Ban/Gaguritan Kadyatmikan 02

Deskripsi

Bahasa Indonesia

Gaguritan Kadyatmikan 02 merupakan gaguritan yang menceritakan mengenai seorang ayah yang tengah menasehati anaknya. Ayah ini memberikan petuah mengenai pentingnya sastra dalam menjalani kehidupan. Selain itu, gaguritan ini juga menceritakan mengenai panca aksara, penerapan Tri Kaya Parisudha, dan membahas mengenai kelepasan.

Naskah

[ 1 ][PERPUSTAKAAN
KTR. DOKBUD BALI
PROP. BALI
G/VIII/15/DOKBUD
Judul : GAGURITAN KADYATMIKAN
Panj. 35 cm. Jl. 22 lb.
Asal : Grya Tengah, Bdkling.] [ 2 ][᭑ 1B]
᭑
᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬹᬄᬚᬶᬦᬥ᭟᭑᭟ᬲ᭄ᬯᬲ᭄ᬢᬶᬳᬲ᭄ᬢᬸᬪᬕ᭄ᬬᬫᬵᬦ᭄ᬢ᭞ᬜᬫᬺᬢᬶᬫᬗᬸᬮᬶᬓ᭄ᬳᬚᬶ᭞ᬢᬸᬢᬸᬃᬢ᭄ᬭᬓᬥ᭄ᬬᬓ᭄ᬫᬶᬓᬦ᭄᭞ᬲᬭᬶᬦ᭄ᬓᬥᬃᬫ᭄ᬫᬦᬾᬢᬸᬚᬸ᭞ᬲᬯᬢ᭄ᬓᬧᭀ
ᬧᬘᬂᬲᬶᬤᬵ᭞ᬧᬶᬢ᭄ᬯᬶᬓ᭄ᬢᬶᬮ᭄ᬩᬧᬵᬗᬶᬦ᭄ᬤᬬᬂᬫ᭄ᬩᬄᬩᬳᬂ᭟᭒᭟ᬓᬭᬡᬲᬳᬢ᭄ᬭᬾᬄᬗ᭄ᬭᬱᬵ᭞ᬓᬓᭀᬩ᭄ᬢᬜ᭄ᬘᬳᬶᬘ᭄ᬦᬶᬂ᭞ᬩᬓᬮ᭄ᬢᭀᬗᭀᬲᬾᬦᬓᭀᬦᬂ᭟ᬫᬦᬶᬧ᭄ᬯᬦ᭄ᬤᬶᬓᬯᬸᬗ᭄ᬓᬸᬃ᭞ᬢᬶ
ᬢᬄᬤᬾᬯᬵᬜᬾᬦ᭄ᬫᬦᬯᬂ᭞ᬬᬾᬦᬶᬂᬕᬦ᭄ᬢᬶᬢᭀᬂᬤᬤᬶᬩ᭄ᬯᬶᬦ᭄ᬢᬗ᭄ᬕᭂᬳᬂ᭟᭓᭟ᬫᬸᬂᬧᬸᬂᬳᬤᬵᬧᬳᬶᬗᭂᬢᬦ᭄᭞ᬲᬗ᭄ᬓᬦ᭄ᬩᬸᬯᬢ᭄ᬩᬸᬓᬵᬚᬦᬶ᭞ᬩᬧᬵᬦᬢᬓ᭄‌ᬲ᭄ᬯᬾᬘ᭄ᬙᬵᬦ᭄ᬤᬾᬯᬵ᭞
ᬫᬥᬓ᭄ᬓᬸᬤᬵᬳᬶᬤᬳᬲᬸᬂ᭞ᬳᬲᬶᬄᬮᬸᬕ᭄ᬭᬵᬤᬶᬧᬤᬶᬧ᭄ᬭᬦ᭄᭞ᬫᬜᬶᬧ᭄ᬢᬳᬶᬦ᭄ᬩᬧᬵᬳᬫ᭄ᬩᬄᬫᬢᬶᬢᬶᬲᬂ᭟᭔᭟ᬦᬸᬚᬸᬦᬾᬫᬹᬮᬵᬕᬸᬫᬡᬵ᭞ᬓᬲᭂᬗ᭄ᬓᬬᬂᬳᭀᬮᬶᬄᬗᬸᬦᬶ᭞
[᭒ 2A]
ᬜᬦ᭄ᬳᬶᬤᬵᬲᬂᬲᬸᬩᬵᬯᬶᬓᬦ᭄᭞ᬯᬶᬪᬸᬳᬶᬂᬅᬚ᭄ᬜᬵᬡᬧᬸᬢᬸᬲ᭄᭞ᬤᬤᬶᬩᬧᬵᬫᬯᬓ᭄ᬧᭀᬗᬄ᭞ᬳᬶᬦᬩ᭄ᬫᬧᬶᬢᬢᬲ᭄ᬢᬳᬸᬲᬗ᭄ᬓᬦ᭄ᬧᬭᬦ᭄᭟᭕᭟ᬓᬚᬢᬾᬦ᭄ᬜᬢ᭄ᬯᬭᬲᬚ᭞ᬢ᭄ᬯᬄ
ᬩᬧᬵᬦᬸᬫᬳᬸᬭᬸᬓᬶᬦ᭄᭞ᬗ᭄ᬕᭂᬜ᭄ᬚᬳᬶᬦ᭄ᬢᬸᬃᬫᬗᬶᬫ᭄ᬩᬗᬂ᭞ᬗ᭄ᬕᬩᬕᬵᬩᬕᬶᬦ᭄ᬫᬗ᭄ᬭᬸᬭᬸᬄ᭞ᬢᭀᬂᬦ᭄ᬤᬸᬕᬵᬩᬓᬢ᭄ᬧᬲ᭄ᬢᬶᬬᬂ᭞ᬚᬕ᭄ᬦᭂᬧᬸᬓᬶᬦ᭄ᬤᬕᬶᬂᬢᬢ᭄ᬯᬦᬾᬉᬢ᭄ᬢᬫᬵ᭟᭖᭟ᬤᬾᬦᬶᬂᬓᬳᬸ
ᬘᬧ᭄ᬤᬶᬰᬵᬲ᭄ᬢ᭄ᬭ᭞ᬬᬦ᭄ᬢᬦ᭄ᬓᬃᬫ᭄ᬫᬫᬦ᭄ᬫᬸᬦᬶᬦ᭄᭞ᬚᭀᬄᬧᬭᬵᬫᬜᬶᬤᬵᬓᬵᬃᬬ᭄ᬬ᭞ᬦ᭄ᬧᬸᬓᬶᬦ᭄ᬓᭀᬢ᭄ᬢᬫᬦ᭄ᬢᬸᬢᬸᬃ᭞ᬩᬧᬵᬚᬢᬷᬜᬫᭀᬥᬦᬵ᭞ᬫᬗᭂᬦ᭄ᬢᭂᬦᬶᬦ᭄‌ᬳ᭄ᬤᬩᬵᬲ᭄ᬩᬗ᭄ᬕᬵᬫᬜᬕ᭄ᬭᬂ
᭟᭗᭟ᬦᬾᬩᬧᬵᬜᬶᬦᬳᬂ᭞ᬳᬫᬸᬂᬓᬸᬮᬶᬢ᭄ᬜᬦᬾᬘ᭄ᬦᬶᬂ᭞ᬳᬧᬵᬦᬶᬂᬓᭀᬢ᭄ᬢᬫᬦ᭄ᬢᬢ᭄ᬯ᭞ᬤᬃᬢ᭄ᬣᬬᬂᬤᭀᬱᬵᬓᬢ᭄ᬧᬸᬓ᭄᭞ᬜᬶᬦᬳᬂᬦᬾᬢ᭄ᬯᬭᬢᬯᬂ᭞ᬲᭂᬗ᭄ᬓᬵᬲᬸᬮᬶᬢ᭄‌ᬦᬶᬱ᭄ᬓ [ 3 ][᭒ 2B]
᭒
ᬮᬵᬮᬶᬘᬶᬦ᭄ᬧᬫ᭄ᬓᬲ᭄᭟᭘᭟ᬓᬤᬸᬓ᭄ᬩᬶᬱᬵᬫᬧᬶᬥᬃᬢ᭄ᬣᬵᬮᬓ᭄ᬱᬡᬳ᭄ᬦᬸᬫ᭄ᬯᬢ᭄ᬫᬳᬶᬢ᭄᭞ᬧᬺᬲᬶᬤᬵᬫᬗᬧᬸᬲ᭄ᬳᬯᬓ᭄᭞ᬤᬦ᭄ᬤᬾᬦ᭄ᬫᬮᬸᬫᬧᬗ᭄ᬕᬸᬕᬸ᭞ᬳᬸᬧᬾᬓ᭄ᬱᬵᬳᬶᬗᭂᬭᬶᬗᭂᬭᬂ᭞ᬧᬭᬶ
ᬓ᭄ᬱᬳᬶᬦ᭄ᬤᬷᬳᬶᬥᭂᬧ᭄‌ᬘ᭄ᬦᬶᬗᬾᬢᬸᬭᬾᬓ᭄ᬱᬵ᭟᭙᭟ᬤᬶᬗᭂᬄᬓᬯᬶᬢ᭄ᬩᬧᬵᬜᬢ᭄ᬯ᭞ᬧᬶᬢ᭄ᬓᭂᬢ᭄ᬯᬯᬗ᭄ᬲᬮᬦ᭄ᬧᬶᬗᬶᬢ᭄᭞ᬭᬳᬱ᭄ᬬᬤᬵᬗᬯᬾᬭᬬᬂ᭞ᬕᬢᬶᬬᬂᬚᬵᬳᭂᬦ᭄ᬢᭀᬭᬸᬭᬸᬄ᭞
ᬚᬢᬷᬫᬵᬯᬶᬢ᭄ᬢᬢᬫᬶᬳᬦ᭄᭞ᬳᭀᬮᬶᬄᬗᬹᬦᬶᬧᬳᬶᬘ᭄ᬙᬦ᭄ᬳᬶᬤᬵᬳᬶᬓᬓ᭄ᬬᬂ᭟᭑᭐᭟ᬢ᭄ᬓᬾᬦ᭄ᬩᬧᬵᬧᬗᬦ᭄ᬤᬶᬓᬵ᭞ᬧᬢᬶᬓᬲ᭄ᬮᬓ᭄ᬱᬡᬵᬓᬶᬃᬢ᭄ᬢᬶ᭞ᬳᬗ᭄ᬕᭀᬦ᭄ᬤᬲᬃᬫᬧᭀᬕᬮᬵ᭞ᬫ
ᬢᬶᬢᬶᬲ᭄‌ᬜ᭄ᬚᬸᬚᬸᬄᬦᬾᬭᬸᬭᬸᬄ᭞ᬳᬶᬤᬵᬲᬗ᭄ᬳ᭄ᬬᬂᬓᬍᬧᬲᬦ᭄᭞ᬧᬢᬶᬳᬸᬭᬶᬧ᭄‌ᬳᬗ᭄ᬕᭀᬦ᭄ᬳᬶᬤᬵᬧᬜᬶᬯᬶᬬᬦ᭄᭟᭑᭑᭟ᬦᬄᬦᬾᬘ᭄ᬦᬶᬂᬧᬤᬶᬗᭂᬳᬂ᭞ᬧᬯᬭᬄᬳᬶᬓᬓ᭄ᬬᬂᬭᬶᬳᬶ
[᭓ 3A]
ᬦ᭄᭞ᬢ᭄ᬓᬾᬦ᭄ᬩᬧᬵᬤᬸᬓᬾᬩᬚᬂ᭞ᬧᬧᭂᬂᬫ᭄ᬗᭃᬫᬳᬸᬭᬸᬓ᭄᭞ᬪᬕ᭄ᬬᬫᬥᬓ᭄ᬱᬶᬤᬵᬲᬥ᭄ᬬ᭞ᬫᬫ᭄ᬮᬚᬳᬶᬦ᭄‌ᬢᬫ᭄ᬧᬓ᭄ᬥᬡ᭄ᬝᬵᬫᭀᬢ᭄ᬢᬫᬵ᭟᭑᭒᭟ᬧᬗ᭄ᬕᬸᬕᬸᬦᬾᬦ᭄ᬢᭀᬲᬳᬢᬂ᭞
ᬗ᭄ᬕᬶᬮᬶᬲᬂᬳᬶᬥᭂᬧ᭄ᬫᬫ᭄ᬩᭂᬲᬶᬓ᭄᭞ᬗ᭄ᬕᬸᬕᬸᬳᬤᬵᬲᬗ᭄ᬳ᭄ᬬᬂᬢᬸᬗ᭄ᬕᬮ᭄᭞ᬳᬸᬭᬶᬧ᭄ᬪᬸᬯᬦᬦᬾᬯᬶᬪᬸᬄ᭞ᬤᬶᬦᬶᬱ᭄ᬓᬮᬵᬳᬶᬤᬵᬓᬹᬘᬧ᭄᭞ᬫᬓᬵᬲᬭᬶᬦ᭄ᬲᬃᬯ᭄ᬯᬢᬸᬢᬸᬭᬾᬫᬓ᭄ᬚᬂ᭟᭑᭓᭟ᬢᬢ᭄ᬯᬕ
ᬫ᭄ᬫᬰᬶᬯᬵᬩᬸᬤ᭄ᬥᬵ᭞ᬧᬗᬸᬮᬳᬾᬢ᭄ᬯᬄᬳᬩ᭄ᬲᬶᬓ᭄᭞ᬧᬤᬵᬗᬸᬮᬢᬶᬦ᭄ᬓᬫᭀᬓ᭄ᬱᬦ᭄᭞ᬲᭀᬓ᭄ᬪᬾᬤᬵᬧᬢᬶᬓᬲ᭄ᬦᬸᬚᬸ᭞ᬬᬾᬦᬶᬂᬘ᭄ᬦᬶᬂᬓᬹᬗ᭄ᬕ᭄ᬯᬦ᭄ᬓᬃᬫ᭄ᬫᬵ᭞ᬫᬦ᭄ᬧᬸᬓᬶᬦ᭄‌ᬓᬲᬶᬦᬸᬗᬦ᭄ᬤᬾᬦᬶᬂ
ᬤᬾᬯᬵ᭟᭑᭔᭟ᬤᬾᬦᬶᬂᬧᬶᬢ᭄ᬕᭂᬲ᭄ᬓᬫᭀᬓ᭄ᬱᬦ᭄᭞ᬯᬾᬭᬵᬕ᭄ᬬᬳᬶᬥ᭄ᬧᬾᬲᬳᬶ᭞ᬩ᭄ᬬᬸᬥᬬᬦᬾᬤᬶᬲ᭄ᬓᬵᬮ᭞ᬫᬲᬶᬄᬳᬦᬹᬢ᭄ᬳᬧᬗ᭄ᬕᬸᬕᬸ᭞ᬢ᭄ᬯᬭᬮᬯᬸᬢ᭄ᬓᬲ᭄ᬮᭀᬦ᭄ᬤᭀᬳᬦ᭄᭞ᬓᬢ [ 4 ][᭓ 3B]
᭓
ᬮᬶᬦᬶᬦ᭄ᬩ᭄ᭉᬵᬦ᭄ᬧᬗ᭄ᬯᬰᬦ᭄ᬭᬚᬄᬢᬫᬄ᭟᭑᭕᭟ᬲᬸᬕᬶᬄᬳᬃᬣᬵᬳᬫ᭄ᬩᭂᬓ᭄ᬧ᭄ᬭᬚ᭄ᬜᬦ᭄᭞ᬯᬗ᭄ᬰᬵᬮ᭄ᬯᭂᬳᬶᬄᬓᬦ᭄ᬧᬓᬶᬃᬢ᭄ᬢᬶ᭞ᬯᬰᬡᬜᬫᬗ᭄ᬭᬸᬪᬾᬥ᭞ᬲ᭄ᬓᬵᬮᬦᬶᬱ᭄ᬓᬮᬩᬸᬜ᭄ᬘᬸᬮ᭄᭞ᬓ
ᬮᬶᬲ᭄ᬢᬾᬓᬾᬦᬶᬂᬓᬫᭀᬓ᭄ᬱᬦ᭄᭞ᬓᬭᬘᬶᬦᬶᬦ᭄‌ᬩᬜ᭄ᬘᬦᬾᬦ᭄ᬳᬶᬤᬵᬩᬕᬤ᭄ᬯᬾᬱᬵ᭟᭑᭖᭟ᬫᭀᬓ᭄ᬱᬓᬭᬡᬦᬾᬲᬯᬢ᭄᭞ᬬᬾᬦ᭄ᬢ᭄ᬯᬭᬵᬮᬯᬸᬢ᭄ᬳᭂᬫ᭄ᬩᬦᬶᬦ᭄᭞ᬲᬹᬰᬶᬮᬦᬾ
