Ban/Gaguritan Kedis 02

Deskripsi

Bahasa Indonesia

Gaguritan Kedis 02 menceritakan tentang kehidupan para burung (kedis). Diceritakan suatu ketika diadakan suatu acara yang menampilkan arja, kecak, gambuh, tabuh, legong, dan lain-lain. Berkumpul beberapa jenis burung seperti Crukcuk, Goak, titiran, Curik, Kukur, dan lain sebagainya.

Naskah

[ 1 ]PERPUSTAKAAN
KTR. DOKBUD BALI
PROP. BALI
G/IX/5/DOKBUD
Judul : GAGURITAN KEDHIS.
Pnj. 50 cm. Lb. 3,5 cm. Jlm. 8 lb.
Asal : Pekandelan, Klungkung.

[᭑ 1A]
G/IX/5
Judul : GAGURITAN KEDHIS.
Pnj. 50 cm. Lb. 3,5 cm. Jlm. 8 lb.
Asal : Pekandelan, Klungkung. [ 2 ][᭑ 1B]
᭑
᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬢ᭄ᬭᬶᬫᬾᬦ᭄ᬳᬶᬲ᭄ᬢ᭄ᬭᬶᬦᬸᬗ᭄ᬕᬮ᭄᭞ᬫᬯᬵᬱ᭄ᬝᬳᬶᬭᬢᬸᬫᬗ᭄ᬕᬮᬶ᭞ᬦᬵᬗ᭄ᬳᬶᬂᬕᭀᬩᬦ᭄ᬜᬦᬾᬓᬯᭀᬢ᭄᭞ᬫ᭄ᬮᬳᬾᬢᭀᬗᬤᬫᬦ᭄ᬤᬸᬓ᭄᭞ᬦᬵᬗ᭄ᬳᬶᬂᬬᬲᭂᬓᬭᬶᬂᬚᬯᬵᬭᬹᬧᬩ᭄ᬘᬶᬓ᭄᭞ᬧ᭄ᬬᬦᬓ᭄ᬳᬶᬭᬗ᭄ᬤᬭᬶᬂᬕᬶᬭᬄ᭟ᬳᬶᬭᬢ᭄ᬦᬫᬗ᭄ᬕᬮᬶᬓᭀᬘᬧ᭄᭞ᬫᬕᬸ
ᬡᬬᬤᬳᬢ᭄‌ᬍᬯᬶᬄ᭞ᬢᬦ᭄ᬲᬄᬗᬗ᭄ᬕᭀᬕᬸᬡᬭᬾᬩᭀᬂ᭞ᬍᬗᬶᬲ᭄ᬤᬸᬬᬸᬂᬕ᭄ᬕᬯᬾᬮᬸᬮᬸᬢ᭄᭞ᬲ᭄ᬫᬵᬭᬢᬦ᭄ᬢ᭄ᬭᬚᬭᬶᬂᬲᬸᬢᬺ᭞ᬫᬸᬭᬸᬩ᭄ᬳᭂᬦ᭄ᬤᬶᬄ᭞ᬢᬦ᭄ᬲᬄᬫᬵᬧᬸᬦ᭄‌ᬍᬗᬶᬲ᭄ᬚᬯ᭟ᬳᬶᬩᭀᬦ᭄ᬓᬭᬂᬬᬏᬤᬦ᭄᭞ᬤᬦᬾᬓ᭄ᬦᬕᬸᬡᬮᬶᬮᬶᬢ᭄᭞ᬢ᭄ᬓᬾᬦ᭄ᬲᭀᬫᬳᬾᬫᬮᬸᬦᬦ᭄᭞ᬓᬧᬄᬬᬢ᭄ᬯᬄ
ᬓᬧᬸᬧᬸ᭞ᬭᬩᬶᬦᬾᬳᬸᬮᬶᬤᬶᬲᬲᬓ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬢᬦ᭄ᬲᬄᬳᬶᬭᬢ᭄ᬦᬫᬗ᭄ᬕᬮ᭄ᬬ᭟ᬳᬶᬓ᭄ᬢᬸᬢ᭄ᬳᬃᬱᬗᬭᬱ᭞ᬦᬾᬲᬸᬩᬦᬦ᭄ᬢ᭄ᬯᬄᬓᬧᬶᬮᬶᬳᬶᬦ᭄᭞ᬚᬦᬶᬳᬶᬗᭂᬢ᭄‌ᬢ᭄ᬓᬾᬦ᭄ᬯᬬᬄ᭞ᬦᬾᬩᬚᬗᬦ᭄ᬬᬓᬧᬸᬧᬸ᭞ᬢ᭄ᬯᬭᬦᬶᬭᬫᬜᬮᬳᬂ᭞ᬳᬦᬓ᭄ᬫ᭄ᬯᬦᬶ᭞ᬓᬮᬗᭃᬦᬦ᭄ᬢᭂ
ᬓᬾᬦ᭄ᬕᬸᬡ᭟ᬚᬦᬶᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬳᬶᬓ᭄ᬢᬸᬢ᭄ᬳᬃᬱᬳᬕᬸᬮᬶᬂ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕᬄᬓᬧᬢᬸᬭᭀᬦ᭄᭞ᬲᬵᬫ᭄ᬧᬸᬦ᭄ᬲᬶᬭᬧ᭄ᬯᬳᬢᬸᬭᬸ᭞ᬭᬯᬸᬄᬪᬝᬵᬭᬮᬸᬫᬗ᭄ᬮᬂ᭞ᬫᬗᬶᬬᬗᬶᬦ᭄᭞ᬧᭂᬲᬾᬗᬦ᭄ᬪᬝᬵᬭᬇᬦ᭄ᬤ᭄ᬭ᭟ᬲᬳᬶᬧ᭄ᬢᭂᬂᬗᭂᬦ᭄ᬢᬳᬸᬬᬂ᭞ᬤ᭄ᬭᬤᬤᬓᬦ᭄ᬬᬫᬦᬶᬧ᭄ᬤᬶᬧ᭄᭞ᬤᬶᬧ᭄ᬢᭂᬗᬾ

[᭒ 2A]
