Ban/Gaguritan Kasmaran

Deskripsi

Naskah

[ 1 ][PERPUSTAKAAN KTR. DOKBUD BALI PROP. BALI
G/VIII/17/DOKBUD
Judul: GAGURITAN KASMARAN.
Pnj. 35 cm. Lb. 3,5 cm. Jml. 44 lb.
Asal: Bugbug, Karangasem.]
[᭑ 1A]
Judul: GAGURITAN KASMARAN.
Pnj. 35 cm. Lb. 3,5 cm. Jml. 44 lb.
Asal: Bugbug, Karangasem. [ 2 ][᭑ 1B]
᭚᭜᭚ᬅᬯᬶᬖ᭄ᬦᬫᬵᬲ᭄ᬢᬸ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬳᬤᬓᬶᬤᬸᬂᬕᬕᬸᬭᬶᬢᬦ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬫᬸᬜᬶᬩᬮᬶ᭞ᬢ᭄ᬯᬶᬧᬕᬯᬾᬦ᭄ᬚᬦ᭄ᬫᬩ᭄ᬮᭀᬕ᭄
ᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄ᬫᬸᬜᬶ᭞ᬓᬯᬶᬤᬶᬚᬦᬶᬗᬯᬶ᭞ᬦᬗ᭄ᬳᬶᬂᬢᬶᬢ᭄ᬬᬂᬮᬶᬦ᭄ᬢᬂᬢᬦ᭄ᬤ᭄ᬭᬸᬄ᭞ᬓᬾᬯᬮᬫᬜᬶᬤᬬᬂ᭞ᬓᬳ᭄ᬬᬸᬦ᭄ᬳᬶᬤᬲᬂᬳ᭄ᬬᬂᬯᬶᬤᬶ᭞ᬫᬸᬜᬶᬧᬮᬶᬂ᭞᭠
ᬤᬢᬩᬕ᭄ᬩᬕ᭄ᬫᬘ᭄ᬮᬫᬸᬓᬦ᭄᭟ᬢᭀᬂᬤᬤᬶᬧᬘᬂᬫᬫᬶᬦ᭄ᬤᬄ᭞ᬳᬧᬂ᭠ᬫᬲᬓᬶᬢᬂᬗᬯᬶ᭞ᬳᬗ᭄ᬳᬶᬂᬤᬸᬤᬸᬓᬂᬲᬢ᭄ᬯᬜ᭞ᬳᬧᬂᬳᬤᬓᬕᬸᬬᭀ᭠
ᬦᬶᬦ᭄᭞ᬗ᭄ᬓᬮ᭄‌ᬗ᭄ᬓᬮᬦ᭄ᬫᬸᬜᬶᬩᬮᬶ᭞ᬮᬾᬦ᭄ᬳᬤᬫᬸᬜᬶᬦᬾᬳᬬᬸ᭠ᬲ᭄‌ᬩᬶᬓᬲᬾᬤᬶᬧᭂᬤᭂᬫᬦ᭄᭞ᬲᬗ᭄ᬕᬸᬧᬾᬫᬗᬸᬦ᭄ᬢᬮ᭄ᬕᬸᬫᬶ᭞ᬩᬶᬓᬲ᭄ᬩᬸᬤᬸᬄ
[᭒ 2A]
᭞ᬫᬫᬜᬶᬂᬫᬗᭀᬜᬂᬭᬭᬲ᭄᭟ᬦ᭄ᬤᬸᬮᬫᬾᬲᬳᬶᬢᬦ᭄ᬧᭂᬕᬢ᭄᭞᭠ᬩᬸᬓᬓᭂᬦᬳᬸᬧᬲ᭄ᬲᬡ᭄ᬟᬶ᭞ᬳᬸᬮᬢᬾᬫᬜ᭄ᬚᭂᬦᭂᬂᬳᭀᬲᬄ᭞ᬦ᭄ᬤᬸᬄᬤᬶᬧᭂ᭠
ᬤᭂᬫᬦ᭄ᬜᬸᬫ᭄ᬧ᭄ᬭᬶᬢ᭄᭞ᬜᬾᬦ᭄ᬫᬗᬸᬕᬸᬳᬶᬍᬗᬶᬢ᭄᭞ᬲᭂᬩᭂᬗᬾᬩᬶᬲᬫᬜᬭᬸ᭞ᬫᬧᬶᬦ᭄ᬤᬄᬧᬶᬦ᭄ᬤᬳᬸᬬᬂ᭞ᬦᭂᬓᭂᬲᬦᬾᬲᬤᬢᬶᬢᬶᬃᬕᬸᬮᬢ᭄ᬲᬥᬸ
ᬲᬸᬓ᭄ᬱ᭄ᬫᬜᬦᬾᬫᬗ᭄ᬮᬶᬬᬗᬂ᭟ᬬᬾᬦᬶᬂᬫᬸᬮᬳᬦᬓ᭄ᬩᬶᬲ᭞ᬳᬲᬢᬂ᭠ᬫᭂᬲᬸᬳᬂᬫᬸᬜᬶ᭞ᬧᬮᬶᬬᬢᬾᬲᬤᬦ᭄ᬤᬸᬓᬂ᭞ᬳᬸᬮᬢ᭄ᬓᬗᭂᬦ᭄ᬩᬳᬦ᭄ᬲᭂᬤᬶᬄ᭞
ᬲᬬᬂᬲᬚᬢᬶᬳᬶᬕᬸᬲ᭄ᬢᬶ᭞ᬩᬸᬯᬶᬦ᭄ᬧᬶᬤᬦ᭄ᬢᬶᬢ᭄ᬬᬂᬫᬦᭂᬫᬸ᭞ᬧᬋᬓ᭄ᬓᬧᬸᬮᭀᬦᬸᬗ᭄ᬕᬮ᭄᭞ᬓᬤᬶᬢᬦ᭄ᬧᬭᬯᬢ᭄ᬕᬸᬫᬶ᭞ᬫᭂᬗ᭄ᬕᭂᬮ᭄ᬕᬸᬦᬸᬂ᭞ᬧᬧᬶᬢᬸᬮᬦ᭄ᬢᬲ᭄ᬬᬢᬶ [ 3 ][᭒ 2B]
᭒
ᬗ᭄ᬕᬮ᭄᭟ᬢᭀᬂᬤᬤᬶᬧᭂᬓᭂᬓ᭄ᬚᬗ᭄ᬓᬬᬂ᭞ᬳᬗ᭄ᬓᬶᬳᬦ᭄ᬢᬶᬢ᭄ᬬᬗᬾᬦ᭄ᬤᬶᬳᬶᬲ᭄᭞ᬳᭂᬩᬄᬩᬗᬸᬦ᭄ᬗᬗᬶᬸᬫᭂᬦᬾᬓᬂ᭞ᬗᭂᬘᬄᬧᭂᬮᬸᬳᬾᬧᬓ᭄ᬭᬶᬢᬶᬲ᭄᭞ᬮᬶᬫᬸᬄ
ᬳᬾᬗ᭄ᬕᬮᬦ᭄ᬧᬮᬂ᭞ᬫᬗᬶᬲᭂᬄᬳᬧᬂᬓᬢᭂᬧᬸᬓ᭄᭞ᬫᬫᬋᬓ᭄ᬤᬾᬯ᭠ᬦ᭄ᬢᬶᬢ᭄ᬬᬂ᭞ᬮᬶᬯᬢ᭄ᬓᬤᬾᬳᬦᬳᬶᬫᬦᬶᬓ᭄᭞ᬫᬲᬧᭂᬮᬸᬤ᭄᭞ᬫᬢᬦ᭄ᬢᬶᬢ᭄ᬬᬗᬾ
ᬗᬶᬚᭂᬧᬂ᭟ᬓᬦ᭄ᬢᭂᬦ᭄ᬬᬫᬗᭂᬦᬄᬮᬶᬬᬂ᭞ᬘᬘᭀᬭᭀᬗᬶᬦ᭄ᬲᬬᬦ᭄ᬳᬶ᭠ᬮᬶᬤ᭄᭞ᬳᬾᬤᬾᬗᬂᬫᬢᬦᬾᬗᭂᬤᬢ᭄᭞ᬲᬫᬧᬶᬦ᭄ᬤᬗᬾᬫᬦᭂᬮᬶᬓ᭄᭞
ᬩᬸᬯᬶᬦ᭄ᬧᬶᬤᬦ᭄ᬗᭂᬦᭀᬢ᭄ᬕᬸᬫᬶ᭞ᬬᬦ᭄ᬢᬦ᭄ᬤᬶᬂᬗᬶᬤᭂᬫᬾᬭᬸᬭᬸᬄ᭞ᬳᬶᬭᬶᬩᬂᬓᬤᬶᬫᭂᬓ᭞ᬫᬜᬮᭀᬂᬜᭀᬂᬩᬸᬓᬓᭀᬭᬶ᭞ᬫᬕᭂᬢ᭄ᬮᬘᬸᬃ᭞ᬤᬶᬢᬸᬫᬳ
[᭓ 3A]
ᬦ᭄ᬲᬮᬶᬂᬯᬲ᭄ᬯᬲ᭄᭟ᬧᬗᬩᬦ᭄ᬕᬸᬫᬶᬦᬾᬯᬬᬄ᭞ᬮᬾᬦ᭄ᬓᬮᬶᬲᬗ᭄ᬳᬭᬗᬶᬲᬶ᭞ᬢᭀᬫᬓ᭄ᬭᬡᬦ᭄ᬫᬾᬮᬕᬾᬦ᭄ᬤᬄ᭞ᬘᬶᬭᬶᬦ᭄ᬕᬸᬫᬶᬦᬾᬫᬲᬮᬶᬦ᭄᭞ᬦᬾ
ᬩᭂᬮᭀᬕ᭄ᬫᬩᬶᬢ᭄ᬭᬶᬭᬶᬄ᭞ᬦᬾᬚᭂᬮᬾᬫᬢᬩᭂᬢ᭄ᬩᬕᬸᬲ᭄᭞ᬳᬧᬶᬢᭀᬂ᭠ᬤᬤᬶᬩᭂᬮᬲ᭄᭞ᬳᬶᬤᬸᬧᬾᬢᭂᬓᬾᬦᬶᬂᬫᬵᬢᬶ᭞ᬲᬸᬓᬤᬸᬄᬓ᭞ᬘᭂᬦᬶᬓ᭄ᬓᭂᬮᬶᬄ
ᬚᭂᬮᬾᬫᭂᬮᬄ᭟ᬳᭂᬮᬸᬄᬫ᭄ᬯᬦᬶᬲ᭄ᬯᬃᬫᬦ᭄ᬭᬓ᭞ᬓᬸᬤ᭄ᬬᬂᬧᬘᬂᬫᬫᬶᬮᬶ᭠ᬳᬶᬦ᭄᭞ᬮᬫᬸᬦ᭄ᬫᬦᬸᬫᬤᬶᬚᬦ᭄ᬫ᭞ᬫᬲᬶᬄᬬᬓᬢᭂᬧᬸᬓ᭄ᬱᬫᬶ᭞ᬳᬧᬦ᭄ᬧᬦᬸ
ᬤᬸᬄᬯᬶᬤᬶ᭞ᬓᬾᬯᬮᬫᬳᬕᭂᬢ᭄ᬮᬘᬸᬃ᭞ᬲᬗᭂᬢ᭄ᬢᭂᬓᬾᬦ᭄ᬕᬶᬕᬶᬲᬦ᭄᭞ᬩᬳᬦ᭄ᬗᬗ᭄ᬕᭀᬲᬳᬶᬲᬳᬶ᭞ᬬᬾᬦᬶᬂᬢ᭄ᬯᬭ᭞ᬳᬤᬩᬶᬲᬫᬫᭂᬮᬲᬂ᭟ᬳ [ 4 ][᭓ 3B]
᭓
ᬗ᭄ᬳᬶᬂᬮᬗᬄᬓᬳᬸᬗ᭄ᬕ᭄ᬯᬦᬦ᭄᭞ᬩᬶᬲᬫᭂᬮᬲᬂᬳ᭄ᬬᬂᬓᬮᬶᬄ᭞ᬬᬾᬦ᭄ᬢᬦ᭄ᬲᬸ᭠ᬩᬢᬢᬲ᭄ᬦᬯᬂ᭞ᬧᬦ᭄ᬤᬤᬶᬢᬦ᭄ᬕᬸᬫᬶᬮᬗᬶᬢ᭄᭞ᬳᬶᬬᬾᬄᬢᭂᬓᬾᬦᬶᬂᬢᬧᬶ᭞ᬩ᭠
ᬧᬫᬾᬫᬾᬓᬗᬶᬦ᭄ᬓᬯᬸᬄ᭞ᬓᭂᬮᭀᬤ᭄ᬢᭂᬓᬾᬦᬶᬂᬓᬚ᭞ᬦᬾᬫᭂᬦ᭄ᬤᭂᬧ᭄ᬢᭂᬓᬾᬦ᭄ᬫᬫᬸᬜᬶ᭞ᬦᬾᬦᬾᬮᬸᬯᬲ᭄᭞ᬢᭂᬓᬾᬦᬶᬂᬦᬾᬢᭂᬦᬸᬚᬸᬫᬄ᭟ᬦᬾᬳᬶᬮᬂᬦᬾ
ᬲᬸᬩᬢᭂᬓ᭞ᬦᬾᬤᬶᬢᬸᬲᬸᬩᬬᬤᬶᬦᬶ᭞ᬦᬾᬫᬯᬓ᭄ᬲᬸᬩᬢᬦ᭄ᬧᬵᬯ᭠ᬓ᭄᭞ᬦᬾᬳᭂᬤᬾᬲᬸᬩᬬᬘᭂᬦᬶᬓ᭄᭞ᬦᬾᬗᬶᬤᭂᬫ᭄ᬲᬸᬩᬬᬦ᭄ᬤᭂᬮᬶᬓ᭄᭞ᬢᭀ
ᬋᬓᭀᬮᬗᬄᬦᬾᬢᬳᬸ᭞ᬬᬾᬦ᭄ᬢᬦ᭄ᬲᬂᬍᬯᬶᬄᬯᬍ᭞ᬲᬂᬓᬤᬸᬮᬸᬭ᭄ᬩᬦ᭄ᬯᬶᬤᬶ᭞ᬢᭀᬦᬾᬜᬦ᭄ᬤᬂ᭞ᬢᬢᬲ᭄ᬭᬶᬂᬓᬲᬜ᭄ᬘᬲᬸᬓ᭄ᬱ᭄ᬫ᭟ᬬᬾᬦ᭄ᬲᬸᬩᬫᬡ
[᭔ 4A]
ᬳᬦ᭄ᬫᬯᬓ᭄᭞ᬲᬂᬓᬳᬘᭂᬧ᭄ᬫᬗᬾᬤᬾᬗᬶᬦ᭄᭞ᬤᬶᬢᬸᬮᭀᬓ᭄ᬢᬶᬓᬩᬦ᭄ᬮᬶᬳᬢ᭄᭞ᬳᬸᬧᬬᬲᬮᬶᬂᬳᬸᬮᬶᬳᬶᬦ᭄᭞ᬚᭀᬄᬮᬫᬸᬦ᭄ᬜᬳᭂᬗ᭄ᬕᬗᬶᬦ᭄᭞ᬬᬾᬦ᭄ᬲᬸ
ᬩᬫᬦᬲᬃᬧᬢᬹᬢ᭄᭞ᬬᬗᭂᬦᬄᬓᬤᬶᬧᭀᬮ᭞ᬳᬗ᭄ᬳᬶᬂᬢ᭄ᬯᬭᬫ᭄ᬩᬳᬦ᭄ᬯᬤᬶᬄ᭞ᬳᬚ᭄ᬮᬧ᭄ᬚᬧᬦ᭄᭞ᬤᬶᬢᬸᬫᬢᭂᬫ᭄ᬧᬸᬳᬂᬢᬶᬗ᭄ᬳᬮ᭄᭟ᬳᬸᬓᬸᬤᬂᬢ᭄ᬯᬭᬜᬓ᭄ᬢᭂ᭠
ᬓ᭞ᬬᬾᬦ᭄ᬳᬶᬗ᭄ᬳᬦᬦ᭄ᬕᬦ᭄ᬢᬶᬫᬶᬮᬶᬄ᭞ᬓᬢᭀᬦ᭄ᬬᬳᬗ᭄ᬕᭀᬢᭂᬗᭂᬭᬦ᭄᭞ᬧᬩᬜ᭄ᬘᬸᬢᬶᬂᬳ᭄ᬬᬂᬯᬶᬤᬶ᭞ᬓᬸᬤ᭄ᬬᬂᬧᬘᬂᬫᬗᬶᬫ᭄ᬧᬲᬶᬦ᭄᭞ᬮᬫᬸᬦ᭄ᬲᬸᬩᬕᬦ᭄ᬢᬶ
ᬲᬸᬳᬸᬤ᭄᭞ᬫᬫᬜ᭄ᬚᬓ᭄ᬫᬜᬯᬶᬢ᭞ᬭᬶᬂᬳᬶᬤᬯ᭄ᬓᬲᬶᬗᬚᬶ᭞ᬧᬳᬶᬗ᭄ᬳᬦᬦ᭄᭞ᬩ᭄ᬯᬶᬦ᭄ᬳᬢᭂᬫ᭄ᬩᬾᬓᬮᬶᬧᭂᬢᬂ᭟ᬳᬗ᭄ᬳᬶᬂᬢᬶᬢ᭄ᬬᬂᬮᬶᬯᬢ᭄ᬧᬓ᭄ᬱ᭞ᬧᬗ᭄ᬓᬄᬩᭂᬮᭀ [ 5 ][᭔ 4B]
᭔
ᬕ᭄ᬫᬩᭂᬢ᭄ᬭᬶᬭᬶᬄ᭞ᬫᬫᬦ᭄ᬥᬸᬗᬶᬦ᭄ᬲᬂᬯᬶᬤᬕ᭄ᬟ᭞ᬫᬓᭂᬳᭂᬂᬓᭂᬳᭂᬗᬦ᭄ᬗᬯᬶ᭞ᬲᬫ᭄ᬧᬸᬭᬳᬸᬕᬶᬲᬫᬶ᭞ᬲᬫ᭄ᬧᬸᬦ᭄ᬗᬸᬕᭀᬦᬶᬦ᭄ᬳᬶᬤᬸᬲᬸᬦ᭄᭞ᬬᬾᬦ᭄ᬳᬧᬫᬤᬦ᭄ᬓᬾ
ᬢᭀ᭞ᬲᭀᬓ᭄ᬫᬩᬳᬦ᭄ᬧᭂᬲᬸᬫᬸᬜᬶ᭞ᬬᬓᬳᬶᬬ᭞ᬧᬦᬃᬓ᭄ᬓᬦᬾᬩᬲ᭄ᬦᬋᬩᬂ᭟ᬓᬸᬤ᭄ᬬᬂᬬᬧᬥᬗᭂᬤᭂᬧᬂ᭞ᬜᬦ᭄ᬤᬂᬢ᭄ᬯᬄᬧᬘᬂᬓᭂᬤᬾᬓᬶᬦ᭄᭞ᬲᬢ᭄ᬫ
ᬓᬢᬶᬢ᭄ᬬᬂᬗᬸᬘᬧᬂ᭞ᬧᬲᬶᬳᬾᬧᬸᬳᬸᬦ᭄ᬫᬗᭂᬦ᭄ᬤᬶᬄ᭞ᬜᬾᬦ᭄ᬫᬗᬸᬕᬸᬳᬶᬧᭂᬕᬶᬄ᭞ᬳᬸᬮᬢ᭄ᬩᬶᬲᬧᬓ᭄ᬱᬯᭂᬭᬸᬄ᭞ᬓᬗ᭄ᬕᬾᬜᬳᬶᬓᬲᬯᬶᬓᬦ᭄᭞ᬗᬶᬗᭂᬢᬶ
ᬦ᭄ᬦᬾᬫᬤᬦ᭄ᬢᬸᬯᬶ᭞ᬓᬗᬶᬦ᭄ᬓᬯᬸᬄ᭞ᬓᬚᬓᭂᬮᭀᬤ᭄ᬢ᭄ᬯᬭᬢᬯᬂ᭟ᬤᬚ᭄ᬯᬗᬫᬶᬮᬸᬫᬶᬮ᭄ᬯᬂ᭞ᬫᬜᬶᬓ᭄ᬱᬶᬓ᭄ᬫᬶᬮᬶᬳᬶᬦ᭄ᬫᬶᬜ᭄ᬘᭂᬤ᭄᭞ᬯ᭄ᬬᬓ᭄ᬢᬶᬜᬢᬶᬢ᭄ᬬᬂᬳᬶᬩᬸᬢ᭄᭞᭠
[᭕ 5A]
ᬩᭀᬗᭀᬮ᭄ᬢ᭄ᬯᬭᬗᭂᬦᭀᬢ᭄ᬕᬸᬫᬶ᭞ᬧᬢᬶᬩᬩᬃᬓᬩᬭᬶᬦ᭄᭞ᬫᬘᭂᬩᬸᬃᬫᬦᭂᬧᬾᬦ᭄ᬧᬗ᭄ᬓᬸᬂ᭞ᬮᬶᬫᬦᬾᬧᬬᬸᬲᬸᬗ᭄ᬕᬃ᭞ᬜᬸᬕᬾᬕᬕ᭄ᬤᬢᬳᬦ᭄ᬢᭂᬧᬶᬦ᭄᭞
ᬧᬗ᭄ᬓᬸᬂᬦᭀᬗᭀᬲ᭄᭞ᬳᬯᬓᬾᬮᬩᬸᬄᬦᬸᬗ᭄ᬓᬬᬓ᭄᭟ᬓᬗ᭄ᬕᭀ᭠ᬬᬳᬦᬓᬾᬦᬯᬂ᭞ᬚᬩᬚᭂᬭᭀᬫᬗᭂᬢᬶᬦ᭄᭞ᬢᬶᬢ᭄ᬬᬂᬯ᭄ᬬᬓ᭄ᬢᬶᬳᬫᭂᬂᬧᬶ
ᬲᬦ᭄᭞ᬫᬲᬢᬸᬳᬭᬲᬂᬍᬯᬶᬄ᭞ᬗᬶᬮᬶᬗᬶᬦ᭄ᬗᬸᬮᬶᬕᬸᬮᬶᬕ᭄᭞ᬲᬂ᭠ᬳᬸᬦᬶᬂᬭᬶᬂᬫ᭄ᬯᬲ᭄ᬢᬧᬢᬹᬢ᭄᭞ᬫᬦ᭄ᬢᬶᬳᬳᬶᬮᬶᬤ᭄ᬧᬶᬲᬦ᭄᭞ᬓᬮᬶᬦ᭄ᬢᬂᬲᬸᬓᭂᬄᬢᬸᬃ
ᬲ᭄ᬭᬶᬧᬶᬢ᭄᭞ᬫᬫ᭄ᬩᭂᬗ᭄ᬦᬕ᭞ᬦᬾᬤᬶᬤᬸᬲᬸᬦ᭄ᬩᬸᬓᬢᬿᬢ᭄ᬬᬂ᭟ᬫᬫ᭄ᬩᬶᬲᬬᬂᬲᬂᬯᬶᬤᬕ᭄ᬟ᭞ᬤᬾᬦᬶᬂᬬᬓᬮᬶᬦ᭄ᬢᬂᬘᭂᬮᬶᬄ᭞ᬓᭂᬢᬶᬮ᭄ᬧᬶᬲᬦ᭄ᬫᬦ᭄ᬤᬸᬤᬸᬧᬂ᭞ᬲᬫᬜ [ 6 ][᭕ 5B]
᭕
ᬦᬫ᭄ᬩᬸᬦᬂᬳᬗᬶᬦ᭄᭞ᬚᬷᬯᬦᬾᬦᬾᬦᬾᬫᬫ᭄ᬩᭂᬲᬶᬓ᭄᭞ᬤᬗᭀᬩᬄᬧᭂᬓᭂᬓ᭄ᬭᬶᬂᬓᬳ᭄ᬬᬸᬦ᭄᭞ᬚᬸᬚᬸᬢᬂᬧᬂᬧᬲᬚ᭞ᬮᬫᬸᬦ᭄ᬢ᭄ᬯᬭᬚᬢᬶᬳᬸᬦᬶᬂ᭞ᬢᭂᬦᬾᬦ᭄ᬩᬶ᭠
ᬓᬲ᭄᭞ᬓᬸᬤ᭄ᬬᬂᬲᬶᬄᬤᬾᬯᬦᬾᬳᬶᬘ᭟ᬳᬧᬦ᭄ᬲᬢ᭄ᬫᬓᬓᭂᬓᭂᬭᬦ᭄᭞ᬢᬸᬮᬶᬲ᭄ᬕᬶᬤᬢᬾᬫᬗᬶᬲᬶ᭞ᬤᬾᬦᬶᬂᬬᬫᬗᭂᬦᬄᬳᬶᬮᬂ᭞ᬲᬗ᭄ᬓᬦ᭄ᬮᬗᬄᬳ᭠
ᬦᬓ᭄ᬳᬸᬦᬶᬂ᭞ᬓᬯᬶᬢᬦᬾᬓᬓᬮᬶᬄ᭞ᬳᬶᬬᬬᬸᬢᭂᬓᬾᬦ᭄ᬳᬶᬩᬕᬸᬲ᭄᭞ᬲᬫᬜᬢᬶᬢ᭄ᬬᬂᬜᬸᬗ᭄ᬓᬮᬂ᭞ᬫᬗᬯᬾᬓᬶᬤᬸᬂᬫᬗ᭄ᬕᬸᬭᬶᬢ᭄᭞ᬤᬾᬯᬭᬢᬸ᭞᭠
ᬢᬶᬢ᭄ᬬᬂᬲᬮᬶᬦᬶᬦᬤᬸᬃᬫ᭄ᬫ‌᭟᭜᭟ᬧᬸᬄᬤᬸᬃᬫ᭄ᬫ᭟᭜᭟ᬬᬾᬦ᭄ᬢᬓᭀ᭠ᬦᬂᬳᬸᬫᬄᬜᬦᬾᬬᬾᬦ᭄ᬤᬶᬚᬳ᭞ᬳᬶᬩᭂᬕᬫᬜᬳᬸᬢᬶᬦ᭄᭞ᬩᬳᬦ᭄ᬫᬸᬜᬶ
[᭖ 6A]
ᬢᬯᬄ᭞ᬳᬸᬫᬼᬳᬶᬘᬂᬩᬤᬚᬩᬤᬚᬬᬾᬦ᭄ᬩᬤᭂᬮᭀᬤᬶᬦ᭄᭞ᬩᬤᭂᬮᭀᬤᬦ᭄ᬲᬯᬢ᭄᭞ᬮᬫᬸᬦ᭄ᬜᬩᬤᬚᬳᬶᬦ᭄᭟ᬩᬤᬯᬸᬄᬮᬫᬸᬦ᭄ᬜᬳᬸ᭠
ᬮᬶᬩᬤᬗᬶᬦᬦ᭄᭞ᬳᭂᬚᭀᬄᬤᬶᬢᬸᬩᬤᬗᬶᬦ᭄᭞ᬳᬸᬮᬶᬩᬤ᭠ᬯᬸᬳᬦ᭄᭞ᬧᬳᭂᬓ᭄ᬮᬫᬸᬦ᭄ᬤᭂᬲᭂᬓᬂ᭞ᬳᭂᬚᭀᬄᬮᬫᬸᬦ᭄ᬬᬳᭂᬗ᭄ᬕᬗᬶᬦ᭄᭞ᬬ᭠
ᬗᭂᬦᬄᬧᭂᬤᬲ᭄᭞ᬬᬾᬦ᭄ᬩᬶᬲᬫᬗᬶᬯᬲᬶᬦ᭄᭟ᬦᬦᬂᬳᬶᬘᬂᬫᬸᬯᬦᬶ᭠ᬳᬶᬫᬾᬫᬾᬮᬸᬯ᭞ᬤᬶᬦᬶᬂᬢᭀᬗᭀᬲᬲᬳᬶ᭞ᬢ᭄ᬯᬭᬳᬦᬓ᭄ᬦᬯᬂ᭞ᬩ᭄ᬯᬶᬦ᭄ᬲᬸ
ᬩᬦᬸᬢᬸᬕ᭄ᬢᬸᬯ᭞ᬳᬗ᭄ᬳᬶᬂᬢ᭄ᬯᬭᬩᬶᬲᬫᬢᬶ᭞ᬩᭂᬤᬸᬫᬚᬮᬦ᭄᭞ᬢ᭄ᬯ᭠ᬭᬩᬓᬢ᭄ᬮᬗ᭄ᬓᬸᬗᬶᬦ᭄᭟ᬓᬾᬢᭀᬫᬸᬜᬶᬦᬾᬦᬾᬢ᭄ᬯᬭᬩᬓᬢ᭄ᬢᬗ᭄ᬕᬧ᭄᭞ᬓᬸ [ 7 ][᭖ 6B]
᭖
ᬤ᭄ᬬᬶᬫᬫ᭄ᬩᬲᬳᬶᬦ᭄᭞ᬫᬸᬜᬶᬦᬦᬶᬸᬢᬶᬦᬶᬢᬯᬂ᭞ᬢ᭄ᬯᬭᬩᬓᬢ᭄ᬓᭂᬦᭂᬳᬂ᭞ᬤᬾ᭠ᬲᬲ᭄ᬢ᭄ᬭᬳᬚᬶᬧ᭄ᬮᬚᬳᬶᬦ᭄᭞ᬢᭀᬂᬤᬸᬕᬳᬤ᭞ᬧᬦ᭄ᬢᭂᬲ᭄ᬫᬸᬜᬶᬗᬸᬢᬶᬧᬶᬢ᭄᭟
