Ban/Gaguritan Liku

Deskripsi

Naskah

[ 1 ][PEPRUSTAKAAN KTR.DOKBUD BALI PROP.BALI
G/X/1/DOKBUD]
Judul: Gaguritan Liku.
Pnj. 40 cm. Lb.3,5 cm. Jml. 35 lb.
Asal: Padangkerta, Karangasem.
[᭑ 1A]
Judul: Gaguritan Liku.
Pnj. 40 cm. Lb.3,5 cm. Jml. 35 lb.
Asal: Padangkerta, Karangasem. [ 2 ][᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬲᬶᬦᭀᬫ᭄᭚᭜᭚ᬳᬶᬲᭂᬂᬗᬯᬾᬕᬕᭂᬦ᭄ᬤᬶᬗᬦ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬭᬶᬂᬧᬗᬯᬶᬢ᭄᭞ᬦᬵᬗ᭄ᬳᬶᬂᬳᬫ᭄ᬧᬸᬭᬬᬂᬧᬶᬲᬦ᭄᭞ᬲᬵᬫ᭄ᬧᬸᬦᬂᬩᬗᭂᬢ᭄ᬗᭂᬤᬾᬓᬶᬦ᭄᭞ᬯᬶ
ᬭᬾᬄᬓᬢᬸᬦᬬᬂᬲᬫᬶ᭞ᬭᬶᬭᬶᬕᬦᬾᬗᬦ᭄ᬤᬂᬗᬜ᭄ᬚᬸᬄ᭞ᬬᬾᬦ᭄ᬭᬗ᭄ᬓᬸᬂᬦᬯᭂᬕᬂᬓᬸᬢᬂ᭞ᬬᬾᬦ᭄ᬓᬶᬭᬂᬫᬮᬶᬄᬯᬸᬯᬸᬳᬶᬦ᭄᭞ᬲᬵᬫ᭄ᬧᬸᬦ᭄ᬩᭂᬦ᭄ᬤᬸ᭞ᬲᬧᬲᬶᬭᬚᬫᬜᬶᬗᬓ᭄᭟ᬯᬾᬦ᭄ᬢᭂᬦᬺᬓᬾᬢᬸᬢᬸᬃᬲᬢ᭄ᬯ᭞ᬓᬳᬸᬘᬧ᭄ᬳᬶᬤᬲᬂ
ᬳᬚᬶ᭞ᬦᬣᬭᬢᬸᬦᬾᬭᬶᬂᬤᬳ᭞ᬮᬾᬤᬂᬓᬳ᭄ᬬᬸᬦ᭄ᬧ᭄ᬭᬫᬶᬰ᭄ᬯᬭᬶ᭞ᬳᬤᬧᬸᬢ᭄ᬭᬲᬯᬶᬚᬶ᭞ᬳᬶᬲ᭄ᬢ᭄ᬭᬶᬳᬬᬸᬦᬾᬓᬮᬗ᭄ᬓᬸᬂ᭞ᬲᬂᬧ᭄ᬭᬪᬸᬧ᭄ᬭᬫᬾᬲ᭄ᬯᬃᬬ᭄ᬬ᭞ᬮᬶᬦ᭄ᬢᬂᬮᬾᬤᬂᬫᬜᬶᬗᬓᬶᬦ᭄᭞ᬧᬸᬢ᭄ᬭᬶᬳᬬᬸ᭞ᬢᬸᬃᬫᬗᬗ᭄ᬕᬾᬲᬃᬯ᭄ᬯ
ᬫᬵᬲ᭄᭟ᬢᬦ᭄ᬓᭀᬘᬧ᭄ᬳᬶᬤᬲᬂᬦᬣ᭞ᬓᬯᬸᬯᬸᬲ᭄‌ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬦᬫ᭄ᬧᬦᬶᬦ᭄ᬓᬳ᭄ᬬᬸᬦ᭄‌ᬲᬂᬦᬣ᭞ᬰ᭄ᬭᬷᬓᬸᬦ᭄ᬤᬦᬶᬮᬃᬱᬍᬯᬶᬄ᭞ᬓᬸᬫᬦ᭄ᬤᭂᬮᬾᬂᬦᬺᬧᬢᬶ᭞ᬢᬸᬭᬶᬂᬯᬶᬘᬓ᭄ᬱᬡᬦᬸᬮᬸᬲ᭄᭞ᬧ᭄ᬭᬚ᭄ᬜᬦ᭄‌ᬢ᭄ᬯᬭᬤ

[᭒ 2A]
᭒
ᬫᬤ᭞ᬢ᭄ᬯᬭᬳᬤᬫᬫᬦ᭄ᬤᬶᬗᬶᬦ᭄᭞ᬜᬦ᭄ᬤᬂᬓᬲᬸᬩ᭄‌‌ᬓᬮᭀᬓᬤᬶᬫᬺᬘᬧᬤᬵ᭟ᬳᬶᬧᬢᬶᬄᬓᬸᬤᬦᬶᬮᬃᬱ᭞ᬗ᭄ᬮᬄᬧ᭄ᬬᬦᬓ᭄‌‌ᬮᬸᬄᬳᬤᬶᬭᬶ᭞ᬲ᭄ᬮᭂᬫ᭄ᬲᭂᬍᬫ᭄ᬲᬤᬕᬗ᭄ᬕᬲ᭄᭞ᬜᭀᬜᭀᬦᬾᬫᭂᬮᬶᬕᭀ
ᬮᬫ᭄ᬩᬶᬄ᭞ᬩᭀᬓ᭄ᬩᬭᬓ᭄ᬓᭂᬜ᭄ᬘᭂᬂᬕᬸᬭᬶᬄ᭞ᬩᬢᬶᬲ᭄ᬢᬸᬮ᭄ᬬᬢᬶᬳᬶᬂᬧ᭄ᬢᬸᬂ᭞ᬢᬸᬃᬓᬄᬓᬄᬓᬘᬶᬘᬶᬗᬦ᭄᭞ᬓᬗ᭄ᬓᭂᬦ᭄ᬭᬶᬂᬰ᭄ᬭᬶᬦᬭᬧᬢᬶ᭞ᬕᬸᬢᬶᬮᬶᬓᬸᬫᬸᬜᬶᬕ᭄ᬤᬾᬩ᭄ᬯᬶᬦ᭄ᬲᬭᬕ᭄᭟ᬫᬧᬭᬩ᭄ᬳᬶᬮᬶᬫ᭄ᬩᬸᬃᬢᭂᬫ᭄ᬧᭀᬭᬢ᭄᭞ᬢᭀᬲᬶᬂᬓ
ᬭᬸᬗ᭄ᬯᬂᬚᬦᬶ᭞ᬲᬶᬂᬚᬮᬦ᭄ᬚᬮᬦ᭄ᬫᬕ᭄ᬦᬄ᭞ᬚᬸᬭᬸᬗᬸᬮᬶᬕ᭄ᬳᭀᬤᬓ᭄ᬲᬳᬶ᭞ᬧᬗᬬᬄᬧ᭄ᬭᬫᬶᬲ᭄ᬯᬭᬶ᭞ᬓᬵᬮᬶᬄᬮᬦ᭄ᬳᬶᬤᬲᬂᬧ᭄ᬭᬪᬸ᭞ᬚᬸᬭᬸᬫᬗᬫ᭄ᬩᬶᬮ᭄ᬢᭀᬬ᭞ᬧ᭄ᬢᭂᬂᬍᬫᬄᬲᬳᬶᬲ᭄ᬤᬶᬄ᭞ᬭᬭᬶᬲ᭄ᬫᬦ᭄ᬢᬸᬓ᭄᭞ᬦᬕᬶᬄᬕᬸᬡᬓᬾ
ᬦ᭄ᬭᬭᬫ᭟ᬦᬶᬓᬸᬤᬦᬶᬮᬃᬱᬳᬾᬭᬂ᭞ᬢ᭄ᬓᬵᬧ᭄ᬬᬦᬓᬾᬫᬗ᭄ᬮᬶᬂ᭞ᬭᬭᬶᬲ᭄ᬓᬭᬗ᭄ᬲᬸᬓᬶᬦ᭄ᬕᬸᬡ᭞ᬕᬸᬡᬲᭀᬄᬦᬾᬦᬾᬍᬯᬶᬄ᭞ᬤᬶᬫᬢᬭᬗ᭄ᬲᬸᬂᬲᬭᬶ᭞ᬤᬶᬳᬯᬓ᭄ᬩᬗ᭄ᬓᬸᬂᬩᬸᬤᬸᬄ᭞ᬤᬶᬮᬶᬫᬳᬶᬚᬭᬶᬂᬲᬸᬢ᭄ᬭ᭞ᬤᬶᬩᬶᬩᬶᬄ [ 3 ][᭒ 2B]
᭒
ᬳᬶᬢᬸᬂᬢᬸᬂᬢᬗᬶᬲ᭄᭞ᬦᬾᬭᬶᬂᬭᬫ᭄ᬩᬸᬢ᭄᭞ᬧᬶᬗᬭᬧ᭄ᬳᬶᬚᬭᬦ᭄ᬕᬸᬬᬂ᭟ᬤᬶᬢᬶᬦ᭄ᬤᬓᬦ᭄ᬲᬸᬍᬫᬦᬓ᭄᭞ᬢᬬᬸᬗᬦ᭄ᬕᬤᬸᬂᬫᬮᬢᬶ᭞ᬤᬶᬓᬫ᭄ᬩᭂᬦ᭄ᬳᬶᬘᬸᬓᬩ᭄ᬭᬕ᭄᭞ᬤᬶᬢᬧᬶᬄᬧᬦᬸᬗ᭄ᬓᬸᬮ᭄ᬕᬸᬫᬶ᭞ᬤᬶᬫᬸᬜᬶᬳᬶᬳᬫ᭄ᬩᬃᬲᬭᬶ᭞ᬕᬸᬡᬧᬸ
ᬍᬢᬾᬭᬶᬂᬲᬩᬸᬓ᭄᭞ᬲᬮᬾᬦ᭄ᬤᬂᬳᬶᬕᬸᬡᬓ᭄ᬭᬫ᭞ᬤᬶᬩᬸᬮᬂᬦᬕᬲᬗ᭄ᬓᬸᬯᬶᬢ᭄᭞ᬦᬾᬭᬶᬂᬘᬸᬗᬸᬄᬕᬸᬡᬧᬦ᭄ᬭᬂᬉᬧᬲ᭄ᬫᬦ᭄ᬤᬃ᭟ᬲᬵᬫ᭄ᬧᬸᬦ᭄ᬯᬸᬲ᭄ᬫᬗ᭄ᬭᬗ᭄ᬲᬸᬓ᭄ᬕᬸᬡ᭞ᬦᬩ᭄ᬤᬩ᭄ᬓᬓᬫ᭄ᬩᭂᬦᬦ᭄ᬫᬗ᭄ᬓᬶᬦ᭄᭞ᬫᬢᭀᬭᭀᬲ᭄ᬩᬲᬗᬾᬩᭂᬗ᭄ᬓᬓ᭄᭞ᬢᬸᬬᬸᬄ
ᬭᬾᬜ᭄ᬘᬂᬦᬾᬦᬸᬮᬸᬗᬶᬦ᭄᭞ᬫᬦᬕ᭄ᬢᬕ᭄ᬫᬗᬧᬸᬭᬶᬦ᭄᭞ᬫᬲᬸᬯᬄᬳᭂᬩᭀᬓᬾᬧ᭄ᬭᬸᬢ᭄᭞ᬳᬮᬶᬲᬾᬍᬄᬲᬫ᭄ᬧ᭄ᬮᬄ᭞ᬢᬸᬬᬸᬄᬫᬜᭀᬮᬾᬓᬶᬦ᭄ᬫᬗ᭄ᬲᬶ᭞ᬫᬢᬲᬾᬗᬢ᭄ᬕᬶᬕᬶᬕᬶᬗ᭄ᬲᬸᬮ᭄ᬳᬶᬲᬶᬢ᭄ᬲ᭄ᬮᭂᬫ᭄᭟ᬭᬭᬶᬲ᭄ᬫᬗᬫ᭄ᬩᬶᬮᬂᬫᬶᬜᬓ᭄᭞
ᬧᬾᬦ᭄ᬤᬾᬃᬩᭀᬦ᭄ᬜᬦᬾᬫᬶᬳᬶᬓ᭄᭞ᬳᬗ᭄ᬕᭀᬦ᭄ᬫᬜᬧ᭄ᬲᬧᬶᬦ᭄ᬭᬵᬕ᭞ᬧᬸᬧᬸᬢ᭄ᬧᬧᬳ᭄ᬬᬲᬦ᭄ᬫᬗ᭄ᬓᬶᬦ᭄᭞ᬫᬓᬶᬭᬾᬧᬘᬂᬓᬧᬸᬭᬶ᭞ᬫᬧᬫᬶᬢ᭄ᬭᬶᬂᬳᬚᬶᬕᬸᬭᬸ᭞ᬓᬳᬶᬘ᭄ᬙᬾᬦ᭄ᬧᬋᬓᬦ᭄ᬤᬤ᭄ᬯ᭞ᬗᬩᬓᭂᬫ᭄ᬩᬮ᭄‌‌ᬩᬭᬓ᭄ᬗᭂᬦ᭄ᬤᬶᬄ᭞ᬢ

[᭓ 3A]
᭓
ᬦ᭄ᬘᬭᬶᬢ᭞ᬭᬶᬂᬚᬮᬦ᭄ᬭᬯᬸᬄᬤᬶᬧᬸᬭᬶ᭟ᬓᭀᬘᬧᬳᬶᬤᬲᬂᬦᬣ᭞ᬩᬸᬜᬶᬗᬓ᭄ᬳᬶᬮᬶᬫ᭄ᬩᬸᬃᬧᬮᬶᬂ᭞ᬓᬮᬶᬯᬸᬢᬦ᭄ᬩᬳᬦ᭄ᬕᬸᬡ᭞ᬮᬶᬗ᭄ᬮᬸᬂᬳᬸᬬᬂᬮᬶᬗ᭄ᬮᬸᬂᬧᬮᬶᬂ᭞ᬲᬓ᭄ᬭᬄᬭᬩᬶᬦᬾᬲᬫᬶ᭞ᬓᬫ᭄ᬧᬶᬄᬢ᭄ᬯᬭᬳᬤᬗ᭄ᬭᬸᬗᬸ᭞ᬧ᭄ᬭᬫᬶᬲ᭄ᬯᬭᬶᬓ
ᬓᬢᭂᬫ᭄ᬧᭀᬭᬢ᭄᭞ᬭᬯᬶᬧᬸᬢ᭄ᬭᬓᬭᬶᬳᬮᬶᬢ᭄᭞ᬯᬾᬦ᭄ᬢᭂᬦ᭄ᬯᬳᬸᬫᬬᬸᬰᬢᬶᬕᬂᬳᭀᬤᬮᬦ᭄᭟ᬩᬮᬶᬓᬶᬦ᭄‌‌ᬩ᭄ᬯᬶᬦ᭄ᬘᬭᬶᬢᬬᬂ᭞ᬳᬶᬮᬶᬫ᭄ᬩᬸᬃᬫᬯᬸᬯᬸᬄᬩᬗ᭄ᬕᬶ᭞ᬳᬶᬗᭂᬢ᭄ᬩᬦ᭄ᬤᬾᬯᬾᬓᬾᬲᬬᬂ᭞ᬢ᭄ᬯᬭᬫᬗᬶᬢᬸᬂᬓᬯᬸᬭᬶ᭞
ᬫᬤᬸᬦᬾᬫᬓ᭄ᬚᬂᬓᬫ᭄ᬧᬶᬄ᭞ᬲᬯᬢᬭᬳᬤᬲᬢᬸᬲ᭄᭞ᬫᬓᬤᬶᬜᬧ᭄ᬭᬫᬶᬲ᭄ᬯᬃᬬ᭄ᬬ᭞ᬢ᭄ᬯᬭᬩᬦᬶᬫᬗᬸᬭᬶᬫᬶᬓ᭄᭞ᬲᬧᬢᬸᬤᬸᬄ᭞ᬓᬮᬶᬄᬓᬳᬲᬳᬶᬦ᭄ᬩᬲ᭟ᬳᬶᬮᬶᬓᬸᬲᬸᬫᬶᬗ᭄ᬓᬶᬦ᭄ᬩᬶᬗᬃ᭞ᬢ᭄ᬯᬭᬫᬚᬗ᭄ᬓᬫᬫᬸᬜᬶ᭞ᬭᬾᬄ
ᬫᬗᬸᬮᬄᬳᬲᬓ᭄ᬱᬡ᭞ᬢ᭄ᬯᬭᬗᬶᬢᬸᬂᬦᬾᬓᬳᬸᬭᬶ᭞ᬬᬾᬦ᭄‌‌ᬦᭂᬕᬓ᭄ᬢᬦ᭄ᬲᬄᬜᬦ᭄ᬤᬶᬂ᭞ᬲᬂᬧ᭄ᬭᬪᬸᬫᬗᬸᬭᬸᬢ᭄‌‌ᬳᬸᬭᬸᬢ᭄᭞ᬮᬯᬸᬢ᭄ᬫᬜ᭄ᬭᬶᬢ᭄ᬲᬭᬕ᭄᭞ᬳᭂᬜᬾᬦ᭄ᬤᬶᬢᬸᬲᭀᬭᭀᬄᬘᬶᬘᬶᬂ᭞ᬫᬳᬶᬫᬮᬸᬧᬳᭂᬓᬶᬦ᭄ᬚ [ 4 ][᭓ 3B]
᭓
ᬓᬸᬤᬓᭀᬮ᭟ᬫᬓ᭄ᬚᬂᬫᬵᬥᬸᬦᬾᬜᬚᬕ᭄᭞ᬫᬓᬤᬶᬜᬧ᭄ᬭᬫᬶᬲ᭄ᬯᬭᬶ᭞ᬫᬓ᭄ᬚᬂᬧᬥᬫᬜᬕ᭄ᬜᬕ᭄᭞ᬳᬶᬮᬶᬫ᭄ᬩᬸᬃᬩᬗ᭄ᬭᬲ᭄ᬫᬫᬸᬜᬶ᭞ᬦᬾᬳᬶᬩᬧᬥᬤᬶᬦᬶ᭞ᬳ᭄ᬤᭂᬳᬶᬩᬧᬘᬂᬯᬗ᭄ᬲᬸᬮ᭄᭞ᬫᬦᬸᬮᬓ᭄ᬫᬸᬜᬶᬦ᭄ᬓᭀᬮ᭞ᬗ
ᬳᬾᬳᭀᬤᬓ᭄ᬲᬳᬶᬲᬳᬶ᭞ᬫ᭄ᬯᬄᬍᬫᬸᬭᬸᬤ᭄᭞ᬓᬾᬢᭀᬚ᭄ᬯᬧᬥᬳᬶᬗᭂᬢᬂ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓ᭞ᬗᬲᬶᬳᬶᬦ᭄ᬳᬶᬮᬶᬫ᭄ᬩᬸᬃᬭᬭᬶᬲ᭄᭞ᬳᬦᬓ᭄ᬳᬕᬸᬂᬲᬸᬳᬸᬤ᭄ᬫᭂᬗ᭄ᬕᬸᬄ᭞ᬢ᭄ᬬᬂᬧᬘᬂᬫᬗᭂᬯᬾᬮᬶᬦ᭄᭞ᬬᬾᬦ᭄ᬳᬶᬧᬸᬦ᭄ᬧᬘᬂᬩᬦᬶ᭞ᬧᬶ
ᬯᬮ᭄ᬢᭂᬓᬾᬦ᭄ᬓᬳ᭄ᬬᬸᬦ᭄ᬳᬕᬸᬂ᭞ᬢᬦ᭄ᬲᬄᬮᬯᬸᬢ᭄ᬓᬤᬦ᭄ᬤᬦ᭄᭞ᬫᬳᬶᬫᬺᬫ᭄ᬳᬕᬸᬂᬳᬶᬲ᭄ᬢ᭄ᬭᬶ᭞ᬗᬤᬸᬕ᭄ᬳᬤᬸᬕ᭄᭞ᬳᬶᬮᬶᬫ᭄ᬩᬸᬃᬫᬯᬸᬯᬸᬄᬩᬗ᭄ᬕ᭟ᬧ᭄ᬢᭂᬂᬍᬫᬄᬗᬶᬓᭂᬢ᭄ᬤᬬ᭞ᬧᬂᬜᬶᬤ᭄ᬥᬬᬂᬳᬶᬲᬸᬭᬶ᭞ᬲᬶᬤ᭄ᬥᬫᬗᭂᬫᬲᬶᬦ᭄ᬭᬸᬲᬓ᭄᭞ᬓᬾ
ᬢᭀᬳᬶᬥᭂᬧ᭄ᬜᬦᬾᬲᬳᬶ᭞ᬬᬾᬦ᭄ᬢᭀᬜᬶᬤ᭄ᬥᬬᬂᬫᬢᬶ᭞ᬢ᭄ᬯᬭᬧᬘᬂᬩᬸᬳᬸᬂ᭞ᬳᬶᬤᬸᬧ᭄ᬓᬮᬭᬮᬭ᭞ᬲᬳᬶᬤᬸᬧᬾᬲᬓᬶᬢ᭄ᬳᬢᬶ᭞ᬩᬦᬾᬩ᭄ᬓᬸᬂᬢ᭄ᬯᬭᬫᬗ᭄ᬮᬄᬧ᭄ᬬᬦᬓ᭄᭟ᬭᬭᬶᬲ᭄ᬫᬵᬢᬹᬃᬭᬶᬂᬲᬂᬦᬣ᭞ᬗᬸᬲᬧ᭄ᬳᬸᬲ

[᭔ 4A]
᭔
ᬧ᭄‌‌ᬧ᭄ᬲᬸᬫᬸᬜᬶ᭞ᬗᬭᬭᬲ᭄ᬫᬫᭂᬕᬢ᭄ᬫᭂᬕᬢ᭄᭞ᬤᬸᬄᬭᬢᬸᬤᬾᬯᬕᬸᬂᬳᬚᬶ᭞ᬧᬶᬋᬗᬭᬢᬸᬫᬗ᭄ᬓᬶᬦ᭄᭞ᬗ᭄ᬳᬶᬂᬭᬢᬸᬲᬵᬫ᭄ᬧᬸᬦᬂᬩᭂᬦ᭄ᬤᬸ᭞ᬳᬶᬲᬸᬭᬶᬗ᭄ᬕᬶᬄᬕ᭄ᬤᬶᬬᬂ᭞ᬢᬸᬢᬶᬂᬧ᭄ᬬᬦᬓ᭄ᬦᬾᬘ᭄ᬦᬶᬓ᭄᭞ᬩᬩᬃᬢᬸᬦ᭄ᬤᬸᬂ᭞ᬕ᭄ᬦᬳᬂᬤᬶᬢ᭄ᬗᬄ
ᬳᬮᬲ᭄᭟ᬫᬧᬶᬳᬶᬮᬶᬫ᭄ᬩᬸᬃᬲᬶᬕ᭄ᬲᬶᬕᭂᬦ᭄᭞ᬦ᭄ᬓᭂᬧ᭄ᬫᬢᬢᬸᬄᬕᬳᬶᬂ᭞ᬲᬂᬦᬣᬮᬯᬸᬢ᭄ᬫᬕᬾᬩ᭄ᬭᬲ᭄᭞ᬫᬗᬺᬋᬄᬰ᭄ᬭᬷᬧ᭄ᬭᬫᬶᬲ᭄ᬯᬭᬶ᭞ᬚᬕ᭄ᬗᬫ᭄ᬩᬶᬮ᭄‌‌ᬮᬯᬸᬢ᭄ᬦᬶᬕ᭄ᬢᬶᬕ᭄᭞ᬫᬦᬶᬜ᭄ᬚᬓ᭄ᬲᬳᬫᬦᬜ᭄ᬚᬸᬂ᭞ᬧ᭄ᬭᬫᬶᬲ᭄ᬯᬭᬶᬓᬢᬓ᭞ᬳᬶᬭᬸ
ᬗᬾᬫᬯ᭄ᬢᬸᬕ᭄ᬢᬶᬄ᭞ᬩᬩᬓ᭄ᬩᭂᬮᬸᬃᬲᬂᬦᬣᬮ᭄ᬬᬸᬦᬶᬲᬶᬬᬂ᭟ᬩᬗ᭄ᬭᬲ᭄ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬕᭂᬤ᭄ᬬᬂᬬᬳᬸᬮᬶᬤᬶᬦᬶ᭞ᬤᬶᬢ᭄ᬗᬄᬳᬮᬲᬾᬓᬸᬢᬂ᭞ᬳ᭄ᬤᭂᬲᬦ᭄ᬫᬳᬂᬫᬸᬮᬶᬄ᭞ᬩᬋᬂᬧ᭄ᬬᬦᬓᬾᬘ᭄ᬦᬶᬓ᭄᭞ᬤᬶᬳᬮᬲ᭄ᬕᬳᬾᬦᬂᬓᬸᬩᬸ᭞
ᬳᬓᬾᬢᭀᬫᬗᬦ᭄ᬤᬶᬓ᭞ᬲᬂᬧ᭄ᬭᬪᬸᬭᬭᬶᬲ᭄ᬦᬶᬗ᭄ᬕᬮᬶᬦ᭄᭞ᬢᬦ᭄ᬲᬄᬜᬸᬚᬸᬃ᭞ᬳᬶᬮᬶᬫ᭄ᬩᬸᬃᬲᬳᬸᬧ᭄ᬓᬳᬭᬲ᭄᭟ᬳ᭄ᬦᭂᬗᬓ᭄ᬦᬲᬂᬦᬣ᭞ᬓᭀᬘᬧ᭄ᬳᬶᬤᬧ᭄ᬭᬫᬶᬲ᭄ᬯᬭᬶ᭞ᬤᬶᬦᬢᬳᬾᬫᬫᬸᬮᬶᬲᬄ᭞ᬩ᭄ᬭᬤ᭄ᬩ᭄ᬭᬸᬤ᭄‌‌ᬧ᭄ᬲᬸᬕ᭄ᬢᬶᬄᬧ [ 5 ][᭔ 4B]
᭔
ᬯᭀᬗᬦ᭄ᬫᬗᬺᬦ᭄ᬢᭂᬩᬶᬦ᭄᭞ᬧᬥᬗᭂᬮᬶᬂᬲ᭄ᬮᭂᬕᬢ᭄ᬲ᭄ᬮᭂᬕᬸᬢ᭄᭞ᬗᬢᬸᬭᬂᬢᭀᬬᬲᬶᬭᬫ᭄᭞ᬳᬤᬫᬗᭂᬢᬸᬮᬶᬦ᭄ᬕᭂᬢᬶᬄ᭞ᬳᬤᬗᭀᬲᭀᬓ᭄ᬘᬦ᭄ᬤᬦᬓᬳᬗ᭄ᬕᬾᬦ᭄ᬢᬫ᭄ᬩ᭟ᬳᬚᬳᬦ᭄ᬳᬾᬮᬶᬂᬭᬶᬂᬧᬸᬢ᭄ᬭ᭞ᬓᬳᭂᬫ᭄ᬩᬦ᭄ᬢᬸᬃᬓᬧᬲᬶᬳᬶ
ᬦ᭄᭞ᬳ᭄ᬤᭂᬢᬦ᭄ᬤ᭄ᬭᬸᬄᬫᬡᬶᬓ᭄ᬲᬬᬂ᭞ᬮᬶᬯᬢ᭄ᬮᬘᬸᬃᬩᬸᬓᬚᬦᬶ᭞ᬓᬢᬸᬦ᭄ᬤᬸᬂᬩᬳᬦ᭄ᬳᬶᬕᬸᬭᬸ᭞ᬫᬓᬸᬢᬂᬢ᭄ᬗᬄᬳᬮᬲ᭄᭞ᬢ᭄ᬯᬭᬳᬸᬦᬶᬂᬢ᭄ᬓᬾᬦ᭄ᬲᬶᬲᬶᬧ᭄᭞ᬘ᭄ᬦᬶᬂᬳᬬᬸᬫᬶᬮᬸᬫᬦᬦ᭄ᬤᬂᬲᬗ᭄ᬲᬭ᭟ᬧ᭄ᬭᬫᬶᬲ᭄ᬯᬭᬶᬭᬭᬶᬲ᭄ᬫᬫᬃᬕ᭄ᬕ᭞ᬳᬦᬭᬸᬂᬮᬫ᭄ᬧ
ᬳᬾᬕ᭄ᬮᬶᬲ᭄᭞ᬫᬸᬗ᭄ᬕᬄᬕᬸᬦᬸᬂᬫᬜ᭄ᬚᬶᬂᬳᬮᬲ᭄᭞ᬯᬾᬦ᭄ᬢᭂᬦ᭄ᬲᬢᬓ᭄ᬫᬜᬋᬗᬶᬦ᭄᭞ᬘ᭄ᬭᬶᬓ᭄ᬓᭂᬮᬶᬄᬮᬸᬄᬫ᭄ᬯᬦᬶ᭞ᬧᬥᬫᬗ᭄ᬮᬶᬂᬧᬲ᭄ᬮᭂᬕᬸᬢ᭄᭞ᬫᬓ᭄ᬚᬂᬫᬜᭂᬮ᭄ᬲᭂᬮᬂ᭞ᬳᬶᬮᬶᬓᬸᬮᬦ᭄‌‌ᬰ᭄ᬭᬷᬦᬺᬧᬢᬶ᭞ᬩᬲ᭄ᬓᬤᬸᬭᬸᬲ᭄᭞ᬳ᭄ᬮᬲᬾᬢ᭄ᬓᬾᬦᬶᬂᬧᬸ
ᬢ᭄ᬭ᭟ᬳᬓᬾᬄᬧᬓ᭄ᬭᬶᬫᬶᬓᬾᬧᬥ᭞ᬫᬗ᭄ᬓᬶᬦ᭄ᬓᭀᬘᬧ᭄‌‌ᬧ᭄ᬭᬫᬶᬲ᭄ᬯᬭᬶ᭞ᬫᬜᬸᬲᬸᬧ᭄‌‌ᬢ᭄ᬗᬳᬶᬂᬳᬮᬲ᭄᭞ᬫᬾᬄᬲᬸᬭᬸᬧ᭄‌‌ᬳ᭄ᬬᬂᬭᬯᬶᬭᬲ᭄ᬫᬶᬦ᭄᭞ᬢᬤᬳᬲᬶᬳᬾᬫᬗᭂᬗ᭄ᬓᬶᬓ᭄᭞ᬫᬶᬮᬸᬲ᭄ᬤᬶᬄᬦᬕᬶᬄᬦᬸᬢᬸᬕ᭄᭞ᬲ᭄ᬤᬶᬄᬓᬗᭂᬦ᭄ᬭᬶᬂ

[᭕ 5A]
᭕
ᬭᬳᬤ᭄ᬬᬦ᭄᭞ᬮᭀᬦ᭄ᬓᬾᬓᬾᬃᬭᬫᬾᬫᬫᬸᬜᬶ᭞ᬓ᭄ᬭᬸᬬᬸᬓ᭄ᬳᬬᬫ᭄ᬲᬯᬢ᭄ᬫᬳᬶᬭᬶᬩ᭄ᬫᬜᬧ᭟ᬓ᭄ᬤᬶᬲᬾᬭᬫᬾᬧᬓ᭄ᬭᬶᬬᬓ᭄᭞ᬲᬮᬶᬂᬧᬶᬢᬸᬢᬸᬭᬶᬦ᭄ᬲ᭄ᬤᬶᬄ᭞ᬓᬗᭂᬦ᭄ᬭᬶᬂᬲᬂᬯᬯᬸᬧ᭄ᬭᬵᬧ᭄ᬢ᭞ᬕᬺᬳᬾᬤᬺᬲ᭄ᬫᬫᬸᬜᬶ᭞ᬢᬦ᭄ᬘᬭᬶᬢ
ᬭᬶᬂᬫᬃᬕ᭄ᬕᬶ᭞ᬭᬯᬸᬄᬫᬭᬶᬂᬳᬮᬲ᭄ᬳᬕᬸᬂ᭞ᬭᬶᬂᬕ᭄ᬦᬳᬾᬫᬓᬸᬢᬂ᭞ᬓᬸᬩᬸᬲᬵᬫ᭄ᬧᬸᬦ᭄ᬓᬓᬃᬬ᭄ᬬᬦᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬳᬸᬮᬦᬾᬲᬫᬶᬩᬸᬤᬮ᭄᭟ᬲᬭᬯᬸᬳᬾᬭᬶᬂᬦᬵᬕᬭ᭞ᬭᬭᬶᬲ᭄ᬧᬋᬓ᭄ᬭᬶᬂᬦᬺᬧᬢᬶ᭞ᬗᬢᬸᬭᬂᬲᬧ
ᬭᬶᬓᬦ᭄ᬤ᭞ᬳᬶᬮᬶᬓᬸᬳᬾᬕᬃᬭᬶᬂᬳᬢᬶ᭞ᬗᬭᬾᬫᭀᬦ᭄‌‌ᬚ᭄ᬭᭀᬦᬶᬂᬳᬢᬶ᭞ᬦᬄᬤᬸᬫᬤᬓ᭄ᬳᬧᬂᬮᬫ᭄ᬧᬸᬲ᭄᭞ᬍᬕᬧᭂᬲᬦ᭄‌‌ᬓ᭄ᬦᭂᬄᬓᭀᬮᭀ᭞ᬬᬾᬦ᭄ᬲᬶᬤ᭄ᬥᬳᬶᬲᬸᬭᬶᬫᬢᬶ᭞ᬢ᭄ᬯᬭᬓᬾᬗ᭄ᬕᬸᬄᬲᬘᬶᬢ᭄ᬢᬓᬋᬧᬾᬲᬶᬤ᭄ᬥ᭟ᬧ᭄ᬭ
ᬫᬶᬲ᭄ᬯᬭᬶᬫᬗ᭄ᬓᬶᬦ᭄ᬓᭀᬘᬧ᭄᭞ᬗᬶᬭᬶᬂᬧᬸᬢ᭄ᬭᬓᬭᬶᬳᬮᬶᬢ᭄᭞ᬚᬸᬫ᭄ᬦᭂᬓ᭄ᬢᭂᬗᬳᬶᬂᬳᬮᬲ᭄᭞ᬧ᭄ᬢᭂᬂᬍᬫᬄᬲᬳᬶᬲ᭄ᬤᬶᬄ᭞ᬫᬜᭂᬮ᭄ᬲᭂᬮ᭄ᬧᬸᬍᬓᬺᬢ᭄ᬢᬶ᭞ᬫᬸᬮᬫᬶᬫᬶᬢᬦᬾᬫᬮᬸ᭞ᬳᬯᬦ᭄ᬳᬶᬲᭂᬦ᭄ᬢᬦ᭞ᬫᬦᭂᬧᬸᬓᬶᬦ᭄ᬧᬦᬲ᭄ᬳᬢᬶ᭞ᬢ᭄ᬯᬭᬦ [ 6 ][᭕ 5B]
᭕
ᬯᬂᬧ᭄ᬮᬶᬄᬲᬕᬾᬢᬦ᭄ᬓᬓᬸᬢᬂ᭟᭜᭟ᬕᬶᬦᬤ᭟᭜᭟ᬓᬲ᭄ᬯᬾᬦ᭄ᬳᬶᬤᬭᬶᬂᬳᬮᬲ᭄᭞ᬫᬗᬶᬭᬶᬂᬧᬸᬢ᭄ᬭᬦᬾᬳᬮᬶᬢ᭄᭞ᬲᬗᬸᬦᬾᬬᬲᬵᬫ᭄ᬧᬸᬦ᭄ᬢᭂᬮᬲ᭄᭞ᬬᬾᬦᬶᬂᬚᬶᬦᬄᬯᬾᬦ᭄ᬢᭂᬦ᭄ᬓᬦ᭄ᬢᬸᬦ᭄᭞ᬓᬶᬚᬮᬓᬸᬫᬩ᭄ᬮᬜ᭄ᬚ
᭞ᬭᬤᬾᬦ᭄ᬤᬾᬯᬶ᭞ᬫᬦᬗᬶᬲ᭄ᬦᬕᬶᬄᬳᬚᭂᬗᬦ᭄᭟ᬦᬗᬶᬲ᭄ᬳᬶᬤᬧ᭄ᬭᬫᬶᬲ᭄ᬯᬃᬬ᭄ᬬ᭞ᬧᬸᬢ᭄ᬭᬦᬾᬲᬳᬸᬧ᭄ᬓᬳᬩᬶᬦ᭄᭞ᬤᬸᬄᬫᬵᬲ᭄ᬫᬶᬭᬄᬫᬡᬶᬓᬶᬗ᭄ᬯᬂ᭞ᬲᬸᬳᬸᬤ᭄ᬦᬗᬶᬲ᭄ᬭᬢᬸᬳᬕᬸᬂ᭞ᬤᬶᬚᬩ᭄ᬬᬂᬗᬮᬶᬄᬥᬳᬃ᭞ᬜᬾᬦ᭄ᬢᬕᬶ
ᬳᬶᬦ᭄᭞ᬮᬘᬸᬃᬫᬓᬸᬢᬂᬤᬶᬳᬮᬲ᭄᭟ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬲᬃᬯ᭄ᬯᬶᬗᭂᬫ᭄ᬩᬦ᭄ᬭᬤᬾᬦ᭄ᬤᬾᬯᬶ᭞ᬚᬕᬶᬦᬧᬶᬢ᭄ᬬᬂᬳᬸᬭᬶᬧᬂ᭞ᬲᬸᬓᬬᬦ᭄ᬗᬫᬲᬶᬦ᭄ᬮᬫ᭄ᬧᬸᬲ᭄᭞ᬳᬶᬭᬶᬓᬶᬧᬤᭂᬫᬂᬢᬶᬢ᭄ᬬᬂ᭞ᬕ᭄ᬮᬶᬲ᭄ᬕᭂᬮᬶᬲ᭄᭞ᬗᬸᬤᬢᬶ
ᬢ᭄ᬬᬂᬮᬭᬮᬭ᭟ᬦᬗᬶᬲ᭄ᬫᬶᬢᬸᬢᬸᬭᬶᬦ᭄ᬧᬸᬢ᭄ᬭ᭞ᬫᬸᬧᬸᬢ᭄ᬲᬮᬘᬸᬃᬳᬶᬫᬡᬶᬓ᭄᭞ᬳᬶᬗ᭄ᬕᬶᬄᬳ᭄ᬬᬂᬯᬶᬥᬶᬲᬫ᭄ᬬᬦ᭄᭞ᬧᬤᭂᬫᬂᬓᬾᬢᬶᬢ᭄ᬬᬂᬭᬢᬸ᭞ᬳᬧᬂᬩᬋᬂᬧ᭄ᬬᬦᬓ᭄ᬢᬶᬢ᭄ᬬᬂ᭞ᬭᬤᬾᬦ᭄ᬤᬾᬯᬶ᭞ᬫᬦᬗᬶᬲ᭄ᬦᬕᬶᬄ

