Ban/Gaguritan Ligya 1937

Deskripsi

Bahasa Indonesia

Gaguritan Ligya 1937 menceritakan tentang kehidupan masyarakat baik terutama dari segi politik dan ekonomi. Bersamaan pula dengan kedatangan Kompeni pada masa lampau.

Naskah

[ 1 ][PERPUSTAKAAN
KTR.DOKBUD BALI
PROP. BALI
G/IX/13/DOKBUD
Judul : GAGURITAN LIGYA 1937
Panj. 35 cm. Leb. 3,5 cm. Jlm. 59 lb.
Asal : Tampwagan, Amlapura, Kr.asem.]
[᭑ 1A]
[Judul : GAGURITAN LIGYA 1937
Panj. 35 cm. Leb. 3,5 cm. Jlm. 59 lb.
Asal : Tampwagan, Amlapura, Kr.asem.] [ 2 ][᭑ 1B]
᭑
᭛᭐᭛ᬲᬶᬦᭀᬫ᭄᭛᭐᭛ᬚᬸᬂᬢᬫᬦ᭄ᬲᬸᬓᬵᬲᬤ᭄ᬥᬵ᭞ᬫᬦᬸᬚᬸᬳᬂᬕ᭠ᬮᬂᬓᬗᬶᬦ᭄᭞ᬲᬹᬃᬬ᭄ᬬᬩᬸᬮᬦᬾᬫᬓᭂᬲ᭄ᬬᬃ᭞ᬭᬶᬂᬫᬸᬜ᭄ᬘᬸᬓ᭄ᬕᬸᬦᬸᬂᬋᬜ᭄ᬚᬦᬶ᭞ᬳᬮᬂᬗ᭄ᬩᭂᬓᬶᬦ᭄ᬕᬸᬫᬶ᭞ᬲᬵ
ᬮᬜ᭄ᬚᬕᬢᬾᬍᬩᬸᬃ᭞ᬤᬤᭀᬲ᭄ᬧᬭᬫᬲᬸᬓ᭞ᬯ᭄ᬢᬸᬇᬤᬧᬾᬫᬗᬯᬶ᭞ᬫᬗᬸᬘᬧᬂᬢᬶᬗ᭄ᬓᬄᬓᬃᬬ᭄ᬬᬤᬾᬯ᭄ᬯᬵᬬᬚ᭄ᬜᬵ᭟ᬦᬵᬗ᭄ᬳᬶᬂᬤᬯᭂᬕ᭄ᬲᬶᬦᬫ᭄ᬧᬸᬭᬵ᭞ᬳᬶᬢᭂᬫ᭄ᬩᬢ᭄᭞ᬳᬳᬩᭂᬢ᭄ᬭᬶᬭᬶᬄ᭞ᬧ
ᬗ᭄ᬓᬗᬃᬬ᭄ᬬᬕᬕᭂᬦ᭄ᬤᬶᬗᬦ᭄᭞ᬓᬾᬯᬦ᭄ᬢᭂᬦ᭄ᬲᬶᬤ᭄ᬥᬫᬗᬭᬶᬓ᭄᭞ᬧᬶᬮᬶᬄᬯᬦ᭄ᬢᭂᬦ᭄‌ᬲᬶᬄᬯᬶᬤ᭄ᬥᬶ᭞ᬜᬶᬤᬬᬂᬗᬦ᭄ᬢᬲ᭄ᬫᬫᬸᬧᬸᬄ᭞ᬫᬦᬹᬢ᭄‌ᬲ᭄ᬯᬭᬯ᭄ᬬᬜ᭄ᬚᬦ᭞ᬫᬗ᭄ᬥᬾᬯᬾᬦ᭄ᬢᭂᬦ᭄᭞
ᬗ᭄ᬕᬦ᭄ᬧᬓᬾᬮᬶᬂ᭞ᬍᬕᬦ᭄ᬫᬦᬄᬕᭂᬦ᭄ᬤᬂᬕᭂᬦ᭄ᬤᬶᬂᬫᬓᬭᭀᬦᬦ᭄᭟ᬢᬼᬩ᭄ᬳᬶᬗᭂᬢ᭄ᬫᬗ᭄ᬭᬲᬬᬂ᭞ᬲᬸᬰ᭄ᬭᬸᬲᬦ᭄ᬚᬕᬢᬾᬩᬓ᭄ᬢᬶ᭞ᬭᬶᬂᬳᬶᬤᬭᬚᬤᬾᬯ᭄ᬯᬢ᭄ᬣ᭞ᬤᬯᬕᬸᬂᬕ᭄ᬥᬾᬡ᭄ᬝᬶᬓ᭄᭞
[᭒ 2A]
ᬫᬶᬮᬸᬧᬶᬦᬸᬚᬶᬧᬸᬚᬶ᭞ᬲᬫᬤᬦᬵᬤᬃᬫ᭄ᬫᬵᬦᬸᬮᬸᬲ᭄᭞ᬫᬯᬦᬦ᭄ᬓᬩᬶᬦᬯ᭞ᬧ᭄ᬭᬘᬶᬳ᭄ᬦᬦ᭄‌ᬚᬕᬢᬾᬲᬫᬶ᭞ᬫᬩᬭᬶᬬᬸᬓ᭄ᬱᬗ᭄ᬕᬸᬧ᭄ᬢᬸᬮᬸᬂᬗᬺᬫ᭄ᬩᬓᬃᬬ᭄ᬬ᭟ᬫᬮᬶᬄᬯᬮᬶᬦᬶᬜ᭄ᬚᬯᬧᬂ᭞ᬭ
ᬳᬶᬦᬦᬾᬢ᭄ᬥᬸᬦ᭄ᬜᬦᬶ᭞ᬆᬗ᭄ᬕᬭᬵᬓ᭄ᬮᬶᬯᭀᬦ᭄ᬫᬤᬱ᭄ᬬ᭞ᬢᬗ᭄ᬕᬮ᭄ᬧᬮᬶᬫᭀᬮᬲ᭄‌ᬯ᭄ᬬᬓ᭄ᬢᬶ᭞ᬰᬰᬶᬄᬲᬤ᭄ᬥᬵᬦ᭄ᬫᭀᬦᬶᬦ᭄᭞ᬇᬰᬓᬵᬲ᭄ᬬᬸᬳᬸᬮᬸᬗᬢᬸᬲ᭄᭞ᬦᬗ᭄ᬕᬸᬲᬾᬓᭂᬢ᭄ᬳᬰᬶᬬ᭞
ᬳ᭄ᬬᬕᭂᬄᬯᬃᬰᬦᬶᬂᬪᬸᬫᬶ᭞ᬲᬓᬶᬂᬢᬺᬱ᭄ᬡᬫᬓᬾᬄᬭᬯᬸᬄᬲᬦᬾᬗᬬᬄ᭟ᬳᬶᬤᬤᬦᬾᬧᬭᬵᬫᬾᬦᬓ᭄᭞ᬫᬓᬲᬶᬧᬭᬵᬲᬸᬮᬶᬗ᭄ᬕᬶᬄ᭞ᬲᬓᬸᬳᬸᬫ᭄‌ᬳᬫ᭄ᬮᬦ᭄ᬕᬭ᭞ᬲᬕᬺᬳ
ᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬲᬫᬶᬢᬕᭂᬦ᭄ᬫᬭᬤᬗᬶᬦ᭄᭞ᬗᬬᬄᬓᬲᬸᬘ᭄ᬙᬷᬫᬦᬸᬕᬸᬃ᭞ᬫᬓᬃᬬ᭄ᬬᬲᬲᬗᬦ᭄᭞ᬲᬧᬦᬶᬲ᭄ᬓᬭᬦᬶᬂᬲᬸᬘ᭄ᬙᬶ᭞ᬢᬦ᭄ᬫᬗᬾᬢᬂᬗᬵᬦ᭄ᬢᬸᬬᬸᬄᬫᬧᬸᬕᬮ [ 3 ][᭒ 2B]
᭒
᭟ᬓᬮᬶᬄᬲᬦᬾᬫᬳᬢᬸᬭᬦ᭄᭞ᬢ᭄ᬩᭂᬂᬧᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬲᬫᬶᬫᬫᬓᬾᬄᬫᬓᬾᬳᬦ᭄᭞ᬫᬳᬢᬸᬭᬦ᭄ᬩ᭄ᬭᬲ᭄ᬧᬶᬧᬶᬲ᭄᭞ᬩᬯᬶᬜᬸᬄᬫᬶᬯᬄᬓᬫ᭄ᬩᬶᬂ᭞᭙ᬮᬩᬸᬗ᭄ᬓᬸᬄᬓᬘᬂᬢᬮᬸᬄ
ᬫ᭄ᬯᬄᬓ᭄ᬩᭀᬓᬮᬶᬄᬥᬰ᭞ᬩᬯᬶᬢᬶᬕᬂᬳᬢᬸᬲ᭄ᬯᬶᬚᬶ᭞ᬓᬤᬶᬕᭂᬦ᭄ᬢᬸᬄᬳᬢᬸᬭᬦᬾᬫᬳᭂᬫ᭄ᬩᬳᬦ᭄᭟ᬲᬦᬾᬗᬯᬶᬢ᭄ᬫᬳᬢᬸᬭᬦ᭄᭞ᬫᬗ᭄ᬕᬮᬵᬫᬓᬓᬓᬶᬢᬶ᭞ᬫᬯᬵᬱ᭄ᬝᬳᬶᬯ
ᬬᬦ᭄ᬢᬸᬲᬦ᭄᭞ᬢᬗ᭄ᬓᭂᬧᬾᬢᬫ᭄ᬫᬦᬓᬶᬭᬶᬂ᭞ᬜᬦ᭄ᬤᬂᬲᬶᬦᬩᬾᬂᬧᬸᬭᬷ᭞ᬤᬤᭀᬲ᭄ᬓᬮ᭄ᬬᬸᬂᬤᬾᬰᬢᬸᬫ᭄ᬩᬸ᭞ᬭᬸᬧᬩᬕᬸᬲ᭄ᬩᬶᬭᬫ᭞ᬧᬦ᭄ᬢᭂᬲ᭄ᬓᬧᬮᬦ᭄ᬧ᭄ᬭᬚᬸᬭᬶᬢ᭄᭞ᬬᬦ᭄ᬲᬯᬗᬂᬫᬳᬶ
ᬦᬩ᭄ᬤᬶᬂᬧᬢᬶᬂᬢᬸᬩᬦ᭄᭟ᬢ᭄ᬯᬶᬜᬦ᭄ᬤᬂᬓᬧᬃᬘ᭄ᬙᬬ᭞ᬗᬦ᭄ᬢᬶᬦᬶᬦ᭄ᬫᬳᬬᬸᬕᬸᬫᬶ᭞ᬓᬚᬯᬢ᭄ᬤᬤᭀᬲ᭄ᬮᬶᬤᭂᬦ᭄ᬭᬦ᭄᭞ᬲᬢᬸᬗ᭄ᬕᬶᬮ᭄‌ᬢᬦ᭄ᬢᭂᬦ᭄ᬧᭂᬃᬳᬤ᭄ᬭᬶᬂ᭞ᬳᬓᬾᬄᬲᬶᬸᬫᬶᬸᬗᬫᬶᬚᬶᬮᬂ
[᭓ 3A]
ᬳᬶᬦ᭄ᬤᬶᬓ᭄᭞ᬦᬾᬜᬦ᭄ᬤᬂᬧᬘᬂᬧᬶᬢᬸᬭᬸᬢ᭄᭞ᬫᬓᬃᬬ᭄ᬬᬮ᭄ᬕᬦ᭄ᬚᬕᬢ᭄᭞ᬳᬸᬧᬚᬶᬯᬦᬶᬂᬦᬕᬭᬶ᭞ᬚᬢᬶᬳᬦᬸᬢ᭄᭞ᬧᬦᬓᬾᬗᬚᬂᬫᬩ᭄ᬗᬦ᭄᭟ᬫᬯᬱ᭄ᬝᬦᬶᬮᬸᬄᬕ᭄ᬬᬜᬃ᭞ᬭᬸᬧᬦᬾ
ᬲ᭄ᬮᬾᬄᬗᬾᬤᬦᬶᬦ᭄᭞ᬢᬩᬸᬳᬾᬮᬕᬲ᭄ᬲᬃᬚᬯᬵ᭞ᬧᬗᬸᬦᬧᬾᬫᬸᬮᬸᬓ᭄ᬩᬗ᭄ᬓᬶᬢ᭄᭞ᬧᬮᬶᬬᬢ᭄ᬜᭂᬜᭂᬃᬫᬦᬶᬲ᭄᭞ᬲᬲᭀᬮᬄᬗ᭄ᬕᬯᬾᬳᬸᬮᬗᬸᬦ᭄᭞ᬓᬦ᭄ᬢᭀᬲ᭄ᬭᬯᬸᬄᬓᬚᬯ᭞ᬓ
ᬧᬶᬦᬂᬗᬶᬕᭂᬮ᭄ᬫᬫ᭄ᬩᬭᬶᬲ᭄᭞ᬢ᭄ᬯᬶᬚᬲᬸᬫ᭄ᬩᬸᬂᬧᬶᬦ᭄ᬢᭂᬍᬧᬲᬦ᭄ᬲᬓᭀᬮᬄ᭟ᬤ᭄ᬯᬦᬶᬂᬫᬓᬾᬄᬳᬮᬫᬮᬫ᭄᭞ᬫᬦᬄᬫᬳᬦᬓᬾᬫᬩᬮᬶᬄ᭞ᬦᬩ᭄ᬭᬦ᭄ᬢᬾᬓᬦ᭄ᬤᬤᭀᬲ᭄ᬮᬮ᭄ᬬᬂ᭞
ᬓ᭞ᬦ᭄ᬢᬵᬲ᭄ᬯᬾᬦ᭄ᬢᭂᬦ᭄ᬳᬶᬧᬶᬢ᭄ᬗᬶᬧᬶᬢ᭄ᬗᬶᬧᬶ᭞ᬫ᭄ᬭᬲᬓᬭᬶᬫᬩᬮᬶᬄ᭞ᬧᭀᬮᬶᬄᬫᬦᬫ᭄ᬧᭂᬓ᭄ᬫᬢᬫ᭄ᬧᬸᬄ᭞ᬯᬶᬭᬾᬄᬲᬓ᭄ᬱᬢ᭄ᬲᬗ᭄ᬲᬗᬦ᭄᭞ᬬᬤᬶᬦ᭄ᬲᬮᬸᬮᬶᬦ᭄ᬫᬫᬸᬢ᭄ᬭᬷ᭞ᬲᬬᬦ᭄ᬳᬦᬸ [ 4 ][᭓ 3B]
᭓
ᬢ᭄‌ᬫᬸᬮᬚ᭄ᬕᬾᬕ᭄ᬗᬬᬂᬗᬬᬂ᭟ᬯᬯᬸᬤᬲ᭄ᬦᬶᬜ᭄ᬘᬧ᭄ᬦᬕᬭ᭞ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬲᬾᬰᬢᬸᬫ᭄ᬩᬸᬦᬾᬲᬕᬺᬳᬦ᭄᭞ᬮᬸᬄᬫ᭄ᬯᬦᬶᬳᬮᬶᬢ᭄ᬓᭂᬮᬶᬄ᭞ᬚᬚᬃᬳᭂᬫ᭄ᬧᬢ᭄ᬫᬩᬭᬶᬲ᭄᭞
ᬗᬧᬹᬧᬶᬦ᭄ᬕᭀᬗᬾᬫᬘ᭄ᬕᬸᬃ᭞ᬲᬫᬶᬗᬫᬸᬓᬶᬦ᭄ᬧᬬᬲ᭄᭞ᬫᬲ᭄ᬓᬃᬫᬍᬗᬶᬲ᭄ᬫᬳᬶᬓ᭄᭞ᬤᬯᬸᬄᬢᬶᬕᬵᬲᬵᬫ᭄ᬧᬸᬦᬧᬓ᭄ᬭᬶᬂᬧᬶᬬᬚ᭄ᬜᬦ᭄᭟ᬗᬚᬢ᭄ᬭᬓᬫᬗ᭄ᬕᬮ᭞ᬤᬾᬯ᭄ᬯᬵᬕᬸᬂ
ᬕ᭄ᬟᬾᬚ᭄ᬮᬡ᭄ᬝᬶᬓ᭄᭞ᬲᬃᬚ᭄ᬚᬯᬜᬧᬜᬫ᭄ᬩ᭄ᬭᬫ᭞ᬦᬵᬫ᭄ᬧᬶᬳᬢᬸᬭᬦᬾᬲᬫᬶ᭞ᬲᬫᬢ᭄ᬭᬓᬢ᭄ᬭᬶᬲ᭄ᬢᬶᬲᬶᬦ᭄᭞ᬭᬶᬂᬳᬾᬃᬕᬶᬮᭀᬫᬶᬳᬶᬓ᭄ᬜᬂᬕ᭄ᬮᬸᬄ᭞ᬫᬯᬶᬦᬦ᭄ᬲᬫᬶᬳᬾᬕᬃ᭞ᬳ᭄ᬮᬸᬄᬫ᭄ᬯᬦᬶ
ᬳᬮᬶᬢ᭄ᬓᭂᬮᬶᬄ᭞ᬲᬫᬶᬩᬗᬸᬦ᭄ᬭᬦ᭄ᬢᬩᬦᬢᬓᬂᬮᬶᬫᬵ᭚᭐᭚ᬧᬗ᭄ᬓᬸᬃ᭚᭐᭚ᬧᬗ᭄ᬓᬸᬃᬳᬗ᭄ᬕᬾᬦ᭄ᬧᬗᭂᬦᭀᬲ᭞ᬫᬗᬸᬘᬧᬂᬳᬢᬸᬭᬦ᭄ᬧᬸᬗ᭄ᬕᬯ᭄ᬯᬵᬲᬫᬶ᭞ᬭᬳ᭄ᬭᬶᬂᬓᬺᬢ᭄ᬣᬲ᭄ᬟ
[᭔ 4A]
ᬳᬦ᭄ᬳᬕᬸᬂ᭞ᬲᬫᬶᬲᬓᬾᬂᬲᬸᬰ᭄ᬭᬸᬲᬵ᭞ᬗᬓ᭄ᬢᬶᬮᬾᬤᬂᬗᬢᬸᬭᬂᬲ᭄ᬟᬦᬵᬦᬸᬮᬸᬂ᭞ᬱᬘᬂ᭠ᬧᬤᬕᬶᬗᬓ᭄ᬬᬚ᭄ᬜ᭞ᬲ᭄ᬮᬓᬲᬢᬓ᭄ᬱᬾᬓᭂᬢ᭄ᬭᬶᬗ᭄ᬕᬶᬢ᭄᭟ᬯ᭄ᬓᬲ᭄ᬳᬦ᭄ᬢᬸᬓ᭄ᬫᬗ᭄ᬭᬲᬬᬂ᭞ᬫᬜᬸᬓ᭄ᬱ᭄ᬫ
ᬬᬂᬜᬶᬫ᭄ᬧᭂᬦ᭄ᬭᬚ᭄ᬭᭀᬦᬶᬳᬢᬶ᭞ᬤᬾᬦᬶᬂᬲᬜ᭄ᬚᬕᬢ᭄ᬗᭂᬢᬸᬄ᭞ᬢᬍᬃᬲᬶᬤ᭄ᬟᬫᬬᬱ᭞ᬢ᭄ᬯᬶᬓᬯᬢᭂᬓ᭄ᬳᬚ᭄ᬜᬦ᭄ᬲᬂᬫᬭᬕᬳ᭄ᬬᬸᬦ᭄᭞ᬦᬾᬫᬸᬗ᭄ᬕᬄᬓᬮᬶᬗ᭄ᬕ᭠
ᬬᬚ᭄ᬜ᭞ᬭᬵᬚᬤᬾᬯ᭄ᬯᬵᬢ᭄ᬣᬤᬾᬯ᭄ᬯᬵᬢ᭄ᬣᬷ᭟ᬓᬮᬶᬄᬮ᭄ᬕᬦᬾᬫᬤᬤ᭄ᬬ᭞ᬫᬲᬯᬶᬢ᭄ᬭᬫᬓᬤ᭄ᬟᬶᬗᬗ᭄ᬕᬾᬗᬸᬲ᭄ᬢᬶ᭞ᬳᬶᬤᬾᬯᬾᬓ᭄ᬦᬾᬫᬸᬤᬚᬸᬕᬸᬮ᭄᭞ᬓᬢᬸᬦᬦ᭄ᬬᬰ
ᬥᬃᬫ᭄ᬫ᭞ᬲᬓᬾᬯᬦ᭄ᬢᭂᬦ᭄ᬫᬤᬲᬃᬇᬤᭂᬧ᭄ᬭᬳᬬᬸ᭞ᬳᬗ᭄ᬕᬾᬦ᭄ᬗᬮ᭄ᬕᬦᬶᬦ᭄ᬢᬶᬫ᭄ᬧᬮ᭄᭞ᬦᬢᬓ᭄ᬱ᭄ᬯᬘ᭄ᬙᬦ᭄ᬲᬗ᭄ᬕ᭄ᬬᬂᬯᬶᬤ᭄ᬟᬶ᭟ᬗ᭄ᬭᬭᬶᬲ᭄ᬦᬾᬦ᭄ᬢᭂᬦ᭄ᬫᬶᬤᭂᬧ᭄‌ᬕ᭄ᬦᬧ᭄᭞ᬲᬓᬶᬕ᭄‌ᬯᬯᬸᬧᬢ᭄ᬥᬸ [ 5 ][᭔ 4B]
᭔
ᬦᬦᬾᬜᬸᬘᬶ᭞ᬲ᭄ᬮᬶᬤ᭄‌ᬲᭀᬭᬾᬳᬓᬾᬄᬭᬯᬸᬄ᭞ᬳᬦᬓᬾᬫᬳᬢᬸᬭᬦ᭄᭞ᬲᬫᬶᬫᬯᬲᬩᬶᬮᬂᬤᬾᬰᬫᬧᬳᬸᬫ᭄᭞ᬓ᭄ᬭᬫᬤᬤ᭄ᬬᬓ᭄ᬭᬫᬩᬜ᭄ᬚᬃ᭟ᬧᬳᬸᬫᬦ᭄‌ᬫ᭄ᬯᬄᬫᬸᬭᬶᬤ᭄ᬫᬸᬭᬶᬤ᭄᭟ᬳᬓ
ᬲᬾᬄᬬᬬᬤᬶᬦ᭄ᬧᬗ᭄ᬮᬸᬭᬄ᭞ᬧᬺᬩᬦ᭄ᬫᬶᬲ᭄ᬢᭂᬃᬫᬓᬲᬶᬚᬸᬭᬸᬢᬸᬮᬶᬲ᭄᭞ᬫᬓᬫᬶᬯᬄᬕᬸᬭᬸᬕᬸᬭᬸ᭞ᬭᬢ᭄ᬯᬦᬶᬂᬕᬫᬳᬶᬲ᭄ᬮᬫ᭄᭟ᬧᬦ᭄ᬤᬶᬭᬶᬬᬦ᭄‌ᬫᬓᬤᬶᬜᬧᬋᬯᬶᬓᬸ᭞ᬲᬫᬶᬫᬩᬶᬦ
ᬬᬦ᭄ᬲᭀᬮᬄ᭞ᬓᬓᭂᬦ᭄ᬢᬦᬾᬂᬓᬳᬧᬶᬓᬶᬦ᭄᭟ᬯᬾᬦ᭄ᬢᭂᬦ᭄ᬫᬧᬧᬸᬘᬸᬓ᭄ᬢᬸᬫ᭄ᬩᬓ᭄᭞ᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬧᬗᬋᬧ᭄‌ᬘᬦᬂᬲᬭᬷ᭞ᬩᬭᬶᬲ᭄ᬧᬤ᭄ᬧᬶᬦ᭄ᬤᭂᬃᬕᭀᬂᬢᬫ᭄ᬩᬸᬃ᭞ᬲᬫᬶᬗᬧᬶᬓᬶ
ᬦ᭄ᬢᬦ᭄ᬤᬂ᭞ᬭᬶᬂᬫᬃᬕ᭄ᬕᬶᬦᬾᬫᬧᬦ᭄ᬢᭂᬧᬦ᭄ᬢᭂᬫᬳᬢᬸᬃ᭞ᬫᬭᬾᬭᭀᬤ᭄ᬫᬩ᭄ᬮᬢ᭄ᬩᭂᬮᬢ᭄᭞ᬫᬧᭀᬳᭀᬲ᭄ᬦᬾᬮᬸᬄᬫ᭄ᬯᬦᬶ᭟ᬯᬯᬸᬧᬢᬸᬂᬭᬳᬶᬦᬢᬶᬫ᭄ᬩᬮ᭄᭞ᬲᬕᬺᬳᬦ᭄ᬮᬸᬄᬫ᭄ᬯᬦᬶᬳᬮᬶᬢ᭄ᬓᭂᬮᬶᬄ᭞
[᭕ 5A]
ᬲᬓᬶᬂᬢᭂᬫ᭄ᬩᬾᬕᬵᬧ᭄ᬮᬤᬸᬂ᭞ᬤᬯᬸᬱᬩᬜ᭄ᬚᬃᬲᬸᬓᬺ᭞ᬫ᭄ᬯᬂᬩᬸᬓ᭄ᬧᬤ᭄ᬟᬵᬩᬜ᭄ᬚᬃᬘ᭄ᬮᬕᬶᬩᬜ᭄ᬚᬃᬤᬸᬮᬸ᭞ᬧᬶᬦᬶᬄᬳᬓᬾᬄᬫᬳᬢᬸᬭᬦ᭄᭞ᬤᬦᬾᬕᬸᬲ᭄ᬢᬶᬕ᭄ᬟᬾᬳᬡ᭄ᬝᬶᬓ᭄᭟ᬲᬭᬳᬸᬳᬾᬭᬶᬂᬧ᭄ᬬᬚ᭄ᬜ
ᬦ᭄᭞ᬳᬢ᭄ᬭᬶᬫᬭᬶᬂᬤᬾᬯ᭄ᬯᬕᬸᬂ᭞ᬕ᭄ᬟᬚ᭄ᬮᬡ᭄ᬝᬶᬓ᭄᭞ᬢᬦᬸᬘᬧᭂᬦ᭄ᬲᬬᬦ᭄ᬭᬯᬸᬄ᭞ᬳᬓᬾᬄᬦᬾᬦᬫᬳᬢᬸᬭᬦ᭄᭞ᬦᬾᬧᬫ᭄ᬓᬲ᭄‌ᬗᬗᭀᬩᬶᬦ᭄ᬢᬦ᭄ᬫᬳᬵᬲᬭᬸ᭞ᬲᬸᬭᬵᬢ᭄ᬩᭂᬦ᭄ᬤᬾᬭᬦᬾᬲᬫᬃ᭞ᬫ
ᬳᬶᬦᬩ᭄‌ᬯᬦ᭄ᬢᬄᬫᬤᬕᬶᬂ᭟ᬯᬯᬶᬓᬦ᭄ᬢᭂᬦᬶᬦ᭄‌ᬢ᭄ᬟᬲᬂ᭞ᬓᬾᬗᬶᬦ᭄ᬢᬶᬗ᭄ᬕᬃᬯᬂᬓᬺᬢ᭄ᬣᬲ᭄ᬳᬮᬶᬢ᭄ᬳᬮᬶᬢ᭄᭞ᬚᬶᬮᬶᬫᬂᬭᬸᬧ᭄ᬬᬄᬳᬢᬸᬗ᭄ᬕᬸᬮ᭄᭞ᬤ᭄ᬯᭂᬕ᭄ᬫᬓᬃᬬ᭄ᬬᬢᬯᬄ᭞ᬫᬗ᭄ᬟᬾᬯᬾᬦ᭄ᬢᭂᬦ᭄ᬳᬶᬮᬗᬂᬭ
ᬯᬸᬄᬓᬧᬸᬗ᭄ᬓᬸᬃ᭞ᬳᬢᬸᬭᬦᬾᬫᬉᬢᬫ᭞ᬳᬶᬤᬤᬾᬯ᭄ᬯᬵᬕ᭄ᬟᬾᬳᬮᬶᬢ᭄᭟ᬳᬗ᭄ᬮᬸᬭᬄᬭᬶᬂᬩᬢᬸᬳᬬ᭞ᬲᬢ᭄ᬭ᭄ᬬᬤᬍᬫ᭄‌ᬫᬸᬮᬫᬯᬗ᭄ᬰᬢᬶᬗ᭄ᬕᬶ᭞ᬭᬯᬶᬬᬶᬂᬳᬢᬸᬭᬦᬾᬳᬦᬸᬢ᭄᭞ [ 6 ][᭕ 5B]
᭕
ᬢ᭄ᬯᬶᬜᬦ᭄ᬤᬂᬲᬸᬓ᭄ᬱ᭄ᬫᬬᬂ᭞ᬦᬾᬓᬧᬜ᭄ᬘᭂᬃᬩᬦ᭄ᬧᬤ᭄ᬧᬶᬦ᭄ᬤᭂᬃᬤᬤᭀᬲ᭄ᬢᬸᬗ᭄ᬕᬸᬮ᭄᭞ᬯᬶᬮᬂᬫᬓᬭᭀᬭᬲ᭄ᬩᬶᬤᬂ᭞ᬓᬾᬗᬶᬦ᭄‌ᬚᬶᬧᬢ᭄ᬮᬶᬓᬸᬃᬭᬶᬗ᭄ᬕᬶᬢ᭄᭟ᬤᬾᬰᬲ᭄ᬭᬬᬦᬾᬫᬦᬶᬫ᭄ᬩᬮ᭄᭞ᬫᬳᬢᬸ
ᬭᬦ᭄ᬗᬢᬸᬭᬂᬩ᭄ᬭᬲ᭄ᬧᬶᬧᬶᬲ᭄᭞ᬫᬶᬭᬶᬗᬦ᭄ᬕᭀᬂᬢᬶᬕᬂᬩᬭᬸ᭞ᬳᬶᬗᬦᬦ᭄ᬲᬋᬂᬤᭀᬫᬲ᭄᭞ᬮᬸᬄᬫ᭄ᬯᬦᬶᬫᬧᬬᬲ᭄ᬗᬗ᭄ᬕᬾᬮᬸᬳᬸᬂ᭞ᬢᬗ᭄ᬓᭂᬧᬾᬕᬕᬄᬩᬶᬭᬫ᭞ᬩᬭᬶᬲ᭄‌ᬧᭀᬮᬾᬂᬦᬾᬗᬧ
ᬧᬶᬦ᭄᭟ᬢ᭄ᬯᬶᬫᬸᬮᬲᬓᬶᬂᬓᬸᬦ᭞ᬓᬧᬃᬘ᭄ᬙᬬᬤᬤᭀᬲ᭄‌ᬯᬢᭂᬓ᭄ᬧ᭄ᬭᬚᬸᬭᬶᬢ᭄᭞ᬲᭀᬮᬶᬸᬢᬦᬶᬫᬸᬮᬧᬧᬤᬸ᭞ᬫᬫᬂᬩᬦ᭄ᬤᬾᬱᬲ᭄ᬭᬬ᭞ᬓᬦ᭄ᬢᭀᬲ᭄ᬫᬗ᭄ᬓᬶᬦ᭄ᬢᬺᬱ᭄ᬡᬩᬓ᭄ᬢᬶᬦᬾ
ᬫᬦᬸᬮᬸᬲ᭄᭞ᬳᬶᬕᬾᬗ᭄ᬲᭀᬄᬦᬾᬓᬫᬗ᭄ᬕᬮ᭞ᬭᬶᬂᬲ᭄ᬭᬬᬫᬺᬩ᭄ᬓᭂᬮᬶᬦ᭄᭟ᬲᬵᬫ᭄ᬧᬸᬦᬧᬓ᭄ᬭᬶᬂᬧ᭄ᬬᬚ᭄ᬜᬦ᭄᭞ᬲᬬᬦ᭄ᬭᬫᬾᬲ᭄ᬯᬭᬦ᭄‌ᬳ᭄ᬕᭀᬗᬾᬢᬭᬶᬓ᭄᭞ᬩ᭄ᬘᬶᬓᬩᬭᬗᬶᬦ᭄ᬢᬫ᭄ᬩᬸᬃ
[᭖ 6A]
᭞ᬢᬩᬸᬳᬾᬕᬕᬶᬮᬓᬦ᭄᭞ᬢᬸᬃᬓᬮᬸᬓᬢ᭄‌ᬳᬢᬸᬭᬦ᭄ᬓᬭᬶᬫᬲᬸᬳᬸᬦ᭄᭞ᬧᬸᬧᬸ᭠ᬢ᭄ᬲᬲᬫ᭄ᬧᬸᬦ᭄ᬓᬢ᭄ᬭᬶᬫ᭞ᬭᬶᬂᬤᬾᬯ᭄ᬯᬵᬕᬸᬂᬕ᭄ᬟᬾᬚ᭄ᬮᬡ᭄ᬝᬶᬓ᭄᭟ᬭᬭᬶᬲ᭄ᬭᬢᬓᬲᬫ᭄ᬩ᭄ᬭᬫᬵ᭞ᬳᬦ᭄ᬢᬸᬓ᭄
ᬧᬾᬦ᭄ᬤᬾᬃᬫᬓᭀᬫ᭄ᬧᬳ᭄ᬜᭂᬂᬫᬶᬳᬶᬓ᭄᭞ᬢᬹᬃᬓᬶᬘ᭄ᬙᬾᬦ᭄ᬗᬶᬦᭂᬫ᭄ᬲᬦ᭄ᬢ᭄ᬭᬸᬧ᭄᭞ᬯᬾᬦ᭄ᬢᭂᬦ᭄ᬫᬗᬸᬦᭂᬫ᭄ᬢᬸᬯᬵᬓ᭄᭞ᬫᬳᬤᬸᬓᬦ᭄ᬳᬫ᭄ᬩᬸᬦ᭄ᬫᬶᬳᬶᬓᬾᬭᬶᬧ᭄ᬮᬸᬄ᭞ᬓᬳᬗ᭄ᬲᭂᬲᬵᬦ᭄ᬢ᭄ᬯᬓ᭄ᬯᬬᬄ᭞ᬍᬓᭂᬢ᭄ᬳ᭠
ᬫ᭄ᬩᬦᬾᬢᬦ᭄ᬲᬶᬧᬶ᭚᭐᭚ᬤᬹᬃᬫ᭄ᬫ᭚᭐᭚ᬢᭂᬫ᭄ᬩᬂᬤᬹᬃᬫ᭄ᬫᬳᬗ᭄ᬕᬾᬦ᭄ᬫᬮᬶᬄᬫᬗᬸᬘᬧᬂ᭞ᬲᭀᬭᭀᬄᬕᬫᬵᬫᬸᬲ᭄ᬮᬶᬫ᭄᭞ᬭᬯᬸᬄᬫᬳᬢᬸᬭᬦ᭄᭞ᬫᭂᬫ᭄ᬩᬄᬗ᭄ᬩᭂᬓᬶᬦ᭄ᬫᬃᬕ᭄ᬕᬵ᭞ᬮᬸᬄᬫ᭄ᬯᬦᬶᬳ
ᬮᬶᬢ᭄ᬓᭂᬮᬶᬄ᭞ᬲᬫᬶᬫᬧᬬᬲ᭄᭞ᬩᬸᬗᬄᬲᬮᬶᬂᬮᬶᬗ᭄ᬕᬾᬦᬶᬦ᭄᭟ᬓᬭᬂᬮᬗ᭄ᬓᭀᬓᬭᬂᬲᭀᬓᭀᬂᬢ᭄ᬮᬕᬫᬲ᭄᭞ᬳᬫ᭄ᬧᬾᬮ᭄ᬓᬭᬂᬢᭀᬄᬧᬢᬶ᭞ᬩᬗ᭄ᬕ᭄ᬭᬗᬶᬦ᭄ᬱᬾᬢ᭄ᬭ᭞ᬓ [ 7 ][᭖ 6B]
᭖
ᬘᬶᬘᬂᬫ᭄ᬯᬄᬓ᭄ᬟᭀᬓᬦ᭄᭞ᬓᬭᬂᬢ᭄ᬩᬸᬚᬸᬳᬸᬓ᭄ᬫᬦᬶᬲ᭄᭞ᬬᬵᬳᬸᬚᬸᬂᬤᬾᬰᬫᬶᬯᬄ᭠ᬳᬸᬚᬸᬂᬧᬲᬶᬲᬶ᭟ᬓᬭᬂᬘᬺᬫᬾᬦ᭄ᬓᬭᬂᬜᬸᬮᬶᬂᬩᬸᬓᬶᬢᬩ᭄ᬯᬦ᭄᭞ᬚᬸᬫᬾᬫᬂᬢᬶᬳᬶᬂᬚᬗ᭄ᬓ᭄ᬭᬶᬓ᭄᭞ᬲᬫᬶ
ᬫᬮ᭄ᬬᬦ᭄ᬮ᭄ᬬᬦᬦ᭄‌᭞ᬲᭀᬮᬳᬾᬫᬳᬢᬸᬭᬦ᭄᭞ᬦᬵᬗ᭄ᬳᬶᬂᬫᬩ᭄ᬭᬶᬬᬸᬓ᭄ᬳᬯᬳᬶ᭞ᬫᬧ᭠ᬦ᭄ᬢᬵᬧᬦ᭄ᬢᬵ᭞ᬲᬫᬶᬫᬾᬫᬘᬶᬓᬶᬃ᭟᭞ᬳᬧᬗᬋᬧ᭄ᬳᬦ᭄ᬢᬸᬓ᭄ᬩᬩᬭᬶᬲᬦ᭄ᬭᬸᬥᬢ᭄᭞ᬲᬓᬶᬂᬓᬭᬂᬢᭀ
ᬧᬢᬶᬫᬶᬯᬄᬢ᭄ᬮᬕᬵᬫᬵᬲ᭄᭞ᬓᬭᬂᬲᭀᬓᬾᬂᬧᬫᬸᬦ᭄ᬢᬢ᭄᭞ᬧᬗᬗ᭄ᬕᬾᬦᬾᬲᬼᬫ᭄ᬧᬸᬢᬶᬄ᭞ᬫᬲᭀᬗ᭄ᬓᭀᬩᬭᬓ᭄᭞ᬫᬧᭀᬮᬢ᭄ᬲᬸᬢ᭄ᬭᬓᬸᬦᬶᬂ᭞ᬓ᭄ᬬᬸᬭᬵᬓᬭᬵᬢ
ᬦ᭄ᬤᬗᬾᬳᬩ᭄ᬭᬪᬶᬭᬫᬵ᭞ᬢᬫ᭄ᬫᬢᬦ᭄ᬧᬓᬾᬭᬶᬂ᭞ᬧᬦ᭄ᬢᭂᬲ᭄ᬗᬕᭂᬫ᭄‌ᬧ᭄ᬟᬂ᭟ᬗᬸᬮᬾᬮᬫᬓᬮᬗᬦ᭄᭞ᬭᬾᬄᬯᬯᬸᬳᬸᬲᬦ᭄ᬫᬲᬗᬶᬄ᭞ᬬᬦ᭄ᬳᬸᬧᬫᬬᬂᬫᬶᬦᬩ᭄ᬧᬧᬤᬸᬫ᭄ᬲᬶᬃ᭟
[᭗ 7A]
ᬭᬶᬂᬧᬸᬗ᭄ᬓᬸᬭᬦ᭄ᬮᬸᬄ᭞ᬮᬸᬳᬾᬦᬶᬫ᭄ᬩᬮ᭄ᬫᬫᬃᬕ᭄ᬕᬵ᭞ᬳᬧᬦ᭄ᬢᬵᬩᬚᬸᬓᬸᬦᬶᬂ᭞ᬜᬸᬦ᭄ᬟᬮ᭄ᬩᬚᬸᬩᬭᬓ᭄᭞ᬫ᭄ᬯᬄᬤᬤᬸᬢᬗᬶᬕᬤᬂ᭞ᬲᬼᬫ᭄ᬧ᭄ᬮᬸᬂᬧᬶᬦᬶᬄᬭᬶᬳᬶᬦ᭄᭞ᬳᬯᬶᬦᬦ᭄‌ᬩᬸᬗᬄ᭞ᬫᬃᬕ᭄ᬕᬶᬦᬾᬓ
ᬳᭂᬦ᭄ᬢᬲᬶᬦ᭄᭟ᬲᬫᬶᬩ᭄ᬘᬶᬓᬲ᭄ᬮᬕᬶᬦ᭄ᬕᬕᬫ᭄ᬮᬦ᭄᭞ᬢᬺᬩᬦᬵᬫᬶᬯᬄᬲᬸᬮᬶᬂ᭞ᬢᬫ᭄ᬩᬸᬃᬮ᭠ᬦ᭄ᬓᬘᭂᬫ᭄ᬧ᭄ᬭᬂᬲᬳᬵᬓᭂᬫ᭄ᬩᬂᬘᬭᬡ᭞ᬓᬳᬧᬶᬢ᭄ᬭᬶᬂᬧᬭᬵᬳᬚᬶ᭞ᬲᬓ᭄ᬱᬢ᭄ᬫᬮᬾᬓᬢ᭄᭞ᬲ᭠
ᬓᬶᬂᬫᬾᬢᬮ᭄ᬫᬓ᭄ᬟᬶᬲ᭄᭟ᬲᬫᬶᬢ᭄ᬮᬄᬭᬸᬧᬦᬾᬥᬃᬫ᭄ᬫᬵᬲᬸᬰᬶᬮᬵ᭞ᬳᬦᬹᬢ᭄ᬫᬲᭀᬃᬩᬦ᭄ᬧᬸᬢᬶᬄ᭞ᬧᬸᬧᬸᬲ᭄ᬚᬶᬢᬓ᭄ᬱᬭᬵ᭞ᬢᬫᬢ᭄ᬭᬶᬂᬓᭀᬢ᭄ᬣᬦ᭄ᬓᬄ᭞ᬲᬮ᭄ᬯᬶᬃᬦᬾᬤᬤᭀᬲ᭄ᬳᬚᬶ᭞ᬲᬫᬶ
ᬧ᭄ᬭᬤᬢ᭞ᬦᬧᬓᬂᬕᬫ᭄ᬫᬵᬰᬸᬘᬶ᭞ᬧᬫᬃᬕ᭄ᬕᬶᬦᬾᬩ᭄ᬘᬶᬓ᭄ᬫᬧᬦ᭄ᬢᬵᬧᬦ᭄ᬢᬵᬦᭂᬫ᭄ᬩᬢ᭄᭞ᬭᬫᬾᬗᬶᬤᭂᬭᬶᬦ᭄ᬧᬸᬭᬷ᭞ᬗ᭄ᬭᬭᬶᬲ᭄ᬓᬩᬜ᭄ᬘᬶᬗᬄ᭞ᬗᬭᬜ᭄ᬚᬶᬂᬓᬧ᭄ᬬᬚ᭄ᬜᬦ᭄᭞ᬯᬾᬦᬺᬦ᭄ᬳᬶᬗᬦ᭄ᬧᬶᬢᬸᬂᬩ [ 8 ][᭗ 7B]
᭗
ᬗ᭄ᬲᬶᬢ᭄᭞ᬯᬾᬦ᭄ᬢᭂᬦ᭄ᬫᬫᭂᬜ᭄ᬚᬅ᭄᭞ᬫᬗᬶᬕᭂᬮ᭄‌ᬫ᭄ᬯᬄᬫᬥᬶᬓᬶᬃ᭟ᬲᬭᬯᬸᬳᬾᬭᬶᬂᬧ᭄ᬬᬚ᭄ᬜᬦᬧᬓ᭄ᬗᬫ᭄ᬩ᭄ᬬᬃ᭞ᬭᬯᬸᬄᬧᬤᬡ᭄ᬟᬵᬳᬶᬲ᭄ᬭᬶ᭞ᬫᬓ᭄ᬢᬧᬮᬸᬓᬢᬦ᭄᭞ᬫᬗ᭄ᬮᬸᬓᬢ᭄ᬲᬫ᭄ᬬᬦ᭄᭞ᬲᬯ
ᬢᬺᬲᬤᬶᬭᬶᬤᬶᬭᬶ᭞ᬭᬭᬶᬲ᭄ᬓᬢ᭄ᬭᬶᬫᬵ᭞ᬭᬶᬂᬤ᭄ᬯᬕᬸᬂᬕ᭄ᬟᬾᬚ᭄ᬮᬡ᭄ᬝᬶᬓ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬢᬫ᭄ᬧᬶᬭᬭᬶᬲ᭄ᬓᬲᬶᬭᬫ᭄᭞ᬳᬦ᭄ᬢᬸᬓ᭄ᬧᬾᬦ᭄ᬤᬾᬃᬮᬸᬄᬫ᭄ᬯᬦᬶ᭞ᬮ᭄ᬕᬵᬲᬫᬶᬦᬢᬓ᭄᭞ᬓ᭄ᬜᭂᬫ᭄‌ᬓ᭄ᬟᬾᬓ᭄ᬫ
ᬲᬸᬭᬓ᭄᭞ᬭᬭᬶᬲ᭄ᬓᬢᬫ᭄ᬬᬭᬶᬂᬓᭀᬧᬶ᭞ᬭᬶᬂᬧ᭄ᬬᬚ᭄ᬜᬦ᭄᭞ᬲᬯᬢᬺᬮᬸᬄᬫ᭄ᬯᬦᬶ᭟ᬲᬵᬲᬫ᭄ᬧᬸᬦ᭄ᬧᬸᬧᬸᬢ᭄‌ᬩᬸᬤᬮ᭄ᬯᬾᬦ᭄ᬢᭂᬦ᭄ᬫᬮᬶᬄᬦᬶᬫ᭄ᬩᬮ᭄᭞ᬯᬢᭂᬓ᭄ᬧᬭᬵᬲᬸᬮᬶᬗ᭄ᬕᬶᬄ᭞ᬲᬓᬶᬂᬕ᭄ᬭᬶᬬᬲᬶ
ᬩ᭄ᬢᬦ᭄᭞ᬫᬶᬭᬶᬗᬦ᭄ᬧᬭᬵᬫᬾᬦᬓ᭄᭞ᬳᭀᬓᬭᬩᬶᬮᬦᬂᬳᬶᬲ᭄ᬢ᭄ᬭᬶ᭞ᬲᬫᬶᬫᬧᬬᬲ᭄᭞ᬩᬸᬗ᭄ᬕᬄᬫᬲ᭄ᬓᬃᬫᬶᬳᬶᬓ᭄᭟ᬯᬾᬱ᭄ᬬᬤᬯᬸᬄᬫᬶᬯᬄᬯᬾᬱ᭄ᬬᬩᬸᬭᬄᬫᬩᬮ᭄᭞ᬫᬩ᭄ᬭᬶᬬᬓ᭄ᬱᬫᬶ
[᭘ 8A]
ᬗᬶᬭᬶᬂ᭞ᬭᬯᬶᬂᬩᬩᬜ᭄ᬚᬭᬦ᭄᭞ᬲᬶᬩ᭄ᬢᬦ᭄‌ᬫ᭄ᬯᬂᬚᬸᬗᬸᬢᬦ᭄᭞ᬫᬘᬂᬳᬸᬦ᭄ᬢᬮᬦ᭄ᬬᬄᬓᭀᬭᬶ᭞ᬩᬜ᭄ᬚᬃᬧᬗᬯᬦ᭄᭞ᬬᬾᬄᬩᬸᬗ᭄ᬳᬵᬫ᭄ᬯᬄᬧᬲᬕᬶ᭟ᬫᬓᬮᬗᬦ᭄ᬫᬃᬕ᭄ᬕᬶᬦᬾᬲᬚ᭄ᬭᭀᬦᬶᬂ
ᬓᭀᬢ᭄ᬣ᭞ᬫᬓᭂᬩ᭄ᬬᬃᬓᬤᬶᬝᬝᬶᬢ᭄᭞ᬳᬦ᭄ᬢᬸᬓᬢᬾᬚᬦᬦ᭄᭞ᬧᬗᬗ᭄ᬕᬾᬦ᭄ᬦᬾᬫᬵᬢᬸᬭᬦ᭄᭞ᬫᬢᬸᬭᬸᬢ᭄ᬲᬮᬶᬂᬮᬶᬫ᭄ᬧᬤᬶᬦ᭄᭞ᬫᬢᭂᬓᬂᬓ᭄ᬮᬢ᭄᭞ᬜᬶᬳ᭄ᬦᬬᬂᬰ᭄ᬭᬸᬱᬩᬓ᭄ᬢᬶ᭟ᬓᬩᬶᬦ
ᬯᬢᬶᬗ᭄ᬓᬳᬾᬫᬧᬦ᭄ᬢᬵᬧᬦ᭄ᬢᬵ᭞ᬕᭀᬂᬢᬫ᭄ᬩᬸᬃᬫᬗ᭄ᬮᬵᬕᬶᬦ᭄᭞ᬫ᭄ᬯᬂᬩᬭᬶᬲ᭄ᬩᬦ᭄ᬤᬾᬭᬵ᭞ᬭᬶᬂᬳᬋᬧ᭄ᬚᬚᬃᬳᭂᬫ᭄ᬧᬢ᭄᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬲᬢᬓ᭄ᬟᬶᬭᬶ᭞ᬫᬗᬗ᭄ᬕᬾᬩᬭᬓ᭄᭞ᬫᬓᬮᬸᬂᬲᬸᬢᬺᬓᬸ
