Ban/Gaguritan Kawiswara

Deskripsi

Bahasa Indonesia

Gĕguritan adalah sebuah bentuk puisi tembang dalam bahasa sehari-hari. Gaguritan Kawiswara adalah salah satu karya sastra yang memiliki sastra tutur karena jalan ceritanya ditandai dengan penggunaan metode dialogis. karya sastra ini ditulis oleh orang yang arif, bijaksana, yang menguasai ajaran tattwa, tutur, dan intisari susastra agama. Geguritan ini sangat baik dibaca oleh orang yang mengharapkan kebahagiaan dan keselamatan, baik di dunia maupun di akhirat. Hal tersebut dapat diraih dengan jalan memegang teguh kebenaran, kebajikan (dharma) dalam konsep ajaran agama Hindu Bali. Lontar ini memiliki Panjang. 45 cm. Lebar. 3,5 cm. dan Jumlah. 50 lembar. Asal : Tampwagan, Amlapura, Karangasem.

Naskah

[ 1 ][PERPUSTAKAAN
KTR.DOKBUD BALI
PROP. BALI
[᭑ 1 A]
[PERPUSTAKAAN
KTR.DOKBUD BALI
PROP. BALI
G/VIII/20/DOKBUD
Judul : GAGURITAN KAWISWARA
Pj. 45 cm. Lb. 3,5 cm. Jl. 50 lb.
Asal : Tampwagan, Amlapura, Karangasem
G/VII/1/DOKBUD
Judul : GAGURITAN KAWISWARA
Pj. 45 cm. Lb. 3,5 cm. Jl. 50 lb.
Asal : Tampwagan, Amlapura, Karangasem [ 2 ][᭑ 1 B]
᭑᭟
᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭟ᬇᬣᬶᬰ᭄ᬯᬭ᭟ᬧᬸᬧᬸᬄᬲ᭄ᬫᬭᬦ᭄ᬥᬦ᭟᭐᭟᭑᭟ᬫᬶᬮᬸᬧᬗ᭄ᬓᬄᬫᬗ᭄ᬭᬜ᭄ᬘᬦᬶ᭞ᬫᭂᬦ᭄ᬢᭂᬓ᭄ᬘᬭᬶᬢᬉᬢ᭄ᬢᬫ᭞ᬲᬓᬶᬂᬢᬸᬢᬸᬧᬗᬫ᭄ᬩᬶᬮᬾ᭞ᬧᬶᬦᬓᬧᬓᬾᬮᬵᬳᬶᬂᬫᬦᬄ᭞ᬫᬲᬾᬸᬶᬗ
ᬲ᭄ᬢ᭄ᬬᬂᬓᬭᬳᬬ᭄ᬯᬦ᭄᭞ᬳᬦᬶᬓᭂᬢ᭄ᬳᬦᬭᬶᬂᬓᬶᬥᬸᬂ᭞ᬲᬶᬧᬢᬶᬂᬇᬕᬫᬢᬷᬃᬣ᭟᭐᭟᭒᭟ᬧᬸᬦᬶᬓᬶᬯᬦ᭄ᬢᬄᬓᬕᬸᬭᬶᬢ᭄᭞ᬲᬂᬦᬵᬣᬭᬶᬂᬍᬫᬄᬲᬸᬭᬵᬢ᭄᭞ᬫᬧᬸᬢ᭄ᬭᬢᬢᬶᬕᬋᬓᭀ᭞ᬫᬶᬚᬶᬮ᭄ᬲᬓᬶᬂᬳᬶ
ᬩᬸᬢᬸᬗ᭄ᬕᬮ᭄᭞ᬲᬫᬶᬮᬦᬂᬧᬧᬢᬸᬳᬦ᭄᭞ᬯᬃᬡ᭄ᬦᬶᬲᬫᬶᬮᬶᬦ᭄ᬢᬂᬩᬕᬸᬲ᭄᭞ᬓᬭᬶᬳᬮᬶᬢ᭄‌ᬓᬢᬶᬗ᭄ᬕᬮᬦ᭄᭟᭐᭟᭓᭟ᬓᭀᬘᬧ᭄ᬲᬦᬾᬧᬶᬦᬶᬄᬓ᭄ᬮᬶᬄ᭞ᬫᬳᬭᬦ᭄ᬲᬂᬤᬚ᭄ᬭᬥᬦ᭞ᬲᬂᬓᬯᬶᬰ᭄ᬯᬭ
ᬳᬭᬶᬦᬾ᭞ᬓᬂᬉᬭᬸᬚᬸᬭᬲᬸᬢ᭄ᬢᬫ᭞ᬭᬹᬧᬦᬾᬓᬵᬤᬶᬳ᭄ᬬᬂᬲ᭄ᬫᬭ᭞ᬧ᭄ᬭᬚ᭄ᬜᬦ᭄ᬤ᭄ᬬᬢ᭄ᬫᬶᬓᬭᬶᬂᬓᬳ᭄ᬬᬸᬦ᭄᭞ᬓᬲᬶᬳᬶᬦ᭄ᬯᭀᬚᬦᬧᬤ᭟᭐᭟᭔᭟ᬲᬂᬓᬯᬶᬰ᭄ᬯᬭᬗ᭄ᬮᬶᬂᬳᬭᬶᬲ᭄᭞ᬉᬥᬸᬄ᭠
[᭒ 2 A]
ᬳᬤᬶᬭᬲᬸᬢ᭄ᬢᬫ᭞ᬫᬳᬶᬓᬾᬧᬳᭂᬓᬂᬋᬓᭀ᭞ᬤᬶᬦᬶᬫᬮᬸᬫᬭᬭᬱᬦ᭄᭞ᬫᬶᬯᬄ᭠ᬩ᭄ᬮᬶᬪᬚ᭄ᬭᬥᬦ᭞ᬦ᭄ᬢᭀᬗᬹᬤᬤᬶᬢᬸᬫᬗᬸᬬᬸᬓ᭄᭞ᬧᬶᬋᬗᬂᬚ᭄ᬯᬳᬢᬹᬃᬢᬶᬢ᭄ᬬᬂ᭟᭐᭟᭕᭟ᬩᭂᬮᬶᬳ᭠
ᬤᬶᬧᬥᬓᬮᬶᬄ᭞ᬪᬚ᭄ᬭᬥᬦᬭᬲᬸᬢ᭄ᬢᬫ᭞ᬳ᭄ᬤᬧᬢᬶᬘᬘᬮᭀᬦ᭄ᬥᭀᬄ᭞ᬦ᭄ᬤ᭄ᬭᬶᬬᬦ᭄ᬫᬦᬄᬭᬵᬕᬩᬚᬂ᭞ᬧᬥᬉᬩᬸᬄᬓᬢᬶᬗ᭄ᬕᬮᬦ᭄᭞ᬢᬯᬸᬦ᭄ᬢᬦᬄᬫᭂᬦᬾᬓ᭄ᬲᬸᬯᬸᬂ᭞ᬳ᭄ᬜᬾᬦ᭄ᬳᬦᬓᬾᬫᬫ
ᬦᬂ᭟᭐᭟᭖᭟ᬳ᭄ᬤᬲᬸᬯᬸᬤ᭄ᬫᬮᬚᬳᬶᬦ᭄᭞ᬚᬦᬶᬫᬦᬶᬗ᭄ᬓᬳᬂᬳᬯᬓ᭄᭞ᬢᬸᬢᬸᬃᬩ᭄ᬮᬶᬦᬾᬋᬲᭂᬧᬂ᭞ᬳᬶᬗᭂᬭᬶᬗᭂᬭᬂᬤᬶᬫᬦᬄ᭞ᬩᬶᬮᬶᬄᬲᬶᬤ᭄ᬥᬬᬓᬲᬤ᭄ᬬᬦ᭄᭞ᬧᬳᬶᬘ᭄ᬙᬦ᭄ᬳᬶᬤᬳ᭄ᬬᬂᬢᬸᬥᬸᬄ
᭞ᬫᬗᬶᬘ᭄ᬙᬾᬦᬶᬦ᭄ᬲᬲᬸᬧᬢᬦ᭄᭟᭐᭟᭗᭟ᬯ᭄ᬓᬲ᭄‌ᬬᬦ᭄ᬫᬮᬶᬄᬦᬸᬫᬤᬶ᭞ᬢ᭄ᬯᬭᬓᬾᬦᬾᬓᬲᬗ᭄ᬲᬭᬦ᭄᭞ᬳᬸᬮᬶᬚᬦᬶᬩᬦ᭄ᬗᬾᬲ᭄ᬢ᭄ᬬᬂ᭞ᬲᭀᬢᬦᬶᬂᬤᬤᬶᬫᬵᬦᬸᬱ᭞ᬧ᭄ᬤᬲᬂᬳᬧᬗᬢ [ 3 ][᭒ 2 B]
᭒᭟
ᬯᬂ᭞ᬤᬶᬚᬧᬶᬦᬗ᭄ᬓᬦᬾᬤᬸᬫᬸᬦ᭄᭞ᬧᬘᬂᬓᬶᬚᬚᬫᬗᬸᬗᬸᬲ᭄ᬬᬂ᭟᭐᭟᭘᭟ᬳᭂᬦ᭄ᬢᭀᬫᬮᬸᬧᬚᬸᬶᬂᬮᬚᬳᬶᬦ᭄᭞ᬬᬤ᭄ᬬᬦ᭄ᬲᬂᬧᬭᬇᬕᬫ᭞ᬢᬦ᭄ᬪᬶᬦᬳᬸᬦ᭄ᬢᭂᬂᬓᬳ᭄ᬬᬸᬦᬾ᭞ᬧᬗᬦ᭄ᬢᬶᬫᬮᬶᬄᬢᬸ
ᬗ᭄ᬕᬮ᭄᭞ᬗᬸᬗ᭄ᬲᬶᬫᬲᬶᬄᬰᬹᬦ᭄ᬬᬫ᭄ᬭᬢ᭞ᬬᬤ᭄ᬬᬦ᭄ᬲᬂᬧᬡ᭄ᬥᬶᬢᬧᬸᬢᬸᬲ᭄᭞ᬓᬲᬶᬦᬤ᭄ᬬᬦ᭄ᬭᬶᬂᬲᬩᬭᬂ᭟᭐᭟᭙᭟ᬦᬗ᭄ᬳᬶᬂᬫᬗᬾᬮᬶᬗᬶᬦ᭄᭞ᬭᬾᬄᬚᬵᬢᬶᬮᬶᬦ᭄ᬢᬂᬉᬢ᭄ᬢᬫ᭞ᬲᬃᬯ᭄ᬯᬧᬶᬗᬶᬢ᭄‌ᬬᬫᬳᬾ
ᬤᬾᬂ᭞ᬓᬤᬶᬫᬶᬜᬓ᭄ᬮᬯᬦ᭄ᬳᬫ᭄ᬧᭂᬳᬦ᭄᭞ᬓᬤᬶᬮᬯᬢᬾᬭᬶᬂᬫ᭄ᬓ᭞ᬓᬤᬶᬳᬧᬸᬬ᭄‌ᬭᬶᬂᬢᬭᬸ᭞ᬭᬾᬄᬫᬭᬵᬕᬳᬦ᭄‌ᬦᭀᬭ᭟᭐᭟᭑᭐᭟ᬳᬤᬦᬾᬳᬦᬾᬲᬸᬚᬢᬶ᭞ᬦᭀᬭᬦᬾᬬ
ᬦ᭄ᬫᬭᬶᬂᬦᭀᬭ᭞ᬓᬭᬕ᭄ᬦᬶᬭᬶᬕ᭄ᬓᬲᬃᬓᬲᬾᬃ᭞ᬫᬧᬸᬢᭂᬃᬫᬦᬳᬾᬓ᭄ᬭᬲ᭄᭞ᬳᬸᬮᬶᬓᬶᬥᬶᬓ᭄ᬤᬤᬶᬓᬢᬄᬩᭀᬬᬲᬫᬶᬧᬢᬹᬢ᭄᭞ᬫᬶᬗᬸᬗᬂᬫᬦᬄᬓᬢᬸᬦᬦ᭄᭟᭐᭟᭑᭑᭟
[᭓ 3 A]
ᬦ᭄ᬭᬗᬂᬫᬦᬄᬲᬸᬚᬵᬢᬶ᭞ᬧᬜ᭄ᬚᬂᬬᬦ᭄ᬲᬫᬶᬢᬸᬢᬸᬭᬂ᭞ᬳᬓᬶᬥᬶᬓ᭄‌ᬬᬦ᭄ᬭᬶᬗ᭄ᬓᭂᬲᬺᬓᭀ᭞ᬬᬦ᭄ᬚᬸᬚᬸᬄᬲᬬᬦ᭄ᬗᭂᬚᭀᬳᬂ᭞ᬬᬦ᭄ᬧᬦ᭄ᬥᬂᬲᬬᬦ᭄ᬳᬶᬮᬂ᭞ᬬᬤ᭄ᬬᬕᬫᭂᬮ᭄ᬲᬬᬦ᭄ᬦᬭᬸᬯᬸᬂ᭞ᬬᬦ᭄ᬲᭂ
ᬩᭂᬢᬂᬲᬬᬦ᭄ᬲᬲᬄ᭟᭐᭟᭑᭒᭟ᬬᬦ᭄ᬓᭂᬦᭂᬳᬂᬲᬬᬦ᭄ᬲᭂᬤᬶᬄ᭞ᬬᬦ᭄ᬚᭂᬚᭂᬳᬂᬲᬬᬦ᭄ᬫ᭠ᬭᬲ᭄᭞ᬬᬦ᭄ᬢᬫ᭄ᬩᭂᬢᬂᬲᬬᬦ᭄ᬩᭂᬮᭀᬕ᭄᭞ᬬᬦ᭄ᬮᬷᬮᬬᬂᬲᬬᬦ᭄ᬧᬹᬃᬡ᭄ᬦ᭞ᬬᬦ᭄ᬩᬦᬶᬬᬂᬲᬬᬦ᭄ᬩᬦ᭄ᬢᬃ᭞ᬬᬦ᭄ᬮ
ᬗ᭄ᬕᭂᬗᬂᬲᬬᬦ᭄ᬓᬸᬮᬸᬄ᭞ᬬᬦ᭄ᬢᭂᬮᬲᬂᬲᬬᬦ᭄ᬫᬮᬂ᭟᭐᭟᭑᭓᭟ᬦᬗ᭄ᬳᬶᬂᬳᬤᬓᬾᬲᬸᬚᬵᬢᬶ᭞ᬯ᭄ᬭᬸᬄᬭᬶᬂᬱᬉᬢ᭄ᬢᬫ᭞ᬢ᭄ᬯᬭᬢᬸᬬᬸᬄᬫᬗᬶᬜ᭄ᬘᭂᬭᬾ᭞ᬧᬧᬶᬦᭂᬳᬾᬚᬮᬦ᭄ᬫᬸᬮ᭞ᬕᬮᬗᬦ᭄ᬢᭂ᭠
ᬓᬾᬦᬼᬫᬄ᭞ᬲᬯᬶᬭᬾᬄᬲᬦᬾᬭᬶᬂᬢᬸᬢᬸᬃ᭞ᬢ᭄ᬯᬭᬩᬶᬗᬸᬂᬫᬗ᭄ᬮᬶᬗᬂ᭟᭐᭟᭑᭔᭟ᬤᬾᬦᬶᬂᬧᬗᭀᬤᬦᬾᬍᬯᬶᬄ᭞ᬱᬤ᭄ᬭᬶᬧᬸᬦᬾᬫᬭᬶᬂᬭᬵᬕ᭞ᬦᬾᬲᬳᬶᬗᭂᬫ᭄ᬧ᭄ᬭᬕ᭄ᬭᬵᬕᬦᬾ᭞ᬫᬫᬸᬭᬸᬂ [ 4 ][᭓ 3 B]
᭓
ᬲᬤ᭄ᬥ᭄ᬬᬉᬢ᭄ᬢᬫ᭞ᬫᬦᬸᬤᬸᬳᬂᬓᬲᬗ᭄ᬲᬭᬦ᭄᭞ᬗᬶᬮᬗᬂᬮᬓ᭄ᬱᬡᬧᬢᬹᬢ᭄᭞ᬧᬸᬦᬶᬓᬫᬗ᭄ᬤᬯᬲᬱ᭄ᬧᬤ᭟᭐᭟᭑᭕᭟ᬳᬶᬭᬲᬸᬢ᭄ᬢᬫᬜᬯᬸᬭᬶᬦ᭄᭞ᬯᬘᬦᬦ᭄ᬩᭂᬮᬶᬢᬦ᭄ᬲᬶᬫ᭄ᬧᬂ᭞ᬤᬸᬭᬸᬲᬂᬇᬘ᭄ᬙ᭠
ᬦᬾᬧᬹᬶᬓᭀᬶᬸ᭞ᬶᬫᬗ᭄ᬓᭀ᭞ᬫᬯᬭᬄᬯᬭᬄᬭᬶᬂᬢᬶᬢ᭄ᬬᬂ᭞ᬤᬾᬦᬶᬂᬢᬶᬢ᭄ᬬᬂᬤᬸᬭᬸᬂᬢᬢᬲ᭄᭞ᬧᬸᬦᬧᬶᬤᬤᬶᬱᬤ᭄ᬭᬶᬧᬸ᭞ᬗ᭄ᬕᬯᬾᬲᬗ᭄ᬲᬭᬦᬶᬂᬫᬦᬄ᭟᭐᭟᭑᭖᭟ᬳᬮᬱ᭄ᬬᬯᬳ᭄ᬦᬳᬲᬶᬓᬶ᭞ᬓᬮᬶᬄᬦᬶᬤ᭄ᬭ᭠
ᬢᬶᬕᬪᬱ᭞ᬓᬧᬶᬂᬳᭂᬫ᭄ᬧᬢ᭄ᬭᬵᬕᬦᬾ᭞ᬱᬶᬂᬮᬶᬫᬧᬸᬦᬶᬓᬭᬵᬕ᭞ᬧᬦᬸᬗ᭄ᬕᬮᬶᬂᬱᬤ᭄ᬭᬱ᭞᭠ᬤ᭄ᬯᬾᬰᬓᬧᬶᬂᬳᭂᬦᭂᬫᬶᬧᬶᬦ᭄᭞ᬧᬸᬦᬶᬓᬫᬸᬲᬸᬄᬲᬓᬮ᭟᭐᭟᭑᭗᭟ᬲᬫᬶᬗᬗ᭄ᬕᭀᬕᬸᬡᬍᬯᬶᬄ᭞
ᬧᬗᬶᬯᬫᬶᬯᬄᬧᬶᬢ᭄ᬮᬲ᭄᭞ᬓᬫᬶᬓ᭄ᬱᬦᬼᬄᬶᬂᬯᬶᬄᬳᬶᬭᬶᬩᬾ᭞ᬲᬸᬚᬵᬢᬶᬦ᭄ᬦᬾᬦᭀᬭᬢ᭄ᬭᬂ᭞ᬉᬮᬢᬾᬫᬶᬮᬸᬫᬗ᭄ᬭᬢ᭞ᬫᬦᬶᬭᬸᬲᬂᬯᬶᬓᬸᬧᬸᬢᬸᬲ᭄᭞ᬲᬸᬫᬗ᭄ᬓᬶᬦ᭄‌ᬗ᭄ᬕᬯᬾᬲᬗ᭄ᬲᬶᬭ᭟
[᭔ 4 A]
᭐᭟᭑᭘᭟ᬧᬦᬸᬚᬸᬦᬾᬲᬸᬭᬸᬂᬩᭂᬘᬶᬓ᭄᭞ᬧᬫᬸᬧᬸᬢᬾᬳᭂᬦᬸᬗᬯᬕ᭄᭞ᬭᬾᬄᬳᬓ᭄ᬯᬾᬄᬲᬃᬯ᭄ᬯᬳᬶᬭᬶᬩᬾ᭞ᬓᬢᬄᬫᬸᬲᬸᬄᬘᬭᬭᭀᬯᬂ᭞ᬭᭀᬯᬦᬾᬫᬧᬶᬡ᭄ᬥᬧᬶᬡ᭄ᬥ᭞ᬲᬲᭀᬮᬄ
ᬦᬾᬘᬭᬫᬸᬲᬸᬄ᭞ᬳᬚᬸᬃᬳᬭᭀᬓ᭄ᬱᬫᬃᬧᬶᬲᬦ᭄᭟᭐᭟᭑᭙᭟ᬳᭂᬦ᭄ᬢᭀᬫᬮᬸᬧᬮᬚᬳᬶᬦ᭄᭞ᬫᬫᬢᬶᬰᬢ᭄ᬭᬸᬭᬶᬂᬭᬵᬕ᭞ᬲᬜ᭄ᬚᬢᬲᬵᬫ᭄ᬧᬸᬦ᭄ᬭᬶᬂᬭᬵᬕᬦᬾ᭞ᬧᬳᬶᬘ᭄ᬙᬦ᭄ᬳᬶᬤᬲᬂᬳ᭄ᬬᬂ
ᬢᬸᬗ᭄ᬕᬮ᭄᭞ᬗᬭᬦ᭄ᬧᬲᬸᬧᬢᬶᬰᬵᬲ᭄ᬢ᭄ᬭ᭞ᬧᬗᬼᬩᬸᬭᬦᬶᬂᬱᬤ᭄ᬭᬶᬧᬸ᭞ᬧᬗᭂᬲᭂᬗᬦᬶᬂᬢ᭄ᬭᬶᬪᬸᬯᬦ᭟᭐᭟᭒᭐᭟ᬧᬸᬦᬶᬓᬲᬜ᭄ᬚᬢᬍᬯᬶᬄ᭞ᬲᬓᬶᬂᬯᬕᬾᬱᬦᬶᬂᬭᬵᬕ᭞ᬦᬗ᭄ᬳᬶᬂ
ᬳᬲ᭄ᬣᬶᬢ᭄ᬬᬂᬋᬓᭀ᭞ᬗᬕᭂᬫ᭄ᬧᬶᬘᬦ᭄ᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬳᭂᬤᬳᬫ᭄ᬧᬄᬢᭂᬓᬾᬦ᭄ᬳᬯᬓ᭄᭞ᬲᬶᬤᬶᬦᬾᬳᬧᬗᬧᬸᬢᬸᬲ᭄᭞ᬲᬓ᭄ᬯᬾᬳᬶᬂᬰᬢ᭄ᬭᬸᬧ᭄ᬭᬦᬣ᭟᭐᭟᭒᭑᭟ᬤᬸ [ 5 ][᭔ 4 B]
᭔᭟
ᬱ᭄ᬝᬤᬸᬃᬚᬦᬦᬾᬯᭂᬥᬶ᭞ᬲᬃᬯ᭄ᬯᬯᬾᬱ᭄ᬬᬤᬾᬱ᭄ᬝᬶᬧᬸᬦᬄ᭞ᬢᭂᬫᬄᬳᬲᬶᬄᬤᬤᬶᬓᬥᬂ᭞ᬲᬓᬶᬂᬅᬃᬥᬦᬶᬂᬲᬜ᭄ᬚᬢ᭞ᬬᬦ᭄ᬮᬗ᭄ᬕᭂᬂᬲᬫᬵᬥᬶᬦᬶᬧᬸᬦ᭄᭞ᬲᬃᬯ᭄ᬯᬕᬮᬦ᭄ᬲᬫᬶᬧᬹᬃᬡ᭄ᬦ᭞ᬓᬶᬦ
ᬲᬳᬶᬦᬶᬂᬳ᭄ᬬᬂᬢᬶᬢᬄ᭟᭐᭟᭒᭒᭟ᬲᬶᬤ᭄ᬥᬲᬧᬭᬦᬶᬂᬓᬧ᭄ᬢᬶ᭞ᬢᭂᬕᬸᬄᬳᬦ᭄ᬥᬂᬯᬶᬓ᭄ᬭᬫ᭞ᬢᬸᬗ᭄ᬕᬤᬾᬯᬧᬭᬵᬕᬦᬾ᭞ᬓᬾᬢᭀᬲᬶᬧᬧᬢᬶᬂᬉᬢ᭄ᬢᬫ᭞ᬮᬶᬭᬸᬂᬫᬯᬲ᭄ᬓᬸᬢᬶᬗ᭄ᬳᬮᬲ᭄᭞ᬧᬸ
ᬦᬶᬓᬧᬶᬦᬓᬢᬸᬂᬢᬸᬂ᭞ᬲᬜ᭄ᬚᬢᬰᬵᬲ᭄ᬢ᭄ᬭᬉᬢ᭄ᬢᬫ᭟᭐᭟᭒᭓᭟ᬫᬸᬗ᭄ᬕᬸᬄᬭᬶᬂᬢᬸᬢᬸᬭᬾᬚᬵᬢᬶ᭞ᬫᬓᬲᬸᬮᬸᬄᬇᬓᬂᬧ᭄ᬭᬪ᭞ᬳᬮᬳᬬᬸᬲᬶᬦᬄᬓᬢᭀᬦ᭄᭞ᬲᬓᬶᬂᬳᬚ᭄ᬜᬵᬦᬦᬶᬂ᭠
ᬰᬸᬓ᭄ᬮ᭞ᬲᬂᬳ᭄ᬬᬂᬫ᭄ᬦᭀᬦ᭄ᬧ᭄ᬭᬪᬦᬶᬭ᭞ᬤᬾᬦ᭄ᬓᬢᭀᬦ᭄ᬢᭀᬦ᭄ᬓᬧ᭄ᬯᬯᬲ᭄ᬢᬸ᭞ᬬᬦ᭄ᬧᬸᬧᬸᬢ᭄ᬲᬫᬵᬥᬶᬦᬶᬭ᭟᭐᭟᭒᭔᭟ᬓᬾᬢᭀᬬᬓᭀᬚᬭᬶᬂ᭞ᬳᬚᬷ᭞ᬳᬤᬶᬩᭂᬮᬶᬳᭂ᭠
[᭕ 5 A]
ᬤᬲᬶᬗ᭄ᬲᬮ᭄᭞ᬢᬸᬢᬸᬃᬰᬵᬲ᭄ᬢ᭄ᬭᬦᬾᬳᭂᬦ᭄ᬢᭀᬳᬗ᭄ᬕᭀ᭞ᬫ᭄ᬭᬗᬶᬦ᭄ᬫᬸᬲᬸᬳᬾᬤᬶᬳᬯᬓ᭄᭞ᬩᬶᬮᬶᬲᬶᬤ᭄ᬥᬧᬘᬂᬧᬸᬦᬄ᭞ᬉᬢ᭄ᬢᬫᬦᬾᬗᬘᬂᬧᬸᬗ᭄ᬕᬸᬄ᭞ᬯᬶᬥᬶᬦᬾᬲᬬᬦ᭄ᬭᬶᬂᬭᬵᬕ᭟᭐᭟᭒᭕
᭟ᬤᬲᬭᬶᬫ᭄ᬩᬳᬦ᭄ᬲᬫᬵᬥᬶ᭞ᬢᬸᬂᬢᬸᬗᬶᬂᬥᬃᬫᬮᬓ᭄ᬱᬡ᭞ᬭᬶᬂᬳᬸᬦ᭄ᬢᭂᬂᬧᬓᬺᬢ᭄ᬢᬶᬭᬵᬳᭀᬕ᭞ᬳᬶᬭᬲᬸᬢ᭄ᬢᬫᬳᬗᬸᬘᬧ᭄᭞ᬳᬓᬶᬥᬶᬓ᭄ᬢᬦ᭄ᬯᬾᬦ᭄ᬢᭂᬦ᭄ᬲᬶᬗ᭄ᬲᬮ᭄᭞ᬯᬘᬦᬦ᭄ᬩᭂᬮᬶᬦᬾᬧᬸᬢᬸᬲ᭄
ᬫᬢᬸᬗ᭄ᬓᭂᬤ᭄ᬢᬸᬢᬸᬃᬉᬢ᭄ᬢᬫ᭟᭐᭟᭒᭖᭟ᬤᬸᬭᬸᬲᬂᬲ᭄ᬯᬾᬘᬦᬶᬦ᭄ᬫᬗ᭄ᬓᬶᬦ᭄᭞ᬫᬜᬫᬦᬾᬢᭂᬓᬾᬦ᭄ᬢᬶᬢ᭄ᬬᬂ᭞ᬤᬾᬦᬶᬂᬢᬶᬢ᭄ᬬᬂᬮᬶᬦ᭄ᬢᬂᬩᭂᬮᭀᬕ᭄᭞ᬤᬸᬭᬸᬂᬯ᭄ᬭᬸᬄᬭᬶᬂᬓᬮᬶᬗᬦ᭄᭞ᬓᬸᬮᬸᬕ᭄ᬢᬶᬢ᭄ᬬ
ᬗᬾᬓᬮᬶᬦ᭄ᬢᬂ᭞ᬜᬸᬓ᭄ᬱ᭄ᬫᬉᬘᬧᬶᬂᬢᬸᬢᬸᬃ᭞ᬓᬤᬶᬧᬸᬭᬸᬦ᭄ᬫᬦᬸᬦᬲᬂ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟᭑᭟ᬚᬦᬶᬕᭂᬦ᭄ᬢᬶᬦᬶᬦ᭄ᬩᬦ᭄ᬢᭂᬫ᭄ᬩᬂ᭞ᬲᬶᬦᭀᬫ᭄ᬳᬗ᭄ᬕᭀᬦ᭄ᬫᬜᬫ᭄ᬩᬸᬗᬶᬦ᭄᭞ᬦᬸ [ 6 ][᭕ 5 B]
᭕
ᬢᬸᬕᬂᬢᬸᬢᬸᬃᬧᬸᬦᬶᬓ᭞ᬦᬾᬩᬳᬸᬉᬘᬧᬂᬩᭂᬮᬶ᭞ᬢᬶᬗ᭄ᬓᬳᬾᬦᬗᬸᬦ᭄ᬲᬫᬥᬶ᭞ᬳᬧᬂᬲᬶᬤ᭄ᬥᬫᬓᬧᬸᬢᬸᬲ᭄᭞ᬧᬸᬦᬶᬓᬫᬗ᭄ᬓᬶᬦ᭄ᬢᬸᬢᬸᬭᬂ᭞ᬤᬾᬦᬶᬂᬩᭂᬮᬶᬲᬵᬫ᭄ᬧᬸᬦᬸᬦᬶᬂ᭞ᬲᬸᬩᬧᬸᬢᬸᬲ᭄᭞
ᬫᬶᬦ᭄ᬤᭂᬭᬂᬫᭂᬲᭂᬳᬶᬦ᭄ᬰᬵᬲ᭄ᬢ᭄ᬭ᭟᭐᭟᭒᭟ᬳᬶᬓᬯᬶᬰ᭄ᬯᬭᬳᬗᬸᬘᬧ᭄᭞ᬲᬚᬩᬸᬓᬓᬾᬢᭀᬳᬶᬤᬶ᭞ᬤᭀᬂᬚᬩᭂᬮᬶᬜᬸᬫ᭄ᬩᬸᬗᬂᬳᬢᬸᬶᬯᬓ᭄᭞ᬚᬦᬶᬩᭂᬮᬶᬫᬗᭀᬭᬳᬶᬦ᭄᭞ᬢᬶᬗ᭄ᬓᬳᬾᬳᬦᬗᬸ
ᬦ᭄ᬲᬫᬵᬤᬶ᭞ᬳᬤᬤᬶᬰᬵᬲ᭄ᬢ᭄ᬭᬦᬾᬉᬫᬸᬗ᭄ᬕᬸᬄ᭞ᬫᬗ᭄ᬤᬲᬭᬶᬦ᭄ᬩᬦ᭄ᬢᭂᬥᬲ᭄᭞ᬰᬵᬲ᭄ᬢ᭄ᬭᬳᬮᬸᬲ᭄ᬮᬸᬭᬸᬲ᭄ᬳᬢᬶ᭞ᬲᬳᬳᬮᬸᬲ᭄᭞ᬳᬦ᭄ᬢᬸᬓ᭄ᬫᬶᬜ᭄ᬘᬭᬂᬧᬶᬢᬸᬗᬦ᭄᭟᭐᭟᭓᭟ᬧᬶᬢᬸᬗᬦᬾᬤᬫᬗᬯᬕ᭄᭞᭔
ᬢᭂᬫ᭄ᬯᬂᬫᬦᬳᬾᬳ᭄ᬦᬶᬂ᭞ᬫᬓᬢᬸᬗ᭄ᬢᬸᬗᬶᬂᬧᬗ᭄ᬭᬱ᭞ᬭᬱᬦᬾᬲᬚ᭄ᬭᭀᬦᬶᬂᬳᬢᬶ᭞ᬦᬗ᭄ᬳᬶᬂᬳᭀᬯᬂᬢᭂᬮᬲ᭄ᬩᬾᬮᬶᬗᬶᬦ᭄᭞ᬲᬓᬶᬂᬧᬦᭂᬲ᭄ᬫᬗ᭄ᬕᬶᬄᬳᬬᬸ᭞ᬲᬓᬶᬂᬧᬢᬹᬢ᭄ᬫᬦᬦ᭄ᬢᬦᬂ᭞ᬫᬜᬸᬚᬸᬄᬫᬦᬳᬾ
[᭖ 6 A]
ᬳ᭄ᬦᬶᬂ᭞ᬳ᭄ᬦᬶᬂᬇᬓᬸ᭞ᬗᬯᭂᬢ᭄ᬯᬂᬩᬾᬢᬾᬮ᭄ᬢᬶᬗ᭄ᬕᬮ᭄᭟᭐᭟᭔᭟ᬢᬶᬗ᭄ᬳᬮᬾᬲᬸᬚᬵᬢᬶᬢ᭄ᬭᬸᬷᬂᬘᭂᬮᬂ᭞ᬧᬸᬦᬶᬓᬬᬩᬸᬮᬓ᭄ᬩᬮᬶᬓ᭄᭞ᬲᬸᬚᬵᬢᬶᬦ᭄ᬦᬾᬦᭂᬫᬸᬕ᭄ᬮᬂ᭞ᬳᬫᬸᬦ᭄ᬩᬶᬲᬫᬗᬶᬗᭂᬢᬳᬶᬦ᭄᭞ᬲᬶᬧᬢ᭄ᬭᬶᬂᬭᬵ᭠
ᬕᬦᬾᬚᬵᬢᬶ᭞ᬲᬸᬩᬧᬥᬳᬤᬤᬶᬢᬸ᭞ᬮᬫᬸᬦ᭄ᬩᬶᬲᬫᬦᬸᬗ᭄ᬕᬮᬂ᭞ᬪᬸᬯᬦᬳᬕᬸᬂᬪᬸᬯᬦᬳᬮᬶᬢ᭄᭞ᬳᬸᬮᬶᬤᬶᬢᬸ᭞ᬯᭂᬢᬸᬬᬭᬱᬦᬶᬂᬢᬶᬗ᭄ᬳᬮ᭄᭟᭐᭟᭕᭟ᬧᬗᬯᬲᬾᬫᬗ᭄ᬤᬢ᭄ᬭᬂ᭞ᬦ᭄ᬭ᭠
ᬗᬂᬫᬦᬳᬾᬳ᭄ᬦᬶᬂ᭞ᬳ᭄ᬦᬶᬗᬾᬲᬸᬚᬵᬢᬶᬫᬸᬮ᭄ᬬ᭞ᬧᬸᬦᬶᬓᬯᬦ᭄ᬢᬄᬧᬢᬶᬢᬶᬲ᭄᭞ᬦᬗ᭄ᬳᬶᬂᬩᭂᬘᬶᬓᬂᬗᬾᬮᬶᬗᬶᬦ᭄᭞ᬩᬸᬓᬧᬸᬢᬶᬄᬧᬸᬢᬶᬄᬮᬶᬬᬸ᭞ᬲᬵᬫ᭄ᬧᬸᬦᬂᬓᬲᬫᬭᬦ᭄᭞ᬬᬦ᭄ᬲᬫᬃᬭᬱ
ᬦᬾᬓᬭᬶ᭞ᬤᬦ᭄ᬤᬾᬦ᭄ᬗᬸᬕᬸ᭞ᬓᬭᬶᬓᬢᭂᬓᭂᬧ᭄ᬩᬦ᭄ᬲᬾᬢᬦ᭄᭟᭐᭟᭖᭟ᬲᬸᬚᬵ᭠ᬢᬶᬦᬾᬦᭀᬭᬤᬤ᭄ᬯ᭞ᬤᬶᬲᬸᬩᬦᬾᬫᬵᬯᬓ᭄ᬳᭂᬦᬶᬂ᭞ᬳᬮᬳᬬᬸᬦᭀᬭᬭᬲᬫᬃ᭞ᬳᬲᬶᬂᬤᬮᬶᬄ [ 7 ][᭖ 6 B]
᭖᭟
ᬓᬧᬶᬢᬸᬯᬶ᭞ᬤᬮᬶᬄᬓᬗᬶᬜ᭄ᬚᬵᬢᬶᬓᬗᬶᬦ᭄‌᭞ᬤᬮᬶᬄᬓᬯᬸᬄᬚᬵᬢᬶᬓᬯᬸᬄ᭞ᬬᬦ᭄ᬤᬮᬶᬄᬘᬘᬤ᭄‌ᬬᬘᬘᬤ᭄᭞ᬬᬦᬼᬯᬶᬳᬂᬮᬶᬦ᭄ᬢᬂᬍᬯᬶᬄ᭞ᬬᬦᬶᬂᬚᬸᬚᬸᬄ᭞ᬧᬳᭂᬓ᭄ᬢ᭄ᬯᬭᬩᬓᬢ᭄ᬚᭂᬫᬓ᭄᭟᭠
