Ban/Gaguritan Linjur

Deskripsi

Bahasa Indonesia

Gaguritan Linjur menceritakan mengenai kehidupan I Linjur yang merupakan seorang yatim piatu. Keluarga Linjur malah memperlakukan I Linjur dengan tidak baik, sampai ada seseorang yang bernama Nanang Sepengos membantu I Linjur.

Naskah

[ 1 ][PERPUSTAKAAN
KTR. DOKBUD BALI
PROP. BALI
G/X/4/DOKBUD
Judul : GAGURITAN LINJUR
Panj. 35 cm. Jl. 59 lb.
Asal : Griya Muncan, Selat, Karangasem.] [ 2 ][ ᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬫᬰᬶᬥ᭄ᬬᬃ᭛᭐᭛ᬧᬸᬄᬕᬶᬦᬤ᭄ᬥᬵ᭚᭐᭚ᬳᬳ᭄ᬫ᭄ᬧᬸᬭᬬᬂᬭᬢᬸᬢᬶᬢ᭄ᬬᬂ᭞ᬕ᭄ᬫᬳᬩᭂᬢ᭄ᬭᬶᬭᬶᬄ᭞ᬫᬦᬸᬮᬶᬲ᭄ᬫᬗᬯᬾᬕᬶᬢ᭄ᬣ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬢᬍᬤ᭄ᬳᬢᬹᬃ᭞ᬢ᭄ᬯ
ᬭᬵᬓᬃᬯᬦ᭄ᬳᭂᬩᬸᬦ᭄ᬜᬵ᭞ᬢᬸᬦᬍᬯᬶᬄ᭞ᬰᬲ᭄ᬢ᭄ᬭᬢᬸᬗᬸᬤ᭄ᬥᬵᬢᬸᬦᬧᬲᬂ᭚᭐᭚ᬧᬸᬦᬶᬓᬢᬶᬢ᭄ᬬᬂᬤᬯᭂᬕᬂ᭞ᬭᬶᬂᬳᬶᬤᬵᬲᬂᬫᬫᬯᭀᬲᬶᬦ᭄᭞ᬓᭂᬦᬶᬲ᭄ᬯᬾᬘ᭄ᬮᬮᬗ᭄ᬮᬦ᭄ᬢᬸᬭᬂ᭞ᬫᬜᬫ᭄ᬩᬸᬗᬶᬦ᭄ᬢᬶᬢ᭄ᬬᬂᬩᬸᬤᬸᬄ᭞ᬳᬸ
ᬩᬸᬄᬮᬘᬸᬃᬧᬤᬶᬤ᭄ᬬᬦ᭄᭞ᬮᬸᬤᬶᬦ᭄ᬫᭂᬗ᭄ᬓᬶᬦ᭄᭞ᬜᬫᬩ᭄ᬭᬬᬵᬢ᭄ᬯᬭᬍᬕᭂ᭚᭐ᬜᬦ᭄ᬤᬂᬩᬜᬢ᭄ᬯᬭᬍᬕᭂ᭞ᬩᬳᬦ᭄ᬢᬶᬯᬲᬾᬢᬦ᭄ᬤᬶᬧᬶ᭞ᬳᬦᬓ᭄ᬚᬦᬶᬫᬸᬮᬵᬓᬾᬬᭀ᭞ᬤᬶᬗ᭄ᬮᬳᬾᬓᬤᬸ
ᬜ᭄ᬚᬂ᭞ᬗᬓᬸᬫᬫᬶ᭞ᬦ᭄ᬤᬵᬦ᭄ᬫᬫᬶᬲᬦ᭄᭞ᬬᬾᬦ᭄ᬢᭂᬓᬳᬶᬦ᭄᭞ᬧ᭄ᬭᬕᬢ᭄ᬕᬳᬾᬬᬶᬮᬂᬮᬫ᭄ᬧᬄ᭚᭐ᬳᭂᬦ᭄ᬢᭀᬦᬾᬚᬦᬶᬓᬯᬭᬵ᭞ᬮᬮᬕᬸᬦ᭄ᬳᬦᬓᬾᬲᬸᬕᬶᬄ᭞ᬮ᭄ᬬᬸᬦᬦᬾᬫᬓ᭄ᬦᭂᬄᬓᬾᬢᭀ

[ ᭒ 2A]
᭒
᭞ᬤᬶᬗ᭄ᬮᬄᬕᬳᬾᬦᬾᬚᬸᬜ᭄ᬚᬸᬂ᭞ᬫᬗᬓᬸᬳᬶᬦ᭄ᬫᬩ᭄ᬭᬬᬵ᭞ᬳᬸᬮᬶᬫ᭄ᬯᬦᬶ᭞ᬳᬶᬬᬳ᭄ᬦᬸᬬᬵᬫᬫᬶᬲᬦ᭄᭚᭐ᬤᬾᬦᬶᬂᬤᬶᬦᬶᬢ᭄ᬯᬭᬳᬤ᭞ᬢᬸᬫ᭄ᬩᬸᬄᬳᬦᬓ᭄᭞ᬘ᭄ᬭᬶᬓ᭄ᬫᬸᬯᬦᬶ᭞ᬢ᭄ᬯᬭᬵᬩᬦᬶᬫᬳᬶ
ᬋᬓᭀ᭞ᬘᬳᬶᬫᬗᭀᬤᬕᬂᬕᬸᬭᬸ᭞ᬓᬾᬢᭀᬩᬳᬦ᭄ᬜ᭞ᬜᬸᬂᬜ᭄ᬚᬗᬂ᭞ᬩᬦᬾᬲᬸᬕᬶᬄ᭞ᬳᬧᬂᬳᬾᬗ᭄ᬕᬮ᭄ᬫᬢᬸᬦ᭄ᬤᬾᬦᬦ᭄᭚᭐ᬳᬧᬓᬾᬳᬸᬮ᭄ᬬᬦ᭄ᬢᬶᬯᬲ᭄᭞ᬜᬼᬕᭂᬓᬂᬫᬸᬜᬶᬫᬦᬶ
ᬲ᭄᭞ᬓᬤᬾᬦ᭄ᬲᬚᬵᬩᬸᬓᬓᬾᬢᭀ᭞ᬤᬶᬫᬭᬦᬾᬧᬘᬂᬧᬸᬧᬸᬢ᭄᭞ᬲᬶᬂᬲ᭄ᬥᭂᬂᬧᬘᬂᬓᭂᬦ᭄ᬤᭂᬮᬂ᭞ᬳᬦᬓ᭄ᬱᬸᬕᬶᬄ᭞ᬢ᭄ᬯᬭᬵᬓᬸᬭᬂᬧ᭄ᬥᬕᬶᬗᬦ᭄᭚᭐ᬧᬗ᭄ᬭᬱᬦ᭄ᬳᬦᬓᬾᬗ᭄ᬮᬄ᭞ᬤᬶᬲᬸᬳᬸ
ᬤ᭄ᬕᬳᬾᬦᬾᬚᬦᬶ᭞ᬧᭂᬲᬸᬧᬶᬢᬸᬗᬦᬾᬮᬦ᭄ᬢᬂ᭞ᬬᬦ᭄ᬳᭂᬦ᭄ᬢᭀᬢᬸᬕᬸᬓᬚᬸᬜ᭄ᬚᬸᬂ᭞ᬕ᭄ᬮᬲᬾᬢ᭄ᬯᬄᬩᬸᬤ᭄ᬬᬜ᭞ᬬᬤ᭄ᬬᬧᬶᬦ᭄ᬜᬶᬮᬶᬄ᭞ᬩᬸᬯᬶᬦ᭄ᬧᬶᬤᬦ᭄ᬮᬓᬃᬩᬓᬢ᭄᭚᭐ᬬᬤ᭄ᬬᬦ᭄ᬕᬳᬾᬦᬾ [ 3 ][ ᭒ 2B]
᭒
ᬚᭂᬫᬓᬵ᭞ᬲᬸᬩᬩᬳᬂᬗᬶᬤᬶᬄᬦᬲᬶ᭞ᬚᬦᬶᬲᬸᬳᬸᬤᬂᬳᬫᭀᬦ᭄ᬢᭀ᭞ᬗᬸᬮᬦᬶᬦ᭄᭞ᬚᬼᬫᬮᬘᬸᬃ᭞ᬳᬯᬓᬾᬧᬬᬸᬓᬤ᭄ᬯᬵᬗ᭞ᬦᬲᬶᬤᬶᬗᬶᬦ᭄᭞ᬢ᭄ᬯᬭᬵᬗ᭄ᬮᬄᬧᬲᭂᬫ᭄ᬗᬦ᭄᭟
ᬚᬦᬶᬕᬯᬾᬦᬂᬤᬮᬶᬳᬦ᭄᭞ᬫᬗ᭄ᬤᬾᬦ᭄ᬜᬦᬾᬲᬸᬳᬸᬤ᭄ᬫᬳᬶ᭞ᬳᬧᬗᬵᬫᬲᬶᬄᬚᬗ᭄ᬓᬬᬦ᭄᭞ᬳᬶᬬᬫᬳᬶᬫᬸᬳᬸᬓ᭄ᬫᬸᬳᬸᬓ᭄᭞ᬢ᭄ᬯᬄᬳᬫᭀᬦ᭄ᬢᭀᬘ᭄ᬭᬶᬢᬬᬂ᭞ᬮᬫᬸᬦ᭄ᬲᬸᬕᬶᬄ᭞ᬦᬾ
ᬦᬾᬲᬸᬕᬶᬄᬳᬗ᭄ᬕᭀᬦ᭄ᬜᬫᬵ᭚᭐᭚ᬓᬾᬢᭀᬚᬦᬶᬘᬭᬶᬢᬬᬂ᭞ᬧᬧᬶᬦᭂᬄᬳᬦᬓᬾᬓᬲᬸᬕᬶᬄᬫ᭄‌ᬳᬸᬮᬦᬶᬜ᭄ᬚᬦᬶᬩᬦ᭄ᬮᬫ᭄ᬧᬄ᭞ᬮᬫ᭄ᬧᬳᬾᬳᬫ᭄ᬧᭂᬢᬂᬳᬯᬸᬲ᭄᭞ᬲᬗ᭄ᬓᬦ᭄ᬢᬶᬢ᭄ᬬᬂᬫ
ᬢᬶᬍᬲᬂ᭞ᬳᬯᬓ᭄ᬫᭂᬲ᭄ᬓᬶᬦ᭄᭞ᬳ᭄ᬜᬾᬦ᭄ᬲᬸᬤ᭄ᬥᬶᬢ᭄ᬓᬾᬦ᭄ᬧᬵᬧ᭟᭐ᬫᬲᬶᬄᬚ᭄ᬯᬵᬳᬦᬓᬾᬓᬲᬤ᭄ᬬᬵ᭞ᬳᬾᬗ᭄ᬕᬮ᭄ᬫᬗ᭄ᬕᬶᬳᬶᬦ᭄ᬓᬾᬃᬣᬶ᭞ᬳᬧᬦ᭄ᬢᬸᬮᬶᬲ᭄ᬜᬦᬾᬫ᭄ᬮᬄ᭞ᬚᬦᬶᬲᬓᬵᬮᬦᬾᬧᬸ

[ ᭓ 3A]
᭓
ᬧᬸ᭞ᬳᬧᬦ᭄ᬩᬶᬱᬫᬗᬤᭀᬯᬂ᭞ᬳᬧᬂᬧᬶᬗᬶᬤ᭄᭞ᬗᬯᬾᬳᬸᬲᬶᬧᬦᬾᬫ᭄ᬮᬄ᭟᭐ᬫᬭᬵᬳᬫᭀᬦ᭄ᬢᭀᬳᬶᬢᬸᬗᬂ᭞ᬫᬦᬄᬢᬶᬢ᭄ᬬᬗᬾᬧᬤᬶᬤᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬭᬲᬬᬂ᭞ᬚ
ᬦᬶᬳᬶᬗᭂᬢ᭄᭞ᬢ᭄ᬓᬾᬦ᭄ᬮᬘᬸᬃ᭞ᬳᭂᬜᬾᬦ᭄᭞ᬚᬵᬳᬦᬓᬾᬳᭀᬮᬲ᭄᭞ᬳᬦᬓ᭄ᬚᬦᬶ᭞ᬮ᭄ᬬᬸᬦᬦ᭄ᬗᬓᬸᬦᬶᬱ᭟᭐ᬚᬦᬶᬳᬶᬗᭂᬢ᭄‌ᬢ᭄ᬓᬾᬦ᭄ᬳᬯᬓ᭄᭞ᬢᬳᬸᬢ᭄ᬓᬾᬦ᭄ᬧᬤᬶᬤᬶᬳᬶᬦ᭄᭞ᬲ
ᬭ᭄ᬯᬂᬫᬗᬫ᭄ᬩᬶᬮᭀᬦ᭄ᬢᬂ᭞ᬗᬯᬶᬫᬗᬶᬓᭂᬢᬂᬢᬸᬢᬹᬃ᭞ᬳᬗ᭄ᬕᭂᬦ᭄ᬧᬜᬮᬶᬫᬹᬃᬫᬦᬄ᭞ᬫᬗᬶᬢᬸᬗᬶᬦ᭄᭞ᬤᬶᬦᬵᬫᬗᬯᬶᬢᬶᬦ᭄ᬜᬸᬭᬢ᭄᭟᭐ᬭᬤᬢᬾᬯᬕᬾᬳᬸᬘᬧᬂ᭞ᬯᬭᬉᬬᬾ
ᬫᬦᭂᬫᭀᬦᬶᬦ᭄᭞ᬰᬰᬶᬄᬓᬧᬢ᭄ᬫᬗ᭄ᬕᬸᬳᬂ᭞ᬭᬄᬦᭂᬫ᭄ᬢᭂᬗ᭄ᬕᭂᬓ᭄ᬧᬶᬢᬸ᭞ᬧᬗ᭄ᬮᭀᬂᬕᬵᬦᬾᬧᬶᬂᬮᬶᬫ᭞ᬫᬦᭂᬫᭀᬦᬶᬦ᭄᭞ᬇᬰᬓᬦ᭄ᬜᬦᬾᬳᬶᬢᬸᬗᬂ᭟᭐ᬲ᭄ᬬᬸᬤᭀᬫᬲ᭄ᬧᬶᬢᬸᬂᬤ [ 4 ][ ᭓ 3B]
᭓
ᬰᬵ᭞ᬦᬗ᭄ᬕᬸᬦᭂᬫ᭄ᬦᭂᬫ᭄ᬫᬦᭂᬫᭀᬦᬶᬦ᭄‌ᬤᬶᬢᬸᬢᬶᬢ᭄ᬬᬂᬫᬳᬦ᭄ᬲᬼ᭞ᬦᬸᬮᬶᬲ᭄ᬫᬦᭂᬫ᭄ᬩᬂᬢᬸᬢᬹᬃᬢᬶᬢ᭄ᬬᬂᬦᬸᬦᬲ᭄ᬧᬗᬫ᭄ᬧᬸᬭ᭞ᬢᬸᬦᬵᬮ᭄ᬯᬶᬄ᭞ᬰᬵᬲ᭄ᬢ᭄ᬭᬗᬸᬤ᭄ᬥᬢᬸᬦᬧᬲᬂ᭟᭐ᬰᬦᬶᬰ᭄ᬘ
ᬭᬯᬕᬾᬓᭀᬘᬧ᭄᭞ᬳᬸᬓᬸᬦ᭄ᬜᬦᬾᬚᬸᬮᬸᬂᬯᬗᬶ᭞ᬧᬗ᭄ᬮᭀᬂᬜᬦᬾᬧᬶᬂᬫᭀᬮᬲ᭄᭞ᬭᬄᬤ᭄ᬯᬵᬯᬃᬱᬢᬶᬢ᭄ᬬᬂ᭞ᬢᭂᬗ᭄ᬕᭂᬓ᭄ᬮᬶᬫᬵᬫ᭄ᬯᬂᬇᬰᬓ᭞ᬲ᭄ᬬᬩᬗ᭄ᬲᬶᬢ᭄᭞ᬦᬗ᭄ᬕᬸᬲᬾᬓᬵᬳᬾᬢ᭄ᬤᬤ᭄ᬯᬢᭂᬫ᭄ᬯᬂ
᭟᭐ᬫᬦᬸᬚᬸᬰᬰᬶᬄᬓᬮᬶᬫᬵ᭞ᬤᬶᬢᬸᬢᬶᬢ᭄ᬬᬂᬗᬯᬾᬕᬸᬭᬶᬢ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬸᬧ᭄ᬢᬸᬧᬂ᭞ᬢᬸᬢᬹᬭᬦ᭄ᬲᬢ᭄ᬯᬵ᭞ᬧᭀᬮᬶᬄᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬳᬦᬓ᭄ᬦᬸᬮᬶᬲ᭄᭞ᬲᬗ᭄ᬓᬵ
ᬦ᭄ᬢᬶᬢ᭄ᬬᬂᬫᬜᬭᬢᬂ᭟᭐ᬚᬦᬶᬳᬗ᭄ᬕᭀᬗᬕᭂᬡ᭄ᬥᬶᬗᬦ᭄᭞ᬦᬾᬓᬳᬯᬶᬯᭀᬂᬓ᭄ᬱ᭄ᬬᬲᬶᬄ᭞ᬫ᭄ᬯᬦᬶᬳᬸᬩᬸᬄᬧᬤᬶᬤ᭄ᬬᬦ᭄᭞ᬫᬳᬤᬦ᭄ᬳᬶᬯᬬᬦ᭄ᬮᬶᬜ᭄ᬚᬸᬃ᭞ᬓᬢᬶᬗ᭄ᬕᬮᬦ᭄ᬫᬾ

[ ᭔ 4A]
᭔
ᬫᬾᬩᬧᬵ᭞ᬳᬸᬮᬶᬘ᭄ᬭᬶᬓ᭄᭞ᬢ᭄ᬯᬭᬵᬦᬯᬂᬧᬚᬕᬢᬦ᭄᭟᭐ᬳᬢᬹᬢ᭄ᬮᬘᬸᬭᬾᬓᬮᬶᬦ᭄ᬢᬂ᭞ᬫᬲᭂᬮ᭄ᬲᭂᬦ᭄ᬲᬳᬶᬲᬳᬶ᭞ᬩᬳᬦ᭄ᬮᬘᬸᬭᬾᬓᬮᬶᬯᬢ᭄‌᭞ᬫᬸᬗᬶᬦ᭄ᬜᬦᬾᬧᬢᬶᬚ᭄ᬮᬫᬹᬢ᭄᭞ᬳᬶ
ᬫᬾᬫᬾᬢ᭄ᬓᬾᬦ᭄ᬳᬶᬩᬧ᭞ᬳᬦ᭄ᬧᬓᬾᬃᬣᬶ᭞ᬲᭀᬓ᭄ᬫᬩᬳᬦ᭄ᬗᬯᬾᬢᬶᬢ᭄ᬬᬂ᭟᭐ᬢ᭄ᬯᬭᬵᬧ᭄ᬕᬢ᭄ᬧ᭄ᬢᭂᬂᬍᬫᬄ᭞ᬫᬲᭂᬮ᭄ᬲᭂᬮᬦ᭄ᬲᬳᬶᬲᬳᬶ᭞ᬓᬮᬹᬤᬶᬚᬸᬫᬄᬢ᭄ᬯᬭᬵᬳᬤ᭞ᬫᬓᬲᬗᬸᬦ᭄ᬢᬶ
ᬢ᭄ᬬᬂᬳᬸᬩᬸᬄ᭞ᬳᭂᬜᬾᬦ᭄᭞ᬚᬵᬳᬦᬓᬾᬕᭀᬮᬲ᭄᭞ᬩ᭄ᬭᬬᬵᬲᬫᬶ᭞ᬢ᭄ᬯᬭᬵᬩᬦᬶᬫᬜᬶᬜ᭄ᬚᬶᬦᬂ᭞ᬮ᭄ᬬᬸᬗ᭄ᬮᬄᬫᬶᬦ᭄ᬤᭀᬦ᭄ᬫᬶᬲᬦ᭄᭞ᬢ᭄ᬯᬭᬵᬲᬸᬤ᭄ᬥᬶᬦᬗᬤᬶᬭᬶ᭞ᬓᬮᬶᬄᬭᬭᬵᬫ
ᬤᬶᬜᬫᬵ᭞ᬧᬥᬤᬦᬾᬗ᭄ᬮᬾᬦ᭄ᬳᬗ᭄ᬓᬸᬄ᭞ᬫᬗ᭄ᬤᬵᬓᬾᬳᬦᬓ᭄ᬮᬾᬦᬦ᭄᭞ᬫᬗᭀᬮᬲᬶᬦ᭄᭞ᬢᬶᬢ᭄ᬬᬂᬮᬘᬸᬃᬳᬸᬩᬸᬄᬢᬶᬯᬲ᭄᭟᭐ᬓᭂᬢᭀᬫᬸᬜᬶᬦ᭄ᬦᬾᬜᬫ᭄ᬩᬢᬂ᭞ᬤᬶᬳᬲ [ 5 ][ ᭔ 4B]
᭔
ᬭᬦ᭄‌ᬕ᭄ᬮᬮᬂᬕ᭄ᬮᬶᬮᬶᬂ᭞ᬓᬫ᭄ᬩᭂᬦ᭄᭞ᬯ᭄ᬯᬾᬓ᭄ᬧᬢ᭄ᬮᬤ᭄ᬦᬤ᭄᭞ᬳᬗᬸᬲ᭄‌ᬲᬳᬶᬫᬳᬸᬦᬸᬦ᭄᭞ᬓᬫ᭄ᬩᭂᬦᬾᬯᬦ᭄ᬢᬄᬳᬩᬶᬤᬂ᭞ᬤ᭄ᬓᬶᬮ᭄ᬘᬸᬯᬶᬮ᭄᭞ᬢ᭄ᬯᬭᬵᬤᬓᬭᬸᬯᬦ᭄ᬕᬾᬩᬦᬵ᭟᭐ᬩᬦ᭄ᬢ᭄ᬯᬭᬵᬗ᭄ᬮᬄ
ᬕᬕᬶᬡᬦ᭄᭞ᬢ᭄ᬯᬭᬵ ᬫᬫᬢᬸᬳᬶᬗᬸᬫᬶ᭞ᬲᬶᬂᬓ᭄ᬦᭂᬳᬂᬢ᭄ᬯᬭᬢᬯᬂᬫ᭄‌ᬲᬗ᭄ᬓᬵᬦ᭄ᬮᬘᬸᬭᬾᬫᬦ᭄ᬤᬸᬲ᭄᭞ᬓ᭄ᬦᭂᬳᬾᬫᬩᬸᬤ᭄ᬥᬶᬧ᭄ᬭᬕᬢ᭄᭞ᬧᬶᬲᬦ᭄ᬫᬵᬢᬶ᭞ᬲᬸᬳᬸᬤ᭄ᬫᬦᬤᬶᬲᬗ᭄ᬲᬵᬭ᭟᭐ᬧᬶᬦᭂᬄ
ᬲᬸᬩᬵᬢᬢᬲᬼᬫᬄ᭞ᬫᬲᬶᬄᬳ᭄ᬦᬸᬫᬦ᭄ᬤᬸᬲᬶᬦ᭄᭞ᬲᬗ᭄ᬓᬦ᭄‌ᬢ᭄ᬯᬭᬵᬜᬓ᭄ᬓ᭄ᬬᬧ᭄᭞ᬓᭂᬦᭂᬄᬜᬦᬾᬲᬸᬳᬸᬂᬲᬸᬳᬸᬂ᭞ᬓᬧᭂᬕᬢᬦ᭄ᬧᬜ᭄ᬘᬫᬺᬢ᭞ᬲᬳᬶᬲᬳᬶ᭞ᬧ᭄ᬭᬕᬢ᭄ᬳᬦ᭄ᬢᬸᬓ᭄ᬚᬸ
ᬓᬸᬢ᭄ᬤᭀᬕᬾᬦᬦ᭄᭟᭐ᬚᬦᬶᬫᬓᭂᬦᭂᬄᬗᬗᬶᬦᬂ᭞ᬢᬜ᭄ᬘᬭᬶᬢᬤᬶᬫᬃᬕ᭄ᬕᬶ᭞ᬳᬤᬩᬸᬯᬶᬜ᭄ᬘᬭᬶᬢᬬᬂ᭞ᬧᬺᬦᬄᬢᬸᬫᬶᬦ᭄ᬜᬦᬾᬢᬸᬳᬸ᭞ᬫᬯᬸᬗ᭄ᬓᬸᬲᬦ᭄ᬕ᭄ᬥᬾᬓᭀᬫᬂ᭞ᬯᬃᬬ᭄ᬬᬲᬸ

[ ᭕ 5A]
᭕
ᬕᬶᬄ᭞ᬢ᭄ᬯᬭᬵᬓᬸᬭᬂᬧᬤᬕᬶᬗᬦ᭄᭟᭐ᬓᬬᬸᬦ᭄ᬥᬦᬾᬧᬧᬢᬸᬢᬦ᭄‌ᬫ᭄‌ᬤ᭄ᬫᭂᬦ᭄ᬢᭂᬓᬾᬜ᭄ᬘ᭄ᬭᬶᬓ᭄ᬘ᭄ᬭᬶᬓ᭄᭞ᬳᬤᬧ᭄ᬬᬦᬓ᭄ᬜᬦᬾᬤᬤ᭄ᬯᬵ᭞ᬦᬗ᭄ᬳᬶᬂᬧᬥᬳ᭄ᬮᬸᬄᬳ᭄ᬮᬸᬄ᭞ᬦᬾᬘ᭄ᬭᬶᬓᬦ᭄ᬳᬤᬦ᭄ᬜᬵ᭞ᬓ᭄ᬢᬸᬢ᭄ᬓᬯᬶ᭞
ᬦᬾᬧᬮᬶᬂᬜᭀᬫᬦ᭄ᬫᬳᬤᬦ᭄᭟᭐ᬦᬾᬜᭀᬫᬦ᭄ᬦᬶᬮᬬᬂᬲ᭄ᬦᭂᬂ᭞ᬧᬥᬲᬬᬂᬫᬓᬓᬮᬶᬄ᭞ᬲᬫ᭄ᬧᬸᬦ᭄ᬢᬸᬢᬸᬕ᭄ᬲᬫᬶᬤᭂᬳᬵ᭞ᬫᬦᬶᬲ᭄ᬓ᭄ᬫᬶᬓᬦᬾᬳᬮᬸᬲ᭄᭞ᬲᬶᬂᬳᬗᭂᬢᬂᬲᬸᬩᬫ᭄ᬮᬄ᭞ᬢᬸᬮ᭄ᬬᬭ
ᬢᬶᬄ᭞ᬫᬜᬼᬳᬶᬦ᭄ᬲᬓᬶᬂᬲ᭄ᬯᬃᬕ᭄ᬕᬦ᭄᭟᭐ᬫᬓᬤᬤ᭄ᬯᬵᬢ᭄ᬯᬭᬵᬘᬾᬤ᭞ᬤᬸᬧᬦᬾᬫᬦᬸᬤᬸᬢ᭄ᬳᬢᬶ᭞ᬲᬗ᭄ᬓᬵᬦ᭄ᬳᬦᬓ᭄ᬧᬥᬕᬯᭀᬓ᭄᭞ᬘ᭄ᬭᬶᬓ᭄ᬮᬶᬄᬧᬥᬩᬸᬤᬸᬄ᭞ᬧᬗ᭄ᬕ᭄ᬮᬸᬭᬦᬾᬩᬚᬂᬩᬚᬂ᭞ᬳ᭄ᬮᬸᬄᬫ᭄ᬯᬦᬶ
᭞ᬢ᭄ᬯᬭᬵᬧ᭄ᬕᬢ᭄ᬧ᭄ᬢᭂᬂᬍᬫᬄ᭟᭐ᬳᭂᬦ᭄ᬢᭀᬦᬾᬩ᭄ᬯᬶᬦ᭄ᬳᬸᬘᬧᬂ᭞ᬢ᭄ᬯᬸᬦᬦᬾᬦᬾᬫᬩᬸᬤ᭄ᬥᬶ᭞ᬫᬗ᭄ᬭᬯᭀᬲ᭄ᬲᬮᬶᬂᬧ᭄ᬮᬶᬯᬢ᭄᭞ᬳᬤᬬᬵᬫᬦᬕᬶᬄᬗᭂᬚᬸᬓ᭄᭞ᬫᬲᬯᬸᬢ᭄ᬦᬾᬩᬚᬗᬦ᭄‌᭞ᬳᬶᬘᬂᬗᬶᬤᬶᬄ [ 6 ][ ᭕ 5B]
᭕
ᬫᬋᬧ᭄‌ᬢ᭄ᬓᬾᬦ᭄ᬭᬭᬵᬫᬦ᭄ᬜᬵ᭟᭐ᬤᬶᬢᬸᬳᬶᬘᬂᬫᬜᭂᬦ᭄ᬢᬦᬵ᭞ᬤᬤᬶᬫᬦ᭄ᬢᬸᬦ᭄ᬳᬦᬓ᭄ᬱᬸᬕᬶᬳ᭄᭞ᬫᬗᭀᬤᬕᬂᬘᬭᬶᬔᬩ᭄ᬬᬦ᭄᭞ᬳᬤᬮᬾᬦ᭄ᬩ᭄ᬯᬶᬦ᭄ᬫᬲᬯᬸᬢ᭄᭞ᬮᬫᬸᬦ᭄ᬳᬶᬘᬂᬳᭂᬜᬓᬶᬦᬵ
᭞ᬫᬲᬲᬗᬶ᭞ᬗᬸᬧᬢᬂᬳᬶᬕᭂᬮᬶᬕᭂᬮᬦ᭄᭟᭐ᬓᬾᬢᭀᬫᬸᬜᬶᬦ᭄ᬜᬦᬾᬳᬾᬤᬦ᭄‌᭞ᬗ᭄ᬢᬯᭀᬲᬮᬶᬂᬧ᭄ᬮᬗ᭄ᬓᬸᬗᬶᬦ᭄᭞ᬢᬦ᭄ᬮᬾᬦ᭄ᬯᬦ᭄ᬢᬄᬳᬶᬜᭀᬫᬦ᭄ᬘᭀᬩ᭄ᬮᬂ᭞ᬩᬦᬾᬲᬳᬶᬤᬶᬢᬸᬗ
ᬗ᭄ᬕᬸᬂ᭞ᬬᬾᬦ᭄ᬢᬸᬯᬄᬬᬫᬜᬤ᭄ᬬᬬᬂ᭞ᬓ᭄ᬢᬸᬢ᭄ᬓᬯᬶ᭞ᬳᬶᬘᬂᬲᬳᬸᬤ᭄ᬤᬤᬶᬚᬼᬫᬵ᭟᭐ᬚ᭄ᬜ᭄ᬕᬄᬳᬶᬘᬗᬾᬓᬮᬶᬯᬢ᭄᭞ᬳᬤᬮᬾᬦ᭄ᬩ᭄ᬯᬶᬦ᭄ᬜᬯᬸᬢᬶᬦ᭄᭞ᬢᭀᬓᬸᬤ᭄ᬬᬂᬢ᭄ᬯᬭᬵᬬᬫᬳᬦ᭄᭞ᬢ᭄ᬯᬄ
ᬬᬓᬲᬸᬤ᭄ᬥᬶᬤᬶᬢᬸ᭞ᬓᬚ᭄ᬯᬂᬜ᭄ᬚᬸᬂᬓᬳᬸᬫᬦᬸᬫᬦ᭄᭞ᬧᬥᬲᬸᬕᬶᬄ᭞ᬅᬧᬩ᭄ᬯᬶᬦ᭄ᬓᬾᬯᭂᬳᬗᬵ᭟᭐ᬩᬶᬦᬵᬘᬳᬶᬢ᭄ᬓᬾᬦ᭄ᬳᬶᬘᬂᬤᬾᬤᬶᬚᬓ᭄ᬫᬮᬶᬦ᭄ᬢᬂᬫᬶᬲ᭄ᬓᬶᬦ᭄᭞ᬫᬗᬦ᭄ᬤᭂᬮᬂᬳᬚᬶᬮᬫ᭄ᬧᬄ᭞ᬤᬶ

[ ᭖ 6A]
᭖
ᬢᬸᬬᬸᬳᬾᬢ᭄ᬯᬓᬾᬚᬸᬜ᭄ᬚᬸᬂ᭞ᬗᬓᬸᬳᬶᬦ᭄ᬮᬓᬃᬫᬦ᭄ᬢᬸᬦ᭄᭞ᬓᬢ᭄ᬓᬦᬶᬦ᭄᭞ᬲᬸᬩᬧ᭄ᬭᬕᬢ᭄ᬗ᭄ᬮᬾᬦ᭄ᬢᬶᬗ᭄ᬓᬄ᭟᭐ᬓᬾᬢᭀᬘᬳᬶᬲᬗ᭄ᬓᬦ᭄ᬳᬶᬘᬂ᭞ᬓᬧᬄᬲᬜ᭄ᬚᬦᬶᬫᬮᬮᬶ᭞ᬬᬦ᭄ᬢᬸᬲᬶᬂᬩᭂᬲ᭄ᬦᬸ
ᬚᬸᬗᬸᬢ᭄᭞ᬳᬤᬚᬦᬶᬮᬾᬦ᭄ᬫᬲᬯᬸᬢ᭄᭞ᬜᬦᬦ᭄ᬚᬵᬳᬶᬦ᭄ᬤᬬᬂᬓᭂᬫᬵ᭞ᬬᬳᬗ᭄ᬕᬸᬭᬶᬦ᭄᭞ᬲᬜ᭄ᬚᬦ᭄ᬜᬵᬳᬚᬓ᭄ᬫᬓᭂᬚᬂ᭟᭐ᬢᬦ᭄ᬓᬾᬘᬧᬦ᭄ᬩᬚᬂᬩᬚᬂ᭞ᬳᬸᬘᬧᬂᬳᬶᬓ᭄ᬢᬸᬢ᭄ᬓᬯᬶ᭞
ᬲᬤ᭄ᬬᬵᬚᬸᬫᬄᬓᬬᬂᬢᬸᬯᬵ᭞ᬓᬮᬶᬄᬬᬳᬶᬮᬬᬂᬲᬦ᭄ᬢᬸᬦ᭄᭞ᬕᬶᬡᬵᬦ᭄ᬢᬦᬓᬩᬚᬂ᭞ᬦᬸᬦᬸᬦ᭄ᬗᬦ᭄ᬢᬶᬄ᭞ᬳᬗ᭄ᬕᭀᬗᬳᬾᬧ᭄ᬢᭂᬂᬍᬫᬄ᭚᭐ᬲᬫ᭄ᬧᬸᬦ᭄ᬲᬜ᭄ᬚᬲᬸᬭᬸᬧ᭄ᬲᬹᬃᬬ᭄ᬬ᭞
ᬳᬦᬓᬾᬢ᭄ᬓᬵᬗᬗ᭄ᬮᬸᬭᬶᬦ᭄᭞ᬳ᭄ᬮᬸᬄᬫ᭄ᬯᬦᬶᬩᬚᬂᬩᬚᬂ᭞ᬳᬩ᭄ᬭᬶᬬᬸᬓᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬳᬶᬲᬳᬶᬧ᭄ᬢᭂᬂᬍᬫᬄ᭞ᬫᬗᬸᬜᬳᬶᬦ᭄᭞ᬳᬤᬬᬵᬫᬓᬓ᭄ᬤᬾᬓᬦ᭄᭟᭐ᬮᬾᬦ᭄ᬳᬢᬬᬵ [ 7 ][ ᭖ 6B]
᭖
ᬫᬧᬵᬧᬘᬬᬦ᭄᭞ᬫᬩᬅᬱᬦ᭄ᬫᬓᬓᬯᬶᬦ᭄᭞ᬳᬤᬬᬵᬫᬭᬭᬢᭂᬲᬦ᭄᭞ᬦᬶᬜᭀᬫᬦ᭄ᬲᬯᬶᬦᬶᬓ᭄ᬢᬸᬢ᭄᭞ᬳᬾᬧᭀᬢ᭄ᬗᬯᬾᬲᬲᬗᬦᬦ᭄᭞ᬢᬶᬫ᭄ᬧᬮ᭄ᬓᭀᬧᬶ᭞ᬧᬸ
ᬧᬸᬢ᭄ᬓᬲᬾᬮᬵᬫᬮᬩ᭄ᬮᬩ᭄᭟᭐ᬫᬶᬯᬄᬭᭀᬓᭀᬚᬫ᭄ᬩᬾᬲ᭄ᬥᬄ᭞ᬲᭂᬲᭂᬩᬦ᭄ᬲᬫᬯᬶᬲ᭄᭞ᬓᬦᬓ᭄ᬢᬯᬭᬶᬲ᭄ᬧᭂᬲ᭄ᬯᬦ᭄᭞ᬳᬶᬗ᭄ᬕᬶᬄᬕᬸᬭᬸᬭᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬕ᭄ᬥᬾ
ᬓᭀᬫᬂᬳᬗᬸᬘᬧ᭄᭞ᬳᬩᬵᬫᬳᬶ᭞ᬤᬶᬦᬶᬧᬳᭂᬢᬂᬫᬓᭂᬚᬂ᭟᭐ᬳᬶᬕ᭄ᬖᬾᬓᭀᬫᬂᬳᬗᬸᬘᬧ᭄᭞ᬳᭂᬦᬾᬘᬳᬶᬲᬋᬂᬲᬫᬶ᭞ᬫᬤᬾᬓ᭄ᬢᬸᬢ᭄᭞ᬯᬬᬦ᭄ᬜᭀᬫᬦ᭄᭞ᬚᬮᬦ᭄
ᬫ᭄ᬭᬾᬭᬾᬦ᭄ᬬᬫᬮᬸ᭞ᬫᬤᬳᬃᬲᬾᬮᬵᬫᬮᬩ᭄ᬮᬩ᭄᭞ᬢᬶᬫ᭄ᬧᬮ᭄ᬓᭀᬧᬶ᭞ᬦᬗ᭄ᬕᬶᬂᬓᬗ᭄ᬕ᭄ᬯᬂᬓᬾᬯᭀᬤ᭄ᬯᬂ᭟᭐ᬢᬜ᭄ᬘᬭᬶᬢᬦᬾᬫᬤᬳᬃ᭞ᬳᬤᬭᭀᬓᭀᬳᬤᬓᭀᬧᬶ᭞ᬳ

[ ᭗ 7A]
᭗
ᬤᬤ᭄ᬫᭂᬦ᭄᭞ᬢ᭄ᬓᬾᬦ᭄ᬓᬲᬾᬮᬵ᭞ᬳᬩ᭄ᬭᬶᬬᬸᬓᬦ᭄ᬲᬫ᭄ᬧᬸᬜ᭄ᬘᬧ᭄ᬮᬲ᭄᭞ᬮ᭄ᬬᬸᬢ᭄ᬯᬭᬵᬳᬤᬫᬳᬦ᭄᭞ᬫᬶᬯᬄᬓᭀᬧᬶ᭞ᬓᬸᬢᬶᬂᬯᬤᬄᬦᬾᬫᬢᬮᬂ᭟᭐ᬳᬶᬕ᭄ᬥᬾᬓᭀᬫᬂᬳᬗᬸᬘᬧ᭄᭞ᬳᭂ
ᬦᬾᬘᬳᬶᬲᬋᬂᬲᬋᬂᬲᬫᬶ᭞ᬦᬾᬓᬾᬫᬦᬶᬧᬲᭂᬫ᭄ᬗᬦ᭄᭞ᬩᬧᬵᬢ᭄ᬯᬄᬗᬶᬤᬶᬄᬢᬸᬮᬸᬂ᭟ᬳᬧᬂᬤᬶᬤ᭄ᬥᬲᬳᬶᬢ᭄ᬓᬵ᭞ᬲᬋᬂᬲᬫᬶ᭞ᬳᬧᬂᬘᬳᬶᬢᬸᬮᬸᬲᬼᬕᭂ᭟᭐ᬩᬧᬵᬗᭀᬭᭀᬦᬶᬦ᭄ᬦᭂᬜᭀ
ᬫᬦ᭄᭞ᬲᬋᬂᬦᬾᬓ᭄ᬢᬸᬢ᭄ᬓᬯᬶ᭞ᬦᬗ᭄ᬳᬶᬂᬩᬧᬵᬲᬓᬾᬯᬮᬵ᭞ᬫ᭄ᬭᬕᬢᬂᬲ᭄ᬬᬧ᭄ᬳᬢᬸᬓᬸᬤ᭄᭞ᬢ᭄ᬓᬾᬦ᭄ᬓᬸᬘᬶᬢ᭄ᬳᬚᬶᬧᬢ᭄ᬧᬢ᭄᭞ᬕ᭄ᬦᭂᬧ᭄ᬳᬦ᭄ᬥᬶᬂ᭞ᬳᬧᬂᬘᬳᬶᬫᬲᬶᬄᬦᬯᬂ᭟᭐ᬢ᭄ᬭᬸᬡᬦᬾ
ᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬫᬩ᭄ᬭᬶᬬᬸᬓᬦ᭄ᬲᬫᬶᬗᬶᬭᬶᬂ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬜ᭄ᬚᬂᬭᬯᭀᬲ᭄᭞ᬓᬤᬶᬧᬗᭂᬦ᭄ᬤᬶᬓᬗᬸᬭᬹ᭞ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬧᬘᬂᬢᬸᬮᬓ᭄᭞ᬓᬤᬶᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄‌ᬯ᭄ᬗᬶᬢᬶ [ 8 ][ ᭗ 7B]
᭗
ᬢ᭄ᬬᬂᬩᬸᬤᬮ᭄᭟᭐ᬲᬫᬶᬫᬦ᭄ᬢᬸᬓ᭄‌ᬲ᭄ᬯᬂᬲ᭄ᬯᬂ᭞ᬳᬾᬜ᭄ᬚᬂᬧᬲᭂᬫ᭄ᬗᬦ᭄ᬭᬭᬶᬲ᭄᭞ᬳᬸᬦ᭄ᬤᬂᬳᬸᬦ᭄ᬤᬗᬦᬾᬢ᭄ᬓᬵ᭞ᬳᬤᬫ᭄ᬯᬦᬶᬳᬤᬳ᭄ᬮᬸᬄ᭞ᬳᬓᬾᬄᬯᬾᬦ᭄ᬢᭂᬦ᭄ᬧ᭄ᬢᬂᬤᬰᬵ᭞ᬘ᭄ᬭᬶᬓ᭄ᬮᬶᬄ᭞ᬫᬲᬶᬄᬫᬗ
ᬯᬾᬚᭂᬦᬸᬓᬦ᭄᭟᭐ᬳᬶᬕ᭄ᬥᬾᬓᭀᬫᬂᬓᬧᬼᬕᬦ᭄᭞ᬦᬶᬗ᭄ᬳᬮᬶᬦ᭄ᬢᬫ᭄ᬬᬸᬦᬾᬫᬗ᭄ᬓᬶᬦ᭄᭞ᬢ᭄ᬯᬭᬵᬳᬤᬧᬲᭂᬮᬶᬬᬦ᭄᭞ᬓᬩᬸᬗ᭄ᬓᭂᬧ᭄ᬧᬥᬭᬯᬸᬄ᭞ᬳᬾᬤᬍᬫ᭄ᬫᬳᬶᬫᬢᬮᬂ᭞ᬫᬜᭂ
ᬦᬶᬓᬶᬦ᭄᭞ᬧᬥᬬᬗᬩᬵᬩᬳᬲ᭄᭟᭐ᬭᬭᬶᬲ᭄ᬥᬦᬾᬫᬓᬯᬸᬓᬦ᭄᭞ᬧᬩ᭄ᬬᬦᭂᬜᬳᬶᬳᬶᬲᬶᬦᬶᬦ᭄᭞ᬦᬶᬓ᭄ᬢᬸᬢ᭄ᬲᬋᬂᬦᬶᬜᭀᬫᬦ᭄᭞ᬦᬶᬫ᭄ᬩᬮ᭄ᬲᬧᬦ᭄ᬤᬶᬓᬵᬗᬸᬭᬹ᭞ᬲᬫ᭄ᬧᬸᬦ᭄ᬧᬸ
ᬧᬸᬢ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬲᬫᬶᬫᬶᬲᬶ᭞ᬳᬗ᭄ᬖᭂᬓᭀᬫᬂᬫᬜᬧᬵ᭟᭐ᬦᭂᬲᬳᬶᬳᬚᬓ᭄ᬫᬓᭂᬚᬂ᭞ᬲᬫ᭄ᬩᬶᬮᬂᬫ᭄ᬥᬳᬃᬲᬶᬭᬶᬄ᭞ᬲᬯᬸᬃᬫᬦᬸᬓ᭄ᬬᬫᬓᭂᬚᬂ᭞ᬳᬶᬗ᭄ᬕᬶᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬕᬸᬭᬹ᭞ᬮ

[ ᭘ 8A]
᭘
ᬯᬶᬢ᭄ᬧᬥᬫᬦᬩ᭄ᬤᬩᬂ᭞ᬗᭀᬭᭀᬓ᭄ᬓᬸᬘᬶᬢ᭄᭞ᬮᬾᬦ᭄ᬳᬤᬗᬕᬶᬩᬲᬵ᭟᭐ᬳᬾᬗ᭄ᬕ᭞ᬮ᭄ᬤᬾᬦᬶᬂᬭᬋᬘᬳᬦ᭄᭞ᬳᭀᬮᬳᭀᬮᬳᬦᬾᬲᬫᬶ᭞ᬧᭂᬧᭂᬓ᭄ᬓᬾᬯᬮᬵᬫᬕᭀᬩᬵ
ᬫᬧᬧᬜᭀᬦ᭄ᬳᬾᬩᬢ᭄ᬧᬢᬸᬂ᭞ᬫᬲᬲᬢᬾᬢᬸᬫ᭄ᬩᬓ᭄ᬢᬶᬕᬵ᭞ᬮᬯᬸᬄᬕᬸᬮᬶᬂ᭞ᬦᬧᬓ᭄ᬱᬫᬶᬯᬸᬲ᭄ᬫᬘᬘᬭ᭄᭟᭐ᬳᬶᬮᬶᬜ᭄ᬚᬸᬃᬲᬕᭂᬢᬦ᭄‌ᬢ᭄ᬓᬵ᭞ᬳ᭄ᬦᬸᬤᬶᬯᬗᬦ᭄‌ᬬᬫᬦᭂᬗᬶᬮ᭄᭞ᬓ
ᬭᬶᬫᬓᭂᬦᭂᬄᬓᭂᬦᭂᬳᬦ᭄᭞ᬫᬦᬓ᭄ᬩᬸᬤ᭄ᬬᬂᬢᬸᬮ᭄ᬬᬸ᭞ᬳᭀᬯᬘᭂᬭᬸᬗᬸᬂᬬᬚᬸᬫᬳᬦ᭄‌ᬲ᭄ᬥᭂᬂᬧᬲ᭄ᬢᬶ᭞ᬳᬦᬓ᭄ᬫᬭᬵᬗ᭄ᬮᬶᬗ᭄ᬮᬶᬬᬂ᭟᭐ᬳᬤᬬᬫᬜ᭄ᬫᬓ᭄ᬢᬧᬦ᭄᭞ᬫᬗᬬᬳᬶᬦ᭄ᬜᭂᬫᬓ᭄
ᬘᬦ᭄ᬢᬶᬂ᭞ᬳ᭄ᬮᬸᬄᬫ᭄ᬯᬦᬶᬧᬓᬭᬾᬫᭀᬲ᭄᭞ᬳᬶᬯᬬᬦ᭄ᬮᬶᬜ᭄ᬚᬸᬃᬫᬗ᭄ᬮᬯᬸᬢ᭄᭞ᬫᬗᭀᬚᭀᬕ᭄ᬮ᭄ᬯᬸᬢ᭄ᬫᬸᬮ᭄ᬬᬦ᭄᭞ᬤᬾᬦᬶᬂᬓᬭᬶ᭞ᬳᬶᬗᭂᬢ᭄ᬢ᭄ᬓᬾᬦᬶᬂᬫᬫᬶᬲᬦ᭄᭟᭐ᬫᬭᬬᬵᬢ᭄ᬓᭂᬤ᭄‌ᬚᬸ [ 9 ][ ᭘ 8B]
᭘
ᬫᬳᬦ᭄᭞ᬳᬦᬓᬾᬧᬥᬗ᭄ᬭᬶᬫᬶᬓ᭄᭞ᬗᭀᬭᬳᬂᬳᬦᬓ᭄ᬗᬕᬾᬡ᭄ᬥᭀᬂ᭞ᬳᬤᬫᬗᭂᬦ᭄ᬢᬸᬗᬶᬦ᭄ᬩᬮᬸᬂ᭞ᬜᬕ᭄ᬚᬕ᭄ᬓᬸᬮᬸᬓᬾᬫᬕᭀᬗ᭄ᬕᬂ᭞ᬦᬾᬦᬾᬚᬳᬶᬮ᭄᭞ᬳᬤᬦᬕ᭄ᬮᬗᬶ
ᬜ᭄ᬘᬭᬶᬓᬦ᭄᭟᭐ᬫᬫᬸᬜᬶᬬᬘᬵᬭᬧᬸᬜᬄ᭞ᬜᬾᬦ᭄ᬗ᭄ᬮᬄᬓᬸᬮᬸᬓᬾᬫᬳᬶ᭞ᬓᬸᬮᬸᬓ᭄ᬩᭂᬗᬶᬮ᭄᭞ᬩ᭄ᬯᬶᬦ᭄ᬩᭂᬭᬕ᭄᭞ᬳᬸᬮᬳᬶᬦ᭄‌ᬚᭀᬳᬂᬫᬮᬸ᭞ᬜᬦᬦ᭄ᬳᭂᬦ᭄ᬢᭀᬩᬳᬂᬘᬭᬶᬓᬦ᭄
᭞ᬧᬂᬫᬕᭂᬤᬶ᭞ᬫ᭄ᬳᬶᬤ᭄ᬥᬤᬶᬦᬶᬬᬫᬦᬦ᭄ᬤᬮ᭄᭟᭐ᬦᬶᬓ᭄ᬢᬸᬢ᭄ᬓᬯᬶᬬᬫᬕᬾᬩ᭄ᬭᬲ᭄᭞ᬫᬫᬸᬜᬶᬬᬗᬗ᭄ᬕᬃᬮᬶᬤᬶ᭞ᬓᭂᬫᬤᬶᬯᬗᬦ᭄ᬫᬦᭀᬗᭀᬲ᭄᭞ᬳᬶᬮᬶᬜ᭄ᬚᬸᬃᬫᬓᬶᬍᬲ᭄ᬧᭂᬲᬸ᭞ᬓᬸᬮᬳᬶᬦ᭄ᬳᬚᬓ᭄ᬫᬓᭂ
ᬚᬂᬦᬾᬦᬾᬚᬳᬶᬮ᭄᭞ᬳᬳ᭄ᬥᬸᬧᬦ᭄ᬥᬸᬧ᭄᭞ᬳ᭄ᬮᬓ᭄ᬮᬓ᭄᭟᭐ᬳᬶᬮᬶᬜ᭄ᬚᬸᬃᬫᬮᬶᬧᭂᬢᬦ᭄᭞ᬫᬚᬮᬦ᭄ᬲᬫ᭄ᬩᬶᬮᬂᬗ᭄ᬮᬶᬂ᭞ᬳᬶᬗᭂᬢ᭄ᬓᬾᬦ᭄ᬳᬯᬓ᭄ᬮᬬᬄ᭞ᬬᬾᬄᬫᬢᬦᬾᬦᬺᬩᭂᬲ᭄ᬧᭂᬲᬸ᭞ᬳᬸ

