Ban/Gaguritan Mahispati

Deskripsi

Naskah

[ 1 ][PERPUSTAKAAN KTR.DOKBUD BALI PROP.BALI
G/XXVI/10/DOKBUD]
Gag. MAHISPATI.
Pnj.45 cm. Jl. 44 lb.
Jasri, K A.
[᭑ 1A]
GAG: MAHISPATI
G/XXVI/10 [ 2 ][᭑ 1B]
᭑
᭛ᬅᬯᬶᬖ᭄ᬦᬫᬵᬲ᭄ᬢᬸᬦᬫᬲᬶᬤ᭄ᬥᬀ᭛ᬧᬸᬧᬸᬄᬤᬹᬃᬫ᭄ᬫ᭛ᬚᬦᬶᬳᬤᬧᬘᬂᬩᬸᬯᬶᬦ᭄ᬘᬭᬶᬢᬬᬂ᭞ᬢᬸᬢᬸᬭᬦ᭄ᬜᬦᬾᬭᬶᬳᬶᬦ᭄᭞ᬭᬢᬸᬫᬯᬶᬰᬾᬱ᭞ᬢᭀᬢᭀᬲᬶᬂᬪᬝᬵᬭᬯᬃᬱ᭞ᬲᬓᬾᬂᬲᬂᬳ᭄ᬬᬂᬫᬬᬲᬶᬗ᭄ᬕᬶᬄ᭞ᬳᬶᬤᬫᬬᭀᬕ᭞
ᬫᬫᭀᬦᬫᬋᬧ᭄ᬓᬗᬶᬦ᭄᭟ᬤᬤᬶᬫᬶᬚᬶᬮ᭄ᬲᬢ᭄ᬭᬶᬬᬧᬸᬢᬸᬲ᭄ᬦᬶᬂᬦᬵᬬ᭞ᬰ᭄ᬭᬷᬓᬺᬢ᭄ᬢᬯᬶᬃᬬ᭄ᬬᬲᬶᬗ᭄ᬕᬶᬄ᭞ᬫᬗᬤᭂᬕ᭄ᬪᬸᬧᬵᬮ᭞ᬭᬢᬸᬭᬶᬂᬫᬳᬶᬲ᭄ᬧᬢ᭄ᬬ᭞ᬓᬺᬢ᭄ᬢᬯᬶᬃᬬ᭄ᬬᬰ᭄ᬭᬶᬪᬹᬧᬢᬶ᭞ᬫᬤ᭄ᬭᬸᬯᬾᬧᬸᬢ᭄ᬭ᭞ᬰ᭄ᬭᬶᬅᬃᬚ᭄ᬚᬸᬦᬲᬶᬦᬶᬯᬶ᭟ᬩ᭄ᬯᬢᬶᬂᬯᬃᬡ᭄ᬦᬪᬶᬭᬫᬮᬸᬯᬶᬃ
ᬤᬾᬯᬢ᭞ᬭᬶᬂᬚᬕᬢ᭄‌ᬢᬦ᭄ᬧᬢᬦ᭄ᬤᬶᬂ᭞ᬢᭀᬲ᭄ᬢᭀᬲ᭄ᬦᬶᬂᬉᬢᬫ᭞ᬯᬶᬪᬸᬳᬶᬂᬦᬬᬯᬶᬯᬾᬓ᭞ᬓᬓᬲᬶᬄᬳᬶᬤᬦᬺᬧᬢᬶ᭞ᬦᬵᬣᬳᬰ᭄ᬭᬪᬸᬚ᭞ᬮ᭄ᬯᬶᬃᬲᬸᬫᬾᬭᬸᬲᬶᬗ᭄ᬕᬶᬄ᭟ᬪᬶᬦᬶᬱᬾᬓᬭᬢᬸᬭᬶᬂᬧᬸᬲᭂᬃᬦᬕᬭ᭞ᬳᬭᬦ᭄ᬭᬶᬂᬫᬳᬶᬲ᭄ᬧᬢᬶ᭞ᬲᬂᬦᬵ
ᬣᬅᬃᬚ᭄ᬚᬸᬦ᭞ᬓᬓᬲᬶᬄᬳᬰ᭄ᬭᬪᬸᬚ᭞ᬫᬓᬘᬢ᭄ᬭᬦᬶᬂᬪᬹᬫᬶ᭞ᬢᬦ᭄‌‌ᬲᬫᬦ᭄ᬧᬥ᭞ᬲᬮᬸᬳᬸᬭᬶᬂᬧ᭄ᬭᬶᬣᬶᬯᬶ᭟ᬧᬭᬭᬢᬸᬚᬯᬲᬫᬶᬬᬦ᭄ᬧ᭄ᬭᬡᬢ᭞ᬦᬸᬳᬸᬦ᭄ᬧᬥᬦᬺᬧᬢᬶ᭞ᬯᬮᬸᬬᬪᬝᬵᬭ᭞ᬚᬸᬫᭂᬦᭂᬫᬸᬗ᭄ᬕᬯᬾᬂᬪ᭄ᬯᬦ᭞ᬲᬂᬧ᭄ᬭᬪᬸᬓᬭᬶ

[᭒ 2A]
᭒
ᬢᬭᬸᬡᬶ᭞ᬫᬸᬂᬧᬸᬂᬚᬚᬓ᭞ᬰ᭄ᬭᬶᬅᬃᬚ᭄ᬚᬸᬦᬳᬚᬶ᭟ᬯᬾᬦ᭄ᬢᭂᬦ᭄ᬧᬢᬶᬃᬣᬦ᭄ᬲᬂᬧ᭄ᬭᬪᬸᬉᬢ᭄ᬢᬫ᭞ᬩ᭄ᬭᬵᬳ᭄ᬫᬡᬲᬶᬤ᭄ᬥᬶᬫᬦ᭄ᬤᬶ᭞ᬪᬕᬯᬵᬦ᭄‌ᬯᬶᬰᬾᬮ᭞ᬅᬖ᭄ᬦᬶᬢᭀᬧᬲᬾᬗᬦ᭄᭞ᬧᬸᬢ᭄ᬭᬦ᭄ᬲᬂᬳ᭄ᬬᬂᬧ᭄ᬭᬚᬧᬢᬶ᭞ᬰᬓ᭄ᬢᬶᬧ᭄ᬭᬬᭀᬕ᭞ᬭᬶᬂᬳ
ᬮᬲ᭄ᬳᬕᬸᬂᬫᬮᬶᬗ᭄ᬕᬶᬄ᭟ᬢ᭄ᬯᬭᬓᬬᬸᬦ᭄ᬳᬶᬤᬳᬸᬫᬸᬗ᭄ᬕ᭄ᬯᬶᬂᬦᬵᬕᬭ᭞ᬚ᭄ᬭᬶᬳᬶᬂᬫᬹᬃᬓ᭄ᬓᬲᬯ᭄ᬬᬓ᭄ᬢᬶ᭞ᬓᬭᬡᬦᬾᬂᬳᬮᬲ᭄᭞ᬲᬂᬰ᭄ᬭᬶᬫᬳᬵᬤ᭄ᬯᬶᬚ᭞ᬫᬤ᭄ᬭᬸᬯᬾᬧᬸᬢ᭄ᬭᬲᬯᬶᬚᬶ᭞ᬩᬕᬸᬲᬾᬗᭀᬜᬂ᭞ᬮ᭄ᬯᬶᬃᬕᬡ᭄ᬥᬃᬯ᭄ᬯᬲᬶᬗ᭄ᬕᬶᬄ᭟ᬓ᭄ᬬᬢᬶᬂᬭᬵᬢ᭄‌ᬲᬂᬯᬶᬭ
ᬲᬸᬫᬦ᭄ᬢ᭄ᬭᬶᬦᬵᬫ᭞ᬯᬶᬰᬾᬱᬢᬦ᭄ᬧᬢᬦ᭄ᬤᬶᬂ᭞ᬢᬸᬃᬲᬶᬭᬳᬫᬶᬢ᭄ᬭ᭞ᬳᬲᬶᬄᬪᬝᬵᬭᬲᬹᬃᬬ᭄ᬬ᭞ᬫᬯᬾᬳᬂᬲᬜ᭄ᬚᬢᬍᬯᬶᬄ᭞ᬘᬓ᭄ᬭᬯᬶᬰᬾᬱ᭞ᬳᬭᬦ᭄ᬓᬂᬘᬸᬤ᭄ᬥᬫᬡᬶ᭟ᬪᬓ᭄ᬢᬶᬭᬶᬂᬤᬾᬯᬓᬮᬶᬄᬪᬓ᭄ᬢᬶᬭᬶᬂᬩᬧ᭞ᬩᬶᬩᬶᬦᬾᬯᬶᬤ᭄ᬬᬥᬭᬶ᭞
ᬲᬓᬶᬂᬲᬹᬃᬬ᭄ᬬᬮᭀᬓ᭞ᬦᬵᬫᬤᬾᬯᬶᬅᬭᬶᬦ᭄ᬬ᭞ᬯᬾᬦ᭄ᬢᭂᬦ᭄ᬭᬓᬦ᭄ᬲᬂᬲᬸᬫᬦ᭄ᬢ᭄ᬭᬶ᭞ᬧᬗ᭄ᬭᬶᬳᬶᬦ᭄ᬫᭂᬤᬮ᭄᭞ᬭᬵᬓ᭄ᬱᬲᬩᭀᬤᭀᬚᬢᬶ᭟ᬓ᭄ᬬᬢᬶᬂᬭᬵᬢ᭄‌ᬯᬶᬰᬾᬱᬲᬸᬓᬲᬭᬡ᭞ᬘᬩ᭄ᬮᭂᬳᬤᭂᬕᬾᬯ᭄ᬬᬓ᭄ᬢᬶ᭞ᬘᬸᬗᬸᬄᬓᬪᬶᬦᬯ᭞ᬕᭂᬤᬾᬦᬾᬓᬤᬶ [ 3 ][᭒ 2B]
᭒
ᬓᬸᬫ᭄ᬪ᭞ᬍᬗᬃᬜᬦᬾᬗᬢᬕ᭄ᬲᭂᬫᬶᬂ᭞ᬩᬹᬫᬭᬳᭂᬫ᭄ᬩᬲ᭄᭞ᬭᬸᬦ᭄ᬢᬶᬓ᭄ᬧᬤᬡ᭄ᬥᬗᬓ᭄ᬱᬶ᭟ᬭᬭᬶᬲ᭄ᬓᬚᭂᬫᬓ᭄ᬭᬭᬾᬦᬾᬓᬳᭂᬦ᭄ᬢᬸᬗᬂ᭞ᬭᬶᬂᬢᬗ᭄ᬓᬶᬤᬾᬗᬾᬯᭂᬳᬶᬦ᭄᭞ᬩᬦ᭄‌‌ᬭᬹᬧᬦᬾᬳᬮ᭞ᬩᭂᬢᬄᬢᬸᬮᬾᬦ᭄ᬩᬪᬸᬢᬦ᭄᭞ᬲᬂᬲᭀᬓᬰ᭄ᬭᬡᬤᬤᬶ᭞
ᬓᬧᬶᬯᭂᬮᬲᬦ᭄᭞ᬭᬶᬂᬧᬗ᭄ᬓᬸᬗᬾᬫᬦᬗᬶᬲ᭄᭟ᬩᬢᬶᬲ᭄ᬳᭂᬮᬸᬂᬢᬗᬦ᭄ᬩᬶᬮᬸᬓ᭄ᬫᬧᬦᭂᬕᬦ᭄᭞ᬫᬦᭂᬧᬾᬧᬶᬸᬦ᭄ᬭᬾᬚᬾᬂᬢᬗ᭄ᬓᬶᬤ᭄᭞ᬗᭂᬮᬶᬂᬕᭂᬭᬓ᭄ᬕᭂᬭᬓ᭄᭞ᬤᬶᬧᬮᬸᬳᬾᬫᬗᭂᬗ᭄ᬓᬓ᭄᭞ᬪᬕᬯᬵᬦ᭄‌ᬢ᭄ᬯᬭᬫᬦᭀᬮᬶᬄ᭞ᬤᬵᬳ᭄ᬬᬂᬯᬶᬰᬮ᭞
ᬲᬂᬲᬸᬫᬦ᭄ᬢ᭄ᬭᬶᬓᬳᬫ᭄ᬩᬶᬮ᭄᭟ᬩᬦ᭄ᬯᬃᬡ᭄ᬦᬦᬾᬩᬕᬸᬲ᭄ᬢᬦ᭄ᬧᬢᬦ᭄ᬤᬶᬗᬦ᭄᭞ᬳᬶᬤᬯᬶᬭᬲᬸᬫᬦ᭄ᬢ᭄ᬭᬶ᭞ᬯᬮᬸᬬᬕᬡ᭄ᬥᬃᬯ᭄ᬯ᭞ᬲᬂᬯᬶᬭᬘᬶᬢ᭄ᬭᬭᬣ᭞ᬲᬂᬲᬸᬓᬰ᭄ᬭᬡᬫᬗ᭄ᬓᬶᬦ᭄᭞ᬓᬮᬭᬦ᭄ᬮᬭᬦ᭄᭞ᬦᬵᬗ᭄ᬳᬶᬂᬢ᭄ᬯᬭᬵᬤᬫᬢᬶ᭟ᬢᬸᬯᬸᬄᬮᬦ᭄ᬢᬂᬯᬾᬦ᭄ᬢᭂᬦ᭄ᬳ
ᬓᭂᬢᬶᬢᭂᬫ᭄ᬯᬂ᭞ᬲᬂᬲᬫ᭄ᬪᬸᬦᬸᬕ᭄ᬭᬳᬶᬦ᭄᭞ᬢ᭄ᬯᬭᬤᬤᬶᬭᬸᬲᬓ᭄᭞ᬘᬳᬶᬲᬂᬲᭀᬓᬰ᭄ᬭᬡ᭞ᬲᬫᬦᬄᬘᬳᬶᬦᬾᬤᬤᬶ᭞ᬫᬕᭂᬦ᭄ᬢᬶᬕᭀᬩ᭞ᬓᬾᬦ᭄ᬢᭀᬪᬝᬵᬭᬳᬚᬶ᭟ᬢᭀᬫᬯᬶᬦᬦ᭄ᬲᬂᬭᬵᬓ᭄ᬱᬲᬲᬸᬓᬰ᭄ᬭᬡ᭞ᬳᬲᬶᬂᬰᬭᬡ