ᬓᬳᭀᬓ᭄ᬢᬶᬢ᭄ᬬᬂᬲᬫ᭄ᬧᬸᬦ᭄ᬫᬗᬸᬕᬸᬳᬶᬢᬫ᭄ᬧᬕ᭄᭞ᬳᭂᬮᬲᬂᬩᬳᬦ᭄ᬚᬦᬶ᭞ᬩᬶᬓᬲ᭄ᬳᬸᬮᬢ᭄ᬩᬗ᭄ᬕ᭞ᬳᬦᬓ᭄ᬮᬶᬬᬸᬫᬦᬯᬂ᭞ᬩᬶᬓᬲᬾᬫᬜᬮᬄᬕᭂᬦ᭄ᬤᬶᬂ᭞
ᬦᬾᬩᭂᬦᭂᬢᬹᬢᬂ᭞ᬦᬾᬧᭂᬮᬶᬄᬓᬤᭀᬚᬢᬶ᭟ᬭᬸᬚᬓ᭄ᬱᭂᬦ᭄ᬢᬸᬮ᭄ᬲᭂᬧᭂᬢ᭄ᬫᬲᭂᬫ᭄ᬬᬦ᭄ᬓᭂᬘᬧᬂ᭞ᬲᬶᬂᬜᬶᬘᬶᬧᬶᬦ᭄ᬗᬚᭂᬗᬶᬢ᭄᭞ᬓᬾᬢᭀᬳᬸᬧᬫᬜ᭞ᬢᬶ
ᬢ᭄ᬬᬫᬓᬵᬃᬬ᭄ᬬᬕᬢᬶ᭞ᬢᬦ᭄ᬯᬗ᭄ᬤᬾᬢ᭄ᬯᬄᬓᬲᬹᬃᬭ᭄ᬬᬓᬶᬦ᭄᭞ᬮᬾᬦ᭄ᬗᬦᬾᬲᭂᬫᬂ᭞ᬳᬤᬦᭀᬮᬶᬄᬓᬳᬸᬭᬶ᭟ᬬᬾᬦ᭄ᬲᬯᬗᬂᬫᬸᬜᬶᬦᬾᬢᭂᬓᬾᬤᬂ᭠
[᭗ 7A]
ᬩ᭄ᬭᬬ᭞ᬓᬸᬩᬸᬤᬶᬬᬦ᭄ᬫᬗᬯᬶ᭞ᬫᬗᬚᬸᬫᬂᬳᬯᬓ᭄᭞ᬜᬾᬦ᭄ᬳᬤᬫᬗᬺᬲᭂᬧᬂ᭞ᬫᬸᬜᬶᬳᬸᬮᬢ᭄ᬚᭂᬦᭂᬂᬧᬮᬶᬂ᭞ᬩᬲ᭄ᬓᬩᬸᬤᬶᬬᬦ᭄᭞ᬫᬗ᭄ᬓᬓᬾᬩ᭠
ᬲ᭄ᬕᬸᬕᭀᬦᬶᬦ᭄᭟ᬓᬾᬯᬮᬲᬶᬤ᭄ᬟᬧᬘᬂᬳᬗ᭄ᬕᬾᬢᬸᬭᬦ᭄᭞ᬭᬶᬂᬳᬶᬤᬲᬗᬯᬶᬤᬶ᭞ᬲᬂᬮᬸᬧᬸᬢᬶᬂᬧ᭄ᬭᬚ᭄ᬜᬦ᭄᭞ᬓᬶᬤᬸᬂᬜᬦ᭄ᬤᬂᬧᭂᬜ᭄ᬘᬮᬂ᭞ᬓᬕᬸᬬᭀ
ᬦᬦ᭄ᬲᬳᬶᬲᬳᬶ᭞ᬲᭂᬧᭂᬢ᭄ᬢᬸᬃᬫᬢᬄ᭞ᬢᭀᬂᬜᬦ᭄ᬤᬂᬓᬧᬳᭀᬲᬶᬦ᭄᭟᭟᭜᭟ᬧᬸᬄᬫᬕᬢ᭄ᬭᬸᬄ᭟᭜᭟ᬓᬯᬶᬢᬦ᭄ᬯ᭄ᬭᬸᬳᬶᬂᬩᬲᬫᬗᬶᬲᬬᬦ᭄ᬗᬧᬸ᭠
ᬲ᭄᭞ᬳᬗ᭄ᬕᬾᬦ᭄ᬫᬗᬸᬳᬸᬢᬶᬦ᭄ᬗᬯᬶ᭞ᬩᬳᬦ᭄ᬧ᭄ᬭᬧᬜ᭄ᬘᬦᬾᬗ᭄ᬮᬶᬓᬸᬢ᭄᭞ᬳᬶ᭠ᬓᭂᬢᬂᬩᬓᬮ᭄ᬧᬓᬶᬭᬶᬫ᭄᭞ᬧᬗ᭄ᬭᬲᬦᬾᬲᬸᬩᬚᭀᬮᭀᬢ᭄᭟ᬳᬗ᭄ᬕᭀ [ 8 ][᭗ 7B]
᭗
ᬦ᭄ᬚᬮᬭᬦ᭄ᬢᭂᬓᬾᬦ᭄ᬤᬦᬾᬲᬗᬬᬸ᭞ᬳᬫ᭄ᬧᬸᬭᬤᬾᬯᬤᬩ᭄ᬭᬂᬢᬶ᭞ᬫᬓᭂᬮᭀᬩᬦ᭄ᬢᬶᬢ᭄ᬬᬂᬩᬸᬤᬸᬄ᭞ᬢ᭄ᬯᬭᬮᬾᬦ᭄ᬦᬾᬓᬳᬾᬱ᭄ᬝᬶ᭞ᬲᬗ᭄ᬓᬦ᭄ᬤᬶᬚᬸᬫᬄᬫᬗ᭄ᬭᭀ
ᬫ᭄ᬧᭀᬂ᭟᭜᭟ᬧᬸᬄᬧᬗᬮᬂᬧᬜ᭄ᬚᬂ᭟᭜᭟ᬩᭂᬮᬲᬦ᭄ᬢᭀᬤᬤᬶᬧᬸᬍᬫᭂᬤᭂᬫ᭄ᬩᬗᬸᬦ᭄᭞ᬩᭂᬗᭀᬂᬓᬸᬫᬭᬶᬲᬶᬓ᭄᭞ᬫᬩᬸᬤ᭄ᬟᬶᬫᬗᬮᬶᬦ᭄ᬤᭂᬗᬶ᭠
ᬦ᭄᭞ᬧᭂᬲᬸᬫᬮᬮᬶ᭞ᬭᬲᬜᬓ᭄ᬓᬢᭂᬧᬸᬓ᭄ᬤᬶᬯᬂ᭞ᬫᬓᬲᬜ᭄ᬚᬲ᭠ᬜ᭄ᬚᬳᬸᬬᬂ᭞ᬢ᭄ᬯᬭᬮᬾᬦ᭄ᬧᬗᭂᬦᬂ᭞ᬧᭂᬤᬲ᭄ᬯᬮᬸᬬᬲᬸᬩᬤᬶᬢᬸ᭟ᬲᬭᬸ᭠
ᬯᬂᬗᭂᬗ᭄ᬓᬮ᭄ᬤᬶᬫᬃᬕ᭄ᬕᬦᬾᬫᬗᬗ᭄ᬕᬸᬃ᭞ᬧᬤᬶᬗᭂᬳᬶᬦ᭄ᬫᬸᬜᬶ᭞ᬲᬗ᭄ᬓᬦ᭄ᬳᬤᬳᬗ᭄ᬕᭀᬦ᭄ᬢᭂᬫ᭄ᬩᬂ᭞ᬤᬯᬦᬾᬓᬯᬶ᭞ᬗᬮᬦ᭄ᬢᬸᬭᬂᬤᭂᬫᬸᬂᬳᬲᬦᬓ᭄᭞ᬫᬸᬜᬶ
[᭘ 8A]
᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬯᬂᬲᬶᬢ᭄᭞ᬲᬶᬩᬵᬤᬤᬶᬳᬦᬂᬫᬢ᭄ᬭ᭞ᬤᬳᭀᬮᬲ᭄ᬕᬸᬲ᭄ᬢᬶᬫᬗ᭄ᬭᬸᬗᬸ᭟ᬩᬸᬓᬳᭀᬂᬤᬤᬶᬩᬳᬦ᭄ᬢᬶᬢ᭄ᬬᬂᬦᬳᬦᬂ᭞ᬓᭂᬦᭂᬳᬾᬩᬲ᭄ᬳᬸ
ᬮᬗᬸᬦ᭄᭞ᬲᬭᬸᬳᬂᬫᬓᬶᬤᬸᬂ᭞ᬧᬶᬦᬳᬲᭂᬭᬓ᭄ᬫᬜ᭄ᬚᭂᬭᬶᬢ᭄᭞ᬤᬤᬶᬢᭀᬜᬦ᭄ᬫᬃᬕ᭄ᬕ᭞ᬫᬶᬲᭂᬃᬓᬗᬶᬦ᭄ᬫᬶᬂᬲᭂᬃᬓᬯᬸᬄ᭞ᬕᭂᬦᬶᬢ᭄ᬫᬕᬾᬃᬕᬾᬭᬦ᭄᭞ᬳᬮᬄ
ᬩᬸᬓᬄᬮᬢᭂᬗᬶᬦ᭄᭞ᬓᬤᬸᬂᬲᬸᬩᬫᬧᬸᬕᬮ᭞ᬢᭂᬓᬾᬦ᭄ᬕᬸᬲ᭄ᬢᬶᬳᬵᬩᬄᬫᬕᭂᬩ᭄ᬬᬸᬕ᭄᭟ᬮ᭄ᬬᬸᬫᬗᬸᬧᬤᬶᬕᬸᬲ᭄ᬢᬶᬧᬥᬳᬸᬬᬂ᭞ᬢᬭᬸᬦᬦᬾᬧ
ᬤᬸᬳᬸᬢ᭄᭞ᬲᬶᬂᬚᬮᬦ᭄ᬫᬳᬸᬫ᭄ᬧᬸᬮᬾᬦ᭄᭞ᬧᬥᬫᬓᬲᬶᬓᬶᬲᬶ᭞ᬕᬸᬲ᭄ᬢᬶᬦᬾᬳᬦ᭄ᬢᬶᬜ᭞ᬳᬗ᭄ᬕᭀᬜᬧᬶᬮᬩᬶᬗᬗ᭄ᬕᬸᬃ᭞ᬳᬤᬓᬸᬓᬢᬶᬢ᭄ᬬᬂ᭞ᬳᬧ᭠ [ 9 ][᭘ 8B]
᭘
ᬦ᭄ᬓᭂᬦᬘᬶᬭᬶᬦ᭄᭞ᬲᬶᬂᬢᭂᬓᬧᬥᬫᬧᬬᬲ᭄᭞ᬗᭂᬮᬄᬢᬦ᭄ᬤᬂᬳᬸᬮᬢᬾᬩᬕᬸᬲ᭄᭟ᬫᬢ᭄ᬭᬗ᭄ᬕᬦᬚᬚᬫ᭄ᬩᬸᬮᬦᬾᬫᬍᬜᬤ᭄᭞ᬫᬕᬸᬦ᭄ᬢᬶᬂᬗᭂᬫ᭄ᬩᬂ
ᬩᬳᬸ᭞ᬳᬤᬦᬾᬩᬲ᭄ᬢᬸᬫ᭄ᬧᬸ᭞ᬫᬭᬂᬭᬂᬫᬩᭀᬭᬾᬄᬫᬶᬳᬶᬓ᭄᭞ᬫᬩᬸᬗᬘᬫ᭄ᬧᬓ᭞ᬧᬤᬫᬓᭂᬦᭂᬳᬦ᭄ᬩᬕᬸᬲ᭄᭞ᬳᬗ᭄ᬓᬭᬤᬶᬫᬦᬄ᭞ᬳᬄ
ᬳᬄᬓᬾᬢᭀᬬᬓᭂᬜᬶᬂ᭞ᬓᬋᬧ᭄ᬜᬦᬾᬧᬘᬂᬕᬶᬜ᭄ᬚᬂ᭞ᬫᬭᬲ᭄ᬤ᭠ᬮᬶᬲ᭄ᬗᬦ᭄ᬢᬶᬬᬸᬓ᭄ᬧ᭄ᬭᬳᬸ᭟ᬬᬾᬦᬶᬂᬕᬸᬲ᭄ᬢᬶᬓᬢᭂᬧᬸᬓ᭄ᬦᬧᬶᬕᬸᬩᬦ᭄ᬓᬸ᭞ᬢᬦᬸᬭᬸᬂᬫ
ᬜᬭᬸᬢ᭄ᬘᬸᬢ᭄᭞ᬭᭀᬭᭀᬤᬗᬓᬯᬸᬄ᭞ᬓᬢᬗ᭄ᬕᬸᬦ᭄ᬕᬸᬫᬶᬦᬾᬓᬗᬶᬦ᭄᭞ᬦᭀᬗᭀᬲ᭄ᬤᬶᬳᬫ᭄ᬩᬭᬳᬤ᭞ᬢᭀᬳᬾᬩᬲ᭄ᬓᬤᬸᬭᬸᬲ᭄᭞ᬫᬘᬾ
[᭙ 9A]
ᬩᬮᬶᬧᬧᭀᬮᭀᬲᬦ᭄᭞ᬢᬸᬯᬶᬧᬘᬂᬲᬶᬧ᭄ᬢ᭞ᬲᬶᬗᬵᬤᬤᬶᬭᬸᬭᬸᬄᬩᬦ᭄ᬓᬶᬤᬸᬂ᭟᭜᭟ᬧᬸᬄᬤᭂᬫᬸᬂ᭟᭜᭟ᬤᬸᬄᬤᬾᬯᬭᬢᬸᬧᬶᬭᬕᬶᬢᬶᬢ᭄ᬬᬂᬗᭂ
ᬗ᭄ᬓᬮ᭄᭞ᬩᬳᬦ᭄ᬕᬸᬲ᭄ᬢᬶᬦᬾᬗ᭄ᬭᬸᬓᬸᬓ᭄᭞ᬢᭀᬂᬢᬳᬾᬦ᭄ᬓᬢᭂᬧᬸᬓ᭄᭞᭠ᬤᬚᬓᬲᭂᬗᭂᬦ᭄ᬳᬶᬭᬶᬓᬶ᭞ᬫᬸᬜᬶᬦ᭄ᬳᬦᬓ᭄ᬧᬸᬲᬂ᭞ᬦ᭄ᬤᬸᬮᬫᬾᬲᬮᬓᬸᬮᬓᬸ᭞᭠
ᬢᬦ᭄ᬮᬶᬬᬦ᭄ᬢ᭄ᬯᬄᬳᬶᬤᬾᬯ᭞ᬧᬮᬓᬸᬦ᭄ᬜᬦᬾᬕᬸᬲ᭄ᬢᬶ᭞ᬓᬭᬡᬢᬶᬢ᭄ᬬᬂᬜᬭᬶᬢ᭞ᬳᬧᬦ᭄ᬫᬓᬳᬯᬦ᭄ᬢᬢᬸᬃ᭟ᬦᬾᬫᬗ᭄ᬓᬶᬦ᭄ᬧᬜ᭄ᬚᬓᬂᬕᬸᬲ᭄ᬢᬶᬚ᭄ᬯᬳᬶ
ᬬᬂ᭞ᬤᬚᬓᬲᬫᬦ᭄ᬳᬦ᭄ᬢᬸᬓ᭄᭞ᬜᬓ᭄ᬢᬸᬤ᭄ᬤᬾᬦ᭄ᬫᬜᬧᬸᬄ᭞ᬲᬫ᭄ᬧᬢ᭄ᬲᬳᬶᬓᬸᬢᬂᬳᭂᬫᬶᬲ᭄᭞ᬲᭀᬓ᭄ᬮᬸᬕ᭄ᬭᬳᬶᬦ᭄ᬢᬶᬢ᭄ᬬᬂ᭞ᬳᬧᬂᬓᬗ᭄ᬕᭀᬫᭂᬓᬾᬦ᭄ᬢᬸᬳᬸᬦ᭄ [ 10 ][᭙ 9B]
᭙
ᬗᬬᬳᬶᬦ᭄ᬳᬶᬫᬶᬭᬄ᭞ᬬᬤᬶᬦ᭄ᬫᬫᭂᬘᭂᬓ᭄ᬫᭂᬘᬶᬓ᭄᭞ᬗᬸᬲᬸᬤ᭄ᬳᬸᬲᬸᬤ᭄ᬤᬶᬧᬫᬺᬫᬦ᭄᭞᭞ᬳᬧᬂᬕᬸᬲ᭄ᬢᬶᬳᬾᬗ᭄ᬕᬮ᭄ᬫᬢᬸᬭᬸ᭟ᬤᬚᬗᬦ᭄ᬓᭂᬦᬶᬦ᭄ᬢᬶᬢ᭄ᬬᬂᬧᬜ᭄ᬚᬓ᭄ᬢᬸᬦ᭄ᬤ᭠
ᬬᬦ᭄᭞ᬧᬓᬾᬢᬾᬗᬦ᭄ᬢᬶᬭᬢᬸ᭞ᬧᬩᬳᬦ᭄ᬫᬦᬸᬓᬸ᭞ᬩᬢᬦ᭄ᬓ᭄ᬭᬾᬂᬲᬂ᭠ᬳᬢᭂᬩᬶᬄ᭞ᬳᬧᬦ᭄ᬢᬶᬢ᭄ᬬᬂᬤᬾᬯ᭞ᬲᬸᬓ᭄ᬱ᭄ᬭᬄᬢᭂᬓᬾᬦ᭄ᬳᬶᬭᬢᬸ᭞ᬫᬺᬢᬶᬗ᭄ᬓᬳᬂ
ᬚᬸᬫᬄ᭞ᬲᬩᬳᬦ᭄ᬕᬸᬲ᭄ᬢᬶᬗᬯᬶᬤᬶ᭞ᬫᬲᬢᬶᬢ᭄ᬬᬂᬩᬦᬶᬧᬶᬯᬮ᭄᭞᭠ᬢ᭄ᬯᬭᬗᬶᬭᬶᬂᬫᬓᬳ᭄ᬬᬸᬦ᭄ᬓᬳ᭄ᬬᬸᬦ᭄᭟ᬲᬗ᭄ᬓᬦ᭄ᬢᬶᬢ᭄ᬬᬂᬩᬸᬓᬚᬦᬶᬲᬳᬶᬂᬫ᭄ᬩᬸᬓᬮ᭄
ᬩᬸᬲᬦ᭄ᬤᬾᬓᬵᬮᬗᬗ᭄ᬕᬸᬃ᭞ᬜᬫ᭄ᬩᬗᬶᬦ᭄ᬳᬶᬭᬢᬸ᭞ᬩᬸᬓᬳᬸᬦ᭄ᬤᬭᬾᬫᬮ᭠ᬮᬶ᭞ᬫᭂᬤᬮ᭄ᬕᬸᬲ᭄ᬢᬿᬫᭂᬤᬮ᭄᭞ᬧᭂᬲᬸᬳᬶᬦ᭄ᬢᬶᬢ᭄ᬬᬂᬳᬶᬩᬸᬤᬸᬄ᭞ᬫᬓᭂᬮᭀᬗᬦ᭄ᬢᬶᬬᬂ
[᭑᭐ 10A]
ᬢᬶᬘᬾᬢᬶᬳᬦ᭄᭞ᬫᬗᬤᬸᬫᬸᬜᬶᬫᬦᬶᬲ᭄᭞ᬳᬢᬸᬭᬶᬜᬕᬸᬲ᭄ᬢᬶᬩᬸᬗ᭞ᬩᬓᬮ᭄ᬳᬗ᭄ᬕᬾᬦ᭄ᬗᬦ᭄ᬤᬸᬳᬦ᭄ᬤᬸᬄ᭟ᬳᬗ᭄ᬳᬶᬂᬢᬶᬢ᭄ᬬᬂᬕᬸᬲ᭄ᬢᬶᬢ᭄ᬯᬭᬦᬯᬂᬢᬶᬗ᭄ᬓᬄ
᭞ᬲᬓᬾᬯᬮᬩᬦ᭄ᬲᬸᬓ᭄ᬱᬸᬓ᭄᭞ᬲᬗ᭄ᬓᬦ᭄ᬕᭂᬮᬶᬕᬶᬮᬸᬃ᭞ᬩᬸᬓᬓᬸᬫᬦ᭄ᬤᬗᬾᬧᬮᬶᬂ᭞ᬲᬸᬧᬢ᭄ᬕᬸᬲ᭄ᬢᬶᬲᬸᬧᬢ᭄᭞ᬳᭂᬦ᭄ᬢᬸᬗᬶᬦ᭄ᬲᭂᬧᬳᬾᬳᬭᬹᬫ᭄᭞ᬢᭀᬫ
ᬓᬧ᭄ᬭᬮᬶᬡ᭞ᬦᬸᬦᬲ᭄ᬢᬶᬢ᭄ᬬᬂᬭᬶᬂᬳᬶᬕᬸᬲ᭄ᬢᬶ᭞ᬧᭂᬤᬍᬫ᭄ᬚᬓᬸᬤᬢᬶᬢ᭄ᬬᬂ᭞ᬓᭂᬩᬸᬲ᭄ᬩᬳᬂᬩᬸᬓᬫᬢᬫ᭄ᬩᬸᬲ᭄᭟ᬕᭂᬭᬂᬕᬸᬲ᭄ᬢᬶᬢᬶᬢ᭄ᬬᬂᬦᬸᬳᬶᬤᬸᬧ᭄ᬳᬶᬤᬸᬧᬦ᭄᭞᭠
ᬫᬓᭂᬦ᭄ᬢᬚᭂᬗ᭄ᬓᬚᭂᬗ᭄ᬓᬸ᭞ᬲᬫ᭄ᬩᬶᬮ᭄ᬗᬸᬳᬸᬢ᭄ᬳᭂᬦ᭄ᬢᬸᬤ᭄᭞ᬓᬗᭂᬦ᭄ᬢ᭄ᬯᬭᬓᬧᭂᬲᬸᬳᬶ᭠ᬦ᭄᭞ᬲᬳᬶᬫᭂᬦ᭄ᬢᬫᬢ᭞ᬧᬶᬦᬩᬦ᭄ᬫᭀᬯᬓᬾᬓᭂᬘᬸᬂ᭞ᬩᭂᬭᬕ᭄ᬩᬳᬦ᭄ᬫᬕᬤᬂ᭞ [ 11 ][᭑᭐ 10B]
᭑᭐ᬩᬸᬓᬗᬶᬮᬶᬗᬶᬦ᭄ᬓᭀᬧᬶᬂ᭞ᬓᬶᬧᭂᬓ᭄ᬓᬶᬗᭂᬄᬫᬳᬶᬯᬲᬦ᭄᭞ᬓᭂᬜᭂᬮ᭄ᬢᬶᬢ᭄ᬬᬂᬫᬦᭀᬮᬶᬄᬲᬸᬳᬸᬂ᭟ᬢ᭄ᬯᬭᬓᭀᬢᬶᬢ᭄ᬬᬂᬚᬦᬶᬩᬶᬲᬫᬗᭂᬦᭂᬳᬂ᭞ᬓᬳ᭄ᬬᬸᬦ᭄ᬕᬸᬲ᭄ᬢᬶ
ᬦᬾᬭᬢᬸ᭞ᬩ᭄ᬬᬦᬩᬶᬲᬓᬾᬗ᭄ᬕᬸᬄ᭞ᬩᬬᬯᬦ᭄ᬢᬄᬳᬦᬓ᭄ᬮᬸᬯᬶᬄ᭞ᬫᬭᬕᬦᬶᬲ᭄ᬓᬮ᭞ᬢ᭄ᬯᬭᬍᬕᬢ᭄ᬯᬭᬳᬶᬩᬸᬓ᭄᭞ᬫᬳᬯᬓ᭄ᬢᬦᬵᬯᬓ᭄᭞ᬲᬸᬩᬫ᭠
ᬭᬹᬧᬚᬢᬶ᭞ᬦᭀᬗᭀᬲ᭄ᬤᬶᬲᭂᬮᬕᬦ᭄ᬢᬸᬦ᭄ᬬ᭞ᬤᬶᬲᭂᬧᬶᬦᬾᬳᬗ᭄ᬳᬂᬬᬫᬸᬯᬸᬕ᭄᭟ᬫᬦᬯᬶᬳᬦ᭄ᬢᬸᬓ᭄ᬓᭂᬦᭂᬄᬢᬶᬢ᭄ᬬᬗᬾᬧᬸᬲᬂ᭞ᬫᬓᬤᬤᬤᬶᬳᬸᬬᬸᬢ᭄᭞
ᬫᬗᬸᬯᬸᬳᬶᬦ᭄ᬮᬶᬗ᭄ᬮᬸᬂ᭞ᬍᬂᬍᬂᬧᬮᬶᬳᬢᬾᬧᬮᬶᬂ᭞ᬢᭀᬫᬓᬤᬢᬸᬂᬢᬂᬩᬦ᭄ᬢᬶᬢ᭄ᬬᬂᬗᭂᬮᭀᬦ᭄ᬳᬶᬭᬢᬸ᭞ᬩᬶᬲᬫᬭᭀᬳᬯᬓ᭄᭞ᬧᭂᬤᬲ᭄ᬯᬮᬸᬬᬚ
[᭑᭑ 11A]
ᬢᬶ᭞ᬤᬤᬶᬗᭂᬦᬄᬫᬳᬸᬓᬸᬤᬦ᭄᭞ᬩᬸᬓᬧᭀᬮᭀᬓᬦ᭄ᬢᭂᬦ᭄ᬳᬶᬭᬢᬸ᭟ᬢᬸᬯᬶᬧᭂᬤᬲ᭄ᬲᬚᬢ᭄ᬯᬄᬩᬦ᭄ᬢᭂᬦᬂᬢᬶᬢ᭄ᬬ᭞ᬲᬗ᭄ᬓᬦ᭄ᬫᬗ᭄ᬮᬯᬸᬢ᭄ᬲᬸᬮᬸᬓ᭄᭞ᬩᬦ᭄ᬕᬸ
ᬲ᭄ᬢᬶᬦᬾᬭᬢᬸ᭞ᬲᬸᬩᬫᬳᬚ᭄ᬜᬦᬍᬯᬶᬄ᭞ᬳᬬᬸᬦᬸᬮᬸᬲ᭄ᬫᭂᬮᬄ᭞ᬲᬮᬩᬂᬳᬦᬓᬾᬩᬸᬤᬸᬄ᭞ᬳᭂᬂᬲᬧ᭄ᬢᭂᬓᬾᬦᬯᬓ᭄᭞ᬧᬢᬶᬕᬸᬭᬧᬾᬗᬮᬶᬄᬕᬸ
ᬲ᭄ᬢᬶ᭞ᬘᭂᬮᬸᬢ᭄ᬩᬸᬓᬧᬾᬮᬂ᭞ᬢᭀᬂᬤᬤᬶᬢᬗᭂᬄᬳᬦᬓ᭄ᬮᬶᬬᬸ᭟ᬤᬸᬓ᭄ᬕᬸᬲ᭄ᬢᬦᬾᬓᬢᭂᬧᬸᬓ᭄ᬳᬲ᭄ᬮᬩ᭄ᬲᬩᬦ᭄᭞ᬓᬦ᭄ᬢᭂᬦ᭄ᬦᭀᬢ᭄ᬢᬶᬢ᭄ᬬᬂᬭᬢᬸ᭞ᬯᬮᬸᬬᬢᭀ
ᬤᬶᬢᬸ᭞ᬢᬍᬓ᭄ᬢᬶᬓ᭄ᬢᬶᬢ᭄ᬬᬂᬳᬶᬕᬸᬲ᭄ᬢᬶ᭞ᬗᭂᬦᬄᬫᬓᬮᬶᬳᬄ᭞ᬢᬸᬳᬸᬢ᭄ᬯᬄᬫᬢᬦᬾᬲᬶᬦᬸᬃ᭞ᬫᬭᬲᬧᬳᭂᬓ᭄ᬲᬦ᭄᭞ᬓᬦ᭄ᬤᬸᬕᬢᬶᬢ᭄ᬬᬂᬗᭂᬭᬭᬶᬲ᭄᭞᭠ [ 12 ][᭑᭑ 11B]
᭑᭑
ᬫᬗᬸᬲᬸᬤ᭄ᬳᬸᬲᬸᬤᬶᬦ᭄ᬕᬯᬂ᭞ᬳᬗ᭄ᬳᬶᬂᬕᬸᬲ᭄ᬢᬶᬢ᭄ᬯᬭᬚᬤᬶᬢᬸ᭟ᬲᬕᬾᬢ᭄ᬲᬸ᭠ᬩᬚᭀᬄᬧᬫᬃᬕ᭄ᬕᬶᬦᬾᬦᭀᬢ᭄ᬢᬶᬢ᭄ᬬᬂ᭞ᬫᬳᬶᬭᬶᬩ᭄ᬓᬢᭀᬦ᭄ᬩᭂᬤᬸ᭞ᬫᬳᬮᭀ
ᬦᬦ᭄ᬳᬮᬸᬄ᭞ᬳᬗ᭄ᬳᬶᬂᬩᭂᬘᬢᬾᬢᬦ᭄ᬲᬶᬧᬶ᭞ᬚᬮᬦᬾᬗᬫᬾᬦ᭄ᬤ᭄ᬭ᭞ᬳᬸᬮᬢ᭄ᬩᬾᬄᬳᬗ᭄ᬳᬶᬂᬢᬾᬘᭂᬮᬸᬢ᭄᭞ᬫᬲᬶᬢᬶᬢ᭄ᬬᬂᬧᬗ᭄ᬓᬄ᭞ᬩᬸᬓᬚᬦᬶᬗᬸᬮᬢᬶ
᭞ᬲᬲᬗᬶᬦ᭄ᬢᬶᬢ᭄ᬬᬗᬾᬤᬾᬯ᭞ᬧᬘᬂᬜᭀᬗ᭄ᬕᬶᬬᬾᬦ᭄ᬲᬤ᭄ᬬᬩᬾ᭠ᬲᬸᬓ᭄᭟ᬬᬤᬶᬦ᭄ᬧᬶᬦ᭄ᬤᭀᬳᬶᬦ᭄ᬕᬸᬲ᭄ᬢᬶᬚᬮᬦᬾᬮᬸᬯᬲ᭄᭞ᬲᬓ᭄ᬯᬦ᭄ᬲᬾᬮᭀᬳ
ᬦ᭄ᬳᬶᬭᬢᬸ᭞ᬲᬢ᭄ᬲᬢ᭄ᬢᬶᬢ᭄ᬬᬂᬤᬶᬢᬸ᭞ᬩᬶᬮᬶᬄᬲᬶᬜᬮᬦ᭄ᬢᬲ᭄ᬳᬸᬦᬶᬂ᭞ᬦᬾᬫᬳᬤᬦ᭄ᬲᬯᬂᬲᬸᬫᬸᬂ᭞ᬓᭂᬢᭂᬤᬾᬢᭀᬤᬶᬢᬸ᭞ᬓᬗ᭄ᬕᬾᬚ᭄ᬯᬳᬶᬫᬶᬭᬄ᭞ᬫᬢᬶᬗᬄ
[᭑᭒ 12A]
ᬢᬶᬢ᭄ᬬᬂᬕᬸᬲ᭄ᬢᬶ᭞ᬬᬤᬶᬦ᭄ᬫᭀᬗᭀᬃᬫᬜᬫ᭄ᬧᬸᬭ᭞ᬳᬚᬦ᭄ᬳᬧᬂᬤᬩᭂᬮᬲ᭄ᬤᬶᬢᬸ᭟ᬬᬤᬶᬦ᭄ᬕᬸᬲ᭄ᬢᬶᬫᬸᬮᬶᬄᬧᬶᬢ᭄ᬯᬶᬗ᭄ᬮᬯᬸᬢ᭄ᬮᬯᬲ᭄᭞ᬬᬤᬶᬦ᭄ᬫᬦᬾᬓ᭄ᬢᬸᬳᬸ᭠