[ ᭙ 9A]
᭙
ᬲᬧᬂᬢᭀᬂᬤᬤᬶᬳᬶᬮᬂ᭞ᬳᬫ᭄ᬩᬸᬮ᭄ᬫᬢᬶ᭞ᬢᬶᬢ᭄ᬬᬂᬚᬦᬶᬦᬦ᭄ᬤᬂᬚᭂᬗᬄ᭟᭐ᬫᬚᬮᬦ᭄‌ᬬᬚᬦᬶᬳᬾᬗ᭄ᬕᬮ᭄᭞ᬳᬤᬓᬾᬮ᭄ᬬᬸᬫᬩᬮᬶᬄ᭞ᬦᬾᬦᬾᬩᬚᬗ᭄ᬫᬢᬓᭀᬦ᭄᭞ᬩ᭄ᬮᬶᬳᬸ
ᬮᬶᬤᬶᬚᬵᬩᬳᬸ᭞ᬫᬶᬭᬶᬩ᭄ᬮᬶᬓᬲᭂᬩᭂᬢᬦ᭄᭞ᬲᬗ᭄ᬓᬦᬗᬶᬲ᭄᭞ᬩᬸᬓᬳᬤᬫᬜᭂᬗ᭄ᬓᬮ᭄᭟᭐ᬳᬶᬮᬶᬜ᭄ᬚᬸᬃᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬢ᭄ᬯᬄᬲᬚᬓᬾᬢᭀᬘᬳᬶ᭞ᬩ᭄ᬮᬶᬢ᭄ᬓᬵᬳᬸᬮᬶᬓᬗᬶᬦᬦ᭄
᭞ᬭᬯᭀᬲᬂᬤᬦᬾᬩᬦ᭄ᬳᬶᬕᬸᬭᬹ᭞ᬩᬦᬾᬢ᭄ᬯᬭᬵᬢᬳᬾᬦ᭄ᬓᭂᬫᬵ᭞ᬫᬦ᭄ᬮᭀᬓᬶᬦ᭄᭞ᬦ᭄ᬢᭀᬓ᭄ᬭᬡᬳᬶᬕᬸᬭᬹᬤ᭄ᬤᬓᬵ᭟᭐ᬓᬾᬢᭀᬩᬦ᭄ᬜᬦᬸᬢᬸᬭᬂ᭞ᬳᬧᬂᬲᬭᬸᬩᬦᬵᬦᬫ᭄ᬧᬶ᭞ᬦᬾᬫᬢᬓᬾ
ᬓᬵᬦ᭄᭞ᬬᬫᬚᬮᬦ᭞ᬳᬶᬯᬬᬦ᭄ᬮᬶᬜ᭄ᬚᬸᬃᬫᬗ᭄ᬮᬯᬸᬢ᭄᭞ᬩᬳᬸᬫᬭᬳ᭄ᬓᭂᬦ᭄ᬤᬸᬫᬄ᭞ᬲᬸᬩᬮᬶᬗ᭄ᬲᬶᬃ᭞ᬭᬭᬶᬲ᭄ᬗᭀᬚᭀᬕ᭄ᬧᬲᬭᬾᬬᬦ᭄᭟᭐ᬳᭂᬗ᭄ᬲᭂᬓ᭄᭞ᬩ᭄ᬗᭀᬂᬤᬶᬧᭂᬤᭂᬫᬦ᭄᭞ᬩᭂᬦ᭄᭞ᬚ᭄ᬗᬳᬾ [ 10 ][ ᭙ 9B]
᭙
ᬢᬶᬤᭀᬂᬕᬶᬕᬶᬲ᭄᭞ᬳᬶᬩᬸᬓ᭄ᬫᬜᭂᬮ᭄ᬲᭂᬮᬂᬳᬯᬓ᭄᭞ᬧᬤᬶᬤᬶᬢᬸᬭᬶᬂᬳᬸᬩᬸᬄ᭞ᬜᬫᬩ᭄ᬭᬬᬵᬢ᭄ᬯᬭᬓᭀᬤᬕ᭄᭞ᬢᬶᬢ᭄ᬬᬂᬫᬶᬲ᭄ᬓᬶᬦ᭄᭞ᬮᬘᬸᬃᬓᭂᬚᬂᬓᭂᬚᬂ᭟᭐ᬢ᭄ᬯᬭᬵᬧ᭄ᬕᬢ᭄ᬧ᭄ᬢᭂᬂᬍᬫᬄ᭞
ᬜᭂᬮ᭄ᬲᭂᬮ᭄ᬳᬯᬓ᭄ᬱᬳᬶᬲᬳᬶ᭞ᬲᬧᬵᬚᬓᭀᬦᬾᬫᬓᬤᬵ᭞ᬲᬗ᭄ᬓᬦ᭄ᬦ᭄ᬭᬓᬦᬾᬫᬦ᭄ᬤᬸᬲ᭄᭞ᬦᬾᬦᬸᬫᬶᬢᬶᬲ᭄ᬢᬦ᭄ᬧᬩ᭄ᬭᬢᬵ᭞ᬲᬗ᭄ᬓᬦ᭄ᬤᬤᬶ᭞ᬢᬶᬯᬲ᭄ᬦᬶᬱ᭄ᬝᬵ᭞ᬢᬦ᭄ᬧᬕᬸᬡᬵ᭟᭐ᬬᬾ
ᬦ᭄ᬓᬾᬦ᭄ᬓᬾᬦ᭄ᬓᬧᭀᬩᬦ᭄ᬜᬵ᭞ᬳᬶᬩᬧᬳᬶᬫᬾᬫᬾᬭᬶᬳᬶᬦ᭄᭞ᬫᬗᬃᬤ᭄ᬥᬶᬫᬗᬯᬾᬳᬶᬢ᭄ᬬᬂ᭞ᬢᬶᬢ᭄ᬬᬂᬫᬗ᭄ᬓᬶᬦᬾᬫᬦᭂᬫ᭄ᬫᬸ᭞ᬓᬾᬢᭀᬫᬸᬜᬶᬦᬾᬜᭂᬮ᭄ᬲᭂᬮᬂ᭞ᬧᬤᬶᬤᬶᬳᬶᬦ᭞ᬤᬶᬧ
ᬤᭂᬫᬦ᭄ᬫᬫᬸᬮᬶᬲᬄ᭟᭐ᬳᬸᬬᬂᬬᬫᬧᬸᬮᬶᬲᬳᬦ᭄᭞ᬓ᭄ᬦᭂᬄᬜᬦᬾᬍᬩ᭄ᬬᬦ᭄ᬫᬢᬶ᭟᭐ᬓᬮᬸᬤ᭄ᬢ᭄ᬯᬭᬵᬓᭂᬦᬫᬺᬢ᭞ᬲᬗ᭄ᬓᬦ᭄ᬓᭂᬦᭂᬄᬜᬦᬾᬲᬸᬳᬸᬂ᭞ᬳᬸᬮᬶᬳᬶᬩᬶᬢ᭄ᬯᬭᬵᬗᬫᬄ᭞ᬓᭂ

[ ᭑᭐ 10A]
᭑᭐
ᬘᬸᬤ᭄ᬓᬸᬦᬶᬂ᭞ᬓᬤᬶᬲᬢ᭄ᬬᬢᬦ᭄ᬧᬚᬶᬯ᭄ᬯᬵ᭟᭐ᬧᬶᬦᭂᬄᬲᬸᬩᬢ᭄ᬗᬄᬯᭂᬗ᭄ᬬ᭞ᬳᬶᬮᬶᬜ᭄ᬚᬸᬃᬬᬗᭂᬦ᭄ᬥᬸᬲᬶᬦ᭄᭞ᬫᬦᬳᬦᬂᬩᬲᬂᬮᬬᬄ᭞ᬓ᭄ᬦᭂᬄᬓᬫ᭄ᬩᬂᬫᬗ᭄ᬮᬬᬸᬂ᭞ᬬᬾᬄᬫᬢᬦᬾᬢ᭄ᬯᬭᬵᬧ᭄ᬕᬢ᭄
ᬤᬺᬱ᭄ᬫᬶᬚᬶᬮ᭄᭞ᬢᭀᬂᬤᬶᬩᬦ᭄ᬜᬭᬸᬯᬂ᭟᭐ᬓᬤᬸᬓᬸᬭᬶᬦ᭄ᬓᭂᬦᭂᬄᬚ᭄ᬜ᭄ᬕᬄ᭞ᬓᬳᬦ᭄ᬤᬾᬬᬂᬘᬶᬘᬶᬂᬕᬸᬤᬶᬕ᭄᭞ᬩᬲ᭄ᬢ᭄ᬯᬭᬵᬫᬢᭀᬮᬶᬳᬦ᭄᭞ᬢ᭄ᬓᬾᬦᬶᬂᬫᬶᬲᬦ᭄ᬮᬘᬸᬭ᭄᭞ᬓᬾᬢᭀᬳᬶᬮᬶᬜ᭄ᬚᬸᬃᬫ᭄ᬩ
ᬢ᭄᭟ᬲᬫ᭄ᬩᬶᬮ᭄‌ᬗ᭄ᬮᬶᬂ᭞ᬤᬶᬧᭂᬤ᭄ᬫᬦ᭄ᬧᬤᬶᬤ᭄ᬬᬦ᭄‌᭟᭐ᬚᬦᬶᬲᬸᬩᬵᬢᬢᬲᬼᬫᬄ᭞ᬳᬶᬮᬶᬜ᭄ᬚᬸᬃᬲᬸᬳᬸᬤ᭄ᬫᬗ᭄ᬮᬶᬂ᭞ᬮᬯᬸᬢ᭄ᬩᬗᬸᬦ᭄ᬬᬫᬦ᭄ᬕᬓ᭄᭞ᬓ᭄ᬦᭂᬄᬜᬦᬾᬲᬸᬳᬸᬳᬸᬂᬲᬸᬳᬸᬂ᭞ᬫ᭄ᬯᬲᬢᭀᬂᬤᬤᬶ
ᬫᬚᬮᬦ᭄᭞ᬗ᭄ᬮᬯᬦᬶᬦ᭄᭞ᬫᬧᬦ᭄ᬳᬶᬗᭂᬢ᭄ᬢ᭄ᬓᬾᬦ᭄ᬭᬭᬵᬫ᭟᭐ᬧᬺᬦᬄᬭᬭᬵᬫᬤᬶᬜᬫ᭞ᬫᬳᬸᬫᬄᬤᬶᬩᬜ᭄ᬚᬃᬲᬭᬷ᭞ᬫᬳᬤᬦ᭄ᬦᬦᬂᬲᭂᬫ᭄ᬧᬾᬗᭀᬢ᭄᭞ᬦᬗ᭄ᬕᬶᬂᬚᬦᬶᬲᬸᬩᬵᬩ [ 11 ][ ᭑᭐ 10B]
᭑᭐
ᬮᬸ᭞kᬳᬢᬶᬗ᭄ᬕᬮᬦ᭄ᬧ᭄ᬬᬦᬓ᭄ᬱᭀᬫᬄ᭞ᬲᬸᬩᬫᬢᬶ᭞ᬚᬦᬶᬩᬮᬸᬧᬤᬶᬤ᭄ᬬᬦ᭄᭟᭐ᬚᬦᬶᬫᬗᬾᬲ᭄ᬢ᭄ᬬᬂᬭᬵᬕ᭞ᬲᬮ᭄ᬯᬶᬭᬶᬂᬰᬲ᭄ᬢ᭄ᬭᬦᬾᬧᬶᬗᬶᬢ᭄᭞ᬲᬫᬶᬢ᭄ᬮᬲ᭄ᬓᬲᬸᬲᬸᬧᬂ᭞ᬲᬗ᭄ᬓᬦ᭄ᬯ᭄ᬬ
ᬡᬦᬾᬳᬳᬸ᭞ᬧᬥᬫᬗᬓᬸᬓᬢᬺᬱ᭄ᬡᬦ᭄᭞ᬫ᭄ᬮᬚᬳᬶᬦ᭄᭞ᬳᬶᬦ᭄ᬥᬶᬓ᭄ᬢᬢ᭄ᬯᬵᬅᬤᬶᬕᬫᬵ᭄᭐ᬳᬤᬫ᭄ᬮᬓᬄᬫᬫᬘᬵ᭞ᬫᬲᬢ᭄ᬯᬵᬢᬹᬃᬓᬓᬯᬶᬦ᭄᭞ᬫᬕᬸᬭᬸᬮᬕᬸᬩᬩᬱ
ᬦ᭄᭞ᬤᬶᬫᬮ᭄ᬫᬶᬯᬄᬤᬶᬓᬶᬤᬸᬂ᭞ᬧ᭄ᬢᭂᬂᬍᬫᬄᬢ᭄ᬯᬭᬵᬧ᭄ᬕᬢ᭄᭞ᬲᬳᬶᬲᬳᬶ᭞ᬧᬗ᭄ᬕᬸᬭᬦᬾᬩᬚᬂᬩᬚᬂ᭟᭐ᬳᬶᬮᬶᬜ᭄ᬚᬸᬃᬫᬓ᭄ᬦᭂᬄᬓ᭄ᬫᬵ᭞ᬮᬯᬸᬢ᭄ᬫᬚᬮᬦᬾᬚᬦᬶ᭞ᬢᬜ᭄ᬘᬭᬶᬢᬤᬶᬚᬮᬦ᭄
᭞ᬲᬸᬩᬢ᭄ᬓᭂᬤ᭄᭞ᬚᬦᬶᬤᬶᬢᬸ᭞ᬲ᭄ᬥᭂᬓ᭄ᬦᬂᬲᭂᬫ᭄ᬧᬾᬗᭀᬢ᭄ᬬᬚᬸᬫᬄ᭞ᬕᭂᬦ᭄ᬤᬂᬕᭂᬦ᭄ᬤᬶᬂᬧᬗ᭄ᬕᬸᬭᬦᬾᬢᭀᬦ᭄ᬤᬾᬦ᭄ᬢᭂᬓᬵ᭟᭐ᬳᬶᬮᬶᬜ᭄ᬚᬸᬃᬬᬲᬕᭂᬢ᭄ᬢ᭄‌ᬢ᭄ᬓᬵ᭞ᬦᬂᬲᭂᬫ᭄ᬧᬾᬗᭀᬢ᭄ᬫᬦᭀ

[ ᭑᭑ 11A]
᭑᭑
ᬮᬶᬄ᭞ᬫᬜᬧᬵᬫᬸᬜᬶᬦᬾᬳᬮᭀᬦ᭄᭞ᬤᬾᬯᬦ᭄ᬩᬧᬵᬦᬾᬭᬯᬸᬄ᭞ᬫᬭᬵᬢᭀᬬᬘᬳᬶᬗᭂᬦᬄ᭞ᬚᬮᬦ᭄ᬫᬸᬤᬶ᭞ᬓᬧᬳᭀᬦ᭄ᬫᬮᬸᬫᬤᬳᬃ᭟᭐ᬦᬾᬳᬶᬩᬶᬩᬧᬵᬫᬗ᭄ᬮᬯᬃ᭞
ᬫᬳᬦ᭄ᬫᬧᬢᬸᬂᬩᬾᬲᬫ᭄ᬧᬶ᭞ᬳᬤᬳᬚᬶᬢᬶᬕᬂᬩᭂᬦᬂ᭞ᬘᬳᬶᬢ᭄ᬯᬭᬵᬳᬤᬭᬯᬸᬄ᭞ᬓᬦ᭄ᬢᬶᬳᬶᬢᬸᬦᬶᬲᭂᬫᭂᬗᬦ᭄᭞ᬳᬢᬶᬳᬢᬶ᭞ᬩᬧᬵᬘᬳᬶᬢ᭄ᬯᬭᬵᬢ᭄ᬓᬵ᭟᭐ᬚᬦᬶᬓ
ᬗ᭄ᬚ᭄ᬯᬂᬓᬾᬢᭀᬤ᭄ᬯᬂ᭞ᬳᬶᬮᬶᬜ᭄ᬚᬸᬃᬬᬳᬶᬤᬸᬭᬭᬶᬲ᭄᭞ᬫᬜᭂᬫᬓ᭄ᬓᬯᬸᬫᬤᬳᬃ᭞ᬦᬂᬲᭂᬫ᭄ᬧᬾᬗᭀᬢ᭄ᬫᬗ᭄ᬭᬸᬗᬸ᭞ᬳᬶᬮᬶᬜ᭄ᬚᬸᬃᬬᬫᬢᬸᬢᬸᬭᬦ᭄᭞ᬲᬫ᭄ᬩᬶᬮ᭄᭞ᬗ᭄ᬮᬶᬂ᭞ᬬᬾᬄᬫᬢᬦᬾᬧ
ᬳᬫ᭄ᬯᬲ᭄᭟᭐ᬮᬘᬸᬃᬧᭂᬲᬦ᭄ᬩᬧᬫᬧ᭄ᬬᬦᬓ᭄᭞ᬢᬦᬸᬭᬸᬗᬦ᭄ᬢᬶᬢ᭄ᬬᬂᬫᬳᬶ᭞ᬓᬩᬦ᭄ᬤᬵᬩᬦ᭄ᬳᬢᬶᬚ᭄ᬗᬳ᭄᭞ᬫᬦᬄᬢᬶᬢ᭄ᬬᬗᬾᬮᬶᬦ᭄ᬢᬂᬳᬶᬩᬸᬓ᭄᭞ᬳᬸᬩᬸᬄᬲ᭄ᬭᬶᬓ᭄ᬧᬤᬶᬤ᭄ᬬᬦ᭄ [ 12 ][᭑᭑ 11B]
᭑᭑
ᬮᬸᬤᬶᬦ᭄ᬫᬶᬗ᭄ᬓᬶᬦ᭄᭞ᬦᬾᬤᬶᬚᬸᬫᬄᬢ᭄ᬯᬭᬵ᭟᭐ᬦᬦᬂᬲᭂᬫ᭄ᬧᬾᬗᭀᬢ᭄ᬬᬓᬕ᭄ᬬᬢ᭄᭞ᬦᬓᬾᬦᬶᬦ᭄ᬳᬦ᭄ᬓᬾᬘ᭄ᬭᬶᬓ᭄᭞ᬓᬾᬦ᭄ᬓᬾᬦ᭄‌ᬚᬵᬲᬳᬶᬓᬦ᭄ᬥᬦ᭄ᬜᬵ᭞ᬳᬶ
ᬮᬶᬜ᭄ᬚᬸᬃᬦᬃᬢᬬᬂᬳᬢᬹᬃ᭞ᬤᬸᬓᬾᬫ᭄ᬮᬮᬶᬓᬗᬶᬦᬦ᭄᭞ᬫᬦᭂᬫᭀᬦᬶᬦ᭄᭞ᬳᬦ᭄ᬓ᭄ᬭᬫᬾᬫᬳᬾᬩᬢᬦ᭄᭟᭐ᬢᬶᬢ᭄ᬬᬂᬦᬸᬚᬸᬭᬶᬂᬤᬶᬯᬗᬦ᭄᭞ᬓᬯᭂᬗᬦ᭄ᬢᬶᬢ᭄ᬬᬂ
ᬫᬶᬭᬕᬶ᭞ᬳᬦᬓᬾᬮ᭄ᬬᬸᬭᬶᬂᬚᬸᬫᬳᬦ᭄᭞ᬳ᭄ᬮᬸᬄᬫ᭄ᬯᬦᬶᬧᬥᬳᬸᬫᬸᬂ᭞ᬳᬤᬫᬗᭀᬭᬳᬂᬧᬸᬜᬄ᭞ᬩᬦᬾᬢᬸᬲᬶᬂ᭞ᬩᬶᬱᬫᬗᬶᬗᬦᬶᬦ᭄ᬗᬫᬄ᭟᭐ᬢᬸᬫᬸᬮᬶᬢᬶᬢ᭄ᬬᬂᬫ
ᬦ᭄ᬳᬸᬓᬦ᭄᭞ᬳᬦᬓᬾᬧᬥᬫᬩᬮᬶᬄ᭞ᬳᬤᬲᭂᬦᭂᬩ᭄ᬗᬸᬢᬄ᭞ᬫᬗᭀᬭᬳᬂᬓᬸᬮᬸᬓ᭄‌ᬩ᭄ᬭᬸᬂ᭞ᬓᬾᬢᭀᬢᬶᬢ᭄ᬬᬂᬳᬤᬦᬶᬦᬵ᭞ᬘᬶᬘᬶᬂᬕᬸᬤᬶᬕ᭄᭟ᬮᬦ᭄ᬢᬲ᭄ᬢᬶᬢ᭄ᬬᬂ

[᭑᭒ 12A]
᭑᭒
ᬫ᭄ᬮᬶᬧᭂᬢᬦ᭄᭟᭐ᬫᬶᬲᬦ᭄ᬢᬶᬢ᭄ᬬᬂᬫᬓᬤᬤ᭄ᬯ᭞ᬜᭂᬫᬓ᭄ᬓᬬᬸᬫᬗᬸᬩᭂᬭᬶᬦ᭄᭞ᬮᬾᬦ᭄ᬳᬤᬳ᭄ᬮᬮ᭄ᬓᬮ᭄᭞ᬳᬶᬫᬾᬫᬾᬢ᭄ᬓᬾᬦ᭄ᬳᬶᬕᬸᬭᬹ᭞ᬩᬸᬓᬢ᭄ᬯᬭᬵᬫᬢᭀᬮᬶᬳᬦ᭄᭞ᬫᬦ
ᬓᭀᬦᬶᬦ᭄᭞ᬮᬮᬶᬢ᭄ᬦᬾᬦ᭄ᬓᬧᭀᬦᬓᬦ᭄᭟᭐ᬳᬦᬓᬾᬤᬶᬢᬸᬘᬮᬸᬳᬂ᭞ᬫᭀᬂᬫᭀᬂᬚᬸᬜ᭄ᬚᬸᬂᬲᬳᬶᬲᬳᬶ᭞ᬦᬾᬫᬤᬦ᭄ᬳᬶᬜᭀᬫᬜ᭄ᬘᭀᬩ᭄ᬮᭀᬂ᭞ᬧ᭄ᬢᭂᬂᬍᬫᬄᬤᬶᬢᬸᬗᬕᬸᬃ᭞
ᬯᬦ᭄ᬢᬄᬳᬤᬦᬾᬩᬸᬤ᭄ᬬᬗᬵ᭞ᬩᭂᬲᬶᬓ᭄ᬩᭂᬲᬶᬓ᭄᭞ᬫᬶᬲᬦ᭄ᬢᬶᬢ᭄ᬬᬂᬲᬮᬄᬢᬸᬗ᭄ᬕᬮ᭄᭟᭐ᬬᬦ᭄ᬢ᭄ᬯᬭᬵᬳᬤᬩᬸᬤ᭄ᬬᬗᬵ᭞ᬳᬧᬳᬮᬶᬲᬳᬶ᭞ᬳᭂᬗ᭄ᬲᬧ᭄‌ᬢᭂᬓᬾᬦᬶᬂᬳᬸᬫᬄ᭞ᬲᬳᬶ
ᬤᬶᬢᬸᬫ᭄ᬥᭂᬫ᭄ᬩᬗᬸᬦ᭄᭞ᬓᬾᬢᭀᬩᬧᬵᬧᬃᬡ᭄ᬡᬦ᭄ᬢᬶᬢ᭄ᬬᬂ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬩᬧᬵᬫᬶᬦᭂᬳᬶᬦ᭄ᬭᬶᬂᬭᬕᬵ᭟᭐ᬦᬦᬂᬲᭂᬫ᭄ᬧᬾᬗᭀᬢ᭄ᬫᬦᬶᬫ᭄ᬩᬮ᭄᭞ᬜᬳᬸᬢᬶᬦ᭄ᬳᬦᬓᬾᬘ᭄ᬭᬶᬓ᭄᭞ᬓᬸ [ 13 ][ ᭑᭒ 12B]
᭑᭒
ᬤ᭄ᬬᬩᬧᬵᬘᬳᬶᬫᬶᬭᬄ᭞ᬦᬾᬘᬳᬶᬫ᭄ᬭᬕᬮᬘᬸᬃ᭞ᬳᬸᬩᬸᬄᬘ᭄ᬭᬶᬓ᭄ᬧᬤᬶᬤ᭄ᬬᬦ᭄᭞ᬓᬤᬸᬮᬸᬭᬶᬦ᭄᭞ᬦᬶᬲ᭄ᬢᬵᬢᬶᬯᬲ᭄‌ᬢ᭄ᬯᬭᬵᬗ᭄ᬮᬄ᭟᭐ᬮᬫᬸᬜ᭄ᬘᬳᬶᬫᬗᬶᬤᭂᬧᬂ᭞ᬧᬶᬢᬸᬢᬹᬃᬩᬧᬵ
ᬦᬾᬚᬦᬶ᭞ᬦᬶᬓ᭄ᬢᬸᬢ᭄‌ᬓᬯᬶᬩᬸᬤ᭄ᬬᬂ᭞ᬳᬗ᭄ᬕᭀᬦ᭄ᬧᬗᬬᬄᬲᬢᬸᬳᬸᬓ᭄᭞ᬳᬚᬓ᭄‌ᬦ᭄ᬫᬚ᭄ᬮᬾᬦ᭄ᬮᬄᬫᬦᬲᬭᬶᬦ᭄᭞ᬳᬮᬳᬬᬸᬦᬾᬤᬶᬚᬸᬫᬄ᭟᭐ᬦᬾᬩᬧᬵᬗ᭄ᬮᬄᬕᭂᬫᭂᬢᬦ᭄
ᬫᬶᬯᬄᬧᬶᬳᭀᬮᬲ᭄ᬩᭂᬘᬶᬓ᭄᭞ᬢᬫ᭄ᬧᬶᬄᬩᬦ᭄ᬧᬦᬳᬸᬢ᭄ᬳᬢ᭄ᬫᬵ᭞ᬩᭂᬘᬶᬓᬂᬓ᭄ᬦᭂᬳᬾᬫᬮᬸ᭞ᬤᬵᬱ᭄ᬭᬦᬵᬬᬢ᭄ᬓᬾᬦ᭄ᬳᬯᬓ᭄᭞ᬧᬂᬤᬵᬮᬮᬶ᭞ᬲᬳᬶᬲᬫ᭄ᬩᬢ᭄ᬧ᭄ᬢᭂᬂᬍᬫᬄ᭟᭐ᬳᬓᬾᬢᭀᬧ
ᬓᭀᬫᬸᬜᬶᬦ᭄ᬜᬵ᭞ᬦᬂᬦᬂᬫ᭄ᬧᬾᬗᭀᬢ᭄ᬗᭀᬭᬳᬶᬦ᭄᭞ᬗᬚᬳᬶᬦ᭄ᬳᬧᬂᬤᬤᬶᬫ᭄ᬮᬄ᭞ᬳᬶᬯᬬᬦ᭄ᬮᬶᬜ᭄ᬚᬸᬃᬫᬲᬯᬸᬢ᭄᭞ᬢᬶᬢ᭄ᬬᬂᬩᬧᬵᬢ᭄ᬯᬭᬵᬧᬜ᭄ᬚᬂ᭞ᬯᬦ᭄ᬢᬄᬗᬶᬭᬶᬂ᭞ᬓᬤᬶᬧᬗᬦ᭄ᬤᬶᬓᬵᬦ᭄ᬩ

[ ᭑᭓ 13A]
᭑᭓
ᬧᬵ᭟᭐ᬦᬦᬂᬲᭂᬫ᭄ᬧᬾᬗᭀᬣᬗᬸᬘᬧ᭄᭞ᬳᭂᬦᬾᬩᬧᬵᬫᬳᬂᬘᬳᬶ᭞ᬕᬸᬡᬍᬗᬶᬲ᭄ᬫᬯᬶᬰᬾᬱ᭞ᬳᬚᬶᬓ᭄ᬚᬶᬧᬶᬢᬸᬂᬗᬢᬸᬲ᭄᭞ᬳᬩᬦ᭄ᬩᬧᬵᬳᬸᬮᬶᬲᬲᬓ᭄᭞ᬮᬶᬦ᭄ᬢᬂᬩ᭄ᬘᬶᬓ᭄᭞ᬢ᭄ᬯᬭᬵᬢ
ᬳᬾᬦ᭄ᬫᬫᬶᬦ᭄ᬤᭀᬯᬂ᭟᭐ᬦᬾᬫᬦᬶᬤᬶᬦᬦᬾᬫ᭄ᬮᬄ᭞ᬰᬸᬓ᭄ᬭᬓ᭄ᬮᬶᬯᭀᬦ᭄ᬫᬦᭂᬫᭀᬦᬶᬦ᭄᭞ᬘᬢᬶᬫᬸᬮᬶᬄᬦᬾᬦᬾᬜᬦᬦ᭄᭞ᬫᬢᬢ᭄ᬮᬄᬓᬬᭂᬄᬫᬦ᭄ᬥᬸᬲ᭄᭞ᬳᬧᬂᬤᬵᬘᬳᬶᬓᬲᬾᬧᬦ᭄᭞ᬦᬾ
ᬩ᭄ᬯᬶᬦ᭄ᬫᬦᬶ᭞ᬳᬧᬂᬲᬸᬭᬸᬧᬦ᭄ᬲᬹᬃᬬ᭄ᬬ᭟᭐ᬢᬦ᭄ᬓᬘᬭᬶᬢᬭᬶᬂᬯᭂᬗ᭄ᬬᬵ᭞ᬦᬾᬩᬾᬜ᭄ᬚᬂᬓᭀᬘᬧᬦ᭄ᬫᬮᬶᬄ᭞ᬳᬶᬮᬶᬜ᭄ᬚᬸᬃᬲᬸᬩᬫᬳ᭄ᬬᬲ᭄᭞ᬢ᭄ᬓᬵᬳᬸᬮᬶᬓᬬᭂᬄᬫᬦ᭄ᬥᬸᬲ᭄᭞ᬦᬦᬂᬲᭂᬫ᭄ᬧᬾ
ᬗᭀᬢ᭄ᬳᬗᬸᬲᬧ᭄᭞ᬗ᭄ᬮᬯᬸᬢ᭄ᬘᬳᬶ᭞ᬲᬸᬩᬲᬜ᭄ᬚᬫᬤᬩ᭄ᬤᬩᬦ᭄᭟᭐ᬤᬾᬦᬶᬂᬲᬸᬩᬤᬯᬸᬄᬧᬶᬲᬦ᭄᭞ᬳᬶᬮᬶᬜ᭄ᬚᬸᬃᬬᬳᬶᬚᬸᬭᬭᬶᬲ᭄᭞ᬫᬧᬬᬲ᭄ᬫᬗᬗ᭄ᬕᭀᬳᬗ᭄ᬕᭀ᭞ᬲᬶᬂᬳᬩᭂᬢᬂᬲᬸᬩᬧᬗᬸ [ 14 ][ ᭑᭓ 13B]
᭑᭓
ᬲ᭄᭞ᬫᬩᬸᬗᬵᬲᭂᬫ᭄ᬧᬓᬱ᭄ᬝᬓ᭄᭞ᬢᬸᬃᬫ᭄ᬥᬕᬶᬂ᭞ᬲᬥᬦᬳᬶᬤᬗ᭄ᬤᬂᬮᬓ᭄᭟᭐ᬚᬭᬶᬂᬲᬸᬢ᭄ᬭᬵᬚᬭᬦ᭄ᬕᭀᬬᬂ᭞ᬲᬸᬩᬵᬬᬫᬤᬩ᭄ᬤᬩ᭄ᬚᬦᬶ᭞ᬧᬶᬳᭀᬮᬲ᭄ᬫᬶᬦᬯᬸᬣᬢ᭄ᬫ᭞ᬕᬸᬡᬵᬲᬸᬦ᭄ᬤᬵᬦᬵ
ᬖᬾᬳᬸᬮᬸᬄ᭞ᬤᬶᬧᬘᬂᬤᬶᬢ᭄ᬗᭂᬦ᭄ᬓᬶᬯ᭞ᬲᬫ᭄ᬧᬸᬦ᭄ᬲᬫᬶ᭞ᬧᬸᬧᬸᬢ᭄ᬮᬯᬸᬢ᭄ᬬᬫᬚᬮᬦ᭄᭟᭐ᬲᬸᬩᬵᬢ᭄ᬓᭂᬤ᭄ᬬᬤᬶᬚᬮᬦ᭄᭞ᬤᬕᬗᬾᬧᬥᬦᭂᬧᬸᬓᬶᬦ᭄᭞ᬧᬥᬕᬯᭀᬓ᭄ᬬᬫᬮᬶᬬᬢ᭄‌᭞ᬗᭂ
ᬢᬵᬦᬂᬳᬶᬯᬬᬦ᭄ᬮᬶᬜ᭄ᬚᬸᬃ᭞ᬤᬦᬾᬓᬯᬶᬭᬶᬤᬶᬧᬸᬗ᭄ᬓᬸᬭᬦ᭄᭞ᬫᬜᬦ᭄ᬢᭀᬲᬶᬦ᭄᭞ᬤᬕᬗᬾᬧᬥᬫᬭᬃᬬ᭄ᬬᬮ᭄᭟᭐ᬯᬾᬦ᭄ᬢᭂᬦ᭄ᬳᬚᬓᬮᬶᬫᭀᬮᬲ᭄᭞ᬳᬶᬮᬶᬜ᭄ᬚᬸᬃᬲᬕᬾᬢ᭄ᬧ᭄ᬭᬧ᭄ᬢᬶ᭞ᬧᬚᬮᬦᬾ
ᬢᬦ᭄ᬤᬂᬢᬦ᭄ᬤᬂ᭞ᬤᬕᬗᬾᬧᬥᬫᬯᬸᬯᬸᬲ᭄᭞ᬢᬸᬯᬵᬘ᭄ᬭᬶᬓ᭄ᬩᬚᬂᬩᬚᬂ᭞ᬫᬦᬓᭀᬦᬶᬦ᭄᭞ᬩ᭄ᬮᬶᬓᬶᬚᬵᬢᬸᬫ᭄ᬩᬾᬦ᭄ᬮᬸᬯᬲ᭄᭟᭐ᬦᬧᬶᬲᬶᬄᬓᬵᬃᬬ᭄ᬬᬦᬾᬩ᭄ᬯᬢ᭄᭞ᬓᭂᬜᭂᬫ᭄ᬳᬶᬮᬶᬜ᭄ᬚᬸᬃᬯᬸᬢᬶ

[ ᭑᭔ 14A]
᭑᭔
ᬓ᭄᭞ᬢᬶᬢ᭄ᬬᬂᬜᬤ᭄ᬬᬫᬳᬗ᭄ᬕᬸᬭᬦ᭄᭞ᬬᬾᬦ᭄ᬤᬶᬚᬸᬫᬄᬢᬶᬢ᭄ᬬᬂᬳᬶᬩᬸᬓ᭄᭞ᬲᬃᬯᬂᬮᬸᬯᬲ᭄ᬫᬢᬶᬦ᭄ᬤᭂᬗᬦ᭄‌᭞ᬫᬗ᭄ᬤᬵᬲᬭᬸ᭞ᬢ᭄ᬬᬂᬳᬸᬩᬸᬄᬧᬤᬶᬤ᭄ᬬᬦ᭄᭟᭐ᬓ᭄ᬤᬾᬓ᭄ᬓᬦᬓᬾᬫᬩ᭄ᬭᬶᬬᬸᬓ᭄᭞ᬯ᭄ᬬᬓ᭄ᬢᬶᬲᬧᬸ
ᬦᬶᬓᬵᬩ᭄ᬮᬶ᭞ᬬᬤ᭄ᬬᬦ᭄ᬳᬦ᭄ᬢᬸᬓ᭄ᬧᬭᬭᬕᬦ᭄᭞ᬮᬫᬸᬦ᭄ᬢᬾᬄᬓᬬᬸᬦᬾᬧᬢᬹᬢ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬗᬢᬸᬭᬂ᭞ᬢ᭄ᬓᬾᬦ᭄‌ᬩ᭄ᬮᬶ᭞ᬢ᭄ᬬᬂᬗ᭄ᬮᬄᬳᬲᬶᬦ᭄ᬢᬸᬗᬦ᭄᭟᭐ᬳᬶᬮᬶᬜ᭄ᬚᬸᬃᬭᬭᬶᬲ᭄ᬫᬦᬶᬫ᭄ᬩᬮ᭄᭞ᬲᬫ
ᬫ᭄ᬧᬸᬦᬂᬫ᭄ᬩᭀᬓ᭄‌ᬢ᭄ᬬᬂᬫᬧᬫᬶᬢ᭄᭞ᬯᬶᬭᬾᬄᬓᬵᬃᬬ᭄ᬬᬦ᭄ᬢ᭄ᬬᬂᬩ᭄ᬯᬢ᭄᭞ᬤᬕᬗᬾᬭᬭᬶᬲ᭄ᬫᬲᬯᬸᬢ᭄᭞ᬤᬸᬭᬸᬲᬂᬫᬫᬃᬕ᭄ᬕ᭞ᬢᬶᬢ᭄ᬬᬂᬧᬫᬶᬢ᭄᭞ᬳᬶᬮᬶᬜ᭄ᬚᬸᬃᬭᬭᬶᬲ᭄ᬫᬚᬮᬦ᭄᭟᭐ᬢ᭄ᬓᭂᬤᬶᬩᬜ᭄ᬚᬃ
ᬓᬗᬶᬦᬦ᭄᭞ᬤᬶᬫᬃᬕ᭄ᬕᬦᬾᬦᬸᬚᬸᬲ᭄ᬱᬶ᭞ᬳᬶᬮᬶᬜ᭄ᬚᬸᬃᬭᬭᬶᬲ᭄ᬫᬤᬩ᭄ᬤᬩ᭄᭞ᬫᬫᬦ᭄ᬢ᭄ᬭᬵᬫᬦᬯᬸᬢ᭄ᬩᬵᬬᬸ᭞ᬫᬓᭂᬚᬂᬲᬸᬩᬫᬢᬶᬗ᭄ᬓᬄ᭞ᬫᬗᬯᬸᬓᬶᬦ᭄᭞ᬓ᭄ᬢᬸᬢ᭄ᬓᬯᬶᬳᬮᬶᬄᬢᬶᬢ᭄ᬬᬂ᭟᭐ᬲᬸᬩᬵ [ 15 ][ ᭑᭔ 14B]
᭑᭔
ᬜᬸᬲᬸᬧ᭄ᬬᬫᬓᭂᬚᬂ᭞ᬕᬸᬡᬵᬧᬶᬬᭀᬮᬲᬾᬲᬫᬶ᭞ᬚᬭᬦ᭄ᬕᭀᬬᬂᬚᬭᬶᬂᬲᬸᬕ᭄ᬭᬵ᭞ᬗᭂᬚᬸᬓ᭄ᬳᬵᬢ᭄ᬫᬵᬦᬳᬶᬓ᭄ᬢᬸᬢ᭄᭞ᬓ᭄ᬢᬸᬢ᭄ᬓᬯᬶᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭞ᬩᬸᬓᬳᬶᬭᬶᬲ᭄᭞ᬓᭂᬦᭂᬄᬜᬦᬾᬤᬶᬢᬸᬤᬸ
ᬦᬦ᭄᭟᭐ᬮᬯᬸᬢ᭄ᬩᬄᬤᬶᬢᬸᬦᬸᬦᬦ᭄᭟ᬳᭂᬧ᭄ᬲᬧ᭄ᬤᬦᬾᬢ᭄ᬯᬭᬵᬳᬾᬮᬶᬂ᭞ᬓᬲᬸᬲᬸᬧᬦ᭄ᬚᬭᬶᬂᬲᬸᬢ᭄ᬭ᭞ᬕᬸᬡᬵᬲᬸᬦ᭄ᬤᬦᬵᬥᬳᬸᬮᬸᬄ᭞ᬚᬭᬦ᭄ᬕᭀᬬᬂᬗᬸᬦ᭄ᬤᬂᬪᬵᬬ᭞ᬓᬤᬶᬕ᭄ᬦᬶ᭞ᬫᬗᬺᬳᬶᬂᬢ᭄ᬮᬲ᭄ᬓᬯ
ᬦ᭄ᬤᬵ᭟᭐ᬫᬾᬫᬾᬩᬧᬦ᭄ᬜᬦᬾᬓᬕ᭄ᬬᬢ᭄᭞ᬓᬧᬼᬕᬦ᭄ᬬᬕ᭄ᬮᬮᬕ᭄ᬮᬶᬮᬶᬂ᭞ᬫᬶᬢᬳᭂᬦ᭄ᬧᬘᬂᬤᬶᬭᬸᬲᬓ᭄᭞ᬧᬗ᭄ᬕᬸᬭᬦᬾᬮ᭄ᬬᬸᬤᬶᬢᬸ᭞ᬧᬶᬲᬕᬦᬾᬮ᭄ᬬᬸᬢ᭄ᬓ᭞ᬮᬸᬄᬫ᭄ᬯᬦᬶ᭞ᬕᬸᬧᬸᬄᬫᬗᬸ
ᬮᬶᬕᬂᬯ᭄ᬥᬓ᭄᭟᭐ᬳᬤᬜᬸᬦ᭄ᬤᬂᬫᬓ᭄ᬧᬓ᭄ᬩᬯᬂ᭞ᬲᬫ᭄ᬩᬶᬮ᭄ᬜᬶᬫ᭄ᬩᬸᬄᬫᬗᭂᬗ᭄ᬓᬳᬶᬦ᭄᭞ᬳᬤᬵᬫᬫᭂᬲᬶᬓᬶᬦ᭄ᬫᬤ᭄ᬬᬵ᭞ᬳᬦᬓ᭄‌ᬗ᭄ᬮᬶᬂᬕ᭄ᬭᬸᬂᬕ᭄ᬭᬸᬂ᭞ᬳᬶᬜᭀᬫᬦ᭄‌ᬘᭀᬩ᭄ᬮᭀᬂᬫᬲᬾᬧᬓ᭄᭞ᬫᬜᬶᬫ᭄ᬩᬸ

[ ᭑᭕ 15A]
᭑᭕
ᬯᬶᬦ᭄᭞ᬕ᭄ᬥᬾᬓᭀᬫᬂᬗᬮᬶᬄᬩᬮ᭄ᬬᬦ᭄᭞᭟᭐ᬳᬚᬳᬦ᭄‌ᬬᬲᬕᬾᬢ᭄ᬓᬵ᭞ᬗᬚᬓ᭄ᬩᬮ᭄ᬬᬦ᭄ᬮᬶᬦ᭄ᬢᬂᬮᬶᬗ᭄ᬲᬶᬃ᭞ᬚᬾᬗ᭄ᬕᭀᬢ᭄ᬓᬸᬫᬶᬲ᭄‌ᬩ᭄ᬯᬶᬦ᭄ᬧᬾᬭᭀᬢ᭄᭞ᬩᬲᬂᬜᬦᬾᬕ᭄ᬥᬾᬜᬦ᭄ᬢᬸᬂ᭞
ᬜᬗ᭄ᬓᬶᬮ᭄ᬓᬫ᭄ᬧᬾᬓ᭄ᬜᬼᬢᬳᬄ᭞ᬭᬫ᭄ᬩᬸᬢ᭄ᬧᬸᬢᬶᬄ᭞ᬍᬗᬃᬜᬦᬾᬫᬓᬮᬗᬦ᭄᭟ᬩᬯᬸᬢ᭄ᬓᭂᬤ᭄‌ᬬᬚᬸᬫᬳᬦ᭄᭞ᬩᬮ᭄ᬬᬦᬾᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬗᬕᬄᬓᬫ᭄ᬧᬾᬓ᭄ᬫᬗ᭄ᬮᭀᬲᭀᬓ᭄᭞
ᬫᬦ᭄ᬢᬓ᭄ᬜᬸᬲᬸᬦᬂᬳᭂᬦ᭄ᬢᬸᬤ᭄᭞ᬢ᭄ᬗᭂᬃᬩᬧᬵᬓᬧᬗ᭄ᬮᬶᬳᬦ᭄᭞ᬮᬬᬄᬕᬶᬕᬶ᭞ᬲᬼᬫ᭄ᬲᬼᬫ᭄ᬩᬸᬩᬸᬭᬶᬓ᭄ᬮᬩᬦ᭄᭟᭐ᬓ᭄ᬫᭂᬓᬾᬳᬮᬶᬳᬂᬲ᭄ᬥᬦᬵ᭞ᬳᭂᬜ᭄ᬘᭂᬄᬚᬭᬦ᭄‌ᬚᬫ᭄ᬩᭀᬢ᭄ᬫᬫ᭄ᬤᬶ᭞ᬭᬾᬜ᭄ᬘᬂᬳᬶ
ᬧᬸᬦ᭄᭞ᬧᭀᬮᭀᬦ᭄ᬓᭂᬩᭀ᭞ᬢᬦ᭄ᬤᬸᬓ᭄ᬘᬶᬘᬶᬂᬩ᭄ᬮᬶᬂᬓᬮᬸᬂ᭞ᬳᬶᬓᬸᬄᬩᬶᬓᬸᬮ᭄ᬕᭀᬤᬾᬕ᭄ᬤ᭄ᬭᬸᬧᬵ᭞ᬚᬫ᭄ᬩᬸᬮ᭄ᬧᬸᬢᬶᬄ᭞ᬢ᭄ᬓᬾᬦᬶᬂᬕᬶᬕᬶᬦ᭄ᬓᬸᬫᬂᬫᬂ᭟᭐ᬕᬳᬾᬦᬂᬤᬓ᭄ᬱᬶᬦᬵᬧᬢ᭄ᬧᬢ᭄᭞ [ 16 ][ ᭑᭕ 15B]
᭑᭕
ᬦᬾᬦᬾᬤᬤ᭄ᬯᬵᬳᬩᬫᬸᬮᬶᬄ᭞ᬢ᭄ᬓᬾᬦ᭄ᬓᬢᬶᬧᬢ᭄ᬓᬾᬮᬦᬦ᭄᭞ᬫᬩᬳᬲ᭄ᬱᬥᬫᬘᬢᬸ᭞ᬫᬚᬶᬄᬲᬢᬓ᭄ᬦᭂᬫ᭄ᬤᬰᬵ᭞ᬩᬸᬭᬢ᭄ᬯᬗᬶ᭞ᬫᬲᬲᬭᬶᬲᬾᬓᭂᬢ᭄ᬧᬢ᭄ᬧ
ᬢ᭄᭟᭐ᬦᬾᬦᬾᬤᬶᬦᬶᬤᬤᬶᬤ᭄ᬬᬂ᭞ᬲᬺᬕᭂᬧ᭄ᬘᬦᬂᬩᬸᬭᬕ᭄ᬯᬗᬶ᭞ᬦᬾᬦᬾᬫᬸᬮᬶᬄ᭞ᬧᬓᬤᬓᬂ᭞ᬤᬓ᭄ᬱᬶᬦᬵᬫᬶᬯᬄᬲᬲᬦ᭄ᬢᬸᬦ᭄᭞ᬓᬾᬢᭀᬩᬮ᭄ᬬᬦᬾᬦᬸᬢᬸᬭᬂ᭞ᬍᬕᭂᬕᬶ
ᬕᬶᬲ᭄᭞ᬜᬕᭂᬃᬧᬬᬸᬜᬦᬦ᭄ᬜᬓᬦ᭄᭟᭐ᬳᬶᬕ᭄ᬥᬾᬓᭀᬫᬂᬫᬦᬶᬗᭂᬳᬂ᭞ᬫᬸᬜᬶᬦ᭄ᬩᬮ᭄ᬬᬦᬾᬗᭀᬭᬳᬶᬦ᭄᭞ᬦᬸᬦ᭄ᬤᬾᬦ᭄ᬗᬮᬶᬄᬮᬓᬃᬳᬸᬩᬤ᭄᭞ᬚᭂᬦᭂᬢᬾᬄᬩᬮ᭄ᬬᬦᬾᬗ
ᬘᬸᬄ᭞ᬤᬶᬚᬵᬳᬦᬓᬾᬫᬓᬢᬂ᭞ᬚᬫ᭄ᬩᭀᬢ᭄ᬫᬫ᭄ᬤᬶ᭞ᬫᬗ᭄ᬤᬵᬓᬾᬕᬶᬕᬶᬦ᭄ᬓᬸᬫᬂᬫᬂ᭟᭐ᬢᬶᬤᭀᬂᬓᬾᬩᬜᬳᬧᬸᬲᬵ᭞ᬫ᭄ᬮᬄᬢᬸᬦ᭄ᬤᬸᬂᬢᬸᬦ᭄ᬤᬾᬦ᭄ᬫᬸᬮᬶᬄ᭞ᬚ᭄ᬭᭀᬩᬮ᭄ᬬᬦ᭄‌ᬫ᭄ᬭᬶᬓᬵᬩᬸᬤ

