Ban/Gaguritan Madhya Palud

Deskripsi

Naskah

[ 1 ][PERPUSTAKAAN KTR. DOKBUD BALI PROP.BALI
G/XXVI/8/DOKBUD]
Judul: GAGURITAN MADHYA PALUD.
Pnj. 35 cm. Lb. 3,5 cm. Jl. 26 lb.
Asal: Bugbug, Karangasem.
[᭑ 1A] [ 2 ][᭑ 1B]
᭑
᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬫᬲᬶᬤᬀ᭛᭜᭛ᬧᬸᬄᬤᬸᬃᬫ᭄ᬫ᭛᭜᭛ᬤᬸᬃᬫᬫᬶᬢᬤᬸᬓᬾᬮ᭄ᬯᬲ᭄ᬓᬳᬸᬘᬧᬂ᭞ᬫᬜᬸᬗ᭄ᬲᬸᬂᬲᬸᬫᬧᬢᬶ᭞ᬫᬫᬶᬢᬸᬳᬸᬧᬶᬲᬦ᭄᭞
ᬓᬧᬶᬢ᭄ᬯᬶᬫᬗᬶᬭᬶᬗᬂ᭞ᬧᬵᬡ᭄ᬟᬶᬢᬩ᭄ᬭᬳ᭄ᬫᬵᬡᬋᬱᬶ᭞ᬩᬸᬮᬦᬮᬶᬢᬦ᭄᭞ᬲᬋᬂᬫᬗᬶᬧ᭄ᬝᬶᬮᬸᬯᬶᬄ᭟ᬘᬳᬶᬮᭀᬮᬧ᭄ᬬᬦᬓ᭄ᬩᬧᬳᬧᬂᬫ᭄ᬮᬄ᭞ᬢᬸᬫ᭄ᬩᬸᬄᬫᬚᬤ᭄ᬫᬤᬶ
ᬦᬶ᭞ᬤᬤᬶᬩ᭄ᬭᬳ᭄ᬫᬵᬯᬗ᭄ᬰ᭞ᬓᬮᬶᬦ᭄ᬢᬂᬲᭂᬗ᭄ᬓᬧᬶᬲᬦ᭄᭞ᬗᬾᬃᬢᬶᬬᬂᬫᬗ᭄ᬤᬾᬦᬾ᭠ᬩ᭄ᬘᬶᬓ᭄᭞ᬳᭂᬦ᭄ᬢᭀᬓ᭄ᬦᭂᬄᬓ᭄ᬦᭂᬳᬂᬤᬶᬳᬢᬶ᭟ᬲᬰ᭄ᬢ᭄ᬭᬳᬗ᭄ᬕᭀᬦ᭄ᬘᬳᬶᬫᬾᬫᬾᬫᬶᬯᬄ᭠
ᬩᬧ᭞ᬤᬶᬢᬸᬢᬓᭀᬦᬗᬮᬶᬄ᭞ᬮᬓ᭄ᬱᬡᬦᬾᬫᭂᬮᬄ᭞ᬲᬸᬩᬬᬳᬤᬫᬓᭂᬚᬂ᭞ᬦᬾᬦᬾᬫᬤᬦ᭄ᬩᭂᬦᭂᬄᬧᭂᬮᬶᬄ᭞ᬧᬂᬘᬳᬶᬦᬯᬂ᭞ᬢᬓᭀᬦᬂᬲᬳᬶᬲᬳᬶ᭟
[᭒ 2A]
ᬬᬾᬦ᭄ᬘᬳᬶᬲᬸᬩᬢᬢᬲ᭄ᬢᭂᬓᬾᬦ᭄ᬲᬰ᭄ᬢ᭄ᬭ᭞ᬢᬢ᭄ᬯᬦ᭄ᬜᬦᬾᬦ᭄ᬢᭀᬕᬸᬮᬶᬓ᭄᭞ᬳᭂ᭠ᬦ᭄ᬢᭀᬧ᭄ᬟᬲᬂᬧᬶᬲᬦ᭄᭞ᬳᬧᬂᬳ᭄ᬤᬲᬮᬄᬧᬭ᭞ᬳᬦᬓ᭄ᬮᬶᬯᬢ᭄ᬲᭂᬗ᭄ᬓᬕᬢᬶ᭞ᬫᬩᬸᬤᬶ᭠
ᬦᬯᬂ᭞ᬢᬢᬲᬂᬤᬶᬚ᭄ᬭᭀᬦᬶᬗ᭄ᬳᬢᬶ᭟ᬲᬶᬜᬳᬤᬳᬦᬓ᭄ᬗᭂᬦ᭄ᬟᭀᬕᬶᬦ᭄ᬓᬭᬸ᭠ᬡ᭞ᬗᬸᬘᬧᬂᬲᬰ᭄ᬢ᭄ᬭᬮᬸᬯᬶᬄ᭞ᬤᬦ᭄ᬤᬾᬦ᭄ᬫᬗ᭄ᬕᬾᬯᭀᬓᬂ᭞ᬧᬶᬦᭂᬄᬧᬶᬦᭂᬄᬓᭂᬦᭂᬳᬂ᭞ᬳ᭄ᬤᬧ
ᬢᬶᬫᬗᬶᬤᭀᬗᬶᬦ᭄᭞ᬳᬸᬲᬸᬤ᭄ᬢᬓᭀᬦᬂ᭞ᬳᬧᬂᬫᬗᬸᬦ᭄ᬢᭂᬂᬧᬲ᭄ᬢᬶ᭟ᬮᬶᬬᬸᬦᬓ᭄ᬤᭂᬫᭂᬦ᭄ᬫᬳᭂᬦ᭄ᬤᭀᬕ᭄ᬳᭂᬦ᭄ᬤᭀᬕᬦ᭄᭞ᬗᬸᬘᬧᬂᬲᬧ᭄ᬢᬕᭂᬦᬶ᭞ᬫᬶᬯᬄᬲᬧ᭄ᬢᬒᬁᬓᬭ
᭞ᬮᬯᬦ᭄ᬲᬧ᭄ᬢᬢᬶᬃᬣ᭞ᬲᬧ᭄ᬢᬧ᭄ᬢᬮᬦᬾᬘᬳᬶ᭞ᬲᬧ᭄ᬢᬧᬃᬯ᭄ᬯᬢ᭞ᬲᬧ᭄ᬢᬳᬢ᭄ᬫᬦᬾᬫᬮᬶᬄ᭟ᬲᬦᬾᬤᬤᬶᬫᬫᬤᬦ᭄ᬲᬧ᭄ᬢᬲᬵᬕᬭ᭞ᬩᬧᬗᭀᬭᬳᬶᬦ᭄ᬘᬳᬶ [ 3 ][᭒ 2B]
᭒
᭞ᬳᬦ᭄ᬢᭀᬫᬯᬓ᭄ᬢᬸᬗ᭄ᬕᬮ᭄᭞ᬧᬫᬸᬧᬸᬢ᭄ᬜᬦᬾᬧᬶᬲᬦ᭄᭞ᬲᬂᬭᬵᬫᬳᬭᬦᬾᬘᬳᬶ᭞ᬳᭂᬦ᭄ᬢᭀᬗᬤᬓᬂ᭞ᬲᬧ᭄ᬢᬑᬁᬗ᭄ᬓᬭᬦᬾᬲᬫᬶ᭟ᬬᬤᬤᬶᬧᬜ᭄ᬘᬵᬓ᭄ᬱᬭᬮ
ᬦ᭄ᬧᬜ᭄ᬘᬩ᭄ᬭᬳ᭄ᬫᬵ᭞ᬢ᭄ᬯᬶᬅᬓ᭄ᬱᬭᬦᬾᬘᬳᬶ᭞ᬫᬶᬯᬄᬭ᭄ᬯᬪᬶᬦᬾᬤ᭞ᬮᬯᬦᬾᬓᬵᬓ᭄ᬱᬭ᭞ᬯ᭄ᬬᬤᬶᬦ᭄ᬤᬾᬯᬳᬢ᭄ᬫᬲᬫᬶ᭞ᬫᬓᬤᬶᬓᬵᬮ᭞ᬮᬯᬦ᭄ᬮᬾᬬᬓᬾ
ᬲᬫᬶ᭟ᬬᬤᬶᬦ᭄ᬲᭂᬕᭂᬃᬬᬤᬶᬦ᭄ᬮᬭᬦ᭄ᬢᭀᬗᬤᬓᬂ᭞ᬳᭂᬦ᭄ᬢᭀᬢᬢᬲᬂᬲᬳᬶ᭞ᬕᬢ᭄ᬬᬂᬫᬗᭂᬦᭂᬳᬂ᭞ᬩᭂᬲᬶᬓ᭄ᬩᭂᬲᬶᬓ᭄ᬧᭂᬤᬲᬂ᭞ᬲᬶᬜᬳᬤᬳᬶᬘᬦ᭄ᬯᬶᬥᬶ᭞ᬳᬶᬘ
ᬗᬯᬾᬍᬕ᭞ᬦᬗ᭄ᬳᬶᬂᬢᭀᬂᬲᬶᬤᬩᬦ᭄ᬘᬳᬶ᭟ᬬᬤᬶᬦ᭄ᬘᬳᬶᬫᬦᬸᬦᬲᬧ᭄ᬢᭂᬍᬫᬄ᭞ᬭᬶᬗᬶᬤᬤᬦᬾᬳᬸᬦᬶᬂ᭞ᬜᬸᬫ᭄ᬩᬄᬩᬸᬲᬦ᭄ᬩᬸᬲᬦ᭄᭞ᬓᬾᬳᬾᬗ᭄ᬕᬮ
[᭓ 3A]
ᬦ᭄ᬢᬧᬓ᭄᭞ᬩᬸᬦ᭄ᬩᬸᬦᬦ᭄ᬘᬳᬶᬦᬾᬲᬓᬶᬢ᭄᭞ᬗ᭄ᬕᬶᬗᬶᬤᭀᬂᬳᬶᬬ᭞ᬗᬶᬘᬾ᭠ᬦᬶᬦᬦᬶᬥᭂᬧ᭄ᬘᬳᬶ᭟ᬳᬦᬓ᭄ᬮ᭄ᬬᬸᬗᬸᬘᬧᬂᬲᭀᬭᭀᬄᬉᬢ᭄ᬢᬫ᭞ᬧᬥᬲᭂᬮᬾᬂᬮᬶ
ᬗ᭄ᬕᬾᬦᬶᬦ᭄᭞ᬬᬗᬸᬘᬧᬂᬲᬰ᭄ᬢ᭄ᬭ᭞ᬧᬥᬮᬶᬦ᭄ᬢᬂᬉᬢ᭄ᬢᬫ᭞ᬦᬗ᭄ᬳᬶᬂᬧ᭄ᬭᬕᬢ᭄ᬮᬶᬗᬶᬂᬳᬚᬶ᭞ᬓᬾᬢᭀᬤᬕᬶᬂᬜ᭞ᬩᬧᬗᭀᬭᬳᬶᬦ᭄ᬘᬳᬶ᭟ᬫᬤ᭄ᬬᬧᬮᬸᬤ᭄ᬳᬸᬫ
ᬢᬸᬃᬲᬳᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬲᬳᬶᬭᬶᬂ᭞ᬬᬦ᭄ᬯᬦ᭄ᬢᬄᬓᬲᬶᬤᬦ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬺᬕᭂᬧᬂ᭞ᬲᬭᬫᬳᬭᬦᬾᬳᬸᬕᬶ᭞ᬭᬶᬂᬦᬩᬲ᭄ᬢᬮ᭞ᬗᬢᭂᬧᬂᬕᬸᬫᬶ᭠
ᬮᬗᬶᬢ᭄᭞ᬩᭀᬬᬧᬢᬹᬢ᭄ᬧᬸᬦᬶᬓᬲᬗ᭄ᬳ᭄ᬬᬂᬅᬤ᭄ᬯᬬ᭞ᬫᬯᬓ᭄ᬧ᭄ᬭᬡ᭠ᬚᬢᬶ᭞ᬫᬲᬭᬶᬦᬶᬲ᭄ᬓᬮ᭞ᬧᬸᬦᬶᬓᬫᬦᬳᬂᬢᬶᬢ᭄ᬬᬂ᭞ᬯᬦ᭄ᬢᬄᬢᬶᬗ᭄ᬓᬄᬲᬸᬤᬓ᭄ᬰ᭄ᬯᬭᬷ [ 4 ][᭓ 3B]
᭓
᭞ᬫᬦ᭄ᬤᬤᭀᬲ᭄ᬫ᭄ᬭᬕ᭞ᬲᬗ᭄ᬳ᭄ᬬᬂᬲᬤ᭄ᬬᬵᬢ᭄ᬓᬺᬢᬶ᭟ᬬᬾᬦᬶᬂᬲ᭄ᬯᬃᬕ᭄ᬕᬦᬭᬓᬫᬦᬳᬂᬢᬶᬢ᭄ᬬᬂ᭞ᬧᬸᬦᬶᬓᬫᬯᬓ᭄ᬢᬸᬗ᭄ᬕᬶᬮ᭄᭞ᬭᬶᬂᬓᬸᬡ᭄ᬟᬭᬳᬧ᭄ᬬ᭞ᬬᬦ᭄ᬓᬯᬄᬫ᭄ᬭᬢ᭄ᬬᬸ
ᬓᬸᬡ᭄ᬟ᭞ᬬᬾᬦᬶᬂᬲ᭄ᬯᬃᬕ᭄ᬕᬫᬺᬢ᭄ᬬᬸᬓᬸᬡ᭄ᬟᬶ᭞ᬯᬦ᭄ᬢᬄᬧᬸᬦᬶᬓ᭞ᬫ᭄ᬯᬲ᭄ᬳᬲᬧ᭄ᬳᬯᬾᬘᬶ᭟ᬩᭂᬦᭂᬄᬫᬸᬜᬶᬦ᭄ᬘᬳᬶᬢ᭄ᬓᬾᬦ᭄ᬩᬧ᭞ᬳᬸᬮᬶᬤᬶᬲᬧ᭄ᬢᬯᬾᬘᬶ᭞ᬧᬦᬗ᭄ᬓᬦᬶᬂ
ᬤᬾᬯ᭞ᬫᬓᬤᬶᬲᬗ᭄ᬳ᭄ᬬᬂᬅᬢ᭄ᬫ᭞ᬗᬶᬭᬶᬂᬲᬗ᭄ᬳ᭄ᬬᬂᬫ᭄ᬭᬚᬧᬢᬶ᭟ᬳᭂᬦ᭄ᬢᬾᬓᭂᬦᭂᬳᬂ᭞ᬲᬶᬧ᭄ᬢᬦ᭄ᬩᬧᬭᬶᬂᬘᬳᬶ᭟ᬫᬦᬶᬧ᭄ᬯᬦ᭄ᬲᬶᬜᬳᬤᬳᬶᬘᬦ᭄ᬤᬾᬯ᭞ᬲᬶᬦᬤ᭄ᬬ
ᬩᬦ᭄ᬘᬳᬶ᭞ᬗᬸᬕᬸᬓᬤ᭄ᬬᬢ᭄ᬫᬶᬓᬦ᭄᭞ᬗᬮᬶᬄᬦᬾᬉᬢ᭄ᬢᬫ᭞ᬲᬶᬜᬩᬧᬲᬸᬩᬫᬵᬢᬶ᭞ᬤᬶᬢᬸᬢᬓᭀᬦᬂ᭞ᬳᬮᬶᬄᬤᬶᬲᬧ᭄ᬢᬯᬾᬘᬶ᭟ᬲᬸᬩᬤᬶᬢᬸᬳᬮᬶᬄ
[᭔ 4A]
ᬳᬶᬬᬘᬳᬶᬩᬧ᭞ᬢᭀᬂᬢᭂᬧᬸᬓ᭄ᬩᬳᬦ᭄ᬘᬳᬶ᭞ᬓᬮᬶᬄᬢᭀᬂᬓᬲᬸᬧᬢ᭄᭞᭠ᬩᬦ᭄ᬘᬳᬶᬲᬗ᭄ᬳ᭄ᬬᬂᬅᬢ᭄ᬫ᭞ᬢ᭄ᬯᬭᬦᬯᬂᬲᬧ᭄ᬢᬯᬾᬘᬶ᭞ᬬᬦ᭄ᬘᬳᬶᬩᬶᬲ᭞ᬳᬦ᭄ᬢᭀᬫᬤ
ᬦ᭄ᬲ᭄ᬯᬃᬕ᭄ᬕᬮᬸᬯᬶᬄ᭟ᬬᬤ᭄ᬬᬦ᭄ᬘᬳᬶᬢᬢᬲ᭄ᬦᬯᬂᬓᬤ᭄ᬬᬢ᭄ᬫᬶᬓᬦ᭄᭞ᬢᭀᬗᭀᬲ᭄ᬤᬾᬯᬦᬾᬲᬫᬶ᭞ᬉᬢ᭄ᬧ᭄ᬢᬶᬧ᭄ᬭᬮᬷᬡ᭞ᬧᬲᬸᬓ᭄ᬯᭂᬢᬸᬫᬓᭂᬚᬂ᭞ᬢ᭄ᬯᬭᬦᬯᬂᬲᬧ᭄ᬢᬯᬾᬘᬶ
᭞ᬢ᭄ᬯᬭᬓᭀᬕᬯᬾᬜ᭞ᬫᬜ᭄ᬮᬗᬂᬘᬳᬶᬳᬸᬦᬶᬂ᭟ᬳ᭄ᬦᬸᬗ᭄ᬮᬬᬂᬓᬢᬶᬓ᭄ᬢᬸᬜ᭄ᬚᬸᬗᬾᬗ᭄ᬮᬫ᭄ᬩᬬᬂ᭞ᬢᭀᬦ᭄ᬤᬾᬘᬦ᭄ᬢᭂᬓᭂᬤ᭄ᬓᬳᬸᬫ᭄ᬩᬶ᭞ᬢ᭄ᬯᬭᬓᭀᬕᬯᬾᬜ᭞ᬩᬳᬦ᭄ᬘᬳᬶᬗᬺ᭠
