Ban/Gaguritan Ligya Patibrata

Deskripsi

Bahasa Indonesia

Gaguritan Ligya Patibrata menceritakan tentang seseorang yang menderita penyakit kronis dan menemui banyak dokter untuk berobat. Akibat dari ketekunannya dalam menjalani pengobatan, ia pun merasa membaik dari segi fisik maupun bathin.

Naskah

[ 1 ][PERPUSTAKAAN
KTR.DOKBUD BALI
PROP. BALI
G/IX/14/DOKBUD
Judul : Gag. Ligya/Patibrata.
Pnj. 40 cm. Lb. 3,5 cm. Jl. 21 lb.
Asal : Puri Madhura, Kr.asem.]
[᭑ 1A]
Judul : Gag. Ligya/Patibrata.
Pnj. 40 cm. Lb. 3,5 cm. Jl. 21 lb.
Asal : Puri Madhura, Kr.asem. [ 2 ][᭑ 1B]
᭑
᭛ᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬸᬧᬸᬄᬲᬶᬦᭀᬫ᭄᭛ᬫ᭄ᬧᬸᬭᬬᬂᬭᬢᬸᬢᬶᬢ᭄ᬬᬂ᭞ᬧᬗ᭄ᬓᬄᬫᬦᬳᬾᬫᬗᬯᬶ᭞᭠ᬩᭀᬬᬢᬶᬢ᭄ᬬᬂᬫᬵᬧᬶᬧ᭄ᬭᬚ᭄ᬜᬦ᭄᭞ᬦᬸᬳᬸᬢᬂᬳᬦᬓᬾᬭᬶᬭᬶᬄ᭞ᬓᬾᬯᬦ᭄ᬢᭂᬦ᭄ᬤᬤᭀᬲ᭄ᬫᬫᬃᬕ᭄ᬕᬶ᭞ᬢᬸᬦᬲ᭄ᬯᬭᬢᬦᬶᬧᬸᬧᬸᬄ᭞ᬮᬸ᭠
ᬤᬶᬦ᭄ᬲᬸᬕᬮ᭄ᬓᬩ᭄ᬮᬓᬲᬦ᭄᭞ᬳᬫᬸᬂᬤᬤᭀᬲᬂᬧᬓᬾᬮᬶᬂ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬭᬋᬓᭀᬦᬦᬓᬾᬗᬸᬘᬧ᭄᭟ᬦᬾᬤᬤᭀᬲ᭄‌ᬫᬹᬃᬤ᭄ᬥᬦᬶᬂᬲᭂᬫ᭄ᬩᬂ᭞ᬯᬦ᭄ᬢᬄᬲᬂᬳ᭄ᬬᬂᬲᬭᬰ᭄ᬯᬢᬶ᭞ᬫᬓᬲᬭᬶᬦᬶᬂᬧᬮᬫ᭄ᬩᬂ᭞ᬳ᭄ᬬᬂᬳ᭄ᬬᬂᬦᬶᬂᬤᬶᬤ᭄ᬥᬦᬶᬂᬓᬯᬶ᭞ᬤᬸᬮᬸ
ᬭᬶᬦᭂᬦᭂᬄᬳᬲ᭄ᬯᬶᬢᬶ᭞ᬦᬸᬦᬲᬂᬭᬶᬂᬳᬚᬶᬅ᭄᭞ᬲᬂᬫᬓᬮᬶᬗ᭄ᬕᬦᬶᬂᬓᬭᬲ᭄᭞ᬤᬸᬫᬤᬓ᭄᭞ᬲ᭄ᬯᬾᬘ᭄ᬙᬗᭂ᭠ᬢᬸᬭᬶᬦ᭄᭞ᬫᬵᬧᬦ᭄ᬢᬸᬮᬸᬲ᭄᭞ᬩᭂᬮᭀᬕ᭄ᬧᭀᬮᭀᬲᬾᬳᬢᬸᬭᬂ᭞ᬳᬶᬤᬫᬳᬗ᭄ᬕᬵᬗ᭄ᬭᬸᬧᬓ᭞ᬢᬶᬢ᭄ᬬᬂᬓᬧ᭄ᬬᬸᬢᬗᬦ᭄ᬳᬸ
ᬭᬶᬧ᭄᭞ᬕᭂᬦᬄᬢᬶᬢ᭄ᬬᬂᬗᬲ᭄ᬢᬧᬬᬂ᭞ᬗᬢᬸᬭᬂᬲᬭᬶᬦᬶᬂᬓᬶᬃᬢ᭄ᬢᬶ᭞ᬰᬸᬪᬓᬃᬫ᭄ᬫᬦᬾᬢᬦ᭄ᬫᬭᬶ᭞ᬫᬗ᭄ᬤᬳᬶᬤᬢᬸᬮᬸᬲ᭄ᬢᬸᬫᬸᬲ᭄᭞ᬫᬸᬗ᭄ᬕᬄᬳᬫᭀᬭᬶᬂᬗᬘᬶᬦ᭄ᬢ᭄ᬬ᭞ᬢᬦ᭄ᬓᭂᬦᬾᬂᬢᬸᬮᬄᬧᬫᬶᬥᬶ᭞ᬢᬶᬢ᭄ᬬᬂᬮᬸᬧᬸᬢ᭄‌ᬳᬦ᭄ᬓᬳᬦᬦ᭄ᬤᬶᬮᬵᬳᬶᬮ᭟
[᭒ 2A]
ᬦᬾᬫᬸᬮᬳᬾᬜ᭄ᬘᭂᬧ᭄ᬲᬸᬭᬵᬢᬂ᭞ᬦᬸᬗ᭄ᬓᬸᬮᬂᬳᬶᬥᭂᬧ᭄‌ᬧ᭄ᬭᬶᬳᬢᬶᬦ᭄᭞ᬳᬧᬂᬯᬾᬦ᭄ᬢᭂᬦ᭄ᬧᬳᬶᬗᭂᬢᬦ᭄᭞ᬦᬸᬳᬸᬢᬂᬤᬺᬱ᭄ᬝᬦᬾᬗᬹᬦᬶ᭞ᬗᬢᬸᬭᬂᬫᬦᬄᬲᬸᬪᬓ᭄ᬢᬶ᭞ᬳᬲ᭄ᬯᬶᬢᬶᬲᬸᬰ᭄ᬭᬸᬱᬵᬦᬸᬮᬸᬲ᭄᭞ᬧᬘᬂᬳᬕ᭄ᬕᭀᬧᬦᬳᬸᬭᬦ᭄᭞ᬭᬶᬂᬳᬶ
ᬤᬳᬦᬓᬾᬮᬶᬗ᭄ᬲᬶᬃ᭞ᬳᬚᬶᬅ᭄᭞ᬧᬶᬲᬤ᭄ᬥᬫᬸᬗ᭄ᬕᬄᬫᬮᬶᬕ᭄ᬬ᭟ᬳᬸᬮᬶᬫᬓᭂᬮᭀᬲᬭᬢᬂ᭞ᬳᬧᬂᬫ᭄ᬭᬲᬶᬤ᭄ᬥᬬᬂᬳᬸᬕᬶ᭞ᬦᬸᬳᬸᬢᬂᬓᭂᬦᭂᬳᬾᬧᬗ᭄ᬓᬄ᭞ᬢ᭄ᬯᬭᬵᬗᬶᬢᬸᬂᬳᬯᬓ᭄ᬫᬶᬲ᭄ᬓᬶᬦ᭄᭞ᬫᬕᭂᬮᬃᬳᬶᬥᭂᬧᬲ᭄ᬣᬶᬢᬶ᭞ᬳᬳᭀᬯᬂᬧ᭄ᬭᬲᬶᬤ
ᬦᬾᬧᬸᬧᬸᬢ᭄᭞ᬫᬬᬄᬳᬸᬢᬂᬭᬶᬂᬓᬯᬶᬢᬦ᭄᭞ᬧᬦᬓᬾᬧᬥᬩᬺᬲᬶᬳᬶᬦ᭄᭞ᬫᬸᬗ᭄ᬕᬄᬢᭂᬤᬸᬦ᭄᭞ᬧᬂᬫᬓᭂᬚᬂᬤᬤᬶᬳᬶᬗ᭄ᬕᬲ᭄᭟ᬦᬾᬮᬓᬃᬧᬢᬸᬢ᭄ᬳᬸᬗ᭄ᬕᬳᬂ᭞ᬤᬾᬯᬢᬤᬾᬯᬢᬷᬲᬫᬶ᭞ᬧᬫᬸᬘᬸᬓ᭄ᬢᬸᬯᬄᬢᬸᬓᬸᬫ᭄ᬧ᭄ᬬᬂ᭞ᬓᬸᬘᬧ᭄᭠
ᬤᬾᬯᬢᬤᬶᬭᬗ᭄ᬓᬶ᭞ᬳᬶᬤᬳᬸᬗ᭄ᬕᬳᬂᬥᬫ᭄ᬧᬶᬢ᭞ᬳᬦᬓᬕᬸᬂᬕ᭄ᬥᬾᬧᬸᬢᬸ᭞ᬓᬳᬶᬭᬶᬂᬳᬦ᭄ᬢᬸᬓ᭄‌ᬢᬸᬧᭂᬓ᭠ᬓ᭄᭞ᬳᬦᬓᬕᬸᬂᬓᭂᬢᬸᬢ᭄‌ᬚ᭄ᬮᬡ᭄ᬝᬶᬓ᭄᭞ᬦᬾᬓᬲᬸᬫ᭄ᬩᬸᬂ᭞ᬤᬾᬯᬢᬦᬶᬚᬫ᭄ᬪᬭᬡ᭟ᬥᬫ᭄ᬧᬢᬶᬳᬶᬤᬳᬸᬗ᭄ᬕᬸᬳᬂ᭞ᬳᬸᬦᬶ [ 3 ][᭒ 2B]
᭒
ᬬᬂᬳᬕᬸᬂᬫᬗᬶᬭᬶᬂ᭞ᬦᬾᬲᬢᬢᬵᬧᬢᬶᬩ᭄ᬭᬢ᭞ᬦᬫ᭄ᬧᬶᬦᬶᬦ᭄ᬲᬳᬸᬭᬳᬭᬶᬄ᭞ᬭᭀᬯᬲ᭄ᬢᬶᬩᬦ᭄ᬫᬗᭂᬫ᭄ᬧᬶ᭞ᬤᬶᬚᬫ᭄ᬪᬭᬡᬵᬦᬾᬫᬮᬸ᭞ᬫᬲᬾᬮᭀᬂᬲᬓᬶᬂᬯᬶᬯᬾᬓ᭞ᬗᭂᬫᬲᬶᬦ᭄ᬫᬢᬶᬢᬶᬗ᭄ᬕᬮ᭄ᬳᬸᬭᬶᬧ᭄᭞ᬫᬧᬦ᭄ᬓᬾᬓᬾᬢᭀ᭞ᬩᭂᬮᬡ᭄ᬥ
ᬦᬾᬫᬶᬢᬸᬤᬸᬳᬂ᭟ᬦᬾᬢ᭄ᬯᬭᬤᬤᬶᬮᬾᬫ᭄ᬧᬲᬂ᭞ᬯᬅ᭄‌ᬳᬕᬸᬂᬳᬶᬤᬢᬦ᭄ᬫᬭᬶ᭞ᬢᬸᬧᭂᬓᬦ᭄‌ᬦᬾᬦᬶᬫᬶᬲ᭄ᬓᬺ᭠ᬥᬫ᭄᭞ᬫᭂᬢᬶᬂᬫᭂᬢᬶᬂᬳᬸᬮᬶᬘᭂᬦᬶᬓ᭄᭞ᬓᬦ᭄ᬢᬶᬤᬤᬶᬩᬸᬓᬚᬦᬶ᭞ᬜᭂᬓᭀᬮᬳᬂᬳᬸᬮᬶᬫᬮᬸ᭞ᬳᬶᬤᬢᭀᬗᭀᬲ᭄ᬓᬧ᭄ᬬᬸ
ᬢᬗᬦ᭄᭞ᬫᬲᬶᬳᬸᬗ᭄ᬕᬳᬂᬤᬶᬰᬸᬘᬶ᭞ᬩ᭄ᬯᬶᬦ᭄ᬢᬢᭂᬮᬸ᭞ᬤᬶᬩᬸᬓᬸᬭᬾᬩᬋᬂᬫᬸᬗ᭄ᬕᬄ᭟ᬳᬦᬓᬕᬸᬂᬕ᭄ᬥᬾᬳᭀᬓ᭞ᬢᬸᬳᬚᬶᬅ᭄‌ᬳᬶᬤᬕᬸᬫᬦ᭄ᬢᬶ᭞ᬦᬾᬦᬾᬫᬸᬮᬵᬫᬗ᭄ᬕᬮᬬᬂ᭞ᬥᬫ᭄ᬧᬢᬶᬳᬶᬩᬸᬅ᭄‌ᬫᬗᬶᬭᬶᬂ᭞ᬓᬳᬶᬭᬶᬂᬳᭀᬓᬵᬳᬲᬶ
ᬓᬶ᭞ᬦᬾᬲᬤ᭄ᬬᬧᭀᬮᬶᬄᬫᬦᬸᬢᬸᬕ᭄᭞ᬳᬦᬓᬕᬸᬂᬫᬥᬾᬳᭀᬓ᭞ᬳᬶᬤᬩᬹᬫᬭᬗᬮᬶᬳᬶᬦ᭄᭞ᬫᬸᬮᬢᬸᬤᬸᬄ᭞ᬤᬾᬯᬾᬓᬾᬚᬦᬶᬫ᭄ᬭᬕᬢᬂ᭟ᬢᬸᬯᬄᬢ᭄ᬮᬸᬂᬤᬰᬮᬶᬬᬸᬦ᭄ᬜᬵ᭞ᬦᬾᬚᬦᬶᬧᬢᬸᬢ᭄ᬲᬗᬶᬳᬶᬦ᭄᭞
[᭓ 3A]
ᬧ᭄ᬬᬦᬓ᭄ᬫᬦ᭄ᬢᬸᬓᬧᭀᬦᬓᬦ᭄᭞ᬫᬓᭂᬚᬂᬦᬾᬮᬸᬄᬫᬸᬯᬦᬶ᭞ᬧᬥᬢᬸᬦᬲᬂᬧᬂᬩᬺᬲᬶᬄ᭞ᬦᬢᬦ᭄ᬢᬶᬬᬶᬲ᭄‌ᬭᬶᬂᬮᬮᬸᬳᬸᬃ᭞ᬳᭂᬦ᭄ᬢᭀᬘᬧ᭄ᬫᬉᬢ᭄ᬢᬫ᭞ᬗᬶᬭᬶᬗᬂᬳᬶᬦᬵᬦᬓ᭄ᬮᬶᬗ᭄ᬲᬶᬃ᭞ᬫᬵᬦᬹᬢ᭄ᬲᬸᬮᬸᬃ᭞ᬦᬾᬧᬢᬸᬢ᭄ᬮᬓᬃᬢᬸᬳᬸᬢᬂ᭟ᬢ᭄ᬯ
ᬭᬳᬤᬮᬓᬃᬕᬩᬕ᭄᭞ᬢᬦᬶᬢᭂᬕᬮ᭄ᬢᬦᬶᬘᬭᬶᬓ᭄᭞ᬧᬘᬂᬤᬤᬶᬳᬸᬢ᭄ᬲᬳᬬᬂ᭞ᬳᬗ᭄ᬕᭀᬧᬶᬦᭂᬮᬲᬾᬲᬫᬶ᭞ᬳᬳᬸᬂᬳᬤᬲ᭄ᬯᬾᬘ᭄ᬙᬦ᭄ᬓᬯᬶ᭞ᬧᬹᬯ᭄ᬯᬳᬸᬫᬳᬩᬸᬗ᭄ᬓᬸᬮ᭄᭞ᬤᬶᬢᬫᬦ᭄ᬅᬭᬶᬬᬾᬲ᭄‌ᬚᬓᬃᬣ᭞ᬤᬸᬓ᭄ᬤᬰᬢᬶ
ᬩᬦ᭄ᬫᬗᭂᬫ᭄ᬧᬶ᭞ᬲᬦᬾᬧᬢᬸᬢ᭄᭞ᬦᬾᬚᬦᬶᬳᬸᬦᬵᬤᬶᬓᬬᬂ᭟ᬲᬹᬓ᭄ᬱ᭄ᬫᬦ᭄ᬫᬦᬳᬳᬾᬳᬢᬸᬭᬂ᭞ᬳᬗ᭄ᬕᭀᬦ᭄ᬤᬸᬮᬸᬭᬦ᭄ᬲᬸᬪᬓ᭄ᬢᬶ᭞ᬫᬰ᭄ᬭᬥᬩᬳᬦ᭄ᬓᬲ᭄ᬓᬬᬵ᭞ᬢᬸᬬᬸᬳᬾᬳᬗ᭄ᬕᭀᬦ᭄ᬫᬓᬶᬃᬢ᭄ᬢᬶ᭞ᬳᭂᬦ᭄ᬢᭀᬧᬶᬦᬓᬵᬲᬲᬚᬶ᭞ᬦᬾᬰᬸᬘᬶ
