Ban/Gaguritan Jayenglanga

Deskripsi

Naskah

[ 1 ]Judul : Gaguritan Jayenglanga
Panj: 35 cm, Leb. 3,5 cm Jl 32 1b.
Asal: Puri Kaba-kaba, Tabanan

[ ᭑ 1A]
Judul: Gaguritan Jayenglanga
Panj.35 cm. Leb. 3,5 cm. Jl.32 1b
Asal: Puri Kaba-kaba, Tabanan [ 2 ][ ᭑ 1B]
᭑᭞
᭚᭜᭚ᬧᬸᬧᬸᬄᬧᬜ᭄ᬚᬶᬧ᭄ᬭᬓᬱ᭛᭜᭛ᬳᬲ᭄ᬢᬸᬢᬶᬦᬶᬂᬳ᭄ᬬᬂᬧᬸᬓᬸᬮᬸᬦ᭄ᬫ᭄ᬚᬬᬾᬂᬮᬗᭂᬓᬯᬶ᭞ᬫᬦᬄᬭᬜ᭄ᬘᬓᬲᬶᬦᬋᬦ᭄᭞ᬲᬶᬦᬗ᭄ᬕ᭄ᬭᬳᬭᬶᬂᬧᬶᬢᬸᬢᬸᬃ᭞ᬓᬾᬢᬸᬗᬦ᭄ᬲ
ᬗ᭄ᬳᬶᬦᬶᬬᭀᬕ᭄ᬬ᭞ᬧᬘᬼᬓᬶᬂᬧᬢᬶᬉᬭᬶᬧ᭄᭞ᬢᬦ᭄ᬲᬸᬭᬸᬤᬭᬶᬮᬓᬸ᭞ᬲᬶᬤ᭄ᬥᬦᬶᬂᬳᬢᬓᬶᬢᬓᬶ᭟ᬲᬗ᭄ᬓᬦᬶᬂᬳᬦ᭄ᬤᬧᬸᬃᬢᬸᬢᬸᬃ᭞ᬯᬭᬄᬯᬗ᭄ᬲᬶᬢ᭄ᬭᬶᬂᬳᬳᬹᬭᬶᬧ᭄᭞ᬯᬭᬸᬳᬾᬲᬹᬓ᭄ᬱ᭄ᬫ
ᬥ᭄ᬬᬢ᭄ᬫᬶᬓᬦᬾ ᭞ᬤᬤᬶᬚᬦ᭄ᬫᬳᬯᬾᬢ᭄ᬫᬗᬸ᭞ᬢᬶᬕᬭᬱᬳᬫᬶᬰᬾᬱ᭞ᬮᬸᬯᬃᬢᬦ᭄ᬲᬳᬾᬦᬾᬂᬭᬕᬵᬮᬶᬢ᭄᭞ᬳᬕᬯᬾᬳᬮᬳᬬᬸ᭞ᬳᬫᬸᬓ᭄ᬢᬶᬬᭂᬳᬶᬂᬧᬢᬶᬳᬹᬭᬶᬧ᭄᭟ᬳ
ᬓ᭄ᬯᬾᬄᬪᬬᬦᬶᬂᬢᬸᬫᬸᬯᬸᬄ᭞ᬧᬦᬲᬭᬶᬂᬚᬦ᭄ᬫ᭞ᬰᬭᬷᬭᬳᬓ᭄ᬯᬾᬄᬓᬬᬦᬾ᭞ᬲᬓᭀᬘᬧ᭄ᬓᬢᭀᬦ᭄ᬓᬭᬸᬗᬸ᭞ᬫᬵᬦᬹᬢ᭄ᬲᭀᬮᬄᬘᬓᬺᬪᬵᬯ᭞ᬓᭂᬦ᭄ᬤᭂᬭᬶᬂᬳᬢ᭄ᬫᬢᬦ᭄ᬕᬶᬗ᭄ᬲᬶ
[ ᭒ 2A]
ᬲᬓᬭᬢᬸᬜ᭄ᬚᬸᬂᬕᬦᬮᬸ᭞ᬫᬸᬗ᭄ᬕ᭄ᬯᬶᬂᬢᬮᬕᬧᬶᬦᬶᬗᬶᬢ᭄᭞ᬯᬗᬶᬦᬾᬳᬹᬘᬧᬫᬗ᭄ᬓᬾ᭞ᬤᬧᬸᬭᬶᬂᬳᬫᬢᬂᬢᬸᬢᬸᬃ᭞ᬢᬶᬕᬭᬱᬳᬪᬹᬢᬦ᭄᭞ᬲᬗᬸᬦᬶᬂᬧᬢᬶᬮᬦ᭄‌ᬉᬭᬶᬧ᭄᭞ᬘᬘᬗ᭄ᬓ᭄ᬭᬶᬫᬦᬶᬂᬮ
ᬓᬸ᭞ᬭᬱᬦᬦᬤᬾᬲᬗ᭄ᬓᬯᬶ᭟ᬫᬃᬫ᭄ᬫᬦᬾᬕᬶᬦᬸᬭᬶᬢ᭄ᬓᬶᬤᬸᬂ᭞ᬳᬶᬗᬧᬸᬲ᭄ᬤᬾᬭᬲᬗ᭄ᬓᬯᬶ᭞ᬯ᭄ᬭᬸᬳᬶᬢᬢ᭄ᬯᬓᬫᬹᬮᬦᬾ᭞ᬤᬸᬓ᭄ᬪᬸᬝᬵᬭᬷᬰ᭄ᬭᬷᬳᬦᬸᬭᬸᬦ᭄᭞ᬳᬜ᭄ᬚᬦ᭄ᬫᬓᬯ᭄ᬮᬲᬲᬶᬄ᭞ᬭᬱᬢᬸᬯ
ᬢᬹᬃᬳᬬᬸ᭞ᬲᬶᬗ᭄ᬳᬃᬱᬢᬦ᭄ᬓᬧᬥᬦ᭄ᬳᬲᬶᬄ᭟ᬲᬯᬶᬰᬾᬱᬦᬸᬭᬸᬦ᭄᭞ᬳᬕᬯᬾᬧᬧᬮᬸᬧᬶᬦᬶ᭞ᬤᬸᬓᬶᬂᬫ᭄ᬤᬗ᭄ᬓᬫᬹᬮᬦᬾ᭞ᬤᬸᬫᬤᬶᬧᬡ᭄ᬥᬶᬢᬭᬢᬸ᭞ᬧᬶᬦᬓᬉᬭᬶᬧᬶᬂᬲᬭᬵᬢ᭄᭞ᬳᬜ᭄ᬚᬦ᭄ᬫ
ᬳᬲᬶᬮᬶᬄᬲᬶᬮᬶᬄ᭞ᬧᬋᬂᬮᬕᬶᬳᬦᬸᬭᬸᬦ᭄᭞ᬓᬺᬢ᭄ᬢᬲᬫᬬᬦᬾᬗᬹᬦᬶ᭟ᬢᬢᬶᬕᬲᬦᬓ᭄ᬳᬤᬸᬮᬸᬃ᭞ᬯᬸᬭᬸᬚᬸᬦᬦᬶᬰ᭄ᬭᬷᬕᬢᬶ᭞ᬫᬾᬦᬓ᭄ᬲᭂᬗ᭄ᬓᬦ᭄ᬧᬦᬸᬯᬦᬾ᭞ᬧᬗ᭄ᬓᬄᬓᬶᬧᬜ᭄ᬚᬶᬢᬸᬭᬸ [ 3 ][ ᭒ 2B]
᭒᭞ᬓᬲᬮᬄᬭᬹᬧᬢᬶᬦᬹᬢ᭄᭞ᬧ᭄ᬚᬄᬧᬧᬳᬗ᭄ᬕᬾᬮ᭄ᬫᬦᬶᬄ᭟ᬮᬭᬗᬦ᭄ᬋᬓᭀᬧᬸᬦᬶᬓᬸᬤᬤᬶᬚᬦ᭄ᬫᬫᬫᬮᬾᬦᬶ᭞ᬓᬯᬶᬧ᭄ᬭᬚ᭄ᬜᬦ᭄ᬲᬧᭀᬮᬳᬾ᭞ᬯᭀᬲᬪᬹᬫᬶᬧᬥᬮᬸᬮᬸᬢ᭄᭞
ᬓ᭄ᬯᬾᬄᬲᬶᬚᬦ᭄ᬫᬦᬶᬂᬩ᭄ᬘᬶᬓ᭄᭞ᬲᭀᬮᬄᬦᬵᬯᬦᬾᬤᬾᬦ᭄ᬢᬶᬦᬹᬢ᭄᭞ᬓᭂᬦ᭄ᬤᭂᬗᬶᬂᬢ᭄ᬭᬶᬬᬓᬫᬦᬶᬄ᭟ᬳᬧᬦ᭄ᬫᬾᬯᭂᬄᬭᬶᬂᬢᬸᬫᬸᬯᬸᬄ᭞ᬬᬦ᭄ᬢᬦ᭄ᬯ᭄ᬭᬸᬳᬶᬂᬧᬢᬶᬉᬭᬶᬧ᭄᭞ᬢ᭄ᬬᬦ᭄ᬢᬦᬓ᭄ᬭᬢ᭄ᬢᬲᬫᬬ
ᬦᬾ᭞ᬤᬤᬶᬚᬦ᭄ᬫᬓᬧᬶᬭᬗᬸ᭞ᬳᬜ᭄ᬚᬦ᭄ᬫᬚ᭄ᬜ᭄ᬫᬫᬢᬶᬬ᭞ᬲᬮᬄᬤᬤᬶᬤ᭄ᬮᬳᬦᬶᬓᬶ᭞ᬲᭀᬓ᭄ᬕᬶᬦᬯᬾᬢᬦ᭄ᬯᬸᬯᬸᬲ᭄᭞ᬧᬢᬵᬓᬳᬕᭂᬂᬓᬧᬗ᭄ᬕᬶᬄ᭟ᬍᬯᬶᬄᬯᬶᬰᬾᬱᬢᬸᬫᬸᬯᬸᬄ᭞ᬰᬭᬷᬭ
ᬳᬤᬸᬫ᭄ᬳᬫᬶᬮᬶᬄ᭞ᬭᬶᬗ᭄ᬳᬮᬳᬬᬸᬢᬸᬗ᭄ᬕᬮ᭄ᬯᬶᬢᬾ᭞ᬢᬶᬕᬭᬱᬫᬓᬤᬧᬸᬃ᭞ᬭᬶᬂᬳᬚᬓᬸᬫᬧᬮᬂ᭞ᬬᬾᬦ᭄ᬭᬸᬫᬱᬾᬧᬢᬶᬉᬭᬶᬧ᭄᭞ᬧᬫ᭄ᬕᬢᬦᬶᬂᬓᬳ᭄ᬬᬸᬦ᭄᭞ᬯᬗ᭄ᬲᬶᬢᬶᬭᬲᬂᬳᬫᬗ᭄ᬕᬶᬄ᭟
[ ᭓ 3A]
ᬦ᭄᭞ᬲᬫᬵᬦᬗᬸᬦ᭄ᬢᬧᬩ᭄ᬭᬢ᭞ᬓᬢᬶᬕᬳᬦᬭᬶᬂᬉᬓᬶᬃ᭞ᬳᬫᬺᬤ᭄ᬥᬶᬢᬶᬢᬄᬢᬸᬯᬸᬄ᭞ᬧᬸᬭᬓᬺᬢ᭄ᬢᬶᬢᬦ᭄ᬓᬧᬗ᭄ᬕᬶᬄ᭟ᬯᭀᬂᬳᬦᭀᬫ᭄ᬢᬫᬾᬧᬗᬯ᭄ᬭᬸᬄ᭞ᬘᬓ᭄ᬱᬸᬄᬲᬭᬧᬦᬶᬗᬶᬸᬭᬸᬶᬧ᭄‌ᬭᬸᬲᬶᬢ᭄᭞ᬓ
ᬯᬶᬧ᭄ᬭᬚ᭄ᬜᬦ᭄ᬲᬧᭀᬮᬳᬾ᭞ᬲᬂᬢᬧᬩ᭄ᬭᬢᬯᬸᬲ᭄ᬭᬫ᭄ᬧᬸᬂ᭞ᬢᬦ᭄ᬳᬦᬓᬶᬦᬧᬶᬗ᭄ᬕᬶᬗᬦ᭄᭞ᬲᬶᬤ᭄ᬥᬲᬓᬵᬱᬦᬾᬍᬯᬶᬄ᭞ᬲᬢ᭄ᬬᬵᬲᬶᬂᬳᬸᬮᬄᬳᬬᬸ᭞ᬢᬦ᭄‌ᬩ᭄ᬲᬸᬬᭀᬕᬲᬵᬫᬥᬶ᭟ᬧᬸᬧᬹᬚᬦᬶᬧᬸ
ᬦ᭄ᬢᬦ᭄ᬮᬸᬲᬸᬄ᭞ᬲᬫᬶᬥᬦᬾᬫ᭄ᬭᬶᬓ᭄ᬫᬶᬗᬶᬂ᭞ᬧᬶᬦᬜ᭄ᬘᬯᬃᬡ᭄ᬦᬯᬷᬚᬦᬾ᭞ᬳᬦᬸᬦ᭄ᬥᬫᬦ᭄ᬢ᭄ᬭᬭᬳᬬᬸ᭞ᬳᬲᬶᬧᬢ᭄ᬪᬱ᭄ᬫᬓᬯᬘ᭞ᬳᬫᬹᬚᬭᬳᬶᬦᬯ᭄ᬗᬶ᭞ᬬᭀᬕᬮ᭄ᬧᬲ᭄‌ᬲᬫᬸᬦ᭄᭞ᬧᬢᬶᬢᬶᬰᬗ᭄ᬕ᭄ᬭᬩ
ᬰᬶᬓᬶ᭟ᬕᭃᬗᬶᬂᬯᬶᬱᬬᬲᬶᬦᬫᬸᬦ᭄᭞ᬓᬕᬼᬂᬫ᭄ᬪᬸᬓ᭄ᬢᬶᬭᬰ᭄ᬫᬶᬦ᭄᭞ᬧᬶᬦ᭄ᬕᬢᬦ᭄ᬲᬓᬋᬧᬾ᭞ᬢᬶᬦᬸᬗ᭄ᬕᬮᬶᬂᬫᬦᬳᬬᬸ᭞ᬘᬶᬦᬗ᭄ᬘᬗᬶᬂᬢᬧᬩ᭄ᬭᬢ᭞ᬢᬶᬦᬶᬢᬶᬳᬦ᭄ᬬᭀᬕᬲᬫᬵᬥᬶ᭞ᬯ᭄ᬭᬸᬄᬬᬾᬦ᭄ᬳ [ 4 ][ ᭓ 3B]
᭓᭞
ᬗ᭄ᬕᬾᬮ᭄ᬢᬸᬫᬸᬯᬸᬄ᭞ᬢᬦ᭄ᬫᬸᬮᬶᬄᬤᬾᬯᬢᬷᬫᬦᬶᬄ᭟ᬫᬃᬫ᭄ᬫᬦᬶᬗᬩ᭄ᬭᬢᬕᬶᬦᬸᬂ᭞ᬲᬶᬋᬧᬦᬶᬂᬅᬫ᭄ᬩᭂᬓ᭄ᬚᭀᬢᬶ᭞ᬯᬶᬦᬶᬯᬾᬓᬭᬾᬳᬶᬂᬳᬓᬾᬄ᭞ᬳᬗ᭄ᬕᬾᬮ᭄ᬭᬶᬯᬤᭀᬦ᭄‌ᬬᬾᬦ᭄ᬢᬶᬦᬹᬢ᭄᭞ᬤᬤᬶᬕ
ᬜ᭄ᬚᬭᬦᬶᬂᬮᬦ᭞ᬦᭀᬭᬦᬯᬶᬰᬾᬱᬇᬓᬶ᭞ᬳᬢ᭄ᬫᬓᬶᬦᬯᬾᬄᬓᬵᬢᬹᬢ᭄᭞ᬬᬾᬦ᭄ᬫᬦᬸᬳᬸᬓ᭄ᬦᬭᬰ᭄ᬫᬶᬦ᭄᭟ᬫᭀᬦ᭄ᬢᭀᬗᭂᬦ᭄ᬲᬬᬦ᭄ᬓᬕᬸᬕᬸ᭞ᬧᭀᬮᬶᬳᬶᬭᬦᬶᬰ᭄ᬭᬶᬕᬢᬶ᭞ᬢᬦ᭄ᬤ᭄ᬭᬫᬦ᭄ᬤᬸ
ᬓ᭄ᬳᬗ᭄ᬓᭂᬦ᭄ᬭᬭᬾ᭞ᬢᬦ᭄ᬯ᭄ᬭᬸᬄᬭᬹᬧᬦᬶᬂᬩᬧᬾᬩᬸ᭞ᬫᬹᬓ᭄ᬱᬄᬭᬱᬦᬶᬂᬳᬺᬤ᭄ᬥᬬ᭞ᬢᬦ᭄ᬢ᭄ᬭᬱ᭄ᬡᬭᬶᬧᬢᬶᬉᬭᬶᬧ᭄᭞ᬮᬮᬶᬭᬶᬂᬧᬗᬦ᭄ᬳᬢᬸᬭᬸ᭞ᬅᬗ᭄ᬕᭂᬂᬩ᭄ᬭᬢᬵᬦᬸᬗ᭄ᬓᬸᬰᬰᬶᬄ᭟ᬯᬸᬯᬸᬲᬲᬮᬄ
ᬳᬦᬫ᭄ᬩᬸᬢ᭄᭞ᬲᬶᬂᬩ᭄ᬭᬢᬯᬸᬲ᭄ᬤᬾᬦ᭄ᬮᬓᬸᬦᬶ᭞ᬳᬓᬸᬫᬓᬓᬤᬃᬫᬗ᭄ᬓᬾ᭞ᬳᬫᭂᬦ᭄ᬤᭂᬫ᭄ᬯᬸᬯᬸᬲᬫᬸᬦ᭄ᬢᬸ᭞ᬳᬗᬶᬤᬗᬗᬾᬓᬧᬥ᭞ᬳᬫ᭄ᬩᭀᬮᭀᬢ᭄ᬯᬸᬯᬸᬲ᭄ᬳᬫᬸᬦ᭄ᬤᬶ᭞ᬳᬢᬸᬃᬯᬭᬶᬓ
[ ᭔ 4A]
ᬬᬸ᭞ᬳᬗ᭄ᬕᬮᬲ᭄ᬳᬗ᭄ᬕᬸᬯᬫᬶᬭᬶᬂ᭟ᬫᬗ᭄ᬓᬶᬦ᭄ᬳᬫ᭄ᬩᬸᬜ᭄ᬘᬮ᭄ᬳᬫᬸᬧᬸ᭞ᬢᬧᬩ᭄ᬭᬢᬢ᭄ᬮᬲ᭄ᬓᭂᬭᬶᬂ᭞ᬳᬦ᭄ᬤᬸᬫᬳᬗ᭄ᬮᬯᭂᬫᬗ᭄ᬓᬾ᭞ᬳᬗᬚᬬᬳᬦᬶᬋᬫ᭄ᬩᬸ᭞ᬳᬗ᭄ᬕᬶᬮᬶᬭᬭᭀᬦᬶᬂᬤᬤᬧ᭄᭞ᬦᬶᬭᬳᬵ
ᬭᬳᬫᬢᬶᬕ᭄ᬦᬶ᭞ᬳᬗᭂᬫ᭄ᬩᬗᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬳᬫᬢᬶᬭᬱᬯᬸᬲ᭄ᬓᬵᬧ᭄ᬢᬶ᭟ᬆᬫ᭄ᬩᬬᬸᬳᬭᬲᬶᬦ᭄ᬓᬸᬂ᭞ᬓᬳᬗ᭄ᬕᬾᬦᬶᬳᬭᬕᬸᬫᬦ᭄ᬢᬶ᭞ᬳᬗᬸᬮᬦ᭄ᬢᬾᬢ᭄ᬮᬲ᭄ᬓᬩᬾᬄ᭞ᬢᭀᬬᬳᬭᬦ᭄ᬩᬸᬲ᭄ᬚᬩᬸᬂ᭞
ᬯᬸᬲ᭄ᬢᭂᬮᬲ᭄ᬳᬫᬜ᭄ᬘᬯᬭ᭞ᬓᬂᬲᬧ᭄ᬢᬯᬭᬢᬦ᭄ᬓᬭᬶ᭞ᬯᬸᬓᬸᬯᬸᬮᬦ᭄ᬢᬦ᭄ᬓᬦ᭄ᬢᬸᬦ᭄᭞ᬤᬾᬦ᭄ᬬᬩ᭄ᬭᬢᬦᬶᬰ᭄ᬭᬷᬕᬢᬶ᭟ᬓᬶᬦᬸᬭᬸᬗᬦ᭄ᬧᬗᬦ᭄ᬢᬸᬭᬸ᭞ᬧᬦᬺᬓᬱᬇᬥᭂᬧ᭄ᬚᭀᬢᬶ᭞ᬤᬾᬦ᭄ᬧ᭄ᬭᬶᬄ
ᬳᬶᬮᬗᬦᬾᬓᬩᬾᬄ᭞ᬅᬯᬶᬲᬬᬦᬶᬂᬢᬦ᭄ᬲᬥᬸ᭞ᬤᬰᬫᬮᬦᬶᬂᬰᬭᬷᬭ᭞ᬕᬶᬦ᭄ᬲᭂᬂᬳᬚ᭄ᬜᬦᬲᬦ᭄ᬥᬶ᭞ᬳᬦᬸᬗ᭄ᬕᬮ᭄ᬫᬭᬶᬗ᭄ᬳᬬᬸ᭞ᬳᬫ᭄ᬭᬶᬄᬫᬸᬮᬶᬳᬤᬾᬯᬢᬷ᭟ᬢᬸᬳᬸᬳᬬᬸᬭᬹ [ 5 ][ ᭔ 4B]
᭔᭞
ᬧᬦᬶᬧᬸᬦ᭄᭞ᬧᬤ᭄ᬫᬮ᭄ᬯᬶᬃᬤᬸᬭᬾᬦ᭄ᬲᬚᬸᬭᬶᬂ᭞ᬳᬕ᭄ᬭᭀᬦᬶᬂᬫᬶᬫ᭄ᬩᬳᬮᬶᬲᬾ᭞ᬦᬾᬢᬦᬾᬳᬦᬸᬜ᭄ᬚᬸᬩᬶᬭᬸ᭞ᬮᬝᬵᬳᬶᬮ᭄ᬯᬶᬃᬫᬗ᭄ᬕᬶᬲ᭄ᬓᬋᬗᬢ᭄᭞ᬇᬥᭂᬧᬶᬭᬦ᭄ᬓᬃᬢᬚᬶ᭞ᬭᭀᬫᬫᬗᬸᬦᭂ
ᬗ᭄ᬕᬮᬸᬄ᭞ᬕ᭄ᬭᬡᬰᬶᬓᬲᬶᬭᬮᬸᬗᬶᬤ᭄᭟ᬳᬗ᭄ᬮᬸᬗᬶᬂᬚᬗ᭄ᬕᬭᬶᬗ᭄ᬕᬸᬮᬸ᭞ᬢ᭄ᬗᬄᬤᬶᬧᬢᬺᬫ᭄ᬓᬾᬗᬶᬲ᭄᭞ᬢ᭄ᬭᬚᬸᬢ᭄ᬧᭂᬢ᭄ᬩᬯᬸᬦᬾ᭞ᬚᬭᬶᬚᬶᬮ᭄ᬯᬶᬃᬢᬦᬳᬮᬸᬲ᭄᭞ᬲᬦ᭄ᬢᭂᬦ᭄ᬮ᭄ᬯᬶᬃᬦ᭄ᬬᬸᬄᬤᬦ᭄ᬢᬓᭂᬫ᭄ᬩᬃ᭞ᬦᬓ
ᬦ᭄ᬬᬮ᭄ᬯᬶᬃᬩᭀᬕᭂᬫ᭄ᬳᬗ᭄ᬭᬯᬶᬢ᭄᭞ᬧᬸᬥᬓ᭄‌ᬫ᭄ᬓᬭᬶᬂᬧᬸᬧᬸ᭞ᬯ᭄ᬢᬶᬲ᭄ᬜᬜᬸᬭᬶᬕᬮᬭᬶᬲ᭄᭟ᬯᭀᬂᬳᬓᬸᬮᬳᬶᬫ᭄ᬩᬸᬳᬬᬸ᭞ᬦᬶᬰ᭄ᬭᬷᬕᬢᬶᬚᬬᬾᬂᬢᬸᬮᬶᬲ᭄᭞ᬭᬹᬧᬫᬯᬃᬳᬮᬍᬦ᭄ᬢᬾ᭞ᬢᬾᬚᬦᬶᬭ
ᬇᬲᬸᬫᬸᬦᬸ᭞ᬮ᭄ᬯᬶᬃᬫᬡᬶᬓᬶᬗᬸᬓᬶᬃ᭞ᬚᬦ᭄ᬫᬭᬹᬧᬦᬶᬭᬦᬶᬰ᭄ᬭᬷᬕᬢᬶ᭞ᬲᬂᬳ᭄ᬬᬂᬭᬢᬶᬳᬦᬸᬭᬸᬦ᭄᭞ᬧᬶᬦᬓᬮᬶᬗ᭄ᬕᬦᬶᬗ᭄ᬲᬭᬷ᭟ᬫᭀᬦᬩ᭄ᬭᬢᬳᬶᬫ᭄ᬩᬸᬄᬳᬬᬸ᭞ᬭᬹᬧᬯᬦᭂᬲ᭄ᬓᬤᬶᬮᬶᬗᬶᬃ
[ ᭕ 5A]
ᬫᭂᬗ᭄ᬕᭂᬧ᭄ᬲᬧᬭᬶᬧᭀᬮᬳᬾ᭞ᬲᬤᬶᬦᬵᬲᬮᬶᬦ᭄ᬧᬶᬂᬧᬶᬢᬸ᭞ᬭᬹᬧᬦᬶᬭᬫᬜ᭄ᬘᬯᬃᬡ᭄ᬦ᭞ᬮ᭄ᬯᬶᬃᬯᬸᬮᬦ᭄ᬓᬫ᭄ᬩᬭᬳ᭄ᬦᬶᬂ᭞ᬓᬬᬫᬸᬓᬤᬶᬦᬸᬮᬸ᭞ᬓ᭄ᬤᬧᬦ᭄ᬳᬫᭀᬭᬶᬭᬯᬶ᭟ᬯᬸᬲ᭄ᬳᬲᬸᬲᬸᬃᬏᬜ᭄ᬚᬂᬳ