ᬓᬤᬸᬂᬢᬾᬮᭀ᭞ᬜᬧ᭄ᬜᬧ᭄ᬳᬸᬬᬂᬮᬦ᭄ᬢᬲ᭄ᬩᬗᬸᬦ᭄᭞ᬩᬗᬸᬦ᭄ᬗᬸᬲᬸᬤᬶᬦ᭄ᬳᬶᬧ᭄ᬬᬦ᭄᭞ᬓᬤᬶᬗᬶᬧᬶ᭞ᬫᬗᭂᬚᬸᬓ᭄ᬓᬶᬢᬶᬭᬦ᭄ᬧ᭄ᬝᬓ᭄᭟ᬤᬓᭂᬧ᭄ᬢᬶᬢ᭄ᬬᬂᬤᬶᬧᬫᬺᬫᬦ᭄᭞ᬓᬧᬸᬢ᭄ᬩᬳᬦ᭄ᬲᬧᬸᬢ᭄ᬧᬸᬢᬶᬄ᭞ᬕᬯᬾᬦᬂᬘᬦᬂᬢᬸᬩᬸᬗᬦ᭄᭞ᬍᬗᭃᬯᬗᬶᬦᬾᬫᬓᭂᬲ᭄ᬬᬸᬄ᭞ᬅᬲᭂᬧ᭄ᬫᬶᬬᬶᬓ᭄ᬫᬳᬶᬫ᭄ᬧᬸᬕᬦ᭄᭞ᬓ᭄ᬤᬶ
ᬲ᭄ᬩᭂᬘᬶᬓ᭄᭞ᬧᬳᬶᬘ᭄ᬙᬦ᭄ᬪᬝᬵᬭᬇᬦ᭄ᬤ᭄ᬭ᭟ᬘᬼᬧᬂᬓᬕ᭄ᬲᬸᬗᬦ᭄ᬫᭂᬮᬄ᭞ᬧᬧᬸᬮᬲᬦ᭄ᬢᬸᬳᬸᬩ᭄ᬘᬶᬓ᭄᭞ᬲᬫᬶᬢ᭄ᬓᬦᬶᬂᬢᬢᬓ᭞ᬘᬘᬕᬓᬾᬤᬳᬢ᭄ᬮᬸᬯᬸᬂ᭞ᬫᬘᬗ᭄ᬕᬄᬧᬂᬫᬕᬶᬯᬂ᭞ᬓᬦ᭄ᬢᭂᬦ᭄ᬗ᭄ᬭᬯᬶᬢ᭄᭞ᬫ᭄ᬮᬳᬾᬢ᭄ᬯᬭᬵᬤᬧᬥ᭟ᬳᬸᬍᬲ᭄ᬜᬮᬂᬧᬸᬢᬶᬄᬓ᭄ᬤᬲ᭄᭞ᬤᬶᬫᬲᬦ᭄ᬜᬦᬾᬫᬫᬸᬜᬶ᭞ᬫᬗᭂᬗ᭄ᬓᬸ
ᬓ᭄ᬲᬤᬫᬗᬶᬮᭀ᭞ᬘ᭄ᬓᬸᬃᬘ᭄ᬓᬸᬃᬬᬫᬕᬦ᭄ᬢᬸᬂ᭞ᬲ᭄ᬯᬭᬦᬾᬗ᭄ᬮᬤᬫᬦᬄ᭞ᬜᬸᬜᬸᬃᬫᬦᬶᬲ᭄᭞ᬯᬾᬦ᭄ᬢᭂᬦ᭄ᬕᬸᬫᬦ᭄ᬢᬶᬘᬭᬶᬢ᭟ᬳᬶᬲ᭄ᬬᬸᬂᬲᭂᬤᭂᬓᬜ᭄ᬚᬸᬫᬄ᭞ᬳᬶᬓᬶᬢᬶᬭᬦ᭄‌ᬓ᭄ᬫᬚᬦᬶ᭞ᬲᬋᬂᬳᬚᬓᬳᬶᬩᭀᬦ᭄ᬤᭀᬮ᭄᭞ᬳᬶᬓᬾᬓᬾᬃᬭᬯᬸᬄᬤᬶᬧᬸᬗ᭄ᬓᬸᬃ᭞ᬳᬶᬕ᭄ᬮᬢᬶᬓ᭄ᬳᬶᬭᬶᬗᬦ᭄ᬜ᭞ᬫ᭄ᬯᬂᬳᬶᬘᬸᬭᬶᬓ᭄
ᬳᬶᬓᬸᬓᬸᬃᬲᬸᬕᭂᬫ᭄ᬓᬸᬦᬳᬦ᭄᭟ᬳᬶᬲ᭄ᬬᬸᬂᬫᬾᬲᭂᬫ᭄ᬳᬗᬸᬘᬧ᭄᭞ᬮᬫᬸᬦ᭄ᬧᬥᬤ᭄ᬫᭂᬦ᭄ᬲᬫᬶ᭞ᬚᬮᬦ᭄‌ᬗ᭄ᬕᬯᬾᬧᬮᬮ᭄ᬬᬦ᭄᭞ᬚᬮᬦ᭄ᬢᬾᬫᬦᬗᬸᬦ᭄ᬕᬫ᭄ᬩᬸᬄ᭞ᬳᬗ᭄ᬕᭀᬦ᭄ᬫᬩᬸᬗᬳᬶᬦ᭄ᬤᬾᬰ᭞ᬤ᭄ᬫᭂᬦ᭄ᬳᬢᬶ᭞ᬫᬓᬤᬩᬸᬗᬄᬦᬵᬕᬭ᭟ᬳᬶᬘᬸᬭᬶᬓ᭄ᬫᬵᬢᬹᬭᬦᭂᬫ᭄ᬩᬄ᭞ᬢᬶᬢ᭄ᬬᬗᬾᬭᬯᬸᬄᬲᬳᬶᬭᬶᬂ᭞ [ 3 ][᭒ 2B]
᭒
ᬳᬶᬓᬶᬢᬶᬭᬦ᭄ᬫᬵᬢᬹᬭᬮᭀᬦ᭄᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬭᬢᬸ᭞ᬳᬶᬘᬸᬭᬶᬓ᭄ᬫᬵᬢᬹᬭᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬧ᭄ᬭᬕᬶᬡᬦᬾᬧᬶᬮᬶᬳᬂ᭟ᬳᬶᬲ᭄ᬬᬸᬂᬫᬾᬲᭂᬫ᭄ᬳᬗᬸᬘᬧ᭄᭞ᬳᬶᬓᬶᬢᬶᬭᬦ᭄‌ᬜ᭄ᬦᭂᬂᬧᬜ᭄ᬚᬶ᭞ᬳᬶᬘᬸᬭᬶᬓ᭄ᬳᬶᬩᬗᬭᬗ᭄ᬕ᭞ᬓᬸᬤᬦᬶᬮᬵᬃᬱᬳᬶᬓᬸᬓᬸᬃ᭞ᬧᬦ᭄ᬢᭂᬲ᭄ᬩᬜᬓ᭄ᬢᬭᬯᬃᬱ᭞ᬘᬸᬮᬶ
ᬓ᭄ᬘᬸᬮᬶᬓ᭄᭞ᬫᬸᬜᬶᬚᬗᬶᬄᬫᬕᭂᬦ᭄ᬢᬸᬭᬦ᭄᭟ᬓ᭄ᬩᭀᬧ᭄ᬭᬓ᭄ᬱᬓᬸᬦᬳᬦ᭄᭞ᬢᬦ᭄ᬫᬸᬦ᭄ᬤᬸᬃᬳᬶᬲᬸᬕᭂᬫ᭄ᬩᭂᬘᬶᬓ᭄᭞ᬫᬸᬜᬶᬕ᭄ᬥᬾᬫᬕᬾᬮᭀᬳᬦ᭄᭞ᬭᭀᬓᬶᬮᬳᬗᬸᬦᬗᬸᬦ᭄᭞ᬳᬶᬲ᭄ᬬᬸᬂᬭᬢᬸᬕᬕ᭄ᬮᬂ᭞ᬢᬸᬳᬸᬩ᭄ᬘᬶᬓ᭄᭞ᬕᭀᬦ᭄ᬤᬮᬓᬸᬦᬶᬂᬫᬧ᭄ᬭᬤ᭟ᬜ᭄ᬦᭂᬂᬧᬢᬶᬄᬘᬶᬮᬮᭀᬗᬦ᭄᭞ᬧᬦ᭄ᬢᭂᬲ᭄ᬬᬫᬲᬧᬸ
ᬢ᭄ᬓᬸᬦᬶᬂ᭞ᬓᬸᬜᬶᬢ᭄ᬘᬘᬶᬭᬸᬧᬦ᭄ᬋᬓᭀ᭞ᬢᬸᬳᬸᬕᭀᬩᬦ᭄ᬜᬦᬾᬩᬕᬸᬲ᭄᭞ᬦᬵᬗ᭄ᬳᬶᬂᬗ᭄ᬓᬾᬓᬸᬭᬂᬉᬘᬧᬦ᭄᭞ᬫᬲᬶᬄᬩ᭄ᬘᬶᬓ᭄᭞ᬤᬾᬦᬶᬂᬧᬗᬗ᭄ᬕᭀᬦᬾᬩᬸᬗᬄ᭟ᬳᬶᬓᬾᬓᬾᬃᬜ᭄ᬦᭂᬂᬧ᭄ᬭᬩᬗ᭄ᬲᬵ᭞ᬳᬶᬲᬗ᭄ᬓᭀᬭᬾᬢ᭄ᬬᬗᬫᬦ᭄ᬢ᭄ᬭᬶ᭞ᬳᬶᬘᬗᬓ᭄ᬳᬶᬩᬫᬦᭂᬫᬂ᭞ᬳᬶᬧᬓ᭄ᬱᬶᬫᬳᬸᬦᬸᬫᭂᬗ᭄ᬕᬸᬂ᭞ᬓᬸ
ᬫᬶᬲ᭄ᬚᬳᬂᬩ᭄ᬯᬶᬦ᭄ᬩᬭᬓ᭄᭞ᬩᬶᬮᬂᬲᬫ᭄ᬧᬶ᭞ᬢᬸᬫ᭄ᬩᬸᬄᬧᬥᬫᬮᬮᬶᬫ᭟ᬳᬶᬧ᭄ᬮᬸᬂᬳᬶᬩᬫᬜᭂᬫᬃ᭞ᬳᬶᬢᭂᬢᬾᬗ᭄ᬓᬾᬓ᭄ᬫᬦᬸᬭᬲᬶᬦ᭄᭞ᬫᬸᬜᬶᬮ᭄ᬬᬸᬧᭂᬲᬸᬳᬾᬜᭀᬃ᭞ᬩᬶᬲᬬᬫᬗ᭄ᬕᬯᬾᬕᬸᬬᬸ᭞ᬳᬶᬘᬸᬭᬶᬓ᭄ᬫᬵᬢᬹᬃᬳᬦᭂᬫ᭄ᬩᬄ᭞ᬳᬶᬗ᭄ᬕᬶᬄᬕᬸᬲ᭄ᬢᬶ᭞ᬧᬸᬢ᭄ᬭᬶᬦ᭄ᬕᬮᬸᬳᬾᬧᬶᬮᬶᬳᬂ᭟ᬳᬶᬕ᭄ᬮᬢᬶᬓ᭄ᬗᬭ