ᬫᬸᬗ᭄ᬕᬄᬦᬶᬘᬢᬹᬃ᭞ᬳᬗ᭄ᬕᭀᬩᬸᬓᬸᬃᬧᬮᬶᬗ᭄ᬕᬶᬳᬦ᭄᭞ᬢ᭄ᬯᬄᬳᬶᬥᭂᬧ᭄‌ᬧᬕᭂᬄᬳᬲ᭄ᬣᬶᬢᬶ᭞ᬗᬓᬲ᭄ᬮᬶᬬᬸᬕ᭄᭞ᬓᬾᬦ᭄ᬓᬕᭀᬥᬦᬾᬤᬶᬚᬮᬦ᭄᭟ᬳᬢ᭄ᬯᬂᬫᬦᬳᬾᬳᬾᬜ᭄ᬘᭂᬧᬂ᭞ᬩᬺᬲᬶᬳᬶᬦ᭄ᬓᭂᬦᭂᬳᬾᬲᬳᬶ᭞ᬳᬗ᭄ᬕᭀᬩ᭄ᬭᬢᬫ [ 4 ][᭓ 3B]
᭓
ᬉᬢ᭄ᬢᬫ᭞ᬜᬫᬳᬶᬗᬃᬘ᭄ᬘᬦᬯᬶᬥᬶ᭞ᬫᬗ᭄ᬤᬦᬾᬳᬶᬤᬵᬦᬸᬮᬸᬭᬶᬦ᭄᭞ᬤᬵᬫᬗᬾᬢᬂᬪᬬᬓᬾᬯᬸᬄ᭞ᬳᭂᬦ᭄ᬢᭀᬫᬳᬯᬦ᭄‌ᬦᬶᬃᬫᬮ᭞ᬤᬶᬤᬲᬃᬳᬶᬥᭂᬧᬾᬧᬶᬗᬶᬢ᭄᭞ᬳᬗ᭄ᬕᭀᬗᬚᬸᬫ᭄᭞ᬗᬭᬾᬓᬬᬂᬧᬸᬱ᭄ᬧᬵᬮᬶᬗ᭄ᬕ᭟ᬢ᭄ᬯᬭᬳᬤ
ᬦᬾᬳᬦᭂᬮᬂ᭞ᬳᬚᬓ᭄ᬫᬕᬳᬾᬗᬶᬢᬸᬗᬶᬦ᭄᭞ᬳᬶᬗᭂᬢ᭄ᬳᬯᬓ᭄ᬢᬦ᭄ᬧᬩᬵᬮ᭞ᬜᬾᬦ᭄‌ᬩ᭄ᬭᬬᬧᬘᬂᬓᬯᬸᬓᬶᬦ᭄᭞ᬦᬾᬫᬸᬮᬮᬲᬸᬚᬢᬶᬪᬓ᭄ᬢᬶ᭞ᬳᬶᬤᬤᬾᬯᬢᬫᬮᬸ᭞ᬩᬸᬕ᭄ᬩᬸᬕ᭄ᬤᬲᬓ᭄‌ᬮᬦ᭄ᬲᬸᬪᬕᬦ᭄᭞ᬲᬶᬩᭂᬢᬦᬚᬲᬶ
ᬧᭂᬭᬱᬶ᭞ᬫᬸᬯᬄᬧᬮᬥᬸᬂ᭞ᬧᬥᬢᬸᬮᬸᬲ᭄ᬫᬗᬾᬜ᭄ᬘ᭄ᬭᬓᬂ᭟ᬭᭀᬩᬦᬾᬚᬦᬶᬓᭂᬦ᭄ᬥᭂᬮᬂ᭞ᬤᬶᬩᬜ᭄ᬚᬃᬓᭀᬤᭀᬓ᭄ᬕᬸᬫᬦ᭄ᬢᬶ᭞ᬦᬾᬫᬕᬤᬂᬧᭂᬢᭂᬂᬍᬫᬄ᭞ᬘᭂᬦᬶᬓ᭄‌ᬓᭂᬮᬶᬄᬮᬸᬄᬫᬸᬯᬦᬶ᭞ᬧᬥᬕᬃᬕ᭄ᬕᬶᬢᬵᬦᬸᬮᬸᬗᬶᬦ᭄᭞ᬳᬸᬦᬶᬗᬯᬶ᭠
ᬢ᭄‌ᬓᬬᬂᬮᬸᬧᬸᬢ᭄᭞ᬫᬵᬯᬦᬦ᭄‌ᬧ᭄ᬭᬲᬶᬤ᭄ᬥᬮᬜ᭄ᬘ᭞ᬲᬶᬂᬓᬦ᭄ᬢᬶᬧᬘᬂᬜᭂᬗᬳᬶᬦ᭄᭞ᬳᬸᬮᬶᬫᬮᬸ᭞ᬫᬸᬮᬤᬤᬶᬧᬓᬡ᭄ᬥᭂᬮᬦ᭄᭟ᬦᬾᬢ᭄ᬯᬭᬤᬤᬶᬮᬾᬫ᭄ᬧᬲᬂ᭞ᬫᬓᬲᬭᬷᬦᬶᬂᬧᬗᬯᬶ᭞ᬲ᭄ᬯᬾᬘ᭄ᬙᬦ᭄ᬤᬶᬲᬂᬲᬥᬓ᭞ᬰᬶᬯᬩᬸᬤ᭄ᬥ᭠
[᭔ 4A]
ᬦᬾᬲᬂᬓᬮᬶᬄ᭞ᬲᬦᬾᬗᬸᬜ᭄ᬘᬭᬂᬉᬢ᭄ᬧᭂᬢᬶ᭞ᬲ᭄ᬣᬶᬢᬶᬧ᭄ᬭᬮᬶᬡᬫᬫᬸᬧᬸᬢ᭄᭞ᬧᬤᬡ᭄ᬥᬧᬶᬥᬥᬕᬡ᭞᭠ᬦᬾᬧᬕᭂᬄᬧᬸᬕᬸᬄᬗᬲ᭄ᬣᬶᬢᬶ᭞ᬫᬓᬲᬸᬮᬸᬄ᭞ᬓᬳ᭄ᬬᬸᬦ᭄ᬤᬶᬤᬦᬾᬦᬾᬕᬮᬂ᭟ᬫᬸᬮᬧᬗᬡ᭄ᬥᬶᬓᬕᭂᬢᬃ᭞ᬫᬵᬦᬸᬢ᭄ᬲᬮᬶᬂ
ᬲᬶᬮᬶᬳᬲᬶᬄ᭞ᬲᬋᬂᬧ᭄ᬭᬡ᭄ᬥᬯᬬᬦ᭄‌ᬥᬢᬄ᭞ᬧ᭄ᬭᬡ᭄ᬥᬕ᭄ᬭᬶᬬᬤᬯᬦ᭄ᬕᬸᬫᬦ᭄ᬢᬶ᭞ᬲᬫᬶᬳᬲᬶᬄᬲᬓᬶᬂᬗᬹᬦᬶ᭞ᬲᬮᬶᬂᬳᬲᬄᬲᬮᬶᬂᬳᬲᬸᬄ᭞ᬫᬗᬶᬭᬶᬂᬳᬶᬤᬤᬾᬯᬢ᭞ᬲᬗ᭄ᬓᬦᬶᬂᬮᬦᬸᬲ᭄ᬫᬫᬃᬕ᭄ᬕᬶ᭞ᬢᭂᬭᬸᬲ᭄ᬢᬸᬫᬸᬲ᭄᭞ᬲᬶᬤ᭄ᬥᬲᬓᬵᬮ᭠
ᬦᬶᬲ᭄ᬓᬵᬮ᭟ᬍᬕᬦ᭄ᬫᬦᬄᬳᬾᬘ᭄ᬭᬶᬢᬬᬂ᭞ᬕᬸᬭᬶᬢ᭄ᬲᬚᭂᬭᭀᬦᬶᬂᬳᬢᬶ᭞ᬳᬶᬦ᭄ᬤᬶᬓ᭄‌ᬧ᭄ᬭᬡ᭄ᬥᬦᬾᬦᬩ᭄ᬤᬩᬂ᭞᭠ᬗᬯᬾᬲᬓᬮ᭄ᬯᬶᬭᬶᬂᬲᬚᬶ᭞ᬯᬯᬦ᭄ᬢᭂᬦᬦ᭄‌ᬘᬢᬹᬃᬰᬸᬘᬶ᭞ᬲᭀᬧᬓᬭᬲᬶᬤ᭄ᬥᬧᬸᬧᬸᬢ᭄᭞ᬦᬸᬦ᭄ᬢᬸᬦᬶᬦ᭄ᬳᬦᬓ᭄ᬫᬕᬫ᭄ᬕᬫ᭄
᭞ᬫᬗ᭄ᬤᬦᬾᬲᬶᬤ᭄ᬥᬫᬫᬃᬕ᭄ᬕᬶ᭞ᬫᬵᬦᬸᬢ᭄ᬲᬸᬮᬸᬃ᭞ᬗ᭄ᬮᬓ᭄ᬱᬡᬬᬂᬰᬵᬲ᭄ᬢ᭄ᬭᬤᬺᬱ᭄ᬝ᭟ᬧ᭄ᬭᬡ᭄ᬥᬕ᭄ᬥᬾᬧᬲᬸᬭᬸᬯᬦ᭄᭞᭠ᬭᬶᬂᬕ᭄ᬭᬶᬬᬓᬯᬦ᭄ᬕᬸᬫᬦ᭄ᬢᬶ᭞ᬦᬶᬮᬸᬯᬦ᭄ᬥᬾᬰᬲᬶᬩᭂᬢᬦ᭄᭞ᬓᬩ᭄ᬭ᭄ᬬᬸᬓᬶᬦ᭄ᬲᬫᭂᬢᭀᬦ᭄ᬲᬫᬶ᭞ᬭᬶᬂᬕ᭄ᬭᬶᬬᬢᭂᬗᬄᬓᬦ᭄ᬤᬸᬕᬶ [ 5 ][᭔ 4B]
᭔
᭞ᬳᬶᬤᬧ᭄ᬭᬡ᭄ᬥᬳᬶᬲ᭄ᬢ᭄ᬭᬷᬧᬸᬢᬸ᭞ᬦᬾᬮᬶᬗ᭄ᬲᬶᬃᬓᬲᬸᬩ᭄‌ᬯᬶᬤᬕ᭄ᬥ᭞ᬫᬓᬩ᭄ᬥᬗ᭄ᬲᬚᬶᬦᬾᬲᬫᬶ᭞ᬫᬸᬗ᭄ᬕᬄᬢᭂᬤᬸᬦ᭄᭞ᬍᬲᬸᬳᬶᬤᬢᬦ᭄ᬧᬗᬾᬢᬂ᭟ᬳᬶᬤᬧ᭄ᬭᬡ᭄ᬥᬳᬶᬲ᭄ᬢ᭄ᬭᬷᬓᬭᬂ᭞ᬗᬾᬜ᭄ᬘᬓᬂᬭᬳᬶᬦᬯᭂᬗᬶ᭞ᬗᬸᬦ᭄ᬥᬸᬓᬂᬲᬃᬯ᭄ᬯᬩᬩᬦ᭄ᬢᭂᬦ᭄᭞᭠
ᬢᬢᬵᬉᬧᬓᬵᬭᬲᬫᬶ᭞ᬰ᭄ᬭᬗ᭄ᬕᬭᬢᬸᬢᬸᬭᬫᬦᬶᬲ᭄᭞ᬓᬾᬩᭂᬓ᭄‌ᬭᬶᬂᬲᬃᬯ᭄ᬯᬧᬗᬯ᭄ᬭᬸᬄ᭞ᬧᬫᬃᬕ᭄ᬕᬶᬦᬾᬲᬤᬵᬕᬜ᭄ᬘᬂ᭞ᬳᬦᭀᬫ᭄‌ᬧ᭄ᬭᬫᬡᬦᬾᬳᬭᬶᬲ᭄᭞ᬫᬸᬮᬵᬘᬸᬘᬸᬤ᭄᭞ᬗᬶᬭᬶᬗᬕ᭄ᬓᬪᬾᬧᬸᬗ᭄ᬓᬸᬭᬦ᭄᭛᭜᭛
ᬧᬸᬧᬸᬄᬧᬗ᭄ᬓᬸᬃ᭛᭜᭛ᬫᬭᬮᬓᬃᬫᬤᬩ᭄ᬥᬩᬦ᭄᭞ᬧᬸᬧᬸᬢ᭄‌ᬯᬯᬗᬸᬦᬦ᭄ᬧᬬᬚ᭄ᬜᬦᬾᬳᬰ᭄ᬭᬶ᭞ᬢᭂᬓ᭠ᬮᬘᬸᬭᬾᬫᬦᬸᬢᬸᬕ᭄᭞ᬗᬯᬶᬦᬂᬳᬶᬥᭂᬧᬾᬩᬸᬬᬃ᭞ᬤᬯᭂᬕ᭄ᬤᬶᬤᬳᬶᬩᭂᬮᬶᬦᬾᬲᬸᬩᬫᬦᬸᬢ᭄᭞ᬳᬶᬭᬶᬂᬫᬧᬶᬕᬸᬫᬶᬫᬶ
ᬢᬸᬗᬦ᭄᭞ᬮᬮᬶᬲ᭄‌ᬤᬾᬯᬢᬗᬮᬶᬳᬶᬦ᭄᭟ᬳᬦᬓᬕᬸᬂᬫᬥᬾᬳᭀᬓ᭞ᬢᬸᬯᬄᬳᬶᬤᬵᬦᬾᬳᬗ᭄ᬕᭀᬧᬗᬮᬶᬗ᭄ᬲᬶᬃ᭞ᬮᬓᬃᬳᬶᬭᬶᬂᬗᬋᬂᬢᬸᬬᬸᬄ᭞ᬮᬲ᭄‌ᬳᬶᬤᬚᬦᬶᬫᬗᬸᬢᬂ᭞ᬫᬦᬶᬗ᭄ᬕᬮᬶᬦ᭄ᬳᬯᬓᬾᬦᬾ
[᭕ 5A]
ᬲᭂᬤᭂᬂᬩᬶᬜ᭄ᬘᬸᬄ᭞ᬫᬦ᭄ᬢᬸᬓ᭄‌ᬓᬕᬸᬯᬶᬦᬾᬯᬬᬄ᭞ᬢ᭄ᬯᬭᬧᭂᬲᬦ᭄ᬧᬗᬓᬾᬭᬶᬂ᭟ᬬᬦ᭄ᬫᬸᬗ᭄ᬕ᭄ᬯᬶᬂᬧᬶᬦᬸᬗ᭄ᬓᬦ᭄ᬳᬶᬤ᭞ᬭᬶᬂᬳᬸᬮᬸᬦ᭄ᬳᬗᭂᬦ᭄ᬭᬳᬢ᭄ᬫᬯᬦ᭄ᬢᬶᬯᬦ᭄ᬢᬶ᭞ᬓᭂᬜ᭄ᬘᬶᬂᬫᬦᬶᬲ᭄‌ᬮᬸᬤᬶᬦ᭄ᬓᭂᬫ᭄ᬩᬸᬂ᭞ᬲᬲᬫ᭄ᬧᬸᬦ᭄ᬧᬶᬂᬓᬸᬦᬂᬓᬸᬦᬂ᭞ᬫᬧᬭᬶᬓ᭄ᬱᬵ
ᬭᬶᬂᬦᭀᬦ᭄ᬢᭂᬃᬲᬦᬾᬶᬸᬦᬓᬲᬸᬫ᭄ᬩᬸᬂ᭞ᬧᬭᬳᬄᬮᬶᬲᬫ᭄ᬧᬸᬦ᭄ᬧᬰ᭄ᬘᬢ᭄᭞ᬳᬍᬃᬢᬦ᭄ᬲᬶᬤ᭄ᬥᬵᬦᬸᬮᬸᬗᬶᬦ᭄᭟ᬧ᭄ᬭᬲᬶᬤ᭄ᬤ᭄ᬥᬳᬶᬤᬫᬫᬃᬕ᭄ᬕ᭞ᬤᬶᬦᬲᭀᬫᬧ᭄ᬯᭀᬦ᭄‌ᬯᬸᬓᬸᬲᬶᬦ᭄ᬢᬦᭂᬫᭀᬦᬶᬦ᭄᭞ᬭᬶᬂᬭᬸᬫᬄᬲᬓᬶᬢ᭄ᬤᬶᬩᬤᬸᬂ᭞ᬦᬸᬚ᭄ᬯᬂᬤᬶᬲ᭠
ᬦ᭄ᬤ᭄ᬬᬓᬵᬮ᭞ᬩᬢᭂᬓ᭄ᬚᭂᬗᬄᬢ᭄ᬯᬭᬳᬦᬗᬶᬢᬸᬂᬢᬸᬬᬸᬄ᭞ᬲᭂᬩᭂᬢ᭄ᬤᬶᬥᭂᬧᬾᬲᬾᬍᬩᬂ᭞ᬓᬅᬫ᭄ᬮᬵᬧᬸᬭᬫᬯ᭠ᬮᬶ᭟ᬚᬦᬶᬧᬼᬩᭀᬦᬾᬳᬕᭂᬫᬂ᭞ᬤᬾᬯᬲᬦ᭄ᬜᬭᬤᬶᬳᬾᬯᬕᬾᬫᬦᬫ᭄ᬧᬶ᭞ᬳᬧᬂᬧ᭄ᬭᬲᬶᬤᬦᬾᬧᬸᬧᬸᬢ᭄᭞ᬢᬸ᭠
ᬦ᭄ᬢᬲᬂᬮᬯᬸᬢ᭄ᬫᬮᬕ᭄ᬬ᭞ᬗᬶᬭᬶᬂᬳᬶᬤᬤᬾᬯᬳᬢᬫᬸᬗ᭄ᬕᬄᬤᬶᬩᬸᬓᬸ᭞ᬯᬶᬭᬾᬄᬳᬶᬤᬭᬸᬮᬲᬤ᭄ᬬ᭞ᬫᬫᬶᬮᬶᬄᬚᬮᬦ᭄ᬫᬫᬃᬕ᭄ᬕᬶ᭟ᬲᬸᬩᬧ᭄ᬭᬕᬢ᭄ᬫᬧᬶᬕᬸᬫᬦ᭄᭞ᬗᬶᬭᬶᬂᬳᬶᬤᬧ᭄ᬭᬡ᭄ᬥᬦᬾᬗᬳᬾᬲᬚᬶ᭞ᬢᬸᬦᬲᬂᬩᬦ᭄ᬢᭂᬦ᭄ᬧᬫᬸᬧᬸᬢ᭄᭞᭠ [ 6 ][᭕ 5B]
᭕
ᬧᬍᬩᭀᬦ᭄‌ᬦᬾᬫᬉᬢ᭄ᬢᬫ᭞ᬫᬓᬢᬍᬤ᭄ᬩᬓ᭄ᬢᬶᬦᬾᬲᬸᬰ᭄ᬭᬸᬱᬵᬦᬸᬮᬸᬲ᭄᭞ᬫᬜᬫᬓᬮᬶᬄᬫᬯᬭᬂ᭞ᬢᬺᬱ᭄ᬡᬦᬾᬓᬢᭂᬓᬾᬗᬢᬶ᭟ᬳᬤᬹᬄᬓᭂᬲ᭄ᬬᬩᬾᬓᬮᬶᬯᬢ᭄᭞ᬭᬲᬓᬭᬶᬳᬶᬤᬤᬶᬢᬸᬫᬮᬶᬗ᭄ᬕᬶᬄ᭞ᬲᬤᬓᭂᬜᭂ᭠
ᬫ᭄‌ᬲᬸᬫ᭄ᬲᬸᬫ᭄ᬕᬸᬬᬸ᭞ᬳᬶᬭᬶᬗᬂᬩᬋᬂᬫᬝᬶᬃᬣ᭞ᬤᬸᬓ᭄‌ᬲᬭᬰ᭄ᬯᬢᬶᬦᬾᬦᬸᬦᬲ᭄ᬳᬧ᭄ᬝᬸᬧᬸᬗ᭄ᬓᬸ᭞ᬭᬶᬂᬧ᭄ᬭᬡ᭄ᬥᬧᬲᬸᬭᬸ᭠ᬯᬦ᭄᭞ᬫᬦ᭄ᬢᭂᬦᬶᬦ᭄ᬮᭀᬯᬶᬸᬦ᭄ᬢᬃᬤᬶᬮᭀᬚᬶ᭟ᬲᬕᬾᬢ᭄ᬤᬶᬗᭂᬢ᭄ᬢᭂᬓᬾᬦ᭄ᬳᬫᬓ᭄᭞ᬲᬬᬦ᭄ᬳᬸᬯᬵᬗ᭄ᬤᬶᬂᬩᭂᬮᭀᬕᬾᬢᬦ᭄ᬲᬶ
ᬧᬶ᭞ᬦᬫ᭄ᬧᬲ᭄ᬯᬾᬘ᭄ᬙᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬳᬧᬂᬲᬫ᭄ᬧᬸᬦ᭄ᬓᬩᬶᬗᬸᬗᬦ᭄᭞ᬯᬶᬭᬾᬄᬧᬜ᭄ᬚᬚᬮᬦᬾᬦᬾᬧ᭠ᬘᬂᬢᬸᬯᬸᬓ᭄᭞ᬓᭂᬩᬸᬲ᭄ᬩᬭᬦᬾᬢᬳᬦᬂ᭞ᬫᬫᬸᬯᬸᬓ᭄ᬕᬸᬫᬶᬦᬾᬓᬮᬶ᭟ᬓᬮᬶᬬᬸᬕᬦᬾᬫᬫ᭄ᬭᬢ᭄᭞ᬫᬜᬸᬲᬸᬧᬶᬦ᭄ᬤᬤᬶ