[᭖ 6A]
᭖
ᬳᬚᭂᬗᬦ᭄᭟ᬓᬳᬮᬶᬳᬂᬩ᭄ᬯᬄᬓᬲ᭞ᬩ᭄ᬯᬄᬓᭂᬫ᭄ᬮᬦ᭄ᬮᭂᬫ᭄ᬧᭂᬦᬶ᭞ᬩ᭄ᬯᬄᬕᬳᬸᬗ᭄ᬕᬸᬗᬾᬧᬤ᭞ᬧᬚᭂᬗᬶᬦ᭄ᬧᬸᬢ᭄ᬭᬦᬾᬤᬶᬢᬸ᭞ᬓᬳᬚᭂᬗᬂᬲᬋᬂᬩ᭄ᬬᬂ᭞ᬲ᭄ᬤᬶᬄᬓᬶᬂᬓᬶᬂ᭞ᬬᬾᬄᬘᬶᬗᬓᬾᬤᬺᬲ᭄ᬫᭂᬤᬮ᭄᭟ᬲᬳᬶᬗᬮᬶᬄᬯᭀᬄ
ᬯᭀᬳᬦ᭄᭞ᬤᬸᬭᬾᬦ᭄ᬲᬮᬓ᭄ᬮᬦ᭄ᬘᬭᬸᬭᬶᬂ᭞ᬦᬗ᭄ᬓᬯᬦᬶᬮᬦ᭄ᬓᬮᬫ᭄ᬧ᭄ᬯᬓ᭄᭞ᬢ᭄ᬯᬭᬓᬸᬯᬂᬩ᭄ᬯᬄᬓᬬᬸ᭞ᬜᬩ᭄ᬭᬦ᭄ᬗᬚᭂᬗᬂᬯᬾᬄᬯᭀᬳᬦ᭄᭞ᬧ᭄ᬭᬫᬶᬲ᭄ᬯᬭᬶ᭞ᬓᬮᬯᬦ᭄ᬭᬳᬤᬾᬦ᭄ᬤᬯ᭄ᬬ᭟ᬢᬶᬢᬄᬲᬗ᭄ᬳ᭄ᬬᬂᬯᬶᬥᬶᬯ
ᬲ᭞ᬢ᭄ᬯᬭᬓᭀᬤᬤᬶᬓᬮᬶᬤᬶᬦ᭄᭞ᬧ᭄ᬭᬫᬶᬲ᭄ᬯᬭᬶᬲᬸᬗ᭄ᬓᬦ᭄ᬯᭂᬢᭂᬂ᭞ᬧᬮᬸᬄᬧᬶᬤᬶᬢ᭄ᬫᬗᭂᬮᬶᬫᬸᬄ᭞ᬫᬗ᭄ᬭᬭᬶᬲ᭄ᬳᬶᬤᬦᬾᬯᬢ᭞ᬭᬤᬾᬦ᭄ᬤᬾᬯᬶ᭞ᬫᬬᬸᬰᬢᬶᬕᬂᬳᭀᬤᬮᬦ᭄᭟ᬮᬬᭀᬦ᭄ᬩ᭄ᬬᬗᬾᬓᬳᭀ
ᬕᬄ᭞ᬲᬃᬯ᭄ᬯᬶᬦᬗᬶᬲ᭄ᬳᬤᬸᬄᬩᬶᬩᬶ᭞ᬳᬮᬶᬳᬂᬢᬶᬢ᭄ᬬᬂᬯᬾᬄᬯᭀᬳᬦ᭄᭞ᬩᬲᬂᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬲᭂᬤᬸᬓ᭄᭞ᬗᬸᬤᬩᬶᬩᬶᬲᬗ᭄ᬓᬦ᭄ᬫᭂᬦᭂᬂ᭞ᬢᬸᬮᬸᬲ᭄ᬮᬮᬶ᭞ᬭᬳᬤᬾᬦ᭄ᬤᬾᬯᬶᬓᬵᬦ᭄ᬢᬓ᭟ᬘᬫᬭᬦᬸᬫᬫᬸᬮᬶᬲᬄ [ 7 ][᭖ 6B]
᭖
ᬫᬕᬸᬬᬂᬳᬫ᭄ᬧᭂᬳᬂᬳᬗᬶᬦ᭄᭞ᬳᬸᬮᬢ᭄ᬫᬶᬮᬸᬫᬜᭂᬤᬶᬳᬂ᭞ᬳᬶᬤᬲᬂᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞ᬢᬥᬳᬲᬶᬄᬳᬾᬫᬲ᭄ᬯᬭ᭞ᬮ᭄ᬯᬶᬃᬓᬓᬯᬶᬦ᭄᭞ᬭᬶᬂᬲᬂᬮᬫ᭄ᬧᬸᬲ᭄ᬫᬗ᭄ᬕᬶᬄᬲ᭄ᬯᬃᬕ᭄ᬕ᭟ᬓᭀᬘᬧ᭄ᬩᬸᬭᭀᬦᬾᬧᬓ᭄ᬭᬾᬬᬓ᭄᭞ᬓᬗᭂᬦ᭄ᬭᬶᬂ
ᬭᬳᬤᬾᬦ᭄ᬤᬾᬯᬶ᭞ᬓᬭᬶᬳᬮᬶᬢ᭄ᬓᬢᬶᬗ᭄ᬕᬮᬦ᭄᭞ᬢ᭄ᬯᬭᬳᬤᬓᭀᬫᬗ᭄ᬭᬸᬗᬸ᭞ᬮᬬᭀᬦᬾᬩ᭄ᬯᬶᬦ᭄ᬳᬸᬘᬧᬂ᭞ᬢ᭄ᬓᬵᬳᬗᬶᬦ᭄᭞ᬫᬗᬫ᭄ᬧᭂᬳᬂᬲᬳᬫᭀᬦ᭄ᬱᬄ᭟ᬳᬢ᭄ᬫᬳᬶᬤᬧ᭄ᬭᬫᬶᬲ᭄ᬯᬭ᭞ᬲᬵᬫ᭄ᬧᬸᬦ᭄ᬭᬶᬂᬲ᭄ᬯᬃ
ᬕ᭄ᬕᬦ᭄ᬫᬗ᭄ᬓᬶᬦ᭄᭞ᬪᬝᬵᬭᬕᬸᬭᬸᬜᬬᬗᬂ᭞ᬲᬘᬶᬢ᭄ᬢᬓᬋᬧᬾᬤᬶᬢᬸ᭞ᬢ᭄ᬯᬭᬢᬳᬾᬦ᭄ᬩᬦᬶᬧᬶᬯᬮ᭄᭞ᬫᬭᬶᬂᬲ᭄ᬯᬃᬕ᭄ᬕᬶ᭞ᬫᬗ᭄ᬓᬶᬦ᭄ᬓᭀᬘᬧ᭄‌ᬦᬾᬭᬶᬂᬳᬮᬲ᭄᭟᭟ᬓᭀᬘᬧᬭᬳᬤᬾᬦ᭄ᬤᬾᬯ᭄ᬬ᭞ᬳᬚᬳᬦ᭄ᬳᬾᬮᬶᬂ
ᬫᬦᬗᬶᬲ᭄᭞ᬘᬶᬗᬓᬶᬦ᭄ᬓᬸᬩᬸᬦᬾᬳᭂᬜᬕ᭄᭞ᬓᬩᬸᬲᭂᬦ᭄ᬲᬳᬶᬫᬦᬸᬯᬸᬄ᭞ᬢᭀᬂᬫᬫ᭄ᬧᬸᬄᬳᬶᬤᬳᬢᬗ᭄ᬬ᭞ᬓᬸᬭᬸᬲ᭄ᬤᬓᬶ᭞ᬓᬮᬸᬤ᭄‌ᬢ᭄ᬯᬭᬫᬗᬬᬸᬦᬂ᭟ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄ᬓᬘᬭᬶᬢ᭞ᬚᬦ᭄ᬫᬫᬤᬦ᭄ᬤᬸᬓᬸᬄᬳᬶ

[᭗ 7A]
᭗
ᬲ᭄ᬢ᭄ᬭᬶ᭞ᬲ᭄ᬤᭂᬓᭂᬦ᭄ᬫᬗᬮᬶᬄᬲᬳᬂ᭞ᬢᭀᬗᬤᬲᬳᬂᬓᬧᬗ᭄ᬕᬸᬄ᭞ᬫᬸᬭᬂᬫᬸᬭᬂᬗᬢ᭄ᬗᬳᬂ᭞ᬤᬤᬶᬧᬮᬶᬂ᭞ᬤᬶᬢᬸᬤᬶᬢ᭄ᬗᬳᬶᬂᬳᬮᬲ᭄᭟ᬩᬸᬓᬯᬶᬥᬶᬫᬗᬸᬤᬸᬳᬂ᭞ᬭᬤᬾᬦ᭄ᬤᬾᬯᬶᬓᬭᬶᬳᬸᬭᬶᬧ᭄᭞ᬤᬶᬢᬦᬳᬾᬫᬫᬸ
ᬮᬶᬲᬄ᭞ᬧᬶᬦᭂᬄᬲᬸᬩᬮᬶᬦ᭄ᬢᬂᬓᬸᬭᬸ᭞ᬧ᭄ᬭᬫᬓᬫᬓᬶᬭᬾᬦᬶᬗ᭄ᬕᬮ᭄᭞ᬓᬯᬶᬦᬃᬡ᭄ᬦᬶ᭞ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬗᬢᭀᬦᬂ᭟ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬫᬓᭂᬲ᭄ᬬᬩ᭄᭞ᬓᬤᬾᬦ᭄ᬩᬗ᭄ᬓᬾᬳᬦᬓ᭄ᬘᭂᬦᬶᬓ᭄᭞ᬦᬶᬤᬸᬓᬸᬄᬬᬦ
ᬍᬓ᭄ᬢᭂᬓᬂ᭞ᬓᬢᭀᬦ᭄ᬭᬭᬾᬳᭂᬦᬸᬳᬶᬤᬸᬧ᭄᭞ᬦᬵᬗ᭄ᬳᬶᬂᬢᭀᬂᬫᬫ᭄ᬧᬸᬄᬫᬦᭂᬕᬓ᭄᭞ᬢᬦ᭄ᬯᬸᬲ᭄ᬕᭂᬮᬶᬲ᭄᭞ᬦᬶᬤᬸᬓᬸᬄᬜᬕ᭄ᬚᬕ᭄ᬗᭂᬮᬶᬲᬂ᭟ᬓᬢᬫ᭄ᬧᭂᬓᬶᬦ᭄ᬭᬤᬾᬦ᭄ᬤᬾᬯ᭄ᬬ᭞ᬢᬍᬃᬫᬧᬶᬦᭂᬄᬭᬶᬂᬳᬢᬶ᭞ᬲᬶᬜ
ᬚᬦ᭄ᬫᬳᬧᬋᬓᭀ᭞ᬫᬗ᭄ᬮᬮᬸᬳᬶᬤᬸᬓᬸᬄᬦᬸᬤᬸᬓ᭄᭞ᬫᬗᭀᬮᬲᬶᬦ᭄ᬳᬦᬓ᭄ᬮᬭ᭞ᬧᬢᭂᬧᭂᬢᬶᬦ᭄᭞ᬲᬶᬜᬳᬤᬲ᭄ᬯᬾᬘ᭄ᬙᬦ᭄ᬤᬾᬯ᭟ᬦᬶᬤᬸᬓᬸᬄᬭᬭᬶᬲ᭄ᬗᬸᬘᬧ᭄᭞ᬚ᭄ᬭᭀᬦᬾᬳᭂᬜᬓ᭄ᬤᬸᬤᬸᬓ᭄ᬩᬶᬩᬶ᭞ [ 8 ][᭗ 7B]
᭗
ᬳᬦᬓᬾᬘ᭄ᬭᬶᬓ᭄ᬫᬵᬗ᭄ᬕᬸᬢᬦ᭄᭞ᬢᭀᬂᬫᬫ᭄ᬧᬸᬄᬳᬶᬤᬫᬲᬳᬸᬢ᭄᭞ᬦᬶᬤᬸᬓᬸᬄᬓᬗᭂᬦ᭄ᬗᬢᭀᬦᬂ᭞ᬢᬸᬃᬫᬗᭂᬮᬶᬂ᭞ᬜᬾᬜ᭄ᬚᬳ᭄ᬮᬲ᭄ᬗᬸᬢᬂᬧ᭄ᬬᬦᬓ᭄᭟ᬦᬶᬤᬸᬓᬸᬄᬜᬗ᭄ᬓᭀᬮ᭄ᬗᬾᬗ᭄ᬕᬮᬂ᭞ᬲᬫ᭄ᬩᬶᬮ᭄ᬲᭂᬤᬶᬄᬫᬗᭂ
ᬫᬶᬓ᭄ᬫᬶᬓ᭄᭞ᬬᬾᬦ᭄ᬧ᭄ᬬᬦᬓ᭄ᬳᬧᬋᬓᭀ᭞ᬬᬦᬶᬂᬳᭀᬓᬦ᭄‌ᬦᬵᬣᬭᬢᬸ᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬩᬲ᭄ᬓᬍᬩᬶᬄ᭞ᬧ᭄ᬢᭂᬂᬮ᭄ᬫᬄᬬᬫᬧᬲᬄ᭟ᬲᬵᬫ᭄ᬧᬸᬦ᭄‌ᬚᭀᬄᬬᬫᬫᬃᬕ᭄ᬕ᭞ᬢᭀᬂᬳᬤᬳᬦᬓ᭄ᬧᬗ᭄ᬕᬶᬄ᭞
ᬦᬶᬤᬸᬓᬸᬄᬫᬲᬶᬄᬗᬸᬮᬳᬂ᭞ᬫᬫᬃᬕ᭄ᬕᬢᬦᭀᬮᬶᬄᬧᬸᬗ᭄ᬓᬸᬃ᭞ᬲᬵᬫ᭄ᬧᬸᬦ᭄ᬲᬸᬭᬸᬧ᭄‌ᬳ᭄ᬬᬂᬲᬹᬃᬬ᭄ᬬ᭞ᬦᬸᬮᬶᬕ᭄ᬮᬶᬲ᭄᭞ᬦᬶᬤᬸᬓᬸᬄᬭᬯᬸᬄᬭᬶᬳᬸᬫᬄ᭟ᬲᬭᬯᬸᬳᬾᬫᬭᬶᬂᬳᬸᬫᬄ᭞ᬧᭂᬚᬂᬬᬳᬦᬓᬾᬘ᭄ᬦᬶᬓ᭄᭞ᬭᬾᬧᭀᬢ᭄ᬫ
ᬗᬳᬾᬦᬂᬳᭀᬤᬓ᭄᭞ᬓᬲᬶᬭᬫᬂᬮᬯᬸᬢ᭄ᬫᬮᬸ᭞ᬲᬵᬫ᭄ᬧᬸᬦ᭄‌ᬧᬸᬧᬸᬢ᭄ᬳᬸᬧᬓᬭ᭞ᬓᬧᬚᭂᬗᬶᬦ᭄᭞ᬦᬵᬗ᭄ᬳᬶᬂᬜᬂᬓᬫᬳᬂᬥᬳᬃ᭟ᬩᬸᬫᬭᬲᬸᬳᬸᬤ᭄ᬫᬥᬳᬃ᭞ᬩᬶᬲᬫᬓ᭄ᬮᬶᬬᬸᬤ᭄ᬫᬩᬤᬶᬂ᭞ᬲ᭄ᬫᭂᬗᬦ᭄ᬫᬲᬶᬭᬫᬺᬓᭀ᭞

[᭘ 8A]
᭘
ᬫᬩᭀᬭᬾᬄᬫᬳᬸᬭᬸᬢ᭄ᬳᬸᬭᬸᬢ᭄᭞ᬲᬬᬦ᭄ᬓᭂᬮᬶᬄᬲᬬ᭄ᬫᭂᬮᬄ᭞ᬭᬤᬾᬦ᭄ᬤᬾᬯᬶ᭞ᬓᬤᬶᬲ᭄ᬓᬃᬤᬾᬭᬾᬂᬓᭂᬫ᭄ᬩᬂ᭟ᬦᬶᬤᬸᬓᬸᬄᬲᬸᬫᬗ᭄ᬓᬶᬦ᭄ᬮᬶᬬᬂ᭞ᬫᬗᬚᬓ᭄ᬳᬦᬓᬾᬘ᭄ᬭᬶᬓ᭄᭞ᬗ᭄ᬕᬶᬄᬫᬤᬕᬂᬩᬶᬩᬶᬤᬸᬓᬸᬄ᭞ᬢ᭄ᬬᬂᬗᬳᬾᬦᬂ
ᬤᬕᬗᬦ᭄᭞ᬲᬳᬶᬲᬳᬶ᭞ᬦᬶᬤᬸᬓᬸᬄᬗᬤᭂᬧ᭄ᬓᬧᬲᬃ᭟ᬓᬲ᭄ᬯᬾᬦᬶᬤᬸᬓᬸᬄᬲᬵᬥ᭄ᬬ᭞ᬲᬸᬓᬢ᭄ᬦᬸᬤᬸᬓ᭄ᬳᬦᬓ᭄ᬳᬮᬶᬢ᭄᭞ᬢ᭄ᬯᬭᬵᬓ᭄ᬯᬂᬧᬘᬂᬥᬳᬃ᭞ᬲᬋᬂᬧ᭄ᬬᬦᬓᬾᬩᬦ᭄‌ᬦᬸᬤᬸᬓ᭄᭞ᬢ᭄ᬯᬭᬵᬓ᭄ᬯᬂᬫᬵᬲ᭄ᬲ᭄ᬮᬓ᭞ᬲᬸᬓᬲᬸ
ᬕᬶᬄ᭞ᬦᬾᬚᬦᬶᬲᬸᬳᬸᬤ᭄ᬫᬤᬕᬂ᭟ᬫᬗ᭄ᬓᬶᬦ᭄ᬓᭀᬘᬧ᭄ᬭᬤᬾᬦ᭄ᬤᬾᬯ᭄ᬬ᭞ᬲᬵᬫ᭄ᬧᬸᬦ᭄ᬳᬶᬤᬫᬸᬗ᭄ᬕᬄᬢ᭄ᬭᬸᬡᬶ᭞ᬚᭂᬕᬾᬕᬾᬫᬗᬬᬂᬗᬬᬂ᭞ᬯᬃᬡ᭄ᬦᬦᬾᬮ᭄ᬯᬶᬃᬳ᭄ᬬᬂᬭᬢᬶᬄ᭞ᬭᬫ᭄ᬩᬸᬢ᭄ᬲᬫᬄᬫᬳᬾᬧᬾᬕᬦ᭄᭞ᬓᭂᬜᬸᬂᬫ
ᬦᬶᬲ᭄᭞ᬲᬶᬂᬲᭀᬮᬳᬂᬗᬯᬾᬫᭂᬮᬄ᭟ᬦᬸᬚᬸᬧᬸᬃᬡ᭄ᬦᬫᬦᬶᬂᬓᬧᬢ᭄᭞ᬓᭀᬘᬧ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬫᬓᬓ᭄ᬭᬶᬓ᭄ᬫᬓᬸᬭᬫᬲ᭄᭞ᬫᬲᬶᬭᬫ᭄ᬭᬳᬤᬾᬦ᭄ᬕᬮᬸᬄ᭞ᬲᬵᬫ᭄ᬧᬸᬦᬾᬳᬸᬲᬦ᭄ᬫᬲᬶᬭᬫ᭄᭞ᬭᬤᬾᬦ᭄ᬤᬾ [ 9 ][᭘ 8B]
᭘
ᬯᬶ᭞ᬢᬸᬫᬸᬮᬶᬭᬭᬶᬲ᭄ᬫᬳ᭄ᬬᬲ᭄᭟ᬕ᭄ᬳᬸᬂᬧᬳ᭄ᬬᬲᬫ᭄ᬩᬭᬦ᭞ᬯᬃᬡ᭄ᬦᬮ᭄ᬯᬶᬃᬰᬰᬶᬄᬫᬶᬚᬶᬮ᭄᭞ᬲ᭄ᬥᭂᬓ᭄‌ᬧᬸᬃᬡ᭄ᬦᬫᬦᬶᬂᬓᬧᬢ᭄᭞ᬮᬸᬫ᭄ᬮᬸᬫ᭄ᬕᬤᬶᬂᬩᬸᬓᬕ᭄ᬭᬸᬲ᭄᭞ᬓᬤᬶᬕᬫ᭄ᬩᬃᬯᬯᬗᬸᬦᬦ᭄᭞ᬫᬗᬾᬤᬦᬶᬦ᭄᭞ᬚᬕᬾᬕᬾ
ᬢᭀᬂᬳᬤᬫᬤ᭟ᬦᬶᬤᬸᬓᬸᬄᬗᬭᬲᬭᬶᬂᬫᬦᬄ᭞ᬢᬓᭀᬦᬶᬦ᭄ᬳᬦᬓᬾᬘᭂᬦᬶᬓ᭄᭞ᬳ᭄ᬤᬳᬶᬤᬾᬯᬫᬗᬸᬩ᭄ᬤ᭞ᬢ᭄ᬯᬶᬩᬶᬩᬶᬓᬧᬶᬢᬦ᭄ᬤ᭄ᬭᬸᬄ᭞ᬧᬸᬢ᭄ᬭᬶᬦ᭄ᬭᬢᬸᬦᬾᬦᬾᬤᬶᬚ᭞ᬓᬸᬤᬕᬸᬲ᭄ᬢᬶ᭞ᬢᬸᬢᬸᬭᬶᬦ᭄ᬚᬓᬸᬤᬢᬶ
ᬢ᭄ᬬᬂ᭟ᬦᬶᬤᬸᬓᬸᬄᬲᭂᬲᭂᬤ᭄ᬦᬓᭀᬦᬂ᭞ᬗᬦ᭄ᬤᬶᬓᬭᬳᬤᬾᬦ᭄ᬤᬾᬯᬶ᭞ᬦᬵᬗ᭄ᬳᬶᬂᬩᬶᬩᬶᬳ᭄ᬤᬯᬾᬭ᭞ᬲᬲᬃᬢ᭄ᬬᬗᬾᬓᬮᬗ᭄ᬓᬸᬂ᭞ᬳᬸᬮᬶᬂᬩᬸᬫᬭᬫᬚᬦ᭄ᬫ᭞ᬓᬜ᭄ᬘᬂᬚᬦᬶ᭞ᬢ᭄ᬬᬂᬫᬦᬦ᭄ᬤᬂᬤᬸᬄᬓᬶᬢ᭟ᬢ᭄ᬬᬂᬳᭀᬓᬦ᭄ᬧ᭄ᬭᬪᬸ
ᬤ᭄ᬳ᭞ᬗᬸᬦᬶᬩᬋᬂᬩ᭄ᬬᬂᬲᬸᬭᬶ᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬧᬕᬯᬾᬦ᭄ᬳᬶᬩᬶᬩᬶᬮᬶᬓᬸ᭞ᬳᬾᬮᬶᬂᬭᬶᬂᬩ᭄ᬬᬗᬾᬲᬾᬤ᭞ᬭᬭᬶᬲ᭄ᬦᬗᬶᬲ᭄᭞ᬭᬤᬾᬦ᭄ᬤᬾᬯᬶᬜᭂᬮ᭄ᬲᭂᬮ᭄ᬭᬵᬕ᭟ᬦᬶᬤᬸᬓᬸᬄᬦᬶᬗᭂᬳᬂᬓᬗᭂᬦ᭄᭞ᬗᭂᬮᬸᬢ᭄ᬘᭀ

[᭙ 9A]
᭙
ᬓᭀᬃᬩᬋᬂᬗᭂᬮᬶᬂ᭞ᬤᬸᬄᬭᬢᬸᬫᬵᬲ᭄ᬳᬢ᭄ᬫᬚ᭄ᬯᬶᬢ᭞ᬳᬸᬲᬦᬂᬳᬶᬤᬾᬯᬲᬸᬗ᭄ᬲᬸᬢ᭄᭞ᬮᬶᬮᬬᬂᬭᬶᬂᬧᬓᬳ᭄ᬬᬸᬦᬦ᭄᭞ᬲᬦᬾᬫᬗ᭄ᬓᬶᬦ᭄᭞ᬧᬕᭂᬳᬂᬭᬢᬸᬓᬾᬃᬢ᭄ᬢᬶᬬᬂ᭟ᬳᬶᬕᬮᬸᬄᬭᬭᬶᬲ᭄ᬗᬦ᭄ᬤᬶᬓ᭞ᬫᬸᬮᬢᬶᬢᬄᬢᬸᬤᬸᬄ
ᬯᬶᬥᬶ᭞ᬳᬧᬂᬳᬤᬲᬢ᭄ᬯᬋᬓᭀ᭞ᬤᬶᬓᬶᬤᬸᬂᬧᬗᬯᬶᬫᬸᬗ᭄ᬕᬄᬫᬦᬤᬶᬳᬸᬘᬧᬦ᭄ᬚᬕᬢ᭄᭞ᬓᬾᬢᭀᬩᬶᬩᬶ᭞ᬳ᭄ᬤᬲᬗᭂᬢ᭄ᬫᬦᬦ᭄ᬭᬸᬳᬂ᭟ᬦᬶᬤᬸᬓᬸᬄᬭᬭᬶᬲ᭄ᬫᬢᬸᬭ᭞ᬲᬵᬫ᭄ᬧᬸᬦ᭄ᬩᬗᭂᬢ᭄ᬗᬫᭂᬗ᭄ᬕᬳᬶᬦ᭄᭞ᬕᭂ
ᬦ᭄ᬢᭀᬲᬶᬦ᭄ᬭᬢᬸᬧᬲᬾᬗᬦ᭄᭞ᬢᬢ᭄ᬓᬵᬮᬦᬶᬂᬯᬾᬦ᭄ᬢᭂᬦ᭄ᬭᬯᬸᬄ᭞ᬘᬶᬮᬶᬦᬬᬂᬳᬦᬸᬢ᭄ᬧᬶᬲᬦ᭄᭞ᬬᬦᬶᬂᬩᬶᬩᬶ᭞ᬫᬢᬓᭀᬦ᭄ᬫᬦᭂᬩᬄᬪᬱ᭟ᬲᬧᬸᬦᬶᬓᬫᬦᬄᬢᬶᬢ᭄ᬬᬂ᭞ᬫᬗ᭄ᬤᬾᬲᬭᬸᬯᬦ᭄ᬳᬓᬶᬤᬶᬓ᭄᭞ᬭ
ᬤᬾᬦ᭄ᬕᬮᬸᬄᬲᬳᬸᬃᬳᬮᭀᬦ᭄᭞ᬦᬄᬓᬾᬢᭀᬚᬫᬲᬶᬄᬧᬢᬸᬢ᭄᭞ᬢ᭄ᬬᬂᬢ᭄ᬯᬭᬩᬦᬶᬧᬶᬯᬮ᭄᭞ᬢ᭄ᬓᬾᬦ᭄ᬩᬶᬩᬶ᭞ᬲᬸᬩᬳᭀᬮᬲ᭄‌ᬢ᭄ᬓᬾᬦ᭄ᬢ᭄ᬬᬂ᭟ᬳ᭄ᬦᭂᬗᬓ᭄ᬦᬭᬳᬤ᭄ᬬᬦ᭄᭞ᬳᬦᬓᬯᬃᬡ᭄ᬦᬳᬫᬗ᭄ᬓᬶᬦ᭄ [ 10 ][᭙ 9B]
᭙
᭞ᬓᭀᬘᬧ᭄ᬲᬂᬧ᭄ᬭᬪᬸᬚᬗ᭄ᬕᬮ᭞ᬗᬫᭂᬮᬂᬚᬕᬢᬾᬲᬫᬶ᭞ᬕᭂᬫᬸᬄᬮᬦ᭄ᬤᬸᬄᬲᬫᬶᬫᬸᬭᬄ᭞ᬲᬸᬓᬢ᭄ᬳᬶᬤᬜ᭄ᬦᭂᬂᬳᬕᬸᬂ᭞ᬤᬦᬳᬸᬧᬫᬭᬶᬂᬚᬕᬢ᭄᭞ᬧ᭄ᬭᬫᬶᬲ᭄ᬯᬭᬶ᭞ᬫᬧᬸᬢ᭄ᬭᬮᬦᬂᬲᬦᬸᬗ᭄ᬕᬮ᭄᭟ᬫᬧᬲᬾᬗᬦ᭄ᬚ
ᬬᬲ᭄ᬫᬭᬵ᭞ᬳᬦᭀᬫ᭄‌ᬯᬃᬡ᭄ᬦᬮᬶᬦ᭄ᬢᬂᬧ᭄ᬓᬶᬓ᭄᭞ᬯᬮᬸᬬᬓᬤᬶᬳ᭄ᬬᬂᬲᬫᬭ᭞ᬲᬬᬗᬾᬓᬮᬗ᭄ᬓᬸᬂᬮᬗ᭄ᬓᬸᬂ᭞ᬓᬳᬶᬘ᭄ᬙᬾᬦ᭄ᬧᬋᬓᬦ᭄ᬲᬢᬓ᭄᭞ᬘ᭄ᬭᬶᬓ᭄ᬓᭂᬮᬶᬄ᭞ᬩᬕᬸᬲ᭄ᬩᬕᬸᬲ᭄ᬲᬲᬮᬶᬭᬦ᭄᭟ᬓᬸᬦᭂᬂᬲᬶᬭᬚᬬᬲ᭄ᬫᬭᬵ
᭞ᬲ᭄ᬫᭂᬂᬯᬾᬦ᭄ᬢᭂᬦ᭄ᬤᬯᬸᬄᬓᬵᬮᬶᬄ᭞ᬭᬭᬶᬲ᭄ᬫᬗ᭄ᬭᬗ᭄ᬲᬸᬓ᭄‌ᬪᬹᬱᬡ᭞ᬫᬯᬵᬲ᭄ᬢ᭄ᬭᬧ᭄ᬭᬜ᭄ᬘᬶᬲ᭄ᬳᬮᬸᬲ᭄᭞ᬫᬓ᭄ᬯᬘᬕᬕᬸᬮᬸᬂᬕᬤᬂ᭞ᬜᬸᬗ᭄ᬓ᭄ᬮᬶᬢ᭄ᬓ᭄ᬭᬶᬲ᭄᭞ᬮᬦ᭄ᬤᬾᬬᬦᬾᬫᬯᬭᬵᬢ᭄ᬦ᭟ᬫᬤᬲ᭄ᬢᬃᬩᬢᬶᬓ᭄ᬫᬧ᭄ᬭᬤ᭞ᬳᬦᬸᬢ᭄ᬲ᭄ᬓᬃᬫ᭄ᬭᬶᬓ᭄ᬫᬶᬗᬶᬂ᭞
ᬫᬓᬫ᭄ᬧᬸᬄᬧᬾᬃᬫ᭄ᬫᬲ᭄ᬳᬶᬚᭀ᭞ᬳᬮᬶᬮᬶᬸᬳᬮᬶᬯᬶᬦ᭄ᬢᭂᬦ᭄ᬫᬸᬭᬸᬩ᭄᭞ᬓᬲᬸᬦ᭄ᬤᬭᬶᬦ᭄ᬲᬗ᭄ᬳ᭄ᬬᬂᬗᬃᬓ᭄ᬓ᭞ᬢ᭄ᬯᬶᬩ᭄ᬘᬶᬓ᭄᭞ᬫᬯᬸᬯᬸᬄᬩᬕᬸᬲ᭄ᬫᬗᬤ᭄᭟ᬲᬵᬫ᭄ᬧᬸᬦ᭄‌ᬯᬸᬲ᭄ᬳᬶᬤᬫᬧᬳ᭄ᬬᬲ᭄᭞ᬭᬭᬶᬲ᭄ᬓᬩᭂᬜ᭄ᬘᬶᬗᬄᬫᬗ᭄ᬓᬶᬦ᭄᭞ᬫᬳᬶᬭᬶ

