
ᬧᬸᬢ᭄ᬭᬫᬓᬬᬸᬦ᭄᭞ᬳᬶᬮᬢ᭄ᬣᬵᬓᬳᬸᬘᬧᬂ᭞ᬤᬦᬾᬲᬫ᭄ᬧᬸᬦ᭄ᬓᬶᬘᬾᬦ᭄ᬫᬸᬮᬶᬄ᭞ᬭᬭᬶᬲ᭄ᬳᬶᬤ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬭᬶᬓᬵ᭟᭐ᬧᬫᬃᬕ᭄ᬕᬶ
ᬦᬾᬕᬕᬜ᭄ᬘᬗᬦ᭄᭞ᬫᬳᬶᬭᬶᬗᬦ᭄ᬢᬸᬯᬄᬳᬲᬶᬓᬶ᭞ᬫᬯᬲ᭄ᬢᬵᬳᬶᬧᬸᬦ᭄ᬳᬶᬧᬭᭀᬲ᭄᭞ᬩᬯᬸᬤ᭄ᬳᬾᬢᬾᬄᬤᬸᬗ᭄ᬓᬮ᭄ᬤᬸᬗ᭄ᬓᬶᬮ᭄᭞ᬧᬲ᭄ᬢᭂᬲ᭄
ᬧᬋᬓᬦ᭄ᬘᭂᬦᬶᬓ᭄᭞ᬦᬶᬓᬸᬮ᭄ᬧᬘᬦᬗᬦ᭄ᬓᬫ᭄ᬧᬸᬄ᭞ᬲᬫ᭄ᬧᬸᬦ᭄ᬭᬯᬸᬄᬳᬶᬭᬶᬓ᭞ᬳᬶᬮᬢ᭄ᬣᬵᬤᬦᬾᬫᬮᬶᬗ᭄ᬕᬶᬄ᭞ᬭᬭᬶᬲ᭄ᬢᭂᬤᬸᬦ᭄᭞ᬕᬸ
ᬲ᭄ᬢᬶᬗᬶᬦ᭄ᬢᬾᬫᬲᬋᬗᬦ᭄᭟᭐ᬫᬢᬸᬃᬳᬶᬮᬢ᭄ᬣᬵᬫᬜᭂᬫ᭄ᬩᬄ᭞ᬫᭂᬧᭂᬲ᭄ᬧᬢᬗᬦ᭄ᬳᬲ᭄ᬭᬶ᭞ᬳᬢᬸᬭᬾᬳᬫ᭄ᬮᬤ᭄ᬧ᭄ᬭᬡᬵ᭞ᬤᬸᬄᬭᬢᬸᬭᬳ᭞
[᭒᭖ 26A]
ᬫᬗ᭄ᬤᬵᬳᬶᬤᬲᬫᬶᬭᬯᬸᬄ᭞ᬓᬤᭂᬳᬵᬳᬶᬤᬫᬓᬼᬘᬦ᭄᭚᭐᭚ᬰᬶ᭚᭐᭚ᬓᭀᬘᬧᭂᬦ᭄ᬲᬫ᭄ᬧᬸᬦ᭄ᬦᬧᬓ᭄᭞ᬭᬯᬸᬄᬧ᭄ᬭᬭᬢᬸ
ᬦᬾᬲᬫᬶ᭞ᬕᬕ᭄ᬮᬂᬮᬦ᭄‌ᬲᬶᬗ᭄ᬳᬲᬃᬬ᭄ᬬ᭞ᬧᬚᬭᬓᬦᬾᬫᬓᬵᬤᬶ᭞ᬕ᭄ᬭᬲᬶᬓ᭄ᬫᬶᬯᬄᬢᬸᬫ᭄ᬧᬶᬓ᭄᭞ᬧᬳᭀᬦᬳᭀᬦᬦ᭄ᬢᬦ᭄ᬓᬦ᭄ᬢᬸᬦ᭄᭞
ᬳᬶᬤ᭄ᬯᬕᬸᬂᬧᬸᬢ᭄ᬭᬓᭀᬭᬶᬧᬦ᭄᭞ᬳᬶᬤᬲᬫ᭄ᬧᬸᬦ᭄ᬗᬭᬶᬳᬶᬦᬶᬦ᭄᭞ᬓᬬᬸᬦ᭄ᬳᬶᬤᬯᬦ᭄ᬢᬄᬗᬺᬋᬄᬳᬶᬮᬢ᭄ᬣᬵ᭟ᬤᬾᬦᬶᬂᬢᬦ᭄ᬤᬤᭀᬲᬭ᭄ᬯᬂ᭞
ᬳᬶᬮᬢ᭄ᬣᬵᬧᬶᬲᬦ᭄ᬓᬳᬾᬱ᭄ᬝᬶ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬢᬮᬃᬫᭂᬮᬄ᭞ᬓᬓᬼᬘᬦᬾᬦᬸᬮᬸᬭᬶᬦ᭄᭞ᬜᬭᬸᬯᬂᬧᬂᬤᬤᬶᬲᬶᬗᬶᬤ᭄᭞ᬳᬶᬤ᭄ᬯᬕᬸᬂ [ 27 ][᭒᭖ 26B]
᭒᭖
ᬳᬬᬸᬦᬾᬫᬗᭀᬜᬂᬗᭀᬜᬂ᭞ᬤᬸᬯᭂᬕ᭄ᬫᬦᬗ᭄ᬓᭂᬧᬂᬧᬬᬲ᭄᭞ᬳᬲᬶᬦ᭄ᬲᬶᬂᬗᬩᭂᬢᬂᬮᬸᬳᬸᬂ᭞ᬮᬶᬃᬕᬶᬮᭀᬳᬾᬫᬯᬦᬶᬫ᭄ᬩ
ᬮ᭄᭟᭐ᬦᬄᬩᬋᬂᬤᬵᬫᬜᬶᬭᬶᬕᬶᬦ᭄᭞ᬢᬸᬫᬸᬮᬶᬳᬳᬲ᭄‌ᬲᬧᬶᬲᬦ᭄᭞ᬳᬶᬮᬶᬃᬕᬶᬮᭀᬮᬦ᭄ᬳᬾᬃᬫᬯᬵ᭞ᬦᬾᬫᬓᬘᬓ
ᬦ᭄ᬭᬶᬂᬦᬢᬄ᭞ᬬᬦ᭄ᬲᬯᬗᬂᬓᬤᬶᬢᬶᬮᬫ᭄᭞ᬢᬸᬜ᭄ᬚᬸᬗᬾᬭᬶᬂᬢ᭄ᬮᬕᬦᬾᬳᬸᬮᬸᬂ᭞ᬳᬸᬮᬸᬂᬳᬶᬧᬸᬦ᭄ᬳᬫᬄᬳᬸᬮᬫ᭄᭟᭐ᬳᬶᬮᬢ᭄ᬣᬵ
ᬤᬦᬾᬯᬸᬲ᭄ᬩᭂᬘᬶᬓ᭄᭞ᬲ᭄ᬕᭂᬃᬚᬢᬶᬓᬤᬶᬓᬸᬦᬵ᭞ᬳᬶᬤ᭄ᬯᬕᬸᬂᬧᬸᬢᬸᬓᭀᬘᬧᬾ᭞ᬫᬧᬸᬢᬸᬲᬦ᭄ᬮᬸᬗᬗᬸᬦ᭄ᬤᬂ᭞ᬧᬭᬭᬢᬸᬦᬾᬲᬫ᭄ᬬᬦ᭄᭞
[᭒᭗ 27A]
ᬩᬄ᭞ᬘᬵᬫ᭄ᬧᬓᬭᬶᬂᬓᬃᬡ᭄ᬦᬦᬾ᭞ᬚᭂᬫ᭄ᬧᬶᬭᬶᬗᬾᬓᬘᬸᬦ᭄ᬤᬸᬓᬂ᭞ᬬᬤᬶᬦ᭄ᬯᬾᬦ᭄ᬢᭂᬦ᭄ᬮ᭄ᬬᬦᬦ᭄᭞ᬩᬸᬯᬶᬦ᭄ᬳᬶᬬᬳᬶᬮᬶᬃᬕᬶᬮᭀ᭞
ᬳᬾᬃᬫᬯᬦᬾᬩᬋᬂᬲᭂᬦ᭄ᬥᬸ᭞ᬢᬸᬜ᭄ᬚᬸᬗᬾᬫᬓᬯᬸᬓᬦ᭄᭟᭐ᬢᬸᬮᬶᬲ᭄ᬮᬕᬦᬾᬬᬫᬜ᭄ᬚ᭄ᬭᬶᬢ᭄᭞ᬫᬫᬸᬜᬶᬫᬗᭂᬢᬸᬲ᭄ᬫᬦᬄ᭞
ᬗᬲᬶᬳᬲᬶᬄᬲᬲᬫ᭄ᬩᬢᬾ᭞ᬤᬸᬄᬮᬶᬃᬕᬶᬮᭀᬮᬦ᭄ᬳᬾᬃᬫᬯ᭞ᬳᭂᬦᬾᬢᬶᬗ᭄ᬳᬮᬶᬦ᭄᭞ᬢ᭄ᬯᬭᬩᬸᬳᬸᬂᬤᬤᬶᬮᬫ᭄ᬧᬸᬲ᭄᭞ᬫᬶ
ᬲᬤ᭄ᬬᬧᬘᬂᬫᬲᬢ᭄ᬬᬵ᭟᭐ᬳᬧᬢᭀᬮᬶᬄᬳ᭄ᬬᬂᬦᬸᬳᬸᬭᬶᬧ᭄᭞ᬲᬶᬂᬳᬤᬳᬶᬬᬫᬗᬶᬗᭂᬢᬂ᭞ᬲᬶᬂᬳᬤᬳᬫ᭄ᬩᬸᬮ᭄ᬳᬶᬤᬦᬾ᭞ [ 28 ][᭒᭗ 27B]
᭒᭗
ᬲᬸᬩᬳᬸᬮᬸᬂ᭞ᬲᬶᬂᬳᬤᬧᬘᬂᬫᬗᬸᬩᬄ᭟᭐ᬘᭂᬫ᭄ᬧᬓᬮᬯᬦ᭄ᬚᭂᬫ᭄ᬧᬶᬭᬶᬂ᭞ᬚᭂᬧᬸᬦ᭄ᬕᬥᬸᬂᬓᬲ᭄ᬢᬸᬃᬬ᭄ᬬ᭞ᬢᭀᬧᬤᬮᬬᬸᬩᬸᬗ᭄ᬳᬦᬾ᭞
ᬲ᭄ᬥᬶᬄᬫᬶᬭᬶᬩ᭄ᬫᬲᬲᬫ᭄ᬩᬢᬦ᭄᭞ᬫᬜᭂᬮ᭄ᬲᭂᬮ᭄ᬳᬯᬓ᭄ᬢᬦ᭄ᬧᭂᬕᬢ᭄᭞ᬫᬫᬸᬜᬶᬓᬯ᭄ᬮᬲ᭄‌ᬬᬸᬦ᭄᭞ᬳᭂᬜᬾᬦ᭄ᬓᭀᬚᬦᬶᬫᬸᬗᬬᬂ᭟᭐
ᬩᬸᬗᬦ᭄ᬢ᭄ᬬᬗᬾᬧᬸᬦᬶᬓᬶ᭞ᬓ᭄ᬭᬦᬢ᭄ᬬᬂᬫᬗᭂᬮᬶᬲᬂ᭞ᬗᭂᬫ᭄ᬩᬗᬂᬫᬶᬯᬄᬫᬶᬳᬶᬓᬾ᭞ᬫᬘᬤᬂᬧᬘᬂᬗᬢᬸᬭᬂ᭞ᬓᬮᬶᬄᬢᬶᬢ᭄ᬬᬂᬫᬭ
ᬲᬧᬶᬲᬦ᭄᭞ᬫᬮᬚᬄᬫᬩᬸᬗ᭄ᬳᬳᬭᬸᬫ᭄᭞ᬫᬗ᭄ᬓᬶᬦ᭄ᬢᬦ᭄ᬯᬾᬦ᭄ᬢᭂᬦ᭄ᬓᬃᬬ᭄ᬬᬦ᭟᭐ᬢ᭄ᬯᬭᬳᬤᬵᬗᬗ᭄ᬕᬾᬦ᭄ᬱ᭄ᬫᬶ᭞ᬫᬲᬡ᭄ᬥᬶᬂᬚᭂᬧᬸᬦ᭄ᬫᬕᬸ
[᭒᭘ 28A]
ᬗᬂᬩᬸᬓᬗ᭄ᬭᬯᭀᬲᬂ᭞ᬳᭂᬫ᭄ᬩᭀᬓ᭄ᬢ᭄ᬬᬂᬳᬶᬩᬸᬓ᭄ᬧᬶᬲᬦ᭄᭞ᬓᭂᬦᭂᬄᬢ᭄ᬬᬂᬧᬶᬲᬦ᭄ᬦᬸᬢᬸᬕ᭄᭞ᬳᬯᬦᬦ᭄ᬢᬶᬬᬂᬗᬸᬮᬸᬗᬂ᭟᭐ᬩᬸᬗ᭄ᬳᬦ᭄ᬢ᭄ᬬ
ᬗᬾᬧ᭄ᬭᬫᬗ᭄ᬓᬶᬦ᭄᭞ᬲᬶᬂᬳᬤᬧᬘᬂᬗᭂᬫ᭄ᬧᭀᬮᬂ᭞ᬧ᭄ᬭᬚ᭄ᬜᬦ᭄‌ᬳᬫ᭄ᬩᬸᬮ᭄ᬳᬶᬤᬦᬾ᭞ᬗᬸᬦ᭄ᬥᬸᬓᬂᬫᬦᬸᬲᬸᬓ᭄ᬱ᭄ᬓᬃ᭞ᬬᬤ᭄ᬬᬲ᭄ᬜᬫᬜᭂᬓᬭᬂ᭞