[᭓ 3A]
᭓
ᬤᬤᬶ᭞ᬰᬓ᭄ᬢᬶᬫᬯᬶᬰᬾᬱ᭞ᬲᬶᬤ᭄ᬥᬫᬗᭂᬦᬄᬳᬶᬮᬂ᭞ᬤᬾᬦᬶᬂᬧᬦᬸᬕ᭄ᬭᬳᬦ᭄ᬯᬶᬥᬶ᭞ᬢᭀᬫᬯᬦᬦ᭄᭞ᬲᬂᬭᬵᬓ᭄ᬱᬲᬦᬸᬳᬸᬭᬶᬧ᭄᭟ᬦᬵᬗ᭄ᬳᬶᬂᬳᬚ᭄ᬭᬶᬄᬤᬦᬾᬫᬸᬮᬶᬄᬭᬶᬂᬧᬢᬧᬦ᭄᭞ᬲᬂᬋᬱᬶᬮᬶᬦ᭄ᬢᬂᬭᬸᬦ᭄ᬢᬶᬓ᭄᭞ᬭᬶᬂᬧᬸᬢ᭄ᬭᬦᬾᬓᭀᬘᬧ᭄᭞ᬲᭀ
ᬓ᭄ᬩᬶᬬᬗᬾᬜᬬᬗᬂ᭞ᬫᬫᬮᬶᬂᬢᬶᬗ᭄ᬓᬳᬾᬫᬸᬮᬶᬄ᭞ᬗᬮᬶᬄᬳᬶᬩᬶᬬᬂ᭞ᬢᬸᬗ᭄ᬕᬮ᭄ᬧᭂᬢᭂᬂᬧ᭄ᬭᬵᬧ᭄ᬢᬶ᭟ᬳᭂᬦᭂᬗᬓᭂᬦᬧᭀᬮᬄᬲᬂᬲᬸᬓᬰ᭄ᬭᬡ᭞ᬘᬭᬶᬢᬬᬂᬦᬾᬫᬗ᭄ᬓᬶᬦ᭄᭞ᬧᬤᬡ᭄ᬥᬯᬶᬰᬾᬮ᭞ᬅᬖ᭄ᬦᬶᬗᭂᬲᬾᬗᬶᬦ᭄ᬧᬸᬢ᭄ᬭ᭞ᬭᬶᬂᬳᬶᬤᬯᬶᬭᬲᬸᬫᬦ᭄ᬢ᭄ᬭᬶ᭞
ᬧ᭄ᬭᬵᬧ᭄ᬢᬳᬦᭂᬫ᭄ᬩᬄ᭞ᬭᬶᬂᬲᬸᬓᬸᬦᬾᬲᬂᬬᬢᬶ᭟ᬭᬭᬶᬲ᭄ᬗᬦ᭄ᬤᬶᬓᬳᬶᬤᬲᬂᬯᬭᬤ᭄ᬯᬶᬚ᭞ᬉᬤᬸᬄᬘᬳᬶᬲᬸᬫᬦ᭄ᬢ᭄ᬭᬶ᭞ᬳᬾᬫᬦ᭄ᬘᬳᬶᬓᭀᬘᬧ᭄᭞ᬦᭀᬗᭀᬲ᭄ᬢᭂᬗᬳᬾᬂᬯᬦ᭞ᬓᭂᬫᬓᬦᬵᬕᬭᬘᬳᬶ᭞ᬫᬫᭂᬓᬸᬖᬵᬤ᭞ᬭᬶᬂᬧ᭄ᬭᬪᬸᬢ᭄ᬭᬸᬡᬘ
ᬳᬶ᭟ᬫᬲᬾᬯᬓᬘᬳᬶᬤᬶᬢᬸᬳᬧᬂᬫᭂᬮᬄ᭞ᬫᬋᬓᬦ᭄ᬭᬶᬂᬦᬺᬧᬢᬶ᭞ᬰ᭄ᬭᬶᬯᬭᬅᬃᬚ᭄ᬚᬸᬦ᭞ᬭᬢᬸᬲᬶᬬᬸᬦᬵᬕᬭ᭞ᬫᬜᬸᬂᬲᬸᬂᬲᬂᬦᬭᬧᬢᬶ᭞ᬦᬵᬗ᭄ᬳᬶᬂᬤᬵᬧᬶᬲᬦ᭄᭞ᬘᬳᬶᬫᬳᬫ᭄ᬩᭂᬓ᭄ᬢᬸᬢᬶ᭟ᬮᬫᬸᬦ᭄ᬘᬳᬶᬢ᭄ᬯᬭᬦᬯᬂᬲᬂᬦᬭᬾᬦ᭄ᬤ᭄ᬭ᭞ᬭᬢᬸ [ 4 ][᭓ 3B]
᭓
ᬭᬶᬂᬫᬳᬶᬲ᭄ᬧᬢᬶ᭞ᬚᬸᬫᭂᬦᭂᬗᬾᬂᬚᬕᬢ᭄᭞ᬰ᭄ᬭᬶᬯᬭᬅᬃᬚ᭄ᬚᬸᬦ᭞ᬪᬝᬵᬭᬾᬰ᭄ᬯᬭᬲᬶᬦᬶᬯᬶ᭞ᬤᬾᬦᬶᬂᬪᬹᬧᬵᬮ᭞ᬤᭀᬫᬲ᭄ᬫᬜᬓᬺᬯᬺᬢ᭄ᬢᬶ᭟ᬧᬭᬭᬢᬸᬲᬫ᭄ᬬᬦ᭄ᬫᬫᬋᬓ᭄‌ᬲᬂᬦᬵᬣ᭞ᬗᬢᬸᬭᬂᬲᭀᬭᭀᬄᬧᬸᬢ᭄ᬭᬶ᭞ᬳᬬᬸᬳᬬᬸ
ᬤᬳᬢ᭄᭞ᬗᭂᬫ᭄ᬩᬦ᭄ᬮᬶᬗ᭄ᬕᬶᬄᬲᬂᬦᬵᬣ᭞ᬚᬸᬫᭂᬦᭂᬂᬳᬶᬓᬓᬧᬢᬶᬄ᭞ᬭᬢᬸᬳᬬᭀᬥ᭄ᬬ᭞ᬲᬹᬃᬬ᭄ᬬᬯᬗ᭄ᬰᬢᭀᬘᬳᬶ᭟ᬫᬧᬲᬾᬗᬶᬦ᭄ᬲᬂᬧ᭄ᬭᬪᬸᬰ᭄ᬯᬪᬚ᭄ᬭ᭞ᬳᬚᬶᬲᬶᬗ᭄ᬳᬮᬫᬮᬶᬄ᭞ᬲᬂᬧ᭄ᬭᬪᬸᬯᬶᬲᭀᬤ᭞ᬗᬮᬶᬗ᭄ᬕᬭᬵᬚᬦᬵᬣ᭞ᬲᬶᬗ᭄ᬳ
ᬮᬭᬵᬚᬪᬹᬧᬢᬶ᭞ᬰ᭄ᬭᬶᬫᬕᬥ᭞ᬲᬂᬲᬹᬃᬬ᭄ᬬᬓᬾᬢᬸᬫᬮᬶᬄ᭟ᬲᬂᬦᬺᬧᬢᬶᬘᬦ᭄ᬤ᭄ᬭᬓᬾᬢᬸᬦᬾᬳᬮᬶᬢᬦ᭄᭞ᬓᭂᬫ᭄ᬩᬃᬯᬃᬡ᭄ᬦᬦ᭄ᬲᬂᬳᬚᬶ᭞ᬰᬓ᭄ᬢᬶᬫᬳᬸᬢ᭄ᬢᬫ᭞ᬪᬓ᭄ᬢᬶᬗᬢᬸᬭᬂᬭᬕ᭞ᬗᬯᬸᬮᬭᬶᬂᬫᬳᬶᬲ᭄ᬧᬢᬶ᭞ᬧᬥᬵᬗᬢᬸᬭᬂ᭞ᬥᬥ
ᬭᬶᬮ᭄ᬯᬶᬃᬭᬢᬶᬄ᭟ᬲᬗᬃᬚ᭄ᬚᬸᬦᬲᬵᬰ᭄ᬭᬪᬸᬚᬕ᭄ᬮᬶᬲ᭄ᬫᬘᬶᬗᬓ᭄᭞ᬭᬶᬂᬧᬭᬧᬸᬢ᭄ᬭᬶᬲᬫᬶ᭞ᬦᬵᬗ᭄ᬳᬶᬂᬢ᭄ᬯᬭᬳᬤ᭞ᬫᬦ᭄ᬢᬸᬓ᭄ᬭᬶᬂᬧᬓᬬᬸᬦᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬜᬳᬶᬲᬶᬦᬫ᭄ᬬᬦ᭄᭞ᬫᬸᬮᬶᬄᬦᬾᬚᬦᬶᬩᬸᬯᬶᬦ᭄᭟ᬓ᭄ᬭᬡᬓᬾ

[᭔ 4A]
᭔
ᬢᭀᬚᬦᬶᬢᭀᬦ᭄ᬤᬾᬦ᭄ᬫᬲᬦ᭄ᬓᬃᬫ᭄ᬫ᭞ᬲᬂᬧᬭᬧᬸᬢ᭄ᬭᬶᬗᬪᬓ᭄ᬢᬶ᭞ᬭᬶᬂᬲᬸᬓᬸᬦ᭄ᬲᬂᬦᬵᬣ᭞ᬧ᭄ᬭᬪᬸᬐᬳᬬᬓᬸᬮ᭞ᬫᬓᬶᬭᬶᬫᬶᬳᭂᬫᬲ᭄ᬮᬸᬯᬶᬄ᭞ᬯᬶᬦ᭄ᬢᭂᬦ᭄ᬮᬦ᭄ᬫᬶᬭᬄ᭞ᬲᬂᬧᬸᬢ᭄ᬭᬶᬤᬶᬭᬶᬤᬶᬭᬶ᭟ᬲᬂᬭᬵᬚᬚᬸᬯᬶᬢᬳᬕᭂᬮᬶᬲ᭄ᬦᭂᬫ᭄ᬩᬄ᭞ᬭᬶᬂᬘᭀ
ᬓᭀᬃᬲᬂᬦᬺᬧᬢᬶ᭞ᬫᬧᬫᬶᬢ᭄ᬫᬢᬸᬮᬓ᭄᭞ᬫᬮᬶᬄᬗᬸᬗ᭄ᬲᬶᬦᬵᬕᬭ᭞ᬫᬮ᭄ᬬᬦ᭄ᬮ᭄ᬬᬦᬦ᭄ᬲᬫᬶ᭞ᬲᬂᬧᬭᬦᬵᬣ᭞ᬫᭂᬧᭂᬓ᭄ᬜᬶᬯᬶᬦᬺᬧᬢᬶ᭟ᬢᭀᬳᬯᬶᬦᬦ᭄ᬩᬧᬲᭂᬋᬂᬫᬦᬸᬦ᭄ᬤᬾᬦᬂ᭞ᬘᬳᬶᬓᬫᬳᬶᬲ᭄ᬧᬢᬶ᭞ᬳᬓᬾᬢᭀᬧᬤ
ᬡ᭄ᬥ᭞ᬯᬶᬰᬮᬅᬖ᭄ᬦᬶᬗᬡ᭄ᬤᬶᬓ᭞ᬫᬶᬢᬸᬢᬸᬭᬶᬦ᭄ᬲᬂᬲᬸᬫᬦ᭄ᬢ᭄ᬭᬶ᭞ᬲᬂᬤ᭄ᬯᬶᬚᬲᬸᬢ᭞ᬳᬕᭂᬮᬶᬲ᭄ᬫᬗᬪᬓ᭄ᬢᬶ᭟ᬳᬕ᭄ᬮᬶᬲ᭄ᬮᬸᬗ᭄ᬳᬲᬓᬶᬂᬕᬸᬦᬸᬗᬶᬂᬫᬮᬬ᭞ᬧ᭄ᬭᬬᬢ᭄ᬦᬜᬮᬸᬓ᭄ᬓᬸᬮᬫ᭄ᬩᬶ᭞ᬧᬳᬶᬘ᭄ᬙᬦ᭄ᬪᬝᬵᬭ᭞ᬲᬹᬃᬬ᭄ᬬᬫᬫᭀᬤ᭄ᬭᬾᬫᬶᬭᬄ᭞ᬤᬶᬲ
ᬫ᭄ᬧᬶᬂᬳᭂᬫᬲ᭄ᬫᬳᬸᬓᬶᬃ᭞ᬫᬧᬶᬡ᭄ᬥᬕᭂᬮᬧ᭄᭞ᬫᬢᬯᬶᬦ᭄ᬢᭂᬦᬾᬫᬗᭂᬦ᭄ᬤᬶᬄ᭟ᬫᬕ᭄ᬮᬸᬂᬲᬸᬧᬶᬢ᭄ᬳᬸᬭᬂᬳᬾᬩᭂᬓᬶᬂᬦᬵᬯᬭᬢ᭄ᬦ᭞ᬤᬸᬫᬶᬮᬄᬢᬸᬳᬸᬳᬰ᭄ᬭᬶ᭞ᬳᬦ᭄ᬢᬶᬗᬦ᭄ᬢᬶᬂᬫᬶᬭᬄ᭞ᬤᬶᬦ᭄ᬭᬯᬾᬂᬫᬵᬲ᭄ᬮᬸᬫᬭᬧ᭄᭞ᬲᬜ᭄ᬚᬢᬘᬓ᭄ᬭᬦᬾᬍᬯᬶᬄ [ 5 ][᭔ 4B]
᭔
᭞ᬳᬕᭂᬮᬶᬲ᭄ᬩᬸᬤᬮ᭄᭞ᬜᬸᬚᬸᬃᬭᬶᬂᬫᬳᬶᬲ᭄ᬧᬢᬶ᭟ᬢᬦ᭄ᬘᬭᬶᬢᬲᬂᬩ᭄ᬭᬵᬳ᭄ᬫᬡᬧᬸᬢ᭄ᬭᬭᬶᬂᬳᬯᬦ᭄᭞ᬳᬸᬘᬧᬂᬲᬂᬦᬺᬧᬢᬶ᭞ᬲᭂᬫᭂᬂᬯᬸᬲ᭄ᬫᬲᭀᬘ᭞ᬫᬢᬶᬃᬣᬫᬪᬸᬱᬡ᭞ᬫᬕᭂᬮᬸᬂᬓᬸᬢᬫᬗᭂᬦ᭄ᬤᬶᬄ᭞ᬳᭂᬩᭂᬓ᭄ᬩᬵᬦ᭄ᬲᭀᬘ᭞ᬫᬶᬭᬄᬯᬶᬦ᭄ᬢᭂ
ᬦ᭄ᬧᬓᭂᬜᬶᬢ᭄ᬜᬶᬢ᭄᭟ᬫᬓ᭄ᬯᬘᬳᭂᬫᬲ᭄ᬲᬶᬦᬫ᭄ᬩᬭᬾᬂᬭᬢ᭄ᬦ᭞ᬕᬭᬸᬥᬫᬸᬗ᭄ᬓᬸᬃᬮᬸᬯᬶᬄ᭞ᬓᬶᬮᬢ᭄ᬫᬭᬶᬂᬡ᭄ᬝᬶᬸᬓᬡ᭄ᬝ᭞ᬫᬩᬧᬂᬫᬵᬲ᭄ᬫᬢᬢᬄ᭞ᬫᬲᭀᬘᬫᬶᬭᬄᬧᬓ᭄ᬭᬶᬦᬶᬂ᭞ᬫᬕᭂᬮᬂᬓᬵᬦ᭞ᬪᬝᬵᬭᬢᬸᬮ᭄ᬬᬦᬃᬧᬃᬣᬶ᭟ᬤᬯᬸᬄᬳ᭄ᬭᭀᬫᬶᬚᬶ
ᬮ᭄‌‌ᬰ᭄ᬭᬶᬦᬭᬧᬢᬶᬦᬵᬣ᭞ᬓᭀᬭᬶᬳᬕᬸᬗᬾᬫᬮᬶᬄ᭞ᬓᬤᬶᬕᬸᬦᬸᬂᬓᬵᬯᬲ᭄᭞ᬫᬡᬶᬓ᭄ᬫᬳᬸᬓᬶᬃᬫᭂᬮᬄ᭞ᬫᬸᬦ᭄ᬢᬩ᭄ᬧᭂᬲᬸᬢᬾᬚᬗᭂᬡ᭄ᬥᬶᬄ᭞ᬮᬯᬦ᭄ᬘᬭᬂᬘᬂ᭞ᬩᬜ᭄ᬘᬶᬗᬄᬫᬲ᭄ᬓᬯᬢᬶ᭟ᬳᬮᬸᬦᬮᬸᬦ᭄ᬫᬡᬶᬓ᭄ᬘᬦ᭄ᬤ᭄ᬭᬓᬡ᭄ᬝᬤᬶᬦᬢᬄ᭞ᬲᭀᬭᭀᬄ
ᬩᬮᬾᬦᬾᬮ᭄ᬯᬶᬄ᭞ᬫᬕᭂᬦ᭄ᬢᬾᬂᬲᬮᬓ᭞ᬫᬩ᭄ᬬᬲ᭄ᬭᬢ᭄ᬦᬤᬸᬫᬶᬮᬄ᭞ᬯ᭄ᬬᬓ᭄ᬢᬶᬲ᭄ᬯᬃᬕ᭄ᬕᬦ᭄ᬫᬮᬶᬗ᭄ᬕᬶᬄ᭞ᬦᬸᬭᬸᬦ᭄ᬭᬶᬂᬍᬫᬄ᭞ᬫᬳᬾᬰ᭄ᬯᬭᬮᭀᬓᬳᬶᬓᬶ᭟ᬧᬭᬭᬢᬸᬧᭂᬧᭂᬓ᭄ᬲᬫ᭄ᬧᬸᬦ᭄ᬭᬶᬂᬩᬜ᭄ᬘᬶᬗᬄ᭞ᬲᬦᬾᬫᬦ᭄ᬢᬸᬓ᭄‌ᬦᬃᬧᬣᬶ᭞ᬮ᭄ᬯᬶᬃᬘ

