Ban/Gaguritan Ketut Bungkling 02

Deskripsi

Naskah

[ 1 ]judul : GAGURITAN KT.BUNGKLING.B
pj.40 cm, Lb 3,4 cm. 26 1b
Asal: Sedahanbwah, Sidemen
[᭑ 1A]
Judul: Gaguritan Kt. Bungkling
Pj.40 cm., Lb.3,5 cm. Jl. 26 1b
Asalah: Sedahanbwah, Sidemen [ 2 ][ ᭑ 1B]
᭑᭞
᭛᭜᭛ᬯᬾᬦ᭄ᬢᭂᬦ᭄ᬓᬶᬤᬸᬂᬳᬜᬃᬢ᭄ᬓᬵ᭞ᬫᬶᬚᬶᬮ᭄ᬲᬓᬶᬂᬭᬗ᭄ᬤᬶᬮᬗᬶᬢ᭄᭞ᬓᬂᬯᬶᬫᬸᬥᬓᬯᬸᬗ᭄ᬕᬸᬗᬦ᭄᭞ᬲᭂᬦ᭄ᬥᬸᬮᬸᬬᬸᬫᬶᬦ᭄ᬢᬓᬶᬤᬸᬂ᭞ᬳᬶᬲᭂᬂᬳᬶᬲᭂᬗ᭄ᬳᬦ᭄ᬫᬦᭂᬫ᭄ᬩᬂ᭞ᬳᬗ᭄ᬕᭀᬦ᭄ᬲᬃᬯ᭄ᬯᬶ᭞ᬳᬢᬶᬳᬶ
ᬩᬸᬓ᭄ᬩᬦ᭄ᬮᬘᬸᬭᬦ᭄᭟ᬯᬶᬦᬾᬳᬦ᭄ᬓᬶᬤᬸᬂᬧᬗᬭᬂ᭞ᬦᬾᬓᭀᬘᬧ᭄ᬳᬶᬓ᭄ᬢᬸᬢ᭄ᬩᬸᬂᬓ᭄ᬮᬶᬂ᭞ᬧ᭄ᬬᬦᬓᬾᬯᬬᬦ᭄ᬢᬶᬕᬭᭀᬦ᭄᭞ᬳᬤᬢᬾᬩᬳᬜᬦᬸᬤᬸᬓ᭄᭞ᬤᬶᬳᬮᬲᬾᬫᬢᬓᬶᬮᬦ᭄᭞ᬤ
ᬤ᭄ᬬᬮᬸᬭᬶᬧ᭄᭞ᬭᬭᬫᬜᬮᬶᬦ᭄ᬢᬂᬲᬸᬓᬵ᭟ᬓᬦ᭄ᬢᬸᬕᬶᬫ᭄ᬢᬂᬓᬃᬬ᭄ᬬ᭞ᬳᬶᬲ᭄ᬢ᭄ᬭᬶᬓᬓᬹᬂᬫᬗᬬᬵᬳᬶᬦ᭄᭞ᬮᬾᬦ᭄ᬳᬤᬧᬶᬲᬕᬜᬍᬕᬵ᭞ᬤᬶᬳᬸᬬᬩᬋᬂᬫᬗᭂᬫ᭄ᬧᬸ᭞ᬳᬤᬗᬩᬬᬂᬓ᭄ᬢᬶᬧᬢ᭄᭞ᬲ
ᬳᬶᬲᬳᬶ᭞ᬳᬸᬘᬧᭂᬦ᭄ᬳᬦ᭄ᬢᭂᬲ᭄ᬫᬚᬮᬦ᭄᭟ᬳᬦ᭄ᬢᭀᬘᬧᬵᬫᬭᬶᬂᬳᬸᬫᬄ᭞ᬓᭀᬘᬧᬳᬶᬓ᭄ᬢᬸᬢ᭄ᬩᬸᬂ᭞ᬲᬳᬶᬬᬫᬲᬗᬂᬤᬬ᭞ᬢ᭄ᬯᬶᬬᬵᬫ᭄ᬧᬢᬸᬓ᭄ᬧᬗ᭄ᬯ᭄ᬭᬸᬄ᭞ᬢ᭄ᬯᬭᬬᬩᬶᬱᬓᬸᬘᬶᬯᬵ᭞ᬲᬸ
[ ᭒ 2A]
᭒᭞
ᬩᬓ᭄ᬮᬶᬄᬗᬚᬓᬶᬦ᭄ᬗᬶᬍᬳᬶᬦ᭄‌ᬩ᭄ᬯᬦᬵ᭟ᬤᬬᬜᬦᬾᬓᬾᬢᭀᬤᭀᬯᬂ᭞ᬫᬓ᭄ᬚᬂᬳᬦᬓᬾᬘᬗ᭄ᬓᬶᬢ᭄᭞ᬗᬯᬕᬯᬕ᭄ᬫᬲ᭄ᬯᬂᬧ᭄ᬢᬵ᭞ᬚᬦᬶᬬᬵᬮ᭄ᬯᬲ᭄ᬓᬕᬸᬦᬸᬂ᭞ᬕᬸᬦᬸᬂᬯᬶᬮᬶᬲᬸᬓᬵᬯᬶᬃᬬ᭄ᬬ᭞ᬳᬦᬓᬼᬯᬶᬄ᭞ᬩ᭄ᬭᬳ᭄ᬫᬵᬓ
ᬜᬢᬶᬕᬂᬩ᭄ᬦᬂ᭟ᬲᭂᬗ᭄ᬕᬸᬳᬸᬢ᭄ᬯᬄᬳᬸᬮᬸᬂᬤᬱᬵ᭞ᬯ᭄ᬯᬂᬢᬦᬶᬦᬾᬧᬶᬢᬸᬂᬩᬗ᭄ᬲᬶᬢ᭄᭞ᬲᬸᬓᬯᬶᬃᬬ᭄ᬬᬫᬾᬮᬳᬾᬦ᭄ᬤᬄ᭞ᬤᬮᬂᬯᬾᬦ᭄ᬢᭂᬦ᭄ᬓᬧᬢ᭄ᬲᬲᬸᬃ᭞ᬳᬸᬦ᭄ᬤᬕᬶᬲᬗ᭄ᬕᬶᬂᬜᬲᬢᬓ᭄᭞ᬦᬾᬫᬗ᭄ᬤᬶᬭᬶᬳᬶᬤᬋᬱᬶᬕ
ᬗ᭄ᬕᬲᬸᬭᬵ᭟ᬧᬸᬢ᭄ᬭᬦᬾᬳᬶᬲ᭄ᬢ᭄ᬭᬶᬫᬗᬬᬂ᭞ᬫᬧᬲᬾᬗᬦ᭄ᬳᬶᬤᬬᭀᬦᬶ᭞ᬳᬤᬩ᭄ᬭᬳ᭄ᬫᬵᬡᬵᬓ᭄ᬮᭀᬤᬦ᭄᭞ᬫᬧ᭄ᬲᬾᬗᬦ᭄ᬳᬶᬤᬓᬸᬓᬸᬩ᭄᭞ᬦᬸᬤᬸᬓ᭄ᬧᬸᬢ᭄ᬭᬦ᭄ᬳᬫᬾᬦᬓ᭄᭞ᬲᬓᬾᬂᬕᬸᬲ᭄ᬢᬶ᭞ᬢᬶᬲᬸᬮᬢ᭄ᬭᬶᬳᬤᬦᬶ
ᬜ᭟ᬳᬶᬤᬓᬸᬓᬸᬩ᭄‌ᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬭᬶᬂᬰᬵᬲ᭄ᬢ᭄ᬭᬦᬾᬍᬯᬶᬄᬍᬯᬶᬄ᭞ᬓᬾᬯᬮᬓ᭄‌ᬳᬭᬶᬤᬵᬭᭀᬧᭀᬦ᭄᭞ᬤᬰᬾᬦ᭄ᬤ᭄ᬭᬶᬬᬦᬾᬦᬸᬳᬶᬤᬸᬧ᭄᭞ᬤᬶᬭᬕᬦ᭄ᬤᬦᬾᬯᬶᬰᬾᬱ᭞ᬦᬾᬦᬾᬓᬭᬶ᭞ᬮᭀᬩᬵ [ 3 ][ ᭒ 2B]
᭒᭞
ᬤᬺᬗ᭄ᬕᬶᬳᬦᬶᬂᬫᬦᬄ᭟ᬳᬓ᭄ᬢᬸᬢ᭄ᬩᬸᬗ᭄ᬓ᭄ᬮᬶᬂᬬᬢ᭄ᬓᬵ᭞ᬫᬗ᭄ᬕ᭄ᬭᬬᬂᬗᬸᬦ᭄ᬤᬶᬢ᭄ᬳᬸᬩᬶ᭞ᬧ᭄ᬭᬥᬭᬭᬶᬲ᭄‌ᬗᬦ᭄ᬤᬶᬓᬵ᭞ᬜᬶᬗᬓ᭄ᬳᬸᬩᬶᬮᬸᬲᬸᬄᬮᬸᬲᬸᬄ᭞ᬧ᭄ᬭᬦ᭄ᬥᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬶᬩᬩᬸᬂᬓ᭄ᬮᬶᬂ᭞ᬳᬸᬮᬶᬤᬶᬚᬫᬕ᭄ᬭᬾᬲᭀᬢᬦ᭄᭟ᬳᬶᬗ᭄ᬕᬶᬄ
ᬢᬶᬢ᭄ᬬᬂᬲᬓᬶᬂᬚᬸᬫᬄ᭞ᬢᬶᬢ᭄ᬬᬂᬫᬗᬢᬸᬭᬂᬳᬸᬩᬶ᭞ᬧᬤᬡ᭄ᬥᬗᬦ᭄ᬤᬶᬓᬳᬮᭀᬦ᭄᭞ᬓ᭄ᬫᬚ᭄ᬫᬓ᭄ᬧ᭄ᬚᬂᬤᬶᬢᬸ᭞ᬓ᭄ᬫᬩᬲᬾᬦᬾᬳᬮ᭄ᬬᬂ᭞ᬳᬶᬩᬩᬸᬂᬓ᭄ᬮᬶᬂ᭞ᬫᬳᬶᬤᬶᬦᬶᬢᬾᬧᬳᭂᬓᬂ᭟ᬲ᭄ᬤᭂᬓ᭄ᬳᬦᬓ᭄ᬗᬸᬧᬤᬾᬰ᭞ᬢᬫ᭄ᬬᬸ
ᬓᬢᬄᬭᬶᬭᬶᬄᬭᬶᬭᬶᬄ᭞ᬳᬶᬩᬸᬂᬓ᭄ᬮᬶᬂᬧᬳᭂᬓ᭄ᬗᬶᬭᬶᬗᬂ᭞ᬧᭀᬮᬄᬕ᭄ᬲᬶᬢ᭄ᬳᬸᬮᬢᬓᬸᬢ᭄᭞ᬳᬶᬤᬵᬧᬤᬡ᭄ᬥᬵᬗᬦ᭄ᬤᬶᬓᬵ᭞ᬳᬶᬩᬩᬸᬂᬓ᭄ᬮᬶᬂ᭞ᬳᬧᬳᬤᬓᬭᬸᬡᬬᬂ᭟ᬳᬶᬗ᭄ᬕᬶᬄᬭᬵᬢᬸᬲᬸᬲᬸᬳᬸᬦᬦ᭄᭞ᬢᬶᬢ᭄ᬬᬂᬤᬯᭂᬕ᭄ᬫᬢᬸᬃ
ᬲᬶᬲᬶᬧ᭄᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬫᬢᬸᬃᬜᭀᬜᭀᬓ᭄᭞ᬲᬵᬫ᭄ᬧᬸᬦ᭄ᬭᬢᬸᬜᬮᬶᬳ᭄ᬓᬬᬸᬦ᭄᭞ᬢᬶᬢ᭄ᬬᬂᬲᬤ᭄ᬬᬯᬾᬦ᭄ᬢᭂᬦ᭄ᬓᬵᬃᬬ᭄ᬬ᭞ᬫᬫ᭄ᬩᬾᬬᬦᬶᬦ᭄᭞ᬲᭀᬧᬘᬭᬵᬯᬸᬲ᭄ᬘᬸᬫᬤᬂ᭟ᬲᬫᬶᬲᬵᬫ᭄ᬧᬸᬦ᭄ᬢᬸᬫᬄᬢᬶᬢ᭄ᬬᬂ
[ ᭓ 3A]
᭞ᬢᬶᬢ᭄ᬬᬂᬫᬭᬶᬓᬶᬫᬗᬲ᭄ᬓᬭᬶ᭞ᬩᬦ᭄ᬢᭂᬦ᭄ᬢᬶᬢ᭄ᬬᬂᬭᬯᬶᬂᬚᬶᬦᬄ᭞ᬭᭀᬭᬲ᭄ᬢᬮᬶᬧᬘᬂᬓᬢᬸᬃ᭞ᬭᬢᬸᬢᬶᬢ᭄ᬬᬂᬦᬸᬦᬲ᭄ᬕᬫ᭄ᬧᬂ᭞ᬢᬶᬢ᭄ᬬᬂᬫᬶᬲ᭄ᬓᬶᬦ᭄᭞ᬢᬫ᭄ᬩᭂᬢ᭄‌ᬓᬾᬯᬮᬗᬶᬭᬶᬗᬂ᭟ᬢᬶᬢ᭄ᬬᬂᬦᬸᬦᬲ᭄‌ᬭᬶᬂᬧᬤᬡ᭄ᬥᬵ᭞ᬫᬗ᭄ᬤᬾᬢᬶᬢ᭄ᬬᬂᬫᬗ᭄ᬕᬶᬄ
ᬚᬢᬶ᭞ᬳᬧᬂᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬮᬶᬜᭀᬓ᭄᭞ᬧᬤᬡ᭄ᬥᬗᬦ᭄ᬤᬶᬓᬵᬳᬮᬸᬲ᭄᭞ᬲᬲᬦ᭄ᬢᬸᬦᬾᬦᬾᬢ᭄ᬭᬵᬕ᭄ᬬᬂ᭞ᬤᬦᬸᬦᬳᬶᬦ᭄᭞ᬧ᭄ᬤᬲ᭄‌ᬉᬢ᭄ᬢᬵᬫᬦᬾᬩᬓᬢ᭄᭟ᬳᬸᬮᬶᬯᬯᬸᬓᬬᬂᬗᬸᬢᬂ᭞ᬫᬜᭂᬓᬄᬓᬬᬂᬫᬗᬶᬭᬶᬫ᭄᭞ᬫ
ᬱᬵᬲᬦ᭄ᬢᬸᬦ᭄‌ᬤ᭄ᬯᬂᬮᬓ᭄ᬱ᭞ᬫᬳᬶᬓᬢᬹᬃᬫᬜ᭄ᬚᬫ᭄ᬧᬸᬦᬸ᭞ᬧ᭄ᬭᬲᬶᬤ᭄ᬥᬢ᭄ᬓᬾᬦᬶᬩᬧᬵ᭞ᬢ᭄ᬓᬮᬶᬘᬶᬦ᭄᭞ᬧ᭄ᬤᬲ᭄ᬳᬸᬢ᭄ᬢᬵᬫᬦᬾᬩᬓᬢ᭄᭟ᬳᬧᬩ᭄ᬯᬶᬦ᭄ᬢᬸᬦᬲ᭄ᬳᬶᬩᬵ᭞ᬳᬯᬓ᭄ᬩᭂᬮᭀᬕ᭄ᬢ᭄ᬯᬭᬳᬸᬦᬶᬂ᭞ᬢ᭄ᬯᬭᬩᬶᬱᬵᬫᬗᬺᬱᭂᬧᬂ᭞ᬳᬶᬩᬸᬂᬓ᭄ᬮᬶᬂ
ᬫᬗᬲᬩ᭄ᬫᬢᬸᬃ᭞ᬭᬢᬸᬢᬶᬢ᭄ᬬᬂᬫᬗ᭄ᬤᬕᬫ᭄ᬧᬂ᭞ᬓ᭄ᬭᬫᬫᬢᬶ᭞ᬤᬶᬫᬦ᭄ᬢᬸᬲᬂᬗᬾᬫᬾᬮᬕᬾᬦ᭄ᬤᬄ᭟ᬦᬧᬶᬦᬾᬫᬕᭂᬂᬩᬓ᭄ᬢᬜ᭞ᬫ᭄ᬦᬸᬄᬲᬶᬓᬧᬵᬮᬦ᭄ᬓᬸᬜᬶᬢ᭄᭞ᬯᬚᬫ᭄ᬓᬵᬮᬦ᭄ᬓᬓᭀᬲᭀᬓ᭄᭞ᬲᬧᬸᬦᬧᬶᬓ᭄ᬭᬫᬵ [ 4 ][ ᭓ 3B]
᭓᭞
ᬦ᭄ᬳᬶᬧᬸᬦ᭄᭞ᬧᬤᬡ᭄ᬥᬭᬭᬶᬲ᭄ᬗᬦ᭄ᬤᬶᬓ᭞ᬩ᭄ᬮᭀᬕ᭄ᬩᬸᬂᬓ᭄ᬮᬶᬂ᭞ᬲᬗ᭄ᬓᬦ᭄ᬓᬾᬢᭀᬧ᭄ᬢᬗᬶᬜ᭟ᬳᬤᬚᬢᬶᬤᬶᬰᬵᬲ᭄ᬢ᭄ᬭᬜ᭞ᬰᬶᬯᬰᬰᬡᬦᬾᬬᬸᬓ᭄ᬢᬶ᭞ᬯ᭄ᬓᬲᬦ᭄‌ᬚᬦ᭄ᬫᬦᬾᬧ᭄ᬚᬄ᭞ᬤᬶᬫᬦ᭄ᬢᬸᬲᬗᬾᬤᬶᬢᬸᬧᬸᬧᬸᬢ᭄᭞ᬫ᭄ᬓᬦᬾᬫᬓᬤᬘ᭄ᬮᬂ᭞ᬓᭂ
ᬓᭂᬄᬕᬶᬕᬶ᭞ᬳᭂᬦ᭄ᬢᭀᬯᬚᬦᬾᬫᬓᬤ᭟ᬫᬓᬤᬕᬤᬶᬂᬲᬶᬓᬧᬵ᭞ᬢᬮᬸᬳᬾᬫᬗ᭄ᬮᬗᬶᬲᬶᬦ᭄᭞ᬧᬸᬢᬶᬄᬍᬫ᭄ᬧᬸᬂᬕᬥᬶᬂᬜᬮᬂ᭞ᬍᬗᬶᬲᬾᬓᬤᬳᬮᬸᬲ᭄᭞ᬫᭀᬦᭀᬦᬾᬫᬓᬤᬳᬶᬗ᭄ᬕᬲ᭄᭞ᬫᬸᬜᬶᬫᬦᬶᬲ᭄᭞ᬲ᭄ᬓᭂ
ᬦ᭄ᬢᬸᬃᬫᬗᬯᬾᬋᬡᬵ᭟ᬳᬶᬩᬸᬂᬓ᭄ᬮᬶᬂᬫᬢᬸᬃᬬᬗᬲᬩ᭄᭞ᬓ᭄ᬤᬾᬓᬾᬗᬫ᭄ᬩᬄᬓᬳᬸᬭᬶ᭞ᬳᬶᬗ᭄ᬕᬶᬄᬭᬢᬸᬳ᭄ᬬᬂᬧᬤᬡ᭄ᬥᬵ᭞ᬲᬶᬦᬫ᭄ᬧᬸᬭᬧᬜ᭄ᬚᬓ᭄ᬤᬸᬲᬸᬦ᭄᭞ᬢᬩᬾᬢᬶᬢ᭄ᬬᬂᬫᬢᬸᬃᬮᬗ᭄ᬕ᭄ᬬ᭞ᬦᬯᬶᬜᬮᬶᬢ᭄᭞ᬳᬶᬘ᭄ᬘᬭᬵᬢᬸᬜᬶ
ᬦᬫ᭄ᬧᬸᬭᬵ᭟ᬧᬤᬡ᭄ᬥᬳᬶᬘᬮᬸᬕ᭄ᬭᬳᬵ᭞ᬦᬄᬳᭀᬭᬳᬂᬤᬗᬸᬮᬶᬢᬶᬦ᭄᭞ᬳᬶᬗ᭄ᬕᬶᬄᬬᬦ᭄ᬓᬤᬶᬯᬘᬦᬵ᭞ᬭᬢᬸᬢ᭄ᬬᬂᬧᬜ᭄ᬚᬓ᭄ᬤᬸᬲᬸᬦ᭄᭞ᬧ᭄ᬭᬡ᭄ᬥᬓ᭄ᬭᬫᬵᬳᬦ᭄ᬯᬶᬸᬓᬶᬸᬦ᭄‌ᬳᬶᬯᬂ᭞ᬳᬶᬮᬂᬗᬸᬦᬶ᭞ᬧᭂ
[ ᭔ 4A]
ᬧᭂᬓ᭄ᬳᬸᬯᬘᬭᬦᬶᬤ᭄ᬥᬵ᭟ᬧᬸᬦᬶᬓᬳᬦᬓ᭄ᬧᬤᬡ᭄ᬥ᭞ᬯᬾᬦ᭄ᬢᭂᬦ᭄ᬓᬄᬓᬄᬩᬸᬭᬶᬓ᭄ᬘᬸᬗᬶᬄ᭞ᬯᬾᬦ᭄ᬢᭂᬦ᭄ᬲᬾᬗᬢ᭄ᬩᬤᬶᬮ᭄ᬲᬾᬗ᭄ᬓᭀᬓ᭄᭞ᬦᬯᬶᬭᬮᬶᬳᬶᬤ᭄ᬥᬵᬤᬸᬫᬸᬦ᭄᭞ᬯᬚᬫ᭄ᬓᬵᬲ᭄ᬤᭂᬓ᭄ᬮᬭᬵ᭞ᬓᬸᬭᬂᬓᬸᬜᬶᬢ᭄᭞
ᬢᬮᬸᬄᬲᬶᬓᬧᬦᬾᬮᬭᬵ᭟ᬢᬸᬢᬾᬓ᭄ᬩᭀᬲᬫ᭄ᬧᬶᬚᬭᬦ᭄᭞ᬗᬸᬤᬲ᭄ᬮᬂᬍᬫᬄᬯ᭄ᬗᬶ᭞ᬳᭂᬩᭀᬦ᭄ᬫᬗᭂᬚᬗᬶᬦ᭄ᬫᭂᬓᬵ᭞ᬧᬤᬡ᭄ᬥᬵᬤᬸᬓᬦᬾᬫᬸᬭᬸᬩ᭄᭞ᬢᬫ᭄ᬬᬸᬦᬾᬓ᭄ᬤᬾᬓ᭄ᬫᬩ᭄ᬭᬶᬬᬕ᭄᭞ᬫᬗ᭄ᬤᬾ
ᬓᬶᬦ᭄᭞ᬧᬤᬡ᭄ᬥᬤᬸᬓᬵᬫᬗ᭄ᬲᭂᬕᬦ᭄᭟ᬤᬸᬄᬤᬾᬯᬭᬢᬸᬧᬤᬡ᭄ᬥᬵ᭞ᬢᬶᬢ᭄ᬬᬂᬮᬶᬦ᭄ᬢᬂᬫᬢᬸᬃᬲᬶᬲᬶᬧ᭄᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬫᬮᬶᬄᬜᭀᬜᭀᬓ᭄᭞ᬧᬤᬡ᭄ᬥᬗ᭄ᬮᬸᬕ᭄ᬭᬳᬶᬦ᭄ᬤᬸᬫᬸᬦ᭄᭞ᬓᬯᬶᬳᬶᬯᬂ
ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬩᬾᬬᬫᬮᬶᬄ᭞ᬢᬩᬸᬳᬶᬦ᭄ᬢᬶᬢ᭄ᬬᬂᬯᬘ᭄ᬘᬦᬵ᭟ᬧᬤᬡ᭄ᬥᬵᬗᬫ᭄ᬩ᭄ᬭᬾᬲ᭄ᬗᬦ᭄ᬤᬶᬓᬵ᭞ᬓ᭄ᬫᬵᬫᬸᬮᬶᬄᬳᬶᬩᬵᬘᬶᬘᬶᬂ᭞ᬳᬶᬩᬸᬂᬓ᭄ᬮᬶᬂᬩᬗᬸᬦ᭄ᬫᬓᬳᬤ᭄᭞ᬧᬤᬡ᭄ᬥᬦᬸᬓ᭄ᬫᬸᬓ᭄ᬫᬸᬓ᭄᭞ᬘᬘᬶᬗᬵ [ 5 ][ ᭔ 4B]
᭔᭞
ᬓ᭄ᬢᬶᬤᬦᬾᬜᬶᬭᬂ᭞ᬗᬺᬱᬾᬗ᭄ᬳᬢᬶ᭞ᬤᬶᬮᬶᬗ᭄ᬕᬳᬾ ᬓᬩᬼᬢᬗᬵ᭟ᬤᬹᬭᬶᬬᬦ᭄ᬲᬶᬜᬗᬸᬧᬤᬾᬰᬵ᭞ᬫᬦ᭄ᬢ᭄ᬭᬳᬶᬦ᭄ᬩᬦ᭄ᬢᬦᬶᬓᬗᬶᬦ᭄᭞ᬯᬾᬦ᭄ᬢᭂᬦ᭄ᬫᬢᬸᬃᬧᬧᬢᬸᬢᬦ᭄᭞ᬫ᭄ᬦᭂᬂᬭᬢᬸᬦᬯᬶᬩᬸᬤᬸᬄ᭞ᬧᬸᬦᬶᬓᬶᬧᬶᬦᬸᬦ