ᬫᬶᬮᬸᬲᬳᬶᬗ᭄ᬕᬶᬄᬳᬶᬗ᭄ᬕᬸᬄ᭞ᬬᬤᬶᬦ᭄ᬫᭂᬦᬾᬓ᭄ᬢᬸᬳᬸᬦ᭄᭞ᬚ᭄ᬮᬾᬫᭂᬮᬄᬓᬢᭂᬧᬸᬓ᭄᭞ᬫᬭᬵᬃᬬ᭄ᬬᬦ᭄ᬲᬶᬂᬚᬮᬦ᭄᭞ᬤ᭄ᬬᬦ᭄ᬢᬸᬦ᭄ᬫᬢᬗᬶᬫᬺᬫ᭄ᬤᬶᬢᬸ᭞ᬤᬢᬾᬂᬲᬧ᭄ᬗᬾ᭠
ᬮᬶᬗᬂ᭞ᬳᬢᬸᬃᬢᬶᬢ᭄ᬬᬗᬾᬕᬸᬲ᭄ᬢᬶ᭞ᬤᬫᭂᬦᭂᬂᬧᬦ᭄ᬗᬦ᭄ᬤᬶᬓᬬᬂ᭞ᬳᬾᬓᭀᬓ᭄ᬢᬶᬢ᭄ᬬᬂᬲᬓᬳ᭄ᬬᬸᬦ᭄ᬓᬳ᭄ᬬᬸᬦ᭄᭟ᬳᬧᬦ᭄ᬕᬸᬲ᭄ᬢᬶᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬦᬶᬭᬸᬯᬦ᭄᭞
ᬮᬓ᭄ᬱᬡᬦᬾᬭᬳᬬᬸ᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬸᬳᬸᬕ᭄᭞ᬗᬢᬾᬫᬾ᭠ᬮ᭄ᬗᬶᬤᬸᬗᬶᬕᬸᬲ᭄ᬢᬶ᭞ᬳᭂᬚᭀᬄᬬᬾᬓᬸᬩ᭄ᬟ᭞ᬫᬦ᭄ᬢᬸᬓ᭄ᬳᬶᬧᬸᬦ᭄ᬭᬶᬂᬳᬭᬢᬸ᭞ᬳᬧ [ 13 ][᭑᭒ 12B]
᭑᭒
ᬦ᭄ᬧᬦᬗ᭄ᬓᬦ᭄ᬜᬫᬾᬮᬓᬸ᭞ᬜᬦᬾᬳᬶᬕᬸᬲ᭄ᬢᬶ᭞ᬫᬸᬜᬶᬫᬧᬾᬮᬕ᭄ᬧᬾᬮᬕᬦ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬳᬯᬦᬦ᭄ᬫᬢᬸᬃ᭟᭜᭟ᬧᬸᬄᬤᬂᬤᬂᬕᬸᬮ᭟᭜᭟
ᬫᬲᬶᬄᬳᬶᬲᭂᬂᬢᬶᬢ᭄ᬬᬂᬫᬗᬶᬫ᭄ᬩᬸᬳᬶᬦ᭄᭞ᬓᬓᬶᬤᬸᬗᬦ᭄᭞ᬢᭂᬫ᭄ᬩᬂᬤᬂᬤᬂ᭠ᬕᬸᬮ᭞ᬩᬦ᭄ᬕᬸᬲ᭄ᬢᬶᬦᬾᬲᬸᬩᬓᬾᬦᬾ᭞ᬗᭂᬦ᭄ᬤᭂᬧᬶᬦ᭄ᬢᬶᬢ᭄ᬬᬂᬗᬗ᭄ᬕᬸᬃ᭞ᬢᭀᬂᬤᬤᬶᬲ
ᬦ᭄ᬢᬸᬦᬲ᭄ᬳᬶᬘ᭄ᬙᬳᬶᬦ᭄᭞ᬢᬶᬢ᭄ᬬᬂᬲᬸᬩᬫᬗ᭄ᬭᬲ᭞ᬕᬸᬲ᭄ᬢᬶᬢ᭄ᬯᬭᬓᬳ᭄ᬬᬸᬦ᭄᭞ᬲᭀᬓ᭄ᬧᭂᬲᬸᬳᬶᬦ᭄ᬓᬸᬤᬢᬶᬢ᭄ᬬᬂ᭞ᬳᬚ᭄ᬮᬧ᭄ᬚᬧᬦ᭄᭞ᬤᬶᬲᬸᬳᬸᬗᬾᬮᬫᬸᬦ᭄ᬕᬸ᭠
ᬲ᭄ᬢᬶ᭞ᬓᬢᭂᬧᬸᬓ᭄ᬧᬤᬤ᭄ᬯᬬᬦ᭄᭟ᬳᬧᬦ᭄ᬳᬢᬸᬃᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬧᬶᬗᬶᬢ᭞ᬭᬶᬂᬳᬶᬤᬾᬯ᭞ᬩᬸᬯᬢ᭄ᬢᬶᬢ᭄ᬬᬂᬫᬦᬸᬦᬲ᭄᭞ᬬᬾᬦ᭄ᬕᬸᬲ᭄ᬢᬶᬳᬶᬘ᭄ᬙᬫᬗᬶᬘ᭄ᬙᬾᬦ᭄᭞
[᭑᭓ 13A]
ᬓᬧᬸᬢᬸᬲᬦᬾᬭᬢᬸ᭞ᬦᬾᬳᬸᬢ᭄ᬢᬫᬜᬦ᭄ᬤᬂᬲᬸᬗ᭄ᬓᭂᬫᬶᬦ᭄᭞ᬩᬶᬮᬶᬄᬓᬗ᭄ᬓᬢ᭄ᬫᬢᬶᬮᬃ᭞ᬧ᭄ᬭᬧᬜ᭄ᬘᬦᬾᬗᬮᬶᬓᬸᬢ᭄᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬫᬭᬶᬧᬹᬃᬡ᭄ᬦ᭞ᬬᬂ
ᬧᬸᬦᬶᬓ᭞ᬫᬓᬤᬶᬳᬶᬧᬸᬦ᭄ᬫᬗᬶᬭᬶᬂ᭞ᬕᬸᬲ᭄ᬢᬶᬦᬾᬢᬶᬭᬸᬦ᭄ᬢᬶᬢ᭄ᬬᬂ᭟ᬲ᭠ᬓ᭄ᬱᬢ᭄ᬲᬸᬩᬓᬳᬶᬘ᭄ᬙᬦ᭄ᬫᬗ᭄ᬮᬦ᭄ᬟᬶᬄ᭞ᬤᬶᬲᬸᬯᬃᬕ᭄ᬕᬦ᭄᭞ᬬᬦ᭄ᬲᬫ᭄ᬧᬸᬦ᭄ᬓᬳᬶ
ᬘ᭄ᬙᬦ᭄᭞ᬓᬤᬶᬧᬶᬦᬸᬦᬲ᭄ᬢᬶᬢ᭄ᬬᬗᬾ᭞ᬫᬾᬄᬲᬶᬤ᭄ᬟᬤᬤᬶᬮᬶᬧᬸᬃ᭞ᬧᬓᭂᬦᭂᬄᬦᬾᬩᬸᬂᬲᬂᬩᬂᬲᬶᬂ᭞ᬳᬗ᭄ᬳᬶᬂᬳᬕᬸᬂᬳᬫ᭄ᬧᬸᬭ᭞ᬳᬧᬬᬢᬾᬭᬢᬸ᭞
ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬤᬕᬶᬗᬦ᭄᭞ᬬᬦ᭄ᬢᬦ᭄ᬫᬦᬄ᭞ᬢᬶᬢ᭄ᬬᬗᬾᬲᬸᬲ᭄ᬭᬸᬲᬪᬓ᭄ᬢᬶ᭞ᬦᬸᬦᬲ᭄ᬲᬸᬓ᭄ᬱ᭄ᬫᬳᬚ᭄ᬜᬦ᭟ᬢᬶᬢ᭄ᬬᬂᬯᬦ᭄ᬢᬄᬫᬲᭂᬭᬄᬧᬢᬶᬳᬸᬭᬶᬧ᭄᭞ [ 14 ][᭑᭓ 13B]
᭑᭓
ᬫᬓᬸᬰᬭ᭞ᬓᬗ᭄ᬕᭀᬚᬳᬶᬤᬾᬯ᭞ᬜᬓ᭄ᬢᬸᬦ᭄ᬤᬾᬦ᭄ᬫᬗᬸᬤᬓᬾᬦ᭄ᬓᬾᬦ᭄᭞ᬦᬾᬢᬸᬦᬲ᭄ᬢᬶᬢ᭄ᬬᬂᬭᬢᬸ᭞ᬳᬧᬂᬩᬶᬲᬫᬮᬸᬫᬪᬸᬓ᭄ᬢᬶ᭞ᬪᬓ᭄ᬢᬶᬦᬾᬫᬳᬸ
ᬢᬂ᭞ᬳᭂᬗ᭄ᬓᬾᬦ᭄ᬲᬗ᭄ᬓᬦᬶᬧᬸᬦ᭄᭞ᬬᬾᬦ᭄ᬫᬓ᭄ᬯᬗᬶᬬᬾᬦ᭄ᬫᬩᬸᬗ᭞ᬩᬸᬗᬦᬧ᭞ᬧᬶᬂᬓᬸᬤᬦᬶᬓᭂᬮ᭄ᬗᬪᬓ᭄ᬢᬶ᭞ᬪᬓ᭄ᬢᬶᬧᬦ᭄ᬪᬓ᭄ᬢᬶᬢᬸᬗ᭄ᬕᬮ᭄᭟ᬳᬤᬓ᭄ᬭᬡ
ᬢᬶᬢ᭄ᬬᬂᬩᬸᬓᬚᬦᬶ᭞ᬫᬢᬾᬢᬾᬳᬦ᭄᭞ᬩᬳᬦ᭄ᬳᬤᬲᬢ᭄ᬯ᭞ᬫᬸᬜᬶᬦᬦᬓ᭄ᬤᬶᬧᬦ᭄ᬢᬶᬦᬾ᭞ᬫᬢᬦ᭄ᬤᬶᬗᬦ᭄ᬧᬗᬯ᭄ᬭᬸᬄ᭞ᬫᬫᬶᬦ᭄ᬟᬸᬓᬂᬫᬤ᭄ᬯᬶᬲ᭄ᬢᬶᬳᬚᬶ
᭞ᬗᬯᭂᬢ᭄ᬯᬂᬓᬧᬸᬢᬸᬲᬦ᭄᭞ᬯᬾᬦ᭄ᬢᭂᬦ᭄ᬦᬾᬩᬲ᭄ᬢᬸᬫ᭄ᬩᬸᬄ᭞ᬫᬜᬸᬫ᭄ᬓᭂᬫᬶᬦ᭄ᬢ᭄ᬭᬶᬅᬓ᭄ᬱᬭ᭞ᬭ᭄ᬯᬪᬶᬦᬾᬤ᭞ᬲᬶᬭᬶᬦᬾᬋᬓᬾᬓᬧᬶᬗᬶᬢ᭄᭞ᬓᬲᭂᬗ᭄ᬕᬸᬄᬲ᭠
[᭑᭔ 14A]
ᬫ᭄ᬧᬸᬦ᭄ᬳᬶᬬ᭟ᬭᬭᬶᬲ᭄ᬯᬾᬦ᭄ᬢᭂᬦ᭄ᬗᬭᬯᬸᬢᬂᬫᬮᬶᬄ᭞ᬩ᭄ᬯᬢ᭄ᬦᬶᬂᬕᭂᬦ᭄ᬢ᭞ᬬᬦ᭄ᬳᭂᬗ᭄ᬓᬾᬦ᭄ᬧᬸᬦᬶᬓ᭞ᬫᬤ᭄ᬭᬸᬯᬾᬓᬯᬶᬚᬶᬮᬦᬾ᭞ᬓᭀᬘᬧ᭄ᬫᬧᬲᬸᬓ᭄ᬯᭂᬢᬸ᭞ᬳᬂ
ᬲᭂᬮ᭄ᬬᭀᬕᬦ᭄ᬲᬂᬭᬸᬫᬕᬍᬯᬶᬄ᭞ᬯᬾᬦ᭄ᬢᭂᬦ᭄ᬫᬮᬶᬄᬫᬗᬸᬗ᭄ᬕᬸᬳᬂ᭞᭠ᬫᬯᬓ᭄ᬳᬧᬶᬫᬸᬭᬸᬩ᭄᭞ᬫᬲᬦ᭄ᬳᬶᬂᬧᬗᬸᬭᬶᬧ᭄ᬫᬦᬄ᭞ᬓᬬᬸᬳᬧ᭞ᬳᬗ᭄ᬕᭀ
ᬦ᭄ᬧᬩᭂᬦ᭄ᬤᬶᬳᬦ᭄ᬳᬧᬶ᭞ᬓ᭄ᬭᬡᬤᬤᬶᬤᬸᬫᬶᬮᬄ᭟ᬤᬾᬦᬶᬂᬢᬸᬭᬄᬢᬶᬢ᭄ᬬᬂᬳᬦᬓ᭄ᬮᭂᬯᬶᬄ᭞ᬦᬾᬫᬓ᭄ᬭᬡ᭞ᬫᬧᬦ᭄ᬚ᭄ᬭᭀᬦᬶᬂᬢᬫᬦ᭄᭞ᬫᬳᬶᬭᬶᬩ᭄ᬤᬶᬕ᭠
ᬕᬦᬦᬾ᭞ᬭᬲᬧᬡ᭄ᬟᬶᬢᬭᬯᬸᬄ᭞ᬢᬸᬗ᭄ᬕᬮ᭄ᬫᬯᬘᬦᬫᬩᬶᬲᬶ᭠ᬓ᭄᭞ᬧᬥᬗᬤᬸᬓᬸᬢᬶᬓ᭞ᬲᬲ᭄ᬢ᭄ᬭᬳᬚᬶᬢᬸᬢᬸᬃ᭞ᬫᬓᬧᭂᬢᭂᬂᬧᬶᬂᬮᬶᬫᭀ᭠ [ 15 ][᭑᭔ 14B]
᭑᭔
ᬮᬲ᭄᭞ᬢᬶᬢ᭄ᬬᬂᬫ᭄ᬭᬶᬓ᭞ᬩᬸᬫᬲᬓᬲᬦ᭄ᬤᬾᬱᬦᬶᬦ᭄᭞ᬢᬶᬢ᭄ᬬᬂᬤᭂᬫᬸᬂᬍᬓᬂ᭟᭜᭟ᬧᬸᬄᬤᭂᬫᬸ᭟᭜᭟ᬳᬗ᭄ᬳᬶᬂᬢᬶᬢ᭄ᬬᬂᬕᬸᬲ᭄ᬢᬶᬓᬤᬶᬓᬲᬶᬧ᭄ᬢ
ᬬᬂ᭞ᬓᭀᬘᬧ᭄ᬋᬓᬾᬬᬦ᭄ᬢᬸᬭᬸ᭞ᬢᬦ᭄ᬧᬯᬮ᭄ᬬᬫᬦ᭄ᬢᬸᬓ᭄᭞ᬧᬦ᭄ᬳ᭠ᬓᬾᬄᬓᬦ᭄ᬢᭂᬦ᭄ᬤᬶᬫᬃᬕ᭄ᬕᬶ᭞ᬫᬩᬶᬦᬩᬶᬦᬬᬦ᭄᭞ᬓᬦ᭄ᬢᭂᬦ᭄ᬬᬤᬸᬫᬶᬮᬄᬫᬸᬭᬸ᭠
ᬩ᭄᭞ᬳᬶᬋᬂᬓᬤᬶᬦᬷᬮ᭞ᬓᬤᬶᬓᬶᬮᬢ᭄ᬲᭂᬫᬸᬢᬶᬢᬶᬃ᭞ᬓᬤᬶᬫᭂᬓᬢᬸᬦᬭᬲ᭞ᬯ᭄ᬬᬓ᭄ᬢᬶᬳᭂᬗ᭄ᬓᬾᬦ᭄ᬦᬾᬧᬘᬂᬢᬸᬭᬸᬢ᭄᭟ᬓᭀᬘᬧ᭄ᬫᬸᬲᬸᬄ᭠
ᬤᬤᭀᬲ᭄ᬓᬲᬶᬄᬳᬗ᭄ᬕᬾᬦ᭄ᬭᭀᬯᬂ᭞ᬳᬗ᭄ᬳᬶᬂᬲᬗ᭄ᬓᬦ᭄ᬯ᭄ᬬᬓ᭄ᬢᬶᬦᬶᬧᬸ᭠ᬦ᭄᭞ᬧᭂᬢᭂᬂᬢᬶᬢ᭄ᬬᬂᬲᬫ᭄ᬧᬸᬦ᭄᭞ᬫᬗᬶᬮᬶᬦ᭄ᬩᬸᬮᬶᬕᬸᬮᬶᬕ᭄᭞ᬢ᭄ᬭᬸᬡ᭠
[᭑᭕ 15A]
ᬦᬾᬭᬶᬂᬭᬕ᭞ᬤᬶᬚᬳᬕᭂᬦᬄᬫᬗᬸᬗ᭄ᬓᬸᬂ᭞ᬫᬺᬮᬷᬦᬫ᭄ᬩᬦᬾᬳᬂ᭞ᬬᬦ᭄ᬲᬫ᭄ᬧᬸᬦ᭄ᬲᬫᬶᬗᬶᬮᬶ᭞ᬓᭀᬘᬧ᭄ᬢᬦ᭄ᬯᬾᬦ᭄ᬢᭂᬦ᭄ᬩᬜ᭄ᬘᬦ᭞ᬳᬧᬦ᭄ᬫᬃᬕ᭄ᬕᬦᬾᬮᬶᬓ᭠
ᬓ᭄ᬮᬶᬓᬸᬓ᭄᭟ᬰᬩ᭄ᬟᬦᬾᬫᬰᬩ᭄ᬟᬚᬢᬶᬢᬦ᭄ᬧᬳᬸᬗ᭄ᬕ᭄ᬯᬦ᭄᭞ᬘᬭᬶᬓ᭄ᬩᬶᬲᬄᬧᬦᬸᬤᬸᬄ᭞ᬲᬸᬭᬗᬾᬫᬫᬸᬯᬸᬲ᭄᭞ᬧᬸᬦᬶᬓᬋᬓᬾᬓᬲᬗᬶᬤ᭄᭞᭠
ᬬᬦ᭄ᬫᬸᬗ᭄ᬕᬸᬄᬭᬶᬂᬲᬲ᭄ᬢ᭄ᬭ᭞ᬑᬫ᭄ᬓᬭᬦᬾᬲᬫ᭄ᬧᬸᬦ᭄ᬮᬢᬸᬃ᭞ᬓᭀᬘᬧ᭄ᬫᬭᬶ᭠ᬲ᭄ᬢ᭄ᬭ᭞ᬫᬓᬲᬭᬶᬦ᭄ᬓᭀᬯᬗᬶ᭞ᬫᬜᬸᬫ᭄ᬩᬄᬳᬶᬫᬾᬫᬾᬩᬧ᭞ᬓᬳ
ᬚᭂᬗᬦ᭄ᬳᬶᬤᬲᬂᬯᬶᬓᬸ᭟ᬧᬢᬹᬢ᭄ᬲᬧᬸᬦᬶᬓᬕᬸᬲ᭄ᬢᬶᬳᬶᬤᬾᬯ᭞ᬢᬶᬢ᭄ᬬᬂᬗ᭄ᬮᬶᬦ᭄ᬢᬗᬂᬳᬢᬸᬃ᭞ᬦᬸᬦᬸᬲ᭄ᬓᬩᬃᬓᬬᬸᬦ᭄᭞ᬧᬢᬹᬢ᭄ᬳᬶᬯᬂᬲᬧᬸᬦᬶᬓᬶ᭞ᬕᬕᬸᬭᬶ [ 16 ][᭑᭕ 15B]
᭑᭕
ᬢᬦ᭄ᬦᬤᬓ᭄᭞ᬓᬧ᭄ᬮᭂᬓ᭄ᬫᬜᬸᬲᬸᬤᬂᬧᬸᬧᬸᬄ᭞ᬫᬗ᭄ᬤᬳᬤᬩᬕ᭄ᬩᬕ᭄᭞ᬓᬦ᭄ᬤᬦᬾᬲᬤᬭᬶᬫ᭄ᬩᬶᬢ᭄᭞ᬧᬘᬂᬓᬳᬢᬸᬃᬭᬶᬂᬳᬶᬤ᭞ᬲᬂᬧᬯᬓᬂᬳᬘᬶᬦ᭄ᬢ᭄ᬬᬯᬶ᭠
ᬩᬸᬄ᭟ᬓᬬᭀᬕ᭄ᬬᬜᬦ᭄ᬤᬂᬢᭀᬗᭀᬲ᭄ᬫᬦᬸᬦᬲᬂ᭞ᬫᬧᬦ᭄ᬦᬶᬂᬳᬶᬤᬲᬫ᭄ᬧᬸᬦ᭄᭞ᬫ᭄ᬭᬕᬧᬲᬶᬄᬯᬶᬩᬸᬄ᭞ᬳᬧᬢᬢ᭄ᬯᬭᬫᬤᬕᬶᬂ᭞
ᬬᬦ᭄ᬭᬶᬂᬲᬧ᭄ᬢᬵᬘᬮ᭞ᬲᬶᬭᬕᬸᬦᬸᬂᬫᬳᬵᬫᬾᬭᬸ᭞ᬫᬗ᭄ᬮᬶᬦ᭄ᬟᬶᬄᬫᬓᭂ᭠ᬚᬂ᭞ᬫᬸᬗ᭄ᬓᭂᬤ᭄ᬢᭂᬓᭂᬤ᭄ᬓᬮᬗᬶᬢ᭄᭞ᬢ᭄ᬭᬶᬮᭀᬓᬦᬾᬲᬫ᭄ᬧᬸᬦ᭄ᬓᬦ᭄ᬤᬧ᭄᭞ᬳ᭠
ᬧᬜ᭄ᬚᭂᬍᬕ᭄ᬢᭀᬗᬤᬫᬦ᭄ᬤᬸᬂ᭟ᬬᬦ᭄ᬭᬶᬂᬢᬾᬚᬳᬶᬤᬫ᭄ᬭᬕᬲᬹᬃᬬ᭄ᬬᬘ᭠ᬦ᭄ᬤ᭄ᬭ᭞ᬢᬢᬲ᭄ᬭᬶᬂᬳᬕᬶᬸᬮᬳᬬᬸ᭞ᬤᬤᬶᬳᭂᬢᬶᬲ᭄ᬓᭂᬩᬸᬲ᭄᭞ᬫᬜᬸᬮᬸᬳᬶᬦ᭄ᬫ᭠
[᭑᭖ 16A]
ᬓᬩᬸᬫᬶ᭞ᬢ᭄ᬯᬭᬩᬶᬲᬫᬦ᭄ᬤ᭞ᬧᭂᬢᭂᬂᬍᬫᬄᬗᬯᬸᬦᬯᬸᬦ᭄᭞ᬫᬺᬢᬶᬧ᭄ᬝᬩᬸᬯᬦ᭞ᬗᬗ᭄ᬕᭀᬓᬥᬃᬫᬦ᭄ᬬᬸᬓ᭄ᬢᬶ᭞ᬧᬢᬫ᭄ᬩᬸᬦᬦᬚᬶᬲᬲ᭄ᬢ᭄ᬭ᭞ᬦᬾᬳᬸ᭠
ᬢ᭄ᬢᬫᬫᬓᭂᬚᬂᬤᬶᬢᬸ᭟ᬍᬯᬶᬳᬶᬂᬬᬵᬕᬲᬫᬤᬶ᭟ᬫᬗᬚ᭄ᬜᬵᬦ᭞ᬯᬕ᭄ᬫᬶᬬᬭᬶᬂᬓᬬᬸᬦ᭄᭞ᬲᭂᬤᭂᬂᬢᭀᬗᭀᬲ᭄ᬩᬸᬩᬸᬮ᭄᭞ᬤᬸᬕᬜᬾᬯᬓᬓ
ᬥᬃᬫ᭄ᬫᬦ᭄᭞ᬤᬶᬢᬸᬧ᭄ᬭᬕᬢᬗᬮᬶᬄ᭞ᬮᬫᬸᬦ᭄ᬢ᭄ᬯᬭᬳᬤᬲᬶᬄᬤᬾᬯ᭞ᬫᬲᬢ᭄ᬯᬭᬲᬶᬤ᭄ᬟᬓᬢᭂᬧᬸᬓ᭄᭞ᬍᬦ᭄ᬢᬸᬤᬾᬫᬩᭂᬗ᭄ᬓᬶᬮ᭄᭞ᬤᭂᬧᬂᬳᭂᬤᬳ
ᬗᬶᬩᬸᬓᬂ᭞ᬢ᭄ᬯᬶᬓᬢᭂᬓᬦ᭄ᬓᬓᬸᬮ᭄ᬤᬸᬗ᭄ᬓᬸᬮ᭄᭟ᬲᬢ᭄ᬫᬓᬦᬢᬓᬶᬦ᭄ᬤᬫᬸᬄ᭠ᬢᭂᬗᬳᬶᬜ᭞ᬳᬧᬦ᭄ᬲᬗ᭄ᬓᬩᬦ᭄ᬦᬸᬢᬸᬮ᭄᭞ᬬᬾᬦ᭄ᬢᬦ᭄ᬚᭂᬫ᭄ᬧ᭄ᬭᬄᬚᭂᬫ᭄ᬧ᭄ᬭᬸᬄ᭞ᬫ [ 17 ][᭑᭖ 16B]
᭑᭖
ᬢᬾᬕ᭄ᬢᬾᬕ᭄ᬦᬸᬗᬤᬄᬮᬗᬶᬢ᭄᭞ᬧᬶᬮᬶᬄᬳᬤᬫᬫᬢ᭄ᬭ᭞ᬓᬫ᭄ᬧᭂᬳ᭠ᬦ᭄ᬳᬗᬦ᭄ᬳᬕᭂᬢᬸᬮ᭄᭞ᬬᬳᬗ᭄ᬕᬧᬯᬶᬢ᭄ᬭ᭞ᬧᬳᬶᬢ᭄ᬜᬦᬾᬲᬸᬗ᭄ᬓᭂᬫᬶᬦ᭄᭞ᬳ
ᬧᬂᬤᬳᭂᬦᬸᬧ᭄ᬭᬧᬜ᭄ᬘ᭞ᬤᬾᬦᬶᬂᬲᬚᬢᬶᬓᬾᬦ᭄ᬧᬓᬾᬯᬸᬄ᭟᭜᭟ᬧᬸᬄᬲ᭄ᬫᬭᬦ᭄ᬟᬦ᭟᭜᭟ᬓᬮᬶᬄᬳᬶᬧᬸᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬧ᭄ᬬᬃᬱᬦ᭄ᬢᬶᬢ᭄ᬬᬂ᭠
ᬤᬸᬓ᭄ᬧᬸᬦᬶᬓ᭞ᬫᬧᬦᬶᬂᬧᬥᬧᬢᬶᬢᬾᬦ᭄᭞ᬭᬶᬂᬓᬧᬸᬢᬸᬲᬦ᭄ᬳᬚ᭄ᬜᬦ᭞ᬢᬶᬗ᭄ᬓᬳᬶᬂᬓᬧ᭄ᬭᬮᬶᬦᬦ᭄᭞ᬭᬶᬂᬭᬕᬦ᭄ᬤᬾᬯᬾᬓᬾᬤᬸᬫᬸᬦ᭄᭞ᬤᬤᭀ
ᬲ᭄ᬓᬾᬩᬳᬦ᭄ᬫ᭄ᬭᬮᬷᬦ᭟ᬬᬾᬦ᭄ᬤᬤᬶᬢ᭄ᬯᬭᬫᬗᬶᬧᬶ᭞ᬤᬶᬧᬸᬍᬲᬾᬢᬾᬳᬶᬦ᭄ᬤᬬᬂ᭞ᬢᬸᬚᬸᬓᬵᬮᬤᬶᬫᬾᬫᬾ᭞ᬓᬾᬦ᭄ᬓᬾᬦ᭄ᬭᬲᬜᬧᬸᬦᬶᬓ᭞ᬤ
[᭑᭗ 17A]
ᬤᬶᬓᬾᬢᬦ᭄ᬧᬳᬶᬲ᭄ᬬᬦ᭄᭞ᬩᬸᬓᬓ᭄ᬭᬫᬦᬶᬂᬫᬗᬸᬭᬸᬂ᭞ᬲᬶᬬᬧ᭄ᬲᬬᬂᬓᬳᬸᬦᬶᬗ᭟ᬳᬧᬦ᭄ᬳᬸᬓ᭄ᬢᬶᬜᬩᭀᬂᬩᭀᬗᬶᬦ᭄᭞ᬬᬤᬶᬦ᭄ᬧᬘᬂ᭠
ᬗ᭄ᬕᭀᬦ᭄ᬳᬸᬫᬄ᭞ᬍᬯᬶᬄᬧᬘᬂᬓᬯᭂᬯᬶᬦᬤᬾᬦ᭄᭞ᬢᬸᬃᬩᬜᬩᬗ᭄ᬓᭂ᭠ᬧ᭄ᬧᬗᬯᬓ᭄᭞ᬗᭂᬦᭂᬳᬂᬧᬶᬧᬶᬲ᭄ᬚᬸᬫᬵᬄ᭞ᬤᬓᬾᬩᬸᬓᬩᬳᬦ᭄ᬗᬤᬸ᭞᭠