[᭕ 5A]
᭕
ᬢᬸᬃᬮᭀᬓ᭞ᬬᬫᬪᬭᬸᬡᬇᬦ᭄ᬤ᭄ᬭ᭞ᬲᬂᬳ᭄ᬬᬂᬓ᭄ᬯᬾᬭᬧᬶᬭᬦ᭄ᬢᬶ᭞ᬓᬾᬢᭀᬭᬲᬜ᭞ᬭᬢᬸᬦᬾᬧᬢᬂᬤᬶᬭᬶ᭟ᬫᬕᬕᭀᬜ᭄ᬚᬓᬦ᭄ᬲᭀᬭᭀᬄᬳᬕᬸᬗᬾᬲᬶᬦᬫ᭄ᬬᬦ᭄᭞ᬤᬤᬶᬫᬶᬚᬶᬮ᭄‌ᬦᬃᬧᬣᬶ᭞ᬫᬗᬤᭂᬕ᭄ᬭᬶᬂᬤ᭄ᬯᬭ᭞ᬤᬸᬫᬶᬮᬄ
ᬲᬯᬂᬲᬹᬃᬬ᭄ᬬ᭞ᬓᬕ᭄ᬬᬢ᭄ᬲᬂᬭᬢᬸᬦᬾᬲᬫᬶ᭞ᬫᬩ᭄ᬭᬶᬬᬸᬓ᭄‌ᬦᭂᬫ᭄ᬩᬄ᭞ᬭᬶᬲᬸᬓᬸᬦ᭄ᬲᬂᬪᬸᬧᬢᬶ᭟ᬲᬗᬧ᭄ᬭᬪᬸᬲᬵᬰ᭄ᬭᬪᬸᬚᬫᬗᬦ᭄ᬥᬶᬓ᭞ᬧᬢᬶᬄᬯᬶᬲ᭄ᬯᬩᬚ᭄ᬭᬮᬶᬗ᭄ᬕᬶᬄ᭞ᬲᬓᬤᬶᬲᬂᬲᭀᬤ᭞ᬮᬯᬦ᭄ᬲᬶᬗ᭄ᬳᬮᬦᬵᬣ᭞ᬬᬬᬶᬲᬹᬃᬬ᭄ᬬᬓᬾ
ᬢᬸᬫᬮᬶᬄ᭞ᬮᬦ᭄ᬲᬵᬦᬓᬶᬭ᭞ᬮᬯᬸᬢᬂᬦᭂᬕᬓ᭄ᬲᬫᬶ᭟ᬤᬵᬲᬂᬧ᭄ᬭᬪᬸᬫᬮᬶᬗ᭄ᬕᬶᬄᬭᬶᬂᬲᬶᬗ᭄ᬳᬲᬦ᭞ᬧᬮᬗ᭄ᬓᬦ᭄ᬫᬵᬲ᭄ᬳᬶᬦᬸᬓᬶᬃ᭞ᬧᭂᬧᭂᬓ᭄ᬲᭀᬧᬘᬭ᭞ᬭᬢᬸᬦᬾᬢᬾᬲᬶᬦᬫ᭄ᬬᬦ᭄᭞ᬤᬶᬬᭂᬫ᭄ᬳᬸᬫᬸᬗ᭄ᬓᬸᬮ᭄ᬭᬶᬂᬓ᭄ᬱᬶᬢᬶ᭞ᬲᬂᬦᬵᬣᬗᬸ
ᬘᬧ᭄᭞ᬮᬄᬢᬧᬫᬦ᭄ᬦᬾᬚᬦᬶ᭟ᬩᬦ᭄ᬳᭀᬃᬣᬦᬾᬲᬸᬩᬢᬢᬲ᭄ᬓᬧ᭄ᬭᬚᬬ᭞ᬫᬕᬥᬭᬵᬚᬳᬚᬶ᭞ᬯᬸᬲ᭄ᬳᬦᬸᬗ᭄ᬓᬸᬮ᭄ᬗᭀᬘᬧ᭄᭞ᬓᬧᭂᬲ᭄ᬳᬫᬕᬸᬢ᭄ᬫᬧ᭄ᬭᬂ᭞ᬲᬂᬦᬵᬣᬯᬶᬤᬃᬪᬳᬚᬶ᭞ᬲᬸᬓᬜᬫᭀᬮ᭄ᬬ᭞ᬓᬾᬯᬮᬲᬂᬭᬵ [ 6 ][᭕ 5B]
᭕
ᬚᬧᬸᬢ᭄ᬭᬶ᭟ᬓᬢᬕᬶᬳᬂᬳᬦ᭄ᬢᬸᬓ᭄ᬧ᭄ᬭᬪᬸᬰᭀᬤᬥᬃᬫ᭄ᬫ᭞ᬤᬤᬶᬚᬭᬳᬦ᭄ᬳᬶᬓᬶ᭞ᬲᬸᬗ᭄ᬲᬸᬢ᭄ᬲᬂᬧᬸᬢ᭄ᬭᬶᬬ᭞ᬲᬸᬓᬗᭂᬫᬲᬶᬦ᭄ᬧᭂᬚᬄ᭞ᬢᬦ᭄ᬫᬭᬶᬬᬫᬲᬧᬸᬢ᭄ᬧᬸᬢᬶᬄ᭞ᬗᬫ᭄ᬩᬳᬂᬭᭀᬫ᭞ᬫᬲᬯᬂᬚᬮᬥᬲ᭄ᬭᬶᬦᬶᬂ᭟ᬗ᭄ᬭᬕᭂᬧ᭄ᬘᬸᬭᬶᬕᬬᬦ᭄ᬧ
ᬓ᭄ᬱᬧᬶᬦᬭᬓᭀᬱ᭞ᬢᬦ᭄ᬳᬸᬭᬸᬂᬧᬘᬂᬫᬫᬢᬶ᭞ᬢᬦ᭄ᬳᬋᬧ᭄ᬳᬓᬃᬫ᭄ᬫ᭞ᬫᬭᬶᬂᬦᬵᬣᬯᬶᬤᬃᬪ᭞ᬭᬹᬧᬦᬾᬩᬺᬗᭀᬲ᭄ᬳᬗᬺᬱᬶ᭞ᬤᬾᬯᬶᬲᬸᬘᬶᬢ᭄ᬭ᭞ᬲᬸᬓᬬᬦ᭄ᬧᬘᬂᬫᬢᬶ᭟ᬢᭀᬳᬯᬶᬦᬦᬶᬭᬫᬶᬚᬶᬮ᭄ᬓᬩᬜ᭄ᬘᬶᬗᬄ᭞ᬓᬾᬢᭀ
ᬲᬂᬰ᭄ᬭᬶᬪᬹᬧᬢᬶ᭞ᬫᬶᬤᬵᬃᬯᬗᬦ᭄ᬤᬶᬓ᭞ᬲᬸᬓᬲᬂᬧᬭᬦᬵᬣ᭞ᬳᭂᬦᭂᬗᬓ᭄ᬦᬦᬺᬧᬢᬶ᭞ᬫᬩ᭄ᬭᬶᬬᬸᬓ᭄ᬦᭂᬫ᭄ᬩᬄ᭞ᬳᬤᬸᬄᬲᬂᬦᬭᬧᬢᬶ᭟ᬓᬧᬶᬯ᭄ᬮᬲᬦ᭄ᬢᬶᬢ᭄ᬬᬂᬭᬶᬂᬧ᭄ᬭᬪᬸᬫᬕᬥ᭞ᬲᬶᬦᬶᬲᬭᬦᬶᬂᬯᬶᬥᬶ᭞ᬲᬂᬦᬵᬣᬲᬸᬧᬸᬢ᭄ᬭᬶᬬ᭞ᬳᬾᬮᬶᬓ᭄
ᬬᬦ᭄ᬧᬶᬦᬭᬓ᭄ᬭᬫ᭞ᬧᬸᬦᬧᬓᬵᬃᬱᬦᬺᬧᬢᬶ᭞ᬩᭂᬘᬶᬓ᭄ᬤᬯᬸᬳᬂ᭞ᬭᬶᬂᬧᬭᬳᬕᬸᬂᬲᬫᬶ᭟ᬓᬾᬢᭀᬳᬶᬤᬲᬗᬧ᭄ᬭᬪᬸᬭᬶᬂᬳᬬᭀᬥ᭄ᬬ᭞ᬳᬸᬫᭂᬦᭂᬲᬂᬦᬺᬧᬢᬶ᭞ᬫᬭᬭᬯᬢ᭄‌ᬲ᭄ᬫᬵᬭ᭞ᬫᬾᬦ᭄ᬤ᭄ᬭᬫᬭᬳᬶᬂᬢᬶᬗ᭄ᬳᬮ᭄᭞ᬲᬂᬲᬹᬃᬬ᭄ᬬᬓᬾ

[᭖ 6A]
᭖
ᬢᬸᬗᬪᬓ᭄ᬢᬶ᭞ᬫᬓᬤᬶᬦᬵᬣ᭞ᬘᬦ᭄ᬤ᭄ᬭᬓᬾᬢᬸᬜᬋᬗᬶᬦ᭄᭟ᬧᬧᬢᭂᬳᬦ᭄ᬳᬢᬸᬭᬾᬲᬶᬗ᭄ᬕᬶᬄᬲᬂᬦᬵᬣ᭞ᬜᬦ᭄ᬤᬂᬭᬢᬸᬮᬫ᭄ᬧᬳᬶᬦ᭄᭞ᬢᬸᬮᬸᬂᬲᬂᬫᬕᬥ᭞ᬩᭂᬘᬶᬓ᭄ᬤᬾᬯᬳᬗ᭄ᬓᬢᬂ᭞ᬲᬢ᭄ᬭᬶᬬᬭᬢᬸᬦᬾᬲᬫᬶ᭞ᬫᬭᬾᬂᬯᬶᬤᬃᬪ᭞
ᬫᬢᬦ᭄ᬤᬶᬗᬦ᭄ᬓᬯᬦᬶᬦ᭄᭟ᬳᬫ᭄ᬩᬸᬮ᭄ᬢᭀᬳᬢᬸᬭᬾᬳᬶᬤᬲᬂᬦᬵᬣ᭞ᬲᬹᬃᬬ᭄ᬬᬘᬦ᭄ᬤ᭄ᬭᬗᬪᬓ᭄ᬢᬶ᭞ᬫᬢᬸᬃᬭᬶᬂᬲᬂᬦᬵᬣ᭞ᬲᬰ᭄ᬭᬩᬳᬸᬚᬚᬓ᭞ᬫᭂᬦᭂᬂᬓᬧᭂᬢᭂᬗᬦ᭄‌ᬦᬺᬧᬢᬶ᭞ᬭᬸᬫᬲᬾᬂᬘᬶᬢ᭄ᬢ᭞ᬳᬸᬧᬶᬸᬘᬧᭂᬦ᭄ᬲᬂᬲᬸᬫᬦ᭄ᬢ᭄ᬭᬶ᭟ᬕᬕᭂᬮᬶᬲ
ᬦ᭄ᬧ᭄ᬭᬵᬧ᭄ᬢᬳᬶᬤᬭᬶᬂᬩᬜ᭄ᬘᬶᬗᬄ᭞ᬭᬶᬂᬩᬮᬾᬩᬵᬂᬫᬗᬦ᭄ᬢᬶ᭞ᬩᭂᬗᭀᬂᬳᬶᬤᬜᬶᬗᬓ᭄᭞ᬧᬸᬭᬶᬦᬾᬲᬯᬂᬲ᭄ᬯᬃᬕ᭄ᬕᬦ᭄᭞ᬗᬦ᭄ᬤᭂᬮᬂᬭᬕᬦᬾᬰᬓ᭄ᬢᬶ᭞ᬩᬸᬯᬶᬦ᭄ᬧ᭄ᬭᬯᬶᬭ᭞ᬩᭀᬬᬓᬲᭀᬃᬭᬶᬂᬚᬸᬭᬶᬢ᭄᭟ᬓᬮᬶᬄᬪᬝᬵᬭᬲᬹᬃᬬ᭄ᬬᬳᬶᬤ
ᬫᬲ᭄ᬯᬾᬘ᭄ᬙ᭞ᬓᬳ᭄ᬬᬸᬦᬾᬲᬂᬲᬸᬫᬦ᭄ᬢ᭄ᬭᬶ᭞ᬳᭀᬚᭀᬕ᭄ᬓᬩᬜ᭄ᬘᬶᬗᬄ᭞ᬫᬲᬵᬢᬾᬳᬤᬳᬧ᭞ᬩ᭄ᬯᬶᬦ᭄ᬩᬜᬧᬸᬢ᭄ᬭᬦ᭄ᬲᬂᬋᬱᬶ᭞ᬩᬸᬯᬢᬶᬂᬯᬗ᭄ᬰ᭞ᬓᬲᭀᬃᬲᬂᬦᬭᬧᬢᬶ᭟ᬓᬾᬢᭀᬧ᭄ᬭᬕᬢ᭄ᬭᬯᭀᬲᬾᬲᬂᬤ᭄ᬯᬶᬚᬯᬭ᭞ᬫᬦ᭄ᬭᭀᬚᭀ [ 7 ][᭖ 6B]
᭖
ᬕ᭄ᬤᬦᬾᬳᬕ᭄ᬮᬶᬲ᭄᭞ᬦᭀᬭᬲᬸᬫᬗ᭄ᬰᬬ᭞ᬲᭂᬩᭂᬗᬾᬚᬾᬗ᭄ᬮᬃᬩᬶᬗᬃ᭞ᬓᬩᬢᭂᬓ᭄ᬩᬳᬦ᭄ᬓᬰᬓ᭄ᬢᬶᬦ᭄᭞ᬫᬲᬢᭀᬂᬳᬤ᭞ᬗᬲᭀᬭᬂᬤᬦᬾᬭᬶᬂᬚᬸᬭᬶᬢ᭄᭟ᬲᬸᬩᬭᬯᬸᬄᬤᬶᬩᬜ᭄ᬘᬶᬗᬄᬲᬯᬂᬓᬾᬫ᭄ᬧᭂᬭᬦ᭄᭞ᬢ᭄ᬯᬭᬦᬯᬂᬦᬺᬧᬢᬶ᭞ᬚ
ᬕ᭄ᬗᬢᭂᬗᬳᬂ᭞ᬓᬶᬧᭂᬓᬶᬧᭂᬓ᭄ᬭᬭᬾᬗᬂ᭞ᬫᬶᬬᬓᬂᬭᬢᬸᬦᬾᬍᬯᬶᬄ᭞ᬲᬂᬦᬵᬣᬲᭀᬤ᭞ᬤᬶᬦᬸᬯᬓ᭄ᬤᬾᬲᬂᬲᬸᬫᬦ᭄ᬢ᭄ᬭᬶ᭟ᬫᬕᬾᬜ᭄ᬚᭀᬗᬦ᭄ᬢᬗ᭄ᬓᬶᬮᬦ᭄ᬲᬂᬦᬵᬣᬅᬃᬚ᭄ᬚᬸᬦ᭞ᬧᬥᬧᬲᬮᬾᬂᬢᬸᬦ᭄ᬤᬶᬓ᭄᭞ᬤᬲᬂᬧ᭄ᬭᬪᬸᬧᬥ᭞ᬕᬯᭀᬓ᭄ᬧ
ᬥᬫᬜᬶᬗᬓ᭄᭞ᬭᬶᬂᬯᬃᬡ᭄ᬦᬦ᭄ᬲᬂᬩᬯᬸᬧ᭄ᬭᬵᬧ᭄ᬢᬶ᭞ᬧᬶᬗᬦ᭄ᬤᬾᬓᭂᬦ᭄᭞ᬚᬫ᭄ᬩᬾᬧᬶᬦᬭᬓᬮᬶᬄ᭟ᬳᬦ᭄ᬢᬸᬓᬶᬂᬭᬹᬧᬫᬲᬫᭂᬢᭀᬦ᭄ᬭᬶᬂᬲᬂᬦᬵᬣ᭞ᬦᬤ᭄ᬬᬦ᭄ᬪᬹᬱᬡᬮᬸᬯᬶᬄ᭞ᬲᬫ᭄ᬬᬵᬕᭂᬮᬂᬓᬵᬦ᭞ᬲᭂᬂᬲᭂᬂᬦᬶᬂᬰᬭᬶᬭᬳᬤᬶ᭞ᬓᬕᭂᬫ᭄ᬗ