ᬬᬦ᭄ᬢᬦ᭄ᬳᬶᬤᬵᬢ᭄ᬬᬂᬳᬶᬩᬸᬓ᭄᭞ᬬᬦ᭄ᬲᬫ᭄ᬧᬸᬦ᭄ᬳᬶᬤᬢ᭄ᬬᬂᬍᬕᬵ᭟᭐ᬳᬶᬲᬦ᭄ᬤᬢ᭄‌ᬬᬫᬜᬯᬸᬭᬶᬦ᭄᭞ᬋᬫ᭄ᬧᬸᬄᬫᬦᬶᬲ᭄ᬫᬳᭀᬫ᭄ᬩ
ᬓᬦ᭄᭞ᬤᬸᬄᬓ᭄ᬯᬦ᭄ᬢᬵᬲᬶᬂᬓᬩᬶᬦᬦᬾ᭞ᬳᭂᬫ᭄ᬩᭀᬓ᭄ᬮᬶᬯᬢ᭄ᬢᬦᬶᬩᬕ᭄ᬬ᭞ᬢᭀᬩᬸᬗ᭄ᬳᬦ᭄‌ᬫ᭄ᬩᭀᬓᬾᬫᬓᭂᬚᬂ᭞ᬓᬸᬢᬂᬳᭂᬫ᭄ᬩᭀᬓ᭄ [ 29 ][᭒᭘ 28B]
᭒᭘
ᬗ᭄ᬳᬗᭀᬤ᭄ᬥᬢᬧᬫᬗ᭄ᬓᬶᬦ᭄᭞ᬳᬶᬭᬶᬓᬭᬶᬂᬇᬦ᭄ᬤ᭄ᬭᬓᬶᬮᬵ᭞ᬕᬗ᭄ᬲᬃᬗᬶᬮᬶᬲ᭄ᬧᬫᬃᬕ᭄ᬕᬶᬦᬾ᭞ᬯᬸᬲᬫ᭄ᬧᬸᬦ᭄ᬭᬯᬸᬄᬭᬶᬂᬲ᭄ᬯᬃᬕ᭄ᬕᬦ᭄᭞ᬗᭂᬦᬄ
ᬲᬂᬫᬢᬧᬢᬶᬗ᭄ᬕᬃ᭞ᬫᬶᬭᬶᬩ᭄ᬳᬃᬘᬵᬳᭂᬫᬲ᭄ᬢᬸᬢᬸᬃ᭞ᬭᬭᬶᬲ᭄ᬱᬫᬶᬫᬚᬗ᭄ᬕᭂᬮᬦ᭄᭟᭐ᬓᬾᬢᭀᬳᬸᬧᬫᬶᬦ᭄ᬜᬯ᭄ᬬᬓ᭄ᬢᬶ᭞ᬫᬓᭂᬚᬂᬧ
ᬳᬤᬗᬦ᭄ᬢᭀᬲᬂ᭞ᬬᬦ᭄ᬲᬸᬩᬓᬦ᭄ᬢᭂᬦ᭄ᬮᬶᬡᬦᬾ᭞ᬫᬦᬄᬜᬧᬘᬂᬫᬯᭀᬲᬦ᭄᭞ᬢᬸᬫᬹᬢᬶᬧ᭄ᬭᬫᬲᬢ᭄ᬬ᭞ᬍᬕᭃᬳᬶᬥᭂᬧ᭄ᬜᬦᬾᬦᬸ
ᬢᬸᬕ᭄᭞ᬫᬮᬶᬄᬘᬭᬶᬢᬳᬶᬲ᭄ᬓᬃ᭟᭐ᬲᬮᬶᬬᬸᬦ᭄ᬩᬸᬗᬦᬾᬓᬶᬗ᭄ᬓᬶᬂ᭞ᬳᬲ᭄ᬳᬸᬮᬸᬂᬬᬭᬶᬂᬍᬫᬄ᭞ᬓ᭄ᬯᬦ᭄ᬢᬵᬮᬯᬦ᭄ᬲᬦ᭄ᬤᬢᬾ᭞ᬲᬯ
[᭒᭙ 29A]
ᬗ᭄ᬕᬵᬦ᭄ᬫᬦᬫ᭄ᬬᬸ᭞ᬳᬚᬓ᭄ᬲᬳᬶᬫᬲᬲᬸᬓᬦ᭄᭟᭐ᬤᬾᬦᬶᬂᬳᬓᬾᬄᬧᬤᬲ᭄ᬥᬶᬄ᭞ᬩᬸᬓᬲᬸᬦ᭄ᬤᬭᬶᬳᬗᬶᬦᬦ᭄᭞ᬳᭂᬮᬶᬗᬾᬕᬸᬫᬸ
ᬭᬸᬄᬳᬸᬫᭀᬂ᭞ᬫᬓᭂᬚᬂᬩᭂᬓᬸᬢ᭄ᬲᬶᬕ᭄ᬲᬶᬕᬦ᭄᭞ᬢ᭄ᬯᬭᬵᬗ᭄ᬮᬄᬲᬸᬫᬗ᭄ᬰᬬ᭞ᬧᬘᬂᬫᬜᬢ᭄ᬬᬦᬶᬲ᭄ᬮᬫ᭄ᬧᬸᬲ᭄᭞ᬬᬾᬦ᭄ᬲᬶᬄᬤ
ᬦᬾᬲᬫ᭄ᬧᬸᬦ᭄ᬮᬶᬦᬵ᭟᭐ᬮᬯᬸᬢ᭄ᬳᬶᬬᬫᭂᬲᬾᬄᬧ᭄ᬭᬚᬦᬶ᭞ᬯᬲ᭄ᬢ᭄ᬭᬦᬾᬲᬫᬶᬗ᭄ᬭᬜᬩ᭄᭞ᬲᬭ᭄ᬯᬵᬧᬸᬢᬶᬄᬧᬗᬗ᭄ᬕᭀᬦᬾ᭞ᬫ
ᬚᬮᬦ᭄ᬮᬯᬸᬢ᭄ᬗᬧᬸᬃᬬ᭄ᬬᬂ᭞ᬧᬤᬬᬫᬤᬦ᭄ᬤᬦ᭄ᬮᬶᬫᬵ᭞ᬫᬕᭀᬮᬾᬭᬦ᭄ᬢᬸᬳᬸᬳᬮᬸᬲ᭄᭞ᬬᬦ᭄ᬲᬯᬗᬂᬯᬶᬤ᭄ᬬᬥᬃᬬ᭄ᬬ᭟᭐ᬮᬸ [ 30 ][᭒᭙ 29B]
᭒᭙
ᬦᬾᬫᬶᬳᬶᬓ᭄ᬳᬗ᭄ᬕᭀᬦ᭄᭞ᬩ᭄ᬓᭂᬮᬾᬩᬸᬩᬸᬄᬧᬶᬭᬢ᭄ᬣᬵ᭞ᬳᭂᬦ᭄ᬢᭀᬧᬶᬲᬦ᭄‌ᬤᬵᬗᭂᬗ᭄ᬲᬧᬂ᭞ᬓᬾᬢᭀᬫᬸᬜᬶᬦᬾᬫᬗᬦ᭄ᬢᬸᬦ᭄᭞ᬲᬶᬂᬫᬦᬶᬗᭂᬄ
ᬓᬧᬶᬯ᭄ᬮᬲ᭄᭟᭐ᬫᬶᬮᬸᬬᬧᬤᬫᬗ᭄ᬮᬶᬂ᭞ᬩᭂᬗᭀᬂᬓᬗᭂᬦ᭄ᬫᬧᬗᭂᬦᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬳᬍᬧ᭄ᬩᬶᬓᬲᬾ᭞ᬩᬶᬱᬗᬸᬮᬗᬸᬦᬶᬦ᭄ᬫᬦᬄ᭞ᬩᬶ
ᬱᬬᬫᬭᬶᬧᬹᬃᬡ᭄ᬦᬬᬂ᭞ᬗᬮᬶᬧᬸᬭᬂᬫᬦᬄᬳᬶᬩᬸᬓ᭄᭞ᬫᬗᬯᬾᬦᬂᬳᬧᬂᬍᬕᭃ᭟᭐ᬩᬸᬯᬶᬦ᭄ᬳᬤᬬᬫᬫᬸᬜᬶ᭞ᬫᬤᬍᬫ᭄‌ᬳᭂᬩᬄᬬ
ᬫᬕᬸᬬᬂ᭞ᬳᬶᬗᭂᬢ᭄‌ᬤᬸᬓ᭄ᬳᬚᬓ᭄ᬫᬓᬭᭀᬦ᭄᭞ᬫᬜᬶᬮᬸᬭᬂᬧᬧᬬᬲᬦ᭄᭞ᬫᬗᬗ᭄ᬕᭀᬦ᭄ᬧᬤᬫᬩᬸᬮᬦ᭄᭞ᬧᭀᬢᭀᬓᬦ᭄ᬳ
[᭓᭐ 30A]
ᬦᬾᬲ᭄ᬢᬶᬢ᭄ᬬᬗᬾᬭᬢᬸ᭞ᬫᬸᬜᬶᬦᬾᬳᬫ᭄ᬮᬤ᭄ᬧ᭄ᬭᬡᬵ᭟᭐ᬫᬾᬫᬾᬩᬧᬦᬾᬓᬯᬸᬓᬶᬦ᭄᭞ᬤᭀᬂᬢᬶᬗ᭄ᬳᬮᬶᬦ᭄ᬓᬸᬤᬵᬢ᭄ᬬᬂ᭞ᬍᬕᭃᬫᬾᬫᬾ
ᬭᬶᬂᬧᬢᬸᬭᭀᬦ᭄᭞ᬩᬸᬓᬢᭀᬂᬫᬾᬫᬾᬫᬧᬦᬓ᭄᭞ᬢᭂᬓᬾᬦᬂᬢ᭄ᬬᬂᬳᬶᬦᬶᬱ᭄ᬝ᭞ᬤᬸᬄᬓᬶᬢᬩᬭᬵᬓᬢᭂᬫᬸ᭞ᬢᬦ᭄ᬧᬢᬸᬭ᭄ᬯᬵᬧ᭄ᬢᭂᬂᬍᬫᬄ᭟᭐
ᬬᬾᬦ᭄ᬱᬶᬄᬢ᭄ᬬᬂᬲᬸᬩᬫᬢᬶ᭞ᬦ᭄ᬮᭀᬓᬶᬦ᭄ᬢ᭄ᬬᬂᬗᬧᬸᬃᬬ᭄ᬬᬂ᭞ᬳᬩᬬᬂᬧᬘᬂᬭᬸᬭᬸᬩᬾ᭞ᬓᬰᬭᬸᬦ᭄ᬢᬂᬲᬸᬢ᭄ᬭᬵᬫᭂᬮᬄ᭞ᬳᭂᬦ᭄ᬢᭀᬧᬶᬲᬦ᭄ᬢ᭄ᬬᬂᬩᬳᬂ᭞ᬳᬧᬂ
ᬢ᭄ᬬᬂᬦᭂᬫᬸᬭᬳᬬᬸ᭞ᬗᬶᬫ᭄ᬧᬲᬶᬦ᭄ᬘᬫ᭄ᬭᬵᬕᬸᬫᬸᬓᬵ᭟᭐ᬲ᭄ᬓᬃᬮᬬᭀᬦᬾᬦᬾᬩᭂᬘᬶᬓ᭄᭞ᬧᬸᬲᬸᬄᬩᬸᬗᬦᬾᬕᭂᬫ᭄ᬧᭀᬮᬂ᭞ᬲᭀᬭᭀᬄᬦᬾ [ 31 ][᭓᭐ 30B]
᭓᭐
ᬚᬦᬶᬢᭂᬧᬸᬓᬶᬦ᭄᭞ᬲᬓᬶᬢ᭄ᬦᬭᬓᬵᬫᬧᬲᬄ᭞ᬩᬸᬮᬦᬦ᭄ᬢᬶᬢ᭄ᬬᬂᬓᬮᬭᭀᬦ᭄᭞ᬧᭂᬲᬸᬫᬸᬜᬶᬗᬯᬂᬗᬯᬂ᭞ᬫᭂᬦᬾᬓ᭄ᬳᬶᬤᬫᬘᬶᬗᬓᬦ᭄
᭞ᬭᬶᬲᬗ᭄ᬳ᭄ᬬᬂᬲᬹᬃᬬ᭄ᬬᬫᬢᬸᬃ᭞ᬳᬢᬸᬭᬾᬳᬯ᭄ᬮᬲᬃᬱᬵ᭟᭐ᬤᬸᬄᬪᬝᬵᬭᬲᬹᬃᬬ᭄ᬬᬳᬓ᭄ᬱᬶ᭞ᬢᬶᬢ᭄ᬬᬂᬫᬧᬲᬄᬭᬶᬂᬦᬢᬄ᭞ᬗᬼᬍᬦ᭄ᬢᬓ᭄‌ᬩᬦ᭄ᬲ
ᬓᬶᬢᬾ᭞ᬗᬼᬕ᭄ᬮᬵᬗᬸᬲᬧ᭄ᬢᬦᬄ᭞ᬲ᭄ᬯᬾᬘᬵᬪᬝᬵᬭᬗᭂᬮᬶᬲᬂ᭞ᬦᬸᬜ᭄ᬚᭂᬮ᭄ᬢᬶᬢ᭄ᬬᬂᬳᬦ᭄ᬢᬸᬓᭂᬩᬸᬲ᭄᭞ᬫᬗ᭄ᬤᬵᬳᬸᬲᬦ᭄ᬓᬚᭂᬦ᭄ᬢᬓᬵ᭟᭐ᬳᬸᬭᬶᬧᬾᬫ
ᬦᭂᬫᬸᬯᬶᬲ᭄ᬢᬶ᭞ᬓᬓ᭄ᬥᬾᬓᬶᬦ᭄ᬳᬦ᭄ᬢᬸᬓ᭄ᬚᬕᬢ᭄᭞ᬤᬤᭀᬲ᭄ᬦᭂᬫᬸᬢᬸᬂᬢᬸᬂᬭᬯᭀᬲ᭄᭞ᬲᬸᬓᬬᬦ᭄ᬧᬶᬲᬦ᭄‌ᬧᬮᬢ᭄ᬭ᭞ᬳᬲᬧᬸᬦᬶᬓᬪᬝᬵᬭ᭞ᬧᬶᬦᬸ
[᭓᭑ 31A]
ᬧ᭄ᬯᬭᬵ᭞ᬗᬸᬤᬵᬢᬶᬢ᭄ᬬᬂᬓᬓᬾᬦᬾᬬᬂ᭞ᬤᭀᬰᬦ᭄ᬳᬯᬓᬾᬩᬲ᭄ᬓᬶᬫᬸᬤ᭄᭞ᬲᬶᬂᬧᭂᬲᬦ᭄ᬩᬶᬱᬗᬲ᭄ᬢᬧᬵ᭟᭐ᬯ᭄ᬬᬓ᭄ᬢᬶᬢᬶᬢ᭄ᬬᬂᬢᬦ᭄ᬧᬓᬾᬃ