ᬕᭂᬧᬂ᭞ᬗᬸᬧᭂᬢ᭄ᬬᬂᬲᬗ᭄ᬳ᭄ᬬᬂᬯᬶᬥᬶ᭞ᬲᭀᬓ᭄ᬗᬤᬸᬩᬶᬓᬲ᭄᭞ᬗ᭄ᬕ᭄ᬭᬡᬲᬶᬓᬫᬫᬸᬱ᭄ᬝᬶ᭟᭠ᬲᭀᬓ᭄ᬫᬗ᭄ᬮᭂᬬᭂᬧ᭄ᬫᬗᬸᬬᬸᬓ᭄ᬜᬗ᭄ᬓᬳᬗ᭄ᬓᬶᬳᬦ᭄᭞ᬢᭀᬦ᭄ᬤᬾᬦ᭄ᬓᬃᬯ᭄ᬯᬦ᭄ᬫᬗ᭄ᬕᬶᬮᬶᬮ᭄᭞ᬩᬦ᭄ᬘᬳᬶ᭠ [ 5 ][᭔ 4B]
᭔
ᬗᬺᬤᬦ᭞ᬫᬗᬾᬓᬲᬗ᭄ᬳ᭄ᬬᬂᬫᬦ᭄ᬢ᭄ᬭ᭞ᬦ᭄ᬢᭀᬧᭂᬤᬲᬂᬢᬧᬂᬧᬲ᭄ᬢᬶ᭞ᬤᬫ᭄ᬩᬳᬂᬲ᭠ᬫᬃ᭞ᬳᬧᬂᬬᬫ᭄ᬭᬕᬚᬢᬶ᭛᭜᭛ᬧᬸᬄᬩᬸᬗᬦ᭄ᬩᬶᬦ᭄ᬢᬓ᭄᭛᭜᭛ᬳᬶᬫ
ᬤ᭄ᬬᬧᬮᬸᬤ᭄ᬫᬢᬸᬭ᭞ᬢᬶᬢ᭄ᬬᬂᬯᬦ᭄ᬢᬄᬮᬲ᭄ᬫᬗᬶᬭᬶᬂ᭞ᬮᬶᬦ᭄ᬢᬂᬧᬢᬹᬢ᭄ᬲᬫᬶᬩᬧ᭞᭠ᬢᬶᬢ᭄ᬬᬂᬫᬦᬸᬦᬲᬂᬫᬮᬶᬄ᭞ᬦᬶᬭᬦ᭄ᬟᬾᬂᬤᬶᬭᬄᬦᬫᬶ᭞ᬫᬶᬯᬄᬫ᭄ᬧᬸᬩ᭄ᬭᬤᬄᬧᬸᬦᬶᬓᬸ᭞
ᬦᬾᬳᭂᬗ᭄ᬓᬾᬦ᭄ᬲᬦᬾᬫ᭄ᬭᬕ᭞ᬧᬸᬦᬶᬓᬦᬾᬫᬓᬓᬮᬶᬄ᭞ᬗ᭄ᬕᬶᬄᬦ᭄ᬤᬶᬓᬬᬂ᭞ᬫᬗ᭄ᬤᬢᬶᬢ᭄ᬬᬂᬬᬳᬸᬦᬶᬗ᭟ᬦᬄᬬᬦ᭄ᬢᭀᬦᬾᬓᬢᬓᭀᬦᬂ᭞ᬘᬳᬶᬳ᭄ᬓᬾᬦ᭄ᬩᬧᬚᬦᬶ᭞ᬬ
ᬦᬾᬫᬗ᭄ᬭᬕᬦᬶᬦᬶᬤ᭞ᬭᬦ᭄ᬤᬾᬂᬤᬶᬭᬄᬫᬶᬦᬓᬤᬶ᭞ᬳᭂᬫ᭄ᬧᬸᬩ᭄ᬭᬤᬄᬓᬂᬦᬫᬶ᭞ᬦ᭄ᬢᭀᬳᬃᬤ᭄ᬟᬦᬭᬾᬰ᭄ᬯᬭᬷᬓᬸ᭞ᬪᬝᬭᬷᬮᬯᬦ᭄ᬪᬝᬭ᭞ᬳᬧᬂᬘᬳᬶᬢᬢᬲ᭄ᬳᬸᬦᬶᬂ᭞
[᭕ 5A]
ᬤᬾᬦᬶᬗᬶᬤ᭞ᬮᬶᬦ᭄ᬢᬂᬰᬓ᭄ᬢᬶᬫᬉᬢ᭄ᬢᬫ᭟ᬳᭂᬦ᭄ᬢᭀᬮᬶᬦ᭄ᬢᬂᬲᭂᬗ᭄ᬓᬧᬶᬲᬦ᭄᭞ᬫᬗᬢᭂᬧᬂᬳᬶᬤᬚᬦᬶ᭞ᬦᬾᬦᬾᬤᬤ᭄ᬯᬳᬧᬂᬢᬸᬗ᭄ᬕᬮ᭄᭞ᬳᬫ᭄ᬩᬮ᭄ᬢᭀᬩᬧᬜᬶᬧ᭄ᬢᬳᬶ
ᬦ᭄᭞ᬫᬲᬢ᭄ᬯᬭᬵᬤᬤᬶᬳᬢᬶ᭞ᬳᬶᬫᬤ᭄ᬬᬧᬮᬸᬤ᭄ᬳᬸᬫᬢᬸᬃ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬓ᭠ᬤᬶᬮᬗ᭄ᬕ᭄ᬬ᭞ᬦᬍᬃᬫᬫᬦᬄᬧᬗᬸᬦᬶᬂ᭞ᬲᬦᬾᬫᬗ᭄ᬓᬶᬦ᭄᭞ᬯ᭄ᬢᬸᬦᬶᬂᬲᬹᬃᬬ᭄ᬬᬘᬦ᭄ᬟ᭄ᬭ᭟ᬫᬶ
ᬯᬄᬳᬶᬩᬶᬦ᭄ᬢᬂᬢᬺᬗ᭄ᬕᬡ᭞ᬧᬸᬦᬶᬓᬢᬶᬢ᭄ᬬᬂᬦ᭄ᬤᬶᬓᬳᬶᬦ᭄᭞ᬦᬄᬩᬧᬚᬦᬶᬗᭀ᭠ᬭᬳᬂ᭞ᬧᬤᬶᬗᭂᬳᬂᬳᬧᬂᬧᬲ᭄ᬢᬶ᭞ᬬᬦᬶᬂᬲᬸᬃᬬ᭄ᬬᬘᬘᬦ᭄ᬟ᭄ᬭᬘ᭄ᬦᬶᬂ᭞ᬫᬓᬢᭂᬕᬓᬦ᭄ᬧᬸᬦᬶᬓᬸ
᭞ᬫᬶᬯᬄᬳᬶᬩᬶᬦ᭄ᬢᬂᬢᬺᬗ᭄ᬕᬡ᭞ᬫᬓᬢᭂᬤᬸᬗᬢ᭄ᬫᬚᬢᬶ᭞ᬯᬳ᭄ᬬᬧᬶᬲᬦ᭄᭞ᬩ᭠ᬳᬦ᭄ᬩᬧᬫᬗᭀᬭᬳᬂ᭟ᬳᭂᬦ᭄ᬢᭀᬦᬾᬚᬦᬶᬓᭂᬦᭂᬳᬂ᭞ᬧᬶᬦᭂᬄᬫᬸᬜᬶᬦ᭄ᬩᬧᬚᬦᬶ [ 6 ][᭕ 5B]
᭕
᭞ᬳᬸᬮᬶᬚᬦᬶᬬᬓᬾᬃᬢᬶᬬᬂ᭞ᬳᬧᬂᬓᬲᬶᬤᬦ᭄ᬩᬦ᭄ᬘᭂᬦᬶᬂ᭞ᬤᬸᬫᬤᬓ᭄ᬲᬶᬳᬶᬂᬯᬶ᭠ᬥᬶ᭞ᬦᬾᬦᬾᬯᬳ᭄ᬬᬵᬧᬂᬓᬢᭂᬧᬸᬓ᭄᭞ᬦᬗ᭄ᬳᬶᬂᬧᬲ᭄ᬢ᭄ᬬᬫᬢᬶᬗ᭄ᬓᬄ᭞ᬫᬗᬾᬲᬢᬶᬳᬶᬥᭂ᭠
ᬧᬾᬳ᭄ᬦᬶᬂ᭞ᬦᬾᬤ᭄ᬬᬢ᭄ᬫᬶᬓ᭞ᬚᬧᬫᬦ᭄ᬢ᭄ᬭᬮᬦ᭄ᬲᬵᬫᬥ᭄ᬬ᭟ᬓᭂᬦᭂᬳᬾᬦᬾᬦᬾᬦᬶᬃᬫ᭄ᬫᬮ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬦᬦᬲ᭄ᬲᬳᬶ᭞ᬫᬦᬲᬭᬶᬦ᭄ᬲᬂᬗ᭄ᬳ᭄ᬬᬯᬶᬥ᭄ᬬ᭞ᬭᬶᬂᬧᬤ᭄ᬫᬫᭂ
ᬓᬃᬉᬧᭂᬢᬶ᭞ᬤᬶᬢᬸᬳᬶᬬᬳᬮᬶᬄᬘᬳᬶ᭞ᬳᬶᬩᬧᬮᬯᬦ᭄ᬬᬗᬶᬩᬸ᭞ᬧ᭄ᬭᬢᬶ᭠ᬲ᭄ᬢᬳᬧᬂᬧᬲ᭄ᬢ᭄ᬬ᭞ᬋᬕᭂᬧᬺᬤᬦᬬᬂᬘᬳᬶ᭞ᬳᬧᬂᬯᬳ᭄ᬬ᭞ᬳᭂᬦ᭄ᬢᭀᬦᬾᬦᬾᬧᬘᬂᬲᬸ
ᬫ᭄ᬩᬄ᭟ᬬᬮ᭄ᬯᬶᬃᬳᬸᬦ᭄ᬟᬓᬦᬾᬜᬮ᭄ᬬ᭞ᬢ᭄ᬯᬄᬦ᭄ᬢᭀᬳᬶᬤᬦᬾᬳᬸᬧ᭄ᬢᬶ᭞ᬬᬦ᭄ᬯᬦ᭄ᬢᬄᬘᬳᬶᬫᬦᬯᬂ᭞ᬳᬧᬂᬳᭂᬤᬜᭂᬮ᭄ᬲᬺᬮ᭄ᬚᬦᬶ᭞ᬢ᭄ᬓᬫᬜᬸᬫ᭄ᬩᬄᬫᬗᬾᬲ᭄ᬢᬶ᭞ᬢ᭄ᬯᬭᬦᬯ᭄ᬯ
[᭖ 6A]
ᬦ᭄ᬦᬾᬓᬢᬚᬸ᭞ᬓᬾᬯᬮᬘᬳᬶᬫᬜᬸᬫ᭄ᬩᬄ᭞ᬬᬾᬦᬧᬦᬾᬲᬸᬫ᭄ᬩᬄᬘᬳᬶ᭞ᬚᬦ᭄ᬫᬧᬮ᭄ᬲᬸ᭞ᬓᭀᬭᬶᬂᬲᬗ᭄ᬳ᭄ᬬᬢᬲ᭄ᬢ᭄ᬭ᭟ᬭᬾᬄᬘᬳᬶᬢᬦ᭄ᬦᬯᬗᬯᬓ᭄᭞ᬲᬗ᭄ᬓᬦ᭄ᬲᭂ
ᬗ᭄ᬓᬫᬦᬸᬫᬤᬶ᭞ᬦᬾᬚᬦᬶᬤᬶᬦᬶᬢᬸᬦᬲᬂ᭞ᬳᬸᬭᬶᬧᬾᬫᬗᬦ᭄ᬢᬶᬳᬦ᭄ᬢᬶ᭞ᬲᬗ᭄ᬓᬦ᭄ᬧᬕᬯᬾᬦᬂᬚᬦᬶ᭞ᬦᬾᬦᬾᬢᬫᬳᬸᬮᬶᬫᬮᬸ᭞ᬫᬦᬶᬧ᭄ᬯᬦᬧᬗᬳᭂᬤ᭞
ᬮᬶᬦ᭄ᬢᬦ᭄ᬭᬓᬓᬢᭂᬓᬶᬦ᭄᭞ᬳᬲ᭄ᬢᬶᬢᬶᬬᬂ᭞ᬳᬧᬂᬢᬶᬦ᭄ᬤᬶᬄᬢ᭄ᬓᬾᬦᬯᬓ᭄᭟ᬦᬗ᭄ᬳᬶᬂᬘᬳᬶᬳᭂᬤᬗᭂᬗ᭄ᬲᬧ᭄᭞ᬢᭂᬓᬾᬦ᭄ᬢ᭄ᬭᬲ᭄ᬢ᭄ᬭᬳᬧᬂᬢᬶᬮᬶᬂ᭞ᬫᬓᬤᬶᬪᬓ᭄ᬢᬶᬭᬶᬂᬤᬾᬯ᭞
ᬫ᭄ᬯᬄᬚᬧᬫᬦ᭄ᬢ᭄ᬭᬲᬵᬫᬥᬶ᭞ᬦ᭄ᬢᭀᬧᬕᭂᬳᬂᬧᬶᬲᬦ᭄ᬘᬳᬶ᭞ᬓᬧᬶᬢ᭄ᬯᬶᬜᬘᬳᬶ᭠ᬮᬫ᭄ᬧᬸᬲ᭄᭞ᬧᬹᬕᭂᬧᬂᬳᬧᬂᬲᬚᬶ᭞ᬤᬶᬢᬸᬧᬘᬂᬕᭂᬮᬄᬘᬳᬶ᭞ᬳᬧᬂᬫᭂᬮᬄ᭞ᬧ᭠ [ 7 ][᭖ 6B]
᭖
ᬕᭂᬳᬂᬳᭂᬦ᭄ᬢᬾᬳᬶᬗᭂᬢᬂ᭟ᬫᬸᬜᬶᬦ᭄ᬩᬧᬦᬾᬫᬓᭂᬚᬂ᭞ᬓᬾᬯᬮᬳᭂᬤ᭠ᬳᭂᬗ᭄ᬲᬧᬶᬦ᭄᭞ᬫᬫᬋᬓᬦ᭄ᬓᬩᬜ᭄ᬘᬶᬗᬄ᭞ᬬᬤᬶᬦᬮᬳᬬᬸᬩᭂᬘᬶᬓ᭄᭞ᬳᬧᬂᬲᬶ
ᬤᬘᬳᬶᬗᬶᬭᬶᬂ᭞ᬳᬶᬫᬤ᭄ᬬᬧᬮᬸᬤ᭄ᬫᬳᬢᬸᬃ᭞ᬬᬦ᭄ᬓᬲᬶᬤᬦᬦ᭄ᬢᬸᬓ᭄ᬢᬶᬢ᭄ᬬᬂ᭞᭠ᬦᬸᬦᬲᬂᬭᬶᬂᬲᬂᬳ᭄ᬬᬂᬯᬶᬥᬶ᭞ᬫᬗ᭄ᬤᬲᬶᬤ᭞ᬲᬮᬓ᭄ᬯᬲᬾᬮ᭄ᬯᬦᬶᬂᬢᬸᬯᬲ᭄᭟ᬢᭂᬓᬦᬶᬂ᭠
ᬲᬧᬢᬶᬕᭂᬲᬂ᭞ᬩᬶᬮᬶᬄᬓᬲᬶᬤᬦ᭄ᬫᬗᬶᬭᬶᬂ᭞ᬩᭂᬦᭂᬘᬳᬶᬫᬦᬶᬦ᭄ᬟᬶᬳᬂ᭞ᬳᭂᬦ᭄ᬢᭀᬫᬤᬦ᭄ᬟᬃᬫᬚᬢᬶ᭞ᬮᬓ᭄ᬱᬡᬦᬾᬦᬾᬦᬾᬧᬲ᭄ᬢᬶ᭞ᬉᬢ᭄ᬢᬫᬬᬂᬳᬧᬂᬫᬦᬹ᭠
ᬢ᭄᭞ᬲᬢᭂᬓᬦᬶᬗᬦ᭄ᬢᬓ᭞ᬫᬫᬸᬧᭀᬦᬶᬦ᭄ᬧᬸᬮᬓᭂᬃᬣᬶ᭞ᬳᬧᬂᬢᭂᬓᭂᬤ᭄᭞᭠ᬓᬩ᭄ᬭᬳ᭄ᬫᬮᭀᬓᬫᬫᬸᬓ᭄ᬢ᭄ᬬᬂ᭟ᬳᬶᬫᬤ᭄ᬬᬧᬮᬸᬤ᭄ᬫᬢᬸᬭ᭞ᬢᬶᬢ᭄ᬬᬂᬫᬗᬶᬭᬶᬗᬂᬳᬸ᭠
[᭗ 7A]
ᬕᬶ᭞ᬓᬮᬶᬄᬢᬶᬢ᭄ᬬᬂᬫᬦᬸᬦᬲᬂ᭞ᬲᬦᬾᬓᭀᬘᬧ᭄ᬩ᭄ᬭᬳ᭄ᬫᬵᬮᭀᬓᬶ᭞ᬫᬗ᭄ᬤᬢᬶ᭠ᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬩᬧᬦ᭄ᬜᬫᬮᬶᬄᬫᬲᬯᬸᬃ᭞ᬦᬄᬦᬾᬚᬦᬶᬧᬤᬶᬗᭂᬗᬂ᭞ᬲᬶᬕᭂ᭠
ᬫᬂᬳᬧᬗᬧᬲ᭄ᬢᬶ᭞ᬳᭂᬦ᭄ᬢᭀᬳᬤ᭞ᬦᬾᬫᬳᬤᬦ᭄ᬚᬕᬺᬧᬤ᭟ᬳᭂᬦ᭄ᬢᬾᬫᬤᬦ᭄ᬩ᭄ᬭᬳ᭄ᬫᬵᬮᭀᬓ᭞ᬬᬾᬦᬶᬂᬯᬶᬱ᭄ᬡᬸᬮᭀᬓᬫᬮᬶᬄ᭞ᬳᭂᬦ᭄ᬢᬾᬫᬤᬦ᭄ᬲᬧ᭄ᬢ
ᬧᬤ᭞ᬬᬦ᭄‌ᬇᬰ᭄ᬯᬭᬮᭀᬓᬘᬳᬶ᭞ᬳᬤᬦ᭄ᬲ᭄ᬯᬧ᭄ᬦᬚᬢᬶ᭞ᬢᬸᬃᬳᬶᬬᬧᬤ᭠ᬳᬶᬓᬸ᭞ᬳᭂᬦ᭄ᬢᬾᬫᬤᬦ᭄ᬤᬾᬯᬮᭀᬓ᭞ᬢᬸᬃᬬ᭄ᬬᬦ᭄ᬢᬧᬤᬦᬾᬩᬸᬯᬶᬦ᭄᭞ᬦ᭄ᬢᭀ
ᬦᬾᬫᬤᬦ᭄᭞ᬓᬦ᭄ᬢᭂᬦᬂᬯᬳ᭄ᬬᬚᬢᬶᬦ᭄ᬬ᭟ᬰᬶᬯᬮᭀᬓᬳᬧᬂᬧᭂᬤᬲ᭄᭟ᬓᬾᬯᬮᬦᬾᬩᬸᬯᬶᬦᬤ᭞ᬲᬤᬰᬶᬯᬮᭀᬓᬘᭂᬦᬶᬂ᭞ᬫᬤᬦ᭄ᬧ᭄ᬭᬫᬓᬾᬯ᭠ [ 8 ][᭗ 7B]