ᬦᬶᬂ᭟ᬬᬦ᭄ᬧᬃᬡ᭄ᬦᬬᬂᬫᬶᬦᬩ᭄ᬕᭂᬦ᭄ᬢᬸᬄᬓᭂᬫ᭄ᬩᬄᬫᭂᬫ᭄ᬩᬄ᭞ᬲᬓᬶᬂᬓᬾᬮᬲᬕᬶᬭᬶ᭞ᬩ᭄ᬮᬶᬫ᭄ᬩᬄ᭠ᬓᬧ᭄ᬬᬚ᭄ᬜᬦ᭄᭞ᬓᬓᬢᭂᬃᬭᬶᬂᬧᬡ᭄ᬥᬶᬢᬵ᭞ᬲᬓ᭄ᬱᬢ᭄ᬯᬃᬡ᭄ᬦᬦᬺᬱᬶᬗ᭄ᬮᬗᬶᬢ᭄᭞ᬕᬮᬂᬕᬸᬫᬯᬂ᭞ᬧ᭄ᬬ [ 9 ][᭘ 8B]
᭘
ᬚ᭄ᬜᬦᬾᬧ᭄ᬭᬵᬫᬗ᭄ᬓᬶᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬢᬸᬭᬦᬾᬓᬢᬭᬶᬫᬵ᭞ᬳᬶᬤᬵᬧᬭᬵᬲᬸᬮᬶᬗ᭄ᬕᬶᬄ᭞ᬓᬮᬶᬄᬧᬭᬵᬫᬾᬦᬓ᭄᭞ᬭᬯᬸᬳᬶᬂᬩᬩᬜ᭄ᬚᬭᬦ᭄᭞ᬲᬵᬫ᭄ᬧᬸᬦ᭄ᬓᬲᬫ᭄ᬩ᭄ᬭᬫᬢᬺᬧ᭄ᬢᬶ᭞
ᬲᬧᬦᬶᬲ᭄ᬓᬭᬵ᭞ᬲᬯᬢᬺᬮᬸᬄᬫ᭄ᬯᬦᬶ᭟ᬢᬦᬸᬘᬧᭂᬦ᭄ᬲᬵᬫ᭄ᬧᬸᬦ᭄ᬓᬮᬸᬕ᭄ᬭᬳᬩᬸᬤᬮ᭄᭞ᬩᬾᬜ᭄ᬚᬂᬯᬾᬦ᭄ᬢᭂᬦ᭄ᬗᭂᬦ᭄ᬢᭀᬲᬶᬦ᭄᭞ᬭᬯᬸᬄᬫᬳᬢᬸᬭᬦ᭄᭞ᬓᬳᬸᬫ᭄ᬧ᭄ᬭᬫ᭄ᬓᬮ᭄ᬢᬶᬫ᭄ᬩ᭄ᬭᬄ᭞ᬓᬮᬶ
ᬤᬾᬰᬚᬲᬶᬧ᭄ᬭᬲᬶ᭞ᬩᬸᬕ᭄ᬩᬸᬕ᭄‌ᬫ᭄ᬯᬄᬳᬲᬓ᭄᭞ᬲᬸᬩᬕᬦ᭄ᬤᬾᬰᬜᬋᬗᬶᬦ᭄᭞ᬓ᭄ᬭᬸᬭᬓᬭᬵᬧᬫᬃᬕ᭄ᬕᬶᬫᬓᬦ᭄ᬤᬓᬦ᭄ᬤ᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬓᬮᬶᬄᬢᬮᬶ᭞ᬲᬫᬶᬫᬯᬵᬳᬢᬸᬭᬦ᭄᭞ᬲᬩᬶ᭠
ᬮᬂᬩᬶᬮᬂᬤᬾᬰᬵ᭞ᬤ᭄ᬳᬵᬤ᭄ᬳᬵᬦᬾᬫᬓᬶᬤ᭄ᬟᬶ᭞ᬫᬲ᭄ᬓᬃᬳ᭄ᬫᬲ᭄᭞ᬧᬗᬗ᭄ᬕᬾᬦᬾᬗᬾᬤᬦᬶᬦ᭄᭟ᬲᬫᬶᬩᬸᬗᬄᬫᬧᬗᬋᬧ᭄ᬩᬭᬶᬲ᭄ᬢᬸᬫ᭄ᬩᬓ᭄᭞ᬲᬯᬢᬭᬵᬲ᭄ᬬᬸᬤᬶᬭᬶ᭞ᬫᬮ᭄ᬬᬦ᭄ᬮ᭄ᬬᬦᬦ᭄ᬯᬃᬡ᭄ᬦ
[᭙ 9A]
᭞ᬩᬦ᭄ᬤᬾᬭᬦᬾᬫᬗ᭄ᬭᬜᬩ᭄᭞ᬯᬾᬦ᭄ᬢᭂᬦ᭄ᬩᬭᬓ᭄ᬟᬤᬸᬓᬸᬦᬶᬂ᭞ᬓᬮ᭄ᬬᬕᬕᬤᬂ᭞ᬮ᭄ᬯᬶᬄᬩᬦ᭄ᬤᬾᬭᬵᬓᬸᬫ᭄ᬧ᭄ᬦᬶ᭟ᬯᬤᬄᬩ᭄ᬭᬲᬾᬓᬓᬃᬤ᭄ᬟᬶᬧᬶᬦ᭄ᬤᬵᬦ᭄ᬳᬗ᭄ᬲᬵ᭞ᬮ᭄ᬬᬦ᭄ᬫᬭᬸᬧᬓᬨᬮ᭄ᬕᬧᬶ᭞ᬯᬾᬦ᭄ᬢᭂ
ᬦ᭄ᬓᬨᬮ᭄‌ᬢᬺᬩᬂ᭞ᬚᬸᬓᬸᬂᬫᬓ᭄ᬮᬢ᭄ᬩᬶᬤᬓ᭄᭞ᬲᬂᬕᬭᬹᬥᬫᬫᬸᬘᬸᬓᬶᬦ᭄᭞ᬳᬦᬹᬢ᭄ᬫᬋᬫ᭄ᬩᬢ᭄᭞ᬫ᭄ᬟᬕᬶᬂᬩ᭄ᬭᬲ᭄‌ᬫ᭄ᬯᬂᬭᬶᬗ᭄ᬕᬶᬢ᭄᭟ᬲᬵᬫ᭄ᬧᬸᬦᬧᬓ᭄ᬭᬯᬸᬄᬫᬗ᭄ᬩᭂᬓᬶᬦ᭄ᬓᭀᬢ᭄ᬣ᭞ᬕᬕᬫ᭄ᬮ
ᬦᬾᬢᬭᬶᬓ᭄᭞ᬬᬦ᭄ᬳᬓᬸᬤ᭄ᬟᬂᬩᬩᬢ᭄᭞ᬕᭀᬂᬢᬫ᭄ᬩᬸᬃᬫᬶᬯᬄᬢᬺᬩᬂ᭞ᬫᬶᬦᬩ᭄ᬫᬗᬸᬳᬸᬕᬂᬮᬗᬶᬢ᭄᭞ᬫᬕᬕᬺᬤᭂᬕᬦ᭄᭞ᬲᬸᬭᬓ᭄ᬫᬯᬦ᭄ᬢᬶᬯᬦ᭄ᬢᬶ᭟ᬢᬦᬸᬘᬧᭂᬦ᭄ᬲᬵᬫ᭄ᬧᬸᬦᬧᬓ᭄ᬭᬶᬂ᭠
ᬧ᭄ᬬᬚ᭄ᬜᬦ᭄᭞ᬳᬢᬸᬭᬦᬾᬓᬮᬸᬓᬢᬶᬦ᭄᭞ᬭᬭᬶᬲ᭄ᬓᬢᬭᬶᬫᬵ᭞ᬳᬦ᭄ᬢᬸᬓ᭄ᬱᬂᬭᬚᬧᬸᬢᬺ᭞ᬤᬾᬯ᭄ᬯᬵᬕᬸᬂᬫᬥᬾᬚ᭄ᬮᬡ᭄ᬝᬶᬓ᭄᭞ᬫ᭄ᬯᬄᬫᬤᬾᬓᬭᬂ᭞ᬕ᭄ᬟᬾᬳᭀᬓᬵᬓ᭄ᬢᬸᬢ᭄‌ᬚ᭄ᬮᬡ᭄ᬝᬶ [ 10 ][᭙ 9B]
᭙
ᬓ᭄᭟ᬲᬫᬶᬳᬾᬕᬃᬦᬕᬭᬶᬲ᭄ᬢᬶᬲᬂᬳᬳᬾᬃᬫᬯᬃ᭞ᬳᬫ᭄ᬩᬸᬦᬾᬜᬗ᭄ᬮᬸᬄᬫᬶᬳᬶᬓ᭄᭞ᬫᬗ᭄ᬩᭂᬓᬶᬦ᭄ᬧ᭄ᬬᬚ᭄ᬜᬦ᭄᭞ᬫᬓᭂᬲ᭄ᬬᬄᬫᬳᬶᬫ᭄ᬧᬸᬕᬦ᭄᭞ᬤ᭄ᬳᬵᬦᬾᬚ᭄ᬕᬾᬕ᭄ᬓᬧᬸᬚᬶ᭞ᬓᬦ᭄ᬢᭀᬲ᭄ᬫᬘ
ᬧ᭄ᬘᬧ᭄᭞ᬓᬳᬶᬘ᭄ᬙᬾᬦ᭄ᬫᬶᬜᬓ᭄ᬫᬶᬳᬶᬓ᭄᭟ᬧ᭄ᬭᬩ᭄ᬓᭂᬮ᭄‌ᬓ᭄ᬮ᭄ᬬᬂᬩᬜ᭄ᬚᬭᬾᬗᬋᬧᬂ᭞ᬦᬸᬦᬲ᭄ᬮᬸᬕ᭄ᬭᬳᬵᬫᬧᬫᬶᬢ᭄᭞ᬲᬳᬵᬳᬢᬹᬃᬲᭂᬫ᭄ᬩᬄ᭞ᬳᬍᬧ᭄ᬫᬦᬶᬲᬃᬚ᭄ᬚᬯᬵ᭞ᬲ᭄ᬩᭂᬂᬮ᭄ᬬᬂᬢ᭄ᬓᬾᬂᬳᬢᬶ᭞ᬫ
ᬗ᭄ᬓᬶᬦ᭄ᬲᬹᬓ᭄ᬱ᭄ᬫᬬᬂ᭞ᬳᬸᬦᬧᬂᬭᬶᬂᬧᬗᬯᬶ᭚᭐᭚ᬲᬶᬦᭀᬫ᭄᭚᭐᭚ᬲᬩᬦᬾᬦ᭄ᬤᬶᬦᬓᬶᬂᬓᬃᬬ᭄ᬬ᭞ᬧᬭᬳᬫ᭄ᬢᭂᬦᬭᬾᬦᬗ᭄ᬓᬶᬮ᭄᭞ᬲᬾᬓᬺᬢᬭᬶᬲ᭄ᬓᭀᬫᬂᬮᬬᬂ᭞ᬓᬲ᭄ᬳᭀᬤᭂᬃᬳᬶ
ᬓᭀᬫᬂᬳᬮᬶᬢ᭄᭞ᬳᬶᬢᭂᬢᭂᬲ᭄ᬓᬺᬢ᭄ᬣᬳ᭄ᬮᬸᬤ᭄᭞ᬫᬓᬤᬶᬲ᭄ᬟᬳᬦᬕᬸᬂ᭞ᬓᬮᬶᬄᬧᬭᬵᬧᬸᬗ᭄ᬕᬯᬵ᭞ᬳᭀᬧ᭄ᬲᬾᬢᭂᬃᬫᬦ᭄ᬢ᭄ᬭᬶᬧᬸᬮᬶᬲᬶ᭞ᬭᬶᬂᬍᬫ᭄ᬩᬸᬳᬕᬸᬂᬕᬸᬫᬦᬵᬲᬫᬶᬦᬸᬦᬲᬂ᭟ᬲ
[᭑᭐ 10A]
ᬦᬾᬜᬦ᭄ᬤᬂᬲᬬᬕᬬᬂ᭞ᬭᬾᬫᬤᬲᬃᬰ᭄ᬬᬸᬱᬩᬓ᭄ᬢᬶ᭞ᬳᬾᬮᬶᬂᬫᬕᬸᬲ᭄ᬢᬶᬓᬫᬸᬮᬦ᭄᭞ᬫᬵᬯᬦᬦ᭄ᬢᬺᬱ᭄ᬡᬲᬸᬩᬓ᭄ᬢᬶ᭞ᬧᬸᬭᬸᬦ᭄ᬫᬩ᭄ᬯᬢᬂᬳᬸᬭᬶᬧ᭄᭞ᬲᬮᬓᬸᬚᬦ᭄ᬢ᭄ᬭᬵᬫᬳᬸᬮᬶᬸ᭞ᬲᬫᬶᬦᬸᬦᬲ᭄ᬳᭂ
ᬫ᭄ᬧᬵᬦᬦ᭄᭞ᬜ᭄ᬚᬵᬕᬢᬫ᭄ᬬᬸᬮ᭄ᬬᬦᬕᬭᬶ᭞ᬧᬵᬭᬳᬕᬸᬂᬢᬸᬯᬦ᭄ᬢᬸᬯᬦ᭄ᬚᬯᬶᬓᬸᬢ᭄ᬣ᭟ᬧᬸᬗ᭄ᬕᬵᬯᬵᬓᭀᬢ᭄ᬣᬳᬸᬘᬧᬂ᭞ᬳᬶᬕᬸᬲ᭄ᬢᬶᬕ᭄ᬟᬾᬚ᭄ᬮᬡ᭄ᬝᬶᬓ᭄᭞ᬭᬕᬦ᭄ᬤᬦᬾᬳᬮᬶᬢ᭄ᬕᭂᬜ᭄ᬘᬂ᭞ᬲᬾᬩ
ᬢ᭄ᬓᬬᬸᬦᬾᬘᬮᬶᬭᬶᬂ᭞ᬯᬮᬸᬬᬲᬂᬲᬢ᭄ᬬᬓᬶ᭞ᬫᬸᬮᬢᬺᬄᬳᬃᬬ᭄ᬬᬤᬯᬸᬄ᭞ᬓᬧᬶᬲᬭᬵᬫᬜᬯᬶᬲᬂ᭞ᬲᬓᬸᬳᬸᬫ᭄ᬓᭀᬢ᭄ᬣᬦᬵᬕᬭᬷ᭞ᬫᬓᬫᬶᬯᬄᬧᬋᬫᬾᬦᬓᬾᬲᬫ᭄ᬬᬦ᭄᭟
ᬬᬦ᭄ᬫᬕ᭄ᬕ᭄ᬯᬶᬂᬧᬸᬗ᭄ᬕᬯᬳᬩᬂ᭞ᬳᬦᬓᬕᬸᬂᬕ᭄ᬟᬾᬭᬳᬶ᭞ᬓᬲᬹᬓ᭄ᬱᬭᬵᬫᬜᬯᬶᬲᬂ᭞ᬩᬩ᭄ᬓᭂᬮᬦ᭄ᬓᬮᬶᬄᬤᬶᬱ᭄ᬝ᭄ᬭᬶᬓ᭄᭞ᬲᬓᬸᬳᬸᬫ᭄ᬳᬩᬂᬘᬸᬮᬶᬓ᭄᭞ᬭᬯᬶᬂᬓᬸᬳᬸᬫ᭄ᬤᬶᬱ᭄ᬝ᭄ᬭᬶᬓᬸᬩᬸ᭞ᬤᬾᬦᬶᬂ [ 11 ][᭑᭐ 10B]
ᬲᬵᬫ᭄ᬧᬸᬦ᭄ᬫᬜᬯᬶᬲᬂ᭞ᬲᬓᬶᬂᬯᬯᬸᬢ᭄ᬥᬸᬦ᭄ᬜᬸᬘᬶ᭞ᬧᬭᬯᬶᬓᬸᬮᬦᬂᬳᬶᬲ᭄ᬢ᭄ᬭᬶᬦᬾᬫᬗᬬᬄ᭟ᬬᬤ᭄ᬬᬧᬶᬦ᭄ᬲᬵᬫ᭄ᬧᬸᬜ᭄ᬚᬤ᭞ᬢᬍᬃᬧᬸᬕᬸᬄᬜᬯᬶᬮᬗᬶᬦ᭄᭞ᬲᭀᬢᬦᬶᬂᬦᬾᬦ᭄ᬢᭂᬦ᭄ᬲᬓᭀᬮᬄ
᭞ᬢᬍᬃᬓᬸᬗ᭄ᬕ᭄ᬯᬦ᭄ᬳᬚ᭄ᬜᬦᬲᬶᬤ᭄ᬟᬶ᭞ᬭᬕᬦᬾᬚᬗ᭄ᬚᬂᬢᬶᬧᬶᬲ᭄᭞ᬫᬶᬦᬩ᭄ᬫᬳᬭᬚᬧᬡ᭄ᬥᬸ᭞ᬯᬃᬡ᭄ᬦᬦᬾᬳᬘᬸᬫ᭄ᬫᬬᬂ᭞ᬘᬃᬫ᭄ᬫᬍᬫᬲ᭄‌ᬮᬸᬫ᭄ᬮᬸᬫ᭄ᬕᬤ᭞ᬬᬦ᭄ᬧᬃᬡ᭄ᬦᬬᬂᬫᬶᬦᬩ᭄ᬲᭂᬤᭂ
ᬦᬫᬩ᭄ᬭᬢᬵ᭟ᬧᬸᬗ᭄ᬕᬯ᭄ᬯᬩᬦ᭄ᬤᬫ᭄ᬳᬸᬘᬧᬂ᭞ᬢ᭄ᬯᬶᬳᬶᬕᬸᬲ᭄ᬢᬶᬕ᭄ᬟᬾᬤᬗᬶᬦ᭄᭞ᬫ᭠ᬗᭂᬫ᭄ᬧᭀᬦᬶᬦ᭄ᬧᬫᬶᬚ᭄ᬬᬦ᭄᭞ᬫᬾᬜ᭄ᬚᬗᬂᬓᬃᬬ᭄ᬬᬦᬾᬲᬫᬶ᭞ᬳᬶᬕᬸᬲ᭄ᬢᬶᬦ᭄ᬗᬄᬚ᭄ᬮᬡ᭄ᬝᬶᬓ᭄᭞ᬧᬸ
ᬗ᭄ᬕᬯ᭄ᬯᬲ᭄ᬮᬢ᭄ᬫᬦᬸᬮᬸᬂ᭞ᬜᬯᬶᬲᬂᬳᬶᬧᬗᬜ᭄ᬘᬂ᭞ᬯᬾᬦ᭄ᬢᭂᬦ᭄ᬳᬮᬗᬦ᭄ᬳᬓᬶᬤᬶᬓ᭄᭞ᬓᭀᬘᬧ᭄ᬢᬫ᭄ᬬᬸᬦᬾᬳᬓᬾᬄᬓᬤᬶᬓᬲᬾᬧᬦ᭄᭞ᬦᬵᬗ᭄ᬳᬶᬂᬫᬮᬶᬄᬓᬢᬸᬢᬸᬕᬂ᭞ᬲᬓᬸ
[᭑᭑ 11A]
ᬳᬸᬫᬦ᭄ᬩᬸᬤ᭄ᬟᬓ᭄ᬮᬶᬂ᭞ᬲᬯᬢᬺᬱᬫᬶᬓ᭄ᬱᬾᬗᬦ᭄᭞ᬓᬳᬶᬘ᭄ᬙᬾᬦ᭄ᬯᬘᬦᬩ᭄ᬘᬶᬓ᭄᭞ᬗᬓ᭄ᬱᬫᬬᬂᬲᬂᬓᬮᬶᬄ᭞ᬭᬾᬄᬲᬓᬶᬂᬓᬓ᭄ᬯᬾᬳᬦ᭄ᬢᬫ᭄ᬬᬸ᭞ᬤ᭄ᬯᬦᬶᬂᬓᬤᬶᬲ᭄ᬭᬦ᭄ᬢ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬶ᭠
ᬢᬶᬦ᭄᭞ᬫᬕᬶᬩᬸᬗᬦ᭄ᬲᬯᬢᬺᬱᬋᬂᬲᬫ᭄ᬬᬦ᭄᭟ᬧᬸᬗ᭄ᬕᬯ᭄ᬯᬫᬗ᭄ᬕᬶᬲ᭄ᬳᬸᬘᬧᬂ᭞ᬫᬜᬯᬶᬲᬂᬓᬮᬶᬄᬤᬶᬱ᭄ᬝ᭄ᬭᬶᬓ᭄᭞ᬓᬳᬸᬫᬗ᭄ᬕᬶᬲ᭄ᬫᬶᬯᬄᬋᬡ᭄ᬟᬂ᭞ᬢᬫ᭄ᬬᬸᬲᬲᬓᬾᬫᬓᬤ᭄ᬟᬶ᭞ᬚᬯᬶᬓᬸᬢ᭄ᬣᬦᬕ
ᬭᬶ᭞ᬓ᭄ᬮᬸᬗ᭄ᬓᬸᬂᬩᬗ᭄ᬮᬶᬕ᭄ᬬᬜᬃᬩᬤᬸᬂ᭞ᬢᬩᬦᬜ᭄ᬚᭂᬫ᭄ᬩᬭᬦ᭞ᬩᬸᬮᬾᬮᬾᬂᬫᬶᬯᬄᬫᬗ᭄ᬯᬶ᭞ᬲᬫᬶᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬮᬶᬄᬧᬳᬸᬘᬧᬦ᭄᭟ᬭᬾᬄᬫᬸᬮᬳᬦᬓ᭄ᬧᬮᬧᬦ᭄᭞ᬧᬰ᭄ᬘᬢ᭄‌ᬲᬾ
ᬩᭂᬢ᭄ᬗᬯᬶᬮᬗᬶᬦ᭄᭞ᬫ᭄ᬩᬦᬾᬦᬶᬦ᭄ᬲᬵᬫ᭄ᬧᬸᬦ᭄ᬲᬬᬕ᭞ᬤ᭄ᬯᬦᬶᬂᬜᬦ᭄ᬤᬂᬧᬸᬚᬶᬧᬸᬚᬶ᭞ᬳᬸᬘᬧᬂᬭᬶᬂᬧᬗᬯᬶ᭞ᬘᬾᬰ᭄ᬝᬓᬭᬦᬾᬫᬦᬸᬮᬸᬲ᭄᭞ᬲᬓ᭄ᬱᬢ᭄ᬧᬢᬶᬄᬳᬸᬤ᭄ᬟᬯ᭄ᬯᬵ᭞ᬫᬗ᭄ᬕᬵ [ 12 ][᭑᭑ 11B]
᭑᭑
ᬮᬭᬶᬂᬤ᭄ᬯᬳᬾᬯᬢᬶ᭞ᬳᬸᬧᬲᬫᬯᬶᬤᬕ᭄ᬟᬜᬸᬓᬦᬶᬦ᭄ᬚᬕᬢ᭄᭟ᬳᬸᬘᬧᬂᬳᬶᬓᭀᬫᬂᬮᬬᬂ᭞ᬧᬗ᭄ᬓᬢ᭄ᬳᬚᬸᬦ᭄ᬲᬾᬓᬺᬢᬭᬶᬲ᭄᭞ᬳᬦ᭄ᬤᭂᬮ᭄ᬭᬶᬂᬓᬭᬗᬲᭂᬫ᭄ᬭᬤ᭄᭞ᬓᬧᬶᬲ᭠
ᬭᬫᬗᭂᬫ᭄ᬧᭀᬦᬶᬦ᭄᭞ᬯᬢᭂᬓ᭄ᬢᬫ᭄ᬬᬸᬯᬮᬡ᭄ᬟᬶ᭞ᬳᬶᬓᭀᬫᬂᬳᬮᬶᬢ᭄ᬫᬦᬸᬮᬸᬂ᭞ᬓᬲ᭄ᬳᭀᬤᭂᬃᬭᬶᬂᬓᬡ᭄ᬝᭀᬃᬳ᭄ᬭᬤ᭄᭞ᬓ᭄ᬢᬸᬢ᭄ᬭᬳᬶᬫᬜᬋᬗᬶᬦ᭄᭞ᬲᬫᬶᬦᬸᬕᬸᬃᬜᬗ᭄ᬕ᭄ᬭᬢᬫ᭄ᬬᬸᬩ᭠
ᬗ᭄ᬲᬩ᭄ᬮᬡ᭄ᬟ᭟ᬳᬶᬯᬬᬦ᭄ᬢᭂᬢᭂᬲ᭄‌ᬳᬸᬘᬧᬂ᭞ᬫᬸᬮᬢᭀᬢᭀᬲ᭄ᬳᬦᬓ᭄ᬭᬶᬭᬶᬄ᭞ᬜᬦ᭄ᬤᬂᬓᬲᬶᬦᬩᬾᬂᬧᬸᬭᬵ᭞ᬲᬓᬶᬂᬯᬬᬄᬜᬦᬾᬭᬶᬭᬶᬄ᭞ᬫᬫᬋᬓᬦ᭄ᬲᬓᬶᬂᬳᬮᬶᬢ᭄᭞ᬫᬯ
ᬱ᭄ᬝᬳᬶᬓᭀᬫᬂᬘᬳᬸ᭞ᬗ᭄ᬭᬭᬶᬲ᭄ᬤᬤᭀᬲᬸᬩᬦ᭄ᬤᬃ᭞ᬭᬶᬂᬩᬗ᭄ᬲᬮ᭄ᬦᬸᬤᬸᬓ᭄ᬳᬸᬧ᭄ᬢᬶ᭞ᬳᬲᬶᬮ᭄ᬳᬳ᭄ᬬᬸᬦ᭄ᬓᬮᬶᬄᬲᬮ᭄ᬯᬶᬭᬶᬂᬩᬭᬂᬩᬭᬂ᭟ᬭᬶᬂᬩᬗ᭄ᬲᬮ᭄ᬧᬤᬂᬫᬦ᭄ᬤᬶᬭᬵ᭞ᬳᬶᬧᬸᬦ᭄ᬓᬶᬘᬾᬦ᭄ᬫᬗᭂᬜ᭄ᬘᬓᬶᬦ᭄᭞
[᭑᭒ 12A]
ᬳᬯᬶᬦᬦ᭄ᬯᬾᬦ᭄ᬢᭂᬦ᭄ᬲᬸᬮᬩ᭞ᬫᬢᬫ᭄ᬩᭂᬄᬳᬲᬶᬮ᭄ᬦᬕᬭᬀ᭞ᬲᬦᬾᬓᬳᬢᬹᬃᬓᬧᬸᬭᬷ᭞ᬭᬶᬂᬤᬾᬯ᭄ᬯᬕᬸᬂᬕ᭄ᬟᬾᬧᬸᬢᬸ᭞ᬭᬢ᭄ᬯᬶᬂᬳᬫ᭄ᬮᬵᬦᬕᬭᬵ᭞ᬭᬚᬤᬾᬯᬵᬢ᭄ᬣᬭᬶᬂᬭᬗ᭄ᬓᬶ᭞ᬧᬵᬢᬸᬢ᭄ᬧᬶᬲᬦ᭄
ᬲᭂᬦ᭄ᬢᬦ᭄ᬜᬦᬾᬓᬳᬾᬫᬦ᭄᭟ᬦᬾᬫᬗ᭄ᬓᬶᬦ᭄ᬓᬗ᭄ᬕᬾᬦ᭄ᬮᬶᬤ᭄ᬓᬺᬢ᭄ᬣ᭞ᬢᬹᬃᬳᬸᬢ᭄ᬲᬳᬵᬫᬮᬚᬳᬶᬦ᭄᭞ᬫᬫᬘᬵᬳᬶᬦᬸᬦ᭄ᬟᬂᬳᬸᬦ᭄ᬟᬂ᭞ᬕᬸᬧᭂᬃᬫᬾᬦ᭄ᬳᬶᬡ᭄ᬥ᭄ᬬᬯᬮᬡ᭄ᬤᬶ᭞ᬭᬾᬄᬲᭂᬗ᭄ᬓᬵᬫᬫᬶᬮᬶᬳᬶ
ᬦ᭄᭞ᬲᬦᬾᬧᬘᬂᬜᬦ᭄ᬤᬂᬢᬸᬭᬸᬢ᭄᭞ᬫᬗ᭄ᬤᬾᬗᬦᬹᬢᬂᬳᬤᬢ᭄᭞ᬲᬦᬾᬓᬸ᭠ᬦᬵᬳᬗ᭄ᬕᬾᬦ᭄ᬫᬗ᭄ᬓᬶᬦ᭄᭞ᬫᬗ᭄ᬤᬾᬳᬦᬹᬢ᭄ᬳᬦᬹᬢ᭄ᬫᬗᬦᬹᬢᬶᬦ᭄ᬚᬫᬦ᭄᭟ᬳᬶᬧᬸᬦ᭄ᬫᬗ᭄ᬓᬶᬦ᭄ᬓᬢᬸᬤᬸ
ᬳᬂ᭞ᬦᬫ᭄ᬧᬶᬢᬫ᭄ᬬᬸᬦᬾᬓᬧᬸᬭᬶ᭞ᬜᬋᬗᬶᬦ᭄ᬧᬸᬗ᭄ᬕᬯ᭄ᬯᬵᬋᬡ᭄ᬟᬂ᭞ᬧᬲᬾᬗᬦ᭄ᬤᬦᬾᬳᬶᬕᬸᬲ᭄ᬢᬶ᭞ᬩᬕᬸᬲ᭄ᬳᭀᬓᬵᬓᬧᬸᬚᬶ᭞ᬲᬓᭀᬮᬳᬦᭀᬫᭂᬃᬲᬢᬸ᭞ᬤ᭄ᬯᬦᬶᬂᬕᬫ᭄ᬧᬂ [ 13 ][᭑᭒ 12B]
᭑᭒
ᬳᬦ᭄ᬢᬸᬓ᭄ᬳᬶᬤ᭄ᬟᬵ᭞ᬜᬫᬢᬫ᭄ᬬᬸᬩᬗ᭄ᬲᬵᬳᬲᬶᬂ᭞ᬢᬸᬃᬗᬢᭂᬭᬂᬲᬫᬶᬗᬸᬗ᭄ᬲᬶᬧᬲᬗ᭄ᬕ᭄ᬭᬳᬦ᭄᭚᭐᭚ᬤᬂᬤᬂ᭚᭐᭚ᬢᭂᬫ᭄ᬩᬂᬥᬗ᭄ᬤᬗᬾᬲᬦᬾᬓᬧᬸᬚᬶ᭞ᬜᬭᬶᬢᬬᬂ᭞ᬚ᭄ᬭᬾᬦᬶᬂᬓᬸᬝᬭ
ᬚ᭄ᬬ᭞ᬯᬢᭂᬓ᭄ᬧᬭᬵᬳᬫ᭄ᬢᭂᬦᬭᬾ᭞ᬲᬫᬶᬭᬭᬶᬲ᭄ᬳᬕᬸᬫ᭄᭞ᬗᬢᬸᬭᬂᬲᬤᬦᬵᬮ᭄ᬯᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬤᬩ᭄ᬤᬩ᭄᭞ᬭᬯ᭄ᬯᬶᬂᬳ᭄ᬮᬸᬄᬳ᭄ᬮᬸᬄ᭞ᬲᬫᬶᬫᬗᬚᬓᬸᬋᬦᬦ᭄᭞ᬫᬶᬯᬄᬧ
ᬦᬓ᭄᭞ᬢ᭄ᬯᬦ᭄‌ᬲᭀᬓ᭄ᬢᭂᬃᬤ᭄ᬯᬶᬚᭀᬯ᭄ᬬᬓ᭄ᬢᬶ᭞ᬧᬮᬶᬂᬳᬋᬧ᭄ᬫᬫᬃᬕ᭄ᬕᬵ᭟ᬧᬗᬢᬸᬭᬦ᭄ᬓᬩᬶᬦᬯᬵᬢᬺᬧ᭄ᬢᬶ᭞ᬓᬢᬶᬗ᭄ᬓᬳᬂ᭞ᬩ᭄ᬘᬶᬓ᭄ᬫᬧᬦ᭄ᬢᬵᬧᬦ᭄ᬢᬵ᭞ᬧᬢᭂᬄᬍᬫᬸᬄᬢᬬᬸᬭᬵᬦᬾ
᭞ᬦᬾᬭᬶᬂᬳᬋᬧ᭄‌ᬳ᭄ᬮᬸᬄᬳ᭄ᬮᬸᬄ᭞ᬜᬸᬳᬸᬦ᭄ᬘᬦᬂᬲᬭᬷᬗ᭄ᬭᬯᬶᬢ᭄᭞ᬢᬶᬦ᭄ᬤᬓᬦᬾᬫᬕᬫ᭄ᬧᬭᬦ᭄᭞ᬗᬗ᭄ᬕᬾᬲᬃᬯ᭄ᬯᬳᬮᬸᬲ᭄᭞ᬧᬧᬬᬲᬦ᭄ᬲᬫᬶᬩᬸᬗᬄ᭞ᬓᬳᬦᬸᬢᬂ᭞ᬲᭀ
[᭑᭓ 13A]
ᬢᬦᬶᬂᬢᬫᬾᬂᬦᬕᬭᬷ᭞ᬳᬯᬶᬦᬦ᭄ᬢᬫᬵᬫᬭᬭᬲ᭄᭟ᬧᬺᬩᬦ᭄ᬫᬾᬲ᭄ᬢᭂᬃᬕᬸᬲ᭄ᬢᬶᬓᭀᬫᬂᬭᬳᬶ᭞ᬫᬲᬮᬾᬦ᭄ᬤᬂ᭞ᬳᬦ᭄ᬢᬸᬓ᭄ᬱᬸᬢᬺᬕᬥᬂ᭞ᬢᬹᬃᬫᬲᭀᬮᬄᬭᬶᬂᬫᬃᬕ᭄ᬕᬶᬦᬾ᭞ᬫᬗᬋᬧᬶᬦ᭄ᬮᬸᬄᬳ᭄ᬮᬸᬄ
᭞ᬲᬦᬾᬚ᭄ᬕᬾᬕ᭄ᬚᭂᬕᬾᬕ᭄ᬫᬲ᭄ᬮᬶᬃ᭞ᬫᬧᬬᬲ᭄ᬓᬤᬶᬋᬚᬂ᭞ᬫᬲ᭄ᬓᬃᬫᬢᬸᬚᬸᬢ᭄᭞ᬳᬮᬶᬲᬾᬢᬚᭂᬧ᭄ᬫᬧᬗᬦ᭄᭞ᬧᬸᬢᬶᬄᬲᭂᬦ᭄ᬢᬓ᭄᭞ᬲᬸᬩᭂᬗᬾᬳᬦᬹᬢ᭄ᬫᬜᬦ᭄ᬤᬶᬂ᭞ᬳᬢᬾᬦᬢᬾᬦ᭄ᬫ
ᬩ᭄ᬗᬤ᭄᭟ᬤᬾᬫ᭄ᬧᭀᬤᬾᬫ᭄ᬧᭀᬢᬶᬦ᭄ᬤᬓᬾᬗᬾᬤᬦᬶᬦ᭄᭞ᬫᬕᬫ᭄ᬧᬭᬦ᭄᭞ᬳᬦᬹᬢ᭄ᬬᬦ᭄ᬧᬃᬡ᭄ᬦᬬᬂ᭞ᬳᬦ᭄ᬢᬸᬓ᭄ᬩᭂᬘᬶᬓᬳᬬᭀᬦᬾ᭞ᬯᬮᬸᬬᬵᬘᬥᬘᬭᬶᬦᬸᬭᬸᬦ᭄᭞ᬲᬓᬶᬂᬇᬦ᭄ᬤ᭄ᬭ
ᬮᭀᬓᬜᬋᬗᬶᬦ᭄᭞ᬳᬫ᭄ᬢᭂᬦᬭᬾᬲᬫ᭄ᬬᬦ᭄᭞ᬓᬧ᭄ᬬᬚ᭄ᬜᬦ᭄ᬫᬜᬸᬚᬸᬃ᭟ᬲᬫᬶᬫᬗᬯᬵᬳᬢᬸᬭᬦ᭄᭞ᬢᬸᬃᬫᬯᬤᬄ᭞ᬩᭀᬓᭀᬃᬲ᭄ᬮᬓᬵᬢᬸᬃᬫᬤᬕᬶᬂ᭞ᬚᬶᬦᬄᬥᬸᬧᬧᬾ [ 14 ][᭑᭓ 13B]
᭑᭓
ᬦ᭄ᬤᬾᬃᬫᭂᬜᬦ᭄᭟ᬜᬾᬫᬦ᭄‌ᬚ᭄ᬮᬤᬵᬫ᭄ᬯᬄᬳᬶᬓ᭄ᬢᬸᬢ᭄ᬭᬳᬶ᭞ᬯᬬᬦ᭄ᬢᬫᬦ᭄᭞ᬕᬸᬲ᭄ᬢᬶᬫᬥᬾᬧᬸᬢ᭄ᬭ᭞ᬯᬬᬦ᭄ᬧᬗ᭄ᬓᬢ᭄ᬳᬶᬤᬵᬫᬥᬾ᭞ᬳᬶᬩ᭄ᬮᬲᬸᬢ᭄ᬯᬬᬦ᭄ᬧᬸᬢᬸ᭞ᬜᭀᬫᬦ᭄ᬮᬬᬃᬜᭀ
ᬫᬦ᭄ᬧᬢᬶᬄ᭞ᬤᬾᬯ᭄ᬯᬵᬜᭀᬫᬦ᭄ᬫᬥᬾᬩᬸᬦ᭄ᬢᬲ᭄᭞ᬳᬤᬦᬶᬸᬕᬶᬂᬳᬶᬧ᭄ᬮᬸᬂ᭞ᬫᬶᬯᬄᬳᬫᬶᬥᬾᬕᬢᬾᬧᬦ᭄᭞ᬯᬬᬦ᭄ᬯᬃᬓ᭄ᬓ᭞ᬕᬸᬲ᭄ᬢᬶᬧᬸᬕᭂᬃᬥᬾᬯ᭄ᬯᬵᬓ᭄ᬮᬘᬶ᭞ᬳᬶᬕᬸᬲ᭄ᬢᬶᬩᬕᬸᬲᬗ᭄ᬓᬵ
᭟ᬫᬧᬬᬲ᭄ᬢᬸᬃᬗᬗ᭄ᬕᬾᬩᬚᬸᬧᬸᬢᬶᬄ᭞ᬧᬧᬢᭂᬳᬦ᭄᭞ᬲᬤ᭄ᬢᬃᬩᬩ᭄ᬮᬗ᭄ᬓᭀᬳᬦ᭄᭞ᬩᬢᬶᬓ᭄ᬳᬮᬸᬲ᭄ᬲᬲ᭄ᬮᬶᬭᬦᬾ᭞ᬯᬱ᭄ᬝ᭄ᬭᬳᭂᬦ᭄ᬤᭂᬓ᭄ᬫᬲᬭᬸᬂ᭞ᬲᬧᬸᬢ᭄ᬩᬸᬗᬄᬗᬦ᭄ᬲᬸᬢᬺᬓᬸᬦᬶᬂ᭞ᬫ᭄ᬯᬂᬤᬤᬸ
ᬢᬗᬶᬕᬤᬂ᭞ᬯᬾᬦ᭄ᬢᭂᬦ᭄ᬲᬸᬢᬺᬧ᭄ᬮᬸᬂ᭞ᬓᬮᬶᬳᬕᬵᬲᬸᬢ᭄ᬭᬭᬗ᭄ᬭᬂ᭞ᬧᬓᬭᬦᬂ᭞ᬓᬦ᭄ᬢᭂᬦ᭄ᬩᬜ᭄ᬘᬗᬾᬫ᭄ᬭᭀᬲ᭄ᬭᬫ᭄ᬧᬶᬂ᭞ᬥᬾᬯᬾᬓ᭄ᬚᬂᬜ᭄ᬚᬂᬗᬸᬭᬗ᭄ᬓᬵ᭟ᬲᬦᬾᬫᭀᬓᭀᬄᬲᬋᬂᬫᬗᬧᬶ
[᭑᭔ 14A]
ᬓᬶᬦ᭄᭞ᬲᬲᬩᬸᬓᬦ᭄᭞ᬢ᭄ᬓᭂᬓ᭄ᬫᬓᬺᬢᬦ᭄᭞ᬳᬗ᭄ᬓᭂᬄᬳᬗ᭄ᬓᭂᬄᬳᬗ᭄ᬓᬶᬳᬦᬾ᭞ᬩᬶᬮᬂᬢᬶᬦ᭄ᬤᬓ᭄ᬫᬗᬗ᭄ᬲᬸᬃ᭞ᬫ᭄ᬭᬄᬫ᭄ᬭᬸᬄᬭᬾᬄᬧ᭄ᬮᬸᬄᬧᬶᬤᬶᬢ᭄᭞ᬢᬍᬃᬤ᭄ᬯᭂᬕ᭄ᬜᬭ᭄ᬯᬂ᭞ᬫᬭᬬ᭄ᬬᬦ᭄ᬫᬚᬸᬚᬸᬓ᭄᭞ᬫᬧᬶᬳ
ᬗᭀᬩ᭄ᬫᬧᬯᬲᬦ᭄᭞ᬢᬸᬃᬫᬭᬭᬲ᭄᭞ᬓᬸᬃᬡ᭄ᬦᬦᬾᬧᬦ᭄ᬤᭂᬂᬲᬮᬶᬗ᭄ᬮᬶᬂ᭞ᬦᬾᬚ᭄ᬕᬾᬕ᭄ᬫᬗᬬᬂᬳᬬᬂ᭟ᬬᬦ᭄ᬭᬱᬬᬂᬳᬦ᭄ᬮ᭄ᬬᬦ᭄ᬫᬳᬶᬭᬶᬩ᭄ᬯᬬᬦ᭄ᬢᬫᬦ᭄᭞ᬧᬗ᭄ᬓᬢ᭄ᬓᬜ᭄ᬘᭂᬤ᭄ᬯ᭞ᬳᬦᬹᬢ᭄ᬲᬦ᭄‌ᬕ᭄ᬟᬾᬫᭀ
ᬦ᭄ᬤᬾᬮᬾ᭞ᬓᬸᬋᬡ᭄ᬦᬦᬾᬢ᭄ᬓᬵᬳᬬᬸ᭞ᬗᭂᬫ᭄ᬧᬓᬳ᭄ᬦᬹᬢ᭄ᬫᬗ᭄ᬭᬯᬶᬢ᭄᭞ᬫᬯᬱ᭄ᬝᬳᬶ᭠ᬦ᭄ᬗᬄᬮᬬᬃ᭞ᬧᬃᬡ᭄ᬦᬫᬶᬦᬩ᭄ᬧ᭄ᬭᬳᬸ᭞ᬜᬩ᭄ᬭᬦ᭄ᬲᬭᬢᬦ᭄ᬩᬩ᭄ᬯᬢᬦ᭄᭞ᬓᬵᬦ᭄ᬢᭀᬲᬼᬗ᭄ᬓ᭄ᬬᬂ᭞ᬢᬸᬬᬸᬄ
ᬫᬤᬬᬸᬂᬗᭂᬧᭂᬢᬶᬦ᭄᭞ᬳᬸᬲᬦᬾᬫᬭᬾᬧᭀᬢᬦ᭄᭟ᬯᬾᬦ᭄ᬢᭂᬦ᭄ᬓᬸᬲᬶᬃᬳᬦ᭄ᬢᭂᬂᬤᬶᬦᬵᬮᬢ᭄ᬭᬶ᭞ᬢᬸᬃᬫᬤᭀᬮᬦ᭄᭞ᬭᬶᬲ᭄ᬟᭂᬮ᭄ᬫᬗ᭄ᬮᬄ᭞ᬓᭂᬦ᭄ᬟᬳᬕᭂᬂᬭᬶᬂᬚᬸᬫᬳᬾ᭞ᬲᬢᬸᬗ᭄ᬕᬶᬮ᭄‌ᬯ᭄ᬗᬶᬦᬩᬸᬄ᭞ [ 15 ][᭑᭔ 14B]
᭑᭔
ᬕᭂᬦ᭄ᬤᬶᬂᬮᬫ᭄ᬩᬢᬸᬭᬄᬲᭂᬓ᭄ᬯᬢᬶ᭞ᬧᬜ᭄ᬚᭂᬂᬬᬦᬶᬂᬳᬸᬘᬧᬂ᭞ᬲᭀᬮᬄᬲᬗ᭄ᬕᬳᬬᬸ᭞ᬲᬫᬶᬫᬗᬧᬶᬓᬶᬦ᭄ᬢᬦ᭄ᬤᬂ᭞ᬭᬶᬂᬧ᭄ᬬᬚ᭄ᬜᬦ᭄᭞ᬧᬶᬦᬩ᭄ᬯᬶᬤ᭄ᬬᬤᬭᬵᬤᬭᬶ᭞ᬲᬋᬂᬕᬦ᭄ᬤᬃᬯ᭄ᬯᬵᬭᬚᬵ᭞ᬧᬸᬧᬸ᭠
ᬢ᭄ᬳᬢᬸᬭᬦᬾᬓᬮᬸᬓᬢᬶᬦ᭄᭞ᬢᬸᬃᬓᬢ᭄ᬭᬶᬫ᭞ᬭᬭᬶᬲ᭄ᬓᬳᬗ᭄ᬕ᭄ᬯᬂ᭞ᬭᬶᬂᬩᬮᬾᬧᬯᬾᬤᬬᬦᬾ᭞ᬫᬗ᭄ᬓᬶᬦ᭄ᬫᬮᬶᬄᬫᬳᬢᬸᬃ᭞ᬢᭀᬧᬾᬂᬩᬭᬶᬲ᭄‌ᬦᬾᬫᬗᬶᬭᬶᬂ᭞ᬭᬶᬂᬧ᭄ᬬᬚ᭄ᬜᬦ᭄ᬓᬳᬶᬕ᭄ᬮᬂ᭞ᬲᬬ
ᬦ᭄ᬳᬓᬾᬄᬭᬯᬸᬄ᭞ᬯᬢᭂᬓ᭄ᬓᭀᬢ᭄ᬣᬦᬾᬭᬦ᭄ᬢᬩᬦ᭄᭞ᬲᬫᬶᬕᬶᬭᬂ᭞ᬫᬩᬮᬶᬄᬲᬮᬶᬂᬭᬶᬳᬶᬦᬶᬦ᭄᭞ᬦᬾᬦ᭄ᬢᭂᬦ᭄ᬜᬓ᭄ᬭᬶᬂᬧᬸᬗ᭄ᬓᬸᬭᬦ᭄᭟ᬦᬵᬗ᭄ᬕᬶᬂᬳᬶᬕᬸᬲ᭄ᬢᬶᬯᬬᬦ᭄‌ᬚ᭄ᬮᬡ᭄ᬝᬶᬓ᭄᭞ᬦᬾᬧᬫ᭄ᬓᬲ᭄᭞ᬫ᭠
ᬜᬮᬸᬓ᭄ᬧᬦ᭄ᬤᬲ᭞ᬦᬾᬢᬦ᭄ᬧᬢᬦ᭄ᬤᬶᬂᬩᬳᬸᬤᬾ᭞ᬤ᭄ᬯᬦᬶᬂᬲᬬᬦ᭄ᬤᭂᬄᬫᬸᬳᬸᬕ᭄᭞ᬭᬫᬾᬓ᭄ᬤᬾᬓ᭄ᬦᬾᬫᬗ᭄ᬤᬾᬓᬶᬦ᭄᭞ᬫᬧᬶᬗ᭄ᬓᭂᬮ᭄ᬓᬓᬓᬓᬓ᭄᭞ᬯᬾᬦ᭄ᬢᭂᬦ᭄ᬫᭂᬤᬮ᭄ᬧᬜᬸᬄ᭞ᬓᬫ᭄ᬩᭂᬦᬾ
[᭑᭕ 15A]
ᬩ᭄ᬮᬸᬲᬭ᭄ᬯᬂ᭞ᬤᬾᬦᬶᬂᬚ᭄ᬩᬄ᭞ᬲᬶᬦᬄᬳᬓᬾᬄᬫᬗ᭄ᬤᬾᬓᬶᬦ᭄᭞ᬬᬤᬶᬦ᭄ᬩᭂᬮᬸᬲ᭄ᬓᬢᬳᬦᬂ᭞ᬫᬶᬯᬄᬳᬶᬕᬸᬲ᭄ᬢᬶᬓ᭄ᬢᬸᬢ᭄‌ᬚ᭄ᬮᬡ᭄ᬝᬶᬓ᭄᭞ᬫ᭄ᬯᬄᬳᬶᬕᬶᬢ᭞ᬳᬚᬶᬲᬋᬂᬳᬲ᭄ᬢ᭄ᬭ᭞ᬩ᭄ᬘᬶᬓ᭄ᬳᬦᬹᬢ᭄ᬧ᭄ᬭᬭᬲᬦᬾ᭞ᬫᬗᬶ
ᬕᭂᬮ᭄ᬲᬫᬶᬳᬦᬹᬢ᭄᭞ᬯᬾᬦ᭄ᬢᭂᬦᭀᬧᬾᬂᬫ᭄ᬯᬄᬫᬫ᭄ᬩᬭᬶᬲ᭄᭞ᬦᬬᭀᬕ᭄ᬢᬗ᭄ᬓᭂᬧᬾᬩᬦ᭄ᬩᬦ᭄᭞ᬲᬮᬾᬬᭀᬕᬾᬍᬫᬸᬄ᭞ᬧᬸᬭᬸᬦ᭄ᬗᭂᬦ᭄ᬟᭀᬦᬂᬓᬕ᭄ᬬᬜᬃ᭞ᬢᬦ᭄ᬓᭀᬘᬶᬯ᭞ᬢ᭄ᬯᬶᬜᬦ᭄ᬤᬂᬧᬸᬚᬶᬧᬸᬚᬶ᭞ᬳᬸ
ᬮᬦᬶᬦ᭄ᬢᬸᬃᬓᬳᬾᬫᬦ᭄᭟ᬢᬦᬸᬘᬧᭂᬦ᭄‌ᬯ᭄ᬗᬶᬲᬫᬶᬭᬭᬶᬲ᭄‌ᬗᬚᬩᬬᬂ᭞ᬤᬫᬭᬾᬭᬶᬂᬓᭀᬢ᭄ᬣ᭞ᬫᬗᬮᬗᬶᬦ᭄ᬭᬶᬂᬫᬃᬕ᭄ᬕᬶᬦᬾ᭞ᬤ᭄ᬯᬦᬶᬂᬲᬬᬦ᭄ᬫᬯᬸᬯᬸᬄ᭞ᬮ᭄ᬕᬦ᭄ᬢᬭᬸᬦᬾᬧᬢᬸᬦ᭄ᬤᬶᬓ᭄᭞ᬯᬾ
ᬦ᭄ᬢᭂᬦ᭄ᬫᬘᭂᬧᬸᬓ᭄ᬮᬶᬬᬢ᭄᭞ᬩᬚᬂᬢ᭄ᬭᬸᬡᬩᬕᬸᬲ᭄᭞ᬲᬋᬂᬲᬦᬾᬲ᭄ᬮᬾᬄᬩᬚᬂ᭞ᬗᬺᬋᬄᬓᬃᬫ᭄ᬫ᭞ᬦᬾᬢ᭄ᬯᬲᬾᬗᭂᬄᬗ᭄ᬕᬸᬬᭀᬦᬶᬦ᭄᭞ᬫᬗ᭄ᬟᬕ᭄ᬮᬶᬲ᭄ᬓᬭᬂᬓᬢᬂ᭚᭐᭚ᬲ᭄ᬫᬭᬦ᭄ᬤᬦ᭚᭐᭚ᬲ᭄ᬫᬭ᭠ [ 16 ][᭑᭕ 15B]
᭑᭕
ᬦ᭄ᬤᬦᬲᬦᬾᬫᬗ᭄ᬓᬶᬦ᭄᭞ᬳᬗ᭄ᬕᬾᬦ᭄ᬲᬢ᭄ᬯᬫᬗᬸᬘᬧᬂ᭞ᬬᬦ᭄ᬳᬓᬸᬤᬂᬓᬸᬤᬂᬧᭀᬳᭀ᭠ᬲ᭄᭞ᬤᬶᬱ᭄ᬝ᭄ᬭᬶᬓ᭄ᬫᬗ᭄ᬕᬶᬲᬾᬫᬢᬸᬭᬦ᭄᭞ᬗᬯᬶᬢ᭄ᬤᬾᬰᬢ᭄ᬗᬦᬦ᭄᭞ᬤᬯᬸᬄᬢᬸᬓᬤ᭄ᬕᬸᬫᬸᬂ᭞ᬜᬸᬄᬢ᭄ᬩᭂ
ᬮ᭄ᬮᬦ᭄ᬧᬲ᭄ᬟᬳᬦ᭄᭟ᬫᬦᬶᬭᬲᭂᬗ᭄ᬓᬶᬤᬸᬫᬗ᭄ᬕᬶᬲ᭄᭞ᬲᬮᬸᬫ᭄ᬩᬸᬂᬧᬶᬯᬄᬳᬸᬮᬓᬦ᭄᭞ᬲᬋᬂᬤᬾᬰᬢᬦᬕ᭄‌ᬳᬫ᭄ᬧᭀ᭞ᬳᬧᬶᬢᭀᬬᬫᬶᬯᬄᬧᬥᬂ᭞ᬩᬸᬓᬶᬢ᭄ᬩᬸᬦ᭄ᬢᬸᬢ᭄ᬩᬩᬓᬦ᭄᭞ᬢᭀ
