Ban/Gaguritan Istri Tanjung 01

Deskripsi

Bahasa Indonesia

lontar ini menceritakan tentang kisah Dewistri Tanjung yang dituangkan dalam sebuah cacangkriman dan pupuh Adri

Naskah

[ 1 ][Judul: Gag. ISTRI TANJUNG. A 2
Panj. 40 cm. Leb. 3,5 cm. Jl.16 lb.
Asal: Puri Gobraja, Singaraja.
Krta 3/62/u
PERPUSTAKAAN
KTR. DOKBUD BALI
PROP. BALI
G/VIII/7/DOKBUD]
[᭑ 1A]
[G/VIII/7
Judul: Gag. ISTRI TANJUNG.
Panj. 40 cm. Leb. 3,5 cm. Jl.16 lb.
Asal: Puri Gobraja, Singaraja.] [ 2 ][᭑ 1B]
᭑
᭛᭜᭛ᬅᬯᬶᬖ᭄ᬦᬫᬵᬲ᭄ᬢᬸᬦᬫᬲ᭄ᬯᬳᬵ᭛᭜᭛ᬳᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬧᬸᬄᬳᬤ᭄ᬭᬶ᭛ᬳᬦᬘᬭᬶᬢᬕᬶ᭠ᬦᬸᬭᬶᬢ᭄ᬓᬶᬤᬸᬂ᭞ᬭᬶᬂᬓ᭄ᬮᬶᬂᬲᬗ᭄ᬓᬦᬾ᭞ᬳᬧᬸᬧᬸᬄᬕᬶᬢᬧ᭄ᬭᬮᬓᬶ᭞ᬓᬶᬲᬶᬤᬧᬓ᭄ᬱᬚᬮᬸ᭞ᬯᬤᭀᬦ᭄ᬭᬦ᭄ᬳᬶᬲ᭄ᬢ᭄ᬭᬷᬢᬵ
ᬜ᭄ᬚᬸᬂ᭞ᬳᬫᬦ᭄ᬭᬗᬶᬂᬢᬸᬂᬢᬸᬂᬫᬗ᭄ᬓᬾ᭞ᬥᬥᬭᬶᬲ᭄ᬢ᭄ᬭᬷᬓᬂᬯᬶᬦᬸᬯᬸᬲ᭄᭞ᬓᬮᬯᬦ᭄ᬭᬫ᭄ᬩᬸᬢ᭄ᬲᬤᬦ᭞ᬢᬸᬫᬸᬭᬸ᭠ᬦᬯᬶᬡ᭄ᬥᬵᬚᬦ᭄ᬫᬵ᭟ᬳᬰ᭄ᬭᬷᬤᬦ᭄ᬢᬶᬬᬳᬦᬶᬂᬯᬸᬯᬸᬲ᭄᭞ᬳᬦᭀᬫ᭄ᬯᬂᬯᬬᬳᬾ᭞ᬓᬾᬭᬄᬭᬶᬂᬧ᭄ᬭᬤᬾᬰᬦᬾᬓᬶ᭞᭠
ᬢᬸᬫᭀᬦ᭄ᬭᬶᬂᬚᬦ᭄ᬫᬵᬚᬮᬸ᭞ᬳᬲᬾᬯᬓᬭᬶᬂᬲᬂᬧ᭄ᬭᬪᬸ᭞ᬭᬶᬂᬲᬶᬦ᭄ᬥᬭᬚᬢᬓᬗ᭄ᬕᬾ᭞ᬳᬲᬾᬯᬓᬢᬶᬓᬢᬯᬸᬦ᭄᭞ᬢᬸᬃᬓᬶᬦᭀᬦᬩᬩ᭄ᬓᭂᬮᬦ᭄᭞ᬳᬫ᭄ᬩᭂᬓᭂᬮ᭄‌ᬲᬶᬭᬭᭀᬂᬯᬶᬚ᭄ᬬ᭟ᬤᬢᭂᬂᬲᬶᬭᬾᬂᬳᬫᬸᬓ᭄ᬢᬶᬬᬵᬮ
ᬗᬸ᭞ᬲᬸᬓᬵᬲᬲᬭᭀᬯᬗᬾ᭞ᬢᭀᬗᬦᬯᬶᬮᬶᬲ᭄ᬢᬦ᭄ᬓᬭᬶ᭞ᬳᬫᬋᬓᬾᬳᬶᬭᬶᬗ᭄ᬲᬸᬦ᭄᭞ᬳᬶᬲᬶᬤ᭄ᬥᬵᬧᬓ᭄ᬱᬳᬫᬸᬯᬸᬲ᭄᭞ᬲᬶᬤ᭄ᬥᬵᬧᬓ᭄ᬱᬵᬮᬄᬯᬭᬳᬾ᭞ᬭᭀᬯᬂᬗᬶᬭᬓᬗᬶᬗᬸᬢᬸᬲ᭄᭞ᬓᬶᬦᭀᬗ᭄ᬓᭀᬦᬗᬸ
[᭒ 2A]
ᬲᬥᬬᬵ᭞ᬮᬄᬫᬵᬦ᭄ᬢᬸᬓᬾᬓᬧᬢᬶᬬᬦ᭄᭟ᬲᬢ᭄ᬓᬦᬶᬂᬚᬩᬢᬦᬲᬦ᭄ᬢᬸᬦ᭄᭞ᬧᬢᬶᬄᬲᬶᬤ᭄ᬥᬵᬧᬓ᭄ᬱᬶ᭞ᬫᬸᬮᬭᬶᬲᬓᬸᬓᬸᬭᬸᬗ᭄ᬯᬶᬦ᭄᭞ᬧᬓ᭄ᬱᬶᬲᬯᬸᬂᬮᬦ᭄ᬫᬦᬹᬓ᭄᭞ᬢᬦᬮᬢᬓᭀᬦᬓᭂᬦᬸᬄ᭞ᬧ᭄ᬭᬓᬸᬢᬸᬢ᭄ᬮᬡ᭄ᬥᭂᬓᬸᬲᬸ
ᬢᬵ᭞ᬲᬭᬶᬦ᭄ᬤᬶᬢ᭄ᬮᬦᬵᬢᬢ᭄ᬢᬶᬓᬸ᭞ᬕᬶᬭᬂᬢᬸᬫᭀᬦ᭄ᬭᬶᬂᬕᬸᬲ᭄ᬢᬶᬦ᭄ᬬ᭞ᬳᬦᬧᬦᬵᬬᬬᬾᬦ᭄ᬯᭀᬗᬵ᭟ᬮᬄ᭠ᬩᬕᬾᬦᬬᬲᬶᬭᬧᬸᬢᬸᬦᬶᬲᬸᬦ᭄᭞ᬳᭂᬦ᭄ᬥᬶᬲᬶᬦᬗ᭄ᬓᬦᬾ᭞ᬓᬤ᭄ᬬᬗᬶᬧᬶᬲᬸᬦ᭄ᬭᬶᬗᬸᬦᬶ᭞ᬲᬯᬾᬗ᭄ᬓᭀᬦᭀᬃᬦᬶ᭠
ᬩᬢᬸᬃ᭞ᬳᬤᬡ᭄ᬥᬵᬦᬲᬶᬭᬲ᭄ᬓᬸᬮ᭄᭞ᬓᬸᬓᬸᬧ᭄ᬥᬦ᭄ᬳᬬ᭄ᬯᬲ᭄ᬯᬾ᭞ᬓᬍᬲᭀᬦ᭄ᬤᬾᬦᬾᬮᬸᬫᬓᬸ᭞ᬲᬶᬭᬳᬵᬭᬭᬲᬦ᭄ᬬᬦ᭄᭞ᬯᬸᬲᬵᬫ᭄ᬧᬸᬦᬶᬭᬳᬦᬥᬄ᭟ᬤᬾᬯᬶᬲ᭄ᬢ᭄ᬭᬷᬯᬦᬶᬫᬗ᭄ᬓ᭄ᬬᬤᬦᬲ᭄ᬓᬸᬮ᭄᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾ᭞᭠
ᬳᬫᬸᬯᬸᬲᬕᭀᬦ᭄ᬮᬶᬂᬦᬾᬓᬶ᭞ᬤᬾᬦᬾᬩᬺᬲᬶᬄᬓᬂᬲ᭄ᬓᬸᬮ᭄᭞ᬭᬸᬧᬦᬾᬳᬫᬾᬦᬓ᭄ᬳᬬᬸ᭞ᬫᬲᬯᭀᬂᬲᬮᬄᬧᬧᬦᬾ᭞ᬳᬦ᭄ᬥᬸᬗ᭄ᬓᬯᬫᬭᬶᬂᬩᬢᬸᬃ᭞ᬳᬩᬺᬰᬶᬄᬢᬲᬶᬭᬫᬗ᭄ᬓ᭄ᬬ᭞ᬫᬲᬢᬲᬶᬢᬦ᭄ᬯᭀᬂᬫᬾᬦᬓ᭄᭞ [ 3 ][᭒ 2B]
᭒
᭟ᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬫ᭄ᬬᬤᬦ᭄ᬲᭂᬓᬸᬮ᭄᭞ᬫᬗ᭄ᬓᬾᬧᬶᬦᬶᬮᬶᬳᬾ᭞ᬇᬓᬶᬓᬂᬳᬩ᭄ᬘᬶᬓ᭄ᬩᭂᬘᬶᬓ᭄᭞ᬳᬶᬓᬶᬳᬸᬮᬫᬲᬵᬫ᭄ᬧᬸᬦ᭄᭞ᬦ᭄ᬤᬦ᭄ᬢᬦ᭄ᬓᬭᬶᬳᬸᬮᬫ᭄ᬱᬯᬸᬂ᭞ᬳᬸᬮᬫᬶᬢᬶᬓ᭄ᬳᬶᬓᬸᬫᬗ᭄ᬓᬾ᭞ᬢᬦ᭄ᬓᬭᬶᬳᬜ᭄ᬚᬕᬲᬯᬸᬃ᭞᭠
ᬢᬦ᭄ᬯᬶᬮᬶᬲ᭄‌ᬧ᭄ᬦᭂᬓᬾᬫᬗ᭄ᬓᭀᬳᬤᬸᬮᬸᬃᬮᬯᬦᬦ᭄ᬢᬶᬕᬵ᭟ᬧᬶᬦ᭄ᬤᬂᬗᬬᬫᬗ᭄ᬓᬾᬯᬸᬲ᭄ᬓᬶᬦᬸᬮᬸᬩ᭄᭞ᬳᬶᬗᬤᭀᬦᬦ᭄ᬫᬗ᭄ᬓᬾ᭞ᬚᬗᬦᬵᬲᭂᬫ᭄‌ᬦ᭄ᬤᬢᬦ᭄ᬓᬭᬶ᭞ᬓᬲᬯᬶᬮᬯᬦ᭄ᬚᬸᬓᬸᬢ᭄᭞ᬧᭀᬮᬲ᭄ᬚᬫᬸᬦ᭄ᬤᬢᬦ᭄ᬓᬦ᭄ᬢᬸᬦ᭄᭞
ᬲᬶᬲᬶᬮᬦ᭄ᬓᬘᬂᬭᭀᬯᬗᬾ᭞ᬦᬶᬳᭂᬫ᭄ᬩᬂᬯᬢᭀᬓᭂᬦᬾᬓᬸ᭞ᬤᬾᬦᬵᬮ᭄ᬮᬶᬲ᭄ᬳᬢᬸᬋᬦ᭄ᬬ᭞ᬧᬸᬦᬶᬓᬶᬲᬵ᭠ᬫ᭄ᬧᬸᬦ᭄ᬲᬸᬯ᭟ᬩᬜᬸᬢᬶᬢᬵᬲᬦᬭᬶᬧᬶᬂᬧᬶᬢᬸ᭞ᬯᬶᬦᬤᬳᬦ᭄ᬤᬗ᭄ᬓᬾ᭞ᬳᬯᬤᬄᬲᬮᬓᬳᬰ᭄ᬭᬷ᭞᭠
ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬳᬫᬸᬯᬸᬲ᭄᭞ᬲᬧᬾᬓᭀᬦᭀᬮᬭᬶᬄᬮᬶᬓᬸ᭞ᬳᬶᬓᬶᬬᬶᬗ᭄ᬲᬸᬂᬮᬭᬶᬄᬫᬗ᭄ᬓᬾ᭞ᬬᬾ᭠ᬦᬦᬓ᭄ᬢᬸᬦᬶᬂᬲᬬᬸᬩ᭄᭞ᬳᬬ᭄ᬯᬢᬳᬕᬾᬩᬶᬦᬸᬜ᭄ᬘᬮ᭄᭞ᬳᬶᬗ᭄ᬲᬸᬦ᭄‌ᬫ᭄ᬦᬾᬳᬗᬶᬦᬸᬫᬵ᭟ᬤᬾᬯᬶᬲ᭄ᬢ᭄ᬭᬷ᭠
[᭓ 3A]
ᬢᬜ᭄ᬚᬸᬂᬳᬗᬓ᭄ᬱᬶᬳᬾᬯᬸᬄ᭞ᬲ᭄ᬥᬄᬘᬦᬂᬫᬗ᭄ᬓᬾ᭞ᬳᬯᬸᬄᬘᬫ᭄ᬧᬸᬃᬚᬫ᭄ᬗᬾᬕᬤᬶᬂ᭞ᬲᬸᬭᬸᬄᬯᬥᬄᬭᬦᬵᬮᬸᬲ᭄᭞ᬮᬸᬗ᭄ᬲᬶᬃᬧ᭄ᬝᬓ᭄‌ᬳᬸᬍᬲ᭄ᬳᬶᬧᬸᬦ᭄᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫ᭄ᬢᬸᬫᬗ᭄ᬓᬾ᭞ᬮᬭᬶᬲ᭄ᬬᬳᬦᬫ᭄ᬧᬲᬸᬭᬸᬄ᭞ᬳᬜ᭄ᬚᭂᬦᭂᬂᬭᬶᬂ
ᬧᬸᬗ᭄ᬓᬸᬃᬫᬗ᭄ᬓ᭄ᬬᬵ᭞ᬓᬶᬩᬢᬸᬃᬢᬦᬦᬯᬶᬓᬦ᭄᭟ᬓᬶᬓᭂᬫ᭄ᬗᬂᬫᬗ᭄ᬓᬾᬮᬶᬗᬶᬭᬵᬫᬸᬯᬸᬲ᭄᭞ᬤᬯᬸᬳᬦᬫᬗ᭄ᬓᬾ᭞ᬧᬸᬢᬸᬦᬶᬗ᭄ᬲᬸᬦ᭄ᬚᬶᬦᬯᬾᬮᬶᬦ᭄᭞ᬳᬦᬓᬦᬓᬶᬗ᭄ᬲᬸᬦ᭄᭞ᬲᬶᬤ᭄ᬥᬵᬧᬓ᭄ᬱᬦᬓᬩᬢᬸᬃ᭞ᬳᬮᭀᬦ᭄ᬫᬗ᭄ᬓᬾᬧᬵ᭠