ᬣᬶ᭞ᬯᬶᬮᬲᬦ᭄ᬢᬶᬢ᭄ᬬᬗᬾᬢ᭄ᬮᬲ᭄᭞ᬮᬲ᭄ᬧᭂᬲᬦ᭄‌ᬢ᭄ᬬᬂᬫᬜᬤ᭄ᬫ᭞ᬧᬶᬤᬦ᭄ᬳᬤᬯᬶᬥᬶᬲ᭄ᬯᬾᬘ᭄ᬘ᭞ᬲᭂᬫ᭄ᬧᭀᬮᬶᬄᬚᬭᬢᬸᬢᬶᬢ᭄ᬬᬂ᭞ᬓ᭄ᬦᬶᬯᬸᬧᬦ᭄ᬢᬶ
ᬢ᭄ᬬᬂᬲᬸᬗ᭄ᬲᬸᬢ᭄᭞ᬚ᭄ᬗᬄᬢᬶᬢ᭄ᬬᬂᬓᬲᬗ᭄ᬲᬭᬵ᭟᭐ᬧᬸᬮᬵᬓᬺᬢᬶᬦᬾᬭᬶᬂᬗᬹᬦᬶ᭞ᬯᬸᬲᬫᬶᬫᬢᬶᬗ᭄ᬕᬮ᭄ᬳᬶᬮᬂ᭞ᬲᬹᬭᬢ᭄ᬓᬚᬗᬾᬳᬶᬮᬂ᭞ᬰᬵ
ᬲ᭄ᬢ᭄ᬭᬢᬦᬶᬓᬭ᭄ᬯᬦ᭄ᬓᬭ᭄ᬯᬦ᭄᭞ᬲᭀᬓ᭄ᬳᬧᬂᬲᬸᬩᬫᬩᬾᬬ᭞ᬢᬶᬃᬣᬳᬚᬶᬮᬶᬫᬂᬗᬢᬸᬲ᭄᭞ᬧᭂᬗᬗ᭄ᬕᬾᬦ᭄ᬳᬦᬓ᭄ᬭᬶᬂᬲᬸᬤ᭄ᬭᬵ᭟᭐ᬓᬓᬾᬦᬾ [ 32 ][᭓᭑ 31B]
᭓᭑
ᬦ᭄ᬢᬸᬓ᭄᭞ᬚᬦᬶᬚᬵᬩᬸᬯᬶᬦ᭄ᬢᬢᬦᬂ᭞ᬳᬶᬮᬶᬫ᭄ᬩᬸᬃᬲᬫ᭄ᬧᬸᬦ᭄ᬫᬗᬶᬲᬶ᭞ᬮᬢᭂᬂᬓᬬᬸᬧᬸᬦᬶᬓ᭞ᬧᬘᬂᬳᬗ᭄ᬕᬾᬦ᭄ᬗᭂᬭᬜ᭄ᬘᬩ᭄᭟᭐ᬓᬢᬶ
ᬕ᭄ᬢᬶᬕ᭄ᬬᬓᬳᬶᬍᬳᬂ᭞ᬳᬶᬮᬢ᭄ᬣᬵᬤᬦᬾᬫᬜ᭄ᬭᬶᬢ᭄᭞ᬧ᭄ᬭᬫᬗ᭄ᬓᬶᬦ᭄ᬭᬭᬶᬲ᭄ᬫᬕᬸᬬᬂ᭞ᬕᭂᬦᬶᬢ᭄ᬧ᭄ᬥᬶᬄᬳᬾᬢᬦ᭄ᬲᬶᬧᬶ᭞ᬭᬲᬦ᭄ᬜᬵᬩᬸᬓᬫᬢᬶ᭞
ᬍᬫᭂᬢ᭄ᬫᬶᬭᬶᬩ᭄ᬢᬦ᭄ᬧᬩᬬᬸ᭞ᬧᬗᬸᬭᬸᬓᬾᬫᬓᭂᬚᬂ᭞ᬕ᭄ᬮᬸᬫᬮᬳᬶᬩ᭄ᬬᬗᭂᬮᬶᬂ᭞ᬲᬶᬭᬮᬶᬫ᭄ᬩᬸᬃ᭞ᬫᬸᬮ᭄ᬬᬦ᭄ᬮᬯᬸᬦ᭄ᬫᬦᭂᬕᬓ᭄᭚᭐᭚ᬲ᭄ᬫᬭ
ᬦ᭄ᬤᬦ᭚᭐᭚ᬳᬶᬮᬢ᭄ᬣᬵᬩᬗᬸᬦ᭄ᬗᬮᬶᬮᬶᬃ᭞ᬲ᭄ᬥᬶᬄᬓᬶᬗ᭄ᬓᬶᬂᬫᬲᬲᬫ᭄ᬩᬢᬦ᭄᭞ᬧᬢᬶᬤᬸᬮᬫᬾᬫᬸᬜᬶᬦᬾ᭞ᬜᭂᬮ᭄ᬲᭂᬮ᭄ᬭᬕᬢᬦ᭄ᬧ
[᭓᭒ 32A]
ᬧᬗ᭄ᬭᬭᬶᬲ᭄ᬳᬶᬤᬫᬫᬃᬕ᭄ᬕ᭞ᬩᬸᬭᭀᬦᬾᬲᬫᬶᬫᬗᬶᬭᬶᬂ᭟᭐ᬗ᭄ᬭᬭᬶᬲ᭄ᬳᬶᬤᬵᬗᬫᬸᬗ᭄ᬕᬳᬂ᭞ᬗᬸᬗ᭄ᬲᬶᬕᬸᬦᬸᬂᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬢᬶᬗ᭄ᬕᬃ
ᬗᭂᬦᬄᬳᬸᬮᬶᬤᬶᬢᬸ᭞ᬫᬓᭂᬚᬂᬩᬶᬮᬗᬚᬕᬢ᭄᭞ᬯ᭄ᬢᬸᬓᬬᬸᬦᬾᬓᬸᬮᬗᬸᬦ᭄᭞ᬩᬸᬓᬢ᭄ᬯᬭᬦᬫ᭄ᬧᬓ᭄ᬢᬦᬄ᭞ᬫ᭄ᬭᬲᬓᬬᬸᬦᬾᬫ
ᬲᬮᬶᬦ᭄᭟᭐ᬭᬭᬶᬲ᭄ᬫᬫᬃᬡ᭄ᬦᬓᬮᬗ᭄ᬯᬦ᭄᭞ᬗᭂᬦᬄᬩᬸᬗᬦᬾᬳᬢᭂᬧ᭄ᬫᬧᬶᬦ᭄ᬢᬶ᭞ᬦᬾᬓᬗᬶᬦ᭄ᬧᬸᬢᬶᬫᬗᭂᬫ᭄ᬧᬸᬃ᭞ᬦᬾᬦᬾᬓ᭄ᬮᭀᬤ᭄ᬓ
ᬦ᭄ᬢᭂᬦ᭄ᬩᬭᬓ᭄᭞ᬦᬾᬦᬾᬓᬯᬸᬄ᭞ᬦᬾᬓᬚᬵᬫᬶᬳᬶᬓ᭄ᬜᬗ᭄ᬮᬸᬄ᭞ᬤᬤᬶᬗᭂᬦᬄᬩᬤᭂᬂᬜᬮᬂ᭞ᬫᬳᬾᬮᭀᬕᬦ᭄ᬩᬩᬃᬳᬗᬶᬦ᭄᭟᭐ [ 33 ][᭓᭒ 32B]
᭓᭒
ᬦᬾᬭᬶᬂᬢ᭄ᬗᬄᬫᬜ᭄ᬘᬯᬃᬡ᭄ᬦ᭞ᬪ᭄ᬭᬳ᭄ᬫᬭᬦᬾᬳᬸᬫᬸᬂᬗᬺᬩᬸᬢ᭄ᬲᬭᬶ᭞ᬢᬦ᭄ᬧ᭄ᬕᬢ᭄ᬗᬯᬾᬳᬸᬮᬗᬸᬦ᭄᭞ᬩᬸᬓᬫᬩᬮᬶᬄᬫᭂᬤᬲᬂ᭞ᬭ
ᬤᬾᬦ᭄ᬫᬦ᭄ᬢ᭄ᬭᬶ᭞ᬳᬶᬤᬋᬓᬾᬤᬸᬳᬸᬃᬕᬸᬦᬸᬂ᭞ᬳᬶᬤᬲ᭄ᬥᬶᬄᬓᬲᬓᬶᬢᬦ᭄᭞ᬲᭀᬭᭀᬄᬩᬸᬭᭀᬦᬾᬫᬗᬶᬭᬶᬂ᭟᭐ᬫᬶᬭᬶᬩ᭄ᬓᬾᬢᭀᬬ
ᬦ᭄ᬧᬃᬡ᭄ᬦᬬᬂ᭞ᬓ᭄ᬮᬗᭂᬦᬾᬩᬸᬓᬢ᭄ᬯᬭᬵᬤᬶᬕᬸᬫᬶ᭞ᬩᬸᬭᭀᬦᬾᬲᬋᬂᬫᬤᬸᬮᬸᬃ᭞ᬩᬋᬂᬬᬫᬓᬲᬸᬓᬦ᭄᭞ᬲᬶᬂᬜᬶᬤ᭄ᬥᬬᬂ᭞ᬓᬧᬸᬘᬓ᭄ᬕᬸᬦᬸᬂ
ᬳᬸᬮᬗᬸᬦ᭄᭞ᬤᬾᬦᬶᬂᬕᬸᬦᬸᬂᬉᬢ᭄ᬢᬫ᭞ᬧᬗᬶᬮᬗᬦ᭄ᬳᬶᬩᬸᬓ᭄ᬱ᭄ᬥᬶᬄ᭟᭐ᬲᬫ᭄ᬧᬸᬦ᭄ᬲᬫᬶᬓᬢᬢᬲᬂ᭞ᬓ᭄ᬮᬗᭂᬦᬾᬤᬤᬶᬜᬧ᭄ᬭᬫᬗ᭄ᬓᬶᬦ᭄
[᭓᭓ 33A]
ᬍᬲᬸᬭᬲᬢᬦ᭄ᬧᬩᬬᬸ᭞ᬤᬾᬦᬶᬂᬧᬦᬶᬢᬄᬪᬝᬵᬭ᭞ᬫᬗᬃᬬ᭄ᬬᬦᬶᬦ᭄᭞ᬫᬗ᭄ᬤᬵᬕ᭄ᬮᬶᬲ᭄ᬫᬢᭂᬫᬸ᭞ᬭᬶᬂᬳᬶᬤᬵᬭᬤᬾᬦ᭄ᬤᬾᬯ᭄ᬬ᭞ᬓᭂᬦᬶᬯᬸ
ᬲᬦ᭄ᬳᬶᬤᬵᬓᬶᬗ᭄ᬓᬶᬂ᭟᭐ᬭᬭᬶᬲᬶᬋᬧ᭄ᬫᬜᬸᬫ᭄ᬧ᭄ᬦᭃ᭞ᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬕ᭄ᬮᬸᬳᬶᬤᬫᬢᬗᬶ᭞ᬢᬦ᭄ᬲᬄᬗᬦ᭄ᬤᬶᬓᬳᬮᬸᬲ᭄‌᭞ᬦᬄᬧᬭᭀᬲ᭄‌ᬚᭂ
ᬓ᭄ᬦᭂᬳᬂ᭞ᬳᬶᬭᬗᬶᬧᬶ᭞ᬳᬶᬧ᭄ᬬᬦᬾᬲᬓᬶᬂᬧᬶᬢᬸᬤᬸᬄ᭞ᬭᬱᬪᬝᬵᬭᬗᬦ᭄ᬤᬶᬓᬵ᭞ᬳᬧᬂᬦᬶᬭᬚᬦᬶᬫᬸᬮᬶᬄ᭟᭐ᬬᬦ᭄ᬳᬶᬭᬋᬓᬾᬳᭂ
ᬦᬸᬤᬶᬦᬶ᭞ᬯᬦ᭄ᬢᬄᬳᬶᬳᬤᬶᬦᭀᬭᬓᬧᬗ᭄ᬕᬶᬄ᭞ᬬᬦ᭄ᬳᬶᬭᬲᬸᬩᬵᬩᬸᬯᬶᬦ᭄ᬫᬦ᭄ᬢᬸᬓ᭄᭞ᬫᬢᬸᬮᬓ᭄ᬓᬓᭀᬭᬶᬧᬦ᭄᭞ᬤᬶᬢᬸᬋᬓᬾ᭞ [ 34 ][᭓᭓ 33B]
᭓᭓
ᬓᬧᬗ᭄ᬕᬶᬄᬳᬶᬳᬤᬶᬕᬮᬸᬄ᭞ᬲᬓᬶᬂᬦᬸᬲᬸᬧ᭄ᬲᭂᬤᬦᬦ᭄ᬢᬵ᭞ᬓᬾᬢᭀᬧᬶᬢᬸᬤᬸᬄᬲᬗ᭄ᬳ᭄ᬬᬂᬯᬶᬥᬶ᭟᭐ᬳᬶᬧᬭᭀᬲ᭄ᬫᬲ᭄ᬩᭂᬂᬳᬾ
ᬕᬃ᭞ᬭᬭᬶᬲ᭄ᬫᬢᬸᬃᬤᬸᬄᬭᬢᬸᬲᬗᬧ᭄ᬓᬶᬓ᭄᭞ᬬᬦ᭄ᬲᬫ᭄ᬧᬸᬦ᭄ᬲᬓᬶᬂᬧᬶᬢᬸᬤᬸᬄ᭞ᬢᭀᬗᬸᬤᬵᬧᬜ᭄ᬚᬂᬭᬯᭀᬲ᭄᭞ᬦᬸᬦᬲ᭄ᬫᬦ᭄ᬢᬸᬓ᭄
