Ban/Gaguritan Kedis 01

Deskripsi

Naskah

[ 1 ][Judul : GAGURITAN KEDIS.
Pnj. 35 cm. Lb. 3,5 cm. Jl. 12 lb.
Asal : Pekandelan, Klungkung.
PERPUSTAKAAN
KTR. DOKBUD BALI
PROP BALI
G/IX/4/DOKBUD]
[᭑ 1A]
[Judul : GAGURITAN KEDIS.
Pnj. 35 cm. Lb. 3,5 cm. Jl. 12 lb.
Asal : Pekandelan, Klungkung.
G/IX/4/DOKBUD] [ 2 ][᭑ 1B]
᭑
᭚᭜᭚ᬧᬸᬧᬸᬄᬕᬶᬦᬤ᭚᭜᭚ᬢ᭄ᬭᬶᬫᬾᬦ᭄ᬳᬶᬲ᭄ᬢ᭄ᬭᬷᬦᬸᬗ᭄ᬕᬮ᭄᭞ᬫᬯᬵᬱ᭄ᬝᬳᬶᬭᬢᬸᬫᬗ᭄ᬕᬮᬶ᭞᭠ᬦᬵᬗ᭄ᬳᬶᬂᬕᭀᬩᬦ᭄ᬜᬦᬾᬓᬯᭀᬢ᭄᭞ᬫ᭄ᬮᬳᬾᬢᭀᬗᬤᬫᬦ᭄ᬤᬸᬓ᭄᭞ᬦᬵᬗ᭄ᬳᬶᬂᬬᬲᬓᬭᬶᬂᬚᬯ᭞ᬭᬹᬧᬩ᭄ᬘᬶ
ᬓ᭄᭞ᬧ᭄ᬬᬦᬓ᭄ᬳᬶᬭᬗ᭄ᬤᬭᬶᬂᬕᬶᬭᬄ᭟ᬳᬶᬭᬢ᭄ᬦᬫᬗ᭄ᬕᬮᬶᬓᭀᬘᬧ᭄᭞ᬫᬕᬸᬡᬬᬤᬳᬢ᭄‌ᬍᬯᬶᬄ᭞ᬢᬦ᭄ᬲᬄᬗᬗ᭄ᬕᭀᬕᬸᬡᬭᬾᬩᭀᬂ᭞ᬍᬗᬶᬲ᭄ᬥᬸᬬᬸᬂᬗ᭄ᬕᬯᬾᬮᬸᬮᬸᬢ᭄᭞ᬲ᭄ᬫᬵᬭᬢᬦ᭄ᬢ᭄ᬭᬚᬭᬶᬂᬲᬸᬢᬺ᭞ᬫᬸᬭᬸᬩ᭄ᬳᭂ
ᬦ᭄ᬤᬶᬄ᭞ᬢᬦ᭄ᬲᬄᬫᬵᬧᬸᬦ᭄‌ᬍᬗᬶᬲ᭄ᬚᬯ᭟ᬳᬶᬜᭀᬫᬦ᭄ᬓᬭᬂᬏᬤᬦ᭄᭞ᬤᬦᬾᬓ᭄ᬦᬕᬸᬡᬮᬶᬮᬶᬢ᭄᭞ᬢ᭄ᬓᬾᬦ᭄ᬲᭀᬫᬳ᭄ᬦᬾᬫᬮᬸᬯᬦ᭄᭞ᬓᬧᬄᬬᬢ᭄ᬯᬄᬓᬧᬸᬧᬸ᭞ᬭᬩᬶᬦᬾᬳᬸᬮᬶᬤᬶᬲᬲᬓ᭄᭞᭠
ᬦᬾᬦᬾᬫᬗ᭄ᬓᬶᬦ᭄᭞ᬢᬦ᭄ᬲᬄᬳᬶᬭᬢ᭄ᬦᬫᬗ᭄ᬕᬮ᭄ᬬ᭟ᬳᬶᬓ᭄ᬢᬸᬢ᭄ᬳᬃᬱᬗᬭᬱ᭞ᬦᬾᬲᬸᬩᬦᬦ᭄ᬢ᭄ᬯᬄ᭠ᬓᬧᬶᬮᬶᬳᬶᬦ᭄᭞ᬚᬦᬶᬳᬶᬗᭂᬢ᭄‌ᬢ᭄ᬓᬾᬦ᭄ᬯᬬᬄ᭞ᬦᬾᬩᬚᬗᬦ᭄ᬬᬓᬧᬸᬧᬸ᭞ᬢ᭄ᬯᬭᬦᬶᬭᬫᬗᬵᬮᬳᬂ᭞
[᭒ 2A]
ᬳᬦᬓ᭄ᬫ᭄ᬯᬦᬶ᭞ᬓᬮᬗᭂᬦᬦ᭄ᬢᭂᬓᬾᬦ᭄ᬕᬸᬡ᭟ᬚᬦᬶᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬳᬶᬓ᭄ᬢᬸᬢ᭄ᬳᬃᬱᬳᬕᬸᬮᬶᬂ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬓᬧᬢᬸᬭᭀᬦ᭄᭞ᬲᬵᬫ᭄ᬧᬸᬦ᭄ᬲᬶᬭᬧ᭄ᬯᬳᬢᬸᬭᬸ᭞ᬭᬯᬸᬄᬪᬝᬵᬭᬮᬸᬫᬗ᭄ᬮᬂ᭞ᬫ᭠
ᬗ᭄ᬳ᭄ᬬᬗᬶᬦ᭄᭞ᬧ᭄ᬲᬾᬗᬦ᭄ᬪᬝᬵᬭᬇᬦ᭄ᬤ᭄ᬭ᭟ᬲᬳᬶᬧ᭄ᬢᭂᬂᬗᭂᬦ᭄ᬢᬄᬳᬸᬬ᭞ᬤ᭄ᬭᬤᬤᬓᬦ᭄ᬬᬫᬦᬶᬧ᭄ᬤᬶᬧ᭄᭞ᬤᬶᬧ᭄ᬢᭂᬗᬾᬓᬤᬸᬂᬢᬾᬮᭀ᭞ᬜᬧ᭄ᬜᬧ᭄ᬳᬸᬬᬂᬮᬦ᭄ᬢᬲ᭄ᬩᬗᬸᬦ᭄᭞ᬩᬗᬸᬦ᭄ᬗᬸᬲᬸᬤᬶᬦ᭄ᬳᬶᬧ᭄ᬬᬦ᭄᭞ᬓᬤᬶᬗᬶ
ᬧᬶ᭞ᬫᬗ᭄ᬚᬸᬓ᭄ᬢᬶᬢᬶᬭᬦ᭄ᬧ᭄ᬝᬓ᭄᭟ᬤᬓᭂᬧ᭄ᬳ᭄ᬬᬂᬤᬶᬧᬫᬺᬫᬦ᭄᭞ᬓᬧᬸᬢ᭄ᬩᬳᬦ᭄ᬲᬧᬸᬢ᭄ᬧᬸᬢᬶᬄ᭞ᬕᬯᬾᬦᬂᬘᬦᬂᬢᬸᬩᬸᬗᬦ᭄᭞ᬍᬗᭂᬯᬗᬶᬦᬾᬫᬓᭂᬲ᭄ᬬᬸᬄ᭞ᬳᬲᭂᬧ᭄ᬫᬶᬬᬶᬓ᭄ᬫᬳᬶᬫ᭄ᬧᬸᬕᬦ᭄᭞ᬓ᭄ᬤᬶᬲ᭄ᬩᭂᬘᬶᬓ᭄᭞
ᬧᬳᬶᬘ᭄ᬙᬦ᭄ᬪᬝᬵᬭᬇᬦ᭄ᬤ᭄ᬭ᭟ᬘᬼᬧᬂᬓᬕᬸᬯᬸᬗᬦ᭄ᬫᭂᬮᬄ᭞ᬧᬧᬸᬮᬲᬦ᭄ᬢᬸᬳᬸᬩ᭄ᬘᬶᬓ᭄᭞ᬲᬫᬶᬢ᭄ᬓᬦᬶᬂ᭠ᬢᬢᬓ᭞ᬘᬘᬕᬓᬾᬥᬳᬢ᭄ᬮᬸᬂᬳᬸᬂ᭞ᬫᬘᬗ᭄ᬕᬄᬯᬂᬫᬕᬶᬯᬂ᭞ᬓᬦ᭄ᬢᭂᬦ᭄ᬗ᭄ᬭᬯᬶᬢ᭄᭞ᬫ᭄ᬮᬳᬾᬢ᭄ᬯᬭᬵᬤᬧ [ 3 ][᭒ 2B]
᭒