[᭓ 3A]
ᬗ᭄ᬓᬾᬲᬃᬬ᭄ᬬ᭞ᬢᬸᬳᬸᬕᭀᬩᬦ᭄ᬜᬦᬾᬩ᭄ᬘᬶᬓ᭄᭞ᬫᬲᬸᬩᭂᬂᬳᭂᬫ᭄ᬧᭂᬢᭂᬫ᭄ᬧᭂᬢᬦ᭄᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬳᬬᬸ᭞ᬫᬸᬜᬶᬫᬦᬶᬲ᭄ᬓᬤᬶᬕᬸᬮ᭞ᬫᬗ᭄ᬭᬦᭂᬳᬶᬦ᭄᭞ᬫᭂᬮᬳᬾᬢ᭄ᬯᬭᬵᬤᬧᬥ᭟ᬳᬶᬢᬗ᭄ᬲ᭄ᬬᬄᬳᬶᬩᬫᬫ᭄ᬩᬬᬦ᭄᭞ᬳᬶᬧ᭄ᬭᬶᬢ᭄ᬳᬶᬩᬫᬜᬗᬶᬢ᭄᭞ᬳᬶᬩᭀᬦ᭄ᬤᭀᬮ᭄ᬳᬶᬩᬫ
ᬜᭀᬦ᭄ᬤᭀᬂ᭞ᬧᬲᬶᬭᬦ᭄ᬳᬶᬓ᭄ᬤᬶᬲ᭄ᬘᬸᬘᬸᬃ᭞ᬳᬶᬧ᭄ᬢᬶᬗᬦ᭄ᬧᬗᭀᬦᭂᬗᬦ᭄᭞ᬢᬸᬳᬸᬭᬶᬭᬶᬄ᭞ᬩᬶᬱᬦᬜ᭄ᬚᭂᬓᬶᬦ᭄ᬕᬫ᭄ᬩᭂᬮᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬭᬶᬂᬧ᭄ᬭᬕᬶᬡ᭞ᬚᬸᬭᬸᬕᬫ᭄ᬩᭂᬮᬾᬧᬶᬮᬶᬳᬶᬦ᭄᭞ᬳᬧᬂᬧᬸᬧᬸᬢ᭄ᬭᬶᬂᬕᬫ᭄ᬩᭂᬮᬦ᭄᭞ᬳᬧᬂᬳ᭄ᬤᬧᬢᬶᬚ᭄ᬮᬫᬸᬢ᭄᭞ᬕᬫ᭄ᬩᬸᬄᬦᬜ᭄ᬚᭂᬓᬶᬦ᭄ᬕᬫ᭄ᬩᭂᬮᬦ᭄᭞ᬳᬧᬂᬩ᭄ᬘᬶᬓ᭄᭞
ᬢᬜ᭄ᬚᭂᬓ᭄ᬕᬫ᭄ᬩᬸᬳᬾᬫᬢᬦ᭄ᬤᬓ᭄᭟ᬳᬶᬩ᭄ᬮᬢᬸᬓ᭄ᬳᬶᬩᬫᬓᬚᬃ᭞ᬲᬶᬮᬶᬂᬕᬸᬦ᭄ᬢᬶᬂᬚᬸᬭᬸᬲᬸᬮᬶᬂ᭞ᬗᬸᬧᭂᬓᬶᬦ᭄ᬳᬘᬯᬦ᭄ᬳᬸᬚᬦ᭄᭞ᬫᬕᬸᬫᬦᬮ᭄ᬳᬶᬘᬘᬾᬢ᭄ᬭᬸᬂ᭞ᬳᬶᬩᬸᬘᬶᬘᬧᬗᬸᬘᬶᬓ᭄ᬘᬓ᭄᭞ᬳᬶᬓᬧ᭄ᬘᬶᬢ᭄᭞ᬫᬓᬗ᭄ᬲᬶᬘᬶᬗ᭄ᬮᬃᬫᬓᭀᬫ᭄ᬧ᭄ᬬ᭟ᬳᬶᬗᬶᬲ᭄ᬗᬶᬲ᭄ᬳᬶᬩᬫᬗᬺᬩᬩ᭄᭞ᬗᬼᬧᬶᬢ᭄ᬓᭂᬤᬶᬲ᭄ᬘᭂᬦᬶᬓ᭄᭞ᬫᬳ
ᬤᬦ᭄ᬳᬶᬢᬧᬸᬓ᭄ᬩᬸᬯᬄ᭞ᬳᬶᬘᬼᬧᬸᬓ᭄ᬚᬸᬭᬸᬓᭂᬫ᭄ᬧᬸᬮ᭄᭞ᬫᬲ᭄ᬬᭀᬓ᭄ᬫᬸᬜᬶᬦ᭄ᬕᬫ᭄ᬩᭂᬮᬦ᭄᭞ᬋᬦ᭄ᬢᬩ᭄ᬘᬶᬓ᭄᭞ᬕᬫ᭄ᬩᬸᬳᬾᬲᬵᬫ᭄ᬧᬸᬦ᭄ᬫᬢᬦ᭄ᬤᬓ᭄᭟ᬫᬘᬗ᭄ᬓ᭄ᬭᬫᬦᬾᬮᬫ᭄ᬧᬳᬂ᭞ᬤᬶᬉᬓᬶᬃᬫᬗᭂᬩᭂᬓ᭄ᬩᭂᬘᬶᬓ᭄᭞ᬳᬓ᭄ᬯᬾᬄᬧᬓ᭄ᬱᬶᬧᬥᬧ᭄ᬭᬵᬧ᭄ᬢ᭞ᬢᭂᬫ᭄ᬩᬾᬚᬦᬶᬳᬤᬕᬫ᭄ᬩᬸᬄ᭞ᬫᬦ᭄ᬕᬓ᭄ᬩᬋᬂᬫᬤᬫ᭄ᬧ᭄ᬬᬓ᭄᭞ᬬ [ 4 ][᭓ 3B]
᭓
ᬫᬩᬮᬶᬄ᭞ᬕᬫ᭄ᬩᬸᬳᬾᬲ᭄ᬥᭂᬓᬦ᭄ᬢᭂᬓ᭟ᬳᬶᬕ᭄ᬮᬢᬶᬓ᭄ᬗᬭᬗ᭄ᬓᬾᬲᬃᬬ᭄ᬬ᭞ᬢᬸᬳᬸᬕᭀᬩᬦ᭄ᬜᬦᬾᬩ᭄ᬘᬶᬓ᭄᭞ᬫᬲᬸᬩᭂᬂᬳᭂᬫ᭄ᬧᭂᬢᭂᬫ᭄ᬧᭂᬢᬦ᭄᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬳᬬᬸ᭞ᬫᬸᬜᬶᬫᬦᬶᬲ᭄ᬓᬤᬶᬕᬸᬮ᭞ᬫᬗᬾᬤᬦᬶᬦ᭄᭞ᬯ᭄ᬬᬓ᭄ᬢᬶᬫᬗᭂᬜᬸᬤᬫᬦᬄ᭟ᬲᬶᬮᬜ᭄ᬚᬦᬲᬶᬳᬦ᭄ᬫᬢ᭞ᬢᬸᬢᬸᬕ᭄ᬚᬮᬦ᭄ᬢ
ᬥᬳᬲᬶᬄ᭞ᬲᬭᬶᬦ᭄ᬤᬶᬢ᭄ᬓᬓᬸᬧᬸᬫᬬᭀᬂ᭞ᬲᬲᬧᬶᬚ᭄ᬮᬶᬂᬘᬭᬸᬘᬸᬓ᭄ᬘᬸᬓ᭄᭞ᬘᬍᬩᬸᬓ᭄ᬘᬾᬮᬾᬂᬘᬾᬮᬾᬗᬦ᭄᭞ᬘᬶᬢᭀᬲᬗ᭄ᬲᬶᬢ᭄᭞ᬧᬸᬢᭂᬄᬮᬯᬦ᭄ᬲ᭄ᬬᬧ᭄ᬲ᭄ᬬᬧ᭄᭟ᬓᬦ᭄ᬤᬶᬓᬦ᭄ᬤᬶᬓ᭄ᬮᬜ᭄ᬚᬕ᭄ᬚᬕᬦ᭄᭞ᬗᭀᬲ᭄ᬗᭀᬲᬦ᭄ᬮᬦ᭄ᬓᭂᬤᬶᬲ᭄ᬕᬳᬶᬢ᭄᭞ᬲᬦ᭄ᬤᬂᬮᬯᬾᬫ᭄ᬯᬂᬩᬸᬮᬸᬲᬦ᭄᭞ᬓᬯᬗᬦ᭄ᬫᬦᬸ
ᬓ᭄ᬲᬭᬸᬧᬸᬢ᭄᭞ᬓᬸᬢᬸᬓᬸᬢᬸᬮᬦ᭄ᬓᬸᬕ᭄ᬓᬸᬕᬦ᭄᭞ᬩᭂᬭᬶᬩᭂᬭᬶ᭞ᬲᬶᬓᭂᬧ᭄ᬘᬫ᭄ᬩ᭄ᬭᬮᬦ᭄ᬳᬶᬘᬗ᭄ᬳᬓ᭄᭟ᬧᬓ᭄ᬱᬶᬤᬸᬗᬸᬲ᭄ᬭᬶᬂᬲᬕᬭ᭞ᬫᬲᬶᬄᬬᬤ᭄ᬫᭂᬦ᭄ᬫᬩᬮᬶᬄ᭞ᬢᬸᬜ᭄ᬚᬸᬓ᭄ᬮᬗᬶᬢ᭄ᬮᬦ᭄ᬧᬋᬜ᭄ᬚᬓ᭄᭞ᬦᬸᬢᬸᬢᬶᬦ᭄ᬫᬩᬮᬶᬄᬕᬫ᭄ᬩᬸᬄ᭞ᬲᬩ᭄ᬬᬸᬦ᭄ᬮᬯᬜ᭄ᬘᬩᬓ᭄ᬘᬩᬓ᭄᭞ᬳᬶᬲᬭᬶᬦ᭄ᬤᬶᬢ᭄᭞ᬲᬋᬂᬭᬶᬂ