ᬤ᭄ᬬᬸᬲ᭄᭞ᬯᬬᬕᬸᬫ᭄ᬬᬃᬓᬤᬶᬫᬡᬶᬓ᭄᭞ᬬ᭄ᬬᬢ᭄ᬫᬶᬓᬧᬭᬶᬧᭀᬮᬳᬾ᭞ᬯᭀᬂᬲᬪᬹᬫᬶᬧᬥᬮᬸᬮᬸᬢ᭄᭞ᬓᬤᬶᬳ᭄ᬬᬂᬳ᭄ᬬᬂᬦᬶᬂᬓᬸᬲᬸᬫ᭞ᬮ᭄ᬯᬶᬃᬧᬶᬗ᭄ᬳᬾᬯᬃᬡ᭄ᬦᬦᬼᬳᬶ᭞ᬪᬝᬵᬭᬶᬉᬫᬵᬦᬸ
ᬭᬸᬦ᭄᭞ᬲᬤᬯᬸᬄᬫᬲᬦᬶᬂᬭᬰ᭄ᬫᬶᬦ᭄᭟ᬦᬯᬸᬄᬭᭀᬳᬕᬶᬫ᭄ᬩᬸᬳᬬᬸ᭞ᬮ᭄ᬯᬶᬃᬫᬹᬃᬢ᭄ᬢᬶᬳ᭄ᬬᬂᬲᬭᬰ᭄ᬯᬢᬷ᭞ᬩᬗ᭄ᬩᬂᬳᬯᬓ᭄ᬧᬫᬸᬮᬸᬦᬾ᭞ᬤᬺᬱ᭄ᬝᬶᬭᬫᬗᬸᬦ᭄ᬮᬸᬮᬸᬢ᭄᭞ᬢ᭄ᬗᬄᬩᬗ᭄ᬯᬳᬶᬫᬲᬓᬃᬢ᭄ᬢᬶ
ᬓ᭞ᬭᬵᬚᬮᬓ᭄ᬱ᭄ᬫᬶᬢᬦ᭄ᬧᬲᬶᬭᬶᬂ᭞ᬭᬢ᭄ᬦᬯᬶᬫ᭄ᬩᬦᬶᬭ᭞ᬤᬺᬱ᭄ᬝᬶᬦᬶᬫᬥ᭄ᬬᬧᬶᬦᬶᬗᬶᬢ᭄᭟ᬮᬶᬗ᭄ᬲᬶᬃᬲᭀᬭᬾᬫᬗ᭄ᬓᬶᬦ᭄ᬳᬬᬸ᭞ᬯᬃᬡ᭄ᬦᬦᬶᬭᬦᬶᬰ᭄ᬭᬶᬕᬢᬶ᭞ᬫᬾᬄᬲᬳ᭄ᬬᬗ᭄ᬳᬬᬸᬫᬹᬃᬢ᭄ᬢᬶᬦᬾ᭞ᬤᬸ [ 6 ][ ᭕ 5B]
᭕᭞
ᬓ᭄ᬪᬝᬵᬭᬶᬰ᭄ᬭᬷᬳᬦᬸᬭᬸᬦ᭄᭞ᬫᬵᬯᬓ᭄ᬓᬸᬫᬵᬭᬱᬤ᭄ᬭᬲ᭞ᬲᭀᬭᬶᬂᬕᬢᬺᬢᬢᬦᬾᬓᬶ᭞ᬢᬺᬱ᭄ᬡᬯᬤᬶᬦᬶᬭᬭᬹᬫ᭄᭞ᬢᬶᬕᬫᬬᬦᬶᬰ᭄ᬭᬷᬕᬢᬶ᭟ᬯ᭄ᬗᬶᬧᬹᬃᬡ᭄ᬦᬫᬦᬶᬂᬢᬸᬯᬸᬄ᭞ᬳᬫᭂᬧᭂᬓ᭄ᬢᬾ
ᬚᬦᬶᬭᬰ᭄ᬫᬶᬦ᭄᭞ᬧᬤ᭄ᬫᬭᬵᬕᬫ᭄ᬓᬃᬓᬩᬾᬄ᭞ᬢᬶᬕᬭᬱᬫᬧᬢ᭄ᬮᬸ᭞ᬧᭂᬧᭂᬓᬶᬂᬳᬗ᭄ᬕᬢᬦ᭄ᬮᬸᬯᬃ᭞ᬯᬶᬦᬹᬳᬶᬭᬲᬂᬳ᭄ᬬᬂᬭᬢᬶᬄ᭞ᬢᬦ᭄‌ᬓ᭄ᬦᬍᬯᬲᬶᬂᬭᬹᬫ᭄᭞ᬬᬾᬦ᭄‌ᬏᬜ᭄ᬚᬂᬳᬸᬫᬗ᭄ᬕᬮ᭄ᬫ
ᬦᬶᬄ᭟ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬡᬦᬸᬮᬸᬲ᭄᭞ᬳᬬᬸᬦᬶᬭᬦᬶᬰ᭄ᬭᬷᬕᬢᬶ᭞ᬯ᭄ᬭᬸᬄᬭᬶᬂᬥᬃᬫ᭄ᬫᬓᬫᬹᬮᬦᬾ᭞ᬓᬸᬝᬯᬶᬢ᭄ᬳᬤᬧᬸᬃᬢᬸᬢᬸᬃ᭞ᬯᬶᬰᬾᬱᬵᬗᬸᬜ᭄ᬘᬶᬧᬗ᭄ᬭᬱ᭞ᬯ᭄ᬭᬸᬄᬧᬲ᭄ᬦᭂᬢᬦᬶᬂᬧᬢᬶ᭞
ᬤᬾᬯᬢᬷᬯᬸᬲ᭄ᬧᬶᬦᬸᬧᬸᬮ᭄᭞ᬕᬶᬦ᭄ᬮᬭᬶᬂᬧᬢᬷᬉᬭᬶᬧ᭄᭟ᬪᬝᬵᬭᬶᬉᬫᬭᬳᬬᬸ᭞ᬯᬶᬰᬾᬱᬫᬥ᭄ᬬᬦᬶᬂᬭᬳᬶ᭞ᬫᬳᬾᬰ᭄ᬯᬭᬶᬗ᭄ᬕᬮᬶᬲ᭄‌ᬗ᭄ᬕᭀᬦᬾ᭞ᬲᬭᬰ᭄ᬯᬢᬷᬗ᭄ᬕ᭄ᬯᬶᬂᬢᬸᬢᬸᬓ᭄᭞ᬤᬹᬃ
[ ᭖ 6A]
ᬕ᭄ᬕᬤᬾᬯᬷᬳᬦᬾ ᬓᬃᬡ᭄ᬦ᭞ᬭᬵᬚᬮᬓ᭄ᬱ᭄ᬫᬶᬗᬸᬮᬢ᭄ᬮᬶᬭᬶᬂ᭞ᬪᬝᬵᬭᬶᬰ᭄ᬭᬶᬳᬬᬸ᭞ᬯᬶᬰᬾᬱᬵᬭᬶᬂᬲ᭄ᬢᬦᬓᬓᬶ᭟ᬭᬶᬂᬰᬩ᭄ᬤᬪᬝᬵᬭᬶᬯᬲ᭄ᬢᬸ᭞ᬭᬶᬂᬇᬭᬸᬂᬪᬝᬵᬭᬶᬭᬶᬰᬸᬘᬶ᭞ᬉᬫᬤᬾᬯᬶᬚᬕ᭄ᬕᬸ
ᬢ᭄ᬳᭂᬗ᭄ᬕᭀᬦᬾ᭞ᬪᬝᬵᬭᬶᬳᬬᬸᬧᬫᬸᬮᬸ᭞ᬳ᭄ᬬᬂᬇᬦ᭄ᬤ᭄ᬭᬦᬶᬫᬸᬗ᭄ᬕ᭄ᬯᬶᬂᬦᬾᬢᬺ᭞ᬩᬢᬸᬓ᭄ᬪᬝᬵᬭᬶᬧᬃᬯ᭄ᬯᬢᬶ᭞ᬅᬦᬸᬗ᭄ᬓᬸᬭᬵᬢ᭄ᬭᬶᬂᬕ᭄ᬮᬸᬂ᭞ᬓᬭᬰᬶᬓᬦ᭄ᬲᬂᬳ᭄ᬬᬂᬭᬢᬶᬄ᭟ᬲᬷᬢᬫᬸᬗ᭄ᬕ᭄ᬯᬶᬂᬫᬾᬲᭂᬫ᭄ᬕᬸ
ᬬᬸ᭞ᬧᬦ᭄ᬤᬸᬮᬸᬲᬂᬲᬶᬣᬶᬲᬭᬶ᭞ᬤ᭄ᬭᭀᬧᬤᬶᬢᬶᬗ᭄ᬓᬄᬲᭀᬮᬳᬾ᭞ᬤᬾᬯᬶᬭᬹᬓ᭄ᬫᬶᬦᬶᬧᬫᬸᬦ᭄ᬢᬸ᭞ᬯᬾᬤ᭄ᬥᬯᬢᬷᬭᬶᬂᬓᬧ᭄ᬭᬚ᭄ᬜᬦ᭄᭞ᬓ᭄ᬱᬶᬢᬶᬲᬸᬦ᭄ᬤᬭᬶᬓᬭᬰ᭄ᬫᬶᬦ᭄᭞ᬧ᭄ᬭᬵᬚ᭄ᬜᬯᬢᬷᬧᬶᬢᬸᬢᬸᬃ᭞
ᬓᬲᬢ᭄ᬬᬦ᭄ᬲᬂᬦᭀᬦᬯᬢᬷ᭟ᬪᬝᬵᬭᬶᬓᬾᬥᭂᬧ᭄ᬭᬶᬗ᭄ᬕᬸᬮᬸ᭞ᬭᬶᬂᬲᬦ᭄ᬢᭂᬦ᭄ᬲᬂᬢᬸᬜ᭄ᬚᬸᬧᬸᬢᬶᬄ᭞ᬲᬸᬧ᭄ᬭᬪᬫᬸᬗ᭄ᬕ᭄ᬯᬶᬂᬥᬥᬦᬾ᭞ᬫᬬᬂᬫ᭄ᬓᬃᬢ᭄ᬗᬳᬶᬧᬸᬦ᭄᭞ᬦᬮᭀᬢ᭄ᬢᬫᬭᬶᬓᬭᬭᬦ᭄᭞ [ 7 ][ ᭖ 6B]
᭖᭞
ᬲᬂᬢᬸᬜ᭄ᬚᬸᬂᬩᬶᬭᬸᬭᬶᬂᬦᬵᬪᬶ᭞ᬫᬾᬦᬓᬭᬲ᭄ᬬᬇᬓᬸ᭞ᬲᭀᬮᬾᬦ᭄ᬤ᭄ᬭᬭᬶᬯᬗ᭄ᬓᭀᬂᬦᬾᬓᬶ᭟ᬲᬂᬓᬸᬭᬦ᭄ᬢᬫᬸᬗ᭄ᬕ᭄ᬯᬶᬂᬧᬸᬧᬸ᭞ᬲᬂᬉᬓᬶᬭᬩᬭᬶᬂᬯ᭄ᬢᬶᬲ᭄᭞ᬯᬺᬱ᭄ᬳᬶᬦᬶᬤᬮᬫᬓᬦᬾ᭞ᬍ
ᬍᬂᬫᬦ᭄ᬤᬦᬸᬭᬶᬂᬩᬯᬸ᭞ᬤ᭄ᬬᬄᬅᬭᬶᬡᬶᬭᬶᬂᬲᬲᬮᬂ᭞ᬧ᭄ᬭᬪᬵᬰᬶᬡᬷᬫᬸᬗ᭄ᬕ᭄ᬯᬶᬂᬕᬶᬕᬶ᭞ᬢᬗᬦ᭄ᬲᬸᬫᬵᬦ᭄ᬢᬓᬳᬮᬸᬲ᭄᭞ᬓᬭᬰᬶᬓᬦ᭄ᬲᬂᬲᬸᬮᬲᬶᬄ᭟ᬢ᭄ᬮᬲᬶᬗ᭄ᬕᬸᬩᬧᬗ᭄ᬯ᭄ᬭᬸᬄ᭞ᬯᬭᬄ
ᬯᬗ᭄ᬲᬶᬢ᭄ᬭᬶᬂᬳᬉᬭᬶᬧ᭄᭞ᬧᬶᬓᭂᬓᭂᬲᬶᬂᬭᬱᬓᬩᬾᬄ᭞ᬭᬶᬂᬚᬩᬤᬍᬫ᭄ᬯᬸᬲ᭄ᬭᬫ᭄ᬧᬸᬂ᭞ᬯᬶᬯᬾᬓᬦᬶᬂᬰᬭᬷᬭ᭞ᬦᬶᬰ᭄ᬭᬷᬕᬢᬶᬯ᭄ᬭᬸᬄᬭᬶᬂᬭᬸᬲᬶᬢ᭄᭞ᬧᬸᬢᬸᬲᬶᬂᬉᬮᬳᬬᬸ᭞ᬢᬦ᭄ᬳᬦᬘᬤᬾᬂᬪᬹ
ᬫᬶ᭟ᬯ᭄ᬭᬸᬄᬧᬲᬸᬓ᭄‌ᬯ᭄ᬢᬸᬦᬶᬂᬢᬸᬢᬸᬃ᭞ᬳᬗ᭄ᬕ᭄ᬭᬕᭂᬧ᭄ᬬᭀᬕ᭄ᬲᬫᬵᬥᬶ᭞ᬭᬶᬂᬦᬸᬧᭂᬢ᭄‌ᬪᬹᬯᬦᬓᬩᬾᬄ᭞ᬤᬾᬯᬢᬳᬸᬯᬸᬲ᭄ᬳᬧᬸᬧᬸᬮ᭄᭞ᬲᬄᬲᬹᬓ᭄ᬱ᭄ᬫᬭᬵᬕᬮᬦ᭄ᬢ᭄ᬭᬶᬬᬓ᭄᭞ᬧᬢᬶ
[ ᭗ 7A]
ᬢᬶᬲᬶᬂᬲᬦ᭄ᬥᬶᬧᬢᬶ᭞ᬫᬹᬃᬢ᭄ᬢᬶᬦᬶᬂᬚᬦ᭄ᬬᬦᬲᬸᬯᬸᬂ᭞ᬭᬵᬕᬵᬮᬶᬢ᭄ᬳᬫ᭄ᬪᬸᬓ᭄ᬢᬶᬲᬭᬷ᭟ᬅᬦᬕᬦ᭄ᬢ᭄ᬬᬦᬶᬂᬯᬸᬯᬸᬲ᭄᭞ᬫᬾᬦᬓ᭄ᬲᭂᬗ᭄ᬓᬓᭀᬘᬧ᭄ᬫᬮᬶᬄ᭞ᬫᬃᬫ᭄ᬫᬯ᭄ᬮᬲᬶᬂᬳᬯᬓᬾ᭞ᬦᬶᬰ᭄ᬭᬷᬕᬢᬶ
ᬢᬦ᭄ᬓᬤᬸᬮᬸ᭞ᬢᬦ᭄ᬲᬶᬧᬶᬲᬶᬳᬶᬭᬵᬲᬦᬓ᭄᭞ᬦᬵᬗ᭄ᬳᬶᬂᬲᬶᬄᬦᭀᬭᬓᬢᭀᬮᬶᬄ᭞ᬢᬸᬗ᭄ᬓᬸᬮᬶᬂᬧᬗᬦ᭄ᬢᬸᬭᬸ᭞ᬓᬲᭂᬗ᭄ᬓᬦ᭄ᬯᭀᬂᬲᬸᬓᬲᬸᬕᬶᬄ᭟ᬲᬗᬢᬹᬭᬢᬸᬃᬳᬲ᭄ᬮᬸᬃ᭞ᬳᬦᬸᬦ᭄ᬢᬸᬦ᭄
ᬓ᭄ᬩᭀᬮᬦ᭄ᬲᬧᬶ᭞ᬳᬲᬸᬯ᭄ᬤᬸᬲ᭄ᬮᬯᬜ᭄ᬘᬾᬮᬾᬂ᭞ᬲᬯᬾᬄᬪᭀᬕᬧᬗᬦᬶᬦᬸᬫ᭄᭞ᬅᬭᬶᬦᬾᬢᬦ᭄ᬤᬾᬦ᭄ᬳᬸᬦᬶᬗ᭞ᬳᬦᬭᬶᬂᬧᬳᭀᬫᬦᬶᬓᬶ᭞ᬬᭀᬕᬲᬫᬵᬥᬶᬤᬾᬦ᭄ᬕᬸᬂ᭞
ᬫᭀᬦᬩ᭄ᬭᬢᬦᬸᬗ᭄ᬓᬸᬰᬰᬶᬄ᭟ᬤᬢ᭄ᬗᬦᬶᬧᬸᬦ᭄ᬮᬸᬫᬶᬦ᭄ᬢᬸ᭞ᬯᬳᬸᬮᬸᬗ᭄ᬳᬳᬦᬧ᭄ᬭᬧ᭄ᬢᬶ᭞ᬫᬸᬢᬸᬂᬲᬶᬢ᭄ᬮᬕ᭄ᬲᬲᭀᬭᬾ᭞ᬥᬢᭂᬗᬦᬾᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬢᬸᬫᬸᬭᬸᬦ᭄ᬳᬤᬦ᭄ᬮᬸᬫᬫ᭄ᬧ [ 8 ][ ᭗ 7B]
᭗᭞
ᬫᬭᬳᬾᬦᬶᬦᬶᬰ᭄ᬭᬶᬕᬢᬶ᭞ᬢᬦ᭄ᬲᬶᬧᬶᬲᬸᬓᬦᬶᬧᬸᬦ᭄᭞ᬳᬦᬗ᭄ᬕᬧ᭄‌ᬧᬢᬶᬕᬲᬫ᭄ᬧᬶᬃ᭟ᬫᬋᬗᬢ᭄ᬮᬓᬸᬦᬾᬕᬸᬯᬸᬄ᭞ᬧ᭄ᬭᬧ᭄ᬢᬶᬂᬧᬳᭀᬫᬦ᭄ᬕᬮᬶᬗ᭄ᬕᬶᬄ᭞ᬦᬶᬰ᭄ᬭᬶᬕᬢᬶᬯᬷᬓ
ᬦ᭄ᬫᬗ᭄ᬓᬾ᭞ᬢᬢᬓ᭄ᬭᬫᬦᬶᬂᬢᬸᬫᬸᬯᬸᬄ᭞ᬳᬤᬦ᭄ᬧ᭄ᬭᬦᬵᬢᬳᬾᬓᬓᬂ᭞ᬯᬸᬲ᭄ᬳᬪᬓ᭄ᬢᬶᬲᬶᬭᬵᬮᬶᬗ᭄ᬕᬶᬄ᭞ᬓᬶᬲᭂᬗ᭄ᬓᬦ᭄ᬮᬶᬂᬦ᭄ᬬᬫᬸᬯᬸᬲ᭄᭞ᬳᬰᬩ᭄ᬤᬳᬭᬶᬲ᭄ᬳᬫ᭄ᬮᬲ᭄ᬳᬲᬶᬄ᭟ᬯᬸᬯᬸᬲᬾ
ᬮ᭄ᬯᬶᬃᬫᬥᬸᬚᬸᬭᬸᬄ᭞ᬭᬶᬦᬗ᭄ᬓᬸᬮ᭄ᬦᬶᬦᬶᬰ᭄ᬭᬶᬕᬢᬶ᭞ᬳᬦᬮᬶᬗ᭄ᬕᬶᬄᬭᬶᬂᬱᬗ᭄ᬓᭀᬦᬾ᭞ᬓᬢᬸᬯᭀᬦᬾᬅᬭᬶᬦᬶᬗ᭄ᬲᬸᬦ᭄᭞ᬢᬦ᭄ᬤ᭄ᬭᬫᬦ᭄ᬲᬶᬭᬧᬗᬾᬭᬦ᭄᭞ᬳᬦ᭄ᬤᬸᬗ᭄ᬓᬧᬶᬂᬚᬦ᭄ᬫᬍᬯᬶᬄ
᭞ᬦᬵᬗ᭄ᬳᬶᬂᬢᬦ᭄ᬢᬸᬮᬸᬲ᭄ᬳᬬᬸ᭞ᬢᬦ᭄ᬯᬷᬓᬦᬶᬂᬬᬬᬄᬩᬶᬩᬶ᭟ᬢᬦ᭄ᬧᭀᬭᬢ᭄ᬳᬶᬗ᭄ᬲᬸᬦ᭄ᬢᬸᬫᬸᬯᬸᬄ᭞ᬍᬯᬶᬄᬢᬦ᭄ᬤ᭄ᬭᬫᬦ᭄ᬢᬦᬶᬦᬶ᭞ᬪᬬᬳᬮᬧᬕᬯᬾᬦᬾ᭞ᬭᬶᬗᬹᬦᬶᬫᬗ᭄ᬓᬾᬓ

[ ᭘ 8A]
ᬢ᭄ᬫᬸ᭞ᬮᬗ᭄ᬕᭂᬂᬳᬯᬾᬢ᭄ᬓᬦᬲ᭄ᬢᬧᬦ᭄᭞ᬲᬗ᭄ᬕᭀᬦᬾᬓᬧᬶᬭᬗᬸ᭞ᬓᬲᬶᬳᬦ᭄ᬓᬭᬫ᭄ᬩᬶᬭᬫ᭄ᬩᬶ᭟ᬲᬫᬸᬦᭂᬦ᭄ᬳᬬᭀᬕᬶᬦ᭄ᬕᬸ᭞ᬤᬾᬦᬶᬂᬰᬭᬷᬭᬓᬲᬾᬲᬶ᭞ᬢᬶᬦᬸᬢᬸᬄᬦᭀᬭᬯ᭄ᬓ
ᬲ᭞ᬤᬾᬦᬾᬲᬶᬄᬳᬯᬾᬢᬮᬸᬳᬸᬂ᭞ᬩᬮᬶᬓᬦ᭄ᬮᬶᬮᬶᬧᬸᬭᬦ᭞ᬳᬓᬃᬫ᭄ᬫᬳᬲᬶᬭᬦᬶᬦᬶ᭞ᬳᬚᬤᬾᬭᬕᭂᬂᬫᬗᬸ᭞ᬭᬵᬕᬦ᭄ᬢᬦᬶᬦᬶᬢᬸᬳᬸᬓᬶ᭟ᬭᬶᬳᬩ᭄ᬭᬢᬳᬬᭀᬕᬶ
ᬦᬸᬂ᭞ᬫᬦᬯᬶᬦᬶᬦᬶᬓᬕᬶᬗ᭄ᬲᬶᬃ᭞ᬳᬦᬸᬓᬺᬢ᭄ᬢᬭᬕᬫᬗ᭄ᬓᬾ᭞ᬢᬦ᭄ᬯ᭄ᬭᬸᬄᬧᬜ᭄ᬚᬶᬲᬸᬭᬸᬧ᭄ᬳᬶᬧᬸᬦ᭄᭞ᬭᬶᬂᬩ᭄ᬭᬢᬩ᭄ᬬᬓ᭄ᬢᬫᬾᬢ᭄ᬧᬧ᭞ᬬᬾᬦ᭄ᬲᬮᬄᬇᬥᭂᬧᬶᬂᬳᬢᬶ᭞ᬳᬫᬾᬢ᭄ᬳᬸ
ᬭᬶᬂᬧᬶᬂᬢᬸᬯᬸᬄ᭞ᬦᬶᬱ᭄ᬝᬨᬮᬦᬾᬤᬾᬦ᭄ᬓᬋᬧᬶ᭟ᬲᬶᬦᭂᬗ᭄ᬕᬸᬄᬧᬓᬾᬮᬶᬦᬸᬳᬸᬂ᭞ᬮᬓ᭄ᬱᬡᬮᬶᬘᬶᬦ᭄ᬩ᭄ᬭᬲᬶᬄ᭞ᬢᬦ᭄ᬮᬸᬳᬸᬂᬤᬾᬦᬶᬗ᭄ᬲᬸᬦ᭄ᬫᬗ᭄ᬓᬾ᭞ᬮᬫᬸᬦ᭄‌ᬇᬥᭂᬧ᭄ᬲᬮᬄᬲᬸ [ 9 ][ ᭘ 8B]
᭘᭞
ᬭᬸᬧ᭄᭞ᬪᬬᬗᬸᬃᬯᭀᬯᬮᬳᬳ᭞ᬬᬾᬦ᭄ᬯᬶᬓᬸᬂᬅᬫ᭄ᬩᭂᬓ᭄ᬢᬜ᭄ᬚᬢᬶ᭞ᬫᬬᬫᬬᬢᬦ᭄ᬲᬥᬸ᭞ᬫᬦᬄᬓᬸᬢᬶᬮᬢᬦ᭄ᬢᬶᬢᬶᬕ᭄᭟ᬇᬓᬸᬓᬭᬩᭂᬦ᭄ᬤᬾᬦᬶᬗ᭄ᬲᬸᬦ᭄᭞ᬧᭀᬮᬳᬶᬭᬲᬂ
ᬳᬓᬶᬦ᭄ᬓᬶᬦ᭄᭞ᬮᬸᬳᬸᬂᬯᬵᬮᬓᬭᬶᬂᬳᬭ᭞ᬇᬮᬇᬮᬦᭀᬭᬓᬾᬢᬸᬂ᭞ᬬᬾᬦ᭄ᬧᬡ᭄ᬥᬶᬢᬯ᭄ᬭᬸᬄᬢᬫᬳ᭞ᬧᬵᬢᬓᬳᬕᭂᬂᬓᬧᬗ᭄ᬕᬶᬄ᭞ᬳᬦᬸᬳᬸᬓᬶᬲᬓᬳ᭄ᬬᬸᬦ᭄᭞ᬫᬸᬂᬧᬸᬂᬳ
ᬦᭀᬫ᭄ᬢᬳᬮᬓᬶ᭟ᬳᬦᬧᬗᬦᬸᬕᬦᬶᬗ᭄ᬲᬶᬦ᭄᭞ᬬᭀᬕ᭄ᬬᬓᬃᬫ᭄ᬫᬦᬶᬭᬦᬶᬦᬶ᭞ᬲᬸᬕᬶᬄᬲᬸᬕᬶᬄᬲᬯᬃᬕ᭄ᬕᬦᬾ᭞ᬚᬚᬓᬵᬕᬸᬳᬫ᭄ᬩᬮᬶᬕᬸ᭞ᬯᬶᬕᬾᬱᬭᬶᬂᬓᬤᬾᬯᬢᬦ᭄
᭞ᬰᬓ᭄ᬢᬶᬦᭀᬭᬵᬦᬫᬥᬦᬶ᭞ᬅᬭᬦ᭄ᬓᬵᬮᬚᬬᬦᬶᬦᬶ᭟ᬯᬮᬪᬦᬶᬧᬗᬦ᭄ᬳᬶᬦᬸᬫ᭄᭞ᬲᬸᬕᬶᬄᬳᬫ᭄ᬲ᭄ᬧᬶᬧᬶᬲ᭄᭞ᬫᬩᬶᬓ᭄ᬲᬃᬯᬫᬸᬮ᭄ᬬᬋᬓᬾ᭞ᬫ᭄ᬯᬳᬶᬓᬂᬦᭀ

[ ᭙ 9A]