ᬳ᭄ᬦᬾᬓᬧ᭄ᬭᬄ᭞ᬫᬓᬤᬲᬃᬦ᭄ᬢᭀᬧᬶᬓᬸᬓᬸᬄ᭞ᬦᬸᬦ᭄ᬢᬸᬦ᭄ᬳᬶᬥ᭄ᬧᬾᬲᬹᬓ᭄ᬱ᭄ᬫᬵ᭞ᬓᬾᬢᭀᬘ᭄ᬦᬶᬂᬳᬧᬶᬓ᭄ᬢᬩᬸᬳᬾᬫᬲᭀᬮᬄ᭟᭑᭗᭟ᬫᬲᬶᬄᬚ᭄ᬫᭂᬢᬂᬦᬓᭀᬦᬂ᭞ᬢᬢ᭄ᬯᬰᬵᬲ᭄ᬢ᭄ᬭᬦᬾᬧᬸᬭᬸ
ᬓᬶᬦ᭄᭞ᬕᬸᬮᬶᬢᬶᬓ᭄ᬩᬵᬦ᭄ᬤᬶᬧᬸᬭᬸᬓᬦ᭄᭞ᬤᬵᬲᬸᬩᬮᬦ᭄ᬓᬤᬸᬓ᭄ᬱᬶᬲᬸ᭞ᬘ᭄ᬦᬶᬂᬗ᭄ᬕᬸᬮᬶᬲᬸᬤᬸᬓ᭄ᬱ᭄ᬳᬵᬲ᭄ᬢ᭄ᬭ᭞ᬫᬶᬫ᭄ᬧᬲ᭄ᬓᬶᬓᬶᬢ᭄‌ᬧ᭄ᬯᬭᬳ᭄ᬮᬾᬩ᭄ᬦᬾᬕ᭄ᬫᭂᬢᬂ᭟᭑᭘᭟ᬲᬸᬮᬶᬢ᭄ᬲᭂᬗ᭄ᬓᬵᬩᬵᬦ᭄ᬦ
[᭔ 4A]
ᬫ᭄ᬧᬾᬦᬂ᭞ᬧᬶᬮᬶᬄᬯᬗ᭄ᬲᬮ᭄ᬓᬤᬾᬜ᭄ᬚᬢᬶ᭞ᬭᬾᬄᬳᬶᬤᬵᬲᬵᬂᬬᭀᬕᬶᬰ᭄ᬯᬭᬵ᭞ᬘᬮᬸᬄᬤᬶᬕᬮᬗᬾᬜᬭᬸ᭞ᬜᬭᬸᬦ᭄ᬤᬸᬧ᭄ᬢᬦ᭄ᬧᬳᬫ᭄ᬗᬦ᭄᭞ᬢ᭄ᬯᬭᬵᬫᬶᬮᬶᬄᬗ᭄ᬤᭀᬦ᭄ᬳᬶᬤᬵᬫᬯᬭᬯ
ᬭᬄ᭟᭑᭙᭟ᬯᬶᬢ᭄ᬚᬢᬶᬦᬾᬓᬲᬶᬗᬶᬤᬂ᭞ᬚ᭄ᬭᭀᬦᬶᬂᬓᬳ᭄ᬬᬸᬦ᭄ᬜᬸᬲᬸᬧ᭄ᬜᬗᬶᬤ᭄᭞ᬳ᭄ᬤᬓᬤᬸᬓ᭄‌ᬩᬺᬕᬫ᭄ᬧᬗᬦ᭄᭞ᬗᬸᬫᬦ᭄ᬤᭂᬮ᭄ᬤᬾᬯᬾᬓᬾᬯᬶᬪᬸᬄ᭞ᬰᬵᬲ᭄ᬢ᭄ᬭᬯᬶᬪᬸᬄᬓᬲᬸᬕᬶᬳᬦ᭄᭞
ᬢ᭄ᬯᬭᬵᬚᬢᬶᬗᬓᬸᬦᬯᬂᬓᬾᬦ᭄ᬧᬲᬚᬵ᭟᭒᭐᭟ᬓᬩ᭄ᬬᬓ᭄ᬢᬄᬳᬤᬵᬢᬸᬢᬸᬭᬦ᭄᭞ᬲᬢ᭄ᬯᬦ᭄ᬳᬦᬓᬾᬗᬦ᭄ᬢᭂᬩᬶᬦ᭄᭞ᬦᬾᬫᬵᬤᬦ᭄ᬢᬓ᭄ᬧᬦ᭄ᬥᬡ᭄ᬝᬵ᭞ᬘᬮᬶᬂᬕᬚᬳᬾᬓᬧᬳᬸ
ᬢ᭄᭞ᬳᬮᬸᬲ᭄ᬓᬲᬶᬕᬃᬓᬕᬶᬮᬧ᭞ᬫᬢᬸᬮᬶᬲᬶᬦ᭄‌ᬚ᭄ᬜᭂᬂᬰᬵᬲ᭄ᬢ᭄ᬭᬵ᭞ᬫᬮᬵᬕᬾᬦ᭄ᬤᬄ᭟᭒᭑᭟ᬓᬚᬢᬾᬦ᭄ᬜᬵᬢ᭄ᬯᬭᬩᬶᬦᬵ᭞ᬢ᭄ᬓᬾᬦ᭄ᬰᬵᬲ᭄ᬢ᭄ᬭᬦᬾᬫᬢᬸᬮᬶᬲ᭄᭞ᬤᬶᬧᭂᬧᭂᬲᬦ᭄ᬤᬯᬸ [ 5 ][᭔ 4B]
᭔
ᬦ᭄ᬮᬾᬦ᭄ᬢᬃ᭞ᬫᬧᬦᬗ᭄ᬓᬦ᭄ᬳᬸᬮᬶᬓᬸᬩᬸ᭞ᬲᬚᬵᬬᬦ᭄ᬧᬥᬵᬧᬲᬭᬂ᭞ᬘᬸᬯᬢ᭄‌ᬘ᭄ᬦᬶᬂᬥᬡ᭄ᬝᬦᬾᬫᬳᬚᬶᬫᬳᬮ᭄᭟᭒᭒᭟ᬯᬦ᭄ᬢᬄᬓᬧᭀᬯᬶᬢ᭄ᬧᬲᬚᬵ᭞ᬥᬡ᭄ᬝᬦᬾᬓᬲᬸᬫ᭄ᬩᬸᬂᬚ
ᬢᬶ᭞ᬳᬸᬮᬶᬮᬓᬭᬾᬜᬶᬭᬶᬬᬂ᭞ᬧᬗᬃᬕ᭄ᬕᬵᬫᬳᭂᬮ᭄ᬓᬧᬶᬕᬸᬂ᭞ᬳᬶᬢᬸᬂᬢ᭄ᬓᬾᬦ᭄ᬳᬸᬧᬄᬜᬸᬭᬵᬢ᭄᭞ᬗᬸᬓᬶᬃᬘᬮᬶᬂᬕᬚᬄᬯᬦ᭄ᬢᬄᬲᭂᬗ᭄ᬓᭃᬧᬶᬲᬦ᭄᭟᭒᭓᭟ᬓᬤᬾᬦ᭄ᬲᬶᬤᬵᬩᬓᬮ᭄ᬩ
ᬓᬢ᭄᭞ᬩ᭄ᬮᬶᬩᬦ᭄ᬧᬶᬧᬶᬲ᭄ᬓᬍᬦ᭄ᬢᬶᬂ᭞ᬤᬕᬶᬂᬢᬸᬢᬸᬃᬭᬾᬉᬢ᭄ᬢᬫ᭞ᬘ᭄ᬦᬶᬂᬤᬦ᭄ᬤᬾᬦ᭄ᬫᬮᬸᬗ᭄ᬕᬸᬕᬸ᭞ᬕᬮᬶᬳᬶᬦ᭄ᬮᬯᬢ᭄ᬪᬸᬓ᭄ᬢᬶᬬᬂ᭞ᬢᬹᬃᬕᭂᬜ᭄ᬚᬳᬶᬦ᭄‌ᬳᭂᬦ᭄ᬢᭀᬓᭀᬦᬾᬓᬍᬧᬲᬦ᭄᭟᭒᭔᭟ᬢ᭄ᬯᬶ
ᬩ᭄ᬮᭀᬕ᭄ᬩᬸᬓᬩᬧᬵ᭞ᬲᬯᬢ᭄ᬩᬧᬵᬓᬮ᭄ᬫᬗ᭄ᬕᬸᬕᭀᬦᬶᬦ᭄᭞ᬫᬧᬦ᭄ᬲᬸᬩᬦᬾᬳᬦ᭄ᬝᬓᬵ᭞ᬢᬓ᭄ᬧᬦᬾᬢ᭄ᬯᬭᬦᬸᬢᬸᬕ᭄᭞ᬗ᭄ᬮᬶᬦ᭄ᬢᬶᬓ᭄ᬤᬤᬶᬢᬢ᭄ᬫᭀᬓᬦ᭄᭞ᬓᬲᬸᬗ᭄ᬓᭂᬫᬶᬦ᭄ᬲᬦ᭄ᬢᬦᬵᬗᬗ᭄ᬕᭀ
[᭕ 5A]
ᬢᬯᬸᬮᬦ᭄᭟᭒᭕᭟ᬮᬯᬸᬢ᭄ᬳᬦ᭄ᬢᭂᬩ᭄ᬫᬗᬸᬘᬧᬂ᭞ᬓ᭄ᬘᬧ᭄ᬢᬓ᭄ᬧᬦᬾᬧᬶᬗᬶᬢ᭄᭞ᬭᬳᬱ᭄ᬬᬦ᭄ᬤᭂᬮᬸᬄᬫᬗᬶᬯᬵ᭞ᬧᬸᬢᬸᬲᬦ᭄ᬥᬸᬃᬕ᭄ᬕᬦᬾᬓᬮᬸᬩ᭄᭞ᬤᬸᬓᬶᬂᬗᬹᬦᬶᬦᬹᬤᬶᬚᬯᬵ᭞ᬓᬹᬘᬧ᭄ᬫ
ᬦ᭄ᬤᬶᬲᬸᬳᬸᬦ᭄ᬬᬢ᭄ᬓᭂᬤ᭄ᬓᬲᬲᬓ᭄᭟᭒᭖᭟ᬦᬗ᭄ᬳᬶᬂᬓᬾᬧᬦᬯᬂᬩᬧᬵ᭞ᬓᬓ᭄ᬧᬦ᭄ᬥᬡ᭄ᬝᬦᬾᬚᬢᬷ᭞ᬢ᭄ᬯᬶᬢ᭄ᬯᬄᬤᬶᬚ᭄ᬭᭀᬦᬶᬗ᭄ᬳᬯᬵᬓ᭄᭞ᬧᬶᬢ᭄ᬓᭂᬢ᭄ᬳᬶᬓᬓ᭄ᬬᬂᬫᬮᬸ᭞ᬧᬯᬭᬄᬳᬾᬫᬗ᭄ᬤᬾᬦ᭄ᬩ
ᬧᬵ᭞ᬫᬳᬸᬭᬸᬓᬶᬦ᭄‌ᬳᬦᬹᬢ᭄ᬢᬧᬵᬬᭀᬕᬩ᭄ᬭᬢ᭄ᬢ᭟᭑᭗᭟ᬮᭀᬦ᭄ᬢᬭᬾᬦ᭄ᬢᭀᬦᬓᬲᬹᬭᬵᬢ᭄᭞ᬩᬵᬦ᭄ᬳᬶᬤᬵᬯᬦᬾᬲᬹᬘ᭄ᬙᬷ᭞ᬧᬓᬵᬃᬤ᭄ᬥᬶᬦ᭄ᬳᬶᬤᬵᬪᬝᬵᬭ᭞ᬪᬝᬵᬭᬤᬶ
ᬫᬳᬵᬫᬾᬭᬸ᭞ᬢ᭄ᬯᬭᬲᬶᬤ᭄ᬥᬵᬧᬶᬥᬃᬢ᭄ᬣᬬᬂ᭞ᬩᬳᬦ᭄ᬫᬸᬜᬶᬬᬦ᭄ᬢ᭄ᬯᬭᬫᬤᬲᬃᬬᭀᬕ᭄ᬕ᭟᭒᭘᭟ᬫᬗᬦᬹᬢ᭄ᬧᬲᬶᬦᬄᬢᬶᬓᬲ᭄᭞ᬓᬾᬯᭂᬄᬲᭂᬗ᭄ᬓᬵᬩᬦ᭄ᬩᬸᬧᬤᬶ᭞ᬫᬶᬯᬄᬦ᭄ᬤᬶᬗᬄᬫᬤᬶ [ 6 ][᭕ 5B]
᭕
ᬗᭂᬳᬂ᭞ᬰᬩ᭄ᬤᬅᬓᬰᬦᬾᬲᬸᬳᬸᬂ᭞ᬜᬸᬲᬸᬧ᭄ᬤᬶᬲᬚ᭄ᬭᭀᬦᬶᬗ᭄ᬳᬯᬓ᭄᭞ᬫᬗᬫ᭄ᬩᬳᬶᬦ᭄ᬳᬶᬢ᭄ᬭᬶᬦᬥᬶᬤᬶᬲᬭᬷᬭᬵ᭟᭑᭙᭟ᬕᬶᬫ᭄ᬧᭂᬲ᭄ᬓᬾᬢᭀᬧᬯᬘᬦᬵ᭞ᬳᬶᬤᬵᬓᬓ᭄ᬬᬂᬘ
ᬳᬶᬗᬹᬦᬶ᭞ᬫᬧᬶᬢ᭄ᬓᭂᬢ᭄‌ᬢ᭄ᬓᬾᬦ᭄ᬩᬧᬵ᭞ᬮᬶᬲᬶᬓᬾᬦᬾᬧᬵᬢᬹᬢ᭄ᬢᬸᬳᬸᬢ᭄᭞ᬮᬘᬸᬃᬘ᭄ᬦᬶᬂᬢ᭄ᬓᬾᬦ᭄ᬩᬧᬵ᭞ᬓᬬᬂᬚᬦᬶᬫᬲᬶᬄᬢᭀᬦ᭄ᬤᬾᬦ᭄ᬲᬶᬤᬵᬕᬫ᭄ᬕᬫ᭄᭟᭓᭟ᬯ᭄ᬓᬲᬦ᭄ᬤᬤᬶᬩᬧᬵ
ᬚ᭄ᬗᬄ᭞ᬩᬦ᭄ᬢᭀᬗᭂᬂᬲᬶᬤᬵᬫᬶᬢᬸᬳᬸᬢᬶᬦ᭄᭞ᬓᬓ᭄ᬬᬂᬘᬳᬶᬫᬧᬧᬶᬦᬄ᭞ᬩᬦ᭄ᬢᬲ᭄ᬩᬧᬵᬢ᭄ᬯᬭᬲᬸᬭᬸᬤ᭄᭞ᬫᬮᬚᬳᬶᬦ᭄ᬜᬾᬯᬓᬬᬂ᭞ᬫᬗᬲ᭄ᬢᬶᬢᬶᬢ᭄ᬓᬾᬦ᭄ᬲᬂᬕᬸᬭᬸᬦᬶᬂᬚᬕᬢ᭄᭟᭓᭑᭟ᬦᬄ
ᬘ᭄ᬦᬶᬂᬳ᭄ᬦᬾᬤᬶᬗᭂᬳᬂ᭞ᬲᬢ᭄ᬯᬦ᭄ᬩᬧᬵᬦᬾᬫᬗᬶᬧᬶ᭞ᬦᬸᬚᬸᬧᬗ᭄ᬮᭀᬂᬧᬶᬂᬧᬢ᭄ᬩᭂᬮᬲ᭄᭞ᬦ᭄ᬧᭂᬗᬶᬦ᭄ᬢᬶᬍᬫ᭄ᬓᬧᬶᬢᬸ᭞ᬤᬶᬦᬵᬦ᭄ᬜᬦᬾᬩᬸᬤ᭄ᬥᬵᬧᬳᬂ᭞ᬰᬾᬯᬵᬮᬢ᭄ᬭᬶᬳᬦᬓᬾᬧᬤᬵᬫᬲ
[᭖ 6A]
ᬫ᭄ᬩᬂ᭟᭓᭒᭟ᬳᬶᬥᭂᬧ᭄ᬫᬶᬮᬸᬲᬶᬂᬦᬸᬢᬸᬕᬂ᭞ᬓ᭄ᬬᬧ᭄ᬫᬢᬦᬾᬗᬩᬦᬶᬦ᭄᭞ᬩᬹᬫᬭᬧᬤᬵᬜᬫ᭄ᬩᬸᬢᬂ᭞ᬧᬸᬍᬲ᭄ᬳᬭᬶᬲ᭄ᬩᬧᬵᬦ᭄ᬤᭂᬗ᭄ᬓᬸᬃ᭞ᬗᬶᬧᬶᬦᬥᬓ᭄ᬩᬸᬓᬵᬲᬥ᭄ᬬ᭞ᬕᬢ᭄ᬭᬫᬶᬭᬶᬩ᭄‌ᬫᬦ᭄ᬧᬸ
ᬓᬶᬦᬼᬕᬦ᭄ᬫᬦᬄ᭟᭓᭓᭟ᬳᬧᬵᬓᬾᬓ᭄ᬭᬡᬦᬾᬍᬕᬵ᭞ᬚ᭄ᬭᭀᬦᬶᬂᬳᬶᬧ᭄ᬬᬦ᭄ᬫᬫᬗ᭄ᬕᬶᬳᬶᬦ᭄᭞ᬕᬸᬦᬸᬂᬢ᭄ᬕᭂᬳᬾᬓᬮᬶᬯᬢ᭄᭞ᬧᬸᬘᬓ᭄ᬜᬦᬾᬗᬯᬸᬦᬵᬯᬸᬦ᭄᭞ᬤᬶᬩᭀᬗ᭄ᬓᭀ
ᬮ᭄ᬕᬸᬦᬸᬗᬾᬳᬤᬵ᭞ᬢᬫᬦ᭄ᬲᬭᬷᬕᭀᬧᬸᬭᬵᬦᬾᬫᬸᬧᬵᬘᬶᬭᬵ᭟᭓᭔᭟ᬦᬵᬕᬢᬢ᭄ᬮᬸᬫᬗ᭄ᬩᬕ᭄᭞ᬅᬗ᭄ᬓᭂᬃᬕᭀᬩᬦ᭄ᬜᬦᬾᬘ᭄ᬦᬶᬂ᭞ᬓ᭄ᬮᬸᬲ᭄ᬳᬶᬧᬸᬦ᭄ᬪᬾᬤᬪᬾᬤᬵ᭞ᬩᬭᬓ᭄ᬧᬸᬢᬶᬄᬲᬼ
ᬫ᭄ᬢᬸᬮᬸᬲ᭄᭞ᬦᬾᬧᬸᬢᬶᬄᬦᭀᬗᭀᬲ᭄ᬤᬶᬢ᭄ᬗᬄ᭞ᬧᬸᬍᬲ᭄‌ᬦ᭄ᬤᬶᬳᬶᬦ᭄‌ᬦᬾᬫᬗᬧᬶᬢ᭄ᬲ᭄ᬩᬓ᭄‌ᬱ᭄ᬩᬓ᭄᭟᭓᭕᭟ᬤᬶᬳᬸᬦ᭄ᬤᬕ᭄ᬓᭀᬭᬶᬦᬾᬦ᭄ᬕᬓ᭄᭞ᬳᬦᬓ᭄ᬮᬸᬄᬚ᭄ᬕᬾᬕ᭄ᬭᬲ᭄ᬧᬢᬶ᭞ᬩᭀᬓᬾ [ 7 ][᭖ 6B]
᭖
ᬲᬼᬫ᭄ᬤᭂᬫ᭄ᬤᭂᬫ᭄ᬲᬫᬄ᭞ᬕᬥᬶᬂᬧᬫᬸᬮᬸᬦᬾᬮᬸᬫ᭄ᬮᬸᬫ᭄᭞ᬧᬮ᭄ᬬᬢᬾᬫᬘᬳ᭄ᬬᬕᬮᬂ᭞ᬲᬵᬯᬂᬩᬸᬤ᭄ᬭᬶᬗᬩᬵᬩᬸᬗ᭄ᬳᬵᬢᬸᬜ᭄ᬚᬸᬂᬚᬷᬗ᭄ᬕᬵ᭟᭓᭖᭟ᬚᬷᬗ᭄ᬕᬦᬾᬫᬲ᭄ᬫᬸᬩᬭᬓ᭄᭞ᬫᬮᬯᬾ