[᭑᭐ 10A]
᭑᭐
ᬗᬦ᭄ᬩᬚᬂᬳᬦᭀᬫ᭄᭞ᬦᬫ᭄ᬧᬩᭀᬓᭀᬃᬫᬵᬲ᭄ᬫᬸᬭᬸᬩ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬲᬵᬫ᭄ᬧᬸᬦ᭄ᬢᬶᬢᬶᬩ᭄᭞ᬧᬧᬢᬶᬄᬫᬶᬯᬄᬓᬯᬸᬮ᭟ᬧᭂᬧᭂᬓ᭄ᬧᬺᬩᭂᬓᭂᬮ᭄ᬧᬸᬗ᭄ᬕᬯ᭞ᬧᬧᬢᬶᬄᬫᬶᬯᬄᬲᬂᬋᬱᬶ᭞ᬫᬮᬶᬗ᭄ᬕᬶᬄ
ᬫᬲᭀᬯᬂᬲᭀᬯᬂ᭞ᬭᬭᬶᬲ᭄ᬫᬢᬸᬃᬲᬯᬸᬃᬫᬦᬸᬢ᭄᭞ᬧᬸᬦᬧᬶᬯᬾᬦ᭄ᬢᭂᬦ᭄‌ᬦᬶᬓᬬᬂ᭞ᬲ᭄ᬫᭂᬂᬫᬶᬚᬶᬮ᭄᭞‌ᬤᬸᬭᬸᬲ᭄‌ᬦᬶᬓᬬᬂᬭᬶᬂᬢᬶᬢ᭄ᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬓ᭄ᬦᭂᬄᬦᬶᬭᬦᬾᬚᬦᬶ᭞ᬚᬮᬦ᭄ᬓᬳᬮ
ᬲ᭄ᬫᬩᭀᬭᭀᬲ᭄᭞ᬦᬄᬤᬩ᭄ᬤᬩᬂᬚᬭᬶᬂᬢᬫ᭄ᬧᬸᬲ᭄᭞ᬧᬫᬦ᭄ᬧᬢᬶᬄᬦᬄᬤᬩ᭄ᬤᬩᬂ᭞ᬲᬳᬘᬶᬘᬶᬂ᭞ᬚᬸᬭᬸᬩᭀᬭᭀᬲᬾᬢᬫ᭄ᬩᬸᬦᬂ᭟ᬧᬧᬢᬶᬳᬾᬫᬢᬸᬃᬜᬸᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬲᬂᬗᬧ᭄ᬓᬶᬓ᭄᭞ᬢᬶᬢ᭄ᬬᬂᬯᬦ᭄ᬢᬄᬫ
ᬗᬶᬭᬶᬗᬂ᭞ᬓᬳᬮᬲᬾᬫᬩᬩᬸᬭᬸ᭞ᬳᬶᬧᬢᬶᬄᬭᬭᬶᬲ᭄‌ᬦᬯᬸᬳᬂ᭞ᬦᬾᬦᬾᬚᬦᬶ᭞ᬦᬩ᭄ᬤᬩᬂᬲᬳᬸᬧᬓᬭ᭟ᬚᬭᬶᬂᬢᬫ᭄ᬧᬸᬲ᭄ᬓᭂᬫᭂᬚ᭄ᬫᬓ᭄᭞ᬚᬸᬭᬸᬩᭀᬭᭀᬲ᭄ᬫᬩᬘᬶᬘᬶᬂ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬸᬧᬓᬭ᭞ᬓᬸᬤᬧ [ 11 ][᭑᭐ 10B]
᭑᭐
ᬮᬶᬗ᭄ᬕᬶᬳᬦ᭄ᬲᬵᬫ᭄ᬧᬸᬦ᭄᭞ᬫᬧᬗᬗ᭄ᬕᭀᬫᬵᬲ᭄ᬫᬲᭀᬘ᭞ᬧᬚᭂᬂᬓᬸᬦᬶᬂ᭞ᬓᬸᬤᬧᬮᬶᬗ᭄ᬕᬶᬳᬦ᭄ᬳᬶᬤ᭟ᬭᬳᬤ᭄ᬬᬦ᭄ᬫᬸᬗ᭄ᬕᬄᬭᬶᬂᬓᬸᬤ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬶᬯᬄᬧᬗᬶᬭᬶᬗᬾᬲᬫ᭄ᬬᬦ᭄᭞ᬗᬫ᭄ᬩ᭄ᬬᬃᬤᬶᬫᬃᬕ᭄ᬕᬦᬾᬳᬸᬬᬸ
ᬢ᭄᭞ᬯ᭄ᬯᭀᬂᬤᬾᬰᬦᬾᬫᬕᬺᬤᭂᬕᬦ᭄᭞ᬬᬫᬩᬮᬶᬄ᭞ᬩᭂᬗᭀᬂᬜᭀᬧᬓ᭄ᬫᬗᬢᭀᬦᬂ᭟ᬢᬸᬫ᭄ᬩᬾᬦ᭄ᬗᭂᬦᭀᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶᬫ᭄ᬤᬮ᭄᭞ᬓᬤᬶᬲᬗ᭄ᬳ᭄ᬬᬂᬲ᭄ᬫᬭᬢ᭄ᬯᬶ᭞ᬕᬮᬂᬯᬃᬡ᭄ᬦᬦᬾᬫᬮᬶᬮᬂ᭞ᬢᬦ᭄ᬓᭀᬘᬧ᭄ᬭᬶᬂᬚᬮᬦ᭄ᬳ
ᬕᬸᬂ᭞ᬲᬕᬾᬢ᭄ᬧ᭄ᬭᬵᬧ᭄ᬢᬶ᭞ᬭᬶᬂᬳᬮᬲ᭄ᬭᬭᬶᬲ᭄ᬫᬤᬩ᭄ᬤᬩ᭄᭟ᬲᬓ᭄ᬭᬄᬩᬸᬭᭀᬦᬾᬧᬩᬼᬲᬢ᭄᭞ᬓᬳᬸᬩᭂᬭᬶᬦ᭄ᬩᬳᬦ᭄ᬘᬶᬘᬶᬂ᭞ᬚᬸᬭᬸᬩᭀᬭᭀᬲᬾᬗᬦ᭄ᬤᬸᬧᬂ᭞ᬓᬶᬤᬂᬫᬜ᭄ᬚᬗᬦ᭄ᬯᬶᬚᬸᬂ᭞ᬮᬶᬬᬸᬫᬢᬶᬧᬚᬸᬮᬾᬫ᭄ᬧᬂ᭞ᬦᬾᬦᬾᬳᬸᬭᬶ
ᬢᬫ᭄ᬧᬸᬲ᭄ᬫᬗᭂᬦ᭄ᬬᬂ᭟ᬮᬶᬦ᭄ᬢᬂᬮᬾᬤᬂᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬜᬶᬗᬓ᭄ᬩᬸᬭᭀᬦ᭄ᬳᬓᬾᬄᬓ᭄ᬦᬶ᭞ᬲᬸᬫᬶᬗ᭄ᬓᬶᬦ᭄ᬳᬶᬤᬗᬶᬮᬓᬂ᭞ᬓᬵᬮᬶᬄᬮᬦ᭄ᬳᬶᬚᬸᬭᬸᬩᬸᬭᬸ᭞ᬢ᭄ᬯᬭᬗᬶᬢᬸᬂᬩ᭄ᬤᬓ᭄ᬮᬬᬄ᭞ᬧ᭄ᬮᬸᬄᬧᬶᬤᬶᬢ᭄᭞ᬘᬶᬘᬶᬗᬾᬕᬢᬶᬫᬘᬓᬮ᭄᭟ᬧ

[᭑᭑ 11A]
᭑᭑
ᬦᬲᬾᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞ᬦᭂᬤᭂᬂᬰᬰᬶᬄᬓᬧᬢ᭄ᬦᬫ᭄ᬧᬶ᭞ᬚᭂᬕ᭄ᬚᭂᬕ᭄ᬲᬹᬃᬬ᭄ᬬᬓᭂᬩᬸᬲ᭄ᬩᬳᬂ᭞ᬫᬭᬵᬃᬬ᭄ᬬᬦ᭄ᬤᬶᬲᭀᬭᬶᬂᬓᬬᬸ᭞ᬧᬥᬦᭂᬗᬶᬮ᭄‌ᬩ᭄ᬤᬓ᭄ᬮᬬᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬍᬲᬸᬢᬸᬃᬳᬶᬤᬓᬲᬢᬦ᭄᭟ᬳ᭄ᬦᭂᬂᬗᬓ᭄ᬦᬭ
ᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬓᭀᬘᬧᬳᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬭᬾᬧᭀᬢ᭄ᬫᬜᬓ᭄ᬤᬶᬧᬳᭀᬦ᭄᭞ᬭᬳᬤᬾᬦ᭄ᬕᬮᬸᬄᬫᬦᬸᬦᬸᬦ᭄᭞ᬘᬕ᭄ᬘᬕ᭄ᬚᬗᬶᬄᬓᭂᬫ᭄ᬧ᭄ᬬᬂᬓᭂᬫ᭄ᬧ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬧᭂᬧᭂᬗᬫᬫᬶᬋᬗᬂ᭟ᬲ᭄ᬯᬭᬜ᭄ᬘᬕ᭄ᬘᬕ᭄ᬫᬸᬮᬸ
ᬓ᭄ᬫᬦᬶᬲ᭄᭞ᬭᬭᬶᬲ᭄ᬳᬶᬤᬫᬘᬶᬗᬓᬦ᭄᭞ᬓᬦ᭄ᬢᭂᬦ᭄ᬳᬸᬫᬄᬫᬾᬫᬾᬤᬸᬓᬸᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬩᬧᬧᬢᬶᬄ᭞ᬓ᭄ᬫᭂᬓᬾᬫᬗᬶᬤᬶᬄᬢᭀᬬ᭟ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬳᬶᬧᬢᬶᬄᬫᬶᬯᬄᬧᬗᬶᬭᬶᬂ᭞ᬲᬋᬂᬓᬵᬮᬶᬄ
ᬚ᭄ᬯᬫᬫᬃᬕ᭄ᬕ᭞ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬦ᭄ᬭᭀᬚᭀᬕ᭄ᬢᬦ᭄ᬧᬯᬓᬲᬦ᭄᭞ᬕᬸᬲ᭄ᬢᬶᬧᬢᬶᬄ᭞ᬕᭂᬮᬸᬓᬳ᭄ᬬᬸᬦᬾᬫᬜᬶᬗᬓ᭄᭟ᬦᬾᬫᭂᬦᬸᬦᬸᬦ᭄ᬚᭂᬕᬾᬕ᭄ᬧᬶᬲᬦ᭄᭞ᬩᬚᬂᬘᭂᬦᬶᬓ᭄ᬧᬸᬢᬶᬄᬓᬸᬦᬶᬂ᭞ᬩᭂᬗᭀᬂᬜᭀ [ 12 ][᭑᭑ 11B]
᭑᭑
ᬧᬓ᭄ᬫᬓᬤᬤ᭄ᬯ᭞ᬓᭀᬘᬧᬭᬳᬤᬾᬦ᭄ᬕᬮᬸᬄ᭞ᬕᭂᬮᬸᬓᬳ᭄ᬬᬸᬦᬾᬫᬜᬶᬗᬓ᭄᭞ᬚᬦ᭄ᬫᬧ᭄ᬭᬵᬧ᭄ᬢᬶ᭞ᬲᬕᬾᬢ᭄ᬤᬶᬦᬢᬳᬾᬜᭀᬧᬓ᭄᭟ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶᬓ᭞ᬘᬳᬶᬳᬸᬮᬶᬤᬶᬚᬫᬳᬶ᭞ᬳᬶᬧᬢᬶᬄᬬᬓᬫᭂ
ᬫᭂᬕᬦ᭄᭞ᬢᬦ᭄ᬧᬲᬳᬸᬃᬭᬭᬶᬲ᭄ᬧᭂᬲᬸ᭞ᬓᬮᬶᬂᬓᬾᬫᬗᬶᬤᬶᬄᬢᭀᬬ᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬢ᭄ᬯᬭᬦᬯᬂᬳᬦᬓ᭄‌ᬢ᭄ᬓᬵ᭟ᬢᬸᬗ᭄ᬓᬸᬮᬭᬾᬧᭀᬢ᭄ᬤᬶᬧᬳᭀᬦ᭄᭞ᬢ᭄ᬯᬭᬦᬯᬂᬳᬦᬓ᭄ᬧ᭄ᬭᬵᬧ᭄ᬢᬶ᭞ᬢᬦ᭄ᬓᭀᬘᬧᬭᬤᬾᬦ᭄ᬤᬾ
ᬯ᭄ᬬ᭞ᬳᬶᬧᬢᬶᬄᬫᬚᬮᬦ᭄ᬦᬭᬸᬂ᭞ᬢ᭄ᬯᬭᬧᬬᬸᬗᬶᬤᬶᬄᬢᭀᬬ᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬭᬯᬸᬄᬭᬶᬂᬳᬚᭃᬂᬭᬳᬤ᭄ᬬᬦ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬓᬾᬦ᭄ᬢᭀᬬᭀᬦᬾᬧᬫᬦ᭄ᬧᬢᬶᬄ᭞ᬳᬶᬧᬢᬶᬄᬫᬳᬢᬸᬃᬳ
ᬮᭀᬦ᭄᭞ᬤᬯᭂᬕ᭄ᬳᬫ᭄ᬧᬸᬭᬬᬂᬭᬢᬸ᭞ᬫᬦᬄᬢᬶᬢ᭄ᬬᬂᬓᬫᭂᬫᭂᬕᬦ᭄᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬗ᭄ᬮᬄᬧ᭄ᬬᬦᬓ᭄ᬚᭂᬕᬾᬕ᭄ᬧᬶᬲᬦ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬬᬦᬶᬂᬓᬾᬢᭀᬧᬫᬦ᭄ᬧᬢᬶᬄ᭞ᬮᬦ᭄ᬓᬾᬤᭂᬮᭀᬓᬶᬦ᭄ᬓᭂ

[᭑᭒ 12A]
᭑᭒
ᬫ᭞ᬢᬸᬫᬸᬮᬶᬫᬫᬃᬕ᭄ᬕᬶᬦᬸᬭᬸᬂ᭞ᬧᬋᬓᬦ᭄ᬮᬶᬬᬸᬗᬶᬭᬶᬗᬂ᭞ᬚᬕ᭄ᬗᬭᬜ᭄ᬚᬶᬂ᭞ᬓᬚᬸᬫᬄᬳᬶᬤᬸᬓᬸᬄᬳᬶᬲ᭄ᬢ᭄ᬭ᭄ᬬ᭟ᬕᭂᬮᬸᬓᬳ᭄ᬬᬸᬦ᭄ᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬦᬾᬫᬦᬸᬦᬸᬦ᭄ᬓᬤᬶᬭᬢᬶᬄ᭞ᬚᭂᬕᬾᬕᬼᬫᬸᬄᬫᬕᭀᬮᬾᬭᬦ᭄᭞ᬫᬶ
ᬭᬶᬩ᭄ᬳᭀᬓᬦ᭄ᬧᬭᬭᬢᬸ᭞ᬓᭀᬘᬧᬭᬳᬤᬾᬦ᭄ᬤᬾᬯ᭄ᬬ᭞ᬕᭂᬮᬸᬗᬓ᭄ᬱᬶ᭞ᬳᬦᬓ᭄ᬳᬸᬮᬶᬤᬶᬚᬧ᭄ᬭᬵᬧ᭄ᬢᬶ᭟ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬫᬜᬧ᭞ᬢᬍᬃᬓᬸᬫᭂᬜᭂᬧ᭄ᬭᬶᬂᬳᬢᬶ᭞ᬳᬦᬓ᭄ᬳᬸᬮᬶᬤᬶᬚᬋᬓᭀ᭞ᬦᬾᬳ
ᬲᬶᬓᬶᬮᬶᬦ᭄ᬢᬂᬩᬕᬸᬲ᭄᭞ᬢᬦ᭄ᬓᭀᬘᬧ᭄ᬭᬳᬤᬾᬦ᭄ᬤᬾᬯ᭄ᬬ᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬭᬗᭂᬢᭀᬦ᭄ᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭟ᬳᬶᬤᬸᬓᬸᬄᬫᬵᬢᬹᬃᬫᬦᭂᬫ᭄ᬩᬄ᭞ᬗ᭄ᬭᬭᬶᬲ᭄ᬫᬸᬗ᭄ᬕᬄᬭᬢᬸᬫᬮᬶᬗ᭄ᬕᬶᬄ᭞ᬲᬶᬬᭀᬲ᭄ᬕᭂᬦᬄᬭᬤᬾᬦ᭄ᬤᬾ
ᬯ᭄ᬬ᭞ᬢᬸᬃᬓᬭᬶᬳᬶᬤᬫᬦᬸᬦᬸᬦ᭄᭞ᬦᬶᬤᬸᬓᬸᬄᬗᬢᬸᬭᬂᬲ᭄ᬤᬄ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬗᬦ᭄ᬤᬶᬓᬦᬶᬭᬦ᭄ᬭᬶᬫ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬦᬓᭀᬦᬶᬦ᭄ᬳᬶᬤᬸᬓᬸᬄᬕ᭄ᬮᬶᬲ᭄᭞ᬳᭂᬜᬾᬦ᭄ᬢᭀᬦᬸᬦᬸᬦ᭄ᬲᬶᬓ [ 13 ][᭑᭒ 12B]
᭑᭒
ᬚ᭞ᬫᬳᬢᬸᬃᬳᬮᬸᬲ᭄ᬳᬶᬤᬸᬓᬸᬄ᭞ᬳᬶᬧᬸᬦ᭄ᬫᬸᬮᬧ᭄ᬬᬦᬓ᭄ᬢᬶᬢ᭄ᬬᬂ᭞ᬢ᭄ᬯᬄᬳᬲᬶᬓᬶ᭞ᬫᬯᬵᬱ᭄ᬝᬳᬶᬘᬶᬮᬶᬦᬬ᭟ᬭᬳᬤ᭄ᬬᬦ᭄ᬫᬮᬶᬄᬗᬦ᭄ᬤᬶᬓ᭞ᬲᬚᬦᬾᬢᬸᬢᬸᬭᬂᬚᬦᬶ᭞ᬢᭀᬂᬦᬸᬕᬩᬶᬩᬶᬗ᭄ᬮᬳᬂ᭞ᬧ᭄ᬬᬦᬓᬾᬳ᭄ᬤᬩᬶ
ᬩᬶᬳᬚᬸᬫ᭄᭞ᬬᬾᬜ᭄ᬘᬳ᭄ᬬᬦᬾᬫᬶᬭᬶᬩ᭄ᬫᬾᬦᬓ᭄᭞ᬲᬓᬾᬂᬩᬶᬩᬶ᭞ᬫᬗᭂᬮᬶᬤᬂᬢ᭄ᬓᬾᬦ᭄ᬢ᭄ᬬᬂ᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶᬓ᭞ᬘᭂᬦ᭄ᬤᭂᬢ᭄‌ᬚᬦᬶᬦᬶᬭᬗᬶᬤᬶᬄ᭞ᬧ᭄ᬬᬦᬓ᭄ᬩᬶᬩᬶᬦᬾᬋᬓᭀ᭞ᬳ᭄ᬤᭂᬩ᭄ᬯᬶᬦ᭄ᬮᬦ᭄ᬢᬂᬢᬸᬢᬸᬃ᭞ᬢᭀᬂ
ᬤᬤᬶᬲᬭᬸᬯᬂᬦᬶᬭ᭞ᬢᬸᬢᬶᬂᬩᬶᬩᬶᬩᬋᬂᬫᬸᬮᬶᬄᬓᬦᬕᬭ᭟ᬦᬶᬤᬸᬓᬸᬄᬫᬢᬸᬃᬫᬦᬄ᭞ᬬᬦ᭄ᬢᬦ᭄ᬫᬳᬯᬦᬦ᭄ᬲᬶᬲᬶᬧ᭄᭞ᬦ᭄ᬤᬯᭂᬕ᭄ᬦᬸᬦᬲ᭄ᬲᭂᬫ᭄ᬧᬸᬭᬬᬦ᭄᭞ᬧ᭄ᬬᬦᬓ᭄ᬢᬶᬢ᭄ᬬᬂᬳᬶᬧᬸᬦ᭄ᬭᬢᬸ᭞ᬲᬓᬶᬢ᭄ᬩᬸᬤᬸᬄᬗᭂᬦ᭄ᬢᬄᬳᭂᬦ᭄ᬢᬄ᭞ᬲᬵ
ᬫ᭄ᬧᬸᬦ᭄ᬲ᭄ᬭᬶᬂ᭞ᬘᬶᬮᬶᬦᬬᬜᬾᬢ᭄ᬲᬾᬢ᭄ᬯᬲ᭄ᬢ᭄ᬭ᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬦ᭄ᬤᬶᬓ᭞ᬬᬤᬶᬦ᭄ᬓᬾᬢᭀᬫᬸᬜᬶᬦ᭄ᬩᬶᬩᬶ᭞ᬚᬦᬶᬭᬧᬘᬂᬗ᭄ᬭᬯᭀᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬢᭂᬤᬸᬦ᭄᭞ᬫᬗᬮᬶᬄᬦᬶᬘᬶᬮᬶᬦᬬ᭞ᬳᬤᬸᬄᬘ᭄ᬦᬶᬂᬩ᭄ᬮᬶᬗᬶ

[᭑᭓ 13A]
᭑᭓
ᬤᬶᬄᬜᬳᬶᬲᬬᬂ᭟ᬳᬗᭀᬩ᭄ᬩᭂᬮᬶᬦᬾᬓᬮᬶᬯᬢ᭄᭞ᬳᬧᬲᬚᬜᬳᬶᬕᬸᬲ᭄ᬢᬶ᭞ᬢᭀᬂᬧᬦ᭄ᬢᭂᬲ᭄‌ᬯ᭄ᬯᭀᬂᬣᬦᬶᬋᬓᭀ᭞ᬧᬦ᭄ᬢᭂᬲ᭄ᬳᭀᬓᬦ᭄‌ᬦᬵᬣᬭᬢᬸ᭞ᬘᬶᬮᬶᬦᬬᬫᬗ᭄ᬓᬶᬦ᭄ᬓᭀᬘᬧ᭄᭞ᬫᬢᬸᬃᬭᬭᬶᬲ᭄᭞ᬳᬫ᭄ᬧᬸ
ᬭᬬᬂᬭᬢᬸᬢᬶᬢ᭄ᬬᬂ᭟ᬢᬶᬢ᭄ᬬᬂᬚᬦ᭄ᬫᬢᬦ᭄ᬫᬶᬓᬦ᭄ᬢ᭞ᬯ᭄ᬯᭀᬂᬧᬤᬲᬦ᭄ᬫᬗᭂᬫ᭄ᬧᬶ᭞ᬫᬦᬤ᭄ᬬᬢᭀᬜᬦ᭄ᬳᬮᬲ᭄᭞ᬮᬶᬦ᭄ᬢᬂᬫᬶᬲ᭄ᬓᬶᬦ᭄‌ᬢ᭄ᬬᬂᬭᬢᬸ᭞ᬲᬵᬫ᭄ᬧᬸᬦᬂᬧᬜ᭄ᬚᬂᬯᭂᬘᬦ᭞ᬢᬶᬢ᭄ᬬᬂᬧᬫᬶᬢ᭄᭞ᬭᬳᬤ᭄ᬬᬦ᭄ᬫᬲᬳᬸᬢ᭄ᬦᬶ
ᬫ᭄ᬩᬮ᭄᭟ᬳ᭄ᬤᬗᬸᬤᬘ᭄ᬦᬶᬂᬢᬸᬮᬓ᭄᭞ᬢ᭄ᬓᬾᬦᬶᬂᬧᬫᬸᬜᬶᬦ᭄ᬩᭂᬮᬶ᭞ᬢᭀᬂᬤᬤᬶᬮᬮᬶᬮᬶᬮᬬᬂ᭞ᬢ᭄ᬓᬲᬬᬦ᭄ᬮᬶᬗ᭄ᬳᬸᬂᬩᬶᬗᬸᬂ᭞ᬢ᭄ᬯᬭᬗᬶᬢᬸᬂᬯᬗ᭄ᬰᬲᬸᬤ᭄ᬭ᭞ᬬᬾᬦ᭄ᬫᬫᬤᬶ᭞ᬫᬶᬗ᭄ᬓᬶᬦ᭄ᬓᬾᬫᬯᬗ᭄ᬰᬫᬾᬦᬓ᭄᭟ᬬᬦᬶᬂᬓ᭄ᬤᭂᬄ
ᬢ᭄ᬯᬭᬳ᭄ᬜᬓ᭄᭞ᬧᬘᬂᬫᬲᬗ᭄ᬓᭀᬮ᭄‌ᬦᬾᬚᬦᬶ᭞ᬫᬶᬗ᭄ᬓᬶᬦ᭄ᬳᭂᬜᬓ᭄ᬮᬦ᭄ᬫᬚᬮᬦ᭄᭞ᬳᬧᬂᬩᬋᬂᬩᬶᬩᬶᬤᬸᬓᬸᬄ᭞ᬚᬮᬦ᭄ᬓᬾᬚᬦᬶᬤᬩ᭄ᬤᬩᬂ᭞ᬧ᭄ᬬᬦᬓ᭄ᬩᬶᬩᬶ᭞ᬚᬦᬶᬧᬬᬸᬦᬶᬭᬜᬸᬯᬂ᭟ᬦᬶᬤᬸᬓᬸᬄᬢ [ 14 ][᭑᭓ 13B]
᭑᭓
ᬦ᭄ᬧᬸᬭᬸᬦ᭄ᬢᬸᬮᬓ᭄᭞ᬫᬶᬯᬄᬳᬶᬤᬭᬤᬾᬦ᭄ᬤᬾᬯᬶ᭞ᬫ᭄ᬦᭂᬂᬢᬦ᭄ᬧᬲᬳᬸᬃᬋᬓᭀ᭞ᬗᬦ᭄ᬤᬶᬓᬭᬳᬤᬾᬦ᭄ᬩᬕᬸᬲ᭄᭞ᬢ᭄ᬓᬾᬦᬶᬂᬧᬜ᭄ᬚᬓᬾᬧᬥ᭞ᬩᬧᬧᬢᬶᬄ᭞ᬚᬮᬦ᭄ᬫᬤᬩ᭄ᬤᬩᬦ᭄ᬩᬸᬤᬮ᭄᭟ᬦᬶᬤᬸᬓᬸᬄᬮᬦ᭄ᬦᬶ
ᬘᬶᬮᬶᬦᬬ᭞ᬚᬮᬦ᭄ᬩᬋᬂᬓᬦᬕᬭᬶ᭞ᬢᬸᬫᬸᬮᬶᬫᬫᬃᬕ᭄ᬕᬋᬓᭀ᭞ᬫᬜᬸᬚᬸᬭᬶᬂᬢᬫᬦ᭄ᬲᬦ᭄ᬢᬸᬦ᭄᭞ᬢᬦ᭄ᬓᭀᬘᬧᬫᬭᬶᬂᬚᬮᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬭᬳᬤᬾᬦ᭄ᬫᬦᬭᬶᬂᬢᬫᬦ᭄᭟ᬓᬢᭀᬦ᭄ᬩᬮᬾᬦᬾᬫᬗ᭄ᬭ
ᬜᬩ᭄᭞ᬕᬾᬫ᭄ᬧᬾᬮ᭄ᬫᬧ᭄ᬭᬤᬗᭂᬦ᭄ᬤᬶᬄ᭞ᬳᬦᬸᬢ᭄ᬩᬮᬾᬧᬗᬦ᭄ᬢᬾᬦᬦ᭄᭞ᬭᬶᬂᬧᬶᬗ᭄ᬕᬶᬃᬲ᭄ᬓᬃᬫᬢᬸᬭᬸᬢ᭄᭞ᬫᬜᬦ᭄ᬤᬶᬂᬢᬮᬕᬚᬶᬫ᭄ᬩᬃ᭞ᬓᬢᭀᬦ᭄ᬳᬰ᭄ᬭᬶ᭞ᬲᬃᬯ᭄ᬯᬩᬸᬗᬦ᭄ᬤᭂᬂᬓᭂᬫ᭄ᬩᬂ᭟ᬲᬵᬫ᭄ᬧᬸᬦ᭄ᬲᬜ᭄ᬚᬲᬸᬭᬸᬧ᭄ᬲᬹᬃᬬ᭄ᬬ᭞ᬤᬫᬃ
ᬩᬸᬮᬦ᭄ᬫᬗᬮᬗᬶᬦ᭄᭞ᬓᭀᬘᬧ᭄ᬩᬶᬩᬶᬤᬸᬓᬸᬄᬋᬓᭀ᭞ᬓᬶᬘ᭄ᬙᬾᬦ᭄ᬳᬸᬫᬄᬢ᭄ᬯᬄᬳᬩᬸᬗ᭄ᬓᬸᬮ᭄᭞ᬲᬵᬫ᭄ᬧᬸᬦ᭄‌ᬯᬾᬦ᭄ᬢᭂᬦ᭄ᬤᬯᬸᬄᬢᬶᬕ᭞ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬘᬶᬮᬶᬦᬬᬓᬧᬫᬺᬫᬦ᭄᭟ᬲᬫ᭄ᬩᬶᬮ᭄ᬳᬶᬤᬫᬭᬭ

[᭑᭔ 14A]
᭑᭔
ᬲᬦ᭄᭞ᬧᬗ᭄ᬭᬸᬫ᭄ᬭᬸᬫᬾᬗᭂᬢᬸᬲ᭄ᬳᬢᬶ᭞ᬳᬤᬸᬄᬜᬳᬶᬘᬶᬮᬶᬦᬬ᭞ᬓᬢᬸᬚᬸᬲᬦ᭄ᬩᭂᬮᬶᬭᬯᬸᬄ᭞ᬓᬳᬮᬲᬾᬫᬩᬩᬸᬭ᭄ᬯ᭞ᬢᭂᬧᬸᬓ᭄ᬚᬦᬶ᭞ᬘᬶᬮᬶᬦᬬᬲᬬᬂᬓᬸᬢᬂ᭟᭜᭟ᬓᬸᬫᬫ᭄ᬩᬂ᭟᭜᭟ᬭᬢᬸᬩᬸᬮ
ᬦ᭄ᬧᬶᬋᬗᬂᬭᬢᬸᬳᬃᬱᬦᬶᬦ᭄᭞ᬳᬢᬸᬃᬳᬶᬓᬮᬭᬦ᭄᭞ᬢᭀᬂᬤᬤᬶᬩᬦ᭄‌ᬗᬺᬢ᭄ᬩᬸᬤ᭄ᬥᬶ᭞ᬢᬸᬮᬸᬲᬂᬲ᭄ᬯᬾᬘ᭄ᬙᬦᬾᬫᬶᬭᬄ᭟ᬩᬲ᭄ᬓᬍᬩᬶᬄᬩᬳᬦ᭄ᬳᬶᬭᬢᬸᬜᬓᬶᬢᬶᬦ᭄᭞ᬢᭀᬂᬤᬤᬶᬧᬸᬃᬡ᭄ᬦᬬᬂ᭞ᬲᬭᬸᬯᬂᬲᬸᬫᬗ᭄ᬓᬶᬦ᭄ᬧ
ᬮᬶᬂ᭞ᬧᬮᬶᬂᬢᭀᬂᬤᬤᬶᬢᬸᬗ᭄ᬓᬲᬂ᭟ᬳᬸᬧᬫᬶᬜᬢᬶᬢ᭄ᬬᬂᬳᬶᬱᬤ᭄ᬧᬤᬲ᭄ᬤᬶᬄ᭞ᬲ᭄ᬯᬾᬘ᭄ᬙᬓᬧ᭄ᬢᭂᬗᬦ᭄᭞ᬢ᭄ᬓᬵᬩᬸᬮᬦᬾᬗᬮᬗᬶᬦ᭄᭞ᬤᬶᬢᬸᬢᬶᬢ᭄ᬬᬂᬫᬗ᭄ᬕᬶᬄᬍᬕ᭟ᬬᬦ᭄ᬲᬯᬗᬂᬳᬶᬭᬢᬸᬳᬶᬳᬫ᭄ᬧᬾᬮ᭄ᬕᬤᬶᬂ᭞ᬢᬶ
ᬢ᭄ᬬᬂᬢ᭄ᬯᬭᬧᬲᬄ᭞ᬳᬶᬲᬗ᭄ᬕᬮᬗᬶᬢ᭄‌ᬫ᭄ᬭᬶᬓ᭄ᬫᬶᬗᬶᬂ᭞ᬫᬮᬶᬮᬶᬢ᭄ᬢᬶᬢ᭄ᬬᬂᬫᬸᬮᬶᬲᬄ᭟ᬦᬄᬳᬓᬾᬢᭀᬧᬶᬢᬸᬮᬸᬲ᭄ᬭᬢᬸᬮᬶᬗ᭄ᬕᬶᬳᬶᬦ᭄᭞ᬲᬃᬯ᭄ᬯᬶᬗᬭᬲ᭄ᬳᬭᬲ᭄᭞ᬧᬗ᭄ᬭᬸᬫ᭄ᬭᬸᬫᬾᬫᬸᬮᬸᬓ᭄ᬫᬦᬶᬲ᭄᭞ᬓᬾᬯ᭄ᬭᬦ᭄ᬦᬶᬘᬶᬮᬶᬦᬬ᭟ [ 15 ][᭑᭔ 14B]
᭑᭔
ᬓᬧᬺᬓ᭄ᬧᭂᬓᬦ᭄ᬕᬶᬦᬸᬕᬄᬲᬃᬯ᭄ᬯᬶᬓᬶᬦᬶᬢᬶᬮ᭄᭞ᬲᬵᬫ᭄ᬧᬸᬦ᭄ᬳᬯᭀᬃᬲ᭄ᬫᬭ᭞ᬓᬧᬢᬶᬭᬳᬤᬾᬦ᭄ᬤᬾᬯᬶ᭞ᬍᬲᬸᬭᬲᬢᬦ᭄ᬧᬚᬶᬯ᭟ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬓᬲ᭄ᬬᬩ᭄ᬓᬳ᭄ᬬᬸᬦᬾᬧᬮᬶᬂ᭞ᬳᬤᬸᬄᬳᬢ᭄ᬫᬚᬶᬯ᭞ᬳ᭄ᬤᭂᬭᬢᬸᬫᬦᬶᬗ᭄ᬕᬮᬶ
ᬦ᭄᭞ᬓᬾᬦᬾᬢ᭄ᬬᬂᬓᬚᬢᬓ᭟ᬓᬕᬸᬬᬗᬶᬦ᭄᭞ᬭᬳᬤᬾᬦ᭄ᬤᬾᬯᬶᬢᬦ᭄ᬳᬾᬮᬶᬂ᭞ᬳᬤᬲᬢᬸᬚᬫ᭄᭞ᬚᬶᬯᬦᬾᬭᬲᬦᬶᬗ᭄ᬕᬮᬶᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬾᬯ᭄ᬭᬦ᭄᭟ᬲᬃᬯ᭄ᬯᬶᬗᬺᬗ᭄ᬓᬸᬮ᭄‌ᬭᬭᬶᬲ᭄ᬳᬶᬤᬗᬫᬢ᭄ᬭᬳᬶᬦ᭄
᭞ᬯᬶᬚᬬᬓᬸᬲᬸᬫ᭞ᬳᭂᬦ᭄ᬢᭀᬓᭀᬘᬧ᭄ᬫᬦ᭄ᬢ᭄ᬭᬲᬶᬥᬶ᭞ᬧᬗᬭᬤᬦ᭄ᬲᬗ᭄ᬳ᭄ᬬᬂᬳᬢ᭄ᬫ᭟ᬢᭀᬦ᭄ᬤᬾᬦ᭄ᬧ᭄ᬕᬢ᭄ᬧᬗᬲ᭄ᬢ᭄ᬭᬾᬦᬾᬲᬕᬾᬢ᭄‌ᬗ᭄ᬮᬶᬮᬶᬃ᭞ᬮᬾᬤᬂᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬭᬭᬶᬲ᭄ᬳᬶᬤᬫᬧᬲᬶᬳᬶᬦ᭄᭞ᬳᬤᬸᬄᬳᬕᬸᬂᬳᬢ᭄ᬫ
ᬚᬶᬯ᭟ᬬᬾᬦᬶᬂᬓᬕᬸᬂᬧᬬᬸᬫᬗᬫᬲᬶᬦ᭄ᬫᬢᬶ᭞ᬢᬶᬢ᭄ᬬᬂᬫᬶᬮᬸᬧ᭄ᬚᬄ᭞ᬲᬾᬧ᭄‌ᬍᬕᬳᬾᬗ᭄ᬕᬮ᭄ᬫᬢᬶ᭞ᬘᬶᬮᬶᬦᬬᬕᭂᬤᭂᬕ᭄ᬧᬶᬲᬦ᭄᭟ᬲᬃᬯ᭄ᬯᬶᬗᬸᬘᬧ᭄‌ᬤᬸᬄᬤᬾᬯᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬳᭂᬫ᭄ᬧᭂᬂᬲᬚᬢ᭄ᬬᬂ᭞ᬗ᭄ᬕᬶᬄᬲᬸᬳᬸᬤ᭄ᬓᬸᬤ