[᭗ 7A]
᭗
ᬡ᭄ᬤᬶᬓᬕᭂᬮᬶᬲ᭄᭞ᬳᬤᬸᬄᬘᬳᬶᬫᬭᬭᬯᬸᬄ᭞ᬳᬧᬲᬤ᭄ᬬᬲᬂᬧ᭄ᬭᬵᬧ᭄ᬢ᭞ᬓᬮᬶᬄᬳᭂᬜᬾᬦ᭄ᬯᬱ᭄ᬝᬦ᭄ᬘᬳᬶ᭞ᬤᬾᬦᬶᬂᬤᬸᬭᬸᬂ᭞ᬩᭂᬮᬶᬤᬳᬢ᭄ᬧᬭᬶᬢᬢᬲ᭄᭟ᬢᬸᬃᬯᬗ᭄ᬰᬦ᭄ᬘᬳᬶᬦᬾᬯ᭄ᬯᬂᬳᬧ᭞ᬫᬦ᭄ᬭᭀᬚᭀᬕ᭄ᬢᬗ᭄ᬓᬶᬮᬦ᭄ᬳᬚᬶ᭞ᬤᬤᬶᬧᭀ
ᬗᬄᬓᬩᬜ᭄ᬘᬶᬗᬄ᭞ᬲᬶᬜᬜᬫᬦ᭄ᬘᬳᬶᬤᬶᬦᬶ᭞ᬜᭂᬦᭂᬂᬤᬤᬶᬪᬹᬧᬢᬶ᭞ᬩᬶᬮᬶᬄᬫᬶᬲᬦ᭄ᬘᬳᬶᬳᭂᬦᬸ᭞ᬲᬗ᭄ᬓᬦ᭄ᬢ᭄ᬯᬭᬲᬦ᭄ᬢᭀᬱ᭞ᬬᬾᬦ᭄ᬳᬸᬮᬶᬪᬹᬱᬡᬦ᭄ᬘᬳᬶ᭞ᬧᬦ᭄ᬢᭂᬲ᭄ᬮᬸᬯᬶᬄ᭞ᬫᬗᬗ᭄ᬕᭀᬲᬃᬯ᭄ᬯᬉᬢ᭄ᬢᬫ᭟ᬤᬤᬶᬢ᭄ᬯᬭᬦᬯᬂᬕᬮᬂ᭞ᬩᬶ
ᬮᬶᬄᬩᬸᬭᭀᬦ᭄ᬘᬳᬶᬫᬳᬶ᭞ᬰᬰᬦᬦ᭄ᬘᬳᬶᬦᬾᬦᬶᬱ᭄ᬝ᭞ᬢ᭄ᬯᬄᬩᭀᬚᭀᬕ᭄ᬘᬳᬶᬦᬸᬫᬤᬶ᭞ᬲᬶᬂᬜᬢᬾᬢᬢᬲ᭄ᬘᬳᬶ᭞ᬜᬾᬦ᭄ᬫᬗᭂᬮᬳᬂᬩᬩᬢᬸᬃ᭞ᬲᬶᬂᬜᬢᬾᬩᬧᬦ᭄ᬳᬶᬩᬸ᭞ᬫᬦᭂᬕᬓ᭄ᬤᬶᬦᬶᬓᬢᬗ᭄ᬓᬶᬮ᭄᭞ᬓ᭄ᬭᬡᬦ᭄ᬘᬳᬶ᭞ᬮᬚᬸ
ᬢ᭄ᬯᬭᬫᬯᭂᬓᬲᬦ᭄᭟ᬳᭂᬦ᭄ᬢᭀᬦᬾᬓᬤᬸᬯᬓ᭄ᬩᬸᬲᬦ᭄᭞ᬳᭂᬜᬾᬦ᭄ᬢᭀᬓᬤᬾᬦᬂᬘᬳᬶ᭞ᬳᭂᬤᬘᬳᬶᬮᬜ᭄ᬘᬂᬕᭂᬫᬄ᭞ᬮᬫᬸᬦ᭄ᬢ᭄ᬯᬭᬢᬢᬲ᭄ᬳᬸᬦᬶᬂ᭞ᬓᬲᬢ᭄ᬭᬶᬬᬤᬳᬢ᭄ᬮᬸᬯᬶᬄ᭞ᬧ᭄ᬭᬪᬸᬲᭀᬤᬯᬶᬭᬢᬸᬳᬸ᭞ᬭᬢᬸᬭᬶᬂᬕᬸᬫᬶᬳ [ 8 ][᭗ 7B]
᭗
ᬬᭀᬥ᭄ᬬ᭞ᬲᬤᬤᬶᬲᬫ᭄ᬧᬶᬗᬦ᭄ᬫᬮᬶᬄ᭞ᬤᬵᬲᬂᬧ᭄ᬭᬪᬸ᭞ᬧᬗᬋᬧ᭄ᬲᬂᬯᬶᬰ᭄ᬯᬪᬚ᭄ᬭ᭟ᬲᬦᬾᬓᬳᬸᬭᬶᬦᬶᬦ᭄ᬩᬸᬲᬦ᭄᭞ᬲᬂᬧ᭄ᬭᬪᬸᬅᬯᬗ᭄ᬕᬳᬚᬶ᭞ᬢᭀᬫᬮᬶᬗ᭄ᬕᬶᬄᬫᬓᭂᬫ᭄ᬩᬭᬦ᭄᭞ᬲᬂᬘᬦ᭄ᬤ᭄ᬭᬓᬾᬢᬸᬜᬋᬗᬶᬦ᭄᭞ᬳᭂᬦ᭄ᬢᭀᬩᬓᬢ᭄ᬤᬸᬯᬓ᭄ᬘ
ᬳᬶ᭞ᬳᬾᬫᬦ᭄ᬲᬦ᭄ᬭᬸᬧᬦᬾᬩᬕᬸᬲ᭄᭞ᬰᬰᬡᬦ᭄ᬘᬳᬶᬦᬾᬦᬶᬱ᭄ᬝ᭞ᬩᬸᬓᬘᬾᬮᬾᬂᬢᬦ᭄ᬧᬕᬢᬶ᭞ᬓᬾᬦ᭄ᬢᭀᬳᬶᬤ᭞ᬲᬗᬧ᭄ᬭᬪᬸᬓᬺᬢ᭄ᬢᬧᬸᬢ᭄ᬭ᭟ᬧᬜᬶᬗᬓᬦ᭄ᬤᬦᬾᬦᬾᬩᬭᬓ᭄᭞ᬧᬗᬦ᭄ᬤᬶᬓᬦᬾᬢᬦ᭄ᬲᬶᬧᬶ᭞ᬓᭂᬩᬸᬲ᭄ᬫᬲ
ᬯᬂᬩᬱ᭄ᬓᬭ᭞ᬲᭂᬧᭂᬢ᭄ᬫᬜᬓᬶᬢᬶᬦ᭄ᬳᬢᬶ᭞ᬢᬸᬃᬳᬶᬤᬦᬸᬤᬶᬂᬦᬸᬤᬶᬂ᭞ᬧᬦᬲ᭄ᬓᬬᬸᬦᬾᬓᬤᬸᬭᬸᬲ᭄᭞ᬳᬧᬶᬫᬸᬭᬸᬩ᭄ᬭᬶᬂᬢ᭄ᬯᬲ᭄᭞ᬤᬵᬲᬂᬧ᭄ᬭᬪᬸᬫᬳᬶᬲ᭄ᬧᬢᬶ᭞ᬤᬳᬢ᭄ᬩᭂᬦ᭄ᬤᬸ᭞ᬭᬶᬂᬲ᭄ᬯᬦ᭄ᬤᬳᬕ᭄ᬦᬶᬫᬸᬦ᭄ᬢᬩ᭄᭟ᬲᬂᬲᬸᬫᬦ᭄ᬢ᭄ᬭᬶᬤᬳᬢ᭄ᬧ᭄ᬭᬡᬫ᭄ᬬ᭞ᬫᬫᭂᬓᬸᬖᬵ
ᬤᬫᬪᬓ᭄ᬢᬶ᭞ᬫᬗᬢᬸᬭᬂᬚᬶᬯᬭᬕ᭞ᬲᬶᬕ᭄ᬲᬶᬕᬦ᭄ᬫᬤᬸᬮᬸᬃᬢᬗᬶᬲ᭄᭞ᬦᬯᭂᬕᬂᬫᬢᬸᬃᬲᬶᬲᬶᬧ᭄᭞ᬳᬕᬸᬂᬲᬶᬦᬫ᭄ᬧᬸᬭᬭᬢᬸ᭞ᬢᬶᬢ᭄ᬬᬂᬓᬮᬶᬦ᭄ᬢᬂᬫᬸᬥ᭞ᬯᬶᬚᬶᬮᬦ᭄ᬕᬸᬦᬸᬂᬲᬯ᭄ᬬᬓ᭄ᬢᬶ᭞ᬬᬦ᭄ᬢᬸᬯᬄᬲᬶᬲᬶᬧ᭄᭞ᬲᬂᬧ᭄ᬭᬪᬸᬗᬚᬳᬶᬦ᭄ᬢᬶᬢ᭄ᬬᬂ᭟ᬳᬶᬗ᭄ᬕᬶᬄ

[᭘ 8A]
᭘
ᬭᬢᬸᬲᬂᬦᬭᬾᬦ᭄ᬤ᭄ᬭ᭞ᬪᬝᬵᬭᬭᬶᬂᬫᬳᬶᬲ᭄ᬧᬢᬶ᭞ᬬᬦ᭄ᬤᬸᬭᬸᬂᬘᭀᬓᭀᬃᬳᬶᬤᬾᬯ᭞ᬧᬯᬶᬓᬦ᭄ᬭᬶᬂᬢᬶᬢ᭄ᬬᬂᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬧᬸᬢ᭄ᬭᬦ᭄ᬲᬂᬋᬱᬶ᭞ᬯᬶᬰᬮᬅᬖ᭄ᬦᬶᬧᬸᬢᬸᬲ᭄᭞ᬩ᭄ᬭᬳ᭄ᬫᬵᬦᬦ᭄ᬲᬂᬦᬵᬣ᭞ᬯᬵᬱ᭄ᬝᬦ᭄ᬢᬶᬢ᭄ᬬᬂᬲᬂᬲᬸᬫᬦ᭄ᬢ᭄ᬭᬶ᭞ᬲᬓᬶᬂᬕᬸᬦᬸᬂ᭞
ᬳᬶᬫᬮᬬᬉᬫᬄᬢᬶᬢ᭄ᬬᬂ᭟ᬢᬶᬢ᭄ᬬᬂᬜᬤ᭄ᬬᬫᬗᬯᬸᬮ᭞ᬫᬋᬓ᭄ᬳᬶᬭᬢᬸᬫᬭᬶᬓᬶ᭞ᬓᬾᬢᭀᬋᬓᭀᬳᬢᬸᬃᬳᬶᬤ᭞ᬫᬶᬤᬵᬃᬣᬯᬭᬲᬸᬫᬦ᭄ᬢ᭄ᬭᬶ᭞ᬲᬂᬧ᭄ᬭᬪᬸᬲᬦᬾᬫᬗ᭄ᬓᬶᬦ᭄᭞ᬓᬬᬸᬦᬾᬧᬶᬯᭂᬮᬲ᭄ᬤᬶᬢᬸ᭞ᬢᭂᬓᬾᬦ᭄ᬲᬂᬩᬯᬸᬧ᭄ᬭᬵᬧ᭄ᬢ᭞ᬩᬵ
ᬦ᭄ᬭᬸᬧᬦᬾᬤᬳᬢ᭄ᬮᬸᬯᬶᬄ᭞ᬩᭀᬬᬦ᭄ᬤᬸᬕᬶ᭞ᬢᬦ᭄‌ᬲᬓ᭄ᬱᬶᬭᬶᬂᬭᬡᬬᬚ᭄ᬜ᭟ᬯᭂᬓᬲᬦ᭄ᬲᬂᬦᬵᬣᬫᬰᬩ᭄ᬤ᭞ᬳᬤᬸᬄᬳᬤᬶᬲᬂᬲᬸᬫᬦ᭄ᬢ᭄ᬭᬶ᭞ᬩᭂᬮᬶᬢᬾᬚᬦᬶᬫᬫᬦᬄ᭞ᬫᬗ᭄ᬮᬫᬃᬧᬸᬢ᭄ᬭᬶᬳᬤᬶᬢᬶ᭞ᬦᬵᬗ᭄ᬳᬶᬂᬓᬾᬯᭂᬳᬦ᭄ᬳᬤᬶ᭞ᬳᬶᬧᬸ
ᬦ᭄ᬓᬓᭂᬓᭂᬧ᭄ᬩᬦ᭄ᬫᬸᬲᬸᬄ᭞ᬭᬢᬸᬭᬵᬚᬯᬶᬤᬃᬪ᭞ᬧ᭄ᬭᬓᭀᬱᬰᬓ᭄ᬢᬶᬭᬶᬂᬚᬸᬭᬶᬢ᭄᭞ᬲᬂᬲᬸᬧᬸᬢ᭄ᬭᬶ᭞ᬉᬫᬄᬜᬦᬾᬭᬶᬂᬫᬕᬥ᭟ᬫᬤᬦ᭄ᬲᬂᬯᬶᬘᬶᬢ᭄ᬭᬯᬢ᭄ᬬᬵ᭞ᬳᭂᬦ᭄ᬢᭀᬓᬾᬭᬯᭀᬲᬶᬦ᭄ᬳᬤᬶ᭞ᬫᬗ᭄ᬤᬾᬜᬦᬾᬲᬶᬤ᭄ᬥᬩᬓᬢ᭄᭞ᬲᬂ [ 9 ][᭘ 8B]
᭘
ᬧᬸᬢ᭄ᬭᬶᬜᬭᬶᬦᬶᬦ᭄ᬧᬸᬭᬶ᭞ᬧᬶᬢᬸᬯᬶᬜᬧᬘᬂᬫᬢᬶ᭞ᬲᬤ᭄ᬬᬬᬂᬳᬤᬶᬫᬗ᭄ᬭᬸᬭᬸᬄ᭞ᬦᬵᬗ᭄ᬳᬶᬂᬥᬃᬫ᭄ᬫᬰᬰᬡ᭞ᬳᭂᬦ᭄ᬢᭀᬓᬾᬚᬮᬦᬂᬳᬤᬶ᭞ᬫᭂᬮᬄᬳᬤᬶ᭞ᬚᬦᬶᬢᭂᬓᬓᬫᬕᬥ᭟ᬭᬶᬂᬜᬫᬦ᭄ᬜᬦᬾᬦᬾᬮᬦᬂ᭞ᬧᬸᬧᬸᬢᬂᬭᬯᭀ
ᬲᬾᬩᭂᬘᬶᬓ᭄᭞ᬢᬓᭀᬦᬶᬦ᭄ᬲᬂᬭᬵᬚᬧᬸᬢ᭄ᬭᬶᬬ᭞ᬲᬶᬂᬜᬜᬓ᭄ᬭᬶᬂᬫᬳᬶᬲ᭄ᬧᬢᬶ᭞ᬮᬫᬸᬦ᭄ᬜᬫᬦᬕᬶᬗᬶᬦ᭄᭞ᬮᬯᬸᬢᬂᬳᬤᬶᬫᬗᭂᬩᬸᬕ᭄᭞ᬰᬢ᭄ᬭᬸᬦᬾᬓᬯᬶᬤᬃᬪ᭞ᬧᬸᬦᬶᬓᬶᬲᬋᬂᬭᬶᬂᬳᬤᬶ᭞ᬧᬭᬭᬢᬸ᭞ᬲᬦᬾᬧᬢ᭄ᬧᬢ᭄
ᬢᭀᬳᬂᬚᬶᬯ᭟ᬓᬾᬢᭀᬲᬂᬧ᭄ᬭᬪᬸᬅᬃᬚ᭄ᬚᬸᬦ᭞ᬲᬂᬤ᭄ᬯᬶᬚᬧᬸᬢ᭄ᬭᬗᬪᬓ᭄ᬢᬶ᭞ᬫᬗ᭄ᬭᬭᬶᬲ᭄ᬫᬫᭂᬓᬸᬮ᭄ᬧᬵᬤ᭞ᬳᬸᬤᬸᬄᬲᬂᬧ᭄ᬭᬪᬸᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬶᬲᬤ᭄ᬬᬕᬢᬶ᭞ᬲᬂᬧ᭄ᬭᬪᬸᬲ᭄ᬯᬾᬘ᭄ᬙᬫᬗᬸᬢᬸᬲ᭄᭞ᬢᬶᬢ᭄ᬬᬂᬫᬗ᭄ᬯᬗᬸᬦ᭄ᬭᬡ᭞ᬦᬾ
ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬧᬘᬂᬜᬸᬚᬸᬃ᭞ᬦᬵᬕᬭᬦᬾᬭᬶᬂᬫᬕᬥ᭟ᬓᬾᬢᭀᬲᬂᬲᬸᬫᬦ᭄ᬢ᭄ᬭᬶᬓᭀᬘᬧ᭄᭞ᬲᬂᬧ᭄ᬭᬪᬸᬫᬫᭂᬓᬸᬮ᭄ᬫᬗ᭄ᬓᬶᬦ᭄᭞ᬥᬹᬄᬳᬤᬶᬫᭂᬮᬄᬢᬶᬦ᭄ᬤᬶᬳᬂ᭞ᬲ᭄ᬯᬃᬕ᭄ᬕᬫᬢᬶᬭᬶᬂᬚᬸᬭᬶᬢ᭄᭞ᬓᬾᬢᭀᬲᬂᬦᬭᬧᬢᬶ᭞ᬲᬂ