ᬥ᭟ᬢᬶᬢᬶᬭᬦᬾᬫᬗ᭄ᬓᬶᬦ᭄ᬓᭀᬘᬧᬦ᭄᭞ᬤᬶᬫᬲᬦ᭄ᬜᬦᬾᬫᬫᬸᬜᬶ᭞ᬫᬗᭂᬗ᭄ᬓᬸᬓ᭄ᬲᬤᬫᬗᬶᬮᭀ᭞ᬘ᭄ᬓᬸᬃᬘ᭄ᬓᬸᬃᬬᬫᬕᬦ᭄ᬢᬸᬂ᭞ᬲ᭄ᬯᬭᬦᬾᬗ᭄ᬮᬤᬂᬫᬦᬄ᭞ᬜᬸᬜᬸᬃᬫᬦᬶᬲ᭄᭞ᬯᬾᬦ᭄ᬢᭂᬦ᭄ᬕᬸᬫᬦ᭄ᬢᬶᬘᬭᬶᬢ᭟ᬳᬶᬲ᭄ᬬᬸᬂᬲ᭄ᬤᭂ
ᬓᬜ᭄ᬚᬸᬫᬄ᭞ᬳᬶᬢᬶᬢᬶᬭᬦ᭄‌ᬓ᭄ᬫᬚᬦᬶ᭞ᬲᬋᬂᬳᬚᬓᬳᬶᬩᭀᬦ᭄ᬤᭀᬮ᭄᭞ᬳᬶᬓᬾᬓᬾᬃᬭᬯᬸᬄ᭠ᬤᬶᬧᬸᬗ᭄ᬓᬸ᭞ᬳᬶᬕ᭄ᬭᬢᬶᬓ᭄ᬳᬶᬭᬶᬗᬦ᭄ᬜ᭞ᬫ᭄ᬯᬂᬳᬶᬘᬸᬭᬶᬓ᭄᭞ᬳᬶᬓᬸᬓᬸᬃᬲᬸᬕᭂᬫ᭄ᬓᬸᬦᬳᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬓ᭄ᬱᬶ
ᬧ᭄ᬭᬵᬧ᭄ᬢ᭞ᬳᬶᬲ᭄ᬬᬸᬂᬗᬦ᭄ᬤᬶᬓᬳᬭᬶᬲ᭄᭞ᬚᬦᬶᬓᬾᬦ᭄ᬓᬾᬦ᭄ᬗᬵᬦᬬᬂ᭞ᬳᬦ᭄ᬢᬸᬓ᭄ᬦᬵᬕᬭᬦᬾᬕ᭄ᬫᬸᬄ᭞ᬳᬶᬘᬸᬭᬶᬓ᭄ᬫᬵᬢᬹᬭᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬤᬾᬦᬶᬂᬢᬫ᭄ᬩᭂᬢ᭄ᬢᬶᬢ᭄ᬬᬂᬤᬾᬯ᭟ᬳᬶᬲ᭄ᬬᬸᬂᬫᬾᬲᭂᬫ᭄ᬳᬗᬸᬘ᭠
ᬧ᭄᭞ᬮᬫᬸᬦ᭄ᬧᬥᬦ᭄ᬫᭂᬦ᭄ᬲᬫᬶ᭞ᬚᬮᬦ᭄ᬗᬯᬾᬧᬮᬮ᭄ᬬᬦ᭄᭞ᬚᬮᬦ᭄ᬳᬾᬫᬦᬗᬸᬦ᭄ᬕᬫ᭄ᬩᬸᬄ᭞ᬳᬗ᭄ᬕᭀᬦ᭄ᬧᬩᬸᬗᬳᬶᬂᬤᬾᬰ᭞ᬤ᭄ᬫᭂᬦ᭄ᬳᬢᬶ᭞ᬫᬓᬤᬩᬸᬗᬄᬦᬵᬕᬭ᭟ᬳᬶᬘᬸᬭᬶᬓ᭄ᬫᬢᬹᬃᬳᬦᭂᬫ᭄ᬩᬄ᭞ᬢᬶᬢ᭄ᬬᬗᬾ
[᭓ 3A]
ᬭᬯᬸᬄᬲᬳᬶᬭᬶᬂ᭞ᬳᬶᬢᬶᬢᬶᬭᬦ᭄ᬫᬵᬢᬹᬃᬳᬮᭀᬦ᭄᭞ᬢᬶᬢ᭄ᬬᬂᬲᬵᬦ᭄ᬤᬶᬓᬦ᭄ᬳᬶᬭᬢᬸ᭞ᬳᬶᬘᬸᬭᬶᬓ᭄ᬫᬵᬢᬹᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬧ᭄ᬭᬕᬶᬡᬦᬾᬚᬦᬶᬧᬶᬮᬶᬳᬂ᭟ᬳᬶᬲ᭄ᬬᬸᬂᬫᬾᬲᭂᬫ᭄ᬳᬗᬸᬘᬧ᭄᭞ᬳᬶᬢᬶᬢᬶᬭᬦ᭄᭠
ᬜ᭄ᬦᭂᬂᬧᬜ᭄ᬚᬶ᭞ᬳᬶᬘᬸᬭᬶᬓ᭄ᬳᬶᬩᬗᬢᬗ᭄ᬕ᭞ᬓᬸᬤᬦᬶᬮᬵᬃᬱᬳᬶᬓᬸᬓᬸᬃ᭞ᬧᬦ᭄ᬢᭂᬲ᭄ᬩᬜᬓ᭄ᬢᬭᬯᬱ᭟ᬘᬸᬮᬶᬓ᭄ᬘᬸᬮᬶᬓ᭄᭞ᬫᬸᬜᬶᬚᬗᬶᬄᬫᬕᭂᬦ᭄ᬢᬭᬦ᭄᭟ᬓ᭄ᬩᭀᬧ᭄ᬭᬓ᭄ᬱᬓᬸᬦᬳᬦ᭄᭞ᬢᬦ᭄ᬫᬸᬦ᭄ᬤᬸᬃᬳᬶᬲᬸᬕᭂᬫ᭄ᬩᭂᬘᬶᬓ᭄᭞᭠
ᬫᬸᬜᬶᬕ᭄ᬥᬾᬫᬕᬾᬮᭀᬳᬦ᭄᭞ᬭᭀᬓᬶᬮᬳᬗᬸᬦᬗᬸᬦ᭄᭞ᬳᬶᬲ᭄ᬬᬸᬂᬭᬢᬸᬕᬕ᭄ᬮᬂ᭞ᬢᬸᬳᬸᬩ᭄ᬘᬶᬓ᭄᭞ᬕᭀᬦ᭄ᬤᬮᬓᬸᬦᬶᬂᬫᬧ᭄ᬭᬤ᭟ᬜ᭄ᬦᭂᬂᬧᬢᬶᬄᬘᬶᬮᬮᭀᬗᬦ᭄᭞ᬧᬦ᭄ᬢᭂᬲ᭄ᬬᬫᬲᬧᬸᬢ᭄ᬓᬸᬦᬶᬂ᭞ᬓᬸᬜᬶᬢ᭄ᬘ᭠
ᬭᬸᬧᬦ᭄ᬋᬓᭀ᭞ᬢᬸᬳᬸᬕᭀᬩᬦ᭄ᬜᬦᬾᬩᬕᬸᬲ᭄᭞ᬦᬵᬗ᭄ᬳᬶᬂᬢᬾᬓᬸᬭᬂᬉᬘᬧᬦ᭄᭞ᬫᬲᬶᬄᬩ᭄ᬘᬶᬓ᭄᭞ᬤᬾᬦᬶᬂᬧᬭᬗᬗ᭄ᬕᭀᬦᬾᬩᬸᬗᬄ᭟ᬳᬶᬓᬾᬓᬾᬃᬜ᭄ᬦᭂᬂᬧᬺᬩᬗ᭄ᬲᬵ᭞ᬳᬶᬘᬗ᭄ᬓᭀᬭᬾᬓ᭄ᬬᬗᬫᬵᬦ᭄ᬢ᭄ᬭᬶ [ 4 ][᭓ 3B]
᭓
᭞ᬳᬶᬘᬗᬶᬓ᭄ᬳᬶᬩᬫᬦ᭄ᬫᬂ᭞ᬳᬶᬧᬓ᭄ᬱᬶᬫᬳᬸᬦ᭄ᬦᬸᬫᭂᬗ᭄ᬕᬸᬂ᭞ᬓᬸᬫᬶᬲ᭄ᬚᬳᬶᬂᬩ᭄ᬯᬶᬦ᭄ᬩᬭᬓ᭄᭞ᬩᬶᬮᬂᬲᬫ᭄ᬧᬶᬂ᭞ᬢᬸᬫ᭄ᬩᬸᬳᬾᬧᬢ᭄ᬧᬢ᭄ᬮᬮᬶᬫ᭟ᬳᬶᬧ᭄ᬮᬸᬂᬳᬶᬩᬫᬜ᭄ᬫᬂ᭞ᬳᬢᬢᬾᬗ᭄ᬓᬾᬓ᭄ᬫᬦᬸᬭᬲᬶᬦ᭄᭞ᬫᬸᬜᬶᬮ᭄ᬬᬸᬧ᭄ᬲᬸ
ᬳᬾᬜᭀᬃ᭞ᬩᬶᬱᬬᬫᬗ᭄ᬕᬯᬾᬕᬸᬬᬸ᭞ᬳᬶᬘᬸᬭᬶᬓ᭄ᬫᬢᬹᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬧᬸᬢ᭄ᬭᬶᬦ᭄ᬕᬮᬸᬳᬾᬧᬶᬮᬶᬳᬂ᭟ᬳᬶᬕ᭄ᬮᬢᬶᬓ᭄ᬗᬭᬗ᭄ᬓᬾᬲᬃᬬ᭄ᬬ᭞ᬢᬸᬳᬸᬕᭀᬩᬦ᭄ᬜᬦᬾᬩ᭄ᬘᬶᬓ᭄᭞ᬫᬲᬸᬩᬶᬳᭂᬫ᭄ᬧᭂᬢ᭄ᬳᭂᬫ᭄ᬧᭂ