[᭑᭕ 15A]
᭑᭕
ᬫᬗᬸᬫᬶᬓ᭄᭞ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂᬦᬶᬗᭂᬳᬂ᭟ᬳᬸᬧᬫᬶᬜᬳᬶᬭᬢᬸᬫᬗ᭄ᬭᬸᬫ᭄ᬭᬸᬫ᭄ᬲᭂᬦ᭄ᬤᬶ᭞ᬫᬧᬲᬶᬳᬶᬦ᭄ᬢᬸᬫ᭄ᬩᬮ᭄᭞ᬢᭀᬂᬩᬶᬲᬳᬶᬧᬸᬦ᭄ᬦᬶᬫ᭄ᬧᬮᬶᬦ᭄᭞ᬘᬤᬶᬓ᭄ᬕᬮᬶᬃᬜᬾᬦ᭄‌ᬗᬺᬲᭂᬧᬂ᭟ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬗᬸᬘᬧ᭄ᬳᬫ᭄ᬮᬤ᭄ᬳᬲᬶᬄ᭞ᬓ
ᬕᬸᬂᬲᬸᬳᬸᬤ᭄ᬫᭂᬗ᭄ᬕᬄ᭞ᬢᬶᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬓ᭄ᬭᭀᬥᬦᬶᬘᬶᬮᬶᬦᬬ᭟ᬲᬃᬯ᭄ᬯᬶᬦᬶᬜ᭄ᬚᬓ᭄ᬓᬕᬾᬲ᭄ᬕᬾᬲ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬲᬶᬄᬢ᭄ᬯᬭᬢ᭄ᬮᬕ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬲᬶᬳᬶᬦ᭄᭞ᬧᬗᬸᬘᬧᬾᬳᬫ᭄ᬮᬲ᭄ᬧ᭄ᬭᬡ᭟᭜᭟
ᬲᬶᬦᭀᬫ᭄᭟᭜᭟ᬩᬗᭂᬢᬂᬭᬢᬸᬩᬗᭂᬢᬂ᭞ᬢᬶᬢ᭄ᬬᬂᬢ᭄ᬯᬭᬦᬶᬗ᭄ᬕᬮ᭄ᬪᬓ᭄ᬢᬶ᭞ᬳᬶᬭᬢᬸᬫᬦᬳᬂᬢᬶᬢ᭄ᬬᬂ᭞ᬳᬫ᭄ᬩᬸᬮ᭄‌ᬫᬵᬲᬾᬳᬕᬸᬫᬶ᭞ᬓᬾᬢᭀᬳᬸᬧᬫᬶᬜᬫᬡᬶᬓ᭄᭞ᬓᬤᬶᬯᬶᬦ᭄ᬢᭂᬦᬾᬳᬕᬸᬦᬸᬂ᭞ᬤᬶᬚ
ᬩ᭄ᬯᬶᬦ᭄ᬳᬮ᭄ᬬᬂᬭᬵᬚᬧᬸᬢ᭄ᬭᬶᬫᬜᬦ᭄ᬤᬶᬗᬶᬦ᭄᭞ᬬᬤᬶᬦ᭄ᬭᬸᬭᬸᬄᬲᬩᬢᬦ᭄ᬮᬗᬶᬢ᭄ᬤᬸᬳᬸᬃᬢᬦᬄ᭟ᬲᬧᬳᬸᬢ᭄ᬓᬢᭀᬦ᭄ᬲᬯᬗᬂ᭞ᬢᭀᬂᬳᬤᬓᬲᭀᬃᬲᬢᬦ᭄ᬤᬶᬂ᭞ᬧᬦ᭄ᬢᭂᬲ᭄ᬫᬓᬘᬦ᭄ᬤ᭄ᬭᬓᬦ᭄ᬢ᭞ᬲᬂᬤ᭄ᬬᬄᬮᬯᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ [ 16 ][᭑᭕ 15B]
᭑᭕
ᬲᬗ᭄ᬳ᭄ᬬᬂᬲ᭄ᬫᬭᬮᬯᬦ᭄ᬭᬢᬶᬄ᭞ᬧᬗ᭄ᬭᬸᬫ᭄ᬭᬸᬫᬾᬫᭂᬫ᭄ᬩᬄᬫᬵᬥᬹ᭞ᬜᬶᬲᬬᬂᬓᬫᬦᬶᬲᬦ᭄᭞ᬳᬦᬸᬢ᭄ᬚᬗ᭄ᬕᬮᬓᬤᬶᬭᬶ᭞ᬧᬲᬶᬄᬫᬵᬥᬹᬲᬶᬂᬲᭀᬮᬳᬂᬗᬯᬾᬫ᭄ᬮᬄ᭟ᬮᬦ᭄ᬢᬂᬬᬾᬦ᭄‌ᬢ᭄ᬯᬄᬘᬭᬶᬢᬬᬂ᭞ᬯᬾᬦ᭄ᬢᭂᬦ᭄ᬳᬶᬗᬦ᭄ᬢᬶᬕᬂ
ᬰᬰᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬢᬫᬦ᭄᭞ᬢᭀᬂᬢᬳᬾᬦ᭄ᬗᭂᬦᬄᬓᬧᬸᬭᬶ᭞ᬢᬦ᭄ᬤ᭄ᬯᬳᬗᬃᬩ᭄ᬪᬶᬦᬶ᭞ᬢᬸᬢᬸᬕ᭄‌ᬰᬰᬶᬳᬦᬾᬫᭂᬢᬸ᭞ᬧᬸᬢ᭄ᬭᬮᬦᬂᬲᬦᬸᬗ᭄ᬕᬮ᭄᭞ᬯᬃᬡ᭄ᬦᬦᬾᬓᬮᬶᬦ᭄ᬢᬂᬧ᭄ᬓᬶᬓ᭄᭞ᬮᬾᬤᬂᬓᬳ᭄ᬬᬸᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶᬜᬶᬗ
ᬓ᭄ᬳᭀᬓ᭟ᬳ᭄ᬦᭂᬂᬗᬓ᭄ᬦᬭᬳᬤ᭄ᬬᬦ᭄᭞ᬓᭀᬘᬧᬲᬂᬧ᭄ᬭᬪᬸᬮᬶᬗ᭄ᬲᬶᬃ᭞ᬤᬯᬸᬄᬓᬵᬮᬶᬄᬲᬵᬫ᭄ᬧᬸᬦᬳ᭄ᬬᬲ᭄᭞ᬭᬭᬶᬲ᭄ᬓᬩᬜ᭄ᬘᬶᬗᬄᬕ᭄ᬮᬶᬲ᭄᭞ᬗ᭄ᬮᬶᬲᬂᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭞ᬲᬶᬭᬧᬢᬶᬄᬤ᭄ᬫᬗ᭄ᬤᭂᬤᬸᬂ᭞ᬫᬶᬯᬄᬢᬦ᭄ᬤᬫᬦ᭄ᬢ᭄ᬭᬶᬗᬫ᭄ᬩ᭄ᬬᬃ᭞ᬓᬤᬸᬭᬸ
ᬯᬦ᭄ᬫᬶᬯᬄᬋᬱᬶ᭞ᬧᬥᬦᬗ᭄ᬓᬶᬮ᭄᭞ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓ᭟ᬦᬄᬢᬾᬧᬥᬓ᭄ᬦᭂᬳᬂ᭞ᬧᬸᬧᬸᬢ᭄ᬮᬘᬸᬃᬦᬶᬭᬚᬦᬶ᭞ᬓᭀᬘᬧᬳᬶᬦᬦᬓ᭄ᬫᬦ᭄ᬢ᭄ᬭ᭄ᬬ᭞ᬚ᭄ᬦᭂᬓ᭄ᬤᬶᬢᬫᬦ᭄ᬫᬮᬶᬗ᭄ᬕᬶᬄ᭞ᬢᭀᬂᬢᬳᬾᬦ᭄ᬗᭂᬦᬄᬫᬸᬮᬶᬄ᭞ᬓᬲᬶᬄ

[᭑᭖ 16A]
᭑᭖
ᬤᬶᬢᬫᬦ᭄ᬫᬗᬸᬗ᭄ᬓᬸᬂ᭞ᬗ᭄ᬮᬄᬩᬩᬾᬤᬦ᭄ᬓᬸᬢᬸᬦ᭄ᬳᬮᬲ᭄᭞ᬤᬸᬤᬸᬓᬦ᭄ᬳᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬩᬲ᭄ᬓᬤᬸᬭᬸᬲ᭄ᬮᬘᬸᬃᬦᬶᬭᬗ᭄ᬮᬄᬧ᭄ᬬᬦᬓ᭄᭟ᬢᭀᬂᬓᬕᬸᬕᬸᬗᬮᬶᬄᬲᭀᬫᬄ᭞ᬓᬮᬸᬤ᭄ᬫᬳᬦ᭄ᬲᭀᬫᬄᬯᬶᬮ᭄᭞ᬩᬲ᭄ᬫᬗᬯᬾ
ᬳᬸᬘᬧ᭄ᬚᬕᬢ᭄᭞ᬬᬦᬶᬂᬓ᭄ᬦᭂᬄᬦᬶᬭᬚᬦᬶ᭞ᬗᬧᬸᬲ᭄ᬳᬶᬦᬦᬓ᭄ᬫᬦ᭄ᬢ᭄ᬭᬶ᭞ᬦᬾᬳᬶᬤ᭄ᬫᬂᬓ᭄ᬫᭂᬗᬧᬸᬲ᭄᭞ᬓᬵᬮᬶᬄᬦᬾᬩᬳᬂᬲᬸᬭᬢ᭄᭞ᬳᬧᬂᬫᬳᬦ᭄ᬓᬶᬤᬂᬧᬸᬢᬶᬄ᭞ᬦᬾᬦᬾᬮᬸᬄᬳᬧᬂᬩ᭄ᬯᬢᬗᬧᬶᬲᬦ᭄᭟ᬬᬾᬦ᭄ᬲᬸᬩᬳᬶᬤᬫᬚᬮ
ᬦ᭄᭞ᬳᬶᬧᬢᬶᬄᬢᬸᬦ᭄ᬤᬾᬦᬂᬚᬦᬶ᭞ᬫᬗ᭄ᬭᬸᬲᬓ᭄ᬦᬶᬘᬶᬮᬶᬦᬬ᭞ᬓᬾᬢᭀᬓ᭄ᬦᭂᬄᬦᬶᬭᬚᬦᬶ᭞ᬲᬫᬶᬫᬫᬢᬸᬢ᭄ᬩᭂᬘᬶᬓ᭄᭞ᬧᬢᬶᬄᬤᬶᬦᬢᬓᬳᬸᬢᬸᬲ᭄᭞ᬓᬢᬫᬦ᭄ᬧᬘᬂᬗ᭄ᬭᬸᬲᬓ᭄᭞ᬲᬶᬲᬶᬦ᭄ᬩᬗᬯᬦᬾᬓᬗᬶᬦ᭄᭞ᬬᬫᬢ᭄ᬬᬂᬫᬳ
ᬤᬦ᭄ᬤᬶᬧᬦ᭄ᬤᬦ᭄ᬲ᭄ᬓᬭ᭄᭟ᬢᬦ᭄ᬓᭀᬘᬧᬲᬂᬦᬵᬣ᭞ᬓᭀᬘᬧ᭄‌ᬦᬾᬗᬢᬸᬭᬂᬢᬸᬮᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬢᬫᬦ᭄᭞ᬓᬢᭀᬦ᭄ᬲᬶᬭᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬜᬗ᭄ᬓ᭄ᬭᬶᬫᬂᬳᭀᬓᬳᬮᬶᬢ᭄᭞ᬘᬶᬮᬶᬦᬬᬩ᭄ᬬᬂᬳᬶᬩᬸ᭞ᬚᭂ [ 17 ][᭑᭖ 16B]
᭑᭖
ᬕᬾᬕ᭄‌ᬢᭀᬂᬳᬤᬫᬤ᭞ᬕᬯᭀᬓ᭄ᬳᬶᬤ᭄ᬫᬂᬢᬦ᭄ᬲᬶᬧᬶ᭞ᬩᭀᬬᬦᬸᬕᬶᬚᬦ᭄ᬫᬲᬸᬤ᭄ᬭᬢᭀᬜᬦ᭄ᬳᬮᬲ᭄᭟ᬳᬶᬤ᭄ᬫᬂᬫᬵᬢᬹᬃᬫᬦᭂᬫ᭄ᬩᬄ᭞ᬫᭂᬧᭂᬲ᭄ᬢᬸᬃᬗᬢᬸᬭᬂᬢᬸᬮᬶᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫ᭞ᬓᬧᬯᭀᬲ᭄‌ᬲᬚ᭄ᬭᭀᬦᬶᬂ
ᬯᬺᬤᬶ᭞ᬲᬵᬫ᭄ᬧᬸᬦ᭄ᬭᬸᬫᭂᬲᭂᬧᬶᬂᬳᬢᬶ᭞ᬲᬃᬯ᭄ᬯᬶᬫᬗᬦ᭄ᬤᬶᬓᬳᬮᬸᬲ᭄᭞ᬤᬸᬄᬜᬳᬶᬘᬶᬮᬶᬦᬬ᭞ᬧᬤᬶᬗᭂᬳᬂᬫᬸᬜᬶᬦ᭄ᬩᭂᬮᬶ᭞ᬤᬶᬦᬶᬳᭂᬫ᭄ᬧᬸ᭞ᬳᬶᬘ᭄ᬦᬶᬂᬧᬂᬫᭂᬮᬄ᭟ᬩ᭄ᬮᬶᬚᬦᬶᬧᬘᬂᬮ᭄ᬯᬲ᭄᭞ᬓᬳᬸᬢᬸᬲ᭄ᬩᬳᬦ᭄ᬳᬶᬳᬚᬶ᭞ᬓᬳᬮᬲ᭄ᬫᬗᬮᬶᬄ
ᬓᬶᬤᬂ᭞ᬳᬧᬂᬫᬳᬦ᭄ᬓᬶᬤᬂᬧᬸᬢᬶᬄ᭞ᬧᬩ᭄ᬯᬢ᭄ᬳᬶᬩᬧᬳᬚᬶ᭞ᬩᬋᬂᬦᬾᬳᬶᬩᬧᬤ᭄ᬫᬸᬂ᭞ᬫᬳᬢᬸᬃᬘᬶᬮᬶᬦᬬ᭞ᬢᬶᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂ᭞ᬲᬧᬗᬸᬤᬸᬄᬢᬶᬢ᭄ᬬᬂᬗᬶᬭᬶᬂᬧᬓᬳ᭄ᬬᬸᬦᬦ᭄᭟ᬫᬗ᭄ᬤᬓᬾᬲᬓᬾᬂᬓᬢᬶᬢᬄ᭞ᬳᬦ᭄ᬢᬸᬓ᭄ᬳᬶᬤᬧ᭄ᬭᬪᬸ
ᬮᬶᬗ᭄ᬲᬶᬭ᭄᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬫᬗ᭄ᬓᬶᬦ᭄ᬓᭀᬘᬧ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬤᬸᬄᬳᬤᬶᬩ᭄ᬮᬶᬧᬫᬶᬢ᭄᭞ᬫᬳᬶᬭᬶᬗᬦ᭄‌ᬚᬸᬭᬸᬩᬸᬭᬸ᭞ᬢᬦ᭄ᬓᭀᬘᬧᬭᬶᬂᬚᬮᬦ᭄᭞ᬭᬶᬂᬳᬮᬲ᭄ᬳᬕᬸᬂᬯᬸᬲ᭄‌ᬧ᭄ᬭᬵᬧ᭄ᬢᬶ᭞ᬢᬦ᭄ᬓᭀᬘᬧᬭᬶᬂᬳ

[᭑᭗ 17A]
᭑᭗
ᬮᬲᬾᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭟ᬫᬗ᭄ᬓᬶᬦ᭄ᬓᭀᬘᬧᬲᬂᬦᬵᬣ᭞ᬫᬗᬸᬢᬸᬲ᭄ᬳᬶᬧᬢᬶᬄᬕ᭄ᬮᬶᬲ᭄᭞ᬕᬸᬲ᭄ᬢᬶᬧᬢᬶᬄᬧᬫᬶᬢ᭄ᬩᬸᬤᬮ᭄᭞ᬫᬗᬸᬗ᭄ᬲᬶᬓᬢᬫᬦ᭄ᬕᭂᬮᬶᬲ᭄᭞ᬓᬳᬸᬢᬸᬲ᭄ᬧᬘᬂᬫᬢᬾᬦᬶ᭞ᬘᬶᬮᬶᬦᬬᬫᬗ᭄ᬤᬧᬸᬧᬸᬢ᭄᭞ᬲᬭᬯᬸᬳᬾᬫᬭᬶᬂ
ᬢᬫᬦ᭄᭞ᬳᬶᬧᬢᬶᬄᬫᬦᬩ᭄ᬤᬳᬭᬶᬲ᭄᭞ᬳᬤᬸᬄᬜᬳᬶᬘᬶᬮᬶᬦᬬᬦᬾᬤᬶᬗᭂᬳᬂ᭟ᬓᬭᬡᬩ᭄ᬮᬶᬫᬳᬶᬢ᭄ᬓᬵ᭞ᬰ᭄ᬭᬷᬦᬭᬾᬦ᭄ᬤ᭄ᬭᬗᬸᬢᬸᬲ᭄ᬩᭂᬮᬶ᭞ᬧᬘᬂᬗ᭄ᬭᬸᬲᬓ᭄ᬜᬳᬶᬋᬓᭀ᭞ᬲᬶᬲᬶᬦ᭄ᬩᬗᬯᬦᬾᬓᬗᬶᬦ᭄᭞ᬧᬦ᭄ᬤᬦ᭄ᬲ᭄ᬓᬃᬓᬯᬵ
ᬱ᭄ᬝᬦᬶᬦ᭄᭞ᬤᬶᬢᬸᬜᬳᬶᬳᬧᬂᬧᬸᬧᬸᬢ᭄᭞ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬦᬶᬘᬶᬮᬶᬦᬬᬜᬳᬸᬭᬶᬦ᭄᭞ᬦᬧᬶᬳᬶᬯᬂᬢᬶᬢ᭄ᬬᬗᬾᬢᭂᬓᬾᬦ᭄ᬲᬂᬦᬵᬣ᭟ᬘᬶᬮᬶᬦᬬᬫᬜᭂᬲᭂᬤᬂ᭞ᬫᬸᬜᬶᬦᬾᬳᬭᬸᬫᬵᬫᬦᬶᬲ᭄᭞ᬦᬧᬶᬲᬶᬲᬶ
ᬧ᭄ᬢᬶᬢ᭄ᬬᬂᬋᬓᭀ᭞ᬳᬶᬧᬢᬶᬄᬫᬲᬳᬸᬢ᭄ᬦᭂᬗ᭄ᬓᬶᬓ᭄᭞ᬳ᭄ᬤᭂᬜᬳᬶᬮᬶᬬᬸᬫᬸᬜᬶ᭞ᬩ᭄ᬮᬶᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄᭞ᬘᬶᬮᬶᬦᬬᬫᬮᬶᬄᬗᬸᬘᬧ᭄᭞ᬬᬦᬶᬂᬲᬧᬸᬦᬶᬓᬕᬸᬲ᭄ᬢᬶ᭞ᬢ᭄ᬬᬂᬦᬯᭂᬕᬂᬳᬦ᭄ᬢᭀᬲ᭄ᬓᬸᬤᬚ᭄ᬯᬢᬶᬢ᭄ᬬᬂ᭟ᬢᬶᬢ᭄ᬬᬂᬓᬭᬶᬫ [ 18 ][᭑᭗ 17B]
᭑᭗
ᬢᬢ᭄ᬮᬄ᭞ᬫᬲᬶᬲᬶᬕ᭄ᬫᬫ᭄ᬩᬸᬄᬕ᭄ᬮᬶᬲ᭄᭞ᬯᬸᬲ᭄ᬧᬸᬧᬸᬢ᭄ᬫᬩᬺᬲᬶᬄᬋᬓᭀ᭞ᬳᬶᬧᬢᬶᬄᬩᬗ᭄ᬭᬲ᭄ᬫᬫᬸᬜᬶ᭞ᬦᬄᬓᬸᬤᬳᬾᬗ᭄ᬕᬮᬶᬦ᭄ᬜᬳᬶ᭞ᬦᬶᬘᬶᬮᬶᬦᬬᬫᬲᬳᬸᬢ᭄᭞ᬤᬸᬭᬸᬂᬧᬸᬧᬸᬢ᭄ᬧᬸᬮᬧᬮᬶᬦ᭄ᬢᬶᬢ᭄ᬬᬂ᭞ᬗᬦ᭄ᬤᬶᬓᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬩᬶᬩᬶ
ᬤᬸᬓᬸᬄᬢ᭄ᬬᬂᬧᬫᬶᬢ᭄‌ᬦᬾᬫᬗ᭄ᬓᬶᬦ᭄ᬩᬸᬤᬮ᭄᭟᭜᭟ᬧᬸᬧᬸᬄᬤ᭄ᬫᬸᬂ᭟᭜᭟ᬦᬾᬫᬗ᭄ᬓᬶᬦ᭄ᬦᬶᬘᬶᬮᬶᬦᬬᬓᬭᬶᬜᬸᬭᬢ᭄᭞ᬲᬸᬭᬢ᭄ᬧ᭄ᬭᬬᬓᬢᬸᬃ᭞ᬧᬗᬸᬘᬧᬾᬳᬮᬸᬲ᭄᭞ᬳᬤᬸᬄᬭᬢᬸᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬢᬸᬃᬢᬶᬢ᭄ᬬᬂᬫᬶᬤᬃᬣᬬᬂ᭞ᬭᬶᬂᬓ
ᬦ᭄ᬤᬦ᭄ᬢᬶᬢ᭄ᬬᬗᬾᬮᬫ᭄ᬧᬸᬲ᭄᭞ᬲᬓᬶᬂᬳᬶᬤᬲᬂᬦᬵᬣ᭞ᬫᬗᬸᬢᬸᬲ᭄‌ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬫᬳᬤᬦ᭄ᬤᬶᬧᬦ᭄ᬤᬦ᭄ᬲ᭄ᬓᬃ᭞ᬤᬶᬢᬸᬢᭀᬗᭀᬲ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭟ᬓᬾᬯᬦ᭄ᬢᭂᬦ᭄ᬲᬂᬭᬢᬸᬳᬾᬮᬶᬂᬢ᭄ᬓᬾᬦ᭄ᬧ᭄ᬬᬦᬓ᭄᭞ᬘ᭄ᬦᬶᬂᬩᬕᬸᬲ᭄ᬮᬶᬯᬢ᭄ᬮᬘᬸᬃ᭞ᬓᬭᬶᬘ᭄ᬦᬶᬓ᭄ᬳᬸᬩᬸᬄ
ᬫᬾᬫᬾᬦᬾᬗᬮᬳᬶᬦ᭄ᬫᬢᬶ᭞ᬫᬢᬶᬦ᭄ᬢ᭄ᬬᬗᬾᬤᬤᬓᬦ᭄᭞ᬫᬮᬶᬄᬢᬶᬢ᭄ᬬᬂᬫᬸᬗᬸᬳᬢᬸᬃ᭞ᬤᬾᬯᬵᬕᬸᬂᬳ᭄ᬤᭂᬳᭂᬗ᭄ᬲᬧ᭄᭞ᬢ᭄ᬓᬾᬦ᭄ᬩᬶᬩᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬢᬶᬢ᭄ᬬᬂᬩᬗᭂᬢ᭄ᬓᬧ᭄ᬬᬸᬢᬗᬦ᭄᭞ᬲᬧᬸᬦᬶᬓᬳᬢᬸᬃᬢᬶᬢ᭄ᬬᬂ᭞ᬫᬗ᭄ᬤᬯᬶᬓᬦ᭄ᬭᬢᬸ

[᭑᭘ 18A]
᭑᭘
ᬳᬕᬸᬂ᭟ᬢᬶᬢ᭄ᬬᬂᬫᬸᬮᬫᬶᬲᬦ᭄ᬩᭂᬮᬶᬕᬮᬸᬄᬤᬳ᭞ᬲᬓᬾᬯᬦ᭄ᬢᭂᬦ᭄‌ᬢᬶᬢ᭄ᬬᬂᬮᬘᬸᬃ᭞ᬳᬸᬮᬶᬂᬓᬭᬶᬤᬫᬸᬄ᭞ᬫᬓᬸᬢᬂᬤᬶᬳᬮᬲ᭄ᬧᬶᬗᬶᬢ᭄᭞ᬳᬶᬤᬸᬧ᭄ᬢᬶᬢ᭄ᬬᬂᬓᬕᬼᬕᬼ᭞ᬧᬕᬯᬾᬦᬶᬩᬶᬩᬶᬮᬶᬓᬸ᭞ᬫᬗ᭄ᬓᬶᬦ᭄ᬫᬲᬶᬄᬢᬶᬢ᭄ᬬᬂ᭞ᬤᬶᬳ
ᬮᬲ᭄ᬗᭂᬫᬲᬶᬦ᭄ᬫᬢᬶ᭞ᬧᬸᬗ᭄ᬓᬸᬃᬯ᭄ᬓᬲ᭄‌ᬢ᭄ᬬᬂᬦᬸᬢᬸᬕᬂ᭞ᬫᬗᬯᬸᬮᬭᬶᬂᬩ᭄ᬮᬶᬳᬕᬸᬂ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬳᬶᬤᬦᬸᬮᬶᬲ᭄‌ᬗᬫ᭄ᬩᬶᬮ᭄ᬧᬸᬢ᭄ᬭ᭞ᬲᬫ᭄ᬩᬶᬮ᭄‌ᬦᬗᬶᬲ᭄ᬫᬧᬶᬢᬸᬢᬸᬃ᭞ᬩᬲ᭄ᬓᬤᬸᬭᬸᬲ᭄ᬮᬘᬸᬃ᭞ᬦᬸᬘ᭄ᬦᬶᬓ᭄ᬓᬢ᭄ᬓᬵᬦ᭄ᬮᬭ᭞ᬤᬸᬄᬓᬶᬢᬳᬶᬫᬾ
ᬫᬾᬮᬘᬸᬃ᭞ᬩᬧᬢᭀᬂᬫᬦᬯᬂ᭞ᬳᬧᬂᬫ᭄ᬮᬄᬓᬵᬕᬸᬂᬳᬮᬶᬢ᭄᭞ᬫᬦᬶᬧ᭄ᬯᬦ᭄ᬭᬢᬸᬓᬾᬃᬢ᭄ᬢᬶᬬᬂ᭞ᬳᬧᬂᬳᬕᬸᬲ᭄‌ᬦ᭄ᬫᬸᬳᬬᬸ᭟ᬳᬶᬤᬸᬓᬸᬄᬩᬳᬸᬫᬶᬭᬕᬶ᭞ᬗᬓᬸᬲᬾᬤ᭞ᬗᭂᬮᬶᬂᬫᬫᬓᬸᬮ᭄ᬲᬸᬓᬸ᭞ᬳᬤᬸᬄᬭᬢᬸᬳᬕᬸᬂ᭞ᬳ᭄ᬮᬲ᭄ᬲᬦ᭄ᬭ
ᬢᬸᬦᬶᬗ᭄ᬕᬮᬶᬦ᭄᭞ᬧᬸᬢ᭄ᬭᬓᬭᬶᬩᬭᬓ᭄᭞ᬓᬸᬤ᭄ᬬᬂᬢᬶᬢ᭄ᬬᬂᬭᬢᬸᬳᬕᬸᬂ᭞ᬭᬤᬾᬦ᭄ᬕᬮᬸᬄᬫᬗᬦ᭄ᬤᬶᬓ᭞ᬫ᭄ᬦᭂᬂᬩᬶᬩᬶᬲᬸᬳᬸᬤ᭄ᬗᭂᬮᬶᬂ᭞ᬲᬓᬶᬂᬧᬓᬳ᭄ᬬᬸᬦ᭄ᬲᬂᬦᬵᬣ᭞ᬬᭀᬕ᭄ᬬᬗᬫᬢ᭄ᬬᬂᬦᬾᬧᬵᬢᬹᬢ᭄᭟ᬳᬶᬧᬢᬶᬄᬓ᭄ᬭᭀᬥᬫᬜ᭄ᬭᬶ [ 19 ][᭑᭘ 18B]
᭑᭘
ᬢ᭄ᬫᬓ᭄ᬮᭀᬧᬶᬲᬦ᭄᭞ᬳᬾᬗ᭄ᬕᬮᬂᬓᬸᬤᬧᭂᬲᬸ᭞ᬓᬾᬦᬾᬲᬸᬩᬢ᭄ᬤᬸᬄ᭞ᬫᬾᬄᬲᬸᬭᬸᬧ᭄ᬪᬝᬵᬭᬭᬯᬶ᭞ᬳᬶᬕᬮᬸᬄᬫᬮᬶᬄᬗᬸᬘᬧ᭄᭞ᬳᬤᬸᬄᬕᬸᬲ᭄ᬢᬶᬳᬦ᭄ᬢᭀᬲ᭄ᬤᬸᬫᬸᬦ᭄᭞ᬫᬮᬶᬄᬚᭂᬩᭀᬲ᭄ᬧᬶᬲᬦ᭄᭞ᬢᬶᬢ᭄ᬬᬂᬓᬭᬶᬫᬲᬸᬲᬸᬯᬶᬦ᭄᭞
ᬧ᭄ᬬᬦᬓ᭄ᬢ᭄ᬬᬗᬾᬓᬲᬢᬦ᭄᭞ᬫ᭄ᬭᬄᬫ᭄ᬭᬸᬄᬕᬶᬦᬤᬦᬫ᭄ᬩᬸᬂ᭟᭜᭟ᬧᬸᬧᬸᬄᬕᬶᬦᬤ᭟᭜᭟ᬫᬶᬚᬶᬮ᭄ᬳᬶᬤᬗᭂᬫ᭄ᬩᬦ᭄ᬧᬸᬢ᭄ᬭ᭞ᬢᭀᬂᬕᬦ᭄ᬢᬲ᭄ᬳᬶᬤᬫᬫᬃᬕ᭄ᬕᬶ᭞ᬲᬫ᭄ᬩᬶᬮ᭄ᬦᬗᬶᬲ᭄ᬫᬗᬦ᭄ᬤᬶᬓ᭞ᬚᬦᬶᬩ᭄ᬬᬂᬫᬧᬫᬶᬢ᭄ᬮᬫ᭄ᬧᬸᬲ᭄᭞ᬓᬭᬶᬳᬶᬤᬾᬯᬗᬭᬵᬕ᭞ᬳᬤᬸᬄᬘ᭄ᬦᬶᬂ᭞ᬤᬶᬦᬶᬫᬦᬸᬢᬸᬕᬂᬬᬸᬰ᭟ᬘ᭄ᬦᬶᬂᬦᬸᬢᬸᬕᬂᬗᬯᬸᬮ᭞ᬩ᭄ᬬᬂᬦᬾᬚᬦᬶᬫᬧᬫᬶᬢ᭄᭞ᬳᬶᬤᬤᬶᬦᬶᬫᬫᬋᬓᬦ᭄᭞ᬳᬤᬸᬄᬤᬾᬯᬘ᭄ᬦᬶᬂᬩᬕᬸᬲ᭄᭞ᬫᬲᬸᬲᬸᬤᬾᬯᬯᬋᬕᬂ᭞ᬤᬶᬚᬩ᭄ᬯᬶᬦ᭄᭞ᬗᬮᬶᬄᬲᬸᬲᬸᬫ
ᬦᬶᬧ᭄ᬯᬦ᭄᭟ᬦᬾᬚᬦᬶᬳᬶᬤᬾᬯᬩ᭄ᬮᬲ᭄᭞ᬬᬾᬦ᭄‌ᬘ᭄ᬦᬶᬂᬦᬸᬢᬸᬕᬂᬳᬸᬭᬶᬧ᭄᭞ᬳᬾᬮᬶᬗᬂᬤᭀᬂᬲᬓᬶᬂᬩ᭄ᬬᬂ᭞ᬳ᭄ᬮᬲ᭄‌ᬦᬶᬗ᭄ᬕᬮᬶᬦ᭄ᬳᬶᬭᬢᬸ᭞ᬓᬾᬢᭀᬘ᭄ᬦᬶᬂᬳ᭄ᬤᭂᬳᭂᬗ᭄ᬲᬧ᭄᭞ᬩ᭄ᬬᬂᬧᬫᬶᬢ᭄᭞ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬫᬗᭂᬫ᭄ᬩᬦ᭄᭟ᬗᭂᬮᬶᬂ