᭐᭟᭗᭟ᬤᬾᬦᬶᬂᬫᬸᬮᬮᬶᬦ᭄ᬢᬂᬲᭂᬗ᭄ᬓᬫᬗᬮᬶᬄᬫᬦᬳᬾᬳ᭄ᬦᬶᬂ᭞ᬓᬾᬯᭂᬄᬧᬘᬂᬧᬕᬸᬲ᭄ᬯᬦ᭄᭞᭞ᬗᬭᬸᬭᬸᬄᬪᬸᬶᬂᬪᭀᬬᬓᬧᬗ᭄ᬕᬶᬄ᭞ᬭᬱᬢᭂᬕᭂᬳᬦ᭄ᬭᬶᬂᬮᬗᬶᬢ᭄᭞ᬚᭀᬜᬦᬾᬬᬦ᭄ᬧᬘᬂᬚᬸ᭠
ᬚᬸᬄ᭞ᬧᬤ᭄ᬯᬦ᭄ᬫᬓᬕᬕᭂᬮᬭᬦ᭄᭞ᬗᬭᬸᬭᬸᬄᬪᭀᬬᬓᬧᬗ᭄ᬕᬶᬄ᭞ᬢᬸᬲᬶᬂᬩᬸᬯᬸᬂ᭞ᬦᬾᬫᭂᬦ᭄ᬤᭂᬧ᭄ᬫᭂᬦ᭄ᬤᭂᬧ᭄ᬗᭂᬦ᭄ᬬᬂ᭟᭐᭟᭘᭟ᬚᬦᬶᬩᭂᬮᬶᬜᬭᬶᬢᬬᬂ᭞ᬢᬶᬗ᭄ᬓᬄᬫᬗᬮᬶᬄᬳ᭄ᬦᬶᬂ᭞ᬳ᭄ᬦᬶᬗᬾ
ᬲᬸᬚᬵᬢᬶᬫᬸᬮ᭄ᬬ᭞ᬳᬧᬂᬲᬶᬤ᭄ᬥᬬᬓᬗ᭄ᬕᬶᬄ᭞ᬩᭂᬮᬶᬫᬢᬸᬚ᭄ᬯᬶᬦ᭄ᬫᬃᬕᬶ᭞ᬦᬗ᭄ᬳᬶᬂᬩᭂᬘᬶᬓᬂᬫᬦᬸᬯᬸᬢ᭄᭞ᬧᭂᬤᬲᬂᬳᬧᬗᬢᬯᬂ᭞ᬲ᭄ᬮᬦᬶᬂᬭᬳᬶᬡᬯ᭄ᬗᬶ᭞ᬳᬧᬦ᭄ᬤᬶᬢᬸ᭞ᬓᭂᬦᭂᬄ
[᭗ 7 A]
ᬳᬤᬶᬦᬾᬦᬸᬲᬶᬗ᭄ᬲᬮ᭄᭟᭐᭟ᬲᬦᬾᬪᭀᬬᬓᬤᬾᬦ᭄‌ᬬ᭞ᬲᬦᬾᬢᬸᬳᬸ᭠ᬓᬤᬾᬦᬸᬦᬶᬂ᭞ᬢ᭄ᬯᬶᬕ᭄ᬮᬄᬢ᭄ᬯᬭᬢᬯᬂ᭞ᬓᬩᬢᭂᬓ᭄ᬫᬦᬳᬾᬧᬮᬶᬂ᭞ᬢ᭄ᬯᬭᬪᬶᬲᬫᬗᬶᬗᭂ
ᬢᬶᬦ᭄᭞ᬳᬦᬓ᭄ᬫᬮᬮᬶᬦ᭄ᬢᬂᬲᬭᬸ᭞ᬕᬕᭀᬤᬦᬾᬭᬚᬄᬢᬫᬄ᭞ᬗ᭄ᬭᬸᬪᬾᬥᬲᬚ᭄ᬭᭀᬦᬶᬂᬳᬢᬶ᭞ᬪᭀᬬᬇᬓᬸ᭞ᬚᬵᬢᬶᬦᬶᬂᬯᬳ᭄ᬬᬤ᭄ᬬᬢ᭄ᬫᬶᬓ᭟᭐᭟᭑᭐᭟ᬤᬩ᭄ᬤᬩᬂᬳᬤᬶ
ᬤᬩ᭄ᬤᬩᬂ᭞ᬫᬸᬗ᭄ᬲᬂᬭᬵᬕᬦᬾᬦᬸᬳᬮᬶᬢ᭄᭞ᬫ᭄ᬮᬚᬄᬦᬶᬗ᭄ᬓᬳᬂᬳᬯᬓ᭄᭞ᬥᬃᬫᬧᬢᬹᬢᬾᬕᬸᬕᭀᬦᬶᬦ᭄᭞ᬳ᭄ᬤᬧᬢᬶᬳᬶᬭᬶᬳᬢᬶ᭞ᬤᭀᬍᬕ᭄ᬢᭂᬓᬾᬦ᭄ᬳᬦᬓᬮᬘᬸᬃ᭞ᬳ᭄ᬤᬩ᭠
ᬗ᭄ᬕᬢᬓᬾᬦ᭄ᬳᬯᬓ᭄᭞ᬮᬕᬸᬢᬾᬓᬳᬸᬘᬧ᭄ᬭᬶᬭᬶᬄ᭞ᬳ᭄ᬤᬲᬸᬫ᭄ᬩᬸᬂ᭞ᬫᬗᬸᬗ᭄ᬕᬸᬮᬂᬳᬯᬓ᭄ᬪᬶᬱ᭟᭐᭟᭑᭑᭟ᬢᬶᬭᬸᬢᬶᬃᬯᬂᬫᬢᬶᬗ᭄ᬓᬄ᭞ᬭᬵᬕᬦᬾᬕᬮᬶᬄᬕᬮᬶᬳᬶᬦ᭄᭞ᬕᭀ [ 8 ][᭗ 7 B]
᭗᭟
ᬩᬦᬾᬫᬮᬧᭂᬥᬲᬂ᭞ᬫᭂᬓᬦᬾᬳᬗ᭄ᬕᭀᬦ᭄ᬜᬸᬮᬶᬳᬶᬦ᭄᭞ᬤᬶᬲᬸᬩᬦᬾᬲᬶᬦᬄᬕᬢᬶ᭞ᬕᭀᬩᬓᬲᬃᬢ᭄ᬯᬶᬩᬕᬸᬲ᭄᭞ᬫᭂᬓᬦᬾᬲᬸᬩᬗᬾᬤᬾᬗᬂ᭞ᬲᭀᬮᬳᬾᬫᬮᬶᬧᬶᬦᭂ᭠
ᬳᬶᬦ᭄᭞ᬳᬮᬳᬬᬸ᭞ᬢᬸᬢᬸᬃᬳᬗ᭄ᬕᭀᬦ᭄ᬫᬜᬶᬦᬳᬂ᭟᭐᭟᭑᭒᭟ᬫᬸᬮᬢᭀᬂᬤᬤᬶᬩᭂᬮᬲ᭄᭞ᬤᬶᬭᬵᬕᬦᬾᬢᭀᬫᬢᬶᬦ᭄ᬤᬶᬄ᭞ᬩᭂᬓᭂᬮᬾᬦ᭄ᬤᬸᬫᬥᬶ᭞ᬲᬸᬓᬤᬸᬄᬳᬮᬭᬧᬢᬶ᭞
ᬦᬗ᭄ᬳᬶᬂᬢᭀᬂᬳᬤᬤᬢ᭄ᬭᬂᬳᬸᬦᬶᬂ᭞ᬧᬶᬦᬗ᭄ᬓᬦᬾᬧᬘᬂᬭᬯᬸᬄ᭞ᬭᬱᬭᬱᬤᬸᬶᬂᬬᬂᬤᬶᬫᬦᬄ᭞ᬧᭂᬢᭂᬂᬍᬫᬄᬧ᭄ᬮᬚᬳᬶᬦ᭄᭞ᬤᬜᬮᬸᬫᬸᬃ᭞ᬢᬸᬢᬸᬭᬾᬧᭂᬤᬲ᭄ᬧᭂᬤᬲᬂ᭟᭐᭟᭑᭓᭟ᬬ᭠
ᬤᬶᬦ᭄ᬮᬶᬬᬸᬦᬫ᭄ᬧᬶᬂᬮᭀᬦ᭄ᬢᬃ᭞ᬫᬶᬯᬄᬓᬶᬢᬩᬼᬯᬶᬄᬍᬯᬶᬄ᭞ᬮᬫᬸᬦ᭄ᬢ᭄ᬯᬭᬳᬤᬯᬯᬂᬗᬶᬗᭂᬭᬂᬪᬱᬲᬲᬶᬫ᭄ᬩᬶᬂ᭞ᬫ᭄ᬮᬳᬂᬜᭂᬧᭂᬮ᭄ᬳᬧᬂᬲᬶᬮᬶᬩ᭄᭞ᬮᬫᬸᬦ᭄ᬢ᭄ᬯᬭᬪᬶᬱᬫᭂᬮᬸᬢ᭄᭞ᬪ᭠
[᭘ 8 A]
ᬱᬲᬃᬯ᭄ᬯᬥᬶᬃᬖᬧ᭄ᬮᬸᬢ᭞ᬢᬢᬶᬕᬲᬗ᭄ᬓᬦᬶᬂᬤᬤᬶ᭞ᬳᬦᬓ᭄ᬮᬶᬬᬸ᭞ᬜᬸᬗ᭄ᬓᭂᬫᬶᬦ᭄ᬳᬶᬥᭂᬧ᭄ᬳᬶᬥᭂᬧᬦ᭄᭟᭐᭟᭑᭔᭟ᬓᬾᬯᬮᬪᬶᬱᬫᬫᬘ᭞ᬲᬸᬩᬬᬫᬦ᭄ᬳᬗ᭄ᬓᭂᬦᬶᬦ᭄ᬭᬶᬭᬶᬄ᭞ᬘᬭᬚᬦᬶᬲᬸᬩ
ᬢᬯᬂ᭞ᬧᭂᬣᬦᬾᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬓᬢᬄᬫᬧᬶᬫᬧᬶᬳᬸᬦᬶᬂ᭞ᬩᬦ᭄ᬮᬶᬬᬸᬦᬾᬫ᭄ᬧᬶᬂᬢᬸᬢᬸᬃ᭞ᬓᬭᬶᬭᬶᬳᬦᬾᬤᭂᬫᭂᬦ᭄ᬗᭀᬃᬣ᭞ᬦᬗ᭄ᬳᬶᬂᬢᭀᬂᬳᬤᬫᬪᬸᬓ᭄ᬢᬶ᭞ᬥᬦ᭄ᬤᬾᬦ᭄ᬗᬸᬕᬸ᭞ᬫᬮᬄ
ᬗᬤᬾᬦ᭄ᬳᬦᬓ᭄ᬯᬳᬶᬓᬦ᭄᭟᭐᭟᭑᭕᭟ᬮᬶᬂᬮᬶᬂᬲᬓᬶᬂᬲᬲᭀᬮᬳᬦ᭄᭞ᬮᬫᬸᬜ᭄ᬚᬵᬢᬶᬳᬦᬓᬸᬦᬶᬂ᭞ᬗᬗ᭄ᬕᭀᬦ᭄ᬰᬵᬲ᭄ᬢ᭄ᬭᬧᬧᭀᬮᭀᬲᬦ᭄᭞ᬦᬾᬚᬵᬢᬶᬧᬓᬃᬬ᭄ᬬᬦ᭄ᬯᬶᬥᬶ᭞ᬢ᭄ᬯᬭᬗᬸᬕᬸᬲ
ᬢ᭄ᬯᬫᬶᬭᬶᬩ᭄᭞ᬧ᭄ᬮᬸᬢᬦᬾᬲᬸᬩᬫᬓᬥᬸᬢ᭄᭞ᬢᬶᬗ᭄ᬓᬄᬓᬤᬶᬩᭂᬮᭀᬕ᭄ᬧᭀᬮᭀᬲ᭄᭞ᬦᬗ᭄ᬳᬶᬂᬢᬾᬭᬶᬭᬶᬄᬲᬸᬚᬵᬢᬶ᭞ᬲᬸᬩᬧᬸᬢᬸᬲ᭄᭞ᬗᬗ᭄ᬕᭀᬦ᭄ᬥᬃᬫᬓᬓᬲᬸᬩᬦ᭄᭟᭐᭟ [ 9 ][᭘ 8 B]
᭘᭟
᭑᭖᭟ᬮᬶᬬᬸᬳᬚᬓ᭄ᬗᬮᬶᬄᬥᬃᬫ᭞ᬫᬗᬸᬗ᭄ᬲᬶᬲ᭄ᬯᬃᬕᬦᬾᬍᬯᬶᬄ᭞ᬢ᭄ᬯᬭᬮᬾᬦ᭄ᬳᬦᬾᬉᬗ᭄ᬲ᭄ᬬᬗ᭞ᬬᬦ᭄ᬯᬦ᭄ᬢᬄᬲᬶᬤ᭄ᬥᬓᬧᬗ᭄ᬕᬶᬄ᭞ᬤᬾᬦᬵᬳᬶᬂᬦ᭄ᬢᭀᬢ᭄ᬯᬄᬓᬧᬹᬚᬶ᭞ᬕ᭄ᬦᬄᬲ᭄ᬯᬃᬕᬍᬯᬶᬄᬮᬸᬯᬸᬂ᭞ᬫᬦᬸ
ᬯᬸᬢ᭄ᬫᬃᬕᬦᬾᬳᬦ᭄ᬚᬃ᭞ᬩᭂᬦᭂᬄᬓ᭄ᬮᭀᬤᬸᬮᬶᬤᬶᬦᬶ᭞ᬳᭂᬦ᭄ᬢᭀᬢᬸᬚᬸ᭞ᬦᬾᬫᬵᬤᬦ᭄ᬲ᭄ᬯᬃᬕᬤᬓ᭄ᬱᬶᬡ᭟᭑᭗᭟ᬳᭂᬦ᭄ᬢᭀᬲ᭄ᬯᬃᬕ᭄ᬕᬧᬮᬶᬂᬢᬶᬗ᭄ᬕᬃ᭞ᬮᬶᬬᬸᬳᬦᬓᬾᬗᬸᬮᬢᬶ᭞ᬫᬧᬦ᭄ᬤᬶᬢᬸᬧᬮᬶᬂ᭠
ᬫᭂᬮᬄ᭞ᬫᬗᬯᬾᬦᬂᬍᬕᬦ᭄ᬳᬢᬶ᭞ᬳᬧᬦᬾᬲᭂᬫᬗᬶᬦ᭄ᬳᬢᬶ᭞ᬲᬸᬩᬜᬶᬥᬬᬂᬲᬓᬳ᭄ᬬᬸᬦ᭄᭞ᬳᬲᬶᬂᬓᬋᬧᬾᬓᬲᬶᬤ᭄ᬥᬦ᭄᭞ᬢ᭄ᬯᬭᬳᬤᬫᬦᬦ᭄ᬤᬶᬗᬶᬦ᭄᭞ᬫᬸᬮᬤᬶᬢᬸ᭞ᬍᬕᬦᬾᬳᬚᬓ᭄ᬫ
ᬓᭂᬚᬂ᭟᭐᭟᭑᭘᭟ᬓᬾᬢᭀᬬᬾᬦᬵᬳᬶᬂᬲᬶᬤ᭄ᬥᬩᬳᬦ᭄᭞ᬗᬗ᭄ᬕᭀᬢᬸᬢᬸᬃᬥᬃᬫᬚᬵᬢᬶ᭞ᬢᬦ᭄ᬓᬭᬶᬓᬸᬮᬸᬕ᭄ᬭᬶᬂᬰᬵᬲ᭄ᬢ᭄ᬭ᭞ᬳᬦᬲ᭄ᬣᬮᬯᬦ᭄ᬲᬫᬺᬢᬶ᭞ᬬᬤ᭄ᬬᬦᬸᬢ᭄ᬧᬢᬶᬲ᭄ᬣᬶᬢᬶ᭞ᬧ᭄ᬭᬮᬶᬡᬲᬵ
[᭙ 9 A]
ᬫ᭄ᬧᬸᬦ᭄ᬭᬶᬂᬓᬳ᭄ᬬᬸᬦ᭄᭞ᬯᬶᬰ᭄ᬯᬫᬶᬯᬄᬅᬃᬤ᭄ᬥᬘᬦ᭄ᬤ᭄ᬭ᭞ᬯᬶᬦ᭄ᬥᬸᬦᬵᬥᬯᬸᬲ᭄ᬗᬭᬜ᭄ᬚᬶᬂ᭞ᬯᬶᬦ᭄ᬥᬸᬢᭂᬮᬸ᭞ᬦᬾᬤᬤ᭄ᬯᬲᬸᬩᬫᬦᬸᬗ᭄ᬕᬮ᭄᭟᭐᭟᭑᭙᭟ᬢ᭄ᬭᬶᬯᬶᬦ᭄ᬥᬸᬲᬚ᭄ᬭᭀᬦᬶᬂᬦᬵᬥ᭞ᬲᬸᬩᬫᬵᬯ
ᬓ᭄ᬲᬹᬃᬬ᭄ᬬᬰᬰᬶᬄ᭞ᬮᬶᬦ᭄ᬢᬂᬫᬶᬯᬄᬢᬭᬗ᭄ᬕᬡ᭞ᬤᬸᬳᬸᬃᬦ᭄ᬬᬮᬶᬦ᭄ᬢᬂᬢ᭄ᬭᬶᬯᬶᬡᬶ᭞ᬢ᭄ᬮᬲ᭄ᬲᬫᬓᬯᬾᬭᬶ᭞ᬭᬶᬂᬲ᭄ᬧ᭄ᬢᬰᬹᬦ᭄ᬬᬦᬾᬫᬲᬸᬓ᭄᭞ᬳᬧᬫᬵᬤᬦ᭄ᬲᬧ᭄ᬢᬰᬹᬦ᭄ᬬ᭞ᬤᬶᬲᬸᬯᬸᬂᬇᬥᭂ
ᬧᬾᬚᬵᬢᬶ᭞ᬓᬾᬦ᭄ᬧᬸᬦᬶᬓᬸ᭞ᬲᬸᬚᬵᬢᬶᬦᬶᬂᬲᬧ᭄ᬢᬰᬹᬦ᭄ᬬ᭟᭐᭟᭒᭐᭟ᬩᬸᬗ᭄ᬓᬄᬢᬸᬂᬢᬸᬂᬲᬵᬫ᭄ᬧᬸᬦ᭄ᬢᭂᬮᬲ᭄᭞ᬧᬲᬸᬓ᭄ᬯᭂᬢᬸᬲᬵᬫ᭄ᬧᬸᬦ᭄ᬦᬸᬗ᭄ᬕᬶᬮ᭄᭞ᬦᬾᬭᭀᬭᭀᬲᬸᬩᬫᬦᬸ
ᬗ᭄ᬕᬮ᭄᭞ᬧᬢᭂᬫᭀᬦᬶᬂᬲᬸᬤᬸᬓ᭄ᬱ᭄ᬯᬭᬶ᭞ᬲᬫᬶᬲᬵᬫ᭄ᬧᬸᬦ᭄ᬫᬗ᭄ᬭᬜ᭄ᬚᬶᬂ᭞ᬭᬶᬂᬯᬶᬦ᭄ᬥᬸᬰᬹᬦ᭄ᬬᬦᬫᬲᬸᬓ᭄᭞ᬗ᭄ᬓᬾᬦ᭄ᬫᬵᬤᬦ᭄ᬯᬶᬦ᭄ᬥᬸᬰᬹᬦ᭄ᬬ᭞ᬤᬶᬲᬸᬯᬸᬂᬇᬥᭂᬧᬾᬚᬵᬢᬶ᭞ᬲᬗ᭄ᬓᬦ᭄ᬲᬸ [ 10 ][᭙ 9 B]
᭙᭟
ᬯ᭄ᬯᬂ᭞ᬢ᭄ᬯᬭᬗᭂᬮᬄᬧᬯᬶᬮᬗᬦ᭄᭟᭐᭟᭒᭑᭟ᬳᭂᬦ᭄ᬢᭀᬫᬵᬤᬦ᭄ᬓᬰᬹᬦ᭄ᬬᬦᬦ᭄᭞ᬳᬓᬾᬢᭀᬳᬦᬾᬮᬶᬗᬂᬳᬤᬶ᭞ᬬᬤ᭄ᬬᬧᬶᬦ᭄ᬳᬓᬾᬢᭀᬢᭀᬂᬢᬯᬂ᭞ᬧ᭄ᬭᬮᬶᬡᬳᬤᬶᬢᬦ᭄ᬳᬾᬮᬶᬂ᭞ᬳᬧᬦᬾ
ᬧ᭄ᬭᬮᬶᬡᬲᬳᬶ᭞ᬳᭂᬦ᭄ᬢᭀᬲᬸᬩᬧᬥᬤᬶᬢᬸ᭞ᬲᬕᬾᬢ᭄ᬳᬤᬶᬲᬸᬩᬢᬯᬷ᭞ᬇᬦ᭄ᬥᬬᬂᬯ᭠ᬗ᭄ᬲᬶᬢᬂᬓᬶᬥᬶᬓ᭄᭞ᬳ᭄ᬤᬚᬮᬶᬬᬸ᭞ᬲᭀᬓ᭄ᬯᬗ᭄ᬲᬶᬢᬂᬦᬾᬤᬶᬳᬯᬓ᭄᭟᭒᭒᭟ᬳᬶᬭᬲᬸᬢ᭄ᬢᬫᬳᬗᬸ
ᬘᬧ᭄᭞ᬚᬵᬢᬶᬢᬶᬢ᭄ᬬᬂᬤᬸᬭᬸᬂᬳᬸᬦᬶᬂ᭞ᬢᬶᬢ᭄ᬬᬂᬚᬸᬚᬸᬢ᭄ᬫᬦᬸᬦᬲᬂ᭞ᬳᬧᬂᬲᬸᬯᬸᬤ᭄ᬢᬶᬢ᭄ᬬᬂᬧᬮᬶᬂ᭞ᬧᬚᬭᬶᬦ᭄ᬢᬶᬢ᭄ᬬᬂᬦᬾᬚᬦᬶ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬕᬸᬭᬸ᭞ᬳᬓᬸᬤᬧᬢᬹᬢ᭄ᬥᬓ᭄ᬱᬶᬡ᭞ᬦᬾᬓᬵ
ᬢᬹᬃᬭᬶᬂᬭᬵᬕᬦ᭄ᬩᬸᬶᬂᬦ᭄ᬪᭂᬮᬶ᭞ᬤᬾᬦᬶᬂᬮᬶᬬᬸ᭞ᬲᬦᬾᬓᬢᬸᬦᬲᬂᬢᬶᬢ᭄ᬬᬂ᭟᭐᭟᭒᭓᭟ᬫᬗ᭄ᬓᬶᬦ᭄ᬩᭂᬮᬶᬫᬫᬦ᭄ᬢᭂᬲᬂ᭞ᬓᬾᬦᬾᬩᭂᬦᭂᬄᬓᬾᬢᭀᬧ᭄ᬮᬶᬄ᭞ᬢᬶᬢ᭄ᬬᬂᬩ᭄ᬮᭀᬢ᭄ᬯᬶᬄᬭᬸᬶᬂᬦᬸᬶᬯᬸᬶᬂ᭞ᬶᬕ᭄ᬢ᭄ᬯᬭᬦ
[᭑᭐ 10 A]
ᬯᬂ᭞ᬫᬗᬶᬗᭂᬢᬶᬦ᭄ᬫᬮᬸᬓᬸᬭᬶ᭞ᬓᬾᬯᬮᬓᭂᬘᬧ᭄ᬳᬚᬷ᭞ᬧᬗ᭄ᬕᬶᬄᬢᬶᬢ᭄ᬬᬂᬜᬦ᭄ᬢᬸᬂᬗᬦ᭄ᬢᬸᬂ᭞ᬢᬶᬢ᭄ᬬᬂᬧᬗ᭄ᬓᬄᬫᬗᭀᬦᬾᬓᬂᬢ᭄ᬯᬭᬪᬶᬱᬫᬗ᭄ᬭᬱᬦᬶᬦ᭄᭞ᬓᬤᬮᬸᬫᬸᬓ᭄᭞ᬓᬤᬶᬧᬘ᭄ᬭᬓᬾᬦ᭄ᬮᬶᬗᭂᬩᬂ
᭟᭐᭟᭒᭔᭟ᬢ᭄ᬯᬭᬓᬃᬯ᭄ᬯᬦ᭄ᬫᬲᬸᬮᬸᬭᬦ᭄᭞ᬫᬥᬸᬓᬦ᭄ᬤᬤᬶᬳᬩᭂᬲᬶᬓ᭄᭞ᬳᬗᭂᬢ᭄ᬳᬗᭂ᭠ᬢ᭄ᬲᬶᬦ᭄ᬭᭀᬯᬬᬄ᭞ᬪᬱᬦ᭄ᬩ᭄ᬯᬢ᭄ᬲᬃᬯ᭄ᬯᬳᭂᬢᬶᬲ᭄᭞ᬢᬦ᭄ᬓᬦᬩᬦ᭄ᬫᬗᬶᬗᭂᬢᬶᬦ᭄᭞ᬳᭂᬗ᭄ᬓᬾᬦ᭄ᬕᬩᬕ᭄ᬳᭂ᭠
ᬗ᭄ᬓᬾᬕᬯᬸᬓ᭄᭞ᬫᬗ᭄ᬓᬶᬦ᭄ᬩᭂᬮᬶᬫᬫᬢᬹᬢᬂ᭞ᬫᬫᬶᬮᬶᬳᬶᬦ᭄ᬲᭂᬓᬩᭂᬲᬶᬓ᭄᭞ᬫᬗ᭄ᬤᬕᬸᬧᬸᬄ᭞ᬫᬦᬸᬥᬸᬓ᭄ᬳᬤᬾᬂᬳᬤᬾᬗᬦ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟᭑᭟ᬫᬮᬶᬄᬕᭂᬦ᭄ᬢᭀᬲᬶᬦ᭄ᬢᭂᬫ᭄ᬩᬂ᭞
ᬕᬶᬦᬥᬳᬗ᭄ᬕᬾᬦ᭄ᬜᬫ᭄ᬩᬸᬗᬶᬦ᭄᭞ᬳᬗ᭄ᬕᭀᬦ᭄ᬦᬸᬢᬸᬕᬂᬫᬓ᭄ᬭᬸᬡ᭞ᬓᬾᬯᬮᬲᬶᬤ᭄ᬥᬫᬫᬸᬧᬸᬄ᭞ᬗᬸᬶᬂᬫᬸᬜᬶᬩᬮᬶᬧᬧᭀᬮᭀᬲᬦ᭄᭞ᬗᬸᬮᬄᬜᬭᬶᬓ᭄᭞ᬳᬢᬹᬃᬢᬶᬢ᭄ᬬᬂᬢᬦ᭄ᬧᬧᬹᬃᬯ᭄ᬯ᭟᭐᭟᭒᭟ [ 11 ][᭑᭐ 10 B]
᭑᭐
ᬢᬶᬢ᭄ᬬᬂᬩᬦᬶᬓᬓᭂᬤᬾᬓᬦ᭄᭞ᬳᬶᬭᬶᬓᬶᬭᬶᬂᬚᭂᬂᬩᭂᬮᬶ᭞ᬢᬶᬢ᭄ᬬᬂᬫᬵᬢᬹᬃᬗᬯᬕ᭄ᬳᬯᬕ᭄᭞ᬢᬦᬶᬓᬗᬶᬦ᭄ᬢᬦᬶᬓᬯᬸᬄ᭞ᬫᬦᬸᬳᬶᬢᬶᬦ᭄ᬘᬭᬯᬶᬓᬦ᭄᭞ᬬᬦᬶᬂᬧᭂᬮᬶᬄ᭞ᬳ᭄ᬤᬲᬗᭂᬢᬫᬦᬸᬓᬬ
᭟᭐᭟᭒᭟ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭞ᬫᬭᬶᬂᬢᬸᬢᬸᬃᬲᬗ᭄ᬳᬸᬭᬶᬧ᭄᭞ᬫᬵᬤᬦ᭄ᬘᬢᬸᬃᬮᭀᬓᬨᬮ᭞ᬧᬜ᭄ᬘᬯᬶᬱᬬᬧᬸᬦᬶᬓᬸ᭞ᬫᬶᬯᬄᬫᬡᬶᬓ᭄ᬳᬲ᭄ᬢᬕᬸᬡ᭞ᬯᬾᬦᬵᬢᭂᬦ᭄ᬫᬮᬶᬄ᭞ᬫᬵᬤᬦ᭄ᬫᬡᬶᬓ᭄ᬲᬓᭂᬘ
ᬧ᭄᭟᭐᭟᭕᭟ᬓᭀᬘᬧ᭄ᬢᭀᬂᬤᬤᬶᬳᭂᬗ᭄ᬲᬧᬂ᭞ᬫᬸᬮᬧᬶᬘᬦ᭄ᬲᬂᬳ᭄ᬬᬂᬯᬶᬥᬶ᭞ᬢᭂᬓᬭᬶᬂᬭᬵᬕᬯᬶᬱᬬ᭞ᬦᬗ᭄ᬳᬶᬂᬢᬾᬳᬧᬗᬧᬢᬹᬢ᭄᭞ᬚᬦᬶᬩᬳᬦ᭄ᬫᬦᬶᬗ᭄ᬓᬳᬂ᭞ᬳ᭄ᬤᬕᬸᬜ᭄ᬚᬶᬄ᭞ᬧᭂᬤᬲᬂ᭠
ᬳᬧᬗᬢᬯᬂ᭟᭐᭟᭕᭟ᬳᭂᬦ᭄ᬢᭀᬜᬫᬦᬾᬧᬢ᭄ᬧᬢ᭄᭞ᬓᭀᬘᬧ᭄ᬩᬋᬂᬳᬚᬓ᭄ᬫᬶ᭠ᬚᬶᬮ᭄᭞ᬫᬸᬗ᭄ᬕ᭄ᬯᬶᬂᬢᬸᬢᬸᬃᬓᬡ᭄ᬥᬧᬢ᭄᭞ᬗᭂᬫ᭄ᬧᬸᬭᬵᬕᬦᬾᬲᬢᬸᬯᬸᬓ᭄᭞ᬢ᭄ᬯᬭᬢᬳᬾᬦ᭄ᬪᬶᬱᬩᭂ᭠
[᭑᭑ 11 A]
ᬮᬲ᭄᭞ᬓᬬᬂᬫᬢᬶ᭞ᬫᬲᬶᬄᬳᭂᬦ᭄ᬢᭀᬧᬦᬦ᭄ᬤᬦᬂ᭟᭐᭟᭖᭟ᬓᬾᬦ᭄ᬓᬾᬦ᭄ᬯᬗ᭄ᬲᬶᬾᬶᬢᬸᬶᬂᬢᬾᬲᬸᬩᬢᬳᬾᬦ᭄ᬩᭂᬮᬶᬫᬫᬗ᭄ᬕᬶᬄ᭞ᬫᬮᬄᬫᬗᬓᬸᬫᬜᬫ᭞ᬗᬹᬤᬢ᭄ᬯᬭᬢᬳᬾᬦ᭄ᬢᭂᬧᬸᬓ᭄᭞ᬤᭀᬂᬓ
ᬲᬮᬄᬧᬗᬃᬢ᭄ᬬᬦ᭄᭞ᬉᬮᬢ᭄ᬜᬵᬤᬶᬦ᭄᭞ᬩᭂᬮᬶᬗᬤᬾᬦ᭄ᬪᬸᬢᬧᬢ᭄᭟᭐᭟᭗᭟ᬳᬄᬦᭀᬭᬬᬲᬦᬾᬲᬚ᭞[strike/]ᬪᭀᬬᬳᭂᬦ᭄ᬢᭀ[/strike]ᬗᭂᬫ᭄ᬩᬦᬸᬭᬶᬧ᭄᭞ᬓᬾᬯᬮᬓᭂᬘᬧᬶᬂᬮᭀᬦ᭄ᬢᬃ᭞ᬭᬵᬕᬦᬾᬢᭂ᭠
ᬍᬩ᭄ᬫᬦᬸᬕᬸ᭞ᬤᬾᬦᬶᬂᬰᬓ᭄ᬢᬶᬦᬾᬓᬳᬸᬘᬧ᭄᭞ᬳᬯᬓ᭄ᬧᬮᬶᬂ᭞ᬳᬫ᭄ᬗᬸᬕᬸᬇᬥᭂᬧᬶᬥᭂᬧᬦ᭄᭟᭐᭟᭘᭟ᬳ᭄ᬤᬓᬾᬢᭀᬫᬗᬦ᭄ᬤᭂᬮᬂ᭞ᬳᬮᬶᬄᬲᬫᬺᬣᬶᬦᬾᬚᬵᬢᬶ᭞ᬤᬸᬓ᭄ᬢ᭄ᬬᬂᬳᬧᬂᬲᬓᬮ᭞ᬗᬸ᭠
ᬤ᭄ᬬᬂᬬᬢ᭄ᬯᬭᬓᬢᭂᬧᬸᬓ᭄᭞ᬜᬫᬦᬾᬫᬸᬗ᭄ᬕᬸᬄᬭᬶᬂᬭᬵᬕ᭞ᬫᬸᬮᬰᬓ᭄ᬢᬶ᭞ᬯᬶᬰᬾᬱᬫᬗ᭄ᬭᬓ᭄ᬱᬚᬷᬯ᭟᭐᭟᭙᭟ᬳᬤᬯᬗ᭄ᬲᬶᬢ᭄ᬓᬫᬶᬫᬶᬢᬦ᭄᭞ᬲᬶᬕᬭᬵᬕᬸᬂᬢᬦ᭄ᬧᬢᭂᬧᬶ᭞ᬢ [ 12 ][᭑᭑ 11 B]
᭑᭑᭟
ᬫ᭄ᬧᬓᬶᬂ᭞ᬓᬸᬦ᭄ᬢᬸᬮᬂᬮᬬᬂ᭞ᬓᬮᬯᬦ᭄ᬕᬮᬶᬳᬶᬂᬓᬂᬓᬸᬂ᭞ᬫᬮᬶᬄᬯᬾᬦ᭄ᬢᭂᬦ᭄ᬓᭀᬘᬧ᭄‌ᬮᭀᬦ᭄ᬢᬃ᭞ᬢᬦ᭄ᬧᬢᬸᬮᬶᬲ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬗᬫᬸᬜ᭄ᬬᬂ᭟᭐᭟᭑᭐᭟ᬤᬶᬚᬕ᭄ᬦᬄᬦᬾᬢᭀᬢᭀ
ᬦᬦ᭄᭞ᬦᬳᬦ᭄ᬓᬾᬩᭂᬮᬶᬫᬫᬗ᭄ᬕᬶᬄ᭞ᬬᬦ᭄ᬳᬮᬶᬄᬭᬶᬂᬓᭂᬘᬧ᭄ᬰᬵᬲ᭄ᬢ᭄ᬭ᭞ᬤᬶᬭᬵᬕᬦᬾᬓᭀᬘᬧ᭄ᬫᬸᬗ᭄ᬕᬸᬄ᭞ᬇᬤ᭄ᬥᬬᬂᬩᭂᬮᬶᬦᬸᬢᬸᬭᬂᬦᬾᬲᬸᬚᬢᬶ᭞ᬳᬧᬂᬳ᭄ᬤᬳ᭄ᬦᬸᬲᬫᬃ᭟᭐᭟᭑᭑᭟ᬬᬦ᭄ᬲᬸ
ᬩᬯᬯᬂᬢᭀᬢᭀᬦᬦ᭄᭞ᬳᭂᬦ᭄ᬢᭀᬋᬓᭀᬲᬦᬾᬍᬯᬶᬄ᭞ᬰᬓ᭄ᬢᬶᬦᬾᬗᬾᬩᭂᬓ᭄ᬭᬶᬂ᭠ᬚᬕᬢ᭄᭞ᬳᭂᬦ᭄ᬢᭀᬜᬦ᭄ᬤᬂᬲᭂᬫ᭄ᬩᬄᬲᬸᬯᬸᬦ᭄᭞ᬳᬧᬦ᭄ᬢᭀᬧᬭᬵᬕᬬᬦ᭄ᬳᬶᬤ᭞ᬲᬂᬳ᭄ᬬᬂᬯᬶᬥᬶ
᭞ᬳᬭᬂᬳᬦᬓᬾᬫᬦᬯᬂ᭟᭑᭒᭟ᬫᬮᬶᬄᬦᬾᬢᬸᬦᬲᬂᬢᬶᬢ᭄ᬬᬂ᭞ᬜᬸᬧᬢ᭄ᬥᬫᬃᬮᬯᬦ᭄ᬕᭂᬦᬶ᭞ᬢᭀᬬᬳ᭄ᬦᬶᬂᬲᬾᬦ᭄ᬥᭀᬓ᭄ᬩᬦ᭄ᬢᭀᬬ᭞ᬫᬗᬮᬶᬄᬕᬶᬕᬶᬕ᭄ᬭᬶᬂᬧᬸᬗ᭄ᬮᬸ᭞ᬮᬦ᭄ᬳᬶᬲᬶᬦᬶᬂᬩᬸ᭠
[᭑᭒ 12 A]
ᬮᬸᬄᬩᬸᬂᬩᬂ᭞ᬧᬘᬂᬦᬧᬶ᭞ᬬᬦ᭄ᬲᬸᬩᬢᬯᬂᬧᬸᬦᬶᬓ᭟᭐᭟᭑᭓᭟ᬤᬶᬚᬮᬓᬸᬫᬦᭂᬯᭂᬓᬂ᭞ᬤᬶᬓᬾᬦ᭄ᬓᬾᬦᬾᬜᬦ᭄ᬤᬂᬳᬾᬲ᭄ᬢᬶ᭞ᬢᬶᬢ᭄ᬬᬂᬩ᭄ᬮᭀᬕ᭄ᬢ᭄ᬯᬭᬦᬯᬂ᭞ᬳᭂᬗ᭄ᬓᬾᬲᬦᬾᬜᬦ᭄ᬤᬂᬕᬸᬕᬸ
᭞ᬤᬾᬦᬶᬂᬓᭂᬘᬧ᭄ᬲᬫᬶᬕᬯᬂ᭞ᬢᬦ᭄ᬧᬧᬪᬸᬓ᭄ᬢᬶ᭞ᬳᬶᬗᬸᬄᬢᬶᬢ᭄ᬬᬂᬗᬋᬱᭂᬧᬂ᭟᭐᭟᭑᭔᭟ᬮᬾᬦ᭄ᬳᬤᬓᭂᬘᬧᬶᬂᬰᬵᬲ᭄ᬢ᭄ᬭ᭞ᬤᬰᬵᬓ᭄ᬱᬭᬧᬶᬦᬶᬄᬍᬯᬶᬄ᭞ᬮᬫᬸᬦ᭄ᬪᬶᬱᬫᬦᬸᬗ᭄ᬕᬮᬂ᭞ᬳᬧᬂᬤᬤᬶᬲ
ᬗᬯᬶᬦ᭄ᬥᬸ᭞ᬓᬶᬚᬮᬓᬸᬫᬜᬸᬭᬸᬧᬂᬲᭂᬓᬩᭂᬲᬶᬓ᭄᭞ᬰᬵᬲ᭄ᬢ᭄ᬭᬦᬾᬧᬂᬤᬤᬶᬢᬸᬗ᭄ᬕᬮ᭄᭟᭐᭟᭑᭕᭟ᬬᬦ᭄ᬲᬸᬩᬪᬶᬱᬦᬸᬗ᭄ᬕᬮᬂ᭞ᬲᬸᬩᬤᬶᬭᬵᬕᬦᬾᬤᬤᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬜᬶᬮᬸᬭᬂ᭞᭠
ᬳᬧᬂᬤᬤᬶᬰᬪᬬᬸ᭞ᬤᬰᬪᬬᬸᬦᬾᬢᬸᬗ᭄ᬕᬮᬂ᭞ᬤᬤᭀᬲ᭄ᬦᬧᬶ᭞ᬤᬶᬚᬕ᭄ᬦᬄᬦᬾᬫᬦᬸᬗ᭄ᬕᬮ᭄᭟᭐᭟ᬬᬦ᭄ᬲᬸᬩᬪᬶᬱᬫᬦᬸᬗ᭄ᬕᬮ᭄᭞ᬳᭂᬦ᭄ᬢᭀᬋᬓᭀᬫᬯᬓ᭄ᬲᬶᬤ᭄ᬥᬶ᭞ᬲᬶᬤ᭄ᬥᬶ᭠ [ 13 ][᭑᭒ 12 B]
᭑᭒᭟
ᬲᬶᬤ᭄ᬥᬦᬶᬂᬳᬚ᭄ᬜᬵᬦ᭞ᬭᬶᬂᬦᬪᬶᬲᬶᬭᬫᬮᬸᬗ᭄ᬕᬸᬄ᭞ᬤᬤᬶᬤᬲᬃᬓᬯ᭄ᬭᬸᬳᬦ᭄᭞ᬫᬵᬯᬓ᭄ᬕᭂᬦᬶ᭞ᬗᭂᬲᭂᬂᬫᬵᬮᬦᬶᬂᬰᬭᬷ᭟᭐᭟᭑᭗᭟ᬗᭂᬲᬵᭂᬂᬩᬩᬳᬶᬭᬶᬂᬳᬯᬓ᭄᭞ᬬᬤ᭄ᬬᬦ᭄ᬭᬶᬂᬧᬓᬸᬩᭀᬦ᭄ᬫ᭠
ᬮᬶᬄ᭞ᬰᬭᬡᬢᬫ᭄ᬩᬕᬫ᭄ᬭᬚᬄ᭞ᬅᬁᬓᬵᬭᬤᬤ᭄ᬯᬤᬶᬫᬮᬸ᭞ᬫᬶᬯᬄᬒᬁᬓᬵᬭᬲᬶᬦᬸᬗ᭄ᬕᬮ᭄᭞ᬯᬶᬦ᭄ᬥᬸᬢ᭄ᬭᬶ᭞ᬫᬚᬚᬃᬤᬸᬭᬶᬦ᭄ᬒᬁᬓᬵᬭ᭟᭐᭟᭑᭘᭟ᬫᬮᬶᬄᬯᬶᬲᬄᬫᬵᬃᬤ᭄ᬥᬘᬦ᭄ᬤ᭄ᬭ᭞ᬓᭂᬘᬦ᭄ᬫᬸ