ᬲ᭄ᬢᬶᬢ᭄ᬬᬂ᭞ᬫᬗ᭄ᬤᬾᬕ᭄ᬮᬶᬲ᭄᭞ᬲᬵᬫ᭄ᬧᬸᬦ᭄ᬲᬦ᭄ᬤᬾᬢᬶᬢ᭄ᬬᬂᬳᬸᬮᬓ᭄᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬗᬸᬮᬾᬭᬵᬦ᭄᭞ᬓᬚᬸᬫᬄᬤᬾᬲᭂᬗ᭄ᬳᬸᬧᬗᬶ᭞ᬳᬶᬲᭂᬗ᭄ᬕᬸᬳᬸᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬫᬲ᭄ᬮᭀᬓᬵᬗᬫᭀᬂᬢᬸᬢᬸᬃ᭞ᬫᬗᬶᬳᬸ
ᬗᬂᬳᬶᬲᬶᬦ᭄ᬳᬯᬓ᭄᭞ᬲᬸᬩᬚᬢᬶ᭞ᬲ᭄ᬥᭂᬓ᭄‌ᬗᬓ᭄ᬫᬩᬩᬲᬦ᭄᭟ᬳᬤᬳᬚᬓᬮᬮᬶᬫ᭞ᬫᬗ᭄ᬭᬯᭀᬲ᭄ᬮᬾᬂᬕᭂᬗ᭄ᬕᬸᬗᬶᬦ᭄᭞ᬳᬶᬩᬸᬂᬓ᭄ᬮᬶᬂᬢ᭄ᬓᬗᬭᬬᬂ᭞ᬫᬜ᭄ᬭᭀᬦ᭄ᬤᬾᬂᬦᬕᬶᬄᬢᬸᬮᬸᬂ᭞ᬫᬗᭀᬭᬳᬂ
ᬳᬯᬓ᭄ᬩᬸᬢ᭄ᬣᬵ᭞ᬤᬾᬯᬕᬸᬲ᭄ᬢᬶ᭞ᬚ᭄ᬭᭀᬕ᭄ᬥᬾᬤᬦᬾᬓᬶᬚᬳᬵ᭟ᬓ᭄ᬤᬾᬓ᭄ᬱᭂᬗ᭄ᬕᬸᬦᬾ ᬫᬓ᭄ᬚᬂ᭞ᬢᬸᬳᬸᬦ᭄ᬤᬾᬲᭂᬗ᭄ᬕᬸᬧᬗᬶ᭞ᬜᭂᬫᬓ᭄ᬮᬶᬫᬫᬗᬫ᭄ᬧᭂᬳᬂ᭞ᬳᬸᬮᬶᬚᬳᬵᬧᬸᬜᬄᬩᬸᬤᬸᬄ᭞ᬫᬳᬶᬤᬶᬤᬸᬭᬦ᭄ᬫᬦ᭄ᬕ
[ ᭕ 5A]
ᬓ᭄ᬓ᭄᭞ᬘᬳᬶᬧᬮᬶᬂ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭟ᬚ᭄ᬭᭀᬕ᭄ᬥᬾᬤᬦᬾ ᬓᬶᬸᬤᬶᬚᬳᬵ᭞ᬳᬸᬲᬸᬤ᭄ᬢᬶᬢ᭄ᬬᬂᬢᭀᬂᬓᬧᬗ᭄ᬕᬶᬄ᭞ᬳᬶᬲᭂᬗ᭄ᬕᬸᬳᬸᬫᬗᬸᬲᬸᬤᬂ᭞ᬓᬜᭀᬜᭀᬢ᭄ᬓᭂᬤ᭄ᬓᬩᬳᬸ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬢᭀᬂ
ᬓᬧᬗ᭄ᬕᬶᬄ᭞ᬚ᭄ᬭᭀᬕ᭄ᬥᬾᬤᬦᬾ ᬤᬚᬳᬵ ᭟ᬢᬶᬫ᭄ᬧᬮ᭄ᬧᬸᬦᬶᬓᬦᬾᬢᬸᬦ᭄ᬬᬦ᭄᭞ᬢᬯᬂᬢᬶᬢ᭄ᬬᬂᬦᬶᬓᬵ ᬲᬫᬶ᭞ᬳᭂᬦ᭄ᬢᬸᬤᬾ ᬧᬮᬶᬂᬫᬮᬸᬦᬵ᭞ᬧ᭄ᬳᬵᬧᬸᬗ᭄ᬲᭂᬤ᭄ᬩᬲᬂᬮᬫ᭄ᬜᬸᬂ᭞ᬜᭀᬧᬮᬵᬧᬤᬢᬯᬂ᭞ᬤᬦᬾᬬᬓ᭄ᬢᬶ᭞
ᬚ᭄ᬭᬵᬕ᭄ᬥᬾᬤᬦᬾ ᬤᬶᬚᬳᬵ ᭟ᬚ᭄ᬭᭀᬲᭂᬗ᭄ᬕᬸᬫᬳᬗ᭄ᬲᭂᬕᬦ᭄᭞ᬤᬬᬦ᭄ᬩᭂᬮᬶᬦᬾᬩᬲᬼᬯᬶᬄ᭞ᬩᬧᬢᬶᬫ᭄ᬧᬮᬶᬡᬵᬗᭂᬘᭀᬓ᭄᭞ᬫᬗᬧᬶᬢ᭄ᬗᬫᬢ᭄ᬮᬸ᭞ᬳᬶᬩᬸᬂᬓ᭄ᬮᬶᬂᬓ᭄ᬜᭂᬫ᭄ᬳᬗᬸᬘᬧ᭄᭞ᬚ᭄ᬭᭀᬦᬾ ᬩ᭄ᬭᬗ᭄ᬢᬶ᭞ᬢᬶᬢ᭄ᬬᬂᬫᬢᬸᬃᬧᬵ
ᬧᬢᬸᬢᬦ᭄᭟ᬢᬶᬢ᭄ᬬᬂᬫᬩᬸᬤᬶᬰᬶᬯᬵ ᭞ᬚᬸᬫᬄᬲᬵᬫ᭄ᬧᬸᬦ᭄ᬢ᭄ᬭᬕ᭄ᬬᬲᬫᬶ᭞ᬢᬶᬗ᭄ᬓᬳᬾᬫᬘᬦᬸᬃᬧᬥ᭞ᬓᬲᬲᬵᬫ᭄ᬧᬸᬦ᭄ᬳᬮᬸᬲ᭄ᬳᬮᬸᬲ᭄᭞ᬚᬶᬦᬄᬯᬾᬦ᭄ᬢᭂᬦ᭄ᬮᬶᬫᬂᬮᬓ᭄ᬱᬵ᭞ᬧᬘᬂᬫ᭄ᬭᬶᬓᬶ᭞ᬳᬢᬸᬭᬂᬢᬶᬢ᭄ᬬᬂᬭᬶᬂ [ 6 ][ ᭕ 5B]
᭕᭞
ᬩᬧᬵ ᭟ᬫᬤᬸᬮᬸᬭᬦ᭄‌ᬓ᭄ᬭᬶᬲ᭄ᬫᭂᬮᬄ᭞ᬳᭀᬭᬗ᭄ᬓᬵᬲᬸᬩᬫᭂᬲᬫ᭄ᬧᬶᬃ᭞ᬭᬾᬂᬭᬾᬂᬭᬯᬶᬢ᭄ᬫᬳᬸᬍᬭᬦ᭄᭞ᬤᬗᬦᬦ᭄ᬤᬦ᭄ᬢᬫᬲ᭄ᬮᬸᬢ᭄᭞ᬫᬧᬶᬦ᭄ᬥᬪᬝᬵᬭᬰᬶᬯᬵᬕᬡᬵ᭞ᬦᬶᬓᬵᬳᬫ᭄ᬩᬶᬮ᭄᭞ᬳᬸᬭᬸᬓ᭄ᬢᬶᬢ᭄ᬬᬂᬳᬧᬂᬢᬢᬲ᭄᭟
ᬳᬶᬓᬢᬸᬦ᭄ᬬᬦ᭄ᬢᬶᬢ᭄ᬬᬂᬗᭀᬥ᭞ᬯᬶᬯᬦᬾᬳᬗ᭄ᬕᭀᬦᬶᬫ᭄ᬩᬦᬶᬦ᭄᭞ᬧᬗ᭄ᬭᬯᭀᬲᬾᬦᬾᬤᬶᬰ᭄ᬯᬃᬕ᭄ᬕᬵᬦ᭄᭞ᬦᬾᬡᬓᬮ᭄ᬕᬸᬬᬗᬶᬦ᭄ᬲᬸᬲᬸᬂ᭞ᬲᬂᬗᬚᬦᬵᬬᬫᬢᬧᬵ᭞ᬕᭀᬤᬕᬸᬮᬶᬓ᭄᭞ᬲ᭄ᬬᬢᬶᬦ᭄ᬩᬓᬮ᭄ᬲᬬᬗᬂ᭟
ᬢᬶᬢ᭄ᬬᬂᬓᬾᬦ᭄ᬢᭂᬦ᭄‌ᬢ᭄ᬓᬾᬦ᭄ᬩᬧᬵ᭞ᬳᬶᬲᭂᬗ᭄ᬕᬸᬳᬸᬬᬫᬩᬮᬶᬓ᭄᭞ᬤᬤᬶᬧᬹᬃᬬᬫᬢᬓᭀᬦ᭄᭞ᬫᬦᬄᬜᬦᬾᬲᬸᬩᬢᬸᬢᬸ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬜᭂᬓᭂᬦᬂ᭞ᬤᬸᬭᬸᬲ᭄ᬳᬲᬶᬄ᭞ᬢᬶᬢ᭄ᬬᬂᬚᬢᬶᬢ᭄ᬯᬄᬫᬤᬶᬓ᭄ᬱᬵ᭟ᬫᬲᬸ
ᬭᬸᬤᬬᬸᬫᬰᬶᬯ᭞ᬧᬂᬲᬚᬢᬶᬢ᭄ᬬᬂᬳᭀᬭᬳᬶᬦ᭄᭞ᬳᬶᬲᭂᬗ᭄ᬕᬸᬳᬗᬸᬘᬧ᭄ᬳᬮᭀᬦ᭄᭞ᬳᭀᬭᬗ᭄ᬓᬦᬾᬚ᭄ᬫᬓ᭄ᬫᬮᬸ᭞ᬳᬾᬤᬾᬗᬂᬢ᭄ᬓᬾᬦᬶᬂᬩᬧᬵ᭞ᬘᬶᬭᬶᬦ᭄ᬬᬓ᭄ᬢᬶ᭞ᬫᬰᬶᬯᬘᬳᬶᬭᬶᬂᬩᬧᬵ ᭟ᬮ

[ ᭖ 6A]
ᬫᬸᬦ᭄ᬲᬚᬵᬲᬸᬡᬢ᭄ᬓᬵ ᭞ᬳᭀᬭᬗ᭄ᬓᬦᬾ ᬭᬯᬶᬢ᭄ᬲᬫ᭄ᬧᬶᬭ᭄᭞ᬧ᭄ᬢᬳᬧᬚᬢᬓᭀᬦᬂ᭞ᬤᬸᬳᬸᬃᬮᬗᬶᬢ᭄᭞ᬓᬗᬶᬦ᭄ᬓᬯᬸᬄ᭞ᬢ᭄ᬓᭂᬤ᭄ᬓᬲᬧ᭄ᬝᬵᬧᬢᬮᬵ᭞ᬩᬧᬚᬢᬶ᭞ᬧᭂᬧᭂᬓ᭄ᬱᬳᬶᬲᬶᬦᬶᬗᬯᬓ᭄᭟ᬳᬶᬗ᭄ᬕᬶᬄᬲᬵᬫ᭄ᬧᬸ
ᬦ᭄ᬩᬧᬳᬶᬘ᭄ᬙᬵ᭞ᬩᬧᬓᬬᬸᬦ᭄ᬗᬦ᭄ᬤᬶᬓᬳᬶᬦ᭄᭞ᬢᬶᬢ᭄ᬬᬂᬕ᭄ᬮᬶᬲ᭄ᬫᬸᬮᬶᬄᬜ᭄ᬚᬸᬯᬂ᭞ᬧᬗᬦ᭄ᬤᬶᬓᬬᬂᬳᬶᬕᬸᬭᬸ᭞ᬮᬫᬸᬦ᭄ᬕᬸᬭᬸᬤᬸᬭᬸᬲ᭄ᬳᬶᬘ᭄ᬙᬵ᭞ᬤᭀᬂᬩ᭄ᬓᭂᬮᬶᬦ᭄᭞ᬧᬗ᭄ᬭᬯᭀᬲᬾᬦᬾᬦᬾᬢᬫ᭄ᬩᬃ᭟ᬫᬗ᭄ᬤᬾ ᬯᬾᬦ᭄ᬢᭂᬦ᭄ᬲᬂᬲᬸᬶᬢᬶᬢ᭄ᬬᬂ᭞ᬳᬶ
ᬲᭂᬂᬕᬸᬳᬸᬳᬗ᭄ᬮᬶᬗ᭄ᬳᬭᬶᬲ᭄᭞ᬦᬄᬘᬳᬶᬓᬗ᭄ᬕᭀᬦᬓᭀᬦᬂ᭞ᬦᬾᬦᬾᬉᬢ᭄ᬢᬵᬫᬫᬦ᭄ᬭᬸᬲ᭄᭞ᬩᬧᬵᬘᬘᬓᬵᬗᭀᬭᬳᬂ᭞ᬳᬧᬂᬚᬢᬶ᭞ᬲ᭄ᬓᭂᬦ᭄ᬩᬦ᭄ᬘᬳᬶᬦᬶᬗᭂᬳᬂ᭟ᬳᬶᬗ᭄ᬕᬶᬄᬩᬧᬢᬸᬦᬲ᭄ᬢᬶᬢ᭄ᬬᬂ᭞ᬓᬚᬓ᭄ᬮᭀᬤ᭄ᬓ
ᬯᬸᬄᬓᬗᬶᬦ᭄᭞ᬳᬶᬲᭂᬗ᭄ᬕᬸᬫᬦᬸᬤᬂᬗᬾᬩᭀᬢ᭄᭞ᬳᭂᬦ᭄ᬢᭀᬓᬗᬶᬦ᭄ᬳᬭᬶᬦ᭄ᬳᬶᬧᬸᬦ᭄᭞ᬬᬦ᭄ᬭᬶᬂᬳᬯᬵᬓ᭄ᬧᬲᬸᬳᬦ᭄᭞ᬭᬸᬧᬧᬸᬢᬶᬄ᭞ᬫᬸᬮᬶᬄᬳᭀᬭᬗ᭄ᬓᬦᬾᬚᬸᬯᬂ᭟ᬳᬶᬗ᭄ᬕᬶᬄᬩᬧᬢᬶᬢ᭄ᬬᬂᬜ᭄ᬚᬯᬂ᭞ᬢ᭄ᬓᭂᬤ᭄ᬓᭂᬚᬵᬫ [ 7 ][ ᭖ 6A]
᭖᭞
ᬤᬦ᭄ᬓᬗᬶᬦ᭄᭞ᬳᬶᬲᭂᬗ᭄ᬕᬸᬳᬸᬗᬸᬘᬧ᭄ᬳᬮᭀᬦ᭄᭞ᬢ᭄ᬓᭂᬤᬶᬕᬸᬫᬶᬦᬾᬦᬗ᭄ᬕᬸ᭞ᬤᬶᬳᬸᬮᬗᬶᬢ᭄ᬗᬸᬤᬗᬸᬤᬵ᭞ᬧᬕᬸᬮᬯᬶᬃ᭞ᬩᬸᬓᬓᬸᬳᬸᬤ᭄‌ᬕᭂᬩᬗᭂᬩᬦ᭄᭟ᬤᬗᬶᬦ᭄ᬳᭀᬳᬧᬳᬤᬜ᭞ᬳᬶᬲᭂᬗ᭄ᬕᬸᬳᬗ᭄ᬮᬶᬗᬭᬶᬲ᭄᭞ᬫᬲᬶᬄᬓ
ᬗᬶᬦ᭄ᬢᭀᬳᬤᬜ᭞ᬩᬧᬢᬳᬾ ᬦ᭄ᬢᬓᭂᬦ᭄ᬤᬶᬢᬸ᭞ᬳᬶᬲᭂᬗ᭄ᬕᬸᬭᬭᬶᬲ᭄ᬳᬗᬸᬘᬧ᭄᭞ᬩᬧᬢᭀᬲᬶᬂ᭞ᬲᭀᬓ᭄ᬢᬸᬳᬸᬭᬦ᭄ᬩᬧᬦᬯᬂ᭟ᬳᬶᬩᬸᬂᬓ᭄ᬮᬶᬂᬓ᭄ᬜᬂᬳᬗᬸᬘᬧ᭄᭞ᬤᭀᬂᬓᬾᬢᭀᬳᬦᬓᬾᬳᬸᬦᬶᬂ᭞ᬫᬗᬦ᭄ᬤᭂᬮᬂᬩᬦ᭄ᬢᬸᬢᬸ
ᬭᬦ᭄᭞ᬳᬧᬩᬦ᭄ᬕᬸᬫᬶᬦᬾᬦᬗ᭄ᬕᬸ᭞ᬫᬲᬶᬄᬳᬤᬩᬤᬗᬶᬦᬦ᭄᭞ᬗᬓᬸᬭᬶᬭᬶᬄ᭞ᬳᬶᬲᭂᬗ᭄ᬕᬸᬢᬸᬃᬫᬳᬗ᭄ᬲᭂᬕᬦ᭄᭟ᬩᬸᬤᬶᬜᬦᬾᬫᬶᬸᬳᬶᬸᬗᬶᬸᬧᭂᬸᬕᬶᬸᬦ᭄‌ᬫᬗᭀᬭᬳᬂ᭞ᬬᬾᬦ᭄ᬢᭀᬂᬜᬓ᭄ᬳ᭄ᬬᬫ᭄ᬩᬳᬦ᭄ᬢᬗ᭄ᬓᬶᬲ᭄᭞ᬳᬯᬓᬾᬍ
ᬧᬲ᭄ᬢᬸᬘᬧᬦ᭄᭞ᬳᭂᬗ᭄ᬲᭂᬓᬾᬳᬗ᭄ᬕᭀᬦ᭄ᬧᬜᬭᬸ᭞ᬚᬦ᭄ᬫᬦᬾᬢ᭄ᬯᬄᬦᭀᬭᬦᭀᬭᬵ᭞ᬩᬸᬤᬶᬜᬗ᭄ᬓᬶᬢ᭄᭞ᬳᬯᬓᬾᬭᬶᬭᬶᬄᬳᭀᬕᬳᬵ᭞ᬚᬦᬶᬓᬾᬦ᭄ᬓᬾᬦ᭄ᬢᭀᬳᬤᬜ᭞ᬳᭀᬭᬗ᭄ᬓᬦᬾᬚ᭄ᬯᬂᬫᬸᬮᬶᬄ᭞ᬢᬶᬩᬸᬂᬓ᭄ᬮᬶ
[ ᭗ 7A]
ᬓ᭄ᬜᬸᬂᬳᬗᬸᬘᬧ᭄᭞ᬢᬶᬢ᭄ᬬᬂᬗᬶᬭᬶᬂᬲᬧᬓᬬᬸᬦ᭄᭞ᬩᬧᬗᭀᬦ᭄ᬓᭀᬦ᭄ᬫᬸᬮᬶᬄᬜ᭄ᬚᬸᬯᬂ᭞ᬤᭀᬂᬳᬶᬘᬾᬦᬶᬦ᭄᭞ᬢᬶᬢ᭄ᬬᬂᬦᬸᬳᬸᬦ᭄ᬩᭀᬬᬳᬶᬯᬂ᭟ᬳᬶᬲᭂᬗ᭄ᬕᬸᬳᬸᬫᬓᬺᬱᭂᬓᬦ᭄᭞ᬲᬕᬾᬢ᭄‌ᬫ᭄ᬮᬄᬲᬕᬾᬢᬵᬩ᭄ᬭᬗ᭄ᬢᬶ᭞ᬲᬸᬯᬸᬤ᭄ᬩ᭄ᬭᬗ᭄ᬢᬶᬩ᭄ᬯᬶᬦ᭄ᬫᭂ
ᬮᬄ᭞ᬦᬾ ᬧᬢ᭄ᬧᬢ᭄ᬯᬶᬭᬂᬫᬲᬯᬸᬢ᭄᭞ᬩ᭄ᬮᬶᬢ᭄ᬯᬄᬜᬳᭂᬫ᭄ᬧᬸᬓ᭄ᬧ᭄ᬢᬵ᭞ᬗᬸᬮᬄᬩᬸᬓ᭄ᬢᬶ᭞ᬮᬫᬸᬦ᭄ᬓᬮᬄᬧᬶᬲᬦ᭄ᬜᬸᬫ᭄ᬩᬄ᭟ᬳᬶᬩᬸᬂᬓ᭄ᬮᬶᬂᬤᬶᬦᬶᬫᬧ᭄ᬢᬵ ᭞ᬳᬤᬸᬯᬂᬤᬬᬦᬾᬜᬗ᭄ᬓᬶᬢ᭄᭞ᬲᭂᬗ᭄ᬕᬸᬩ᭄ᬮᭀᬕ᭄ᬳᬤᬢ᭄ᬧᬢ᭄᭞ᬳᬶᬩᬸᬂᬓ᭄ᬮᬶᬂᬳᬢᬸᬭᬾ
᭞ᬳᬸᬮᬶᬂᬘ᭄ᬦᬶᬓ᭄ᬓᬸᬕᬸᬦ᭄ᬰᬵᬲ᭄ᬢ᭄ᬭᬵ᭞ᬩᬸᬮᬓ᭄ᬩᬮᬶᬓ᭄᭞ᬲᬸᬩᬅᬱᬵᬩ᭄ᬯᬶᬦ᭄ᬩᬲᬬᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬜᭂᬓᭂᬦᬂ᭞ᬩ᭄ᬦᭂᬄᬩᬳᬦ᭄ᬫᬫᬦ᭄ᬭᬶᬭᬶᬄ᭞ᬳᬯᬓᬾ ᬯ᭄ᬦᬂᬢ᭄ᬯᬄᬓᬾᬢᭀ᭞ᬢᬶᬢ᭄ᬬᬂᬢ᭄ᬯᬄᬚᬸᬭᬸᬧᬘᬸᬮ᭄᭞ᬩ᭄ᬯᬶᬦ᭄ᬳ᭄ᬯᬭᬦᬯᬂᬰᬵᬲ᭄ᬢ᭄ᬭ᭞
ᬳᬸᬮᬶᬂᬘ᭄ᬦᬶᬓ᭄ᬓᬢᬸᬦ᭄ᬰᬵᬲ᭄ᬢ᭄ᬭᬵ᭞ᬩᬸᬮᬓ᭄ᬩᬮᬶᬓ᭄᭞ᬲᬸᬩᬪᬱᬵᬩ᭄ᬯᬶᬦ᭄ᬩᬸᬲᬬᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬜᭂᬓᭂᬦᬂ᭞ᬩ᭄ᬦᭂᬄᬩᬳᬦ᭄ᬫᬫᬦ᭄ᬭᬶᬭᬶᬄ᭞ᬳᬯᬓᬾᬯ᭄ᬦᬂᬢ᭄ᬯᬄᬓᬾ ᬢᭀ᭞ᬢᬶᬢ᭄ᬬᬂᬢ᭄ᬯᬄᬚᬸᬭᬸᬧᬘᬸᬮ᭄᭞ᬩ᭄ᬯᬶᬦ᭄ᬢ᭄ᬯᬭᬦᬯᬂᬰᬵᬲ᭄ᬢ᭄ᬭ᭞ [ 8 ][ ᭗ 7B]
ᬫᬫᬦ᭄ᬭᬶᬭᬶᬄ᭞ᬗᬶᬤᬶᬄᬰᬵᬲ᭄ᬢ᭄ᬭᬦᬾ ᬦᬂᬤᬤ᭄ᬯᬵ᭟ᬳᬶᬤ᭄ᬤᬫᬫᬦ᭄ᬢᬸᬮᬶᬲᬂ᭞ᬫᬸᬜᬶᬦ᭄ᬳᬗᬶᬦᬾᬦᬾᬢᬭᬶᬓ᭄᭞ᬫᬸᬜᬶᬦ᭄ᬓᭂᬦ᭄ᬤᬶᬲᬯᬦ᭄ᬳᬸᬚᬦ᭄᭞ᬤᬾᬄᬫᬫᬘᬳᬧᬂᬧᬸᬧᬸᬢ᭄᭞ᬳᬶᬲᭂᬗ᭄ᬕᬸᬳᬸᬓᬯᬯᭂᬕᬦ᭄᭞ᬬᬫ᭄ᬢᬭᬶᬓᬶ
ᬯᭂᬄᬓᬶᬗᭂᬄᬫᬓᬯᬢ᭄ᬧᬢ᭄᭟ᬳᬧᬳᬗ᭄ᬕᭀᬦᬦᬸᬮᬶᬲᬂ᭞ᬳᬶᬤᭂᬧᬾᬳᬾ ᬗ᭄ᬕᬮᬦ᭄ᬧᬮᬶᬂ᭞ᬕᬺᬤᭂᬕ᭄ᬓᬯᬸᬄᬕᬺᬤᭂᬕ᭄ᬓᭂᬮᭀᬤ᭄᭞ᬫ?ᬓᬧᬢ᭄ᬧᬢ᭄ᬲᬸᬩᬳᬶᬩᬸᬓ᭄᭞ᬧ᭄ᬮᬸᬄᬧᬶᬤᬶᬢ᭄ᬧᬢᬸᬗᬤᬄ᭞ᬫ᭄ᬯᬂᬧᬗᬸᬢᬶᬓ᭄᭞ᬦᬸᬮᬶᬲ᭄ᬢ᭄ᬯᬭᬵ
ᬫᬲ᭄ᬓᭂᬦᬦ᭄᭟ᬩ᭄ᬭᬗ᭄ᬢᬶᬦᬾᬳᬗ᭄ᬕᭀᬜᬭᬸᬯᬂ᭞ᬤᬢᬳᬚᬓ᭄ᬫᬗ᭄ᬭᬲᬦᬶᬦ᭄᭞ᬤᬶᬗ᭄ᬓᬾᬦ᭄ᬢ᭄ᬯᬭᬢᬓᭀᬦᬗᬵ᭞ᬤᬫᬗ᭄ᬭᬸᬗᬸᬳᬦᬓ᭄ᬩᬸᬤᬸᬄ᭞ᬲᭂᬗ᭄ᬕᬸᬧᬗᬶᬓ᭄ᬤᬾᬓ᭄ᬗᬓᬓ᭄᭞ᬓᬤᬾᬦᬵᬰᬓ᭄ᬢᬶ᭞ᬶᬄᬩᬓᬢ᭄ᬧᬩᭀᬗᭀ
ᬳᬵ᭟ᬤᬬᬦᬾᬢ᭄ᬯᬄᬳᬘ᭄ᬮᬸᬮᬸᬓᬦ᭄᭞ᬳᬯᬓ᭄‌ᬩ᭄ᬮᭀᬕ᭄ᬗᬓᬸᬭᬶᬭᬶᬄ᭞ᬧᬸᬢᬸᬲ᭄ᬤᬬᬦᬾᬢᬯᬗᬵ᭞ᬬᬦ᭄ᬳᭂᬦᭂᬫᬶᬦ᭄ᬲᬬᬦ᭄ᬓᬸᬓᬸᬄ᭞ᬳᬯᬓᬾᬢ᭄ᬯᬄᬜᬓᬮᭀᬃᬩᬦ᭄᭞ᬤᬢᬳᬸᬭᬶᬓ᭄᭞ᬫᬦᬯᬂᬘᬭᬂ
[ ᭘ 8A]