ᬢᬦ᭄᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬳᬬᬸ᭞ᬫᬸᬜᬶᬫᬦᬶᬲ᭄ᬓᬤᬶᬕᬸᬮ᭞ᬫᬗ᭄ᬭᬦᭂᬳᬶᬦ᭄᭞ᬫ᭄ᬮᬳᬾᬢ᭄ᬯᬭᬵᬤᬧᬥ᭟ᬳᬶᬲᬗ᭄ᬲ᭄ᬬᬄᬳᬶᬩᬫᬫ᭄ᬩᬬᬦ᭄᭞ᬳᬶᬧ᭄ᬭᬶᬢ᭄ᬳᬶᬩᬫᬜᬗᬶᬬ᭄᭞ᬳᬶᬩᭀᬦ᭄ᬤᭀᬮ᭄ᬳᬶ᭠
ᬩᬫᬜᭀᬦ᭄ᬤᭀᬂ᭞ᬧᬲᬶᬭᬦ᭄ᬳᬶᬓ᭄ᬤᬶᬲ᭄ᬘᬸᬘᬸᬃ᭞ᬳᬶᬧ᭄ᬭᬶᬗᬦ᭄ᬧᬗᭀᬦᭂᬗᬦ᭄᭞ᬢᬸᬳᬸᬭᬶᬭᬶᬄ᭞ᬩᬶᬱᬦᬜ᭄ᬚᭂᬓᬶᬦ᭄ᬕᬫ᭄ᬩᭂᬮᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬭᬶᬂᬧ᭄ᬭᬕᬶᬡ᭞ᬚᬸᬭᬸᬕᬫ᭄ᬩᭂᬮᬾᬧᬶᬮᬶᬳᬶᬦ᭄᭞ᬳ
[᭔ 4A]
ᬧᬂᬧᬸᬧᬸᬢ᭄ᬭᬶᬂᬕᬫ᭄ᬩᭂᬮᬦ᭄᭞ᬳᬧᬂᬳ᭄ᬤᬧᬢᬶᬚ᭄ᬮᬫᬸᬢ᭄᭞ᬕᬫ᭄ᬩᬸᬄᬦᬜ᭄ᬚᭂᬓᬶᬦ᭄ᬕᬫ᭄ᬩᭂᬮᬦ᭄᭞ᬳᬧᬂᬩ᭄ᬘᬶᬓ᭄᭞ᬢᬜ᭄ᬚᭂᬓ᭄ᬕᬫ᭄ᬩᬸᬳᬾᬫᬢᬦ᭄ᬤᬓ᭄᭟ᬳᬶᬩ᭄ᬮᬢᬸᬓ᭄ᬳᬶᬩᬫᬓᬚᬃ᭞ᬲᬶᬮᬶᬂᬕᬸᬦ᭄ᬢᬶᬂᬚᬸᬭᬸᬲᬸᬮᬶᬂ᭞ᬗᬸᬧᭂ᭠
ᬓᬶᬦ᭄ᬳᬶᬲᬯᬦ᭄ᬳᬸᬚᬦ᭄᭞ᬫᬕᬸᬫᬦᬓ᭄ᬳᬶᬘᬘᬾᬢ᭄ᬭᬸᬂ᭞ᬳᬶᬩᬸᬘᬶᬘᬫᬗᬸᬘᬶᬓ᭄ᬘᬓ᭄᭞ᬳᬶᬓᬧ᭄ᬘᬶᬢ᭄᭞ᬫᬓᬗ᭄ᬲᬶᬘᬶᬗ᭄ᬮᬃᬫᬦᭀᬫ᭄ᬧ᭄ᬬᬂ᭟ᬳᬶᬗᬶᬲ᭄ᬗᬶᬲ᭄ᬳᬶᬩᬫᬗ᭄ᬭᬩᬤ᭄᭞ᬗᬼᬧᬶᬢ᭄ᬳᬶᬓ᭄ᬤᬶᬲ᭄ᬤᬶᬰ᭄ᬘᭂᬦᬶᬓ᭄᭞ᬫᬳᬤᬦ᭄ᬳᬶᬢᬧᬸ
ᬓ᭄ᬩᬄ᭞ᬳᬶᬘᬼᬧᬸᬓ᭄ᬚᬸᬭᬸᬓᭂᬫ᭄ᬧᬸᬮ᭄᭞ᬫᬲ᭄ᬬᭀᬓ᭄ᬫᬸᬜᬶᬦ᭄ᬕᬫ᭄ᬩᭂᬮᬦ᭄᭞ᬋᬦ᭄ᬢᬩ᭄ᬘᬶᬓ᭄᭞ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬫᬢᬦ᭄ᬤᬓ᭄‌᭟ᬫᬘᬗ᭄ᬓ᭄ᬭᬫᬦᬾᬮᬫ᭄ᬧᬳᬂ᭞ᬦᬶᬉᬓᬶᬃᬫᬗ᭄ᬩᭂᬓ᭄ᬩᭂᬘᬶᬓ᭄᭞ᬳᬓ᭄ᬯᬾᬄᬧᬓ᭄ᬱᬶᬧᬥᬧ᭄ᬭᬵᬧ᭄ᬢ᭞᭠
ᬢᭂᬫ᭄ᬩᬾᬚᬦᬶᬳᬤᬤᬫ᭄ᬩᬸᬄ᭞ᬫᬦ᭄ᬕᬓ᭄ᬩᬋᬂᬫᬤᬫ᭄ᬧ᭄ᬬᬓ᭄᭞ᬬᬫᬩᬮᬶᬄ᭞ᬕᬫ᭄ᬩᬸᬳᬾᬲ᭄ᬤᭂᬓᬦ᭄ᬢᭂᬓ᭟ᬲᬶᬮᬜ᭄ᬚᬦᬲ᭄ᬬᬦ᭄ᬫᬢ᭞ᬢᬸᬕ᭄ᬢᬸᬕ᭄ᬚᬮᬦ᭄ᬢᬥᬳᬲᬶᬄ᭞ᬲᬭᬶᬦ᭄ᬤᬶᬢ᭄ᬮᬦ᭄ᬓᬓᬸᬧᬸᬫᬬᭀᬂ᭞ᬲᬲᬧᬶᬚ᭄ᬮᬶᬂᬘᬭᬸ [ 5 ][᭔ 4B]
᭔
ᬓ᭄ᬘᬸᬓ᭄᭞ᬘᬍᬧᬸᬓ᭄ᬘᬾᬮᬾᬘᬾᬮᬾᬗᬦ᭄᭞ᬘᬶᬢᭀᬲᬗ᭄ᬲᬶᬢ᭄᭞ᬧᬸᬢᭂᬄᬮᬵᬯᬦ᭄ᬲ᭄ᬬᬧ᭄ᬲ᭄ᬬᬧ᭄᭟ᬓᬦ᭄ᬤᬶᬓᬦ᭄ᬤᬶᬓ᭄ᬮᬜ᭄ᬚᬵᬕ᭄ᬚᬕᬕ᭄ᬦ᭄᭞ᬗᭀᬲ᭄ᬗᭀᬲᬦ᭄ᬮᬦ᭄‌ᬓ᭄ᬤᬶᬲ᭄ᬕᬢᬶᬢ᭄᭞ᬲᬦ᭄ᬤᬂᬮᬯᬾᬫ᭄ᬯᬂᬩᬸᬮᬸᬲᬦ᭄᭞ᬓ
ᬯᬗᬦ᭄ᬫᬦᬸᬓ᭄ᬱᬭᬸᬯᬸᬢ᭄᭞ᬓᬸᬢᬸᬓᬸᬢᬸᬮᬦ᭄ᬓᬸᬕ᭄ᬓᬸᬕᬦ᭄᭞ᬩ᭄ᬭᬶᬩ᭄ᬭᬶ᭞ᬲᬶᬓᭂᬧ᭄ᬘᬫ᭄ᬩ᭄ᬭ;ᬳᬦ᭄ᬳᬶᬘᬳᬮ᭄᭟ᬓᬺᬢᭂᬕ᭄ᬮᬯᬦ᭄ᬕ᭄ᬯᬓ᭄ᬩᬸᬗ᭄ᬳ᭞ᬮ᭄ᬬᬢᬾᬋᬗᬲ᭄ᬤᬶᬳᭀᬭᬶ᭞ᬭᭀᬯᬂᬲᬸᬩᬧ᭄ᬮᬦ᭄ᬳᭂᬚᭀᬄ᭞ᬩᬮᬶᬩᬶᬲ᭄ᬢᭂᬓᬫᬦᬸ
ᬢᬸᬕ᭄᭞ᬓᭀᬓᭀᬓᬦ᭄ᬮᬯᬦ᭄ᬭᬚᬝᬵ᭞ᬓᬸᬜᬶᬢ᭄ᬓᬸᬜᬶᬢ᭄᭞ᬤᬭᬮᬯᬦ᭄ᬢᬩ᭄ᬬᬢᬩ᭄ᬬ᭟ᬧ᭠ᬓ᭄ᬱᬶᬤᬸᬗᬸᬲ᭄ᬭᬶᬂᬲᬕᬭ᭞ᬫᬲᬶᬄᬬᬤ᭄ᬫᭂᬦ᭄ᬫᬩᬮᬶᬄ᭞ᬢᬸᬜ᭄ᬚᬸᬓ᭄ᬮᬗᬶᬢ᭄ᬮᬦ᭄ᬧᬋᬜ᭄ᬚᬓ᭄᭞ᬦᬸᬢᬸᬢᬶᬦ᭄ᬫᬩᬮᬶᬄ᭠
ᬕᬫ᭄ᬩᬸᬄ᭞ᬲᬩ᭄ᬬᬸᬓ᭄ᬮᬯᬜ᭄ᬘᬩᬓ᭄ᬘᬩᬓ᭄᭞ᬳᬶᬲᬭᬶᬦ᭄ᬤᬶᬢ᭄᭞ᬲᬋᬂᬓᭀᬓᭀᬓᬜ᭄ᬚᬮᬂ᭟ᬓ᭄ᬤᬶᬲ᭄ᬦᭀᬭᬶᬧᬓ᭄ᬱᬶᬳᬢᬢ᭄᭞ᬫᬲᬶᬄᬬᬤ᭄ᬫᭂᬦ᭄ᬫᬩᬮᬶᬄ᭞ᬳᬶᬓ᭄ᬮᬶᬤᬸᬗᬦ᭄ᬳᬶᬩᬋᬱᬾᬢ᭄᭞ᬓᬯᭀᬢ᭄ᬬ᭠
[᭕ 5A]
ᬫᬩᬮᬶᬄᬕᬫ᭄ᬩᬸᬄᬫ᭄ᬳᬶᬩᬍᬦᭀᬮ᭄‌ᬳᬸᬧ᭄ᬬᬦ᭄ᬳᬸᬧ᭄ᬬᬦ᭄᭞ᬧᬓ᭄ᬱᬶᬤ᭄ᬯᬭᬶ᭞ᬳᬢᬶᬮᬶᬂᬮᬦᬶᬂᬢᬸᬭᬶᬤ᭟ᬳᬶᬓᬾᬓᬾᬃᬚᬦᬶᬫᬺᬩᬗ᭄ᬲ᭞ᬲᭀᬮᬳᬾᬕᬮᬓ᭄ᬳᬫᬦᬶᬲ᭄᭞ᬲ᭄ᬯᬭᬦᬾᬳᬗᬯᬗᬯᬂ᭞ᬓᬤᬶᬕᬸ