᭗
ᬮᬧᬤ᭞ᬳᭂᬦ᭄ᬢᭀᬳᬦᬾᬮᬶᬦ᭄ᬢᬂᬮᬸᬯᬶᬄ᭞ᬫᬤᬦ᭄ᬩ᭄ᬭᬳ᭄ᬫᬵᬮᭀᬓᬚᬢᬶ᭞ᬕᭂᬦᭂᬧ᭄ᬲᬲ᭄ᬢᬑᬁᬓᬭᬾᬓᬸ᭞ᬳᭂᬦ᭄ᬢᭀᬲᬧ᭄ᬢᬢᬶᬃᬣᬚᬢ᭄ᬬ᭞ᬓᬾᬯᬮᬬᬫ᭄ᬭᬕᬢᬸᬗ᭄ᬕᬶᬮ᭄᭞
ᬧᬦᬗ᭄ᬓᬦᬶᬂ᭞ᬢᬶᬃᬣᬦᬾᬫᬓᭂᬚᬂᬢᬸᬗ᭄ᬕᬮ᭄᭟ᬫᬮᬶᬄᬢᬶᬢ᭄ᬬᬂᬦᬸᬦᬲᬂ᭞ᬢᬶᬗ᭄ᬓᬳᬾᬧᬘᬂᬫᬢᬶᬢᬶᬲ᭄᭞ᬫᬓᬫᬶᬯᬄᬗ᭄ᬕ᭄ᬭᬡᬶᬲᬶᬓ᭞ᬮᬶᬦ᭄ᬢᬂᬲᭂᬗ᭄ᬓᬫᬗᬦᬳᬶ᭠
ᬦ᭄᭟ᬫᬗᬺᬕᭂᬧᬂᬲᬗ᭄ᬳ᭄ᬬᬯᬶᬥᬶ᭞ᬫᬗ᭄ᬤᬾᬦᬾᬫᬘᬬᬦᬸᬮᬸᬲ᭄᭞ᬗᬦ᭄ᬢᭂᬦᬂᬭᬹᬧᬯᬳ᭄ᬬ᭞ᬧᬸᬦᬶᬓᬢᬶᬢ᭄ᬬᬂᬦ᭄ᬤᬶᬓᬳᬶᬦ᭄᭞ᬬᬾᬦᬶᬂᬲ᭄ᬯᬾᬘ᭞ᬤᬸᬭᬸᬲᬂᬫᬗ᭄ᬓᬶᬦ᭄ᬯᬓ᭄ᬬ᭠
ᬬᬂ᭟ᬬᬾᬦᭂᬦ᭄ᬢᭀᬧᬘᬂᬢᬓᭀᬦᬂ᭞ᬫᬸᬮᬮᬶᬯᬢ᭄ᬲᭂᬗ᭄ᬓᬕᬢᬶ᭞ᬬᬾᬦ᭄ᬲᬸ᭠ᬩᬯᬳ᭄ᬬᬚᬢᬶᬦ᭄ᬬ᭞ᬮ᭄ᬯᬶᬭᬶᬂᬤᬾᬢ᭄ᬬᬫᬫ᭄ᬩᬶ᭞ᬓᬸᬫ᭄ᬟᬧ᭄ᬢᭀᬬᬳᬭᬦᬾᬓᬶ᭞ᬚ
[᭘ 8A]
ᬢᬶᬲ᭄ᬭᬫᬳᬭᬦᬾᬓᬸ᭞ᬳᭂᬦ᭄ᬢᭀᬤᬳᬢ᭄ᬳᬸᬢ᭄ᬢᬫ᭞ᬫ᭄ᬭᬕᬲᬗ᭄ᬳ᭄ᬬᬂᬰᬶᬯᬵᬕ᭄ᬦᬶ᭞ᬬᬳᬯᬦᬦ᭄᭞ᬧᬯ᭄ᬢᬸᬦ᭄ᬢᬶᬃᬣᬧᬸᬦᬶᬓ᭟ᬦᬄᬦᬾᬚᬦᬶᬩ᭄ᬯᬶᬦ᭄ᬤᬶᬗᭂᬳᬂ᭞ᬩᬧᬫᬗᭀᬭ
ᬳᬶᬦ᭄ᬘᬳᬶ᭞ᬧ᭄ᬭᬤᬦᬮᬯᬦ᭄ᬧᬸᬭᬸᬱ᭞ᬫᬗᬤᬸᬧᬸᬘᬸᬓᬂᬳ᭄ᬭᬶ᭞ᬭᬶᬂᬧᬲᬾᬯᬫ᭄ᬩᬭᬦᬾ᭞ᬯ᭄ᬢᬸᬢᬶᬃᬣᬳ᭄ᬦᬶᬂᬦᬸᬮᬸᬲ᭄᭞ᬳᭂᬦ᭄ᬢᭀᬬᬾᬦᬶᬂᬢ᭄ᬯᬭᬢᬯᬂ᭞ᬧ᭄ᬭᬤᬦᬧᬸᬭᬸᬧ
ᬦᬾᬓᬶ᭞ᬫ᭄ᬯᬄᬫᬗᬤᬸ᭞ᬧᬸᬘᬸᬓᬶᬂᬳ᭄ᬭᬶᬧᬸᬦᬶᬓ᭟ᬳᭂᬤᬚᬫᬮᬶᬄᬢᭀᬬ᭞ᬳᬧᬦ᭄ᬮᬶᬯᬢ᭄ᬲᭂᬗ᭄ᬓᬕᬢᬶ᭞ᬧᬢᭂᬫᬸᬦᬶᬂᬲᬤᬸᬓ᭄ᬲ᭄ᬯᬭ᭞ᬫᬗ᭄ᬕᬯᬾᬢᭀᬬᬦᬾ᭠
ᬚᬢᬶ᭞ᬲᬗ᭄ᬓᬦ᭄ᬲᭂᬗ᭄ᬓᬫᬗᬶᬗᭂᬢᬶᬦ᭄᭞ᬧᬘᬂᬫᬺᬢᬶᬱ᭄ᬝᬭᬕᬾᬓᬸ᭞ᬳᬧᬦ᭄ᬦᬸᬫᬗᬶᬮᬶᬤ᭄ᬧᬶᬲᬦ᭄᭞ᬤᬶᬓᬸᬡ᭄ᬟᬭᬳᬱ᭄ᬬᬳᬶᬓᬶ᭞ᬳᬧᬂᬢᬶᬮᬶᬂ᭞ᬤᬭᬡᬧᬘᬂᬗᬺ [ 9 ][᭘ 8B]
᭘
ᬕᭂᬧᬂ᭛᭜᭛ᬤᬶᬤᭀᬭᬶ᭛᭜᭛ᬲᬮ᭄ᬯᬶᬃᬮᬭᬳᬧᬂᬓᬮᬄ᭞ᬭᬶᬂᬦᬩᬲ᭄ᬢᬮᬧᬥᬓᬭᬸᬩᬦ᭄ᬕᭂᬦᬶ᭞ᬯᬸᬲ᭄ᬢᬶᬜᬫ᭄ᬭᬢ᭄ᬢᬓᬃᬯ᭄ᬯᬾᬓᬸ᭞ᬲᬓᬶᬂᬍᬗᬶᬂᬑᬁ
ᬗ᭄ᬓᬭ᭟ᬓᬸᬡ᭄ᬟᬮᬶᬦᬶ᭞ᬭᬶᬂᬓᬸᬡ᭄ᬟᬭᬳᬱ᭄ᬬᬳᬶᬓᬸ᭞ᬓᬮᬯᬦ᭄ᬲᬗ᭄ᬳ᭄ᬬᬂᬅᬢ᭄ᬫ᭞ᬯᬸᬲ᭄ᬓᬧᬺᬢᬶᬱ᭄ᬟᬲᬫᬶ᭟ᬫᬗ᭄ᬓᬾᬳᬸᬯᬸᬲ᭄ᬓᬢᬶᬩᬦᬦ᭄᭞ᬲᬂᬗ᭄ᬳ᭄ᬬᬂᬫᬺᬢ᭄ᬢᬦᬶᬃᬫᬮᬢᬦ᭄ᬧ
ᬲᬭᬶ᭞ᬳᬶᬫᬤ᭄ᬬᬧᬮᬸᬤ᭄ᬫᬳᬢᬸᬃ᭞ᬮᬗ᭄ᬕ᭄ᬬᬢᬶᬢ᭄ᬬᬂᬫᬦᬸᬦᬲᬂ᭞ᬫᬦᬄᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬓᬓᬸᬡ᭄ᬟᬧᬸᬦᬶᬓᬸ᭞ᬯᬶᬲᬶᬓᬾᬢᬦ᭄ᬧᬲᬲ᭄ᬢ᭄ᬭ᭞ᬢᬦ᭄ᬯᬾᬦ᭄ᬢᭂᬦ᭄ᬫᬸᬗ᭄ᬕᬸᬄᬳᬶᬭᬶ
ᬓᬶ᭟ᬦ᭄ᬢᭀᬲᬭᬶᬦ᭄ᬜᬦᬾᬓᬓ᭄ᬮᬶᬤᬂ᭞ᬳᬧᬦᭂᬦ᭄ᬢᭀᬢ᭄ᬯᬭᬬᬤᬤᬶ᭞ᬬᬾᬦ᭄ᬢ᭄ᬯᬭᬫᬤᬲᬃᬧᬸᬕᬸᬄ᭞ᬫᬩᬾᬬᬩᬳᬦ᭄ᬲᬸᬫ᭄ᬩᬄ᭞ᬳᬧᬂᬩᬜ᭞ᬳᬲ᭄ᬢᬶᬢᬶᬤ᭠
[᭙ 9A]
ᬦ᭄ᬢᬶᬫᬦᭂᬭᬸᬲ᭄᭞ᬳᬶᬫᬤ᭄ᬬᬧᬮᬸᬤ᭄ᬫᬦᭂᬫ᭄ᬩᬄ᭞ᬢᬶᬢ᭄ᬬᬂᬯᬦ᭄ᬢᬄᬮᬲ᭄ᬫᬗᬶᬭᬶᬂ᭟ᬳᬶᬗ᭄ᬕᬶᬄᬬᬾᬲᬫ᭄ᬧᬸᬦ᭄ᬫᬭᬕ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬜᬦ᭄ᬤᬂᬫᬮᬶᬄ᭞ᬫᬗ᭄ᬭᬯᭀᬲᬂ᭠
ᬦ᭄ᬲᬲ᭄ᬢ᭄ᬭᬳᬶᬓᬸ᭞ᬓᬾᬯᬦ᭄ᬢᭂᬦᬓᬾᬄᬩᬩᬾᬬᬦ᭄᭞ᬳᭂᬤᬓᬾᬢᭀ᭞ᬩᬳ᭠ᬦ᭄ᬘᬳᬶᬦᬾᬫᬗᬶᬢᬸᬂ᭞ᬳᭂᬦ᭄ᬢᭀᬩᬜᬳᬧᬂᬢᬢᬲ᭄᭞ᬧᬳᬶᬍᬄᬲᬲ᭄ᬢ᭄ᬭᬦᬾᬲᬫᬶ᭟᭠
ᬦᬗ᭄ᬳᬶᬂᬢᬶᬢ᭄ᬬᬂᬗᬫᬦᬳᬂ᭞ᬮᬶᬦ᭄ᬢᬂᬢᬫ᭄ᬩᭂᬢ᭄ᬢᬶᬢ᭄ᬬᬂᬓᬤᬶᬫᬗ᭄ᬓᬶᬦ᭄᭞ᬬᬾᬦ᭄ᬲᬫᬶᬯᬶᬓᬦᬶᬦ᭄ᬲᬫ᭄ᬧᬸᬦ᭄᭞ᬢ᭄ᬯᬭᬶᬂᬘᬘᭂᬧ᭄ᬫᬗᬺᬕᭂᬧᬂ᭞ᬮᬦ᭄ᬗᬺᬤᬦ᭞ᬲᬗ᭄ᬳ᭄ᬬᬂᬅᬢ᭄ᬫᬫᬗ᭄ᬤᬭᬯᬸᬄ
᭞ᬫᬜᬸᬲᬸᬧ᭄ᬓᬚ᭄ᬭᭀᬦᬶᬂᬚᬕᬢ᭄᭞ᬗᬫ᭄ᬩᬶᬮᬫᬺᬦᬶᬂᬩᬸᬫᬶ᭟ᬩᬧᬦ᭄ᬜᬚᬦᬶᬗᭀ᭠ᬢᬾᬩ᭄ᬢᬩ᭄᭞ᬩᬄᬦ᭄ᬢᭀᬲᬚᬫᬯᬓ᭄ᬩᬚ᭄ᬭᬘᬳᬶ᭞ᬦᬗ᭄ᬳᬶᬂᬩᬧᬩᭂᬮᭀᬕ᭄ᬦᬸᬮᬸᬲ᭄ [ 10 ][᭙ 9B]
᭙
᭞ᬫᬧᬶᬫᬧᬶᬫᬵᬫ᭄ᬩᭂᬓ᭄ᬧ᭄ᬭᬚ᭄ᬜᬦ᭄᭞ᬫᬦᬸᬢᬸᬭᬂ᭞ᬯᬗ᭄ᬲᬶᬢ᭄ᬓᬤ᭄ᬬᬢ᭄ᬫᬶᬓᬦᬶᬓᬸ᭞ᬫᬓᬫᬶᬯᬄᬢᬢ᭄ᬯᬚ᭄ᬜᬦ᭞ᬮᬯᬦ᭄ᬟᬃᬫ᭄ᬫᬧᬸᬢᬸᬲ᭄ᬲᬫᬶ᭟ᬫᬓᬫᬶᬯᬄᬩ᭄ᬯᬦᬓᭀᬱ᭞᭠
ᬉᬢ᭄ᬢᬫᬦᬶᬂᬳᬚ᭄ᬜᬦᬦᬾᬍᬯᬶᬄ᭞ᬕᬸᬡᬳᬭᬹᬫ᭄ᬤᬶᬦᬶᬢᬶᬦᬶᬓᬸ᭞ᬬᬤᬶᬦ᭄ᬲᭀᬭᭀᬄᬢᬢ᭄ᬯᬦ᭄ᬲᭂᬮᬫ᭄᭞ᬳᬶᬗᭂᬭᬶᬗ᭄ᬭᬂ᭞ᬧ᭄ᬮᬚᬳᬶᬦᬧᬂᬢᭂᬧᬸᬓ᭄᭞ᬮᬯᬸᬢ᭄ᬫᬭ
ᬦᬸᬳᬸᬦ᭄ᬧᬤ᭞ᬧᬩᬯᬾᬦᬗᬧᬂᬲᬶᬤ᭄ᬟᬶ᭟ᬧᬗ᭄ᬤᬲᬭᬸᬩᬦ᭄ᬦᬸᬦᬲᬂ᭞ᬳᬦᬾᬫᬤᬦ᭄ᬯᬳ᭄ᬬᬤ᭄ᬬᬢ᭄ᬫᬶᬓᬚᬢᬶ᭞ᬧᬗ᭄ᬓᭂᬤᬾᬳᬧᬂᬫᬩᬸᬓᬸ᭞ᬉᬧ᭄ᬢᬶᬧᬺᬮᬷᬡᬬᬂ᭞ᬤᬩᬓ
ᬦ᭄ᬟ᭄ᬬᬧᬜ᭄ᬘᬕᬢᬶᬦᬾᬧᬸᬦᬶᬓᬸ᭞ᬳᬶᬤᬗᬲ᭄ᬢᬯᬪᬝᬭ᭞ᬫᬗ᭄ᬕᭂᬦᬶᬂᬗᬹᬬᭀᬕᬲᬦ᭄ᬟᬶᬸ᭟ᬫᬵᬥᬶ᭟ᬏᬓᬯᬶᬘ᭄ᬟᬸᬦᬾᬋᬕᭂᬧᬂ᭞ᬗᬯᭂᬢ᭄ᬯᬂᬲᬯᬸᬃᬳᭀᬲ᭄ᬯᬭᬫᬹᬃᬢ᭄ᬢᬶ᭞
[᭑᭐ 10A]
ᬧᬤ᭄ᬫᬫᬹᬤ᭄ᬭᬦᬶᬭᬳᬶᬓᬸ᭞ᬯᬶᬦ᭄ᬥᬸᬢᬾᬚᬧᬲᬸᬧᬢ᭄ᬬ᭞ᬧᬗᬾᬓᬦᬾ᭞ᬧ᭄ᬭᬡᬬᬫᬧᬦ᭄ᬫᬲᬦᬾᬓᬸ᭞ᬫᬲᬭᬶᬯᬶᬦ᭄ᬥᬕ᭄ᬦ᭄ᬬ᭞ᬘᬢᬹᬃᬳᭀᬲ᭄ᬯᬭᬦᭂᬫᬸᬦᬶᬦ᭄᭟ᬢ᭄ᬓᬾᬦᬶᬂᬓᬭ
ᬲᭀᬤᬦ᭞ᬧᬤ᭄ᬫᬫᬹᬤ᭄ᬭᬯᬶᬦ᭄ᬥᬸᬤᬾᬯᬦᬵᬳ᭄ᬦᬶᬂ᭞ᬧᬤ᭄ᬫᬡ᭄ᬮᬬᬗᬾᬫᬦᬸᬦ᭄ᬢᬸᬦ᭄᭞ᬫᬲᬭᬶᬯᬶᬦ᭄ᬟ᭄ᬯᬫᬺᬢ᭄ᬢ᭞ᬓᬾᬢᭀᬢᬶᬗ᭄ᬓᬄ᭞ᬫᬦ᭄ᬤᬾᬯᬰ᭄ᬭᬬᬩᬕᬸᬲ᭄᭞ᬗᬸᬧ᭄ᬢᬶᬫᬗ᭄ᬤᬾ᭠
ᬦᬾᬲᬶᬤ᭞ᬳᬧᬂᬢᬶᬮᬶᬂᬩᬦ᭄ᬗᬲ᭄ᬢᬶ᭟ᬫᬗ᭄ᬤᬾᬫ᭄ᬮᬦ᭄ᬢᬭᬦ᭄ᬢᬢ᭄ᬬ᭞ᬲᬗ᭄ᬳ᭄ᬬᬂᬅᬢ᭄ᬫᬲᬶᬤᬲᬤ᭄ᬬᬲᬸᬓᬫᬹᬓ᭄ᬢᬶ᭞ᬢᭀᬗᭀᬲ᭄ᬤᬶᬳᬫ᭄ᬩᬭᬯᬶᬦ᭄ᬥᬸ᭞ᬫᬧᬸᬧᬸᬮ᭄ᬚ᭄ᬭᭀᬦᬶᬂᬲᬹᬓ᭄ᬱ᭄ᬫ᭞ᬰᬶᬯ
ᬮᬶᬗ᭄ᬕ᭞ᬧᬬᬸᬧᬢᬶᬦᬾᬧᬸᬦᬶᬓᬸ᭞ᬢᬚᭂᬕ᭄ᬤᬶᬚ᭄ᬭᭀᬦᬶᬂᬩᬸᬮᬦ᭄᭞ᬦ᭄ᬭᬯᬂᬦᬶᬃᬩ᭠ᬦᬵᬘᬶᬦ᭄ᬢ᭄ᬬᬮᬸᬯᬶᬄ᭟ᬳᬤᬶᬕᬸᬭᬸᬲ᭄ᬭᬫᬵᬘᬶᬦ᭄ᬢ᭄ᬬ᭞ᬳᬸᬫᬭᬶᬲ᭄ᬢᬳᬸᬕ᭄ᬭᬕᬸᬭᬸᬲᬹᬓ᭄ᬱᬚ᭠ [ 11 ][᭑᭐ 10B]
᭑᭐