ᬲᬶᬬᬧ᭄ᬩᭂᬭᬕ᭄ᬢᬶᬯᬲ᭄ᬫᬗᬸᬭᬕ᭄᭟ᬓᬾᬦ᭄ᬓᬾᬦ᭄ᬩᬳᬦ᭄ᬫᬦᬓᭀᬦᬶ᭠ᬦ᭄᭞ᬢᬸᬃᬜᬾᬦ᭄ᬗᬗ᭄ᬕᭀᬢᬚᬶᬢᬶᬫᬄ᭞ᬢᬦ᭄ᬧᬳᬸᬲᬸᬓ᭄ᬮᭂᬫᭂᬢ᭄‌ᬕᬾ
ᬧᬾᬂ᭞ᬲᭀᬓ᭄ᬫᬗᬤᬸᬕᬮ᭄ᬕᬶᬮᬧᬦ᭄᭞ᬗ᭄ᬭᬾᬤᬾᬧ᭄ᬓᬤᬾᬦᬂᬜᬜᬧ᭄᭞ᬩᬳᬸᬕᭂᬩᬸᬕᬂᬫᬗ᭄ᬮᬶᬤᬸᬂ᭞ᬢᬦᬸᬭᬸᬂᬩᬓᬮ᭄ᬫᬗᬗ᭄ᬕᬧ᭄᭟ᬓᬾ [ 18 ][᭑᭗ 17B]
᭑᭗
ᬢᭀᬳᬸᬧᬫᬜᬚᬢᬶ᭞ᬬᬾᬦ᭄ᬲᬸᬩᬩᬶᬲᬫᬺᬮᬷᬦ᭞ᬩᬸᬓᬓᬾᬢᭀᬤᬶᬫᬢᬶᬦᬾ᭞ᬳᬤᬫᬲᬯᬸᬢ᭄ᬚᬸᬚᬸᬢᬂ᭞ᬳᭂᬗ᭄ᬓᬾᬦ᭄ᬫᬃᬕ᭄ᬕᬦᬾᬯᭂᬓᬲ᭄᭞
ᬧᬘᬂᬳᬯᬦᬦᬾᬩᬾᬲᬸᬓ᭄᭞ᬤᬶᬫᬢᬶᬦᬾᬢ᭄ᬯᬭᬢᬯᬂ᭟ᬳᬤᬮᬦ᭄ᬢᬲ᭄ᬫᬜᬯᬸᬢᬶᬦ᭄᭞ᬫᬃᬕ᭄ᬕᬲᬗᬦᬾᬤᬗᬾᬢᬂ᭞ᬫᬃᬕ᭄ᬕᬦᬾᬓᬧᭂ
ᬓᭂᬦ᭄ᬮᬾᬓᬾᬦ᭄᭞ᬮᬶᬬᬸᬗᭂᬦ᭄ᬢᬲᬶᬦ᭄ᬫᬚᬮᬦ᭄᭞ᬓᬭᬡᬢᬦᬯᬶᬮᬂ᭞ᬫᬃᬕ᭄ᬕᬦᬾᬧᬶᬗᬶᬢ᭄ᬚᬢᬸᬚᬸ᭞ᬢᬢᬲᬂᬢᭂᬦᬾᬦ᭄ᬲᬂᬩᬶᬲ᭟ᬳᬤᬫ
ᬗᭂᬄᬮᬦᬶᬦ᭄ᬫᬸᬜᬶ᭞ᬗ᭄ᬓᬾᬦ᭄ᬫᬳᬤᬦ᭄ᬰᬶᬯᬩᬸᬤ᭄ᬟ᭞ᬬᬦ᭄ᬓᭀᬘᬧ᭄ᬕᭂᬦᬳᬦ᭄ᬜ᭞ᬳᬧᬦ᭄ᬩᬸᬤ᭄ᬟᬦᬾᬤᬶᬲᬾᬢ᭄ᬭ᭞ᬕᬦ᭄ᬟᬫᬬᬸᬂᬫᬗᭂᬦᬄ᭞ᬤᬶᬤᬾ
[᭑᭘ 18A]
ᬰᬰᬶᬯᬦᬾᬫᬸᬗ᭄ᬕᬸᬄ᭞ᬳᬧᬦ᭄ᬧᬥᬰᬓ᭄ᬢᬶᬤᬳᬢ᭄᭟ᬢᭀᬲᬸᬂᬲᬸᬂᬭᬳᬶᬦᬯᭂᬗᬶ᭞ᬤᬫᬭᬶᬫᬭᬶᬗᬶᬱ᭄ᬝᬶᬬᬂ᭞ᬧᬗᬸᬮᬸᬦ᭄ᬓᬍᬯᬶᬳᬦᬾ᭞ᬓ᭄ᬭ᭠
ᬡᬢᬸᬗ᭄ᬕᬮ᭄ᬓᬧᬶᬃᬲᭂᬮᬫ᭄᭞ᬳᬧᬦ᭄ᬳᭂᬦ᭄ᬢᭀᬗᬤᬓᬂ᭞ᬓᬾᬯᬮᬫᬮᬾᬦᬦ᭄ᬮᬸᬗ᭄ᬕᬸᬄ᭞ᬤᬫᬸᬗ᭄ᬕᭂᬮᬦ᭄ᬫᬓᬤᬤ᭄ᬯ᭟᭜᭟ᬧᬸᬄᬤᭂᬫᬸᬂ᭟᭜᭟
ᬳᭂᬦ᭄ᬢᭀᬧ᭄ᬭᬮᬬᬲᬸᬩᬗᬦ᭄ᬢᬶᬬᬂᬫᬢᬶᬗ᭄ᬕᬮ᭄᭞ᬓᬳᭂᬜᬢᬦ᭄ᬍᬗᬶᬲ᭄ᬲᬫ᭄ᬧᬸᬦ᭄᭞ᬳᬧᬦ᭄ᬳᬶᬬᬫᬦᬹᬳᬸᬢ᭄᭞ᬲᬶᬕᬶᬜᬫᬗᬦ᭄ᬢ᭄ᬬᬂᬫ᭠
ᬢᬶ᭞ᬳᬦ᭄ᬤᬸᬲ᭄ᬜᬦᬾᬫᭂᬲᬢ᭄᭞ᬢᬧᬸᬗᬦ᭄ᬜᬦᬾᬤᬶᬢᬸ᭞ᬢᭀᬧᬢᬸᬗ᭄ᬕᬮᬜ᭞ᬮᬫᬸᬦ᭄ᬮᬶᬲᬗᬶᬗᭂᬢᬶᬦ᭄᭞ᬳᬗ᭄ᬳᬶᬂᬩᬸᬤ᭄ᬟᬶᬜᬢᬶᬮᬶᬗᬂ᭞᭠ [ 19 ][᭑᭘ 18B]
᭑᭘
ᬫᭂᬕᬢ᭄ᬢᬺᬱ᭄ᬡᬦᬾᬗᬶᬓᬸᬢᬶᬓᬸᬢ᭄᭟ᬳᬫᬦ᭄ᬳᬶᬦ᭄ᬤ᭄ᬭᬶᬬᬦᬾᬜᬸᬓᬺᬢ᭄ᬢᬤᬶᬫᬦᬄ᭞ᬬᬫᬓᬤᬲᬦ᭄ᬢᬸᬮ᭄᭞ᬳᬤᬮᬦ᭄ᬢᬲ᭄ᬫᬜᬯᬸᬢᬶᬦ᭄᭞ᬤᬶᬚᬳ᭠
ᬲᬶᬄᬧᭂᬚᬂ᭞ᬫᬜᬶᬫ᭄ᬧᭂᬦᬦᬾᬭᬶᬂᬯᬦ᭄ᬥᬸ᭞ᬕᭂᬲᭂᬂᬤᬦ᭄ᬤᬸᬯᬦᬂ᭞ᬧ᭄ᬭᬮᬷ᭠ᬦᬩᬶᬮᬂᬫᬃᬕ᭄ᬕᬶ᭞ᬳᬧᬦ᭄ᬫᬸᬮᬓᬢᬶᬗ᭄ᬓᬳᬂ᭞ᬳᬧᬂᬩᬓᬢ᭄ᬫᬃᬕ᭄ᬕᬦᬾᬢᬹ᭠
ᬳᬸᬢ᭄᭟ᬬᬾᬦ᭄ᬢᬦ᭄ᬤ᭄ᬭᬸᬄᬢᭂᬓᬾᬦᬶᬂᬧᬢᬶᬢᬦ᭄ᬧᬧ᭄ᬯᬭ᭞ᬤᬤᬶᬲᬮᬓᬸᬮᬓᬸ᭞ᬳᬢ᭄ᬫᬦᬾᬦ᭄ᬤᬭᬸᬭᬸᬂ᭞ᬓᬲᬲᬃᬓᬩᬸᬦ᭄ᬢᬂᬩᬦ᭄ᬢᬶᬂ᭞ᬢᭀᬂᬲᬸᬭᬵᬢ᭄ᬩ᭠
ᬦ᭄ᬢᭀᬬᬵ᭞ᬩᬗ᭄ᬓᬾᬦᬾᬳᬸᬧᬳᬶᬦ᭄ᬤᬶᬢᬸ᭞ᬢ᭄ᬯᬭᬋᬓᭀᬕᬯᬾᬜ᭞ᬬᬾᬦ᭄ᬢᭀᬦ᭄ᬤᬾᬦ᭄ᬢᬢᬲ᭄ᬚᬢᬶ᭞ᬳᭂᬫ᭄ᬩᬦᬾᬫᬯᬓ᭄ᬢᬓ᭄ᬧᬵᬯᬓ᭄᭞ᬲᬸᬩᬩᬸᬯᬸᬂ᭠
[᭑᭙ 19A]
ᬤᬢᬦᬾᬭᬸᬭᬸᬄ᭟ᬩᬯᬸᬦᬯᬂᬢ᭄ᬭᬶᬅᬓ᭄ᬱᬭᬮᬦ᭄ᬢᬲ᭄ᬩᬗ᭄ᬕ᭞ᬩᬺᬕᬄᬧᭂᬢᬦᬾᬮᬶᬬᬸ᭞ᬤᬦ᭄ᬤᬾᬦ᭄ᬓᬸᬤᬫᬮᬸ᭞ᬓᬲᬸᬮᬸᬦ᭄ᬩᬦᬾᬦᬸᬤᬤᬶ᭞ᬩᬶᬲ
ᬫᬢᬶᬢᬶᬮᬦ᭄᭞ᬤᬶᬳᬯᬓ᭄ᬕᭂᬮᬳᬾᬫᬮᬸ᭞ᬋᬗ᭄ᬓᬸᬳᬧᬂᬧ᭄ᬭᬕᬢ᭄᭞ᬧᬲ᭄ᬢᬶᬬᬂᬳᭀᬮᬶᬄᬚᬦᬶ᭞ᬬᬾᬦ᭄ᬤᬤᬶᬫᬯᬓ᭄ᬢᬦ᭄ᬧᬵᬯᬓ᭄᭞ᬳᭂᬦ᭄ᬢᭀᬳᬶᬬ᭠
ᬦᬾᬲᭂᬤᭂᬂᬭᬸᬭᬸᬄ᭟ᬭᬭᬶᬲ᭄ᬯᬾᬦ᭄ᬢᭂᬦ᭄ᬫᬲᬯᬸᬢ᭄ᬳᭂᬦ᭄ᬢᭀᬤᬩ᭄ᬟᬩᬂ᭞ᬤ᭠ᬦ᭄ᬤᬾᬦ᭄ᬢᭂᬓᬩᬲ᭄ᬮᬶᬬᬸ᭞ᬲᭂᬗ᭄ᬓᬚ᭄ᬯᬫᬫᬢᬸᬄ᭞ᬳᬧᬦ᭄ᬫᬸᬲᬸᬄᬮᬶᬯᬢ᭄ᬰᬓ᭄ᬢᬶ᭞ᬢ᭄ᬯᬭ᭠
ᬲᬸᬯᬸᬤ᭄ᬗᭀᬤ᭞ᬜᭂᬗ᭄ᬓᬮᬾᬦ᭄ᬤᬶᬚᬮᬦ᭄ᬗᬤᬸᬓ᭄᭞ᬳᬤᬮᬦ᭄ᬢᬲ᭄ᬦᬶᬫ᭄ᬩᬮ᭄᭞ᬢᬸᬯᬶᬢᬾᬲᬚᬚᬢᬶ᭞ᬳᬗ᭄ᬳᬶᬂᬳᬤᬓᭂᬘᬧᬜ᭞ᬬᬾᬦ᭄ᬢ᭄ᬯᬄᬤᬤᬶᬩ [ 20 ][᭑᭙ 19B]
᭑᭙
ᬳᬦ᭄ᬓᬧᬸᬗ᭄ᬓᬸᬃ᭟᭜᭟ᬧᬸᬄᬧᬗ᭄ᬓᬸᬃ᭟᭜᭟ᬯᬶᬦ᭄ᬥᬸᬚᭂᬦᬭᬾᬧ᭄ᬭᬮᬷᬦ᭞ᬳᭂᬦ᭄ᬢᭀᬋᬓᭀᬫᬗᭀᬩᬳᬂᬫᬗᬶᬱ᭄ᬝᬶ᭞ᬳᬧᬦ᭄ᬭᭀᬯᬂᬤᬤᬶᬫᬸᬲᬸᬄ᭞ᬲ
ᬗ᭄ᬓᬦ᭄ᬕᬸᬫᬶᬦᬾᬭᬸᬦ᭄ᬤᬄ᭞ᬧᬧᭂᬢᭂᬗᬾ᭞ᬕᬭᬫᬓᬂᬤᬸᬱ᭄ᬝᬦᬾᬮᬶᬬᬸ᭞ᬢᬸᬯᬶᬓᬾᬢᭀᬳᬸᬘᬧᬜ᭞ᬬᬦ᭄ᬢᬦ᭄ᬧ᭄ᬭᬮᬷᬦᬦᬾᬳᬢᬶᬓ᭄᭟ᬬᬾᬦ᭄ᬓ
ᬲᬢ᭄ᬭᬶᬬᬦᬾᬓᬢᬶᬗ᭄ᬕᬮ᭄᭞ᬢᬹᬢᬶᬂᬢᬾᬚᬩᬬᬸᬦᬾᬢ᭄ᬯᬭᬓᬭᬶ᭞ᬫᬓᬮᬄᬲᬮᬓᬸᬮᬓᬸ᭞ᬮᬸᬯᬲ᭄ᬫᬗᬯᬗᬂ᭞ᬢᬦ᭄ᬓᬧᬹᬕᭂᬧ᭄᭞ᬩᬳ
ᬦ᭄ᬧᬗᬾᬱ᭄ᬝᬶᬦᬾᬳᬬᬸ᭞ᬳᬧᬦ᭄ᬧᬓᭂᬦᭂᬳᬾᬭᬸᬦ᭄ᬢᬕ᭄᭞ᬓ᭄ᬱᬢ᭄ᬭᬶᬬ᭠ᬧᭂᬓᬶᬓ᭄ᬦᬶᬗ᭄ᬕᬮᬶᬦ᭄᭟ᬢᬦ᭄ᬯᬗ᭄ᬤᬾᬢᬶᬩᬭᬶᬂᬚᬸᬭᬂ᭞ᬕᬸᬦᬸᬂᬳᬜ᭄ᬚ᭄ᬭᭀᬕ᭄ᬧᬢᬶ
[᭒᭐ 20A]
ᬧᬸᬭᬸᬕ᭄ᬧᬸᬭᬸᬕᬶᬦ᭄᭞ᬢᬸᬯᬶᬗᬾᬫ᭄ᬧᭂᬭᬂᬧᬢᭂᬫᬸᬧᬢᭂᬫᬹᬚᬶᬦᬾᬭᬶᬂᬤᬾᬯ᭞ᬧᬳᬸᬗ᭄ᬕᬸᬦᬦ᭄᭞ᬮᬶᬗ᭄ᬕᬶᬄᬳᬶᬤᬢᭀᬤᬶᬢᬸ᭞ᬢᭀᬂᬩᭂᬦᭂᬄᬩ
ᬳᬦ᭄ᬫᬗᭂᬫ᭄ᬩᬦ᭄᭞ᬳᭂᬦ᭄ᬢᭀᬓᬭᬡᬜᬧᬮᬶᬂ᭟ᬬᬾᬦ᭄ᬩᬶᬲᬫᬯᬓ᭄ᬢᬦ᭄ᬧᬵᬯᬓ᭄᭞ᬢᭀᬳᬶᬢᬸᬗᬂᬢᬶᬗ᭄ᬓᬳᬾᬩ᭄ᬯᬶᬦ᭄ᬤᬶᬫᬃᬕ᭄ᬕᬶ᭞ᬬᬾᬦ᭄ᬢ᭄ᬯᬭᬦᬯᬂᬤᬶ
ᬮᬓᬸ᭞ᬫᬸᬮᬦᬶᬂᬤᬤᬶᬤᬾᬯ᭞ᬲᬫ᭄ᬧᬸᬦ᭄ᬓᬸᬤ᭞ᬲᬫᬜᬫᬗ᭄ᬕ᭄ᬭᭀᬯ᭄ᬯᭀᬢ᭄ᬯᬮᬸᬄ᭞ᬤᬤᬶᬢ᭄ᬯᬄᬳᬶᬲᬶᬦᬶᬦ᭄ᬢᬸᬯᬓ᭄᭞ᬦᬗ᭄ᬳᬶᬂᬤᭀᬬᬦ᭄ᬫᬫᬸᬜᬳᬶ
ᬦ᭄᭟ᬲᬧᬸᬦᬶᬓᬧ᭄ᬬᬃᬱᬦ᭄ᬢᬶᬢ᭄ᬬᬂ᭞ᬧᬲ᭄ᬤᬸᬓᬓ᭄ᬲᬢ᭄ᬯᬦ᭄ᬳᬦᬓᬾᬕᬸᬲ᭄ᬢᬶ᭞ᬲᬗ᭄ᬓᬦ᭄ᬢᬶᬢ᭄ᬬᬂᬮᬗ᭄ᬕ᭄ᬬᬫᬢᬸᬃ᭞ᬭᬶᬂᬳᬶᬕᬸᬲ᭄ᬢᬶᬫᬦᬸᬦᬲ᭄᭞ᬫᬓᬬᭀᬕ᭄ᬬᬦᬾ [ 21 ][᭒᭐ 20B]
᭒᭐
ᬜ᭄ᬤᬂᬳᬶᬘ᭄ᬙᬦᬶᬦ᭄ᬭᬢᬸ᭞ᬳᬧᬂᬳᬤᬚ᭄ᬯᬩᭂᬓᭂᬮᬂ᭞ᬢᬶᬢ᭄ᬬᬂᬓᬧᬸᬗ᭄ᬓᬸᬃᬬᬦ᭄ᬫᬵᬢᬶ᭟ᬳᬧᬦ᭄ᬕᬸᬲ᭄ᬢᬶᬦᬾᬓᬳᬸᬘᬧ᭄᭞ᬤᬶᬚᬕᬢᬾᬍᬯᬶᬄᬢ᭄ᬯᬭᬦᬦ᭄ᬤᬶᬗᬶᬦ᭄
ᬢᬸᬃᬲᬸᬩᬮᬸᬧᬸᬢ᭄ᬯᬶᬦᬸᬯᬸᬲ᭄᭞ᬦᬸᬭᬸᬦ᭄ᬤᬤᬶᬫᬵᬦᬸᬱ᭞ᬳᬗ᭄ᬳᬶᬂᬢᬶᬢ᭄ᬬᬂ᭞ᬩᭂᬮᭀᬕᬾᬫᬦᬹᬳᬸᬢ᭄ᬲᬶᬓᬸᬢ᭄᭞ᬲᬳᬶᬳᭂᬗ᭄ᬓᭂᬓ᭄ᬳᭂᬗ᭄ᬓᭂᬓ᭄ᬤᬶᬯᬂ᭞ᬫᬗᭂᬮ᭄ᬓᭂ
ᬮᬂᬲᬶᬦᭀᬫ᭄ᬮᬮᬶ᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬩᭀᬬᬳᬶᬘᬾᬦ᭄ᬢᬶᬢ᭄ᬬᬂᬤᬾᬯ᭞ᬲᬗᬸᬦᬾᬢᬸᬯᬭᬧᬶᬗᬶᬢ᭄᭞ᬓᬓᬩᬃᬓ᭠
ᬬᬸᬦᬾᬲᬸᬓ᭄ᬱ᭄ᬫ᭞ᬫᬸᬂᬗᬶᬧᬸᬂᬢᬶᬢ᭄ᬬᬂᬓᬭᬶᬳᬸᬭᬶᬧ᭄᭞ᬳᬯᬦᬦᬾᬦᬸ᭠ᬫᬤᬶ᭞ᬳᬶᬲᬶᬦᬶᬦ᭄ᬩᭀᬢᭀᬮ᭄ᬧᬦᭂᬤᬸᬄ᭞ᬳᬜ᭄ᬚᬦᬦᬾᬫᬸᬓᬸᬤᬦ᭄᭞᭠
[᭒᭑ 21A]
ᬭᬭᬶᬲ᭄ᬲ᭄ᬯᬲ᭄ᬢᬢᬶᬢ᭄ᬬᬂᬕᬸᬲ᭄ᬢᬶ᭞ᬫᬃᬕ᭄ᬕᬤᬬᬸᬄ᭞ᬮᬶᬬᬂᬤᬶᬢᬸᬫᬜ᭄ᬚᬸᬚᬸᬭᬂ᭟ᬲᬢ᭄ᬫᬓᬫᬜᬸᬗ᭄ᬲᬸᬂᬩᬸᬮᬦ᭄᭞ᬯᬶᬦ᭄ᬟᬸᬯᬦ᭄ᬢᬶᬢ᭄ᬬᬂᬗᬸᬮᬢᬶ᭞ᬫᬢᬸᬗ᭄ᬕᬮᬦ᭄ᬢᭂ
ᬓᬾᬦ᭄ᬯᬶᬦ᭄ᬢᬂ᭞ᬢ᭄ᬭᬗ᭄ᬕᬡᬤᬶᬢᬸᬫᬲᬦ᭄ᬟᬶᬂ᭞ᬩᬳᬦ᭄ᬕᬸᬲ᭄ᬢᬶᬦᬾᬍᬯᬶᬄ᭞ᬲᭂᬗ᭄ᬓᬩᬦ᭄ᬢᬶᬢ᭄ᬬᬂᬫᬗ᭄ᬭᬸᬭᬸᬄ᭞ᬲᬗ᭄ᬓᬦ᭄ᬚᬦᬶᬢᬸᬗᬤᬄ᭞ᬩᭂᬗᭀᬂᬫᬗᬶᬯᬲᬶᬦ᭄ᬮ
ᬗᬶᬢ᭄᭞ᬧᬶᬤᬦ᭄ᬮᬩᬸᬄ᭞ᬦᭀᬗᭀᬲᬤᬶᬕᬕᬦᬵᬦ᭄ᬢᬭ᭟ᬢᬾᬚᬦᬾᬫᬗᭂᬦᬄᬫᬢ᭄ᬭ᭞ᬓᬾᬢᭀᬲᬫᬦ᭄ᬜᬬᬾᬦ᭄ᬢᬦ᭄ᬤᬶᬂ᭞ᬤᬶᬩᬶᬦ᭄ᬢᬂᬓᬸᬓᬸᬲᬾᬤᬸ
ᬫᬶᬮᬄ᭞ᬫᬜ᭄ᬚᭂᬍᬕᬦ᭄ᬤᬸᬲᬾᬧᬸᬢᬶᬄ᭞ᬩᬬᬳᭂᬦ᭄ᬢᭀᬫ᭄ᬭᬕᬕᬸᬲ᭄ᬢᬶ᭞ᬓᬾᬦ᭄ᬓᬾᬦ᭄ᬢᬶᬢ᭄ᬬᬂᬫᬜᬸᬚᬸᬄ᭞ᬬᬾᬦ᭄ᬢᬦᬦᬵᬲᬶᬄᬤᬾᬯ᭞ᬗᬦᬸᬕ᭄ᬭᬳᬶᬦ᭄ᬢᬶᬢ᭄ᬬᬂ᭠ [ 22 ][᭒᭑ 21B]
᭒᭑
ᬕᬸᬲ᭄ᬢᬶ᭞ᬩᬩᭀᬬᬭᬯᬸᬄ᭞ᬳᬧᬦ᭄ᬢᭀᬬᬗᭀᬲᬾᬩᬲ᭄ᬲᬯᬢ᭄᭟ᬳᭂᬦ᭄ᬢᭀᬓ᭄ᬭᬡᬢᬶᬢ᭄ᬬᬂᬩᬸᬂᬲᬂ᭞ᬕᬸᬲ᭄ᬢᬶᬩᬲ᭄ᬤᬸᬯᭂᬕ᭄ᬗᬸᬮᬦᬶᬦ᭄᭞ᬦᬾᬚᬦᬶᬩᬳᬸᬫ
ᬭᬾᬓ᭞ᬩᬳᬦᬾᬩᬸᬫᬭᬓᬲᬶᬄ᭞ᬧᬥᬢᬺᬱ᭄ᬡᬫᬓᬶᬮᬶᬢ᭄᭞ᬢᬦ᭄ᬫᬧᬶᬮᬦ᭄ᬢᬲ᭄ᬲᬤᬸᬮᬸᬃ᭞ᬳᬦ᭄ᬤ᭄ᬭᬶᬬᬦᬾᬫᬓᬤ᭞ᬓᬢᭂᬍᬩ᭄ᬓᭂᬦᭂᬳᬾᬧᬮᬶᬂ᭠
ᬓᬤᬸᬂᬲᬸᬮᬸᬓ᭄᭞ᬓᬢᬹᬢ᭄ᬢᭀᬂᬤᬤᬶᬧᬮᬲᬂ᭟ᬬᬾᬦ᭄ᬩᭂᬮᬲᬂᬦᬂᬳᬤᬶᬦ᭞ᬲᬢ᭄ᬲᬢ᭄ᬳᬤᬢᭂᬮᬸᬯᬳᬶ᭞ᬤᬚᬕᬸᬲ᭄ᬢᬶᬳᬸᬯᬲ᭄ᬳᬸᬯᬲ᭄᭞ᬧᬶᬲᬦ᭄ᬬᬾᬦ᭄ᬳᬸ
ᬯᬲ᭄ᬫᬮᬮᬶ᭞ᬳᬓᭂᬚᭂᬧ᭄ᬮᬸᬯᬲ᭄ᬫᬸᬮᬶᬄ᭞ᬳᬧᬂᬳᬾᬗ᭄ᬕᬮ᭄ᬫᬮᬶᬄᬭᬯᬸᬄ᭞ᬳᬧᬦ᭄ᬢ᭄ᬯᬭᬸᬤᬮᬾᬤᬂ᭞ᬳᬶᬤᬾᬯᬭᬢᬸᬓᬧᬹᬚᬶ᭞ᬦᬸᬮᬸᬲ᭄ᬳᬬᬸ᭞ᬫᬦᬸᬭᬸᬦ᭄ᬤ
[᭒᭒ 22A]
ᬤᬶᬫᬵᬦᬸᬱ᭟ᬓᬲᬸᬩ᭄ᬩᬳᬦ᭄ᬓᬫᭂᬮᬳᬦ᭄᭞ᬩᬬᬢ᭄ᬯᬄᬜᬦᬾᬯᬶᬭᬢᬶᬄ᭞ᬧᭂᬘᬓ᭄ᬦᬸᬫᬤᬶᬦᬾᬲᬸᬩ᭞ᬤᬶᬢ᭄ᬮᬕᬫᬥᬸᬕᬸᬦᬶᬹᬫᬦ᭄ᬢᬶ᭞ᬲᬧᬸᬦᬶᬓ
ᬳᬶᬕᬸᬲ᭄ᬢᬶ᭞ᬤᬶᬢᬸᬤᬤᬶᬢᬸᬜ᭄ᬚᬸᬂᬩᬶᬭᬸ᭞ᬳᭂᬦ᭄ᬢᭀᬤᬤᬶᬳᬶᬤᬾᬯ᭞ᬚᬦᬶᬚᬦ᭄ᬫᬯᬗ᭄ᬰᬍᬯᬶᬄ᭞ᬲᬗ᭄ᬓᬦ᭄ᬦᬸᬮᬸᬲ᭄᭞ᬳᬬᬸᬦᬾᬢᭀᬂᬩᬓᬢ᭄ᬘᬾ᭠
ᬤ᭟ᬲᬸᬢᬾᬚᬕᬮᬂᬤᬸᬫᬶᬮᬄ᭞ᬫᬗᭂᬩᭂᬓᬶᬦ᭄ᬕᬸᬫᬶᬮᬗᬶᬢ᭄᭞ᬲᭂᬥᭂᬂᬢᭀᬳᬶᬦ᭄ᬚᬷᬯᬭᬕ᭞ᬓᬾᬦ᭄ᬢᬾᬢ᭄ᬩᬭᬶᬸᬋᬂᬧᭂᬲᬸᬫᬸᬮᬶᬄ᭞ᬲᬮ᭠
ᬓ᭄ᬯᬦ᭄ᬲᬾᬮ᭄ᬯᬦ᭄ᬫᬓᬶᬮᬶᬢ᭄᭞ᬳᬧᬂᬩᬋᬂᬳᬮᬳᬬᬸ᭞ᬤᬫ᭄ᬩᬳᬂᬩᭂ᭠ᬮᬲ᭄ᬩᭂᬮᬲ᭄᭞ᬧᬦ᭄ᬢᭂᬲ᭄ᬓᬸᬂᬓᬸᬂᬲᭂᬧᭂᬮ᭄ᬧᬶᬗᬶᬢ᭄᭞ᬤᬶᬢᬫᬦ᭄ᬳᬗ᭄ᬕᭀᬩᬡ᭠ [ 23 ][᭒᭒ 22B]
᭒᭒
ᬕᬦ᭄᭟ᬤᬤᬶᬧᬜᬸᬂᬲᬸᬗᬦ᭄ᬩᬸᬗ᭞ᬳᬳᬲᬦ᭄ᬢᬜ᭄ᬚᬸᬗᬾᬦᬗ᭄ᬓᬶᬮ᭄᭞ᬩᬸᬗᬦ᭄ᬕᬥᬸᬗᬾᬗᬺᬫ᭄ᬧᬬᬓ᭄᭞ᬫᬜᬸᬢᭂᬃᬳᬶᬸᬫᬶᬳᬶᬓ᭄ᬱᬸᬫᬶᬭᬶᬂ᭞ᬧᬦ᭄ᬢᭂ᭠
ᬲ᭄ᬘᬫ᭄ᬧᬓᬯᬶᬮᬶᬲ᭄᭞ᬫᬦ᭄ᬤᬤᬷᬧᬗᬶᬦ᭄ᬢᬾᬤᬶᬢᬸ᭞ᬫᬍᬮᬜ᭄ᬘᬂᬩᬢᬦ᭄ᬧᬸᬥᬓ᭄᭞ᬫᬧᬋᬓᬦ᭄ᬩᬳᬦ᭄ᬕᬫ᭄ᬩᬶᬃ᭞ᬢᭂᬓᬾᬦ᭄ᬯᬸᬢᬸ᭞ᬧᬦ᭄ᬢᭂᬲ᭄ᬫᬚᭀᬮᬶᬩ᭠
ᬦ᭄ᬧᬤ᭟ᬫᬧᬚᭂᬂᬩᬦ᭄ᬢᬸᬜ᭄ᬚᬸᬂᬩᬭᬓ᭄᭞ᬫᬮᬮᬸᬗ᭄ᬓᬦᬕᬲᬭᬶ᭞᭠ᬢᬫ᭄ᬩᬸᬮᬶᬮᬶᬗᬦᬾᬗᬭᬲ᭄᭞ᬫᬕ᭄ᬭᬶᬬᭂᬂᬤᬶᬢᬸᬫᬗ᭄ᬭᬶᬗ᭄ᬭᬶᬂ᭞ᬫᬗᬲ᭄ᬢᬯᬲ᭠