ᬬᬦ᭄ᬧ᭄ᬢᬂᬩ᭄ᬲᬶᬓ᭄᭞ᬳᬗᭀᬩ᭄ᬲᬦ᭄ᬩᬧᬵᬗᬦ᭄ᬢᭂᬦᬂ᭞ᬳᬦᬓ᭄ᬳᬶᬲ᭄ᬢ᭄ᬭᬶᬦᬸᬮᬸᬲ᭄ᬳᬬᬸ᭞ᬫᬗᬬᬂᬳᬬᬸᬦᬾᬯᬦ᭄ᬢᬄ᭞ᬲᬭᬵᬰ᭄ᬯᬢᬷᬤᬶᬲ᭄ᬓᬵᬮᬜᬮᬦ᭄ᬢᬭ᭟᭓᭗᭟ᬫ᭄ᬩᬳᬦ᭄ᬩᬧᬵᬗᬾᬓᬥᬬ᭞
ᬩᬢᭂᬓ᭄ᬫᭂᬍᬤᬾᬦᬓᭀᬦᬶᬦ᭄᭞ᬤᬾᬯᬵᬭᬢᬸᬜᬾᬦ᭄ᬳᬶᬤᬾᬯᬵ᭞ᬲᬬᬂᬚᬵᬯᬃᬡ᭄ᬦᬦᬾᬳᬬᬸ᭞ᬢᬦ᭄ᬧᬷᬭᬶᬗᬦ᭄‌ᬚᬕᬵᬓ᭄ᬚᬵ᭞ᬦᬧᬶᬓᬭᬶᬗᬦ᭄ᬢᭀᬲ᭄ᬳᬶᬭᬶᬗᬦ᭄ᬤᬶᬢᬫᬦ᭄᭟᭓᭘
᭟ᬳᬶᬳᬬᬸᬢᬓᭀᬦᬶᬦ᭄ᬩᬧᬵ᭞ᬤᬤᬶᬢᬦ᭄ᬧᬲᬯᬸᬃᬘ᭄ᬦᬶᬂ᭞ᬩ᭄ᬯᬶᬦ᭄ᬩᬧᬵᬗᭀᬮᬲᭀᬮᬲ᭄᭞ᬭᬵᬢᬸᬳᬦᬓᬵᬕᬸᬂᬳᬬᬸ᭞ᬕᬯᭀᬓ᭄ᬢᬶᬢ᭄ᬬᬂᬫᬗᬦ᭄ᬢᭂᬦᬂ᭞ᬯᬃᬡ᭄ᬦᬳᬰ᭄ᬭᬶᬭᬵᬢᬸᬯᬦ᭄ᬢᬄ
[᭗ 7A]
ᬤᬕᬶᬂᬲ᭄ᬯᬃᬕ᭄ᬕᬦ᭄᭟᭓᭙᭟ᬦᬯᬶᬲᬭᬵᬲ᭄ᬯᬢᬷᬤᬾᬯᬵ᭞ᬬᬦ᭄ᬢᬦ᭄ᬲᬸᬧ᭄ᬭᬪᬵᬫᬦᬶᬢᬶᬲ᭄᭞ᬤᭀᬦᬶᬂᬳᬬᬸᬦᬾᬓᬮᬶᬦ᭄ᬢᬂ᭞ᬦᬾᬭᬶᬳᬶᬦ᭄ᬭᬢᬸᬓᬳᬸᬢᬸᬲ᭄‌᭞ᬳᬦ᭄ᬢᬸᬓ᭄ᬳᬶᬤᬵᬪᬝᬵᬭᬾᬦ᭄ᬤ᭄ᬭ᭞ᬮᬸᬗ᭄ᬳᬵ
ᬜᬶᬮᬶᬩ᭄‌ᬫᬗ᭄ᬕᭀᬤᬵᬳᬶᬦᬵᬣᬓ᭄ᬯᬘᬵ᭟᭔᭐᭟ᬢᭀᬦ᭄ᬤᬾᬦ᭄ᬩᬧᬵᬓᬲᬳᬸᬭᬦ᭄᭞ᬚᬕ᭄ᬢᭂᬗ᭄ᬓᭂᬚᬸᬢ᭄ᬩᬧᬵᬤᬤᬶ᭞ᬦᬵᬕᬦᬾᬲᬵᬳᬲᬕᬮᬓ᭄᭞ᬲᬮᬵᬕᭂᬦ᭄ᬢᬶᬧᬤᬵᬜᬶᬫ᭄ᬩᬸᬄ᭞ᬦᬾ
ᬤᬶᬢ᭄ᬗᬄᬫᬜᬶᬫ᭄ᬩᬸᬳᬂ᭞ᬳᬧᬶᬯᬺᬤᬶᬓᬸᬫᬶᬢᬶᬃᬫᬳᭂᬓᬶᬦ᭄ᬩᬧᬵ᭟᭔᭑᭟ᬯᬲ᭄ᬢᬸᬩᬧᬵᬗᭂᬗ᭄ᬱᬧ᭄ᬳᬚᬳᬦ᭄᭞ᬢᬗ᭄ᬓᭂᬚᬸᬢ᭄ᬫᬭᬱᬵᬫᬢᬶ᭞ᬚ᭄ᬭᭀᬦᬶᬂᬩᬲᬂᬳᬸᬮᬸᬄᬦᬵᬕ᭞ᬢᬢ᭄ᬮᬸᬓᭀᬱᬾ
ᬦ᭄ᬓᬤᬸᬭᬸᬲ᭄‌ᬳᬯᬓ᭄ᬗᬳᬧ᭄ᬓᭂᬩᬸᬲ᭄ᬩᬲᬂ᭞ᬧ᭄ᬭᬕᬢ᭄‌ᬪ᭄ᬦᬶᬂᬓᬚᬢᬾᬦ᭄ᬜᬢ᭄ᬯᬭᬲᬚᬵ᭟᭔᭒᭟ᬢᬓᬸᬢᬾᬫᬧ᭄ᬯᬭᬳᬶᬮᬂ᭞ᬫᬕᭂᬦ᭄ᬢᬶᬩᬵᬦ᭄ᬕᬮᬂᬘ᭄ᬦᬶᬂ᭞ᬫᬢᬳᬫ᭄ᬩᬸᬮ᭄ᬫᬓ᭄ᬤᬢᬂ᭞ᬦ᭄ᬢᭂ [ 8 ][᭗ 7B]
᭗
ᬦ᭄᭞ᬦ᭄ᬕᬓ᭄ᬫᬰᬶᬮᬵᬧ᭄ᬜᬸ᭞ᬧ᭄ᬱᬸᬫᬸᬜᬶᬧᬤᬶᬤ᭄ᬬᬦ᭄᭞ᬓᬾᬦ᭄ᬓᬾᬜ᭄ᬚᬦᬶᬤᬶᬚᬵᬢᭀᬗᭀᬲᬾᬫᬦ᭄ᬕᬓ᭄᭟᭔᭓᭟ᬳᬶᬳᬬᬸᬫᬸᬱ᭄ᬡᬵᬫᬢᬶᬗ᭄ᬕᬮ᭄᭞ᬬᬦ᭄‌ᬓ᭄ᬚᬵᬮᬓᬸᬜᬘ᭄ᬦᬶᬂ᭞ᬢᬫᬦ᭄ᬫᬵ
ᬲᬶᬄᬫᬥᬵᬳᬶᬮᬂ᭞ᬥᬮᬦ᭄ᬧᬸᬍᬲᬾᬩᬮᬸᬩᬸᬄ᭞ᬤᬤᬶᬗᬶᬧᬶᬢ᭄ᬯᬭᬓᬧ᭄ᬭᬄ᭞ᬫᬦ᭄ᬧᬸᬓᬶᬦ᭄‌ᬳᬶᬳᬬᬸᬚ᭄ᬕᬾᬕ᭄ᬫᬗᬬᬂ᭟᭔᭔᭟ᬯᬶᬭᬾᬄᬫ᭄ᬭᬱᬵᬢᭀᬦ᭄ᬤᬾᬦᬼᬫᬄ᭞ᬓᭂᬤ᭄ᬫᬂᬫᬢᬦᬾᬩ᭄ᬯᬶ
ᬦ᭄᭞ᬧᬸᬍᬲ᭄ᬤᬾᬯᬾᬓᬾᬳᬚᬳᬦ᭄‌᭞ᬩ᭄ᬕᭂᬭᭀᬓ᭄ᬳᬗ᭄ᬓᬶᬳᬦᬾᬧ᭄ᬱᬸ᭞ᬕᬍᬗᬾᬢ᭄ᬕᭂᬄᬗᬯᬦᬂ᭞ᬲᬗ᭄ᬓᬜ᭄ᬘᭂᬦᬶᬂᬤᬵᬓᬸᬤᬵᬦᬸᬳᬸᬢᬂᬩᬧᬵ᭟᭔᭕᭟ᬢᬩᬸᬄᬕ᭄ᬥᬾᬫᬵᬧᬶᬦᬶᬮᬤ᭄᭞ᬤᬾ
ᬯᬢ᭄ᬣᬤᬶᬕᬸᬦᬸᬂᬲᬭᬶ᭞ᬢ᭄ᬯᬭᬗ᭄ᬭᬱᬵᬳᬯᬓ᭄ᬪᬾᬓ᭄ᬱᬵ᭞ᬦᬦ᭄ᬤᬶᬗᬶᬦ᭄ᬲᬂᬫ᭄ᬭᬕᬵᬯᬶᬪᬸᬄ᭞ᬯᬦ᭄ᬢᬄᬳᭂᬦ᭄ᬢᭀᬫᬗᬯᬦᬂ᭞ᬩᬲ᭄ᬩᬸᬮᬸᬭᬶᬦ᭄ᬢᭀᬂᬩᬶᬱᬵᬗᬸᬡ᭄ᬥᬳᬗ᭄ᬓᬶᬳᬦ᭄᭟᭔᭖᭟ᬧᬸᬍᬲᬼ
[᭘ 8A]
ᬧᬼᬧ᭄ᬢᬸᬭᬄᬩᬗ᭄ᬓᬮ᭄᭞ᬤ᭄ᬯᬦᬶᬂᬩ᭄ᬯᬶᬦ᭄ᬩᬧᬵᬗᬶᬧᬶ᭞ᬘ᭄ᬦᬶᬂᬳᬶᬦ᭄ᬤᬬᬂᬋᬱᭂᬧᬂ᭞ᬜᬫ᭄ᬩᬸᬂᬳᬶᬧ᭄ᬬᬦᬾᬤᬶᬫᬮᬸ᭞ᬬᬤ᭄ᬬᬦ᭄ᬳᬶᬧ᭄ᬬᬦ᭄ᬓᬸᬘᬶᬢ᭄ᬲᬫ᭄ᬩᬢ᭄᭞ᬳᬦᬓ᭄ᬮᬶᬗ᭄ᬲᬶᬃᬗᬭᬯᬸᬳᬶᬦ᭄ᬫᬢ᭄ᬭᬸᬬᬸᬤᬦ᭄᭟᭔᭗᭟ᬦ
ᬱᬵᬫᬜ᭄ᬩᬸᬭᬶᬦ᭄ᬓ᭄ᬭᬡ᭞ᬳᬶᬄᬦᬾᬘᬳᬶᬳᬧᬵᬓᬮᬶᬄ᭞ᬦ᭄ᬕᬓ᭄ᬫᭀᬫᭀᬢ᭄ᬫᬦᬸᬗᬤᬄ᭞ᬦ᭄ᬢᬾᬓᬶᬦ᭄ᬩᬶᬡ᭄ᬝᬗᬾᬮᬶᬬᬸ᭞ᬦᬄᬫ᭄ᬭᬾᬭᬾᬦ᭄ᬫᬳᬶᬤᬶᬗᭂᬳᬂ᭞ᬓᬓᬶᬚᬦᬶᬫᬧᬶᬤᬃᬢ᭄ᬣᬫᬦ᭄ᬤᬃᬢ᭄ᬣᬬᬂ᭟᭔᭘᭟
ᬋᬱᭂᬧᬂᬘᬳᬶᬧ᭄ᬤᬲᬂ᭞ᬩᬶᬱᬩᬶᬱᬫᬗᬶᬢᬸᬗᬶᬦ᭄᭞ᬳᬦᬾᬮᬸᬄᬚ᭄ᬕᬾᬕ᭄ᬳᬶᬩᬸᬲᬦ᭄᭞ᬭᬩᬶᬦ᭄ᬳᬶᬤᬵᬲᬗ᭄ᬳ᭄ᬬᬗ᭄ᬕᬸᬭᬸ᭞ᬲ᭄ᬣᬦᬦ᭄ᬳᬶᬤᬵᬦ᭄ᬢᭀᬤᬶᬢᬫᬦ᭄᭞ᬧᬤ᭄ᬫᬯᬗᬶᬤᬶᬩᭀᬗ᭄ᬓᭀᬮ᭄ᬕᬸᬦᬸᬂᬇᬫᬯ
ᬦ᭄᭟᭔᭙᭟ᬘᬳᬶᬓᭀᬲᬸᬩᬵᬗᬦ᭄ᬢᭂᬦᬂ᭞ᬜᬧᬵᬮᬯᬸᬢ᭄ᬫᬧᬗᬚᬸᬫ᭄᭞ᬳᬶᬤᬵᬢ᭄ᬯᬵᬭᬤᬤᬶᬲᬧᬵ᭞ᬩᬳᬦ᭄ᬫᬸᬜᬶᬫᬧᬦ᭄ᬫᬭᬕᬵᬪᬝᬵᬭ᭟᭕᭐᭟ᬬᬜ᭄ᬘᬳᬶᬘᬘᭂᬧ᭄ᬗᬲ᭄ᬣᬯᬵ᭞ [ 9 ][᭘ 8B]
᭘
ᬲᬶᬦᬄᬘᬳᬶᬓᬲ᭄ᬯᬾᬘ᭄ᬘᬵᬦᬶᬦ᭄᭞ᬓᬾᬯᬮᬵᬤᬵᬧᬶᬲᬦ᭄ᬧᬗ᭄ᬓᬄ᭞ᬳᬧᬂᬫᬸᬦ᭄ᬥᬸᬓ᭄ᬩᬶᬓᬲ᭄ᬦᬩᬸᬄ᭞ᬗᬦᬹᬢ᭄ᬧ᭄ᬭᬡᬦᬾᬤᬶᬳᬯᬓ᭄᭞ᬤᬵᬗᭂᬗ᭄ᬱᬧᬶᬦ᭄᭞ᬅᬧᬦᬵᬦᬾᬢᭀᬕᬶᬦᭂᬗᬂ᭟᭕᭑᭟ᬮ
ᬯᬸᬢ᭄ᬳᬤᬫᬸᬜᬶᬦ᭄ᬰᬵᬲ᭄ᬢ᭄ᬭ᭞ᬫᬯᬓ᭄ᬯᬗ᭄ᬲᬶᬢ᭄ᬤᬶᬗᭂᬄᬘᬳᬶ᭞ᬫᬸᬜᬶᬗ᭄ᬕᬶᬫ᭄ᬧᭂᬲ᭄ᬢ᭄ᬯᬭᬤᬯᬵ᭞ᬰᬵᬲ᭄ᬢ᭄ᬭᬦ᭄ᬜᬦᬾᬢ᭄ᬯᬄᬳᬯᬸᬓᬸᬤ᭄᭞ᬬᬦ᭄ᬢᭂᬓᬵᬳᬦᬹᬢᬵᬦᬹᬢᬂ᭞ᬮᬵᬦᬾᬍᬯᬶᬄᬫᬧᬗᬗ᭄ᬕᭀᬳᬸᬮᬸᬘ
ᬦ᭄ᬤ᭄ᬭ᭟᭕᭑᭟ᬦᬵᬕᬦᬾᬲᭂᬦ᭄ᬢᬓ᭄ᬳᬸᬦ᭄ᬥᬓᬦ᭄᭞ᬳᬶᬫᬾᬭᬸᬥᬡ᭄ᬥᬓᬵᬤᬦᬶᬦ᭄᭞ᬓᬓᬸᬫᬦ᭄ᬤᭂᬮ᭄ᬬᬓᬲᬸᬓ᭄ᬱ᭄ᬭᬄ᭞ᬢ᭄ᬓᬾᬦ᭄ᬪᬝᬵᬭᬦᬾᬯᬶᬪᬸᬄ᭞ᬲᬗ᭄ᬳ᭄ᬬᬗ᭄ᬕᬡᬗᬯᬶᬰᬾᬱ᭞ᬦ᭄ᬤᬾᬯᬢ᭄ᬣᬳᬶᬦ᭄ᬤᬶᬪᬸᬄ
ᬮᭀᬓᬫᬹᬮᬵᬥᬭ᭟᭕᭓᭟ᬦ᭄ᬢᭀᬦᬵᬕᬦᬾᬭᬓ᭄ᬢᬵᬯᬃᬡ᭄ᬦ᭞ᬫᬳᬤᬦ᭄ᬳᬶᬤᬮᬂᬧᬢᬶ᭞ᬦᬵᬕᬦᬾᬲᬼᬫ᭄ᬓᬮᬸᬫ᭄ᬩ᭄ᬭᬄ᭞ᬳᬩᬮ᭄ᬬᬦ᭄ᬰᬓ᭄ᬢᬶᬓᬲᬸᬫ᭄ᬩᬸᬂ᭞ᬧᬥᬵᬤᬤᬶᬥᬶᬂᬥᬶᬂᬤᬥᬵ᭞ᬫᬧᬗ᭄ᬕ
[᭙ 9A]
ᬦ᭄ᬢᬶᬰᬢ᭄ᬭᬸᬦᬾᬫᬗ᭄ᬭᬸᬲᬓ᭄ᬢᬫᬦ᭄᭟᭕᭔᭟ᬬᬦ᭄ᬢᭂᬓᬵᬳᬶᬤᬵᬮᬸᬕ᭄ᬭᬳᬵ᭞ᬘᬳᬶᬓᬶᬘ᭄ᬘᬦ᭄ᬫᬶᬮᬸᬗᬶᬭᬶᬂ᭞ᬓᬧᬸᬘᬓ᭄ᬕᬸᬦᬸᬗᬾᬲᬯᬢ᭄‌᭞ᬦ᭄ᬕᬓᬶᬦ᭄ᬦᬵᬕᬦᬾᬧᬶᬗᬸᬮ᭄᭞ᬧᬋᬓ᭄ᬳᬶᬤᬵᬲᬗ᭄ᬳ᭄ᬬᬂᬢᬸᬗ᭄ᬕᬮ᭄
᭞ᬲᬶᬫ᭄ᬧᬫ᭄ᬧᬂᬗᬶᬭᬶᬂᬤᬶᬢᬫᬦᬾᬩᬶᬦ᭄ᬮᬮᬶᬫᬵ᭟᭕᭕᭟ᬓᭀᬢ᭄ᬢᬫᬦ᭄ᬢᬫᬦᬾᬢᬸᬗ᭄ᬕᬮ᭄᭞ᬧ᭄ᬥᬸᬫ᭄ᬢᬤᬄᬳᬦᬸᬢ᭄ᬧᬲ᭄ᬢᬶ᭞ᬲᭀᬓ᭄ᬪᬾᬤᬦᬾᬯᬃᬡ᭄ᬦᬩᬶᬓᬵ᭞ᬤᬶᬢᬸᬳᬸᬗ᭄ᬕ᭄ᬯᬦ᭄ᬲᬂᬳ᭄ᬬᬂᬳᬬᬸ᭞ᬚ᭄ᬜᭂᬓ᭄ᬫᬗᬶᬦᭂ
ᬗᬂᬬᭀᬕ᭄ᬕ᭞ᬫᬗ᭄ᬢᬶᬲᬶᬜ᭄ᬘᬳᬶᬩᬵᬦ᭄ᬢᬶᬃᬢ᭄ᬣᬧᬯᬶᬢ᭄ᬭ᭟᭕᭖᭟ᬧ᭄ᬭᬶᬜ᭄ᬘᬶᬦ᭄ᬓᬓᬶᬫᬦ᭄ᬤᬃᬢ᭄ᬣᬬᬂ᭞ᬩᬘᬓᬦ᭄ᬢᬫᬦᬾᬧᬶᬳᬶᬢ᭄᭞ᬰ᭄ᬯᬥᬶᬲ᭄ᬣᬦᬵᬢᬫᬦ᭄ᬳᬶᬤᬵ᭞ᬳ᭄ᬬᬂᬩ᭄ᬭᬳ᭄ᬫᬵᬫᬳᬶᬲᬶᬢᬸᬜ᭄ᬚᬸᬂ᭞ᬢᬓ᭄ᬢᬵᬯᬃᬡ᭄ᬦ