ᬕᬕᭀᬤᬦ᭄ᬲᬫᬶ᭞ᬳᬤᬲᬦᬾᬗᬤᬸᬕᬤᬸᬕ᭄᭞ᬫᬫᬸᬜᬶᬲᬤᬮᬫ᭄ᬧ᭄ᬬᬲ᭄᭞ᬲᭂᬩᭂᬂᬧᬸᬜᬄᬲᬮ᭠ᬧ᭄ᬩᬸᬓᬓᬸᬮᬸᬓ᭄ᬜᬮᬸᬂ᭞ᬫᬶᬭᬶᬩ᭄ᬓᬭᬗ᭄ᬲᬸᬓ᭄ᬩᬪᬹᬢᬦ᭄᭞ᬗᬺᬩᬸᬢᬶᬦ᭄‌ᬘᬭᬸᬦᬾᬳᬗᬶᬢ᭄᭟ᬓᬾᬢᭀᬯᬮᬸᬬᬲᬓ
[᭖ 6A]
ᬮ᭞ᬧᭀᬮᬄᬳᬦᬓᬾᬮᬶᬬᬸᬫᬳᭀᬦᭂᬳᬾᬮᬶᬓ᭄᭞ᬧᬶᬰᬸᬳᬲᬬᬦ᭄ᬓᬕᬸᬕᬸ᭞ᬳᬶᬭᬶᬳᬢᬶᬦᬾ᭠ᬗᬯᬶᬦᬂ᭞ᬦᬾᬤᭂᬳᭂᬦᬶᬦ᭄‌ᬜᬲᬳᬶᬳᭀᬭᬳᬂᬧᬵᬢᬸᬢ᭄᭞ᬢ᭄ᬯᬭᬲᬶᬤᬫᬜᭂᬤ᭄ᬲᭂᬤᬂ᭞ᬦᬾᬧᬢᬸᬢ᭄ᬭᬸᬭᬸᬄᬤᭂ
ᬫᭂᬦᬶᬦ᭄᭟ᬫᬸᬮᬚᬦᬶᬧᬳᬶᬤᭂᬭᬳᬦ᭄᭞ᬓᬤᬶᬚᬦ᭄ᬢ᭄ᬭᬧ᭄ᬭᬯᬾᬱᬦ᭄ᬕᬸᬫᬶᬦᬾᬓᬮᬶ᭞ᬦᬾᬩᭂᬢᬾᬦ᭄ᬤᬤᬶᬤᬶᬤᬸᬳᬸᬃ᭞ᬳᬲᬶᬂᬗᬍᬫ᭄ᬓᬤᬾᬦ᭄ᬫᭂᬮᬄ᭞ᬩᬸᬓᬳᬦᬓᬾᬜᬸᬚᬸᬄᬮᬗᬶᬢᬾᬧᭂᬮᬸᬂ᭞ᬫ᭄ᬭᬲᬢᭂᬓᬾᬦ᭄ᬤᬾᬯᬾᬓ᭄ᬚᬫ᭄ᬧ᭄ᬭᬄ᭞ᬢᭀ᭠
ᬮᬶᬄᬩᬸᬮᬸᬦᬾᬦᬸᬕᬸᬤᬶᬕ᭄᭞ᬳᬤᬩᬸᬯᬶᬦ᭄‌ᬬᬦ᭄ᬲᬯᬗᬂ᭞ᬘᬵᬭᬧᬾᬜ᭄ᬚᭀᬃᬦᬾᬦᬾᬩᬾᬗ᭄ᬓᭀᬢ᭄‌ᬬᬧᬬᬲᬶᬦ᭄᭞ᬗᭂᬦᬄᬩᬸᬗᬄᬲᬃᬯ᭄ᬯᬩᬕᬸᬲ᭄᭞ᬦᬾᬦᬾᬍᬲᭂᬃᬢᭀᬳᬜ᭄ᬘᭂᬗᬂ᭞ᬓᬾᬢᭀᬩᬳᬦ᭄ᬫᬃᬡ᭄ᬦᬓᭂᬦᭂ
ᬳᬾᬓᬢᬸᬗ᭄ᬓᬸᬮ᭄᭞ᬤᭂᬲᭂᬲᭂᬓ᭄ᬧᭂᬢᭂᬂᬚᬫ᭄‌ᬤ᭄ᬯᬵ᭞ᬧᬸᬮᬸᬄᬲᬢ᭄ᬯᬭᬜᬦ᭄ᬤᬭᬶᬲ᭄᭟ᬧᬶᬦᬳᬦ᭄ᬲᬸᬩᬤᬲᬼᬫᬄ᭞ᬫᬸᬜᬶᬦ᭄ᬓᭂᬤᬶᬲ᭄ᬘᬭᬸᬓ᭄ᬘᬸᬓᬾᬫᬗᬸᬘᬶ᭞ᬢᬶᬢᬶᬭᬦ᭄ᬢᬶᬢᬶᬃᬗᬢᭂᬗ᭄ᬓᬸᬂ᭞ᬚᬗᬬᬾᬳᬶᬫ᭄ᬩᬮ᭄ᬓᬢᬶᬫ᭄ᬩᬮ᭄᭞ᬩᬦ᭄‌ᬳᬶᬓᭂᬤᬶᬲ᭄ᬓᬸ [ 7 ][᭖ 6B]
᭖
ᬓᬹᬃᬮᬗᭃᬘᭂᬓᬹᬃᬘᭂᬓᬹᬃ᭞ᬲᬦᬾᬲᭂᬭᬩ᭄ᬗᬶᬫ᭄ᬩᬂ᭞ᬗᬤᬳᬲᬶᬄᬳᬫᬗᭂᬗ᭄ᬓᬶᬓ᭄᭟ᬫᬭᬗᬶᬦ᭄ᬤᬭᬗᬶᬦ᭄ᬓᭂᬤ᭠ᬢ᭄᭞ᬦᬶᬗᭂᬄᬕᭀᬯᬓ᭄ᬗᬕᬮᭀᬓ᭄ᬫᬯᬦ᭄ᬢᬶᬯᬦ᭄ᬢᬶ᭞ᬲᬤᬢᬶᬗ᭄ᬮᬶᬲ᭄‌ᬲᬬᬦ᭄ᬮᬸᬮᬸᬢ᭄᭞ᬫᬳᬶᬭᬶᬩ᭄‌ᬬᬫᬦᬸᬤ᭄ᬢᬸᬤᬂ᭞ᬤᬸ᭠
ᬳ᭄ᬓᬶᬢᬦᬾᬦᬾᬲᬶᬂᬤᬤᬶᬳᬸᬯᬳᬸᬯᬸᬄ᭞ᬳᬶᬦ᭄ᬤᬶᬓᬾᬦᬶᬦᬶᬅ᭄‌ᬕᬸᬡᬓ᭄ᬱᬵ᭞ᬤᬶᬢᬶᬃᬣᬕᬗ᭄ᬕᬵᬗᬮᬳᬶᬦ᭄᭟ᬭᬲᬤᬶᬤᬸᬯᬸᬃᬗᬫ᭄ᬩᬭ᭞ᬳᬤᬓᭂᬤᬶᬲ᭄ᬢᬸᬳᬸᬦᬶᬫ᭄ᬩᬮᬶᬦ᭄᭞ᬢᬸᬯᬭᬫᬳᬂᬫᭂᬭᬄ᭞ᬤᬢᬤᬢᬩᬓᬗ᭄ᬭᬫ᭄ᬩᬂ᭞
ᬫᬢ᭄ᬯᬶᬮᬶᬗᬂᬫᬗ᭄ᬤᬦᬾᬢ᭄ᬯᬭᬓᬲ᭄ᬮᬶᬫᬹᬃ᭞ᬩᭂᬘᬶᬓᬂᬭᬢᬸᬧᬕᭂᬳᬂ᭞ᬓᬬᬸᬦᬾᬫᬗ᭄ᬤᬦᬾᬢᬶᬮᬶᬂ᭟ᬬᬤ᭄ᬬᬲ᭄ᬢᬸᬦ᭄ᬓᬤᬸᬳ᭄ᬓᬢᬦ᭄᭞ᬳᬦ᭄ᬢᬸᬓ᭄ᬘᬸᬦ᭄ᬢᬓᬦᬾᬢᬦ᭄ᬢᭂᬮᬕ᭄ᬫᬕᬶᬮᬶᬃ᭞ᬲᬵᬫ᭄ᬧᬸᬦᬂᬭᬢᬸᬫᬫᬸᬭᬸᬕ᭄᭞ᬫᬮᬶᬳᬸᬢ᭄ᬲᬳᬬᬂᬕᬮᬄ᭞ᬤᬾᬯᬲ
ᬦᬾᬜᬸᬘᬶᬫᬗ᭄ᬤᬫᬦᬹᬢ᭄ᬲᬸᬮᬸᬃ᭞ᬓᬾᬢᭀᬬᬦ᭄ᬧᬃᬡ᭄ᬦᬕᬸᬭᬶᬢᬂ᭞ᬳᬶᬢᬸᬳᬸᬢᬸᬳᬸᬦᬸᬢᬸᬭᬶᬦ᭄᭛᭜᭛ᬧᬸᬧᬸᬄᬤᬸᬃᬫ᭄ᬫ᭛᭜᭛ᬲᬸᬩᬵᬮᬶᬯᬢ᭄ᬧᬢ᭄‌ᬮᬶᬓᬸᬃᬤᬶᬦᬵᬲᭂᬩᭂᬮᬂ᭞ᬩᬸᬓᬢᬸᬤᬸᬄᬲᬂᬳ᭄ᬬᬂᬓᬯᬶ᭞ᬕᬮᬂᬫᬲᭂᬭ᭄ᬬ
[᭗ 7A]
ᬓ᭄᭞ᬢᭂᬓᬳᬶᬥᭂᬧᬾᬮᬶᬬᬂ᭞ᬚᬕᬶᬫᬗᬯᬶᬢᬶᬦ᭄ᬜᬸᬘᬶ᭞ᬭᬾᬄᬯᬯᬦ᭄ᬢᭂᬦᬦ᭄‌ᬧᬸᬧᬸᬢ᭄ᬤᬶᬕ᭄ᬭ᭄ᬬᬲᬫᬶ᭟ᬩᬸᬤ᭄ᬥᬫ᭠ᬦᬶᬲ᭄ᬓᬸᬮᬦ᭄ᬢᬶᬃᬭᬯᬸᬄᬤᬶᬦᬦ᭄ᬜᬵ᭞ᬧᬹᬃᬦᬫᬫᬶᬸᬓᬲᬵᬫᬦᬫ᭄ᬧᬶ᭞ᬚᬸᬮᬶᬢᬗ᭄ᬓᬮ᭄ᬢᬶᬕ᭞ᬩᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬫᬩᭂᬜ᭄ᬘᬄ᭞ᬓᭂᬢᬸᬗ᭠
ᬦ᭄ᬓᬸᬭᬸᬄᬫᬦᬸᬗ᭄ᬢᬶᬢ᭄᭞ᬤᬶᬧᬫᬭᬚᬦ᭄᭞ᬲᬸᬦ᭄ᬤᬭᬶᬦᬾᬜᬢᬹᬃᬳᬰ᭄ᬭᬶ᭟ᬳᬸᬮᬶᬤᬶᬚᬢᭂᬓᬦ᭄ᬤᬗᬶᬦᬾᬫᬲ᭄ᬭᬶ᭠ᬗᬫ᭄ᬧᭂᬄᬳᬶᬘᬵᬫ᭄ᬧᬓᬓᬸᬦᬶᬂ᭞ᬗᬮᬸᬩ᭄ᬫᬳᬶᬓ᭄ᬲᬸᬫᬵᬃ᭞ᬫᬳᬶᬭᬶᬩ᭄‌ᬬᬢᬕᬶᬳᬮᬧ᭄᭞ᬳᬗ᭄ᬕᭀᬗᬢᬸᬭᬂᬲᬸᬪᬓ᭄ᬢᬶ᭞ᬧᬂᬲᬶ
ᬤ᭄ᬥᬲᬤ᭄ᬬ᭞ᬩᬋᬂᬫᬸᬗ᭄ᬕᬄᬭᬶᬂᬤᭀᬦ᭄ᬩᬶᬗᬶᬦ᭄᭟ᬩᬸᬯᬶᬦ᭄ᬩᬸᬗᬦ᭄ᬫᬥᬸᬭᬶᬧᬸᬢᬶᬄᬫᬲ᭄ᬮᬶᬬᬩ᭄᭞ᬤᬶᬤᬗᬶᬦ᭄ᬩᬮᬾ᭠ᬧᬧᭂᬮᬶᬓ᭄᭞ᬦᬕᬶᬄᬫᬶᬮᬸᬳᬮᬧ᭄᭞ᬗᬶᬭᬶᬂᬗᬚᬸᬫ᭄ᬗᬭᬾᬓᬵ᭞ᬫᬲᬦ᭄ᬤᬶᬂᬳᬶᬭᬵᬢ᭄ᬦᬧᬸᬢᬶᬄ᭞ᬧᬂᬫᬩᬋᬗᬂ᭞ᬲᬓᬃᬲᬸᬮᬵ
ᬰᬶᬳᬾᬲᬸᬘᬶ᭟ᬓᬾᬢᭀᬲᬃᬯ᭄ᬯᬲᭂᬓᬭᬾᬗᭂᬦᬄᬕᬃᬕ᭄ᬕᬶᬢ᭞ᬫᬶᬭᬶᬩ᭄‌ᬬᬲᬮᬶᬂᬳᬸᬮᬧᬶᬦ᭄᭞ᬫᭂᬍᬤ᭄ᬧᬤᬗᬸᬬᬸᬄ᭞ᬭᬶᬂᬭᬾᬓᬵᬧᬸᬱ᭄ᬧᬮᬶᬗ᭄ᬕ᭞ᬗᬢᬸᬭᬂᬳᬯᬓ᭄ᬲᬸᬪᬓ᭄ᬢᬶ᭞ᬬᬦ᭄ᬢᭀᬂᬧᬃᬡ᭄ᬦᬬᬂ᭞ᬕᬸᬭᬶᬢᬸᬗ᭄ᬕᬳᬂᬧᬗᬯᬶ᭟ᬧ᭄ᬭᬡ᭄ᬥᬳᬶᬲ᭄ᬢ᭄ᬭᬷ [ 8 ][᭗ 7B]
᭗
ᬧᬸᬢᬸᬫᬗᬸᬜ᭄ᬘᬭᬯᬾᬤ᭞ᬲ᭄ᬯᬭᬦ᭄ᬕᭂᬦ᭄ᬢᬦᬾᬦᬾᬢᬶᬗ᭄ᬮᬶᬲ᭄᭞ᬦᬸᬮᬸᬭᬶᬦ᭄ᬗᬲ᭄ᬣᬯ᭞ᬳ᭄ᬬᬂᬯᬶᬥᬶᬫᬗ᭄ᬤᬜᬓ᭄ᬱᬶᬬᬂ᭞ᬓᬶᬭᬶᬂᬪᬝᬵᬭᬪᬝᬵᬭᬶ᭞ᬗᬓ᭄ᬱᬶᬲᬦ᭄ᬢᬦ᭞ᬗᬕᭂᬫᬂᬬᬚ᭄ᬜᬦᬾᬲᬸᬘᬶ᭟ᬦᬶᬫ᭄ᬓᬮ᭄‌ᬲ᭄ᬯᬭᬦ᭄ᬯᬮᬂᬳᬸᬫᬸᬗᬾᬫᬦ᭄ᬭᬯᬂ᭞ᬫᬶᬭᬶᬩ᭄
ᬬᬲᬮᬶᬂᬢᭂᬫ᭄ᬩᬗᬶᬦ᭄᭞ᬭᬶᬂᬲ᭄ᬯᬭᬦ᭄ᬢᬗ᭄ᬕᬸᬭᬦ᭄᭞ᬢᬶᬮᬶᬂᬩᬋᬂᬗᬃᬘ᭄ᬙᬦ᭞ᬫᬫᬸᬚᬶᬳ᭄ᬬᬂᬫᬵᬳᬲᬶᬤ᭄ᬥᬶ᭞ᬧᬂᬓᬤᬸᬮᬸᬭᬦ᭄᭞ᬧᬤᬕᬶᬗᬦᬾᬫᬲᬵᬭᬷ᭟ᬲᬶᬬᭀᬲ᭄ᬫᬮᬶᬄᬦᬶᬧᬸᬗ᭄ᬓᬸᬃᬧ᭄ᬭᬡ᭄ᬥᬫᬯᬾᬤ᭞ᬧᬧᬯᭀᬲᬦ᭄‌ᬧ᭄ᬭᬯᬅᬤᬶ᭞ᬦᬾ
ᬢᬦ᭄ᬤᬤᭀᬲ᭄ᬧᬲᬄ᭞ᬮᬭᬧᬫ᭄ᬲᬶᬤ᭄ᬥᬓᬵᬃᬬ᭄ᬬ᭞ᬕᬸᬲ᭄ᬢᬶᬫᬺᬥᬸᬦᬾᬫᬲᬦᬶᬦ᭄᭞ᬫᬗᬼᬗ᭄ᬓᬭᬬᬂ᭞ᬳᬶᬤᬩᬕᬸᬲ᭄ᬓᭂᬢᬸᬢ᭄‌ᬭᬳᬶ᭟ᬲᬵᬫ᭄ᬧᬸᬦ᭄ᬢᭂᬋᬫ᭄‌ᬚᬫ᭄ᬲᭀᬮᬲ᭄ᬲᬫᬶᬫᬦᬫ᭄ᬧ᭄ᬬᬕ᭄᭞ᬲᬫᭂᬢᭀᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬗᬕᭂᬫ᭄ᬧᬫᬸᬱ᭄ᬧᬬ
ᬦ᭄᭞ᬲ᭄ᬯᬪᬯᬧᬥᬳᬾᬕᬃ᭞ᬤᬸᬮᬸᬭᬶᬦ᭄ᬓᬬᬸᬦ᭄ᬤᬲ᭄ᬣᬶᬢᬶ᭞ᬲᬫᬶᬦᬸᬦᬲᬂ᭞ᬫᬗ᭄ᬤᬮᬦᬸᬲ᭄ᬲᬶᬤ᭄ᬥᬓᬶᬃᬢ᭄ᬢᬶ᭟ᬘᬭᬶᬢᬬᬂᬲᬵᬫ᭄ᬧᬸᬦ᭄ᬫᬶᬢᬸᬂᬦᬶᬦᬵᬦ᭄ᬓᬵᬃᬬ᭄ᬬ᭞ᬭᬶᬂᬳ᭄ᬬᬂᬇᬕᬸᬫᬧᬚᬵᬢᬶ᭞ᬳ᭄ᬬᬂᬳ᭄ᬬᬂᬦᬶᬂᬧᬶᬢᬭ᭞ᬫᬗ᭄ᬤᬢᬦ᭄ᬓᬢᬦ᭄ᬤ᭄ᬭᬸᬳᬦ᭄᭞ᬫᬶᬢᬸ᭠
[᭘ 8A]
ᬯᬶᬬᬃᬫᬦᬄᬚᬵᬢᬶ᭞ᬕᬮᬂᬫᬮᬶᬮᬂ᭞ᬗᬸᬗ᭄ᬓᬳᬂᬤᬾᬯᬢᬲᬫᬶ᭟ᬓᬮᬦ᭄ᬢᬸᬭᬂᬫᬮᬶᬄᬳᬦ᭄ᬢᬸᬓ᭄ᬧᬫᬮᬲ᭄ᬧᬲ᭄᭞ᬩᬸᬓᬹᬃᬯᬯᬗᬸᬦᬦ᭄ᬲᬫᬶ᭞ᬩᬮᬾᬧᬯᬾᬤᬬᬦ᭄᭞ᬦᬾᬲᬫ᭄ᬧᬸᬦ᭄ᬲᬫᬶᬳᬬᬲ᭄᭞ᬩᬮᬾᬧᬗ᭄ᬮᬶᬯᭂᬗᬦ᭄ᬫᬸᬗᬶᬮ᭄᭞᭠
ᬫ᭄ᬯᬄᬲᬗ᭄ᬮᬃᬢᬯᬂ᭞ᬧᬬᬚ᭄ᬜᬦ᭄ᬫᬳᬜ᭄ᬘᬓ᭄ᬱᬚᬶ᭟ᬤᬶᬩᬜ᭄ᬘᬶᬗᬄᬩᬮᬾᬩᬸᬦ᭄ᬤᭂᬭᬾᬫᬧᬬᬲ᭄᭞ᬩᬮᬾᬧᬕᭀᬗᬦᬾᬗᬶᬗ᭄ᬕᬶᬮ᭄᭞ᬯᬯᬭᬸᬗᬾᬫᬸᬦ᭄ᬢᬩ᭄᭞ᬧᬘᬂᬕᭂᬦᬄᬧᬢᬫ᭄ᬬᬸᬯᬦ᭄᭞ᬳᬶᬮᬾᬦᬶᬮᬾᬦ᭄‌ᬮᬦ᭄ᬩᬩᬮᬶ᭞ᬦᬾᬗᭂᬦᬄᬩᬸ