ᬬᬧᭀᬄᬩᬜ᭄ᬚᬃᬩᬓᬸᬂ᭞ᬫᬶᬯᬄᬤᬾᬰᬧᬮᬭᬗᬦ᭄᭟ᬩᬸᬓᬶᬢ᭄ᬘᬢᬸᬤᬾᬰᬲᬶ᭠ᬳᬶᬕ᭄᭞ᬳᬗᬦ᭄ᬢᭂᬮᬸᬫ᭄ᬯᬄᬕᬕ᭄ᬮᬂ᭞ᬤᬾᬰᬢᬼᬗᬦ᭄ᬧᬓᬾᬮ᭄‌ᬩ᭄ᬮᭀᬂ᭞ᬤᬗᬶᬦ᭄ᬫᬃᬕ᭄ᬕᬶᬳᬩ᭄ᬬᬦ᭄ᬘᬦᬂ᭞ᬫ
ᬩ᭄ᬭ᭄ᬬᬸᬓ᭄ᬱᬫᬶᬧᬢᬸᬭᬦ᭄᭞ᬭ᭄ᬯᬤᬶᬦᬜᬸᬦ᭄ᬟᬮ᭄ᬓᬲᬸᬦ᭄ᬟᬮ᭄᭞ᬭᬯᬸᬄᬧᬋᬓᬧ᭄ᬬᬚ᭄ᬜᬦ᭄᭟ᬤᬾᬰᬢ᭄ᬗᬦᬦᬾᬫᬸᬘᬸᬓᬶᬦ᭄᭞ᬧᬗᬗ᭄ᬕᬾᬦᬾᬧᬶᬦᬶᬄᬢᬗ᭄ᬓᭀ᭠
[᭑᭖ 16A]
ᬢ᭄᭞ᬓᬫ᭄ᬩᭂᬦ᭄ᬲᬧᬸᬢ᭄ᬕ᭄ᬭᬶᬗ᭄ᬲᬶᬂᬯᬬᬂ᭞ᬫᬳᬶᬦᬩ᭄‌ᬩ᭄ᬮᬸᬯᬂᬫᬘᬦ᭄᭞ᬦᬾᬮᬸᬄᬳ᭄ᬮᬸᬄᬭᬶᬂᬳᬬᬸᬭ᭄᭞ᬲᬫ᭄ᬬᬦ᭄ᬫᬲ᭄ᬓᬃᬳ᭄ᬫᬲ᭄᭟ᬧᬫᬸᬮᬸᬦᬾᬮᬸᬫ᭄ᬮᬸᬫ᭄ᬕᬤᬶᬂ᭞ᬫᬶᬳᬶᬓ᭄ᬫᬩᭀᬭᬾᬄᬢ᭄ᬗᬦᬦ᭄᭞ᬧᬫᬃᬕ᭄ᬕᬶᬦᬾ
ᬤᬾᬫ᭄ᬧᭀᬤᬾᬫ᭄ᬧᭀ᭞ᬲᬫᬶᬚ᭄ᬕᬾᬕ᭄ᬗᬬᬗ᭄ᬳᬬᬂ᭞ᬲᭀᬮᬳᬾᬗ᭄ᬕᬯᬾᬭᬶᬫᬂ᭞ᬫᬲᬩᬸ᭠ᬓ᭄ᬱᬸᬢ᭄ᬭᬫᬢᬸᬭᬸᬢ᭄᭞ᬫᬦ᭄ᬢᭂᬂᬩᬦ᭄ᬲᬶᬂᬓᬓᭂᬫ᭄ᬩᬗᬦ᭄᭟ᬲᬦᬾᬫ᭄ᬯᬦᬶᬫ᭄ᬯᬦᬶᬗᬧᬶᬢ᭄᭞ᬲᬫᬶᬫᬜ᭄ᬚᭂᬃ
ᬢᬸᬫ᭄ᬩᬓ᭄‌ᬩᬯᬓ᭄᭞ᬭᬸᬧᬦ᭄ᬳᬶᬧᬸᬦ᭄ᬲᬫᬶᬓᬯᭀᬢ᭄᭞ᬲᬫᬶᬩᬼᬗ᭄ᬓᭂᬃᬢ᭄ᬫᬲ᭄᭞ᬫᬩᬚᬸᬲᭂᬓ᭄ᬮᬢ᭄ᬩᬭᬓ᭄᭞ᬮ᭄ᬬᬦ᭄ᬯᬾᬦ᭄ᬢᭂᬦ᭄ᬫᬫᬜ᭄ᬚᭂᬃᬢᬸᬮᬸᬧ᭄᭞ᬢᬗ᭄ᬓᭂᬧᬾᬧ᭄ᬭᬓᭀᬧᬕᬕᬄ᭟ᬓ᭄ᬭᬸᬭᬵᬓᬳᭂᬳ
ᬗᬺᬲᬗ᭄ᬳᬢᬶ᭞ᬫᬳᬶᬦᬩ᭄‌ᬩᬮᬤᬦᬯ᭞ᬢᬸᬃᬯᭀᬓ᭄ᬩ᭄ᬭᬶᬲ᭄ᬓᬸᬫᬶᬲ᭄ᬚᬾᬗ᭄ᬕᭀᬢ᭄᭞ᬫᬢ᭠ᬦ᭄ᬮᬶᬓ᭄ᬳᬕᭂᬂᬩᬭᬓ᭄᭞ᬩᭀᬓ᭄ᬳᬶᬗ᭄ᬕᭂᬮ᭄ᬫᬩ᭄ᬭᬗ᭄ᬩ᭄ᬭᬗᬦ᭄᭞ᬯᬾᬦ᭄ᬢᭂᬦ᭄ᬫᬶᬦᬩ᭄ᬓᬮᬫᬺᬢ᭄ᬬᬸ᭞ᬓᬮᬕᬮ [ 17 ][᭑᭖ 16B]
᭑᭖
ᬓ᭄ᬫᬩᬾᬭᬯ᭟ᬯᬬᬦ᭄ᬢᬗ᭄ᬕᬸᬫᬺᬩ᭄ᬓᭂᬮᬶᬦ᭄᭞ᬫᬗ᭄ᬕᬮᬭᬶᬂᬤᬾᬰᬢ᭄ᬗᬦᬦ᭄᭞ᬧᬗᬗ᭄ᬕᬾᬦᬾᬦᬧᬶᬦᬶᬄᬓᬢᭀᬂ᭞ᬓᭂᬜ᭄ᬚᭂᬓᬦ᭄ᬧᬫᭂᬂᬧᭂᬂᬩᬚᬂ᭞ᬓᬸᬓᬸᬦᬾᬧᬜ᭄ᬚᬂᬗ᭄ᬭᬦᬂ᭞ᬬᬦ᭄ᬳᬧᬸᬲ᭄ᬧᬃᬡ᭄ᬦᬭᬶᬂᬓᬶ
ᬤᬸᬂ᭞ᬫᬶᬦᬩ᭄ᬧᬜ᭄ᬚᬶᬲᬶᬗ᭄ᬳᬜ᭄ᬚᬬ᭟ᬭᬫᬾᬦᬾᬢᬢᬓ᭄ᬲᬶᬦᬶᬧᬶ᭞ᬭᬶᬂᬫᬃᬕ᭄ᬕᬶᬦᬾᬫᬲ᭄ᬮᬸᬭᬦ᭄᭞ᬫᬳᬶᬭᬶᬗᬦ᭄ᬳᬃᬚ᭄ᬚᬮᬾᬕᭀᬂ᭞ᬲᬳᬲ᭄ᬫᬵᬃᬧᬕᬸᬮᬶᬗᬦ᭄᭞ᬢᬫ᭄ᬩᬸᬃᬫ᭄ᬯᬂᬢᬯᬵᬢᬯᬵ᭞ᬲᬋᬗᬶ᭠
ᬦ᭄ᬕᭀᬧᬶᬢᬸᬂᬩᬭᬸᬂ᭞ᬗᬭᬸᬤᬸᬕ᭄‌ᬓᬤᬶᬳᬫ᭄ᬧᬸᬳᬦ᭄᭟ᬯᬢᭂᬓᭀᬢ᭄ᬣᬦᬾᬫᬩᬮᬶᬄ᭞ᬲᬧᬜ᭄ᬚᬂᬫᬃᬕ᭄ᬕᬶᬫᬩᬜ᭄ᬚᬄ᭞ᬲᬫ᭄ᬬᬦ᭄ᬲᬫᬶᬳᬗᭀᬩ᭄᭞ᬗ᭄ᬳᭀᬦ᭄ᬓᬓᭂᬦ᭄ᬢᬦᬾᬧᬰ᭄ᬘᬢ᭄
᭞ᬫᬳᬶᬦᬩ᭄ᬫᬘᬗ᭄ᬓ᭄ᬭᬫᬵ᭞ᬫᬗᬶᬭᬶᬂᬲᬗᬤᬶᬭᬢᬸ᭞ᬮᬸᬗ᭄ᬳᬵᬫᬜ᭄ᬚᬄᬚᬄᬓᬮᬗ᭄ᬯᬦ᭄᭟ᬤᬸᬭᬸᬂᬦᬳᭂᬦ᭄ᬲᬓᬶᬂᬭᬶᬳᬶᬦ᭄᭞ᬧᬶᬦᬄᬯᬾᬦ᭄ᬢᭂᬦ᭄ᬓᬧᬶᬂᬢᬶᬕᬵ᭞ᬬᬚ᭄ᬜᬓᬲᬸᬩ᭄‌ᬩ᭄ᬘᬶᬓᬢᭀ
[᭑᭗ 17A]
ᬦ᭄ᬢᭀᬦ᭄᭞ᬓᬯᬗᬸᬦᬂᬭᬶᬂᬲᬓᬸᬢ᭄ᬣ᭞ᬫᬗ᭄ᬓᬶᬦ᭄ᬧᬶᬦᬶᬄᬭᬫᬾᬡᬵ᭞ᬲᭀᬮᬄᬚᬕᬢᬾᬫᬩ᭄ᬭ᭄ᬬᬸᬓ᭄᭞ᬲᬮᬶᬂᬮ᭄ᬬᬂᬫᬳᬢᬸᬭᬦ᭄᭟ᬯ᭄ᬓᬲ᭄ᬳᬦ᭄ᬢᬸᬓ᭄‌ᬫᬸᬚᬶᬫᬸᬚᬶ᭞ᬓᬮᬶᬄᬳᬾᬮᬶᬂᬜᬸᬓ᭄ᬱ᭄ᬫ
ᬬᬂᬳᬶᬗ᭄ᬕᬶᬄᬧᬸᬦᬧᬶᬳᬋᬓᭀ᭞ᬳᬗ᭄ᬕᬾᬦ᭄ᬫᬍᬲ᭄ᬫᬜᬫ᭄ᬩ᭄ᬭᬫᬵ᭞ᬤᬾᬦᬶᬂᬤᬾᬯᬾᬓᬢᬸᬦᬦ᭄᭞ᬚᬯᬶᬦᬶᬂᬇᬤᭂᬧ᭄ᬭᬳᬬᬸ᭞ᬤᬸᬮᬸᬭᬶᬦ᭄ᬮᬓ᭄ᬱᬡᬫ᭄ᬮᬄ᭟ᬫᬶᬦᬩ᭄‌ᬯᬾᬦ᭄ᬢᭂᬦ᭄ᬧ᭄ᬢᬂᬢ
ᬮᬶ᭞ᬳᬓᬾᬄᬳᬦᬓᬾᬫᬢᬸᬭᬵᬦ᭄᭞ᬲᬫ᭄ᬬᬦ᭄ᬫᬧᭀᬳᭀᬲ᭄ᬧᭀᬳᭀᬲ᭄᭞ᬲᬵᬫ᭄ᬧᬸᬦᬧᬓ᭄ᬭᬶᬂᬧ᭄ᬬᬚ᭄ᬜᬦ᭄᭞ᬲᬳᬵᬧᬸᬧᬸᬢ᭄ᬓᬮᬸᬓᬢ᭄᭞ᬳᬦ᭄ᬢᬸᬓ᭄ᬳᬶᬤᬵᬧᬭᬯᬶᬓᬸ᭞ᬫ᭄ᬯᬄᬧᬥ
ᬡ᭄ᬟᬳᬶᬲ᭄ᬢ᭄ᬭᬶᬦ᭄ᬗᬄ᭟ᬦᬾᬫᬗ᭄ᬕᬮᬫᬦᬸᬓᬗᬶᬦ᭄᭞ᬲᬮ᭄ᬯᬶᬭᬶᬂᬩᬦ᭄ᬢᭂᬦ᭄ᬭᬶᬂᬧ᭄ᬬᬚ᭄ᬜ᭄ᬬᬦ᭄᭞᭠ᬫ᭄ᬯᬄᬧᬥᬡ᭄ᬟᬳᬶᬲ᭄ᬢ᭄ᬭᬶᬳᬦᭀᬫ᭄᭞ᬫᬕ᭄ᬭ᭄ᬬᬳᬸᬮᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬢ᭄ᬭᬶᬫ᭞ᬲᬮ᭄ᬯᬶ [ 18 ][᭑᭗ 17B]
᭑᭗
ᬭᬶᬂᬳᬢᬸᬭᬦᬾᬓᬢᬸᬃ᭞ᬭᬭᬶᬲᬫᬶᬓᬲᬫ᭄ᬩ᭄ᬭᬫ᭟ᬮᬾᬕᭀᬗᬾᬫᬮᬶᬄᬗᭂᬦ᭄ᬢᭀᬲᬶᬦ᭄᭞ᬦᬾᬲᬓᬶᬂᬤᬾᬰᬳᬸᬮᬓᬦ᭄᭞ᬍᬩ᭄ᬚᭂᬧ᭄ᬢᬗ᭄ᬓᬵᬧ᭄ᬜᬦᬾᬳᬮᭀᬦ᭄᭞ᬤᬾᬫ᭄ᬧᭀᬤᬾᬫ᭄ᬧᭀᬫᬕ
ᬫ᭄ᬧᬭᬦ᭄᭞ᬭᬸᬧᬦᬾᬲᬫᬶᬲᬫ᭄ᬧ᭄ᬮᬄ᭞ᬘᭀᬦ᭄ᬤᭀᬂᬩᬦᬾᬳᬦᬹᬢ᭄ᬩᬳᬸᬤ᭄᭞ᬳᬲᬶᬂᬩᬶᬓᬲᬗ᭄ᬳᬫ᭄ᬮᬄ᭟ᬬᬤᬶᬦ᭄ᬓᬭᬶᬳᬮᬶᬢ᭄ᬳᬮᬶᬢ᭄᭞ᬢᬸᬯᬸᬄᬯᬯᬸᬭᭀᬭᬲ᭄ᬩᬶᬩᬦ᭄᭞ᬢᬍᬃᬳᬶ
ᬕᭂᬮᬾᬫᬗᬶᬮᭀ᭞ᬓᬤᬶᬫ᭄ᬭᬓᬾᬫᬘᬦ᭄ᬤ᭞ᬗᬭᬭᬲ᭄‌ᬗ᭄ᬕᬯᬾᬭᬶᬫᬂ᭞ᬬᬦ᭄ᬧᬃᬡ᭄ᬦᬳᬸᬗ᭄ᬕ᭄ᬯᬂᬭᬶᬂᬓᬶᬦᬶᬸᬤᬸᬂ᭞ᬫᬳᬶᬦᬩ᭄ᬟᬤᬭᬷᬓᭂᬫ᭄ᬩᬃ᭟ᬯ᭄ᬗᬶᬳᬃᬚ᭄ᬚᬦᬾᬗᭂᬦ᭄ᬢᭀᬲᬶᬦ᭄᭞ᬦᬾᬲᬓᬶᬂᬤᬾᬰ
ᬳᬸᬮᬓᬦ᭄᭞ᬲᬬᬦ᭄ᬭᬫᬾᬦᭀᬦ᭄ᬢᭀᬦ᭄᭞ᬤᬾᬦᬶᬂᬓᬲᬸᬩ᭄ᬲᬓᬶᬂᬓᬸᬦᬵ᭞ᬢᭀᬢᭀᬲ᭄ᬳᬃᬚ᭄ᬚᬳᬸᬮᬓᬦ᭄᭞ᬤ᭄ᬯᬦᬶᬂᬤᬤᭀᬲᬬᬦ᭄ᬓᭂᬩᬸᬢ᭄᭞ᬲ᭄ᬭᬶᬂᬓᬧᬶᬦᬂᬫᬶᬤ᭄ᬭ
[᭑᭘ 18A]
ᬦ᭄᭟ᬢᬸᬃᬦᭂᬯᬸᬳᭂᬦ᭄ᬮᬸᬗ᭄ᬳᬓᬚᬯᬶ᭞ᬭᬶᬂᬦᬵᬕᬭᬵᬚᭀᬕ᭄ᬚᬓᬃᬢ᭄ᬣ᭞ᬫᬓᬦᬶᬜᬭᬶᬂᬓ᭄ᬭᬢᭀᬢᬵᬦ᭄᭞ᬲᬸᬲᬸᬳᬸᬦᬦ᭄ᬰᬸᬭᬓᬃᬢ᭄ᬣ᭞ᬯᬯᬸᬓᬮᬶᬄᬢᬶᬩᬦ᭄᭞ᬢᬳᬸᬦ᭄ᬲ᭄ᬬᬸᬲᬗᬗᬢᬸᬲ᭄᭞ᬢᬗ᭄ᬕᬸ
ᬢᬶᬕᬂᬤᬰᬮᬶᬫᬵ᭟ᬮᬾᬕᭀᬂᬲ᭄ᬮᬢᬾᬜᬋᬗᬶᬦ᭄᭞ᬲᬺᬕᭂᬧ᭄ᬫᬓ᭄ᬢᬕᬕᬫ᭄ᬮᬦ᭄᭞ᬲ᭄ᬫ᭠ᬧᬕᬸᬮᬶᬗᬦ᭄‌ᬳᭂᬕᭀᬂ᭞ᬳᬶᬤᬵᬓᬤᬾᬅ᭄‌ᬲᬓᬶᬂᬤᬯᬵᬦ᭄᭞ᬫ᭄ᬯᬄᬦᬶᬮᬸᬄᬕ᭄ᬬᬜᬃ᭞ᬫ᭄ᬩᬭᬶᬲ᭄
ᬢᬸᬃᬢᭀᬧᬾᬂᬓ᭄ᬮᬸᬂᬗ᭄ᬓᬸᬂ᭞ᬤ᭄ᬯᬾᬦ᭄ᬳᬶᬤᬵᬩᬕᬸᬲ᭄‌ᬳᭀᬓ᭟ᬳᬶᬧᬢ᭄ᬭᬳᬶᬤᬾᬍᬫ᭄ᬓᬮᬶᬄᬲᬫᬶᬬᬦ᭄ᬲᬓᬶᬂᬓᬫᬲᬦ᭄᭞ᬫ᭄ᬯᬄᬳᬶᬤᬵᬫᬥᬾᬧᬕᭀᬦ᭄᭞ᬫᬗ᭄ᬕᬮᬤᬤᭀᬲ᭄ᬧᬦ᭄ᬤᬲᬃ᭞ᬫᬵ
ᬯ᭄ᬦᬦ᭄ᬲᬫᬶᬮᬾᬤ᭄ᬟᬂ᭞ᬳᬓᬾᬄᬦᬾᬦᭀᬦ᭄ᬢᭀᬦ᭄ᬫᬜᬸᬫ᭄ᬩᬸᬂ᭞ᬫᬓᬤᬶᬲ᭄ᬭᬶᬲᬸᬲᬸᬳᬸᬦᬦ᭄᭟ᬲᬯᬵᬢᬺᬓᬳᬶᬘ᭄ᬙᬾᬦ᭄ᬩᬢᬶᬓ᭄᭞ᬓᬮᬶᬄᬳᬸᬤᭂᬂᬲᬦᬾᬫ᭄ᬮᬄ᭞ᬧᬓᬃᬬ᭄ᬬᬦ᭄‌ᬚᭀᬓ᭄ᬚᭂ [ 19 ][᭑᭘ 18B]
᭑᭘
ᬲᭀᬮᭀ᭞ᬫᬓᬤᬶᬜᬯᬂᬓᬺᬢ᭄ᬣᬲ᭄᭞ᬫᬚᬶᬳᬚᬶᬲᬢᬸᬲ᭄ᬭᬸᬧ᭄ᬬᬄ᭞ᬲᬗ᭄ᬓᬦᬼᬕᬦᬾᬫᬫᬸᬧᬸᬢ᭄᭞ᬓᬶᬘ᭄ᬙᬾᬦ᭄ᬢᬦ᭄ᬤᬧᬳᬶᬗ᭄ᬢᬦ᭄᭟ᬦᬾᬫᬗ᭄ᬓᬶᬦ᭄ᬫᬮᬶᬄᬯᬮᬶᬦᬶᬦ᭄᭞ᬜᬭᬶᬢ᭄ᬣᬬᬂᬭᬶᬂᬧ᭄ᬬᬚ᭄ᬜ
ᬦ᭄᭞ᬫᬧᬗᬯᬶᬢ᭄ᬫᬥᬮ᭄ᬘᭀᬦ᭄ᬤᭀᬂ᭞ᬭᬭᬶᬲ᭄ᬧᬸᬢ᭄ᬭᬶᬲᬗᬶᬢ᭄ᬩᬬᬦ᭄᭞ᬳᬃᬚ᭄ᬚᬲᬧᬵᬧᬦ᭄ᬤᬭᬃ᭞ᬧᬶᬦᬶᬄᬧᬦ᭄ᬓᬸᬃᬫ᭄ᬟᬮᬶᬫ᭄ᬩᬸᬃ᭞ᬫᬗᬦᬹᬢᬂᬮᬮᬫ᭄ᬧᬳᬦ᭄᭟ᬲᭂᬲᭂᬓ᭄ᬚᭂᬚᭂᬮ᭄ᬦᬾᬫᬩᬮᬶᬄ᭞
ᬚ᭄ᬭᭀᬦᬶᬂᬩᬜ᭄ᬘᬶᬗᬄᬧ᭄ᬬᬚ᭄ᬜᬦ᭄᭞ᬫᬦᬸᬳᬸᬓ᭄ᬧᬲᬮᬶᬂᬲᭀᬤᭀᬕ᭄᭞ᬢᬸᬬᬸᬄᬳᬸᬧᬲᬾᬫᬶᬬᬓᬂ᭞ᬦᬗ᭄ᬳᬶᬂᬲᬶᬤ᭄ᬟᬲᬤ᭄ᬬᬫᬳᬦ᭄᭞ᬦᬾᬦ᭄ᬢᭂᬦᬳᭂᬦ᭄ᬯᬾᬦ᭄ᬢᭂᬦ᭄ᬩᬶᬬᬸᬃ᭞ᬓᬯᬢ᭄ᬓᭀ᭠
ᬢᬫᬦᬶᬂᬓᬃᬬ᭄ᬬ᭟ᬢᬺᬧ᭄ᬢᬶᬲᭀᬮᬳᬾᬫᬩᬮᬶᬄ᭞ᬧ᭄ᬭᬡᬫ᭄ᬬᬲᬫᬶᬫᬦ᭄ᬕᬓ᭄᭞ᬳᬢᬸ᭠ᬗ᭄ᬓᬸᬮ᭄ᬲᬫ᭄ᬬᬦ᭄ᬕᬯᭀᬓ᭄᭞ᬓᬧᬄᬳᬾᬮᬶᬂᬫᬓᬶᬚᬧᬦ᭄᭞ᬫᬤᬕᬶᬂᬇᬤᭂᬧᬾᬫᬦ᭄ᬤ᭄ᬭ᭞ᬗ᭄ᬭᬱᬤᬾᬯᬾ
[᭑᭙ 19A]
ᬓ᭄‌ᬲ᭄ᬮᬾᬄᬩᬕᬸᬲ᭄᭞ᬦᬾᬢ᭄ᬭᬫᬭᬱᬩᬚᬂ᭟ᬧᬜ᭄ᬚᬂᬬᬦ᭄ᬳᬸᬘᬧᬂᬫᬮᬶᬄ᭞ᬓᬦ᭄ᬢᭀᬲ᭄ᬫᬓᬳ᭄ᬟᬲ᭄ᬭᬳᬶᬦ᭞ᬳᬓᬾᬳᬦ᭄ᬲᬫᬶᬓᬤᬮᭀᬦ᭄᭞ᬤ᭄ᬯᬦᬶᬂᬯᬾᬦ᭄ᬢᭂᬦ᭄ᬗ᭄ᬭᬱᬓ᭄ᬬᬧ᭄᭞ᬳᬦ᭄ᬢᬸᬓ᭄ᬳᬗᭀ
ᬩ᭄ᬗᬦ᭄ᬢᭂᬦᬂ᭞ᬬᬶᬸᬧᬗᬗ᭄ᬕᬾᬦᬾᬳᬩᬺᬫᬸᬭᬸᬩ᭄᭞ᬫᬢᬸᬭᬸᬢ᭄ᬫᬧ᭄ᬭᬤᬩᬸᬗᬄ᭟ᬭᬾᬄᬫᬶᬲᬤ᭄ᬬᬫᬫ᭄ᬩᬦᬾᬦᬶᬦ᭄᭞ᬲᬫᬶᬗᬃᬬ᭄ᬬᬧᬧᬬᬲᬦ᭄᭞ᬦᬾᬗᬦ᭄ᬤᬂᬳᬗ᭄ᬕᬾᬦ᭄ᬭᬶᬂᬚ᭄ᬭᭀ᭞ᬳᬶᬦᬾᬲᬓ
ᬮ᭄ᬬᬂᬳᬸᬮᬓᬦ᭄᭞ᬧᬺᬩ᭄ᬓᭂᬮ᭄ᬫᬸᬮᬵᬮᬕᬲ᭄᭞ᬦᬾᬦ᭄ᬢᭂᬦ᭄ᬩᬾᬢᬂᬳᬚᬶᬜ᭄ᬚᬶᬧᬸᬦ᭄᭞ᬜᬶᬢ᭄ᬦᬬᬂᬩᬓ᭄ᬢᬶᬫᬳᬢᬸᬭᬵᬦ᭄᭟ᬲᬳᬸᬲᬦ᭄ᬳᬃᬚ᭄ᬚᬦᬾᬭᬭᬶᬲ᭄᭞ᬳᬓᬾᬳᬦ᭄ᬗ᭄ᬭᬱᬓᬶᬭᬗᬦ᭄᭞ᬭᬶᬂᬧᬃ
ᬕ᭄ᬕᬶᬦᬾ᭞ᬳᬗ᭄ᬭᬾᬫᭀᬦ᭄᭞ᬳᬦ᭄ᬢᬸᬓ᭄‌ᬕ᭄ᬮᬶᬲ᭄ᬓᬳᬸᬲᬦᬂ᭞ᬓᬭᬶᬳᬾᬮᬶᬂᬳᬮᬫᬮᬫ᭄᭞ᬲᬫ᭄ᬩᬶᬮ᭄ᬫᬦ᭄ᬢᬸᬓ᭄ᬫᬜᬤᬸᬳᬸᬂ᭞ᬯᬾᬦ᭄ᬢᭂᬦ᭄ᬲ᭄ᬤᬶᬄᬫᬧᬗᭂᬦᬦ᭄᭟ᬭᬶᬂᬫᬃᬕ᭄ᬕᬶᬦᬾᬲᬮᬶᬂᬢᬸᬦ᭄ᬤᬶᬓ᭄᭞ᬗ᭠ [ 20 ][᭑᭙ 19B]
᭑᭙
ᬤᬸᬯᬗ᭄ᬲᬶᬢ᭄ᬲᬲᬶᬕ᭄ᬫᬦ᭄᭞ᬬᬦ᭄ᬧᬃᬡ᭄ᬦᬫᬶᬦᬩ᭄ᬫᬢᬓᭀᬦ᭄᭞ᬦᬓᬾᬦᬂᬧᬸᬢ᭄ᬭᬶᬦᬾᬫ᭄ᬮᬄ᭞ᬬᬦ᭄ᬲᬵᬫ᭄ᬲᬶᬸᬫ᭄ᬧᬸᬦ᭄ᬫᬕᬕᬾᬮᬦ᭄᭞ᬬᬦ᭄ᬤᬸᬭᬸᬂᬳᬶᬦᬕᬶᬄᬢᬸᬮᬸᬂ᭞ᬭᬶᬂᬫᬦ᭄ᬢ᭄ᬭᬲ᭄ᬫᬭᬯᬶᬚᬬ᭟
᭚᭐᭚ᬕᬶᬦᬦ᭄ᬢᬶ᭚᭐᭚ᬕᬶᬦᬦ᭄ᬢᬶᬳᬗ᭄ᬕᬾᬦ᭄ᬫᬜᬸᬦ᭄ᬤᬸᬮ᭄᭞ᬗ᭄ᬭᬜ᭄ᬘᬦᬬᬂᬭᬶᬂᬳᭀᬧᬗᬯᬶ᭞ᬢᬶᬗ᭄ᬓᬄᬳᬦᬓᬾᬫᬢᬸᬭᬦ᭄᭞ᬲᭀᬭᭀᬄᬤᬶᬱ᭄ᬝ᭄ᬭᬶᬓ᭄ᬳᬩᬂᬦᬸᬮᬶᬓ᭄᭞ᬤᬾᬰᬩᬩᬶᬳᬸᬫᬵᬳᬜᬃ
᭞ᬮᬦ᭄ᬕᬸᬦᬓ᭄ᬱᬢᬦᬄᬍᬗᬶᬲ᭄᭞ᬩᬲᬗᬮᬲ᭄ᬫᬕᬵᬢ᭄ᬮᬸ᭞ᬓᬢᬯᬭᬵᬄᬢᬶᬳᬶᬂ᭠ᬢᬮᬶ᭞ᬳᬩ᭄ᬬᬜ᭄ᬚ᭄ᬭᭀᬲᬥᬶᬫᬭᬵ᭞ᬢᬸᬫᬶᬗᬮ᭄‌ᬫ᭄ᬯᬄᬢᬦᬳᬚᬶ᭞ᬢᬶᬱ᭄ᬝᬍᬩᬸᬄᬮᬦ᭄ᬓᬫᬸᬤ᭞
ᬩᬢᬸᬫᬤᭂᬕ᭄ᬳᬩᬂᬧᬶᬤ᭄ᬧᬶᬤ᭄᭞ᬤᬾᬰᬤᬢᬄᬩ᭄ᬬᬲ᭄ᬚᬸᬯᬸᬓ᭄᭞ᬓᬤᬫ᭄ᬧᬮ᭄‌ᬫ᭄ᬯᬂᬓᬭᬂᬲᬭᬷ᭞ᬫ᭄ᬭᬶᬢᬫᬶᬯᬄᬩᬢᬸᬤᬯᬵ᭞ᬳᬩ᭄ᬬᬦ᭄ᬮᬦ᭄ᬢᬂᬓᭂᬩᭀᬦ᭄ᬘᬸᬮᬶᬓ᭄᭞ᬩᬜ᭄ᬚᬃᬩᬳᬸᬮᬦ᭄ᬓᬮ᭠
[᭒᭐ 20A]
ᬓᬄ᭞ᬮᬕᬓ᭄ᬱᬶᬫ᭄ᬧᬭᬾᬫᬓᬤᬶ᭟ᬲᭀᬢᬦᬶᬂᬳᬓᬾᬦ᭄ᬕᬸᬦᬸᬂ᭞ᬦᬵᬗ᭄ᬳᬶᬂᬢᬍᬃᬭᬫ᭄ᬬᬢᬺᬧ᭄ᬢᬶ᭞ᬧᬫᬃᬕ᭄ᬕᬶᬦᬾᬫᬳᬢᬸᬭᬦ᭄᭞ᬧᬶᬢᬸᬂᬤᬶᬦᬵᬲᬮᬶᬂᬕᭂᬦ᭄ᬢᬶ᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬓᬮᬶᬄᬮᬓ᭄ᬱ᭞ᬫᬓᬾᬄᬳᬶᬧᬸᬦ᭄ᬬ
ᬦ᭄ᬯᬶᬮᬗᬶᬦ᭄᭟ᬫᬶᬭᬶᬗᬦ᭄‌ᬕᭀᬂᬩ᭄ᬮᬕᬜ᭄ᬚᬸᬃ᭞ᬢᬸᬗ᭄ᬕᬸᬮ᭄ᬧᬬᬸᬂᬫᬗᬋᬧᬶᬦ᭄᭞ᬩᬭᬶᬲ᭄ᬢᬸ᭠ᬫ᭄ᬩᬓᬾᬫᬫ᭄ᬮᬢ᭄᭞ᬲᬳᬢᬫ᭄ᬩᬸᬭᬾᬗ᭄ᬭᬫᬾᬦᬶᬦ᭄᭞ᬲᬓᬶᬂᬤᭀᬄᬫᬲᬲᬸᬭᬓᬦ᭄᭞ᬓᬦ᭄ᬢᭀᬲ᭄ᬭᬯᬸᬄ
ᬓᬦᬕᬭᬷ᭟ᬧᬭᬫᬗ᭄ᬓᬸᬦᬾᬫᬧᬸᬦ᭄ᬟᬄ᭞ᬢᬸᬃᬗᬸᬬᭂᬂᬕᭂᬡ᭄ᬝᬫᬓ᭄ᬭᬶᬦᬶᬂ᭞ᬲᬳᬫᬦᬫ᭄ᬧᬵᬧᬲᭂᬧᬦ᭄᭞ᬫᬗᬋᬧᬶᬦ᭄ᬘᬦᬂᬲᬭᬷ᭞ᬤ᭄ᬳᬵᬢ᭄ᬭᬸᬦᬦᬾᬫᬚᬚᬃ᭞ᬲᬫᬶᬗᬗ᭄ᬕᬾᬲᬃᬯ᭄ᬯᬓᬸᬦᬶᬂ᭟ᬦᬾ
ᬩᬚᬂᬩᬚᬂᬭᬶᬂᬤᬸᬫᬸᬦ᭄᭞ᬦᬾᬢ᭄ᬯᬲ᭄ᬭᬶᬂᬗᬭᬾᬦᬶᬦ᭄᭞ᬤᬾᬦᬶᬂᬕᬬᬮ᭄ᬤᭀᬄᬫᬫᬃᬕ᭄ᬕ᭞ᬢᬸᬃᬫᬜᬶᬗᬮ᭄ᬘᬸᬘᬸᬳᬮᬶᬢ᭄᭞ᬫᬲᬗᬸᬓᬢᬶᬧᬢ᭄ᬩᬦ᭄ᬢᬮ᭄᭞ᬳᬗ᭄ᬕᬾᬦ᭄ᬦᬸᬗ᭄ᬓᬸᬮᬂᬦᬾᬗ᭄ᬮᬶᬂ᭟ᬭᬯᬸᬄ [ 21 ][᭒᭐ 20B]
᭒᭐
ᬭᬶᬂᬓᭀᬢ᭄ᬣᬕᬸᬫᬸᬭᬸᬄ᭞ᬢᬫ᭄ᬩᬸᬃᬳ᭄ᬕᭀᬗᬾᬫᬘ᭄ᬕᬶᬃ᭞ᬓᬩᬭᬗᬶᬦ᭄ᬳᬦ᭄ᬢᬸᬓ᭄ᬱᬸᬭᬓ᭄᭞ᬮᬸᬄᬳᬾᬫᬯᬃᬕ᭄ᬕᬲᬭᬷ᭞ᬳᬦᬸᬢ᭄ᬧᬗᬗ᭄ᬕᬾᬲᬫ᭄ᬩ᭄ᬭᬦ᭞ᬳᬦᬓ᭄ᬳᬕᬸᬂᬕ᭄ᬟᬾᬭᬳᬶ᭟ᬫᬫᬃᬕ᭄ᬕᬶᬧᬶᬦᬶᬄ
ᬭᬶᬂᬤᬸᬫᬸᬦ᭄᭞ᬧᬭᬵᬓ᭄ᬮ᭄ᬬᬂᬗᬋᬫ᭄ᬧᭂᬕᬶᬦ᭄᭞ᬍᬜ᭄ᬚᭂᬧ᭄ᬫᬢᬸᬃᬲᬳᬵᬲᭂᬫ᭄ᬩᬄ᭞ᬗᬢᬸᬭᬂᬦᬾᬓᬢᬸᬃᬲᬫᬶ᭞ᬲᬯᬢᬺᬭᬭᬶᬲ᭄ᬓᬮᬸᬓᬢ᭄᭞ᬓᬲᬫ᭄ᬩ᭄ᬭᬦᬚᬤᬸᬗᬸᬦᬶ᭟ᬫᬮᬶᬄᬦᬶᬫ᭄ᬩᬮ᭄ᬤᬶᬲ᭄ᬢ᭄ᬭᬶᬓᬸᬩᬸ᭞
ᬤᬸᬓᬸᬄᬚᬸᬦ᭄ᬢᬮ᭄ᬓᬮᬂᬲᬭᬷ᭞ᬲᬸᬓᬤᬵᬦᬫᬶᬯᬄᬢ᭄ᬬᬜᬃ᭞ᬩᭀᬜᭀᬄᬧᬗᬮᬸᬲᬦ᭄ᬘᭂᬕᬶ᭞ᬢᬸᬮᬤ᭄ᬮ᭄ᬯᬄᬤᬮᬗ᭄ᬟᬗᬦ᭄᭞ᬫᬶᬯᬄᬧᬺᬕᬸᬦᬸᬗᬾᬲᬫᬶ᭟ᬲᭀᬢᬦᬶᬂᬤᭀᬄᬲᬓᬶᬂᬤᬸ
ᬲᬸᬦ᭄᭞ᬦᬾᬦ᭄ᬢᭂᬦ᭄ᬜᬶᬤᬬᬂᬫᬩᬭᬶᬲ᭄᭞ᬤᭂᬦᬶᬂᬭᬯᬸᬳᬾᬧᬘ᭄ᬮᬦ᭄ᬘᬦ᭄᭞ᬯᬾᬦ᭄ᬢᭂᬦ᭄ᬲ᭄ᬫᭂᬂᬯᬾᬦ᭄ᬢᭂᬦ᭄ᬳᭂᬗᬳᬶ᭞ᬯᬾᬦ᭄ᬢᭂᬦ᭄‌ᬯ᭄ᬗᬶᬲᬦ᭄ᬤᬶᬓᬮ᭞ᬯᬾᬦ᭄ᬢᭂᬦ᭄ᬫᬗᬶᬦᭂᬧ᭄ᬭᬶᬂᬫᬃᬕ᭄ᬕᬶ᭟ᬯᬾᬦ᭄ᬢᭂᬦᬾᬫᬤ᭄ᬯᬾᬮᬶᬬᬸ᭞
[᭒᭑ 21B]
ᬫᭀᬢᭀᬃᬩᬭᬂᬓᬢ᭄ᬕᬓᬶᬦ᭄᭞ᬫᬓ᭄ᬢᬳ᭄ᬜᬸᬄᬨᬮᬯᬶᬚ᭞ᬯᬶᬬᭂᬳᬄᬩ᭄ᬭᬲ᭄ᬢᬲᬶᬓ᭄ᬕᭂᬦ᭄ᬤᬶᬲ᭄᭞ᬯᬾᬦ᭄ᬢᭂᬦ᭄ᬗᬢᬸᬭᬂᬲ᭄ᬮᬓ᭞ᬳᬩᬶᬤᬂᬫᬶᬯᬄᬢᬶᬕᬂᬭᬶᬗ᭄ᬕᬶᬢ᭄᭟ᬫᬓᬤ᭄ᬟᬶᬧᬺᬩ᭄ᬓᭂᬮ᭄ᬓᬸᬩᬸ᭞ᬦᬾ᭞ᬳᬯᬱ᭄ᬝ
ᬜᭀᬫᬦ᭄ᬤᬗᬶᬦ᭄᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬗᬭᬱᬬᬂ᭞ᬳᬢᬸᬭᬦ᭄ᬭᭀᬯᬗᬾᬩᬓ᭄ᬢᬶ᭞ᬧᬗ᭄ᬮᬸᬭᬄᬳᬶᬕ᭄ᬟᬾᬤᬶᬓ᭄ᬱ᭞ᬫᬓᬾᬄᬫᬳᬢᬸᬭᬦ᭄ᬓᬫ᭄ᬩᬶᬂ᭟ᬳᬯᬶᬦᬦ᭄ᬢᬍᬃᬓᬢᬫ᭄ᬬᬸ᭞ᬲᬫᬶᬭᬢᬓᬶᬘᬾ
ᬦ᭄ᬦᬲᬶ᭞ᬤᬾᬦᬶᬂᬲᬓᬶᬂᬤᭀᬄᬫᬳᬢᬸᬭᬦ᭄᭞ᬢᬦ᭄ᬲᬶᬤ᭄ᬟᬫᬮᬶᬄᬫᬯᬮᬶ᭞ᬯᬾᬦ᭄ᬢᭂᬦ᭄ᬓᬦ᭄ᬢᭀᬲ᭄ᬓᬮᬶᬄᬤᬶᬦ᭞ᬗᬶᬦᭂᬧ᭄ᬭᬶᬂᬓᭀᬢ᭄ᬣᬦᬕᬭᬷ᭚᭐᭚ᬓᬸᬫ᭄ᬩᬫ᭄ᬩᬂ᭚᭐᭚ᬫᬲ᭄ᬓᬸᬫᬫ᭄ᬩᬂᬳᬗ᭄ᬕᬾᬦ᭄
ᬲᬭᬶᬦᬼᬕᬦ᭄ᬳᬶᬢᬶ᭞ᬳᬾᬮᬶᬂᬫᬗ᭄ᬭᬱᬬᬂᬧᬶᬢᬺᬱ᭄ᬡᬦ᭄ᬚᬕᬢᬾᬲᬫᬶ᭞ᬲᬓᬶᬂᬮ᭄ᬕᬫᬳᬢᬸᬭᬦ᭄᭟ᬲᬶᬜᬫᬮᬸᬳᬤᬵᬩᬜᬗ᭄ᬮᬄᬓᬶᬃᬢ᭄ᬣᬷ᭞ᬳᬯᬶᬦᬦ᭄ᬲᬯᬢᬺ᭞ᬳᬶᬤᬤᬦᬾᬭᬶᬂᬩᬮᬶ᭞ [ 22 ][᭒᭑ 21B]
᭒᭑
ᬫ᭄ᬯᬄᬲᬯᬶᬢ᭄ᬭᬲᬸᬦᬦ᭄ᬳᬭᬵ᭟ᬲᬫᬶᬲᬸᬓᬮ᭄ᬕᬮᬾᬤᬂᬫᬓᬸᬮᬸᬗᬶᬦ᭄᭞ᬲᬮ᭄ᬯᬶᬃᬦᬾᬩ᭄ᬯᬢ᭄ᬣᬶ᭞ᬲᬦᬾᬢᬦ᭄ᬯᬾᬦ᭄ᬢᭂᬦ᭄ᬭᬶᬂᬩᬮᬶ᭞ᬫᬓᬤᬶᬜᬤᬕᬶᬂᬯᬭᬓ᭄᭟ᬲᬳᬵᬤᬕᬶᬂᬓᬸᬮᬶᬢ᭄‌ᬕ᭄ᬢᬶᬄᬩᬳᭂᬫ᭄ᬘᬮᬶᬂ᭞
ᬢᬦ᭄ᬟᬓ᭄ᬫᬶᬯᬄᬢᬸᬬᬂ᭞ᬘᬹᬥᬫᬦᬶᬦᬾᬫᬓᬤᬶ᭞ᬉᬢ᭄ᬢᬫᬳᬗ᭄ᬕᬾᬦ᭄ᬧᬦᬯᬃ᭟ᬭᬾᬄᬧᬸᬦᬶᬓᬦᬾᬫᬸᬮᬧᬫ᭄ᬓᬲ᭄‌ᬍᬯᬶᬄ᭞ᬩᬦ᭄ᬢᭂᬦ᭄ᬧᬶᬢᬺᬧᬶᬡ᭄ᬟ᭞ᬤᬕᬶᬂᬮᬶᬯᭂᬢᬾᬓᬧᬸᬚᬶ᭞ᬲᬗᬸᬦ᭄ᬲᬂᬤᬾᬯ᭄ᬯᬵ
ᬧᬶᬢᬭᬵ᭟ᬢᬸᬃᬫᬘᬶᬕ᭄ᬦᬰᬸᬤ᭄ᬟᬫᬗ᭄ᬕᬮᬦᬾᬫᬗ᭄ᬓᬶᬦ᭄᭞ᬲᬓᬶᬂᬗᬮᬶᬄᬰᬰ᭄ᬬᬂ᭞ᬓ᭄ᬱᭂᬄᬚᬕᬢᬾᬫᬲᬮᬶᬦ᭄᭞ᬭᬶᬂᬓᭀᬢ᭄ᬣᬳᬫ᭄ᬮᬦᬕᬭ᭟ᬲᬸᬓᬭᬫ᭄ᬬᬲ᭄ᬫᬶᬢᬦ᭄ᬚᬦᬦᬾᬯᬵᬄᬪᭀ
ᬕ᭄ᬕᬶ᭞ᬫᬶᬦᬩ᭄ᬢᬦ᭄ᬓᬢᬸᬦᬦ᭄᭞ᬭᬚᬩ᭄ᬭᬡᬲᬃᬯ᭄ᬯᬩᬸᬓ᭄ᬢᬶ᭞ᬲᬫᬶᬦᬫ᭄ᬢᬫᬶᬦ᭄ᬓᬲᬸᬓᬦ᭄᭟ᬭᬯᬶᬂᬲ᭄ᬫᬸᬢ᭄ᬩᬸᬬᬸᬂᬕᭀᬯᬓ᭄ᬱᬃᬯ᭄ᬯᬵᬧ᭄ᬭᬡᬶ᭞ᬤᬤᭀᬲᬫᬶᬥᬃᬫ᭄ᬫ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄‌ᬗᬍᬢᭂᬳᬶᬦ᭄᭞
[᭒᭒ 22A]
ᬲᬧᬦᬶᬲ᭄ᬓᬭᬦᬶᬂᬓᬃᬬ᭄ᬬ᭟ᬤᬾᬯᬬᬚ᭄ᬜᬫᬮᬶᬕ᭄ᬬᬲᬦᬾᬓᬓᬃᬤ᭄ᬟᬶ᭞ᬲᬓᬶᬂᬧᬺᬢᬸᬮᬸᬗᬦ᭄᭞ᬧᬩᬼᬲᬃᬳᬶᬡ᭄ᬟ᭄ᬬᬯᬮᬶᬡ᭄ᬟᬶ᭞ᬫᬯᬦᬦ᭄‌ᬗ᭄ᬭᬯᬸᬳᬂᬯᬭᬓ᭄᭞ᬢ᭄ᬯᬦ᭄ᬓᬧ᭄ᬢᬾᬦ᭄ᬓᭂᬮᭀᬧ᭄ᬭᭀᬳᬲ
ᬓᬶᬂᬫ᭄ᬩᬦᬾᬦᬶᬦ᭄᭞ᬫᬗᬶᬭᬶᬫᬂᬲᬹᬭᬵᬢ᭄᭞ᬜᬤ᭄ᬬᬫᬦᬕᬶᬄᬦᬸᬮᬸᬗᬶᬦ᭄᭞ᬚᬕᬗᬋᬋᬳᬂᬯᬭᬓ᭄᭟ᬲᬓᬾᬯᬦ᭄ᬢᭂᬦ᭄ᬓᬭᬶᬗᬦ᭄ᬢᭀᬲᬸᬭᬵᬢ᭄ᬩᭂᬲ᭄ᬮᬶᬢ᭄᭞ᬫᬗ᭄ᬤᬓᬮᬸᬕ᭄ᬭᬚᬵ᭞ᬗᬶᬤᭂᬭᬶ
ᬦ᭄ᬳᬮᬲᬾᬲᬫᬶ᭞ᬲᬓᬸᬳᬸᬫ᭄ᬚᬕᬢ᭄ᬲᬸᬫᬢ᭄ᬭ᭟ᬲᬳᬵᬗᬚᬓ᭄ᬱᬸᬭᬵᬤᬤᬸᬲᬢᬸᬓᬸ᭠ᬫ᭄ᬧᬶ᭞ᬮᬸᬗ᭄ᬳᬵᬫᬳᬶᬤ᭄ᬭᬦ᭄᭞ᬭᬶᬂᬳᬮᬲᬾᬗ᭄ᬕᬯᬩ᭄ᬟᬶᬮ᭄᭞ᬓᬦ᭄ᬢᭀᬲ᭄ᬳᬰᬰᬶᬄᬳᬢ᭄ᬗᬄ᭟ᬭᬭᬶ᭠
ᬲ᭄ᬯᬾᬦ᭄ᬢᭂᬦ᭄ᬢᬮᬶᬕ᭄ᬭᬫ᭄ᬫᬗᬩᬭᬶᬦ᭄᭞ᬲᬵᬫ᭄ᬧᬸᬦ᭄ᬓᭂᬦᬶᬓᭀᬘᬧ᭄᭞ᬯᬭᬓ᭄ᬳᬲᬶᬓᬶᬓ᭠ᬩ᭄ᬟᬶᬮ᭄᭞ᬓᬭᬶᬦᬩ᭄ᬤᬩᬂᬗᬢᬸᬳᬂ᭟ᬢ᭄ᬯᬦ᭄ᬤᬶᬭᬶᬓ᭄ᬢᬸᬃᬓᬧᬾᬳᬾᬫ᭄ᬫᬮᬶᬄᬦᬸᬮᬸᬗᬶᬦ᭄᭞ᬫᬳᬂ [ 23 ][᭒᭒ 22B]
᭒᭒
ᬧ᭄ᬭᬭᬶᬂᬓᬧᬮ᭄᭞ᬦᬾᬦ᭄ᬢᭂᬦᬕᬶᬄᬳᭀᬗ᭄ᬓᭀᬲ᭄ᬫᬮᬶᬄ᭞ᬧᬸᬧᬸᬢ᭄ᬳᬦ᭄ᬢᬸᬓ᭄ᬫᬗ᭄ᬭᬲᬬᬂ᭟ᬲᬓᬾᬯᬦ᭄ᬢᭂᬦ᭄ᬩᬦ᭄ᬢᭂᬲ᭄ᬦᬯᬸᬃᬳᭀᬗ᭄ᬓᭀᬲ᭄ᬓᬮᬶ᭞ᬲᬦᬾᬤᬤᭀᬲ᭄ᬮᬗ᭄ᬮᬂ᭞ᬗᬶᬦ᭄ᬢᬶᬧ᭄ᬕᭂᬕᬄᬜᬦᬾᬫ᭄ᬲᬶᬓ᭄᭞ᬓ
ᬮᬶᬄᬗᬺᬫ᭄ᬩᬢ᭄ᬓᬧᬲᭀᬯᬦ᭄᭟ᬯᬶᬭᬾᬄᬲ᭄ᬯᬾᬲᭀᬮᬳᬾᬓᬭᬶᬫᬗᬶᬦ᭄ᬢᬶᬧ᭄᭞ᬓᬮᬶᬄᬤᭀᬄᬫᬫᬃᬕ᭄ᬕᬶ᭞ᬲᬓᬶᬂᬳᬮᬲ᭄ᬓᬧᬲᬶᬲᬶ᭞ᬤᬤᭀᬲ᭄ᬫᬸᬧᬄᬲ᭄ᬬᬸᬦᭂᬫ᭄ᬭᬸᬧ᭄ᬬᬄ᭞ᬬᬤᬶᬦ᭄ᬓᬾᬢᭀᬦᬾᬦ᭄ᬢᭂᬦ᭄ᬧᬶ
ᬲᬦ᭄ᬫᬗ᭄ᬭᬲᬦᬶᬦ᭄᭞ᬜᭀᬩᭂᬢᬂᬭᬶᬂᬫᬦᬄ᭞ᬯᬶᬭᬾᬄᬧᬸᬦᬶᬓᬲᬸᬗ᭄ᬓᭂᬫᬶᬦ᭄᭞ᬩ᭄ᬯᬢᬂᬳᬗ᭄ᬕᬾᬦ᭄ᬤᬕᬶᬂᬓᬃᬬ᭄ᬬ᭚᭐᭚ᬤᬹᬃᬫ᭄ᬫ᭚᭐᭚ᬘᬭᬶᬢᬬᬂᬤᬾᬰᬩᬦ᭄ᬤᭂᬫᬾᬫᬳᬢᬸᬭᬦ᭄᭞ᬢᬶᬳᬶ
ᬗᬦ᭄ᬓᬬᬸᬧᬸᬢᬶᬄ᭞ᬢᭀᬄᬧᬢᬶᬫ᭄ᬯᬂᬢᬸᬗ᭄ᬕᬓ᭄᭞ᬩᬸᬗ᭄ᬳᬬ᭄ᬬᬳᬗ᭄ᬬᬦ᭄ᬲᭀᬯᬦ᭄᭞ᬧᬧᬸᬂᬓᬘᬶᬘᬂᬳᬸᬚᬸᬂᬰ᭄ᬭᬷ᭞ᬢᭀᬬᬫᬘᬧ᭄ᬘᬧ᭄᭞ᬫ᭄ᬯᬄᬤᬸᬓᬸᬄᬦᬕᬲᬭᬷ᭟ᬓᬮ᭄ᬬᬂᬤᬾᬰᬦᬾᬫᬯᬱ᭄ᬝ᭠