ᬫᬮᬯᬾᬬᬦ᭄᭞ᬓᬯᬶᬮᬗᬶᬦ᭄‌ᬦᭂᬫᬼᬫ᭄ᬩᬃᬕ᭄ᬦᭂᬳᭀᬫᬓ᭄ᬚᬂ᭟᭕᭗᭟ᬧ᭄ᬥᬸᬫ᭄ᬫᬫ᭄ᬩᬸᬮᬦ᭄ᬢᬸᬫᬗ᭄ᬕᬮ᭄᭞ᬤᬶᬢᬸᬘᬳᬶᬩᬓᬮ᭄ᬦᬫ᭄ᬧᬶ᭞ᬯᬯᬶᬲᬶᬓ᭄ᬯᬭᬄᬉᬢ᭄ᬢᬫᬵ᭞ᬫᬗ᭄ᬤᬾᬜ᭄ᬘᬳᬶᬩᬶᬲᬗᬕᬸᬫ᭄᭞ᬦᬫ᭄ᬧ [ 10 ][᭙ 9B]
᭙
ᬦᬶᬦ᭄ᬰᬩ᭄ᬥᬦ᭄ᬪᬝᬵᬭ᭞ᬰᬵᬲ᭄ᬢ᭄ᬭᬲᬦ᭄ᬤᬶᬯᬶᬚᬵᬓ᭄ᬱᬭᬯᬁᬓᬢᬫ᭄ᬩᬢ᭄᭟᭕᭘᭟ᬬᬜ᭄ᬘᬳᬶᬮᬸᬫᬓᬸᬳᬫ᭄ᬧᬄ᭞ᬫᬧ᭄ᬯᬭᬮᬘᬸᬃᬓᬧᬗ᭄ᬕᬶᬄ᭞ᬤᬾᬦᬶᬂᬤᬶᬢᬸᬳᬤᬵᬳᬸᬧᬲ᭄᭞ᬓ᭄ᬭᬸᬭᬵᬗ᭄ᬕᬯᬾᬳᬯ
ᬓ᭄‌ᬩ᭄ᬗᬸ᭞ᬯᬗ᭄ᬲᬶᬢ᭄ᬓᬓᬶᬦᬾᬋᬱᭂᬧᬂ᭞ᬳᬧᬶᬓ᭄ᬘᬳᬶᬜ᭄ᬚᬗ᭄ᬓᬵᬩᬬᬸᬦᬾᬢᭂᬕ᭄ᬢᭂᬕᬂ᭟᭕᭙᭟ᬢᬫᬦᬾᬤᬶᬫᬡᬶᬧᬸᬭᬵ᭞ᬪᬝᬵᬭᬯᬶᬱ᭄ᬡᬸᬗᬫᭀᬗᬶᬦ᭄᭞ᬩᬸᬗᬦ᭄ᬢᬸᬜ᭄ᬚᬸᬗᬾᬫᬯᬃᬡ᭄ᬦ᭞ᬳᬸᬍᬫ᭄ᬮ
ᬯᬾᬬᬦᬾᬧᬶᬕᬸᬂ᭞ᬥᬰᬍᬫ᭄ᬩᬃᬢ᭄ᬯᬭᬓᬸᬢᬂᬫ᭄ᬳᬦᬹᬢ᭄ᬳᬰ᭄ᬭᬷᬧ᭄ᬥᬸᬫ᭄ᬩᬸᬘᬸᬓ᭄ᬮᬸᬳᬢᬧ᭄᭟᭖᭐᭟ᬢ᭄ᬯᬄᬤᬶᬢᬸᬘᬳᬶᬗᬲ᭄ᬣᬯᬵ᭞ᬳ᭄ᬤᬲᬸᬩᬮᬦ᭄ᬫᬗᭂᬗ᭄ᬱᬧᬶᬦ᭄᭞ᬗᬮᭀᬫᭀᬗᬂᬲᬗ᭄ᬳ᭄ᬬᬂᬫᬦ᭄ᬢ᭄ᬭ᭞ᬭᬁ
ᬦ᭄ᬢ᭄ᬧ᭄ᬯᬦ᭄ᬢᬄᬳᬗ᭄ᬕᭀᬢᬸᬗ᭄ᬕᬸᬮ᭄᭞ᬯ᭄ᬓᬲ᭄ᬯᬶᬰᬾᬱᬉᬢ᭄ᬢᬫᬵ᭞ᬕᬶᬦᭂᬂᬘᬳᬶᬯᬶᬱ᭄ᬡ᭄ᬯᬲ᭄ᬢᬯᬦᬾᬳᬶᬜ᭄ᬘᬃ᭟᭖᭑᭟ᬫᬬᭀᬕᬫᬧ᭄ᬭᬡᬬᬫ᭞ᬲᬫᬦᬵᬦᬾᬳᬗ᭄ᬕᭀᬦ᭄ᬓᬦ᭄ᬢᬶ᭞ᬳᬸᬗ᭄ᬕᬸᬳᬂᬚ᭄ᬜᭂᬓ᭄ᬤᬶ
[᭑᭐ 10A]
ᬩᬲᬂ᭞ᬤᬵᬫ᭄ᬩᬳᬂᬧ᭄ᬮᬶᬄᬫᬦᬸᬚᬸ᭞ᬳᬤᬾᬗ᭄ᬳᬮᭀᬦ᭄ᬩᬦ᭄ᬫᬗ᭄ᬓᬶᬳᬦ᭄᭞ᬳᬸᬡ᭄ᬥᬳᬸᬡ᭄ᬥᬶᬫᬗ᭄ᬤᬾᬦ᭄ᬢ᭄ᬯᬭᬵᬓ᭄ᬩᬸᬲ᭄ᬩᬳᬂ᭟᭖᭒᭟ᬤᬶᬢᬸᬕ᭄ᬥᬾᬩᬜ᭄ᬘᬦᬜ᭞ᬳᬧᬶᬫᬡ᭄ᬥᬮᬵᬗᭀᬩ᭄ᬢᬶᬦ᭄᭞ᬬᬦ᭄ᬮᬶᬯ
ᬢᬶᬦᬸᬦ᭄ᬧᬸᬳᬸᬦ᭄ᬩᬗ᭄ᬮᬄ᭞ᬦᬸᬳᬸᬢ᭄ᬳᬫ᭄ᬩᬄᬮᬶᬲᬶᬓ᭄ᬱᬭᬸ᭞ᬳᬗ᭄ᬤᬾᬳᬧᬶᬦ᭄ᬳᬶᬳᭀᬢ᭄ᬧᭂᬲᬓ᭄᭞ᬢᬦᬶᬤᬸᬲᬶᬦ᭄ᬓᬤᬾᬦ᭄‌ᬬᭂᬧ᭄ᬳᬶᬤᬸᬧ᭄ᬤᬶᬤᬲᬃ᭟᭖᭓᭟ᬤᬤ᭄ᬯᬲᬶᬤᬵᬓᬮᬶᬯᬢᬦ᭄᭞ᬩᬜ᭄ᬘ
ᬳᬶᬲᬸᬩᬫᬗᬶᬭᬶᬂ᭞ᬲᬶᬫ᭄ᬧᬂᬫᬜᬶᬫ᭄ᬧᬗᬶᬦ᭄ᬢᬫᬦ᭄᭞ᬫᬾᬄᬘᬳᬶᬲᬸᬩᬵᬢᭀᬂᬫᬫ᭄ᬧᬸᬄ᭞ᬦᬓᭂᬃᬩᬬᬸᬢᬸᬬᬸᬄᬍᬮᬄ᭞ᬩᬲᬂᬲᬓᬶᬢ᭄‌ᬢᬗ᭄ᬓᬳᬾᬩᬸᬓᬵᬓᭀᬘᭀᬓᬂ᭟᭖᭔᭟ᬦ
ᬗ᭄ᬳᬶᬂᬬᬜ᭄ᬘᬳᬶᬫᭀᬩᭀᬢᬂ᭞ᬘᬸᬘᬸᬤ᭄ᬪᬓ᭄ᬢᬶᬦᬾ᭞ᬫᬗᬶᬭᬶᬂ᭞ᬢᭀᬗᬶᬢᬸᬂᬢᬸᬬᬸᬄᬤᬶᬚᬮᬦ᭄᭞ᬪᬝᬵᬭᬥᬫ᭄ᬧᬢᬶᬭᬯᬸᬄ᭞ᬧᬥᬵᬲ᭄ᬯᬾᬘ᭄ᬙᬵᬫᬧᬳᬶᬘ᭄ᬙᬵ᭞ᬩᬬᬸᬲᬦ᭄ᬤᬶᬧᬦᭂᬕ᭄ᬢᭂᬕ᭄ᬳᬯ [ 11 ][᭑᭐ 10B]
᭑᭐
ᬓ᭄ᬤᬶᬚᬮᬦ᭄᭟᭖᭕᭟ᬩᬶᬲᬩᬶᬲᬫᬧ᭄ᬭᬬᭀᬕ᭞ᬨ;ᬳᬜᬚ᭄ᬮᬾᬢ᭄ᬧᬸᬓᬶᬦ᭄᭞ᬤ᭄ᬭᬸᬧᭀᬦ᭄ᬲᬶᬲᬸᬦᬾᬫᬲᭀᬮᬄ᭞ᬬᬤᬶᬦ᭄ᬓᭀᬦᬾᬗᬮᬶᬄᬧᬵᬢᬹᬢ᭄᭞ᬦᬄᬓᬸᬤᬵᬬᬢ᭄ᬦᬚ᭄ᬫᭂᬢᬂ᭞ᬤᬵᬗ᭄ᬫᭂᬤᬶᬦ᭄‌ᬬ
ᬜ᭄ᬘᬳᬶᬗᬶᬕᭀᬦᬶᬦ᭄ᬰᬵᬲ᭄ᬢ᭄ᬭ᭟᭖᭖᭟ᬩ᭄ᬯᬶᬦ᭄ᬓᬓᬶᬜᬫ᭄ᬩᬸᬂᬲᬢ᭄ᬯ᭞ᬢᬫᬦ᭄ᬓᬲᭀᬩ᭄ᬗᬳ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ᬪᬬᬸᬫᬡ᭄ᬥᬮᬵᬳᬤᬦ᭄ᬜᬵ᭞ᬫᬹᬧᬵᬘᬶᬭᬗᭂᬦ᭄ᬤᬶᬄᬫᬸᬭᬸᬩ᭄᭞ᬩᬵᬦ᭄ᬲᬲᭀᬘᬦ᭄‌ᬲ᭄ᬯᬾᬢ᭄ᬣ
ᬯᬃᬡ᭄ᬦ᭞ᬯᬶᬦ᭄ᬢᭂᬦ᭄ᬫᬡᬶᬓ᭄‌ᬳ᭄ᬬᬂᬇᬰ᭄ᬯᬭᬫᬦᬸᬮᬶᬗᬵ᭟᭖᭗᭟ᬤ᭄ᬯᬭᬵᬫᬸᬦ᭄ᬢᬩ᭄ᬫᬕᭀᬧᬸᬭ᭞ᬫᬘᬘᬯᬾᬦ᭄ᬫᬲ᭄ᬳᬶᬦᬸᬓᬶᬃ᭞ᬘᬬᬦ᭄ᬲᭀᬘᬵᬕᬮᬂᬫᬸᬜ᭄ᬘᬃ᭞ᬜᬸᬦ᭄ᬤᬭᬶᬦ᭄ᬢᬫᬦᬾᬤᬶᬢᬸ᭞ᬩᬸᬗᬄᬫᬷ
ᬲᬶᬢᬸᬜ᭄ᬚᬸᬂᬚ᭄ᬦᬃᬓᬯᬶᬮᬗᬶᬦ᭄ᬫᬮᬯᬾᬬᬦ᭄‌ᬭᭀᬭᬲᬼᬫ᭄ᬩᬃ᭟᭖᭘᭟ᬧ᭄ᬥᬸᬫ᭄ᬓᬭᬗᬾᬲᬶᬦᬳᬂ᭞ᬦᬳᬂ᭞ᬫ᭄ᬩᬸᬘᬸᬦᭂᬫ᭄‌ᬦᬺᬗ᭄ᬕᬡᬧᬶᬗᬶᬢ᭄᭞ᬓᬾᬢᭀᬩᬵᬦ᭄ᬓᬓᬶᬗ᭄ᬕᬫ᭄ᬩᬭᬂ᭞ᬲᬫᬃᬲᬭᬸᬲᭂᬗ᭄ᬓᬵ
[᭑᭑ 11A]
ᬭᬸᬭᬸᬄ᭞ᬬᬦ᭄ᬢᬦ᭄ᬲᬦ᭄ᬤᬾᬳᬵᬤᬶᬫᬦᬄ᭞ᬘᬳᬶᬗ᭄ᬕᬶᬲᬶᬳᬶᬓᬸᬢ᭄ᬦᬵᬕᬦᬾᬦ᭄ᬓᭂᬓᬂ᭟᭖᭙᭟ᬤᬶᬢᬫᬦ᭄ᬪᬬᬸᬫᬡ᭄ᬥᬮ᭞ᬇᬰ᭄ᬯᬭᬵᬯᬶᬪᬸᬄᬫᬫᬹᬃᬢ᭄ᬢᬶ᭞ᬗᬯ᭄ᬢᬸᬯᬂᬓᬯᬶᬰᬾᬱᬦ᭄᭞ᬧᬭᬩ᭄ᬭᬸ
ᬤ᭄ᬭᬵᬫᬳᬵᬳᬕᬸᬂ᭞ᬲᬗ᭄ᬓᬜ᭄ᬘᬳᬶᬳᬧᬶᬓ᭄ᬢᬗᬃ᭞ᬬᬦ᭄ᬢᬦ᭄‌ᬗ᭄ᬕᬶᬮᬶᬰ᭄ᬘᬳᬶᬢᭀᬂᬩᬸᬳᬸᬂᬓᬤᬶᬫ᭄ᬧ᭄ᬭᬓ᭄᭟᭗᭐᭟ᬭᬹᬤ᭄ᬭᬵᬲ᭄ᬣᬯᬦᬾᬕ᭄ᬮᬭᬂ᭞ᬢᬸᬗ᭄ᬕᬸᬮᬶᬦ᭄ᬅᬓ᭄ᬱᬭᬲᬦ᭄ᬤᬷ᭞ᬩᬁᬰᬵᬲ᭄ᬢ᭄ᬭ
ᬦ᭄ᬜᬦᬾᬯᬶᬰᬾᬱ᭞ᬧ᭄ᬭᬡᬦᬾᬢᬸᬧ᭄ᬢᬸᬧ᭄ᬳᬕᬸᬫ᭄᭞ᬤᬶᬢᬗ᭄ᬓᬄᬤᬵᬫ᭄ᬩᬳᬂᬳᬶᬩᬄ᭞ᬳᬧᬦ᭄ᬱ᭄ᬭᬶᬧᬶᬢ᭄‌ᬳᬫ᭄ᬩᬳᬾᬳᬮᬶᬢ᭄ᬲᭂᬗ᭄ᬓᬵ᭟᭗᭑᭟ᬧᬤ᭄ᬫᬵᬯᬶᬰᬸᬤ᭄ᬥᬵᬉᬥ᭄ᬬᬦᬵ᭞ᬰᬤᬵᬰᬶ
ᬯᬵᬗᬮᬶᬗ᭄ᬕᬦᬶᬦ᭄᭞ᬫᬬᭀᬕ᭄ᬕᬫᬗᬲ᭄ᬢᬸᬗ᭄ᬓᬭ᭞ᬮᬫᬓᬦ᭄ᬩᬸᬗᬦ᭄ᬢᬸᬜ᭄ᬚᬸᬂ᭞ᬦᬾᬦᭂᬫ᭄ᬩᭂᬮᬲ᭄ᬫᬮᬯᬾᬬᬦ᭄᭞ᬕᬮᬂᬳ᭄ᬦᬶᬂᬦᬶᬮᬵᬯᬃᬡ᭄ᬦᬦᬾᬫᭀᬢ᭄ᬢᬫ᭟᭗᭒᭟ᬅᬓᬭᬵᬫᬳᬸᬮᬸ [ 12 ][᭑᭑ 11B]
᭑᭑
ᬘᬦ᭄ᬤ᭄ᬭ᭞ᬫᬡ᭄ᬥᬮᬅᬓᬰᬵᬧᬶᬳᬶᬢ᭄᭞ᬬᭀᬕᬶᬰ᭄ᬯᬭᬦᬾᬦᬫ᭄ᬩᬢᬂ᭞ᬫᬸᬜᬶᬦ᭄ᬱ᭄ᬫᬦᬾᬢᬸᬳᬸ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬧᬗᬲ᭄ᬣᬯᬵ᭞ᬫᬗᬪᬓ᭄ᬢᬶᬫᬸᬗ᭄ᬕ᭄ᬯᬶᬂᬲᭀᬃᬧᬥᬦ᭄ᬪᬝᬵᬭ᭟᭗᭓᭟ᬦᬢᬃ
ᬢᬫᬦᬾᬢᬸᬭᬳᬂ᭞ᬩᬸᬦ᭄ᬢᭂᬃᬤᬶᬢ᭄ᬗᬄᬦᬾᬗ᭄ᬕᬶᬮᬶᬲ᭄᭞ᬯᬃᬡ᭄ᬦᬦᬾᬲᭂᬦ᭄ᬢᬓ᭄ᬓᭂᬮᬸᬲᬂ᭞ᬧᬸᬢᬶᬄᬳ᭄ᬦᬶᬂᬢ᭄ᬯᬄᬫᬦᬸᬮᬸᬲ᭄᭞ᬬᬾᬦᬶᬂᬘᬳᬶᬫᬯᬶᬢ᭄ᬩᬕ᭄ᬬ᭞ᬤᬶᬢᬸᬦᬫ᭄ᬧᬶᬲᬸᬓ᭄ᬱ᭄ᬫᬦ᭄ᬳᬶᬘᬢᬹᬃᬯᬾᬤ᭄ᬥᬵ᭟᭗᭔᭟
ᬓ᭄ᬭᬡᬓᬥᬶᬩ᭄ᬬᬘᬓ᭄ᬱᬹᬲᬦ᭄᭞ᬳᬶᬤᬵᬯᬦ᭄ᬢᬄᬫᬗ᭄ᬭᬕᬦᬶᬦ᭄᭞ᬦᬯᬂᬲᬗ᭄ᬓᬦ᭄ᬳᬶᬢ᭄ᬭᬶᬓᬵᬮᬵ᭞ᬅᬢᬶᬢᬵᬦᬵᬕᬢᬵᬮᬯᬸᬢ᭄᭞ᬢᬢᬲ᭄ᬢᭂᬓᬾᬦ᭄ᬯᬃᬣᬵᬫᬡ᭞ᬓᬾᬢᭀᬘᬳᬶᬳᬗ᭄ᬕᭀᬲ
ᬦ᭄ᬅᬤ᭄ᬜᬡᬦ᭄ᬳᬶᬤᬵ᭟᭗᭕᭟ᬕ᭄ᬮᬭᬶᬦ᭄ᬩᬵᬦ᭄‌ᬥ᭄ᬬᬦᬵᬬᭀᬕ᭄ᬕ᭞ᬧᬕᭂᬳᬂᬳᬶᬥᭂᬧ᭄ᬫᬫ᭄ᬩᭂᬲᬶᬓ᭄᭞ᬉᬥᬦᬵᬳᬗ᭄ᬕᭀᬦ᭄ᬮᬭᬧᬦ᭄᭞ᬢᬢ᭄ᬓᬮᬫᬧᬲᬸᬓ᭄‌ᬯ᭄ᬢᬸ᭞ᬘᬳᬶᬗ᭄ᬭᬱᬵᬚ᭄ᬭᭀᬦᬶᬂᬫᬦᬄ
[᭑᭒ 12A]
ᬮᬶᬯᬢ᭄ᬰᬘᬶᬳᬶᬥᭂᬧᬾᬕᬮᬂᬗᬧᬥᬂ᭟᭗᭖᭟ᬭᬶᬓᬮᬵᬓᬧ᭄ᬭᬡᬦ᭄ᬢᬶᬓ᭞ᬪᬝᬵᬭᬫᬦᬶᬓᬄᬤᬤᬶ᭞ᬤᬤ᭄ᬯᬳᬯᬓᬾᬓᬩ᭄ᬮᬲ᭄᭞ᬦᬾᬳᬩ᭄ᬲᬶᬓ᭄ᬫᬗᬫ᭄ᬩᬄᬢᬸᬳᬸᬦ᭄᭞ᬩ᭄ᬯᬶᬦ᭄ᬳᬩ᭄ᬲᬶᬓ᭄ᬫᬗᬯᬂ