ᬗᬄ᭞ᬩᬸᬓᬹᬭᬾᬢᬢᬶᬕᬳᬰ᭄ᬭᬶ᭟ᬧ᭄ᬭᬡ᭄ᬥᬕ᭄ᬥᬾᬧᬶᬥᬥᬕᬡᬫᬧᬹᬚ᭞ᬫᬓᬥᬂᬕᬸᬭᬸᬚᬵᬢᬶ᭞ᬗᬸᬜ᭄ᬘᬭᬂᬳᬲ᭄ᬣᬯ᭞ᬧᬫ᭄ᬩᬂᬧᬩᬺᬲᬶᬳᬦ᭄᭞ᬫᬶᬭᬶᬩ᭄‌ᬪᬕᬯᬵᬦ᭄‌ᬯ᭄ᬭᬲ᭄ᬧᬢᬶ᭞ᬗᭂᬤᬸᬦ᭄ᬗᬦ᭄ᬢᭂᬕᬂ᭞ᬲᬮ᭄ᬯᬶᬃᬲᬲᬚᬾᬦᬾᬲᬫᬶ᭟ᬭ
ᬭᬶᬲ᭄ᬤᬶᬦᬗᬫᬃᬕ᭄ᬕᬶᬬᬂᬪᬸᬫᬶᬲᬸᬤ᭄ᬥ᭞ᬫᬗ᭄ᬤᬦᬾᬲᬫᬶᬩᬺᬲᬶᬄ᭞ᬢᬸᬃᬫᬢᭂᬧᬸᬂᬢᬯᬃ᭞ᬧ᭄ᬭᬡ᭄ᬥᬕ᭄ᬥᬾᬧᬲᬸᬭ᭄ᬯᬦ᭄᭞᭠ᬭᬭᬶᬲ᭄ᬦᬸᬮᬸᬭᬶᬦ᭄ᬫᬗᬺᬲᬶᬓ᭄᭞ᬲᬯᬯᬗᬸᬦᬦ᭄᭞ᬧ᭄ᬭᬡ᭄ᬥᬳᬶᬲ᭄ᬢ᭄ᬭᬶᬓᬭᬂᬗᬶᬭᬶᬂ᭟ᬭᬯᬸᬄᬳᬶᬤᬧᬤᬡ᭄ᬥᬰᭂᬢᬸᬢ᭄‌ᬦᬸᬯ [ 9 ][᭘ 8B]
᭘
ᬪ᭞ᬧᬤᬡ᭄ᬥᬳᬶᬲ᭄ᬢ᭄ᬭᬶᬢᬦ᭄ᬫᬭᬶ᭞ᬗᬶᬭᬶᬂᬫᬓᭂᬫ᭄ᬩᬭᬦ᭄᭞ᬧᬤᬡ᭄ᬥᬓᬦᬶᬢᬾᬦ᭄‌ᬢᬦ᭄ᬲᬄ᭞ᬫᬫᬸᬢ᭄ᬭᬹᬫᬫᬯᭀᬲ᭄ᬅᬤᬶ᭞ᬕᭂᬢᬃᬲᬃᬚ᭄ᬚᬯ᭞ᬓᬤᬶᬧ᭄ᬭᬪᬸᬥᬂᬥᬂᬕᭂᬡ᭄ᬥᬶᬲ᭄᭛᭜᭛ᬧᬸᬧᬸᬄᬥᬂᬥᬂ᭛᭜᭛ᬳᬢᬹᬃᬢᬶᬢ᭄ᬬᬂ
ᬳᬶᬥᬂᬥᬂᬭᬯᬸᬄᬢᬗ᭄ᬓᬶᬮ᭄᭞ᬗᬯᭂᬓᬲᬂᬢᬶᬢ᭄ᬬᬂᬓᬤᬯᬸᬳᬦ᭄᭞ᬕᬸᬫᬦ᭄ᬢᬶᬫᬸᬦ᭄ᬤᬸᬢ᭄‌ᬢᬶᬃᬣᬦᬾ᭞ᬳᬶᬤ᭠ᬳᬚᬶᬦ᭄‌ᬘᭀᬓᭀᬭᬶᬭᬢᬸ᭞ᬗᬸᬢᬸᬲ᭄ᬢᬶᬢ᭄ᬬᬂᬧᬋᬓ᭄‌ᬫ᭄ᬭᬶᬓᬶ᭞ᬳᬦᬓᬕᬸᬂᬓᭂᬢᬸᬢ᭄ᬓᬭᬂ᭞ᬲᬂᬫᬓᬧᬫᬸᬘᬸᬓ᭄᭞ᬗᬾᬦ᭄ᬢᭂ
ᬭᬂᬳᬦᬓᬾᬫᭂᬦ᭄ᬤᬓ᭄᭞ᬫᬭᬭᬫ᭄ᬬᬦ᭄᭞ᬕᭀᬢᬫ᭄ᬗᬸᬃᬯᬃᬕ᭄ᬕᬲᬭᬶ᭞ᬫᬧᬾᬳᬾᬦ᭄ᬧᬜ᭄ᬚᬂᬧᬶᬲᬦ᭄᭟ᬲᬵᬫ᭄ᬧᬸᬦᬬᬲ᭄‌ᬭᬶᬂᬢᬸᬓᬤ᭄ᬚᬗ᭄ᬤᬵᬗᬯᬶᬢ᭄᭞ᬲᬫᬶᬦᬫ᭄ᬧ᭄ᬬᬕ᭄‌ᬲᬳᬵᬢᬢᬩᬸᬳᬦ᭄᭞ᬜᬦ᭄ᬢᭀᬲ᭄ᬭᬯᬸᬄᬧᬫᬸᬦ᭄ᬤᬸ᭠
ᬢᬾ᭞ᬲᬓᬶᬂᬕ᭄ᬭᬶᬬᬧᬶᬥᬥᬓ᭄ᬮᬸᬂᬓᬸᬂ᭞ᬫᬳᬶᬭᬶᬗᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬦᬾᬕᬸᬫᬦ᭄ᬢᬶᬜᬭᬢᬂ᭞ᬫᬗ᭄ᬤᬲᬋᬂᬗ᭠ᬚᬸᬫ᭄᭞ᬗᬭᬾᬓᬵᬪᬝᬭᬶᬮᬶᬗ᭄ᬕᬵ᭞ᬦᬾᬉᬢ᭄ᬢᬫ᭞ᬪᬝᬭᬶᬲᬶᬦ᭄ᬤᬸᬕᬸᬫᬦ᭄ᬢᬶ᭞ᬧᬘᬂᬫᬸᬘᬸᬓ᭄ᬧᬫᭂᬓᬲ᭄᭟
[᭙ 9A]
ᬓᬾᬢᭀᬩᬳᬦ᭄ᬤᬶᬥᭂᬧᬾᬫᬗ᭄ᬭᬶᬜ᭄ᬘᬶ᭞ᬗᬸᬫ᭄ᬧᬫᬬᬂᬳᬸᬗ᭄ᬕᬳᬂᬧᬗ᭄ᬭᬶᬧ᭄ᬢ᭞ᬫᬓᬲᬹᬓ᭄ᬱ᭄ᬫᬦ᭄ᬫᬦᬳᬾ᭞ᬫᬗ᭄ᬤᬤᬤᭀᬲ᭄ᬢᬍᬤ᭄ᬳᬢᬹᬃ᭞ᬭᬶᬂᬳᬶᬤᬲᬂᬯᬳᬸᬧ᭄ᬭᬧ᭄ᬢᬶ᭞ᬢᬹᬃᬦᬸᬦᬲ᭄ᬧᬗᬫ᭄ᬧᬸᬭ᭞ᬳᬶᬭᬶᬂᬗ᭄ᬭᬭᬶᬲ᭄ᬗᬚᬸᬫ᭄᭞ᬩᬾᬜ᭄ᬚᬂᬫᬧᬹᬃᬯ᭄ᬯᬤ
ᬓ᭄ᬱᬶᬡ᭞ᬧᬗᬸᬧᭂᬢ᭄ᬬᬦ᭄᭞ᬫᬗ᭄ᬤᬧ᭄ᬭᬲᬶᬤ᭄ᬥᬗᬯᬶᬢᬶᬦ᭄᭞ᬓᬵᬃᬬ᭄ᬬᬦᬾᬲᬋᬂᬤ᭄ᬭᬸᬯᬾᬦᬂ᭟ᬳᬶᬭᬶᬂᬫᬗ᭄ᬓᬶᬦ᭄ᬳᬦ᭄ᬢᬸᬭᬂᬫᬗᬸᬭᬶᬢ᭄᭞ᬘᬭᬶᬢᬬᬂᬗᬯᬶᬢᬶᬦ᭄ᬗᬫ᭄ᬩᬶᬮᬂ᭞ᬗᬸᬢ᭄ᬧᭂᬢᬶᬤᬶᬦᬦ᭄ᬓᬵᬃᬬ᭄ᬬᬦᬾ᭞ᬰᬰᬶᬄᬓᬭᭀᬓᬭᬸᬭᬸᬄ᭞ᬢᬗ᭄ᬓ
ᬮ᭄ᬧᬶᬂᬧᬶᬲᬦ᭄‌ᬦᭂᬫᭀᬦᬶᬦ᭄᭞ᬰᬸᬓ᭄ᬭᬧᬳᬶᬂᬤᬶᬦᬦ᭄ᬜ᭞ᬯᬭᬕᬸᬫ᭄ᬩᬺᬕ᭄‌ᬦᬸᬚᬸ᭞ᬲᬥᬸᬰᬹᬤ᭄ᬥᬲᬗᬦᬸᬗ᭄ᬕᬮ᭄᭞ᬇᬰᬓᬦ᭄ᬬ᭞ᬢᬗ᭄ᬕᬮ᭄ᬲᬶᬬᬗᭀᬮᬲ᭄‌ᬚᬸᬮᬶ᭞ᬢᬳᬸᬦ᭄‌ᬳᬸᬮᬸᬂᬤᬰᬮᬶᬫ᭟ᬗᭂᬤᬲᬼᬫᬓᬸᬮ᭄ᬓᬸᬮᬾᬫᬦᬸᬗ᭄ᬢᬶᬢ᭄᭞
ᬲᬮᬶᬂᬢᬶᬫ᭄ᬩᬮ᭄ᬢᬫ᭄ᬩᬸᬃᬩᬩᬦ᭄ᬤ᭄ᬭᬗᬦ᭄᭞ᬳᬸᬫ᭄ᬯᬂᬲ᭄ᬯᬭᬦ᭄‌ᬩᬼᬕᬜ᭄ᬚᬸᬭᬾ᭞ᬮᬦᬂᬳᬶᬲ᭄ᬢ᭄ᬭᬶᬫᬩ᭄ᬭᬶᬬᬸᬓ᭄᭞ᬫᬧᬬᬲ᭄ᬲᬫᬶᬗᬗᭀᬩᬶᬦ᭄᭞ᬧᬸᬢᬶᬄᬓᬸᬦᬶᬂᬧᬧ᭄ᬭᬤᬬᬦ᭄᭞ᬲᬳᬵᬚᭀᬮᬶᬳᬕᬸᬂ᭞ᬓᬓᬮᬶᬄᬦᬾᬧᬘᬂᬫᭂᬦ᭄ᬤᬓ᭄᭞ [ 10 ][᭙ 9B]
᭙
ᬓᬲᬓᬸᬣ᭞ᬢᬶᬃᬣᬧᬯᬶᬢ᭄ᬭᬦᬾᬋᬱᬶᬓ᭄᭞ᬦᬾᬓᬵᬢᬹᬃᬓᬧᬬᬚ᭄ᬜᬵᬦ᭄᭟ᬯᬾᬦ᭄ᬢᭂᬦ᭄ᬫᬮᬶᬄᬫᬕ᭄ᬭᬸᬤᬸᬕ᭄‌ᬫᬯᬗ᭄ᬲᬶᬢ᭄᭞ᬧᬜᬢᬸᬲᬦ᭄‌ᬤᭂᬳᬵᬮᬦ᭄ᬢᬭᬸᬡ᭞ᬲᬓᬶᬂᬩᬸᬗ᭄ᬳᬬᬧ᭄ᬭᬢᬸᬳᬾ᭞ᬫᬸᬦ᭄ᬥᬸᬢ᭄ᬪᬝᬵᬭᬩᬕᬸᬲ᭄᭞ᬦᬾ
ᬓᬳᬸᬯᬸᬃᬗᬮᬶᬗ᭄ᬕᬦᬶᬦ᭄᭞ᬗᬶᬘ᭄ᬙᬾᬦ᭄ᬓᬭᬳᬬ᭄ᬯᬦ᭄᭞ᬢᬦ᭄ᬓᬩᬬᬓᬾᬯᬸᬄ᭞ᬮᬸᬧᬸᬢᬭᬶᬂᬳᬶᬫᬵᬳᬶᬮ᭞ᬲᬃᬯ᭄ᬯᬬᬚ᭄ᬜᬵ᭞ᬢᬦ᭄ᬓᭂᬦᬾᬂᬢᬸᬮᬄᬧᬫᬶᬥᬶ᭞ᬲᬓᬵᬋᬧ᭄ᬲᬶᬤ᭄ᬥᬓᬵᬃᬬ᭄ᬬ᭟ᬚᬫ᭄ᬲᭂᬫ᭄ᬩᬶᬮᬦ᭄‌ᬧᬤᬡ᭄ᬥᬦᬾᬗᬯᬶᬢ᭄᭞ᬫᬗᬃ
ᬘ᭄ᬙᬦ᭞ᬫᬯᬾᬤᬫᬫᬸᬗ᭄ᬓᬄ᭞ᬗᬢᬸᬭᬂᬲᬸᬘᬶᬘᬢᬸᬭᬾ᭞ᬗ᭄ᬭᬭᬶᬲ᭄‌ᬭᬵᬫ᭄ᬬᬫᬓᬸᬫ᭄ᬧᬸᬮ᭄᭞ᬧᬭᬲᬲᬫᭂᬢᭀᬦᬾᬲᬫᬶ᭞ᬗᬩᭂᬫ᭄ᬧᬹᬃᬯ᭄ᬯᬘᬓ᭄ᬱᬶᬡ᭞ᬢᬦ᭄ᬫᬭᬶᬧᬦᬸᬦ᭄ᬢᬸᬦ᭄᭞ᬭᬶᬂᬳᬚᭂᬂᬪᬝᬵᬭᬶᬮᬶᬗ᭄ᬕᬵ᭞ᬫᬳᬶᬭᬶᬗᬦ᭄᭞ᬓᬓᬯᬶ
ᬦ᭄ᬮᬦ᭄‌ᬯᬃᬕ᭄ᬕᬲᬭᬶ᭞ᬳᬸᬫ᭄ᬯᬂᬧᬲᬮᬶᬂᬢᬶᬫ᭄ᬩᬮ᭄᭟ᬮᬸᬯᬸᬂᬗᭂᬦᬄᬧᬸᬧ᭄ᬱᬮᬶᬗ᭄ᬕᬲᬫᬶ᭞ᬫᬵᬫ᭄ᬓᬃᬳᬫ᭄ᬩᬃ᭞ᬫᬭᬾᬭᭀᬤ᭄ᬫᬶᬍᬳᬦ᭄᭞ᬧᬶᬂᬢᭂᬮᬸᬮᬶᬯᬢ᭄ᬩᬸᬓᬸᬭᬾ᭞ᬫᬳᬶᬭᬶᬗᬦ᭄‌ᬚᭂᬕᬾᬕ᭄ᬓᬕᬸᬲ᭄᭞ᬤᭂᬳᬵᬢ᭄ᬭᬸᬓᬦᬾᬫᬲᭂᬮᬶᬓ᭄᭞᭠
[᭑᭐ 10A]
ᬦᬾᬭᬯᬸᬄᬲᬓᬶᬂᬅᬲᬓ᭄᭞ᬕᭂᬮᬸᬗᬾᬫᬵᬲ᭄‌ᬫᬸᬭᬸᬩ᭄᭞ᬓᬫ᭄ᬩᭂᬦ᭄ᬲᬲᭀᬗ᭄ᬓᬾᬢᬦ᭄᭞ᬗᭂᬦᬄᬩᬸᬗᬄ᭞ᬭᬭᬲᬾᬫᬲᭂᬫᬸᬓᭂᬜᬶᬂ᭞ᬲᭂᬩᭂᬂᬲᬫᬶᬕᬃᬕ᭄ᬕᬶᬢ᭟ᬬᬦ᭄ᬲᬯᬗᬂᬳᬸᬗ᭄ᬓᬳᬂᬤᬶᬕᬸᬭᬶᬢ᭄᭞ᬩᬸᬓᬵᬳᬶᬤᬲᬂᬧᬜ᭄ᬘᬧᬡ᭄ᬥᬯ᭞
ᬗᬶᬍᬳᬶᬦ᭄ᬫᬳᬵᬫᬾᬭᬸᬦᬾ᭞ᬫᬫᬶᬭᬶᬕ᭄ᬲᬫ᭄ᬧᬶᬄᬕᬸᬦᬸᬂ᭞ᬰᬶᬯᬮᭀᬓᬦᬾᬓᬳᬸᬗ᭄ᬲᬶ᭞ᬲᭂᬓᬵᬲᬶᬓᬶᬦᬶᬗ᭄ᬕᬮ᭄᭞ᬢ᭄ᬯᬄᬲᬂᬥᬃᬫ᭄ᬫᬧᬸᬢᬸᬲ᭄᭞ᬦᬾᬦᬾᬫ᭄ᬭᬲᬶᬤ᭄ᬥᬬᬂᬦᬶᬜ᭄ᬘᬧ᭄᭞ᬲᬼᬩᭀᬗ᭄ᬓᭀᬳᬦ᭄᭞ᬢᬸᬫᬸᬲ᭄ᬓᬲᬶᬤ᭄ᬥᬦ᭄ᬧ᭄ᬭᬧ᭄ᬢᬶ᭞
ᬭᬯᬸᬄᬭᬶᬂᬰᬶᬯᬮᭀᬓ᭟ᬭᬶᬂᬧᬸᬭ᭄ᬬᬦ᭄‌ᬫᬥᬹᬭᬯᬾᬦ᭄ᬢᭂᬦ᭄ᬫᬮᬶᬄ᭞ᬧᬫ᭄ᬤᭂᬲᬦ᭄‌ᬧ᭄ᬬᬦᬓᬧᭀᬦᬓ᭠ᬦ᭄᭞ᬫᬦ᭄ᬢᬸᬳ᭄ᬬᬲ᭄‌ᬧᬬᬲᬦᬾ᭞ᬮᬸᬄᬫ᭄ᬯᬦᬶᬧᬥᬫᬓᬸᬫ᭄ᬧᬸᬮ᭄᭞ᬕᬃᬕ᭄ᬕᬶᬢᬲᬮᬶᬂᬓᭂᬜᬶᬗᬶᬦ᭄᭞ᬧᭀᬮᬶᬄᬗᭂᬓᭂᬩ᭄ᬳᬭ
ᬳᬶᬦ᭞ᬕᬶᬮᬶᬭᬦ᭄ᬫᬜᬸᬦ᭄ᬤᬸᬮ᭄᭞ᬫᬸᬗ᭄ᬕᬄᬩᬮᬾᬧᬫᬤ᭄ᬤᭂᬲᬦ᭄᭞ᬢᬸᬃᬫᬢᬶᬃᬣ᭞ᬩᬬᬩ᭄‌ᬩᬦ᭄ᬢᭂᬦ᭄ᬦᬾᬦᬸ᭠ᬮᬸᬭᬶᬦ᭄᭞ᬢᬸᬃᬲᬫᬶᬫᬚᬬᬵᬚᬬ᭛᭜᭛ᬧᬸᬧᬸᬄᬲ᭄ᬫᬵᬭᬦ᭄ᬤᬦ᭛᭜᭛ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬶ᭞ [ 11 ][᭑᭐ 10B]
᭑᭐
ᬢᬶᬦ᭄᭞ᬦᬶᬦᬵᬦ᭄ᬓᬵᬃᬬ᭄ᬬᬦᬾᬧᬗᭂᬫ᭄ᬩᬂ᭞ᬋᬱᬶᬬᬚ᭄ᬜᬵᬗᬯᬶᬢ᭄‌ᬋᬓᭀ᭞ᬤᬤ᭄ᬯᬘᬢᬸᬭᬾᬦᬾᬫᬸᬗ᭄ᬕᬄ᭞ᬲᬵᬧ᭄ᬢᬋᬱᬶᬦᬾᬳᬲ᭄ᬣᬶᬢ᭄ᬬᬂ᭞ᬳᬧᬂᬳᬶᬤᬮᬾᬤᬂᬢᭂᬤᬸᬦ᭄᭞ᬦᭀᬤ᭄ᬬᬵᬪᬓ᭄ᬢᬶᬓᬾᬦ᭄ᬓᬯᬶᬢᬦ᭄᭟ᬤ᭄ᬯᬮᬶᬓᬸᬃᬧ᭠