[᭑᭙ 19A]
᭑᭙
ᬬᬫᬲᬲᬫ᭄ᬩᬢᬦ᭄᭞ᬳᬤᬸᬄᬭᬢᬸᬭᬤᬾᬦ᭄ᬫᬦ᭄ᬢ᭄ᬭᬶ᭞ᬮᬮᬶᬲ᭄ᬲᬦ᭄ᬳᬶᬭᬢᬸᬮᬸᬗ᭄ᬳᬵ᭞ᬗᬾᬦᬓᬶᬦ᭄ᬓᬳ᭄ᬬᬸᬦ᭄ᬫᬩᬸᬭᬸ᭞ᬢᭀᬂᬳᬾᬮᬶᬂᬢ᭄ᬓᬾᬦᬶᬂᬳᭀᬓ᭞ᬓᬭᬶᬳᬮᬶᬢ᭄᭞ᬩ᭄ᬬᬂᬳᬶᬤᬧᬘᬂᬲᬾᬤ᭟ᬤᬶᬚᬳᬶᬭᬢᬸᬫᬕ᭄ᬦᬄ᭞ᬢᬸᬮ
ᬓ᭄ᬫᬦ᭄ᬢᬸᬓ᭄ᬕᭂᬮᬶᬲ᭄ᬕᭂᬮᬶᬲ᭄᭞ᬘᬶᬗᬓ᭄ᬢᬶᬢ᭄ᬬᬂᬓᬲᬗ᭄ᬲᬭᬦ᭄᭞ᬫᬗᬶᬭᬶᬂᬳᬦᬓ᭄ᬳᬶᬭᬢᬸ᭞ᬩ᭄ᬬᬗᬾᬫᬓᬶᬭᬾᬲᬾᬤ᭞ᬩᬲ᭄ᬓᬍᬩᬶᬄ᭞ᬳ᭄ᬬᬂᬯᬶᬥᬶᬫᬶᬤᬸᬓᬾᬦ᭄ᬳᬶᬤ᭟ᬭᬤᬾᬦ᭄ᬕᬮᬸᬄᬫᭂᬲᬾᬄᬯᬲ᭄ᬢ᭄ᬭ᭞ᬧᬗᬗ᭄ᬕᭀᬦᬾᬲᬃᬯ᭄ᬯᬧᬸᬢᬶᬄ᭞
ᬳᬶᬧᬢᬶᬄᬲᬸᬫᬗ᭄ᬓᬶᬦ᭄ᬕᬯᭀᬓ᭄᭞ᬗᬢᭀᬦᬂᬯᬃᬡ᭄ᬦᬦᬾᬳᬬᬸ᭞ᬘᬳ᭄ᬬᬦᬾᬳ᭄ᬦᬶᬂᬫᬮᬶᬮᬂ᭞ᬕᭂᬢᬃᬫᬦᬶᬲ᭄᭞ᬦᬶᬘᬶᬮᬶᬦᬬᬳᬗᬸᬘᬧ᭄᭟ᬤᬸᬄᬧᬫᬦ᭄‌ᬦᬶᬓᬶᬧᬶᬋᬗᬂ᭞ᬳᬢᬸᬃᬢᬶᬢ᭄ᬬᬗᬾᬳᬃᬱᬦᬶᬦ᭄᭞ᬤᬶᬦᬶᬚ᭄ᬯᬫᬢ᭄ᬬᬂ
ᬢᬶᬢ᭄ᬬᬂ᭞ᬳᬧᬂᬮᬲ᭄ᬬᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬧᬘᬂᬦᬧᬶᬚ᭄ᬯᬳᭂᬚᭀᬳᬂ᭞ᬬᬤᬶᬦ᭄ᬳᬶᬮᬶᬤ᭄᭞ᬧᬫᬸᬧᬸᬢᬫᬲᬶᬄᬧ᭄ᬚᬄ᭟ᬳᬶᬧᬢᬶᬄᬳᬰ᭄ᬭᬸᬳᬗᬸᬘᬧ᭄᭞ᬗᬸᬤᬓᬾᬢᭀᬩᬳᬦ᭄ᬜᬳᬶ᭞ᬳ᭄ᬤᭂᬗᬮᬶᬬᬸᬦᬂᬓ᭄ᬭᬸᬦ᭞ᬩ [ 20 ][᭑᭙ 19B]
᭑᭙
ᬧᬢ᭄ᬯᬭᬦᬯᬂᬳᬸᬦ᭄ᬤᬸᬓ᭄᭞ᬚᬵᬢᬶᬲᬓᬶᬂᬧᬓᬳ᭄ᬬᬸᬦᬦ᭄᭞ᬰ᭄ᬭᬷᬪᬸᬧᬢᬶ᭞ᬚᬮᬦ᭄ᬳᬾᬗ᭄ᬕᬮᬂᬫᬚᬮᬦ᭄᭟ᬘᬶᬮᬶᬦᬬᬭᬭᬶᬲ᭄ᬫᭂᬤᬮ᭄᭞ᬫᬜᬶᬗᬓ᭄ᬧᬸᬢ᭄ᬭᬦᬾᬳᬮᬶᬢ᭄᭞ᬳᬦᬸᬮᬶᬭᬭᬶᬲ᭄ᬳᬗᬸᬘᬧ᭄᭞ᬧᬫᬦ᭄‌ᬚᬮᬦ᭄ᬓᬾ
ᬮᬸᬫᬓᬸ᭞ᬳᬶᬧᬢᬶᬄᬫᬲᬳᬸᬢ᭄‌ᬩᬗ᭄ᬭᬲ᭄᭞ᬦᬄᬫᬫᬃᬕ᭄ᬕᬶ᭞ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭟ᬳᬦᬭᬸᬂᬮᬫ᭄ᬧᬄᬭᬶᬂᬚᬮᬦ᭄᭞ᬢᬦ᭄ᬧᬲᬄᬳᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬧ᭄ᬭᬲᬫᬦᬦ᭄ᬤᬂᬓᬮᬭᬦ᭄᭞ᬲᬓᬝᬄᬳᬶᬂᬯ᭄ᬯᭀᬂᬳᬦᬸᬮᬸ᭞ᬳ᭄ᬮᬲ᭄ᬮᬮᬶ
ᬲ᭄ᬲᬦ᭄ᬲᬂᬦᬵᬣ᭞ᬩᬲ᭄ᬓᬍᬩᬶᬄ᭞ᬓᬾᬢᭀᬧᬥᬫᬤᭂᬳᭂᬧᬦ᭄᭟ᬓᭀᬘᬧ᭄ᬭᬯᬸᬄᬫᬭᬶᬂᬚᬮᬦ᭄᭞ᬫᬦᬗᬶᬲ᭄ᬳᬶᬤᬫᬫᬃᬕ᭄ᬕᬶ᭞ᬲᬫ᭄ᬩᬶᬮ᭄ᬳᬶᬤᬗᭂᬫ᭄ᬩᬦ᭄ᬳᭀᬓ᭞ᬳᬤᬸᬄᬤᬾᬯᬘ᭄ᬦᬶᬂᬩᬕᬸᬲ᭄᭞ᬳᬧᬲᬚᬫᬗᬸᬤᬸᬳᬂ᭞ᬲᬗ᭄ᬓᬦ᭄ᬧ
ᬗ᭄ᬕᬶᬄ᭞ᬧᬦᬲ᭄ᬩᬭᬓᬬᬂᬧ᭄ᬬᬦᬓ᭄᭟ᬢᬸᬃᬳᬶᬤᬦᬸᬮᬫᬾᬩ᭄ᬬᬂ᭞ᬤᬶᬚᬩ᭄ᬬᬂᬚ᭄ᬯᬫᬮᬶᬗ᭄ᬕᬶᬄ᭞ᬳᬦ᭄ᬢᭀᬲ᭄ᬳᬸᬕᬶᬭᬢᬸᬢᬶᬢ᭄ᬬᬂ᭞ᬢᬶᬢ᭄ᬬᬂᬗᬶᬭᬶᬂᬲᬋᬂᬮᬫ᭄ᬧᬸᬲ᭄᭞ᬫᬜᭂᬮ᭄ᬲᭂᬮ᭄‌ᬭᬵᬕᬫᬫᬃᬕ᭄ᬕ᭞ᬲᬃᬯ᭄ᬯᬶᬦᬗᬶᬲ᭄᭞ᬍᬲᬸᬳᬶᬤᬦᬾᬓᬮᬶ

[᭒᭐ 20A]
᭒᭐
ᬯᬢ᭄᭟ᬘᬶᬮᬶᬦᬬᬭᬭᬶᬲ᭄ᬗᬸᬘᬧ᭄᭞ᬧᬫᬦ᭄ᬧᬢᬶᬄᬦᬾᬦᬾᬫᬗ᭄ᬓᬶᬦ᭄᭞ᬳᬶᬭᬶᬓᬶᬧᬸᬧᬸᬢᬂᬢᬶᬢ᭄ᬬᬂ᭞ᬳᬧᬂᬢᬶᬢ᭄ᬬᬂᬕ᭄ᬮᬶᬲ᭄ᬮᬫ᭄ᬧᬸᬲ᭄᭞ᬲᬵᬫ᭄ᬧᬸᬦᬂᬫᬮᬶᬄᬗᭂᬤᬾᬳᬂ᭞ᬧᬫᬦ᭄ᬧᬢᬶᬄ᭞ᬢᭀᬂᬫᬫ᭄ᬧᬸᬄᬢᬶᬢ᭄ᬬᬂᬫᬫᬃᬕ᭄ᬕ᭞ᬳᬶᬧᬢᬶᬄᬗᬸᬘᬧ᭄ᬭᬶᬂᬫ
ᬦᬄᬤᬶᬦᬶᬚ᭄ᬯᬫᬢ᭄ᬬᬂᬚᬦᬶ᭞ᬳᬶᬧᬢᬶᬄᬫᬜᬸᬤᬸᬓ᭄ᬋᬓᭀ᭞ᬭᬤᬾᬦ᭄ᬕᬮᬸᬄᬧᬕᭂᬄᬢ᭄ᬕᬸᬄ᭞ᬢ᭄ᬯᬭᬓᬦᬶᬦ᭄ᬭᬤᬾᬦ᭄ᬤᬾᬯ᭄ᬬ᭞ᬳ᭄ᬮᬸᬂᬓ᭄ᬭᬶᬲ᭄᭞ᬳᬶᬧᬢᬶᬄᬫᬗ᭄ᬭᬲᬾᬂᬘᬶᬢ᭄ᬢ᭟ᬘᬶᬮᬶᬦᬬᬕ᭄ᬮᬶᬲ᭄ᬗᬸᬘᬧ᭄᭞ᬓ᭄ᬭᭀᬥᬓᬳ᭄ᬬᬸᬦᬾᬫ
ᬦᬸᬤᬶᬂ᭞ᬗᬸᬤᬧᬫᬦ᭄ᬩᬸᬓᬓᬾᬢᭀ᭞ᬗᬸᬤ᭄ᬬᬂᬧᬫᬦ᭄ᬲᬸᬳᬸᬤ᭄ᬜᬸᬤᬸᬓ᭄᭞ᬢ᭄ᬯᬭᬓᭀᬫᬦᬯᬂᬚ᭄ᬗᬄ᭞ᬧᬫᬦ᭄ᬧᬢᬶᬄ᭞ᬳᬧᬩ᭄ᬯᬶᬦ᭄ᬫᬚᬦ᭄ᬢᭀᬲᬂ᭟ᬦᬾᬧᬢᬶᬄᬦᬶᬱ᭄ᬝᬦᬶᬃᬕᬸᬡ᭞ᬓᬳᬸᬢᬸᬲ᭄ᬳᬓ᭄‌ᬦᬺᬧᬢᬶ᭞ᬢ᭄ᬯᬭᬧᬦᬸᬫᬶᬢᬶ
ᬲᬦ᭄ᬚᬦ᭄ᬫ᭞ᬲᬸᬤ᭄ᬭᬯᬗ᭄ᬲᬢᬦ᭄ᬧᬢᬸᬢᬸᬃ᭞ᬳᭂᬦ᭄ᬢᬶᬧ᭄ᬓᬯᬳᬾᬫᬜᬤ᭄ᬫ᭞ᬤᬤᬶᬧᬢᬶᬄ᭞ᬲᬗ᭄ᬓᬦ᭄‌ᬢ᭄ᬯᬭᬫᬜᬶᬤᬬᬂ᭟ᬳᬶᬧᬢᬶᬄᬩᬗ᭄ᬭᬲ᭄ᬳᬗᬸᬘᬧ᭄᭞ᬤᭂᬜᬳᬶᬮ᭄ᬬᬸᬫᬸᬜᬶ᭞ᬚᬮᬦ᭄ᬓᬾᬚᬦᬶᬫᬚᬮᬦ᭄᭞ᬢᬸᬫᬸᬮᬶᬫ [ 21 ][᭒᭐ 20B]
᭒᭐
ᬫᬃᬕ᭄ᬕᬦᬭᬸᬂ᭞ᬫᬜᬸᬚᬸᬃᬤᬶᬧᬦ᭄ᬤᬦ᭄ᬲ᭄ᬓᬃ᭞ᬢᬦ᭄ᬝᬧ᭄ᬭᬵᬧ᭄ᬢᬶ᭞ᬭᬤᬾᬦ᭄ᬕᬮᬸᬄᬫᬭᬵᬃᬬ᭄ᬬᬦ᭄᭟ᬲᬫ᭄ᬩᬶᬮ᭄ᬫᬧᬲᬶᬳᬶᬦ᭄ᬳᭀᬓ᭞ᬤᬸᬄᬤᬾᬯᬦ᭄ᬫᬾᬫᬾᬦᬾᬘ᭄ᬦᬶᬂ᭞ᬤᭂᬲᬗᭂᬢ᭄ᬫᬲᭂᬮ᭄ᬲᭂᬮᬦ᭄᭞ᬓᬭᬶᬳᬮᬶᬢ᭄ᬩᬋᬂᬮᬫ᭄ᬧᬸᬲ᭄᭞ᬳ᭄ᬬᬂᬯᬶᬥᬶᬢᭀᬂ
ᬳᬤᬲ᭄ᬯᬾᬘ᭄ᬙ᭞ᬲᬃᬯ᭄ᬯᬶᬦᬗᬶᬲ᭄᭞ᬧᬸᬢ᭄ᬭᬦᬾᬲᬗ᭄ᬓᬶᬮ᭄ᬓᬳᬭᬲ᭄᭟ᬦᬶᬤᬸᬓᬸᬄᬭᬭᬶᬲ᭄ᬗᬸᬘᬧ᭄᭞ᬲᬶᬕ᭄ᬲᬶᬕᭂᬦ᭄ᬩᬋᬂᬫᬗ᭄ᬮᬶᬂ᭞ᬢᬶᬢ᭄ᬬᬂᬗᬶᬭᬶᬂᬲᬋᬂᬧ᭄ᬚᬄ᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬬᬤᬶᬦ᭄ᬢᬶᬩᬫᬭᬶᬂᬓᬯᬄ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬸᬓᬫ
ᬢᬸᬗ᭄ᬕᬮᬦ᭄ᬩᬂᬩᬂ᭟ᬳᬶᬧᬢᬶᬄᬫᬗ᭄ᬭᬲᬾᬂᬘᬶᬢ᭄ᬢ᭞ᬦᬸᬮ᭄ᬬᬗᬸᬘᬧ᭄ᬫᬦᬓᭀᬦᬶᬦ᭄᭞ᬩᬧᬲᬚᬢᬦ᭄ᬤ᭄ᬭᬸᬄᬋᬓᭀ᭞ᬯᬗ᭄ᬲᬳᬧᬜᬳᬶᬢᬸᬳᬸ᭞ᬤᬶᬚᬧ᭄ᬭᬤᬾᬰᬦᬾᬲᬫ᭄ᬩᬢ᭄᭞ᬤᭂᬫᬓᬮᬶᬤ᭄‌᭞ᬢᬸᬢᬸᬭᬂᬢ᭄ᬓᬾᬦᬶᬂᬩᬧ᭟ᬤᭂᬧᬶ
ᬲᬜᬳᬶᬗᬸᬩ᭄ᬤ᭞ᬩᬧᬫᬗᭀᬭᬳᬂᬚᬦᬶ᭞ᬯᬘᬦᬦ᭄ᬳᬶᬤᬲᬂᬦᬵᬣ᭞ᬬᬦᬶᬂᬜᬓ᭄ᬜᬳᬶᬗᬓᬸ᭞ᬧᭂᬤᬲ᭄ᬩᬸᬳᬸᬂᬜᬳᬶᬧ᭄ᬚᬄ᭞ᬓᬾᬢᭀᬚᬵᬢᬶ᭞ᬳᬸᬤᬸᬄᬜᬳᬶᬘᬶᬮᬶᬦᬬ᭟ᬦᬶᬘᬶᬮᬶᬦᬬᬗᬸᬘᬧ᭄᭞ᬧᬫᬦ᭄‌ᬦᬾᬦ᭄ᬢᭂᬦ᭄ᬢᬶᬢ᭄ᬬᬂ

[᭒᭑ 21A]
᭒᭑
ᬳᬸᬦᬶᬂ᭞ᬫᬶᬯᬄᬭᬶᬂᬯᬗ᭄ᬲᬦᬾᬋᬓᭀ᭞ᬮᬮᬶᬭᬶᬂᬤᬾᬰᬦᬾᬲᬵᬫ᭄ᬧᬸᬦ᭄᭞ᬢᬶᬢ᭄ᬬᬂᬚᬦ᭄ᬫᬮᬶᬯᬢ᭄‌ᬦ᭄ᬭᬓ᭞ᬲᬓᬶᬂᬳᬮᬶᬢ᭄᭞ᬳᬾᬮᬶᬂᬫᬕ᭄ᬦᬄᬭᬶᬂᬳᬮᬲ᭄᭟ᬳᬶᬧᬢᬶᬄᬩᬗ᭄ᬭᬲ᭄ᬳᬗᬸᬘᬧ᭄᭞ᬬᬦᬶᬂᬢ᭄ᬯᬄᬓᬾᬢᭀᬜᬳᬶ᭞ᬳᬧᬂ
ᬧᬕᭂᬄᬜᬳᬶᬋᬓᭀ᭞ᬩᬧᬚᬦᬶᬧᬘᬂᬜᬸᬤᬸᬓ᭄᭞ᬲᬸᬫᬳᬸᬃᬦᬶᬘᬶᬮᬶᬦᬬ᭞ᬩᬧᬧᬢᬶᬄ᭞ᬧᬸᬦᬶᬓᬦᬾᬢᬸᬦᬲ᭄ᬢᬶᬢ᭄ᬬᬂ᭟ᬫᬗᬺᬕᭂᬧ᭄ᬦᬶᬘᬶᬮᬶᬦᬬ᭞ᬗ᭄ᬭᬦᬲᬶᬓᬢᬸᬃᬫᬫᬸᬲ᭄ᬢᬶ᭞ᬗᬶᬱ᭄ᬝᬶᬲᬗ᭄ᬳ᭄ᬬᬂᬓᬍᬧᬲ᭄᭞ᬤᬰᬩᬬᬸᬲᬵᬫ᭄ᬧᬸ
ᬦ᭄‌ᬫᬸᬗ᭄ᬕᬸᬄ᭞ᬧᬫᬺᬮᬶᬡᬦ᭄ᬲᬗ᭄ᬳ᭄ᬬᬂᬳᬢ᭄ᬫ᭞ᬫᬦ᭄ᬢ᭄ᬭᬍᬯᬶᬄ᭞ᬗᬲ᭄ᬢᬸᬢᬶᬳᬶᬦ᭄ᬤ᭄ᬭᬪᬸᬯᬦ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬗᬶᬱ᭄ᬝ᭄ᬬᬂ᭞ᬫᬶᬤᭂᬃᬪᬸᬯᬦᬫᬵᬢᬹᬃᬪᬓ᭄ᬢᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬧᬺᬢᬶᬗ᭄ᬓᬄ᭞ᬳᬦᬸᬮᬶᬄᬕ᭄ᬮᬶᬲ᭄ᬳᬫᬸᬯᬸᬲ᭄᭞ᬲᬶᬭᬧᬘᬂᬜᬸ
ᬤᬸᬓ᭄ᬢᬶᬢ᭄ᬬᬂ᭞ᬕ᭄ᬮᬶᬲ᭄ᬕᭂᬮᬶᬲ᭄᭞ᬫ᭄ᬭᬶᬓᬶᬓᬾᬢᬫ᭄ᬧᭂᬓᬶᬦ᭄ᬢᬶᬢ᭄ᬬᬂ᭟ᬳᬶᬧᬢᬶᬄᬕ᭄ᬮᬶᬲ᭄ᬫᬜᬕ᭄ᬚᬕ᭄᭞ᬧᬸᬢ᭄ᬭᬦᬾᬳᭂᬚᭀᬳᬂᬜᬳᬶ᭞ᬲᬸᬫᬳᬸᬃᬦᬶᬘᬶᬮᬶᬦᬬ᭞ᬯ᭄ᬬᬤᬶᬦ᭄ᬳᬶᬤᬩᬋᬂᬮᬫ᭄ᬧᬸᬲ᭄᭞ᬬᬤᬶᬦ᭄ᬓᬭᬶᬳᬶᬤᬜ᭄ᬦᭂᬂ᭞ᬫᬗ᭄ᬤᬓᬭᬶ᭞ᬫ [ 22 ][᭒᭑ 21B]
᭒᭑
ᬲᬸᬲᬸᬭᬶᬂᬢᬶᬢ᭄ᬬᬂᬧ᭄ᬚᬄ᭞ᬳᬶᬧᬢᬶᬄᬮᬯᬸᬢ᭄ᬫᬜᬕ᭄ᬚᬕ᭄᭞ᬲᬃᬯ᭄ᬯᬶᬗᬸᬦᬸᬲ᭄ᬗᬕᭂᬫ᭄ᬓ᭄ᬭᬶᬲ᭄᭞ᬦᬶᬘᬶᬮᬶᬦᬬᬢᬸᬫᬶᬗᬮ᭄᭞ᬲᭂᬩᭂᬂᬩᬶᬗᬃᬓᭂᬜᬶᬂᬜᬸᬜᬸᬃ᭞ᬗᭂᬫ᭄ᬩᬸᬲ᭄ᬩᬸᬗ᭄ᬓᬸᬂᬲᬃᬯ᭄ᬯᬶᬗᬸᬘᬧ᭄᭞ᬧᬫᬦ᭄ᬧᬢᬶᬄ᭞ᬦᬶᬓᬶᬩᬸᬗ᭄ᬓᬸᬂᬦᬶᬭᬚᬸᬯᬂ᭟ᬕᬜ᭄ᬚᬭᬦᬶᬭᬭᬶᬂ
ᬧᬫᬦ᭄᭞ᬳᬶᬧᬢᬶᬄᬦ᭄ᬭᬶᬫᬲᬶᬲᬶᬫ᭄᭞ᬗᬗ᭄ᬕᬃᬓ᭄ᬭᬶᬲ᭄‌ᬲᬃᬯ᭄ᬯᬶᬗᬸᬘᬧ᭄᭞ᬘᬶᬮᬶᬦᬬᬳ᭄ᬦᬾᬤᬸᬮᬸ᭞ᬧ᭄ᬤᬲᬂᬜᬳᬶᬧ᭄ᬤᬲᬂ᭞ᬳᬧᬂᬧᬲ᭄ᬢᬶ᭞ᬦᬶᬘᬶᬮᬶᬦᬬᬳᬗᬸᬘᬧ᭄᭟ᬭᬶᬂᬫᬸᬜ᭄ᬘᬸᬓ᭄‌ᬒᬁᬗ᭄ᬓᬭᬢᬸᬗ᭄ᬕᬮ᭄᭞ᬮᬶᬗ᭄ᬕᬶᬄᬲᬗ᭄ᬳ᭄ᬬᬂᬧᬰᬸᬧᬢᬶ᭞ᬭᬳᬶᬭᭀ
ᬭᭀᬲᬹᬃᬬ᭄ᬬᬘᬦ᭄ᬤ᭄ᬭ᭞ᬧᬗᬯᬓ᭄‌ᬓᬵᬮᬫᬺᬢ᭄ᬬᬸ᭞ᬳᬸᬲᬸᬓ᭄ᬧᬗ᭄ᬕᭂᬄᬜᬦᬾᬋᬓᭀ᭞ᬲᬸᬩᬚᬵᬢᬶ᭞ᬧᬗᬯᬓ᭄ᬳᬶᬓᬵᬮᬦ᭄ᬢᬓ᭟ᬳᬶᬧᬢᬶᬄᬓᭀᬥᬦᬶᬗᭂᬳᬂ᭞ᬲᬃᬯ᭄ᬯᬶᬜᬸᬤᬸᬓ᭄ᬭᬤᬾᬦ᭄ᬤᬾᬯᬶ᭞ᬲᬧᬶᬲᬦ᭄ᬫᬵᬯᬦᬦ᭄ᬲᬾᬤ᭞ᬢ᭄ᬯᬭ
ᬓᭀᬓᬦ᭄ᬢᬶᬧᬶᬂᬢ᭄ᬮᬸ᭞ᬥᬥᬭᬸᬥᬶᬭᬦᬾᬫᬸᬜ᭄ᬘ᭄ᬭᬢ᭄᭞ᬫ᭄ᬭᬶᬓ᭄ᬲᬸᬫᬶᬭᬶᬓ᭄᭞ᬫᬶᬳᬶᬓᬾᬗᭂᬩᭂᬓᬶᬦ᭄ᬳᬮᬲ᭄᭟ᬮᬬᭀᬦᬾᬩᬄᬦᬸᬗ᭄ᬓᬬᬓ᭄᭞ᬫᬗ᭄ᬮᭂᬮᬬᬓ᭄ᬫᬸᬮᬸᬓᬗᬶᬦ᭄᭞ᬧᬸᬢ᭄ᬭᬦᬾᬢᭂᬓᭂᬓ᭄‌ᬓᬳᭂᬫ᭄ᬩᬦ᭄᭞ᬳᬶᬭᬶᬓᬓᬭᬶᬫᬲᬸᬲᬸ

[᭒᭒ 22A]
᭒᭒
᭞ᬘᬶᬮᬶᬦᬬᬲᬵᬫ᭄ᬧᬸᬦ᭄ᬮᬶᬡ᭞ᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬗ᭄ᬮᬶᬂᬫᬓᬸᬬᬬᬗᬦ᭄᭟ᬳᬶᬧᬢᬶᬄᬕ᭄ᬮᬶᬲ᭄ᬫᬢᬶᬗ᭄ᬕᬮ᭄᭞ᬓᬢᭀᬦ᭄ᬧ᭄ᬭᬪᬯᬦ᭄ᬲᬂᬮᬮᬶᬲ᭄᭞ᬕᬯᭀᬓ᭄ᬳᬶᬧᬢᬶᬄᬗᬢᭀᬦᬂ᭞ᬢᬾᬚᬗᬤᭂᬕ᭄ᬓᬸᬯᬸᬂᬓᬸᬯᬸᬂ᭞ᬲᬹᬃᬬ᭄ᬬᬓᭂᬫ᭄ᬩᬃᬫᬓ
ᬮᬗᬦ᭄᭞ᬭᬶᬭᬶᬲ᭄ᬳᬮᬶᬢ᭄᭞ᬓᬶᬮᬧ᭄‌ᬚᬵᬢᬶᬫᬲᭂᬫ᭄ᬩᬭᬦ᭄᭟᭜᭟ᬲᬫᬭᬦ᭄ᬤᬦ᭟᭜᭟ᬕᬺᬳᬾᬜ᭄ᬭᬶᬢ᭄ᬫᬫᬸᬜᬶ᭞ᬫᬶᬭᬶᬩ᭄ᬳᬦᬓ᭄ᬗᭂᬮᬶᬂᬗᬸᬬᬂ᭞ᬳᬸᬚᬦ᭄ᬭᬵᬚᬫᬲ᭄ᬭᬶᬬᭀᬓ᭄᭞ᬲᬯᬂᬫᬶᬭᬶᬩ᭄ᬢᭀᬬᬦ᭄ᬘᬶᬗ
ᬓ᭄᭞ᬳᬓᬾᬢᭀᬬᬦ᭄ᬲᬯᬗᬂ᭞ᬢᬦ᭄ᬓᭀᬘᬧ᭄ᬳᬶᬧᬢᬶᬄᬫᬦ᭄ᬢᬸᬓ᭄᭞ᬦᬶᬤᬸᬓᬸᬄᬗ᭄ᬮᬶᬂᬫᬲᬫ᭄ᬩᬢᬦ᭄᭟ᬭᬤᬾᬦ᭄ᬕᬮᬸᬄᬭᬤᬾᬦ᭄ᬫᬦ᭄ᬢ᭄ᬭᬶ᭞ᬘᬶᬗᬓᬶᬦ᭄ᬧᬸᬢ᭄ᬭᬦᬾᬤᬾᬯ᭞ᬤᬶᬳᬮᬲᬾᬦᬦ᭄ᬤᬂᬓᬮᬭᭀᬦ᭄᭞ᬩᬲ᭄ᬓᬤᬸᬭᬸ
ᬲ᭄‌ᬓᭀᬳᬶᬤᬾᬯ᭞ᬢᭀᬂᬳᬾᬮᬶᬂᬢ᭄ᬓᬾᬦᬶᬂᬧᬸᬢ᭄ᬭ᭞ᬯᬶᬥᬶᬦᬾᬤᬶᬚᬫᬗᬸᬤᬸᬄ᭞ᬫᬶᬤᭂᬦ᭄ᬤᬭᬳᬤᬾᬦ᭄ᬧᬸᬧᬶᬸᬢ᭄ᬭ᭟ᬲᬫ᭄ᬩᬶᬮ᭄ᬗᭂᬮᬶᬂᬫᬧᬲᬶᬳᬶᬦ᭄᭞ᬳᬦᬓᬾᬳᬮᬶᬢ᭄ᬓᬳᭂᬫ᭄ᬩᬦ᭄᭞ᬫ᭄ᬦᭂᬂᬭᬢᬸᬳ᭄ᬤᭂᬫᬘᬭ᭞ᬓᬭᬶᬩᬭᬓ᭄ [ 23 ][᭒᭒ 22B]
᭒᭒
ᬦᭂᬫᬸᬮᬭ᭞ᬤᭀᬂᬳᬧᬍᬫ᭄ᬧᬶᬃᬳᬶᬤ᭞ᬧ᭄ᬭᬕᬢ᭄ᬤᬶᬳᬮᬲᬾᬗᬸᬗ᭄ᬓᬸ᭞ᬧᬶᬤᬦ᭄ᬭᬢᬸᬦᬯᬂᬤᬾᬰ᭟ᬭᬤᬾᬦ᭄ᬫᬦ᭄ᬢ᭄ᬭᬶᬳᬮᬶᬢ᭄ᬦᬗᬶᬲ᭄᭞ᬦᬶᬤᬸᬓᬸᬄᬳᬶᬲ᭄ᬢ᭄ᬭᬶᬦᬸᬗ᭄ᬓᬸᬮᬂ᭞ᬲᬫ᭄ᬩᬶᬮ᭄ᬗᭂᬮᬶᬂᬕᬭᭀᬂᬕᬭᭀᬂ᭞ᬤᭂᬓᬄᬗᭂᬦ᭄ᬢᬄᬲᭂᬗᬮ᭄ᬲᭂᬗ
ᬮ᭄᭞ᬲᬫ᭄ᬩᬶᬮ᭄ᬗᬮᬶᬄᬯᭀᬄᬯᭀᬳᬦ᭄᭞ᬳᬢᬸᬭᬶᬦ᭄ᬭᬳᬤᬾᬦ᭄ᬩᬕᬸᬲ᭄᭞ᬫ᭄ᬦᭂᬂᬗᬚᭂᬗᬂᬯᭀᬄᬯᭀᬳᬦ᭄᭞ᬢᬦ᭄ᬓᭀᬘᬧ᭄ᬳᬦᬓᬾᬳᬮᬶᬢ᭄᭞ᬓᭀᬘᬧ᭄ᬭᬤᬾᬦ᭄ᬕᬮᬸᬄᬲᬾᬤ᭞ᬢ᭄ᬓᬵᬓᬤᬶᬲᬾᬧᬕᬺᬤᬩ᭄᭞ᬭᬫᬾ
ᬧᬘ᭄ᬭᬸᬯᬶᬢ᭄ᬧᬓ᭄ᬭᬾᬬᬓ᭄᭞ᬧᬥᬢ᭄ᬓᬵᬗᬩᬩᬸᬗ᭞ᬳᬗ᭄ᬕᭀᬜᬗᬸᬭᬸᬩᬶᬦ᭄ᬮᬬᭀᬦ᭄᭞ᬩᭀᬦᬾᬫᬶᬳᬶᬓ᭄ᬗᬮᬸᬩ᭄᭞ᬮᬬᭀᬦᬾᬫᬓᬸᬭᬸᬩ᭄ᬲ᭄ᬓᬃ᭟ᬧ᭄ᬢᭂᬂᬍᬫᬄᬓᬾᬢᭀᬲᬳᬶ᭞ᬳᬤᬲᬸᬩᬤᬰᬤᬶᬦ᭞ᬓᬢᭀ
ᬦ᭄ᬓᬤᬶᬕᬸᬦᬸᬂᬲ᭄ᬓᬃ᭞ᬮᬬᭀᬦᬾᬢ᭄ᬯᬭᬓᬦᬧ᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬫ᭄ᬮᬄ᭞ᬧᬸᬢᬶᬄᬓᬸᬦᬶᬂᬜᬮᬂᬳᬮᬸᬲ᭄᭞ᬓᭂᬜᬶᬂᬜᬸᬜᬸᬃᬓᬤᬶᬜ᭄ᬦᭂᬂ᭟ᬢᬦ᭄ᬓᭀᬘᬧ᭄ᬭᬳᬤᬾᬦ᭄ᬤᬾᬯᬶ᭞ᬓᬯᬸᬯᬸᬲ᭄ᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬤᬶᬢ᭄ᬗᬄᬳᬮ

[᭒᭓ 23A]
᭒᭓
ᬲᬾᬋᬓᭀ᭞ᬫᬳᬶᬍᬳᬦ᭄ᬫᬩᬸᬩᬸᬭ᭄ᬯ᭞ᬮᬘᬸᬃᬢ᭄ᬯᬭᬫᬩᬳᬦ᭄᭞ᬓᬮᬶᬂᬓᬾᬓᬶᬤᬂᬓᬢ᭄ᬧᬸᬓ᭄᭞ᬭᬭᬶᬲ᭄ᬳᬶᬤᬗᬦ᭄ᬤᬶᬓ᭟ᬘᬳᬶᬚᬸᬭᬸᬩᬸᬭᬸᬲᬫᬶ᭞ᬚᬮᬦ᭄ᬫᬸᬮᬶᬄᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬫᬵᬢᬹᬃᬭᬶᬂᬳᬶᬤᬲᬂᬓᬝᭀᬂ᭞ᬯᬶᬭᬾᬄᬢ᭄ᬯᬭ
ᬚᬫᬩᬳᬦ᭄᭞ᬧᬗᬶᬭᬶᬗᬾᬫᬵᬢᬹᬃᬦᭂᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬳᬶᬭᬢᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬓᬤᬸᬃᬫ᭄ᬫᬶᬢ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬩ᭄ᬯᬶᬦ᭄ᬢᬶᬫ᭄ᬩᬮ᭄‌ᬩᬮᬶᬓᬶᬦ᭄ᬫᬢᭂᬫ᭄ᬩᬂᬤᬸᬃᬫ᭄ᬫ᭞ᬧᬫᬃᬕ᭄ᬕᬶᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬢᬸᬮᬓ᭄ᬲᬓᬶᬂᬳᬮᬲ᭄᭞
ᬫᬦᬸᬗ᭄ᬕᬂᬓᬸᬤᬲᬫ᭄ᬬᬦ᭄᭞ᬳᬦ᭄ᬤᬭᬸᬂᬮᬫ᭄ᬧᬳᬾᬕ᭄ᬮᬶᬲ᭄᭞ᬢᬦᭀᬮᬶᬄᬳᬸᬦ᭄ᬢᬢ᭄᭞ᬤᬸᬃᬫ᭄ᬫᬶᬢᬳᬦᬾᬂᬫᬃᬕ᭄ᬕᬶ᭟ᬢ᭄ᬓᬵᬕᭀᬯᬓ᭄ᬫᬜᬦ᭄ᬤᭂᬃᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬲᬳᬗᬸᬢᬳᬂᬕ᭄ᬢᬶᬄ᭞ᬫᬫᬸᬜᬶᬫᬗ᭄ᬭᬓ᭄᭞ᬓᬸᬤᬮᬩᬸᬄᬦᬸᬗ᭄ᬓᬬ
ᬓ᭄᭞ᬓᬗ᭄ᬕᭂᬓ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬳᬯᬘᬡ᭞ᬲᭂᬗ᭄ᬓᬮᬓᬾᬦ᭄ᬓᬾᬦ᭄‌ᬚᬦᬶ᭟ᬲᬳᬸᬃᬫᬦᬸᬓ᭄ᬧᬗᬶᬭᬶᬗᬾᬲᬋᬂᬲᬫ᭄ᬬᬦ᭄᭞ᬦᬸᬦᬲ᭄ᬭᬢᬸᬕ᭄ᬮᬶᬲᬶᬦ᭄᭞ᬫᬦᬯᬶᬭᬶᬂᬧᬸᬭ᭞ᬓᬤᬶᬭᬸᬧᬲᬸᬗ᭄ᬓᬯ᭞ᬳᬦᬸᬮᬶᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬕ᭄ᬮᬶᬲ᭄ᬫ [ 24 ][᭒᭓ 23B]
᭒᭓
ᬫᬃᬕ᭄ᬕ᭞ᬢᬦ᭄ᬓᭀᬘᬧ᭄ᬳᬦᬾᬂᬫᬃᬕ᭄ᬕᬶ᭟ᬕ᭄ᬮᬶᬲ᭄ᬭᬯᬸᬄᬫᬗᭀᬚᭀᬕ᭄ᬳᬶᬤᬭᬶᬂᬢᬫᬦ᭄᭞ᬓᬗ᭄ᬕᭂᬓ᭄ᬳᬶᬤᬫᬗᬓ᭄ᬱᬶ᭞ᬲᬸᬯᬸᬂᬫᬗᭂᬮᬸᬦ᭄ᬢᬂ᭞ᬳᬫᬸᬂᬧᬦᬸᬗ᭄ᬕᬸᬦ᭄ᬢᬫᬦ᭄᭞ᬭᬯᬸᬄᬫᬗᬢᬸᬭᬂᬢᬸᬮᬶᬲ᭄᭞ᬫᬳᬢᬸᬃᬲᭂᬫ᭄ᬩᬄ᭞ᬭᬢᬸᬭᬳᬤᬾᬦ᭄ᬫᬦ᭄ᬢ᭄ᬭᬶ᭟ᬢᬶ
ᬢ᭄ᬬᬂᬤᬯᭂᬕ᭄ᬫᬢᬸᬃᬲᬶᬲᬶᬧ᭄ᬗᬸᬦᬶᬗᬬᬂ᭞ᬦᬵᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬶᬂᬲᬧᬭᬶᬓᬦ᭄ᬤ᭞ᬯᬯᬸᬳᬶᬭᬢᬸᬦᬶᬗ᭄ᬕᬮ᭄᭞ᬚᬕ᭄ᬭᬯᬸᬄᬳᬶᬕᬸᬲ᭄ᬢᬶᬧᬢᬶᬄ᭞ᬲᬓᬶᬂᬓᬳᬸᬢᬸᬲ᭄᭞ᬳᬶᬤᬲᬂᬧ᭄ᬭᬪᬸᬮᬶᬗ᭄ᬲᬶᬃ᭟ᬳᬶᬤᬗᬦ᭄ᬤᬶᬓᬬᬂᬗ᭄ᬭᬸᬲᬓ᭄ᬭᬤᬾᬦ᭄ᬤᬾᬯ᭄ᬬ᭞ᬫᬓᬤᬶ
ᬤᬾᬯᬕᬸᬂᬳᬮᬶᬢ᭄᭞ᬬᬾᬦ᭄ᬕᭂᬦᬳᬾᬗ᭄ᬭᬸᬲᬓ᭄᭞ᬫᬯᬵᬱ᭄ᬝᬤᬶᬧᬦ᭄ᬤᬦ᭄ᬲ᭄ᬓᬃ᭞ᬲᬶᬲᬶᬦ᭄ᬩᬗᬯᬦᬾᬓᬗᬶᬦ᭄᭞ᬢ᭄ᬮᬲ᭄ᬓᬳᬢᬸᬭᬂ᭞ᬤᬸᬮᬸᬭᬶᬦ᭄ᬫᬸᬜᬶᬦ᭄ᬢᬸᬮᬶᬲ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬸᬢᬤᬲ᭄ᬧᬶᬲᬦ᭄ᬫᬫᬶᬋᬗᬂ᭞ᬫᬓᬤᬶᬲ᭄ᬯᬭᬦ᭄ᬢᬸᬮᬶᬲ᭄᭞ᬩᭂᬗᭀᬂᬫ
ᬧᬗᭂᬦᬦ᭄᭞ᬢᭀᬬᬦ᭄ᬳᬓ᭄ᬱᬶᬦᬾᬜᬧ᭄ᬘᬧ᭄᭞ᬗᬦ᭄ᬤᬶᬓᬭᬶᬂᬦᬾᬫᬗᬶᬭᬶᬂ᭞ᬦᬾᬳᬶᬩᬧᬥᬓᬳᬶᬢ᭄ᬯᬭᬢᬸᬮᬓ᭄ᬩ᭄ᬯᬶᬦ᭄᭟ᬓ᭄ᬫᬳᬢᬸᬭᬂᬢ᭄ᬓᬾᬦᬶᬂᬦᬵᬣ᭞ᬳᬢᬸᬭᬂᬓᬳᬶᬚᬦᬶ᭞ᬫᬧᬫᬶᬢ᭄ᬲᬧᬶᬲᬦ᭄᭞ᬳᬓᬾᬢᭀᬦᬄᬳᬶᬗᭂᬢᬂ