ᬗᬸᬘᬧᬾ᭞ᬲᬮᬳᬦᬲ᭄ᬥᬄᬳᬶᬓᬸ᭞ᬫᬸᬮᬶᬳᬲᬂᬭᬧᬗᬾᬭᬦ᭄᭞ᬲᬫ᭄ᬧᬸᬦᬲ᭄ᬯᬾᬭᬶᬂᬚᬵᬩ᭟ᬧᬸᬲᬤᬵᬳᬃᬳᬤᬤᬯᬸᬄᬲᬸᬭᬸᬄ᭞ᬢᬸᬫᬸᬮᬶᬢᬫᬗ᭄ᬓᬾ᭞ᬳᬗᬮᬶᬳᬶᬩᭂᬋᬫᬶᬓᬶ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬳᬦᭂ᭠
ᬫ᭄ᬩᬄᬳᬗᬚ᭄ᬬᬧᬶᬓᬸ᭞ᬤ᭄ᬬᬳ᭄ᬦᭂᬓ᭄ᬥᬾᬦ᭄ᬧᬗ᭄ᬭᬱᬦᬾ᭞ᬭᬲᬦᬾᬓᬗᬮᬶᬦᬶᬲᬸᬦ᭄᭞ᬫᬭᬲ᭄ᬫᬭ᭠ᬲ᭄ᬢᬯᭀᬂᬤᬬ᭞ᬤᬾᬦᬶᬂᬲᬸᬦ᭄ᬬᬬᬗᬶᬧᬶᬬᬵ᭟ᬧᬸᬦᬧᬳᬶᬧᬾᬦᬶᬭᬧᬸᬓᬸᬮᬸᬦ᭄᭞ᬲᬶᬭᬢᬸᬢᬸᬭᬦ᭠ [ 4 ][᭓ 3B]
᭓
ᬳᬶᬗ᭄ᬲᬸᬦ᭄ᬯᬭᬳᭂᬦ᭄ᬤᬾᬦ᭄ᬚᬢᬶ᭞ᬓᬗᬶᬧᬶᬫᬭᬶᬂᬕᬸᬦᬸᬂ᭞ᬳᬫᬾᬢ᭄ᬓᭂᬫ᭄ᬩᬂᬦᬕᬲᬦ᭄ᬢᬸᬦ᭄᭞ᬧᬸᬦᬗ᭄ᬕᬧ᭄ᬫᭂᬮᬄᬕᬗᬦᬾ᭞ᬲᬶᬓᭂᬫ᭄ᬩᬂᬮᬶᬗᬶᬭᬫᬸᬯᬸᬲ᭄᭞ᬩᬬᬧᬓᬦᬶᬭᬓᬃᬫ᭄ᬫ᭞ᬬᬦ᭄ᬤᬾᬦᬶᬂᬲᬸᬦ᭄ᬳᬗᬦ᭄ᬢᬶᬬᬵ᭟ᬬᬦ᭄ᬳᬸᬯᬸᬲ᭄ᬓ
ᬢᭀᬦ᭄ᬤᬾᬦᬶᬗ᭄ᬲᬸᬦ᭄᭞ᬳᬶᬂᬘᬬᬦ᭄ᬳᬫᬗ᭄ᬓᬾ᭞ᬤᬾᬦᬶᬭᬲᬂᬰ᭄ᬭᬷᬪᬸᬧᬢ᭄ᬝᬶ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬧᬦ᭄ᬧᬤᬯ᭄ᬓᬲᬾᬫᬗ᭄ᬓᬾ᭞ᬬᬾᬦᬦᬓᭂᬦ᭄ᬩᬜᬸᬢᬸᬤᬸᬄ᭞ᬬᬾᬦ᭠
ᬦᬓᬮᬯᬦᭀᬭ᭞ᬬᬾᬦᭀᬭᬦᬳᬦ᭄ᬮᬸᬗᬳ᭟ᬭᬶᬂᬦᬶᬦᬶᬓᬶᬤᬸᬮ᭄‌ᬫᬶᬮᬸᬕᬸᬫᬸᬬᬸ᭞ᬯᭂᬭᬸᬄᬲᬶᬭᬫᬗ᭄ᬓᬾ᭞ᬭᬶᬂᬯᬗ᭄ᬲᬶᬢᬦᬶᬭᬾᬗᬢᬶ᭞ᬤᬸᬳᬮᬯᬲ᭄ᬕᬸᬫᬸᬬᬸ᭞ᬧᬭᬶᬧᭀᬮᬄᬳᬶᬭᬳᬸᬬᬸᬂ᭞ᬢᬶᬗ
ᬮ᭄ᬢᬧᬭᬶᬧᭀᬮᬳᬾ᭞ᬓᬶᬲᬶᬤ᭄ᬥᬵᬧᬓ᭄ᬱᬳᬫᬸᬯᬸᬲ᭄᭞ᬧᬸᬢᬸᬦᬶᬲᬸᬦ᭄ᬮᬄᬢᬶᬗᬮ᭞ᬫᬮᬸᬮᬸ᭠ᬗᬗᬚᬭᬚᬃ᭟ᬳᬫᬶᬢᬸᬕᬳᬶᬗ᭄ᬲᬸᬦ᭄ᬮᬸᬳᬸᬃᬕᬸᬦᬸᬂ᭞ᬲᬫ᭄ᬧᬸᬦ᭄ᬓᬬᬫᬗ᭄ᬓᬾ᭞ᬳᬯᬾᬢ᭄ᬤᬾᬦᬶᬂᬓᬯ᭄ᬮᬲ
[᭔ 4A]
ᬲᬶᬄ᭞ᬓᬶᬩᬢᬸᬃᬮᬶᬂᬦ᭄ᬬᬵᬫᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬓᬓᬶᬧᬸᬢᬸᬦᬶᬗ᭄ᬲᬸᬦ᭄᭞ᬭᬶᬂᬕᬸᬦᬸᬂᬦᭀᬭᬦᬧᬶᬦᬾᬢ᭄᭞ᬲᬵᬫ᭄ᬧᬸᬦᬶᬓᬸᬓᬗᬲᬸᬗ᭄ᬲᬸᬢ᭄᭞ᬳᬯᬶᬦ᭄ᬤᬯᬶᬦ᭄ᬩᬩᬮᬶᬓᬦ᭄᭞ᬳᬦ᭄ᬢᬶᬬᬦ᭄ᬢᬳᬦᭀᬦᬲᬄ᭟ᬓᬶᬲᬶᬤ᭄ᬥᬵᬧᬓ᭄ᬱ
ᬮᬶᬗᬶᬭᬵᬫᬸᬯᬸᬲ᭄᭞ᬳᬦ᭄ᬥᬲᬶᬄᬫᬗ᭄ᬓᬾ᭞ᬧᬸᬢᬸᬦᬶᬭᬳᬫᬶᬢ᭄ᬫᬸᬮᬶᬄ᭞ᬓᬶᬩᬢᬸᬃᬮᬶᬗᬶᬭᬵᬫᬸᬯᬸᬲ᭄᭞ᬲᬵᬫ᭄ᬧᬸᬦᬦ᭄ᬓᬓᬶᬧᬸᬢᬸᬦ᭄ᬦᬶᬗ᭄ᬲᬸᬦ᭄᭞ᬭᬶᬂᬕᬸᬦᬸᬂᬦᭀᬭᬦᬧᬶᬦᬾᬢ᭄᭞ᬲᬵᬫ᭄ᬧᬸᬦ᭄ᬓᬓᬶᬳᬕᬾᬫᬦ᭄ᬢᬸᬓ᭄᭞ᬮᬗᬶᬢ᭄ᬲᬸ
ᬦ᭄ᬲᬸᬕᬸᬄᬭᬶᬂᬯᭂᬗ᭄ᬬ᭞ᬮᬄᬢᬧᬸᬢᬸᬳᬚᬮᬸᬜ᭄ᬳ᭟ᬧ᭄ᬢᭂᬂᬫᬗ᭄ᬓᬾᬫᬦ᭄ᬢᭂᬧ᭄ᬢᬳᬶᬗ᭄ᬲᬸᬦ᭄᭞ᬧ᭄ᬢᭂᬂᬗᬸᬮᬦ᭄ᬫᬗ᭄ᬓᬾ᭞᭠ᬧᬗ᭄ᬮᭀᬂᬧᬶᬲᬦ᭄ᬳᬦ᭄ᬥᬤᬭᬶᬦ᭄᭞ᬮᬄᬢᬫᬦ᭄ᬢᬸᬓᬶᬧᬸᬢᬸ᭞ᬕᬕᬸᬭᬸᬓᬮᬯᬦᬶᬗ᭄ᬲᬸᬦ᭄᭞ᬧ᭄ᬭᬧ᭄ᬢᬶᬩᬢᬸᬃᬧᬫᬶ
ᬭᬦ᭄ᬢᬾᬦ᭄᭞ᬓᬶᬳᭂᬫ᭄ᬩᬗ᭄ᬮᬶᬗᬶᬭᬵᬫᬸᬯᬸᬲ᭄᭞ᬦᬶᬦᬶᬳᬦ᭄ᬢᬶᬬᬗᬲ᭄ᬥᬄ᭞ᬤᬾᬦᬶᬭᬲᬸᬗᬫᬸᬘᬗᬵ᭟ᬤᬾᬯᬶᬲ᭄ᬢ᭄ᬭᬷᬲᬶᬯᬡᬶᬫᬗ᭄ᬓ᭄ᬬᬢᬸᬫᬸᬭᬸᬦ᭄᭞ᬤᬾᬦ᭄ᬚᬯᬶᬮᬦ᭄ᬧᬓᬾ᭞ᬲᬸᬦ᭄ᬫᬭᬳᬾᬭᬭᬾᬘᬶᬮᬶ᭞ᬧᬥᬮᬯᬦ᭄ᬲᬂᬫ [ 5 ][᭔ 4B]
᭔
ᬯᬸᬦ᭄᭞ᬳᬸᬮᬢ᭄ᬭᬶᬂᬲᬶᬭᬲ᭄ᬢ᭄ᬭᬷᬢᬜ᭄ᬚᬸᬂ᭞ᬯ᭄ᬭᬸᬄᬬᬦᬮᬭᬫᬗ᭄ᬓᬾ᭞ᬢᬸᬫᬸᬭᬸᬦ᭄ᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬲᬰᬫ᭄ᬧᬸᬃᬩᬩᬯᬗᬦ᭞ᬭᬶᬂᬳ᭄ᬬᬂᬗᬩᬦ᭄ᬢᭂᬦᬲ᭄ᬥᬄ᭟ᬫᬸᬗ᭄ᬕᬳᬶᬂᬩᬢᬸᬭᬩᬦ᭄ᬢᭂᬦᬲᬸᬭᬸᬄ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾ᭞ᬢᬸᬳᬸᬭᬸ
ᬧᬦᬶᬭᬗ᭄ᬭᬯᬶᬢ᭄᭞ᬤᬾᬯᬲᬸᬓ᭄ᬱ᭄ᬫᬧᬸᬓᬸᬮᬸᬦ᭄᭞ᬢᬸᬳᬸᬬᬦ᭄ᬯᬶᬚᬶᬮᬶᬂᬓᬾᬯᬸᬄ᭞ᬓᬶᬮᬧ᭄ᬓᭂᬢᬸᬕ᭄ᬳᭂᬦ᭄ᬢᬶ᭠ᬫᬗ᭄ᬓᬾ᭞ᬢᬸᬳ᭄ᬯᬬᬸᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬓᬬᬯᬶᬤ᭄ᬬᬤᬭᬶᬓᬾᬦ᭄ᬤ᭄ᬭᬦ᭄᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬯᬃᬡ᭄ᬦᬦᬶᬭ᭟ᬭᬶᬂᬲᬫ᭄ᬧᬸ
ᬦ᭄ᬦᬶᬭᬳᬩᬦ᭄ᬢᭂᬦ᭄ᬲᬸᬭᬸᬄ᭞ᬢᬸᬳᬸᬗ᭄ᬭᬯᬶᬢ᭄ᬫᬗ᭄ᬓᬾ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬳᬗᬩᬓ᭄ᬢᬶ᭞ᬲᬫᬶᬤᬦᬾᬓᬸᬫᬸᬢᬸᬕ᭄᭞ᬓᬓ᭄ᬢᭂᬃᬢᬸᬫ᭄ᬭᬧᬶᬂᬲᬸᬭᬸᬄ᭞ᬓᬶᬤᬸᬮ᭄ᬓᬸᬮᭀᬦ᭄ᬧᬶᬦᬗ᭄ᬓᬦᬾ᭞ᬢᬸᬳᬸᬬᬯᬶᬚᬶᬮᬶᬂᬓᬾᬯᬸᬄ᭞ᬘᭂᬓ᭄ᬘᭂᬓ᭄ᬢᬦᬶᬳᬲᬯᬸ
ᬭᬦ᭄᭞ᬢᬸᬤᬸᬳᬮᭀᬦ᭄ᬓᬃᬫ᭄ᬫᬦᬶᬭᬵ᭟ᬤᬾᬯᬶᬲ᭄ᬢ᭄ᬭᬷᬯᬦᬶᬲᬫ᭄ᬧᬸᬦ᭄ᬢᬸᬫᬸᬭᬸᬦ᭄᭞ᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾ᭞ᬲᭀᬭᬶᬂᬲᬗ᭄ᬕᬃᬗ᭄ᬕᭀᬦ᭄ᬯᬵᬮᬶᬗ᭄ᬕᬶᬄ᭞ᬓᬶᬩᬢᬸᬃᬯᬸᬲᬢᬸᬭᬸ᭞ᬓᬶᬲᬶᬤ᭄ᬥᬧᬓ᭄ᬱᬢᬸᬫᬸᬭᬸᬦ᭄᭞ᬳᬯᬾᬢᬦᬕ᭄ᬮᬶ
[᭕ 5A]
ᬲ᭄ᬮᬫ᭄ᬧᬳᬾ᭞ᬗᬤᭂᬕ᭄ᬲᭀᬭᬶᬂᬦᬵᬕᬲᬦ᭄ᬢᬸᬦ᭄᭞ᬳᬢᬗᬶᬬᬚᬶᬯᬦᬶᬗ᭄ᬯᬂ᭞ᬳᬶᬗ᭄ᬲᬸᬦᬩᬦ᭄ᬢᭂᬦ᭠ᬲ᭄ᬥᬄ᭟ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾᬫᬧ᭄ᬯᬵᬢᬸᬭᬸ᭞ᬢᬦ᭄ᬫᭂᬋᬫ᭄ᬦᬾᬢ᭄ᬭᬦᬾ᭞ᬲᬧᭀᬮᬄᬢᬶᬗ᭄ᬓᬳᬾᬗᬸᬓᬶᬄ᭞ᬓᬶᬲᬶ
ᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬳᬤᬸᬄᬦᬶᬦᬶᬳᬭᬶᬦᬶᬗ᭄ᬲᬸᬦ᭄᭞ᬢᬫ᭄ᬩᬦᬦᬢᬾᬂᬲᬸᬦ᭄ᬫᬗ᭄ᬓᬾ᭞ᬲᬶᬭᬳᬯ᭄ᬮᬲᬾᬭᬶᬲᬸᬦ᭄᭞ᬳᬶᬗ᭄ᬲᬸᬦ᭄ᬳᬕ᭄ᬭᬶᬂᬮᬭᬦᬾᬢ᭄ᬭ᭞ᬲᬶᬭᬦᬶᬦ᭄ᬬᬢᬫ᭄ᬩᬦᬦ᭟ᬯᬶᬦᬗ᭄ᬲᬸᬮ᭄ᬫᬓᬾᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂ
᭞ᬮᬄᬢᬩᬾᬧᬗᬾᬭᬦ᭄᭞ᬳᬚᬢᬲᬶᬭᬳᬜ᭄ᬚ᭄ᬭᬶᬢ᭄᭞ᬤᬸᬄᬫᬢᬶᬳᬯᬓᬶᬗ᭄ᬲᬸᬦ᭄᭞ᬧᬢᬶᬯᬘᬦ᭄ᬬᬵᬯᬓᬶᬗ᭄ᬲᬸᬦ᭄᭞ᬬᬦ᭄ᬫᬢᬶᬬᬫᭀᬦ᭄ᬫᬰᬦᬾ᭞ᬲᬶᬭᬳᬯ᭄ᬮᬲᬾᬭᬶᬲᬸᬦ᭄᭞ᬮᬄᬫ᭄ᬦᭂᬂᬳᬭᬶᬧᬗᬾ
ᬭᬦ᭄᭞ᬫᬦᬶᬭᬥᬢᭂᬗᭃᬤᬾᬯᬵ᭟ᬢᬦᬵᬃᬣᬬᬬᬶᬫᬗ᭄ᬓᬾᬤᬾᬦᬶᬗ᭄ᬲᬸᬦ᭄᭞ᬧᬸᬦ᭄ᬮᬸᬗᬾᬂᬕᬸ᭠ᬦᬸᬂᬬᬫ᭄ᬩᬓ᭄ᬢᬾᬂ᭞ᬩᬦ᭄ᬢᭂᬦᬾᬳᬲ᭄ᬓᬃᬫ᭄ᬭᬶᬓ᭄᭞ᬫᬮᬃᬓᬢᭂᬫ᭄ᬯᬦᬶᬂᬲᬶᬦ᭄᭞ᬲᬸᬫᬯᬸᬃᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬲᬯᬸ [ 6 ][᭕ 5B]
᭕
ᬚᬭᬾᬫᬭᬭᬶᬗ᭄ᬯᬂ᭞ᬫᬲᬳᬶᬗ᭄ᬲᬸᬦ᭄ᬫᬗ᭄ᬓᬾᬢᬸᬫᬸᬢ᭄᭞ᬫᬮᬳᬸᬚᬭᬾᬯᭀᬂᬮᬖ᭄ᬦᬵ᭞ᬫᬲᬳᬶᬗ᭄ᬲᬸᬦ᭄ᬳᬳᬶᬥᭂᬧᬵ᭟ᬭᬶᬂᬢᬵᬤᭀᬦᬦᬦᬸᬜᬮᬧᬶᬂᬤᬮᬸ᭞ᬢᬯᬂᬲᬂᬫᬭᬦᬾ᭞ᬯᭀᬂᬮᬖ᭄ᬦᬂᬳᬤᬸ
ᬫᬶᬮᬶᬄ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬳᬤᬸᬄᬦᬶᬦᬶᬳᬭᬶᬦᬶᬗ᭄ᬲᬸᬦ᭄᭞ᬯᭀᬂᬮᬖ᭄ᬦᬵᬮᬶᬜᭀᬓ᭄ᬳᬸᬚᬭᬾ᭞ᬭᬫᬦᬶᬭᬓᬂᬯᬶᬦᬸᬯᬸᬲ᭄᭞ᬳᬢᬗ᭄ᬬᬳᬭᬶᬦᬶᬗ᭄ᬯᬂ᭞ᬮᬸᬳᬸᬃᬲᬶᬬᬾᬦᬶᬗᬫ᭄ᬧᬸᬭᬵ᭟ᬯᬸᬯᬸᬲ᭄ᬓᭂᬦᬫᬵ
ᬗ᭄ᬓᬾᬓᬂᬭᬶᬦᬗ᭄ᬓᬸᬮ᭄᭞ᬕᬶᬦᬢᭂᬳᬦ᭄ᬫᬗ᭄ᬓᬾ᭞ᬕᬶᬫᬦ᭄ᬮᬕᬗᬦ᭄ᬓᬮᬶᬄ᭞ᬓᬓᬗᬸᬯᬉᬓᬦᬶᬗ᭄ᬲᬸᬦ᭄᭞ᬭᬸᬗᬸᬦᭂᬦ᭄ᬯᬘᬦᭂᬦᬶᬂᬲᬸᬦ᭄᭞ᬢᬓᬮᬳᬾᬯᬲᬗᬭᬲ᭄᭞ᬲᬶᬤ᭄ᬥᬵᬧᬓ᭄ᬱᬳᬾᬦᬓ᭄ᬫᬗᬸᬓᬸᬢ᭄᭞ᬲ
ᬓᬶᬢᬧᭀᬮᬄᬓᬬᬸᬦ᭄ᬢ᭞ᬲᬸᬦ᭄ᬢᬸᬫᬸᬢᬾᬮᬳᬵᬲᬶᬭ᭟᭜᭟ᬘᬘᬗ᭄ᬓ᭄ᬭᬶᬫᬦ᭄᭚ᬓᬬᬵᬦᬫ᭄ᬧᬓᬂᬧᬢᬶᬳᬲᬸᬗᬢᬾᬂᬲᬸᬦ᭄᭞ᬫᬗ᭄ᬓᬾᬗ᭄ᬭᬸᬗᬸᬳᬸᬚᬃ᭞ᬳᬶᬭᬳᬗᬶᬂᬲᬯᬸᬚᬭᬾ᭞ᬧᬥᬢᬸ᭠
[᭖ 6A]
ᬳᬸᬢᬸᬳᬸᬭᬶᬂᬕᭀᬤ᭄ᬥᬦ᭄ᬩᬜ᭄ᬘᬦᬵ᭟ᬳᬦᬤᬫᬫᬗᬾᬮᬶᬗᬶᬭᬳᬫᬸᬯᬸᬲ᭄᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾᬳᬗᬸᬘᬧ᭄ᬫᬗ᭄ᬓᬾᬭᬶᬂᬕᬸᬲ᭄ᬢᬶ᭞ᬫᬭᬶᬂᬢᬫᬦ᭄᭞ᬫᬗ᭄ᬓᬾᬳᬗᬸᬤᬲᬭᬶᬭ᭟᭜᭟ᬧᬸᬄᬳᬤ᭄ᬭᬶ᭚ᬳᬚᬵ
ᬫᬸᬗᬫᬗ᭄ᬓᬾᬓᬋᬧᬶᬂᬲᬸᬦ᭄᭞ᬳᬚᬳᬓᬾᬄᬫᬗ᭄ᬓᬾ᭞ᬤᬾᬦᬾᬭᬫᬦᬯᬶᬲ᭄ᬢ᭄ᬭᬷ᭞ᬫᬦᬯᬶᬯᭂᬦ᭄ᬢᭂ᭠ᬦ᭄ᬭᬯᬸᬄ᭞ᬫ᭄ᬦᬾᬩᬩ᭄ᬓᭂᬮᬦᬶᬗ᭄ᬲᬸᬦ᭄᭞ᬓᬂᬓᬭᬶᬓᬶᬲᬸᬯᬸᬂᬫᬗ᭄ᬓᬾ᭞ᬢᬸᬫᬸᬭᬸᬦ᭄ᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬳᬦᭂᬫ᭄ᬩᬄᬳᬋ
ᬧᬶᬂᬲᬗ᭄ᬕᬃ᭞ᬓᬶᬩᬢᬸᬃᬓᬂᬳᬤᭀᬄᬤᭀᬳᬦ᭄᭟ᬲᬫ᭄ᬧᬸᬦ᭄ᬳᬫᬶᬢ᭄ᬫᬗ᭄ᬓᭀᬬᬬᬵᬳᬶᬩᬸ᭞ᬤᬾᬦ᭄‌ᬲᭂᬫ᭄ᬩᬄᬯᬬᬳᬾ᭞ᬓᬶᬲᬶᬤ᭄ᬥᬵᬧᬓ᭄ᬱᬢᬦ᭄ᬓᬭᬶ᭞ᬧᬸᬢᬸᬦᬶᬭᬵᬫᬶᬢ᭄ᬫᬦ᭄ᬢᬸᬓ᭄᭞ᬤᬯᭂᬕ᭄ᬓᬦ᭄ᬢᬸᬦᬧᬸᬓᬸᬮᬸ᭠
ᬦ᭄᭞ᬓᬶᬲᬶᬤ᭄ᬥᬵᬧᬓ᭄ᬱᬳᬸᬚᬭᬾ᭞ᬫᬾᬭᬾᬦᬾᬕᬳᬭᬶᬦᬶᬂᬲᬸᬦ᭄᭞ᬳᬾᬦᬓ᭄ᬧᬗᬾᬭᬦ᭄ᬲᬸᬦ᭄ᬳᭂᬫ᭄ᬩᬦ᭄᭞ᬳᬢᬸᬯᬸᬯᬭᬶᬂᬧᬲᬾᬩᬦ᭄᭟ᬳᬗᬸᬘᬸᬮᬶᬫᬗ᭄ᬓᬾᬲᬩᬸᬓ᭄ᬘᭂᬧᬸᬓ᭄᭞ᬦ᭄ᬤᬦ᭄ᬮᬶᬗᬶᬭᬫᬗ᭄ᬓᬾ᭞ᬮᬄᬫ᭄ᬦᭂ [ 7 ][᭖ 6B]
᭖
ᬗᬲᬂᬮ᭄ᬯᬶᬃᬲᬭᬶ᭞ᬫᬗ᭄ᬓᬾᬮᬶᬯᬢ᭄ᬭᬶᬂᬍᬩᬸᬄ᭞ᬮᬄᬲᬸᬦᭂᬫ᭄ᬩᬦᬭᬶᬦᬶᬗ᭄ᬲᬸᬦ᭄᭞ᬧᬧᬮᬶᬦᬶᬂᬳᬢᬢᬯᬦ᭄᭞ᬫᬦᬯᬶᬪᬜ᭄ᬘᬡ᭄ᬦᬵᬦᬶᬂᬲᬸᬦ᭄᭞ᬬᬦᬶᬗ᭄ᬲᬸᬦ᭄ᬢᭂᬓᬦᬶᬗ᭄ᬳᬵᬮᬲ᭄᭞ᬳᬾᬦᬓ᭄ᬫᬢᬶᬓᬢᬸᬢᬸ᭠
ᬢᬦ᭄᭟ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬳᬶᬗᭂᬫ᭄ᬩᬦ᭄ᬢᬸᬃᬫ᭄ᬢᬸ᭞ᬤᬾᬦ᭄ᬢᭀᬮᬶᬄᬭᬫᬦᬾ᭞ᬢᬦ᭄ᬧᬾᬦ᭄ᬤᬄᬧᬜ᭄ᬚᬶᬮᬸᬫᬶᬗ᭄ᬲᬶᬃ᭞ᬤᬸᬓ᭄ᬳᬧᬾᬫᬢ᭄ᬭᬤᬾᬦ᭄ᬕᬮᬸᬄ᭞ᬲᬢ᭄ᬓᬦᬶᬭᬭᬶᬂᬍᬩᬸᬄ᭞ᬳᬦᬸᬮᬶᬗᭂᬫ᭄ᬩᭂᬂᬢᭀᬬᬦᬾ᭞ᬢᬦ᭄ᬲᬄᬢᬦ᭄ᬧᬵ
ᬢᭂᬧᬲᬶᬩᬸ᭞ᬳᬦᬓ᭄ᬳᬦᬫᬓ᭄ᬫᬭᬭᬶᬗ᭄ᬯᬂ᭞ᬳᬶᬂᬲᬸᬦ᭄ᬩᬜᬸᬲᬩᬯᬸᬲᬦ᭄᭟ᬢᭂᬫ᭄ᬩᬾᬳᬦᬯᬸᬭᬸᬢᬗᬶᬂᬲᬸᬦ᭄᭞ᬳᬮᬫᬮᬭᬦᬾ᭞ᬕᬫ᭄ᬩᬾᬲᬸᬦ᭄ᬳᬦ᭄ᬤᬸᬗ᭄ᬓᬧ᭄‌ᬍᬯᬶᬄ᭞ᬬᬦᬦᬩᬦ᭄ᬢᭂᬦ᭄ᬳᬶᬗ᭄ᬲᬸᬦ᭄᭞ᬬᬦᬦᬢ᭄ᬯ
ᬲ᭄ᬓᬢᬸᬳᬸ᭞ᬓᬭᬕᬲᬸᬦ᭄ᬯᬯᬸᬓᬾᬦᬾ᭞ᬬᬦᬦᬓᬃᬫ᭄ᬫᬳᬦᬶᬗ᭄ᬲᬸᬦ᭄᭞ᬤᬾᬦᬾᬬᬧᬕᬯᬾᬗ᭄ᬓᬸᬦᬵ᭞ᬳᬢᬸᬢ᭄ᬓᬤᬶᬯᬯᬬᬗᬦ᭄᭟ᬫᬗ᭄ᬓᬶᬦ᭄ᬳᬢᬶᬦᬶᬭᬵᬮᬸᬫᬂᬢ᭄ᬜᬸᬄ᭞ᬳᬗ᭄ᬭᬗᭀᬓᭂᬦ᭄ᬫᬗ᭄ᬓᬾ᭞ᬓᬂ
[᭗ 7A]
ᬫᬶᬢᬸᬢᭂᬦ᭄ᬲᬩ᭄ᬥᬦᬾᬓᬶ᭞ᬓᬶᬲᬶᬤ᭄ᬥᬵᬧᬓ᭄ᬱᬗ᭄ᬭᬸᬫ᭄ᬭᬸᬫ᭄᭞ᬲᬗ᭄ᬲᬬᬦᬾᬧᭀᬮᬳᬶᬂᬲᬸᬦ᭄᭞ᬦᬶ᭠ᬲ᭄ᬢ᭄ᬭᬷᬢᬜ᭄ᬚᬸᬂᬧᬗᬸᬘᬧᬾ᭞ᬳᬚᬰᬶᬄᬲᬶᬭᬳᬗ᭄ᬭᬗ᭄ᬓᬸᬲ᭄᭞ᬳᭂᬫ᭄ᬩᬗᬦᬢᬗᬦᬶᬗ᭄ᬯᬂ᭞ᬲᬦ᭄ᬢᭂᬦᬶᬭ᭄ᬯᬗᭂᬫᬶ
ᬭᬄ᭟ᬮᬄᬢᬸᬭᬸᬦᬵᬓᬓᬂᬢᬮᬸᬫᬓᬸ᭞ᬧᬥᬗᬸᬮᬦ᭄ᬧᬵᬭᬾ᭞ᬤᬾᬦᬶᬗ᭄ᬲᬸᬦᭂᬫ᭄ᬩᬦᭂᬦ᭄ᬫᬮᬶᬄ᭞᭠ᬓᬶᬰᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬤᬸᬭᬸᬂᬫᬭᬶᬳᭀᬦᭂᬗᬶᬗ᭄ᬲᬸᬦ᭄᭞ᬳᬗᬯᭀᬢᭀᬂᬓᬯᬶᬭᬕᬾ᭞ᬲᬤ᭄ᬬᬳ