ᬤᬡ᭄ᬥᬲᬫᬶ᭞ᬓᬢᬸᬯᬸᬃᬗᬺᬱᬶᬤᭀᬚᬦ᭞ᬢᬸᬃᬧᬹᬡ᭄ᬬᬧᬥᬫᬲᭀᬭᭀᬄ᭞ᬲᬫᬢ᭄ᬭᬫᬤᬲᬃᬕᬮᬂ᭞ᬳᬶᬥᭂᬧ᭄‌ᬤᬶᬅ᭄‌ᬳᬕᬸᬗᬾᬦᬩᬩ᭄᭞ᬤ᭄ᬯᬦᬶᬂᬫᬸᬮᬢᬸᬮᬸᬲ᭄ᬢᬸᬫᬸᬲ᭄᭞ᬦᬾᬜᬲᬳᬶᬫᬗᬾᬜ᭄ᬘᬓᬂ᭟ᬮᬸᬢᬸᬂᬗᭂᬦᬄ
ᬧᬥᬋᬱᬶ᭟ᬮᬦᬂᬳᬶᬲ᭄ᬢ᭄ᬭᬶᬫᬓᭂᬫ᭄ᬩᬭᬦ᭄᭞ᬦᬾᬕᬸᬫᬦ᭄ᬢᬶᬲᬓᬶᬕ᭄‌ᬮᭀᬫ᭄ᬩᭀᬓ᭄᭞ᬧ᭄ᬭᬡ᭄ᬥᬓᬦᬶᬢᬾᬦ᭄‌ᬜᬭᬢᬂ᭞ᬧᬤᬡ᭄ᬥᬩᭀᬗ᭄ᬓᬱᬕᭂᬢᬃ᭞ᬲᬓᬶᬂᬓᬭᬗ᭄ᬳᬲᭂᬫ᭄‌ᬩ᭄ᬭᬶᬬᬸᬓ᭄᭞ᬰᬶᬯᬩᬸᬤ᭄ᬥᬦᬾᬳᬋᬧᬂ᭟ᬳᬶᬮᬾᬦᬶᬮᬾ᭠
ᬦᬾᬢᬦ᭄ᬫᬭᬶ᭞ᬳᬃᬚ᭄ᬚᬢᭀᬧᬾᬂᬭᬯᬶᬂᬯᬬᬂ᭞ᬳᬲ᭄ᬢᬶᬦᬾᬫᬓ᭄ᬢᬧᬭᬾᬫ᭄ᬩᭀᬦ᭄᭞ᬜᬲᬳᬶᬢᭀᬂ᭠ᬢᬳᬾᬦ᭄ᬢᭂᬮᬕ᭄᭞ᬜᬸᬦ᭄ᬤᬸᬮ᭄ᬫᬮᬶᬄᬘᬮᭀᬦᬭᬂ᭞ᬧᬭᬯᬸᬳᬾᬲᬓᬶᬂᬓ᭄ᬮᬸᬂᬓᬸᬂ᭞ᬤ᭄ᬯᬕᬸᬂᬕ᭄ᬥᬾᬳᬕᬸᬂᬫᬧᬶᬘ᭄ᬙ᭟ᬫᬸᬜᬶ
[᭑᭑ 11A]
ᬦ᭄ᬲᬮᭀᬡ᭄ᬥᬶᬗᬾᬗᬶᬮᬶᬲ᭄᭞ᬪᬝᬵᬭᬩᬕᬸᬲ᭄᭞ᬦᬾᬦᭀᬤ᭄ᬬ᭞ᬤᬶᬮᬸᬯᬦ᭄ᬩᬸᬓᬸᬭᬾᬳᬯᭀᬃ᭞ᬫᬢᭂ᭠ᬫ᭄ᬕᬸᬂᬫᬸᬜᬶᬗᬫ᭄ᬩᭂᬮᬦ᭄᭞ᬲᬭᭀᬦ᭄ᬕᬫ᭄ᬩᬂᬫᬕᬶᬮᬶᬭᬦ᭄᭞ᬗᬯᬾᬳᬶᬥᭂᬧ᭄ᬤᬮᬄᬤᬸᬦ᭄ᬥᬸᬦ᭄᭞ᬫᬢᬢᬗᬶᬚᬦ᭄ᬫᬓᭂᬚᬂ
᭟ᬩᬸᬯᬶᬦ᭄ᬕᭀᬗᬾᬫᬦᬶᬫ᭄ᬩᬮᬶᬦ᭄᭞ᬳᬸᬮᬶᬧ᭄ᬭᬱᬶᬦᬩᬸᬄᬩᬦ᭄ᬩᬦ᭄᭞ᬢᬗ᭄ᬓᭂᬧᬾᬦᬾᬲᬤᬵᬳᬮᭀᬦ᭄᭞ᬤᬩ᭄ᬤᬩ᭄ᬦᬩᬸᬄᬮᬮᬫ᭄ᬩᬢᬦ᭄᭞ᬕᭂᬦ᭄ᬤᬶᬂᬕᬮᬂᬓᬗᬶᬦ᭄ᬮᬗᭃ᭞ᬫᬸᬜᬶᬦ᭄‌ᬕᭀᬗᬾᬲᬤᬵᬮᬸᬮᬸᬢ᭄᭞ᬗᬯᬾ᭠
ᬳᬂᬥᭂᬧ᭄ᬲᬬᬗᬮᬂ᭟ᬧᬶᬦᬄᬮᬓᬃᬕᬮᬂᬓᬗᬶᬦ᭄᭞ᬢᭂᬓᬵᬳᬗᬶᬦᬾᬗᬫ᭄ᬧᭂᬳᬂ᭞ᬕᬸᬍᬫᬾᬦᬾᬲᬬᬦᬤᭀᬄ᭞ᬳᬸᬚᬦ᭄ᬭᬶᬭᬶᬲ᭄‌ᬳᬲ᭄ᬭᬶᬬᬓᬦ᭄᭞ᬩᬸᬓᬢᬶᬃᬣᬧᬮᬸᬓᬢᬦ᭄᭞ᬗᭂᬢᬶᬲᬶᬦ᭄ᬲᬵᬫ᭄ᬧᬸᬦᬾᬧᬸᬧᬸᬢ᭄᭞ᬧᬸ
ᬱ᭄ᬧᬮᬶᬗ᭄ᬕᬦᬾᬫᬍᬫ᭄ᬩᬢ᭄᭟ᬲᬮᭀᬡ᭄ᬥᬶᬗᬾᬲᬬᬦ᭄ᬢᬶᬗ᭄ᬮᬶᬲ᭄᭞ᬫᬶᬭᬶᬩ᭄ᬲᬢ᭄ᬫ᭄ᬬᬫᬸᬜᬶᬦ᭄ᬕᬫ᭄ᬩᬂ᭞ᬗᬮ᭠ᬤᬮᬦ᭄ᬲᬤᭀᬳᬮᭀᬦ᭄᭞ᬯᬮᬸᬬᬲᬋᬂᬗᬶᬭᬶᬗᬂ᭞ᬤᬤᬶᬢᬗ᭄ᬕᬸᬭᬦ᭄‌ᬧ᭄ᬭᬮᬶᬡ᭞ᬦᬾᬲᬫ᭄ᬧᬸᬦ᭄ᬲᬶᬤ᭄ᬥᬓ [ 12 ][᭑᭑ 11B]
᭑᭑
ᬢᬸᬦ᭄ᬢᬸᬦ᭄᭟ᬢᬸᬮ᭄ᬬᬳᬫᭀᬭᬶᬗᬘᬶᬦ᭄ᬢ᭄ᬬ᭟ᬕᬮᬂᬫᬦᬳᬾᬫᬗ᭄ᬭᬶᬜ᭄ᬘᬶ᭞ᬫᬸᬃᬡ᭄ᬦᬬᬂᬲᬂᬲᬫ᭄ᬧᬸᬦ᭄ᬫᬸᬗ᭄ᬕᬄ᭞ᬫᬳᬶᬭᬶᬩ᭄ᬗᬫ᭄ᬩᬭᬵᬗᭂᬚᭀᬄ᭞ᬤᬶᬢᬸᬂᬢᬸᬂᬮᬗᬶᬢᬾᬲᬺᬤᬄ᭞ᬫᬢᬶᬫ᭄ᬩᬮᬂᬭᬶᬂᬤᬲᬼᬫᬄ᭞ᬩᬺᬲᬶᬄᬳᬗᬶᬦᬾᬓᬳ᭄ᬬᬸᬦ᭄ᬳ᭄ᬬᬸᬦ᭄᭞ᬧᬘᬂ᭠
ᬗᬜᬸᬢ᭄ᬓᬲᬕᬭ᭟ᬩᬾᬜ᭄ᬚᬂᬯᬯᬕᬮᬂᬓᬗᬶᬦ᭄᭞ᬢ᭄ᬭᬸᬡᬩᬸᬗ᭄ᬤᬬᬫᬲᬹᬃᬬ᭄ᬬᬓ᭄᭞ᬤᭂᬳᬵᬢᬭᬸᬡᬦᬾᬫᬲᭀᬭᭀᬄ᭞ᬲᬮᬶᬂᬧᬥᬫᬤᬩ᭄ᬤᬩᬦ᭄᭞ᬕᬃᬕ᭄ᬕᬶᬢᬫᬲᭂᬩᭂᬂᬕᭂᬢᬃ᭞ᬗᬶᬭᬶᬗᬂᬪᬝᬵᬭᬩᬕᬸᬲ᭄᭞ᬫᬦ᭄ᬢᬸᬓ᭄ᬫᬶᬭᬶᬩ᭄ᬳᬸ
ᬮᬧ᭄ᬳᬸᬮᬧ᭄᭟ᬲᬵᬫ᭄ᬧᬸᬦ᭄‌ᬲ᭄ᬫᭂᬂᬫᬮᬶᬄᬗᬯᬶᬢᬶᬦ᭄᭞ᬲᬫᬶᬩᬸᬓᬸᬭᬾᬫᬤᬩ᭄ᬤᬩ᭄᭞ᬲᬓᬶᬂᬩᬸᬕ᭄ᬩᬸᬕ᭄ᬫᬧᭀᬳᭀᬲ᭄ᬧᭀᬳᭀᬲ᭄᭞ᬫᬳᬸᬤᭂᬂᬧᬸᬢᬶᬄᬲᬲ᭄ᬮᬶᬓᬦ᭄᭞ᬕᬸᬫᬸᬭᬸᬄᬧᬥᬫᬲᬹᬃᬬ᭄ᬬᬓ᭄᭞ᬕᬃᬕᬶᬢᬲᬫᬶᬲᬸᬫᬗ᭄ᬕᬸᬧ᭄᭞ᬧᬘᬂᬫᬸ
ᬦ᭄ᬤᬸᬢ᭄ᬓᬲᬵᬕᬭ᭟ᬧ᭄ᬭᬡᬫ᭄ᬬᬚᬕᬶᬫᬗᬶᬭᬶᬂ᭞ᬲᬫᭂᬢᭀᬦᬾᬲᬫᬶᬳᬬᬲ᭄᭞ᬮᬦᬂᬳᬶᬲ᭄ᬢ᭄ᬭᬶᬧᬥᬵᬗ᭄ᬮᭀᬫᭀᬓ᭄᭞ᬦᬾᬫᬸᬗ᭄ᬕᬄᬩᬸᬓᬸᬭᬾᬦᬫ᭄ᬧ᭄ᬬᬕ᭄᭞ᬲᬦ᭄ᬢᬦᬦ᭄ᬪᬝᬵᬭᬶᬮᬶᬗ᭄ᬕᬵ᭞ᬲᬓᬶᬂᬕ᭄ᬭᬶᬬᬧᬶᬥᬥᬓ᭄ᬮᬸᬂᬓᬸᬂ᭞
[᭑᭒ 12A]
ᬲᬫᬶᬕᬲᬵᬫᬜᬹᬃᬬ᭄ᬬᬓᬂ᭟ᬲᬗ᭄ᬕᬾᬦᬾᬳᬋᬧᬂᬫᬮᬶᬄ᭞ᬦᬭᬸᬕ᭄ᬢᬸᬕ᭄ᬩᬸᬓᬸᬃᬤᬾᬯᬢ᭞ᬪ᭄ᬝᬵᬭᬶᬮᬶᬗ᭄ᬕᬫᬸᬮᬢᬦ᭄ᬥᭀᬄ᭞ᬩᭂᬘᬶᬓ᭄ᬲᬫᬶᬫᬵᬫ᭄ᬩᬃᬭᬫ᭄ᬩᬃ᭞ᬓᬶᬭᬶᬂᬲᬫᭂᬢᭀᬦ᭄ᬲᬕᬺᬳᬦ᭄᭞ᬜᬸᬚᬸᬃᬧᬲᬶᬲᬶᬤᬶᬉᬚᬸᬂ᭞ᬲ᭄ᬯᬭᬦ᭄‌ᬕᭀᬂᬢᬫ᭄ᬩᬸ
ᬭᬾᬳᬸᬫ᭄ᬯᬂ᭟ᬗᭂᬦᬄᬮᬗᬶᬢᬾᬦᬾᬩᬺᬲᬶᬄ᭞ᬤᬶᬧᬲᬶᬲᬶᬲᬸᬩᬵᬳᬬᬲ᭄᭞ᬢᬢᬶᬕᬩᬸᬭᬾᬓᬯᭀᬢ᭄᭞ᬲᬫᭂᬢᭀᬦᬾᬲᬫᬶᬦᬫ᭄ᬧ᭄ᬬᬕ᭄‌ᬬᬲᬋᬗᬶᬦ᭄ᬤᬶᬲ᭄ᬢ᭄ᬭᬶᬮᬦᬂ᭞ᬦᬾᬭᬯᬸᬄᬲᬓᬶᬂᬓᬮᬸᬂᬓᬸᬂ᭞ᬕᬸᬫᬦ᭄ᬢᬶᬫᬶᬍᬢ᭄ᬗᬶᬭᬶᬗᬂ᭟ᬧᬤ
ᬡ᭄ᬥᬕᬡᬗᬚᭂᬗᬶᬦ᭄᭞ᬫᬫᬸᬗ᭄ᬓᬄᬳᬶᬤᬵᬫ᭄ᬭᬮᬷᬡ᭞ᬗᭂᬦᬄᬤᬶᬮᬗᬶᬢᬾᬳᭂᬚᭀᬄ᭞ᬓᬮᬶᬳᬮᬳᬾᬫᬲ᭄ᬭᬶᬬᬓ᭄᭞ᬓᬩᬋᬗᬶᬦ᭄ᬫᬸᬜᬶᬦ᭄ᬳᭀᬫ᭄ᬩᬓ᭄᭞ᬲᬢ᭄ᬫ᭄ᬬᬭᬶᬗᭂᬦ᭄ᬢᬦᬾᬗᬸᬯᬸᬩ᭄᭞ᬫ᭄ᬭᬶᬬᬸᬓᬶᬦ᭄ᬳᬶᬥᭂᬧᬾᬕᬮᬂ᭛᭜᭛
ᬅᬫ᭄ᬮᬵᬧᬸᬭ᭞ᬦᭀᬨᬾᬫ᭄ᬩᭂᬃ᭞᭑᭙᭘᭕᭛᭜᭛ᬕᬕᬸᬭᬶᬢᬦ᭄ᬲᭂᬓᬃᬳᬮᬶᬢ᭄᭞ᬧᬓᬃᬤ᭄ᬥᬶᬦ᭄‌ᬳᬦ᭠ᬓᬕᬸᬂ᭞ᬤᬸᬓ᭄‌ᬳᬶᬤᬵᬗᬯᬗᬸᬦ᭄ᬓᬵᬬ᭄ᬬᬫᬮᬶᬕ᭄ᬬ᭞ᬢᬗ᭄ᬕᬮ᭄᭞᭑᭙᭞ᬚᬸᬮᬶ᭞᭑᭙᭘᭕᭞ᬭᬶᬂᬩᬜ᭄ᬘᬶᬗᬄ [ 13 ][᭑᭒ 12B]
᭑᭒
ᬧᬸᬭᬶᬲᬭᬰ᭄ᬯᬢᬶ᭞ᬅᬫ᭄ᬮᬵᬧᬸᬭ᭛᭜᭛ᬧᬰ᭄ᬘᬢ᭄‌ᬘᬶᬦᬶᬢ᭄ᬭᬾᬍᬧᬶᬳᬦ᭄᭞ᬓᬵᬮᬦᬶᬂᬯᬾ᭞ᬉ᭞ᬰᬸ᭞ᬯᬭᬮᬗ᭄ᬓᬶᬃ᭞ᬧᬹᬃᬡ᭄ᬦᬫᬦᬶᬂᬓᬮᬶᬫ᭞ᬇᬰᬓᬵ᭞᭑᭙᭑᭖᭞ᬲᭂᬥᭂᬂᬯᬶᬦᬗᬸᬦᬓᭂᬦ᭄ᬓᬵᬃᬬ᭄ᬬᬳᬕᬸᬂᬧᬦᬸᬩᬸᬂᬳᬕᬸᬂᬩᬸᬂᬳᬦᬧᬸᬄᬫ᭄ᬯᬂᬳᬗᭂᬦ᭄ᬢᭂ
ᬕ᭄᭞ᬳᬦᬾᬂᬩᬸᬓᬶᬢ᭄᭟ᬲᬶᬦᬸᬭᬵᬢ᭄ᬤᬾᬲᬂᬳᬧᬢ᭄ᬭ᭞ᬳᬶᬤᬳᬶᬤᬾᬯᬕ᭄ᬥᬾᬘᬢ᭄ᬭ᭞ᬯᬶᬢ᭄‌ᬲᬓᬶᬂᬚ᭄ᬭᭀᬓᬗᬶᬦᬦ᭄᭞ᬲᬶᬤᭂᬫᭂᬦ᭄᭟ᬗ᭄ᬤᬶᬂᬓ᭄ᬱᬫᬵᬓᭂᬦᬗ᭄ᬯᬂᬫᬹᬥᬵᬮ᭄ᬨᬰᬵᬲ᭄ᬢ᭄ᬭ᭞ᬓᬾᬯᬮᬫᬓᬧᬦ᭄ᬯᬮ᭄ᬲᬶᬄᬭᬶᬚᭃᬂᬗᬶᬭᬳᬦᬓᬕᬸᬂᬓ᭄ᬢᬸ
ᬢ᭄‌ᬳᬕᬸᬂ᭞ᬚᬸᬫᭂᬦᭂᬂᬭᬶᬂᬧᬸᬭᬶᬲᬭᬰ᭄ᬯᬢᬶ᭞ᬅᬫ᭄ᬮᬵᬧᬸᬭ᭛᭜᭛ᬇᬦᬦ᭄ᬮᭀᬦ᭄ᬢᬃᬕᬕᬸᬭᬶᬢᬦ᭄ᬲᭂᬓᬃᬳᬮᬶᬢ᭄᭞ᬧᬓᬃᬤ᭄ᬥᬶᬦ᭄‌ᬳᬦᬓᬕᬸᬂᬓ᭄ᬢᬸᬢ᭄‌ᬳᬕᬸᬂ᭞ᬓᬮᬦᬓᬶᬦ᭄‌ᬳᭀᬮᬶᬄᬳᬶᬜᭀᬫᬦ᭄ᬤᭂᬕᭂᬂ᭞ᬩᬜ᭄ᬚᬃᬓᬸᬯᬸᬫ᭄᭞ᬓ᭠
ᬭᬗᬲᭂᬫ᭄᭟ᬧᬸᬧᬸᬢ᭄ᬲᬶᬦᬸᬭᬵᬢ᭄᭞ᬓᬵᬮᬤᬶᬦ᭞ᬉ᭞ᬅ᭞ᬯᬭᬓ᭄ᬭᬸᬮᬸᬢ᭄᭞ᬰᬰᬶᬄᬓᭂᬦᭂᬫ᭄᭞ᬇᬰ᭠ᬓᬵ᭞᭑᭙᭑᭖᭛᭐᭛
[᭑᭓ 13A] [ 14 ][᭑᭓ 13B]
᭑᭓
᭛ᬅᬯᬶᬖ᭄ᬦᬫᬵᬲ᭄ᬢᬸ᭛ᬧᬸᬧᬸᬄᬲᬶᬦᭀᬫ᭄᭛᭜᭛ᬳᬶᬲᭂᬦᬸᬮᬶᬲ᭄ᬧᬳᬶᬗᭂᬢᬦ᭄᭞ᬦᬸᬗ᭄ᬓᬸᬮᬂᬳᬶᬥᭂᬧᬾᬧᬮᬶᬂ᭞ᬓᬩᬤᬸᬂᬗᬸᬩᬤᬂᬳᬯᬓ᭄᭞ᬲᬓᬶᬢᬾᬫᬯᬦ᭄ᬢᬶᬯᬦ᭄ᬢᬶ᭞ᬦᬾᬢᬳᬦᬂᬩᬸᬓᬚᬦᬶ᭞ᬧᬹᬃᬯ᭄ᬯᬓᬳᬲᬶᬩᬓ᭄‌ᬮᬸᬫ᭄ᬲᬸᬄ᭞