[ ᭑᭖ 16A]
᭑᭖
ᬮ᭄᭞ᬩᬮ᭄ᬬᬦᬾᬤᬦᬾᬗ᭄ᬭᬸᬫᬸᬓ᭄᭞ᬫᬲ᭄ᬭᭀᬤ᭄ᬮᬯᬸᬢ᭄ᬧᭂᬲ᭄ᬯᬦ᭄᭞ᬢᬶᬤᭀᬂᬕᬶᬕᬶᬲ᭄᭞ᬕ᭄ᬤᭂᬕ᭄ᬩᬲᬂᬦᬾᬢᬸᬦ᭄ᬤᬸᬗᬵ᭟᭐ᬢᬦ᭄ᬓᭀᬘᬧᬦ᭄‌ᬚ᭄ᬭᭀᬩᬮ᭄ᬬᬦ᭄᭞ᬓᭀᬘᬧᬦ᭄
ᬦᬶᬓ᭄ᬢᬸᬢ᭄ᬓᬯᬶ᭞ᬲᭂᬗᬮ᭄ᬲᭂᬗᬮ᭄ᬩᬩᬃᬢᬶᬯᬂ᭞ᬫᬶᬦ᭄ᬤᭀᬦ᭄ᬫᬶᬲᬦᬾᬫᬗ᭄ᬭᬸᬗᬹ᭞ᬳᬤᬵᬫᬗᭂᬗ᭄ᬓᬳᬶᬦ᭄ᬓᬃᬡ᭄ᬦᬵ᭞ᬩᭀᬭᬾᬄᬩᬢᬶᬲ᭄‌᭞ᬲᬫ᭄ᬧᬸᬦ᭄ᬲᬫᬶᬬᬓᬢ᭄ᬭᬧᬂ᭟᭐ᬫᬮᬶᬄᬳᭂᬩᬄᬧ
ᬧᭂᬢ᭄ᬗᬦ᭄᭞ᬍᬫᭂᬢ᭄ᬩᬸᬓᬢᬦ᭄ᬧᬳᬸᬭᬶᬧ᭄᭞ᬭᬵᬕᬍᬫᭂᬢ᭄‌ᬩ᭄ᬯᬶᬦ᭄ᬓᬾᬮᭀᬓ᭄᭞ᬩᬶᬩᬶᬄᬩ᭄ᬳᬶᬬᬳᬾᬓᬓᬸ᭞ᬘᬸᬗᬸᬄᬩᬶᬮᬸᬓ᭄ᬳᬯᬓ᭄ᬮᬜ᭄ᬘᬄ᭞ᬧ᭄ᬮᬸᬄᬫᬮᬶᬂ᭞ᬧᬓᬵᬭᬶᬢᬶᬲ᭄ᬤᬶᬧᭂᬩᬳᬦ᭄᭟
ᬳᬶᬜᭀᬫᬜ᭄ᬘᭀᬩ᭄ᬮᭀᬂᬫᬲᬾᬧᬓ᭄᭞ᬫᬶᬮᬸᬕᬸᬧᬸᬄᬫᬦᬸᬮᬸᬗᬶᬦ᭄᭞ᬫᬗᬮᬶᬳᬂᬮᬓᬃᬳᬸᬩᬤ᭄᭞ᬢ᭄ᬯᬭᬵᬫᬗᬶᬢᬸᬗᬂᬢᬸᬬᬸᬄ᭞ᬤᬾᬦᬶᬂᬳᬤᬧ᭄ᬭᬶᬳᬗᬵ᭞ᬩ᭄ᬲᬶᬓ᭄ᬩᭂᬲᬶᬓ᭄᭞ᬲᬮ [ 17 ][ ᭑᭖ 16B]
᭑᭖
ᬳ᭄‌ᬢᬸᬗ᭄ᬕᬮ᭄ᬫᬓᬵᬤᬤ᭄ᬯᬵ᭟᭐ᬓ᭄ᬦᭂᬳᬾᬩᬶᬱᬧᬤᬶᬤ᭄ᬬᬦ᭄᭞ᬢ᭄ᬯᬭᬵᬦᬯᬂᬩ᭄ᬦᭂᬄᬧ᭄ᬮᬶᬄ᭞ᬗᬸᬮᬄᬩᬸᬗᬳᬾᬫᬗᬗ᭄ᬕᭀ᭞ᬩᬳᬦ᭄ᬜᬶᬮᬶᬄᬢ᭄ᬯᬭᬵᬗᬶᬢᬸᬂ᭞ᬓᬮᬸᬤ᭄ᬢ᭄ᬯᬭᬵᬨᬂᬳᬸᬫᬄ᭞ᬍᬫᬄ
ᬯ᭄ᬗᬶ᭞ᬳᬸᬫᬳᬾᬳᬗ᭄ᬕᭀᬦ᭄ᬧᬲᬶᬗ᭄ᬕᬳᬦ᭄᭟᭐ᬓᬾᬢᭀᬳᬦᬓᬾᬗᬸᬘᬧᬂ᭞ᬫᬲᬶᬄᬢ᭄ᬯᬭᬵᬦᬯᬂᬳᬸᬦ᭄ᬤᬸᬓ᭄᭞ᬫᬗᬤᬾᬦᬂᬩᬕᬸᬲ᭄‌ᬤ᭄ᬯᬂ᭞ᬢ᭄ᬯᬭᬦᬯᬂᬳᬯᬓ᭄ᬱᬶᬕᬸᬕ᭄᭞ᬳᬯᬓᬾ
ᬤ᭄ᬫᭂᬦ᭄ᬳᬚᬸᬫ᭞ᬳᬦᬓ᭄ᬚᬦᬶ᭞ᬫᬸᬮᬵᬤᬸᬯᭂᬕ᭄ᬫᬗᬜᬸᬤᬂ᭟᭐ᬚᬦᬶᬧᬶᬦᭂᬄᬲᬸᬩᬵᬲᬜ᭄ᬚᬵ᭞ᬘᬭᬶᬢᬳᬶᬓ᭄ᬢᬸᬢ᭄ᬓᬯᬶ᭞ᬩ᭄ᬮᬶᬬᬩᬗᬸᬦ᭄᭞ᬬᬫᬗᬸᬘᬧ᭄᭞ᬫᬦᬶᬢᬶᬃᬳᬤᬧᬶᬂᬧᬶᬢᬸ᭞ᬮ
ᬯᬸᬢ᭄ᬬᬦᬕᬶᬄᬗᬸᬦᬂ᭞ᬦᬾᬦᭀᬗᭀᬲᬶᬦ᭄᭞ᬮ᭄ᬬᬸᬧᬤᬫᬶᬦ᭄ᬤᭀᬦ᭄ᬫᬶᬲᬦ᭄᭟᭐ᬧᬥᬍᬕᭂᬫᬦᭂᬲᭂᬓᬂ᭞ᬜᬕ᭄ᬚᬕᬶᬦ᭄ᬫᬦᬓᭀᬦᬶᬦ᭄᭞ᬳᬤᬳᬚᬓᬵᬮᬶᬫᭀᬮᬲ᭄᭞ᬳ᭄ᬮᬸᬄ

[ ᭑᭗ 17A]
᭑᭗
ᬫ᭄ᬯᬦᬶᬧᬥᬗ᭄ᬭᬸᬜᬸᬂ᭞ᬳᬸᬮ᭄ᬬᬦ᭄ᬥᬦᬾᬕ᭄ᬥᬾᬓᭀᬫᬂ᭞ᬓ᭄ᬢᬸᬢ᭄ᬓᬯᬶ᭞ᬓᬾᬢᭀᬦᬶᬫ᭄ᬩᬮ᭄ᬫᬸᬜᬶᬫ᭄ᬮᬄ᭟᭐ᬳᬚᬸᬂᬜ᭄ᬚᬸᬂᬳᬗ᭄ᬕᭀᬦ᭄ᬧᬮᬮ᭄ᬬᬦ᭄᭞ᬩᬦ᭄ᬢᬺᬱ᭄ᬡᬵᬦ᭄ᬜᬦᬾᬲᬫᬶ᭞ᬳᬤᬦᬜ᭄ᬚᬾ
ᬦ᭄ᬫᬤᬳᬃ᭞ᬦᬶᬓ᭄ᬢᬸᬢ᭄ᬦᬶᬫ᭄ᬩᬮ᭄ᬫᬲᬯᬸᬢ᭄᭞ᬫᬶᬢᬸᬢᬸᬭᬶᬦ᭄ᬫᬶᬦ᭄ᬤᭀᬦ᭄ᬫᬶᬲᬦ᭄᭞ᬘ᭄ᬭᬶᬓ᭄ᬮᬶᬄ᭞ᬳ᭄ᬮᬸᬄᬫ᭄ᬯᬦᬶᬗᭂᬳᬂ᭟᭐ᬗ᭄ᬭᬯᭀᬲᬫ᭄ᬩᬶᬮ᭄ᬫᬓᭂᬤᬾᬓᬦ᭄᭞ᬜᬳᬶᬫ᭄ᬩᭀᬓ᭄ᬳᬶᬘᬂᬗᬶᬧᬶ᭞ᬓᬾ
ᬦ᭄ᬓᬾᬦ᭄ᬫᬶᬦᬩᬬᬦ᭄ᬓᬾᬢᭀ᭞ᬗᬶᬧ᭄ᬬᬂᬳᬦᬓ᭄‌ᬫ᭄ᬯᬦᬶᬩᬕᬸᬲ᭄᭞ᬢ᭄ᬯᬭᬧᬤᬚᬚᬃᬓᬭᬂ᭞ᬓᭀᬘᬧ᭄ᬳᬶᬘᬂᬍᬫᭂᬲᬶᬦᬵ᭟᭐ᬢ᭄ᬯᬭᬵᬤᬓᬃᬯᬦ᭄ᬳᬸᬫᬄᬜ᭟ᬢᬶᬤᭀᬂᬳᬦᬓ᭄ᬤᬶᬦᬶᬤᬶᬦᬶ᭞ᬓᬾ
ᬦ᭄ᬓᬾᬦ᭄ᬳᭂᬫ᭄ᬩᭀᬓᭀᬚᬭᬦ᭄ᬜᬵ᭞ᬬᬦᬶᬂᬳᬮᬵᬮ᭄ᬯᬶᬳᬬᬸ᭞ᬓᬓ᭄ᬥᬾᬓᬶᬦ᭄ᬳᬚᬓ᭄ᬫᬓᭂᬚᬂ᭞ᬩᭂᬲ᭄ᬳᬾᬄᬜᬳᬶ᭞ᬢᬳᬶᬦ᭄ᬧ᭄ᬥᭂᬫ᭄ᬧᬧᬓ᭄ᬭᬸᬗ᭄ᬯᬂ᭟᭐ᬳᬮᬵᬳᬬᬸᬦᬶᬂᬳᬶᬧ᭄ᬬᬦ᭄᭞ᬦᬾᬦᬾᬫ᭄ᬮᬄᬢ᭄ᬯ [ 18 ][᭑᭗ 17B]
᭑᭗
ᬭᬵᬫᬓ᭄ᬮᭀ᭞ᬲᬗ᭄ᬓᬦ᭄ᬳᬶᬘᬂᬢ᭄ᬯᬭᬵᬗ᭄ᬭᬸᬗᬹ᭞ᬩ᭄ᬯᬢ᭄ᬳᬶᬧ᭄ᬬᬦᬾᬚ᭄ᬮᬾᬫ᭄ᬮᬄ᭞ᬲᬭᬩᭂᬲᬶᬓ᭄᭞ᬢ᭄ᬬᬂᬯᬶᬰᬾᬱᬫᬦᬸᬤᬸᬳᬂ᭟᭐ᬫᬭᬵᬫᭀᬦ᭄ᬢᭀᬫᬧᬦᭂᬫᬦ᭄᭞ᬓᭀᬘᬳᭀᬯᬦᬶᬓ᭄ᬢᬸᬢ᭄ᬓᬯᬶ᭞
ᬓ᭄ᬦᭂᬄᬜᬦᬾᬲᬫ᭄ᬩᭂᬄᬩᬸᬬᬃ᭞ᬓᭂᬫ᭄ᬩᬂᬓᬹᬫ᭄ᬩᬂᬦ᭄ᬭᬯᬂᬦ᭄ᬭᬸᬯᬸᬂ᭞ᬳᬓᬸᬤᬩᬳᬦᬸᬗ᭄ᬓᬲᬂ᭞ᬩᬦᬾᬦᬧᬶᬂ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬫᬶᬯᬄᬜᬫ᭟᭐ᬮᬗ᭄ᬓᬸᬂᬲᬫ᭄ᬧᬸᬦ᭄ᬢᭂᬗᬄᬯᭂᬗ᭄ᬬ᭞ᬫᬲᬶᬄᬳ᭄ᬦᬸᬫ
ᬗᭂᬦ᭄ᬥᬸᬲᬶᬦ᭄᭞ᬫᬶᬲᬦ᭄ᬫᬶᬦ᭄ᬤᭀᬦᬾᬧᬕ᭄ᬭᭀᬲ᭄᭞ᬧᬥᬲᬶᬋᬧ᭄ᬥᬾᬦᬶᬂᬍᬲᬸ᭞ᬦᬶᬓ᭄ᬢᬸᬢ᭄ᬓᬯᬶᬧᬤᬶᬤ᭄ᬬᬦ᭄᭞ᬩᬸᬓᬩᬶᬢ᭄ᬩᬶᬢ᭄᭞ᬳᬸᬬᬂᬧᬮᬶᬂᬤᬶᬧᬤᭂᬫᬦ᭄᭟᭐ᬦᬗ᭄ᬳᬶᬂᬢ᭄ᬯᬭᬵᬳᬤᬮᬾ
ᬦᬦ᭄᭞ᬫᬜᬸᬲᬸᬧ᭄ᬤᬶᬚ᭄ᬭᭀᬦᬶᬂᬳᬢᬶ᭞ᬯᬦ᭄ᬢᬄᬤᬦᬾᬩ᭄ᬮᬶᬯᬬᬦ᭄᭞ᬫᬕᬦ᭄ᬢᬸᬂᬤᬶᬚ᭄ᬭᭀᬦᬶᬂᬓᬬᬸᬦ᭄᭞ᬤᬶᬫᬢᬫᬢᬦᬾᬫᬯᬲ᭄᭞ᬤᬳᬢ᭄ᬫᬦᬶᬲ᭄᭞ᬓᬤᬶᬫᬥᬸᬕᬸᬮᬵᬤ᭄ᬭᬯ᭟

[᭑᭘ 18A]
᭑᭘
ᬚᬦᬶᬲᬸᬩᬵᬢᬢᬲᬼᬫᬄ᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬜᬦᬾᬲᬫᬶ᭞ᬩᬗᬸᬦ᭄ᬫᬮᬶᬄᬬᬫᬓᭂᬚᬂ᭞ᬢᬜ᭄ᬘᬭᬶᬢᬲᬫ᭄ᬧᬸᬦ᭄ᬭᬯᬸᬄ᭞ᬳᬶᬓ᭄ᬢᬸᬢ᭄ᬓᬯᬶᬓᭀᬘᬧᬦ᭄᭞ᬧᬤᬶᬤᬶᬳᬶᬦ᭄᭞ᬫᬗ᭄ᬮᬶᬂᬫᬲᬲᬫ᭄ᬩ
ᬢᬦ᭄᭟᭐ᬳᬧᬵᬲᬚᬵᬬᬫᬓᬤᬵ᭞ᬲᬗ᭄ᬓᬦ᭄ᬢᬶᬢ᭄ᬬᬂᬩᬸᬤᬸᬄᬧᬮᬶᬂ᭞ᬢ᭄ᬯᬭᬵᬳᬶᬗᭂᬢ᭄ᬓᬾᬦ᭄ᬳᬯᬓ᭄᭞ᬓᬮᬶᬧᬸᬢ᭄ᬩᬦ᭄ᬓᭂᬦᭂᬄᬳᬶᬩᬸᬓ᭄᭞ᬦᬸᬚᬸᬲᬸᬳᬹᬂᬬᬤᬶᬚᬸᬫᬄ᭞ᬲᬸᬯᬹᬂᬲ᭄ᬧᬶ᭞ᬩᬗᬸᬦ᭄ᬮ
ᬯᬸᬢ᭄ᬬᬧᭂᬲ᭄ᬯᬦ᭄᭟᭐ᬓ᭄ᬦᭂᬳᬾᬢᭀᬂᬤᬤᬶᬧᬲᬄ᭞ᬫᬓᬶᬢᬓ᭄ᬫᬵᬫᬗᬮᬶᬄ᭞ᬓᬸᬫᬄᬫᬶᬲᬦᬾᬓᬯᬦᬦ᭄᭞ᬩᬶᬮᬶᬄᬤᬦᬾᬳᬶᬘ᭄ᬘᬵᬓᬬᬸᬦ᭄᭞ᬫᬦᬸᬤᬸᬓ᭄ᬢᬶᬢ᭄ᬬᬂᬳᬶᬮᬭᬵ᭞ᬩᬸᬓᬫᬢᬶ᭞ᬲ
ᬓᬶᬢ᭄ᬢᬶᬢ᭄ᬬᬂᬫᬦᬳᬦᬂ᭟᭐ᬦᬾᬚᬦᬶᬮᬯᬸᬢ᭄ᬫᬚᬮᬦ᭄᭞ᬫᬜᬗ᭄ᬓᬶᬮ᭄ᬧᭂᬦᬭᬓ᭄ᬘᭂᬦᬶᬓ᭄᭞ᬲᬺᬕᬶᬧ᭄ᬫᬶᬲᬶᬚᬫ᭄ᬩᬾᬲ᭄ᬥᬄ᭞ᬫᬤᬸᬮᬸᬭᬦ᭄᭞ᬲ᭄ᬓᬶᬃᬭᬃᬦᬫ᭄᭞ᬧᬘᬂᬳᬗ᭄ᬕᭀᬦᬕᬧ᭄ᬕᬧᬦ᭄᭞ᬭᬶᬂ [ 19 ][᭑᭘ 18B]
᭑᭘
ᬳᬶᬩ᭄ᬮᬶ᭞ᬘᬶᬭᬶᬦ᭄ᬢᬺᬱ᭄ᬡᬦᬾᬫᬫᬶᬲᬶᬦ᭄᭟᭐ᬢᬦ᭄ᬓᭀᬘᬧᬜᬤᬶᬚᬮᬦ᭄᭞ᬳᬶᬮᬶᬜ᭄ᬚᬸᬃᬘᬭᬶᬢᬬᬂᬚᬦᬶ᭞ᬚᬸᬫᬄᬤᬦᬾᬦᬂᬲᭂᬫ᭄ᬧᬾᬗᭀᬢ᭄᭞ᬗᭂᬦᭂᬫᬶᬦ᭄ᬳᬸᬮᬶᬳᬶᬢ᭄ᬩᬸᬦ᭄᭞ᬓᬳᬸᬮᬸᬭᬶ
ᬦ᭄‌ᬭᬚᬄᬢᬫᬄ᭞ᬲᬳᬶᬲᬳᬶ᭞ᬧ᭄ᬢᭂᬂᬍᬫᬄᬫᬩᬩᬱᬦ᭄᭟᭐ᬚᬦᬶᬦᬸᬚᬸᬧᬲ᭄ᬫᭂᬗᬦ᭄᭞ᬳᬶᬮᬶᬜ᭄ᬚᬸᬃᬫᬓᬶᬭᬾᬫᬸᬮᬶᬄ᭞ᬫᬓ᭄ᬮᭀᬢᭀᬂᬦᬯᬂᬳᬸᬫᬄ᭞ᬦᬸᬮ᭄ᬬᬵᬭᬭᬶᬲ᭄ᬫᬳᬢᬹᬃ᭞ᬩᬧᬵᬢᬶᬢ᭄ᬬᬂᬫ
ᬦᬯ᭄ᬕᬂ᭞ᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬧᬫᬶᬢ᭄ᬧᬘᬂᬩᬸᬤᬮ᭄᭟᭐ᬲᬫ᭄ᬧᬸᬦ᭄ᬩᬧᬵᬲᬮᬶᬢ᭄ᬳᬃᬱ᭞ᬦᬾᬜᬦᬦ᭄ᬢᬶᬢ᭄ᬬᬂᬫ᭄ᬭᬶᬓᬶ᭞ᬦᬦᬂᬲᭂᬫ᭄ᬧᬾᬗᭀᬢ᭄ᬫᬗᬸᬘᬧ᭄᭞ᬮᬄᬮᬯᬸᬢᬂᬩᬕᬸᬲ᭄ᬫᬦ᭄ᬢᬸᬓ᭄᭞
ᬦᬾᬦᬾᬜᬦᬦ᭄ᬧᬲ᭄ᬫᭂᬗᬦ᭄᭞ᬘᬳᬶᬫᬳᬶ᭞ᬳᬶᬗ᭄ᬕᬶᬄᬲᬧᬦ᭄ᬤᬶᬓᬵᬦ᭄ᬩᬧᬵ᭟᭐ᬮᬯᬸᬢ᭄ᬬᬚᬦᬶᬫᬚᬮᬦ᭄᭞ᬢᬜ᭄ᬓᬘᬭᬶᬢᬤᬶᬫᬵᬃᬕ᭄ᬕᬶ᭞ᬳᬾᬗ᭄ᬕᬮ᭄ᬚᬦᬶᬢ᭄ᬓᭂᬤᬸᬚᬸᬄᬚᬸᬫᬄ᭞ᬤᬧᭂᬢᬂ

[᭑᭙ 19A]
᭑᭙
ᬤᬦᬾᬳᬶᬓ᭄ᬢᬸᬢ᭄᭞ᬳᬾᬧᬾᬄᬤᬶᬦᬢᬳᬾᬜᬫ᭄ᬧᬢ᭄᭞ᬗᬸᬢᬂᬳ᭄ᬫᬶᬲ᭄᭞ᬢᬶᬗ᭄ᬓᬄᬘᬵᬭᬫᬓᬸᬋᬡᬦ᭄᭟᭐ᬳᬶᬮᬶᬜ᭄ᬚᬸᬃᬩᬸᬓᬓᬯ᭄ᬗᬦ᭄᭞ᬗᬢᭀᬦᬂᬳᬶᬓ᭄ᬢᬸᬢ᭄ᬓᬯᬶ᭞ᬫᬜᬧᬵ
ᬫᬸᬜᬶᬦᬾᬳᬮᭀᬦ᭄᭞ᬤᬾᬯᬦ᭄ᬢᬶᬢ᭄ᬬᬗᬾᬳᬶᬓ᭄ᬢᬸᬢ᭄᭞ᬧᬸᬦᬧᬶᬲᬶᬄᬯᬾᬦ᭄ᬢᭂᬦ᭄ᬓᬵᬃᬬ᭄ᬬ᭞ᬭᬯᬸᬄᬫ᭄ᬭᬶᬓᬶ᭞ᬩ᭄ᬘᬶᬓ᭄ᬦᬶᬓᬬᬂᬭᬶᬂᬢᬶᬢ᭄ᬬᬂ᭟᭐ᬦᬶᬓ᭄ᬢᬸᬢ᭄ᬓᬯᬶᬫᬦᬶᬫ᭄ᬩᬮ᭄᭞ᬫᬸᬜᬶᬦᬾᬫᬗ᭄ᬢᬸ
ᬲ᭄ᬳᬢᬶ᭞ᬤᬸᬮᬸᬭᬶᬦ᭄ᬩᬦ᭄ᬬᬾᬄᬳᬶᬗ᭄ᬳᬮ᭄᭞ᬩᭂᬮ᭄ᬩᭂᬮᬦ᭄ᬫᬸᬜᬶᬦᬾᬧᭂᬲᬸ᭞ᬩ᭄ᬮᬶᬯᬬᬦ᭄ᬜᬫᬦ᭄ᬢᬶᬢ᭄ᬬᬂ᭞ᬳᬸᬮᬶᬢᬸᬦᬶ᭞ᬢᬶᬢ᭄ᬬᬂᬜᬦ᭄ᬢᭀᬲ᭄᭞ᬩ᭄ᬮᬶᬚᬸᬫᬄ᭟᭐ᬲᬗ᭄ᬓᬦ᭄ᬢᬶᬢ᭄ᬬᬂᬫ᭄ᬭᬶᬓᬶᬢ᭄ᬓᬵ᭞ᬚᬸ
ᬫᬄᬲᬳᬶᬦᬶᬗᭂᬄᬫᬸᬜᬶ᭞ᬳᬶᬫᬾᬫᬾᬫᬶᬯᬄᬳᬶᬩᬧᬵ᭞ᬗᭂᬦ᭄ᬤᬶᬓᬬᬂᬓᬬᬸᬦ᭄ᬲᬸᬗ᭄ᬲᬸᬢ᭄᭞ᬢᬶᬢ᭄ᬬᬂᬚᬸᬫᬄᬢᬗᬭᬶᬦᬵ᭞ᬲᬸᬩᬓ᭄ᬮᬶᬄ᭞ᬭᬯᭀᬲ᭄ᬳᬶᬫᬾᬫᬾᬳᬶᬩᬧᬵ᭟᭐ᬯᬦ᭄ᬢᬄᬢᬶ [ 20 ][᭑᭙ 19B]
᭑᭙
ᬢ᭄ᬬᬂᬓᬳᬾᬲ᭄ᬢᬶᬯᬂ᭞ᬫᬗ᭄ᬤᬵᬫᬫᬜ᭄ᬚᬓ᭄ᬭᬶᬂᬩ᭄ᬮᬶ᭞ᬤᬾᬦᬶᬂᬢ᭄ᬯᬭᬵᬳᬤᬮᬾᬦᬦ᭄᭞ᬧᬢᬹᬢ᭄ᬗᬦ᭄ᬢᬶᬦᬶᬦ᭄ᬳᬶᬕᬸᬭᬹ᭞ᬫᬗᭀᬤᬕᬂᬘᬭᬶᬓ᭄ᬳᬩ᭄ᬬᬦ᭄᭞ᬫᬲᬶᬄᬩ᭄ᬮᬶ᭞ᬢᬶᬢ᭄ᬬᬂᬭᬯᬸᬄᬧᬲᭂ
ᬫ᭄ᬗᬤ᭄᭟᭐ᬢᬶᬢ᭄ᬬᬂᬫᬗᬢᬸᬭᬂᬳᬯᬓ᭄᭞ᬓ᭄ᬦᬶᬲ᭄ᬯᬾᬘᬦ᭄ᬮᬶᬦᬫ᭄ᬧᬶ᭞ᬫᬫᬜ᭄ᬚᬓᬂ᭞ᬢᬶᬢ᭄ᬬᬂᬢᬫ᭄ᬩᭂᬢ᭄᭞ᬳᬶᬯᬬᬦ᭄ᬮᬶᬜ᭄ᬚᬸᬃᬫᬲᬯᬸᬢ᭄᭞ᬲᬤ᭄ᬬᬦᬾᬓ᭄ᬢᬸᬢ᭄ᬭᬯᭀᬲᬂ᭞ᬢᬶᬢ᭄ᬬᬂᬳᬾᬮᬶᬂ
᭞ᬤᬤᬶᬘᬶᬘᬶᬂᬕ᭄ᬭᬸᬄᬩᬸᬕ᭄᭟᭐ᬢ᭄ᬯᬄᬧᬦ᭄ᬢᭂᬲ᭄ᬩᬳᬂᬘᬭᬶᬓᬦ᭄᭞ᬓᬸᬮᬸᬓ᭄ᬩ᭄ᬭᬶᬕ᭄‌ᬩᬸᬯᬶᬦ᭄ᬩᭂᬗᬶᬮ᭄᭞ᬚᬯᬶᬦᬶᬦ᭄ᬢᬸᬦ᭄ᬤᬾᬦ᭄ᬫᬗᭀᬗ᭄ᬓᭀᬂ᭞ᬢᭀᬂᬜᬦ᭄ᬤᬂᬩ᭄ᬯᬢᬂᬢᬹᬢ᭄᭞ᬫ᭄ᬭᬶᬓᬩᬸᬤᬮ᭄ᬳᬾᬗ᭄ᬕ
ᬮᬾᬗ᭄ᬕᬮ᭄᭞ᬢ᭄ᬬᬂᬫᬕ᭄ᬥᬶ᭞ᬫᬓᬶᬭᬾᬗᬮᬶᬄᬘᬭᬶᬓᬦ᭄᭟᭐ᬦᬶᬓ᭄ᬢᬸᬢ᭄ᬓᬯᬶᬦᬶᬗᭂᬳᬂ᭞ᬩᭂᬦ᭄ᬫᬸᬜᬶᬦᬾᬮᬮᬄᬫᬦᬶᬲ᭄᭞ᬳᭂᬗ᭄ᬲᭂᬓ᭄ᬩᬸᬓᬢᬶᬜ᭄ᬚᬓ᭄ᬚᬭᬦ᭄᭞ᬳ᭄ᬦᭂᬓ᭄ᬩᬸᬓᬓ᭄ᬦᬵᬳᬶᬫ᭄ᬧᬸ

[᭒᭐ 20A]
᭒᭐
ᬕ᭄᭞ᬩᭂᬮ᭄ᬩᭂᬮᬦ᭄ᬩᬳᬦ᭄ᬬᬾᬄᬢᬶᬗᬮ᭄᭞ᬤᬺᬱ᭄ᬫᬶᬚᬶᬮ᭄᭞ᬫᭂᬫ᭄ᬩᬄᬢᭀᬂᬤᬤᬶᬲᬃᬯᬂ᭟ᬳᬸᬲᬧ᭄ᬳᬸᬲᬧᬂᬢᭀᬂᬤᬤᬶᬳᬶᬮᬂ᭞ᬫᬩᬶᬬᭀᬓ᭄ᬩᬸᬓᬲᬸᬕᬶᬦᬶᬦ᭄᭞ᬫᬲᬶᬄᬧ᭄ᬮᬓ᭄ᬯᬂᬫᬢᬹᬃ᭞ᬳᬶᬗ᭄ᬕᬶᬄ
ᬢᬶᬢ᭄ᬬᬂᬫᬦᬯᭂᬕᬂ᭞ᬢ᭄ᬓᬾᬦ᭄‌ᬩ᭄ᬮᬶ᭞ᬲᬭᬳᬾᬤᬂᬫᬜᬶᬲᬶᬧᬂ᭟᭐ᬤᬕᬶᬂᬳᬶᬧᬸᬦ᭄ᬳᬫ᭄ᬧᬸᬭᬬᬂ᭞ᬫᬱᬩ᭄ᬮᬶᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬢᬶᬢ᭄ᬬᬂᬘ᭄ᬭᬶᬓ᭄ᬓᬭᬶᬩ᭄ᬮᭀᬕ᭄᭞ᬗᬸᬮᬄᬫᬸᬜᬶᬦᬾᬧᭂᬲᬸ᭞
ᬦᬫ᭄ᬧᬸᬦ᭄‌ᬩ᭄ᬮᬶᬫᬜᬮᬳᬂ᭞ᬢᬸᬯᬄᬚᬢᬶ᭞ᬫᬦᬄᬢᬶᬢ᭄ᬬᬂᬮᬶᬦ᭄ᬢᬂᬢᬺᬱ᭄ᬡᬵ᭟᭐ᬯᬦ᭄ᬢᬄᬩ᭄ᬮᬶᬳᬾᬲ᭄ᬢᬶᬦ᭄ᬢᬶᬢ᭄ᬬᬂ᭞ᬳᬸᬮᬶᬳᬮᬶᬢ᭄ᬓᬦ᭄ᬢᭀᬲ᭄ᬫᬗ᭄ᬓᬶᬦ᭄᭞ᬦᬤᬓ᭄ᬱᬭᬵᬳᬤᬩᬾᬤ᭄ᬥ᭞ᬤᬤᬶ
ᬢᬶᬢ᭄ᬬᬂᬧᬢᬶᬓᬘᬸᬄ᭞ᬫᬫᬸᬜᬶᬗᬸᬮᬄᬧᭂᬲ᭄ᬯᬦ᭄᭞ᬯᬦ᭄ᬢᬄᬓᬯᬶ᭞ᬫᬗᬯᬾᬦᬂᬢᬶᬢ᭄ᬬᬂᬳᬶᬯᬂ᭟᭐ᬬᬤ᭄ᬬᬦ᭄ᬩᬗᭂᬢ᭄ᬢᬶᬢ᭄ᬬᬂᬳᬶᬯᬂ᭞ᬢᬶᬢ᭄ᬬᬂᬤᬯᭂᬕ᭄ᬫᬢᬹᬃᬲᬶᬲᬶᬧ᭄᭞ᬳᬧᬂᬩ᭄ᬮᬶᬫᬫ [ 21 ][᭒᭐ 20B]
᭒᭐
ᬜ᭄ᬚᬓᬂ᭞ᬤ᭄ᬬᬲ᭄ᬢᬸᬳᬮᬵᬮ᭄ᬯᬶᬄᬳᬬᬸ᭞ᬬᬤᬶᬦ᭄ᬲᬶᬬᭀᬲ᭄ᬧᬦᬤᭀᬲᬦ᭄᭞ᬮᬫᬸᬦ᭄ᬫᬢᬶ᭞ᬩᬋᬂᬫᬢᬸᬗ᭄ᬕᬮᬦ᭄ᬩᬂᬫ᭄ᬩᬂ᭟᭐ᬬᬤ᭄ᬬᬦ᭄ᬧᬶᬂᬲᬧ᭄ᬢᬵᬫᬜᬤ᭄ᬫᬵ᭞ᬳᬧᬂᬫᬲᬶᬄᬚ᭄ᬯᬵᬓᬧ
ᬗ᭄ᬕᬶᬄ᭞ᬩ᭄ᬮᬶᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬜ᭄ᬚᬓ᭄᭞ᬳᬶᬮᬶᬜ᭄ᬚᬸᬃᬬᬫᬲᬯᬸᬢ᭄᭞ᬳᬸᬲᬦᬂᬳᬤᬶᬳᬸᬲᬦᬂ᭞ᬫ᭄ᬭᬶᬓᬶᬫᬸᬮᬶᬄ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬘᬂᬮ᭄ᬯᬲ᭄᭟᭐ᬳᬢᬸᬃᬢᬶᬢ᭄ᬬᬂᬚ᭄ᬯᬵᬳᬾᬮᬶᬗᬂ᭞ᬫ
ᬗᬢᬸᬭᬶᬦ᭄ᬳᬤᬶᬫᬸᬮᬶᬄ᭞ᬳᬶᬜᭀᬫᬦ᭄‌ᬘᭀᬩ᭄ᬮᭀᬂᬦᬓᭀᬦᬂ᭞ᬤᬾᬦᬶᬂᬳᬤᬶᬢᬸᬫ᭄ᬩᬾᬦ᭄ᬗᬗ᭄ᬕ᭄ᬮᬸᬃ᭞ᬳᬶᬭᬶᬓᬶᬓᬚᬸᬫᬄᬢᬶᬢ᭄ᬬᬂ᭞ᬓᬢᬶᬳᬢᬶ᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂᬤᬶᬚᬸ
ᬫᬄ᭟᭐ᬫ᭄ᬭᬶᬓᬳᬤᬶᬫᬸᬮᬶᬄᬳᬾᬗ᭄ᬕᬮ᭄᭞ᬢᬶᬢ᭄ᬬᬂᬫᬓᬶᬭᬾᬫ᭄ᬮᬮᬶ᭞ᬦᬶᬓ᭄ᬢᬸᬢ᭄ᬓᬯᬶᬲᬶᬕ᭄ᬲᬶᬕᬦ᭄᭞ᬮᬯᬸᬢ᭄ᬬᬫᬓᬶᬍᬲ᭄‌ᬧ᭄ᬲᬸ᭞ᬧᬚᬮᬦᬢ᭄ᬯᬭᬵᬕᬦ᭄ᬢᬲ᭄᭞ᬲᬫ᭄ᬩᬶᬮ᭄‌ᬬᬾᬄᬫᬢᬦᬾᬧ

[᭒᭑ 21A]
᭒᭑
ᬢᬫ᭄ᬯᬲ᭄᭞᭐ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭞ᬲᬢᬶᬦ᭄ᬤᬓ᭄ᬫᬓᭀᬮᬶᬄᬓᭀᬮᬶᬄ᭞ᬓᬤᬾᬦ᭄ᬳᬶᬢ᭄ᬬᬂᬩ᭄ᬮᬶᬢ᭄ᬓᬵ᭞ᬫᬦᬸᬢᬸᬖᬸᬮᬶᬤᬶᬧᬸᬗ᭄ᬓᬸᬃ᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬚᬗ᭄ᬕᭂᬮᬦ᭄᭞ᬬᬫᬫᬃᬕᬶ᭞ᬢᭀᬮᬶᬄᬳᬶ
ᬢ᭄ᬬᬂᬢ᭄ᬯᬭᬵᬗᭂᬦᬄ᭟᭐ᬲᬫ᭄ᬧᬸᬦ᭄ᬲᬜ᭄ᬚᬢ᭄ᬓᭂᬦ᭄ᬳᬸᬫᬄ᭞ᬓᬧᬲᬭᬾᬦᬦ᭄ᬫᬗ᭄ᬭᬭᬶᬲ᭄᭞ᬳᬶᬗᭂᬢ᭄ᬓᬗᭂᬦ᭄ᬓᬾᬦ᭄ᬳᬯᬓ᭄᭞ᬤᬺᬱ᭄ᬬᬾᬄᬫᬢᬦᬾᬧᭂᬲᬸ᭞ᬢ᭄ᬯᬭᬵᬬᬤᬤᬶᬲᬃᬯᬂ᭞ᬤᬾᬯᬵᬕᬸᬲ᭄ᬢᬶ᭞ᬗᬸ
ᬤᬓᬾᬦᬾᬫᬦᬄᬢᬶᬢ᭄ᬬᬂ᭟᭐ᬳᬧᬚᬵᬫᬓᬤ᭞ᬲᬗ᭄ᬓᬦ᭄ᬢᬶᬢ᭄ᬬᬂᬮᬚᬸᬧᬮᬶᬂ᭞ᬤᬤᬶᬢᬶᬢ᭄ᬬᬂᬮᬯᬸᬢ᭄ᬓᭂᬫ᭞ᬚᬸᬫᬄᬤᬦᬾᬩ᭄ᬮᬶᬩᬕᬸᬲ᭄᭞ᬫᬦᬸᬦᬲ᭄ᬗᬢᬸᬭᬂᬳᬯᬓ᭄᭞ᬢᭀᬂᬓ
ᬢᬫ᭄ᬧᬶ᭞ᬳ᭄ᬮᬲ᭄ᬩᭂᬮᬶᬢ᭄ᬓᬾᬦ᭄ᬢᬶᬢ᭄ᬬᬂ᭟᭐ᬓᬾᬢᭀᬫᬸᬜᬶᬦᬾᬫᬜᬫ᭄ᬩᬢ᭄᭞ᬤᬶᬧ᭄ᬥᭂᬫᬦ᭄ᬳᬸᬬᬂᬧᬮᬶᬂ᭞ᬲᬫ᭄ᬧᬸᬲᬸᬭᬸᬧ᭄‌ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬫᬾᬫᬾᬦ᭄ᬜᬵᬳ᭄ᬓᭂᬫᬗ᭄ᬭᬸᬗᬹ᭞ᬲᬋᬂᬤᬦᬾᬮᬬᬂᬲ᭄ᬓᬃ [ 22 ][ ᭒᭑ 21B]
᭒᭑
᭞ᬫᬦᬓᭀᬦᬶᬦ᭄᭞ᬕᬸᬲ᭄ᬢᬶᬢ᭄ᬓᬵᬳᬸᬮᬶᬤᬶᬚᬵ᭟᭐ᬓᬶᬚᬵᬕᬸᬲ᭄ᬢᬸᬫᬳᬗ᭄ᬕᬸᬭᬦ᭄᭞ᬳᬸᬮᬶᬲᭂᬫ᭄ᬗᬦ᭄ᬫᬕᭂᬤᬶ᭞ᬳᬧᬓᬮᬶᬄᬓᬧᬶᬲᬕᭃᬜᬾᬦ᭄ᬓᬾᬲᬾᬮᬾᬭᬶᬦ᭄ᬗᬗ᭄ᬕᬸᬃ᭞ᬢ᭄ᬯᬭᬵᬓᭀᬤᬕ᭄‌ᬦᭀ
ᬗᭀᬲ᭄ᬚᬸᬫᬄ᭞ᬢ᭄ᬓᬵᬕᭂᬦᬶᬢ᭄᭞ᬩᬢᬶᬲᬾᬦᬕᬶᬄᬚᬮᬦᬂ᭟᭐ᬢ᭄ᬯᬭᬵᬤᬓᬃᬯᬗᬯᬾᬦ᭄ᬜᬵ᭞ᬓᬾᬯᬮᬵᬮᬸᬯᬲ᭄ᬫᬮᬮᬶ᭞ᬩᬶᬮᬶᬄᬕᬸᬲ᭄ᬢᬶᬗᬯᬾᬚ᭄ᬜ᭄ᬕᬄ᭞ᬜᭂᬗᬳᬶᬤ᭄ᬥᬦᬾᬳᬶᬕᬸᬭᬹ᭞ᬫᬾᬫᬾ
ᬩ᭄ᬮᭀᬕ᭄᭞ᬩ᭄ᬯᬶᬦ᭄ᬢ᭄ᬯᬭᬵ᭞ᬳᬾᬗ᭄ᬕᬮ᭄ᬫᬳᬶ᭞ᬜᬳᬶᬓᬭᬶᬧᬤᬤ᭄ᬬᬵᬦᬦ᭄᭟᭐ᬳᬶᬓ᭄ᬢᬸᬢ᭄ᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬢ᭄ᬯᬭᬵᬢᬶᬢ᭄ᬬᬂᬫᬜᭂᬗᬳᬶᬦ᭄᭞ᬢᬶᬢ᭄ᬬᬂᬫ᭄ᬮᬮᬶᬓᬯᬦᬦ᭄᭞ᬓᬚᬸᬫᬄᬩ᭄ᬮᬶᬯᬬᬦ᭄ᬮᬶᬜ᭄ᬚᬸᬃ
᭞ᬳᬶᬗᭂᬢ᭄ᬢᬶᬢ᭄ᬬᬂᬗ᭄ᬮᬄᬫᬶᬲᬦ᭄᭞ᬳᬸᬩᬸᬄᬘ᭄ᬭᬶᬓ᭄᭞ᬓᬢᬶᬗ᭄ᬕᬮᬦ᭄ᬫᬾᬫᬾᬩᬵᬧ᭟᭐ᬳᬶᬩᬸᬳᬶᬗ᭄ᬕᬶᬄᬫᭂᬲᭂᬦᬂ᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬦ᭄ᬮᭀᬓᬶᬦ᭄᭞ᬓᬾᬢᭀᬩᬳᬦ᭄ᬜᬵᬜᬢᬸᬯᬂ᭞ᬫᬾᬫᬾᬦ᭄ᬜᬗ᭄ᬮᬯᬸ

[᭒᭒ 22A]
᭒᭒
ᬢ᭄‌ᬧ᭄ᬲᬸ᭞ᬦᬶᬓ᭄ᬢᬸᬢ᭄ᬓᬯᬶᬚᬸᬫᬳᬦ᭄᭞ᬧᬤᬶᬤᬶᬳᬶᬦ᭄᭞ᬓ᭄ᬦᭂᬳᬾᬢᭀᬂᬤᬤᬶᬧᬲᬄ᭟᭐ᬳᭂᬗ᭄ᬲᭂᬓ᭄‌ᬩ᭄ᬗᭀᬂᬤᬶᬧᬤᭂᬫᬦ᭄᭞ᬚ᭄ᬗᬄᬜᬦᬾᬩᬸᬓᬫᬢᬶ᭞ᬫᬓᬶᬢᬫᬜᬸᬤᬹᬓ᭄ᬭᬕᬵ᭞ᬩᬦ᭄ᬤᭂ
ᬦᭂᬳᬾᬮᬶᬯᬢ᭄ᬳᬶᬩᬸᬓ᭄᭞ᬩᬸᬤᬸᬄᬢ᭄ᬓᬾᬦ᭄‌ᬩ᭄ᬮᬶᬯᬬᬦ᭄᭞ᬭᬱᬤᬶᬦᬶ᭞ᬫᬲᬡ᭄ᬳᬶᬂᬳᬚᬓ᭄ᬫᬗᬓ᭄᭟᭐ᬩᬳᬦᬾᬢᭀᬂᬤᬤᬶᬭᬸᬯᬂ᭞ᬚᭂᬫᬓ᭄ᬕᬍᬗᬾᬚᬗ᭄ᬓᬸᬢᬶᬦ᭄᭞ᬳᭂᬦ᭄ᬢᭀᬳᬦ᭄ᬤᬾ
ᬬᬂᬩ᭄ᬮᬶᬯᬬᬦ᭄᭞ᬓᬯᬸᬓᬶᬦ᭄ᬳᬚᬓ᭄ᬫᬓᬸᬧ᭄ᬓᬸᬧ᭄᭞ᬘᬭᬵᬳᬦᬧᬧᬓᬶᬳᬶᬦ᭄᭞ᬤᬶᬳᬶᬦ᭄᭞ᬤᬶᬫᬦᬶᬗᬍᬗᬶᬦ᭄ᬮᬶᬫ᭟᭐ᬳᬧᬬᬓᬾᬢᭀᬭᬲᬜ᭞ᬲᬸᬫᬶᬗ᭄ᬓᬶᬦ᭄‌ᬓ᭄ᬦᭂᬳᬾᬧᬮᬶᬂ
ᬓᬾᬦ᭄ᬓᬾᬦ᭄ᬩᬳᬦ᭄ᬜᬵᬜᬃᬯᬂ᭞ᬤᬦᬾᬩ᭄ᬮᬶᬯᬬᬦ᭄ᬮᬾᬜ᭄ᬚᬸᬃ᭞ᬤᬶᬧᬳᬫᬢᬄᬦᬫᬭᬯᬢ᭄᭞ᬤᬳᬢ᭄ᬫᬦᬶᬲ᭄᭞ᬓᬤᬶᬫᬥᬸᬕᬸᬮᬵᬤ᭄ᬭᬯᬵ᭟᭐ᬩᬮᬶᬓ᭄ᬩᬮᬶᬓᬂᬤᬶᬫᬦᬄ᭞ᬫ [ 23 ][᭒᭒ 22B]
᭒᭒
ᬓᬶᬢᬢ᭄ᬫᬵᬫᬗᬮᬶᬄ᭞ᬲᬸᬫᬗ᭄ᬓᬶᬦ᭄ᬫᬯᬸᬯᬸᬄᬳ᭄ᬜᬕ᭄᭞ᬓᬦ᭄ᬢᬶᬥ᭄ᬧᬾᬮᬶᬯᬢ᭄ᬢᬸᬮᬸᬲ᭄᭞ᬳᬾᬗ᭄ᬕᬮ᭄ᬳᬗ᭄ᬕᬮ᭄ᬓᬸᬤᬍᬫᬄ᭞ᬳᭂᬲᬲᬳᬶ᭞ᬢᬶᬢ᭄ᬬᬂᬲ᭄ᬥᬶᬄᬫᬧᬗᭂᬦᬦ᭄᭟᭐ᬚᬦᬶᬲᬸᬩᬢᬢᬲᬼᬫᬄ᭞
ᬮ᭄ᬬᬸᬓ᭄ᬥᬶᬲᬾᬫᬫᬸᬜᬶ᭞ᬳᬸᬫᬸᬂᬕ᭄ᬯᬓᬾᬗᬕᬮᭀᬓ᭄᭞ᬘᬸᬮᬶᬓ᭄ᬮᬮᬶᬓ᭄ᬢᬸᬳᬸᬢᬸᬳᬸ᭞ᬳᬶᬰᬢ᭄ᬚᬸᬯᬦᬫᬗ᭄ᬭᬓ᭄᭞ᬫᬶᬭᬶᬩ᭄‌ᬲ᭄ᬥᬶᬄ᭞ᬗᬯᬸᬓᬶᬦ᭄ᬗᬚᬓ᭄ᬫᬓᬳᬤ᭄᭟᭐ᬳᬶᬓ᭄ᬢᬸᬢ᭄ᬩᬗᬸᬦ᭄ᬗᬤᬾᬩ
ᬲ᭄᭞ᬓ᭄ᬦᭂᬳᬾᬩᬸᬓᬤᬸᬦ᭄ᬤᬸᬦᬶᬦ᭄᭞ᬧᭂᬲ᭄ᬯᬦ᭄ᬮᬯᬸᬢ᭄ᬫᬗᬓ᭄᭞ᬲᬃᬯᬂᬤᬦᬾᬗᬶᬦᬂᬤᬸᬭᬹᬄ᭞ᬢᬶᬢ᭄ᬬᬂᬫᬧᬗᭂᬦᬦ᭄᭞ᬩᬸᬤᬸᬄᬧᬮᬶᬂ᭞ᬢ᭄ᬯᬭᬵᬤᬤᬶᬩᬦ᭄ᬜᬃᬯᬂ᭟᭐ᬫᬾᬫᬾᬩᬧᬦᬾᬫᬜᬕ᭄ᬚᬕ᭄
᭞ᬦᬓᭀᬦᬶᬦ᭄ᬫᬸᬜᬶᬦᬾᬳᬭᬶᬲ᭄᭞ᬳᬢ᭄ᬫᬵᬦ᭄ᬩᬧᬦᬾᬳᬶᬫᬶᬭᬄ᭞ᬫᬗᬸᬤᬵᬤᬾᬯᬓᭂᬲᬸᬤ᭄᭞ᬗ᭄ᬓᬾᬦ᭄‌ᬫ᭄ᬭᬲᬵᬓᬲᬓᬶᬢᬂ᭞ᬤᭀᬂᬢᬸᬢᬸᬭᬶᬦ᭄᭞ᬳᬧᬂᬩᬧᬵᬧ᭄ᬥᬲ᭄ᬦᬯᬂ᭟᭐ᬦᬶᬓ᭄ᬢᬸᬢ᭄ᬓᬯᬶ