ᬗᬯᬂ᭞ᬳᬧᬦ᭄ᬧᬶᬳᬶᬢ᭄‌ᬓᭀᬢ᭄ᬢᬫᬦ᭄ᬢᬫᬦᬾᬓᬹᬘᬧ᭄᭟᭗᭗᭟ᬓᬫᬦ᭄ᬳᬬᬸᬦᬾᬮᬮᬶᬫ᭞ᬳᬚ᭄ᬜᬲᬭᬷᬓᬤᬦᬶᬦ᭄᭞ᬳᬧᬂᬘᬳᬶᬢᬢᬲ᭄ᬦᬯᬂ᭞ᬤᬶᬧᬫ᭄ᬭᬕᬢ᭄ᬧᬘᬂᬚᬸᬚᬸᬃ᭞ᬲᬗ᭄ᬓ
ᬦ᭄ᬢᬶᬮᬶᬗᬂᬤᬶᬗᭂᬳᬂ᭞ᬓᬹᬃᬦ᭄ᬕᭂᬲᬶᬦ᭄‌ᬯᬗ᭄ᬰᬮ᭄ᬓᬓᬶᬦᬾᬫᬶᬥᬃᬢ᭄ᬣ᭟᭗᭘᭟ᬲᬸᬩᬦᬾᬳᬳ᭄ᬬᬸᬲ᭄ᬫᬰᬸᬘ᭄ᬬᬦ᭄᭞ᬲᬗ᭄ᬳ᭄ᬬᬂᬳᬬᬸᬓᬧᭂᬦ᭄ᬥᬓᬶᬦ᭄᭞ᬩᬳᬗ᭄ᬰᬧᬸᬢᬶᬄᬲᭂᬦ᭄ᬢᬓ᭄᭞ᬳᬸᬢᬸᬲᬦ᭄ᬳᬶᬤᬵᬳ᭄ᬬᬂᬳ
ᬕᬸᬂ᭞ᬳᬶᬦᬵᬕᬫᬯᬮᬶᬢᬸᬮᬓ᭄᭞ᬦᬸᬚᬸᬩ᭄ᬯᬶᬦ᭄ᬓᬧᬤ᭄ᬫᬵᬯᬗᬶᬕᬸᬫᬦᬵ᭟᭗᭙᭟ᬳᬗ᭄ᬰᬦᬾᬳᬾᬗ᭄ᬕᬮ᭄ᬳᬚᬳᬦ᭄᭞ᬫᬓ᭄ᬩᬸᬃᬬᬫᬮᬶᬗ᭄ᬕᬶᬳᬶᬦ᭄᭞ᬢᬦ᭄ᬤᬸᬫᬤ᭄ᬥᬾᬭᬯᬸᬄᬦᬧ [ 13 ][᭑᭒ 12B]
᭑᭒
ᬓ᭄᭞ᬤᬶᬫᬹᬭᬶᬂᬕᬸᬦᬸᬂᬲᬸᬫᬾᬭᬸ᭞ᬲᬺᬕᭂᬧ᭄ᬤᬶᬢᬸᬓᬘᬯᬶᬲᬂ᭞ᬲᬃᬯ᭄ᬯᬩ᭄ᬘᬶᬓ᭄‌ᬤᬶᬢᬫᬦ᭄ᬲᬦ᭄ᬢᬸᬦ᭄ᬫᭀᬢ᭄ᬢᬫᬵ᭟᭘᭐᭟ᬲᬧ᭄ᬢᬋᬱᬶᬦᬾᬤᬶᬰ᭄ᬯᬃᬕ᭄ᬕᬦ᭄᭞ᬫᬓᬸᬫ᭄ᬧᬸᬮ᭄ᬦᬧᬓ᭄ᬫᬮᬶᬗ᭄ᬕᬶᬄ᭞ᬦᬗ᭄ᬓᬶᬮᬶᬦ᭄ᬳᬶ
ᬤᬵᬪᬝᬭ᭞ᬧᬭᬫᬵᬲᬹᬓ᭄ᬱ᭄ᬫᬮᬸᬳᬹᬃ᭞ᬫᬗᬸᬜ᭄ᬘᬭᬂᬲᬗ᭄ᬳ᭄ᬬᬂᬯᬾᬥᬵ᭞ᬦᬸᬳᬸᬦ᭄ᬳᬰᬶᬄᬦᬵᬢᬓᬶᬦ᭄ᬱ᭄ᬯᬾᬘ᭄ᬙᬦ᭄ᬪᬝᬵᬭ᭟᭘᭑᭟ᬑᬁᬭᬂᬭᬶᬂᬰᬄᬳᭀᬕᬢ᭄ᬦᬫᬄ᭞ᬤᬾᬯᬵᬧᬭᬫᬵᬰᬶᬯᬵᬥᬶ
᭞ᬫᬓᬵᬳᬶᬦᬶᬱ᭄ᬝᬶᬦᬶᬂᬚᬕᬢ᭄᭞ᬲᬓᬮᬦᬶᬱ᭄ᬓᬮᬵᬢᬸᬳᬸ᭞ᬲᬭᬷᬲᬭᬷᬦᬶᬂᬓᬫᭀᬓ᭄ᬱᬦ᭄᭞ᬧ᭄ᬭᬲᬶᬤᬵᬮᬶᬢ᭄‌ᬯᬦ᭄ᬢᬄᬫ᭄ᬭᬕᬵᬲᬗ᭄ᬓᬦ᭄ᬧᬭᬦ᭄᭟᭘᭒᭟ᬳᬯ᭄ᬭᬵᬧᬓᬵᬦᬶᬃᬯᬶᬓᬵᬭ
᭞ᬲᬭᬷᬲᬵᬆᬭᬵᬳᬷᬦᬶᬂᬧᬗᬶᬱ᭄ᬝᬶ᭞ᬓᭀᬢ᭄ᬢᬫᬦ᭄ᬰᬵᬲ᭄ᬢ᭄ᬭᬳᭀᬗ᭄ᬓᬭ᭞ᬭᬵᬚᭀᬢ᭄ᬢᬫᬬᬦ᭄ᬭᬶᬂᬳᬕᬸᬂ᭞ᬪᬝᬵᬭᬯᬶᬰᬾᬱᬦᬶᬢᬄ᭞ᬕᬦᬵᬮᬮᬶᬢ᭄‌ᬢᬸᬫᬸᬲᬶᬂᬓᬚᬕᬢ᭄ᬢᬶᬕᬵ᭟᭘᭓᭟ᬓᬾ
[᭑᭓ 13A]
ᬢᭀᬧᬗᬱ᭄ᬝᬯᬦ᭄ᬳᬶᬤᬵ᭞ᬯᬢᭂᬓᬺᬱᬶᬦᬾᬫᬫᬸᬚᬶ᭞ᬲᬗ᭄ᬓᬦᬶᬂᬳ᭄ᬬᬂᬘᬢᬹᬃᬯᬾᬥᬵ᭞ᬗᬲ᭄ᬢᬸᬗ᭄ᬓᬭᬗᬍᬫ᭄ᬜᬸᬫ᭄ᬩᬸᬂ᭞ᬗᬦᬹᬢ᭄ᬓᬾᬦ᭄ᬫᬸᬜᬶᬦ᭄ᬢᬗᬸᬭᬦ᭄᭞ᬦᬩᬸᬄᬮᬶᬦ᭄ᬤᬶᬳᬶᬪ᭄ᬭᬳ᭄ᬫᬵᬭᬗᬶᬲᭂᬧ᭄ᬱ᭄ᬓᬃ᭟᭘᭔᭟
᭟ᬧᬗ᭄ᬓᬸᬃ᭟ᬧᬗ᭄ᬓᬸᬃᬳᬗ᭄ᬕᭀᬗᬮᬶᬦ᭄ᬢᬶᬳᬂ᭞ᬯᬶᬥ᭄ᬬᬥᬭᬵᬯᬶᬥ᭄ᬬᬥᬭᬶᬦᬾᬳᬸᬫᬶᬓ᭄᭞ᬧᬥᬵᬫᭂᬦ᭄ᬤᬓ᭄ᬱᬗ᭄ᬳ᭄ᬬᬂᬳᬬᬸ᭞ᬗᬲ᭄ᬢᬸᬢᬶᬗᬬᬸᬪᬕ᭄ᬬ᭞ᬫᬜᬫ᭄ᬩ᭄ᬭᬫᬵᬭᬶᬂᬤᬵᬲᬂᬩᬯᬸᬭᬯᬸᬄ᭞ᬗᬢᬸ
ᬭᬶᬦ᭄ᬕᭂᬮᬶᬲ᭄ᬫᬸᬗ᭄ᬕᬳᬦ᭄᭞ᬭᬶᬂᬩᬮᬾᬫᬡᬶᬓᬾᬳᬰ᭄ᬭᬷ᭟᭘᭕᭟ᬤᬾᬦᬶᬂᬯᬶᬢ᭄ᬓᬕᬸᬫᬡᬬᬂ᭞ᬧᬲᬗ᭄ᬕ᭄ᬭᬳᬦ᭄‌ᬍᬗᭂᬗᬾᬢᬦ᭄ᬲᬶᬦᬶᬧᬶ᭞ᬯᬯᬗᬸᬦᬦ᭄ᬲᬃᬯ᭄ᬯᬮᬸᬳᬸᬂ᭞ᬫᬹᬧᬵᬘᬶᬭᬲ
ᬲᭀᬘᬦ᭄᭞ᬭᬵᬢ᭄ᬦᬫᬘᬶᬓ᭄‌ᬓᭀᬢ᭄ᬢᬫᬦᬾᬧᬸᬢᬶᬄᬫᬸᬮᬸᬲ᭄‌᭞ᬫᬶᬰ᭄ᬭᬦ᭄ᬳᬶᬥ᭄ᬧᬾᬗᬯᬲ᭄ᬯᬲ᭄᭞ᬢ᭄ᬮᬕᬵᬓᭂᬫ᭄ᬩᬭᬾᬫᬗᬧᬶᬢ᭄᭟᭘᭖᭟ᬫᬶᬲᬶᬢᬸᬜ᭄ᬚᬸᬂᬩᬸᬗ᭄ᬳᬵᬯᬃᬡ᭄ᬦ᭞ᬧᬸᬢᬶᬄ [ 14 ][᭑᭓ 13B]
᭑᭓
ᬫᬶᬳᬶᬓ᭄ᬮᬯᬾᬬᬦᬾᬤ᭄ᬯᬗ᭄ᬓᬢᬶᬄ᭞ᬘᬳ᭄ᬬᬳᬸᬮᬶᬤᬶᬢᬸᬫ᭄ᬢᬸ᭞ᬢᬦ᭄ᬩᬶᬦᬵᬲᬹᬃᬬ᭄ᬬᬘᬦ᭄ᬤ᭄ᬭ᭞ᬓ᭄ᬜᬃᬓ᭄ᬜᬃᬧ᭄ᬢᭂᬂᬍᬫᬄᬫᬯᬓ᭄ᬱᬭᬸ᭞ᬘᬳ᭄ᬬᬦ᭄ᬢᬫᬦᬾᬗᬯᬦᬂ᭞ᬅᬚ᭄ᬜᬵᬲᬭᬶᬦᬾᬓᬧᬦ᭄ᬤᬶ
᭟᭘᭗᭟ᬲᬗ᭄ᬳ᭄ᬬᬂᬳᬬᬸᬢᬦ᭄ᬢᬭᬵ᭞ᬗ᭄ᬭᬗ᭄ᬲᬸᬓ᭄ᬧᬳ᭄ᬬᬲ᭄‌ᬯᬸᬲᬾᬫᬋᬱᬶᬓᬺᬱᬶᬓ᭄᭞ᬫᬪᬸᬱᬡᬲᬃᬯ᭄ᬯᬗᭂᬫ᭄ᬧᬸᬃ᭞ᬫᬤᬩ᭄ᬤᬩ᭄ᬮᬦ᭄ᬢᬲ᭄ᬫᬸᬗ᭄ᬕᬄ᭞ᬓᬧᬺᬱᬤᬵᬢ᭄ᬕᭂᬳᬾᬲᬸᬩᬵᬓᬮᬗ᭄ᬓᬸᬂ᭞ᬫᬹ
ᬱ᭄ᬧᬵᬗ᭄ᬕ᭄ᬭᬡᬰᬶᬓᬵᬫ᭄ᬬᭀᬕ᭄ᬕ᭞ᬦᬸᬳᬸᬃᬲᬗ᭄ᬳ᭄ᬬᬂᬧᬰᬹᬧᬢᬶ᭟᭘᭘᭟ᬬᬜ᭄ᬘᬳᬶᬲᬥ᭄ᬬᬓᬢᬶᬢᬄ᭞ᬲᬶᬤ᭄ᬥᬵᬗᬶᬭᬶᬂᬓᬢᬫᬦ᭄ᬅᬚ᭄ᬜᬲᬭᬷ᭞ᬘᬳᬶᬫᬵᬯᬓ᭄ᬱᬸᬩᬵᬫᬸᬮᬸᬲ᭄᭞ᬫᭀᬮᬶᬄ
ᬰᬸᬤ᭄ᬥᬵᬧ᭄ᬭᬢᬶᬰ᭄ᬝᬵ᭞ᬧᬧᬵᬓ᭄ᬮᬾᬱᬦ᭄ᬤᬾᬯᬾᬓᬾᬫᬦ᭄ᬤᬤᬶᬮᬸᬳᬸᬃ᭞ᬳᭀᬜᬵᬧᬺᬱᬶᬤᬵᬮᬸᬓᬢ᭄᭞ᬩᬳᬦ᭄ᬢᬶᬃᬣᬵᬲᬜ᭄ᬚᬶᬯᬡᬶ᭟᭘᭙᭟ᬪᬝᬵᬭᬢ᭄ᬯᬶᬢ᭄ᬯᬄᬮᬸᬕ᭄ᬭᬳᬵ᭞ᬢ᭄ᬓᬾᬜ᭄ᬘᬳᬶᬬ
[᭑᭔ 14A]
ᬦ᭄ᬲᬸᬩᬵᬦᬶᬰ᭄ᬪᬯᬵᬦᬶᬢᬶ᭞ᬢ᭄ᬯᬭᬗᬶᬢᬸᬂᬤᬾᬯᬾᬓ᭄ᬢᬸᬬᬸᬄ᭞ᬮᬕᬯᬵᬮᭀᬕᬲ᭄ᬲᬳᬢ᭄᭞ᬫᬗᬫ᭄ᬩᬳᬶᬦ᭄‌ᬢᬸᬲ᭄ᬢᬲ᭄ᬳᬮᬲ᭄ᬕᬸᬦᬸᬂᬲᭂᬫ᭄ᬧᬸᬢ᭄᭞ᬢ᭄ᬯᬭᬗᬶᬢᬸᬂᬧᬗ᭄ᬓᬸᬂᬚᬸᬭᬂ᭞ᬩᬩᬓ᭄ᬩᭂᬮᬸᬃᬢᬦᬶᬤᬸ
ᬲᬶᬦ᭄᭟᭙᭐᭟ᬭᬶᬲᬓ᭄ᬱᬡᬲᬗ᭄ᬳ᭄ᬬᬂᬰᬶᬯᬵ᭞ᬲᬶᬲᬸᬫᬧᬕ᭄ᬭᬩᬶᬦᬾᬕᬸᬧᬸᬄᬤᬤᬶ᭞ᬳᬗ᭄ᬰᬦᬾᬫᬳᭂᬓᬂᬮᬯᬸᬢ᭄᭞ᬦ᭄ᬢᭀᬫᬓᬵᬧᬮᬶᬗ᭄ᬕᬶᬳᬦ᭄᭞ᬩᬦ᭄ᬲᬂᬓᬮᬶᬄᬜ᭄ᬚᬸᬚᬸᬄᬳᬓᬰᬦᬾ
ᬲᬸᬳᬸᬂ᭞ᬫᬧᬢ᭄ᬭᬡᬩᬸᬗᬵᬦ᭄ᬧᬥ᭄ᬫᬵ᭞ᬫᬮᬯᬾᬬᬦ᭄ᬲᬶᬩ᭄ᬲᬶᬓ᭄᭟᭙᭑᭟ᬕᬶᬫ᭄ᬧᭂᬲ᭄ᬩᬦ᭄ᬓᬓᬶᬜᬶᬧ᭄ᬢᬬᬂ᭞ᬯᬗ᭄ᬲᬶᬢ᭄ᬧᬶᬳᬶᬢ᭄‌ᬲᬭᬶᬦ᭄ᬢᬢ᭄ᬯᬦᬾᬚᬵᬢᬷ᭞ᬓᬭᬸᬭᬸᬄᬯᬦ᭄ᬢᬄᬓᬢᬸᬚᬸ᭞ᬩᬵᬦ᭄ᬳᬶ
ᬤᬵᬲᬂᬲᬸᬚᬦᬵ᭞ᬧᬗᬼᬩᬸᬭᬦ᭄ᬫᬮᬵᬧᬝᬓᬦᬾᬗᬶᬦ᭄ᬢᬸ᭞ᬧᬗ᭄ᬭᬩ᭄ᬤᬦ᭄ᬳᬶᬧᬸᬦᬃᬪᬯᬵ᭞ᬫᭀᬓ᭄ᬱᬓᬭᬡᬦᬾᬧᬗ᭄ᬕᬶᬄ᭟᭙᭒᭟ᬳᬶᬗᭂᬢᬂᬓᬸᬤᬵᬳᬶᬗᭂᬢᬂ᭞ᬧ᭄ᬭᬕᬢ᭄ᬓᬾᬢᭀᬓ [ 15 ][᭑᭔ 14B]
᭑᭔
ᬓᬶᬗᬮᬳᬶᬜ᭄ᬚᬦᬶ᭞ᬳ᭄ᬤᬩᬲ᭄ᬧᬸᬍᬲ᭄ᬩᬮᬸᬩᬸᬄ᭞ᬧᬸᬧᬸᬢᬾᬫᬧᬯᬭᬄ᭞ᬲᬂᬫᬭᬕᬵᬮᬶᬗ᭄ᬲᬶᬃᬫᬦᬶᬗ᭄ᬕᬮᬶᬦ᭄ᬮᬯᬸᬢ᭄‌᭞ᬚᬕ᭄ᬫᬸᬱ᭄ᬡᬵᬢᬦ᭄ᬧᬳᬫ᭄ᬗᬦ᭄᭞ᬩᬧᬵᬦ᭄ᬢᭂᬦ᭄ᬫᬕᬾᬕᬲ᭄ᬤᬤᬶ᭟᭙
᭓᭟ᬩᬗᬸᬦ᭄ᬲᬗᭀᬩ᭄ᬗᭀᬂᬲᬯᬢ᭄‌᭞ᬦᬄᬓᬗ᭄ᬕᭀᬜᬓᬾᬳᬶᬘ᭄ᬦᬶᬂᬗᭂᬦᭂᬳᬶᬦ᭄᭞ᬳᬶᬧ᭄ᬬᬦ᭄ᬩᬧᬦᬾᬩᬮᬸᬩᬸᬄ᭞ᬦᬸᬢᬸᬭᬂᬲᬹᬓ᭄ᬱ᭄ᬫᬮᬬᬵ᭞ᬬᭀᬕᬢᬢ᭄ᬯᬩᬸᬤ᭄ᬥᬵᬧᬜ᭄ᬘᬭᬱᬵᬧᬢᬸᬄ
᭞ᬬᬦ᭄ᬢᬦ᭄ᬳᬤᬵᬲᬶᬳᬶᬂᬤᬾᬯᬵ᭞ᬢᭀᬂᬦ᭄ᬤᬸᬕᬵᬲᬶᬤᬵᬢ᭄ᬧᬸᬓᬶᬦ᭄᭟᭙᭔᭟ᬧᬶᬢ᭄ᬯᬶᬓᬮᬶᬯᬢ᭄ᬲᭂᬗ᭄ᬓᬵ᭞ᬤᬵᬧᬶᬲᬦ᭄‌ᬘ᭄ᬦᬶᬂᬳ᭄ᬫᭂᬤ᭄ᬗᬸᬮᬄᬫᬸᬭᬸᬓᬶᬦ᭄᭞ᬯᬰᬡᬦᬾᬩᬓᬮ᭄ᬮᬫ᭄ᬧᬸᬃ᭞ᬢ᭄ᬯᬭᬗ᭄ᬕᭂᬮᬄ