ᬘᬭᬗᬦ᭄᭟ᬳ᭄ᬤᬩᬲᬸᬫ᭄ᬩᬸᬂᬫᬧ᭄ᬢᬵ᭞ᬬᬤ᭄ᬬᬦ᭄ᬳᬶᬬᬳᬦᬓ᭄ᬘᭂᬭᬶᬓ᭄᭞ᬕᭀᬩᬢᬦᬶᬩ᭄ᬯᬶᬦ᭄ᬩᭂᬮᭀᬕ᭄᭞ᬢᬢᬲᬂᬫᬗ᭄ᬤᬾᬜᬢᬳᬸ᭞ᬳᬧᬂᬳ᭄ᬤᬲᬮᬄᬧᬃᬡ᭄ᬦᬵ᭞ᬩᭂᬗᬶᬮ᭄ᬘᬸᬯᬶᬮ᭄᭞ᬢ᭄ᬤᬫᬗᬤᬾᬳᬦᬓ᭄ᬦᬶᬱ᭄ᬝᬵ᭟ᬬᬦ᭄ᬫᬗᭀ
ᬫᭀᬂᬲᬸᬫ᭄ᬩᬃᬲᬸᬫ᭄ᬩᬃ᭞ᬫᬗᬓᬸᬳᬯᬓᬾᬭᬶᬭᬶᬄ᭞ᬢ᭄ᬯᬭᬜᬓ᭄ᬳᬸᬮᬧ᭄ᬓᬲᭀᬃ᭞ᬧ᭄ᬤᬲ᭄‌ᬮ᭄ᬬᬸᬗ᭄ᬮᬄᬫᬸᬲᬸᬄ᭞ᬩᬶᬩᬶᬳᬾᬗ᭄ᬫᬲᬶᬦ᭄ᬤᭀᬱᬵ᭞ᬳᬗ᭄ᬕᭀᬦ᭄ᬧ᭄ᬮᬶᬄ᭞ᬢᬸᬲᬶᬂᬲᬸᬯᬸᬤ᭄ᬮᬓᬃᬧᬶᬧᬶᬢᬗᬵ ᭟ᬧᭂᬂᬍᬫᬄᬳᭂᬦ᭄ᬢᭀᬳᬶᬜ᭄ᬘᭂᬧᬂ᭞
ᬢᬸᬢᬸᬃᬩᬧᬦᬾᬧᬶᬮᬶᬳᬶᬦ᭄᭞ᬘᬳᬶᬜᬳᬶᬫᬶᬯᬄᬳᭂᬫ᭄ᬩᭀᬓ᭄᭞ᬳᬧᬂᬳ᭄ᬤᬲᬮᬄᬢᬸᬦ᭄ᬤᬸᬓ᭄᭞ᬲᬸᬩᬮ᭄ᬬᬸᬧ᭄ᬭᬢᬶᬫᬶᬫ᭄ᬩᬜ᭞ᬬᬾᬦᬶᬂᬧ᭄ᬮᬶᬄ᭞ᬲᬳᬶᬤᬤᬶᬲᬲᬸᬃᬬ᭄ᬬᬓᬦ᭄᭟ᬦᬾᬳᬤᬫᬭᬸᬧᬵᬢᬶᬯᬲ᭄᭞ᬓᬕ᭄ᬓᬕ᭄ᬓᬶ
ᬕ᭄ᬓᬶᬕ᭄‌ᬧ᭄ᬲᬸᬫᬸᬮᬶᬄ᭞ᬗᬲᭀᬭᬂᬤᬾᬯᬾᬓ᭄ᬦᬾᬩ᭄ᬮᭀᬕ᭄᭞ᬫᬜᬮᬦᬂᬓ᭄ᬦᭂᬄᬧᬢᬸᬢ᭄᭞ᬳ᭄ᬤᬜᬸᬕᬃᬫ᭄ᬲᬸᬯᬂᬧ᭄ᬢᬵ᭞ᬫᬗᬸᬗ᭄ᬓᬸᬮᬶᬦ᭄᭞ᬫᬗᬓᬸᬳᬯᬓᬾᬧ᭄ᬭᬚ᭄ᬜᬦ᭄᭟ᬘᬳᬶᬩᬸᬂᬓ᭄ᬮᬶᬂᬢᬾ ᬫᬓᬳᬤ᭄᭞ᬢ᭄ᬮᬾ [ 9 ][ ᭘ 8B]
᭘᭞
ᬦᬦ᭄ᬮᬓᬸᬫᬮᬮᬶ᭞ᬤ᭄ᬧᬂᬫᬫᬦ᭄ᬤᬶᬦᬶᬩ᭄ᬗᭀᬂ᭞ᬫᬱᬵᬫᬫᬦ᭄ᬤᬶᬦᬶᬜᬶᬗ᭄ᬓᬸᬃ᭞ᬓᬧᬶᬭᬾᬂᬭᬾᬂᬓᬤᭀᬯᬗ᭞ᬳ᭄ᬬᬳᬶᬩᬸᬂᬓ᭄ᬮᬶᬂ᭞ᬜᬍᬲᬶᬄᬮᬦ᭄ᬢᬲ᭄ᬫᬲ᭄ᬯᬂ᭟ᬭᬭᬶᬲ᭄ᬫᬗᭀᬚᭀᬕ᭄ᬓᬧᬲᬃ᭞ᬲᬕᬾᬢ᭄ᬓᬢᭀᬦ᭄ᬳᬶᬲ᭄ᬢ᭄ᬭᬶᬍ
ᬯᬶᬄ᭞ᬩᬸᬫᬭᬫ᭄ᬦᬾᬓ᭄ᬤᬳᬜ᭞ᬗᬤᭀᬮ᭄ᬤᬳᬃᬲᬤᬵᬫᬸᬘᬸ᭞ᬢ᭄ᬓᬾᬦ᭄ᬩᬾ ᬲ᭄ᬬᬧ᭄ᬫᬧ᭄ᬮᬮᬄ᭞ᬳ᭄ᬬᬂᬳᬶᬩᬸᬂᬓ᭄ᬮᬶᬂ᭞ᬫᬳᬶᬦ᭄ᬤᭂᬗᬦ᭄ᬮᬯᬸᬢ᭄‌ᬢ᭄ᬓ᭟ᬤᬤᬶᬫᬘᬓᭂᬢ᭄ᬤᬶᬫᬦᬄ᭞ᬤᬕᬗᬾ ᬫᬗ᭄ᬭᬲᬾᬗ᭄ᬳᬢᬶ
᭞ᬢᬭᬸᬡᬵᬳᬸᬮᬶᬤᬶᬚᬳᬵ᭞ᬩᬕᬸᬲᬾᬢ᭄ᬯᬭᬫᬦ᭄ᬤᬸᬂ᭞ᬤᬸᬫᬤᬵᬓ᭄ᬫᬳᬶᬓᬸᬃᬫᬜ᭞ᬦᬤ᭄ᬬᬦ᭄ᬫᬳᬶᬢᬦ᭄ᬧᬩᬾ ᬬᭀᬦ᭄ᬫᬸᬲ᭄ᬯᬃᬕ᭄ᬕᬵ᭟ᬮᬯᬸᬢ᭄ᬫᬫᬲ᭄ᬯᬂᬤᬬᬵ ᭞ᬤᬕᬗᬦᬾᬳᬗ᭄ᬕᭀᬦ᭄ᬢᬗ᭄ᬓᬶᬲ᭄᭞
ᬳᬧᬗᬵᬤᬤᬶᬲᭀᬘᬧᬦ᭄᭞ᬫᬭᬶᬓᬶᬓᬾᬕᬸᬲ᭄ᬢᬶᬳᬕᬸᬂ᭞ᬢᬫ᭄ᬩᬲᬶᬦ᭄ᬓᬾ ᬢᬶᬢ᭄ᬬᬂᬤᬳᬃ᭞ᬦᬶᬓᬶᬩ᭄ᬘᬶᬓ᭄ᬳᬸᬮᬫ᭄ᬳᬬᬫᬧ᭄ᬮᬮᬄ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬰ᭄ᬯᬭᬦᬾᬳᬭᬸᬫᬫᬦᬶᬲ᭄᭞
[ ᭙ 9A]
ᬮᬫᬸᬦ᭄ᬜᬳᬶᬢᬸᬳᬸᬳᬶᬘ᭄ᬙᬵ᭞ᬩ᭄ᬮᬶᬫᬩᬸᬤᬶᬫᬦᬸᬓᬸ᭞ᬤᬕᬗᬾᬭᬭᬶᬲ᭄ᬳᬗᬸᬘᬧ᭄᭞ᬮᬫᬸᬦ᭄ᬩᭂᬮᬶᬓᬬᬸᬦ᭄ᬫᬭᬶᬓᬶᬫᬭᬭ᭄ᬬᬦ᭄᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬫᬦ᭄ᬕᬓ᭄᭞ᬤᬕᬗᬾ ᬳᬾ ᬧᭀᬢ᭄ᬫᬲᬕᬶ᭞ᬤᬳᬃᬳᬸᬮᬫ᭄ᬲᬧᬸᬧᬸᬢ᭞
ᬳᬶᬩᬸᬂᬓ᭄ᬮᬶᬂᬫᬦᬫ᭄ᬧᬲᬵᬫ᭄ᬧᬸᬦ᭄᭞ᬢᬸᬫᬸᬮᬶᬭᬭᬶᬲ᭄ᬫᬤᬳᬃ᭞ᬘᬭᬵᬍᬯᬶᬄ᭞ᬢ᭄ᬯᬭᬗᬶᬢᬸᬂᬳᬚᬶᬦ᭄ᬤᬳᬃ᭟ᬢᬸᬫᬸᬮᬶᬳᬸᬲᬦ᭄ᬫᬤᬳᬃ᭞ᬘᬢᬶᬗ᭄ᬓᬳᬾᬲᬭᬍᬯᬶᬄ᭞ᬤᬕᬗᬾᬗᬢᬸᬭᬶᬦ᭄‌ᬲ᭄ᬤᬄ᭞ᬳᬸᬲᬦ᭄ᬫᬗᬵ
ᬚᭂᬗᬂᬲᬸᬭᬸᬄ᭞ᬦ᭄ᬫᭀᬦᬶᬦ᭄ᬳᬦᬓᬾᬲ᭄ᬮᬵ᭞ᬳ᭄ᬬᬳᬶᬩᬸᬗ᭄ᬓ᭄ᬮᬶᬂ᭞ᬢᬸᬫᬸᬮᬶᬄᬭᬭᬶᬲ᭄ᬳᬗᬸᬘᬧ᭄᭟ᬩ᭄ᬮᬶᬫᬢᬸᬃᬧᬧᬢᬸᬢᬦ᭄᭞ᬦᬶᬧᬶᬢᬶᬯᬂᬳᬦ᭄ᬢᬸᬓ᭄‌ᬩ᭄ᬮᬶ᭞ᬲᬵᬫ᭄ᬧᬸᬦ᭄ᬜᬳᬶᬤᬸᬓᬋᬓᭀ᭞ᬩ᭄ᬮᬶᬯᬦ᭄ᬢᬄᬚᬸᬚᬸᬢ᭄ᬫ
ᬢᬸᬃ᭞ᬜᬳᬶᬢᬾ ᬲᬓᬶᬂᬧᬸᬦᬧ᭞ᬢᬦ᭄ᬤ᭄ᬭᬸᬄᬩ᭄ᬮᬶ᭞ᬧᬸᬢ᭄ᬭᬦ᭄ᬤᬦᬾᬲᬧᬵᬲᬶᬭᬵ ᭟ᬤᬕᬗᬾᬭᬭᬶᬲ᭄ᬳᬗᬸᬘᬧ᭄᭞ᬢᬶᬢ᭄ᬬᬂᬫᬸᬮᬲᬓᬶᬂᬤ᭄ᬭᬶᬓᬶ᭞ᬳᬸᬫᬄᬢᬶᬢ᭄ᬬᬗᬾᬩᬮᬾᬭᬦ᭄᭞ᬧ᭄ᬬᬦᬓ᭄ᬤᬦᬾ [ 10 ][ ᭙ 9B]
ᬚ᭄ᬭᭀᬲᭂᬗ᭄ᬕᬸᬳᬸ᭞ᬯᬦ᭄ᬢᬄᬢᬶᬢ᭄ᬬᬂᬧᬮᬶᬂᬯᬬᬄ᭞ᬫᬦᬸᬗ᭄ᬕᬮᬶᬦ᭄᭞ᬩ᭄ᬬᬦᬢᬶᬢ᭄ᬬᬂᬗ᭄ᬮᬄᬜᬫ᭟ᬤᬕᬗᬾᬭᬭᬶᬲ᭄‌ᬗ᭄ᬯᬍᬲᬂ᭞ᬳᬶᬕᬸᬲ᭄ᬢᬶᬲᬓᬶᬂᬧᬸᬦᬧᬶ᭞ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬫᬦᬯᬂ᭞ᬳᬶᬩᬸᬂᬓ᭄ᬮᬶᬂᬫᬲᬯᬸᬃᬳᬮᬸ
ᬦ᭄᭞ᬩ᭄ᬮᬶᬳᬸᬮᬶᬦᬵᬕᬭ᭞ᬤᬾᬰᬦ᭄ᬩᭂᬮᬶ᭞ᬫᬯᬱ᭄ᬝᬵᬤᬶᬧᬮᬶᬗ᭄ᬕᬭᬦ᭄᭟ᬲᬤ᭄ᬬᬦ᭄ᬩᭂᬮᬶᬳᬸᬮᬶᬚᬸᬫᬄ᭞ᬧᬋᬓ᭄ᬕᬸᬭᬸᬲᭂᬗ᭄ᬕᬸᬧᬗᬶ᭞ᬩ᭄ᬮᬶᬫᬕᬸᬭᬸᬤᬶᬫᬶᬲᬦ᭄᭞ᬤᬦᬾ ᬳᬶᬘ᭄ᬙᬵᬩ᭄ᬮᬶᬮᬘᬸᬃ᭞ᬓᬲᬾᬧ᭄ᬳᬦ᭄ᬢᬸᬓ᭄‌ᬩ᭄ᬮᬶᬢ᭄ᬓ
᭞ᬦᬸᬦᬲ᭄ᬜᬳᬶ᭞ᬓᭀᬘᬧ᭄ᬜᬳᬶᬓᬘᬶᬭᬾᬦᬦ᭄᭟ᬳᬦ᭄ᬢᬸᬓ᭄ᬳᬶᬤᬳ᭄ᬬᬂᬧᬤᬡ᭄ᬥᬵ ᭞ᬲᬲᬸᬳᬸᬦᬦ᭄ᬕᬸᬭᬸᬦ᭄ᬜᬳᬶ᭞ᬜᬳᬶᬢ᭄ᬯᬄᬧᬓᬦ᭄ᬢᬶᬬᬗᬵ᭞ᬭᬶᬂᬧᬸᬢ᭄ᬭᬦᬾᬧᬮᬶᬂᬤᬸᬳᬸᬃ᭞ᬦᬾᬭᬕᬦᬾᬩᬤᭂᬂᬓᬄᬓᬄ᭞ᬩᬸ
ᬭᬶᬓ᭄ᬘᬸᬗᬶᬄ᭞ᬧᬗᬦ᭄ᬤᬶᬓᬦ᭄ᬤᬦᬾ ᬩᬸᬲᬦ᭄᭟ᬦᬵᬗ᭄ᬳᬶᬂᬧᬥᬲᬲᬶᬮᬶᬩᬦ᭄᭞ᬭᬯᭀᬲ᭄ᬤᬦᬾᬕᬸᬭᬸᬦ᭄ᬜᬳᬶ᭞ᬤᬾᬦᬵᬳᬶᬂᬓᭀᬘᬧ᭄ᬳᬶᬰᬵᬲ᭄ᬢ᭄ᬭᬜ᭞ᬧᬢ᭄ᬫᬸᬦ᭄ᬜᬳᬶᬦᬾ ᬮᬸᬳᬸᬂ᭞ᬤᬤᬶᬮ᭄ᬬᬸᬲᬸᬕᬶᬄᬋᬦ᭄ᬤᬄ᭞ᬤᭀ
[ ᭑᭐ 10A]
ᬦᬶᬂᬜᬶᬮᬶᬩ᭄᭞ᬓ᭄ᬭᬯᭀᬲ᭄ᬜᬳᬶᬢ᭄ᬯᬄᬫᬍᬢᬲ᭄᭟ᬤᬦᬾ ᬦᬸᬗᬮᬶᬄᬤᬾᬯᬱᬵ ᭞ᬬᬾᬦ᭄ᬳᬤᬤᬾᬯᬱᬵᬍᬯᬶᬄ᭞ᬤᬶᬢᬸᬜᬳᬶᬓᬳᬢᬸᬭᬂ᭞ᬬᬾᬦ᭄ᬢᭀᬜᬓ᭄ᬜᬳᬶᬫᬳᭂᬚᬸᬓ᭄᭞ᬬᬦ᭄ᬲᬸᬩᬢᬶᬩᬭᬶᬂᬳᬶᬤ᭞ᬤᬶᬢᬸᬫᬮᬶᬄ
ᬳᬤᬧᬗ᭄ᬮᬍᬫᬲ᭄‌ᬢ᭄ᬓᬵ ᭟ᬤᬳᬦᬾᬳᭂᬗ᭄ᬲᭂᬓ᭄ᬦᬶᬗᭂᬳᬂ᭞ᬬᬾᬄᬫᬢᬦᬾ ᬳᬤᬺᬱ᭄ᬫᬶᬚᬶᬮ᭄᭞ᬩᬬᬸᬦᬾᬩᬸᬓᬫᬘ᭄ᬮᭀᬲ᭄᭞ᬤᬤᬶᬭᬱᬵᬢᬦ᭄ᬧᬩᬬᬸ᭞ᬚᬦᬶᬓᬸᬤ᭄ᬬᬂᬫᬦᬄᬢᬶᬢ᭄ᬬᬂ᭞ᬧᬶᬲᬦ᭄ᬫᬢᬶ᭞ᬮ᭄ᬯᬲᬢᬶᬩᬧᬭ
ᬦ᭄ᬬ᭟ᬢᭀᬂᬦᬸᬕᬦᬸᬮᬶᬄᬓᬲᬸᬓᬦ᭄᭞ᬫᬗ᭄ᬮᬄᬲᭀᬫᬄᬩᬩᬳᬶ᭞ᬮᬕᬸᬢ᭄ᬳᬶᬤᬦᬾ ᬩ᭄ᬭᬳ᭄ᬫᬵᬡ᭞ᬓᬬᬸᬦ᭄ᬳᬶᬤᬦᬾ ᬘᬭᬸᬘᬸᬄ᭞ᬕᭀᬩᬦᬶᬱ᭄ᬝᬵᬲ᭄ᬫᬸᬳᬮᬵ ᭞ᬫᬸᬜᬶᬩᬤᬶᬮ᭄᭞ᬳᬸᬮᬾᬦ᭄ᬫᬳᬶᬭᬶᬩ᭄ᬩᬩᬾᬤᬦ᭄᭟ᬢᬸ
ᬫᬸᬮᬶᬄᬭᬭᬶᬲ᭄ᬳᬗᬸᬘᬧ᭄᭞ᬲ᭄ᬯᬭᬦᬾ ᬳᬭᬸᬫᬫᬦᬶᬲ᭄᭞ᬬᬦ᭄‌ᬯ᭄ᬬᬓ᭄ᬢᬶᬦᭂᬦ᭄ᬲᬧᬸᬦᬶᬓᬵ᭞ᬳᬦᬸᬭᬸᬂᬢᬶᬢ᭄ᬬᬂᬫᬗ᭄ᬮᬮᬸ᭞ᬲᬢᬶᬩᬢᬶᬩᬧᬭᬦ᭄ᬬ᭞ᬳᬫ᭄ᬩᬄᬫᬢᬶ᭞ᬦᬤ᭄ᬬᬦ᭄ᬓᬳᬸᬮᬸᬄᬩᬦ᭄ᬲᬧᬵ ᭟ᬳᬶᬩᬸᬂᬓ᭄ᬮᬶᬂᬭᬭᬶ [ 11 ][ ᭑᭐ 10B]
᭑᭐᭞
ᬲ᭄ᬳᬗᬸᬘᬧ᭄᭞ᬬᬦ᭄ᬓᭂᬦ᭄ᬢᬂᬩ᭄ᬮᬶᬧ᭄ᬮᬶᬄᬫ᭄ᬜᬳᬶᬢᬾᬓᬫ᭄ᬮᬫ᭄ᬮᬾᬳᬂ᭞ᬳᬦ᭄ᬢᬸᬓ᭄ᬤᬦᬾᬳᬚᬶᬕᬸᬭᬸ᭞ᬓᬢ᭄ᬫᬸᬯᬂᬭᬶᬂᬩ᭄ᬭᬳ᭄ᬫᬵᬡ᭞ᬲᬸᬓᬲᬸᬕᬶᬄ᭞ᬩ᭄ᬮᬶᬢᬶᬯᬲ᭄ᬢ᭄ᬯᬭᬗ᭄ᬮᬄ᭟ᬲᬶᬜᬩ᭄ᬮᬶᬗᬸᬧᬄᬤᬾᬰ᭞ᬳᬧᬂᬩ᭄ᬮᬶᬫᬳᬦ᭄ᬗᬶᬤᬶᬄ᭞ᬦᬯᬶᬫᬾᬮᬶᬂᬜᬳᬶ
ᬯ᭄ᬓᬲ᭄᭞ᬫᬩᬭᬬᬵᬩ᭄ᬮᬶᬢ᭄ᬧᬸ᭞ᬤᬕᬗᬾᬭᬭᬶᬲ᭄ᬳᬗᬸᬘᬧ᭄᭞ᬮᬫᬸᬦ᭄ᬩᭂᬮᬶᬢᬸᬳᬸᬳᬶᬗᭂᬢ᭄ᬫᬩ᭄ᬭᬬᬵ᭟ᬦ? ᬫᬗ᭄ᬓᬶᬦ᭄ᬫᬦᬳᬂᬢᬶᬢ᭄ᬬᬂ᭞ᬳᬸᬢᬂᬢᬶᬢ᭄ᬬᬗᬾᬭᬶᬂᬩ᭄ᬮᬶ᭞ᬬᬾᬦ᭄ᬢᬶᬦᬄᬓᬦ᭄ᬢᭂᬦ᭄ᬓᬾᬢᬾᬗᬦ᭄᭞ᬬᬾᬦ᭄ᬩ᭄ᬭᬲ᭄ᬓᬦ᭄ᬢᭂᬦ᭄ᬫᬳᬸᬯᬸ᭞ᬩ᭄ᬮᬶᬳᭀ
ᬮᬲ᭄ᬢᭂᬓᬾᬦᬵᬢᬶᬢ᭄ᬬᬂ᭞ᬢᬦ᭄ᬲᬶᬦᬶᬧᬶ᭞ᬳᬕᬸᬂᬧᬶᬲᬦ᭄ᬳᬸᬢᬂᬢᬶᬢ᭄ᬬᬂ᭟ᬢᬶᬢ᭄ᬬᬂᬫᬦᬯᬸᬃᬩᬦ᭄ᬳᬯᬓ᭄᭞ᬬᬦ᭄ᬩᭂᬮᬶᬓᬬᬸᬦ᭄ᬫᬦᬫ᭄ᬧᬶ᭞ᬢᬶᬢ᭄ᬬᬂᬤᬤᬶᬚᬦ᭄ᬫᬵᬧᬧ᭞ᬤᬶᬚᬫ᭄ᬩᬗᬦᬾ ᬓᬍᬩᬹ᭞ᬢ᭄ᬯᬭᬫᬗ᭄ᬮᬄᬯᬶᬲᬬᬵ ᭞ᬲᬵᬫᬵᬧᬸᬦ᭄
ᬩ᭄ᬮᬶᬫᬲᭂᬮ᭄ᬲᭂᬮᬦ᭄ᬫᬦᬶᬧ᭄ᬯᬦ᭄᭟ᬮᬫᬸᬦ᭄ᬜᬳᬶᬢᬸᬳᬸᬲᬸᬓ᭞ᬳᬚᬓ᭄ᬩᭂᬮᬶᬩᬋᬂᬫᬢᬶ᭞ᬢᬦᬸᬭᬸᬂᬧᬘᬂᬫᬓ᭄ᬮᭀ᭞ᬫᬫᬸᬭᬂᬲᬳᬶᬩᬮᬓᬸ᭞ᬩ᭄ᬮᬶᬫᬫᬸᬲᬸᬄᬩ᭄ᬭᬳ᭄ᬫᬵᬡ᭞ᬕᬸᬭᬸᬦ᭄ᬜᬳᬶᬳᬦᬸᬭᬸᬂᬢ᭄ᬯᬄᬤᬦᬾᬦᬸᬦᬓ᭟ᬳᬧ

[ ᭑᭑ 11A]
ᬚᬵᬩ᭄ᬦᭂᬮᬂᬮ᭄ᬯᬲ᭄᭞ᬩ᭄ᬮᬶᬢ᭄ᬯᬭᬗ᭄ᬮᬄᬧᬶᬧᬶᬲ᭄᭞ᬬᬾᬦ᭄‌‌ᬚ᭄ᬜᬳᬂᬩ᭄ᬮᬶᬩ᭄ᬮᭀᬕ᭄᭞ᬦᬾᬦᬾᬜᬳᬦ᭄ᬜᬳᬶᬧ᭄ᬲᬸ᭞ᬳᬤᬕ᭄ᬮᬄᬜᬳᬶᬚᬸᬫᬄ᭞ᬢᭀᬳᬶᬢᬸᬗᬶᬦ᭄᭞ᬬᬾᬜᬩᬓᬢ᭄ᬢᭀᬜᬂᬳᬩ᭟ᬦᬵᬗ᭄ᬳᬶᬂᬧᬤᬲᬲᬶᬮᬶᬩᬦ᭄᭞ᬜ
ᬳᬶᬫᬤᬬᬧᬂᬲᬶᬮᬶᬩ᭄᭞ᬳ᭄ᬤᬲᭂᬦ᭄ᬤᬸᬫᬾᬗᭀᬫᬾᬗᭀ᭞ᬳᬾᬕᬭᬂᬫᬦᬳᬾᬧ᭄ᬲᬸ᭞ᬧᬤᬬᬂᬢ᭄ᬓᬾᬦ᭄ᬳᬶᬩᬶᬧ᭄ᬯᬦ᭄᭞ᬢ᭄ᬤᬜᬮᬶᬦᬶᬦ᭄᭞ᬳᬧᬂᬳ᭄ᬤᬓᬢᬗᭂᬳᬦ᭄᭟ᬤᬕᬗᬾᬭᬭᬶᬲ᭄ᬳᬗᬸᬘᬧ᭄᭞ᬢᬶᬢ᭄ᬬᬂᬗᬶᬭᬶᬂᬓᬬᬸᬦ᭄ᬩᭂ
ᬮᬶ᭞ᬳᬶᬭᬶᬓᬶᬳᬦ᭄ᬢᭀᬲᬂᬢᬶᬢ᭄ᬬᬂ᭞ᬢ᭄ᬗᬄᬤᬮᬸᬢᬶᬢ᭄ᬬᬂᬧ᭄ᬲᬸ᭞ᬢᬶᬢ᭄ᬬᬂᬫᬸᬮᬶᬄᬫᬗᬶᬢᬸᬗᬂ᭞ᬳᬶᬗ᭄ᬕᬶᬄᬩ᭄ᬮᬶ᭞ᬲᬦᬾᬤᬤᬶᬳᬩᬦ᭄ᬢᬶᬢ᭄ᬬᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬦᬾ ᬫᬸᬓᬾᬦ᭄ᬫᬸᬓᬾᬦ᭄ᬧᬶᬮᬶᬳᬶᬦ᭄᭞ᬳ
ᬧᬗᬵᬢᬗ᭄ᬓᬶᬮ᭄ᬩᬦ᭄ᬗᬩᬵ ᭞ᬤᬕᬗᬾᬫᬲᬯᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬓᬬᬸᬦ᭄ᬩᭂᬮᬶ᭞ᬳ᭄ᬤᬗ᭄ᬮᭀᬂᬳᬸᬩᬬᬵ᭟ᬳᬶᬗ᭄ᬕᬶᬄᬳᬦ᭄ᬢᭀᬲ᭄ᬳᬸᬕᬶᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬧᬫᬶᬢ᭄ᬦᬾ ᬫᬗ᭄ᬓᬶᬦ᭄᭞ᬳᬶ [ 12 ][ ᭑᭑ 11B]