[᭒᭓ 23A]
᭒᭓
ᬫᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬲᬓᬶᬢ᭄᭞ᬲᬓᬾᬯᬦ᭄ᬢᭂᬦᬦ᭄ᬫᬦ᭄ᬢᬸᬦ᭄ᬕᬸᬓ᭄ᬳᭀᬦ᭄᭞ᬫᬦᬄᬢᬶᬢ᭄ᬬᬗᬾᬲᬸᬳᬸᬂᬲᬸᬳᬸᬂ᭞ᬩᬶᬮᬶᬄᬢᬶᬢ᭄ᬬᬂᬓ᭄ᬦᬶᬪᬵᬬ᭞ᬬᬦ᭄ᬢᬯᬸᬭᬶᬦ᭄᭞ᬦᬶᬮᬶᬄᬲᬶᬤ᭄ᬥ
ᬫᬮᬭᬤᬦ᭟᭐ᬬᬦ᭄ᬗᭀᬬᬢᬂᬤᬵᬬᬦᭂᬦ᭄᭞ᬩᬶᬮᬶᬄᬲᬓᬶᬢᬾᬩᬦ᭄ᬯᬶᬥᬶ᭞ᬳᬶᬤᬪᬝᬵᬭᬳ᭄ᬬᬂᬫᭀᬗᭀᬃ᭞ᬲᬗ᭄ᬓᬦ᭄ᬢᬶᬢ᭄ᬬᬂᬘᬵᬭᬩᬸᬤᬸᬄ᭞ᬬᬦ᭄ᬫᬦᬸᬱᬵᬫᬗᬯᬾᬦᬂ
ᬢᬶᬢ᭄ᬬᬂᬲᬓᬶᬢ᭄᭞ᬩᬶᬮᬶᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬧᭂᬚᬄ᭟᭐ᬬᬗᬸᬭᬸᬓᬭᬶᬲ᭄ᬯᬾᬘ᭄ᬘᬵ᭞ᬪᬵᬬᬦ᭄ᬢᬶᬢ᭄ᬬᬗᬾᬢᬯᬸᬭᬶᬦ᭄᭞ᬤᬾᬦᬶᬂᬳᬕᭂᬂᬳᬸᬢᬂᬢᬶᬢ᭄ᬬᬂ᭞ᬳᬧᬂᬩ᭄ᬮᬶᬯᬬᬦ᭄ᬮᬾᬜ᭄ᬚᬸᬃ᭞ᬦᬶᬓ
ᬬᬂᬧᬘᬂᬜᬧᬬᬂ᭞ᬤᬾᬦᬶᬂᬓᬭᬶᬤᬾᬦᬾᬫᬢᬸᬗ᭄ᬕᬮᬦ᭄‌ᬲᭂᬫ᭄ᬩᬄ᭟᭐ᬬᬗᬸᬭᬸᬯᬦ᭄ᬢᬄᬗᬃᬬ᭄ᬬᬦᬂ᭞ᬫᬗ᭄ᬤᬾᬦ᭄ᬢᬶᬢ᭄ᬬᬂᬓᬭᬶᬫᬸᬭᬶᬧ᭄᭞ᬧᬸᬦᬶᬓᬵᬕᬸᬭᬸᬕ᭄ᬮᬶᬲᬂ᭞ᬬᬤ᭄ᬬᬦ᭄ᬳᬮ᭄ᬬᬸᬂᬳᬸ [ 24 ][ ᭒᭓ 23B]
᭒᭓
ᬩᬦ᭄ᬮᬶᬬᬸ᭞ᬦᬾᬦ᭄ᬢᭂᬦ᭄ᬳᬸᬩᬤᬾᬜ᭄ᬕᭂᬭᬂ᭞ᬮᬫᬸᬦ᭄ᬕᬦ᭄ᬢᬶ᭞ᬤᬧᬶᬦ᭄ᬮᬶᬬᬸᬳᬮ᭄ᬬᬂᬩᬮ᭄ᬬᬦ᭄᭟᭐ᬫᬩᬮᬶᬓ᭄‌ᬮ᭄ᬬᬸᬓᭂᬩᬾᬬᬦ᭄᭞ᬩᬲᬾᬩ᭄ᬩ᭄ᬯᬄᬫᬶᬯᬄᬧᬶᬧᬶᬲ᭄᭞ᬫᬗ᭄ᬤᬾᬦ᭄ᬜᬦᬾᬧᬬᬸᬗ
ᬫᬄ᭞ᬢᬶᬤᭀᬂᬩᬮ᭄ᬬᬦ᭄‌ᬢ᭄ᬯᬄᬫᬢᬸᬮᬸᬂ᭞ᬳᭂᬦ᭄ᬢᭀᬫᬤᬦ᭄ᬳᬦᬓ᭄ᬫᬳᬮ᭄ᬬᬦ᭄᭞ᬦᬾᬦᬾᬦᬲᬓᬶᬢ᭄᭞ᬫᬲᬩᬸᬯᬸᬂᬮᬓᬃᬧᭂᬚᬄ᭞᭟᭐ᬦᬾᬕ᭄ᬥᬾᬫᬗᭂᬦᬂ᭞ᬮ᭄ᬬᬸᬗᭀᬜᬂᬩᬳᬲ᭄ᬧᬶ
ᬯᬶᬲ᭄᭞ᬩᬮ᭄ᬬᬦᬾᬬᬧᬬᬸᬫᭀᬢᬳ᭄᭞ᬮ᭄ᬬᬸᬫᬓᬢᬂᬲᬲᬦ᭄ᬢᬸᬦ᭄᭞ᬳᬸᬮ᭄ᬬᬦᬾᬦᬾᬓᬲᬓᬶᬢᬦ᭄᭞ᬢᬸᬮᬸᬲ᭄ᬲ᭄ᬤᬶᬄ᭞ᬲᬓᬶᬢ᭄ᬧᬶᬂᬢ᭄ᬮᬸᬂᬧᬢ᭄᭟᭐ᬓᬾᬢᭀᬩᬳᬦ᭄ᬫᬜᬭᬸᬯᬂ᭟ᬫ
ᬫᬾᬩᬧᬦᬾᬫᬶᬭᬕᬶ᭞ᬢᬸᬢᬸᬭᬦ᭄ᬜᬵᬳᬶᬧ᭄ᬬᬦᬓ᭄᭞ᬢᬸᬯᬄᬓᬤᬾᬦᬂᬕᬸᬬᬸᬕᬸᬬᬸ᭞ᬫᬕ᭄ᬥᬶᬮᬯᬸᬢ᭄ᬧᭂᬲ᭄ᬯᬦ᭄᭞ᬫ᭄ᬮᬮᬶᬮᬮᬶ᭞ᬳᬶᬓ᭄ᬢᬸᬢ᭄ᬓᬯᬶᬧᬤᬶᬤ᭄ᬬᬦ᭄᭟᭐ᬲᬲᬫ᭄ᬩᬢᬾᬳᬤᬶ

[ ᭒᭔ 24A]
᭒᭔
ᬤ᭄ᬬᬦ᭄᭞ᬳᬧᬲᬚᬵᬫᬦᬸᬫᬤᬶ᭞ᬓᬓᬾᬦᬾᬤᬤᬶᬲᬭᬦ᭄᭞ᬳᬶᬫᬾᬫᬾᬢ᭄ᬓᬾᬦ᭄ᬳᬶᬕᬸᬭᬸ᭞ᬩᬸᬓᬢ᭄ᬯᬭᬵᬗ᭄ᬭᬸᬗᬸᬯᬂ᭞ᬢᬸᬮᬸᬲ᭄ᬫᬢᬶ᭞ᬢᬶᬢ᭄ᬬᬂᬫᬗᭂᬫᬲᬶᬦ᭄ᬧᭂᬚᬄ᭟᭐ᬩ᭄ᬯᬶᬢ᭄ᬳᬶ
ᬗᭂᬢ᭄ᬓᬾᬦ᭄ᬢᬸᬢᬸᬭᬦ᭄᭞ᬳᬤᬦᬾᬦᬾᬲᬮᬄᬧᬢᬷ᭞ᬓᭀᬘᬧ᭄ᬤᬤᬶᬤᬲᬃᬓᬯᬄ᭞ᬗᭀᬜᬂᬲᬲᬭᬾᬢᬧᬸᬓ᭄᭞ᬳ᭄ᬦᬸᬳᬶᬤᬸᬧ᭄ᬩᬜᬦ᭄ᬭᬲᬵ᭞ᬫᬗ᭄ᬤᬵᬫᬢᬶ᭞ᬤᬶᬚᬵᬗᬮᬶᬄᬍᬕᬦ᭄ᬫ
ᬦᬄ᭟᭐ᬩ᭄ᬯᬶᬦ᭄ᬦᬧᬦᬾᬦᬾᬧᬢ᭄ᬧᬢ᭄᭞ᬦᬾᬦᬾᬗᭂᬫ᭄ᬧᬸᬳᬸᬮᬶᬂᬘ᭄ᬭᬶᬓ᭄᭞ᬦᬾᬦᬾᬗᬩᬋᬂᬳᬓᬼᬓᬤ᭄᭞ᬢ᭄ᬯᬭᬵᬩ᭄ᬮᬸᬲ᭄ᬫᬓᬘᬢᬹᬃ᭞ᬫᬗᬚᬳᬶᬦ᭄ᬧ᭄ᬢᭂᬂᬍᬫᬄ᭞ᬦᬸᬗ᭄ᬕᬸᬉᬭᬶᬧ᭄᭞ᬦ
ᬗ᭄ᬳᬶᬂᬢ᭄ᬯᬭᬵᬳᬤᬗᭂᬦᬄ᭟᭐ᬓᬾᬢᭀᬓᭀᬘᬧ᭄ᬓᬢᬢ᭄ᬯᬦ᭄ᬜᬵ᭞ᬜᬫᬦᬾᬦᬾᬧ᭄ᬢᬂᬤᬶᬭᬶ᭞ᬓᬾᬦ᭄ᬓᬾᬗᭀᬩᬳᬤᬦ᭄ᬜᬵ᭞ᬬᬾᬄᬜᭀᬫ᭄ᬧᬮᬶᬂᬫᬮᬸ᭞ᬳᬶᬳᬗ᭄ᬕᬵᬧᬢᬶᬳᬤ [ 25 ][᭒᭔ 24B]
᭒᭔
ᬦᬶᬦ᭄ᬜᬵ᭞ᬮᬶᬦ᭄ᬢᬂᬮ᭄ᬯᬶᬄ᭞ᬫᬲᬶᬓ᭄ᬯ᭄ᬧ᭄ᬒᬁᬗ᭄ᬓᬭᬘᬓᬺ᭟᭐ᬕᭀᬩᬦᬾᬓᬩᬶᬦᬩᬶᬦᬵ᭞ᬫᬳᬤᬦ᭄ᬭᬚᬵᬧᬢᬶ᭞ᬊᬃᬗ᭄ᬓᬭᬲᬶᬓᭂᬧ᭄ᬦ᭄ᬬᬩᬚ᭄ᬭᬵ᭞ᬳᬶᬮᬫᬲ᭄ᬫᬦᬤᬶᬇᬓᬸ᭞ᬕᭀᬩᬦ᭄ᬜᬦᬾ
ᬓᬩᬶᬦᬯᬵ᭞ᬩ᭄ᬯᬶᬦ᭄ᬳᬶᬕ᭄ᬳᬶᬄ᭞ᬩᬦᬲ᭄ᬧᬢᬶᬧᬦᬤ᭄ᬬᬦ᭄ᬜᬵ᭟᭐ᬫᬁᬗ᭄ᬓᬭᬲᬶᬧ᭄ᬦ᭄ᬬᬕᬤᬵ᭞ᬕᭀᬩᬦᬾᬢ᭄ᬯᬭᬵᬤᬦᬦ᭄ᬤᬶᬗᬶᬦ᭄᭞ᬩ᭄ᬯᬶᬦ᭄ᬳᬭᬶᬳᬭᬶᬦᬾᬧᬶᬲᬦ᭄᭞ᬩᬦᬲ᭄ᬧᬢᬶᬭᬚ
ᬤᬤᬶᬓᬸ᭞ᬅᬁᬗ᭄ᬓᬭᬲᬶᬓᭂᬧ᭄ᬦ᭄ᬬᬫᬦᬄ᭞ᬫᬓᬲᬫᬶ᭞ᬲᬗ᭄ᬳ᭄ᬬᬂᬘᬢᬸᬃᬤᬾᬯᬢᬦ᭄ᬬᬳᭂᬦ᭄ᬢᭀᬩᭂᬫ᭄ᬧᬸᬳᬸᬮᬶᬤᬶᬩᬲᬂ᭞ᬧᬶᬦᭂᬄᬍᬓᬤ᭄ᬤᬤᬶᬓ᭄ᬮᬶᬄ᭞ᬫᬗᬶᬚᭂᬗᬶᬦ᭄ᬳᬳᬶᬤᬸᬧᬦ᭄᭞ᬬᬾᬦ᭄ᬮᬦ᭄ᬢᬂ
ᬢᬸᬯᬸᬳᬾᬳᭂᬦᬸ᭞ᬤᬶᬕᬦ᭄ᬢᬶᬦᬾᬧᬘᬂᬧᭂᬚᬄ᭞ᬬᬫᬕ᭄ᬥᬶ᭞ᬫᬜᬤᬗᬶᬦ᭄ᬩᬶᬮᬂᬚᬮᬦ᭄᭟᭐ᬦᬗ᭄ᬳᬶᬂᬫᬲᬶᬄᬳᬧᬂᬢᬯᬂ᭞ᬢᭀᬗᭀᬲ᭄ᬜᬦᬾᬫᬗᬦ᭄ᬢᬶ᭞ᬫᬂᬤᬤᬶᬢᬸᬓᬤ᭄᭞ᬬᬾᬄᬫᬹ

[᭒᭕ 25A]
᭒᭕
ᬦᬵ᭞ᬢᭀᬬᬦ᭄ᬦᬾᬕ᭄ᬥᬾᬩᬸᬯᬶᬦ᭄ᬲᬸᬮᬸᬓ᭄᭞ᬤᬶᬫᬭᬦᬾᬜᬢ᭄ᬳᬗ᭄ᬓᬶᬦ᭄ᬳᬦ᭄᭞ᬢᭀᬓᬧᬗ᭄ᬕᬶᬄ᭞ᬩᬦ᭄ᬲᬂᬗᬵᬢ᭄ᬫᬵᬫᬶᬗ᭄ᬳᬮ᭄᭟᭐ᬩᬳᬦᬼᬕᬦᬾᬓ᭄ᬮᬶᬯᬢ᭄᭞ᬢ᭄ᬯᬭᬵᬦᬯᬂᬳᬯᬓ᭄ᬫ
ᬢᬶ᭞ᬫᬲᬶᬄᬘ᭄ᬩᬸᬭᬶᬦ᭄ᬫᬚᬮᬦ᭄᭞ᬢᬦᬸᬭᬸᬗᬦ᭄ᬩᬜᬳᬜᬸᬤ᭄᭞ᬫᬓ᭄ᬮᭀᬤᬤᬶᬗ᭄ᬮᬶᬯᬢ᭄᭞ᬩ᭄ᬯᬶᬦ᭄ᬓᬧᬗ᭄ᬕᬶᬄ᭞ᬜᬫᬦᬾᬤᬤᬶᬫᬃᬕ᭄ᬕᬲᬗ᭄ᬳᬵ᭟᭐ᬤᬶᬢᬸᬧᬮᬶᬂᬫᬧᬶᬢᬸᬗᬦ᭄᭞ᬢ᭄ᬯᬭᬵᬳᬤ
ᬦᬓ᭄ᬦᬓᭀᬦᬶᬦ᭄᭞ᬩᬳᬦ᭄ᬲᬶᬲᬸᬦᬾᬫᬚᬮᬦ᭄᭞ᬫᬮᬶᬄᬚᬮᬦᬶᬦ᭄ᬢᭀᬢᬸᬳᬸᬢ᭄᭞ᬤᬶᬢᬸᬧᬮᬶᬂᬓ᭄ᬮᭀᬧ᭄ᬲᬦ᭄᭞ᬩ᭄ᬯᬶᬦ᭄ᬓᬧᬗ᭄ᬕᬶᬄ᭞ᬜᬫᬤᬤᬶᬢᬶᬢᬶᬢᬸᬗ᭄ᬕᬮ᭄᭟᭐ᬓᬮᬶᬄᬢ᭄ᬯᬭᬵᬫᬧ
ᬗᬜ᭄ᬚᬦ᭄᭞ᬧᬗ᭄ᬓᬸᬂᬤᬍᬫ᭄‌ᬩ᭄ᬯᬶᬦ᭄ᬳᬶᬤᭂᬂ᭞ᬧᭂᬚᬮᬦᬾᬕᬕᬜ᭄ᬘᬗᬦ᭄᭞ᬫᬲᬶᬄᬧᬳᬄᬧᬳᬄᬢᬸᬳᬹᬢ᭄᭞ᬤᬶᬢᬸᬮᬩᬸᬄᬫᬕᭂᬤᭂᬩ᭄ᬯᬕ᭄᭞ᬲᬸᬯᬾᬕᬢᬶ᭞ᬤᬶᬓᬯᬳᬾᬳᭂᬗ᭄ᬓᬓᭂᬗ᭄ᬓᬓ᭄᭟᭐ᬤᬶ [ 26 ][᭒᭕ 25B]
᭒᭕
ᬲᬸᬩᬦᬾᬫᬢᬶᬂᬢᬶᬗᬦ᭄᭞ᬫᬦ᭄ᬧᬸᬓᬶᬦ᭄ᬢᭀᬕᭀᬕ᭄ᬫᬡᬶᬓ᭄᭞ᬫᬪᬹᬱᬡᬓ᭄ᬭᬸᬘᬘᬹᬧᬬᬾᬄᬜᭀᬫᬾᬤᬤᬶᬳᬶᬓᬸ᭞ᬩ᭄ᬯᬶᬦ᭄ᬳᬤᬓᬺᬩᬮᬵ᭞ᬗᬗ᭄ᬕᬃᬕᬕᬶᬢᬶᬓ᭄᭞ᬳᭂᬦ᭄ᬢᭀᬓᬤᬤᬾᬦ᭄ᬳᬶ
ᬮᬫᬲ᭄᭟᭐ᬦᬾᬦᬾᬦᭀᬗᭀᬲ᭄ᬤᬶᬮᬯᬗᬦ᭄᭞ᬳᭂᬦ᭄ᬢᭀᬓᬤᬤᬾᬦ᭄ᬳᬶᬗ᭄ᬕᬶᬄ᭞ᬤᬗ᭄ᬳᬶᬂᬮᬶᬫᬭᬹᬧᬩᬭᭀᬂ᭞ᬜᬂᬗᬗᬮ᭄‌ᬫᬶᬭᬶᬩ᭄ᬫᬩᬸᬢ᭄ᬕᬸᬢ᭞ᬩ᭄ᬯᬶᬦ᭄ᬳᬤᬤᭀᬭᬓᬵᬮ᭞ᬳᬭᬶᬳᬭᬶ᭞ᬳ
ᬳᬾᬂᬫᬗᬗ᭄ᬕᬃᬓ᭄ᬮᬾᬯᬂ᭟᭐ᬬᬾᬦ᭄ᬢ᭄ᬯᬭᬵᬦᬯᬂᬓᬦ᭄ᬤᬦ᭄ᬜᬵ᭞ᬳᭂᬦ᭄ᬢᭀᬫᬓᭂᬚᬂᬜᬓᬶᬢᬶᬦ᭄᭞ᬫᬓᭂᬚᬂᬢᬦ᭄ᬤ᭄ᬭᬸᬄᬦᬓᭀᬦᬂ᭞ᬳᬮᬵᬳᬬᬸᬤᬸᬓᬾᬳᬶᬤᬸᬧ᭄᭞ᬳᬓᬾᬢᭀᬩᬦ᭄ᬗᬶᬢᬸᬗᬂ᭞ᬢᬶ
ᬗ᭄ᬓᬄᬫᬢᬶ᭞ᬫᬲᬶᬄᬓ᭄ᬭᬓᬵᬢᭂᬧᬸᬓᬶᬦ᭄ᬜᬵ᭟᭐ᬩᬮᬶᬓ᭄ᬩᬮᬶᬓᬂᬤᬶᬫᬦᬄ᭞ᬫᬓᬶᬢᬓ᭄ᬫᬵᬫᬗᬮᬶᬄ᭞ᬲᬶᬂᬜᬤᬦᬾᬚᬦᬶᬳ᭄ᬘ᭄ᬘᬵ᭞ᬩᬗᬸᬦ᭄ᬧᭂᬲ᭄ᬯᬦ᭄ᬫᬧᬸᬲᬸᬂ᭞ᬫᬲᬶᬲᬶᬕ᭄‌ᬜᭂᬫᬓ᭄ᬫᭂᬓᬵ᭞ᬲᬸᬩᬧᬲ᭄ᬢᬶ᭞

[᭒᭖ 26A]
᭒᭖
ᬢᬸᬫᬸᬮᬶᬭᬭᬶᬲ᭄ᬫᬚᬮᬦ᭄᭟᭐ᬫᬕᬧ᭄ᬕᬧᬦ᭄ᬳᬶᬲᬶᬦ᭄ᬧᬩ᭄ᬯᬦ᭄᭞ᬫ᭄ᬯᬤᬄᬧᬦᬭᬓ᭄ᬘ᭄ᬭᬶᬓ᭄᭞ᬫ᭄ᬥᬕᬶᬂᬢᭂᬫᬓᭀᬭᭀᬓᭀ᭞ᬫᬶᬯᬄᬲ᭄ᬓᬃᬲᬃᬯ᭄ᬯᬳᬃᬦᬫ᭄᭞ᬢᬜ᭄ᬘᬭᬶᬢᬤᬶᬚᬮᬦ᭄᭞ᬲ
ᬕᬾᬢ᭄᭞ᬕ᭄ᬮᬶᬲ᭄᭞ᬫᬗᭀᬚᭀᬕ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭟᭐ᬬᬳᬶᬯᬬᬦ᭄ᬮᬶᬜ᭄ᬚᬸᬃᬤᬶᬚᬸᬫᬄ᭞ᬕᭂᬦ᭄ᬤᬶᬂᬕᭂᬦ᭄ᬤᬶᬂᬧᬤᬶᬤᬶᬬᬶᬦ᭄᭞ᬤᬤᬶᬫᬭᬵᬬᬫᬮ᭄ᬬᬢ᭄᭞ᬲᬕᬾᬢ᭄ᬫᬲᬦᬾᬩ᭄ᬯᬶᬦ᭄ᬭᬯᬸᬄ᭞ᬦᬶᬓ᭄ᬢᬸᬢ᭄ᬳᬸᬮᬶ
ᬓᬗᬶᬦᬦ᭄᭞ᬫᬗ᭄ᬭᬶᬳᬶᬦᬶᬦ᭄᭞ᬦᬶᬓ᭄ᬢᬸᬢ᭄ᬓᬯᬶᬫᬗᬸᬘᬧ᭄᭟᭐ᬯᬦ᭄ᬢᬄᬫᬗᬲᭀᬭᬂᬭᬕᬵ᭞ᬫᬸᬜᬶᬦᬾᬫᬗ᭄ᬳᬸᬲ᭄ᬳᬢᬶ᭞ᬩ᭄ᬮᬶᬯᬬᬦ᭄ᬤᬾᬯᬦ᭄ᬢᬶᬢ᭄ᬬᬂ᭞ᬕ᭄ᬮᬶᬲ᭄ᬓᬸᬤᬢᬶᬢ᭄ᬬᬂᬢᬸᬮᬸᬂ᭞ᬩ᭄ᬮᬶᬫᬭᬕᬯᬶᬱ
ᬤᬵ᭞ᬢᬶᬢ᭄ᬬᬂᬲᬓᬶᬢ᭄᭞ᬫᬗ᭄ᬤᬵᬩ᭄ᬮᬶᬢᬸᬮᬸᬲ᭄ᬳᬶᬘ᭄ᬘ᭟᭐ᬢᬶᬢ᭄ᬬᬂᬜᬤ᭄ᬬᬫᬗᬢᬸᬭᬂ᭞ᬚᬶᬯᬦ᭄ᬢᬶᬢ᭄ᬬᬗᬾᬭᬶᬂᬩ᭄ᬮᬶ᭞ᬫᬫᬜ᭄ᬚᬓ᭄ᬱᬃᬳᬶᬧᭀᬮᬶᬄ᭞ᬢᬶᬢ᭄ᬬᬂᬗᬶᬭᬶᬂᬲᬧᬓᬬᬸᬦ᭄᭞ᬯ᭄ᬬᬓ᭄ᬢᬶᬢ᭄ᬬᬂᬧᭀᬮᬶ [ 27 ][ ᭒᭖ 26B]
᭒᭖
ᬳᬶᬯᬂ᭞ᬫᬢᭂᬦ᭄ᬲᬶᬲᬶᬧ᭄᭞ᬳᬶᬘ᭄ᬘᬗ᭄ᬮᬶᬕᬸᬗᬦ᭄ᬧᬸᬭᬵ᭟᭐ᬳᬶᬯᬬᬦ᭄ᬮᬾᬜ᭄ᬚᬸᬃᬳᬗᬸᬘᬧ᭄᭞ᬲᬫ᭄ᬧᬸᬦ᭄ᬳᬤᬶᬳᬶᬯᬗ᭄ᬢᬫ᭄ᬧᬶ᭞ᬳᭂᬤᬵᬳᬤᬶᬗᬶᬬᭂᬕ᭄ᬢᬶᬬᬂ᭞ᬩ᭄ᬮᬶᬫᬦᭂᬕ᭄ᬢᭂᬕᬂᬩᬬᬸ᭞ᬓᬤᬸᬂᬩ᭄ᬮᬶ
ᬗᬫ᭄ᬩᬶᬮ᭄‌ᬫᬩ᭄ᬭᬢᬵ᭞ᬩ᭄ᬭᬳ᭄ᬫᬘᬭᬶ᭞ᬲᬗ᭄ᬓᬜ᭄ᬚᬸᬫᬄᬧᬤᬶᬤ᭄ᬬᬦ᭄‌᭟᭐ᬤᬾᬦᬶᬂᬩ᭄ᬮᬶᬫᬳᬾᬗᬲ᭄ᬢ᭄ᬬᬂ᭞ᬢᭀᬂᬤᬤᬶᬲᭂᬓ᭄ᬢᬦᬓ᭄ᬳᬳᬶᬲ᭄ᬢ᭄ᬭᬶ᭞ᬓᬾᬢᭀᬋᬓᭀᬓᭀᬓᭀᬚᬭᬦ᭄ᬜᬵ᭞ᬫᬸᬜᬶᬦ᭄ᬰᬲ᭄ᬢ᭄ᬭᬦᬾ
ᬧᬢᬹᬢ᭄᭞ᬫ᭄ᬭᬶᬓᬵᬫᬗ᭄ᬓᬷᬦ᭄ᬳᬤᬶᬩᬸᬤᬮ᭄᭞ᬕ᭄ᬮᬶᬲ᭄‌ᬕ᭄ᬮᬶᬲ᭄᭞ᬩ᭄ᬮᬶᬗᬦ᭄ᬢ᭄ᬬᬂᬜᬮᬸᬓ᭄ᬩ᭄ᬭᬢᬵ᭟᭐ᬦᬶᬓ᭄ᬢᬸᬢ᭄ᬓᬯᬶᬫᬗᬸᬘᬧ᭄᭞ᬗᬸᬤᬵᬓᬾᬢᭀᬩᬳᬦ᭄ᬩᭂᬮᬶ᭞ᬤᬾᬦᬶᬂᬩ᭄ᬮᬶᬧᬭᬭᬕᬦ᭄᭞ᬢᭀᬂᬜᬦ᭄ᬤᬂ
ᬩ᭄ᬭᬢᬦᬾᬲᬮᬸᬓ᭄᭞ᬤᬾᬦᬶᬂᬳᬸᬩᬸᬄᬢᬦ᭄ᬧᬜᬫ᭞ᬧᬤᬶᬤᬶᬬᬶᬦ᭄᭞ᬤᬤᬶᬬᭀᬬᬦᬓ᭄ᬳᬦᬓ᭄ᬳᬵᬤᬄ᭟᭐ᬬᬦ᭄ᬯᬦ᭄ᬢᬄᬤᬤᭀᬲ᭄ᬕᬯᬾᬦᬂ᭞ᬓᬲᬸᬓᬦ᭄ᬳᬦᬓᬾᬳᬸᬭᬶᬧ᭄᭞ᬫᬢᬹᬢᬶ

[᭒᭗ 27A]
᭒᭗
ᬢᬢᬵᬓ᭄ᬭᬫᬵ᭞ᬫᬧᬸᬫᬳᬦ᭄ᬧᬦᬓ᭄ᬮᬶᬬᬸ᭞ᬲᬶᬜᬳᬤᬫᬦᬶᬧᭀᬯᬦ᭄᭞ᬧᬳᬶᬢ᭄ᬕᭂᬢᬶᬄ᭞ᬧ᭄ᬬᬦᬓᬾᬧᬘᬂᬗᬯᬾᬦᬂ᭟᭐ᬤᬶᬢ᭄ᬯᬭᬵᬦᬾᬫᬦᬶᬧ᭄ᬯᬦ᭄᭞ᬳᬧᬂᬳᬤᬫᬗᬶᬢᬸᬗᬶ
ᬦ᭄᭞ᬳᭂᬦ᭄ᬢᭀᬢᬾᬄᬜᬦ᭄ᬤᬂᬩ᭄ᬭᬢᬬᬂ᭞ᬫᬗ᭄ᬤᬾᬦ᭄ᬜᬦᬾᬢ᭄ᬯᬭᬵᬘᬫ᭄ᬧᬸᬢ᭄᭞ᬢᬶᬢ᭄ᬬᬂᬧᬢᬸᬭᬸᬳ᭄ᬮᬸᬄᬚᬸᬫᬄ᭞ᬩ᭄ᬮᬶᬚᬦᬶ᭞ᬳᭂᬦ᭄ᬢᭀᬩ᭄ᬮᬶᬧᬕᬯᬾᬦᬂ᭟᭐ᬳᬫ᭄ᬩᬸᬮ᭄᭞ᬩ᭄ᬮᬶᬢ᭄ᬯᬭᬵᬜᬦ᭄ᬤᬂ᭞ᬧ
ᬘᬂᬜᬮᬸᬓ᭄᭞ᬩ᭄ᬭᬳ᭄ᬫᬘᬭᬶ᭞ᬢᬸᬫ᭄ᬩᬸᬄᬫ᭄ᬯᬦᬶᬧᬭᬭᬕᬦ᭄᭞ᬧᬘᬂᬗᭂᬦ᭄ᬢᬶᬦᬶᬦ᭄ᬳᬶᬕᬸᬭᬹᬓᬮᬶᬄᬗᬯᬾᬦᬂᬓᬯᬶᬢᬦ᭄᭞ᬬᬦᬸᬫᬤᬶ᭞ᬳᬧᬂᬤᬵᬧ᭄ᬮᬶᬄᬳᭀᬚᭀᬕᬦ᭄᭟᭐ᬓᬯᬶᬢ
ᬦᬾᬲᬸᬩᬵᬢ᭄ᬮᬄ᭞ᬫᬓᭂᬦᭂᬄᬧᬘᬂᬦᬸᬫᬶᬢᬶᬲ᭄᭞ᬓᬮᬶᬂᬢ᭄ᬯᬭᬵᬫᬳᬦ᭄ᬳᬫ᭄ᬩᬄ᭞ᬫᬓᭂᬚᬂᬬᬳᬸᬮᬶᬄᬯᬥᬸ᭞ᬢ᭄ᬯᬭᬵᬫᬸᬮᬓᬲᭂᬦ᭄ᬢᬦᬵ᭞ᬳᬸᬮᬶᬫ᭄ᬯᬦᬶ᭞ᬢ᭄ᬯᬭᬵᬳᭂᬜᬓ᭄ᬳᬯᬸᬕᬶᬦᬵ [ 28 ][᭒᭗ 27B]
᭒᭗
᭟᭐ᬳᬶᬥ᭄ᬧᬂᬚᬵᬳᬢᬹᬃᬢᬶᬢ᭄ᬬᬂ᭞ᬳᬸᬲᬦᬂᬩ᭄ᬭᬢᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬳᬫ᭄ᬩᬶᬮ᭄ᬳᬗ᭄ᬕᬾᬦ᭄ᬧᬜ᭄ᬚᬓ᭄᭞ᬳᬶᬯᬬᬦ᭄ᬮᬾᬜ᭄ᬚᬸᬃᬫᬲᬳᬸᬢ᭄᭞ᬲᬫ᭄ᬧᬸᬦ᭄ᬳᬤᬶᬲᬮᬶᬢ᭄ᬳᬃᬱᬵ᭞ᬢ᭄ᬯᬭᬵ
ᬤᬤᬶ᭞ᬫᬓᬸᬋᬡᬦ᭄ᬗᬚᬓ᭄ᬫᬶᬲᬦ᭄᭟᭐ᬳᬧᬦ᭄ᬳᬶᬮᬳᭀᬮᬧᬶᬲᬦ᭄᭞ᬤᭀᬬᬦᬦ᭄ᬓᬮᬄᬩ᭄ᬲᬶᬓ᭄᭞ᬳᬧᬂᬤᬲᬓᬭᬶᬂᬢᬶᬢ᭄ᬬᬂ᭞ᬗᬯᬾᬦᬂᬢᬦ᭄ᬭᬳᬬᬸ᭞ᬫ᭄ᬭᬶᬓᬓ᭄ᬢᬸᬢ᭄‌ᬚᬦᬶ
ᬩᬸᬤᬮ᭄᭞ᬲᬸᬯᬾᬕᬢᬶ᭞ᬓ᭄ᬢᬸᬢ᭄ᬳᬶᬭᬶᬓᬶᬫᬗ᭄ᬕᬸᬭᬤ᭄᭟᭐ᬦᬶᬓ᭄ᬢᬸᬢ᭄‌ᬗ᭄ᬮᬶᬂᬫᬕᬸᬬᬂ᭞ᬫᬸᬜᬶᬦᬾᬳᭂᬮᬲᬦ᭄ᬫᬢᬶ᭞ᬳᭂᬮᬲ᭄‌ᬚᬵᬭᬶᬂᬢᬶᬢ᭄ᬬᬂ᭞ᬳᬶᬮᬾᬜ᭄ᬚᬸᬃᬦᬶᬫ᭄ᬩᬮ᭄ᬫᬲᬯᬸᬢ᭄᭞
ᬳ᭄ᬤᭂᬳᬤᬶᬮ᭄ᬬᬸᬭᬯᭀᬲ᭄᭞ᬓᭂᬫᬫᬸᬮᬶᬄ᭞ᬲᬸᬳᬸᬤᬶᬦᬶᬫᬓᭂᬓᭂᬜ᭄ᬚᬦ᭄᭟᭐ᬦᬶᬓ᭄ᬢᬸᬢ᭄᭞ᬳᭂᬗ᭄ᬲᭂᬓ᭄ᬦᬶᬗᭂᬳᬂ᭞ᬩᬦ᭄ᬫᬸᬜᬶᬦᬾᬮᬮᬄᬫᬦᬶᬲ᭄᭞ᬳᭂᬗ᭄ᬲᭂᬓᬢᬶᬜ᭄ᬚᬓ᭄ᬚᬭᬦ᭄‌ᬩᭂ

[᭒᭘ 28A]
᭒᭘
ᬮ᭄ᬩᭂᬮᬦ᭄᭞ᬫᬸᬜᬶᬦᬾᬧ᭄ᬲᬸ᭞ᬩ᭄ᬮᬶᬯᬬᬦ᭄ᬜᬫᬦ᭄ᬢᬶᬢ᭄ᬬᬂ᭞ᬢᬸᬮᬸᬲ᭄ᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬗᭂᬫᬲᬶᬦ᭄ᬧ᭄ᬚᬄ᭟᭐ᬮᬫᬸᬦ᭄ᬩᭂᬮᬶᬢᬸᬮᬸᬲ᭄ᬮᬲ᭄᭞ᬳᬧᬂᬧᬶᬲᬦ᭄ᬲᬸᬩᬵᬤᬶᬦᬶ᭞ᬲ᭄ᬯᬾᬘ᭄ᬘᬵᬩ᭄ᬮᬶᬫ
ᬫᬸᬧᬸᬢᬂ᭞ᬲᬸᬓᬢᬶᬢ᭄ᬬᬂᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬧᬘᬂᬦᬧᬶᬢᬶᬢ᭄ᬬᬂᬢᬸᬮᬓ᭄᭞ᬫᬜᭂᬗᬳᬶᬦ᭄᭞ᬫᬾᬫᬾᬩᬧᬵᬫᬶᬯᬄᬜᬫᬵ᭟᭐ᬦᬾᬩ᭄ᬘᬶᬓ᭄ᬧᬫᬶᬢᬂᬢᬶᬢ᭄ᬬᬂ᭞ᬧᬘᬂᬳᬩᬄᬢᬶᬢ᭄ᬬᬂ
ᬫᬢᬶ᭞ᬓ᭄ᬭᬶᬲ᭄ᬢᬶᬗ᭄ᬕᬮᬦᬾᬮᬯᬲ᭄᭞ᬢᬶᬯᬓᬂᬳᬗ᭄ᬕᬾᬦ᭄ᬫᬜᬸᬤᬸᬓ᭄᭞ᬤᬾᬦᬶᬂᬢᬶᬢ᭄ᬬᬂᬩ᭄ᬮᬄᬲᬮᬄ᭞ᬢ᭄ᬓᬾᬦ᭄‌ᬩ᭄ᬮᬶ᭞ᬳᬸᬭᬶᬬᬶᬗ᭄ᬕᬾᬦ᭄ᬦᬯᬸᬃᬤᭀᬱ᭟᭐ᬤᬶᬚᬚᬵᬢᬶᬢ᭄ᬬᬂᬫᬕᭂᬦᬄ᭞ᬤᬶᬲᬫ
ᬫ᭄ᬧᬸᬦ᭄ᬢᬶᬢ᭄ᬬᬂᬫᬢᬶ᭞ᬬᬤ᭄ᬬᬦ᭄ᬤᬤᬶᬥᬲᬃᬓᬯᬄ᭞ᬮ᭄ᬯᬶᬄᬤᬶᬲ᭄ᬯᬃᬕ᭄ᬕᬫᬦᭂᬫᬸ᭞ᬫᬲᬶᬄᬩ᭄ᬮᬶᬳᬾᬳᬲ᭄ᬢᬶᬦ᭄ᬢᬶᬢ᭄ᬬᬂ᭞ᬓᬬᬂᬫᬢᬶ᭞ᬩᬳᬦ᭄‌ᬢᬺᬱ᭄ᬡᬦᬾᬫᬫᬶᬲᬦ᭄᭟᭐ᬚᭂᬦᭂᬂᬢ᭄ᬯᬭᬵᬳᬤᬳᬸᬢᬂ [ 29 ][ ᭒᭘ 28B]
᭒᭘
ᬢᬶᬢ᭄ᬬᬂᬫᬫᬜ᭄ᬚᬓ᭄ᬦᬾᬚᬦᬶ᭞ᬲᬶᬜᬲᬕᬾᬢ᭄ᬫᬦᬶᬧ᭄ᬯᬦ᭄᭞ᬩᬶᬮᬶᬄᬯᬾᬦ᭄ᬢᭂᬦ᭄ᬯᬶᬥᬶᬳᬲᬸᬂ᭞ᬫᬮᬶᬄᬢᬶᬢ᭄ᬬᬂᬤᬤᭀᬲ᭄ᬚᬦ᭄ᬫᬵ᭞ᬫᬦᬸᬫᬶᬢᬶᬲ᭄᭞ᬳᬧᬂᬩ᭄ᬮᬶᬫᬫᬜ᭄ᬚᬓᬂ᭟᭐ᬳᬶᬮᬶᬜ᭄ᬚᬸᬃ
ᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂᬢᬺᬱ᭄ᬡᬳᬶᬦ᭄᭞ᬜᬦ᭄ᬤᬂᬳᬚᬓ᭄‌ᬚ᭄ᬮᬾᬫ᭄ᬮᬄ᭞ᬭᬶᬭᬶᬄᬧ᭄ᬭᬚ᭄ᬜ᭄ᬬᬵᬦ᭄ᬩᬚᬂᬩᬕᬸᬲ᭄᭞ᬢᬶᬢ᭄ᬬᬂᬦᬶᬲ᭄ᬢᬵᬩ᭄ᬯᬶᬦ᭄ᬢᬶᬯᬲ᭄᭞ᬓᬾᬢᭀᬳᬤᬶ᭞ᬫ᭄ᬭᬶᬓᬫᬸᬮᬶᬄ᭞
ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭟᭐ᬦᬶᬓᬶᬧᬶᬦᭂᬄᬲᬫ᭄ᬧᬸᬦ᭄ᬲᬜ᭄ᬚ᭞ᬜᭀᬫᬜ᭄ᬘᭀᬩ᭄ᬮᭀᬂᬗᬢᬳᬢᬶ᭞ᬫᬓ᭄ᬮᭀᬳᬗᬶᬦᬚᬸᬫᬄ᭞ᬫᬲᬶᬄᬓ᭄ᬢᬸᬢ᭄ᬤᬾᬭᬾᬂᬭᬯᬸᬄ᭞ᬲᬗ᭄ᬓᬦ᭄ᬢᬶᬢ᭄ᬬᬂᬦᬸᬦ᭄ᬤᬾᬦ᭄ᬳᬾᬗ᭄ᬕᬮ᭄᭞
ᬓ᭄ᬳᬸᬢ᭄ᬫᬸᬮᬶᬄ᭞ᬧᬂᬤᬵᬫᬓ᭄ᬮᭀᬚᬦ᭄ᬢᭀᬱ᭟᭐ᬦᬶᬓ᭄ᬢᬸᬢ᭄ᬳᬶᬩᬸᬓ᭄‌ᬦᬶᬗᭂᬳᬂ᭞ᬚ᭄ᬗᬄᬜᬦᬾᬢᬶᬤᭀᬂᬕᬶᬕᬶᬲ᭄᭞ᬗ᭄ᬭᬲᬚᬦᬶᬧᬘᬂᬭᬸᬲᬓ᭄᭞ᬳᬫᬸᬦ᭄ᬢᭀᬩᬳᬦ᭄ᬫᬜᬸᬮ᭄ᬲᬸᬮ᭄᭞ᬫᬲᬶᬄ

[ ᭒᭙ 29A]
᭒᭙
ᬢ᭄ᬯᬭᬵᬜᬓ᭄ᬢᬫ᭄ᬧᬶᬦᬵ᭞ᬗᬫ᭄ᬩᬸᬮ᭄ᬚᬦᬶ᭞ᬢᬸᬮᬸᬲ᭄ᬫᬗᭂᬫᬲᬶᬦ᭄ᬧᭂᬚᬄ᭟᭐ᬜᬓᬸᬧᬂᬮᬶᬫᬫᬜᬸᬫ᭄ᬩᬄ᭞ᬫᬚᬮᬜᬚᬦᬶᬫᬮᬶᬳ᭄᭞ᬩᬸᬓᬢ᭄ᬯᬭᬵᬫᬢᭀᬮᬶᬳᬦ᭄᭞ᬤᬾᬦᬶᬂᬓᭂᬦᭂᬄᬜᬦᬾ
ᬮᬫ᭄ᬧᬸᬲ᭄᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬦᬸᬚᬸᬲ᭄ᬧᬶ᭞ᬢ᭄ᬓᭂᬤ᭄ᬚᬸᬫᬄᬦᬸᬚᬸᬲᬜ᭄ᬚ᭟᭐ᬩᬵᬳᬸᬫᬭᬵᬢ᭄ᬓᭂᬤ᭄ᬚᬸᬫᬄ᭞ᬓᬳᬲᬭᬾᬦᬦ᭄ᬳᬕᬸᬮᬶᬂ᭞ᬓ᭄ᬦᭂᬄᬜᬦᬾᬲᬯᬢ᭄ᬲᬯᬢ᭄᭞ᬫ᭄ᬭᬲᬢ᭄ᬯᬭᬵᬳ᭄ᬦᬸ
ᬳᬶᬤᬸᬧ᭄᭞ᬫᬓᬶᬢᬫᬜᬸᬤᬸᬓ᭄ᬭᬕᬵ᭞ᬩ᭄ᬯᬶᬦ᭄ᬳᬾᬮᬶᬂ᭞ᬢ᭄ᬓᬾᬦ᭄ᬳᬶᬫᬾᬫᬾᬳᬶᬩᬧᬵ᭟᭐ᬲᬲᬫ᭄ᬩᬢᬾᬤᬶᬧᭂᬤ᭄ᬫᬦ᭄᭞ᬩᭀᬬᬢᬶᬢᬄᬲᬗ᭄ᬳ᭄ᬬᬂᬯᬶᬥᬶ᭞ᬫᬗᬯᬾᬦᬂᬢᬦᬶᬪᬕ᭄ᬬ᭞ᬳᬶᬫᬾᬫᬾ
ᬢ᭄ᬓᬾᬦ᭄ᬳᬶᬕᬸᬭᬹ᭞ᬫᬗᬃᬤ᭄ᬥᬶᬫᬗᬯᬾᬧ᭄ᬬᬦᬦ᭄᭞ᬢᬦ᭄ᬧᬓᭀᬃᬱᬶ᭞ᬲᬗ᭄ᬓᬦ᭄ᬓᬾᬦᬾᬢᭂᬫᬳᬦ᭄ᬜᬵ᭟᭐ᬧᬶᬤᬦ᭄ᬳᬢ᭄ᬫᬵᬦᬾᬓᬲᬲᬃ᭞ᬫᬳᬶᬢ᭄ᬓᬵᬫᬦᬸᬫᬶᬢᬶᬲ᭄᭞ᬲᬗ᭄ᬓᬳᬶᬤᬸᬧᬾᬲᬗ᭄ᬲᬭᬵᬧᬶ [ 30 ][᭒᭙ 29B]
᭒᭙
ᬲᬦ᭄ᬫᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞ᬳᬧᬂᬲᬸᬳᬸᬤ᭄ᬦᬦ᭄ᬤᬂᬚ᭄ᬗᬄ᭞ᬬᬦᬸᬫᬶᬢᬶᬲ᭄᭞ᬳᬶᬤᬵᬩ᭄ᬯᬶᬦ᭄ᬤᬤᬶᬚᬦ᭄ᬫᬵ᭟᭐ᬳᬶᬩᬸᬓ᭄ᬫᬦᬄᬤᬶᬧᭂᬤ᭄ᬫᬦ᭄᭞ᬬᬾᬄᬫᬢᬦᬾᬤᬺᬱ᭄ᬫᬶᬚᬶᬮ᭄᭞ᬳᬸᬲᬨᬸᬲᬧᬂᬢᭀᬂ
ᬳᬶᬮᬂ᭞ᬓ᭄ᬦᭂᬄᬳᬾᬫᬓᬶᬢᬜᬸᬳᬸᬤ᭄᭞ᬮᬯᬸᬢ᭄ᬩᬗᬸᬦ᭄ᬬᬧᭂᬯᬦ᭄᭞ᬢᬸᬃᬫᬓᬶᬰᬶᬕ᭄᭞ᬫᬫ᭄ᬦᭃᬦᬫ᭄ᬧᬶᬂᬧᬳ᭄ᬬᬲᬦ᭄᭟᭐ᬲᬸᬩᬲᬸᬳᬸᬤ᭄ᬬᬫᬧᬬᬲ᭄᭞ᬫᬕ᭄ᬮᬂᬳ᭄ᬫᬲ᭄‌ᬫᬮᬶᬳᬮᬶ᭞ᬫᬲᬸᬩᭂᬂ
ᬫᬰᭀᬘ᭄ᬘᬫᬶᬭᬄ᭞ᬧᬗᬗ᭄ᬕᭀᬦᬾᬲᬃᬯ᭄ᬯᬫᬸᬭᬹᬩ᭄᭞ᬭᬭᬶᬲ᭄ᬥᬦᬾᬗᬫ᭄ᬩᬶᬮ᭄ᬩᬶᬮᭀᬦ᭄ᬢᬃ᭞ᬮᬯᬸᬢ᭄ᬦᬸᬮᬶᬲ᭄᭞ᬫᬸᬗ᭄ᬕᬸᬄᬳᬶᬫᬾᬫᬾᬳᬶᬩᬧ᭟᭐ᬓᬮᬶᬄᬤᬦᬾᬫ᭄ᬩᬾᬓ᭄ᬜᭀᬫᬦ᭄᭞ᬫᬶᬯᬄᬫᬶᬲ
ᬦ᭄ᬫᬶᬦ᭄ᬤᭀᬦ᭄ᬲᬫᬶ᭞ᬳᬢᬹᬃᬢᬶᬢ᭄ᬬᬂᬫᬸᬗ᭄ᬕ᭄ᬯᬶᬂᬲᬸᬭᬢ᭄‌᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬘᬂᬮᬫ᭄ᬧᬸᬲ᭄᭞ᬲᬫ᭄ᬧᬸᬦ᭄ᬧᬶᬲᬦ᭄ᬫᬜᭂᬤᬶᬳᬂ᭞ᬯ᭄ᬬᬤᬶᬦ᭄ᬫᬢᬶ᭞ᬢᬶᬢ᭄ᬬᬂᬫᬗᭂᬫᬲᬶᬦ᭄ᬲᬮᬄ᭟᭐ᬳ᭄ᬜᬾᬦ᭄ᬲᭂ