ᬩᭀᬗᬵᬃᬰᬭᬨᬾᬗᭂᬤᭂᬗᬂ᭞ᬫᬢᬦᬾᬲᬤᬵᬫᬗᬶᬘᬶᬃ᭞ᬤᬤᬶᬯᭂᬢᬸᬓᭂᬦᭂᬳᬾᬜᬲᬳᬶᬩᬸᬬᬃ᭟ᬮᬸᬯᬸᬂᬓᬫᬭᬾᬫᬚᬚᬃ᭞ᬤᬶᬧᬥᬮᬶᬗ᭄ᬕᬄ᭞ᬳᬤᬢᬾᬮᭀᬦ᭄ᬳᬤᬢᬶᬨᬶ᭞ᬳᬤᬅᬲᬾ
ᬳᬧᬂᬤᬶᬗᬶᬦ᭄᭞ᬲᬶᬂᬲᬶᬤ᭄ᬥᬵᬦᬸᬗ᭄ᬓᬸᬮᬂᬳᬶᬩᬸᬓ᭄᭞ᬤᬶᬅ᭄‌ᬳᬕᬸᬂᬫᬜᭂᬫᬓ᭄ᬓᬺᬢᬲ᭄᭞ᬦᬸᬮᬶᬲᬂᬫᬦᬳᬾᬧᬮᬶᬂ᭞ᬧᬂᬓᬢᬸᬗ᭄ᬓᬸᬮ᭄‌ᬳᬸᬬᬂᬓᭂᬦᭂᬳᬾᬢᬸᬮᬶᬲᬂ᭟ᬲᬓᬶᬂᬲ᭄ᬯᬾᬘ᭄ᬘᬦ᭄ᬲᬂᬳ᭄ᬬᬂᬳᭂᬫ᭄ᬩᬂ᭞ᬤᬤᬶᬩᬬᬸᬦᬾᬫᬯᬮᬶ᭞ᬩᬢᬶᬲ᭄ᬜᬶᬤ᭄ᬥᬬᬂᬗᬮᬶᬜ᭄ᬘ
ᬓ᭄᭞ᬍᬫᭂᬢ᭄‌ᬮᬶᬫᬦᬾᬫᬲᬮᬶᬦ᭄᭞ᬤᬤᬶᬳᬗ᭄ᬕᭀᬩᬸᬓᬚᬦᬶ᭞ᬦᬸᬗ᭄ᬓᬸᬮᬂᬓᭂᬦᭂᬳᬾᬳᬶᬗᬸᬄ᭞ᬫᬓᭂ᭠ᬦᭂᬄᬫᬸᬮᬶᬄᬢᭀᬂᬤᬤᬶᬓᬸᬤ᭄ᬬᬂ᭞ᬓᬅᬫ᭄ᬮᬵᬧᬸᬭᬫᬯᬮᬶ᭞ᬲᬫ᭄ᬩᬶᬮ᭄ᬮᬯᬸᬢ᭄‌ᬮᬓᬃᬦᬸᬢᬸᬕᬂᬫᬳᬸᬩᬤ᭄᭟ᬤᬸᬕᬲᬾ
[᭑᭔ 14A]
ᬦᬸᬤᬶᬤᬾᬯᬦ᭄ᬧᬲᬃ᭞ᬫᬓ᭄ᬚᬂᬜᬫᬦᬾᬦᭂᬮᭀᬓᬶᬦ᭄᭞ᬓᬤᬂᬩ᭄ᬭᬬᬦᬾᬜᬭᬢᬂ᭞ᬧᬥᬕᬲᬵᬫᬦᬸᬮᬸᬗᬶᬦ᭄᭞ᬯᬗ᭄ᬳᬬᬵᬕ᭄ᬮᭀᬕᭀᬃᬫᬓᬵᬤᬶ᭞ᬢᬶᬦ᭄ᬤᬓᬦᬾᬧᬥᬩᬶᬜ᭄ᬘᬸᬄ᭞ᬗᬶᬚᭂᬗᬶᬦ᭄ᬧᭂᬢᭂᬂᬍᬫᬄ᭞ᬘ᭄ᬦᬶᬓ᭄ᬓᭂᬮᬶᬄᬮᬸᬄᬫᭀᬯ
ᬦᬶ᭞ᬘᬸᬘᬸᬫᬗ᭄ᬢᬸᬧ᭄ᬬᬦᬓᬾᬫᬸᬮᬢᬦ᭄ᬧᬲᬄ᭟ᬢᬶᬫ᭄ᬧᬮᬾᬢᭂᬓᬫᬤ᭄ᬮᭀᬓᬦ᭄᭞ᬳᬤᬤᭀᬓ᭄ᬢᭂᬃᬳᬤᬫᬦ᭄ᬢ᭄ᬭᬶ᭞ᬦᬾᬫᬸᬮᬫᬤᬲᬃᬢᬺᬱ᭄ᬡᬵ᭞ᬫᬤᬸᬮᬸᬭᬦ᭄ᬓᭂᬦᭂᬳᬲᬶᬄ᭞ᬧᬓ᭄‌ᬢᬸᬲᬦ᭄ᬮᬦ᭄‌ᬕᬸᬲ᭄‌ᬭᬳᬶ᭞ᬜᬭᬢᬂᬮᬸᬗ᭄ᬳᬓᬩᬤᬸᬂ᭞ᬭᬸᬦ᭄ᬢ᭠
ᬕ᭄ᬩᬬᬸᬦᬾᬧᬗᬾᬗ᭄ᬕᬮ᭄᭞ᬫᬗ᭄ᬤᬾᬦᬾᬧᭀᬮᬶᬄᬓᬧᬗ᭄ᬕᬶᬄ᭞ᬫᬧᬦ᭄ᬢᬸᬮᬸᬲ᭄‌ᬢᬺᬱ᭄ᬡᬦ᭄ᬓᬬᬸᬦᬾᬗᬯᬶᬦᬂ᭟ᬲᭀᬧᬶᬃᬫᭀᬢᭀᬭᬾᬤᬾᬢ᭄ᬭᬗ᭄ᬕ᭞ᬩᬋᬂᬬᬲᬳᬸᬭᬳᬭᬶᬄ᭞ᬗᬬᬳᬶᬦ᭄ᬗᬮᬶᬳᬂᬳᬸᬩᬤ᭄᭞ᬗᬩᬵᬋᬲᬾᬧ᭄ᬓᬅᬧᭀᬢᬶ᭠
ᬓ᭄᭞ᬭᬾᬧᭀᬢ᭄‌ᬳᬸᬮᬳᬾᬓᬲ᭄ᬬᬲᬶᬄ᭞ᬢᬶᬦ᭄ᬤᬓᬦᬾᬫᬶᬮᬸᬢᬸᬬᬸᬄ᭞ᬳᬶᬗᭂᬢ᭄ᬢᭂᬓᬾᬦ᭄ᬢᬗ᭄ᬕᬸᬂᬚᬯᬩ᭄᭞ᬗ᭠ᬬᬳᬶᬦ᭄ᬤᬶᬅ᭄‌ᬳᬕᬸᬂᬩᬶᬦ᭄ᬢᬶᬢ᭄᭞ᬮᬸᬤᬶᬦ᭄ᬤᬶᬗᬸᬄᬧᭂᬢᭂᬂᬍᬫᬄᬲᬳᬶᬫᬕᬤᬂ᭟ᬬᬦᬮᬶᬮᬂᬤᬶᬧ᭄ᬭᬯᬢᬦ᭄᭞ᬤᭀᬓ᭄ᬢᭂᬃᬰ [ 15 ][᭑᭔ 14B]
᭑᭔
ᬭᬨᬾᬗᬦ᭄ᬫᬭᬶ᭞ᬤᭀᬓ᭄ᬢᭂᬃᬓᭀᬦ᭄ᬤ᭄ᬭᬮᬦ᭄‌ᬦᬸᬳᬃᬣ᭞ᬕᬲᬵᬦᬸᬭᬾᬓ᭄ᬱᬳᬶᬦ᭄ᬲᬳᬶ᭞ᬧᬭᬯᬢᬾᬮᬸᬄᬫᬸ᭠ᬯᬦᬶ᭞ᬧᭂᬢᭂᬂᬍᬫᬄᬲᬳᬶᬢᬸᬬᬸᬄ᭞ᬲᭂᬮᬶᬤ᭄ᬲᬜ᭄ᬚᬗᭂᬫᬳᬂᬳᬸᬩᬤ᭄᭞ᬳᬤᬵᬜᬶᬭᬫᬂᬮᬦ᭄‌ᬜᬸᬦ᭄ᬢᬶᬓ᭄᭞ᬫᬧᬦ᭄ᬓᬾ
ᬢᭀ᭞ᬜᬲᬳᬶᬢᭀᬂᬤᬤᬶᬢᭂᬮᬕ᭄᭟ᬦᬾᬫᬸᬮᬲᬶᬂᬤᬤᬶᬳᭂᬗ᭄ᬲᬧᬂᬤᭀᬓ᭄ᬢᭂᬃᬳᭀᬓᬮᬶᬦ᭄ᬢᬂᬳᬲᬶᬄ᭞ᬳᬶᬤ᭠ᬫᬸᬮᬧᬺᬡᬄᬫᬢ᭄ᬯ᭞ᬫᬸᬮᬘᬸᬘᬸᬤ᭄ᬫᬦᭂᬮᭀᬓᬶᬦ᭄᭞ᬲᬳᭂᬦᬸᬦ᭄ᬤᬶᬭᬸᬫᬄᬲᬓᬶᬢ᭄᭞ᬲᭂᬮᬶᬤ᭄ᬲᬜ᭄ᬚᬲᬳᬶᬭᬯᬸᬄ᭞ᬦᬸᬢᬸ
ᬭᬶᬦ᭄‌ᬧᬂᬩᬶᬲᬢᬩᬄ᭞ᬗᬋᬧᬶᬦ᭄ᬲᬮ᭄ᬯᬶᬭᬶᬂᬲᬓᬶᬢ᭄᭞ᬤᬵᬧᬓᬾᬯᬸᬄ᭞ᬤᬲᬭᬶᬦ᭄ᬳᬶᬥᭂᬧ᭄ᬓᬥᬃᬫ᭄ᬫᬦ᭄᭛᭜᭛ᬧᬸᬧᬸᬄᬲ᭄ᬫᬵᬭᬦ᭄ᬤᬵᬦ᭛᭜᭛ᬦᬸᬮᬶᬲ᭄ᬫᬲᬫ᭄ᬩᬶᬮᬦ᭄ᬲᭂᬤᬶᬄ᭞ᬬᬦ᭄ᬤᬶᬗᭂᬳ᭄ᬢᭂᬓᬾᬦᬶᬂᬳᬯᬓ᭄᭞ᬩᬸᬮᬦᬦ᭄ᬲᬸ
ᬩᬫᬫᭀᬦ᭄ᬥᭀᬓ᭄᭞ᬤᬶᬭᬸᬫᬄᬲᬓᬶᬢ᭄ᬤᬶᬲᬗ᭄ᬮᬄ᭞ᬦᬳᭂᬦᬂᬲᬓᬶᬢ᭄ᬓᬮᬭᬦ᭄᭞ᬧᬦᭂᬲ᭄ᬩᬭᬦᬾᬫᬢᬸᬫ᭄ᬧᬸᬓ᭄᭞ᬬᬦᬧᬵᬓᬧᭀᬗᬯᬶᬦᬂ᭟ᬤᬤᬶᬢᭂᬧᬸᬓ᭄ᬩᬸᬓᬚᬦᬶ᭞ᬓᬬᬄᬓᬬᬄᬤᬶᬧᭂᬤᭂᬫᬦ᭄᭞ᬫᬓᭂᬚᬂᬦᬸ
[᭑᭕ 15A]
ᬮᬫᬾᬋᬓᭀ᭞ᬲᬂᬫᬓᬃᬤ᭄ᬥᬶᬦᬾᬢᬦ᭄ᬧᬲᬄ᭞ᬳᬧᬂᬳᬶᬤᬵᬗᬬᬰᬬᬂ᭞ᬲᬳᬶᬳᬚᬧ᭄‌ᬳᬧᬂᬭᬯᬸᬄ᭞ᬗᬶᬘ᭄ᬙᬾᬦ᭄ᬲᭂᬕᭂᬃᬳᬾᬗ᭄ᬕᬮ᭄‌ᬯᬭᬲ᭄᭟ᬤᬸᬮᬸᬭᬶᬦ᭄ᬓᭂᬦᭂᬄᬳᬲ᭄ᬣᬶᬢᬶ᭞ᬳ᭄ᬬᬂᬯᬶᬥᬶᬜᬲᬳᬶᬳᬚᬧ᭄᭞ᬳᬧᬦ᭄ᬳᬶᬤᬫᬸᬮᬢ
ᬦ᭄ᬤᭀᬄ᭞ᬫᬳᬗ᭄ᬕᬵᬯ᭄ᬬᬧᬶᬯ᭄ᬬᬧᬓ᭞ᬦᬾᬗᬯᭂᬢ᭄ᬯᬂᬚᭂᬮᬾᬫᭂᬮᬄ᭞ᬲᬸᬓ᭄ᬱᭂᬭᬄᬳᬶᬤᬳ᭄ᬬᬂᬢᬸᬤᬸᬄ᭞ᬫᬸᬢᭂᬃᬳᬶᬓᬵᬃᬫᬯᬱᬡ᭟ᬜᬮᬶᬫᬸᬭᬂᬓᭂᬦᭂᬄᬲᭂᬧᬶ᭞ᬗᬮᬶᬜ᭄ᬘᬓ᭄‌ᬓᬓᬫᬃᬤᭂᬧᬦ᭄᭞ᬗᭂᬦᬄᬩᬸᬗᬦᬾᬫᬲ᭄ᬮᬾᬬᭀᬕ᭄᭞
ᬧᬸᬘᬸᬓ᭄ᬓᬸᬦᬶᬂᬳᬮᬫᬦ᭄ᬤᬵ᭞ᬳᬶᬰᭀᬓᬮᬦ᭄ᬓᭂᬫ᭄ᬩᬂᬓᬺᬢᬲ᭄᭞ᬕᬸᬬᬸᬲᭂᬩᭂᬗᬾᬫᬗ᭄ᬭᬸᬫ᭄ᬭᬸᬫ᭄᭞ᬫᬶᬭᬶᬩ᭄ᬩᬋᬂᬫᬦᬸᬗ᭄ᬓᬸᬮᬂ᭟ᬤᬶᬅ᭄‌ᬳᬕᬸᬂᬫᬲᭂᬩᭂᬂᬲᭂᬤᬶᬄ᭞ᬫᬶᬮᬸᬩᬦ᭄ᬩᬦ᭄ᬫᬜᬧ᭄ᬲᬧᬂ᭞ᬜᬮᬶᬫᬸᬭᬂᬤᬵᬓᬤᬮᭀᬦ᭄᭞ᬢᬶᬗ᭄ᬓᬳᬾᬫᬩ᭄ᬭᬸ
ᬫ᭄ᬭᬸᬫ᭄‌ᬫᬾᬮᬅ᭄᭞ᬤ᭄ᬬᬄᬲᬢ᭄ᬬᬯᬢᬷᬯᬮᬸᬬ᭞ᬦᭂᬲᭂᬓ᭄‌ᬧ᭄ᬭᬪᬸᬰᬮ᭄ᬬᬳᬮᬸᬲ᭄᭞ᬤᬸᬓ᭄ᬜᬾᬦᬵᬧᬢᬶᬓᭀᬭᬯ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬫᭂᬮᬶᬤ᭄᭞ᬫᭀᬫᭀᬦ᭄ᬫᬦᬳᬾᬓᬮᬶᬦ᭄ᬢᬂ᭞ᬢᬶᬢ᭄ᬬᬂᬫᬸᬮᬚᬦ᭄ᬫᬩᭂᬮᭀᬕ᭄᭞ᬧᬸᬭᬸᬦ᭄ᬫᬢᬹᬃ [ 16 ][᭑᭕ 15B]
᭑᭕
ᬦᬾᬲᬫᬢ᭄ᬭᬵ᭞ᬫᬢᬶᬦᬾᬢᬦ᭄ᬤᬤᭀᬲ᭄ᬧᬮᬲ᭄᭞ᬭᬶᬂᬳᬸᬭᬶᬧ᭄ᬲᬃᬯ᭄ᬯᬢᬸᬫᬸᬯᬸᬄ᭞ᬦᬵᬗ᭄ᬳᬶᬂᬧᬸᬦᬂᬗᬸᬢᬂᬢᬶᬢ᭄ᬬᬂ᭟ᬢᬺᬱ᭄ᬡᬩᬦ᭄ᬤᬦᬗᬚᬓᬶᬦ᭄᭞ᬩᬦᬶᬢᬸᬬᬸᬄᬗᬸᬢᬂᬮᬫ᭄ᬧᬄ᭞ᬓᭂᬦᭂᬄᬳᬶᬗᬸᬄᬲᬳᬶᬳᭀᬯᭀᬦ᭄᭞ᬤᬸᬭᬸᬂᬳᬦ᭄ᬢᭂᬲ᭄ᬩᭂᬮᬶᬦᬶ
ᬗ᭄ᬕᬮ᭄᭞ᬢᬶᬢ᭄ᬬᬂᬲᬋᬂᬲᬶᬦᬫ᭄ᬬᬦ᭄᭞ᬢᬸᬗ᭄ᬓᬲᬂᬫᬗ᭄ᬤᬦᬾᬳᬶᬤᬸᬧ᭄᭞ᬳᬶᬭᬶᬂᬢᬶᬢ᭄ᬬᬂᬓᬭᬶᬭᬸᬫᬄ᭟ᬓᬾᬢᭀᬤᬶᬘ᭄‌ᬳᬕᬸᬂᬗᬲ᭄ᬬᬲᬶᬄ᭞ᬢᬸᬃᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬧᭂᬲᬸᬬᬾᬄᬫᬢᬦᬾᬳᬯᭀᬃ᭞ᬓᬾᬦ᭄ᬳᬶᬥᭂᬧᬾᬧᬮᬶᬂᬳᬸᬬᬂ᭞ᬗᬸᬲ
ᬧ᭄‌ᬜᬾᬓ᭄ᬦᬾᬫᬕᬫ᭄ᬩᬳᬦ᭄᭞ᬳᬶᬗᭂᬢ᭄ᬢᭂᬓᬾᬦ᭄ᬤᬾᬯᬾᬓ᭄ᬮᬘᬸᬃ᭞ᬳ᭄ᬬᬵᬗᬬᬳᬶᬦ᭄ᬧᭂᬢᭂᬂᬍᬫᬄ᭟ᬳᬶᬗᭂᬢ᭄‌ᬬᬦ᭄ᬓᬮᬳᬶᬦ᭄ᬫᬢᬶ᭞ᬲᭂᬤᬶᬄᬳᬶᬬᬵᬢ᭄ᬯᬄᬧᬤᬶᬤ᭄ᬬᬦ᭄᭞ᬜᬫᬧ᭄ᬬᬦᬓ᭄ᬧᬥᬳᭂᬚᭀᬄ᭞ᬦᬦ᭄ᬤᬗᬶᬦ᭄ᬮᬭᬓᬢᬺᬱ᭄ᬡᬦ᭄᭞ᬧᭂᬢᭂᬂᬍ
ᬫᬄᬓᭂᬩᬸᬤ᭄ᬪᬭᬵ᭞ᬫᬸᬮᬢᬶᬢ᭄ᬬᬂᬳᬸᬮᬶᬫᬮᬸ᭞ᬚᬦ᭄ᬤᬤ᭄ᬯᬢᭀᬂᬢᬳᬾᬦ᭄ᬩᭂᬮᬲ᭄᭟ᬩ᭄ᬯᬶᬦ᭄ᬧᬶᬤᬦ᭄‌ᬬᬦ᭄ᬫᬦᬸ᭠ᬫᬤᬶ᭞ᬳᬧᬂᬧᬗ᭄ᬕᬶᬄᬫᬓᬭᭀᬦᬦ᭄᭞ᬲᬸᬲᬢ᭄ᬬᬳᬶᬥᭂᬧᬾᬢᬸᬯᭀᬦ᭄᭞ᬫᬦᭂᬕᬸᬮ᭄ᬓᬬᬂᬓᬯᭂᬓᬲ᭄᭞ᬳᭂᬦ᭄ᬢᭀᬘᬶ
[᭑᭖ 16A]