ᬳᬸᬭᬸᬕᬥᬸᬂ᭞ᬓᬤ᭄ᬬᬮᬢᬄᬓᬲᬧᬸᬢᬦ᭄᭞ᬓᬤ᭄ᬬᬫᬗᬜ᭄ᬚᬫᬸᬃᬳᬶᬗ᭄ᬯᬂ᭟ᬍᬧᬲ᭄ᬮᬫ᭄ᬧᬄᬳᬶᬭ᭠ᬦᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬓᬯᬃᬡ᭄ᬦᬵᬳᬫᬗ᭄ᬓᬾ᭞ᬳᬤᬦ᭄ᬤᬦᬢᬸᬭᬸᬦ᭄ᬢᬶᬓᬶ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬳᬢᬸᬭᬸ
ᬦᬶᬚᬶᬯᬦᬶᬗ᭄ᬲᬸᬦ᭄᭞ᬳᬦᬳᬫᬦ᭄ᬳᬳᬸᬗ᭄ᬲᬶᬦᬾ᭞ᬳᬦᬧᬋᬧᬳᬶᬭᬶᬂᬲᬸᬦ᭄᭞ᬭᬶᬗᬋᬧᬸᬦᬶᬓᬢᬫᬦ᭄᭞ᬳᬦ᭄ᬢᬶᬬᬦᬾᬓᬵᬮᬯᬶᬚᬬᬵ᭟ᬧ᭄ᬭᬧ᭄ᬢᬶᬢᬫᬦ᭄‌ᬫᬗ᭄ᬓᬾᬦᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬳᬲᬾᬂᬲᬾᬂ [ 8 ][᭗ 7B]
᭗
ᬦᬶᬳᭂᬫ᭄ᬩᬄ᭞ᬮᬶᬗ᭄ᬕᬶᬳᬾᬲᬶᬭᬾᬂᬧᬢᬦᬶᬓᬶ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬳᬶᬗᬶᬦᬗᬚᬶᬯᬦᬷᬲᬸᬦ᭄᭞ᬲᬸᬦᬜ᭄ᬚᬦᭂᬦ᭄‌ᬲ᭄ᬮᬄᬫᬗ᭄ᬓᬾ᭞ᬲᬶᬤ᭄ᬥ᭄ᬬᬳ᭄ᬦᭂᬓᬵᬢᬶᬦᬶᬗ᭄ᬲᬸᬦ᭄᭞ᬳᬢᬸᬭᬸᬭᬶᬂᬧᬗ᭄ᬓᭀᬦᬶ
ᬗ᭄ᬯᬂ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬢᬯᬾᬄᬲᭂᬧᬄ᭟ᬓᭂᬫ᭄ᬩᬂᬰ᭄ᬭᬷᬥᬦ᭄ᬢᬕ᭄ᬮᬭᬶᬩᬢᬸᬃ᭞ᬲᬸᬫᬶᬭᬶᬢ᭄ᬕᬡ᭄ᬥᬦᬾ᭞ᬲ᭄ᬓᬃᬧ᭄ᬭᬪᬸᬲᬾᬤᬗ᭄ᬭᬯᬶᬢ᭄᭞ᬳᬕ᭄ᬮᬃᬲ᭄ᬓᬃᬢᬜ᭄ᬚᬸᬂ᭞ᬲᬸᬫᬸᬲᬸᬧᬶᬂᬦᬕᬲᬵᬦ᭄ᬢᬸᬦ᭄᭞ᬧᬭᬶᬚᬝᬳᬗ᭄ᬭᬭᭀᬜ᭄ᬘᬾ᭞
ᬳᬕ᭄ᬮᬃᬓᬂᬫᬗᬸᬦᭂᬂᬕᬮᬸᬄ᭞ᬲ᭄ᬓᬃᬘᬦᬶᬕᬭᬫ᭄ᬓᬵᬃ᭞ᬲ᭄ᬓᬃᬕᬤᬸᬂᬳᬗᬭᭀᬜ᭄ᬘᬾ᭟ᬲ᭄ᬓᬃᬳᬲᬡ᭄ᬦᬵᬫᬗ᭄ᬓᬾᬳᬗ᭄ᬮᬗᬸᬦ᭄᭞ᬳᬗ᭄ᬰᭀᬓᬚᬚᬭᬾ᭞ᬓᬬᬓᬸᬫ᭄ᬪᬂᬳᬗᬸᬗ᭄ᬓᬸᬮᬶ᭞ᬫᬸᬦᬶᬓᬂᬫᬦᬸᬓ᭄‌ᬲᬶᬬᬸᬂ᭞ᬫ᭄ᬭᬓ᭄ᬦᬶ
ᬓᬫᬸᬤ᭄ᬬᬳᬸᬫᬸᬂ᭞ᬯᬸᬮᬦ᭄ᬓᬃᬢ᭄ᬢᬶᬓᬵᬫᬰᬵᬦᬾ᭞ᬢᬤᬵᬃᬣᬫᬸᬦ᭄ᬬᬫ᭄ᬮᬲ᭄ᬬᬸᬦ᭄᭞ᬕᬺᬳ᭄ᬫᬸᬦ᭄ᬬᬳᬲᬯᬸᬭᬦ᭄᭞ᬓᬤ᭄ᬬᬂᬮᬶᬧᬸᬃᬳᬓᭂᬦ᭄ᬫᬦᬄ᭟ᬲᬸᬫᬶᬭᬶᬢ᭄ᬕᬦ᭄ᬥᬦᬶᬂᬫ᭄ᬭᬶᬓᬵᬭᬹᬫ᭄᭞ᬓᬵᬤ᭄ᬬᬲᬸᬕᬸᬄᬫᬗ᭄ᬓᬾ᭞ᬕᬦ᭄ᬥᬦᬶᬓᬂ
[᭘ 8A]
ᬲᬃᬯ᭄ᬯᬲᬭᬶ᭞ᬳᬦᬩᬜᬸᬢᬶᬦᬸᬦ᭄ᬢᬸᬦ᭄᭞ᬳᬫᬗᬸᬦᬲᬶᬦᭀᬫᬶᬓᬸ᭞ᬗᬹᬦᬶᬕᬳᬦᬗᬺᬋᬦ᭄ᬩᬾᬢ᭄᭞ᬢᬮᬸᬓ᭄ᬢᬓ᭄‌ᬫᬸᬦᬶᬦ᭄ᬬᬫ᭄ᬩᬭᬸᬂ᭞ᬳᬲ᭄ᬭᬂᬓᬤ᭄ᬬᬕᭂᬕᭂᬦ᭄ᬥᬶᬗᬦ᭄᭞ᬓᬶᬦᬗ᭄ᬲ᭄ᬬᬦᬶᬂᬘᬶᬦᬂᬕ᭄ᬭᬳᬵ
ᬢ᭄᭟ᬓᬶᬲᬶᬤ᭄ᬥᬵᬧᬓ᭄ᬱᬵᬫᬧᬶᬳᬢᬸᬭᬸ᭞ᬢᬦ᭄ᬫᭂᬋᬫ᭄ᬦᬾᬢ᭄ᬭᬦᬾ᭞ᬳᬦᬓᬂᬧᬭᬦᬶᬂᬗᬢᬶ᭞ᬢᬺᬱ᭄ᬡᬓᭂᬦ᭄ᬤᭂᬮᬵᬦ᭄ᬤᬸᬮᬸ᭞ᬓᬂᬧᬶᬦᬶᬮᬶᬢᬦ᭄ᬚᬚᬳᬲ᭄ᬭᬸᬄ᭞ᬯᭀᬂᬯᬤᭀᬦ᭄ᬕᬶᬦᬯᬫᬸᬮᬾ᭞ᬩᬂᬲᬲᬶᬭᬲᬭᬶ
ᬭᬧᬸᬲ᭄᭞ᬧᬦ᭄ᬲᬶᬭᬲᬭᬶᬭᬩᬡᬵ᭞ᬫᬸᬯᬄᬭᬦᬾᬓᬕᬫ᭄ᬮᬦ᭄᭟ᬲᬸᬫᬸᬗ᭄ᬓᭂᬫ᭄ᬭᬶᬂᬧᬗ᭄ᬓᭀᬦᬶᬲ᭄ᬢ᭄ᬭᬷ᭠ᬢᬜ᭄ᬚᬸᬂ᭞ᬓᬍᬲᭀᬦ᭄ᬭᬕᬦᬾ᭞ᬤᬤᬶᬫᬭᬲ᭄ᬳᬶᬓᬂᬳᬢᬶ᭞ᬓᬶᬲᬶᬤ᭄ᬥᬵᬧᬓ᭄ᬱᬗ᭄ᬭᬸᬫ᭄ᬭᬸᬫ᭄᭞ᬓᬂᬓᬃᬣᬵ
ᬳᬧᭀᬮᬳᬶᬧᬸᬦ᭄᭞ᬳᬫ᭄ᬭᬶᬓ᭄ᬮᬸᬓᬃᬭᬦᬶᬂᬲ᭄ᬮᬾ᭞ᬓᬂᬲᬶᬜ᭄ᬚᬂᬲᬫ᭄ᬧᬸᬦ᭄ᬓᬮᬸᬗ᭄ᬲᬸᬃ᭞ᬮᬶᬗᬶᬭᬓᬶᬲᬶᬤ᭄ᬥᬵᬧᬓ᭄ᬱᬵ᭞ᬳᬢᬸᬭᬸᬢᬸᬭᬸᬓᬾᬯᬮᬵ᭟ᬮᬄᬳᬢᬗᬶᬬᬬᬶᬳᬭᬶᬦᬶᬗ᭄ᬲᬸᬦ᭄᭞ᬮᬸᬫᬫ᭄ᬧᬄᬕ [ 9 ][᭘ 8B]
᭘
ᬫᬗ᭄ᬓᬾ᭞ᬲᬄᬲᬓᬶᬂᬧ᭄ᬭᬗᬮᬲ᭄ᬮᬶᬂᬲᬶᬃ᭞ᬓᬂᬯᭀᬂᬧᬥᬓᬢᭂᬫᬸ᭞ᬧᬥᬳᬫᬯᬲ᭄ᬭᬶᬂᬍᬩᬸᬄ᭞᭠ᬮᬦᬂᬯᬤᭀᬦ᭄ᬢᭂᬫᬸᬫᬗ᭄ᬓᬾ᭞ᬲᬓ᭄ᬯᬾᬄᬦ᭄ᬬᬧᬥᬢᬸᬫᬸᬭᬸᬦ᭄᭞ᬮᬸᬗ᭄ᬰᬸᬃᬕᬸᬲ᭄ᬢᬶᬧᬢᬶᬄᬧ᭄ᬭᬧ᭄ᬢ᭞ᬕᭀᬮᬶᬳ
ᬧ᭄ᬢᬶᬧᬗᬸᬱᬤ᭄ᬥᬵ᭟ᬧ᭄ᬭᬧ᭄ᬢᬶᬓᬧᬢᬶᬳᬦᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬤᬸᬫᬸᬦᬸᬦᬶᬸᬗᬶᬂᬫᬤᭀᬯᭀᬦ᭄ᬢᭂᬦ᭄ᬧ᭄ᬭᬦᬄᬦ᭄ᬬᬳᬮᬶᬗ᭄ᬕᬶᬄ᭞ᬧᬯᭀᬗᬦ᭄ᬧᬥᬗ᭄ᬭᬸᬩᬸᬂ᭞ᬯᬦᬾᬄᬳᬫᬧᬕ᭄ᬭᬶᬂᬍᬩᬸᬄ᭞ᬳᬶᬲᬶᬤ᭄ᬥᬵᬧᬓ᭄ᬱᬳᬸᬚᬭᬾ᭞ᬮᬄᬳ
ᬤᬸᬭᬸᬲᬳᬭᬶᬦᬶᬗ᭄ᬲᬸᬦ᭄᭞ᬓᬗᬾᬮᬦ᭄ᬲᬶᬭᬮᬸᬫᬫ᭄ᬧᬄ᭞ᬧᬗᬕᬗᬦ᭄ᬦᬫ᭄ᬧᬲᬶᬜ᭄ᬚᬂ᭟ᬕ᭄ᬭᬶᬗ᭄ᬰᬶᬂᬘᬭᬶᬢᬲᬶᬜ᭄ᬚᬂᬳᬶᬧᬸᬦ᭄᭞ᬭᬶᬂᬧᬢ᭄ᬮᬲᬦᬾ᭞ᬫᬗ᭄ᬓᬶᬦ᭄ᬭᬸᬧᬦᬶᬭᬗ᭄ᬭᬯᬶᬢ᭄᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬳᬾᬦᬓ᭄ᬳᬧ
ᬗᬾᬭᬦᬶᬂᬲᬸᬦ᭄᭞ᬳᬦ᭄ᬢᬸᬓ᭄ᬳᬶᬂᬦᬸᬲᬸᬳᬦ᭄ᬫᬗ᭄ᬓᬾ᭞ᬍᬗ᭄ᬳᬵᬯᬶᬗᬶᬩᬸᬭᬵᬢ᭄ᬢᬵᬭᬹᬫ᭄᭞ᬧᬯᭀᬗᬦ᭄ᬳᬦᬫ᭄ᬧᬲᬶᬜ᭄ᬚᬂ᭞ᬮᬄᬧᬗᬾᬭᬦ᭄ᬳᬲᬶᬜ᭄ᬚᬗᬵ᭟ᬭᬶᬲᬵᬫ᭄ᬧᬸᬦᬶᬭᬲᬶᬜ᭄ᬚᬂᬳᬮᬸᬗ᭄ᬕᬸᬄ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾ᭞ᬮᬶᬦᬸᬭᬸ᭠
[᭙ 9A]
ᬕᬦ᭄ᬤᬾᬦᬶᬂᬘᬾᬢᬶ᭞ᬲᬸᬫᬚᬶᬤᬳᬃᬲᬵᬫ᭄ᬧᬸᬦ᭄᭞ᬦᬥᬳᬢᬳᬭᬶᬦᬶᬗ᭄ᬲᬸᬦ᭄᭞ᬭᬶᬲᬵᬫ᭄ᬧᬸᬦ᭄‌ᬯᬸ᭠ᬲᬶᬭᬵᬤᬳᬃ᭞ᬧᬯᭀᬗᬦ᭄ᬳᬦᬫ᭄ᬧᬲᬸᬭᬸᬄ᭞ᬬᬬᬶᬲᬸᬦᬜ᭄ᬚᭂᬦᬂᬲᭂᬧᬄ᭞ᬓᬢᬮᬸᬯᬦ᭄ᬧᬸᬦᬂᬳᬶᬜ᭟ᬮ
ᬦ᭄ᬯᬃᬡ᭄ᬦᬦᭂᬦ᭄‌ᬤᬾᬦ᭄ᬬᬵᬫᬸᬓ᭄ᬢᬶᬓᬮᬗᬸᬦ᭄᭞ᬳᬦᬭᬵᬚᬫᬗ᭄ᬓᬾ᭞ᬬᬾᬦᬵᬦᬯᬭᬶᬗᬶᬦ᭄ᬕᬸᬂᬮᬶᬗ᭄ᬕᬶᬄ᭞ᬲᬶ᭠ᬗ᭄ᬕᬶᬄᬢᬳᬭᬶᬦᬶᬗ᭄ᬲᬸᬦ᭄᭞ᬭᬶᬂᬓᬓᬧᬢᬶᬳᬤᬶᬦᬶᬗ᭄ᬲᬸᬦ᭄᭞ᬓᬶᬧᬶᬦᬓᬫᬸᬦᬶᬫᬗ᭄ᬓᬾ᭞ᬤᬾᬦᬾᬲᬶᬭᬲᬗ᭄ᬳᬧ᭄ᬭ
ᬪᬸ᭞ᬲᬶᬭᬭᭀᬯᬗᬤᬾᬦᬶᬭ᭞ᬲᬶᬭᬫᬗ᭄ᬓᬾᬓᬧᬢ᭄ᬬᬦ᭄᭟ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾᬮᬶᬂᬦ᭄ᬬᬵᬫᬯᬸᬲ᭄᭞ᬓᬂᬳᬗᭂᬫ᭄ᬩᬦ᭄ᬫᬗ᭄ᬓᬾ᭞ᬧᬗᬯᬭᬍᬍᬧ᭄ᬕᬶᬧᬶᬄ᭞ᬧᬗᬾᬭᬦ᭄ᬳᬾᬦᬓ᭄ᬮᬸᬫᬫ᭄ᬧᬸ᭞ᬳᬶᬲᬸᬦᭂᬫ᭄ᬩᬦ᭄ᬳᬜᬸᬜᬸᬫ᭄ᬩᬸ᭞