᭑᭑᭞
ᬩᬸᬂᬓ᭄ᬮᬶᬂᬗᬸᬘᬧ᭄ᬦᬄᬚᬮᬦ᭄᭞ᬤᬕᬗᬾᬭᬭᬶᬲ᭄ᬜᬭᬸᬢ᭄ᬘᬸᬢ᭄᭞ᬫᬜᬸᬢᬸᬦ᭄ᬳ᭄ᬬᬧᬤᬕᬗᬦ᭄᭞ᬳ᭄ᬬᬳᬶᬩᬸᬂᬓ᭄ᬮᬶᬂ᭞ᬫᬦ᭄ᬕᬓ᭄ᬲᭀᬭᬶᬂᬯᬦ᭄ᬤᬶᬭ᭟ᬢᬦ᭄ᬓᬯᬵᬃᬡ᭄ᬦᬳᬭᬶᬂᬫᬃᬕ᭄ᬕ᭞ᬓᭀᬘᬧᬦ᭄ᬲᬂᬧ᭄ᬭᬪᬸᬯᬶᬮᬶᬲ᭄᭞ᬓᭀᬘᬧᬦ᭄ᬫᬤ᭄ᬯᬾ
ᬧᬸᬢ᭄ᬭ᭞ᬳᬶᬲ᭄ᬢ᭄ᬭᬶᬯᬃᬡ᭄ᬦᬮᬶᬲ᭄ᬢ᭄ᬯᬬᬸ᭞ᬲᬬᬂᬩᬸᬓᬳᬾᬦ᭄ᬤᬄᬧᬾᬮᬕ᭄᭞ᬢ᭄ᬯᬄᬳᬤᬶᬳᬶ᭞ᬧ᭄ᬭᬚ᭄ᬜᬦ᭄ᬓᬤᬶᬯᬶᬘᬓ᭄ᬱᬡᬵ᭟ᬲᬕᬕᬶᬡᬦ᭄ᬢ᭄ᬯᬭᬳᬶᬯᬂ᭞ᬢ᭄ᬓᬾᬦ᭄‌ᬰᬵᬲ᭄ᬢ᭄ᬭᬦᬾ ᬦᬾ ᬍᬯᬶᬄ᭞ᬢᬸᬢᬸᬃᬩᬩᬱᬦ᭄ᬭᬶᬂᬓᬦ᭄ᬥᬵ᭞
ᬢ᭄ᬯᬭᬓᬸᬘᬶᬯᬫᬗᬶᬢᬸᬂ᭞ᬲᬓᬶᬤᬸᬗᬾ ᬢ᭄ᬯᬭᬳᬶᬯᬂ᭞ᬢ᭄ᬓᬾᬦ᭄ᬕᭂᬦ᭄ᬤᬶᬂᬫᬓ᭄ᬢᬲᬵᬫ᭄ᬧᬸᬦ᭄ᬳᬸᬦᬶᬗᬵ᭟ᬲᬂᬧ᭄ᬭᬪᬸᬤᬳᬢ᭄ᬓᬾ ᬯᭂᬳᬦ᭄᭞ᬫᬗ᭄ᬭᬯᭀᬲᬂᬳᭀᬓᬳᬶᬲ᭄ᬢ᭄ᬭᬶ᭞ᬩᬸᬫᬭᬫ᭄ᬦᬾᬓ᭄ᬤᬳᬜ᭞ᬯᬵᬃᬡ᭄ᬦᬦᬾ
ᬮᬶᬦ᭄ᬢᬗᬶᬂᬳᬬᬸ᭞ᬧ᭄ᬭᬚ᭄ᬜᬦ᭄ᬓᬯᬶᬯᬶᬘᭂᬓ᭄ᬲᬡᬵ ᭞ᬮᬶᬦ᭄ᬢᬂᬍᬯᬶᬄ᭞ᬓᬾᬦ᭄ᬓᬾᬦᬵᬩᬦ᭄ᬗᬸᬢᬸᬗᬂᬓᬃᬫ᭄ᬫᬵ ᭟ᬳᬧᬗᬚ᭄ᬜᭂᬓ᭄ᬤᬶᬚᬸᬫᬄ᭞ᬳ᭄ᬬᬩᬓᬮ᭄ᬳᬗ᭄ᬕᭀᬦ᭄ᬲᬸᬫᭂᬦ᭄ᬤᬶ᭞ᬬᬦ᭄ᬳᬦ᭄ᬢ᭄ᬬᬂᬳᬦᬓ᭄ᬫᬗ᭄ᬮᬫᬃ᭞ᬢᬦᬸᬭᬸᬂᬫᬗ᭄ᬕᬶᬄ
[ ᭑᭒ 12A]
ᬧᬓᬾᬬᬸᬄ᭞ᬚᬮᬦ᭄ᬜᬦᬾ ᬢ᭄ᬯᬭᬢ᭄ᬜᬓ᭄᭞ᬢ᭄ᬯᬭᬦᬫ᭄ᬧᬶ᭞ᬢᬦᬸᬭᬸᬂᬢ᭄ᬯᬄᬕᭂᬩᬸᬕ᭄‌ᬬᬸᬤ᭄ᬥᬵ᭟ᬫᬗ᭄ᬭᬱᬭᬲᬵ ᬤᬶᬫᬦᬄ᭞ᬳ᭄ᬬᬓᬾ ᬫᬮᬸᬢᬭᬶᬦᬶᬦ᭄᭞ᬧᬸᬢ᭄ᬭᬦᬾ ᬓᬭᬶᬤᬶᬚ᭄ᬭᭀ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬓᬦᬓ᭄ᬕ
ᬮᬸᬄᬧ᭄ᬬᬦᬓ᭄ᬩᬧ᭞ᬫᬢᬶᬤᬶᬦᬶ᭞ᬩᬧᬫᬗᬶᬤᬶᬄᬧᬗ᭄ᬭᬱᬵ ᭟ᬚᬦᬶᬓᬾᬦ᭄ᬓᬾᬦ᭄ᬩᬦ᭄ᬫᬤᬬᬵ᭞ᬧᬂᬩᬧᬵᬗ᭄ᬮᬄᬲᬸᬫᭂᬦ᭄ᬤᬶ᭞ᬜᬳᬶᬳᬗ᭄ᬕᭀᬦ᭄ᬩᬧᬧ᭄ᬬᬦᬓ᭄᭞ᬲᬸᬩᬓ᭄ᬮᬶᬄᬭᬸᬧᬳᬬᬸ᭞ᬩᬧᬵᬫᬗᬮᬶᬳᬂᬓᬃᬫ᭄ᬫᬵ ᭞ᬲᬸ
ᬓᬦ᭄ᬜᬳᬶ᭞ᬦᬾᬦᬾᬳᭂᬗ᭄ᬓᬾᬦ᭄ᬳᬮᬶᬄᬩᬧᬵ ᭟ᬭᬤᬾᬦ᭄ᬕᬮᬸᬄᬫᬢᬸᬃᬩᬗ᭄ᬕ᭄ᬭᬲ᭄᭞ᬓᬬᬸᬦ᭄ᬳᬶᬤᬵᬕᬸᬭᬸᬚᬳᬶ᭞ᬧ᭄ᬬᬦᬓᬾ ᬫᬗ᭄ᬓᬶᬦ᭄ᬤᭀᬦ᭄ᬤᭀᬦᬂ᭞ᬩᬲᬶᬧᭀᬓ᭄ᬫᬜ᭄ᬦᭂᬂᬭᬵᬢᬸ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞
ᬦᬄᬓᬾᬜᬳᬶ᭞ᬩᭀᬬᬧᬶᬋᬂᬳᬢᬸᬃᬩᬧᬵ᭟ᬜᬳᬶᬳᬗ᭄ᬕᭀᬦ᭄ᬩᬧᬲᬸᬫᬦ᭄ᬤ᭄ᬬ᭞ᬢᬸᬫ᭄ᬩᬸᬄᬳᬶᬲ᭄ᬢ᭄ᬭᬶᬢ᭄ᬯᬄᬳᬤᬶᬭᬶ᭞ᬲᬬᬂᬩᬸᬓᬵ ᬫᬾᬦ᭄ᬤᬄᬧᬾᬮᬕ᭄᭞ᬳᬧᬂᬜᬳᬶᬜ᭄ᬦᭂᬂᬭᬵᬢᬸ᭞ᬤᬤᬶᬧᬗᭂᬦ᭄ᬢᬶᬦ᭄ᬩ [ 13 ][ ᭑᭒ 12B]
᭑᭒᭞
ᬧᬵ᭞ᬦᬾᬦᬾ ᬚᬦᬶᬜᬳᬶᬫᬫᬶᬮᬶᬳᬶᬦ᭄ᬓᬃᬫ᭄ᬫᬵ ᭟ᬳᬤᬢᬾᬧᬢᬶᬄᬧᬸᬗ᭄ᬕᬯ᭞ᬯᬾᬱ᭄ᬬᬲᬂᬳ᭄ᬬᬂᬫ᭄ᬯᬂᬧᬺᬕᬸᬲ᭄ᬢᬶ᭞ᬲᬶᬜᬳ᭄ᬬᬫᬗ᭄ᬮᬄᬧ᭄ᬬᬦᬓ᭄᭞ᬢᬭᬸᬡᬵᬳᬫᬗᬵᬢ᭄ᬤᬸᬦ᭄᭞ᬧᬨᬫᬳᬶᬓᬩᬜ᭄ᬘᬶᬗᬄ᭞ᬢᭀᬧᬶ
ᬮᬶᬳᬶᬦ᭄᭞ᬦᬾᬦᬾᬓᬾᬦ᭄ᬓᬾᬦ᭄ᬕᭀᬩᬜ᭟ᬭᬤᬾᬦᬵᬕᬮᬸᬄᬫᬢᬸᬃᬲᭂᬫ᭄ᬩᬄ᭞ᬮᬫᬸᬦ᭄‌ᬓ᭄ᬦᭂᬄᬕᬸᬭᬸᬳᬚᬶ᭞ᬫᬗᬮᬶᬳᬂᬢᬶᬢ᭄ᬬᬂᬓᬵᬃᬫ᭄ᬫ᭞ᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬫᬤ᭄ᬯᬾᬓᬤᬸᬂ᭞ᬘᬘᬗ᭄ᬓ᭄ᬭᬶᬫᬦ᭄‌‌ᬦ᭄ᬢᭀᬩᬲᬬᬂ᭞ᬦᬶᬓᬫᬗ᭄ᬓᬶᬦ᭄᭞
ᬢᬸᬦᬲᬂᬢᬶᬢ᭄ᬬᬂᬪᬕᬯᬦ᭄᭟ᬬᬾᬦ᭄ᬩᬓᬢ᭄ᬩᬢᬜᬫᬲᬬᬂ᭞ᬢᬶᬢ᭄ᬬᬂᬲᬸᬓᬫᬗᭂᬜᬓᬶᬦ᭄᭞ᬬᬦ᭄ᬢᬦ᭄ᬯᬾᬦ᭄ᬢᭂᬩᬓᬢ᭄ᬩᬜ᭞ᬢᬶᬢ᭄ᬬᬂᬫᬧᬫᬶᬢ᭄ᬫᬢ᭄ᬫᬸ᭞ᬦᬤ᭄ᬬᬦ᭄ᬕᬸᬭᬸᬧᬘᬂᬤᬸᬓ᭞ᬢᬶᬢ᭄ᬬᬂᬗᬶᬭᬶᬂ᭞ᬤ᭄ᬧᬂᬢᬶᬢ᭄ᬬᬂᬤ᭄ᬳᬵᬢ᭄ᬯ
᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬮᬫᬸᬦ᭄ᬓᬾᬢᭀᬩᬳᬦ᭄ᬜᬳᬶ᭞ᬩᬧᬚᬦᬶᬢᬸᬦ᭄ᬤᬾᬦᬗᬵ᭞ᬗᬭᬳᬶᬦ᭄ᬢᬧᬗᬢ᭄ᬳᬸᬦ᭄᭞ᬦᬾ ᬦᬾᬜᬳᬦ᭄ᬗᬮᬶᬗ᭄ᬲᭂᬭᬂ᭞ᬲᬦᬾᬭᬶᬭᬶᬄ᭞ᬳᬧᬗᬢ᭄ᬳᬸᬦ᭄ᬳᭀᬜᬗᬦ᭄᭟ᬲᬂᬧ᭄ᬭᬪᬸᬭ
[ ᭑᭓ 13A]
ᬭᬶᬲ᭄ᬓᬚᬩ᭞ᬗ᭄ᬲᬾᬗᬶᬦ᭄ᬧᬸᬗ᭄ᬕᬯᬧᬢᬶᬄ᭞ᬦᬾ ᬗᬓᬶᬦ᭄ᬢᬦ᭄ᬓᬯᬵᬃᬡ᭄ᬦᬳᬦ᭄᭞ᬧᬸᬗ᭄ᬕᬯᬧᬢᬶᬄᬯᬸᬲ᭄ᬭᬯᬸᬄ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ ᭞ᬫᬫᬦ᭄ᬧᬢᬶᬄ᭞ᬧᬸᬗ᭄ᬕᬯ᭄ᬯᬓ᭄ᬫᬳᬭᬳᬂ᭟ᬳᭀᬭᬳᬶᬦ᭄ᬧᬜ᭄ᬚᬓᬾᬧᬤ᭞ᬳᬧᬗᬢ᭄ᬓᬦᬾᬚᬵ
ᬦᬶ᭞ᬲᬦᬾᬦᬾᬧ᭄ᬭᬚ᭄ᬜᬦ᭄ᬭᬶᬂᬰᬵ ᬲ᭄ᬢ᭄ᬭ᭞ᬬᬤᬶᬦ᭄ᬩ᭄ᬭᬳ᭄ᬫᬵᬦᬲᭂᬗ᭄ᬕᬸᬳᬸ᭞ᬦᬶᬭᬫᬗᬶᬤᬶᬄᬩᬩᬲᬦ᭄᭞ᬦᬵᬗ᭄ᬳᬶᬂᬕᬢᬶ᭞ᬢᬭᬶᬦ᭄ᬓᬶᬤᬸᬂᬘᬘᬗ᭄ᬓ᭄ᬭᬶᬫᬦ᭄᭟ᬧᬢᬶᬄᬫᬗ᭄ᬕᬯᬗᬶᬭᬶᬗᬂ᭞ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬲᬂᬧ᭄ᬭ
ᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬢᬦ᭄ᬓᬯᬵᬃᬡ᭄ᬦᬳᬦ᭄ᬭᬶᬂᬳ᭄ᬦᬸ᭞ᬓᬯᬸᬯᬸᬲᬦ᭄ᬲᬵᬫ᭄ᬧᬸᬦ᭄ᬧ᭄ᬭᬵ ᬧ᭄ᬢ᭞ᬲᬦᬾᬭᬶᬭᬶᬄ᭞ᬧ᭄ᬭᬚ᭄ᬜᬦ᭄ᬫᬦᬫ᭄ᬧᬓ᭄ᬩᬜ᭄ᬘᬶᬗᬄ᭟ᬳᬤᬢ᭄ᬤᬸᬦ᭄ᬳᬸᬮᬸᬂᬤᬰᬵ᭞ᬩ᭄ᬭᬳ᭄ᬫᬵᬡᬲᭂᬗ᭄ᬕᬸᬳᬸᬢᬦᬶ᭞ᬲᬢ᭄ᬭ᭄ᬬᬧᬗᬓᬦ᭄ᬮᬦ᭄ᬯᬾ
ᬱ᭄ᬬ᭞ᬲᬫᬶᬧᬥᬲᬵᬫ᭄ᬧᬸᬦ᭄ᬓᬢᬸᬃ᭞ᬳᬦ᭄ᬢᬸᬓ᭄ᬳᬶᬧᬢᬶᬄᬧᬸᬗ᭄ᬕᬯᬵ ᭞ᬳᬶᬤᬫᬗ᭄ᬓᬶᬦ᭄᭞ᬗᭂᬲᬾᬗᬶᬦ᭄ᬧᬸᬢ᭄ᬭᬦᬾ ᬲᬬᬂ᭟ᬦᬦᬓ᭄ᬕᬮᬸᬄᬫᬵᬲ᭄ᬳᬶᬩᬧᬵ ᭞ᬫᬓᬶᬭᬾᬓᬚᬩᬫᬗ᭄ᬓᬶᬦ᭄᭞ᬫᬃᬕ᭄ᬕᬶᬧ᭄ᬲᬸᬧᬸᬢ᭄ᬭᬦ᭄ᬳᬶᬗᭀᬂ᭞ᬫᬳᬢᬸᬃᬭ [ 14 ][ ᭑᭓ 13B]
᭑᭓᭞
ᬳᬤᬾᬦ᭄ᬕᬮᬸᬄ᭞ᬦ᭄ᬢᬲᬂᬧ᭄ᬭᬪᬸᬕᬸᬭᬸᬳᬚ᭄ᬬ᭞ᬢᬶᬢ᭄ᬬᬂᬗᬶᬭᬶᬂᬦᬾ ᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬚᬩᬵ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬓᬳᬸᬮᬫᭂᬧᭂᬓ᭄ᬫᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞ᬳᬶᬤᬕ᭄ᬥᬾᬫ᭄ᬯᬂᬲᭂᬗ᭄ᬕᬸᬳᬸ᭞ᬲᬢ᭄ᬭ᭄ᬬᬯᬾ
ᬱ᭄ᬬᬫ᭄ᬯᬗᬓᬦ᭄᭞ᬫ᭄ᬯᬂᬢᬦᬶ᭞ᬦᬶᬭᬗᬶᬤᬶᬳᬂᬪᬩᬲᬦ᭄᭟ᬳᬶᬘ᭄ᬙᬵᬦᬓ᭄ᬭᬳᬤᬾᬦ᭄ᬤᬾᬯ᭄ᬬ᭞ᬫᬤ᭄ᬯᬾᬓᬶᬤᬸᬂᬳᬓᬶᬓᬶᬢ᭄᭞ᬳᬭᬦ᭄ᬓᬶᬓᬶᬸᬤᬸᬂᬘᬘᬗ᭄ᬓ᭄ᬭᬶᬫᬦ᭄᭞ᬳᬶᬤᬕ᭄ᬥᬾᬭᬭᬶᬲ᭄ᬫᬢᬸᬃ᭞ᬳᬶᬗ᭄ᬕᬶᬄᬤᬸᬭᬸᬲᬂᬭᬫ᭄ᬩᬗᬂ᭞ᬳᬢᬸᬃᬧᬓ᭄ᬱᬶ᭞
ᬓᬯᬸᬮᬵᬲᬫᬶᬫᬶᬭᬕ᭄ᬬᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ ᭞ᬦᬄᬓᬶᬤᬸᬗᬂᬜᬳᬶᬚᬦᬶ᭞ᬳᬢᬸᬃᬧᬸᬢ᭄ᬭᬦᬾᬗᬶᬭᬶᬗᬂ᭞ᬢᬸᬫᬸᬮᬶᬄᬭᬭᬶᬲ᭄ᬫᬓᬶᬤᬸᬂ᭞ᬰ᭄ᬯᬭᬦ᭄ᬳᬶᬤᬫᬲᬶᬲᬺᬜᬄ᭞ᬗᬮᬶᬓ᭄ᬳᬮᬶᬓ᭄᭞ᬓᬤᬶᬲᬸᬦ᭄ᬤᬭᬶᬓᬗᬶᬦᬦ᭄᭟ᬳ
ᬤᬢᬾᬢᬭᬸᬡᬢ᭄ᬯ᭞ᬗ᭄ᬮᬄᬧ᭄ᬬᬦᬓ᭄ᬧ᭄ᬢᬂᬤᬶᬭᬶ᭞ᬦᬾᬯᬬᬳᬦ᭄ᬢᬸᬭᬸᬢᬸᬫ᭄ᬩᬓ᭄᭞ᬦᬾᬫᬤᬾ ᬦᬦ᭄ᬢᬸᬭᬸᬢᬸᬮᬸᬧ᭄᭞ᬚᬸᬭᬸᬩ᭄ᬤᬶᬮ᭄ᬦᬾ ᬜᭀᬫᬦ᭄᭞ᬦᬾᬧᬮᬶᬂᬘ᭄ᬭᬶᬓ᭄᭞ᬫᬫᬘᬸᬮ᭄ᬓᬘᬭᬶᬓ᭄ᬓᬢ᭄ᬕᬮ᭄᭟ᬳᬗ᭄ᬕᭀᬦ᭄ᬗ᭄ᬭᬸᬧᬵ
[ ᭑᭔ 14A]
ᬓ᭄ᬓᬯᬬᬳᬵ᭞ᬲ᭄ᬥᭂᬓᬦ᭄ᬫᬓᬵᬃᬬ᭄ᬬᬕᬢᬶ᭞ᬦᬕ᭄ᬖᬵᬩᬦ᭄ᬥᬦᬾᬫᬭᬾᬭᭀᬤ᭄᭞ᬫᬗᬶᬍᬳᬶᬦ᭄‌ᬪ᭄ᬯᬦᬵ ᬳᬕᬸᬂ᭞ᬦᬾᬤᬶᬤᬸᬭᬶᬗ᭄ᬕᬯᬢᬸᬗ᭄ᬕᬸᬮ᭄᭞ᬢᬸᬃᬫᬗᬶᬭᬶᬂᬗᬓᬶᬦ᭄ᬧᬥᬢᬶᬫᭀᬮᬄ᭟ᬫᬾᬫᬾᬦ᭄ᬜᬦᬾᬩᬯᬸᬍᬓᬤ᭄᭞ᬧᬲ᭄ᬫᭂ
ᬗᬦ᭄ᬢᬶᬓᬢᬸᬦᬶ᭞ᬳᬶᬤᬵᬕ᭄ᬥᬾᬭᬭᬶᬲ᭄ᬩᭂᬗᭀᬂ᭞ᬲᭂᬗ᭄ᬕᬸᬳᬸᬧᬥᬧᬓᬶᬢᬸᬓ᭄᭞ᬲᬢ᭄ᬭ᭄ᬬᬯᬾᬱ᭄ᬬᬫ᭄ᬯᬂᬧᬗᬓᬦ᭄᭞ᬧ᭄ᬮᬸᬄᬧᬶᬤᬶᬢ᭄᭞ᬲᬫᬶᬳᭂᬗ᭄ᬲᭂᬓ᭄ᬫᬫᬶᬋᬗᬂ᭟ᬫᬗ᭄ᬭᬱᬭᬲᬵᬤᬶᬫᬦᬄ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬗ᭄ᬭᬱᬵᬦᬶᬦ᭄᭞
ᬫᬾᬫᬾᬦ᭄ᬜᬦᬾᬩᬯᬸᬍᬓᬤ᭄᭞ᬧ᭄ᬬᬦᬓ᭄ᬜᬦᬾᬲᬸᬩᬤᬸᬳᬸᬃ᭞ᬦᬦᬗᬵᬢᬭᬸᬡᬵᬢ᭄ᬯᬵ᭞ᬳᭂᬗ᭄ᬲᭂᬓ᭄ᬲᬫᬶ᭞ᬧᬥᬢᬦ᭄ᬯᬶᬚᬶᬮ᭄ᬯᬘ᭄ᬙᬵᬦ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬫᬜ᭄ᬚᬦᬶ᭞ᬪᬩᬲᬦ᭄ᬜᬦᬾ
ᬯᭀᬯᭀᬦᬦ᭄᭞ᬳᬶᬤᬕ᭄ᬥᬾ ᬭᬭᬶᬲ᭄ᬫᬢᬸᬃ᭞ᬳᬶᬗ᭄ᬕᬶᬄᬳᬾᬫᭂᬂᬭᬢᬸᬢᬶᬢ᭄ᬬᬂ᭞ᬢᬦ᭄ᬓᬧᬗ᭄ᬕᬶᬄᬲᬫᬶᬫᬢᬸᬃᬓᬲᬶᬲᬶᬧᬦ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬲᬫᬶᬧᬤᬢ᭄ᬯᬭᬳᬸᬦᬶᬂ᭞ᬪᬩᬲᬦ᭄ᬓᬶᬤᬸᬂᬧᬸᬦᬶᬓ᭞ᬲᬂᬧ᭄ᬭᬪᬸ [ 15 ][ ᭑᭔ 14B]
᭑᭔᭞