[᭒᭓ 23A]
ᬯᬬᬦ᭄ᬲᬢ᭄ᬭ᭄ᬬ᭞ᬫᬗ᭄ᬕᬮᬫᬫᬸᬘᬸᬓᬶᬦ᭄᭞ᬗᬗ᭄ᬕᬾᬦ᭄ᬧᬬᬲ᭄ᬩᬸᬗᬄ᭞ᬭᬯᬶᬂᬧᬭᬓᬮ᭄ᬬᬂ᭞ᬓ᭄ᬭᬫᬵᬩᬜ᭄ᬚᬃᬳ᭄ᬮᬸᬄᬫ᭄ᬯᬦᬶ᭞ᬓᬮ᭄ᬬᬂᬧᬳᬸᬫᬦ᭄᭞ᬧᬺᬩ᭄ᬓᭂᬮᬾᬫᬓᬤᬶ᭟ᬳᬶᬤᬵᬯᬬᬦ᭄ᬧᬸᬢᬸᬫᬸᬮᬵᬯᬃᬡ᭄ᬦᬫ᭄ᬮᬄ
᭞ᬢᬦ᭄ᬤᬂᬢᬦ᭄ᬧᬧᬓᬶᬭᬶᬂ᭞ᬬᬦ᭄ᬧᬃᬡ᭄ᬦᬭᬱᬬᬂ᭞ᬫᬶᬦᬩ᭄ᬲᬂᬗᬰ᭄ᬯᬢᬫᬵ᭞ᬩ᭄ᬭᬳ᭄ᬫᬡᬭᬶᬂᬩᬸᬤ᭄ᬟᬓ᭄ᬮᬶᬂ᭞ᬩᬕᬸᬲ᭄ᬟᬶᬭᬫ᭞ᬢᬸᬭᬸᬦᬦ᭄ᬲᬓ᭄ᬬᬫᬸᬦᬶ᭟ᬫ᭄ᬯᬄᬓᭀᬫᬵᬮᬲᬋᬂᬩᬜ᭄ᬚᬃᬧᬦ᭄ᬤᬾᬫᬲ᭄᭞
ᬢᬭᭀᬢᭀᬓ᭄ᬧᬦ᭄ᬤᬾᬩ᭄ᬲᬶ᭞ᬫ᭄ᬯᬄᬤᬸᬓᬸᬄᬧᬲᬯᬦ᭄᭞ᬩᬸᬢᬸᬲ᭄ᬮᬦ᭄ᬕᬸᬦᬸᬂᬦᬗ᭄ᬓᬵ᭞ᬩᬸᬓᬶᬢ᭄ᬧᬳᭀᬦ᭄ᬳᭂᬫ᭄ᬩᬳᬧᬶ᭞ᬭᬯᬸᬄᬲᬕᬺᬳᬦ᭄᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬢᬶᬕᬂᬢᬮᬶ᭞ᬧᬤ᭄ᬧᬶᬦ᭄ᬤᭂᬭᬾᬫᬗ
ᬦ᭄ᬢᭀᬲ᭄ᬭᬶᬂᬩᬮᬾᬤᬦᬵ᭞ᬓᬢᬸᬤᬸᬄᬫᬫᬧᬕᬶᬦ᭄᭞ᬯᬸᬲ᭄ᬧᬸᬧᬸᬢ᭄ᬫᬤᬩ᭄ᬤᬩᬦ᭄᭞ᬩ᭄ᬘᬶᬓ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬧᬦ᭄ᬢᬧᬦ᭄ᬢᬵᬫᬭᬶᬭᬶᬕ᭄᭞ᬫᬚᬚᬃᬳᭂᬫ᭄ᬧᬢ᭄‌ᬳᬕᬫ᭄ᬩᭂᬮᬦᬾᬗ᭄ᬭᬧ᭄ᬬᬦᬶᬦ᭄᭟ [ 24 ][᭒᭓ 23B]
᭒᭓
ᬩᬶᬮᬂᬤᬾᬰᬲᬫᬶᬫᬓ᭄ᬢᬕᬕᬫ᭄ᬮᬦ᭄᭞ᬫᬓᬤᬶᬘᬂᬲᬭᬷ᭞ᬫ᭄ᬯᬂᬩᬭᬶᬲ᭄ᬩᬦ᭄ᬤᬾᬭᬵ᭞ᬬᬦ᭄ᬓᬤᬂᬓᬸᬤᬂᬩᬩᬢ᭄᭞ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬦᬶᬫ᭄ᬩᬮ᭄᭞ᬤᬸᬮᬸᬭᬶᬦ᭄ᬯᬃᬕ᭄ᬕᬲᬭᬷ᭟ᬢ
ᬦᬸᬘᬧᬦ᭄‌ᬲᬵᬫ᭄ᬧᬸᬦᬧᬓ᭄ᬭᬶᬂᬧ᭄ᬬᬚ᭄ᬜᬦ᭄᭞ᬦᬾᬫᬳᬢᬸᬭᬦ᭄ᬲᬫᬶ᭞ᬲᬯᬢ᭄ᬭᬓᬮᬸᬓᬢ᭄᭞ᬢᬸᬃᬲᬵᬫ᭄ᬧᬸᬦ᭄ᬓᬢ᭄ᬭᬶᬫᬵ᭞ᬭᬶᬂᬭᬚᬧᬸᬢᬺᬦᭂᬫ᭄ᬯᬶᬚᬶ᭞ᬲᬫᬶᬜᬶᬭᬢᬂᬳᬾᬃᬫᬯᬃᬍᬗᬶᬲ᭄ᬫᬶᬳᬶᬓ᭄᭟
ᬲᬬᬦ᭄‌ᬳᬾᬕᬃᬲᬫᬶᬫᬦᬢᬓᬂᬮᬶᬫᬵ᭞ᬳᬶᬥᬫᬥᬾᬚ᭄ᬮᬡ᭄ᬝᬶᬓ᭄᭞ᬩᬳᬓ᭄ᬫᬓᬦᬭᬦ᭄᭞ᬫᬳᬶᬦᬩ᭄ᬓᬢᬮᬸᬳᬦ᭄᭞ᬳᬦ᭄ᬢᬸᬓ᭄ᬮᬾᬤᬂᬓᬢ᭄ᬭᬶᬲ᭄ᬢᬶᬲᬶᬦ᭄᭞ᬫᬲᬶᬦ᭄ᬟᬕᭀᬲᬲᬢ᭄ᬪᬶᬫᬗᬸᬩ
ᬢ᭄ᬳᬩᬶᬢ᭄᭟ᬩᬾᬜ᭄ᬚᬂᬦᬶᬫ᭄ᬩᬵᬮ᭄ᬟᬶᬲ᭄ᬝ᭄ᬭᬶᬓ᭄ᬱ᭄ᬮᬢᬾᬫᬳᬢᬸᬭᬦ᭄᭞ᬧᬲᬗ᭄ᬓᬦ᭄ᬯᬢᭂᬲ᭄ᬓ᭠ᬗᬶᬦ᭄᭞ᬤᬸᬤᬧᬤᬗ᭄ᬢᬸᬗ᭄ᬕᬮ᭄᭞ᬕ᭄ᬭ᭄ᬬᬦᬵᬧᬕᬸᬩᬸᬕᬦ᭄᭞ᬩᬜ᭄ᬚᬃᬲ᭄ᬮᬢ᭄ᬲᬸᬓᬮ᭄ᬯᬶᬄ᭞ᬫ᭄ᬯᬄᬲᬸᬓᬯ
[᭒᭔ 24A]
ᬦᬵ᭞ᬢ᭄ᬮᬸᬦ᭄ᬩ᭄ᬯᬦᬵᬧᬤᬗ᭄ᬳᬚᬶ᭟ᬤᬾᬰᬫᬸᬜ᭄ᬘᬸᬦ᭄᭞ᬲᬗ᭄ᬓᬦ᭄ᬕᬸᬩ᭄ᬦᭂᬓᬲᬵ᭞ᬲᭂᬫ᭄ᬲᭂᬫᬦ᭄ᬳᬶᬧᬄᬫᬶᬚᬶᬮ᭄᭞ᬲᬗ᭄ᬕᭂᬫ᭄ᬩᬜ᭄ᬚᬃᬳᭀᬕᬂ᭞ᬢᬩᬸᬢᬗ᭄ᬓᬸᬧ᭄ᬯᬗ᭄ᬰᬾᬬᬦ᭄᭞ᬢᬮᬶᬩᭂᬂᬮᬮ᭄ᬯᬦᬵᬲᬭᬷ᭞
ᬫ᭄ᬯᬂᬢ᭄ᬮᬸᬦ᭄ᬯᬬᬄ᭞ᬲᬸᬓᬳᭂᬢ᭄ᬩᬜ᭄ᬚᬃᬲᬭᬷ᭟ᬤᬾᬰᬮᬾᬩᬸᬲᬗ᭄ᬓᬦ᭄ᬳᬚᬶᬫ᭄ᬯᬂᬢᭀᬄᬚᬶᬯ᭄ᬯ᭞ᬲᬶᬤ᭄ᬫᭂᬦᬾᬫᬓᬤ᭄ᬟᬶ᭞ᬓ᭄ᬩᬸᬂᬤᬸᬓᬸᬄᬳᭀᬕᭀᬂ᭞ᬳᬶᬲᭂᬄᬩᬜ᭄ᬚᬃᬯᬶᬸᬫᬦ᭄ᬤᬭᬵ᭞ᬧᬶᬥᬥᬲᬶᬦ᭄ᬤᬸᬕ᭄ᬭ᭄ᬬ
ᬘᬭᬶᬓ᭄᭞ᬲᬳᬵᬓᬢᭂᬭᬂᬳᬦ᭄ᬢᬸᬓ᭄ᬧᬋᬲᬸᬮᬶᬗ᭄ᬕᬶᬄ᭟ᬲᭂᬲᭂᬓ᭄ᬚᭂᬚᭂᬮ᭄ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭞ᬫᬲ᭄ᬮᬸᬃᬲᬮᬶᬂᬮᬶᬫ᭄ᬧᬤᬶᬦ᭄᭞ᬦᬵᬗ᭄ᬳᬶᬂᬫᬲᬶᬄᬫ᭄ᬮᬄ᭞ᬤᬾᬦᬶᬂᬲᬫᬶᬧᬬᬲ᭄᭞᭠
ᬬᬦ᭄ᬧᬃᬡ᭄ᬦᬭᬶᬜ᭄ᬘᬶᬬᬂᬓᬯᬶ᭞ᬮ᭄ᬯᬶᬃᬕᬸᬦᬸᬂᬩᬸᬗ᭄ᬳ᭞ᬧᭀᬬᬕᬂᬳᬗᬶᬦ᭄ᬢᬭᬶᬓ᭄᭟ᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬳᬩᬸᬄᬳ᭄ᬕᭀᬂᬓᭂᬩ᭄ᬬᬃ᭞ᬗ᭄ᬭᬸᬤᬸᬕ᭄ᬗᭂᬩᭂᬓᬶᬦ᭄ᬮᬗᬶᬢ᭄᭞ᬲ᭄ᬯᬭᬫᬳᬤᬸᬓᬦ᭄᭞ᬫ᭄ᬯᬂ [ 25 ][᭒᭔ 24B]
᭒᭔
ᬢᬫ᭄ᬩᬸᬃᬢᬯᬢᬯ᭞ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬓᬤᬶᬳᬗ᭄ᬓᬩᬂᬗᭂᬚᭂᬭᬂᬲᬦᬕᬭᬷ᭟ᬲᬦ᭄ᬤᬾᬓᬯᭀᬦ᭄ᬯᬯᬸᬦᬧᬓ᭄ᬭᬶᬂᬧ᭄ᬬᬚ᭄ᬜᬦ᭄᭞ᬲᬵᬫ᭄ᬧᬸᬦ᭄ᬲᬫᬶᬓᬢᬫ᭄ᬧᬶ᭞ᬲᬮ᭄ᬯᬶᬭᬶᬂᬦᬾᬫᬳ᭠
ᬢᬸᬭᬦ᭄᭞ᬢᬍᬃᬲᬫᬶᬓᬲᬶᬭᬫ᭄᭞ᬭᬶᬂᬧᬾᬦ᭄ᬤᬾᬃᬫᬓᭀᬫ᭄ᬧᬗ᭄ᬭᬶᬢᬶᬲ᭄᭞ᬭᬸᬫᬲᬢ᭄ᬲᬩᭂᬄᬲᬫᬢᬺᬫᬗᬭᬶᬢᬶᬲ᭄᭟ᬲᬦᬾᬲᬓᬶᬂᬳ᭄ᬟᭀᬄᬓᬵᬳᬦ᭄ᬤᭂᬕᬂᬩᬸᬤᬮ᭄᭞ᬫᬗ᭄ᬤᬾ
ᬗᬶᬦᭂᬧ᭄ᬳᬯ᭄ᬗᬶ᭞ᬓᬭᬶᬓᬲᬫ᭄ᬩ᭄ᬭᬫ᭞ᬲᬫᬶᬓᬶᬘ᭄ᬙᬾᬦ᭄ᬮᬸᬗ᭄ᬲᬸᬭᬦ᭄᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬧᬶᬢᬸᬂᬩᬗ᭄ᬲᬶᬢ᭄᭞ᬓᬭᬶᬭᬶᬂᬧ᭄ᬬᬚ᭄ᬜᬦ᭄᭞ᬗ᭄ᬭᬭᬶᬲᬫᬶᬫᬩᬮᬶᬄ᭟ᬭᬾᬄᬫᬶᬭᬶᬗᬦ᭄‌ᬮᬾᬕᭀᬂᬲᬓᬶᬂᬤᬾ
ᬰᬲ᭄ᬮᬢ᭄᭞ᬫ᭄ᬯᬂᬕᬫ᭄ᬩᬸᬄᬧᬥᬗ᭄ᬕᬚᬶ᭞ᬯᬯᬸᬧᬳᬸᬭᬸᬓᬦ᭄᭞ᬲ᭄ᬓᭂᬳᬵᬧᬋᬫᬾᬦᬓ᭄ᬗᬹᬭᬄᬲᬶᬤ᭄ᬫᭂᬦ᭄ᬧᬥᬂᬳᬚᬶ᭞ᬢᬸᬃᬩᬚᬂᬩᬚᬂ᭞ᬘᭀᬦ᭄ᬟᭀᬂᬦᬾᬓ᭄ᬕᬾᬕ᭄ᬫᬸᬗᬶᬮ᭄᭟ᬩᬬᬦ᭄ᬲ
[᭒᭕ 25A]
ᬗᬶᬢ᭄ᬫ᭄ᬯᬂᬧᬲᬶᬭᬦ᭄ᬧᬗᬸᬦᭂᬗᬦ᭄᭞ᬚ᭄ᬕᬾᬕ᭄ᬓᬤᬶᬥᬥᬭᬷ᭞ᬲᬫᬶᬩᬚᬂ᭞ᬯᬯᬸᬓᬸᬫᭂᬫᬶᬭᬂ᭞ᬳᬶᬗᬦᬦ᭄‌ᬤᬲ᭄ᬦᬸᬢᬸᬕ᭄‌ᬓ᭄ᬮᬶᬄ᭞ᬳᬶᬕᭂᬮᬾᬫ᭄ᬮᬄᬢᬜ᭄ᬚᭂᬓᬾᬫᬗᬾᬤᬦᬶᬦ᭄᭟ᬧ᭄ᬭᬕᬶᬦᬫ᭄ᬯᬦᬶ
ᬫ᭄ᬮᬄᬯᬬᬳᬦ᭄ᬳᬳᬸᬲᬧ᭄᭞ᬢᬍᬃᬜᬮᬸᬓ᭄ᬫᬫᬜ᭄ᬚᬶ᭞ᬫᬸᬮᬵᬧᬗᬸᬭᬸᬓᬦ᭄᭞ᬢ᭠ᬦ᭄ᬓᭂᬧᬾᬲᬵᬫ᭄ᬧᬸᬦ᭄ᬢᬫᬵ᭞ᬲᬵᬫᬶᬍᬜ᭄ᬚᭂᬧ᭄ᬓᬲᬮᬸᬓᬶᬦ᭄᭞ᬓᬤᬾᬄᬓᬤᬾᬳᬦ᭄ᬳᬃᬬ᭄ᬬᬤ᭄ᬬᬓ᭄ᬱᬫᬗᬸ
ᬭᬶ᭟ᬤ᭄ᬫᬸᬂᬢᬸᬫᭂᬗ᭄ᬕᬸᬂᬳᬶᬕᭂᬮᬾᬕᬕᬄᬧ᭄ᬭᬓᭀᬱ᭞ᬧᬢᬶᬄᬓ᭄ᬜᬂᬘᬮᬭᬶᬂ᭞ᬧ᭄ᬭᬪᬹᬓ᭄ᬭᬸᬭᬵᬓᬭᬵ᭞ᬫᬶᬦᬩ᭄ᬰ᭄ᬭᬶᬫᬾᬖᬡ᭄ᬝᬓᬵ᭞ᬳᬕᭂᬂᬕᬗ᭄ᬕᬲ᭄ᬢᬸᬃᬯᭀᬓ᭄ᬩ᭄ᬭᬶᬲ᭄᭞ᬓᬸᬫᬶᬲᬾᬧᬜ᭄ᬚᬂᬮᬶᬗ᭄ᬓᭂᬃᬫᬗᬺ
ᬲᬗ᭄ᬳᬢᬶ᭚᭐᭚ᬲᬶᬦᭀᬫ᭄᭚᭐᭚ᬢᭂᬫ᭄ᬩᬂᬲᬶᬦᭀᬫ᭄ᬫᬗᬸᬘᬧᬂ᭞ᬮᬾᬕᭀᬂᬲ᭄ᬮᬢᬾᬗᭂᬦ᭄ᬢᭀᬲᬶᬦ᭄᭞ᬗᬶᬕᭂᬮ᭄ᬭᬶᬂᬚ᭄ᬭᭀᬦᬶᬂᬧ᭄ᬬᬚ᭄ᬜᬦ᭄᭞ᬤᬫᬭᬾᬕᬮᬂᬜᬸᬦ᭄ᬤᬭᬶᬦ᭄᭞ᬲᬬᬦ᭄‌ᬩ᭄ᬘᬶᬓ᭄ᬧ [ 26 ][᭒᭕ 25B]
᭒᭕
ᬩᬮᬶᬄ᭞ᬧᬫᬸᬮᬸᬦᬾᬕᬤᬶᬂᬮᬸᬫ᭄ᬮᬸᬫ᭄᭞ᬧᬗᬗ᭄ᬕᬾᬦᬾᬮᬬᬸᬩᬸᬗ᭄ᬳᬵ᭞ᬭᬾᬄᬤᬸᬭᬸᬂᬜᬦ᭄ᬤᬂᬕᭂᬦ᭄ᬢᭀᬲᬶᬦ᭄᭞ᬬᬤᬶᬦ᭄ᬩᬸᬳᬸᬓ᭄ᬢᬸᬦᬵᬩᬸᬗᬄᬫᬲᬶᬄᬗᭂᬦᬄᬫ᭄ᬮᬄ᭟ᬫᬫ᭄ᬩ᭄ᬯᬢᬶᬦ᭄ᬢᬢᬦ᭄ᬤᬗᬦ᭄᭞ᬫᬶᬯᬄ
ᬲᬫᬶᬢᬦᬾᬫᬦᬶᬲ᭄᭞ᬍᬜ᭄ᬚᭂᬧ᭄ᬢᬶᬦ᭄ᬤᬓᬦᬾᬫᬦᬬᭀᬕ᭄᭞ᬫᬶᬦᬩ᭄‌ᬦᬾᬦ᭄ᬢᭂᬦ᭄ᬦ᭠ᬫ᭄ᬧᬓ᭄ᬱᬶᬣᬶ᭞ᬩ᭄ᬭᭀᬕ᭄ᬲᬾᬕ᭄ᬫᬶᬗ᭄ᬲᭂᬃᬫᬓᬶᬭᬶᬕ᭄᭞ᬲᬲᭀᬮᬄᬗ᭄ᬕᬯᬾᬳᬸᬮᬓᬦ᭄᭞ᬢᬶᬦ᭄ᬤᬓ᭄ᬜᬦ᭄ᬤᬂ
ᬧᬧ᭄ᬟᭂᬲᬦ᭄᭞ᬧᬩ᭄ᬓᭂᬮ᭄ᬲ᭄ᬮᬢ᭄ᬳᬶᬕᬸᬲ᭄ᬢᬶ᭞ᬕ᭄ᬟᬾᬳᭀᬓᬧᬸᬢ᭄ᬭᬃᬬ᭄ᬬᬦ᭄ᬗᬄᬲᬶᬩ᭄ᬢᬦ᭄᭟ᬩ᭄ᬯᬶᬩᬫ᭄ᬧᬵᬯᬦ᭄ᬳᬤᬵᬦᬶᬫ᭄ᬩᬮ᭄᭞ᬲᬓᬸᬳᬸᬫᬺᬦ᭄ᬟᬗᬾᬲᬫᬶ᭞ᬫᬵᬢᬸᬭᬦ᭄‌ᬩ᭄ᬘᬶᬓ᭄ᬫᬤᬩ᭄ᬤᬩ᭄᭞ᬫ᭄ᬩᬦᬾ
ᬦᬶᬦ᭄ᬗᬶᬦᭂᬧ᭄ᬭᬶᬂᬫᬃᬕ᭄ᬕᬶ᭞ᬢᬸᬃᬫᬳᬶᬭᬶᬗᬦ᭄ᬩᬭᬶᬲ᭄᭞ᬫᬶᬯᬄᬳ᭄ᬕᭀᬂᬢᬶᬕᬂᬩᬭᬸᬂ᭞ᬲᬓᬶᬂ᭠ᬦᭀᬗᬦ᭄ᬮᬦᬺᬦ᭄ᬤᬂ᭞ᬩᬦ᭄ᬤᬾᬭᬦ᭄ᬢᬸᬫ᭄ᬩᬓᬾᬓᬸᬦᬶᬂ᭞ᬲᬫᬶᬮᬸᬳᬸᬂᬧᬬᬲᬾᬲᬫ᭄ᬩ᭄ᬭᬦᬩᬸᬗᬄ᭟ᬩ
[᭒᭖ 26A]
ᬜ᭄ᬚᬃᬧ᭄ᬭᬶᬗᬮᭀᬢ᭄ᬫ᭄ᬯᬂᬋᬡ᭄ᬟᬂ᭞ᬩᬜ᭄ᬚᬃᬲᬭᬾᬦ᭄ᬩᬜ᭄ᬚᬃᬓᬗᬶᬦ᭄᭞ᬲᬶᬗ᭄ᬳᬵᬭᬢᬳᬮᬲ᭄ᬗᬦ᭄ᬤᬂ᭞ᬩᬸᬚᬕᬫᬶᬯᬄᬩᬲᬓᬶᬄ᭞ᬫ᭄ᬦᬗᬩᬜ᭄ᬚᬃᬍᬩᬶᬄ᭞ᬧᭂᬫ᭄ᬧᬢᬦ᭄ᬮᬦ᭄ᬩᬸᬓᬶᬢ᭄ᬘᬢᬸ᭞ᬢ᭄ᬕᭂᬦᬦ᭄ᬩᬢᬸ
ᬰᬾᬱ᭞ᬫᬶᬯᬄᬧ᭄ᬭᬕᬸᬦᬸᬗᬾᬲᬫᬶ᭞ᬫᬩᬭᬶᬬᬸᬓ᭄‌ᬭᬯᬸᬳᬾᬦᬶᬜ᭄ᬘᬧ᭄ᬦᬕᬭᬵ᭟ᬭᬶᬂᬩᬮᬾᬤᬵᬦᬵᬫᬤᬩ᭄ᬤᬩ᭄᭞ᬫᬩᬜ᭄ᬚᬄᬫᬭᬶᬭᬶᬕ᭄ᬭᬶᬭᬶᬕ᭄᭞ᬲᬦᬾᬩᬚᬂᬲᬫᬶᬩᬚᬂ᭞ᬲᬦᬾ
ᬫ᭄ᬯᬦᬶᬲᬫᬶᬫ᭄ᬯᬦᬶ᭞ᬲᬦᬾᬓᬸᬫᬶᬲᬫᬶᬓᬸᬫᬶᬲ᭄᭞ᬬᬵᬫᬳᬢᬸᬃᬲᬦᬾᬕᬗ᭄ᬕᬲᬫᬶᬕᬗ᭄ᬕᬲ᭄᭟ᬯᬸᬲ᭄ᬧᬸᬧᬸᬢ᭄ᬭᬭᬶᬲ᭄ᬫᬫᬃᬕ᭄ᬕ᭞ᬩᬭᬶᬲ᭄ᬢᬸᬫ᭄ᬩᬓᬾᬗᬋᬧᬶᬦ᭄᭞ᬲᬸᬭᬓᬾᬢᬶᬫ᭄ᬩᬮ᭄ᬓᬢᬶ᭠
ᬫ᭄ᬩᬮ᭄᭞ᬳ᭄ᬕᭀᬂᬢᬫ᭄ᬩᬸᬭᬾᬜᬋᬗᬶᬦ᭄᭞ᬢᬸᬃᬯᬾᬦ᭄ᬢᭂᬦ᭄ᬫᬯᬃᬕ᭄ᬕᬲᬭᬷ᭞ᬧᬫᬗ᭄ᬓᬸᬦᬾᬧᬸᬢᬶᬄᬗᭂᬫ᭄ᬧᬸᬃ᭞ᬫᬶᬦᬩ᭄ᬳᬗ᭄ᬲᬗ᭄ᬮᬬᬂ᭞ᬲᬓᬶᬂᬫᬦᬲᬭᬵᬲ᭄ᬭᬲᬶ᭞ᬲᬫᬶᬜᬸᬚᬸᬃᬭᬭᬶᬲ᭄ᬗᬸᬗ᭄ᬲᬶᬓᬧ᭄ᬬ [ 27 ][᭒᭖ 26B]
ᬚ᭄ᬜᬦ᭄᭟ᬲᬭᬵᬯᬸᬳᬾᬭᬶᬂᬧ᭄ᬬᬚ᭄ᬜᬦ᭄᭞ᬲᬫᬶᬓᬢ᭄ᬭᬶᬫᬲᬸᬢᬺᬧ᭄ᬢᬶ᭞ᬓᬢᬫ᭄ᬬᬸᬲᬧᬦᬶᬱ᭄ᬓᬭ᭞ᬭᬶᬂᬚᬧᬸᬢ᭄ᬭᬦᬾᬲᬫᬶ᭞ᬲᬸᬩᬲᬜ᭄ᬚᬫᬗᭂᬦ᭄ᬢᬶ᭞ᬳ᭄ᬕᭀᬗᬾᬭᬫᬾᬫᬘ᭄ᬕᬸᬃ᭞ᬗᬭᬶᬲᬾ᭠
ᬲᬓᬶᬂᬦᭀᬗᬦ᭄᭞ᬓᬳᬶᬕ᭄ᬮᬂᬢᬶᬕᬂᬤᬶᬭᬶ᭞ᬗᬮᬫ᭄ᬧᬳᬂᬭᬶᬂᬧᬗᭀᬤᬦ᭄ᬰᬹᬃᬧᬦᬓᬵ᭟ᬤᬶᬢᬸᬤᬶᬩᬜ᭄ᬘᬶᬗᬄᬧ᭄ᬬᬚ᭄ᬜᬦ᭄᭞ᬢ᭄ᬩᭂᬂᬳᬦᬓᬾᬫᬩᬮᬶᬄ᭞ᬤᬾᬦᬶᬂᬲᬵᬫ᭄ᬧᬸᬦᬫ᭄ᬧᭂ
ᬓᬃᬬ᭄ᬬ᭞ᬳᬾᬩᭂᬓ᭄ᬱᬚ᭄ᬭᭀᬦᬶᬂᬦᬕᬭᬷ᭞ᬲᭂᬲᭂᬓ᭄ᬚᭂᬚᭂᬮ᭄ᬫᬩᬮᬶᬄ᭞ᬭᬯᬸᬄᬓᬲᬸᬦ᭄ᬤᬸᬮ᭄ᬫᬜᬸᬦ᭄ᬤᬸᬮ᭄᭞ᬯ᭄ᬬᬤᬶᬦ᭄ᬓᬮᬗᬦ᭄ᬮᬶᬗ᭄ᬕᬶᬄ᭞ᬢᬍᬃᬫᬓᬾᬄᬦᬾᬫᬯᬮᬶ᭞ᬓᬭᬶᬲᬵ
ᬫ᭄ᬩᭂᬦ᭄ᬭᬶᬂᬫᬃᬕ᭄ᬕᬶᬦᬾᬗᬦ᭄ᬢᭀᬲ᭄ᬳᭂᬫ᭄ᬩᬂ᭟ᬲᭀᬮᬄᬩᬭᬶᬲᬾᬫᬢᬦ᭄ᬤᬂ᭞ᬧᬳᬸᬭᬸᬓᬦ᭄ᬲᬸᬓᬯᬢᬶ᭞ᬫᬸᬮᬫᬧᬮᬓᬃᬓ᭄ᬜᬂ᭞ᬳᬦᬹᬢ᭄ᬫᬗᬶᬕᬮᬶᬦ᭄ᬩᬭᬶᬲ᭄᭞ᬦᬾᬓᬓᬮᬶᬄᬓᬭᬶᬳ
[᭒᭗ 27A]
ᬮᬶᬢ᭄᭞ᬢᬍᬃᬳᬶᬕᭂᬮ᭄ᬜᬦᬾᬮᬸᬳᬸᬂ᭞ᬢᬸᬃᬭᬸᬧᬦᬾᬧᬥᬫ᭄ᬮᬄ᭞ᬳᬗ᭄ᬕᬾᬦ᭄ᬓᭂᬫ᭄ᬩᬗᬶᬂᬦᬕᬭᬶ᭞ᬳᬗ᭄ᬭᬫᬸᬭᬸᬩ᭄ᬧᬬᬲᬾᬫᬧ᭄ᬭᬦᬵᬩᬸᬗᬄ᭟ᬫᬮᬶᬄᬯᬶᬮᬶᬦᬶᬦ᭄ᬳᬸᬘᬧᬂ᭞ᬦᬾᬩᬶᬦ᭄ᬲᭀᬳᬦ᭄ᬳᬤ
ᬗᭂᬦ᭄ᬢᬶ᭞ᬯᬢᭂᬓ᭄ᬧᬗ᭄ᬮᬸᬭᬄᬲᬫ᭄ᬬᬦ᭄᭞ᬲᬓᬸᬳᬸᬫ᭄ᬳᬫ᭄ᬮᬵᬦᬕᬭᬷ᭞ᬳᬷᬮᬸᬮᬸᬢ᭄ᬗᬧᬮᬳᬶᬦ᭄᭞ᬗ᭄ᬕᬳᬾᬓᬓᭂᬦ᭄ᬢᬦᬾᬮᬸᬳᬸᬂ᭞ᬳᬦ᭄ᬢᭂᬲ᭄ᬫᬧᬶᬡ᭄ᬟᬓᬨᬮ᭄᭞ᬫ᭄ᬩ᭄ᬯᬢ᭄ᬩᬳᬲᬾᬓᬧᬸᬭᬷ᭞ᬫᬶᬦ
ᬩ᭄ᬫᬓᬾᬄᬫᬩᬮᬶᬳᬗᭀᬩ᭄ᬲᬫ᭄ᬬᬦ᭄᭟ᬩᬾᬜ᭄ᬚᬂᬫᬮᬶᬄᬯᬾᬦ᭄ᬢᭂᬦᬶᬫ᭄ᬩᬮ᭄᭞ᬧ᭠ᬓᬸᬫ᭄ᬧᬸᬮ᭄ᬫᬸᬭᬶᬤ᭄ᬫᬸᬭᬶᬤ᭄᭞ᬧᬗ᭄ᬮᬸᬭᬄᬫ᭄ᬯᬱ᭄ᬝᬳᬶᬮᬶᬮ᭞ᬲᬓᬶᬂᬋᬦ᭄ᬤᬂᬩᬧᬮᬳᬶᬦ᭄᭞ᬜᬦ᭄ᬤᬂᬳᬶ
ᬧᬸᬦ᭄ᬫᬸᬗᬶᬮ᭄ᬫᬸᬗᬶᬮ᭄᭞ᬫᬜᬸᬳᬸᬦ᭄ᬲᬫᬶᬫᬘᬢᬸ᭞ᬩ᭄ᬭᬲ᭄ᬫᬯᬤᬄᬩᭀᬓᭀᬭᬦ᭄᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬫᬸᬚᬶᬫᬸᬚᬶ᭞ᬳᬦ᭄ᬢᬸᬓ᭄ᬳᬦᬸᬢ᭄ᬫᬫᬃᬕ᭄ᬕᬶᬫᬩᬩᬭᬶᬲᬦ᭄᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧ᭄ᬬᬚ᭄ᬜ [ 28 ][᭒᭗ 27B]
᭒᭗
ᬦ᭄᭞ᬤᬾᬯ᭄ᬯᬕᬸᬂᬯᬬᬦ᭄ᬚᭂᬮᬡ᭄ᬝᬶᬓ᭄᭞ᬓᬮᬶᬄᬤ᭄ᬯᬕᬸᬂᬕ᭄ᬟᬾᬳᭀᬓ᭞ᬤᬾᬯ᭄ᬯᬕᬸᬂᬓ᭄ᬢᬸᬢ᭄ᬚᭂᬮᬡ᭄ᬝᬶᬓ᭄᭞ᬲᬫᬶᬭᬭᬾᬫᬦᬫ᭄ᬧᬶ᭞ᬳᬢᬸᬭᬦᬾᬦᬾᬓᬲᬸᬳᬸᬦ᭄᭞ᬲᬵᬫ᭄ᬧᬸᬦᬾᬓᬢᬭᬶ
ᬫᬵ᭞ᬓᬢ᭄ᬭᬶᬲ᭄ᬢᬶᬲᬵᬦ᭄ᬢᬸ᭞ᬓ᭄ᬳᬃᬯᬗᬶ᭞ᬭᬭᬶᬲ᭄‌ᬩ᭄ᬭ᭄ᬬᬸᬓ᭄ᬫᬸᬭᬶᬤᬾᬍᬕᬫᬲᬸᬭᬓ᭄᭚᭐᭚ᬧᬗ᭄ᬓᬸᬃ᭚᭐᭚ᬗᬸᬢᬸᬲ᭄ᬭᬳᬶᬦᬬᬂᬓᬃᬬ᭄ᬬ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬯᬦᬦ᭄ᬓᬨᬮ᭄ᬳᬧᬶ᭞ᬭᬶᬂᬧᬲᭀ
ᬯᬦ᭄ᬧᬤᬂᬫᬮᬩᬸᬄ᭞ᬧ᭄ᬭᬫᬾᬦᬓ᭄ᬱᬓᬶᬂᬲᬲᬓ᭄᭞ᬫᬓᬤ᭄ᬤᬶᬜᬧᬭᬳᬶᬲ᭄ᬢ᭄ᬭᬶ᭠ᬓᬓᬸᬂ᭞ᬯᬯᬸᬢᬢᬲ᭄ᬭᬳᬶᬦ᭞ᬲᬵᬫ᭄ᬧᬸᬦᬧᬓ᭄ᬭᬶᬂᬧᬲᬶᬲᬶ᭟ᬤᬸᬮᬸᬭᬶᬦ᭄ᬲᬸᬪᬦᬶᬫᬶᬢ᭄ᬢ᭞ᬭᬯᬸᬄ
ᬳᬗᬶᬦ᭄ᬳᬭᬶᬲ᭄ᬳᬮᭀᬦ᭄ᬗᬲᬶᬃᬲᬶᬃ᭞ᬳᬚᬗᬤᭂᬕ᭄ᬓᬯᬸᬂᬓᬸᬯᬸᬂ᭞ᬲᬹᬃᬬ᭄ᬬᬦᬾᬫᬓᬮᬗᬦ᭄᭞ᬳᬸᬚᬦ᭄ᬭᬚᬫᬗᭂᬲ᭄ᬬᬸᬳᬂᬫᬶᬳᬶᬓ᭄ᬜᬗ᭄ᬮᬸᬄ᭞ᬧ᭄ᬭᬘᬶᬳ᭄ᬦᬦᬾᬫᬳᬸᬢ᭄ᬢᬫᬵ᭞ᬭᬯᬸᬄᬩ
[᭒᭘ 28A]
ᬭᬗᬶᬦ᭄ᬲᬸᬮᬶᬗ᭄ᬕᬶᬄ᭟ᬤᬕᬶᬂᬯᬭᬓᬾᬓᬢ᭄ᬥᬸᬦᬂ᭞ᬲᬓᬶᬂᬓᬨᬮ᭄ᬫᬓᬾᬄᬜᬧ᭄ᬢᬂᬧ᭄ᬢᬶ᭞ᬢ᭄ᬯᬶᬓᬧᬶᬢᬸᬤᬸᬄᬳᬦᬹᬢ᭄᭞ᬲᬮ᭄ᬯᬶᬃᬦᬾᬫᬉᬢ᭄ᬢᬫᬵ᭞ᬯᬦ᭄ᬢᬄᬭᬶᬂᬧᬥᬂᬫᬸᬮᬕ᭄ᬦᬳᬾᬓᬧᬗ᭄ᬕᬸᬄ᭞ᬤ᭄ᬯ
ᬦᬶᬂᬤᬤᭀᬲ᭄ᬳᬩ᭄ᬭ᭄ᬬᬸᬓᬦ᭄᭞ᬭᬯᬸᬳᬾᬲᬋᬂᬲᬸᬮᬶᬗ᭄ᬕᬶᬄ᭞ᬧᬥᬡ᭄ᬟᬯᬬᬦ᭄ᬧᬶᬥᬥ᭞ᬦᬾᬫᬕ᭄ᬭ᭄ᬬᬭᬶᬂᬢᬫᬦ᭄ᬩᬮᬶ᭞ᬓ᭄ᬭᬯᬶᬲᬾᬧᬸᬢᬶᬄᬫᬗᭂᬫ᭄ᬧᬸᬃ᭞ᬯᬵᬃᬡ᭄ᬦᬰᬸᬤ᭄ᬟᬫᬮᬶᬮᬂ᭞ᬤᬸᬓᬾ
ᬳᬦ᭄ᬯᬫ᭄ᬧ᭄ᬟᬲ᭄ᬢ᭄ᬯᬄᬩᬕᬸᬲ᭄ᬳᬦᬸᬮᬸᬲ᭄᭞ᬲ᭄ᬟᭂᬂᬗᬤᭂᬕ᭄ᬜᬸᬫᬫ᭄ᬧᬓ᭞ᬜᬦ᭄ᬤᬂᬲᬮᬸᬓᬶᬦ᭄ᬫᬫᬜ᭄ᬚᬶ᭟ᬫᬗ᭄ᬓᬶᬦ᭄ᬲᬬᬦᬶᬂᬕᬸᬫᬯᬂ᭞ᬲᬲᬸᬓᬢᬾᬲᬵᬫ᭄ᬧᬸᬦ᭄ᬤᬤᭀᬲᬸᬮᬶᬗ᭄ᬕᬶᬄ᭞ᬘᬶᬳ᭄ᬦᬦᬶᬂᬲᬵ
ᬫ᭄ᬧᬸᬦ᭄ᬓᬭᬗ᭄ᬲᬸᬓ᭄᭞ᬲᬮ᭄ᬯᬶᬭᬶᬂᬥ᭄ᬬᬦᭀᬢ᭄ᬢᬫ᭞ᬳᬶᬦᬸᬲ᭄ᬢᬓᬲᬚ᭄ᬭᭀᬦᬶᬂᬳᬚ᭄ᬜᬦᬍᬗᬸᬢ᭄᭞ᬲᬢ᭄ᬫ᭄ᬬᬳᬶᬂᬘᬶᬦ᭄ᬢ᭄ᬬᬦᬸᬃᬩ᭄ᬪᬡ᭞ᬮ᭄ᬯᬶᬃᬪᬕᬯᬦ᭄ᬓᬸᬫ᭄ᬪᬬᭀᬦᬶ᭟ᬩ᭄ᬯᬶᬦ᭄ᬳᬤᬩᬕᬸᬲ᭄ᬪᬶᬭᬫᬵ᭞ [ 29 ][᭒᭘ 28B]
᭒᭘
ᬧ᭄ᬭᬡ᭄ᬟᬓ᭄ᬢᬸᬢ᭄ᬓᬦᬶᬢᬾᬦᬾᬓᬧᬸᬚᬶ᭞ᬫᬕ᭄ᬭ᭄ᬬᬵᬭᬶᬂᬕ᭄ᬭ᭄ᬬᬲᬶᬦ᭄ᬥᬸ᭞ᬜᬦ᭄ᬟᬂᬬᬦ᭄ᬳᬸᬧᬫᬬᬂ᭞ᬫᬶᬦᬩ᭄ᬳᬶᬤᬪᬕᬯᬦ᭄ᬲᬶᬗ᭄ᬕᬮᬫ᭄ᬩᬬᬸᬃ᭞ᬯᬸᬲ᭄ᬢᬫᬭᬶᬂᬘᬢᬸᬃᬯᬾᬤ᭄ᬟ᭞ᬓᬯᬸᬗ᭄ᬕ᭄ᬯᬦ᭄ᬳᬚ᭄ᬜᬦᬲᬶᬤ᭄ᬟᬶ
᭟ᬲᬓᬶᬂᬕ᭄ᬭᬶᬬ᭄ᬧᬕ᭄ᬲᬗᬦ᭄᭞ᬧᬭᬯᬶᬓᬸᬯᬯᬸᬭᬯᬸᬄᬳᬲᬶᬓᬶ᭞ᬳᬶᬤᬧ᭄ᬭᬡ᭄ᬟᬓ᭄ᬢᬸᬢ᭄ᬗᭂᬜ᭄ᬚᬸᬂ᭞ᬯᬃᬡ᭄ᬦᬦᬾᬳᬘᬸᬫ᭄ᬓᭂᬫ᭄ᬩᬂ᭞ᬲᬓᬶᬂᬮᬯᬲ᭄ᬲᬸᬗ᭄ᬓᬦᭂᬦ᭄‌ᬗᬶᬯ᭄ᬓᬲ᭄ᬧᬸᬕᬸᬄ᭞ᬓᬾᬩᭂ
ᬓᬶᬂᬭᬳᬱ᭄ᬬᬚ᭄ᬜᬦ᭞ᬮ᭄ᬯᬶᬃᬪᬕᬯᬦ᭄‌ᬯᬺᬳᬲ᭄ᬧᬢᬶ᭟ᬢᬩᬸᬳᬾᬫᬦᬶᬲᬃᬚ᭄ᬚᬯ᭞ᬫ᭄ᬦᭂᬂᬫ᭄ᬦᭂᬂᬫᬳᬶᬭᬶᬩ᭄ᬳᬦᬓ᭄ᬫᬶᬗᬶᬲ᭄᭞ᬫ᭄ᬭᭀᬲ᭄ᬧᬺᬭᬳᬶᬦᬾᬧᬗᬸᬲ᭄᭞ᬮᬗ᭄ᬕᭃᬧ᭄ᬜᬦ᭄ᬤᬶᬂᬳᬸᬗ᭠
ᬲᬦ᭄᭞ᬳᭂᬩᭂᬓ᭄ᬫᬫ᭄ᬩᬸᬄᬫᬶᬦᬩ᭄‌ᬗ᭄ᬫᬸᬫᬥᬸᬚᬸᬭᬸᬄ᭞ᬧᬤᬡ᭄ᬟᬳᬶᬲ᭄ᬢ᭄ᬭᬶᬳᬸᬘᬧᬂ᭞ᬓᬫᬗ᭄ᬕᬮᬗᬮᬶᬗ᭄ᬲᬶᬭᬶᬦ᭄᭟ᬳᬶᬤᬵᬧ᭄ᬭᬡ᭄ᬟᬳᬶᬲ᭄ᬢ᭄ᬭᬶᬢ᭄ᬮᬕ᭞ᬫᬕ᭄ᬭ᭄ᬬᬭᬶᬂᬕ᭄ᬭ᭄ᬬᬬᬢᬫᬦ᭄ᬩᬮᬶ᭞
[᭒᭙ 29A]
ᬯᬃᬡ᭄ᬦᬦᬾᬳᬬᬸᬫᬦᬸᬮᬸᬲ᭄᭞ᬬᬤ᭄ᬬᬧᬶᬦ᭄ᬲᬵᬫ᭄ᬧᬸᬦ᭄‌ᬯᬺᬤ᭄ᬟ᭞ᬫᬓᬲᬭᬷᬦ᭄ᬢᬫᬦ᭄ᬩᬮᬶᬦᬾᬚᬯᬸᬯᬸᬲ᭄᭞ᬤᬸᬓᬾᬳᬦᭀᬫ᭄ᬗᬬᬂᬗᬬᬂ᭞ᬫᬳᬶᬦᬩ᭄ᬪᬝᬵᬭᬷᬰᬘᬶ᭟ᬫᬕ᭄ᬭ᭄ᬬᬭᬶᬂᬳᭀᬯᬦ᭄ᬤ
ᬦ᭄ᬲᬮᬲ᭄᭞ᬫᬧᬲᬾᬗᬦ᭄ᬳᬶᬤᬧᬤᬡ᭄ᬟᬳᬶᬲ᭄ᬢ᭄ᬭᬶ᭞ᬯᬬᬦ᭄ᬲᬶᬤ᭄ᬫᭂᬦ᭄ᬓᬲᬸᬫ᭄ᬩᬸᬂ᭞ᬯᬸᬲ᭄ᬢᬸᬲ᭄ᬦᬶᬂᬪᬕᬯᬦ᭄ᬢ᭞ᬓᬫᬗ᭄ᬕᬮᬤᬶᬘᬓᬺᬦ᭄ᬕᬭᬵᬦᬾᬫᬮᬸ᭞ᬢᬾᬚᬦᬾᬕᬮᬂᬕᬸᬫᬯᬂ᭞
ᬦᬸᬳᬦᭀᬫ᭄ᬫᬗᬫ᭄ᬩᬶᬮ᭄ᬮᬶᬗ᭄ᬕᬶᬄ᭟ᬘᬶᬳ᭄ᬦᬦᬶᬂᬥᬃᬫ᭄ᬫᬲᬸᬰᬶᬮ᭞ᬧ᭄ᬭᬕᬶᬯᬵᬓᬢᬢᬲᬶᬂᬢᬢ᭄ᬯᬲᬶᬗ᭄ᬳᬶᬢ᭄᭞ᬜᬦ᭄ᬤᬂᬫᬮᬶᬗ᭄ᬕᬤᬂᬕᬸᬭᬸ᭞ᬩ᭄ᬬᬲᬭᬶᬂᬘᬢᬸᬃᬯᬾᬤ᭄ᬟ᭞ᬥ᭄ᬬᬦᭀᬢ᭄ᬢᬫᬵᬭ᭠
ᬳᬱ᭄ᬬᬚ᭄ᬜᬦᬦᬾᬧᬸᬮᬸᬂ᭞ᬰᬸᬤ᭄ᬟᬫᬦ᭄ᬤᬤᬶᬰᬸᬦ᭄ᬬᬢ᭞ᬲᬓ᭄ᬱᬢ᭄ᬲᬂᬳ᭄ᬬᬂᬲᬭᬵᬰ᭄ᬯᬢᬶ᭟ᬫᬮᬶᬄᬳᬲᬶᬓᬶᬳᬸᬘᬧᬂ᭞ᬫᬕ᭄ᬭ᭄ᬬᬵᬭᬶᬂᬕ᭄ᬭ᭄ᬬᬵᬲᬶᬦ᭄ᬥᬸᬯᬢ᭄ᬢᬶ᭞ᬋᬦ᭄ᬢᭂᬢ᭄ᬲᬲᭀᬮᬳᬾᬳᬦᬹ᭠ [ 30 ][᭒᭙ 29B]
᭒᭙
ᬢ᭄᭞ᬜᬦ᭄ᬤᬂᬢᬫᬾᬂᬦ᭄ᬕᬭᬵ᭞ᬯᬷᬘᬓ᭄ᬱᬡᬧ᭄ᬭᬕᬶᬯᬓᬦ᭄ᬢᬾᬂᬓᬶᬤᬸᬂ᭞ᬧ᭄ᬭᬡ᭄ᬟᬳᬶᬲ᭄ᬢ᭄ᬭᬶᬓ᭄ᬢᬸᬢ᭄ᬓᭂᬓ᭄ᬭᬦ᭄᭞ᬧᭂᬲᬾᬗᬦ᭄ᬳᬶᬤᬓᬧᬸᬚᬶ᭟ᬢᬦᬸᬘᬧᭂᬦ᭄ᬲᬫ᭄ᬧᬸᬦ᭄ᬫᬸᬗ᭄ᬕᬄ᭞ᬭᬶᬂᬫᭀᬢᭀ
ᬭᬾᬧᬋᬋᬰᬶᬦᬾᬲᬫᬶ᭞ᬓᬓᬭᬗ᭄ᬳᬲᭂᬫ᭄ᬫᬜ᭄ᬚᬸᬚᬸᬃ᭞ᬭᬶᬂᬧᬸᬭᬷᬳᬫᬲ᭄ᬓᬺᬤᬦ᭄᭞ᬓᬭᬶᬫᬓᬳᬢᬸᬭᬦ᭄ᬧᬲᬸᬲᬸᬕᬸᬄ᭞ᬭᬭᬶᬲ᭄ᬫᬗᬸᬗ᭄ᬲᬶᬧᬲᬗ᭄ᬕ᭄ᬭᬦ᭄᭞ᬭᬶᬂᬧᬸᬭᬷᬓ᭄ᬮᭀᬤᬦ᭄ᬘᬸᬫ
ᬯᬶᬲ᭄᭟ᬧᬸᬓᬸᬮ᭄ᬢᬶᬕᬫᬮᬶᬄᬫᬤᬩ᭄ᬟᬩ᭄᭞ᬧᬭᬫᬾᬦᬓ᭄ᬧᬭᬵᬧᬸᬗ᭄ᬕᬯ᭄ᬯᬲᬫᬶ᭞ᬫ᭄ᬯᬄᬧᬤᬡ᭄ᬟᬳᬶᬲ᭄ᬢ᭄ᬭᬶᬓᬓᬸᬂ᭞ᬫᬩᬺᬤ᭄ᬲᬕ᭄ᬭᬳᬦ᭄᭞ᬲᬫᬶᬗᬶᬭᬶᬂᬭᬵᬚᬧᬸᬢᬺᬧᬭᬵᬳᬕᬸᬂ᭞ᬧ