[᭓᭐ 30A]
᭓᭐
ᬮ᭄ᬲᭂᬮ᭄‌ᬜᬾᬦ᭄ᬲᬮᬳᬂ᭞ᬤᬾᬦᬶᬂᬲᬸᬩᬢᬶᬢᬄᬕᬦ᭄ᬢᬶ᭞ᬳᬤᬳᬸᬢᬂᬫᬢᬶᬩᬚᬂ᭞ᬲᬫ᭄ᬧᬸᬦ᭄ᬧᬶᬲᬦ᭄ᬲᬮᬶᬢ᭄ᬓᬬᬸᬦ᭄᭞ᬩᭀᬬᬜ᭄ᬮᬾᬧᭀᬮᬶᬄ᭞ᬫᬜᭂᬗᬳᬶᬦ᭄᭞ᬫᬾᬫᬾ
ᬩᬧᬵᬫᬶᬯᬄᬜᬫᬵ᭟᭐ᬯᬦ᭄ᬢᬄᬫᬦᬄᬢᬶᬢ᭄ᬬᬂᬢ᭄ᬮᬲ᭄᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬜᭀᬮᭀᬂᬳᬲᬶᬄ᭞ᬢ᭄ᬯᬭᬵᬢᬳᬾᬦ᭄ᬓᬾᬦᬾᬓᬾᬢᭀ᭞ᬗᬯᬾᬳᬸᬘᬧᬦ᭄ᬢᬦ᭄ᬧᬢᬹᬢ᭄᭞
ᬧᬂᬤᬵᬤᬤᬶᬓ᭄ᬥᬾᬓᬦ᭄᭞ᬬᬢ᭄ᬯᬄᬚᬢᬶ᭞ᬢ᭄ᬬᬂᬕᭂᬦ᭄ᬢᭂᬦ᭄ᬓᬭᬶᬩᬚᬂ᭟᭐ᬲᬫ᭄ᬧᬸᬦ᭄ᬧᬶᬲᬦ᭄ᬫᬜᭂᬮ᭄ᬲᭂᬮᬂ᭞ᬯᬦ᭄ᬢᬄᬕᬦ᭄ᬢᭀᬲ᭄ᬢᬶᬢ᭄ᬬᬂᬫᬢᬶ᭞ᬢᬦ᭄ᬓᬢᬸᬢᬹᬳ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞
ᬲ᭄ᬯᬾᬘ᭄ᬘᬵᬦ᭄ᬥᬦᬾᬳᬶᬕᬸᬭᬹᬫ᭄‌ᬤᬸᬭᬸᬂᬧᭀᬮᬶᬄᬫᬧ᭄ᬦᬯᬸᬭᬦ᭄᭞ᬢᬶᬢ᭄ᬬᬂᬫᬢᬶ᭞ᬤᬤᬶᬫᬸᬗ᭄ᬕᭂᬮᬂᬧᬶᬢᬺᬱ᭄ᬡᬵ᭟᭐ᬭᬶᬯ᭄ᬓᬲ᭄ᬢᬶᬢ᭄ᬬᬂᬦᬸᬢᬸᬕᬂ᭞ᬬᬦ᭄ᬩᬶᬮᬶᬄᬢᬶᬢ᭄ᬬᬂᬫᬯᬮᬶ᭞ᬦᬸ [ 31 ][᭓᭐ 30B]
᭓᭐
ᬫᬶᬢᬶᬲ᭄ᬤᬤᬶᬚᬓ᭄ᬫᬵ᭞ᬳᬶᬭᬶᬓᬢᬶᬢ᭄ᬬᬂᬫᬦᬯᬸᬃ᭞ᬫᬦᬢᬓᬶᬦ᭄‌ᬚ᭄ᬮᬾᬫ᭄ᬮᬄ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬧᬫᬶᬢ᭄ᬲᬧᬶᬲᬦ᭄᭟᭐ᬳᬫ᭄ᬩᬸᬮ᭄ᬢᭀᬢᬸᬮᬶᬲᬾᬧ᭄ᬭᬕᬢ᭄᭞
ᬲᬫ᭄ᬧᬸᬦ᭄‌ᬧᭀᬮᬶᬄᬓᬧᬘᬳᬶᬦ᭄᭞ᬧᬢᬹᬢ᭄‌ᬢ᭄ᬯᬭᬵᬳᬤᬍᬧᬲ᭄᭞ᬢᬢᬸᬮ᭄‌ᬲᬦ᭄ᬫᬦᬄᬳᬶᬩᬸᬓ᭄᭞ᬤᬶᬤᬶᬗ᭄ᬤᬶᬗᬾᬓᬲᬼᬢᬂ᭞ᬳᬧᬂᬫᬗ᭄ᬓᬶᬦ᭄᭞ᬢᬶᬗ᭄ᬓᬄᬜᬦᬾ
ᬧᬘᬂᬧᭂᬚᬄ᭟᭐ᬲᬕᬾᬣᬤᬩ᭄ᬯᬶᬦ᭄ᬢᭂᬓ᭞ᬫᬭᬾᬭᭀᬤ᭄ᬲᬋᬂᬓᬓᬵᬮᬶᬄ᭞ᬧᬺᬦᬄᬜᬫᬦ᭄ᬜᬤᬶᬫᬶᬲᬦ᭄᭞ᬦᬗ᭄ᬳᬶᬂᬧᬥᬳ᭄ᬮᬸᬄ᭞ᬫᬜᭀᬚᭀᬕ᭄ᬮᬯᬸᬢᬸᬮ᭄ᬬᬦ᭄᭞
ᬫᬦ᭄ᬮᭀᬓᬶᬦ᭄᭞ᬗᬸᬤ᭄ᬬᬂᬫ᭄ᬩᭀᬓ᭄ᬢᬸᬫ᭄ᬩᬾᬜᬲ᭄‌᭟᭐ᬦᬶᬓ᭄ᬢᬸᬢ᭄ᬓᬯᬶᬫᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬫ᭄ᬩᭀᬓ᭄ᬫᬭᬢᬸᬦᬶ᭞ᬫᬲᭂᬳᬶᬦ᭄‌ᬲ᭄ᬩᭂᬮ᭄ᬤᬶᬳᬯᬓ᭄᭞ᬜᬸᬫᬸᬳᬶᬦ᭄ᬢᬸᬮᬶᬳᬶ

[ ᭓᭑ 31A]
᭓᭑
ᬢ᭄ᬮᬸᬦ᭄᭞ᬲᬗ᭄ᬓᬦ᭄‌ᬚᬦᬶᬧᬲᭂᬫ᭄ᬗᬦ᭄᭞ᬫᬩᬺᬱᬶᬄ᭞ᬗᬶᬮᬗᬂᬲ᭄ᬩᭂᬮ᭄ᬤᬶᬳᬯᬓ᭄᭟᭐ᬓᬮᬶᬄᬳᭂᬫ᭄ᬩᭀᬔᬶᬩᬶᬲᬜ᭄ᬚ᭞ᬳᬶᬧ᭄ᬬᬦᬾᬚ᭄ᬮᬾᬕᬢᬶ᭞ᬓᬾᬦ᭄ᬓᬾᬦ᭄ᬳᭂᬫ᭄ᬩᭀᬓᬾᬚᬭᬦ᭄ᬜᬵ
᭞ᬗᬶᬧ᭄ᬬᬃᬳᬸᬫᬳᬾᬧᬸᬳᬸᬦ᭄᭞ᬲᬳᬶᬲᬶᬦ᭄ᬕᬸᬫᬳᬾᬢ᭄ᬮᬲ᭄᭞ᬧᬥᬰᬶᬄ᭞ᬢ᭄ᬯᬭᬵᬳ᭄ᬦᬸᬫᬕᬦ᭄ᬢᬸᬮᬦ᭄᭟᭐ᬓᬾᬢᭀᬳᬶᬧᬶᬬᬦᬾᬳᬮᬵ᭞ᬤᭀᬬᬦ᭄ᬳᬤᬫᬗᭂᬫᬲᬶᬦ᭄᭞
ᬩ᭄ᬲᬶᬓ᭄ᬩᭂᬲᬶᬓ᭄‌ᬲᬮᬄᬢᬸᬗ᭄ᬕᬮ᭄᭞ᬲᬗ᭄ᬓᬦ᭄ᬓᭂᬦᭂᬄᬫ᭄ᬩᭀᬓᬾᬳᬶᬩᬸᬓ᭄᭞ᬫᬢᬶᬦᬾᬢ᭄ᬓᬵᬥᬥᬓᬦ᭄᭞ᬦᬗ᭄ᬳᬶᬂᬜᬳᬶ᭞ᬳ᭄ᬤᬵᬫᬸᬗ᭄ᬕᭂᬮᬂᬧᬶᬢᬺᬱ᭄ᬡᬵ᭟᭐ᬫᬶᬲᬦᬾᬫᬓᬤ
ᬤ᭄ᬯᬵ᭞ᬦᬾᬫᬳᬤᬦ᭄ᬳᬶᬲᬸᬮᬢ᭄ᬭᬶ᭞ᬦᬾᬘ᭄ᬭᬶᬓᬦ᭄ᬥᬫᬸᬃᬬᬰ᭞ᬫᬲᬯᬸᬢ᭄ᬫᬸᬜᬶᬦᬾᬳᬮᬸᬲ᭄‌᭞ᬯ᭄ᬬᬓ᭄ᬢᬶᬳᭂᬫ᭄ᬩᭀᬓ᭄ᬱᬧᬸᬦᬶᬓᬵ᭞ᬮᬫᬸᬗᬦ᭄ᬢᬦ᭄ᬢᬶ᭞ᬲᬶᬂᬤᬤᬶᬧᬘᬂᬓ᭄ᬮᬶᬤᬂ᭟᭐ [ 32 ][᭓᭑ 31B]
᭓᭑
ᬢᬶᬗ᭄ᬓᬳᬾᬤᬤᬶᬫᬦᬸᬱ᭞ᬤᬾᬦᬶᬂᬳᬸᬭᬶᬧ᭄ᬩᬦ᭄ᬫᬜᬶᬮᬶᬄ᭞ᬧᬫᬸᬧᬸᬣᬚᬓ᭄‌ᬫᬓᭂᬚᬂ᭞ᬉᬭᬶᬧᬾᬫᬤᬲᬃᬮᬫ᭄ᬧᬸᬲ᭄᭞ᬲᬗ᭄ᬓᬦ᭄ᬢᬶᬢ᭄ᬬᬂᬢ᭄ᬯᬭᬵᬧᬜ᭄ᬚᬂ᭞ᬦᬤ᭄ᬬᬦ᭄ᬫᬢᬶ᭞ᬯ᭄ᬓ
ᬲ᭄ᬫᬮᬶᬄᬤᬤᬶᬚᬦ᭄ᬫᬵ᭟᭐ᬮᬫᬸᬦ᭄ᬲᬸᬩᬧᬕᬦ᭄ᬢᭀᬲᬦ᭄᭞ᬢᭀᬂᬤᬤᬶᬧᬘᬂᬓ᭄ᬮᬶᬤᬶᬦ᭄᭞ᬦᬶᬓ᭄ᬢᬸᬢ᭄ᬫᬲᬳᬸᬢ᭄ᬳᬮᭀᬦ᭄᭞ᬳᭂᬫ᭄ᬩᭀᬓ᭄ᬬᬫᬤᬾᬯᬾᬓ᭄ᬮᬘᬸᬃ᭞ᬓ᭄ᬦᭂᬄᬓᬫ᭄ᬩᬂᬧ᭄ᬢᭂᬂᬍ
ᬫᬄ᭞ᬩᬶᬮᬶᬄᬫᬢᬶ᭞ᬚᬦᬶᬳᭂᬫ᭄ᬩᭀᬓ᭄‌ᬦ᭄ᬫᬸᬚᭂᬗᬄ᭟᭐ᬤᬸᬓᬶᬢᬦᬾᬫᬳᬵᬤᬵᬭᬵᬫᬗᭂᬩ᭄ᬓᬶᬦ᭄ᬳᬸᬮᬸᬦᬢᬶ᭞ᬳᭂᬦ᭄ᬢᭀᬓ᭄ᬭᬡᬤᬤᬶᬳᭀᬲᬄ᭞ᬫᬸᬜᬶᬧᬮᬶᬂᬘᬭᬵᬩᬸᬤᬸᬄ᭞ᬳ
ᬯ᭄ᬫᬵᬩᬬᬸᬦᬾᬫᬢᬶᬗ᭄ᬕᬮ᭄᭞ᬲᬗ᭄ᬓᬦ᭄ᬲᬳᬶ᭞ᬳᬶᬧ᭄ᬬᬦᬾᬭᬸᬲᬓ᭄ᬯᬸᬲᬓ᭄᭟᭐ᬧᬩᭂᬲᭂᬫ᭄ᬩᬾᬓᬾᬳᬶᬗᭂᬢᬂ᭞ᬲᬶᬜᬳᭂᬫ᭄ᬩᭀᬓ᭄ᬫᬶᬮᬸᬫᬢᬶ᭞ᬳᭂᬤᬵᬧᬶᬲᬦ᭄ᬫᬜᭂᬤᬶᬳᬂ᭞ᬳᬧᬂᬢ᭄ᬯ

[ ᭓᭒ 32A]
᭓᭒
ᬭᬵᬳᬦᬓ᭄ᬢᬳᬸ᭞ᬲᬃᬯᬂᬢᬦᭂᬫ᭄ᬳᬾᬗ᭄ᬕᬮᬂ᭞ᬳᬧᬂᬳᬶᬮᬶᬤ᭄᭞ᬳᬧᬂᬤᬵᬳᬤᬳᬶᬢᬸᬗᬂ᭟᭐ᬦᬶᬲᬸᬮᬢ᭄ᬭᬶᬦᬶᬦᬸᬃᬬᬰ᭞ᬦᬶᬗᭂᬄᬫᬸᬜᬶᬤᬤᬶᬲ᭄ᬥᬶᬄ᭞ᬳᬶᬗ᭄ᬕᬶᬄᬳᭂᬫ᭄ᬩᭀᬓ᭄ᬢ᭄ᬬᬂᬫᬶ
ᬦ᭄ᬤᬄ᭞ᬦᬶᬓ᭄ᬢᬸᬢ᭄ᬫᬲᬯᬸᬃᬳᬮᬸᬲ᭄᭞ᬩᭂᬦᭂᬄᬓ᭄ᬫᬵᬜᬳᬶᬩᬸᬤᬮ᭄᭞ᬲᬸᬩᬢ᭄ᬗᬳᬶ᭞ᬫᬲ᭄ᬭᭀᬤ᭄ᬮᬯᬸᬢ᭄ᬫᬚᬮᬦ᭄᭟᭐ᬦᬶᬓ᭄ᬢᬸᬢ᭄ᬚᬦᬶᬤᬶᬚᬸᬫᬄ᭞ᬓ᭄ᬦᭂᬄᬜᬦᬾᬍᬩ᭄ᬬᬦ᭄ᬫᬢᬶ᭞ᬫᬓᬶ
ᬢᬫᬮᬮᬶᬓᭂᬫᬵ᭞ᬓᬸᬫᬄᬩ᭄ᬮᬶᬯᬬᬦ᭄ᬮᬾᬜ᭄ᬚᬸᬃ᭞ᬫᬮᬶᬄᬤᬦᬾᬢ᭄ᬯᬭᬵᬲᬸᬓ᭞ᬢᬸᬮᬸᬲ᭄ᬚᬦᬶ᭞ᬫᬢᬶᬤᬤᬶᬮᬪᬦ᭄ᬱᬾᬢ᭄ᬭᬵ᭟᭐ᬤᭂᬦᬶᬂᬢᭀᬂᬤᬤᬶᬧᬲᬳᬂ᭞ᬳᬧᬚᬵᬢᬺᬱ᭄ᬡᬵ
ᬳᬶᬦ᭄ᬳᬸᬭᬶᬧ᭄᭞ᬧᬬᬸᬤᬤᬶᬓᬓ᭄ᬥᬾᬓᬦ᭄᭞ᬬᬦᬶᬂᬚᬦᬶᬳ᭄ᬦᬸᬳᬶᬤᬸᬧ᭄᭞ᬓᬸᬤᬵᬚᭂᬗᬳᬾᬳᬢᬫ᭄ᬧᭂᬤᬂ᭞ᬲᬸᬩᬫᬢᬶ᭞ᬳᬧᬂᬳᭂᬤᬤᬤᬶᬳᬸᬘᬧᬦ᭄᭟᭐ᬚᬦᬶᬫᬗᬸᬦᬸᬲ᭄ᬓᬤᬸᬢᬦ᭄᭞ [ 33 ][᭓᭒ 32B]
᭓᭒
ᬲᬫ᭄ᬩᬶᬮ᭄ᬥᬦᬾᬫᬓᬓᬯᬶᬦ᭄᭞ᬲᬢ᭄ᬬᬯᬢᬶᬜᬸᬭᬸᬤ᭄ᬗᬾᬮᬵ᭞ᬧ᭄ᬭᬪᬸᬰᬵᬮ᭄ᬬᬳᬶᬤᬫᬦ᭄ᬢᬸᬓ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬶᬭᬶᬗᬂ᭞ᬳᬧᬂᬗᬸᬲᬷ᭞ᬢᬶᬢ᭄ᬬᬂᬭᬶᬂᬲ᭄ᬫᬭᬵᬪᬸᬯᬦ᭟᭐ᬭᬭᬶ
ᬲ᭄ᬥᬦᬾᬜᬸᬤᬸᬓ᭄ᬢᬭᬕᬵ᭞ᬲᭀᬭᬶᬂᬲᬸᬲᬸᬓᬲᬸᬤᬸᬓᬶᬦ᭄᭞ᬫᬶᬚᬶᬮ᭄‌ᬕ᭄ᬢᬶᬄᬜᬦᬾᬫᬸᬜ᭄ᬘ᭄ᬭᬢ᭄᭞ᬫᬾᬫᬾᬜᬫᬧᬥᬭᬯᬸᬄ᭞ᬫᬗ᭄ᬮᬶᬂᬫᬧ᭄ᬮᬸᬲᬶᬳᬦ᭄᭞ᬚ᭄ᬭᬶᬢ᭄ᬚ᭄ᬭᬸᬢ᭄᭞ᬦᬶᬮᬬᬂᬲ
ᬦ᭄ᬢᬸᬦ᭄ᬩᬸᬫᬦ᭄ᬤᬂ᭟᭐ᬧᬶᬲᬕᬦᬾᬧᬥᬓᬕ᭄ᬬᬢ᭄᭞ᬫᬶᬲᬦ᭄ᬫᬶᬦ᭄ᬤᭀᬦ᭄ᬧᬤᬧ᭄ᬭᬯ᭄ᬢᬶ᭞ᬳᬸᬬᬸᬢ᭄‌ᬗ᭄ᬮᬶᬂᬫᬩᬶᬬᬬ᭄ᬯᬦ᭄᭞ᬧᬥᬫᬺᬓ᭄ᬧᭂᬓ᭄‌ᬓ᭄ᬦᭂᬧ᭄ᬯᬢᬸ᭞ᬳᬤᬬᬫᬲᬲᬫ᭄ᬩᬢᬦ᭄᭞ᬤᬾᬯᬕᬸ
ᬲ᭄ᬢᬶ᭞ᬍᬕᭂᬧᬶᬲᬦ᭄‌ᬓ᭄ᬢᬸᬢ᭄ᬧᭂᬚᬄ᭟᭐ᬦᬾᬗ᭄ᬓᬾᬦ᭄ᬥᬾᬯᬦᬾᬳᬶᬘᬵ᭞ᬲᬶᬜᬓ᭄ᬢᬸᬢ᭄ᬓᬭᬶᬳᬸᬭᬶᬧ᭄᭞ᬢᬶᬢ᭄ᬬᬂᬫᬲᬲᬗᬶᬗᬸᬮᬶᬗᬂ᭞ᬳᬦᬗ᭄ᬮᬶᬂᬕ᭄ᬮᬸᬃᬕ᭄ᬮᬸᬃ᭞ᬓᬸᬤ᭄ᬬᬂᬚᬦᬶᬤᬾᬯᬓᬸᬤ᭄ᬬᬂ᭞ᬢᬸ

[᭓᭓ 33A]
᭓᭓
ᬮᬸᬲ᭄ᬫᬢᬶ᭞ᬕ᭄ᬥᬾᬓᭀᬫᬂᬗᬮᬶᬄᬩᬮ᭄ᬬᬦ᭄᭟᭐ᬳᬶᬜᭀᬫᬜ᭄ᬘᭀᬩ᭄ᬮᭀᬂᬬᬓᭂᬫᬫᬜ᭄ᬭᬶᬢ᭄ᬬᬦᬕᬶᬄᬫᬢᬶ᭞ᬫᬲᬾᬧᬓ᭄ᬬᬜᭂᬫᬓ᭄ᬓᬤᬸᬢᬦ᭄᭞ᬫᬩᬸᬤ᭄ᬥᬶᬬᬫᬶᬮᬸᬮᬫ᭄ᬧᬸ
ᬲ᭄᭞ᬮ᭄ᬬᬸᬳᬦᬓᬾᬫᬗᬶᬲ᭄ᬬᬂ᭞ᬫ᭄ᬯᬦᬶᬫ᭄ᬯᬦᬶ᭞ᬳᬸᬮ᭄ᬬᬦ᭄ᬥᬦᬾᬕ᭄ᬥᬾᬓᭀᬫᬂ᭟᭐ᬲᬸᬫᬶᬂᬓᬶᬜᬓᬶᬭᬓ᭄ᬦᬶᬭᬓ᭄᭞ᬫᬸᬜᬶᬦᬾᬦᬸᬦ᭄ᬤᬾᬦᭂᬩᭂᬓᬶᬦ᭄᭞ᬳᬧᬂᬢᬶᬢ᭄ᬬᬂᬩᬋᬂᬧᭂᬚᬄ᭞
ᬳᭂᬜᭀᬦ᭄ᬢᬾᬄᬢᬺᬱ᭄ᬡᬳᬶᬦ᭄ᬳᬶᬤᬸᬧ᭄᭞ᬓᬾᬢᭀᬜᭀᬫᬜ᭄ᬘᭀᬩ᭄ᬮᭀᬂᬗᬸᬘᬧ᭄᭞ᬦᬾᬦᬾᬚᬦᬶ᭞ᬳᬦᬓᬾᬮ᭄ᬬᬸᬦᭂᬳᭂᬧᬂ᭟᭐ᬮ᭄ᬬᬸᬧᬤᬫᬦᬶᬗᭂᬳᬂ᭞ᬳᬸᬮ᭄ᬬᬦ᭄ᬥᬦᬾᬓ᭄ᬢᬸᬢ᭄ᬓᬯᬶ᭞
ᬲᬾᬦᬶᬂᬮ᭄ᬬᬸᬢ᭄ᬯᬭᬵᬍᬕᭃ᭞ᬳᬤᬵᬬᬫᬲᬯᬸᬢ᭄ᬕᭂᬦ᭄ᬤᬸᬮ᭄᭞ᬓᭂᬫᬤᬶᬢ᭄ᬯᬦ᭄ᬫᬧᭂᬢᬵ᭞ᬳ᭄ᬤᬦᬶᬦᬶ᭞ᬲᬹᬮᬵᬓᭀᬧᬶᬗᬾᬫᬦᬶᬗᭂᬄ᭟᭐ᬢᬦᬶᬳᬶᬩᬶᬢᬦᬶᬧ᭄ᬯᬦ᭄᭞ᬓᬶᬭᬓ᭄ᬓᬶᬭᬓ᭄ᬦᬸᬕᬶ [ 34 ][᭓᭓ 33B]
᭓᭓
ᬳ᭄᭞ᬫᬢᬶ᭞ᬜᬾᬦᬸᬦ᭄ᬤᬾᬜᬫᬳᬶᬢ᭄ᬓᬵ᭞ᬳᬤᬳᬦᬓ᭄ᬮᬸᬄᬫᬲᬯᬸᬢ᭄᭞ᬩᬶᬲᬫᬓᬢᬂᬢᬸᬢᬸᬭᬦ᭄‌᭞ᬓ᭄ᬢᬸᬢ᭄ᬓᬯᬶ᭞ᬲᬗ᭄ᬓᬦ᭄ᬮᬕᬲ᭄‌ᬢ᭄ᬓᬾᬦ᭄ᬭᬕᬵ᭞᭐ᬚᬦᬶᬓᬾᬢᭀᬧᬦᬤ᭄ᬬᬦ᭄ᬜᬵ᭞
ᬳᬶᬫᬾᬫᬾᬳᬶᬩᬧᬵᬧ᭄ᬮᬶᬄ᭞ᬢ᭄ᬯᬭᬵᬳᬶᬗᭂᬢ᭄ᬓᬾᬦ᭄ᬧ᭄ᬬᬦᬓ᭄᭞ᬦᬾᬦᬾᬜᬦ᭄ᬤᬂᬢ᭄ᬯᬭᬵᬭᬸᬗᬹ᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂᬫᬓ᭄ᬭᬡᬵ᭞ᬗᬯᬾᬭᬸᬦ᭄ᬢᬶᬓ᭄᭞ᬳᬦᬓᬾᬚᬦᬶᬚᬸᬫᬳᬵ᭟᭐ᬚ
ᬦᬶᬜᬫᬦᬾᬫᬓᭂᬚᬂ᭞ᬤᭃᬧᬓ᭄ᬱᬦᬢ᭄ᬓᬵᬫᬳᬶ᭞ᬮ᭄ᬬᬸᬢ᭄ᬯᬭᬵᬤᬗᭂᬦᬄᬫ᭄‌ᬤᬦᬾᬩ᭄ᬮᬶᬯᬬᬦ᭄ᬮᬾᬜ᭄ᬚᬸᬃ᭞ᬲᬋᬂᬤᬦᬾᬦᬂᬲᭂᬫ᭄ᬧᬾᬗᭀᬲ᭄᭞ᬢ᭄ᬯᬭᬵᬫᬳᬶ᭞ᬲᬚᬵᬬᬲᬶᬂᬦᭀᬢᬶᬦ᭄ᬳᬶ
ᬘᬂ᭟᭐ᬢ᭄ᬯ᭄ᬳ᭄‌ᬳᬶᬬᬳᬶᬜᭀᬫᬜ᭄ᬘᭀᬩ᭄ᬮᭀᬂ᭞ᬫᬓ᭄ᬭᬡᬩᬸᬓᬚᬦᬶ᭞ᬲᬗ᭄ᬓᬦ᭄ᬩᬸᬳᬸᬢᬾᬫᬜᬫᬵ᭞ᬬᬤᬶᬦᬶᬫᬦᬕᬶᬄᬜᬸᬦ᭄ᬤᬸᬮ᭄᭞ᬧᬘᬂᬗᭀᬤᬕᬂᬓᬲᬸᬓᬦ᭄᭞ᬳᬮᬵᬩ᭄ᬘᬶᬓ᭄᭞ᬳ᭄ᬬᬵ

[᭓᭔ 34A]
᭓᭔
ᬦᬶᬓ᭄ᬢᬸᬢ᭄ᬩᬸᬤ᭄ᬬᬗᬵ᭟᭐ᬢᬜ᭄ᬘᬭᬶᬢᬧᬸᬦᬶᬓ᭞ᬳᬸᬘᬧᬂᬦᬶᬓ᭄ᬢᬸᬢ᭄ᬓᬯᬶ᭞ᬧ᭄ᬭᬲᬶᬤ᭄ᬥᬬᬲᬸᬩᬧᭂᬚᬄ᭞ᬩᬗ᭄ᬓᬾᬦᬾᬯᬮᬸᬬᬳᬶᬤᬸᬧ᭄᭞ᬫᬲᬶᬄᬬᬦᬸᬦ᭄ᬤᬂ᭞ᬲᬕᬾᬢ᭄ᬧ᭄ᬭᬵᬧ᭄ᬢᬶ᭞
ᬕ᭄ᬥᬾᬓᭀᬫᬂᬗᬚᬓ᭄ᬩᬮ᭄ᬬᬦ᭄᭟᭐ᬫᬗᭀᬚᭀᬕ᭄ᬮᬯᬸᬢ᭄ᬫᬸᬮ᭄ᬬᬦ᭄᭞ᬩᬮ᭄ᬬᬦᬾᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬤᬾᬦᬶᬂᬕᬦ᭄ᬢᬶᬲᬫ᭄ᬧᬸᬦ᭄ᬧᭂᬚᬄ᭞ᬩᬮ᭄ᬬᬦᬾᬮᬦ᭄ᬢᬲ᭄ᬫᬲᬯᬸᬢ᭄᭞ᬚᬦᬶᬓᬾ
ᬦ᭄ᬓᬾᬦ᭄ᬩᬦ᭄ᬫᬤᬬᬵ᭞ᬲᬸᬩᬫᬢᬶ᭞ᬓᬸᬤ᭄ᬬᬂᬚᬦᬶᬫᬗᬶᬤᬸᬧᬂ᭟᭐ᬳᬶᬕ᭄ᬥᬾᬓᭀᬫᬂᬫᬗᬸᬘᬧ᭄᭞ᬫᬦᬯ᭄ᬕᬂᬦᬸᬦᬲ᭄ᬳᬸᬭᬶᬧ᭄᭞ᬧ᭄ᬬᬦᬓ᭄ᬢᬶᬢ᭄ᬬᬂᬚ᭄ᬭᭀᬩᬮ᭄ᬬᬦ᭄᭞ᬲᬶᬜᬳᬶᬧᬸᬦ᭄ᬫ
ᬮᬶᬄᬳᬶᬤᬸᬧ᭄᭞ᬚ᭄ᬭᭀᬩᬮ᭄ᬬᬦ᭄‌ᬤᬗᬾᬯᭂᬳᬂ᭞ᬩᬳᬲ᭄ᬧᬶᬧᬶᬲ᭄᭞ᬢᬶᬢ᭄ᬬᬂᬧᬘᬂᬫᬗᬢᬸᬭᬂ᭟᭐ᬩᬮ᭄ᬬᬦᬾᬫᬮᬶᬄᬫᬗᬸᬘᬧ᭄᭞ᬓᬸᬤ᭄ᬬᬂᬦᬶᬫᬗᬸᬩᬤᬶᬦ᭄᭞ᬤᬶᬚᬵᬳᬤᬩ [ 35 ][᭓᭔ 34B]
᭓᭔
ᬮ᭄ᬬᬦ᭄ᬩᬶᬱ᭞ᬧᬘᬂᬫᬜᬫ᭄ᬩᬸᬗᬶᬦ᭄ᬢᬸᬳᬸᬄ᭞ᬢ᭄ᬯᬭᬵᬳᬤᬤᬶᬯᬶᬱᬤ᭄ᬥ᭞ᬓᭂᬘᬧ᭄ᬳᬚᬶ᭞ᬗᬸᬭᬶᬧ᭄ᬳᬦᬓ᭄‌ᬲᬸᬩᬧᭂᬚᬄ᭟᭐ᬮᬫᬸᬦ᭄ᬩᬜᬢᬸᬮᬸᬲ᭄ᬢᬺᬱ᭄ᬡᬳᬶᬦᬾᬦᬾ
ᬫᬢᬶ᭞ᬦᬾᬦᬾᬳᬶᬤᬸᬧᭀᬯᬕᬯᬾᬦᬂ᭞ᬳᬸᬮᬸᬭᬶᬦ᭄ᬩᬳᬦ᭄ᬳᬸᬮᬗᬸᬦ᭄‌ᬳ᭄ᬤᬵ᭞ᬜᬵᬗ᭄ᬓᬳᬶᬦ᭄ᬫᬤᬳᬃ᭞ᬫᬸᬂᬧᬸᬂᬳᬸᬭᬶᬧ᭄᭞ᬤᬶᬚᬵᬩ᭄ᬯᬶᬦ᭄ᬗᬮᬶᬄᬍᬕᭃ᭟᭐ᬳᭂᬤᬵᬧᬢᬶᬜᬓ
ᬜ᭄ᬘᬘᬄ᭞ᬫ᭄ᬮᬄᬢᬸᬮᬾᬦ᭄ᬲᬳᬶᬲᬳᬶ᭞ᬤᬾᬦᬶᬂᬭᬕᬵᬲᬬᬦ᭄ᬢᬸᬯᬵ᭞ᬗ᭄ᬮᬄᬧ᭄ᬬᬦᬓ᭄‌ᬦᬸᬳᬳᬸᬓᬸᬤ᭄᭞ᬫᬲᬩᬸᬯᬸᬂᬫᬦᬶᬧ᭄ᬯᬦ᭄᭞ᬫᬲᬶᬄᬫᬢᬶ᭞ᬓᬲᬸᬕ᭄ᬬᬦᬾᬕ᭄ᬮᬄᬳᬦ
ᬓ᭄᭟᭐ᬤ᭄ᬬᬲ᭄ᬢᬸᬩᬜᬩᬾᬬᬦᬶᬦ᭄ᬜᬵ᭞ᬳᬧᬢᬯᬂᬢᬸᬗ᭄ᬓᬸᬮ᭄ᬫᬢᬶ᭞ᬧᬬᬸᬧᬶᬲᬕᬦᬾᬫᭀᬢᬄ᭞ᬳᬚᬾᬭᬶᬦᬵᬳᬸᬮᬶᬩᬸᬗᬸᬢ᭄᭞ᬓᬾᬢᭀᬕᬸᬭᬸᬦᬄᬳᬶᬗ᭄ᬢᬂ᭞ᬬᬾᬦ᭄ᬢ᭄ᬯᬄᬤᬤᬶ᭞

[᭓᭕ 35A]
᭓᭕
ᬤᬶᬳᬶᬤᬸᬧᬾᬳᬧᬂᬲᬸᬓᬵ᭟᭐ᬤᬶᬫᬢᬶᬦᬾᬢ᭄ᬯᬄᬓᬲᬲᬃ᭞ᬚᭀᬄᬲ᭄ᬯᬃᬕ᭄ᬕᬦᬾᬓᬧᬗ᭄ᬕᬶᬄ᭞ᬳᬶᬕ᭄ᬥᬾᬓᭀᬫᬂᬫᬗᬸᬘᬧ᭄᭞ᬳᬶᬗ᭄ᬕᬶᬄᬦᬶᬓᬮᬶᬦ᭄ᬢᬂᬧᬢᬸᬢ᭄᭞ᬓᬤᬶᬧᬗ᭄ᬭᬯᭀ
ᬲ᭄‌ᬚ᭄ᬭᭀᬦᬾᬦᬾᬫᬗ᭄ᬓᬶᬦ᭄᭞ᬫ᭄ᬭᬶᬓᬫᬦ᭄ᬢᬸᬓ᭄‌ᬲᬫ᭄ᬧᬸᬦ᭄ᬲᬜ᭄ᬚ᭟᭐ᬢᬦ᭄ᬓᭀᬘᬧ᭄ᬩᬮ᭄ᬬᬦᬾᬩᬸᬤᬮ᭄᭞ᬘᬭᬶᬢᬳᬶᬓ᭄ᬢᬸᬢ᭄ᬫᬗ᭄ᬓᬶᬦ᭄᭞ᬩᬗ᭄ᬓᬾᬦ᭄ᬜᬦᬾᬓᬧᬲᬭᬾᬬᬂ᭞ᬩᬸ
ᬓᬓ᭄ᬥᬾᬓ᭄‌ᬓ᭄ᬜᬸᬂᬓ᭄ᬜᬸᬂ᭞ᬘᬵᬬᬦᬾᬩᭀᬬᬳᬶᬮᬂ᭞ᬫᬶᬭᬶᬪᬸᬭᬶᬧ᭄᭞ᬫᬜᬧᬵᬜᬫᬦᬾᬢ᭄ᬓᬵ᭟᭐ᬲᬗ᭄ᬓᬦ᭄ᬳᬲᬶᬂᬫᬗᬦ᭄ᬢᭂᬦᬂ᭞ᬩᬗ᭄ᬓᬾᬦᬾᬦᬶᬓ᭄ᬢᬸᬢ᭄ᬓᬯᬶ᭞ᬫᬲᬶᬄᬫᬫᭂᬲ᭄ᬯᬂᬬᬾᬄ
ᬫᬢᬵ᭞ᬳᬶᬗᭂᬢ᭄ᬓᬾᬦᬶᬂᬦᬶᬓ᭄ᬢᬸᬢ᭄᭞ᬫᬶᬭᬶᬩ᭄ᬢ᭄ᬯᬭᬵᬳᬦᬓ᭄ᬧᭂᬚᬄ᭞ᬤᬾᬯᬵᬕᬸᬲ᭄ᬢᬶ᭞ᬲᬬᬂᬲᬦ᭄ᬳᬶᬤᬾᬯᬲᬾᬤᬵ᭟᭐ᬫᬓᭂᬚᬂᬧᬥᬜᭂᬤᬶᬳᬂ᭞ᬳᬤᬳ᭄ᬮᬸᬄᬳᬤᬫ᭄ᬯᬦᬶ᭞ᬤᬶ [ 36 ][᭓᭕ 35B]
᭓᭕
ᬤᬶᬗ᭄ᬤᬶᬗᬾᬤᬶᬤᬸᬮ᭄ᬯᬵᬦ᭄᭞ᬳᬤᬳᭂᬦ᭄ᬢᬮ᭄ᬫᬲᬼᬢ᭄ᬤᬶᬢᬸ᭞ᬳᬤᬲᬹᬭᬢ᭄ᬩᬳᬸᬧ᭄ᬭᬕᬢ᭄᭞ᬮᬯᬸᬢ᭄ᬓᬫ᭄ᬩᬶᬮ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬜᬃᬯᬂ᭟᭐ᬦᬶᬓ᭄ᬢᬸᬢ᭄‌ᬲ᭄ᬫᬮᬸᬓᭀᬘᬧ᭄᭞
ᬧᬫᬸᬜᬶᬦ᭄ᬲᬸᬭᬢᬾᬳᬭᬶᬲ᭄᭞ᬲᬸᬫᬶᬗ᭄ᬓᬶᬦ᭄ᬫᬗᭂᬜᬕᬂᬫᬦᬄ᭞ᬳᬾᬕᬃᬢᬶᬢ᭄ᬬᬂᬫᬾᬫᬾᬕᬸᬭᬸ᭞ᬫᬶᬯᬄᬜᬫᬫᬶᬦ᭄ᬤᭀᬦ᭄ᬫᬶᬲᬦ᭄᭞ᬲᬋᬂᬲᬫᬶ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬘᬂᬧ᭄ᬚᬄ᭟
ᬦᬗ᭄ᬳᬶᬂᬲᬫ᭄ᬧᬸᬦ᭄ᬲᬮᬶᬢ᭄ᬳᬃᬱᬵ᭞ᬳᬢᬸᬃᬢᬶᬢ᭄ᬬᬗᬾᬮᬶᬗ᭄ᬕᬶᬳᬶᬦ᭄᭞ᬤᬾᬦᬶᬂᬢᬶᬢ᭄ᬬᬂᬫᬢᬶᬩᬚᬂ᭞ᬫᬶᬦᬩ᭄ᬢᬶᬢ᭄ᬬᬂᬫᬸᬭᬂᬮᬓᬸ᭞ᬩᭀᬬᬫᬦᬄᬢᬶᬢ᭄ᬬᬂᬘᭀᬭᬄ᭞ᬬᬤ᭄ᬬᬦ᭄ᬫᬢᬶ᭞ᬢᬍᬃ
ᬢᬶᬢ᭄ᬬᬂᬳ᭄ᬦᬸᬩᬚᬂ᭟᭐ᬳᬶᬫᬾᬫᬾᬳᬶᬕᬸᬭᬹᬲ᭄ᬯᬾᬘᬵ᭞ᬫᬶᬯᬄᬜᬫᬦ᭄ᬢᬶᬢ᭄ᬬᬂᬗᬶᬲ᭄ᬢᬶ᭞ᬢᬶᬢ᭄ᬬᬂᬳᬕᬸᬂᬓᬫ᭄ᬬᬸᬢᬗᬦ᭄᭞ᬦᬧᬶᬳᬗ᭄ᬕᬾᬦ᭄ᬢᬶᬢ᭄ᬬᬂᬦᬯᬸᬃ᭞ᬢᬦ᭄ᬓᬢᬸᬢᬹᬕ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬤᬤᬶ

[᭓᭖ 36A]
᭓᭖
ᬫᬢᬶ᭞ᬢᬶᬢ᭄ᬬᬂᬗᬮᬳᬶᬦ᭄ᬳᬶᬩᬧᬵ᭟᭐ᬭᬶᬯ᭄ᬓᬲ᭄ᬢᬶᬢ᭄ᬬᬂᬦᬸᬢᬹᬕᬂ᭞ᬬᬦ᭄ᬢᬶᬢ᭄ᬬᬂᬩᬶᬮᬶᬄᬫᬯᬮᬶ᭞ᬦᬸᬫᬶᬢᬶᬲ᭄ᬫᬦᬤᭀᬲ᭄ᬚᬦ᭄ᬫ᭞ᬬᬦ᭄ᬫᬮᬶᬄᬢᬶᬢ᭄ᬬᬂᬓᬢ᭄ᬧᬸᬓ᭄᭞ᬤᬶᬢᬸᬢᬶᬢ᭄ᬬᬂᬫ
ᬧᬦᬯᬸᬭᬦ᭄᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬧᬫᬶᬢ᭄‌ᬲᬧᬶᬲᬦ᭄᭟᭐ᬢᬦ᭄ᬓᬘᬭᬶᬢᬧᬸᬦᬶᬓᬵ᭞ᬳᬶᬯᬬᬦ᭄ᬮᬶᬜ᭄ᬚᬸᬃᬦᬾᬫᬗ᭄ᬓᬶᬦ᭄᭟ᬲ᭄ᬥᬶᬄᬚᬸᬫᬄᬧᬤᬶᬤ᭄ᬬᬦ᭄᭞ᬦᬂᬲᭂᬫ᭄ᬧᬾᬗᭀ
ᬲᬕᬾᬢ᭄ᬭᬯᬸᬄ᭞ᬳᬶᬮᬾᬜ᭄ᬚᬸᬃᬩᬗᬸᬦ᭄ᬫᬢᭀᬮ᭄ᬬᬦ᭄᭞ᬫᬦᬸᬳᬸᬦᬶᬦ᭄᭞ᬩᬧᬵᬭᬯᬄᬲᬓᬾᬂᬤᬶᬚᬵ᭟᭐ᬦᬦᬕ᭄‌ᬲᭂᬫ᭄ᬧᬾᬗᭀᬲ᭄ᬳᬗᬸᬘᬧ᭄᭞ᬲᬤ᭄ᬬᬩᬧᬵᬢ᭄ᬓᬫᬳᬶ᭞ᬤ᭄ᬯᬵᬦᬶᬂᬩ
ᬧᬦᬶᬗᭂᬄᬳᭀᬃᬣ᭞ᬫᬶᬲᬜ᭄ᬘᬳᬶᬦᬾᬦᬶᬓ᭄ᬢᬸᬢ᭄᭞ᬧ᭄ᬬᬦᬓ᭄ᬥᬦᬾᬩ᭄ᬮᬶᬓᭀᬫᬂ᭞ᬲᬸᬩᬫᬳᬶ᭞ᬤᬶᬗᭂᬄᬩᬧᬵᬳᬶᬢᬸᬦ᭄ᬬᬦ᭄᭟᭐ᬘᬳᬶᬓ᭄ᬭᬡᬬᬧᭂᬚᬄ᭞ᬓᬾᬦ᭄ᬓᬾᬦ᭄ᬩᬦ᭄‌ᬦᬬ [ 37 ][᭓᭖ 36B]
᭓᭖
ᬢᬂᬚᬦᬶ᭞ᬮᬫᬸᬜ᭄ᬘᬳᬶᬫᬗᬶᬥ᭄ᬧᬂ᭞ᬩᬶᬮᬶᬄᬲᬤ᭄ᬬᬬᬳᬶᬤᬸᬧ᭄᭞ᬳᬧᬂᬲᬳᬶᬫ᭄ᬭᬕᬢᬂ᭞ᬳᬮᬵᬩ᭄ᬘᬶᬓ᭄᭞ᬳᬧᬂᬘᬳᬶᬗᬗ᭄ᬕᬾᬦ᭄ᬧᬜ᭄ᬚᬓ᭄᭟᭐ᬳ᭄ᬤᬍᬓ᭄ᬢᭂᬓᬾᬦ᭄ᬳᬦᬓ᭄᭞
ᬳ᭄ᬬᬵᬫᬸᬮᬕ᭄ᬮᬄᬘᬳᬶ᭞ᬚᬮᬜ᭄ᬚᬦᬶᬘᬳᬶᬓ᭄ᬫᬵ᭞ᬳᬶᬩᬧᬵᬦᭂᬫᬶᬦ᭄ᬫᬮᬸ᭞ᬮᬫᬸᬦ᭄ᬲᬸᬩᬤᬦᬾᬍᬕᭃ᭞ᬢ᭄ᬓᬾᬜ᭄ᬘᬳᬶ᭞ᬳᬶᬗᭂᬢ᭄ᬓᬾᬦ᭄ᬓᬧᭀᬦᬓᬦ᭄᭟᭐ᬳᬶᬮᬶᬜ᭄ᬚᬸᬃᬫᬲᬯᬸᬢ᭄ᬦᬶ
ᬫ᭄ᬩᬮ᭄᭞ᬩᬧᬵᬢᬶᬢ᭄ᬬᬂᬯᬦ᭄ᬢᬄᬗᬶᬭᬶᬂ᭞ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬧᬸᬭᬸᬦ᭄ᬢᬸᬮᬓ᭄᭞ᬓᬤᬶᬧᬗᬦ᭄ᬤᬶᬓᬵᬦ᭄ᬕᬸᬭᬸ᭞ᬦᬦᬂᬲᭂᬫ᭄ᬧᬾᬗᭀᬲ᭄ᬳᬗᬸᬘᬧ᭄᭞ᬲᬸᬩᬲᬳᬶ᭞ᬫᬦᬸᬢᬸᬳᬸᬢᬂᬳᬶᬤᭂᬧ᭄ᬩᬧᬵ᭟᭐
ᬩᬧᬵᬜᬶᬤᬬᬂᬗᬶᬤᬸᬧᬂ᭞ᬫᬶᬲᬜ᭄ᬘᬳᬶᬓ᭄ᬢᬸᬢ᭄ᬓᬯᬶ᭞ᬦᬸᬦᬲ᭄ᬳᬢ᭄ᬫᬵᬦᬾᬓᬲ᭄ᬯᬃᬕ᭄ᬕᬦ᭄᭞ᬲᬳᬶᬩᬗ᭄ᬓᬾᬦ᭄ᬜᬦᬾᬭᬹᬫ᭄ᬭᬸᬫ᭄᭞ᬓᬯᬸᬓᬶᬜᬲᬫ᭄ᬩᬢ᭄ᬲᬫ᭄ᬩᬢ᭄᭞ᬧᬗ᭄ᬮᬶᬗᬶᬦ᭄᭞ᬜᬶᬭᬶᬬᬂ