ᬤᬸᬓᬦᬾᬫᬸᬭᬸᬩ᭄᭞ᬩ᭄ᬦᭂᬄᬩᬜᬧᬤᬢᭀᬂᬜᬓ᭄᭞ᬫᬫᬲᬦᬶᬦ᭄᭞ᬩᬳᬦᬾᬢ᭄ᬯᬭᬫᬢ᭄ᬯᬲ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬚᬦᬶᬕᬢᬶᬬᬂᬩᬲᬦᬶᬦ᭄᭞ᬬᬾᬜᬳᬤᬩᬓᬢ᭄ᬩᬜ᭞ᬩᬓᬮ᭄ᬤᬸᬤᬸᬓ᭄ᬦᬶᬭᬸᬫᬦ᭄ᬢᬸ᭞ᬬᬾᬜ
ᬢ᭄ᬯᬭᬩᬓᬢ᭄ᬩᬜ᭞ᬦᬾᬦᬾᬚᬦᬶ᭞ᬩᬓᬮ᭄ᬓᬫᬢᬶᬫᬢ᭄ᬬᬂ᭟ᬲᬫᬶᬧᬥᬓ᭄ᬘᬸᬤ᭄ᬓᬸᬲ᭄ᬬ᭞ᬓᬾᬯᭂᬄᬫᬗ᭄ᬭᬱᬵᬦᬶᬦ᭄ᬫᬢᬶ᭞ᬓᬾᬦ᭄ᬓᬾᬦᬵᬩᬳᬦ᭄ᬫᬗᬶᬢᬸᬗᬂ᭞ᬳᬶᬲᭂᬗ᭄ᬕᬸᬳᬸᬧᬗᬶᬫᬢᬸᬃ᭞ᬦᬸᬦᬶᬯᬾᬦ᭄ᬢᭂᬦ᭄ᬳᬦᬓ᭄‌ᬫ᭄ᬭᬶᬓ᭞ᬫᬗᬸᬜᬳᬶᬦ᭄᭞
ᬓᬸᬘᬶᬯᬢᬶᬢ᭄ᬬᬂᬫᬲᬢ᭄ᬯ᭟ᬓᬯᬸᬮᬲᬓᬶᬂᬦᬵᬕᬭ᭞ᬫᬯᬱ᭄ᬝᬵᬳᬶᬓ᭄ᬢᬸᬢ᭄ᬩᬸᬂᬓ᭄ᬮᬶᬂ᭞ᬳᬶᬤᬕ᭄ᬥᬾᬫᬗᬢᬸᬭᬂ᭞ᬳᬶᬗ᭄ᬕᬶᬄᬯᬓ᭄ᬢᬶᬯᬾᬦ᭄ᬢᭂᬦ᭄ᬭᬢᬸ᭞ᬭᬯᬸᬄᬦᬸᬦᬶᬲ᭄ᬫᭂᬗᬦ᭄᭞ᬳ᭄ᬬᬂᬳᬶᬩᬸᬂᬓ᭄ᬮᬶᬂ᭞ᬢᬶᬢ᭄ᬬᬂᬤᬶᬚᬸᬫᬄᬘᬗ᭄ᬓᬶᬢ᭟ᬭᬭᬶᬲ᭄ᬗᬦ᭄ᬤᬶ
ᬓᬲᬂᬦᬵᬣ᭞ᬳ᭄ᬬᬤᬶᬚᬓ᭄ᬫᬳᬮᬶᬄ᭞ᬯᬾᬦ᭄ᬢᭂᬦ᭄ᬧᬋᬓᬦ᭄ᬗᬢᬸᬭᬂ᭞ᬳᬶᬧᬸᬦ᭄ᬤᬶᬧᬲᬭᬾᬩᬯᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬓ᭄ᬫᬳᬮᬶᬄᬳᬚᬓ᭄ᬫᬳᬶᬳᬾ ᬗ᭄ᬕᬮ᭄ᬳᬾᬗ᭄ᬕᬮ᭄᭟ᬧᬋᬓᬦ᭄ᬭᬭᬶᬲ᭄ᬫᬚᬮᬦ᭄᭞ᬢᬦ᭄ᬓᭀᬘ

[ ᭑᭕ 15A]
ᬧᬜᬤᬶᬫᬃᬕ᭄ᬕᬶ᭞ᬓᬯᬸᬯᬸᬲ᭄ᬭᬯᬸᬄᬤᬶᬧᬲᬃ᭞ᬳᬶᬓ᭄ᬢᬸᬢ᭄ᬩᬸᬗ᭄ᬓ᭄ᬮᬶᬂᬫᬢ᭄ᬫᬸ᭞ᬫᬗᬓ᭄ᬱᭀᬭᬶᬂᬯᬦ᭄ᬤᬶᬭ᭞ᬢ᭄ᬬᬳᬶᬩᬸᬂᬓ᭄ᬮᬶᬂ᭞ᬧᬋᬓᬦᬾᬗᭂᬲᭀᬃᬩᬱᬵ᭟ᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬦᬵᬣ᭞ᬫᬭᬶᬓᬶᬧᬋᬓ᭄ᬭᬶᬂᬩ᭄ᬮᬶ᭞ᬦᬸᬦᬲ᭄ᬓᬩᬜ᭄ᬘᬶᬗᬄ
ᬋᬓᭀ᭞ᬧᬗᬦ᭄ᬤᬶᬓᬦ᭄ᬤᬲᬂᬧ᭄ᬭᬪᬸ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬳᬦ᭄ᬢᬸᬓ᭄ᬦᬧᬶ᭞ᬫᬃᬕ᭄ᬕᬶᬦᬶᬦ᭄ᬢᬶᬢ᭄ᬬᬂᬓᬲᬾᬗᬦ᭄᭟ᬧᬋᬓᬦᬾᬫᬦᬃᬣᬬᬂ᭞ᬢᬶᬢ᭄ᬬᬂᬗᬢᬸᬭᬂᬭᬶᬂᬩ᭄ᬮᬶ᭞ᬳᬶᬤᬲᬂᬧ᭄ᬭᬪᬸᬯᬸᬲ᭄ᬤᬸᬓ᭞ᬧᬸᬢ᭄ᬭᬦᬾᬫᬤ᭄ᬯᬾᬓᬶ
ᬤᬸᬂ᭞ᬘᬘᬗ᭄ᬓ᭄ᬭᬶᬫᬦ᭄ᬯᬸᬲ᭄ᬓᬩ᭄ᬬᬸᬓ᭄ᬢᬄ᭞ᬳᬶᬗ᭄ᬕᬶᬄᬩ᭄ᬮᬶᬦᬶᬓᬓ᭄ᬦᬶᬳᬂᬩᬩᬲᬦ᭄᭟ᬲᬫᬶᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬗᬵ᭞ᬓᬯᬸᬮᬦᬾᬲᬦᬾᬭᬶᬭᬶᬄ᭞ᬧᬦ᭄ᬤᬲᬸᬗ᭄ᬕᬸᬳᬸᬯᬾᬱ᭄ᬬ᭞ᬲᬢ᭄ᬭ᭄ᬬᬧᬗᬓᬦᬾᬲᬵᬫ᭄ᬧᬸᬦ᭄᭞ᬲᬫᬶᬢ
ᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬗᬵ᭞ᬫᬫᬲᬦᬶᬦ᭄᭞ᬲᬂᬧ᭄ᬭᬪᬸᬭᬸᬦ᭄ᬢᬸᬄᬯᬘ᭄ᬘᬦᬵ᭟ᬧᬗᬦ᭄ᬤᬶᬓᬦ᭄ᬤᬲᬂᬦᬵᬣ᭞ᬜᬾᬦ᭄ᬩᬓᬢ᭄ᬩᬜᬫᬲᬦᬶᬦ᭄᭞ᬓᬶᬤᬸᬂᬳᬶᬦᬦᬓᬾᬫᬗ᭄ᬓᭀ᭞ᬳᬶᬤᬧᬘᬂᬦᬸᬤᬸᬓ᭄ᬫᬦ᭄ᬢᬸ᭞ᬲᬫᬶᬬᬵᬢ᭄ᬯᬭᬳᬸᬦᬶᬗᬵ᭞ [ 16 ][ ᭑᭕ 15B]
᭑᭕᭞
ᬦᬶᬦ᭄᭞ᬲᬶᬸᬧ᭄ᬭᬷᬪᬶᬸᬭᬶᬸᬦ᭄ᬢᬸᬶᬄᬯᬶᬸᬘ᭄ᬘᬶᬸᬦᬵᬶᬸ᭟ᬩᬓᬮ᭄ᬓᬫᬳᬶᬫᬢ᭄ᬬᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬮᬫᬸᬦ᭄ᬓᬾᬢᭀᬚᬮᬦ᭄ᬢᬦᬶ᭞ᬢᬸᬫᬸᬮᬶᬄᬭᬭᬶᬲ᭄ᬫᬚᬮᬦ᭄᭞ᬢᬦ᭄ᬓᬘᬭᬶᬢᬭᬶᬂᬳ᭄ᬦᬸ᭞ᬭᬯᬸᬄᬲᬵᬫᬵᬧᬸᬦ᭄ᬭᬶᬂᬩᬜ᭄ᬘᬶᬗᬄ᭞ᬦᬾ
ᬦᬾᬫᬗ᭄ᬓᬶᬦ᭄᭞ᬧᬋᬓᬦᬾ ᬫᬗᬢᬸᬭᬂ᭟ᬧᬸᬦᬶᬓᬶᬳᬶᬧᬸᬦ᭄ᬯᬸᬲ᭄ᬧ᭄ᬭᬵᬧ᭄ᬢ᭞ᬦᬾᬫᬯᬱ᭄ᬝᬓ᭄ᬢᬸᬢ᭄ᬩᬸᬂᬓ᭄ᬮᬶᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬮᭀᬦ᭄᭞ᬫᬳᬶᬢᬾᬘᬳᬶᬫᬗ᭄ᬮᬯᬸᬢ᭄᭞ᬤᬶᬦᬶᬲᬶᬕ᭄ᬩᬧᬦᬾᬦ᭄ᬕᬓ᭄᭞ᬳ᭄ᬬᬳᬶᬩᬸᬂᬓ᭄ᬮᬶᬂ᭞ᬫᭂᬧᭂᬲ᭄ᬫᬗᬢᬸᬭᬂᬲᬸ
ᬫ᭄ᬩᬄ᭟ᬯᬸᬲ᭄ᬫᬜᬸᬫ᭄ᬩᬄᬭᬭᬶᬲ᭄ᬦᭂᬕᬓ᭄᭞ᬯᬃᬡ᭄ᬦᬓᬸᬱ᭄ᬬᬓ᭄ᬘᬸᬤ᭄ᬓᬸᬦᬶᬂ᭞ᬦᬾᬦᬗ᭄ᬓᬶᬮ᭄ᬫᬓ᭄ᬚᬂᬩ᭄ᬗᭀᬂ᭞ᬫᬗ᭄ᬭᬱᬵᬧᬬᬸᬓᬳᬫᬸᬓ᭄᭞ᬫᬓ᭄ᬦᬄᬧᬗᬤᬶᬫᬦᬄ᭞ᬓᬮᬶᬂᬚᬦᬶᬕᭀᬩᬦ᭄ᬳᬦᬓᬾᬫᬓᬢᬂ᭟ᬗᬦ᭄ᬤᬶᬓᬳᬶᬤᬲᬂᬦᬵ
ᬣ᭞ᬦᬾᬘᬳᬶᬫᬫᬦ᭄ᬫᬗᬶᬤᬶᬄ᭞ᬩᬲᬦ᭄ᬓᬶᬤᬸᬂᬘᬘᬗ᭄ᬓ᭄ᬭᬶᬫᬦ᭄᭞ᬳᬶᬩᬸᬂᬓ᭄ᬮᬶᬂᬳᬦᭂᬫ᭄ᬩᬄᬫᬢᬸᬃ᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬫᬮᬶᬄᬩᬚᬂ᭞ᬦᬭᬦ᭄ᬢᬦᬶᬦ᭄᭞ᬦᬯᬶᬳᬶᬯᬂᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬢᬶᬢ᭄ᬬᬂᬤᬯᭂᬕ᭄ᬦᬸᬦᬲ᭄ᬮᬸᬕ᭄ᬭᬵ᭞ᬲᬲᬶᬧ᭄ᬢᬶᬢ᭄ᬬᬗᬾ
[ ᭑᭖ 16A]
ᬗᬲᬫᬶ᭞ᬫᬢᬸᬃᬭᬶᬂᬘᭀᬓᭀᬃᬳᬶᬤᬾᬯ᭞ᬲᬵᬫ᭄ᬧᬸᬦ᭄ᬭᬢᬸᬲᬮᬶᬢ᭄ᬓᬬᬸᬦ᭄᭞ᬢᬶᬢ᭄ᬬᬂᬦᬸᬦᬲᬶᬦᬫ᭄ᬧᬸᬭ᭞ᬭᬶᬂᬦ᭄ᬤ᭄ᬭᬧᬢᬶ᭞ᬲᬂᬧ᭄ᬭᬪᬸᬳᬶᬘ᭄ᬘᬵᬮᬸᬕ᭄ᬭᬳᬵ᭟ᬦᬄᬮᬯᬸᬢᬂᬢᬾ ᬳᭀᬭᬳᬂ᭞ᬳ᭄ᬤᬚ᭄ᬯᬫᬗᬸᬮᬶᬢᬶᬦ᭄᭞ᬳᬶᬩᬸᬂᬓ᭄ᬮᬶᬂᬫᬳ
ᬢᬸᬃᬳᬮᭀᬦ᭄᭞ᬢᬶᬢ᭄ᬬᬂᬦ᭄ᬤᬶᬓᬬᬂᬳᬶᬭᬵᬢᬸ᭞ᬗᭂᬤᬶᬳᬶᬦ᭄ᬢᬶᬤᬵᬩᬩᬲᬦ᭄᭞ᬫᬫᬲᬦᬶᬦ᭄᭞ᬳᬭᬦ᭄ᬓᬶᬤᬸᬂᬘᬘᬗ᭄ᬓ᭄ᬭᬶᬫᬦ᭄᭟ᬢᬶᬢ᭄ᬬᬂᬢᬦ᭄ᬯᬾᬦ᭄ᬢᭂᬦ᭄ᬫᬫᬓ᭄ᬢ᭞ᬚᬳᬾᬳᬶᬘᬾᬦ᭄ᬘᭂᬓᬸᬄᬢᬶᬗ᭄ᬓᬶᬄ᭞ᬲᬺᬩᬯᬂᬮᬦ᭄ᬓᬲᬸᬦᬵ᭞ᬓᬸᬜᬶ
ᬢ᭄ᬫᬫᬲᬦᬶᬦ᭄ᬓᬶᬤᬸᬂ᭞ᬩ᭄ᬯᬶᬦ᭄‌ᬢ᭄ᬯᬭᬬᬵᬫᬗᭂᬦᬄ᭞ᬓᬾᬦ᭄ᬩᬲᬦᬶᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬫᬗ᭄ᬲᭂᬕᬦ᭄᭟ᬫ᭄ᬦᭂᬂᬢᬦ᭄ᬯᬶᬚᬶᬮ᭄ᬯᬘ᭄ᬙᬦᬵ ᭞ᬯᬤᬦᬦᬾ ᬫᬸᬭᬸᬩ᭄‌ᬗᭂᬦ᭄ᬤᬶᬄ᭞ᬧᬜᬶᬗᬓᬦᬾᬩᬭᬓ᭄᭞ᬭᬳᬤᬾᬦ᭄ᬕᬮᬸᬄᬳᬸᬫᬢᬸᬃ᭞ᬗᬸ
ᬤ᭄ᬬᬂᬳᬚᬶᬲᬧᬸᬦᬶᬓᬵ ᭞ᬤᭀᬂᬧᬶᬦ᭄ᬳᬶᬦ᭄᭞ᬤᬸᬭᬸᬂᬳᬶᬧᬸᬦ᭄ᬫᬤ᭄ᬯᬾᬳᬶᬯᬂ᭟ᬳᬶᬧᬢᬶᬄᬭᬭᬶᬲ᭄ᬳᬗᬸᬘᬧ᭄᭞ᬳᬶᬄᬩᬸᬂᬓ᭄ᬮᬶᬂᬗᬸᬤᬘᬗ᭄ᬮᬶᬄ᭞ᬧᬫᬸᬜᬶᬦᬾᬢᬦ᭄ᬧᬳᬶᬗᬦ᭄᭞ᬢ᭄ᬯᬶᬢᬦ᭄‌ᬯ᭄ᬭᬸᬳᬶᬮᬓᬸ᭞ᬲᬩ᭄ᬤᬕᭀᬭᬧ᭄ᬲ᭄ᬯᬂᬳᬶᬩ [ 17 ][ ᭑᭖ 16B]
᭑᭖᭞
᭞ᬭᬯᭀᬲ᭄ᬕᬢᬶ᭞ᬲᬯᬸᬢᬶᬦ᭄ᬩᬦ᭄ᬘᬘᬗ᭄ᬓᬶᬢᬦ᭄᭟ᬲᬧ᭄ᬭᬪᬸᬓᬮᬶᬯᬢ᭄ᬤᬃᬫ᭄ᬫᬵ᭞ᬤᬦᬢ᭄ᬯᬭᬓ᭄ᬯᬂᬲᬶᬂ᭞ᬳᬶᬤᬵᬲᬸᬩᬫᬤ᭄ᬯᬾᬓᬢᬄ᭞ᬳᬶᬩᬸᬂᬓ᭄ᬮᬶᬂᬲ᭄ᬫᬲᬯᬸᬢ᭄᭞ᬬᬤᬶᬦ᭄ᬳᬶᬤᬫᬤ᭄ᬯᬾᬓᬢᬄ᭞ᬗᬸᬤᬗᬶᬤᬶᬄ᭞ᬳᬶᬧᬢᬶᬄᬭᬭᬶᬲ᭄ᬫ
ᬗ᭄ᬲᭂᬕᬦ᭄᭟ᬫᬲᬯᬸᬢ᭄ᬫᬸᬜᬶᬦᬾᬩᬗ᭄ᬕ᭄ᬭᬲ᭄᭞ᬓᬾ ᬦ᭄ᬓᬾᬦ᭄ᬫᬸᬜᬶᬦ᭄ᬘᬳᬶᬗᬶᬤᬶᬄ᭞ᬩᬶᬓᬲ᭄ᬘᬳᬶᬦᬾ ᬫᬧ᭄ᬢᬵ᭞ᬫᬢᬸᬃᬭᬶᬳᬶᬤᬵ ᬲᬂᬧ᭄ᬭᬪᬸ᭞ᬢ᭄ᬯᬭᬓᭀᬫᬮ᭄ᬬᬢ᭄ᬮ᭄ᬬᬢ᭄᭞ᬫ᭄ᬩᬳᬦ᭄ᬩᬦᬶ᭞ᬳᬶᬩᬸᬂᬓ᭄ᬮᬶᬂᬓ᭄ᬜᬸᬂᬳᬗᬸᬘᬧ᭄᭟ᬢ᭄ᬯᬭᬓᭀᬫᬗᬶ
ᬤᭂᬫ᭄ᬩᬸᬲᬦ᭄᭞ᬫᬓ᭄ᬚᬂᬲᬸᬩᬳᬶᬯᬲᬶᬦ᭄᭞ᬳᭂᬗ᭄ᬓᬾᬦᬾᬢ᭄ᬯᬭᬫᬗᭂᬦᬄ᭞ᬳᬶᬧᬢᬶᬄᬭᬭᬶᬲ᭄ᬫᬳᬢᬸᬃ᭞ᬭᬢᬸᬢᬶᬢ᭄ᬬᬂᬧᬫᬶᬢᬗ᭞ᬲᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬳᬚᬓᬓᬚᬩᬵ᭟ᬢ᭄ᬯᬦ᭄ᬤᬾᬯᬶᬭᬭᬶᬲ᭄ᬗᬦ᭄ᬤᬶᬓᬵ ᭞ᬧ᭄ᬮᬶᬄᬩᬳ
ᬦ᭄ᬧᬫᬦ᭄ᬧᬢᬶᬄ᭞ᬫᬦᬕᬶᬄᬗᬚᬓ᭄ᬓᬚᬩ᭞ᬳᬦᬓ᭄ᬫᬦᬶᬦ᭄ᬤᬶᬳᬂᬧᬢᬸᬢ᭄᭞ᬳᬯᬓᬾᬍᬧᬲ᭄ᬳᬸᬘᬧ᭄ᬲᬮᬄ᭞ᬤ᭄ᬱᬂᬤᬶᬦᬶ᭞ᬳ᭄ᬦᭂᬫᬶᬦᬚᬓ᭄ᬫᬓ᭄ᬚᬂ᭟ᬳᬶᬧᬢᬶᬄᬫᬚᬯᬸᬫ᭄ᬢᬦᬄ᭞ᬳᭂᬗ᭄ᬲᭂᬓ᭄ᬢᭀᬂᬤᬤᬶᬫᬫ᭄ᬫᬸᬜᬶ᭞ᬧ᭄ᬮᬶᬄᬩᬳ

[ ᭑᭗ 17A]
ᬢ᭄ᬲᭂᬩᬸᬄᬮᬦ᭄ᬤᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᬸᬲ᭄᭞ᬳᬶᬭᬢᬾᬲᬮᬄᬳᬸᬘᬧᬦ᭄᭞ᬳᬶᬭᬧ᭄ᬮᬶᬄ᭞ᬩ᭄ᬦᭂᬄᬩᬜᬓᬾᬦ᭄ᬢᭀᬩᬸᬲᬦ᭄᭟ᬫᬲᬢᬦᬶᬬᬧ᭄ᬭᬤᬢᬵ᭞ᬢᬾᬢᬾᬄᬧ᭄ᬭᬚ᭄ᬜᬦ᭄‌ᬩ᭄ᬯᬶᬦ᭄ᬓᬯᬶ᭞ᬮᬯᬸᬢᬂᬜᬳᬶᬓᬶᬤᬸᬗᬦ᭄᭞ᬬᬾᬦ᭄ᬢᭀᬂ
ᬩᬓᬢ᭄ᬩᬜᬤᬶᬢᬸ᭞ᬩᬩᬲᬦ᭄ᬳᬶᬤᬸᬗᬾᬩᬸᬲᬦ᭄᭞ᬓᬾᬦ᭄ᬓᬾᬦ᭄ᬧᬢᬶᬄ᭞ᬳᬶᬧᬢᬶᬄᬦᭂᬫ᭄ᬩᬄᬗᬶᬭᬶᬗᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬘᬳᬶᬩᬗ᭄ᬓᬶᬢ᭄ᬦᬶᬭᬤᬶᬦᬶ᭞ᬚᬦᬶᬚᬮᬦ᭄ᬫᬢᭀᬄᬢᭀᬳᬦ᭄᭞ᬬᬦ᭄ᬧ᭄ᬮᬶᬄᬩᬦ᭄ᬘᬳᬶᬗᬶᬢᬸᬂ᭞ᬩᬩᬲᬦ᭄ᬓᬶᬤᬸᬗᬾ
ᬩᬸᬲᬦ᭄᭞ᬳᬧᬂᬗᬢᬶᬄ᭞ᬲ᭄ᬓᭂᬦ᭄ᬩᬦ᭄ᬘᬳᬶᬫ᭄ᬩᬲᬬᬂ᭟ᬬᬦ᭄ᬢ᭄ᬯᬭᬩᬓᬢ᭄ᬩᬳᬜ᭞ᬓᬦ᭄ᬤᬶᬓ᭄ᬧᬦ᭄ᬢᬸᬮ᭄ᬫᬫᬳᬾᬦᬶᬦ᭄᭞ᬫᬢᬶᬦᬾᬓᬮᬭᬮᬭ᭞ᬓᬳ᭄ᬮᬸᬗᬶᬦ᭄ᬩᬶᬮᬂᬩᬸᬓᬸ᭞ᬫᬧᬲᬄᬢ᭄ᬗᬳᬶᬂᬧᬲᬃ᭞ᬬᬦ᭄ᬬᬧ᭄ᬮᬶᬄ᭞ᬩᬩᬲᬦ᭄ᬓᬶᬤᬸᬗᬾᬳᬸᬲᬦ᭄᭟