[᭙ 9A]
᭙
ᬲᬸᬫᬦ᭄ᬢ᭄ᬭᬶᬦᭂᬫ᭄ᬩᬄᬲᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬫᬧᬳᬶᬘ᭄ᬙ᭞ᬪᬹᬱᬡᬭᬢ᭄ᬦᬵᬤᬶᬍᬯᬶᬄ᭞ᬳᬕᭂᬮᬶᬲ᭄ᬫᬦ᭄ᬢᬸᬓ᭄᭞ᬲᬗᬵᬃᬚ᭄ᬚᬸᬦᬲᬰ᭄ᬭᬪᬸᬚ᭟ᬩᬯᬸᬤᬯᬸᬄᬮᬶᬫᬫᬗ᭄ᬓᬢ᭄᭞ᬕᬚᬄᬭᬣᬮᬾᬦ᭄ᬧᬥᬢᬶ᭞ᬚᬭᬦᬾᬯᭀᬦ᭄ᬢᭂᬦ᭄ᬲᬢᬸᬲᬦ᭄᭞
ᬧᬚᭂᬂᬢᬸᬗ᭄ᬕᬸᬮ᭄ᬲᬫ᭄ᬧᬸᬦ᭄ᬫᬶᬚᬶᬮ᭄᭞ᬲᬳᬲᬜ᭄ᬚᬢᬢᬶᬢᬶᬩ᭄᭞ᬫᬲᬯᬂᬲᬵᬕᬭᬵᬧᬕᬸᬢ᭄᭞ᬢᬫ᭄ᬩᬸᬃᬕᭀᬂᬳᬢᬩᬸᬳᬦ᭄᭞ᬩᬮᬦᬾᬫᬲᬸᬭᬓ᭄ᬲᬫᬶ᭞ᬧᬥᬳᬾᬕᬃ᭞ᬢᬸᬫ᭄ᬩᬾᬦ᭄ᬫᬦᬯᬂᬫᬲᬶᬬᬢ᭄᭟ᬦᬾᬫᬮᬸᬢᭀᬂᬢ
ᬳᬾᬦ᭄ᬦᬯᬂ᭞ᬳᬦ᭄ᬢᬸᬓ᭄‌ᬓᬺᬢ᭄ᬢᬓᬂᬦᬵᬕᬭᬶ᭞ᬓᬾᬢᭀᬋᬓᭀᬳᬸᬘᬧᬗ᭞ᬲᬸᬫ᭄ᬩᬃᬅᬖ᭄ᬦᬶᬬᭀᬭᬫᬗ᭄ᬓᬶᬦ᭄᭞ᬫᬶᬚᬶᬮ᭄ᬲᬂᬧ᭄ᬭᬪᬸᬲᬫᬶ᭞ᬲᬦᬾᬓᬳᬸᬢᬸᬲ᭄ᬫᬕᭂᬩᬸᬕ᭄᭞ᬲᬂᬧ᭄ᬭᬪᬸᬲᭀᬤᬭᬵᬚ᭞ᬲᬂᬦᬵᬣᬓᬮᬶᬗ᭄ᬕᬳᬚᬶ᭞ᬮᬾᬦ᭄ᬲᬂ
ᬧ᭄ᬭᬪᬸ᭞ᬲᬹᬃᬬ᭄ᬬᬓᬾᬢᬸᬫᬲᬋᬗᬦ᭄᭟ᬲᬋᬂᬪᬝᬵᬭᬲᬕᬵᬭ᭞ᬗᬮᬶᬗ᭄ᬕᬶᬳᬶᬦ᭄ᬭᬣᬫᬡᬶᬓ᭄᭞ᬧᬧᬢᬸᬳᬦ᭄ᬜᬗ᭄ᬓᬶᬂᬪᬚ᭄ᬭ᭞ᬫᬧᬚᭂᬂᬳᬕᬸᬂᬫᬭᬧᬶᬢ᭄᭞ᬕ᭄ᬮᬸᬂᬓᬸᬭᬸᬗᬾᬫᬗᭂᬦ᭄ᬤᬶᬄ᭞ᬲᬲᭀᬘᬦ᭄ᬧᬓᬺᬤᬧ᭄ᬫᬸᬭᬸᬩ᭄᭞ᬩ᭄ᬯᬶ [ 10 ][᭙ 9B]
᭙
ᬦ᭄ᬢᭀᬳᬶᬂᬳᬋᬧᬦ᭄᭞ᬲᬂᬧ᭄ᬭᬪᬸᬲᭀᬤᬢᬸᬫᬸᬮᬶ᭞ᬫᬓᭂᬫ᭄ᬩᬭᬦ᭄᭞ᬲᬋᬂᬧ᭄ᬭᬪᬸᬭᬶᬂᬓᬮᬶᬗ᭄ᬕ᭟ᬕᭂᬮᬸᬂᬓᬸᬭᬸᬂᬕᬮᬂᬫᬸᬦ᭄ᬢᬩ᭄᭞ᬯᭀᬓ᭄ᬩ᭄ᬭᬶᬲ᭄‌ᬩᬺᬗᭀᬲ᭄ᬳᬜ᭄ᬚ᭄ᬭᬶᬳᬶᬦ᭄᭞ᬭᬕᬭᬾᬕᬄᬲᭂᬍᬫ᭄ᬜᬳᬓ᭄᭞ᬢᬗ᭄ᬓᬳᬾᬫᬩᬸᬮᬸᬲᬫᬶ
᭞ᬫᬗᬫᭂᬮ᭄ᬕᬥᬩᭂᬲᬶ᭞ᬫᬗᬗ᭄ᬕᭀᬧᭀᬮᬾᬗᬾᬧᬳᬸᬢ᭄᭞ᬳᬲᬶᬦ᭄ᬫᬦᭂᬕᬓᬶᬦ᭄ᬕᬚᬄ᭞ᬫᬢᭂᬗᭂᬭᬦ᭄ᬧᬬᬸᬂᬭᬗ᭄ᬤᬶ᭞ᬫᬗᬭᬸᬤᬸᬕ᭄᭞ᬲᬶᬓᭂᬧᬾᬮᬶᬬᬸᬫᬚᬮᬦ᭄᭟ᬧᬫᬃᬕ᭄ᬕᬶᬦ᭄ᬧᬜ᭄ᬚᬓᬾᬕᬗ᭄ᬲᬃ᭞ᬲᬶᬦᬯᬸᬭᬦᬾᬂ
ᬕᭀᬂᬕᭂᬦ᭄ᬤᬶᬂ᭞ᬫᬲᬯᬂᬕᭂᬦ᭄ᬢᬸᬄᬓᬲᬗ᭄ᬳᬵ᭞ᬧᬜ᭄ᬚᬓ᭄ᬮᬦ᭄ᬲᬶᬓᭂᬧᬾᬲᬫᬶ᭞ᬯᬮᬸᬬᬫᬲᬯᬂᬧᬲᬶᬄ᭞ᬭᬣᬦᬾᬗᬋᬤᭂᬕ᭄ᬮᬶᬬᬸ᭞ᬩᬢᬸᬦᬾᬧᬓᭂᬋᬧ᭄ᬯᬓ᭄᭞ᬳᭂᬦ᭄ᬢᬲᬶᬦ᭄ᬩᬦ᭄ᬕᬚᬄᬧᬥᬢᬶ᭞ᬫᬓᬤᬶᬜ᭞ᬧᬮᬶᬗ᭄ᬕᬶᬳᬦ᭄ᬲᭀ
ᬭᭀᬄᬚᬭᬦ᭄᭟ᬲᬢᬸᬲᬦ᭄ᬢᬦ᭄ᬓᭂᬦᬾᬂᬯᬶᬮᬂ᭞ᬲ᭄ᬯᬭᬦᬾᬧᬥᬫᬗᭂᬭᬶᬓ᭄᭞ᬳᬕᬶᬃᬯ᭄ᬯᬄᬲᭂᬓᬭᬶᬂᬫᬃᬕ᭄ᬕ᭞ᬫᬗ᭄ᬮᬶᬦ᭄ᬢᬂᬭᬶᬂᬫᬳᬶᬲ᭄ᬧᬢᬶ᭞ᬤᭂᬤᭂᬢ᭄ᬦᬶᬂᬢᬸᬗ᭄ᬕᬸᬮ᭄ᬫᬮᬶᬄ᭞ᬫᬲᬯᬂᬯᬗ᭄ᬓᬯᬮᬶᬬᬸ᭞ᬲᬸᬗᬸᬦᬾᬧᬲᭂᬮᬾᬂᬢᬶᬫ᭄ᬩᬮ᭄᭞ᬲᬶ

[᭑᭐ 10A]
᭑᭐
ᬦᬯᬸᬭᬦᬾᬂᬕᭀᬂᬕᭂᬦ᭄ᬤᬶᬂ᭞ᬧᬮᬶᬂᬧᬸᬗ᭄ᬓᬸᬃ᭞ᬳᬶᬤᬲᬂᬯᬶᬭᬲᬸᬫᬦ᭄ᬢ᭄ᬭᬶ᭟ᬗᬮᬶᬗ᭄ᬕᬶᬳᬶᬦ᭄ᬭᬣᬳᭂᬫᬲ᭄᭞ᬫᬸᬦ᭄ᬢᬩ᭄ᬧᬬᬸᬗᬾᬓᬳᬓ᭄ᬱᬶ᭞ᬓᬲᬸᬦᬭᬦ᭄ᬲᬹᬃᬬ᭄ᬬᬢᬾᬚ᭞ᬓᬸᬫᭂᬋᬫ᭄ᬓᬂᬕᬶᬭᬶᬕᬶᬭᬶ᭞ᬮ᭄ᬯᬶᬃᬲᬂᬳ᭄ᬬᬂᬲ᭄ᬫᬵᬭᬫᬹᬃᬢ᭄ᬢᬶ᭞ᬗᬹᬦᬶᬤᬸᬓ᭄ᬲᬶ
ᬭᬳᬗ᭄ᬮᬸᬭᬸᬕ᭄᭞ᬫᬭᬶᬂᬫᬾᬭᬸᬧᬃᬯ᭄ᬯᬢ᭞ᬫᬓ᭄ᬣᬘᬳᭂᬫᬲᬾᬗᭂᬦ᭄ᬤᬶᬄ᭞ᬢᬸᬃᬳᬶᬦᬶᬭᬶᬂᬤᬾᬦᬶᬂᬤᬾᬯᬘᬢᬹᬃᬮᭀᬓ᭟ᬳᭂᬮᬾᬦ᭄ᬜᬦᬾᬩᬦ᭄ᬲᬜ᭄ᬚᬢ᭞ᬢᬸᬫ᭄ᬩᬓ᭄ᬧᬦᬄᬮ᭄ᬬᬸᬫᬗᬶᬭᬶᬂ᭞ᬓᬾᬢᭀᬧᬶᬤᬃᬣᬦᬶᬂᬫᬸᬮᬢ᭄᭞ᬭᬶᬂᬳᬶ
ᬤᬯᬭᬲᬸᬫᬦ᭄ᬢ᭄ᬭᬶ᭞ᬢᬸᬳᬸᬯᬶᬤᬕ᭄ᬥᬾᬂᬚᬸᬭᬶᬢ᭄᭞ᬯᬶᬘᬓ᭄ᬱᬡᬳᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬦᬸᬗ᭄ᬓᬧ᭄ᬧ᭄ᬭᬤᬾᬰᬫᬕᬥ᭞ᬢᭀᬬᬕᬗ᭄ᬕᬓᬮᬶᬦ᭄ᬢᬗᬶᬦ᭄᭞ᬢᬦ᭄ᬘᬭᬶᬢ᭞ᬭᬯᬸᬄᬭᬶᬂᬮᭀᬭᬶᬂᬲ᭄ᬯᬭᬵᬚ᭄ᬬ᭟ᬓᬘᬭᬶᬢᬯ᭄ᬯᭀᬗᬶᬂᬧᬸᬭ᭞ᬫᬓ
ᬤᬶᬲᬂᬭᬵᬚᬧᬸᬢ᭄ᬭᬶ᭞ᬢᬗᬶᬲᬾᬫᬲᬯᬂᬢᭀᬫ᭄ᬩᬓ᭄᭞ᬧᬘᭂᬗᬸᬓ᭄ᬲᬮᬾᬂᬲᬳᬸᬭᬶᬦ᭄᭞ᬲᬂᬓᬧ᭄ᬭᬚᬬᬾᬂᬚᬸᬭᬶᬢ᭄᭞ᬘᭀᬦ᭄ᬤᭀᬂᬓᬭᬡ᭄ᬥᬦ᭄ᬧᬲᭂᬕᬸ᭞ᬋᬫ᭄ᬋᬫ᭄ᬦᬾᬂᬫᬭᬢᬾᬚ᭞ᬧᬸᬭᬶᬫᬕᬥᬦᬾᬲᭂᬤᬶᬄ᭞ᬗᬕᭂᬦ᭄ᬭᬯᬸᬄ᭞ [ 11 ][᭑᭐ 10B]
᭑᭐
ᬲᬂᬧ᭄ᬭᬪᬸᬳᬚᬶᬯᬶᬤᬃᬪ᭟ᬫᬜ᭄ᬚᬭᬄᬳᬶᬲᬶᬦᬶᬂᬧᬸᬭ᭞ᬲᬂᬭᬵᬚᬧᬸᬢ᭄ᬭᬶᬫᬮᬮᬶ᭞ᬜᬮᬶᬫᬸᬭᬂᬮᬭᬤᬸᬓ᭞ᬲᬂᬘᬶᬢ᭄ᬭᬭᬣᬭᬦᬶᬓᬶ᭞ᬢᬸᬯᬸᬳᬾᬩᬚᬂᬘᭂᬭᬶᬓ᭄᭞ᬓᬤᬸᬓ᭄ᬯᬃᬡ᭄ᬦᬦ᭄ᬜᬦᬾᬩᬕᬸᬲ᭄᭞ᬫᬫᭂᬗᬫᭂᬂᬤᬶᬩᬜ᭄ᬘᬶᬗᬄ᭞ᬓᬾᬯ
ᬮᬧᬋᬓᬦ᭄ᬘᭂᬭᬶᬓ᭄᭞ᬫᬶᬮᬸᬢᬸᬢᬸᬢ᭄᭞ᬫᬗᬶᬭᬶᬂᬤᬳᬢᬶᬂᬢᬺᬱ᭄ᬡ᭟ᬋᬦ᭄ᬢᬂᬓᬬᬸᬦᬾᬭᬳᬤ᭄ᬬᬦ᭄᭞ᬫᬶᬋᬂᬰᬢ᭄ᬭᬸᬧᬘᬂᬧ᭄ᬭᬵᬧ᭄ᬢᬶ᭞ᬫᬗᬯᬸᬕ᭄ᬫᬜᬭᬄᬧᬸᬭ᭞ᬓᬾᬦ᭄ᬢᭀᬳᭀᬃᬣᬦ᭄ᬜᬦᬾᬢᬶᬢᬶᬃ᭞ᬲᬕᬾᬢ᭄ᬓᬧᬶᬋᬂᬫᬗ᭄ᬓᬶᬦ᭄᭞ᬲ᭄ᬯ
ᬭᬦᬶᬂᬲᬸᬭᬓ᭄ᬕᬸᬫᬸᬭᬸᬄ᭞ᬮᬯᬦ᭄ᬲ᭄ᬯᬭᬦᬶᬂᬕᬸᬩᬃ᭞ᬲᬸᬗᬸᬫᬲᬸᬭᬓ᭄‌ᬬᬢᬶᬢᬶᬃ᭞ᬤᬤᬶᬕᭂᬮᬸ᭞ᬳᬶᬤᬲᬂᬭᬵᬚᬧᬶᬦᬸᬢ᭄ᬭ᭟ᬧᬫᬃᬕ᭄ᬕᬶᬦ᭄ᬳᬶᬤᬲᬂᬦᬵᬣ᭞ᬲ᭄ᬯᬭᬦ᭄ᬕᬕᬫ᭄ᬩᭂᬮᬦ᭄ᬢᬶᬢᬶᬃ᭞ᬲᬕᬾᬢᬦ᭄ᬯᬾᬦ᭄ᬢᭂᬦ᭄ᬗᬢᬸᬭᬂ᭞ᬧᬸᬢᬸᬲᬦ᭄ᬲᬂᬦᬭᬧᬢᬶ
᭞ᬭᬢᬸᬦᬶᬂᬫᬳᬶᬲ᭄ᬧᬢᬶ᭞ᬧ᭄ᬭᬪᬸᬅᬃᬚ᭄ᬚᬸᬦᬲᬰ᭄ᬭᬩᬯᬸ᭞ᬧᬭᬭᬢᬸᬮᬮᬶᬫ᭞ᬩ᭄ᬭᬵᬳ᭄ᬫᬡᬧᬸᬢ᭄ᬭᬳᬤᬶᬢᬶ᭞ᬫᬧᬧᬲᬶᬄ᭞ᬳᬶᬤᬲᬂᬲᬸᬫᬦ᭄ᬢ᭄ᬭᬶᬯᬶᬭ᭟ᬓᬾᬢᭀᬚᬢ᭄ᬫᬦᬾᬗᬢᬸᬭᬂ᭞ᬲᬂᬘᬶᬢ᭄ᬭᬭᬣᬳᬕ᭄ᬮᬶᬲ᭄᭞ᬫᬦᬩ᭄ᬤᬩᬂ