ᬗᬦ᭄ᬗᬾᬦᬾᬲᬵᬫ᭄ᬩ᭄ᬭᬦ᭞ᬲᬫᬶᬫᬜ᭄ᬚᬸᬚᬸᬃᬓᬩᬶᬗ᭄ᬓᬶᬮ᭄᭟ᬳᬲᬓ᭄ᬱᬡ᭄ᬦᬲᬸᬩᬧ᭄ᬭᬕᬢ᭄᭞ᬓᬢᬶᬗ᭄ᬓᬳᬂᬧ᭄ᬭᬢᬸᬭᬦᬾᬫᬫᬃᬕ᭄ᬕᬶ᭞ᬓᬨᬮᬾᬮᬯᬸᬢ᭄ᬫᬘ᭄ᬩᬸᬂ᭞ᬫ᭄ᬭᬱ᭄ᬝᬳᬶᬤᬾᬯᬬᬚ᭄ᬜ᭞ᬓ
[᭓᭐ 30A]
ᬩᬶᬦᬯᬵᬢᬸᬭᬸᬢ᭄ᬜᬦᬾᬧᭀᬮᬾᬂᬢ᭄ᬮᬸ᭞ᬧ᭄ᬮᬸᬂᬧᬸᬢᬶᬄᬫᬶᬯᬄᬩᬭᬓ᭄᭞ᬗᬦᬹᬢᬂᬢᬦ᭄ᬟᬓᬸᬫ᭄ᬧ᭄ᬦᬶ᭟ᬤᬾᬦᬶᬂᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬸᬗ᭄ᬕᬄ᭞ᬤᬕᬶᬂᬯᬭᬓᬾᬲᬫᬶᬧ᭄ᬢᬂᬧ᭄ᬢᬶ᭞ᬲᬸᬭᬓᬾᬭᬫᬾᬦ᭄ᬤᭂᬄ᭠
ᬫᬸᬳᬸᬕ᭄᭞ᬩᬋᬗᬶᬦ᭄ᬕᬕᬫ᭄ᬮᬦ᭄᭞ᬧ᭄ᬭᬘᬶᬳ᭄ᬦᬦᬶᬂᬓᬨᬮᬾᬲᬵᬫ᭄ᬧᬸᬦ᭄ᬫᬮᬩᬸᬄ᭞ᬦᬵᬗ᭄ᬳᬶᬂᬚᬧᬶᬦ᭄ᬤᬬᬂᬓᬦ᭄ᬤᬲ᭄᭞ᬳᬫ᭄ᬢᭂᬦᬭᬾᬫᬗ᭄ᬟᭂᬗᬶᬦ᭄᭟ᬢᬦᬸᬘᬧᭂᬦ᭄ᬲᬵᬫ᭄ᬧᬸᬦᬧ᭠
ᬓ᭄᭞ᬭᬶᬂᬩᬜ᭄ᬘᬶᬗᬄᬲᬫᬶᬮᬾᬤᬂᬗᭀᬃᬫ᭄ᬫᬢᬶᬦ᭄᭞ᬓᬧ᭄ᬬᬚ᭄ᬜᬦ᭄ᬭᬭᬶᬲ᭄ᬫᬜ᭄ᬚᬸᬚᬸᬃ᭞ᬫᬕᬶᬮᬶᬃᬦᬾᬗᬋᬫ᭄ᬩᬢ᭄᭞ᬯᬾᬦ᭄ᬢᭂᬦ᭄ᬧ᭄ᬢᬶᬦᬕᬶᬂᬯᬾᬦ᭄ᬢᭂᬦ᭄ᬧ᭄ᬢᬶᬦ᭄ᬳᬸᬮᬸ᭞ᬫ᭄ᬯᬄᬧ᭄ᬢᬶᬦ᭄ᬭᬄᬩᬮᬸᬮᬂ᭞
ᬢ᭄ᬕᭂᬧ᭄ᬤᬲᭀᬲ᭄ᬧ᭄ᬢᬂᬧ᭄ᬢᬶ᭟ᬲᬭᬯᬸᬳᬾᬭᬶᬂᬧ᭄ᬬᬚ᭄ᬜᬦ᭄᭞ᬭᬭᬶᬲ᭄ᬓᬮᬸᬓᬢ᭄ᬳᬦ᭄ᬢᬸᬓ᭄ᬧᬤᬡ᭄ᬟᬳᬶᬲ᭄ᬢ᭄ᬭᬶ᭞ᬲᬳᬜ᭄ᬚᬸᬚᬸᬃᬓᬧᬗ᭄ᬮᬶᬧᬸᬃ᭞ᬳᬶᬭᬶᬓᬲᬶᬫ᭄ᬧ᭄ᬦᬂ᭞ᬢᬸᬃᬓᬚᬕᬭᬶᬂᬧᬥᬡ᭄ᬟᬳᬶᬲ᭄ᬢ᭄ᬭᬶ᭠ [ 31 ][᭓᭐ 30B]
᭓᭐
ᬓᬓᬸᬂ᭞ᬩ᭄ᬯᬶᬦ᭄ᬧ᭄ᬯᬦ᭄ᬜᬦᬾᬫᬩᬸᬓᬅ᭄᭟ᬫᬗ᭄ᬕᬾᬫ᭄ᬧᬤᬕᬶᬗᬦ᭄ᬲᬸᬘ᭄ᬙᬶ᭟ᬗᬸᬘᬧ᭄ᬗᬫᬾᬜ᭄ᬚᬗᬂᬓᬃᬬ᭄ᬬ᭞ᬘᬭᬶᬢᬬᬂᬧᬭᬵᬳᬕᬸᬗᬾᬲᬫᬶ᭞ᬕ᭄ᬬᬜᬃᬩᬗ᭄ᬮᬶᬫᬶᬯᬄᬓ᭄ᬮᬸᬂᬓᬸᬂ᭞ᬩᬤᬸᬂᬫᬶᬯᬄ
ᬢᬩᬦᬦ᭄᭞ᬚᬫ᭄ᬩᭂᬭᬡ᭄ᬦᬦᬸᬮᬾᬮᬾᬂᬫᬗ᭄ᬯᬸᬭᬯᬸᬄ᭞ᬫᬳᬶᬭᬶᬗᬦ᭄ᬭᬚᬧᬸᬢᬺ᭞ᬫᬓᬤᬶᬧᬋᬲᬸᬮᬶᬗ᭄ᬕᬶᬄ᭟ᬪᬵᬕᬯᬵᬦ᭄ᬢᬧᬢᬶᬃᬢ᭄ᬣᬬᬦ᭄᭞ᬧᬸᬓᬸᬮᬫ᭄ᬧᬢ᭄ᬧ᭄ᬭᬬᬦᬧᬓ᭄ᬭᬶᬂᬧᬸᬭᬷ᭞ᬳ
ᬯᬵᬦᬦ᭄ᬲᬵᬫ᭄ᬧᬸᬦ᭄ᬫᬳᬢᬸᬃ᭞ᬗᬯᬶᬢ᭄ᬲᬓᬶᬂᬩᬮᬾᬤᬦᬵ᭞ᬩᬭᬶᬲ᭄ᬢᬸᬫ᭄ᬩᬓᬾᬫᬧᬦ᭄ᬢᬧᬦ᭄ᬢᬫᬢᬫ᭄ᬩᬸᬃ᭞ᬩᬭᬶᬲ᭄ᬧᬤ᭄ᬧᬶᬦ᭄ᬤᭂᬃᬫ᭄ᬯᬂᬭᬸᬤᬢ᭄᭞ᬲᬫᬶᬲᬬᬕᬫᭂᬦ᭄ᬤᬓᬶᬦ᭄᭟ᬲᬧᬜ᭄ᬚᬂ
ᬫᬃᬕ᭄ᬕᬶᬫᬩᬜ᭄ᬚᬄ᭞ᬓᬦᬦ᭄ᬓᬶᬭᬶᬫᭂᬫ᭄ᬩᬢ᭄ᬗᬦ᭄ᬢᭂᬕ᭄ᬓᬧᬸᬭᬷ᭞ᬳ᭄ᬕᭀᬗᬾᬲᬵᬫ᭄ᬧᬸᬦ᭄ᬫᬘ᭄ᬕᬸᬃ᭞ᬘᬶᬳ᭄ᬦᬦᬶᬂᬲᬵᬫ᭄ᬧᬸᬦᬧᬓ᭄᭞ᬲᬫᬶᬭᬯᬸᬄᬳᬶᬤᬲᬂᬧᬭᬵᬤᬶᬳᬕᬸᬂ᭞ᬭᬶᬂᬧᬸᬭᬷᬳᬫᬲ᭄ᬓ᭄ᬭᬤ
[᭓᭑ 31A]
᭓᭑
ᬫ᭄᭞ᬫᬗᬦ᭄ᬢᭀᬲᬫᬶᬫᬮᬶᬗ᭄ᬕᬶᬄ᭞ᬰ᭄ᬭᬷᬧᬤᬸᬓᭂᬢ᭄ᬯᬦ᭄ᬩᭂᬲᬃ᭞ᬓᬫᬗ᭄ᬕᬮᬵᬮᬶᬗ᭄ᬕᬦᬶᬂᬚᬕᬢ᭄ᬩᬮᬶ᭞ᬫᬶᬯᬄᬢ᭄ᬯᬦ᭄ᬳᬲᬶᬲ᭄ᬢᬾᬦ᭄ᬩᬤᬸᬂ᭞ᬢ᭄ᬯᬦ᭄ᬓᭀᬦ᭄‌ᬢ᭄ᬮᬶᬃᬲᬶᬗ᭄ᬳᬭᬚ᭞ᬳᬲᬓ᭄ᬱᬡᬧᬸᬓᬸᬮᬶᬫ
ᬲᬵᬫ᭄ᬧᬸᬦ᭄ᬭᬯᬸᬄ᭞ᬦᬧᬓ᭄ᬭᬶᬂᬓᭀᬢ᭄ᬣᬦᬕᬭ᭞ᬢ᭄ᬩᭂᬂᬳᬦᬓᬾᬫᬩᬮᬶᬄ᭟ᬭᬶᬂᬫᬃᬕ᭄ᬕᬶᬦᬾᬲᭂᬲᭂᬓ᭄ᬳᬢᬧ᭄᭞ᬲᬓᬶᬂᬓᬦ᭄ᬢᭀᬃᬓᬦ᭄ᬢᭀᬲ᭄ᬭᬯᬸᬄᬓᬧᬸᬭᬷ᭞ᬫᬧᬶᬮ᭄ᬧᬶᬮ᭄ᬫᬧᬸᬦ᭄ᬤᬸᬄᬧᬸ
ᬦ᭄ᬤᬸᬄ᭞ᬲᬫᬶᬗᬧᬶᬓᬶᬦ᭄ᬧᬬᬲ᭄᭞ᬤᬾᬦᬶᬂᬦᭂᬫ᭄ᬩᬾᬧᬭᬵᬳᬕᬸᬗᬾᬫᬩ᭄ᬭ᭄ᬬᬸᬓ᭄᭞ᬭᬯᬸᬄᬲᬋᬂᬢ᭄ᬯᬦ᭄ᬢ᭄ᬯᬦ᭄᭞ᬫᬢᬶᬜ᭄ᬚᭀᬓᬫ᭄ᬮᬦᬕᬭᬷ᭟ᬩᬳᬸᬫᬭᬧᬸᬓᬸᬮᬶᬫᬵ᭞ᬫᬲ᭄ᬮᬸᬭ
ᬦ᭄ᬲ᭄ᬯᬭᬦ᭄ᬳᬕᭀᬗᬾᬢᬭᬶᬓ᭄᭞ᬦᬫ᭄ᬩᬸᬂᬢᬶᬦᬫ᭄ᬩᬸᬂᬫ᭄ᬯᬂᬢᬫ᭄ᬩᬸᬃ᭞ᬫ᭄ᬯᬄᬲ᭄ᬫᬭᬧᬕᬸᬮᬶᬗᬦ᭄᭞ᬩᬭᬶᬲ᭄ᬢᬸᬫ᭄ᬩᬓ᭄ᬭᬸᬤᬢ᭄ᬧᬤ᭄ᬧᬶᬦ᭄ᬤᭂᬃᬫᬚᬸᬚᬸᬓ᭄᭞ᬧᬕᭂᬄᬦᬾᬦ᭄ᬢᭂᬦ᭄ᬫᬓᬶᬲ᭄ᬮᬦ᭄᭞ᬗ [ 32 ][᭓᭑ 31B]
᭓᭑
ᬕᭂᬫ᭄ᬩᬦ᭄ᬤᬾᬭᬓᬸᬫ᭄ᬧ᭄ᬦᬶ᭟ᬯᬾᬮ᭄ᬧᭂᬦ᭄ᬲᬦᬾᬭᬶᬂᬧᬸᬭᬷᬬᬦ᭄᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬳᬓᬾᬄᬳᬶᬧᬸᬦ᭄ᬲᬢᬸᬲ᭄ᬤᬶᬭᬶ᭞ᬫᬗᭂᬦ᭄ᬤᬶᬗᬂᬮᬕᬸᬯᬾᬮ᭄ᬫᬸᬲ᭄᭞ᬤᬾᬯ᭄ᬯᬵᬕᬸᬂᬕ᭄ᬟᬾᬳᭀᬓᬵ᭞ᬫ᭄ᬯᬂᬤᬾ
ᬯ᭄ᬯᬕᬸᬂᬓ᭄ᬢᬸᬢ᭄ᬓᬭᬂᬦᬾᬫᬗᬢᬸᬃ᭞ᬫᬗ᭄ᬕᬮᬤᬤᭀᬲ᭄ᬓᬫᭂᬦ᭄ᬤᬫ᭄᭞ᬦᬲᬓᬦ᭄ᬮᬶᬓᬸᬫ᭄‌ᬗᭀᬃᬫ᭄ᬫᬢᬶᬦ᭄᭟ᬰ᭄ᬭᬷᬧᬤᬸᬓᬢ᭄ᬯᬦ᭄ᬩᭂᬲᬃ᭞ᬲᬶᬗ᭄ᬳᬭᬚᬫᬗᬸᬘᬧ᭄ᬢ᭄ᬭᬶᬫᬓᬲᬶᬄ᭞ᬓᬮᬶᬄᬢ᭄ᬯᬦ᭄ᬳᬲᬶᬲ᭄ᬢᬾ
ᬦ᭄ᬩᬤᬸᬂᬢ᭄ᬯᬦ᭄ᬢᭀᬦ᭄ᬢᭂᬮᬶᬃᬲᬶᬗ᭄ᬳᬭᬚᬵ᭞ᬲᬫᬶᬮᬾᬤᬂᬫᬳᭀᬃᬫ᭄ᬫᬢ᭄ᬫᬲᬮᬫ᭄ᬮᬶᬓᬸᬫ᭄᭞ᬫᬶᬯᬄᬧᬭᬵᬕᬸᬗᬾᬲᬫ᭄ᬬᬦ᭄᭞ᬫᬸᬗ᭄ᬕᬸᬄᬗᬮᬶᬗ᭄ᬕᬶᬳᬶᬦ᭄ᬓᬸᬃᬱᬶ᭟ᬳᬲᬓ᭄ᬱᬡᬭᬭᬶᬲ᭄ᬩᬸᬩᬃ᭞ᬧᬭᬵᬳ
ᬕᬸᬂᬓᬮᬶᬄᬧᬭᬲᬸᬮᬶᬗ᭄ᬕᬶᬄ᭞ᬭᬚᬧᬸᬢᬺᬦᬾᬓᬢᬸᬤᬸᬄᬗᬶᬭᬶᬗᬂᬓᬧᬗ᭄ᬕ᭄ᬭᬳᬦ᭄᭞ᬢᬦᬸᬘᬧᬦ᭄ᬲᬯᬢᬺᬦᬫ᭄ᬧᬶᬧᬲᬸᬕᬸᬄ᭞ᬯ᭄ᬗᬶᬯᬯᬸᬧᬸᬓᬸᬮ᭄ᬤᭂᬮᬧᬦ᭄᭞ᬲᬫ᭄ᬬᬦ᭄ᬭᬯᬸᬄᬫᬦ
[᭓᭒ 32A]
ᬗ᭄ᬓᬶᬮ᭄᭟ᬭᬶᬂᬧᬸᬭᬷᬳᬫᬲ᭄ᬓ᭄ᬭᬤᬫ᭄᭞ᬓᬤᬶᬮ᭄ᬫᬄᬮᬫ᭄ᬧᬸᬮᬶᬱ᭄ᬝ᭄ᬭᬶᬓ᭄ᬗᬮᬗᬶᬦ᭄᭞ᬭᬶᬂᬩᬮᬾᬓᬫ᭄ᬩᬸᬂᬫᬢᬸᬭᬸᬢ᭄᭞ᬩᬮᭀᬦᬾᬓᬧᬲᬗᬂ᭞ᬲᬬᬦ᭄ᬫᬸᬦ᭄ᬢᬩ᭄ᬘᬬᬦᬾᬗᬶᬫ᭄ᬩᬸᬳᬶᬦ᭄ᬮᬸᬳᬸᬂ᭞ᬫ
ᬲᭂᬫ᭄ᬩᬃᬫᬓᬮᬶᬬᬮᬄ᭞ᬧᬓᬜ᭄ᬘᭀᬭᭀᬂᬧᬓᬜᬶᬢ᭄ᬜᬶᬢ᭄᭞᭚᭐᭚ᬲᬶᬦᭀᬫ᭄᭚᭐᭚ᬲᬵᬫ᭄ᬧᬸᬦᬧᬓ᭄ᬧᬸᬓᬸᬮ᭄‌ᬤ᭄ᬮᬧᬦ᭄᭞ᬫᬕᭂᬫ᭄ᬩ᭄ᬬᬂᬰ᭄ᬯᬭᬦᬾᬚᬗᬶᬄ᭞ᬢᬩᬸᬄᬕᬕ
ᬫ᭄ᬮᬦᬾᬳᬮᭀᬦ᭄᭞ᬕᬫ᭄ᬩᬸᬄᬲᬓᬶᬂᬩᬸᬤ᭄ᬟᬓ᭄ᬮᬶᬂ᭞ᬯᬢᭂᬓ᭄ᬩ᭄ᬭᬳ᭄ᬫᬵᬡᬲᬫᬶ᭞ᬧ᭄ᬭᬕᬶᬦᬦᬾᬩᬚᬂᬩᬕᬸᬲ᭄᭞ᬧᬗᬗ᭄ᬕᬾᬦᬾᬲᬫᬶᬜᬩ᭄᭞ᬲᬸᬢᬺᬫᬧ᭄ᬭᬤᬲᬫᬶ᭞ᬳᬩ᭄ᬭᬫᬸᬭᬸᬩ᭄
ᬘᬬᬦᬾᬲᬸᬦ᭄ᬤᬭᬶᬦ᭄ᬤᬫᬃ᭞ᬩᬸᬫ᭄ᬩᬭᬧᬸᬓᬸᬮ᭄ᬲᭂᬫ᭄ᬩᬶᬮᬦ᭄᭞ᬧᬭᬵᬢ᭄ᬯᬦ᭄ᬧᬭᬵᬕᬸᬂᬲᬫᬶ᭞ᬩᬶᬦ᭄ᬢᬶᬃᬤᭂᬃᬳᬧ᭄ᬝᬦᬕᬭᬵ᭞ᬓᬮᬶᬄᬭᬚᬧᬸᬢ᭄ᬭᬲᬫᬶ᭞ᬢ᭄ᬯᬦ᭄ᬩᭂᬲᬃᬫᬓᬤ᭄ᬟᬶ᭞ᬓ [ 33 ][᭓᭒ 32B]
᭓᭒
ᬳᬶᬭᬶᬂᬤᬤᭀᬲ᭄ᬧᬗᬸᬮᬸ᭞ᬫᬧᬾᬱ᭄ᬝᬫᬗᬬᬸᬦᬂ᭞ᬭᬶᬂᬕ᭄ᬟᬾᬗᬾᬤ᭄ᬮᭀᬤ᭄ᬕᬶᬮᬶ᭞ᬭᬫᬾᬫᬮᬸᬳᬸᬂᬩᬯᭀᬲᬾᬫᬲ᭄ᬬᬓᬭᬡ᭟ᬮᬾᬕᭀᬂᬲ᭄ᬮᬢᬾᬳᬸᬘᬧᬂ᭞ᬫᬲᭀᬮᬄᬭᬶᬂᬚ᭄ᬭᭀ
ᬦᬶᬂᬕᬶᬮᬶ᭞ᬳᬦᬹᬢ᭄‌ᬩ᭄ᬘᬶᬓᬦ᭄ᬢᭂᬦ᭄ᬢᬶᬗ᭄ᬕᬃ᭞ᬍᬕᬵᬮᬾᬤᬂᬦᬾᬫᬩᬮᬶᬄ᭞ᬘᭀᬦ᭄ᬤᭀᬗᬾᬦᬾᬓᬧᬸᬚᬶ᭞ᬇᬕᭂᬮ᭄ᬜᬦᬾᬧᬮᬶᬂᬮᬸᬳᬸᬂ᭞ᬫᬶᬦᬩ᭄ᬫᬦᬸᬓ᭄ᬤᬾᬯᬢ᭄ᬣ᭞ᬗᬼᬫ᭄ᬩᬬᬂᬫᬜ᭄ᬚᬭᬸᬄ
ᬮᬗᬶᬢ᭄᭞ᬢᬸᬃᬓᬢᬸᬢᬸᬕ᭄ᬭᬶᬂᬮᬾᬕᭀᬗᬾᬫᬓᭂᬫ᭄ᬩᬭᬦ᭄᭟ᬫᬳᬶᬦᬩ᭄ᬟᬥᬭᬶᬓᬾᬓᬡ᭄ᬟ᭄ᬭᬦ᭄᭞ᬢᬶᬮᭀᬢ᭄ᬢᬫᬗᬧᬹᬗᬶᬦ᭄᭞ᬲᬫᬶᬬᬵᬧ᭄ᬭᬢᬫᬾᬂᬭᬭᬲ᭄᭞ᬲᬲ᭄ᬫᬶᬢᬦᬾᬜᭂ᭠
ᬜᭂᬃᬫᬦᬶᬲ᭄᭞ᬲᬲᭀᬮᬄᬫᬗᬾᬤᬦᬶᬦ᭄᭞ᬜᬮᬾᬬᭀᬕ᭄ᬢᬬᬸᬗᬦᬾᬮ᭄ᬫᬸᬄ᭞ᬦᬬᭀᬕ᭄ᬦᬧ᭄ᬢᬧ᭄ᬫᬦ᭄ᬤᬂ᭞ᬫᬧᬶᬜ᭄ᬘᭂᬃᬫᬶᬤᭂᬃᬫᬓᬶᬭᬶᬕ᭄᭞ᬢ᭄ᬯᬶᬢ᭄ᬯᬄᬳᬦᬹᬢ᭄‌ᬚ᭄ᬕᬾᬕᬾᬫᬗᬬᬂᬗᬬᬂ᭟ᬩᬸ
[᭓᭓ 33A]
᭓᭓
ᬕᬸᬢᬦ᭄᭞ᬯᬃᬡ᭄ᬦᬦᬾᬕᬮᬓᬫᬦᬶᬲ᭄᭞ᬬᬦ᭄ᬧᬃᬡ᭄ᬦᬬᬂᬫᬶᬦᬩ᭄ᬲᬂᬯᬶᬭᬣᬧᬸᬢᬺ᭟ᬫ᭄ᬯᬄᬳᬶᬕᬸᬲ᭄ᬢᬶᬩᬕᬸᬲ᭄ᬓᬭᬂ᭞ᬭᬶᬂᬓᬭᬂᬢᬗ᭄ᬓᭂᬩᬦ᭄ᬫᬧᬸᬭᬷ᭞ᬳᬤᭂᬕ᭄ᬳᬦᬹᬢ᭄ᬮᬗ᭄ᬲᬶᬂᬮᬜ᭄ᬚᬃ᭞ᬢᬦ᭄ᬟᬗᬾ
ᬍᬜ᭄ᬚᭂᬧ᭄ᬭᬲ᭄ᬧᬢᬶ᭞ᬬᬦ᭄ᬧᬃᬡ᭄ᬦᬧᬦ᭄ᬢᭂᬲ᭄ᬫᬶᬭᬶᬩ᭄᭞ᬲᬂᬧᬃᬣᬲᬸᬢᬪᬶᬫᬦ᭄ᬬ᭞ᬳᬶᬕᬸᬲ᭄ᬢᬶᬩᬕᬸᬲ᭄ᬟᬶᬃᬕ᭄ᬕ᭞ᬫᬧᬸᬭᬶᬭᬶᬂᬘᬓᬺᬦᬕᬭᬷ᭞ᬕᬸᬗᬮᬸᬳᬸᬃᬫᬶᬦᬩ᭄ᬧ᭄ᬭᬪᬹᬩᬕᬤᬢ᭄ᬣ᭟ᬫᬶᬯᬄ᭠
ᬳᬶᬤᬯᬬᬦ᭄ᬧᬸᬡ᭄ᬬ᭞ᬫᬓᬵᬫᬗ᭄ᬕᬮᬗ᭄ᬮᬶᬗ᭄ᬲᬶᬭᬶᬦ᭄᭞ᬢᬸᬭᬸᬦᬦ᭄ᬩ᭄ᬭᬳ᭄ᬫᬵᬡᬰᬷ᭠ᬯᬵ᭞ᬘᬃᬫ᭄ᬫᬦᬾᬲᬼᬫᬍᬗᬶᬲ᭄᭞ᬳᬦᬹᬢ᭄ᬓ᭄ᬭᬯᬶᬲᬾᬧᬸᬢᬶᬄ᭞ᬳᬸᬦ᭄ᬢᬸᬦᬾᬲᬵᬫ᭄ᬧᬸᬦ᭄ᬫᬗ᭄ᬮᬬᬸᬂ᭞ᬢ
ᬩᬸᬄᬫᬦᬶᬲᬃᬚ᭄ᬚᬯᬵ᭞ᬗ᭄ᬢᬸᬲ᭄ᬧ᭄ᬭᬡᬦᬸᬤᬸᬢ᭄ᬳᬢᬸ᭞ᬲᬤᬵᬩᬳᬸᬤ᭄‌ᬮᬕᭂᬲ᭄ᬫᬢᬸᬢᬸᬭᬦ᭄ᬲᬵᬢ᭄ᬯᬵ᭄‌ᬬᬤᬶᬦ᭄ᬬᬸᬱᬲᬵᬫ᭄ᬧᬸᬦ᭄ᬯ᭄ᬭᬪᬵ᭞ᬢᬍᬃᬓᬭᬶᬓ᭄ᬜᬂᬘᬮᬶᬭᬂ᭞ᬧᬸᬕᬸᬄᬗᬶᬭᬶᬂᬧᬓ [ 34 ][᭓᭓ 33B]
ᬫᬭᬵᬧᬸᬓᬸᬮ᭄ᬲ᭄ᬩᭂᬮᬲ᭄᭞ᬯᬸᬲ᭄ᬫᬧᬾᬱ᭄ᬝᬲᬋᬂᬲᬫᬶ᭞ᬲᬫᬶᬗᬸᬗ᭄ᬲᬶᬧᬲᬗ᭄ᬕ᭄ᬭᬳᬦ᭄᭞ᬢᬦᬸᬘᬧᬦ᭄ᬦᬾᬭᬶᬂᬧᬸᬭᬷ᭞ᬭᬶᬂᬚᬩᬓᬭᬶᬢᬭᬶᬓ᭄᭞ᬳᬸᬦ᭄ᬬᬦ᭄ᬳᬸᬦ᭄ᬬᬦᬦᬾᬕᬸᬫᬸᬭᬸᬄ᭞ᬩᬶᬮᬂᬩᬶᬮᬂᬩ
ᬩ᭄ᬘᬶᬗᬄ᭞ᬲᬫᬶᬯᬾᬦ᭄ᬢᭂᬦ᭄ᬫᬗᭂᬫ᭄ᬧᭀᬦᬶᬦ᭄᭞ᬮᬾᬕᭀᬂᬕᬫ᭄ᬩᬸᬄᬩᬭᬶᬲ᭄ᬳᬃᬚ᭄ᬚᬓᬳᬶᬕ᭄ᬮᬂ᭟ᬓᬦ᭄ᬢᭀᬲ᭄ᬫᬓᬤᬲ᭄ᬭᬳᬶᬦ᭞ᬭᬫᬾᬦᬾᬢᬢᬦ᭄ᬲᬶᬦᬶᬧᬶ᭞ᬲᬚ᭄ᬭᭀᬦᬶᬂᬓᭀᬢ᭄ᬣᬦᬕᬭ᭞ᬭᬶᬂᬫᬃ
ᬕ᭄ᬕᬶᬦᬾᬯᬭᬯᬶᬭᬶ᭞ᬯᬾᬦ᭄ᬢᭂᬦ᭄ᬗᬶᬕᭂᬮ᭄ᬫᬩᬮᬶᬄ᭞ᬯᬾᬦ᭄ᬢᭂᬦ᭄ᬓᭂᬜ᭄ᬘᭂᬓᬦ᭄ᬫᬗᬸᬲ᭄ᬓᬸᬲ᭄᭞ᬓ᭄ᬩᭀᬩᬯᬶᬓᬋᬋᬄ᭞ᬧᬘᬂᬘᬯᬶᬲᬦᬾᬲᬫᬶ᭞ᬲ᭄ᬭᬬᬂᬲ᭄ᬭᬸᬬᬸᬂᬦᬾᬫᬕᬤᬂᬫᬸᬓᬮ᭄ᬫᬄ᭟ᬧ᭄ᬭᬫᬾᬦᬓᬾ
ᬲᬓᬶᬂᬲᬲᬓ᭄᭞ᬲᬢ᭄ᬭ᭄ᬬᬤᬍᬫ᭄ᬧ᭄ᬭᬕᬸᬲ᭄ᬢᬶ᭞ᬳᬶᬤᬵᬦᬾᬯ᭄ᬯᬵᬩᭀᬫᬦ᭄ᬬᭀᬕ᭞ᬦᬾᬧᬮᬶᬂᬩᬚᬂᬗᬾᬤᬦᬶᬦ᭄᭞ᬮ᭄ᬯᬶᬃᬧᬜ᭄ᬚᬶᬫᬮᬢ᭄ᬭᬲ᭄ᬫᬶᬦ᭄᭞ᬫ᭄ᬯᬄᬳᬶᬕᬸᬲ᭄ᬢᬶᬕ᭄ᬟᬾᬧᬸᬢᬸ᭞ᬲᬓᬶᬂᬧᬸᬭᬶᬧ
[᭓᭔ 34A]
ᬬᬸᬦᬦ᭄᭞ᬗᬺᬫ᭄ᬩᬓᬃᬬ᭄ᬬᬫᬓᬲᬾᬳᬶᬦ᭄᭞ᬫᬸᬮᬳᬶᬤᬓᬧᬸᬚᬶ᭞ᬫᬕ᭄ᬭ᭄ᬬᬭᬶᬂᬓᬭᬂᬢᬗ᭄ᬕᬸᬄ᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬜᬸᬓ᭄ᬱ᭄ᬫᬬᬂ᭞ᬳᬢᬸᬭᬦ᭄ᬳᬶᬤᬦᬾᬲᬫᬶ᭞ᬲᬦᬾᬮᬸᬳᬸᬂᬳᬸᬧᬓᬭᬭᬶᬂᬧ᭄ᬬᬚ᭄ᬜᬦ᭄᭟
ᬓᬮᬶᬄᬳᬶᬤᬩᬕᬸᬲ᭄ᬳᬧᬹᬃᬡ᭄ᬦᬫ᭄ᬦᬕ᭄ᬭ᭄ᬬᬭᬶᬂᬕ᭄ᬭ᭄ᬬᬲᬓ᭄ᬱᬭᬷ᭞ᬲᬋᬂᬳᬶᬤᬩᬕᬸᬲ᭄ᬓᬡ᭄ᬝ᭞ᬳᬦᬹᬢ᭄ᬱᬦ᭄ᬧᬦ᭄ᬢᭂᬲ᭄ᬫᬲᬦ᭄ᬤᬶᬂ᭞ᬭᬕᬦᬾᬕ᭄ᬟᬾᬘ᭄ᬦᬶᬓ᭄᭞ᬯᬾᬦ᭄ᬢᭂᬦ᭄ᬓᬶᬭᬶᬲ᭄ᬯᬾᬦ᭄ᬢᭂᬦ᭄ᬯᬶᬩᬸᬄ᭞ᬲᬫᬶᬲᬫᬶ
ᬧ᭄ᬭᬚ᭄ᬜᬦ᭄᭞ᬳᬶᬤᬵᬧᬹᬃᬡ᭄ᬦᬵᬫᬫ᭄ᬩᬮ᭄ᬬᬦᬶᬦ᭄᭞ᬳᬶᬤᬵᬩᬕᬸᬲ᭄ᬓᬡ᭄ᬝᬢᬲᬶᬂᬓᬤ᭄ᬬᬢ᭄ᬫᬶ᭠ᬓᬦ᭄᭟ᬯᬶᬓᬸᬳᬧᬶᬦ᭄ᬤᬯᬮᬓᬵ᭞ᬭᬾᬄᬲᬫᬶᬕᬶᬦᬸᬧ᭄ᬢᬾᬂᬧ᭄ᬭᬤ᭄ᬟᬶ᭞ᬲᬮ᭄ᬯᬶᬭᬶᬂᬰᬲ᭄ᬢ᭄ᬭᬵᬉᬢ᭄ᬢᬫ᭞
ᬢᬢ᭄ᬯᬦᬾᬭᬳᬱ᭄ᬬᬲᬶᬗᬶᬢ᭄᭞ᬓᭂᬫ᭄ᬩᬦᬶᬦ᭄ᬓᬬᬸᬦ᭄‌ᬳ᭄ᬦᬶᬂᬢᬸᬃᬮᬓ᭄ᬱᬡᬥᬃᬫ᭄ᬫᬦᬸᬮᬸᬲ᭄᭞ᬓ᭄ᬭᬦᬦ᭄ᬓᬳᬸᬧᬲᬫᬦ᭄᭞ᬦᬶᬭᬵᬰ᭄ᬭᬬᬫᭀᬭᬶᬂᬮᬶᬘᬶᬦ᭄᭞ᬢ᭄ᬓᬧᬗᬸᬲ᭄‌ᬗ᭄ᬕᬯᬾᬲᭀᬮᬄᬩ᭄ᬭ [ 35 ][᭓᭔ 34B]
᭓᭔
ᬦ᭄ᬢᬚ᭄ᬜᬦ᭟ᬬᬦᬶᬂᬳᬶᬤᬵᬩᬕᬸᬲ᭄ᬧᬹᬃᬡ᭄ᬦ᭞ᬳᬦᬹᬢ᭄ᬭᬕᬦᬾᬫᬍᬗᬶᬲ᭄᭞ᬜᬦ᭄ᬤᬂᬧᬫᬃᬕ᭄ᬕᬶᬦᬾᬳᬮᭀᬦ᭄᭞ᬤᬾᬦᬶᬂᬯᬶᬩᬸᬳᬾᬗ᭄ᬭᬾᬫ᭄ᬩᬢᬶᬦ᭄᭞ᬦᬵᬗ᭄ᬳᬶᬂᬧᬸᬕᬸᬄᬫ᭄ᬩᬮ᭄ᬬᬦᬶᬦ᭄᭞ᬢᬩᬸᬳᬾ
ᬲᬃᬚ᭄ᬚᬯ᭄ᬯᬳᬮᬸᬲ᭄᭞ᬗ᭄ᬕᬯᬾᬲᬸᬓᬦᬶᬂᬚᬕᬢ᭄᭞ᬚᬢᬶᬲ᭄ᬟᭂᬂᬧᬸᬚᬶᬧᬸᬚᬶ᭞ᬳᬗ᭄ᬕᬾᬦ᭄ᬢᬸᬗ᭄ᬕᬸ᭠ᬮ᭄ᬲᬯᬶᬢᬺᬯ᭄ᬓᬲᬶᬂᬲᬬᬂ᭟ᬳᬶᬤᬧ᭄ᬭᬡ᭄ᬟᬳᬶᬲ᭄ᬢ᭄ᬭᬶᬧ᭄ᬭᬪᬵ᭞ᬫᬕ᭄ᬭ᭄ᬬᬭᬶᬂᬕ᭄ᬭ᭄ᬬᬲᬓ᭄ᬱᬭᬷ᭞ᬯᬶᬓᬸᬯ᭄ᬓᬲᬶᬂᬥᬃ᭠
ᬫ᭄ᬫᬯᬦ᭄᭞ᬬᬤᬶᬦ᭄ᬢᬦ᭄ᬭᬯᬸᬄᬓᬩᬮᬶ᭞ᬢᬍᬃᬯᬾᬦ᭄ᬢᭂᬦ᭄ᬧᬢᬶᬢᬶᬧ᭄᭞ᬯ᭄ᬓᬲ᭄ᬳᬸᬢ᭄ᬢᬫᬓᬳᬢᬸᬃ᭞ᬲᬤᬦᬦ᭄ᬤᬾᬯ᭄ᬯᬬᬚ᭄ᬜ᭞ᬤᬸᬮᬸᬭᬶᬦ᭄ᬯᬘᬡ᭄ᬦᬍᬯᬶᬄ᭞ᬦᬾᬓᬳᬢᬸᬃᬳᬸᬫᬸᬗ᭄ᬕᬸᬄᬲ
ᬚ᭄ᬭᭀᬦᬶᬂᬲᬹᬭᬢ᭄᭟ᬯ᭄ᬓᬲ᭄ᬳᬦ᭄ᬢᬸᬓ᭄ᬜᬸᬓ᭄ᬱ᭄ᬫᬬᬂ᭞ᬓᬳᬗ᭄ᬕᬾᬧᬗᬾᬮᬶᬂᬗᬾᬮᬶᬂ᭞ᬜᬶ᭠ᬫ᭄ᬧᭂᬦ᭄ᬭᬶᬂᬳᬦ᭄ᬢᬳᬺᬤ᭄ᬟᬬ᭞ᬯᬮᬸᬬᬧ᭄ᬭᬲᬤ᭄ᬟᬫᬦᬶᬓ᭄᭞ᬫᬤᬓ᭄ᬤᬸᬮᬸᬭᬶᬦ᭄ᬯᬶᬤ᭄ᬟᬶ᭞ᬲᬶᬤ᭄ᬟᬤᬶᬃᬕ᭄ᬕᬬᬸ
[᭓᭕ 35A]
ᬱᬦᬸᬮᬸᬲ᭄᭞ᬳᬶᬥᬲᬂᬫᬳᬘᬃᬫ᭄ᬫ᭞ᬲᬓᬮᬦᬶᬲ᭄ᬓᬮᬍᬯᬶᬄ᭞ᬦ᭄ᬫᬸᬲᬤ᭄ᬬᬸᬄᬫᬦᬸᬗ᭄ᬓᬧ᭄ᬦᬶᬃᬩ᭄ᬪᬡᬰᬸᬦ᭄ᬬ᭟ᬧᬜ᭄ᬚᬂᬧᬓᭀᬬᬦ᭄ᬳᬸᬘᬧᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄‌ᬢ᭄ᬗᬄᬯ᭄ᬗᬶ᭞ᬧᬭᬵᬢᬫ᭄ᬬᬸᬦᬾ᭠
ᬲᬫ᭄ᬬᬦ᭄᭞ᬫᬲᭂᬧ᭄ᬲᭂᬧᬦ᭄ᬲᬶᬋᬧ᭄ᬳᬭᬶᬲ᭄᭞ᬦᬾᬗᬚᬂᬩᬾᬢᬓ᭄ᬫᬮᬶᬄ᭞ᬫ᭄ᬤᬮ᭄ᬓᬫᬃᬕ᭄ᬕᬶᬦᬾᬗᬗ᭄ᬕᬸᬃ᭞ᬗᬶᬮᬩᬂᬓᬩᬕᬸᬲᬦ᭄᭞ᬜᬤᬂᬲ᭄ᬓᬭᬾᬭᬶᬂᬫᬃᬕ᭄ᬕᬶ᭞ᬳᬮᬸᬫ᭄ᬤᬮᬸᬲᬸᬦ᭄ᬤᬃᬫᬍᬫ᭄ᬲ
ᬦᬾᬫᬬᬂ᭚᭐᭚ᬧᬗ᭄ᬓᬸᬃ᭚᭐᭚ᬯᬯᬸᬗᭂᬤᬲ᭄ᬭᬳᬶᬦᬳᬂ᭞ᬲᬬᬦ᭄ᬩᬳᬓ᭄ᬮᬗᬶᬢᬾᬕᬮᬂᬓᬗᬶᬦ᭄᭞ᬳᬗ᭄ᬲᭂᬗᬦ᭄ᬚᬕᬢᬾᬤᬬᬸᬄ᭞ᬓ᭄ᬱᭂᬄᬳᬗᬶᬦᬾᬫ᭄ᬮᬄ᭞ᬧᬩ᭄ᬭ᭄ᬬᬸᬂᬲᬤ᭄ᬧᬤᬦᬾᬭ
ᬯᬸᬄᬗ᭄ᬭᬸᬩᬸᬂ᭞ᬲᬫᬶᬗᬶᬲᭂᬧ᭄ᬲᬭᬶᬦ᭄ᬲ᭄ᬓᬃ᭞ᬲᬬᬦ᭄ᬫᬜᭂᬧᬸᬓᬂᬫᬶᬳᬶᬓ᭄᭟ᬧᬓ᭄ᬱᬶᬦᬾᬳᬓᬾᬄᬫᬗᬶᬫ᭄ᬩᬂ᭞ᬫᬗᬫ᭄ᬩᬭᬵᬳ᭄ᬟᭀᬄᬮᬸᬗ᭄ᬳᬵᬫᬳᭂᬲᬶᬓ᭄᭞ᬧᬦᬓ᭄ᬜᬦᬾᬲᬫᬶᬫᬗᬸ᭞ [ 36 ][᭓᭕ 35B]
᭓᭕
ᬩ᭄ᬗᬵᬂᬬᬫᬯᬲᬦ᭄᭞ᬫᬋᬧ᭄ᬓᬗᬶᬦ᭄ᬫᬶᬦᬩ᭄‌ᬦᬍᬓ᭄ᬢᭂᬓᬂᬕᬸᬦᬸᬂ᭞ᬲᬓ᭄ᬱᬢ᭄ᬫᬲᬹᬃᬬ᭄ᬬᬲᬾᬯᬦᬵ᭞ᬫᬗᬲ᭄ᬢᬸᬢᬶᬲᬗ᭄ᬕ᭄ᬬᬂᬭᬯᬶ᭟ᬩᬳᬸᬫᬭᬢᬢᬲᬼᬫᬄ᭞ᬧᬓᬺᬜ᭄ᬘ᭄ᬬᬂᬲ᭄ᬯᬭᬗᭂᬦ᭄ᬢ
ᬦᬾᬗ᭄ᬭᬶᬦᬶᬂ᭞ᬢᬸᬃᬫᬓ᭄ᬬᬸᬄᬳᭂᬩᭀᬗᬵᬗ᭄ᬮᬸᬄ᭞ᬳᬲᭂᬧᬾᬫᬳᬶᬫ᭄ᬧᬸᬕᬦ᭄᭞ᬫᬤᬸᬮᬸᬭᬦ᭄ᬑᬁᬓᬭᬫᬦ᭄ᬢ᭄ᬭᬧᬕ᭄ᬭ᭄ᬬᬸᬂ᭞ᬧᬭᬵᬯᬶᬓᬸᬦᬾᬲᬫ᭄ᬬᬦ᭄᭞ᬫ᭄ᬭᬤᬗᬶᬦ᭄ᬫᬯᬾᬤ᭄ᬟᬲ᭄ᬢᬸᬢᬶ᭟ᬧ᭄ᬭᬦ
ᬫ᭄ᬬᬦᬸᬲ᭄ᬢᬦᬲᬗ᭄ᬕ᭄ᬬᬂ᭞ᬳᬲᬓ᭄ᬱᬡᬲᬶᬦᬸᬤ᭄ᬟᬾᬂᬤᬾᬳᬰᬸᬤ᭄ᬟᬶ᭞ᬯᬸᬲ᭄ᬢᭂᬤᬸᬦ᭄ᬫᬲᬮᬶᬦ᭄ᬓᬫ᭄ᬧᬸᬄ᭞ᬧᬸᬧᬸᬢ᭄ᬫᭂᬢᬸᬳᬰᬦᬵ᭞ᬦᬶᬂᬫᬮᬶᬮᬂᬯᬃᬡ᭄ᬦᬦᬾᬰᬸᬤ᭄ᬟᬫᬦᬸᬮᬸᬲ᭄᭞ᬲᬫᬶᬜᬸᬚᬸᬃᬓᬩ᭠
ᬜ᭄ᬘᬶᬗᬄᬧᬸᬭᬷᬓᬗᬶᬦᬦ᭄ᬫᬮᬶᬗ᭄ᬕᬶᬄ᭟ᬓᬳᬶᬭᬶᬂᬭᬶᬂᬧᬭᬵᬫᬾᬦᬓ᭄᭞ᬲᬓᬸᬳᬸᬫ᭄ᬚᬕᬢ᭄ᬳᬫ᭄ᬮᬦᬕᬭᬶ᭞ᬲᬲ᭄ᬫᭂᬢᭀᬦ᭄ᬧᬭᬵᬳᬕᬸᬂ᭞ᬦᬾᬲᬓᬶᬂᬚᬯᬶᬓᬸᬢ᭄ᬣ᭞ᬲᬫᬶᬦᬧᬓ᭄ᬧᬲ᭄ᬫᭂᬗ
[᭓᭖ 36A]
ᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬩᬜ᭄ᬘᬶᬗᬄᬳᬾᬓᬗᬶᬦᬦ᭄᭞ᬫᬶᬲᬤ᭄ᬬᬮᬾᬤᬂᬗᬺᬫ᭄ᬧᭂᬕᬶᬦ᭄᭟ᬲᬳᬧ᭄ᬭᬬᭀᬤᬫᬚᬚᬃ᭞ᬧ᭄ᬢᬂᬤᬱᬤᬶᬭᬶᬫᬗᬧᬶᬢ᭄ᬫᬃᬕ᭄ᬕᬶ᭞ᬲᭂᬃᬱᬦ᭄ᬓᬸᬤᬫᬾᬳᬦᬹᬢ᭄᭞ᬢᬗ᭄ᬓᭂ
ᬧᬾᬫ᭄ᬮᬄᬲᬬᬕ᭞ᬭᬶᬂᬫᬃᬕ᭄ᬕᬶᬦᬾᬩᬭᬶᬲ᭄ᬩᬦ᭄ᬤᬾᬭᬦᬾᬜᬫ᭄ᬩᬸᬂ᭞ᬳᬢᭂᬧ᭄ᬭᬯᬸᬄᬓᬩᬜ᭄ᬘᬶᬗᬄ᭞ᬫᬦ᭄ᬕᬓ᭄ᬫᬗᬧᬶᬢ᭄ᬫᬃᬕ᭄ᬕᬶ᭟ᬦᬾᬫᬗ᭄ᬓᬶᬦ᭄ᬫᬢᭂᬓᬂᬓ᭄ᬮᬢ᭄᭞ᬲᬫᬶᬩᬸᬗᬄᬧᬗᬗ᭄ᬕᬾᬦᬾᬓᬧᬶᬓᬶ
ᬦ᭄᭞ᬧᬤ᭄ᬧᬶᬦ᭄ᬤᭂᬃᬭᬸᬤᬢ᭄ᬫᬳᬢᬸᬃ᭞ᬗᬫ᭄ᬩ᭄ᬬᬃᬗᬦ᭄ᬢᭂᬩ᭄ᬓᬧ᭄ᬬᬚ᭄ᬜᬦ᭄᭞ᬯᬾᬮ᭄ᬧᭂᬦ᭄ᬯᬾᬮ᭄ᬧᭂᬦ᭄ᬭᬶᬂᬚ᭄ᬭᭀᬦᬶᬂᬧ᭄ᬬᬚ᭄ᬜᬦ᭄ᬫᬧᬸᬦ᭄ᬤᬸᬄ᭞ᬢᬗ᭄ᬓᭂᬧᬾᬕᬕᬄᬪᬶᬭᬫ᭞ᬲᬬᬕᬧᬥᬗᭀᬃᬫᬢᬶᬦ᭄᭟ᬧ᭄ᬭᬡ᭄ᬟ
ᬳᬶᬲ᭄ᬢ᭄ᬭᬶᬧᬭᬵᬫᬾᬦᬓ᭄᭞ᬫᬓᬤᬶᬜᬧᬤᬡ᭄ᬟᬯᬬᬦ᭄‌ᬚ᭄ᬮᬡ᭄ᬝᬶᬓ᭄᭞ᬫᬗᬾᬦ᭄ᬢᭂᬭᬶᬂᬧᬶᬦᬶᬄᬧᬸᬕᬸᬄ᭞ᬤᬩ᭄ᬤᬩᬂᬭᬶᬂᬫ᭄ᬭᬚᬦ᭄᭞ᬦᬾᬫᬗ᭄ᬕᬮᬳᬶᬤᬧ᭄ᬭᬡ᭄ᬟᬕ᭄ᬟᬾᬓ᭄ᬢᬸᬢ᭄᭞ᬧᬶᬥᬥᬕ᭄ᬭᬶ [ 37 ][᭓᭖ 36A]
᭓᭖
ᬬᬧᬶᬥᬥ᭞ᬗᬚ᭄ᬗᬶᬦ᭄ᬓᬃᬬ᭄ᬬᬦᬾᬫᬗ᭄ᬓᬶᬦ᭄᭟ᬲᬵᬫ᭄ᬧᬸᬦᬧᬓ᭄ᬭᬶᬂᬧᬫ᭄ᬭᬚᬦ᭄᭞ᬓᬤᬩ᭄ᬤᬩᬂᬲᬧᬦᬶᬲ᭄ᬓᬭᬵᬢᬺᬧ᭄ᬢᬶ᭞ᬳᬦᬓᬵᬕᬸᬂᬳᬬᬸᬳᬬᬸ᭞ᬧᬭᬵᬧᬸᬢ᭄ᬭᬦᬾᬫᬗᬫ᭄ᬩ᭄ᬬᬃ᭞ᬫ᭄ᬓᬤᬶ
ᬜᬦ᭄ᬯᬕᬸᬂᬳᬶᬲ᭄ᬢ᭄ᬭᬶᬩ᭄ᬬᬂᬳᬕᬸᬂ᭞ᬲᬫᬶᬗ᭄ᬭᬗ᭄ᬲᬸᬓ᭄ᬪᬸᬱᬡ᭞ᬫᬗ᭄ᬭᬜᬩ᭄ᬓ᭄ᬯᬘᬦᬾᬭᬯᬶᬢ᭄᭟ᬩᬸᬫᬭᬵᬧᬸᬧᬸᬢ᭄ᬓᬲᬸᬮᬫ᭄᭞ᬧᬧᬢᭂᬳᬦ᭄ᬫᬢᬸᬭᬸᬢ᭄ᬕᬥᬂᬢᬗᬶ᭞ᬯᬾᬦ᭄ᬢᭂᬦ᭄ᬭᬶᬂᬩᬶᬮᬸᬤ᭄ᬭᬸ
ᬧ᭄ᬮᬸᬂ᭞ᬯᬾᬦ᭄ᬢᭂᬦ᭄ᬩᬶᬮᬸᬤ᭄ᬭᬸᬩᬭᬓ᭄᭞ᬓᬳᬦᬸᬢᬂᬓᬸᬭᬸᬩᬾᬫᬧ᭄ᬭᬤᬵᬫᬸᬭᬸᬩ᭄᭞ᬫᬯᬱ᭄ᬝᬲᭀᬗ᭄ᬓᬾᬢ᭄ᬓᭂᬫ᭄ᬩᬂᬫᬵᬲ᭄᭞ᬓᬤᬶᬲ᭄ᬓᬭᬾᬩ᭄ᬬᬸᬦ᭄ᬢ᭄ᬬᬸᬦᬶᬦ᭄᭟ᬳᬦᬓᬕᬸᬂᬳᬬᬸᬩᬸᬮᬦ᭄᭞ᬧᬮᬶᬂᬳ
ᬮᬶᬢ᭄ᬧᬬᬲᬺᬦ᭄ᬢᭂᬢ᭄ᬗᬾᬤᬦᬶᬦ᭄᭞ᬢᬗ᭄ᬓᭂᬧᬾᬢᬫᬾᬂᬓᬸᬮᬗᬸᬦ᭄᭞ᬯᬃᬡ᭄ᬦᬦᬾᬧᬧᬢᭂᬳᬦ᭄᭞ᬗ᭄ᬳᬶᬂᬲᬺᬗ᭄ᬕᬭᬵᬲᬶᬸᬓᬶᬂᬲᬶᬂᬲᭀᬮᬳᬂᬳᬦᬹᬢ᭄᭞ᬓ᭄ᬜᭂᬫᬾᬫᬦᬶᬲ᭄ᬫᬍᬜᬤ᭄᭞
[᭓᭗ 37B]