ᬮᬫᬯᭀᬃᬫᬥᬸ᭞ᬲᬧᬸᬢ᭄ᬕᬥᬂᬫᬧ᭄ᬭᬤ᭞ᬓᬜ᭄ᬘᬸᬢ᭄ᬮᬫ᭄ᬩᬶᬄ᭞ᬉᬮᬢᬾᬫᬦᬶᬲ᭄ᬕᬮᬓ᭄᭟ᬳᬶᬧᬜ᭄ᬚᬶᬬᬫᬓᬮᬶᬢᬦ᭄᭞ᬲᬦ᭄ᬤᬂᬭᬶᬂᬭᬗ᭄ᬓᬾᬲᬭᬶ᭞ᬳᬶᬕ᭄ᬮᬢᬶᬓ᭄ᬗᬭᬗ᭄ᬤᬾᬲᬭ᭞ᬢᬸᬳᬸᬕᭀᬩᬦ᭄ᬜᬦᬾᬳᬬᬸ
᭞ᬲᬸᬩᭂᬗᬾᬫᬓᬤᬫ᭄ᬮᬄ᭞ᬢᬜ᭄ᬚᭂᬓ᭄ᬫᬶᬭᬶᬂ᭞ᬳᬸᬮᬸᬯᬗ᭄ᬲᬸᬮ᭄ᬫᬕᬾᬮᭀᬳᬦ᭄᭟ᬳᬶᬧᬜ᭄ᬚᬶᬫᬗᬭᬲᬭᬲ᭄᭞ᬳᬶᬭᬗ᭄ᬤᬾᬳᬲ᭄ᬫᬸᬢᬗᬶᬲ᭄᭞ᬕᭀᬯᬓᬾᬕᬯᭀᬓ᭄ᬫᬜ᭄ᬩᬓ᭄᭞ᬓᭀᬓᭀᬓᬦ᭄ᬩᭂᬗᭀᬂ
ᬫᬚᬸᬚᬸᬓ᭄᭞ᬳᬶᬧᬜ᭄ᬚᬶᬓᬤᬶᬳ᭄ᬬᬂᬲ᭄ᬫᬵᬭ᭞ᬮᬯᬦ᭄ᬭᬢᬶᬄ᭞ᬥᬲᬶᬳᬾᬲ᭄ᬤᬶᬄᬢᬸᬫᬶᬗ᭄ᬳᬮ᭄᭟ᬳᬶᬲᬗ᭄ᬲ᭄ᬬᬄᬳᬶᬕᭂᬮ᭄ᬦᬾᬫ᭄ᬮᬄ᭞ᬳᬶᬧ᭄ᬭᬶᬢ᭄ᬳᬶᬕᭂᬮ᭄ᬫᬮᬶᬮᬶᬢ᭄᭞ᬳᬶᬩᭀᬦ᭄ᬤᭀᬮ᭄ᬤᬸᬯᭂᬕ᭄ᬫᬜᭀᬦ᭄ᬤᭀᬂ᭞ᬮᬾ᭠ [ 6 ][᭕ 5B]
᭕
ᬗ᭄ᬲᬃᬓᬗᬶᬦ᭄ᬫᬮᬳᬶᬩ᭄ᬓᬯᬸᬄ᭞ᬚ᭄ᬫᬓᬩᬳᬦ᭄ᬳᬶᬲ᭄ᬫᬃ᭞ᬲᬗ᭄ᬓᭀᬮᬳᬩᬶᬦ᭄᭞ᬮᬯᬸᬢ᭄ᬓᭂᬤᬾᬓᬾᬫᬩ᭄ᬭᬶᬬᬕ᭄᭞ᬓ᭄ᬤᬾᬓ᭄ᬳᬶᬓ᭄ᬤᬶᬲ᭄ᬩᬸᬮᬸᬲᬦ᭄᭞ᬫᬗᭂᬦᭀᬢ᭄ᬳᬶᬘᬗᬓ᭄ᬓᬸᬫᬶᬲ᭄᭞ᬳᬶᬕᭂᬮᬾᬲ᭄ᬭᬾᬗ᭄ᬓᬤ᭄ᬲ᭄ᬭᬾᬗ᭄ᬓᭀᬤ᭄
᭞ᬳᬶᬧᬓ᭄ᬱᬶᬫᬸᬳᬸᬦᬸᬫᭂᬗ᭄ᬕᬸᬂ᭞ᬓᬸᬫᬶᬲ᭄ᬮᬗᬄᬮᬸᬤᬶᬦ᭄ᬩᬭᬓ᭄᭞ᬢᬸᬳᬸᬳᬲᬶᬦ᭄᭞ᬧᬦ᭄ᬢᭂᬲ᭄ᬫᬲᬧᬸᬢ᭄ᬩ᭄ᬭᬓᬮ᭟ᬩᬶᬱᬦᬜ᭄ᬚᭂᬓᬶᬦ᭄ᬕᬫ᭄ᬩᭂᬮᬦ᭄᭞ᬳᬶᬧᬜ᭄ᬚᬶᬲᭀᬮᬳᬾᬳᬲᬶᬦ᭄᭞ᬫᬗ᭄ᬭᬸᬫ᭄ᬭᬸᬫ᭄ᬳᬶᬭᬗ᭄ᬓᬾᬲᬭ᭞
ᬲ᭄ᬯᬭᬦ᭄ᬜᬦᬾᬫᬦᬶᬲ᭄ᬭᬹᬫ᭄᭞ᬩ᭄ᬗᭀᬂᬓ᭄ᬤᬶᬲᬾᬫᬓ᭄ᬚᬂ᭞ᬫᬗᬶᬯᬲᬶᬦ᭄᭞ᬲᭀᬮᬄᬳᬾᬗᭂᬜᬸᬤᬂᬫ᭠ᬦᬄ᭟ᬓ᭄ᬤᬶᬲ᭄ᬘᬗᬓᬾᬫᬗᬓᬓ᭄᭞ᬫᬗᭂᬦᭀᬢ᭄ᬳᬶᬥᭀᬦ᭄ᬤᭀᬂᬦᬸᬗ᭄ᬕᬶᬂ᭞ᬓ᭄ᬧᬸᬗᬩᬳᬦ᭄ᬳᬶᬲ᭄ᬫᬃ᭞ᬮᬯᬸᬢ᭄ᬓᭂᬤᬾ
ᬓᬾᬫᬩ᭄ᬭᬶᬬᬸᬕ᭄᭞ᬫᬯᬦ᭄ᬢᬶᬯᬦ᭄ᬢᬶᬮ᭄ᬯᬶᬃᬳᭀᬫ᭄ᬩᬓ᭄᭞ᬓᬤᬶᬧᬲᬶᬄ᭞ᬲᬧᬦ᭄ᬤᭂᬗᬦ᭄ᬜᬦᬾᬓᭀᬘᬧ᭄᭟ᬳᬶᬫᬦᬸᬓᬪᬓᭀᬘᬧᬦ᭄᭞ᬬᬢᬗᬕᭂᬦ᭄ᬫᬩᬮᬶᬄ᭞ᬲᬵᬦ᭄ᬧᬸᬦ᭄ᬳᬸᬯᬓ᭄ᬭᬶᬂᬓᬸᬭᬸᬗᬦ᭄᭞ᬧᬸ᭠
[᭖ 6A]
ᬢ᭄ᬭᬶᬭᬶᬂᬓ᭄ᬮᬶᬂᬳᬸᬮᬗᬸᬦ᭄᭞ᬫᬧᬳ᭄ᬬᬲ᭄ᬬᬫᬪᬹᬱᬡᬤᬾᬦᬶᬂᬚᬦᬶ᭞ᬧ᭄ᬭᬬᬫᬩᬮᬶᬄᬓᬤᬳ᭟ᬲᬵᬫ᭄ᬧᬸᬦ᭄ᬳ᭄ᬬᬲ᭄ᬳᬗ᭄ᬭᬗ᭄ᬲᬸᬓ᭄ᬪᬹᬱᬡ᭞ᬫᬧᬶᬗ᭄ᬕᭂᬮ᭄ᬫᬳᬮᬶᬳᬮᬶ᭞ᬕ᭄ᬮᬸᬂᬫᬧᬦᭂᬓᭂᬄᬫᬵᬲ᭄᭞ᬫᬓ
ᬫ᭄ᬧᬸᬄᬬᬲᬸᬢᬺᬤᬦᬸ᭞ᬓᬸᬫ᭄ᬭᬶᬜ᭄ᬘᬶᬂᬦᬶᬢ᭄ᬭᬾᬂᬧᬭᬤ᭞ᬳᬮᬶᬲ᭄ᬮᬶᬜ᭄ᬘᬶᬢ᭄᭞ᬓᬤᬶᬩᬸᬮᬦ᭄ᬢᬗ᭄ᬕ᭠ᬮ᭄ᬳᬧᬶᬲᬦ᭄᭟ᬳᬓ᭄ᬯᬾᬄᬧᬓ᭄ᬱᬶᬧᬥᬧ᭄ᬭᬵᬧ᭄ᬢ᭞ᬧ᭄ᬭᬬᬮᬸᬗ᭄ᬳᬧᬥᬗᬶᬭᬶᬂ᭞ᬓ᭄ᬤᬶᬲ᭄ᬓ᭄ᬭᬾᬦᭀᬓ᭄ᬫᬓ᭄ᬢᬩᭀ
ᬦᭀᬃ᭞ᬲᭀᬧᬘᬭᬦ᭄ᬳᬦᬓ᭄ᬳᬕᬸᬂ᭞ᬭᬧᭂᬢᬦ᭄ᬫᬤᬕᬶᬂᬳᭀᬤᬓ᭄᭞ᬳᭀᬤᬓ᭄ᬫᬶᬬᬶᬓ᭄᭞᭠ᬳᬶᬫᬦᬸᬓ᭄ᬤᬾᬯᬢᬫᬓ᭄ᬢ᭟ᬓ᭄ᬤᬶᬲ᭄ᬳᭂᬫ᭄ᬧᬸᬓ᭄ᬫᬓ᭄ᬢᬮᬮᬜ᭄ᬘ᭞ᬓ᭄ᬤᬶᬲ᭄ᬧᬸᬯᬸᬄᬫᬓ᭄ᬢᬳᬸᬢᬶᬓ᭄᭞ᬢ᭄ᬯᬓ᭄ᬩᬸᬗ᭄ᬩᬸᬂ᭞ᬳ
ᬓ᭄ᬢᬘᬗ᭄ᬓᭂᬮᭀᬂ᭞ᬫᬚᭂᬗᬶᬦ᭄ᬳᬶᬧᬓ᭄ᬱᬶᬓ᭄ᬢᬸᬃ᭞ᬫᬓ᭄ᬢᬘᭂᬦ᭄ᬤᭂᬓ᭄ᬳᬶᬓᬺᬓ᭄ᬯᬓ᭄᭞ᬗᬫᬮᬸᬳᬶᬦ᭄᭞ᬢᬾᬂᬢᬾᬂᬚᬾᬗ᭄ᬕᭀᬢ᭄ᬫᬓ᭄ᬢᬢᬫ᭄ᬬᬂ᭟᭠ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬤᬳᬵᭂ᭞ᬕᬫ᭄ᬩᬸᬳᬾᬧᭂᬧᭂᬓ᭄ᬫᬦᬗ᭄ᬓᬶᬮ᭄᭞ᬳᬶᬫᬦᬸᬓᬪᬬᬩ᭄ᬗᭀᬂ᭞ᬗᬦ᭄ᬢᭂᬦᬂᬳᬶᬲ᭄ᬬᬸᬂ [ 7 ][᭖ 6B]