ᬮᬸᬘᬦ᭄ᬤ᭄ᬭᬫᬮᬶᬄ᭞ᬢᬮᬾᬦᬵᬕ᭄ᬫᬮᬶᬄᬫᬵᬃᬤ᭄ᬥᬘᬦ᭄ᬤ᭄ᬭ᭞ᬳᭂᬗ᭄ᬕᭂᬓ᭄ᬚᬬᬦᬾᬳᬩᬸᬗ᭄ᬓᬸᬮ᭄᭞ᬳᬶᬍᬳᬶᬦ᭄ᬩᬦᬃᬤ᭄ᬥᬘᬦ᭄ᬤ᭄ᬭ᭞ᬮᬯᬸᬢ᭄ᬩᬸᬦ᭄ᬢᬶᬮ᭄᭞ᬳᬗ᭄ᬕᭀᬦ᭄ᬧᬲᬶᬓᭂᬧᬦ᭄ᬳᬯᬓ᭄᭟᭐᭟᭑᭙᭟ᬫᬮᬶᬄᬢᬾ
ᬦ᭄ᬢᭂᬦ᭄ᬧᬫᬜ᭄ᬘᬸᬢᬦ᭄᭞ᬩᬩᬳᬶᬦᬾᬲᬸᬩᬤᬶᬦᬶ᭞ᬢᭂᬫᬸᬕᭂᬭᬲᬓᬫᬸᬮᬦ᭄᭞ᬩᬳᭂᬫ᭄ᬯᬭᬓ᭄ᬕᭂᬢᬶᬄᬳᬶᬧᬸᬦ᭄᭞ᬓᬢᬶᬓ᭄ᬘᭂᬗ᭄ᬓᬾᬄᬫᬵᬯᭀᬃᬫᭂᬜᬦ᭄᭞ᬓᬼᬫ᭄ᬩᬢ᭄ᬓᬲ᭄ᬢᬸᬭᬶ᭞ᬲᬂᬯ᭄ᬯᬦ᭄ᬯᬶ
[᭑᭓ 13 A]
ᬱ᭄ᬮᬧᬄᬬᬾᬄᬲᬶᬭᬫ᭄᭟᭐᭟᭒᭐᭟ᬓᬾᬦ᭄ᬓᬾᬦ᭄ᬤᬤᬶᬦᬾᬢᭀᬢᭀᬦᬦ᭄᭞ᬩᭂᬮᬶᬫᬶᬦᬩ᭄ᬲᬵᬫ᭄ᬧᬸᬦᬸᬦᬶᬂ᭞ᬦ᭄ᬤᬶᬓᬬᬂᬓᬸᬤᬭᬶᬂᬢᬶᬢ᭄ᬬᬂ᭞ᬳᬧᬂᬢᬶᬢ᭄ᬬᬂᬲᬋᬂᬯ᭄ᬭᬸᬄ᭞ᬳᬶᬓᬯᬶᬰ᭄ᬯᬭᬳᬗᬸᬘᬧ᭄᭞ᬓᬾ᭠
ᬦ᭄ᬢᭀᬳᬤᬶ᭞ᬩᭂᬮᬶᬫᬗ᭄ᬕᬶᬄᬢᬸᬢᬸᬭᬦ᭄ᬜ᭟᭒᭑᭟ᬚᬦᬶᬕᬸᬫᬶᬲᬸᬩᬭᬸᬲᬓ᭄᭞ᬓᬮᬶᬲᬗᬭᬦᬾᬫᬫᬹᬃᬣᬶ᭞ᬫᬦ᭄ᬢ᭄ᬭᬉᬱᬥᬦᬾᬧᬸᬦᬄ᭞ᬚᬦ᭄ᬫᬗᬓᬸᬰᬓ᭄ᬢᬶᬮᬶᬬᬸ᭞ᬢ᭄ᬯᬭᬩᬮ᭄ᬬᬦ᭄ᬗᬓᬸᬩᬮ᭄ᬬ
ᬦ᭄᭞ᬢᬫ᭄ᬪᬍᬯᬶᬄ᭞ᬓᬮᬳᬂᬩᬦ᭄ᬮᬸᬯᬦᬧᬩ᭄ᬯᬦ᭄᭟ᬫᬦ᭄ᬢ᭄ᬭᬢᭀᬂᬳᬤᬫᬯᬶᬱ᭄ᬬ᭞ᬲᬶᬤ᭄ᬥᬶᬦᬾᬲᬸᬩᬫᬲᬮᬶᬦ᭄᭞ᬫᬢᬶᬗ᭄ᬕᬮ᭄ᬲᬓᬶᬂᬇᬱ᭄ᬥ᭞ᬭᬶᬂᬯᬶᬱ᭄ᬬᬚᬦᬶᬫᬓᬸᬫ᭄ᬧᬸᬮ᭄᭞ᬲᬗ᭄ᬓᬦ᭄ᬕᬫ᭄ᬧᬂ
ᬳᬦᬓ᭄ᬪᬶᬱ᭞ᬗ᭄ᬕᬯᬾᬕ᭄ᬭᬶᬂ᭞ᬮᬶᬬᬸᬦᬦ᭄ᬲᬓᬶᬢ᭄ᬓᬯᬶᬱ᭄ᬬᬦ᭄᭟᭐᭟᭒᭓᭟ᬳᬶᬭᬲᬸᬢ᭄ᬢᬫᬫᬜᬗ᭄ᬓᬮ᭄᭞ᬢᬾᬄᬢᬾᬄᬜᬩᬳᬦ᭄ᬫᬫᬶᬜᬶ᭞ᬳᬶᬗᬸᬄᬢᬶᬢ᭄ᬬᬗᬋᬱᭂᬧᬂ᭞ᬩᭂᬲ᭄ᬮᬶᬬᬸ᭠ [ 14 ][᭑᭓ 13 B]
᭑᭓᭟
ᬩᭂᬮᬶᬫᬦᬸᬢᬸᬃ᭞ᬤᬾᬦᬶᬂᬩᭂᬮᬶᬲᬸᬩᬧ᭄ᬭᬚ᭄ᬜᬦ᭄᭞ᬢᬢᬦᬸᬶᬂᬲᬸᬦᬶᬂ᭞ᬢᭂᬓᬾᬦ᭄ᬲᬳᬶᬲᬶᬂᬭᬵᬕ᭟᭐᭟᭒᭔᭟ᬢᬶᬢ᭄ᬬᬂᬓᬶᬥᬶᬓ᭄ᬫᬦᬸᬦᬲᬂ᭞ᬳᭂᬜ᭄ᬘᬾᬦ᭄ᬚᬵᬢᬶᬫᬵᬤᬦ᭄ᬳᬢᬶ᭞ᬤᬤᬶᬮᬶᬬᬸᬩ
ᬦ᭄ᬗᬸᬘᬧᬂ᭞ᬳᬢᬶᬳᬢᬶᬳᬸᬫ᭄ᬧᬸᬢ᭄᭞ᬳᬢᬶᬳᬶᬩᬸᬓ᭄ᬳᬢᬶᬚ᭄ᬦᬃ᭞ᬳᬢᬶᬳᭂᬢᬶᬲ᭄᭞ᬳᬢᬶᬕᭂᬤᭂᬕ᭄ᬳᬢᬶᬕᬮᬂ᭟᭐᭟᭒᭕᭟ᬫᬮᬶᬄᬢᬸᬢᬸᬃᬳᬢᬶᬓᭀᬘᬧ᭄᭞ᬚᬵᬢᬶᬢᬶᬢ᭄ᬬᬂᬤᬸᬭᬸᬂ
ᬳᬸᬦᬶᬂ᭞ᬳᬗ᭄ᬓᬾᬦ᭄ᬫᬵᬤᬦ᭄ᬢᬸᬂᬢᬸᬂᬢᬶᬗ᭄ᬳᬮ᭄᭞ᬳᭂᬗ᭄ᬓᬾᬦ᭄ᬫᬵᬤᬦ᭄ᬢᬸᬂᬢᬸᬂᬭᬫ᭄ᬩᬸᬢ᭄᭞ᬫᬶᬯᬄᬕᬫ᭄ᬩᬸᬭᬗ᭄ᬮᬬᬂ᭞ᬦᬾᬲᬸᬚᬵᬢᬶ᭞ᬫᬮᬶᬄᬢᬶᬢ᭄ᬬᬤᬸᬭᬸᬂᬧᭂᬤᬲ᭄᭟᭐᭟᭒᭖᭟ᬳᭂᬗ᭄ᬓᬾᬦ᭄ᬬᬚᬦ᭄ᬫ᭠
ᬫᬵᬦᬸᬱ᭞ᬭᬵᬕᬰᬭᬶᬭᬦᬾᬫᬮᬶᬳ᭄᭞ᬳᭂᬗ᭄ᬓᬾᬦ᭄ᬫᬵᬤᬦ᭄ᬫᬾᬫᬾᬩᬧ᭞ᬳᬧᬦᬾᬫᬵᬤᬦ᭄ᬪᬬᬸ᭞ᬤᬶᬤᬸᬶᬂᬚᬕ᭄ᬦᬄᬫᬢᭂᬫ᭄ᬯᬂ᭞ᬫᬗ᭄ᬤᬦᬸᬗ᭄ᬕᬶᬮ᭄᭞ᬳᬧᬂᬤᬤᬶᬫᬵᬯᬓᬢ᭄ᬫ᭟᭐᭟᭓᭗
[᭑᭔ 14 A]
ᬫᬮᬶᬄᬦᬾᬢᬸᬦᬲᬂᬢᬶᬢ᭄ᬬᬂ᭞ᬤᬾᬯᬪᬸᬣᬦᬾᬲᬸᬚᬵᬢᬶ᭞ᬓᭀᬘᬧ᭄ᬢᬸᬗ᭄ᬕᬮ᭄ᬧᬕᭂᬦᬳᬦ᭄᭞ᬪᬸᬣᬤᬾᬯᬧᬥᬤᬶᬢᬸ᭞ᬬᬦ᭄ᬧᬸᬦᬧᬶᬩ᭄ᬮᬢᬦ᭄ᬜ᭞ᬓ᭄ᬭᬡᬲᭂᬗ᭄ᬓᬮ᭄᭞ᬫᬗᬮᬶᬄᬚᬵᬢᬶᬦᬶᬂᬤᬾᬯ᭟
᭐᭟ᬳᬢᬶᬯᬶᬱ᭄ᬬᬮᬯᬦᬫᬺᬣ᭞ᬢᭀᬗᭀᬲ᭄ᬜᬫᬲᬶᬄᬳᬩᭂᬲᬶᬓ᭄᭞ᬅᬫᬺᬣᬦᬾᬳᬶᬍᬳᬶᬦ᭄ᬯᬶᬱ᭄ᬬ᭞ᬲᬗ᭄ᬓᬦ᭄ᬲᬗ᭄ᬓᬩᬦ᭄ᬗᬭᬸᬭᬸᬄ᭞ᬳᬶᬓᬯᬶᬰ᭄ᬯᬭᬳᬗᬸᬘᬧ᭄᭞ᬾᬶᬓᬾᬦᬾᬳᬤᬶ᭞ᬩᭂᬮᬶᬚᬦᬶ
ᬫᬦᬸᬢᬸᬭᬂ᭟᭐᭟ᬤᬸᬍᬕ᭄ᬳᬢᬶᬫᬵᬯᬓ᭄ᬯᬶᬱ᭄ᬬ᭞ᬫᬺᬣᬦᬾᬫᬦᬳᬾᬳ᭄ᬦᬶᬂ᭞ᬭᬱᬾᬗ᭄ᬤᬶᬬᬫᬵᬯᬓ᭄ᬪᬸᬣ᭞ᬤᬾᬯᬦᬾᬫᬦᬳᬾᬲᬸᬯᬸᬂ᭞ᬕᭂᬢᬶᬳᬾᬫᬵᬯᬓ᭄ᬪᬸᬣ᭞ᬲᬭᬷᬦ᭄ᬕᭂᬢᬶᬄ᭞ᬫᬭᬵᬕᬤᬾᬯᬉᬢ᭄ᬢ᭠
ᬫ᭟᭐᭟᭒᭐᭟ᬳᭂᬦ᭄ᬢᭀᬤᬤᬶᬫᬾᬫᬾᬩᬧ᭞ᬢ᭄ᬭᬸᬲ᭄ᬫᬭᬶᬦᬾᬢ᭄ᬭᬓᬮᬶᬄ᭞ᬧᬸᬦᬶᬓᬚᬵᬢᬶᬢᭂᬫ᭄ᬯᬂ᭞ᬳᬶᬩᬧᬫᬭᬵᬕᬩᬜᬸ᭞ᬳᬶᬫᬾᬫᬾᬕ᭄ᬦᬶᬫᬗᬭᬩ᭄᭞ᬦ᭄ᬢᭀᬩᬺᬱᬶᬳᬶᬦ᭄᭞ᬢᬸ᭠ [ 15 ][᭑᭔ 14 B]
᭑᭔
ᬗ᭄ᬕᬮᬂᬲᬚ᭄ᬭᭀᬢᬶᬗ᭄ᬮᬸᬶᬂᬗ᭄ᬳᬮ᭄᭟᭐᭟᭓᭑᭟ᬳᬶᬭᬲᬸᬢ᭄ᬢᬫᬜᬸᬚᬸᬢᬂ᭞ᬲᬸᬩᬢᬳᬾᬦ᭄ᬩᭂᬮᬶᬫᬫᬗ᭄ᬕᬶᬄ᭞ᬤᬤᬶᬢᬢᬲ᭄ᬩᬦ᭄ᬗᬸᬘᬧᬂ᭞ᬳᬶᬩᬧᬫᬭᬵᬕᬩᬜᬸ᭞ᬳᬶᬫᬾᬫᬾᬕ᭄ᬦᬶᬫ᭠
ᬗᬭᬩ᭄᭞ᬤᬶᬚᬧᬗ᭄ᬕᬶᬄ᭞ᬲᬗ᭄ᬓᬦ᭄ᬪᬶᬱᬫᬗᬸᬘᬧᬂ᭟᭐᭟᭓᭒᭟ᬢ᭄ᬭᬂᬩᬦ᭄ᬩᭂᬮᬶᬦᬸᬢᬸᬭᬂ᭞ᬫᬺᬣᬦᬾᬫᬦᬳᬾᬳ᭄ᬦᬶᬂ᭞ᬤᬸᬍᬕ᭄ᬳᬢᬶᬫᬵᬯᬓ᭄ᬯᬶᬱ᭄ᬬ᭞ᬤᬾᬯᬭᬶᬂᬫᬦᬳᬾᬲᬸᬯᬸᬂ᭞ᬕᭂᬢᬳᬾ
ᬫᬭᬵᬕᬪᬸᬣ᭞ᬢᬶᬢ᭄ᬬᬂᬗᬶᬭᬶᬂ᭞ᬯᬦ᭄ᬢᬄᬯᬾᬦ᭄ᬢᭂᬦ᭄ᬢᬸᬢᬸᬭᬜ᭟᭐᭟᭓᭓᭟ᬕᬫ᭄ᬧᬂᬩᬦ᭄ᬩᭂᬮᬶᬫᬧᭂᬢ᭞ᬭᬶᬂᬢᬸᬢᬸᬭᬾᬩᭂᬮᬶᬫᬫᬗ᭄ᬕᬶᬄ᭞ᬳᬗ᭄ᬕᭀᬦ᭄ᬫᬫᭀᬩᭀᬢᬶᬦ᭄ᬢᬶᬢ᭄ᬬᬂ᭞ᬫ
ᬲᬜᬓ᭄ᬢᬶᬢ᭄ᬬᬂᬫᬗᬸᬕᬸ᭞ᬩᭀᬕ᭄ᬩᭀᬕ᭄ᬩᭂᬮᬶᬦᬾᬓᬮᬶᬯᬢ᭄᭞ᬤᭂᬫᭂᬦ᭄ᬗᬸᬫᬶᬓ᭄᭞ᬗᬍᬧᬸᬕᬂᬳᬶᬲᬶᬦ᭄ᬧᬩ᭄ᬯᬦ᭄᭟᭐᭟᭓᭔᭟ᬧᬸᬦᬶᬓᬢᬸᬦᬲᬂᬢᬶᬢ᭄ᬬᬂ᭞ᬫᬫᬢᬩᭂᬮᬶ᭠
[᭑᭕ 15 A]
ᬓᬓᬮᬶᬄ᭞ᬤᬤᬶᬧᬢᬸᬄᬩᬦ᭄ᬫᬮᬶᬳᬢ᭄᭞ᬓᬸᬧᬶᬂᬩᭂᬮᬶᬫᬲᬶᬄᬧᬢᬸᬄ᭞ᬬᬦ᭄ᬧᬸᬦᬧᬶᬓᬧᬶᬋᬗᬂ᭞ᬳᬦᬾᬓᬾᬩᭀᬢ᭄ᬮᬦ᭄ᬓᬦᬯᬦ᭄᭟᭐᭟ᬧᬸᬦᬶᬓᬶᬫᬮᬶᬄᬦ᭄ᬤᬶᬓᬬᬂ᭞ᬢᬗᬦ᭄ᬩᭂᬦᬾᬓᬓᬮᬶᬄ᭞
ᬤᬤᬶᬪᬶᬦᬓᬲᬾᬩᭂᬢᬦ᭄᭞ᬲᬾᬩᭂᬢᬦ᭄ᬓᬦᬯᬦᬶᬧᬸᬦ᭄᭞ᬧᬸᬦᬧᬶᬳᬶᬦᬩ᭄ᬫᬓᬤ᭞ᬓᬬᬂᬩᬢᬶᬲ᭄᭞ᬲᬾᬩᭂᬢᬦ᭄ᬳᬦᬾᬓᬦᬯᬦ᭄᭟ᬳᭀ᭟᭓᭖᭟ᬲᬫᬶᬩᭂᬮᬶᬫᬜᭀᬮᬳᬂ᭞ᬤᬾ᭠
ᬦᬶᬂᬩᭂᬮᬶᬲᬵᬫ᭄ᬧᬸᬦᬸᬦᬶᬂ᭞ᬜᬸᬭᬸᬧᬂᬤᬾᬯᬤᬶᬳᬯᬓ᭄᭞ᬲᬸᬩᬦᬯᬂᬧᬲᬸᬓ᭄ᬯᭂᬢᬸ᭞ᬳᬶᬦ᭄ᬤᬬᬂᬧᬚᬭᬶᬦ᭄ᬢᬶᬢ᭄ᬬᬂ᭞ᬦᬾᬲᬸᬚᬵᬢᬶ᭞ᬲᬵᬫ᭄ᬧᬸᬦᬂᬫᬮᬶᬄᬫᬓᭂᬩᬂ᭟᭐᭟᭓᭗᭟ᬚᬸᬫᬄᬢᬶᬢ᭄ᬬᬂ
ᬯᬾᬦ᭄ᬢᭂᬦ᭄ᬮᭀᬦ᭄ᬢᬃ᭞ᬉᬘᬧᬦᬾᬍᬯᬶᬄᬍᬯᬶᬄ᭞ᬲᬵᬫ᭄ᬧᬸᬦ᭄ᬲᬫᬶᬲᬲ᭄ᬮᬶᬓᬦ᭄᭞ᬧᬗᬶᬯᬉ᭠ᬱᬥᬢᭂᬦᬸᬂ᭞ᬫᬶᬯᬄᬢᬸᬢᬸᬃᬓᬧᬸᬢᬸᬲᬦ᭄᭞ᬥᬃᬫᬚᬵᬢᬶ᭞ᬓᬮᬯᬦ᭄ᬢᬸᬢᬸᬃᬓᬫᭀᬓ᭄ᬱᬦ᭄᭟ [ 16 ][᭑᭕ 15 B]
᭑᭕᭟
᭐᭟᭓᭘᭟ᬇᬮ᭄ᬫᬸᬪᬢᬶᬜ᭄ᬘᬭᬇᬲ᭄ᬮᬫ᭄᭞ᬯᬾᬦ᭄ᬢᭂᬦ᭄ᬢᬶᬕᬂᬤᬰᬘᬶᬮᬶᬤ᭄᭞ᬧᬸᬦᬶᬓᬳᬫ᭄ᬩᬶᬮ᭄ᬳᭀᬜᬗᬂ᭞ᬮᬫᬸᬦ᭄ᬩᭂᬮᬶᬤᭂᬫᭂᬦ᭄ᬦᬸᬢᬸᬃ᭞ᬢᭂᬓᬦᬶᬂᬰᬵᬲ᭄ᬢ᭄ᬭᬯᬭᬶᬕ᭞ᬲᬫᬶᬳᬫ᭄ᬩᬶᬮ᭄᭞ᬢᬶᬢ᭄ᬬᬂ
ᬮᬷᬮᬫᬗᬢᬸᬭᬂ᭟᭐᭟᭓᭙᭟ᬭᬹᬧᬦ᭄ᬤᬾᬯᬮᬯᬦ᭄ᬪᬸᬢ᭞ᬤᬶᬢᬸᬳᬮᬶᬄᬢ᭄ᬯᬭᬧᬗ᭄ᬕᬶᬄᬮᬫᬸᬦ᭄ᬩᭂᬮᬶᬢ᭄ᬯᬭᬦᬯᬂ᭞ᬢᬶᬢ᭄ᬬᬂᬦᬾᬚᬦᬶᬫᬦᬸᬢᬸᬃ᭞ᬲᬦᬾᬚᬵᬢᬶᬫᬵᬤᬦ᭄ᬤᬾᬯ᭞ᬳᬦ
ᬓᬼᬢᬶᬄ᭞ᬰᬓ᭄ᬢᬶᬦᬾᬗᬾᬩᭂᬓ᭄ᬭᬶᬂᬚᬕᬢ᭄᭟᭐᭟᭔᭐᭟ᬳᬶᬤᬜᬶᬗᬓ᭄ᬢᬲ᭄ᬧᬦᬾᬢ᭄ᬭ᭞ᬢ᭄ᬯᬭᬧᬘᬗ᭄ᬓᭂᬫ᭄ᬫᬫᬸᬜᬶ᭞ᬫᬶᬋᬂᬳᬶᬤᬢᬦ᭄ᬧᬓᬃᬡ᭄ᬦ᭞ᬢ᭄ᬯᬭᬫᬲᬸᬓᬸᬮᬸᬫᬓᬸ᭞ᬢᬦ᭄ᬧᬳᬶᬭᬸᬂᬪᬶ
ᬱᬗᬸᬗᬲ᭄᭞ᬪᬶᬱᬗᬫ᭄ᬩᬶᬮ᭄᭞ᬢ᭄ᬯᬭᬳᬶᬤᬗᭂᬮᬄᬢᬗᬦ᭄᭟᭐᭟᭔᭑ᬲᬦ᭄ᬓᬦ᭄ᬢᬶᬢ᭄ᬬᬂᬫᬦᬸᬲᬂ᭞ᬳᭂᬦ᭄ᬓᬾᬦ᭄ᬚᬵᬢᬶᬲᬂᬳ᭄ᬬᬂᬯᬶᬥᬶ᭞ᬩᭂᬮᬶᬪᬶᬱᬫᬦᬸᬗ᭄ᬕᬮᬂ᭞ᬗᬸᬤᬢ᭄ᬯᬭ
[᭑᭖ 16 A]
ᬢᬳᬾᬦ᭄ᬢᭂᬧᬸᬓ᭄᭞ᬓᬾᬯᬮᬗᬗ᭄ᬕᭀᬧᬧᬃᬡ᭄ᬦᬦ᭄᭞ᬫᬶᬭᬶᬩᬶᬭᬶᬩ᭄᭞ᬤᬶᬭᬵᬕᬳᬤᬫᬕ᭄ᬦᬄ᭟᭐᭟᭔᭒᭟ᬮᬫᬸᬦ᭄ᬓᬭᬶᬢᬢᬃᬓᬬᬦ᭄᭞ᬳᭂᬦ᭄ᬤᬾᬦ᭄ᬫᬮᬸᬫᬜᬸᬗ᭄ᬓᭂᬫᬶᬦ᭄᭞ᬓᭀ
ᬘᬧ᭄ᬯᬶᬥᬶᬫᬭᬵᬕᬢᬸᬗ᭄ᬕᬮ᭄᭞ᬗᬹᬪᬮᬶᬬᬸᬳᬚᬶᬓ᭄ᬳᬶᬤᬸᬧ᭄᭞ᬲᬗ᭄ᬓᬦ᭄ᬳᬤᬚᭂᬮᬾᬫᭂᬮᬄ᭞ᬢᬶᬯᬲ᭄ᬲᬸᬕᬶᬄ᭞ᬲᬶᬭᬯᬶᬥᬶᬦᬾᬗᬤᬓᬂ᭟᭐᭟᭔᭓᭟ᬓᬾᬢᭀᬩᭂᬮᬶᬩᬦ᭄ᬗᬭᬱᬬᬂ᭞
ᬫᬲᬶᬄᬢ᭄ᬯᬭᬢᬳᬾᬦ᭄ᬧᬗ᭄ᬕᬶᬄ᭞ᬳᬶᬘᬸᬶᬯᬂᬩᭂᬮᬶᬢᬸᬭᬄᬢᬶᬢ᭄ᬬᬂ᭞ᬫᬮᬶᬄᬳᬦᬓ᭄ᬢ᭄ᬯᬭ᭠ᬢᭂᬧᬸᬓ᭄᭞ᬓᬮᬶᬂᬯᬶᬥᬶᬦᬾᬤᬮᬶᬳᬂ᭞ᬢ᭄ᬯᬭᬧᭂᬮᬶᬄ᭞ᬩᭂᬮᬶᬓᬳᬭᬦ᭄ᬤᬸᬓᬾ᭟᭐᭟᭔᭔᭟
ᬩᭂᬮᬶᬩᭀᬕ᭄ᬩᭀᬕ᭄ᬧᭂᬢᬤᭀᬯᬂ᭞ᬤᭂᬫᭂᬦ᭄ᬳᬚᬸᬫ᭄ᬗᬗ᭄ᬓᭂᬦ᭄ᬰᬓ᭄ᬢᬶ᭞ᬩᬦᬶᬲᬸᬩᬸᬂᬢ᭠ᬓᬾᬦ᭄ᬳᬯᬓ᭄᭞ᬓᬪᬶᬱᬦᬾᬭᬱᬗᬸᬗ᭄ᬕᬸᬮ᭄᭞ᬢ᭄ᬯᬭᬦᬸᬮᬶᬄᬦᬸᬮᬶᬄᬳᬯᬓ᭄᭞ᬓᬓᭂᬤᬾ [ 17 ][᭑᭖ 16 B]
᭑᭖᭟
ᬓᬶᬦ᭄᭞ᬰᬓ᭄ᬢᬶᬦᬾᬗᬗ᭄ᬕᭀᬦ᭄ᬳᬶᬧ᭄ᬬᬦ᭄᭟᭐᭟᭔᭕᭟ᬮᬫᬸᬦ᭄ᬩᭂᬮᬶᬗᬸᬕᬸᬳᬶᬧ᭄ᬬᬦ᭄᭞ᬮᬶᬬᬸᬳᬤᬳᬤᬳᬦᬓ᭄ᬰᬓ᭄ᬢᬶ᭞ᬬᬤ᭄ᬬᬦ᭄ᬚᬦ᭄ᬫᬢᬦ᭄ᬧᬰᬵᬲ᭄ᬢ᭄ᬭ᭞ᬪᬶᬱᬫᬗᬶᬧᬶᬫᬓᭂᬩᬸᬃ᭞ᬧᬗ᭄ᬭᬱᬫᬸᬭᬵ
ᬭᬶᬂᬤᬾᬯ᭞ᬦᬗ᭄ᬳᬶᬂᬗᬶᬧᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬜᬶᬭᬶᬗᬂ᭟᭐᭟᭔᭖᭟ᬩᭂᬮᬶᬮᬶᬬᬸᬦᬯᬂᬫᬦ᭄ᬢ᭄ᬭ᭞ᬉᬮᬶᬤᬶᬚᬯᭂᬢᬸᬲᬶᬤ᭄ᬥᬶ᭞ᬉᬮᬶᬤᬶᬚᬯᭂᬢᬸᬘᬫ᭄ᬧᬄ᭞ᬫᬓ᭄ᬭᬡᬫᬦ᭄ᬢ᭄ᬭᬦᬾᬢᬫ᭄ᬧᬸ᭞ᬳ
ᬧᬦᬾᬫᬵᬯᬓᬶᬂᬫᬦ᭄ᬢ᭄ᬭ᭞ᬲᬗ᭄ᬓᬦ᭄ᬲᬶᬤ᭄ᬥᬶ᭞ᬳᭂᬜᬾᬦ᭄ᬲᬦᬾᬗᬫᬦ᭄ᬢ᭄ᬭᬬᬂ᭟᭐᭟᭔᭗᭟ᬮᬫᬸᬦ᭄ᬢᭀᬂᬢᬯᬂᬢᭀᬢᭀᬦᬦ᭄᭞ᬳᭂᬦ᭄ᬤᬾᬦ᭄ᬫᬮᬸᬗᬗ᭄ᬓᭂᬦ᭄ᬰᬓ᭄ᬢᬶ᭞ᬓᬪᬶᬱᬦᬾᬦᬸᬫᬗᬯᬕ᭄᭞
ᬭᬵᬕᬦᬾᬳᬾᬗ᭄ᬕᬮᬦ᭄ᬳᬚᬸᬫ᭄᭞ᬓᬵᬤᬶᬪᬸᬢᬢᬸᬫ᭄ᬩᬾᬦ᭄ᬓᭂᬤᬢ᭄᭞ᬚᬦ᭄ᬫᬧᬮᬶᬂ᭞ᬢ᭄ᬯᬭᬦᬯᬂᬧᬚᬕᬢᬦ᭄᭟᭐᭟᭔᭘᭟ᬳᬶᬓᬯᬶᬰ᭄ᬯᬭᬩᭂᬮ᭄ᬩᭂᬮᬦ᭄᭞ᬳᭂᬗ᭄ᬲᭂᬓ᭄ᬢᭀᬂᬤᬤᬶ
[᭑᭗ 17 A]
ᬫᬫᬸᬜᬶ᭞ᬫᬦ᭄ᬥᭂᬂᬍᬗᬓᬼᬗᬵᬓ᭄᭞ᬓᬩᬶᬮ᭄ᬩᬶᬮ᭄ᬬᬫᬲᬯᬸᬢ᭄᭞ᬩᭂᬮᬶᬗᬶᬤᬶᬄᬧᬗᬫ᭄ᬧᬸᬭ᭞ᬢᭂᬓᬾᬦ᭄ᬳᬤᬶ᭞ᬢᬸᬢᬸᬕᬂᬢᬺᬱ᭄ᬡᬦᬾᬫᬜᬫ᭟᭐᭟᭔᭙᭟ᬩᭂᬮᬶᬗᬭᬱᬢᭂ
ᬓᬾᬦ᭄ᬳᬯᬓ᭄᭞ᬓᬾᬯᬮᬩᬶᬱᬤᬶᬩᬶᬩᬶᬄ᭞ᬢᭀᬦ᭄ᬤᬾᬦ᭄ᬪᬶᬱᬜᬸᬓ᭄ᬱ᭄ᬫᬬᬂ᭞ᬫᬸᬜᬶᬦᬾᬳᬾᬗ᭄ᬕᬮᬦ᭄ᬧᭂᬲᬸ᭞ᬚᬦᬶᬳᬤᬶᬫᬫᬦ᭄ᬢᭂᬲᬂ᭞ᬤᬗᬸᬮᬶᬢᬶᬦ᭄᭞ᬢᬸᬢᬸᬭᬶᬦ᭄ᬩᭂᬮᬶᬦᬾᬲᬚ᭟᭐᭟
᭕᭐᭟ᬳᬶᬭᬲᬸᬢ᭄ᬢᬫᬳᬗᬸᬘᬧ᭄᭞ᬯᬦ᭄ᬢᬄᬲᬧᬸᬦᬶᬓᬩᭂᬮᬶ᭞ᬢᬶᬢ᭄ᬬᬂᬢᬍᬃᬤᬸᬭᬸᬂᬧᭂᬤᬲ᭄᭞ᬓᬾᬯᬮᬲᬋᬂᬫᬕᬸᬭᬸ᭞ᬢᬸᬢᬸᬭᬾᬕᭀᬕᭀᬓ᭄ᬕᭀᬲᭀᬓᬂ᭞ᬲᬋᬂᬓᬮᬶᬄ᭞ᬳᬦᬾᬧᬢᬹ᭠
ᬢ᭄ᬧᬮᬚᬳᬂ᭟᭐᭟ᬧᬸᬧᬸᬄᬥᬸᬃᬫ᭟᭐᭟᭑᭟ᬤᬾᬦᬶᬂᬭᬵᬕ᭞ᬓᬘᬭᬶᬢᬤᬤᬶ᭠ᬫᬵᬦᬸᬱ᭞ᬧᬫ᭄ᬭᬕᬢ᭄ᬜᬧᬘᬂᬫᬢᬶ᭞ᬳ᭄ᬤᬳᬫ᭄ᬧᬄᬳᬫ᭄ᬧᬄ᭞ᬭᬾᬄᬢ᭄ᬯᬭᬤᬢᬯᬂ᭞ᬬᬾᬦ᭄ᬧᬶ [ 18 ][᭑᭗ 17 B]
᭑᭗᭟
ᬤᬦ᭄ᬕᬦ᭄ᬢᬶᬦᬫᬢᬶ᭞ᬤᬤᬓ᭄ᬤᬤᬓᬦ᭄᭞ᬳᬸᬭᬶᬧᬾᬢᬦ᭄ᬓᭂᬦᬾᬂᬳᬧ᭄ᬢᬶ᭟᭐᭟᭒᭟ᬳᬸᬮᬶᬂᬚᬦᬶ᭞ᬚᬸᬫ᭄ᬯᬶᬦ᭄ᬩᬸᬯᬶᬦ᭄ᬫᬮᬚᬄ᭞ᬳ᭄ᬤᬲᬸᬯᬸᬤ᭄ᬫᬗᭂᬦᭂᬳᬶᬦ᭄᭞ᬲᬶᬧᬢ᭄ᬳᬧᬂᬢᬯᬂ᭞ᬤᬾᬯᬕᬫᬦᬾ
ᬤᬶᬳᬯᬓ᭄᭞ᬰᬵᬲ᭄ᬢ᭄ᬭᬜᬦᬾᬳ᭄ᬤᬗᭂᬫ᭄ᬲᬧᬶᬦ᭄᭞ᬳᬧᬂᬳ᭄ᬤᬲᬶᬗ᭄ᬲᬮ᭄᭞ᬳᭂᬦ᭄ᬢᭀᬳᬶ᭠ᬗᭂᬢᬂᬲᬳᬶᬲᬳᬶ᭟᭐᭟᭓᭟ᬳᬧᬂᬢᬯᬂ᭞ᬳᬯᬓᬾᬫᬸᬮᬢᬦ᭄ᬧᬵᬯᬓ᭄᭞ᬢᬶᬂᬢᬶᬂᬒᬁᬓᬵᬭ
ᬚᬵᬢᬶ᭞ᬳᬦᬃᬯᬪᬶᬦᬾᬥ᭞ᬳᬸᬮᬶᬳᬶᬂᬭ᭄ᬯᬪᬶᬦᬾᬥ᭞ᬯᭂᬢᬸᬦᬶᬂᬢᬢᬶᬕᬫᬹᬣᬶ᭞ᬳᭂᬦ᭄ᬢᭀᬦᬾᬗᭀᬮᬄ᭞ᬫᬗᬥᬓᬂᬳᬶᬤᬸᬧ᭄ᬫᬢᬶ᭟᭐᭟᭔᭟ᬲᬫᬶᬳᬶᬯᬂ᭞ᬩᬦ᭄ᬫᬦᬓᭂᬄᬓᬤᬾᬦ᭄ᬤᭀᬂ᭠
ᬬ᭞ᬓᬾᬦ᭄ᬓᬾᬦ᭄ᬩᬦ᭄ᬫᬗᬶᬗᭂᬢᬶᬦ᭄᭞ᬕ᭄ᬮᬄᬢ᭄ᬯᬭᬢᬯᬂ᭞ᬳᬯᬓ᭄ᬗᬫᬮᬶᬗᬶᬦ᭄ᬳᬯᬓ᭄᭞ᬲᬦᬾᬧᬸᬬᬸᬂᬓᬤᬾᬦ᭄ᬚᭂᬮᬶᬄ᭞ᬩᬓᬢ᭄ᬓᭂᬦ᭄ᬥᭂᬮᬂ᭞ᬬᬲᬸᬫᬶᬗ᭄ᬓᬶᬦ᭄ᬳᬩᬫᬢᬶ᭟᭐᭟᭕᭟ᬮᬫᬸ
[᭑᭘ 18 A]
ᬦ᭄ᬚᬵᬢᬶ᭞ᬩᭂᬮᬶᬪᬶᬱᬜᬸᬓ᭄ᬱ᭄ᬫᬬᬂ᭞ᬭᬵᬕᬫᬫᬹᬚᬲᬳᬶ᭞ᬤᬶᬢᬸᬲᬸᬩᬗᭂᬦᬄ᭞ᬕᬮᬗᬾᬢᭂᬓᬾᬦᬶᬂᬍᬫᬄ᭞ᬢᬶᬗ᭄ᬕᬃᬢᭀᬂᬩᬓᬢ᭄ᬮᬶᬬᬢᬶᬦ᭄᭞ᬧᬳᭂᬓ᭄ᬧᬲᬚ᭞ᬦᬗ᭄ᬳᬶᬂᬓᬾᬢᭀᬂᬩᬓᬢ᭄ᬢᬸ
ᬦ᭄ᬤᬶᬓ᭄᭟᭐᭟ᬳᭂᬗ᭄ᬓᬾᬦ᭄ᬫᬲᬸᬓ᭄᭞ᬳᬗ᭄ᬓᬾᬦ᭄ᬯᭂᬢᬸᬳᬶᬗᭂᬢᬂ᭞ᬯᬶᬭᬾᬄᬫᬮᬓᬃᬳᬩᭂ᭠ᬲᬶᬓ᭄᭞ᬤᬤᬶᬫᬵᬯᬓ᭄ᬤᬤ᭄ᬯ᭞ᬯᬶᬰᬃᬚᬮᬦᬸᬗ᭄ᬰ᭄ᬯᬭᬷ᭞ᬲᬹᬃᬬ᭄ᬬᬘᬦ᭄ᬤ᭄ᬭᬩᬜᬸᬳᬧᬶ᭞ᬪᬸᬫᬶᬅᬓᬰ
᭞ᬕᬫᬢᬷᬃᬣᬕᬸᬶᬂᬕᬫᬯᬾᬘᬶ᭟᭐᭟᭗᭟ᬯᬶᬭᬾᬄᬳᬶᬤ᭞ᬫᬵᬭᬵᬕᬳᬦᬾᬫᬫᬹᬚ᭞ᬪᬶᬦᬲᬦ᭄ᬫᬸᬶᬫᬸᬶᬂᬚᬸᬶᬳᬸᬶᬂᬦᬸ᭄᭞ᬭᬸᬶᬂᬰᬵᬸᬲ᭄ᬢ᭄ᬭᬸᬒᬁᬸ᭞ᬦᬾᬫᬫᬹᬚᬳᬶᬦ᭄᭞ᬭᬶᬂᬰᬵᬲ᭄ᬢ᭄ᬭᬒᬁᬓᬭ᭞ᬳ᭄ᬭᬁ
ᬳ᭄ᬭᬶᬲᬄᬪᬸᬢᬫᬦ᭄ᬢ᭄ᬭ᭞ᬳᬦᬉᬢ᭄ᬧᬢᬶᬲ᭄ᬣᬶᬢᬶ᭞ᬫᬶᬯᬄᬧ᭄ᬭᬮᬶᬡ᭞ᬦᬸᬶᬂᬳᬦᬪᬹᬃᬪ᭄ᬯᬄᬲ᭄ᬯᬄᬭᬾᬚ᭄ᬯᬮᬶ᭟᭐᭟᭘᭟ᬲᬗ᭄ᬓᬦ᭄ᬳᬤ᭞ᬰᬵᬲ᭄ᬢ᭄ᬭᬳᭂᬦ᭄ᬢᭀᬫᬗᬥᬓᬂ᭞ᬒᬁᬉᬁᬭᬄᬧᬢᬲ᭄ᬢ᭄ᬭ [ 19 ][᭑᭘ 18 B]
᭑᭘᭟
ᬚᬵᬢᬶ᭞ᬧᬸᭂᬂᬤᬸᬶᬲ᭄ᬲᬶᬸᭂᬤᬶᬸᬲᬸᬂ᭞ᬲᬸᬶᬧᬸᬶᬢ᭄ᬭᬸᬶᬂᬭᬵᬶᬸᬕᬸᬶᬾᬶᬦᬸᬶᬚᬵᬸᬶᬢᬸᬶᬂ᭞ᬫ᭄ᬯᬂᬤᬰᬵᬓ᭄ᬱᬭ᭞ᬲᬩᬢᬅᬇᬦᬫ᭞ᬰᬶᬯᬬᬳᭂᬦ᭄ᬢᭀᬫᬫᬸᬃᬣᬶ᭞ᬧᭂᬤᬲ᭄ᬧᭂᬤᬲᬂ᭞ᬲᬶᬧᬢ᭄ᬭᬶᬂᬭᬵᬕᬦᬾᬚᬵᬢᬶ᭟᭐᭟᭘᭟ᬯᬶᬭᬾᬄ
ᬚᬦᬶ᭞ᬕᬸᬫᬶᬲᬸᬩᬧᬥᬭᬸᬲᬓ᭄᭞ᬲᭂᬓᬢᬾᬫᭂᬲᬾᬄᬰ᭄ᬯᬭᬷ᭞ᬮᬫᬸᬦ᭄ᬫᬭᬱᬲᬶᬗ᭄ᬲᬮ᭄᭞ᬳᭂᬤᬓᬸᬓᬸᬄᬫᬗᭂᬦ᭄ᬙᭂᬮᬂ᭞ᬫᬲᬶᬄᬬᬲᬭᬶᬂᬲᬭᬶᬗᬶᬦ᭄᭞ᬳᬧᬂᬳ᭄ᬤᬕᬯᬂ᭞ᬤᬶᬓᭂᬦᭂᬄᬭᬱᬭᬱᬦᬶᬦ᭄
᭟᭐᭟᭙᭟ᬳᬧᬦ᭄ᬳᬶᬤ᭞ᬗᬸᬘᬶᬧ᭄ᬚᬕᬢᬾᬫᬓᭂᬚᬂ᭞ᬲᬓᬮᬦᬾᬩᬸᬓᬚᬦᬶ᭞ᬳᬶᬤᬫᬭᬵᬕᬩ᭄ᬭᬲ᭄᭞ᬩᭂᬮᬶᬳᬤᬶᬗᬫᭂᬃᬢᬬᬂ᭞ᬤᬶᬲᬸᬩᬦᬾᬤᬤᬶᬦᬲᬶ᭞ᬮᬾᬦ᭄ᬳᬤᬦ᭄ᬜ᭟ᬤᬸᬯᭂᬕ᭄ᬧᭂᬲᬦ᭄ᬫ
ᬗᬤᬦᬶᬦ᭄᭟᭐᭟ᬲᬕᬾᬢ᭄ᬦᬯᬂ᭞ᬲᬸᬩᬫᬳᬤᬦ᭄ᬓᬢᬶᬧᬢ᭄᭞ᬳᬤᬫᬗᬤᬦᬶᬦ᭄ᬢᬶᬮ᭄᭞ᬮᬾᬦ᭄ᬳᬤᬧᬾᬲᭀᬃ᭞ᬳᬤᬫᬗᬤᬦᬶᬦ᭄ᬩᬦ᭄ᬢᬮ᭄᭞ᬳᬤᬫᬗᬤᬦᬶᬦ᭄ᬮᬸᬓᬶᬲ᭄᭞ᬧᬍᬫᭂᬂᬳ
[᭑᭙ 19 A]
ᬤᬦ᭄ᬜ᭞ᬧᬥᬤᬸᬯᭂᬕ᭄ᬫᬗᬤᬦᬶᬦ᭄᭟᭐᭟᭑᭑᭟ᬳᭂᬦ᭄ᬢᭀᬳᬤᬦᬶᬦᬫᬯᬥᬄᬢᬸᬗ᭄ᬕ᭠ᬮ᭄᭞ᬤᬤᬶᬮᬾᬦ᭄ᬫᬗᬤᬦᬶᬦ᭄᭞ᬫᬵᬤᬦ᭄ᬦᬲᬶᬚᬓᬦ᭄᭞ᬦᬲᬶᬢᭂᬧᭂᬂᬢᭀᬳᬤᬦ᭄ᬜ᭞ᬩᬸᬩᬸᬃ᭠