ᬲᬲ᭄ᬫᬶᬢᬦᬾᬫᬸᬮᬸᬓ᭄ᬩᬗ᭄ᬓᬶᬢ᭄᭟ᬬᬦᬶᬂᬗᬸᬘᬧ᭄ᬫᬶᬫ᭄ᬩᬸᬄᬫ᭄ᬮᬄ᭞ᬫᬗᬸᬫᬗᬸᬫᬳᬶᬦᬩ᭄‌ᬓ᭄ᬜᬶᬂ᭞ᬭᬱᬗᭂᬧᬶᬢᬂᬧᬶᬢᬸᬢᬸᬃ᭞ᬫᬩᬱᬩ᭄ᬮᬡ᭄ᬟᬯᬶᬓᬦ᭄᭞ᬲᬶᬂᬓ᭄ᬫᬶᬓᬂᬢ᭄ᬓᬧᬗᬸᬲ᭄ᬫᬮᬶᬄᬩᬳᬸᬤ᭄᭞ᬮ
ᬕᭂᬲ᭄ᬫᬢᬸᬢᬸᬭᬦ᭄ᬲᬢ᭄ᬯ᭞ᬦᬸᬗ᭄ᬓᬸᬮᬂᬦᬾᬳᬮᬶᬢ᭄ᬳᬮᬶᬢ᭄᭟ᬫᬓᬤ᭄ᬟᬶᬳᬯᬶᬦᬦ᭄ᬲᬬᬂ᭞ᬤᬸᬓᬾᬳᭂᬫ᭄ᬩᬲ᭄ᬦᬸᬚᬸᬲᬸᬳᬸᬂᬭᬶᬂᬧᬸᬭᬷ᭞ᬳᬚᬶᬦᬾᬮᬸᬗ᭄ᬳᬓᬩᬢᬸᬃ᭞ᬫᬶᬲᬤ᭄ᬬᬧᬘᬂᬜ᭄ᬓᬃ᭞ᬗᬶᬭᬶᬂᬳᬶᬤ
ᬳᬦᬓᬵᬕᬸᬂᬳᬶᬲ᭄ᬢ᭄ᬭᬶᬳᬕᬸᬂ᭞ᬭᬵᬚᬤᬾᬯ᭄ᬯᬢ᭄ᬣᬶᬫᬥᬭᬵ᭞ᬦᬾᬓᬵᬲᬸᬩ᭄ᬧ᭄ᬭᬚ᭄ᬜᬦ᭄ᬫᬗᬯᬶ᭟ᬫᬮᬶᬄᬯᬮᬶᬦᬶᬦ᭄ᬗᬸᬘᬧᬂ᭞ᬭᬵᬓᬦ᭄ᬳᬶᬤᬦᬾᬳᬶᬲ᭄ᬢ᭄ᬭᬶᬧᬶᬢᬸᬂᬯᬶᬚᬶ᭞ᬲᬫᬶᬲᬵᬫ᭄ᬧᬸᬦ᭄ᬳᬶᬤᬵ
ᬗ᭄ᬭᬗ᭄ᬲᬸᬓ᭄᭞ᬪᬹᬱᬡᬭᬚᬧᬸᬢ᭄ᬭ᭄ᬬ᭞ᬳᬦᬓᬵᬕᬸᬂᬳᬢᬸᬓ᭄ᬢᬸᬢ᭄ᬧᬮᬶᬂᬓᬲᬸᬩ᭄᭞ᬫᬳᬶᬦᬩ᭄ᬤᬾᬯᬶᬰᬸᬪᬤ᭄ᬭ᭞ᬧᬶᬦᬓᬤᬾᬯ᭄ᬯᬦᬶᬂᬧᬸᬭᬷ᭟ᬭᬓᬦᬾᬦᬾᬤᬸᬳᬸᬭᬦ᭄᭞ᬫᬧ᭄ᬲᬾᬗ [ 38 ][᭓᭗ 37B]
᭒᭗
ᬦ᭄ᬤᬾᬯ᭄ᬯᬵᬕᬸᬂᬳᬬᬸᬭᬳᬶ᭞ᬢᬦ᭄ᬤᬗᬾᬍᬜ᭄ᬚᭂᬧ᭄ᬓᬬᬸᬦ᭄ᬳ᭄ᬬᬸᬦ᭄‌ᬳᬤᭂᬕᬾᬜᬸᬫᬫ᭄ᬧᬓᬵ᭞ᬗᬬᬗ᭄ᬳᬬᬯᬮᬸᬬᬧᬸᬱ᭄ᬧᬢᬦᬮᬸᬫ᭄᭞ᬲᬤᬶᬓᬓᬸᬫᭂᬫ᭄ᬩᬂᬩᬸᬗ᭄ᬳᬄ᭞ᬲᬭᬷᬦᬾᬯ᭄ᬓᬲᬶᬂᬫᬶᬳᬶᬓ᭄᭟
ᬳᬶᬤᬾᬯ᭄ᬯᬕᬸᬂᬳᬬᬸᬩᬶᬦ᭄ᬢᬂ᭞ᬤᬾᬯ᭄ᬯᬕᬸᬂᬳᬬᬸᬓᬭᬂᬳᬦᬹᬢ᭄ᬜᬋᬗᬶᬦ᭄᭞ᬬᬤ᭄ᬬᬧᬶᬦ᭄‌ᬫᭀᬮ᭄ᬳᬰ᭄ᬭᬷᬍᬫᬸᬄ᭞ᬢᬶᬦ᭄ᬤᬓᬾᬫᬕᬫ᭄ᬧᬭᬦ᭄᭞ᬤᬾᬫ᭄ᬧᭀᬤᬾᬫ᭄ᬧᭀᬜᬦ᭄ᬤᬂᬧᬸᬢ᭄ᬭᬦ᭄ᬧᬭᬵᬭᬢᬸ᭠
ᬤ᭄ᬯᬕᬸᬂᬳᬬᬸᬯᬬᬦ᭄ᬓᬭ᭞ᬤ᭄ᬯᬕᬸᬂᬚ᭄ᬮᬡ᭄ᬝᬶᬓ᭄ᬫᬜᬋᬗᬶᬦ᭄᭟ᬍᬧᬲᬦ᭄ᬲᬓᭀᬮᬄᬩ᭄ᬮᬡ᭄ᬟ᭞ᬲᬗ᭄ᬓᬦ᭄ᬢᬫᬵᬜᬧᬢᬫ᭄ᬬᬸᬦᬾᬲᬫᬶ᭞ᬯᬢᭂᬓ᭄ᬚᬯᬶᬭᬤᬾᬦ᭄ᬳᬬᬸ᭞ᬓᬮᬶᬄᬭᬶᬂᬧᬭᬵᬜᭀ
ᬜᬄ᭞ᬫᬓᬤᬶᬜᬭᬩᬶᬦ᭄ᬳᬶᬤᬧᬭᬵᬕᬸᬂ᭞ᬬᬤᬶᬦ᭄ᬭᬩᬶᬦ᭄ᬢ᭄ᬯᬦ᭄ᬢ᭄ᬯᬦ᭄᭞ᬦᬾ᭞ᬳᬧᬗ᭄ᬓᬢᬶᬗ᭄ᬕᬶᬢᬶᬗ᭄ᬕᬶ᭟ᬤ᭄ᬯᬕᬸᬂᬳᬬᬸᬫᬥᬾᬓᬭᬂ᭞ᬢ᭄ᬯᬶᬲᬳᬶᬫ᭄ᬩᬂᬭᬶᬂᬤ᭄ᬯᬕᬸᬂᬳᬬᬸᬫᬦᬶᬓ᭄᭞ᬧᬫᬸᬮᬸᬦᬾ
[᭓᭘ 38A]
ᬕᬤᬶᬂᬮᬸᬫ᭄ᬮᬸᬫ᭄᭞ᬳᬕᬶᬸᬕᬾᬶᬸᬦᭂᬕᬾᬮᬗ᭄ᬲᬶᬂᬮᬜ᭄ᬚᬃ᭞ᬯᬶᬘᬓ᭄ᬱᬡᬯᬶᬤᬕ᭄ᬟᬗ᭄ᬮᬾᬤᬗᬶ᭠ᬦ᭄ᬓᬬᬸᬦ᭄᭞ᬢᬹᬃᬓᬳᬦᬦ᭄ᬲᬃᬯ᭄ᬯᬕᬸᬡ᭞ᬳᬦ᭄ᬢᭂᬗᬾᬢᬢᬦ᭄ᬲᬶᬦᬶᬧᬶ᭟ᬲᬫ᭄ᬢᭀᬦᬾᬮᬦᬂᬮᬦᬂ
᭞ᬲᬫᬶᬫᬸᬚᬶᬜᬬᬗᬂᬢᬺᬱ᭄ᬡᬩᬓ᭄ᬢᬶ᭞ᬲᭀᬢ᭄ᬢᬦᬶᬂᬯ᭄ᬓᬲᬶᬂᬘᬸᬘᬸᬤ᭄᭞ᬗᬸᬮᬦᬶᬦ᭄ᬲᬫᭂᬢᭀᬦᬦ᭄᭞ᬳᬲᬶᬂᬢᬸᬦᬵᬲᬵᬫ᭄ᬧᬸᬦ᭄ᬯᬾᬦ᭄ᬢᭂᬦ᭄ᬲᬫᬶᬜᬸᬓᬸᬄ᭞ᬲᬮ᭄ᬯᬶᬭᬶᬂᬭᬵᬚᬪᬹᬱᬡ᭞ᬲᬫᬶ
ᬩ᭄ᬘᬶᬓᬓᬃᬬ᭄ᬬᬦᬶᬦ᭄᭟ᬧᬫ᭄ᬓᬲ᭄ᬫᬮᬶᬄᬳᬸᬘᬧᬂ᭞ᬧᬶᬦᬶᬄᬤᬸᬳᬸᬃᬰ᭄ᬭᬸᬱᬩᬓ᭄ᬢᬶᬭᬶᬂᬳᬚᬶ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬩ᭄ᬬᬂᬳᬕᬸᬂ᭞ᬬᬤᬶᬦ᭄ᬲᬵᬫ᭄ᬧᬸᬦ᭄ᬫᬭᬵᬩ᭄ᬬᬦ᭄᭞ᬫᬤ᭄ᬯᬾᬧᬸᬢ᭄ᬭᬮᬦᬂᬳᬶᬤ᭄ᬯᬕᬸᬂᬕ᭄ᬟᬾ
ᬳᬕᬸᬂ᭞ᬓ᭄ᬢᬸᬣᬕᬸᬂᬦᬾᬳᬮᬶᬢᬦ᭄᭞ᬫᬗ᭄ᬕᭂᬄᬩᬓ᭄ᬢᬶᬦᬾᬫᬳᬚᬶ᭟ᬤᬸᬮᬸᬭᬶᬦ᭄ᬳᬦ᭄ᬢᭂᬂᬯᬶᬤᬕ᭄ᬟᬵ᭞ᬜᬸᬮᬫ᭄ᬓᬤᬶᬚᬯᬶᬯ᭄ᬓᬲᬶᬂᬳᬮᬶᬫ᭄᭞ᬲᬫᭂᬢᭀᬦᬾᬲᬫᬶᬳᬯᬸᬩ᭄᭞ᬢᬸᬃᬲᬫᬶ [ 39 ][᭓᭘ 38B]
᭓᭘
ᬫᬜᬬᬗᬂ᭞ᬰ᭄ᬭᬸᬱᬳᬢ᭄ᬯᬂᬯᬮᬸᬬᬩᬓ᭄ᬢᬶᬫᬳᬶᬩᬸ᭞ᬭᬾᬄᬳᬶᬤᬗᬃᬤ᭄ᬬᬂᬲᬫ᭄ᬬ᭠ᬦ᭄᭞ᬲᬮ᭄ᬯᬶᬃᬦᬾᬫᬲᬸᬮᬫ᭄ᬲᬫᬶ᭟ᬫᬓᬤᬶᬜᬳᬚᬶᬦ᭄ᬳᬶᬤ᭞ᬫᬜᬬᬗᬂᬩᬦᬾᬰ᭄ᬭᬸᬱᬩᬓ᭄ᬢᬶ᭟
ᬲᬶᬂᬓᬳᬳᭂᬲᬾᬦ᭄ᬲᬵᬫ᭄ᬧᬸᬦ᭄ᬓᬢᬸᬃ᭞ᬲᬢ᭄ᬫᬡᬶᬓ᭄ᬳᬱ᭄ᬝᬕᬶᬡ᭞ᬢᬸᬃᬜᬶᬤ᭄ᬟᬬᬂᬫᬗᬢᬸᬭᬂ᭠ᬧᬶᬦᬶᬄᬤᬸᬫᬸᬦ᭄᭞ᬳᭀᬓᬮᬦᬂᬫᬉᬢ᭄ᬢᬫ᭞ᬦᬸᬲ᭄ᬢᬲᬂᬫᬮᬦᬾᬲᬵᬫᬶ᭟ᬧ᭄ᬭᬧᬸᬢ᭄ᬭᬶᬧᬸᬭᬷᬓ
ᬮᬾᬭᬦ᭄᭞ᬲᬫᬶᬭᬯᬸᬄᬦᭂᬫ᭄ᬯᬶᬚᬶᬲᬫᬶ᭞ᬫᬶᬲᬤ᭄ᬬᬗᬶᬭᬶᬂᬫᬫᬸᬦ᭄ᬤᬸᬢ᭄᭞ᬦᬫᬦᬾᬓᬧᬶᬬᬚ᭄ᬜᬦ᭄᭞ᬓᬧᬶᬂᬳᬚᭂᬂᬤ᭄ᬯᬕᬸᬂᬳᬬᬸᬫᬥᬾᬳᬕᬸᬂ᭞ᬳᬦᬓᬵᬕᬸᬂᬳᬶᬲ᭄ᬢ᭄ᬭᬶᬬᭀᬓᬓᬵ᭞
ᬳᬦᬓᬕᬸᬂᬳᬶᬲ᭄ᬢ᭄ᬭᬶᬳᬤᬶ᭟ᬤ᭄ᬯᬕᬸᬂᬳᬬᬸᬫᬥᬾᬓᬭᬂ᭞ᬳᬦᬓᬕᬸᬂᬳᬬᬸᬳᬦᭀᬫ᭄ᬫᬓᬤ᭄ᬟᬶ᭞ᬧᬗᬗ᭄ᬕᬾᬦᬾᬧᬮᬶᬂᬮᬸᬳᬸᬂ᭞ᬤᬾᬦᬶᬂᬧᬸᬮᬳᬃᬣᬯᬦ᭄᭞ᬲᬬᬦ᭄ᬫᬸᬦ᭄ᬢᬩ᭄‌ᬯ᭄ᬭᬚ
[᭓᭙ 39A]
ᬦᬾᬳᬩ᭄ᬭᬫᬸᬭᬸᬩ᭄᭞ᬫᬲᭂᬫ᭄ᬩᬭᬦ᭄ᬧᬓᬭᬜᬩ᭄᭞ᬓᬤᬶᬩᬶᬦ᭄ᬢᬗᬾᬭᬶᬂᬮᬗᬶᬢ᭄᭟ᬳᬶᬤᬵᬤ᭄ᬯᬕᬸᬂᬳᬬᬸᬦ᭄ᬗᬄ᭞ᬦᬾᬧᬫᬸᬦ᭄ᬢᬢ᭄᭞ᬭᬾᬄᬳᬶᬤᬧᬶᬦᬶᬄᬳᬮᬶᬢ᭄᭞ᬳ
ᬦᬸᬢ᭄ᬲᬵᬫ᭄ᬧᬸᬦ᭄ᬲᬫᬶᬫᬸᬦ᭄ᬤᬸᬢ᭄᭞ᬫᬧᬬᬲᬫᬶᬩᬸᬗ᭄ᬕᬄ᭞ᬓᬳᬫ᭄ᬧᭂᬳᬂᬭᬶᬂᬳᬗᬶᬦ᭄ᬫᬓᬲ᭄ᬬᬸᬄᬜᬗ᭄ᬮᬸᬄ᭞ᬲᬬᬦ᭄ᬫᬗᬶᬫ᭄ᬩᬸᬳᬶᬦ᭄ᬫᭂᬮᬄ᭞ᬯᬸᬲ᭄ᬧᬸᬢᬸᬢ᭄ᬭᬭᬶᬲ᭄ᬫᬫᬃᬕ᭄ᬕᬶ᭟ᬢᬦ᭄ᬮ᭄ᬬᬦ᭄ᬤ᭄ᬯᬕᬸᬂᬕ᭄ᬟᬾ
ᬓᬭᬂ᭞ᬓᬫᬗ᭄ᬕᬮᬭᬶᬂᬧᬸᬭᬷᬫᬗ᭄ᬮᬶᬗ᭄ᬲᬶᬭᬶᬦ᭄᭞ᬯᬮᬸᬬᬫ᭄ᬯᬕᬥᬗ᭄ᬕᬸᬭᬸ᭞ᬯᬃᬡ᭄ᬦᬦᬾᬧᬭᬶᬰᬸᬤ᭄ᬟ᭞ᬘᬾᬱ᭄ᬝᬓᬵᬭᬵᬧ᭄ᬭᬕᬶᬯᬓᬥᬃᬫ᭄ᬫᬦᬸᬮᬸᬲ᭄᭞ᬢᬸᬃᬓᬳᬦᬦ᭄ᬲᬃᬯ᭄ᬯᬕᬸᬡᬵ᭞
ᬢ᭄ᬯᬄᬢᬸᬭᬸᬦᬦ᭄ᬭᬚᬋᬱᬶ᭟ᬢᬦ᭄ᬤᬗᬾᬍᬜ᭄ᬚᭂᬧ᭄ᬭᬡᬫ᭄ᬬ᭞ᬓᬤᬶᬲᬲᬓ᭄ᬫᭂᬫ᭄ᬩᬢ᭄ᬳᬓᬸᬂᬭᬲ᭄ᬧᬢᬶ᭞ᬬᬤᬶᬦ᭄ᬯ᭄ᬭᬤ᭄ᬟᬭᬶᬕᬄᬭᬶᬕᬸᬄ᭞ᬫᬮᬯᬶᬓᬦ᭄‌ᬗ᭄ᬕᬯᬾᬭᬭᬲ᭄᭞ᬫᬗᬩ᭄ᬢᬂ [ 40 ][᭓᭙ 39B]
᭓᭙
ᬢᬢ᭄ᬓᬮᬕ᭄ᬭᬬᬢ᭄ᬕ᭄ᬭᬸᬬᬸᬢ᭄᭞ᬢᬩᬸᬳᬾᬮᬕᭂᬲ᭄ᬲᬵᬃᬚ᭄ᬚᬯᬵ᭞ᬲᬓ᭄ᬱᬢ᭄ᬧ᭄ᬭᬪᬸᬚᬮᬲᬶᬤ᭄ᬟᬶ᭟ᬲᬓᬶᬂᬲᬸᬰ᭄ᬭᬸᬰᬫᬫ᭄ᬩ᭄ᬯᬢᬂ᭞ᬧᬲ᭄ᬫᭂᬗᬦ᭄ᬫᬗ᭄ᬮᬯᬦᬶᬦ᭄ᬓᬧᬸᬭᬷ᭞ᬦᬩ᭄ᬤᬩᬂᬧᬘᬂᬫᬫᬢᬸᬢ᭄᭞
ᬲᬮ᭄ᬯᬶᬭᬶᬂᬉᬧᬓᬭ᭞ᬫᬗᬶᬦ᭄ᬤᬶᬓᬂᬧᬫᬃᬕ᭄ᬕᬶᬦᬾᬫᬗ᭄ᬤᬾᬳᬦᬢ᭄᭞ᬓᬧᬶᬳᬦ᭄ᬤᭂᬮ᭄ᬫᬗᬾᬦ᭄ᬢᭂᬭᬂ᭞ᬜᬦ᭄ᬤᬂᬳᬶᬤᬫ᭄ᬮᬤ᭄ᬩᬶᬜᬶᬕ᭄᭚᭐᭚ᬤ᭄ᬫᬸᬂ᭚᭐᭚ᬢᬦᬸᬘᬧᭂᬦ᭄ᬲᬯᬢ᭄ᬭᬲᬵᬫ᭄ᬧᬸᬦ᭄ᬲ
ᬬᬕ᭞ᬧᬭᬵᬳᬶᬲ᭄ᬢ᭄ᬭᬶᬦᬾᬲᬫᬶ᭞ᬜᬸᬳᬸᬦ᭄ᬩᭀᬓᭀᬃᬳ᭄ᬫᬲ᭄᭞ᬳᬸᬧᬘᬭᬦᬶᬂᬦᬫᬵ᭞ᬲᬗ᭄ᬕᬾᬧᬶᬦᬶᬄᬭᬶᬳᬶᬦ᭄ᬭᬭᬶᬲ᭄᭞ᬧ᭄ᬭᬮᬶᬗ᭄ᬕᬦ᭄ᬳᬶᬤᬵᬪᬵᬝᬵᬭᬳ᭄ᬬᬂᬢ᭄ᬭᬶᬰᬓ᭄ᬢᬶ᭟ᬭᬶᬂᬧᬸᬗ᭄ᬓᬸᬃᬭᬦ᭄ᬫᬫᬃ
ᬕ᭄ᬕᬶᬧ᭄ᬭᬮᬶᬗ᭄ᬕᬦ᭄ᬳᬶᬤᬵ᭞ᬮᬮᬗᬶᬢ᭄ᬲᬂᬗᬚᭂᬗᬶᬦ᭄᭞ᬓᬮᬶᬄᬰ᭄ᬭᬷᬤᬾᬯ᭄ᬯᬢ᭄ᬣ᭞ᬲᬂᬫᬸᬗ᭄ᬕᬸᬄᬓᬩᬮᬶᬕ᭄ᬬ᭞ᬤᬾᬯ᭄ᬯᬕᬸᬂᬫᬥᬾᬚ᭄ᬮᬵᬡ᭄ᬝᬶᬓ᭄᭞ᬩᬭᬬᬂᬯᬗ᭄ᬰᬫᬗ᭄ᬕᬮᬫᬫ᭄ᬩᬋᬗᬶᬦ᭄᭟
[᭔᭐ 40A]
ᬓᬳᬶᬭᬶᬗᬂᬳᬦ᭄ᬢᬸᬓ᭄ᬤ᭄ᬯᬕᬸᬂᬓ᭄ᬢᬸᬢ᭄ᬳᭀᬓ᭞ᬤᬾᬯ᭄ᬯᬕᬸᬂᬩᬕᬸᬲ᭄ᬚᭂᬡ᭄ᬝᬶᬮᬡ᭄ᬝᬶᬓ᭄᭞ᬲᬗᬓᬃᬬ᭄ᬬᬮᬶᬕ᭄ᬬ᭞ᬓᬮᬶᬄᬤ᭄ᬯᬕᬸᬂᬕ᭄ᬟᬾᬳᭀᬓ᭞ᬧ᭄ᬭᬧᬸᬢ᭄ᬭᬦᬾᬳᬮᬶᬢ᭄ᬳᬮᬶᬢ᭄᭞ᬫᬚᬚᬃᬳᭂᬫ᭄ᬧᬢ᭄ᬗᬶᬭᬶᬂ᭠
ᬓᬤᬶᬫᬩᬭᬶᬲ᭄᭟ᬯᬯᬸᬓᬦ᭄ᬢᭂᬦ᭄ᬭᬶᬂᬓᭀᬭᬷᬳᬕᬸᬗᬾᬫ᭄ᬟᬮ᭄᭞ᬲ᭄ᬯᬭᬦ᭄ᬩᭂᬤᬶᬮᬾᬳᬶᬸᬢᬶᬢᬶᬃ᭞ᬢᬦ᭄ᬤᬓᬳᭀᬃᬫ᭄ᬫᬢᬦ᭄᭞ᬧ᭄ᬭᬬᭀᬤᬵᬳᬫ᭄ᬮᬧᬸᬭᬵ᭞ᬫᬓᬤᬶᬧᬭᬵᬲᬸᬮᬶᬗ᭄ᬕᬶᬄ᭞ᬮ᭄ᬯᬶᬃ
ᬧᬸᬚᬲ᭄ᬢᬢ᭄ᬯᬫᬗᬧᬶᬢ᭄ᬫᬓᬓᬯᬶᬦ᭄᭟ᬳᬶᬤᬤ᭄ᬯᬕᬸᬂᬕ᭄ᬟᬾᬧᬸᬢᬸᬫᬓᭂᬫ᭄ᬩᬭᬦ᭄᭞ᬲᬶᬦᬋᬗᬦ᭄ᬫᬫᬃᬕ᭄ᬕᬶ᭞ᬭᬶᬂᬘᭀᬓᭀᬃᬤ᭄ᬟᬭᬓ᭞ᬳᬦᬹᬢ᭄ᬫᬤᬦ᭄ᬤᬦ᭄ᬢᬗᬦ᭄᭞ᬲᬓ᭄ᬱᬢ᭄ᬓᬺᬱ᭄ᬡᬳᬭᬶ
ᬫᬹᬃᬢ᭄ᬢᬶ᭞ᬫ᭄ᬯᬂᬩᬮᬤᬾᬯ᭄ᬯᬵᬭᬢᬸᬭᬶᬂᬤ᭄ᬯᬭᬯᬢᬶ᭟ᬓᬩᬶᬦᬯᬧᬗᬗ᭄ᬕᬾᬦᬾᬧᬓ᭄ᬭᬜᬩ᭄᭞ᬲᬃᬯ᭄ᬯᬵᬲᭀᬘᬫᬲ᭄ᬳᬤᬶ᭞ᬮ᭄ᬯᬶᬃᬕᬸᬦᬸᬂᬩᭂᬃᬮ᭄ᬬᬦ᭄ᬫᬫᬃᬕ᭄ᬕᬶᬢᬦᬫ᭄ᬧᬓ᭄ᬱᬶᬭᬶ᭟ᬦᬶᬫ᭄ᬩ᭠ [ 41 ][᭔᭐ 40B]
᭔᭐
ᬮ᭄ᬧᬭᬵᬧᬸᬢ᭄ᬭᬲᬓᬶᬂᬩᬡ᭄ᬟᬲ᭄ᬫᬭ᭞ᬘᭀᬓᭀᬃᬤ᭄ᬟᬫᬳ᭄ᬬᬸᬦ᭄ᬧᬗ᭄ᬮᬶᬂᬗ᭄ᬲᬶᬃᬳ᭄ᬬᬂᬩᬚ᭄ᬭᬗ᭄ᬓᬭᬵ᭞ᬢᬾᬚᬦᬾᬳ᭄ᬦᬶᬂᬕᬸᬫᬯᬂ᭞ᬧ᭄ᬭᬫᬩᬸᬤ᭄ᬟᬦᬾᬫᬫᬹᬃᬢ᭄ᬣᬶ᭞ᬳᬶᬦᬤᬶᬲ᭄ᬢᬦᬵᬭᬶᬂᬚ᭄ᬭᭀᬦᬶᬂᬧ
ᬤ᭄ᬫᬋᬤ᭄ᬟᬶ᭟ᬓᬳᬶᬭᬶᬂᬳᬦ᭄ᬢᬸᬓ᭄‌ᬘᭀᬓᭀᬃᬤ᭄ᬟᬕ᭄ᬟᬾᬗᬸᬭᬄ᭞ᬓᬮᬶᬄᬘᭀᬓᭀᬃ᭠ᬤ᭄ᬟᬭᬳᬶ᭞ᬳᬦᬹᬢ᭄ᬫᬩᬭᬗᬦ᭄᭞ᬘᭀᬓᭀᬃᬤ᭄ᬟᬫᬥᬾᬧᬸᬢ᭄ᬭ᭞ᬧ᭄ᬭᬧᬸᬢ᭄ᬭᬳᬫ᭄ᬮᬦᬕᬭᬷ᭞ᬫ
ᬓᬫᬗ᭄ᬕᬮᬤᬾᬯ᭄ᬯᬕᬸᬂᬕ᭄ᬟᬾᬚ᭄ᬮᬡ᭄ᬝᬶᬓ᭄᭟ᬤ᭄ᬯᬕᬸᬂᬫᬥᬾᬚ᭄ᬮᬡ᭄ᬝᬶᬓ᭄‌ᬤ᭄ᬯᬕᬸᬂᬫᬥᬾ᭠ᬓᬭᬂ᭞ᬤ᭄ᬯᬕᬸᬂᬓ᭄ᬢᬸᬢ᭄‌ᬚ᭄ᬮᬡ᭄ᬝᬶᬓ᭄᭞ᬤ᭄ᬯᬕᬸᬂᬕ᭄ᬟᬾᬳᭀᬓ᭞ᬤᬾᬯ᭄ᬯᬕᬸᬂᬓ᭄ᬢᬸᬢ᭄ᬓᬭᬂ᭞ᬦᬶᬫ᭄ᬩᬮ᭄ᬭᬚᬧᬸ
ᬢ᭄ᬭᬩᬗ᭄ᬮᬶ᭞ᬫ᭄ᬯᬂᬫᬗ᭄ᬯᬶᬭᬚ᭄ᬬᬧᬗᬗ᭄ᬕᬾᬦᬾᬗ᭄ᬳ᭄ᬬᬸᬦ᭄ᬳ᭄ᬬᬸᬦᬶᬦ᭄᭟ᬲᭀᬧᬘᬭᬵᬧ᭄ᬭᬡᬫ᭄ᬬᬲᬫᬶᬫᬶᬲᬮ᭞ᬓᬳᬸᬮᬦᬾᬫᬩᬓ᭄ᬢᬶ᭞ᬲᬧᬜ᭄ᬚᬗᬶᬂᬫᬃᬕ᭄ᬕ᭞ᬯᬯᬸᬦᬶᬜ᭄ᬘᬧ᭄ᬩᬜ᭄ᬘᬶᬗᬄ᭞
[᭔᭑ 41A]
ᬧᬤ᭄ᬧᭂᬦ᭄ᬤᭂᬃᬭᬸᬤᬢ᭄ᬗᭀᬃᬫ᭄ᬫᬢᬶᬦ᭄᭞ᬦᬗ᭄ᬓᭂᬧᬂᬮᬶᬫᬲᭀᬮᬳᬾᬲᬫᬶᬧᬲ᭄ᬢᬶ᭟ᬰ᭄ᬭᬶᬧᬤᬸᬓᬢ᭄ᬯᬦ᭄ᬩᭂᬲᬃᬲᬶᬗ᭄ᬳᬭᬵᬚ᭞ᬳᬦᬹᬢ᭄ᬲᬳᬥᬫ᭄ᬧᬢᬶ᭞ᬭᬶᬂᬰ᭄ᬭᬶᬜᭀᬜᬄᬩ᭄ᬲᬃ᭞ᬢ᭄ᬯᬦ᭄ᬳᬲᬶᬲ᭄ᬢᬾ
ᬦ᭄ᬤᬾᬦ᭄ᬧᬲᬃ᭟ᬭᬶᬂᬍᬫ᭄ᬩ᭄ᬯᬕᬸᬂᬧᬺᬡᬫ᭄ᬬᬲᬫᬶᬫᬘᬶᬗᬓ᭄᭞ᬩᬮᬾᬢ᭄ᬕᭂᬄᬫᬗᬶᬗ᭄ᬕᬶᬮ᭄᭞ᬲᬫᬶᬓᬦ᭄ᬢᭂᬦ᭄ᬢᬶᬗ᭄ᬕᬃ᭞ᬲᬮ᭄ᬯᬶᬭᬶᬂᬉᬧᬘᬭ᭞ᬲᬦᬾᬫᬫᬃᬕ᭄ᬕᬶᬫᬗ᭄ᬭᬭᬶᬲ᭄᭞ᬓᬚ᭄ᬭᭀᬦᬶᬂᬧ᭄ᬬᬚ᭄ᬜᬦ᭄
ᬯᬾᬮ᭄ᬧᭂᬦ᭄᭞ᬯᬾᬮ᭄ᬧᭂᬦ᭄ᬗᭀᬃᬫ᭄ᬫᬢᬶᬦ᭄᭟ᬘᬭᬶᬢᬬᬂᬧᬭᬵᬩᭂᬲ᭄ᬢ᭄ᬬᬸᬭᬾᬲᬶᬦᬫ᭄ᬬᬦ᭄᭞ᬭᬭᬶᬲ᭄ᬲᬫᬶᬫᬫᬃᬕ᭄ᬕᬶ᭞ᬫᬓᬤᬶᬫᬗ᭄ᬕᬮ᭞ᬳᬶᬤᬤᬾᬯ᭄ᬯᬕᬸᬂᬗᬸᬭᬄ᭞ᬳᬕᬸᬂᬭᬶᬂᬕ᭄ᬬᬜᬃᬦ
ᬕᬭᬷ᭞ᬪᬶᬭᬵᬫᬫᬸᬦ᭄ᬢᬩ᭄‌ᬯᬃᬡ᭄ᬦᬦᬾᬕᬮᬂᬳ᭄ᬦᬶᬂ᭟ᬬᬦ᭄ᬧᬃᬡ᭄ᬦᬬᬂᬫᬶᬦᬫ᭄ᬧ᭄ᬭᬪᬹᬳᬸᬕ᭄ᬭᬲᬾᬦ᭞ᬭᬢᬸᬥᬃᬫ᭄ᬫᬲᬸᬲᬦ᭄ᬤᬶ᭞ᬫ᭄ᬯᬂᬚᬦᬦᬸᬭᬕ᭞ᬳᬲᬶᬳᬶᬂᬧᬭᬚᬦᬵ᭞ᬓᬳᬦᬦ᭄ᬳᬚ᭄ᬜᬦ [ 42 ][᭔᭑ 41B]
ᬲᬶᬤ᭄ᬟᬶ᭞ᬫᬗᬗ᭄ᬕᬾᬩᬶᬦ᭄ᬢᬕ᭄‌ᬳᭀᬭᬦ᭄ᬬᬦᬲᭀᬳᭀᬧ᭄ᬲᬶᬃ᭟ᬭᬭᬶᬲ᭄ᬳᬶᬤᬳᬦᬓᬕᬸᬲᬶᬗ᭄ᬳᬭᬚ᭞ᬤ᭄ᬯᬕᬸᬂᬧᬸᬢᬸᬚ᭄ᬮᬡ᭄ᬝᬶᬓ᭄᭞ᬧ᭄ᬭᬚ᭄ᬜᬦ᭄ᬯᬶᬘᬓ᭄ᬱᬡ᭞ᬓᬳᬦᬦ᭄ᬲᬃᬯ᭄ᬯᬕᬸᬡ᭞ᬢᬍᬃᬗᬗ᭄ᬕ᭄ᬭᬵᬩᬶ᭠
ᬦ᭄ᬢᬂᬳᭀᬧ᭄ᬲᬶᬃ᭞ᬳᭀᬭᬦ᭄ᬬᬦᬲᭀᬮ᭄ᬯᬶᬃᬧ᭄ᬭᬪᬹᬫᬢ᭄ᬲ᭄ᬬᬳᬢᬶ᭟ᬭᬭᬶᬲ᭄ᬳᬶᬤᬵᬘᭀᬘᭀᬓᭀᬃᬤ᭄ᬟᬓᭀᬢ᭄ᬣᬤᬾᬦ᭄ᬧᬲᬃ᭞ᬤᬾᬯ᭄ᬯᬕᬸᬂᬗᬸᬭᬄᬳᬮᬶᬢ᭄᭞ᬳᬤᭂᬕ᭄ᬜᬸᬫᬫ᭄ᬧᬓᬵ᭞ᬲ᭄ᬟᭂᬂᬫᭂ
ᬗ᭄ᬲᭂᬂᬬᭀᬯᬦ᭞ᬢᬦ᭄ᬤᬗᬾᬳᬓᬸᬂᬭᬲ᭄ᬧᬢᬶ᭞ᬲᬢ᭄ᬰ᭄ᬭᬷᬚᬬᬯᬶᬓ᭄ᬭᬫᬲᬶᬗ᭄ᬳᬮᬧᬢᬶ᭟ᬭᬭᬶᬲ᭄ᬳᬶᬤ᭄ᬟᬘᭀᬓᭀᬃᬤ᭄ᬟᬭᬢ᭄ᬯᬶᬂᬢᬩᬦᬦ᭄᭞ᬭᬢᬸᬤᬃᬫ᭄ᬫᬲᬸᬲᬦ᭄ᬤᬶ᭞ᬤ᭄ᬯᬕᬸᬂᬓ᭄ᬢᬸᬢ᭄‌ᬗᬸ
ᬭᬄ᭞ᬢᬩᬸᬄᬫᬦᬶᬲ᭄ᬲᬃᬚ᭄ᬚᬯᬵ᭞ᬉᬧᬲᬫᬰᬦ᭄ᬢᬩᬸᬤ᭄ᬟᬶ᭞ᬚᬦᬦᬸᬭᬕ᭞ᬮ᭄ᬯᬶᬃᬧ᭄ᬭᬪᬹᬪᬕᬶᬭᬣᬶ᭟ᬭᬭᬶᬲ᭄ᬳᬶᬤᬳᬦᬓᬕᬸᬂᬚᬫ᭄ᬩᬭᬡ᭞ᬧᬲᬾᬗᬦᬾᬓᬧᬸᬚᬶ᭞ᬯᬸᬲ᭄ᬓᬚᬦᬧ᭄ᬭᬶ
[᭔᭒ 42A]
ᬬᬤ᭄ᬯᬕᬸᬂᬩᬕᬸᬲ᭄ᬦᬕᬭ᭞ᬯᬶᬘᬓ᭄ᬱᬦᬾᬂᬢᬢ᭄ᬯᬚᬶ᭞ᬩᬕᬸᬲ᭄ᬪᬶᬭᬫᬮ᭄ᬯᬶᬃᬫᬳᬭᬚᬘᬾᬤ᭄ᬟᬶ᭟ᬭᬭᬶᬲ᭄ᬳᬶᬤᬾᬯ᭄ᬯᬕᬸᬂᬲ᭄ᬫᬭᬪᬯᬦ᭞ᬢᬸᬭᬸᬦᬦ᭄‌ᬓᬾᬲᭂᬃᬩᬮᬶ᭞ᬓᬲᬸᬩ᭄ᬫᬧᬲᬾ
ᬗᬦ᭄᭞ᬘᭀᬓᭀᬃᬤ᭄ᬟᬕ᭄ᬟᬾᬳᭀᬓ᭞ᬫᬤᭂᬕ᭄ᬦᬣᬲ᭄ᬫᬭᬧᬸᬭᬷ᭞ᬬᬦ᭄ᬳᬸᬧᬫᬬᬂ᭠ᬮ᭄ᬯᬶᬃᬧ᭄ᬭᬪᬹᬫᬳᬶᬲ᭄ᬧᬢᬶ᭚᭐᭚ᬲᬶᬦᭀᬫ᭄᭚᭐᭚ᬢᬦ᭄ᬤᬗᬾᬳᬍᬧ᭄ᬭᬡᬫ᭄ᬬ᭞ᬢᬬᬸᬗᬦᬾ
ᬫᭂᬫ᭄ᬩᬢ᭄ᬳᬭᬶᬲ᭄᭞ᬚᬤᭀᬚᬤᭀᬳᬗ᭄ᬲᭂᬮ᭄ᬓᬤᭀ᭞ᬘᬘᬶᬗᬓᬾᬜᬸᬜᬸᬃᬫᬦᬶᬲ᭄᭞ᬲᬲᭀᬮᬳᬾᬗ᭄ᬳ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ᬫᬓᬶᬭᬶᬕ᭄ᬫᬧᬶᬓᬢᬜ᭄ᬚᬸᬂ᭞ᬲᭀᬢᬦᬶᬂᬫᬭᬕᬶᬦᬵ᭞ᬤᬸ
ᬓᬾᬳᬦᭀᬫ᭄ᬜᬮᬸᬓ᭄ᬧᬜ᭄ᬚᬶ᭞ᬲᬬᬦ᭄ᬮᬸᬳᬸᬂᬲᬢᬶᬦ᭄ᬤᬓ᭄ᬫᬭᬭᬲ᭄᭟ᬫᬸᬮ᭠ᬓᬲᬸᬩ᭄ᬚᬬᬾᬂᬢᬶᬮᬫ᭄᭞ᬬᬦ᭄ᬳᬓᬸᬤᬂᬧᬭᬧᬸᬢ᭄ᬭᬶ᭞ᬦᬾᬲᬵᬫ᭄ᬧᬸᬦ᭄ᬩᬓ᭄ᬢᬶᬗᬯᬸᬮ᭞ᬓᬤᭂᬤᬫᬵ [ 43 ][᭔᭒ 42B]
᭔᭒
ᬧᬶᬦ᭄ᬮᬲᬶᬄ᭞ᬳᬸᬧᬾᬓ᭄ᬱᬾᬦ᭄ᬝᬂᬦᬶᬢᬶ᭞ᬧ᭄ᬭᬕᬸᬯᬓᬦᭀᬫ᭄ᬳᬩᬕᬸᬲ᭄᭞ᬗ᭄ᬕᬯᬾᬲᬸᬓ᭠ᬦᬶᬂᬧᬭᬵ᭞ᬲᬸᬮᬓ᭄ᬱᬡᬲᬦ᭄ᬢᬵᬩᬸᬤ᭄ᬟᬶ᭞ᬲᬗ᭄ᬓᬦ᭄ᬓᬲᬸᬩ᭄ᬯᬶᬤᬕ᭄ᬟᬭᬶᬂᬧᬲᬯᬶᬢ᭄ᬭᬦ᭄᭟ᬳᬯᬶᬦᬦ᭄ᬗᬦᭂ
ᬫ᭄ᬰᬰᬷᬳᬂ᭞ᬯᬾᬦ᭄ᬢᭂᬦ᭄ᬧᬗᬦ᭄ᬤᬶᬓᬳᬭᬶᬲ᭄᭞ᬲᬓᬶᬂᬮᬾᬤᬂᬫᬗᬢᬸᬭᬂ᭞ᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬢᭀᬧᬾᬂᬩ᭄ᬘᬶᬓ᭄᭞ᬧᬘᬂᬗ᭄ᬕᬯᬾᬩᬩᬮᬶ᭞ᬭᬶᬂᬓᬃᬬ᭄ᬬᬦᬾᬦᬾᬓᬯᬗᬸᬦ᭄᭞ᬳᬶᬦᬸᬘᬧ᭄ᬤᬾᬯ᭄ᬯ
ᬬᬚ᭄ᬜ᭞ᬧᬶᬢ᭄ᬭᬬᬚ᭄ᬜᬦᬾᬫᬗᬭᬶᬂ᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬱᬂᬫᬤ᭄ᬯᬾᬓᬃᬬ᭄ᬬᬜᬸᬓ᭄ᬱ᭄ᬫᬬᬂ᭟ᬫ᭠ᬗᬶᬮᬶᬗᬂᬗᬸᬢ᭄ᬢᬫᬬᬂ᭞ᬲᬤᬶᬦᬵᬫᬫᬸᬚᬶᬫᬸᬚᬶ᭞ᬗᬲ᭄ᬢᬸᬢᬶᬬᬂᬭᬶᬪᬝᬵᬭᬵ᭞ᬤᬸᬫᬤᬓ᭄ᬤᬸᬮᬸᬭᬶᬦ᭄ᬯᬶ
ᬥᬶ᭞ᬫᭂᬗ᭄ᬕᬄᬲ᭄ᬓᬤᬶᬫᬗ᭄ᬓᬶᬦ᭄᭞ᬳᬶᬤᬫᬦᬸᬭᬸᬦ᭄ᬩᬶᬦᬸᬭᬸᬦ᭄᭞ᬫᬫᬗ᭄ᬕᬶᬄᬓᬳᬾᬰ᭄ᬯᬃᬬ᭄ᬬᬦ᭄᭞ᬤᬤᭀᬲ᭄ᬮᬶᬗ᭄ᬕᬦᬶᬂᬦᬕᬭᬶ᭞ᬭᬶᬂᬓ᭄ᬮᬸᬂᬓᬸᬂᬢᬦ᭄ᬓᬸᬭᬂᬭᬚᬪ᭄ᬭᬡ᭚᭐᭚ᬤᬸᬃᬫ᭄ᬫ᭚᭐᭚
[᭔᭓ 43A]
ᬧᬮᬶᬂᬧᬸᬗ᭄ᬓᬸᬃᬳᬶᬤ᭄ᬯᬕᬸᬂᬕ᭄ᬟᬾᬗᬸᬭᬄ᭞ᬳᬸᬫᬤᭂᬕ᭄ᬭᬢᬸᬩᬗ᭄ᬮᬶ᭞ᬥᬃᬫ᭄ᬫᬲᬸᬮᬓ᭄ᬱᬡ᭞ᬓᬳᬦᬦ᭄ᬓᬱ᭄ᬝᬾᬰ᭄ᬯᬃᬬ᭄ᬬᬦ᭄᭞ᬯᬶᬤᬕ᭄ᬟᬳᬗ᭄ᬮᬸᬲ᭄ᬦᬕᬭᬶ᭞ᬳᬲᬶᬳᬶᬂᬲᬭᬢ᭄᭞ᬮ᭄ᬯᬶᬃᬧ᭄ᬭᬪᬹᬓᬺᬢ᭄ᬣᬓᬾᬰᬷ᭞ᬢ
ᬦᬸᬘᬧᭂᬦ᭄ᬲᬫᬶᬦᬧᬓ᭄ᬭᬶᬂᬧ᭄ᬬᬚ᭄ᬜᬦ᭄᭞ᬓᬮᬶᬄᬧᬭᬵᬲᬸᬮᬶᬗ᭄ᬕᬶᬄ᭞ᬲᬵᬫ᭄ᬧᬸᬦ᭄ᬓᬳᬢᬸᬭᬦ᭄᭞ᬲᬯᬢᬺᬧᬦᬫ᭄ᬩ᭄ᬭᬫᬵ᭞ᬬᬦ᭄ᬧᬃᬡ᭄ᬦᬬᬂᬭᬶᬂᬧᬗᬯᬶ᭞ᬕᬦ᭄ᬤᬃᬯ᭄ᬯᬭᬵᬚᬫ᭄ᬯᬂᬯᬢᭂᬓ᭄ᬧᬭᬵᬋᬱᬶ᭟
ᬗᬲ᭄ᬢᬸᬗ᭄ᬓᬭᬓᬤᬶᬫᬹᬓ᭄ᬢᬶᬫᬳᬫᬺᬢ᭄ᬣ᭞ᬫᬸᬗ᭄ᬕ᭄ᬯᬶᬂᬓᬾᬮᬲᬕᬶᬭᬶ᭞ᬲᬗ᭄ᬓᬦ᭄ᬓᬩᬶᬦᬯᬵ᭞ᬢᬾᬚᬦᬾᬤᬶᬧ᭄ᬬᬚ᭄ᬜᬦ᭄᭞ᬲᬂᬫᬓᬮᬶᬗ᭄ᬕᬵᬫᬮᬶᬗ᭄ᬕᬶᬄ᭞ᬯᬸᬲ᭄ᬫᬪᬹᬱᬡᬧᬦᬶᬲ᭄ᬓᬭᬦᬶᬂᬋᬱᬶ᭟ᬭᬷᬲ᭄ᬳᬶ
ᬤᬵᬧ᭄ᬭᬡᬫ᭄ᬬᬫᬦᬹᬭᬢ᭄ᬦᬫ᭞ᬧᬭᬵᬢ᭄ᬯᬦᬾᬫᬕᬶᬮᬶᬃ᭞ᬫᬶᬲᬤ᭄ᬬᬫᬜᬶᬗᬓ᭄᭞ᬢᬶᬗ᭄ᬓᬳᬶᬂᬧᬶᬢᬺᬧᬶᬡ᭄ᬟ᭞ᬬᬤᬶᬦ᭄ᬧᬭᬵᬭᬢᬸᬲᬫᬶ᭞ᬲᬫᬶᬫᬶᬗ᭄ᬕᬳᬦ᭄᭞ᬲᬮᬕᭂᬦ᭄ᬢᭀᬲ᭄ᬫ [ 44 ][᭔᭓ 43A]
᭔᭓
ᬗᬓ᭄ᬱᬶ᭟ᬲᬵᬫ᭄ᬧᬸᬦ᭄ᬢᬺᬧ᭄ᬢᬶᬫᬓᬫ᭄ᬧᬸᬄᬲᬧᬦᬶᬲ᭄ᬓᬭᬵ᭞ᬭᬭᬶᬲ᭄ᬗᬯᬶᬢ᭄ᬫᬫᬃᬕ᭄ᬕᬶ᭞ᬫᬧᬹᬃᬯ᭄ᬯᬤᬓ᭄ᬱᬶᬡ᭞ᬫᬶᬤᭂᬃᬫᬶᬤᭂᬃᬧᬶᬂᬢᬶᬕᬵ᭞ᬍᬫ᭄ᬩᬸᬦᬾᬧᬸᬢᬶᬄᬫᬸᬘᬸᬓᬶᬦ᭄᭞ᬲᬳᬪᬹᬱᬡᬲᬓ᭄ᬱᬢ᭄
ᬤᬬᬂᬦᬦ᭄ᬤᬶᬦᬶ᭟ᬲᬶᬦᬫ᭄ᬬᬦ᭄ᬧ᭄ᬭᬫᬾᬦᬓ᭄ᬳᬫ᭄ᬮᬦᬕᬭᬵ᭞ᬓᬮᬶᬄᬧ᭄ᬭᬲᬸᬮᬶᬗ᭄ᬕᬶᬄᬗᬺᬫ᭄ᬧᭂᬕᬶᬦ᭄ᬫᬍᬳᬦ᭄᭞ᬗᬶᬭᬶᬂᬫᬧ᭄ᬭᬲ᭄ᬟᬓ᭄ᬱᬡᬵ᭞ᬯᬸᬲ᭄ᬧᬸᬧᬸᬢ᭄ᬧᬭᬫᬢᬺᬧ᭄ᬢᬶ᭞ᬓᬤᬶᬲ᭄ᬢᬦᬬᬂᬭᬶᬂ
ᬩᬸᬓᬸᬃᬫᬓᬲᬫᬶ᭟ᬲᬂᬗ᭄ᬳ᭄ᬬᬂᬩ᭄ᬭᬳ᭄ᬫᬲᬂᬗ᭄ᬳ᭄ᬬᬂᬯᬶᬱ᭄ᬡᬸᬲᬗ᭄ᬳ᭄ᬬᬂᬰᬶᬯᬵ᭞ᬭᬶᬂᬧᬤ᭄ᬫᬗ᭄ᬮᬬᬂᬫᬮᬶᬗ᭄ᬕᬶᬄ᭞ᬩᬮᬾᬃᬲᬗ᭄ᬕᬃᬢᬯᬂ᭞ᬬᬦ᭄ᬲᬂᬤᬾᬯ᭄ᬯᬧᬶᬢᬭ᭞ᬤ᭄ᬮᭀᬤ᭄ᬲᬗ᭄ᬕᬃᬢᬯᬂᬫᬮᬶᬗ᭄ᬕᬶᬄ᭞ᬫᬓᬫᬗ᭄ᬕᬵ
ᬮᬮᬶᬗ᭄ᬕᬦ᭄ᬲᬂᬫᬳᬫᬸᬦᬶ᭟ᬭᬭᬶᬲ᭄ᬳᬶᬤᬵᬧᬥᬡ᭄ᬟᬓ᭄ᬢᬸᬢ᭄ᬧᬶᬤᬥᬵ᭞ᬲᬂᬉᬢ᭄ᬢᬫᬵᬗᬚ᭄ᬗᬶᬦ᭄᭞ᬲᬓᬸᬲᬺᬦᬲᬂᬗ᭄ᬳ᭄ᬬᬂ᭞ᬤᬶᬯᬭᬸᬧᬧ᭄ᬭᬫᬾᬬ᭞ᬳᬶᬦᬢᭂᬭᬶᬂᬚ᭄ᬜᬦᬲᬡ᭄ᬟᬶ᭞ᬲᬓᬮᬶᬓ᭄ᬭ
[᭔᭔ 44A]
ᬡ᭞ᬓᬸᬝᬵᬫᬦ᭄ᬢ᭄ᬭᬗᬲ᭄ᬢᬸᬢᬶ᭟ᬳᬲᬓ᭄ᬱᬡᬇᬥᭂᬧᬾᬦᬶᬭᬯᬭᬡ᭞ᬲᬸᬦ᭄ᬬᬰᬸᬤ᭄ᬟᬫᬳ᭄ᬦᬶᬂ᭞ᬫ᭄ᬭᬲᬦᬶᬲ᭄ᬘᬾᬢᬦ᭞ᬕᬸᬫᬶᬮᬗᬶᬢᬾᬳᬶᬮᬂ᭞ᬧᬭᬶᬧᬹᬃᬡ᭄ᬦᬤᬤᭀᬲ᭄ᬳᬗᬶᬦ᭄᭞ᬕᬮᬂᬫᬮᬶ᭠
ᬮᬂᬲᬢ᭄ᬫ᭄ᬬᬰᬸᬓ᭄ᬬᬦᬶᬃᬲᬶᬭᬶᬂ᭟ᬘᬭᬶᬢᬬᬂᬧᬥᬡ᭄ᬟᬲᬂᬫᬕᬮᬶᬗ᭄ᬕ᭞ᬫᬓᬕᬺᬘᬸᬤ᭄ᬟᬫᬦᬶ᭞ᬗᬸᬤᬓᬢᬃᬧ᭄ᬧᬡ᭞ᬧᬸᬧᬸᬢ᭄ᬲᬧᬦᬶᬲ᭄ᬓᬭᬵ᭞ᬲᬓ᭄ᬟᬧ᭄ᬲᬂᬗ᭄ᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬓᬦ᭄ᬢᭂᬦ᭄ᬧ᭄ᬭᬤᬶᬧ᭄ᬢᬭᬶᬂ