ᬳᬶᬲᬳᬶ᭞ᬗᬶᬧᬸᬄᬢᬸᬳᬸᬢ᭄ᬯᬭᬳᬸᬮᬗᬸᬦ᭄᭞ᬫᬲᬶᬄᬕᬸᬦᬸᬂᬇᬃᬲᬶᬳ᭞ᬓᬢᬸᬦᬦ᭄ᬫᭂᬮᬄᬓᬧᬶᬭᬶᬂ᭞ᬳᬧᬦ᭄ᬤᬶᬢᬸ᭞ᬧᬢᬫ᭄ᬩᬸᬦᬦ᭄ᬦᬾᬳᬸᬢ᭄ᬢᬫ᭟ᬲᬗ᭄ᬓᬦ᭄ᬢᬶ
[᭒᭓ 23A]
ᬢ᭄ᬬᬂᬚᬦᬶᬳᬸᬬᬂ᭞ᬍᬂᬍᬂᬢᬸᬃᬫᬩᬬᬧᬢᬶ᭞ᬜᬧ᭄ᬜᬧ᭄ᬲᬸᬩᬗ᭄ᬭᬲᬭᬸᬲ᭠ᬓ᭄᭞ᬢᬦ᭄ᬫᬭᬶᬲᬳᬶᬗᬲᬶᬳᬲᬶᬄ᭞ᬫᬲᬲᬫ᭄ᬩᬢᬦ᭄ᬲᭂᬤᬶᬄ᭞ᬤᬸᬄᬤᬾᬯᬕᬸ᭠
ᬲ᭄ᬢᬶᬲᬗᬬᬸ᭞ᬫᬓᬧᬭᬦᬶᬂᬘᬶᬢ᭄ᬢ᭞ᬢᬦ᭄ᬳᭂᬮᬤ᭄ᬳᭂᬮᬤ᭄ᬤᬶᬳᬢᬶ᭞ᬢ᭄ᬯᬭᬲᬸᬳᬸᬤ᭄᭞ᬫᬸᬗ᭄ᬕᬸᬄᬤᬤᬶᬧᬜᬭᬶᬢ᭟᭜᭟ᬧᬸᬄᬧᬸᬘᬸᬂ᭟᭜᭟ᬢ᭄ᬯᬭ᭠
ᬓᭂᬦᬾᬂ᭞ᬳᬸᬧᬤ᭄ᬭᬯᬢᬶᬢ᭄ᬬᬂᬳᬗᬧᬸᬲ᭄᭞ᬗᬧᬸᬲ᭄ᬘᬘᬗ᭄ᬓ᭄ᬭᬶᬫᬦ᭄᭞ᬘᬘᬗ᭄ᬓ᭄ᬭᬶᬫᬦ᭄ᬤᬶᬧᭂᬤᭂᬫᬦ᭄᭞ᬫᬺᬫ᭄ᬫᬓᬶᬤᬸᬂ᭞ᬓᬶᬤᬸᬂᬧᬦᬸᬭᬸᬦᬸᬭᬸᬳᬦ᭄᭟ᬳᬶᬤ
ᬭᬢᬸ᭞ᬪᬝᬭᬤᬶᬫᬳᬵᬫᬾᬭᬸ᭞ᬧᬦᭂᬫ᭄ᬩᬳᬦ᭄ᬚᬕᬢ᭄᭞ᬫᬓᬤᬶᬤᬾᬯᬤᬾᬯᬢᬶ᭞ᬲᬫᬶᬦᬸᬗ᭄ᬲᬸᬂ᭞ᬳᬕᬸᬗᬮᬶᬢ᭄ᬓᬯᬶᬦᬰ᭟ᬫᬧᬦ᭄ᬳᬶᬤᬢᬸᬢᬸ᭠ [ 24 ][᭒᭓ 23B]
᭒᭓
ᬭᬦ᭄ᬳᬦᬓᬾᬳᬶᬮᬸ᭞ᬫᬦᬳᬾᬕᬮᬗᬧᬤᬂ᭞ᬲᬫ᭄ᬧᬸᬦ᭄ᬦᬸᬗ᭄ᬕᬮ᭄ᬤᬤᭀᬲ᭄ᬲᬶᬓᬶ᭞ᬦᬾᬳᬓᬸᬢᬸᬲ᭄᭞ᬧᬸᬢᬸᬲᬂᬫᬦ᭄ᬤᬤᬶᬢᬸᬗ᭄ᬕᬮ᭄᭟ᬳᬗ᭄ᬳᬶᬂᬳᬸᬮᬶᬓ᭄᭞
ᬳᬸᬮᬶᬤᬶᬲᬲ᭄ᬢ᭄ᬭᬦᬾᬤᬸᬤᬸᬓ᭄᭞ᬦᬾᬲᬧ᭄ᬢᬫᬧᭂᬘᬄ᭞ᬳᬧᬂᬤᬤᬶᬧ᭄ᬭᬧᬜ᭄ᬘ᭞ᬦᬾᬭᬜ᭄ᬘᬦ᭞ᬳᬧᬂᬤᬤᬶᬧ᭄ᬭᬡᬯ᭟ᬳᭂᬦ᭄ᬢᭀᬧᬗ᭄ᬭᬶᬂ᭞ᬓᭂᬲᬦ᭄ᬜᬦᬾ
ᬦᬾᬢᬢᭂᬮᬸ᭞ᬓᬤᬤᬾᬦ᭄ᬜᬢᬸᬗ᭄ᬕᬮ᭄᭞ᬢᬸᬗ᭄ᬕᬮᬂᬓᬢ᭄ᬭᬶᬯᬶᬓ᭄ᬭᬫ᭞ᬫᬧᬦ᭄ᬤᬶᬢᬸ᭞ᬧᬢᬫ᭄ᬩᬸᬦᬦ᭄ᬜᬫᬓᭂᬚᬂ᭞ᬬᬦ᭄ᬍᬲᬢ᭄᭞ᬫᬲᬮᬶᬦ᭄ᬲᬸᬩᬬ᭠
ᬕᬸᬧᬸᬮ᭄᭞ᬫᬧᬶᬦ᭄ᬤᬬᬩᭂᬮᬲ᭄᭞ᬳᬤᬸᬳᬂᬢᬸᬂᬢᬸᬂᬗᬶᬦ᭄ᬢᬸᬗ᭄ᬕᬮ᭄᭞ᬬᬸᬦ᭄ᬫᬢᭂᬫᬸ᭞ᬳᭂᬦ᭄ᬢᭀᬤᬤᬶᬓᬍᬧᬲᬦ᭄᭟ᬳᬫ᭄ᬩᬭᬯᬶᬦ᭄ᬥᬸ᭞ᬢᬦ᭄ᬧᬭᬯ᭠
[᭒᭔ 24A]
ᬢᬶᬂᬮᬸᬳᬸᬃ᭞ᬢᬫ᭄ᬧᬓ᭄ᬢ᭄ᬯᬭᬫᬢ᭄ᬭ᭞ᬢᬸᬗ᭄ᬕᬮᬂᬧᬸᬘᬸᬓᬶᬂᬦᬾᬢ᭄ᬭ᭞ᬬᬾᬦ᭄ᬫᬢᬶᬗ᭄ᬕᬮ᭄᭞ᬧ᭄ᬭᬡᬯᬲᬸᬩᬧ᭄ᬭᬮᬷᬦ᭟ᬧᬭᬧᬹᬃᬡ᭄ᬦ᭞ᬥᬶᬃᬖᬬᬸᬲᬭᬳᬬᬸ᭞ᬳᬶ᭠
ᬗᭂᬃᬳᬧᬂᬢᬢᬲ᭄᭞ᬧᬢᬢᬢᬦ᭄ᬜᬫᬢ᭄ᬭ᭞ᬫᬦ᭄ᬢ᭄ᬭᬦᬾᬫᬢᬸᬭᬸ᭞ᬫ᭠ᬕᬢ᭄ᬭᬭᬶᬂᬲᬢᬶᬹᬲ᭄ᬢ᭄ᬭ᭟ᬬᬾᬦ᭄ᬜᬲᬸᬩ᭞ᬤᬤᬶᬩᬳᬦ᭄ᬗᬾᬓᬤᬶᬢᬸ᭞ᬳᬭᬶᬂ᭠
ᬦᬾᬗ᭄ᬯᬶᬦᬰ᭞ᬬᬾᬦ᭄ᬦᬸᬢᬸᬗ᭄ᬓᬸᬳᬶᬂᬦ᭄ᬤᬸᬧᬭᬶ᭞ᬧᬭᬯᬶᬪᬸ᭞ᬢᬦᬾᬕᬃᬪᬚ᭄ᬭᬾᬦᬶᬂᬕᬃᬪ‌᭟ᬲ᭄ᬮᬦᬶᬂᬭᬳᬶᬦ᭞ᬯᬗᬶᬦᬾᬚᬸᬯᬢᬸᬚᬸ᭞ᬳᭂᬦ᭄ᬢᭀᬲᬂᬳ᭄ᬬᬂ
ᬢᬸᬗ᭄ᬕᬮ᭄᭞ᬮᬫᬸᬦ᭄ᬲᬸᬩᬲᬩᬮᭀᬗ᭄ᬓᭀᬢ᭄᭞ᬩᬓᬢ᭄ᬢᬫᬸ᭞ᬤᬶᬦᬶᬤᬶᬢᬸᬬᬲᭂᬗ᭄ᬕᬸᬳᬂ᭟ᬧᬢᭂᬮᬳᬦ᭄᭞ᬳᬯᬓ᭄ᬕᭂᬮᬳᬾᬓᬢᭂᬧᬸᬓ᭄᭞ [ 25 ][᭒᭔ 24B]
᭒᭔
ᬳᬯᬓ᭄ᬢᬦ᭄ᬧᬳᬯᬓ᭄᭞ᬳᬯᬓᬾᬳᬯᬓ᭄ᬧᬯᬓ᭞ᬜᬢᬸᬫᬸᬳᬸ᭞ᬚᬢᬶᬦᬶᬓᬲᬚᬢ᭄ᬫᬶᬓ᭟ᬦᬶᬃᬫᬮᬾᬓᬸ᭞ᬢᬦ᭄ᬧᬍᬢᭂᬄᬳᬶᬤᬭᬢᬸ᭞ᬭ
ᬢᬸᬳᬧᬂᬫᭂᬮᬄ᭞ᬳᬶᬤᬫ᭄ᬬᬃᬱᬘᬘᬗ᭄ᬓ᭄ᬭᬶᬫᬦ᭄᭞ᬘᬘᬗ᭄ᬓ᭄ᬭᬶᬫᬦ᭄᭞ᬦᬸᬭᬸᬦᬸᬭᬸᬯᬂ᭟ᬳᬧᬂᬳᬶᬤ᭞ᬫᬢᬸᬭᬸᬭᬢᬸᬫᬢᬸᬭᬸ᭞ᬢᬸᬭᬸᬢᬸᬭᬸᬳᬬᬫ᭄᭞
ᬧᬶᬦᬳᬦ᭄ᬫᬓᬮᬮᬶᬦᬦ᭄᭞ᬫᬲᬶᬄᬳᭂᬦᬸ᭞ᬳᬶᬤᬭᬢᬸᬲ᭄ᬯᬫᬦᬶᬤ᭄ᬭ᭟ᬘᬶᬗᬓ᭄ᬓᬸᬤᬂᬲᬂᬋᬱᬶᬤᬶᬩ᭄ᬯᬦᬳᬕᬸᬂ᭞ᬳᬧᬲᬤ᭄ᬬᬦ᭄ᬳᬶᬤ᭞ᬲᬗ᭄ᬓᬦ᭄ᬯᬭᬶ᭠
ᬮ᭄ᬧᬤ᭄ᬬᬦᬬᬂ᭞ᬓᬸᬳᬸᬮᬭᬦ᭄᭞ᬢᬸᬗ᭄ᬕᬮ᭄ᬧᭂᬢᭂᬂᬢ᭄ᬯᬄᬫᬬᭀᬕ᭟᭠ᬫᬧᬦ᭄ᬳᬤ᭞ᬢᬸᬢᬸᬭᬦ᭄ᬳᬦᬓᬾᬳᬶᬮᬸ᭟ᬧᬧᬓ᭄ᬩᭂᬗ᭄ᬓ᭞ᬭᬬᬂᬳᬶᬓᭂᬢ᭄ᬳᬢᬶ
[᭒᭕ 25A]
ᬧᬲᬸᬓ᭄᭞ᬳᬗ᭄ᬳᬶᬂᬳᬧᬂᬳᬤ᭞ᬘᬘᬗ᭄ᬓ᭄ᬭᬶᬫᬦ᭄ᬭᬭᬕ᭄ᬭᬕᬦ᭄᭞ᬫᭂᬦᬾᬓ᭄ᬢᬸᬳᬸᬦ᭄᭞ᬤᬶᬦᬶᬤᬶᬢᬸᬢ᭄ᬯᬭᬢᬯᬂ᭟ᬩᬮᬶᬓᬤ᭞ᬧᬢᬢᬲᬶᬂᬳᬧᬂᬘᬮᬸᬄ᭞
ᬳᬶᬤᬲᬂᬫᬬᭀᬕ᭞ᬧᭂᬢᭂᬗᬾᬩᬸᬓᬓᬶᬤᭂᬫᬂ᭞ᬬᬤᬶᬦ᭄ᬜᬸᬦᬸᬢ᭄᭞ᬳᬶᬤᬫᬭᬕᬢᬦ᭄ᬧᬵᬯᬓ᭄᭟᭜᭟ᬧᬸᬄᬤᭂᬫᬸᬂ᭟᭜᭟
ᬭᬢᬸᬦᬾᬫᬸᬢᭂᬃᬦᬵᬕᬭᬷᬓᬲᬸᬩ᭄ᬧᬶᬲᬦ᭄᭞ᬰᬓ᭄ᬢᬶᬩᬶᬱᬾᬓᬢᬸ᭞ᬦᬗ᭄ᬳᬶᬂᬭᬢᬸᬳᭂᬮᬸᬄ᭞ᬍᬯᬶᬳᬾᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬤᬾᬯᬷᬚᬕ᭄ᬭᬲᬸ᭠
ᬧ᭄ᬢ᭞ᬓᬳᬳᬸᬘᬧ᭄᭞ᬗ᭄ᬕᬯᬾᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬲᬸᬩᬤᬰᬤᬾᬰ᭞ᬯᬢᭂᬓ᭄ᬭᬢᬸᬓᬢᬶᬦ᭄ᬤᬶᬄ᭞ᬧᬧᬢᬶᬄᬫᬜ᭄ᬘᬦᬵᬕᬭ᭞ᬧᬥᬰᬓ᭄ᬢᬶᬤᬾᬰ᭠ [ 26 ][᭒᭕ 25B]
᭒᭕
ᬦᬾᬘᬢᬸᬃ᭟ᬧᬧᬢᬳᬾᬦᬾᬦᬾᬓᬗᬶᬦ᭄ᬓᬲᬸᬩ᭄ᬧᬶᬲᬦ᭄᭞ᬫᬤᬦ᭄ᬳᬶᬍᬂᬍᬂᬓᬳ᭄ᬬᬸᬦ᭄᭞ᬦᬾᬲᬶᬓᭂᬮᭀᬤ᭄ᬫᬸᬗ᭄ᬕᬸᬄ᭞ᬫᬶᬹᬦᬾᬓᬚᬓᬳᬸᬘᬧ᭄᭞ᬫ
ᬤᬦ᭄ᬳᬶᬯᬷᬭᬰᬓ᭄ᬢᬶ᭞ᬰᬓ᭄ᬢᬶᬧᬲᬦ᭄ᬦᬾᬦᬾᬤᬶᬢᭂᬗᬄ᭞ᬫᬳᬤᬦ᭄ᬳᬶᬤᬦ᭄ᬟᬭᬶᬭᬶᬲ᭄᭞ᬦᬾᬓᬯᬸᬄᬓᬳᬸᬘᬧ᭄᭞ᬫᬳᬤᬦ᭄ᬳᬶᬭᬭᬲ᭄ᬓᬳ᭄ᬬᬸᬦ᭄᭞ᬫ
ᬳᬤᬦ᭄ᬳᬶᬚᬗ᭄ᬕ᭄ᬭᬾᬂᬓᬳ᭄ᬬᬸᬦ᭄᭟ᬰ᭄ᬭᬶᬧᬡ᭄ᬟ᭄ᬬᬫᬢᬓᬾᬦ᭄ᬭᬭᬶᬲ᭄ᬫᬦᬢ᭠ᬲᬂ᭞ᬓᬓᬶᬳᭂᬗ᭄ᬓᬾᬦᬾᬓᬲᬸᬩ᭄᭞ᬦᬵᬕᬭᬦᬾᬮᬸᬳᬸᬂ᭞ᬢᬶᬢ᭄ᬬᬂᬜᬦ᭄ᬤᬂᬫ
ᬗᭂᬦ᭄ᬤᬾᬦᬶᬦ᭄᭞ᬬᬤᬶᬦ᭄ᬲᭂᬮᬢ᭄ᬲᬵᬕᬭ᭞ᬲᬚᬬᬂᬢᬶᬢ᭄ᬬᬂᬫᬗᭂ᭠ᬩᬸᬕ᭄᭞ᬢ᭄ᬯᬭᬓᭀᬕᬯᬾᬜ᭞ᬳᬶᬤᬸᬧᬾᬲᬶᬂᬫᬵᬢᬶ᭞ᬬᬾᬦ᭄ᬢᭀᬂᬓᬄ
[᭒᭖ 26A]
ᬩ᭄ᬯᬦ᭄ᬳᬤᬾᬰ᭞ᬲᬓᬗᬮᬲ᭄ᬗᬸᬗ᭄ᬲᬶᬓᬕᬸᬦᬸᬂ᭟ᬦᬄᬓᬓᬶᬗᭀᬭᬳᬶᬦ᭄ᬘᬳᬶᬢᬢᬸᬯᬶᬬᬦ᭄᭞ᬳᬧᬂᬤᬘᬳᬶᬢᬦ᭄ᬤ᭄ᬭᬸᬄ᭞ᬬᬾᬦ᭄ᬜᬳᬮᬶᬄᬲᬭᬸ᭞ᬳ
ᬧᬦ᭄ᬕᬸᬍᬫᬾᬗᬶᬮᬶᬤᬶᬦ᭄᭞ᬤᬶᬢᭂᬗᬄᬲᬵᬕᬭᬫᬦᭀᬗᭀᬲ᭄᭞ᬤᬶᬧᬸᬘᬓ᭄ᬕᬸᬦᬸᬂᬤᬶᬢᬸ᭞ᬳᬤᬢᭂᬮᬕ᭞ᬫᬳᬶᬲᬶᬢᬸᬜ᭄ᬚᬸᬂᬫᬶᬳᬶᬓ᭄᭞ᬤᬸᬭᬸᬂ᭠
ᬧᬶᬲᬦ᭄ᬢᬳᬾᬦ᭄ᬫᬬᬂ᭞ᬮᬯᬾᬲᬶᬬᬸᬗᭀᬜᬂᬓᬳ᭄ᬬᬸᬦ᭄ᬳ᭄ᬬᬸᬦ᭄᭟ᬳᬸ᭠ᬮᬶᬢᬶᬸᬤᬶᬢᬸᬩᬦ᭄ᬗᬸᬮᬢᬶᬲᬫ᭄ᬩᬶᬮ᭄ᬗᬯᬲ᭄᭞ᬓᬸᬦᬸᬂᬓᬾᬮᬰᬚᬸᬚᬸᬃ᭞ᬦ᭄ᬤ᭞ᬤ
ᬦ᭄ᬤᬾᬦ᭄ᬧᬢᬶᬚᬸ᭞ᬧᭂᬢᬾᬓ᭄ᬢᬶᬦ᭄ᬤᬓᬾᬯᬶᬮᬗᬶᬦ᭄᭞ᬚᬮᬦᬾᬜᬸᬮᬾᬫ᭄ᬧᬂ᭞ᬳᭂᬜᬾᬦ᭄ᬳᬦᬓᬾᬫᬦᬸᬮᬸᬂ᭞ᬤᬾᬦᬶᬂᬓᬲᬸᬩ᭄ᬲᭂᬗ᭄ᬓ᭞ᬫᬃᬕ᭄ᬕᬳ [ 27 ][᭒᭖ 26B]
᭒᭖
ᬧᬶᬢᬂᬕᬶᬢ᭄ᬕᬶᬢ᭄᭞ᬬᬾᬦ᭄ᬧᭂᬮᬶᬄᬩᬦ᭄ᬫᬢᬶᬦ᭄ᬤᬓᬦ᭄᭞ᬢ᭄ᬯᬭᬩᬸᬳᬸᬂᬫᬦᭂᬧᬾᬦ᭄ᬧᬗ᭄ᬓᬸᬂ᭟ᬦᬄᬳᭂᬦ᭄ᬢᭀᬘᬳᬶᬯᬶᬮᬗᬶᬦ᭄ᬳᬧᬂᬧᭂᬤᬲ᭄᭞ᬬᬾᬦ᭄ᬘᬳᬢᬂᬲᭂᬄ
ᬗ᭄ᬕᭂᬩᬸᬕ᭄᭞ᬫᬤᬸᬮᬸᬭᬦ᭄ᬲᬗᬸ᭞ᬭᬾᬫ᭄ᬩᬢ᭄ᬩᬲ᭄ᬮᬶᬬᬸᬯᬶᬮᬗᬶᬦ᭄᭞ᬤᬾᬦᬶᬂᬓᬲᬸᬩ᭄ᬧᬶᬲᬦ᭄᭞ᬧᬭᬭᬢᬸᬧᬥᬦᬸᬗ᭄ᬓᬸᬮ᭄᭞ᬢ᭄ᬯᬭᬩᬶᬲᬓᭂᬮᬲ᭄᭞ᬬ
ᬤᬶᬦ᭄ᬩᭀᬃᬩᭀᬃᬧᬓᭂᬲᬶᬦ᭄᭞ᬍᬯᬶᬄᬓᬾᬲᬃᬯ᭄ᬯᬲᬜ᭄ᬚᬢ᭞ᬫᬾᬄᬳᬵ᭞ᬗ᭄ᬕᬮᬦ᭄ᬘᬳᬶᬓᬳᬸᬗ᭄ᬓᬸ᭟ᬳᬾᬫᭂᬂᬲᬦ᭄ᬓᭀᬢᬶᬢ᭄ᬬᬂᬓᬓᬶᬫᬗᭂᬦᭂᬳᬂ᭞ᬤᬾ
ᬦᬶᬂᬕᬸᬫᬶᬦᬾᬓᬲᬸᬩ᭄᭞ᬢ᭄ᬯᬭᬩᬓᬢ᭄ᬕᭂᬩᬸᬕ᭄᭞ᬳᬶᬓᬓᬶᬓᭂᬜᬶᬂᬜᬳᬸᬢᬶᬦ᭄᭞ᬳᬸᬮᬢ᭄ᬫᬗᬾᬗ᭄ᬕᬮᬂ᭞ᬧᭂᬲᬸᬦ᭄ᬫᬸᬜᬶᬦᬾᬫᬜᬭᬸ᭞ᬦᬗ᭄ᬳᬶᬂᬮᬶ᭠
[᭒᭗ 27B]
ᬯᬢ᭄ᬲᭂᬗ᭄ᬓ᭞ᬳᬧᬦ᭄ᬓᬮᬶᬯᬢ᭄ᬧᬶᬗᬶᬢ᭄᭞ᬩᬸᬤ᭄ᬟᬶᬜᬧᬕᭂᬄᬦᬧᬬᬂ᭞ᬫᬤᬃᬱᬡᬳᬶᬥᭂᬧ᭄ᬭᬳᬬᬸ᭟ᬦᬗ᭄ᬳᬶᬂᬫᬲᬶᬄᬬᬤᬸᬮᬸᬭᬶᬦ᭄ᬩᬳᬦ᭄ᬮᬫ᭄ᬧᬄ᭞ᬚᬮ
ᬦᬾᬦᬾᬦᬾᬧᬢᬹᬢ᭄᭞ᬳᭂᬦ᭄ᬢᭀᬳᬧᬂᬓᬸᬓᬸᬄ᭞ᬕᬶᬲᬶᬳᬦ᭄ᬫᬸᬜᬶᬳᬶᬦ᭄ᬤᬶᬄ᭞ᬫᬸᬜᬶᬫᬲᬶᬄᬢᭂᬫ᭄ᬩᬂ᭞ᬧᬮᬶᬳᬢᬾᬳᬗ᭄ᬕᭀᬦ᭄ᬫᬢᬹᬢ᭄᭞ᬧᬢᬹ
ᬢᬶᬂᬧᬮᬶᬳᬢ᭄᭞ᬫᬲᬶᬄᬬᬲᬮᬶᬂᬕᬶᬲᬶ᭞ᬩᬳᬦ᭄ᬳᬶᬥᭂᬧ᭄ᬓᬥᬃᬫ᭄ᬫᬦ᭄᭞ᬓᬥᬃᬫᬦᬾᬓᭂᬫᬶᬢ᭄ᬩᬦ᭄ᬢᬸᬢᬸᬃ᭟ᬳᬧᬦ᭄ᬦᬵᬕᬭᬦᬾᬧᬶᬗᬶᬢ᭄ᬳᬧᬂᬦᬯᬂ᭞
ᬬᬦ᭄ᬢᬦ᭄ᬯᬶᬤᬶᬫᬦᬸᬤᬄ᭞ᬫᬾᬄᬢᭀᬂᬩᬓᬢ᭄ᬚᬸᬚᬸᬄ᭞ᬳᬮᬶᬄᬚᭀᬄᬬᬤᬶᬦᬶ᭞ᬳᬮᬶᬄᬤᬶᬫ᭄ᬩᬭᬳᭀᬜᬂ᭞ᬫᭂᬦᬾᬓ᭄‌ᬳᭀᬜᬂᬢᬸᬯᬸ᭠ [ 28 ][᭒᭗ 27B]
᭒᭗
ᬦ᭄᭞ᬬᬾᬦ᭄ᬲᬶᬄᬳᬦᬓ᭄ᬢᭀᬦ᭄ᬤᬾᬦ᭄᭞ᬳᬶᬩᭂᬢᬾᬦ᭄ᬳᭂᬦ᭄ᬤᬾᬦ᭄ᬫᬦᬾᬓᬶᬦ᭄᭞ᬤᬶᬤᬸᬳᬸᬃᬕᬸᬦᬸᬗᬾᬲᭂᬗ᭄ᬓ᭞ᬤᬦᬸᬤᬍᬫ᭄ᬳᬶᬍᬳᬶᬂᬫᬾᬭᬸ᭟ᬫᬧᬭᬶᬕᬶᬧ
ᬭᬲ᭄ᬧᬢᬶ᭞ᬫᬳᬸᬓᬶᬭᬦ᭄᭞ᬩᬸᬗᬦ᭄ᬢᬸᬜ᭄ᬚᬸᬗᬾᬜᬢᬸᬃ᭞ᬓᬬᬢᬸ᭠ᬜ᭄ᬚᬸᬂᬩᬶᬭᬸ᭞ᬘᬬᬦᬾᬗᭂᬩᭂᬓᬶᬦ᭄ᬮᬗᬶᬢ᭄᭞ᬦᬗᬶᬦ᭄ᬢᬸᬜ᭄ᬚᬸᬂᬧᭂᬢᬓ᭄᭞ᬩᬸ᭠
ᬗᬄᬘᬳ᭄ᬬᬦᬾᬫᬓᭂᬘᬸᬄ᭞ᬓᭂᬮᭀᬤ᭄ᬢᬸᬜ᭄ᬚᬸᬂᬩᬭᬓ᭄᭞ᬢᬾᬚᬦᬾᬫᬸᬭᬸᬩ᭄ᬗᬦ᭄ᬤᬶᬄ᭞ᬦᬾᬲᬶᬓᬯᬸᬄᬓᬤᬶᬳᭂᬫᬲ᭄᭞ᬢᬸᬜ᭄ᬚᬸᬂᬓᬸᬦᬶᬂᬫᬘᬳ᭄ᬬ᭠
ᬮᬸᬫ᭄ᬮᬸᬫ᭄᭟ᬦᬾᬤᬶᬢᭂᬗᬄᬫᬭᬄᬫᬦᬶᬓ᭄ᬓᬤᬶᬮᬶᬗ᭄ᬕ᭞ᬫᬭᬳᬩ᭄ᬕᭂ᭠ᬤᬄᬫᬸᬭᬸᬩ᭄᭞ᬤᬶᬂᬤᬶᬂᬫᬓᬮᬸᬳᬸᬂ᭞ᬧᬸᬘᬓ᭄ᬫᬫᭂᬦᬸᬭᬾᬫᬦᬶᬓ᭄᭞ᬩᬸᬗᬄ
[᭒᭘ 28A]
ᬫᬓᬮᬗᬦ᭄᭞ᬩᬩᬢᬭᬦ᭄ᬳᭂᬫᬲ᭄ᬢᬢᬸᬃ᭞ᬫᬳᬸᬓᬶᬭᬸᬓᬶᬭᬦ᭄᭞ᬫᬓᬭᬂᬓᬭᬂᬳᬲ᭄ᬢᬶ᭞ᬫᬧᬬᬲ᭄ᬲᬃᬯ᭄ᬯᬲᬲᭀᬘᬦ᭄᭞ᬧᬓᬭᬜᬄᬫᬢᬾᬚᬫᬸ᭠
ᬭᬸᬩ᭄᭟ᬰ᭄ᬭᬷᬧᬡ᭄ᬟ᭄ᬬᬗ᭄ᬭᬲᬤᬶᬳᬢᬶᬓᬳᬾᬫᭂᬗᬦ᭄᭞ᬚᭂᬗᬄᬲᭂᬩᭂᬗᬾᬜᬭᬸ᭞ᬗᬾᬩ᭄ᬭᬲᬂᬫᬲᬯᬸᬢ᭄᭞ᬮᬯᬸᬢ᭄ᬳᬓᬲ᭄ᬫᬦᬓᭀᬦᬶᬦ᭄᭞ᬓᬓᬶ
ᬢᬾᬯ᭄ᬯᬂᬗᬧ᭞ᬧᬦᬗ᭄ᬓᬦ᭄ᬓᬓᬶᬦᬾᬫᬮᬸ᭞ᬢᬾᬢᬾᬄᬫᬓᬭᬸᬡ᭞ᬗᬤᬸᬲᭂᬩᭂᬂᬦ᭄ᬤᬸᬓᬸᬳᬶᬦ᭄᭞ᬳᬜ᭄ᬘᬂᬫᬸᬜᬶᬦᬾᬫᬓᬳᭂᬃ᭞ᬬᭀᬦ᭄ᬧᭂᬤᬲᬂᬫ᭠
ᬗᬓᬸᬮ᭄ᬧᬸᬬᬸᬂ᭟ᬤᬾᬤᬸᬓᬸᬄᬫᬲᬳᬸᬃᬳᬭᬶᬲ᭄᭟ᬤᬸᬲᬶᬧ᭄ᬢ᭞ᬧᭂᬲᬸᬫᬸ᭠ᬜᬶᬦᬾᬳᬮᬸᬲ᭄᭞ᬓᬧᭀᬘᬳᬶᬢᬦ᭄ᬤ᭄ᬭᬸᬄ᭞ᬓᬮᬶᬗ᭄ᬕᬦᬾᬩᬸᬓᬘᬳᬶ᭞ [ 29 ][᭒᭘ 28B]
᭒᭘