[᭒᭔ 24A]
᭒᭔
᭞ᬳᬦᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬸᬦ᭄ᬢᬓᬃᬣᬮ᭞ᬫᬫ᭄ᬩᬸᬮ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭟ᬭᬢᬸᬤᬾᬯᬕᬸᬂᬳᬾᬮᬶᬗᬂᬭᬢᬸᬳᬾᬮᬶᬗᬂ᭞ᬤᬾᬯᬕᬸᬂᬢᬦ᭄ᬜᬯᬸᬭᬶᬦ᭄᭞ᬚᬕ᭄ᬩᬸᬤᬮ᭄ᬫᬫᬃᬕ᭄ᬕ᭞ᬳᬶᬧᬸᬦ᭄ᬢᬮᬦ᭄ᬓᬃᬣᬮ᭞ᬢᬦ᭄ᬓᬾᬲᬄᬮᬓᬸ
ᬦᬾᬗᬶᬭᬶᬂ᭞ᬩᬢᭂᬓᬶᬂᬢᬺᬦᬶᬸᬲ᭄ᬦ᭞ᬢᬦ᭄ᬓᭀᬘᬧ᭄ᬳᬦᬾᬂᬫᬃᬕ᭄ᬕᬶ᭟ᬲᬵᬫ᭄ᬧᬸᬦ᭄ᬭᬯᬸᬄᬤᬾᬯᬵᬕᬹᬂᬭᬶᬂᬧᬦ᭄ᬤᬦ᭄ᬲ᭄ᬓᬃ᭞ᬓᬧᬗ᭄ᬕᬶᬄᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬗ᭄ᬮᬶᬂᬫᬲᬲᬫ᭄ᬩᬢᬦ᭄᭞ᬦᬸᬮᬫᬾᬭᬤᬾᬦ᭄ᬫᬦ᭄ᬢ᭄ᬭ᭄ᬬᬵ᭞ᬓᬵᬮᬶᬄᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶ᭞ᬲᬫ᭄ᬩᬶ
ᬮ᭄ᬫᬗᭂᬫ᭄ᬩᬦ᭄᭞ᬳᬶᬤᬾᬯᬕᬸᬂᬧᬸᬢ᭄ᬭᬳᬮᬶᬢ᭄᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬫ᭄ᬩᬶᬮ᭄‌ᬦᬗᬶᬲ᭄ᬫᬗᬦ᭄ᬤᬶᬓ᭞ᬤᬸᬄᬩᬶᬩᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬤᬶᬚᬭᬤᬾᬦ᭄ᬤᬾᬯ᭄ᬬ᭞ᬲᬫ᭄ᬩᬶᬮ᭄ᬫᬗᬫ᭄ᬩᬶᬮ᭄ᬧᬸᬢ᭄ᬭ᭞ᬦᬶᬤᬸᬓᬸᬄᬫᬳᬢᬸᬃᬗ᭄ᬮᬶᬂ᭞ᬲᬵᬫ᭄ᬧᬸᬦ᭄‌ᬦᬾᬯᬢ᭞
ᬮᬬᭀᬦᬾᬭᬭᬶᬲ᭄ᬓᬳᬓ᭄ᬱᬶ᭟ᬲᬫ᭄ᬩᬶᬮ᭄ᬗᭀᬕᬄᬮᬬᭀᬦᬾᬩᬸᬤᬂᬩᬤᬶᬗᬂ᭞ᬫᬦᬗᬶᬲ᭄ᬓᬕᬸᬬᬗᬶᬦ᭄᭞ᬢᬸᬃᬫᬲᬲᬫ᭄ᬩᬢᬦ᭄᭞ᬤᬸᬄᬭᬢᬸᬳᬢ᭄ᬫᬚᬶᬯ᭞ᬳ᭄ᬮᬲ᭄ᬲᬦ᭄ᬭᬢᬸᬦᬶᬗ᭄ᬕᬮᬶᬦ᭄᭞ᬢᬶᬢ᭄ᬬᬂᬲᬗ᭄ᬲᬭ᭞ᬓᬵᬮᬶᬄᬳᬶ [ 25 ][᭒᭔ 24B]
᭒᭔
ᬦᬦᬓ᭄ᬫᬦ᭄ᬢ᭄ᬭᬶ᭞ᬲᬫ᭄ᬩᬶᬮ᭄ᬗᬶᬦᭂᬂᬲᬗ᭄ᬳ᭄ᬬᬂᬫᬦ᭄ᬢ᭄ᬭᬓᬍᬧᬲᬦ᭄᭞ᬫᬗᬺᬕᭂᬧ᭄ᬫᬗᬲ᭄ᬢᬸᬢᬶ᭞ᬫᬗ᭄ᬤᬕ᭄ᬮᬶᬲ᭄‌ᬲᬾᬤ᭞ᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬫᬗ᭄ᬤᬧᬗ᭄ᬕᬶᬄᬭᬤᬾᬦ᭄ᬤᬾᬯᬶ᭞ᬭᬾᬄᬳᬶᬤᬯᬶᬓᬦ᭄᭞ᬗᬃᬘ᭄ᬘᬦᬕ᭄ᬮᬶᬲ᭄‌ᬦᬾᬯᬢᬶ᭟ᬓᬘᬭᬶᬢ
ᬭᬤᬾᬦ᭄ᬫᬦ᭄ᬢ᭄ᬭᬶᬫᬦᬾᬯᬢ᭞ᬲᬗ᭄ᬳ᭄ᬬᬂᬳᬢ᭄ᬫᬫᭀᬓ᭄ᬱᬕ᭄ᬮᬶᬲ᭄᭞ᬭᬯᬸᬄᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬯᬢᭂᬓ᭄ᬤᬤᬭᬶᬫᭂᬦ᭄ᬤᬓᬶᬦ᭄᭞ᬢᬦ᭄ᬓᭀᬘᬧ᭄ᬳᬶᬤ᭞ᬓᬯᬃᬡ᭄ᬦᬳᬶᬤᬸᬓᬸᬄᬳᬶᬲ᭄ᬢ᭄ᬭᬶ᭟ᬯᬳᬸᬗᭂᬢᭀᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶᬫᬦᬾᬯᬢ᭞ᬲᬸᬫᬶᬗ᭄ᬓᬶᬦ᭄ᬫ
ᬗᬸᬮᬶᬮᬶᬂ᭞ᬜ᭄ᬭᬶᬢ᭄ᬗᬭᬩ᭄ᬳᬭᬩ᭄᭞ᬤᬸᬄᬤᬾᬯᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬗᬸᬤᬮᬲ᭄ᬭᬢᬸᬦᬶᬗ᭄ᬕᬮᬶᬦ᭄᭞ᬫᬗᬸᬢᬂᬧᬸᬢ᭄ᬭ᭞ᬓᬬᬂᬩ᭄ᬬᬂᬗᬧᬸᬗ᭄ᬓᬸᬭᬶᬦ᭄᭟᭜᭟ᬧᬸᬧᬸᬄᬧᬗ᭄ᬓᬸᬭ᭄᭟᭜᭟ᬧᬗ᭄ᬓᬸᬃᬳᬗ᭄ᬕᭀᬦ᭄ᬜᬭᬶᬢᬬᬂ᭞ᬲᬗ᭄ᬳ᭄ᬬᬂᬳᬢ᭄ᬫᬭᬯᬸᬄ
ᬭᬶᬂᬲ᭄ᬯᬃᬕ᭄ᬕᬍᬯᬶᬄ᭞ᬕᭂᬮᬸᬳᬶᬤᬭᬤᬾᬦ᭄ᬕᬮᬸᬄ᭞ᬫᬢᬸᬃᬭᬶᬂᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬳᬤᬸᬄᬩ᭄ᬮᬶᬗᬸᬤᬮᬲ᭄ᬓᬳ᭄ᬬᬸᬦᬾᬭᬢᬸ᭞ᬳᬶᬘ᭄ᬦᬶᬂᬓᬸᬢᬂᬤᬶᬳᬮᬲ᭄᭞ᬲᬸᬫᬳᬸᬃᬭᬳᬤᬾᬦ᭄ᬫᬦ᭄ᬢ᭄ᬭᬶ᭟ᬤᬸᬄᬳᬤᬶᬳᬢ᭄ᬫᬚ᭄ᬯᬶᬢ᭞ᬤᬕᬶᬂᬩ᭄ᬮᬶᬦᬯᭂᬕᬂᬫᬵ

[᭒᭕ 25A]
᭒᭕
ᬢᬹᬃᬲᬶᬲᬶᬧ᭄᭞ᬓᬤᬸᬭᬸᬲ᭄ᬳᭂᬮᬲ᭄‌ᬢᭀᬂᬫᬫ᭄ᬧᬸᬄ᭞ᬫᬦᬦ᭄ᬤᬗᬶᬦ᭄ᬲᬗ᭄ᬲᬭᬵ᭞ᬦᬄᬫ᭄ᬮᬄᬜᬳᬧᬂᬧᬶᬲᬦ᭄ᬩᬋᬂᬮᬫ᭄ᬧᬸᬲ᭄᭞ᬓᬾᬢᭀᬧᬗᬦ᭄ᬤᬶᬓᬦ᭄ᬳᬶᬤ᭞ᬭᬤᬾᬦ᭄ᬕᬮᬸᬄᬫᬵᬢᬹᬃᬭᬭᬶᬲ᭄᭟ᬧ᭄ᬭᬕᬢᬂᬲᬢ᭄ᬯᬧᬸᬦᬶᬓ᭞ᬫᬗ᭄ᬓᬶᬦ᭄ᬗᬶᬭᬶᬂ
ᬩ᭄ᬮᬶᬫᬮᬮᬶ᭞ᬮᬸᬗ᭄ᬳᬫᬗ᭄ᬮᬂᬗ᭄ᬮᬂᬓᬸᬮᬗᬸᬦ᭄᭞ᬳᬶᬭᬶᬓᬯᬾᬦ᭄ᬢᭂᬦ᭄ᬢᬸᬓᬤ᭄᭞ᬲᬸᬭᬦᬤᬶᬯᬵᬱ᭄ᬝᬦ᭄ᬢᬸᬓᬤ᭄ᬮᬶᬦ᭄ᬢᬂᬳᬮᬸᬲ᭄᭞ᬫᬸᬮᬧᬲᬾᬩᬦ᭄‌ᬕᬦ᭄ᬤᬃᬯ᭄ᬯ᭞ᬫᬢᭀᬬᬧᬯᬶᬢ᭄ᬭᬳ᭄ᬦᬶᬂ᭟ᬭᬤᬾᬦ᭄ᬫᬦ᭄ᬢ᭄ᬭᬶᬫᬗᬶᬭᬶᬗᬂ᭞ᬦᬸᬮ᭄ᬬᬵᬕ᭄ᬮᬶᬲ᭄ᬫᬫᬃᬕ᭄ᬕᬶ
ᬮᬦᬂᬳᬶᬲ᭄ᬢ᭄ᬭᬶ᭞ᬳᬦ᭄ᬤᬭᬸᬂᬮᬫ᭄ᬧᬳᬾᬲᬵᬫ᭄ᬧᬸᬦ᭄᭞ᬢᬦ᭄ᬓᬸᬭᬂᬧᬧᬃᬡ᭄ᬦᬬᬦ᭄᭞ᬧᬦ᭄ᬢᭂᬲ᭄‌ᬜᬦ᭄ᬤᬂᬚᭂᬗ᭄ᬕᬮᬓᬤᬶᬭᬶᬳᬦᬸᬢ᭄᭞ᬯᬸᬲ᭄ᬳᬤᭀᬄᬮᬫ᭄ᬧᬄᬳᬶᬤ᭞ᬧ᭄ᬭᬵᬧ᭄ᬢᬳᬦᬾᬂᬲᬸᬭᬦᬤᬶ᭟ᬲᬃᬯ᭄ᬯᬩᬸᬗᬦ᭄ᬤᭂᬂᬓᭂᬫ᭄ᬩᬂ᭞ᬳᬗᬶᬦ᭄ᬢᬭᬶᬓ᭄ᬜᭂ
ᬧᬸᬓᬂᬩᭀᬦᬾᬫᬶᬳᬶᬓ᭄᭞ᬓᬮᬗᭂᬦ᭄ᬲᬂᬓᬵᬮᬶᬄᬤᬶᬢᬸ᭞ᬫᬶᬯᬄᬲᬸᬦ᭄ᬤᬭᬶᬫᬓ᭄ᬭᬓ᭄᭞ᬮ᭄ᬯᬶᬃᬓᬓᬯᬶᬦ᭄ᬭᬶᬂᬲᬂᬧᬸᬧᬸᬢ᭄ᬫᬗ᭄ᬕᬶᬄᬳᬬᬸ᭞ᬳᬓᬾᬢᭀᬬᬦ᭄ᬲᬯᬗᬂ᭞ᬓᬮᬗ᭄ᬯᬦ᭄ᬳᬶᬤᬲᬂᬓᬵᬮᬶᬄ᭟ᬓᬘᬶᬗᬓ᭄ᬧᬜ᭄ᬘᭀᬭᬦ᭄ᬫᭂᬮᬄ᭞ [ 26 ][᭒᭕ 25B]
᭒᭕
ᬢᭀᬬᬳ᭄ᬦᬶᬂᬧᬯᬶᬢ᭄ᬭᬳᬭᬸᬫ᭄ᬮᭂᬯᬶᬄ᭞ᬫᬜᬦ᭄ᬤᬶᬂᬢᬮᬕᬳᬮᬸᬲ᭄᭞ᬩᬸᬗᬦ᭄ᬢᬸᬜ᭄ᬚᬸᬂᬫᬜ᭄ᬘᬯᬃᬡ᭄ᬦ᭞ᬫᬶᬳᬶᬓ᭄ᬗᬮᬸᬩ᭄ᬢᬫ᭄ᬩᬸᬮᬶᬮᬶᬗᬦᬾᬗᭂᬫ᭄ᬧᬸᬃ᭞ᬫᬶᬭᬶᬩ᭄ᬳᬸᬮᬢ᭄ᬫᬜᭂᬤᬶᬳᬂ᭞ᬭᬯᬸᬄᬲᬗ᭄ᬳ᭄ᬬᬂᬲ᭄ᬫᬭᬭᬢᬶᬄ᭟ᬳᬓᬾᬢᭀᬩᬳᬦ᭄ᬗᬸᬘᬧᬂ
᭞ᬓᬫ᭄ᬮᬳᬦᬾᬤᬶᬢᬫᬦ᭄ᬲᬸᬭᬦᬤᬶ᭞ᬭᬳᬤᬾᬦ᭄ᬕᬮᬸᬄᬳᬸᬫᬢᬸᬃ᭞ᬤᬸᬄᬩ᭄ᬮᬶᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬦᬸᬦᬲ᭄ᬫᬲᬶᬭᬫ᭄ᬩᭂᬮᬶᬳᬶᬭᬶᬓᬶᬤᬸᬫᬸᬦ᭄᭞ᬭᬳᬤᬾᬦ᭄ᬓᬵᬮᬶᬄᬫᬲᬶᬭᬫ᭄᭞ᬯᬸᬲ᭄ᬳᬤ᭄ᬬᬸᬲ᭄ᬳᬶᬤᬲᬂᬓᬵᬮᬶᬄ᭟ᬢᬸᬫᬸᬮᬶᬫᬗᬮᬧ᭄ᬲ᭄ᬓᬃ
᭞ᬫᬢ᭄ᬭᬗᬦᬲᬂᬳᬢ᭄ᬫᬫᬓᬓᬵᬮᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬤᬸᬄᬳᬤᬶᬚᬮᬦ᭄ᬢᬸᬮᬓ᭄᭞ᬫᬦᬯᭂᬕᬂᬧᬫᬶᬢ᭄‌ᬭᬶᬂᬳ᭄ᬬᬂᬕᬸᬭᬸ᭞ᬧᬤᬍᬫ᭄ᬳᬶᬘ᭄ᬦᬶᬂᬓᬸᬢᬂ᭞ᬫᬶᬯᬄᬢᭀᬦᬶᬤᬸᬓᬸᬄᬳᬶᬲ᭄ᬢ᭄ᬭᬶ᭟ᬭᬳᬤᬾᬦ᭄ᬤᬾᬯᬶᬢᬦ᭄ᬢᬸᬮ
ᬓ᭄᭞ᬯᬸᬲ᭄ᬫᬫᬃᬕ᭄ᬕᬶᬲᬂᬓᬵᬮᬶᬄᬯᬸᬲ᭄ᬧ᭄ᬭᬵᬧ᭄ᬢᬶ᭞ᬧᬋᬓ᭄ᬭᬶᬂᬪᬝᬵᬭᬕᬸᬭᬸ᭞ᬫᬳᬢᬸᬃᬲᬳᬲᭂᬫ᭄ᬩᬄ᭞ᬤᬸᬄᬳᬫ᭄ᬧᬸᬭᬢᬶᬢ᭄ᬬᬂᬭᬶᬂᬪᬝᬵᬭᬕᬸᬭᬸ᭞ᬢᬶᬢ᭄ᬬᬂᬗᭂᬮᬸᬗ᭄ᬲᬸᬃᬫᬗ᭄ᬤᬢᬸᬮᬓ᭄᭞ᬓᬫᬺᬘᬧᬤᬵᬦᬾᬫᬗ᭄ᬓᬶᬦ᭄᭟ᬪᬝᬵᬭᬕᬸᬭᬸᬗᬦ᭄ᬤᬶᬓ

[᭒᭖ 26A]
᭒᭖
᭞ᬳᬤᬸᬄᬤᬾᬯᬘ᭄ᬦᬶᬂᬩᬕᬸᬲ᭄ᬫᬓᬓᬵᬮᬶᬄ᭞ᬦᬶᬭᬗᬶᬘ᭄ᬙᬾᬦ᭄ᬮᬸᬕ᭄ᬭᬫᬦ᭄ᬢᬸᬓ᭄᭞ᬦᬾᬩᬸᬗᬲᬗ᭄ᬯᬂᬩᬸᬤᬮ᭄᭞ᬳᬗ᭄ᬕᭀᬦ᭄ᬗᬮᬶᬄᬫᬃᬕ᭄ᬕᬲᬗ᭄ᬳᬵᬳᬧᬂᬢᭂᬧᬸᬓ᭄᭞ᬫᬓᬧᬦ᭄ᬭᬗᬶᬂᬚᬮᬦ᭄᭞ᬓᬾᬢᭀᬘ᭄ᬦᬶᬂᬫᬓᬓᬵᬮᬶᬄ᭟ᬓᬧᬶ
ᬘ᭄ᬙᬲ᭄ᬓᬃᬧᬸᬦᬶᬓ᭞ᬲᬗ᭄ᬳ᭄ᬬᬂᬳᬢ᭄ᬫᬫᬦᬗ᭄ᬕᬧᬶᬦ᭄ᬲ᭄ᬓᬃᬕ᭄ᬮᬶᬲ᭄᭞ᬫᬢᬸᬃᬲᭂᬫ᭄ᬩᬄᬭᬶᬂᬳ᭄ᬬᬂᬕᬸᬭᬸ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬪᬝᬵᬭ᭞ᬦᬾᬦᬾᬫᬗ᭄ᬓᬶᬦ᭄ᬧᬘᬂᬫᬧᬫᬶᬢ᭄ᬫᬦ᭄ᬢᬸᬓ᭄᭞ᬪᬝᬵᬭᬕᬸᬭᬸᬗᬦ᭄ᬤᬶᬓ᭞ᬦᬄᬫᬚᬮᬦ᭄ᬳᬧᬂᬩ᭄ᬘᬶᬓ᭄᭟ᬭᬤᬾᬦ᭄ᬓᬵᬮᬶᬄᬯᬸ
ᬲ᭄ᬫᬫᬃᬕ᭄ᬕ᭞ᬳᬾᬮᬶᬂᬢ᭄ᬓᬾᬦ᭄ᬧᬸᬧ᭄ᬭᬦᬾᬓᬭᬶᬳᬮᬶᬢ᭄᭞ᬕᬕ᭄ᬮᬶᬲᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬫᬺᬘᬧᬤᬵᬲᬂᬳᬢ᭄ᬫ᭞ᬯᬸᬲ᭄ᬗ᭄ᬭᬜ᭄ᬚᬶᬂᬓᬕ᭄ᬯᬕᬃᬪᬲᬂᬗᬬᬸ᭞ᬫᬶᬯᬄᬳᬶᬤᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬜ᭄ᬦᭂᬂᬯᬮᬸᬬᬲᬂᬓᬵᬮᬶᬄ᭟ᬯᬃᬡ᭄ᬦᬦᬾᬫᬲᬸᬦ᭄ᬤᬭᬦ᭄᭞
ᬲᬗ᭄ᬳ᭄ᬬᬂᬲ᭄ᬫᬭᬫᬜᬦ᭄ᬤᬶᬂᬲᬗ᭄ᬳ᭄ᬬᬂᬭᬢᬶᬄ᭞ᬓᬾᬢᭀᬳᬸᬧᬫᬶᬜᬭᬢᬸ᭞ᬓᬾᬦᬓ᭄ᬓᬳ᭄ᬬᬸᬦ᭄ᬭᬳᬤ᭄ᬬᬦ᭄᭞ᬓᬘᬭᬶᬢᬤᬸᬓᬸᬄᬳᬶᬲ᭄ᬢ᭄ᬭᬶᬩ᭄ᬭᬕ᭄ᬢᬸᬄ᭞ᬲᬳᬶᬲ᭄ᬤᬶᬄᬢᬸᬃᬫᬓᭂᬦ᭄ᬢ᭞ᬲᬫ᭄ᬩᬶᬮ᭄ᬗᭂᬫ᭄ᬧᬸᬦᬦᬓ᭄ᬫᬦ᭄ᬢ᭄ᬭᬶ᭟ᬕ᭄ᬮᬸᬦᬶᬤᬸᬓᬸᬄᬗᬢᭀ [ 27 ][᭒᭖ 26B]
᭒᭖
ᬦᬂ᭞ᬚᬕ᭄ᬯᬮᬸᬬᬜ᭄ᬦᭂᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬫᬶᬯᬄᬳᬶᬤᬭᬤᬾᬦ᭄ᬕᬮᬸᬄ᭞ᬲᬫ᭄ᬩᬶᬮ᭄ᬗᭂᬮᬶᬂᬫᬢᬸᬃᬦᭂᬫ᭄ᬩᬄ᭞ᬳᬤᬸᬄᬭᬢᬸᬲᬵᬥ᭄ᬬᬓᭀᬳᬶᬤᬾᬯᬭᬯᬸᬄ᭞ᬲᬂᬓᬵᬮᬶᬄᬫᬗᬫ᭄ᬩᬶᬮ᭄ᬧᬸᬢ᭄ᬭ᭞ᬗᬦ᭄ᬤᬶᬓᬤᬸᬄᬲᬵᬥ᭄ᬬᬩᬶᬩᬶ᭟ᬳᬤᬲ᭄ᬯᬾᬘ᭄ᬙᬦ᭄ᬪᬝᬵᬭ᭞ᬳᬶᬘ᭄ᬙ
ᬮᬸᬕ᭄ᬭᬲᬗ᭄ᬓᬦ᭄‌ᬢ᭄ᬬᬂᬩ᭄ᬯᬶᬦ᭄ᬳᬸᬭᬶᬧ᭄᭞ᬳᬯᬦᬦ᭄ᬲᬶᬤ᭄ᬥᬓᬢ᭄ᬧᬸᬓ᭄᭞ᬢ᭄ᬓᬾᬦ᭄ᬳᬶᬦᬦᬓ᭄ᬫᬦ᭄ᬢ᭄ᬭ᭄ᬬᬵ᭞ᬲᬃᬯ᭄ᬯᬶᬦᬗᬶᬲ᭄‌ᬳᭀᬓᬦᬾᬓᬳᬸᬓᬸᬢ᭄ᬳᬸᬓᬸᬢ᭄᭞ᬳᬫ᭄ᬧᬸᬭᬩᬧᬩ᭄ᬬᬂ᭞ᬓᬤᬸᬭᬸᬲ᭄ᬗᬮᬳᬶᬦ᭄ᬫᬢᬶ᭟ᬧᬶᬮᬶᬄᬚᬦᬶᬓᬲᭂᬫ᭄ᬧᬸᬭ᭞ᬦᬄᬤᬸᬫᬤ
ᬓ᭄ᬓᬲᬶᬤ᭄ᬥᬦ᭄ᬩᬸᬓᬚᬦᬶ᭞ᬢᬸᬮᬸᬲ᭄ᬫᬦ᭄ᬫᬸᬭᬳᬬᬸ᭞ᬳᬶᬤᬾᬯᬩᬋᬂᬩᬧ᭞ᬫᬶᬯᬄᬩ᭄ᬬᬂᬫᬓᬤᬶᬳᬶᬩᬶᬩᬶᬤᬸᬓᬸᬄ᭞ᬓᬾᬢᭀᬤᬾᬯᬧᬸᬃᬡ᭄ᬦᬬᬂ᭞ᬲᬵᬥ᭄ᬬᬦᬾᬓᬢ᭄ᬧᬸᬓ᭄ᬚᬦᬶ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬳᬓᬾᬢᭀ
ᬲᬶᬤ᭄ᬥᬳᬸᬘᬧᬂ᭞ᬳᬚᬶᬩ᭄ᬬᬂᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬫᬦᬗᬶᬲ᭄ᬤᬶᬢ᭄ᬗᬄᬳᬮᬲ᭄᭞ᬗᬦ᭄ᬤᬶᬓᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬤᬸᬄᬳᬤᬶᬫᬵᬲ᭄ᬓᬸᬤᬾᬯᬶ᭞ᬚᬮᬦ᭄ᬚᬦᬶᬳᬤᬶᬫᬦ᭄ᬢᬸᬓ᭄᭞ᬓᬵᬮᬶᬄᬳᬶᬦᬦᬓ᭄ᬫᬦ᭄ᬢ᭄ᬭ᭄ᬬ᭞ᬫᬶᬯᬄᬩᬶᬩᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬚᬦᬶ

[᭒᭗ 27A]
᭒᭗
ᬭᬢᬸᬫᭂᬗ᭄ᬓᬸᬤᬶᬕᬸᬫᬶᬓᭀᬭᬶᬧᬦ᭄᭟ᬫ᭄ᬦᭂᬂᬳᬶᬤᬢᬦ᭄ᬧᬗᬸᬘᬧ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧᬫᬭᬶᬂᬚᬮᬦ᭄᭞ᬭᬶᬂᬓᭀᬭᬶᬧᬦ᭄ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬭᬭᬶᬲ᭄ᬳᬶᬤᬓᬧᬸᬭᬶ᭞ᬲᬂᬧ᭄ᬭᬪᬸᬲ᭄ᬥᭂᬓ᭄ᬫᬮᬸᬗ᭄ᬕᬸᬄ᭞ᬓᬢᬗ᭄ᬓᬶ
ᬮ᭄ᬭᬶᬂᬩᬜ᭄ᬘᬶᬗᬄ᭞ᬳᭂᬫ᭄ᬧᭂᬢ᭄ᬚᭂᬚᭂᬮ᭄‌ᬯ᭄ᬯᭀᬂᬫᬦᬗ᭄ᬓᬶᬮ᭄‌᭞ᬓᬕ᭄ᬬᬢ᭄‌ᬧᬥᬭᬯᬸᬄᬳᬶᬤᬾᬯᬳᬕᬸᬂᬧᬸᬢ᭄ᬭ᭟ᬓᬵᬮᬶᬄᬭᬩᬶᬮᬵᬯᬦ᭄ᬧᬸᬢ᭄ᬭ᭞ᬫᬓᬤᬶᬦᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬧᬫᬸᬘᬸᬓ᭄ᬫᬗᭂᬫ᭄ᬩᬦ᭄ᬧᬸᬢ᭄ᬭ᭞ᬧ᭄ᬬᬓ᭄ᬢᬗ᭄ᬓᬶᬮᬦᬾᬲᬫᬶ᭞ᬧᬭᬫᬦ᭄ᬢ᭄ᬭᬶ
ᬢ᭄ᬤᬸᬦ᭄ᬲᬫᬶ᭞ᬲᬃᬯ᭄ᬯᬶᬦᭂᬫ᭄ᬩᬄᬫᬢᬸᬃᬳᬮᬸᬲ᭄᭞ᬫᬓᬤᬶᬳᬶᬤᬲᬂᬦᬣ᭞ᬗᬦ᭄ᬤᬶᬓᬳᬭᬸᬫᬵᬫᬦᬶᬲ᭄᭞ᬳᬤᬸᬄᬘ᭄ᬦᬶᬂᬢᬦ᭄ᬤ᭄ᬭᬸᬄᬩᬧᬫᬦᬓᭀᬦᬂ᭟ᬳᭂᬜᬾᬦ᭄ᬢᭀᬦᬾᬧᬯᬾᬲ᭄ᬢ᭄ᬭ᭄ᬬᬵ᭞ᬮᬶᬯᬢ᭄ᬳᬬᬸᬦᬾᬢᬦ᭄ᬲᬶᬧᬶ᭞ᬤᭂᬘ᭄ᬦᬶᬂᬲᬮᬄᬢᬫ᭄ᬧ᭄ᬬ᭞ᬢᬸ
ᬢᬸᬭᬶᬦ᭄ᬚᬩᬧᬚᬦᬶ᭞ᬤᭂᬗᭂᬮᬶᬤᬂᬦᬦᬓ᭄ᬫᬦ᭄ᬢ᭄ᬭᬶ᭞ᬭᬤᬾᬦ᭄ᬫᬦ᭄ᬢ᭄ᬭᬶᬦᭂᬫ᭄ᬩᬄᬫᬵᬢᬹᬃ᭞ᬤᬕᬶᬂᬢᬶᬢ᭄ᬬᬂᬦᬯᭂᬕᬂ᭞ᬕᬸᬂᬳᬫ᭄ᬧᬸᬭᬫᬢᬸᬃᬲᬶᬲᬶᬧ᭄᭞ᬓᬲᬾᬧ᭄ᬢᬶᬢ᭄ᬬᬂᬗᬸᬦᬶᬗᬭᬶᬂᬳᬚᬶᬩ᭄ᬬᬂ᭟ᬧᬸᬦᬶᬓᬶᬳᬶᬕᬮᬸᬄᬤᬳ᭞ᬦᬵᬗ᭄ᬳᬶᬂᬮᬘᬸᬃᬲᬓᬶᬂᬳᬮᬶ [ 28 ][᭒᭗ 27B]
᭒᭗
ᬢ᭄᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬩ᭄ᬬᬗᬾᬲᬵᬫ᭄ᬧᬸᬦ᭄ᬤᬾᬯᬢᬶ᭞ᬭᬶᬂᬳᬮᬲᬾᬯ᭄ᬬᬓ᭄ᬢᬶ᭞ᬢᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬫᬗ᭄ᬭᬸᬗᬸ᭞ᬫᬗ᭄ᬤᬕᬸᬭᬸᬳᬚᬶᬯᬶᬓᬦ᭄᭞ᬳᬶᬬᬤᬶᬭᬶᬂᬳᬮᬲ᭄ᬧᬗ᭄ᬕᬶᬄ᭞ᬩᬶᬩᬶᬤᬸᬓᬸᬄᬳᭀᬮᬲ᭄‌ᬦᬸᬤᬸᬓ᭄ᬗᬗ᭄ᬕᭀᬧ᭄ᬬᬦᬓ᭄᭟
ᬢ᭄ᬮᬲ᭄ᬓᬧᬶᬤᬃᬣᬲᬫ᭄ᬬᬦ᭄᭞ᬲᬧᬭᬶᬓᬦ᭄ᬤᬳᬮᬩ᭄ᬘᬶᬓ᭄᭞ᬲᬂᬧ᭄ᬭᬪᬸᬓᬗᭂᬦ᭄ᬫᬶᬳᬃᬱ᭞ᬗᭂᬮᬸᬢ᭄ᬩᬳᬸᬦ᭄ᬭᬤᬾᬦ᭄ᬤᬾᬯᬶ᭞ᬲᬫ᭄ᬩᬶᬮ᭄‌ᬦᬗᬶᬲ᭄ᬫᬶᬢᬸᬢᬸᬭᬶᬦ᭄᭞ᬤᭂᬲᬗᭂᬢ᭄ᬳᬶᬤᬾᬯᬩᭂᬦ᭄ᬤᬸ᭞ᬳᬫ᭄ᬧᬸᬭᬓᬸᬤᬩᬧ᭞ᬳᬶᬯᬂᬩᬧᬦᬾᬦᬾᬭᬶᬳᬶᬦ᭄᭞
ᬩᬧᬚᬵᬢᬶᬢ᭄ᬯᬭᬫᬦᬯᬂᬳᬶᬤᬾᬯ᭟ᬭᬤᬾᬦ᭄ᬕᬮᬸᬄᬢᬦ᭄ᬧᬗᬸᬘᬧ᭄᭞ᬧᬸᬧᬸᬢ᭄ᬲᬶᬲᬕ᭄ᬲᬶᬕᭂᬦ᭄ᬫᬦᬗᬶᬲ᭄᭞ᬳᬸᬫᬸᬂᬦᬗᬶᬲ᭄ᬤᬶᬩᬜ᭄ᬘᬶᬗᬄ᭞ᬲᬶᬂᬫᬶᬋᬗᬂᬧᬥᬲ᭄ᬤᬶᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬫᬮᬶᬄ᭞ᬲᬸᬳᬸᬤ᭄ᬲᬸᬗ᭄ᬲᬸᬢ᭄‌ᬦᬦᬓ᭄ᬳᬬᬸ᭞ᬧᬸᬃᬡ᭄ᬦᬬᬂ
ᬤᬾᬯᬧᬸᬃᬡ᭄ᬦᬬᬂ᭞ᬳᭀᬓᬦᬾᬭᬢᬸᬘᬶᬗᬓᬶᬦ᭄᭞ᬤᬲᬂᬧ᭄ᬭᬪᬸᬗᬫ᭄ᬩᬶᬮ᭄ᬧᬸᬢᬸᬢᬸᬃᬗᬦ᭄ᬤᬶᬓ᭟ᬳᬤᬸᬄᬧᬸᬢᬸᬩᬕᬸᬲ᭄ᬲᬬᬂ᭞ᬧᬶᬦᭂᬄᬤᬸᬳᬸᬃᬯᬳᬸᬧᬗ᭄ᬕᬶᬄ᭞ᬳ᭄ᬤᭂᬲᬗᭂᬢ᭄ᬫᬲᭂᬮ᭄ᬲᭂᬮᬦ᭄᭞ᬧᭂᬓᬓ᭄ᬧ᭄ᬮᬶᬄᬓᬾᬦ᭄ᬕᬸᬂᬳᬮᬶᬢ᭄᭞ᬧᬸᬢᬸᬗᭀᬤ