[᭓᭗ 37A]
᭓᭗
ᬢᬺᬱ᭄ᬡᬦᬾᬫᬫᬶᬲᬦ᭄᭟᭐ᬚᬮᬜ᭄ᬘᬳᬶᬧᬂᬲ᭄ᬮᬶᬤᬦ᭄᭞ᬳᬶᬮᬶᬜ᭄ᬚᬸᬃᬫᬲᬳᬸᬢ᭄ᬳᬶᬗ᭄ᬕᬶᬄ᭞ᬫ᭄ᬮᬄᬦᬾᬚᬦᬶᬗᬗᬶᬦᬂ᭞ᬦᬦᬂᬲᭂᬫ᭄ᬧᬾᬗᭀᬲ᭄ᬬᬫᬶᬮᬸ᭞ᬢᬦ᭄ᬓᬘᬭᬶᬢᬤᬶᬚᬮ
ᬦ᭄᭞ᬲᬸᬩᬚᬦᬶ᭞ᬢ᭄ᬓᭂᬤᬶᬩᬜ᭄ᬚᬃᬓᬗᬶᬦᬦ᭄᭟᭐ᬫᬗᭀᬚᭀᬕ᭄ᬮᬦ᭄ᬢᬲ᭄ᬫᬸᬮ᭄ᬬᬦ᭄᭞ᬤᬾᬦᬶᬯ᭄ᬗᬶᬯᬯᬸᬧ᭄ᬭᬧ᭄ᬢᬶ᭞ᬤ᭄ᬮᭀᬓᬦᬾᬲᬸᬩᬩᬸᬤᬮ᭄᭞ᬧᬥᬍᬲᬸᬲᬶᬋᬧ᭄ᬢᬸᬭᬹ᭞ᬕᬮᬗᬾ
ᬢ᭄ᬓᭂᬤ᭄ᬧᭂᬲ᭄ᬯᬦ᭄᭞ᬦᬸᬫᬲᬸᬦ᭄ᬤᬶᬄ᭞ᬦᬂᬲᭂᬫ᭄ᬧᬾᬗᭀᬲ᭄ᬫᬓᬯᬸᬓᬦ᭄᭟᭐ᬩᬗᬸᬦ᭄ᬥᬦᬾᬗ᭄ᬥᬾᬓᭀᬫᬂ᭞ᬩᬯᬸᬤᬦᬾᬫᬦᬶᬗ᭄ᬢᬮᬶᬦ᭄᭞ᬗᭂᬦᬄᬬᬦᬦᬂᬲᭂᬫ᭄ᬧᬾᬗᭀᬲ᭄᭞ᬲᬋᬂ
ᬬᬳᬶᬯᬬᬦ᭄ᬮᬾᬜ᭄ᬚᬸᬃ᭞ᬮᬯᬸᬢ᭄ᬓᬾᬘᬳᬶᬫᭂᬦᬾᬓᬦ᭄᭞ᬬᬫᬮᬶᬗ᭄ᬕᬶᬄ᭞ᬳᬶᬮᬶᬜ᭄ᬚᬸᬃᬮᬦ᭄ᬢᬲ᭄ᬫᬗᬓ᭄᭟᭐ᬧᬥᬩᬗᬸᬜᬫᬓᭂᬚᬂ᭞ᬦᬶᬜᭀᬫᬦᬶᬮᬬᬂᬲᬭᬶ᭞ᬧᭂᬲ᭄ᬯ [ 38 ][᭓᭗ 37B]
᭓᭗
ᬦ᭄ᬫᬗᬩᬧᬩ᭄ᬯᬦ᭄᭞ᬤᬾᬦᬶᬂᬫᬶᬲᬦᬾᬭᬯᬸᬄ᭞ᬲᬧᬂᬦᬦᬂᬲᭂᬫ᭄ᬧᬾᬗᭀᬲ᭄᭞ᬬᬫᬮᬶᬗ᭄ᬕᬶᬄ᭞ᬳᬶᬘᬬᬦ᭄ᬮᬶᬜ᭄ᬚᬸᬃᬫᬲᬋᬗᬦ᭄᭟᭐ᬳᬶᬕ᭄ᬥᬾᬓᭀᬫᬂᬳᬗᬸᬘᬧ᭄᭞ᬓᬾ
ᬦ᭄ᬓᬾᬦ᭄ᬩᬦ᭄ᬫᬓ᭄ᬦᭂᬄᬚᬦᬶ᭞ᬫᬲᬶᬄᬘᬳᬶᬫᬗᬶᬢᬸᬗᬂ᭞ᬧ᭄ᬬᬦᬓ᭄ᬘᬳᬶᬳᬶᬓ᭄ᬢᬸᬢ᭄᭞ᬓ᭄ᬦᭂᬄᬩ᭄ᬮᬶᬤᭂᬧᬶᬜ᭄ᬚᬸᬫᬄ᭞ᬩᬺᬱ᭄ᬳᬶᬳᬶᬦ᭄᭞ᬤᬸᬭᬶᬬᬦ᭄ᬳᬮ᭄ᬬᬂᬧᬚᬮᬦ᭄᭟᭐ᬬᬾᬦ᭄ᬢ᭄ᬯᬄᬤᬤᬶ
ᬧᬂᬲᬧᬶᬲᬦ᭄᭞ᬓᬸᬢᬂᬤᬦᬾᬫᬾᬫᬾᬜ᭄ᬘᬳᬶ᭞ᬫᬲᬶᬄᬤᬾᬭᬾᬂᬕᬯᬾᬦᬗ᭞ᬩ᭄ᬯᬶᬦ᭄ᬩᬧᬵᬦᬾᬳᬶᬮᬶᬜ᭄ᬚᬸᬃ᭞ᬤᬬᬦ᭄ᬩᭂᬮᬶᬢ᭄ᬯᬄᬜᬋᬗᬂ᭞ᬬᬦ᭄ᬩ᭄ᬯᬢ᭄ᬥᬕᬶᬂ᭞ᬩ᭄ᬮᬶᬲᬫᬶᬫᬗᬤ
ᬓᬂ᭟᭐ᬳ᭄ᬤᬘᬳᬶᬫᬗᬾᬯᭂᬳᬂ᭞ᬩ᭄ᬮᬶᬫᬜ᭄ᬭᬳᬂᬲᬫᬶ᭞ᬗᬗ᭄ᬕᭀᬘᬳᬶᬳᬚᬓ᭄ᬤᬤ᭄ᬯᬵ᭞ᬫᬗᬶᬢᬸᬗᬶᬦ᭄ᬳᬧᬂᬧᬸᬧᬸᬢ᭄᭞ᬩ᭄ᬮᬶᬗᬶᬤᬶᬄᬳᬳᬶᬤᬸᬧᬦ᭄᭞ᬢ᭄ᬓᬾᬜ᭄ᬘᬳᬶ᭞ᬩᬶᬱᬲ

[᭓᭘ 38A]
᭓᭘
ᬳᬶᬫᬗᬶᬢᬸᬗᬂ᭟᭐ᬤᬶᬦᬶᬘᬳᬶᬦᭀᬗᭀᬲ᭄ᬚᬸᬫᬄ᭞ᬳᬶᬜᭀᬫᬦ᭄ᬧᬘᬂᬗᬬᬳᬶᬦ᭄᭞ᬳᬦᬓᬾᬩᬳᬂᬫᬜ᭄ᬚᬓᬂ᭞ᬬᬦ᭄ᬤᬤᬶᬕᬯᬾᬦᬂᬧᬢᬹᬢ᭄᭞ᬳᬯᬓᬾᬫᬗᬚᬓ᭄ᬫᬶᬲᬦ᭄᭞ᬫ
ᬲᬶᬄᬘᬳᬶ᭞ᬧᬶᬢᬸᬢ᭄ᬜᬦ᭄ᬤᬂᬫᬗᭀᬤᬕᬂ᭟᭐ᬳᬶᬮᬶᬜ᭄ᬚᬸᬃᬚᬦᬶᬗᭂᬳᬂ᭞ᬭᬯᭀᬲ᭄ᬥᬦᬾᬫᬶᬢᬸᬢᬸᬭᬶᬦ᭄᭞ᬢ᭄ᬯᬭᬵᬧᬶᬲᬦ᭄ᬳᬤᬍᬧᬲ᭄᭞ᬫᬲᬯᬸᬢ᭄ᬫᬸᬜᬶᬦᬾᬳᬮᬸᬲ᭄᭞
ᬢᬶᬢ᭄ᬬᬂᬩᬧᬵᬦᬾᬦ᭄ᬢᭂᬦ᭄ᬧᬜ᭄ᬚᬂ᭞ᬯᬦ᭄ᬢᬄᬗᬶᬭᬶᬂ᭞ᬦᬦᬂᬲᭂᬫ᭄ᬧᬾᬗᭀᬲ᭄ᬫᬗᬸᬘᬧ᭄᭟᭐ᬭᬯᭀᬲ᭄‌ᬩ᭄ᬮᬶᬦᬾᬧᬸᬦᬶᬓᬵ᭞ᬩᭀᬬᬢᬶᬢ᭄ᬬᬂᬫᬯᬶᬯᬮᬶᬦ᭄᭞ᬳᭀᬓᬦ᭄‌ᬩ᭄ᬮᬶᬓ᭄ᬢᬸ
ᬢ᭄ᬓᬯ᭄ᬬ᭞ᬤᬾᬦᬶᬂᬤᬤᬓᬜᬮᬫᭀᬯᬸᬲ᭄᭞ᬦᬸᬦᬲ᭄ᬫᬗ᭄ᬓᬶᬦ᭄ᬬᬳᬸᬭᬶᬧᬂ᭞ᬬᬦ᭄ᬢ᭄ᬯᬄᬤᬤᬶ᭞ᬳᬸᬭᬶᬧ᭄ᬩᬶᬮᬶᬄᬳᬤᬵᬲᬤ᭄ᬬ᭟᭐ᬲᬶᬜᬳᬤᬯᬶᬥᬶᬲ᭄ᬯᬾᬘᬵ᭞ᬜᬓ᭄‌ᬬᬳᬶᬓ᭄ᬢᬸᬢ᭄ᬳᬸᬭᬶ [ 39 ][᭓᭘ 38B]
᭓᭘
ᬧ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬗᬶᬤᬸᬧᬂ᭞ᬫᬲᬶᬄᬳᬸᬭᬶᬧ᭄ᬳᬗ᭄ᬕᭀᬦᬸᬢᬸᬕ᭄᭞ᬩᬶᬮᬶᬄᬢ᭄ᬧᬸᬓ᭄ᬬᬤᬶᬚᬮᬦ᭄᭞ᬳᬚᬓ᭄ᬫᬸᬮᬶᬄ᭞ᬳᬸᬗ᭄ᬲ᭄ᬬᬥᬤᬶᬓᬸᬭᬸᬗᬦ᭄ᬜᬵ᭟᭐ᬳᬶᬕ᭄ᬥᬾᬓᭀᬫᬂᬳᬗᬸ
ᬘᬧ᭄᭞ᬮᬫᬸᬦ᭄ᬲᬶᬤ᭄ᬥᬵᬩᬳᬜ᭄ᬘᬳᬶ᭞ᬮᬯᬸᬢᬂᬬᬳᬶᬤᬸᬧᬂ᭞ᬩᬶᬮᬶᬄᬳᬤᬯᬶᬥᬶᬳᬲᬸᬂ᭞ᬫᬗᬶᬘ᭄ᬘᬾᬦ᭄ᬯᬭᬦᬸᬕ᭄ᬭᬳᬵ᭞ᬲᬶᬤ᭄ᬥᬉᬭᬶᬧ᭄᭞ᬲᬤ᭄ᬬᬜ᭄ᬘᬳᬶᬦᬾᬫᬧ᭄ᬬᬦᬓ᭄᭟᭐ᬳ᭄ᬮᬸᬄ
ᬓᬯᬮᬵᬦᬸᬤᬸᬳᬂ᭞ᬓᬗ᭄ᬕᬾᬓᬗ᭄ᬕᬾᬓ᭄ᬦᭂᬄᬘᬳᬶ᭞ᬩ᭄ᬮᬶᬩ᭄ᬮᭀᬕ᭄ᬢ᭄ᬯᬭᬵᬩᬶᬲ᭞ᬦᬦᬂᬦᭂᬫ᭄ᬧᬾᬗᭀᬲᬸᬫᬯᬸᬃ᭞ᬲᬫ᭄ᬧᬸᬦ᭄‌ᬩ᭄ᬮᬶᬧᬜ᭄ᬚᬂᬭᬯᭀᬲ᭄᭞ᬢᬶᬢ᭄ᬬᬂᬚᬦᬶ᭞ᬗᬶᬢᬸᬗᬶᬦ᭄ᬲᬋᬂ
ᬳᬶᬯᬬᬦ᭄᭟᭐ᬦᬶᬜᭀᬫᬦᬶᬬᬂᬲ᭄ᬓᬃ᭞ᬫᬲᬯᬸᬢ᭄ᬲᬫ᭄ᬩᬶᬮᬂᬗ᭄ᬮᬶᬂ᭞ᬲᬶᬕ᭄ᬲᬶᬕᬦ᭄ᬜᬫ᭄ᬧᭂᬢ᭄ᬬᬾᬄᬢᬶᬗᬮ᭄᭞ᬲᬺᬢ᭄ᬫᬸᬜᬶᬦ᭄ᬜᬦᬾᬧ᭄ᬲᬸ᭞ᬳᬶᬗ᭄ᬕᬶᬄᬩ᭄ᬮᬄᬩᬧᬢᬸᬮᬸᬂᬢᬶᬢ᭄ᬬᬂ᭞ᬢᬸᬮᬸ

[᭓᭙ 39A]
᭓᭙
ᬲ᭄ᬚᬦᬶ᭞ᬢᬶᬢ᭄ᬬᬂᬤᬤᬶᬓ᭄ᬥᬾᬓᬚᬕᬢ᭄᭟᭐ᬬᬦ᭄ᬢᬦ᭄ᬩᬧᬵᬫᬗᬶᬤᬸᬧᬂ᭞ᬢᬶᬢ᭄ᬬᬂᬤᬸᬭᬸᬲ᭄ᬫᬳᬶᬲ᭄ᬥᬶᬄ᭞ᬢᬶᬤᭀᬂᬩᬧᬫᬗ᭄ᬕᬶᬄᬚ᭄ᬗᬄ᭞ᬩᬶᬮᬶᬄᬬᬳᬶᬓ᭄ᬢᬸᬢ᭄ᬳᬶᬤᬸᬧ᭄᭞ᬳᬚᬓ᭄ᬚᬸᬫᬄᬚ᭄ᬮᬾᬫ᭄ᬮᬄ᭞
ᬮᬫᬸᬦ᭄ᬫᬢᬶ᭞ᬲᬋᬂᬫᬢᬸᬗ᭄ᬕᬮᬦ᭄ᬩᬂᬫ᭄ᬩᬂ᭟᭐ᬤᬶᬳᬶᬤᬸᬧᬾᬲᬋᬂᬲᬸᬓᬵ᭞ᬢᬶᬢ᭄ᬬᬂᬫᬗᬶᬭᬶᬗᬂᬩ᭄ᬮᬶ᭞ᬳᬶᬓ᭄ᬢᬸᬢᬺᬡᬫᬫᬶᬲᬦ᭄᭞ᬮ᭄ᬯᬶᬄᬪᬓ᭄ᬢᬶᬭᬶᬂᬳᬶᬕᬸᬭᬹ᭞ᬳᬶᬯᬬᬦ᭄ᬮᬶᬜ᭄ᬚᬸᬃᬳ
ᬗᬸᬘᬧ᭄᭞ᬳᬧᬗᬦ᭄ᬢᬶ᭞ᬳᬤᬳᬸᬢᬂᬫᬳᬶᬩᬚᬂ᭟᭐ᬤᬾᬦᬶᬂᬧᬫᬫᬶᬢᬾᬓᬢᬄ᭞ᬤᬸᬕᬦᬾᬢᬸᬳᬸᬦᬸᬫᬥᬶ᭞ᬲᬗ᭄ᬓᬦ᭄‌ᬮ᭄ᬬᬸᬫᬢᬶᬩᬚᬂ᭞ᬳᬤᬦᬾᬧᬜ᭄ᬚᬂᬢᬸᬯᬸᬄ᭞ᬲᬗ᭄ᬓᬦ᭄ᬓ
ᬦ᭄ᬢᬶᬓᬬᬂᬢ᭄ᬯᬵ᭞ᬳᬦᬉᬭᬶᬧ᭄᭞ᬓᬦ᭄ᬢᬶᬫᬘᬸᬘᬸᬫᬓᬹᬫ᭄ᬧ᭄ᬬᬂ᭟᭐ᬢᬶᬗ᭄ᬓᬳᬾᬤᬤᬶᬚᬼᬫᬵ᭞ᬤᬶᬦᬶᬉᬭᬶᬧ᭄ᬩᬦ᭄ᬫᬜᬶᬮᬶᬄ᭞ᬧᬫᬸᬧᬸᬢ᭄ᬬᬧᬘᬂᬧᭂᬚᬄ᭞ᬤᬾᬦᬶᬂᬳᬶᬤᬲᬗ᭄ᬳ᭄ᬬᬂᬢᬸᬤᬸᬄ᭞ [ 40 ][᭓᭙ 39B]
᭓᭙
ᬜᬫᬘᬢᬸᬃᬭᬾᬗᬯᬸᬓᬂ᭞ᬳᬶᬧᬜᬓᬶᬢ᭄᭞ᬲᬗ᭄ᬓᬦ᭄ᬧᬜᬓᬶᬢᬾᬕᬮᬓ᭄᭟᭐ᬳᬓᬸᬤᬬᬳᬮ᭄ᬬᬂᬩᬮ᭄ᬬᬦ᭄᭞ᬧᬘᬂᬢᬸᬦ᭄ᬤᬾᬦ᭄ᬫᬗᬸᬩᬤᬶᬦ᭄᭞ᬤᬤᬶᬲᬓᬶᬂᬢᭀᬜ
ᬚᬬᬂ᭞ᬤᬶᬳ᭄ᬦᬸᬦᬾᬩᬮ᭄ᬬᬦᬾᬤᬶᬢᬸ᭞ᬬᬫᬗᭂᬤᭀᬳ᭄ᬲᬲᬦ᭄ᬢᬸᬦ᭄‌ᬓᬢᬄ᭞ᬩᬳᬲ᭄ᬧᬶᬧᬶᬲ᭄᭞ᬓᬸᬤᬵᬩᬳᬦᬜᬳᬢᬂ᭟᭐ᬲᬸᬩᬮ᭄ᬬᬸᬦᬾᬫᬓᬳᬤ᭄᭞ᬦᬾᬦᬾ
ᬲᬓᬶᬢ᭄ᬧᬬᬸᬫᬢᬶ᭞ᬢᬶᬤᭀᬂᬓᬾᬕ᭄ᬥᬾᬧᬗᭂᬦᬂ᭞ᬩᬮ᭄ᬬᬦᬾᬓ᭄ᬥᬾᬓ᭄‌ᬩ᭄ᬭᬸᬓᬸᬓ᭄᭞ᬲᬲᬦ᭄ᬢᬸᬦᬾᬩᬓᬢᬗᬵ᭞ᬦᬾᬦᭂᬧᭂᬢᬶᬦ᭄᭞ᬢᬸᬮᬸᬲ᭄ᬥᬶᬄᬫᬧᬗᭂᬦᬦ᭄᭟᭐ᬳᬫᭀ
ᬦ᭄ᬢᭀᬬᬫᬢᬸᬢᬸᬭᬦ᭄᭞ᬦᬶᬲᬫ᭄ᬧᬾᬗᭀᬲ᭄ᬫᬗᬯᬸᬓᬶᬦ᭄᭞ᬳᬶᬯᬬᬦ᭄ᬮᬾᬜ᭄ᬚᬸᬃᬫᬸᬮ᭄ᬬᬦ᭄᭞ᬗᭀᬚᭀᬕ᭄ᬮᬬᭀᬦᬾᬦᬶᬓ᭄ᬢᬸᬢ᭄᭞ᬫᬶᬲᬦ᭄ᬫᬶᬦ᭄ᬤᭀᬦᬾᬚᬸᬫᬳᬦ᭄᭞ᬫᬦᭀ

[᭔᭐ 40A]
᭔᭐
ᬗᭀᬲᬶᬦ᭄᭞ᬧᭂᬲᬸᬗᬩᬶᬄᬳᬸᬮᬶᬤᬶᬯᬂ᭟᭐ᬯᬗ᭄ᬲᬶᬢᬶᬦ᭄ᬩᬦ᭄ᬫᬸᬜᬶᬫ᭄ᬮᬄ᭞ᬲᬸᬩᬧᬥᬗ᭄ᬭᬲᭂᬧ᭄ᬯᬗ᭄ᬲᬶᬢ᭄᭞ᬳᬶᬮᬾᬜ᭄ᬚᬸᬃᬳ᭄ᬦᬸᬚᬸᬫᬳᬦ᭄᭞ᬦᬶᬗ᭄ᬳᬮᬶᬦ᭄ᬮᬬᭀᬦᬶᬓ᭄ᬢᬸᬢ᭄᭞ᬭ
ᬱᬳᬶᬤᬸᬧ᭄ᬫᬶᬭᬶᬩ᭄ᬜᬧᬵ᭞ᬩᬳᬦ᭄ᬓᭂᬜᬶᬂ᭞ᬤᬸᬭᬸᬲᬂᬩ᭄ᬮᬶᬫᬸᬗ᭄ᬕᬳᬦ᭄᭟᭐ᬓᬾᬢᭀᬢᬵᬳᬶᬮᬶᬜ᭄ᬚᬸᬃᬗᭂᬦᭂᬳᬂ᭞ᬮᬬᭀᬦᬾᬫᬶᬭᬶᬩ᭄ᬫᬫᬸᬜᬶ᭞ᬫᬶᬭᬶᬩ᭄ᬗᬚᬓᬶᬦ᭄ᬗ᭄ᬭᭀ
ᬭᭀᬤ᭄᭞ᬘᬭᬵᬢᬶᬗ᭄ᬓᬄᬤᬸᬓᬾᬳᬶᬤᬸᬧ᭄᭞ᬓᬾᬢᭀᬳᬶᬮᬾᬜ᭄ᬚᬸᬃᬗᬦ᭄ᬤᬾᬬᬂ᭞ᬤᬤᬶᬲ᭄ᬥᬶᬄ᭞ᬧᬗᬸᬘᬧᬾᬤᬶᬧᬗ᭄ᬭᬱ᭟᭐ᬤᬹᬄᬚᬶᬯᬦ᭄‌ᬩ᭄ᬮᬶᬦᬾᬫᬶᬭᬄ᭞ᬳ᭄ᬮᬲ᭄ᬕᬸᬲ᭄ᬢᬶᬫᬗ
ᬮᬳᬶᬦ᭄᭞ᬳᬚᬓ᭄ᬢᬶᬢ᭄ᬬᬂᬩᬋᬂᬧᭂᬚᬄ᭞ᬳᬧᬵᬭᬦ᭄ᬢᬶᬢ᭄ᬬᬂᬳᬶᬤᬸᬧ᭄᭞ᬓᬾᬢᭀᬳᬶᬮᬶᬜ᭄ᬚᬸᬃᬫᬗᬸᬘᬧ᭄᭞ᬤᬤᬶᬲ᭄ᬥᬶᬄ᭞ᬧᬗᬸᬘᬧᬾᬤᬶᬧᬗ᭄ᬭᬲᬵ᭟᭐ᬓᬾᬢᭀ [ 41 ][ ᭔᭐ 40B]
᭔᭐
ᬫᬸᬜᬶᬦᬾᬤᬶᬫᬦᬄ᭞ᬮᬬᭀᬦᬾᬮᬦ᭄ᬢᬲ᭄ᬓᬳᬫ᭄ᬩᬶᬮ᭄᭞ᬢᬢᬓᬶᬗᬍᬗᬶᬦ᭄ᬮᬶᬫᬵ᭞ᬭᬸᬭᬸᬩᬓᬮᬸᬓᬃᬲᬫ᭄ᬧᬸᬦ᭄᭞ᬕᬮᬂᬓᬲᬸᬦ᭄ᬤᬭᬶᬦ᭄ᬥᬫᬃ᭞ᬧᬸᬢᬶᬄᬓᬸᬦᬶᬗ?
᭞ᬩᬗ᭄ᬓᬾᬦᬾᬓᬳᬭᬲ᭄ᬳᬭᬲ᭄᭚᭐᭚ᬕᬶᬦᬦ᭄ᬢᬶ᭚᭐᭚ᬤᬸᬄᬚᬶᬯᬵᬦ᭄ᬢᬶᬢ᭄ᬬᬗᬾᬭᬢᬸ᭞ᬤᬶᬚᬵᬳᬮᬶᬄᬢᬶᬢ᭄ᬬᬂᬕᬸᬲ᭄ᬢᬶ᭞ᬧᬶᬲᬦ᭄ᬳᬚᬓ᭄ᬢᬶᬢ᭄ᬬᬂᬧᭂᬚᬄ᭞ᬲᬸᬓᬵᬢᬶ
ᬢ᭄ᬬᬂᬫᬜᬢ᭄ᬬᬦᬶᬦ᭄᭞ᬳᬧᬗᬵᬤᬤᬶᬳᬶᬭᬶᬗᬦ᭄᭞ᬩᬋᬂᬫᬩᬂᬫ᭄ᬩᬂᬳᬩᭂᬲᬶᬓ᭄᭟᭐ᬳᭂᬗ᭄ᬢᬾᬦ᭄‌ᬚᬵᬯᬶᬥᬶᬦᬾᬳᬲᬸᬂ᭞ᬢᬶᬢ᭄ᬬᬂᬦᬸᬦᬲ᭄ᬳᬶᬘᬵᬳᬸᬕᬶ᭞ᬲᬸᬧᬢ᭄ᬕᭂᬮᬶᬲ᭄ᬓᬸ
ᬤᬢᬶᬢ᭄ᬬᬂ᭞ᬳᬧᬂᬢᬶᬢ᭄ᬬᬂᬕ᭄ᬮᬶᬲ᭄ᬫᬫᬗ᭄ᬕᬶᬄ᭞ᬳᬸᬘᬧᬂᬚᬦᬶᬲᬂᬧᭂᬚᬄ᭞ᬳᬢ᭄ᬫᬵᬦᬾᬳᬶᬓ᭄ᬢᬸᬢ᭄ᬓᬯᬶ᭟᭐ᬓᬭᬶᬫᬗᬦ᭄ᬢᬾᬲᬂᬕᭂᬦ᭄ᬢᬸᬄ᭞ᬬᬾᬄᬢᬸᬓᬤᬾᬕ᭄ᬥᬾᬕᬢᬶ᭞ᬦᬾ

[᭔᭑ 41A]
᭔᭑
ᬫᬤᬦ᭄ᬢᬸᬓᬤ᭄‌ᬬᬾᬄᬫ᭄ᬯᬦᬵ᭞ᬜᬫᬦᬾᬦᬾᬧᬮᬶᬂᬳᭀᬮᬶᬄ᭞ᬬᬾᬄᬜᭀᬫᬾᬦᬤᬶᬢᬸᬓᬤ᭄᭞ᬫᬜᭀᬩᬳᬶᬦ᭄ᬫᬦᬦ᭄ᬤ᭄ᬭᬸᬳᬶᬦ᭄᭟᭐ᬚᭂᬚᭂᬄᬲᬗᬵᬢ᭄ᬫᬫᬦᬸᬳᬸᬢ᭄᭞ᬢᭀ
ᬬᬦᬾᬲᬸᬮᬸᬓ᭄ᬢᬦ᭄ᬲᬶᬧᬶ᭞ᬳᬲᬶᬦ᭄ᬧᬘᬂᬫᬗᬜᬸᬤᬂ᭞ᬮᬫᬸᬦ᭄ᬢᬯᬂᬢᬸᬢᬸᬃᬫᬢᬶ᭞ᬤᬾᬦᬶᬂᬳᬤᬓ᭄ᬘᬧ᭄᭞ᬰᬵᬲ᭄ᬢ᭄ᬭ᭞ᬧᬘᬂᬳᬗ᭄ᬕᭀᬦ᭄ᬫᬦᬓᭀᬦᬶᬦ᭄᭟᭐ᬲᬗᬵᬢ᭄ᬫᬲᬸᬫᬶ
ᬗ᭄ᬓᬶᬦ᭄ᬲᬸᬩ᭄ᬲᬸᬢ᭄᭞ᬲᬫ᭄ᬧᬸᬦ᭄ᬢᬗᭂᬄᬢ᭄ᬓᬾᬦ᭄ᬫᬢᬶ᭞ᬳᬾᬮᬶᬂᬢ᭄ᬓᬾᬦ᭄ᬫᬾᬫᬾᬩᬧᬵ᭞ᬦᬾᬦᬚᬦᬶᬓᬮᬳᬶᬦ᭄ᬫᬢᬶ᭞ᬫᬶᬲᬦ᭄ᬫᬶᬦ᭄ᬤᭀᬦᬾᬜᭂᬤᬶᬳᬂ᭞ᬲᬗᬵᬢ᭄ᬫᬲᬗ᭄ᬲᬭᬵᬦᬗᬶᬲ᭄
᭚᭐᭚ᬲ᭄ᬫᬭᬦ᭄᭞᭚᭐᭚ᬲᬸᬫᬶᬗ᭄ᬓᬶᬦ᭄ᬓᬬᬸᬦᬾᬲ᭄ᬥᬶᬄ᭞ᬬᬾᬄᬢᬶᬗᬮᬾᬤᬺᬲ᭄ᬫᭂᬤᬮ᭄᭞ᬩᬲ᭄‌ᬲᬗ᭄ᬲᬭᬵᬧᬫᬃᬕ᭄ᬕᬶᬦᬾ᭞ᬓᬬᬂᬫᬢᬶᬢᬶᬢ᭄ᬬᬂᬦ᭄ᬯᬓᬵ᭞ᬳᬾᬮᬶᬂᬚᬦᬶᬬ [ 42 ][᭔᭑ 41B]
᭔᭑
ᬭᬶᬂᬫᬦᬄ᭞ᬢ᭄ᬓᬾᬦ᭄ᬢᬶᬗ᭄ᬓᬳᬾᬳ᭄ᬦᬸᬳᬶᬤᬸᬧ᭄᭞ᬳᬶᬗᭂᬢ᭄ᬓᬗᭂᬦ᭄ᬫᬲᭂᬮ᭄ᬲᭂᬮᬦ᭄᭟᭐ᬚᬦᬶᬳᬶᬗᭂᬢ᭄ᬭᬶᬂᬯᬯᬶᬲᬶᬓ᭄᭞ᬢᬶᬗ᭄ᬓᬄᬳᬦᬓ᭄ᬓᬧᬺᬮᬶᬦᬵ᭞ᬫᬢᬓᭀᬦ᭄ᬢᭂᬓᬾᬦ᭄ᬜᬫᬦᬾ᭞
ᬳᭂᬦ᭄ᬢᭀᬚᬦᬶᬓᬯᭂᬢ᭄ᬯᬂ᭞ᬧᬶᬦ᭄ᬤᬓᬤᬤᭀᬲ᭄ᬮᬭᬱᬦ᭄᭞ᬉᬁᬗ᭄ᬓᬭᬵᬳᬗᬾᬦ᭄ᬧᬶᬢᬸᬢᬹᬃ᭞ᬲᬗᬵᬢ᭄ᬫᬵᬢᬢᬲ᭄ᬫᬦᬯᬂ᭟᭐ᬢᬸᬓᬤᬾᬳᬶᬮᬂᬧ᭄ᬭᬚᬦᬶ᭞ᬳᬢ᭄ᬫᬵᬦᬾᬭᬭᬶᬲ᭄ᬫᬚᬮᬦ᭄᭞
ᬳ᭄ᬦᭂᬗᬵᬓ᭄ᬦᬮᬫ᭄ᬧᬳᬾ᭞ᬳᬶᬮᬶᬜ᭄ᬚᬸᬃᬫᬮᬶᬄᬓᭀᬘᬧᬦ᭄᭞ᬤᬶᬫ᭄ᬢᬾᬦ᭄ᬬᬧᬤᬤ᭄ᬯᬦᬦ᭄᭞ᬤᬦᬂᬲᭂᬫ᭄ᬧᬾᬗᭀᬲ᭄ᬕᬫᬸᬯᬸᬲ᭄᭞ᬳᬶᬄᬘᬳᬶᬳᬧᬂᬬᬢ᭄ᬦᬵ᭟᭐ᬤᬾᬦᬶᬂᬬᬓ᭄ᬮᬶᬦ᭄ᬢᬂ
ᬲᬸᬓᬶᬮ᭄᭞ᬳᬢ᭄ᬫᬵᬦᬾᬲᬸᬩᬗ᭄ᬮᬶᬯᬢ᭄᭞ᬩᬶᬮᬶᬄᬢ᭄ᬓᬾᬤᬶᬲ᭄ᬯᬃᬕ᭄ᬕᬦᬾ᭞ᬤᬾᬦᬶᬂᬳᬶᬩᬶᬲᬫ᭄ᬧᬸᬦ᭄ᬧᭂᬚᬄ᭞ᬬᬾᬦ᭄ᬢᬦ᭄ᬢᬦᬶᬬᬳᬾᬗ᭄ᬕᬮᬂ᭞ᬳᬸᬮᬶᬫᬢᬶᬧᬘᬂᬗ᭄ᬭᬸᬗᬹ᭞ᬤᬶᬚᬵ

[᭔᭒ 42A]
᭔᭒
ᬓᬧᬗ᭄ᬕᬶᬄᬕ᭄ᬦᬄᬦ᭄ᬬ᭟᭐ᬩᬧᬵᬚᬦᬶᬧᬘᬂᬫᬢᬶ᭞ᬘᬳᬶᬚᬸᬫᬄᬳᬧᬂᬬᬢ᭄ᬦᬵ᭞ᬜᬧᬢᬶᬦ᭄ᬪᬸᬢ᭄ᬣᬪᬸᬢ᭄ᬣᬶᬦᬾ᭞ᬳᬧᬂᬳ᭄ᬤᬵᬬᬫᬗ᭄ᬭᬶᬱ᭄ᬝ᭞ᬢ᭄ᬓᬵᬬᬫᬳᬶᬫᬸᬮ᭄ᬬᬦ᭄᭞ᬕ᭄ᬮᬭᬶᬦ᭄ᬩᬦ᭄ᬓᭂ
ᬦᭂᬄᬫᬮᬸ᭞ᬤᬾᬦᬶᬂᬧ᭄ᬢᭂᬂᬢ᭄ᬯᬭᬵᬢᬯᬂ᭟᭐ᬳᬶᬯᬬᬦ᭄ᬮᬾᬜ᭄ᬚᬸᬃᬗᬯᬗ᭄ᬲᬶᬢᬶᬦ᭄᭞ᬫᬶᬲᬦ᭄ᬫᬶᬦ᭄ᬤᭀᬦᬾᬤᬶᬯᬗᬦ᭄᭞ᬳᬧᬂᬬᬢ᭄ᬦᬵᬤᬫᬲᬭᬾ᭞ᬳᬶᬍᬳᬶᬦ᭄‌ᬳᬸᬫᬳᬾᬚᬕᬵ᭞
ᬲᬶᬜᬢᬾᬄᬳᬤᬤᬹᬃᬕ᭄ᬕᬗ᭄ᬯᬶᬲ᭄ᬬᬦᬶᬦ᭄ᬮᬬᭀᬦᬾᬚᬦᬶ᭞ᬳᬧᬂᬳ᭄ᬤᬵᬓᬭᬶᬲᬓᬦ᭄᭟᭐ᬳᬶᬩᬧᬵᬗᬮᬳᬶᬦ᭄ᬫᬢᬶ᭞ᬗᬮᬶᬄᬳᬢ᭄ᬫᬵᬦᬾᬓᬲ᭄ᬯᬃᬕ᭄ᬕᬦ᭄᭞ᬦᬾᬯᬗ᭄ᬲᬶᬢᬶᬦ᭄ᬧᬤ
ᬳᬾᬧᭀᬢ᭄᭞ᬫᬜᬕᬩᬶᬮᬂᬤᬗ᭄ᬓᬵ᭞ᬳᬶᬮᬾᬜ᭄ᬚᬸᬃᬮᬯᬸᬢ᭄ᬫᬸᬮ᭄ᬬᬦ᭄᭞ᬲᬋᬂᬬᬳᬶᬮᬬᬂᬲᬦ᭄ᬢᬸᬦ᭄᭞ᬦᭀᬗᭀᬲᬶᬦ᭄‌ᬚᬦᬶᬚᬸᬫᬳᬦ᭄᭟᭐ᬦᬦᬂᬲᭂᬫ᭄ᬧᬾᬗᭀᬲ᭄ᬫᬫᬸ [ 43 ][᭔᭒ 42B]
᭔᭒
ᬱ᭄ᬝᬶ᭞ᬍᬫᭂᬣᬧᬦ᭄‌ᬗ᭄ᬮᬸᬲ᭄ᬭᬕᬵ᭞ᬗ᭄ᬮᬸᬯᬭᬶᬂᬭᬕᬵᬩᬬᬸᬦᬾ᭞ᬜᬫᬘᬢᬹᬭᬾᬗᭂᬤᭂᬗᬂ᭞ᬰᬶᬯᬤ᭄ᬬᬭᬵᬦᬾᬫᬫ᭄ᬧᬓᬦ᭄᭞ᬜᬫᬦᬾᬫᬢᬶᬗ᭄ᬕᬮ᭄ᬲᬫ᭄ᬧᬸᬦ᭄᭞ᬤᬾᬦᬶᬂᬳᬶᬤᬵ
ᬲᬗ᭄ᬳ᭄ᬬᬂᬢᬸᬗ᭄ᬕᬮ᭄᭟ᬳᭀᬲᬫ᭄ᬧᬸᬦ᭄‌ᬳᬶᬤᬫᬗ᭄ᬮᬾᬲᬶᬦ᭄᭞ᬩᬶᬮᬂᬩᬸᬓᬸᬲᬫ᭄ᬧᬸᬦ᭄ᬩᭂᬮᬲ᭄᭞ᬯᬮᬸᬬᬩᬗ᭄ᬓᬾᬭᬕᬦᬾ᭞ᬮᬯᬸᬢ᭄ᬩᬄᬫᬦᬸᬗ᭄ᬓᬬᬓ᭄᭞ᬳᬢ᭄ᬫᬵᬩᬬᬸᬦᬾᬫᬢᬶᬗ᭄ᬕ
ᬮ᭄᭞ᬫᬜᬸᬚᬸᬃᬓᬲ᭄ᬯᬃᬕ᭄ᬕᬦ᭄ᬳᬕᬸᬂ᭞ᬭᬶᬂᬮᬶᬗ᭄ᬕᬶᬄᬪᬝᬵᬭᬬᬫ᭄ᬫ᭟᭐ᬳᬢ᭄ᬫᬵᬦᬾᬲᬮᬄᬲᬮᬳ᭄‌ᬧᬢ᭄ᬬ᭞ᬯ᭄ᬦᬂᬤᭂᬦᬶᬤᬶᬓᬯᬢᬾ᭞ᬲᬢᬸᬲ᭄ᬢᬳᬸᬦ᭄ᬓᬶᬢᬦ᭄ᬭᬓᬵ᭞ᬦᬾᬦᬾᬫᬦᬶᬬ
ᬫᬧᬸᬮᬂ᭞ᬦᬂᬲᭂᬫ᭄ᬧᬾᬗᭀᬲ᭄ᬲᬕᬾᬢ᭄ᬭᬯᬸᬄ᭞ᬭᬶᬗᬚᭂᬂ᭞ᬪᬝᬵᬭᬬᬫ᭄ᬫ᭟᭐ᬤᬶᬲᬫ᭄ᬧᬶᬂᬦᬶᬓ᭄ᬢᬸᬢ᭄ᬓᬯᬶ᭞ᬫᬲᬦ᭄ᬤᬶᬂᬫᬦ᭄ᬕᬓ᭄᭞ᬪᬝᬵᬭᬗᬦ᭄ᬤᬶᬓᬳᬕᬾ᭞ᬳᬢ᭄ᬫᬵ᭞ᬮ

[᭔᭓ 43A]
᭔᭓
ᬓᬶᬧ᭄ᬭᬵᬧ᭄ᬢᬶ᭞ᬧᬭᬦ᭄ᬯᬶᬱᬬᬦ᭄ᬢᬓᬸᬦᬵ᭞ᬤᬸᬓᬾᬓᬶᬢᬓᬭᬶᬳᬶᬤᬸᬧ᭄᭞ᬯᬭᬳᭂᬦ᭄ᬫᬗ᭄ᬓᬾᬮᬦ᭄ᬳᬶᬗ᭄ᬯᬂ᭟᭐ᬦᬦᬂᬲᭂᬫ᭄ᬧᬾᬗᭀᬲ᭄ᬗᬪᬓ᭄ᬢᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬭᬢᬸᬪᬝᬵᬭ᭞ᬲᬗ᭄ᬓᬦ᭄ᬳᬶ
ᬢ᭄ᬬᬂᬧᬋᬓ᭄ᬫᬗ᭄ᬓᬾ᭞ᬤᬾᬦᬶᬂᬢᬶᬢ᭄ᬬᬂᬫᬤ᭄ᬯᬾᬧ᭄ᬬᬦᬓ᭄᭞ᬧᬤᭂᬫ᭄‌ᬫᬦ᭄ᬩᭂᬓ᭄ᬳᬯᬓ᭄᭞ᬳᬢ᭄ᬫᬵᬦᬶᬧᬸᬦ᭄‌ᬭᬢᬸ᭞ᬢᬸᬦᬲ᭄ᬢᬶᬢ᭄ᬬᬂᬭᬶᬂᬪᬝᬵᬭ᭟᭐ᬫᬗ᭄ᬤᬾᬦ᭄ᬳᬶᬧᬸᬦ᭄ᬫᬮᬶᬄᬳᬸᬭᬶᬧ᭄᭞ᬲᬋᬂᬢᬶ
ᬢ᭄ᬬᬂᬫᬮᬶᬄᬢᬸᬮᬓ᭄᭞ᬧᬘᬂᬗᭂᬗ᭄ᬲᬶᬓᬸᬭᬸᬗᬦᬾ᭞ᬪᬝᬵᬭᬭᬭᬶᬲ᭄ᬗᬦ᭄ᬤᬶᬓᬵ᭞ᬅᬄᬅᬄᬓᬶᬢᬢᬦᬸᬦᬶ᭞ᬲᬮᬄᬜᬦᬾᬲᬢᬸᬲ᭄ᬢᬳᬸᬦ᭄᭞ᬫᬲᬂᬤᬤᬶᬤᬲᬃᬓᬯᬄ᭟᭐ᬮᬫᬸ
ᬦ᭄‌ᬳᭂᬜᬓ᭄ᬫᬦᭂᬩᬸᬲᬶᬦ᭄᭞ᬳᬸᬮᬶᬂᬳᬢ᭄ᬫᬵᬦᬶᬂᬯᭀᬂᬮᬦᬂ᭞ᬩᬶᬮᬶᬄᬤᬤᬶᬬᬳᬸᬭᬶᬧᬵ᭞ᬦᬦᬂᬲᭂᬫ᭄ᬧᬾᬗᭀᬲ᭄ᬧᬶᬭᬢ᭄ᬣᬵ᭞ᬫᬳᬢᬹᬃᬭᬭᬶᬲ᭄ᬫᬜᬸᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂ [ 44 ][᭔᭓ 43B]
᭔᭓
ᬧᬘᬂᬦ᭄ᬩᬸᬲ᭄᭞ᬦᬤ᭄ᬬᬦ᭄ᬲᬓᬶᬂᬳᬢ᭄ᬫᬵᬮᬦᬂ᭟᭐ᬳᬢ᭄ᬫᬵᬦᬾᬓ᭄ᬢᬸᬢ᭄ᬓᬯᬶᬮᬶᬦ᭄ᬢᬂᬋᬡᬭᬕ᭄ᬬᬂ᭞ᬧᬗᬦ᭄ᬤᬶᬓᬵᬦ᭄ᬪᬝᬵᬭᬦᬾ᭞ᬲᬗᬵᬢ᭄ᬫᬵᬭᬭᬶᬲ᭄ᬫᬗᬸᬘᬧ᭄᭞ᬩ
ᬧᬵᬫ᭄ᬭᬶᬓᬕ᭄ᬮᬶᬲ᭄ᬩᬸᬤᬮ᭄᭞ᬫᬗᬺᬋᬄᬧᬘᬂᬧᬦᭂᬩᬸᬲ᭄᭞ᬦᬦᬂᬲᬫ᭄ᬧᬾᬗᭀᬲ᭄ᬳᬗᬸᬘᬧ᭄᭟᭐ᬚᬦᬶᬩᬧᬵᬧᬘᬂᬫᬸᬮᬶᬄ᭟ᬜᬳᬶᬤᬶᬦᬶᬫᬮᬸᬗᬦ᭄ᬢ᭄ᬬᬂ᭞ᬭᬭᬶᬲ᭄ᬫᬧ
ᬫᬶᬢ᭄ᬧ᭄ᬭᬫᬗ᭄ᬲᭀᬪᬝᬵᬭᬦᬾᬳᬲᬸᬂᬮᬸᬕ᭄ᬭᬵ᭞ᬦᬦᬂᬲᭂᬫ᭄ᬧᬾᬗᭀᬲ᭄ᬫᬚᬮᬦ᭄᭞ᬳᬚᬳᬦ᭄ᬲᬕᬾᬳ᭄ᬬᬭᬯᬸᬄ᭞ᬮᬯᬸᬢ᭄ᬜᬸᬮᬸᬩᬶᬦ᭄ᬯᬢᬗᬦ᭄᭟᭐ᬲᬓ᭄ᬱᬡᬚᬦᬶ
ᬫᬳᬸᬭᬶᬧ᭄᭞ᬳᬶᬯᬬᬦ᭄ᬮᬾᬜ᭄ᬚᬸᬃᬳᬗᬸᬘᬧ᭄᭞ᬲᬧᬸᬦᬧᬶᬧᬫᬃᬕ᭄ᬕᬶᬦᬾ᭞ᬓᬧᬗ᭄ᬕᬶᬬᬾᬫᬶᬲᬦ᭄ᬢᬶᬢ᭄ᬬᬂ᭞ᬦᬦᬂᬲᭂᬫ᭄ᬧᬾᬗᭀᬲ᭄ᬳᬗᬸᬘᬧ᭄᭞ᬳᬢ᭄ᬫᬵᬦᬾᬳᬶᬓᬸᬢ᭄‌ᬢ᭄ᬧᬸᬓ᭄

[ ᭔᭔ 44A]
᭔᭔
ᬳ᭄ᬦᬸᬤᬶᬲᬸᬃᬕ᭄ᬕᬫᬋᬓᬦ᭄᭟᭐ᬓᬧᬗᬦ᭄ᬤᬶᬓᬬᬂᬦ᭄ᬩᬸᬲᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳ᭄ᬬᬂᬬᬫ᭄ᬫ᭞ᬓᬮᬶᬄᬳᬶᬓ᭄ᬢᬸᬢ᭄ᬦᬸᬦ᭄ᬤᬾᬦ᭄᭞ᬲᬗ᭄ᬓᬮ᭄ᬩᬧᬵᬗ᭄ᬕᬮ᭄ᬢᭂᬓᬵ᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂ
ᬬᬩᬾᬢᬓ᭄᭞ᬓ᭄ᬦᭂᬄᬩᬧᬵᬢ᭄ᬯᬄᬫᬗᬧᬸᬲ᭄᭞ᬳᬚᬓ᭄ᬓᬬᭂᬄᬮᬯᬸᬢ᭄ᬫᬢ᭄ᬬᬂ᭟᭐ᬦᬶᬜᭀᬫᬦᬶᬮᬬᬂᬲᬭᬶ᭞ᬳᬧᬂᬬᬦᬸᬦ᭄ᬤᬾᬦ᭄ᬗᬢᭂᬳᬂ᭞ᬫᬦᬸᬢᬸᬳᬶᬦ᭄ᬓᬢᬸᬓᬤᬾ᭞ᬢ᭄ᬓᭂᬤᬶᬢᬸᬮᬓ᭄ᬱᬡᬬᬂ᭞ᬦ
ᬗ᭄ᬳᬶᬘᬳᬶᬳᬧᬂᬬᬢ᭄ᬦᬵ᭞ᬓᭀᬘᬧᬦᬶᬮᬬᬂᬲᬦ᭄ᬢᬸᬦ᭄᭞ᬤᬾᬦᬶᬂᬢᬳᬸᬢ᭄ᬓᬾᬦ᭄ᬓᬡ᭄ᬥᬵ᭚᭐᭚ᬤᭂᬦᬶᬂᬓᬾᬢᭀᬩᬧ᭄ᬭᬕᬢ᭄᭞ᬧᬗ᭄ᬭᬯᭀᬲᬾᬓᬧᬢᬹᬢ᭄ᬲᬋᬂᬲᬫᬶ
᭞ᬦᬗ᭄ᬳᬶᬂᬦᬂᬲᭂᬫ᭄ᬧᬾᬗᭀᬲ᭄ᬢᬗ᭄ᬕᬸᬂ᭞ᬯᬦᬾᬦ᭄ᬲ᭄ᬥᭂᬂᬘᬃᬯ᭄ᬯᬂ᭞ᬬᬦ᭄ᬳᬓᬸᬤᬵ᭞ᬧᬜᬫᬦ᭄ᬜᬦᬾᬭᬯᬸᬄ᭞ᬲᭀᬭᭀᬳᬦ᭄ᬳᬶᬜᭀᬫᬜ᭄ᬘᭀᬩ᭄ᬮᭀᬂ᭞ᬩᬧᬵᬧᬘᬂᬫᬦᬶᬫ᭄ᬧᬮᬶᬦ᭄᭟᭐ᬮᬯᬸ [ 45 ][᭔᭔ 44B]
᭔᭔
ᬢᬂᬘᬳᬶᬫᬚᬮᬦ᭄᭞ᬧᬂᬫᬮ᭄ᬯᬦ᭄ᬤᬶᬓᬬᭂᬳᬦ᭄ᬫᬗᬦ᭄ᬢᬶ᭞ᬳᬶᬮᬾᬜ᭄ᬚᬸᬃᬫᬚᬮ᭄ᬲᬫ᭄ᬧᬸᬦ᭄᭞ᬦᬶᬜᭀᬫᬦᬶᬮᬬᬂᬲ᭄ᬓᬃ᭞ᬫᬗᬚᬓᬶᬦ᭄‌᭞ᬜᭀᬫᬜ᭄ᬘᭀᬩ᭄ᬮᭀᬂᬓᬬᭂᬄᬫᬦ᭄ᬤᬸᬲ᭄᭞ᬩ᭄ᬮᬶ
ᬜᭀᬫᬦ᭄ᬢᬸᬢᭂᬢᬶᬢ᭄ᬬᬂ᭞ᬤᬾᬦᬶᬂᬧ᭄ᬢᭂᬂᬢ᭄ᬬᬂᬲᬶᬂᬩᬦᬶ᭟᭐ᬳᬶᬜᭀᬫᬜ᭄ᬘᭀᬩ᭄ᬮᭀᬂᬳᬗᬸᬘᬧ᭄᭞ᬲᬋᬂᬍᬕᭂᬫᬲᬯᬸᬢ᭄ᬫᬸᬜᬶᬦᬾᬫᬵᬃᬕᬶ᭞ᬢ᭄ᬯᬭᬵᬢᬳᬸᬢ᭄ᬓᬾᬦ᭄ᬓᬧᬸᬲ᭄᭞ᬫᬫᭀᬕᭀᬮ᭄ᬬᬫ
ᬚᬮᬦ᭄᭞ᬧᬤᬤ᭄ᬯᬦᬦ᭄᭞ᬗᬢᭂᬳᬗᬂᬦᬶᬮᬬᬂᬲᬦ᭄ᬢᬸᬦ᭄᭞ᬲᬭᬸᬩᬦ᭄ᬧ᭄ᬢᭂᬗᬾᬤᬳᬢ᭄᭞ᬢ᭄ᬓᭂᬤᬶᬓᬬᭂᬳᬜ᭄ᬚᬦᬶ᭟᭐ᬲᬭᬸᬩᬦ᭄ᬢᭂᬗᬾᬤᬳᬢ᭄᭞ᬜᭀᬫᬜ᭄ᬘᭀᬩ᭄ᬮᭀᬂᬲᬋᬂᬦᬶᬮᬬᬂ᭞
ᬲᬭᬶ᭞ᬬᬯᬬᬦ᭄ᬮᬾᬜ᭄ᬚᬸᬃᬬᬩᬗᬸᬦ᭄᭞ᬮᬯᬸᬢ᭄ᬗᭂᬫ᭄ᬩᬸᬲ᭄ᬓᬤᬸᬢᬦ᭄᭞ᬧᬚ᭄ᬜᭂᬗᬦ᭄᭞ᬢ᭄ᬫᭀᬦ᭄ᬢᭂᬫᭀᬦ᭄ᬳᬸᬮᬶᬂᬳᬶᬮᬸ᭞ᬧᬓᬵᬃᬦ᭄ᬗᬸᬭᬄᬩᬸᬗᬬᬵ᭞ᬧᬧᬗᬦᬾᬳᬶᬤᭀᬂᬕᬶᬕᬶᬲ᭄᭟᭐