ᬲ᭄ᬓᭂᬦ᭄ᬩᬦ᭄ᬘᬳᬶᬫ᭄ᬩᬲᬬᬂ᭞ᬘᬳᬶᬢ᭄ᬯᬄᬫᬫᬸᬓ᭄ᬢᬶᬤᬶᬦᬶ᭞ᬫᬦᬤᬶᬲᬸᬫᭂᬦ᭄ᬤᬶᬦ᭄ᬩᬧᬵ᭞ᬘᬳᬶᬤᬸᬤᬸᬓ᭄ᬩᬧᬫᬦ᭄ᬢᬸ᭞ᬳᬶᬩᬸᬂᬓ᭄ᬮᬶᬂᬫᬢᬸᬃᬳᬦᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬤᬸᬭᬸᬲᬂᬭᬢᬸᬓᬶᬤᬸᬗᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬦᬄᬚᬦᬶᬓᬶᬤᬸᬗᬂᬜᬳᬶ᭞ᬧᬸ [ 18 ][ ᭑᭗ 17B]
᭑᭗᭞
ᬢ᭄ᬭᬦᬾᬭᬭᬶᬲ᭄ᬗᬶᬤᬸᬗᬂ᭞ᬲ᭄ᬯᬭᬦ᭄ᬳᬶᬤᬵ ᬫᬦᬶᬲ᭄ᬜᬸᬜᬸᬃ᭞ᬢ᭄ᬯᬶᬫᬗᬜᬸᬤᬂᬘᬶᬢ᭞ᬮ᭄ᬯᬶᬄᬫᬦᬶᬲ᭄᭞ᬓᬤᬶᬫᬥᬸᬧᬶᬦᬱ᭄ᬝᬶᬜ᭟ᬳᬤᬜᬾᬢᬭᬸᬡᬵᬢ᭄ᬯ᭞ᬗ᭄ᬮᬄᬧ᭄ᬬᬦᬓ᭄ᬧ᭄ᬢᬂᬤᬶᬭᬶ᭞ᬦᬾᬯᬬᬢᬦ᭄ᬚᬸᬭᬸᬢᬸᬫ᭄ᬩᬓ᭄᭞ᬦᬾᬫᬤᬾᬦᬦ᭄ᬢᬸᬭᬸᬢᬸᬮᬸᬧ᭄᭞ᬚᬸ
ᬭᬸᬡ᭄ᬤᬶᬮ᭄ᬦᬾᬜᭀᬫᬦ᭄᭞ᬦᬾ ᬧᬮᬶᬂᬘ᭄ᬭᬶᬓ᭄᭞ᬫᬘᬸᬮ᭄ᬓᬘᬭᬶᬓ᭄ᬓᬢ᭄ᬕᬮ᭄᭟ᬳᬗ᭄ᬕᭀᬦ᭄ᬗ᭄ᬭᬸᬧᬓᬵᬯᬬᬳᬵ ᭞ᬲ᭄ᬥᭂᬓᬦ᭄ᬫᬓᬃᬬ᭄ᬬᬵᬕᬢᬶ᭞ᬦᬕᬩᬦ᭄ᬥᬦᬾᬫᬭᬾᬭᭀᬤ᭄᭞ᬫᬗᬶᬍᬳᬶᬦ᭄‌ᬩ᭄ᬯᬦᬵᬕᬸᬂ᭞ᬢᬸᬗ᭄ᬕᬸ
ᬮ᭄ᬦᬾᬤᬶᬤᬸᬭᬶᬗᬩᬵ ᭞ᬢᬸᬃᬫᬗᬶᬭᬶᬂ᭞ᬦ᭄ᬕᬓᬶᬦ᭄ᬧᬥᬳᬶᬫᭀᬮᬶᬄ᭟ᬫᬾᬫᬾᬜᬦᬾᬩᬳᬸᬍᬓᬤ᭄᭞ᬧᬲ᭄ᬫᭂᬗᬦ᭄ᬳᬶᬓᬢᬸᬦᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞ᬳᭂᬦ᭄ᬢᭀᬚᬦᬶᬘᬳᬶᬗᬶᬢᬸᬂ᭞
ᬩᬩᬲᬦ᭄ᬓᬶᬤᬸᬂᬢᭀᬢᭀᬦᬦ᭄᭞ᬳᬧᬂᬚᬢᬶ᭞ᬲ᭄ᬓᭂᬦ᭄ᬩᬦ᭄ᬘᬳᬶᬫ᭄ᬩᬲᬬᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬫᬜᬸᬫ᭄ᬩᬄ᭞ᬳᬢᬸᬭᬾᬳᬭᬸᬫ᭄ᬳᬫᬦᬶᬲ᭄᭞ᬳᬶᬗ᭄ᬕᬶᬄᬭᬢᬸᬬᬦ᭄ᬧᬸᬦᬶᬓ᭞ᬘᬘᬗ᭄ᬓ᭄ᬭᬶᬫᬦ᭄ᬳᬦᭂᬗ᭄ᬕᬯᬸ᭞
[ ᭑᭘ 18A]
ᬫᬾᬫᬾᬜᬦᬾᬩᬳᬸᬍᬓᬤ᭄᭞ᬳᬶᬓᬢᬸᬦᬶ᭞ᬳᬶᬓᬸᬦ᭄ᬤᬮᬶᬳᬤᬦᬶᬜ᭟ᬦᬾᬫᬯᬱ᭄ᬝᬵᬢ᭄ᬭᬸᬡᬢ᭄ᬯ᭞ᬳᬶᬓᬬᬸᬕᬵᬳᬭᬦᬾᬓᬶ᭞ᬧ᭄ᬬᬦᬓ᭄ᬜᬦᬾᬧᬮᬶᬂᬯᬬᬄ᭞ᬳᬶᬢᭂᬢᭂᬳᬦ᭄ᬳᬭᬦ᭄ᬳᬶᬧᬸᬦ᭄᭞ᬲᬗ᭄ᬓᬦ᭄ᬳᬶ
ᬬᬸᬚᬸᬭᬸᬢᬸᬫ᭄ᬩᬓ᭄᭞ᬳᬶᬓᬸᬦ᭄ᬥᬮᬶ᭞ᬩᬸᬲᬦ᭄ᬩᬸᬲᬦ᭄ᬢᬸᬫ᭄ᬩᬓᬶᬜ᭟ᬧ᭄ᬬᬦᬓᬾᬦᬾᬫᬤᬾᬦᬦ᭄᭞ᬧᬧᬘᭂᬓᬾᬦᬾᬤᬶᬤᬸᬭᬶ᭞ᬧᬸᬦᬶᬓᬜᬼᬕ᭄‌ᬕ᭄ᬦᬄᬜ᭞ᬯᬦ᭄ᬢᬄᬫᬩᬶᬓᬲ᭄ᬫᬦᬸᬮᬸᬧ᭄᭞ᬧ᭄ᬬᬦᬓᬾᬦᬾ
ᬦᬾᬜᭀᬫᬦ᭄᭞ᬚᬸᬭᬸᬩ᭄ᬤᬶᬮ᭄᭞ᬧᬳᬦ᭄ᬕᬯᬸᬦᬾ ᬧᬸᬦᬶᬓ᭟ᬧ᭄ᬬᬦᬓᬾᬧᬮᬶᬂᬘ᭄ᬭᬶᬓᬵ᭞ᬧᬸᬦᬶᬓᬵᬫᬤᬦ᭄ᬳᬶᬮᬫ᭄ᬧᬶᬢ᭄᭞ᬦᬧᬶᬕᬯᬾᬜᬲᬶᬬᭀᬲᬦ᭄᭞ᬲᬢᬢᬵᬯᬦ᭄ᬢᬄᬫᬫᬘᬸᬮ᭄᭞ᬓ
ᬲᬭᬶᬓ᭄ᬫᬶᬯᬄᬓᬢ᭄ᬕᬮ᭄᭞ᬦᬶᬓᬵᬚᬢᬶ᭞ᬲᬧᬸᬦᬶᬓᬩᬩᬲᬜ᭟ᬦᬾ ᬫᬳᬭᬦ᭄ᬦᬵᬕ᭄ᬖᬩᬦ᭄ᬥᬵ᭞ᬦᬕ᭄ᬖᬵᬫᬳᬭᬦᬦᬶᬧᬶ᭞ᬦᬦᬶᬧᬶᬲᬫ᭄ᬧᬶᬦᬾᬋᬓᭀ᭞ᬢᬦ᭄ᬢᬸᬓ᭄ᬫᬲᬫᭂᬤ᭄ᬫᬢ᭄ᬕᬸᬮ᭄᭞ᬲᬗ᭄ᬓᬵ [ 19 ][ ᭑᭙ 18B]
᭑᭙᭞
ᬦ᭄ᬬᬫᬯᬱ᭄ᬝᬵᬩᬦ᭄ᬥ᭞ᬢᬸᬃᬫᬢᬮᬶ᭞ᬫᬤᬾᬭᬾᬓ᭄ᬬᬫᬓᬤᬤ᭄ᬯᬵ᭟ᬧᬸᬦᬶᬓᬳᬦᬓ᭄ᬫᬢ᭄ᬓᬧ᭄᭞ᬕᬯᬸᬦᬾᬳᬭᬦ᭄ᬧᬤᬢᬶ᭞ᬢ᭄ᬕᬓᬜᬫᬳᬶᬤᭂᬭᬦ᭄᭞ᬧᭂᬘᬸᬢᬾᬫᬯᬵᬱ᭄ᬝᬢᬸᬗ᭄ᬕᬸᬮ᭄᭞ᬢ᭄ᬕᬮ᭄ᬧᬸᬦᬶᬓᬵᬩ᭄ᬯᬦ
ᬜ᭞ᬦᬶᬓᬵᬚᬢᬶ᭞ᬲᬧᬸᬦᬶᬓᬩᬩᬲᬜ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬢ᭄ᬯᬶᬩᬸᬓᬓᬾᬢᭀᬜᬳᬶ᭞ᬧᬸᬢ᭄ᬭᬦᬾ ᬭᬭᬶᬲ᭄ᬗᬢᬸᬭᬂ᭞ᬯ᭄ᬬᬓ᭄ᬢᬶᬲᬧᬸᬦᬶᬓᬵᬕᬸᬭᬸ᭞ᬮᬶᬦ᭄ᬢᬂᬘᬳᬶᬯᬶᬘᬓ᭄ᬱᬡᬵ᭞ᬲᬵᬫ᭄ᬧᬸᬦ᭄ᬗᬢᬶᬄ᭞ᬳᬦ᭄ᬢᬸᬓ᭄ᬘ
ᬳᬶᬩᭂᬩᬲᬜ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬤᬶᬓᬵ ᭞ᬘᬳᬶᬤᬶᬦᬶᬧᬾ ᬢᬦ᭄ᬢᬦᬶ᭞ᬩᬧᬲᬸᬩᬓᬮᬄᬫᭂᬢᭀᬄ᭟ᬫᬗᭂᬢᭀᬳᬂᬦᬦᬓ᭄ᬕᬮᬸᬄ᭞ᬘᬳᬶᬚᬦᬶᬫᬗ᭄ᬮᬳᬂ᭞ᬳᬸᬮᬶᬚᬦᬶ᭞ᬭᭀᬯᬗᬾ ᬧᬥᬳᬶᬗᭂᬢᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳ
ᬦᭂᬫ᭄ᬩᬄ᭞ᬫᬳᬢᬸᬃᬲᬩ᭄ᬤᬦᬾ ᬫᬦᬶᬲ᭄᭞ᬗᬸᬤᬭᬢᬸᬲᬳᭀᬯᬸᬦᬶᬓ᭞ᬧᬗ᭄ᬭᬯᭀᬲ᭄‌ᬘᭀᬓᭀᬃᬳᬶᬭᬢᬸᬕᬸᬫᬶᬦᬾᬫ᭄ᬦᬓ᭄ᬳᬓᬵᬱ᭞ᬦᬧᬶᬜᬮᬶᬢ᭄᭞ᬓᬯᬸᬮᬜ᭄ᬘᭀᬓᭀᬃᬳᬶᬤᬾᬯ᭄ᬯᬵ᭟ᬓᬤᬶᬳᬦᬓᬾᬫᬢᬸᬭᬵ
[ ᭑᭙ 19A]
ᬦ᭄᭞ᬭᬶᬂᬤᬾᬯᬦᬾᬦᬾᬍᬯᬶᬄ᭞ᬩᬯᬶᬦᬾᬧ᭄ᬢᬂᬤᬶᬲᬗ᭄ᬕᬄ᭞ᬲᬧᬲᬶᬭᬲᭂᬳᭂᬫ᭄ᬜᬸᬭᬸᬤ᭄᭞ᬤᬾᬯᬦᬾᬫᬵᬦ᭄ᬤᬳᬶᬓᬮᬵ᭞ᬦᬯᬶᬲ᭄ᬤᬶᬄ᭞ᬫᬦᬓ᭄ᬧᬶᬘᬦᬂᬲ᭄ᬕᭂᬳᬦ᭄᭟ᬫ᭄ᬦᭂᬂᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬢᭀᬂᬧ᭄ᬲᬸᬗᬳᬦ᭄ᬦᬶᬫ᭄ᬩᬮᬶᬦ᭄᭞
ᬧᬸᬢ᭄ᬭᬦᬾ ᬭᬭᬶᬲ᭄ᬗᬦ᭄ᬤᬶᬓᬵ ᭞ᬲ᭄ᬯᬭᬦ᭄ᬳᬶᬤᬫᬦᬶᬲ᭄ᬜᬸᬜᬸᬃ᭞ᬗᬸᬤᬩ᭄ᬮᬶᬲᬧᬸᬦᬶᬓᬵ ᭞ᬕᬸᬫᬶᬮᬗᬶᬢ᭄᭞ᬧᬸᬦᬧᬶᬫᬓᬩᬶᬦᬜ᭟ᬓᬤᬶᬳᬦᬓᬾ ᬫᬓᬃᬬ᭄ᬬ᭞ᬓᬢ᭄ᬕᬮ᭄ᬫᬶᬯᬄᬓᬘᬭᬶᬓ᭄᭞ᬲᬧᬸᬦᬶᬓᬵᬧᬶᬗᬦ᭄ᬤᬾ
ᬜ᭞ᬩᬲᬶᬦᬾᬳᬮ᭄ᬬᬂᬤᬸᬫᬸᬦ᭄᭞ᬲᬗ᭄ᬓᬦ᭄ᬳᬤᬜ᭄ᬦᭂᬂᬫᬺᬢ᭄ᬣ᭞ᬢ᭄ᬯᬭᬩᬘᬶᬦ᭄᭞ᬳᬦ᭄ᬤᬸᬕᬶᬬᬲᬸᬘᬶᬢ᭄ᬓᬵ᭟ᬭᬳᬤᬾᬦ᭄ᬕᬮᬸᬄᬗᬦ᭄ᬤᬶᬓᬵ ᭞ᬲᬧᬸᬦᬶᬓᬭᬯᭀᬲ᭄‌ᬩ᭄ᬮᬶ᭞ᬦᬸᬦᬲ᭄ᬳᬸᬲᬦ᭄ᬧᭀᬢ᭄ᬫᬗ᭄ᬭᬯᭀᬲ᭄᭞ᬤ᭄ᬭᬶᬓᬶᬩ᭄ᬮᬶ
ᬢᬶᬢ᭄ᬬᬂᬫᬦ᭄ᬢᬸᬓ᭄᭞ᬢᬶᬢ᭄ᬬᬂᬫᭂᬢᭀᬄᬲᬵᬫᬵᬧᬸᬦ᭄ᬓᬮᬄᬢᬶᬢ᭄ᬬᬂᬫᬸᬮᬶᬄᬗᬮ᭄ᬬᬂᬩ᭄ᬮᬶᬳᬸᬓᬸᬧᬦ᭄᭟ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕ᭞ᬫᬗ᭄ᬭᬭᬶᬲ᭄ᬳᬶᬤᬓᬧᬸᬭᬶ᭞ᬢᬦ᭄ᬓᬯᬵᬃᬡ᭄ᬦᬳᬶᬦ᭄ᬭᬶᬂᬧᬸᬭᬵ᭞ᬧᬜ᭄ᬚᬓᬾᬦᬗ᭄ᬓᬶᬮ᭄ᬓᬯᬸ [ 20 ][ ᭑᭙ 19B]
᭑᭙᭞
ᬯᬸᬲ᭄᭞ᬧᬩᬶᬲᬶᬓ᭄ᬤᬶᬧᬦᬗ᭄ᬓᬶᬮᬦ᭄᭞ᬢ᭄ᬯᬄᬢᭀᬗ᭄ᬕᬸᬕᬶᭀᬂᬢᬦᬶᬚᬢᬶᬫᬸᬮᬜ᭟ᬢ᭄ᬯᬄᬫᬸᬮᬳᬦᬓ᭄ᬫᬾᬦᬓ᭄᭞ᬫᬮᬶᬗ᭄ᬲᬾᬤᬤᬶᬯᬂᬢᬦᬶ᭞ᬳᬤᬫᬦᬸᬢᬸᬭᬂᬳᭀᬃᬢ᭄ᬣᬵ᭞ᬓᭀᬘᬧᬦ᭄ᬩᬜᬦᬸᬤᬸᬓ᭄᭞ᬤᬶᬳ
ᬮᬲᬾᬫᬢᬓᬶᬮᬦ᭄᭞ᬢ᭄ᬦᬸᬳᬸᬭᬶᬧ᭄᭞ᬓᬤᬸᬤᬸᬓ᭄ᬳᬗ᭄ᬕᭀᬜᬧ᭄ᬬᬦᬓ᭄᭟ᬭᬭᬶᬲ᭄ᬫᬗ᭄ᬓᬶᬦ᭄ᬓᬗ᭄ᬕᬾᬦ᭄ᬧ᭄ᬬᬦᬓ᭄᭞ᬲᬵᬫ᭄ᬧᬸᬦ᭄ᬓᭂᬮᬶᬄᬓᭀᬯᬢ᭄ᬜᬗ᭄ᬓᬶᬢ᭄᭞ᬢᭀᬂᬢᬳᬾᬦ᭄ᬓᬦ᭄ᬥᬧᬵᬗ᭄ᬭᬯᭀᬲ᭄᭞ᬧᬜᬗ᭄ᬓᬶᬢ᭄ᬜᬦᬾᬤᬶᬧᬢᬸᬢ᭄᭞
ᬫᬓ᭄ᬚᬂᬓᬘᬶᬯᬬᬗ᭞ᬳᬶᬤᬋᬰᬶ᭞ᬲᭂᬗ᭄ᬕᬸᬳᬸᬧᬥᬓᬸᬘᬶᬯᬵ᭟ᬢᬦ᭄ᬓᭀᬘᬧ᭄ᬦᬾᬦᬾᬗᭀᬃᬢᬬᬂ᭞ᬲᬂᬧ᭄ᬭᬪᬸᬓᬯᬸᬯᬸᬲ᭄ᬫᬮᬶᬄ᭞ᬗᬦ᭄ᬤᬶᬓᬭᬶᬂᬳ᭄ᬬᬂᬧᬤᬡ᭄ᬥᬵ᭞ᬳᬶᬤᬕ᭄ᬥᬾᬫ᭄ᬯᬄᬲᭂᬗ᭄ᬕᬸᬳᬸ᭞ᬤᬤᬶᬓᬾᬫᬜ᭄ᬚᬬᬚᬬᬵ
᭞ᬯᬦ᭄ᬢᬄᬓᬾ ᬗᬶᬦ᭄᭞ᬓᭀᬘᬧᬜᬤᬶᬰᬵᬲ᭄ᬢ᭄ᬭᬜ᭟ᬳᬶᬤᬕ᭄ᬥᬾᬫᬗᬢᬸᬭᬂ᭞ᬬᬦ᭄ᬫᬸᬗ᭄ᬕ᭄ᬯᬶᬂᬰᬵᬲ᭄ᬢ᭄ᬭᬓᬧᬗ᭄ᬕᬶᬄ᭞ᬬᬤᬶᬦ᭄ᬢᬦᬧ᭄ᬭᬚ᭄ᬜᬦ᭄ᬭᬯᭀᬲ᭄᭞ᬚᬢᬶᬮᬓ᭄ᬱᬡᬦᬾᬧᬢᬸᬢ᭄᭞ᬤᬸᬮᬸᬭᬶᬦ᭄ᬓᬚᬬᬚᬬᬵ᭞ᬯ
[ ᭒᭐ 20A]
ᬦ᭄ᬢᬄᬓᬾ ᬗᬶᬦ᭄᭞ᬓᭀᬘᬧᬜᬤᬶᬰᬵᬲ᭄ᬢ᭄ᬭᬜ᭟ᬳᬶᬲᭂᬗ᭄ᬕᬸᬳᬸᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬯᬦ᭄ᬢᬄᬯ᭄ᬓᬢᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬓᬸᬤᬩᬾᬬᬦᬾᬧᬸᬧᬸᬢ᭄᭞ᬢᬶᬗ᭄ᬓᬳᬾᬫᬚᬬᬚᬬᬵ᭞ᬳᬧᬂᬤᬤᬶᬲᬸ
ᬫᭂᬦ᭄ᬥᬶᬦ᭄ᬭᬢᬸᬢᬸᬢ᭄ᬢᬫᬵ᭟ᬳᬶᬤᬢ᭄ᬥᬾᬫᬗᬢᬸᬭᬂ᭞ᬩᬾ ᬬᬦᬶᬧᬸᬦ᭄ᬮᬶᬫᬂᬗ᭄ᬓᭂᬢᬶ᭞ᬳᬶᬲᭂᬗ᭄ᬕᬸᬳᬸᬫᬫᬢᬸᬢᬂ᭞ᬯᬗ᭄ᬲᬶᬢᬾᬩᬋᬂᬲᬶᬮᬸᬗ᭄ᬮᬸᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ ᭞ᬦ᭄ᬢᭀᬳᬶᬢᬸᬗᬶᬦ᭄᭞ᬢ᭄ᬓᬾᬦ᭄ᬲ᭄ᬤᬄᬳᬦᬾᬢᬕ᭄ᬬᬂ᭟ᬢ
ᬦ᭄ᬓᭀᬘᬧ᭄ᬳᬶᬤᬵᬲᬂᬦᬵᬣ᭞ᬧᬸᬢ᭄ᬭᬦᬾ ᬓᭀᬘᬧᬦ᭄ᬫᬮᬶᬄ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬧᬸᬭᬵ᭞ᬫᬳᬶᬭᬶᬗᬦ᭄ᬯᬲ᭄ᬢ᭄ᬭᬓᬵᬫ᭄ᬧᬸᬄ᭞ᬯᬲ᭄ᬢ᭄ᬭᬫᬶᬚᬶᬮ᭄ᬢᬶᬕᬂᬤ᭄ᬧᬵ ᭞ᬲᬩᬸᬓ᭄ᬕ᭄ᬭᬶᬗ᭄ᬲᬶᬂ᭞ᬲᬧᬸᬢ᭄ᬲᬸᬢ᭄ᬭᬦᬾᬫᬩᬶᬓᬲ᭄᭟ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶ
ᬓ᭞ᬧᬸᬦᬶᬓᬶᬢᬸᬓᬸᬧᬦ᭄ᬢᬫ᭄ᬧᬶ᭞ᬳᬸᬓᬸᬧᬦᬾᬢ᭄ᬓᬾᬦ᭄ᬢ᭄ᬬᬂ᭞ᬳᬶᬩᬸᬂᬓ᭄ᬮᬶᬂᬳᬢᬸᬭᬾᬳᬮᬸᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬦᬸᬦᬲ᭄᭞ᬦᬾᬦᬾ ᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬧᬫᬶᬢ᭄ᬓᬚᬩ᭟ᬢᬶᬢ᭄ᬬᬂᬫᬦᬫ᭄ᬧᬶᬳᬸᬓᬸᬧᬦ᭄᭞ᬧᬫ᭄ᬦᬂᬢᬶᬢ᭄ᬬᬂ [ 21 ][ ᭒᭐ 20B]