ᬳᬫ᭄ᬮᬲᬵᬃᬣᬫᬗ᭄ᬓ᭄ᬬᭀᬗᬸᬘᬧ᭄᭞ᬲᬶᬤ᭄ᬥᬵᬧᬓ᭄ᬱᬲᬶᬭᬵᬦᬫ᭄ᬩᬸᬢ᭄᭞ᬲᭂᬧᬳᬾᬭᬶᬂᬭᬳᬶᬫᬗ᭄ᬓ᭄ᬬ᭞ᬯᬶᬚᬶᬮᬾᬭᬶᬂᬧ᭄ᬭᬗᬮᬲ᭄᭟ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾᬢᬧᬸᬓᬸᬮᬸᬦ᭄᭞ᬳᬫ᭄ᬢᭀᬓᬤᬃᬢ᭄ᬢᬦᬾ᭞ᬫᬸᬮᬶᬄᬫᬭᬶᬂ᭠ [ 10 ][᭙ 9B]
᭙
ᬳᬸᬫᬄᬦᬾᬓᬶ᭞ᬳᬓᬾᬄᬚᬗᬦ᭄ᬧᬸᬦᬶᬓᬸ᭞ᬓᬓᬭᬓᬘᬂᬓᬢᬶᬫᬸᬦ᭄᭞ᬧᬾᬮᬲ᭄ᬓᬘᬳᬶᬦᬾᬫᬗ᭄ᬓᬾ᭞ᬩᭀᬢᭀᬃᬢᬩᬸᬮᬯᬦ᭄ᬚᬸᬗ᭄ᬕᬸᬮ᭄᭞ᬲᬤᬸᬮᬸᬭᬦ᭄ᬮᬦᬸᬮᬫ᭞ᬕ᭄ᬮᬂᬲ᭄ᬤᬦᬾᬳᬤᬳᬭᬦ᭄᭟ᬲᬯᬸ
ᬲᬦ᭄ᬬᬵᬦᬤᬄᬦ᭄ᬤᬦ᭄ᬮᬸᬫᬓᬸ᭞ᬕ᭄ᬮᬶᬲᬮᬫ᭄ᬧᬳᬾ᭞ᬧ᭄ᬭᬧ᭄ᬢᬭᬶᬗ᭄ᬫᬤ᭄ᬬᬦᬶᬂᬗᬸᬓᬶᬭ᭄᭞ᬳᬓᬾᬄᬩᬸᬭᭀᬦ᭄ᬧᬕ᭄ᬮᬸᬃ᭞ᬓᬶᬤᬂᬫᬜ᭄ᬚᬗᬦ᭄ᬥᬮᬸᬭᬸᬂ᭞ᬫᬮᬬᬸᬫᬫᬸᬭᬂ᭞ᬮᬾᬦ᭄ᬩᭀᬚᭀᬕ᭄ᬧᬘᬩᬸᬃᬩᬸᬃ᭞ᬳᬶᬋᬗᬦ᭄ᬮᬸᬩᬓ
ᬧ᭄ᬓᬳᬦ᭄᭞ᬧᬥᬗᬸᬗ᭄ᬲᬶᬧᬳᭂᬗ᭄ᬕ᭄ᬯᬵᬦᬦ᭄᭟ᬧ᭄ᬭᬧ᭄ᬢᬲᬶᬦ᭄ᬥᬸᬭᬚᬦᬸᬗ᭄ᬕᬵᬂᬕᬸᬦᬸᬂ᭞ᬅᬓ᭄ᬯᬾᬄᬯᭀᬂᬓᬧᬧᬾᬕ᭄᭞ᬳᬗᬸᬘᬧᬸᬘᬧ᭄ᬭᬶᬂᬫᬃᬕ᭄ᬕᬶ᭞ᬓᬂᬲᬶᬦᭀᬫᬦ᭄ᬓᬂᬫᬸᬯᬸᬲ᭄᭞ᬕᬸᬲ᭄ᬢᬶᬧᬢᬶᬄᬫᬗ᭄ᬓᬾᬭᬯᬸᬄ᭞ᬳᭀᬮᬶᬄᬧᬵ
ᬗᬸᬲᬤ᭄ᬥᬫᬗ᭄ᬓᬾ᭞ᬬᬦ᭄ᬤᬾᬦᬶᬗ᭄ᬲᬸᬦ᭄ᬫᬗ᭄ᬓᬾᬮᬸᬗ᭄ᬕᬸᬄ᭞ᬳᬾᬫᬦᬾᬯᭀᬗᬶᬓᬲᬶᬭ᭞ᬳᬶᬗ᭄ᬲᬸᬦ᭄ᬫᬗ᭄ᬓᬾᬳᬢᬢᬯᬦ᭄᭟ᬢᬦ᭄ᬯᬃᬦᬦᭂᬦ᭄‌ᬤᬾᬦ᭄ᬬᬫᬸᬓ᭄ᬢᬶᬓᬮᬗᬸᬦ᭄᭞ᬢᬦᬸᬘᬧᬦ᭄ᬫᬗ᭄ᬓᬾ᭞ᬫ᭄ᬥᬮᬶᬂᬧ᭄ᬭᬗᬮᬲ᭄ᬗᬭᬶ᭞ᬳᬵ
[᭑᭐ 10A]
ᬦᬢᬯᬳᬸᬳᬳᬸᬗᬸ᭞ᬤᬾᬯᬶᬲ᭄ᬢ᭄ᬭᬷᬯᬦᬶᬢᬸᬫᬸᬭᬸᬦ᭄᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬦ᭄ᬥᬶᬧᬭᬦᬾ᭞ᬓᬓᬶᬩᬢᬸᬃᬮᬶᬂᬦ᭄ᬬᬫᬸᬯᬸᬲ᭄᭞ᬮᬶᬜᭀᬓ᭄ᬦᬶᬦᬶᬲᬩ᭄ᬥᬦᬶᬭ᭞ᬧᬸᬢᬸᬧᬾᬢᭂᬦ᭄ᬲᬶᬤ᭄ᬥᬵᬧᬓ᭄ᬱᬵ᭟ᬧᬥᬲᬸᬓᬢᬲᬸᬕᬶᬳᬶᬭᬶᬂᬲᬸᬦ᭄
᭞ᬫᬚᬭᬓᭂᬦ᭄ᬓᬃᬫ᭄ᬫᬦᬾ᭞ᬓᬲᬓᬶᬂᬗᬸᬦᬶᬗᬸᬦᬶ᭞ᬬᬦ᭄ᬢᭂᬓᬓᬓᬶᬳᭂᬫ᭄ᬧᬸ᭞ᬢᭂᬫ᭄ᬩᬾᬦᬶᬦᬶᬓᬂᬢᬸᬫᬸᬢᬸᬃ᭞ᬧᬸᬦᬶᬓᬸᬓᬧᭀᬦᬦ᭄ᬢᬸᬓᬵ᭞ᬢᬸᬃᬲᬶᬭᬳᬜ᭄ᬚᬦ᭄ᬫᬮᬸᬳᬸᬂ᭞ᬓᬯᬸᬮᬦ᭄ᬥᬾᬭᬲᬂᬦᬵᬣᬵ᭞ᬳᭀᬮᬶᬄᬲᬶᬭᬭᬩᬶᬓᬾᬦ᭄ᬤ᭄ᬭᬵ
ᬦ᭄᭟ᬲᬸᬦ᭄ᬧᬬᬸᬦᬾᬢᬾᬦ᭄ᬥᬸᬂᬓᬋᬧᬶᬂᬲᬸᬦ᭄᭞ᬮᬄᬯᭀᬦ᭄ᬢᭂᬦ᭄ᬓᬦ᭄ᬢᬾᬦᬾ᭞ᬢᬦᬫᬫᬗᬤᬾᬦᬵᬕᬾ᭞ᬧᬭᬦ᭄ᬯᬤᬦᬦᬶᬗ᭄ᬲᬸᬦ᭄᭞ᬗᬸᬗ᭄ᬲᬶᬓᬸᬲᬸᬫᬯᭀᬂᬗᬶᬓᬸ᭞ᬳᬶᬗ᭄ᬲᬸᬦ᭄ᬲᬸᬳᬸᬂᬲᬤᬶᬦᬦᬾ᭞ᬧᬸᬦᬶᬓᬵᬓᬂᬭᬢᬸᬮ
ᬩ᭄ᬤ᭞ᬲᬸᬦᬶᬕᬸᬂᬯᬶᬭᬓᬸᬘᬬᬂ᭞ᬭᬶᬯᭂᬮᬶᬢᬦ᭄ᬮᬦ᭄‌ᬯᭂᬓᬲᬦ᭄᭟ᬳᬤᬯᬬᬦ᭄ᬘᬭᬶᬢᬦᭂᬦᬶᬂᬲᬸᬦ᭄᭞ᬓᬯᬃᬡ᭄ᬦᬳᬫᬗ᭄ᬓᬾ᭞ᬓᬂᬮᬸᬗ᭄ᬳᬳᬸᬘᬧᭂᬦ᭄ᬫᬮᬶᬄ᭞ᬲᬫ᭄ᬧᬸᬦ᭄ᬬᬫᬸᬓ᭄ᬢᬶᬓᬮᬗᬸᬦ᭄᭞ᬲᬦᬕᬭᬢᬗ᭄ᬕᭀᬦᬶ᭠ [ 11 ][᭑᭐ 10B]
᭑᭐
ᬧᬸᬦ᭄᭞ᬳᬦᭀᬦ᭄ᬢᭀᬦ᭄ᬧ᭄ᬭᬗᬶᬯᭀᬗᬓ᭄ᬯᬾᬄ᭞ᬲᬂᬦᬵᬣᬲᬶᬭᬳᬗᬸᬢᬸᬲ᭄᭞ᬳᬦᬗ᭄ᬓᬶᬮᬲᬶᬤ᭄ᬥᬧᬓ᭄ᬱᬵ᭞ᬢᬸᬃᬓᬶᬦᬾᬦᬳᬓᬮᬶᬳᬦ᭄᭟ᬳᬕ᭄ᬮᬶᬲ᭄ᬫᬗ᭄ᬓᬾᬓᬗ᭄ᬳᬸᬢᬸᬲᬦ᭄ᬭᬯᬸᬄ᭞ᬧ᭄ᬭᬧ᭄ᬢᬶᬚ᭄ᬭᭀᬓᬯᬕ᭄ᬬᬦ᭄᭞ᬦ᭄ᬳᭂᬃᬢᬸᬫᬵ
ᬦ᭄ᬥᬸᬓ᭄ᬢᬸᬫᬸᬮᬶ᭞ᬲᬩ᭄ᬤᬦᬶᬭᬳᬫ᭄ᬮᬲ᭄ᬳ᭄ᬬᬸᬦ᭄᭞ᬲᬂᬦᬵᬣᬲᬶᬭᬵᬳᬗᬸᬢᬸᬲ᭄᭞ᬲᬓᬾᬂᬧᬦᬗ᭄ᬓᬶᬮᬋᬓᬾ᭞ᬤᬢᭂᬂᬢᬫᬗ᭄ᬓᬾᬧᬸᬓᬸᬮᬸᬦ᭄᭞ᬓᬓᬶᬧᬢᬶᬄᬲᬶᬤ᭄ᬥᬵᬧᬓ᭄ᬱᬵ᭞ᬳᬦᬗ᭄ᬓᬶᬮᬲᭀᬫᬳᬦᬵ᭟ᬳᬢᬸᬃᬋᬓᬾᬬᬾᬦᬶᬂ
ᬲᬸᬦᬮᬸᬫᬸᬄ᭞ᬳᬚᬳᬶᬗ᭄ᬲᬸᬦ᭄ᬫᬗ᭄ᬓᬾ᭞ᬳᬦᬗ᭄ᬓᬶᬮᬾᬰ᭄ᬭᬷᬩᬸᬧᬢᬶ᭞ᬳᬢᬸᬭᬓ᭄ᬦᬢᬾᬂᬲᬸᬦ᭄᭞ᬧ᭄ᬭᬧ᭄ᬢᬶᬧᬦᬗ᭄ᬓᬶᬮᬦᬕᬸᬂ᭞ᬫᬢᬸᬭᬶᬂᬲᬂᬧ᭄ᬭᬪᬸᬫᬗ᭄ᬓᬾ᭞ᬭᬶᬂᬩᬾᬜ᭄ᬚᬂᬳᬦᬗ᭄ᬓᬶᬮ᭄ᬲᬶᬭᬵ᭞ᬫᬗ᭄ᬓᬾᬓᬓᬶᬲᬶᬤ᭄ᬥᬵᬧᬓ᭄ᬱ᭞ᬓᬵ
ᬯᬸᬮᬫᬢᬸᬃᬧᬗᬾᬭᬦ᭄᭟ᬭᬚᬰᬸᬮᬓ᭄ᬭᬫᬮᬶᬂᬦ᭄ᬬᬫᬸᬯᬸᬲ᭄᭞ᬳᬫᬋᬓᬫᬗ᭄ᬓᬾ᭞ᬳᬲᬾᬯᬓᬳᬶᬗ᭄ᬲᬸᬦᬶᬓᬶ᭞ᬤᬾᬦᬾᬭᬩᬶᬦᬾᬳᬶᬓᬸ᭞ᬳᬦᬲᬶᬲᬂᬲ᭄ᬭᬦᬶ᭞ᬲᬸᬦ᭄ᬯᬯᬤᬸᬮᬦᬾᬫᬗ᭄ᬓᬾ᭞ᬬᬾᬦ᭄ᬳᬵ
[᭑᭑ 11A]
ᬦᬗ᭄ᬓᬶᬮ᭄ᬫᬗ᭄ᬓᬾᬩᬾᬲᬸᬓ᭄᭞ᬳᬶᬗ᭄ᬲᬸᬦ᭄ᬯᬳ᭄ᬯᬘᬓᬾᬂᬓᬾᬦ᭄ᬤ᭄ᬭᬦ᭄᭞ᬳᬫᬾᬢᬓᭀᬫ᭄ᬩᬮᬧ᭄ᬢᬓ᭄᭟ᬧᬸ᭠ᬦᬂᬯᭀᬂᬗᬦᬗ᭄ᬓᬶᬮ᭄ᬲᬫᬫᬦ᭄ᬢᬸᬓ᭄᭞ᬓᬩᬾᬄᬮ᭄ᬯᬭᬦ᭄ᬫᬗ᭄ᬓᬾ᭞ᬓᬂᬦᬗ᭄ᬓᬶᬮᬾᬂᬰ᭄ᬭᬶᬪᬸᬧᬢᬶ᭞ᬭᬫᬾᬧᬥᬕᭂᬕᭂ᭠
ᬦᬸ᭞ᬭᬶᬂᬧᬥᬦᬶᬭᬲᬂᬧ᭄ᬭᬪᬸ᭞ᬓᬶᬲᬶᬤ᭄ᬥᬵᬧᬓ᭄ᬱᬳᬾᬫᬦᬾ᭞ᬢᬸᬳᬸᬳᬭᭀᬯᬗᬓᬸᬓᬸᬄ᭞ᬲᬂᬦᬵᬣᬳᬓᬶᬭᬳᬮᬵ᭞ᬫᬲᬧᬕᬯᬾᬬᬦᬶᬭ᭟ᬓᬶᬧᬦᬮᬶᬓᬦ᭄ᬫᬸᬦ᭄ᬬᬧᬶᬂᬧᬶᬢᬸ᭞ᬫᬾᬄᬭᬳᬶᬦᬵᬫᬗ᭄ᬓᬾ᭞
ᬓᬶᬲᬶᬤ᭄ᬥᬵᬧᬓ᭄ᬱᬳᬢᬗᬶ᭞ᬲᬩ᭄ᬤᬦᬶᬭᬳᬫ᭄ᬮᬲ᭄ᬳ᭄ᬬᬸᬦ᭄᭞ᬳᬢᬗᬶᬬᬚᬶᬯᬦᬶᬂᬲᬸᬦ᭄᭞ᬲᬸᬦᬵᬋᬧᬵᬢᬸᬢᬸᬭᬶᬧᬾᬦ᭄᭞ᬳᬗᬶᬧᬶᬳᬶᬗ᭄ᬲᬸᬦ᭄ᬕᬸᬫᬸᬬᬸ᭞ᬲᬶᬭᬓᬢᭀᬦ᭄ᬢᬦ᭄ᬧᬯᬲ᭄ᬢ᭄ᬭ᭞ᬢᬸᬭᬮᬸᬫ᭄ᬩᬸᬳᬶᬂᬲᬫᬸᬤ᭄ᬭ᭟ᬳ
ᬢᬗᬶᬫᬗ᭄ᬓᬾᬓᬤᬶᬧᬸᬧᬸᬗᬸᬦ᭄᭞ᬳᬮᭀᬦ᭄ᬧᬗᬸᬘᬧᬾ᭞ᬳᬤᬸᬄᬩᬬᬢᬾᬂᬲᬸᬦ᭄ᬫᬢᬶ᭞ᬳᬢᭂᬭᬓ᭄ᬦᬢᬾᬂᬲᬸᬦ᭄᭞ᬫᬭᬶᬂᬓᬗᬢᬸᬯᬦᬶᬲᬸᬦ᭄᭞ᬩᬕᬾᬬᬦ᭄ᬲᬄᬲᬓᬾᬗ᭄ᬓᬾᬦᬾ᭞ᬲᬢᬸᬯᬸᬓ᭄ᬫᬗ᭄ᬓᬾᬢᬮᬸ [ 12 ][᭑᭑ 11B]
᭑᭑
ᬢᬸᬄ᭞ᬮᬄᬢᬦ᭄ᬫᬸᬲᬤᬸᬯᬶᬭᬂ᭞ᬬᬾᬦᬶᬥᭂᬧᬸᬦᬂᬢᬦᭀᬭ᭟ᬓᬬᬢᬳᬫᬢᬶᬬᬲᬶᬢᬾᬂᬲᬸᬦ᭄᭞ᬩᬵᬬᬳᬶᬗ᭄ᬲᬸᬦ᭄ᬫᬗ᭄ᬓᬾ᭞ᬤᬸᬤᬸᬢᭀᬲᬷᬓᬂᬧ᭄ᬭᬚᬸᬭᬶᬢ᭄᭞ᬫᬸᬦ᭄ᬤᬸᬭᬤᬾᬦᬾᬳᬶᬓᬸ᭞ᬓᬢᭀᬦ᭄ᬬᬫᬮᬾᬘ᭄ᬙᬢᬾᬂᬲᬸᬦ᭄