ᬤᬶᬗ᭄ᬓᬾᬦ᭄ᬘᬳᬶᬢᬢᬲ᭄᭞ᬫᬶᬫᬶᬢᬦ᭄ᬓᬓᬶᬦᬾᬫᬮᬸ᭞ᬳᬭᬂᬳᬦᬓ᭄ᬦᬯᬂ᭞ᬬᬤᬶᬦ᭄ᬓᬳᬸᬘᬧ᭄ᬋᬱᬶ᭞ᬫᬲᬶᬄᬳᬾᬯᭂᬄᬳᬶᬤᬯᬶᬓᬦ᭄᭞ᬭᬶᬂᬓᬢᬢ᭄ᬯᬦ᭄ᬕᬸᬫᬶ
ᬦᬾᬲᬸᬂ᭟ᬓᬓᬶᬫᬗᭀᬭᬳᬶᬦ᭄ᬘᬳᬶᬢᬢᬸᬯᬶᬬᬦ᭄᭞ᬢᭂᬓᬦ᭄ᬓᬓᬶᬦᬾᬫᬮᬸ᭞ᬤᬸᬓ᭄ᬕᬸᬫᬶᬦᬾᬲᬸᬳᬸᬂ᭞ᬳᬤᬓᭀᬓᬳᬸᬘᬧ᭄ᬯᬶᬤᬶ᭞ᬳᭂᬦ᭄ᬢᭀᬲᬂᬳ᭄ᬬᬂ
ᬓᬵᬮ᭞ᬫᬗᭂᬲᭂᬂᬲᬃᬯ᭄ᬯᬫᬩᬬᬸ᭞ᬫᬓᭂᬚᬂᬫᬢᬶᬗ᭄ᬕᬮ᭄᭞ᬳᬤᬲᬶᬄᬳᬘᬶᬦ᭄ᬢ᭄ᬬᬰᬓ᭄ᬢᬶ᭞ᬤᬶᬢᬸᬳᬶᬤᬗ᭄ᬕᬶᬦᭂᬂᬬᭀᬕ᭞ᬫᬋᬧ᭄ᬓᬗᬶᬦ᭄ᬫᬦᬸᬚᬸᬲᬸᬳᬸᬂ᭟
ᬯᭂᬢᬸᬦ᭄ᬳᬚ᭄ᬜᬦᬦᬾᬧᬶᬗᬶᬢ᭄ᬲᬹᬃᬬ᭄ᬬᬘᬦ᭄ᬤ᭄ᬭ᭞ᬮᬯᬸᬢ᭄ᬩᬋᬂᬫᬢᭂᬫᬸ᭞ᬳᬤᬤᬶᬢᬸᬢᬸᬫ᭄ᬩᬸᬄ᭞ᬳᬗ᭄ᬳᬶᬂᬯᬦ᭄ᬢᬄᬮᬶᬫᬂᬤᬶᬭᬶ᭞ᬧᬜ᭄ᬘᬫᬳᬵᬪᬸᬢ᭞ᬗᬯ
[᭒᭙ 29A]
ᬓᬶᬦ᭄ᬲᬃᬯ᭄ᬯᬫᬩᬬᬸ᭞ᬲᬗ᭄ᬓᬦ᭄ᬳᬤᬚᬕᬢ᭄᭞ᬓᬳᬸᬘᬧ᭄ᬕᬸᬫᬶᬮᬗᬢ᭄᭞ᬩᬶᬦ᭄ᬢᬗᬾᬧᬮᬶᬂᬳᬸᬢ᭄ᬢᬫ᭞ᬲᬗ᭄ᬓᬦ᭄ᬳᬶᬬᬧᬮᬶᬂᬤᬶᬤᬸᬳᬸᬃ᭟ᬤᬶᬢᬸᬓᬓᬶ
ᬩᬸᬓᬚᬦᬶᬲᬸᬩᬫᬯᬓ᭄᭞ᬧᬘᬓᬦ᭄ᬓᬓᬶᬮᬶᬬᬸ᭞ᬢ᭄ᬯᬭᬩᬓᬢ᭄ᬳᬶ᭠ᬢᬸᬂ᭞ᬫᬯᬓ᭄ᬬᬾᬄᬫᬯᬓ᭄ᬳᬧᬶ᭞ᬮᬯᬦ᭄ᬩᬬᬸᬢᬾᬚ᭞ᬲᬹᬃᬬ᭄ᬬᬘᬦ᭄ᬤ᭄ᬭᬮᬯ᭠
ᬦ᭄ᬩᬬᬸ᭞ᬲᬫᬸᬗ᭄ᬕᬸᬄᬤᬶᬚᬕᬢ᭄᭞ᬳᭂᬦ᭄ᬢᭀᬧᬯᬓᬦ᭄ᬓᬓᬶ᭞ᬮᬫᬸᬦ᭄ᬢᬯᬂᬧᬳᬶᬥᭂᬧᬦ᭄᭞ᬢᭂᬚᭀᬄᬧᬘᬂᬢ᭄ᬯᬭᬓᬢᭂᬧᬸᬓ᭄᭟ᬩᬬᬢᭀᬂᬤ᭠
ᬤᬶᬓᭂᬮᬶᬤᬶᬦ᭄ᬢ᭄ᬯᬄᬳᬶᬗ᭄ᬳᬦᬂ᭞ᬕᬦ᭄ᬢᬶᬦ᭄ᬫᬦᭂᬫᬸᬓᬾᬯᬸᬄ᭞ᬮᬸᬯᬲᬾ᭠ᬫᬤ᭄ᬭᬸᬕ᭄ᬢᬸᬕ᭄᭞ᬲᬯᬶᬢ᭄ᬭᬲᬬᬂᬫ᭄ᬩᭂᬮᬲᬶᬦ᭄᭞ᬫᬓᬤᬤ᭄ᬯᬲᬶᬗ᭄ᬲᬮ᭄᭞ᬦᬾ [ 30 ][᭒᭙ 29B]
᭒᭙
ᬓᬮᬶᬯᬢ᭄‌ᬢᭀᬗᭀᬲ᭄ᬢᬸᬫ᭄ᬧᬸ᭞ᬓ᭄ᬭᬡᬗᬮᬯᬸᬢ᭄ᬲᬯᬢ᭄᭞ᬧᬚᬮᬦᬾᬫᬗᬮᬶᬄ᭞ᬧᬶᬢᬸᬯᬶᬓᬢᭂᬓᬦ᭄ᬭᬸᬲᬓ᭄᭞ᬢᭂᬓᬭᬸᬭᬸᬄᬲᬳᬶᬗ᭄ᬕᬶᬄᬳᬶ
ᬗ᭄ᬕᬸᬄ᭟ᬢᭀᬂᬫᬫ᭄ᬧᬸᬄᬫᬦᬳᭂᬦ᭄ᬲᭂᬤᬶᬄᬓᬢᬶᬗ᭄ᬕᬮᬦ᭄᭞ᬲᬸᬩᬳᬤᬬᬦ᭄ᬗᭂᬮᬮᬸ᭞ᬜᬓ᭄ᬫᬵᬢᬶᬜᬓ᭄ᬳᬶᬤᬸᬧ᭄᭞ᬳᬧᬬᬳᭂᬦ᭄ᬢᭀᬳᬮᬶᬄ᭞ᬫᬸ
ᬮᬶᬄᬫᬮᬶᬧᭂᬢᬦ᭄᭞ᬢᭂᬓᬳᬶᬬᬚ᭄ᬯᬦᬾᬢᬸᬚᬸ᭞ᬧᬸᬚᬶᬳᬧᬂᬩᬓᬢ᭄᭞ᬓᬢᭂᬧᬸᬓ᭄ᬩᬳᬦ᭄ᬕᬮᬶᬄ᭞ᬧᬫᬦᬶᬂᬓᬤᬸᬗᬲᬸᬩ᭞ᬗ᭄ᬕᬶᬮᬶᬲ᭄ᬧᬳᬶᬢᬸ
ᬗᬦ᭄ᬤᬶᬢᬸ᭟ᬢᭀᬂᬤᬤᬶᬧᬍᬧᬍᬄᬲᬸᬫᬶᬗ᭄ᬓᬶᬦ᭄ᬢᬸᬗᬫ᭄᭞ᬧᬗ᭄ᬭᬲᬦᬾᬦ᭄ᬤᬳᬶᬫᬸᬓ᭄᭞ᬫᬫ᭄ᬗᬳᬗᬶᬦ᭄ᬲᬶᬦᬸᬃ᭞ᬩᬳᬦᬾᬩᬸᬫᬭᬓᬲᬶᬄ᭞ᬲᬬᬂᬫ
[᭓᭐ 30A]
ᬓᬤᬤ᭄ᬯ᭞ᬫᬕᬦ᭄ᬢᬸᬂᬕᬦ᭄ᬢᬸᬂᬤᬓᬳ᭄ᬬᬸᬦ᭄᭞ᬢᭀᬂᬤᬤᬶᬧᬮᬲᬂ᭞ᬮᬸᬮᬸᬢᬾᬓᬤᬸᬂᬮᬶᬮᬶᬢ᭄᭞ᬫᬗᬸᬩᭂᬤᬸᬩᭂᬤ᭄ᬫᬗᭂᬜ᭄ᬘᬂ᭞ᬩᬸᬓᬧᬗ᭄ᬕᬂᬳᬢᬶᬦᬾᬓᭂ
ᬩᬸᬲ᭄᭟ᬧᬬᬸᬲᬮᬓᬸᬮᬓᬸᬗᭂᬩᭂᬢ᭄ᬫᬚᬮᬦ᭄᭞ᬜᬢᬸᬃᬤᬾᬰᬫᬗ᭄ᬭᬸᬄ᭞ᬧᬗᭀᬜᬗᬂᬓᬯᬸᬄ᭞ᬧᬫᬸᬧᬸᬢᬶᬂᬲᬸᬩᬓᬗᬶᬦ᭄᭞ᬗᬗ᭄ᬲᭂᬄ᭠
ᬫᬗᭂᬮᭀᬤᬂ᭞ᬗᬫᬢ᭄ᬓᬚᬦᬾᬫᬗᬸᬯᬸᬢ᭄᭞ᬫᬲᬶᬢ᭄ᬯᬭᬩᬓᬢ᭄᭞ᬩᬬᬤᬶᬚᬳᬳᬮᬶᬄ᭞ᬳᭀᬜᬂᬤᬬᬦᬾᬧᬭᬓᬂ᭞ᬩᬸᬓᬢ᭄ᬯᬭᬫ
ᬭᬯᬢ᭄ᬢᭂᬧᬸᬓ᭄᭟ᬩᬸᬓᬧᬶᬢᬸᬤᬸᬳᬶᬂᬯᬶᬤᬶᬲᬕᬾᬢ᭄ᬳᬤ᭞ᬳᬦᬓ᭄ᬢᬸᬯᬓᬢᭂᬧᬸᬓ᭄᭞ᬫᬗᭂᬮᬲᬂᬓᬬᬸᬦ᭄᭞ᬤᬶᬧᬫ᭄ᬧᬢᬦᬾᬜᬧᬢᬶᬦ᭄᭞ᬫ [ 31 ][᭓᭐ 30B]
᭓᭐
ᬩᬶᬓᬲᬫᬸᬳᬦᬶᬜ᭞ᬲᭂᬩᭂᬗᬾᬧᬡ᭄ᬟᬶᬢᬧᬸᬢᬸᬲ᭄᭞ᬤᭀᬂᬳᬤᬧᬡ᭄ᬟᬶ᭠ᬢ᭞ᬓᬚᬢᬾᬦ᭄ᬜᬦᬾᬩᬜ᭄ᬘᬶᬄ᭞ᬢᬶᬤᭀᬂᬫᬸᬳᬦᬶᬢᬶᬤᭀᬂᬮᬸᬯ᭞ᬲᬓᬾ᭠
ᬯᬮᬫᬩᬶᬓᬲ᭄ᬲᬶᬕᬸᬕ᭄᭟ᬫᬸᬜᬶᬦᬾᬘᬳᬶᬫᬗᬦ᭄ᬢ᭄ᬬᬂᬓᬚ᭞ᬦᭀᬢ᭄ᬓᬓᬶᬲᬤᬕᬸᬧᬸᬄ᭞ᬳᬸᬮᬢ᭄ᬭᬹᬧᬲᭂᬦ᭄ᬥᬸ᭞ᬲᭂᬩᭂᬂᬘᬳᬶᬦᬾᬧ᭄ᬭᬶᬳᬶᬢᬶᬦ᭄᭞ᬢᬃᬓ᭄ᬓ
ᬦ᭄ᬓᬓᬶᬧᭂᬤᬲ᭄᭞ᬘᬳᬶᬢ᭄ᬯᬄᬗᬮᬶᬄᬓᬓᬭᬸᬄ᭞ᬧᬫᬶᬢ᭄ᬭᬲᬬᬗᬂ᭞ᬫᬓᬤᬤ᭄ᬯᬫ᭄ᬩᭂᬮᬲᬶᬦ᭄᭞ᬧᬢᬹᬢ᭄ᬲᬧᬸᬦᬶᬓᬧᭂᬓᬓ᭄᭞ᬢᬦ᭄ᬲᬶᬫ᭄ᬧᬂᬓᬤᬶᬦᬾ
ᬦᬾᬩᬳᬸ᭟ᬗᬸᬤᬓᬸᬢᭀᬩᬳᬦ᭄ᬘᬳᬶᬗᬩᬳᬯᬓ᭄᭞ᬓᬓᬶᬓᬤᬶᬫᬫᬸᬗᬸᬫᬓᭂᬦᭂᬄᬓᬸᬤᬫᬮᬸ᭞ᬳᬶᬦ᭄ᬤ᭄ᬭᬶᬬᬦ᭄ᬘᬳᬶᬦᬾᬧ᭄ᬭᬗᬶᬦ᭄᭞ᬫᬧ᭠
[᭓᭑ 31A]
ᬦ᭄ᬲᬶᬂᬢᭂᬍᬩᬂ᭞ᬬᬾᬦ᭄ᬕᬯᬾᬓᭂᬦᭂᬄᬳᬸᬮᬗᬸᬦ᭄᭞ᬬᬫᬗ᭄ᬕᬯᬾᬲᬲᬃ᭞ᬭᬲᬬᬂᬓᬓᬶᬫᬗ᭄ᬓᬶᬦ᭄᭞ᬢ᭄ᬯᬭᬓᭀᬳᭂᬚᭀᬄᬢᭀᬗᭀᬲ᭞ᬬᬤᬶᬢᬗ᭄ᬕᬸᬦ᭄ᬮᬗᬶᬢᬾᬓᬯᬸᬄ᭟ᬓᭂᬫᬧᬾᬢᬦ᭄ᬘᬳᬶᬳᬮᬶᬄᬳᭂᬦ᭄ᬢᭀᬳᬫ᭄ᬩᬄ᭞ᬩᭂᬦᭂᬗᬂᬩᭂᬦᭂᬂᬓᬯᬸᬄ᭞ᬫᬃᬕ᭄ᬕᬲᬤᬲᬶᬦ᭄ᬢ᭄ᬭᬸ᭞ᬤᬶᬢᬸᬳᬫ᭄ᬩᬳᬶᬦ᭄ᬘᬳᬶ
᭞ᬧᭂᬤᬲ᭄ᬫᬯᬸᬳᬂ᭞ᬩᬸᬮᬶᬳᬦ᭄ᬕᬸᬦᬸᬗᬾᬢᬸᬳᬸᬢ᭄᭞ᬬᬾᬦ᭄ᬲᬸᬩᬳᬶᬗᬦᬂ᭞ᬮᬶᬯᬢ᭄ᬫᬃᬕ᭄ᬕᬦᬾᬲ᭄ᬭᬶᬧᬶᬢ᭄᭞ᬳᬤᬭᬸᬭᬸᬂᬢᬶᬩᬓᬢᬄ᭞ᬫᬲᬶ
ᬗ᭄ᬲᬮᬦ᭄ᬤᬲᬮᬄᬮᬓᬸ᭟ᬢᭂᬓᭂᬤ᭄ᬤᬶᬢᬸᬚ᭄ᬯᬘᬳᬶᬢᬓᭀᬦ᭄ᬢᬓᭀᬦᬂ᭞ᬧᬦ᭄ᬤᬶᬗᭂᬄᬓᬓᬶᬩᬳᬸ᭞ᬫᬧᬦᬶᬂᬓᬢᭂᬧᬸᬓ᭄᭞ᬳᬶᬜᬳᬦᬓ᭄ᬢᬸᬳᬸᬭᬯᬶᬢ᭄ [ 32 ][᭓᭑ 31B]
᭓᭑
᭞ᬢᬾᬚᬦᬤᬫᬶᬮᬄ᭞ᬢᬸᬮ᭄ᬬᬘᬦ᭄ᬤ᭄ᬭᬗᬦ᭄ᬢ᭄ᬬᬲᬸᬭᬸᬧ᭄᭞ᬢ᭄ᬯᬭᬫᬢᬸᬢᬸᬳᬦ᭄᭞ᬧᬤᬤ᭄ᬯᬦᬦ᭄ᬬᬫᬜᬶᬮᬶᬩ᭄᭞ᬳᬧᬦ᭄ᬢᭀᬦᬾᬦᬸᬢᬸᬭᬂ᭞ᬕᭂᬥᬘᭂ᭠
ᬦᬶᬓ᭄ᬢ᭄ᬯᬄᬧᬤᬤᬶᬢᬸ᭟ᬦᬗ᭄ᬳᬶᬂᬲᭂᬩᭂᬂᬜᬦᬾᬫᬧᬾᬮᬕ᭄ᬧᬾᬮᬕᬦ᭄᭞ᬩᬸᬓᬳᬦᬓᬾᬩᬳᬸᬤ᭄᭞ᬕᬸᬬᬸᬳᬂᬢ᭄ᬯᬄᬕᬸᬬᬸᬢ᭄ᬯᬭᬧᬢᬶᬲᭂᬓᭂᬦ᭄ᬦᬫ᭄ᬧᬶ᭞ᬬ᭠
ᬢ᭄ᬯᬄᬧᬥᬮᬫ᭄ᬧ᭄ᬬᬲ᭄᭞ᬓᬓᬶᬩᭀᬗᭀᬮ᭄ᬲᬸᬩᬮᬶᬜᬸᬤ᭄᭞ᬬᬫᬓᬢᬚᬯ᭞ᬩᬳᬦ᭄ᬓᬓᬶᬫ᭄ᬗᬲᬦᬶᬦ᭄᭞ᬢᭂᬧᬸᬓᬶᬜᬲᬸᬗᬲᬜ᭄ᬚ᭞ᬲᬸᬭᬸᬧ᭄ᬲᬸᬃ᭠
ᬬ᭄ᬬᬫᬚᬮᬦ᭄ᬳᬶᬚᬸ᭟ᬩᬳᬦᬾᬲᬸᬩᬮᬶᬬᬸᬤᬤᬶᬫᬵᬦᬸᬱ᭞ᬫ᭞ᬫᬧᬓᭂᬓᭂᬳᬦ᭄ᬮᬸᬗ᭄ᬲᬸᬃ᭞ᬳᬧᬦ᭄ᬢ᭄ᬯᬭᬮᬸᬧᬸᬢ᭄᭞ᬧᬢᬶᬦᬾᬢᬓᭂᬦᬕ᭄ᬬᬦᬶᬦ᭄᭞ᬚ᭠
[᭓᭒ 32A]
ᬦᬶᬧᬓᬃᬢ᭄ᬬᬂ᭞ᬧᬶᬮᬶᬄᬲᬶᬤᬩᬳᬦ᭄ᬦᬸᬲ᭄ᬢᬸᬲ᭄᭞ᬧ᭄ᬭᬧᬜ᭄ᬘᬦᬾᬗ᭄ᬕᭀᬤ᭞ᬳᬸᬜᬭᬶᬲᬶᬓᬓᬶᬓᬶᬢ᭄᭞ᬓᬤᬶᬳᬦ᭄ᬤᬾᬓᬓᬬᭀᬦᬦ᭄᭞ᬢᭂᬩ᭄ᬢᭂᬩᬶᬦ᭄ᬤᭀᬜ
ᬦᬾᬩᬲ᭄ᬮᬶᬬᬸ᭟ᬓᬤᬸᬗᬤᬫᬢ᭄ᬭᬢᬸᬢᬸᬃᬓᬍᬧᬲᬦ᭄᭞ᬲᭂᬥᭂᬂᬲᬸᬫ᭄ᬓᭂᬫᬶᬦ᭄ᬲᭂᬓᬸᬂ᭞ᬲᬶᬜᬩᬓᬢ᭄ᬢᬸᬧ᭄ᬢᬸᬧ᭄᭞ᬋᬲᭂᬧ᭄ᬩᬳᬦ᭄ᬫᬦᬶᬦ᭄ᬤᬓᬶᬦ᭄᭞ᬓᬧᬶᬢᬸ᭠
ᬯᬶᬫᬗ᭄ᬳᬵ᭞ᬲᬸᬓᭂᬢ᭄ᬤᬸᬯᬶᬦ᭄ᬜᬦᬾᬮᬶᬬᬸ᭞ᬲᬢᭂᬓᭂᬤ᭄ᬢᭂᬓᭂᬤᬦ᭄᭞ᬩᬳᬦ᭄ᬩᬸᬦ᭄ᬢᬲ᭄ᬳᬦ᭄ᬢᬲᬶᬦ᭄᭞ᬬᬾᬦ᭄ᬧᬳᭂᬓ᭄ᬚᭀᬄᬢ᭄ᬯᬭᬢᬯᬂ᭞ᬫᬧᬦ᭄ᬤ᭄ᬭᬸᬯᬾᬦ᭄ᬲᬂᬲ
ᬫ᭄ᬧᬸᬦ᭄ᬧᬸᬢᬸᬲ᭄᭟ᬓᬫᭀᬓ᭄ᬱᬦ᭄ᬰᬶᬯᬩᬸᬤ᭄ᬟᬦᬾᬢ᭄ᬯᬭᬧᬲᬄ᭞ᬓᬯᬶ᭠ᬤᬸᬳᬦᬾᬧᬢᬸᬄ᭞ᬲᭂᬥᭂᬂᬳᬗ᭄ᬕᭀᬲᬗᬸ᭞ᬧᬗ᭄ᬭᬶᬂᬗ᭄ᬲᭂᬓᭂᬲᬦ᭄ᬜᬦᬾᬧᬶᬗᬶ᭠ [ 33 ][᭓᭒ 32B]
᭓᭒
ᬢ᭄᭞ᬲᬓᬮᬦᬶᬲ᭄ᬓᬮ᭞ᬲᬹᬃᬬ᭄ᬬᬳᬾᬢᭂᬗᬳᬶᬤᬶᬢᬸ᭞ᬳᬘᬶᬦ᭄ᬢ᭄ᬬᬦᬶᬃᬪᬦ᭞ᬳᬫ᭄ᬩᬭᬯᬶᬦ᭄ᬟᬸᬰᬓ᭄ᬢᬶ᭞ᬲᬹᬃᬬ᭄ᬬᬧᬲᭂᬫᭂᬗᬦ᭄ᬳᬶᬦ᭄ᬟᬕ᭄᭞ᬳᬸᬫᬭᬶᬱ᭄ᬝᬳᬕ᭄ᬭ
ᬦᬶᬂᬕᬸᬭᬸ᭟ᬮᬾᬩ᭄ᬮᬾᬩᬦ᭄ᬓᬫᭀᬓ᭄ᬱᬦ᭄ᬲᬂᬲᬥᬓᬩᬸᬤ᭄ᬟ᭞ᬧ᭄ᬭᬲᬶᬤ᭄ᬟᬫ᭠ᬭᬶᬂᬯᬶᬦ᭄ᬥᬸ᭞ᬳᬤ᭄ᬯᬭᬬᬚ᭄ᬜᬤᬶᬢᬸ᭞ᬰᬓ᭄ᬢᬶᬤᬤ᭄ᬯᬬᬚ᭄ᬜᬜᬦ᭄ᬤᬶᬂ᭞ᬲᬸᬩᬫᬭᬶᬲᬲ᭄ᬢ᭄ᬭ
᭞ᬢᬧᬓᬦ᭄ᬪᬱ᭄ᬓᬭᬯᬶᬦ᭄ᬥᬸ᭞ᬳᬤᬧᬤ᭄ᬫᬵᬗ᭄ᬮᬬᬂ᭞ᬳᬸᬮᬶᬲᬚ᭄ᬭᭀᬦᬶᬗᬢᬶ᭞ᬬᬾᬦ᭄ᬕᬦ᭄ᬢᬶᬢᭂᬓᬧ᭄ᬭᬮᬬ᭞ᬢᬢᭂᬗᭂᬭᬾᬳᬯᬲᬂᬤᬶᬢᬸ᭟ᬬᬾᬦ᭄ᬩᭂᬦᬄᬭ
ᬫ᭄ᬧᬸᬂᬧᬶᬦ᭄ᬤᭀᬯᬯᬬᬂ᭞ᬧᬕᬦ᭄ᬢ᭄ᬬᬦ᭄ᬲᬸᬓᬮᬸᬢᬸᬃ᭞ᬧᬶᬢᬺᬱ᭄ᬡᬦᬾᬲᬧᬸᬄ᭞ᬧ᭄ᬭᬢᬶᬱ᭄ᬝᬭᬶᬂᬫᬦᬄ᭞ᬓᬥᬃᬫ᭄ᬫᬦᬾᬚ᭄ᬯᬯᭂᬃᬤ᭄ᬟᬶ᭞ᬧ᭄ᬭᬱ᭄ᬝᬭᬶᬂᬫᬦᬄ᭞ᬓᬧᬸᬭᬸᬱᬦᬾ᭠
[᭓᭓ 33A]
ᬤᬲᬸᬳᬸᬤ᭄᭞ᬢᭂᬦ᭄ᬢᭀᬫᬳᬤᬦ᭄ᬫᬃᬕ᭄ᬕ᭞ᬢᭂᬓᬦᬶᬂᬭᬕᬍᬯᬶᬄ᭞ᬧᬫᬸ᭠ᬮᬸᬗᬦ᭄ᬳᬲᭀᬢ᭄ᬢᬫ᭞ᬤᬾᬦᬶᬂᬭᬲᬯᬶᬪᬸᬢᬦᬾᬤᬶᬢᬸ᭟ᬬᬤᬶᬦ᭄ᬮ᭄ᬬᬸᬢᬢᭂ
ᬗᭂᬃᬫᬾᬦ᭄ᬤᬳᬾᬦ᭄ᬤᬄ᭞ᬫᬲᬶᬄᬫᬳᬕᭂᬢ᭄ᬮᬘᬸᬃ᭞ᬢ᭄ᬯᬭᬩᬳᬦ᭄ᬮᬶᬬᬸ᭞ᬓᬶᬓᬶᬢ᭄ᬲᬤ᭄ᬬᬦᬾᬦ᭄ᬤᬸᬫᬤᬶ᭞ᬤᬶᬳᬕᭂᬢᬾᬗᭂᬫ᭄ᬩᬃ᭞ᬫᬘᭀᬓ᭄ᬤᬶᬧᬭᬸᬧᬸᬢ᭄᭞
ᬮᬫᬸᬦ᭄ᬢᭀᬦ᭄ᬤᬾᬦ᭄ᬧᬰ᭄ᬘᬢ᭄᭞ᬓᬸᬭᬸᬗᬦᬾᬳᬸᬦᬶᬗᬶᬦ᭄᭞ᬫᬘᭀᬓ᭄ᬘᭀᬓ᭄ᬓᬢᬸᬦᬦ᭄ᬧᬤᬂ᭞ᬮᬸᬤᬶᬦ᭄ᬢᭀᬦ᭄ᬤᬾᬦ᭄ᬫᬦᬳᬧ᭄ᬢᬸᬢᬸᬄ᭟ᬦᬄᬲᬸᬩᬓ
ᬗ᭄ᬕᭀᬜᬓᬶᬃᬢ᭄ᬢᬶᬦᬾᬭᬶᬂᬓᬸᬦ᭞ᬓᬫᬸᬮᬦ᭄ᬧᭂᬢᭂᬗᬶᬩᬸᬢ᭄᭞ᬲᬫ᭠ᬜᬫᬗᬶᬢᬸᬂ᭞ᬫᭂᬢᬾᬓ᭄ᬩᬶᬦ᭄ᬢᬗᬾᬤᬶᬮᬗᬶᬢ᭄᭞ᬓᬲᬸᬦ᭄ᬤᬭᬦ᭄ᬩᬸᬮᬦ᭄ [ 34 ][᭓᭓ 33B]
᭓᭓
᭞ᬢᬭᬗ᭄ᬕᬡᬦᬾᬤᬯᬸᬤᬸ᭞ᬢᭀᬦ᭄ᬤᬾᬦ᭄ᬫᬢᬸᬗ᭄ᬕᬮᬦ᭄᭞ᬤᬶᬳᬓᬰᬦᬾᬗ᭄ᬭᬜ᭄ᬚᬶᬂ᭞ᬳᭂᬦ᭄ᬢᭀᬳᬯᬦᬦᬾᬲᬯᬢ᭄᭞ᬩᬸᬓᬦᬸᬧ᭄ᬢᬸᬧ᭄ᬦᬵᬕ
ᬦᬾᬲᬶᬬᬸ᭟ᬲᬸᬩᬤᭂᬧᬂᬩᭂᬦᭂᬄᬓᭂᬦᭂᬳᬾᬚᬮᬦᬂ᭞ᬋᬲᭂᬧᬂᬲᬓᬩᬸᬓᬸ᭞ᬲᬶᬜᬩᬓᬢ᭄ᬢᬸᬮ᭄ᬢᬸᬮ᭄᭞ᬢᬢᬓ᭄ᬤᬫᬸᬳᬾᬢᭂᬗᬳᬶ᭞ᬳᬓᬾᬢᭀᬧ
ᬫᬜ᭞ᬲᬗ᭄ᬓᬦ᭄ᬚᬦᬶᬳᬦ᭄ᬤᬸᬄᬳᬦ᭄ᬤᬸᬄ᭞ᬓᬶᬦ᭄ᬓᬶᬦᬂᬤᬶᬫᬦᬄ᭞ᬤᬸᬮ᭄ᬤᬸᬮ᭄ᬩ᭠ᬳᬦ᭄ᬧᬗᬯᬶ᭞ᬭᬭᬫ᭄ᬩᬗᬦᬾᬧᬰ᭄ᬘᬢᬂ᭞ᬧᬘᬂᬩᭂᬓᭂᬮ᭄ᬮᬸᬯᬸᬲ᭄ᬓᬕᬸᬦᬸᬂ᭟ᬳᬸ
ᬮᬶᬤᬶᬢᬸᬚᬸᬚᬸᬄᬳᬶᬥᭂᬧᬾᬓᬥᬃᬫ᭄ᬫᬦ᭄᭞ᬧᬶᬮᬶᬄᬲᬶᬤ᭄ᬟᬭᬳᬬᬸ᭞ᬲᬶ᭠ᬜᬤᬤᬶᬭᬧᬸᬄ᭞ᬳᬶᬦ᭄ᬤ᭄ᬭᬶᬬᬦᬾᬫᬮᬸᬧᬸᬗ᭄ᬕᭂᬮᬶᬦ᭄᭞ᬩᬸᬳᬸᬂᬳᬧᬢ᭄ᬯᬭ᭞ᬧ
[᭓᭔ 34A]
ᬘᬂᬓᬧᬢ᭄ᬬᬦᬾᬦᭂᬫᬸ᭞ᬳᬶᬤᬸᬧᬾᬓ᭄ᬱᬡ᭞ᬳᬗ᭄ᬕᭀᬧᬗ᭄ᬕᬦ᭄ᬢᬶᬫᬵᬢᬶ᭞ᬫᬸᬂᬇᬧᬸᬂᬤᬤᬶᬫᬓᬶᬢᬶᬧᬦ᭄᭞ᬳᬧᬂᬳᬤᬫᬩᬳᬦ᭄ᬗᬧᬸᬲ᭄᭟ᬤᬫᬸᬗ᭄ᬕᭂ᭠