ᬢᬶ᭞ᬕᬸᬭᬸᬢᬢ᭄ᬯᬬᬜᬫ᭄ᬩᬢ᭄᭞ᬰᬸᬤᬍᬬᭂᬧ᭄ᬦᬶᬭᬵᬕ᭄ᬭᬳᬢᬾᬚᬫᬬ᭞ᬢᬦ᭄ᬧᬯᬮᬶᬫᬦᬸᬮᬸᬲ᭄᭞ᬢᭀᬦ᭄ᬤᬾᬦ᭄ᬮᭂᬓᬤᬶᬥᭂᬧ᭄ᬫᭀᬮᬄ᭞ᬯᬶᬦ᭄ᬥᬸᬚᬢᬶᬫᬗ᭄ᬭᬩᬦᬶ
ᬦ᭄‌‌᭟ᬯᬶᬦ᭄ᬥᬸᬧᬺᬦᬯᬦᬾᬓᭀᬘᬧ᭄᭞ᬫᬦᭀᬦ᭄ᬢᭀᬦᬶᬲᬂᬲ᭄ᬭᬾᬱᬳᬶᬇᬦᬶ᭞ᬯᬶᬦ᭄ᬥᬸᬤᬾᬯᬤᬸᬓ᭄ᬫᬢᭂᬫᬸ᭞ᬧ᭄ᬭᬤᬦᬮᬦ᭄ᬧᬸᬭᬸᬱ᭞ᬧᬯᬓᬦᬾ᭞ᬳᭂᬦ᭄ᬢᭀ
ᬧᬥᬕᬢᬶᬳᬓᬸ᭞ᬳᬮᬶᬳᬂᬋᬕᭂᬧᬶᬜ᭄ᬘᭂᬧᬂ᭞ᬳᬧᬂᬲᬶᬤᬬᬓᬧᬗ᭄ᬕᬶᬄ᭟᭛᭜᭛ᬧᬸᬄᬩᬚᬂ᭛᭜᭛ᬫᬦᬸᬚᬸᬤᬶᬦᬦᬾᬫᭂᬮᬄ᭞ᬭᬤᬶᬢᬾ
ᬲᭀᬫᬦᭂᬫᭀᬦᬶᬦ᭄᭞ᬳᬸᬓᬸᬚᬸᬮᬸᬂᬢᬗᬶᬓᭀᬘᬧ᭄᭞ᬧᬧᬗ᭄ᬮᭀᬂᬧᬶᬂᬭᭀᬭ᭠ᬲ᭄ᬓᬦᬸᬢᬶᬦ᭄᭞ᬰᬰᬶᬓᬤᬰᬢᬸᬯᬶ᭞ᬭᬄᬭᭀᬢᭂᬗ᭄ᬕᭂᬓ᭄ᬓᬱᬦᬸᬚᬸ᭞ᬇᬰᬓᬲ
[᭑᭑ 11A]
ᬦᬾᬓᭀᬘᬧ᭄᭞ᬧᬯᬶᬮᬗᬦ᭄ᬲ᭄ᬬᬩᬗ᭄ᬲᬶᬢ᭄᭞ᬓᬳᬸᬘᬧᬂ᭞ᬲᬮᬶᬓᬸᬃᬢ᭠ᬗ᭄ᬕᬸᬦ᭄ᬜᬓᭀᬘᬧ᭄᭟ᬢᬶᬢ᭄ᬬᬂᬫᬳᬶᬲᭂᬗᬶᬲᭂᬗᬦ᭄᭞ᬦᬸᬧ᭄ᬢᬸᬧᬂᬓᬶᬤᬸᬂᬫᬗᬯᬶ᭞ᬩᬳ᭠
ᬦ᭄ᬧᬗ᭄ᬭᬲᬦᬾᬢᬸᬦ᭞ᬓᬺᬡᬤᬤᬶᬢᬦ᭄ᬧᬳᬶᬦ᭄ᬤᬶᬓ᭄᭞ᬩᬳᬦ᭄ᬓᭂᬦᭂᬳᬾᬲ᭠ᬓᬶᬢ᭄᭞ᬓ᭄ᬭᬡᬤᬤᬶᬫᬸᬂᬧᬂᬮᬓᬸ᭞ᬅᬢᬹᬢᬶᬦᬦᬓ᭄ᬧ᭄ᬭᬚ᭄ᬜᬦ᭄᭞ᬢᬢ᭄ᬯᬭᬗᬶᬢᬸᬂᬓ
ᬓᭂᬤᬾᬓᬶᬦ᭄᭞ᬳᬯᬓ᭄ᬓᬾᬫᬸᬤ᭄᭞ᬫᬶᬮᬫᬗ᭄ᬕᬯᬾᬘᬭᬶᬢ᭟ᬓ᭄ᬭᬡᬤᬤᬶ᭠ᬢᬦ᭄ᬧᬢᬢ᭄ᬯ᭞ᬳᬯᬦ᭄ᬢᬸᬦᬗᬓᬸᬭᬶᬭᬶᬄ᭞ᬢ᭄ᬯᬭᬦᬯᬂᬩ᭄ᬦᭂᬲᬮᬄ᭞ᬚ᭄ᬯᬲᭀᬓ᭄ᬤᭂᬫᭂ
ᬦᬾᬫᬗ᭄ᬕᬸᬭᬶᬢ᭄᭞ᬦᬗ᭄ᬳᬶᬂᬲᭂᬫ᭄ᬧᬸᬭᬳᬸᬩᬶ᭞ᬢᬶᬢ᭄ᬬᬂᬚᬦ᭄ᬫᬮᬶᬦ᭄ᬢᬂᬓᬶᬫᬸᬤ᭄᭞ᬚᬦᬶᬩᬸᬤ᭄ᬟᬶᬦᭂᬢᭂᬧᬂ᭞ᬫᬗ᭄ᬯᬗᬸᬦ᭄ᬢᬸᬢᬸᬃᬳᬓᬶᬤᬶᬓ᭄᭞ᬲᬶᬤᬧᬗ᭄ᬕᬸᬄ᭞ᬦᬄᬚᬦᬶᬢᭂ᭠ [ 12 ][᭑᭑ 11B]
᭑᭑
ᬓᬢᬸᬳᬸᬢᬂ᭟ᬓ᭄ᬭᬫᬦᬶᬂᬫᬦ᭄ᬤᬤᬶᬚᬦ᭄ᬫ᭞ᬧᬢᬹᬢ᭄ᬧᬶᬲᬦ᭄ᬚ᭄ᬯᬳᬲ᭄ᬢᬶᬢᬶ᭞ᬲᬹᬓ᭄ᬱ᭄ᬫᬬᬤᬶᬰᬭᬷᬭ᭞ᬳᬧᬂᬧᬗ᭄ᬕᬶᬄᬦᬾᬮᬸᬯᬶᬄ᭞ᬳᭂᬤᬜᭂᬮ᭄ᬲᭂᬮᬯᬓ᭄ᬲᬳᬶ᭞ᬲᬸ
ᬧᬾᬓ᭄ᬱᬦᬶᬂᬚ᭄ᬭᭀᬦᬶᬂᬓᬶᬤᬸᬂ᭞ᬋᬲᭂᬧ᭄ᬋᬲᭂᬧᬂᬫᭂᬮᬄ᭞ᬳᬦ᭄ᬳᭂᬦ᭄ᬢᭀᬢᬸᬢᬸᬃᬚᬢᬶ᭞ᬜᬦ᭄ᬤᬂᬧᬶᬲᬦ᭄᭞ᬳᬗ᭄ᬕᭀᬦ᭄ᬢᬶᬭᬸᬚ᭄ᬭᭀᬦᬶᬗᬯᬓ᭄᭟ᬢᬓᬶᬢᬂᬦᬸᬫ᭄
ᬩᭂᬮᬲ᭄᭞ᬳᬲ᭄ᬢᬶᬢᬶᬬᬂᬚ᭄ᬭᭀᬦᬶᬗ᭄ᬳᬢᬶ᭞ᬓ᭄ᬭᬫᬦᬶᬂᬫᬦ᭄ᬤᬤᬶᬚᬦ᭄ᬫ᭞ᬲᬸᬩ᭠ᬓᬘᬢ᭄ᬭᬶᬩᬦ᭄ᬯᬶᬥᬶ᭞ᬢ᭄ᬯᬭᬤᬤᬶᬬᬮᬾᬫ᭄ᬧᬲᬶᬦ᭄᭞ᬳᬧᬦ᭄ᬲᬸᬩᬧᬤᬢᬸᬫ᭄ᬩᬸᬄ᭞
ᬢᬦᬾᬚ᭄ᬮᬾᬫ᭄ᬮᬄᬢᬸᬗ᭄ᬕᬮ᭄᭞ᬧᬫᬸᬧᬸᬢ᭄ᬜᬦᬾᬳᬩᭂᬲᬶᬓ᭄᭞ᬯᬦ᭄ᬢᬄᬳᬶᬤ᭞ᬲᬗ᭄ᬳ᭄ᬬᬂᬢᬶᬢᬄᬫ᭄ᬭᬕᬓ᭄ᬯᬰ᭟ᬳᭂᬦ᭄ᬢᭀᬢᭀᬂᬤᬤᬶᬮᬾᬫ᭄ᬧᬲᬂ᭞ᬬᬤᬶᬦ᭄ᬮᬗ᭄ᬕᭂᬂᬩ
[᭑᭒ 12A]
ᬦ᭄ᬫᬓᬾᬃᬣᬶ᭞ᬫᬦᬧᬓᬂᬲᬗ᭄ᬳ᭄ᬬᬂᬩ᭄ᬭᬢ᭞ᬜᬸᬓ᭄ᬱ᭄ᬫᬬᬂᬦᬾᬦᬾᬩᭂᬘᬶᬓ᭄᭞ᬮᬫᬸᬦ᭄ᬢᬦ᭄ᬲ᭄ᬯᬾᬘᬦ᭄ᬯᬶᬥᬶ᭞ᬳᬸᬮᬄᬬᬢ᭄ᬯᬭᬓᬢᭂᬧᬸᬓ᭄᭞ᬲᬗᬦ᭄ᬤᬧᬢᬶᬗᬸᬮᬳᬂ᭞
ᬫᬩ᭄ᬭᬢᬗᬯᬗᬸᬦ᭄ᬓᬾᬃᬣᬶ᭞ᬳᬧᬦ᭄ᬲᬸᬩ᭞ᬢᬸᬮᬶᬲ᭄ᬕᬶᬤᬢᬾᬫ᭄ᬭᬕᬢᬂ᭟ᬬᬾᬦ᭄ᬲᬸᬩᬕᬦ᭄ᬢᬿᬦᬾᬭᬸᬲᬓ᭄᭞ᬦᬾᬦᬾᬩᭂᬦᭂᬄᬓᬤᬾᬦ᭄ᬧᭂᬮᬶᬄ᭞ᬢᬸᬢᬸᬃᬳᬕ᭠
ᬫᬦᬾᬳᬶᬮᬂ᭞ᬓᬵᬮᬫᬺᬢ᭄ᬬᬸᬦᬾᬜᬸᬲᬸᬧᬶᬦ᭄᭞ᬳᭂᬦ᭄ᬢᭀᬳᬦᬾᬫᬫᬾᬤᬦᬶᬦ᭄᭞ᬓ᭄ᬭᬡᬤᬤᬶᬲᬮᬄᬳᬸᬦ᭄ᬤᬸᬓ᭄᭞ᬩᭂᬦᭂᬳᬾᬤᬤᬶᬳᬶᬮᬂ᭞ᬤᬤᬶᬳᬦᭀ
ᬫᬗᬸᬕᭀᬦᬶᬦ᭄‌ᬭᬸᬕᬶᬦ᭄᭞ᬤᬶᬰ᭄ᬭᬶᬭᬦᬾ᭞ᬓᬵᬮᬦᬾᬫᬓᭂᬚᬂᬢᭂᬓ᭟ᬳᭂ᭠ᬦ᭄ᬢᭀᬫᬗ᭄ᬭᬡᬬᬂᬳᬶᬮᬂ᭞ᬧᬤ᭄ᬭᬲᬦᬶᬥᭂᬧᬾᬲᬫᬶ᭞ᬓᬲᬲᬸᬧᬦ᭄ᬧᬜ᭄ᬘᬾᬦ᭄ᬤ᭄ᬭᬶ᭠ [ 13 ][᭑᭒ 12B]
᭑᭒
ᬳᭂᬦ᭄ᬢᭀᬦᬾᬦᬾᬩ᭄ᬯᬶᬦ᭄ᬜᬓᬶᬢᬶᬦ᭄᭞ᬧᬥᬦᬕᬶᬄᬗᬸᬩᬸᬗᬶᬦ᭄᭞ᬓᬵᬮᬫᬢ᭄ᬬᬸᬦᬾᬫᬜᬸᬲᬸᬧ᭄᭞ᬢ᭄ᬯᬭᬤᬤᬶᬩᭂᬮᬲᬂ᭞ᬲᬗ᭄ᬓᬦ᭄ᬲᭂᬗ᭄ᬓᬩᬦ᭄ᬗᬧ᭄ᬢᬶ᭞ᬳᬧᬦ᭄ᬲᬸ
ᬩᬧ᭄ᬭᬕᬢ᭄ᬤᬶᬚ᭄ᬭᭀᬦᬶᬂᬰᬭᬷᬭ᭟ᬳᭂᬦ᭄ᬢᭀᬦᬾᬚᬦᬶᬓᭂᬦᭂᬳᬂ᭞ᬭᬲᬭ᭠ᬲᬬᬂᬤᬶᬳᬢᬶ᭞ᬳᬸᬘᬧᬶᬤᬲᬗ᭄ᬳ᭄ᬬᬂᬓᬵᬮ᭞ᬤᬫ᭄ᬩᬳᬂᬜᬸᬲᬸᬧ᭄ᬤᬶᬳᬢᬶ᭞ᬧᬜ᭄ᬘᬳᬶᬦ᭄ᬤ᭄ᬭᬶ᭠
ᬬᬦᬾᬲᬫᬶ᭞ᬫᬶᬯᬄᬭᬶᬂᬯ᭄ᬓᬲᬶᬗᬶᬤᬸᬧ᭄᭞ᬳᭂᬦ᭄ᬢᭀᬲᬳᬶᬓᭂᬦᭂᬳᬂ᭞ᬤᬶᬲᬸᬩᬦ᭄ᬜᬦᬾᬓᬧᬗ᭄ᬕᬶᬄ᭞ᬳᬧᬂᬢᬗᬃ᭞ᬕᬕᭀᬤᬦᬾᬤᬳᬢ᭄ᬲᭂᬗ᭄ᬓᬵ᭟ᬳᭂᬦ᭄ᬢᭀᬕᬸᬫᬶᬦᬾᬫ
ᬓᭂᬚᬂ᭞ᬦᬾᬦᭀᬗᭀᬲ᭄ᬤᬶᬭᬕᬲᬫᬶ᭞ᬦᬗ᭄ᬳᬶᬂᬧᬂᬩᬶᬲᬗᭂᬦᭂᬳᬂ᭞ᬧᬲᬸᬓ᭄ᬯᭂᬢᬸ᭠ᬦ᭄ᬜᬦᬾᬲᬫᬶ᭞ᬗ᭄ᬕᭀᬦᬾᬢ᭄ᬓᬾᬦᬶᬂᬮᬶᬗ᭄ᬕᬶᬄ᭞ᬤᬶᬓᬸᬮᬶᬢ᭄ᬤᬶᬤᬕᬶᬂᬫᬸᬗ᭄ᬕᬸᬄ᭞ᬭᬗᬸᬯᬢ᭄ᬫᬶ
[᭑᭓ 13A]
ᬯᬄᬭᬶᬂᬢᬸᬮᬂ᭞ᬭᬶᬂᬲᬸᬫ᭄ᬧᬸᬫ᭄ᬓᭀᬘᬧᬦ᭄ᬫᬮᬶᬄ᭞ᬫᬳᬶᬤᭂᬭᬦ᭄᭞ᬜᬸᬲᬸᬧ᭄ᬫᬭᬶᬂ᭠ᬚᭂᬚᭂᬭᭀᬳᬦ᭄᭟ᬲᬦᬾᬫᬮᬶᬗ᭄ᬕᬭᬶᬂᬘᬃᬫ᭄ᬫ᭞ᬲᬂᬓᭀᬃᬱᬶᬓᬦᬵᬫᬦᬾᬓᬶ᭞ᬭᬶᬂᬉ
ᬢᬭᬧᬺᬡᬳᬶᬭ᭞ᬲᬂᬕᬃᬖᬳᬦᬭᬶᬂᬤᬕᬶᬂ᭞ᬭᬶᬂᬤᬓ᭄ᬱᬶᬡᬧᬺᬡᬄᬦᬾᬓᬶ᭞ᬲᬂᬫᬾᬢ᭄ᬭᬶᬭᬶᬗᭀᬢᭀᬢ᭄ᬮᬸᬗ᭄ᬕᬸᬄ᭞ᬭᬶᬂᬧᬹᬃᬯ᭄ᬯᬳᭂᬗ᭄ᬕᭀᬦᬦᬶᬭ᭞ᬲᬂᬓᬸᬭᬸᬱ᭄ᬬᬲᬶᬭᬵ
ᬮᬶᬗ᭄ᬕᬶᬄ᭞ᬫᬭᬶᬂᬘᬃᬫ᭄ᬫ᭞ᬤᬶᬢᬸᬳᬶᬤᬚᭂᬦᭂᬓ᭄ᬧᬶᬲᬦ᭄᭟ᬲᬂᬫ᭄ᬩᬺᬢᬜ᭄ᬚᬮᬦᬾᬓᭀᬘᬧ᭄᭞ᬭᬂᬲᬸᬫ᭄ᬧᬸᬫᬶᬤᬫᬮᬶᬗ᭄ᬕᬶᬄ᭞ᬭᬶᬂᬫᬤ᭄ᬬᬧᬺᬡᬳᬶᬭ᭞ᬦᬾᬭᬶᬂᬚᬚ᭄ᬭᭀᬯ
ᬦᬾᬫᬮᬶᬄ᭞ᬦᬗ᭄ᬳᬶᬂᬲᬶᬭᬳᬬ᭄ᬯᬧᬶᬗᬶᬢ᭄᭞ᬳᬬ᭄ᬯᬯᬾᬭᬳᬬ᭄ᬯᬘᬯᬸᬄ᭞ᬬᬳᬶ᭠ᬮᬳᬶᬮᬤᬳᬢ᭄᭞ᬯ᭄ᬯᭀᬂᬰᬶᬯᬬᬳᬲᬶᬤ᭄ᬟᬶ᭞ᬤᬳᬢ᭄ᬓᬾᬯᬸᬄ᭞ᬫᬵᬦᬸᬱᬢᬦ᭄ᬓᭂ᭠ [ 14 ][᭑᭓ 13B]
᭑᭓
ᬦᬾᬗᬮ᭟ᬫᬮᬶᬄᬦᬾᬭᬶᬂᬯ᭄ᬢᭂᬂᬓᭀᬘᬧ᭄᭞ᬲᬗ᭄ᬳ᭄ᬬᬂᬦᬯᬲᬗ᭄ᬳᬵᬳᬶᬓᬶ᭞ᬫ᭠ᬓᬮᬶᬗ᭄ᬕᬄᬳᬶᬤᬲᬫ᭄ᬬᬦ᭄᭞ᬭᬶᬂᬧᬧᬸᬲᬸᬄᬳ᭄ᬬᬂᬇᬰ᭄ᬯᬭᬷ᭞ᬯᬃᬡ᭄ᬦᬲ᭄ᬯᬾᬢᬢᬸᬃᬳ᭄ᬦᬶᬂ᭞ᬩ
ᬚ᭄ᬭᬲᬜ᭄ᬚᬢᬦᬶᬭᬾᬓᬸ᭞ᬳ᭄ᬬᬂᬫᬳᬵᬤᬾᬯᬓᭀᬘᬧ᭄᭞ᬭᬶᬗᬸᬗ᭄ᬲᬶᬮ᭠ᬦ᭄ᬢᭀᬦᬶᬭᬾᬓᬶ᭞ᬭᬶᬂᬧᬰ᭄ᬘᬶᬫ᭞ᬫᬮᬶᬗ᭄ᬕᬓᬸᬦᬶᬂᬓᬂᬯᬃᬡ᭄ᬦ᭟ᬲᬜ᭄ᬚᬢᬦ᭄ᬬᬦᬵᬕᬧᬰ