ᬧᬕᬶᬲ᭄ᬬᬦ᭄᭞ᬧ᭄ᬭᬕᬢ᭄ᬧᬬᬸᬘ᭄ᬦᬶᬂᬤᬤᬶᬩᬗ᭄ᬓᬾᬦ᭄ᬩᬗ᭄ᬓᬸᬂ᭞ᬢ᭄ᬯᬭᬳᬤᬵᬫᬂᬜᬾᬦᬂ᭞ᬳᬢᬸᬢ᭄ᬳᬶᬤᬸᬧ᭄ᬫᬯᬓ᭄ᬫᬢᬶ᭟᭙᭕᭟ᬘ᭄ᬦᬶᬂᬩᬧᬵᬲᭂᬲᭂᬤ᭄ᬧᬶᬲᬦ᭄᭞ᬫᬶᬢ᭄ᬓᭂᬢᬶᬦ᭄‌ᬤᬵᬫᬼᬤ᭄ᬫᬮᬸᬫᬩᬺᬱᬶᬄ
[᭑᭕ 15A]
ᬬᬦ᭄ᬢᬦ᭄ᬲᬸᬩᬓᬢ᭄ᬳᬕᬸᬫ᭄᭞ᬦᬾᬧᬘᬂᬧᬢᬶᬢᬶᬲᬂ᭞ᬳᬧᬦ᭄ᬳᬾᬯ᭄ᬳ᭄‌ᬧᬥᬡ᭄ᬥᬦᬾᬫᬵᬃᬢ᭄ᬢᬶᬧᬸᬢᬸᬲ᭄᭞ᬢᬢᬲ᭄ᬯᬶᬓᬦ᭄ᬫᬦᬶᬓᬲᬂ᭞ᬢᬶᬓᬲ᭄ᬢᬶᬓᬲᬾᬫᬩᬺᬱᬶᬄ᭟᭙᭖᭟ᬬᬦ᭄ᬤᬶᬰᬶᬯᬵᬓ
ᬲᬫ᭄ᬩᬢᬂ᭞ᬬᬫᬵᬢ᭄ᬯᬄᬦᬷᬬᬫᬵᬩ᭄ᬭᬢ᭄ᬢᬓᬧᬸᬚᬶ᭞ᬤᬶᬩᬸᬤ᭄ᬥᬵᬮᬾᬦ᭄ᬓᬹᬘᬧ᭄ᬤᬶᬢᬸ᭞ᬓᬵᬤᬦᬶᬦ᭄ᬤᬰᬰᬶᬮᬵ᭞ᬧᬢᬶᬫᬷᬢᬵᬫᬾᬯᭂᬄᬘ᭄ᬦᬶᬂᬤᬵᬓᬤᬸᬭᬸᬲ᭄᭞ᬗᬫ᭄ᬧᬳᬂᬢᬸᬤᬸᬄᬰᬵᬲ᭄ᬢ᭄ᬭ᭞ᬚᬢ᭄ᬮᬩᬸᬄ
ᬤᬤᬶᬜᬘ᭄ᬦᬶᬂ᭟᭙᭗᭟ᬲᭀᬓ᭄ᬗ᭄ᬭᬫ᭄ᬩᬂᬫᬚᬧᬵᬫᬦ᭄ᬢ᭄ᬭ᭞ᬢᭀᬦ᭄ᬤᬾᬦ᭄ᬦᬧᬓ᭄᭞ᬲᬲᬢ᭄ᬳᬫ᭄ᬩᬸᬮ᭄ᬫᬜᬫ᭄ᬧᬶᬓ᭄᭞ᬚ᭄ᬯᬭᬶᬫᬵᬧᬶᬩᬸᬓᬵᬧᬸᬢᬸᬲ᭄᭞ᬧᬬᬸᬢᬶᬢᬲᬾᬓᬦ᭄ᬤᬲ᭄᭞ᬦᬵᬗ᭄ᬳᬶᬂᬩᬧᬵᬲᬶᬂᬜᬦ᭄ᬲᬓᬾᬂ
ᬜᬘᬤ᭄ᬮᬓᬸ᭞ᬳᬦᬓᬾᬫᬶᬥᭂᬳᭀᬫᬭᬬᬦ᭄᭞ᬤ᭄ᬫᭂᬦ᭄ᬤᬤᬶᬩᬸᬗᬦ᭄ᬩᬶᬩᬶᬄ᭟᭙᭘᭟ᬧᬩᭂᬢᬦᬾᬦ᭄ᬢᭀᬗᬯᬦᬂ᭞ᬫᬓᬶᬦ᭄ᬲᬭᬸᬩᬵᬦ᭄ᬦᬫ᭄ᬧᬾᬦ᭄ᬲᬂᬳ᭄ᬬᬂᬳᬚᬶ᭞ᬓᬭᬡᬕᬢ᭄ᬬᬂᬫᬳᬸᬭᬸᬓ᭄᭞ [ 16 ][᭑᭕ 15B]
᭑᭕
ᬳᬧᬂᬦᬯᬗᬗ᭄ᬳᬯᬓ᭄᭞ᬯᬦ᭄ᬢᬄᬳᭂᬦ᭄ᬢᭀᬘ᭄ᬦᬶᬂᬓᬩ᭄ᬯᬢᬂᬫᬕᬸᬭᬸ᭞ᬤᬵᬳᬶᬚᬸᬗ᭄ᬤᬸᬫ᭄ᬧᬭᬬᬂ᭞ᬤᬾᬯᬾᬓ᭄ᬫᬮᬸᬳᬧᬂᬧᬲ᭄ᬢᬶ᭟᭙᭙᭟ᬧᬦᬯᬗᬾᬜᬮᬶᬯ᭄ᬕᬂ᭞ᬬᬾᬦ᭄ᬢ᭄ᬯᬄᬦᬸᬘ᭄ᬦᬶᬂᬮᬯᬸᬢ᭄ᬓᬢᬮᬶ
ᬦᬶᬦ᭄᭞ᬩᬳᬦ᭄ᬳᬚᬸᬫ᭄ᬦᬕᬶᬄᬕᬸᬕᬸ᭞ᬤᬤᬶᬕᬸᬭᬸᬦᬶᬂᬚᬕᬢ᭄᭞ᬬᬦ᭄ᬓᬲᬶᬤ᭄ᬤᬵᬦ᭄ᬧᬲ᭄ᬧᬲᬶᬜ᭄ᬚᬵᬤᬦ᭄ᬤᬾᬦ᭄ᬫᬮᬸ᭞ᬮᬜ᭄ᬘᬃᬦᬕᬶᬄᬓᬲᬸᬫ᭄ᬩᬸᬗᬂ᭞ᬩᬳᬸᬰᬶᬱ᭄ᬬᬗ᭄ᬕᬯᬾᬧᬮᬶᬂ᭟᭑᭐᭐᭟ᬅᬚ᭄ᬜᬡ
ᬦᬾᬲᬬᬦ᭄ᬲᬯᬢ᭄᭞ᬬᬦᬶᬂᬘ᭄ᬦᬶᬂᬫ᭄ᬩ᭄ᬬᬓ᭄ᬢᬳᬂᬳᬯᬓ᭄ᬱ᭄ᬳᬓ᭄ᬢᬶ᭞ᬬᬦ᭄ᬳᬶᬤᬵᬲᬂᬲᬸᬩᬵᬧᬸᬢᬸᬲ᭄᭞ᬚᭀᬄᬲᬯᬓ᭄ᬧᬢᬶᬲᬫ᭄ᬩᬢ᭄᭞ᬳᬧᬵᬩ᭄ᬯᬶᬦ᭄ᬗᭀᬮᬾᬲ᭄ᬜᬘᬤ᭄‌ᬗ᭄ᬕᬯᬾᬩᬸᬳᬸᬢ᭄᭞ᬭᬾᬄᬲᬶ
ᬤᬵᬲᬸᬩᬵᬫᬢᬶᬗ᭄ᬕᬮ᭄᭞ᬧ᭄ᬢᭂᬂᬧᬶᬢᬸᬦᬾᬤᬶᬳᬢᬶ᭟᭑᭐᭑᭟ᬓᬾᬢᭀᬓᬢᬢ᭄ᬯᬦ᭄ᬤᬶᬰᬶᬯᬵ᭞ᬢᬢ᭄ᬯᬩᬸᬤ᭄ᬥᬵᬢ᭄ᬯᬭᬫᬩᬶᬦᬬᬦ᭄ᬓᬶᬓᬶᬢ᭄᭞ᬫᬢᬶᬢᬶᬲ᭄ᬫᬗᬮᬶᬄᬳᬬᬸ᭞ᬪᬾᬤᬵᬢᬸᬄ
[᭑᭖ 16A]
ᬧᬗ᭄ᬮᬓ᭄ᬱᬡᬦ᭄᭞ᬧᬤᬶᬗᭂᬳᬂᬳᬧᬂᬘ᭄ᬦᬶᬂᬢᬢᬲ᭄ᬢᬳᬸ᭞ᬩᬧᬵᬜᬤ᭄ᬬᬫᬶᬤᬃᬢ᭄ᬣᬬᬂ᭞ᬧᬢᬶᬓᬲᬾᬩ᭄ᬲᬶᬓ᭄ᬩᭂᬲᬶᬓ᭄᭟᭑᭐᭒᭟ᬓᬯᬶᬢ᭄ᬩᬦ᭄ᬩᬧᬵᬦ᭄ᬤᬃᬢ᭄ᬣᬬᬂ᭞ᬢᬢ᭄ᬯᬩᬸᬤ᭄ᬥᬵᬫᬲᬶᬄᬯ᭄ᬓᬲᬶᬂᬧᬶᬳᬶ
ᬢ᭄᭞ᬤᬤ᭄ᬯᬯᬦ᭄ᬢᬄᬦᬾᬓᬲᬸᬫ᭄ᬩᬸᬂ᭞ᬅᬥ᭄ᬬᬬᬵᬥ᭄ᬯᬬᬚ᭄ᬜᬦᬵ᭞ᬧᬫᬸᬕᭂᬳᬦ᭄ᬧᬢᬶᬢᬶᬲᬾᬩᬓᬮ᭄ᬦᬸᬚᬸ᭞ᬲᬂᬳ᭄ᬬᬂᬥᬶᬯᬵᬤᬹᬧᬵᬢᬸᬗ᭄ᬕᬮ᭄᭞ᬳᬥᬶᬩᬸᬤ᭄ᬥᬵᬓᬧᬭᬩᬶᬦ᭄᭟᭑᭐᭓᭟ᬫᬸ
ᬗ᭄ᬕ᭄ᬯᬶᬂᬰᬵᬲ᭄ᬢ᭄ᬭᬓᬲᬶᬦᬳᬂ᭞ᬅᬁᬅᬄᬳᭂᬦ᭄ᬢᭀᬯᬶᬚᬵᬓ᭄ᬱᬭᬤ᭄ᬯᬂᬩ᭄ᬲᬶᬓ᭄᭞ᬤᬶᬫᬹᬮᬵᬓᬦ᭄ᬢᬳᬸᬫᬸᬯᬸᬲ᭄᭞ᬤᬤ᭄ᬯᬰᬵᬲ᭄ᬢ᭄ᬭᬜᬢᬸᬗ᭄ᬕᬮ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬲᬗ᭄ᬓᬦ᭄ᬯᬶᬢ᭄ᬘᬳ᭄ᬬᬦᬾᬫ᭄ᬢᬸ᭞ᬩᬚ᭄ᬭᬲ
ᬢ᭄ᬯᬩᬚ᭄ᬭᬚ᭄ᬜᬡ᭞ᬳᬶᬤᬵᬯᬦ᭄ᬢᬄᬢ᭄ᬯᬶᬳᬩ᭄ᬲᬶᬓ᭄᭟᭑᭐᭔᭟ᬤᬶᬦᬶᬲ᭄ᬓᬮᬵᬳᬶᬤᬵᬓᬹᬘᬧ᭄᭞ᬲᬶᬤ᭄ᬥᬶᬯᬓ᭄ᬬᬧᬭᬶᬧᬹᬃᬡ᭄ᬦ᭄ᬦᬮᬗ᭄ᬕᭂᬂᬳᬰᬶᬄ᭞ᬳᬸᬭᬶᬧᬶᬂᬚᬕᬢ᭄ᬧᬶᬢᬸᬳᬸ᭞ᬧ᭄ᬭᬲᬶᬤᬵᬲᬗ᭄ᬓᬦ᭄ᬧᬭᬦ᭄ [ 17 ][᭑᭖ 16B]
᭑᭖
᭞ᬧ᭄ᬢᭂᬂᬢᬸᬫᬮᬵᬧᬢᬓᬦᬾᬮᬩᬸᬃ᭞ᬬᬦ᭄ᬲᬸᬩᬵᬳᬶᬤᬵᬗ᭄ᬯᬶᬰᬾᬱ᭞ᬗᬦᬹᬢ᭄ᬮᬶᬂᬦᬶᬂᬲᬂᬳ᭄ᬬᬂᬳᬚᬶ᭟᭑᭐᭕᭟ᬲᭂᬗ᭄ᬓᬵᬯᬦ᭄ᬢᬄᬩᬵᬦ᭄ᬩᬸᬧᬫ᭄ᬬᬂ᭞ᬧᬳᬗ᭄ᬕᬬᬦ᭄ᬳᬶᬤᬵᬤᬳᬢᬶᬂᬲᬗᬶᬤ᭄᭞ᬢᬸᬯᬶᬰᬵ
ᬲ᭄ᬢ᭄ᬭᬳᬗ᭄ᬕᭀᬲᬸᬮᬸᬄ᭞ᬳᬧᬦ᭄‌ᬫ᭄ᬭᬕᬵᬦᬶᬱ᭄ᬓᬮᬵ᭞ᬧᬳᭂᬓ᭄ᬚᭀᬄᬢᬸᬯᬶᬧᬳᭂᬓ᭄ᬢᭀᬂᬩᬓᬢ᭄ᬲᭂᬦ᭄ᬢᬸᬄ᭞ᬬᭀᬕᬶᬰ᭄ᬯᬭᬦᬾᬦᬫ᭄ᬩᬢᬂ᭞ᬫ᭄ᬩᬸᬗᭂᬗᬂᬳᬶᬥᭂᬧ᭄ᬫᬢᬶᬢᬶᬲ᭄᭟᭑᭐᭖᭟ᬚᭀᬄᬓᬧᭀᬩᬧᬵ
ᬜᬶᬤᬬᬂ᭞ᬫᬶᬢᬸᬢᬸᬭᬶᬦ᭄‌ᬘ᭄ᬦᬶᬂᬫᬸᬗ᭄ᬕ᭄ᬯᬶᬂᬓᬚᬵᬢᬶᬦ᭄᭞ᬓᬢᬢ᭄ᬯᬦ᭄ᬩᬸᬤ᭄ᬥᬵᬦᬾᬢᬸᬳᬸ᭞ᬳᬧᬦ᭄ᬢ᭄ᬯᬭᬵᬤᬘᬶᬳ᭄ᬦ᭞ᬩ᭄ᬯᬢ᭄ᬧᬦᬯᬂᬩᬧᬵᬓᭀᬢ᭄ᬢᬫᬦᬶᬂᬮᬓᬸ᭞ᬓᬫᬳᭀᬥᬬᬦᬶᬂᬘᬶᬢ᭄ᬢ᭞ᬭᬾᬄ
ᬩᬧᬵᬦᬸᬫᬯᬓ᭄ᬤᬓᬶ᭟᭑᭐᭗᭟ᬦᬾᬳᬤᬵᬮᬮᬯᬢ᭄ᬰᬵᬲ᭄ᬢ᭄ᬭ᭞ᬓᬓ᭄ᬢᬸᬲᬦ᭄ᬫᬲᬗ᭄ᬓᬦ᭄ᬢᬢᬯᬫᬲᬶᬄ᭞ᬫᬳᬵᬬᬡᬩᬸᬤ᭄ᬥᬵᬮᬓᬸ᭞ᬦ᭄ᬢᭀᬫᬸᬮᬵᬓᬕ᭄ᬮᬭᬂ᭞ᬫᬓᬵᬲᬸᬮᬸᬄᬧᬗ᭄ᬕᬜ᭄ᬘᬦ᭄ᬳᬯ
[᭑᭗ 17A]
ᬦ᭄ᬮᬸᬫᬓᬸ᭞ᬫᬗᬼᬓᬲᬂᬫᬦ᭄ᬢ᭄ᬭᬦᬬᬵ᭞ᬫᬥᬓ᭄‌ᬘ᭄ᬦᬶᬂᬓᬳᬸᬗ᭄ᬕ᭄ᬯᬦᬶᬦ᭄᭟᭑᭐᭗᭟ᬳᬶᬤᬵᬲᬂᬳ᭄ᬬᬂᬲᬶᬦᬫᬬᬵ᭞ᬦᬾᬓᬭᬸᬭᬸᬄᬢᬹᬃᬓᬳᬱ᭄ᬝᬶᬢᬶᬲᬳᬶ᭞ᬦᬵᬗ᭄ᬳᬶᬂᬳᬧᬂᬫ᭄ᬗᭃᬫᬮᬸ᭞ᬤᬵᬲᬸᬩᬮ
ᬦ᭄ᬫᬗᬯᬕ᭄᭞ᬭᬾᬄᬤᬶᬳᬶᬥᭂᬧ᭄‌ᬫᬺᬢ᭄ᬣᬯᬶᬱ᭄ᬬᬦᬾᬫᬢᬫ᭄ᬩᬸᬦ᭄᭞ᬬᬦ᭄‌ᬘ᭄ᬦᬶᬂᬩᬶᬲᬫ᭄ᬩᭂᬮᬲᬂ᭞ᬫᬭᬵᬓᬹᬘᬧ᭄ᬫᬢᬶᬢᬶᬲ᭄᭟᭑᭐᭙᭟ᬤᬾᬦᬶᬂᬲᬂᬳ᭄ᬬᬂᬫᬦ᭄ᬢ᭄ᬭᬦᬵᬬ᭞ᬓ᭄ᬭᬸᬭᬵᬯᬶᬰᬾᬱᬵ
ᬳᬶᬫᬗᬺᬱᬺᬱᬶᬦ᭄᭞ᬫ᭄ᬩᬜ᭄ᬘᬦᬾᬦ᭄ᬫᬗ᭄ᬕᬯᬾᬩᬸᬳᬸᬢ᭄᭞ᬬᬦ᭄‌ᬘ᭄ᬦᬶᬂᬓᬲᬸᬲᬸᬧᬦ᭄᭞ᬩᬳᬦ᭄ᬯᬶᬱ᭄ᬬᬦᬸᬚᬸᬦᬾᬫᬸᬭᬸᬓᬶᬦ᭄ᬢᬸᬢᬸᬃ᭞ᬫᬢᬶᬢᬶᬲ᭄ᬓᭀᬢ᭄ᬢᬫᬦ᭄ᬩᬸᬤ᭄ᬥᬵ᭞ᬫᬧᬦ᭄ᬧᬭᬵᬫᬃᬣᬧᬶᬗᬶ
ᬢ᭄᭟᭑᭑᭐᭟ᬤᬾᬯᬶᬧ᭄ᬭᬚ᭄ᬜᬧᬭᬶᬫᬷᬢᬵ᭞ᬳᬶᬤᬵᬰᬶᬯᬶᬳᬲ᭄ᬣᬯᬵᬢᭀᬪᬓ᭄ᬢᬶᬦᬶᬦ᭄᭞ᬧᬶᬮᬶᬄᬮᬸᬕ᭄ᬭᬳᬵᬯᬶᬱᬶᬓ᭄ᬳᬬᬸ᭞ᬫᬧᬷᬘ᭄ᬙᬵᬓᬦᬶᬃᬫ᭄ᬫᬮᬦ᭄᭞ᬳᬗᬦ᭄ᬫᬢᬺᬳᬗ᭄ᬕᭀᬧᬗ᭄ᬮᬸᬓᬢ [ 18 ][᭑᭗ 17B]
᭑᭗