ᬮᬂᬧᬶᬢᬺᬱ᭄ᬡᬦ᭄ᬭᬢᬸᬭᬶᬂᬢᬶᬢ᭄ᬬᬂ᭞ᬳᬢᬸᬃᬢᬶᬢ᭄ᬬᬗᬾᬤᬸᬫᬸᬦ᭄᭞ᬫᬗ᭄ᬤᬾᬓᬧᬶᬢᬸᬮᬸᬲ᭄᭞ᬫᬸᬗ᭄ᬕ᭄ᬯᬶᬂᬢᬶᬢ᭄ᬬᬂᬢ᭄ᬯᬭᬕᬶᬗ᭄ᬲᬶᬃ᭞ᬯ᭄ᬬᬓ᭄ᬢᬶᬫᬗ᭄ᬕᭂᬄᬧᬶᬲᬦ᭄᭞ᬤᬸᬭᬸᬂ
ᬧᬶᬲᬦ᭄ᬦᬳᭂᬦ᭄ᬲᬸᬲᬸᬤ᭄᭞ᬲᬓᬶᬂᬭᬶᬳᬶᬦ᭄ᬦᬸᬗ᭄ᬕᬮ᭄᭞ᬭᬯᬸᬄᬫᬗ᭄ᬓᬶᬦ᭄ᬫᬜᬶᬓᬶ᭞ᬬᬦ᭄ᬧᬩᬜ᭄ᬢᬦᬦ᭄ᬤᬾᬯ᭞ᬫᬾᬄᬢᭀᬂᬤᬸᬕᬭᬢᬸᬩᬲ᭄ᬮᬘᬸᬃ᭟᭠
ᬫᬧᬦ᭄ᬓᬤᬸᬂᬩᬬᬸᬦ᭄ᬢᬶᬢ᭄ᬬᬗᬾᬫᬗᬸᬓᬸᬤᬂ᭞ᬧᬳᬶᬥᭂᬧ᭄ᬢᬶᬢ᭄ᬬᬗᬾᬕᬧᬸᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬕᬮᬶᬳᬶᬦ᭄᭞ᬯᬦ᭄ᬢᬄᬕᬸᬮᬓ᭄ᬧᬶᬲᬦ᭄᭞ᬬᬤᬶ [ 35 ][᭓᭔ 34B]
᭓᭔
ᬦ᭄ᬗᬯᬶᬦ᭄ᬥᬸᬢᭂᬧᬸᬓ᭄᭞ᬩᭀᬬᬦ᭄ᬤᬸᬕᬶᬳᬶᬩᬄ᭞ᬢ᭄ᬭᬱ᭄ᬡᬓᬤᬸᬂᬫᬓᬶᬮᬶ᭠ᬢ᭄᭞ᬕᬫᭂᬮ᭄ᬭᬢᬸᬤᬦᬗ᭄ᬰᬬ᭞ᬧᬶᬢᬶᬦ᭄ᬟᬶᬳᬂᬳᬢᬸᬃᬳᬶᬓᬸᬮᬸᬕ᭄᭟ᬳᬯᬶᬦ᭠
ᬦ᭄ᬫᬓᬤᬶᬫᬗ᭄ᬓᬶᬦ᭄ᬳᬾᬯᭂᬄᬧᬶᬲᬦ᭄᭞ᬗᬜ᭄ᬘᬶᬂᬧᬶᬥᭂᬧᬦ᭄ᬲᬸᬮᬸᬓ᭄᭞ᬫ᭄ᬩ᭠ᬭᬸᬲ᭄ᬩᬸᬲ᭄ᬤᬭᬸᬭᬸᬂ᭞ᬗᬸᬗ᭄ᬲᬶᬲ᭄ᬯᬓᬃᬫ᭄ᬫᬦᬾᬚᬢᬶ᭞ᬗ᭄ᬭᬾᬫᬵᬦ᭄ᬗ᭄ᬭᬾᬓᬲᬯᬂ᭞ᬫᬸ᭠
ᬮᬧᬕᬫᭂᬮᬦ᭄᭞ᬲᬳᬸᬮᬳᬮᬳᬮᬶᬄᬓᬢᭂᬧᬸᬓ᭄᭞ᬢᬦ᭄ᬧᬲᬯᬂᬫ᭠ᬢ᭄ᬭ᭞ᬦᬄᬲᬸᬩᬩᬬᬕᬦ᭄ᬢᬶᬫᬵᬢᬶ᭞ᬗ᭄ᬭᬾᬫᭀᬦ᭄ᬗ᭄ᬭᬾᬓᬲᬯ᭞ᬗᬮᬶᬗ᭄ᬕ᭠
ᬬᬂᬮᬶᬗ᭄ᬕᬶᬄᬳᬶᬭᬢᬸ᭞ᬤᬢᬢᬤᬶᬧᬸᬍᬲᬾᬩᬸᬓᬗᭂᬭᬫᬂ᭞ᬲᬳᬶᬗᬶᬧ᭄ᬬᬂᬳᬶᬭᬢᬸ᭞ᬭᬲᬢᭂᬓᬦ᭄ᬟᬸᬓ᭄᭞ᬫᬤᬸᬮᬸᬭᬦ᭄ᬫᬸᬜᬶᬫᬦᬶᬲ᭄᭞ᬲᬳ᭠
[᭓᭕ 35A]
ᬓᬸᬫᬲᬚᬗᬸᬤ᭞ᬲᬗᭂᬢ᭄ᬩᬦ᭄ᬫᬮᬸᬄᬩᬸᬄ᭞ᬫᭂᬤᭂᬫ᭄ᬢ᭄ᬯᬭᬦᬯᬂ᭞ᬳᬦᬓᬾᬢᭂᬓᬫᬳᬶ᭞ᬓᬾᬢᭀᬧᭂᬤᬲ᭄ᬤᬶᬧᬗᬶᬧ᭄ᬬᬦ᭄᭞ᬧᬗᬦ᭄ᬟᬶᬦ᭄ᬳᬶᬤᬳᬶᬭᬢᬸ᭟
ᬧᬫᬶᬢ᭄ᬬᬂᬢᬶᬢ᭄ᬬᬂᬜᬸᬗ᭄ᬓᬦᬶᬦ᭄ᬧᬭᬶᬲᬢ᭄ᬲᬢ᭄᭞ᬲᬫ᭄ᬧᬸᬦ᭄ᬭᬕᬦ᭄ᬳᬶᬭᬢᬸ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬲᬗᬸ᭞ᬲᬮᬓᬸᬲᬾᬮᭀᬯᬦ᭄᭞ᬤᬫ᭄ᬧᬢᬶᬭᬶᬂᬫᬺᬢ᭄ᬢᬦᬶᬃ
ᬫ᭄ᬫᬮ᭞ᬳᬶᬤᬳᬶᬭᬶᬂᬢᬶᬢ᭄ᬬᬂᬕᬧᬸᬮ᭄᭞ᬫᬦᬸᬗ᭄ᬕᬮᬂᬓᭂᬘᬧ᭄᭞ᬳᬶᬭᬢᬸᬫᬶᬦᬓᬤᬿ᭞ᬲᬓᬮᬦᬶᬲ᭄ᬓᬮᬢᬸᬗ᭄ᬕᬮ᭄᭞ᬳᬢ᭄ᬯᬂᬫᬦᬄᬢᬶᬢ᭄ᬬᬗᬾᬢᬹ
ᬫᬸᬢ᭄᭟ᬫᬺᬢ᭄ᬢᬦ᭄ᬰᬰᬶᬳᬾᬦᬾᬍᬯᬶᬄᬲᬶᬗᬶᬢ᭄ᬧᬶᬲᬦ᭄᭞ᬕᬸᬬᬸ᭠ᬬᬸᬫᬗᬸᬮ᭄ᬕᬸᬮ᭄᭞ᬢᬦ᭄ᬤ᭄ᬯᬦᬓᬤᬸᬭᬸᬲ᭄᭞ᬧᬜ᭄ᬘᬦ᭄ᬤ᭄ᬭᬶᬬᬦᬾᬫᬫᬹᬃᬢ᭄ᬢᬶ᭞ᬓ [ 36 ][᭓᭕ 35B]
᭓᭕
ᬤᬶᬗᬺᬘᬄᬚᬷᬯᬧᬤ᭄ᬫ᭞ᬳᬃᬤ᭄ᬟᬜᬦᬾᬍᬩᬸᬃ᭞ᬫ᭄ᬩᭀᬗᭀᬮ᭄‌ᬫ᭄ᬩᬯᬶᬕᬮᬓ᭄᭞ᬢᬦ᭄ᬤ᭄ᬭᬸᬄᬭᬶᬂᬰᬷᬮᬚᬢᬶ᭞ᬗᬸᬩᭂᬂᬫᬗ᭄ᬮᬢᬶᬓᬯᬶᬲ᭄ᬬ᭞ᬓᬵᬮ᭠
ᬓᬸᬝᬳᬗ᭄ᬓᬭᬩᬬᬸ᭟ᬩᬸᬓᬢᭀᬂᬤᬤᬶᬩᬳᬦ᭄ᬢᬶᬢ᭄ᬬᬂᬦᬳᬦᬂ᭞᭠ᬢ᭄ᬭᬶᬫᬮᬦᬾᬫᬗ᭄ᬮᬶᬧᬸᬢ᭄᭞ᬓᬧᬶᬦ᭄ᬤᭀᬦ᭄ᬳᬶᬭᬢᬸ᭞ᬢ᭄ᬯᬭᬲᬸᬳᬸᬤ᭄ᬫᬜᬓᬶ
ᬢᬶᬦ᭄᭞ᬗᬸᬩ᭄ᬟᬧᬢᬶᬮᬗᬦ᭄᭞ᬩᭀᬬᬳᬶᬘ᭄ᬙᬾᬦ᭄ᬓᬩᬃᬓᬬᬸᬦ᭄᭞᭠ᬩᬶᬮᬶᬄᬳᬤᬫᬢ᭄ᬭ᭞ᬲᬶᬤ᭄ᬟᬤᬤᬶᬳᬩᭂᬲᬶᬓ᭄᭞ᬫᬺᬢ᭄ᬢᬦ᭄ᬳᬶᬥᭂᬧᬾᬲᬸᬓ᭄ᬱ᭄ᬫ᭞
ᬧᬘᬂᬳᬗ᭄ᬕᭀᬦ᭄ᬲᬗᬸᬓᬧᬸᬗ᭄ᬓᬸᬃ᭟᭜᭟ᬧᬸᬄᬧᬗ᭄ᬓᬸᬃ᭟᭜᭟ᬫᬗ᭄ᬕᬯᬾᬦᬧᬲ᭄ᬬᬓ᭄ᬭᬡ᭞ᬫᬫᬶᬕ᭄ᬭᬳᬭᬕᬤᬾᬯᬾᬓᬾᬕᬸᬭᬶᬢ᭄᭞ᬩ᭠
[᭓᭖ 36A]
ᬓᬮ᭄ᬕᭂᬦᬬᬩ᭄ᬯᬶᬦ᭄ᬲᭂᬓᬸᬂ᭞ᬲᬸᬩᬚᬦᬶᬬᬭ᭄ᬯᬓᬂ᭞ᬢᬢᬶᬗ᭄ᬓᬳᬾ᭞ᬢ᭄ᬯᬭᬫᬦᬯᬂᬳᬸᬦ᭄ᬤᬸᬓ᭄᭞ᬩᬬᬲᬸᬩᬦᬾᬭᬶᬂᬮᬫ᭞ᬓᬢᬸᬦᬦ᭄ᬧᬕᭂᬄᬫᬓᭂᬃᬢ᭄ᬢᬶ᭟
ᬫᬧᬦ᭄ᬢᭀᬂᬤᬤᬶᬧᭂᬮᬶᬳᬂ᭞ᬧᬕᬯᬾᬦᬾᬫᬸᬮᬚᬦᬶᬢᭂᬫᭀᬦᬶ᭠ᬦ᭄᭞ᬲᬶᬗᬩᭂᬢ᭄ᬦᬶᬂᬗ᭄ᬓᬳᬂᬲᬦ᭄ᬢᬸᬮ᭄᭞ᬳᬦ᭄ᬤᬾᬩᬸᬓᬫᬓᬚᬮᬦ᭄᭞ᬫᬭᬲ
ᬢᭀᬂ᭞ᬲᬶᬤ᭄ᬟᬮᬫ᭄ᬧᬄᬦᬾᬭᬳᬬᬸ᭞ᬓᬢᬸᬦᬦ᭄ᬤᬕᬶᬂᬭᬭᬲᬦ᭄᭞ᬲᬶᬗᬩᭂᬢᬂᬚᭀᬕᭀᬢ᭄ᬧᭂᬮᬶ᭟ᬳᭂᬤᬚᭂᬦ᭄ᬤᬸᬮ᭄ᬧᬭᬶᬫᬤ᭞ᬫᬗ᭄ᬓ᭠
ᬓ᭄ᬫᬯᬸᬓ᭄ᬓᬤᬶᬳᬶᬭᬶᬳᬢᬶ᭞ᬫᭀᬫᬾᬲᬧᬓᬤᬶᬳᬓᬸ᭞ᬳᬗ᭄ᬓᬶᬂᬜᬸ᭠ᬜ᭄ᬚᬸᬗᬗᬯᬓ᭄᭞ᬜᭂᬩᭂᬤᭂᬗ᭄ᬓᬶ᭞ᬧᬭᬘᬶᬤ᭄ᬭᬗᬳᬸᬲᬸ᭞ᬢ᭄ᬯᬭᬗᭂᬮᬄ᭠ [ 37 ][᭓᭖ 36B]
᭓᭖
ᬳᬭᬶᬫ᭄ᬪᬯ᭞ᬗᬗ᭄ᬕᭀᬍᬕᬧᬤᬶᬳᬶᬳᬶ᭟ᬫᬮᬸᬤᬸᬓᬾᬢᭀᬦ᭄ᬤᬾᬦ᭄ᬮᭂᬓᬤ᭄᭞ᬫᬶᬃᬫᭀᬮᬄᬫᬳᬯᬓ᭄ᬯᬶᬦ᭄ᬟᬸᬚᬢᬶ᭞ᬯᬶᬦ᭄ᬟᬸᬧ᭄ᬭᬡᬯᬫᬢᬸᬢᬸᬃ᭞
ᬢᭂᬓᬾᬓᬭᭀᬲᭀᬤᬦ᭞ᬯᬶᬦ᭄ᬟᬸᬤᬾᬯ᭞ᬫᬯᬓᬦᬾᬤᬸᬓᬾᬫᭂ᭠ᬢᬸ᭞ᬳᬶᬫᬾᬫᬾᬢᭂᬓᬾᬦ᭄ᬳᬶᬩᬧ᭞ᬳᭂᬦ᭄ᬢᭀᬫᬳᬯᬓ᭄ᬱᬤᬚᬢᬶ᭟ᬫ
ᬗᬾᬓᬤᬶᬧ᭄ᬭᬡᬬᬫ᭞ᬧᬤ᭄ᬫᬲᬦᬫᬲᬭᬶᬯᬶᬦ᭄ᬥᬸᬕᭂᬦᬶ᭞ᬘᬢᬸᬂᬏᬲ᭄ᬯᬃᬬ᭄ᬬᬫᬢᭂᬫᬸ᭞ᬢᭂᬓᬾᬦ᭄ᬓᬭᭀᬲᭀᬤᬦ᭞ᬧᬤ᭄ᬫᬫᬸᬤ᭄ᬭ᭞ᬯᬶᬦ᭄ᬟᬸᬤᬾᬯ
ᬦᬾᬫᬢᬸᬦ᭄ᬢᬸᬦ᭄᭞ᬧᬤ᭄ᬫᬗ᭄ᬮᬬᬦᬶᬦᬰ᭄ᬭᬬ᭞ᬯᬶᬦ᭄ᬥᬸᬫᬺᬢ᭄ᬢᬫᬜᬋᬗᬶᬦ᭄᭟ᬲᬚᭂᬕ᭄ᬤᬶᬚ᭄ᬭᬾᬦᬶᬂᬩᬸᬮᬦᬦ᭄᭞ᬢᬶᬲ᭄ᬦᬭᬯᬂᬦᬶᬃᬩᬦᬵᬘᬶᬦ᭄ᬢ᭄ᬬᬍᬯᬶᬄ
[᭓᭗ 37A]
᭞ᬧᬭᬫᬵᬘᬶᬦ᭄ᬢ᭄ᬬᬤᬶᬕᬸᬭᬸ᭞ᬳᬸᬕ᭄ᬭᬕᬸᬭ᭄ᬯᬤᬶᬲᬸᬓ᭄ᬱ᭄ᬫ᭞ᬯᬸᬢ᭄ᬫᬭᬶᬱ᭄ᬝ᭞ᬕᬸᬭᬸᬢᬦ᭄ᬧᬰ᭄ᬭᬬᬜᬫᬸᬢ᭄᭞ᬲᬸᬤᬮᬬᭂᬯ᭄ᬦᬶᬭᬰ᭄ᬭᬬ᭞ᬢᬾᬚᬫᬬᬢᬦ᭄ᬧ
ᬯᬮᬶ᭟ᬢ᭄ᬯᬭᬓᭀᬢᬶᬢ᭄ᬬᬂᬫᬫᬦᬄ᭞ᬳᭂᬦᬤᬳᬸᬭᬶᬧ᭄ᬩᬸᬓᬓᬮᬶᬚᬦᬶ᭞ᬧᬶᬤᬕᬶᬗᬦ᭄ᬢᬶᬢ᭄ᬬᬂᬭᬢᬸ᭞ᬢᬶᬢ᭄ᬬᬂᬓᭂᬤᭂᬄᬦᬸᬦᬲᬂ᭞ᬮᬶᬬᬂᬓᬬᬸᬦ᭄᭟ᬲ᭄ᬯᬘ᭄ᬙ
ᬳᬾᬮᬶᬂᬭᬶᬂᬳᬶᬩᬸᬤᬸᬄ᭞ᬲᬫ᭄ᬧᬸᬦ᭄ᬫᬮᬶᬄᬫᬗᬸᬩ᭄ᬤᬬᬂ᭞ᬧᬶᬚᬦ᭄ᬢᭂᬦ᭄ᬳᬸᬕᬶᬦᬾᬫᬗ᭄ᬓᬶᬦ᭄᭟ᬩᬳᬦᬾᬩᬲ᭄ᬢᬦᬶᬩᬕ᭄ᬬ᭞ᬕᭂᬩᬸᬕ᭄ᬮᬘᬸᬃᬳᬶᬤᬜᬳᬸ᭠
ᬳᬶᬦ᭄ᬲᭂᬤᬶᬄ᭞ᬲᬗ᭄ᬓᬦ᭄ᬢᬶᬢ᭄ᬬᬂᬢ᭄ᬯᬭᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬳᬦᬓ᭄ᬦᬭᬓ᭞ᬢᬶᬢ᭄ᬬᬂᬲᬫ᭄ᬧᬸᬦ᭄᭞ᬤᬲᬭᬶᬦ᭄ᬦ᭄ᬭᬓᬦᬾᬫᬮᬸ᭞ᬳᬸᬮᬶᬘᭂᬦᬶᬓ᭄ᬓᬲᬓᬶᬢ [ 38 ][᭓᭗ 37B]
᭓᭗
ᬦ᭄᭞ᬢᭀᬂᬢᬳᬾᬦ᭄ᬫᬫᬗ᭄ᬕᬶᬄᬩᭂᬘᬶᬓ᭄᭟ᬳᬓᬾᬢᭀᬚᬫᬦᬄᬢᬶ᭠ᬢ᭄ᬬᬂ᭞ᬕᬸᬲ᭄ᬢᬶᬫᬲᬶᬄᬢ᭄ᬯᬭᬋᬲᭂᬧ᭄ᬤᬶᬳᬢᬶ᭞ᬢᬦ᭄ᬲᬓᬭᬾᬂᬢᬶᬢ᭄ᬬᬂᬭᬢᬸ᭞ᬳᭂ᭠
ᬮᬲ᭄ᬢᭂᬓᬾᬦᬶᬂᬲᬫ᭄ᬬᬦ᭄᭞ᬩᭀᬬᬯᬗ᭄ᬤᬾ᭞ᬢᬶᬢ᭄ᬬᬂᬗᬸᬗ᭄ᬲᬶᬳᬮᬲ᭄ᬕᬸᬦᬸᬂ᭞ᬳᭂᬗ᭄ᬓᬾᬚᬓᬸᬘᬧ᭄ᬢᭂᬗᭂᬢ᭄᭞ᬳᬮᬶᬄᬳᬧᬂᬳᬾᬗ᭄ᬕᬮ᭄ᬫᬵᬢᬶ᭟ᬧᬶᬮᬶᬄ
ᬬᬾᬦ᭄ᬲᬶᬤ᭄ᬟᬓᬢᭂᬓᬦ᭄᭞ᬫᬦᬄᬢᬶᬢ᭄ᬬᬂᬩᬲᬸᬓ᭄ᬫᬦ᭄ᬚᬦ᭄ᬫᬫᬮᬶᬄ᭞ᬫᬢᭂᬫ᭄ᬯᬂᬢᬺᬱ᭄ᬡᬲᬥᬸ᭞ᬩᬸᬓᬭᬭᬲᬾᬲᬸᬩ᭞ᬲᬓ᭄ᬯᬦ᭄ᬲᬾᬮ᭄ᬯᬦ᭄᭞ᬩᬋᬂᬫᬩ
ᬋᬗᬦ᭄ᬭᬶᬂᬳᬭᬢᬸ᭞ᬲᬫ᭄ᬧᬸᬦ᭄ᬫᬳᭂᬤᭀᬳᬦ᭄ᬕᭂᬦᬄ᭟ᬓᭂᬦᬶᬫᬢᬸᬗ᭄ᬕᬶ᭠ᬮᬦ᭄ᬕᬸᬫᬶ᭟ᬧᬸᬄᬲᬶᬦᭀᬫ᭄᭟᭜᭟ᬲᬶᬦᭀᬫ᭄ᬧᬸᬦᬶᬓᬶᬧᬶᬋᬗᬃ᭞ᬳ
[᭓᭘ 38A]
ᬢᬸᬭᬾᬫᬸᬗ᭄ᬕᬸᬄᬕᬸᬭᬶᬢᬸ ᬳᬧᬂᬕᬸᬲ᭄ᬢᬶᬢᬢᬲ᭄ᬯᬶᬓᬦ᭄᭞ᬭᬶᬂᬦᬾᬳᬶᬯᬂᬧᬢᬹᬢ᭄ᬩᭂᬘᬶᬓ᭄᭞ᬲᬫᬭᬂᬓᬸᬤᬓᬶᬤᬶᬓ᭄᭞ᬫᬗ᭄ᬤᬾᬦᬾᬳᬧᬗᬲ
ᬭᬸ᭞ᬤᬾᬦᬶᬂᬓᬳᬶᬘ᭄ᬙᬾᬦ᭄ᬫᬾᬦᬓ᭄᭞ᬳᬦᬢᬸᬓ᭄ᬳᬶᬤᬲᬂᬗ᭄ᬳ᭄ᬬᬂᬍᬯᬶᬄ᭞᭠ᬓᭂᬦᬲᬫ᭄ᬧᬸᬦ᭄᭞ᬓᬸᬤᬩᬗᭂᬢ᭄ᬓᬲ᭄ᬮᭀᬦ᭄ᬤᭀᬳᬦ᭄᭟ᬢ᭄ᬯᬭᬫᬜ᭄ᬚ᭠
ᬮᬦᬂᬲᬲ᭄ᬢ᭄ᬭ᭞ᬮᬓ᭄ᬱᬡᬦᬾᬩᬸᬓᬚᬦᬶ᭞ᬤᬤᬶᬫᬮᬓ᭄ᬱᬡᬓᬾᬢᭀ᭞ᬩᭂᬲ᭄ᬦᬸᬳᬸᬓᬶᬦ᭄ᬤᭂᬫᭂᬦᬢᬶ᭞ᬢ᭄ᬯᬭᬜᬦ᭄ᬤᬂᬫᬃᬕ᭄ᬕᬶᬦᬶᬦ᭄᭞ᬳᬓᬸᬤ
ᬧᬵᬧᬓᬢᭂᬧᬸᬓ᭄᭞ᬳᬶᬤᬾᬯᬦᬧᬶᬤᬃᬬ᭄ᬬ᭞ᬫᬫᭂᬢᭂᬂᬫᭂᬢᭂᬂᬫᬭᬶ᭠ᬓᬶ᭞ᬳᬾᬫᭂᬂᬧᬶᬲᬦ᭄᭞ᬭᬢᬸᬢᬶᬢ᭄ᬬᬂᬗᬫᬦᬳᬂ᭟ᬤᬸᬄᬤᬾᬯᬳᭂᬤᬚ [ 39 ][᭓᭘ 38B]
᭓᭘
ᬮᬸᬯᬲ᭄᭞ᬓᬧᬶᬲᬕᬮᬮᬶᬮᬮᬶ᭞ᬫᬾᬄᬫᬾᬄᬧᬬᬸᬧᬘᬂᬢᬶᬗ᭄ᬕᬮ᭄᭞ᬫᬸᬭᬸᬓᬶᬦ᭄ᬦᬾᬫᬯᬓ᭄ᬳᭂᬦᬶᬂ᭞ᬬᬾᬦ᭄ᬤᬤᬶᬧᬩᬸᬳᬸᬢᬶᬦ᭄᭞ᬳᬧᬂᬫ
ᬫᬗ᭄ᬕᬶᬄᬭᬳᬬᬸ᭞ᬤᬾᬦᬶᬂᬓᬳᬸᬘᬧ᭄ᬳᬮ᭞ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂᬫ᭄ᬩᬦ᭄ᬤᬶᬗᬶᬦ᭄᭞ᬲᬶᬂᬢᬸᬦᬲᬶᬦ᭄᭞ᬫᬓᭂᬚᬂᬧᬥᬗᬩ᭄ᬮᭂᬢᬂ᭟ᬓᬧᬹ᭠
ᬢᬶᬢᬳᬾᬦᬸᬤᬸᬳᬂ᭞ᬓ᭄ᬭᬡᬓᬦᬾᬓᬧᬗ᭄ᬕᬶᬄ᭞ᬲᬓᬶᬢᬾᬢ᭄ᬯᬄᬫᬳᬵᬪᬭ᭞ᬢᭀᬂᬲᬸᬳᬸᬤ᭄ᬘᬦ᭄ᬤᬶᬂᬧ᭄ᬭᬶᬳᬢᬶᬦ᭄᭞ᬲᭀᬮᬄᬲᬳᬶᬫᬗᭂ᭠
ᬮᬶᬂ᭞ᬓᬤᬶᬳᬦ᭄ᬢᬶᬕᬦᬶᬂᬫᬦᬸᬓ᭄᭞ᬳᬓᬾᬢᭀᬲᬢ᭄ᬲᬢ᭄ᬢᬶᬢ᭄ᬬᬂ᭞᭠ᬓᬳᬶᬮᭂᬳᬶᬦᬸᬳᬦ᭄ᬕᬸᬫᬶ᭞ᬢ᭄ᬯᬭᬩᬸᬳᬸᬂ᭞ᬢᬶᬢ᭄ᬬᬂᬫᬫᬗ᭄ᬕᬶᬄᬤᬸᬄᬓᬶᬢ᭟
[᭓᭙ 39A]
ᬤᬸᬫᬤᬓ᭄ᬢᬶᬢ᭄ᬬᬂᬕ᭄ᬮᬶᬲ᭄ᬧᭂᬚᬄ᭞ᬍᬕᬳᬢ᭄ᬫᬦ᭄ᬢᬶᬢ᭄ᬬᬂᬕᬸᬲ᭄ᬢᬶ᭞ᬬᬤᬶᬦ᭄ᬢᬶᬢ᭄ᬬᬂᬧᬘᬂᬦ᭄ᬭᬓ᭞ᬳᭀᬂᬜᬦ᭄ᬤᬂᬢᬶᬢ᭄ᬬᬂᬜᬦ᭄ᬤᬗᬶᬦ᭄᭞ᬓᬪᭀᬕᬩᬳᬦ᭄ᬧ
ᬮᬶᬂ᭞ᬫᭀᬢᬄᬲᭂᬤᬶᬄᬩᬦ᭄ᬲᬢᬸᬳᬸᬓ᭄᭞ᬩᬸᬗᬄᬩᬦ᭄ᬓᬚᭂᬗᬳᬳ᭄᭞ᬲᬸᬕᬶᬄᬩᬦ᭄ᬲᬶᬕ᭄ᬲᬶᬕᭂᬦ᭄ᬳᬶᬮᬶᬂ᭞ᬧᬓᬢᬾᬮ᭄ᬢᬾᬮ᭄᭞ᬬᬾᬄᬫᬢ
ᬦᬾᬗ᭄ᬕᬯᬾᬫᬾᬭᬂ᭟ᬤᬸᬄᬧᬶᬲᬦ᭄‌ᬓᬾᬢ᭄ᬯᬭᬳᬤ᭞ᬧᬫᬸᬗᬸᬦ᭄ᬢᬶᬢ᭄ᬬᬂᬭᬶᬂᬕᬸᬲ᭄ᬢᬶ᭞ᬳᭂᬤᬩᭂᬲ᭄ᬗᬾᬦᬾᬳᬂᬢᬶᬢ᭄ᬬᬂ᭞ᬳᬦ᭄ᬤᬾᬢᬶᬢ᭄ᬬᬂᬩᬸᬗᬫᬶᬳᬶᬓ᭄
ᬧᬸᬥᬓ᭄ᬘᬫ᭄ᬧᬓᬧᬸᬢᬶᬄ᭞ᬓᬾᬢᭀᬳᬸᬧᬫᬶᬜᬭᬢᬸ᭞ᬩᬳᬦ᭄ᬳᬶ᭠ᬤᬜᬸᬜ᭄ᬚᬸᬗᬂ᭞ᬓ᭄ᬭᬡᬓᬾᬦᬾᬢᭂᬧᬸᬓᬶᬦ᭄᭞ᬳᬦᬓ᭄ᬜᬭᬸ᭞ᬜᬭᬸᬦ᭄ᬤᬸᬧ᭄ᬦᬸ [ 40 ][᭓᭙ 39B]
᭓᭙
ᬫ᭄ᬧᬗᬶᬦ᭄ᬢᬶᬢ᭄ᬬᬂ᭟ᬳᬤᭀᬄᬓᬧᭀᬫᬦᬄᬢᬶᬢ᭄ᬬᬂ᭞ᬧᬘᬂᬫᬜᬗ᭄ᬕᭂᬮᬶ᭠ᬦ᭄ᬕᬸᬲ᭄ᬢᬶ᭞ᬓᬧᭀᬢᬶᬢ᭄ᬬᬂᬮᬶᬦ᭄ᬢᬂᬧᭀᬗᬄ᭞ᬗᬓᬸᬳᬳᬾᬂᬗᬓᬸᬰᬓ᭄ᬢᬶ᭞ᬢ᭄ᬯᬭ᭠