ᬦᬾᬫᬗ᭄ᬓᬶᬦ᭄ᬚᬵᬭᬢᬸᬳᬕᬸᬂ᭞ᬭᬭᬶᬲ᭄ᬳᬤᬫᬗᬦ᭄ᬤᬶᬓ᭞ᬳᬶᬩᭂᬩᬸᬭᭀᬦ᭄ᬓᭂᬫᬫᬸᬮᬶᬄ᭟᭐ᬩᬸᬭᭀᬦᬾᬲᬫ᭄ᬬᬦ᭄ᬩᬸᬤᬮ᭄᭞ᬧᬤᬕᬶ
ᬭᬂ᭞ᬫᬫᬃᬕ᭄ᬕᬶᬲᬮᬶᬂᬮᬗ᭄ᬓᬸᬗᬶᬦ᭄᭞ᬳᬮᬲᬾᬫᬓᭂᬚᬂᬮᬸᬮᬸᬲ᭄᭞ᬋᬫᭂᬓ᭄ᬳᬫ᭄ᬩᬸᬮ᭄ᬓᬳᬩᬲ᭄᭞ᬤᬤᬶᬕ᭄ᬮᬸᬚᬦ᭄ᬫᬵᬦᬾᬲᭀ
[᭓᭔ 34A]
ᬭᭀᬄᬦᬾᬗᬸᬩᬸᬄ᭞ᬭᬱᬧᬘᬂᬓᬢᬺᬚᬓ᭄᭞ᬲᬫᬶᬗ᭄ᬮᬶᬂᬫᬸᬦ᭄ᬥᭂᬩ᭄ᬓᭀᬭᬶ᭟᭐ᬚᭂᬚᭂᬄᬚᬸᬫᬳᬦ᭄ᬫᬦᭂᬕᬓ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶ
ᬫᬢᬗ᭄ᬕᬶᬫᬮᬶᬄᬫᬫᬃᬕ᭄ᬕᬶ᭞ᬫᬗ᭄ᬓᬶᬦ᭄ᬳᬶᬤᬜᬭᬸᬜᬭᬸ᭞ᬫᬶᬭᬶᬩ᭄ᬫᬳᬶᬱᬶᬳᬾᬭᬂ᭞ᬢᬦ᭄ᬘᬭᬶᬢᬧᬫᬃᬕ᭄ᬕᬶᬦ᭄ᬳᬶᬤᬵᬳᬶᬤ᭄ᬯᬕᬸᬂ᭞
ᬓᭀᬘᬧ᭄ᬫᬮᬶᬄᬭᬶᬂᬓᭀᬭᬶᬧᬦ᭄᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬶᬰ᭄ᬯᬭᬶ᭟᭐ᬧ᭄ᬢᭂᬂᬍᬫᬄᬕᬤᬓ᭄ᬳᬸᬬᬂ᭞ᬲ᭄ᬥᬶᬄᬓᬶᬗ᭄ᬓᬶᬂ᭞ᬫᬯᬄᬧ᭄ᬭᬓᬓᬦᬾᬲᬫᬶ᭞
ᬕᬸᬫᬶᬦᬾᬬᬩᬋᬂᬕᭂᬮᬸ᭞ᬲᬶᬬᭂᬧ᭄ᬳᭂᬗ᭄ᬲᭂᬓ᭄ᬫᬓᭂᬚᬂ᭞ᬳᭂᬗ᭄ᬲᭂᬓ᭄‌ᬲᬶᬬᭂᬧ᭄᭞ᬢᬦ᭄ᬳᬾᬮᬶᬂᬢ᭄ᬓᬾᬦ᭄ᬧᬶᬢᬸᬢᬸᬃ᭞ᬧᬤᬵᬬᬩᭂᬗᭀᬂᬬᬫ [ 35 ][᭓᭔ 34B]
᭓᭔
ᬦ᭄ᬕᬓ᭄᭞ᬓᬗᭂᬦ᭄ᬓᬢᬶᬗ᭄ᬕᬮᬦ᭄ᬕᬸᬲ᭄ᬢᬶ᭟᭐ᬢᬗᬶᬲᬾᬤᬶᬚ᭄ᬭᭀᬢᬦ᭄ᬧ᭄ᬕᬢ᭄᭞ᬳᬤᬳᭂᬩᬄ᭞ᬫᬢᬶᬫ᭄ᬧᬸᬄᬫᬜ᭄ᬚ᭄ᬭᬶᬢ᭄᭞ᬳᬤᬵ
ᬫᬓᬓᭂᬩ᭄ᬫᬗᬸᬮᬸᬦ᭄᭞ᬳᬤᬫᭂᬤᭂᬫ᭄ᬫᬧᬲᬄ᭞ᬢᭂᬗᬄᬦᬢᬄᬳᬤᬬᬦᬕᬶᬄᬫᬗ᭄ᬮᬮᬸ᭞ᬜᭂᬫᬓ᭄ᬓᬤᬸᬢᬦ᭄ᬫᬦ᭄ᬭᬚᬂ᭞ᬢᬶᬫ᭄ᬧᬮ᭄ᬜ
ᬦᬾᬬᬫᬗᬶᬲᬶ᭟᭐ᬫᬫᬸᬜᬶᬦ᭄ᬤᬾᬦ᭄ᬫᬮᬸᬲᬬᬂ᭞ᬤᬵᬩᭂᬲ᭄ᬮᬚᬸ᭞ᬮᬕᬸᬢᬾᬫᬩᬸᬤ᭄ᬥᬶᬫᬢᬶ᭞ᬧᬶᬦᭂᬳᬂᬳᬧᬗᬧᬢᬹᬢ᭄‌᭞ᬤᬾᬦᬶᬂ
ᬳᬶᬤᬤᬾᬭᬾᬂᬓᬭ᭄ᬯᬦ᭄᭞ᬬᬾᬦᬶᬂᬲᬫ᭄ᬧᬸᬦ᭄᭞ᬳᬶᬤᬮᬶᬦᬵᬢ᭄ᬬᬂᬫᬶᬮᬸ᭞ᬓᬾᬢᭀᬓᭂᬦᭂᬄᬜᬦᬾᬮᬕᬲ᭄᭞ᬫᬩ᭄ᬬᬬᬸᬯ
[᭓᭕ 35A]
ᬦ᭄ᬓᬤᬶᬫᬗ᭄ᬓᬶᬦ᭄᭟᭐ᬳᬫ᭄ᬩᬸᬮ᭄ᬢᭀᬚᬦᬶᬳᬸᬘᬧᬂ᭞ᬓᬲ᭄ᬥᬶᬳᬦᬾ᭞ᬭᬶᬂᬓᭀᬭᬶᬧᬦ᭄ᬫᬗ᭄ᬓᬶᬦ᭄᭞ᬳᬶᬤ᭄ᬯᬕᬸᬂᬫᬮᬶᬄᬓᬯᬸᬯᬸᬲ᭄᭞ᬜᬸᬲᬸ
ᬧ᭄ᬳᬶᬤᬫᬫᬃᬕ᭄ᬕᬵ᭞ᬕ᭄ᬮᬶᬲ᭄ᬭᬯᬸᬄ᭞ᬫᬗᭀᬚᭀᬕ᭄ᬳᬶᬤᬲᬂᬧ᭄ᬭᬪᬸ᭞ᬓᬕ᭄ᬬᬢ᭄ᬲᬂᬧ᭄ᬭᬪᬸᬫᬜᬶᬗᬓ᭄᭞ᬫᬓᬵᬤᬶᬰ᭄ᬭᬷᬧ᭄ᬭᬫᬶᬲ᭄ᬯᬭᬷ᭟᭐ᬫᬘᭂᬩᬸᬃᬳᬶ
ᬤᬫᬤᬦ᭄ᬤᬦ᭄᭞ᬲᬳᬢᬗᬶᬲ᭄‌ᬗᬦ᭄ᬤᬶᬓᬓᬯ᭄ᬮᬲᬰᬶᬄ᭞ᬤᬸᬄᬲᬤ᭄ᬬᬦ᭄ᬩᬧᬦᬾᬩᬕᬸᬲ᭄᭞ᬳᬶᬤᬾᬯᬚᬦᬶᬢᭂᬓ᭞ᬳᭂ
ᬦ᭄ᬢᭀᬓᬶᬚ᭞ᬧᬮᬸᬗᬦ᭄ᬳᬶᬤᬦᬾᬩᬕᬸᬲ᭄᭞ᬩᬧᬚᬸᬫᬄᬓᬚᭂᬦ᭄ᬢᬓ᭞ᬫᬾᬄᬫᬯᬶᬦᬦ᭄ᬫᬢᬶᬲ᭄ᬥᬶᬄ᭟᭐ᬓᬸᬢᬶᬂᬧᬜ᭄ᬚᬓᬾᬫᬓᭂ [ 36 ][᭓᭕ 35B]
᭓᭕
ᬚᬂ᭞ᬢ᭄ᬯᬭᬗᬫᬄᬩ᭄ᬭᬕ᭄ᬩᬋᬂᬬᬲ᭄ᬥᬶᬄ᭞ᬧ᭄ᬭᬓᬓᬦ᭄ᬳᬶᬤᬾᬯᬩᬕᬸᬲ᭄᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬜᭂᬫ᭄ᬩᬄ᭞ᬲᬳᬢᬗᬶᬲ᭄᭞ᬳᬢᬸᬭᬾ
ᬤᬸᬄᬩᬧᬳᬕᬸᬂ᭞ᬢᬶᬢ᭄ᬬᬂᬮᬸᬗ᭄ᬳᬗᬺᬋᬄᬓᬵᬃᬫ᭄ᬫ᭞ᬳᬶᬘᬮ᭄ᬢᬦ᭄ᬓᬭᬶᬤᬶᬧᬸᬭᬶ᭟᭐ᬳᬶᬬᬤᬶᬕᬮᬸᬄᬭᬶᬂᬤᭂᬳᬵ᭞ᬦᬶᬓᬯ᭄ᬬᬓ᭄ᬢᬶᬳᬯᬶ
ᬦᬦ᭄ᬢᬶᬢ᭄ᬬᬗᬾᬲ᭄ᬥᬶᬄ᭞ᬜᬸᬲᬸᬧ᭄ᬭᬶᬂᬳᬮᬲ᭄ᬭᬶᬂᬕᬸᬦᬸᬂ᭞ᬯᬾᬦ᭄ᬢᭂᬦ᭄ᬧᬶᬢᬸᬤᬸᬄᬲᬹᬓ᭄ᬱ᭄ᬫ᭞ᬓᭂᬦᬶᬢᬶᬢ᭄ᬬᬂᬫᬦ᭄ᬢᬸᬓ᭄‌ᬗᬺᬋᬄᬲᬓᬶᬂᬦᬸᬮᬸᬧ᭄᭞ᬳᬶ
ᬭᬶᬓᬋᬓᬾᬓᬲᬶᬤ᭄ᬥᬦ᭄᭞ᬓᬧᬗ᭄ᬕᬶᬄᬳᬶᬤᬳᬶᬬᬤ᭄ᬥᬶ᭟᭐ᬲᬧᬸᬦᬶᬓᬧᬶᬤᬃᬢᬦ᭄ᬜᬵ᭞ᬧ᭄ᬭᬫᬾᬰ᭄ᬯᬭᬶᬫᬶᬯᬄᬲᬳᬶᬲᬶᬦᬶᬂᬧᬸᬭᬶ᭞ᬮᬾᬤᬂᬓᬬᬸ
[᭓᭖ 36A]
ᬦᬾᬫᬗ᭄ᬭᬸᬗᬸ᭞ᬲᬃᬯ᭄ᬯᬶᬫᬗᬸᬘᬧᬸᬘᬧ᭄᭞ᬧ᭄ᬭᬓᬓᬦᬾᬢ᭄ᬯᬭᬵᬦᬸᬫᬳᬶᬲᬶᬳᬶᬩᬸᬓ᭄᭞ᬮᬯᬸᬢ᭄ᬫᬲᬸᬓᬦ᭄ᬲᬸᬓᬦ᭄᭞ᬫᬓᬤᬶᬳᬶᬤᬦᬺᬧ
ᬢᬶ᭟᭐ᬢᬶᬗ᭄ᬓᬄᬧᬜ᭄ᬚᬓ᭄ᬫᬓᬲ᭄ᬬᬦ᭄᭞ᬮᬶᬦ᭄ᬢᬂᬲᬸᬓᬗᬸᬮᬸᬭᬶᬦᬼᬕᬦ᭄ᬳᬢᬶ᭞ᬭᬢᬲᬩᬶᬮᬂᬳᬯᬸᬓᬸᬤ᭄᭞ᬧᬤᬫᬢᬢᬫ᭄ᬧᬳᬦ᭄᭞ᬲᬫ᭄ᬧᬸ
ᬦ᭄ᬧ᭄ᬭᬕᬢ᭄᭞ᬦᬾᬫᬗ᭄ᬓᬶᬦ᭄ᬫᬤᬳᬃᬮᬳᬸᬢ᭄᭞ᬲᬸᬳᬸᬤ᭄ᬫᬤᬳᬃᬫᬜ᭄ᬫᬓ᭄᭞ᬕᬕᬫᭂᬮᬦ᭄ᬋᬩᬤ᭄ᬲᬸᬮᬶᬂ᭟᭐ᬢᬢᬩᬸᬳᬦ᭄ᬜᬦᬾᬫᭂᬮᬄ᭞ᬘᭂ
ᬩᬸᬭᬶᬦ᭄ᬩᬦ᭄ᬢᬦ᭄ᬤᬓ᭄ᬗᬮᬶᬓ᭄ᬳᬮᬶᬓ᭄᭞ᬤᬸᬯᭂᬕ᭄ᬧᬤᬫᬸᬭᬸᬓ᭄ᬗᬫ᭄ᬩᬸᬄ᭞ᬮᬾᬦ᭄ᬳᬤᬫᬗᬶᬕᭂᬮᬂ᭞ᬚᭀᬕᬾᬤ᭄ᬮᬾᬕᭀᬂ᭞ᬲ᭄ᬫᬃᬧᬕᬸᬮᬶᬗᬦ᭄ᬳᬦᬸᬢ᭄᭞ [ 37 ][᭓᭖ 36B]