ᬤᭀᬢ᭄ᬲᬩᬸᬓ᭄᭞ᬢᬦ᭄ᬳᬮᬢᬓᭀᬦᬓ᭄ᬦ᭞ᬯᬶᬪᬹᬄᬧᬢᬶᬓ᭄‌ᬯ᭄ᬦᬶᬦᬶᬦᬶ᭞ᬓ᭄ᬩᭀᬦᬾᬭᭀᬩ᭄ᬢᬦ᭄ᬲᬸᬭᬸᬤ᭄᭞ᬧᬭᬦᬶᬂᬯᭀᬂᬳᬢᬢᬗ᭄ᬲᬶ᭟ᬦᬾᬗᬸᬂᬳᬫᬗᬦ᭄ᬳᬢᬸᬭᬸ᭞ᬤᬸᬭᬸᬂ
ᬳᬗᬸᬭᬗᬶᬪᬹᬓ᭄ᬢᬶ᭞ᬤᬾᬦ᭄ᬢᬸᬳᬸᬓᬶᬲᬓᬵᬃᬱᬦᬾ᭞ᬤᬾᬦ᭄ᬩᭀᬩᭀᬜᭀᬭᬕᬦᬶᬧᬸᬦ᭄᭞ᬓᬲ᭄ᬓᬬᬲᬓᬵᬃᬬ᭄ᬬᬦᬶᬭ᭞ᬲᬶᬂᬕᬫ᭄ᬩᭂᬮᬦᭀᬭᬓᬭᬶ᭞ᬤ᭄ᬫᭂᬦᬶᬂᬧᬜ᭄ᬚᬓᬶᬤᬸᬂ᭞ᬳᬶ
ᬕ᭄ᬮᬦ᭄ᬤᬾᬦ᭄ᬳᬢᬶᬳᬢᬶ᭟ᬅᬫ᭄ᬩᭂᬓ᭄‌ᬰᬹᬭᬢᬦ᭄ᬧᬫᬸᬲᬸᬄ᭞ᬢ᭄ᬕᬸᬳᬢᬦ᭄ᬧᬗ᭄ᬭᬱᬯ᭄ᬲᬶ᭞ᬤᬾᬦᬸᬮᬄᬓᬦ᭄ᬤᭂᬮ᭄ᬓᬸᬮᬶᬢᬾ᭞ᬤᬾᬋᬂᬓᬲᭀᬭᬦ᭄‌ᬲ᭄ᬫᬸ᭞ᬢᬦᬗ᭄ᬕᬓᬓᭀᬘᬯᬦᬾ᭞
ᬓᬾᬭᬶᬗᬦ᭄ᬲᬲᬫᬦᬶᬓᬶ᭞ᬢᬦ᭄ᬲᬸᬭᬸᬤ᭄ᬭᬶᬂᬓᬳ᭄ᬬᬸᬦ᭄᭞ᬕᬼᬗᬾᬢᬦ᭄‌ᬓ᭄ᬦᬕᬶᬗ᭄ᬲᬶᬃ᭟ᬲᬧᬶᬲᬦ᭄ᬯᬳᬸᬦᬾᬭᬯᬸᬄ᭞ᬳᬗ᭄ᬕᬯᬧᬢᬶᬕᬲᬫ᭄ᬧᬶ᭞ᬫᬵᬲ᭄ᬧᬶᬭᬓ᭄ᬭᬵᬚᬓᬧᬸᬢ᭄ᬭᬾᬦ᭄᭞ [ 10 ][ ᭙ 9B]
᭙᭞
ᬦᬵᬦᭀᬳᬧᬶᬄᬢᬶᬕᬂᬓᬬᬸᬄ᭞ᬧᬧ᭄ᬓᭂᬓ᭄ᬲᬃᬯ᭄ᬯᬲᬲᭀᬘ᭄ᬙᬦ᭄᭞ᬕ᭄ᬮᬂᬮᬦ᭄ᬕᬮᬶᬳᬮᬶ᭞ᬕᬭᬕᬭᬄᬲᬃᬯ᭄ᬯᬤᬢᬸ᭞ᬓᬓᬲ᭄ᬭᬳᬶᬲᬶᬭᬦᬦᬶ᭟ᬦᬶᬰ᭄ᬭᬷᬕᬢᬶᬅᬭᬶᬦᬶᬗ᭄ᬲᬸᬦ᭄᭞ᬮᬫᬸ
ᬦ᭄ᬲᬶᬭᬲᬶᬤ᭄ᬥᬧᬗ᭄ᬕᬶᬄ᭞ᬓᬸᬓᬸᬤᬗᬦ᭄ᬲᬗ᭄ᬓᬦ᭄ᬭᬭᬾ᭞ᬳᬢᬸᬓᭀᬦᬲᬃᬯ᭄ᬯᬲᬾᬯᬸ᭞ᬉᬦᬶᬯᬾᬄᬕᬚᬄᬚᬳᬭᬦ᭄᭞ᬫᬵᬲ᭄ᬧᬶᬭᬓ᭄ᬲᬃᬯ᭄ᬯᬰᬓ᭄ᬢᬶ᭞ᬓᭀᬫ᭄ᬩᬮᬭᬭᬾᬉᬮᬸᬦ᭄᭞ᬢ
ᬢᬫ᭄ᬧᬃᬲᬃᬯ᭄ᬯᬫᬵᬲ᭄ᬫᬡᬶᬓ᭄᭟ᬚᬬᬾᬰᬢ᭄ᬭᬸᬳᬭᬦᬶᬧᬸᬦ᭄᭞ᬓᬶᬦᬭᬗᬶᬭᬶᬂᬢᬗᬶᬲ᭄᭞ᬧᬸᬧᬸᬕ᭄ᬯᬭᬾᬂᬧ᭄ᬭᬭᬫᬾ᭞ᬤᬸᬓ᭄ᬢᭂᬓᬾᬂᬩᬯᬳᬦ᭄ᬳᬕᬸᬂ᭞ᬮᬮᬗ᭄ᬲᬾᬲᬕᬭᬫᬸᬜ᭄ᬘᬃ᭞
ᬳᬫᬧᬲ᭄‌ᬢᬼᬗᬶᬂᬭᬯᬶ᭞ᬯᭀᬄᬯᭀᬳᬦ᭄ᬲᬃᬯ᭄ᬯᬢᬸᬯᬸᬄ᭞ᬧᬮᬓᬦ᭄ᬢᬫ᭄ᬪᬸᬓ᭄ᬢᬶᬭᬰ᭄ᬫᬶᬦ᭄᭟ᬦᬶᬰ᭄ᬭᬷᬕᬢᬶᬮᬶᬦ᭄ᬬᬫᬸᬯᬸᬲ᭄᭞ᬰᬩ᭄ᬤᬲᬺᬢ᭄‌ᬲ᭄ᬫᬸᬢᬗᬶᬲ᭄᭞ᬳᬮᬓᬶᬧᬭᬦ᭄ᬲᬸᬓ
[ ᭑᭐ 10A]
ᬦᬾ᭞ᬬᬦ᭄ᬢᬦ᭄ᬯ᭄ᬭᬸᬄᬓᭀᬃᬱᬦᬶᬂᬚᬮᬸ᭞ᬫ᭄ᬯᬄᬯᭀᬂᬫᬹᬥᬧᬸᬗ᭄ᬕᬸᬗᬦ᭄᭞ᬰᬩ᭄ᬤᬲᬵᬧᬮᬕᬸᬫᬦ᭄ᬢᬶ᭞ᬍᬕᬲ᭄ᬯᬾᬢᬦᬶᬓᬸ᭞ᬇᬮᬂᬓᬂᬧᬕᬯᬬᬩ᭄ᬘᬶᬓ᭄᭟ᬇᬓᬸᬲᬂᬓᬵᬗᭂᬦ᭄ᬤᬾᬦᬶᬗ᭄ᬲᬸ
ᬦ᭄᭞ᬳᬮᬓᬶᬯᭀᬂᬲᬸᬓᬲᬸᬕᬶᬄ᭞ᬬᬾᬦ᭄ᬢᬦ᭄ᬓᬾᬭᬶᬂᬲᬘᬭᬦᬾ᭞ᬳᬕᬸᬂᬧᬫᬦᭂᬮᬦ᭄ᬳᬶᬧᬸᬦ᭄᭞ᬭᬶᬂᬮᬦᬂᬯ᭄ᬦᬂᬯᬶᬰᬾᬱ᭞ᬭᬶᬂᬯᬤᭀᬦ᭄ᬢᬶᬦᬦ᭄ᬤᬶᬂᬫ᭄ᬮᬶᬓ᭄᭞ᬯ᭄ᬦᬂᬳᬗ᭄ᬭᭀᬳᬦ᭄ᬮᬸ᭞ᬤᬾ
ᬦ᭄ᬬᬵᬯᬾᬄᬧᬦᬲᬶᬗ᭄ᬳᬢᬶ᭟ᬤᬸᬓ᭄ᬫᬳᬸᬦᬾᬭᬶᬂᬳᬓᬸᬫ᭄ᬧᬸᬮ᭄᭞ᬰᬩ᭄ᬤᬵᬭᬹᬫ᭄ᬳᬫ᭄ᬮᬲ᭄ᬳᬲᬶᬄ᭞ᬮ᭄ᬯᬶᬃᬫᬥᬸᬚᬸᬭᬸᬄᬯᬸᬯᬸᬲᬾ᭞ᬓᬢ᭄ᬓᬦ᭄ᬲᬓᬵᬃᬱᬦ᭄ᬳᬶᬧᬸᬦ᭄᭞ᬓᬤᬸᬳᬸᬂᬓᬬᬦᬮᬗ᭄ᬲᬂ᭞
ᬯᭀᬂᬯᬤᭀᬦ᭄ᬓᬭᬶᬓᬲᬾᬲᬶ᭞ᬢᬶᬗ᭄ᬓᬄᬓᬤᬶᬉᬮᬸᬦ᭄᭞ᬢᬶᬦᬫ᭄ᬩᬗᬭᬕᬶᬫᬦᬶᬄ᭟ᬳᬓ᭄ᬯᬾᬄᬧᬦᭀᬦ᭄ᬢᭀᬦᬦ᭄ᬳᬶᬧᬸᬦ᭄᭞ᬯᭀᬂᬮᬦᬂᬢᬦ᭄ᬲᬢ᭄ᬬᬾᬳᬶᬲ᭄ᬢ᭄ᬭᬷ᭞ᬳ᭄ᬬᬸᬦ᭄ᬓᭂᬫ᭄ᬩᬂ [ 11 ][ ᭑᭐ 10B]
᭑᭐᭟
ᬢᬗ᭄ᬕᬾᬦᬦᬾ᭞ᬮᬯᬲ᭄ᬦᭀᬭᬓᬵᬃᬬ᭄ᬬᬦᬶᬧᬸᬦ᭄᭞ᬮᬸᬳᬸᬗᬭᬶᬂᬭᬭᬢᬸᬯ᭞ᬮᬫᬸᬦ᭄ᬯ᭄ᬭᬸᬄᬭᬶᬂᬯᬭᬄᬯᬗ᭄ᬲᬶᬢ᭄᭞ᬧᬸᬢᬸᬲᬶᬂᬭᬱᬇᬓᬸ᭞ᬧᬥᬮᬦᬫ᭄ᬪᬓ᭄ᬢᬶᬭᬰ᭄ᬫᬶᬦ᭄᭟ᬕ᭄ᬮᬭᬶᬂᬚᬦ᭄ᬫᬉ
ᬮᬗᬸᬦ᭄᭞ᬧᬭᬯᬦ᭄‌ᬓ᭄ᬤᭂᬳᬮᬓᬶ᭞ᬯᬸᬲ᭄ᬳᬓᬃᬫ᭄ᬫᬢᬦ᭄ᬧᬕᬯᬾ᭞ᬧᬳᬲᬕ᭄ᬦᬳᬾᬓᬦ᭄ᬢᬸᬦ᭄᭞ᬓᬭᬭᬦ᭄ᬢᬦ᭄ᬓᬳᬸᬦᬶᬗᬦ᭄᭞ᬢᬦ᭄ᬯ᭄ᬭᬸᬄᬭᬶᬂᬭᬱᬮᬶᬦᭂᬯᬶᬄ᭞ᬳᬤᭀᬄᬍᬗᬕᬦ᭄ᬤᬵᬭᬹ
ᬫ᭄᭞ᬧ᭄ᬭᬤᬾᬦᬾᬳᬓᬭᬰ᭄ᬫᬶᬦ᭄᭟ᬳᬦᬧᬲᬗ᭄ᬕᬶᬭᬶᬦᬶᬗ᭄ᬲᬸᬦ᭄᭞ᬢᬫ᭄ᬩᬾᬮᬫᬸᬦ᭄ᬲᬸᬦ᭄ᬳᬮᬓᬶ᭞ᬉᬫ᭄ᬩᬭᬦ᭄ᬢᬦ᭄ᬯ᭄ᬭᬸᬄᬳᬗ᭄ᬓᬦᬾ᭞ᬢᬸᬢᬸᬕ᭄ᬮᭀᬯᬾᬢᬦ᭄ᬮᬦ᭄ᬓᬶᬤᬸᬮ᭄᭞ᬮᬦᬂᬢᬸᬗ᭄ᬕᬮ᭄ᬓᬶᬦᬵᬲᬶᬳ
ᬦ᭄᭞ᬯ᭄ᬓᬦᬶᬂᬳᬫᬗ᭄ᬓᬸᬪᬹᬫᬶ᭞ᬰᬹᬭᬾᬂᬭᬡᬧᬗᬯ᭄ᬭᬸᬄ᭞ᬧᬵᬡ᭄ᬥᬶᬢᬯᬢᭂᬓ᭄ᬳᬗᬚᬶ᭟ᬅᬫ᭄ᬩᭂᬓ᭄ᬦᬱ᭄ᬝᬶᬢᬶᬭᬶᬂᬮᬓᬸ᭞ᬦᬶᬲ᭄ᬫᬺᬢᬶᬤᬵᬭᬩᬾᬂᬩᬸᬤ᭄ᬥᬶ᭞ᬓᬯᬶᬧ᭄ᬭᬵᬚ᭄ᬜᬲᬧᭀᬮᬳᬾ᭞ᬯᭀᬂᬲ
[ ᭑᭑ 11A]
ᬪᬹᬫᬶᬧᬥᬮᬸᬮᬸᬢ᭄᭞ᬯᬶᬦᬵᬲ᭄ᬢᬸᬩᭀᬦ᭄ᬤᬦᬶᬂᬲᬭᬵᬢ᭄᭞ᬲ᭄ᬥᬾᬂᬤ᭄ᬭᬸᬯᬾᬦᬶᬗᬉᬭᬶᬧ᭄᭞ᬯ᭄ᬭᬸᬄᬳᬢᬸᬥᬸᬄᬭᬶᬗ᭄ᬳᬬᬸ᭞ᬧ᭄ᬭᬵᬧ᭄ᬢᬲᬓᬵᬃᬱᬦᬾᬍᬯᬶᬄ᭟ᬫᬹᬃᬢ᭄ᬢᬶᬦᬷᬲᬫᬵᬭᬮᬸᬮᬸᬢ᭄᭞ᬤ
ᬤᬶᬚᬦᬯᭀᬂᬓᬲᬾᬲᬶ᭞ᬕᬸᬡᬧ᭄ᬭᬵᬚ᭄ᬜᬧᬗ᭄ᬕᬯᬓᬾ᭞ᬯᬶᬰᬾᬱᬮᬮᬦᬂᬯᬵᬲ᭄ᬢᬸ᭞ᬘᬶᬳ᭄ᬦᬦᬶᬗ᭄ᬳᬯᬓ᭄ᬪᬝᬵᬭ᭞ᬧᬵᬡ᭄ᬥᬶᬢᬯ᭄ᬭᬸᬳᬶᬂᬳᬗᬵᬚᬶ᭞ᬭᬱᬧᬸᬢᬸᬲ᭄ᬯᬸᬲ᭄ᬭᬫ᭄ᬧᬸᬂ᭞ᬳᬫ᭄ᬪᬓ᭄ᬢᬶᬲᬭᬶᬦᬶᬂ
ᬲᬭᬶ᭟ᬧ᭄ᬭᬢᬶᬚ᭄ᬜᬦᬶᬗ᭄ᬲᬸᬦᬶᬂᬤᬗᬹ᭞ᬳᬓᬵᬃᬫ᭄ᬫᬳᬯᭀᬂᬓᬲ᭄ᬬᬲᬶᬄ᭞ᬮᬗ᭄ᬕᭂᬂᬅᬫᬺᬢ᭄ᬢᬩᬸᬤ᭄ᬥᬶᬦᬾ᭞ᬦᬶᬱ᭄ᬝᬦᬾᬭᬦᬢᬸᬦᬸᬢᬸᬄ᭞ᬯᬶᬰᬾᬱᬳᬯᬓ᭄ᬳᬚ᭄ᬜᬦ᭞ᬢᬹᬃᬮᬗ᭄ᬕᭂᬂᬳᬫ᭄ᬪᬓ᭄ᬢᬶᬭ
ᬰ᭄ᬫᬶᬦ᭄᭞ᬲᬭᬱᬦᬾᬓᬢ᭄ᬫᬸ᭞ᬲᬂᬳᬘᬼᬓ᭄ᬧᬢᬶᬉᬭᬶᬧ᭄᭟ᬧᬗᬬᬳᬬᬦᬶᬂᬢᬸᬯᬸᬄ᭞ᬮᬫᬸᬦ᭄‌ᬢ᭄ᬓᬫ᭄ᬪᬸᬓ᭄ᬢᬶᬲᬭᬷ᭞ᬯᭀᬂᬮᬦᬂᬲᬸᬦ᭄ᬧᬢᬶᬢᬦᬾ᭞ᬲᬘᬵᬭᬦᬾᬲᬸᬦ᭄ᬳᬦᬸᬳᬸ᭞ᬯ [ 12 ][ ᭑᭑ 11B]
᭑᭑᭞
ᬤᭀᬦ᭄ᬢᬦ᭄ᬲᬄᬓᬸᬫᬤᬫ᭞ᬲᬸᬓᬳᬭᬦᬦᬮᬜ᭄ᬚᬶ᭞ᬢ᭄ᬓᬳᬲᬸᬦ᭄ᬳᬢ᭄ᬫᬸ᭞ᬳᬤᭀᬳᬭᬶᬗ᭄ᬲᬸᬦ᭄ᬧᬭᬦᬶ᭟ᬓᬵᬦ᭄ᬤᭂᬕ᭄ᬤᬾᬦᬶᬭᬧᬶᬢᬸᬢᬸᬃ᭞ᬲᬸᬫᬧᬸᬢ᭄‌ᬪ᭄ᬭᬜ᭄ᬚᬦᬶᬭᬢᬶ᭞ᬧᬜ᭄ᬚᬶᬲᭂᬗ᭄ᬓ
ᬦ᭄ᬧᬗᬸᬘᬧᬾ᭞ᬦᬶᬰ᭄ᬭᬷᬕᬢᬶᬕᬯᬾᬳᬬᬸ᭞ᬳᬗᬸᬘᬧ᭄ᬧᬓ᭄ᬱᬩᬶᬱᬳ᭞ᬳᬗ᭄ᬕᬯᬾᬧᬦᬲᬶᬗ᭄ᬳᬢᬶ᭞ᬳᬦᬶᬓᭂᬮᬓᭂᬦ᭄ᬢᬸᬥᬸᬄ᭞ᬢᬦ᭄ᬯ᭄ᬭᬸᬄᬕᬶᬦᬯᬾᬩ᭄ᬘᬶᬓ᭄᭟ᬦᬶᬰ᭄ᬭᬷᬕᬢᬶᬗ᭄ᬓᬾᬢᬦ᭄ᬮᬸ
ᬳᬸᬂ᭞ᬅᬫ᭄ᬩᭂᬓ᭄ᬫᬸᬢᬦ᭄ᬬᬸᬓ᭄ᬢᬶᬲᬶᬄ᭞ᬧ᭄ᬭᬫᬸᬮᬾᬢᬦ᭄ᬧᬕᬯᬾ᭞ᬳᬦᬹᬢ᭄ᬫᬦᬄᬧᬂᬧᬂᬧᬸᬗ᭄ᬕᬸᬂ᭞ᬳᬗ᭄ᬕᬯᬾᬮᬭᬾᬦᬂᬓᬶᬢ᭞ᬳᬫᬯ᭄ᬢᬸᬩᬸᬤ᭄ᬥᬶᬭᬸᬲᬶᬢ᭄᭞ᬢ᭄ᬓᬓᬋᬗ᭄ᬕᬸᬢ᭄‌ᬕ᭄ᬮᬸᬂ᭞ᬘᬶᬦᬨᬮᬦᬶ
ᬰ᭄ᬭᬶᬕᬢᬶ᭟ᬢᬶᬩᬳᬦᬸᬗ᭄ᬓᭂᬫᬶᬲᬸᬓᬸ᭞ᬓᬵᬦ᭄ᬳᬓᬦᬶᬦᬶᬰ᭄ᬭᬷᬕᬢᬶ᭞ᬫᬃᬮᬸᬧᬓᬂᬯᭀᬂᬳᬯᬓᬾ᭞ᬧᬶᬦᬗᬸᬦᬸᬲᬓᭂᬦ᭄ᬤᬸᬳᬸᬂ᭞ᬮ᭄ᬯᬶᬃᬚᬷᬯᬢᬦᬸᬭᬶᬧ᭞ᬭᭀᬫᬦᬾᬲᬵᬫ᭄ᬧᬸᬦ᭄ᬳᬶᬗᬭᬶᬲ᭄᭞
[ ᭑᭒ 12A]
ᬢᬶᬦᬶᬗ᭄ᬕᬮ᭄ᬓᬭᬶᬓᬦ᭄ᬢᬸ᭞ᬳᬗ᭄ᬮᬶᬮᬶᬃᬦᬶᬰ᭄ᬭᬷᬕᬢᬶ᭟ᬳᬯᬸᬗᬸᬓᬤᬶᬧᬸᬧᬸᬗᬸ᭞ᬓᬤᬶᬲᬯᬸᬓ᭄ᬦᬾᬧᬶᬮᬶᬲ᭄᭞ᬮᬸᬳᬤᬺᬱ᭄ᬝᬶᬩᬢᬦ᭄ᬧᬦ᭄ᬢᭂᬦ᭄᭞ᬲᭀᬮᬳᬾᬲᬬᬦ᭄ᬓᬕᬸᬕᬸ᭞ᬓᬭᬱᬤᬾᬦᬶᬂᬢ
ᬦ᭄ᬤ᭄ᬭᬫᬦ᭄᭞ᬢᬗᬶᬲᬾᬳᬫ᭄ᬮᬲ᭄ᬳᬲᬶᬄ᭞ᬳᬲᬫ᭄ᬩᬢ᭄ᬩᬧᬇᬩᬸ᭞ᬕᬯᬦᭂᬦ᭄ᬳᬢᬾᬗ᭄ᬲᬸᬦ᭄ᬫᬢᬶ᭟ᬇᬓᬫᬗ᭄ᬓᭀᬤᬾᬦ᭄ᬧᬮᬓᬸ᭞ᬰᬭᬷᬭᬳᬯᬾᬢ᭄ᬳᬉᬭᬶᬧ᭄᭞ᬤᬾᬦ᭄ᬢᬸᬥᬸᬄᬓᬯᭀᬂᬳ
ᬯᬓᬾ᭞ᬲᬶᬦ᭄ᬲᭂᬮ᭄ᬤᬾᬦᬶᬂᬢᬦ᭄ᬮᬸᬳᬸᬂ᭞ᬪᬬᬲᬮᬄᬓᬧᬢ᭄ᬬ᭞ᬯᬸᬲ᭄ᬮᬫ᭄ᬧᬸᬲ᭄ᬭᬱᬦᬶᬗ᭄ᬳᬢᬶ᭞ᬓᬢᭀᬮᬶᬄᬓᬓᬗᬶᬧᬸᬦ᭄᭞ᬓᬶᬢᬸᬭᬸᬦᬦ᭄ᬯᭀᬓᬲ᭄ᬬᬲᬶᬄ᭟ᬲᭀᬭᬾᬩᭀᬩᭀ
ᬢ᭄ᬲᬶᬭᬤᬮᬸ᭞ᬢᬦ᭄‌ᬓ᭄ᬦᬫᬺᬫ᭄ᬲᬯ᭄ᬗᬶ᭞ᬲᬸᬓ᭄ᬲ᭄ᬓᬭᬜ᭄ᬘᬫᬦᬳᬾ᭞ᬳᬗᬤᭂᬕ᭄ᬳᬤᬦ᭄ᬮᬸᬫᬓᬸ᭞ᬢᬦ᭄ᬓᬳᬸᬘᬧᬦ᭄ᬭᬶᬂᬫᬃᬕ᭄ᬕ᭞ᬮᬫ᭄ᬧᬳᬾᬳᬢᬸᬫᬸᬮᬶᬧ᭄ᬭᬵᬧ᭄ᬢᬶ᭞ᬫᬾᬄᬰᬢᬓᬸᬓ᭄ᬭᬸᬬᬸᬓ᭄᭞ᬤᬸᬓ᭄ᬢᭂ [ 13 ][ ᭑᭒ 12B]
᭑᭒᭞ᬓᬂᬮᬫ᭄ᬧᬳᬮᬭᬶᬲ᭄᭟ᬩᬗ᭄ᬩᬂᬯᬾᬢᬦ᭄ᬧᬸᬢᬶᬄᬢᬶᬫᬹᬃ᭞ᬢ᭄ᬓᬾᬦᬾᬦᬶᬦᬶᬰ᭄ᬭᬷᬕᬢᬶ᭞ᬢᬦᬦᬗᬯ᭄ᬭᬸᬳᬶᬫᬗ᭄ᬓᬾ᭞ᬓᬶᬢᬸᬭᬸᬦ᭄‌ᬮᬕ᭄ᬬᬳᬢᬸᬭᬸ᭞ᬳᬍᬲᬸᬰᬭᬷᬭᬦᬶᬭ᭞ᬳᬮᬯᬲ᭄ᬦᭀ
ᬭᬳᬫ᭄ᬪᬓ᭄ᬢᬶ᭞ᬳᬫᬸᬳᬸᬂᬲᬸᬓᬢ᭄ᬤᬳᬸᬦ᭄᭞ᬰᬭᬷᬭᬳᬓᬸᬭᬸᬳᬓᬶᬂ᭟ᬭᬾᬜ᭄ᬘᬄᬭᬾᬜ᭄ᬘᭀᬄᬤᬸᬓᬸᬳᬶᬧᬸᬦ᭄᭞ᬧᬧᬬᭀᬦ᭄ᬢᬦ᭄ᬓᭂᬤᬾᬂᬳᬹᬗ᭄ᬲᬶ᭞ᬤᬸᬓᬸᬢ᭄ᬳᬚ᭄ᬭᭀᬄᬭᬶᬂᬦᬢᬭᬾ᭞ᬓᬓ
ᬢᬂᬮᬸᬭᬓ᭄ᬯᬮᬸᬄ᭞ᬭᬹᬫᬫ᭄ᬩᬾᬭᬶᬂᬢᬋᬢᭂᬧᬦ᭄᭞ᬯᭀᬂᬫᬾᬦᬓ᭄ᬢᬸᬭᬸᬦ᭄ᬳᬶᬓᬶ᭞ᬳᬕᬸᬧᬸᬄᬓᬤᬶᬧᬸᬧᬸᬗᬸᬦ᭄᭞ᬳᬦᬧᬦᬶᬦᬶᬰ᭄ᬭᬷᬕᬢᬶ᭟ᬰᬩ᭄ᬤᬦᬾᬳᬫᬦᬶᬲ᭄ᬕᬭᬹᬫ᭄᭞ᬤᬶᬗ
ᬭᬾᬦ᭄ᬫᬵᬲᬶᬗ᭄ᬲᬸᬦᬶᬃᬦᬶ᭞ᬫᬭᬲ᭄ᬳᬢᬶᬦᬶᬗ᭄ᬲᬸᬦ᭄ᬫᬗ᭄ᬓᬾ᭞ᬲᬵᬓ᭄ᬱᬢ᭄ᬓᬢᬶᬩᬾᬦ᭄ᬳᬦ᭄ᬤᬭᬸ᭞ᬓᬬᬯᭀᬂᬓᬧ᭄ᬭᬶᬳᬢᬶᬦᬦ᭄᭞ᬲᬧᬦ᭄ᬭᭀᬯᬂᬏᬜ᭄ᬚᬂᬧ᭄ᬭᬵᬧ᭄ᬢᬶ᭞ᬤᬾᬯᬾᬓ᭄ᬓᬓᬓᬢᬾ
[ ᭑᭓ 13A]