ᬫᬗ᭄ᬭᬲᬫᬶᬲ᭄ᬓᬶᬦ᭄᭞ᬳᬸᬩᬸᬄᬧᬢᬸᬄᬢᬦ᭄ᬧᬢᬗ᭄ᬓᬸᬄ᭞ᬮᬶᬦ᭄ᬢᬂᬦᬶᬲ᭄ᬢᬦᬶᬲ᭄ᬢᬾᬚ᭞ᬚᭂᬦᭂᬂᬦᬸᬓᬮᬶᬓᬮᬶᬳᬶᬦ᭄᭞ᬬᬾᬓᬳᬶᬬ᭞ᬳᭂᬦ᭄ᬤᬾᬦ᭄ᬓᬳᬤᬂ᭠
ᬳᬤᬾᬗᬦ᭄᭟᭜᭟ᬧᬸᬄᬫᬲ᭄ᬓᬸᬫᬫ᭄ᬩᬂ᭟᭜᭟ᬫᬲ᭄ᬓᬸᬫᬫ᭄ᬩᬂᬧᬗᭂᬦ᭄ᬢᬸᬕ᭄ᬫᬮᬶᬄᬳᬭᬶᬭᬶᬕ᭄᭞ᬲᬫ᭄ᬧᬸᬦᬂᬚᬫᭂᬗ᭄ᬕᬄ᭞ᬲᬶᬂᬫᬫᬶᬋᬂᬫᬫᬶᬭᬕᬶ᭞᭠
ᬢᬶᬢ᭄ᬬᬂᬫᬗᬸᬗ᭄ᬕᬸᬳᬗᬯᬓ᭄᭟ᬓᭂᬦᬶᬲᬫ᭄ᬧᬸᬦ᭄ᬳᬶᬤᬤᬦᬾᬳᬶᬯᬂᬢ᭠ᬫ᭄ᬧᬶ᭞ᬢᭂᬫ᭄ᬩᬂᬭᬭᬫ᭄ᬧᬸᬢᬦ᭄᭞ᬧᭂᬮᬶᬄᬧᬲᬂᬢ᭄ᬯᬭᬍᬯᬶᬄ᭞ᬳᬫ᭄ᬧᬸᬭᬤᬾ
[᭔᭐ 40A]
ᬯᬦᬾᬜᬸᬭᬢ᭟᭜᭟ᬧᬸᬄᬧᬗ᭄ᬓᬸᬃ᭟᭜᭟ᬫᬫ᭄ᬧᭂᬄᬫᬢ᭄ᬭᬫ᭠ᬦᬄᬜᬸᬭᬢ᭄᭞ᬓᬤᬸᬂᬓᬾᬜᬳᬶᬧᬗ᭄ᬓᬸᬃᬗᬲᬶᬳᬲᬶᬄ᭞ᬗᬶᬤᬶᬳᬶᬦ᭄ᬓᬶᬤᬸᬂᬧᬗ
ᬧᬸᬲ᭄᭞ᬫᬸᬜᬶᬜᬜᬾᬮᬲᭀᬮᬲ᭄᭞ᬫᬦ᭄ᬤᭀᬯᭂᬕᬂ᭞ᬫᬗ᭄ᬤᬾᬜᬫᬮᬚᬄᬦᬸᬧ᭄ᬢᬸᬧ᭄᭞ᬲ᭄ᬯᬭᬗᬸᬗ᭄ᬕᬸᬳᬂᬤᬶᬲᬸᬭᬢ᭄᭞ᬓᭂᬤᭂᬄᬢᭀᬂᬤᬤᬶᬫᬘ
ᬓ᭄ᬮᬶ᭟ᬤᬸᬭᬸᬲ᭄ᬧᬲᬯᬸᬭᬾᬢᬸᬕᬓ᭄᭞ᬳᬤᬸᬄᬧᬗ᭄ᬓᬸᬃᬩᬲ᭄ᬢᬦ᭄ᬤ᭄ᬭᬸᬄᬓᬧᭀᬘᬳᬶ᭞ᬫᬭᬶᬩ᭄ᬩᬸᬓᬢ᭄ᬯᬭᬢᬳᬸ᭞ᬳᬶᬧᬗ᭄ᬓᬸᬃᬢᭂᬦᬾᬦ᭄ᬫᬫᬦ᭄᭞ᬮᬶᬦ᭄ᬢᬂᬢ
ᬫ᭄ᬩᭂᬢ᭄᭞ᬯᭂᬓᬲ᭄ᬓᬶᬓᬸᬓ᭄ᬗᬕᬸᬫ᭄ᬧᬸᬧᬸᬄ᭞ᬫᬓᬤᬶᬫᬳᬯᬶᬳᬯ᭄ᬬᬘ᭄᭞ᬳᬾᬫᭂᬗᬦ᭄ᬫᬫᬦ᭄ᬢᭀᬕᬢᬶ᭟ᬤᬾᬦᬶᬂᬳᬶᬧᬗ᭄ᬓᬸᬃᬩᬲ᭄ᬲᬳᬢ᭄᭞ᬳᭂᬦᬄᬤᭂᬧᬂᬫ [ 41 ][᭔᭐ 40B]
᭔᭐
ᬫᬦ᭄ᬫᬗᬸᬮᬮᬸᬦᬸᬮᬶᬲ᭄᭞ᬗ᭄ᬳᬶᬂᬳᬫ᭄ᬧᬸᬭᬲᬲ᭄ᬢ᭄ᬭᬩᬦ᭄ᬤᬸᬂ᭞ᬋᬫᬸᬓ᭄ᬓᬢᬸᬦᬦ᭄ᬓᬭᬢ᭞ᬫᬓᬤᬶᬜ᭞ᬧᭂᬤᬲ᭄ᬲᬲᬃᬓᬶᬭᬗ᭄ᬓᬸᬂ᭞ᬧᬸᬧᬸᬄᬢᬦᬹᬢᬶᬦ᭄ᬧ᭠
ᬲᬂ᭞ᬤᬸᬭᬸᬂᬫᬫᬦ᭄ᬢᬢᬲ᭄ᬳᬸᬦᬶᬂ᭟ᬫᬲᬶᬧᬶᬦᬸᬦᬲ᭄ᬳᬶᬫᬫᬦ᭄᭞ᬬᬾᬦ᭄ᬢ᭄ᬯᬄᬲᬶᬤ᭄ᬟᬧ᭄ᬭᬕᬢ᭄ᬳᬦ᭄ᬤᬾᬜᬗ᭄ᬕᬸᬭᬶᬢ᭄᭞ᬫᬲᬶᬚ᭄ᬯᬳᬧᬗᬓᬢᬸᬃ᭞ᬦ᭄ᬤᬯᭂᬕᬂᬫ᭠
ᬫᬱ᭄ᬝᬶᬓ᭞ᬫᬗ᭄ᬤᬾᬲᬶᬦᬄ᭞ᬮᬦ᭄ᬢᬃᬧᬘᬩᭂᬩᬲ᭄ᬫᬸᬫᬸᬄ᭞ᬭᬶᬂᬲᬂᬯᬶᬪᬸᬄ᭠ᬓᬧ᭄ᬭᬚ᭄ᬜᬦᬦ᭄᭞ᬫᬘᬶᬳ᭄ᬦᬯᬮᬶᬧᬶᬦᬶᬗᬶᬢ᭄᭟ᬫᬭᬦ᭄ᬓᬾᬫ᭄ᬧᭂᬃᬫᬧᬶᬢᬸᬗ᭠
ᬦ᭄᭞ᬲᬬᬦ᭄ᬧᬸᬗ᭄ᬓᬸᬃᬮᬦ᭄ᬢᬗᬂᬫᬗ᭄ᬯᬶᬮᬗᬶᬦ᭄᭞ᬳᬗᬶᬦᬾᬲᬩᬸᬄᬫᬲᭂᬮᬸᬃ᭞ᬫᬮᬶᬗᬦ᭄ᬫᬫ᭄ᬩ᭄ᬬᬧᬭ᭞ᬭᬳᬢ᭄ᬗᭀᬬᬕ᭄᭞ᬧ᭄ᬭᬧᬜ᭄ᬘᬩᬬᬸᬦᬾᬗ᭄ᬮᬶ᭠
[᭔᭑ 41A]
ᬧᬸᬢ᭄᭞ᬢᭀᬂᬲᬶᬤ᭄ᬟᬩᬢᬦ᭄ᬦᭂᬕ᭄ᬢᭂᬕᬂ᭞ᬫᬗ᭄ᬤᬾᬜᬓ᭄ᬫᬂᬤᬤᬶᬮᬭᬶᬲ᭄᭟ᬤᬾᬦᬶᬂᬓᬦ᭄ᬢᭂᬦᬾᬭᬶᬂᬯᬳ᭄ᬬ᭞ᬲᬂᬳ᭄ᬬᬂᬲᬲ᭄ᬢ᭄ᬭᬧᬲᭂᬦᭂᬢᬦ᭄ᬳᬥᬃᬫ᭄ᬫᬶᬦ᭄᭞ᬓᬳᬸ
ᬘᬧ᭄ᬕᭂᬦᬄᬫᬲᬸᬮᬸᬄ᭞ᬓᬧᬭᬩᬶᬦ᭄ᬳᬕᬫ᭞ᬭᬶᬂᬰᬰᬡ᭞ᬲᬲ᭄ᬢ᭄ᬭᭀᬤᬺᬢᬶᬳᬚᬶᬢᬸᬢᬸᬃ᭞ᬕᬸᬭᬸᬦᬶᬂᬕᬸᬭᬸᬭᬶᬂᬮᭀᬓ᭞ᬯᭂᬓᬲ᭄ᬲᬶᬗᬍᬯᬶᬄᬍᬯᬶᬄ᭟
ᬲᬓᬶᬂᬲᬲᬢ᭄ᬭᬯᬾᬦ᭄ᬢᭂᬦ᭄ᬳᬧ᭞ᬚᬢᬶᬲᬫ᭄ᬧᬸᬦ᭄ᬓᬮᬸᬫ᭄ᬩ᭄ᬭᬄᬲᬓᬶᬂᬗᬹᬦᬶ᭞ᬲᬂᬢᭂᬍᬩ᭄ᬫᬗ᭄ᬕᬸᬮᬶᬓ᭄ᬢᬸᬢᬸᬃ᭞ᬫᬮᬘᬮᬘᬥᬃᬫ᭄ᬫ᭞ᬓᬗ᭄ᬕᬾᬦ᭄ᬦᬸᬦ᭄ᬢᬸᬦ᭄᭞ᬓᬬᬸᬩᬸᬯ᭠
ᬢ᭄ᬫᬲᬸᬭᬸᬤ᭄ᬳᬬᬸ᭞ᬫᬗᬺᬕᭂᬧᬂᬧᬹᬚᬫᬦ᭄ᬢ᭄ᬭ᭞ᬫᬚᬶᬢᬵᬘ᭄ᬘᬦᬲᬫᬺᬢ᭄ᬢᬶ᭟ᬓ᭄ᬭᬡᬲᬶᬤ᭄ᬟᬓᬤᬭᬡ᭞ᬳᬢ᭄ᬭᬶᬓᬬᬳᬶᬢ᭄ᬭᬶᬕᬸᬡᬫ᭄ᬯᬄᬳᬶᬢ᭄ᬭᬶᬰᬓ᭄ᬢᬶ᭞ᬘᬮᬸᬄᬍ [ 42 ][᭔᭑ 41B]
᭔᭑
ᬳᬫᬢᬳᬦᬹᬢ᭄᭞ᬗ᭄ᬭᬜ᭄ᬚᬶᬂᬓᬭᬫᬵᬃᬣᬦ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄‌ᬧ᭄ᬭᬲᬶᬤ᭄ᬟᬮᬸᬧᬸᬢ᭄ᬯᬶᬦᬸᬯᬸᬲ᭄᭞ᬚᬢᬶᬧᬡ᭄ᬟᬶᬢᬳᬸᬢ᭄ᬢᬫ᭞ᬪᬹᬣᬡᬳᭀᬮᬶᬳᬶᬂᬳᬚᬶ᭟
ᬚᬦ᭄ᬢᭂᬦ᭄ᬓᬭᬶᬓᬲᭂᬫᬭᬦ᭄᭞ᬬᬾᬦ᭄ᬢᬦ᭄ᬲᬓᬶᬂᬫᬓᬫᬮᬓᬃᬩᭂᬘᬶᬓ᭄᭞ᬢᭀᬂᬓᬲᭂᬤ᭄ᬟᬦ᭄ᬫᬢᬳᬦᬹᬢ᭄᭞ᬧᬫᬢᭂᬮᬸᬦᬚ᭄ᬜᬦ᭄᭞ᬕᬫ᭄ᬧᬂᬗᬸᬘᬧ᭄᭞ᬫᬃ
ᬕ᭄ᬕᬶᬦᬶᬦ᭄ᬓᬮᬶᬦ᭄ᬢᬂᬓᬾᬯᬸᬄ᭞ᬓᬩᭂᬢ᭄ᬓᬲᬾᬧ᭄ᬫᬢᬶᬦ᭄ᬤᬓᬦ᭄᭞ᬲ᭄ᬓᬶᬧᬶᬢ᭄ᬓᬫᬭᬦ᭄ᬲᬳᬶ᭟ᬮᬶᬦ᭄ᬢᬂᬫᬾᬯᭂᬄᬫᬧᬗ᭄ᬭᬲ᭞ᬮᬫᬸᬦ᭄ᬓᬤᬶᬳᬶᬢᬫ᭄ᬩᭂᬢ᭄ᬳᬷᬦᬗᬸᬦ᭄ᬟᬶ᭞ᬩᭂ
ᬜ᭄ᬚᬳᬂᬓᭂᬳᬾᬗ᭄ᬭᬸᬭᬸᬄ᭞ᬢᬢ᭄ᬯᬳᬚᬶᬳᬕᬫ᭞ᬲᬬᬦ᭄ᬲᬸᬋᬢ᭄᭞ᬩ᭠ᬬᬸᬦᬾᬳᬕᭃᬂᬫᬦᬸᬦ᭄ᬢᬸᬦ᭄᭞ᬱᬲᬗᬶᬤᬦ᭄ᬲᬂᬳ᭄ᬬᬂᬥᬃᬫ᭄ᬫ᭞ᬫᬯᭂᬢᬸᬕᬸᬮᬶᬫ᭄ᬧᭂᬃ
[᭔᭒ 42A]
ᬧᬮᬶᬂ᭟ᬬᬾᬦ᭄ᬗᭂᬧᬶᬮ᭄ᬕᬬᬲ᭄ᬫᬮᬚᬄ᭞ᬫᬦᬸᬦᬲᬂᬧᬗ᭄ᬭᬯᭀᬲ᭄ᬭᬶᬂᬢ᭄ᬯᬦᬚᬶ᭞ᬩᬬᬸᬩᭂᬋᬓ᭄ᬯᬲ᭄ᬢᬦᬶᬧᬦ᭄᭞ᬋᬓᬾᬓᭀᬚᬭᬦ᭄ᬲᬲ᭄ᬢ᭄ᬭ᭞ᬓᬳᬸᬘᬧᬂ᭞ᬫᭂᬂᬲᬸ
ᬩ᭄ᬚ᭄ᬭᭀᬦᬶᬂᬧᭂᬢᭂᬂᬧᬶᬢᬸ᭞ᬯᭂᬓᬲ᭄ᬓᬯᭀᬢ᭄ᬢᬦ᭄ᬧᬲ᭄ᬢ᭄ᬭ᭞ᬤᬤᬶᬧᬢᬫ᭄ᬩᬄᬳᬯᬾᬘᬶ᭟ᬲᬫ᭄ᬧᬸᬦ᭄ᬕᬗ᭄ᬓᬶᬦ᭄ᬳᬸᬦᬶᬂᬲᬲ᭄ᬢ᭄ᬭ᭞ᬲᬤᬫᭂᬜ᭄ᬘᬩ᭄ᬫᬢᬓᬾᬦ᭄ᬭᬶᬂᬯ᭄ᬯᬦᬚᬶ ᭞ᬲᬯᬸᬃ᭠
ᬳᬶᬢ᭄ᬯᬦᬚᬶᬕᬸᬭᬸ᭞ᬲᬦᬾᬢᭂᬢᭂᬲ᭄ᬦᬭᬶᬫ᭞ᬓᬾᬄᬳᬦ᭄ᬜᬘᬤ᭄᭞ᬦᬫ᭄ᬩᬸᬦᬂᬫᬦᬳᬾᬢᬦ᭄ᬤ᭄ᬭᬸᬄ᭞ᬤᬸᬭᬸᬲ᭄ᬩᭂᬗᭀᬂᬲᬓᬶᬢ᭄ᬫᬦᬄ᭞ᬓᬤᬸᬭᬸᬲ᭄ᬳᬶᬥᭂᬧᬾᬲᭂᬤᬶᬄ
᭞ᬳᭀᬲᬄᬫᬫ᭄ᬩᬮᬶᬳᬶᬦ᭄ᬮᬯᬦ᭄᭞ᬫᬜᬸᬮᬶᬗ᭄ᬮᬶᬂᬕᭀᬩᬦᬾᬫᬸᬗ᭄ᬕ᭄ᬯᬶᬂᬘᬺᬫᬶ᭞ᬫᭂᬓᬦᬾᬤᬶᬚᬸᬫᬄᬭᬸᬭᬸᬄ᭞ᬲᬫᬶᬯᬦ᭄ᬢᬄᬫᬗ᭄ᬯᬤ᭞ᬫᬗᬮᬸᬯᬂ᭞ᬓᬧᬶᬲ [ 43 ][᭔᭒ 42B]
᭔᭒ᬕᬧᬢᭂᬦ᭄ᬢᬸᬮ᭄᭞ᬲᬶᬂᬕᭂᬦᬄᬓᬳᭀᬃᬢ᭄ᬢᬫᭂᬓ᭞ᬫᬫᭂᬓᬢᭂᬓᬫᬜᬶ᭠ᬮᬶᬄ᭟ᬲᬤᬯᬾᬦ᭄ᬢᭂᬦ᭄ᬗᬸᬕᬸᬜᭂᬮᬂ᭞ᬫᭂᬓᬩᭂᬘᬶᬓ᭄ᬳᬸᬫᬸᬃᬲᬢᬸᬫᬕᭂᬮᬶᬓ᭄᭞ᬧᭂ
ᬤᬲᬂ᭞ᬮᬯᬢᬾᬤᬶᬢᬸ᭞ᬲᬬᬦ᭄ᬫᬗᭂᬦᬄᬢᬶᬗ᭄ᬕᬃ᭞ᬫᬍᬃᬫᬢ᭄ᬓ᭞ᬗᬸᬤᬮᬾᬦ᭄ᬤᬓᬶᬦᬾᬮᬶᬬᬸ᭞ᬤᬸᬭᬸᬲ᭄ᬗᬾᬫᭂᬂᬫᬗᭂᬦᭂᬳᬂ᭞ᬫᬗᭂᬦᬂᬳᬯᬓ᭄ᬦᬾᬫᬗ᭄ᬓᬶ
ᬦ᭄᭟ᬫᬗ᭄ᬭᬾᬫᭀᬦ᭄ᬫᬲᬲᬫ᭄ᬩᬢᬦ᭄᭞ᬫᬜᭂᬮ᭄ᬲᭂᬮᬂᬳᬮᬓᬃᬫ᭄ᬫᬦᬾᬍᬦᬶ᭞ᬢᬦ᭄ᬢᬄᬢ᭄ᬤᬲᭂᬮᬸᬓ᭄ᬫᬦᬸᬭᬸᬦ᭄᭞ᬲᬶᬲᬶᬧ᭄ᬗᬯᬦᬶᬦ᭄ᬤᭀᬲ᭞ᬲᬓᬶᬂᬧᬜ᭄ᬘ
ᬫᬳᬵᬪᬸᬢᬳᬸᬭᬶᬧ᭄ᬫᭂᬢᬸ᭞ᬫᬳᬚᬓᬦ᭄ᬢᬶᬕᬲᬦᬓ᭄᭞ᬩᭂᬢᬳᬾᬢ᭄ᬯᬭᬕᬶᬕᬶᬲ᭄᭟ᬢᬸᬗ᭄ᬓᬲ᭄ᬢᭀᬂᬤᬤᬶᬧᬢᭂᬕ᭄ᬩᬂ᭞ᬧᬮᬶᬂᬓᭂᬮᬶᬄᬧᬗ᭄ᬓᬸᬭᬾᬩᬸᬓ
[᭔᭓ 43A]
ᬫᬢᬶ᭞ᬕᬜ᭄ᬘᬄᬮᬸᬯᬲ᭄ᬫᬦ᭄ᬤᬭᬸᬭᬸᬂ᭞ᬦᬾᬤᬤ᭄ᬯᬫᬦᬸᬳᬸᬢᬂ᭞ᬧᭀᬮᬄᬓᬾᬢᬸᬭᬸᬢ᭄᭞ᬲᬧᬗᬚᬄᬢᭂᬓᬾᬦ᭄ᬩ᭄ᬭᬶᬬᬸᬓ᭄᭞ᬩᭂᬮᭀᬕ᭄ᬘᭀᬦᭀᬮ᭄ᬢᬦ᭄ᬓ
ᬓᬾᬳᬦ᭄᭞ᬧᭀᬮᬄᬓᬾᬯᬮᬫᬗᬶᬭᬶᬂ᭟ᬤ᭄ᬯᬦᬶᬂᬓᬾᬫ᭄ᬧᭂᬃᬦᬸᬕᭂᬦᬳᬂ᭞ᬦᬧᬶᬳᬗ᭄ᬕᬾᬫᬗ᭄ᬭᬯᭀᬲ᭄ᬓᬤᬶᬫᬗ᭄ᬓᬶᬦ᭄᭞ᬧᬶᬮᬶᬄᬓᬲᬶᬤ᭄ᬟᬦ᭄ᬭᬳᬬᬸ᭞ᬳᬸᬲ᭠
ᬦ᭄ᬫᬗᬦ᭄ᬤᬂᬗᬦ᭄ᬤᬂ᭞ᬧᬭᬶᬧᬹᬃᬡ᭄ᬦ᭞ᬯᬮᬶᬓ᭄ᬧᬯᬶᬮᬗᬦᬶᬧᬸᬦ᭄᭞ᬳᬮᬸᬲᬶᬦ᭄ᬳᬤᬾᬗᬤᬾᬗᬦ᭄᭞ᬓᭂᬦᬶᬳᬶᬧᬸᬦᬾᬍᬕᬦᬶᬦ᭄᭟ᬧᬶᬮᬶᬄᬲᬶᬤ᭄ᬟᬢᬫᬗ᭄ᬭ
ᬲ᭞ᬳᬸᬲᬦ᭄ᬧᭂᬗ᭄ᬓᬸᬂᬤᬤᭀᬲ᭄ᬧᬘᬂᬧᬶᬬᭂᬭᬶᬦ᭄᭞ᬫᬋᬦ᭄ᬳᬶᬧᬸᬦ᭄ᬤᬭᬸᬭᬸᬂ᭞ᬗᬮᬸᬜᬓ᭄ᬳᬚᬓ᭄ᬫᭂᬮᬚᬄ᭞ᬳᬗ᭄ᬩᬾᬓᬦ᭄ᬢᬶ᭞ᬫᬦ᭄ᬤᬾᬦᬾᬫᬫᬗ᭄ᬕᬶᬄᬧᬢᬹᬢ᭄᭞ [ 44 ][᭔᭓ 43B]
᭔᭓
ᬢ᭄ᬯᬭᬤᬦᬸᬗ᭄ᬓᬲᬶᬦ᭄ᬫᬦᬄ᭞ᬲᬧᬯᬸᬲᬮᬶᬂᬳᬸᬮᬦᬶᬦ᭄᭟ᬓᬮᬶᬄᬢᬗᬃᬫᬢᬶᬦ᭄ᬤᬓᬦ᭄᭞ᬩ᭄ᬯᬢ᭄ᬫᬫᬸᬜᬶᬲᬫᬶᬧᬥᬫᬫᬶᬧᬶᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬗᬦ᭄ᬤᬂᬗ᭠
ᬜ᭄ᬚᬸᬄ᭞ᬫᬕᭂᬳᬂᬓᬧᬢᬹᬢᬦ᭄᭞ᬓᬧᬫᬡ᭄ᬟᬶᬢ᭞ᬤᬾᬭᬮᬳᬾᬫᬓᬢᬢᭂᬮᬸ᭞ᬢᬦ᭄ᬯᬾᬦ᭄ᬢᭂᬦ᭄ᬓᬭᬶᬫᬮᬳᬤ᭄᭞ᬗᬓᬸᬳᬓᬸᬧᬮᬶᬂᬲᬶᬗ᭄ᬕᬶᬄ᭟ᬩᭂᬮᬲᬂ
ᬳᬶᬦ᭄ᬤᬳᬶᬦ᭄ᬤᬬᬂ᭞ᬢᬸᬃᬍᬫᭂᬲᬶᬦ᭄ᬫᬗ᭄ᬤᬾᬤᬲᬓᬶᬢᬢᬶ᭞ᬬᬦ᭄ᬲᬫ᭄ᬧᬸᬦ᭄ᬫᬧᬶ᭠ᬦ᭄ᬤᬧᬢᬸᬄ᭞ᬤᬶᬢᬸᬮᬶᬄᬭᬜ᭄ᬚᬶᬗᬂ᭞ᬭᬶᬂᬧᬜᬶᬫ᭄ᬧᭂᬦ᭄᭞ᬕᭂᬤᭀᬂᬧᬸᬭᬧᬸᬱ᭄ᬧ
ᬳᬭᬹᬫ᭄᭞ᬕᬶᬫ᭄ᬧᭂᬲ᭄ᬫᬓᬸᬜ᭄ᬘᬶᬗᬦ᭄ᬫᬦᬄ᭞ᬭᬲᬦᬾᬍᬗᭂᬂᬦᬶᬲᬶᬭᬶᬂ᭟ᬧ᭄ᬭᬕᬢ᭄ᬳᬓᬾᬢᭀᬘᭂᬦ᭄ᬟᭂᬢᬂ᭞ᬫᬸᬜᬶᬦ᭄ᬫᬫᬦ᭄ᬗᬯᬕ᭄ᬗᬯᬕ᭄ᬦᬾᬚᬢᬶ᭞ᬢᭀ
[᭔᭔ 44A]
ᬦ᭄ᬤᬾᬦ᭄ᬧᭂᬤᬲ᭄ᬦᬓᬲᬮᬶᬫᬸᬃ᭞ᬘᬳᬶᬫᬲᬶᬗᭂᬦᭂᬳᬂ᭞ᬬᬦᬶᬂᬧᬓ᭄ᬱ᭞ᬫᬫ᭠ᬦ᭄ᬫᬦ᭄ᬤᬯᬬᬂᬢᬸᬢᬸᬃ᭞ᬩᬲ᭄ᬮᬶᬬᬸᬦᬦ᭄ᬯᬯᬶᬮᬗᬦ᭄᭞ᬯᬦ᭄ᬢᬄᬫᬗ᭄ᬭᬩᬬᬂᬧᬮᬶᬂ᭟ᬫ
ᬫᬦ᭄ᬗᬸᬲ᭄ᬩᭂᬮᭀᬕᬾᬗᭀᬜᬂ᭞ᬢᬸᬯᬶᬲᬚᬢ᭄ᬯᬭᬫᬦᬯᬂᬓᬗᬶᬦ᭄᭞᭠ᬩ᭄ᬯᬓᬦᬶᬧᬸᬦ᭄ᬳᬦ᭄ᬢᬸᬓ᭄ᬮᬘᬸᬃ᭞ᬢ᭄ᬯᬭᬦᬯᬂᬧᬫᬄᬩᬄ᭞ᬧᬋᬳᬦ᭄ᬮᬶᬗ᭄ᬕ᭞ᬫᬦᬶᬓᬾᬫᬸ
ᬗ᭄ᬕᬄᬢᭂᬤᬸᬦ᭄᭞ᬧᬂᬯᬶᬪᬸᬄᬭᬲᬦᬶᬂᬭᬲ᭞ᬫᬫᬦ᭄ᬢᬦ᭄ᬯᬾᬦ᭄ᬢᭂᬦ᭄ᬤᬳᬸᬦᬶᬂ᭟ᬓᬤᬶᬓᬾᬜᬧᬸᬦᬶᬓ᭞ᬫᬫᬦ᭄ᬲᬋᬢ᭄‌ᬬᬦᬶᬂᬘᬳᬶᬦᬓᭀᬦᬶᬦ᭄᭞ᬧ
ᬫᭂᬓᬲ᭄ᬓᬶᬜ᭄ᬘᬶᬢ᭄ᬦᬾᬯᬶᬪᬸᬄ᭞ᬫᬦᬶᬓᬾᬳᬓᬫ᭄ᬩᬗᬦ᭄᭞ᬭᬶᬂᬧ᭄ᬭᬬᭀᬕᬶᬓᭀᬘᬕᭂᬦᬄᬜᬦᬾᬫᬸᬗ᭄ᬕᬸᬄ᭞ᬓᬫ᭄ᬩᬶᬮ᭄ᬳᬦ᭄ᬢᬸᬓ᭄ᬧ᭄ᬭᬪᬹᬓᬺᬖ᭄ᬡ᭞ᬓᬩᬦ᭄ᬢᬓᬤ᭄ᬯ [ 45 ][᭔᭔ 44B]
᭔᭔
ᬭᬯᬢᬶ᭟ᬯ᭄ᬬᬓ᭄ᬢᬶᬢᭂᬕᭂᬲᬾᬧᬸᬦᬶᬓ᭞ᬬᬦ᭄ᬧᬸᬦᬶᬓᬯᭂᬓᬲ᭄ᬧᬶᬲᬦ᭄ᬗᭂᬯᬾᬳᬶᬦ᭄᭞ᬭᬶᬂᬫᬫᬦ᭄ᬭᬾᬄᬤᬸᬭᬸᬂᬢᬳᬸ᭞ᬗᭂᬦᭂᬳᬂᬳᬗᬦ᭄ᬫᬢ᭄ᬭ᭞ᬬᬾᬦ᭄ᬓᭂᬦᭂᬳᬂ
᭞ᬫᬫᬦ᭄ᬜᬦ᭄ᬤᬂᬢᭀᬗᭀᬲ᭄ᬫᬢᬸᬃ᭞ᬓᬩ᭄ᬯᬢᬦ᭄ᬩᬦ᭄ᬢᬲ᭄ᬓᬾᬦᬗ᭄ᬕᬮ᭄᭞ᬭᬶᬂᬳᬶᬤᬵᬃᬬ᭄ᬬᬯᬮᬧᬶᬧᬶᬗᬶᬢ᭄᭟᭜᭟ᬧᬸᬧᬸᬢ᭄ᬓᬲᬸᬭᬢ᭄ᬳᭀᬮᬶᬄᬳᬶᬯᬬᬦ᭄ᬢᭂ
ᬕᭂᬕ᭄᭞ᬲᬓᬶᬂᬤᬾᬰᬩᬸᬕ᭄ᬩᬸᬕ᭄‌ᬤᬸᬲᬸᬦ᭄ᬢᭂᬗᬳᬦ᭄᭞ᬩᬜ᭄ᬚᬃᬳᬤ᭠ᬢ᭄ᬩᬜ᭄ᬘᬶᬗᬄ᭞ᬭᬸᬭᬸᬂᬓᬫ᭄ᬩᭀᬚ᭞ᬳᬸᬫᬄᬦᭀᬫᭂᬃ᭞᭓᭞ᬭᬶᬂᬭᬳᬶᬦ᭞ᬲ᭞
ᬫ᭞ᬳᬸᬓᬸᬩᬮ᭞ᬧᬗ᭄ᬮᭀᬧᬶᬂ᭞᭙᭞ᬰᬰᬶᬄ᭞᭙᭞ᬳᬶᬰᬓ᭞᭑᭙᭑᭔᭟᭜᭟