[᭒᭘ 28A]
᭒᭘
ᬕᬂᬚᬦᬶ᭞ᬚᬕᬢ᭄‌ᬓᭀᬭᬶᬧᬦᬾᬳᬸᬗ᭄ᬓᬸ᭞ᬧ᭄ᬓᬓ᭄ᬓᬾᬦᬾᬲᬸᬩᬢᬸᬯ᭞ᬧᬸᬢᬸᬩᬕᬸᬲ᭄ᬗᭀᬤᬕ᭄ᬲᬫᬶ᭞ᬳ᭄ᬦᭂᬂᬭᬳᬤ᭄ᬬᬦ᭄ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭟ᬦᬄᬚᬦᬶᬳᬚᬓ᭄ᬫᬓ᭄ᬚᬂ᭞ᬢᬦ᭄ᬤᬫᬦ᭄ᬢ᭄ᬭᬶᬫᬶᬯᬄᬧᬢᬶᬄ᭞ᬳᬶᬥᭂᬧ᭄ᬦᬶᬭᬫᬗᬃ
ᬬ᭄ᬬᬦᬂ᭞ᬫᬩᬶᬱᬾᬓᬦᬣᬲ᭄ᬯᬫᬶ᭞ᬫᬶᬯᬄᬳᬶᬩᬕᬸᬲ᭄ᬳᬮᬶᬢ᭄᭞ᬳᬧᬂᬳᬦᬸᬢ᭄‌ᬢᬶᬗ᭄ᬓᬄᬭᬢᬸ᭞ᬫᬸᬍᬕᬫᬭᬵᬚᬧᬸᬢ᭄ᬭ᭞ᬦᬄᬧᬢᬶᬄᬓ᭄ᬦᭂᬳᬂᬚᬦᬶ᭞ᬫᬧᬶᬤᬩ᭄ᬤᬩ᭄ᬫᬶᬯᬄᬧᬭᬫᬦ᭄ᬢ᭄ᬭᬶᬦᬾᬧᬥ᭟ᬓᬵᬮᬶᬄᬘᬳᬶᬤ᭄ᬫᬸᬤ᭄ᬫᬂ᭞ᬘᬳᬶ
ᬮ᭄ᬯᬲ᭄ᬩᬸᬓᬚᬦᬶ᭞ᬦᬸᬳᬸᬃᬲᬂᬧ᭄ᬭᬪᬸᬭᬶᬂᬤᭂᬳᭂ᭞ᬫᬓᬤᬶᬲᬤᬕᬶᬂᬧᬸᬭᬶ᭞ᬫᬗ᭄ᬤᬲᬶᬤ᭄ᬥᬭᬯᬸᬄᬳᬸᬕᬶ᭞ᬦᬶᬜ᭄ᬚᭀᬓᬃᬬ᭄ᬬᬦᬦᬓ᭄ᬕᬮᬸᬄ᭞ᬧᬺᬤᬢᬬᬂᬗᬢᬸᬭᬂ᭞ᬲᬧᬭᬶᬓᬦ᭄ᬤᬦᬾᬲᬫᬶ᭞ᬧᬥᬢᬦ᭄ᬤ᭄ᬭᬸᬄᬲᬂᬧ᭄ᬭᬪᬸᬢ᭄ᬓᬾᬦᬶᬂᬧᬸ
ᬲᬸᬫ᭄ᬓᭂᬦ᭄ᬤᬶᬦᬦᬶᬂᬓᬵᬃᬬ᭄ᬬ᭞ᬩ᭄ᬯᬶᬦ᭄ᬳᬩᬸᬮᬦ᭄ᬳᬸᬮᬶᬚᬦᬶ᭞ᬫᬦᬸᬚᬸᬧᬸᬃᬡ᭄ᬦᬫᬓᬧᬢ᭄᭞ᬦᭂᬤᭂᬂᬓᭂᬫ᭄ᬩᬂᬲᬃᬯ᭄ᬯᬫᬶᬳᬶᬓ᭄᭞ᬦᬶᬤ᭄ᬫᬂᬦᭂᬫ᭄ᬩᬄᬫᬢᬸᬃᬧᬫᬶᬢ᭄᭞ᬫᬫᬃᬕ᭄ᬕᬶᬮᬫ᭄ᬧᬳᬾᬦᬭᬸᬂ᭞ᬢᬢᬦ᭄ᬓᭀᬘᬧ᭄ᬳᬦᬾᬂᬚᬮᬦ᭄᭞ᬫᬭᬶᬂᬤᭂᬳᭂ [ 29 ][᭒᭘ 28B]
᭒᭘
ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬤ᭄ᬫᬂᬤ᭄ᬫᬸᬂᬕᬕᬗ᭄ᬲᬭᬦ᭄ᬗᬧᬸᬭᬶᬬᬂ᭟ᬲᬂᬧ᭄ᬭᬪᬸᬲ᭄ᬥᭂᬓ᭄ᬲᬶᬦᬾᬩᬦ᭄᭞ᬳᬢᬧ᭄ᬢᬦ᭄ᬤᬫᬦ᭄ᬢ᭄ᬭᬶᬦᬗ᭄ᬓᬶᬮ᭄᭞ᬚᬕ᭄ᬭᬯᬸᬄᬳᬶᬤ᭄ᬫᬸᬂᬤ᭄ᬫᬂ᭞ᬧ᭄ᬬᬓ᭄ᬢᬗ᭄ᬓᬶᬮᬦᬾᬲᬫᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬫᬳᬶᬮᬯᬸᬢ᭄ᬘᬳᬶᬤ᭄ᬫᬸᬂ᭞ᬳᬧᬩ᭄ᬯᬢ᭄ᬘᬳᬶ
ᬢ᭄ᬓᬵ᭞ᬳᬶᬤ᭄ᬫᬸᬂᬫᬳᬢᬸᬃᬪᬓ᭄ᬢᬶ᭞ᬲᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬳᬸᬢᬸᬲᬦ᭄ᬲᬂᬦᬣ᭟ᬳᬶᬤᬗᬦ᭄ᬤᬶᬓᬬᬂᬢᬶᬢ᭄ᬬᬂ᭞ᬫᬢᬸᬃᬧᬗᬸᬦᬶᬗᬫᬗ᭄ᬓᬶᬦ᭄᭞ᬚᬕᬶᬓᬵᬃᬬ᭄ᬬᬧᬩᬸᬜ᭄ᬘᬶᬗᬦ᭄᭞ᬫᬩᬶᬱᬾᬓᬜ᭄ᬦᭂᬂᬧ᭄ᬭᬫᬶ᭞ᬫᬗ᭄ᬤᬾᬭᬯᬸᬄᬳᬸᬕᬶᬦᬶᬜ᭄ᬚᭀᬯᬶᬦ᭄
᭞ᬓᬵᬃᬬ᭄ᬬᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬫᬗ᭄ᬤᬭᬯᬸᬄᬳᬸᬕᬶᬲᬫ᭄ᬬᬦ᭄᭞ᬢ᭄ᬮᬲᬦ᭄ᬲᬤᬕᬶᬂᬧᬸᬭᬶ᭞ᬲᬧᬭᬶᬓᬦ᭄ᬤᬲᬵᬫ᭄ᬧᬸᬦ᭄ᬲᬫᬶᬓᬧᬶᬤᬃᬣ᭟ᬲᬧᬸᬦᬶᬓᬭᬓᬦ᭄ᬳᬶᬤ᭞ᬬᬾᬦ᭄ᬤᬶᬦᬦᬶᬂᬓᬵᬃᬬ᭄ᬬᬫᬗ᭄ᬓᬶᬦ᭄᭞ᬩ᭄ᬯᬶᬦ᭄ᬳᬰᬰᬶᬄᬤᬶᬦᬓᬃᬬ᭄ᬬ᭞ᬧᬸᬃ
ᬡ᭄ᬦᬫᬓᬧᬢ᭄ᬓᬧᬸᬚᬶ᭞ᬲᬧᬸᬦᬶᬓᬤᬾᬯᬕᬸᬂᬮᬶᬗ᭄ᬲᬶᬃ᭞ᬲᬂᬧ᭄ᬭᬪᬸᬜᭂᬧ᭄ᬭᬶᬂᬓᬳ᭄ᬬᬸᬦ᭄᭞ᬯᬳᬸᬳᬾᬮᬶᬂᬭᬶᬂᬧᬸᬢ᭄ᬭ᭞ᬫᬶᬯᬄᬢ᭄ᬓᬾᬦ᭄ᬧ᭄ᬭᬫᬶᬲ᭄ᬯᬭᬶ᭞ᬫᬧᬗᭂᬦᬦ᭄ᬩᬓᬢ᭄ᬓᬸᬢᬂᬢ᭄ᬗᬄᬳᬮᬲ᭄᭟ᬦᬵᬗ᭄ᬳᬶᬂᬗᬸᬫᬶᬓ᭄‌ᬚ᭄ᬭᭀᬦᬶᬂᬕᬃᬩ᭄ᬪ᭞ᬲᬂᬧ᭄ᬭᬪᬸᬗᬦ᭄ᬤᬶ

[᭒᭙ 29A]
᭒᭙
ᬓᬕ᭄ᬮᬶᬲ᭄᭞ᬭᬶᬂᬧᬧᬢᬶᬄᬫᬶᬯᬄᬫᬦ᭄ᬢ᭄ᬭ᭄ᬬ᭞ᬦᬄᬓᬾᬧᬥᬓ᭄ᬦᭂᬳᬶᬦ᭄᭞ᬓᬵᬮᬶᬄᬧᬥᬤᬯᬸᬳᬶᬦ᭄᭞ᬯᬢᭂᬓ᭄ᬩᬮᬧᬂᬢᬯᬸ᭞ᬢ᭄ᬓᬵᬦᬶᬂᬤᬶᬦᬵᬓᬵᬃᬬ᭄ᬬ᭞ᬮᬯᬸᬢᬂᬘᬳᬶᬗᬶᬢᬸᬗᬶᬦ᭄᭞ᬳᬧᬂᬘᬸᬓᬸᬧ᭄‌ᬳᬧᬂᬤᬓᬤᬸᬃᬫ᭄ᬫᬶᬢᬦ᭄᭟
᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬤᬸᬃᬫ᭄ᬫᬗ᭄ᬕᬮᬲᬂᬧ᭄ᬭᬪᬸᬭᬶᬂᬤᬳ᭞ᬭᬶᬂᬓᭀᬭᬶᬧᬦ᭄ᬓᬯᬃᬡ᭄ᬦᬶ᭞ᬢᬫ᭄ᬧᭂᬓ᭄ᬤᬶᬦᬓᬃᬬ᭄ᬬ᭞ᬩᬮᬾᬲᬵᬫ᭄ᬧᬸᬦ᭄ᬫᬳ᭄ᬬᬲ᭄᭞ᬯᬯᬭᬸᬂᬗᬫ᭄ᬧ᭄ᬬᬕ᭄ᬗᬗᭀᬩᬶᬦ᭄᭞ᬫᬳᬗ᭄ᬕᭀᬳᬗ᭄ᬕᭀ᭞ᬲᬃᬯ᭄ᬯᬲᬸᬢ᭄ᬭᬦᬾᬦᬾᬳᬮᬶ
ᬫ᭄᭟ᬓᬵᬮᬶᬄᬕ᭄ᬦᬄᬳᭀᬫᬧ᭄ᬬᬚ᭄ᬜᬦ᭄‌ᬯᬸᬲ᭄ᬘᬸᬫᬤᬂ᭞ᬢᬦ᭄ᬓᬸᬭᬂᬋᬗ᭄ᬕᬳᬲ᭄ᬭᬶ᭞ᬧᬸᬦ᭄ᬬᬯᬸᬲ᭄‌ᬲᬗ᭄ᬕ᭄ᬭᬳ᭞ᬫᬸᬦᬸᬢᬶᬂᬲ᭄ᬯᬂᬲ᭄ᬯᬂ᭞ᬢᬦ᭄ᬓᬸᬭᬂᬩ᭄ᬭᬦᬦᬺᬧᬢᬶ᭞ᬲᬶᬂᬓ᭄ᬦᭂᬳᬂᬳᬤ᭞ᬯᬸᬲ᭄ᬮᬢ᭄ᬭᬶᬳᬾᬜ᭄ᬚᬶᬂᬓᬯᬃᬡ᭄ᬦᬶ᭟ᬓᭀᬘᬧ᭄ᬫᬮᬶᬄᬢᬶᬕᬂᬤᬶᬦᬤᬶᬦᬵ
ᬓᬵᬃᬬ᭄ᬬ᭞ᬲᬂᬧ᭄ᬭᬪᬸᬤᬳᬯᬸᬲ᭄ᬧ᭄ᬭᬵᬧ᭄ᬢᬶ᭞ᬲᬸᬭᬓ᭄ᬫᬕ᭄ᬭᬸᬤᬸᬕᬦ᭄᭞ᬲᬓ᭄ᬭᬄᬚᬦ᭄ᬫᬭᬶᬂᬤᬳ᭞ᬢ᭄ᬮᬄᬫᬗᬶᬭᬶᬂᬲᬂᬪᬸᬧᬢᬶ᭞ᬳᬫᬸᬂᬳᬶᬮᬶᬫ᭄ᬩᬸᬃᬦᭀᬭᬧ᭄ᬭᬵᬧ᭄ᬢᬶ᭞ᬫᬶᬯᬄᬩᬧᬜᬭᬓ᭄ᬭ᭄ᬬᬦ᭄ᬧᬢᬶᬄᬢᬦ᭄ᬫᬗᬶᬭᬶᬂ᭟ᬓᬦ᭄ᬤᬶᬓᬬᬂᬫᬗᭂᬫᬶᬢ᭄ᬧᬸ [ 30 ][᭒᭙ 29B]
᭒᭙
ᬭᬶᬤᬳ᭞ᬳᬯᬦᬦ᭄ᬢᬦ᭄ᬫᬗᬶᬭᬶᬂ᭞ᬳ᭄ᬦᭂᬗᬂᬭᬶᬂᬤᬳ᭞ᬭᬶᬂᬓᭀᬭᬶᬧᬦ᭄ᬓᬯᬃᬡ᭄ᬦ᭞ᬚᬦ᭄ᬫᬦᬾᬢᬦ᭄ᬓᭀᬝᬶᬓᭀᬝᬶ᭞ᬫᬶᬧᬸᬓ᭄ᬳᬶᬧᬸᬓᬦ᭄᭞ᬳᬦᬸᬢ᭄ᬓᬵᬃᬬ᭄ᬬᬪᬸᬧᬢᬶ᭟ᬳᭂᬫ᭄ᬧᭂᬢ᭄ᬚᭂᬚᭂᬮ᭄‌ᬚᬦ᭄ᬫᬦᬾᬫᬸᬗ᭄ᬕ᭄ᬯᬶᬂᬩᬜ᭄ᬘᬶᬗᬄ᭞ᬘ᭄ᬭᬶᬓ᭄ᬓᭂᬮᬶᬄᬮᬸᬄᬫ᭄ᬯᬦᬶ᭞
ᬕᭀᬂᬢᬫ᭄ᬩᬸᬃᬫᬕ᭄ᬭᬸᬤᬸᬕᬦ᭄᭞ᬮᬾᬦ᭄ᬲ᭄ᬫᬃᬧᬕᬸᬮᬶᬗᬦ᭄᭞ᬩᬮᬶᬩᬮᬶᬬᬦ᭄ᬢᬦ᭄ᬓᭀᬲᬶ᭞ᬲᬶᬂᬲᬫ᭄ᬩᬢ᭄ᬳᬤ᭞ᬳᬯᭀᬭᬶᬦ᭄ᬫᬸᬜᬶᬦ᭄ᬩᭂᬤᬶᬮ᭄᭟ᬧᬭᬯᬶᬓᬸᬮᬦᬂᬳᬶᬲ᭄ᬢ᭄ᬭᬶᬲᬫᬶᬧ᭄ᬭᬵᬧ᭄ᬢ᭞ᬗ᭄ᬭᬜ᭄ᬚᬶᬂᬓᬚ᭄ᬭᭀᬧᬸᬭᬶ᭞ᬧᬋᬓ᭄ᬭᬶᬂᬲᬂᬦᬣ᭞ᬲᬂᬧ᭄ᬭᬪᬸᬳᬶᬤᬜ
ᬧ᭞ᬓᬵᬢᬹᬭᬦ᭄ᬫᬸᬗ᭄ᬕᬄᬫᬮᬶᬗ᭄ᬕᬶᬄ᭞ᬲᬂᬯᬶᬓᬸᬫᬸᬗ᭄ᬕᬄᬫᬮᬶᬗ᭄ᬕᬶᬄᬲᬋᬂᬲᬫᬶ᭟ᬓᬳᬢᬸᬭᬦ᭄ᬲᬂᬯᬶᬓᬸᬧᬸᬦ᭄ᬬᬲᬫ᭄ᬬᬦ᭄᭞ᬲᭀᬯᬂᬲᭀᬯᬂᬮᬦᬂᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬲᬫᬶᬗᬚᭂᬗᬶᬦ᭄ᬧᬸᬦ᭄ᬬ᭞ᬫᬗ᭄ᬭᬭᬶᬲ᭄ᬫᬫᬸᬚ᭞ᬧᬕ᭄ᬭᬶᬬᭂᬂᬕᭂᬦ᭄ᬢᬦᬾᬢᬭᬶᬓ᭄᭞
ᬗᬸᬘᬭᬂᬯᬾᬤ᭞ᬑᬁᬗ᭄ᬓᬭᬫᬦ᭄ᬢ᭄ᬭᬍᬯᬶᬄ᭟ᬯᬸᬲ᭄ᬫᬯᬾᬤᬓᬩ᭄ᬮᬢ᭄ᬳᬦ᭄ᬢᬸᬓ᭄ᬮᬢ᭄ᬭ᭄ᬬ᭞ᬳᬾᬜ᭄ᬚᬶᬂᬓᬯᬃᬡ᭄ᬦᬳᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬤᬶᬦᬵᬓᬵᬃᬬ᭄ᬬ᭞ᬚᬦ᭄ᬫᬦᬾᬫᬲᭂᬮᬸᬭᬦ᭄᭞ᬤᬶᬩᬜ᭄ᬘᬶᬗᬄᬫ᭄ᬯᬂᬤᬶᬫᬃᬕ᭄ᬕᬶ᭞ᬕᭀᬂᬢᬫ᭄ᬩᬸᬃᬭᬫᬾ᭞ᬩᬮᬶᬩᬮ᭄ᬬ

[᭓᭐ 30A]
᭓᭐
ᬦ᭄ᬫᬗᬺᬦ᭄ᬢᭂᬩᬶᬦ᭄᭟ᬤᬯᬸᬄᬓᬵᬮᬶᬄᬫᬶᬚᬶᬮ᭄ᬳᬶᬤᬭᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬫᬓᬫ᭄ᬧᬸᬄᬤᬤᬸᬗᭂᬦ᭄ᬤᬶᬄ᭞ᬕᬾᬫ᭄ᬧᬾᬮ᭄ᬫᬧ᭄ᬭᬤ᭞ᬕ᭄ᬮᬸᬂᬲᬶᬦᭂᬫ᭄ᬩᬃᬫᬶᬭᬄ᭞ᬳᬶᬦ᭄ᬢᭂᬦ᭄‌ᬩᬺᬮ᭄ᬬᬦ᭄ᬫᬜᬦ᭄ᬤᬶᬂ᭞ᬫᬩᬸᬮᬂᬲᬸᬢ᭄ᬭ᭞ᬢᬗᬶᬫᬭᬾᬦ᭄ᬤᬍᬯᬶᬄᬳᬮᬶᬫ᭄᭟ᬜᬸᬗ᭄ᬓ᭄ᬮᬶᬢ᭄‌ᬓ᭄ᬭᬶᬲ᭄ᬳᬸ
ᬭᬗ᭄ᬓᬫᬢᬢᬄᬚᬫ᭄ᬧ᭄ᬭᬄ᭞ᬧᬾᬮᬾᬢᬾᬩᬸᬓᬢᬸᬦ᭄ᬤᬶᬓ᭄᭞ᬯᬶᬚᬶᬮᬶᬂᬩᬮᬫ᭄ᬩᬗᬦ᭄᭞ᬮᬦ᭄ᬤᬾᬬᬦ᭄ᬢᭀᬕᭀᬕ᭄ᬫᬵᬲ᭄᭞ᬫᬲᭀᬘᬯᬶᬦ᭄ᬢᭂᬦᬾᬗᭂᬦ᭄ᬤᬶᬄ᭞ᬳᬦᬸᬢ᭄ᬫᬗ᭄ᬭᬜᬩ᭄᭞ᬫᬯᬸᬯᬸᬄᬫᬮᬶᬮᬂᬩ᭄ᬘᬶᬓ᭄᭟ᬫᬓᭀᬯᬘᬩᬳᬦ᭄ᬓᬓᬯᬢ
ᬦ᭄ᬫᬵᬲ᭄᭞ᬫᬢᭂᬧᬶᬫᬲᭀᬘᬗᭂᬦ᭄ᬤᬶᬄ᭞ᬳᬦᬸᬢ᭄ᬩᬶᬦ᭄ᬢᬂᬩᭂᬲᬃ᭞ᬯᬲ᭄ᬢ᭄ᬭᬕᬕᬸᬮᬸᬂᬕᬤᬂ᭞ᬫᬢᬗ᭄ᬕᬸᬫᬧ᭄ᬭᬤᬗᭂᬦ᭄ᬤᬶᬄ᭞ᬓᬢᭀᬦ᭄ᬤᬸᬫᬶᬮᬄ᭞ᬓᬲᬸᬦ᭄ᬤᬭᬶᬦ᭄ᬲᬗ᭄ᬳ᭄ᬬᬂᬭᬯᬶ᭟ᬳᬶᬤᬾᬯᬕᬸᬂᬳᬶᬲ᭄ᬢ᭄ᬭᬶᬫᬯᬲ᭄ᬢ᭄ᬭᬤᬤᬸᬗ᭄ᬭᬜᬩ᭄᭞ᬕᬾᬫ᭄ᬧᬾᬮ᭄ᬫᬧ᭄ᬭᬤ
ᬗᭂᬦ᭄ᬤᬶᬄ᭞ᬫᬓᭀᬯᬘᬕᬤᬂ᭞ᬩᬶᬦ᭄ᬢᬂᬩᭂᬲᬃᬗᬧᬶᬢᬂ᭞ᬫᬲ᭄ᬓᬃᬮᬶᬃᬕᬶᬮᬫᬵᬲ᭄᭞ᬫᬲᬭᬶᬫᬶᬭᬄᬧᬓ᭄ᬭᬶᬦᬶᬂ᭞ᬲᬸᬫᬶᬗ᭄ᬓᬶᬦ᭄ᬫᭂᬮᬄ᭞ᬓᬤᬶᬩᬸᬮᬦᬾᬦᬤᬭᬶᬦ᭄᭟ᬳᬦᬸᬢ᭄ᬜᬦ᭄ᬤᬶᬂᬭᬤᬾᬦ᭄ᬫᬦ᭄ᬢ᭄ᬭᬶᬭᬤᬾᬦ᭄ᬤᬾᬯ᭄ᬬ᭞ᬯᬮᬸᬬᬲᬗ᭄ᬳ᭄ᬬᬂᬲ᭄ᬫᬭᬭ [ 31 ][᭓᭐ 30B]
᭓᭐
ᬢᬶᬄ᭞ᬕᬯᭀᬓ᭄ᬲᬶᬂᬗᬢᭀᬦᬂ᭞ᬧᬥᬍᬂᬍᬂᬮᬶᬗ᭄ᬮᬸᬂᬳᬸᬬᬂ᭞ᬢᬸᬃᬫᬓᭂᬫ᭄ᬩᬭᬦ᭄ᬫᬮᬶᬗ᭄ᬕᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬮᬯᬦ᭄ᬭᬳᬤᬾᬦ᭄ᬤᬾᬯᬶ᭟ᬓᭀᬘᬧ᭄ᬳᬶᬤᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬓᬚᬩ᭞ᬫᬶᬯᬄᬳᬶᬤᬧ᭄ᬭᬫᬶᬲ᭄ᬯᬭᬶ᭞ᬫᬮᬸᬗ᭄ᬕᬸᬄᬭᬶᬂᬲᬶᬗ᭄ᬳᬲᬦ᭞ᬫᬶᬯᬄᬲᬂ
ᬧ᭄ᬭᬪᬸᬤᬳ᭞ᬭᬶᬂᬩᬮᬾᬫᬵᬲ᭄‌ᬲᬋᬂᬫᬮᬶᬗ᭄ᬕᬶᬄ᭞ᬲᭂᬲᭂᬓ᭄ᬢᬦ᭄ᬤᬫᬦ᭄ᬢ᭄ᬭ᭄ᬬ᭞ᬫᬶᬯᬄᬭᬓ᭄ᬭ᭄ᬬᬦ᭄ᬧᬢᬶᬄᬦᬗ᭄ᬓᬶᬮ᭄᭟ᬫᬸᬭᬸᬩ᭄ᬫᬸᬦ᭄ᬢᬩ᭄‌ᬢᬗ᭄ᬓᬶᬮᬦ᭄ᬫᬯᬸᬯᬸᬄᬫ᭄ᬮᬄ᭞ᬳᬍᬧ᭄ᬲᬸᬢᬾᬚᬳᬲ᭄ᬭᬶ᭞ᬧᬭᬯᬶᬓᬸᬳᬢᬧ᭄᭞ᬲᬫᬶᬓᬢᬸᬭᬦ᭄ᬧᬸᬦ᭄ᬬ᭞ᬭᬶᬂᬧ᭄ᬬᬕᬚ᭄ᬜᬦ᭄ᬓᬵᬢᬹᬃ
ᬲᬫᬶ᭞ᬫᬓᬺᬩ᭄ᬫᬸᬦ᭄ᬢᬩ᭄᭞ᬫᬸᬭᬸᬩ᭄ᬫᬲᭀᬘᬲᬫᬶ᭟ᬭᬭᬶᬲ᭄ᬫᬸᬗ᭄ᬕᬄᬲᬂᬋᬱᬶᬳᬦᬾᬂᬧᬗ᭄ᬕᬸᬗᬦ᭄᭞ᬗᬸᬜ᭄ᬘᬭᬂᬯᬾᬤᬍᬯᬶᬄ᭞ᬫᬦ᭄ᬢ᭄ᬭᬚᬬᬚᬬ᭞ᬗᬺᬤᬦᬲᬗ᭄ᬳ᭄ᬬᬂᬰᬶᬯ᭞ᬲ᭄ᬯᬭᬦ᭄ᬕᭂᬦ᭄ᬢᭂᬧᬓ᭄ᬭᬶᬦᬶᬂ᭞ᬧᬸᬧᬸᬢ᭄ᬓᬢᬩᭂᬳᬦ᭄ᬫᬸᬜᬶ᭞ᬳᬦᬾᬂᬩᬜ᭄ᬘᬶᬗᬄ᭞ᬕᭀᬂᬢᬫ᭄ᬩᬸᬃ
ᬫᬗᭂᬫ᭄ᬧᭂᬗᬶᬦ᭄᭟ᬫᬗ᭄ᬓᬶᬦ᭄ᬳᬶᬤᬤᬾᬯᬕᬸᬂᬳᬮᬶᬢ᭄‌ᬯᬸᬲ᭄ᬧᬶᬦᬸᬚ᭞ᬓᬚᬬᬚᬬᬤᬾᬦ᭄ᬲᬂᬋᬱᬶ᭞ᬯᬶᬓᬸᬰᬶᬯᬩᬸᬤ᭄ᬥ᭞ᬯᬸᬲ᭄ᬧᬸᬧᬸᬢ᭄ᬲᬶᬤ᭄ᬥᬓᬵᬃᬬ᭄ᬬ᭞ᬲᬂᬦᬣᬯᬺᬤᬳᬯᬸᬲ᭄‌ᬲᬶᬤ᭄ᬥᬾᬂᬓᬧ᭄ᬢᬶ᭟ᬓᬘᬭᬶᬢᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬵᬃᬬ᭄ᬬ

[᭓᭑ 31A]
᭓᭑
᭞ᬫᬧᬫᬶᬢ᭄ᬲᬂᬯᬶᬓᬸᬲᬫᬶ᭞ᬩᬸᬤᬮ᭄ᬲᭀᬯᬂᬲᭀᬯᬂ᭞ᬫᬶᬯᬄᬯᬤ᭄ᬯᬩᬮ᭞ᬫᬵᬢᬹᬃᬲᭂᬫ᭄ᬩᬄᬢᬶᬢ᭄ᬬᬂᬧᬫᬶᬢ᭄᭞ᬯᬾᬦ᭄ᬢᭂᬦ᭄ᬗᬫᭀᬂᬧᬸᬦ᭄ᬬᬫᬗᬶᬭᬶᬂᬳᬶᬤᬲᬂᬋᬱᬶ᭟ᬲᬫᬶᬩᬸᬤᬮ᭄ᬯᬢᭂᬓ᭄ᬓᬳᬸᬮᬓᬸᬭᬶᬧᬦ᭄᭞ᬲᬂᬧ᭄ᬭᬪᬸᬤᬳᬓᬭᬶ᭞ᬳᬶᬤᬭᬶᬂᬓᭀ
ᬭᬶᬧᬦ᭄᭞ᬫᬶᬯᬄᬯᬤ᭄ᬯᬩᬮ᭞ᬫᬗᬶᬭᬶᬂᬲᬂᬧ᭄ᬭᬪᬸᬮᬶᬗ᭄ᬲᬶᬃ᭞ᬓᭀᬘᬧ᭄ᬭᬶᬂᬤᬳ᭞ᬳᬶᬮᬶᬫ᭄ᬩᬸᬃᬓᬯᬶᬦᬃᬡ᭄ᬦᬶ᭟ᬲᬵᬫ᭄ᬧᬸᬦ᭄ᬢᬸᬢᬸᬕ᭄‌ᬕᬸᬡᬦᬾᬭᬭᬶᬲ᭄ᬫᬍᬘᬢ᭄᭞ᬯᬮᬸᬬᬓᬤᬶᬭᬶᬳᬶᬦ᭄᭞ᬲ᭄ᬤᬶᬄᬫᬲᭂᬮ᭄ᬲᭂᬮᬦ᭄᭞ᬳᬾᬮᬶᬂᬭᬶᬂᬮᬓ᭄ᬲᬦ᭞ᬳᬶᬭᬶ
ᬳᬢᬶᬦᬾᬳᬸᬮᬸᬭᬶᬦ᭄᭞ᬫᬫᬦ᭄ᬢᬶᬂᬳᬯᬓ᭄᭞ᬓᬲ᭄ᬫᬭᬦ᭄ᬫᬜᬸᬲᬸᬧᬶᬦ᭄᭟᭜᭟ᬲ᭄ᬫᬭᬦ᭄ᬤᬦ᭟᭜᭟ᬳᬶᬮᬶᬫ᭄ᬩᬸᬃᬢᬦ᭄ᬓᬯᬶᬦᬃᬡ᭄ᬦᬶ᭞ᬯᬶᬦᬃᬡ᭄ᬦᬲᬂᬧ᭄ᬭᬪᬸᬤᬳ᭞ᬳᬾᬮᬶᬂᬮᬶᬡᬭᬩᬶᬦᬾ᭞ᬫᬓᬸᬢᬂᬢ᭄ᬗᬳᬶᬂᬳᬮᬲ᭄᭞ᬲ᭄ᬤᬶᬄᬮᬭᬫ
ᬧᬗᭂᬦᬦ᭄᭞ᬲᬓᬶᬂᬧᬕᬯᬾᬦ᭄ᬳᬶᬮᬶᬫ᭄ᬩᬸᬃ᭞ᬧᬮᬶᬂᬩᬶᬗᬸᬂᬢᬦ᭄ᬧᬲᬗ᭄ᬓᬦ᭄᭟ᬲᬫ᭄ᬩᬶᬮ᭄ᬦᬗᬶᬲ᭄‌ᬤᬲᬂᬳᬚᬶ᭞ᬗᬦ᭄ᬤᬶᬓᬭᬶᬂᬭᬤᬾᬦ᭄ᬧᬸᬢ᭄ᬭ᭞ᬫᬶᬯᬄᬢ᭄ᬓᬾᬦ᭄ᬧᬢᬶᬄᬓᬾᬢᭀᬂ᭞ᬓ᭄ᬫᭂᬚᬦᬶᬚ᭄ᬯᬫᬚᬮᬦ᭄᭞ᬫᬢ᭄ᬬᬂᬳᬶᬮᬶᬫ᭄ᬩᬸᬃᬓᬯᬄ᭞ᬓᬸᬢᬶᬂᬦᬦᬂ [ 32 ][᭓᭑ 31B]
᭓᭑
ᬦᬾᬢᭀᬳᬶᬜ᭄ᬘᬸᬓ᭄᭞ᬲᬮᬳᬾᬫᬳᬗᬶᬦ᭄ᬕᬸᬡ᭟ᬭᬓ᭄ᬭ᭄ᬬᬦ᭄ᬧᬢᬶᬄᬫᬢᬸᬃᬭᬭᬶᬲ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬗᬶᬭᬶᬗᬂ᭞ᬓᬤᬶᬯᬘᬦᬦ᭄ᬲᬂᬓᬝᭀᬂ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬦᬯᬸᬳᬂ᭞ᬭᬶᬂᬩᬮᬯᬤ᭄ᬯᬲᬫ᭄ᬬᬦ᭄᭞ᬳ᭄ᬦᭂᬂᬳᬶᬧᬢᬶᬄᬓᬯᬸᬯᬸᬲ᭄᭞ᬲᬂᬧ᭄ᬭ
ᬪᬸᬦᬗᬶᬲ᭄‌ᬗᬦ᭄ᬤᬶᬓ᭟ᬳᬤᬸᬄᬤᬾᬯᬦᬦᬓ᭄ᬤᬾᬯᬶ᭞ᬦᬄᬩᬧᬫᬮᬓᬸᬲᬮᬄ᭞ᬭᬾᬄᬩᬧᬓᬤᬸᬂᬓᬤ᭄ᬮᭀᬗ᭄ᬲᭀᬓ᭄᭞ᬫᬗᬸᬢᬂᬤᬾᬯᬤᬶᬳᬮᬲ᭄᭞ᬮᬯᬦ᭄ᬳᬶᬩᬸᬦ᭄ᬳᬶᬤᬾᬯ᭞ᬲᬓᬶᬂᬧᬕᬯᬾᬦ᭄ᬳᬶᬮᬶᬫ᭄ᬩᬸᬃ᭞ᬦᬄᬚᬦᬶᬩᬧ
ᬫᬶᬗ᭄ᬲᬮᬄ᭟ᬭᬳᬤᬾᬦ᭄ᬤᬾᬯᬶᬫᬦᬗᬶᬲ᭄᭞ᬳᬾᬮᬶᬂᬭᬶᬂᬳᬶᬩᬸᬦᬾᬲᬾᬤ᭞ᬢᭀᬬᬦ᭄ᬳᬓ᭄ᬱᬶᬦᬾᬧᬢ᭄ᬭᬾᬩᬾᬲ᭄᭞ᬫᬢᬸᬃᬦᭂᬫ᭄ᬩᬄᬭᬶᬂᬲᬂᬦᬣ᭞ᬲᬵᬫ᭄ᬧᬸᬦᬂᬫᬮᬶᬄᬫᬜ᭄ᬚᬗᬂ᭞ᬫᬸᬮᬢᬶᬢᬄᬲᬗ᭄ᬳ᭄ᬬᬂᬢᬸᬤᬸᬄ᭞ᬓᬳᬗ᭄ᬕᭀᬦ᭄ᬳᬸᬘᬧ
ᬦ᭄ᬚᬕᬢ᭄᭟ᬢᬦ᭄ᬓᭀᬘᬧ᭄ᬭᬳᬤᬾᬦ᭄ᬤᬾᬯᬶ᭞ᬲᬶᬭᬧᬢᬶᬄᬫᬗ᭄ᬓᬶᬦ᭄ᬓᭀᬘᬧ᭄᭞ᬫᬵᬢᬹᬃᬜᬸᬫ᭄ᬩᬄᬭᬶᬂᬲᬂᬓᬝᭀᬂ᭞ᬭᬭᬶᬲ᭄ᬫᬦᭂᬧᭂᬓ᭄ᬕᭂᬦ᭄ᬤᭀᬗᬦ᭄᭞ᬕᬾᬕᬾᬃᬚᬦ᭄ᬫᬦᬾᬫᬩ᭄ᬬᬬᬸᬯᬦ᭄᭞ᬲᬳᬲᬶᬓᭂᬧ᭄ᬲᬫᬶᬢ᭄ᬤᬸᬦ᭄᭞ᬲᭀᬫ᭄ᬧ᭄ᬭᬾᬢ᭄ᬫᬫᬸᬜᬶ