ᬗ᭄ᬲᬸᬦ᭄᭞ᬫᬾᬳᬦ᭄ᬳᬗ᭄ᬫᬲᬶᬦ᭄ᬧᬢᬶ᭟ᬓᬶᬢᬸᬭᬸᬦ᭄ᬳᬓ᭄ᬭᭀᬥᬳᬗ᭄ᬕᬺᬗ᭄ᬕᬸᬢ᭄᭞ᬭᬶᬦᬗ᭄ᬓᬸᬮ᭄ᬦᬶᬦᬶᬰ᭄ᬭᬶᬕᬢᬶ᭞ᬪᬬᬵᬦᬹᬢ᭄ᬫᬗ᭄ᬓᭀᬫᬾᬭᬾᬦᬾ᭞ᬲᬂᬳᬕᬯᬾᬧᭀᬮᬇᬓᬸ᭞ᬤᬾᬯᬬᬵᬓ᭄ᬱ
ᬫᬦᬸᬱᬳ᭞ᬭᬶᬗ᭄ᬲᬸᬦ᭄ᬮᬯᬦᬦᬾᬫᬢᬶ᭞ᬦᬶᬦᬶᬰ᭄ᬭᬷᬕᬢᬶᬳᬫᬸᬯᬸᬲ᭄᭞ᬓᬶᬲᭂᬗ᭄ᬓᬦ᭄ᬳᬯ?ᬳᬾᬄᬮᬭᬵᬢᬶ᭟ᬬᬬᬶᬧᬭᬦ᭄ᬤᭀᬱᬦᬶᬧᬸᬦ᭄᭞ᬓᬶᬲᭂᬗ᭄ᬓᬜ᭄ᬘᬦ᭄ᬤᬮᬾᬂᬩᬸᬤ᭄ᬥᬶ᭞ᬚᬢᬾᬦᬦ
ᬢᬾᬗ᭄ᬲᬸᬦ᭄ᬫᬗ᭄ᬓᬾ᭞ᬢᬦ᭄ᬧᬤᭀᬱᬓᬓᬳᬶᬗ᭄ᬲᬸᬦ᭄᭞ᬧᬶᬦᬓᬓᬶᬦᬾᬦ᭄ᬳᬓᬃᬫ᭄ᬫ᭞ᬳᬦᬗ᭄ᬕᬧ᭄ᬢᬸᬓᭀᬦ᭄‌ᬭᭀᬂᬓ᭄ᬢᬶ᭞ᬕᬚᬄᬳᬚᬭᬦ᭄ᬲᬾᬯᬸ᭞ᬳ᭄ᬬᬓᬵᬮᬢᬦ᭄ᬲᬸᬦ᭄ᬓᬋ
ᬧᬶ᭟ᬲᬵᬫ᭄ᬧᬸᬦᬶᬦᬶᬯᬯᬭᬸᬗᬸ᭞ᬧᬗᬸᬘᬧᬾᬯᭀᬂᬢᬦ᭄ᬬᬸᬓ᭄ᬢᬶ᭞ᬭᬶᬂᬯᬦᭀᬦ᭄ᬫᬸᬮᬯᬬᬳᬾ᭞ᬢᬫᬩᬶᬭᬗ᭄ᬕᬯᬾᬰᬢ᭄ᬭᬸ᭞ᬳ᭄ᬬᬂᬓᬵᬮᬫᭀᬦ᭄ᬫᬾᬭᬾᬦᬾᬬ᭞ᬳᬶᬗ᭄ᬲᬸᬦ᭄ᬮ [ 14 ][ ᭑᭓ 13B]
᭑᭓᭞
ᬯᬦᬳᬚᬸᬭᬶᬢ᭄᭞ᬧᬥᬳᬗᬤᬸᬧᬸᬗ᭄ᬕᬸᬂ᭞ᬳᬳᬶᬚᭀᬦᬦᬓᬰᬓ᭄ᬢᬶᬦ᭄᭟ᬲ᭄ᬫᬸᬦᭂᬦ᭄ᬳᬬᭀᬕᬶᬦᬸᬭᬸ᭞ᬕᬼᬗᬶᬂᬫᬦᬄᬳᬯᬶᬗᬶᬢ᭄᭞ᬬᭀᬕᬥ᭄ᬬᬦᬧᬗᬶᬮᬗᬾ᭞ᬧᬹᬚᬩ᭄ᬭᬢ
ᬤᬸᬮᬸᬭᬶᬧᬸᬦ᭄᭞ᬧᬫᬸᬦᬳᬶᬂᬓ᭄ᬮᬾᬰ᭞ᬦᬶᬦᬶᬰ᭄ᬭᬷᬕᬢᬶᬯ᭄ᬭᬸᬳᬶᬗ᭄ᬕᬢᬶ᭞ᬲᬲᬵᬫ᭄ᬧᬸᬦᬶᬂᬳᬩᭂᬩᭂᬮᬸᬦ᭄᭞ᬲᬲᬧᭀᬦ᭄ᬧᬧᬹᬚᬦ᭄ᬳᬰ᭄ᬭᬷ᭟ᬲᬫᬶᬤ᭄ᬥᬦᬾᬫᬺᬩᬸᬓᬭᬹᬫ᭄᭞ᬳᬗᬵ
ᬲ᭄ᬢᬸᬢᬶᬦᬶᬰ᭄ᬭᬶᬕᬢᬶ᭞ᬳᬶᬗᬶᬥᭂᬧ᭄ᬢᬸᬢᬸᬭᬾᬓᬩᬾᬄ᭞ᬰᬭᬷᬭᬦᬶᬭᬭᬶᬂᬭᬸᬳᬸᬂ᭞ᬓᬗᬸᬫᬸᬗ᭄ᬕᬸᬄᬫᬜ᭄ᬘᬤᬾᬰ᭞ᬢᬸᬫᬸᬭᬸᬦᬲᬶᬭᬦᬶᬦᬶ᭞ᬓᬩᬾᬄᬳᬚᬦᬓᬦ᭄ᬢᬸᬦ᭄᭞ᬢᬸᬢᬸᬗ᭄ᬕ
ᬗᬦ᭄ᬢᬦᬓᬭᬶ᭟ᬉᬫᬲᬭᬶᬧᬗᬭᬦᬶᬧᬸᬦ᭄᭞ᬭᬶᬂᬧᬹᬃᬯ᭄ᬯᬓᬳ᭄ᬬᬗᬦᬶᬓᬶ᭞ᬚᬸᬮᬸᬂᬯᬗᬶᬢᬸᬭᬸᬦᬦᬾ᭞ᬲᬂᬮᬸᬮᬸᬢ᭄ᬕᬢᬶᬧᬸᬦᬶᬓᬸ᭞ᬳᬦᬸᬗ᭄ᬕᬂᬲᬧᬶᬕᬸᬫᬭᬂ᭞ᬬᬵᬫᬦᬸᬚᬸᬩᬸᬤ᭄ᬥ
[ ᭑᭔ 14A]
ᬫᬦᬶᬲ᭄᭞ᬭᬶᬂᬧᬫᬺᬫᬦ᭄‌ᬗ᭄ᬕᭀᬦ᭄ᬬᬤᬸᬦᬸᬂ᭞ᬲᭂᬫ᭄ᬩᬳᬦ᭄ᬤᬾᬦᬶᬂᬳᬲᬦ᭄ᬢᬶ᭟ᬰ᭄ᬭᬷᬲᬭᬰ᭄ᬯᬢᬶᬢᬸᬳᬸᬳᬬᬸ᭞ᬤᬵᬓ᭄ᬱᬶᬦᬓᬳ᭄ᬬᬗᬦ᭄ᬳᬶᬓᬶ᭞ᬲᬂᬩ᭄ᬭᬵᬳ᭄ᬫᬕᬢᬶᬳᬭᬦᬾ᭞ᬢᬸᬫᬸ
ᬭᬸᬦᬶᬂᬯᬢᬸᬕᬸᬦᬸᬂ᭞ᬳᬦᬸᬗ᭄ᬕᬂᬪᬤᬯᬂᬚ᭄ᬜᬃ᭞ᬉᬫᬦᬸᬚᬸᬢᬸᬫ᭄ᬧᭂᬓ᭄ᬫᬦᬶᬲ᭄᭞ᬭᬶᬂᬧᬤᬗᬦ᭄ᬤᬾᬦ᭄ᬬᬵᬤᬸᬦᬸᬂ᭞ᬩᬦ᭄ᬢᭂᬦ᭄ᬭᬓᬢᬲᬃᬧ᭄ᬯᬰᬘᬶ᭟ᬰ᭄ᬭᬷᬭᬵᬚᬮᬓ᭄ᬲ᭄ᬫᬶᬧᬸᬦᬶᬓᬸ᭞ᬧᬰ᭄ᬘᬶᬫᬓ
ᬳ᭄ᬬᬗᬦᬶᬓᬶ᭞ᬭᬶᬂᬢᭀᬮᬸᬓᬂᬯᭀᬂᬢᬸᬭᬸᬦᬾ᭞ᬩ᭄ᬭᬵᬳ᭄ᬫᬲᭀᬫᬫᬦᬶᬲ᭄ᬳᬶᬧᬸᬦ᭄᭞ᬯᬶᬰᬾᬱᬦᬶᬂᬉᬢ᭄ᬢᬭᬦᬶᬦᬶ᭞ᬲᬂᬰ᭄ᬭᬷᬕᬢᬶᬧᬸᬱ᭄ᬧᬢᬦᬾ᭞ᬯᬺᬱ᭄ᬧᬢᬶᬫᬦᬶᬲᬶᬂᬉᬕᬶ᭞ᬳᬦᬸᬗ᭄ᬕᬂᬲᬶᬭᬓᬸᬢᬶᬮ᭞ᬭᬶᬂᬮᬸᬫ᭄ᬩᬸᬂᬢᬸᬭᬸᬦ [ 15 ][ ᭑᭔ 14B]
᭑᭔᭞
ᬦᬶᬓᬶ᭞ᬇᬦ᭄ᬤ᭄ᬭᬵᬱ᭄ᬝᬯᬭᬦᬶᬧᬸᬦ᭄᭞ᬘᬭᬸᬲᬗ᭄ᬓᬶᬧ᭄ᬲᬃᬯ᭄ᬯᬰᬸᬘᬶ᭟ᬰ᭄ᬭᬶᬦᬸᬗ᭄ᬓᬸᬭᬵᬢ᭄ᬧᬸᬦᬶᬓᬸ᭞ᬅᬓᬵᬱᬓᬳ᭄ᬬᬗᬦᬶᬓᬶ᭞ᬲᬢ᭄ᬭᬶᬱᬕᬢᬶᬳᬭᬦᬾ᭚ᬭᬶᬲᭂᬦ᭄ᬤᬂᬢᬸᬭᬸᬦᬦᬶᬧᬸᬦ᭄᭞ᬳᬢ
ᬧᬓᬦ᭄ᬧᬓᬓᬮᬦ᭄᭞ᬭᬶᬂᬲᬗ᭄ᬕᬃᬢᬸᬭᬸᬦᬦᬶᬓᬶ᭞ᬰ᭄ᬭᬷᬉᬫ᭄ᬭᬗᬦᬸᬚᬸ᭞ᬘᬭᬸᬩᬸᬭᬢ᭄‌ᬍᬗᭂᬯᬗᬶ᭟ᬰ᭄ᬭᬷᬧ᭄ᬭᬣᬶᬯᬶᬗᬭᬦᬶᬧᬸᬦ᭄᭞ᬭᬶᬂᬍᬫᬄᬓᬳ᭄ᬬᬗᬦᬶᬓᬶ᭞ᬲᬯᬺᬤ᭄ᬥᬶᬕᬢᬶᬳᬭᬦᬾ᭞
ᬭᬶᬂᬓᬦ᭄ᬤᬂᬢᬸᬭᬸᬦᬦᬶᬧᬸᬦ᭄᭞ᬳᬢᬧᬓ᭄ᬱᬦᬦᬕᬦ᭄᭞ᬭᬶᬂᬉᬬᬾᬅᬗ᭄ᬕᬭᬫᬦᬶᬲ᭄᭞ᬰ᭄ᬭᬷᬬᬵᬫᬲᬭᬸᬲᬸᬭᬸᬄ᭞ᬓᬸᬧᬢ᭄‌ᬍᬧᬶᬢ᭄ᬳᬬᭀᬓᬭᬶ᭟ᬰ᭄ᬭᬷᬳᬱ᭄ᬝᬮᬶᬗ᭄ᬕᬢᬸᬫᬸᬭᬸᬦ᭄᭞ᬢ᭄ᬮ
ᬲ᭄ᬓᬩᬾᬄᬭᬶᬂᬳᬲ᭄ᬢᬸᬢᬶ᭞ᬦᬶᬰ᭄ᬭᬷᬕᬢᬶᬧᬦᬸᬗ᭄ᬕᬮᬾ᭞ᬪ᭄ᬭᬲᬥᬦᬓᬤᬶᬦᬸᬮᬸᬃ᭞ᬉᬦᬶᬯᬾᬄᬳ᭄ᬬᬂᬪ᭄ᬭᬓᬵᬜ᭄ᬘᬦ᭞ᬪᬝᬵᬭᬶᬉᬫᬳᬭᬦᬶᬓᬶ᭞ᬪᬾᬲᬯᬃᬡ᭄ᬦᬢᬦ᭄ᬓᬦ᭄ᬢᬸᬦ᭄᭞ᬲᬂᬳ᭄ᬬᬂ
[ ᭑᭕ 15A]
ᬤᬍᬫᬶᬂᬧᬸᬭᬶ᭟ᬭᬶᬂᬓᬺᬢ᭄ᬢᬢᬶᬃᬣᬢᬸᬫᬸᬭᬸᬦ᭄᭞ᬭᬶᬂᬗᬹᬦᬶᬦᬶᬦᬶᬰ᭄ᬭᬷᬕᬢᬶ᭞ᬢᬭᬶᬂᬤ᭄ᬯᬧᬭᬋᬓᬾ᭞ᬳᬯᬾᬄᬉᬭᬶᬧᬶᬂᬢᬸᬫᬸᬯᬸᬄ᭞ᬓᬵᬮᬶᬬᬸᬕᬲᭂᬗ᭄ᬓᬦᬶᬭ᭞ᬳᬮᬭᬂᬲᬃᬯ᭄ᬯᬪᬶᬦᬹᬓ᭄ᬢᬶ᭞ᬪ᭄ᬭᬲ
ᬥᬵᬦᬲᬂᬓᬦ᭄ᬢᬸᬦ᭄᭞ᬳᬗᬸᬭᬶᬧᬶᬓᬵᬮᬚᭀᬢᬶ᭟ᬲᬗ᭄ᬓᬦᬶᬂᬫᬶᬗ᭄ᬲᭀᬃᬫᬶᬗ᭄ᬭᬸᬳᬸᬃ᭞ᬤᬸᬓᬶᬗᬹᬦᬶᬦᬶᬰ᭄ᬭᬷᬕᬢᬶ᭞ᬳᬗᬸᬭᬶᬧᬶᬂᬚᬕᬢ᭄ᬓᬩᬾᬄ᭞ᬧᬹᬃᬯ᭄ᬯᬦᬵᬓ᭄ᬱᬶᬡᬳᬭᬦᬶᬧᬸᬦ᭄᭞ᬧᬰ᭄ᬘᬶᬫᬉᬢ᭄ᬢ
ᬭᬫᬥ᭄ᬬ᭞ᬲᬹᬃᬬ᭄ᬬᬘᬦ᭄ᬤ᭄ᬭᬦᭀᬭᬓᬭᬶ᭞ᬮᬶᬦ᭄ᬢᬂᬢ᭄ᬭᬗ᭄ᬕᬦᬇᬓᬸ᭞ᬓᬲ᭄ᬯᬃᬕ᭄ᬕᬦᬾᬦᬶᬰ᭄ᬭᬷᬕᬢᬶ᭟ᬚᬸᬮᬸᬂᬯᬗᬶᬤᬸᬓ᭄ᬢᬸᬫᬸᬭᬸᬦ᭄᭞ᬤᬸᬗᬸᬮᬦ᭄ᬲᭂᬗ᭄ᬓᬦᬾᬗᬹᬦᬶ᭞ᬯᬺᬱ᭄ᬧᬢᬶᬫᬦᬶᬲ᭄ᬢᬸᬚᬸᬦᬾ᭞ᬇ
ᬦ᭄ᬤ᭄ᬭᬚᬬᬦᬸᬚᬸᬉᬭᬸᬓᬸᬂ᭞ᬫᬸᬗ᭄ᬕ᭄ᬯᬶᬂᬲ᭄ᬯᬃᬕ᭄ᬕᬦᬶᬋᬂᬧᬹᬃᬯ᭄ᬯ᭞ᬦᬸᬫᬸᬦᬸᬗᬶᬂᬯᬶᬦ᭄ᬢᬂᬓᬺᬢ᭄ᬢᬶ᭞ᬳ᭄ᬬᬂᬲᬭᬷᬲᬫᬥᬶᬮᬸᬮᬸᬢ᭄᭞ᬰᬓ᭄ᬢᬶᬦᬶᬭᬫ᭄ᬪᬸᬓ᭄ᬢᬶᬲᬭᬷ᭟ᬬᬦ᭄ᬮᬗ᭄ᬓᬶᬃᬢᬸᬭᬸᬦᬦᬶᬧᬸᬦ᭄᭞ᬚᬸᬮᬸᬂᬧᬸᬚᬸᬢ᭄ᬲᬗ᭄ᬓᬦᬶ [ 16 ][ ᭑᭕ 15B]
᭑᭕᭞
ᬓᬶ᭞ᬳᬸᬫ᭄ᬧᭂᬓ᭄ᬫᬦᬶᬲ᭄ᬧᬦᬸᬚᬸᬦᬾ᭞ᬓᬵᬮᬫᬦ᭄ᬤᬮᬭᬦᬶᬧᬸᬦ᭄᭞ᬕᬸᬭᬸᬯᬶᬪᬹᬳᬦᬾᬲ᭄ᬯᬃᬕ᭄ᬕ᭞ᬫᬸᬗ᭄ᬕ᭄ᬯᬶᬂᬧᬶᬦ᭄ᬢᬂᬪᬷᬫᬰᬓ᭄ᬢᬶ᭞ᬳ᭄ᬬᬂᬰ᭄ᬭᬷᬯᬶᬚᬬᬮᬸᬮᬸᬢ᭄᭞ᬳᬫ᭄ᬪᬹᬓ᭄ᬢᬶᬲᬭᬷᬦᬶᬂᬲᬭᬷ᭟ᬬᬦ᭄ᬫ᭄ᬭᬓᬶᬄ
ᬢᬸᬭᬸᬦᬦᬶᬧᬸᬦ᭄᭞ᬫ᭄ᬤᬗᬓᬸᬗᬦ᭄ᬲᭂᬗ᭄ᬓᬦᬾᬓᬶ᭞ᬭᬸᬦᬺᬭᬶᬂᬲᭀᬫᬫᬦᬶᬲᬾ᭞ᬰ᭄ᬭᬷᬮᬪᬳᬫᬺᬢ᭄ᬢᬮᬸᬳᬸᬢ᭄᭞ᬧᬶᬦᬯᬶᬢᬺᬱᬶᬭᬾᬂᬲᬭᬵᬢ᭄᭞ᬦᬶᬰ᭄ᬭᬷᬕᬢᬶᬓᬂᬮᬶᬦᭂᬯᬶᬄ᭞ᬫᬸᬗ᭄ᬕ᭄ᬯᬶᬂᬧᬶᬦ᭄ᬢᬂᬲ
ᬭᬬᬸᬂ᭞ᬳᬗᭂᬭᬶᬧᬶᬲᬃᬯ᭄ᬯᬉᬭᬶᬧ᭄᭟ᬭᬶᬂᬉᬬᬾᬘᬧᬦᬶᬓᬸ᭞ᬲᭂᬗ᭄ᬓᬦᬾᬦᬶᬦᬶᬰ᭄ᬭᬶᬕᬢᬶ᭞ᬧ᭄ᬭᬂᬩᬓᬢ᭄ᬩᬸᬤ᭄ᬥᬫᬦᬶᬲᬾ᭞ᬕᬸᬭᬸᬫᬦ᭄ᬤᬮᬭᬦᬶᬧᬸᬦ᭄᭞ᬭᬶᬂᬯᬶᬦ᭄ᬢᬂᬲᬧᬶᬕᬸᬫᬭᬂ᭞ᬲ᭄ᬯᬃᬕ᭄ᬕᬦᬶᬭ
ᬫ᭄ᬪᬹᬓ᭄ᬢᬶᬲᬭᬶ᭞ᬲᬂᬳ᭄ᬬᬂᬰ᭄ᬭᬷᬯᬶᬪᬹᬳᬬᬸ᭞ᬫᬗ᭄ᬓᬶᬦ᭄‌ᬯᬺᬤ᭄ᬥᬶᬳᬦᬸᬳᬸᬓᬶᬃ᭟ᬤᬸᬓ᭄ᬢᬸᬫᬸᬭᬸᬦ᭄ᬳᬦᬾᬂᬉᬕᬸ᭞ᬓᬸᬮᬯᬸᬲᬗ᭄ᬓᬦᬾᬗᬹᬦᬶ᭞ᬰ᭄ᬭᬷᬮᬪᬰᬸᬓ᭄ᬭᬫᬦᬶᬲᬾ᭞ᬭᬶᬗᬹᬦᬶᬉᬭᬶᬧᬶᬂᬢᬸᬯᬸᬄ᭞

[ ᭑᭖ 16A]
ᬉᬦᬶᬯᬾᬄᬉᬭᬶᬧᬶᬂᬚᬕᬢ᭄᭞ᬉᬭᬶᬧᬶᬓᬂᬲᬃᬯ᭄ᬯᬤᬤᬶ᭞ᬫᬸᬗ᭄ᬕ᭄ᬯᬶᬂᬧᬶᬦ᭄ᬢᬂᬯᬸᬮᬸᬓᬸ᭞ᬳᬢᬦᭂᬦᬶᬭᬦᬶᬰ᭄ᬭᬷᬕᬢᬶ᭟ᬲᬳᬶᬲᬶᬦᬶᬂᬲ᭄ᬯᬃᬕ᭄ᬕᬇᬓᬸ᭞ᬳᬸᬫᬸᬭᬸᬦᬲᬶᬭᬦᬶᬦᬶ᭞ᬓᬩᬾᬄᬢᬸᬫᬸ
ᬭᬸᬦᬫᬗ᭄ᬓᬾ᭞ᬓᭂᬲᭂᬗ᭄ᬓᬦ᭄ᬤᬶᬤᬶᬦᬾᬓᬦ᭄ᬢᬸᬦ᭄᭞ᬯᬋᬕ᭄ᬳᬫ᭄ᬪᬹᬓ᭄ᬢᬶᬮᬭᬾᬭᬂ᭞ᬯ᭄ᬭᬸᬳᬧᬗ᭄ᬭᬱᬦᬶᬗ᭄ᬳᬢᬶ᭞ᬚ᭄ᬜᭂᬓ᭄ᬳᬫᬗᬸᬦ᭄ᬳᬬᬸ᭞ᬳᬗᬸᬗ᭄ᬲᬶᬢᬢᬧᬤᬶᬤᬶ᭟ᬬᭀᬕᬲᬫᬵᬥᬶᬲᬶᬦ᭄ᬓᬸᬂ᭞ᬢᬸ
ᬳᬸᬤᬾᬦᬶᬭᬵᬗᬲ᭄ᬢᬸᬢᬶ᭞ᬳᬾᬕᬃᬢᬂᬤᬾᬯᬢᬓᬩᬾᬄ᭞ᬯᬶᬘ᭄ᬬᬥᬭᬶᬧᬥᬧᬸᬧᬸᬮ᭄᭞ᬳᬲᬶᬄᬓᬩᬾᬄᬲᬓᬳ᭄ᬬᬗᬦ᭄᭞ᬢᬸᬫᬶᬗ᭄ᬳᬮᬶᬦᬶᬰ᭄ᬭᬷᬕᬢᬶ᭞ᬲᬵᬫ᭄ᬧᬸᬦ᭄ᬳᬤᬦ᭄ᬢᬸᬫᬸ
ᬭᬸᬦ᭄᭞ᬳᬶᬲᬶᬦᬶᬂᬓᬲ᭄ᬯᬃᬕ᭄ᬕᬦᬶᬓᬶ᭟ᬳᬕᬯᭀᬓ᭄ᬯᭀᬫᬾᬦᬓ᭄ᬢᬸᬭᬸᬦ᭄᭞ᬭᬶᬂᬢᬶᬗ᭄ᬓᬳᬾᬦᬶᬰ᭄ᬭᬷᬕᬢᬶ᭞ᬫᬵᬲ᭄ᬧᬶᬧᬶᬲ᭄ᬢᬫ᭄ᬩᬸᬄᬲᬗ᭄ᬓᬦᬾ᭞ᬉᬦᬶᬯᬾᬄᬓᬂᬤᭀᬤᭀᬢ᭄ᬲᬩᬸ [ 17 ][ ᭑᭖ 16B]
᭑᭖᭞
ᬓ᭄᭞ᬓ᭄ᬩᭀᬲᬧᬶᬕᬚᬄᬚᬭᬦ᭄᭞ᬲᬳᬶᬲᬶᬦ᭄ᬭᬵᬚᬮᬓ᭄ᬱ᭄ᬫᬶ᭞ᬧᬯᭀᬗᬦ᭄ᬭᬭᬾᬉᬮᬸᬦ᭄᭞ᬲᭂᬲᭂᬓ᭄ᬲᭂᬧ᭄ᬦᬸᬄᬢᬸᬳᬸᬳᬰ᭄ᬭᬷ᭟ᬳᬦᬕᬦ᭄ᬢ᭄ᬬᬦᬶᬂᬯᬸᬯᬸᬲ᭄᭞ᬢᬦ᭄ᬓᭀᬘᬧ᭄ᬦᬶᬦᬶᬰ᭄ᬭᬷ
ᬕᬢᬶ᭞ᬫᬾᬦᬓ᭄ᬲᬗ᭄ᬓᬦ᭄ᬓᭀᬘᬧ᭄ᬫᬗ᭄ᬓᬾ᭞ᬓᬲᬾᬲᬶᬲᬗ᭄ᬕᭀᬦ᭄ᬬᬫᬗᬸ᭞ᬓᬤᬸᬳᬸᬂᬓᬬᬦᬮᬗ᭄ᬲᬂ᭞ᬳᬢᬸᬦ᭄ᬤᬸᬂᬦᬶᬦᬶᬰ᭄ᬭᬶᬕᬢᬶ᭞ᬤᬺᬯᬾᬢᬦᬦᬓᬦ᭄ᬢᬸᬦ᭄᭞ᬫᬮᬶᬢᬦ᭄ᬧ
ᬲᬗ᭄ᬓᬦ᭄ᬳᭂᬦ᭄ᬢᬶ᭟ᬓᬶᬲᭂᬗ᭄ᬓᬦ᭄ᬓᬭᬶᬢᬶᬦᬸᬥᬸᬄ᭞ᬤᬾᬳ᭄ᬬᬂᬓᬵᬮᬳᬦᬦᬕᬶᬄ᭞ᬢᬦ᭄ᬧᬯ᭄ᬭᬸᬄᬉᬚᬭᬦᬾ᭞ᬓᬲᬾᬲᬶᬭᬗ᭄ᬕᭀᬦ᭄ᬬᬫᬾᬗᬸ᭞ᬫᬢᬶᬳ᭄ᬬᬂᬓᬵᬮᬧᬓ᭄ᬱᬦᬾ᭞ᬦ᭄ᬤᬢᬦ᭄ᬓ
ᬢᭀᬦ᭄‌ᬦᬶᬰ᭄ᬭᬶᬕᬢᬶ᭞ᬓᬶᬲᭂᬗ᭄ᬓᬦ᭄ᬮᬶᬂᬦ᭄ᬬᬫᬸᬯᬸᬲ᭄᭞ᬢᬹᬢᭂᬦ᭄ᬲᬧᬭᬦᬾ ᬓᬓᬶ᭟ᬲᬂᬓᬵᬮᬧᬢᬶᬳᬗ᭄ᬕᬺᬕᬸᬢ᭄᭞ᬦ᭄ᬤᬶᬧᬭᬦᬾᬦᬶᬰ᭄ᬭᬷᬕᬢᬶ᭞ᬢᬦ᭄ᬓᬢᬸᬢᬸᬢᬦᬫᬗ᭄ᬓᬾ᭞ᬳ᭄ᬬᬂ
[ ᭑᭗ 17A]