᭖
ᬭᬢᬸ᭞ᬢ᭄ᬯᬶᬬᬭᬢᬸᬂᬕᬕ᭄ᬮᬂ᭞ᬮ᭄ᬯᬶᬃᬳᬶᬧᬜ᭄ᬚᬶ᭞ᬭᬹᬧᬦᬾᬓᬤᬶᬳ᭄ᬬᬂᬲ᭄ᬫᬵᬭ᭟ᬳᬶᬓᬾᬓᬾᬃᬚᬦᬶᬫᬺᬩᬗ᭄ᬲ᭞ᬲᭀᬮᬳᬾᬕᬮᬓ᭄ᬳᬫᬦᬶᬲ᭄‌᭞ᬳᬶᬫᬦᬸᬓᬪᬬᬩ᭄ᬗᭀᬂ᭞ᬍᬂᬍᬂᬫᬦᬳᬾᬳᬸᬮᬗᬸᬦ᭄᭞ᬗ᭠
ᬢᭀᬦᬂᬳᬶᬲᬣᬯᬦ᭞ᬩᬸᬤᬸᬄᬧᬮᬶᬂ᭞ᬢ᭄ᬯᬭᬳᬶᬗᭂᬢ᭄‌ᬢ᭄ᬓᬾᬦ᭄ᬳᬸᬫᬄ᭟ᬳᬸᬮᬗᬸᬦ᭄ᬳᬶᬫᬦᬸᬓᬪ᭞᭠ᬢ᭄ᬯᬭᬳᬶᬗᭂᬢ᭄ᬧᬘᬂᬫᬸᬮᬶᬄ᭞ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬗᬸᬘᬧ᭄᭞ᬦᬸᬦᬲ᭄ᬫᬦ᭄ᬢᬸᬓ᭄ᬤᬾᬯᬭᬢᬸ᭞ᬫᬦᬯᬶ
ᬢᬾᬳᬶᬤᬤᬸᬓ᭞ᬭᬢᬸᬓ᭄ᬮᬶᬂ᭞ᬳᬶᬫᬦᬸᬓᬪᬳᬗᬸᬘᬧ᭄᭟ᬳᬢᬶᬦ᭄ᬓᬳᬶᬢᭀᬦ᭄ᬤᬾᬦ᭄‌ᬍᬕ᭞ᬦᬾᬩᬶᬦ᭄ᬫᬦᬶᬓᬳᬶᬫᬸᬮᬶᬄ᭞ᬮᬫᬸᬦ᭄ᬓᬳᬶᬲᬸᬩᬋᬡᭂ᭞ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬸᬫᬵᬢᬹᬃ᭞ᬧᬸᬭᬸᬦ᭄ᬢᬶ
ᬢ᭄ᬬᬂᬫᬓᬾᬮᬶᬗᬦ᭄᭞ᬭᬶᬂᬳᬶᬕᬸᬲ᭄ᬢᬶ᭞ᬩ᭄ᬘᬶᬓ᭄ᬕᬫ᭄ᬩᬸᬄᬜᬵᬦᬾᬉᬧᬄ᭟ᬳᬶᬫᬦᬸᬓᬪᬳᬗᬸᬘᬧ᭄᭞ᬓ᭄ᬫᬳᬶᬩᬢᬸᬦ᭄ᬤᬾᬦ᭄ᬓᬳᬶ᭞ᬳᬢᬹᬭᬂᬓᬳᬶᬫᬗᬸᬧᬄ᭞ᬕᬫ᭄ᬩᬸᬄᬜᬦᬾᬫᬓᬢ᭄ᬮᬸᬦ᭄᭞ᬳᬶᬢᬾᬂ᭠
[᭗ 7A]
ᬢᬾᬂᬚᬾᬗ᭄ᬕᭀᬢ᭄ᬗᬶᬭᬶᬗᬂ᭞ᬢᬹᬃᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬩᬜ᭄ᬘᬶᬗᬄ᭟ᬳᬶᬲ᭄ᬬᬸᬂᬫᬾᬲᭂ᭠ᬫ᭄ᬳᬗᬸᬘᬧ᭄᭞ᬢᬾᬂᬢᬾᬂᬚᬾᬗ᭄ᬕᭀᬢ᭄ᬗᬸᬤ᭄ᬬᬂᬫᬳᬶ᭞ᬓᬢ᭄ᬧᬸᬓ᭄ᬢᭂᬓᬾᬦᬶᬂᬦᬶᬭ᭞ᬳᬶᬢᬾᬂᬢᬾᬂᬚᬾᬗ᭄ᬕᭀ
ᬢ᭄ᬳᬸᬫᬵᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬓᬦ᭄ᬤᬶᬓᬬᬂ᭞ᬭᬯᬸᬄᬫᬭᬶᬓᬶ᭞ᬕᬫ᭄ᬩᬸᬳᬾᬢᬶᬢ᭄ᬬᬂᬫᬗᬸᬧᬄ᭟ᬳᬶᬓᬾᬓᬾᬃᬚᬦᬶᬳᬗᬸᬘᬧ᭄᭞ᬉᬧᬄᬕᬫ᭄ᬩᬸᬄᬮᬶᬫᬂᬢᬮᬶ᭞ᬓ᭄ᬫᬓᬾᬘᬳᬶᬗᬸᬦᬶᬗᬂ᭞ᬳᬶᬢᬾᬂᬢᬾᬂ
ᬚᬾᬗ᭄ᬕᭀᬢ᭄ᬳᬸᬫᬵᬢᬹᬃ᭞ᬫᬭᬶᬂᬭᬵᬤᬾᬦ᭄ᬫᬦᬸᬓᬪ᭞ᬲᬶᬗ᭄ᬕᬶᬄᬕᬸᬲ᭄ᬢᬶ᭞ᬮᬶᬫᬂᬢᬮᬶᬧᬗᬸᬧᬄ᭠ᬜ᭟ᬳᬶᬫᬦᬸᬓᬪᬳᬗᬸᬘᬧ᭄᭞ᬬᬢᬾᬢᬳᬸᬮᬶᬫᬂᬢᬮᬶ᭞ᬬᬤ᭄ᬬᬦ᭄ᬫᬗᬸᬧᬄᬳᬮᬓ᭄ᬱ᭞ᬢ᭄ᬯ᭠
ᬭᬓᬳᬶᬧᬘᬂᬓᬾᬗ᭄ᬕᬸᬄ᭞ᬮᬫᬸᬦ᭄ᬲᬸᬩᬦᬶᬭᬧᬹᬃᬡ᭄ᬦ᭞ᬦᬾᬦᬾᬫᬦᬶ᭞ᬓᬳᬶᬫᬸᬮᬶᬄᬧᬲ᭄ᬫᭂᬗᬦ᭄᭟ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬗᬸᬘᬧ᭄᭞ᬦᬸᬦᬲ᭄ᬫᬦ᭄ᬢᬸᬓ᭄ᬤᬾᬯᬕᬸᬲ᭄ᬢᬶ᭞ᬫᬦᬯᬶᬢᬶᬢ᭄ᬬᬂᬓ᭠ [ 8 ][᭗ 7B]
᭗
ᬧᭀᬗᭀᬃ᭞ᬳᬶᬫᬦᬸᬓᬪᬢᬸᬫᬸᬭᬸᬦ᭄᭞ᬢᬸᬫᬸᬮᬶᬭᬭᬶᬲ᭄ᬳᬗᬸᬘᬧ᭄᭞ᬚᬮᬦ᭄ᬫᬸᬮᬶᬄ᭞ᬢᬸᬫᬸᬮᬶᬭᬭᬶᬲ᭄ᬫᬢᬶᬗ᭄ᬕᬮ᭄᭟ᬢᬦ᭄ᬓᬯᬃᬡ᭄ᬦᬫᬭᬶᬂᬤᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬓ᭄ᬮᬶᬂ᭞ᬭᬢᬸᬓ᭄ᬮᬶᬂᬫᬗ᭠
ᬦ᭄ᬤᬶᬓ᭞ᬧ᭄ᬮᬦ᭄ᬲᬸᬯᬾᬲᬭᬭᬯᬸᬄ᭞ᬳᬶᬫᬦᬸᬓᬪᬳᬗᬸᬘᬧ᭄᭞ᬲᬶᬗ᭄ᬕᬶᬄᬕᬸᬲ᭄ᬢᬶ᭞ᬲᬶᬲᬶᬧ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭟ᬓᭀᬘᬧᬦ᭄ᬳᬶᬫᬦᬸᬓᬪ᭞ᬲᬸᬗ᭄ᬲᬸᬢ᭄ᬮᬭᬓᬧ᭄ᬭᬶᬳᬢᬶᬦ᭄᭞ᬲ᭄ᬤᬶᬄᬓᬵᬗᭂᬦ᭄ᬭᬶᬂᬧᬢᬸ᭠