᭞ᬳᬗᬶᬂᬤᬾᬦ᭄ᬧᬥᬯ᭄ᬭᬸᬳᬦᬾ᭞ᬳᬧᬦ᭄ᬓ᭄ᬭᬫᬦᬶᬂᬢᬸᬫᬸᬯᬸᬄ᭞ᬬᬾᬦᬫᬗ᭄ᬕᬶᬄᬳᬯᬶᬯᬶᬭᬂ᭞ᬕᬋᬕᭂᬦ᭄ᬭᬶᬂᬗᬵᬢᬶᬦᬶᬗ᭄ᬯᬂ᭟ᬭᬳᬶᬦᬫᬗ᭄ᬓᬾᬳᬸᬘᬧᭂᬦᬶᬲᬸᬦ᭄᭞ᬭᬶᬗᬢᬸᬭᬸᬫᬗ᭄ᬓᬾ᭞ᬢᭀᬬᬭᬳᬶᬤᬾᬦᬶᬂᬘᬾᬝᬶ᭞ᬦᬶᬲ᭄ᬢ᭄ᬭᬷᬢ
ᬜ᭄ᬚᬸᬂᬢᬸᬫᬸᬭᬸᬦ᭄᭞ᬳᬗᭂᬧᬶᬢᬶᬂᬲᬩᬸᬓ᭄ᬘᭂᬧᬸᬓ᭄᭞ᬤᬾᬦᬯᬶᬲ᭄ᬫᬗ᭄ᬓᬾᬮᬓᬶᬦᬾ᭞ᬤᬾᬦ᭄ᬯᬲ᭄ᬯᬲᬭ᭄ᬯᬶᬕᬸᬫᬸᬬᬸ᭞ᬯ᭄ᬭᬸᬬᬦᬫᬗ᭄ᬕᬶᬄᬯᬶᬓ᭞ᬕᬋᬕᭂᬧᭂᬦ᭄ᬲᬶᬭᬾᬂᬯᬺᬥᬬᬵ᭟ᬳᬚᬲ᭄ᬫᬾᬓᬓᬶᬤᬾᬭᬦᬗ᭄ᬓᬶᬮ᭞ᬭᬸ
ᬲᬶᬢᬶᬭᬫᬗ᭄ᬓᬾ᭞ᬭᬶᬫᬦ᭄ᬤᬶᬓᬰ᭄ᬭᬶᬓᬰ᭄ᬭᬷᬪᬸᬧᬢᬶ᭞ᬫᬦᬯᬶᬲᬸᬦᬗᬸᬢᬸᬲ᭄᭞ᬢᬃᬓ᭄ᬦ᭄ᬦᬾᬂᬫᬸᬦ᭄ᬡᬭᬢᬾᬂᬲᬸᬦ᭄᭞᭠ᬳᬗᬶᬂᬤᬾᬦᬯ᭄ᬭᬸᬄᬧᬸᬢᬸᬲᬾ᭞ᬳᬯᬦ᭄ᬓ᭄ᬭᬫᬦᬶᬂᬢᬸᬫᬸᬯᬸᬄ᭞ᬬᬦᬦᬓᬮᬯᬦ᭄ᬦᭀᬋ᭞ᬧᬸᬳᬭᬗᬤᬸ᭠
[᭑᭒ 12A]
ᬲᬭᬷᬭ᭟ᬯᭀᬗᬮᬗᬸᬯᭀᬗᬯᬶᬕᬶᬲᬶᬓᬸ᭞ᬳᬦᬾᬂᬚᬩᬫᬗ᭄ᬓᬾ᭞ᬳᬥᬥᬗᬗᬶᬭᬶᬂᬗᬶᬭᬶᬂ᭞ᬓᬶ᭠ᬲᬶᬤ᭄ᬥᬵᬧᬓ᭄ᬱᬵᬫ᭄ᬢᬸ᭞ᬳᬦᬹᬢ᭄ᬗᬸᬭᬶᬦᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬳᬜ᭄ᬚᭂᬦᭂᬂᬭᬶᬂᬮᬯᬗᬦᬾ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬳᬫᬸᬯᬸᬲ᭄᭞
ᬲᬫ᭄ᬧᬸᬦᬜ᭄ᬚᭂᬦ᭄ᬦᭂᬂᬭᬶᬂᬮᬯᬂ᭞ᬳᬸᬫᬦ᭄ᬢᬸᬓᬚ᭄ᬯᬶᬢᬦᬶᬗ᭄ᬯᬂ᭟ᬓᬗᬦᬗ᭄ᬓᬶᬮ᭄‌ᬚᭂᬚᭂᬮ᭄ᬲᬸᬧ᭄ᬦᬸᬄ᭞ᬤᬾᬦᬾᬧ᭄ᬭ᭠ᬫᬜ᭄ᬘᬦᬾ᭞ᬧᬭᬢᬦ᭄ᬥᬵᬧᬭᬫᬣᬦ᭄ᬢ᭄ᬭᬷ᭞ᬓᬶᬰᬶᬤᬧᬓ᭄ᬱᬭᬯᬸᬄ᭞ᬳᬦᭂᬫ᭄ᬗᬳᬶᬘᬗᬳᬸᬮᬸᬦ᭄᭞ᬲᬂᬦᬵᬣ
ᬮᬶᬗᬶᬭᬫᬗ᭄ᬓᬾ᭞ᬓᬶᬲᬶᬤ᭄ᬥᬵᬧᬓ᭄ᬱᬗᭀᬂᬗᬸᬢᬸᬲ᭄᭞ᬤᬢᭂᬗᬫᬭᬭᬶᬂᬓᬾᬦ᭄ᬥ᭄ᬭᬦ᭄᭞ᬳᬫᬾᬢᬓᭀᬫ᭄ᬗᬮᬧ᭄ᬢᬓ᭄᭟ᬳᬦᬓᬓᬶᬢᬢᬵᬕ᭄ᬬᬦ᭄ᬳᬶᬂᬲᬸᬦ᭄᭞ᬭᬶᬂᬓᬾᬦ᭄ᬤ᭄ᬭᬦ᭄ᬧᬺᬦᬳᬾ᭞ᬲᬶᬭᬬᬦᬕᬶᬄᬬᬓᬓᬶ᭞ᬫᬶᬯᬄ
ᬫᬲ᭄ᬢᬶᬕᬂᬧᬡ᭄ᬦᭂᬍᬂ᭞ᬮᬦ᭄ᬓᭀᬫᬢᬶᬸᬮᬢᬶᬕᬂᬕ᭄ᬮᬸᬂ᭞ᬮᬄᬫᬗ᭄ᬓᬢᬵᬳᬬ᭄ᬯᬲ᭄ᬯᬾ᭞ᬮᬦ᭄ᬳᬦᬳᬦ᭄ᬤᬶᬓᬳᬵᬦᬶᬂᬲᬸᬦ᭄᭞ᬓᬓᬶᬩᬓ᭄ᬢᬦᭂᬦ᭄ᬤᬾᬦᬶᬭ᭞ᬯᬘᬯᬘᬫᬭᬶᬂᬓᬾᬦ᭄ᬥ᭄ᬭᬦ᭄᭟ᬕᬯᬤᬾᬭᬯᬘᬯᬘᬳᬶᬓᬸ᭞ᬳᬶᬭᬶ [ 13 ][᭑᭒ 12B]
᭑᭒
ᬗᭀᬂᬢᬦ᭄ᬧᬯᬾᬄ᭞ᬓᬶᬢᬗᭀᬂᬳᬗᬸᬧᬢᬦᬶ᭞ᬩᬲᬶᬩᬸᬢᬓᭀᬮ᭄ᬩᬸᬄ᭞ᬳᭂᬦ᭄ᬤᭂᬧᭂᬦ᭄ᬤᭂᬧ᭄ᬦᬫᬸᬦᬫᬸ᭞ᬭᬸᬗᬸᬦᭂᬦ᭄ᬯᭂᬓᬲ᭄ᬯᭀᬂᬫᬗ᭄ᬓᬾ᭞ᬢᬦᬳᬫᬗ᭄ᬕᬶᬄᬭᬳᬬᬸ᭞ᬲᬸᬫᬸᬲᬸᬧᬭᬶᬂᬢᬦ᭄ᬧᬭᬄ᭞ᬫᭀᬕᬳᬫᬗ᭄ᬕᬶᬳᬯᬶ
ᬭᬵᬂ᭟ᬓᬶᬲᬶᬤ᭄ᬥᬵᬧᬓ᭄ᬱᬵᬫ᭄ᬦᭂᬂᬢᬸᬫᬸᬗ᭄ᬓᬸᬮ᭄᭞ᬢᬦ᭄ᬯ᭄ᬭᬸᬄᬭᬶᬂᬗᬵᬢᬶᬦᬾ᭞ᬯᬸᬲᬗᬗᭂᬦᬗᭂᬦ᭄ᬧᬢᬶ᭞ᬓᬗ᭄ᬕ᭄ᬭᬳᬶᬢᬵᬭᬶᬂᬢᬸᬤᬸᬄ᭞ᬢᬸᬢᬸᬕᬭᬶᬂᬗᬧᬾᬦᬶᬂᬲᬸᬦ᭄᭞ᬲᬢᬸᬳᬸᬦ᭄ᬤᬸᬭᬸᬂᬫᬾᬗ᭄ᬓᬾᬦᬾ᭞ᬲᬍᬢᬳᬦ᭄ᬤᬸᬮ᭄ᬯᬶᬭᬶᬲᬸᬦ᭄᭞ᬳ
ᬗ᭄ᬭᬸᬗᬸᬳᬦ᭄ᬥᬸᬓᬂᬢᬶᬗᬮ᭄᭞ᬓᬸᬦᭂᬂᬬᬾᬦ᭄ᬢᬦᬬ᭄ᬯᬦᬦ᭟ᬓᬶᬲᬶᬤ᭄ᬥᬵᬧᬓ᭄ᬱᬵᬮᬶᬗᬾᬳᬫᬸᬢᬸᬲ᭄᭞ᬭᬶᬂᬓ᭠ᬧᬦ᭄ᬫᬶᬦ᭄ᬢᬭᬾ᭞ᬳᬚ᭄ᬜᬦᬶᬭᬰ᭄ᬭᬷᬪᬸᬧᬢᬶ᭞ᬳᬫᬶᬢ᭄ᬧᬶᬲᬦ᭄ᬧᬸᬓᬸᬮᬸᬦ᭄᭞ᬧᬓᭂᬤᬦᬶᬭᬲᬂᬧ᭄ᬭᬪᬸ᭞ᬮᬄᬫᬗ᭄ᬓᬵ
ᬢᬳᬬ᭄ᬯᬲ᭄ᬯᬾ᭞ᬩᬓ᭄ᬢᬦᭂᬦ᭄ᬢᬲᬸᬭᬢ᭄ᬢᬶᬂᬲᬸᬦ᭄᭞ᬳᬗᬤᭂᬕᬗᬚᬸᬫ᭄ᬭᭀᬫᬵ᭞ᬫᬢᬸᬭᬫᬭᬶᬂᬪᬝᬵᬭ᭞ᬳᬾᬮᬸᬯᬭᬦ᭄ᬫᬗ᭄ᬓᬾᬓᬗᬦᬗ᭄ᬓᬶᬮᬵ᭞ᬲᬫᬶᬳᬮ᭄ᬯᬭᬾ᭞ᬓᬂᬧᬭᬫᬦ᭄ᬢ᭄ᬭᬶᬳᬦᬗ᭄ᬓᬶᬮ᭄᭞ᬭᬫᬾᬯᬥᬕᭂᬕ᭄ᬦᬸ᭞ᬓᬢᬸ᭠
[᭑᭓ 13A]
ᬯᭀᬦ᭄ᬲᬶᬭᬲᬂᬧ᭄ᬭᬪᬸ᭞ᬓᬶᬲᬶᬤ᭄ᬥᬵᬧᬓ᭄ᬱᬳᬾᬫᬦᬾ᭞ᬫᬢᬶᬦ᭄ᬥᭂᬂᬢᬾᬗᬓᬸᬓᬸᬄ᭞ᬲᬂᬦᬵᬣᬳᬓᬶᬭ᭠ᬳᬮ᭞ᬓᬂᬗᬳᬋᬧᬦᬧ᭄ᬭᬃ᭟ᬧ᭄ᬭᬧ᭄ᬢᬶᬭᬶᬂᬚᬩᬮᬯᬗᬦ᭄ᬳᬕᬸᬂ᭞ᬳᬕ᭄ᬮᬶᬲ᭄ᬢᬮᬫ᭄ᬧᬳᬾ᭞ᬧ᭄ᬭᬧ᭄ᬢᬶᬓᬭᬢᬦᬵ
ᬘᬭ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬸᬯᬸᬲ᭄᭞ᬳᬕ᭄ᬮᬶᬲ᭄ᬳᬦᬗ᭄ᬓᬶᬮᬢᬾᬂᬲᬸᬦ᭄᭞ᬓᬶᬲᬶᬤ᭄ᬥᬵᬧᬓ᭄ᬱᬳᬸᬚᬭᬾ᭞ᬢᬦᭀᬮᬶᬄᬳᬦᬗ᭄ᬓᬶᬮ᭄ᬢᬾᬂᬲᬸᬦ᭄᭞ᬳᬶᬗᬸᬢᬸᬲ᭄ᬤᬢᭂᬂᬭᬶᬂᬓᬾᬦ᭄ᬤ᭄ᬭᬦ᭄᭞ᬳᬫᬾᬢᬓᭀᬫ᭄ᬩᬮᬯᭂᬝᬵᬓ᭄᭟ᬮᬄᬢᬓᬵ
ᬫᬬᬗᬦ᭄ᬢᬦᬾᬦᬶᬂᬲᬸᬦ᭄᭞ᬮᬄᬢᬲᬸᬦ᭄ᬩᬓ᭄ᬢᬦᬾ᭞ᬧᬦ᭄ᬥ᭄ᬭᬯᬾᬦᬶᬭᬧᬸᬦᬶᬓᬶ᭞ᬢᬸᬃᬗᬫ᭄ᬩᬶᬮ᭄ᬱᬓᬶᬂᬕ᭄ᬮᬸᬂ᭞᭠ᬢᬶᬦᬗ᭄ᬕᬧᬦ᭄ᬲᬃᬯ᭄ᬬᬗ᭄ᬭᬗ᭄ᬓᬸᬮ᭄᭞ᬓᬶᬲᬶᬤ᭄ᬥᬵᬧᬓ᭄ᬱᬵᬳᬸᬚᬭᬾ᭞ᬓᬦ᭄ᬢᬸᬦ᭄ᬬᬭᬶᬚᬶᬯᬦᬶᬂᬲᬸᬦ᭄᭞ᬓᬦ᭄ᬢᬸᬦ᭄ᬫᬸᬓ᭄ᬢᬶᬲ᭠
ᬓᬮᬗ᭄ᬯᬦ᭄᭞ᬓᬦ᭄ᬢᬸᬦᬳᬫᬸᬚᬩ᭄ᬭᬢ᭄ᬣᬵ᭟ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬰᬦ᭄ᬥᬦ᭄ᬬᬳᬫ᭄ᬮᬲᬳ᭄ᬬᬸᬦ᭄᭞ᬲᬵᬫ᭄ᬧᬸᬦ᭄ᬓᬓᬫᬶᬦ᭄ᬢᬾᬃ᭞ᬲᬦ᭄ᬥᬶᬓᬦᬶᬭᬧᬸᬦᬶᬓᬶᬪᬬᬢᬦ᭄ᬯᭀᬂᬓᬢᬾᬂᬲᬸᬦ᭄᭞ᬮᬕᬶᬳᬮᬫᬮᬫ᭄ᬢᭂᬂᬲᬸᬦ᭄᭞ᬳᬕᬸᬮᬶᬗᬓᬓ [ 14 ][᭑᭓ 13B]
᭑᭓
ᬫ᭄ᬦᬾ᭞ᬲᬳᬗᬶᬲᭂᬧᭂᬧᬸᬓᬸᬮᬸᬦ᭄᭞ᬳᬫᬸᬓ᭄ᬢᬶᬫᬗ᭄ᬓᬾᬧᬫᬺᬫᬦ᭄᭞ᬳᬢᬶᬗ᭄ᬕᬮᬢᬫ᭄ᬧᬓ᭄ᬢᬗᬦ᭄᭟ᬓᬶᬲᬶ᭠ᬤ᭄ᬥᬵᬧᬓ᭄ᬱᬮᬶᬗᬶᬭᬫᬸᬯᬸᬲ᭄᭞ᬳᬕᬾᬳᬶᬗ᭄ᬲᬸᬦ᭄ᬭᬤᬾᬦ᭄᭞ᬳᬭᬩᬶᬬᬢᬾᬂᬲᬸᬦ᭄ᬬᬲᬶ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬗ᭄ᬭᬗ᭄ᬓᬸᬮ᭄᭞ᬲᬃᬯ᭄ᬯᬶ
ᬗᭂᬫ᭄ᬩᭂᬗᬮᬸᬳᬶᬧᬸᬦ᭄᭞ᬓᬶᬲᬶᬤ᭄ᬥᬵᬧᬓ᭄ᬱᬳᬸᬚᬭᬾ᭞ᬲᬶᬭᬲᬶᬮᬯᬲᬶᬭᬶᬲᬸᬦ᭄᭞ᬧᬶᬢᬸᬂᬤᬶᬦᬵᬳᬶᬲᬸᬦ᭄ᬢᭂᬓᭃ᭞ᬓᬦ᭄ᬢᬸᬦᬚᬸᬯᬶᬢᬦᬶᬗ᭄ᬯᬂ᭟ᬫᬶᬦ᭄ᬢᬃᬲᬓᬶᬂᬓᬧᬢ᭄ᬬᬦ᭄ᬲᬫ᭄ᬧᬸᬦ᭄᭞ᬧ᭄ᬭᬧ᭄ᬢᬶᬂᬚᬩᬫᬗ᭄ᬓᬾ᭞ᬫᭂᬗ᭄ᬕᭂᬧᬗ᭄ᬭᬗ᭄ᬲᬸᬓ᭄ᬓᬸᬮᬫ᭄ᬩᬶ
᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬳᬫᬸᬯᬸᬲ᭄᭞ᬲᬫ᭄ᬧᬸᬦ᭄ᬧ᭄ᬭᬬᬢ᭄ᬦᬭᬶᬂᬳᭂᬦᬸ᭞ᬓᬶᬲᬶᬤ᭄ᬥᬵᬧᬓ᭄ᬱᬲᬳᬸᬭᬾ᭞ᬮᬄᬲᬦ᭄ᬤᬶᬓᬦ᭄ᬬᬭᬶᬦᬶᬂᬲᬸᬦ᭄᭞ᬮᬄᬓᬭᬶᬬᬚᬶᬯᬦᬶᬗ᭄ᬯᬂ᭞ᬳᬓ᭄ᬫᬶᬢᬭᬶᬂᬧᬲᬾᬩᬦ᭄᭚᭜᭚ᬧᬸᬄᬘᬗ᭄ᬓ᭄ᬭᬶᬫᬦ᭄᭚
ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬢᬦ᭄ᬮᬤ᭄ᬫᬗᬚᬶᬫᬸᬯᬸᬲ᭄᭞ᬲᬶᬤ᭄ᬥᬵᬧᬓ᭄ᬱᬫᬗ᭄ᬓᬾ᭞ᬳᬗᬚᬸᬲᬋᬂᬲᬸᬫᬦ᭄ᬤᬶᬂ᭞ᬲᬫ᭄ᬧᬸᬦ᭄‌ᬕᭂᬦᭂᬧ᭄ᬳᬗᬚᬶᬓᬶᬲᬶᬤ᭄ᬥᬧᬓ᭄ᬱᬶ᭟ᬲᬫ᭄ᬧᬸᬦ᭄ᬧᬸᬧᬸᬋᬗᬚᬶᬳᬦᬸᬯᬸᬢ᭄ᬓᬸᬓᬸᬲ᭄᭞ᬲᬶᬤ᭄ᬥᬧᬓ᭄ᬱᬵᬫᬗ᭄ᬓᬾᬳ
[᭑᭔ 14A]
ᬗ᭄ᬭᬗ᭄ᬲᬸᬓ᭄‌ᬩᬸᬱᬡᬵᬍᬯᬶᬄ᭞ᬫᬭᬶᬂᬤᬮᬸᬳᬗ᭄ᬭᬗ᭄ᬲᬸᬓ᭄ᬢᭀᬗ᭄ᬳᬤᬧᬥ᭟ᬭᬶᬂᬧᬲᬾᬩᬦ᭄ᬧᬥᬵᬦᬗᬶᬲᬯᬸᬃᬫᬵᬦᬹᬓ᭄᭞ᬲᬶᬤ᭄ᬥᬵᬧᬓ᭄ᬱᬦᭂᬫ᭄ᬩᬄ᭞ᬦᬾᬢ᭄ᬭᬦᬾᬳᬲ᭄ᬫᬸᬢᬗᬶᬲ᭄᭞ᬲᬓᬸᬓᬸᬯᬸᬦᬸᬓᬸᬲ᭄ᬧ᭄ᬭ
ᬪ᭄ᬭᬶᬂᬰᬶᬦ᭄ᬥᬸᬭᬵᬚ᭟ᬮᭂᬧᬲ᭄ᬮᬫ᭄ᬧᬳᬶᬭᬭᬶᬂᬢᬓᬵᬲᬦ᭄ᬢᬸᬦ᭄᭞ᬲᬶᬤ᭄ᬥᬵᬧᬓ᭄ᬱᬫᬗ᭄ᬓᬾ᭞ᬳᬫᬗ᭄ᬕᬶᬄ᭠ᬤᬮᬦᬘ᭄ᬧᬶ᭞ᬫᬭᬶᬂᬢᬫᬦ᭄‌ᬗ᭄ᬓᬾᬮᬡᬵᬂᬢᭀᬗᬤᬧᬥᬵ᭚᭜᭚ᬧᬸᬄᬳᬤ᭄ᬭᬶ᭚ᬬᬦᬫ
ᬦᬶᬂᬕᬦ᭄ᬢ᭄ᬬᬳᬦᬶᬂᬫᬸᬯᬸᬲ᭄᭞ᬓᬂᬚᭀᬘᬧᬦ᭄ᬫᬗ᭄ᬓᬾ᭞ᬲᬂᬦᬵᬣᬳᬸᬘᬧᬶᬦ᭄ᬫᬮᬶᬄ᭞ᬳᬢᬶᬜ᭄ᬚᭀᬢᬶᬢᬄᬲᬤᬸ᭞ᬳᬮᬶᬗ᭄ᬲᬾᬫᬭᬵᬦᬸᬦᬸᬮᬸᬧ᭄᭞ᬲᬂᬦᬵᬣᬮᬶᬗᬶᬭᬫᬗ᭄ᬓᬾ᭞ᬳᬧᬦ᭄ᬭᬸᬧᬦᬾᬮ᭄ᬯᬶᬲ᭄ᬢ᭄ᬬᬬᬸ᭞ᬭᬩᬶ
ᬦᬾᬓᬶᬲᬶᬤ᭄ᬥᬵᬧᬓ᭄ᬱᬵ᭞ᬳᬗ᭄ᬳᬶᬂᬢᬵᬫᬲᬮᬸᬧᬸᬢᬵ᭟ᬯᭀᬂᬓᬧᬢ᭄ᬬᬦ᭄‌ᬧᬥᬢᬸᬫᬸᬭᬸᬦ᭄᭞ᬯ᭄ᬭᬸᬄᬲᬶᬭᬫᬗ᭄ᬓᬾ᭞ᬢ᭄ᬓᬦᬶᬭᬰ᭄ᬭᬷᬪᬸᬧᬢᬶ᭞ᬦᬶᬲ᭄ᬢ᭄ᬭᬶᬢᬜ᭄ᬚᬸᬂᬢᬸᬫᬸᬭᬸᬦ᭄᭞ᬳᬦᭂᬫ᭄ᬩᬄᬳᬶᬂᬲᬗ᭄ᬳᬵᬳᬸᬮᬸᬦ᭄᭞ᬲᬵᬂ᭠ [ 15 ][᭑᭔ 14B]
᭑᭔
ᬦᬵᬣᬮᬶᬗᬶᬭᬫᬗ᭄ᬓᬾ᭞ᬩᬬᬦᬶᬭᬦᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬳᬶᬗ᭄ᬲᬸᬦ᭄ᬳᬜ᭄ᬚᬦ᭄ᬢᭂᬦᬲ᭄ᬥᬄ᭞ᬗᭀᬂᬲᬸᬫᬶᬬᬂᬲᬓᬶᬂᬢᬫᬦ᭄᭟ᬢᬸᬫᬸᬮ᭄ᬬᬗᬦ᭄ᬥᬲ᭄ᬥᬄᬭᬶᬂᬓᬘᬸ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾ᭞ᬳᬶᬗᬸᬍᬲᬦ᭄ᬯᬸᬮᬶᬓᬸᬦᬶᬂ᭞ᬳᬫ᭄ᬭᬶᬓ᭄ᬕ
ᬡ᭄ᬥᬦᬶᬗᬭᬹᬫ᭄᭞ᬲᬂᬦᬵᬣᬫᬲ᭄ᬯᬲᬦ᭄ᬥᬸᬮᬸ᭞ᬳᬮᭀᬦ᭄ᬫᬗ᭄ᬓᬾᬧᬗᬸᬘᬧᬾ᭞ᬫᬾᬭᬾᬦᬾᬬᬦᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬳᬶᬗ᭄ᬲᬸᬦᬵᬕ᭄ᬭᬶᬂᬮᬭᬦᬾᬢ᭄ᬭᬵᬦ᭞ᬭᬶᬂᬲᬶᬭᬳᬸᬫ᭄ᬩᬦᬦ᭟ᬫ᭄ᬦᭂᬂᬢᬸᬫᬸᬗ᭄ᬓᬸᬮ᭄ᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬧᬗᬸᬘᬧᬶ
ᬭᬵᬮᭀᬦ᭄᭞ᬧᬭᬦ᭄ᬧᭀᬮᬳᬶᬭᬳᬶᬓᬶ᭞ᬳᬤᬸᬄᬓᬓᬳᬶᬭᬶᬂᬲᬸᬦ᭄᭞ᬓᬓᬧᬭᬦ᭄‌ᬧᭀᬮᬳᬶᬲᬸᬦ᭄᭞ᬬᬦ᭄ᬢᬦ᭄ᬭᬯᬸᬄᬳᬾᬮᬓᬶᬦᬾ᭞ᬧᬋᬓ᭄ᬓᬦᬾᬭᬾᬳᬦᬶᬂᬲᬸᬦ᭄᭞ᬬᬾᬦᬫᬗ᭄ᬕᬶᬄᬳᬯᬶᬯᬶᬭᬂ᭞ᬳᬵ
ᬗ᭄ᬳᬶᬂᬲᬦᬗ᭄ᬫᬲᬦᬵ᭟ᬯ᭄ᬭᬸᬄᬫᬗ᭄ᬓᬾᬦᬶᬭᬲ᭄ᬢ᭄ᬭᬷᬢᬜ᭄ᬚᬸᬂ᭞ᬮᬓᬶᬗ᭄ᬲᬸᬦ᭄ᬓᭀᬦ᭄ᬓᭀᬦᬾ᭞ᬳᬫᬾᬢᬓᭀᬫ᭄ᬩᬮᬧᬸᬢᬶᬄ᭞ᬮᬫ᭄ᬧᬳᬦ᭄ᬧᬶᬢᬸᬂᬢᬳᬸᬦ᭄᭞ᬭᬶᬂᬓᬾᬦ᭄ᬤ᭄ᬭᬫᬗ᭄ᬓᬾᬓᬭᬸᬗᬸ᭞ᬯ᭄ᬬᬢᬭᬣᬮᬶᬯᬢᬵ
[᭑᭕ 15A]
ᬯᬸ᭞ᬦ᭄ᬦ᭞ᬮᬫᬸᬦ᭄ᬢᭂᬓᬫ᭄ᬦᬾᬢᬾᬂᬲᬸᬦ᭄᭞ᬳᬚᬲᬶᬭᬓᬫᬮᬲ᭄ᬬ᭞ᬧᬦᬫᬲᬦᬬᬸᬭᬶᬧ᭟ᬫᬾᬭᬾᬦᬾᬬᬲᬶᬭᬦᬶᬲ᭄ᬢ᭄ᬭᬷᬢᬜ᭄ᬚᬸᬂ᭞ᬳᬦᬳᬶᬓᬶᬲ᭄ᬮᬾᬕᬶᬭᬶᬲᬶᬘᬭᬲᬶᬭᬫᬗ᭄ᬓᬶᬂ᭞ᬲᬫ᭄ᬧᬸᬦᬶᬂᬧ᭄ᬢᭂᬂᬓᬤᬸᬤᬸ᭞ᬮᬶᬮ
ᬗᬦᬯᬺᬤ᭄ᬥᬬᬾᬓᬸ᭞ᬮᬫᬸᬦ᭄ᬭᬳᬬᬸᬲᬂᬮᬸᬗ᭄ᬳᬵ᭞ᬩᭀᬬᬕ᭄ᬮᬶᬲᬶᬭᬭᬯᬸᬄ᭞ᬲᬂᬦᬵᬣᬲᬧᬗ᭄ᬭᬸᬫ᭄ᬭᬸᬫᬾ᭞ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬓᬸᬓ᭄ᬯᬾᬂᬂᬗ᭄ᬳᬵᬯᬓ᭄᭟ᬭᬾᬦᬶᬗ᭄ᬕᬢᬶᬧ᭄ᬭᬢᬶᬗ᭄ᬓᬳᬦᬶᬗ᭄ᬲᬸᬦ᭄᭞ᬓᬂᬓᭀᬘᬧᭂᬦ᭄ᬫᬗ᭄ᬓᬾ
᭞ᬲᬂᬮᬸᬗ᭄ᬳᬵᬢᬸᬘᬧᭂᬦ᭄ᬫᬮᬶᬄ᭞ᬓᬶᬲᬶᬤ᭄ᬥᬵᬧᬓ᭄ᬱᬮᬫ᭄ᬧᬸᬲ᭄᭞ᬳᬗᬯᬗᬯᬮᬸᬫᬓᬸ᭞ᬧ᭄ᬭᬧ᭄ᬢᬶᬳᬦ᭄ᬢᬭᬵᬚᬫᬗ᭄ᬓᬾ᭞ᬳᬕ᭄ᬮᬶᬲ᭄ᬤᬾᬦᬾᬮᬸᬫᬓᬸ᭞ᬧ᭄ᬭᬧ᭄ᬢᬭᬶᬂᬮᬕᬦᬗᬶᬗ᭄ᬯᬂ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬭᬾᬭᬾᬦ᭄ᬬ᭟
ᬓᬢᬶᬗ᭄ᬳᬮᬦ᭄ᬓᬩᬾᬄᬢᬸᬳ᭄ᬯᬮᬗᬸ᭞ᬓᬢᭀᬦ᭄ᬮᬸᬭᬄᬮᬸᬭᬄ᭞ᬮᬶᬬᭂᬧ᭄ᬢᬶᬦᭀᬦ᭄ᬓᬂᬚᬮᬥᬶ᭞ᬧ᭄ᬭᬳᬸᬓᭀᬫ᭄ᬩᬓᭀᬫ᭄ᬩᬸᬮ᭄᭞ᬳᬦᬸᬢ᭄ᬲᬳᬶᬲᬶᬦᬶᬂᬩᬜᬸ᭞ᬓᬶᬲᬶᬤ᭄ᬥᬵᬧᬓ᭄ᬱᬯᬸᬯᬸᬲᬾ᭞ᬲᬕᬭᬮᭀᬃᬮᬯᬦ᭄ᬓᬶᬤᬸ [ 16 ][᭑᭕ 15B]
᭑᭕
ᬮ᭄᭞ᬤᬶᬦᭂᬍᬂᬓᬬᬳᬫ᭄ᬧᬸᬳᬦ᭄᭞ᬓᬂᬩᬬᬳᬶᬓᬶᬓᬫᬸᬮᬦ᭄᭟ᬯᬸᬯᬸᬲᬭᬾᬭᬾᬦ᭄ᬲᬶᬭᬮᬸ᭠ᬫᬓᬸ᭞ᬧᬢᬶᬄᬲᬶᬤ᭄ᬥᬵᬧᬓ᭄ᬱ᭞ᬋᬓᬾᬩᬂᬯᬾᬢᬦ᭄ᬲᬶᬦᬶᬧᬶ᭞ᬳᬤᬸᬮᬸᬭᬵᬫᭀᬭᬭᬶᬂᬲᬸᬦ᭄᭞ᬲ᭄ᬫᭂᬂᬮᬸᬫᬓᬸᬲᬶ
ᬭᬗ᭄ᬮᬫ᭄ᬧᬸᬲ᭄᭞ᬳᬸᬫᭀᬭᬶᬂᬮᬗᬶᬢ᭄ᬮᬫ᭄ᬧᬳᬾ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬲᬶᬧᬶᬳᬤᭀᬳᬾᬭᬶᬓᬾᬦ᭄ᬤ᭄ᬭᬦ᭄᭞ᬤᬸᬕᬬᬲᬶᬭᬫᬗ᭄ᬲᬸᬮᬵ᭟ᬳᬓ᭄ᬯᬾᬳᬢ᭄ᬫᬧᬥᬳᬧᬥᬸ᭞ᬭᬶᬂᬲᬸᬦ᭄ᬬᬓᬶᬫᬗ᭄ᬓᬾ᭞ᬲᬭᭀᬧ