ᬓᬵᬮᬕ᭄ᬮᬶᬲ᭄ᬫᬮᬬᬹ᭞ᬮᭀᬓᬸᬮᭀᬦ᭄ᬯᬸᬲ᭄ᬓᬧ᭄ᬕᬢᬦ᭄᭞ᬓᬶᬤᬸᬮ᭄ᬓᬸᬮᭀᬦ᭄ᬤᬾᬦ᭄ᬳᬤᬗᬶ᭞ᬳᬶᬗ᭄ᬲᭀᬃᬮᬯᬂᬦᬶᬂᬮᬸᬳᬸᬃ᭞ᬲᬩᬦ᭄ᬳᬸᬮᬦ᭄ᬤᬾᬦ᭄ᬳᬫ᭄ᬩᭂᬗᬶ᭟ᬲᬤᬶᬦᬫᬶᬤᭂᬃᬧᬶᬂᬧᬶᬢᬸ᭞ᬲ
ᬤᬯᬸᬄᬤᬾᬦ᭄ᬬᬫ᭄ᬕᬢᬶ᭞ᬳᬭᬦ᭄ᬓᬵᬮᬏᬜ᭄ᬚᬾᬃ᭞ᬦᬶᬰ᭄ᬭᬷᬕᬢᬶᬢᬦ᭄ᬓᬢ᭄ᬫᬸ᭞ᬲᬸᬗ᭄ᬕᬩᬘᬮᬦ᭄ᬧᬶᬮᬸᬯ᭞ᬳᬲ᭄ᬢᬫᬃᬕ᭄ᬕᬤᬾᬦ᭄ᬧᬲᬗᬶ᭞ᬧᬜ᭄ᬘᬤᬾᬰᬢᬶᬦᬸᬗ᭄ᬕᬸ᭞ᬓᬂᬲᬧ᭄ᬢᬯᬭᬢᬦ᭄ᬓ
ᬭᬶ᭟ᬧᬶᬢᬸᬂᬉᬮᬦ᭄ᬮᬯᬲᬶᬧᬸᬦ᭄᭞ᬳ᭄ᬬᬂᬓᬵᬮᬤᬾᬦ᭄ᬬᬵᬗᬸᬮᬢᬶ᭞ᬢᬗ᭄ᬕᬮ᭄ᬧᬗ᭄ᬮᭀᬢ᭄ᬮᬲ᭄ᬓᬩᬾᬳᬵ᭞ᬗᬸᬦᬶᬯᬾᬄᬓᬂᬯᬸᬓᬸᬢᬳᬸᬦ᭄᭞ᬳ᭄ᬬᬂᬓᬵᬮᬲᬬᬦ᭄ᬓᬗ᭄ᬕᬾᬮᬦ᭄᭞ᬅᬗ᭄ᬳᬶᬂ
ᬦᭀᬭᬬᬓᬢ᭄ᬫᬸ᭞ᬳᬗᬸᬮᬢᬶᬦᬶᬰ᭄ᬭᬷᬕᬢᬶ᭞ᬳ᭄ᬬᬂᬓᬵᬮᬳᬓᬸᬭᬸᬳᬓᬶᬂ᭟ᬳ᭄ᬬᬂᬓᬵᬮᬩ᭄ᬭᬦ᭄ᬢᬳᬸᬮᬗᬸᬦ᭄᭞ᬭᬳᬶᬦᬯ᭄ᬗᬶᬳᬦᬗᬶᬲ᭄᭞ᬓᬵᬗᭂᬦ᭄ᬲᬧᬭᬶᬧᭀᬮᬳᬾ᭞ᬢᬦ᭄‌ᬓ᭄ᬦ [ 18 ][ ᭑᭗ 17B]
᭑᭗᭞
ᬭᬶᬂᬧᬗᬦ᭄ᬢᬸᬭᬸ᭞ᬓᬾᬧᬶᬳᬯᬬᬂᬯᬬᬗᬦ᭄᭞ᬳᬢᬸᬭᬸᬓᬢᭀᬦ᭄ᬳᬗ᭄ᬮᬶᬮᬶᬃ᭞ᬭᬶᬦᬗ᭄ᬓᬸᬮ᭄ᬭᬗ᭄ᬓᬸᬮᬸᬧᬸᬢ᭞ᬤᬶᬦᭀᬳᬦ᭄ᬓᬢᭀᬦ᭄ᬲᬸᬫᬦ᭄ᬤᬶᬂ᭟ᬧᬦᭀᬦ᭄ᬩᭂᬦᬃᬇᬥᭂᬧ᭄ᬓᬵᬢᬹᬢ᭄᭞ᬲ
ᬗ᭄ᬓᬦᬾᬓᬢᭀᬦ᭄ᬤᬸᬫ᭄ᬮᬶᬂ᭞ᬯᭀᬂᬳᬬᬸᬧᬗ᭄ᬭᬜ᭄ᬘᬦᬦᬾ᭞ᬩᬶᬱᬦ᭄ᬤᭀᬳᬓᭂᬦ᭄ᬢᬸᬢᬸ᭞ᬓᬬᬫᬗᬦᬪᬸᬯᬦ᭞ᬢᬦ᭄ᬓᬢᭀᬦᬦᬶᬰ᭄ᬭᬷᬕᬢᬶ᭞ᬳ᭄ᬬᬂᬓᬵᬮᬢᬶᬩᬓᬦ᭄ᬢᬸ᭞ᬫᬾᬄᬳᬗ᭄ᬫ
ᬲᬦᬧᬢᬶ᭟ᬭᬵᬕᬘᬶᬦᬶᬤ᭄ᬭᬭᬶᬂᬮᬸᬮᬸᬢ᭄᭞ᬘᬓᬺᬪᬵᬯᬢᬦ᭄ᬲᬄᬫᬶᬚᬶᬮ᭄᭞ᬓᬢᭀᬦ᭄ᬫᬯᬓ᭄ᬲᬚᬢᬶᬦᬾ᭞ᬚᬷᬯᬵᬭᭀᬓ᭄ᬕᬫ᭄ᬪᬹᬓ᭄ᬢᬶᬮᬸᬮᬸᬢ᭄᭞ᬳᬢ᭄ᬫᬮᬮᬦᬭᬶᬂᬧᬫᬺᬫᬦ᭄
᭞ᬳᬫ᭄ᬪᬹᬓ᭄ᬢᬶᬲᬶᬭᬦᬶᬂᬲᬭᬶ᭞ᬫᬹᬃᬢ᭄ᬢᬶᬲ᭄ᬫᬵᬭᬧᬸᬧᬸᬮ᭄᭞ᬲᬗ᭄ᬓᬦᬶᬂᬭᬵᬕᬗ᭄ᬫᬲᬶ᭟ᬅᬫ᭄ᬩᭂᬓ᭄ᬓᬳᬜ᭄ᬚᬢᬶᬲᬸᬫᬧᬸᬢ᭄᭞ᬭᬵᬕᬢᬶᬕᬓ᭄ᬦᬾᬂᬧᬢᬶ᭞ᬤᬰᬾᬦ᭄ᬤ᭄ᬭᬶᬬᬲᬶᬤᭂᬫ᭄ᬓᬩᬾᬄ᭞ᬲᬶᬳᬶᬲᬶ
[ ᭑᭘ 18A]
ᬦᬶᬂᬭᬵᬕᬓᬬᬸᬢ᭄᭞ᬳᬢ᭄ᬫᬦᬶᬮᬸᬫᬦᬶᬂᬭᬱ᭞ᬫᬃᬫ᭄ᬫᬦᬾᬢᬦ᭄ᬓᭂᬦᬾᬂᬮᬶᬮᬶᬃ᭞ᬚᬜᬦᬫᬤᭂᬃᬢᬦ᭄ᬓᬬᬸ᭞ᬳ᭄ᬬᬂᬳᬲᬶᬄᬳᬢᬸᬗ᭄ᬕᬸᬉᬭᬶᬧ᭄᭟ᬳ᭄ᬬᬂᬚᬷᬯᬵᬫᬺᬢ᭄ᬢᬮᬸᬮᬸᬢ᭄᭞ᬳ
ᬲᬶᬄᬭᬶᬂᬭᬵᬕᬢᬦ᭄ᬕᬶᬗ᭄ᬲᬶᬃ᭞ᬉᬭᬶᬧᬶᬂᬪᬹᬯᬦᬓᬪᬾᬄ᭞ᬮᬸᬮᬸᬳᬶᬂᬕᬸᬩᬧᬗᬯ᭄ᬭᬸᬄ᭞ᬢᬦ᭄ᬧᬢᬶᬧᬢᬶᬧ᭄ᬚᬳ᭞ᬢᬦ᭄ᬓ᭄ᬭᬢ᭄ᬢᬲᬫᬬᬦᬶᬓᬶ᭞ᬲᬂᬳᬢᬸᬥᬸᬄᬳᬮᬵᬬᬸ᭞ᬧᬗᬦ᭄ᬢᬸᬗ
ᬦ᭄ᬧᬢᬶᬉᬭᬶᬧ᭄᭟ᬳ᭄ᬬᬂᬳᬲᬶᬄᬧ᭄ᬭᬡᬫᬸᬯᬸᬲ᭄᭞ᬳ᭄ᬬᬂᬓᬵᬮᬢᬦ᭄ᬭᬶᬬᬓᬓᬶ᭞ᬢᬸᬭᬸᬂᬲᬫᬬᬧᬢᬶᬦᬾ᭞ᬦᬶᬰ᭄ᬭᬷᬕᬢᬶᬳᬲᬸᬂᬉᬬᬸᬂ᭞ᬦᬶᬱ᭄ᬝᬭᬶᬂᬫᬢᬶᬓᬾᬤ᭄ᬤᬦᬦ᭄᭞ᬦᬶᬰ᭄ᬭᬷ
ᬕᬢᬶᬇᬓᭂᬉᬗ᭄ᬲᬶ᭞ᬳᬦᬭᬶᬂᬧᬜ᭄ᬚᬶᬢᬸᬭᬸᬦ᭄᭞ᬤᬾᬦ᭄ᬬᬢ᭄ᬦᬤᬾᬦᬶᬭᬵᬚᬸᬭᬶᬢ᭄᭟ᬳᬢᬗᬶᬲᬸᬓᬕᬸᬫᬸᬬᬸ᭞ᬳᬢᬗ᭄ᬕᬮ᭄ᬲᬂᬓᬵᬮᬧᬢᬶ᭞ᬦᬶᬦᬶᬰ᭄ᬭᬷᬕᬢᬶᬦ᭄ᬤᬶᬧᬭᬦᬾ᭞ [ 19 ][ ᭑᭘ 18B]
᭑᭘᭞
ᬢᬦ᭄ᬓᬢ᭄ᬫᬸᬤᬾᬦᬶᬗ᭄ᬲᬸᬦ᭄᭞ᬯᭀᬗ᭄ᬳᬬᬸᬳᬗᬬᬗᬬᬂ᭞ᬧᬶᬦᬭᬦᬦ᭄ᬳᬗ᭄ᬮᬸᬗ᭄ᬳᬦᬶᬦ᭄᭞ᬫᬵᬲ᭄ᬫᬶᬭᬄᬚᬷᬯᬦᬶᬗ᭄ᬲᬸᬦ᭄᭞ᬧᬭᬯᬦ᭄ᬩᬶᬱᬧᬸᬧᬸᬚᬶ᭟ᬦᬶᬰ᭄ᬭᬷᬮᬕ᭄ᬬᬵᬗ᭄ᬭᬸᬗᬸ᭞ᬬᬦ᭄ᬧ᭄ᬭᬵ
ᬧ᭄ᬢᬲᬓᬵᬮᬧᬢᬶ᭞ᬭᬕᬧᬶᬬᬸᬄᬓᭀᬫ᭄ᬩᬓ᭄ᬚᬶᬯᬦᬾ᭞ᬳᬧ᭄ᬯᬭᬫᬢᬶᬮᬸᬮᬸᬄ᭞ᬳᬕᬶᬮᬲᬸᬗᬦ᭄ᬤᬸᬮᬸᬳ᭞ᬧᬜ᭄ᬚᬶᬢᬸᬭᬸᬦ᭄ᬢᬦ᭄ᬕᬶᬕᬶᬲᬶᬦ᭄᭞ᬲᬶᬭᬵᬗᬸᬗ᭄ᬲ᭄ᬬᬮᬸᬫ᭄ᬩᬸᬂ᭞ᬲᬸᬦ᭄ᬭᭀ
ᬯᬶᬗᬶᬲᬶᬭᬫᬢᬶ᭟ᬢᬸᬫᬸᬭᬸᬦ᭄‌ᬚ᭄ᬭᭀᬕ᭄ᬲᬓᬶᬂᬲᬮᬸ᭞ᬳᬗ᭄ᬕᬺᬕᬸᬢ᭄ᬳᬦᬯᬸᬢ᭄ᬭᬶᬯᬶᬲ᭄᭞ᬦᬶᬢᬸᬭᬸᬦ᭄ᬧᬗᬸᬘᬧᬾ᭞ᬅᬄᬓᬵᬮᬳᬜᭀᬫᬮᬬᬹ᭞ᬫᬦᬄᬫᬸᬓᬕᬶᬮᬕᬶᬮ᭞
ᬓᬬᬢᬦᭀᬮᬶᬄᬳᬢᬦ᭄ᬤᬶᬂ᭞ᬩᬸᬤ᭄ᬥᬶᬓᬬᬳᬶᬗᬸᬗ᭄ᬕᬸᬂ᭞ᬕᬶᬦᬯᬾᬤᬸᬕᬮᬶᬪᬹᬫᬶ᭟ᬳ᭄ᬬᬂᬓᬵᬮᬓ᭄ᬭᭀᬥᬳᬗ᭄ᬭᬸᬗᬸ᭞ᬰᬩ᭄ᬤᬘᬧᬮᬤᬺᬱ᭄ᬫᬶᬚᬶᬮ᭄᭞ᬲᬳᬲᬵᬦᬸᬤᬶᬗᬶᬫ
[ ᭑᭙ 19A]
ᬗ᭄ᬓᬾ᭞ᬓ᭄ᬭᬸᬭᬵᬲᬶᬗ᭄ᬳᬦᬵᬤᬗᬸᬳᬸᬄ᭞ᬓᬬᬵᬗᬦ᭄ᬢ᭄ᬬᬵᬓ᭄ᬦᬚᬕᬢ᭄᭞ᬓᬶᬢᬸᬭᬸᬦ᭄ᬢᬦ᭄ᬕᬶᬕᬶᬲᬶᬦ᭄᭞ᬢ᭄ᬓᬳᬫᬺᬧ᭄ᬳᬦᬸᬤᬸᬓ᭄᭞ᬳ᭄ᬬᬂᬓᬵᬮᬯᬲ᭄ᬳᬫ᭄ᬩᭂᬓ᭄ᬫᬢᬶ᭟ᬳᬢᬶᬚᭀᬫ
ᬗ᭄ᬓᬾᬳᬧᬕᬸᬢ᭄᭞ᬧ᭄ᬭᬂᬮᬸᬳᬸᬢ᭄ᬧᬥᬧᬺᬚᬸᬭᬶᬢ᭄᭞ᬢᬦᬦᬓᬲᭀᬭᬦ᭄ᬫᬗ᭄ᬓᬾ᭞ᬓᬤᬶᬲᬕᬭᬳᬮᬓᬸ᭞ᬢ᭄ᬓᬲᬲᬧᬶᬕᬸᬫᬭᬂ᭞ᬳᬦᬸᬚᬄᬲᬓᬭᬶᬂᬉᬭᬶ᭞ᬮᬯᬜ᭄ᬘᭀᬮᬾᬂᬲᬶᬤᬫ
ᬮᬸᬂ᭞ᬳᬲᬸᬳᬚᬕ᭄ᬦᭀᬭᬓᬭᬶ᭟ᬲᬂᬓᬸᬢᬶᬮᬫᬵᬲ᭄ᬢᬸᬫᬸᬮᬸᬂ᭞ᬭᬶᬦ᭄ᬩᬸᬢ᭄ᬕᬶᬦᬦ᭄ᬢᬶᬕᬦ᭄ᬢᬶ᭞ᬓᭀᬦ᭄ᬤᬸᬃᬓᬩᬾᬄᬢᬦ᭄ᬧᬕᬯᬾ᭞ᬓᬶᬢᬸᬭᬸᬦ᭄ᬳᬦ᭄ᬯᬸᬲ᭄ᬫᬮᬬᬹ᭞ᬩᬶᬦᬭᬸᬳᬶᬗᬸᬬᬩᬸᬬᬩ᭄
᭞ᬫᬾᬄᬓᬘᬦ᭄ᬤᬓ᭄ᬦᬶᬰ᭄ᬭᬷᬳᬢᬶ᭞ᬧᬢᬺᬫ᭄ᬲᬵᬫ᭄ᬧᬸᬦ᭄ᬳᬶᬦᬸᬦᬸᬲ᭄᭞ᬳᬧ᭄ᬢ᭄ᬬᬲᬸᬤᬸᬓ᭄ᬦᬶᬰ᭄ᬭᬷᬕᬢᬶ᭟ᬳ᭄ᬬᬂᬯᬶᬱ᭄ᬡᬸᬕ᭄ᬮ᭄ᬲ᭄ᬢᬸᬫᬸᬭᬸᬦ᭄᭞ᬳᬦᬸᬗ᭄ᬕᬮ᭄ᬯᬶᬫᬵᬦᬧᬸᬢᬶᬄ᭞ᬲᬶᬦᬫ᭄ᬩᬃᬳ᭄ᬬᬂᬓᬵᬮᬫᬗ᭄ᬓᬾ᭞ [ 20 ][ ᭑᭙ 19B]
᭑᭙᭞
ᬓᬵᬗᭂᬮ᭄ᬢᬶᬡ᭄ᬥᬲᬶᬭᬋᬫᬸᬓ᭄᭞ᬮᬶᬦᬸᬤ᭄ᬘᬶᬦᬘᬄᬳᬶᬂᬘᬓᬺ᭞ᬯᬸᬲ᭄ᬢᬶᬩᬳᬢᬗᬶᬫᬦᬶᬄ᭞ᬲᬂᬯᬶᬫᬵᬦᬭᬶᬦ᭄ᬩᬸᬢ᭄᭞ᬫᬗ᭄ᬓᬶᬦ᭄ᬓ᭄ᬭᭀᬥᬯᬶᬱ᭄ᬡᬸᬫᬹᬃᬢ᭄ᬢᬶ᭟ᬳᬜ᭄ᬘᭂᬮᬕ᭄ᬳᬢᭂᬩ᭄ᬥᬲᬾᬯᬸ᭞ᬳᬢᬗ
ᬦ᭄ᬲᬳᬰ᭄ᬭᬵᬲᬶᬲᬶᬄ᭞ᬓᬲᬗ᭄ᬓᬸᬓᬂᬚᬕᬢ᭄ᬓᬩᬾᬄ᭞ᬰᬭᬷᬭᬕᭃᬗᬭᬸᬳᬸᬃ᭞ᬭᬹᬧᬦᬾᬓᬕᬶᬮᬕᬶᬮ᭞ᬳᬗᬤᭂᬕ᭄ᬢᬸᬢᬸᬕᬶᬗ᭄ᬮᬗᬶᬢ᭄᭞ᬕ᭄ᬮᬧ᭄ᬲᬾᬦ᭄ᬤᬸᬂᬓᬯᬗ᭄ᬲᬸᬮ᭄᭞ᬳ᭄ᬬᬂᬲᬹᬃᬬ᭄ᬬᬓᬵᬮ
ᬳᬦᬶᬲᬶᬄ᭟ᬕᭂᬕᭂᬢᭂᬦ᭄ᬪᬝᬵᬭᬯᬶᬱ᭄ᬡᬸ᭞ᬩᬶᬦᬸᬭᬸᬲᬂᬓᬵᬮᬧᬢᬶ᭞ᬓᬘᬦ᭄ᬤᬓ᭄ᬲᬶᬦᬶᬓᭂᬧ᭄ᬫᬗ᭄ᬓᬾ᭞ᬳ᭄ᬬᬂᬓᬵᬮᬯᬸᬲ᭄ᬧ᭄ᬭᬮᬮᬸ᭞ᬩᬶᬦᬦ᭄ᬤᬯᬸᬲ᭄ᬓᬶᬦᬸᬜ᭄ᬚᬭᬦ᭄᭞ᬳ᭄ᬬᬂᬓᬵᬮᬳᬫ᭄ᬮᬲ
ᬲᬶᬄ᭞ᬬᬦ᭄ᬥᬸᬄᬢᬩᬾᬧᬸᬓᬸᬮᬸᬦ᭄᭞ᬳᬶᬗᬸᬭᬶᬧ᭄‌ᬧᬸᬦ᭄ᬓᬵᬮᬧᬢᬶ᭟ᬧᬶᬭᬮᬯᬲ᭄ᬦ᭄ᬬᬓᬶᬦᬸᬗ᭄ᬓᬸᬂ᭞ᬲᬶᬦᬓᬶᬢᬦ᭄ᬭᬕᬦᬾᬓᬶ᭞ᬳ᭄ᬬᬂᬓᬵᬮᬲᬶᬧᬶᬮᬭᬦᬾ᭞ᬢᬦ᭄ᬓᬯᬲᬦᬦ᭄ᬤᬂ
[ ᭒᭐ 20A]
ᬉᬬᬸᬂ᭞ᬫᬾᬄᬳᬗ᭄ᬫᬲᬶᬳᬦ᭄ᬢᬓ᭞ᬘᬶᬦᬂᬘᬭᬶᬂᬭᬦ᭄ᬢᬾᬯ᭄ᬲᬶ᭞ᬳᬓᬸᬭᬸᬭᬶᬗ᭄ᬕᬂᬭᬶᬗ᭄ᬕᬸᬂᬓᬬᬓᬲᬶᬭᬶᬭᬾᬂᬳᬗᬶᬦ᭄᭟ᬲᬂᬳ᭄ᬬᬂᬳ᭄ᬦᬶᬂᬳ᭄ᬬᬂᬢᬸᬫᬸᬭᬸᬦ᭄᭞ᬲᬂᬳᬲᬶᬄᬧ᭄ᬭᬡᬢᬦ᭄ᬕᬶᬗ᭄ᬲᬶᬃ᭞ᬤᬾ
ᬯᬢᬳᬗᬶᬭᬶᬂᬓᬩᬾᬄ᭞ᬖᬵᬡᬓᬸᬫᬵᬭᬢᬦ᭄ᬓᬦ᭄ᬢᬸᬦ᭄᭞ᬗᬸᬦᬶᬯᬾᬄᬘᬢᬹᬃᬮᭀᬓᬧᬮ᭞ᬓᬂᬧᬜ᭄ᬘᬋᬱᬶᬢᬦ᭄ᬓᬭᬶ᭞ᬓᬂᬲᬧ᭄ᬢᬋᬱᬶᬢᬸᬫᬸᬢ᭄᭞ᬯᬶᬥ᭄ᬬᬥᬭᬶᬧᬥᬗᬶᬭᬶᬂ᭟ᬒ
ᬗ᭄ᬓᬭᬵᬲ᭄ᬢᬸᬢᬶᬉᬫᬸᬂ᭞ᬧᬸᬱ᭄ᬧᬯᬃᬱᬲᬓᬶᬂᬮᬗᬶᬢ᭄᭞ᬕᬦ᭄ᬤᬓᬲ᭄ᬢᬸᬭᬶᬚ᭄ᬜᬸᬳᬾᬃ᭞ᬓᬮ᭄ᬧᬶᬓᬫᬡᬶᬓ᭄ᬲᬸᬫᬸᬳᬸᬃ᭞ᬉᬫᬸᬂᬫᬦ᭄ᬢ᭄ᬭᬚᬬᬚᬬ᭞ᬧᬶᬦᬹᬚᬭᬶᬂᬬᭀᬕᬲᬦ᭄ᬤᬶ᭞ᬚᬬᬦᬦᬶᬫ᭄ᬫᬮᬲᬸ
ᬳᬸᬂ᭞ᬫᬵᬃᬕ᭄ᬕᬦᬶᬂᬲᬹᬓ᭄ᬱ᭄ᬫᬤᬸᬓ᭄ᬫᬶᬚᬶᬮ᭄᭟ᬳᬦᬶᬮᬸᬫᬦ᭄ᬫᬬᬦᬶᬧᬸᬦ᭄᭞ᬳᬓᬸᬭᬸᬗᬦ᭄ᬕᬦᬮᬮᬶᬢ᭄᭞ᬓᬢᭀᬦ᭄ᬫᬵᬯᬓ᭄ᬲᬚᬢᬶᬦᬾ᭞ᬯᬶᬰᬾᬱᬭᬶᬂᬲᬭᬵᬢᬶᬓᬸ᭞ᬭᬶᬦᬶᬯᬭᬶᬯᬯᬸᬲ᭄ᬳᬯ [ 21 ][ ᭒᭐ 20B]
᭒᭐᭞
ᬲ᭄᭞ᬲᬗ᭄ᬳᬘᬼᬓ᭄ᬧᬢᬶᬉᬭᬶᬧ᭄᭞ᬢᬦ᭄ᬧᬲᬗ᭄ᬓᬦ᭄ᬢᬸᬫᬸᬭᬸᬦ᭄᭞ᬤᬾᬯᬲᬗ᭄ᬕ᭄ᬭᬳᬧᬦ᭄ᬫᬵᬮᬶᬢ᭄᭟ᬰᬸᬦ᭄ᬬᬢᬧᬗᬯᬓᬶᬧᬸᬦ᭄᭞ᬤᬸᬓ᭄ᬫᬸᬗ᭄ᬕ᭄ᬯᬶᬂᬧᬤ᭄ᬫᬮᬶᬦᭂᬯᬶᬄ᭞ᬳ᭄ᬦᬶᬂᬢᬦᬦᬭᬹᬧᬦᬾ᭞
ᬢᬦ᭄ᬧᬯᬲ᭄ᬢᬸᬯᬃᬡ᭄ᬦᬦᬶᬧᬸᬦ᭄᭞ᬫᬸᬦᬶᬢᬦ᭄ᬧᬋᬓᬰᬩ᭄ᬤ᭞ᬢᬦ᭄ᬓᬘᬶᬢᬦᬶᬂᬭᬕᬵᬮᬶᬢ᭄᭞ᬦᭀᬭᬫᬶᬮᬸᬳᬮᬬᬹ᭞ᬳᬢᬸᬥᬸᬳᬶᬂᬧᬢᬶᬉᬭᬶᬧ᭄᭞ᬳ᭄ᬬᬂᬯᬶᬱ᭄ᬡᬸᬓᬓ᭄ᬬᬵᬦᬦᬶᬗ᭄ᬲᬸᬦ᭄
᭞ᬳᬬ᭄ᬯᬕᭂᬂᬉᬬᬸᬂᬢᬓᬓᬶ᭞ᬤᬾᬦᬾᬮᬶᬂᬫᬹᬃᬢ᭄ᬢᬶᬚᬢᬶᬦᬾ᭞ᬦᬶᬱ᭄ᬝᬭᬶᬂᬤᬸᬄᬓᬬᬦ᭄ᬢᬶᬦᬹᬢ᭄᭞ᬤᬤᬶᬤᬾᬯᬓᬧᬶᬭᬕᬦ᭄᭞ᬢᬶᬬ᭄ᬬᬓ᭄ᬯᬃᬡ᭄ᬦᬦ᭄ᬢᬵᬕᭂᬂᬳᬮᬶᬢ᭄᭞ᬓ᭄ᬭᭀᬥᬳᬬ᭄ᬯᬧᬢᬶᬓᬸᬢᬸ
᭞ᬓᬫᬵᬦᬸᬱᬦ᭄ᬳᬭᬦᬾᬓᬶ᭟ᬫᬾᬯᭂᬄᬩᬧᬭᬶᬂᬢᬸᬫᬸᬯᬸᬄ᭞ᬕᬼᬂᬲᬫᬦᬶᬂᬫᬉᬭᬶᬧ᭄᭞ᬧᬦᬶᬓᬸᬧᬧᬩᬮᬶᬓᬾ᭞ᬲ᭄ᬯᬾᬢ᭄ᬲᬗ᭄ᬲᬭᬢᬸᬫᬸᬯᬸᬄ᭞ᬤᬤᬶᬲᬮᬄᬓᬤᬤᬾᬦ᭞ᬳᬗ᭄ᬳᬾᬮ᭄ᬫ
[ ᭒᭑ 21A]