᭓᭖
ᬦᬩᬸᬳᬂᬕᭂᬡ᭄ᬥᬶᬂᬲᬸᬩᬦ᭄ᬤᬃ᭞ᬜᬦ᭄ᬤᬂᬗᬸᬮᬗᬸᬦᬶᬦ᭄ᬳᬢᬶ᭚᭐᭚ᬰᬶ᭚᭐᭚ᬳᬶᬕᬤᬸᬂᬮᬦ᭄ᬳᬶᬧᬸᬥᬓ᭄᭞ᬤᬤᬶᬧᭂᬲᬸᬫᬸᬜᬶᬫᬦᬶᬲ᭄᭞ᬲᬚᬵ
ᬧᬶᬲᬦ᭄ᬳᭂᬫ᭄ᬩᭀᬓ᭄ᬧᬸᬤᬓ᭄᭞ᬩᬸᬓᬫᬸᬜᬶᬦ᭄ᬳᭂᬫ᭄ᬩᭀᬓᬾᬯ᭄ᬬᬓ᭄ᬢᬶ᭞ᬳᬗᭀᬩ᭄ᬢ᭄ᬬᬂᬗᬶᬯᬲᬶᬦ᭄᭞ᬫᬓᭂᬚᬂᬳᬲᬶᬦ᭄ᬢᬸᬃᬳᬦᬸᬢ᭄᭞ᬳᬲᬶᬂᬳᬗ᭄ᬕᭀᬦ᭄ᬳᬶᬤ
ᬫ᭄ᬮᬄ᭞ᬳᬲᬶᬂᬳᬩᭂᬢᬂᬳᬶᬤᬩᭂᬘᬶᬓ᭄᭞ᬬᬾᬦ᭄ᬫᬧᬳ᭄ᬬᬲ᭄᭞ᬤᭀᬬ᭄ᬬᬦ᭄ᬫᬾᬄᬩ᭄ᬯᬶᬦ᭄ᬫᬮᬳᬦ᭄᭟᭐ᬓᬾᬢᭀᬩᬳᬦ᭄ᬜᬫᬃᬡ᭄ᬦᬬᬂ᭞ᬳᬶᬤ᭄ᬯᬕᬸᬂᬇᬲ᭄ᬢ᭄ᬭᬶ
ᬜᬯᬸᬭᬶᬦ᭄᭞ᬫᬘᬧ᭄ᬘᬧ᭄ᬫᬳᭂᬫ᭄ᬩᬄᬕᬸᬮᬵ᭞ᬧᬫᬃᬕ᭄ᬕᬶᬦᬾᬗᬸᬮᬗᬸᬦᬶᬦ᭄᭞ᬧᬜ᭄ᬚᬮᬜ᭄ᬚᬢᬸᬃᬳᬲᬶᬦ᭄᭞ᬢᬬᬸᬗᬦᬼᬫᭂᬢ᭄ᬫᬍᬗ᭄ᬓᬸᬂ᭞ᬲᬶᬂᬗᭂᬦᭀ
[᭓᭗ 37A]
ᬢ᭄ᬫᬕᭂᬍᬓᬦ᭄‌᭞ᬭᬱᬢᬦ᭄ᬧᬦᬫ᭄ᬧᬓ᭄ᬲᬶᬢᬶ᭞ᬫᬕᬾᬮᭀᬳᬦ᭄᭞ᬗᬮᬳᬂᬓ᭄ᬥᬧᬦ᭄ᬳᬗ᭄ᬰᭀᬓ᭟᭐ᬫᬓᬤᬶᬪᬝᬵᬭᬩᬸᬮᬦ᭄᭞ᬧᭂᬤᬲ᭄ᬢᭂ
ᬗᬄᬳᬶᬤᬚᬦᬶ᭞ᬓᬘᬶᬯᬫᬢᬡ᭄ᬥᬶᬂᬯᬃᬡ᭄ᬦ᭞ᬫᬶᬯᬄᬘᬬᬓᬲᭀᬃᬲᬫᬶ᭞ᬫ᭄ᬮᭀᬓ᭄ᬩᬸᬦ᭄ᬢᭂᬃᬮᬸᬫ᭄ᬮᬸᬫ᭄ᬕᬥᬶᬂ᭞ᬤᬶᬢ᭄ᬗᬄᬫᬲᬺᬩᭂᬂᬲᬭᬸ᭞ᬬᬾᬦ᭄ᬳᬶᬤᬭᬤᬾᬦ᭄ᬤᬾ
ᬯ᭄ᬬᬵ᭞ᬫ᭄ᬮᭀᬄᬧᭀᬄᬮᬸᬫ᭄ᬮᬸᬫ᭄ᬕᬥᬶᬂ᭞ᬦ᭄ᬭᬸᬲ᭄ᬢᬸᬜ᭄ᬚᬸᬂᬘᬬᬦᬾᬫᬓᭂᬚᬂᬕᬮᬂ᭟᭐ᬭᬲᬓᬾᬢᭀᬩᬦ᭄ᬫᬃᬡ᭄ᬦᬬᬂ᭞ᬳᬶᬤᭂᬧ᭄ᬜᬦᬾᬲᬫᬶ᭞ᬓᭀᬘᬧ᭄ᬳᬶᬤᬭᬤᬾ
ᬦ᭄ᬤᬾᬯ᭄ᬬ᭞ᬯᬸᬲ᭄ᬭᬯᬸᬄᬭᬶᬂᬕᬸᬦᬸᬂᬓᬯᬶ᭞ᬫᬭᬃᬬ᭄ᬬᬦ᭄ᬳᬶᬤᬫ᭄ᬮᬶᬗ᭄ᬕᬶᬄ᭞ᬳᬶᬧᬸᬥᬓ᭄ᬭᬭᬶᬲ᭄ᬫᬳᬢᬸᬃ᭞ᬤᬸᬄᬭᬢᬸᬳᬢ᭄ᬫᬵᬚᬶᬯᬵ᭞ᬢᬶᬢ᭄ᬬᬂᬦᬸᬦᬲᬂᬦᬾᬫᬗ᭄ᬓᬶ [ 38 ][᭓᭗ 37B]
᭓᭗
ᬦ᭄᭞ᬩᭂᬘᬶᬓ᭄ᬭᬢᬸ᭞ᬜᬦ᭄ᬤᬂᬦᬶᬓᬬᬂᬭᬶᬂᬢᬶᬢ᭄ᬬᬂ᭟᭐ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬗᬦ᭄ᬤᬶᬓᬵ᭞ᬜᭂᬜᭂᬃᬫᭂᬫ᭄ᬩᬄᬫᬥᬸᬕᭂᬦ᭄ᬤᬶᬲ᭄᭞ᬤ᭄ᬤᬾᬦ᭄ᬫᬮᬸᬳᬶᬭᬗᭂᬦᭂᬳᬂ᭞ᬦᬾ
ᬧ?ᬳᬦ᭄ᬢᭂᬲ᭄ᬢᭀᬗᭀᬲᬾᬩ᭄ᬘᬶᬓ᭄᭞ᬧᬸᬥᬓ᭄‌ᬚᬮᬦ᭄ᬚᬵᬳᬶᬯᬲᬶᬦ᭄᭞ᬭᬭᬶᬲ᭄ᬫᬢᬗᬶᬫᬢᬸᬦ᭄ᬢᬸᬦ᭄᭞ᬮᬯᬸᬢ᭄ᬫᬤᬦ᭄ᬤᬦ᭄ᬢᬗᬦ᭄᭞ᬫᬗᬶᬍᬳᬶᬦ᭄ᬫᬜᬶᬗ
ᬓᬶᬦ᭄᭞ᬫᬗ᭄ᬭᬯᭀᬲᬂ᭞ᬩᬳᬦᬾᬓᬮᬗᭂᬦ᭄ᬧᬶᬲᬦ᭄᭟᭐ᬳᬶᬕᬥᬸᬂᬚᬦᬶᬗᬾᬗ᭄ᬕᬮᬂ᭞ᬫᬫᬸᬜᬶᬫᬢᬸᬂᬢᬸᬂᬓ᭄ᬜᬶᬂ᭞ᬳᭂᬫ᭄ᬩᭀᬓ᭄ᬧᬶᬥᬓ᭄ᬮᬶᬯᬢ᭄ᬲᬸ
ᬓᬵ᭞ᬤᬤᬶᬫᬓᭂᬚᬂᬗᬍᬕᬦᬶᬦ᭄᭞ᬳᬲᬶᬂᬮ᭄ᬬᬢᬶᬦ᭄ᬳᬲᬶᬦ᭄᭞ᬦᬸᬦ᭄ᬥᬸᬦᬶᬦ᭄ᬳᬶᬤᭂᬧ᭄ᬳᬸᬮᬗᬸᬦ᭄᭞ᬦᬾᬫᬗ᭄ᬓᬶᬦ᭄ᬲᬸᬩᬧ᭄ᬭᬕᬢ᭄᭞ᬧᬸᬭᬦᬾᬳᬶᬤ᭄ᬯ
[᭓᭘ 38A]
ᬕᬸᬂᬳᬶᬲ᭄ᬢ᭄ᬭᬶ᭞ᬫᬾᬄᬍᬯᬶᬄᬢ᭄ᬓᬾᬦ᭄ᬤᬶᬇᬦ᭄ᬤ᭄ᬭᬮᭀᬓ᭟᭐ᬳᬶᬧᬸᬤᬓ᭄ᬮᬯᬸᬢ᭄ᬫᬦᬶᬫ᭄ᬩᬮ᭄᭞ᬳᬮᬸᬲ᭄ᬧᭂᬲᬸᬫᬸᬜᬶᬦᬾᬫᬦᬶᬲ᭄᭞ᬲᬚᬵᬬᬾᬦ᭄ᬩᭀᬓ᭄‌ᬗ᭄ᬭ
ᬲᬬᬂ᭞ᬲᬶᬂᬩᬶᬦᬢ᭄ᬓᬾᬦ᭄ᬓᭂᬦᭂᬄᬳᬤᬶ᭞ᬲᬶᬂᬧᬶᬲᬦ᭄ᬳᬤᬳᭂᬲᬶᬂ᭞ᬳᭂᬫ᭄ᬩᭀᬓ᭄ᬳᭂᬦᬸᬫᬶᬲᬶᬳᬶᬩᬸᬓ᭄᭞ᬲᭂᬓᬢᬾᬫᬫᬋᬓᬦ᭄᭞ᬭᬶᬂᬳᬶᬤᬤ᭄ᬯᬕᬸᬂᬳᬶᬲ᭄ᬢ᭄ᬭᬶ
᭞ᬬᬾᬦ᭄ᬳᬦ᭄ᬤᬾᬬᬂ᭞ᬩᬸᬓᬓᬲᬶᬭᬫᬦ᭄ᬫᬺᬢ᭄ᬢ᭟᭐ᬓᬾᬢᭀᬩᬳᬦ᭄ᬜᬗ᭄ᬭᬯᭀᬲᬂ᭞ᬲᬂᬓᬵᬮᬶᬄᬍᬕᭂᬢᬦ᭄ᬲᬶᬧᬶ᭞ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶ
ᬓᬵ᭞ᬩᬸᬓᬗᭂᬫ᭄ᬓᭂᬫᬥᬸᬕᭂᬦ᭄ᬤᬶᬲ᭄᭞ᬢᬦ᭄ᬧ᭄ᬕᬢ᭄ᬫᭂᬫ᭄ᬩᬄᬫᬦᬶᬲ᭄᭞ᬤᬸᬄᬲᬬᬂᬲᬦ᭄ᬧᬸᬤᬓ᭄ᬕᬤᬸᬂ᭞ᬦᬄᬚᬦᬶᬚᬵᬤᬩ᭄ᬤᬩᬂ᭞ᬤᬶᬦᬶᬲᬸᬩᬢᭀ [ 39 ][᭓᭘ 38B]
᭓᭘
ᬗᭀᬲ᭄ᬩᭂᬘᬶᬓ᭄᭞ᬧᬤᬦᬧᬓ᭄‌ᬦᬼᬳᬶᬦ᭄ᬫᬓᭂᬚᬂᬗᭂᬦᬄ᭟᭐ᬓᬯᬦ᭄ᬢᭂᬦ᭄ᬋᬓᬾᬭᬶᬂᬲ᭄ᬯᬃᬕ᭄ᬕᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬯᬾᬦ᭄ᬢᭂᬓᭀᬯᭂᬗᬶ᭞
ᬬᬦ᭄ᬢᬦ᭄ᬳᭂᬫᬦᬸᬓ᭄ᬥᬾᬯᬢᬵ᭞ᬧᬘᬂᬳᬗ᭄ᬕᬾᬦ᭄ᬫᬜᬶᬭᬶᬦᬶᬦ᭄᭞ᬗᬦ᭄ᬢᭂᬦᬂᬍᬫᬄᬯᭂᬗᬶ᭞ᬚᬦ᭄ᬢᭀᬲ᭄ᬚᬦ᭄ᬢᭂᬗᭂᬭᬦ᭄ᬤᬶᬢᬸ᭞ᬬᬾᬦᬶᬂ
ᬍᬫᬄᬬᬩ᭄ᬮᬲ᭄᭞ᬬᬦ᭄ᬧᭂᬢᭂᬂᬬᬫᬲᬡ᭄ᬥᬶᬂ᭞ᬗᬚᬓ᭄ᬱᬾᬫᬄ᭞ᬧᬸᬦᬶᬓᬍᬯᬶᬄᬭᬶᬂᬲ᭄ᬯᬃᬕ᭄ᬕᬦ᭄᭟᭐ᬬᬦ᭄ᬲᬚᬯᬶᬦᬶᬂᬧᬸᬦᬶᬓᬵ᭞ᬢ
ᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬫᬢᬡ᭄ᬥᬶᬂ᭞ᬘᬬᬦ᭄ᬰᭀᬘᬦᬾᬤᬸᬫᬶᬮᬄ᭞ᬫᬢᬾᬚᬦᭂᬓᭂᬤ᭄ᬓᬮᬗᬶᬢ᭄᭞ᬕᬮᬂᬫᬓᭂᬚᬂᬗᭂᬦ᭄ᬤᬶᬄ᭞ᬤᬾᬦᬶᬂ
[᭓᭙ 39A]
ᬧᬗᬗ᭄ᬕᭀᬦᬾᬫᬸᬭᬸᬩ᭄᭞ᬩᬮᬾᬦᬾᬦᬾᬧᬸᬃᬬ᭄ᬬᬦ᭄᭞ᬲᬃᬯ᭄ᬯᬫᬲ᭄ᬧᬤᬫᬳᬸᬓᬶᬃ᭞ᬫᬲᬲᬶᬫ᭄ᬩᬃ᭞ᬲᬰᭀᬘᬦ᭄ᬱᭀᬭᭀᬄᬳᬸ
ᬢ᭄ᬢᬫ᭟᭐ᬦᬾᬭᬶᬂᬳᬋᬧ᭄ᬧᬫᬺᬫᬦ᭄᭞ᬕᬸᬦᬸᬂᬭᬢ᭄ᬦᬦᬾᬫᬗᭂᬦ᭄ᬤᬶᬄ᭞ᬫᬳᬾᬫ᭄ᬩᭀᬓ᭄ᬫᬢᬢᬄ᭞ᬫᬓᭀᬭᬶᬫᬡᬶᬓ᭄ᬫᬉᬓᬶᬃ᭞ᬫᬰᭀ
ᬘᬳᬶᬦ᭄ᬢᭂᬦᬾᬍᬯᬶᬄ᭞ᬫᬋᬋᬗ᭄ᬕᬫᬶᬭᬄᬫᬸᬭᬸᬩ᭄᭞ᬭᬳᬩ᭄ᬜᬦᬾᬩᬦ᭄ᬕᭂᬤᬄ᭞ᬳᬸᬦ᭄ᬤᬕᬾᬢᭀᬕᭀᬕ᭄ᬫᬳᬧᬶᬢ᭄᭞ᬫᬧᬧᬶᬡ᭄ᬥ
ᬦ᭄᭞ᬤᬾᬢ᭄ᬬᬤᬦᬯᬫᬗ᭄ᬭᬓ᭄᭟᭐ᬫᬧᬗᬯᬓ᭄ᬳᬦ᭄ᬢᬸᬓ᭄ᬫᬵᬲ᭄᭞ᬩᬢᬸᬦ᭄ᬫᬢᬦᬾᬩᭂᬦ᭄ᬫᬡᬶᬓ᭄᭞ᬗᭂᬜ᭄ᬘᭀᬭᭀᬫ᭄ᬢᬸᬮ᭄ᬬᬢ᭄ᬕᬮᬓ᭄᭞ [ 40 ][᭓᭙ 39B]
᭓᭙
ᬫᬶᬭᬶᬩ᭄ᬫᬸᬜ᭄ᬘ᭄ᬭᬢ᭄ᬧᭂᬲᬸᬳᬧᬶ᭞ᬫᬲᬶᬓᭂᬧ᭄ᬩᬚ᭄ᬭᬫᬸᬲ᭄ᬢᬶ᭞ᬫᬧᬬᬲ᭄ᬫᬶᬭᬄᬫᬢᬸᬭᬸᬢ᭄᭞ᬫᬮᬮᬫ᭄ᬧᬳᬦ᭄‌ᬬᬸᬤ᭄ᬥ᭞ᬤᬸᬓ᭄ᬲᬂ
ᬪᭀᬫᬦᬾᬦᬾᬗᬹᬦᬶ᭞ᬫᬕᭂᬕ᭄ᬩᬸᬕ᭄᭞ᬭᬶᬂᬤ᭄ᬯᬭᬯᬢᬶᬫᬢᬸᬦᬄ᭟᭐ᬳᭂᬦ᭄ᬢᭀᬦᬾᬤᬶᬲᬶᬲᬶᬦ᭄‌ᬢ᭄ᬮᬕ᭞ᬧᬸᬜᬦ᭄ᬩᬸᬗᬳ᭄ᬫᬲ᭄ᬲ
ᬫᬶ᭞ᬫᬢᬢᬓᬦ᭄ᬚᭂᬫ᭄ᬩᬸᬂᬕ᭄ᬥᬄ᭞ᬢᭀᬕᭀᬕ᭄ᬓᬓᬸᬦᬶᬗᬦ᭄ᬗᬶᬲᬶ᭞ᬕ᭄ᬥᬾᬫᬢᬢᬄᬩᭂᬘᬶᬓ᭄᭞ᬫᬕᭀᬩᬭᬵᬓ᭄ᬱᬲᬗ᭄ᬮᬸᬃ᭞ᬬᬦ᭄ᬫᬸᬗ᭄ᬕ᭄ᬯᬶᬂ
ᬘᬭᬶᬢᬦ᭄ᬜᬵ᭞ᬲᬂᬤᬾᬢ᭄ᬬᬓ᭄ᬯᬘᬰᬓ᭄ᬢᬶ᭞ᬧᬘᬂᬗᬸᬢᬸᬲ᭄᭞ᬳᬶᬤᬾᬢ᭄ᬬᬫᬹᬃᬓ᭄ᬓᬫᬢᬸᬮᬓ᭄᭟᭐ᬧᬸᬦᬶᬓᬳᬶᬢᭀᬜᬦ᭄ᬳᬮ
[᭔᭐ 40]
ᬲ᭄‌᭞ᬢᬦ᭄ᬢᭂᬮᬕ᭄ᬫᬩᬸᬗᬲᬳᬶ᭞ᬫᬶᬯᬄᬩᬸᬗᬦᬾᬫᬓᭂᬚᬂ᭞ᬧᬤᬬᬲᬮᬾᬮᬗ᭄ᬓᬸᬗᬶᬦ᭄᭞ᬧᬤᬫᬩᬸᬗᬵᬲᬫᬶ᭞ᬫᬳ᭄ᬮᬶᬫ᭄ᬧᬸ
ᬕᬦ᭄ᬫᬶᬳᬶᬓ᭄ᬜᬗ᭄ᬮᬸᬄ᭞ᬚᭂᬗᬄᬬᬾᬦ᭄ᬢ᭄ᬯᬭᬵᬫᬩᬸᬗᬵ᭞ᬓᬸᬧᬸᬓᬸᬧᬸᬫᭂᬲᬾᬄᬲᬫᬶ᭞ᬫᬲ᭄ᬮᬶᬬᬸᬭᬦ᭄᭞ᬧᬤᬗᬮᬶᬄᬲᬭᬶᬦ᭄ᬩᬸᬗᬵ
᭟᭐ᬓ᭄ᬥᬶᬲᬾᬧᬤᬫᬓᭂᬚᬂ᭞ᬲᬶᬂᬳᬤᬳᬶᬤᭂᬧ᭄ᬫᬕᭂᬤᬶ᭞ᬫᬢᬶᬗ᭄ᬕᬮ᭄ᬳᬸᬮᬶᬤᬶᬢᬫᬦ᭄᭞ᬩᭂᬦ᭄ᬳᬸᬮᬗᬸᬦᬾᬢᬦ᭄ᬲᬶᬧᬶ᭞ᬬᬤᬶᬦ᭄ᬫ
ᬩᬸᬤᬶᬫᭂᬲᬶᬓ᭄᭞ᬤᬫᭂᬓᬦ᭄ᬜᬵᬲᬸᬩᬮᬶᬬᬸ᭞ᬢᭀᬗᭀᬲ᭄ᬫᬲᭂᬩᬸᬦ᭄ᬫᭂᬮᬄ᭞ᬤᬶᬧᬸᬜᬦ᭄ᬩᬸᬗᬦᬾᬲᬫᬶ᭞ᬬᬳᬸᬮᬗᬸᬦ᭄᭞ᬫᬮ᭄ᬬ [ 41 ][᭔᭐ 40B]
᭔᭐
ᬢ᭄ᬢᭂᬓᭂᬦ᭄ᬓᬧᬸᬃᬬ᭄ᬬᬦ᭄᭟᭐ᬧᬜᭂᬗ᭄ᬓᭂᬃᬚ᭄ᬭᭀᬫ᭄ᬯᬄᬢᬫᬦ᭄᭞ᬢ᭄ᬫᬕᬵᬩᬭᬓ᭄ᬫᬜᬦ᭄ᬤᬶᬂ᭞ᬫᬳᬸᬓᬶᬃᬯᬬᬂᬯᬬᬗᬦ᭄᭞ᬧᬤᬫᭂᬮᬫ᭄ᬧᬳ
ᬦ᭄ᬲᬫᬶ᭞ᬩ᭄ᬭᬢᬬᬸᬤ᭄ᬥᬭᬶᬂᬲᬫ᭄ᬧᬶᬂ᭞ᬳᬵᬃᬬ᭄ᬬᬯᬗ᭄ᬰᬦᬾᬭᬶᬂᬧᬸᬗ᭄ᬓᬸᬃ᭞ᬭᬶᬗ᭄ᬳᬋᬧ᭄‌ᬭᬫᬾᬬᬡ᭞ᬫᬓᭂᬚᬂᬧᬤᬵᬗᬾᬦᬓᬶᬦ᭄᭞ᬲᬶᬂᬗᬢᭀ
ᬦᬂ᭞ᬕᬯᭀᬓ᭄ᬫᭂᬲᬶᬓᬧᬶᬢᬺᬱ᭄ᬡᬦ᭄᭟᭐ᬦᬗ᭄ᬳᬶᬂᬓᬭᬶᬓᬧᬺᬮᬷᬦ᭞ᬳᬦ᭄ᬢᬸᬓ᭄ᬳᬶᬤᬵᬭᬦᬾᬤᬾᬦ᭄ᬤᬾᬯᬶ᭞ᬬᬦ᭄ᬢᬦ᭄ᬲᬓᬶᬂᬓᬳᭂᬫ᭄ᬩᬓᬂ᭞ᬢᭀᬂ
ᬳᬤᬵᬳᬦᬓ᭄ᬦᭂᬧᬸᬓᬶᬦ᭄᭞ᬳᬮᬲ᭄ᬫᬓᬦ᭄ᬢᭂᬦ᭄ᬯᬶᬬᬓ᭄ᬢᬶ᭞ᬢᬍᬃᬳᬮᬲᬾᬳᬸᬮᬗᬸᬦ᭄᭞ᬧᬤᬫᬧᬦ᭄ᬢᬵᬧᬦ᭄ᬢ᭞ᬓᬬᬸᬦᬾᬳᬢᭂᬧ᭄ᬫᬧᬶ
[᭔᭑ 41A]
ᬦ᭄ᬢᬶ᭞ᬦᬾᬭᬶᬗ᭄ᬳᬋᬧ᭄᭞ᬚ᭄ᬭᭀᬦᬾᬫᬳᬸᬦ᭄ᬤᬕ᭄ᬳᬸᬦ᭄ᬤᬕ᭄᭟᭐ᬘ᭄ᬭᭀᬭᬶᬗᬾᬳᬧᭀᬳᭀᬲᬦ᭄᭞ᬫᬲᬦ᭄ᬥᬶᬂᬓᬮᬯᬦ᭄ᬫᬗ᭄ᬕᬶᬲ᭄᭞ᬲᬸᬫᬕᬵᬘᬶ
ᬦᬵᬳᬧᬦ᭄ᬢᬵ᭞ᬳᭂᬧᭀᬳᬾᬓ᭄ᬮᬯᬦ᭄ᬯᬦᬶ᭞ᬜᬫ᭄ᬩᬸᬯᬾᬃᬳᬧᬦ᭄ᬢᬵᬜᬦ᭄ᬤᬶᬂ᭞ᬤ᭄ᬮᬶᬫᬧᬸᬢᬶᬄᬫᬧᬸᬡ᭄ᬥᬸᬄ᭞ᬫᬮᬶᬄᬩᬶᬮᬗᬧᬦ᭄ᬢᬵ᭞ᬜᬫ᭄ᬩᬸ
ᬢᭂᬓᬾᬦ᭄ᬳᬶᬜᬸᬄᬕᬥᬶᬂ᭞ᬫᬸᬯᬄᬳᬶᬚᬸᬳᬸᬓ᭄᭞ᬳᬫ᭄ᬩᬸᬮ᭄ᬢᭀᬚᬘᬭᬶᬢᬬᬂ᭟᭐ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬳᬸᬘᬧᬂ᭞ᬭᬶᬂᬧᬸᬭᬶᬳᬶᬤᬵᬫᬮᬶᬗ᭄ᬕᬶᬄ᭞ᬓ
ᬢᬗ᭄ᬓᬶᬦ᭄ᬳᬦ᭄ᬢᬸᬓ᭄ᬧᬋᬓᬦ᭄᭞ᬤ᭄ᬯᬂᬤᬰᬳᬶᬧᬸᬦ᭄ᬓᬧᬶᬗᬶᬢ᭄᭞ᬩᬚᬂᬭᬸᬧᬦᬾᬳᬰ᭄ᬭᬶ᭞ᬫᬕᭀᬮᬾᬭᬦ᭄ᬳᬬᬸᬳᬬᬸ᭞ᬫᬓᭂᬚᬂᬲᬲᭂ [ 42 ][᭔᭑ 41B]
᭔᭑
ᬮᬶᬭᬦ᭄᭞ᬩᬯᬸᬫᬭᬫᭂᬦᬾᬓ᭄ᬮᬶᬄ᭞ᬦᬾᬭᬶᬗ᭄ᬳᬋᬧ᭄‌᭞ᬳᬶᬕᬥᬸᬂᬮᬯᬦ᭄ᬳᬶᬧᬸᬤᬚ᭄᭟᭐ᬧᬗᬬᬳᬾᬭᬶᬂᬧ᭄ᬯᬋᬕᬦ᭄᭞ᬚᬸᬭᬸᬩ᭄ᬢᭂ