ᬭᭀᬦ᭄᭞ᬬᬾᬄᬫᬢᬦᬾᬤᬺᬱ᭄ᬧᭂᬲᬸ᭞ᬓᬵᬗᭂᬦ᭄ᬭᬶᬂᬳᬶᬲᬣᬯᬦ᭞ᬲ᭄ᬤᬶᬄᬓᬶᬗ᭄ᬓᬶᬂ᭞ᬪᬵᬬᬧ᭠ᬢᬶᬭᬶᬂᬓᬸᬭᬸᬗᬦ᭄᭟ᬲᬲ᭄ᬯᬾᬦᬾᬭᬶᬂᬓᬸᬭᬸᬗᬦ᭄᭞ᬢᬶᬕᬂᬢᬳᬸᬦ᭄ᬩᬦᬾᬲ᭄ᬤᬶᬄ᭞ᬯᬶᬥᬶᬦᬾᬓᬮᬶᬯ᭠
ᬢ᭄ᬯᭂᬮᬲ᭄᭞ᬩᭀᬬᬲᬫᬬᬦᬾᬫᬦ᭄ᬢᬸᬓ᭄᭞ᬲᬵᬫ᭄ᬧᬸᬦ᭄ᬳᬸᬯᬓ᭄ᬭᬶᬂᬓᬸᬭᬸᬗᬦ᭄᭞ᬳᭂᬦ᭄ᬢᭀᬚᬦᬶ᭞ᬮᬫ᭄ᬧᬳᬾᬫᬫᬸᬭᬫᬸᬭᬂ᭟ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬢ᭄ᬕᬮ᭄᭞ᬳᬶᬕ᭄ᬮᬢᬶᬓ᭄ᬫᬗ᭄ᬓᬶᬦ᭄ᬓᬧᬗ᭄ᬕᬶᬄ᭞ᬳᬶ
[᭘ 8A]
ᬫᬦᬸᬓᬪᬳᬗᬸᬘᬧ᭄᭞ᬘᬳᬶᬢᬾᬓᬮᬶᬯᬢ᭄ᬩᬕᬸᬲ᭄᭞ᬘᬳᬶᬳ᭄ᬜᭂᬓ᭄‌ᬢ᭄ᬓᬾᬦ᭄ᬦᬶᬭ᭞ᬳᬶᬕ᭄ᬮᬢᬶᬓ᭄᭞ᬫᬾᬲᭂᬫ᭄ᬲᬶᬭᬢᬹᬃᬳᬗᬸᬘᬧ᭄᭟ᬦᬶᬭᬢ᭄ᬯᬭᬳᬤᬜᬦ᭄ᬤᬂ᭞ᬫᬢ᭄ᬫᬸᬓᬃᬫ᭄ᬫᬭᬶᬂᬜᬳᬶ᭞ᬮ
ᬫᬸᬦ᭄ᬲᬸᬩᬲᬚᬓᬾᬢᭀ᭞ᬳᭀᬭᬳᬂᬳᬦᬓᬾᬩᬕᬸᬲ᭄᭞ᬳᬶᬕ᭄ᬮᬢᬶᬓ᭄ᬫᬗ᭄ᬓᬾᬳᬗᬸᬘᬧ᭄᭞ᬢᬸᬳᬸᬜᬮᬶᬢ᭄᭞ᬳᬶᬓᬾᬓᬾᬃᬧᬶᬮᬶᬄᬩᬕᬸᬲ᭟ᬦᭀᬗᭀᬲ᭄ᬜᬳᬶᬓᬾᬓᬾᬃᬤᬶᬚ᭞ᬳᭂᬫ᭄ᬩᭀ
ᬓ᭄ᬜᬤ᭄ᬬᬓ᭄ᬫᭂᬗᬮᬶᬄ᭞ᬳᬶᬕ᭄ᬮᬢᬶᬓ᭄ᬲᬸᬫᬯᬸᬃᬳᬮᭀᬦ᭄᭞ᬫᬭᬶᬗ᭄ᬕᬕᬧᬺᬦᬳᬶᬧᬸᬦ᭄᭞ᬦᬸᬚᬸᬓᬢᬶᬕᬮᬦ᭄ᬓᬧᬢ᭄᭞ᬓᬾᬢᭀᬜᬳᬶ᭞ᬳᬶᬫᬦᬸᬓᬪᬮᬸᬫᬫ᭄ᬧᬄ᭟ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬲᬯᬄ
᭞ᬳᬶᬘᬗᬓ᭄ᬭᬭᬶᬲ᭄ᬓᬧᬗ᭄ᬕᬶᬄ᭞ᬲ᭄ᬤᭂᬓ᭄ᬳᬶᬬᬫᬫᬸᬭᬸᬓᬢᬓ᭄᭞ᬳᬶᬫᬦᬸᬓᬪᬬᬭᬯᬸᬄ᭞ᬢᬸᬫᬸᬮᬶᬭᬭᬶᬲ᭄ᬳᬗᬸᬘᬧ᭄᭞ᬲᬸᬓᬘᬳᬶ᭞ᬳᭀᬭᬳᬶᬜ᭄ᬚᬓᬸᬤᬦᬶᬭ᭟ᬧᬺᬡᬳᬾᬳᬶᬲᬣᬯᬦ᭞ᬧᬸᬜ᭄ᬘ [ 9 ][᭘ 8B]
᭘
ᬗᬓ᭄ᬱᬯᬸᬭᬾᬳᬭᬶᬲ᭄᭞ᬜᬳᬶᬗᬸᬤᬫᬦᬓᭀᬦᬂ᭞ᬳᬶᬘᬣᬯᬦᬧᬸᬦᬶᬓᬸ᭞ᬳᬶᬫᬦᬸᬓᬪᬳᬗᬸᬘᬧ᭄᭞ᬳᬶᬗ᭄ᬕᬶᬄᬘᬳᬶ᭞ᬲᬸᬓᬭᬶᬂᬳᬶᬲᬣᬯᬦ᭟ᬳᬶᬘᬗᬓ᭄ᬫᬗ᭄ᬕᬯᬾᬤᬬ᭞ᬫᬗᬸᬧᬬᬲ
ᬓᬶᬂᬳᬭᬶᬲ᭄᭞ᬗᭂᬤ᭄ᬓᭂᬤᬂᬩᬯᭀᬗᬾᬧᬜ᭄ᬚᬂ᭞ᬫᬲᬶᬄᬬᬫᬩᭂᬢ᭄ᬩᬕᬸᬲ᭄᭞ᬤᬶᬚᬓᭀᬳᬶᬲᬣᬯᬦ᭞ᬲ᭄ᬤᭂᬂᬲᬦ᭄ᬤᬶᬂ᭞ᬩᬕᬸᬲ᭄ᬦᬶᬭᬢ᭄ᬯᬭᬧᬥ᭟ᬦᬸᬦᬲ᭄ᬫᬦ᭄ᬢᬸᬓ᭄ᬓᬧᬫᬺᬫᬦ᭄᭞ᬳᬬᬸᬳᬕᬸᬂᬢᬸᬳᬸᬩ᭄ᬘᬶ
ᬓ᭄᭞ᬓᬢᭀᬦ᭄ᬧᬲᬶᬄᬓᬚᬓ᭄ᬮᭀᬤ᭄᭞ᬤᬶᬢᬸᬓᬮᬗᭂᬦᬾᬮ᭄ᬬᬸ᭞ᬳᬶᬘᬗᬓ᭄ᬭᬭᬶᬲ᭄ᬮᬸᬫᬫ᭄ᬧᬄ᭞ᬫᬓᬓᬮᬶᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬤᬶᬧᬫᬺᬫᬦ᭄᭟ᬲ᭄ᬯᬾᬦᬾᬫᬭᬶᬂᬧᬫᬺᬫᬦ᭄᭞ᬢᬶᬕᬂᬢᬳᬸᬦ᭄ᬤᬾᬦ᭄ᬬ
ᬓᬲᬶᬄ᭞ᬳᬶᬫᬦᬸᬓᬪᬬᬗᬶᬤᬫ᭄᭞ᬚᬯᬚᬯᬶᬳᬋᬧ᭄ᬳᬶᬧᬸᬦ᭄᭞ᬳᬶᬘᬗᬓ᭄ᬭᬭᬶᬲ᭄ᬳᬗᬸᬘᬧ᭄᭞ᬤᬶᬦᬶᬕᬸᬲ᭄ᬢᬶ᭞ᬢ᭄ᬬᬗᬮᬶᬄᬤᬤᬳᬭᬦ᭄᭟ᬚᬦᬶᬮᬸᬗ᭄ᬳᬫᬭᬶᬂᬲᬯᬄ᭞ᬓᬢᬓ᭄ᬮᬶᬦ᭄ᬤᬸᬂᬳᬩᬫᬸᬮᬶᬄ᭞
[᭙ 9A]
ᬳᬩᬳᬂᬳᬶᬫᬦᬸᬓᬪ᭞ᬳᬶᬫᬦᬸᬓ᭄ᬮᬪᬢᬗ᭄ᬓᭂᬚᬸᬢ᭄᭞ᬫᬦᬳᭂᬦ᭄ᬓᭂᬦᬧ᭄ᬭᬾᬦ᭄ᬢᬄ᭞ᬳᬯᬓ᭄ᬧᬮᬶᬂ᭞ᬳᬯᬓᬾᬢ᭄ᬯᬭᬚᬦᬯᬂ᭟ᬚᬦᬶᬬᬫᬫᬸᬭᬂᬫᬸᬭᬂ᭞ᬲ᭄ᬤᬶᬳᬾᬢᬦ᭄ᬲᬶᬧᬶᬲᬶᬧᬶ᭞ᬓᬢ᭄ᬫᬸᬧᬺᬡᬄ᭠