ᬘᬶᬦᬫᬲᬶᬄᬦᬲᬶ᭞ᬬᬦ᭄ᬭᬶᬂᬓᬸᬲ᭄ᬓᬸᬲᬦ᭄᭞ᬦᬲᬶᬓᬸᬲ᭄ᬓᬸᬲ᭄ᬫᬲᬶᬄᬦᬲᬶ᭟᭐᭟᭑᭒᭟ᬤᬾᬦᬶᬂᬳᬶᬤ᭞ᬓᬉᬘᬧ᭄ᬤᬶᬦᬶᬤᬶᬍᬫᬄ᭞ᬳᬶᬤᬧᬭᬵᬕᬦᬶᬂᬧᬤᬶ᭞ᬳᭂᬦ᭄ᬢᭀᬚᬦᬶᬓᭂᬦᭂᬳᬂ᭞ᬳᬧᬂᬲᬶ
ᬤ᭄ᬥᬤᬤᬶᬩ᭄ᬭᬲ᭄᭞ᬳᬧᬂᬤᬫᬜᬓᬦ᭄ᬚᬶᬚᬶᬄ᭞ᬓᬤ᭄ᬬᬂᬫᬗᭂᬍᬓᬂ᭞ᬦᬲᬶᬦᬾᬫᬓᬸᬮᬶ᭠ᬢ᭄ᬓᬸᬮᬶᬢ᭄᭟᭐᭟᭑᭓᭟ᬩᬸᬓᬓᬾᬢᭀ᭞ᬉᬧᬫᬶᬦ᭄ᬜᬲᬂᬳ᭄ᬬᬂᬰᬵᬲ᭄ᬢ᭄ᬭ᭞ᬳ᭄ᬤᬲᬸᬯᬸᬤ᭄ᬫᬗᭂᬦᭂᬳᬶ
ᬦ᭄᭞ᬲᬶᬧᬢᬳᬧᬂᬲᬚ᭞ᬩᬶᬮᬶᬄᬳᬤᬬᬓᬲᬤ᭄ᬬᬦ᭄᭞ᬭᬶᬂᬭᬵᬕᬦᬾᬕᭀᬲᭀᬓ᭄ᬲᬳᬶ᭞ᬘᭀᬘᭀᬓ᭄ᬘᭀᬘᭀᬓᬂ᭞ᬭᬶᬂᬮᭀᬦ᭄ᬢᬭᬾᬢᬦ᭄ᬧᬢᬸᬮᬶᬲ᭄᭟᭐᭟᭑᭔᭟ᬮᬫᬸ᭠ [ 20 ][᭑᭙ 19 B]
᭑᭙᭟
ᬦ᭄ᬢᭀᬦ᭄ᬤᬾᬦ᭄᭞ᬦᬯᬂᬮᭀᬦ᭄ᬢᬃᬢᬦ᭄ᬧᬢᬸᬮᬶᬲ᭄᭞ᬢᬸᬦᬲᬂᬧᬸᬦᬶᬓᬩᭂᬮᬶ᭞ᬭᬶᬂᬕᬸᬭᬸᬲᭂᬓᭂᬦᬂ᭞ᬤᬶᬚᬕ᭄ᬦᬄᬦᬾᬢᭀᬢᭀᬦᬦ᭄᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬗᬸᬢ᭄ᬧᬢᬶ᭞ᬓᬾᬦᬵᬓᬾᬦ᭄ᬫᬜᬶᬦ᭄ᬜ᭞
ᬯᬶᬭᬾᬄᬮᭀᬦ᭄ᬢᬃᬢᬦ᭄ᬧᬢᬸᬮᬶᬲ᭄᭟᭐᭟᭑᭕᭟ᬦᬾᬢᬸᬦᬲᬂ᭞ᬫᬵᬤᬦ᭄ᬤᬸᬳᬸᬂᬳᬸᬭᬗ᭄ᬓ᭞ᬬᬫᬸᬮᬳᬫᬳᬶᬂᬓ᭄ᬭᬶᬲ᭄᭞ᬓᬸᬤ᭄ᬬᬂᬗᬲᬸᬓᬂ᭞ᬫᬲᬸᬓ᭄ᬭᬶᬦᬲᬸᬓᬦ᭄᭞ᬬᬫᬸᬮᬳᬸᬫᬳᬶᬂᬓ᭄ᬭᬶ᭠
ᬲ᭄᭞ᬓᬸᬤ᭄ᬬᬂᬗᬲᬸᬓᬂ᭞ᬳᬸᬭᬗ᭄ᬓᬦᬾᬫᬭᬶᬂᬓ᭄ᬭᬶᬲ᭄᭟᭐᭟᭑᭖᭟ᬫᬮᬶᬄᬳᭂᬦ᭄ᬢᭀᬢ᭄ᬭ᭄ᬬᬵᬓ᭄ᬱᬭᬦᬾᬢᬸᬦᬲᬂ᭞ᬫᬲᬶᬄᬤᬤᬶᬩᬸᬮᬓ᭄ᬩᬮᬶᬓ᭄᭞ᬉᬢ᭄ᬧᬢᬶᬧ᭄ᬭᬮᬶᬡ᭞ᬗᬸᬘᬧᬂᬰᬵᬲ᭄ᬢ᭄ᬭᬦᬾ
ᬕᬫ᭄ᬧᬂ᭞ᬳᬾᬯᬸᬄᬧᬶᬲᬦ᭄‌ᬬᬦ᭄ᬮᬫ᭄ᬧᬳᬶᬦ᭄᭞ᬧᭂᬤᬲ᭄ᬫᬗᬯᬕ᭄᭞ᬓᬾᬯᬮᬪᬶᬱᬤᬶᬩᬶᬩᬶᬄ᭟᭐᭟᭑᭗᭟ᬫᬶᬯᬄᬳᭂᬦ᭄ᬢᭀᬑᬁᬓᬵᬭᬦᬾᬳᬤᬸᬫᬸᬓ᭞ᬤᬶᬢᭂᬗᬄᬦᬾᬮᬶ᭠
[᭒᭐ 20 A]
ᬦ᭄ᬥᬸᬮᬶᬘᬶᬦ᭄᭞ᬫᬳᬶᬲᬶᬅᬁᬓᬵᬭ᭞ᬓᬾᬦ᭄ᬓᬾᬦ᭄ᬯᬗ᭄ᬲᬶᬢᬾᬢᭀᬢᭀᬦᬦ᭄᭞ᬬᬦ᭄ᬢᬸᬮᬤ᭄ᬩᬳᬦ᭄ᬫᬗ᭄ᬲᬶ᭞ᬬᬤ᭄ᬬᬦ᭄ᬧᬗ᭄ᬭᬸᬧᬓ᭄᭞ᬕᬫ᭄ᬧᬂᬲᬦ᭄ᬪᬶᬱᬫᬦᬸᬮᬶᬲ᭄᭟᭐᭟᭑᭘᭟ᬫᬮᬶᬄᬳᬤ
ᬲᬭᬵᬢᬧᬘᬂᬓᬢᬸᬦᬲᬂ᭞ᬳᬤᬋᬓᭀᬰᬵᬲ᭄ᬢ᭄ᬭᬓᬮᬶᬄ᭞ᬅᬁᬅᬄᬳᬾᬧᬸᬦᬶᬓ᭞᭠ᬢᭂᬓᬦᬶᬂᬧ᭄ᬭᬡᬢᬶᬕ᭞ᬫᬲᬶᬮᬸᬃᬉᬗ᭄ᬕ᭄ᬯᬦᬶᬂᬤᬤᬶ᭞ᬳᭂᬜᬾᬦ᭄ᬗᬶᬲᬶᬤᬂ᭞ᬭᬵᬕᬦᬾᬓᬢᬸᬗ᭄ᬓᬸᬮ᭄ᬲᬓᬶᬢ᭄᭟
᭐᭟᭑᭙᭟ᬫᬮᬶᬄᬯᬾᬦ᭄ᬢᭂᬦ᭄᭞ᬧᬸᬦᬶᬓᬯᬶᬦ᭄ᬥᬸᬉᬢ᭄ᬢᬫ᭞ᬫᬳᬯᬔᭂᬦᬂᬳᭂᬦᬶᬂ᭞ᬳᭂᬦᬶᬂᬓᬢᬢ᭄ᬯᬦ᭄ᬜ᭞ᬧ᭄ᬭᬦᬯᬳᬯᬓᬶᬂᬅᬢ᭄ᬫ᭞ᬭᬶᬂᬰᬹᬦ᭄ᬬᬋᬓᭀᬫᬗ᭄ᬭᬜ᭄ᬚᬶᬂ᭞ᬳᭂᬦ᭄ᬢᭀᬫᬵᬤᬦ᭄ᬰᬹᬦ᭄ᬬ᭞ᬳᬧᬂᬩᭂ
ᬮᬶᬘᬢᬢᬲᬸᬦᬶᬂ᭟᭒᭐᭟ᬳᭂᬦ᭄ᬢᭀᬭᬱ᭞ᬓᬉᬘᬧ᭄ᬭᬵᬕᬦᬶᬂᬤᬾᬯ᭞ᬓᬾᬦ᭄ᬓᬾᬦ᭄ᬩᬦ᭄ᬗᬮᬶᬳᬢᬶᬦ᭄᭞ᬯᬶᬭᬾᬄᬢ᭄ᬯᬭᬗᭂᬦᬄ᭞ᬧᬭᬵᬕᬦᬶᬂᬳᬦᬦᭀᬭ᭞ᬲᬕᬾᬢ᭄ᬕᬦᬮ᭄ᬲᬕᬾᬢ᭄ᬳᬮᬶᬢ᭄᭞ᬧᬥᬢᭀᬂ [ 21 ][᭒᭐ 20 B]
᭒᭐᭟
ᬗᭂᬦᬄ᭞ᬦᬗ᭄ᬳᬶᬂᬢᬾᬓᬢᭂᬧᬸᬓ᭄ᬱᬳᬶ᭟᭐᭟᭒᭑᭟ᬉᬮᬢ᭄ᬤᬗᬦ᭄᭞ᬭᬱᬦᬾᬗᬸᬘᬧᬂ᭠ᬰᬵᬲᬢ᭄ᬭ᭞ᬳᬾᬯᬸᬄᬧᭂᬲᬦ᭄‌ᬬᬦ᭄ᬮᬫᬧᬳᬶᬦ᭄᭞ᬳᬓᬾᬄᬢᬦ᭄ᬯᬶᬦᬶᬮᬂ᭞ᬳᭂᬦ᭄ᬢᭀᬜᬦ᭄ᬤᬂᬢᬸᬦᬲᬂ᭞ᬳᭂ
ᬗ᭄ᬓᬾᬦ᭄ᬫᬮᬸᬧᬮᬚᬳᬶᬦ᭄᭞ᬜᬦ᭄ᬤᬂᬕᬸᬃᬯᬂ᭞ᬳ᭄ᬤᬢᬓᬸᬢ᭄ᬗᬸᬢᬂᬤᬕᬶᬂ᭟᭐᭟᭒᭒᭟ᬳᭂᬦᬾᬳᬤ᭞ᬳᬓᬶᬥᬶᬓ᭄ᬜᬦ᭄ᬤᬂᬢᬸᬦᬲᬂ᭞ᬳᭂᬦ᭄ᬢᭀᬋᬓᭀᬯᬗ᭄ᬲᬶᬢ᭄᭞ᬢᬸᬂᬢᬸᬂᬫᬶᬯᬄᬮᬸᬧ᭞ᬫᬵᬯᬓ᭄ᬳᬧ
ᬦᬾᬢᭀᬢᭀᬦᬦ᭄᭞ᬲᬶᬧᬢᬂᬳᬧᬂᬲᬸᬚᬵᬢᬶ᭞ᬧᬂᬲᬶᬤ᭄ᬥᬢᬯᬂ᭞ᬳᬧᬦ᭄‌ᬬᬫᬵᬯ᭠ᬓᬶᬂᬩᬸᬤ᭄ᬥᬶ᭟᭐᭟᭒᭓᭟ᬤᬶᬚᬕ᭄ᬦᬄ᭞ᬫᬦᬸᬗ᭄ᬕᬮᬂᬩᬸᬤ᭄ᬥᬫᬦᬄᬳᬸᬮᬶᬤᬶᬚᬫᬶᬚᬶᬮ᭄᭞ᬤᬶᬚᬤᬤᬶ
ᬳᬶᬮᬂ᭞ᬓᬾᬦ᭄ᬓᬾᬦ᭄ᬩᬦ᭄ᬫᬗᬶᬮᬗᬂ᭞ᬳᭂᬦ᭄ᬢᭀᬩᭂᬮᬶᬧᬮᬚᬳᬶᬦ᭄᭞ᬳᬮᬶᬄᬰᬵᬲ᭄ᬢ᭄ᬭᬦ᭄ᬜᬢᬸᬦᬲᬂᬭᬶᬂᬲᬂᬲᬸᬮᬶᬗ᭄ᬕᬶᬄ᭟᭐᭟᭒᭔᭟ᬲᬦᬾᬫᬵᬤᬦ᭄᭞ᬩᬸᬤ᭄ᬥᬶᬫᬦᬄᬢᭀᬢᬸᬦᬲᬂ᭞ᬳᬧᬂ
[᭒᭑ 21 A]
ᬩᭂᬮᬶᬢᬢᬲᬸᬦᬶᬂ᭞ᬤᬚᬕ᭄ᬫᬗᭂᬦ᭄ᬥᭂᬮᬂ᭞ᬮᬫᬸᬦ᭄ᬳᭂᬦᬸᬫᬵᬯᬓ᭄ᬰᬵᬲ᭄ᬢ᭄ᬭ᭞ᬬᬤ᭄ᬬᬦ᭄ᬫᬯᬭᬱ᭠ᬧᬶᬗᬶᬢ᭄᭞ᬢᭀᬦ᭄ᬤᬾᬦ᭄ᬚᬜᬦ᭄ᬤᬂ᭞ᬬᬲᬸᬗ᭄ᬓᭂᬫᬶᬦ᭄ᬳᬩᬫᬢᬶ᭟᭐᭞᭒᭕᭟ᬫᬮᬶᬄᬳᭂᬦ᭄ᬢᭀ᭞ᬦᬾ᭠
ᬫᬵᬤᬦ᭄ᬦᬪᬶᬢᬸᬦᬲᬂ᭞ᬬᬤᬶᬦ᭄ᬧᬸᬗ᭄ᬲᭂᬤᬺᬓᭀᬦᬪᬶ᭞ᬦᭀᬭᬬᬧᬸᬦᬶᬓ᭞ᬳᬭᬂᬳᬦᬓᬾᬫᬦᬯᬂ᭞ᬦᬾᬚᬵᬢᬶᬫᬵᬤᬦ᭄ᬦᬪᬶ᭞ᬤᬾᬦᬶᬂᬧᬸᬦᬶᬓ᭞ᬫᬵᬯᬓ᭄ᬩᬸᬗ᭄ᬓᬄᬢᬸᬂᬢᬸᬂᬳᬶᬱᬶ᭟᭐᭟
᭒᭖᭟ᬫᬮᬶᬄᬯᬾᬦ᭄ᬢᭂᬦ᭄᭞ᬦᬾᬜᬦ᭄ᬤᬂᬧᬘᬂᬢᬸᬦᬲᬂ᭞ᬫᬗ᭄ᬤᬾᬩᭂᬮᬶᬢ᭄ᬭᬂᬳᬸᬦᬶᬂ᭞ᬳᭂᬓᬾᬦ᭄ᬰᬶᬯᬤ᭄ᬯᬭ᭞ᬓᬤᬾᬦ᭄ᬩᭂᬮᬶᬤᬶᬧᬩᬳᬦ᭄᭞ᬅᬄᬦᭀᬭᬲᬦᬾᬲᬸᬚᬵᬢᬶ᭞ᬳᬶᬰᬶᬯ
ᬤ᭄ᬯᬭ᭞ᬧᬭᭀᬓ᭄ᬦᬶᬂᬳᬚ᭄ᬜᬦᬓᬮᬶᬄ᭟᭐᭟᭒᭗᭟ᬮᬫᬸᬦ᭄ᬢᬯᬂ᭞ᬢᬫ᭄ᬧᬓᬶᬂ᭠ᬓᬸᬦ᭄ᬢᬸᬮᬗ᭄ᬮᬬᬂ᭞ᬦ᭄ᬢᭀᬬᬜᬦ᭄ᬤᬂᬲᬸᬦ᭄ᬓᭂᬫᬶᬦ᭄᭞ᬦ᭄ᬢᭀᬯᬶᬢ᭄ᬓᬫᬶᬫᬶᬢᬦ᭄᭞ᬦ᭄ᬢᭀᬦᬾᬚᬵᬢᬶ᭠ [ 22 ][᭒᭑ 21 B]
᭒᭑᭟
ᬉᬢ᭄ᬢᬫ᭞ᬤᬶᬭᬵᬕᬦ᭄ᬩᭂᬮᬶᬦᬾᬳᬮᬶᬄ᭞ᬧᬂᬲᬶᬤ᭄ᬥᬢᬯᬂ᭞ᬭᬵᬕᬦᬾᬫᭂᬦ᭄ᬥᭂᬧ᭄ᬫᬫᬸᬜᬶ᭟᭐᭟᭒᭘᭟ᬬᬦ᭄ᬫᬫᬸᬜᬶ᭞ᬭᬵᬕᬦᬾᬫᭂᬦ᭄ᬥᭂᬧ᭄ᬗᬶᬗᭂᬭᬂ᭞ᬦ᭄ᬢᭀᬩᭂᬮᬶᬧᬮᬚᬳᬶᬦ᭄᭞ᬇᬱ᭄ᬝᬶ
ᬬᬂᬤᬶᬫᬦᬄ᭞ᬬᬦᬲᬸᬩᬢᬯᬂᬢᭀᬢᭀᬦᬦ᭄᭞ᬦ᭄ᬢᭀᬬᬜᬦ᭄ᬥᬂᬓᬧᬹᬚᬶ᭞ᬫᬭᬵᬕᬧᬡ᭄ᬥᬶᬢ᭞ᬲᬸᬩᬫᬬᭀᬕᬲᬲᬳᬶ᭟᭐᭟᭒᭙᭟ᬯᬶᬭᬾᬄᬳᭂᬦ᭄ᬢᭀ᭞ᬫᬵᬯᬓ᭄ᬰᬓ᭄ᬢᬶᬤᬶ
ᬫᬦᬄ᭞ᬫᬦᬸᬤᬸᬳᬂᬲᬳᬶᬲᬳᬶ᭞ᬬᬤ᭄ᬬᬦ᭄ᬢᭂᬓᬮᬸᬗ᭄ᬳ᭞ᬫᬸᬮᬳᭂᬦ᭄ᬢᭀᬗᬯᬶᬰᬾᬱ᭞ᬗ᭄ᬕᬯᬾᬧᬢᬹᬢ᭄‌ᬗ᭄ᬕᬯᬾᬧᭂᬮᬶᬄ᭞ᬳᭂᬦ᭄ᬢᭀᬦᬾᬫᬵᬮᬶᬄ᭞ᬫᬗᬤᬓᬂᬳᬶᬤᬸᬧ᭄ᬫᬢᬶ᭟᭐᭟
᭓᭐᭟ᬩ᭄ᬯᬶᬦᬳᬤ᭞ᬇᬦᬸᬘᬧ᭄ᬪᬱᬪᬰ᭄ᬫᬭᬵᬢ᭄᭞ᬅᬩ᭄ᬭᬵᬳ᭄ᬫᬩ᭄ᬯᬶᬦ᭄ᬳᬩᭂᬲᬶᬓ᭄᭞ᬢᬸᬗ᭄ᬕᬮ᭄ᬓᬤᬤ᭄ᬬᬦ᭄ᬜ᭞ᬳᬧᬦ᭄ᬳᬕᬯᬾᬢ᭄ᬭᬶᬪᬸᬯᬦ᭞ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬩᬦ᭄ᬗᬸᬢ᭄ᬧᬢᬶ᭞
[᭒᭒ 22 A]
ᬤᬶᬚᬢᭀᬗᭀᬲ᭄ᬜ᭞ᬢᬸᬦᬲᬂᬳᬧᬂᬲᬸᬚᬵᬢᬶ᭟᭐᭟᭓᭑᭟ᬤᬶᬢᬸᬳᬤᬫᬸᬜᬶᬦ᭄ᬭᬭᬾᬚ᭄ᬭᭀᬦᬶᬂᬩᬲᬂ᭞ᬳᭂᬦ᭄ᬢᭀᬋᬓᭀᬰᬩ᭄ᬤᬦᬪᬶ᭞ᬓᬾᬦ᭄ᬓᬾᬦ᭄ᬓᬧᬶᬋᬗᬂ᭞ᬳ᭄ᬤᬧᭂᬲᬦ᭄ᬫᬗᭂᬗ᭄ᬲ
ᬧᬂ᭞ᬧᬤᬲᬂᬳᬧᬂᬲᬸᬚᬵᬢᬶ᭞ᬦ᭄ᬢᭀᬫᬯᬓ᭄ᬢᬶᬢᬄ᭞ᬲᬧᬓᬳ᭄ᬬᬸᬦᬦᬾᬳᬶᬭᬶᬂ᭟᭐᭟᭓᭒᭟ᬮᬫᬸᬦ᭄ᬢᬯᬂ᭞ᬰᬩ᭄ᬤᬦᬶᬂᬲᬚ᭄ᬭᭀᬦᬶᬂᬉᬚᬃ᭞ᬫᬸᬜᬶᬦᬾᬲᬚ᭄ᬭᭀᬦᬶᬂᬫᬶᬜᬶ᭞ᬬᬚ᭄ᬭᬵᬢᬶ᭠
ᬧᬸᬦᬶᬓ᭞ᬲᭂᬲᭂᬤᬂᬩᭂᬮᬶᬢᬸᬦᬲᬂ᭞ᬦ᭄ᬢᭀᬓᬾᬦ᭄ᬓᬾᬦᬂᬫᬗᬸᬜ᭄ᬘᬶ᭞ᬳᬧᬂᬤᬫᭀᬮᬄ᭞ᬫᬗ᭄ᬤᬧᬱ᭄ᬝᬶᬓᬚᬵᬢᬶ᭟᭐᭟᭓᭓᭟ᬧᬶᬦᭂᬄᬧᬶᬦᭂᬄ᭞ᬭᬶᬂᬓᬳ᭄ᬬᬸᬦ᭄ᬲᬵᬫ᭄ᬧᬸᬦ᭄ᬢᬮᬾᬫᬦ᭄᭞ᬬ
ᬦ᭄ᬤᬸᬭᬸᬂᬱᬫᬗᬸᬦᬶᬸᬜ᭄ᬘᬶ᭞ᬳᬸᬶᬧᬸᬶᬤᬸᬶᬾᬶᬫᬵᬸᬶᬮᬸᬶᬄᬶ᭞ᬭᬶᬂᬕᬸᬭᬸᬢᬸᬦᬲᬂ᭞ᬫᬸᬗ᭄ᬕ᭄ᬯᬶᬂᬭᬵᬕᬦᬾᬧᬳᬾᬦᬓ᭄᭞ᬩᬶᬮᬶᬄᬓᬲᬶᬤ᭄ᬥᬦ᭄ᬓᬧᬗ᭄ᬕᬶᬄ᭞ᬲᬂᬳ᭄ᬬᬂᬓᬫᭀᬓ᭄ᬱᬦ᭄᭞ᬭᬶᬂᬭᬵᬕᬦᬾᬧᬶᬦᭂ [ 23 ][᭒᭒ 22 B]
᭒᭒
ᬳᬶᬦ᭄᭟᭐᭟᭓᭔᭟ᬳᬲᬶᬂᬤᬸᬭᬸᬂ᭞ᬓᬧᬶᬦᭂᬄᬢᬸᬦᬲ᭄ᬢᬸᬦᬲᬂ᭞ᬫᬦᬯᬶᬕᬸᬭᬸᬦᬾᬮᬮᬶ᭞ᬚᬸᬫ᭄ᬯᬂᬭᬶᬂᬮ᭄ᬬᬦᬦ᭄᭞ᬬᬤ᭄ᬬᬦ᭄ᬭᬶᬂᬲᬫᭂᬢᭀᬦ᭄ᬥᬃᬫ᭞ᬳᬲᬶᬂᬯᬶᬓᬦᬦ᭄ᬢᬸᬦᬲᬶᬦ᭄᭞ᬕᬸᬭᬸᬕᬸᬭ᭄ᬯᬂ
᭞ᬤᬸᬮᬸᬭᬶᬦ᭄ᬧᬶᬢᬺᬱ᭄ᬡᬪᬓ᭄ᬢᬶ᭟᭐᭟᭓᭕᭟ᬯᬶᬭᬾᬄᬢᬶᬕ᭞ᬳᬸᬦᬸᬘᬧ᭄ᬓ᭄ᬭᬡᬦᬶᬂᬯᬶᬓᬦ᭄᭞ᬲᬓᬶᬂᬲᬶᬰ᭄ᬭᬸᬱᬪᬓ᭄ᬢᬶ᭞ᬦᬪᬾᬇᬘ᭄ᬙᬯᬭᬄ᭞ᬧᬕᭂᬄᬢᭂᬓᬾᬦ᭄ᬧᬕᬸᬭ᭄ᬯᬦ᭄᭞ᬜᬫᬸᬢ᭄ᬬ
ᬓ᭄ᬜᬓᬧᬢᬶᬢᬶᬲ᭄᭞ᬯ᭄ᬓᬲᬶᬂᬧᭂᬚᬄ᭞ᬭᬶᬂᬰᬹᬦ᭄ᬬᬪᬬᬳᬶᬦᬶᬱ᭄ᬝᬶ᭟᭐᭟᭓᭖᭟ᬰᬵᬲ᭄ᬢ᭄ᬭᬓᬢᬄ᭞ᬓᭂᬘᬓᬭᬡᬦᬶᬂᬯᬶᬓᬦ᭄᭞ᬯ᭄ᬭᬸᬄᬭᬶᬂᬯᭂᬓᬲᬶᬂᬧᬢᬶ᭞ᬭᬶᬂᬰᬵᬲ᭄ᬢ᭄ᬭᬧᬗᬼᬧᬲ᭄᭞ᬫᬭᬶᬂ
ᬫᬵᬯᬓᬧ᭄ᬭᬦᬯ᭞ᬫᬭᬶᬂᬦᬶᬱ᭄ᬓᬵᬮᬗᬭᬜ᭄ᬚᬶᬂ᭞ᬳᬦ᭄ᬩᬾᬂᬰᬹᬦ᭄ᬬ᭞ᬳᬦᬦᬾᬲᬤ᭄ᬬᭀᬢ᭄ᬓ᭄ᬭᬦ᭄ᬢᬶ᭟᭐᭟᭓᭗᭟ᬲᬓᬶᬂᬰ᭄ᬯᬢᬄ᭞ᬦᬧᬗ᭄ᬕᬶᬄᬲᬶᬫ᭄ᬧᭂᬦᬶᬂᬫᬦᬄ᭞ᬯᭂᬓᬲ᭄ᬦ᭄ᬬᬯᬦ᭄ᬢᬄ
[᭒᭓ 23 A]
ᬳᬓᬶᬥᬶᬓ᭄᭞ᬓᭂᬘᬧ᭄ᬢᬦ᭄ᬧᬰᬵᬲ᭄ᬢ᭄ᬭ᭞ᬯᬭᬄᬳᬦᬶᬩᬾᬂᬰᬹᬦ᭄ᬬ᭞ᬦ᭄ᬤᬢᬦ᭄ᬧᬯᬳ᭄ᬬᬤᬤᬶ᭞ᬫᬵᬯᬓ᭄ᬦᬶᬱ᭄ᬓᬮ᭞ᬮᬸᬧᬸᬢᬳᬶᬦᬾᬱ᭄ᬝᬶᬳᬾᬱ᭄ᬝᬶ᭟᭐᭟᭓᭘᭟ᬓᬤᬶᬯᬶᬦ᭄ᬥᬸ᭞ᬳᬶᬦᬸᬘᬧ᭄ᬧᬮᬶᬂᬉ
ᬢ᭄ᬢᬫ᭞ᬭᬾᬓᬦ᭄ᬜᬯᬦ᭄ᬢᬄᬳᬓᬶᬥᬶᬓ᭄᭞ᬲᭀᬓ᭄ᬫᬢᬦ᭄ᬢᬶᬢᬶᬭᬦ᭄᭞ᬬᬦᬶᬂᬳᬗ᭄ᬕᬾᬦ᭄ᬫᬭᬶᬂᬳᬗ᭄ᬕ᭞ᬤᬤᬶᬯᬗ᭄ᬲᬶᬢ᭄ᬧᬸᬬᬸᬂᬲᬫᬶ᭞ᬬᬦ᭄ᬚᬚᬃᬓᬸᬤ᭞ᬳᬶᬯᬶᬦ᭄ᬥᬸᬗᬾᬓᬲᬫᬶ᭟᭐᭟᭓᭙᭟
ᬲᬧᬸᬦᬶᬓ᭞ᬉᬧᬫᬶᬦ᭄ᬜᬳ᭄ᬬᬂᬲᬸᬓ᭄ᬱ᭄ᬫ᭞ᬓ᭄ᬭᬡᬦᬾᬬᬤᬤᬶᬯᬗ᭄ᬲᬶᬢ᭄᭞ᬯᬶᬰ᭄ᬯᬫᬜ᭄ᬚᬶᬂᬆᬃᬤ᭄ᬥ᭞ᬆᬃᬤ᭄ᬥᬦᬾᬳᬶᬮᬂ᭞ᬳᭂᬦ᭄ᬢᭀᬧᬤᬲᬂᬫᬮᬸᬧᬶᬦᭂᬳᬶᬦ᭄᭞ᬯᬶᬦ᭄ᬥᬸᬦᬾᬳᬶᬮᬂ᭞ᬭᬶᬂ
ᬦᬥᬲᬶᬭᬗ᭄ᬭᬜ᭄ᬚᬶᬂ᭟᭐᭟᭔᭐᭟ᬳᬶᬦᬥᬳᬶᬮᬂᬉᬫᬲᬸᬓ᭄ᬫᬭᬶᬂᬲᬸᬶᬂᬰᬹᬦ᭄ᬬ᭞ᬭᬶᬓᬵ᭠ᬮᬦᬶᬂᬲᬧᬸᬦᬧᬶ᭞ᬫᬵᬯᬓ᭄ᬲᬧᬸᬦᬶᬓ᭞ᬬᬦᬶᬂᬩᭂᬮᬶᬲᬸᬩᬦᬯᬂ᭞ᬇᬦ᭄ᬤᬬᬂᬯᬗ᭄ᬲᬶᬢᬂᬓᬶᬥᬶ [ 24 ][᭒᭓ 23 B]
᭒᭓᭟
ᬓ᭄᭞ᬳᬜ᭄ᬚᭂᬂᬓᬾᬯᬮ᭞ᬲᬦᬾᬫᬤᬦ᭄ᬢᭂᬦ᭄ᬳᬶᬭᬶᬓᬶ᭟᭐᭟᭔᭑᭟ᬳᭂᬦ᭄ᬢᭀᬳᬤ᭞ᬓᭂᬘᬧ᭄ᬋᬓᭀᬫᬉᬢ᭄ᬢᬫ᭞ᬳᬶᬤᬲᬂᬳ᭄ᬬᬂᬓᬢ᭄ᬭᬶᬦᬶ᭞ᬮᬾᬦ᭄ᬳ᭄ᬬᬂᬳᬤ᭄ᬯᬬ᭞ᬯᬶᬲᬵᬃᬚᬮᬦᬸᬗ᭄ᬰ᭄ᬯᬭ᭞
ᬳᭂᬦ᭄ᬢᭀᬓᬾᬦ᭄ᬓᬾᬦ᭄ᬩᬦ᭄ᬗᬸᬢ᭄ᬧᬢᬶ᭞ᬫᬲᬸᬓ᭄ᬯᭂᬢ᭄ᬯᬂ᭞ᬫᬗᬺᬕᭂᬧᬂᬲᬳᬶᬲᬳᬶ᭟᭐᭟᭔᭒᭟᭠ᬤᬶᬚᬕ᭄ᬦᬄ᭞ᬦᬸᬗ᭄ᬕᬮᬂᬳ᭄ᬬᬂᬳᬤ᭄ᬯᬬ᭞ᬭᬶᬚᬩᬚ᭄ᬭᭀᬓᭂᬢᬶᬮ᭄᭞ᬲᬸᬶᬾᬶᬧᬸᬶᬲᬶᬧᬢᬾᬤᬶᬭᬵᬕ᭞ᬳᭂᬦ᭄ᬢᭀ
ᬩᭂᬮᬶᬳᬧᬂᬢᬯᬂ᭞ᬫᬮᬫ᭄ᬧᬄᬳᭂᬦ᭄ᬢᭀᬲᬸᬚᬵᬢᬶ᭞ᬳᬧᬂᬤᬕᬯᬂ᭞ᬇᬥᭂᬧᬾᬫᬜᬫᬺᬢᬶ᭟᭐᭟᭔᭓᭟ᬫᬮᬶᬄᬳᭂᬗ᭄ᬓᬾᬦ᭄᭞ᬚᬵᬢᬶᬦᬾᬲᬂᬳ᭄ᬬᬂᬅᬢ᭄ᬫ᭞ᬧᭂᬤᬲ᭄ᬓᬾᬲᬵᬫ᭄ᬧᬸᬦᬸᬦᬶᬂ᭞ᬭᬶᬂ᭠
ᬧ᭄ᬭᬥᬦᬢᬢ᭄ᬯ᭞ᬫᬶᬯᬄᬧᬸᬭᬸᬱᬢᬢ᭄ᬯ᭞ᬲᬦᬾᬤᬶᬭᬵᬕᬦᬾᬚᬵᬢᬶ᭞ᬳᭂᬗ᭄ᬓᬾᬦ᭄ᬧᬸᬦᬶᬓ᭞ᬲᬶᬧᬢᬂᬫᬗ᭄ᬤᬲᬸᬚᬵᬢᬶ᭟᭐᭟᭔᭔᭟ᬤᬾᬦᬶᬂᬕᭂᬦ᭄ᬢᭀᬫᬭᬵᬕᬲᬂᬳ᭄ᬬᬂᬧᬭᬫᬵᬃᬣ᭞
[᭒᭔ 24 A]
ᬧᭂᬧᭂᬓ᭄ᬤᬤᬶᬳᬶᬦᬸᬶᬲᬶᬦ᭄ᬕᬸᬫᬶ᭞ᬳᭂᬦ᭄ᬢᭀᬦᬾᬳᬾᬲ᭄ᬢ᭄ᬬᬂ᭞ᬳ᭄ᬤᬲᬸᬯᬸᬤ᭄ᬫᬗᭂᬦᭂᬳᬂ᭞ᬳᬧᬂᬲᬶᬤ᭄ᬥᬗᬦ᭄ᬫᬢᬶᬢᬶᬲ᭄᭞ᬩᬶᬮᬶᬄᬓᬲᬶᬤ᭄ᬥᬦ᭄᭞ᬰᬹᬦ᭄ᬬᬦᬶᬃᬪᬦᬦᬾᬧᬗ᭄ᬕᬶᬄ᭟᭐᭟᭔᭕᭟ᬳᭂᬦ᭄ᬢᭀᬳᬶᬩᭂ
ᬢᬂ᭞ᬧᬲᬸᬓ᭄ᬯᭂᬢᬸᬦᬾᬤᬶᬳᬯᬓ᭄᭞ᬳᬸᬮᬶᬤᬶᬢᬸᬩᬦ᭄ᬫᬗᬮᬶᬄ᭞ᬉᬢ᭄ᬢᬫᬦᬶᬂᬫᬦᬄ᭞᭠ᬧᭂᬤᬲᬂᬳᬧᬗᬢᬯᬂ᭞ᬲᬦᬾᬧᭂᬲᬸᬲᬦᬾᬫᬸᬮᬶᬄ᭞ᬳᬧᬂᬤᬲᬫᬃ᭞ᬩᬦ᭄ᬩᭂᬮᬶᬫᬗᬶᬗᭂᬢᬶᬦ᭄᭟
᭐᭟᭔᭖᭟ᬤᬶᬢᬸᬢᭀᬗᭀᬲ᭄᭞ᬢᬫ᭄ᬧᬓᬶᬂᬦᬸᬦ᭄ᬢᬸᬮᬗ᭄ᬮᬬᬂ᭞ᬫᬸᬮᬤᬶᬢᬸᬮᬓᬸᬳᬮᬶᬄ᭞ᬚᬦᬶᬳᬧᬂᬢᬯᬂ᭞ᬯᬶᬲᬃᬚᬮᬦᬸᬗ᭄ᬰ᭄ᬯᬭ᭞ᬩᬶᬮᬶᬄᬲᬶᬤ᭄ᬥᬩᬦ᭄ᬜᬢ᭄ᬧᬢᬶ᭞ᬳᭂᬦ᭄ᬢᭀᬦᬾᬤ
ᬤ᭄ᬯ᭞ᬳᬧᬦ᭄ᬬᬫᬵᬯᬓᬳᬩᭂᬲᬶᬓ᭄᭟᭐᭟᭕᭗᭟ᬤᬶᬢᬸᬲᬶᬤ᭄ᬥᬭᬵᬕᬦᬾᬦᭀᬗᭀᬲ᭄ᬫᬚᬮᬦ᭄᭞ᬭᬵᬕᬦᬾᬧᬸᬍᬲ᭄ᬗᭂᬦ᭄ᬤᬸᬲᬶᬦ᭄᭞ᬳᭂᬦ᭄ᬢᭀᬯᬗᬸᬢ᭄ᬓᬫᬶᬫᬶᬢᬦ᭄᭞ᬳᬶᬗᭂᬃ [ 25 ][᭒᭔ 24 B]
᭒᭔᭟
ᬳᬶᬗᭂᬭᬂᬤᬶᬫᬦᬄ᭞ᬬᬦ᭄ᬲᬸᬩᬲᬶᬤ᭄ᬥᬫᬗᬸᬜ᭄ᬘᬶ᭞ᬦ᭄ᬢᭀᬫᬵᬯᬓ᭄ᬲᬦ᭄ᬥ᭄ᬬ᭞ᬫᬦᬯᬂᬚᬵᬢᬶᬦᬶᬂᬚᬵᬢᬶ᭟᭐᭟᭔᭘᭟ᬓᬾᬢᭀᬩᭂᬮᬶ᭞ᬳᬢᬸᬃᬢᬶᬢ᭄ᬬᬂᬳᬾᬮᬶᬗᬂ᭞ᬲᬓᬾᬂᬢᬺᬱ᭄ᬡᬲᬸ
ᬚᬵᬢᬶ᭞ᬳᬾᬮᬶᬗᬾᬫᬜᬫ᭞ᬢ᭄ᬯᬭᬤᬤᬶᬧᬘᬂᬩᭂᬮᬲ᭄᭞ᬲᬮᬸᬂᬮᬸᬂᬲᬥᬾᬥᬾᬲᬶ᭠ᬗ᭄ᬕᬶᬄ᭞ᬧᬗᬧ᭄ᬢᬶᬦᬾᬢᬸᬗ᭄ᬕᬮ᭄᭞ᬧᬥᬗᬱ᭄ᬝᬶᬢᬶᬭᬶᬂᬯᬶᬥᬶ᭟᭐᭟᭔᭙᭟ᬓᬯᬶᬰ᭄ᬯᬭ᭞ᬧᬗᬸᬘᬧᬾ
ᬦᬸᬤᬸᬢ᭄ᬢᬶᬢ᭄ᬢ᭞ᬥᬸᬄᬫᬲ᭄ᬫᬶᬭᬄᬳᬶᬗ᭄ᬲᬸᬦ᭄ᬳᬤᬶ᭞ᬤᬾᬯᬭᬲᬸᬢ᭄ᬢᬫ᭞ᬢᬸᬢᬸᬕᬂᬧᬶᬲᬦ᭄ᬧᬶᬢᬺᬱ᭄ᬡ᭞ᬫᬜᬫᬢᭂᬓᬾᬦ᭄ᬩᭂᬮᬶ᭞ᬫᬕᬸᬭᬸᬢᬸᬗ᭄ᬕᬮ᭄᭞ᬫᬢᭂᬫ᭄ᬯᬂᬧᬢᬶᬳᬸᬭᬶᬧ᭄᭟᭐᭟᭕᭐᭟ᬫ
ᬮᬶᬄᬢᬶᬗ᭄ᬓᬄ᭞ᬳᬦᬓᬾᬗᬕᭂᬫ᭄ᬳᬕᬫ᭞ᬧᬸᬦᬶᬓᬩᭂᬮᬶᬢᬸᬢᬸᬭᬶᬦ᭄᭞ᬯᬶᬭᬾᬄᬫᬵᬯᬓ᭄ᬤᬤ᭄ᬯ᭞ᬕᬫᬯᬾᬘᬶᬕᬫᬢᬷᬃᬣ᭞ᬕᬫᬲ᭄ᬮᬫ᭄ᬕᬫᬓᬧᬶᬃ᭞ᬦ᭄ᬢᭀᬧᬚᬭᬂ᭞ᬳᬧᬂ
[᭒᭕ 25 A]
ᬩᭂᬮᬶᬢᬢᬲᬸᬦᬶᬂ᭟᭐᭟᭕᭑᭟ᬳᬶᬭᬲᬸᬢ᭄ᬢᬫᬳᬗᬸᬘᬧ᭄ᬤᬾᬭᬕᬫ᭄ᬧᬂ᭞ᬦᬶᬓᬲᬳᭀᬯᬸᬦᬶᬓᬶᬩᭂᬮᬶ᭞ᬲᬸᬚᬵᬢᬶᬦᬶᬂᬕᬫ᭞ᬪᭀᬬᬦᬾᬫᬸᬗ᭄ᬕᬸᬄᬭᬶᬂᬮᭀᬦ᭄ᬢᬃ᭞ᬬᬤ᭄ᬬᬦ᭄ᬭᬶᬂᬢᬸᬢᬸᬭᬾᬳ
ᬮᬶᬄ᭞ᬦᭀᬭᬧᬸᬦᬶᬓ᭞ᬦᬾᬫᬵᬤᬦ᭄ᬕᬫᬲᬸᬚᬵᬢᬶ᭟᭐᭟᭕᭒᭟ᬳᭂᬦ᭄ᬢᭀᬯᬾᬢ᭄ᬓᬢ᭠ᬢ᭄ᬯᬦᬶᬂᬚᬕᬢ᭄᭞ᬬᬦ᭄ᬫᬭᬶᬂᬓᬶᬥᬸᬂᬓᬓᬯᬶᬦ᭄᭞ᬫᬶᬯᬄᬲᬃᬯ᭄ᬯᬧᬃᬯ᭄ᬯ᭞ᬧᬸᬦᬶᬓᬗᬭᬦ᭄ᬲᬲ᭄ᬫᬶᬢ᭞᭠
ᬬᬤ᭄ᬬᬦ᭄ᬭᬶᬂᬯᬾᬥᬦᬾᬳᬮᬶᬄ᭞ᬫ᭄ᬯᬂᬚᬧᬫᬦ᭄ᬢ᭄ᬭ᭞ᬧᬸᬦᬶᬓᬗᬭᬦ᭄ᬧᬫᬸᬚᬶ᭟᭐᭟᭠᭕᭓᭟ᬤᬶᬚᬗᬮᬶᬄᬲᬦᬾᬫᬵᬤᬦ᭄ᬳᬶᬕᬫ᭞ᬬᬦ᭄ᬢᬦ᭄ᬲᬓᬶᬂᬲᬂᬳ᭄ᬬᬂᬯᬶᬥᬶ᭞ᬇᬘ᭄ᬙᬯᬭᬦᬸᬕ᭄ᬭ
ᬳ᭞ᬦᬾᬚᬵᬢᬶᬫᬵᬤᬦ᭄ᬳᬶᬕᬫ᭞ᬓᬭᬶᬓᬳᬕᭂᬫ᭄ᬩᬦ᭄ᬯᬶᬥᬶ᭞ᬢᭀᬂᬢᬳᬾ᭠ᬦ᭄ᬩᭂᬮᬲ᭄᭞ᬲᬗ᭄ᬓᬦ᭄ᬳᬭᬂᬳᬦᬓᬸᬦᬶᬂ᭟᭐᭟᭕᭔᭟ᬮᬫᬸᬦ᭄ᬢᬯᬂ᭞ᬳᭂᬦ᭄ᬢᭀᬫᬵᬤᬦ᭄ᬓᬲᬸ᭠ [ 26 ][᭒᭕ 25 B]
᭒᭕᭟