ᬓ᭄ᬧᬢᬸᬲ᭄ᬲᬫᬶ᭞ᬧᬸᬦᬶᬓᬲᬫᬶᬍᬳᬦ᭄᭞ᬫᬘᬘᬃᬩᬶᬮᬂᬲᬲᬕᬶ᭞ᬚᬸᬭᬸᬕᬫᭂᬮᬾᬫᬮᬶᬄ᭞ᬯᬦ᭄ᬢᬄᬲᬲᬳᬶᬫᬕᬶᬩᬸᬂ᭞ᬳᬶ
ᬭᬶᬓᬭᬶᬂᬧᬳᬸᬭᬸᬓᬦ᭄᭞ᬚᬸᬭᬸᬓᬸᬭᬸᬂᬘᬢᬸᬦᬲᬶ᭞ᬦᬾᬤ᭄ᬯᬂᬤᬰ᭞ᬳᬶᬧᬸᬤᬓ᭄ᬓᬗ᭄ᬕᭀᬦᬸᬤᬸᬳᬂ᭟᭐ᬲᬺᬕᭂᬧ᭄ᬲᬳᬶᬲᬶᬦᬶᬂᬧᬸ
ᬭᬵ᭞ᬫᬓᭂᬚᬂᬲᬫ᭄ᬧᬸᬜ᭄ᬘᬸᬫᬯᬶᬲ᭄᭞ᬦᬾᬫᬗ᭄ᬓᬶᬦ᭄ᬫᬲᬸᬓᬦ᭄ᬲᬸᬓᬦ᭄᭞ᬫᬗᬶᬭᬶᬂᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬍᬕᭂᬢᬦ᭄ᬲᬶᬧᬶᬲᬶᬧᬶ᭞ᬲᬶᬂᬗ
[᭔᭒ 42A]
ᬤᬫᬓᭂᬦᭂᬄᬳᬶᬩᬸᬓ᭄᭞ᬢᭂᬓᬲᬸᬓᬲᬢᬢᬵ᭞ᬯᬸᬲᬫ᭄ᬧᬸᬦ᭄ᬳᬓᬸᬢᬸᬲᬰᬶᬄ᭞ᬭᬤᬾᬦ᭄ᬕᬮᬸᬄ᭞ᬳᬶᬤᬫᬓᬵᬃᬬ᭄ᬬᬭᬶᬂᬩᭂᬦᬂ᭟᭐
ᬓᬳᬶᬭᬶᬂᬳᬦ᭄ᬢᬸᬓ᭄ᬧᬋᬓᬦ᭄᭞ᬦᬸᬦᬸᬦ᭄ᬳᬶᬤᬵᬲᬳᬶᬲᬳᬶ᭞ᬯᬸᬲ᭄ᬫᬦᬸᬦᬸᬦ᭄ᬫᬧᬬᬲ᭄᭞ᬯᬸᬲᬦ᭄ᬫᬧᬬᬲ᭄ᬳᬸᬫᬶᬚᬶᬮ᭄᭞ᬫᬕᬦᭂᬮ᭄ᬩᬶᬮᬂᬲ
ᬳᬶ᭞ᬓᬾᬢᬾᬓᬵᬃᬬ᭄ᬬᬦᬾᬭᬶᬂᬕᬸᬦᬸᬂ᭞ᬍᬯᬶᬄᬲᬸᬓᬳᬸᬢ᭄ᬢᬫ᭞ᬜᬦ᭄ᬤᬂᬲᬶᬦᭂᬫ᭄ᬩᬸᬳᬶᬂᬕᬸᬫᬶ᭞ᬫᬗ᭄ᬓᬶᬦ᭄ᬭᬯᬸᬄ᭞ᬤᬶᬦᬧᬹᬃᬡ᭄ᬦᬫᬦᬶᬂᬓᬧᬢ᭄᭟᭐
ᬫᬲᬦ᭄ᬳᬦᬓ᭄ᬫᬸᬚᬵᬲᬫᬭ᭞ᬫᬢᬶᬃᬣᬫᬳᭂᬦᬶᬂᬳᭂᬦᬶᬂ᭞ᬫᬩ᭄ᬭᬢᬗ᭄ᬬᬰᬬᬂᬭᬕᬵ᭞ᬗᬃᬘ᭄ᬘᬡᬗᬲ᭄ᬢᬶᬢᬶᬯᬶᬤ᭄ᬥᬶ᭞ᬗᬸᬧ᭄ᬢᬶᬦᬾᬦᬾᬍᬯᬶᬄ᭞ [ 43 ][᭔᭒ 42B]
᭔᭒
ᬳᬧᬂᬫᬦᭂᬫᬸᬭᬳᬬᬸ᭞ᬳᬶᬤᬭᬳᬤᬾᬦ᭄ᬤᬶᬯ᭄ᬬᬵ᭞ᬓᬢᬫᬦ᭄ᬭᬭᬶᬲ᭄ᬫᬲᬸᬘᬶ᭞ᬲᬕᬺᬳᬦ᭄᭞ᬫᬋᬓᬦ᭄ᬦᬫ᭄ᬧᬵᬧᬬᬳᬦ᭄᭟᭐
ᬫ᭄ᬯᬤᬄᬩᬦ᭄ᬩᭀᬓᭀᬃᬳ᭄ᬫᬵᬲ᭄᭞ᬳᭂᬫ᭄ᬧᬸᬓ᭄ᬫᬰᭀᬘᬗᭂᬡ᭄ᬥᬶᬄ᭞ᬲᬸᬲᬸᬃᬓ᭄ᬭᬫᬲ᭄ᬫᬶᬯᬄᬕᬫ᭄ᬩᬃ᭞ᬲᬸᬭᬶᬧᭂᬢᬢᬼᬗᬶᬲ᭄ᬫᬶᬳᬶᬓ᭄᭞ᬭᬯᬸᬄᬭᬶᬂᬢ
ᬫᬦ᭄ᬲᬭᬶ᭞ᬢᬸᬫᬸᬮᬶᬫᬲᬸᬘᬶᬲᬫ᭄ᬧᬸᬦ᭄᭞ᬧᬋᬓᬦᬾᬫᬓᭂᬚᬂ᭞ᬳᬶᬧᬸᬤᬓ᭄ᬕᬤᬸᬂᬢᬦ᭄ᬫᬭᬶ᭞ᬕ᭄ᬮᬶᬲ᭄ᬧᬸᬭᬸᬢ᭄᭞ᬫᬸᬗ᭄ᬕᬄᬭᬶᬂᬩ
ᬮᬾᬧᬲᬸᬘ᭄ᬬᬦ᭄᭟᭐ᬭᬭᬶᬲ᭄ᬫᬦᬩ᭄ᬤᬩᬶᬧᬬᬲ᭄᭞ᬯᬲ᭄ᬢ᭄ᬭᬦᬾᬢ᭄ᬯᬭᬦᬡ᭄ᬥᬶᬗᬶᬦ᭄᭞ᬲᬸᬢ᭄ᬭᬩᬩᬶᬦ᭄ᬢᬂᬫᬗ᭄ᬭᬜᬩ᭄᭞ᬗ᭄ᬭᬾᬤᬾᬧ᭄ᬜᬮᬂ
[᭔᭓ 43A]
ᬧᬓᬜᬶᬢ᭄ᬜᬶᬢ᭄᭞ᬫᬮᬶᬫᬸᬢ᭄ᬋᬫ᭄ᬩᬸᬂᬩᬢᬶᬓ᭄᭞ᬫᬧ᭄ᬭᬤᬵᬫᬤᭂᬫ᭄ᬧᬮ᭄ᬫᬸᬭᬸᬩ᭄᭞ᬫᬧ᭄ᬮᬶᬦ᭄ᬢᬶᬃᬓᬯᬢ᭄ᬳᭂᬫᬲ᭄᭞ᬳᭂᬫ᭄ᬧᬸᬓ᭄ᬤᬶᬲᬶᬲᬶᬫ
ᬧ᭄ᬮᬶᬤ᭄ᬧᬶᬤ᭄᭞ᬫᬲᬰᭀᬘᬦ᭄᭞ᬫᬲᬶᬜ᭄ᬚᬂᬧ᭄ᬭᬜ᭄ᬘᬶᬲᬾᬕᬤᬂ᭟᭐ᬫᬧᬧ᭄ᬓᭂᬓ᭄ᬢᬢᬸᬭᬸᬢᬦ᭄᭞ᬲᬸᬢ᭄ᬭᬵᬫᬧ᭄ᬭᬤᬩᭂᬘᬶᬓ᭄᭞ᬘᭀᬓᭀᬭᬾᬫᬧᬶᬗ᭄ᬕᭂᬮ᭄ᬳᭂ
ᬫᬲ᭄᭞ᬫᬢᬢᬄᬕᭀᬩᬦᬾᬳᬰ᭄ᬭᬶ᭞ᬧᬶᬗ᭄ᬕᭂᬮ᭄ᬢᬗᬦᬾᬫᬦᬶᬲ᭄᭞ᬧᭂᬤᭀᬓ᭄ᬫᬢ᭄ᬧᬶᬫᬲ᭄ᬢᬢᬸᬃ᭞ᬫᬲᬲᭂᬫ᭄ᬩᬃᬩᬦ᭄ᬲᭀᬘ᭞ᬯᬶᬦ᭄ᬢᭂᬦ᭄ᬲᭀᬭᭀᬄ
ᬦᬾᬦᬾᬩᭂᬘᬶᬓ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄᭞ᬤᬸᬫᬶᬮᬄᬗᭂᬩᭂᬓᬶᬦ᭄ᬚᬕᬢ᭄᭟᭐ᬫᬲᭂᬓᬃᬮᭀᬦ᭄ᬢᬃᬫᬘ᭄ᬭᬂᬘᬂ᭞ᬧᬸᬢᬶᬄᬲᭂᬦ᭄ᬢᬓ᭄ᬩᬸᬓᬫᬡᬶᬓ᭄᭞ᬳᬶᬲᬶ [ 44 ][᭔᭓ 43B]
᭔᭓
ᬢᬾᬗᭂᬫ᭄ᬩᬂᬭᬚᬲ᭞ᬳᬸᬗᬲᬦ᭄ᬫᬫᬸᬤᬓ᭄ᬱᬭᬶ᭞ᬘᬘᬶᬗᬓᬾᬕᬮᬓ᭄ᬫᬦᬶᬲ᭄᭞ᬩᬸᬮᬸᬦ᭄ᬘᬶᬗᬓ᭄ᬜᬸᬗ᭄ᬓᬩ᭄ᬢᬸᬳᬸᬦ᭄᭞ᬳᬸᬦ᭄ᬢᬸᬦᬾᬧᬸᬢᬶᬄ
ᬧᬢ᭄ᬧᬢ᭄‌᭞ᬳᬯᬓ᭄ᬱᬼᬫᬶᬭᬶᬩ᭄ᬫᬡᬶᬓ᭄᭞ᬮᬫ᭄ᬩᬾᬜᬸᬜᬸᬃᬫ᭄ᬭᬲᬗᭂᬫ᭄ᬓᭂᬫ᭄ᬕᬸᬮᬵᬤ᭄ᬭᬯ᭟᭐ᬧᬗᬭᬲᬦ᭄ᬫᬶᬫ᭄ᬩᬸᬄᬳᬤᭂᬗᬦ᭄᭞ᬜᬼᬫ᭄ᬜᬮᬂᬩᬸ
ᬓᬢᬸᬦ᭄ᬤᬶᬓ᭄᭞ᬭᬕᬵᬢᬶᬧᬶᬲ᭄ᬫᬕᬾᬮᭀᬳᬦ᭄᭞ᬍᬫᬸᬄᬫᬥ᭄ᬬᬦᬾᬢᬦ᭄ᬲᬶᬧᬶ᭞ᬢᬗᬦ᭄ᬭᬲᬢᬦ᭄ᬧᬕᬮᬶᬄ᭞ᬚ᭄ᬭᬶᬚᬶᬗᬜ᭄ᬘᬦᬼᬫᬸᬄᬭᬸᬭᬸ
ᬲ᭄᭞ᬦᬓᬵᬧᬜ᭄ᬚᬂᬫᬗ᭄ᬭᬦᬂ᭞ᬧᬸᬧᬸᬫ᭄ᬭᭀᬲ᭄ᬩᬸᬓᬲᬗ᭄ᬮᬶᬂ᭞ᬕᬤᬶᬂᬜᬮᬂ᭞ᬮᬫ᭄ᬩᬾᬦᬾᬫᬗ᭄ᬭᬂᬭᬂᬳ᭄ᬫᬵᬲ᭄᭟ᬮᬮᬢ᭄ᬣᬵᬢᬚᭂᬧ᭄ᬫᬩᭂᬗᬤ᭄᭞ᬩᬸᬓ
[᭔᭔ 44A]
ᬩᬸᬮᬦ᭄ᬢᬗ᭄ᬕᬮ᭄ᬧᬶᬂᬓᬮᬶᬄ᭞ᬳᬦᬸᬢ᭄ᬢᭂᬓᬾᬦᬶᬂᬲ᭄ᬭᬶᬦᬣ᭞ᬧᬕ᭄ᬭᬾᬦ᭄ᬢᬾᬂᬫᬗᬯᬶᬃᬳᬯᬶᬃ᭞ᬫᬲᭂᬓᬃᬲ᭄ᬭᬸᬡᬶᬓᬸᬦᬶᬂ᭞ᬘᬭᬂᬤᬸᬲᬦᬾᬭᬶᬂᬕ᭄ᬮᬸᬂ
᭞ᬘᬘᬸᬡ᭄ᬥᬸᬓᬾᬧᬸᬘᬸᬓ᭄ᬩᬭᬓ᭄᭞ᬭᬶᬂᬓᬃᬡ᭄ᬦᬘᬫ᭄ᬧᬓᬯᬶᬮᬶᬲ᭄᭞ᬕᬕᭂᬫ᭄ᬧᭀᬮᬦ᭄᭞ᬲᬦ᭄ᬤᬢ᭄‌ᬚᭂᬧᬸᬦᬾᬫᬩᬸᬗᬄ᭟᭐ᬳᬦᬸᬢ᭄ᬜ