᭒᭐᭞
ᬳᬶᬓᬢᬸᬦᬶ᭞ᬫᬘᬼᬓᭂᬦ᭄ᬢᬶᬂᬩᬦ᭄‌ᬘᬼᬩᬶᬗ᭄ᬓᬄᬢᬶᬕᬸᬲ᭄ᬢᬶᬧᬘᬂᬫᬦᬯᬸᬃ᭞ᬤᬶᬯ᭄ᬗᬶᬦᬾᬦᬾᬦᬾᬜᬳᬦ᭄᭞ᬦᬯᬶᬮᬮᬶ᭞ᬢᬶᬢ᭄ᬬᬂᬧᬋᬓ᭄ᬲᬵᬫ᭄ᬧᬸᬦ᭄ᬥᬸᬓᬵ᭟ᬲᬦ᭄ᬤᬶᬓᬵᬳᬢᬸᬃᬢᬶᬢ᭄ᬬᬂ᭞ᬓ᭄ᬦᬶᬩ᭄ᬮᬶᬦᬗ᭄ᬕᭀᬲᬫᬶ᭞ᬦᬶᬓᬶᬳᬮᬶᬳᬮᬶᬳ
ᬗ᭄ᬕᭀ᭞ᬫᬓᬘᬶᬭᬶᬦ᭄ᬢᬶᬢ᭄ᬬᬂᬢᬸᬳᬸ᭞ᬦᬶᬓᬶᬲᬩᬸᬓ᭄ᬘᬘᬶᬭᬸᬧᬦ᭄᭞ᬦᬾᬫᬢ᭄ᬧᬶ᭞ᬳᬗ᭄ᬕᭀᬦ᭄ᬳᬸᬕᬶᬧᬫᬶᬦ᭄ᬢᬭ᭟ᬲᬧᬸᬦᬶᬓᬚ᭄ᬯᬳᬾᬮᬶᬗᬂ᭞ᬢ᭄ᬬᬂᬫᬧᬫᬶᬢ᭄ᬭᬶᬂᬩ᭄ᬮᬶ᭞ᬳᬶᬩᬸᬂᬓ᭄ᬮᬶᬂᬳᬢᬸᬭᬾᬳᬮᭀᬦ᭄᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬳᬶᬭᬢᬸ
᭞ᬭᬳᬤᬾᬦ᭄ᬕᬮᬸᬄᬫᬫᬵᬃᬕ᭄ᬕ᭞ᬦᬾᬦᬾ ᬚᬦᬶ᭞ᬲᬵᬫᬵᬧᬸᬦ᭄ᬭᬯᬸᬄᬫᬭᬶᬂᬧᬸᬭᬵ᭟ᬭᬭᬶᬲ᭄ᬗᭀᬚᭀᬕ᭄ᬓᬧᬫᬺᬫᬦ᭄᭞ᬬᬾᬄᬫᬢᬦᬾᬢᬦ᭄ᬋᬱ᭄ᬫᬶᬚᬶᬮ᭄᭞ᬫᬗ᭄ᬭᬱᬭᬲᬵᬭᬶᬂᬫᬶᬸᬭᬕᬵ᭞ᬫᬶᬭᬶᬩ᭄ᬢᬶᬤᭀᬂᬢᭀᬓᬦ᭄ᬭᬢᬸ᭞ᬗ
ᬗ᭄ᬕᭀᬦ᭄ᬩᬶᬓᬲ᭄ᬧᬢᬶᬓ᭄ᬯᭂᬦᬂ᭞ᬦᬾᬦᬾᬚᬦᬶ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬓᬚᬩ᭟ᬲᬵᬫ᭄ᬧᬸᬦ᭄ᬲᬫᬶᬓᬭᬗ᭄ᬲᬸᬓᬂ᭞ᬧᬳᬶᬘ᭄ᬙᬦᬾᬭᬤᬾᬦ᭄ᬤᬾᬯᬶ᭞ᬫᬯᬸᬯᬸᬄᬯᬃᬡ᭄ᬦᬦᬾᬋᬓᭀ᭞ᬩᬕᬸᬲᬾᬢ᭄ᬯᬭᬵᬫᬫᬦ᭄ᬤᬸᬂ᭞ᬧᬦ᭄ᬢᭂᬲ᭄ᬢ᭄ᬯᬄᬭᬵ
[ ᭒᭑ 21A]
ᬢᬸᬉᬢ᭄ᬢᬵᬫ᭞ᬜᬓᬺᬯᬺᬢᬶ᭞ᬲᭀᬭᬾᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬᬵ᭟ᬢᬦ᭄ᬓᬯᬃᬡ᭄ᬦᬵᬲᬦ᭄ᬤᬶᬓᬮᬵ᭞ᬓᬯᬸᬯᬸᬲᭂᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬭᬯᬸᬄᬧᬳᬶᬘᬦᬾ ᬋᬓᭀ᭞ᬧᬜ᭄ᬚ᭄ᬭᭀᬯᬦᬾᬫᬳᬢᬸᬃ᭞ᬦᬶᬓᬶᬧᬶᬘᬦ᭄ᬲᬂᬦᬵᬣ᭞ᬭᬶᬳᬶᬕᬸᬲ᭄ᬢᬶ᭞ᬳ
ᬚᭂᬗᬦ᭄‌ᬮ᭄ᬯᬶᬃᬲᬧᬸᬧᬸᬢᬵ᭟ᬳᬢᬸᬭᬂᬢᬶᬢ᭄ᬬᬂᬫᬫᬶᬢᬂ᭞ᬧᬜ᭄ᬚ᭄ᬭᭀᬯᬦᬾᬫᬗᬬᬗᬶᬦ᭄᭞ᬲᬫᬧᬦᬸᬗ᭄ᬕᬸᬩᬜ᭄ᬘᬶᬗᬄ᭞ᬲᬫᬶᬫᬕᬶᬩᬸᬗᬦ᭄ᬲᬵᬫᬵᬧᬸᬦ᭄᭞ᬲᬫᬶᬲᬵᬫ᭄ᬧᬸᬦ᭄ᬯᬸᬲ᭄ᬫᬤᬳᬃ᭞ᬦᬾᬗᬬᬳᬶᬦ᭄᭞ᬭᬭᬶᬲ᭄ᬧ᭄ᬭᬗ᭄ᬓᬢᬦ᭄᭟
ᬩᬶᬩᬶᬓᬳᬸᬮᬦ᭄ᬲᬂᬦᬵᬣ᭞ᬤᬤᬶᬚᬸᬭᬸᬫᬗᬬᬳᬶᬦ᭄᭞ᬢᬸᬦᬲᬂᬢ᭄ᬬᬂᬍᬓᭂᬲᬦ᭄᭞ᬦᬾ ᬓᬫ᭄ᬧᬾᬓ᭄ᬦᬶᬭᬦᬾᬧᬸᬬᬸᬂ᭞ᬩ᭄ᬓᭂᬮᬂᬦᬶᬭᬓᬚᬩ᭞ᬮᬮᬶᬮᬮᬶ᭞ᬧᬜ᭄ᬚ᭄ᬭᭀᬯᬦᬾᬫᬗᬶᬭᬶᬗᬂ᭟ᬭᬭᬶᬲ᭄ᬫᬦ᭄ᬢᬸᬓᬧᬸᬭᬵ᭞ᬢᬦ᭄ᬓᬯᬃ
ᬡ᭄ᬦᬳᬦᬾᬂᬫᬃᬕ᭄ᬕᬶ᭞ᬓᬯᬸᬯᬸᬲᬦ᭄ᬭᬯᬸᬄᬭᬶᬚᬩᬵ᭞ᬗᬩᬍᬓᭂᬲᬦ᭄ᬫᬳᬸᬗ᭄ᬓᬸᬲ᭄᭞ᬢᬸᬫᬸᬮᬶᬭᬭᬶᬲ᭄ᬳᬗᬸᬘᬧ᭄᭞ᬦᬶᬓᬶᬕᬸᬲ᭄ᬢᬶ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬫᬦᬶᬫ᭄ᬩᬮ᭄᭟ᬢᬦ᭄ᬓᬯᬃᬡ᭄ᬦᬭᬶᬂᬩᬜ᭄ᬘᬶᬗᬄ᭞ᬧᬦᬮᬶᬓᬦᬾᬫᬫᬸᬜᬶ᭞ᬧᬦᬮᬶᬓ [ 22 ][ ᭒᭑ 21B]
᭒᭑᭞
ᬦᬾᬧᬶᬂᬢᬶᬕ᭞ᬳᬶᬩᬸᬗ᭄ᬓ᭄ᬮᬶᬂᬭᬭᬶᬲ᭄‌ᬬᬧ᭄ᬲᬸ᭞ᬤᬾᬦᬶᬂᬳᬶᬗᭂᬢ᭄ᬭᬶᬂᬳᬸᬩᬬᬵ᭞ᬲᬗ᭄ᬕᬸᬧᬲ᭄ᬢᬶ᭞ᬭᬭᬶᬲ᭄ᬗᭀᬚᭀᬕ᭄ᬭᬶᬂᬯᬦ᭄ᬤᬶᬭ᭟ᬩᬯᬸᬯᬾᬦ᭄ᬢᭂᬦ᭄ᬧᬗᬶᬦᬂ᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬫᬜᬸᬳᬸᬦ᭄ᬲᭀᬓᬲᬶᬋᬓᭀ᭞ᬳᬶᬩᬸᬂᬓ᭄ᬮᬶᬂ
ᬭᬶᬸᬭᬶᬸᬲᬶᬸᬯ᭄ᬭᬸᬄᬭᬶᬂᬓᬬᬸᬦ᭄᭞ᬢᬸᬢᬸᬢᬶᬦ᭄ᬤᬶᬄᬭᬶᬂᬳᬸᬩᬬᬵ᭞ᬧᬚᭂᬚᭂᬳᬶᬦ᭄᭞ᬳᭂᬗ᭄ᬓᭂᬩᬶᬦ᭄ᬢᬦᬶᬳᬶᬦ᭄ᬤᬬᬂ᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬫᬓᬳᬤ᭄᭞ᬗᭂᬚᭀᬳᬶᬦ᭄ᬓᬬᬸᬯᬭᬶᬗᬶᬦ᭄᭞ᬤᬳᬦᬾᬫᬗᭀᬚᭀᬕ᭄‌ᬓ᭄ᬫᬵ᭞ᬲᬢ᭄ᬓᬦᬾᬚᬦᬶᬤᬶᬢᬸ᭞
ᬩ᭄ᬗᭀᬂᬩ᭄ᬗᭀᬂᬫᬳᬶᬯᬲᬦ᭄᭞ᬢᬦ᭄ᬓᬧᬗ᭄ᬕᬶᬄ᭞ᬦᬾᬳᬶᬲ᭄ᬢ᭄ᬭᬶᬭᬭᬶᬲ᭄ᬫᬭᬃᬬ᭄ᬬᬦ᭄᭟ᬫᬗ᭄ᬭᬾᬭᬾᬦᬂᬲᬲᬸᬳᬸᬦᬶᬸᬦᬦ᭄᭞ᬬᬾᬄᬫᬢᬦᬾᬳᬤᬺᬲ᭄ᬫᬶᬚᬶᬮ᭄᭞ᬳᬶᬩᬸᬂᬓ᭄ᬮᬶᬂᬭᬳᬶᬃᬲ᭄ᬫᬕᬳᬂ᭞ᬕᬺᬫ᭄ᬕᭂᬋᬫ᭄ᬘᬧ᭄ᬮᬸᬓ᭄ᬘᬧ᭄ᬮᬸᬓ᭄᭞ᬫᬓ᭄ᬢᭂᬩ᭄ᬫᬓᬳᬤ᭄ᬫᬭᬵ
᭞ᬦᬾᬦᬾᬳᬶᬲ᭄ᬢ᭄ᬭᬷ᭞ᬗᭂᬢᭀᬃᬢᭀᬂᬤᬤᬶᬳᬗᬸᬘᬧ᭄᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬫᬜᬯᬸᬧ᭄ᬫᬗᬭᬲ᭄ᬧᬶᬧᬶ᭞ᬤᬸᬄᬕᬸᬲ᭄ᬢᬶᬤᬾᬯᬫᬲ᭄ᬫᬶᬭᬄ᭞ᬢᬶᬦ᭄ᬤᬶᬄᬳᬶᬭᬢᬸᬭᬶᬂᬲᬗ᭄ᬕᬸᬧ᭄᭞ᬫᬫᬵᬃᬕ᭄ᬕᬶᬕᬸᬲ᭄ᬢᬶᬫᬵᬲ᭄ᬫᬶᬭᬄ᭞ᬦᬾᬦᬾᬫᬗ᭄ᬓᬶᬦ᭄᭞ᬦᬧᬶ
[ ᭒᭒ 22A]
ᬕ᭄ᬮᬶᬲ᭄ᬓᬢᬗᭂᬳᬦ᭄᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞ᬦᬾ ᬳᬶᬲ᭄ᬢ᭄ᬭᬶᬗᭂᬢᭀᬃᬤᬶᬩᬢᬶᬲ᭄‌ᬩᬶᬮᬂᬳᬢᬶᬦ᭄ᬤᬓ᭄ᬜᬮᬾᬫ᭄ᬧᭀᬄ᭞ᬳᬶᬩᬸᬂᬓ᭄ᬮᬶᬂᬓ᭄ᬤᬾᬓ᭄ᬓᬢᬸᬦ᭄ᬤᬸᬦ᭄᭞ᬦᬾᬳᬶᬲ᭄ᬢ᭄ᬭᬶᬭᬭᬶᬲ᭄ᬳᬗᬸᬘᬧ᭄᭞ᬫᬗ᭄ᬓᬶᬦ᭄ᬩᭂᬮᬶ᭞ᬢᬶᬢ᭄ᬬᬂᬓᬭᬶᬫᬢᭂᬕ᭄ᬢᭂᬕ
ᬦ᭄᭟ᬩᭀᬬᬢᬫ᭄ᬩᬦᬶᬦ᭄ᬓᬾᬢᬶᬢ᭄ᬬᬂ᭞ᬫᬗ᭄ᬤᬾᬢ᭄ᬬᬂᬤᬤᭀᬲ᭄ᬫᬫᬃᬕ᭄ᬕᬶ᭞ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬳ᭄ᬦᬾᬲ᭄ᬧᬄᬳᬗ᭄ᬕᬾᬦ᭄ᬲᬗᬸ᭞ᬫᬭᬶᬂᬮᬢᬶᬳᬲᬸᬲ᭄ᬧᬄ᭞ᬦᬾᬦᬾᬳᬶᬲ᭄ᬢ᭄ᬭᬶ᭞ᬳᬗᬸᬘᬧ᭄ᬦᬸᬦᬲ᭄‌ᬓᬾᬢᬶᬢ᭄ᬬᬂ᭟ᬦᬾᬓᬓᬸᬂᬭ
ᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬲᬲᬸᬳᬸᬦᬦᬾᬦᬾᬳᬶᬲ᭄ᬢ᭄ᬭᬶ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬦᬾᬓᬓᬸᬂᬭᬭᬶᬲ᭄ᬫᬦᬸᬦ᭄ᬢᬸᬦ᭄᭞ᬳᬦ᭄ᬓᬯᬃᬡ᭄ᬦᬳᬦᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬧ᭄ᬯᬵᬧ᭄ᬢᬶ᭞ᬭᬶᬂᬤᬾᬱᬧᬮᬶᬗ᭄ᬕᬭᬸᬦ᭄᭟ᬯ᭄ᬗᬶᬧᬦᬮᬶᬓᬦ᭄ᬧᬶᬂᬧᬢ᭄᭞ᬳᬶᬩᬸᬂ
ᬓ᭄ᬮᬶᬂᬫᬗᭀᬚᭀᬕ᭄ᬫᬸᬮᬶᬄ᭞ᬚᬸᬫᬄᬳᬶᬯᬬᬦ᭄ᬢᬶᬕᬭᭀᬦ᭄᭞ᬲᬢ᭄ᬓᬦᬾᬚᬦᬶᬤᬶᬢᬸ᭞ᬭᬭᬶᬲ᭄ᬫᬦᭀᬕ᭄ᬢᭀᬕ᭄‌ᬚ᭄ᬮᬦᬦ᭄᭞ᬫᬗᬯᬸᬓᬶᬦ᭄᭞ᬫᬢᬗᬶᬓᬾᬩᬧᬢ᭄ᬯᬵ᭟ᬢᬸᬮᬸᬲ᭄ᬢᬶᬢ᭄ᬬᬂᬳᬾ ᬗ᭄ᬕᬮ᭄ᬳᬾᬗ᭄ᬕᬮ᭄᭞ [ 23 ][ ᭒᭒ 22B]
᭒᭒᭞
ᬓ᭄ᬢᬮᬶ᭞ᬫᬓ᭄ᬮᬾ ᬢᬾᬓ᭄ᬫᬩᬗᭀᬩᬗᭀ᭞ᬭᬭᬫᬜᬦᬾᬢᬗ᭄ᬓᭂᬚᬸᬢ᭄᭞ᬤᬶᬗᭂᬄᬳᬸᬮᬶᬤᬶᬧᬗᬶᬧ᭄ᬬᬦ᭄᭞ᬮᬸᬢ᭄ᬗᬦ᭄ᬤᬸᬲᬶᬦ᭄᭞ᬓᬧᬸᬧᬸᬗᭂᬦ᭄ᬧᬢᬶᬩᬩᬃ᭟ᬫᬭᬬᬫᬫ᭄ᬩᬸᬓᬵᬚ᭄ᬮᬦᬦ᭄᭞ᬲᭀᬫᬳᬾᬳᬫ᭄ᬧᭂᬕᬂᬧᬳᬶᬤ᭄᭞ᬮᬯᬸ
ᬢ᭄ᬮᬩᬸᬄᬫᬕᬍᬤᭀᬕ᭄᭞ᬧᬬᬸᬓ᭄ᬩᬜᬸᬩᬓᬢᬜ᭄ᬚᬸᬂ᭞ᬗᬸᬮᬶᬮᬶᬂᬮᬦ᭄ᬢᬲ᭄ᬬᬩ᭄ᬮᬄ᭞ᬓᬢᬸᬗ᭄ᬕᬮᬶᬦ᭄᭞ᬩᬜᬸᬦᬾᬗ᭄ᬩᭂᬓᬶᬦᬢᬄ᭟ᬦᬾᬳ᭄ᬮᬸᬄᬭᬭᬶᬲ᭄ᬳᬗᬸᬘᬧ᭄᭞ᬫᬸᬜᬶᬦᬾᬢᭀᬓ᭄ᬦᬳᬶᬗᭂᬢᬶᬦ᭄᭞ᬧᬶᬲᬕᬦᬾᬧᬤᬢ᭄ᬓᬵ
᭞ᬗᬩᬲᬸᬦ᭄ᬤᬶᬄᬓᬯᬸᬓᬯᬸᬓ᭄᭞ᬓ᭄ᬦᬧᬫᬵᬓ᭄ᬯᬾᬯᬾᬗᬦ᭄᭞ᬳᬧᬗᬮᬶᬄ᭞ᬫᬲᬶᬄᬢ᭄ᬯᬭᬵᬚᬭᬸᬗᬸᬜ᭟ᬧᬥᬫᬜᬕ᭄ᬚᬕ᭄ᬫᬸᬮ᭄ᬬᬦ᭄᭞ᬮᬯᬸᬢ᭄ᬫᬗᭂᬤᬾᬦᬂᬲᬸᬦ᭄ᬤᬶᬄ᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬤᬤ᭄ᬯ᭞
ᬜᬸᬳᬸᬦ᭄ᬲᭀᬓᬲᬶᬳᬯᬸᬓᬸᬤ᭄᭞ᬮᬸᬢ᭄ᬫᬫᬸᬜᬶᬫᬦᬓᭀᬦᬂ᭞ᬳᬸᬮᬶᬤᬶᬚᬵ᭞ᬗᬸᬤᬤᬶᬦᬶᬫᬤᬤ᭄ᬯᬬᬦ᭄᭟ᬳᬶᬩᬸᬂᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬫᬸᬮᬳᬸᬫᬄᬢᬶᬢ᭄ᬬᬂᬤᬶᬦᬶ᭞ᬢ᭄ᬬᬂᬩᬯᬸᬫᬭᬢ᭄ᬓ᭞ᬢ᭄ᬬᬂᬳᬶ

[ ᭒᭓ 23A]
ᬳᬶᬦᬸᬦᬶᬓᬕᬸᬦᬸᬂ᭞ᬲᬗ᭄ᬓᬦ᭄‌ᬯ᭄ᬗᬶᬢ᭄ᬬᬂᬢ᭄ᬓᬵ ᭞ᬤᬾᬦᬶᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬚ᭄ᬯᬧᭀᬮᬶᬲᬩᬮᬵ ᭟ᬢᬶᬢ᭄ᬬᬂᬫᬗᬮᬶᬄᬳᬶᬩᬧ᭞ᬗᬢᬸᬭᬶᬦ᭄ᬤᬶᬦᬾᬫᬫᬃᬕ᭄ᬕᬶ᭞ᬓᬕᬸᬦᬸᬂᬫᬚᬢᬶᬋᬓᭀ᭞ᬲᬓᬵᬮᬗᬳ᭄ᬦᬸᬤᬮᬸ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂ
ᬦᬸᬦᬲ᭄ᬳᬶᬘ᭄ᬙᬵ᭞ᬫᬗᬯᬸᬓᬶᬦ᭄᭞ᬭᬓᬦ᭄ᬩᬧᬦᬾᬳᬶᬗᭂᬢᬂ᭟ᬭᬭᬶᬲ᭄ᬫᬦᭀᬕ᭄ᬢᭀᬕ᭄‌ᬚ᭄ᬮᬦᬦ᭄᭞ᬫᬗᬯᬸᬓᬶᬦ᭄ᬢᬦᬶᬕᬶᬕᬶᬲ᭄᭞ᬩ᭄ᬮᬶᬯᬬᬳᬦ᭄ᬓᬚᬩ᭞ᬦᬾᬧᬦᬓ᭄ᬩᭂᬮᬶᬦᬾᬭᬯᬸᬄ᭞ᬫᬲᬳᬸᬢ᭄ᬳᬸᬮᬶᬚᬸᬫᬳᬦ᭄᭞ᬩ᭄ᬮᬶᬧᬮᬶᬂ
ᬚ᭄ᬮᬦᬦ᭄ᬤᬶᬚᬬᬵ ᬫᬕ᭄ᬦᬄ᭟ᬦᬾᬗᬯᬸᬓᬶᬦ᭄ᬭᬭᬶᬲ᭄ᬳᬗᬸᬘᬧ᭄᭞ᬦᬾᬲᬸᬦ᭄ᬤᬶᬄᬳᬗ᭄ᬕᭀᬦ᭄ᬫᬗᬮᬶᬄ᭞ᬲᬬᬦ᭄ᬧᬳᭂᬓ᭄ᬬᬫᬭᭀᬜ᭄ᬘᭀᬓ᭄᭞ᬫᬗᬸᬲᬸᬤ᭄‌ᬚ᭄ᬮᬦᬦ᭄ᬓᬢ᭄ᬧᬓ᭄᭞ᬫᬫ᭄ᬩᬸᬓᬚ᭄ᬮᬦᬦ᭄ᬫᬲ᭄ᬯᬃ᭞ᬳ᭄ᬜᬾᬦ᭄‌ᬘᬳᬶ᭞ᬫᬗ