ᬕ᭄ᬬᬦ᭄᭞ᬦ᭄ᬢᭀᬳᬸᬦᬶᬗᬶᬦ᭄ᬲᬳᬶᬲᬳᬶ᭞ᬓᭂᬫᬶᬢ᭄ᬳᬧᬂᬬᬢ᭄ᬦ᭞ᬳ᭄ᬤᬳᬫ᭄ᬧᬄᬫᬧᭂᬚᬗᬦ᭄᭞ᬤᬾᬦᬶᬂᬧ᭄ᬬᬕᭂᬫᬶᬂᬯᬶᬥᬶ᭞ᬬᬦ᭄ᬢᭀᬳᬶᬮᬂ᭞ᬜᬾᬦ᭄ᬳᬦᬓᬾᬢᬕᬶᬳᬶᬦ᭄᭟᭐᭟
᭕᭕᭟ᬤᬶᬢᬸᬳᬤᬳᬦᬓ᭄ᬘ᭄ᬭᬶᬓ᭄ᬩᬋᬂᬤᬤ᭄ᬯ᭞ᬦ᭄ᬢᭀᬦᬾᬚᬸᬭᬸᬫᬓᭂᬫᬶᬢ᭄᭞ᬳᭂᬦ᭄ᬢᭀᬲᬸᬩᬬᬢ᭄ᬦ᭞ᬢᬶᬗ᭄ᬓᬄᬜᬦᬾᬫᬕᭂᬩᬕᬦ᭄᭞ᬢ᭄ᬯᬭᬧᬸᬍᬲ᭄ᬫᬓᬓᬮᬶᬄ᭞ᬢ᭄ᬯᬭᬭᬾᬭᬾ
ᬡᬦ᭄᭞ᬬᬫᬚᬮᬦ᭄ᬧᭂᬲᬸᬫᬸᬮᬶᬄ᭟᭐᭟᭕᭖᭟ᬦᬗ᭄ᬳᬶᬂᬳᭂᬦ᭄ᬢᭀᬳᬦᬓᬾᬘ᭄ᬭᬶᬓ᭄ᬩᬋᬤᬤ᭄ᬯ᭞ᬳ᭄ᬤᬧᭂᬲᬦ᭄ᬫᬗᭂᬗ᭄ᬲᬧᬶᬦ᭄᭞ᬬᬜᬦ᭄ᬤᬂᬲᬬᬗᬂ᭞ᬬᬤ᭄ᬬᬦ᭄ᬮᬸᬯᬲ᭄ᬫᬲᬶᬄᬳᬚᬓ᭄᭞ᬧᭂᬢᭂᬂᬍ
ᬫᬄᬬᬚᬗ᭄ᬓᬸᬢᬶᬦ᭄᭞ᬳᬧᬂᬤᬩᭂᬮᬲ᭄᭞ᬬᬦ᭄ᬩᭂᬮᬲ᭄ᬗᬫ᭄ᬩᬸᬮ᭄ᬗᬭᬭᬶᬲ᭄᭟᭐᭟᭕᭗᭟ᬓᬾᬢᭀᬢᬶᬗ᭄ᬓᬄᬳᬦᬓᬾᬗᬕᭂᬫ᭄ᬳᬶᬕᬫ᭞ᬪᬶᬱᬥᬃᬫᬢᭂᬓᬾᬦ᭄ᬩᬸᬤ᭄ᬥᬶ᭞ᬲᭀᬮᬄᬤᬶᬦᬶᬲ᭄ᬓ
[᭒᭖ 26 A]
ᬮ᭞ᬳᬸᬮᬶᬚᬦᬶᬩᬦ᭄ᬗᬾᬃᬣ᭄ᬬᬂ᭞ᬳᬧᬂᬲᬶᬤ᭄ᬥᬩᬦ᭄ᬗᬸᬢ᭄ᬧᬢᬶ᭞ᬲᬂᬳ᭄ᬬᬂᬓᬫᭀᬓ᭄ᬱᬦ᭄᭞ᬭᬶᬂᬭᬵᬕᬳᬸᬗ᭄ᬕ᭄ᬯᬦᬾᬓᬶ᭟᭐᭟᭕᭘᭟ᬳᭂᬦ᭄ᬢᭀᬲᬗ᭄ᬓᬦ᭄᭞ᬩᭂᬮᬶᬧᬕᭂᬳᬂᬫᬬᬰ᭞ᬳᬲ᭄ᬣᬶᬢᬶᬭᬶᬂ
ᬲᬂᬳ᭄ᬬᬂᬯᬶᬥᬶ᭞ᬳ᭄ᬤᬗᬸᬢᬂᬰᬶᬫ᭞ᬳ᭄ᬤᬲᬸᬯᬸᬤ᭄ᬗᬸᬢ᭄ᬧᬢ᭄ᬬᬂ᭞ᬯᬶᬥᬶᬭᬶᬂᬭᬵᬕᬦ᭄ᬳᬶᬩᭂᬮᬶ᭞ᬳᬶ᭠ᬤᬫᬮᬶᬗ᭄ᬕ᭞ᬭᬷᬂᬲᬗ᭄ᬕᬄᬓᬫᬸᬮᬦ᭄ᬩᭂᬮᬶ᭟᭐᭟᭕᭙᭟ᬳᬧᬂᬢᬶᬢᬶᬓ᭄᭞ᬲᬳᬶᬫᬗᬢᬸᬭᬂᬘᬦᬂ᭞ᬍ
ᬗᬯᬗᬶᬩᬸᬭᬵᬢ᭄ᬯᬗᬶ᭞ᬤᬸᬮᬸᬭᬶᬦ᭄ᬧᬲᬸᬶᬰᬸᬘ᭄ᬬᬦ᭄᭞ᬫᬓᬵᬤᬶᬧᬸᬜ᭄ᬚᬸᬂᬭᬬᬸᬦᬦ᭄᭞ᬓᬵᬢᬹᬃᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬮᬸᬗ᭄ᬲᬸᬭᬦᬾᬢᬸᬦᬲ᭄᭞ᬳᬧᬂᬩᭂᬮᬶᬲᭂᬕᭂᬃᬤᬤᬶ᭟᭐᭟᭖᭐᭟ᬳ
ᬧᬂᬢᬯᬂ᭞ᬳᬦᬾᬫᬵᬤᬦ᭄ᬲᬗ᭄ᬓᬦ᭄ᬧᬭᬦ᭄᭞ᬤ᭄ᬯᬶᬚᬾᬦ᭄ᬤ᭄ᬭᬰᬵᬲ᭄ᬢ᭄ᬭᬲᬫᬥᬶ᭞ᬘᬾᬢ᭄ᬢᬫᬵᬕᬵᬃᬚᬾᬂᬭᬵᬢ᭄᭞ᬩ᭄ᬭᬢᬋᬱᬶᬦᬶᬃᬚᬕᬢ᭄᭞ᬪᬵᬱᬲᬸᬓ᭄ᬱ᭄ᬫᬦᬶᬂᬧᬢᬶ᭞ᬬᬭᬸᬓᬸᬦ᭄ᬮᬶᬫ᭞ [ 27 ][᭒᭖ 26 B]
᭒᭖᭟
ᬳᭂᬦ᭄ᬢᭀᬫᬵᬯᬓᬕᬫᬰᬸᬘᬶ᭟᭐᭟᭖᭑᭟ᬢᬸᬲᬶᬂᬪᬶᬦᬕᬫᬰᬸᬘᬶᬕᬫᬢᬷᬃᬣ᭞ᬏᬓᬯᬓ᭄ᬬᬪᬶᬦᬰ᭄ᬭᬸᬣᬶ᭞ᬧᬭᬵᬕᬦᬶᬂᬢᬸᬗ᭄ᬕᬮ᭄᭞ᬫᬮᬶᬄᬢᬶᬢ᭄ᬬᬂᬗᬸᬦᬶᬗᬬᬂ᭞ᬬᬦᬶᬂᬳᬶᬕ
ᬫᬯᬾᬘᬶ᭞ᬬᬘᬭᬲ᭄ᬮᬫ᭄᭞ᬫᬵᬤᬦ᭄ᬳᬶᬕᬫᬓᬧᬶᬃ᭟᭖᭒᭟ᬫᬮᬶᬄᬢᬸᬗ᭄ᬕᬮ᭄᭞ᬧᬯᬓᬦᬾᬢᭀᬢᭀᬦᬦᬦ᭄᭞ᬮᬾᬦ᭄ᬩᬦ᭄ᬫᬗᬤᬦᬶᬦ᭄᭞ᬯᬶᬭᬾᬄᬪᬶᬦᬘᬭ᭞ᬉᬢ᭄ᬢᬫᬦᬾᬘᬭ
ᬲ᭄ᬮᬫ᭄᭞ᬓᬮᬯᬦ᭄ᬘᬲᬸᬶᬭᬤᬶᬩᬮᬶ᭞ᬢᬸᬲᬶᬂᬚᬪᬶᬦ᭞ᬮᬫᬸᬦ᭄ᬚᬢᬶᬩᭂᬮᬶᬳᬸᬦᬶᬂ᭟᭐᭟᭖᭓᭟ᬘᬭᬲ᭄ᬮᬫ᭄ᬲᬓᬵᬮᬦᬾᬫᬵᬤᬦ᭄ᬤᬸᬦ᭄ᬬ᭞ᬦᬸᬲ᭄ᬓᬮᬦᬾᬋᬓᭀᬫᬮᬶᬄ᭞ᬢᬸᬭᬄᬲ᭄ᬮ
ᬫ᭄ᬧᬸᬦᬶᬓ᭞ᬫᬵᬤᬦ᭄ᬳᬳᬾᬭᭀᬢ᭄᭞ᬤᬾᬯᬦᬾᬫᬤᬦ᭄ᬦᬪᬶ᭞ᬳ᭄ᬬᬂᬯᬶᬥᬶᬯᬱ᭞ᬢ᭄ᬯᬦ᭄ᬳᬮᬄᬓᬧᬭᬩᬶᬦ᭄᭟᭐᭟᭕᭔᭟ᬧᬸᬭᬧᬸᬭ᭞ᬧᬸᬦᬶᬓᬬᬦ᭄ᬘᬭᬲ᭄ᬮᬫ᭄᭞ᬕ᭄ᬦᬄᬲ᭄ᬮᬫᬾᬫ
[᭒᭘ 27 A]
ᬗᬚᬶ᭞ᬓᬯᬱ᭄ᬝᬦᬶᬦ᭄ᬮᬗ᭄ᬕᬃ᭞ᬧᬸᬦᬶᬓᬫᬗ᭄ᬓᬶᬦ᭄ᬘᭀᬘᭀᬓᬂ᭟ᬬᬦ᭄ᬘᬭᬢᬸᬭᬄᬤᬶᬩᬮᬶ᭞ᬤᬶᬢᬸᬫᬬᭀᬕ᭞ᬫᬩ᭄ᬭᬢᬫᬜᬸᬦ᭄ᬬᬋᬱᬶ᭟᭐᭟᭖᭕᭟ᬧᬸᬦᬶᬓᬫᬓ᭄ᬭᬡᬢᭀᬂᬳᬤᬪᬶ
ᬦᬦ᭄ᬜ᭞ᬧᬦᬸᬚᬸᬦᬾᬫᬲᬶᬄᬢᬸᬗ᭄ᬕᬶᬮ᭄᭞ᬩᬮᬶᬢᭂᬓᬾᬦᬶᬂᬲ᭄ᬮᬫ᭄᭞ᬳᬶᬓᬯᬶᬰ᭄ᬯᬭᬳᬗᬸᬘᬧ᭄᭞ᬳᭂᬦ᭄ᬢᭀᬲᬸᬩᬩᭂᬮᬶᬗᬃᬢ᭄ᬢᬶ᭞ᬫᬮᬶᬄᬢᬸᬦᬲᬂ᭞ᬲᬦᬾᬫᬵᬤᬦ᭄ᬕᬫᬓᬧᬶᬂ᭟᭐᭟᭖᭖
᭟ᬳᬧᬂᬢ᭄ᬭᬂ᭞ᬯᬶᬭᬾᬄᬩᭂᬮᬶᬢᭀᬦ᭄ᬤᬾᬦ᭄ᬦᬯᬂ᭞ᬳᭂᬤᬳᬤᬶᬫᬗᬸᬮᬶᬢᬶᬦ᭄᭞ᬲᬶᬧᬢᬂᬧᬲᬚ᭞ᬳᬶᬭᬲᬸᬢ᭄ᬢᬫᬳᬗᬸᬘᬧ᭄᭞ᬧᬸᬦᬶᬓᬩᭂᬮᬶᬲᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬦᬸᬢᬸᬭᬂ᭞ᬩᭂ
ᬘᭂᬓᬂᬩᭂᬮᬶᬫᬦᬫ᭄ᬧᬶ᭟᭐᭟᭖᭗᭟ᬳᬤᬚᬦ᭄ᬫ᭞ᬢᬦ᭄ᬤ᭄ᬭᬸᬄᬲᬗ᭄ᬓᬦᬶᬂᬧᬭᬦ᭄᭞ᬓ᭄ᬮᬾᬰᬚᬾᬦ᭄ᬭᬬᬸᬲᬫᬥᬶ᭞ᬭᭀᬕᬘᬮᬦᬶᬂᬢᬧ᭞ᬋᬲᭂᬧᬂ᭞ᬳᬧᬂᬧᬲᬚ᭞ᬧᬵᬧᬲᬸᬓ᭄ᬱ᭄ᬫ [ 28 ][᭒᭗ 27 B]
᭒᭗᭟
ᬦᬶᬂᬩᬸᬤ᭄ᬥᬶ᭞ᬬᬭᬸᬓᬸᬦ᭄ᬮᬶᬫ᭞ᬫᬗᬭᬦ᭄ᬕᬫᬓᬧᬶᬃ᭟᭐᭟᭖᭘᭟ᬳᭂᬦ᭄ᬢᭀᬲᬚ᭞ᬧᬗ᭄ᬮᬓ᭄ᬱᬡᬦᬾᬪᬶᬦᬘᬭ᭞ᬧᬸᬦᬶᬓᬜᬦ᭄ᬤᬂᬳᬶᬫ᭄ᬧᬲᬶᬦ᭄᭞ᬫᬾᬥᬫᬾᬥᬮᬫ᭄ᬧᬄ᭞ᬜ
ᬭᬸᬜᬭ᭄ᬯᬶᬦ᭄‌ᬲᭀᬮᬄ᭞ᬳᬫᬸᬭᬸᬕ᭄ᬰᬶᬫᬦᬶᬂᬪᬹᬫᬶ᭞ᬗᬩᭂᬗᭂᬦ᭄ᬪᬵᬱ᭞ᬮᬮᬶᬭᬶᬂᬲᬗ᭄ᬓᬦᬶᬂᬤᬤᬶ᭟᭐᭟᭖᭙᭟ᬓᬮᬶᬄᬳᭂᬦ᭄ᬢᭀ᭞ᬘᬢᬸᬃᬚᬦ᭄ᬫᬦᬾᬤᬶᬳᬯᬓ᭄᭞ᬫᬶᬯᬄᬘᬢᬸᬃ
ᬬᭀᬕᬫᬮᬶᬄ᭞ᬭᬶᬂᬕᬸᬭᬸᬢᬸᬦᬲᬂ᭞ᬲᭂᬓᭂᬦᬂᬳᬧᬗᬢᬯᬂ᭞ᬳᬧᬂᬳᭂᬤᬲᬮᬄᬫᬗᬧ᭄ᬢᬶ᭞ᬤᬶᬚᬢᭀᬲᬾᬸᬶᬂᬗᬵᬲ᭄ᬜ᭞ᬳᬧᬂᬲ᭄ᬮᬄᬩᬦᬗᬶᬗᭂᬢᬶᬦ᭄᭟᭐᭟᭗᭐᭟ᬯᬶᬭᬾᬄ
ᬢᬸᬗ᭄ᬕᬮ᭄᭞ᬧᬵᬯᬓᬦᬾᬢᭀᬫᬓᭂᬚᬂ᭞ᬪᬶᬱᬩᭂᬮᬶᬫᬗᬶᬗᭂᬢᬶᬦ᭄᭞ᬳᬶᬓᬯᬶᬰ᭄ᬯᬭᬳᬗᬸᬘᬧ᭄᭞ᬫᬮᬶᬄᬩᭂᬮᬶᬫᬦᬸᬦᬲᬂ᭞ᬳᬦᬾᬓᬾᬦ᭄ᬓᬾᬦ᭄ᬫᬵᬤᬦ᭄ᬧᬮᬶᬂ᭞ᬧ᭠
[᭒᭘ 28 A]
ᬮᬶᬂᬤᬶᬳᬯᬓ᭄᭞ᬳᬧᬂᬩᭂᬮᬶᬫᬲᬶᬄᬳᬸᬦᬶᬂ᭟᭐᭟᭗᭑᭟ᬳᬶᬭᬲᬸᬢ᭄ᬢᬫ᭞ᬳᬮᭀᬦ᭄ᬤᬾᬦᬶᬭᬵᬗᬸᬘᬧ᭄᭞ᬓᬢᬄᬯᬶᬭᬱᬦᬶᬂᬧᬮᬶᬂ᭞ᬤᬤᬶᬚᭂᬮᬾᬫᭂᬮᬄ᭞ᬬᬦᬶᬂᬓᭂᬘᬧ᭄ᬮᭀᬓᬵ
ᬘᬭ᭞ᬧᬮᬶᬂᬫᭂᬮᬄᬤᬤᬶᬩᭂᬘᬶᬓ᭄᭞ᬬᬦ᭄ᬧᬮᬶᬂᬯᬶᬓᬦ᭄᭞ᬦᬶᬱ᭄ᬝᬦᬶᬂᬦᬶᬱ᭄ᬝᬤᬤᬶ᭟᭐᭟᭗᭒᭟ᬓᬾᬢᭀᬩᭂᬮᬶᬳᬢᬹᬃᬢᬶᬢ᭄ᬬᬂᬗᬾᬳᬾᬮᬶᬗᬂ᭞ᬳᬶᬓᬯᬶᬰ᭄ᬯᬭᬜᬯᬸᬭᬶᬦ᭄᭞᭠
ᬥᬸᬄᬳᬤᬶᬭᬲᬸᬢ᭄ᬢᬫ᭞ᬬᬦᬶᬂᬩ᭄ᬯᬢ᭄ᬓᬧ᭄ᬭᬚ᭄ᬜᬵᬦᬦ᭄᭞ᬩᭂᬮᬶᬫᬵᬦ᭄ᬥᭂᬮ᭄ᬢᭂᬓᬾᬦ᭄ᬳᬤᬶ᭞ᬓᬮᬶᬦ᭄ᬢᬂᬯᬶᬓᬦ᭄᭞ᬫᬦᬯᬂᬚᬵᬢᬶᬦᬶᬂᬚᬵᬢᬶ᭟᭐᭟᭗᭓᭟ᬲᬸᬩᬦᬯᬂ᭞ᬧᬲᬸᬭᬸᬧᬦ᭄ᬳ᭄ᬬᬂ
ᬲᬸᬓ᭄ᬱ᭄ᬫ᭞ᬧᬢᭂᬫᬸᬦᬶᬂᬧᬢᬶᬳᬸᬭᬶᬧ᭄᭞ᬫᬲᬶᬄᬳᬤᬶᬲᬸᬩᬧᭂᬤᬲ᭄᭞ᬲᬸᬩᬦᬯᬂᬩᭀᬢ᭄ᬤᬗᬦ᭄᭞ᬚᬦᬶᬩᭂᬮᬶᬩ᭄ᬯᬦ᭄ᬳᬩᭂᬲᬶᬓ᭄᭞ᬫᬢᬓᭀᬦ᭄ᬗᬦ᭄ᬥᬂ᭞ᬦᬗ᭄ᬳᬶᬂᬳᬤᬶ [ 29 ][᭒᭘ 28 B]
᭒᭘᭟
ᬳᭂᬤᬧᭂᬤᬶᬄ᭟᭐᭟ᬧᬸᬧᬸᬄᬥᬂᬥᬂᬕᬸᬮ᭟᭐᭟᭑᭟ᬭᬲᬸᬢ᭄ᬢᬫᬧᬗᬸᬘᬧᬾ᭠ᬳᬭᬶᬲ᭄᭞ᬳᬶᬗ᭄ᬕᬶᬄᬩᭂᬮᬶ᭞ᬩᭂᬮᬶᬫᬗᬦ᭄ᬥᬶᬓ᭞ᬲᬮᬾᬤᬂᬮᬾᬤᬂᬓᬳ᭄ᬬᬸᬦᬾ᭞ᬳᬶᬓᬯᬶ
ᬰ᭄ᬯᬭᬫᬲᬳᬸᬃ᭞ᬳᬤᬶᬦᬾᬢᬓᭀᬦᬂᬩᭂᬮᬶ᭞ᬤᬾᬦᬶᬂᬳᬤᬶᬫ᭄ᬤᬦ᭄ᬩᬶᬱ᭞ᬜᬸᬓ᭄ᬱ᭄ᬫᬬᬂᬧᬭᬦᬶᬂᬓᬳ᭄ᬬᬸᬦ᭄᭞ᬦᬯᬂᬧᬗ᭄ᬓᬦᬶᬂᬢᬶᬢᬄ᭞ᬲᬸᬩᬧᭂᬤᬲ᭄᭞ᬭᬶᬂᬮᬶᬗ᭄ᬕᬶᬄᬳᬶᬤᬳ᭄ᬬᬂᬯᬸᬶᬥᬶ
᭞ᬦᬯᬂᬲᬓᬵᬮᬦᬶᬲ᭄ᬓᬮ᭟᭐᭟ᬲᬗ᭄ᬓᬦ᭄ᬓᬾᬦᬾᬩᬸᬓᬚᬦᬶ᭞ᬬᬦᬸᬘᬧᬂ᭞ᬢᭀᬦ᭄ᬤᬾᬦ᭄ᬳᬤᬧᬶᬲᬦ᭄᭞ᬧᬗ᭄ᬕᬶᬄᬩᭂᬮᬶᬧᬪᬸᬓ᭄ᬢ᭄ᬬᬦᬾ᭞ᬧᬶᬓᭂᬦᭀᬄᬳᬤᬶᬦᬾᬯ᭄ᬭᬸᬄ᭞ᬓ᭄ᬭᬡᬩᭂ᭠
ᬮᬶᬢᭀᬦ᭄ᬤᬾᬜᬤᬶᬦ᭄᭞ᬮᬶᬬᬸᬦᬯᬂᬧᬲᬸᬓ᭄ᬱᬫᬦ᭄᭞ᬗᬸᬤᬢᬶᬯᬲᬾᬓᬤᬸᬭᬸ᭠ᬲ᭄᭞ᬢ᭄ᬯᬭᬫᬢᬸᬳᬸᬢᬶᬦ᭄ᬢᬶᬫ᭄ᬧᬮ᭄᭞ᬮᬶᬦ᭄ᬢᬂᬤᬳᬓ᭄᭞ᬗᬢᭂᬮᬸᬦᬦᭂᬧᬸᬓᬶᬦ᭄ᬦᬲᬶ᭞ᬫᬲᬶᬄ
[᭒᭙ 29 A]
ᬬᬩᬳᬦ᭄ᬫᬳᬸᬢᬂ᭟᭐᭟᭓᭟ᬗᬸᬤᬓᬾᬢᭀᬧᬶᬘ᭄ᬙᬦ᭄ᬲᬂᬳ᭄ᬬᬂᬯᬶᬥᬶ᭞ᬪᬶᬦᬧᬶᬲᬦ᭄᭞ᬳᭂᬦ᭄ᬢᭀᬦᬾᬓᭂᬦᭂᬳᬂ᭞ᬭᬾᬄᬳᬤᬶᬦᬯᬂᬯᬶᬥᬶᬦᬾ᭞ᬳᬤᬳᬶᬬᬳᬶᬕᬫᬧᬘᬸᬮ᭄᭞ᬫᬶᬯᬄ
ᬕᬫᬦᬾᬫᬓᬸᬮᬶ᭞ᬲᬳᬶᬫᬢᬸᬬᬸᬳᬶᬦ᭄ᬳᬯᬓ᭄᭞ᬦᬗᬶᬂᬢ᭄ᬯᬭᬦᬯᬂᬢᬸᬢᬸᬃ᭞ᬓᬮᬶᬂᬓᬾᬯᬶᬥᬶᬢᬯᬗ᭞ᬗᬸᬮᬄᬗᬫᬄ᭞ᬓᬾᬯᬮᬪᬶᬱᬗᬶᬗᭂᬢᬶᬦ᭄᭞ᬳᬘᬸᬓᬸᬧ᭄‌ᬬᬫᬥᬳᬃ᭟᭐᭟
᭔᭟ᬩᬶᬮᬶᬄᬢᬾᬢᬧᭂᬧᭂᬲᬦ᭄ᬗᭂᬮᬄᬧᬶᬧᬶᬲ᭄᭞ᬢᬸᬃᬫᬸᬢᬗᬂ᭞ᬢᭂᬓᬾᬦ᭄ᬳᬦᬓ᭄ᬧ᭄ᬭᬚ᭄ᬜᬦ᭄᭞ᬦᬾᬦᬯᬂᬢᬢ᭄ᬯᬳᬚᬶᬦᬾ᭞ᬥᭀᬄᬧᬭᬗᬯᬋᬕᬂᬢᬸᬢᬸᬃ᭞ᬓᬾᬢᭀᬳᬤᬶᬬᬦ᭄ᬭᬱᬦᬶᬦ᭄᭞
ᬩᭂᬮᬶᬩᭂᬮᭀᬕ᭄ᬢ᭄ᬯᬭᬦᬯᬂ᭞ᬳᬧᬦᬾᬫᬓ᭄ᬭᬡᬳᬶᬤᬸᬧ᭄᭞ᬳᭂᬦ᭄ᬢᭀᬚᬦᬶᬬᬓᭂᬦᭂᬳᬂ᭞ᬲᬳᬶᬲᬳᬶ᭞ᬫᬺᬢᬦᬾᬭᬶᬂᬭᬵᬕᬳᬤᬶ᭞ᬩᬳᬲ᭄ᬧᬶᬧᬶᬲ᭄ᬢᭀᬂᬢᬳᬾᬦ᭄ᬗᭂᬮᬄ᭟᭐᭟ [ 30 ][᭒᭙ 29 B]
᭒᭙᭟
᭕᭟ᬳᬧᬗ᭄ᬕᬦ᭄ᬗᬲ᭄ᬣᬶᬢᬶᬭᬶᬂᬲᬂᬳ᭄ᬬᬂᬯᬶᬥᬶᬳ᭄ᬬᬂᬯᬶᬥᬶ᭞ᬦ᭄ᬢᭀᬓᭂᬦᭂᬳᬂ᭞ᬤᬾᬯᬦᬾᬤᬶᬩᬲᬂ᭞ᬕᭂᬮᬸᬫᬦᬕᬶᬄᬩᬦ᭄ᬢᭂᬦᬶᬦ᭄᭞ᬬᬦ᭄ᬩᬦ᭄ᬢᭂᬦᬶᬦ᭄ᬩᬳᬦ᭄ᬢᬸᬢᬸᬃ᭞ᬩᬶᬮᬶᬄᬬᬢ᭄ᬯᬭᬓᬢᬫ᭄ᬧᬶ᭞ᬳ
ᬲᭂᬧᬶᬦ᭄ᬩᬳᬦ᭄ᬲᬸᬓ᭄ᬱ᭄ᬫ᭞ᬪᬝᬭᬲᬸᬫᬶᬗ᭄ᬓᬶᬦ᭄ᬩᭂᬦ᭄ᬥᬸ᭞ᬓᬤᬶᬕᭂᬋᬳᬶᬂᬳᬓᬰ᭞ᬫᬗᬦ᭄ᬤᬶᬓ᭞ᬤᬶᬓᬾᬢᭀᬦᬾᬓᬸᬤ᭄ᬬᬂᬩᭂᬮᬶ᭞ᬗ᭄ᬯᬋᬕᬂᬳᬘᭂᬧ᭄ᬳᬘᭂᬧᬦ᭄᭟᭐᭟᭖᭟ᬤᬶᬚᬳᬤᬳ᭠
ᬦᬓ᭄ᬪᬶᬱᬗᬶᬢᬸᬗᬶᬦ᭄᭞ᬳᬶᬲᬶᬦ᭄ᬩᬲᬂ᭞ᬳᭂᬦ᭄ᬢᭀᬜᬦ᭄ᬤᬂᬢᬸᬮᬤ᭄᭞ᬗᬗ᭄ᬕᭀᬦ᭄ᬥᬦᬯᬶ᭠ᬯᬸᬶᬭᬢᬶᬦᬾ᭞ᬬᬰᬦᬾᬜᬦ᭄ᬤᬂᬓᬕᬸᬕᬸ᭞ᬬᬤ᭄ᬬᬦ᭄ᬩᭂᬮᭀᬕᬦ᭄ᬳᬓᬶᬥᬶᬓ᭄᭞ᬓᬾᬯᬮᬤᬗ
ᬫ᭄ᬩᭂᬓᬂᬘᭀᬭᬄ᭞ᬧᬗ᭄ᬮᬓ᭄ᬱᬡᬦᬾᬧᬢᬹᬢ᭄᭞ᬢ᭄ᬯᬭᬤᬺᬗ᭄ᬕᬶᬭᬶᬂᬳᬸᬲᬳ᭞ᬓᬸᬤᬸᬭᬶᬭᬶᬄ᭞ᬮᬶᬬᬸᬳᬦᬓ᭄ᬫᬗᭂᬤᬾᬓᬶᬦ᭄᭞ᬤᬬᬦᬾᬫᬫᬗ᭄ᬕᬮᬕᬫ᭄ᬩᬂ᭟᭐᭟᭙᭟ᬳᬶᬭᬲᬸᬢ᭄ᬢ
᭓᭐ 30 A]
ᬫᬫᬗ᭄ᬭᬱᬲᬚ᭄ᬭᭀᬦᭀᬂᬳᬢᬶ᭞ᬦᭂᬫᬸᬚᭂᬗᬄ᭞ᬓᬮᬄᬫᬧᬗ᭄ᬭᬱ᭞ᬲᬸᬫᬯᬸᬃᬳᬮᬸᬲᬸᬚᬭᬾ᭞ᬧᬸᬦᬶᬓᬯᬦ᭄ᬢᬄᬲᬢᬸᬳᬸ᭞ᬓᬵᬤᬶᬧᬗᬦ᭄ᬤᬶᬓᬦ᭄ᬩᭂᬮᬶ᭞ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬢᬶᬗ᭄ᬓᬄ
ᬳᬧᬂᬲᬶᬤ᭄ᬥᬬᬫᬢᭂᬫᬸ᭞ᬩᭂᬓᭂᬮᬾᬦᬸᬫᬤᬶᬳᬦ᭄ᬫ᭞ᬳᬧᬂᬩᭂᬘᬶᬓ᭄᭞ᬲᬓᬮᬦᬶᬲ᭄ᬓᬮᬳᬧ᭄ᬢᬶ᭞ᬓᬶᬚᬮᬓᬸᬜᬓᭀᬮᬳᬂ᭟᭐᭟᭘᭟ᬢᬦ᭄ᬘᬭᬶᬢᬳᭀᬯᬕᬸᬩᭂᬕᬾᬲᬋᬂᬓᬮᬶᬄ᭞ᬓ
ᬘᬭᬶᬢ᭞ᬓᬮᬶᬄᬲᬂᬉᬥᬦ᭞ᬜᬫᬦᬾᬧᬮᬶᬂᬓᭂᬮᬶᬳ᭞ᬢᬶᬗ᭄ᬓᬄᬓᬵᬤᬶᬩᭂᬮᭀᬕ᭄ᬢᬸᬢᬹᬢ᭄᭞ᬢᭀᬂᬧᬢᬶᬧᬢᬶᬫᬫᬸᬜᬶ᭞ᬦᬗ᭄ᬳᬶᬓᬮᬶᬯᬢ᭄ᬯᬶᬥᬕ᭄ᬤ᭞ᬫᬗᬗ᭄ᬕᬾᬲᬶ᭠
ᬤ᭄ᬥᬲᬓᬳ᭄ᬭᬸᬦ᭄᭞ᬮᬶᬬᬸᬳᬦᬓ᭄ᬫᬜᬬᬗᬂ᭞ᬓᬥᬂᬫᬶᬢ᭄ᬭ᭞ᬲᬫᬶᬧᬥᬯᭂᬮᬲ᭄ᬳᬲᬶᬄ᭞ᬲᬓᬶᬂᬪᬕᬯᬵᬦ᭄ᬪ᭄ᬬᬱ᭟᭐᭟᭙᭟ᬦᬸᬮᬶᬤᬦᬾᬗᬦ᭄ᬤᬶᬓᬳᬭᬶᬲ᭄᭞ᬲᭂᬫᬸᬓᭂ [ 31 ][᭓᭐ 30 B]
᭓᭐᭟
ᬜᭂᬫ᭄᭞ᬳᬤᬶᬭᬲᬸᬢ᭄ᬢᬫ᭞ᬫᬶᬯᬄᬲᬂᬓᬯᬶᬰ᭄ᬯᬭ᭞ᬳᬧᬦᬾᬕᭀᬜ᭄ᬚᭀᬗᬂᬯᬯᬸ᭞ᬗᬋᬩᬸᬢ᭄ᬩᬮᬸᬂᬢᬦ᭄ᬧᬳᬶᬱᬶ᭞ᬩᭂᬗᭀᬂᬩᭂᬮᬶᬫᬤᬶᬗᭂᬳᬂ᭞ᬧᬥᬪᬶᬱᬳᬤᬶᬦᬸᬢᬸᬃ
᭞ᬢᬸᬢᬸᬃᬫᬗᬤᭀᬯᬂᬳᬯᬓ᭄᭞ᬘᬭᬧᬸᬜᬄ᭞ᬳᬦᬾᬢ᭄ᬯᬭᬩᭂᬦᭂᬄᬳᬸᬫᬶᬓ᭄᭞ᬲᬳᬶᬳᬗ᭄ᬕᭀᬦ᭄ᬕᬕᭀᬜ᭄ᬚᬓᬦ᭄᭟᭐᭟᭑᭐᭟ᬩᭂᬮᬶᬜᬓ᭄ᬫᬫᬸᬜᬶᬢᭂᬓᬾᬦ᭄ᬳᬤᬶ᭞
ᬫᬓᬤᬤ᭄ᬯ᭞ᬬᬤ᭄ᬬᬦ᭄ᬩᬸᬓᬳᬧ᭞ᬋᬓᬾᬪᬶᬱᬦ᭄ᬳᬤᬶᬦᬾ᭞ᬪᬶᬱᬦᬾᬢᭀᬂᬩᬓᬢᬧᬸᬧᬸ᭞ᬤᭂᬫᭂᬦ᭄ᬦᬕᭀᬄᬓᬤᬾᬦ᭄ᬭᬶᬭᬶᬄ᭞ᬬᬾᬦᬵᬳᬶᬂᬘᬭᬩᭂᬮᬶᬫᬸᬥ᭞ᬢᬸᬦᬳᬶᬦ᭄ᬗᭀᬫᭀᬗᬂ᭠
ᬢᬸᬢᬸᬃ᭞ᬫᬕᬯᬾᬲᭂᬓᭂᬦ᭄ᬲᭂᬓᭂᬦᬂ᭞ᬳᬧᬂᬫᭂᬮᬄ᭞ᬲᬓᬭᬶᬦ᭄ᬳᬤᬶᬦᬾᬳᬸᬭᬶᬧ᭄᭞ᬳᭂᬦᬸᬗᬯᬱᬩᭂᬢᭂᬓ᭄ᬮᬬᬄ᭟᭐᭟᭑᭑᭟ᬫᬦᬶᬧᬸᬯᬦ᭄‌ᬬᬦᬶᬂᬳᬤᬶᬲᬸᬩᬫᬢᬶ᭞ᬜᬾ
[᭓᭑ 31 A]
᭞ᬦ᭄ᬫᬦᬯᬂ᭞ᬬᬤ᭄ᬬᬦ᭄ᬓᬵᬩᬾᬦᬂ᭞ᬫᬱᬓᬾᬳᬤᬶᬢᬳᬸᬦᬾ᭞ᬬᬤ᭄ᬬᬦ᭄ᬳᬤᬶᬲᬤ᭄ᬬᬦᭂᬫᬸ᭞ᬫᬦᬸᬗ᭄ᬓᬧ᭄ᬲ᭄ᬯᬃᬕᬦᬾᬩᭂᬘᬶᬓ᭄᭞ᬜᬾᬦ᭄ᬳᬦᬓᬾᬫᬦᬯᬂ᭞ᬲᬓᬮᬦᬾᬚᬓᬢᭂᬧᬸᬓ᭄᭞ᬢᬸ
ᬮᬸᬲ᭄ᬫᬤᬳᬃᬩᬦ᭄ᬫᬸᬢᬂ᭞ᬫᬗᬮᬶᬲ᭄ᬢᬶ᭞ᬧᬗᬗ᭄ᬕᬾᬦᬾᬧᬲᬭᬦ᭄ᬢᬶᬂ᭞ᬓᬾᬦ᭄ᬓᬾᬦ᭄ᬦᬾᬫ᭠ᬦᬯᬂᬮᬶᬬᬂ᭟᭐᭟᭑᭒᭟ᬢ᭄ᬯᬭᬮᬶᬬᬸᬩᭂᬮᬶᬫᬦᬸᬢᬸᬭᬶᬦ᭄ᬳᬤᬶ᭞ᬫᭀᬦ᭄ᬢᭀᬤᭀᬯᬂ᭞ᬳᬯᬓ᭄ᬲᬸ
ᬩᬧ᭄ᬭᬚ᭄ᬜᬦ᭄᭞ᬭᬱᬭᬱᬦᬶᬦ᭄ᬓᭂᬦᭂᬳᬾ᭞ᬳᬶᬓᬯᬶᬰ᭄ᬯᬭᬲᬸᬫᬯᬸᬃ᭞ᬢᬶᬢᬸᬶᬂᬢ᭄ᬬᬂᬲ᭠ᬦ᭄ᬥᬶᬓᬦ᭄ᬳᬶᬩᭂᬮᬶ᭞ᬳᬶᬭᬲᬸᬢ᭄ᬢᬫᬳᬗᬸᬘᬧ᭄᭞ᬢᬶᬢ᭄ᬬᬂᬲᬦ᭄ᬥᬶᬓᬦ᭄ᬳᬶᬭᬢᬸ᭞ᬭᬭᬶᬲ᭄ᬧᬥᬫᬲᬸ
ᬭᬸᬧᬦ᭄᭞ᬲᬋᬂᬢᬶᬕ᭞ᬫᬗᬸᬗ᭄ᬲᬶᬳᬸᬫᬳᬾᬩᭂᬘᬶᬓ᭄᭞ᬫᬵᬤᬦ᭄ᬕᬸᬫᬶᬚᬗ᭄ᬕ᭠ᬮ᭟᭐᭟᭑᭓᭟ᬲᬸᬩᬧᬥᬗᬭᬱᬫᬭᬶᬂᬳᬢᬶ᭞ᬲᬋᬂᬢᬶᬕ᭞ᬧᬥᬫᬜᬸᬓ᭄ᬱ᭄ᬫ᭞ [ 32 ][᭓᭑ 31 B]
᭓᭑᭟
ᬧᬥᬯᭂᬢᬸᬕᬕᬶᬡᬦᬾ᭞ᬲᬂᬉᬥᬦᬧᬮᬶᬂᬮᬸᬳᬸᬃ᭞ᬳᬲ᭄ᬢᬓᭀᬰᬮᬭᬶᬂᬦᬶᬣᬶ᭞ᬯᬶᬯᬾᬓᬭᬶᬂᬲ᭄ᬯᬓᬃᬬ᭄ᬬ᭞ᬗᬯᬾᬧᬲᬗᬸᬦᬶᬂᬳᬶᬥᬸᬧ᭄᭞ᬳᬶᬓᬯᬶᬰ᭄ᬯᬭᬘᬭᬶᬢ᭞ᬫᬥᭂᬕ᭄ᬧ᭠
ᬗ᭄ᬮᬶᬗ᭄ᬲᬶᬃ᭞ᬗᬭᬦ᭄ᬲᬂᬳ᭄ᬬᬂᬬᭀᬕᬶᬰ᭄ᬯᬭ᭞ᬉᬫᬥᭂᬕ᭄ᬭᬶᬂᬲᬸᬓᬮᬶᬬᬂ᭟᭐᭟᭑᭔᭟ᬳᬶᬭᬲᬸᬢ᭄ᬢᬫᬲᬸᬩᬫᬥᭂᬕ᭄ᬪᬧᬢᬶ᭞ᬓᬯᬶᬃᬪᬸᬚᬦ᭄᭞ᬧᬗᭂᬫ᭄ᬧ᭄ᬯᬦᬶᬂᬚᬕᬢ᭄᭞ᬧ᭄ᬭᬪᬸᬯᬶᬪᬸᬄᬭᬸᬶᬧᬭᬵᬕ
ᬦᬾ᭞ᬯᬶᬤᬕ᭄ᬥᬳᬜ᭄ᬚᬬᬾᬂᬭᬶᬧᬸ᭞ᬚᬬᬧᬡ᭄ᬥᬶᬢᬭᬶᬂᬳᬚᬷ᭞ᬧᬸᬢᬸᬲᬶᬂᬢᬢ᭄ᬯᬳᬚ᭄ᬜᬵᬦ᭞ᬤᬰᬧᬭᬫᬵᬃᬣᬾᬢᬸᬢᬸᬃ᭞ᬧ᭄ᬭᬢ᭄ᬬᬓ᭄ᬱᬯᬳ᭄ᬬᬤ᭄ᬬᬢ᭄ᬫᬶᬓ᭞ᬧᬦᭂᬮᬳᬾᬰ᭄ᬭᬷᬪᬲᬸᬧᬢᬶᬫᬹᬃᬣᬶ᭞
ᬉᬫᬥᭂᬕ᭄ᬫᬓᬸᬭᬶᬧᬦ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟᭑᭟ᬕᬵᭂᬂᬳᬫ᭄ᬧᬸᬭᬢᬭᬢᬸᬢᬶᬢ᭄ᬬᬂᬢᭂᬫ᭄ᬩᬾᬫᬮᬚᬄᬗᬯᬶ᭞ᬲᭀᬓ᭄ᬩᬦᬶᬫᬗᬥᬸᬧᭀᬗᬄ᭞ᬢ᭄ᬯ᭠
[᭓᭒ 32 A]
ᬭᬢᬓᬸᬢ᭄ᬓᬓᭂᬤᬾᬓᬶᬦ᭄᭞ᬲᬓᬶᬂᬭᬱᬢᭂᬓᬾᬦᬵᬕ᭄ᬳᬢᬶ᭞ᬫᬮᬚᬄᬫᬦᬩ᭄ᬤᬩ᭄ᬧᬸᬧᬸᬄ᭞ᬗᬯᬾᬢᬸᬢᬸᬃᬢᬶᬗ᭄ᬓᬄᬢ᭄ᬯ᭞ᬦᬗ᭄ᬳᬶᬂᬢᬾᬬᬢ᭄ᬯᬘ᭄ᬭᬶᬓ᭄᭞ᬦ᭄ᬢᭀᬓᬳᬧᬸᬲ᭄᭞ᬳᬶᬲᭂᬂᬗᬯᬾ