᭞ᬳ᭄ᬬᬂᬩ᭄ᬭᬳ᭄ᬫᬵᬮᬶᬗ᭄ᬕᬶᬄᬭᬶᬗ᭄ᬳᬢᬶ᭞ᬭᬶᬂᬓᬶᬤᬸᬮ᭄ᬧᬺᬡᬳᬦᬶᬭ᭞ᬳᬩᬵᬂᬫᬸᬭ᭠ᬩ᭄ᬯᬃᬡ᭄ᬦᬦᬾᬓᬶ᭞ᬕᬤᬲᬜ᭄ᬚᬢᬦᬶᬭᬾᬓᬶ᭞ᬳ᭄ᬬᬂᬯᬶᬱ᭄ᬡᬸᬫᬸᬗ᭄ᬕᬸᬄᬭᬶᬗᬫ᭄ᬧ᭄ᬭᬸ᭞ᬲᬜ᭄ᬚ
ᬢᬦᬶᬭᬘᬓ᭄ᬭ᭞ᬭᬶᬗᬸᬢᬭᬲᬶᬭᬵᬮᬶᬗ᭄ᬕᬶᬄ᭞ᬳᬶᬋᬂᬍᬢᭂᬂ᭞ᬯᬃᬡ᭄ᬦᬦᬶᬤ᭠ᬦᬾᬓᬳᬸᬘᬧ᭄᭟ᬳ᭄ᬬᬂᬰᬶᬯᬫᬸᬗ᭄ᬕᬸᬄᬭᬶᬂᬫᬤ᭄ᬬ᭞ᬧᬤ᭄ᬫᬲᬜ᭄ᬚᬢᬦᬶᬭᬾᬓᬶ᭞ᬩ᭄ᬭᬸ᭠
[᭑᭔ 14A]
ᬫ᭄ᬩᬸᬦ᭄ᬯᬃᬡ᭄ᬦᬦᬶᬤᬓᭀᬘᬧ᭄᭞ᬭᬶᬂᬢᬸᬂᬢᬸᬗ᭄ᬳᬢᬶᬫᬮᬶᬗ᭄ᬕᬶᬄ᭞ᬲᬫ᭄ᬪᬸᬭᬶᬂᬐᬃᬰᬦ᭄ᬬᬵᬮᬶᬗ᭄ᬕᬶᬄ᭞ᬭᬶᬗᬶᬦᭂᬩᬦ᭄ᬲᬶᬭᬵᬮᬸᬗ᭄ᬕᬸᬄ᭞ᬢ᭄ᬭᬶᬲᬸᬮᬲᬜ᭄ᬚᬢᬦᬶᬭ᭞ᬯᬃᬡ᭄ᬦᬩᬶᬭᬸ
ᬚᬢᬶᬮᬸᬯᬶᬄ᭞ᬧ᭄ᬢᭂᬂᬮᬶᬮᬸᬲ᭄᭞ᬓᭂᬤᬾᬧᬾᬮ᭄ᬯᬶᬃᬫᬬᭀᬢ᭄ᬢᬫ᭟ᬳ᭄ᬬᬂᬫᬾᬲᭀᬭᬭᬶᬂᬕ᭄ᬦᬾᬬᬦ᭄᭞ᬤᬤᬸᬯᬃᬡ᭄ᬦᬦᬶᬮᬸᬯᬶᬄ᭞ᬭᬧᬧᬸᬮᬶᬗ᭄ᬕᬦᬶᬭ᭞ᬤᬸᬧᬲᬜ᭄ᬚ
ᬢᬦᬶᬭᬾᬓᬶ᭞ᬳ᭄ᬬᬂᬭᬸᬤ᭄ᬭᬭᬶᬂᬦᬾᬭᬶᬢᬶ᭞ᬭᬶᬗᬸᬲᬸᬲᬩᬕᬸᬂᬫᬮᬸᬗ᭄ᬕᬸᬄ᭞ᬫᭀᬓ᭄ᬱᬮᬲᬜ᭄ᬚᬢᬦᬶᬭ᭞ᬚᬶᬗ᭄ᬕᬯᬃᬡ᭄ᬦᬦᬶᬭᬚᬢᬶ᭞ᬳ᭄ᬬᬂᬲᬗ᭄ᬓᬭ᭞ᬭᬶᬂᬯᬬᬩ᭄ᬬᬮᬶᬗ᭄ᬕᬶᬳᬶ
ᬭ᭟ᬫᬮᬶᬗ᭄ᬕᬶᬳᬶᬤᬭᬶᬂᬮᬶᬫ᭄ᬧ᭞ᬗᬫᭀᬗᬗ᭄ᬓᬸᬲ᭄ᬯᬃᬡ᭄ᬦᬯᬂᬮᬶᬲ᭄᭞ᬳ᭄ᬬᬂᬲᬤᬰᬶᬭᬶᬂᬫᬤ᭄ᬬ᭞ᬧᭂᬢᬓ᭄ᬯᬃᬡ᭄ᬦᬦᬾᬳᭂᬦᬶᬂ᭞ᬓᬤᬶᬩᬶᬦ᭄ᬢᬗᬾᬫᬗᭂᬦ᭄ᬤᬶᬄ᭞ᬢ᭄ᬭᬶᬅᬓ᭄ᬱᬭ [ 15 ][᭑᭔ 14B]
᭑᭔
ᬤᬤᬶᬦᬶᬧᬸᬦ᭄᭞ᬳᬧᬦ᭄ᬧᬸᬢᬸᬲᬶᬂᬲᬲ᭄ᬢ᭄ᬭ᭞ᬮᬶᬗ᭄ᬕᬶᬄᬩᬸᬗ᭄ᬓᬳᬶᬗ᭄ᬳᬢᬶ᭞ᬤᬾᬦᬶ᭠ᬗᬶᬤ᭞ᬫᬭᬕᬯᬶᬚᬾᬱᭀᬢ᭄ᬢᬫ᭟ᬳᬧᬦ᭄ᬮᬶᬦ᭄ᬢᬗᬶᬂᬯᬶᬰᬾᬱ᭞ᬲᬗ᭄ᬓᬦ᭄ᬲᭂᬗ᭄ᬓ᭠
ᬩᬦ᭄ᬫᬗᬾᬲ᭄ᬢᬶ᭞ᬦᬯᬲᬗ᭄ᬳᬵᬢ᭄ᬯᬄᬳᬓᬾᬢᭀ᭞ᬳᬗ᭄ᬕᭀᬦᬾᬩᬶᬲᬫᬮᬶ᭠ᬦ᭄᭞ᬦᬾᬚᬦᬶᬩ᭄ᬯᬶᬦᬶᬢᬸᬗᬶᬦ᭄᭞ᬧᬲᬶᬫ᭄ᬧᭂᬦ᭄ᬜᬦᬾᬭᬸᬭᬸᬄ᭞ᬳᬧᬦ᭄ᬩᬶᬲᬓᬾᬦᬾ᭠
ᬓᬾᬢᭀ᭞ᬬᬾᬦ᭄ᬦᭀᬭᬧᬸᬢᬸᬲᬶᬂᬓᬾᬃᬣᬶ᭞ᬫᬜᬸᬓ᭄ᬱ᭄ᬫᬬᬂ᭞ᬪᬝᬭᬦᬾᬭᬶᬂᬰᬭᬷᬭ᭟ᬳᬧᬦ᭄ᬚᬢᬶᬮᬶᬯᬦ᭄ᬲᭂᬗ᭄ᬓ᭞ᬩᬕᭀᬤᬦᬾᬮᬶᬬᬸᬕᬢᬶ᭞ᬬᬦ᭄ᬚ᭠
ᬦ᭄ᬮᬗ᭄ᬕᭂᬂᬫᬶᬢᭂᬢ᭄ᬫᬦᬄ᭞ᬫᬸᬦᬄᬕᬕᭀᬤᬦᬾᬲᬫᬶ᭞ᬳᬧᬂᬳᭂᬤᬗ᭄ᬭᭀ᭠ᬩᬾᬤᬦᬶᬦ᭄᭞ᬦᬾᬳᬲ᭄ᬢᬶᬢᬶᬚᬸᬯᬢᬸᬚᬸ᭞ᬳᭂᬤᬩᬳᬗᬜᬮᬶᬗ᭄ᬲᬂ᭞ᬧ᭄ᬭᬧᬜ᭄ᬘ
[᭑᭕ 15A]
ᬗᬸᬮᬸᬭᬶᬦ᭄ᬩᬸᬤᬶ᭞ᬳᬧᬦ᭄ᬲᬸᬩ᭞ᬧ᭄ᬭᬕᬢ᭄ᬢᭂᬓᬾᬦ᭄ᬳ᭄ᬬᬂᬲᬹᬓ᭄ᬱ᭄ᬫ᭟ᬧ᭄ᬭᬫᬰᬶᬯ᭠ᬦᬾᬫᬦᬸᬗ᭄ᬕᬮ᭄᭞ᬭᬶᬂᬧᬸᬢᬶᬄᬳᬢᬶᬫᬮᬶᬗ᭄ᬕᬶᬄ᭞ᬫᬓᬭᭀᬦ᭄ᬭᬶᬂᬲᬗ᭄ᬳ᭄ᬬᬂᬢᬬ᭞ᬦᬳ᭄ᬬ᭠
ᬗᬦᬶᬤᬭᬶᬂᬦᬤᬶ᭞ᬲᬂᬫᬾᬢ᭄ᬭᬓᭀᬘᬧ᭄ᬫᬗ᭄ᬓᬶᬦ᭄᭞ᬲᬋᬇᬰ᭄ᬯᬭᬫᬮᬸᬗ᭄ᬕᬸᬄ᭞ᬭᬶᬂᬢᬸᬂᬢᬸᬗ᭄ᬳᬢᬶᬧᭂᬢᬓ᭄᭞ᬳᬶᬭᬶᬓᬳᬶᬤᬫᬮᬶᬗ᭄ᬕᬶᬄ᭞ᬫᬓᬳ᭄ᬬᬗᬦ᭄᭞ᬳᬶᬤᬫ᭠
ᬭᬶᬂᬧᬤ᭄ᬫᬰᬹᬦ᭄ᬬ᭟ᬳ᭄ᬬᬂᬯᬶᬱ᭄ᬡᬸᬳᬶᬤᬫᬮᬶᬗ᭄ᬕ᭞ᬲᬋᬂᬲᬗ᭄ᬳ᭄ᬬᬂᬘᬡ᭄ᬥᬰᬓ᭄ᬢᬶ᭞ᬭᬶᬂᬩᬸᬗ᭄ᬓᬄᬳᬢᬶᬫᬮᬶᬗ᭄ᬕ᭞ᬫᬓᬳ᭄ᬬᬗᬦ᭄ᬭᬶᬂᬩ᭄ᬯᬦᬵᬮᬶᬢ᭄᭞ᬬᬦ᭄ᬲᬸᬩᬓᬸᬫ᭄ᬧᬸᬮ᭄ᬲᬫᬶ᭞ᬧ᭠
ᬥᬦ᭄ᬢᬸᬓ᭄ᬚ᭄ᬭᭀᬦᬶᬂᬯᬶᬦ᭄ᬥᬸ᭞ᬳᬧᬦ᭄ᬯᬶᬦ᭄ᬥᬸᬦᬾᬢᬢᬶ᭞ᬧᬥᬮᬾᬤᬦ᭄ᬩᬲᬫᬶ᭞ᬫᬦᬹᬢ᭄ᬯᬃᬡ᭄ᬦ᭞ᬫᬲᬶᬫᬲᬾᬬᭀᬲ᭄ᬲᬬᭀᬲᬦ᭄᭟ᬓᭀᬘᬧᬶᬤᬲᬗ᭄ᬳ᭄ᬬᬂᬢᬬ᭞ᬳᬶᬹ᭠ [ 16 ][᭑᭕ 15B]
᭑᭕
ᬲᬗ᭄ᬳ᭄ᬬᬂᬧ᭄ᬭᬫᬰᬶᬯᬫᬮᬶᬄ᭞ᬢᬺᬗ᭄ᬕᬡᬧᬶᬦᬓᬮᬶᬗ᭄ᬕ᭞ᬯᬃᬡ᭄ᬦᬦᬾᬧᬸᬢᬶᬄᬫᬳ᭄ᬦᬶᬂ᭞ᬳ᭄ᬬᬂᬩ᭄ᬭᬳ᭄ᬫᬵᬓᭀᬘᬧ᭄ᬫᬮᬶᬄ᭞ᬭᬶᬂᬅᬃᬤ᭄ᬟᬘᬦ᭄ᬤ᭄ᬭᬫᬮᬸᬗ᭄ᬕᬸᬄ ᬩᬂᬫᬸᬭᬸᬩ᭄ᬯᬃᬡ᭄ᬦᬦᬶᬭ᭞ᬭᬶ
ᬗ᭄ᬳᬢᬶᬳᬶᬤᬫᬮᬶᬗ᭄ᬕᬶᬄ᭞ᬲᬗ᭄ᬳ᭄ᬬᬂᬯᬶᬫ᭄ᬡᬸ᭞ᬭᬶᬂᬦᬤᬳᬶᬤᬫᬮᬶᬗ᭄ᬕ᭟ᬳᬶᬋᬂᬍᬢᭂᬂᬯᬃᬡ᭄ᬦᬦᬶᬭ᭞ᬭᬶᬂᬜᬮᬶᬗ᭄ᬕᭀᬦᬾᬲᬚᬢᬶ᭞ᬳ᭄ᬬᭂᬇᬰ᭄ᬯᬭᬳᬶᬤᬓᭀᬘᬧ᭄᭞ᬭᬶᬂᬯᬶ᭠
ᬦ᭄ᬥᬸᬳᬶᬤᬫᬮᬶᬗ᭄ᬕᬶᬄ᭞ᬲ᭄ᬯᬾᬢᬯᬃᬡ᭄ᬦᬦᬶᬭᬰᬸᬘᬶ᭞ᬮᬶᬗ᭄ᬕᬶᬄᬳᬶᬤᬭᬶᬂᬧᬸᬧᬸᬲᬸᬄ᭞ᬳᭂᬦ᭄ᬢᭀᬤᬍᬫ᭄ᬤᬶᬰᬭᬷᬭ᭞ᬤᬤᬶᬩᬸᬮᬦ᭄ᬤᬤᬶᬳᬢᬶ᭞ᬫᬸᬯᬄᬩᬶᬦ᭄ᬢᬂ᭞ᬢᬺᬗ᭄ᬕᬡᬬᬾ
ᬦ᭄ᬤ᭄ᬯᭂᬕ᭄ᬗᭂᬦᭂᬳᬂ᭟ᬩ᭄ᬯᬶᬦᬦᬾᬫᬦ᭄ᬤᬤᬶᬩᬸᬮᬦ᭄᭞ᬳᬶᬤᬳ᭄ᬬᬂᬩ᭄ᬭᬳ᭄ᬫᬵᬲᬚᬢᬶ᭞ᬫᬦᭀᬗᭀᬲ᭄ᬤᬶᬫᬢᬓᬶᬯ᭞ᬧᭂᬲᬸᬦ᭄ᬜᬳᬸᬮᬶᬤᬶᬳᬢᬶ᭞ᬳ᭄ᬬᬂᬯᬶᬱ᭄ᬡᬸᬓᭀᬘᬧ᭄ᬫᬮᬶᬄ
[᭑᭖ 16A]
᭞ᬭᬶᬂᬲᬹᬃᬬ᭄ᬬᬳᬶᬤᬫᬮᬸᬗ᭄ᬕᬸᬄ᭞ᬭᬶᬂᬦᬾᬢ᭄ᬭᬢᭂᬗᭂᬦ᭄ᬫᬮᬶᬗ᭄ᬕ᭞ᬫ᭄ᬢᬸᬳᬶᬤᬳᬸᬮᬶ᭠ᬜᬮᬶ᭞ᬳ᭄ᬬᬂᬇᬰ᭄ᬯᬭ᭞ᬳᭂᬦ᭄ᬢᭀᬦᬾᬫᬦᬤᬶᬩᬦ᭄ᬢᬂ᭟ᬤᬶᬲ᭄ᬮᬦᬶᬂᬮᬮᬢᬳᬶᬓ᭞ᬳᬸᬮᬶ
ᬧᬧᬸᬲᬸᬄᬯ᭄ᬢᬸᬦᬾᬓᬶ᭞ᬮᬯᬂᬜᬦᬾᬫᬓᬭᭀᬦᬦ᭄᭞ᬫᭂᬢᬸᬓᬶᬯᬩᬶᬦ᭄ᬢᬂᬤ᭠ᬤᬶ᭞ᬫ᭄ᬢᬸᬢ᭄ᬗᭂᬦ᭄ᬓᬂᬢᬺᬗ᭄ᬕᬡᬶ᭞ᬳᬭᬦᬶᬤᬦᬾᬓᬯᬸᬯᬸᬲ᭄᭞ᬳᭂᬦ᭄ᬢᭀᬚᬦᬶᬓᭂᬦᭂᬳᬂ᭞ᬳ
ᬧᬂᬢᬢᬲ᭄ᬩᬦ᭄ᬗᭂᬦᭂᬳᬶᬦ᭄᭞ᬩᭂᬲᬶᬓ᭄ᬩᭂᬲᬶᬓ᭄᭞ᬳᭂᬤᬫ᭄ᬩᬳᬗᬲᬮᬶᬗ᭄ᬲᬂ᭟ᬤᬶᬲᬸᬩᬦᬾᬓᬾᬢᭀᬢᬢᬲ᭄᭞ᬤᬤᬶᬩᬶᬦ᭄ᬢᬂᬤᬤᬳᬳᬶ᭞ᬫᬶᬯᬄᬤᬤᬲᬗ᭄ᬳ᭄ᬬᬂᬯᬸᬮᬦ᭄᭟ᬚᬢᬶ
ᬦ᭄ᬜᬦᬾᬩ᭄ᬯᬶᬦᬮᬶᬳᬶᬦ᭄᭞ᬳᭂᬦ᭄ᬢᭀᬦᬾᬫᬦᬾᬚᬦᬶᬦ᭄᭞ᬫᬓ᭄ᬭᬡᬕᬮᬗᬾᬫᬸᬭᬸᬩ᭄᭞ᬳᭂᬦ᭄ᬢᭀᬦᬾᬩ᭄ᬯᬶᬦ᭄ᬓᭂᬦᭂᬳᬂ᭞ᬲᭂᬓᭂᬤᬂᬳᬧᬂᬤᬧᭂᬮᬶᬄ᭞ᬯᬶᬦ᭄ᬢᬂᬲᬹᬃᬬ᭄ᬬ᭞ᬩᬸᬮᬦ [ 17 ][᭑᭖ 16B]
᭑᭖
ᬧᬦ᭄ᬮᬾᬦ᭄ᬗᬮᬗᬂ᭟ᬤᬶᬕᬦ᭄ᬢᬶᬦ᭄ᬩᬸᬮᬦᬾᬳᭂᬦ᭄ᬤᬕ᭄᭞ᬫᬳᬾᬲᭀᬭᬫᬦᬾᬚᬦᬶᬦ᭄᭞ᬫᬓ᭄ᬭᬡᬓᬸᬦᬶᬗᬾᬩᭂᬗᬄ᭞ᬓ᭄ᬮᬶᬬᬄᬤᬤᬸᬦᬾᬗᬯᭀᬭᬶᬦ᭄᭞ᬤᬶᬢᬚᭂᬕ᭄ᬗ
ᬫᬲᬮᬶᬦ᭄᭞ᬪᬝᬭᬩ᭄ᬭᬳ᭄ᬫᬦᬾᬤᬶᬢᬸ᭞ᬦᬾᬚᬳᬶᬦ᭄ᬲᬗ᭄ᬓᬦ᭄ᬚᭂᬦᬃ᭞ᬩᬭᬓᬾᬢ᭄ᬓᬾᬦᬶᬂᬓᬸᬦᬶᬂ᭞ᬧᬥᬫᬸᬭᬸᬩ᭄᭞ᬤᬶᬢᬸᬫᬳᬯᭀᬭᬯᭀᬭᬦ᭄᭟ᬲᬾᬂᬓᬯᬸᬄ
ᬮᬾᬦ᭄ᬩ᭄ᬯᬶᬦ᭄ᬦᬶᬫ᭄ᬩᬮ᭄᭞ᬫᬳᬵᬤᬾᬯᬫᬦᬾᬚᬦᬶᬦ᭄᭞ᬤᬶᬢᬸᬩᬭᬓ᭄ᬜᬦᬾᬧᬸ᭠ᬦᬄ᭞ᬓᬸᬦᬶᬗᬾᬫᬸᬭᬸᬩ᭄ᬗᬸᬗ᭄ᬓᬸᬮᬶᬦ᭄᭞ᬤᬤ᭄ᬬᬜᬮᬾᬦ᭄ᬫᬗᭂᬦ᭄ᬤᬶᬄ᭞ᬤᬶᬕᬦ᭄ᬢᬶᬦ᭄ᬩᬶᬦ᭄ᬢ