ᬓᭀᬓᭀᬓᬜ᭄ᬚᬮᬂ᭟ᬓᬺᬢᭂᬕ᭄ᬮᬯᬦ᭄ᬕᭀᬯᬓ᭄ᬩᬸᬗ᭄ᬳ᭞ᬮ᭄ᬬᬢᬾᬋᬗᬲ᭄ᬤᬶᬤᭀᬭᬶ᭞ᬭᭀᬯᬂᬲᬸᬩᬧᭂᬮᬦ᭄ᬳᭂᬚᭀᬄ᭞ᬩᬮᬶᬩᬶᬲ᭄ᬢᭂᬓᬫᬦᬸᬢᬸᬕ᭄᭞ᬓᭀᬓᭀᬓᬦ᭄ᬮᬯᬦ᭄ᬭᬚᬢ᭞ᬓᬸᬜᬶᬢ᭄ᬓᬸᬜᬶᬢ᭄᭞ᬤᬭᬮᬯᬦ᭄ᬢᬩ᭄ᬬᬢᬩ᭄ᬬ᭟ᬓ᭄ᬤᬶᬲ᭄ᬦᭀᬭᬶᬧᬓ᭄ᬱᬶᬳᬢᬢ᭄᭞ᬫᬲᬶᬄ

[᭔ 4A]
ᬬᬤ᭄ᬫᭂᬦ᭄ᬫᬩᬮᬶᬄ᭞ᬳᬶᬓ᭄ᬮᬶᬤᬸᬗᬦ᭄ᬳᬶᬩᬋᬲᬾᬢ᭄᭞ᬓᬯᭀᬢ᭄ᬬᬫᬩᬮᬶᬄᬕᬫ᭄ᬩᬸᬄ᭞ᬳᬶᬩᬼᬦᭀᬮ᭄ᬳᬸᬧ᭄ᬬᬦ᭄ᬳᬸᬧ᭄ᬬᬦ᭄᭞ᬧᬓ᭄ᬱᬶᬤ᭄ᬯᬭᬶᬳᬶᬢᬶᬮᬶᬂᬮᬦᬶᬢᬸᬭᬶᬤ᭟ᬳᬶᬓᬾᬓᬾᬃᬚᬦᬶᬫᬺᬩᬗ᭄ᬲ᭞ᬲᭀᬮᬳᬾᬕᬮᬓ᭄ᬳᬫᬦᬶᬲ᭄᭞ᬲ᭄ᬯᬭᬦᬾᬳᬗᬯᬗᬯᬂ᭞ᬓᬤᬶᬕᬸᬮᬫ
ᬯᭀᬃᬫᬥᬸ᭞ᬲᬧᬸᬢ᭄ᬕᬤᬂᬫᬧ᭄ᬭᬤ᭞ᬓᬜ᭄ᬘᬸᬢ᭄ᬮᬫ᭄ᬩᬶᬄ᭞ᬉᬮᬢᬾᬫᬦᬶᬲ᭄ᬕᬮᬓ᭄᭟ᬳᬶᬧᬜ᭄ᬚᬶᬬᬧᬓᬮᬶᬳᬦ᭄᭞ᬲᬦ᭄ᬤᬂᬭᬶᬂᬳᬶᬭᬗ᭄ᬓᬾᬲᬭᬶ᭞ᬳᬶᬕ᭄ᬮᬢᬶᬓ᭄ᬗᬭᬗ᭄ᬓᬾᬲᬃᬬ᭄ᬬ᭞ᬢᬸᬳᬸᬕᭀᬩᬦ᭄ᬜᬦᬾᬳᬬᬸ᭞ᬲᬸᬩᭂᬗᬾᬫᬓᬤᬫᭂᬮᬄ᭞ᬢᬜ᭄ᬚᭂᬓ᭄ᬫᬶᬭᬶᬂ᭞ᬕᬸᬮᬸᬯᬗ᭄ᬲᬸᬮ᭄ᬫᬕᬾ
ᬮᭀᬳᬦ᭄᭟ᬳᬶᬧᬜ᭄ᬚᬶᬫᬗᬭᬲᬭᬲ᭄᭞ᬳᬶᬭᬗ᭄ᬓᬾᬳᬲ᭄ᬫᬸᬢᬗᬶᬲ᭄᭞ᬕᭀᬯᬓᬾᬕᬯᭀᬓ᭄ᬫᬜᭂᬩᬓ᭄᭞ᬓᭀᬓᭀᬓᬦ᭄ᬩᭂᬗᭀᬂᬫᬚᬸᬚᬸᬓ᭄᭞ᬳᬶᬧᬜ᭄ᬚᬶᬓᬤᬶᬳ᭄ᬬᬂᬲ᭄ᬫᬵᬭ᭞ᬮᬵᬯᬦ᭄ᬭᬢᬶᬄ᭞ᬢᬥᬳᬲᬶᬄᬲ᭄ᬤᬶᬄᬢᬸᬫᬶᬗ᭄ᬳᬮ᭄᭟ᬳᬶᬲᬗ᭄ᬲ᭄ᬬᬄᬳᬶᬕᭂᬮᬾᬫᭂᬮᬄ᭞
ᬳᬶᬧ᭄ᬭᬶᬢ᭄ᬳᬶᬕᭂᬮ᭄ᬫᬮᬶᬮᬶᬢ᭄᭞ᬳᬶᬩᭀᬦ᭄ᬤᭀᬮ᭄ᬤᬸᬯᭂᬕ᭄ᬫᬜᭀᬦ᭄ᬤᭀᬂ᭞ᬮᬾᬗ᭄ᬲᬾᬃᬓᬗᬶᬦ᭄ᬫᬮᬳᬶᬩ᭄ᬓᬯᬸᬄ᭞ᬚ᭄ᬫᬓᬩᬳᬦ᭄ᬳᬶᬲᭂᬫᬃ᭞ᬲᬗ᭄ᬓᭀᬮ᭄ᬳᬩᬶᬦ᭄᭞ᬮᬯᬸᬢ᭄ᬓᭂᬤᬾᬓᬾᬫᬩ᭄ᬭᬶᬬᬕ᭄᭟ᬓ᭄ᬤᬾᬓ᭄ᬳᬶᬓ᭄ᬤᬶᬲ᭄ᬩᬸᬮᬸᬲᬦ᭄᭞ᬫᬗᭂᬦᭀᬢ᭄ᬳᬶᬘᬗᬓ᭄ᬓᬸᬫᬶᬲ᭄᭞ᬳᬶᬕᭂᬮᬾᬲ᭄ᬭᬾᬗ᭄ᬓᬤ᭄ᬲ᭄ᬭᬾ [ 5 ][᭔ 4B]
᭔
ᬗ᭄ᬓᭀᬤ᭄᭞ᬳᬶᬧᬓ᭄ᬱᬶᬲᬸᬳᬸᬦ᭄ᬦᬸᬫᭂᬗ᭄ᬕᬸᬂ᭞ᬓᬸᬫᬶᬲ᭄ᬮᬗᬄᬮᬸᬤᬶᬦ᭄ᬩᬭᬓ᭄᭞ᬢᬸᬳᬸᬳᬲᬶᬦ᭄᭞ᬧᬦ᭄ᬢᭂᬲ᭄ᬫᬲᬧᬸᬢ᭄ᬩ᭄ᬭᬓᬮ᭟ᬩᬶᬱᬦᬜ᭄ᬚᭂᬓᬶᬦ᭄ᬕᬫ᭄ᬩᭂᬮᬦ᭄᭞ᬳᬶᬧᬜ᭄ᬚᬶᬲᭀᬮᬳᬾᬳᬲᬶᬦ᭄᭞ᬫᬗ᭄ᬭᬸᬫ᭄ᬭᬸᬫ᭄ᬳᬶᬭᬗ᭄ᬓᬾᬲᬃᬬ᭄ᬬ᭞ᬲ᭄ᬯᬭᬦ᭄ᬜᬦᬾᬫᬦᬶᬲᬭᬹᬫ᭄᭞ᬩ᭄ᬗᭀᬂᬓ᭄ᬤᬶᬲᬾᬫᬓ᭄ᬚᬂ᭞ᬫ
ᬗᬶᬯᬲᬶᬦ᭄‌᭞ᬲᭀᬮᬳᬾᬗᭂᬜᬸᬤᬂᬫᬦᬄ᭟ᬳᬶᬘᬗᬓ᭄ᬓᭂᬤᬾᬓ᭄ᬫᬗᬓᬓ᭄᭞ᬫᬗᭂᬦᭀᬢ᭄ᬳᬶᬘᭀᬦ᭄ᬤᭀᬂᬦᬸᬗ᭄ᬕᬶᬂ᭞ᬓᭂᬧᬸᬗᬩᬳᬦ᭄ᬳᬶᬲ᭄ᬫᬃ᭞ᬮᬯᬸᬢ᭄ᬓᭂᬤᬾᬓᬾᬫᬩ᭄ᬭᬶᬬᬸᬕ᭄᭞ᬫᬯᬦ᭄ᬢᬶᬯᬦ᭄ᬢᬶᬮ᭄ᬯᬶᬃᬳᭀᬫ᭄ᬩᬓ᭄᭞ᬓᬤᬶᬧᬲᬶᬄ᭞ᬲᬧᬦ᭄ᬤᭂᬗᬦ᭄ᬜᬦᬾᬓᭀᬘᬓ᭄᭟ᬳᬶᬫᬦᬸᬓᬪ
ᬓᭀᬘᬧᬦ᭄᭞ᬳᬶᬬᬫᬗᬕᭂᬦ᭄ᬫᬩᬮᬶᬄ᭞ᬲᬵᬫ᭄ᬧᬸᬦ᭄ᬳᬸᬯᬓ᭄ᬭᬶᬗ᭄ᬓᬸᬭᬸᬗᬦ᭄᭞ᬧᬸᬢ᭄ᬭᬶᬭᬶᬂᬓ᭄ᬮᬶᬂᬳᬸᬮᬗᬸᬦ᭄᭞ᬫᬧᬳ᭄ᬬᬲ᭄ᬬᬫᬪᬹᬱᬡᬤᬾᬦᬶᬂᬚᬦᬶ᭞ᬧ᭄ᬭᬬᬫᬩᬮᬶᬄᬓᬤᬵᬳ᭟ᬲᬵᬫ᭄ᬧᬸᬦ᭄ᬳ᭄ᬬᬲ᭄ᬗ᭄ᬭᬗ᭄ᬲᬸᬓ᭄ᬪᬹᬱᬡ᭞ᬫᬧᬶᬗ᭄ᬕᭂᬮ᭄ᬫᬳᬮᬶᬳᬮᬶ᭞ᬕ᭄ᬮᬸᬂᬫᬧᬦᭂᬓᭂᬲ᭄ᬫᬵᬲ᭄᭞ᬫᬓᬫ᭄ᬧᬸᬄ
ᬬᬲᬸᬢᬺᬤᬤᬸ᭞ᬓᬸᬫ᭄ᬭᬶᬜ᭄ᬘᬶᬂᬦᬶᬢ᭄ᬭᬾᬂᬧᬭᬤ᭞ᬳᬮᬶᬲ᭄ᬮᬜ᭄ᬘᬶᬧ᭄᭞ᬓᬤᬶᬩᬸᬮᬦ᭄ᬢᬗ᭄ᬕᬮ᭄ᬳᬧᬶᬲᬦ᭄᭟ᬳᬓ᭄ᬯᬾᬄᬧᬓ᭄ᬱᬶᬧᬥᬧ᭄ᬭᬵᬧ᭄ᬢ᭞ᬧ᭄ᬭᬬᬮᬸᬗ᭄ᬳᬧᬥᬵᬗᬶᬭᬶᬂ᭞ᬓ᭄ᬤᬶᬲ᭄ᬓ᭄ᬭᬾᬦᭀᬓ᭄ᬫᬓ᭄ᬢᬩᭀᬓᭀᬃ᭞ᬲᭀᬧᬘᬭᬦ᭄ᬳᬦᬓᬕᬸᬂ᭞ᬭᬧᭂᬢᬦ᭄ᬫᬤᬕᬶᬂᬳᭀᬤᬓ᭄᭞ᬳᭀᬤᬓ᭄ᬫᬶᬬᬶ

[᭕ 5A]