ᬳ᭄ᬦᬧᬢᬶᬩ᭄ᬭᬢ᭞ᬢᬺᬱ᭄ᬡᬦ᭄ᬓᬬᬸᬦᬾᬢᬸᬮᬸᬲ᭄᭞ᬚᬓ᭄ᬓᬤ᭄ᬯᬵᬦᬦ᭄ᬤᬂᬓᬮᬭᬦ᭄᭟ᬦᬤᬓ᭄ᬱᬭᬫᬓᭂᬦᭂᬄᬫᬸᬮᬶᬄ᭞ᬳᬶᬗᭂᬢ᭄ᬢᭂᬓᬾᬦ᭄ᬦᬾᬦᬾᬚᬸᬫᬄ᭞ᬫᬓᭂᬚᬂᬳᬗᬺᬓᬾᬋᬓᭀ᭞ᬢᬫᬭᬧ᭄ᬲᭂᬫᬭᬓ᭄ᬓᭂᬫ᭄ᬩᬂ᭞ᬳ᭄ᬬᬵᬳᬶᬧᬶᬦ᭄ᬢᬵᬦᬾᬦᬸᬢᬸᬭ
᭞ᬘᬵᬫ᭄ᬧᬓᬕᬦ᭄ᬪᬭᬾᬗᬮᬸᬩ᭄᭞ᬦᬾᬫᬸᬮᬜᬲᬳᬶᬳᬮᬧ᭄᭟ᬧᬃᬡ᭄ᬦᬬᬂᬳ᭄ᬬᬗᬲᬶᬳᬲᬶᬄ᭞ᬦᬸᬮᬫᬾ᭠ᬦᬕᬶᬄᬋᬲᭂᬧᬂ᭞ᬚᬦ᭄ᬤᬤ᭄ᬯᬵᬗᬮᬳᬶᬦᭂᬚᭀᬄ᭞ᬤᬶᬅ᭄‌ᬳᬕᬸᬂᬦᬾᬦᬸᬮᬾᬫᬦᬂ᭞ᬕᬸᬫᬦ᭄ᬢᬶᬜᬲᬳᬶᬜᬶᬭᬫ᭄᭞ᬫᭂ᭠
ᬢᬶᬂᬫᭂᬢᬶᬂᬳᬶᬮᬶᬫᬮᬸ᭞ᬓᬦ᭄ᬢᬶᬳᬶᬤᬸᬧ᭄ᬬᬵᬫᬓᭂᬚᬂ᭟ᬮᬭᬢ᭄ᬢᬾᬫᬯᬃᬡ᭄ᬦ᭞ᬳᬤᬧᬸᬢᬶᬄᬓᬸᬦᬶᬂᬕᬥᬂ᭞ᬓᬢ᭄ᬮᬾᬬᬵᬲᭀᬓ᭄ᬮᬢ᭄‌ᬓᬫ᭄ᬩᭀᬫ᭄ᬩᭀ᭞ᬦᬾᬢᬗᬶᬭᬕᬾᬫᬲ᭄ᬭᬶᬬᬓ᭄᭞ᬫᬾᬭᬄᬧᬸᬢᬶᬄᬤᬤᬸᬯᬬᬄ᭞ᬫᬓᭂ᭠
ᬚᬂᬲᭂᬫᬸᬮᬸᬫ᭄ᬮᬸᬫ᭄᭞ᬧᬃᬡ᭄ᬦᬬᬂᬤᬶᬚ᭄ᬭᭀᬦᬶᬂᬫᬦᬄ᭛᭜᭛ᬧᬸᬧᬸᬄᬲᬶᬦᭀᬫ᭄᭛᭜᭛ᬓᬧᬶᬦ᭄ᬤᭀᬯᬦᬾᬳᬸᬩᬦᬂ᭞ᬑᬧ᭄ᬦᬫᬵᬤᬶᬭᬸᬫᬄᬲᬓᬶᬢ᭄᭞ᬓᭀᬘᬧ᭄ᬳᭂᬫ᭄ᬧᭂᬥᬸᬓᬲᬸᬫ᭄ᬩᬢ᭄᭞ᬗᬯᬶᬦᬂᬓᭂᬦᭂᬳᬾᬧᬮᬶᬂ᭞ᬳᬶᬩᬸᬓᬸ [ 17 ][᭑᭖ 16B]
᭑᭖
ᬲᬳᬶᬗᬸᬭᬶᬗᬸᬭᬶᬂ᭞ᬧᭂᬢᭂᬗᬾᬲᬳᬶᬳᬶᬗᬸᬄ᭞ᬫᬓᬦᬦ᭄‌ᬫ᭄ᬯᬄᬫᬶᬦᬸᬫᬦ᭄᭞ᬲᬶᬂᬳᬤᬓᬶᬢᬵᬦᬸᬦ᭄ᬤᬶᬓᬶ᭠ᬦ᭄᭞ᬫᭂᬭᬄᬫᭂᬭᬸᬄᬳᬶᬥᭂᬧᬾᬜᬲᬳᬶᬳᬸᬬᬂ᭟ᬫᬶᬲᬦᬾᬤᭀᬓ᭄ᬢᭂᬃᬲᬸᬤᬾᬯ᭞ᬗᬸᬭᬸᬲᬂᬲᬳᬸᬭᬳᬭᬶᬄ᭞ᬲᬳᬶᬩᬶᬜ᭄ᬘᬸᬄ
ᬫᬜᭂᬤ᭄ᬲᭂᬤᬂ᭞ᬓᬾᬦ᭄‌ᬤᭀᬓ᭄ᬢᭂᬃᬦᬾᬫᬸᬮᬳᬄᬮᬶ᭞ᬤᬶᬮᬩᭀᬭᬢᭀᬭᬶᬬᬸᬫ᭄ᬕᬸᬫᬦ᭄ᬢᬶ᭞ᬦᬸᬭᬾᬓ᭄ᬱᬳᬧᬗᬧᬵᬢᬸᬢ᭄᭞ᬭᬸᬦ᭄ᬢᬕ᭄ᬩᬬᬸᬦᬾᬲᬭᬸᬯᬂ᭞ᬳᬶᬧᬳᬾᬗᬩᬬᬂᬧᬸᬥᬶᬂ᭞ᬲᬶᬂᬤᬵᬲᭂᬤᬸᬓ᭄‌ᬲᬶᬂᬧᭂᬲᬦ᭄ᬤᬤᬶᬧ᭄ᬮᬯᬦᬂ᭟ᬤᭀ
ᬓ᭄ᬢᭂᬃᬯᬶᬪᬯᬦᬾᬫᬸᬮ᭞ᬢᬄᬮᬶᬳᬶᬤᬦᬸᬭᬾᬓ᭄ᬱᬳᬶᬦ᭄᭞ᬫᬧᬦ᭄ᬲᬓᬶᬢᬾᬫᬩᬶᬦ᭞ᬓᬶᬦᬸᬘᬧ᭄ᬬᬵᬲᬓᬶᬢ᭄ᬓᬸᬦᬶᬂ᭞ᬢᭀᬗᭀᬲᬾᬤᬶᬮᬫ᭄ᬧᬳᬢᬶ᭞ᬲᬗ᭄ᬓᬦ᭄ᬲᬶᬂᬧᬢᬶᬜᬓ᭄ᬱᭂᬤᬸᬓ᭄᭞ᬧᬜᬸᬳᬾᬫᬲᬯᬂᬲᭀᬓ᭄ᬮᬢ᭄᭞ᬧᭂᬲᬸᬬᬵ
ᬫᬕᭀᬩᬕᭂᬢᬶᬄ᭞ᬤᬤᬶᬮᬫ᭄ᬧᬸᬲ᭄‌ᬓᭂᬦᭂᬳᬾᬮᬕᬲ᭄‌ᬗ᭄ᬮᬮᬸᬯᬂ᭟ᬩᬬᬸᬦᬾᬲᬬᬦ᭄ᬫᬦ᭄ᬭᬯᬂ᭞ᬚᭀᬄᬲᬯᬢ᭄ᬫᬭᬲᬫᬵᬢᬶ᭞ᬳᬶᬫ᭄ᬧᬸᬲ᭄‌ᬜᬲᬳᬶᬢᬦ᭄ᬢᭂᬮᬕ᭄᭞ᬫᬸᬲᬸᬓ᭄ᬲᭂᬮᬂᬇᬦ᭄ᬤᭀᬲ᭄ᬓᭀᬧᬶ᭞ᬢᭂᬗᬄᬩᬲᬂ
[᭑᭗ 17A]
ᬦᬸᬭᬾᬓ᭄ᬱᬳᬶᬦ᭄᭞ᬫᬵᬲ᭄ᬓᬾᬦ᭄ᬦᬶᬂᬳᬧᬗᬢᬸᬢᬸᬕ᭄᭞ᬧᬶᬂᬧᬶᬦ᭄ᬤᭀᬦᭂᬢᭂᬲᬂᬳᬯᬓ᭄᭞ᬲᬓᬶᬢᬾᬲᬶᬂᬜᬓ᭄ᬫᬲᬮᬶᬦ᭄᭞ᬤᬤᬶᬳᬶᬗᬸᬄᬓᭂᬦᭂᬳᬾᬳᬸᬯᬂᬦᬸᬮᬗ᭄ᬲᬃ᭟ᬓᭀᬦᬾᬢᬶᬫ᭄ᬧᬮᬾᬫᬤ᭄ᬮᭀᬓᬦ᭄᭞ᬳᬸᬮᬶᬚᭀᬄᬢᭂ᭠
ᬓᬵᬗ᭄ᬭᬯᬸᬳᬶᬦ᭄᭞ᬕᬸᬲ᭄‌ᬭᬳᬶᬦᬚᬓ᭄ᬧᬓ᭄‌ᬳᬸᬲᬦ᭄᭞ᬦᬂᬚᬾᬦ᭄ᬤ᭄ᬭᬮᬦ᭄‌ᬤᬵᬬᬸᬲᬸᬘᬷ᭞ᬤᬵᬬᬸᬢᬸᬯ᭄‌ᬭᬳᬶᬢᬦ᭄ᬫᬭᬶ᭞ᬓᬳᬶᬭᬶᬂᬳᬶᬫᬥᬾᬤᭂᬕᬸᬂ᭞ᬳᬶᬤᬯᬬᬦ᭄‌ᬚ᭄ᬮᬡ᭄ᬝᬶᬓ᭄ᬢᬦ᭄ᬲᬄ᭞ᬲᬫᬶᬢᬦ᭄ᬤᬤᭀᬲ᭄‌ᬗᬭᬩ᭄ᬚᬶᬂ᭞ᬫᬵᬧᬦ᭄ᬲᬶ
ᬫᬸᬄᬲᬸᬗ᭄ᬓᬦᬾᬫᬯᬸᬯᬸᬄᬭᬳᬢ᭄᭟ᬲᬫᬶᬗᬓ᭄ᬱᬶᬲᭂᬮᬢ᭄ᬓᬘᬵ᭞ᬤᬶᬅ᭄‌ᬳᬕᬸᬂᬦᬾᬦᬾᬗᭀᬭᬳᬶᬦ᭄᭞ᬲᬹᬓ᭄ᬱ᭄ᬫᬦ᭄ᬫᬦᬳᬾᬳᬢᬸᬭᬂ᭞ᬫᬂᬫᬸᬂᬓᭂᬦᭂᬳᬾᬧᬤᬶᬤᬶ᭞ᬫᬭᬲᬢᭀᬂᬧᬗ᭄ᬕᬶᬄᬩᬸᬯᬶᬦ᭄᭞ᬢᬶᬫ᭄ᬧᬮᬾᬲᬶᬂᬚᬵᬓᬢᭂ᭠
ᬧᬸᬓ᭄᭞ᬳᬫᬸᬂᬤᬶᬫᬦᬄᬧᬃᬡ᭄ᬦᬬᬂ᭞ᬢᬺᬱ᭄ᬡᬦᬾᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬳᬧᬂᬢᬸᬫᬸᬲ᭄ᬓᬬᬸᬦᬾᬓᬬᬂᬓᬯᭂᬓᬲ᭄᭛᭜᭛ᬧᬸᬧᬸᬄᬧᬗ᭄ᬓᬸᬃ᭛᭜᭛ᬦᬸᬚᬸᬲᭂᬫᭂᬂᬫᬭᬕᬮᬂ᭞ᬗᭂᬦᬄᬲᬶᬦᬄᬮᬗᬶᬢᬾᬩᬳᬦ᭄ᬓᬗᬶᬦ᭄᭞ᬳᬶ [ 18 ][᭑᭗ 17B]
᭑᭗
ᬲᭂᬂᬓᭂᬦᭂᬳᬾᬫᬦᬸᬚᬸ᭞ᬦᭂᬕᬓ᭄ᬤᬶᬧᬼᬩᬳᬦ᭄‌ᬩ᭄ᬮᬓᬂ᭞ᬗᬯᬲ᭄ᬮᬶᬗ᭄ᬕᬄᬧᬓᬭᬗᬦᬾᬦᬾᬮᬸᬫ᭄ᬮᬸᬫ᭄᭞ᬧᬤᬗᬾᬩᬺᬫ᭄ᬩᬸᬦ᭄ᬳᬶᬬᬲ᭄᭞ᬦᬫ᭄ᬢᬫᬶᬦ᭄ᬤᬫᬸᬳᬾᬳᭂᬦᬶᬂ᭞ᬧᬸᬜᬦ᭄‌ᬩ᭄ᬮᬶᬂᬩᬶᬗᬾᬗᬺᬫ᭄ᬧᬬᬓ᭄᭞ᬦᭂᬥᭂᬂᬳᭂᬗᭂᬤ᭄ᬩᬸᬯᬄᬦᬾᬲ᭠
ᬲᬵᬫᬦᬶᬲ᭄᭞ᬗᬯᭂᬢ᭄ᬯᬂᬳᬶᬥᭂᬧ᭄ᬳᬸᬮᬗᬸᬦ᭄᭞ᬦᬸᬮᬶᬲᬂᬲᬚ᭄ᬭᭀᬦᬶᬂᬓᬺᬢᬲ᭄᭞ᬮᬶᬬᬸᬦ᭄ᬓᭂᬤᬶᬲᬾᬧᬥᬢᭂᬓᬫᬋᬩᬸᬢ᭄᭞ᬳᬤᬓᬧ᭄ᬘᬶᬢ᭄‌ᬳᬤᬓᬘᬶᬗ᭄ᬮᬃ᭞ᬓᬘᬾᬢ᭄ᬭᬸᬂᬫᬸᬜᬶᬦᬾᬢᬶᬗ᭄ᬮᬶᬲ᭄᭟ᬚᬦᬶᬳᬯᬓᬾᬧᬃᬡ᭄ᬦᬬᬂ᭞ᬦᬸ
ᬚᬸᬕᬮᬸᬗᬦ᭄‌ᬦᬫ᭄ᬧᬦᬶᬦ᭄ᬳᬶᬥᭂᬧ᭄ᬲᭂᬤᬶᬄ᭞ᬢᭂᬓᬓᭂᬦᭂᬳᬾᬦᬾᬫᬂᬫᬸᬂ᭞ᬚᬓ᭄ᬤᬤ᭄ᬯᬧᬲᬮᬶᬂᬳᬯᬲ᭄᭞ᬲ᭠ᬮᬶᬂᬢᭀᬮᬶᬄᬤᬶᬅ᭄‌ᬳᬕᬸᬂᬫᬲᭂᬩᭂᬂᬮᬬᬸ᭞ᬧᭂᬢᭂᬂᬍᬫᬄᬲᬳᬶᬫᬕᬤᬂ᭞ᬗᬬᬳᬶᬦ᭄ᬤᬾᬯᬾᬢᬾᬲᬓᬶᬢ᭄᭟ᬤᬸᬄᬭ
ᬢᬸᬲᬂᬗᬭᬸᬧᬓᬵ᭞ᬘᬶᬗᬓ᭄ᬢᬶᬢ᭄ᬬᬂᬳᬶᬮᬭᬲᭂᬤᬶᬄᬓᬲ᭄ᬬᬲᬶᬄ᭞ᬥᬸᬳ᭄ᬓᬶᬢᬫᬦᬳᬾᬗ᭄ᬮᬫ᭄ᬧᬸᬲ᭄᭞ᬢᬺᬱ᭄ᬡᬵᬳᬲᬶᬳᬾᬫᬶᬍᬕᬂ᭞ᬳᬶᬗᭂᬢ᭄ᬢᭂᬓᬾᬦ᭄‌ᬢᬺᬱ᭄ᬡᬳᬶᬦ᭄ᬧᬶᬬᬦᬓ᭄‌ᬘᬸᬘᬸ᭞ᬳᬩᬸᬂᬩᬸᬂᬕᭂᬢᬶᬳᬾᬭᬫ᭄ᬩ᭄ᬬᬓ᭄᭞ᬢᬶᬢ᭄ᬬ
[᭑᭘ 18A]
ᬢᭀᬂᬳᭂᬮᬲ᭄ᬗᬮᬳᬶᬦ᭄᭟ᬢᬶᬢ᭄ᬬᬂᬯᬦ᭄ᬢᬄᬧᬤᬤ᭄ᬯᬬᬦ᭄᭞ᬦᬾᬜᬲᬳᬶᬢᬺᬱ᭄ᬡᬗᬢᬸᬭᬂᬲᬸᬪᬓ᭄ᬢᬶ᭞ᬳᬤᬓᬦ᭄ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬚᬓ᭄ᬤᬤ᭄ᬯᬲᬶᬩᬋᬗᬦ᭄᭞ᬦᬳᬦ᭄ᬧᬦᭂᬲ᭄ᬪᬭᬦᬾᬳᭂᬮᬸᬤᬶᬦ᭄ᬩᬶᬗᬸᬂ᭞ᬲᬳᬶᬩᭂ
ᬮ᭄ᬩᭂᬮᬦ᭄ᬫᬫᬦᬄ᭞ᬬᬦ᭄ᬧᬗ᭄ᬕᬶᬄᬚᬮᬦᬾᬫᬢᬶ᭟ᬲᭂᬧᬶᬫᬂᬫᬸᬂᬮᬸᬤᬶᬦ᭄ᬗᬸᬗᬂ᭞ᬗᬚᬧ᭄ᬳᬚᬧ᭄ᬗᬲ᭄ᬣᬶᬢ᭄ᬬᬂᬲᬂᬳ᭄ᬬᬂ᭠ᬯᬶᬥᬶ᭞ᬳᬧᬂᬳᬶᬤᬢᬸᬮᬸᬲ᭄ᬢᬸᬫᬸᬲ᭄᭞ᬗᬶᬮᬗᬂᬳᬶᬥᭂᬧᬾᬩᬶᬂᬩᬂ᭞ᬳᬧᬂᬤᬵᬩ᭄ᬬᬧᬭᬓᭂᬦᭂᬳᬾᬗᬮᬮᬸ᭞ᬲᬶᬂᬧᭂᬲ
ᬦ᭄ᬤᬤᬶᬧᬹᬃᬡ᭄ᬦᬬᬂ᭞ᬳᬶᬗᭂᬢ᭄ᬢᭂᬓᬾᬦ᭄ᬤᬾᬯᬾᬓ᭄ᬲᬓᬶᬢ᭄᭛᭜᭛ᬧᬸᬧᬸᬄᬲ᭄ᬫᬵᬭᬦ᭄ᬤᬵᬦ᭛᭜᭛ᬦᬾᬳᬤᬧᬩᭂᬲᭂᬦ᭄ᬳᬚᬶᬅ᭄᭞ᬢᭂᬓᬾᬦ᭄ᬧ᭄ᬬᬦᬓᬾᬫᬓᭂᬚᬂ᭞ᬳᬧᬂᬢᬸᬮᬸᬲ᭄ᬧᬭᬲ᭄ᬧᬭᭀᬲ᭄᭞ᬲᬮᬸᬂᬮᬸᬂᬲᬪᬬᬦ᭄ᬢ᭠
ᬓ᭞ᬢ᭄ᬯᬭᬳᬤᬩ᭄ᬯᬶᬦ᭄‌ᬧᬺᬩᬸᬢᬂ᭞ᬢ᭄ᬯᬄᬮᬓ᭄ᬱᬡᬦᬾᬭᬳᬬᬸ᭞ᬢᭀᬳᬗ᭄ᬕᬵᬓᬬᬂᬓᬯᭂᬓᬲ᭄᭟ᬧᬢᬶᬍᬲᬂᬩᬸᬓᬚᬦᬶ᭞ᬗᭂᬮᬄᬩᬧᬵᬲᬸᬩᬢᬸᬯ᭞ᬢᬸᬯᬢᬸᬯᬸᬄᬮᬸᬤᬶᬦ᭄ᬩᭂᬮᭀᬕ᭄᭞ᬲᬶᬂᬧᭂᬲᬦ᭄ᬗᭂᬮᬄᬓᬩᬶᬲᬦ᭄᭞ [ 19 ][᭑᭘ 18B]
᭑᭘