ᬕᬕᬶᬭᬶᬢᬦ᭄᭟᭐᭟᭒᭟ᬫᬦᬸᬢᬸᬭᬂᬧᬵᬦᬓ᭄‌ᬲᭀᬫᬄ᭞ᬳᬧᬂᬫᬗ᭄ᬤᬾᬦᬸᬯᬸ᭠ᬢ᭄ᬳᬶᬦ᭄ᬥᬶᬓ᭄᭞ᬢᬶᬗ᭄ᬓᬄᬳᬯᬓ᭄ᬫᬧᬸᬫᬳᬦ᭄᭞ᬲᬗ᭄ᬯᬂᬫᬳᬦ᭄ᬫᬕᭂᬦ᭄ᬥᬶᬂ᭞ᬳᬗ᭄ᬕᬾᬦ᭄ᬗᬫᬺᬣᬦᬶᬦ᭄ᬩᬸᬤ᭄ᬥᬶ᭞
ᬢᬢ᭄ᬯᬓ᭄ᬭᬫᬦᬾᬓᬯᬸᬯᬸᬲ᭄᭞ᬳᬧᬂᬬᬫᬦᬸᬳᬸᬢ᭄ᬯᬶᬥ᭄ᬬ᭞ᬰᬵᬲ᭄ᬢ᭄ᬭᬦᬾᬳᬗ᭄ᬕᭀ᭠ᬦ᭄ᬜᭂᬧᬢᬶᬦ᭄᭞ᬦ᭄ᬢᭀᬢᬸᬯᬸᬢ᭄᭞ᬫᬓᬲᬸᬮᬸᬄᬧᭂᬢᭂᬂᬍᬫᬄ᭟᭓᭟ᬲᬶᬧᬢ᭄ᬲᬶᬓᬸᬦᬶᬸᬂᬲᬶ
ᬓᬸᬭᬶᬂᬭᬵᬕ᭞ᬰᬵᬲ᭄ᬢ᭄ᬭᬦᬾᬜᬦ᭄ᬤᬂᬕᬸᬕᭀᬦᬶᬦ᭄᭞ᬳᬗ᭄ᬕᬾᬦ᭄ᬗᬲ᭄ᬣᬶᬢᬶᬭᬶᬂᬳ᭄ᬬᬂ᭞ᬯᬶᬥᬶᬦᬾᬥᬸᬫᬥᬓ᭄ᬳᬲᬶᬄ᭞ᬤᬾᬦᬶᬳᭂᬦ᭄ᬢᭀᬧᬢᬹᬢ᭄ᬳᬲ᭄ᬣᬶᬢᬶ᭞ᬳᬢᬸᬭᬶᬦ᭄ᬫᬗᭂᬫᬶᬢ᭄ᬢᬸᬯᬸᬄ᭞ [ 33 ][᭓᭒ 32 B]
᭓᭒᭟
ᬫᬗ᭄ᬤᬾᬤᬷᬃᬖᬬᬸᬰ᭞ᬳᬲ᭄ᬣᬶᬢᬶᬉᬢ᭄ᬧᬢᬶᬲᬳᬶ᭞ᬲᬶᬬᬂᬤᬮᬸ᭞ᬧᬢᬶᬢᬶᬲᬾ᭠ᬳ᭄ᬤᬳᭀᬩᬄ᭟᭐᭟᭔᭟ᬤᬲᬭᬶᬦ᭄ᬓᬥᬃᬫᬦ᭄᭞ᬦᬶᬃᬫᬵᬮᬇᬥᭂᬧᬾᬚᬵᬢᬶ᭞ᬧᬸᬦᬶ
ᬓᬫᬓᬤᬓ᭄ᬧᬶᬡ᭞ᬓᬵᬢᬹᬃᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬯᬶᬫᭀᬳᬗᬹᬥᭂᬧᬾᬜ᭠ᬫ᭄ᬧᬶᬂ᭞ᬤᬺᬗ᭄ᬕᬶᬚᬳᬶᬮ᭄ᬳᬤᭀᬄᬜᬸᬲᬸᬧ᭄᭞ᬧᬜ᭄ᬘᬪᬵᬬᬦᬾᬫᬳᬶᬫ᭄ᬧᬲ᭄᭞ᬯᬶᬥᬶᬦᬾ᭠
ᬲᬬᬦ᭄ᬫᬓᬦ᭄ᬢᬶ᭞ᬲᬬᬦ᭄ᬜᬸᬲᬸᬧ᭄᭞ᬓᬉᬢ᭄ᬢᬫᬦᬾᬭᬶᬂᬭᬵᬕ᭟᭐᭟᭕᭟ᬳᬲᬶᬄ᭠ᬳᬲᬶᬄᬚ᭄ᬯᬓᬶᬦᬃᬬ᭄ᬬ᭞ᬰᬵᬲ᭄ᬢ᭄ᬭᬳᬗ᭄ᬕᬾᬦ᭄ᬜᬸᬮᬸᬳᬶᬦ᭄᭞ᬦᬗ᭄ᬳᬶᬂᬳᬦᬾᬚᬵᬢᬶᬰᬵᬲ᭄ᬢ᭄ᬭ᭞ᬦᬾᬯᬦ᭄ᬢᬄ
ᬧᬓᬃᬬ᭄ᬬᬦ᭄ᬯᬶᬥᬶ᭞ᬰᬵᬲ᭄ᬢ᭄ᬭᬦᬾᬭᬶᬂᬮᭀᬦ᭄ᬢᬃᬳᬶᬓᬶ᭞ᬤᬸᬭᬸᬂᬰᬵᬲ᭄ᬢ᭄ᬭᬳᬭᬦ᭄ᬳᬶᬧᬸᬦ᭄᭞ᬓᬾᬯᬮᬳᬗ᭄ᬕᭀᬦ᭄ᬧᬶᬗᭂᬢᬦ᭄᭞ᬫᬗᬸᬓᬸᬤᬶᬗᭀᬩᬫᬸᬜᬶ᭞ᬫᬸᬜᬶᬳᬶᬮᬸ᭞ᬳᬧᬂᬫᬲᬶᬄ
[᭓᭓ 33 A]
ᬫᬘᬘᬓᬦ᭄᭟᭐᭟᭖᭟ᬳᭂᬦ᭄ᬢᭀᬦᬾᬲᬸᬚᬵᬢᬶᬰᬵᬲ᭄ᬢ᭄ᬭ᭞ᬦᬾᬫᬭᬵᬕᬲᬭᬲ᭄ᬯᬢᬶ᭞ᬳᭂᬦ᭄ᬢᭀᬳᬮᬶᬄᬳᬧᬂᬢᬯᬂ᭞ᬬᬦ᭄ᬢᬸᬢᬸᬃᬮᭀᬦ᭄ᬢᬃᬧᬸᬦᬶᬓᬶ᭞ᬳ᭄ᬤᬳᬫ᭄ᬧᬄᬫᬫᬶᬦᭂᬳᬶ
ᬦ᭄᭞ᬧᭂᬢᬾᬓ᭄ᬩᭂᬲᬶᬓ᭄ᬤᬤ᭄ᬯᬢᭂᬮᬸ᭞ᬢᭀᬢ᭄ᬯᬭᬳᬤᬕᬯᭀᬦ᭄ᬜ᭞ᬓᬾᬯᬮᬳᬗ᭄ᬕᭀᬦ᭄ᬗᭀᬩᭀᬕᬶᬦ᭄᭞ᬩᭀᬕ᭄ᬩᭀᬕ᭄ᬫᬯᬸᬓ᭄᭞ᬬᬦ᭄ᬗᬸᬕᭀᬦᬶᬦ᭄ᬢᬢᬸᬦ᭄ᬮᭀᬦ᭄ᬢᬃ᭟᭐᭟᭙᭟᭠
ᬳᭂᬦ᭄ᬢᭀᬳᬦᬓ᭄ᬗᬧᬸᬲ᭄ᬳᬯᬓ᭄᭞ᬳᬦ᭄ᬥᭂᬮ᭄ᬫᬶᬭᬶᬩ᭄ᬦᬯᬂᬚᬵᬢᬶ᭞ᬫᬭᬮᬶᬬᬸᬦᬯᬂᬫᬦ᭄ᬢ᭄ᬭ᭞ᬢᬸᬢᬸᬃᬓᬶᬥᬸᬂᬮᬦ᭄ᬓᬓᬯᬶᬦ᭄᭞ᬯᬭᬶᬕᬉᬱ᭄ᬥᬫᬮᬶᬄ᭞ᬫᬓᬫᬶᬯᬄᬓᬜ᭄ᬘᬦᬶ
ᬬᬦ᭄᭞ᬤᬦ᭄ᬤᬾᬦ᭄ᬫᬗᭂᬦ᭄ᬥᭂᬮᬂ᭞ᬘᬕᭂᬃᬢᭂᬓᬾᬦ᭄ᬳᬯᬓ᭄ᬭᬶᬭᬶᬄ᭞ᬦᬯᬂᬳᬸᬦ᭄ᬥᬸᬓ᭄᭞᭞ᬢᬍᬓ᭄ᬢᭂᬓᬂᬕᭂᬮᬄᬢᭀᬂᬢᬯᬂ᭟᭐᭟᭘᭟ᬢᬦᬶᬕᭂᬮᬄᬳᬓᬸᬯᬶᬦ᭄ᬕᭂᬮᬄ᭞ᬕᭂᬮᬄ᭠ [ 34 ][᭓᭓ 33 B]
᭓᭓᭟
ᬳᬦᬓ᭄ᬤᬢᬮᬫᬶᬢ᭄᭞ᬳᬯᬓ᭄ᬫᬫᬮᬶᬂᬫᬗᬮᬂ᭞ᬤᭂᬫᭂᬦ᭄ᬗᬋᬩᬸᬢᬶᬦ᭄ᬫᬸᬜᬶ᭞ᬳᭀᬫᭀᬗᬦᬾᬢᬦ᭄ᬧᬰ᭄ᬭᬸᬢᬶ᭞ᬫᬓᭂᬩᭂᬮᭀᬲ᭄ᬢᭀᬂᬪᬶᬱᬲᬦ᭄ᬢᬸᬮ᭄᭞ᬳ᭄ᬦᬾᬮᬶᬫᬮᬶᬫᬦ᭄ᬳᬶᬘᬂ᭞ᬳᭂᬦ᭄ᬢᭀᬩ
ᬭᬶᬲ᭄ᬩᬢᬶᬲ᭄ᬘᬳᬶ᭞ᬲᬗ᭄ᬓᬦ᭄ᬳᬮᬸᬄ᭞ᬪᬶᬱᬦᬫ᭄ᬧᬶᬫᬢᬫ᭄ᬧ᭄ᬬᬂ᭟᭐᭟᭙᭟ᬤᬶᬚᬳᭂᬦ᭄ᬢᭀᬓᬩᬓᬢᬂ᭞ᬜᬾᬦ᭄ᬗᬶᬘᬾᬦ᭄ᬜᬾᬦ᭄ᬦᬫ᭄ᬧᬶ᭞ᬜᬾᬦ᭄ᬦᬸᬤᬸᬄᬜᬾᬦ᭄ᬫᬦᬶᬢᬄ᭞ᬪᬶᬱᬗᭀᬫᭀᬂᬩᬳᬦ᭄ᬦᬫᬶ
᭞ᬲᬸᬩᬧᭂᬤᬲ᭄ᬢ᭄ᬯᬭᬳᬸᬦᬶᬂ᭞ᬦᬾᬫᬭᬵᬕᬲᬗ᭄ᬳ᭄ᬬᬂᬢᬸᬥᬸᬄ᭞ᬳᬧᬧᬥᬇᬘᬾᬦ᭞ᬳᬧᬦᬾᬫᬭᬵᬕᬸᬯᬶᬥᬶ᭞ᬦᬾᬓᬢᬸᬥᬸᬄ᭞ᬢᭀᬢᭀᬦᬦ᭄ᬫᬲᬶᬄᬳᬶᬘᬂ᭟᭐᭟᭑᭐᭟ᬳᬮᬸᬄᬧᭂᬲᬦ᭄ᬫ᭠
ᬗᭂᬫᬾᬮᬂ᭞ᬦᬗ᭄ᬳᬶᬂᬳᭂᬦ᭄ᬢᭀᬫᬸᬜᬶᬧᬮᬶᬂᬮᬶᬂᬮᬸᬂᬍᬂᬍᬂᬕᬮᬂ᭞ᬧᬥᬢᭂᬓᬾᬦ᭄ᬚᬦ᭄ᬫᬧᬮᬶᬂ᭞ᬘᭂᬦ᭄ᬥᭂᬢ᭄ᬦᬾᬢᬦ᭄ᬧᬪᬸᬓ᭄ᬢᬶ᭞ᬳᬗ᭄ᬲᬧ᭄ᬢᭂᬓᬾᬦ᭄ᬥᬸᬓᬾᬫᬮᬸ᭞ᬲᬗ᭄ᬓᬦ᭄ᬥᬩᬲ᭄ᬮᬜ᭄ᬚᬂ᭞ᬧᭂ
[᭓᭔ 34 A]
ᬤᬲᬂᬫᬮᬸᬮᬶᬳᬢᬶᬦ᭄᭞ᬳᬧᬂᬧᬸᬮᬸᬂ᭞ᬦᬾᬧᬢᬹᬢ᭄ᬜᬦ᭄ᬤᬂᬳᬦ᭄ᬤᭂᬮᬂ᭟᭐᭟᭑᭑᭟ᬫᬭᬳᬤᬚᬧᬫᬦ᭄ᬢ᭄ᬭ᭞ᬫᬧᬶᬢᭂᬓᭂᬢ᭄ᬮᬶᬦ᭄ᬢᬂᬧᬶᬗᬶᬢ᭄᭞ᬢᬸᬭᬶᬂᬰᬓ᭄ᬢᬶᬫᬯᬶᬰᬾᬱ᭞ᬳᬚᬯᬾᬭᬫᬲᬶᬄ
ᬫᬶᬲᬶ᭞ᬭᬸᬶᬂᬮᬦ᭄ᬢᬲ᭄ᬭᬫ᭄ᬩᬂᬳᬧᬂᬢᬶᬮᬶᬂ᭞ᬩᭂᬓᭂᬮᬂᬳᬗ᭄ᬕᬾᬦ᭄ᬫᬫᬳᬸᬓ᭄᭞ᬳᬗ᭄ᬕᬾᬦ᭄ᬫᭂ᭠ᬮᭀᬕ᭄ᬫᭂᬮᭀᬕ᭄ᬢᬶᬫ᭄ᬧᬮ᭄᭞ᬗᬓᬸᬳᬯᬓᬾᬫᬮ᭄ᬬᬦᬶᬦ᭄᭞ᬓᭂᬫᬸᬓ᭄ᬓᭂᬫᬸᬓ᭄᭞ᬜᭂᬳᭂᬤᬂᬗᬸᬜ᭄ᬘ
ᬭᬂᬫᬦ᭄ᬢ᭄ᬭ᭟᭐᭟᭑᭒᭟ᬤᬸᬯᭂᬕ᭄ᬧᭂᬲᬦ᭄ᬫᬜᭂᬩᭂᬗᬂ᭞ᬳᬧᬂᬮᬶᬬᬸᬗᬤᬾᬦ᭄ᬰᬓ᭄ᬢᬶ᭞ᬳᬧᬂᬫᭂᬮᬄᬩᬦ᭄ᬜᬤᭂᬦᬂ᭞ᬢᬶᬗ᭄ᬓᬄᬳᬗᬮᬶᬄᬧᬶᬓ᭄ᬮᬶᬄ᭞ᬤᬓ᭄ᬱᬶᬡᬦᬾᬢ᭄ᬯᬭᬧᭂᬮᬶᬄ᭞
ᬲᬭᬶᬦ᭄ᬘᬦᬂᬜᬸᬄᬳᬩᬸᬗ᭄ᬓᬸᬮ᭄᭞ᬳᬧᬂᬓᬭᬶᬤᬫᬳᬶᬫ᭄ᬧᬲ᭄᭞ᬲᬓᬬᬦ᭄ᬫᬦ᭄ᬢ᭄ᬭᬦᬾᬰᬓ᭄ᬢᬶ᭞ᬤᬾᬯᬭᬢᬸ᭞ᬗᬸᬥᬓᬾᬢᭀᬩᬦ᭄ᬫᬩᬶᬓᬲ᭄᭟᭐᭟᭑᭓᭟ᬮᬶᬧ᭄ᬬᬧᭂᬲ [ 35 ][᭓᭔ 34 B]
᭓᭔᭟
ᬦ᭄ᬢᭂᬓᬾᬦ᭄ᬳᬯᬓ᭄᭞ᬓᬢᬶᬢᬄᬳᬦ᭄ᬢᬸᬓ᭄ᬳ᭄ᬬᬂᬯᬶᬥᬶᬗᬸᬥᬯᬶᬥᬶᬦᬕᬶᬄᬦᬶᬢᬄ᭞ᬗᬸᬤ᭄ᬬᬂ᭠ᬤᬦᬾᬢ᭄ᬯᬭᬧᬮᬶᬂ᭞ᬢ᭄ᬯᬭᬪᬶᬱᬗᬭᬱᬦᬶᬦ᭄᭞ᬫᭂᬦᬾᬓ᭄ᬲᬓᬶᬢ᭄ᬗᬸᬥᬮᬶᬬᬸ᭞ᬩᭂᬮᭀᬕᬾᬓ᭠
ᬤᬶᬢᬶᬢ᭄ᬬᬂ᭞ᬲᬓᬶᬢᬾᬯᬦ᭄ᬢᬄᬓᬓᬮᬶᬄ᭞ᬲᬓᬶᬢ᭄ᬳᬶᬤᬸᬧ᭄᭞ᬩ᭄ᬯᬶᬦ᭄ᬳᬤᬲᬓᬶᬢ᭄ᬧᭂᬚᬄ᭟᭐᭟᭑᭔᭟ᬬᬾᬦᬶᬂᬳᬶᬬᬲᬓᬶᬢ᭄ᬧᭂᬚᬄ᭞ᬓᬸᬤ᭄ᬬᬂᬩᬳᬦ᭄ᬫᬗᬸᬩᬤᬶᬦ᭄᭞ᬤᬾᬦᬶᬂᬳᬸᬩᬤ᭄ᬢ᭄ᬯᬄᬳᬩᭂ
ᬲᬶᬓ᭄᭞ᬳᭂᬦ᭄ᬢᭀᬳᬸᬩᬤ᭄ᬲᬓᬶᬢ᭄ᬳᬶᬤᬸᬧ᭄᭞ᬯ᭄ᬬᬤᬶᬦ᭄ᬢ᭄ᬯᬭᬫᬶᬲᬶᬫᬦ᭄ᬢ᭄ᬭ᭞ᬬᬤ᭄ᬬᬦ᭄ᬢᬦ᭄ᬧᬘᬦᬂᬫᬮᬶᬄ᭞ᬲᬓᬶᬢ᭄ᬳᬶᬤᬸᬧ᭄᭞ᬳᬸᬩᬤᬶᬦ᭄‌ᬬᬲᬶᬦᬄᬲᭂᬕᭂᬃ᭟᭐᭟᭑᭕᭟ᬳᭂᬦ᭄ᬢᭀᬜᬾᬦ᭄ᬫ
ᬜᭂᬕᭂᬭᬂ᭞ᬳᬸᬩᬤ᭄ᬫᬦ᭄ᬢ᭄ᬭᬲᭂᬗ᭄ᬕᬸᬄᬰᬓ᭄ᬢᬶ᭞ᬤᭀᬂᬓᬾᬫᬳᬸᬓ᭄ᬫᬶᬲᬶᬩᭀᬩᬤ᭄᭞ᬫᬺᬓᬓ᭄ᬩᭀᬸᬶᬂᬫᬵᬸᬓ᭄ᬫᭀᬓᬩᭀᬕ᭄ᬩᭀᬕ᭄ᬕᬢᬶ᭞ᬤᭂᬫᭂᬦ᭄ᬗᬓᬸᬗᬓᬸᬯᬶᬦ᭄᭞ᬗᬸᬮᬳᬂᬫᬳᬦ᭄ᬲᬲ᭠
[᭓᭕ 35 A]
ᬦ᭄ᬢᬸᬦ᭄᭞ᬳᭂᬦ᭄ᬢᭀᬫᬵᬤᬦ᭄ᬳᬶᬩᬮ᭄ᬬᬦ᭄᭞ᬤᭂᬫᭂᬦ᭄ᬫᬳᬮᬶᬳᬦ᭄ᬲᬳᬶ᭞ᬮ᭄ᬯᬲ᭄ᬫᬫᬳᬸᬓ᭄᭞ᬗᬮᬶᬗ᭄ᬕᬘᬬᬳᬤᬦ᭄ᬜ᭟᭐᭟᭑᭖᭟ᬓᬾᬢᭀᬲᬗ᭄ᬓᬦ᭄ᬕᬯᭀᬓ᭄ᬧᬶᬲᬦ᭄᭞ᬤᬶᬓᭂᬦᭂᬄ
ᬭᬱᬭᬱᬦᬶᬦ᭄᭞ᬤᬸᬭᬸᬂᬲᬲᬵᬫ᭄ᬧᬸᬦ᭄ᬤ᭄ᬯ᭞ᬤᬸᬭᬸᬂᬳᬚᬸᬦ᭄ᬲᬕᬾᬢ᭄ᬳᬧᬲᬶᬄ᭞ᬓᬸᬤ᭄ᬬᬂᬤᬦᬾᬢ᭄ᬯᬭᬧᬮᬶᬂ᭞ᬤᬶᬚᬕᬢ᭄ᬕᬸᬫᬶᬦᬾᬕᭂᬫᬸᬄ᭞ᬢᬢᭂᬫ᭄ᬧᬭᬦᬾᬫᬸᬤᬄ᭞ᬫᭀᬫᭀᬦᬾᬳᬧᬂᬫᬪᬸᬓ᭄ᬢᬶ᭞
ᬗᬓᬸᬳᬓᬸ᭞ᬗᬸᬗ᭄ᬓᬸᬮᬂᬳᬯᬓᬾᬪᬶᬱ᭟ᬳᭀ᭟ᬫᬸᬜᬶᬦᬾᬢ᭄ᬯᬭᬜᬗ᭄ᬓᬬᬂ᭞ᬢᬸᬮᬾᬓᬤᬶᬳᭀᬫ᭄ᬩᬓ᭄ᬧᬲᬶᬄ᭞ᬳᬧᬂᬫᬶᬭᬶᬩ᭄ᬲᬸᬩᬢᬢᬲ᭄᭞ᬢᬹᬃᬢᬾᬢᬾᬄᬕᬸᬫᬾᬢᬾᬄᬭᬶᬭᬶᬄ᭞᭠
ᬳᬧᬂᬫᬵᬤᬦ᭄ᬫᬗᬸᬗ᭄ᬓᬸᬮᬶᬦ᭄᭞ᬲᭂᬩᭂᬂᬦᬗ᭄ᬓᭂᬩ᭄ᬫᬸᬜᬶᬗᬸᬯᬸᬩ᭄᭞ᬫᬶᬭᬶᬩ᭄ᬦᬯᬂᬓᬕᬸᬡᬯᬦ᭄᭞ᬢᬍᬓ᭄ᬢᭂᬓᬂᬚᬦ᭄ᬫᬧᬮᬶᬂ᭞ᬓᬤᬶᬧᬦ᭄ᬢᬸᬦ᭄᭞ᬦᬾᬓᭂᬜ᭄ᬚᬶᬂᬧᬸᬬᬸᬂᬢᭀᬢᭀᬦᬦ᭄᭟᭐᭟ [ 36 ][᭓᭕ 35 B]
᭓᭕᭟
᭑᭘᭟ᬓᬤᬶᬚᬸᬦ᭄ᬫᬶᬱᬶᬢᭀᬬ᭞ᬬᬦ᭄ᬳᭂᬫ᭄ᬩᬸᬄᬗᬮᬾᬜ᭄ᬘᭀᬓ᭄ᬲᬳᬶ᭞ᬳᭂᬦ᭄ᬢᭀᬤᬾᬯᬤᬦᬸᬭᬄ᭞ᬧᬮᬧᬦ᭄ᬳᬗ᭄ᬕᭀᬦ᭄ᬦᬲᬭᬶᬦ᭄᭞ᬲᬮ᭄ᬯᬶᬭᬶᬂᬲᬦᬾᬓᬶᬦᬃᬤ᭄ᬥᬶ᭞ᬳᭂᬦ᭄ᬢᭀᬤᬾᬯᬳᬧᬂᬧ᭠
ᬢᬹᬢ᭄᭞ᬧ᭄ᬭᬂᬘᬶᬤ᭄ᬭᬦᬾᬢᭂᬩᭂᬓᬂ᭞ᬕ᭄ᬤᬳᬫ᭄ᬧᬄᬢᭂᬓᬾᬦ᭄ᬫᬸᬜᬶ᭞ᬳᬦᬓ᭄ᬮᬶᬬᬸ᭞ᬲᬗ᭄ᬓᬮᬦᬾᬫᬍᬕᬾᬦ᭄ᬤᬄ᭟᭐᭟᭑᭙᭟ᬭᬶᬂᬯᬶᬥᬶᬫᬗ᭄ᬕᬶᬄᬲᬸᬓ᭄ᬱ᭄ᬭᬄ᭞ᬲᬭᬧᬦᬶᬢᬳᬶᬂᬯᬶᬥᬶ᭞ᬦ
ᬭᬶᬫᬮᬷᬮᬲᬸᬓ᭄ᬱ᭄ᬫ᭞ᬳᭂᬦ᭄ᬢᭀᬤᬾᬯᬧᬮᬚᬳᬶᬦ᭄᭞ᬫᭂᬮᬳᬾᬲᬶᬂᬤᬤᬶᬳᬮᬶᬄ᭞ᬚᭂᬮᬾᬦᬾᬲᬶᬂᬩᬸᬯᬸᬂᬓᬢᭂᬧᬸᬓ᭄᭞ᬥᬃᬫᬧᬢᬹᬢᬾᬳᬦ᭄ᬤᭂᬮᬂ᭞ᬦᬗ᭄ᬳᬶᬂᬫᬗ᭄ᬤᬭᬭᬲᬸᬦᬶᬂ᭞ᬲ
ᬦᬾᬢᬸᬳᬸ᭞ᬳᭂᬦᬾᬸᬶᬂᬜ᭄ᬘᬦ᭄ᬚᬢᬶᬫᬵᬤᬦ᭄ᬥᬃᬫ᭟᭐᭟᭒᭐᭟ᬲᬮ᭄ᬯᬶᬭᬶᬂᬢᬸᬫ᭄ᬩᬸᬄᬢᬸᬫᬶᬢᬄ᭞ᬧᬥᬕᭂᬫ᭄ᬥᬃᬫᬚᬢᬶ᭞ᬳᭂᬦ᭄ᬢᭀᬚᬢᬶᬳᬧᬂᬢᬯᬂ᭞ᬓᬤᬾᬦ᭄ᬢᬸᬲᬶᬂᬪᬶᬱᬧᭂᬮᬶᬄ
[᭓᭖ 36 A]
᭞ᬳᭂᬦ᭄ᬢᭀᬓᬤᬾᬦ᭄ᬥᬃᬫᬚᬵᬢᬶ᭞ᬳᭂᬦ᭄ᬢᭀᬥᬃᬫᬳᭂᬦᬸᬗᬧᬸᬲ᭄᭞ᬦᬾᬲᬸᬚᬵᬢᬶᬫᬵᬤᬦ᭄ᬥᬃᬫ᭞ᬢ᭄ᬬᬸᬶᬂᬢ᭄ᬭᬶᬕᬫᬦᬾᬓᬵᬯᬓᬶᬦ᭄᭞ᬳᬸᬮᬶᬤᬶᬢᬸ᭞ᬗᬯᭂᬢ᭄ᬯᬂᬳᬲ᭄ᬢᬩ᭄ᬭᬢ᭟᭐᭟᭒᭑᭟
ᬫᬸᬮᬤᬶᬢᬸᬫᬢᬸᬗ᭄ᬕᬮᬦ᭄᭞ᬬᭀᬕᬩ᭄ᬭᬢᬮᬦ᭄ᬲᬫᬵᬥᬶ᭞ᬩ᭄ᬭᬢᬫᬶᬯᬄᬮᬦ᭄ᬫᬦ᭄ᬢ᭄ᬭ᭞ᬳ᭄ᬬᬂᬲᬸᬓ᭄ᬱ᭄ᬫᬦᬾᬫᬮᬶᬄ᭞ᬲᬫᬺᬢᬶᬦᬾᬳᬧᬂᬳᬸᬦᬶᬂ᭞ᬳᬧᬂᬳᭂᬤᬲᬫᬃᬲᬭᬸ᭞ᬢᬓᭀᬦᬂᬧᭂᬤᬲ᭄ᬧᭂ᭠
ᬤᬲᬂ᭞ᬩᭂᬲᬶᬓ᭄ᬩᭂᬲᬶᬓ᭄ᬳᬧᬂᬧᬲ᭄ᬢᬶ᭞ᬜᬾᬦ᭄ᬚᬯ᭄ᬭᬸᬄ᭞ᬓᭂᬫᬮᬓᬸᬫᬧᬕᬸᬭ᭄ᬯᬦ᭄᭟᭐᭟᭒᭒᭟ᬩᬓᬮ᭄ᬳᬧᬮᬶᬬᬸᬓᬦ᭄ᬥ᭞ᬳᬦᬓ᭄ᬢᬸᬲᬶᬂᬳᬤᬢᬸᬲᬶᬂ᭞ᬦᬾᬦᬾᬚᬵᬢᬶᬢ᭄ᬯᬭᬢᬯᬂ᭞ᬓ
ᬦ᭄ᬤᬶᬓ᭄ᬲᭂᬍᬢ᭄ᬳᬲᬶᬄᬧᬮᬶᬂ᭞ᬩᬸᬓᬗᬮᬶᬳᬢᬶᬦ᭄ᬓᬸᬧᬶᬂ᭞ᬧᭂᬤᬲ᭄ᬢ᭄ᬯᬭᬲᬶᬤ᭄ᬥᬳᬦ᭄ᬢᬸᬓ᭄᭞ᬫᭂᬓᬦᬾᬕᭂᬤᬾᬚᭂᬫᬓᬂ᭞ᬤᬶᬢᬸᬬᬮᬯᬸᬢ᭄ᬲᬸᬮᬸᬳᬶᬦ᭄᭞ᬧᭂᬤᬲ᭄ᬢᭂᬧᬸᬓ᭄᭞ᬓᬾᬢᭀ᭠ [ 37 ]᭓᭖ 36 B
᭓᭖᭟
ᬤᬾᬯᬧᬮᬧᬦᬂ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟ᬳᬶᬧᬗ᭄ᬓᬸᬃᬚᬵᬦᬶᬗᭂᬮᬯᬸᬢᬂ᭞ᬫᬦᬸᬢᬸᬭᬂᬢᬶᬗ᭄ᬓᬳᬾᬦᬸᬫᬤᬶ᭞ᬤᬤᬶᬚᬦ᭄ᬫᬮᬶᬦ᭄ᬢᬂᬓᬾᬯᬸᬄ᭞ᬮᬶᬬᬸᬲᭂᬥᭂᬂᬧᬮᬧᬦᬂ᭞ᬧᬮᬚ
ᬳᬶᬦ᭄᭞ᬢᬶᬕᬂᬲᭀᬭᭀᬄᬢᭂᬕᭂᬲ᭄ᬳᬶᬧᬸᬦ᭄᭞ᬓᬧᬶᬲᬦ᭄ᬕᬃᬯᬧᬸᬦᬶᬓ᭞ᬤᬷᬃᬖᬦᬾ᭠ᬬᬓᬧᬶᬂᬓᬮᬶᬄ᭟ᬧ᭄ᬮᬢᬦᬾᬓᬧᬶᬂᬢᬶᬕ᭞ᬳᭂᬦ᭄ᬢᭀᬤᬾᬯ᭞ᬦᬾᬜᬦ᭄ᬤᬂᬳᬗ᭄ᬕᭀᬦ᭄ᬦᭂᬧᬲᬶᬦ᭄᭞
ᬲᬮ᭄ᬯᬶᬃᬭᬶᬂᬉᬢ᭄ᬢᬫᬭᬶᬂᬢᬸᬢᬸᬃ᭞ᬧᬸᬦᬶᬓᬳᬸᬶᬳᬸᬧᬫᬶᬦ᭄ᬜ᭞ᬓᬵᬤᬶᬯᬯᬸ᭞ᬳᬢᬸᬃ᭠ᬢᬶᬢ᭄ᬬᬂᬦᬾᬭᬶᬂᬳᬳ᭄ᬬᬸᬦ᭄᭞ᬤᬶᬢᬸᬬᬫᬗ᭄ᬓᬶᬦ᭄ᬲᬸᬮᬸᬳᬂ᭞ᬳᬧᬂᬲᬶᬦᬄᬗᬮ᭄ᬬᬢᬶᬦ᭄᭟᭐᭟
᭓᭟ᬕᬃᬯᬤᬷᬃᬖᬫᬵᬯᬓ᭄ᬪᬵᬬ᭞ᬳᭂᬦᬸᬳᬫ᭄ᬧᬲ᭄᭞ᬧ᭄ᬮᬸᬢᬫᬵᬯᬓ᭄ᬲᬸᬚᬵᬢᬶ᭞ᬳᭂᬦ᭄ᬢᭀᬤᬾᬯᬳᬧᬂᬯ᭄ᬭᬸᬄ᭞ᬇᬦ᭄ᬥᭂᬗᬂᬲᬦᬾᬢᬢᬶᬕ᭞ᬧᬂᬤᬲᬶᬗ᭄ᬲᬮ᭄᭞ᬢᬶᬗ᭄ᬓᬳᬾᬧ
[᭓᭗ 37 A]
ᬘᬂᬫᬗᬶᬢᬸᬂ᭞ᬲᬓᬾᬯᬮᬳᬧᬂᬢᬯᬂ᭞ᬤᬾᬦᬶᬂᬳᭂᬦ᭄ᬢᭀᬤᬤᬶᬕᬯᬾᬦᬶᬦ᭄᭟᭐᭟᭔᭟ᬍᬓᬲᬂᬳᬾᬦ᭄ᬤᬄᬧᬾᬮᬕᬂ᭞ᬢᬹᬃᬧᬢᬶᬢᬶᬲ᭄᭞ᬳᬘᭂᬧᬂᬤᬶᬢᬸᬤᬶᬳᬢᬶ᭞ᬗᬭᬶᬭᬶᬳᬶᬦ᭄ᬯᬱ᭄ᬝᬦᬶ
ᬧᬸᬦ᭄᭞ᬯᬶᬥᬶᬦᬾᬢᬕᬶᬄᬢᬶᬢᬳᬂ᭞ᬩᬲ᭄‌ᬤ᭄ᬭᭀᬯᬓ᭞ᬓᬯᬶᬫᭀᬳᬦᬾᬓᬤᬸᬭᬸᬲ᭄᭞ᬦᬕᬶᬄᬗᬮᬦ᭄ᬢᬂᬧᬦᬸᬕ᭄ᬭᬳᬦ᭄᭞ᬓᬭᬓ᭄ᬱᬲᬦᬾᬫᬫᬹᬃᬢᬶ᭟᭐᭟᭕᭟ᬚᬦ᭄ᬫᬧᬶᬦ᭄ᬥᬢᭀᬳ
ᬤᬦ᭄ᬜ᭞ᬗ᭄ᬕᬶᬄᬳᬾᬮᬶᬗᬂᬧᬂᬤᬦᬸᬓᬦᭂᬓᭂᬢᬶᬦ᭄᭞ᬭᬶᬂᬫᭀᬫᭀᬦᬶᬥᭂᬧᬾᬦᬸᬮᬸᬲ᭄᭞ᬦᬕᬶᬄᬫᬗᬶᬫ᭄ᬧᬲᬶᬦ᭄ᬫᭂᬮᬄ᭞ᬬᬦ᭄ᬓᬲᬶᬤ᭄ᬥᬦ᭄᭞ᬩᬸᬤ᭄ᬥᬶᬦᬾᬗᬸᬗ᭄ᬓᬸᬮᬶᬦ᭄ᬕᬸᬦᬸᬂ᭞ᬳᭂᬦ᭄ᬢᭀᬫᬵᬤ
ᬦ᭄ᬚᬮ᭄ᬫᬚᬮ᭄ᬫᬳᬦ᭄᭞ᬢᭀᬂᬜᬦ᭄ᬤᬂᬢᬶᬭᬸᬤᬶᬕᬸᬫᬶ᭟᭐᭟᭖᭟ᬳᭂᬦ᭄ᬢᭀᬤᬾᬯᬳ᭠ᬧᬂᬢᬗᬃ᭞ᬫᬗᬺᬱᭂᬧᬂᬧᬶᬦᭂᬄᬧᬶᬦᭂᬳᬶᬦ᭄ᬤᬶᬳᬢᬶ᭞ᬢᬶᬗ᭄ᬓᬳᬾᬫᬗᬸᬮᬶᬓ᭄ᬢᬸᬢᬸᬃ᭞ᬧᬗᬸᬗ᭄ᬲᬶᬦᬾᬫ [ 38 ][᭓᭗ 37 B]
᭓᭗᭟
ᬲᬶᬄᬢᬸᬗ᭄ᬕᬮ᭄᭞ᬲᬗ᭄ᬓᬦ᭄ᬧᬭᬦ᭄᭞ᬧᬸᬦᬶᬓᬫᬲᬶᬄᬓᬢᬸᬚᬸ᭞ᬳᬚᬓ᭄ᬲᬳᬶᬲᬶᬦᬶᬂᬚᬕᬢ᭄᭞ᬤᬸᬳᬸᬃᬢᬦᬄᬩᭂᬢᬾᬦᬵᬮᬗᬶᬢ᭄᭟᭐᭟᭗᭟ᬮᬶᬬᬸᬳᬦᬓ᭄ᬫᬜᬶᬧ᭄ᬢᬬᬂ᭞ᬳᭂᬦ᭄ᬢᭀᬓ᭄ᬭᬶᬲ᭄ᬫᬭᬶᬂᬳᬸᬭ
ᬗ᭄ᬓᬗᬭᬜ᭄ᬚᬶᬂ᭞ᬳᬸᬭᬗ᭄ᬓᬫᬜ᭄ᬚᬶᬂᬫᬭᬶᬂᬤᬸᬳᬸᬂ᭞ᬓᬤᬶᬫᬶᬳᬶᬓᬾᬭᬶᬂᬲᭂᬓᬃᬲᭂᬓᬃᬫᬶᬳᬶᬓ᭄᭞ᬫᬭᬶᬂᬫᬶᬳᬶᬓᬾᬫᬮᬸᬗ᭄ᬕᬸᬄ᭞ᬓᬵᬤᬶᬢᬮᬸᬄᬚ᭄ᬭᭀᬦᬶᬂᬳᬬᬫ᭄᭞ᬳᬬᬫ᭄ᬚ᭄ᬭᭀᬦᬶᬂᬢᬮᬸᬄᬫᬮᬶᬄ᭟᭐
᭟᭘᭟ᬦᬶᬓᬫᬲᬶᬧ᭄ᬢᬫᬧ᭄ᬮᬸᬢ᭞ᬜᬦ᭄ᬤᬂᬕᬸᬕᬸᬬᬲᬸᬗ᭄ᬓᭂᬫᬶᬦ᭄ᬲᬋᬂᬲᬫᬶ᭞ᬲᬮ᭄ᬯᬶᬭᬶᬂᬫᬸᬗ᭄ᬕᬸᬄᬭᬶᬂᬢᬸᬢᬸᬃ᭞ᬧᬸᬦᬶᬓᬫᬗ᭄ᬤᬧᭂᬤᬲ᭄᭞ᬦᬾᬢᬢᬶᬕ᭞ᬦᬾᬮᬶᬬᬸᬦᬦ᭄ᬢᭀᬦ᭄ᬤᬾᬦ᭄ᬕᬸᬕᬸ᭞ᬧᬸᬦᬶᬓᬫᬮᬶᬄᬲᬸ
ᬮᬸᬳᬂ᭞ᬳᬧᬂᬲᬶᬦᬄᬩᬦ᭄ᬫᬦᬫ᭄ᬧᬶ᭟᭐᭟ᬫᬮᬶᬄᬯᬾᬦ᭄ᬢᭂᬦ᭄ᬫᬦᬸᬢᬸᬭᬂ᭞ᬳᬤᬢᬸᬜ᭄ᬚᬸᬂᬫᬸᬗ᭄ᬕᬸᬄᬭᬶᬂᬢ᭄ᬮᬕᬦᬾᬍᬯᬶᬄ᭞ᬲ᭄ᬭᬶᬦ᭄ᬜᬦᬾᬗᬦ᭄ᬢᬸᬕ᭄ᬫᬾᬭᬸ᭞ᬮᬯᬦ᭄ᬜᬦᬾᬗᭂᬩᭂᬓᬶᬦ᭄ᬳᬯᬓ᭄᭞ᬳ
[᭓᭘ 38 A]
ᬓᬄᬜᬦᬾ᭞ᬦ᭄ᬭᬸᬲ᭄ᬭᬶᬂᬧ᭄ᬭᬣᬶᬯᬷᬫᬸᬗ᭄ᬕᬸᬄ᭞ᬯᬗᬶᬦᬾᬗᭂᬩᭂᬓᬶᬚᬕᬢ᭄᭞ᬪᬶᬱᬓᬸᬘᬸ᭠ᬧ᭄ᬓᭂᬫ᭄ᬩᬂᬳᬸᬦᬶᬂ᭟᭐᭟᭑᭐᭟ᬦᬶᬓᬓᬭᬶᬢᬸᬗ᭄ᬓᬲ᭄ᬧᬶᬲᬦ᭄᭞ᬤᬦ᭄ᬤᬾᬦ᭄ᬗᬸᬕᬸᬳᬧᬂᬤᬭᬵᬕᬦᬾᬧᬮᬶᬂ᭞᭠
ᬩᭂᬍᬗᬾᬓᬤᬾᬦᬂᬲᬸᬭᬸᬄ᭞ᬳᭂᬦ᭄ᬢᭀᬫᬵᬤᬦ᭄ᬤᬦ᭄ᬫᬦᬶᬤ᭄ᬭ᭞ᬤᬸᬭᬸᬂᬗᭂᬦ᭄ᬤᬸᬲᬶᬦ᭄᭞ᬭᬚᬄᬢᬫᬳᬾᬫᬜᬸᬲᬸᬧ᭄᭞ᬤᭀᬂᬚᬧᬸᬍᬲ᭄ᬫᬵᬤᬦ᭄ᬦᬶᬤ᭄ᬭ᭞ᬳᭂᬦ᭄ᬢᭀᬫᬵᬤᬦ᭄ᬧᬸᬜᬄᬲᬳᬶ᭟᭐᭟
᭑᭑᭟ᬤᭀᬂᬢᬸᬯᬓᬾᬗᬯᬾᬧᬸᬜᬄ᭞ᬳᬦᬓ᭄ᬮᬶᬬᬸᬢᬶᬗ᭄ᬓᬳᬾᬫᬲᬶᬄᬫᬸᬜᬳᬶ᭠ᬦ᭄᭞ᬦ᭄ᬢᭀᬋᬱᭂᬧ᭄ᬋᬱᬧᬂᬫᬮᬸ᭞ᬧᬶᬦᭂᬄᬧᬶᬦᭂᬳᬂᬫᭂᬳᬸᬶᬂᬮᬳᬂ᭞ᬳᬧᬂᬢᬯᬂ᭞ᬦᬾᬫᬵᬤᬦ᭄ᬢᬸᬳᬸ
ᬦᬶᬂᬢᬸᬳᬸ᭞ᬲᬭᬶᬂᬲᬭᬶᬗᬶᬦ᭄ᬤᬶᬳᬯᬓ᭄᭞ᬳᭂᬤᬲᬸᬯᬸᬤ᭄ᬫᬗᭂᬦᭂᬳᬶᬦ᭄᭟᭐᭟᭑᭒᭟ᬮᬶᬬᬸᬦᬓ᭄ᬪᬶᬱᬫᬜᬫ᭄ᬩᬢ᭄᭞ᬯ᭄ᬬᬵᬲ᭄ᬢ᭄ᬭᬦᬾᬤᬰᬵᬓ᭄ᬱᬭᬧᬮᬶᬂᬍᬯᬶᬄ᭞ᬭᬶᬗ᭄ᬓᭂᬲ᭄ᬳᬧᬂᬗᬯᬶᬦ᭄ᬥᬸ᭞ [ 39 ][᭓᭘ 38 B]
᭓᭘.