ᬭᬶᬂᬤᬾᬯᬫᬦᬶᬄ᭞ᬲᭀᬓ᭄ᬕᬶᬦᬯᬾᬢᬦ᭄ᬯᬸᬯᬸᬲ᭄᭞ᬳᬯᬾᬄᬓᬓᬾᬮᬶᬓᬶᬂᬪᬹᬫᬶ᭟ᬯᬶᬱ᭄ᬡᬸᬚᬕᬺᬧᬥᬇᬓᬸ᭞ᬤᬾᬯᬬᭀᬦᬶᬭᬶᬂᬓᬚᬢᬶᬦ᭄᭞ᬯ᭄ᬭᬸᬄᬳᬾᬲᬹᬓ᭄ᬱ᭄ᬫᬥ᭄ᬬᬢ᭄ᬫᬶᬓᬦᬾ᭞ᬓ᭄ᬭᭀ
ᬥᬫᬹᬓ᭄ᬱᬦᬫᬸᬦᬫᬸ᭞ᬫᬹᬃᬫᬶᬗ᭄ᬕᬢ᭄ᬫᬭᬾᬂᬢᬦᬦ᭞ᬓᬭᬶᬓᬚᬢᬶᬦᬶᬲ᭄ᬫᬺᬢᬶ᭞ᬳ᭄ᬦᬶᬂᬢᬦ᭄ᬧᬢᬮᬸᬢᬸᬄ᭞ᬮ᭄ᬯᬶᬃᬫᬡᬶᬓ᭄ᬲᬶᬦᬭᬯᬤᬶ᭟ᬫᬦᬄᬍᬕᬦ᭄ᬤᬢᬦ᭄ᬓᬾᬯᬸᬄ᭞ᬳ᭄ᬦᬂᬳ᭄ᬦᬶᬂᬢᬦ᭄ᬧᬘᬦ᭄ᬢ᭄ᬭᬶ᭞ᬰᬸ
ᬦ᭄ᬬᬢᬦᬦᬭᬱᬦᬾ᭞ᬯ᭄ᬭᬸᬄᬬᬾᬦ᭄ᬧᬗᬲ᭄ᬯᬧᬶᬢᬸᬢᬸᬃ᭞ᬳᬍᬲᬸᬬᭀᬕᬲᬓ᭄ᬱᬡ᭞ᬧ᭄ᬭᬦᬵᬣᬪᬓ᭄ᬢ᭄ᬬᬵᬗᬲ᭄ᬢᬸᬢᬶ᭞ᬬᬥᬸᬄᬢᬩᬾᬬᬧᬸᬓᬸᬮᬸᬦ᭄᭞ᬢᬸᬮᬸᬲᬓ᭄ᬦᬢᬶᬓᬸᬂᬲᬶᬄ᭟ᬢ
ᬦ᭄ᬲᭂᬗ᭄ᬕᬳᭂᬦ᭄ᬳᬮ᭄ᬧᬕᬸᬭᬸ᭞ᬧᬹᬚᬦ᭄ᬳᬃᬤ᭄ᬥᬦᬫᬯᬶᬱ᭄ᬝᬶ᭞ᬓᬶᬦᭀᬦ᭄ᬭᬸᬫᬓ᭄ᬱᬭᬵᬢ᭄ᬓᬩᬾᬄ᭞ᬭᬶᬂᬚᬦ᭄ᬫᬧᬡ᭄ᬤᬶᬢᬭᬢᬸ᭞ᬤᬾᬢ᭄ᬬᬬᬵᬓ᭄ᬱᬫᬵᬦᬸᬱᬳ᭞ᬲᬮ᭄ᬯᬶᬃᬦᬶᬂᬳᬫᬢᬶᬫᬢᬶ᭞ [ 22 ][ ᭒᭑ 21B]
᭒᭑᭞
ᬓᬸᬫᬶᬭᬓᬶᬭᬂᬲᬥᬸ᭞ᬧᬸᬦ᭄ᬯᬶᬱ᭄ᬡᬸᬓᬂᬳᬫᬢᬾᬦᬶ᭟ᬲᬯ᭄ᬦᬂᬮᬶᬗᬭᬵᬫᬸᬯᬸᬲ᭄᭞ᬢᬸᬳᬸᬰᬩ᭄ᬤᬦᬶᬭᬓᬓᬶ᭞ᬲᬶᬓᬵᬮᬲ᭄ᬤᭂᬂᬧᬢᬶᬦᬾ᭞ᬅᬫ᭄ᬩᭂᬓ᭄ᬫᬹᬃᬓ᭄ᬓᬧᬂᬧᬧᬸᬗ᭄ᬕᬸᬂ᭞ᬓᬸᬢᬶᬮᬫᬹᬥᬤᬸᬃᬰᬷ
ᬮ᭞ᬢᬦ᭄ᬯ᭄ᬭᬸᬄᬕᬶᬦᬯᬾᬩ᭄ᬘᬶᬓ᭄᭞ᬫᬸᬮᬭᬶᬗ᭄ᬲᬸᬦ᭄ᬧᬮᬓᬸ᭞ᬢᬸᬭᬸᬂᬲᬫᬬᬦᬾᬫᬢᬶ᭟ᬧᬭᬦ᭄ᬓᬓᬶᬩ᭄ᬘᬶᬓ᭄ᬳᬶᬧᬸᬦ᭄᭞ᬦᭀᬭᬳᬦᬓᬵᬮᬇᬓᬶ᭞ᬳᬲ᭄ᬧᬶᬓᬂᬚᬕᬢ᭄ᬓᬩᬾᬄ᭞ᬦᭀ
ᬭᬵᬦᬲᬸᬓᬕᬸᬫᬸᬬᬸ᭞ᬓᬲ᭄ᬓᬬᬫ᭄ᬪᬹᬓ᭄ᬢᬶᬧᬓᬾᬦᬓ᭄᭞ᬫᬃᬕ᭄ᬕᬦᬶᬂᬧᬢᬶᬮᬦᬸᬭᬶᬧ᭄᭞ᬧᬧᬲᬗ᭄ᬲᬭᬢᬶᬦᬹᬢ᭄᭞ᬚᬦ᭄ᬫᬲᬗ᭄ᬲᬭᬮᬭᬕ᭄ᬭᬶᬂ᭟ᬳᬓ᭄ᬯᬾᬄᬧᬗ᭄ᬭᬜ᭄ᬘᬦᬦᬶᬧᬸᬦ᭄᭞ᬲᬶᬓᬵ
ᬮᬬᬦ᭄‌ᬅᬫ᭄ᬩᭂᬓ᭄ᬓ᭄ᬭᭀᬥᬶ᭞ᬮᬶᬜᭀᬓ᭄ᬢᬦ᭄ᬢᬸᬳᬸᬰᬩ᭄ᬤᬦᬾ᭞ᬍᬫᬳᬦᬶᬗ᭄ᬕᬯᬾᬳᬬᬸ᭞ᬲᬗ᭄ᬲᬬᬦᬺᬧᬾᬦᬶᬂᬯ᭄ᬯᬂ᭞ᬧᬓ᭄ᬱᬩᬶᬱᬮᬫᬸᬦ᭄ᬲᬸᬕᬶᬄ᭞ᬯᬺᬤ᭄ᬥᬅᬫ᭄ᬩᭂᬓ᭄ᬢᬦ᭄ᬮᬸᬳᬸᬂ᭞ᬓᬯᬄ
[ ᭒᭒ 22A]
ᬳᬚ᭄ᬭᭀᬤᬾᬦ᭄ᬤᬸᬤᬸᬓᬶ᭟ᬳᬯᬾᬄᬧᬦᬲᬭᬶᬂᬮᬓᬸ᭞ᬲᬶᬓᬵᬮᬚᭀᬢᬶᬭᬶᬗ᭄ᬳᬢᬶ᭞ᬢᬦ᭄ᬧ᭄ᬕᬢ᭄ᬯᬶᬲᬬᬦᬾ᭞ᬳᬲ᭄ᬭᬮᬸᬮᬸᬢᬾᬲᬸᬫᬧᬸᬢ᭄᭞ᬲᬶᬄᬧ᭄ᬭᬫᬸᬮᬾᬧᬭᬳᬶᬮᬂ᭞
ᬓ᭄ᬤᭂᬄᬫᬦᬳᬾᬢᬦ᭄ᬬᬸᬓ᭄ᬢᬶ᭞ᬲᬸᬓᬓᬬᬳᬶᬗᬸᬗ᭄ᬕᬸᬂ᭞ᬢᬦ᭄ᬯ᭄ᬭᬸᬄᬕᬶᬦᬯᬾᬩ᭄ᬘᬶᬓ᭄᭟ᬫᬃᬫ᭄ᬫᬦᬾᬩ᭄ᬭᬦ᭄ᬢᬉᬮᬗᬸᬦ᭄᭞ᬏᬦᬦ᭄ᬤᬾᬦᬾᬦᬶᬰ᭄ᬭᬷᬕᬢᬶ᭞ᬮᬮᬶᬢᬦ᭄ᬯ᭄ᬭᬸᬄᬬᬦ᭄ᬯᭂᬓᬲᬾ᭞ᬧᬸᬦ
ᬧᬩ᭄ᬘᬶᬓᬦ᭄ᬳᬶᬧᬸᬦ᭄᭞ᬲᬂᬓᬵᬮᬲᬺᬂᬳᬗᬮᬧ᭞ᬕᬯᬾᬦᭂᬦ᭄ᬦᬶᬰ᭄ᬭᬷᬕᬢᬶ᭞ᬇᬓᬸᬓᬃᬫ᭄ᬫᬦ᭄ᬢᬉᬗ᭄ᬲᬸ᭞ᬫᬦ᭄ᬢᬸᬓᬾᬂᬲ᭄ᬯᬃᬕ᭄ᬕᬦ᭄ᬢᬓᬓᬶ᭟ᬘᬓ᭄ᬭᬦ᭄ᬢᬲᬸᬦ᭄ᬧᬮᬓᬸ᭞ᬲᬸᬜ᭄ᬚᬦ᭄ᬫᬵᬓ᭄ᬦᬾᬓᬸᬓᬓᬶ
᭞ᬪᬺᬱᬥᬵᬦᬾᬓᬸᬳᬭᬦᬾ᭞ᬧᬂᬦᬂᬘᬗᬶᬂᬓᬵᬮᬇᬓᬸ᭞ᬦᬶᬰ᭄ᬭᬷᬕᬢᬶᬳᬦᬓ᭄ᬦᬶᬗ᭄ᬯᬂ᭞ᬲ᭄ᬓᬃᬢᬲᬸᬜ᭄ᬚᬦ᭄ᬢᭂᬦᬶᬦᬶ᭞ᬧᬭᬶᬜ᭄ᬘᬶᬚᬦ᭄ᬫᬦᬶᬧᬸᬦ᭄᭞ᬢᬸᬫᬸᬭᬸᬦ᭄ᬲᬶᬭᬓᬮᬶᬄ᭟ᬳ᭄ᬬᬂᬯᬶ [ 23 ][᭒᭒ 22B]
᭒᭒᭞
ᬱ᭄ᬡᬸᬫᬦ᭄ᬢᬸᬓ᭄ᬳᬶᬗᬸᬢᬸᬲ᭄᭞ᬫᬭᬾᬂᬲ᭄ᬯᬃᬕ᭄ᬕᬲᬶᬭᬓᬮᬶᬄ᭞ᬲᬂᬯ᭄ᬦᬓᬭᬶᬳᬗ᭄ᬕᭀᬢᭂᬓ᭄᭞ᬮᬯᬦ᭄ᬲᬶᬭᬧᬜ᭄ᬚᬶᬢᬸᬭᬸᬦ᭄᭞ᬧᬜ᭄ᬚᬶᬲᭂᬗ᭄ᬓᬦ᭄ᬳᬦᬓᬶᬗ᭄ᬯᬂ᭞ᬫᬭᬗ᭄ᬓᬾᬬᬲᬶᬭᬓᬮᬶᬄ᭞ᬲᬶ
ᬭᬓᬓᬮᬶᬄᬲᬸᬦ᭄ᬳᬸᬢᬸᬲ᭄᭞ᬢᬸᬫᬸᬭᬸᬦᬾᬫᬥ᭄ᬬᬓᬮᬶᬄ᭟ᬓᬶᬢᬸᬭᬸᬦ᭄ᬩᬧᬳᬦᬓᬶᬗ᭄ᬲᬸᬦ᭄᭞ᬳᬜ᭄ᬚᬦ᭄ᬫᬢᬜᬓᬺᬯᬃᬢ᭄ᬢᬶ᭞ᬧᬪᬸᬯᬪᬹᬄᬲᬸᬕᬶᬄᬤᬺᬯᬾᬦᬾ᭞ᬯᬢᭂᬓ᭄ᬥᬃᬫ᭄ᬫᬧᬸᬦ᭄ᬬᬵ
ᬦᬓᬸ᭞ᬥᬃᬫ᭄ᬫᬘᬡ᭄ᬤᬶᬓᬩᬸᬬᬸᬢᬦ᭄᭞ᬧᬬᬸᬦᭂᬦ᭄ᬤᬾᬦ᭄ᬢᬵᬦᬓ᭄ᬫᬫᬶ᭞ᬲᬗ᭄ᬕᬃᬯᬢᬸᬢᬸᬦᬸᬫ᭄ᬧᬸᬓ᭄᭞ᬧᬵᬬᬸᬦᭂᬦ᭄ᬓᬓᬶᬩ᭄ᬘᬶᬓ᭄᭟ᬧᬜ᭄ᬚᬶᬲᭂᬗ᭄ᬓᬦ᭄ᬳᬦᬓᬶᬗ᭄ᬲᬸᬦ᭄᭞ᬩ᭄ᬭᬵᬳ᭄ᬫᬡᬚᬮᬦ᭄ᬫᬦ᭄ᬢ
ᬓᬓᬶ᭞ᬭᭀᬯᬗᭂᬦ᭄ᬳᬭᬶᬦᬶᬭᬋᬓᬾ᭞ᬪᬸᬚᬗ᭄ᬕᬦᬶᬤᬾᬭᬬᬸ᭞ᬗᬸᬮᬄᬧᬹᬚᬥ᭄ᬬᬢ᭄ᬫᬶᬓ᭞ᬮᬗ᭄ᬕᭂᬂᬭᬶᬂᬉᬫᬯᬶᬥᬷ᭞ᬧᬗᬼᬧᬲᬦᬶᬂᬥᬭᬸ᭞ᬤᬸᬭᬓᬵᬮᬢᬇᬚᭀᬦᬶ᭟ᬧᬶ

[ ᭒᭓ 23A]
ᬦᬓᬘᬭᬸᬭᬳᬬᬸ᭞ᬫᬬᬵᬯᬓᬾᬦᬶᬰ᭄ᬭᬷᬕᬢᬶ᭞ᬲ᭄ᬓᬃᬧᬭᬶᬚᬢᬳᬭᬦᬾ᭞ᬤ᭄ᬭᬲᬥᬵᬦᬤᬸᬳᬸᬭᬶᬧᬸᬦ᭄᭞ᬫᬢ᭄ᬫᬳᬦ᭄ᬨᬮᬤᭀᬕ᭞ᬘᬸᬫᬦ᭄ᬤᬗᬶᬂᬲᬗ᭄ᬕᬃᬳᬰ᭄ᬭᬷ᭞ᬲᬶᬓᬵᬮ
ᬫ᭄ᬦᬾᬭᬯᬸᬄ᭞ᬤᬶᬦᬶᬦᬾ ᬳᬦ᭄ᬫᬸᬲᬭᬷ᭟ᬲᬓᬵᬮᬧᬢᬶᬫᭀᬦ᭄ᬭᬯᬸᬄ᭞ᬓᬶᬲᭂᬗ᭄ᬓᬦ᭄ᬤᬾᬦ᭄ᬬᬢ᭄ᬦᬓᬓᬶ᭞ᬓᬸᬤᬗᭂᬦ᭄ᬭᬶᬂᬚᬧᬭᬫᬾ᭞ᬓᬓᬾᬮᬾᬂᬕᭂᬡ᭄ᬝᬤᬾᬦ᭄ᬳᬸᬫᬸᬂ᭞ᬧᬹᬚᬧᬜ᭄ᬘᬯᬮᬶ
ᬓ᭄ᬭᬫ᭞ᬲᬸᬓᬳ᭄ᬬᬂᬓᬵᬮᬅᬫ᭄ᬩᭂᬓ᭄ᬭᭀᬥᬶ᭞ᬳ᭄ᬬᬂᬰ᭄ᬭᬷᬅᬫᬺᬢ᭄ᬢᬮᬸᬮᬸᬢ᭄᭞ᬳᬦᬸᬳᬸᬓᬶᬓᬵᬮᬚᭀᬢᬶ᭟ᬓᬶᬲᭂᬗ᭄ᬓᬦ᭄ᬫᬦ᭄ᬢᬸᬓᬶᬦᬸᬢᬸᬲ᭄᭞ᬧ᭄ᬭᬧ᭄ᬢᬶᬫ᭄ᬤᬂᬲᬶᬭᬓᬮᬶᬄ᭞ᬓᬺᬢ᭄ᬢᬢᬶᬃᬣᬧ᭄ᬭᬪᬵᬯᬦᬾ
᭞ᬓᬶᬢᬸᬭᬸᬦ᭄ᬳᬗᬤᭂᬕ᭄ᬭᬢᬸ᭞ᬥᬃᬫ᭄ᬫᬘᬡ᭄ᬤᬶᬓᬩᬸᬬᬸᬢᬦ᭄᭞ᬧᬶᬦᬵᬬᬸᬭᬶᬂᬯᭀᬂᬲᬪᬹᬫᬶ᭞ᬧᬸᬧᬹᬚᬦ᭄ᬚᬰ᭄ᬭᬷᬳᬗ᭄ᬮᬗᬸ᭞ᬲᬃᬯ᭄ᬯᬘᬭᬸᬲᬸᬫᬚᬶ᭟ᬳ᭄ᬬᬂᬯ᭄ᬦᬳᬤᬦ᭄ᬳᬫᬸᬗ᭄ᬕᬸᬄ᭞ᬭᬶᬂᬲᬂᬓᬵᬮᬮᬕ᭄ᬬ [ 24 ][ ᭒᭓ 23B]
᭒᭓᭞
ᬗ᭄ᬮᬶᬮᬶᬃ᭞ᬫ᭄ᬢᬫᬹᬃᬘ᭄ᬘᬶᬢᬚᬷᬯᬦᬾ᭞ᬭᬶᬦᬦ᭄ᬢᬾᬲᬵᬫ᭄ᬧᬸᬦ᭄ᬭᬷᬦᬶᬫ᭄ᬧᬸᬲ᭄᭞ᬯᬸᬲ᭄ᬳᬸᬯᬲᬶᬭᬮᬓ᭄ᬱᬡ᭞ᬧᬺᬦᬵᬱᬪᬓ᭄ᬢ᭄ᬬᬵᬗᬲ᭄ᬢᬸᬢᬶ᭞ᬳᬗ᭄ᬮᬶᬂᬳᬲ᭄ᬫᬸᬕᬸᬬᬸ᭞ᬧᬸᬓᬸᬮᬸᬦ᭄ᬤᬾᬦ᭄ᬢᬢᬸᬮᬸᬲ᭄ᬳᬲᬶᬄ᭟
ᬮᬗ᭄ᬕᭂᬂᬫᬦᬳᬾᬢᬦ᭄ᬲᬸᬭᬸᬤ᭄᭞ᬯᬶᬰᬾᬱᬅᬫ᭄ᬩᭂᬓ᭄ᬢᬜ᭄ᬚᬢᬶ᭞ᬓᬸᬫᬸᬘᬸᬧ᭄ᬮᬸᬢ᭄ᬳᬲᬶᬳᬾ᭞ᬢᬦ᭄ᬤ᭄ᬭᬡᬫ᭄ᬕᬢ᭄ᬓᬳ᭄ᬬᬸᬦ᭄᭞ᬳᬗᬗ᭄ᬕᭀᬢᬦ᭄ᬧᬯᬰᬦ᭞ᬬᬾᬦ᭄ᬫᬢᬶᬮᬯᬦ᭄‌‌ᬉᬭᬶᬧ᭄᭞
ᬢᬦ᭄ᬓᬢᬮᬗᬦ᭄ᬓᬳ᭄ᬬᬸᬦ᭄᭞ᬢᬸᬢᬸᬃᬳᬶᬮᬂᬢᬦ᭄ᬓᬢᭀᬮᬶᬄ᭟ᬮ᭄ᬯᬶᬃᬘᬵᬢᬓᬫᬶᬦ᭄ᬢᬚᬯᬸᬄ᭞ᬲᬲᬫ᭄ᬩᬢᬾᬳᬫ᭄ᬮᬲ᭄ᬕᬲᬶᬄ᭞ᬲᬂᬯ᭄ᬦᬂᬮᬶᬗᬾᬳᬚᬭᬾ᭞ᬓᬢᬸᬯᭀᬦ᭄ᬓᬓᬶᬳᬦᬓᬶ
ᬗ᭄ᬲᬸᬦ᭄᭞ᬢᬦ᭄ᬧᭀᬮᬶᬄᬭᬶᬂᬇᬫᬦᬶᬫᬦ᭄᭞ᬢᬦ᭄ᬲᬄᬤᬷᬦᬥᬫᬓᬓᬶ᭞ᬳᬲ᭄ᬭᬂᬳᬢᬶᬗ᭄ᬕᬮ᭄ᬢᬸᬢᬸᬃ᭞ᬮᬄᬲᬓᬵᬋᬧᬶᬭᬓᬓᬶ᭟ᬲᬂᬓᬵᬮᬩᬧᬵᬦᬓᬶᬗ᭄ᬲᬸᬦ᭄᭞ᬤᬾᬦ᭄ᬕᬵᬋ

[ ᭒᭔ 24A]
ᬧᬶᬦᬶᬰ᭄ᬭᬷᬕᬢᬶ᭞ᬧᬸᬧᬸᬚᬶᬲᬶᬧᬶᬯ᭄ᬮᬲᬾ᭞ᬳᬲᬺᬂᬲᬶᬓᬭᭀᬦ᭄ᬮᬸᬮᬸᬢ᭄᭞ᬧᬭᬦᬶᬫᬸᬮᬶᬄᬭᬶᬂᬦ᭄ᬤᬂ᭞ᬳᬦᬾᬂᬤᬗ᭄ᬓᬥᬃᬫ᭄ᬫᬘᬡ᭄ᬥᬶ᭞ᬧ᭄ᬭᬦᬳᬶᬧᬸᬦ᭄ᬳᬮᬸᬗ᭄ᬕᬸᬄᬤᬾᬦ᭄ᬬᬵᬗᬦ᭄ᬢᬶᬦᬶᬰ᭄ᬭᬷᬕᬢᬶ᭟ᬲᬂᬓᬵ
ᬮᬋᬡᬳᬶᬗᬸᬗ᭄ᬕᬂ᭞ᬬᬾᬦ᭄ᬳᬗᬺᬗᬰᬩ᭄ᬤᬫᬦᬶᬲ᭄᭞ᬢᬦ᭄ᬲᬶᬧᬶᬳᭂᬦ᭄ᬢᬶᬲᬸᬓᬦᬾ ᭞ᬳᬢ᭄ᬩᬄᬚᬚᬳᬕᬸᬬᬸ᭞ᬉᬚᬭᬶᬗ᭄ᬲᬸᬦ᭄‌ᬲᬶᬮᬶᬄᬧᬭᬦ᭄᭞ᬚᬶᬯᬦᬶᬗ᭄ᬲᬸᬦᬶᬰ᭄ᬭᬷᬕᬢᬶ᭞ᬫᬲᬵᬗᬸᬘᬧ᭄ᬳᬮᬸ
ᬫᬸᬄ᭞ᬓᬶᬲᭂᬗ᭄ᬓᬦ᭄ᬲᭀᬲ᭄ᬬᬂᬳᬧᭀᬲᬶ᭟ᬦ᭄ᬤᬦ᭄ᬮᬶᬗᬾᬳᬮᭀᬦ᭄ᬳᬫᬸᬯᬸᬲ᭄᭞ᬧᬸᬦ᭄ᬓᬵᬮᬳᬢ᭄ᬤᬧᬫᬶᬢ᭄᭞ᬫᬦᬯᬶᬋᬓᬾᬳᬲ᭄ᬯᬾ᭞ᬲᬭᬦ᭄ᬢᬗᬦ᭄ᬢᬶᬧᬸᬓᬸᬮᬸᬦ᭄᭞ᬓᬯᬶᬳᭀᬮᬶᬄᬏ
ᬓᬦᬾ ᬓᬦ᭄᭞ᬳᬧᬗ᭄ᬕᬶᬄᬢᬦ᭄ᬕᬃᬱᬫᬮᬶᬄ᭞ᬫᬸᬗ᭄ᬕᬸᬂᬳᬋᬧ᭄ᬢᬶᬦᬸᬗ᭄ᬕᬸ᭞ᬓᭂᬫ᭄ᬩᬦᬦᬯᬶᬢ᭄‌ᬢᬦ᭄ᬧᭀᬮᬶᬄ᭟ᬲᬂᬯ᭄ᬦᬂᬮᬶᬗᬶᬭᬫᬸᬯᬸᬲ᭄᭞ᬳᬶᬗᭂᬢᬶᬗᭂᬢ᭄ᬳᬬᭀᬮᬮᬶ᭞ᬳᬚᬧᬶᬮᬶᬄ [ 25 ][ ᭒᭔ 24B]
᭒᭔᭞
ᬲᬭᬹᬧᬦᬾ᭞ᬫᬦᬯᬶᬫ᭄ᬦᬾᬓᬢ᭄ᬫᬸ᭞ᬲ᭄ᬤᭂᬗᬾᬳᬦ᭄ᬤᬦᬃᬧᬳ᭄ᬬᬲ᭄᭞ᬢᬸᬗ᭄ᬕᬸᬳᬚᬲᬶᬭᬦ᭄ᬤᭀᬳᬶ᭞ᬲᬶᬗ᭄ᬕᬶᬄᬭᬦᬾᬧᬸᬓᬸᬮᬸᬦ᭄᭞ᬫᬶᬦ᭄ᬢᬃᬢᬕ᭄ᬮᬶᬢᬦ᭄ᬳᬲᬭᬶ᭟ᬢᬦ᭄ᬓᬯᬃᬡ᭄ᬦᬳᬭᬶᬂᬳ᭄ᬦᬸ᭞ᬧ᭄ᬭ
ᬧ᭄ᬢᬶᬂᬫ᭄ᬤᬂᬲᬶᬭᬳᬭᬶᬲ᭄᭞ᬳᬜ᭄ᬚᬸᬕ᭄ᬚᬸᬕᬶᬂᬥᬃᬫ᭄ᬫᬭᬫᬾ᭞ᬲ᭄ᬯᬭᬦᬶᬕᭂᬡ᭄ᬝᬳᬫ᭄ᬩᬭᬸᬂ᭞ᬳᬲ᭄ᬭᬮᬯᬦ᭄ᬢᬢᬩᬸᬳᬦ᭄᭞ᬓᬂᬧᬹᬚᬲᬦ᭄ᬢᬶᬳᬗ᭄ᬭᬯᬶᬢ᭄᭞ᬤᬸᬧᬲᬵᬫ᭄ᬧᬸᬦ᭄ᬓᬸᬫᬸᬢᬸᬕ᭄᭞ᬳᬗᬤᭂ
ᬕ᭄ᬢᬾᬚᬦᬶᬗ᭄ᬮᬗᬶᬢ᭄᭟ᬧᬸᬧᬹᬚᬦᬲᬶᬭᬳᬮᬗᬸ᭞ᬧᬸᬱ᭄ᬧᬯᬸᬲ᭄ᬘᬶᬦᬶᬢ᭄ᬭᬵᬗ᭄ᬭᬯᬶᬢ᭄᭞ᬓᬢᭀᬦ᭄ᬫᬵᬯᬓ᭄ᬲᬚᬢᬶᬦᬾ᭞ᬦᬶᬰ᭄ᬭᬷᬕᬢᬶᬫᬬᬦᬶᬧᬸᬦ᭄᭞ᬳᬲᬗ᭄ᬓᭂᬧᬸᬦᬂᬢᬥᬳᬦ᭄᭞ᬤᬾ
ᬦ᭄ᬬᬫᬵᬯᬓ᭄ᬦᬶᬰ᭄ᬭᬷᬕᬢᬶ᭞ᬪᬺᬱᬥᬵᬦᬢᬦ᭄ᬓᬦ᭄ᬢᬸᬦ᭄᭞ᬢᬸᬫᬶᬢᬶᬳᬶᬂᬧ᭄ᬭᬲ᭄ᬳᬗ᭄ᬭᬯᬶᬢ᭄᭟ᬢᬶᬦᬸᬳᬸᬓᬦ᭄ᬧᬗᬦ᭄ᬢᬸᬭᬸ᭞ᬤᭀᬭᬓᬵᬮᬢᬦ᭄ᬧᬗ᭄ᬮᬶᬮᬶᬃ᭞ᬳᬾᬯᭂᬄᬳᬦᬦᬓᬵᬋᬧᬾ