ᬦ᭄ᬤᬶᬂᬲ᭄ᬭᬶᬦᬢ᭄ᬣᬵ᭞ᬗ᭄ᬮᬾᬜ᭄ᬘᭀᬓ᭄ᬫᬢᬾᬚᬵᬗᭂᬦ᭄ᬤᬶᬄ᭞ᬫᬮᬶᬄᬲᬸᬲᬸᬦᬾᬳᬸᬘᬧᬂ᭞ᬫᬗᬮᬳᬂᬳᬶᬜᬸᬄᬕᬤᬶᬂ᭞ᬜᬗ᭄ᬓᬶᬄᬜᬮᬂᬫ
ᬗ᭄ᬭᬯᬶᬢ᭄᭞ᬲᬶᬂᬗᭂᬦᭀᬢ᭄ᬤᬤᬶᬳᬸᬮᬗᬸᬦ᭄᭞ᬫᬶᬭᬶᬩ᭄ᬧᬸᬢ᭄ᬭᬶᬭᬶᬂᬲᬸᬭᬢ᭄᭞ᬫᬳᬮᬶᬳᬮᬶᬫᬲ᭄ᬤᬶᬓᬘᬶᬂ᭞ᬫᬲᬰᭀᬘᬦ᭄᭞ᬫᬡᬶᬓ᭄ᬩ [ 45 ][᭔᭔ 44B]
᭔᭔
ᬭᬓ᭄ᬢᬸᬃᬫᬕᬸᬡᬵ᭟᭐ᬗ᭄ᬭᭀᬜᭀᬄᬳᭂᬡ᭄ᬥᬶᬄᬫᬓᬮᬗᬦ᭄᭞ᬚᭂᬚᭂᬄᬯᬸᬮᬢ᭄ᬲᬶᬂᬗ᭄ᬮᬶᬬᬢᬶᬦ᭄᭞ᬫᬓᬓᭂᬩ᭄ᬢᭀᬂᬩᬦᬶᬦᬗᬄ᭞
ᬓᬾᬢᭀᬕᬸᬡᬦ᭄ᬜᬦᬾᬍᬯᬶᬄ᭞ᬜᬾᬦᬼᬗᬶᬲᬾᬫᬶᬳᬶᬓ᭄᭞ᬗ᭄ᬩᭂᬓᬶᬦ᭄ᬕᬸᬫᬶᬫᬗ᭄ᬮᬶᬓᬸᬩ᭄᭞ᬧᬸᬦᬶᬓᬳᬶᬧᬋᬓᬦ᭄᭞ᬦᬾᬤ᭄ᬯᬂᬤ
ᬰᬧᬢᬸᬄᬲᬫᬶ᭞ᬗᬗ᭄ᬕᬾᬫ᭄ᬮᬄ᭞ᬫᬓᬫ᭄ᬩᭂᬦ᭄ᬲᬼᬫᬾᬜᬮᬂ᭟᭐ᬫᬢᭂᬗ᭄ᬓᬮᬸᬂᬭᬦ᭄ᬢᬂᬲᬸᬢ᭄ᬭᬵ᭞ᬦᬾᬕᬤᬂᬫᬧ᭄ᬮᬶᬦ᭄ᬢᬶᬃᬓᬸᬦᬶᬂ᭞ᬫᬲᬩᬸ
ᬓ᭄‌ᬧ᭄ᬮᬸᬗᬾᬩᬸᬗᬄ᭞ᬧᬤᬫᬢ᭄ᬧᬶᬚᭀᬲ᭄ᬓᬸᬦᬶᬂ᭞ᬫᬲᬸᬩᭂᬂᬳᭂᬦ᭄ᬢᬸᬮᬾᬧᬸᬢᬶᬄ᭞ᬳᬶᬧᬸᬤᬓ᭄ᬫᬶᬯᬄᬳᬶᬕᬤᬸᬂ᭞ᬫᬓᬫ᭄ᬩᭂᬦ᭄ᬲᬸᬢ᭄ᬭᬓᬸᬫᬫ᭄ᬩᬂ᭞
[᭔᭕ 45A]
ᬫᬲᬩᬸᬓ᭄ᬲᬸᬢ᭄ᬭᬧ᭄ᬮᬗᬶ᭞ᬫᬳᬦ᭄ᬢᭂᬂᬓᬮᬸᬂ᭞ᬩᬢᬶᬦ᭄ᬋᬫ᭄ᬩᬸᬗᬾᬦᬾᬲᬸᬢ᭄ᬭᬵ᭟᭐ᬫᬢ᭄ᬧᬶᬘᬳᬸᬮ᭄ᬫᬢᬸᬫ᭄ᬩᬓ᭄᭞ᬲᬸᬩᭂᬗᬾᬳᭂᬦ᭄ᬢ
ᬮ᭄ᬫᬓ᭄ᬭᬶᬓ᭄᭞ᬫᬓᭀᬲᭀᬄᬧᬸᬢᬶᬄᬩᬦ᭄ᬩᬗ᭄ᬱᬄ᭞ᬫᬘᬘᬸᬡ᭄ᬥᬸᬓ᭄ᬤᬶᬗᬶᬦ᭄ᬤᬶᬗᬶᬦ᭄᭞ᬤᬶᬧᬸᬲᬸᬗᬾᬲ᭄ᬭᭀᬡᬶ᭞ᬓ᭄ᬭᬡ᭄ᬝᬫᬕᭂᬫ᭄ᬧᭀᬮ᭄ᬤᬶᬢᬸ᭞
ᬤᬶᬓᭀᬧᬶᬗᬾᬘᬫ᭄ᬧᬓᬵ᭞ᬫᬓᭂᬚᬂᬫᬳᬸᬲᬧᬼᬗᬶᬲ᭄᭞ᬫᬶᬳᬶᬓ᭄ᬗᬮᬸᬧ᭄᭞ᬦᬾᬫᬗ᭄ᬓᬶᬦ᭄ᬳᬸᬲᬦ᭄ᬫᬧᬬᬲ᭄᭟᭐ᬳᬶᬧᬸᬤᬓ᭄ᬮ
ᬯᬸᬢ᭄ᬗᬯᬲᬂ᭞ᬯᬃᬡ᭄ᬦᬦᬾᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶ᭞ᬕᬯᭀᬓ᭄ᬢᬸᬭᬳᬤᬧᬤᬵ᭞ᬯᬮᬸᬬᬲᬗ᭄ᬳ᭄ᬬᬂᬲ᭄ᬫᬭᬶ᭞ᬫᬓᭂᬚᬂᬲᬸᬩᬫᬦᬶᬲ᭄᭞ᬩᬸᬯᬶᬦ᭄ᬓ [ 46 ][᭔᭕ 45B]
᭔᭕
ᬳᬶᬫ᭄ᬩᬸᬳᬶᬦ᭄ᬜᬸᬜᬸᬃ᭞ᬚ᭄ᬕᬾᬕᬾᬫᬗᭀᬜᬂᬗᭀᬜᬂ᭞ᬢᬸᬯᬶᬢ᭄ᬯᬄᬲᬭᬶᬦᬶᬂᬕᬸᬫᬶ᭞ᬬᬦ᭄ᬲᬯᬗᬂ᭞ᬳᬦ᭄ᬢᬸᬓ᭄ᬳᬶᬕᬤᬸᬂᬳᬶᬧᬸᬤᬓ᭄᭟᭐ᬕ
ᬤᬸᬂᬫ᭄ᬩᭀᬓ᭄ᬫᬗ᭄ᬭᬲᬬᬂ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬦᬾᬚᬦᬶ᭞ᬫᬓᭂᬚᬂᬓᬲᭀᬭᬂᬳᬶᬤ᭞ᬫᬶᬭᬶᬩ᭄ᬚᭂᬗᬄᬦᬾᬦᬡ᭄ᬥᬶᬗᬶᬦ᭄᭞ᬭᬫ᭄ᬩᬸᬢᬾᬧᬜ᭄ᬚᬂᬯᬶ
ᬮᬶᬲ᭄᭞ᬗᬲᭀᬭᬂᬕᬸᬍᬫ᭄ᬓ᭄ᬧᬶᬢᬸ᭞ᬬᬾᬦ᭄ᬳᬶᬤᬫᬘᬘᬶᬗᬓ᭄᭞ᬓᬲᭀᬃᬢᬝᬶᬢᬾᬭᬶᬂᬯᭂᬗᬶ᭞ᬰ᭄ᬭᬶᬦᬢᬦᬾ᭞ᬗᬲᭀᬭᬂᬕᬸᬮᬸᬗ
ᬦ᭄ᬳᭀᬫ᭄ᬩᬓ᭄᭟᭐ᬫᬮᬶᬄᬬᬦ᭄ᬳᬶᬤᬗᬦ᭄ᬤᬶᬓᬵ᭞ᬗᬲᭀᬭᬂᬫᬸᬜᬶᬦ᭄ᬲᬸᬦ᭄ᬤᬭᬶ᭞ᬳᬸᬦ᭄ᬢᬸᬦᬾᬧᬸᬢᬶᬄᬧᬢ᭄ᬧᬢ᭄᭞ᬓᬲᭀᬃᬫᭂᬓᬦᬾᬧ
[᭔᭖ 46A]
ᬓ᭄ᬭᬶᬦᬶᬂ᭞ᬦᬾᬜᬼᬫ᭄ᬜᬮᬂᬗᬾᬤᬦᬶᬦ᭄᭞ᬓᬫ᭄ᬧᬶᬤ᭄‌ᬪ᭄ᬭᬳ᭄ᬫᬭᬦᬾᬳᬸᬮᬸᬂ᭞ᬚᭂᬗᬄᬬᬫᬢᬡ᭄ᬥᬶᬗᬦ᭄᭞ᬲᬸᬲᬸᬜᬮᬂᬜᬗ᭄ᬓᬶᬄᬕᬤᬶᬂ
᭞ᬗᬸᬘᬶᬯᬬᬂ᭞ᬜᬸᬄᬕᬤᬶᬗᬾᬳᭀᬜᬳᬳᬲ᭄᭚᭐᭚ᬳᬶᬦᬦ᭄ᬜᬦᬾᬲᬦᬾᬓᬢᬸᬭᬸᬦ᭄᭞ᬤ᭄ᬭᬸᬯᬾᬦ᭄᭞ᬫᬗ᭄ᬓᬸᬗᭂᬦ᭄ᬢᭂᬕ᭄᭞
ᬭᬶᬂᬫᬸᬜ᭄ᬘᬦ᭄᭚᭐᭚ᬧᬸᬧᬸᬢ᭄ᬓᬲᬸᬭᬢ᭄᭞ᬭᬶᬂᬤᬶᬦ᭟ᬘ᭞ᬓ᭞ᬯᬭ᭞ᬓᬸᬦᬶᬗᬦ᭄᭟ᬧᬂ᭞ᬧᬶᬂ᭞᭘᭞ᬰᬰᬶᬄ᭞ᬓᭂᬦᭂᬫ᭄᭞ᬭᬄ᭞᭑
᭞ᬢᭂᬗ᭄ᬕᭂᬓ᭄᭞᭑᭐᭟ᬇᬰᬓ᭞᭑᭙᭐᭕᭟ᬯᬃᬱᬦᬶᬂᬮᭀᬓᬵ᭚᭐᭚ᬲᬂᬫᬦᬸᬭᬸᬦ᭄‌ᬳᬶᬤᬩᬕᬸᬲ᭄ᬫᬶᬓᬵ᭚ᬭᬶᬂᬕ᭄ᬭᬶᬬᬤ᭄ᬯᬶᬧᬫᬸᬜ᭄ᬘᬦ᭄᭚ [ 47 ][᭔᭖ 46B]
᭔᭖
ᬦ᭄ᬤᬦ᭄ᬰᬦ᭄ᬢᭀᬱᬓ᭄ᬦᬵᬯᬶᬭᬸᬧᬦᬶᬂᬅᬓ᭄ᬱᬭᬵ᭞ᬅᬧᬦ᭄ᬓᬯᬶᬫᬸᬥᬦᬶᬂᬯ᭄ᬯᬂᬫᬜᬸᬭᬢ᭄᭞ᬢᬦ᭄ᬯ᭄ᬭᬸᬄᬭᬶᬂᬰᬵᬲ᭄ᬢ᭄ᬭᬮᭀᬓᬶᬓᬵ᭞ᬓᬶᬭᬂᬓ
ᬳᭀᬢ᭄ᬦ᭄ᬬᬓᬧᬚᭂᬗᬦᬤᬾᬲᬂᬲᬸᬤ᭄ᬥ᭄ᬬᬵᬫᬘ᭞ᬳᬬ᭄ᬯᬵᬗ᭄ᬕᬸᬕᬸᬬᬸᬯᬶᬭᬹᬧᬦᬶᬂᬅᬓ᭄ᬱᬭᬵ᭞ᬓᭀᬢ᭄ᬢᬫᬦᬶᬂᬮᬫ᭄ᬩᬂᬳᬸᬕᬧᬶ
ᬋᬲᭂᬧ᭄᭟ᬧᬶᬮᬶᬄᬫᬗ᭄ᬤᬾᬓᬭᬳᬬ᭄ᬯᬦᬶᬂᬲᬂᬫᬦᬸᬭᬸᬦ᭄᭞ᬫ᭄ᬯᬂᬲᬂᬫᬓᬤᬺᬯ᭄ᬬᬂᬧᬸᬱ᭄ᬝᬓᬶ᭟ᬒᬁᬕ᭄ᬫᬸᬕᬡᬥᬶᬧᬢᬬᬾ
ᬦᬫᬄ᭞ᬑᬁᬅᬁᬲᬭᬰ᭄ᬯᬢᬶᬬᬦᬫᬄ᭞ᬑᬁᬤᬶᬃᬕ᭄ᬖ᭄ᬬᬬᬸᬭᬲ᭄ᬢᬸ᭞ᬑᬁᬰᬸᬪᬫᬵᬲ᭄ᬢᬸ᭞ᬢᬢᬲ᭄ᬢᬸ᭞ᬳᬲ᭄ᬢᬸᬰ᭄ᬯᬳᬵ᭚᭐᭚᭟