ᬗᬾᬫᭂᬢᬸ᭞ᬳᭂᬦ᭄ᬢᭀᬓᬭᬡᬫᬢᬚ᭞ᬪᬝᬭᬰᬶᬯᬦᬾᬚᬳᬶᬦ᭄᭞ᬤᬤᬶᬫᬸᬭᬸᬩ᭄᭞ᬲ᭄ᬯᬾᬢᬳᭂᬦᬶᬂᬢ᭄ᬯᬭᬫᬤ᭟ᬤᬶᬲᬸᬩᬳᭂᬤᬲ᭄ᬮᭂᬫᬄ᭞ᬪᬝᬭᬲᬫ᭄ᬪᬸ
[᭑᭗ 17A]
ᬦᬾᬚᬦᬶᬦ᭄᭞ᬤᬤᬶᬧᬸᬢᬶᬄᬜᬦᬾᬧᬸᬦᬄ᭞ᬩᬳᬶᬦ᭄ᬩᬶᬭᬸᬦᬾᬜᬧᬢᬶᬦ᭄᭞ᬦᬗ᭄ᬳᬶᬗᬭᬗᬦᬓ᭄ᬳᬸᬦᬶᬂ᭞ᬬᬤᬶᬦ᭄ᬫᬸᬗ᭄ᬕᬸᬄᬚ᭄ᬭᭀᬦᬶᬂᬢᬸᬃ᭞ᬮᬫᬸᬦ᭄ᬯᬶᬥᬶᬦᬾᬲ᭄ᬯᬾᬘ᭞ᬧᭂ᭠
ᬤᬲᬂᬢ᭄ᬯᬭᬓᬧᬗ᭄ᬕᬶᬄ᭞ᬲᬗ᭄ᬓᬦ᭄ᬲᭂᬗ᭄ᬓ᭞ᬫᭂᬮᬄᬤᬶᬧᬳᬶᬤᭂᬭᬦ᭄᭟ᬤᬶᬚᬮᬦ᭄ᬲᬹᬃᬬ᭄ᬬᬦᬾᬳᭂᬦ᭄ᬤᬕ᭄᭞ᬪᬝᬭᬮᬸᬤ᭄ᬭᬦᬾᬚᬦᬶᬦ᭄᭞ᬫᬓ᭄ᬭᬡᬫᬲᬯᬂᬲᬫᬃ᭞ᬧᬸᬢᬶᬳᬾ
ᬫᬓᭂᬮ᭄ᬬᬄᬓᬶᬸᬦᬶᬹ᭞ᬢᬗᬶ᭞ᬦᬗ᭄ᬳᬶᬂᬧᬥᬧᬥᬳᭂᬦᬶᬂ᭞ᬬᬾᬦ᭄ᬲᬸᬩᬢᬚᭂᬕ᭄ᬫᬲᬶᬮᬸᬃ᭞᭠ᬪᬝᬭᬲᬤ᭄ᬟᬰᬶᬯ᭞ᬳᬶᬤᬮᬶᬗ᭄ᬕᬦᬾᬚᬦᬶᬦ᭄᭞ᬓ᭄ᬭᬡᬫᬸᬭᬸᬩ᭄᭞ᬧᬸᬢᬶᬄᬢᬗᬶᬦ᭄ᬜ
ᬦᬾᬳᬶᬮᬂ᭟ᬤᬶᬢᬸᬧᬸᬢᬶᬳᬾᬢᬢᬶᬕ᭞ᬓᬸᬫ᭄ᬧᬸᬮ᭄ᬤᬤᬶᬳᬩᭂᬲᬶᬓ᭄᭞ᬤᬤᬶᬲᬗ᭄ᬳ᭄ᬬᬂᬢ᭄ᬭᬶᬅᬓ᭄ᬱᬭ᭞ᬲᬗ᭄ᬳ᭄ᬬᬂᬇᬰ᭄ᬯᬭᬫ᭄ᬩᭀᬓᭀᬮᬶᬦ᭄᭞ᬦᬾᬭᬶᬂᬤ᭄ᬬᬲᬂᬫᬾᬢ᭄ᬭᬶ᭞ᬧ᭄ᬭᬫ᭠ [ 18 ][᭑᭗ 17B]
᭑᭗
ᬰᬶᬯᬤᬤᬶᬢᬸᬢᬸᬂ᭞ᬳᭂᬦ᭄ᬢᭀᬦᬾᬩ᭄ᬯᬶᬦ᭄ᬓᭂᬦᭂᬳᬂ᭞ᬭᬲᬬᬂᬤᬶᬚ᭄ᬭᭀᬦᬶᬗ᭄ᬳᬢᬶ᭞ᬧᬲᬸᬭᬸᬧᬦ᭄᭞ᬜᬦᬾᬫᬲᬶᬄᬳᬧᬂᬢᬯᬂ᭟ᬳᬧᬦ᭄ᬫᬓᭂᬓᬂᬫᬳᬤᬦ᭄᭞ᬢᭀᬗᭀᬲ᭄ᬕᬸ
ᬫᬶᬦ᭄ᬜᬦᬾᬲᬫᬶ᭞ᬧᬲᬸᬭᬸᬧᬦ᭄ᬲᬗ᭄ᬳ᭄ᬬᬂᬯᬸᬮᬦ᭄᭞ᬚᬢᬶᬦ᭄ᬜᬦᬾᬓᬧᬶᬢᬸᬯᬶ᭞ᬤᬶᬫᬭᬦᬾᬲᬸᬭᬸᬧᬾᬓᬶ᭞ᬬᬦ᭄ᬲᬶᬭᬤᬸᬭᬸᬂᬫᬯ᭄ᬭᬸᬄ᭞ᬳᬭᬦ᭄ᬤᬾᬰᬫᬥᬸᬭ᭞ᬫᬕᭂᬦᬄ᭠
ᬢᬸᬫ᭄ᬧᬸᬓᬶᬗ᭄ᬳᬢᬶ᭞ᬳᬧᬦ᭄ᬤᬶᬢᬸ᭞ᬧᬲᬸᬭᬸᬧᬦ᭄ᬲᬗ᭄ᬳ᭄ᬬᬂᬯᬸᬮᬦ᭄᭟ᬓ᭄ᬭᬡᬤᬶᬢᬸᬢ᭄ᬯᬭᬗᭂᬦᬄ᭞ᬯᬃᬡ᭄ᬦᬦᬾᬢ᭄ᬯᬭᬓᬳᬓ᭄ᬱᬶ᭞ᬳᬧᬦ᭄ᬲᬸᬩᬓᬲᬧᬸᬢᬦ᭄᭞ᬫᬧᬦ᭄ᬩᬶᬭᬸ
ᬦᬾᬦᭂᬓᭂᬧᬶᬦ᭄᭞ᬳᬶᬤᬲᬗ᭄ᬳ᭄ᬬᬂᬲᬹᬃᬬ᭄ᬬᬫᬮᬶᬄ᭞ᬚᬮᬦ᭄ᬜᬦᬾᬧᬘᬂᬲᬸᬭᬸᬧ᭄᭞ᬳᭂᬦ᭄ᬢᬾᬫᬲᬶᬄᬧᬂᬢᬯᬂ᭞ᬳᬧᭂᬤᬦᬓᭀᬦᬂᬩᬸᬯᬶᬦ᭄᭞ᬳᬧᬂᬢᬢᬲ᭄᭞ᬤᬶᬦᬶᬚᬦᬶ
[᭑᭘ 18A]
ᬧᬤᬶᬗᭂᬳᬂ᭟ᬧᬲᬸᬭᬸᬧᬦ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬ᭞ᬦ᭄ᬢᭀᬤᬶᬕᬸᬫᬶᬫᬚᬧᬳᬶᬢ᭄᭞ᬕᬸ᭠ᬫᬶᬫᬚᬧᬳᬶᬢ᭄ᬓᭀᬘᬧ᭄᭞ᬧ᭄ᬭᬕᬢ᭄ᬤᬶᬢᭂᬗᬳᬶᬂᬜᬮᬶ᭞ᬤᬤᬶᬲᬹᬃᬬ᭄ᬬᬦᬾᬳᬶᬮᬶᬤ᭄᭞
ᬲᬸᬩᬓᬲᬧᬸᬢᬦ᭄ᬤᬶᬢᬸ᭞ᬓᬢᭂᬓᭂᬧᬦ᭄ᬩᬳᬦ᭄ᬚᬶᬗ᭄ᬕ᭞ᬤᬶᬢ᭄ᬯᬭᬦᬾᬬᬓᬳ᭠ᬓ᭄ᬱᬶ᭞ᬓᬮᬶᬧᬸᬢᬦ᭄᭞ᬩᬳᬦᬫ᭄ᬩᬸᬩᬸᬫᬓᭂᬚᬂ᭟ᬕᬸᬫᬶᬦᬾᬤᬶᬓᭂᬮᬶᬂᬓᭀᬘᬧ᭄᭞ᬭᬶᬂ
ᬧᬧᬸᬲᬸᬄᬕ᭄ᬦᬄᬦᬾᬓᬶ᭞ᬤᬶᬢᬸᬧᬲᬸᬭᬸᬧᬦ᭄ᬩᬶᬦ᭄ᬢᬂ᭞ᬳᬧᬦ᭄ᬬᬤᬳᬢᬶᬂᬮᬸᬯᬶᬄ᭞ᬤᬶᬢᬸᬩᬶᬦ᭄ᬢᬗᬾᬳᬶᬮᬶᬤ᭄᭞ᬓᬲᬧᬸᬢᬦ᭄ᬕᬤᬂᬫᬸᬭᬸᬩ᭄᭞ᬦ᭄ᬢᬾᬓ᭄ᬭᬡᬢᬦ᭄ᬧᬢᬾᬚ᭞ᬢ᭄ᬯ
ᬭᬧᭂᬤᬲ᭄ᬩᬦ᭄ᬦᬶᬗ᭄ᬳᬮᬶᬦ᭄᭞ᬳᬦᬋᬫᬺᬫ᭄᭞ᬢᬾᬚᬦ᭄ᬜᬦᬾᬲᬗ᭄ᬓᬦᬶᬮᬂ᭟ᬢᭂᬧᬶ᭠ᬦ᭄ᬓᬮᬶᬂᬤᬾᬰᬰ᭄ᬭᬬ᭞ᬳᭂᬦ᭄ᬢᭀᬚᬦᬶᬩ᭄ᬯᬶᬦᬮᬶᬳᬶᬦ᭄᭞ᬢᬢᬲᬂᬳᬧᬗᬢᬯᬂ᭞ᬳᬧ [ 19 ][᭑᭘ 18B]
᭑᭘
ᬦ᭄ᬤᬶᬢᬸᬓᭀᬘᬧ᭄ᬮᬸᬯᬶᬄ᭞ᬦᬗ᭄ᬳᬶᬂᬓᬤᬳᬢᬦ᭄ᬲ᭄ᬭᬶᬧᬶᬢ᭄᭞ᬲᬗ᭄ᬳ᭄ᬬᬂᬘᬢᬸᬃᬩ᭄ᬭᬳ᭄ᬫᬵᬤᬶᬢᬸ᭞ᬘᬢᬸᬃᬫᬳᬤᬦ᭄ᬧᬢ᭄ᬧᬢ᭄᭞ᬧᬢᬸᬄᬫᬓᬧᬢ᭄ᬧᬢ᭄ᬯ᭄ᬬᬓ᭄ᬢᬶ᭞ᬧᬓᬸᬍᬫᬦ᭞ᬜ
ᬦᬾᬤᬶᬚᭂᬭᭀᬦᬶᬂᬦᬤ᭟ᬳᬭᬦᬶᬤᬫᬓᬧᬢ᭄ᬧᬢ᭄᭞ᬫ᭄ᬯᬂᬮᬶᬗ᭄ᬕᬦᬶᬤᬦᬾ᭠ᬲᬫᬶ᭞ᬫᬾᬰᬶᬕᬸᬭᬸᬳᬶᬓᬂᬦᬵᬫ᭞ᬭᬶᬂᬧᬘᬶᬫᬦᬤᬵᬮᬶᬗ᭄ᬕᬶᬄ᭞ᬳ᭄ᬬᬂᬰᬶᬯᬓᭀᬘᬧ᭄ᬫᬮᬶᬄ᭞
ᬧᬹᬃᬯ᭄ᬯᬦᬶᬂᬦᬤᬫᬮᬸᬗ᭄ᬕᬸᬄ᭞ᬳᬶᬤᬲᬗ᭄ᬳ᭄ᬬᬂᬲᬤᬰᬶᬯ᭞ᬭᬶᬂᬓᬶᬤᬸᬮ᭄ᬦᬤᭀᬮᬶ᭠ᬗ᭄ᬕᬶᬄ᭞ᬧ᭄ᬭᬫᬲᬶᬯ᭞ᬉᬢᬭᬦᬶᬂᬦᬤᬵᬮᬶᬗ᭄ᬕ᭟ᬕᬸᬫᬶᬫᬥᬸᬭᬦᬾᬓᭀᬘᬧ᭄᭞ᬢᭂᬧᬶ᭠
ᬦ᭄ᬳᬲ᭄ᬢᬶᬦᬦᬾᬚᬢᬶ᭞ᬧᬜ᭄ᬘᬩ᭄ᬭᬳ᭄ᬫᬵᬤᬶᬢ᭄ᬯᬮᬶᬗ᭄ᬕ᭞ᬮᬶᬦ᭄ᬢᬂᬓᭂᬩᬸᬲᬾᬢᬦ᭄ᬲᬶᬧᬶ᭞ᬦᬗ᭄ᬳᬶᬗᬭᬗᬦᬓᬸᬦᬶᬂ᭞ᬬᬦ᭄ᬢᬦ᭄ᬲᬗ᭄ᬳ᭄ᬬᬂᬯᬶᬥᬶᬳᬲᬸᬂ᭞ᬫᬜᬾᬗ᭄ᬓᭀᬮ᭄ᬩᬳᬦ᭄ᬩ᭄ᬭᬢ᭞᭠
[᭑᭙ 19A]
ᬓᬮᬶᬄᬭᬶᬂᬤᬾᬯᬲᬫᬵᬤᬶ᭞ᬳᬧᬦ᭄ᬳᭂᬦ᭄ᬢᭀ᭞ᬮᬶᬦ᭄ᬢᬂᬲᭂᬗ᭄ᬓᬩᬦ᭄ᬗᬾᬲ᭄ᬢᬶᬬᬂ᭟ᬫ᭠ᬮᬶᬄᬳᬤᬕᬸᬫᬶᬓᭀᬘᬧ᭄᭞ᬓᬂᬳᬦᬫᬫᬚᬧᬳᬶᬢ᭄᭞ᬢᭂᬧᬶᬦ᭄ᬜᬦᬾᬲᬸᬭᬮᬬ᭞
ᬦᬗ᭄ᬳᬶᬂᬓᬮᬶᬦ᭄ᬢᬗᬶᬂᬧᬶᬗᬶᬢ᭄᭞ᬳᬧᬦ᭄ᬕᬸᬫᬶᬮᬶᬦ᭄ᬢᬂᬮᬸᬯᬶᬄ᭞ᬲᬗ᭄ᬳ᭄ᬬᬂᬧᬜ᭄ᬘᬢᬶᬃᬣᬤᬶ᭠ᬢᬸ᭞ᬫᬮᬶᬗ᭄ᬕᬶᬄᬫᬲᬋᬗᬦ᭄᭞ᬫᬜ᭄ᬚᬶᬂᬫᬶᬚᬶᬮ᭄ᬲᬋᬂᬲᬫᬶ᭞ᬮᬶᬦ᭄ᬢᬂᬓᬾᬯᬸᬄ᭞ᬦᬾᬚ᭠
ᬦᬶᬬᬾᬦ᭄ᬬᬧᬃᬡ᭄ᬦᬬᬂ᭟ᬲᬗ᭄ᬓᬦᬤᬧᭂᬢᭂᬂᬍᬫᬄ᭞ᬫᬲᬶᬳᬶᬤᬫᬗ᭄ᬕᬮᬗᬶᬦ᭄᭠ᬢᬶᬗᬶᬳᬶᬤᬲᬗ᭄ᬳ᭄ᬬᬂᬯᬸᬮᬦ᭄᭞ᬭᬳᬶᬦᬲᬹᬃᬬ᭄ᬬᬗ᭄ᬕᬮᬗᬶᬦ᭄᭞ᬳᬶᬤᬲᬗ᭄ᬳ᭄ᬬᬂᬩᬶᬦ᭄ᬢᬂᬫ᭠
ᬮᬶᬄ᭞ᬭᬶᬂᬫᬤ᭄ᬬᬳᬶᬤᬮᬸᬗ᭄ᬕᬸᬄ᭞ᬳᭂᬦ᭄ᬢᭀᬚᬦᬶᬬᬾᬦ᭄ᬧᬃᬡ᭄ᬦᬬᬂ᭞ᬳᬶᬫᬤ᭄ᬬᬧᬮᬸᬤ᭄ᬫᬢᬸᬃᬩᬓ᭄ᬢᬶ᭞ᬲᬶᬗ᭄ᬕᬶᬄᬯ᭄ᬬᬓ᭄ᬢᬶ᭞ᬲᬧᬸᬦᬶᬓᬧᬶᬲᬦ᭄ᬩᬧ᭟ᬫᬮᬶᬄᬢᬶᬢ᭄ᬬᬫᬦᬸᬦ᭠ [ 20 ][᭑᭙ 19B]
᭑᭙
ᬲᬂ᭞ᬳᭂᬗ᭄ᬓᬾᬦ᭄ᬧᬭᬕᬬᬦ᭄ᬕᬸᬫᬶ᭞ᬫᬶᬯᬄᬧ᭄ᬭᬕᬬᬦ᭄ᬳᬓᬰ᭞ᬫᬮᬶᬄᬲᬦᬾᬮᬮᬦᬳᬶᬲ᭄ᬢ᭄ᬭᬷ᭞ᬫᬶᬯᬄᬲᬗ᭄ᬳ᭄ᬬᬂᬘᬢᬹᬃᬤᬰᬶ᭞ᬲᬧᬲᬶᬭᬗᬃᬤᬶᬳᬶᬓᬸ᭞ᬳᬶᬦ᭄ᬤᬬᬂᬦᬶᬓᬦ᭄ᬤᬶᬓ᭠
ᬬᬂ᭞ᬦᬄᬩᬧᬚᬦᬶᬗᭀᬭᬳᬶᬦ᭄᭞ᬦᬾᬦᬾᬫ᭄ᬭᬕ᭞ᬧ᭄ᬭᬶᬢᬶᬯᬶᬫᬸᬯᬄᬳᬓ᭠ᬰ᭟ᬲᬗ᭄ᬳ᭄ᬬᬂᬯᬸᬮᬦ᭄ᬫᬜ᭄ᬚᬶᬗᬶᬤ᭞ᬫᬭᬶᬂᬚᭂᬭᭀᬦᬶᬂᬧ᭄ᬭᬢᬶᬯ᭞ᬫ᭄ᬭᬕᬳᬶᬩᬸᬫᬓᬚ᭠
ᬢ᭄ᬬ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬓᭀᬘᬧ᭄ᬗ᭄ᬭᬜ᭄ᬚᬶᬂ᭞ᬭᬶᬂᬚ᭄ᬭᭀᬦᬶᬗᬓᬰᬯ᭄ᬬᬓ᭄ᬢᬶ᭞ᬫᬗ᭄ᬓᬾᬫ᭄ᬭ᭠ᬕᬲᬗ᭄ᬳ᭄ᬬᬂᬕᬸᬭᬸ᭞ᬫᬮᬶᬄᬳᬶᬤᬲᬗ᭄ᬳ᭄ᬬᬂᬩᬶᬦ᭄ᬢᬂ᭞ᬫᬜ᭄ᬚᬶᬂᬚ᭄ᬭᭀᬦᬶᬂᬯᬶᬦ᭄ᬥᬸᬫᬗ᭄ᬓᬶᬦ᭄᭞ᬫᬮᬶᬄ