ᬯᬸᬓᬶᬦ᭄ᬩᬧᬩᬸᬲᬦ᭄᭟ᬳᬶᬩᬸᬗ᭄ᬓ᭄ᬮᬶᬂᬭᬭᬶᬲ᭄ᬳᬗᬸᬘᬧ᭄᭞ᬤᬦᬾᬕᬸᬭᬸᬲᭂᬗ᭄ᬕᬸᬧᬗᬶ᭞ᬲᬮᬄᬢᬶᬢ᭄ᬬᬂᬫᬗ᭄ᬭᬗ᭄ᬓᬢᬂ᭞ᬳᭀᬓᬦ᭄ᬤᬦᬾᬲᬶᬗ᭄ᬕᬶᬄᬕᬸᬭᬸ᭞ᬫᬭᬶᬓᬕᬸᬭᬸᬳᬚᬓᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬓᬕᬸᬦᬸᬂᬚ [ 24 ][ ᭒᭓ 23B]
᭒᭓᭞
ᬢ᭄ᬬᬂᬢᬶᬢ᭄ᬬᬂ᭟ᬭᬭᬶᬫᬜᬭᬭᬶᬲ᭄ᬳᬗᬸᬘᬧ᭄᭞ᬲᬾᬫ᭄ᬩᬾᬦᬾᬜᬳᬶᬳᭂᬜᬶᬢᬶᬦ᭄᭞ᬧ᭄ᬲ᭄ᬯᬦ᭄ᬫᬦ᭄ᬢᬸᬦᬾᬜᬧᬵ᭞ᬳᬶᬭᬫᬓᬶᬭᬾ ᬓᬕᬸᬦᬸᬂ᭞ᬮᬦ᭄ᬢᬲ᭄ᬫᬫᬵᬃᬕ᭄ᬕᬶᬧ᭄ᬲ᭄ᬯᬦ᭄᭞ᬫᬗᬯᬸᬓᬶᬦ᭄᭞ᬭᬯᬸᬄᬚᬚᬓᬳᬤᬰ᭟
ᬧᬥᬫᬗᬩᬧ᭄ᬭᬓ᭄ᬧᬓ᭄᭞ᬭᬭᬶᬲ᭄ᬫᬗᬸᬘᬧ᭄ᬤᬶᬫᬵᬃᬕ᭄ᬕᬶ᭞ᬤᬶᬗ᭄ᬓᬾᬦ᭄ᬳᬸᬫᬄᬤᬦᬾᬋᬓᭀ᭞ᬚ᭄ᬭᭀᬲᭂᬗ᭄ᬕᬸᬳᬸᬤᬶᬕᬸᬦᬸᬂ᭞ᬕᬸᬦᬸᬂᬯᬶᬮᬶᬲ᭄‌ᬲᬶᬂᬚᬢᬯᬂ᭞ᬤᬯᬸᬄᬫᬃᬕ᭄ᬕᬶ᭞ᬩᬮᬾᬃᬧᬲᬭᬾᬧᬸᬦᬶᬓᬵ᭟ᬢᬸᬫᬸᬮᬶᬭᬭᬶᬲ᭄ᬫᬫᬵᬃᬕ᭄ᬕ᭞
ᬳᬚᬓᬳᬤᬱᬤᬶᬭᬶ᭞ᬢᬦ᭄ᬓᭀᬘᬧᬜᬤᬶᬫᬃᬕ᭄ᬕᬵ᭞ᬓᬯᬸᬯᬸᬲᬦ᭄‌ᬚ᭄ᬭᭀᬲᭂᬗ᭄ᬕᬸᬳᬸ᭞ᬲᭂᬗ᭄ᬕᬸᬳᬸᬧᬗᬶᬜᬸᬫ᭄ᬧ᭄ᬦᬵ᭞ᬩᬸᬭᬸᬂᬓ᭄ᬤᬶᬲ᭄᭞ᬢᬶᬢᬶᬭᬦ᭄ᬲᬦ᭄ᬤᭂᬃᬲ᭄ᬬᭂᬗᬦ᭄᭟ᬭᬭᬶᬲ᭄ᬩᬗᬸᬦ᭄ᬳ᭄ᬬᬫᬓᭂᬲ᭄ᬬᬩ᭄᭞ᬩᬗᬸ
ᬦ᭄ᬧ᭄ᬬᬦᬓᬾᬤ᭄ᬮᭀᬓᬶᬦ᭄᭞ᬳᬸᬲᬸᬤ᭄ᬧ᭄ᬥᭂᬫᬦᬾᬋᬓᭀ᭞ᬢ᭄ᬜᭂᬫ᭄ᬮᬾᬢᬾᬕ᭄‌ᬢ᭄ᬯᬭᬤᬶᬢᬸ᭞ᬫ᭄ᬤᬬᬧ᭄ᬬᬦᬓᬾᬳᬶᬮᬂ᭞ᬭᬭᬶᬲ᭄ᬩ᭄ᬭᬗ᭄ᬢᬶ᭞ᬫᬜ᭄ᬫᬓ᭄ᬢᬸᬗ᭄ᬓᭂᬤ᭄ᬫᬲ᭄ᬯᬂ᭟ᬮᬯᬸᬢ᭄ᬫᬗᬯᬸᬓᬶᬦ᭄ᬜᬫ᭞ᬲᭂᬗ᭄ᬕᬸᬳᬸᬧᬲ᭄ᬯ
[ ᭒᭔ 24A]
ᬦ᭄ᬢᬦᬶ᭞ᬧ᭄ᬬᬦᬓ᭄ᬩᭂᬮᬶᬦᬾᬬᬵᬳᬶᬮᬂ᭞ᬲᭂᬗ᭄ᬕᬸᬳᬸᬦᬾᬧᬥᬧ᭄ᬲᬸ᭞ᬫᬜᬕ᭄ᬚᬕ᭄ᬧᬥᬧ᭄ᬭᬬᬢ᭄ᬦᬵ᭞ᬜᭀᬢᬾᬓ᭄ᬭᬶᬲ᭄᭞ᬲᭂᬗ᭄ᬕᬸᬧᬗᬶᬭᬭᬶᬲ᭄ᬳᬗᬸᬘᬧ᭄᭟ᬚᬦᬶᬓᬾ ᬦ᭄ᬓᬾᬦ᭄ᬩᬦ᭄ᬫᬤᬬᬵ᭞ᬚᬦᬶᬓᬶᬚᬮᬓᬸᬗᬮᬶᬄ᭞ᬮᬯᬸᬢ᭄ᬫᬧᬸᬦ᭄ᬤᬸᬄ
ᬫᬗ᭄ᬭᬯᭀᬲ᭄᭞ᬢᬤᬢᬾᬧᬗ᭄ᬭᬯᭀᬲ᭄ᬢᬸᬫ᭄ᬩᬸᬄ᭞ᬚᬮᬦ᭄ᬩᬋᬂᬓᬩᬜ᭄ᬘᬶᬗᬄ᭞ᬧᬋᬓ᭄ᬕᬸᬲ᭄ᬢᬶ᭞ᬤᬶᬢᬸᬫᬦᬸᬦᬲ᭄ᬓᬸᬮ᭄ᬓᬸᬮᬦ᭄᭟ᬫᬃᬕ᭄ᬕᬶᬗ᭄ᬭᬭᬶᬲ᭄ᬓᬩᬜ᭄ᬘᬶᬗᬄ᭞ᬭᬯᬸᬄᬤᬶᬩᬜ᭄ᬘᬶᬗᬄᬲᬫᬶ᭞ᬦᭀᬕ᭄ᬢᭀᬕ᭄ᬓᬸᬭᬶᬫᬯᬸᬓᬦ᭄
᭞ᬕᬸᬲ᭄ᬢᬶᬧᬢᬶᬄ᭞ᬢᬶᬢ᭄ᬬᬂᬫᬢᬸᬃ᭞ᬫ᭄ᬭᬶᬓᬶᬕᬸᬲ᭄ᬢᬶᬓᬚᬩᬵ᭞ᬕ᭄ᬮᬶᬲ᭄ᬕᭂᬮᬶᬲ᭄᭞ᬧ᭄ᬬᬦᬓ᭄ᬢᬶᬢ᭄ᬬᬗᬾᬢᬶᬮᬂ᭟ᬳᬶᬧᬢᬶᬄᬩᬗᬸᬦ᭄ᬫᬜᬕ᭄ᬚᬕ᭄᭞ᬳ᭄ᬜᬾᬦ᭄ᬢᭀᬫᬦᭀᬕ᭄ᬢᭀᬕ᭄ᬓᬸᬭᬶ᭞ᬳᬶᬲᭂᬗ᭄ᬕᬸᬳᬸᬫᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂ
ᬳᬶᬲᭂᬗ᭄ᬕᬸᬳᬸ᭞ᬢᬶᬢ᭄ᬬᬂᬫᬦᬸᬦᬲ᭄ᬓᬸᬮ᭄ᬓᬸᬮᬦ᭄᭞ᬭᬶᬂᬳᬶᬕᬸᬲ᭄ᬢᬶ᭞ᬳᬶᬧᬢᬶᬄᬗᬸᬘᬧ᭄‌ᬦᬄᬓ᭄ᬫᬵ᭟ᬫᬫᬦ᭄ᬗᭂᬩᬸᬕ᭄‌ᬤ᭄ᬯᬂᬢᬸᬮᬸᬤᬦ᭄᭞ᬬᬦ᭄ᬢ᭄ᬯᬭᬳᬦᬓ᭄ᬫᬚᬢᬶ᭞ᬬᬾᬦ᭄ᬲᬸᬩᬗᬦ᭄ᬢᭀᬲ᭄ᬭᬳᬶᬦᬵ ᭞ᬜᬦ᭄ᬤᬂᬩᬧᬗ [ 25 ][ ᭒᭔ 24B]
᭒᭔᭞
ᬮᬶᬄᬗ᭄ᬭᬸᬭᬸᬄ᭞ᬢ᭄ᬓᬧ᭄ᬭᬲᬶᬤ᭄ᬥᬓᬳᬶᬯᬢ᭄᭞ᬦᬾᬦᬾᬚᬦᬶ᭞ᬓᬸᬮ᭄ᬓᬸᬮᬾᬳᬗ᭄ᬕᭀᬦ᭄ᬢᭂᬗ᭄ᬭᬦ᭄᭟ᬲᭂᬗ᭄ᬕᬸᬳᬸᬫᬗᬶᬭᬶᬗᬂ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬫᬮᬶᬄᬓᬯᬃᬡ᭄ᬦᬵ᭞ᬲᬢ᭄ᬓ?ᬦᬾᬜᬫ᭄ᬩᬸᬢ᭄ᬲᬤᬸ᭞ᬗᭂᬩᬸᬕ᭄ᬓᬸ
ᬮ᭄ᬓᬸᬮ᭄‌ᬤ᭄ᬯᬂᬢᬸᬮᬸᬤᬦ᭄᭞ᬧᬤᬕᬢᬶ᭞ᬳᬓᬾᬄᬯᭀᬂᬧᬤᬢ᭄ᬭᬕ᭄ᬬ᭟ᬗᬯᬩᭀᬓᬢ᭄ᬮᬦ᭄ᬘᭂᬦ᭄ᬤᭂᬓᬦ᭄᭞ᬢᬸᬮᬸᬧ᭄ᬢᬸᬫ᭄ᬩᬓ᭄ᬮᬦ᭄ᬕᬕᬶᬢᬶᬓ᭄᭞ᬳᬦᬫᬢᬓᭀᬦᬢᬲᬂ᭞ᬓᬾᬦ᭄ᬓᬾᬦ᭄ᬲᬗ᭄ᬓᬦ᭄ᬓᬸᬮ᭄ᬓᬸᬮ᭄ᬩᬸᬮᬸᬲ᭄᭞
ᬤᬾᬲᭂᬗ᭄ᬕᬸᬭᬭᬶᬲ᭄ᬳᬗᬸᬘᬧ᭄᭞ᬢ᭄ᬬᬂᬫᬚᬢᬶ᭞ᬩ᭄ᬘᬢ᭄ᬬᬂᬧ᭄ᬬᬦᬓᬾᬳᬶᬮᬂ᭟ᬢ᭄ᬯᬭᬓᭀᬓᬭ᭄ᬯᬦ᭄ᬳᬚᬵᬓ᭞ᬳᭂᬜᬾᬦ᭄ᬲᬶᬫᬫ᭄ᬩᬳᬦ᭄ᬧᭀᬮᬶᬄ᭞ᬳᭀᬢᬜᬫᬫᬦ᭄ᬫᬢᬓᭀᬦ᭄᭞ᬲᬫᬶᬬᬳᬤᬲᬸᬫᬳᬸᬃ
᭞ᬫᬚᬭᬂᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬳᬦᬂᬳᬸᬕᬶ᭞ᬲᬕᬾᬢ᭄ᬳᬦᬓ᭄ᬫᬧᬭᬓ᭄ᬧᬓ᭄᭟ᬯᬾᬦ᭄ᬢᭂᬦ᭄ᬳᬵᬚᬓᬳᬤᬰᬵ᭞ᬳᬤᬓ᭄ᬫᬵᬫᬜᬕ᭄ᬚᬕᬶᬦ᭄᭞ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬢᬯᬄ᭞ᬫᬦᬢᬲ᭄ᬫᬸᬜᬶᬦᬾᬳ
[ ᭒᭕ 25A]
ᬮᬸᬲ᭄᭞ᬚ᭄ᬭᭀᬦᬾ ᬚ᭄ᬯᬲᬓᬶᬂᬧᬸᬦᬧ᭞ᬗ᭄ᬕᬯᬲᬸᬦ᭄ᬤᬶᬄ᭞ᬦᬾᬓᬢᬓᭀᬦᬶᬦ᭄ᬳᬗᬸᬘᬧ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬯᭀᬂᬦᬕᬭ᭞ᬢᬶᬢ᭄ᬬᬂᬫᬢᬓᬾᬭᬶᬂᬕᬸᬲ᭄ᬢᬶ᭞ᬤᬶᬗ᭄ᬓᬾᬦ᭄ᬧᬸᬭᬶᬦ᭄ᬤᬦᬾᬋᬓᭀ᭞ᬦᬾᬫᬯᬱ᭄ᬝᬵᬚ᭄ᬭᭀᬲᭂᬗ᭄ᬕᬸᬳᬸ᭞
ᬧᬸᬭᬶᬦᬦᬾᬩᬮᬾᬃᬧᬲᬃ᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶᬓᬦᬩᬳᬸᬤᬶᬩᬜ᭄ᬘᬶᬗᬄ᭟ᬢᬶᬢ᭄ᬬᬂᬤᬯᭂᬓᬶᬸᬕ᭄ᬦᬸᬦᬲ᭄ᬳᬶᬘᬵ᭞ᬳᬢᬸᬭᬶᬦ᭄ᬤᬦᬾᬫᬭᬶᬓᬶ᭞ᬓᬧᬲᬃᬫᬗ᭄ᬓᬶᬦ᭄ᬳᬩᭀᬲ᭄ᬩᭀᬲ᭄᭞ᬢᬶᬢ᭄ᬬᬂᬕᬢᬶᬧᬘᬂᬫᬢᬸᬃ᭞ᬦᬸᬦᬲ᭄ᬓᬾᬭᬭᬶ
ᬲᬫᬃᬕ᭄ᬕ᭞ᬫᬗᬢᬸᬭᬶᬦ᭄᭞ᬚ᭄ᬭᭀᬲᭂᬗ᭄ᬕᬸᬳᬸᬤᬶᬩᬜ᭄ᬘᬶᬗᬄ᭟ᬢᬦ᭄ᬓᭀᬘᬧᬜᬭᬶᬂᬫᬃᬕ᭄ᬕ᭞ᬭᬯᬸᬄᬤᬶᬩᬜ᭄ᬘᬶᬗᬄᬫᬗ᭄ᬓᬶᬦ᭄᭞ᬚ᭄ᬭᭀᬲᭂᬗ᭄ᬕᬸᬳᬸᬓᬭᬶᬫᬗ᭄ᬭᬯᭀᬲ᭄᭞ᬢᬶᬢ᭄ᬬᬂᬫᬢᬸᬃᬚ᭄ᬭᭀᬲᭂᬗ᭄ᬕᬸᬳᬸ᭞ᬳᬦᬓ᭄ᬫᬯ᭄ᬓᬲ᭄ᬭᬶᬂ
ᬢᬶᬢ᭄ᬬᬂ᭞ᬦᬾᬦᬾᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬳᬚᬓᬳᬤᬰᬵ᭟ᬗᬢᬸᬭᬶᬦ᭄ᬚ᭄ᬭᭀᬦᬾᬓᬚᬩᬵ᭞ᬯᬾᬦ᭄ᬢᭂᬦ᭄ᬳᬢᬸᬃᬳᬶᬧᬸᬦ᭄ᬕᬢᬶ᭞ᬳᬶᬲᭂᬗ᭄ᬕᬸᬳᬸᬗᬸᬘᬧ᭄ᬳᬮᭀᬦ᭄᭞ᬩᬬᬫᬸᬲᬸᬄᬚᬦᬶᬭᬸᬯᬸᬄ᭞ᬚᬮᬦ᭄ᬧᭂ [ 26 ][ ᭒᭕ 25B]
᭒᭕᭞
ᬲ᭄ᬯᬦ᭄ᬳᬯᬲᬂ᭞ᬭᬭᬶᬲ᭄ᬫᬫᬃᬕ᭄ᬕᬶ᭞ᬦᬾᬳᭂᬦ᭄ᬤᭂᬄᬢᬓᬾᬄᬗᬶᬭᬶᬗᬂ᭟ᬲ᭄ᬭᬯᬸᬳᬾᬫᬭᬶᬂᬧᬲᬃ᭞ᬳᬶᬲᭂᬗ᭄ᬕᬸᬳᬸᬫᬫᬸᬘᬸᬓᬶᬦ᭄᭞ᬭᬭᬶᬲ᭄‌ᬦ᭄ᬤᬸᬳᬸᬦᬶᬦ᭄ᬫᬢᬓᭀᬦ᭄᭞ᬦᬸᬦ᭄ᬤᬾᬦ᭄ᬫᬫᬦ᭄‌ᬚᬦᬶᬧ᭄ᬲᬸ᭞ᬦᬾᬚᬶᬸᬫᬚᬢᬶᬭᬭᬶᬲ᭄ᬗᬸ
ᬘᬧ᭄᭞ᬫᬢᬸᬃᬲᬶᬲᬶᬧ᭄᭞ᬦᬶᬓᬶᬚ᭄ᬭᭀᬦᬾᬲᬧᬲᬶᬭ᭟ᬳᬶᬲᭂᬗ᭄ᬕᬸᬳᬸᬭᬭᬶᬲ᭄ᬗᬸᬘᬧ᭄᭞ᬫᬫᬦ᭄ᬳᬶᬲᭂᬗ᭄ᬕᬸᬳᬸᬧᬗᬶ᭞ᬘᬳᬶᬲᬓᬶᬂᬤᬾᬱᬵᬳᬧᬵ᭞ᬧᭂᬲᬾᬗᬦ᭄ᬫᬫᬕᬶᬸᬦ᭄ᬢᬦ᭄ᬯᭂᬭ᭞ᬦᬾᬢᬓᭀᬦᬶᬜᬳᬗᬸᬘᬧ᭄᭞
ᬢᭂᬫ᭄ᬩᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬲᬓᬶᬂᬧᬮᬶᬗ᭄ᬕᬭᬦ᭄᭟ᬯᬬᬦ᭄ᬢᬶᬕᬭᭀᬦ᭄ᬧᭂᬲᬾᬗᬦ᭄᭞ᬲᬤ᭄ᬬᬦ᭄ᬢᬶᬢ᭄ᬬᬂᬭᬯᬸᬄᬫ᭄ᬭᬶᬓᬶ᭞ᬓᬧᬗ᭄ᬕᬶᬄᬭᬶᬂᬚ᭄ᬭᭀᬦᬾᬋᬓᭀ᭞ᬢᬶᬢ᭄ᬬᬂᬯᬦ᭄ᬢᬄᬫᬢᬸᬃᬮᬸᬧᬸᬢ᭄᭞ᬧᬸᬢ᭄ᬭᬦ᭄‌ᬚ᭄ᬭᭀᬦᬾ
ᬦᬾᬦᬾᬳᬶᬮᬂ᭞ᬳᬶᬓᬢᬸᬦᬶ᭞ᬧᬦᬓ᭄ᬢᬶᬢ᭄ᬬᬂᬗᬾᬗᬺᬗ᭄ᬓᬢᬂ᭟ᬢᬶᬢ᭄ᬬᬂᬯᬦ᭄ᬢᬄᬫᬜ᭄ᬚᬢᬶᬬᬂ᭞ᬫᬳᬢᬸᬃᬭᬶᬚ᭄ᬭᭀᬦᬾᬫ᭄ᬭᬶᬓᬶ᭞ᬲᬲᬶᬲᬶᬳᬶᬸᬧ᭄ᬳᬶᬧᬸᬦᬾᬋᬓᭀ᭞ᬯᬦ᭄ᬢᬄᬢᬶᬢ᭄ᬬᬂᬫᬢᬸᬃᬮᬸᬧᬸᬢ᭄᭞ᬫᬦᬸᬦᬲᬂᬲᬶ
[ ᭒᭖ 26A]
ᬦᬫ᭄ᬧᬸᬭᬵ᭞ᬲᬵᬫ᭄ᬧᬸᬦ᭄ᬩ᭄ᬭᬗ᭄ᬢᬶ᭞ᬳᬶᬘᬚ᭄ᬭᭀᬦᬾᬜᬶᬦᬫ᭄ᬧᬸᬭᬵ᭟ᬳᬶᬲᬗ᭄ᬕᬸᬳᬸᬭᬭᬶᬲ᭄ᬥᬸᬓᬵ᭞ᬧᬗᬸᬘᬧᬾᬲᬓᬾᬂᬗᬢᬶ᭞ᬳᬶᬢᬸᬦᬶᬩᬜᬘᬗ᭄ᬓᬶᬢᬵ᭞ᬳᬸᬩᭂᬭᬩᬦ᭄ᬲᬢ᭄ᬯᬧᬶᬜ᭄ᬘᬸᬮ᭄᭞ᬩ᭄ᬯᬶᬦ᭄ᬧᬦᬓᬾᬭᬗ᭄ᬓᬵ
ᬢᬗᬵ᭞ᬢ᭄ᬓᬚᬦᬶ᭞ᬭᬭᬫᬜᬫᬜ᭄ᬚᬳᬶᬬᬂ᭟ᬚᬦᬶᬜᬦ᭄ᬤᬂᬧᬧᬸᬮᬶᬳᬂ᭞ᬢᬶᬫ᭄ᬧᬮᬾᬧᬤᬢᬸᬦ᭄ᬤᬶᬓᬶᬦ᭄᭞ᬳᬧᬗᬧᬤᬫᬤᬩ᭄ᬤᬩ᭄᭞ᬩᬓᬮ᭄ᬳᬸᬩᭂᬧᬃᬗᬫ᭄ᬩᬸᬘᬸ᭞ᬚᬯᬢ᭄ᬧ᭄ᬮᬶᬳᬦᬳᬸᬘᬧ᭄᭞ᬫᬲᬩᬵ
ᬦᬶ᭞ᬯᬭᬂᬬᬩᬓᬮ᭄ᬫᬜ᭄ᬘᬗᬄ᭟ᬳᬶᬲᭂᬗ᭄ᬕᬸᬳᬸᬭᬭᬶᬲ᭄ᬳᬗᬸᬘᬧ᭄᭞ᬳᬸᬚᬭᬾᬳᬲ᭄ᬫᬸᬭᬸᬦ᭄ᬢᬶᬓ᭄᭞ᬤᬶᬧ᭄ᬓᭂᬦ᭄ᬧ᭄ᬓᭂᬦᬾᬓ᭄ᬢᬄ᭞ᬲᬧᬸᬦᬶᬓᬚ᭄ᬭᭀᬲᭂᬗ᭄ᬕᬸᬳᬸ᭞ᬓᬾᬦᬾᬩᬸᬓᬦᬫ᭄ᬩᬭᬬᬂ᭞ᬢᬦ᭄ᬧᬳᬚᬶ᭞ᬫᬶᬭᬶᬩ᭄
ᬩᬸᬓᬢᬦ᭄ᬧᬯᬗ᭄ᬲᬵ᭟᭛᭜᭛ᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬭᬳᬶᬦᬵ᭞ᬅ᭞ᬉ᭞ᬯᬭᬓ᭄ᬭᬸᬮᬸᬢ᭄᭞ᬢᬶᬣᬶ᭞ᬢᬂ᭞ᬧᬶᬂ᭞ᬑ᭞ᬰᬰᬶᬄ᭞ᬓ᭞᭔᭞ᬭᬄ᭞᭕᭞ᬢᭂᬗ᭄ᬕᭂᬓ᭄᭞᭑᭞ᬇᬰᬓ᭞᭑᭙᭑᭕ [ 27 ][ ᭒᭖ 26B]
᭒᭖᭞
᭞ᬯᬃᬱᬵᬦᬶᬗ᭄ᬮᭀᬓ᭟ᬓᬲᬹᬭᬵᬢᬵᬳᬦ᭄ᬢᬸᬓ᭄‌ᬳᬶᬤ᭄ᬥᬵᬩᬕᬸᬲ᭄ᬫᬥᬾ ᬚ᭄ᬮᬡ᭄ᬞᬶᬓ᭄᭞ᬭᬶᬂᬕ᭄ᬭᬶᬬᬵᬓᬘᬶᬘᬂᬓᬭᬗ᭄ᬳᬵᬲᭂᬫ᭄᭞ᬳᬫ᭄ᬮᬧᬸᬭᬵ᭝ᬩᬮᬶ᭛᭜᭛