ᬓ᭄᭞ᬳᬶᬫᬦᬸᬓ᭄ᬤᬾᬯᬢᬫᬓ᭄ᬢ᭟ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬤᬵᬳ᭞ᬕᬫ᭄ᬩᬸᬳᬾᬧᭂᬧᭂᬓ᭄ᬫᬦᬗ᭄ᬓᬶᬮ᭄᭞ᬳᬶᬫᬦᬸᬓᬩᬬᬩᭂᬗᭀᬂ᭞ᬫᬜᬶᬗᬓ᭄ᬳᬶᬲ᭄ᬬᬸᬂᬭᬢᬸ᭞ᬢ᭄ᬯᬶᬬᬭᬢᬸᬕᬕ᭄ᬮᬂ᭞ᬮ᭄ᬯᬶᬃᬳᬶᬧᬜ᭄ᬚᬶ᭞ᬭᬹᬧᬦᬾᬓᬤᬶᬳ᭄ᬬᬂᬲ᭄ᬫᬵᬭ᭟ᬓ᭄ᬤᬶᬲ᭄ᬳᭂᬫ᭄ᬧᬸᬓ᭄ᬫᬦ᭄ᬢᬮᬮᬜ᭄ᬘᬶᬂ᭞ᬓ᭄ᬤᬶᬲ᭄ᬧᬸᬯᬸᬄᬫᬓ᭄ᬢᬉᬢᬶᬓ᭄᭞
ᬢ᭄ᬯᬓ᭄ᬩᬸᬩᬸᬂᬫᬓ᭄ᬢᬘᬗ᭄ᬓᭂᬮᭀᬂ᭞ᬫᬚᭂᬗᬶᬦ᭄ᬳᬶᬧᬓ᭄ᬱᬶᬓ᭄ᬢᬸᬃ᭞ᬢᬾᬂᬢᬾᬂᬚᬾᬗ᭄ᬕᭀᬢ᭄ᬗᬩᬢᬫ᭄ᬬᬂ᭞ᬫᬗᬮᬸᬦᬶᬦ᭄᭞ᬫᬓ᭄ᬢᬘᭂᬦ᭄ᬤᭂᬓᬦ᭄ᬳᬶᬓᬺᬓ᭄ᬯᬓ᭄᭟ᬳᬶᬓᬾᬓᬾᬃᬚᬦᬶᬫᬺᬩᬗ᭄ᬲ᭞ᬲᭀᬮᬳᬾᬕᬮᬓ᭄ᬳᬫᬦᬶᬲ᭄᭞ᬳᬶᬫᬦᬸᬓᬩᬬᬩᭂᬗᭀᬂ᭞ᬍᬂᬍᬂᬫᬦᬳᬾᬳᬸᬮᬗᬸᬦ᭄᭞ᬗᬢᭀ
ᬦᬂᬳᬲᬣᬯᬵᬦ᭞ᬩᬸᬤᬸᬄᬧᬮᬶᬂ᭞ᬢ᭄ᬯᬭᬳᬶᬗᭂᬢ᭄‌ᬢ᭄ᬓᬾᬦ᭄ᬳᬸᬫᬄ᭟ᬳᬸᬮᬗᬸᬦ᭄ᬳᬶᬫᬦᬸᬓᬩ᭞ᬢ᭄ᬯᬭᬳᬶᬗᭂᬢ᭄ᬧᬘᬂᬫᬸᬮᬶᬄ᭞ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬗᬸᬘᬧ᭄᭞ᬦᬸᬦᬲ᭄ᬫᬦ᭄ᬢᬸᬓ᭄ᬤᬾᬯᬭᬢᬸ᭞ᬫᬦᬯᬶᬢᬾᬳᬶᬤᬤᬸᬓ᭞ᬭᬢᬸᬓ᭄ᬮᬶᬂ᭞ᬳᬶᬫᬦᬸᬓᬩᬳᬗᬸᬘᬧ᭄᭟ᬳᬢᬶᬦ᭄ᬓᬳᬶᬢᭀ
ᬦ᭄ᬤᬾᬦᬼᬕ᭞ᬦᬾᬩᬶᬦ᭄ᬫᬦᬶᬓᬳᬶᬫᬸᬮᬶᬄ᭞ᬮᬫᬸᬦ᭄ᬓᬳᬶᬲᬸᬩᬋᬡᭃ᭞ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬸᬫᬵᬢᬹᬃ᭞ᬧᬸᬭᬸᬦ᭄ᬢᬶᬢ᭄ᬬᬂᬫᬓᬾᬮᬶᬗᬦ᭄᭞ᬭᬶᬂᬳᬶᬕᬸᬲ᭄ᬢᬶ᭞ᬩ᭄ᬘᬶᬓ᭄ᬕᬫ᭄ᬩᬸᬄᬜᬦᬾᬉᬧᬄ᭟ᬓᬶᬫᬤᬸᬓᬩᬳᬗᬸᬘᬧ᭄᭞ᬓ᭄ᬫᬳᬶᬩᬢᬸᬦ᭄ᬤᬾᬦ᭄ᬓᬳᬶ᭞ᬳᬢᬸᬭᬂᬓᬳᬶᬫᬗᬸᬧᬄ᭞ᬕᬫ᭄ᬩᬸᬄᬜᬦᬾ [ 6 ][᭕ 5B]
᭕
ᬫᬓᬢ᭄ᬮᬸᬦ᭄᭞ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬗᬶᬭᬶᬗᬂ᭞ᬢᬹᬃᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭟ᬳᬶᬲ᭄ᬬᬸᬂᬫᬾᬲᭂᬫ᭄ᬳᬗᬸᬘᬧ᭄᭞ᬢᬾᬂᬢᬾᬂᬚᬾᬗ᭄ᬕᭀᬢ᭄ᬗᬸᬤ᭄ᬬᬂᬫᬳᬶ᭞ᬓᬢ᭄ᬧᬸᬓ᭄ᬢᭂᬓᬾᬦ᭄ᬦᬶᬭ᭞ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬸᬫᬵᬢᬹᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬓᬦ᭄ᬤᬶᬓᬬᬂ᭞ᬭᬯᬸᬄᬫᬭᬶᬓᬶ᭞ᬕᬫ᭄ᬩᬸᬳᬾᬢᬶ
ᬢ᭄ᬬᬂᬫᬗᬸᬧᬄ᭟ᬳᬶᬓᬾᬓᬾᬃᬚᬦᬶᬳᬗᬸᬘᬧ᭄᭞ᬉᬧᬄᬕᬫ᭄ᬩᬸᬄᬮᬶᬫᬂᬢᬮᬶ᭞ᬓ᭄ᬫᬓᬾᬘᬳᬶᬗᬸᬦᬶᬗᬂ᭞ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬸᬫᬵᬢᬹᬃ᭞ᬫᬭᬶᬂᬭᬵᬤᬾᬦ᭄ᬫᬦᬸᬓᬩ᭞ᬲᬶᬗ᭄ᬕᬶᬄᬕᬸᬲ᭄ᬢᬶ᭞ᬮᬶᬫᬂᬢᬮᬶᬧᬗᬸᬧᬄᬜ᭟ᬳᬶᬫᬦᬸᬓᬩᬳᬗᬸᬘᬧ᭄᭞ᬬᬢᬾᬢᬸᬳᬸᬮᬶᬫᬂᬢᬮᬶ᭞ᬬᬤ᭄ᬬᬦ᭄ᬫᬗᬸᬧᬄ
ᬳᬮᬓ᭄ᬱ᭞ᬢ᭄ᬯᬭᬓᬳᬶᬧᬘᬂᬓᬾᬗ᭄ᬕᬸᬄ᭞ᬮᬫᬸᬦ᭄ᬲᬸᬩᬦᬶᬭᬧᬹᬃᬡ᭄ᬦ᭞ᬦᬾᬦᬾᬫᬦᬶ᭞ᬓᬳᬶᬫᬸᬮᬶᬄᬧᬲ᭄ᬫᭂᬗᬦ᭄᭟ᬳᬶᬢᬾᬂᬢᬾᬂᬚᬾᬗ᭄ᬕᭀᬢ᭄ᬳᬗᬸᬘᬧ᭄᭞ᬦᬸᬦᬲ᭄ᬫᬦ᭄ᬢᬸᬓ᭄ᬤᬾᬯᬕᬸᬲ᭄ᬢᬶ᭞ᬫᬦᬯᬶᬢᬶᬢ᭄ᬬᬂᬓᬧᭀᬗᭀᬃ᭞ᬳᬶᬫᬦᬸᬓᬩᬢᬸᬫᬸᬭᬸᬦ᭄᭞ᬢᬸᬫᬸᬮᬶᬭᬭᬶᬲ᭄ᬳᬗᬸᬘᬧ᭄᭞ᬚᬮᬦ᭄ᬫᬸᬮᬶᬄ