[ ᭒᭕ 25A]
᭞ᬢᬦ᭄ᬓᬯᬰᬭᬶᬂᬧᬫᬸᬯᬸᬲ᭄᭞ᬳ᭄ᬬᬂᬯ᭄ᬦᬂᬲᬶᬭᬓᭀᬘᬧ᭞ᬫᭀᬮᬶᬄᬫᬭᬶᬂᬲ᭄ᬯᬃᬕ᭄ᬕᬮᬭᬶᬲ᭄᭞ᬦᬶᬰ᭄ᬭᬷᬕᬢᬶᬯᬶᬦᬸᬯᬸᬲ᭄᭞ᬧᬶᬦᬸᬋᬓᬶᬂᬯᬭᬵᬧ᭄ᬲᬭᬶ᭟ᬫᬾᬭᬸᬫᬵᬲ᭄ᬳᬢᬸᬫ᭄ᬧᬧᬶᬢᬸ᭞ᬧᬘ
ᬓᬾᬓᭀᬫ᭄ᬩᬮᬵᬗ᭄ᬭᬯᬶᬢ᭄᭞ᬲᭀᬘ᭄ᬙᬫᬓᬯᬢᭀᬦᬾ᭞ᬫᬡᬶᬫᬬᬕ᭄ᬮᬭᬶᬧᬸᬦ᭄᭞ᬯᬶᬥᬸᬭᬾᬢᬶᬦ᭄ᬬᬂᬲᬗ᭄ᬳ᭞ᬢᬶᬦᬶᬗ᭄ᬓᬄᬩᭀᬢ᭄ᬚᬯᬵᬗ᭄ᬭᬯᬶᬢ᭄᭞ᬲᬮᬓᬳᭀᬩᬕᬶᬧᬸᬦ᭄᭞
ᬧᬶᬦᬭᬶᬕᬶᬫᬶᬭᬳᬰ᭄ᬭᬷ᭟ᬮᬮᬗ᭄ᬲᬾᬦᬾᬳᬪᬺᬫᬸᬭᬸᬩ᭄᭞ᬮᬸᬗ᭄ᬲᬶᬃᬩᬂᬢᬶᬦᬢᬵᬗ᭄ᬭᬯᬶᬢ᭄᭞ᬲᬃᬯ᭄ᬯᬯᬃᬡ᭄ᬦᬮᬮᬗᬶᬢᬾ᭞ᬘᬶᬦᬭᬜ᭄ᬘᬂᬢᬯᬶᬗᬶᬧᬸᬦ᭄᭞ᬭᬶᬂᬦᬢᬃᬲᬕᬭᬫᬸᬜ᭄ᬘᬃ᭞ᬚᬶ
ᬦᬶᬜ᭄ᬚ᭄ᬭᬶᬂᬭᬶᬂᬲᬃᬯ᭄ᬯᬫᬡᬶᬓ᭄᭞ᬕᭀᬧᬸᬭᬦᬾ ᬳᬦᬸᬗ᭄ᬕᬸᬮ᭄᭞ᬳᬶᬦ᭄ᬢᭂᬜ᭄ᬘᬶᬦᬡ᭄ᬥᬶᬳᬗ᭄ᬭᬯᬶᬢ᭄᭟ᬧᬲᬫᬸᬳᬦᬾᬳᬮᬗᬸ᭞ᬩᬮᬾᬓᭂᬫ᭄ᬩᬃᬳᬫᬭᬧᬶᬢ᭄᭞ᬓᬶᬦᬚᬮᬓᬯᬸᬯᬸ [ 26 ][ ᭒᭕ 25B]
᭒᭕᭞
ᬗᬾ᭞ᬘᬶᬦᬯᬶᬭᬶᬳᬫ᭄ᬭᬧᬤᬸ᭞ᬧᬧᬬᭀᬦ᭄ᬳᬶᬦᬶᬕᬯᬃᬡ᭄ᬦ᭞ᬰᬰᬓᬯ᭄ᬲᬶᬯᬭᬡᬶ᭞ᬢᬫ᭄ᬩᬕᬳᬢᬧ᭄ᬳᬶᬧᬸᬦ᭄᭞ᬯᬢᭀᬦᬾᬕᬗ᭄ᬲᬮᬶᬦᬶᬗᬶᬃ᭟ᬧᬧᬳᬢᬦᬾᬳᬗ᭄ᬮᬗᬸ᭞ᬚᬫᬶ
ᬭᬳᬾᬲᬃᬯ᭄ᬯᬫᬡᬶᬓ᭄᭞ᬭᬢ᭄ᬦᬓᬸᬲᬸᬫᬲᬭᬶᬦᬾ᭞ᬲᬮᬕᬰᬮᬓᬭᬸᬭᬸ᭞ᬯᭀᬳᬶᬦ᭄ᬢᭂᬦ᭄ᬲᬃᬯ᭄ᬯᬓᬵᬫᬮ᭞ᬧᬤᬧᬮᬸᬗ᭄ᬲᬶᬃᬳᬗ᭄ᬭᬯᬶᬢ᭄᭞ᬕᭀᬜ᭄ᬚᭀᬂᬳᬶᬚᭀᬭᭀᬦ᭄ᬳᬶᬧᬸ
ᬦ᭄᭞ᬲ᭄ᬫᬶᬦᬾ ᬫᬶᬭᬄᬓᬲ᭄ᬢᬸᬭᬶ᭟ᬢᬸᬢᬸᬯᬸᬳᬦ᭄ᬓᬮ᭄ᬧᬢᬭᬸ᭞ᬧᬢᬶᬕᬫᬸᬲ᭄ᬢᬶᬓᬯᬶᬮᬶᬲ᭄᭞ᬲᬃᬯ᭄ᬯᬓᬸᬲᬸᬫᬲ᭄ᬓᬭᬾ᭞ᬲᬃᬯ᭄ᬯᬯᬃᬡ᭄ᬦᬭᭀᬦ᭄ᬤᭀᬦ᭄ᬳᬶᬧᬸᬦ᭄᭞ᬳᬶᬚᭀᬫᬦ᭄ᬢᭂᬦ᭄ᬓᬸᬲ᭄ᬬᬭᬕ᭞
ᬦ᭄᭞ᬲ᭄ᬫᬶᬦᬾᬫᬶᬭᬄᬓᬲ᭄ᬢᬸᬭᬶ᭟ᬢᬸᬢᬸᬯᬸᬳᬦ᭄ᬓᬮ᭄ᬧᬢᬭᬸ᭞ᬧᬢᬶᬕᬫᬸᬲ᭄ᬢᬶᬓᬯᬶᬮᬶᬲ᭄᭞ᬲᬃᬯ᭄ᬯᬓᬸᬲᬸᬫᬲ᭄ᬓᬭᬾ᭞ᬲᬃᬯ᭄ᬯᬯᬃᬡ᭄ᬦᬭᭀᬦ᭄ᬤᭀᬦ᭄ᬳᬶᬧᬸᬦ᭄᭞ᬳᬶᬚᭀᬫᬦ᭄ᬢᭂᬦ᭄ᬓᬸᬲ᭄ᬬᬭᬕ᭞
[ ᭒᭖ 26A]
ᬧᬤᬧᬦᬶᬧᬸᬦ᭄᭞ᬫᬸᬢ᭄ᬬᬭᬢᬶᬦᬢᬯᬃᬡ᭄ᬦ᭞ᬯᭀᬄᬦ᭄ᬬᬦᬶᬮᭀᬢ᭄ᬧᬮᬵᬗ᭄ᬭᬯᬶᬢ᭄᭞ᬧ᭄ᬮᬲ᭄ᬳᬋᬧᬶᬂᬕ᭄ᬮᬸᬂ᭞ᬭᬢ᭄ᬦᬫᬶᬍᬢ᭄ᬯᬶᬢ᭄ᬦᬶᬂᬫᬡᬶᬓ᭄᭟ᬮ᭄ᬯᬶᬃᬢᬫᬦ᭄ᬳᬰ᭄ᬭᬶᬳᬮᬗᬸ᭞ᬧᬦ᭄ᬤᭂᬗᬶᬂᬲᬃᬯ᭄ᬯᬲᬭᬶ᭞
ᬳᬧ᭄ᬲᬭᬶᬳᬾᬕᬃᬫᬦᬳᬾ᭞ᬫᬶᬳᬢᬶᬂᬉᬥ᭄ᬬᬦᬮᬗᬸ᭞ᬲ᭄ᬓᬃᬦ᭄ᬬᬫᬵᬲ᭄ᬢᬦ᭄ᬧᬳᬸᬦ᭞ᬫ᭄ᬓᬃᬲᬮᬯᬲᬾᬳᬰ᭄ᬭᬷ᭞ᬢᬦ᭄‌ᬓ᭄ᬦᬍᬯᬲᬶᬂᬭᬹᬫ᭄᭞ᬳᬓᭂᬫ᭄ᬩᬂᬧᬤᬸᬫᬶᬂᬲᬭᬶ᭟ᬢᬦ᭄ᬯᬃᬡ᭄ᬦᬦᭂᬦ᭄ᬮ
ᬤᬳᬬᭂᬗᬓ᭄ᬦᬵᬗ᭄ᬭᬯᬶᬢ᭄᭟ᬳ᭄ᬬᬂᬯ᭄ᬦᬂᬮᬶᬗᬶᬭᬫᬸᬯᬸᬲ᭄᭞ᬳᬦᬓᬶᬗ᭄ᬲᬸᬦ᭄‌ᬦᬶᬰ᭄ᬭᬷᬕᬢᬷ᭞ᬧᬶᬮᬶᬳᬦᬶᬦᬶᬫᬗ᭄ᬓᬾ᭞ᬲᬓᬵᬃᬱᬦᬶᬭᬦᬓᬶᬗ᭄ᬲᬸᬦ᭄᭞ᬫᬵᬲ᭄ᬫᬡᬶᬓᬂᬲᬃᬯ᭄ᬯᬬᭀ [ 27 ][ ᭒᭖ 26B]
᭒᭖᭞
ᬕ᭄ᬬ᭞ᬭᬵᬚᬪᬹᬱᬡᬓᬂᬍᬯᬶᬄ᭞ᬨᬮᬪᭀᬕᬧᬸᬦᬶᬓᬸ᭞ᬲᬓᬵᬃᬱᬦᬦᬶᬢᬸᬳᬸᬓᬶ᭟ᬕ᭄ᬦᭂᬧᬶᬂᬲ᭄ᬯᬃᬕ᭄ᬕᬧᬧᬶᬢᬸ᭞ᬮᬸᬗ᭄ᬕᬸᬳᬶᬤᬾᬦ᭄ᬢᬵᬦᬓ᭄ᬫᬫᬶ᭞ᬧᬸᬘᬓ᭄ᬲᬮᬶᬓᬸᬃᬯᬸᬯᬸᬗᬾ᭞ᬲ᭄ᬯᬃᬕ᭄ᬕ
ᬓᬂᬯ᭄ᬓᬲᬶᬂᬮᬸᬳᬸᬃ᭞ᬳᬓ᭄ᬯᬾᬄᬍᬯᬶᬄᬓᬲᬃᬯ᭄ᬯᬏᬦ᭄ᬤᬄ᭞ᬢᬦ᭄ᬓᭂᬦᬾᬂᬭᬳᬶᬦᬯ᭄ᬗᬶ᭞ᬰᬶᬯᬧᬥᬵᬭᬦᬶᬧᬸᬦ᭄᭞ᬲᬧ᭄ᬢᬲ᭄ᬯᬃᬕ᭄ᬕᬓᬂᬮᬶᬦᭂᬯᬶᬄ᭟ᬰᬹᬦ᭄ᬬᬧᬥᬗᬭᬦᬶᬧᬸᬦ᭄᭞ᬇᬓᬸᬯ᭄ᬓᬲᬶᬂᬮᬶᬦᭂᬯᬶᬄ᭞
ᬓᬂᬲᬶᬦᬦ᭄ᬤ᭄ᬬᬦ᭄ᬢᬧᬓᬩᬾᬄ᭞ᬯᭀᬂᬲᬪᬹᬫᬶᬧᬥᬗᬺᬩᬸᬢ᭄᭞ᬦᬵᬗ᭄ᬳᬶᬂᬫᬲᬓᬢ᭄ᬓᬦ᭞ᬳᬧᬦ᭄ᬯᬾᬦ᭄ᬢᭂᬦ᭄ᬳᬦ᭄ᬤᬺᬯᬾᬦᬶ᭞ᬓᬺᬢ᭄ᬢᬲᬫᬬᬦᬶᬧᬸᬦ᭄᭞ᬧᬡ᭄ᬥᬶᬢᬯᬢᭂᬓ᭄ᬳᬗ᭄ᬳᬚᬶ᭟ᬳᬦᬸ
ᬗ᭄ᬕᬮᬶᬂᬰ᭄ᬭᬶᬯᬇᬓᬸ᭞ᬯ᭄ᬦᬂᬲᬓᬵᬃᬱᬦᬾᬍᬯᬶᬄ᭞ᬳᬶᬬᬭᬶᬗ᭄ᬲᬸᬦᬶᬓᬸᬫᬗ᭄ᬓᬾ᭞ᬯ᭄ᬦᬂᬳᬭᬾᬄᬯ᭄ᬦᬂᬳᬤᬸᬫ᭄᭞ᬇᬮᬇᬮᬮᬶᬦᬭᬗᬦ᭄᭞ᬬᬦ᭄ᬲᬂᬯ᭄ᬭᬸᬄᬭᬶᬂᬬᭀᬕᬲᬦ᭄ᬥᬶ᭞ᬧᬸᬢᬸᬲ᭄ᬭ
[ ᭒᭗ 27A]
ᬱᬧᬗᬯ᭄ᬭᬸᬄ᭞ᬢᬦᬯᬾᬄᬫᬃᬕ᭄ᬕᬦᬶᬂᬓᬵᬧ᭄ᬢᬶ᭟ᬳᬓ᭄ᬯᬾᬄᬓᬂᬳᬃᬱᬧᬸᬦᬶᬓᬸ᭞ᬳᬫᬮᬓᬸᬲ᭄ᬯᬃᬕ᭄ᬕᬍᬯᬶᬄ᭞ᬦᭀᬭᬵᬦᬢᬧᬩ᭄ᬭᬢᬦᬾ᭞ᬢᬦ᭄ᬬᭀᬕ᭄ᬬᬲᬫᬵᬥᬶᬤᬾᬦ᭄ᬕᬸᬂ᭞ᬰᬩ᭄ᬤ
ᬓᬯᬮᬢᬜ᭄ᬚᬢᬶ᭞ᬮᬓ᭄ᬱᬡᬇᬓᬶᬲᬫ᭄ᬧᬸᬪᬹᬄ᭞ᬧᬶᬦ᭄ᬤᬬᬳᬯᬓ᭄ᬦ᭄ᬬᬮᬸᬫᬸᬄ᭞ᬫᬸᬓᬭᬰ᭄ᬫᬶᬦ᭄ᬳᬢᬶᬳᬢᬶ᭟ᬬᬾᬦ᭄ᬳᬃᬱᬳᬭᬶᬂᬧᬸᬦᬶᬓᬸ᭞ᬤᬾᬦ᭄ᬯᬦᬶᬳᬗ᭄ᬳᬾᬮ᭄ᬳᬗᬮᬶᬄ᭞ᬖᬵᬭᬡᬯᬦᬶ
ᬮᭀᬦ᭄ᬳᬢᭂᬦ᭄᭞ᬓᬸᬮᬍᬫᭂᬄᬳᬬᭀᬕᬶᬦᬸᬂ᭞ᬲᬶᬂᬕᬸᬡᬓᬯᬶᬰᬾᬱ᭞ᬓᬢᬓᭀᬦᬶᬭᬱᬮᬶᬦᭂᬯᬶᬄ᭞ᬮᬦ᭄ᬲᬦ᭄ᬥᬶᬦᬶᬂᬬᭀᬕᬵᬦᬸᬂ᭞ᬇᬓᬸᬫᬃᬕ᭄ᬕᬯ᭄ᬭᬸᬳᬾᬗ᭄ᬓᬫᬶ᭟ᬉᬚᬭᬶᬂᬫᬸᬥᬳᬧᬸ
ᬗ᭄ᬕᬸᬂ᭞ᬢᬦ᭄ᬥᬃᬫ᭄ᬫᬰᬵᬲ᭄ᬢ᭄ᬭᬮᬶᬦᭂᬯᬶᬄ᭞ᬢᬦ᭄ᬢᬧᬩ᭄ᬭᬢᬉᬚᬭᬾ᭞ᬢᬦ᭄ᬬᭀᬕᬲᬫᬤ᭄ᬥᬶᬇᬓᬸ᭞ᬳᬕᬶᬮᬢᬸᬫᭀᬦ᭄ᬧᬸᬲ᭄ᬢᬓ᭞ᬢᬧᬩ᭄ᬭᬢᬦᬾᬜ᭄ᬘᬫ᭄ᬧᬳᬶ᭞ᬤᬮᬶᬳᬦᬾᬬᬦ᭄ᬢᬦ᭄ᬯ᭄ᬭᬸ [ 28 ][ ᭒᭗ 27B]
᭒᭗᭞
᭞ᬫᬸᬥᬳᬶᬧᬂᬧᬓ᭄ᬱᬍᬯᬶᬄ᭟ᬫᬃᬫ᭄ᬫᬦᬾᬢᬦ᭄ᬯ᭄ᬭᬸᬳᬶᬭᬶᬗ᭄ᬲᬸᬦ᭄᭞ᬲᬶᬭᬲᬂᬳᬲᬥ᭄ᬬᬍᬯᬶᬄ᭞ᬭᬶᬗ᭄ᬲᬸᬦᭀᬭᬳᬯᬾᬄᬫᬗ᭄ᬓᬾ᭞ᬳ᭄ᬬᬂᬤᭀᬭᬓᬵᬮᬗᭀᬉᬢᬸᬲ᭄᭞ᬳᬫᬸᬦ᭄ᬢᭀ
ᬦᬦᬩᬩᬳᬦ᭄᭞ᬲᬂᬳᬦᬓᬸᬧᬦᬄᬳᬢᬶ᭞ᬤᬤᬶᬍᬫᭂᬄᬲᬫ᭄ᬧᭂᬦᬸᬄ᭞ᬢᬦ᭄ᬳᬃᬱᬕᬶᬦᬯᬬᬩ᭄ᬘᬶᬓ᭄᭟ᬳᬓ᭄ᬯᬾᬄᬧᬗ᭄ᬭᬜ᭄ᬘᬦᬦᬶᬧᬸᬦ᭄᭞ᬳ᭄ᬬᬂᬤᭀᬭᬓᬵᬮᬵᬦᬾᬗ᭄ᬳᬢᬶ᭞ᬮᬶᬜᭀ
ᬓ᭄ᬢᬦ᭄ᬢᬸᬳᬸᬰᬩ᭄ᬤᬦᬾ᭞ᬳᬾᬯᬵᬲᬶᬂᬉᬮᬄᬭᬳᬬᬸ᭞ᬢᬦ᭄ᬳᬋᬧ᭄‌ᬰᬵᬲ᭄ᬢ᭄ᬭᬕᭀᬘᬭ᭞ᬭᬶᬦᬲᬭᬓᭂᬦ᭄ᬢᬦ᭄ᬬᬸᬓ᭄ᬢᬶ᭞ᬧᬧᬢᬶᬦ᭄ᬫᬸᬳᬕᬸᬂ᭞ᬤᬾᬦ᭄ᬢᬹᬢ᭄ᬧᬓᬵᬃᬱᬦᬶᬗ᭄ᬕᬢᬶ᭟ᬓᬭᬩᬶᬂ
ᬚᬦ᭄ᬫᬉᬮᬗᬸᬦ᭄᭞ᬲᬮᬄᬉᬮᬳᬾᬭᬶᬂᬪᬹᬫᬶ᭞ᬳᬦᬹᬢᬓᭂᬦ᭄ᬲᬓᬵᬋᬧᬾ᭞ᬪᬹᬢᬤ᭄ᬗᭂᬦ᭄ᬓᬗᬦᬸᬭᬸᬧ᭄᭞ᬤᬤᬶᬚᬦ᭄ᬫᬮᬯᬦ᭄ᬢᬶᬃᬬ᭄ᬬᬓ᭄᭞ᬲᬗ᭄ᬓᬦᬾᬢᬦ᭄ᬳᬃᬱᬩ᭄ᬘᬶᬓ᭄᭞ᬲᬘᬭᬦᬾᬢ

[ ᭒᭘ 28A]
ᬦ᭄ᬳᬢᬹᬢ᭄᭞ᬘᬓᬺᬪᬵᬯᬢᬦ᭄ᬲᬄᬫᬶᬚᬶᬮ᭄᭟ᬳᬓ᭄ᬯᬾᬄᬲᭀᬮᬄᬪᬵᬯᬦᬶᬧᬸᬦ᭄᭞ᬳ᭄ᬬᬂᬓᬵᬮᬫᬭᬶᬜ᭄ᬘᬶᬩᬸᬤ᭄ᬥᬶ᭞ᬤᬾᬦ᭄ᬲᬚᬶᬲᬯᬶᬰᬬᬦᬾ᭞ᬏᬦᬓ᭄ᬳᬫᬗᬸᬦ᭄ᬳᬢᬸᬭᬸ᭞ᬲᬗ᭄ᬓᬦᬶᬂᬲᬸ
ᬕᬶᬄᬲᬸᬓ᭞ᬳᬗ᭄ᬓᬭᬩᬺᬗ᭄ᬕᬵᬫ᭄ᬩᭂᬓ᭄ᬭᭀᬥᬶ᭞ᬫᬦᬳᬾᬧᬂᬧᬂᬧᬸᬂᬧᬸᬂ᭞ᬧ᭄ᬚᬄᬫᬭᬶᬂᬢᬶᬬ᭄ᬬᬓ᭄ᬫᬦᬶᬄ᭟ᬮᬭᬗᬦ᭄‌ᬦᬶᬦᬶᬧᬸᬦᬶᬓᬸ᭞ᬤᬤᬶᬚᬦ᭄ᬫᬫᬫᬮᬾᬦᬶ᭞ᬫ᭄ᬯᬄᬲᬶᬂᬲᬹᬓ᭄ᬱ᭄ᬫᬚᬦ᭄ᬫᬦᬾ᭞
ᬓᬢᭀᬦ᭄ᬲᬶᬳᬚ᭄ᬜᬦᬦᬶᬧᬸᬦ᭄᭞ᬥ᭄ᬬᬢ᭄ᬫᬶᬓᬲᬢ᭄ᬬᬩ᭄ᬬᬸᬤᬬ᭞ᬅᬫ᭄ᬩᭂᬓ᭄ᬦᬳᬲ᭄ᬢᬶᬢᬶᬦᬶᬲ᭄ᬫᬺᬢᬶ᭞ᬯ᭄ᬭᬸᬄᬓ᭄ᬭᬬᬰᬵᬲ᭄ᬢ᭄ᬭᬧᬸᬢᬸᬲ᭄᭞ᬦᬬᬯᬶᬣᬫᬶᬮᬗ᭄ᬕᬚᬶ᭟ᬳᬤᬶᬢᬸᬳᬸᬫᬬᬦᬶᬧᬸᬦ᭄᭞
ᬬᬜ᭄ᬚᬦ᭄ᬫᬦᬶᬂᬤᬾᬯᬋᬱᬶ᭞ᬍᬯᬶᬄᬲᬶᬄᬢᬧᬩ᭄ᬭᬢᬦᬾ᭞ᬫᭀᬦ᭄ᬢᬸᬫᬢᬾᬂᬕᬸᬡᬇᬓᬸ᭞ᬘᬶᬳ᭄ᬦᬦᬶᬂᬳᬯᬓ᭄ᬪᬝᬵᬭ᭞ᬯᬶᬘᬓ᭄ᬱᬡᬯ᭄ᬭᬸᬳᬗᬯᬶ᭞ᬲᬓᬾᬂᬲ᭄ᬯᬃᬕ᭄ᬕᬢᬸᬫᬸᬭᬸᬦ᭄᭞ᬳ [ 29 ][ ᭒᭘ 28B]
᭒᭘᭞
ᬗ᭄ᬕᬯᬾᬢᬢ᭄ᬯᬭᬶᬂᬪᬹᬫᬶ᭟ᬲᬶᬭᬯᬶᬰᬾᬱᬦᬶᬂᬯᬶᬓᬸ᭞ᬲᬂᬳᬤ᭄ᬭᬸᬯᬾᬲ᭄ᬯᬃᬕ᭄ᬕᬍᬯᬶᬄ᭞ᬭᬶᬗ᭄ᬲᬸᬦ᭄ᬓᬗᬗᬚᬃᬫᬗ᭄ᬓᬾ᭞ᬨᬮᬦ᭄ᬢᬯ᭄ᬭᬸᬄᬓᬃᬫ᭄ᬫᬇᬓᬸ᭞ᬲᬶᬂᬢᬧᬩ᭄ᬭᬢᬧᬸᬲ᭄ᬢᭂᬮᬲ᭄᭞ᬳᬢ᭄ᬧᭂᬢᭂᬂ
ᬳᬬᭀᬕᬲᬦ᭄ᬤ᭄ᬥᬶ᭞ᬭᬱᬭᬶᬦᬦ᭄ᬲᬸᬢᬸᬲ᭄᭞ᬓᬯᬶᬧ᭄ᬭᬚ᭄ᬜᬦ᭄ᬯ᭄ᬭᬸᬄᬳᬗᬚᬶ᭟ᬧᬸᬢᬸᬲᬶᬂᬉᬮᬄᬭᬳᬬᬸ᭞ᬢ᭄ᬮᬲ᭄ᬧᬭᬶᬓ᭄ᬭᬫᬍᬯᬶᬄ᭞ᬲᬶᬂᬧᬹᬚᬯᬸᬲ᭄ᬓᬾᬭᬶᬂᬓᬩᬾᬄ᭞ᬭᬶᬂᬳᬳᭀᬫᬬᬚ᭄ᬜ
ᬧᬸᬢᬸᬲ᭄᭞ᬯ᭄ᬭᬸᬄᬭᬶᬂᬧᬜ᭄ᬚᬯᬮᬶᬓ᭄ᬭᬫ᭞ᬢ᭄ᬮᬲ᭄ᬲᬶᬂᬳᬦ᭄ᬤᬶᬓ᭄ᬲᬯᬶᬘᬷ᭞ᬨᬮᬦ᭄ᬢᬇᬓᬸᬳᬕᬸᬂ᭞ᬤ?ᬳᬾᬯᬧᬥᬕᬜ᭄ᬚᬃᬦᬶᬦᬶ᭟ᬲ᭄ᬯᬃᬕ᭄ᬕᬯ᭄ᬓᬲᬶᬂᬲᭀᬃᬇᬓᬸ᭞ᬓᬸᬭᬸᬩ᭄ᬫᬸᬜ᭄ᬘᬃᬢᬸᬮ᭄ᬬᬭᬯᬶ᭞
ᬳ᭄ᬬᬂᬩ᭄ᬭᬵᬳ᭄ᬫᬲᬘᬬᬫᬗ᭄ᬓᬾ᭞ᬫᬾᬭᬸᬫᬶᬭᬄᬢᬸᬦ᭄ᬤᬢ᭄ᬮᬸ᭞ᬧᬶᬦᬸᬘᬓᭂᬦ᭄ᬧᬹᬃᬬ᭄ᬬᬓᬦ᭄ᬢ᭞ᬧᬧᬬᭀᬦ᭄ᬳᬫ᭄ᬩᬕᬵᬗ᭄ᬭᬯᬶᬢ᭄᭞ᬢᬾᬚᬮ᭄ᬯᬶᬃᬤᬫᬃᬓᬸᬭᬸᬂ᭞ᬲ᭄ᬯᬃᬕ᭄ᬕᬦᬶᬂᬫᬢᬶᬳᬗᬶᬧᬶ᭟ᬭᬶᬂ
[ ᭒᭙ 29A]