ᬭᬶᬗ᭄ᬕᬕ᭞ᬳᬶᬓᬾᬓᬾᬃᬓᬗ᭄ᬕᭂᬓ᭄ᬳᬦ᭄ᬤᬸᬮᬸ᭞ᬫᬜᬯᬸᬧ᭄ᬳᬲᬣᬯᬦ᭞ᬢᭂᬫ᭄ᬩᬾᬚᬦᬶ᭞ᬢᬶᬢ᭄ᬬᬂᬫᬗ᭄ᬕᬶᬳᬶᬦ᭄ᬳᬶᬤᬾᬯ᭟ᬳᬶᬫᬦᬸᬓᬪᬳᬗᬸᬘᬧ᭄᭞ᬲᬵᬫ᭄ᬧᬸᬦ᭄ᬲ᭄ᬯᬾᬢᬶᬢ᭄ᬬᬂᬧᬮᬶᬂ᭞ᬧᬢᬶᬉᬜ᭄ᬘᬸᬄ᭠
ᬧᬢᬶᬢᬓᭀᬦ᭄᭞ᬳᬤᬓᭀᬧᬓ᭄ᬱᬶᬓᬢ᭄ᬧᬸᬓ᭄᭞ᬲ᭄ᬤᭂᬓ᭄ᬬᬫᬫᬸᬭᬸᬓᬢᬓ᭄᭞ᬳᭂᬦ᭄ᬢᭀᬚᬦᬶ᭞ᬧᬶᬲᬤ᭄ᬬᬦ᭄ᬢᬶᬢ᭄ᬬᬂᬦᬓᭀᬦᬂ᭟ᬩᬸᬓᬳᬶᬧᬸᬦ᭄ᬳᬶᬲᬣᬯᬦ᭞ᬤᬾᬦᬶᬂᬢᬶᬢ᭄ᬬᬂᬮᬶᬯᬢ᭄ᬧᬮᬶᬂ᭞
ᬓ᭄ᬦᬳᬧᬸᬲ᭄ᬓᬸᬤᬢᬶᬢ᭄ᬬᬂ᭞ᬳᬶᬓᬾᬓᬾᬃᬤᬸᬓᬳᬗ᭄ᬭᬸᬗᬸ᭞ᬢᬦ᭄ᬮ᭄ᬬᬦ᭄ᬳᬶᬘᬗᬓ᭄ᬧᬸᬦᬶᬓ᭞ᬢᬹᬃ᭠ᬗ᭄ᬲᬾᬗᬶᬦ᭄᭞ᬳᬶᬕ᭄ᬯᬓ᭄‌ᬢ᭄ᬓᬫᬲᬹᬃᬬ᭄ᬬᬓ᭄᭟ᬩᬸᬓᬯᬾᬦ᭄ᬢᭂᬦ᭄ᬢᬶᬕᬗᬢᬓ᭄᭞ᬳᬶᬓᬾᬓᬾᬃᬗᬦ᭄ᬤᬶ᭠ [ 10 ][᭙ 9B]
᭙
ᬓᬚᬦᬶ᭞ᬓ᭄ᬫᬭᬸᬭᬸᬄᬬᬳᬶᬘᬗᬓ᭄᭞ᬮᬫᬸᬦ᭄ᬩᬓᬢ᭄ᬮᬦ᭄ᬢᬲ᭄ᬳᭂᬚᬸᬓ᭄᭞ᬳᬶᬕ᭄ᬯᬓ᭄ᬫᬵᬢᬹᬭᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬤᬾᬯ᭟ᬳᬶᬕ᭄ᬯᬓ᭄ᬭᬭᬶᬲ᭄ᬮᬸᬫᬫ᭄ᬧᬄ᭞ᬫᬗ᭄ᬭᬸᬭᬸᬄᬳᬶᬘᬗ᭠
ᬓ᭄ᬢᬦᬶ᭞ᬢᬦ᭄ᬮ᭄ᬬᬦ᭄ᬗᬸᬗ᭄ᬲᬶᬲᬕᬭ᭞ᬢ᭄ᬯᬭᬩᬓᬢ᭄ᬫᬲᬶᬄᬭᬸᬭᬸᬄ᭞ᬤᬶᬲᬯᬄᬚᬦᬶᬬᬩᬓ᭠ᬢ᭄᭞ᬦᬾᬦᬾᬚᬦᬶ᭞ᬳᬶᬕ᭄ᬯᬓ᭄ᬭᬭᬶᬲ᭄ᬗᭂᬦ᭄ᬤᭂᬳᬂ᭟ᬳᬶᬕ᭄ᬯᬓ᭄ᬚᬦᬶᬫᬲᬹᬃᬬ᭄ᬬᬓ᭄᭞ᬳᬶᬘᬗᬓ᭄ᬭᬭᬶᬲ᭄ᬫᬮᬳᬶ
ᬩ᭄᭞ᬜᬮᬶᬲᬶᬄᬢ᭄ᬗᬳᬶᬂᬢᬮᬂ᭞ᬳᬶᬕ᭄ᬯᬓ᭄ᬭᬭᬶᬲ᭄ᬫᬗ᭄ᬧᬸᬂ᭞ᬜᬳᬸᬧ᭄ᬩᬯᭀᬂᬫᬫᬶᬍᬕᬂ᭞ᬗᬶᬫ᭄ᬧᬸᬲ᭄ᬩᬢᬶᬲ᭄᭞ᬳᬶᬘᬗᬓ᭄ᬢᭀᬂᬤᬤᬶᬫᭀᬮᬄ᭟ᬳᬶᬘᬗᬓ᭄ᬲᬵᬫ᭄ᬧᬸᬦ᭄ᬫᬩᬱ᭄ᬝ᭞ᬳᬦ᭄ᬢᬸᬓ᭄ᬬᬳᬶᬕ᭄ᬯᬓ᭄ᬚ᭠
ᬦᬶ᭞ᬓᬩ᭄ᬯᬢ᭄ᬮᬯᬸᬢ᭄ᬓᬳᬢᬹᬭᬂ᭞ᬭᬳᬶᬲᬢᬯᬦᬧ᭄ᬭᬪᬸ᭞ᬧᬸᬦᬶᬓᬶᬳᬶᬘᬗᬓ᭄ᬤᬸᬱ᭄ᬝ᭞ᬘᭀᬭᬄᬲᬶᬲᬶᬧ᭄᭞ᬫᬦ᭄ᬢᬸᬓ᭄ᬭᬶᬂᬭᬳᬶᬦ᭄ᬳᬶᬤᬾᬯ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬜ᭄ᬚᬭ᭞ᬳᬶᬕ᭄ᬯᬓ᭄ᬩᬗ᭄ᬕ᭄ᬭᬲ᭄ᬫᬫᬸᬜᬶ

[᭑᭐ 10A]

ᬳ᭄ᬦᬄᬚᬦᬶᬓᬾᬢᬳᬦᬂ᭞ᬳ᭄ᬫᬲᬶᬦ᭄ᬤᭀᬱᬦᬾᬫᬮᬸ᭞ᬓᬵᬲᬸᬓᬂᬚ᭄ᬭᭀᬦᬶᬂᬧᬜ᭄ᬚᬭ᭞ᬚ᭄ᬧᬶᬢ᭄ᬤᬸᬯᬶ᭞ᬳᬶᬕ᭄ᬯᬓ᭄ᬭᬭᬶᬲ᭄ᬫᬢᬶᬗ᭄ᬕᬮ᭄᭟ᬳᬶᬓᬾᬓᬾᬃᬳᬘᬺᬗ᭄ᬳᬗᬸᬘᬧ᭄᭞ᬓ᭄ᬫᬚᬦᬶᬳ᭄ᬮᭀᬕᭀᬭᬶᬦ᭄᭞
ᬲᬓᬶᬢᬶᬦ᭄ᬬᬕ᭄ᬮᬕ᭄ᬮ᭞ᬚ᭄ᬧᬸᬢ᭄ᬩᬳᬦ᭄ᬤᬸᬯᬶᬤᬶᬢᬸ᭞ᬳᬶᬕ᭄ᬯᬓ᭄ᬫᬵᬢᬹᬃᬳᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬫ᭄ᬧᬄ᭟ᬓᬲ᭄ᬯᬾᬦ᭄ᬫᬭᬶᬂᬧᬜ᭄ᬚᬭ᭞ᬯᬾᬦ᭄ᬢᭂᬦ᭄ᬧᬓᬾᬢᬶᬕᬂᬰᬰᬶᬄ᭞ᬢ᭄ᬓᬬ᭠
ᬳᬶᬓᬸᬕ᭄ᬓᬸᬕᬦ᭄᭞ᬗᬮᬾᬩᬂᬳᬶᬘᬗᬓ᭄ᬤᬶᬢᬸ᭞ᬮᬯᬸᬢ᭄ᬬᬗᭂᬯᬾᬳᬶᬦ᭄ᬕᬸᬡ᭞ᬦᬾᬦᬾᬚᬦᬶ᭞ᬳᬶᬘᬗᬓ᭄ᬫᬢᬹᬭᬦᭂᬫ᭄ᬩᬄ᭟ᬳᬕᬸᬂᬲᬶᬄᬳᬶᬘ᭄ᬙᬦ᭄ᬳᬶᬤᬾᬯ᭞ᬭᬶᬂᬢᬶᬢ᭄ᬬᬂᬫᬶᬢᬸᬮᬸᬂᬉᬭᬶᬧ᭄᭞ᬲᬢ᭄ᬫ
ᬓᬪᬝᬵᬳᬭᬰᬶᬯ᭞ᬳᬶᬓᬸᬕ᭄ᬓᬸᬕᬦ᭄ᬳᬮᭀᬦ᭄ᬫᬸᬯᬸᬲ᭄᭞ᬚᬦᬶᬓ᭄ᬫᭂᬓᬾᬯᬍᬲᬂ᭞ᬳᬧᬗᬫᬢᬶ᭞ᬳᬶᬘᬗᬓ᭄ᬭᬭᭀᬲ᭄ᬫᬤᬩ᭄ᬤᬩ᭄᭟ᬳᬶᬘᬗᬓ᭄ᬫᬗᬮᬶᬄᬕᬸᬡ᭞ᬳᬶᬓᬸᬕ᭄ᬓᬸᬕᬦ᭄ᬬᬫᬯᬾᬳᬶ᭠ [ 11 ][᭑᭐ 10B]
᭑᭐