ᬯᬤᬸᬳᬮᬓᬶ᭞ᬳᬓ᭄ᬯᬾᬳᬢ᭄ᬫᬗ᭄ᬭᬭᬗᬸ᭞ᬳᬗᬺᬋᬧᬶᬂᬢᬺᬡᬢᬺᬡ᭄ᬦᬶ᭞ᬯᭀᬂᬤᬸᬭᬵᬢ᭄ᬫᬓᬳᬢ᭄ᬫᬵᬦᬾ᭞ᬓᬦ᭄ᬢᭂᬦ᭄ᬫᬲᬧᬸᬮᬦᬶᬧᬸᬦ᭄᭞ᬰ᭄ᬭᬷᬰ᭄ᬭᬗᬦ᭄ᬫᬦ᭄ᬥᭂᬕᬶᬂᬳᬯᬦ᭄᭞ᬳᬢ᭄ᬫᬦᬶᬂᬯᭀᬂᬤᬸᬭᬵᬢ᭄ᬫᬓᬵ᭞ᬳᬾᬓᬾᬄ
ᬳᬢ᭄ᬫᬧᬥᬳᬫ᭄ᬮᬲᬳ᭄ᬬᬸᬦ᭄᭞ᬫᬦᬶᬭᬦᬸᬢᬹᬢᬾ᭞ᬭᬶᬗᬯᬦ᭄‌ᬲ᭄ᬯᬃᬕ᭄ᬕᬧᬸᬦᬶᬓᬶ᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬢᬵᬓᬶᬢᬦ᭄ᬯ᭄ᬭᬸᬄᬭᬶᬂᬲᬸᬦ᭄᭞ᬫᬭᬶᬂᬳᬢ᭄ᬫᬧᬗᬸᬘᬧᬾ᭞ᬳᬢ᭄ᬫᬦᬶᬗᬗᬵᬧᬳᬶ
[᭑᭖ 16A]
ᬓᬸ᭞ᬳᬜᬶᬜ᭄ᬬᬳᬢᬦ᭄ᬓᬯᬲ᭞ᬳᬾᬦ᭄ᬤᬄᬲᬓᬶᬂᬩᬓ᭄ᬢᬦᭂᬦ᭄ᬥᬾᬦ᭄ᬢ᭟ᬤᬸᬤᬸᬳᬢ᭄ᬫᬫᬦᬶᬭᬧᬸᬦᬶᬓᬸ᭞ᬲᬯ᭄ᬬᬓ᭄ᬢᬶᬦᬾᬫᬗ᭄ᬓᬾ᭞ᬯᬮᬸᬬᬭᬯᬸᬄᬳᬶᬭᬶᬓᬶ᭞ᬯᭀᬂᬲᬶᬦ᭄ᬥᬸᬭᬚᬢᬾᬂᬲᬸᬦ᭄᭞ᬲᬩᭀ
ᬮᭀᬗ᭄ᬓᭀᬢ᭄ᬭᬕᬦᬶᬂᬲᬸᬦ᭄᭞ᬳᬶᬗᬸᬢᬸᬲ᭄ᬓᬢᬾᬂᬲᬸᬦ᭄ᬫᬗ᭄ᬓᬾ᭞ᬤᬾᬦᬶᬭᬲᬶᬭᬲᬂᬧ᭄ᬭᬪᬸ᭞ᬇᬗᬸᬢᬸᬲ᭄ᬫᬭᬭᬶᬂᬓᬾᬦ᭄ᬤ᭄ᬭᬦ᭄᭞ᬢᬦ᭄ᬯ᭄ᬭᬸᬳᬶᬗ᭄ᬲᬸᬦ᭄ᬭᬶᬤᬥᬮᬦ᭄᭟ᬫᬶᬦ᭄ᬢᬃᬫᬗ᭄ᬓᬾᬮᬫ᭄ᬧᬄᬦ᭄ᬬᬳᬲ᭄ᬭᬸᬄ᭞ᬓᬯᬃᬡ᭄ᬦᬵ
ᬳᬫᬗ᭄ᬓᬾ᭞ᬲᬄᬲᬓᬶᬂᬜ᭄ᬘᬭᬦᬾᬓᬶ᭞ᬲᬶᬖ᭄ᬭᬵᬲᬮᬫ᭄ᬧᬄᬦ᭄ᬬᬵᬦ᭄ᬤᬭᬸᬂ᭞ᬲᬶᬭᬤᬾᬯᬵᬦ᭄ᬥᬸᬗ᭄ᬓᬧᬸᬗ᭄ᬓᬸᬃ᭞ᬤᬮᬦᬶᬂᬳ᭄ᬬᬂᬗᬵᬢ᭄ᬫᬫᬗ᭄ᬓᬾ᭞ᬓᬾᬫ᭄ᬗᬵᬦᬶᬂᬤᬮᬦᬶᬧᬸᬦ᭄᭞ᬳᬦᬹᬢ᭄ᬲᬢᬼᬗᬶᬂᬫᬦᬄ᭞ᬤᬮᬦ᭄ᬧᬵ
ᬫ᭄ᬤᬮᬶᬂᬓᬾᬦ᭄ᬥ᭄ᬭᬦ᭄᭟ᬳᬗᬮᭀᬃᬭᬗᬾᬢᬦ᭄ᬮᬫ᭄ᬧᬄᬦ᭄ᬬᬳᬰ᭄ᬭᬸᬄ᭞ᬯᬸᬲ᭄ᬓᬧᬸᬗ᭄ᬓᬸᬃᬫᬗ᭄ᬓᭀᬤᬮᬦᬶᬂ᭠ᬳᬫ᭄ᬩᬳᬦᬹᬦᬶ᭞ᬳᬗᬮᭀᬃᬮᬦᬗᬶᬤᬸᬮ᭄᭞ᬩᬬᬩ᭄ᬬᬧᬜ᭄ᬘᬦᬾᬭᬶᬣ᭄ᬬ᭞ᬕ᭄ᬦᬾᬬᬦ᭄ᬳᬸᬢᬭᬫ [ 17 ][᭑᭖ 16B]
᭑᭖
ᬗ᭄ᬓᬾ᭞ᬲᬓ᭄ᬯᬾᬳᬶᬂᬳᬯᬲ᭄ᬓᬧᬸᬗ᭄ᬓᬸᬃ᭞ᬮᬶᬯᬢᬷᬲᬗ᭄ᬓᬮᬲᬸᬦ᭄ᬬ᭞ᬧ᭄ᬭᬧ᭄ᬢᬭᬶᬂᬲᬃᬯ᭄ᬯᬓᬸᬲᬸᬫ᭟ᬲᬢ᭄ᬓᬦᬶᬭᬭᬶᬂᬲᬃᬯ᭄ᬯᬲᬦ᭄ᬢᬸᬦ᭄᭞ᬓᬯᬃᬡ᭄ᬦᬳᬫᬗ᭄ᬓᬾ᭞ᬲᬧᬜ᭄ᬢ᭄ᬭᬦᬶᬂᬲᬃᬯ᭄ᬯᬲᬭᬶ᭞ᬓᬫᬾᬦᬶᬂᬳᬕ᭄ᬭᬭᬸᬦ᭄ᬢᬸᬄ᭞᭠
ᬯᭀᬃᬕᬡ᭄ᬥᬦᬶᬂᬲᬸᬮᬢ᭄ᬭ᭄ᬬᬵᬭᬸᬫ᭄᭞ᬕᬤᬸᬂᬦᬶᬓᬫᬗ᭄ᬭᬭᭀᬜ᭄ᬘᬾ᭞ᬳᬗ᭄ᬰᭀᬓᬳᬦᬸᬳᬸᬦ᭄ᬲᬦ᭄ᬢᬸᬦ᭄᭞ᬭᬸᬫᬗ᭄ᬩᬾᬳᬦᭀᬗᬶᬂᬢᬶᬃᬢ᭄ᬣᬵ᭞ᬲᬯᬗᬾᬓᬸᬫ᭄ᬮᬩ᭄ᬓᬗᬶᬦᬦ᭄᭟ᬳᬦ᭄ᬢᬶᬳᭂᬦ᭄ᬢᬶᬬᬦ᭄ᬢᬵᬲ᭄ᬓᬃᬧᬜ᭄ᬢ᭄ᬭᬳᬶᬧᬸ᭠
ᬦ᭄᭞ᬓᬂᬲᬃᬯ᭄ᬯᬓᬸᬲᬸᬫ᭞ᬫᬗ᭄ᬓᬾᬯᬸᬯᬸᬲᭂᬦ᭄ᬳᬶᬓᬂᬧᬓ᭄ᬱᬶ᭞ᬳᬸᬫᬸᬂᬳᬲ᭄ᬭᬂᬮᬸᬯᬸᬭᬶᬂᬓᬵᬬᬸ᭞ᬳᬫᬳᬓᬂᬯ᭄ᬥᬮᬶᬧᬸᬦ᭄᭞ᬓᭀᬓᬶᬮᬳᬸᬫᬸᬂᬲ᭄ᬯᬭᬦᬾ᭞ᬘᬸᬘᬸᬃᬳᬶᬓᬵᬫᬸᬦ᭄ᬬᬵᬗᬸᬗ᭄ᬓᬸᬂ᭞ᬳᬯ᭄ᬮᬲ᭄ᬩᬯᬳᬬᬾ
ᬦ᭄ᬭᭀᬗ᭞ᬲᬫ᭄ᬩ᭄ᬭᬫᬭᬶᬂᬲᬂᬮᬸᬫᬫ᭄ᬧᬄ᭟ᬫᬦᬹᬓ᭄ᬫᬶᬜ᭄ᬘᭀᬓ᭄ᬫᬸᬦᬶᬦ᭄ᬬᬓᬤ᭄ᬬᬗᬸᬗ᭄ᬓᬸᬂ᭞ᬲ᭄ᬯᬭᬦᬾᬳᬭᬫᬾ᭞ᬧᬺᬜ᭄ᬘᬓᬾᬓᬤ᭄ᬬᬗᬗ᭄ᬲ᭄ᬬᬦᬶ᭞ᬧᬓ᭄ᬱᬶᬕᭂᬦ᭄ᬥᬶᬳᬗ᭄ᬮᬗᬸ᭞ᬲ᭄ᬯᬭᬦᬾᬓᬶᬤᬂᬳᬗ᭄ᬮᬬᬸᬂ᭞ᬓᬤ᭄ᬬᬵᬦᬧ᭠
[᭑᭗ 17A]
ᬧ᭄ᬭᬢᬶᬗ᭄ᬓᬳᬾ᭞ᬘᬸᬗ᭄ᬕᬾᬭᬾᬭᬾᬢ᭄ᬳᬶᬓᬵᬳᬸᬫᬸᬂ᭞ᬲᬶᬦᬯᬸᬭᬦ᭄‌ᬤᬾᬦᬶᬂᬓᬸᬫ᭄ᬩᬂ᭞ᬓᬱ᭄ᬘᬃᬬ᭄ᬬᬦ᭄ᬲᬶᬭᬵ᭠ ᬢᬸᬫᬶᬗ᭄ᬕᬵᬮ᭄᭟ [ 18 ][᭑᭗ 17B]
᭑᭗
[empty]
[᭑᭘ 18A]
ᬲ᭄ᬮᬫ᭄ᬧᬳᬾ᭞ᬗᬤᭂᬕ᭄ᬲᭀᬭᬶᬂᬦᬵᬕᬲᬦ᭄ᬢᬸᬦ᭄᭞ᬳᬢᬗᬶᬬᬚᬶᬯᬦᬶᬗ᭄ᬯᬂ᭞ᬳᬶᬗ᭄ᬲᬸᬦᬩᬦ᭄ᬢᭂᬦᬲ᭄ᬥᬄ᭟ᬦᬶᬲ᭄ᬢ᭄ᬭᬷᬢᬜ᭄ᬚᬸᬂᬫᬗ᭄ᬓᬾᬫᬧ᭄ᬬᬵᬢᬸᬭᬸ᭞ᬢᬦ᭄ᬫᭂᬋᬫ᭄ᬦᬾᬢ᭄ᬭᬦᬾ᭞ᬲᬧᭀᬮᬄᬢᬶᬗ᭄ᬓᬳᬾᬗᬸᬓᬶᬄ᭞ᬓᬶᬲᬶᬤ᭄ᬥᬵᬧᬵ᭠
ᬓ᭄ᬱᬵᬫᬸᬯᬸᬲ᭄᭞ᬳᬤᬸᬄᬦᬶᬦᬶᬳᬭᬶᬦᬶᬗ᭄ᬲᬸᬦ᭄᭞ᬢᬫ᭄ᬩᬦᬦᬢᬾᬂᬲᬸᬦ᭄ᬫᬗ᭄ᬓᬾ᭞ᬲᬶᬭᬳᬯᭂᬮᬲᬾ᭠ᬭᬶᬲᬸᬦ᭄᭞ᬳᬶᬂᬲᬸᬦᬵᬕ᭄ᬭᬶᬂᬮᬭᬦᬾᬢ᭄ᬭ᭞ᬲᬶᬭᬦᬶᬦ᭄ᬬᬢᬫ᭄ᬩᬦᬦ᭟ᬯᬶᬦᬗ᭄ᬲᬸᬮ᭄ᬫᬗ᭄ᬓᬾᬤᬾᬯᬶᬲ᭄ᬢ᭄ᬭᬷᬢᬜ᭄ᬚᬸᬂ᭞
ᬮᬄᬢᬩᬾᬧᬗᬾᬭᬦ᭄᭞ᬳᬚᬳᬢᬲᬶᬭᬳᬜ᭄ᬢ᭄ᬭᬶᬢ᭄᭞ᬤᬸᬄᬫᬢᬶᬳᬯᬓᬶᬗ᭄ᬲᬸᬦ᭄᭞ᬧᬢᬶᬯ᭠ᬲᬦ᭄ᬬᬯᬓᬶᬗ᭄ᬲᬸᬦ᭄᭞ᬬᬦ᭄ᬫᬢᬶᬬᬫᭀᬦ᭄ᬫᬰᬦᬾ᭞ᬲᬶᬭᬳᬯᭂᬮᬲᬾᬭᬶᬲᬸᬦ᭄᭞ᬮᬄᬫ᭄ᬦ᭄ᬦᭂᬂᬳᬭᬶᬧᬗᬾ
ᬭᬦ᭄᭞ᬫᬦᬶᬭᬤᬢᭂᬗᬤᬾᬯ᭄ᬯᬵ᭟ᬢᬦ᭄ᬳᬃᬰᬬᬬᬶᬫᬗ᭄ᬓᬾᬤᬾᬦᬶᬂᬲᬸᬦ᭄᭞ᬧᬸᬦ᭄ᬮᬸᬗᬾᬂᬕᬸᬦᬸᬂᬬᬫ᭄ᬩᬓ᭄ᬢᬾᬂ᭞ᬩᬦ᭄ᬢᭂᬦᬾᬳᬲ᭄ᬓᬃᬫ᭄ᬭᬶᬓ᭄᭞ᬫᬮᬃᬓᬢᭂᬫ᭄ᬯᬦᬶᬂᬲᬸᬦ᭄᭞ᬲᬸᬫᬯᬸᬃᬤᬾᬯᬶᬲ᭄ᬢ᭄ᬭᬶᬢᬜ᭄ᬚᬸᬂ᭞ᬲᬯᬸᬚ [ 19 ][᭑᭘ 18B]
ᬭᬾᬫᬭᬭᬶᬗ᭄ᬯᬂ᭞ᬫᬲᬳᬶᬂᬲᬸᬦ᭄ᬫᬗ᭄ᬓᬾᬢᬸᬫᬸᬢ᭄᭞ᬫᬮᬳᬸᬚᬭᬾᬯᭀᬂᬮᬖ᭄ᬦᬵ᭞ᬫᬲᬳᬶᬗ᭄ᬲᬸᬦ᭄ᬳᬳᬶᬤᭂᬧᬵ᭟ᬭᬶᬂᬢᬤᭀᬦᬦᬦᬸᬜᬓᬧᬶᬂᬤᬮᬸ᭞ᬢᬯᬗ᭄ᬲᬂᬫᬭᬦᬾ᭞ᬯᭀᬂᬮᬖ᭄ᬦᬗ᭄ᬳᬤᬸᬫ᭄ᬫᬶᬮᬶᬄ
᭞ᬓᬶᬲᬶᬤ᭄ᬥᬵᬧᬓ᭄ᬱᬵᬫᬸᬯᬸᬲ᭄᭞ᬳᬤᬸᬄᬦᬶᬦᬶᬳᬭᬶᬦᬶᬗ᭄ᬲᬸᬦ᭄᭞ᬯᭀᬂᬮᬖ᭄ᬦᬵᬮᬶᬜᭀᬓ᭄ᬳᬸᬚᬭᬾ᭞ᬭᬫᬦᬶᬭᬓᬂᬯᬶᬦᬸᬣᬸᬲ᭄᭞ᬳᬢᬗ᭄ᬯᬲᬶᬭᬵᬭᬶᬦᬶᬗ᭄ᬯᬂ᭞ᬮᬸᬳᬸᬃᬲᬶᬬᬾᬦᬶᬗᬵᬫ᭄ᬧᬸᬭᬵ᭟ᬯᬸᬯᬸᬲ᭄ᬓᭂ
ᬦᬫᬗ᭄ᬓᬾᬓᬂᬭᬶᬦᬗ᭄ᬓᬸᬮ᭄᭞ᬢᬶᬦᭂᬢᭂᬳᬦ᭄ᬫᬗ᭄ᬓᬾ᭞ᬕᬶᬦᬫ᭄ᬮᬵᬢᬗᬦ᭄ᬓᬮᬶᬄ᭞ᬓᬓᬗᬸᬯᬓ᭄ᬥᬾᬦᬶᬂᬲᬸᬦ᭄᭞ᬭᬸᬗᬸᬦᭂᬦ᭄ᬯᬘᬦᬦᬶᬗ᭄ᬲᬸᬦ᭄᭞ᬢᬦᬮᬳᬾᬯᬘᬗᬭᬲ᭄᭞ᬲᬶᬤ᭄ᬥᬵᬧᬓ᭄ᬱᬳᬾᬦᬓ᭄ᬫᬗᬸ᭠
ᬓᬸᬢ᭄᭞ᬲᬓᬶᬢᬵᬧᭀᬮᬄᬓᬬᬸᬦᬾ᭞ᬲᬸᬦ᭄ᬢᬸᬫᬸᬢ᭄‌ᬮᬳᬘᬂᬗ᭄ᬓ᭄ᬭᬶᬫᬦ᭄᭟ᬓᬬᬦᬫ᭄ᬧᬓᬂ᭠ᬧᬢᬶᬳᬲᬸᬗᬢᬾᬂᬲᬸᬦ᭄᭞