ᬫᭂᬢᬸ᭞ᬫ᭄ᬭᬕᬳᬶᬤᬲᬗ᭄ᬳ᭄ᬬᬂᬢᬬ᭟ᬲᬗ᭄ᬳ᭄ᬬᬂᬢᬬᬫᬮᬶᬄᬓᭀᬘᬧ᭄᭞ᬗ᭄ᬭᬜ᭄ᬚᬶᬂᬚ᭄ᬭᬹᬦᬶᬂᬯᬶᬦ᭄ᬥᬸᬫᬮᬶᬄ᭞ᬤᬤᬶᬫ᭄ᬢᬸᬲᬗ᭄ᬢᬸᬲᬗ᭄ᬳ᭄ᬬᬂᬘᬶᬦ᭄ᬢ᭄ᬬ᭞ᬯᬃᬡ᭄ᬦᬦᬾᬓᬮᬶᬦ᭄ᬢᬂᬳ᭄ᬦᬶᬂ᭞ᬫᬗ᭄ᬓᬾ᭠
[᭒᭐ 20A]
ᬳᬶᬤᬭᬶᬂᬕᭂᬮᬶᬲ᭄᭞ᬗᬋᬕᭂᬧ᭄ᬫᬲ᭄ᬢᬸᬧᬸᬗ᭄ᬓᬸ᭞ᬫᬗ᭄ᬓᬾᬳᬶᬤᬗᬃᬤᬶᬧᬸᬢ᭄ᬭ᭞ᬗᬯᭂᬢ᭄ᬯᬂᬲᬓᬶᬂᬳᬚ᭄ᬜᬦᬶ᭞ᬤᬤᬶᬳᬦ᭞ᬫᭂᬢᬸᬲᬓᬶᬂᬧᬫᬱ᭄ᬝᬶᬬᬦ᭄᭟ᬧᬗ᭄ᬭᬶᬳᬶᬦᬶᬤᬳ᭄ᬬᬂᬰᬶᬯ᭞ᬳ᭄ᬬᬂᬰᬶᬯᬳᬧᬢ᭄ᬭᬫᬮᬶᬄ᭞ᬳᬓᬾᬄᬜᬯᬦ᭄ᬢᬄᬳᬲᬶᬬ᭞ᬇᬰ᭄ᬯᬭᬫᬳᭀᬤᬾᬯ᭠ᬤᬶ᭞ᬩ᭄ᬭᬳ᭄ᬫᬵᬯᬶᬱ᭄ᬡᬸᬫᬾᬲᭀᬭᬶ᭞ᬳ᭄ᬬᬂᬮᬸᬤ᭄ᬭᬲᬗ᭄ᬓᬭᬲᬫ᭄ᬪᬸ᭞ᬰᬶᬯᬫᬤ᭄ᬬᬧᬤ᭄ᬫᬲᬡ᭞
ᬘᬢᬹᬃᬪᬕᬯᬵᬦ᭄ᬫᬗᬶᬭᬶᬂ᭞ᬫᬺᬢ᭄ᬬᬸᬓᬸᬡ᭄ᬟ᭞ᬯᬺᬲ᭄ᬧᬢᬶᬫᬸᬯᬄᬓᬲ᭄ᬬᬧ᭟ᬩᬗᬸᬦ᭄ᬢᬶ᭠ᬢ᭄ᬬᬂᬧᬲᭂᬫᭂᬗᬦ᭄᭞ᬯᬾᬦ᭄ᬢᭂᬦ᭄ᬩᬶᬦ᭄ᬢᬂᬗ᭄ᬮᭂᬩᬸᬄᬕᬸᬫᬶ᭞ᬲᭂᬫᬸᬢᬾᬫᬗᬫᬄᬲᬳᬶ᭞ᬦᬦᬶᬧᬶ
ᬫᬗᬚᬂᬳᭂᬫᬶᬲ᭞ᬓᭂᬤᬶᬲᬾᬫᬗᬫᬄᬩᬸᬗ᭄ᬓᬶᬮ᭄᭞ᬓᬸᬮᬸᬓ᭄ᬫᬢᬮᬸᬄᬤᬶᬤᬸᬳᬸᬃ᭞ᬚᬍᬫᬦᬾᬕᬗ᭄ᬕᬲ᭄ᬕᬗ᭄ᬕᬲ᭄᭞ᬢᭂᬕᭂᬄᬜᬢ᭄ᬓᭂᬤ᭄ᬓᬮᬗᬶᬢ᭄᭞ᬳᬯᬓ᭄ᬲᬶᬕᬸᬕ᭄᭞ᬮ᭠ [ 21 ][᭒᭐ 20B]
᭒᭐
ᬯᬸᬢ᭄ᬫᬢᬸᬭᬦ᭄ᬤᬶᬲᬗ᭄ᬕᬄ᭟ᬗᬶᬗ᭄ᬭᬂᬫᬸᬜᬶᬦᬾᬤᬲᬲ᭄ᬢ᭄ᬭ᭞ᬬᬾᬦ᭄ᬢᬧᭂᬮᬶᬄᬩ᭄ᬯᬶᬦ᭄ᬩᬮᬶᬓᬶᬦ᭄᭞ᬜᬦ᭄ᬤᬂᬧᬶᬦᭂᬳᬶᬦ᭄ᬧᬶᬂᬢ᭄ᬮ᭄ᬯᬂ᭞ᬳᭂᬤᬢᬓᬸᬢ᭄ᬓᬓᭂᬤᬾᬓᬾᬦ᭄᭞ᬢᬸᬦᬲᬂᬧᬦᭀᬯᬱᬶ
ᬦ᭄᭞ᬢᭂᬓᬾᬦᬦᬓᬾᬦᬾᬯ᭄ᬭᬸᬄ᭞ᬤᬸᬮᬸᬭᬶᬦ᭄ᬩᬦ᭄ᬫᬸᬜᬶᬫᭂᬮᬄ᭞ᬳᬲ᭄ᬢᬶᬢᬶᬬ᭠ᬗᬧᬂᬢᬶᬮᬶᬂ᭞ᬳᬧᬂᬢᬢᬲ᭄᭞ᬩᭂᬲᬶᬓ᭄ᬩᭂᬲᬶᬓᬂᬫᬮᬲᬂ᭟ᬓᬾᬢᭀᬢᬶᬗ᭄ᬓᬄᬫᬧᬸᬭᬸ
ᬓᬦ᭄᭞ᬫ᭄ᬮᬚᬳᬂᬳᬯᬓ᭄ᬧᬂᬧᬲ᭄ᬢᬶ᭞ᬮᬓ᭄ᬱᬡᬦᬾᬳᬧᬂᬫᭂᬮᬄ᭞ᬦᬾᬜᬦ᭄ᬤᬂᬧᬥᬂᬲᬸᬗ᭄ᬓᭂᬫᬶᬦ᭄᭞ᬤᬧᬢᬶᬋᬲᭂᬧ᭄ᬋᬲᭂᬧᬶᬦ᭄᭞ᬓᭂᬦᭂᬄᬳᬦᬦᬾᬫᬶᬢᬸᬢᬸᬃ᭞ᬦ
ᬗ᭄ᬳᬶᬂᬩᭂᬲᬶᬓᬂᬫᭂᬮᬚᬄ᭞ᬳᬲ᭄ᬢᬧᬬᬂᬳᬧᬂᬓᭂᬦᬶ᭞ᬓᬾᬢᭀᬧᬢᬹᬢ᭄᭞ᬢᬶ᭠ᬗ᭄ᬓᬄᬫᬕᬸᬭ᭄ᬯᬗᬯᬓ᭄᭟ᬢᬶᬗ᭄ᬓᬳᬾᬤᬤᬶᬮᬸᬄᬩᬚᬂ᭞ᬳᬦ᭄ᬤᬾᬲ᭄ᬓᬃᬲ᭄ᬟᭂᬂᬫᬶᬳᬶᬓ᭄᭞
[᭒᭑ 21A]
ᬢᬫ᭄ᬩᬮᬶᬮᬶᬗᬦᬾᬳᭀᬲᬄ᭞ᬫᬩᬸᬤᬶᬫᬗᬶᬲᭂᬧ᭄ᬲᬭᬶ᭞ᬢᬸᬮᬤᬶᬕᬤᬸᬂ᭠ᬫᭂᬮᬢᬶ᭞ᬧᬸᬜᬦ᭄ᬚᬓᬦᬾᬬᬢᬸᬳᬸᬢ᭄᭞ᬳᬧᬂᬩᬸᬗᬦᬾᬚᭀᬲᬯᬢ᭄᭞ᬓᬾᬯᭂᬄ
ᬳᬦᬓᬾᬫᬗᬮᬶᬄ᭞ᬬᬦ᭄ᬢᬦ᭄ᬫᬦᬹᬢ᭄᭞ᬳᬶᬦ᭄ᬤᬶᬓ᭄ᬲᬂᬧᬘᬂᬜᬭᬢᬂ᭟ᬓᬤᬶᬩᬸᬗᬦᭂᬤᭂᬂᬓᭂᬫ᭄ᬩᬂ᭞ᬧᬶᬦᬓᬬᬂᬲᭀᬘᬮᬸᬯᬶᬄ᭞ᬳᭂᬫ᭄ᬩᬦᬦ᭄ᬢᬸᬓ᭄ᬫᬵᬲ᭄ᬳᬸᬢ᭄ᬢᬫ᭞ᬳᭂᬦ᭄ᬢᭀ
ᬳᬶᬢ᭄ᬭᬶᬓᬬᬚᬢᬶ᭞ᬩᬸᬤ᭄ᬟᬶᬲᬢ᭄ᬯᬦᬾᬩᭂᬘᬶᬓ᭄᭞ᬫᬶᬯᬄᬲᬦᬾᬲᬤᬸᬲᬤᬸ᭞ᬲᬶᬦᬄᬧᬘᬂᬓᬲᬤ᭄ᬬᬬᬂ᭞ᬯᬮᬸᬬᬳᬶᬲᭂᬢᬃᬰᬸᬘᬶ᭞ᬤᬤᭀᬲ᭄ᬘᬸᬦ᭄ᬤᬸᬓ᭄᭞ᬭᬶᬂᬲᬂ
ᬗ᭄ᬭᬚᭂᬓᬂᬓᬥᬃᬫ᭄ᬫᬦ᭄᭟ᬯᬦ᭄ᬢᬄᬲᬗᬗᬫᭀᬂᬩᬚᬂ᭞ᬕᬕᭀᬤᬦᬾᬮᬶᬬᬸᬕᬢᬶ᭞ᬬᬦ᭄ᬢᬸᬦᬧᬕᭂᬄᬭᬶᬂᬭᬕ᭞ᬫᬗ᭄ᬕᬯᬾᬬᬢᬦ᭄ᬧᬳᬚᬶ᭞ᬧᬶᬦᭂᬳᬶᬦ᭄ᬫ᭠ [ 22 ][᭒᭑ 21B]
᭒᭑
ᬮᬸᬧᬂᬧᬲ᭄ᬢᬶ᭞ᬧᬂᬤᬜᭂᬮ᭄ᬲᭂᬮ᭄ᬲᭂᬮ᭄ᬓᬧᬸᬗ᭄ᬓᬸᬃ᭞ᬬᬦ᭄ᬲᬸᬩᬦ᭄ᬫᬸᬤᬶᬓᬃᬫ᭄ᬫ᭞ᬳᬮᬳᬬᬸᬦᬾᬢᬢᬓᬶᬦ᭄᭞ᬓᬾᬢᭀᬧᬢᬹᬢ᭄᭞ᬢᬶᬗ᭄ᬓᬳᬾᬦ᭄ᬤᬤᬶᬚᬦ᭄ᬫ᭟ᬲᬢ᭄ᬬᬩ᭄ᬭ᭠
ᬢᬮᬓᬱᬡᬬᬂ᭞ᬧᬕᭂᬳᬾᬫᬗᬫᭀᬂᬩᬸᬤ᭄ᬟᬶ᭞ᬢ᭄ᬯᬭᬮᬶᬜᭀᬓ᭄ᬤᬯᬧᬭ᭞ᬲᬓᬶᬂᬫᬦᬄᬢᬺᬱ᭄ᬡᬳᬲᬶᬄ᭞ᬢᬦ᭄ᬲᬓᬾᬂᬫᬧ᭄ᬭᬶᬄᬤᬕᬶᬂ᭞ᬓᬾᬢᭀᬮᬓ᭄ᬱ᭠
ᬡᬦᬾᬧᬢᬸᬢ᭄᭞ᬬᬤᬶᬦᬤᬕᬕᭀᬕᬤᬦ᭄᭞ᬳᭂᬦ᭄ᬢᬾᬢ᭄ᬯᬄᬜᬦ᭄ᬤᬂᬓᭂ᭠ᬮᬶᬤᬶᬦ᭄᭞ᬳᬧᬂᬫᬦᬹᬢ᭄᭞ᬫᬳᬤᬦᬶᬲ᭄ᬢ᭄ᬭᬷᬉᬢ᭄ᬢᬫ᭟ᬓᬤᬶᬳᬶᬫ᭄ᬩᬲᭂᬓᬃᬲᬦ᭄ᬟᬢ᭄᭞
ᬫᬸᬗ᭄ᬕ᭄ᬯᬶᬂᬕᭀᬩᬦᬸᬦᬳᬰ᭄ᬭᬶ᭞ᬮ᭄ᬬᬸᬳᬦᬓᬾᬜᬭᬢᬂ᭞ᬗᬦ᭄ᬢᭀᬲ᭄ᬮᬬᬸᬓᬲᬸᬗ᭄ᬓᭂᬫᬶᬦ᭄᭞ᬬᬦ᭄ᬮᬬᬸᬲᬸᬫᬶᬦ᭄ᬫᬶᬳᬶᬓ᭄᭞ᬳᭂᬦ᭄ᬢᭀᬦᬾᬲᬭᬢᬂᬦᬶᬭᬸ᭠
[᭒᭒ 22A]
ᬢᬶᬗ᭄ᬓᬳᬾᬫᬦ᭄ᬤᬤᬶᬩᬚᬂ᭞ᬳᬕᬫᬳᬗ᭄ᬕᭀᬦ᭄ᬜᬮᬸᬳᬶᬦ᭄᭞ᬲᬶᬦᬄᬧᬗ᭄ᬕᬸᬄ᭞ᬲᬤ᭄ᬬᬲᬓᬮᬦᬶᬲ᭄ᬓᬮ᭟ᬩᭀᬬᬓᬤᬶᬓᭂᬫ᭄ᬩᬂᬩᬶᬦ᭄ᬢᬂ᭞ᬫᬸᬗ᭄ᬕ᭄ᬯᬶᬂᬕᭀᬩᬮᬶᬦ᭄ᬢ
ᬩᭂᬘᬶᬓ᭄᭞ᬗ᭄ᬳᬶᬂᬕᭂᬦᬄᬳᬶᬧᬸᬦ᭄ᬫᬸᬮᬶᬲᬄ᭞ᬭᬶᬂᬢᬦᬶᬄᬳᬶᬧᬸᬦ᭄ᬫᬮᬶᬮᬶᬢ᭄᭞ᬤᬗ᭠ᬦᬶᬤᬤᬦᬾᬫᭂᬢᬶᬓ᭄᭞ᬫᬮᬶᬄᬕᭂᬮᬶᬲᬶᬧᬸᬦ᭄ᬮᬬᬸ᭞ᬭᬶᬂᬲᬫ᭄ᬧᬸᬦᬾᬮᬬᬸᬓᬸᬢᬂ᭞
ᬤᬾᬦᬶᬲᭂᬓᬃᬢᬦ᭄ᬧᬯᬗᬶ᭞ᬭᬶᬂᬧᬫᬸᬧᬸᬢ᭄᭞ᬤᬤᭀᬲ᭄ᬮᬸᬳᬸᬢᬦ᭄ᬧᬕᬸᬡ᭟ᬲᬮ᭄ᬯᬶᬃᬳᬸᬧᬓᬭᬭᬕ᭞ᬜᬦ᭄ᬤᬂᬧᬶᬲᬫ᭄ᬢᭀᬓᬃᬤᬶᬦᬶᬦ᭄᭞ᬫᬯᬶᬦ᭄ᬢᭂᬦ᭄ᬫᭂᬮᬳᬶᬦ᭄ᬭᬕ᭞ᬧᬹᬃ᭠
ᬡ᭄ᬦᬫᬢᬶᬍᬫ᭄ᬫᬩᭂᬃᬱᬶᬄ᭞ᬫᬗ᭄ᬤᬾᬓᬲᬶᬤᬦ᭄ᬟᬤᬶ᭞ᬫᬜᭂᬫᬓ᭄ᬫᬫᬓ᭄ᬢᬢᬸᬢᬸᬃ᭞᭠ᬫᬗᬸᬜ᭄ᬘᬭᬂᬯᬾᬤᬫᬦ᭄ᬢ᭄ᬭ᭞ᬫᬸᬭᬸᬓᬶᬦᬕᬫᬫᬮᬶᬄ᭞ᬧᬂᬭᬳᬬᬸ᭞ᬫᬭᬶᬂᬲᬓᬮ [ 23 ][᭒᭒ 22B]
᭒᭒
ᬦᬶᬲ᭄ᬓᬮ᭟ᬧᬯᬶᬦ᭄ᬢᭂᬦᬦ᭄ᬦᬾᬉᬢ᭄ᬢᬫ᭞ᬜᬸᬤᬓᬬᬸᬦ᭄ᬲᬳᬶᬲᬳᬶ᭞ᬫᬤ᭠ᬲᬃᬩᬳᬦ᭄ᬢ᭄ᬭᬶᬓᬬ᭞ᬓᬬᬸᬦ᭄ᬰᬸᬘᬶᬚᬢᬶᬳ᭄ᬦᬶ᭞ᬫᬸᬜᬶᬦᬾᬳᬮᬸᬲ᭄ᬫᬦᬶᬲ᭄᭞ᬮᬓ᭄ᬱᬡ
ᬦᬾᬳᬍᬧ᭄ᬦᬸᬮᬸᬲ᭄᭞ᬢᬦ᭄ᬲᬼᬗᬫᬺᬢ᭄ᬢᬦᬶᬦᬦᬓ᭄᭞ᬳᭂᬦ᭄ᬢᭀᬚᬢᬶᬳᬦᬓ᭄ᬰᬸᬘᬶ᭞ᬚᬢᬶᬜᬮᬸᬓ᭄᭞ᬧᬯᬶᬦ᭄ᬢᭂᬦᬦᬾᬉᬢ᭄ᬢᬫ᭟ᬬᬾᬦᬶᬧᬸᬦᬶᬯᬶᬦ᭄ᬢᭂᬦ᭄ᬲᭀ
ᬘ᭞ᬤᬾᬦᬶᬗᬶᬧᬸᬦ᭄ᬫᬉᬢ᭄ᬢᬫᬶ᭞ᬲᬓᬶᬂᬢᭂᬗᬄᬫᭂᬤᬮ᭄ᬘᬳ᭄ᬬᬵ᭞ᬲᬦᬾᬤᬳᬢ᭄ᬗᬸᬮᬗᬸᬦᬶᬦ᭄᭞ᬲᬧᬸᬦᬶᬓᬲᬦᬾᬯ᭄ᬬᬓ᭄ᬢᬶ᭞ᬬᬾᬦ᭄ᬭᬕᬫᬯᬶᬦ᭄ᬢᭂᬦ᭄ᬲᬫ᭄ᬧᬸᬦ᭄᭞ᬢ
ᬍᬃᬗᬫᭂᬮᬂᬘᬳ᭄ᬬ᭞ᬤᬸᬫᬶᬮᬄᬘᬳ᭄ᬬᬦᬾᬳ᭄ᬦᬶᬂ᭞ᬭᬕᬰᬸᬘᬶ᭞ᬜᬫ᭄ᬧ᭄ᬮᬄ᭠ᬢᬦ᭄ᬓᬳᬦᬦ᭄ᬫᬮ᭟ᬬᬾᬦ᭄ᬦᬸᬚᬸᬢᬶᬭᬫ᭄ᬧᬹᬃᬡ᭄ᬦᬫ᭞ᬧᬢᬹᬢ᭄ᬲᬭᬢᬂᬫᬩᬺᬲᬶᬄ᭞ᬫ