[᭑᭑ 11A]
᭑᭑
ᬧᬮᬶᬗ᭄ᬕᬶᬳᬦ᭄᭞ᬮᬦ᭄ᬢᬾᬓ᭄ᬮᬱᬧᬲᬗᬶᬦ᭄᭞ᬧᬸᬧᬸᬢ᭄ᬫᬢᭂᬮᬄᬲᬫᬶ᭞ᬧᬗᬯᬶᬦᬾᬲᬕᬾᬢ᭄ᬭᬯᬸᬄ᭞ᬳᬤᭂᬦ᭄ᬤᭂᬦᬶᬂᬩᬮᬾᬩᬵᬂ᭞ᬤᭂᬤᭂᬢ᭄ᬢᬦ᭄ᬳᬸᬲᬦᬦ᭄ᬧ᭄ᬭᬵᬧ᭄ᬢᬶ᭞ᬧᭂᬢᭂᬂᬳᬶᬩᬸᬢ᭄᭞ᬢᬸᬗ᭄ᬕᬸᬮᬾᬲᬯᬂᬚᬮᬥ᭟ᬤᬵᬲᬂᬧ᭄ᬭᬪᬸᬲᬦᬾᬧᬢ᭄ᬧ
ᬢ᭄᭞ᬢᭂᬤᬸᬦ᭄ᬲᬓᬶᬂᬕᬚᬄᬲᬫᬶ᭞ᬫᬭᬵᬃᬬ᭄ᬬᬦ᭄ᬲᭀᬭᬶᬂᬳᬗ᭄ᬰᬡ᭞ᬯᬃᬡ᭄ᬦᬦᬾᬓᬕᬶᬭᬶᬕᬶᬭᬶ᭞ᬭᬯᬸᬄᬲᬂᬯᬭᬲᬸᬫᬦ᭄ᬢ᭄ᬭᬶ᭞ᬲᬓᬶᬂᬲ᭄ᬬᬡ᭄ᬥᬦᬫᬘᭂᬩᬸᬃ᭞ᬧᬫᬃᬕᬶᬦᬾᬳᬍᬧ᭄ᬢᬶᬦᭀᬦ᭄᭞ᬮ᭄ᬯᬶᬃᬕᬡ᭄ᬥᬃᬯ᭄ᬯᬢᬫᬾᬂᬯᬶᬱ᭄ᬝᬶ᭞ᬧᬥᬕᬯᭀᬓ᭄᭞ᬚ
ᬢ᭄ᬫᬦᬾᬳᬲᬶᬂᬗᬦ᭄ᬢᭂᬦᬂ᭟ᬲᬂᬘᬶᬢ᭄ᬭᬭᬣᬫᬜᬧ᭞ᬦᬸᬦᬲ᭄ᬳᬶᬭᬢᬸᬫᬗ᭄ᬭᬭᬶᬲ᭄᭞ᬗ᭄ᬭᬜ᭄ᬚᬶᬂᬫᬭᬶᬂᬧᬗᬲ᭄ᬢ᭄ᬭᬶᬬᬦ᭄᭞ᬲᬂᬧ᭄ᬭᬪᬸᬓᬮᬶᬄᬜᬳᬸᬭᬶᬦ᭄᭞ᬚᬮᬦ᭄ᬳᬶᬤᬾᬯᬭᬶᬳᬶᬦ᭄᭞ᬲᬂᬭᬵᬚᬧᬶᬦᬸᬢ᭄ᬭᬦᬸᬦ᭄ᬢᬸᬦ᭄᭞ᬢᬗᬦ᭄ᬲᬂᬤ᭄ᬯᬶᬚᬢ᭄ᬫᬚ᭞
ᬓᬤᬶᬲᬂᬳ᭄ᬬᬂᬲ᭄ᬫᬭᬓᬮᬶᬄ᭞ᬲᬫ᭄ᬧᬸᬦ᭄ᬦᬧᬓ᭄᭞ᬫᬮᬶᬗ᭄ᬕᬶᬄᬭᬶᬂᬩᬮᬾᬳᭂᬫᬲ᭄᭟ᬲᬂᬭᬵᬚᬧᬸᬢ᭄ᬭᬦᬸᬦᬲᬂ᭞ᬳᬶᬭᬢᬸᬭᬯᬸᬄᬫᬭᬶᬓᬶ᭞ᬧᬸᬦᬧᬶᬲᬤ᭄ᬬᬬᬂᬋᬓᭀ᭞ᬗᬭᬯᬸᬳᬶᬦ᭄ᬚᬦ᭄ᬫᬫᬶᬲ᭄ᬓᬶᬦ᭄᭞ᬦᬶᬱ᭄ᬝᬯᭂᬤᬶᬭᬶᬂᬧᬢᬶ᭞ᬳᬶᬂᬳᬸ [ 12 ][᭑᭑ 11B]
᭑᭑
ᬭᬶᬧᬾᬫᬾᬭᬂᬓᬳ᭄ᬬᬸᬦ᭄᭞ᬤᬤᬶᬢᬗ᭄ᬕᬸᬦ᭄ᬭᬭᬯᭀᬲᬦ᭄᭞ᬳᬦ᭄ᬢᬸᬓ᭄ᬧᬭᬭᬢᬸᬲᬫᬶ᭞ᬩᬲ᭄ᬓᬤᬸᬭᬸᬲ᭄᭞ᬤᬾᬯᬦᬾᬫᬶᬤᬸᬓᬾᬦ᭄ᬢᬶᬢ᭄ᬬᬂ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬾᬯᭂᬳᬦ᭄᭞ᬓᬚᬬᬓᬲᭀᬭᬶᬂᬚᬸᬭᬶᬢ᭄᭞ᬳᬶᬩᬧᬲᬫ᭄ᬧᬸᬦ᭄ᬫᬜ᭄ᬯᬶᬣ᭞ᬮᬸᬗ᭄ᬳᬓ
ᬯᬶᬤᬃᬪᬫᬗ᭄ᬓᬶᬦ᭄᭞ᬜᬫᬦ᭄ᬢᬶᬢ᭄ᬬᬗᬾᬓᬭᬶ᭞ᬤᭂᬳᬵᬜᬗ᭄ᬓᬮᬳᬶᬦ᭄ᬭᬢᬸ᭞ᬤᬾᬯᬵᬬᬸᬘᬶᬢ᭄ᬭᬯᬢ᭄ᬬᬵ᭞ᬢᬦ᭄ᬫᬭᬶᬫᬫ᭄ᬩᬓ᭄ᬢᬓ᭄ᬭᬶᬲ᭄᭞ᬗᬗ᭄ᬕᭀᬧᬸᬢᬶᬄ᭞ᬧᬘᬂᬫᬜᬸᬤᬸᬓ᭄ᬰᬭᬶᬭ᭟ᬧᬸᬦᬶᬓᬗᬾᬯᭂᬳᬶᬦ᭄ᬢᬶᬢ᭄ᬬᬂ᭞ᬲᬂᬧ᭄ᬭᬪᬸᬯᬶᬤᬃᬪᬳᬚᬶ
᭞ᬢᬦ᭄ᬫᬭᬶᬦᬸᬦ᭄ᬤᬾᬂᬜᬾᬭᬾᬕᬂ᭞ᬫᬗᬫ᭄ᬩᬶᬮ᭄ᬲᬂᬭᬵᬚᬧᬸᬢ᭄ᬭᬶ᭞ᬓᬾᬢᭀᬳᬢᬸᬭᬾᬫᬗ᭄ᬓᬶᬦ᭄᭞ᬘᬶᬢ᭄ᬭᬭᬣᬲᭂᬫᬸᬲᬸᬗ᭄ᬲᬸᬢ᭄᭞ᬗᭂᬫ᭄ᬩᭂᬗᭂᬫ᭄ᬩᭂᬂᬬᬾᬄᬯᬱ᭄ᬧ᭞ᬲᬂᬲᬸᬫᬦ᭄ᬢ᭄ᬭᬶᬓᬗᭂᬦ᭄ᬫᬶᬭᬕᬶ᭞ᬤᬤᬶᬫᭂᬢᬸ᭞ᬭᬕᬦᬾᬲᬂᬘᬶᬢ᭄ᬭᬭᬣ᭟
ᬳᬤᬸᬄᬤᬾᬯᬜᬫᬦ᭄ᬢᬶᬢ᭄ᬬᬂ᭞ᬳᬸᬲᬦᬂᬫᬶᬤᬵᬃᬣᬫᬮᬶᬄ᭞ᬮᬶᬬᬸᬲᬦ᭄ᬫᬓ᭄ᬭᬡᬲᬸᬲᬄ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬭᬶᬓᬶ᭞ᬲᬂᬧ᭄ᬭᬪᬸᬫᬳᬶᬲ᭄ᬧᬢᬶ᭞ᬢᬭᬸᬡᬶᬫᬗᬤᭂᬕ᭄ᬭᬢᬸ᭞ᬤᬾᬯᬜᭂᬦᭂᬂᬭᬶᬂᬍᬫᬄ᭞ᬧ᭄ᬭᬪᬸᬅᬃᬚ᭄ᬚᬸᬦᬲᬶᬦᬶᬯᬶ᭞ᬲᬰ᭄ᬭ