ᬦᬼᬢᬸᬄ᭞ᬧᬮᬚᬳᬶᬦ᭄ᬧ᭄ᬢᭂᬂᬍᬫᬄ᭞ᬲᬳᬶᬗᬧ᭄ᬢᬶᬯ᭄ᬮᬲ᭄ᬳᬲᬶᬄ᭟᭑᭑᭑᭟ᬫᬫᬭᬶᬰᬸᬤ᭄ᬥᬵᬫᬸᬦ᭄ᬢᬲᬂ᭞ᬢ᭄ᬭᬶᬓᬬᬦᬾᬫᬤ᭄ᬓᭂᬢ᭄ᬤᬶᬳᬯᬓ᭄‌ᬘ᭄ᬦᬶᬂ᭞ᬢ᭄ᬓᭂᬓᬂᬧᬢᬶᬢᬶᬲ᭄ᬫᬗ᭄ᬕᬸᬕᬸ᭞ᬢᭀᬂᬲᬂᬳ᭄ᬬᬂ
ᬫᬦ᭄ᬢ᭄ᬭᬦᬵᬬ᭞ᬫᬦ᭄ᬤᬾᬦ᭄‌ᬚ᭄ᬦᭂᬓ᭄ᬫᬺᬢ᭄ᬣᬦᬾᬤᬶᬳᬶᬥᭂᬧ᭄ᬓᬸᬓᬸᬄᬲᬭᬶᬦ᭄ᬧᬶᬢᬸᬗᬦᬼᬕᬵ᭞ᬢ᭄ᬬᬕᬵᬮᬕᬯᬦᬾᬲᬳᬶ᭟᭑᭑᭒᭟ᬤᬦᬵᬳᬲᬶᬄᬯ᭄ᬭᬸᬳᬶᬂᬥᬃᬫ᭄ᬫᬵ᭞ᬢᭀᬳᭂᬫ᭄ᬩᬦᬶᬦ᭄ᬓᬯ᭄ᬬ
ᬓ᭄ᬢᬶᬬᬜᬘ᭄ᬦᬶᬂ᭞ᬲᬭᬶᬦ᭄ᬮᬓ᭄ᬱᬡᬦᬾᬫᬸᬮᬸᬲ᭄᭞ᬲᬢ᭄ᬲᭀᬘᬵᬯᬶᬦ᭄ᬥᬸᬰᬭᬵ᭞ᬧ᭄ᬭᬲᬶᬤᬵᬧᬢᬶᬢᬶᬲ᭄ᬓᭀᬢ᭄ᬢᬫᬦᬶᬂᬩᬸᬗ᭄ᬓᬸᬂ᭞ᬳᬫ᭄ᬩᬸᬮ᭄ᬢᭀᬳᬸᬧᬫ᭄ᬬᬂᬩᬧᬵ᭞ᬩᬸᬤ᭄ᬥᬵᬢᬢ᭄ᬯᬦᬾᬓᬧᬸ
ᬚᬶ᭟᭑᭑᭓᭟ᬳᬤᬵᬩᬧᬵᬫ᭄ᬩᬳᬦ᭄ᬲᬢ᭄ᬯ᭞ᬓᬵᬗ᭄ᬕᬶᬢᬂᬩᬵᬦ᭄ᬓᬯᬶᬰ᭄ᬯᬭᬦᬾᬗᬹᬦᬶ᭞ᬫᬓᬵᬓᬯᬶᬦ᭄ᬤᬤᬶᬢᬸᬢᬸᬃ᭞ᬲᬢ᭄ᬯᬓᬶᬤᬸᬂᬭᬫᬵ᭞ᬤᬶᬢᬸᬫᬸᬗ᭄ᬕᬸᬄᬲᬂᬲᬸᬩᬵᬧᬸᬢᬸᬲᬶᬂᬧᬸᬢᬸᬲ᭄᭞
[᭑᭘ 18A]
ᬳᬶᬤᬵᬲᬗ᭄ᬓᬦᬶᬰ᭄ᬭᬾᬬᬰᬦ᭄‌᭞ᬥᬹᬄᬥᬹᬄᬓ᭄ᬢᬶᬮ᭄ᬢᬦ᭄ᬧᬢᬦ᭄ᬤᬶᬂ᭟᭑᭑᭔᭟ᬭᬾᬄᬯᬸᬲ᭄ᬯᬶᬪᬸᬳᬶᬂᬅᬚ᭄ᬜᬡᬵ᭞ᬢᬦ᭄ᬓᬢᬫᬦ᭄ᬩᬦ᭄ᬲᬸᬓᬵᬤᬸᬓᬵᬩᬸᬯᬶᬦ᭄᭞ᬰ᭄ᬯᬃᬕ᭄ᬕᬦᬵᬭᬓᬦᬾᬧᬢᬸᬄ᭞ᬳ᭄ᬦᭃᬂᬦᬶᬂᬤᬶ
ᬓᬳᬦᬦ᭄᭞ᬧᬹᬚᬵᬬᭀᬕᬫᬦ᭄ᬢ᭄ᬭᬢᬧᬵᬩ᭄ᬭᬢ᭄ᬢᬢᬸᬢᬸᬃ᭞ᬢ᭄ᬯᬭᬩᬸᬯᬶᬦ᭄ᬢᭀᬓᬩ᭄ᬯᬢᬂ᭞ᬓᬭᬡᬲᭂᬗ᭄ᬓᬵᬗ᭄ᬕᭂᬜ᭄ᬚᬳᬶᬦ᭄᭟᭑᭑᭕᭟ᬓᬾᬢᭀᬘ᭄ᬦᬶᬂᬓᬯᬗ᭄ᬰᬮᬂ᭞ᬫᬶᬮᬸᬩᬧᬵᬦᬾᬚᬦᬶᬩᬸᬗᭃᬂ
ᬧᬮᬶᬂ᭞ᬗ᭄ᬭᬱᬤᬾᬯᬾᬓ᭄ᬱᬢᬶᬓᬘᬸᬄ᭞ᬚ᭄ᬯᬭᬶᬦᬶᬦ᭄ᬥᬵᬫᬦᬶᬮᬤ᭄᭞ᬓᬯᬶᬰ᭄ᬯᬭᬵᬫᬦ᭄ᬤᬃᬢ᭄ᬣᬬᬂᬮᬶᬢ᭄ᬦᬶᬂᬯᬸᬯᬸᬲ᭄᭞ᬤᬕᬶᬂᬰᬵᬲ᭄ᬢ᭄ᬭᬫᬳᭀᬢ᭄ᬢᬫᬵ᭞ᬫᬥᬓ᭄ᬢ᭄ᬯᬭᬫᬦᬸᬮᬳᬶᬦ᭄᭟᭑᭑᭖᭟ᬢ᭄ᬓᬵ
ᬚᬦᬶᬩᬧᬵᬗ᭄ᬭᬱᬵ᭟ᬘᭀᬤᭀᬃᬮᬜ᭄ᬘᬃᬤᬾᬯᬾᬓ᭄ᬳᬾᬦ᭄ᬢᬾᬂᬘ᭄ᬭᬶᬓ᭄ᬩᭂᬗᬶᬮ᭄᭞ᬳᬶᬗᭂᬢ᭄ᬩᭀᬕ᭄ᬩᭀᬕᬾᬦᬾᬫᬮᬸ᭞ᬫᬗᬓᬸᬤᬾᬯᬾᬓ᭄ᬧ᭄ᬭᬚ᭄ᬜᬦ᭄᭞ᬫᬵᬧᬶᬢᬢᬲ᭄ᬤᬕᬶᬂᬰᬵᬲ᭄ᬢ᭄ᬭᬕᬫ᭄ᬫᬢᬸ [ 19 ][᭑᭘ 18B]
᭑᭘
ᬢᬸᬃ᭞ᬫᬯᬓ᭄ᬓᬍᬩᬸᬳᬶᬂᬤᭀᬱ᭞ᬧᬦᬯᬗᬾᬢ᭄ᬯᬭᬚᬢᬷ᭟᭑᭑᭗᭟ᬘ᭄ᬦᬶᬂᬦᬄᬓᬸᬤᬵᬳᬶᬗᭂᬭᬂ᭞ᬫᬦᬸᬱᬦᬾᬧᬫᬸᬧᬸᬢ᭄ᬫᬸᬮᬵᬫᬢᬶ᭞ᬦᬵᬗ᭄ᬳᬶᬂᬫᬯᬓ᭄ᬧᬥᬵᬢᬦ᭄ᬤ᭄ᬭᬸᬄ᭞ᬦ᭄ᬢᭀᬓᭀᬦᬾᬫᬢ
ᬓᬸᬢᬂ᭞ᬳᬮᬫ᭄ᬧ᭄ᬬᬲᬦ᭄‌ᬩᬧᬵᬫᬲᬶᬄᬢ᭄ᬯᬭᬗ᭄ᬕᬸᬕᬸ᭞ᬳᬤᬵᬓᭀᬦᬾᬲᬂᬳ᭄ᬬᬂᬢᬶᬢᬄ᭞ᬩᬢᭂᬓ᭄ᬢᬺᬱ᭄ᬡᬦᬾᬜᬸᬲᬸᬧᬶᬦ᭄᭟᭑᭑᭗᭟ᬳᬓᬸᬤᬵᬲᬦ᭄ᬳᬸᬭᬶᬧ᭄ᬚᬦ᭄ᬫ᭞ᬲᬶᬤᬵᬓᬾᬘ᭄ᬦᬶᬂᬩᬓᬮ᭄ᬫ
ᬦ᭄ᬧᬸᬓᬶᬦ᭄᭞ᬓᬥᬃᬫ᭄ᬫᬦ᭄ᬳᬯᬓᬾᬢᬸᬳᬸ᭞ᬳᬸᬭᬶᬧ᭄ᬳᬓ᭄ᬤᬧ᭄ᬓᬶᬮᬢ᭄᭞ᬲᬂᬳ᭄ᬬᬂᬥᬃᬫ᭄ᬫᬵᬚᬢᬷᬯᬦ᭄ᬢᬄᬮᬦᬵᬭᬸᬭᬸᬄ᭞ᬲᬗ᭄ᬓᬦ᭄ᬓᬧᬸᬕᭂᬄᬩᬦ᭄ᬓᬃᬫ᭄ᬫᬵ᭞ᬓ᭄ᬭᬡᬚ᭄ᬫᭂᬢᬂᬧᬸᬭᬸᬓᬶᬦ᭄᭟᭑᭑᭙᭟ᬦᬄᬘ᭄ᬦᬶᬂ
ᬤᬶᬗᬦᬾᬲᬥ᭄ᬬ᭞ᬓᬦᬸᬕ᭄ᬭᬳᬵᬩᬳᬵᬦ᭄ᬪᬝᬵᬭᬯᬶᬤ᭄ᬥᬶ᭞ᬧᬹᬲᭂᬧ᭄ᬓᬾᬦ᭄ᬧᬶᬢᬸᬤᬸᬄᬕᬸᬭᬸ᭞ᬦᬾᬤᬶᬳᬯᬓ᭄ᬗᬯᬦᬶᬂ᭞ᬲᬶᬤᬵᬫᬢ᭄ᬭᬅᬚ᭄ᬜᬡᬦ᭄ᬩᬸᬤ᭄ᬥᬦᬾᬧᬗ᭄ᬕᬸᬄ᭞ᬩᬳᬦ᭄ᬓᭀᬢ᭄ᬢᬫ
[᭑᭙ 19A]
ᬦ᭄ᬳᬗ᭄ᬓᭀᬲᬦ᭄᭞ᬲᬂᬳ᭄ᬬᬂᬫᬦ᭄ᬢ᭄ᬭᬦᬵᬬᬲᬶᬤ᭄ᬥᬶ᭟᭑᭒᭐᭟ᬑᬁᬩᬚ᭄ᬭᭀᬥᬓᬵᬑᬁᬉᬁᬅᬄ᭞ᬳᬗ᭄ᬕᭀᬦ᭄ᬩᬧᬵᬤᬲᬃᬚᬦᬶᬗᬯᬶᬢᬶᬦ᭄᭞ᬲᬸᬪᬕ᭄ᬬᬲᬶᬤᬵᬫᬳᬸᬦ᭄ᬤᬸᬓ᭄᭞ᬓᬮᬶᬄᬦᬸᬦᬲ᭄ᬮᬸᬕ᭄ᬭᬳᬵ
᭞ᬓᬾᬦ᭄ᬰ᭄ᬭᬶᬰᬓ᭄ᬬᬲᬶᬗ᭄ᬳᬵᬳᬶᬦᬶᬲ᭄ᬢᬶᬦᬶᬂᬢᬦᬹ᭞ᬪᬝᬵᬭᬰ᭄ᬭᬶᬯᬾᬭᭀᬘᬡ᭞ᬫᬥᬓ᭄ᬳᬶᬤᬵᬫᬗ᭄ᬭᬕᬦᬶᬦ᭄᭟᭑᭒᭑᭟ᬲᬂᬳ᭄ᬬᬂᬧᬜ᭄ᬘᬢᬝᬵᬕᬝᬵ᭞ᬩᬸᬤ᭄ᬥᬳᬶᬤᬵᬫ᭄ᬭᬕᬳᬸᬭᬶᬧᬶᬂᬪᬸᬫᬶ
᭞ᬧᬸᬭᬸᬱᬯᬶᬰᬾᬱᬅᬦᬸ᭞ᬪᬭᬮᬶᬤᬾᬯᬶᬧ᭄ᬭᬚ᭄ᬜᬧᬭᬶᬫᬶᬢᬵ᭞ᬫᬳᬗ᭄ᬕᬵᬳᬶᬤᬵᬧᬺᬥᬦᬵᬯᬶᬪᬸᬄ᭞ᬯ᭄ᬢᬸᬳᬸᬮᬶᬳᬶᬢ᭄ᬭᬶᬭᬢ᭄ᬦ᭞ᬩᬸᬤ᭄ᬥᬵᬥᬃᬫ᭄ᬫᬲᬗ᭄ᬕᬵᬍᬯᬶᬄ᭟᭑᭒᭒᭟ᬰᬓ᭄ᬬᬫᬸᬦᬷ
ᬮᭀᬓᬾᬰ᭄ᬯᬭᬵ᭞ᬩᬚ᭄ᬭᬧᬡᬷᬧᬧᬰᬶᬄᬳᬶᬤᬵᬩ᭄ᬯᬶᬦ᭄᭞ᬲᬂᬳ᭄ᬬᬂᬭᬵᬢ᭄ᬦᬢ᭄ᬭᬬᬓᬮᬶᬩ᭄᭞ᬚᬦᬶᬩᬧᬵᬜᬢ᭄ᬯᬬᬂ᭞ᬲᬓᬩ᭄ᬲᬶᬓ᭄ᬫᬶᬫᬶᬢᬦ᭄ᬲᬗ᭄ᬓᬦᬾᬫ᭄ᬢᬸ᭞ᬤᬤᬶᬧᬜ᭄ᬘᬢᬝᬵᬕᬝᬵ᭞ᬳᬸ [ 20 ][᭑᭙ 19B]
᭑᭙
ᬗᭂᬭᬂᬘ᭄ᬦᬶᬂᬳᬢᬶ᭟᭑᭒᭓᭟ᬅᬥ᭄ᬯᬬᬵᬅᬥ᭄ᬯᬬᬵᬚ᭄ᬜᬦᬵ᭞ᬬᬦ᭄ᬫᬢ᭄ᬫᬸᬳᬶᬤᬵᬤᬤᬶᬳᬩ᭄ᬲᬶᬓ᭄᭞ᬲᬂᬳ᭄ᬬᬂᬥᬶᬯᬵᬭᬹᬧᬵᬯ᭄ᬢᬸ᭞ᬳᬘᬶᬦ᭄ᬢ᭄ᬬᬢᬬᬵᬭᬸᬧᬵ᭞ᬘᬳ᭄ᬬᬕᬮᬂᬳᬧᬥᬂᬢᬾᬚᬦᬾ
ᬫᬸᬭᬸᬩ᭄᭞ᬧᬭᬶᬧᬹᬃᬡ᭄ᬦᬲᬓ᭄ᬱᬢ᭄ᬓᬳ᭄ᬬᬦ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬦᬾᬗᬗᭀᬩᬶᬦ᭄᭟᭑᭒᭔᭟ᬬᭀᬕᬶᬰ᭄ᬯᬭᬦᬾᬜᬶᬦᬳᬂ᭞ᬳᬶᬤᬵᬯ᭄ᬢᬸᬳᬸᬮᬶᬦᬾᬤᬤ᭄ᬯᬚᬵᬢᬷ᭞ᬧᬮᬸᬗ᭄ᬕᬸᬳᬦ᭄ᬯᬦ᭄ᬢᬄᬫᬵᬦᬹᬢ᭄
᭞ᬲᬹᬃᬬ᭄ᬬᬘᬦ᭄ᬤ᭄ᬭᬅᬤ᭄ᬩᬸᬣᬵ᭟ᬭᬾᬄᬜᬶᬤᬬᬂᬲᬸᬩᬵᬳᬯᭀᬃᬩᬋᬂᬕᬧᬸᬮ᭄᭞ᬳᬫᭀᬭᬶᬗ᭄ᬳ᭄ᬬᬂᬳᬥᬶᬩᬸᬤ᭄ᬥᬵ᭞ᬦᬶᬃᬩ᭄ᬪᬡᬘᬶᬦ᭄ᬢ᭄ᬬᬓᬳᬸᬗ᭄ᬲᬶ᭟᭑᭒᭕᭟ᬳᬸᬮᬶᬳᬩ᭄ᬲᬶᬓ᭄ᬗᭂᬫ᭄ᬩᬲᬂ᭞ᬳ᭄ᬦᬾᬢᬢ᭄ᬮᬸᬅ
ᬚ᭄ᬜᬡᬳᬶᬢᬸᬗᬶᬦ᭄᭞ᬰ᭄ᬭᬷᬰᬓ᭄ᬬᬫᬸᬦᬶᬧᬜ᭄ᬚᬸᬫᬸ᭞ᬓᬧᬶᬂᬭᭀᬮᭀᬓᬾᬢ᭄ᬯᬭ᭞ᬩᬚ᭄ᬭᬧᬡᬶᬕ᭄ᬦᭂᬧ᭄ᬢᬢ᭄ᬮᬸᬓᬲᬸᬗ᭄ᬲᬸᬂ᭞ᬳᬲ᭄ᬢᬶᬢᬶᬫᬸᬚᬵᬪᬝᬵᬭ᭞ᬢ᭄ᬭᬶᬭᬵᬢ᭄ᬦᬢ᭄ᬭ᭄ᬬᬓᬳᬶᬲ᭄ᬢᬶ᭟᭑᭒᭖᭟ᬤᬶᬰᬶᬯᬵ
[᭒᭐ 20A]
ᬢᬢ᭄ᬯᬓᬳᬸᬘᬧ᭄᭞ᬲᬂᬳ᭄ᬬᬂᬢ᭄ᬭᬶᬧᬸᬭᬸᬱᬳᭂᬦ᭄ᬢᭀᬓᬧᬸᬚᬶ᭞ᬩᬸᬤ᭄ᬥᬵᬥᬃᬫ᭄ᬫᬵᬲᬗ᭄ᬕᬵᬧᬢᬸᬄ᭞ᬤᬶᬰᬶᬯᬵᬢ᭄ᬯᬅᬉᬫ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬗᬹᬰ᭄ᬯᬭᬫᬲᬶᬄᬢᬢ᭄ᬮᬸ᭞ᬲᬫᬾᬦ᭄ᬯᬦ᭄ᬢᬄᬢ᭄ᬯᬭᬪᬶᬦᬵ᭞ᬩᬾ