ᬧᬤ᭄ᬫᬵᬲᬤᬫ᭄ᬧᬢᬶ᭟ᬫᬓᬓᬮᬶᬄᬧᬗ᭄ᬕᬸᬗᬦᬾᬓᬦ᭄ᬢᭂᬦ᭄ᬕᬮᬂ᭞ᬲᬸᬢᬾᬚᬗᬬᬸᬦ᭄ᬳ᭄ᬬᬸᬦᬶᬦ᭄᭞ᬓᬤᬶᬭᬶᬂᬧᬗᬶᬧ᭄ᬬᬦ᭄᭞ᬳᬶᬤᬧᬾᬭᬱᬗᭂᬦᬄ᭞ᬳᬶᬤᬲᬂᬮᬶᬦᬶᬗ᭄ᬕᬲᬫᬶ᭞ᬗᬶᬭᬶᬂᬪ
ᬝᬵᬭᬧ᭄ᬭᬡᬫ᭄ᬬᬗᬋᬫ᭄ᬧᭂᬕᬶᬦ᭄᭟ᬧᬭᬶᬰᬸᬤ᭄ᬟᬯᬃᬡ᭄ᬦᬦᬾᬦᬶᬭᬵᬯᬭᬡᬵ᭞ᬲᬓ᭄ᬱᬡᬢ᭄ᬥᬸᬦ᭄ᬕᭂᬮᬶᬲ᭄᭞ᬲᬂᬧᬶᬦᬓᬮᬶᬗ᭄ᬕ᭞ᬪᬶᬧ᭄ᬭᬬᬧᬘᬂᬫᬸᬱ᭄ᬧ᭞ᬓᬮᬶᬄᬧ᭄ᬭᬡ᭄ᬟᬮᬦᬂᬳᬶᬲ᭄ᬢ᭄ᬭᬶ᭞ᬦᬾᬧ [ 45 ][᭔᭔ 44B]
᭔᭔
ᬘᬂᬧᬸᬱ᭄ᬧᬲᬵᬫ᭄ᬧᬸᬦ᭄ᬫᬗᬗ᭄ᬕᬾᬧᬸᬢᬶᬄ᭟ᬢᬦᬸᬘᬧᭂᬦ᭄ᬲᬵᬫ᭄ᬧᬸᬦ᭄ᬲᬫᬶᬳᬸᬲᬦ᭄ᬫᬸᬱ᭄ᬧ᭞ᬧᬥᬡ᭄ᬟᬲᬂᬗᬚ᭄ᬗᬶᬦ᭄᭞ᬭᬭᬶᬲ᭄ᬫᬮᬶᬄᬫᬸᬗ᭄ᬕᬄ᭞ᬭᬶᬂᬩᬮᬾᬧᬯᬾᬥᬬᬦ᭄᭞ᬳᬗᬺᬕᭂᬧ᭄ᬬᭀᬕᬲ
ᬫᬤ᭄ᬟᬶ᭞ᬲᬳᬵᬧᬺᬮᬶᬦᬲᬶᬦᬸᬤ᭄ᬟᬾᬂᬰᬸᬦ᭄ᬬᬋᬤ᭄ᬟᬶ᭟ᬭᬭᬶᬲ᭄ᬳᬶᬤᬧᬭᬯᬶᬓᬸᬰᬶᬯ᭄ᬯᬩᬸ᭠ᬤ᭄ᬟ᭞ᬲᬯᬢ᭄ᬭᬮᬦᬂᬳᬶᬲ᭄ᬢ᭄ᬭᬶ᭞ᬓᬮᬶᬄᬢ᭄ᬯᬦ᭄ᬢ᭄ᬯᬦ᭄᭞ᬫᬓᬤᬶᬰ᭄ᬭᬷᬧᬤᬸᬓ᭞ᬢ᭄ᬯᬦ᭄ᬩᭂᬲᬃᬲᬳ
ᬤᬫ᭄ᬧᬢᬶ᭞ᬲᬵᬫ᭄ᬧᬸᬦ᭄ᬓᬢᬸᬭᬦ᭄‌ᬬᬰᬧᬸᬦ᭄ᬬᬧᬓᬾᬮᬶᬂ᭞ᬮᬶᬦ᭄ᬢᬂᬭᬫ᭄ᬬᬲ᭄ᬯᬭᬵᬦᬶᬂᬗ᭄ᬤᬗ᭄ᬓᬭᬫᬦ᭄ᬢ᭄ᬭ᭞ᬯᬾᬤ᭄ᬟᬧᬸᬚᬳᬲ᭄ᬢᬶᬢᬶ᭞ᬧᬗ᭄ᬢᭂᬲ᭄ᬬᬦ᭄ᬲᬯᬗᬂ᭞ᬲ᭄ᬯᬭᬦᬾᬫᬲᬳᬸᬭ
ᬦ᭄᭞ᬮ᭄ᬯᬶᬃᬩ᭄ᬭᬳ᭄ᬫᬵᬭᬗᬶᬲᭂᬧ᭄ᬲᬭᬷ᭞ᬓ᭄ᬭᭀᬦᬶᬂᬧ᭄ᬬᬚ᭄ᬜᬦ᭄‌ᬜᭂᬧᬸᬓᬂᬳ᭄ᬩᭀᬫᬶᬳᬶᬓ᭄᭟ᬭᬭᬶᬲ᭄ᬳᬶᬤᬧᬤᬡ᭄ᬟᬜᭀᬫᬦ᭄ᬩᬸᬭ᭄ᬯᬦ᭄᭞ᬧ᭄ᬭᬡ᭄ᬟᬜᭀᬫᬦ᭄ᬧᬶᬦᬢᬶᬄ᭞ᬧ᭄ᬭᬡ᭄ᬟᬓ᭄ᬢᬸᬢ᭄ᬩᬸ
[᭔᭕ 45A]
ᬭ᭄ᬯᬦ᭄᭞ᬧᬥᬡ᭄ᬟᬓ᭄ᬢᬸᬢ᭄ᬚᬸᬗᬸᬢᬦ᭄᭞ᬲᬋᬂᬳᬶᬤᬳᬲ᭄ᬬᬤᬶᬭᬶ᭞ᬲᬫᬶᬓᬢᬸᬭᬦ᭄‌ᬲ᭄ᬯᬓᬃᬬ᭄ᬬᬗᬫᬦ᭄ᬓᬸᬳᬶᬦ᭄᭟ᬫᬓᬧ᭄ᬢ᭄ᬧᬢ᭄ᬫᬕ᭄ᬭ᭄ᬬᬭᬶᬂᬕ᭄ᬭ᭄ᬬᬚᬸᬗᬸᬢᬦ᭄᭞ᬲᬓᬶᬂᬕ᭄ᬭ᭄ᬬᬢ᭄ᬗᬄᬜ
ᬋᬗᬶᬦ᭄᭞ᬧ᭄ᬭᬡ᭄ᬟᬕ᭄ᬟᬾᬯᬬᬦ᭄᭞ᬧᬤᬡ᭄ᬟᬫᬤᬾᬩᬸᬭ᭄ᬯᬦ᭄᭞ᬧ᭄ᬭᬡ᭄ᬟᬕ᭄ᬟᬾᬲᬶᬤ᭄ᬫᭂᬦ᭄ᬓᬮᬶᬄ᭞ᬧ᭄ᬭᬡ᭄ᬟᬕ᭄ᬟᬾᬯᬬᬦ᭄ᬓᬸᬫ᭄ᬦᬸᬄᬫᬜᬋᬗᬶᬦ᭄᭟ᬫᬓᬫᬶᬯᬄᬳᬶᬤᬧ᭄ᬭᬡ᭄ᬟᬕ᭄ᬟᬾᬯᬬᬦ᭄᭞ᬲ
ᬭᬾᬦ᭄ᬲᬦᬾᬗ᭄ᬮᬶᬗ᭄ᬲᬶᬭᬶᬦ᭄᭞ᬧ᭄ᬭᬡᬫ᭄ᬬᬫᬚᬚᬃ᭞ᬓᬢᬸᬭᬦ᭄ᬧᬸᬡ᭄ᬬᬲᬫ᭄ᬬᬦ᭄᭞ᬭᬶᬂᬧᬗ᭄ᬕᬸᬗᬦᬾᬫᬮᬶᬗ᭄ᬕᬶᬄ᭞ᬭᬭᬶᬲ᭄ᬗᬱ᭄ᬝᬯᬗᬸᬜ᭄ᬘᬭᬂᬲ᭄ᬮᭀᬓᬲ᭄ᬭᬸᬢᬶ᭟ᬫᬕᬺᬫ᭄ᬩ᭄ᬬᬂᬲ᭄ᬮᬸᬦ᭄ᬤᬶᬗᬾ
ᬭᬭᭀᬲ᭄ᬫᬲ᭄ᬯᬭᬵ᭞ᬕᭂᬦ᭄ᬤᬶᬗᬾᬫᬗ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ᬦᬾᬲᬓᬶᬂᬩᬸᬗ᭄ᬳᬬ᭞ᬮᬗ᭄ᬳᬫᬗᬯᬂᬳᬯᬂ᭞ᬧᬺᬕᬶᬦᬦᬾᬫᬳᬩᬸᬳᬶᬦ᭄᭞ᬲᬫᬶᬓᬩᬬᬦ᭄᭞ᬧᬢᭂᬄᬫᬓᬫ᭄ᬩᭂᬦ᭄ᬧᬸᬢᬶᬄ [ 46 ][᭔᭕ 45B]
᭔᭕
᭟ᬲᬫᬶᬢ᭄ᬮᬄᬭᬸᬧᬦᬾᬰᬸᬤ᭄ᬟᬧᬯᬶᬢ᭄ᬭ᭞ᬘᬶᬭᬶᬦ᭄ᬲᬵᬫ᭄ᬧᬸᬦ᭄ᬫᬩ᭄ᬭᬲᬶᬄ᭞ᬫᬫᬦ᭄ᬢ᭄ᬭᬧᬯᬶᬦ᭄ᬢᭂᬦᬦ᭄᭞ᬮ᭄ᬯᬶᬄᬰᬸᬘᬶᬮᬓ᭄ᬱᬡ᭞ᬓᬮᬸᬕ᭄ᬭᬳᬫᬸᬚᬓᬶᬓ᭄᭞ᬧᬦ᭄ᬢᭂᬲ᭄ᬧᬃᬡ᭄ᬦᬬᬂ᭞ᬫᬳᬶ
ᬦᬩ᭄ᬫᬬᬸᬭᬵᬧᬸᬢᬶᬄ᭟ᬫᬸᬮᬓᬲᬸᬩ᭄ᬲᬮᬸᬦ᭄ᬤᬶᬂᬤ᭄ᬯᬾᬦ᭄‌ᬪᬝᬵᬭᬵ᭞ᬫᬓᬾᬄᬤᬳᬦᬾᬫᬗᬶᬭᬶᬂ᭞ᬫᬗᬶᬕᭂᬮ᭄ᬗᬋᬚᬂ᭞ᬢᬸᬃᬫᬓᬫ᭄ᬩᭂᬦ᭄ᬓᬓᬜ᭄ᬘᬦ᭄᭞ᬳᬰ᭄ᬭᬷᬬᬫᬲᬩᬸᬓᬸᬦᬶᬂ᭞ᬫ
ᬦ᭄ᬢᭂᬂᬓᬓᬜ᭄ᬘᬦ᭄᭞ᬕᬥᬂᬫᬲᭀᬭᭀᬢ᭄ᬓᬸᬦᬶᬂ᭟ᬕᬕ᭄ᬮᬸᬗᬦ᭄ᬜᬦᬾᬢ᭄ᬕᭂᬄᬧᬸᬢᬶᬄᬩᬸ᭠ᬗᬄ᭞ᬧᬦ᭄ᬢᭂᬲ᭄ᬫᬩᬸᬗ᭄ᬳᬰ᭄ᬭᭀᬦᬶ᭞ᬓᬮᬶᬄᬩᬸᬗ᭄ᬳᬧ᭄ᬮᬰ᭞ᬧᬶᬦ᭄ᬤᭂᬩᬸᬮᬦ᭄ᬢᬸᬫᬗ᭄ᬕᬮ᭄᭞ᬲᬫ᭄ᬬᬦ᭄ᬫ
ᬩᭀᬭᭀᬄᬫᬶᬳᬶᬓ᭄᭞ᬭᬭᬶᬲ᭄ᬗᬋᬚᬂᬧᬗ᭄ᬕᬸᬗᬦᬾᬓᬶᬤᭂᬭᬶᬦ᭄᭟ᬲᬫᬶᬩ᭄ᬘᬶᬓ᭄ᬢᬶᬦ᭄ᬤᬓᬾᬳᬍᬧ᭄ᬭᬡᬫ᭄ᬬ᭞ᬤᬾᬫ᭄ᬧᭀᬤᬾᬫ᭄ᬧᭀᬫᬦᬸᬮᬶᬄ᭞ᬍᬫᬸᬄᬫᬕᬾᬮᭀᬳᬦ᭄᭞ᬢᬬᬸᬗ
[᭔᭖ 46A]
ᬦ᭄ᬧᬧᬢᭂᬳᬦ᭄᭞ᬧᬮᬶᬬᬢᬾᬜᭂᬜᭂᬃᬫᬦᬶᬲ᭄᭞ᬤ᭄ᬯᭂᬕ᭄ᬫᬭᬭᬲ᭄ᬧᬦ᭄ᬢᭂᬲ᭄ᬗᬜᬸᬤᬂᬳᬢᬶ᭟ᬓᬮᬶᬄᬳᬶᬤᬵᬤᬾᬯ᭄ᬯᬕ᭄ᬟᬾᬓ᭄ᬢᬸᬢ᭄ᬳᭀᬓ᭞ᬫᬫᬋᬓᬦ᭄ᬲᬓᬶᬂᬳᬮᬶᬢ᭄᭞ᬧᬸᬕᬸᬄᬫ
ᬗᬾᬦ᭄ᬢᭂᬭᬂ᭞ᬦᬸᬮᬶᬗ᭄ᬳᬦᬾᬫᬓᬃᬬ᭄ᬬ᭞ᬭᬶᬂᬧ᭄ᬬᬚ᭄ᬜᬦ᭄‌ᬲᬓᬶᬂᬧᬗᬯᬶᬢ᭄᭞ᬗ᭄ᬯᬗᬸᬦ᭄ᬧᬗ᭄ᬕᬸᬗᬓ᭄ᬓᬮᬶᬄᬦ᭄ᬫᬓᬸᬄᬭᬶᬂᬰᬸᬘ᭄ᬙᬶ᭟ᬳᬶᬤᬫᬤᬾᬲᬶᬤ᭄ᬫᭂᬦ᭄ᬲᬓᬶᬂᬕ᭄ᬭ᭄ᬬᬳᬸᬮᬄ᭞ᬦᬸᬓᬗᬶᬦ᭄ᬩᬸᬓᬸᬭᬾᬲ
ᬫᬶ᭞ᬲᬓᬶᬂᬯᬯᬸᬗ᭄ᬭᬜ᭄ᬘᬂ᭞ᬲᬋᬂᬯᬢᭂᬓ᭄ᬩᬸᬚᬩᬸᬓ᭄ᬧᬤᬵ᭞ᬲᬓᬸᬳᬸᬫ᭄ᬲᬶᬩ᭄ᬢᬦ᭄ᬲᬫᬶ᭞ᬲᬳᬵᬗᬢᬸᬭᬂ᭞ᬢᬶᬳᬶᬂᬩᬸᬓᬸᬭᬾᬲᬫᬶ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓ᭄ᬭᬜ᭄ᬘᬂᬭᬶᬂᬤᬾᬰᬲᬶᬩ᭄ᬢᬦ᭄᭞ᬯ
ᬯᬸᬓᬋᬫ᭄ᬩᬢ᭄ᬭᬭᬶᬲ᭄᭞ᬯᬗᬸᬦ᭄ᬭᬶᬂᬧ᭄ᬬᬵᬚ᭄ᬜᬦ᭄᭞ᬲᬺᬕᭂᬧ᭄ᬲᬳᬸᬧᬘᬵᬭ᭞ᬳᬶᬧᬲᭂᬓ᭄ᬕᬤᬸᬄᬫᬹᬃᬯ᭄ᬯᬦᬶᬦ᭄᭞ᬲᬓᬶᬂᬢᬶᬳᬶᬗᬦ᭄᭞ᬫ᭄ᬘᬳᬂᬓᬃᬬ᭄ᬬᬦᬾᬲᬫᬶ᭟ᬭᬶᬂᬧ᭄ᬬᬚ᭄ᬜᬦ᭄ᬫᬗ᭄ᬭᬭᬶᬲ᭄ᬓᬩ [ 47 ][᭔᭖ 46B]
᭔᭖
ᬜ᭄ᬘᬶᬗᬄ᭞ᬫᬭᬾᬓ᭄ᬱᬫᬓᬲᬫᬶ᭞ᬗ᭄ᬭᬭᬶᬲ᭄ᬓᬧᬗ᭄ᬕᬸᬗᬦ᭄᭞ᬫᬓᬤᬶᬲᬗ᭄ᬕᬃᬢᬯᬂ᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬮᬶᬫᬂᬰᬰᬶᬄ᭞ᬜᬩ᭄ᬭᬦ᭄ᬫᬓᬃᬬ᭄ᬬᬦᬸᬕᬸᬃᬭᬳᬶᬦᬯ᭄ᬗᬶ᭟ᬭᬶᬂᬫᬗ᭄ᬕᬮᬓᬧᬶᬲᬭᬫᬗᬾ
ᬦ᭄ᬢᭂᬭᬂ᭞ᬧᬤᬸᬓᬢ᭄ᬯᬦ᭄ᬧᭀᬦ᭄ᬭᬶᬦ᭄᭞ᬓᭀᬦ᭄ᬢᭂᬮᬶᬃᬳᬫ᭄ᬮᬧᬸᬭᬵ᭞ᬲᬳᬜᭀᬜᬄᬳᬸᬢ᭄ᬲᬳ᭞ᬲᬋᬂᬢᬸᬮᬸᬂᬗᬯᬶᬮᬗᬶᬦ᭄᭞ᬲᬮ᭄ᬯᬶᬭᬶᬂᬧᬾᬱ᭄ᬝᬓᬃᬬ᭄ᬬᬦ᭄ᬳᭀᬢᬾᬮ᭄ᬩᬮᬶ᭟ᬯᬯᬸᬧᬸᬓᬸᬮ᭄ᬓ
ᬮᬶᬄᬲᬫᬶᬫᬗᬬᬸᬦᬂ᭞ᬫᬯᬱ᭄ᬝᬭᬶᬂᬩᭂᬃᬮᬳᬶᬦ᭄᭞ᬤ᭄ᬮᭀᬤ᭄ᬩᬮᬾᬓᬫ᭄ᬩᬂ᭞ᬭᬾᬄᬫᬸᬮᬳᬕ᭄ᬦᬳᬦ᭄᭞ᬫᬧᬾᬱ᭄ᬝᬲᬓᬶᬂᬳᬶᬩᬹᬦᬶ᭞ᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬲᬋᬂᬢᬫ᭄ᬬᬸᬦᬾᬲᬫᬶ᭟ᬩ᭄ᬘᬶᬓ᭄ᬢᬶᬗ᭄ᬕᬃ
ᬓᬦ᭄ᬢᭂᬦ᭄ᬮᬾᬕᭀᬂᬗᬾᬫᬲᭀᬮᬄ᭞ᬗᬶᬮᭀᬲᬚ᭄ᬭᭀᬦᬶᬂᬕᬶᬮᬶ᭞ᬦᬾᬲᬓᬶᬂᬳᬸᬮᬓᬦ᭄᭞ᬫᬗᬗ᭄ᬕᬾᬲᬃᬯ᭄ᬯᬩᬸᬗᬄ᭞ᬗ᭄ᬭᬜᬩ᭄ᬫᬧ᭄ᬭᬤᬵᬲᬫᬶ᭞ᬭᬾᬄᬯᬯᬸᬗᭂᬩᬄᬫᬵᬗ᭄ᬕᬾ
[᭔᭗ 47A]
ᬓ᭄ᬓᬃᬬ᭄ᬬᬦᬾᬫᬗ᭄ᬓᬶᬦ᭄᭟ᬧᬸᬓᬸᬮ᭄ᬮᬶᬫᬵᬧᬸᬧᬸᬢ᭄ᬭᬭᬶᬲ᭄ᬲᬫᬶᬩᬸᬤᬮ᭄᭞ᬓᬧᬲᬗ᭄ᬕ᭄ᬭᬳᬦ᭄ᬫᬗᬸᬗ᭄ᬲᬶ᭞ᬯ᭄ᬗᬶᬦᬾᬳᬸᬘᬧᬂᬩᬗ᭄ᬰᬘᬶᬦᬦᬾᬲᬫ᭄ᬬᬦ᭄᭞ᬲᬓᬸᬳᬸᬫ᭄ᬳᬫ᭄ᬮᬦᬕᬭᬷ᭞ᬧᬋᬓᬧ᭄ᬬᬚ᭄ᬜᬦ᭄᭞
ᬲᬋᬂᬭᬶᬂᬫᬸᬭᬶᬤ᭄ᬫᬸᬭᬶᬤ᭄᭟ᬫᬗᬢᬸᬭᬂᬚᬶᬦᬄᬢᬦ᭄ᬟᬓᬳᭀᬃᬫ᭄ᬫᬢᬦ᭄᭞ᬫᬯᬤᬄᬩᭀᬓᭀᬃᬧᬲ᭄ᬢᬶ᭞ᬧ᭄ᬢᬂᬤᬰᬮᬾᬬᬃ᭞ᬢᬶᬃᬫᬸᬭᬶᬤᬾᬲᬫ᭄ᬬᬦ᭄᭞ᬫᬜᬜᬶᬭᬭᬶᬲ᭄ᬫᬩᬭᬶᬲ᭄᭞
ᬫᬮᬕᬸᬘᬶᬦᬕᭂᬦ᭄ᬤᬶᬗᬾᬮ᭄ᬜᭂᬄᬫᬦᬶᬲ᭄᭟ᬧᬸᬓᬸᬮ᭄ᬟᭂᬮᬧᬦ᭄ᬧᬭᬕᬸᬂᬫ᭄ᬯᬄᬧᬭ᭠ᬢᬸᬢ᭄ᬯᬦ᭄᭞ᬓᬍᬫ᭄ᬩᬸᬳᬕᬸᬂᬫᬗ᭄ᬭᬭᬶᬲ᭄᭞ᬪᬶᬧ᭄ᬭᬬᬫᬜᬶᬗᬓ᭄᭞ᬳᬭᬓ᭄ᬳᬭᬓ᭄ᬳᬶᬲ᭄ᬮᬫ᭄᭞ᬩ
ᬗ᭄ᬰᬘᬶᬦᬦᬾᬫᬸᬘᬸᬓᬶᬦ᭄᭞ᬫᬩᬩᬭᬶᬲᬦ᭄ᬲᬫᬶᬫᬫᬜ᭄ᬚᭂᬃᬮᬶᬮᬶᬦ᭄᭟᭐᭟ᬧᬗ᭄ᬓᬸᬃ᭚᭐᭚ᬮ᭄ᬯᬶᬭᬶᬂᬕᬫᬳᬶᬲ᭄ᬮᬫ᭄᭞ᬲᬫᬶᬭᬯᬸᬄᬜᬶᬳ᭄ᬦᬬᬂᬧᬗᬩᬓ᭄ᬢᬶ᭞ᬲᬩᬶᬮᬂᬩᬶᬮᬂᬳᬓᬫ᭄ᬧᬸᬂ᭞ [ 48 ][᭔᭗ 47B]
᭔᭗
ᬲᬫᬶᬫᬯᬵᬓᬓᭂᬦ᭄ᬢᬦ᭄᭞ᬫᬗᬃᬤ᭄ᬟᬶᬦᬶᬦ᭄ᬩᬸᬗ᭄ᬳᬘᬭᬦᬾᬓᬳ᭄ᬬᬸᬦ᭄᭞ᬢᬸᬃᬫᬢᬸᬭᬸᬢᬸᬭᬸᬢ᭄ᬩᬸᬗᬄ᭞ᬕᬕᬭᬧᬾᬓᬳᬧᬶᬓᬶᬦ᭄᭟ᬧᬤ᭄ᬧᬶᬦ᭄ᬤᭂᬃᬤ᭄ᬯᬾᬦᬾᬧᬶᬦᬂ᭞ᬲᬶᬦᬫ᭄ᬬᬦ᭄ᬫᬩᬭᬶᬲ᭄ᬫᬗᬋ
ᬧᬶᬦ᭄᭞ᬓᬢᬶᬫ᭄ᬩᬮ᭄ᬳᬦ᭄ᬢᬸᬓ᭄‌ᬕᭀᬂᬢᬫ᭄ᬩᬸᬃ᭞ᬜᬫ᭄ᬩᬸᬂᬩᬭᬶᬲ᭄ᬩᭂᬦ᭄ᬤᬾᬭ᭞ᬲᬯᬢᬭᬯᬾᬦ᭄ᬢᭂᬦ᭄ᬧᬳᬶᬗᬦᬦ᭄ᬲᬢᬸᬲ᭄᭞ᬲᬫ᭄ᬬᬦ᭄ᬫᬩᬚᬸᬩᬭᬓ᭄᭞ᬓᬫ᭄ᬩᭂᬦ᭄ᬧᭀᬮᬾᬂᬲᬵ᭞ᬧᭂᬢ᭄ᬓᬸᬦᬶᬂ᭟ᬭᬢ
ᬲᬫᬶᬳᬕᭂᬂᬕᬗ᭄ᬰᬲ᭄᭞ᬲᬲ᭄ᬮᬶᬭᬦ᭄ᬜᬦ᭄ᬤᬂᬤᬤᭀᬲ᭄ᬧ᭄ᬭᬚᬸᬭᬶᬢ᭄᭞ᬩᬭᬶᬲ᭄ᬭᬸᬤᬢᬾᬫᬜᬫ᭄ᬩᬸᬂ᭞ᬳᬓᬾᬄᬳᬶᬧᬸᬦ᭄ᬳᬸᬮᬸᬂᬤᬰ᭞ᬲᬫᬶᬕᬄᬫᬶᬦᬩ᭄ᬲᭀᬮ᭄ᬤᬤᬸᬲ᭄ᬢᬫ᭄ᬩᬸᬮ᭄᭞ᬢᬸᬃᬫᬢᭀᬧᬶ
ᬩᬭᬓ᭄ᬩᬸᬗᬄ᭞ᬫᬜ᭄ᬚᭂᬃᬧ᭄ᬟᬂᬫᬗᬺᬲ᭄ᬳᬢᬶ᭟ᬦᬶᬫ᭄ᬩᬮ᭄ᬩᬸᬗ᭄ᬳᬧᬘᬭᬭᬡ᭞ᬢᬸᬃᬓᬳᬧᬶᬢ᭄ᬭᬶᬂᬧᬭᬵᬳᬚᬶᬳᬚᬶ᭞ᬫᬩ᭄ᬮᬢ᭄ᬲᭀᬭᭀᬄᬮᬸᬄᬳ᭄ᬮᬸᬄ᭞ᬬᬦ᭄ᬓᬸᬤᬂᬓᬸᬤᬂᬩᬩᬢ᭄᭞ᬲᬬᬦ᭄ᬩᭂᬘᬶᬓ᭄ᬱᬸᬦ᭄ᬤ
[᭔᭘ 48A]
ᬭᬶᬦ᭄ᬮᬫ᭄ᬧᬸᬫᬢᬸᬭᬸᬢ᭄᭞ᬦ᭄ᬤᬾᬮᭀᬫᬗ᭄ᬩᭂᬓᬶᬦ᭄ᬫᬃᬕ᭄ᬕ᭞ᬫᬲᬸᬭᬓ᭄ᬗᬶᬤᭂᬭᬶᬦ᭄ᬧᬸᬭᬷ᭟ᬯᬾᬦ᭄ᬢᭂᬦ᭄ᬫᬦ᭄ᬫᬧᬶᬦ᭄ᬤᬕᬭᬸᬤ᭄ᬟᬵ᭞ᬗᬼᬫ᭄ᬩᬬᬂᬫᬓ᭄ᬢᬵᬫᬺᬢ᭄ᬣᬲᬜ᭄ᬚᬶᬯᬦᬶ᭞ᬯᬾᬦ᭄ᬢᭂᬦ᭄ᬫᬮᬶᬄᬧᬶᬦ᭄ᬤᬕᬸᬦᬸᬂ᭞ᬳᬶᬤᭂᬭᬶ
ᬦ᭄ᬳᬮᬲᬵᬲ᭄ᬓᬃ᭞ᬯᬾᬦ᭄ᬢᭂᬦ᭄ᬫᬮᬶᬄᬫᬧᬶᬦ᭄ᬤᬫᬘᬦ᭄ᬳᬗ᭄ᬮᬸᬃ᭞ᬲᬯᭀᬲ᭄ᬯᬾᬦ᭄ᬢᭂᬦ᭄ᬧᬶᬦ᭄ᬤᬕᬚᬄ᭞ᬲ᭄ᬟᭂᬂᬕᬮᬓ᭄ᬗᬸᬩᬢᬩᬶᬢ᭄᭟ᬲᬯᭀᬲ᭄ᬯᬾᬦ᭄ᬢᭂᬦ᭄ᬧᬶᬦ᭄ᬟᬳᭀᬦ᭄ᬢ᭞ᬫᬶᬯᬄᬚᬭᬦ᭄ᬩᬭ᭄ᬯᬂᬓᬫ᭄ᬩᬶᬂᬮᬦ᭄ᬓ᭠
ᬜ᭄ᬘᬶᬮ᭄᭞ᬯᬾᬦ᭄ᬢᭂᬦ᭄ᬫᬭᬸᬧᬩᬾᬳᬕᬸᬂ᭞ᬓᬮᬶᬄᬩᬾᬕᬚᬄᬫᬶᬦ᭞ᬍᬫ᭄ᬩᬸᬯᬭᬓ᭄ᬜᬶᬫ᭄ᬩᬸᬳᬂᬕ᭄ᬦᬶᬫᬲᭂᬧᬸᬓ᭄᭞ᬯᬾᬦ᭄ᬢᭂᬦ᭄ᬫᬶᬦᬩ᭄ᬓᬨᬮ᭄ᬢ᭄ᬭᬩᬂ᭞ᬯᬾᬦ᭄ᬢᭂᬦ᭄ᬫᬶᬦᬩ᭄ᬓᬨᬮ᭄ᬳᬧᬶ᭟ᬲᬵᬫ᭄ᬧᬸᬦᬾ
ᬲᬫᬶᬫᬫᬃᬕ᭄ᬕᬵ᭞ᬯᬾᬦ᭄ᬢᭂᬦ᭄ᬫᬲᭀᬮᬄᬫᬓ᭄ᬢᬲᬸᬦ᭄ᬤᬃᬲᬫᬶ᭞ᬯᬾᬦ᭄ᬢᭂᬦ᭄ᬫᬦ᭄ᬢᬕᬶᬦ᭄ᬩᬩ᭄ᬥᬸ᭠ᬕ᭄᭞ᬯᬾᬦ᭄ᬢᭂᬦᬩᬸᬄᬢᬺᬩᬦᬵ᭞ᬲᬬᬦ᭄ᬭᬫᬾᬲ᭄ᬯᬭᬦᬾᬦᬫ᭄ᬩᬸᬂᬢᬶᬦᬫ᭄ᬩᬸᬂ᭞ᬤᬸᬮᬸᬭᬶᬦ᭄ᬢᬾᬚᬧ [ 49 ][᭔᭘ 48B]
᭔᭙
ᬓ᭄ᬭᬜᬩ᭄᭞ᬧᬃᬡ᭄ᬦᬫᬶᬦᬩ᭄ᬲᬭᬕ᭄ᬦᬶ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬳᬶᬍᬳᬦ᭄᭞ᬲᬫᬶᬗ᭄ᬭᬜ᭄ᬚᬶᬂᬓᬩᬜ᭄ᬘᬶᬗᬄᬫᬲ᭄ᬮᬶᬃ᭞ᬲᬦᬾᬧᬢᬸᬢ᭄ᬦᭀᬫᭂᬃᬲᬢᬸ᭞ᬓᬦ᭄ᬢᭀᬲ᭄ᬦᭀᬫᭂᬃᬮᬶᬫᭀᬮᬲ᭄᭞ᬲ
ᬫᬶᬓᬶᬘ᭄ᬙᬾᬦ᭄ᬧ᭄ᬭᬶᬲ᭄ᬓᬳᬦᬸᬢᬂᬮᬸᬳᬸᬂ᭞ᬲᬫᬶᬍᬕᬬᬫᬲᬸᬭᬓ᭄᭞ᬯᬾᬦ᭄ᬢᭂᬦ᭄ᬫᬫᭂ᭠ᬜ᭄ᬚᬅ᭄‌ᬫᬤᬶᬓᬶᬃ᭟ᬢᬦᬸᬘᬧᭂᬦ᭄ᬧᬸᬓᬸᬮ᭄ᬲ᭄ᬫᬶᬮᬦ᭄᭞ᬧᬭᬵᬳᬕᬸᬂᬓᬮᬶᬄᬧᬭᬵᬢ᭄ᬯᬦ᭄ᬲᬫᬶ
᭞ᬫᬮᬶᬄᬫᬯᬮᬶᬫᬜᬸᬚᬸᬃ᭞ᬧᬸᬭᬷᬳᬕᬸᬂᬓᬗᬶᬦ᭄᭞ᬫᬗᬬᬸᬦᬂᬭᬶᬂᬕ᭄ᬦᬄᬳᬾᬲᬦᬾᬲᬵᬫ᭄ᬧᬸᬦ᭄᭞ᬭᬫ᭄ᬬᬓᬦ᭄ᬢᭀᬲ᭄ᬚᬫ᭄ᬤ᭄ᬯᬩ᭄ᬮᬲ᭄᭞ᬢᬦᬸᬘᬧᭂᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭟ᬩᬾᬜ᭄ᬚᬂᬲ᭄ᬫᭂᬂᬧᬸ
ᬓᬸᬦ᭄ᬤᭂᬮ᭄ᬧᬦ᭄᭞ᬯᬸᬲ᭄ᬗᬬᬸᬦᬂᬧᬭᬵᬢ᭄ᬯᬦᬾᬲᬫᬶ᭞ᬲᬯᬢ᭄ᬭᬫᬲᬮᬫ᭄ᬮᬶᬓᬸᬫ᭄᭞ᬫᬧᬫᬶᬢ᭄ᬧᬘᬂᬩᬸᬤᬮ᭄᭞ᬫᬓᬫᬶᬯᬄᬧᬭᬵᬕᬸᬂᬧᬶᬢᬸᬂᬦᬕᬵᬦ᭄ᬢᬸᬦ᭄᭞ᬢᬍᬃᬲᬫᬶᬦᬸᬦᬲ᭄ᬩᬸ
[᭔᭙ 49A]
ᬤᬮ᭄᭞ᬲᬳᬵᬲ᭄ᬫᬶᬢ᭄ᬣᬲᬶᬮᬶᬄᬳᬲᬶᬄ᭚᭐᭚ᬲ᭄ᬫᬭᬦ᭄ᬤᬦ᭚᭐᭚ᬭᬶᬂᬲᬵᬫ᭄ᬧᬸᬦ᭄ᬲᬫᬶᬫᬫᬃᬕ᭄ᬕᬶ᭞ᬧᬭᬵᬳᬕᬸᬗᬾᬲᬶᬦᬫ᭄ᬬᬦ᭄᭞ᬫᬦ᭄ᬢᬸᬓ᭄ᬗᬮᬶᬗ᭄ᬕᬶᬳᬶᬦ᭄ᬫᭀᬢᭀᬃ᭞ᬰ᭄ᬭᬶᬧᬤᬸᬓᬢ᭄ᬯᬦ᭄ᬩᭂ
ᬲᬃ᭞ᬫᬓᬤ᭄ᬟᬶᬓᬜ᭄ᬚᬶᬜᭀᬜᬄ᭞ᬢᬦᬸᬘᬧᭂᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬦᬧᬓ᭄ᬭᬶᬂᬓᭀᬢ᭄ᬣᬦᬕᬭᬵ᭟ᬧᬺᬫᬗ᭄ᬓᬶᬦ᭄ᬫᬭᬸᬧᬲ᭄ᬧᬶ᭞ᬭᬶᬂᬧᬸᬭᬷᬳᬕᬸᬂᬓᬗᬶᬦᬦ᭄᭞ᬳᬭᬶᬸᬗᬶ
ᬦᬾᬳᬭᬶᬲ᭄ᬢᬸᬃᬳᬮᭀᬦ᭄᭞ᬫᬶᬦᬩᬼᬕᬫᬗᬶᬭᬶᬗᬂ᭞ᬲᬂᬫᬦ᭄ᬢᬸᬓᬦᬕᬭᬵ᭞ᬲ᭄ᬯᬩᬯᬦᬾᬫᬗᬸᬫᬗᬸ᭞ᬳᬾᬮᬶᬂᬓᬭᬶᬭᬶᬂᬧ᭄ᬬᬚ᭄ᬜᬦ᭄᭟ᬭᬶᬂᬳᬫ᭄ᬮᬧᬸᬭᬷᬦᬾᬫ
ᬗ᭄ᬓᬶᬦ᭄᭞ᬯᬯᬸᬳᬶᬗᬦ᭄ᬢᬚᭂᬕ᭄ᬲᬸᬃᬬ᭄ᬬ᭞ᬢᬸᬃᬲᬵᬫ᭄ᬧᬸᬦ᭄ᬫᬧᭀᬳᭀᬲ᭄ᬧᭀᬳᭀᬲ᭄᭞ᬳᬶᬤᬤᬦᬾᬭᬶᬂᬧ᭄ᬬᬚ᭄ᬜᬦ᭄᭞ᬓᬮᬶᬄᬲᬂᬪᬕᬯᬦ᭄ᬢᬵ᭞ᬲᬵᬫ᭄ᬧᬸᬦ᭄ᬯᬸᬲ᭄ᬧᬸᬧᬸᬢ᭄ᬫᬗ᭄ᬭᬗ᭄ᬲᬸᬓ᭄᭞ [ 50 ][᭔᭙ 49B]
᭕᭐
ᬪᬹᬱᬡᬦᬶᬂᬫᬗᬃᬘ᭄ᬙᬡ᭟ᬢᭀᬧᬾᬂᬓ᭄ᬮᬸᬂᬓᬸᬭᬾᬶᬸᬗᬭᬭᬶᬲ᭄᭞ᬫᬲᭀᬮᬄᬩᬶᬭᬫᬫᬸᬦ᭄ᬢᬩ᭄᭞ᬧᬧᬬᬲᬦ᭄ᬲᬫᬶᬓᬢᭀᬂ᭞ᬲᬸᬢ᭄ᬭᬫᬧ᭄ᬭᬤᬵᬫ᭄ᬧᬮ᭄᭞ᬫᬮᬦ᭄ᬤᬾᬬᬦ᭄ᬢᭀᬕᭀ
ᬕ᭄ᬫᬲ᭄᭞ᬕᬕ᭄ᬮᬸᬗᬦᬾᬳᬩᬺᬫᬸᬭᬸᬩ᭄᭞ᬯᬯᬸᬧᬸᬧᬸᬢ᭄ᬫᬧ᭄ᬭᬤᬵ᭟ᬘᭀᬓᭀᬃᬤ᭄ᬟᬭᬳᬶᬫᬹᬃᬯ᭄ᬯᬦᬶᬦ᭄᭞ᬓᬮᬶᬄᬳᬶᬤᬓᬤᬾᬅ᭄‌ᬧᬹᬃᬯ᭄ᬯ᭞ᬫᬶᬯᬄᬳᬶᬤᬵᬫᬤᬾᬧᬕᭀᬦ᭄᭞
ᬫᬓᬤ᭄ᬟᬶᬳᬶᬤᬩᬕᬸᬲ᭄ᬳᭀᬓᬵ᭞ᬳᭀᬤᬾᬍᬫ᭄‌ᬫ᭄ᬯᬄᬳᬶᬧᬢᬺ᭞ᬧᬦ᭄ᬤᬲᬭᬾᬓᬲᬸᬩ᭄ᬩᬳᬸᬤ᭄᭞ᬲᬓᬶᬂᬧ᭄ᬭᬤᬾᬰᬓᬫᬲᬦ᭄᭟ᬫᬓᬤᬶᬲᬓᬶᬂᬫᬗ᭄ᬯᬶ᭞ᬗ᭄ᬭᬫᬾᬦᬶᬦ᭄ᬤ
ᬤᭀᬲ᭄ᬧᬦᬲᬃ᭞ᬳᬶᬕᬸᬲ᭄ᬢᬶᬜᭀᬫᬦ᭄‌ᬲᬺᬕᭀᬕ᭄᭞ᬫᬧᬸᬭᬶᬭᬶᬂᬧᬸᬭᬷᬲᬶᬩᬂ᭞᭠ᬫ᭄ᬯᬄᬕᬸᬲ᭄ᬢᬶᬫᬤᬾᬭᬓᬵ᭞ᬭᬶᬂᬳᬮᬗ᭄ᬓᬚᭂᬂᬫᬲᬸᬫ᭄ᬩᬸᬂ᭞ᬲᬶᬂᬓ᭄ᬘᬧᬂᬮᬕᭂᬲ᭄ᬫᭂᬮᬄ᭟ᬯᬯᬸᬯᬾ
[᭕᭐ 50A]
ᬦ᭄ᬢᭂᬦ᭄ᬧᬸᬓᬸᬮ᭄ᬓᬮᬶᬄ᭞ᬲᬵᬫ᭄ᬧᬸᬦ᭄ᬲᬫᬶᬧᬸᬧᬸᬢ᭄ᬫᬸᬱ᭄ᬧ᭞ᬲᬓᬮᬶᬄᬮᬾᬤᬂᬫᬦᭀᬦ᭄ᬢᭀᬦ᭄᭞ᬢᬦᬸᬘᬧᭂᬦ᭄ᬭᬶᬂᬧ᭄ᬬᬚ᭄ᬜᬦ᭄᭞ᬧᬶᬂᬓᬮᬶᬄᬭᬶᬂᬩᬜ᭄ᬘᬶᬗᬄ᭞ᬮᬶᬦ᭄ᬢᬂᬭᬫᬾᬦᬾᬲ᭄ᬮᬸᬃ᭞ᬢᭀᬦ᭄ᬢᭀᬦ
ᬦᬶᬫ᭄ᬩᬮ᭄ᬓᬢᬶᬫ᭄ᬩᬮ᭄᭟ᬓᬮᬶᬄᬗ᭄ᬭᬭᬶᬲ᭄ᬫᬓᬯ᭄ᬗᬶ᭞ᬓᬦ᭄ᬢᭀᬲ᭄ᬫᬓᬳ᭄ᬟᬲ᭄ᬭᬳᬶᬦ᭞ᬳᬶᬤᬵᬤᬦᬾᬦᬾᬓᬤᬮᭀᬦ᭄᭞ᬫᬶᬋᬂᬲᬃᬯ᭄ᬯᬯᭀᬦ᭄ᬬᬦ᭄ᬳᭀᬦ᭄ᬬᬦ᭄᭞ᬜᬶᬗᬓ᭄ᬗᬸᬮᬶᬩᬮ᭄ᬬᬦ᭄᭞ᬓᬾ
ᬯᬦ᭄ᬢᭂᬦ᭄ᬲᬂᬧᬭᬵᬯᬶᬓᬸ᭞ᬳᬾᬮᬶᬂᬭᬶᬂᬕᬦ᭄ᬢᭀᬲ᭄ᬫᬯᬾᬤ᭄ᬟᬵ᭟ᬬᬤᬶᬦ᭄ᬩᬾᬜ᭄ᬚᬂᬗᬶᬧᬸᬦ᭄ᬫᬮᬶᬄ᭞ᬭᬶᬂᬤᬶᬦᬦᬶᬂᬓᬃᬬ᭄ᬬᬩᭂᬗᬂ᭞ᬢᬦ᭄ᬢᬸᬦᬲᬦᬾᬫᬦᭀᬦ᭄ᬢᭀᬦ᭄᭞ᬭᬯᬸᬄᬲᬓᬶᬂᬚᬯᬶᬓᬸ
ᬢ᭄ᬣ᭞ᬲᬓᬮ᭄ᬯᬶᬭᬦᬶᬂᬩᬗ᭄ᬰ᭞ᬲᬫᬶᬓᬧ᭄ᬬᬚ᭄ᬜᬦ᭄ᬫᬜᬸᬚᬸᬃ᭞ᬫᬜᬶᬗᬓ᭄ᬢᬶᬗ᭄ᬓᬳᬶᬂᬓᬃᬬ᭄ᬬ᭟ᬮ᭄ᬬᬦ᭄ᬳᬶᬤᬵᬧᬭᬲᬸᬮᬶᬗ᭄ᬕᬶᬄ᭞ᬲᬋᬂᬦᭂᬫ᭄ᬯᬶᬚᬶᬲᬶᬦᬫ᭄ᬬᬦ᭄᭞ᬲᬦᬾᬓᬢᬸᬭᬦ᭄ᬫᬫ᭄ᬩᬯᭀ [ 51 ][᭕᭐ 50B]
᭕᭑
ᬲ᭄᭞ᬧᬤᬦ᭄ᬤᬯᬬᬦ᭄ᬧᬶᬥᬤ᭞ᬧ᭄ᬭᬦ᭄ᬤᬫᬤᬾᬧᬶᬤᬥ᭞ᬫᬕ᭄ᬭ᭄ᬬᬭᬶᬂᬕ᭄ᬭ᭄ᬬᬓ᭄ᬮᬸᬂᬓᬸᬂ᭞ᬫᬸᬮᬓᬗ᭄ᬕᬾᬧᬢᬶᬃᬢ᭄ᬣᬬᬦ᭄᭟ᬲᬦᬾᬯ᭄ᬓᬲ᭄ᬫᬗ᭄ᬮᬾᬥᬗᬶᬦ᭄᭞ᬧᬥᬦ᭄ᬟᬫᬤᬾᬧᬶᬤᬥ᭞ᬫᬸᬮᬩ᭠
ᬯᬸᬤ᭄ᬲᬓᬶᬂᬳᬦᭀᬫ᭄᭞ᬜᬮᬸᬓ᭄ᬫᬦ᭄ᬤᬲᬭᬶᬦ᭄ᬳᬃᬚ᭄ᬚ᭞ᬯᬃᬡ᭄ᬦᬦᬾᬧᭂᬧᬢᭂᬳᬦ᭄᭞ᬲᬶᬂᬳᭀᬮᬳᬂᬢ᭄ᬓᬳᬦᬹᬢ᭄᭞ᬢᬩᬸᬳᬾᬮᬕᭂᬲ᭄ᬰᬺᬗ᭄ᬕᬭᬵ᭟ᬲᬩᬶᬮᬂᬦᬕᬭᬶ᭞ᬲᬶᬂᬕ᭄ᬦᬄᬳᬶᬤ
ᬫᬲᭀᬮᬄ᭞ᬳᬓᬾᬳᬦ᭄ᬲᬫᬶᬓᬤᬮᭀᬦ᭄᭞ᬫ᭄ᬭᬲᬓᬭᬶᬳᬮᬫᬳᬫ᭄᭞ᬳᬾᬮᬶᬂᬭᬶᬂᬩ᭄ᬘᬶᬓᬓ᭄ᬘᬧ᭄᭞ᬩᬗ᭄ᬓᬶᬢ᭄ᬫᬸᬮᬸᬓ᭄ᬗᭂᬢᬸᬲ᭄ᬓᬬᬸᬦ᭄᭞ᬯᬶᬤᬕ᭄ᬟᬵᬗ᭄ᬮᬾᬤᬗᬶᬦ᭄ᬧᬭᬵ᭟
ᬫᬓᬤᬶᬰ᭄ᬭᬷᬳᬫ᭄ᬮᬧᬸᬭᬷ᭞ᬢᬦ᭄ᬮ᭄ᬬᬦ᭄ᬯᬦ᭄ᬢᬄᬲᬓᬶᬂᬳᬶᬤ᭞ᬫᬗᬸᬭᬸᬓᬂᬫᬩᬩᬯᭀᬲ᭄᭞ᬫᬗᬃᬢ᭄ᬣᬶᬦᬶᬦ᭄ᬳᬤᬶᬧᬃᬯ᭄ᬯ᭞ᬳᬯᬶᬦᬦ᭄ᬯᬾᬦ᭄ᬢᭂᬦ᭄ᬫᬢᬺ᭞ᬭᬸᬫ᭄ᬲᭂᬧ᭄ᬭᬶᬂᬚ᭄ᬭᭀᬦᬶᬂᬓᬬᬸᬦ᭄᭞
[᭕᭑ 51A]
ᬩᬲᬩᬲᬶᬢᬦᬶᬂᬩᬲᬵ᭟ᬫᬤᬓ᭄ᬢᬸᬮᬸᬲ᭄ᬲᬶᬳᬶᬂᬯᬶᬤᬶ᭞ᬲᬓᬶᬂᬓᬯᬶᬚ᭄ᬜᬦᬦ᭄ᬳᬶᬤᬵ᭞ᬫᬗᬢᬸᬭᬂᬓᬭᬳᬬᭀᬦ᭄᭞ᬦᬾᬯ᭄ᬓᬲᬶᬂᬫᬉᬢ᭄ᬢᬫᬵ᭞ᬰᬸᬦ᭄ᬬᬰᬸᬦ᭄ᬬᬢᬶᬰᬸᬦ᭄ᬬ᭞ᬲᬓᬮᬦᬶ
ᬲ᭄ᬓᬮᬫᬗ᭄ᬕᬸᬄ᭞ᬲᬭᬷᬲᬭᬷᬦᬶᬂᬦᬶᬃᬫ᭄ᬫᬮ᭟ᬓᬮᬶᬄᬧ᭄ᬭᬡ᭄ᬟᬓ᭄ᬢᬸᬢ᭄ᬮᬕ᭟ᬲᬓᬶᬂᬕ᭄ᬭ᭄ᬬᬘ᭄ᬮᬕᬶᬯ᭄ᬬᬬᬧᬸᬡ᭄ᬬᬢᬶᬃᬢ᭄ᬢ᭞ᬲᬋᬂᬓᬢᬸᬭᬦ᭄ᬫᬫ᭄ᬩᬯᭀᬲ᭄᭞ᬳᬶᬤᬧ᭄ᬭᬡ᭄ᬟᬫᬤᬾᬧᬸᬡ᭄ᬬ᭞ᬓᬮᬶᬄᬲᬓᬶᬂᬩᬸ
ᬗ᭄ᬳᬬ᭞ᬳᬶᬤᬧ᭄ᬭᬡ᭄ᬟᬜᭀᬫᬦ᭄ᬢᬫᬸ᭞ᬳᬶᬤᬧ᭄ᬭᬡ᭄ᬟᬓ᭄ᬢᬸᬢ᭄ᬮᬕ᭟ᬲᬓᬶᬂᬕ᭄ᬭ᭄ᬬᬘ᭄ᬮᬕᬶᬯ᭄ᬬᬓ᭄ᬢᬶ᭞ᬫᬮᬶᬄᬯᬾᬦ᭄ᬢᭂᬦ᭄ᬯᬢᭂᬓ᭄ᬩᬸᬤ᭄ᬟ᭞ᬦᬾᬫᬮᬶᬗ᭄ᬕᬶᬄᬧᬮᬶᬂᬓ᭄ᬮᭀᬤ᭄᭞ᬧᬲᬾᬗᬦ᭄ᬳᬶᬤᬳᬶᬦᬸᬘ
ᬧ᭄᭞ᬧᬤᬡ᭄ᬟᬕ᭄ᬟᬾᬜᭀᬫᬦ᭄᭞ᬥᬗᬶᬦ᭄ᬫᬕ᭄ᬭ᭄ᬬᬭᬶᬂᬕᬤᬸᬄ᭞ᬯᬃᬡ᭄ᬦᬦᬾᬕᬮᬂᬫᬮᬶᬮᬂ᭞ᬘᬭᬶᬢᬦᭂᬦ᭄ᬲᬵᬫ᭄ᬧᬸᬦ᭄ᬯᭂᬗᬶ᭞ᬗᬯᬸᬫᬭᬵᬧᬸᬓᬸᬮ᭄ᬢᬶᬕ᭞ᬲᬫᬶᬫᬗᬶᬮᬶᬗᬦ᭄ᬳᭂ [ 52 ][᭕᭑ 51B]