[᭑᭒ 12A]
᭑᭒
ᬩᬳᬸ᭞ᬓᬧᬸᬢ᭄ᬭᬩᬦ᭄ᬓᬺᬢ᭄ᬢᬯᬶᬃᬬ᭄ᬬ᭟ᬓᬾᬢᭀᬲᬂᬲᬸᬫᬦ᭄ᬢ᭄ᬭᬶᬯᬶᬭ᭞ᬲᬂᬧ᭄ᬭᬪᬸᬓᭂᬫ᭄ᬩᬃᬦᬶᬫ᭄ᬩᬮᬶᬦ᭄᭞ᬳᬶᬗ᭄ᬕᬶᬄᬫᬭᬶᬓᬳᬶᬤᬾᬯ᭄ᬯ᭞ᬫᬳᬢᬸᬃᬢᭂᬓᬾᬦ᭄ᬲᬂᬧᬸᬢ᭄ᬭᬶ᭞ᬢᬢᬲᬂᬳᬧᬂᬧᬲ᭄ᬢᬶ᭞ᬧᬓᬬᬸᬦᬦ᭄ᬭᬤᬾᬦ᭄ᬕᬮᬸᬄ᭞ᬬᬦ᭄ᬳᬶᬤᬧᬘᬂᬳᭂᬜᬓ᭄
᭞ᬫᬲ᭄ᬯᬫᬶᬭᬶᬂᬫᬳᬶᬲ᭄ᬧᬢᬶ᭞ᬩᬧᬫᬗ᭄ᬓᬶᬦ᭄᭞ᬫᬕᬕᭂᬩᬸᬕ᭄ᬓᬯᬶᬤᬃᬪ᭟ᬓᬾᬢᭀᬲᬂᬧ᭄ᬭᬪᬸᬤᬶᬲᬹᬃᬬ᭄ᬬ᭞ᬲᬋᬂᬲᬂᬘᬦ᭄ᬤ᭄ᬭᬫᬓᬤᬶ᭞ᬫᬓᬵᬤᬶᬲᬂᬦᬵᬣᬓᬮᬶᬗ᭄ᬕ᭞ᬲᬂᬲᬶᬗ᭄ᬳᬮᬦᬵᬣᬫᬮᬶᬄ᭞ᬫᬩ᭄ᬭᬶᬬᬸᬓ᭄ᬲᬋᬂᬲᬫᬶ᭞ᬭᬯᭀᬲᬾᬲ
ᬫᬶᬫᬫᬢᬸᬢ᭄᭞ᬳᬶᬤᬲᬂᬭᬵᬚᬧᬶᬦᬸᬢ᭄ᬭ᭞ᬓᬳ᭄ᬬᬸᬦᬾᬩᬶᬗᬃᬧ᭄ᬭᬚᬦᬶ᭞ᬢᬸᬃᬫᬧᬫᬶᬢ᭄᭞ᬤᬦᬾᬳᬕ᭄ᬮᬶᬲ᭄ᬫᬭᬶᬂᬧᬸᬭ᭟ᬲᬭᬯᬸᬄᬤᬦᬾᬭᬶᬂᬧᬸᬭ᭞ᬲᬂᬭᬵᬚᬲᭂᬓᬃᬓᬧᬗ᭄ᬕᬶᬄ᭞ᬫᬓᬤᬶᬤᬾᬯᬶᬲᬸᬘᬶᬢ᭄ᬭᬵ᭞ᬢᬦ᭄ᬫᬭᬶᬫᬦᬫ᭄ᬧᬶᬂᬓᭂ
ᬭᬶᬲ᭄᭞ᬲᬶᬂᬜᬬᬢᭂᬓᬚᬦᬶ᭞ᬲᬂᬯᬶᬤᬃᬪᬫᬳᬶᬜᬸᬚᬸᬃ᭞ᬲᬶᬂᬩᬸᬳᬸᬗᭂᬦ᭄ᬭᬸᬲᬓ᭄᭞ᬧᬓᬬᬸᬦᬦᬾᬲᬂᬤᬾᬯᬶ᭞ᬤᬤᬶᬕᭂᬮᬸ᭞ᬫᬜᬶᬗᬓ᭄ᬭᬳᬶᬦ᭄ᬤᬵᬧ᭄ᬭᬵᬧ᭄ᬢ᭟ᬲᬂᬭᬵᬚᬧᬸᬢ᭄ᬭᬗᬡ᭄ᬥᬶᬓ᭞ᬓᬾᬦ᭄ᬓᬾᬦ᭄ᬳᬤᬶᬩᬸᬓᬚᬦᬶ᭞ᬩᬶᬗᬃᬲ [ 13 ][᭑᭒ 12B]
᭑᭒
ᬦ᭄ᬲᭂᬩᭂᬗᬾᬚᬾᬗ᭄ᬮᬃ᭞ᬲᬂᬘᬶᬢ᭄ᬭᬭᬣᬗᬪᬓ᭄ᬢᬶ᭞ᬳᭂᬫ᭄ᬩᭀᬓ᭄ᬢᬾᬲᬧᬸᬦᬧᬶ᭞ᬫᬗ᭄ᬓᬶᬦ᭄ᬫᬧᬸᬧᬸᬢᬦ᭄ᬓᬳ᭄ᬬᬸᬦ᭄᭞ᬢᬶᬢ᭄ᬬᬂᬲᬤ᭄ᬬᬧᬭᬶᬢᬢᬲ᭄᭞ᬦᬸᬦᬲᬂᬓᬳ᭄ᬬᬸᬦ᭄‌ᬢ᭄ᬯᬦ᭄ᬤᬾᬯᬶ᭞ᬫᬗ᭄ᬤᬾᬩᭂᬘᬶᬓ᭄᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬶᬤᬃᬣᬬᬂ᭟ᬯᬾᬦ᭄ᬢᭂᬦ᭄ᬦᬾᬫ
ᬗ᭄ᬓᬶᬦ᭄ᬧᬸᬢᬸᬲᬦ᭄᭞ᬲᬂᬭᬢᬸᬭᬶᬂᬫᬳᬶᬲ᭄ᬧᬢᬶ᭞ᬲᬂᬧ᭄ᬭᬪᬸᬢᬭᬸᬡᬋᬓᭀ᭞ᬓᬲᬸᬩ᭄ᬧ᭄ᬭᬯᬶᬭᬫᬳᬵᬰᬓ᭄ᬢᬶ᭞ᬭᬢᬸᬲᬶᬬᬸᬦᬵᬕᬭᬶ᭞ᬫᬢ᭄ᬯᬂᬧ᭄ᬭᬦᬢᬳᬢᬓᬸᬢ᭄᭞ᬭᬶᬂᬲᬂᬧ᭄ᬭᬪᬸᬅᬃᬚᬸᬦ᭞ᬯᬶᬱ᭄ᬡᬸᬯᬮᬸᬬᬲᬶᬦᬶᬯᬶ᭞ᬢᬸᬃᬬᬩᬕᬸᬲ᭄᭞ᬧ᭄ᬭᬪᬸ
ᬦᭀᬭᬓᬸᬭᬂᬭᬢ᭄ᬦ᭟ᬲᬧᬸᬦᬧᬶᬳ᭄ᬬᬸᬦ᭄ᬳᬶᬤᬾᬯ᭞ᬤᬯᬸᬳᬂᬭᬶᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬓᬾᬢᭀᬋᬓᭀᬳᬢᬸᬃᬳᬶᬤ᭞ᬲᬂᬘᬶᬢ᭄ᬭᬭᬣᬳᬸᬫᬶᬦ᭄ᬥᬶ᭞ᬫᭂᬦᭂᬂᬲᬂᬮ᭄ᬯᬶᬃᬭᬢᬶᬄ᭞ᬓᬤ᭄ᬬᬗ᭄ᬕᬦᬶᬂᬧᬸᬜᬦ᭄ᬓᬬᬸ᭞ᬧᭂᬘᬓᬾᬓᬧᬦᬲᬦ᭄᭞ᬲ
ᬢᬢᬫᬗᭂᬦ᭄ᬢᬓ᭄ᬳᬓᬶᬂ᭞ᬚᬦᬶᬭᬯᬸᬄ᭞ᬳᬸᬚᬦ᭄ᬓᬃᬢ᭄ᬢᬶᬓᬦᬾᬧᭂᬦ᭄ᬢᬓ᭄᭟ᬪᬹᬫᬭᬢᬸᬫ᭄ᬩᬸᬄᬓᭂᬤᬧᬦ᭄᭞ᬫᬲᬼᬤᬾᬢ᭄ᬫᬲᬯᬂᬢᬝᬶᬢ᭄᭞ᬭᭀᬫᬲᭂᬍᬫ᭄ᬢᬸᬃᬬᬲᬫᬄ᭞ᬫᬲᬯᬂᬕᬸᬍᬫᬾᬲ᭄ᬭᬶᬦᬶᬂ᭞ᬲᬸᬲᬸᬦᬾᬲᬯᬂᬜᬸᬄᬕ

[᭑᭓ 13A]
᭑᭓
ᬥᬶᬂ᭞ᬭᬕᬦᬾᬗ᭄ᬕᬮᬸᬗ᭄ᬕᬂᬍᬫ᭄ᬧᬸᬂ᭞ᬲᬂᬰ᭄ᬭᬶᬲᬸᬧᬸᬢ᭄ᬭᬶᬳᬶᬓ᭞ᬯᬮᬸᬬᬧᬸᬢ᭄ᬭᬶᬭᬶᬂᬘᬺᬫᬶ᭞ᬫᭂᬫ᭄ᬩᬄᬚᬸᬭᬸᬄ᭞ᬢᬸᬯᬄᬧᬫᬸᬧᬸᬮᬦ᭄ᬫᭂᬮᬄ᭟ᬯᭂᬓᬲᬦ᭄ᬳᬶᬤᬗᬦ᭄ᬤᬶᬓ᭞ᬳᭂᬫ᭄ᬩᭀᬓ᭄‌‌ᬢ᭄ᬯᬄᬫᬶᬲᬭᬳᬤᬶ᭞ᬫᬧ᭄ᬭᬕᬢᬦ᭄ᬢ᭄ᬯᬄᬳᬶᬤᬾᬯ᭞ᬓᬾ
ᬢᭀᬳᬶᬤᬭᬵᬚᬤᬾᬯᬶ᭞ᬲᬂᬘᬶᬢ᭄ᬭᬭᬣᬗᬪᬓ᭄ᬢᬶ᭞ᬤᭀᬂᬢᬶᬦ᭄ᬤᬶᬳᬂᬤᬾᬯᬳᬬᬸ᭞ᬲᬫ᭄ᬧᬸᬦ᭄ᬫᬶᬢ᭄ᬬᬭᬶᬂᬉᬚᬃ᭞ᬭᬵᬚᬧᬸᬢ᭄ᬭᬶᬫᬜᬯᬸᬭᬶᬦ᭄᭞ᬳᬶᬗ᭄ᬕᬶᬄᬳᬤᬶ᭞ᬳᭂᬫ᭄ᬩᭀᬓ᭄ᬢᬸᬯᬄᬫᬦᬸᬳᬸᬢᬂ᭟ᬓᬾᬢᭀᬲᬂᬧᬸᬢ᭄ᬭᬶᬗᬦ᭄ᬤᬶᬓ᭞ᬲᬂᬭᬳᬶᬩᬸ
ᬤᬮ᭄ᬳᬕ᭄ᬮᬶᬲ᭄᭞ᬧᬗᭀᬚᭀᬕᬾᬓᬩᬜ᭄ᬘᬶᬗᬄ᭞ᬭᬶᬂᬲᬂᬭᬵᬚᬭᬢᬸᬲᬫᬶ᭞ᬲᬂᬩ᭄ᬭᬵᬳ᭄ᬫᬡᬧᬸᬢ᭄ᬭᬳᬕ᭄ᬮᬶᬲ᭄᭞ᬜᬳᬸᬭᬶᬲᬂᬭᬵᬚᬲᬸᬦᬸ᭞ᬳᬶᬗ᭄ᬕᬶᬄᬲᬧᬸᬦᬧᬶᬤᬾᬯ᭞ᬧᬸᬧᬸᬢ᭄ᬓᬬᬸᬦ᭄ᬭᬓᬦ᭄ᬳᬤᬶ᭞ᬓᬾᬢᭀᬳᬶᬤ᭞ᬲᬂᬲᬸᬫᬦ᭄ᬢ᭄ᬭᬶᬫᬦ
ᬓᬾᬦᬂ᭟ᬓᭂᬜᭂᬫ᭄ᬲᬂᬭᬵᬚᬧᬶᬦᬸᬢ᭄ᬭ᭞ᬳᬶᬗ᭄ᬕᬶᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬩᭂᬮᬶ᭞ᬫᬦᬢᬲ᭄ᬓᬳ᭄ᬬᬸᬦ᭄ᬲᬂᬤᬶᬬᬄ᭞ᬳᬬᬸᬫᬸᬲ᭄ᬢᬶᬓᬦᬾᬂᬧᬸᬭᬶ᭞ᬳᬶᬤᬯᬦ᭄ᬢᬄᬦᬕᬶᬗᬶᬦ᭄᭞ᬲᬫᬦᬄᬢᬶᬢ᭄ᬬᬗᬾᬭᬢᬸ᭞ᬳᬶᬗ᭄ᬕᬶᬄᬩᭂᬮᬶᬳᬕ᭄ᬬᬬᬂ᭞ᬳᬗ᭄ᬓᬢᬶᬦ᭄ᬰᬢ᭄ᬭᬸᬦᬾ [ 14 ][᭑᭓ 13B]
᭑᭓
ᬫᬗ᭄ᬓᬶᬦ᭄᭞ᬫᬸᬂᬧᬸᬂᬳᬶᬧᬸᬦ᭄᭞ᬳᬫ᭄ᬧᬄᬢ᭄ᬯᬭᬲᬸᬫᬗ᭄ᬰᬬ᭟ᬓᬾᬢᭀᬳᬶᬤᬘᬶᬢ᭄ᬭᬭᬣ᭞ᬦᬸᬦᬲᬂᬗᬯᬗᬸᬦ᭄ᬓᬮᬶ᭞ᬲᬂᬲᬹᬃᬬ᭄ᬬᬓᬾᬢᬸᬫᬦᬶᬫ᭄ᬩᬮ᭄᭞ᬧ᭄ᬭᬪᬸᬘᬦ᭄ᬤ᭄ᬭᬓᬾᬢᬸᬫᬮᬶᬄ᭞ᬫᬫᬢᬸᬢ᭄ᬲᬦᬾᬫᬗ᭄ᬓᬶᬦ᭄᭞ᬭᬯᭀᬲ᭄ᬤᬦᬾᬭᬵᬚᬲᬸᬦᬸ᭞
ᬗᬢᬸᬭᬶᬦ᭄ᬫᬗᭂᬮᬶᬲᬂ᭞ᬓᬯᬶᬤᬃᬪᬫᬜᬶᬬᬢᬶᬦ᭄᭞ᬲᬂᬲᬸᬫᬦ᭄ᬢ᭄ᬭᬶ᭞ᬓᬬᬸᬦ᭄ᬤᬦᬾᬗᬦᬧᬓᬂ᭟ᬳᬶᬗ᭄ᬕᬶᬄᬲᬂᬭᬢᬸᬉᬢ᭄ᬢᬫ᭞ᬧᬸᬢᬸᬲᬦ᭄ᬭᬶᬳᬶᬦ᭄ᬫᬫᬃᬕ᭄ᬕᬶ᭞ᬳᭂᬦ᭄ᬢᭀᬢᬶᬗ᭄ᬓᬄᬲᬂᬧ᭄ᬭᬯᬶᬭ᭞ᬳᬧ᭄ᬭᬂᬥᬃᬫ᭄ᬫᬳᬭᬦᬶᬓᬶ᭞ᬚᬬᬓᬚᬬᬾᬂᬚᬸᬭᬶ
ᬢ᭄᭞ᬳᭂᬦ᭄ᬢᭀᬉᬢ᭄ᬢᬫᬬᬂᬤᬶᬢᬸ᭞ᬧᬸᬭᬸᬱᬫᬳᬸᬢ᭄ᬢᬫ᭞ᬗᬸᬮᬄᬲ᭄ᬯᬃᬕ᭄ᬕᬫᬢ᭄ᬬᬾᬂᬚᬸᬭᬶᬢ᭄᭞ᬮᬾᬦ᭄ᬢᬸᬯᬄᬮᬪ᭞ᬳᬶᬦᬸᬘᬧ᭄ᬯᬦᬾᬦ᭄ᬉᬢ᭄ᬢᬫ᭟ᬳᬶᬗ᭄ᬕᬶᬄᬢᬾᬤᬾᬯᬧᬶᬋᬗᬂ᭞ᬳᬢᬸᬃᬢᬶᬢ᭄ᬬᬗᬾᬧᬸᬦᬶᬓᬶ᭞ᬓᬾᬢᭀᬳᬶᬤᬲᬂᬩ᭄ᬭᬵ
ᬳ᭄ᬫᬡ᭞ᬲᭀᬭᭀᬄᬲᬢ᭄ᬭᬶᬬᬦᬾᬲᬫᬶ᭞ᬧᬥᬫᬫᬢᬸᬢ᭄ᬫᬗ᭄ᬓᬶᬦ᭄᭞ᬭᬯᭀᬲ᭄ᬤᬦᬾᬤ᭄ᬯᬶᬚᬲᬸᬦᬸ᭞ᬳᭂᬦ᭄ᬢᭀᬧᬮᬶᬂᬉᬢ᭄ᬢᬫ᭞ᬫᬸᬮᬢᭀᬢᭀᬲᬶᬂᬧ᭄ᬭᬚᬸᬭᬶᬢ᭄᭞ᬤᬤᬶᬳᬸᬤᬸᬄ᭞ᬳᬶᬤᬲᬂᬦᬵᬣᬤᬶᬮᬶᬧᬵ᭟ᬳᬶᬗᬸᬢᬸᬲ᭄ᬗ