ᬓᬾᬦᬾᬩᬦ᭄ᬫᬦᭂᬧᬸᬓᬂ᭞ᬓᬳᬸᬘᬧᬂ᭞ᬓᭂᬦᭂᬳᬾᬩᬳᬦ᭄ᬫᬗᬶᬢᬸᬂ᭞ᬗᬶᬲᬶᬤᬂᬫᭂᬦᬾᬓ᭄ᬢᬸᬳᬸᬦᬂ᭞ᬇᬥᭂᬧᬶᬥᭂᬧ᭄ᬲᬸᬩᬦᬸᬗ᭄ᬕᬮ᭄᭟᭐᭟᭑᭓᭟ᬳᭂᬦ᭄ᬢᭀᬳᬦᬓ᭄ᬗᬧᬸᬲ᭄ᬳᬯᬓ᭄᭞ᬲᬸᬚᬵ
ᬢᬶᬦᬾᬳᬧᬂᬳᭂᬦ᭄ᬢᭀᬓᬳᬶᬢᬸᬗᬶᬦ᭄᭞ᬳᬾᬦ᭄ᬤᬄᬧᬾᬮᬕᬂᬫᬗᬶᬢᬸᬂ᭞ᬯᬫᬸᬮᬶᬄᬫᬭᬶᬂᬲ᭞ᬦᬦᬾᬫᬮᬶᬄ᭞ᬫᬭᬶᬂᬩᬫᬦ᭄ᬢᬸᬓᬶᬧᬸᬦ᭄᭞ᬫᬫᬸᬮᬶᬄᬫᬭᬶᬂᬢ᭞ᬰᬶᬦᬾᬫᬭᬶᬂᬅ
ᬬᬫᬸᬮᬶᬄ᭟᭐᭟᭑᭔᭟ᬬᬭᬶᬂᬇᬫᬸᬮᬶᬳᬂ᭞ᬓᬾᬢᭀᬩᬳᬦ᭄ᬫᬗᬶᬓᭂᬢ᭄ᬳᬶᬓᭂᬢ᭄ᬤᬶᬳ᭠ᬢᬶ᭞ᬧᬶᬂᬢᭂᬮᬸᬧᬚᬮᬦᬶᬧᬸᬦ᭄᭞ᬧᬶᬲᬦ᭄ᬰᬵᬲ᭄ᬢ᭄ᬭᬩᬩ᭄ᬯᬢᬦ᭄᭞ᬦᬾᬧᬶᬂᬓᬮᬶᬄ᭞ᬧᬶᬂᬢᬶᬕᬤᬾᬯᬦᬾ
ᬓᬸᬫ᭄ᬧᬸᬮ᭄᭞ᬳᬮᬸᬄᬩᬳᬦ᭄ᬫᬗᬶᬢᬸᬗᬂ᭞ᬤᬾᬯᬦᬾᬦᬭᭀᬰᬶᬢᬸᬗᬶᬦ᭄᭟᭐᭟᭑᭕᭟ᬩᭂᬮᭀᬄᬧᭂᬲᬦ᭄ᬳᬤᬤᬾᬯ᭞ᬢᭂᬓᬳᭂᬜᬓ᭄ᬓᬳᬶᬦ᭄ᬤᭂᬗᬂᬓᭂᬫᬫᬳᬶ᭞ᬦᬶᬢᬄᬤᬾ
[᭓᭙ 39 A]
ᬯᬢᭂᬓᬳᬸᬮᬸ᭞ᬓᬮᬶᬗ᭄ᬓᬾᬤᬾᬯᬢᬶᬢᬳᬂ᭞ᬢᭂᬓᬚ᭄ᬦᭂᬗ᭞ᬕᭀᬩᬦ᭄ᬜᬦᬾᬢ᭄ᬯᬭᬢᭂᬧᬸᬓ᭄᭞ᬫᬸᬜᬶᬦ᭄ᬜᬦᬾᬢ᭄ᬯᬭᬢᬯᬂ᭞ᬳᭂᬜᬾᬦ᭄ᬪᬶᬱᬫᬗᬶᬢᬸᬗᬶᬦ᭄᭟᭐᭟᭑᭖᭟ᬤᬶᬚᬢ
ᬳᬾᬦ᭄ᬦᭂᬧᬸᬓᬶᬦ᭄ᬤᬾᬯ᭞ᬓᬾᬦ᭄ᬓᬾᬢᬶᬂᬸᬦ᭄ᬢᬸᬯᬶᬯᬃᬡᬦᬾᬦᬾᬲᬸᬚᬵᬢᬶ᭞ᬓᬤᬶᬱᬦᬾᬩ᭠ᬳᬦ᭄ᬦᬸᬥᬸᬓ᭄᭞ᬲᬂᬳ᭄ᬬᬂᬩ᭄ᬭᬵᬫᬸᬶᬳ᭄ᬫᬯᬃᬡᬩᬭᬓ᭄᭞ᬲᬂᬳ᭄ᬬᬂᬯᬶᬱ᭄ᬡᬸ᭞ᬲᭂᬍᬫ᭄ᬯᬃᬡᬦᬶᬤᬧᬗᬸᬲ᭄᭞᭠
ᬫᬳᬵᬤᬾᬯᬯᬃᬡᬚᭂᬦᬃ᭞ᬇᬰ᭄ᬯᬭᬯᬃᬡᬦᬾᬧᬸᬢᬶᬄ᭟᭐᭟᭑᭗᭟ᬢᬳᬾᬦᬶᬤᬓᬘᬸᬦ᭄ᬥᬸᬓᬂ᭞ᬤᬶᬚᬚᬲᬕᬾᬢ᭄ᬢᬳᬾᬦ᭄ᬳᬶᬤᬧᬗ᭄ᬕᬶᬄ᭞ᬢᬸᬦᬲᬶᬦ᭄ᬧᬗ᭄ᬭᬯᭀᬲ᭄ᬧᬢᬹᬢ᭄᭞᭠
ᬧᭂᬤᬲ᭄ᬢᬸᬲᬶᬂᬳᬤᬦᬯᬂ᭞ᬦᬾᬭᬶᬂᬚᬵᬢᬶ᭞ᬦᬾᬦᬾᬫᬳᬸᬓ᭄ᬧᬘᬂᬕᬸᬕᬸ᭞ᬳᬬᬦᬾᬳᭂᬦᬸᬫᬗᬯᬕ᭄᭞ᬢᬸᬫᭀᬦᬾᬢᬦ᭄ᬧᭂᬤᬲ᭄ᬚᬢᬶ᭟᭐᭟᭑᭘᭟ᬓᬾᬢᭀᬤᬾᬯᬲᬸᬚᬵᬢᬶ [ 40 ][᭓᭙ 39 B]
᭓᭙᭟
ᬦ᭄ᬜ᭞ᬲᬗ᭄ᬓᬦ᭄ᬳᬭᬂᬳᬦᬓᬾᬯ᭄ᬭᬸᬄᬭᬶᬂᬚᬵᬢᬶ᭞ᬤᬾᬦᬶᬂᬩᬶᬗᬸᬂᬧᬢᬶᬓᬘᬸᬄ᭞ᬳᬯᬓ᭄ᬢᭀᬂ᭠ᬪᬶᬱᬗᭂᬦᭂᬳᬂ᭞ᬲᬦᬾᬚᬵᬢᬶ᭞ᬩᬸᬓᬚᬵᬢᬶᬓᬤᬾᬦ᭄ᬫᬯᬸᬓ᭄᭞ᬲᬦᬾᬩᭀᬕ᭄ᬩᭀᬕ᭄ᬳᭂᬫ᭄ᬧᬸᬓᬸ
ᬗ᭄ᬓᬂ᭞ᬩᬓᬮ᭄ᬕᬸᬕᬸᬲᬳᬶᬲᬳᬶ᭟᭐᭟᭑᭙᭟ᬩᬲ᭄ᬕᬮᬗᬦ᭄ᬤᬤᬶᬳᬸᬮᬧ᭄᭞ᬧᬦᭀᬦᬾᬢ᭄ᬯᬭᬩᬓᬢ᭄ᬮ᭄ᬬᬢᬶᬦ᭄᭞ᬩᬲ᭄ᬓᭀᬧᬳᭂᬓ᭄ᬤᬤᬶᬲᬭᬸ᭞ᬦᬾᬦᬾᬳᭂᬚᭀᬄᬓᬢᭀᬦ᭄ᬳᬶᬬ᭞ᬓᬾᬢᭀᬧᬶ
ᬲᬦ᭄᭞ᬓᬢ᭄ᬯᬶᬬᬦ᭄ᬜᬬᬦ᭄ᬩᬦ᭄ᬯᬶᬤᬸ᭞ᬲᬮᬄᬤᬮᬶᬳᬦ᭄ᬧᬶᬲᬦ᭄᭞ᬲᬦᬾᬓᬯᬸᬄᬓᬤᬾᬦ᭄ᬓᬗᬶᬦ᭄᭟᭐᭟᭒᭐᭟ᬓᬢᬄᬳᬦᬓ᭄ᬫᬦᭂᬍᬩᬂ᭞ᬚᬧᬫᬦ᭄ᬢ᭄ᬭᬓᬲᭂᬗ᭄ᬕᬸᬄᬯᬶᬰᬾᬱᬰᬓ᭄ᬢᬶ᭠
ᬤᬾᬯᬾᬓᬾᬓ᭄ᬦᬓᬵᬧᬸᬲ᭄᭞ᬭᬾᬄᬢ᭄ᬯᬭᬪᬶᬱᬗᬧᬹᬲᭂᬧᬂ᭞ᬲᬦᬾᬲᬚ᭞ᬲᬭᬷᬦᬶᬂᬫᬦ᭄ᬢ᭄ᬭᬦᬾᬢᬸᬳᬸ᭞ᬢᬸᬳᬸᬦ᭄ᬮᭀᬦ᭄ᬢᬭᬾᬓᭂᬦ᭄ᬥᭂᬮᬂ᭞ᬳᭂᬦ᭄ᬢᭀᬳᬦ᭄ᬥᭂᬮ᭄ᬓᬤᬾᬦ᭄ᬰᬓ᭄ᬢᬶ᭟᭐᭟᭒᭑᭟
[᭔᭐ 40 A]
ᬳᬯᬓ᭄ᬤᭂᬫᭂᬦ᭄ᬫᬗ᭄ᬭᬫ᭄ᬩᬂ᭞ᬚᬧᬫᬦ᭄ᬢ᭄ᬭᬧᬹᬚᬯᬾᬥᬭᬫ᭄ᬩᬂᬲᬳᬶ᭞ᬳᬗ᭄ᬕᭀᬦ᭄ᬕᭂᬦ᭄ᬥᬶᬂᬲ᭄ᬬᬂᬤᬮᬸ᭞ᬧᬸᬧᬸᬄᬜᬦᬾᬢ᭄ᬯᬭᬢᬯᬂ᭞ᬤᬶᬚᬲᬗ᭄ᬓᬦ᭄᭞ᬤᬶᬚᬧᬲᬸᬭᬸᬧᬦᬶᬧᬸᬦ᭄᭞ᬤᬤᬶᬫᭂᬢᬸᬚᬧᬫᬦ᭄ᬢ᭄ᬭ᭞
ᬲᬦᬾᬤᬶᬭᬵᬕᬦᬾᬚᬵᬢᬶ᭟᭐᭟᭒᭒᭟ᬳᬦ᭄ᬢᭀᬫᬮᬸᬧᬮᬚᬳᬂ᭞ᬳᬧᬂᬢᬢᬲ᭄ᬳᭂᬤᬤᬾᬯᬓᬸᬫᬭᬶᬭᬶᬄ᭞ᬓᬾᬢᭀᬤᬾᬯᬬᬦ᭄ᬓᬧᬢᬹᬢ᭄᭞ᬦᬾᬜᬦ᭄ᬤᬂᬧᬢᬶᬢᬶᬲᬂ᭞ᬧᬂᬤᬕᬯᬂ᭞ᬧᬦᬸ
ᬚᬸᬦᬶᬥᭂᬧᬾᬲᬭᬸ᭞ᬢ᭄ᬯᬭᬦᬯᬂᬦᬾᬳᬸᬗ᭄ᬲ᭄ᬬᬂ᭞ᬲᭀᬓ᭄ᬫᬗ᭄ᬮᬶᬬᭂᬧᬫᬫᬸᬱ᭄ᬝᬶ᭟᭐᭟᭒᭓᭟ᬓᬾᬦ᭄ᬓᬾᬦ᭄ᬯᬶᬭᬱᬦ᭄ᬜᬤᬾᬯ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬧ᭄ᬭᬡᬬᬲᬸᬚᬵᬢᬶ᭞ᬳᭂᬦ᭄ᬢᭀᬤᬾᬯᬤᬸᬭᬸᬂᬯ᭄ᬭᬸᬄ᭞ᬳ
ᬧᬂᬚᬵᬢᬶᬢᬢ᭄ᬯᬶᬬᬦ᭄᭞ᬧᬂᬤᬲᬶᬗ᭄ᬲᬮ᭄᭞ᬓᭂᬦᭂᬳᬾᬫᬫᬶᬓᬲ᭄ᬳᬮᬸᬲ᭄᭞ᬫᭂᬮᬳᬂᬫᬮᬸᬮᬸᬧᬮᬧᬦᬂ᭞ᬧᬶᬦᭂᬳᬶᬦᬫᬮᬸᬤᬶᬳᬢᬶ᭟᭐᭟᭒᭔᭟ᬰᬭᬡᬧᬸᬦᬧᬶᬢᭂᬕᭂᬲ᭄ᬜ᭞ᬰᬷᬃᬓᬫ᭠ [ 41 ][᭔᭐ 40 B]
᭔᭐᭟
ᬮᬶᬄ᭞ᬳᬧᬦ᭄ᬢᭀᬳᬃᬢᬶᬦ᭄ᬜᬚᬵᬢᬶ᭞ᬦ᭄ᬢᭀᬓᭀᬘᬧ᭄ᬢᬸᬂᬢᬸᬂᬭᬫ᭄ᬩᬸᬢ᭄᭞ᬳᭂᬦ᭄ᬢᭀᬦᬾᬧ᭄ᬮᬸᬢᬬᬂ᭞ᬦᬾᬲᬸᬚᬵᬢᬶ᭞ᬳᭂᬦ᭄ᬢᭀᬫᬮᬸᬳᬧᬂᬯ᭄ᬭᬸᬄ᭞ᬫᬗ᭄ᬤᬾᬧ᭄ᬭᬲᬶᬤ᭄ᬥᬩᬓᬢ᭄᭞ᬦᬾᬚᬵᬢᬶ
ᬲᬭᬶᬦᬶᬂᬰᬸᬘᬶ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟᭑᭟ᬕᬶᬦᬦ᭄ᬢᬶᬳᬗ᭄ᬕᬾᬦ᭄ᬫᬦᬸᬢᬸᬃ᭞ᬦᬸᬢᬸᬕᬂᬓᬦ᭄ᬥᬦᬾᬗᬸᬦᬶ᭞ᬗ᭄ᬳᬶᬂᬳᬫ᭄ᬧᬸᬭᬢᬶᬢ᭄ᬬᬂᬤᬾᬯ᭞ᬓᬾᬯᬮᬤᭂᬫᭂᬦ᭄ᬫᬗᬸᬫᬶᬓ᭄᭞ᬫᬲᬯᬂᬲᬸᬦ᭄ᬥᬭᬶᬩᭂ
ᬮᬄ᭞ᬢ᭄ᬯᬭᬳᬾᬲ᭄ᬭᬶᬓ᭄ᬓᬓᭂᬤᬾᬓᬶᬦ᭄᭟᭐᭟᭒᭟ᬳᬗ᭄ᬕᬰᬭᬷᬭᬧᬸᬦᬶᬓᬸ᭞ᬲᬸᬩᬧᬭᬵᬕᬦᬶᬂᬮᬶᬘᬶᬦ᭄᭞ᬰᬹᬦ᭄ᬬᬦᬶᬃᬪᬦᬢ᭄ᬯᬶᬳᬶᬤ᭞ᬳᬦᬦᭀᬭᬕᬦᬮᬶᬮᬶᬢ᭄᭞ᬲᬸᬩᬬᬫᬭᬵ
ᬕᬵᬫᬺᬢ᭞ᬫᬺᬢᬤᬶᬚᬕᬢᬾᬲᬳᬶ᭟᭐᭟᭓᭟ᬳᬶᬤᬧᬭᬵᬕᬦᬶᬂᬳᭂᬦᬸᬃ᭞ᬢᬦ᭄ᬧᬕᬸᬫᬶᬢᬦ᭄ᬧᬮᬗᬶᬢ᭄᭞ᬦᭀᬭᬦᬾᬚᬵᬢᬶᬢ᭄ᬯᬄᬳᬦ᭞ᬳᬦᬦᬾᬢᬦ᭄ᬚᬵᬢᬶᬲᬶᬗ᭄ᬕᬶᬄ᭞ᬓᬾ
[᭔᭑ 41 A]
ᬢᬾᬢᬶᬗ᭄ᬓᬳᬶᬂᬰᬭᬷᬭ᭞ᬳᬦᬪᬸᬯᬦᬳᬕᬸᬂᬳᬮᬶᬢ᭄᭟᭐᭟᭔᭟ᬳᬸᬧᬫᬶᬦ᭄ᬜᬓᬤᬶᬓᬸᬦ᭄ᬢᬸᬮ᭄᭞ᬦᬧᬓ᭄ᬭᬶᬂᬫᬦ᭄ᬥᬭᬕᬶᬭᬷ᭞ᬭᬶᬂᬕᬶᬕᬶᬭᬶᬂᬧᬳᬸᬗ᭄ᬕᬸᬲᬶᬭ᭞ᬲᬧ᭄ᬢᬰᬹᬦ᭄ᬬᬳᬭᬦ᭄ᬚᬢᬶ᭞ᬳᬦᬾᬂ
ᬮᭀᬦ᭄ᬢᬃᬢᬦ᭄ᬧᬲᬸᬭᬵᬢ᭄᭞ᬭᬯᬸᬳᬶᬤᬾᬯᬰᬳᬭᬦᬶᬦ᭄᭟᭐᭟᭕᭟ᬭᬶᬂᬰᬶᬯᬪᬸᬯᬦᬦᬾᬫᬸᬗ᭄ᬕᬸᬄ᭞ᬧᬵᬧᬲ᭄ᬯᬃᬕᬤᬶᬢᬸᬦᬸᬗ᭄ᬕᬮ᭄᭞ᬫᬧᬸᬧᬸᬮ᭄ᬤᬾᬯᬮᬦ᭄ᬪᬸᬢ᭞ᬓᬤᬶᬩᬜᬸᬮᬯᬦ᭄ᬯᬭᬶᬄ᭞ᬲᬫᬶ
ᬢᬦ᭄ᬳᬦᬪᬶᬦᬦ᭄ᬜ᭞ᬒᬁᬓᬵᬭᬪᬶᬦᬾᬥᬗᬦ᭄ᬢᬶ᭟᭐᭟᭖᭟ᬲᬗ᭄ᬕᬄᬓᬫᬸᬮᬦᬾᬤᬶᬢᬸ᭞ᬤᬾᬯᬧᬸᬲᭂᬄᬤᬍᬫ᭄ᬫᬮᬶᬄ᭞ᬲᬸᬶᬱᬤ᭄ᬓᬳ᭄ᬬᬗᬦ᭄ᬧ᭄ᬭᬚᬧᬢ᭄ᬬ᭞ᬕᬸᬦᬸᬂᬳᬕᬸᬂᬳᬸᬮᬸᬦ᭄ᬲ᭄ᬯᬶ᭞ᬩᬢᬸᬃᬫ᭄ᬯᬂᬧᬸᬯᬭ᭠
ᬲᬤ᭄ᬥ᭞ᬩᬢᬸᬓᬭᬸᬜᬋᬗᬶᬦ᭄᭟᭐᭟᭗᭟ᬤᬶᬢᬸᬬᬧᬥᬓᬸᬫ᭄ᬧᬸᬮ᭄᭞ᬭᬶᬂᬚᬕᬢ᭄ᬧᬢᬶᬫᬄᬦᬸᬗ᭄ᬕᬶᬮ᭄᭞ᬲᬾᬢ᭄ᬭᬧᬫᭂᬦᭂᬂᬳᬶᬭᬶᬓ᭞ᬲᬾᬢ᭄ᬭᬕᬦ᭄ᬥᬫᬬᬸᬫᬮᬶᬄ᭞ᬲ᭄ᬫᬰᬡᬤᬶ [ 42 ][᭔᭑ 41 B]
᭔᭑᭟
ᬢᬸᬦᬸᬗ᭄ᬕᬮ᭄᭞ᬘᬢᬸᬲ᭄ᬧᬣᬩ᭄ᬯᬶᬦ᭄ᬳᬩᭂᬲᬶᬓ᭄᭟᭐᭟᭘᭟ᬬᬦᬸᬦᬶᬂᬭᬶᬂᬳᬸᬮᬸᬧᬸᬳᬸᬦ᭄᭞ᬤᬶᬢᬸᬲᭂᬋᬧ᭄ᬳᬧᬂᬧᬗ᭄ᬕᬶᬄ᭞ᬫᬭᬶᬂᬲᬗ᭄ᬕᬄᬓᬩᬸᬬᬸᬢᬦ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬫᬦᬢᬓᬶᬦ᭄᭞ᬢᭂᬓᬦᬶᬂᬯᬶ
ᬦ᭄ᬢᬂᬢᬺᬕ᭄ᬕᬡᬢᬾᬚᬫᬶᬯᬄᬓᬶᬮᬢ᭄‌ᬢᬢᬶᬢ᭄᭟᭐᭟᭙᭟ᬰᬶᬯᬰᬶᬯᬤᬶᬢᬸᬫᬸᬗ᭄ᬕᬸᬄ᭞ᬩᬸᬤ᭄ᬥᬩᬸᬤ᭄ᬥᬶᬬᬬᬄᬩᬶᬩᬶ᭞ᬑᬁᬓᬵᬭᬫᬺᬢᬮᬩ᭄ᬫᬦ᭄ᬢ᭄ᬭ᭞ᬰ᭄ᬯᬮᬮᬶᬢᬫᭀᬤ᭄ᬭᬾᬤᬶᬦᬶ᭞ᬯ᭄ᬭᬾᬳᬲ᭄ᬢ᭄ᬭ
ᬧᬹᬚᬤᬾᬯ᭞ᬯᬘᬶᬕᬉᬱᬤ᭄ᬕᬢᬸᬗ᭄ᬕᬶᬮ᭄᭟᭐᭟ᬤᬶᬚᬢᭂᬓᬫᬮᬶᬄᬗᬭᬸᬭᬸᬄ᭞ᬓᭂᬫᬫᬳᬶᬓᬦ᭄ᬢᬶᬧᬮᬶᬂ᭞ᬕᭂᬮᬄᬚᬸᬫᬄᬳᬮᬶᬄᬮ᭄ᬯᬲ᭄᭞ᬢᬸᬬᬸᬄᬩᬦ᭄ᬜᬢᬦ᭄ᬧᬪᬸᬓ᭄ᬢᬶ᭞ᬯᬮᬸᬬᬫᭂᬢᬾ
ᬓᬶᬦ᭄ᬩᬶᬦ᭄ᬢᬂ᭞ᬓᭀᬤᬾᬦ᭄ᬤᬰᬲᬸᬩᬧᬮᬶᬂ᭟᭐᭟᭑᭑᭟ᬫᬵᬦᬸᬱᬦᬾᬧᬶᬦᬶᬄᬮᬸᬳᬸᬃ᭞ᬤᬾᬯᬪᬝᬭᬦᬢᬓᬶᬦ᭄᭞ᬕᭂᬦ᭄ᬢᭀᬳᬤᬶᬧᬮᬶᬗ᭄ᬕᬶᬳᬦ᭄᭞ᬲᬹᬃᬬ᭄ᬬᬘᬦ᭄ᬤ᭄ᬭᬯᬶᬦ᭄ᬢᬂᬫᬮᬶᬄ᭞ᬩ᭄ᬭᬵᬳ᭄ᬫ
[᭔᭒ 42 A]
ᬯᬶᬱ᭄ᬡᬸᬮᬦᬶᬰ᭄ᬯᬭ᭞ᬳᭂᬦ᭄ᬢᬶᬫᬸᬓ᭄ᬬᬦᬶᬂᬧᬢᬶᬄ᭟᭐᭟᭑᭒᭟ᬲᬓᬢᬄᬚᬦ᭄ᬫᬦᬾᬩᬶᬗᬸᬂ᭞ᬢᬢᬓᬦᬾᬲᭂᬫ᭄ᬩᬄᬫᬮᬶᬄ᭞ᬩᬸᬤᬸᬄᬳᬾᬤᬦ᭄ᬢᭀᬳᬤᬦ᭄ᬜ᭞ᬫᬲᬾᬧᬦ᭄ᬲᬾᬧᬦ᭄ᬦᬸᬫᬤᬶ᭞ᬗᬸᬮᬄ
ᬢᬸᬳᬸᬦ᭄ᬲᬸᬃᬬ᭄ᬬᬓ᭄ᬲᬸᬃᬬᬓ᭄᭞ᬲᭀᬓ᭄ᬮᬶᬬᬸᬳᬚᬓ᭄ᬗᬤᬦᬶᬦ᭄᭟᭐᭟᭑᭓᭟ᬤᬶᬯᬭᬶᬕᬦᬾᬲᬶᬦᬄᬫᬸᬗ᭄ᬕᬸᬄ᭞ᬚᬦ᭄ᬫᬦᬾᬲᬫᬶᬯᬸᬲ᭄ᬧᬮᬶᬂ᭞ᬭᬶᬂᬓᬵᬮᬗᬶᬢᬸᬂᬤᬾᬯᬰ᭞ᬫᬓᭂᬚᬂᬲᬮᬶᬂᬮᬶᬗ᭄ᬕᬦᬶ
ᬦ᭄᭞ᬗᬓᬸᬯ᭄ᬭᬸᬄᬭᬶᬂᬢᬢ᭄ᬯᬶᬬᬦ᭄᭞ᬜᬶᬄᬦᬬᬂᬤᬶᬦᬳᬮᬩᭂᬘᬶᬓ᭄᭟᭐᭟᭑᭔᭟ᬓᬵᬮᬮ᭄ᬯᬗᬾᬧᬸᬦᬶᬓᬸ᭞ᬋᬓᬾᬢᬦ᭄ᬯᭂᬦᬂᬳᬫ᭄ᬩᬳᬶᬦ᭄᭞ᬲᬮ᭄ᬯᬶᬭᬶᬂᬓᬃᬬ᭄ᬬᬦᬗᬸᬦᬂ᭞ᬗᬹᬤᬧᬮᬶᬂᬧᬢᬶᬮᬶ
ᬧ᭄ᬮᬶᬧ᭄᭞ᬓᬵᬮᬮ᭄ᬯᬂᬧᬶᬢᭂᬕᭂᬲ᭄ᬜ᭞ᬓᬵᬮᬧᬸᬦᬶᬓᬧᬸᬦᬧᬶ᭟᭐᭟᭑᭕᭟ᬓᬵᬮᬲᬥᭂᬓ᭄ᬳᬃᬣᬶᬦᬶᬧᬸᬦ᭄᭞ᬮ᭄ᬯᬂᬫᭂᬗᬲᬫᬺᬢᬶ᭞ᬲᭂᬥᭂᬂᬫᭂᬗᬧᬸᬦᬂᬤᬮᬦ᭄᭞ᬪᭀᬬᬓᬾᬧᬸᬦᬶᬓᬩᭂᬘᬶ᭠ [ 43 ][᭔᭒ 42 B]
᭔᭒᭟
ᬓ᭄᭞ᬬᬾᬦᬶᬂᬫᬶᬦᭂᬩ᭄ᬧᬸᬦᬂᬤᬮᬦ᭄᭞ᬩᬓᬮ᭄ᬓᬸᬤ᭄ᬬᬂᬫᬗᬫ᭄ᬩᬳᬶᬦ᭄᭟᭐᭟᭑᭖᭟ᬦᬶᬓᬘᬶᬭᬶᬦ᭄ᬮᬶᬦ᭄ᬢᬂᬩᬸᬗᬸᬂ᭞ᬯᬾᬦ᭄ᬢᭂᬦ᭄ᬧᬘᭂᬓᭂᬢ᭄ᬜᬫᬮᬶᬄ᭞ᬯᬗ᭄ᬲᬶᬢ᭄ᬢᬸᬗ᭄ᬕᬮ᭄ᬦᬾᬯ᭄ᬭᬸᬳ᭞ᬢᬦᬦᬳᬸᬦᬶ
ᬗᬫᬮᬶᬄ᭞ᬫᬓᬧᬘᬢᬸᬦᬶᬂᬪᬸᬯᬦ᭞ᬧᬸᬦᬶᬓᬋᬲᭂᬧ᭄ᬤᬶᬳᬢᬶ᭟᭐᭟᭑᭗᭟ᬗᬹᬤᬤᬾᬯᬩᬸᬯᬶᬦ᭄ᬢᬦ᭄ᬤ᭄ᬭᬸᬄ᭞ᬫᬗᬮᬶᬄᬤᬾᬯᬲᬸᬚᬵᬢᬶ᭞ᬫᬵᬦᬸᬱᬦᬾᬚᬵᬢᬶᬤᬾᬯ᭞ᬦᬗ᭄ᬳᬶᬂᬢᬾᬬᬦ᭄ᬚᬵᬢᬶ
ᬳᬸᬦᬶᬂ᭞ᬢᭂᬕᭂᬲᬶᬂᬭᬵᬕᬲᬭᬷᬭ᭞ᬤᬾᬯᬪᬝᬭᬮᬦ᭄ᬯᬶᬥᬶ᭟᭐᭟᭑᭘᭟ᬫᬓᬢᭂᬕᭂ᭠ᬲᬶᬂᬧᬘᬢᬸ᭞ᬦ᭄ᬢᭀᬪᭀᬬᬳᬸᬮᬶᬳᬶᬂᬳᬚᬶ᭞ᬧᬶᬫᬶᬓᬫᬓᬤᬗᬦ᭄᭞ᬫᬶᬓᭂᬦᭀᬳᬶᬦ᭄ᬪᬯᬦ᭠
ᬳᬮᬶᬢ᭄᭞ᬦᬗ᭄ᬳᬶᬂᬚᬵᬢᬶᬦᬶᬂᬢᭀᬂᬢᬯᬂ᭞ᬲᬵᬓ᭄ᬓᬾᬯᬮᬫᬫᬸᬗ᭄ᬕᬸᬗᬶᬦ᭄᭟᭐᭟᭑᭙᭟ᬤᬶᬧᬶᬥᬃᬣᬦ᭄ᬜᬦᬾᬫᬸᬗ᭄ᬕᬸᬄ᭞ᬫᬭᬶᬂᬯᬭᬶᬕᬦᬾᬫᬮᬶᬄ᭞ᬳᬦᬢᬤᬾᬯᬳᬗ᭄ᬮᬬᬂ᭞ᬢ
[᭔᭓ 43 A]
ᬦ᭄ᬧᬬᬬᬄᬢᬦ᭄ᬧᬩᬶᬩᬶ᭞ᬲᬂᬳ᭄ᬬᬂᬮᬶᬘᬶᬦ᭄ᬧᬭᬩ᭄ᬳᬶᬤ᭞ᬫᬬᭀᬕᬳᬶᬤᬲᬲᬳᬶ᭟᭐᭟᭒᭐᭟ᬢᬸᬗ᭄ᬕᬮ᭄ᬦᬾᬫᬗ᭄ᬓᬶᬦᬸᬫᭂᬢᬸ᭞ᬲᬂᬳ᭄ᬬᬂᬏᬓᬚᬮᬃᬱᬶ᭞ᬧᬸᬦᬶᬓᬫᬮᬶᬄᬫᬬᭀᬕ᭞ᬭᭀᬭᭀ
ᬓᬫᬫᬮᬶᬄᬫᬶᬚᬶᬮ᭄᭞ᬭᬯᬸᬓᬾᬢᬸᬳᬭᬦᬶᬓ᭞ᬩ᭄ᬭᬵᬳ᭄ᬫᬯᬶᬱ᭄ᬡᬸᬫᬗ᭄ᬭᬕᬦᬶᬦ᭄᭟᭐᭟ᬲᬂᬳ᭄ᬬᬂᬓᬾᬢᬸᬲᬳᬲᬸᬧ᭄᭞ᬗᬤᬓᬂᬓᬵᬮᬦᬾᬰᬓ᭄ᬢᬶ᭞ᬤᬾᬦᬶᬂᬳᬶᬤᬫᬵᬯᬓ᭄ᬫᭂᬗ᭞ᬤ᭄ᬯᬭᬤᬮ
ᬦ᭄ᬫᬫ᭄ᬧᬦ᭄ᬲᬫᬶ᭞ᬳ᭄ᬬᬂᬲᬹᬃᬬ᭄ᬬᬲᭂᬥᭂᬂᬧᬺᬪᬢ᭞ᬜᬸᬦ᭄ᬤᬭᬶᬦ᭄ᬚᬕᬢᬾᬲᬫᬶ᭟᭐᭟᭒᭒᭟ᬫᬵᬤᬦ᭄ᬱᬹᬃᬡᬫᬦᬶᬂᬢᬸᬳᬸ᭞ᬧᬸᬦᬶᬓᬳᬫ᭄ᬩᬄᬢ᭄ᬯᬄᬩᭂᬘᬶᬓ᭄᭞ᬲᬮ᭄ᬯᬶᬃᬯᬾᬦ᭄ᬢᭂᬦ᭄ᬲᬫᬶᬮᬷᬮ᭞ᬲᬭᬷ
ᬦᬶᬂᬤᬾᬯᬰᬩᭂᬘᬶᬓ᭄᭞ᬭᬶᬂᬧᬹᬃᬡᬫᬩᬸᬮᬦ᭄ᬓᭂᬧᬗᬦ᭄᭞ᬭᬯᬸᬓᬾᬢᬸᬩᬋᬂᬫᬶᬚᬶᬮ᭄᭟᭐᭟᭒᭓᭟ᬳᬮᬬᬦ᭄ᬳᭂᬜ᭄ᬚᬓᬶᬦ᭄ᬤᬶᬢᬸ᭞ᬢᬦ᭄ᬯᭂᬦᬂᬧᬶᬲᬦ᭄ᬳᬫ᭄ᬩᬳᬶᬦ᭄᭞ᬲᬓᬃᬬᬳᬮᬓᭀ [ 44 ][᭔᭓ 43 B]
᭔᭓᭟
ᬚᬃᬦ᭄ᬬ᭞ᬓᬾᬢᭀᬤᬾᬯᬳᬾᬮᬶᬂᬳᬾᬮᬶᬂ᭞ᬳᭂᬤᬳᬫ᭄ᬧᬄᬫᬭᬭᬱᬦ᭄᭞ᬢᬶᬫ᭄ᬩᬂᬢᬶᬫ᭄ᬩᬗᬂᬤᬶᬳᬢᬶ᭟᭐᭟᭒᭔᭟ᬬᬦ᭄ᬭᬯᬸᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬗᬤᬓᬂᬤᬾᬯᬦᬾᬰᬓ᭄ᬢᬶ᭞ᬫᬵ
ᬯᬓ᭄ᬲᬶᬧᬢ᭄ᬢᬸᬯᬶᬳᬶᬤ᭞ᬳᬮᬦᬶᬂᬤᬾᬯᬰᬲᬫᬶ᭞ᬢᬦ᭄ᬯᭀᬕ᭄ᬬᬳᬶᬗᬫ᭄ᬩᬳᬦ᭄᭞ᬲᬭᬚᬓᬃᬬᬢᬦ᭄ᬤᬤᬶ᭟᭐᭟᭒᭕᭟ᬢᬶᬍᬫ᭄ᬢᭀᬲᬸᬚᬵᬢᬶᬦᬶᬧᬸᬦ᭄᭞ᬧᬸᬦᬶᬓᬤᬾᬯᬤᬫᬶᬧᬶᬢ᭄᭞ᬳᭂ
ᬦ᭄ᬢᭀᬧᬥᬮᬯᬦᬧᬲᬄ᭞ᬢᬦ᭄ᬯᭂᬦᬂᬦᬶᬓᬫᬃᬕᬶᬦᬶ᭞ᬧ᭄ᬭᬡᬶᬦᬾᬯᬦ᭄ᬢᬄᬫᬥ᭄ᬬᬧᬸᬶᬂ᭞ᬳᬮᬳᬬᬸᬧᬥᬫᬶᬲᬶ᭟᭐᭟ᬧᬸᬧᬸᬄᬥᬂᬥᬂ᭟᭐᭟᭑᭟ᬥᬂᬥᬂᬕᭂᬦ᭄ᬥᬶᬲ᭄᭞ᬗ᭄ᬕᬾᬦ᭄ᬢᬶᬢ᭄ᬬᬂᬫ
ᬜᬫ᭄ᬩᬗᬶᬦ᭄᭞ᬫᬦᬸᬢᬸᬕᬂ᭞ᬢᬶᬗ᭄ᬓᬳᬾᬫᬬᬚ᭄ᬜ᭞ᬧᬢᭂᬫᭀᬦ᭄ᬮᬦᬂᬳᬶᬲ᭄ᬢ᭄ᬭᬶᬦᬾᬲᬦᬾᬗᬯᬾᬭᬳᬬᬸ᭞ᬧᬸᬢ᭄ᬭᬰᬰᬡᬫᬦᬤᬶ᭞ᬩᭂᬘᬶᬓ᭄ᬢᭂᬕᭂᬫᬬᬚ᭄ᬜ᭞ᬳᬚ᭄ᬜᬵᬦ᭠
[᭔᭔ 44 A]
ᬇᬥᭂᬧᬾᬇᬓᬸ᭞ᬬᬦ᭄ᬲᬸᬩᬯᭂᬢᬸᬦᬶᬂᬫᬦᬄ᭞ᬫᬲᬗ᭄ᬕᬫ᭞ᬧᭂᬢᬾᬓ᭄ᬋᬲᭂᬧᬂᬤᬶᬳᬢᬶ᭞ᬳᬧᬂᬳᭂᬤᬫᬾᬥᬲ᭄ᬫᬭ᭄᭟᭐᭟ᬳᬦᬲᬢ᭄ᬯᬦ᭄ᬜᬦᬾᬳᬦ᭄ᬢᬸᬓ᭄ᬫᬸᬓ᭄ᬢᬶ᭞ᬲᬃᬯᬤᬾᬯ᭞ᬬᬾᬦᬶᬂᬫ
ᬲᬗ᭄ᬕᬫ᭞ᬬᬦ᭄ᬯᭂᬦᬂᬭᬶᬂᬲ᭄ᬯᬃᬕᬦᬾ᭞ᬭᬶᬂᬳᬮᬲ᭄ᬧᬥᬢᬸᬫᬸᬭᬸᬦ᭄᭞ᬲᬫᬺᬢᬦ᭄ᬜᬦᬾᬳᬮᬶᬄ᭞ᬳᬧᬦᬾᬫᬵᬤᬦ᭄ᬤᬾᬯ᭞ᬳᬮᬸᬲ᭄ᬧᬸᬦᬶᬓᬳᬶᬧᬸᬦ᭄᭞ᬦᬶᬓᬢᬓᭀᬦᬂᬧᬂᬢᬯᬂ᭞ᬤᬾᬦᬶᬂᬳᭂᬦ᭄ᬢᭀ᭞
ᬢᬢ᭄ᬯᬬᬦ᭄ᬜᬦᬾᬚᬵᬢᬶ᭞ᬳᭂᬤᬫᭀᬬᬦᬶᬦ᭄ᬢᭀᬢᭀᬦᬦ᭄᭟᭐᭟᭓᭟ᬲᬂᬅᬃᬚᬸᬡᬧᬯᬓᬦ᭄ᬫᬵᬦᬸᬱᬰᬓ᭄ᬢᬶ᭞ᬲᬂᬗ᭄ᬓᬦ᭄ᬯᭂᬦᬂ᭞ᬤᬶᬢᬸᬤᬶᬲ᭄ᬯᬃᬕᬦ᭄᭞ᬩ᭄ᬯᬢ᭄ᬫᬫᬲᬂᬕᬫᬦᬾ᭞ᬭᬶᬂᬤᬾᬯᬶᬲᬸ