[᭔᭕ 45A]
᭔᭕
ᬭᬭᬶᬲ᭄ᬥᬦᬾᬫᬦᭂᬲᭂᬓᬂ᭞ᬮᬦ᭄ᬢᬲ᭄ᬦᭂᬩᭂᬓ᭄‌ᬳᬶᬜᭀᬫᬜ᭄ᬘᭀᬩ᭄ᬮᭀᬂᬫᬜ᭄ᬭᬶᬢ᭄᭞ᬩᬢᬦ᭄ᬲᬶᬧᬳᬾᬫᬢᬢᬸ᭞ᬕ᭄ᬢᬶᬳᬾᬧ᭄ᬲᬸᬫᬸᬜ᭄ᬘ᭄ᬭᬢ᭄᭞ᬢᬸᬮᬸᬂᬢᬸᬮᬸᬂ᭞ᬳᬤᬫᬗᭂᬩᬸᬕᬂᬓᬸᬮ᭄ᬓᬸ
ᬮ᭄᭞ᬮ᭄ᬬᬸᬧᬳᭂᬦ᭄ᬤᭂᬳᬦᬾᬢ᭄ᬓᬵ᭞ᬗᬩᬢᬸᬫ᭄ᬩᬓ᭄ᬢᬸᬮᬸᬧ᭄‌ᬓ᭄ᬭᬶᬲ᭄᭟᭐ᬧᬥᬫᬲᬸᬦ᭄ᬤᬶᬄᬫᬧ᭄ᬭᬓ᭄ᬱᬓ᭄᭞ᬤᬾᬦᬶᬂᬧ᭄ᬢᭂᬂᬢᬓᬸᬢ᭄ᬧᬘᬂᬓᬭᬶᬳᬶᬦᬶᬦ᭄᭞ᬩᬦᬾᬧᭂᬧᭂᬲ᭄ᬳᬤᬳᬫᬸᬓ᭄᭞ᬬᬦ᭄ᬢᬦ᭄ᬳ
ᬤᬫᬦᬸᬢᬸᬭᬂ᭞ᬲᬫ᭄ᬧᬸᬦ᭄ᬲᬶᬦᬄ᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂᬓᬳᬫᬹᬓ᭄᭞ᬲᬸᬩᬫᬢᬶᬤᬶᬓᬬᭂᬳᬦ᭄᭞ᬳᬶᬯᬬᬦ᭄ᬮᬾᬜ᭄ᬚᬸᬃᬦᭂᬩᭂᬓᬶᬦ᭄᭟᭐ᬲᬮᬄᬜᬦᬾᬕ᭄ᬥᬾᬧᬶᬲᬦ᭄᭞ᬩ᭄ᬯᬢ᭄ᬫ
ᬢᬶᬗᬫ᭄ᬩᬶᬮ᭄ᬦᬶᬮᬬᬂᬲᬭᬶ᭞ᬤᬶᬢᬸᬤᬶᬓᬬᭂᬳᬦ᭄ᬫᬦ᭄ᬤᬸᬲ᭄᭞ᬧᭂᬦ᭄ᬤᭂᬳᬦᬾᬫᬢᬸᬮᬸᬓ᭄᭞ᬓᬘᬭᬶᬢᬵ᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂᬯᬸᬲ᭄ᬮᬫ᭄ᬧᬸᬲ᭄᭞ᬮ᭄ᬬᬸᬢᬶᬫ᭄ᬧᬮ᭄ᬜᬦᬾᬢ᭄ᬓ᭞ᬤᬧᭂᬢᬗᬲᬸᬩᬵ [ 46 ][᭔᭕ 45B]
᭔᭕
ᬫᬢᬶ᭟᭐ᬮ᭄ᬬᬸᬧᬥᬫᬜᭂᬤᬶᬳᬂ᭞ᬳᬸᬮ᭄ᬬᬦ᭄ᬜᬦᬾᬮᬸᬄᬫ᭄ᬯᬦᬶ᭞ᬭᬫᬾᬳ᭄ᬮᬶᬗᬾᬧᬕ᭄ᬮᬸᬃ᭞ᬳᬤᬫᬲᬲᬫ᭄ᬩᬢᬦ᭄᭞ᬳᭂᬦᬸᬩᬚᬂ᭞ᬘᬳᬶᬫᬗᬮᬳᬶᬦ᭄ᬮᬫ᭄ᬧᬸᬲ᭄᭞ᬮᬾᬦ᭄ᬳᬤᬫᬭᬭᬯᭀ
ᬲᬦ᭄᭞ᬧᬘᬂᬦᬕᬶᬄᬢᬶᬫ᭄ᬧᬮ᭄ᬫᬢᬶ᭟᭐ᬮ᭄ᬫᭂᬢᬶ᭟᭐ᬗᬸᬤᬵᬳᬸᬢᬸᬄᬧᬤᬶᬤᬶᬬᬦ᭄᭞ᬢᬦ᭄ᬧᬢᬶᬫ᭄ᬧᬮ᭄ᬩᬜᬵᬗ᭄ᬫᬲᬶᬦ᭄ᬫᬢᬶ᭞ᬦᬶᬜᭀᬫᬦᬶᬮᬬᬂᬲᬦ᭄ᬢᬸᬦ᭄᭞ᬢᬕ᭄ᬬᬂᬬᬳᬗ᭄ᬕᭀᬦ᭄ᬢᬶᬫ᭄ᬧᬮ᭄᭞
ᬳᬧᬂᬲᬧᬶᬄ᭞ᬤᬶᬲᬸᬩᬦᬾᬧᬥᬧᬸᬧᬸᬢ᭄᭞ᬩᬗ᭄ᬓᬾᬦ᭄ᬜᬦᬾᬧᬩᬸᬜ᭄ᬘᬶᬗᬂ᭞ᬫᬢᬦᭂᬫ᭄‌ᬩᬂᬫ᭄ᬩᬂᬳᬩ᭄ᬲᬶᬓ᭄᭟᭐ᬳᬤᬚᬦᬶᬫᬗᬺᬧᭀᬢᬂ᭞ᬭᬶᬂᬧᬺᬩ᭄ᬓᭂᬮ᭄ᬫᬶᬯᬄᬧᬸᬗ᭄ᬕᬯᬲᬫᬶ᭞ᬲ
ᬕᬾᬢ᭄‌ᬢ᭄ᬯᬦ᭄ᬥᭀᬓ᭄ᬢᭂᬃᬭᬯᬸᬄ᭞ᬲᬋᬂᬲᬫᬶᬳᬶᬭᬶᬗᬂᬉᬧᬲ᭄᭞ᬫᬫ᭄ᬭᬾᬓ᭄ᬲᬵ᭞ᬧ᭄ᬭᬩ᭄ᬓᭂᬮ᭄ᬧᬸᬗ᭄ᬕᬯᬲᬫ᭄ᬧᬸᬦ᭄᭞ᬧᬥᬳᬾᬯᭂᬄᬫᬗ᭄ᬭᬯᭀᬲᬂ᭞ᬤᬾᬦᬶᬂᬢᭀᬂᬤᬤᬶᬢᬓᭀᬦᬶ

[ ᭔᭖ 46A]
᭔᭖
ᬦ᭄᭟᭐ᬓᬾᬦ᭄ᬓᬾᬦ᭄ᬩᬳᬦ᭄ᬫᬗᭂᬦᭂᬳᬂ᭞ᬤᬶᬩᬸᬓᬸᬧᬺᬩᬮᬾᬫᬗ᭄ᬓᬶᬦ᭄᭞ᬤᬾᬦᬶᬂᬓᬦ᭄ᬥᬦ᭄ᬜᬦᬾᬩᬸᬳᬸᬢ᭄᭞ᬢ᭄ᬯᬭᬵᬜᬦ᭄ᬤᬂᬧᬓ᭄ᬱᬬᬂ᭞ᬫ᭄ᬮᬄᬚᬦᬶ᭞ᬩᬗ᭄ᬓᬾᬦ᭄ᬜᬦᬾᬳ
ᬚᬓ᭄ᬫᬦ᭄ᬢᬸᬓ᭄᭞ᬧ᭄ᬭᬩ᭄ᬓᭂᬮ᭄ᬧᬸᬗ᭄ᬕᬯᬩᬸᬤᬮ᭄᭞ᬲᬶᬬᭀᬰ᭄ᬘᬭᬶᬢᬬᬂᬫᬮᬶᬄ᭟᭐ᬳᬶᬯᬬᬦ᭄ᬮᬾᬜ᭄ᬚᬸᬃᬳᬸᬘᬧᬂ᭞ᬢ᭄ᬓᭂᬤ᭄ᬚᬸᬫᬄᬲᬋᬂᬦᬶᬮᬬᬂᬲᬭᬶ᭞ᬓᬫ᭄ᬢᬾᬦ᭄‌ᬚᬦᬶᬫᬗ᭄ᬮ
ᬢᬸᬢ᭄᭞ᬤᬾᬦᬶᬂᬧᬥᬲᬸᬩᬦᬯᬂ᭞ᬢ᭄ᬓᬾᬦ᭄ᬢᬶᬗ᭄ᬓᬄ᭞ᬳᬶᬜᭀᬫᬜ᭄ᬘᭀᬫ᭄ᬩ᭄ᬮᭀᬂᬯᬸᬲ᭄ᬮᬫ᭄ᬧᬸᬲ᭄᭞ᬦᬂᬲᭂᬫ᭄ᬧᬾᬗᭀᬲ᭄ᬫᬦᬩ᭄ᬤᬩᬂ᭞ᬫᬗᬺᬕᭂᬧ᭄ᬭᬭᬶᬲ᭄ᬫᬫᬸᬲ᭄ᬢᬶ᭟᭐ᬫᬫᬶᬢ᭄ᬧᭂᬢ᭄ᬫ
ᬩ᭄ᬮᬸᬲ᭄ᬭᬕᬵᬳᬶᬮᬂᬮᬯᬂᬜᬫᬦᬾᬲᬸᬩᬫᬗᬦ᭄ᬢᬶ᭞ᬫᬦᬶᬗ᭄ᬕᬮᬂᬲᬗ᭄ᬳ᭄ᬬᬂᬩᬵᬬᬸ᭞ᬫ᭄ᬯᬂᬳᬶᬤᬲᬗ᭄ᬳ᭄ᬬᬂᬢᬸᬗ᭄ᬕᬮ᭄᭞ᬦᬾᬦᬶᬂᬭᬕᬵ᭞ᬓᬭᬦᬶᬂᬫᬯ᭄ᬢᬸᬓᬸᬓᬸᬲ᭄᭞ᬫᬦᬶᬗ᭄ᬕᬮᬂ [ 47 ][᭔᭖ 46B]
᭔᭖
ᬲᬗ᭄ᬳ᭄ᬬᬂᬗᬵᬢ᭄ᬫᬵ᭞ᬦᬦᬂᬲᭂᬫ᭄ᬧᬾᬗᭀᬲ᭄ᬬᬫᬵᬢᬶ᭟᭐ᬮᬯᬸᬢ᭄‌ᬳ᭄ᬩᬄᬫᬦᬸᬗ᭄ᬓᬬᬓ᭄᭞ᬤᬶᬧᭂᬥ᭄ᬫᬦ᭄‌ᬳᬶᬯᬬᬦ᭄ᬮᬶᬜ᭄ᬚᬸᬃᬫᬳᭂᬓᬶᬦ᭄᭞ᬲᬋᬂᬮᬬᬂᬲᬦ᭄ᬢᬸᬦ᭄᭞ᬗᬶ
ᬚᭂᬂᬲᬋᬂᬚᬸᬫᬳᬦ᭄᭞ᬦᬂᬲᭂᬫ᭄ᬧᬾᬗᭀᬲ᭄᭞ᬳᬢ᭄ᬫᬵᬦᬾᬚᬦᬶᬫᬦᬸᬢᬸᬕ᭄᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂᬬᬧᭂᬚᬄ᭞ᬫᬗᬸᬗ᭄ᬲᬶᬲᬗ᭄ᬳ᭄ᬬᬂᬥᬶᬧᬢᬶ᭞ᬜ᭄ᬦᭂᬂᬬᬫᬵ
ᬮᭀᬓ᭞ᬲᬗ᭄ᬳ᭄ᬬᬂᬬᬫ᭄ᬫᬯ᭄ᬦᬂᬫᬦᬫ᭄ᬧᬶ᭞ᬲᭀᬭᭀᬄᬳᬢ᭄ᬫᬵᬦᬾᬮᬫ᭄ᬧᬸᬲ᭄᭞ᬳᬶᬜᭀᬫᬜ᭄ᬘᭀᬩ᭄ᬮᭀᬂᬓᭀᬘᬧ᭄ᬧ᭄ᬚᬄ᭞ᬳᬢ᭄ᬫᬵᬦᬾᬤᬾᬦᬶᬂᬧᬚᬮᬦᬾᬧᬢᬹᬢ᭄᭞ᬫᬢᬶ
ᬦᬾᬢ᭄ᬯᬄᬗᬸᬗ᭄ᬲᬶᬲ᭄ᬯᬃᬕ᭄ᬕᬦ᭄᭞ᬦᬦᬂᬲᭂᬫ᭄ᬧᬾᬗᭀᬲ᭄ᬦᬸᬢᬸᬢᬶᬦ᭄᭟᭐ᬫᬚᬮᬦ᭄‌ᬚᬦᬶᬗᬸᬮᬳᬂ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬪᬝᬵᬭᬦᬾᬕ᭄ᬮᬶᬲ᭄᭞ᬓᭀᬘᬧ᭄‌ᬳᬢ᭄ᬫᬵ᭞

[᭔᭗ 47A]
᭔᭗
ᬦᬦᬶᬓ᭄ᬢᬸᬢ᭄᭞ᬦᬾᬫᬢᬶᬦ᭄ᬩᭂᬓ᭄ᬳᬯᬓ᭄᭞ᬯ᭄ᬢᬸᬲ᭄ᬥᬶᬄ᭞ᬳᬶᬗᭂᬢ᭄ᬓᬾᬦ᭄ᬓᬳᬾᬳᬶᬤᬸᬧ᭄᭞ᬫᬶᬯᬄᬤᬾᬦᬾᬩ᭄ᬮᬶᬯᬬᬦ᭄᭞ᬭᬱᬢ᭄ᬓᬫᬦ᭄ᬮᭀᬓᬶᬦ᭄᭟᭐ᬩᬗ᭄ᬓᬾᬦ᭄ᬢᬶᬢ᭄ᬬᬗᬾ
ᬦᬸᬚᬸᬫᬄ᭞ᬫᬾᬫᬾᬩᬧᬵᬜᬫᬫᬶᬲᬦ᭄ᬫᬶᬦ᭄ᬤᭀᬦ᭄ᬓᬭᬶ᭞ᬫᬜᭂᬤᬶᬳᬂᬢᬶᬢ᭄ᬬᬂᬭᬢᬸ᭞ᬩ᭄ᬮᬶᬲᬸᬨᬢ᭄ᬓᬸᬤᬵᬳᬶᬳ᭄ᬬᬂ᭞ᬫᬗ᭄ᬤᬵᬉᬭᬶᬧ᭄᭞ᬪᬝᬵᬭᬗᬦ᭄ᬤᬶᬓᬳᬮᬸᬲ᭄᭞
ᬲᬕᭂᬢ᭄‌ᬢᬢᬓᬶᬗᬍᬗᬶᬦ᭄ᬮᬶᬫᬵ᭞ᬫᬗ᭄ᬮᬶᬧᬸᬭᬂᬫᬦᬄᬲ᭄ᬥᬶᬄ᭚᭐᭚ᬧᬗ᭄ᬮᬶᬧᬸᬃ᭚᭐᭞ᬳᬢ᭄ᬫᬵᬦᬾᬳᬶᬓ᭄ᬢᬸᬢ᭄ᬓᬯᬶ᭞ᬩᬳᬦᬼᬲᬸᬦᬾᬫᬚᬮᬦ᭄᭞ᬦᬦᬂᬲᭂᬫ᭄ᬧᬾ
ᬗᭀᬲ᭄ᬫᬦᬸᬢᬸᬕ᭄᭞ᬮᬶᬯᬢ᭄ᬕᬮ᭄ᬧᬦᬗ᭄ᬰᬭᬦ᭄᭞ᬚᬸᬭᬂᬧᬗ᭄ᬓᬸᬂᬓᬮᬶᬦ᭄ᬢᬗᬶᬦ᭄‌᭞ᬢᬦ᭄ᬥᬸᬫᬦᬾᬲᬫ᭄ᬧᬸᬦ᭄ᬭᬯᬸᬄ᭞ᬚᬸᬫᬄᬫ᭄ᬢᬾᬦ᭄᭞ᬗᬤᭂᬕ᭄ᬗᬋᬧᬶᬦ᭄ᬯᬢᬗᬦ᭄᭟᭐ᬓᬦ᭄ᬢᭂᬦ᭄ᬬ [ 48 ][᭔᭗ 47B]
᭔᭗
ᬦᬮᬬᬂᬲᬭᬶ᭞ᬲ᭄ᬥᬶᬄᬦᭀᬗᭀᬲᬶᬦ᭄ᬯᬢᬗᬦ᭄᭞ᬲᬋᬂᬯᬬᬦ᭄ᬮᬾᬜ᭄ᬚᬸᬃ᭞ᬧᬤᬬᬫᬲᬲᬫ᭄ᬩᬢᬦ᭄᭞ᬦᬾᬦᬾᬤᬶᬯᬂᬯᬤᬲ᭄ᬥᬶᬄᬳᬶᬫᬾᬫᬾᬢ᭄ᬓᬾᬦ᭄ᬳᬸᬕᬸᬭᬹ᭞ᬫᬶᬦ᭄ᬤᭀᬦ᭄ᬫᬶ
ᬲᬦ᭄᭞ᬧᬤᬧᬲ᭄ᬮᬸᬫᬜᭂᬤᬶᬳᬂ᭟᭐ᬦᬦᬂᬲᭂᬫ᭄ᬧᬾᬗᭀᬲ᭄ᬫᬗᭀᬭᬳᬶᬦ᭄᭞ᬫᬃᬕ᭄ᬕᬦ᭄ᬜᬫᬦᬾᬢᬸᬳᬸᬢᬂ᭞ᬮᬨᬗᬦ᭄ᬜᬦᬾᬧᬸᬦᬶᬓᬸ᭞ᬭᬶᬂᬘᬗ᭄ᬓᭂᬫ᭄ᬫᬶᬯᬄᬳᬸᬗᬲᬦ᭄᭞ᬭᬶᬂᬓᬃᬡ᭄ᬦ
ᬫᬶᬯᬄᬧᬗᬓ᭄ᬱᬶ᭞ᬜᬫᬦᬾᬧᬥᬗᬭᬄᬳᬸᬭᬶᬧᬵ᭞ᬳᬋᬧ᭄ᬳᬶᬗᭀᬂᬳᬗᭂᬦ᭄ᬢᭀᬲᬶᬦ᭄᭟᭐ᬧᬸᬦᬶᬓᬧᬫᬶᬢᬂᬢᬶᬢ᭄ᬬᬂᬧ᭄ᬬᬦᬓ᭄ᬢᬶᬢ᭄ᬬᬗᬾᬫᬗ᭄ᬤᬾᬦ᭄ᬫᬳᬸᬭᬶᬧ᭄᭞ᬪ
ᬝᬵᬭᬗᬦ᭄ᬥᬶᬓᬳᬮᬸᬲ᭄᭞ᬳᬶᬗᭀᬂᬳᬲᬸᬂᬮᬸᬕ᭄ᬭᬳᬵ᭞ᬮᬄᬳᬸᬭᬶᬧ᭞ᬓᭀᬘᬧ᭄ᬳᬢ᭄ᬫᬵᬦᬾᬳᬸᬓ᭄ᬢᬸᬢ᭄᭞ᬮᬶᬦ᭄ᬢᬂᬲᬸᬓᬵᬫᬶᬭᬕ᭄ᬬᬂ᭞ᬫᬪᬓ᭄ᬢᬶᬮᬦ᭄ᬢᬲ᭄ᬫᬧᬫᬶᬢ᭄᭟᭐ᬜᬫᬦ᭄ᬜ᭞

[᭔᭘ 48A]
᭔᭘
ᬦᬾᬲᬫ᭄ᬬᬦ᭄᭞ᬗᬦ᭄ᬢᭂᬦᬂᬳᬢ᭄ᬫᬵᬦᬾᬦᬶᬓ᭄ᬢᬸᬢ᭄ᬓᬯᬶ᭞ᬦᭀᬗᭀᬲ᭄ᬤᬶᬳᬋᬧ᭄ᬤᬶᬧᬸᬗ᭄ᬓᬸᬃ᭞ᬮᬾᬦ᭄ᬤᬶᬓᬾᬩᭀᬢ᭄ᬓᬦᬶᬯᬦ᭄᭞ᬧᬥᬗᬩᬶᬄ᭞ᬤᬾᬦᬶᬂᬧᬚᬮᬦᬾᬲᭂᬫ᭄ᬧᬸᬢ᭄᭞ᬦ
ᬦᬂᬲᭂᬫ᭄ᬧᬾᬗᭀᬲ᭄ᬗᬢᭂᬳᬂ᭞ᬢᬜ᭄ᬘᬭᬶᬢᬤᬶᬫᬃᬕ᭄ᬕᬶ᭚᭐᭚ᬕᬷᬦᬤ᭄ᬥ᭚᭐᭚ᬦᬶᬓ᭄ᬢᬸᬢ᭄ᬓᬯᬶᬫᬦᬶᬫ᭄ᬩᬮ᭄᭞ᬫᬗᬲᭀᬭᬂᬫᬸᬜᬶᬦᬾᬳᬭᬶᬲ᭄᭞ᬲᬫ᭄ᬧᬸᬦ᭄‌ᬩ᭄ᬮᬶᬲᬮᬶᬢ᭄ᬳᬶᬱ᭞
ᬯ᭄ᬬᬓ᭄ᬢᬶᬫᬦᬄᬢᬶᬢ᭄ᬬᬗᬾᬧᬢᬹᬢ᭄᭞ᬳᬶᬲ᭄ᬢᬶᬢ᭄ᬦᬾᬦ᭄ᬫᬾᬫᬾᬩᬧᬵ᭞ᬮ᭄ᬯᬶᬄᬭᬶᬂᬩ᭄ᬮᬶ᭞ᬫᬶᬲᬦ᭄ᬫᬶᬦ᭄ᬤᭀᬦᬾᬫᬓ᭄ᬚᬂ᭟᭐ᬬᬦ᭄ᬧᬶᬮᬶᬄᬤᬤᬶᬕᬯᬾᬦᬂ᭞ᬩᬳᬦ᭄ᬢᬺᬱ᭄ᬡᬦᬾᬢᬦ᭄ᬲᬶ
ᬧᬶ᭞ᬫᬢᬶᬳᬶᬤᬸᬧᬸᬧ᭄ᬢᬶᬢ᭄ᬬᬂᬚᬸᬫᬄ᭞ᬗᬶᬭᬶᬂᬩ᭄ᬮᬶᬳᬮᬵᬳᬬᬸ᭞ᬪᬓ᭄ᬢᬶᬢ᭄ᬓᬾᬦᬶᬂᬓᬯᬶᬢᬦ᭄᭞ᬳᬧᬂᬧᭀᬮᬶᬄ᭞ᬫᬢᬯᬸᬭᬦ᭄ᬭᬶᬂᬧᬶᬢ᭄ᬣᬭᬵ᭟᭐ᬓᭀᬘᬧ᭄ᬲᬫ᭄ᬧᬸᬦ᭄ᬢᬢᬲᬼᬫᬄ᭞ [ 49 ][᭔᭘ 48B]
᭔᭘
ᬮ᭄ᬬᬸᬳᬦᬓᬾᬦ᭄ᬮᭀᬓᬶᬦ᭄᭞ᬢᬸᬯᬘ᭄ᬭᬶᬓ᭄ᬩᬚᬂᬩᬚᬂ᭞ᬦᬶᬓ᭄ᬢᬸᬢ᭄ᬩᬗᬸᬦ᭄ᬗᭂᬮᬯᬸᬢ᭄᭞ᬢᬶᬢ᭄ᬬᬂᬓ᭄ᬢᬸᬢ᭄ᬩᬯᬸᬧᬶᬲᬦ᭄᭞ᬜᬤ᭄ᬬᬫ᭄ᬭᬶᬓᬶ᭞ᬳᬾᬮᬶᬂᬭᬶᬂᬢᬺᬱ᭄ᬡᬦᬾᬲᬸᬩᬵ᭟᭐
ᬢᬶᬢ᭄ᬬᬂᬚᬸᬫᬄᬫᬧᬗᭂᬦᬦ᭄᭞ᬤᬾᬦᬶᬂᬓ᭄ᬢᬸᬢᬸᬫᭀᬃᬱᬫᬢᬶ᭞ᬫᬮᬶᬄᬳᬶᬤᬸᬧ᭄ᬬᬲ᭄ᬫᭂᬗᬦ᭄᭞ᬢ᭄ᬓᬵᬳᭀᬃᬣᬩ᭄ᬯᬶᬦ᭄ᬳᬶᬤᬸᬧ᭄᭞ᬢᬶᬢ᭄ᬬᬂᬓᬾᬯᬮᬜᬶᬤᬬᬂ᭞ᬢ᭄ᬓᬵᬫᬳᬶ᭞ᬦ᭄ᬮᭀ
ᬓᬶᬦ᭄ᬩᬦ᭄ᬩᬸᬗᬸᬢ᭄‌ᬤ᭄ᬯᬂ᭟᭐ᬦᬶᬓ᭄ᬢᬸᬢ᭄ᬓᬯᬶᬫᬦᬶᬫ᭄ᬩᬮ᭄᭞ᬯ᭄ᬬᬓ᭄ᬢᬶᬢᬶᬢ᭄ᬬᬂᬧᭀᬮᬶᬄᬫᬢᬶ᭞ᬧᬮᬶᬂᬢ᭄ᬯᬭᬵᬦᬯᬂᬳᬯᬓ᭄᭞ᬓᬮᬶᬧᬸᬢᬦ᭄ᬫᬦᬄᬩᬸᬤᬸᬄ᭞ᬢ᭄ᬯᬭᬵᬳᬶᬗᭂᬢ᭄ᬓᭂᬦ᭄ᬳ
ᬯᬓ᭄᭞ᬩᬦᬾᬧᬮᬶᬂ᭞ᬓᬬᬂᬳᬯᬓᬾᬫᬢ᭄ᬬᬂ᭟᭐ᬤᬶᬲᬸᬩᬦᬾᬬᬓᬲᬶᬤᬦ᭄᭞ᬳᬯᬓᬾᬮᬯᬸᬢᭂᬩᭂᬓᬶᬦ᭄᭞ᬓᬤᬾᬦ᭄ᬤᬤᬶᬳᬧᬂᬫ᭄ᬮᬄ᭞ᬤᬳᬢ᭄ᬤᬸᬓᬶᬢᬦᬾ

[᭔᭙ 49A]
᭔᭙
ᬢ᭄ᬧᬸᬓ᭄᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬮᬶᬧᭂᬢᬦ᭄᭞ᬫᬮᬶᬄᬳᬸᬭᬶᬧ᭄᭞ᬳᬶᬗᭂᬢ᭄ᬓᬾᬦ᭄ᬫᬾᬫᬾᬩᬧᬵ᭟᭐ᬩ᭄ᬗᭀᬂᬳᬤᬓᬾᬦᬶᬗᭂᬳᬂ᭞ᬢᬸᬢᬹᬭᬦᬾᬓ᭄ᬢᬸᬢ᭄ᬓᬯᬶ᭞ᬳᬤᬫᬲᬯᬸᬢ᭄ᬦᬓᭀᬦᬂ᭞
ᬫᬩᬸᬤᬶᬫᬦᬯᬂᬢᬸᬢᬹᬃ᭞ᬢᬶᬗ᭄ᬓᬄᬢ᭄ᬓᬾᬦ᭄ᬳᬦᬓ᭄ᬧ᭄ᬚᬄ᭞ᬓ᭄ᬢᬸᬢ᭄ᬓᬯᬶ᭞ᬢᬶᬢ᭄ᬬᬂᬫᬼᬤ᭄ᬳᬧᬂᬦᬯᬂ᭟᭐ᬦᬶᬓ᭄ᬢᬸᬢ᭄ᬭᬯᬶᬲ᭄ᬦᬸᬢᬸᬭᬂ᭞ᬢᬶᬗ᭄ᬓᬄᬳᭂᬫ᭄ᬩᭀᬓ᭄ᬫᬗ᭄ᬭᬸᬱᬦᬶᬦ᭄᭞ᬫᬢᬶᬫᬶᬭᬶᬩ᭄ᬤᬶᬧᬗᬶᬧ᭄ᬬ
ᬦ᭄᭞ᬧᬢᬸᬄᬲᬵᬭᬳᬦᬓ᭄ᬳᬶᬤᬸᬧ᭄᭞ᬧᬢᬸᬄᬢᬶᬗ᭄ᬓᬄᬫᬲᬯᬶᬢ᭄ᬭᬵ᭞ᬩ᭄ᬭᬬᬲᬫᬶ᭞ᬫᬲᬶᬳ᭄‌ᬳᭂᬦᬸᬢᭀᬳᬶᬗᭂᬢᬂ᭟᭐ᬦᬗ᭄ᬳᬶᬂᬢ᭄ᬯᬭᬵᬳᬤᬗᭂᬦᬄ᭞ᬳᬦ᭄ᬢᬸᬓ᭄ᬳᬤᭀᬳᬾᬤᬶᬮᬗᬶᬢ᭄᭞ᬓ᭄ᬦᭂ
ᬳᬾᬫᬭᬲᬭᬲᬵ᭞ᬩᬳᬦ᭄ᬧᭂᬚᬮᬦᬾᬲᭂᬫ᭄ᬧᬸᬢ᭄᭞ᬫᬲᬶᬄᬜᬫᬦᬾᬦᬾᬧᬢ᭄ᬧᬢ᭄᭞ᬫᬗᭀᬭᬳᬶᬦ᭄᭞ᬤᬶᬚᬮᬦ᭄ᬤᬤᬶᬩᬩᭂᬤᬦ᭄᭟᭐ᬮᬫᬸᬦ᭄ᬜᬢ᭄ᬯᬭᬵᬦᬯᬂ᭞ᬢ [ 50 ][᭔᭙ 49B]
᭔᭙
ᬦ᭄ᬤ᭄ᬭᬸᬄᬭᬶᬂᬜᬫᬦᬾᬲᬫᬶ᭞ᬦᬾᬦᬾᬲᬋᬂᬳᬚᬓᬼᬓᬤ᭄᭞ᬓᬬᬂᬫᬢᬶᬬᬫᬦᬸᬢᬸᬕ᭄᭞ᬩᬳᬦ᭄ᬢᬺᬱ᭄ᬡᬦᬾᬬᬫᬜᬫ᭞ᬳᬸᬮᬶᬕ᭄ᬢᬶᬄ᭞ᬫᬲᬶᬄᬬᬫᬗᬶᬤᬸᬧᬂ᭟᭐ᬫᬗᭂ
ᬫ᭄ᬧᬸᬳᬸᬮᬶᬤᬶᬩᬲᬂ᭞ᬓᬬᬂᬍᬓᬤ᭄ᬬᬫᬗᬩᬶᬄ᭞ᬫᬲ᭄ᬩᬲᬶᬓ᭄ᬫᬵᬃᬕ᭄ᬕᬦᬾᬦᬮᬶᬓᬤ᭄᭞ᬤᭂᬦᬶᬂᬩᬜ᭄ᬘᬦᬦᬾᬮ᭄ᬬᬸ᭞ᬲᭀᬭᭀᬄᬤᬹᬃᬕ᭄ᬕᬫᬯᬶᬰᬾᬱ᭞ᬫᬗ᭄ᬯᬶᬱ᭄ᬬᬦᬶᬦ᭄᭞ᬫᬼᬤ᭄ᬬᬫ
ᬩᬸᬤ᭄ᬥᬶᬜᬭᬧ᭄᭟᭐ᬤᬤᬶᬬᬩᬸᬓᬓᬸᬮ᭄ᬚᬸᬮᬂ᭞ᬤᬸᬃᬕ᭄ᬕᬦᬾᬢ᭄ᬓᬧᬤᬶᬗ᭄ᬓ᭄ᬭᬶᬓ᭄᭞ᬤᬾᬦᬶᬂᬳᬩᬸᬦᬾᬗᭂᬤ᭄ᬗᬂ᭞ᬳᬮᬶᬄᬤᬾᬳᬫ᭄ᬩᬸᬮᬦ᭄ᬦᬸᬦ᭄ᬥᬸᬦ᭄᭞ᬤᬹᬃᬕ᭄ᬕᬦᬾᬢᭀᬂᬤᬤᬶᬧᬸᬍᬲ᭄᭞ᬢ᭄ᬓᬵ
ᬕᬶᬤᬶᬄ᭞ᬫᬓᬶᬢᬬᬫᬤ᭄ᬮᭀᬓᬦ᭄᭟᭐ᬓᬸᬤᬩᬳᬦ᭄ᬜᬗᬾᬗ᭄ᬕᬮᬂ᭞ᬫᬚᬮᬦ᭄ᬮᬓᬃᬗᬶᬢᬸᬗᬶᬦ᭄᭞ᬳᬸᬧᬫᬶᬘᬵᬭᬩᬩᭀᬢᭀᬄ᭞ᬮᬯᬸᬢ᭄‌ᬗ᭄ᬮᬄᬧᬶᬧᬶᬲ᭄ᬮᬶᬬᬸ᭞ᬦᬸᬚᬸᬳᬤ

[᭕᭐ 50A]
᭕᭐
ᬩᬩ᭄ᬭᬡ᭄ᬦᬗᬦ᭄᭞ᬢ᭄ᬯᬄᬚᬕ᭄ᬚᬕᬶᬦ᭄᭞ᬩᬦ᭄ᬫᭂᬍᬤ᭄ᬫᬓᬶᬢᬗᬫᬄ᭟᭐ᬳᬦᬓᬾᬦᬾᬗᬦ᭄ᬢ᭄ᬬᬂᬍᬓᬤ᭄᭞ᬢ᭄ᬭᬶᬳᬗᬩ᭄ᬲᬶᬓ᭄ᬩᭂᬲᬶᬓ᭄᭞ᬬᬾᬦ᭄ᬢᭀᬫᬾᬫᬾᬦᬾᬧ᭄ᬬᬦᬓ᭄ᬜ᭞ᬦᬗ᭄ᬕᬶᬂᬤᬶᬕᬦ᭄ᬢᬶ
ᬦᬾᬳᬶᬤᬸᬧ᭄᭞ᬧᬕᬶᬄᬜᬫᬦᬾᬫᬓ᭄ᬚᬂ᭞ᬫᬢᬶᬗ᭄ᬥᬶᬳᬶᬦ᭄᭞ᬧᬥᬬᬢ᭄ᬦᬵᬫᬓᬧᬢ᭄ᬧᬢ᭄᭟᭐ᬮᬲ᭄ᬬᬢ᭄ᬯᬭᬵᬳᬤᬳᬧᬵ᭞ᬮᬸᬦᬲ᭄ᬮᬦᬸᬲ᭄ᬓᬬᬂᬓ᭄ᬮᬶᬄ᭞ᬢ᭄ᬯᬭᬵᬳᬤᬳᬦ᭄ᬢᬸᬕ᭄ᬳ
ᬧᬵ᭞ᬩᬳᬦ᭄ᬜᬫᬦᬾᬫᬗᭂᬫ᭄ᬧᬸ᭞ᬦᬗ᭄ᬳᬶᬂᬢ᭄ᬯᬭᬵᬳᬤᬗᭂᬦᬄ᭞ᬦᬂᬳᬤᬶᬭᬶ᭞ᬧᬤᬵᬬᬮᬾᬗᬸᬡᬦ᭄ᬜᬵ᭟᭐ᬳᬯᬓᭂᬮᬕᬸᬢᬾᬮᬲ᭄ᬬ᭞ᬤᬤᬶᬚᬦ᭄ᬫᬵᬢᬸᬭᬶᬂᬭᬶᬭᬶᬄ᭞ᬳᭂᬗ᭄ᬲ
ᬧ᭄ᬢᭂᬓᬾᬦ᭄ᬓᬧ᭄ᬬᬸᬢᬗᬦ᭄᭞ᬢᬦ᭄ᬤ᭄ᬭᬸᬄᬢ᭄ᬓᬾᬦ᭄ᬜᬫᬘᬢᬹᬃ᭞ᬜᬫᬦᬾᬮᬯᬸᬢ᭄ᬫᬕᬾᬩ᭄ᬭᬲ᭄᭞ᬫᬗᬮᬳᬶᬦ᭄᭞ᬫᬓ᭄ᬚᬂᬧᬤᬗᬫ᭄ᬩᬮᬂ᭟᭐ᬲᬗ᭄ᬓᬦ᭄ᬳᬤᬩᬩᬘᬓᬦ᭄᭞ᬲᬓᬶᬢᬾᬢ [ 51 ][᭕᭐ 50B]
᭕᭐
ᬕᬶᬄᬩᬬᬳᬶᬦ᭄᭞ᬩᬦ᭄ᬜᬫᬦᬾᬗ᭄ᬭᬸᬪᬾᬤᬵ᭞ᬤᬾᬦᬶᬂᬩᬜᬵᬗ᭄ᬮᬾᬦ᭄ᬳᬗ᭄ᬓᬸᬄ᭞ᬜᬫᬦᬾᬦᬦᬕᬶᬄᬩᬬᬳᬶᬦ᭄᭞ᬢᭀᬂᬳᬸᬦᬶᬗᬶᬦ᭄᭞ᬲᬗ᭄ᬓᬦ᭄ᬜᬦᬾᬲᬓᬶᬢᬶᬦᬵ᭟᭐ᬮᬫᬸᬦ᭄ᬲᬸ
ᬩᬬᬓᬲᬶᬤᬦ᭄᭞ᬜᬫᬦᬾᬬᬮᬩᬳᬶᬦ᭄᭞ᬩᬳᬗᬶᬦ᭄‌ᬢ᭄ᬯᬲ᭄ᬢ᭄ᬯᬲᬦ᭄᭞ᬯᬶᬭᬾᬄᬢᬸᬬᬸᬄᬬᬫᬗᭂᬫ᭄ᬧᬸ᭞ᬢᬸᬗ᭄ᬕᬮ᭄ᬫᬲᬗᬸᬳᬶᬗᭂᬢᬂ᭞ᬬᬓᬯᬸᬓᬶᬦ᭄᭞ᬜᬶᬭᬶᬬᬂᬢᬺᬱ᭄ᬡ
ᬫᬾᬜᬫ᭟᭐ᬮᬫᬸᬦ᭄ᬓᬾᬢᭀᬩᬦ᭄ᬗᬾᬲ᭄ᬢᬶᬬᬂ᭞ᬜᬫᬦᬾᬦᬕᬶᬄᬦᭀᬗᭀᬲᬶᬦ᭄᭞ᬲᬓᬶᬢᬾᬲᬬᬦ᭄ᬗᭂᬚᭀᬳᬂ᭞ᬫᬓ᭄ᬚᬂᬬᬧᬤᬢᬓᬸᬢ᭄᭞ᬲᭀᬭᭀᬄᬤᬹᬃᬕ᭄ᬕᬫᬯᬶ
ᬰᬾᬱ᭞ᬧᬤᬫ᭄ᬮᬳᬶᬩ᭄᭞ᬚᭂᬚᭂᬄᬢᭀᬂᬩᬦᬶᬫᬢᬗᬄ᭟᭐ᬳᬤᬮᬾᬦ᭄ᬫᬲᬯᬸᬢ᭄ᬦᬶᬫ᭄ᬩᬮ᭄᭞ᬫᬸᬜᬶᬦᬾᬲᬯᬂᬫᬚᬶᬜ᭄ᬚᬶᬦ᭄᭞ᬢᬶᬢ᭄ᬬᬂᬓ᭄ᬢᬸᬢ᭄ᬳᬧᬂᬦᬯᬂ᭞ᬳᭂᬜᬾᬦ᭄ᬤᬤᬶᬜᬫ

[᭕᭑ 51A]
᭕᭑
ᬘᬢᬹᬃ᭞ᬳᬸᬗ᭄ᬕ᭄ᬯᬦᬾᬫᬶᬯᬄᬭᬹᬧᬦ᭄ᬜ᭞ᬜᬾᬦ᭄ᬓᬯᬸᬓᬶᬦ᭄᭞ᬧᬸᬦᬶᬓᬢᬸᬢᬸᬭᬶᬦ᭄ᬢᬶᬢ᭄ᬬᬂ᭞᭐ᬳᬶᬓ᭄ᬢᬸᬢ᭄ᬫᬮᬶᬄᬳᬗᬸᬘᬧ᭄᭞ᬮᬫᬸᬦ᭄ᬳᭂᬫ᭄ᬩᭀᬓ᭄ᬤᬸᬭᬸᬂᬳᬸᬦᬶᬂ᭞ᬢ᭄ᬓᬾᬦ᭄ᬜᬫᬦᬾᬧᬢ᭄ᬧᬢ᭄
᭞ᬤᬶᬩ᭄ᬯᬦᬵᬳᬮᬶᬢᬾᬫᬸᬗ᭄ᬕᬸᬄ᭞ᬫᬜᬋᬗᬶᬦ᭄ᬲᬗ᭄ᬳ᭄ᬬᬂᬢᬸᬗ᭄ᬕᬮ᭄᭞ᬦᬾᬫᬗᬶᬲᬶ᭞ᬧᬢᬶᬳᬸᬭᬶᬧ᭄ᬤᬤᭀᬲ᭄ᬚᬦ᭄ᬫᬵ᭟᭐ᬫᬗᬶᬦ᭄ᬲᬓᬶᬂᬯᬯᬸᬍᬓᬤ᭄᭞ᬬᬾᬄᬜᭀᬫ᭄ᬫᬶᬯᬄᬕ᭄ᬢᬶᬄ᭞ᬳᬭᬶᬳ
ᬭᬶᬫᬶᬯᬄᬮᬫᬲ᭄᭞ᬫᬦᬤᬶᬜᬫᬦᬾᬘᬢᬹᬃ᭞ᬩᬯᬸᬍᬓᬤ᭄ᬬᬫᬳᬤᬦ᭄᭞ᬳᬶᬲ᭄ᬮᬳᬶᬃ᭞ᬬᬾᬄᬜᭀᬫ᭄ᬳᬤᬦᬶᬦ᭄ᬜᬵ᭟᭐ᬳᬶᬚ᭄ᬮᬳᬶᬃᬤᬤᭀᬲ᭄‌ᬭᬄ᭞ᬳᬶᬫ᭄ᬓᬳᬶᬃᬮᬫᬲ᭄ᬤᬤᬶ᭞
ᬳᬶᬫᭀᬓᬳᬶᬃᬬᬳᬶᬃᬬᬳᬶᬩᬦᬄ᭞ᬲᬯᬢᬭᬵᬳᬾᬓᬵᬢᬳᬸᬦ᭄᭞ᬫᬗᭂᬫ᭄ᬧᬸᬳᬶᬮᬕᬵᬧ᭄ᬭᬡ᭞ᬬᬫᬕ᭄ᬥᬶ᭞ᬗᬫ᭄ᬩᬸᬮ᭄‌ᬩᬦ᭄ᬢ᭄ᬯᬭᬵᬤᬗ᭄ᬭᬸᬗ᭄ᬯᬂ᭟᭐ᬫᬓ᭄ᬢᬂᬧᬥᬫᬓᬳᬤ᭄᭞ᬳᬤᬓ [ 52 ][᭕᭑ 51B]
᭕᭑
ᬧᬸᬄᬳᬤᬓᬗᬶᬦ᭄᭞ᬳᬤᬓᬚᬵᬳᬤᬓ᭄ᬮᭀᬤ᭄᭞ᬓᬧᬗ᭄ᬕᬶᬄᬲᬗ᭄ᬳ᭄ᬬᬂᬲᬶᬦᬸᬳᬸᬦ᭄᭞ᬫᬗᬶᬘᬾᬦ᭄ᬯᬭᬵᬦᬸᬕ᭄ᬭᬳᬵ᭞ᬲᬤᬵᬧᬶᬗᬶᬢ᭄᭞ᬯᭂᬘᬡ᭄ᬦᬦᬾᬓᬲᬸᬲᬸᬧᬂ᭟᭐
ᬧᬸᬦᬶᬓᬵᬰᬲ᭄ᬢ᭄ᬭᬦᭂᬧᬢ᭄ᬧᬢ᭄᭞ᬓᬳᬶᬘᬾᬦ᭄ᬲᬫᬶᬫᬲᬶᬓᬶ᭞ᬉᬁᬅᬁᬫᬁᬉᬁᬗ᭄ᬓᬭᬢᬸᬗ᭄ᬕᬮ᭄᭞ᬯᬘᬡ᭄ᬦᬦᬾᬤᬳᬢ᭄ᬳᬮᬸᬲ᭄᭞ᬳ᭄ᬦᬾᬘᬳᬶᬩᬧᬵᬫᬬᬂ᭞ᬮᬶᬦ᭄ᬢᬂᬍᬯᬶᬄ
᭞ᬲᬓᭂᬧᬂᬘᬳᬶᬳᬯᬓ᭄᭟᭐ᬭᬭᬶᬲ᭄ᬳᬤᬦᬾᬧ᭄ᬭᬩᬾᬤ᭄ᬥᬵ᭞ᬪᬝᬵᬭᬦᬾᬫᬗ᭄ᬯᬲ᭄ᬢᬦᬶᬦ᭄᭞ᬳᬗ᭄ᬕᬵᬧᬢᬶᬦᬾᬦᬾᬓᬚᬵ᭞ᬩᬦᬵᬲᬧᬢᬶᬭᬚᬵᬓᬯᬸᬄ᭞ᬳᬗ᭄ᬕᬵᬧ
ᬢᬶᬦᬾᬦᬾᬓ᭄ᬮᭀᬤ᭄᭞ᬫ᭄ᬭᬚᬵᬧᬢᬶ᭞ᬦᬾᬦᬾᬓᬗᬶᬦ᭄ᬳᬤᬦᬶᬦ᭄ᬜᬵ᭟᭐ᬓᬾᬓᬢᭀᬯᬘᬦᬦ᭄ᬪᬝᬵᬭ᭞ᬩᬶᬮᬂᬳᬤᬶᬭᬶᬯᬲ᭄ᬢᬦᬶᬦ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄‌ᬓᬧᬺ