ᬥᬵᬯᬓ᭄ᬬᬢᬸᬗ᭄ᬕᬮ᭄ᬰ᭄ᬭᬸᬢᬶ᭟᭑᭒᭑᭟ᬢ᭄ᬭᬶᬅᬓ᭄ᬱᬭᬦᬾᬤᬶᬩᬸᬤ᭄ᬥᬵ᭞ᬑᬁᬅᬄᬉᬁᬯᬶᬚᬵᬓ᭄ᬱᬭᬤᬳᬢ᭄ᬧᬶᬗᬶᬢ᭄᭞ᬅᬁᬉᬁᬫᬁᬤᬶᬰᬶᬯᬵᬗᬦᬹᬢ᭄᭞ᬳᬶᬘ᭄ᬦᬶᬂᬳᬧᬂᬢᬢᬲ᭄᭞ᬩᬸᬯᬶᬜ᭄ᬚ
ᬦᬶᬩᬧᬵᬗᬮᬦ᭄ᬢᬸᬭᬂᬜᬫ᭄ᬩᬸᬂ᭞ᬗ᭄ᬕᬶᬮᬶᬄᬗᬕᬸᬫ᭄ᬦᬾᬮᬮᬶᬫ᭞ᬲᬂᬳ᭄ᬬᬂᬧᬜ᭄ᬘᬢᬝᬵᬕᬢᬶ᭟᭑᭒᭘᭟ᬲᬂᬳ᭄ᬬᬂᬰᬓ᭄ᬬᬫᬸᬦᬶᬳᬸᬘᬧ᭄᭞ᬫᬗᬤᬓᬂᬦ᭄ᬢᭀᬰ᭄ᬭᬶᬯᬾᬭᭀᬘ᭄ᬘᬡᬵᬥᬶ᭞
ᬰ᭄ᬭᬶᬮᭀᬓᬾᬰ᭄ᬯᬭᬢ᭄ᬯᬄᬯᬶᬪᬸᬄ᭞ᬳᬸᬮᬶᬢᬗᬦ᭄ᬗᭂᬫ᭄ᬩᬲᬂ᭞ᬰ᭄ᬭᬷᬭᬵᬢ᭄ᬦᬲᬫ᭄ᬪᬯᬵᬧᬭᬩᬾᬓᬯᬸᬯᬸᬲ᭄᭞ᬢᬗᬦ᭄ᬓᬶᬯᬵᬗᬯ᭄ᬢᬸᬯᬂ᭞ᬰ᭄ᬭᬶᬅᬫᬶᬢᬪᬵᬓᬧᬸᬚᬶ᭟᭑᭒᭙᭟ᬰ᭄ᬭᬷᬩᬚ᭄ᬭᬧ [ 21 ][᭒᭐ 20B]
᭒᭑
ᬡᬶᬗᭂᬫ᭄ᬩᬲᬂ᭞ᬰ᭄ᬭᬶᬅᬓ᭄ᬱᭀᬪ᭄ᬬᬫ᭄ᬯᬄᬰ᭄ᬭᬶᬅᬫᭀᬕ᭄ᬖᬵᬲᬶᬤ᭄ᬥᬶ᭞ᬮᬮᬶᬫᬚᬗ᭄ᬓᭂᬧ᭄ᬓᬧᬶᬕᬸᬂ᭞ᬢ᭄ᬗᬄᬰ᭄ᬭᬶᬯᬾᬭᭀᬘ᭄ᬘᬡ᭞ᬦᬾᬓᬲᬫ᭄ᬩᬢ᭄ᬧᬜ᭄ᬘᬓ᭄ᬱᬭᬩᬸᬤ᭄ᬥᬢᬸᬳᬸ᭞ᬅᬄᬢ᭄ᬭᬳ᭄ᬭᬶᬄᬉᬁᬅᬄ
ᬓᬳᬸᬘᬧ᭄᭞ᬓᬾᬢᭀᬓᬢᬢ᭄ᬯᬜᬘ᭄ᬦᬶᬂ᭟᭑᭓᭐᭟ᬧᬜ᭄ᬘᬓ᭄ᬱᬭᬦᬾᬤᬶᬰᬶᬯᬵ᭞ᬲᬩᬢᬅᬇᬯᬶᬚᬵᬓ᭄ᬱᬭᬲᬦ᭄ᬤᬶ᭞ᬦᬫᬰᬶᬯᬬᬵᬓᬯᬸᬯᬸᬲ᭄᭞ᬧᬜ᭄ᬘᬩ᭄ᬭᬳ᭄ᬫᬵᬤᬶᬰᬶᬯᬵ
᭞ᬬᬦ᭄ᬤᬶᬩᬸᬤ᭄ᬥᬵᬦᬫᬩᬸᬤ᭄ᬥᬵᬬᬓᬲᬸᬫ᭄ᬩᬸᬂ᭞ᬬᬵᬪᬶᬦᬾᬓᬵᬢᬸᬗ᭄ᬕᬮ᭄ᬳᬶᬓᬵ᭞ᬤᭀᬂᬜᬦ᭄ᬤᬤ᭄ᬯᬯᬶᬤ᭄ᬥᬶᬩᬸᬯᬶᬦ᭄᭟᭑᭓᭑᭟ᬧᬜ᭄ᬘᬲ᭄ᬓᬡ᭄ᬥᬤᭀᬩᬸᬤ᭄ᬥᬵ᭞ᬧᬜ᭄ᬘᬢᬦ᭄ᬫᬢ᭄ᬭᬤᬶᬰᬶᬯᬵᬗ᭄ᬕᬸᬕ᭄ᬯ
ᬦᬶᬦ᭄᭞ᬳ᭄ᬤᬘ᭄ᬦᬶᬂᬩᬸᬗᭂᬂᬩᬶᬗᬸᬂ᭞ᬫᭀᬢᭀᬲᬶᬰᬶᬯᬵᬩᬸᬤ᭄ᬥᬵ᭞ᬢᬸᬯᬶᬧᬢᬸᬄᬫᬲᬗ᭄ᬓᬢᬸᬗ᭄ᬕᬮ᭄ᬧᬯ᭄ᬢᬸ᭞ᬳᬸᬮᬶᬲᬗ᭄ᬳ᭄ᬬᬂᬯᬶᬤ᭄ᬥᬶᬯᬰᬵ᭞ᬦᬄᬓᬸᬤᬵᬳᬶᬗᭂᬢᬂᬘ᭄ᬦᬶᬂ᭟᭑᭓᭒᭟ᬲᬂᬳ᭄ᬬᬂ
[᭒᭑ 21A]
ᬩᬸᬤ᭄ᬥᬵᬦᬸᬲ᭄ᬫᬭᬡ᭞ᬲᬂᬳ᭄ᬬᬂᬑᬁᬓᬭᬵᬲᬲᬫᬾᬦᬾᬘ᭄ᬦᬶᬂ᭞ᬰᬶᬯᬵᬩᬸᬤ᭄ᬥᬵᬤᬤᬶᬕᬧᬸᬮ᭄᭞ᬧᬭᬩ᭄ᬳ᭄ᬬᬂᬅᬥ᭄ᬯᬵᬫᬸᬓᬵ᭞ᬅᬃᬤ᭄ᬥᬘᬦ᭄ᬤ᭄ᬭᬦᬵᬥᬢᬸᬂᬢᬸᬗᬾᬫᬢ᭄ᬫᬸ᭞ᬰᬸᬦ᭄ᬬᬢᬬᬵᬫ
ᬯᬶᬢ᭄ᬲᬗ᭄ᬓᬦ᭄᭞ᬢᬶᬃᬢ᭄ᬣᬧᬯᬶᬢ᭄ᬭᬦᬾᬰᬸᬘ᭄ᬘᬶ᭟᭑᭓᭓᭟ᬅᬁᬅᬄᬯᬶᬚᬵᬓ᭄ᬱᬭᬩᬸᬤ᭄ᬥᬵ᭞ᬑᬁᬓᬭᬵᬲᬸᬗ᭄ᬲᬂᬤᬶᬰᬶᬯᬵᬓᬧᬦ᭄ᬤᬶ᭞ᬮᬫ᭄ᬩᬂᬲᬗ᭄ᬓᬦ᭄ᬧᬭᬦ᭄ᬫᬸᬮᬸᬲ᭄᭞ᬳᬸᬭᬶᬧ᭄ᬳᬶᬲᬃᬯ᭄ᬯᬪᬯ
᭞ᬓᬧᬢᬶᬢᬶᬲ᭄ᬩᬵᬦ᭄ᬧᬭᬯᬶᬓᬸᬦᬾᬧᬸᬢᬸᬲ᭄᭞ᬗᬾᬜ᭄ᬘᭂᬧ᭄ᬦᬸᬚᬸᬓᬍᬧᬲᬦ᭄᭞ᬦ᭄ᬢᭀᬓᭀᬢ᭄ᬢᬢ᭄ᬯᬘ᭄ᬦᬶᬂ᭟᭑᭓᭔᭟ᬚᬦᬶᬩᬧᬵᬗ᭄ᬭᬱᬧᬶᬲᬦ᭄᭞ᬓᬲ᭄ᬯᬾᬘ᭄ᬙᬵᬦ᭄ᬩᬳᬦ᭄ᬳᬶᬤᬵᬲᬗ᭄ᬳ᭄ᬬᬂ
ᬓᬯᬶ᭞ᬲᬶᬤᬵᬜᬶᬤᬵᬬᬂᬫᬦᬸᬧ᭄ᬢᬸᬧ᭄᭞ᬗ᭄ᬭᬶᬜ᭄ᬘᬶᬬᬂᬫᬸᬗ᭄ᬕ᭄ᬯᬶᬂᬢᭂᬫ᭄ᬩᬂ᭞ᬧᬳᬶᬘᬦ᭄ᬳᬶᬤᬵᬓᬓ᭄ᬬᬂᬘᬳᬶᬦᬾᬫᬮᬸ᭞ᬤᬸᬫᬥᬓ᭄ᬢᬦ᭄ᬓᬧᬶᬳᬮᬂ᭞ᬘ᭄ᬦᬶᬂᬜᬸᬲᬸᬧᬂᬤᬶᬳᬢᬶ᭟᭑᭓᭕᭟ᬤᬵᬫ᭄ᬮᬶᬳᬶᬦ᭄ᬢᬸ [ 22 ][᭒᭑ 21B]
᭒᭑
ᬗ᭄ᬕ᭄ᬯᬦ᭄ᬳᬯᬓ᭄᭞ᬢᬢᬫ᭄ᬬᬦ᭄ᬲᬓᬶᬂᬳᬶᬤᬵᬲᬂᬫᬗᬃᬤ᭄ᬥᬶ᭞ᬲᬭᬶᬦ᭄ᬢᬢ᭄ᬯᬦᬾᬫᬯ᭄ᬢᬸ᭞ᬳᬸᬮᬶᬤᬶᬰᬶᬯᬵᬩᬸᬤ᭄ᬥᬵ᭞ᬦᬸᬳᬤᬵᬦ᭄ᬢᭀᬧ᭄ᬢᬶᬓ᭄ᬭᬳᬱ᭄ᬬᬧᬫᬸᬧᬸᬢ᭄᭞ᬢᭀᬦ᭄ᬤᬾᬦ᭄ᬩᬧᬵᬫᬶᬥᬃᬢ᭄ᬣᬬᬂ᭞ᬧ᭄ᬮᬶᬄ
ᬩᬧᬵᬚᬢ᭄ᬦᬸᬮᬳᬶᬦ᭄᭟᭑᭓᭖᭟ᬬᬦ᭄ᬢᬦ᭄ᬲᬸᬩᬵᬓᬮᬸᬕ᭄ᬭᬳᬵ᭞ᬢ᭄ᬯᬭᬩᬦᬶᬜᬶᬦᬳᬂᬯᬶᬢ᭄ᬓᬚᬵᬢᬷᬦ᭄᭞ᬤᬕᬶᬂᬧ᭄ᬢᬶᬓᬦᬾᬩᬳᬸ᭞ᬓ᭄ᬭᬡᬘ᭄ᬦᬶᬂᬲᬳᬢᬂ᭞ᬅᬫ᭄ᬩᭂᬓ᭄‌ᬢ᭄ᬫᭂᬦ᭄‌ᬢᭀᬦᬾ
ᬧ᭄ᬮᬚᬳᬶᬦ᭄ᬫᬮᬸ᭞ᬫᬗ᭄ᬤᬾᬦᬾᬕᬸᬭᬸᬲᬸᬰ᭄ᬭᬸᬱ᭞ᬬᬦ᭄ᬢᬦ᭄ᬓᬾᬢᭀᬘ᭄ᬦᬶᬂᬧ᭄ᬮᬶᬄ᭟᭑᭔᭗᭟ᬲᬶᬦᭀᬫ᭄᭟ᬲᬶᬦᭀᬫ᭄ᬳᬗ᭄ᬕᭀᬦ᭄ᬫᬦᬸᬢᬸᬕᬂ᭞ᬧᬶᬢ᭄ᬓᭂᬢ᭄ᬩᬧᬵᬦᬾᬘ᭄ᬦᬶᬂ᭞ᬲᭂᬲᭂᬤ᭄ᬩᬸᬓᬵᬫᬶᬓ᭄ᬤᭂᬳᬂ᭞ᬳᬧᬂ
ᬘ᭄ᬦᬶᬂᬫᬦ᭄ᬤᬕᬶᬗᬶᬦ᭄᭞ᬧᬗᬶᬤᬶᬄᬩᬧᬵᬗ᭄ᬯᬶᬤ᭄ᬥᬶ᭞ᬫᬯᬓ᭄ᬦᬸᬩᬧᬵᬦᬾᬳᬶᬤᬸᬧ᭄᭞ᬤᬵᬫᬋᬦ᭄ᬫᬦᬓᭀᬦᬂ᭞ᬲᭀᬮᬄᬢᬶᬓᬲᬾᬫᬓᬶᬃᬢ᭄ᬣᬶ᭞ᬳᬗ᭄ᬕᭀᬲᬸᬮᬸᬄᬤᬲᬃᬗᬸᬮᬄᬉᬢ᭄ᬢᬫ
[᭒᭒ 22A]
ᬦ᭄᭟᭑᭓᭘᭟ᬬᬤ᭄ᬬᬦ᭄ᬩᬧᬵᬓ᭄ᬯᬂᬧᬦᬯᬂ᭞ᬜᬳᬢᬂᬲᬯᬤᬶᬯᬤᬶ᭞ᬓ᭄ᬥᭂᬂᬮᭀᬪᬦᬾᬫᬧ᭄ᬬᬦᬓ᭄᭞ᬲᬓᬵᬲᬶᬤ᭄ᬥᬦ᭄ᬩᬵᬦ᭄ᬗᭂᬢᬸᬭᬶᬦ᭄᭞ᬫᬗ᭄ᬤᬾᬭᬳᬬᬸᬮᬭᬶᬲ᭄᭞ᬩᬶᬓᬲ᭄ᬢ᭄ᬯᬭᬦ᭄ᬤᬶᬬ
ᬦ᭄ᬤᬶᬬᬸ᭞ᬳᬶᬧ᭄ᬬᬦᬓ᭄ᬱᬮᬄᬧᬭᬵ᭞ᬩᬧᬵᬫᬶᬮᬸᬓᬳᬗ᭄ᬓᭀᬲᬶᬦ᭄᭞ᬦᬦ᭄ᬤᬂᬓ᭄ᬩᬸᬲ᭄ᬫᬓᬩ᭄ᬮᬩ᭄ᬳᬶᬤᬸᬧᬶᬤᬸᬧᬦ᭄᭟᭑᭓᭙᭟ᬯᬮᬶᬓᬦ᭄ᬳᬶᬧᬸᬦ᭄ᬳᬶᬧ᭄ᬬᬦᬓ᭄᭞ᬢᬼᬩ᭄ᬫᬗ᭄ᬕᬸᬕ᭄ᬯᬦᬶᬦ᭄ᬳᬚᬶ᭞ᬫᬢᬺ
ᬲᬶᬤ᭄ᬥᬵᬫᬦᬧᬓᬂ᭞ᬤᬕᬶᬂᬢᬸᬢᬸᬃᬗ᭄ᬕᬯᬾᬓᬶᬃᬢ᭄ᬣᬶ᭞ᬲᬸᬓ᭄ᬱ᭄ᬫᬦ᭄ᬩᬧᬦᬾᬫᬷᬭᬶᬩ᭄᭞ᬓᬶᬘ᭄ᬘᬦ᭄ᬯᬳ᭄ᬬᬸᬤᬶᬫᬹᬃᬕᬸᬦᬸᬂ᭞ᬫᬳᬵᬫᬾᬭᬸᬫᭀᬢ᭄ᬢᬫᬵ᭞ᬓᬾᬢᭀᬳᬸᬧᬫᬶᬜᬘ᭄ᬦᬶᬂ᭞ᬳ᭄ᬤᬜᭂᬗ᭄ᬕᬸᬄᬩ
ᬧᬵᬜᬓᬶᬢᬶᬦ᭄ᬲᬦ᭄ᬢᬦᬵ᭟᭑᭔᭐᭟ᬦᬕ᭄ᬬᬘ᭄ᬦᬶᬂᬲᬶᬤ᭄ᬥᬵᬗᬩᬦᬂ᭞ᬯᬭᬄᬧᭀᬮᭀᬲ᭄ᬢ᭄ᬯᬄᬲᬸᬚᬢᬶ᭞ᬲᬲᭀᬮᬄᬓᬩᬶᬲᬦᬼᬩ᭄ᬬᬦ᭄᭞ᬢ᭄ᬓᬾᬦᬶᬂᬳ᭄ᬦᬾᬫᬗᬃᬤ᭄ᬥᬶ᭞ᬳᭂᬦ᭄ᬢᭀᬧᬗᭂ [ 23 ][᭒᭒ 22B]
᭒᭒
ᬦ᭄ᬢᬲ᭄ᬤᬤᬶ᭞ᬫᬮᬦ᭄ᬓᬯᬶᬢᬦᬾᬍᬩᬸᬃ᭞ᬉᬢ᭄ᬢᬫᬦᬶᬂᬧᬗᭂᬦ᭄ᬢᬲ᭄᭞ᬚᭀᬄᬧᬭᬵᬳᬤᬵᬦᬦ᭄ᬤᬶᬗᬦ᭄᭞ᬓᬧᬶᬭᬸᬭᬸᬄᬤᬶᬚᬬᬦ᭄ᬢᭀᬂᬳᬤᬵᬧᬥ᭟᭑᭔᭑᭟ᬧ᭄ᬭᬕᬢ᭄ᬩᬳᬦ᭄ᬫᬗᬺᬜ᭄ᬘ
ᬦᬵ᭞ᬭᬥᬶᬢᬾᬤᬶᬦᬵᬦ᭄ᬫᭀᬦᬶᬦ᭄᭞ᬯᬭᬶᬕᬵᬧᬗ᭄ᬮᭀᬂᬧᬶᬂᬲᬗ᭄ᬳᬵ᭞ᬫᬥᬸᬫᬰᬵᬰᬰᬶᬄᬦᬫ᭄ᬧᬶ᭞ᬇᬰᬓᬵᬲᬶᬬᬩᬗ᭄ᬲᬶᬢ᭄᭞ᬳᬸᬮᬸᬂᬤᬰᬮᬶᬫᬵᬦᬗ᭄ᬕᬸ᭞ᬧᬗ᭄ᬭᬶᬜ᭄ᬘᬶᬦ᭄ᬳᬶᬓᬢᬸ
ᬦᬦ᭄᭞ᬲᬭᬵᬥᬃᬫ᭄ᬫᬫᭀᬜ᭄ᬚᭀᬓ᭄ᬤᬾᬰᬶ᭞ᬫᬥᬓ᭄ᬮᬦᬸᬲ᭄‌ᬥᬶᬃᬕ᭄ᬖᬬᬸᬰᬵᬫᬓ᭄ᬮᬦ᭄ᬢᬲ᭄᭟᭐᭟ᬧᬸᬧᬸᬢ᭄ᬓᬲᬸᬭᬵᬢ᭄‌ᬭᬶᬂᬤᬶᬦᬵ᭟ᬭ᭟ᬧᭀᬦ᭄᭟ᬯᬭᬵᬢᬫ᭄ᬩᬶᬃ᭞ᬣᬶᬣᬶ᭞ᬢᬂ᭞ᬧᬶᬂ᭞᭕᭞ᬰ
ᬰᬶᬄ᭞᭙᭟ᬇᬱᬓᬵ᭞᭑᭙᭑᭓᭟᭐᭟ᬢᬗ᭄ᬕᬮ᭄ᬳᬶᬦ᭄ᬤᭀᬦᬾᬲ᭄ᬬ᭞᭙᭟ᬧᬾᬩ᭄ᬭᭀᬳᬭᬶ᭞᭑᭙᭙᭒᭟ᬳᭀᬮᬶᬄᬳᬶᬤᬵᬜᭀᬫᬦ᭄ᬳᬮᬶᬢ᭄‌ᬫᬕ᭄ᬭᬶᬬᬭᬶᬂᬤᬾᬰᬩᬸᬤ᭄ᬥᬵᬓ᭄ᬮᬶᬂ᭟᭐᭟