[᭒᭓ 23A]
ᬲᬶᬲᬶᬕ᭄ᬫᬵᬫ᭄ᬩᬸᬄᬫᬲᬶᬭᬫ᭄᭞ᬫᬧᬗᬗ᭄ᬕᭀᬲᬃᬯ᭄ᬯᬰᬸᬘᬶ᭞ᬓᬫ᭄ᬭᬚᬦ᭄ᬫᬳ᭄ᬦᬶᬂᬳ᭄ᬦᬶᬂ᭞ᬗᬸᬗ᭄ᬕᬳᬂᬢᭀᬬᬓᬓᬸᬮᬸᬄ᭞ᬫᬤᬓ᭄ᬢᬶᬫᬧᬶᬦᬸᬦᬲᬦ᭄᭞ᬓᬭᬳᬬ᭄ᬯᬦ᭄ᬲᬋᬂᬲ᭠
ᬫᬶ᭞ᬫᬓᬲᬓ᭄ᬱᬶ᭞ᬳᬶᬤᬲᬗ᭄ᬳ᭄ᬬᬂᬲᬹᬃᬬ᭄ᬬᬲᬦ᭄ᬤ᭄ᬭ᭟ᬓᬵᬮᬳᬶᬤᬧᬓᬮᬶᬳᬦ᭄᭞ᬓᬳᬶᬭᬶᬗᬦ᭄ᬢᬸᬓ᭄ᬪᬝᬭᬷ᭞ᬳᬧᬦᬶᬢᬶᬍᬫ᭄ᬧᬹᬃᬡ᭄ᬦᬫ᭞ᬓᬳᬸᬘᬧᬶᬬᭀᬕᬦ᭄ᬯᬶᬥᬶ᭞ᬗᬶ
ᬮᬗᬂᬲᬮ᭄ᬯᬶᬭᬶᬂᬕ᭄ᬭᬶᬂ᭞ᬮᬭᬭᭀᬕᬯᬶᬖ᭄ᬦᬕᭂᬫ᭄ᬧᬸᬂ᭞ᬳᭂᬦ᭄ᬢᭀᬲᬗ᭄ᬓᬦᬵᬲ᭄ᬢᬶᬢᬶᬬᬂ᭞ᬫᬳᬢᬸᬭᬦ᭄ᬲᬃᬯ᭄ᬯᬯᬗᬶ᭞ᬲᬦᬾᬫᬸᬗ᭄ᬕᬄ᭞ᬤᬶᬮᬸᬳᬸᬭᬶᬧᬫᭂᬋᬫ᭄᭟ᬳᬘᬧ᭄ᬟ᭄ᬬᬂ
ᬕᬸᬭᬸᬲᬗ᭄ᬓᬭ᭞ᬭᬶᬗᬶᬤᬯᬦ᭄ᬢᬄᬗᬲ᭄ᬢᬸᬢᬶ᭞ᬲᬓᬶᬂᬓᬲᬶᬤ᭄ᬟ᭄ᬬᬦᬵᬚ᭄ᬜᬦ᭞᭠ᬫᬗ᭄ᬤᬾᬲ᭄ᬯᬾᬘᬓᬮᬶᬗ᭄ᬕᬦᬶᬦ᭄᭞ᬗᬮᬸᬓᬢ᭄ᬫᬮᬤᬸᬲ᭄ᬓᬢ᭄ᬢᬶ᭞ᬫᬮᬯᬶᬖ᭄ᬦᬦᬾᬬ [ 24 ][᭒᭓ 23B]
᭒᭓
ᬮᬸᬫ᭄ᬧᬸᬃ᭞ᬲᬧᬸᬦᬶᬓᬧᬶᬓ᭄ᬦᭀᬄᬜ᭞ᬧᬹᬃᬡ᭄ᬦᬫᬢᬶᬍᬫ᭄ᬫᬪᬢ᭄ᬢᬶ᭞ᬫᬗ᭄ᬤᬘᬸᬘᬸᬤ᭄᭞ᬳᬲ᭄ᬢᬶᬢᬶᬨᬓ᭄ᬢᬶᬭᬶᬂᬳ᭄ᬬᬂ᭟ᬩᬘᬓᬦᬶᬧᬜ᭄ᬘᬬᬚ᭄ᬜ᭞ᬦᬾᬮᬮᬫᬫᬸᬗ᭄ᬕ᭄ᬯᬶ
ᬗᬚᬶ᭞ᬤᬾᬯᬬᬚ᭄ᬜᬧᬶᬢ᭄ᬭᬬᬚ᭄ᬜ᭞ᬫᬵᬦᬸᬱᬬᬚ᭄ᬜᬫᭂᬓᬤᬶ᭞ᬩᬸᬢᬬᬚ᭄ᬜᬦᬾᬫᬮᬶᬄ᭞ᬋᬱᬶᬚ᭄ᬜᬦᬾᬓᬯᬸᬯᬸᬲ᭄᭞ᬦ᭄ᬢᭀᬦᬾᬫᬤᬦ᭄ᬧᬜ᭄ᬘᬬᬚ᭄ᬜ᭞
ᬦᬾᬧᬢᬹᬢ᭄ᬜᬦ᭄ᬤᬂᬮᬓᭀᬦᬶᬦ᭄᭞ᬘ᭄ᬦᬶᬂᬳᬬᬸ᭞ᬫᭂᬮᬳᬂᬚᬫᬫᬶᬋᬗᬂ᭟ᬲᬲᬸᬤᬸᬓ᭄ᬦᬗᬸᬦᬂᬬᬚ᭄ᬜ᭞ᬳᬕᬫᬳᬶᬦ᭄ᬥᬸᬦᬾᬘ᭄ᬦᬶᬂ᭞ᬤᬾᬬᬬᬚ᭄ᬜᬫᬢᬸᬂᬪᬓ᭄ᬢ᭄ᬬ᭞ᬫᬫᬹ
ᬚᬳᬶᬤᬳ᭄ᬬᬂᬯᬶᬥᬶ᭞ᬲᬤᬓᬲᬃᬯ᭄ᬯᬯᬗᬶ᭞ᬤᬸᬮᬸᬭᬶᬦ᭄ᬫᬦᬄᬭᬳᬬᬸ᭞ᬫᬗᬸᬜ᭄ᬘᬭᬂᬯᬾᬤᬫᬦ᭄ᬢ᭄ᬭ᭞ᬫ᭄ᬭᬶᬳᬂᬓᬭᬳᬬᭀᬦ᭄ᬕᬸᬫᬶ᭞ᬮᬸᬦᬲ᭄ᬮᬦᬸᬲ᭄᭞ᬲᬃᬯ᭄ᬯᬢᬸᬫᬸ᭠
[᭒᭔ 24A]
ᬯᬸᬄᬫᬓᭂᬚᬂ᭟ᬲᬹᬓ᭄ᬱ᭄ᬫᬦᬶᬂᬳᬶᬧᬶᬢᬺᬬᬚ᭄ᬜ᭞ᬲᬸᬪᬓ᭄ᬢᬶᬭᬶᬂᬦᬓ᭄ᬮᬶᬗ᭄ᬲᬶᬃ᭞ᬫ᭠ᬗᬸᬧᬓᬭᬓᬂᬲᬯ᭞ᬤᬸᬮᬸᬭᬶᬦ᭄ᬩᬦ᭄ᬓᬳ᭄ᬬᬸᬦ᭄ᬪᬓ᭄ᬢᬶ᭞ᬦᬗ᭄ᬳᬶᬂᬩᭀᬬᬗᬩᬾᬳ᭄ᬳᬸ᭠
ᬧ᭄ᬢᬶ᭞ᬗᬯᬶᬦᬂᬫᬗ᭄ᬕᬶᬄᬭᬳᬬᬸ᭞ᬓᬮᬶᬄᬗᬸᬦ᭄ᬤᬂᬜᬫᬩ᭄ᬭᬬ᭞ᬫᬢᬢᬫ᭄ᬧ᭠ᬳᬦ᭄ᬲᬲᬳᬶ᭞ᬲᬮᬄᬲᬸᬤᬸᬓ᭄᭞ᬩᬶᬲᬗᬯᬾᬦᬂᬲᬗ᭄ᬲᬭ᭟ᬢᬶᬤᭀᬂᬩ
ᬤᬾᬦᬾᬫᬜᬸᬧᬢ᭄᭞ᬧᬢᬸᬮᬗᬦᬾᬫᭂᬓᬤᬶ᭞ᬫᬧᬦ᭄ᬤᬬᬗᬾᬦ᭄ᬤᬄ᭠ᬧᬮᬕ᭄᭞ᬕᬚᬄᬫᬶᬦᬩᬯᬶᬲᬺᬗ᭄ᬕᬶ᭞ᬫ᭄ᬯᬄᬲᬶᬗ᭄ᬳᬵᬦᬾᬫᬓᬫ᭄ᬧᬶᬤ᭄᭞ᬓᬾᬯ᭠
ᬮᬳᬰ᭄ᬭᬶᬓᬤᬸᬮᬸ᭞ᬓᬤᬾᬦ᭄ᬫᬳᬦ᭄ᬲ᭄ᬯᬃᬕ᭄ᬕᬮᭀᬓ᭞ᬫᬧᬗᭂᬦ᭄ᬩᬸᬓ᭠ᬚᬦᬶ᭞ᬲᬮᬄᬲᬸᬤᬸᬓ᭄᭞ᬧᬶᬢ᭄ᬭᬦᬾᬬᬫᬦᬸᬫᬦ᭄ᬤᬂ᭟ᬲᬲᬸᬤᬸᬓ᭄ᬫᬵᬦᬸᬱᬬᬚ᭄ᬜ [ 25 ][᭒᭔ 24B]
᭒᭔
᭞ᬗᬸᬧᬓᬭᬭᬭᬾᬘᭂᬦᬶᬓ᭄᭞ᬲᬮᬶᬂᬢᬸᬮᬸᬗᬚᬓ᭄ᬜᬫ᭞ᬧᬭᬲ᭄ᬧᬭᭀᬲ᭄ᬲᬮᬶᬂᬢᬶᬦ᭄ᬤᬶᬄ᭞ᬳᬦᬾᬢᬶᬯᬲ᭄ᬢᬸᬮᬸᬗᬶᬦ᭄᭞ᬕᬯᬾᬜᬳᬧᬂᬭᬳᬬᬸ᭞ᬲᬶᬂ᭠
ᬩᬦᬶᬗᭂᬢᭀᬳᬶᬦᬯᬓ᭄᭞ᬦᬸᬮᬸᬂᬜᬫᬩ᭄ᬭᬬᬯᬃᬕ᭄ᬕᬶ᭞ᬦᬫ᭄ᬧᬶᬢᬫ᭄ᬬᬸ᭞᭠ᬲᬓᬶᬗᭀᬮᬲ᭄ᬫᬦᬄᬮᬶᬬᬂ᭟ᬩᬸᬢᬬᬚ᭄ᬜᬦᬾᬢᬸᬢᬸᬭᬂ᭞ᬢᭂᬍᬩ᭄ᬦᬸᬮᬸᬂᬲᬃᬯ᭄ᬯᬧ᭄ᬭᬡᬶ
᭞ᬲᬢᭀᬧᬓ᭄ᬱᬶᬯᬯᬮᬸᬗᬦ᭄᭞ᬲᬓᬜ᭄ᬘᬦ᭄ᬜᬦᬾᬫᬳᬸᬭᬶᬧ᭄᭞ᬲᬗ᭄ᬓᬦᬶᬂ᭠ᬢ᭄ᬮᬲᬰᬶᬄ᭞ᬳᬧᬂᬫᬲᬶᬩᬋᬗᬶᬤᬸᬧ᭄᭞ᬮᬶᬮᬫᬳᬗᬶᬦ᭄ᬧᬲᬗᬾᬦ᭄᭞ᬓᬮᬶᬄ᭠
ᬩᬸᬢᬦᬾᬘᬭᭀᬦᬶᬦ᭄᭞ᬧᬂᬭᬳᬬᬸ᭞ᬦᬸᬫᬤᬶᬓᬫ᭄ᬭᬘᬧᬤ᭟ᬋᬱᬶᬬᬚ᭄ᬜᬦᬾᬳᬸᬘᬧᬂ᭞ᬢᭂᬍᬩ᭄ᬫᬭᬸᬓ᭄ᬓᬲᬸᬚᬢᬶᬦ᭄᭞ᬯᭂᬓᬲᬂᬓᬤᬶᬬᬢᬺᬓᬦ᭄᭞ᬫᬧ
[᭒᭕ 25A]
ᬭᬸᬭ᭄ᬯᬦ᭄ᬭᬶᬂᬲᬗᬸᬦᬶᬂ᭞ᬗᬸᬮᬶᬓ᭄ᬲᬲ᭄ᬢ᭄ᬭᬢᬢ᭄ᬯᬤᬶ᭞ᬥᬃᬫ᭄ᬫᬪᬓ᭄ᬢᬶᬭᬶᬂᬤᬂᬕᬸᬭᬸ᭞ᬫ᭠ᬗᬸᬬ᭄ᬬᬃᬕᬤᬳᭂᬗ᭄ᬲᬧᬂ᭞ᬦᬗ᭄ᬳᬶᬂᬤᬗᬗ᭄ᬕᭀᬦ᭄ᬧᬤᬶᬤᬶ᭞ᬘ᭄ᬦᬶᬗᬬᬸ᭞ᬓᬩᬶᬲᬳ᭠
ᬦᬾᬤᬦᬬᬂ᭟ᬦᬾᬳᬤᬳᬗ᭄ᬕᭀᬦ᭄ᬢᭂᬗᭂᬭᬦ᭄᭞ᬳᬓᬓᬾᬢᭂᬓᬦᬸᬫᬤᬶ᭞ᬬᬾᬦᬶᬂᬧᭂᬧᭂᬓ᭄ᬳᬸᬧᬓᬭ᭞ᬢᬾᬢᬾᬄᬫᬦᬩᬸᬳᬂᬫᬸᬜᬶ᭞ᬩᬕᬸᬲ᭄ᬫᬓᬭᬢ᭄ᬭᬭᬶᬄ
᭞ᬳᬍᬧ᭄ᬧᬗᬸᬘᬧᬾᬧᬗᬸᬲ᭄᭞ᬲᬸᬕᬶᬄᬥᬃᬫ᭄ᬫᬢᬸᬃᬧ᭄ᬭᬚ᭄ᬜᬦ᭄᭞ᬧᬭᬵᬃᬣᬲᬬᬗᬂᬕᬸᬫᬶ᭞ᬢᬸᬃᬓᬲᬸᬫ᭄ᬩᬂ᭞ᬫᬯᬲ᭄ᬢᬳᬱ᭄ᬝᬓᭀᬰᬮ᭟ᬳᭂᬦ᭄ᬢᭀᬳᭂᬤᬧᬶᬭᬶᬳᬗ᭞ᬫᬸᬮ
ᬢᬸᬫᬶᬢᬶᬲᬦ᭄ᬮᬸᬯᬶᬄ᭞ᬳᭂᬤᬢᬦ᭄ᬤ᭄ᬭᬸᬄᬢ᭄ᬓᬾᬦᬯᬓ᭄᭞ᬢᬸᬦᬦᬾᬚᬦᬶᬚᬸᬫᬸᬳᬶᬦ᭄᭞ᬫᬬᬚ᭄ᬜᬳᬧᬂᬢᬶᬢᬶᬓ᭄᭞ᬫᬸᬂᬧᬸᬂᬭᬕᬦᬾᬦᬸᬳᬶᬤᬸᬧ᭄᭞ᬬᬾᬦᬶᬂᬧᬘᬂᬓᬓᬸᬭᬗ [ 26 ][᭒᭕ 25B]
᭒᭕
ᬦ᭄᭞ᬢᭀᬂᬢᬳᬾᬦ᭄ᬫᬬᬰᬓᬾᬃᬣᬶ᭞ᬤᬶᬚᬭᬸᬭᬸᬄ᭞ᬫᭂᬮᬳᬾᬧᬘᬂᬢᭂᬫᬸᬳᬂ᭟ᬦᬾᬩᬕᬸᬲ᭄ᬲᬕᬾᬢ᭄ᬫᭂᬗᬬᬂ᭞ᬳᬍᬧ᭄ᬧ᭄ᬭᬚ᭄ᬜᬩᬸᬤ᭄ᬟᬶᬳᬰᬶᬄ᭞ᬲᭀᬮᬳᬾᬗᬱ᭄ᬝ᭠
ᬓᭀᬰᬮ᭞ᬓᬾᬢᭀᬨᬮᬦ᭄ᬜᬦᬾᬧᬗ᭄ᬕᬶᬄ᭞ᬫᬩ᭄ᬭᬢᬜᬶᬮᬢ᭄ᬭᬶ᭞ᬢᭂᬍᬩ᭄ᬪᬓ᭄ᬢᬶᬭᬶᬂᬤᬂᬕᬸᬭᬸ᭞ᬫᭂᬓᬤᬶᬭᬶᬂᬲᬂᬤ᭄ᬯᬶᬚᬵ᭞ᬫ᭄ᬯᬄᬭᬶᬂᬲᬗ᭄ᬳ᭄ᬬᬂᬧ᭄ᬭᬫᬓᬯᬶ᭞ᬲᬗ᭄ᬓᬦ᭄ᬢᬸᬫ᭄ᬩᬸᬄ᭞ᬫᬯ
ᬗ᭄ᬰᬓᬲᬸᬩᬂᬚᬕᬢ᭄᭟ᬧᬸᬧᬸᬢ᭄᭛᭜᭛ᬮᭀᬦ᭄ᬢᬃᬧᬸᬦᬶᬓᬶᬕᬕᬸᬭᬶᬢᬦ᭄ᬳᬶᬫᬤ᭄ᬬᬧᬮᬸᬤ᭄᭞ᬫᬢᭂᬫ᭄ᬩᬂᬫᬘᬧᬢ᭄᭞ᬲᬮᬶᬦᬦ᭄ᬮᭀᬦ᭄ᬢᬂᬲᬓᬶᬤᬾᬰᬳ
ᬩᬩᬶᬳᬩᬂ᭟ᬧᬸᬢᬸᬢ᭄ᬓᬲᬸᬭᬵᬢ᭄ᬭᬶᬂᬭᬳᬶᬦ᭞ᬰ᭞ᬯ᭞ᬲᬶᬦ᭄ᬢ᭞ᬧᬗ᭄ᬮᭀᬂᬧᬶᬂ᭞᭑᭕᭞ᬢᬶᬍᬫ᭄᭞ᬰᬰᬶᬄᬚ᭄ᬬᬾᬱ᭄ᬝ᭞ᬭᬄ᭑᭐᭞ᬢᭂᬗ᭄ᬕᭂᬓ᭄᭞᭑᭒᭞ᬳᬶᬰᬓ᭞
[᭒᭖ 26A]
᭑᭙᭑᭘᭞ᬓᬲᬸᬭᬵᬢ᭄ᬳᭀᬮᬶᬄᬳᬶᬯᬬᬦ᭄ᬢᭂᬕᭂᬕ᭄‌ᬲᬓᬶᬂᬤᬾᬰᬩᬸᬕ᭄ᬩᬸ᭠ᬕ᭄᭞ᬤᬸᬲᬸᬦ᭄ᬢᭂᬗᬳᬦ᭄᭞ᬩᬜ᭄ᬚᬃᬩᬜ᭄ᬘᬶᬗᬄ᭞ᬓᭂᬤᬾᬰᬳᬦ᭄ᬩᬸᬕ᭄ᬩᬸᬕ᭄᭞ᬓᭂᬘ
ᬫᬢᬦ᭄ᬫᬶᬯᬄᬓᬩᬸᬧᬢᬾᬦ᭄ᬤᬳᬾᬭᬄᬢᬶᬗ᭄ᬓᬢ᭄᭞ᬓᬭᬳᬗᬲᭂᬫ᭄᭞ᬭᬸᬭᬸᬂᬓᬫ᭄ᬪᭀᬚ᭞ᬳᬸᬫᬄ᭞ᬦᭀ᭕᭞᭛᭜᭛᭐᭛᭜᭛ [ 27 ][᭒᭖ 26B]