᭞ᬢᬸᬫᬸᬮᬶᬭᬭᬶᬲ᭄ᬫᬢᬶᬗ᭄ᬕᬮ᭄᭟ᬢᬦ᭄ᬓᬯᬃᬡ᭄ᬦᬫᬭᬶᬂᬤᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬓ᭄ᬮᬶᬂ᭞ᬭᬢᬸᬓ᭄ᬮᬶᬂᬫᬗᬦ᭄ᬤᬶᬓ᭞ᬧᭂᬮᬦ᭄ᬲᬸᬯᬾᬲᬶᬭᬭᬯᬸᬄ᭞ᬳᬶᬫᬦᬸᬓᬩᬳᬗᬸᬘᬧ᭄᭞ᬲᬶᬗ᭄ᬕᬶᬄᬕᬸᬲ᭄ᬢᬶ᭞ᬲᬶᬲᬶᬧ᭄ᬢᬶᬢ᭄ᬬᬂᬭᬶᬂᬳᬶᬤᬾᬯ᭟ᬓᭀᬘᬧᬦ᭄ᬳᬶᬫᬦᬸᬓᬩ᭞ᬲᬸᬗ᭄ᬲᬸᬢ᭄ᬮᬭᬓᬧ᭄ᬭᬶᬳᬢᬶᬦ᭄᭞ᬲᭂᬤᬶᬄ

[᭖ 6A]
ᬓᬵᬗᭂᬦ᭄ᬤᬶᬧᬢᬸᬭᭀᬦ᭄᭞ᬬᬾᬄᬫᬢᬦᬾᬤᬺᬲ᭄ᬧᭂᬲᬸ᭞ᬓᬵᬗᭂᬦ᭄ᬭᬶᬂᬲᬣᬯᬵᬦ᭞ᬲᭂᬤᬶᬄᬓᬶᬗ᭄ᬓᬶᬂ᭞ᬪᬬᬧᬢᬶᬭᬶᬗ᭄ᬓᬸᬭᬸᬗᬦ᭄᭟ᬲ᭄ᬯᬾᬦᬾᬭᬶᬗ᭄ᬓᬸᬭᬸᬗᬦ᭄᭞ᬢᬶᬕᬂᬢᬳᬸᬦ᭄ᬩᬦᬾᬲ᭄ᬤᬶᬄ᭞ᬯᬶᬥᬷᬦᬾᬓᬮᬶᬯᬢ᭄ᬯᭂᬮᬲ᭄᭞ᬩᭀᬬᬲᬫᬬᬦᬾᬫᬦ᭄ᬢᬸᬓ᭄᭞ᬲᬵᬫ᭄ᬧᬸᬦ᭄ᬳᬸᬯᬓ᭄ᬭᬶᬗ᭄ᬓᬸᬭᬸᬗᬦ᭄᭞ᬳᭂᬦ᭄ᬢᭀᬚ
ᬦᬶ᭞ᬮᬫ᭄ᬧᬳᬾᬫᬫᬸᬭᬂᬫᬸᬭᬂ᭟ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬢ᭄ᬕᬮ᭄᭞ᬳᬶᬕ᭄ᬮᬢᬶᬓ᭄ᬫᬗ᭄ᬓᬶᬦ᭄ᬓᬧᬗ᭄ᬕᬶᬄ᭞ᬳᬶᬫᬦᬸᬓᬩᬳᬗᬸᬘᬧ᭄᭞ᬘᬳᬶᬢᬾᬓᬮᬶᬯᬢ᭄ᬩᬕᬸᬲ᭄᭞ᬘᬳᬶᬳᭂᬜᬓ᭄ᬢᭂᬓᬾᬦᬶᬭ᭞ᬳᬶᬕ᭄ᬮᬢᬶᬓ᭄᭞ᬫᬾᬲᭂᬫ᭄ᬲᬶᬭᬢᬹᬃᬳᬗᬸᬘᬧ᭄᭟ᬦᬶᬭᬢ᭄ᬯᬭᬳᬤᬜᬦ᭄ᬤᬂ᭞ᬫᬢ᭄ᬫᬸᬓᬃᬫ᭄ᬫᬭᬶᬂᬜᬳᬶ᭞ᬮ
ᬫᬸᬦ᭄ᬲᬚᬩᬸᬓᬓᬾᬢᭀ᭞ᬳᭀᬭᬳᬂᬳᬦᬓᬾᬩᬕᬸᬲ᭄᭞ᬳᬶᬕ᭄ᬮᬢᬶᬓ᭄ᬫᬗ᭄ᬓᬾᬳᬗᬸᬘᬧ᭄᭞ᬢᬸᬳᬸᬜᬳᬶ᭞ᬳᬶᬓᬾᬓᬾᬃᬧᬶᬮᬶᬄᬩᬕᬸᬲ᭟ᬢᭀᬗᭀᬲ᭄ᬜᬳᬶᬓᬾᬓᬾᬃᬤᬶᬚ᭞ᬳᭂᬫ᭄ᬩᭀᬓ᭄ᬜᬤ᭄ᬬᬓ᭄ᬫᬗᬮᬶᬄ᭞ᬳᬶᬕ᭄ᬮᬢᬶᬓ᭄ᬲᬸᬫᬯᬸᬭᬮᭀᬦ᭄᭞ᬫᬭᬶᬗ᭄ᬕᬕᬧ᭄ᬭᬡᬳᬶᬧᬸᬦ᭄᭞ᬦᬸᬚᬸᬓᬢᬶᬕᬮ
ᬦ᭄ᬓᬧᬢ᭄᭞ᬓᬾᬢᭀᬜᬳᬶ᭞ᬳᬶᬫᬦᬸᬓᬩᬮᬸᬫᬫ᭄ᬧᬄ᭟ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬫᬭᬶᬂᬲᬯᬄ᭞ᬳᬶᬘᬗᬓ᭄ᬭᬭᬶᬲ᭄ᬓᬧᬗ᭄ᬕᬶᬄ᭞ᬲ᭄ᬤᭂᬓ᭄ᬬᬫᬫᬸᬭᬸᬓᬢᬓ᭄᭞ᬳᬶᬫᬦᬸᬓᬩᬬᬭᬯᬸᬄ᭞ᬢᬸᬫᬸᬮᬶᬭᬭᬶᬲ᭄ᬳᬗᬸᬘᬧ᭄᭞ᬲᬸᬓᬘᬳᬶ᭞ᬳᭀᬭᬳᬶᬜ᭄ᬚᬓᬸᬤᬦᬶᬭ᭟ᬧᬺᬡᬳᬾᬳᬶᬲᬣᬯᬵᬦ᭞ᬧᬸᬜ᭄ᬘ [ 7 ][᭖ 6B]
᭖
ᬗᬓ᭄ᬲᬯᬸᬭᬾᬳᬭᬶᬲ᭄᭞ᬜᬳᬶᬗᬸᬤᬫᬦᬓᭀᬦᬂ᭞ᬳᬶᬲᬣᬯᬵᬦᬧᬸᬦᬶᬓᬸ᭞ᬳᬶᬫᬦᬸᬓᬩᬳᬗᬸᬘᬧ᭄᭞ᬳᬶᬗ᭄ᬕᬶᬄᬘᬳᬶ᭞ᬲᬸᬓᬭᬶᬂᬳᬶᬲᬣᬯᬵᬦ᭟ᬳᬶᬘᬗᬓ᭄ᬫᬗᬯᬾᬤᬬ᭞ᬫᬗᬸᬧᬬᬲᬓᬾᬂᬳᬭᬶᬲ᭄᭞ᬗᭂᬤ᭄ᬓᭂᬤᬂᬩᬄᬯᭀᬗᬾᬧᬜ᭄ᬚᬂ᭞ᬫᬲᬶᬄᬬᬫᬳᬩᭂᬢ᭄ᬩᬕᬸᬲ᭄᭞ᬤᬶ
ᬚᬓᭀᬳᬶᬲᬣᬯᬵᬦ᭞ᬲᭂᬥᭂᬂᬲᬦ᭄ᬤᬶᬂ᭞ᬩᬕᬸᬲ᭄ᬦᬶᬭᬢ᭄ᬯᬭᬧᬥ᭟ᬦᬸᬦᬲ᭄ᬫᬦ᭄ᬢᬸᬓ᭄ᬓᬧᬫᬺᬫᬦ᭄᭞ᬓᬬᬸᬳᬕᬸᬂᬢᬸᬳᬸᬩ᭄ᬘᬶᬓ᭄᭞ᬓᬢᭀᬦ᭄ᬧᬲᬶᬄᬓᬚᬓᭂᬮᭀᬤ᭄᭞ᬤᬶᬢᬸᬓᬮᬗᭃᬦᬾᬮ᭄ᬬᬸ᭞ᬳᬶᬘᬗᬓ᭄ᬭᬭᬶᬲ᭄ᬮᬸᬫᬫ᭄ᬧᬄ᭞ᬫᬓᬓᬮᬶᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬫᬺᬫᬦ᭄᭟ᬲᬸᬯᬾ
ᬦᬾᬫᬭᬶᬂᬧᬫᬺᬫᬦ᭄᭞ᬢᬶᬕᬂᬢᬳᬸᬦ᭄ᬤᬾᬦ᭄ᬬᬓᬲᬶᬄ᭞ᬳᬶᬫᬦᬸᬓᬩᬬᬗᬶᬤᬫ᭄᭞ᬚᬯᬚᬯᬶᬳᬋᬧ᭄ᬳᬶᬧᬸᬦ᭄᭞ᬳᬶᬘᬗᬓ᭄ᬭᬭᬶᬲ᭄ᬳᬗᬸᬘᬧ᭄᭞ᬤᬶᬦᬶᬕᬸᬲ᭄ᬢᬶ᭞ᬢᬶᬢ᭄ᬬᬗᬮᬶᬄᬤᬤᬳᬭᬦ᭄᭟ᬚᬦᬶᬮᬸᬗ᭄ᬳᬫᬭᬶᬂᬲᬯᬄ᭞ᬓᬢᬓ᭄ᬮᬶᬦ᭄ᬤᬸᬂᬳᬩᬫᬸᬮᬶᬄ᭞ᬳᬢᬹᬭᬶᬦ᭄ᬳᬶᬫᬦᬸᬓᬩ᭞ᬫᬦᬳᭂ