[᭓᭒ 32A]
᭓᭒
ᬳᬸᬭᬳᬦ᭄᭟ᬭᬶᬂᬩᬜ᭄ᬘᬶᬗᬄᬲᬶᬓᭂᬧ᭄ᬢᬶᬢᬶᬩ᭄᭞ᬯᬤ᭄ᬯᬦᬾᬲᬳᬲᬜ᭄ᬚᬢ᭞ᬓ᭄ᬭᬶᬲ᭄ᬢᬸᬩᬓ᭄ᬮᬯᬦ᭄ᬧᬾᬲ᭄ᬢᬾᬮ᭄᭞ᬲᬸᬮᬶᬕᬶᬩ᭄ᬤᬶᬮ᭄ᬚᭂᬃᬫ᭄ᬫᬦ᭄᭞ᬧᬥᬳᬲᭀᬯᬂᬲᭀᬯᬂ᭞ᬧᬭᬩ᭄ᬓᭂᬮ᭄ᬓᭂᬮ᭄ᬬᬂᬢᬸᬫᬸᬢ᭄᭞ᬓᬭᬶᬗᬦ᭄ᬢᭀᬲ᭄ᬭᬤᬾᬦ᭄ᬧᬸᬢ᭄ᬭ᭟ᬫᬶᬚᬶᬮ᭄ᬳᬶᬤ
ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬢᭀᬦ᭄ᬫᬸᬭᬸᬩ᭄‌ᬫᬵᬲ᭄ᬫᬵᬲᬦ᭄᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤᬚᬕᭀ᭞ᬲᬼᬫ᭄ᬜᬮᬂᬜᬳᬦ᭄ᬚᬯ᭞ᬧᬗᬗ᭄ᬕᭀᬲᬫᬶᬫᬵᬲ᭄᭞ᬧᬬᬸᬂᬓᭂᬫ᭄ᬩᬃᬗᬧᬶᬢ᭄ᬫᬸᬭᬸᬩ᭄᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭟ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬫᬸᬭᬸᬩ᭄ᬳᬲ᭄ᬭᬶᬳᬦᬾᬂᬗ
ᬯᬦ᭄᭞ᬭᬲᬩ᭄ᬮᬄᬧᬚᬮᬦᬾ᭞ᬮ᭄ᬯᬶᬃᬭᬸᬩᬸᬄᬳᬶᬓᬂᬅᬓᬰ᭞ᬫᬾᬄᬧ᭄ᬭᬵᬧ᭄ᬢᬢ᭄ᬧᬶᬦ᭄ᬤᬳ᭞ᬰ᭄ᬭᬷᬓᬸᬤᬦᬶᬮᬃᬱᬮᬶᬫ᭄ᬩᬸᬃ᭞ᬓᬕ᭄ᬬᬢ᭄ᬭᬶᬂᬲ᭄ᬯᬭᬦᬶᬂᬲᬸᬭᬓ᭄᭟ᬭᬸᬫᬲᬭᬲᬳᬾᬂᬗᬢᬶ᭞ᬪᬬᬦ᭄ᬢᬓᬦᬾᬧ᭄ᬭᬵᬧ᭄ᬢ᭞ᬲᬃᬯ᭄ᬯᬶᬗ᭄ᬮᬶᬂᬕᬭᭀᬂᬕᬭᭀᬂ᭞ᬓᬕ᭄ᬬᬢ᭄ᬳᬸᬫᬸᬂ
ᬭᬶᬂᬩᬜ᭄ᬘᬶᬗᬄ᭞ᬲᬶᬓᭂᬧ᭄ᬳᬚᬚᬃᬚᬚᬃ᭞ᬲᬓ᭄ᬭᬄᬩᬮᬯᬸᬲ᭄ᬫᬲᬸᬓ᭄᭞ᬓᬩᬦ᭄ᬤᬓᬸᬤᬦᬶᬮᬃᬱ᭟ᬫᬩ᭄ᬭᬶᬕᬸᬩ᭄ᬭᬶᬕᬸᬫᬢᬮᬶ᭞ᬦᬶᬮᬶᬫ᭄ᬩᬸᬃᬗ᭄ᬮᬶᬂᬫᬕᬸᬬᬂ᭞ᬮᬯᬸᬢ᭄ᬓᬚᭂᬫᬓ᭄ᬓᬳᭀᬭᭀᬲ᭄᭞ᬩᬩᬓ᭄ᬩᭂᬮᬸᬃᬗ᭄ᬮᬶᬂᬗ᭄ᬭᬓ᭄᭞ᬢᭀᬂᬳᬤᬫᬗ᭄ᬮᬶ [ 33 ][᭓᭒ 32B]
᭓᭒
ᬗᬸᬯᬂ᭞ᬓᬳᭀᬭᭀᬲ᭄‌ᬚᬦᬶᬧᭂᬲᬸ᭞ᬓᬩᬓ᭄ᬢᬭᬯᬸᬄᬓᬲᬾᬢ᭄ᬭ᭟ᬥᬾᬯᬾᬓ᭄ᬜᬦᬾᬓᬧᬸᬢ᭄‌ᬤ᭄ᬯᬶ᭞ᬳᬶᬧᬢᬶᬄᬦᬶᬮᬃᬱᬮᬭ᭞ᬕ᭄ᬢᬶᬳᬾᬩᬍᬲ᭄ᬧᬢ᭄ᬭᬾᬩᬾᬲ᭄᭞ᬢᬸᬫᬸᬮᬶᬭᬭᬶᬲ᭄ᬓᬓᭂᬜ᭄ᬘᬂ᭞ᬕ᭄ᬮᬃᬕ᭄ᬮᬸᬃᬳᬭᬩ᭄ᬳᬭᬩ᭄᭞ᬓᬢᭂ
ᬕᬸᬮ᭄ᬭᬶᬂᬧᬸᬜᬦ᭄ᬓᭂᬧᬸᬄ᭞ᬓ᭄ᬩᬸᬲ᭄ᬩᬳᬂᬫᬗᬸᬮᬗ᭄ᬲᬃ᭟ᬧ᭄ᬢᭂᬂᬮ᭄ᬫᬄᬚ᭄ᬭᬢ᭄ᬚᭂᬭᬶᬢ᭄᭞ᬫᬢᬶᬦᬾᬜᬕ᭄ᬧᬢ᭄ᬮᬤ᭄ᬢᬤ᭄᭞ᬢ᭄ᬓᬵᬕᭀᬯᬓᬾᬫᬜᭀᬓ᭄ᬘᭀᬓ᭄᭞ᬧᭂᬗᬶᬢᬾᬗ᭄ᬩᭂᬓᬶᬦ᭄ᬢᭂᬕᬮ᭄᭞ᬢᬸᬢᬶᬂᬳᬶᬮᬶᬫ᭄ᬩᬸᬃᬲᬗ᭄ᬲᬭ᭞ᬲᬸᬓᬦᬾᬫᬦ
ᬤᬶᬍᬢᬸᬄ᭞ᬳᬓᬾᬢᭀᬲᬶᬤ᭄ᬥᬳᬸᬘᬧᬂ᭟ᬳᬶᬤᬾᬯᬕᬸᬂᬧᬸᬢ᭄ᬭᬪᬸᬧᬢᬶ᭞ᬫᬗ᭄ᬓᬶᬦ᭄ᬢᬸᬮᬓ᭄ᬓᬓᭀᬭᬶᬧᬦ᭄᭞ᬓᬮᬯᬦ᭄ᬳᬶᬧᬢᬶᬄᬓᬯᭀᬢ᭄᭞ᬓᬵᬮᬶᬄᬩᬮᬦᬾᬫᬓ᭄ᬚᬂ᭞ᬧᬫᬃᬕ᭄ᬕᬶᬦᬾᬕᬕᬗ᭄ᬲᬭᬦ᭄᭞ᬢᬦ᭄ᬓᭀᬘᬧ᭄ᬮ
ᬫ᭄ᬧᬳᬾᬦᬭᬸᬂ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬓᭀᬭᬶᬧᬦ᭄᭟ᬭᬭᬶᬲ᭄ᬫᬢᬸᬃᬭᬶᬂᬲᬂᬳᬚᬶ᭞ᬲᬵᬫ᭄ᬧᬸᬦ᭄ᬫᬤᬫᬓᬭᭀᬭᭀ᭞ᬫᬢᬶᬦᬾᬓᬮᬭᬮᬭ᭞ᬓᬳᭀᬭᭀᬲ᭄ᬭᬯᬸᬄᬓᬲᬾᬢ᭄ᬭ᭞ᬓᬓᭂᬜ᭄ᬘᬂᬫᬓᬵᬮᬶᬳᬦ᭄᭞ᬳᬶᬧᬢᬶᬄᬫᬶᬯᬄᬳᬶ

[᭓᭓ 33A]
᭓᭓
ᬮᬶᬫ᭄ᬩᬸᬃ᭞ᬧᬥᬫᬾᬄᬜᬕ᭄ᬧᬢ᭄ᬮᬤ᭄ᬢᬤ᭄᭟ᬲᬧᬭᬶᬓᬦ᭄ᬤᬓᬵᬢᬹᬃᬲᬫᬶ᭞ᬲᬂᬧ᭄ᬭᬪᬸᬳᬾᬦᬓ᭄ᬫᬶᬳᬃᬱ᭞ᬭᬭᬶᬲ᭄ᬫᬗᬦ᭄ᬤᬶᬓᬳᬮᭀᬦ᭄᭞ᬫᬸᬮᬶᬄᬓᬦᬕᬭᬤᬳ᭞ᬫᬶᬯᬄᬧᬗᬶᬭᬶᬗᬾᬲᬫ᭄ᬬᬦ᭄᭞ᬦᬸᬗ᭄ᬕᬂᬓᬸᬤᬲᬂᬧ᭄ᬭᬪᬸ᭞ᬳᬦᬸᬮᬶᬕ᭄ᬮᬶᬲ᭄ᬫᬫᬃ
ᬕ᭄ᬕ᭟ᬢᬦ᭄ᬓᭀᬘᬧᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬭᬶᬂᬚᬕᬢ᭄‌ᬦᬵᬕᬭᬤᬳ᭞ᬧᬥᬗᬸᬗ᭄ᬲᬶᬓᬥᬢ᭄ᬯᬦ᭄᭞ᬮᬾᬦ᭄ᬳᬤᬗᬶᬭᬶᬂᬓᬧᬸᬭ᭞ᬭᬯᬸᬄᬫᬭᬶᬂᬧᬸᬭᬶᬳᬕᬸᬂ᭞ᬭᬓ᭄ᬭ᭄ᬬᬦ᭄ᬧᬢᬶᬄᬦᬗ᭄ᬓᬶᬮ᭄ᬳᬶᬤ᭟ᬢᬦ᭄ᬓᭀᬘᬧ᭄ᬭᬶᬂᬤᬳᬫᬗ᭄ᬓᬶᬦ᭄᭞ᬯᬶᬦᬃᬡ᭄ᬦᬶᬧ᭄ᬭᬪᬸ
ᬚᬗ᭄ᬕᬮ᭞ᬤᬦᬤᬃᬫ᭄ᬫᬢ᭄ᬓᬾᬦ᭄ᬧᬜ᭄ᬚᬓ᭄᭞ᬕᭂᬫᬸᬄᬮᬡ᭄ᬥᬸᬄᬭᬶᬂᬓᭀᬭᬶᬧᬦ᭄᭞ᬩᬘᬓ᭄ᬩᬭᬂᬫᬸᬤᬄ᭞ᬲᬸᬓᬢ᭄ᬳᬶᬤᬫᬤᭂᬕ᭄ᬭᬢᬸ᭞ᬢᬦ᭄ᬓᬸᬭᬂᬭᬚᬩ᭄ᬭᬡ᭟ᬧᬫᬸᬧᭀᬦ᭄ᬭᬶᬂᬲᬯᬄᬩ᭄ᬘᬶᬓ᭄᭞ᬚᬕᬢ᭄ᬮᬦ᭄ᬤᬸᬄᬫᬓᬾᬘᬾᬓᬦ᭄᭞ᬢ᭄ᬯᬭ
ᬳᬤᬫᬮᬶᬂᬋᬓᭀ᭞ᬲᬸᬓᬢᬾᬤᬾᬯᬕᬸᬧᬸᬢ᭄ᬭ᭞ᬭᬶᬂᬓᭀᬭᬶᬧᬦ᭄‌ᬜ᭄ᬦᭂᬂᬧ᭄ᬭᬪᬸ᭞ᬯᬶᬓᬦ᭄ᬫᬗᬸᬮᬦᬶᬦ᭄ᬧᬜ᭄ᬚᬓ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬤᬾᬯᬕᬸᬂᬳᬮᬶᬢ᭄ᬓᭀᬘᬧ᭞ᬬᬸᬰᬦ᭄ᬳᬶᬤᬦᬾᬯ᭄ᬬ [ 34 ][᭓᭓ 33B]
᭓᭓
ᬓ᭄ᬢᬶ᭞ᬫᬬᬸᬰᬳᬤᬲᬢᭂᬫ᭄ᬯᬂ᭞ᬯᬃᬡ᭄ᬦᬦᬾᬓᬮᬶᬦ᭄ᬢᬂᬧ᭄ᬓᬶᬓ᭄᭞ᬯᬮᬸᬬᬰ᭄ᬭᬷᬦᬭᬧᬢᬶ᭞ᬲᬂᬦᬣᬯᬺᬤ᭄ᬥᬓᬮᬗ᭄ᬓᬸᬂ᭞ᬗᬾᬫᬦ᭄ᬲᬶᬭᬾᬧᬸᬢ᭄ᬭᬓ᭞ᬓᬵᬮᬶᬄᬬᬬᬄᬳᬶᬩᬸᬲᬫᬶ᭞ᬮᬶᬦ᭄ᬢᬂᬳᬲᬸᬂᬗᬭᬦ᭄‌ᬰ᭄ᬭᬷᬚᬬᬳᬦ᭄ᬢᬓ᭟ᬓᬸᬦᬂᬰ᭄ᬭᬷᬚ
ᬬᬳᬦ᭄ᬢᬓ᭞ᬓᬶᬦᭀᬦ᭄ᬭᬶᬂᬤᬳᬲᬶᬦᬶᬯᬶ᭞ᬕᬸᬫᬦ᭄ᬢᬶᬳᬸᬫᬤᭂᬕ᭄‌ᬦᬣ᭞ᬦᬾᬧᬢᬶᬄᬤᬶᬦᬢᬫᬋᬗᬶᬦ᭄᭞ᬗᬦ᭄ᬤᬶᬓᬲᬂᬧ᭄ᬭᬪᬸᬮᬶᬗ᭄ᬲᬶᬃ᭞ᬦᬄᬓ᭄ᬫᬳᬶᬧᬸᬢᬸᬩᬕᬸᬲ᭄᭞ᬢᭀᬗᭀᬲᬶᬦ᭄ᬓᬓ᭄ᬬᬂᬳᬶᬤᬾᬯ᭞ᬧᬸᬢᬸᬩᬕᬸᬲ᭄ᬫᬜᬸᬫᭂ
ᬦ᭄ᬤᬶ᭞ᬭᬤᬾᬦ᭄ᬧᬸᬢ᭄ᬭᬭᬭᬶᬲ᭄ᬫᬢᬸᬃᬲᬳᬲᭂᬫ᭄ᬩᬄ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬗᬂ᭞ᬓᬤᬶᬯᬘᬦᬦ᭄ᬓᬓ᭄ᬬᬂᬫᬗ᭄ᬓᬶᬦ᭄᭞ᬫᬶᬯᬄᬢ᭄ᬓᬾᬦ᭄ᬳᬚᬶᬩ᭄ᬬᬂ᭞ᬢᬶᬢ᭄ᬬᬂᬗᬶᬭᬶᬂᬓᬳ᭄ᬬᬸᬦ᭄ᬳᬚᬶ᭞ᬤᬾᬯᬕᬸᬂᬳᬮᬶᬢ᭄‌ᬗᬪᬓ᭄ᬢᬶ᭞ᬫᬧᬫᬶᬢ᭄ᬭᬶᬂᬲᬗᬳᬸᬮᬸᬦ᭄᭞
ᬭᬤᬾᬦ᭄ᬧᬸᬢ᭄ᬭᬯᬸᬲ᭄ᬫᬫᬃᬕ᭄ᬕᬶ᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤᬗᭂᬦ᭄ᬤᬶᬄ᭞ᬗᬗ᭄ᬕᭀᬫᬵᬲ᭄‌ᬧᬬᬸᬂᬓᭂᬫ᭄ᬩᬃᬫᬗᬧᬶᬢᬂ᭟ᬯᬢᭂᬓ᭄‌ᬬᬤᬸᬫᬗᬶᬭᬶᬗᬂ᭞ᬫᬶᬯᬄᬧᬧᬢᬶᬄᬧᬭᬫᬦ᭄ᬢ᭄ᬭᬶ᭞ᬧᬫᬃᬕ᭄ᬕᬶᬦᬾᬕᬕᬗ᭄ᬲᬭᬦ᭄᭞ᬳᬚᬳᬦ᭄ᬯᬸᬲ᭄ᬳᬶᬤᬧ᭄ᬭᬵ

[᭓᭔ 34A]
᭓᭔
ᬧ᭄ᬢᬶ᭞ᬭᬶᬂᬤᬳᬦᬕᬭᬶ᭞ᬫᬗ᭄ᬭᬭᬶᬲ᭄ᬓᬧᬸᬭᬶᬳᬕᬸᬂ᭞ᬲᬂᬧ᭄ᬭᬪᬸᬲ᭄ᬥᭂᬓ᭄ᬲᬶᬦᬾᬩ᭄᭞ᬓᬢᬗ᭄ᬓᬶᬮ᭄ᬳᬦ᭄ᬢᬸᬓ᭄ᬧᬭᬫᬦ᭄ᬢ᭄ᬭᬶ᭞ᬲᬕᬾᬢ᭄ᬭᬯᬸᬄᬤᬾᬯᬕᬸᬂᬳᬮᬶᬢ᭄ᬫᬢᬸᬃᬜᬸᬫ᭄ᬩᬄ᭟ᬲᬂᬧ᭄ᬭᬪᬸᬗᬦ᭄ᬤᬶᬓᬩᬦ᭄ᬩᬦ᭄᭞ᬫᬳᬶᬫ᭄ᬦᬾᬓ᭄‌ᬘ᭄ᬦᬶᬂᬫᬦ᭄ᬢ᭄ᬭᬶ᭞ᬤᬾᬯᬕᬸᬂᬳᬮᬶᬢ᭄ᬫᬸ
ᬗ᭄ᬕᬳᬦ᭄᭞ᬲᬋᬂᬓᬓ᭄ᬬᬗᬾᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬲᬵᬥ᭄ᬬᬓᬓ᭄ᬬᬂᬧᬸᬢᬸᬭᬯᬸᬄ᭞ᬤᬸᬄᬤᬾᬯᬚᬬᬳᬦ᭄ᬢᬓ᭞ᬤᬶᬦᬶᬳᬶᬤᬾᬯᬜᬸᬫᭂᬦ᭄ᬤᬶ᭞ᬫᬗᬶᬗᭂᬢᬂᬲᬯᭂᬗ᭄ᬓᭀᬦᬶᬂᬚᬕᬢ᭄ᬤᬳ᭟ᬧᬸᬢᬸᬩᬕᬸᬲ᭄ᬫᬗᭀ
ᬤᬕᬂ᭞ᬲᬳᬤᬦ᭄ᬜᬦᬾᬤᬶᬦᬶ᭞ᬤᬾᬯᬬᭀᬕ᭄ᬬᬗᬯᬶᬰᬾᬱ᭞ᬓᬓ᭄ᬬᬂᬲᬵᬫ᭄ᬧᬸᬦ᭄ᬜᬮᬸᬓ᭄ᬮᬶᬗ᭄ᬲᬶᬃ᭞ᬳᬓᬾᬢᭀᬓᬓ᭄ᬬᬂᬦᬸᬢᬸᬭᬶᬦ᭄᭞ᬤᬾᬯᬕᬸᬂᬳᬮᬶᬢ᭄ᬫᬳᬢᬸᬃ᭞ᬧᬸᬧᬸᬢ᭄ᬮᬾᬤᬂᬧᬓᬳ᭄ᬬᬸᬦᬦ᭄᭞ᬢᬶᬢ᭄ᬬᬂᬧᬶᬢ᭄ᬮᬲ᭄ᬫᬗᬶᬭᬶᬂ᭞ᬲ
ᬓᬾᬯᬦ᭄ᬢᭂᬦ᭄ᬳᬫ᭄ᬧᬸᬭᬬᬂᬢᬫ᭄ᬩᭂᬢ᭄ᬧᬶᬲᬦ᭄᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬓᬚᬃᬯ᭄ᬯᬓᬂ᭞ᬭᬶᬂᬯᭂᬗ᭄ᬓᭀᬦ᭄ᬤᬳᬦᬕᬭᬶ᭞ᬤᬾᬯᬕᬸᬂᬚᬬᬳᬦ᭄ᬢᬓ᭞ᬧᬘᬂᬫᬗᭂᬦ᭄ᬢᭀᬲ᭄ᬪᬸᬧᬢᬶ᭞ᬧᬸᬭᬸᬓᬶᬦ᭄‌ᬳᬸᬮᬶᬂᬘ᭄ᬭᬶᬓ᭄᭞ᬤᬓ᭄ᬭᬲ᭄ᬮᬫ᭄ᬧᬲ᭄ᬓᬾᬦ᭄‌ᬬᬤᬸ᭞ᬳᬧᬂᬤᬧᬜ᭄ᬚ [ 35 ][᭓᭔ 35B]
᭓᭔
ᬓᬾᬋᬗᬲ᭄᭞ᬘᭂᬮᬸᬢ᭄‌ᬢᬓᬸᬢ᭄ᬧᬘᬂᬦᬗ᭄ᬓᬶᬮ᭄᭞ᬤᬃᬫ᭄ᬫᬧᬢᬸᬢ᭄‌ᬢᬶᬯᬓᬂᬢ᭄ᬓᬾᬦᬶᬂᬧᬜ᭄ᬚᬓ᭄᭟ᬫᬶᬯᬄᬢ᭄ᬓᬾᬦ᭄ᬩᬧᬧᬢ᭄ᬬ᭞ᬓᬵᬮᬶᬄᬢᬦ᭄ᬤᬫᬦ᭄ᬢ᭄ᬭᬶᬲᬫᬶ᭞ᬧᬸᬢᬸᬩᬕᬸᬲ᭄ᬳᭂᬤᭂᬳᭂᬗ᭄ᬲᬧ᭄᭞ᬧᬢᬸᬢ᭄ᬜᬦ᭄ᬤᬂᬧᬶᬤᬤᬭᬶᬦ᭄᭞ᬬᬦᬶᬂᬳᬤ
ᬧᬜ᭄ᬚᬓ᭄ᬫᬶᬲ᭄ᬓᬶᬦ᭄᭞ᬢ᭄ᬓᬵᬫᬳᬶᬳ᭄ᬤᭂᬚᭂᬦ᭄ᬤᬸᬮ᭄᭞ᬳᭀᬮᬲᬶᬦ᭄ᬩᬳᬂᬗᬫᬄ᭞ᬓᬾᬢᭀᬧᬸᬢᬸᬩᬕᬸᬲ᭄ᬳᬮᬶᬢ᭄᭞ᬧᬮᬚᬳᬶᬦ᭄ᬳᬸᬮᬶᬂᬘ᭄ᬦᬶᬓ᭄ᬳᬧᬂᬧ᭄ᬭᬚ᭄ᬜᬦ᭄᭟ᬤᬾᬯᬕᬸᬂᬳᬮᬶᬢ᭄‌ᬢᬸᬃᬲᭂᬫ᭄ᬩᬄ᭞ᬤᬸᬭᬸᬲᬂᬓᬓ᭄ᬬᬂᬦᬶᬓᬳᬶᬦ᭄᭞ᬫᬗ᭄ᬤᬢᬶᬢ᭄ᬬᬂ
ᬲᬳᬸᬦᬶᬗ᭞ᬧᬶᬓᬦ᭄ᬤᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬤᭀᬦᬶᬂᬢᬶᬢ᭄ᬬᬂᬓᬭᬶᬳᬮᬶᬢ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬢᬮᬜ᭄ᬚᬸᬃ᭞ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭞ᬦᬄᬲᬸᬳᬸᬤ᭄ᬫᬮᬸᬗᭂᬜ᭄ᬘᬦᬶᬦ᭄᭞ᬲᬸᬩᬢᭂᬤᬸᬄᬚᬮᬦ᭄ᬧᬸᬢᬸᬗᬧᬸᬭᬶᬬᬂ᭟ᬢᬗ᭄ᬓᬶᬮᬦᬾᬲ
ᬫᬶᬩᬸᬤᬮ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭᬶ᭞ᬤᬾᬯᬕᬸᬂᬳᬮᬶᬢ᭄ᬗᬶᬭᬶᬗᬂ᭞ᬯ᭄ᬯᬂᬚ᭄ᬭᭀᬦᬾᬕᬯᭀᬓ᭄ᬲᬫᬶ᭞ᬭᬶᬂᬯᬃᬡ᭄ᬦᬦ᭄ᬤᬾᬯᬕᬸᬂᬳᬮᬶᬢ᭄᭞ᬯᬃᬡ᭄ᬦᬓᬤᬶᬕ᭄ᬤᬄᬳᬮᬸᬲ᭄᭞ᬗᬸᬮᬾᬮᬫ᭄ᬫᬓᬮᬗᬦ᭄᭞ᬳᬗᭀᬩ᭄ᬧᬜ᭄ᬚ᭄ᬭᬾᬯᬦᬾᬲ

[᭓᭕ 36A]
᭓᭕
ᬫᬶ᭞ᬭᬤᬾᬦ᭄ᬩᬕᬸᬲ᭄ᬫᬗᬭᬭᬶᬲ᭄ᬓᬕ᭄ᬤᭀᬂᬫᬵᬲ᭄᭟᭜᭟ᬧᬸᬧᬸᬄᬤᬂᬤᬂ᭟᭜᭟ᬢᭂᬫ᭄ᬩᬂᬤᬂᬤᬂᬳᬗ᭄ᬕᭀᬦ᭄ᬫᬜᬫ᭄ᬩᬸᬗᬶᬦ᭄᭞ᬫᭂᬗᬓ᭄ᬱᬫ᭞ᬭᬶᬂᬲᬂᬲᬸᬤᬶᬜᬶᬗᬓ᭄᭞ᬫᬯᭀᬲᬶᬦ᭄ᬮᭀᬦ᭄ᬢᬃᬧᬸᬦᬶᬓᬶ᭞ᬭᬶᬂᬳᬶᬤᬤᬦᬾᬳᬶᬧᬸᬦ᭄᭞
ᬢᬶᬢ᭄ᬬᬂᬦᬸᬦᬲ᭄ᬧᬗᬫ᭄ᬧᬸᬭᬶ᭞ᬭᬾᬄᬲᬲᬸᬭᬢᬦ᭄ᬓᬲᬃ᭞ᬤᬚᬳᬶᬮ᭄ᬩᭂᬕᬸᬕ᭄᭞ᬯᬳᬸᬧᬶᬲᬦ᭄ᬧᬧ᭄ᬮᬚᬳᬦ᭄ᬗᬤᬸᬧᭀᬗᬄ᭞ᬢ᭄ᬯᬭᬢᬓᬸᬢ᭄ᬓᬓᬤᬾᬓᬶᬦ᭄᭞ᬤᭂᬫᭂᬦ᭄ᬳᬢᬶᬦᬾᬚᬮᬦᬂ᭟ᬲᬧᬸᬦᬶᬓᬳᬢᬸᬃᬢᬶᬢ᭄ᬬᬂᬭᬶᬂᬢᬸᬮᬶᬲ᭄ᬧᬜᬫ᭄ᬩ᭄ᬭᬫ᭞
ᬳᬫ᭄ᬧᬸᬭᬬᬂᬧᬶᬲᬦ᭄᭞ᬲᬶᬭᬚᬜ᭄ᬮᬂᬧᬸᬦᬶᬓᬶ᭞ᬲᬲᬸᬭᬢᬦ᭄ᬮᬶᬦ᭄ᬢᬂᬩᬦ᭄ᬤᬸᬂ᭞ᬭᬶᬭᬶᬕᬦ᭄ᬫᬜᬶᬭᬂᬲᬫᬶ᭞ᬳᬓᬾᬄᬧᬤᭂᬫ᭄ᬭᬶᬚᬮᬦ᭄᭞ᬓᬸᬭᬂᬍᬩᬶᬄᬭᬢᬸ᭞ᬬᬾᬦ᭄ᬭᬗ᭄ᬓᬸᬂᬦᬯᭂᬕᬂᬓᬸᬢᬂᬬᬾᬦ᭄ᬓᬶᬭᬗᬦ᭄᭞ᬢᬸᬢᬸᬃᬳᬗ᭄ᬕᭀᬦ᭄ᬫᬜᬫ᭄ᬩᬸᬗᬶᬦ᭄᭞
ᬳᬧᬂᬤᬲᬢ᭄ᬯᬦᬾᬧ᭄ᬕᬢ᭄᭟ᬲᬓᬾᬯᬦ᭄ᬢᭂᬦ᭄ᬢᬫ᭄ᬧᬓ᭄ᬧᬗᬸᬢᬶᬓ᭄᭞ᬩᬸᬭᬶᬘᭂᬓᭂᬦ᭄᭞ᬓᬭᬸᬦ᭄‌ᬬᬾᬦ᭄ᬲᬯᬗᬂ᭞ᬢᬦ᭄ᬧᬓ᭄ᬭᬸᬦᬢᬸᬦᬲᬫᬶ᭞ᬦᬶᬓᬳᬢᬸᬃᬢᬶᬢ᭄ᬬᬂᬭᬢᬸ᭞ᬤᬾᬦᬶᬂᬩᬗᭂᬢ᭄ᬫᬦᬳᬾᬧᬮᬶᬂ᭞ᬧᬮᬶᬂᬫᬜᭂᬫᬓ᭄ᬳᭂᬦ᭄ᬢᬮ᭄ [ 36 ][᭓᭕ 35B]
᭓᭕
᭞ᬧᬗ᭄ᬓᬄᬫᬦᬄᬦᬸᬭᬸᬦ᭄᭞ᬮᭀᬦ᭄ᬢᬃᬘᬶᬮᬶᬦᬬᬓᭀᬘᬧ᭄ᬓᬳᬸᬗ᭄ᬕ᭄ᬯᬂ᭞ᬳᬫ᭄ᬧᬸᬭᬢᬶᬢ᭄ᬬᬂᬳᬫᬶᬲ᭄ᬓᬶᬦ᭄᭞ᬢᬸᬃᬤᬤᬶᬳᬸᬘᬧᬦ᭄ᬚᬕᬢ᭄᭟᭜᭟ᬧᬸᬧᬸᬢ᭄ᬲᬶᬦᬸᬭᬢ᭄‌‌ᬢᬶᬦ᭄ᬫᬸᬦᬶᬂᬤᬶᬦᬵ᭞ᬰ᭞ᬧ᭄ᬯ᭞ᬯᬭᬧᬳᬶᬂ᭞ᬢᬶᬢᬶ᭞ᬧᬗ᭄ᬮᭀᬂ᭞ᬧᬶᬂ᭞᭕᭞
ᬰᬰᬶᬄᬓᬯᬸᬮᬸ᭞ᬭᬄ᭞᭕᭞ᬇᬰᬓ᭞᭑᭙᭑᭓᭟᭜᭟ᬓᬲᬸᬭᬢ᭄ᬳᭀᬮᬶᬄ᭞ᬳᬶᬕᬸᬲ᭄ᬢᬶᬦ᭄ᬗᬄᬧᬸᬢᬸ᭞ᬲᬓᬶᬂᬧᬤᬂᬓᬺᬢ᭄ᬢ᭞ᬓᬮᬸᬭᬳᬦ᭄‌‌‌‌ᬧᬤᬂᬓᬺᬢ᭄ᬢ᭞ᬓᬘᬫᬢᬦ᭄‌‌ᬓᬭᬂᬳᬲᭂᬫ᭄᭟ᬳᬫ᭄ᬮᬧᬸᬭᬵ᭚

[᭓᭖ 36A]
᭓᭖

᭞ᬳᬦᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬸᬦ᭄ᬢᬓᬃᬣᬍ᭞ᬫᬫᬩᬸᬮ᭄ᬭᬳᬤᬾᬦ᭄‌‌ᬓ᭄ᬫᬳᬢᬸᬭᬂᬢ᭄ᬓᬾᬦᬶᬂᬳᬶᬤᬲᬂᬦᬵᬣ᭞ [ 37 ]Page:Bali-lontar-gaguritan-liku-300ppi.pdf/37