ᬉᬢ᭄ᬢᬫᬲ᭄ᬯᬃᬕ᭄ᬕᬮᬗᬸ᭞ᬮᬗ᭄ᬕᭂᬂᬲᬶᬭᬳᬦ᭄ᬤ᭄ᬭᬯᬾᬦᬶ᭞ᬯ᭄ᬲᬶᬯᬭᬦᬶᬢᬶᬬᬗᬾ᭞ᬦᬷᬮᬓᬦ᭄ᬢᬧᬸᬘᬓᬶᬧᬸᬦ᭄᭞ᬫᬾᬭᬸᬓᬺᬱ᭄ᬡᬢᬸᬦ᭄ᬤᬮᬶᬫ᭞ᬲ᭄ᬯᬃᬕ᭄ᬕᬦᬶᬂᬫᬢᬶᬳᬚᬸᬭᬶᬢ᭄᭞ᬯᬶᬱ᭄ᬡᬸᬧᬥᬳ
ᬭᬦᬶᬧᬸᬦ᭄᭞ᬫᬸᬭᬸᬩ᭄ᬢᬾᬚᬦᬾ ᬮ᭄ᬯᬶᬃᬰᬰᬶᬄ᭞ᬮ᭄ᬯᬶᬃᬲᬶᬮᬸᬫᬦ᭄ᬳᬪᬺᬫᬸᬭᬸᬩ᭄᭞ᬯᬾᬢᬦ᭄ᬓᬸᬫ᭄ᬤᬧ᭄ᬳᬧᬸᬢᬶᬄ᭞ᬲᬮᬓ᭄ᬱᬫᬓᬢᬶᬬᬗᬾ᭞ᬮᬸᬭᬸᬧᬶᬦᬓᬵᬢᭂᬨᬶᬧᬸᬦ᭄᭞ᬫᬾᬭᬸᬳᬢᬸᬦ᭄ᬤ
ᬲᬗ᭄ᬳ᭞ᬘᬭᬡᬮᬶᬗ᭄ᬕᬩᭀᬢ᭄ᬭᬯᬶ᭞ᬧᬸᬘᬓ᭄‌ᬓᬦᬓᬫᬸᬭᬸᬩ᭄᭞ᬲ᭄ᬯᬃᬕ᭄ᬕᬦᬶᬂᬳᬩ᭄ᬭᬢᬦᬶᬦᬶ᭟ᬓᬂᬓᬸᬮᭀᬦ᭄ᬳᬰ᭄ᬭᬶᬳᬮᬗᬸ᭞ᬲ᭄ᬯᬃᬡ᭄ᬦᬲ᭄ᬯᬃᬕ᭄ᬕᬮᬶᬦᭂᬯᬶᬄ᭞ᬲᬃᬯ᭄ᬯᬭᬢ᭄ᬦᬲᬲᬓ
ᬦᬾ᭞ᬫᬾᬭᬸᬫᬵᬲ᭄ᬳᬢᬸᬦ᭄ᬤᬧᬶᬢᬸ᭞ᬲᬶᬗ᭄ᬕᬶᬄᬦᬵᬯᬭᬢ᭄ᬦᬫᬸᬜ᭄ᬘᬃ᭞ᬯᬶᬫ᭄ᬩᬮ᭄ᬯᬶᬃᬲᬹᬃᬬ᭄ᬬᬤᬸᬫ᭄ᬮᬶᬂ᭞ᬲᬂᬯᬢᭂᬓ᭄ᬥᬦᬇᬓᬸ᭞ᬫᬸᬗ᭄ᬕ᭄ᬯᬶᬂᬲ᭄ᬯᬃᬕ᭄ᬕᬳᬦᬸᬫᬦᬶᬲ᭄᭟ᬫᬾᬭᬸᬢᬢᬶᬕᬳᬤᬸᬮᬸᬃ᭞ᬭᬶᬂ [ 30 ][ ᭒᭙ 29B]
᭒᭙᭞
ᬫᬥ᭄ᬬᬲ᭄ᬯᬃᬕ᭄ᬕᬮᬶᬦᭂᬯᬶᬄ᭞ᬧᬥᬢᬸᬗ᭄ᬕᬮᬦ᭄ᬯᬃᬡ᭄ᬦᬦᬾ᭞ᬭᬸᬧᬦᬶᬂᬢᬾᬚᬧᬢ᭄ᬮᬸ᭞ᬳᬶᬗ᭄ᬲᭀᬃᬓᬤᬶᬲᬹᬃᬬ᭄ᬬᬓᭂᬫ᭄ᬩᬃ᭞ᬲᬾᬯᬸᬤᬸᬫᬶᬮᬄᬳᬳ᭄ᬦᬶᬂ᭞ᬲᬃᬯ᭄ᬯᬓᭀᬫᬮᬫᬸᬭᬸᬩ᭄᭞ᬲᬢ
ᬳᬸᬦ᭄ᬭᬳᬶᬦᬦᬾᬓᬶ᭟ᬲ᭄ᬯᬃᬕ᭄ᬕᬓᬃᬯ᭄ᬓᬲᬶᬂᬭᬸᬳᬸᬃ᭞ᬢᬾᬚᬮ᭄ᬯᬶᬃᬲᬹᬃᬬ᭄ᬬᬲᬓ᭄ᬢᬶ᭞ᬲᬢᬯᬃᬡ᭄ᬦᬭᬳᬶᬦᬦᬾ᭞ᬲᬃᬯ᭄ᬯᬪᬲ᭄ᬯᬭᬵᬪᬺᬫᬸᬭᬸᬩ᭄᭞ᬭᬶᬂᬫᬥ᭄ᬬᬲ᭄ᬯᬃᬕ᭄ᬕᬉᬢ᭄ᬢᬫ᭞ᬮᬸᬧᬸᬢᬶᬂᬭᬳᬶ
ᬦᬯ᭄ᬗᬶ᭞ᬢᬦ᭄ᬧᬯᬃᬡ᭄ᬦᬵᬮᬳᬬᬸ᭞ᬭᬳᬶᬦᬲᬤ᭄ᬥᬤᬸᬫ᭄ᬮᬶᬂ᭟ᬲ᭄ᬯᬃᬕ᭄ᬕᬋᬜ᭄ᬘᬦᬵᬭᬦᬶᬧᬸᬦ᭄᭞ᬓᬢᭀᬦ᭄ᬕᬸᬫᬬᬂᬳᬳ᭄ᬦᬶᬂ᭞ᬫᬡᬶᬫᬬᬲᬲᬓᬦᬾ᭞ᬲᬃᬯ᭄ᬯᬯᬶᬥᬸᬭᬾᬭᬳᬩ᭄ᬳᬶᬧᬸ
ᬦ᭄᭞ᬫᬾᬭᬸᬧᬸᬘᬓ᭄ᬧᬶᬢᬸᬯ᭄ᬮᬲ᭄᭞ᬮᬶᬗ᭄ᬕᬦᬾᬳᬶᬦ᭄ᬢᭂᬦ᭄ᬳᬳ᭄ᬦᬶᬂ᭞ᬫᬧᬢᬶᬕᬓᭀᬫᬮᬵᬭᬹᬫ᭄᭞ᬲ᭄ᬯᬃᬕ᭄ᬕᬦᬶᬂᬯᬢᭂᬓ᭄ᬳᬗᬚᬷ᭟ᬗᬯᬸᬮᬍᬯᬶᬄᬧᬸᬦᬶᬓᬸ᭞ᬲᬂᬧᬡ᭄ᬥᬶᬢᬯ᭄ᬭᬸᬳ
[ ᭓᭐ 30A]
ᬗᬚᬷ᭞ᬯ᭄ᬓᬲᬶᬂᬕᬯᬾᬳᬭᬦᬾ᭞ᬓᬧᬸᬢᬸᬲᬦ᭄ᬳᬭᬦᬶᬧᬸᬦ᭄᭞ᬚᬢᬶᬗᬭᬦ᭄ᬲᬂᬧᬡ᭄ᬥᬶᬢ᭞ᬫ᭄ᬯᬄᬯ᭄ᬭᬸᬄᬭᬶᬂᬬᭀᬕᬲᬦ᭄ᬥᬶ᭞ᬬᭀᬕᬶᬰ᭄ᬯᬭᬵᬭᬦᬶᬧᬸᬦ᭄᭞ᬯ᭄ᬓᬲᬶᬂᬳᬕᬦᬮᬮᬶᬢ᭄᭟ᬳ
ᬕᬸᬂᬕᬜ᭄ᬚᬭᬦ᭄ᬳᬶᬧᬸᬦ᭄᭞ᬲᬂᬯ᭄ᬭᬸᬄᬭᬶᬂᬳᬬᭀᬕᬲᬦ᭄ᬥᬶ᭞ᬲᬢᬸᬗ᭄ᬓᭂᬩᬶᬂᬭᬵᬢ᭄ᬨᬮᬦᬾ᭞ᬢᬦ᭄ᬧᬳᬶᬗᬦᬦ᭄ᬮᬯᬲᬶᬧᬸᬦ᭄᭞ᬮᬗ᭄ᬕᭂᬂᬯᬶᬰᬾᬱᬭᬶᬂᬲᬭᬵᬢᬵ᭞ᬯ᭄ᬦᬂᬳᬤᬸᬫ᭄‌ᬢᬹᬃᬳᬫᬶᬮᬶᬄ
᭞ᬯ᭄ᬦᬂᬤᬤᬶᬮᬦ᭄ᬳᬸᬭᬸᬂ᭞ᬧ᭄ᬭᬧ᭄ᬢᬶᬲᬓᬵᬱᬦᬾᬍᬯᬶᬄ᭟ᬩᬸᬤ᭄ᬥᬶᬫᬦ᭄ᬧᬗᬭᬦᬶᬧᬸᬦ᭄᭞ᬲᬂᬯ᭄ᬭᬸᬄᬭᬶᬂᬬᭀᬕᬲᬫᬵᬥᬶ᭞ᬢᬧᬩ᭄ᬭᬢᬳᬬᭀᬓ᭄ᬮᬾᬲ᭄᭞ᬫ᭄ᬯᬄᬓᬂᬕᬸᬡᬧᬗᬯ᭄ᬭᬸᬄ᭞
ᬚᬳᬷᬥᬃᬫ᭄ᬫᬮᬯᬦ᭄ᬯᬭᬄ᭞ᬳᬯ᭄ᬭᬢ᭄ᬕᬜ᭄ᬚᬭᬦᬾᬍᬯᬶᬄ᭞ᬬᬦᬶᬂᬲ᭄ᬢ᭄ᬭᬷᬮᬯᬦ᭄ᬓᬓᬸᬂ᭞ᬢᬸᬗ᭄ᬕᬮᬯᬦᬶᬗ᭄ᬲᬸᬦᬶᬦᬶ᭟ᬭᬶᬂᬳᬶᬲ᭄ᬢ᭄ᬭᬶᬬᬾᬦ᭄ᬢᬸᬮᬸᬲ᭄ᬳᬬᬸ᭞ᬳᬕᬸᬂᬯᬺᬢ᭄ᬢᬶᬦᬾᬭᬶᬗᬹᬦᬶ᭞ᬤᬾ [ 31 ][ ᭓᭐ 30B]
᭓᭐᭞
ᬦ᭄ᬢᭂᬮᬲ᭄ᬓᬲ᭄ᬯᬃᬕ᭄ᬕᬦ᭄ᬓᬩᬾᬳᬵ᭞ᬤᬾᬦᬶᬭᬵᬫ᭄ᬪᬹᬓ᭄ᬢᬶᬳᬦ᭄ᬫᬸ᭞ᬤᬾᬯᬢᬳ᭄ᬬᬂᬦᬵᬯᬲᬗ᭄ᬳ᭞ᬯᬶᬥ᭄ᬬᬥᬭᬯᬶᬥ᭄ᬬᬥᬭᬶ᭞ᬫᬦ᭄ᬢᬸᬓᬭᬶᬂᬲ᭄ᬯᬃᬕ᭄ᬕᬦᬶᬦᬶ᭟ᬢ᭄ᬮᬲ᭄ᬓᬂᬲ᭄ᬯᬃᬕ᭄ᬕᬧᬧᬶᬢᬸ᭞ᬤᬾᬦ᭄ᬬᬵᬫ᭄ᬩᬸᬓ᭄ᬢᬶ
ᬦᬶᬰ᭄ᬭᬷᬕᬢᬶ᭞ᬕᬫ᭄ᬩᭂᬮᬦ᭄ᬳᬸᬫᬸᬂᬲ᭄ᬯᬭᬦᬾ᭞ᬢᬢᬫ᭄ᬧᬦ᭄ᬳᬰ᭄ᬭᬷᬳᬗ᭄ᬮᬗᬸ᭞ᬳᬪᬺᬓᬤᬶᬕᬸᬦᬸᬓᭂᬫ᭄ᬩᬂ᭞ᬉᬧᬘᬭᬦ᭄ᬬᬫᬵᬲ᭄ᬫᬡᬶᬓ᭄᭞ᬕᬕᬜ᭄ᬚᬭᬦ᭄ᬬᬳᬤᬸᬮᬸᬃ᭞ᬓᭀᬫᬮᬳᬶᬦ᭄ᬢᭂᬦ᭄ᬕᬶᬦᬶᬜ᭄ᬚ᭄ᬭᬶᬂ
᭟ᬫᬸᬗ᭄ᬕ᭄ᬯᬶᬂᬚᬫ᭄ᬧᬦᬤᬶᬦᬸᬮᬸᬃ᭞ᬯᬶᬱ᭄ᬡᬸᬢᬦ᭄ᬲᬄᬮᬸᬫᬦ᭄ᬤᬶᬂ᭞ᬯᬶᬲ᭄ᬢᭂᬮᬲ᭄ᬓᬲ᭄ᬯᬃᬕ᭄ᬕᬦ᭄ᬓᬩᬾᬳᬵ᭞ᬦᬶᬰ᭄ᬭᬷᬕᬢᬶᬫ᭄ᬪᬹᬓ᭄ᬢᬶᬭᬹᬫ᭄᭞ᬧᬶᬢᬸᬂᬤᬶᬦᬲᬶᬦᬸᬂᬲᬸᬓ᭞ᬭᬶᬦᬫᭂᬦ᭄ᬭᬳᬶᬯ᭄ᬗᬶ᭞ᬧᬶᬦᬹᬚᬲ᭄ᬢᬸᬢᬶᬉᬫᬸᬂ᭞
ᬤᬾᬦᬶᬂᬲᬧ᭄ᬢᬋᬱᬶᬗ᭄ᬮᬗᬶᬢ᭄᭞ᬢᬸᬢᬸᬕ᭄ᬧᬯᬺᬢ᭄ᬢᬶᬦᬶᬂᬢᬸᬯᬸᬄ᭞ᬢᬦ᭄ᬢᭂᬮᬲ᭄ᬳᬫ᭄ᬪᬹᬓ᭄ᬢᬶᬲᬭᬶ᭞ᬭᬶᬂᬢᬧᬩ᭄ᬭᬢᬨᬮᬦᬾ᭞ᬳᬕᬸᬂᬲᬶᬕᬜ᭄ᬚᬭᬦᬶᬧᬸᬦ᭄᭞ᬳᬜ᭄ᬚᬦ᭄ᬫᬚᬦ᭄ᬫᬫᬢ᭄ᬬ᭞ᬧᬶᬂᬲ
[ ᭓᭑ 31A]
ᬧ᭄ᬢᬤᬾᬯᬲᬦ᭄ᬳᬶᬓᬶ᭞ᬕᬯᬾᬳᬬᬸᬓᬢ᭄ᬫᬸ᭞ᬲᬭᬶᬦᬶᬂᬢᬧᬪᬶᬦᬹᬓ᭄ᬢᬶ᭟ᬧᬤ᭄ᬫᬰᬡᬢᬸᬦ᭄ᬤᬧᬸᬶᬢᬸ᭞ᬤᬾᬦ᭄ᬬᬵᬮᬶᬗ᭄ᬕᬶᬄᬦᬶᬰ᭄ᬭᬷᬕᬢᬶ᭞ᬤᬾᬯᬢᬦ᭄ᬗ᭄ᬭᬲ᭄ᬢ᭄ᬭᬾᬦ᭄ᬓᬩᬾᬄ᭞ᬲᬶᬦᬸᬦ᭄ᬤᬫᬮᬭ
ᬳᬬᬸ᭞ᬤᬶᬦ᭄ᬬᬸᬲᬶᬂᬢᬶᬣᬵᬫᬺᬢ᭄ᬢ᭞ᬧᬹᬃᬡ᭄ᬦᬫᬦ᭄ᬤᬤᬶᬤᬾᬯᬢᬷ᭞ᬮᬮᬗ᭄ᬲᬭᬦᬶᬂᬳᬭᬹᬫ᭄᭞ᬲᬹᬓ᭄ᬱ᭄ᬫᬫᬬᬳᬶᬲ᭄ᬢ᭄ᬭᬶᬍᬯᬶᬄ᭟ᬳᬶᬗ᭄ᬭᬲ᭄ᬢ᭄ᬭᬾᬦ᭄‌ᬕ᭄ᬦᭂᬧᬶᬂᬧᬶᬢᬸ᭞ᬕᬶᬦᬯᬾᬮᬶᬗ᭄ᬕᬯᬶᬦᬺᬢᬶ
᭞ᬳᬶᬲ᭄ᬢ᭄ᬭᬷᬯᬶᬰᬾᬱᬯᬵᬱ᭄ᬝᬦᬾ᭞ᬤᬾᬯᬢᬷᬧᬥᬳᬧᬸᬧᬸᬮ᭄᭞ᬫᬭᬶᬂᬕᬺᬳᬧᬢᬭᬩ᭞ᬳᬫᭀᬗᬶᬂᬭᬵᬕᬮᬸᬮᬸᬢ᭄᭞ᬧᬦᬸᬗ᭄ᬕᬮᬾᬪᬝᬵᬭᬷᬰ᭄ᬭᬷ᭟ᬳᬶᬲ᭄ᬢ᭄ᬭᬶᬮᬶᬗ᭄ᬕᬗᬭᬦᬶᬧᬸᬦ᭄᭞ᬲᬂᬯ᭄ᬭᬸᬄ
ᬭᬶᬂᬭᬱᬮᬶᬦᭂᬯᬶᬄ᭞ᬯᬶᬰᬾᬱᬯᬯᬤᭀᬦ᭄ᬓᬩᬾᬄ᭞ᬚᬷᬯᬧ᭄ᬭᬡᬦᬾᬳᬧᬸᬧᬸᬮ᭄᭞ᬲᬧ᭄ᬢᬲᬺᬗ᭄ᬕᬭᬢᬶᬦᬸᬗ᭄ᬕᬮ᭄᭞ᬭᬱᬭᬶᬦᬱᬢᬦ᭄ᬕᬶᬗ᭄ᬲᬶᬃ᭞ᬤ᭄ᬯᬭᬢᬶᬕᬓᬢ᭄ᬫᬸ᭞ᬲᬂᬳᬕᬦ᭄ᬢᬸᬂᬧᬢᬶᬉᬭᬶᬧ᭄ [ 32 ][ ᭓᭑ 31B]
᭓᭑᭞
᭟ᬚᬷᬯᬓᬵᬃᬱᬦ᭄ᬳᬭᬦᬶᬧᬸᬦ᭄᭞ᬫᬃᬕ᭄ᬕᬦᬶᬂᬧᬢᬶᬮᬶᬦᭂᬯᬶᬄ᭞ᬚ᭄ᬭᭀᬦᬶᬂᬭᬵᬱ᭄ᬬᬧᬢᬶᬢᬶᬲᬾ᭞ᬢ᭄ᬭᬸᬲ᭄ᬓᬂᬭᬱᬧᬧᬶᬢᬸ᭞ᬓᬢ᭄ᬫᬸᬭᬱᬫᬹᬃᬘ᭄ᬘᬶᬢ᭞ᬧ᭄ᬚᬄᬲᬶᬦᬗ᭄ᬕᬫᬗᬶᬧᬶ᭞ᬫᬹᬃᬢ᭄ᬢᬶᬦᬶᬂᬭᬕᬲᬸᬯᬸᬂ᭞
ᬭᬕᬵᬮᬶᬢ᭄ᬳᬫ᭄ᬪᬹᬓ᭄ᬢᬶᬭᬰ᭄ᬫᬶᬦ᭄᭟ᬳ᭄ᬬᬂᬯᬶᬱ᭄ᬡᬸᬳᬦᬗ᭄ᬕᬸᬂᬮᬸᬮᬸᬢ᭄᭞ᬤᬸᬓ᭄ᬯᬶᬰᬾᬱᬧᬢᬶᬉᬭᬶᬧ᭄᭞ᬮᬮᬦᬾᬚᬷᬯᬧ᭄ᬭᬡᬦᬾ᭞ᬬᬦ᭄ᬫᬜ᭄ᬚᬶᬂᬫᬶᬚᬶᬮ᭄ᬢᬦ᭄ᬓᬾᬯᬸᬄ᭞ᬓ᭄ᬦᬾᬂᬭᬱᬓᬵᬫᬢᬦ᭄ᬢ᭄ᬭ᭞ᬳ
ᬫᭂᬧᭂᬓᬶᬲᬃᬯ᭄ᬯᬲᬶᬦ᭄ᬥᬶ᭞ᬢ᭄ᬭᬸᬲ᭄ᬢᭂᬓᬾᬗᬸᬮᬸᬧᬸᬳᬸᬦ᭄᭞ᬳᬜᬶᬤᬺᬭᬶᬂᬧᬢᬶᬉᬭᬶᬧ᭄᭟ᬓᬢ᭄ᬫᬸᬳᬦᬗ᭄ᬕᬮᬸᬮᬸᬢ᭄᭞ᬓᬮᬯᬦ᭄ᬲᬦ᭄ᬥᬶᬦᬶᬂᬭᬢᬶᬄ᭞ᬮᬸᬯᬃᬢᬦ᭄ᬲᬄᬧᬺᬫᬩᬦᬾ᭞ᬯ᭄ᬓᬲᬶᬂᬭᬱᬓ
ᬢ᭄ᬫᬸ᭞ᬫᬹᬃᬢ᭄ᬢᬶᬦᬶᬂᬭᬕᬲᬶᬮᬸᬫᬦ᭄᭞ᬰᬹᬦ᭄ᬬᬭᬱᬦᬶᬂᬭᬱᬵᬮᬶᬢ᭄᭞ᬭᬱᬫᬹᬃᬜᬫᬸᬢ᭄ᬜᬫᬸᬢ᭄᭞ᬇᬥᭂᬧ᭄ᬲᬸᬯᬸᬂᬢᬦ᭄ᬧᬕᬮᬶᬄ᭟ᬢᬦ᭄ᬯᬃᬡ᭄ᬦᬦᭂᬦ᭄ᬮᬯᬲ᭄ᬳᬶᬧᬸᬦ᭄᭞ᬭᬶᬂᬲ᭄ᬯᬃᬕ᭄ᬕᬫᬗ᭄ᬓᬾᬲᬶᬦᬶᬯᬶ᭞
[ ᭓᭒ 32A]
ᬩᬦᬦ᭄᭞ᬫᬮᬶᬄᬓᬢᬸᬭᬸᬦ᭄‌ᬳᭀᬮᬶᬄᬳᬶᬤᬳᬶᬤᬾᬯᬕ᭄ᬤᬾᬘᬢᬺᬭᬶᬂᬚᬮᬦ᭄‌ᬉᬦ᭄ᬢᬸᬂᬰᬹᬭᬧᬢᬶ᭞ᬕᬂᬧ᭄ᬮᬫ᭄ᬩᭀᬬᬦ᭄᭞ᬦᭀ᭞᭒᭞ᬅᬫ᭄ᬮᬧᬸᬭ᭞ᬓᬭᬗᬲᭂᬫ᭄᭟ᬯᬸᬲ᭄ᬲᬵᬫ᭄ᬧᬹᬃ
ᬡ᭄ᬦᬮᬶᬓᬶᬢᬭᬶᬂᬯ᭄ᬯᬾ᭞ᬰᬹ᭞ᬯ᭞ᬓ᭄ᬭᬸᬮᬸᬢ᭄᭞ᬢᬗ᭄ᬕᬮ᭄᭞᭑᭓᭞᭑᭐᭞ᬇᬰᬓ᭞᭑᭙᭘᭙᭞ᬤᬾᬓᬗᬧᬦ᭄ᬮᬄᬅᬭᬶᬓᬘᬢᬸᬃᬲᬦᬓ᭄‌ᬭᬶᬂᬧᬉᬫᬦ᭄‌ᬦᬰ᭄ᬘᬬᬮᭀᬃ᭞ᬧᬰ᭄ᬘᬶᬫᬾᬂᬖᭀ
ᬭᬵᬭᬵᬚ᭄ᬬᬲᬭᬰ᭄ᬯᬢᬷᬲ᭄ᬫᬵᬭᬧᬸᬭ᭞ᬓ᭄ᬮᬸᬂᬓᬸᬂ᭟᭐᭟ [ 33 ][ ᭓᭒ 32B]
᭓᭒᭞
ᬳᬫ᭄ᬪᬹᬓ᭄ᬢᬶᬕᬜ᭄ᬘᬭᬦ᭄ᬭᬫᬾ᭞ᬯᬸᬲ᭄ᬢᭂᬮᬲ᭄ᬲ᭄ᬯᬃᬕ᭄ᬕᬧᬧᬶᬢᬸ᭞ᬚ᭄ᬜᭂᬓ᭄ᬳᬦᬾᬲ᭄ᬫᬵᬭᬮᬬ᭞ᬳᬫ᭄ᬪᬹᬓ᭄ᬢᬶᬲᬭᬶᬦᬶᬂᬲᬭᬶ᭞ᬢᬦ᭄ᬓᭀᬘᬧᬾᬧᬫᬸᬯᬸᬲ᭄᭞ᬢ᭄ᬮᬲ᭄ᬘᬭᬶᬢᬕᬶᬦᬸᬭᬶᬢ᭄᭟ᬇᬓᬸᬢᬸᬗ᭄ᬕᬮ᭄ᬗᬭ
ᬦ᭄ᬳᬶᬧᬸᬦ᭄᭞ᬲᬗ᭄ᬓᬦ᭄ᬯᬶᬳᬫᬺᬤ᭄ᬥᬶᬯᬗ᭄ᬲᬶᬢ᭄᭞ᬳᬾᬢᬗᭂᬦ᭄ᬲᬲᬓᬵᬮᬦᬾ᭞ᬤᬸᬓ᭄ᬯᬶᬦ᭄ᬭᬢᬭᬱᬇᬓᬸ᭞ᬧᬜ᭄ᬘᬤᬰᬶᬭᬶᬂᬓᬃᬢ᭄ᬢᬶᬓ᭞ᬬᬫᬉᬮᬸᬢᬸᬚᭀᬦᬶᬓᬶ᭞ᬘᭀᬫᬯᬕᬾᬦᬶᬤᬸᬓᬸᬢ᭄
᭞ᬪᬝᬵᬭᬷᬰ᭄ᬭᬷᬤᬸᬓ᭄ᬕᬶᬦᬸᬭᬶᬢ᭄᭟ᬳᭀᬮᬶᬄᬯᬲ᭄ᬢᬸᬲᬂᬳᬗᬧᬸᬲ᭄᭞ᬰᬸᬤ᭄ᬥᬫᬦ᭄ᬢ᭄ᬭᬲᬓᬾᬂᬯᬶᬥᬷ᭞ᬓᬱᬵᬓ᭄ᬦᬲᬶᬦᬥ᭄ᬬᬦᬾ᭞ᬬᬾᬦ᭄ᬳᬦᬳᬫᬘᬇᬓᬸ᭞ᬭᬭᬢᬸᬳᬸᬏᬗ᭄ᬕᬮ᭄ᬓ᭄‌ᬳᬓ᭄ᬭᬫ᭞ᬚ
ᬚᬓᬏᬗ᭄ᬕᬮ᭄ᬳᬭᬩᬶ᭞ᬚᬚᬓᬫᬸᬯᬄᬯᬶᬓᬸ᭞ᬬᬾᬦ᭄ᬲᬥᬸᬏᬗ᭄ᬕᬮ᭄ᬳᬫ᭄ᬭᬶᬄᬫ᭄ᬭᬶᬄ᭟᭐᭟ᬇᬓᬶᬓᬶᬥᬸᬂᬚᬬᬾᬗ᭄ᬮᬗᭃ᭞ᬢᬸᬭᬸᬦ᭄ᬮᭀᬦ᭄ᬢᬃᬤ᭄ᬭᬸᬯᬾᬦ᭄ᬧᬸᬭᬶᬓᬮᬾᬭᬦ᭄ᬓᬩᬓᬩ᭞ᬓᬤᬶᬭᬶ᭞ᬢ
[ 33A]