ᬧ᭄ᬭᬪᬳᬲᬸᬂ᭞ᬫᬧᬸᬢ᭄ᬭᬚᬕᬢ᭄ᬓᬭᬡᬷ᭞ᬳᭂᬦ᭄ᬢᭀᬧᬶᬦᭂᬳᬂᬤᬶᬭᬵᬕ᭞ᬳᭂᬗ᭄ᬓᬾᬦ᭄ᬳᭂᬦ᭄ᬢᭀᬫᬮᬸᬗ᭄ᬕᬸᬄ᭞ᬳᬗᭀᬩ᭄ᬳᬶᬤᬲᬂᬅᬃᬚᬸᬦ᭞ᬳᭂᬜᬾᬦ᭄ᬲᬸᬧ᭄ᬭᬪ᭞ᬚᬕᬢ᭄ᬓᬭᬡᬷᬢᬸᬯᬶ᭞ᬲᬗ᭄ᬓᬦ᭄ᬜ [ 45 ][᭔᭔ 44 B]
᭔᭔᭟
ᬫᬦᬤᬶᬲᬢ᭄ᬯ᭟᭐᭟᭔᭟ᬫᬗ᭄ᬓᬶᬦ᭄ᬢᬶᬢ᭄ᬬᬗᬜ᭄ᬚᭂᬗᬂᬳᬓᬶᬥᬶᬓ᭄᭞ᬲᬫᬺᬢᬶᬦ᭄ᬜ᭞ᬲᬸᬧ᭄ᬭᬪᬧᬸᬦᬶᬓ᭞ᬲᬦᬾᬍᬯᬶᬄᬧᬶᬢᭂᬲ᭄ᬦᬾ᭞ᬧ᭄ᬭᬕᬬᬦ᭄ᬳᬚ᭄ᬜᬵᬦᬧᬸᬢᬸᬲ᭄᭞ᬓᬾᬢᭀᬤᬾᬯᬦᬾᬲᬸ
ᬚᬵᬢᬶ᭞ᬗ᭄ᬳᬶᬂᬳᬭᬂᬯᭀᬂᬯᬶᬓᬦ᭄᭞ᬧᭂᬢᬾᬓ᭄ᬧᭂᬢᬾᬓᬶᬦ᭄ᬤᬓᬳ᭄ᬬᬸᬦ᭄᭞ᬳᭂᬤᬗᬯᬕ᭄ᬳᬯᬕ᭄ᬧᭂᬲᬦ᭄᭞ᬮᬶᬬᬸᬲᬢ᭄ᬯ᭞ᬦᬗ᭄ᬳᬶᬂᬢᬾᬬᬢᬦ᭄ᬧᬪᬸᬓ᭄ᬢᬶ᭞ᬩᬓᬮ᭄ᬳᬧᬲᬶᬄᬢᭀᬢᭀᬦᬦ᭄
᭟᭐᭟᭕᭟ᬲᬂᬲᬸᬕ᭄ᬭᬶᬯᬲᬂᬲᬸᬩᬮᬶ᭞ᬢᭀᬲᬢ᭄ᬯᬬᬂ᭞ᬢᬗ᭄ᬓᬄᬜᬦᬾᬓᭀᬘᬧ᭄᭞ᬫᬢᭂᬫᬸᬮᬯᬦ᭄ᬳᬶᬲ᭄ᬢ᭄ᬭᬷᬦᬾ᭞ᬲᬸᬕ᭄ᬭᬶᬯᬦᬧᬶᬧᬸᬦᬶᬓᬸ᭞ᬢᭂᬕᭂᬲᬂᬧᬶᬲᬦ᭄ᬧᬶᬦᭂᬳᬶᬦ᭄᭞ᬳᭂᬦ᭄ᬢᭀ
ᬬᬫᬵᬯᬓ᭄ᬧ᭄ᬭᬫᬡ᭞ᬲᬸᬩᬮᬶᬧᬱ᭄ᬝᬧᬸᬦᬶᬓᬸ᭞ᬲᬗ᭄ᬓᬦ᭄ᬗᬫᭀᬂᬧᬜ᭄ᬘᬭᭀᬡ᭞ᬳᬚᬶᬦᬶᬭ᭞ᬳᬾᬗ᭄ᬕᬮ᭄ᬳᬶᬤᬸᬧ᭄ᬳᬾᬗ᭄ᬕᬮ᭄ᬫᬢᬶ᭞ᬲᬂᬅᬗ᭄ᬕᬥᬳᬯᬓ᭄ᬦᬶᬭ᭟᭐᭟᭖᭟ᬳᬶᬲᬸ
[᭔᭕ 45 A]
ᬩᬮᬶᬯᬶᬯᬾᬓᬗᬭᬜ᭄ᬚᬶᬂ᭞ᬭᬶᬂᬓᬶᬲ᭄ᬓᭂᬦ᭄ᬥ᭞ᬕᬸᬳᬫᬉᬢ᭄ᬢᬫ᭞ᬤᬸᬦᬾᬸᬶᬂᬯᬦ᭄ᬲᬂᬳᬬᬸᬳᬶᬲ᭄ᬢ᭄ᬭᬶᬦᬾ᭞ᬫᬾᬱᬰᬹᬭᬘᬶᬧ᭄ᬢᬦᬶᬂᬮᬸᬄ᭞ᬤᬾᬦᬶᬂᬢᬦ᭄ᬳᬋᬧᬸᬫᬶᬚᬶᬮ᭄᭞ᬧ᭄ᬭᬗᬾᬭᬶᬂᬢᭂᬗᬄᬕᬸᬳ᭞
ᬧᬥᬬᬲᬮᬶᬂᬕᬸᬮᬸᬂ᭞ᬲᬦ᭄ᬲᬵᬫ᭄ᬧᬸᬦ᭄ᬧᭂᬚᬄ᭞ᬫᬾᬱᬰᬹᬭ᭞ᬫᬸᬜ᭄ᬘ᭄ᬭᬢ᭄ᬭᬄᬦ᭄ᬬᬉᬫᬶᬚᬶᬮ᭄᭞ᬲᬸᬕ᭄ᬭᬶᬯᬫᬦᭂᬓᭂᬧ᭄ᬕᬸᬳ᭟᭐᭟᭑᭟ᬳᭂᬦ᭄ᬢᭀᬬᬚ᭄ᬜᬫᬗ᭄ᬓᬶᬦ᭄ᬫᬯᬮᬶᬦᬶᬦ᭄᭞ᬦ᭄ᬢᭀ᭠
ᬮᬦ᭄ᬢᬸᬭᬂ᭞ᬬᬦᬶᬂᬫᬲᬗ᭄ᬕᬫ᭞ᬢᬦ᭄ᬯᭂᬦᬂᬭᬶᬂᬭᬳᬶᬡᬦᬾ᭞ᬭᬳᬶᬡᬧᬶᬢᭂᬕᭂᬲᬶᬧᬸ᭠ᬦ᭄᭞ᬓᬓᬮᬶᬄᬧᬸᬦᬂᬲᬫᬺᬢᬶ᭞ᬳᬲᬶᬓᬶᬭᬳᬶᬡᬍᬫᬄ᭞ᬍᬫᬄᬢᬦᬄᬢᭂᬕᭂᬲᬶᬧᬸᬦ᭄᭞
ᬳᬶᬭᬶᬓᬢᬦ᭄ᬓᬯᬦᬗᬂ᭞ᬫᬲᬗ᭄ᬕᬫ᭞ᬦᬶᬓᬤᬾᬯᬫᬗ᭄ᬤᬳᬾᬮᬶᬂ᭞ᬳᭂᬤᬜᬢᭀᬧᬸᬦᬂᬓ᭄ᬭᬫ᭟᭐᭟᭘᭟ᬢᭂᬕᭂᬲᬶᬂᬭᬳᬶᬡᬫᬮᬶᬄ᭞ᬦ᭄ᬢᭀᬭᬯᭀᬲᬂ᭞ᬭᬄᬳᬾᬢᭂᬕᭂᬲᬂ᭞᭠ [ 46 ][᭔᭕ 45 B]
᭔᭕᭟
ᬕᭂᬢᬶᬄᬳᬭᬦᬶᬓᬲᬸᬶᬫᬸᬶᬚᬢᬶ᭞ᬭᬳᬶᬡᬢᭂᬕᭂᬲᬶᬂᬍᬫᬄ᭞ᬧᬸᬦᬶᬓᬓ᭄ᬭᬡᬢᬦ᭄ᬓᬾᬗᬶᬦ᭄᭞ᬫᬲᬗ᭄ᬕᬫᬓᬵᬮᬘᬫᬄ᭞ᬥᬢ᭄ᬓᬘᬦ᭄ᬥᬮᬦᬶᬧᬶᬦ᭄᭞ᬤᬤᬶᬕ᭄ᬭᬶᬂᬳᬮᬧᬶᬲᬦ᭄᭞ᬧᬸᬢ᭄ᬭᬘᬘᬤ᭄᭞ᬭᬶᬂᬢᬶᬍ
ᬫ᭄ᬢᬍᬃᬢᬦ᭄ᬓᬾᬗᬶᬦ᭄᭞ᬢᬶᬍᬫ᭄ᬢᬢᬶᬕᬢᭂᬕᭂᬲ᭄ᬦ᭄ᬬ᭟᭐᭟᭑᭟ᬓᬧᬶᬲᬦ᭄ᬢᭂᬕᭂᬲᬶᬂᬢᬶᬍᬫ᭄ᬲᬚᬢᬶ᭞ᬳᭂᬦ᭄ᬢᭀᬋᬲᭂᬧᬂ᭞ᬫᬸᬮᬲᬄᬢᬸᬗ᭄ᬕᬮ᭄᭞ᬧᬥᬧᬸᬍᬲ᭄ᬲ᭄ᬫᬭᬦᬾ᭞ᬲ᭄ᬫᬭᬦᬾᬧᬸᬍᬲ᭄ᬤᬸᬦ᭄ᬤᬸᬦ᭄᭞ᬧᬸᬦᬶᬓ
ᬧᬢᬹᬢ᭄ᬧ᭄ᬭᬗᬶᬦ᭄᭞ᬳᭂᬦ᭄ᬢᭀᬳᬮᬬᬦᬫ᭄ᬩᬄ᭞ᬓᬧᬶᬂᬓᬮᬶᬄᬍᬲᬸ᭞ᬧᬸᬦᬶᬓᬫᬵᬤᬦ᭄ᬮᬶᬧ᭄ᬬ᭞ᬓᬧᬶᬂᬢᬶᬕ᭞ᬲᬂᬲᬓᬶᬢ᭄ᬳᬗ᭄ᬕᬸᬕᬸᬮᬶᬦ᭄᭞ᬬᬤ᭄ᬬᬦ᭄ᬢᭀᬢ᭄ᬯᬭᬓᬢᬸᬮᬓ᭄᭟᭐᭟᭑᭐᭟ᬧᬸᬢ᭄ᬭ
ᬰᬰᬡᬦᬾᬳᬮᬶᬄ᭞ᬬᬦ᭄ᬢᬸᬯᬓᬂ᭞ᬓᬮᬶᬄᬧᬶᬢᭂᬕᭂᬲ᭄ᬦ᭄ᬬ᭞ᬓᬧᬶᬲᬦ᭄ᬳᬕᭂᬫ᭄ᬧᬸᬢ᭄ᬭᬦᬾ᭞ᬢᬢᬓ᭄ᬭᬫᬥᬃᬫᬲᬥᬸ᭞ᬢ᭄ᬯᬭᬮᬗ᭄ᬕ᭄ᬬᬭᬵᬫᬳᬚᬷ᭞ᬓᬧᬶᬂᬭᭀᬧᬶᬢᭂᬕᭂᬲ᭄ᬦ᭄ᬬ᭞ᬭᬶᬂᬲᬸᬯᬸᬤᬦ᭄ᬫᬵᬯᬓ᭄ᬲ
[᭔᭖ 46 A]
ᬥᬸ᭞ᬧᬸᬢ᭄ᬭᬧᬸᬦᬶᬓᬧᬯᬶᬢ᭄ᬭ᭞ᬳᭂᬦᬶᬂᬳᬚ᭄ᬜᬵᬦ᭞ᬳᬕᭂᬫᬕᭂᬫ᭄ᬧᬸᬦᬶᬓᬶ᭞ᬫᬭᬵᬕᬇᬕᬫᬢᬷᬃᬣ᭟᭐᭟᭑᭑᭟ᬓᬍᬯᬶᬳᬦ᭄ᬜᬢᭂᬕᭂᬲᬶᬂᬕᬫᬚᬵᬢᬶ᭞ᬧᬢᬶᬢᬶᬲᬂ᭞ᬬᬦ᭄ᬚᬢᬶᬰᬰᬡ᭞ᬦᬗ᭄ᬳᬶᬂ
ᬓᬾᬯᬸᬄᬧᬗᬕᬫᬾ᭞ᬬᬚ᭄ᬜᬧᬶᬦᭂᬄᬧᬗᬋᬧᬶᬧᬸᬦ᭄᭞ᬤᬾᬦᬶᬂᬩᬓᬮ᭄ᬫᬦᬸᬫᬶᬢᬶᬲ᭄᭞ᬫ᭠ᬦᬸᬫᬶᬢᬶᬲ᭄ᬳᬧᬂᬫᭂᬮᬄ᭞ᬤᬾᬦᬶᬂᬬᬳᬶᬩᬧᬳᬶᬩᬸ᭞ᬳᭂᬦ᭄ᬢᭀᬲᬦᬾᬫᬧ᭄ᬭᬬᬗᬦ᭄᭞ᬦᭀᬭᬮᬾᬦ
ᬦ᭄᭞ᬓᬤᬾᬦ᭄‌ᬬᬳᬶᬓᬓᬶᬓᬸᬫ᭄ᬧᬶ᭞ᬦᬾᬦᬾᬫᬢᬶᬮᬯᬲ᭄ᬮᬯᬲ᭄᭟᭐᭟᭑᭓᭟ᬦᬗ᭄ᬳᬶᬂ᭠ᬚᬵᬢᬶᬬᬳᬶᬓᬓᬶᬓᬸᬫ᭄ᬧᬶ᭞ᬫᬧ᭄ᬯᬬᬗᬦ᭄᭞ᬳᬶᬤᭀᬸᬶᬂᬤᬵᬂᬳᭂᬧᭂᬓᬓ᭄᭞ᬦᬸᬫᬶᬢᬶᬲ᭄ᬤᬤᬶᬧ᭄ᬬᬦ
ᬓᬾ᭞ᬦᬗ᭄ᬳᬶᬂᬢᭀᬢᬓᭀᬦᬂᬫᬮᬸ᭞ᬳᭂᬗ᭄ᬓᬾᬦ᭄ᬓᬦᬶᬳᭂᬗ᭄ᬓᬾᬦ᭄ᬓᬸᬫ᭄ᬧᬶ᭞ᬳᭂᬗ᭄ᬓᬾᬦ᭄ᬤᬤᭀᬂᬳᭂᬗ᭄ᬓᬾᬦ᭄ᬧᭂᬓᬓ᭄᭞ᬲᭂᬥᭂᬂᬳᬯᬓᬾᬦᬸᬳᬶᬤᬸᬧ᭄᭞ᬳᭂᬦ᭄ᬢᭀᬳᬮᬶᬄᬳᬧᬂᬢᬯᬂ᭞ᬤᬾᬦᬶᬂᬳ [ 47 ][᭔᭖ 46 B]
᭔᭖᭟
ᬯᬓ᭄᭞ᬫᬮᬄᬳᬾᬗ᭄ᬕᬮ᭄ᬫᬗᬸᬕᭀᬦᬶᬦ᭄᭞ᬚᬕ᭄ᬗᬸᬕᬸᬫᬸᬜᬶᬦᬾᬗᬾᬗᬦ᭄᭟᭐᭟ᬧᬸᬧᬸᬄᬧᬸᬘᬸᬂ᭟᭐᭟᭑᭟ᬚᬦᬶᬧᬸᬘᬸᬂ᭞ᬜᬫ᭄ᬩᬸᬗᬶᬦ᭄ᬩᬯᭀᬲᬾᬩᬯᬸ᭞ᬢᬶᬗ᭄ᬓᬄᬫᬧ᭄ᬯᬬᬗᬦ᭄᭞ᬯᬬᬂ
ᬮᬯᬢ᭄ᬦ᭄ᬬᬲᬫᬺᬢᬶ᭞ᬲᬗ᭄ᬓᬦ᭄ᬯᭂᬭᬸᬄ᭞ᬜᬾᬦ᭄ᬫᬮᬯᬢ᭄ᬢᭀᬢᭀᬦᬦ᭄᭟᭐᭟᭒᭟ᬩᬧ᭠ᬳᬶᬩᬸ᭞ᬫᬮᬯᬢ᭄ᬫᬦᬤᬶᬲᬸᬓᬸ᭞ᬲᬗ᭄ᬓᬦ᭄ᬳᬤᬇᬚᬃ᭞ᬜᬸᬯᬂᬩᬧᬜᬸᬯᬂᬩᬶᬩᬶ᭞ᬲᬗ᭄ᬓᬦ᭄ᬧᬗᬸ
ᬲᬸᬲ᭄᭞ᬕᭀᬩᬦ᭄ᬫᬾᬫᬾᬦᬾᬮᬸᬲ᭄ᬧᬗ᭄ᬲᭂᬕᬂ᭟᭐᭟᭓᭟ᬍᬩᬶᬄᬮᬶᬬᬸ᭞ᬬᬾᬦᬶᬂᬫᬓᭂᬚᬂᬘᬭᬸᬓ᭄᭞ᬢᬶᬗ᭄ᬓᬄᬤᬤᬶᬚᬦ᭄ᬫ᭞ᬫᬓ᭄ᬭᬡᬲᬸᬫᬗ᭄ᬓᬶᬦ᭄ᬧᬮᬶᬂ᭞ᬬᬾᬦ᭄ᬓᬧᬢᬹᬢ᭄᭟ᬳᭂᬮᬾᬦᬶᬦ᭄ᬚ
ᬦᬶᬧᬗ᭄ᬭᬱ᭟᭐᭟᭔᭟ᬫᬮᬶᬄᬳᬶᬢᬸᬂ᭞ᬢᬶᬗ᭄ᬓᬄᬗᬩᬾᬦ᭄ᬚᬦᬶᬜᬮᬸᬓ᭄᭞ᬬᬾᬦᬵᬳᬶᬂ᭠ᬲᬸᬩᬧᭂᬚᬄ᭞ᬩᬗ᭄ᬓᬾᬦᬾᬤᬩ᭄ᬤᬩ᭄ᬩᬺᬲᬶᬳᬶᬦ᭄᭞ᬫᬱᬳᬬᬸ᭞ᬲᬂᬳᬶᬮᬂᬢ᭄ᬯᬭᬫᬦᬯᬂ᭟᭐᭟
[᭔᭗ 47 A]
᭕᭟ᬚᬦᬶᬢᬸᬭᬸᬄ᭞ᬕᭂᬮᬳᬾᬢᬸᬜ᭄ᬚᭂᬮ᭄ᬧᬂᬮᬶᬬᬸ᭞ᬓᬤᬾᬦ᭄ᬢᭀᬗ᭄ᬭᬡᬬᬂ᭞ᬲᬂᬫᬢᬶᬫᬫᬗ᭄ᬕᬶᬄᬮᬸᬯᬶᬄ᭞ᬦᬸᬗ᭄ᬓᬧ᭄ᬫᬾᬭᬸ᭞ᬫᬾᬭᬸᬦᬾᬫᬢᬸᬫ᭄ᬧᬂᬲᭀᬮᬲ᭄᭟᭐᭟᭖᭟ᬲᬶᬧᭀᬓ᭄ᬲᬶ
ᬕᬸᬕ᭄᭞ᬗᬸᬤ᭄ᬬᬂᬩᬦ᭄ᬜᬩᭂᬮᭀᬕ᭄ᬢᬸᬳᬸ᭞ᬢ᭄ᬯᬭᬦᬯᬂᬳᬯᬓ᭄᭞ᬓᬩᬶᬓᬲ᭄ᬩᬦ᭄ᬤᬦ᭄ᬥᬘᬗ᭄ᬓᬶᬢ᭄᭞ᬤᬤᬶᬢᬸᬭᬸᬢ᭄᭞ᬓᭂᬦᭂᬳᬾᬓᬧ᭄ᬭᬩᬾᬬᬦ᭄᭟᭐᭟᭗᭟ᬘᬶᬘᬶᬦᬶᬧᬸᬦ᭄᭞ᬤᬬᬦᬾ
ᬫᬫᬶᬓᬲ᭄ᬳᬮᬸᬲ᭄᭞ᬬᬾᬦᬵᬳᬶᬂᬫᬢᬶᬫᬧ᭄ᬭᬂ᭞ᬦ᭄ᬢᭀᬓᭀᬘᬧ᭄ᬧᬮᬶᬂᬍᬯᬶᬄ᭞ᬲᬂᬳᬮᬫᬧᬸ᭠ᬲ᭄᭞ᬦᬸᬗ᭄ᬓᬧ᭄ᬲ᭄ᬯᬃᬕᬪᬯᬦ᭟᭐᭟᭘᭟ᬩᭀᬕ᭄ᬩᭀᬕ᭄ᬫᬳᬸᬓ᭄᭞ᬳᬯᬓ᭄ᬓᭂᬦᬤᬬᬳᬧᬸᬲ᭄᭞
ᬳᬧᬂᬜᬓ᭄ᬯᬦᬾᬦᬦ᭄᭞ᬗᬮᬳᬂᬫᬸᬲᬸᬳᬾᬰᬓ᭄ᬢᬶ᭞ᬳᬧᬂᬮᬶᬬᬸ᭞ᬲᬂᬧ᭄ᬭᬪᬸᬗᬮᬳᬂᬚᬕᬢ᭄᭟᭐᭟᭙᭟ᬬᬾᬦᬶᬂᬳᬶᬢᬸᬂ᭞ᬫᬢᬶᬫᬧ᭄ᬭᬂᬧᬸᬦᬶᬓᬸ᭞ᬫᬢᬶᬦᬾᬓᬧᬓ᭄ᬱ᭞ᬳᭂᬦ᭄ᬢᭀᬫᬵ [ 48 ][᭔᭗ 47 B]
᭔᭗᭟
ᬤᬦ᭄ᬲᬮᬄᬧᬢᬶ᭞ᬤᬶᬢᬸᬤᬶᬢᬸ᭞ᬤᬶᬚᬮᬦ᭄ᬚᬮᬦ᭄‌ᬬᬧᭂᬚᬄ᭟᭐᭟᭑᭐᭟ᬩᬗ᭄ᬓᬾᬦᬶᬧᬸᬦ᭄᭞ᬓᬓᬶᬲᬶᬤᬂᬩᬳᬦ᭄ᬳᬲᬸ᭞ᬳᭂᬦ᭄ᬢᭀᬓᭀᬘᬧ᭄ᬲ᭄ᬯᬃᬕ᭞ᬓᬥᬂᬩ᭄ᬭᬬᬢᭀᬂᬦᭂᬧᬸᬓᬶᬦ᭄᭞
ᬧ᭄ᬬᬦᬓ᭄ᬘᬸᬘᬸ᭞ᬗᬹᬥᬓᬾᬢᭀᬦᬾᬉᬢ᭄ᬢᬫ᭟᭐᭟᭑᭑᭟ᬤᬶᬚᬮᬸᬳᬸᬂ᭞ᬫᬢᬶᬦᬾᬧᬕᬯᬾᬦ᭄ᬫᬸᬲᬸᬄ᭞ᬓᬩᭂᬤᬶᬮ᭄ᬓᬢᬸᬫ᭄ᬩᬓ᭄᭞ᬳᭂᬦ᭄ᬢᭀᬫᬵᬤᬦ᭄ᬤᬾᬭᬾᬂᬚᬜ᭄ᬚᬶ᭞ᬢᭀᬦ᭄ᬤᬾᬦ᭄ᬢᬸ
ᬢᬸᬕ᭄᭞ᬓ᭄ᬭᬡᬤᬤᬶᬦᬵᬭᬓ᭟᭐᭟᭑᭒᭟ᬢᭂᬕᭂᬲᬶᬧᬸᬦ᭄᭞ᬦᬾᬫᬵᬤᬦ᭄ᬦᬭᬓᬢᬸᬳᬸ᭞ᬦᬭᬓᬢ᭄ᬯᬶᬫᬵᬦᬸᬱ᭞ᬓ᭄ᬭᬡᬧᬸᬦᬶᬓᬢᭂᬕᭂᬲᬶᬦ᭄᭞ᬧᬢᬶᬦᬶᬧᬸᬦ᭄᭞ᬓᬕᬯᬾ
ᬤᬤᬶᬫᬵᬦᬸᬱ᭟᭐᭟᭑᭓᭟ᬳᭂᬦ᭄ᬢᭀᬢᬸᬤᬸᬄ᭞ᬦᬗ᭄ᬳᬶᬂᬢᭀᬬᬢᬸᬤᬸᬄᬳᬸᬕᬸᬕ᭄᭞ᬢᬳᬤᬗᬸᬲᬸᬳᬂ᭞ᬓᬡᬦᬾᬬᬤᬤᬶᬫᬢᬶ᭞ᬳᭂᬦ᭄ᬢᭀᬕᬸᬕᬸ᭞ᬳᭀᬭᬳᬗᬫᬢᬸᬲ᭄ᬯᬃ
[᭔᭘ 48 A]
ᬕ᭟᭐᭟ᬧᬸᬧᬸᬄᬥᬸᬃᬫ᭟᭐᭟ᬥᬸᬃᬫᬫᬦᬸᬢᬸᬕᬂᬓᬦ᭄ᬥᬦᬾᬳᬶᬩᬸᬲᬦ᭄᭞ᬗᬩᬾᬦᬾᬫᬮᬶᬄᬯᬮᬶᬦᬶᬦ᭄᭞ᬬᬦᬶᬂᬚᬦ᭄ᬫᬢᬶᬯᬲ᭄᭞ᬧᭂᬥᬲ᭄‌ᬬᬢᬸᬲᬶᬂᬜᬶᬤᬬᬂ᭞ᬗᬩᬾ᭠
ᬦᬂᬳᬶᬩᬸᬬᬸᬢ᭄ᬓᬸᬫ᭄ᬧᬶ᭞ᬤᬤᭀᬂᬳᬶᬧᭂᬓᬓ᭄᭞ᬦᬸᬤ᭄ᬬᬂᬫᬲᬶᬄᬋᬦ᭄ᬥᬄᬤᬤᬶ᭟᭐᭟᭒᭟ᬳᬦᬗᬩᬾᬦ᭄ᬢᬸᬲᬶᬂᬬᬧ᭄ᬭᬕᬢ᭄ᬜᭂᬓᬄ᭞ᬫᬓᬃᬬᬤᬶᬲᬗ᭄ᬕᬄᬫᬮᬶᬄ᭞ᬤᬾᬯᬬᬚ᭄ᬜᬯᬸ᭠
ᬲ᭄ᬧ᭄ᬭᬕᬢ᭄᭞ᬫᬮᬶᬄᬢᭂᬓᬾᬂᬪᬸᬢᬬᬚ᭄ᬜ᭞ᬗᬸᬥᬲᬳᬶᬳᬸᬬᬓ᭄ᬲᬓᬶᬢ᭄᭞ᬢᭀᬂᬢᬳᬾᬦ᭄ᬳᬶᬬᬢ᭄᭞ᬲᭂᬫᬸᬕ᭄ᬩᬗ᭄ᬲᭂᬮ᭄ᬢᬫ᭄ᬩᬶᬲ᭄ᬫᬢᬶ᭟᭐᭟᭓᭟ᬳᬤᬲᬶᬗ᭄ᬲᬮ᭄ᬢ᭄ᬯᬭᬜ
ᬦ᭄ᬧᬢᬸᬄᬫᬜᬫ᭞ᬫᬭᬭᬵᬫᬲᬳᬶᬧᬸᬯᬶᬓ᭄᭞ᬢᭂᬓᬫᬕᭀᬜ᭄ᬚᭀᬗᬦ᭄᭞ᬫᬗᬶᬢᬸᬗᬂᬕᭂᬮᬳᬾᬢᭂᬮᬲ᭄᭞ᬓᬬᬂᬘᬘᬶᬓ᭄ᬲᬸᬩᬩᬺᬱᬶᬄ᭞ᬦᬶᬃᬫᬵᬮ᭠ [ 49 ][᭔᭘ 48 B]
᭔᭘᭟
ᬧᬶᬲᬦ᭄᭞ᬢᬦ᭄ᬧᬕᬦ᭄ᬢᬸᬮᬦ᭄ᬜᬂᬳᬩᭂᬲᬶᬓ᭄᭟᭐᭟᭔᭟ᬳᭂᬦ᭄ᬢᭀᬲ᭄ᬯᬃᬕᬘ᭠ᬭᬜᬾᬦ᭄ᬢᭀᬳᬤᬦ᭄ᬜ᭞ᬲᬚᬯᬶᬦᬶᬂᬗ᭄ᬕᬯᬾᬲᬓᬶᬢ᭄᭞ᬢ᭄ᬯᬭᬗᬫᬄᬳᬫᬄ᭞ᬕᭂᬮᬳᬾ
ᬳᭀᬜᬂᬲᬦ᭄ᬥᬳᬂ᭞ᬳᬗ᭄ᬕᬾᬗ᭄ᬕᬸᬶᬂᬦ᭄ᬩᬾᬬᬦᬶᬦ᭄ᬲᬂᬮᬮᬶᬲ᭄᭞ᬚᬕ᭄ᬩᭂᬮᭀᬕ᭄ᬧᭂᬲ᭠ᬦ᭄᭞ᬢᭀᬂᬦᬯᬂᬳᬯᬓ᭄ᬓᬘᬗ᭄ᬓᬶᬢ᭄᭟᭐᭟᭕᭟ᬫᬢᬶᬩ᭄ᬯᬄᬫᬢᬶᬜᬸᬄᬳᬩᬸᬢ᭄ᬧᭂᬗᬾᬲᬦ᭄᭞
ᬢ᭄ᬯᬭᬤᬤᬶᬤᬫᬵᬥᬶᬦᬶᬦ᭄᭞ᬩᭂᬮᭀᬕ᭄ᬳᬚᬸᬫᬾᬗᬫ᭄ᬩᬄ᭞ᬢᬶᬗ᭄ᬓᬳᬾᬫᬪᬶᬦᬬᬦ᭄᭞ᬩᭂᬮᭀᬕ᭄ᬳᬚᬸᬫᬾᬢᬦ᭄ᬲᬶᬧᬶ᭞ᬫᬗᬯᬾᬯᬤᬄ᭞ᬫᬪᭀᬫᬫᬓᬭᬂᬳ
ᬲ᭄ᬢᬶ᭟᭐᭟᭖᭟ᬫᬮᬶᬄᬳᭂᬜᬾᬦ᭄ᬢᭀᬲᬦᬾᬓᬵᬩᬾᬦᬂ᭞ᬳᭂᬦ᭄ᬢᭀᬲᬸᬩᬢᬳᬾᬦ᭄ᬧᬗ᭄ᬕᬶᬄ᭞ᬢᬗ᭄ᬓᬳᬾᬤᬶᬲ᭄ᬯᬃᬕᬦ᭄᭞ᬗᬹᬥᬬᬳᬾᬦ᭄ᬤᬄᬧᬾᬮᬕᬂ᭞ᬩᭂᬮᬶᬬᬂ
[᭔᭙ 49 A]
ᬢᭀᬬᬳᬦᬹᬢ᭄ᬳᬚᬶ᭞ᬰᬶᬯᬢᬃᬧᬡ᭞ᬳᭂᬜᬾᬦ᭄ᬲᭂᬓᭂᬦ᭄ᬧᬘᬂᬦᬫ᭄ᬧᬶ᭟᭐᭟᭗᭟ᬓᬾᬦ᭄ᬓᬾᬦ᭄ᬫᬸᬜᬶᬦ᭄ᬢᬸᬶᬓᬸᬶᬫᬸᬶᬦᬸᬶᬦᬸᬶᬲᬸᬶ᭄᭞ᬶᬦ᭄ᬅᬢ᭄ᬫᬦᬾᬢᭂᬓᬫᬦᬸᬦᬲ᭄᭞ᬳᭂᬜᬾ
ᬦ᭄ᬲᬦᬾᬓᬢᬸᬦᬲᬶᬦ᭄᭞ᬳᭂᬜᬾᬦᬶᬤᬶᬳᬶᬦ᭞ᬗᬹᬥᬢ᭄ᬯᬭᬢᬳᬾᬦ᭄ᬢᬯᬂ᭞᭠ᬓᬮᬶᬄᬢ᭄ᬯᬭᬢᬳᬾᬦ᭄ᬧᬗ᭄ᬕᬶᬄ᭞ᬅᬢ᭄ᬫᬦᬾᬧᬵᬧ᭞ᬓᬮᬶᬗ᭄ᬓᬾᬦᬾᬲ᭄ᬯᬃᬕᬧᬗ᭄ᬕᬶᬄ᭟᭐᭟
᭘᭟ᬜᬾᬦ᭄ᬢᬳᬾᬦ᭄ᬫᬳᭀᬃᬣᬦᭂᬧᬸᬓᬶᬦ᭄ᬳᬢ᭄ᬫ᭞ᬓᬾᬦ᭄ᬓᬾᬦ᭄ᬕᭀᬩᬦ᭄ᬜᬦᬾᬚᬵᬢᬶ᭞ᬲᭂᬍᬫ᭄ᬳᬧᬩᬭᬓ᭄᭞ᬳᬧᬕᬥᬂᬓᬸᬦᬶᬂᬧᭂᬝᬓ᭄᭞ᬲᬗ᭄ᬓᬦ᭄ᬪᬶᬱᬳᬤᬫᬸᬜᬶ᭞ᬢᬾᬢᬾᬄᬗᭀᬭᬳᬂ
᭞ᬅᬢ᭄ᬫᬦᬾᬦᬸᬗ᭄ᬓᬧ᭄ᬲ᭄ᬯᬃᬕᬍᬯᬶᬄ᭟᭐᭟᭙᭟ᬲᬓᬶᬂᬗᬩᬾᬦ᭄ᬳᬯᬦᬦ᭄ᬅᬢ᭄ᬫᬦᬾᬲ᭄ᬯᬃᬕ᭞ᬳᭂᬦ᭄ᬢᭀᬳᭀᬫᭀᬂᬓᭀᬲᭀᬂᬲᬫᬶ᭞ᬩᬶᬩᬶᬦᬾᬗᬸᬘᬧᬂ᭞ᬢᭂᬓᬕᬫ᭄ᬧᬂᬫᬗᭀᬃ [ 50 ][᭔᭙ 49 B]
᭔᭙᭟
ᬣᬬᬂ᭞ᬢᬶᬢ᭄ᬬᬂᬦᬸᬦᬲᬂᬳᬓᬶᬥᬶᬓ᭄᭞ᬦᬾᬫᬵᬤᬦ᭄ᬅᬢ᭄ᬫ᭞ᬲᬶᬧᬢᬂᬫᬗ᭄ᬤᬲᬸᬚᬵᬢᬶ᭟᭐᭟᭑᭐᭟ᬬᬾᬦᬶᬂᬚᬦ᭄ᬫᬢᬫ᭄ᬩᭂᬢᬾᬫᬓᬵᬤᬶᬢᬶᬢ᭄ᬬᬂ᭞ᬮᬫᬸᬦ᭄ᬢ᭄ᬯᬭᬧᭂᬤᬲᬸᬦᬶᬂ᭞ᬢᭀᬩᬶ
ᬲᬗᭀᬫᭀᬗᬂ᭞ᬜᬫ᭄ᬩᬢ᭄ᬅᬢ᭄ᬫᬧᬵᬧᬲ᭄ᬯᬃᬕ᭞ᬗᬹᬥᬳᬫ᭄ᬧᬄᬳᬫ᭄ᬧᬄᬚᬵᬢᬶ᭞ᬳᬾᬗ᭄ᬕᭀᬦ᭄ᬩᬩᭂᬮᬜ᭄ᬚᬦ᭄᭞ᬳᬦᬓ᭄ᬢᭀᬲᬭᬷᬦᬶᬂᬳᭂᬦᬶᬂ᭟᭐᭟᭑᭑᭟ᬫᬸᬗ᭄ᬕ᭄ᬯᬶᬂᬳᬦᬧᬵᬧᬲ᭄ᬯᬃ
ᬕᬦᬾᬲᬢᬢ᭞ᬲᬕᭂᬦᬄᬕᭂᬦᬄᬓᬧᬗ᭄ᬕᬶᬄ᭞ᬳᬶᬥᬸᬧ᭄ᬤ᭄ᬬᬲ᭄ᬢᬸᬦ᭄ᬧᭂᬚᬄ᭞ᬳᬦᬓ᭄‌ᬬᬫᬸᬮᬢᬦ᭄ᬓᬾᬲᬄ᭞ᬤᭀᬂᬚᬮᬶᬬᬗᬾᬳᭂᬦ᭄ᬢᭀᬲᬳᬶ᭞ᬳᭀᬭᬳᬂᬲ᭄ᬯᬃᬕᬦ᭄᭞ᬦᬶᬓ
ᬕᬸᬶᬳᬦ᭄ᬫᬘ᭄ᬭᬶᬓ᭄ᬳᬤᬦᬶᬦ᭄᭟᭐᭟᭑᭒᭟ᬮᬫᬸᬳᬤᬳᬦᬓ᭄ᬜᬫ᭄ᬩᬢ᭄ᬮᬶᬬᬗᬾᬲ᭄ᬯᬃᬕ᭞ᬦᬶᬓᬚᬦ᭄ᬫᬫᭀᬧᬮᬶᬂ᭞ᬢ᭄ᬯᬭᬦᬯᬂᬳᬯᬓ᭄᭞ᬓᬮᬶᬗ᭄ᬓᬾᬰᬵᬲ᭄ᬢ᭄ᬭᬳᬤᬦ᭄ᬩᬵ
[᭕᭐ 50 A]
᭞ᬤᭀᬄᬧᬭᬧᬘᬂᬳᬸᬦᬶᬗᬶᬦ᭄᭞ᬳᬯᬓ᭄ᬢᭀᬂᬦᬯᬂ᭞ᬓᬮᬶᬂᬰᬵᬲ᭄ᬢ᭄ᬭᬦᬕᬶᬄᬳᬸᬦᬶᬂ᭟ᬧᬸᬧᬸᬢ᭟᭐᭟ᬇᬣᬶᬓᬶᬥᬸᬂᬓᬯᬶᬰ᭄ᬯᬭ᭟ᬧᬰ᭄ᬘᬢ᭄ᬲᬶᬦᬸᬭᬵᬢ᭄ᬭᬶᬂᬧᬬ᭞ᬭ᭞ᬢ᭞ᬚᬗ᭄ᬕᬧ᭠
ᬢᬶ᭞ᬓᬘᬫᬢᬦ᭄᭞ᬓᬪᬹᬧᬢᬾᬦ᭄ᬓᬭᬗᬲᭂᬫ᭄᭞ᬢᬗ᭄ᬕᬮ᭄᭞᭑᭙᭞ᬚᬸᬦᬶ᭞᭑᭙᭘᭒᭞ᬳᭀᬮᬄᬳᬶᬤᬳᬶᬤᬾᬯᬕ᭄ᬥᬾᬘᬢ᭄ᬭ᭟᭐᭟ᬭᭀᬦ᭄ᬢᬮ᭄ᬤᬶᬮ᭄ᬤ᭄ᬭᬸᬯᬾᬦ᭄᭞ᬳᬶᬜᭀ
ᬫᬦ᭄ᬓᬸᬲᬸᬫ᭞ᬩᬜ᭄ᬚᬃᬢᬫ᭄ᬧ᭄ᬯᬕᬦ᭄᭞ᬅᬫ᭄ᬮᬧᬸᬭ᭞ᬓᬘᬫᬢᬦ᭄ᬓᬭᬗᬲᭂᬫ᭄᭞ᬲᬦᬾᬦᭂᬤᬸᬦᬶᬦ᭄᭞ᬳᬶᬤᬳᬶᬤᬾᬯᬕ᭄ᬥᬾᬘᬢ᭄ᬭ᭞ᬚ᭄ᬭᭀᬓᬗᬶᬦᬦ᭄᭞ᬲᬶᬤᭂᬫᭂᬦ᭄᭞ᬓᬭᬗ
ᬲᭂᬫ᭄᭟ᬓᭂᬢᬶᬓ᭄᭞᭑᭓᭞ᬚᬸᬦᬶ᭞᭑᭙᭘᭒᭟ᬮᭀᬦ᭄ᬢᬃᬧᬸᬦᬶᬓᬶᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬭᬳᬶᬡ᭞ᬩᬸ᭞ᬧ᭄ᬯ᭞ᬯᬭᬫᭂᬤᬗ᭄ᬓᬸᬗᬦ᭄᭞ᬢᬗ᭄ᬕᬮ᭄᭞᭒᭓᭞ᬑᬓ᭄ᬢᭀᬩᭂᬃ᭞᭑ [ 51 ][᭕᭐ 50 B]
᭕᭐᭟
᭙᭘᭕᭟ᬓ᭄ᬱ᭄ᬫᬸᬶᬂ᭞ᬓ᭄ᬱᬫᬢᬶᬢ᭄ᬬᬂ᭞ᬳᬶᬯᬬᬦ᭄ᬲᬫ᭄ᬩ᭞ᬫᬕᭂᬦᬄᬭᬶᬂᬮᬶᬗ᭄ᬓᬸᬗᬦ᭄ᬕᬮᬶᬭᬦ᭄ᬓᬮᬾᬃ᭞ᬓᭂᬮᬸᬭᬳᬦ᭄ᬲᬸᬪᬕᬦ᭄᭞ᬓᬭᬗᬲᭂᬫ᭄᭟᭐᭟ [ 52 ]Page:Bali-lontar-gaguritan-kawiswara-300ppi.pdf/52