ᬦ᭄ᬧ᭄ᬭᬾᬦ᭄ᬢᬢᬾᬗ᭄ᬓᭂᬚᬸᬢ᭄᭞ᬳᬯᬓᬾᬢ᭄ᬯᬭᬚᬦᬯᬂ᭞ᬯᬲ᭄ᬢᬸᬧᬮᬶᬂ᭞ᬚᭂᬚᭂᬄᬳᬶᬬᬫᬗᬢᭀᬦᬂ᭟ᬚᬦᬶᬬᬫᬫᬸᬭᬂᬫᬸᬭᬂ᭞ᬲᭂᬤᬶᬳᬾᬢᬦ᭄ᬲᬶᬧᬶᬲᬶᬧᬶ᭞ᬓᬢ᭄ᬫᬸᬧᬺᬡᬄᬫᬭᬶᬗ᭄ᬕᬕ᭞ᬳᬶᬓᬾᬓᬾᬃᬓᬗ᭄ᬕᭂᬓ᭄ᬳᬦ᭄ᬤᬸᬮᬸ᭞ᬫᬜᬯᬸᬧ᭄ᬳᬲᬣᬯᬵᬦ᭞ᬢᭂᬫ᭄ᬩᬾᬚᬦᬶ᭞ᬢᬶᬢ᭄ᬬᬂᬫᬗ᭄ᬕᬶᬳᬶᬦ᭄ᬳᬶᬤᬾᬯ᭟

[᭗ 7A]
ᬳᬶᬫᬦᬸᬓᬩᬳᬗᬸᬲᬧ᭄᭞ᬲᬵᬫ᭄ᬧᬸᬦ᭄ᬲᬸᬢᬾᬢᬶᬢ᭄ᬬᬂᬧᬮᬶᬂ᭞ᬧᬢᬶᬳᭂᬦ᭄ᬢᬸᬮ᭄ᬧᬢᬶᬢᬓᭀᬦ᭄᭞ᬳᬤᬓᭀᬧᬓ᭄ᬱᬶᬓᬢᭂᬧᬸᬓ᭄‌᭞ᬲ᭄ᬥᭂᬓ᭄ᬬᬫᬫᬸᬭᬸᬓᬢᬓ᭄᭞ᬳᭂᬦ᭄ᬢᭀᬚᬦᬶ᭞ᬧᬶᬲᬤ᭄ᬬᬦ᭄ᬦᬶᬭᬦᬓᭀᬦᬂ᭟ᬗᬓᬸᬳᬶᬧᬸᬦ᭄ᬳᬲᬣᬯᬵᬦ᭞ᬤᬾᬦᬶᬂᬢᬶᬢ᭄ᬬᬂᬮᬶᬯᬢ᭄ᬧᬮᬶᬂ᭞ᬓ᭄ᬦᬳᬧᬸᬲ᭄ᬓᬸ
ᬤᬢᬶᬢ᭄ᬬᬂ᭞ᬳᬶᬓᬾᬓᬾᬃᬤᬸᬓᬳᬗ᭄ᬭᬸᬗᬸ᭞ᬢᬦ᭄ᬮ᭄ᬬᬸᬦ᭄ᬳᬶᬘᬗᬓ᭄ᬧᬸᬦᬶᬓ᭞ᬢᬹᬃᬗᭂᬲᬾᬗᬶᬦ᭄᭞ᬳᬶᬕ᭄ᬯᬓ᭄ᬢᭂᬓᬫᬲᬹᬃᬬ᭄ᬬᬓ᭄᭟ᬩᬸᬓᬯᬾᬦ᭄ᬢᭂᬦ᭄ᬢᬶᬕᬗᬢᬓ᭄᭞ᬳᬶᬓᬾᬓᬾᬃᬗᬦ᭄ᬤᬶᬓᬚᬦᬶ᭞ᬓ᭄ᬫᬭᬸᬭᬸᬄᬬᬳᬶᬘᬗᬓ᭄᭞ᬮᬫᬸᬦ᭄ᬩᬓᬢ᭄ᬮᬦ᭄ᬢᬲ᭄ᬳᭂᬚᬸᬓ᭄᭞ᬳᬶᬕ᭄ᬯᬓ᭄ᬫᬢᬹᬭᬦᭂᬫ᭄ᬩᬄ᭞ᬳᬶᬗ᭄ᬕᬶᬄ
ᬕᬸᬲ᭄ᬢᬶ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬤᬾᬯ᭟ᬳᬶᬕ᭄ᬯᬓ᭄ᬭᬭᬶᬲ᭄ᬮᬸᬫᬫ᭄ᬧᬄ᭞ᬫᬗ᭄ᬭᬸᬗᬸᬄᬳᬶᬘᬗᬓ᭄ᬚᬦᬶ᭞ᬢᬦ᭄ᬮ᭄ᬬᬦ᭄ᬗᬸᬗ᭄ᬲᬶᬲᬕᬭ᭞ᬢ᭄ᬯᬭᬩᬓᬢ᭄ᬫᬲᬶᬄᬭᬸᬭᬸᬄ᭞ᬤᬶᬲᬯᬄᬚᬦᬶᬬᬩᬓᬢ᭄᭞ᬦᬾᬦᬾᬚᬦᬶ᭞ᬳᬶᬕ᭄ᬯᬓ᭄ᬭᬭᬶᬲ᭄ᬗᭂᬦ᭄ᬤᬳᬂ᭟ᬳᬶᬕ᭄ᬯᬓ᭄ᬚᬦᬶᬫᬲᬹᬃᬬ᭄ᬬᬓ᭄᭞ᬳᬶᬘᬗᬓ᭄ᬭᬭᬶᬲ᭄ᬫᬮ
ᬳᬶᬩ᭄‌᭞ᬜᬮᬶᬲᬶᬄᬢ᭄ᬗᬳᬶᬂᬢᬮᬂ᭞ᬳᬶᬕ᭄ᬯᬓ᭄ᬭᬭᬶᬲ᭄ᬫᬗᭂᬧᬸᬂ᭞ᬜᬳᬸᬧ᭄ᬩᬯᭀᬂᬫᬫᬶᬍᬕᬂ᭞ᬗᬶᬫ᭄ᬧᬸᬲ᭄ᬩᬢᬶᬲ᭄᭞ᬳᬶᬘᬗᬓ᭄ᬢᭀᬗ᭄ᬤᬤᬶᬫᭀᬮᬄ᭟ᬳᬶᬘᬗᬓ᭄ᬲᬵᬫ᭄ᬧᬸᬦ᭄ᬓᬩᬱ᭄ᬝ᭞ᬳᬦ᭄ᬢᬸᬓ᭄ᬬᬳᬶᬕ᭄ᬯᬓ᭄ᬚᬦᬶ᭞ᬓᬩ᭄ᬯᬢ᭄ᬮᬯᬸᬢ᭄ᬓᬳᬢᬹᬭᬂ᭞ᬭᬶᬂᬳᬶᬲᬣᬯᬵᬦᬧ᭄ᬭᬪᬸ᭞ᬧᬸᬦᬶᬓᬶᬳᬶ [ 8 ][᭗ 7B]
᭗
ᬘᬗᬓ᭄ᬳᬮ᭄ᬧ᭞ᬘᭀᬭᬄᬲᬶᬲᬶᬧ᭄᭞ᬫᬦ᭄ᬢᬸᬓ᭄ᬭᬶᬂᬭᬳᬶᬦ᭄ᬳᬶᬤᬾᬯ᭟ᬳᬶᬓᬾᬓᬾᬃᬳᬲᬺᬂᬳᬗᬸᬘᬧ᭄᭞ᬓ᭄ᬫᬚᬦᬶᬕᬮᭀᬕᭀᬭᬶᬦ᭄᭞ᬲᬓᬶᬢᬶᬦ᭄ᬬᬕ᭄ᬮᬕ᭄ᬮ᭞ᬚᭂᬧᬶᬢ᭄ᬩᬳᬦ᭄ᬤᬸᬯᬶᬤᬶᬢᬸ᭞ᬳᬶᬕ᭄ᬯᬓ᭄ᬫᬵᬢᬹᬭᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬫ᭄ᬧᬄ᭟ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬭᬶᬂᬧᬜ᭄ᬚᬭ᭞
ᬳᬶᬕ᭄ᬯᬓ᭄ᬩᬗ᭄ᬕ᭄ᬭᬲ᭄ᬫᬫᬸᬜᬶ᭞ᬳ᭄ᬦᬄᬚᬦᬶᬓᬾᬢᬳᬦᬂ᭞ᬳ᭄ᬫᬲᬶᬦ᭄ᬤᭀᬧᬦᬾᬫᬮᬸ᭞ᬓᬵᬲᬸᬓᬚ᭄ᬭᭀᬦᬶᬂᬧᬜ᭄ᬚᬭ᭞ᬚᭂᬧᬶᬢ᭄ᬤᬸᬯᬶ᭞ᬳᬶᬕ᭄ᬯᬓ᭄ᬭᬭᬶᬲ᭄ᬫᬢᬶᬗ᭄ᬕᬮ᭄᭟ᬓᬲ᭄ᬯᬾᬦ᭄ᬫᬭᬶᬂᬧᬜ᭄ᬚᬭ᭞ᬯᬾᬦ᭄ᬢᭂᬦ᭄ᬋᬓᬾᬢᬶᬕᬂᬰᬰᬶᬄ᭞ᬢ᭄ᬓᬬᬳᬶᬓᬸᬕ᭄ᬓᬸᬕᬦ᭄᭞ᬗᬮᬾᬩᬂᬳᬶᬘᬗᬓ᭄ᬤᬶᬢᬸ᭞ᬮᬯᬸᬢ᭄ᬬᬗᬯᬾᬳᬶ