ᬩᬶᬲᬦᬾᬢ᭄ᬯᬄᬫᬢ᭄ᬯᬶᬮᬶᬗᬂ᭞ᬳᬧᬂᬧ᭄ᬬᬦᬓᬾᬫᬧᬸᬭᬸᬓ᭄᭞ᬲᬶᬂᬲᬸᬯᬸᬤ᭄ᬗᬮᬶᬄᬧᬦᬯᬂ᭟ᬳᬶᬗᭂᬢᬂᬤᬾᬯᬾᬓᬾᬫᬶᬲ᭄ᬓᬶᬦ᭄᭞ᬤᬵᬤᭂᬫᭂᬦ᭄ᬗᬶᬗ᭄ᬮᬶᬮᬂᬳᬯᬓ᭄᭞ᬫ᭄ᬮᬳᬦ᭄ᬲᬤᬵᬗᬮᬧ᭄ᬓᬲᭀᬃ᭞ᬤᬵᬧᬲᬮᬶᬂᬧᬶᬭᬶᬬᬂ᭞ᬢᬺᬱ᭄ᬡᬦ᭄ᬳᬦᬓᬾ
ᬩᬸᬯᬢᬂ᭞ᬦᬸᬮᬸᬭᬶᬦ᭄ᬓᭂᬦᭂᬄᬭᬳᬬᬸ᭞ᬳᬢ᭄ᬯᬂᬩᬓ᭄ᬢᬶᬓᬾᬦ᭄ᬓᬯᬶᬢᬦ᭄᭟ᬮᬶᬬᬸᬦᬸᬦᬾᬧᬳᬸᬭᬸᬓᬶᬦ᭄᭞ᬲᭂ᭠ᬍᬕᬂᬤᬾᬯᬾᬓ᭄ᬫᬢᬶᬫ᭄ᬧᬮ᭄᭞ᬢᬶᬫ᭄ᬧᬮᬾᬦᬾᬲᬤᬵᬧᭀᬮᭀᬲ᭄᭞ᬚᬸᬚᬸᬃᬳᬚᬓ᭄ᬫᬭᬭᬲᬦ᭄᭞ᬳᬤᬢ᭄ᬯᬭᬵ
ᬦᬾᬳᬸᬘᬧᬂ᭞ᬤᬵᬢᭂᬗ᭄ᬲᬧ᭄ᬫᬫᬘᬩᬸᬓᬸ᭞ᬗᬮᬶᬄᬲᬲᬸᬮᬸᬳᬾᬫᭂᬮᬄ᭟ᬫᬓ᭄ᬯᬾᬄᬦᬾᬢᭀᬦ᭄ᬤᬾᬦ᭄ᬳᬸᬦᬶᬗᬶᬦ᭄᭞ᬦᬾᬧᬵᬢᬸᬢ᭄ᬳᬮᬶᬄᬧᬸᬭᬸᬓᬂ᭞ᬢᬢᬵᬓ᭄ᬭᬫᬢᭂᬕᬓ᭄᭞ᬭᬯᭀᬲ᭄᭞ᬦᬾᬗᬯᬶᬦᬂᬳᬦᬓ᭄ᬮᬾᬤᬂ᭞ᬳᭂᬦ᭄ᬢᭀᬤᬳᬢ᭄ᬫ
ᬉᬢ᭄ᬢᬫ᭞ᬧᬳᬸᬭᬸᬓ᭄ᬱᬢᬸᬗ᭄ᬕᬸᬦ᭄ᬢᬸᬯᬸᬄ᭞ᬦᬾᬧᬵᬢᬸᬢ᭄ᬧᬘᬂᬳᬶᬗᭂᬢᬂ᭟ᬫᬶᬦᬓᬵᬤᬶᬲᬂᬳ᭄ᬬᬂᬯᬶᬥᬶ᭞ᬲᬶᬂᬧᭂᬲᬦ᭄ᬤᬤᬶᬳᭂᬗ᭄ᬲᬧᬂ᭞ᬳᬸᬮᬳᬾᬧᬂᬫᬵᬦᬹᬢ᭄ᬭᬯᭀᬲ᭄᭞ᬚᬸᬚᬸᬃᬫ᭄ᬯᬄᬲᬢ᭄ᬬᬯᬘᬦ᭞ᬳᭂᬦ᭄ᬢᭀᬥᬃᬫ᭄ᬫᬦ᭄ᬲᬂᬲᬢ᭄ᬭᬶᬬ᭞ᬳ
[᭑᭙ 19A]
ᬲ᭄ᬣᬶᬢᬶᬪᬓ᭄ᬢᬶᬭᬳᬬᬸ᭞ᬜᬲᬳᬶᬢᭀᬳᬸᬢ᭄ᬲᬳᬬᬂ᭛᭜᭛ᬧᬸᬧᬸᬄᬤᬹᬃᬫ᭄ᬫ᭛᭜᭛ᬤᬶᬫᬸᬮᬶᬳᬾᬗᭀᬚᭀᬕ᭄ᬚᬸᬫᬄᬤᬶᬮᬸᬫᬶᬦ᭄ᬢᬂ᭞ᬳᬸᬫᬄᬧ᭄ᬬᬦᬓ᭄ᬧᬶᬦᬶᬄᬘᭂᬦᬶᬓ᭄᭞ᬲᭂᬧᬶᬲᬤᬗᬸᬗᬂ᭞ᬳᬰ᭄ᬭᬶᬭᭀᬗᭀᬲ᭄ᬫᬤᬸᬦᬸᬗ
ᬦ᭄᭞ᬤᬶᬢᬸᬫᬦᬦ᭄ᬦᬶᬗᭂᬄᬳᭀᬃᬣᬶ᭞ᬗ᭄ᬮᬦ᭄ᬢᬸᬭᬂᬫᬸᬩᬤ᭄᭞ᬫᬧᬶᬚᭂᬢ᭄ᬫᬢᬸᬲᬸᬓ᭄ᬚᬭᬶ᭟ᬫᬸᬮᬓᬲᬸᬩ᭄‌ᬧᬅ᭄‌ᬩᬸᬤ᭄ᬥᬶᬤᬶᬚᬮᬦ᭄‌ᬦᬗ᭄ᬓᬵ᭞ᬳᬸᬫᬄᬦᬾᬤᬶᬕᬵᬂᬓᭂᬦᬭᬶ᭞ᬮ᭄ᬬᬸᬳᬦᬓᬾᬓᭂᬫ᭞ᬢᬸᬃᬬᬵᬧ᭄ᬮᬧᬦ᭄ᬫᬳᬂᬳᬸᬩᬤ᭄᭞ᬫᬢ
ᬢᭂᬗᭂᬃᬲᬤᬵᬧᬲ᭄ᬢᬶ᭞ᬳᬤᬦᬾᬭᬸᬦ᭄ᬢᬳ᭄᭞ᬲᬓᬶᬢ᭄ᬩᬬᬸᬮᬦ᭄‌ᬭ᭄ᬬᭀᬫᬢᬶᬢ᭄᭟ᬳᬤᬭᬸᬫ᭄ᬧᬸᬄᬳᬤᬳᬦᬓ᭄ᬗᬮᬶᬄᬧ᭄ᬬᬦᬓ᭄᭞ᬳᬤᬓᬮ᭄ᬯᬭᬦ᭄‌ᬭᬸᬫᬄᬲᬓᬶᬢ᭄᭞ᬫᬤᬾᬧᬾᬂᬫᬚᬮᬦ᭄᭞ᬓᭀᬮᭀᬓ᭄ᬫᬸᬜᬶᬦᬾᬫᬓᬼᬤ
ᬦ᭄᭞ᬲᬶᬦᬵᬳᬤᬲ᭄ᬯᬾᬘ᭄ᬙᬦ᭄ᬯᬶᬥᬶ᭞ᬳᬤᬧᬚᬮᬦ᭄᭞ᬩᬶᬦ᭄ᬥᬬᬂᬲᭂᬕᭂᬃᬫᬯᬮᬶ᭟ᬲᬲᬸᬩᬢᭂᬮᬸᬩᬸᬮ᭠ᬦ᭄ᬤᬶᬳᬸᬫᬳᬸᬩᬤ᭄᭞ᬳᬤᬘᬶᬳ᭄ᬦᬵᬮᬓᬃᬗ᭄ᬮᬶᬮᬶᬭ᭄᭞ᬧᬜᬸᬳᬾᬦᬾᬩᬭᬓ᭄᭞ᬲᬬᬦ᭄ᬳᭂᬦᬶᬂᬘᬭᬢᭀᬬ᭞ᬩᬬᬸᬦᬾ [ 20 ][᭑᭙ 19B]
᭑᭙
ᬲᬬᬦ᭄ᬫᬕᭂᬦ᭄ᬢᬶ᭞ᬢᬸᬃᬫᭂᬮᬄᬫᬓᬦ᭄᭞ᬰᬭᬨᬾᬢᭀᬦ᭄ᬤᬾᬦ᭄ᬫᬯᬮᬶ᭟᭐᭟ᬫᬭᬢᭂᬓᭂᬤ᭄‌ᬩᬸᬯᬶᬦ᭄ᬚᬸᬫᬄ᭞ᬤᬶᬅᬫ᭄ᬮᬧᬸᬭᬚᭂᬦᭂᬓ᭄ᬫᬮᬶᬄᬫᬯᬮᬶ᭞ᬗᭂᬦᬳᬸᬫᬄᬲᭂᬧᬶᬫᬂᬫᬸᬂ᭞ᬫᬶᬭᬶᬩ᭄ᬲᬶᬂᬳᬤᬵᬩ᭄ᬭᬸᬗᬸᬯᬂ᭞ᬧᬸᬜᬦ᭄ᬩᬸ᭠
ᬗ᭄ᬳᬵᬧᬤᬗᬾᬧᬤᬗᬋᬫ᭄ᬩᬸᬦ᭄᭞ᬓᬸᬮᬸᬓᬾᬲᬶᬂᬧᬢᬶᬗᬫᬄ᭞ᬲᭂᬩᭂᬢ᭄ᬫᬓᭂᬮᭀᬓᬮᬳᬶᬦ᭄᭟ᬲᭂᬫᭂᬂᬫ᭠ᬳᬸᬭᬸᬓ᭄ᬫᬚᬮᬦ᭄᭞ᬤᬶᬗᭂᬄᬫᬸᬜᬶᬦ᭄ᬪᬭᬸᬓ᭄ᬘᬸᬓᬾᬫᬗᬸᬘᬶ᭞ᬓᭂᬤᬶᬲ᭄ᬓᬸᬓᬹᬃᬘᭂᬓᬹᬃᬘᭂᬓᬹᬃ᭞ᬲᬲᬧᬶᬦᬾᬲᭂᬭᬩ᭄‌ᬗᬶᬫ᭄ᬩᬂ᭞ᬩᬸ
ᬗ᭄ᬳᬵᬕᬫ᭄ᬩᬶᬃᬲᬤᬵᬫᬶᬬᬶᬓᬮᬸᬩ᭄‌ᬳᬮᬸᬩ᭄᭞ᬫᬶᬭᬶᬩ᭄ᬧᬥᬬᬵᬕᬃᬕ᭄ᬕᬶᬢ᭞ᬜᬫ᭄ᬪ᭄ᬭᬫᬤᬾᬯᬾᬓᬾᬫᬸᬮᬶᬄ᭟ᬩᬸᬗ᭄ᬳᬵᬳᬗ᭄ᬕ᭄ᬭᬾᬓᬾᬫᬓᭂᬚᬂ᭞ᬓᭂᬫ᭄ᬩᬂᬳᬶᬬᬲ᭄‌ᬮᬸᬫ᭄ᬮᬸᬫ᭄‌ᬬᬵᬫᬲᭂᬩᭂᬂᬓᭂᬜᬶᬂ᭞ᬫᬜᬧᬲᬂᬯᬯᬸᬭᬯᬸᬄ᭞ᬢᬶᬫ᭄ᬧᬮᬾ᭠
ᬢᭂᬓᬫᬤ᭄ᬮᭀᬓᬦ᭄᭞ᬤᬵᬬᬸᬲᬸᬘᬶᬳᬶᬤᬯᬬᬦ᭄‌ᬚ᭄ᬮᬡ᭄ᬝᬶᬓ᭄‌ᬭᬯᬸᬄ᭞ᬧᬓ᭄‌ᬳᬸᬲᬦ᭄ᬦᬾᬫᬸᬮᬤᬩ᭄ᬤᬩ᭄᭞ᬕᬸᬲ᭄‌ᬭᬳᬶᬢᬦ᭄ᬲᬄᬗ᭄ᬭᬯᬸᬳᬶᬦ᭄᭟ᬓᬢᬸᬗ᭄ᬓᬸᬮ᭄ᬳᬶᬥᭂᬧᬾᬮᬶᬬᬂ᭞ᬫᬵᬧᬦᭂᬦ᭄ᬢᭀᬜ᭄ᬮᬶᬫᬸᬭᬂᬓᭂᬦᭂᬳᬾᬧᬮᬶᬂ᭞ᬦᬶᬗᭂᬄ
[᭒᭐ 20A]
ᬫᬸᬜᬶᬫᬦᬶᬲ᭄‌ᬋᬫ᭄ᬧᬸᬄ᭞ᬤᬵᬬᬸᬲᬸᬘᬶᬫᬦᭂᬫ᭄ᬩᬗᬂ᭞ᬕᬕᬸᬭᬶᬢᬦ᭄ᬤᬸᬕᬲ᭄ᬲᬓᬶᬢᬾᬤᬶᬩᬤᬸᬂ᭞ᬢᭂᬫ᭄ᬩᬗᬾᬫ᭠ᬫ᭄ᬮᬤ᭄‌ᬧ᭄ᬭᬡ᭞ᬕᬸᬲ᭄‌ᬭᬳᬶᬦᬾᬗᬼᬗ᭄ᬓᬭᬳᬶᬦ᭄᭟ᬮᬶᬬᬂᬳᬶᬥᭂᬧᬾᬳᬸᬘᬧᬂ᭞ᬯᬮᬸᬬᬵᬫᬓ᭄ᬚᬂᬢᬶᬫ᭄ᬧᬮᬾᬗᬸᬩᬤᬶᬦ᭄᭞
ᬤᬤᬶᬲᬬᬦ᭄ᬲᬬᬦ᭄ᬫᬵᬫ᭄ᬧᬸᬄ᭞ᬤᬸᬮᬸᬭᬶᬦ᭄ᬓᭂᬦᭂᬳᬾᬳᬾᬕᬃ᭞ᬲᬹᬓ᭄ᬱ᭄ᬫᬦ᭄ᬫᬦᬳᬾᬤᬤᬶᬫᬶᬮᬸᬓᬧᬶᬢᬸᬢ᭄᭞ᬤ᭠ᬤᬶᬮᬫ᭄ᬩᬂᬚ᭄ᬭᭀᬦᬶᬂᬓᬭᬲ᭄᭞ᬕᬸᬭᬶᬢ᭄ᬳᬸᬗ᭄ᬕᬳᬂᬧᬗᬯᬶ᭟ᬲ᭄ᬯᬾᬘ᭄ᬙᬦ᭄ᬯᬶᬥᬶᬦᬾᬲᬹᬓ᭄ᬱ᭄ᬫᬬᬂ᭞ᬳᬤᬕᬮᬄᬦᬩ᭄ᬤᬩᬂᬢᬫᬦᬾ᭠
ᬳᬰ᭄ᬭᬶ᭞ᬗᬯᬾᬢ᭄ᬮᬕᬫᬶᬲᬶᬢᬸᬜ᭄ᬚᬸᬂ᭞ᬪᬶᬭᬸᬧᬸᬢᬶᬄᬢᬸᬃᬦᬾᬩᬭᬓ᭄᭞ᬤᬶᬩᭂᬢᬾᬦ᭄ᬘᬵᬫ᭄ᬧᬓᬓᬸᬦᬶᬗᬾᬦᬾᬗᬮᬸᬩ᭄᭞ᬫᬶᬲᬶᬢᭀᬕᭀᬕ᭄ᬦᬾᬫᬧᬶᬡ᭄ᬥ᭞ᬳᬶᬓᬓᬶᬯᬸᬯᬫᬫᬜ᭄ᬘᬶᬂ᭟ᬤᬶᬲᬶᬲᬶᬦ᭄‌ᬢ᭄ᬮᬕᬳᬶᬬᬲ᭄᭞ᬧᬸᬜᬦ᭄ᬩᬸᬗ᭄ᬳᬵ᭠
ᬓᭂᬫ᭄ᬩᬂᬳᬕᬸᬯᬃᬡ᭄ᬦᬯᬃᬡ᭄ᬦᬶ᭞ᬳᬤᬩᬭᬓ᭄ᬤᬤᬸᬮᬸᬫ᭄ᬮᬸᬫ᭄᭞ᬧᭂᬮᬸᬂᬓᬸᬦᬶᬂᬧᬥᬓᭂᬫ᭄ᬩᬂ᭞ᬳᬤᬩᬸᬯᬶᬦ᭄‌ᬢᭀᬕᭀᬕ᭄ᬳᬦᬓ᭄ᬘᭂᬦᬶᬓ᭄ᬫᬜᬸᬄ᭞ᬬᬾᬄᬦᬾᬗᭂᬲᭀᬃᬲᬶᬤᬵᬢᭂᬮᬕ᭄᭞ᬳᬶᬭᬭᬾᬳᬗᭀᬧᬶᬸᬦ᭄‌ᬧᬵᬲᬶᬳᬶᬦ᭄᭟᭐᭟ [ 21 ][᭒᭐ 20B]
᭒᭐
ᬧᬸᬦᬶᬓᬶᬕᬕᬸᬭᬶᬢᬦ᭄ᬲᭂᬓᬃᬳᬮᬶᬢ᭄᭞ᬧᬢᬶᬩ᭄ᬭᬢ᭞ᬧᬓᬃᬤ᭄ᬥᬶᬦ᭄‌ᬳᬶᬤᬳᬦᬓᬕᬸᬂᬓ᭄ᬢᬸᬢ᭄‌ᬳᬕᬸᬂ᭞ᬤᬸᬓ᭄ᬧᬶᬦᬸᬗ᭄ᬓᬦ᭄ᬭᬶᬂᬭᬸᬫᬄᬲᬓᬶᬢ᭄ᬲᬗ᭄ᬮᬄ᭞ᬲᬓᬶᬂᬢᬗ᭄ᬕᬮ᭄᭞᭑᭖᭞ᬫᬋᬢ᭄᭞ᬚᬦ᭄ᬢᭀᬲ᭄ᬢᬗ᭄ᬕᬮ᭄᭞᭑᭒᭞ᬳᬕᬸᬲ᭄ᬢᬸᬲ᭄᭞᭑᭙᭙᭒
᭛᭜᭛ᬧᬸᬧᬸᬢ᭄ᬲᬶᬦᬸᬭᬵᬢ᭄‌ᬓᬵᬮᬤᬶᬬᬦ᭞ᬅ᭞ᬓ᭞ᬯᬭᬫᭂᬥᬗ᭄ᬲ᭄ᬬ᭞ᬧᬂ᭞᭔᭞ᬰᬰᬶᬄᬓᬮᬶᬫ᭞ᬇᬰᬓ᭞᭑᭙᭑᭖᭞ᬤᬾᬲᬂᬳᬲᬚ᭄ᬜᬳᬶᬤᬳᬶᬤᬾᬯᬕ᭄ᬥᬾᬘᬢ᭄ᬭ᭞ᬓᬯᬶᬢ᭄ᬲᬓᬶᬂᬚ᭄ᬭᭀᬓᬗᬶᬦᬦ᭄ᬲᬶᬤᭂᬫᭂᬦ᭄᭞ᬗ᭄ᬤᬶᬓ᭄ᬱᬓ᭄ᬦᬵᬗ᭄ᬯᬂᬫᬸ
ᬥᬵᬮ᭄ᬧᬰᬵᬲ᭄ᬢ᭄ᬭ᭞ᬓᬾᬯᬮᬵᬳ᭄ᬯᬸᬦᬸᬫᬶᬮᬸᬫᬢ᭄ᬭᬵᬫᬢ᭄ᬭᬮᬸᬫᬮᬦᬾᬳᬶᬥᭂᬧ᭄ᬲᬗᬳᬸᬮᬸᬦ᭄ᬳᬦᬓᬕᬸᬂᬓ᭄ᬢᬸᬢ᭄‌ᬳᬕᬸᬂ᭞ᬫᭀᬖᬲᬶᬭᬓᬤᬶᬃᬕ᭄ᬕᬬᬸᬱᬦ᭄᭛᭜᭛ᬇᬦᬦ᭄ᬮᭀᬦ᭄ᬢᬃᬤᬺᬯᬾᬦ᭄ᬳᬦᬓᬕᬸᬂᬓ᭄ᬢᬸᬢ᭄‌ᬳᬕᬸᬂ᭞ᬳᬶᬜᭀ᭠
ᬫᬦ᭄ᬤᭂᬕᭂᬂᬦᭂᬤᬸᬦᬶᬦ᭄ᬫᬮᬶᬄ᭞ᬩᬜ᭄ᬚᬃᬓᬸᬯᬸᬫ᭄᭞ᬓᬭᬗᬲᭂᬫ᭄᭟ᬧᬸᬧᬸᬢ᭄ᬲᬶᬦᬸᬭᬵᬢ᭄᭞ᬓᬵᬮᬤᬶᬦ᭞ᬯ᭄ᬭ᭞ᬧ᭄ᬯ᭞ᬯᬭᬓ᭄ᬭᬹᬮᬸᬢ᭄᭞ᬇᬰᬓ᭞᭑᭙᭑᭖᭟ᬰᬰᬶᬄ᭞᭖᭟᭐᭟