᭕᭒
ᬫ᭄ᬧᭀᬦ᭄᭞ᬉᬧᬘᬭᬦᬾᬭᬶᬂᬧ᭄ᬬᬚ᭄ᬜᬦ᭄᭞ᬦᬾᬧᬢᬹᬢ᭄ᬲᬬᬕᬬᬂ᭞ᬲᬯᬢᬺᬲᬵᬫ᭄ᬧᬸᬦ᭄ᬫᬘᬸᬓᬸᬄ᭞ᬧ᭄ᬭᬡ᭄ᬟᬢᬸᬓᬂᬫᬗᬾᬦ᭄ᬢᭂᬭᬂ᭟ᬮᬶᬯᭂᬢᬾᬭᬭᬶᬲ᭄ᬓᬓᬃᬤ᭄ᬟᬶ᭞ᬓᬮᬭᬶᬦ᭄ᬧᬜ᭄ᬘᬕᬯ᭄ᬯ
᭞ᬢᬸᬃᬧᬶᬦᬸᬢᭂᬧᬸᬢᭂᬃᬳᬮᭀᬦ᭄᭞ᬫᬶᬦᬢ᭄ᬭᬶᬸᬦ᭄ᬢ᭄ᬭᬦᬶᬂᬕᬦᬲ᭄ᬣᬯᬵ᭞ᬫᬦ᭄ᬤᬤᭀᬲ᭄ᬧᬜ᭄ᬚᬫᬺᬢ᭄ᬣ᭞ᬧᬶᬦᬢᬸᬢ᭄ᬧᬶᬦᬸᬮᬸᬂᬳᬸᬮᬸᬂ᭞ᬫᬓᬲᬚᬶᬫᬳᬸᬢ᭄ᬢᬫ᭟ᬯᬸᬲ᭄ᬓᬳᬢᬸᬃᬭᬭᬶᬲ᭄ᬲᬫᬶ᭞ᬧᬭᬵᬫᬾ
ᬦᬓ᭄ᬭᬦᬧᬸᬢᬺ᭞ᬮᬾᬤᬂᬲᬫᬶᬬᬦ᭄ᬫᬦᭀᬦ᭄ᬢᭀᬦ᭄᭞ᬕᬫ᭄ᬩᬸᬄᬲᬦᬾᬓᬲᭀᬮᬳᬂ᭞ᬫᬗ᭄ᬮᬫ᭄ᬧᬳᬂᬯᬶᬯᬳ᭞ᬓᬮᬲᬗᬃᬚ᭄ᬚᬸᬡᬭᬯᬸᬄ᭞ᬫᬦᬶᬜ᭄ᬘᬧ᭄ᬳᬶᬦ᭄ᬤ᭄ᬭᬪᬵᬯᬦᬵ᭟ᬧᬤᬡ᭄ᬟ᭠
ᬰ᭄ᬭᬰᬸᬤ᭄ᬟᬫᬦᬶ᭞ᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬫᬯᬾᬤ᭄ᬟᬵ᭞ᬲᬧᬦᬶᬲ᭄ᬓᬭᬵᬓᬢᭀᬦ᭄ᬢᭀᬦ᭄᭞ᬧᬭᬶᬰᬸᬤ᭄ᬟᬦᬶᬂᬫᬮᬶᬮᬂ᭞ᬦᬸᬱ᭄ᬝᬦᬵᬤᬶᬯᬵᬭᬸᬧ᭞ᬢᬾᬚᬦᬾᬢ᭄ᬕᭂᬄᬫᬗᬸᬗ᭄ᬕᬸᬮ᭄᭞ᬭ
[᭕᭒ 52A]
ᬲᬫᬗᬸᬗ᭄ᬓᬸᬮᬶᬦ᭄ᬢᬯᬂ᭚᭐᭚ᬤ᭄ᬫᬸᬂ᭚᭐᭚ᬇᬥᭂᬧᬾᬓᬤᬶᬫᬲᬮᬶᬜ᭄ᬰ᭄ᬭᬶᬬᬦ᭄ᬕᬮᬂ᭞ᬍᬕᬫᬗᬯᬗᬯᬂ᭞ᬢᬦ᭄ᬓᬭᬶᬫᬢᬗ᭄ᬕᬸ᭞ᬳᬾᬮᬶᬂᬲᬵᬫ᭄ᬧᬸᬦ᭄ᬫᬗᬩᬓ᭄ᬢᬶ᭞ᬫᬜᬸᬓᬸᬧᬂᬮᬶᬫ᭞ᬫᬗᬕᭂ
ᬫ᭄ᬧᬸᬱ᭄ᬧᬢᬦᬮᬸᬫ᭄᭞ᬫᬦᬹᬢᬢᬓ᭄ᬭᬫᬵ᭞ᬗᬶᬭᬶᬂᬓᭀᬚᬭᬶᬂᬗᬚᬶ᭞ᬗᬧ᭄ᬢᬶᬦᬾᬯ᭄ᬓᬲ᭄ᬳᬸᬢ᭄ᬢᬫ᭞ᬓᬢᬸᬭᬶᬂᬲᬂᬳᬫᭀᬭᬶᬂᬳ᭄ᬬᬸᬦ᭄᭟ᬢᬢᬲᬼᬫᬄᬕᬮᬂᬓᬗᬶᬦ᭄ᬓᬦ᭄ᬢᭂᬦ᭄ᬢᬶᬗ᭄ᬕᬃ᭞ᬧᬚᬄᬚᬄ
ᬳ᭄ᬬᬫ᭄ᬩᬸᬩᬸ᭞ᬫᬶᬦᬩ᭄ᬫᬳᬫᬾᬭᬸ᭞ᬢ᭄ᬕᭂᬄᬫᬗᭂᬦ᭄ᬢᭂᬕ᭄ᬓᬮᬗᬶᬢ᭄᭞ᬩ᭄ᬘᬶᬓ᭄ᬫᬳᬶᬤ᭄ᬭᬦ᭄᭞ᬳᬫ᭄ᬩᬸᬩᬸᬦᬾᬢᭂᬄᬗᬸᬗ᭄ᬕᬸᬮ᭄᭞ᬲᬸᬢᬾᬚᬗᬸᬭᬜᬩ᭄᭞ᬲᬃᬯ᭄ᬯᬯᬃᬡ᭄ᬦᬫᬳ᭄ᬦᬶᬂ᭞ᬫᬶᬦᬩ᭄ᬧᬭᬶᬲ᭄ᬣᬦ
ᬦᬶᬂᬳ᭄ᬬᬂ᭞ᬲᬂᬗ᭄ᬳ᭄ᬬᬂᬦᬢᬵᬲᬗ᭄ᬳᬫᬦᬸᬭᬸᬦ᭄᭟ᬓᬤᬶᬳᬺᬦᬗ᭄ᬬᬗ᭄ᬳ᭄ᬬᬗᬶᬦ᭄ᬓᬧ᭄ᬬᬚ᭄ᬜᬦ᭄᭞ᬓᬯ᭄ᬯᬢ᭄‌ᬚ᭄ᬜᬦᬥᬗ᭄ᬕᬸᬭᬸ᭞ᬫᬉᬢ᭄ᬢᬫᬦᬸᬮᬸᬲ᭄᭞ᬗᬢᬸᬭᬂᬳᬸᬤ᭄ᬟᬓᬜ᭄ᬚᬮᬶ᭞ᬧ᭄ᬭᬮᬶᬡ᭠ [ 53 ][᭕᭒ 52B]
᭕᭓
ᬥ᭄ᬬᬢ᭄ᬫᬶᬓ᭞ᬲᬭᬶᬦᬶᬂᬰᬸᬦ᭄ᬬᬦᬶᬃᬯᬲ᭄ᬢᬸ᭞ᬘᭂᬢ᭄ᬕᬮᬂᬫᬮᬶᬮᬂ᭞ᬧ᭄ᬬᬚ᭄ᬜᬦᬾᬲᬢ᭄ᬫ᭄ᬬᬳ᭄ᬦᬶᬂ᭞ᬜᬫᬸᬢ᭄ᬫᭂᬗᭂᬂᬢᬦ᭄ᬧᬫ᭄ᬗᬦ᭄᭞ᬓᬯᬢ᭄ᬭᬶᬂᬚ᭄ᬜᬦᬦ᭄ᬳᬶᬥᬥᬗ᭄ᬕᬸᬭᬸ᭟ᬲ᭄ᬫᭂᬂᬯᬯᬸᬤᬯᬸᬄᬓᬮᬶᬄᬲᬶᬦᬫ᭄ᬬᬦ᭄᭞
ᬳᬶᬤᬲᬂᬫᬭᬵᬕᬯᬶᬓᬸ᭞ᬲᬵᬫ᭄ᬧᬸᬦᬧᬓ᭄ᬭᬯᬸᬄ᭞ᬭᬶᬂᬧ᭄ᬬᬚ᭄ᬜᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬓᬮᬶᬄᬭᬵᬚᬧᬸᬢᬺ᭞ᬧᬭᬵᬫᬾᬦᬓ᭄ᬳᬶᬲ᭄ᬢ᭄ᬭᬶᬓᬓᬸᬂ᭞ᬲᬯᬢᬺᬱᬬᬕ᭞ᬲᬧᬦᬶᬲ᭄ᬓᬭᬦᬶᬂᬫ᭄ᬩᬱ᭄ᬫᬶ᭞ᬫᬢᬶᬗ᭄ᬓᬄᬫ
ᬚᬚᬃᬚᬚᬃ᭞ᬲᬳᬢᭀᬬᬢᬶᬃᬢ᭄ᬣᬫ᭄ᬭᬶᬓᬭᬸᬫ᭄᭟ᬲᬓ᭄ᬱᬡᬧᬸᬱ᭄ᬝᬦᬾᬭᬭᬶᬲ᭄ᬓ᭠ᬢ᭄ᬥᬸᬦᬂ᭞ᬳᬦ᭄ᬢᬸᬓ᭄ᬱᬂᬧᬭᬵᬯᬶᬓᬸ᭞ᬓᬮᬶᬄᬧᬭᬵᬳᬕᬸᬂ᭞ᬢᬦᬧ᭄ᬯᬾᬯᬸᬲ᭄ᬩᬶᬦᬱ᭄ᬫᬶ᭞ᬫᬮᬶᬄᬓᬍᬗ᭄ᬓᬭ
᭞ᬭᬶᬂᬧᬤ᭄ᬫᬲᬦᬳᬸᬫᬸᬗ᭄ᬕᬸᬄ᭞ᬭᬶᬂᬚ᭄ᬭᭀᬦᬶᬂᬧᬗ᭄ᬕᬸᬗᬦ᭄᭞ᬲᬳᬤᬸᬧᬫ᭄ᬭᬶᬓ᭄ᬫᬶᬗᬶᬂ᭞ᬜᭀᬭᬾᬬᬂᬚᬫ᭄ᬓᬮᬶᬄᬲᬢ᭄ᬗᬄ᭞ᬭᬫᬾᬲ᭄ᬯᬭᬵᬦ᭄ᬢᬫ᭄ᬩᬸᬭᬾᬗ᭄ᬭᬸᬤᬸᬕ᭄᭟ᬘᬶᬳ᭄ᬦᬦᬶᬂᬲᬵᬫ᭄ᬧᬸᬦᬾᬫᬗ᭄ᬓᬶᬦ᭄ᬫ
[᭕᭓ 53A]
ᬤᬩ᭄ᬤᬩᬦ᭄᭞ᬫᬮᬶᬄᬲᬫᬶᬫᬳᬢᬸᬃ᭞ᬩᬭᬶᬲ᭄ᬢᬫ᭄ᬩ᭄ᬭᬄᬩᬸᬕ᭄ᬩᬸᬕ᭄᭞ᬳᬲᬓ᭄ᬫᬶᬯᬄᬚᬲᬶᬧ᭄ᬭᬲᬶ᭞ᬫᬗ᭄ᬕᬶᬲ᭄ᬧᬲ᭄ᬟᬳᬦ᭄᭞ᬢᬳᬸᬫᬦ᭄ᬧᬥᬂᬲᭂᬗ᭄ᬓᬶᬤᬸ᭞ᬢᬼᬗᬦ᭄ᬳᬸᬮᬓᬦ᭄᭞ᬯᬮᬶᬬᬂᬢᬦᬳᬚᬶ᭞ᬓ
ᬮᬶᬄᬩᬸᬓ᭄ᬧᬤᬦᬾᬲᬫ᭄ᬬᬦ᭄᭞ᬲᬓᬶᬂᬓᭀᬢ᭄ᬣᬭᬯᬸᬄᬓᬳᬸᬚᬸᬂ᭟ᬫᬧᬦ᭄ᬢᬵᬫᬭᬶᬭᬶᬕ᭄ᬭᬶᬭᬶᬕ᭄ᬓᬧᭂᬜ᭄ᬘᬭᬦ᭄᭞ᬲᬫᬶᬲ᭄ᬭᬕᭂᬧ᭄ᬫᬗ᭄ᬭᬗ᭄ᬲᬸᬓ᭄᭞ᬪᬹᬱᬡᬫᬢᬸᬭᬸᬢ᭄᭞ᬫᬜ᭄ᬚᭂᬃᬩᬦ᭄ᬤᬾᬭᬵᬓᬸ᭠
ᬫ᭄ᬧ᭄ᬦᬶ᭞ᬢᬗ᭄ᬓᭂᬧᬾᬩᬶᬭᬫ᭞ᬘᬬᬦᬾᬫᬸᬦ᭄ᬢᬩ᭄ᬳᬸᬫᬸᬭᬸᬩ᭄᭞ᬓᬢᬾᬚᬦᬦ᭄ᬲᬸᬃᬬ᭄ᬬ᭞ᬲᬬᬦ᭄ᬫᬯᬸᬯᬸᬄᬩ᭄ᬘᬶᬓ᭄᭞ᬓᬦᬦ᭄ᬓᬶᬂᬭᬶᬗᬧᬶᬢ᭄ᬫᬃᬕ᭄ᬕᬵ᭞ᬲ᭄ᬮᬢ᭄ᬮᬶᬫᬂᬫᬾᬢᭂᬃᬫᬚᬸᬚᬸᬓ᭄᭟ᬧᬕᭂᬄᬭᬚᭂᬕ᭄ᬦᬾ
ᬦ᭄ᬢᭂᬦ᭄ᬫᬓᬶᬲ᭄ᬮᬦ᭄᭞ᬘᬶᬭᬶᬦ᭄ᬯᬢᭂᬓ᭄ᬧᬧᬥᬸ᭞ᬦᬾᬦ᭄ᬢᭂᬦ᭄ᬩ᭄ᬭᬱᬓᬾᬗ᭄ᬕᬸᬄ᭞ᬘᬶᬳ᭄ᬦᬦᬶᬂᬲᬸᬰ᭄ᬭᬸᬱᬩᬓ᭄ᬢᬶ᭞ᬩᬓ᭄ᬢᬶ᭞ᬫᬗᬢᬸᬭᬂᬳᭀᬃᬫ᭄ᬫᬢ᭄᭞ᬭᬶᬂᬳᬶᬤᬲᬂᬫ᭄ᬭᬕᬳ᭄ᬬᬸᬦ᭄᭞ᬲᬬᬦ᭄ᬲᭂᬲᭂᬓ᭄ᬳᬢᬧ᭄᭞ᬳᬶᬤᬤ [ 54 ][᭕᭓ 53B]
᭕᭔
ᬦᬾᬦᬾᬗᬶᬭᬶᬂ᭞ᬧ᭄ᬭᬩ᭄ᬓᭂᬮ᭄ᬫᬶᬯᬄᬓᬮ᭄ᬬᬂ᭞ᬫᬓᬤᬶᬜᬳᬶᬤᬧᬭᬕᬸᬂ᭟ᬯᬾᬦ᭄ᬢᭂᬦ᭄ᬳᬗᬦ᭄ᬳᬓ᭄ᬢᬶᬬᬦ᭄ᬭᬱᬬᬂ᭞ᬤᬸᬮᬸᬭᬶᬦ᭄ᬢᬫ᭄ᬬᬸᬢᬫ᭄ᬬᬸ᭞ᬲᬃᬯ᭄ᬯᬩᬗ᭄ᬰᬭᬯᬸᬄ᭞ᬲᬓᬶᬂᬚᬯᬶᬦᬶᬂᬦᬕᬭᬶ᭞ᬲ
ᬫᬶᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬧᬗ᭄ᬕᬗ᭄ᬕᬾᬦᬾᬲᬃᬯ᭄ᬯᬮᬸᬳᬸᬂ᭞ᬲᬬᬦ᭄ᬳᬩ᭄ᬭᬫᬸᬦ᭄ᬢᬩ᭄᭞ᬢᬾᬚᬦᬾᬦᬭᬶᬂᬧᬫᬃᬕ᭄ᬕᬶ᭞ᬤᬸᬮᬸᬭᬶᬦ᭄ᬲ᭄ᬯᬭᬵᬫᬩ᭄ᬬᬸᬭᬦ᭄᭞ᬲᬃᬯ᭄ᬯᬳᭀᬦ᭄ᬬᬦ᭄ᬢᭀᬦ᭄ᬬᬦ᭄ᬕᬸᬫᬸᬭᬸᬄ᭟ᬳᬶᬤᬤ᭄ᬯᬕᬸᬂ
ᬫᬥᬾᬚ᭄ᬮᬡ᭄ᬝᬶᬓ᭄ᬱᬋᬂᬜᭀᬜᬄ᭞ᬓᬸᬦ᭄ᬢᭂᬮᬶᬃᬳᬫ᭄ᬮᬦᬕᬦ᭄ᬢᬸᬦ᭄᭞ᬓᬮᬶᬄᬢ᭄ᬯᬦ᭄ᬢ᭠ᬫ᭄ᬬᬸ᭞ᬲᬓᬶᬂᬦᬕᬭᬵᬩᬢᬯᬶ᭞ᬢᬸᬃᬫ᭄ᬩᬓ᭄ᬢᬧᬓᬓᬲ᭄᭞ᬗ᭄ᬭᬭᬶᬲ᭄ᬧᬘᬂᬓᬳᬸᬚᬸᬂ᭞ᬫᬶᬍᬫ᭄ᬲᬶᬦ
ᬫ᭄ᬬᬦ᭄᭞ᬲᬢᬶᬗ᭄ᬓᬳᬶᬂᬭᬶᬂᬫᬃᬕ᭄ᬕᬶ᭞ᬗᬮᬶᬗ᭄ᬕᬶᬳᬶᬦ᭄ᬫᭀᬢᭀᬃᬩᬭᬂ᭞ᬗᬺᬋᬂᬢᬤᬄᬦᬾᬩ᭄ᬘᬶᬓ᭄ᬗᬸᬗ᭄ᬕᬸᬮ᭄᭟ᬭᬶᬂᬯ᭄ᬟᬮ᭄ᬧᬸᬱ᭄ᬧᬦᬾᬫᬗ᭄ᬓᬶᬦ᭄ᬭᬶᬂᬩᬜ᭄ᬘᬶᬗᬄ᭞ᬲᬬᬦ᭄ᬳᬸᬫᬸᬂᬕᬸᬫᬸᬭᬸᬄ᭟᭠
[᭕᭔ 54A]
ᬳᭂᬕᭀᬗᬾᬫᬘᭂᬕᬸᬃ᭞ᬫ᭄ᬯᬂᬲᬹᬭᬵᬓ᭄ᬫᬯᬦ᭄ᬢᬶᬯᬦ᭄ᬢᬶ᭞ᬓᬸᬮ᭄ᬓᬸᬮᬾᬫᬤᬾᬗ᭄ᬤᬂ᭞ᬲ᭄ᬯᬭᬦ᭄ᬢᬫ᭄ᬩᬸᬭᬾᬗ᭄ᬭᬸᬤᬸᬕ᭄᭞ᬢᬯᬢᬯᬢᬺᬩᬂ᭞ᬘᭂᬧᬸᬕᬦ᭄ᬩᭂᬤᬶᬭᬾᬶᬸᬮᬢᬶᬢᬶᬃ᭞ᬧ᭄ᬭᬬᭀᬤᬦᬾᬯᬸᬲ᭄ᬫᬳᭀᬃᬫ᭄ᬫ
ᬢ᭄᭞ᬭᬭᬶᬲ᭄ᬫᬫᬃᬕ᭄ᬕᬶᬧᬶᬦᬶᬄᬤᬸᬫᬸᬦ᭄᭟ᬧᬤ᭄ᬧᬶᬦ᭄ᬤᭂᬃᬩ᭄ᬘᬶᬓ᭄ᬜᬫ᭄ᬩᬸᬗᬶᬦ᭄ᬲᬳᬭᬸᬤᬢ᭄᭞ᬩᬭᬶᬲ᭄ᬧᭀᬮᬾᬂᬫᬜᬸᬦ᭄ᬤᬸᬮ᭄᭞ᬲᬫᬶᬫᬜ᭄ᬚᭂᬃᬢᬸᬗ᭄ᬕᬸᬮ᭄᭞ᬭᬭᬶᬲᬗ᭄ᬕᬾᬦᬾᬫᬫᬃᬕ᭄ᬕᬶ᭞ᬲᬳ
ᬳᬸᬧᬘᬭᬵ᭞ᬢ᭄ᬥᬸᬗᬕᬸᬗᬾᬫᬢᬸᬭᬸᬢ᭄᭞ᬗᬧᬶᬢ᭄ᬧᬤ᭄ᬫᬲᬦ᭞ᬳᬶᬤᬲᬂ᭠ᬗ᭄ᬳ᭄ᬬᬂᬢ᭄ᬭᬶᬰᬓ᭄ᬢᬶ᭞ᬧᬸᬗ᭄ᬓᬸᬃᬧᬸᬦᬶᬓᬵᬫᬫᬃᬕ᭄ᬕ᭞ᬧᬤ᭄ᬫᬲᬦᬦ᭄ᬳᬶᬤᬥᬗ᭄ᬕᬸᬭᬸ᭟ᬭᬭᬶᬲ᭄ᬧᬤ᭄ᬫᬵᬲ
ᬦᬦ᭄ᬳᬶᬫᬳᬭᬚ᭞ᬤᬾᬯ᭄ᬯᬵᬢ᭄ᬣᬳᬤᬶᬧ᭄ᬭᬪᬹ᭞ᬧ᭄ᬭᬧᬸᬢ᭄ᬭᬫᬜᬸᬦ᭄ᬤᬸᬮ᭄᭞ᬧᬸᬱ᭄ᬧᬤᬾᬯ᭄ᬯᬢ᭄ᬣᬤᬾᬯ᭄ᬯᬢ᭄ᬣᬶ᭞ᬲᬳᬧᬬᬸᬂᬓᭂᬫ᭄ᬩᬃ᭞ᬧᬭᬵᬫᬾᬦᬓ᭄‌ᬦᬾᬫᬫᬸᬦ᭄ᬤᬸᬮ᭄᭞ [ 55 ][᭕᭔ 54B]
᭕᭕
ᬬᬦ᭄ᬳᬓᬸᬤᬂᬧᬦ᭄ᬢ᭞ᬳᭀᬦ᭄ᬬᬦ᭄ᬳᭀᬦ᭄ᬬᬦ᭄ᬫᬗᬶᬭᬶᬂ᭞ᬢᬦᬸᬘᬧᭂᬦ᭄ᬭᬶᬂᬧᬫᬃᬕ᭄ᬕᬵ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬤᬾᬰᬳᬸᬚᬸᬂ᭟ᬳᬗᬶᬦᬾᬳᬭᬶᬲ᭄ᬗᬲᬶᬃᬲᬶᬃᬫᬜᭂᬧᬸᬓᬂ᭞ᬳ᭄ᬩᭀᬫᬶᬳᬶᬓᬶᬫᬍ
ᬧᬸᬕ᭄᭞ᬓᬲ᭄ᬬᬸᬄᬫᬦᬶᬲ᭄ᬜᬗ᭄ᬮᬸᬄ᭞ᬭᬫ᭄ᬬᬲᬤ᭄ᬧᬤᬦᬾᬗ᭄ᬭᬶᬗ᭄ᬭᬶᬂ᭞ᬲᬳᬫᬗᬸᬚᬦᬂ᭞ᬲᬭᬶᬩ᭄ᬲ᭄ᬓᬭᬾᬫ᭄ᬭᬶᬓᬭᬸᬫ᭄᭞ᬲᬓ᭄ᬱᬢ᭄ᬓᬫ᭄ᬩᬗᬸᬭᬦ᭄ᬳᬶᬤᬋᬲᬶᬂᬮᬗᬶᬢ᭄᭞ᬗᬯ᭄ᬢᬸᬳᬂᬧᬸᬚᬲ᭄ᬣ
ᬯᬵ᭞ᬲᬳᬩᬚ᭄ᬭᬕᬡ᭄ᬝᬵᬰ᭄ᬭᬷᬳᬸᬫᬸᬂ᭟ᬲᬵᬫ᭄ᬧᬸᬦ᭄ᬭᬯᬸᬄᬗᬫᬃᬕ᭄ᬕᬶᬦᬶᬦ᭄‌ᬤ᭄ᬮᭀᬤ᭄ᬢ᭠ᬫᬦ᭄᭞ᬲᬸᬓᬸᬲᬤᬦᬾᬓᬲᬸᬩ᭄᭞ᬕ᭄ᬦᬄᬫᬓᬮᬗᬸᬦ᭄᭞ᬳᬶᬤᬵᬲᬂᬧᬭᬓᬯᬶ᭞ᬲᬬ
ᬦ᭄ᬓᬦ᭄ᬢᭂᬦ᭄ᬢᬶᬗ᭄ᬕᬃ᭞ᬢᬫᬦᬾᬳᬶᬤᭂᬭᬶᬦ᭄ᬕᬸᬦᬸᬂ᭞ᬫ᭄ᬯᬄᬧᬮᬲᬮᬲᬦ᭄᭞ᬮᬗ᭄ᬕᭂᬳᬶᬤᭂᬭᬶ᭠ᬦ᭄ᬲᬭᬷ᭞ᬫ᭄ᬯᬄᬲᬮ᭄ᬯᬶᬭᬶᬂᬓᬓᬬᭀᬦᬦ᭄᭞ᬳ᭄ᬮᭀᬫ᭄ᬯᬶᬮᬶᬲᬫᬗᬺᬫ᭄ᬩᬸᬦ᭄᭟ᬓᬬᬸᬘᬫᬭᬦᬾ
[᭕᭕ 55A]
ᬫᬭᬶᬭᬶᬕ᭄ᬫᬶᬍᬳᬦ᭄᭞ᬗᬶᬤᭂᬭᬶᬦ᭄ᬢᬫᬦ᭄ᬮᬸᬳᬸᬂ᭞ᬍᬫᬸᬄᬫᬳᬾᬮᭀᬕᬦ᭄᭞ᬓᬮᬦᬶᬂᬩᬩᬃᬳᬗᬶᬦ᭄᭞ᬗᬢᬸᬭᬂᬰᬸᬤ᭄ᬟᬫᬗ᭄ᬕᬮ᭞ᬳᬯᬦᬦᬶᬂᬫᬦᬸᬗ᭄ᬓᬧ᭄ᬲᬤ᭄ᬬᬄ᭟ᬕᬶᬮᬶᬦᬾ᭠
ᬓᬦ᭄ᬢᭂᬦ᭄ᬗ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ᬢ᭄ᬕᭂᬄᬫᬜ᭄ᬘᬩ᭄᭞ᬕᬶᬮᬶᬦᬾᬧᬸᬢᬶᬄᬫᬕᭂᬫ᭄ᬧᬸᬃ᭞ᬢ᭄ᬕᭂᬄᬫᬫ᭄ᬩᬮᬫ᭄ᬩᬮ᭄᭞ᬳᬦ᭄ᬢᬸᬓ᭄ᬧᬭᬲ᭄ᬫᬳᬸᬓᬶᬃ᭞ᬓᬳᬶᬤᭂᬭᬶᬦ᭄ᬢᬢᬸᬜ᭄ᬚᬸᬗᬦ᭄᭞ᬫᬤᬕᬶᬂᬲ᭄ᬓᬃᬢᬸᬜ᭄ᬚᬸᬂᬫ
ᬢᬸᬭᬸᬢ᭄᭟ᬩᬮᬾᬦᬾ᭞ᬳᬋᬧᬢ᭄ᬧᬱ᭄ᬢᬶᬧᬘᬂᬕ᭄ᬦᬄ᭞ᬲᬃᬯ᭄ᬯᬩᬭᬗᬾᬳᬮᬸᬲ᭄᭞ᬓᬮᬸᬫ᭄ᬩ᭄ᬭᬄᬓᬲᬸᬫ᭄ᬩᬸᬂ᭞ᬧᬯᬗᬸᬦᬦᬾᬮᬶᬦ᭄ᬢᬂᬩ᭄ᬘᬶᬓ᭄᭞ᬜᬦ᭄ᬤᬂᬳᬗ᭄ᬕᬾᬦ᭄ᬢᬶᬮᬤ᭄᭞ᬦᬾᬫᬗ᭄ᬓᬶᬦ᭄ᬭᬯᬸᬄ
ᬓᬧᬸᬗ᭄ᬓᬸᬃ᭞ᬲᬓ᭄ᬱᬢ᭄ᬳᬃᬕ᭄ᬖᬵᬧᬸᬭ᭞ᬫᬸᬲᬶᬬᭂᬫ᭄ᬓᬯᬲ᭄ᬢᬦᬶᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬲᬲ᭄ᬮᬶᬭᬦ᭄᭞ᬲᬮ᭄ᬯᬶᬃᬩᬭᬂᬦᬾᬲᬵᬫ᭄ᬧᬸᬦ᭄ᬓᬸᬫ᭄ᬧᬸᬮ᭄᭟ᬩᬮᬾᬃᬧᬸᬦᬶᬓᬓᬓᬃᬤ᭄ᬟᬶᬢᬢᬫᬦᬦ᭄᭞ [ 56 ][᭕᭕ 55B]
᭕᭖
ᬲᬃᬯ᭄ᬯᬲ᭄ᬓᬃᬫᬢᬸᬭᬸᬢ᭄᭞ᬬᬤᬶᬦ᭄ᬢᬭᬸᬦᬶᬧᬸᬦ᭄᭞ᬳᬓᬾᬳᬦ᭄ᬯᬶᬚᬶᬮᬶᬂᬚᬯᬶ᭞ᬩ᭄ᬘᬶᬓᬢᬶᬗ᭄ᬓᬳᬂ᭞ᬫᬃᬕ᭄ᬕᬶᬦᬾᬜ᭄ᬮᬸᬓᬲ᭄ᬮᬸᬓ᭄᭞ᬫᬶᬤᭂᬃᬓᬳᬶᬤᭂᬭᬶᬸᬭᬦ᭄᭞ᬫᬩᬚ᭄ᬭᬮᬾᬧᬲᬫᬶ᭞ᬫᬤᬕᬶᬂᬢᭀ᭠
ᬕᭀᬕ᭄ᬫᬚᬚᬃ᭞ᬓᬲᬸᬩ᭄ᬳᬸᬓᬶᬭᬦ᭄ᬕ᭄ᬬᬜᬃᬩᬤᬸᬂ᭟ᬫᬓᬡ᭄ᬟᬗ᭄ᬮᬫ᭄ᬧᬳᬂᬭᬫᬬᬡ᭞ᬲᬬᬦ᭄ᬫᬳᬶᬫ᭄ᬩᬸᬄᬮᬸᬳᬸᬂ᭞ᬳᬯᬦᬦ᭄‌ᬓᬾᬄᬭᬯᬸᬄ᭞ᬲᬸᬦᬦ᭄ᬢᬭᬦᬾᬫᬩᬮᬶᬄ᭞᭠
ᬧᬦ᭄ᬢᭂᬲ᭄ᬬᬦ᭄ᬧᬃᬡ᭄ᬦᬬᬂ᭞ᬭᬢ᭄ᬦᬧᬭᬬᬦᬦᬸᬭᬸᬦ᭄᭞ᬫ᭄ᬯᬂᬢᬫᬦ᭄ᬳᬂᬲᭀᬓ᭞ᬲᬶᬓᬮᬾᬃᬯᬾᬦ᭄ᬢᭂᬦ᭄ᬫᬮᬶᬄ᭞ᬫᬤᬕᬶᬂᬢᬮᬕᬭᬫ᭄ᬬ᭞ᬲᬳᬕᬶᬮᬶᬢ᭄ᬕᭂᬄᬫᬗᬸᬗ᭄ᬕᬸᬮ᭄᭟ᬢᬾᬫ᭄ᬩᭀᬓᬾᬩ᭄ᬘᬶ
ᬓ᭄ᬫᬳᬸᬓᬶᬃᬫᬧᬧᬢ᭄ᬯᬦ᭄᭞ᬚᬦ᭄ᬤᬾᬧᬦ᭄ᬜᬦᬾᬮᬸᬳᬸᬂ᭞ᬫᬕ᭄ᬤᬄᬫᬢᬸᬭᬸᬢ᭄᭞ᬕᬫ᭄ᬩᬭᬦᬾᬕ᭄ᬟᬾᬫᬗᬧᬶᬢ᭄᭞ᬕᬮᬂᬫᬓᬮᬗᬦ᭄᭞ᬢᬾᬚᬦᬾᬓᬮᬶᬄᬫᬘᭂᬧᬸᬓ᭄᭞ᬕ
[᭕᭖ 56A]
ᬫ᭄ᬩᬃᬲᬫᬶᬕᬫ᭄ᬩᬃ᭞ᬩ᭄ᬘᬶᬓ᭄ᬱᬮᬶᬂᬢᬾᬚᬦᬶᬦ᭄᭞ᬭᬶᬂᬧᬶᬗ᭄ᬕᬶᬃᬕᬶᬮᬶᬦᬾᬫ᭄ᬮᬄ᭞ᬓᬳᬶᬤᭂᬭᬶᬦ᭄ᬢᬸᬜ᭄ᬚᬸᬂᬫᬢᬸᬭᬸᬢ᭄᭟ᬦᬾᬲᬶᬓᬗᬶᬦ᭄ᬢᬸᬜ᭄ᬚᬸᬂᬧᬸᬢᬶᬄᬦ᭄ᬤᭂᬂᬓᭂᬫ᭄ᬩᬂ᭞ᬲᬶᬓ᭄ᬮᭀᬤ᭄ᬓᬗᬶᬦ᭄ᬤᬤᬸ᭞ᬓ᭄ᬮᭀᬤ᭄ᬩᬭᬓ᭄ᬫᬸᬭᬸᬩ᭄
᭞ᬢᬸᬜ᭄ᬚᬸᬂᬩᬶᬭᬸᬓᬚᬓᬗᬶᬦ᭄᭞ᬓ᭄ᬮᭀᬤ᭄ᬓᬯᬸᬄᬓᬸᬤ᭄ᬭᬂ᭞ᬓᬚᬓᬯᬸᬄᬕᬳᬤᬂᬮᬸᬫ᭄ᬮᬸᬫ᭄᭞ᬓᬮᬾᬃᬲᬼᬫ᭄ᬗ᭄ᬭᬜᬩ᭄᭞ᬲᬶᬓᬯᬸᬄᬢᬸᬜ᭄ᬚᬸᬂᬓᬸᬦᬶᬂ᭞ᬲᬫ᭄ᬬᬦ᭄ᬫᬦ᭄ᬟᭂᬂᬓᭂᬫ᭄ᬩᬂ᭞ᬦᬾᬭᬶᬂᬢ᭄ᬗᬄ
ᬢᬸᬜ᭄ᬚᬸᬂᬫᬢᬸᬭᬸᬢ᭄᭟ᬬᬦ᭄ᬧᬃᬡ᭄ᬦᬜᬦ᭄ᬤᬂᬯᬱ᭄ᬝᬦᬶᬦ᭄ᬮᬶᬗ᭄ᬕᬧᬸᬭᬵ᭞ᬲᬶᬓᬮᬾᬃᬯᬯᬸᬯᬗᬸᬦ᭄᭞ᬢᬫᬦ᭄ᬮᬶᬦ᭄ᬢᬂᬍᬗᬸᬢ᭄᭞ᬢᭀᬬᬦᬾᬧᬯᬶᬢ᭄ᬭᬳ᭄ᬦᬶᬂ᭞ᬯᬱ᭄ᬝᬭᬶᬂᬫᬡᬶᬓᬦ᭄᭞ᬧᬲᬸ
ᬘ᭄ᬯᬦ᭄ᬲᬂᬧᬭᬵᬯᬶᬓᬸ᭞ᬦᬾᬫᬢᬶᬃᬢ᭄ᬣᬬᬃᬢ᭄ᬣ᭞ᬓᬮᬦᬶᬂᬤᬶᬦᬵᬩ᭄ᬘᬶᬓ᭄᭞ᬢᬦᬸ᭠ᬘᬧᭂᬦ᭄ᬲᬵᬫ᭄ᬧᬸᬦᬧᬓ᭄᭞ᬧᬸᬱ᭄ᬧᬦᬾᬭᬶᬂᬧᬲᭀᬯᬦ᭄ᬳᬸᬚᬸᬂ᭟ᬚᬸᬓᬸᬗᬾᬳᬓᬾᬄᬫᬗ [ 57 ][᭕᭖ 56B]
᭕᭗
ᬦ᭄ᬢᭀᬲ᭄ᬢᬸᬃᬫᬧᬬᬲ᭄᭞ᬭᬶᬂᬲᬃᬯ᭄ᬯᬲ᭄ᬓᬃᬮᬸᬳᬸᬂ᭞ᬳᬯᬦᬦ᭄ᬫᬗᬜᬸᬢ᭄᭞ᬲᬧᬸᬱ᭄ᬧᬦᬾ᭞ᬳᬮᬲᬫᬶ᭞ᬲᬵᬫ᭄ᬧᬸᬦ᭄ᬓᬳᬸᬗ᭄ᬕ᭄ᬯᬂ᭞ᬲᬳᬧᬤ᭄ᬫᬵᬲᬦᬫᬸᬗ᭄ᬕᬸᬄ᭞ᬤᬲ᭄ᬧᬘᬂᬫᬮᬬᬃ᭞ᬳᭀ
ᬫ᭄ᬩᬓᬾᬲᬬᬦ᭄ᬢᬶᬢᬶᬃ᭞ᬮᬸᬜ᭄ᬚᬮᬸᬜ᭄ᬚᬫᬕᬸᬮᬸᬗᬦ᭄᭞ᬫᬦ᭄ᬭᬶᬕᬜ᭄ᬘᬫᬲ᭄ᬧᬸᬓ᭄ᬫᬸᬫ᭄ᬩᬸᬮ᭄᭟ᬬᬦ᭄ᬧᬃᬡ᭄ᬦᬭᬱᬫᬳᬶᬦᬩ᭄ᬓᬳᬸᬤᬸᬳᬂ᭞ᬳᬦ᭄ᬢᬸᬓ᭄ᬳ᭄ᬬᬂᬧ᭄ᬭᬫᬕᬸᬭᬸ᭞ᬫᬫᭂᬦ᭄ᬤᬓ᭄ᬫᬜᬸᬂᬲᬸᬂ᭞
ᬲᬳᬧᬤ᭄ᬫᬲᬦᬲᬭᬷ᭞ᬲᬓᬶᬂᬩ᭄ᬭᬸᬡᬮᬬᬵ᭞ᬳᭀᬫ᭄ᬩᬓᬾᬢ᭄ᬕᭂᬄᬫᬗᬸᬗ᭄ᬕᬸᬮ᭄᭞ᬜᬦ᭄ᬤᬂᬬᬦ᭄ᬧᬃᬡ᭄ᬦᬬᬂ᭞ᬫᬶᬦᬩ᭄ᬧᬬᬸᬂᬳᬕᬸᬂᬧᬸᬢᬶᬄ᭞ᬮᭀᬜ᭄ᬘᬢᬦᬾᬫᬮᬸᬮᬸᬦᬦ᭄᭞ᬲᬓ
ᬓ᭄ᬱᬢ᭄‌ᬦᬕᬦᬾᬲᬫᬶᬭᬯᬸᬄ᭟ᬓᭂᬫ᭄ᬩᬂᬓᬧᬲ᭄ᬗᭂᬫ᭄ᬧᬸᬃᬧᬸᬢᬶᬄᬧᬓᬭᬜᬩ᭄᭞ᬗᬫ᭄ᬩ᭄ᬬᬃᬫᬲᬸᬲᬸᬦ᭄ᬲᬸᬲᬸᬦ᭄᭞ᬧᬭᬶᬲᬸᬤ᭄ᬟᬦᬸᬮᬸᬲ᭄᭞ᬯᬮᬸᬬᬲᬂᬋᬱᬶᬂᬮᬗᬶᬢ᭄᭞ᬫ᭄ᬯᬂᬕᬦ᭄ᬤᬃ
[᭕᭗ 57A]
ᬯ᭄ᬯᬭᬚ᭞ᬫᬗᬢᬸᬭᬂᬳᬲ᭄ᬢᬸᬫ᭄ᬧᬸᬗ᭄ᬓᬸ᭞ᬲᬳᬓᬫ᭄ᬩᬗᬸᬭᬵ᭞ᬲᬳᬲ᭄ᬓᬃᬫ᭄ᬭᬶᬓ᭄ᬫᬶᬗᬶᬂ᭞ᬓᬸᬧᬸᬦᬾᬫᬗᬶᬫ᭄ᬩᬂ᭞ᬫᬶᬦᬩ᭄ᬯᬶᬥ᭄ᬬᬥᬭᬶᬦᬸᬭᬸᬦ᭄᭟ᬲᬓ᭄ᬱᬡᬚᬸᬓᬸᬗᬾᬲᬫᬶᬗᬢ᭄ᬗᬳᬂ᭞ᬓ᭠
ᬲᬸᬩ᭄ᬩᬦ᭄ᬤᬾᬕᬵᬳᬸᬚᬸᬂ᭞ᬦᬾᬘᭂᬧᭂᬢ᭄ᬫᬤᬬᬸᬂ᭞ᬩ᭄ᬘᬢᬦ᭄᭞ᬢ᭄ᬓᬾᬦᬶᬂᬳᬗᬶᬦ᭄᭞ᬲᬓᬶᬂᬢ᭄ᬗᬄᬢᬶᬗ᭄ᬕᬃ᭞ᬕᬶᬮᬶᬦᬾᬭᬶᬂᬢᬫᬦ᭄ᬳᬸᬚᬸᬂ᭞ᬓᬓᬮᬶᬄᬫᬓᭂᬫ᭄ᬩᬭᬦ᭄᭞ᬲᬓ᭄ᬱᬢ᭄ᬳ᭄ᬬᬂᬲ᭄ᬫᬭᬭᬢᬶᬄ
᭞ᬫᬋᬧ᭄ᬓᬗᬶᬦ᭄ᬗᬲ᭄ᬢᬸᬢᬶᬬᬂ᭞ᬫᬗ᭄ᬤᬲᬶᬤ᭄ᬟᬵᬫᬦ᭄ᬫᬸᬲᬤ᭄ᬬᬄ᭟ᬯᬸᬲ᭄ᬫᬳᬜᬸᬢ᭄ᬲᬋᬂ᭠ᬲᬫᬶᬭᬭᬶᬲ᭄ᬩᬸᬤᬮ᭄᭞ᬜᬸᬚᬸᬃᬳᬫ᭄ᬮᬦᬕᬦ᭄ᬢᬸᬦ᭄᭞ᬢᬦᬸᬘᬧᭂᬦ᭄ᬲᬵᬫ᭄ᬧᬸᬦ᭄᭞ᬲᬫ᭄ᬬᬦ᭄ᬦᬧᬓ᭄ᬭᬶᬂᬧᬸ
ᬭᬷ᭞ᬭᬢᬸᬳᬶᬲ᭄ᬢ᭄ᬭᬶᬳᭀᬓ᭞ᬓᬍᬲᭀᬦ᭄ᬫᬮᬶᬗ᭄ᬕᬶᬄᬫᬢᬚᬸᬄ᭞ᬧ᭄ᬘᬓ᭄ᬗᬯᬶᬮᬗᬂ᭞ᬲᬮ᭄ᬯᬶᬃ᭠ᬧᬸᬡ᭄ᬬᬦᬾᬲᬫᬶ᭞ᬫᬓᬫᬶᬯᬄᬤᬤᬃᬤᬤᬃ᭞ᬭᬶᬂᬧ᭄ᬭᬫᬾᬦᬓ᭄ᬓᬮ᭄ᬬᬂᬫ᭄ᬯᬄᬤᬸᬓᬸᬄ᭟ᬫᬸᬗ᭄ᬕ᭄ᬯᬶᬂᬭᬢᬸ᭠ [ 58 ][᭕᭗ 57B]
᭕᭘
ᬳᬶᬲ᭄ᬢ᭄ᬭᬶᬭᬳᬶᬫᬗᬾᬦ᭄ᬢᭂᬭᬂ᭞ᬲᬮ᭄ᬯᬶᬭᬦᬶᬂᬧᬢᬫ᭄ᬬᬸ᭞ᬓᬦ᭄ᬢᭀᬲ᭄ᬚᭂᬫ᭄ᬧ᭄ᬬᬄᬚᭂᬫ᭄ᬧ᭄ᬬᬸᬄ᭞ᬯ᭄ᬗᬶᬭᬳᬶᬦᬫ᭄ᬕᬤᬗᬶᬦ᭄᭞ᬓᭀᬧᬶᬲᬲᬗᬦ᭄᭞ᬢᬫ᭄ᬬᬸᬦᬾᬜᬸᬦ᭄ᬤᬸᬮ᭄ᬓᬲᬸᬦ᭄ᬤᬸᬮ᭄᭞ᬦᬾᬦ᭄ᬢᭂᬦ᭄ᬫᬶ᭠
ᬥᭂᬧ᭄‌ᬓ᭄ᬦᬧ᭄᭞ᬲᬚ᭄ᬭᭀᬦᬶᬂᬓᬮᬶᬄᬰᬰᬶᬄ᭞ᬧᬫ᭄ᬓᭂᬮᬾᬓᬚ᭄ᬭᭀᬢᬺᬡ᭞ᬗᬯᬶᬮᬗᬶᬦ᭄ᬯᬲ᭄ᬢ᭄ᬭ᭠ᬫ᭄ᬯᬂᬓᬫ᭄ᬧᬸᬄ᭟ᬧᬫᬶᬤᬭᬓᬳᬢᬸᬃᬭᬶᬂᬚᬯᬶᬓᬸᬢᬺ᭞ᬭᬶᬂᬳᬶᬤᬧᬭᬳᬕᬸᬂ᭞ᬫᬓᬤᬶᬧᬫᬸᬧᬸᬢ᭄᭞ᬲ
ᬮ᭄ᬯᬶᬃᬢᬶᬕᬲᬦᬾᬲᬫᬶ᭞ᬲᬋᬂᬚ᭄ᬭᭀᬦ᭄ᬗᬄ᭞ᬲ᭄ᬭᭀᬚᬦᬾᬲᬵᬫ᭄ᬧᬸᬦ᭄ᬭᬸᬬᬸᬤ᭄᭞ᬢᬍᬃᬫᬫ᭄ᬩ᭄ᬯᬢᬂ᭞ᬫᬤᬲᬃᬲᬸᬱᬩᬓ᭄ᬢᬶ᭞ᬭᬶᬂᬳᬶᬤᬭᬚᬤᬾᬯᬢ᭄ᬣ᭞ᬪᬝᬵᬭᬦᬶᬂᬳᬫ᭄ᬮᬦᬕᬦ᭄ᬢᬸᬦ᭄᭟ᬬ
ᬦ᭄ᬫᬸᬗ᭄ᬕ᭄ᬯᬶᬂᬳᬶᬤᬧᬡ᭄ᬟᬳᬶᬲ᭄ᬢ᭄ᬭᬶᬗᬸᬭᬄ᭞ᬧᬤ᭄ᬫᬶᬦ᭄ᬳᬶᬤᬤᬗ᭄ᬕᬸᬭᬸ᭞ᬯᬶᬘᬓ᭄ᬱᬡᬦᬸᬮᬸᬲ᭄᭞ᬓᬳᬢᬸᬭᬦ᭄ᬗᬯᬶᬮᬗᬶᬦ᭄᭞ᬧᬥᬂᬧᬜᬫ᭄ᬩ᭄ᬭᬫᬵ᭞ᬓᬢᬸᬃᬭᬶᬂᬲᬂᬧᬭᬯᬶᬓᬸ᭞ᬫᬶᬯᬄᬧᬭᬫᬾᬦ
[᭕᭘ 58A]
ᬓ᭄᭞ᬲᬦᬾᬗᬬᬄᬭᬶᬂᬲᬸᬘ᭄ᬙᬶ᭞ᬲᬓᬶᬂᬫᬗᬮᬶᬄᬰᬰᬶᬳᬂ᭞ᬓᬃᬬ᭄ᬬᬳᬶᬤᬲᬵᬫ᭄ᬧᬸᬦ᭄ᬫᬦᬸᬕᬸᬃ᭟ᬤᬶᬦᬦᬾᬧᬸᬧᬸᬢ᭄ᬫᬗᬯᬶᬘᬭᬶᬢᬬᬂ᭞ᬭᬤᬶᬢᬾᬫᬦᬶᬲ᭄ᬦᬸᬚᬸ᭞ᬉᬓᬶᬃᬳᬸᬓᬸᬦᬶᬧᬸᬦ᭄᭞ᬧᬗ᭄ᬮᭀᬂ
ᬧᬶᬂᬢ᭄ᬮᬸᬮᬲ᭄ᬦᭂᬫᭀᬦᬶᬦ᭄᭞ᬰᬰᬶᬄᬳᬶᬧᬸᬦ᭄ᬓᬨᬢ᭄᭞ᬇᬰᬓᬵᬲ᭄ᬬᬸᬳᬸᬮᬸᬗᬢᬸᬲ᭄᭞ᬦᬗ᭄ᬕᬸᬲᬾᬓᭂᬢ᭄ᬳᬲ᭄ᬬ᭞ᬧᬕᭂᬄᬯᬃᬱᬦᬶᬂᬪᬹᬫᬶ᭞ᬭᬶᬂᬧᬸᬭᬶᬳᬫᬲ᭄ᬓᬺᬤᬫ᭄᭞ᬓᬮᬯ᭄ᬗᬶᬯᬯᬸᬚᬫ᭄ᬢᬸᬚᬸᬄ
᭚᭐᭚᭐᭚᭐᭚ᬩᬸᬓᬸᬧᬸᬦᬶᬓᬶᬤ᭄ᬭᬸᬯᬾᬦ᭄ᬳᬶᬯᬬᬦ᭄‌ᬤᬯᬸᬄ᭞ᬳᬮ᭄ᬫᬃᬳᬸᬫ᭄᭟ᬫᬗ᭄ᬓᬶᬦ᭄ᬓᬕᬫᭂᬮ᭄ᬳᭀᬮᬶᬄᬳᬶᬫᬤᬾᬲᬸᬢᬵᬭᬶᬂᬢᬫ᭄ᬧ᭄ᬯᬕᬦ᭄ᬳᬫ᭄ᬮᬦᬕᬵᬭ᭟ᬓᬢ᭄ᬥᬸᬦᬂᬳᭀᬮᬶᬄᬳᬶ
ᬫᬤᬾᬲᬸᬢᬵᬓᬤᬶᬲᬦᬾᬫᬸᬫᬶᬸᬗ᭄ᬕᬄᬲᬸᬭᬵᬢ᭄ᬭᬶᬂᬳᬚᭂᬂ᭟ᬧᬸᬧᬸᬢ᭄ᬜᬸᬭᬵᬢ᭄‌ᬲ᭄ᬟᭂᬓ᭄ᬭᬳᬶᬦ᭞ᬅ᭞ᬓ᭞ᬳᬸᬓᬸᬫ᭄ᬟᬂᬲ᭄ᬬ᭟ᬢᬂ᭞ᬧᬶᬂ᭞᭙᭞ᬰᬰᬶᬄᬓᬧᬶᬢᬸ᭞᭗᭞ᬇᬰᬓᬯᬃᬱ᭞᭑᭙᭐᭙᭟᭐᭟ [ 59 ][᭕᭘ 58B]
᭕᭙
ᬢᬗ᭄ᬕᬮ᭄᭞᭒᭙᭞ᬤᬾᬲᬾᬫ᭄ᬩᭂᬃ᭞ᬢᬳᬸᬦ᭄᭞᭑᭙᭘᭗᭚᭐᭚᭐᭚᭐᭚