ᬦ᭄᭞ᬫᬰ᭄ᬭᬡᬩᬳᬦ᭄ᬳᭀᬯᭀᬢ᭄᭞ᬫᬳᬍᬤ᭄‌ᬤᭀᬦ᭄ᬮᬢᭂᬂᬫ᭄ᬬᬸ᭞ᬬᬶᬧ᭄ᬓᬧᬸᬢ᭄ᬩᬳᬦ᭄ᬤᬮᬸᬯᬂ᭞ᬬᬦ᭄ᬢᬦ᭄ᬫᬢᬶ᭞ᬫᬢᬶᬘᬳᬶᬫᬳᭀᬭᬳᬦ᭄᭟ᬳᬶᬘᬗᬓ᭄ᬫᬦᬳᬾᬏᬕᬶ᭞ᬫᬗᬕᭂᬦ᭄ᬫᬸ
ᬲᬸᬳᬾᬫᬢᬶ᭞ᬳᬶᬘᬗᬓ᭄ᬭᬭᬶᬲ᭄ᬮᬸᬫᬫ᭄ᬧᬄ᭞ᬭᬶᬂᬍᬩᬸᬄᬳᬶᬓᬾᬓᬾᬃᬤᬶᬢᬸ᭞ᬚᬭᬦ᭄ᬕᬸᬬᬂᬧᬦ᭄ᬤᬶᬲ᭄ᬢ᭄ᬬᬦ᭄᭞ᬢᬹᬃᬫᬶᬦᬸᬱ᭄ᬝᬶ᭞ᬳᬶᬘᬗᬓ᭄ᬓᬤᬶᬳ᭄ᬬᬂᬓᬵᬮ᭟ᬳᬶᬘᬗᬓ᭄ᬚᬦᬶᬫᬫᬦ᭄ᬢ᭄ᬭ᭞ᬫᬫᬸᬱ᭄ᬝᬶ
ᬫᬳᬋᬧ᭄ᬓᬗᬶᬦ᭄᭞ᬫᬦᬾᬗ᭄ᬓᭂᬮᬾᬂᬫᬲᬸᬓᬸᬢᬸᬗ᭄ᬕᬮ᭄᭞ᬚᬧᬫᬦ᭄ᬢ᭄ᬭᬯᬸᬲ᭄ᬭᬶᬦᬗ᭄ᬲᬸᬓ᭄᭞ᬭᬭᬶᬲ᭄ᬬᬦᬦᭂᬫ᭄‌ᬰ᭄ᬭᬡ᭞ᬧᬺᬚᬦᬶ᭞ᬕᬸᬡᬦ᭄ᬳᬶᬘᬗᬓᬾᬫ᭄ᬭᬢ᭄᭟ᬳᬾᬧᬸᬄᬧ᭄ᬭᬪᬸᬲᬣᬯᬦ᭞
ᬫᬦᬳᭂᬦ᭄ᬳᬯᬓᬾᬫᬢᬶ᭞ᬫᬮ᭄ᬯᬂᬳᬢᬶᬦᬾᬳᭀᬯᭀᬦ᭄᭞ᬳᬶᬫᬦᬸᬓᬪᬬᬳᬾᬧᬸᬄ᭞ᬭᬭᬶᬲ᭄ᬗᭀᬦ᭄ᬓᭀᬦ᭄ᬗᬮᬶᬄᬩᬮ᭄ᬬᬦ᭄᭞ᬧᬺᬚᬦᬶ᭞ᬩᬮ᭄ᬬᬦ᭄ᬓᬫᬲ᭄ᬮᬸᬭᬦ᭄᭟ᬦᬾᬓᭀ᭠
[᭑᭑ 11A]
ᬘᬧᬦ᭄ᬫᬸᬗ᭄ᬕᬸᬄᬩᬮ᭄ᬬᬦ᭄᭞ᬳᬶᬘᬗ᭄ᬓᭀᬭᬾᬓ᭄ᬮᬦ᭄ᬳᬶᬘᬸᬭᬶᬓ᭄᭞ᬘᬭᬸᬓ᭄ᬘᬸᬓ᭄ᬩᬮ᭄ᬬᬦ᭄ᬓᬢᬓ᭄ᬱᭀᬦ᭄᭞ᬳᬶᬩᬺᬲᬾᬢ᭄‌ᬜ᭄ᬦᭂᬂᬤᬸᬓᬸᬄ᭞ᬩᬮ᭄ᬬᬦ᭄ᬳᬶᬲ᭄ᬢ᭄ᬭᬶᬳᬶᬓᬺᬓ᭄ᬯᬓ᭄᭞ᬫᬦᭂᬦᬸᬗᬶᬦ᭄᭞ᬢ᭠
ᬦ᭄ᬮ᭄ᬬᬦ᭄ᬳᬶᬓᭀᬓᭀᬓᬦ᭄‌ᬢᬮᬂ᭟ᬓ᭄ᬫᬳᬮᬶᬳᬂᬩᬩᬓᬦ᭄᭞ᬮᬶᬜ᭄ᬚᭀᬂᬥᬗᬶᬂᬮᬯᬦ᭄ᬲ᭠ᬭᬶ᭞ᬓ᭄ᬭᬶᬓᬦ᭄ᬓᬬᬸᬘᬦ᭄ᬤᬦ᭞ᬳᬶᬓᬃᬚ᭄ᬧᬸᬦ᭄ᬭᬾᬜ᭄ᬘᭀᬗᬶᬦ᭄᭞ᬘᬭᬸᬓ᭄ᬘᬸᬓ᭄ᬭᬭᬶᬲ᭄ᬫᭂᬦᬾᬓᬦ᭄᭞ᬫᬗᭂ
ᬢᬾᬮᬶᬦ᭄᭞ᬫᬗᬗ᭄ᬕᬾᬳᬂᬧᬫᬮᬶᬦᬦ᭄᭟ᬦᬾᬚᬦᬶᬩᬸᬯᬶᬦ᭄ᬲᬭᬢᬂ᭞ᬧᬫᬗ᭄ᬕᬸᬳᬦ᭄‌ᬓ᭄ᬫᭂᬳᬮᬶᬄ᭞ᬦᬲᬶᬳᬫ᭄ᬩ᭄ᬯᬕᬸᬮᬶᬂᬓᬢᬓ᭄᭞ᬳᬸᬮᬶᬂᬇᬢᬶᬓ᭄‌ᬓ᭄ᬭᬸᬲᬸᬓ᭄ᬮᬦ᭄ᬤᬸᬂ᭞ᬓ᭄ᬫᬳᬮᬶᬳᬂᬲᭂᬫ᭄ᬩᬃᬜ
᭞ᬓᬬᬸᬳᬧᬶᬢ᭄᭞ᬤᬸᬱᬓ᭄ᬮᬶᬂᬩᬯᬗᬤᬲ᭄᭟ᬓᭀᬘᬧ᭄ᬳᬶᬓᭀᬓᭀᬓᬦ᭄ᬢᬮᬂ᭞ᬫᬦᭂᬤᬸᬗᬶᬦ᭄‌ᬦᬾᬦᬾᬚᬦᬶ᭞ᬫᬗᬤᬾᬦ᭄ᬓᬧᬶᬳᬸᬢᬗᬦ᭄᭞ᬤᬶᬓᬫᬸᬮᬦ᭄ᬩᬵᬦ᭄ᬧᬸᬜ᭄ᬚᬸᬂ᭞ᬕᬸᬮᬶᬂᬩᬾᬩᬾᬓ᭄ᬳᬸ [ 12 ][᭑᭑ 11B]
᭑᭑
ᬮᬫ᭄ᬜ᭞ᬢᭀᬢᬯᬸᬭᬶᬦ᭄᭞ᬕᬢᬶᬕᬢᬶᬳᬧᬂᬧ᭄ᬭᬕᬢ᭄᭟ᬳᬶᬓᭀᬓᭀᬓᬦ᭄ᬬᬫᬲ᭄ᬳᬵᭂ᭞ᬫᬦ᭄ᬤᬸᬲ᭄ᬫᬶᬯᬄᬗᬸᬮᬧᬶᬦ᭄᭞ᬩᬸᬓᬢ᭄ᬯᬭᬦᬯᬂᬚ᭄ᬗᬄ᭞ᬲᬳᬦ᭄ᬜᬦᬾᬧᬢᬶᬓᬘᬸᬄ᭞ᬫᬲᬶᬄᬫᬶᬮᬸᬗᬸ᭠
ᬬᭂᬂᬖᭂᬡ᭄ᬝ᭞ᬓᬕᬾᬢ᭄ᬧ᭄ᬮᬶᬄ᭞ᬧᬮᬶᬢ᭄ᬖᭂᬡ᭄ᬝᬦ᭄ᬜᬦᬾᬓ᭄ᬘᬕ᭄᭟ᬳᬶᬕ᭄ᬯᬓ᭄ᬫᬧᬶᬦ᭄ᬤ᭄ᬭᬶᬄᬧᬗᬦ᭄᭞ᬫᬗᬓᬸᬳᬯᬓᬾᬰᬓ᭄ᬢᬶ᭞ᬢᬦᬶᬩᬮ᭄ᬬᬦ᭄ᬗᬓᬸᬩᬮ᭄ᬬᬦ᭄᭞ᬫᬲᬶᬄᬫᬶᬮᬸᬬᬫᬳᬸᬤᬸᬄ᭞ᬗᬤᬾ᭠
ᬦ᭄ᬲᬸᬮᬓᬮᬶᬚᬚᬸᬳᬦ᭄᭞ᬦᬾᬓᬧᬶᬦ᭄ᬤ᭄ᬭᬶᬄ᭞ᬢᬮᬸᬄᬲᬲᬦ᭄ᬢᬸᬦᬾᬓᬵᬮᬧ᭄᭟᭐᭟ᬧᬸᬦᬶᬓᬶᬕᬕᬸᬭᬶᬢᬦ᭄‌ᬓ᭄ᬤᬶᬲ᭄‌ᬲᬓᬶᬂᬤ᭄ᬭᬸᬯᬾᬦ᭄ᬧᭂᬃᬧᬸᬱ᭄ᬝᬓᬳᬦ᭄ᬧᬓᬸᬮ᭄ᬢᬲ᭄‌ᬰᬵᬲ᭄ᬢ᭄ᬭᬉᬦᬸᬤ᭄‌ᬤᬾᬦ᭄ᬧ
ᬲᬃ᭞ᬓᬤ᭄ᬭᬸᬯᬾᬳᭀᬮᬶᬄᬳ᭄ᬤᬳᬶᬤᬾᬯᬕ᭄ᬥᬾᬘᬢᬺᬭᬶᬂᬅᬫ᭄ᬮᬧᬸᬭ᭞ᬓᬭᬗᬲᭂᬫ᭄᭟ᬯᬸᬲ᭄ᬧᬰ᭄ᬘᬢ᭄ᬘᬶᬦᬶᬢᬺᬭᬶᬂᬯ᭄ᬯᬾ᭞ᬩᬸ᭞ᬮ᭞ᬲᬶᬦ᭄ᬢ᭞ᬢᬗ᭄ᬕᬮ᭄᭞᭑᭕᭞᭘᭞᭑᭙᭙᭐᭞ᬤᬾᬓᬗᬧᬦ᭄ᬮᬄ
[᭑᭒ 12A]
ᬅᬭᬶᬓᬘᬢᬹᬃᬲᬦᬓ᭄᭞ᬭᬶᬂᬧᬉᬫᬦ᭄ᬦᬶᬰ᭄ᬘᬬᬮᭀᬃᬲ᭄ᬫᬵᬭᬧᬸᬭ᭞ᬧᬰ᭄ᬘᬶᬫᬾᬂᬖᭀᬭᬭᬵᬚ᭄ᬬᬲᬭᬰ᭄ᬯᬢᬷ᭞ᬓ᭄ᬮᬸᬗ᭄ᬓᬸᬂ᭟᭐᭟ [ 13 ][᭑᭒ 12B]
᭑᭒