[᭕᭒ 52A]
᭕᭒
ᬩᬾᬤ᭄ᬥ᭞ᬭᬭᬶᬲ᭄ᬓᬦ᭄ᬤᬶᬓᬬᬂᬫᬦ᭄ᬢᬸᬓ᭄᭞ᬜᬫᬦᬾᬫᬧᬫᬶᬢ᭄ᬩᬸᬤᬮ᭄᭞ᬮᬯᬸᬢ᭄ᬫᬸᬮᬶᬄ᭞ᬜᬸᬲᬸᬧ᭄ᬭᬶᬂᬭᬕᬰᬭᬶᬭᬵ᭟᭐ᬮᬯᬗᬦ᭄ᬜᬦᬾᬧᬸᬦᬶᬓᬵ᭞ᬓᬫᬃᬕ᭄ᬕᬶᬦᬶᬦ᭄ᬭ
ᬭᬶᬲ᭄ᬫᬜ᭄ᬚᬶᬂ᭞ᬦ᭄ᬢᭀᬜᬫᬦᬾᬦᬾᬧᬢ᭄ᬧᬢ᭄᭞ᬳᬧᬂᬩᬜᬵᬤᬢᬦ᭄ᬤ᭄ᬭᬸᬄ᭞ᬤᬶᬘᬗ᭄ᬓᭂᬫᬶᬯᬄᬳᬸᬗᬲᬦ᭄᭞ᬤᬶᬧᬗᬓ᭄ᬱᬶ᭞ᬳᬤᬫᬮᬯᬗᬦ᭄ᬓᬃᬡ᭄ᬦᬵ᭟᭐ᬬᬦ᭄ᬩᬦ᭄ᬜ
ᬫᬩᬸᬤ᭄ᬥᬶᬦᬯᬂ᭞ᬳᬗ᭄ᬕ᭄ᬯᬵᬦ᭄ᬜᬫᬦᬾᬲᬫᬶ᭞ᬫᬲᬶᬄᬬᬭᬶᬂᬯᬺᬤᬬᬵ᭞ᬫᬓ᭄ᬚᬂᬬᬤᬶᬢᬸᬫᬸᬗ᭄ᬕᬸᬄ᭞ᬲᬳᬶᬲᬶᬦᬶᬂᬚᬚ᭄ᬭᭀᬯᬦ᭄᭞ᬲᬫ᭄ᬧᬸᬦ᭄ᬧᬲ᭄ᬢᬶ᭞ᬳᬦ᭄ᬢᬸᬓ᭄ᬪᬝᬵᬭᬦᬾᬧ
ᬢ᭄ᬧᬢ᭄᭟᭐ᬢ᭄ᬬᬂᬗᬶᬚ᭄ᬯᬭᬵᬫᬳᬤᬾᬯᬵ᭞ᬩ᭄ᬭᬳ᭄ᬫᬯᬶᬱ᭄ᬡᬸᬦᬸᬫᬗ᭄ᬭᬕᬦᬶᬦ᭄᭞ᬲᭀᬭᭀᬄᬫᬜᬫᬦᬾᬫᬓ᭄ᬚᬂ᭞ᬫᬦᬸᬗ᭄ᬕᬮᬂᬲᬗ᭄ᬳ᭄ᬬᬂᬩᬬᬸ᭞ᬧᬕᭂᬄᬫᬮᬶᬗ᭄ᬕᬭᬶᬂᬭᬕᬵ᭞ᬢᬸᬃ [ 53 ][᭕᭒ 52]
᭕᭒
ᬫᬗᬶᬲᬶ᭞ᬧᬢᬶᬉᬭᬶᬧ᭄ᬤᬤᭀᬲ᭄ᬚᬦ᭄ᬫᬵ᭟᭐ᬮᬫᬸᬦ᭄ᬫᬓ᭄ᬦᭂᬄᬫᬦᬯᬂ᭞ᬢ᭄ᬓᬾᬦ᭄ᬕᭀᬩᬦ᭄ᬜᬦᬾᬲᬫᬶ᭞ᬕ᭄ᬥᬾᬫᬩᬦ᭄ᬢᭂᬦ᭄ᬤᬦ᭄ᬤᬦᬦ᭄᭞ᬫᬲᬸᬘᬶᬫᬶᬯᬄᬲᬲᬦ᭄ᬢᬸᬦ᭄
ᬫᬧᬘᬭᬸᬳᬬᬫ᭄ᬫᬜ᭄ᬘ᭞ᬫᬗ᭄ᬮᬩᬳᬶᬦ᭄᭞ᬤᬶᬜᬫᬦᬾᬯᬯᬸᬫ᭄ᬥᬮ᭄᭟᭐ᬦᬗ᭄ᬳᬶᬂᬘᭂᬗ᭄ᬓᬦᬾᬓᬮᬶᬯᬢ᭄᭞ᬓᭂᬩᬸᬲ᭄ᬩᬳᬂᬢᬶᬤᭀᬂᬕᬶᬕᬶᬲ᭄᭞ᬤᬶᬢᬸᬫ᭄ᬩᬾᬦ᭄‌ᬓ᭄ᬦᭂᬳᬾ
ᬳᭀᬩᬄ᭞ᬢᭀᬂᬜᬦ᭄ᬤᬂᬦᬳᬦᬂᬓ᭄ᬩᬸᬲ᭄᭞ᬫᬲ᭄ᬫᬸᬭᬲᬧᭂᬧᭂᬢ᭞ᬮᬯᬸᬢ᭄‌ᬫ᭄ᬮᬳᬶᬩ᭄᭞ᬩᬦ᭄ᬢᭀᬂᬤᬤᬶᬫ᭄ᬓᭂᬓ᭄ᬳᬯᬓ᭄᭟᭐ᬗᭂᬦᬄᬜᬫᬦᬾᬓ᭄ᬭᬸᬭᬵ᭞ᬭᬸᬧᬦ᭄ᬜᬦᬾᬗᬺᬱᬺ
ᬲᬶᬦ᭄᭞ᬳᬯᬓᬾᬓᬓᬸᬫᬗᭂᬢᭀᬃ᭞ᬧᬮᬦ᭄ᬜᬵᬫᬦᬤᬶᬩᬸᬤᬸᬄ᭞ᬮᬫᬸᬦ᭄ᬧᬕᭂᬄᬩᬦ᭄ᬗᬾᬃᬱᬶᬬᬂ᭞ᬮᬯᬸᬢ᭄ᬫᬶᬚᬶᬮ᭄᭞ᬦ᭄ᬢᭀᬜᬫᬦᬾᬫᬓᬧᬢ᭄ᬧᬢ᭄᭟᭐ᬗᭂᬦᬄᬯᬮᬸ

[᭕᭓ 53]
᭕᭓
ᬫᬸᬓᬸᬤᬦ᭄᭞ᬜᭂᬓᬵᬮᬳᬚᬓ᭄ᬫᬫᬸᬜᬶ᭞ᬦᬗ᭄ᬚᬶᬂᬢᭀᬂᬤᬤᬶᬫᬓ᭄ᬮᭀ᭞ᬳᬧᬦ᭄ᬲᭂᬗ᭄ᬓᬵᬭᬱᬦ᭄ᬳᬶᬧᬸᬦ᭄᭞ᬢ᭄ᬯᬭᬵᬬᬤᬤᬶᬯᬾᬭᬵ᭞ᬳᬧᬦ᭄ᬧᬶᬗᬶᬢ᭄᭞ᬬᬦ᭄ᬢᬦ᭄ᬮᬸᬕ᭄ᬭᬵᬢ᭄ᬬᬂᬲᬹ
ᬓ᭄ᬱ᭄ᬫᬵ᭟᭐ᬩ᭄ᬗᭀᬂᬳᬦᬓᬾᬓᬦᬶᬗᭂᬳᬂ᭞ᬩᬦ᭄ᬭᬶᬭᬶᬄᬦᬾᬓ᭄ᬢᬸᬢ᭄ᬓᬯᬶ᭞ᬫᬲᬢ᭄ᬯᬵᬫᬗᬾᬗᬦ᭄ᬤᬄ᭞ᬫᬓ᭄ᬚᬂᬧᬥᬫᬗ᭄ᬭᬸᬗᬹ᭞ᬩ᭄ᬯᬶᬦ᭄ᬳᬤᬵᬫᬦᬓᭀᬦᬂ᭞ᬮᬫᬸᬦ᭄ᬫᬢᬶ᭞ᬤᬶᬚᬵᬜᬫᬦᬾᬧ
ᬢ᭄ᬧᬢ᭄᭟᭐ᬦᬶᬓ᭄ᬢᬸᬢ᭄ᬓᬯᬶᬳᬗᬸᬘᬧ᭄᭞ᬚᬦᬶᬩ᭄ᬯᬶᬦ᭄ᬫᬗᭀᬃᬣᬳᬶᬦ᭄᭞ᬜᬫᬦᬾᬫᬮᬸᬫᬢᬶᬗ᭄ᬕᬮ᭄᭞ᬫᬗᬸᬢᬂᬗᬮᬳᬶᬦ᭄ᬮᬫ᭄ᬧᬸᬲ᭄᭞ᬲᬗ᭄ᬓᬦ᭄ᬤᬸᬃᬕ᭄ᬕᬦᬾᬬᬕᬮᬓ᭄᭞ᬫᬗ᭄ᬯᬶᬲ᭄ᬬ
ᬦᬶᬦ᭄᭞ᬤᬾᬦᬶᬂᬜᬫᬦᬾᬗᬯᬸᬓᬂ᭟᭐ᬦᬸᬦ᭄ᬤᬾᬦᬂᬳᬧᬗᬜᬭᬧ᭄᭞ᬲᬗ᭄ᬓᬦ᭄ᬤᬤᬶᬩᬦ᭄ᬜᬲᬓᬶᬢ᭄᭞ᬳᬯᬓᬾᬜᬦ᭄ᬲᬦ᭄‌ᬳᭀᬦ᭄᭞ᬲᬕᬾᬢ᭄ᬕᬼᬫ᭄‌ᬲᬕᬾᬢ᭄ᬧᬸᬭᬸᬄ᭞ᬲᬓᬶᬢᬾ [ 54 ][᭕᭓ 53B]
᭕᭓
ᬢᬧᬸᬲᬸᬤᬤᬓᬦ᭄᭞ᬚᬗ᭄ᬓᬵᬫᬢᬶ᭞ᬩᬳᬦ᭄ᬤᬸᬃᬕ᭄ᬕᬦᬾᬗ᭄ᬭᬦᬬᬂ᭟᭐ᬳᬫᬸᬮ᭄ᬢᭀᬬᬫᬢᬸᬢᬸᬭᬦ᭄᭞ᬓᭀᬘᬧᬦ᭄ᬲᬫ᭄ᬧᬸᬦ᭄‌ᬢ᭄ᬗᬳᬶ᭞ᬳᬦᬓᬾᬧᬤᬫᬲ᭄ᬭᭀᬤ᭄᭞ᬫᬓᭂᬚᬂᬗ
ᬮᬳᬶᬦ᭄ᬫᬦ᭄ᬢᬸᬓ᭄᭞ᬦᬗᬲᭂᬫ᭄ᬧᬾᬗᭀᬲ᭄ᬓᭀᬘᬧᬦ᭄᭞ᬲᬳᬶᬲᬳᬶ᭞ᬗ᭄ᬭᬯᭀᬲᬋᬂᬕ᭄ᬥᬾᬓᭀᬫᬂ᭟᭐ᬦᬾᬚᬦᬶᬳᬤᬤᬾᬯᬱᬵ᭞ᬧᬘᬂᬚᬮᬦᬶᬦ᭄ᬫᬩᬸᬜ᭄ᬘᬶᬂ᭞ᬳᬤᬗᭂᬤᬰᬤᬶ
ᬦᬬᬂ᭞ᬳᬶᬕ᭄ᬥᬾᬓᭀᬫᬂᬫᬦᬸᬭᬸᬢ᭄᭞ᬩ᭄ᬮᬶᬢ᭄ᬯᬭᬵᬳᬤᬳᬧᬵᬓᬗ᭄ᬕᭀᬘᬳᬶ᭞ᬩ᭄ᬮᬶᬩ᭄ᬮᭀᬕ᭄ᬢ᭄ᬯᬭᬵᬩᬶᬲ᭟᭐ᬦᬶᬓ᭄ᬢᬸᬢ᭄ᬲᬋᬂᬦᬶᬜᭀᬫᬦ᭄᭞ᬤᬾᬦᬶᬂᬲᬫ᭄ᬧᬸᬦ᭄ᬓᬯᬗ᭄ᬲᬶᬢᬶᬦ᭄᭞ᬩᬦ᭄ᬥ
ᬤᬾᬦᬶᬂᬲᭂᬫ᭄ᬧᬾᬗᭀᬲ᭄᭞ᬢᬶᬗ᭄ᬓᬳᬾᬧᬘᬂᬫᬢ᭄ᬫᬸ᭞ᬢ᭄ᬓᬾᬦ᭄ᬥᬦᬾᬩ᭄ᬮᬶᬯᬬᬦ᭄᭞ᬢᬶᬢ᭄ᬬᬂᬗ᭄ᬭᬶᬭᬶ᭞ᬓᬤᬶᬧᬗᬦ᭄ᬤᬶᬓᬵᬦ᭄ᬩᬧᬵ᭟᭐ᬤᬾᬦᬶᬂᬤᬾᬯᬱᬦᬾᬳᬾᬗ᭄ᬕᬮ᭄᭞ᬧᬢᬹᬢ᭄ᬫᬤᬩ᭄ᬤᬩ

[᭕᭔ 54A]
᭕᭔
ᬦ᭄ᬫᬗ᭄ᬓᬶᬦ᭄᭞ᬫᬗᬸᬜ᭄ᬚᬂᬫᬗ᭄ᬮᬶᬧᬢ᭄ᬤᬾᬰ᭞ᬬᬤ᭄ᬬᬦ᭄‌ᬩ᭄ᬭᬬᬵᬳᬸᬮᬶᬳ᭄ᬮᬸᬄ᭞ᬫᬲᬶᬄᬬᬢ᭄ᬓᭂᬤᬂᬗᬸᬦ᭄ᬤᬸᬂ᭞ᬦᬾᬦᬾᬤᬶᬦᬶ᭞ᬳᬯᬸᬤ᭄ᬓᬾᬮᭀᬃᬫᬓᬤᬾᬰᬵ᭟᭐ᬫᬶᬲᬦ᭄ᬫᬶᬦ᭄ᬤᭀᬦᬾᬫᬓ᭄ᬚᬂ᭞ᬮᬸᬄ
ᬫ᭄ᬯᬦᬶᬗ᭄ᬭᭀᬩ᭄ᬲᬫᬶ᭞ᬗᬶᬢᬸᬗᬶᬦ᭄ᬧᬘᬂᬘᬯᬶᬲᬦ᭄᭞ᬤᬾᬮᬾᬗᬾᬳᬚᬶᬧᬲᬲᬸᬃ᭞ᬢᬫ᭄ᬬᬸᬦᬾᬢ᭄ᬯᬄᬓᬭᭀᬲᬶᬕᬃ᭞ᬮᬸᬄᬫ᭄ᬯᬦᬶ᭞ᬢ᭄ᬓᬾᬦ᭄ᬲ᭄ᬮᬫ᭄‌ᬢᬶᬕᬂᬮᬓ᭄ᬱᬵ᭟᭐ᬮ᭄ᬬᬸᬗᬳᬾᬧ
ᬫᬶᬚ᭄ᬬᬦ᭄᭞ᬲᭀᬭᭀᬄᬦᬾᬦᬾᬢ᭄ᬯᬭᬵᬓ᭄ᬦᬶ᭞ᬳᬤᬦᬗᬦ᭄ᬢᬶᬕᬂᬩ᭄ᬦᬂ᭞ᬩ᭄ᬮᬶᬬᬂᬧ᭄ᬜᬸᬢᬢ᭄ᬮᬸ᭞ᬢ᭄ᬓᬾᬦ᭄‌ᬓ᭄ᬩᭀᬳᬚᬶᬮᬓ᭄ᬱᬵ᭞ᬢ᭄ᬓᬾᬦ᭄ᬲᬫ᭄ᬧᬶ᭞ᬳᬳᬸᬓᬸᬤ᭄ᬫᬳᬚᬶᬭᭀᬭᬲ᭄᭟᭐
ᬳᬸᬧᬬᬂᬳᬶᬯᬬᬂᬢᭀᬂ᭞ᬚᬯᬸᬓ᭄ᬮᬦ᭄ᬩᬭᬶᬲ᭄᭞ᬢ᭄ᬓᬾᬦᬶᬂᬢᭀᬧᬾᬂᬧᬚᭂᬕᬦ᭄᭞ᬫᬤᬸᬮᬸᬭᬦ᭄ᬯᬬᬂᬕᬫ᭄ᬩᬄ᭞ᬲᬫ᭄ᬧᬶᬓ᭄ᬫᬶᬯᬄᬧᬓᬂᬭᬭᬲ᭄᭞ᬢ᭄ᬮᬲ᭄ᬲᬫᬶ᭞ᬳᬶᬕᭂᬮᬶᬕᭂᬮᬦᬾᬳᬸ [ 55 ][᭕᭔ 54B]
᭕᭔
ᬧᬄ᭟᭐ᬫ᭄ᬳ᭄ᬭᬫ᭄ᬧᭂᬤ᭄ᬕᬳᬾᬦᬾᬲᬧᬶᬲᬦ᭄᭞ᬫᬢᬢᬄᬓᬸᬢᬶᬂᬗᭀᬢᭀᬦᬶᬦ᭄᭞ᬫᬗ᭄ᬮᬯᬸᬢ᭄ᬬᬫᬲᬓᬧᬦ᭄᭞ᬲ᭄ᬮᬶᬤ᭄ᬲᬜ᭄ᬚᬬᬫᬢᬫ᭄ᬬᬸ᭞ᬳᬸᬮᬶᬤᬰᬤᬶᬦᬬ᭞ᬲᬳᬶᬲᬳᬶ᭞ᬤᬾᬦᬶᬂ
ᬕᬕᬳᬾᬦᬾᬦᬥᬓ᭄᭟᭐ᬓᭀᬘᬧᬦ᭄ᬫᬶᬢᬸᬂᬤᬶᬦᬦᬬᬂ᭞ᬭᬭᬫᭀᬦᬾᬲᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬲᭀᬭᭀᬄᬳᬸᬮᬶᬧᬕᬸᬦᬸᬗᬦ᭄᭞ᬧᬤᬗᬩᬵᬭᭀᬦ᭄ᬩᬸᬲᬸᬂ᭞ᬓᬸᬢᬂᬧᬓᭂᬩᬳ᭄ᬫᬗ
ᬭᬂ᭞ᬫᬲᬶᬄᬗᬶᬤᬶᬄ᭞ᬳᬧᬂᬢ᭄ᬓᬵᬗᬢᭂᬮᬸᬦᬂ᭟᭐ᬲᬳᬶᬫᬦ᭄ᬥᬸᬦᬂᬩᬜ᭄ᬚᬃ᭞ᬫᬢᭂᬓ᭄ᬢᭂᬓᬦ᭄ᬕᬜ᭄ᬘᬓᬢᬶᬓ᭄᭞ᬚᬯᬢ᭄ᬕᬳᬾᬦᬾᬤᬶᬚᬸᬫᬄ᭞ᬓᬸᬢᬶᬂᬜ᭄ᬚᬸᬓᬂᬯᬯᬭᬸᬂ᭞ᬫᬲᬶᬄᬢᬸᬮᬶᬲ᭄ᬓᬵᬩᬜ᭄ᬚᬃ
᭞ᬫᬦᬸᬮᬸᬗᬶᬦ᭄᭞ᬩᬳᬦ᭄ᬥᬾᬯᬰᬦᬾᬦᬤᬓ᭄᭟᭐ᬢ᭄ᬯᬭᬵᬧ᭄ᬕᬢ᭄‌ᬬᬦᬫ᭄ᬧᬄ᭞ᬳᬗ᭄ᬕᭀᬦ᭄ᬫᬢ᭄ᬬᬶᬲᬳᬶᬲᬳᬶ᭞ᬕᬸᬩᬸᬕ᭄ᬕ᭄ᬥᬾᬰᬦᬾᬓᬗᬶᬦᬦ᭄᭞ᬲᬶᬬᭂᬧ᭄ᬢᬮᬶᬓᬦᬾᬫᬸᬂᬫᬸᬂ᭞ᬓᬮ

[᭕᭕ 55A]
᭕᭕
ᬳᬶᬦ᭄ᬗᬶᬮᬶᬄᬩᬾᬢᬫ᭄ᬧᬳᬦ᭄᭞ᬲᬳᬶᬲᬳᬶ᭞ᬢ᭄ᬯᬭᬵᬳᬶᬗᭂᬢ᭄ᬓᬾᬦ᭄ᬳᬸᬫᬄ᭟᭐ᬲᭀᬭᭀᬄᬦᬾᬦᬾᬳᬗ᭄ᬕᬮ᭄ᬳᬗ᭄ᬕᬮ᭄᭞ᬲᬳᬶᬤᬶᬢᬸᬍᬫᬄᬯ᭄ᬗᬶ᭞ᬗᬸᬮᬳᬂᬗᬗᬶᬦᬂᬩᬲᬂ᭞ᬳᬯᬓᬾ
ᬢ᭄ᬯᬄᬩ᭄ᬮᭀᬕ᭄ᬳᬚᬸᬫ᭄᭞ᬗᬸᬮᬄᬩ᭄ᬢᭂᬓ᭄ᬳᬓ᭄ᬳᬓᭂᬫᬸᬓᬦ᭄᭞ᬢᬸᬲᬶᬂᬳᬚᬶᬦ᭄᭞ᬩᬳᬦ᭄ᬳᬶᬯᬲᬾᬤᬶᬚᬸᬫᬄ᭟᭐ᬦᬾᬚᬦᬶᬫ᭄ᬢᬂᬤᬶᬦᬬᬂ᭞ᬳᬸᬤ᭄ᬤᬂᬳ᭄ᬦᬸᬤᬗᬦᬾᬧ᭄ᬭᬵᬧ᭄ᬢᬶ᭞ᬩ᭄ᬭᬬᬳᬸᬮᬶᬳᬾᬚᭀᬄ
ᬳᭂᬚᭀᬄ᭞ᬦᬾᬳ᭄ᬮᬸᬄᬳ᭄ᬮᬸᬄᬜᬸᬳᬸᬦ᭄᭞ᬦᬶᬓ᭄ᬢᬸᬢ᭄ᬕᬾᬧᭀᬢ᭄ᬫᬜᬧ᭞ᬳᬶᬗ᭄ᬕᬶᬄᬭᬭᬶᬲ᭄᭞ᬜᬫᬦ᭄ᬢᬶᬢ᭄ᬬᬗᬾᬫᬸᬗ᭄ᬕᬳᬦ᭄᭟᭐ᬦᬶᬜᭀᬫᬗᬸᬧᬸᬄᬜᬮᬶᬦᬂ᭞ᬩᬩᬓ᭄ᬢᬦ᭄ᬢᬫ᭄ᬬᬸ
ᬦᬾᬲᬫᬶ᭞ᬳᬤᬵᬢ᭄ᬯᬓ᭄ᬳᬤᬳᬭᬓ᭄᭞ᬩᬳᬲᬾᬫᬢᬶᬫ᭄ᬧᬮ᭄ᬢᬮᬸᬄ᭞ᬫᬤᬸᬮᬸᬭᬦ᭄ᬩᬲᭂᬩ᭄ᬯᬄ᭞ᬧᬥᬫᬶᬲᬶ᭞ᬓᬢᬶᬫ᭄ᬧᬮᬶᬦ᭄‌ᬚᬗᬜ᭄ᬚᬗᬦ᭄᭟᭐ᬢᬶᬫ᭄ᬩᬸᬮ᭄ᬧᬸᬲᬸᬄᬮᬦ᭄ᬩᬸᬲ᭄ᬩᬸᬲᬦ᭄ [ 56 ][᭕᭕ 55B]
᭕᭕
᭞ᬧᬘᬂᬳᭀᬮᬧᬦ᭄ᬢᬦ᭄ᬓᭂᬦᬶ᭞ᬜᬫᬵᬲᬲᬓᬾᬤᬩ᭄ᬤᬩᬂ᭞ᬲᭀᬭᭀᬄᬢᬦ᭄ᬓᭂᬦᬶᬦᬾᬮ᭄ᬬᬸ᭞ᬳᬤᬲᬫ᭄ᬧᬶᬳᬤᬓ᭄ᬩᭀ᭞ᬳᬤᬓᬫ᭄ᬩᬶᬂ᭞ᬧᬘᬂᬘᬯᬶᬲᬦ᭄ᬧᬫᬶᬚ᭄ᬬᬦ᭄᭟᭐
ᬲᭀᬭᭀᬄᬩᬯᬶᬦᬾᬤᬶᬩᬜ᭄ᬚᬃ᭞ᬲ᭄ᬓᬵᬩᬜ᭄ᬚᬃᬭᬾᬗᭂᬫ᭄ᬧᭀᬗᬶᬦ᭄᭞ᬳᬸᬮᬶᬂᬗᬢ᭄ᬮᬸᬦᬂᬫᬾᬩᬢ᭄᭞ᬤᬾᬦᬶᬂᬓ᭄ᬤᬸᬤᬸᬓᬦ᭄ᬧᬢᬸᬲ᭄᭞ᬳᭀᬮᬄᬳᬾᬮᬳᬦᬾᬦᬧᬓ᭄᭞ᬮᬳᬸᬄᬕᬸᬮᬶᬂ
᭞ᬢ᭄ᬓᬾᬦᬶᬂᬢᬶᬫ᭄ᬩᬸᬗᬦ᭄ᬓᬢ᭄ᬬᬦ᭄᭟᭐ᬲᬲᬢᬾᬦᬾᬢ᭄ᬮᬸᬂᬤᬰ᭞ᬫᬓᬩᬼᬢ᭄ᬫᬓᬵᬕᬲᬭᬶ᭞ᬩᬩᬶᬕᬸᬩᬳᬾᬳᬯᬶᬮᬄ᭞ᬧ᭄ᬭᬢ᭄ᬳᬳᬮᬗ᭄ᬓᬢ᭄ᬜᬳᬸᬄ᭞ᬉᬭᬸᬢᬦᬾᬤ᭄ᬯᬂᬲᭂᬗ᭄ᬓᬂ᭞
ᬦᬾᬳᬓᬢᬶᬄᬲᬫ᭄ᬧᬸᬦ᭄ᬧᬸᬧᬸᬢ᭄ᬬᬫᬘᬘᬃ᭟᭐ᬓᬾᬢᭀᬳᬸᬮᬶᬂᬗᬢ᭄ᬮᬸᬦᬂ᭞ᬧᬦᬫ᭄ᬬᬦᬾᬯᬶᬪᬹᬄᬕᬢᬶ᭞ᬢ᭄ᬯᬓ᭄ᬳᬭᬓ᭄ᬱᬲᬗᬦᬦ᭄᭞ᬳᬤᬦᬾᬦᬾᬩ᭄ᬮᭀᬕ᭄ᬳᬚᬸᬫ᭄᭞

[᭕᭖ 56A]
᭕᭖
tᬳᭀᬂᬩᬶᬲᬫᬚᬗ᭄ᬓᬵᬗᬫᬄ᭞ᬫᬦᬸᬳᬸᬓᬶᬦ᭄᭞ᬢ᭄ᬯᬓ᭄ᬳᬭᬓ᭄ᬓᬢᬸᬗ᭄ᬕᬶᬮᬂ᭟᭐ᬳᬧᬦ᭄ᬓᭂᬦᭂᬳᬾᬤ᭄ᬭᭀᬯᬓᬵ᭞ᬩᬦ᭄ᬢᬸᬫ᭄ᬩᬾᬦᬾᬫᬦ᭄ᬧᬸᬓᬶᬦ᭄᭞ᬫᬲᬶᬄᬳᬸᬮᬳᬂᬫᬗᬫᬄ᭞
ᬓᬲᬸᬲᬸᬧᬦ᭄ᬩᬜᬸᬦ᭄ᬳᬸᬬᬂ᭞ᬤᬤᬶᬧᬸᬜᬄᬗᬸᬢᬄᬳᬸᬢᬄ᭞ᬕ᭄ᬮᬮᬂᬕ᭄ᬮᬶᬮᬶᬂ᭞ᬢ᭄ᬯᬭᬵᬳᬶᬗᭂᬢ᭄ᬓᬾᬦ᭄ᬳᬯᬓ᭄᭟᭐ᬫᬫᬸᬜᬶᬫᬓᭀᬘᬾᬢᬦ᭄᭞ᬧ᭄ᬲᬸᬧᬜᬸᬄᬧ᭄ᬲᬸᬢᬳᬶ᭞ᬓ᭄ᬮᬾᬲ᭄ᬓ
ᬫ᭄ᬩᭂᬦᬾᬗ᭄ᬮᬾᬲᭀᬢ᭄᭞ᬢᬫ᭄ᬬᬸᬦᬾᬦᬾᬳ᭄ᬮᬸᬄᬳ᭄ᬮᬸᬄ᭞ᬧᬤᬵᬫ᭄ᬮᬳᬶᬩ᭄ᬬᬫᬸᬮ᭄ᬬᬦ᭄᭞ᬧᬢᬶᬲᬶᬮᬶ᭞ᬩᬳᬦᬼᬓᬾᬗᬢᭀᬦᬂ᭟᭐ᬢᬦ᭄ᬓᭀᬘᬧᭂᬦᬾᬧᬸᬦᬶᬓᬵ᭞ᬳᬸᬘᬲᭂ
ᬦ᭄ᬤᬶᬦᬦᬾᬫᬦᬶ᭞ᬦᬶᬓ᭄ᬢᬸᬢ᭄ᬲᬋᬂᬦᬶᬜᭀᬫᬦ᭄᭞ᬫᬤᬩ᭄ᬤᬩ᭄ᬫᬧᬬᬲ᭄᭞ᬧ᭄ᬲᬸ᭞ᬲᬶᬂᬩᬶᬓᬲᬂᬲᬸᬩᬵᬫ᭄ᬮᬄ᭞ᬓ᭄ᬜᬸᬂᬫᬦᬶᬲ᭄᭞ᬳᬶᬲᬶᬢᬾᬗᭂᬫ᭄ᬩᬂᬭᬶᬚᬲᬵ᭟᭐ᬳᬸᬦ᭄ᬢᬸᬦᬾ [ 57 ][᭕᭖ 56B]
᭕᭖
ᬧᬸᬢᬶᬄᬮ᭄ᬯᬶᬄᬜᬮᬂ᭞ᬳᬧᬶᬢ᭄‌ᬲᬼᬫ᭄ᬩᬸᬓᬫᬡᬶᬓ᭄᭞ᬫ᭄ᬯᬦᬾᬫᬸᬮᬦ᭄ᬧᬹᬃᬡ᭄ᬦᬫ᭞ᬳᬮᬶᬲᬾᬢᬚᭂᬫ᭄ᬫᬍᬘᬸᬢ᭄᭞ᬢᬢᬶᬗ᭄ᬳᬮᬾᬫᬦᬶᬲ᭄ᬕᬮᬓ᭄᭞ᬓᬤᬶᬢᬣᬶᬢ᭄᭞ᬯᬯᬸ
ᬢᬸᬭᬸᬦ᭄ᬫᬓᬮᬗᬦ᭄᭟᭐ᬭᭀᬫᬲᬫᬄᬧᬜ᭄ᬚᬂᬳᬢᬧ᭄᭞ᬭᬕᬵᬮᬸᬯᭂᬲ᭄ᬫᬗᬾᬤᬦᬶᬦ᭄᭞ᬧᬗᬤᭂᬕᬾᬮᬗ᭄ᬲᬶᬂᬮᬜ᭄ᬚᬃ᭞ᬚ᭄ᬭᬶᬚᬶᬗᬸᬫᭂᬢ᭄ᬢᬸᬃᬭᬸᬭᬸᬲ᭄᭞ᬩᬜ᭄ᬘᬂᬫ᭄ᬭᭀᬲ᭄ᬫᬜᬸᬭᬶᬕᬵ᭞
ᬲᬸᬲᬸᬜᬗ᭄ᬓᬶᬄ᭞ᬫᬗᬲᭀᬭᬂᬳᬶᬜᬸᬄᬤᬦ᭄ᬢᬵ᭟᭐ᬫᬧᬸᬲᬸᬂᬬᬵᬢᬢᬕ᭄ᬮᬦ᭄᭞ᬫᬲᬸᬩᭂᬂᬲᭀᬘ᭄ᬘᬮ᭄ᬯᬶᬄ᭞ᬘᬘᬼᬓ᭄ᬧᬸᬲᬸᬗᬾᬫᬰᭀᬘᬵ᭞ᬲᬶᬂᬲᭀᬮᬳᬂᬲᬸᬩᬳᬦᬹᬢ᭄᭞ᬧᭂ
ᬚᬮᬦᬾᬫᬕᬫ᭄ᬧᬭᬦ᭄᭞ᬢᬸᬮ᭄ᬬᬭᬢᬶᬄ᭞ᬢᬸᬭᬸᬦ᭄ᬲᬓᬾᬂᬇᬦ᭄ᬤᬺᬮᭀᬓ᭟᭐ᬫᬸᬓᬤᬤ᭄ᬯᬵ᭞ᬢ᭄ᬯᬭᬵᬲᬶᬗ᭄ᬲᬮ᭄᭞ᬳᬬᬸᬦᬾᬫᬦᬸᬤᬸᬢ᭄ᬳᬢᬶ᭞ᬢᭀᬂᬧᬦ᭄ᬢᭂᬲ᭄‌ᬦᭀ

[᭕᭗ 57A]
᭕᭗
ᬗᭀᬲ᭄ᬤᬶᬚᬩᬵ᭞ᬳᬲᬶᬦ᭄ᬭᬩᬶᬦ᭄ᬳᬦᬓ᭄ᬳᬕᬸᬂ᭞ᬕᬯᭀᬓ᭄ᬧᬥᬦᬾᬗᬢᭀᬦᬂ᭞ᬳ᭄ᬮᬸᬄᬫ᭄ᬯᬦᬶ᭞ᬢᬸᬯᬵᬘ᭄ᬭᬶᬓ᭄ᬓᬲ᭄ᬫᬭᬦ᭄᭟᭐ᬧᭂᬲ᭄ᬯᬜ᭄ᬚᬦᬶᬫᬦ᭄ᬕᬓ᭄᭞ᬗᭂᬦ᭄ᬫᬶᬦ᭄ᬢᬫ᭄ᬬᬸᬦᬾᬚ
ᬦᬶ᭞ᬢᬫ᭄ᬬᬸᬦᬾᬫᬓ᭄ᬚᬂᬳᬗᭀᬩ᭄᭞ᬓᬲ᭄ᬫᬭᬦ᭄ᬓᭂᬦᭂᬳᬾᬩᬸᬤᬸᬄ᭞ᬢ᭄ᬯᬭᬵᬤᬤᬶᬩ᭄ᬯᬶᬦ᭄ᬮᬾᬦᬂ᭞ᬢ᭄ᬯᬄᬳᬩ᭄ᬲᬶᬓ᭄᭞ᬓ᭄ᬦᭂᬄᬜᬦᬾᬤᬶᬢᬸᬢᬸᬤ᭄ᬯᬂ᭟᭐ᬮ᭄ᬬᬸᬳᬤᬳᬦᬓ᭄ᬤᭂᬳᬵ
ᬚᬩᬫᬶᬯᬄᬧ᭄ᬭᬕᬸᬲ᭄ᬢᬶ᭞ᬳᬤᬳᭀᬓᬦ᭄ᬳᬶᬤᬲᬢ᭄ᬭᬶᬬᬵ᭞ᬮ᭄ᬬᬸᬳᬶᬤᬵᬬᬸᬮ᭄ᬯᬶᬳᬶᬗᬬᬸ᭞ᬫᬮᬶᬗ᭄ᬕᬶᬄᬲᬋᬂᬫᬦ᭄ᬕᬓ᭄᭞ᬢ᭄ᬯᬭᬵᬢᬡ᭄ᬥᬶᬂ᭞ᬢᭀᬦᬾᬤᬤ᭄ᬯᬵᬫᬲᬶᬄᬢᬶᬗ᭄ᬕᬃ᭟᭐ᬳ᭄ᬦᭂ
ᬗᬓ᭄ᬦᬵᬧᬸᬦᬶᬓᬵ᭞ᬳᬶᬮᬾᬜ᭄ᬚᬸᬃᬳᬸᬘᬧᬂᬳᬮᬶᬄ᭞ᬫᬤᬩ᭄ᬤᬩ᭄‌ᬚᬦᬶᬫᬧᬬᬲ᭄᭞ᬤᬾᬦᬶᬂᬫᬸᬮᬵᬳᬦᬓ᭄ᬩᬕᬸᬲ᭄᭞ᬢ᭄ᬯᬭᬵᬓᬸᬭᬂᬩᬸᬗᬄᬗᬗ᭄ᬕᭀ᭞ᬢ᭄ᬓᬵᬩ᭄ᬘᬶᬓ᭄᭞ᬩᬸᬤᬸᬄᬳ [ 58 ][᭕᭗ 57B]
᭕᭗
ᬦᬓᬾᬗᬦ᭄ᬢᭂᬦᬂ᭟᭐ᬧᭂᬲ᭄ᬯᬜ᭄ᬚ᭄ᬜᬶᬫᬦ᭄ᬕᬓ᭄᭞ᬫᬜᬧᬢᬫ᭄ᬬᬸᬦᬾᬲᬫᬶ᭞ᬗᭂᬲᭀᬃᬢ᭄ᬓᬾᬦ᭄ᬜᬫᬩ᭄ᬭᬬᬵ᭞ᬧᬜᬧᬦᬾᬢ᭄ᬓᬵᬧᬗᬸᬲ᭄᭞ᬕᬯᭀᬓ᭄ᬢᬫ᭄ᬬᬸᬦᬾᬫᬓ᭄ᬚᬂ᭞ᬭᬹᬧ
ᬳᬲᬶᬦ᭄᭞ᬲᬶᬂᬢᬶᬗ᭄ᬓᬳᬶᬂᬲᬸᬩᬫ᭄ᬮᬄ᭟᭐ᬫᬲᬶᬄᬩᬳᬦ᭄ᬫᬢᬶᬍᬲᬂ᭞ᬳᬶᬗᭂᬢ᭄ᬓᬾᬦ᭄ᬳᬯᬓ᭄ᬫᬶᬲ᭄ᬓᬶᬦ᭄᭞ᬳᬧᬂᬳ᭄ᬤᬵᬩᭂᬲᬗᭂᬢᬦ᭄᭞ᬗᬯᬾᬳᬸᬘᬧᬦ᭄ᬢᬦ᭄ᬧᬢᬹᬢ᭄᭞ᬳᬧᬂᬩ᭄ᬦᭂ
ᬳᬾᬚᬮᬦᬂ᭞ᬓᬢᭂᬧ᭄ᬢᭂᬧᬶᬦ᭄᭞ᬫᭀᬫᭀᬫᬹᬃᬓ᭄ᬓᬦᬾᬳᬶᬮᬶᬤᬂ᭟᭐ᬢᬺᬱ᭄ᬡᬦᬾᬓᬮᬶᬯᬢ᭄ᬮᬶᬯᬢ᭄᭞ᬫᬧᬸᬫᬳᬦ᭄ᬮᬶᬦ᭄ᬢᬂᬓᬵᬲᬶᬄ᭞ᬤᬤᬶᬲᬸᬩᬕᬮᬂᬮᬶᬢᬦᬄ᭞ᬩᬗᬸᬦ᭄‌ᬧ᭄ᬲᬸ
ᬓᬬᭂᬄᬫᬦ᭄ᬥᬸᬲ᭄᭞ᬓᬓᬬᭂᬳᬦ᭄ᬧᬤᬤ᭄ᬯᬵᬦᬦ᭄᭞ᬫᬩᬺᬰᬶᬄ᭞ᬦᬾᬜᬦᬦ᭄ᬧᬘᬂᬫᬢᬶᬃᬣᬵ᭟᭐ᬲᬸᬩᬚᬦᬶᬢᬢᬲᬼᬫᬄ᭞ᬲᬸᬳᬸᬤ᭄ᬫᬦ᭄ᬤᬸᬲ᭄ᬮᬢᬲ᭄‌ᬫᬸᬮᬶᬄ᭞ᬢ᭄ᬓᭂᬤ᭄ᬚᬸᬫᬄᬬ

[᭕᭘ 58A]
᭕᭘
ᬫᬧᬬᬲ᭄᭞ᬲᬶᬲᬸᬩᭂᬦ᭄ᬳᬦᬓᬾᬮ᭄ᬬᬸᬲᭀᬭᭀᬄᬢᬫ᭄ᬬᬸᬦᬾᬤᬶᬯᬗᬦ᭄᭞ᬢ᭄ᬓᬵᬢᬶᬢᬶᬩ᭄᭞ᬢ᭄ᬯᬭᬵᬳᬤᬫᬗ᭄ᬭᬸᬗ᭄ᬯᬂ᭟᭐ᬢᬫ᭄ᬬᬸᬦᬾᬮᬦᬂᬮᬦᬂ᭞ᬳᬶᬯᬬᬦ᭄ᬮᬾᬜ᭄ᬚᬸᬃᬜ
ᬧᬳᬶᬦ᭄᭞ᬲᬋᬂᬳᬶᬲ᭄ᬢ᭄ᬭᬶᬦᬾᬫᬓ᭄ᬚᬂ᭞ᬤᬾᬦᬶᬂᬧ᭄ᬭᬬᬦᬾᬳᬶᬓ᭄ᬢᬸᬢ᭄᭞ᬓᬭᬶᬗᬸᬬᬸᬓᬂᬚᬸᬫᬳᬦ᭄᭞ᬓᭂᬘᬸᬤ᭄ᬓᬸᬦᬶᬂ᭞ᬩᬳᬦ᭄ᬓ᭄ᬬᬧᬾᬫᬕᬤᬂ᭞ᬫᬲᬶᬄᬮᬯᬦᬶᬦ᭄ᬧᭂᬲ᭄ᬯᬦ᭄᭞ᬜ
ᬧᬳᬶᬤᬤᬦᬾᬲᬫᬶ᭞ᬢᬢᬶᬗᬮᬾᬲᬧᬂᬘᭀᬗᬄ᭞ᬤᬾᬦᬶᬂᬳᬦᬓᬾᬩᭂᬲ᭄‌ᬮ᭄ᬬᬸ᭞ᬓᬸᬤᬩᬳᬦ᭄ᬫᬜᬃᬯᬂ᭞ᬳᬧᬂᬲᬶᬫ᭄ᬧᬶᬃ᭞ᬤᬾᬦᬶᬂᬲᬭᬸᬦ᭄ᬫᬕᬤᬂ᭟᭐ᬢᬫ᭄ᬬᬸᬦᬾᬲᬸᬩᬫᬤ
ᬩ᭄ᬤᬩ᭄᭞ᬫᬓᬶᬭᬾᬧᬘᬂᬫᬮᬶᬗ᭄ᬕᬶᬄ᭞ᬧ᭄ᬭᬫᬾᬦᬓᬾᬲᬗ᭄ᬕ᭄ᬭᬳᬂ᭞ᬳ᭄ᬮᬸᬄᬫ᭄ᬯᬦᬶᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬚᬦ᭄ᬫᬸᬗ᭄ᬕᬄᬗ᭄ᬮᬶᬗ᭄ᬮᬶᬗ᭄ᬕᬶᬳᬂ᭞ᬲᬫ᭄ᬧᬸᬦ᭄ᬲᬫᬶ᭞ᬢᬫ᭄ᬬᬸᬦᬾᬲᬸᬳᬸᬤ᭄ᬫᬤᬳᬃ᭟᭐ᬩᬩᬦ᭄ᬢᭂᬦ᭄ [ 59 ][᭕᭘ 58B]
᭕᭘
ᬲᬸᬩᬵᬘᬸᬫᬤᬂ᭞ᬲᬲᬬᬸᬢ᭄ᬧᬚᭂᬕᬦ᭄ᬲᬫᬶ᭞ᬓᬩᬓ᭄ᬢᬵᬚᬦᬶᬓᬲᬗ᭄ᬕᬄ᭞ᬧᬤᬡ᭄ᬥᬦᬾᬲᬫ᭄ᬧᬸᬦ᭄ᬭᬯᬸᬄ᭞ᬗ᭄ᬯᬾᬤ᭄ᬥᬳᬶᬦ᭄ᬧ᭄ᬭᬋᬩ᭄ᬯᬦ᭄᭞ᬓ᭄ᬢᬸᬢ᭄ᬓᬯᬶ᭞ᬦᬢᬩᬦ᭄ᬧᭂᬦ᭄ᬫᬲᬓᬧᬦ᭄᭟᭐
ᬫᬲᬦ᭄ᬤᬶᬂᬚᬦᬶᬬᬫᬦ᭄ᬕᬓ᭄᭞ᬳ᭄ᬮᬸᬄᬢ᭄ᬓᬾᬦᬾᬫ᭄ᬯᬦᬶ᭞ᬢᬫ᭄ᬬᬸᬦᬾᬫᬓ᭄ᬚᬂᬳᬗᭀᬩ᭄᭞ᬩᬦ᭄ᬭᬸᬧᬦᬾᬮᬶᬦ᭄ᬢᬂᬳᬬᬸ᭞ᬳ᭄ᬮᬸᬄᬫ᭄ᬯᬦᬶᬢ᭄ᬯᬭᬵᬘᬾᬤᬵ᭞ᬲ᭄ᬥᭂᬂᬢᬡ᭄ᬥᬶᬂ᭞ᬩᬕᬸᬲ᭄‌ᬚ᭄ᬕᬾᬕ᭄ᬗᬬᬂᬗᬬᬂ᭟᭐
ᬳᬦ᭄ᬤᬾᬬᬂᬭᬶᬂᬳᬤᬶᬧᬃᬯ᭄ᬯᬵ᭞ᬲᬂᬲᬸᬪᬵᬤ᭄ᬭᬮᬦ᭄‌ᬤ᭄ᬭᬸᬧᬤᬶ᭞ᬫᬦᬸᬚᬸᬤᬶᬰᬾᬯᬫᬭᬵ᭞ᬮ᭄ᬬᬸᬧ᭄ᬭᬭᬢᬸᬦᬾᬩᬸᬤᬸᬄ᭞ᬫᬲᬶᬄᬳᬶᬤᬲᬗᬵᬃᬚ᭄ᬤᬦ᭞ᬯᬦ᭄ᬢᬄᬧᭀᬮᬶᬄ᭞ᬫᬸᬮᬵᬓᬃᬫ᭄ᬫᬲᬓᬶᬂ
ᬲ᭄ᬯᬃᬕ᭄ᬕᬦ᭄᭟᭐ᬧᬸᬧᬸᬢ᭄‌ᬜᬸᬭᬢ᭄ᬭᬶᬂᬭᬳᬶᬦᬵ᭞ᬘᭀᬫᬧ᭄ᬯᬦ᭄ᬩᬮᬵᬯ᭄ᬬᬓ᭄ᬢᬶ᭞ᬢᬗ᭄ᬕᬮ᭄ᬜᬦᬾᬧᬶᬂᬮᬶᬫᭀᬮᬲ᭄᭞ᬤᬤᬶᬧᬹᬃᬡ᭄ᬦᬫᬫᬢ᭄ᬫᬸ᭞ᬰᬰᬶᬄᬓ᭄ᬮᬶᬫᬵᬫᬦᭂᬫ᭄ᬯᬂ᭞ᬲᬦᬾᬫᬗ᭄ᬓᬶᬦ᭄᭞

[᭕᭙ 59A]
᭕᭙
ᬳ᭄ᬯᬄᬜᬦᬾᬓᬳᬶᬢᬸᬗᬂ᭟᭐ᬳ᭄ᬭᬄᬳ᭄ᬦᭂᬫᬾᬳᬸᬘᬧᬂ᭞ᬢᬗ᭄ᬕᬮ᭄ᬧᬶᬢᬸᬫᬦ᭄ᬫᭀᬦᬶᬦ᭄᭞ᬇᬰᬓᬦ᭄ᬜᬦᬾᬳᬶᬢᬸᬗᬂ᭞ᬧᬗᬾᬮᬶᬂᬗᬾᬮᬶᬗᬾᬧᬢᬹᬢ᭄᭞ᬲ᭄ᬬᬸᬤᭀᬫᬲ᭄ᬧᬶᬢᬸᬂᬤᬰ᭞
ᬫᬓᬲᬫᬶ᭞ᬢᬗ᭄ᬕᬸᬦ᭄ᬜᬦᬾᬦᭂᬫ᭄ᬢᭂᬫ᭄ᬯᬂ᭛᭐᭛ᬧᬸᬧᬸᬢ᭄ᬓᬢᬸᬭᬸᬦ᭄᭞ᬭᬶᬂᬤᬶᬦ᭞ᬅ᭞ᬓ᭞ᬯᬭ᭞ᬤᬸᬓᬸᬢ᭄᭟ᬢᬶᬢᬶ᭞ᬢᬂ᭞ᬧᬶᬂ᭞᭑᭒᭞ᬰᬰᬶᬄ᭞ᬓᬧᬶᬢᬸ᭟ᬭᬄ᭞᭑᭑᭞ᬢᭂᬗ᭄ᬕᭂᬓ᭄᭞᭙᭞ᬇ
ᬰᬓᬵ᭞᭑᭐᭙᭗᭞ᬯᬃᬱᬦᬶᬂᬮᭀᬓᬵ᭚᭐᭚ᬳᬶᬦᬦ᭄ᬮᭀᬦ᭄ᬢᬃᬧᬸᬦᬶᬓᬶᬲᬦᬾᬓᬢᬸᬭᬸᬦ᭄᭞ᬤ᭄ᬭᬶᬯᬾᬦ᭄‌ᬳᬶᬗᭂᬦ᭄ᬢᭂᬕ᭄᭞ᬭᬶᬂᬤᬾᬰᬫᬸᬜ᭄ᬘᬦ᭄᭚᭐᭚ᬲᬂᬫᬦᬸᬭᬸᬦ᭄᭞ᬳᬶᬤᬩᬕᬸᬲ᭄ᬫᬶᬓᬵ᭞ᬭᬶᬂᬕ᭄ᬭᬶ
ᬬᬥ᭄ᬯᬶᬧᬫᬸᬜ᭄ᬘᬦ᭄᭚᭐᭚ᬦ᭄ᬤᬄᬓ᭄ᬱᬦ᭄ᬢᬵᬩ᭄ᬬᬓ᭄ᬦᬓᬫᬸᬥᬦᬶᬂᬲᬗᬦᬹᬭᬢ᭄᭞ᬳᬧᬦ᭄ᬢᬦ᭄ᬤ᭄ᬭᬸᬳᬶᬂᬰᬲ᭄ᬢ᭄ᬭᬮᭀᬓᬶᬓᬵ᭞ᬬᬢᬵᬗ᭄ᬤᬾᬲ᭄ᬯᬵᬧᬹᬃᬡ᭄ᬦᬦᬶᬂᬲ᭄ᬯᬘᬶᬢ᭄ᬢ᭞ᬲᬂᬗᬫᬘᬾᬓᬶ᭞ᬲᬶᬦᬸᬂᬯᬭᬵᬫᬺᬢ᭄ᬢᬵ᭚᭐᭚ [ 60 ][᭕᭙ 59B]
᭕᭙
ᬮᬸᬫᬸᬓᬢᬂᬲᬧᬵᬧᬦᬶᬂᬅᬮ᭄ᬧᬰᬵᬲ᭄ᬢ᭄ᬭ᭟ᬤᬫ᭄ᬪᬾᬤᬭᬜ᭄ᬘᬫᬓ᭄ᬬᬀ᭞ᬯᬵᬦ᭄ᬬᬦᬗ᭄ᬕᬧ᭠ᬯᬘᬦᬵ᭚᭐᭚ᬒᬁ᭟᭐᭟