ᬦ᭄ᬕᬸᬡ᭞ᬦᬾᬦᬾᬚᬦᬶ᭞ᬳᬶᬘᬗᬓ᭄ᬫᬵᬢᬹᬭᬦᭂᬫ᭄ᬩᬄ᭟ᬳᬕᬸᬂᬲᬶᬳᬶᬘ᭄ᬙᬦ᭄ᬳᬶᬤᬾᬯ᭞ᬭᬶᬂᬢᬶᬢ᭄ᬬᬂᬫᬶᬢᬸᬮᬸᬂᬉᬭᬶᬧ᭄᭞ᬲᬢ᭄ᬫᬓᬪᬝᬵᬭᬰᬶᬯ᭞ᬓᬸᬕ᭄ᬓᬸᬕᬦ᭄ᬳᬮᭀᬦᬫᬸᬯᬸᬲ᭄᭞ᬚᬦᬶᬓ᭄ᬫᬓᬾᬯᬍᬲᬂ᭞ᬧᬗᬫᬢᬶ᭞ᬧᬥᬬᬫᬦ᭄ᬫᬸᬯᬶᬭᬂ᭟ᬳᬶᬘᬗᬓ᭄ᬫᬗᬮᬶᬄᬕᬸᬡ᭞ᬳᬶᬓᬸᬕ᭄ᬓᬸᬕᬦ᭄ᬫᬗᭂ
ᬯᬾᬳᬶᬦ᭄᭞ᬫᬰᬭᬦᬩᬳᬦ᭄ᬳᭀᬯᭀᬢ᭄᭞ᬫᬳᬍᬤ᭄ᬤᭀᬦ᭄ᬮᬢᭂᬗᬶᬬᬸ᭞ᬬᬶᬧ᭄ᬓᬧᬸᬢ᭄ᬩᬵᬦ᭄ᬤᬮᬸᬯᬂ᭞ᬬᬦ᭄ᬢᬦ᭄ᬫᬢᬶ᭞ᬫᬢᬶᬘᬳᬶᬫᬳᭀᬭᬳᬦ᭄᭟ᬳᬶᬘᬗᬓ᭄ᬫᬦᬳᬾᬏᬕᬃ᭞ᬫᬗᬕᭂᬦ᭄ᬫᬸᬲᬸᬳᬾᬫᬢᬶ᭞ᬳᬶᬘᬗᬓ᭄ᬭᬭᬶᬲ᭄ᬮᬸᬫᬫ᭄ᬧᬄ᭞ᬭᬶᬂᬍᬩᬸᬄᬳᬶᬓᬾᬓᬾᬃᬤᬶᬢᬸ᭞ᬚᬭᬦ᭄ᬕᬸ

[᭘ 8A]
ᬬᬂᬧᬦ᭄ᬤᬾᬱ᭄ᬝᬶᬬᬦ᭄᭞ᬢᬹᬃᬫᬶᬦᬹᬱ᭄ᬝᬶ᭞ᬳᬶᬘᬗᬓ᭄ᬓᬤᬶᬳ᭄ᬬᬗ᭄ᬓᬵᬮ᭟ᬳᬶᬘᬗᬓ᭄ᬚᬦᬶᬫᬫᬦ᭄ᬢ᭄ᬭ᭞ᬫᬫᬹᬱ᭄ᬝᬶᬫᬳᬋᬧ᭄ᬓᬗᬶᬦ᭄᭞ᬫᬦᬾᬗ᭄ᬓᭂᬮᬾᬂᬫᬲᬸᬓᬸᬢᬸᬗ᭄ᬕᬮ᭄᭞ᬚᬧᬫᬦ᭄ᬢ᭄ᬭᬯᬸᬲ᭄ᬭᬶᬦᬗ᭄ᬲᬸᬓ᭄᭞ᬭᬭᬶᬲ᭄ᬬᬫᬦᬦᭂᬫ᭄ᬰ᭄ᬭᬡ᭞ᬧᬺᬚᬦᬶ᭞ᬕᬸᬡᬦ᭄ᬳᬶᬘᬗᬓᬾᬫ᭄ᬭᬢ᭄᭟ᬏᬧᬸᬄᬧ᭄ᬭᬪᬸᬲᬣᬯᬵᬦ᭞ᬫᬦ
ᬳᭂᬦ᭄ᬳᬯᬓᬾᬫᬢᬶ᭞ᬫᬮᬸᬯᬂᬳᬢᬶᬦᬾᬳᬸᬯᭀᬦ᭄᭞ᬳᬶᬫᬦᬸᬓᬩᬬᬏᬧᬸᬄ᭞ᬭᬭᬶᬲ᭄ᬗᭀᬦ᭄ᬓᭀᬦ᭄ᬗᬮᬶᬄᬩᬮ᭄ᬬᬦ᭄᭞ᬧᬺᬚᬦᬶ᭞ᬭᬯᬸᬄᬩᬮ᭄ᬬᬦ᭄ᬓᬫᬲ᭄ᬮᬸᬭᬦ᭄᭟ᬦᬾᬓᭀᬥᬧᬦ᭄ᬫᬸᬗ᭄ᬕᬸᬄᬩᬮ᭄ᬬᬦ᭄᭞ᬳᬶᬘᬗ᭄ᬓᭀᬭᬾᬓ᭄ᬮᬦ᭄ᬳᬶᬘᬸᬭᬶᬓ᭄᭞ᬘᬭᬸᬓ᭄ᬘᬸᬓ᭄ᬩᬮ᭄ᬬᬦ᭄ᬓᬢᬓ᭄ᬱᭀᬦ᭄᭞ᬳᬶᬩᬺᬲᬾᬢ᭄
ᬜ᭄ᬦᭂᬂᬤᬸᬓᬸᬄ᭞ᬩᬮ᭄ᬬᬦ᭄ᬳᬶᬲ᭄ᬢ᭄ᬭᬶᬳᬶᬓᬺᬓ᭄ᬯᬓ᭄᭞ᬫᬦᭂᬦᬸᬗᬶᬦ᭄᭞ᬢᬦ᭄ᬮ᭄ᬬᬦ᭄ᬳᬶᬓᭀᬓᭀᬓᬦ᭄ᬢᬮᬂ᭟ᬓ᭄ᬫᬳᬮᬶᬳᬂᬩᬩᬓᬦ᭄᭞ᬮᬶᬜ᭄ᬚᭀᬂᬘᬗᬶᬂᬮᬵᬯᬦ᭄ᬲᬭᬶ᭞ᬓ᭄ᬭᬶᬓᬦ᭄ᬓᬬᬸᬘᬦ᭄ᬤᬦ᭞ᬳᬓᬃᬚᭂᬧᬸᬦ᭄ᬭᬾᬜ᭄ᬘᬾᬗᬶᬧᬸᬦ᭄᭞ᬳᬶᬘᬭᬸᬓ᭄ᬘᬸᬓ᭄ᬭᬭᬶᬲ᭄ᬫᭂᬦᬾᬓᬦ᭄᭞ᬫᬗᭂᬢᬾᬮᬶᬦ᭄᭞ᬫᬗᬗ᭄ᬕᭂᬳᬂᬧ
ᬫᬮᬶᬦᬦ᭄᭟ᬓ᭄ᬫᬳᬲᬶᬄᬧᬫᬗ᭄ᬕᬸᬳᬦ᭄᭞ᬦᬲᬶᬳᬫ᭄ᬩ᭄ᬯᬓᬢᬓ᭄ᬕᬸᬮᬶᬂ᭞ᬓ᭄ᬭᬸᬲᬸᬓ᭄ᬮᬶᬦ᭄ᬤᬸᬂᬕᬸᬮᬶᬂᬩᬾᬩᬾᬓ᭄᭞ᬓ᭄ᬫᬳᬮᬶᬳᬂᬲᭂᬫ᭄ᬩᬃᬳᬶᬧᬸᬦ᭄᭞ᬓᬬᬸᬳᬧᬶᬢ᭄ᬓᭀᬳᬤᬦ᭄ᬜ᭞ᬕᬢᬶᬕᬢᬶ᭞ᬤᬸᬧᬓᭂᬮᬶᬂᬩᬯᬂᬳᬤᬲ᭄᭟ᬓᭀᬘᬧ᭄ᬳᬶᬓᭀᬓᭀᬓᬦ᭄ᬢᬮᬂ᭞ᬫᬦᭂᬦᬸᬗᬶᬦ᭄ᬦᬾᬦᬾᬚᬦᬶ᭞ᬫ [ 9 ][᭘ 8B]
᭘
ᬗᬤᬾᬦ᭄ᬓᬧᬶᬳᬸᬢᬗᬦ᭄᭞ᬤᬶᬓᬫᬸᬮᬦ᭄ᬩᬳᬦ᭄ᬧᬸᬜ᭄ᬚᬸᬂ᭞ᬕᬸᬮᬶᬂᬩᬾᬩᬾᬓ᭄ᬳᬸᬮᬫ᭄ᬦ᭄ᬬ᭞ᬦ᭄ᬢᭀᬢᬯᬸᬭᬶᬦ᭄᭞ᬕᬢᬶᬕᬢᬶᬳᬧᬂᬧ᭄ᬭᬕᬢ᭄᭟ᬳᬶᬓᭀᬓᭀᬓᬦ᭄ᬬᬫᬲᭂᬳ᭞ᬫᬦ᭄ᬤᬸᬲ᭄ᬫᬶᬯᬄᬫᬗᬸᬮᬧᬶᬦ᭄᭞ᬩᬸᬓᬢ᭄ᬯᬭᬦᬯᬂᬚ᭄ᬗᬄ᭞ᬲᬳᬦ᭄ᬜᬦᬾᬧᬢᬶᬓᬘᬸᬄ᭞ᬫᬲᬶᬄᬫᬶᬮᬸᬗᬸᬬᭂᬂᬖᭂᬡ᭄ᬞ᭞
ᬓᬕᬾᬢ᭄ᬧᭂᬮᬶᬄ᭞ᬧᬮᬶᬢ᭄ᬖᭂᬡ᭄ᬝᬦᬾᬓᭂᬘᬕ᭄᭟ᬳᬶᬕ᭄ᬯᬓ᭄ᬫᬧᬶᬦ᭄ᬤ᭄ᬭᬶᬄᬧᬗᬦ᭄᭞ᬫᬗᬓᬸᬳᬯᬓᬾᬰᬓ᭄ᬢᬶ᭞ᬢᬦᬶᬩᬮ᭄ᬬᬦ᭄ᬗᬓᬸᬩᬮ᭄ᬬᬦ᭄᭞ᬫᬲᬶᬄᬬᬫᬶᬮᬸᬢᬸᬤᬸᬄ᭞ᬗᬤᬾᬦ᭄ᬲᬸᬮᬓᬮᬶᬚᬚᬸᬯᬦ᭄᭞ᬦᬾᬓᬧᬶᬦ᭄ᬤ᭄ᬭᬶᬄ᭞ᬢᬮᬸᬄᬲᬲᬦ᭄ᬢᬸᬦᬾᬓᬵᬮᬧ᭄᭟᭐᭟ᬧᬸᬦᬶᬓᬶᬕᬕᬸᬭᬶᬢᬦ᭄ᬓᭂ
ᬤᬶᬲ᭄᭞ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬤᬶᬦᬵ᭞ᬭ᭞ᬓ᭞ᬫ᭄ᬤᬗ᭄ᬓᬸᬗᬦ᭄᭞ᬢᬗ᭄ᬕᬮ᭄᭞᭒᭑᭞᭗᭞᭑᭙᭙᭑᭞ᬤᬾᬓᬗᬧᬦ᭄ᬮᬄᬅᬭᬶᬓᬘᬢᬹᬃᬲᬦᬓ᭄‌ᬭᬶᬂᬧᬉᬫᬦ᭄ᬦᬶᬰ᭄ᬘᬬᬮᭀᬃ᭞ᬲ᭄ᬫᬵᬭᬧᬸᬭ᭟᭐᭟