[᭑᭔ 14A]
᭑᭔
ᬗᬢᬸᬭᬂᬲᬸᬭᬵᬢ᭄᭞ᬭᬯᬸᬄᬓᬯᬶᬤᬃᬪᬧᬸᬭᬶ᭞ᬫᬧᬗ᭄ᬕᬸᬄᬭᬶᬂᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬸᬫᬺᬕ᭄ᬩᬮᬦᬾᬫᬗᬶᬭᬶᬂ᭞ᬳᬦᬸᬗ᭄ᬕᬂᬕᬚᬄᬧᬥᬢᬶ᭞ᬧᬶᬦᬬᬸᬗᬦ᭄ᬳᬪ᭄ᬭᬫᬸᬭᬸᬩ᭄᭞ᬕᬸᬫᭂᬦ᭄ᬢᭂᬃᬢᬢᬩᬸᬳᬦ᭄᭞ᬳᬸᬫᬸᬂᬲᬓᬶᬂᬫᬃᬕ᭄ᬕᬳᬢ᭄ᬭᬶ᭞ᬲᬸᬭᬓ᭄ᬳᬰ᭄ᬭᬸᬄ᭞ᬳ
ᬦ᭄ᬤᬭᬸᬂᬧᬸᬦᬂᬕᬚᬾᬦ᭄ᬤ᭄ᬭ᭟ᬦᭀᬭᬓᬘᬭᬶᬢᬾᬂᬫᬃᬕ᭄ᬕ᭞ᬮᬫ᭄ᬧᬄᬳᬶᬤᬦᬾᬦᬃᬧᬢᬶ᭞ᬳᬦᬸᬗ᭄ᬓᬧ᭄ᬧ᭄ᬭᬤᬾᬰᬓᭀᬘᬧ᭄᭞ᬦᬵᬕᬭᬾᬂᬯᬶᬤᬃᬪᬳᬸᬗ᭄ᬲᬶ᭞ᬯᭀᬂᬯᬶᬤᬃᬪᬦᬾᬦᭂᬗ᭄ᬕᬸᬳᬶᬦ᭄᭞ᬚᬚᬭᬳᬦ᭄ᬤᬤᬶᬭᬯᬸᬄ᭞ᬲᬓᬶᬂᬧᬸᬭᬶ
ᬫᬕᬥ᭞ᬓᬾᬢᭀᬫᬦᬄᬜᬦᬾᬲᬫᬶ᭞ᬳᬕ᭄ᬮᬶᬲ᭄ᬢᭂᬤᬸᬦ᭄᭞ᬫᬩᬮᬶᬄᬬᬓᬩᬜ᭄ᬘᬶᬗᬄ᭟ᬩᭂᬓ᭄ᬚᭂᬚᭂᬮ᭄ᬢᬦ᭄ᬧᬮᬶᬕᬭᬦ᭄᭞ᬫᬕᭀᬫ᭄ᬧ᭄ᬮᭀᬓ᭄ᬕᭀᬫ᭄ᬧ᭄ᬮᭀᬓ᭄ᬫᬮᬶᬗ᭄ᬕᬶᬄ᭞ᬤᬤᬶᬕᭂᬮᬸᬲᬶᬦᬫᬶᬬᬦ᭄᭞ᬩᬦ᭄ᬲᬶᬓᭂᬧ᭄ᬓᬦ᭄ᬢᭂ
ᬦ᭄ᬢᭂᬦ᭄ᬫᬗᬶᬭᬶᬂ᭞ᬯᬢᭂᬓ᭄ᬕᬮᬄᬲᬸᬮᬶᬕᬶ᭞ᬧᬦᬳᬾᬫᬘᬗ᭄ᬓᬶᬂᬮᬶᬬᬸ᭞ᬢᬫ᭄ᬩᬸᬭᬾᬓ᭄ᬭᬸᬭᬓᬵᬭ᭞ᬓᬤᬶᬓᭂᬭᬸᬕ᭄ᬫᬦᬓᬸᬢᬶᬦ᭄᭞ᬧᬚᭂᬂᬳᬕᬸᬂ᭞ᬫᬸᬭᬸᬩ᭄ᬓᬲᬸᬦ᭄ᬤᬭᬦ᭄ᬲᬹᬃᬬ᭄ᬬ᭟ᬓᬳᬢᬸᬃᬢᭂᬓᬾᬦ᭄ᬲᬂᬦᬵᬣ᭞ᬕᭀᬥᬥᬃᬫ᭄ᬫᬋᬓᭀᬳᬕ᭄ᬮᬶ [ 15 ][᭑᭔ 14B]
᭑᭔
ᬲ᭄᭞ᬩᬦ᭄ᬓᬰᬢ᭄ᬭᬸᬫ᭄ᬭᬲᬳᬤ᭞ᬭᬢᬸᬚᬩᬓᬸᬢᬧ᭄ᬭᬵᬧ᭄ᬢᬶ᭞ᬲᬯᬢᭂᬓ᭄ᬫᬳᬶᬲ᭄ᬧᬢᬶ᭞ᬤᭂᬤᭂᬢ᭄ᬭᬶᬂᬩᬜ᭄ᬘᬶᬗᬄᬭᬯᬸᬄ᭞ᬓᬾᬢᭀᬲᬦᬾᬗᬢᬸᬭᬂ᭞ᬲᬂᬫᬦ᭄ᬢ᭄ᬭᬶᬭᬭᬶᬲ᭄ᬓᬧᬸᬭᬶ᭞ᬳᬕ᭄ᬮᬶᬲ᭄ᬫᬢᬸᬃ᭞ᬭᬶᬂᬳᬶᬤᬲᬂᬦᬭᬦᬵᬣ᭟ᬭᬶᬂᬳᬚᬶᬯᬭᬯᬶᬤᬃᬪ᭞
ᬓᬕ᭄ᬬᬢ᭄ᬲᬂᬧ᭄ᬭᬪᬸᬢᬶᬦᬗ᭄ᬓᬶᬮ᭄᭞ᬧᭂᬧᭂᬓ᭄ᬲᭀᬭᭀᬄᬧ᭄ᬭᬪᬸᬤᬶᬦᬵᬣ᭞ᬲᬢ᭄ᬭᬶᬬᬯᬗ᭄ᬰᬦᬺᬧᬢᬶ᭞ᬳᬸᬢᬸᬲᬦᬾᬫᬗ᭄ᬭᬭᬶᬲ᭄᭞ᬫᬫᬋᬓ᭄ᬳᬶᬤᬲᬂᬧ᭄ᬭᬪᬸ᭞ᬲᬶᬭᬦᬵᬣᬤᬶᬮᬶᬧ᭞ᬫᭂᬗ᭄ᬕᭂᬧ᭄ᬲᭀᬮᬳᬾᬭᬲ᭄ᬧᬢᬶ᭞ᬤᬤᬶᬫᬸᬯᬸᬲ᭄᭞ᬫᬜᬧ
ᬳᬚᬶᬯᬶᬤᬃᬪ᭟ᬳᬥᬸᬄᬢᬦ᭄ᬤ᭄ᬭᬸᬄᬓᬧᭀᬢᬶᬢ᭄ᬬᬂ᭞ᬳᬶᬭᬢᬸᬲᬓᬶᬂᬧᬸᬦᬧᬶ᭞ᬢᬸᬃᬲᬧᬲᬶᬭᬫᬗᭀᬦ᭄ᬓᭀᬦ᭄᭞ᬳᬶᬭᬢᬸᬭᬯᬸᬄᬫᬭᬶᬓᬶ᭞ᬓᬕ᭄ᬬᬢ᭄ᬢᬶᬢ᭄ᬬᬂᬲᬯ᭄ᬬᬓ᭄ᬢᬶ᭞ᬧᬸᬦᬧᬶᬲᬤ᭄ᬬᬦᬾᬭᬯᬸᬄ᭞ᬓᬾᬢᭀᬲᬂᬦᬵᬣ᭞ᬲᭂᬲᭂ
ᬤ᭄ᬧᬢᬓᭀᬦᬾᬩᭂᬲᬶᬓ᭄᭞ᬲᬂᬓᬳᬸᬢᬸᬲ᭄᭞ᬫᭂᬧᭂᬲ᭄ᬫᬳᬢᬸᬃᬧ᭄ᬭᬦᬫ᭄ᬬ᭟ᬲᬶᬗ᭄ᬕᬶᬄᬭᬢᬸᬲᬂᬦᬭᬾᬦ᭄ᬤ᭄ᬭ᭞ᬧ᭄ᬭᬪᬸᬭᬶᬂᬯᬶᬤᬃᬪᬢᬸᬯᬶ᭞ᬢᬶᬢ᭄ᬬᬂᬫᬶᬲᬤ᭄ᬬᬬᬂᬋᬓᭀ᭞ᬓᬳᬸᬢᬸᬲ᭄ᬭᬯᬸᬄᬫᬭᬶᬓᬶ᭞ᬳᬦ᭄ᬢᬸᬓ᭄ᬲᬂᬦᬭᬧᬢᬶ᭞ᬪᬝᬵᬭᬲ

[᭑᭕ 15A]
᭑᭕
ᬳᬰ᭄ᬭᬪᬯᬸ᭞ᬭᬢᬸᬦᬶᬂᬫᬳᬶᬲ᭄ᬧᬢᬶᬬ᭞ᬧ᭄ᬭᬭᬢᬸᬤᭀᬫᬲ᭄ᬦᬕᬭᬶ᭞ᬧᬥᬜᬸᬂᬲᬸᬂ᭞ᬗᬯᬸᬮᬭᬶᬂᬰ᭄ᬭᬶᬦᬭᬾᬦ᭄ᬤ᭄ᬭ᭟ᬢᬶᬢ᭄ᬬᬂᬫᬗᬢᬸᬭᬂᬲᬸᬭᬵᬢ᭄᭞ᬭᬶᬂᬘᭀᬓᭀᬃᬳᬶᬭᬢᬸᬫᬗ᭄ᬓᬶᬦ᭄᭞ᬓᬾᬢᭀᬳᬢᬸᬃᬲᬂᬤᬶᬮᬶᬧ᭞ᬓᭂᬜᭂᬫ᭄‌ᬲᬂᬯᬶᬤᬃᬪ
ᬧᬢᬶ᭞ᬳᬕ᭄ᬮᬶᬲ᭄ᬫᬦᭀᬮᬶᬄᬳᬸᬭᬶ᭞ᬲᬂᬫᬦ᭄ᬢ᭄ᬭᬶᬯᭂᬭᬸᬄᬭᬶᬂᬲᭂᬫᬸ᭞ᬩᬗᬸᬦ᭄ᬲᬂᬕᭀᬤᬥᬃᬫ᭄ᬫ᭞ᬲᭀᬮᬳᬾᬢᬦ᭄ᬧᬧᬓᬾᬭᬶᬂ᭞ᬭᬭᬶᬲ᭄ᬗᬫ᭄ᬩᬶᬮ᭄᭞ᬲᬸᬭᬵᬢᬾᬭᬶᬂᬢᬗᬦ᭄ᬓᬶᬯ᭛᭜᭛ᬧᬸᬧᬸᬄᬤᬸᬃᬫ᭄ᬫ᭛ᬤᬾᬦᬶᬂᬓᬾᬢᭀᬲᭀ
ᬮᬳᬾᬗᬫ᭄ᬩᬶᬮᬶᬦ᭄ᬲᬸᬭᬢ᭄᭞ᬲᬂᬦᬵᬣᬤᬶᬮᬶᬧᬭᬸᬦ᭄ᬢᬶᬓ᭄᭞ᬩᬶᬗᬭᬶᬂᬯᬤᬦ᭞ᬫᬳᬵᬢᬶᬓ᭄ᬱ᭄ᬡᬦᬶᬂᬳᬸᬮᬢ᭄᭞ᬤᬸᬫᬶᬮᬄᬯᬶᬚᬶᬮᬶᬂᬕᭂᬦᬶ᭞ᬩᬂᬩᬂᬦᬶᬂᬳᬯᬓ᭄᭞ᬕᬤ᭄ᬕᬤᬫᬦᬸᬤᬶᬗᬶᬦ᭄᭟ᬳᬥᬸᬄᬓᬮᬶᬯᬢ᭄ᬓᬾᬦ᭄ᬳ᭄ᬬᬂᬕᭀᬤᬥᬃᬫ᭄ᬫ᭞
ᬢᬦ᭄ᬳᬭᬶᬫ᭄ᬪᬯᬚᬸᬢᬶ᭞ᬓᬳᬶᬧᬧᬢᬸᬢᬦ᭄᭞ᬫᭂᬧᭂᬲ᭄ᬗᬢᬸᬭᬂᬲᬸᬭᬵᬢ᭄᭞ᬤᬤᬶᬳᬶᬩᬫᬜᭂᬫᬓᬶᬦ᭄᭞ᬓᬳᬶᬩᬵᬦ᭄ᬓᬶᬯ᭞ᬰᬰᬡᬦ᭄ᬲᬢ᭄ᬭᬶᬬᬚᬸᬢᬶ᭟ᬬᬤᬶᬦ᭄ᬳᬶᬩᬲᬶᬂᬜᬲᬕᬾᬢ᭄ᬓᬓᬾᬢᭀᬯᬂ᭞ᬳᭂᬢᬶᬲ᭄ᬦᬵᬮᬦᬶᬂᬳᬢᬶ᭞ [ 16 ][᭑᭕ 15B]
᭑᭕
ᬉᬥᬹᬄᬲᬾᬢᬦ᭄ᬚᬯ᭞ᬳᬶᬬᬘᬶᬘᬶᬂᬯᬶᬤᬃᬪ᭞ᬗᬦ᭄ᬤᭂᬮᬂᬳᬯᬓ᭄ᬫᬸᬰᬓ᭄ᬢᬶ᭞ᬧᬶᬢ᭄ᬯᬶᬯᬶᬰᬾᬱ᭞ᬓᬳᬶᬦᭀᬭᬫᬯᭂᬤᬶ᭟ᬳᬫ᭄ᬩᬸᬮ᭄ᬢᭀᬫᬸᬜᬶᬦ᭄ᬲᬂᬦᬵᬣᬤᬶᬮᬶᬧ᭞ᬫᬢ᭄ᬩᬢ᭄ᬢᬸᬃᬦᬸᬤᬶᬂᬦᬸᬤᬶᬂ᭞ᬜᬫ᭄ᬩᬢᬂᬳᬸᬩᬸᬳᬦ᭄᭞ᬢᬸᬃᬩᬩᬸᬭᭀᬦ
ᬦ᭄ᬳᬮᬲ᭄᭞ᬦᬸᬫᬶᬢᬶᬲ᭄ᬤᬤᬶᬧᬧᬢᬶᬄ᭞ᬗᭂᬦ᭄ᬢᬸᬗᬶᬦ᭄ᬘᭀᬢ᭞ᬦᬸᬦ᭄ᬤᬾᬦᬂᬗᭂᬢᬸᬢ᭄ᬗᬸᬭᬶ᭟ᬤᬤᬶᬗᬤᭂᬕ᭄ᬲᬂᬧ᭄ᬭᬪᬸᬕᭀᬤᬥᬃᬫ᭄ᬫ᭞ᬕ᭄ᬮᬶᬲ᭄ᬳᬗᬸᬦᬸᬲᬂᬓᭂᬭᬶᬲ᭄᭞ᬓᬤᬶᬭᬢᬸᬧ᭄ᬭᬄ᭞ᬤᬸᬫᬶᬮᬄᬳᬶᬓᬂᬫᬢ᭞ᬫᬲᭂᬫ᭄ᬩᬸᬃᬫᭂᬲ᭄ᬯᬂᬳᬧᬶ᭞ᬕᬾᬕᬾᬃᬳ
ᬩ᭄ᬭᬸᬭᬦ᭄᭞ᬢᬗ᭄ᬓᬶᬮᬦ᭄‌ᬦᭂᬃᬧᬢᬶ᭟ᬧᬥᬦᬯᭂᬮᬤ᭄ᬫᬗ᭄ᬕᬶᬲᬶᬲᬂᬦᬵᬭᬦᬵᬣ᭞ᬕᭀᬤᬥᬃᬫ᭄ᬫᬫᬗ᭄ᬓᬾᬓᬶ᭞ᬯᭀᬓ᭄ᬩ᭄ᬭᬶᬲ᭄ᬳᬩ᭄ᬬᭀᬢ᭞ᬕᬸᬫᭂᬢᭂᬃᬤᬳᬢᬶᬂᬓ᭄ᬭᭀᬥ᭞ᬳᬶᬤᬲᬂᬧ᭄ᬭᬪᬸᬫᬗ᭄ᬓᬶᬦ᭄᭞ᬭᬭᬶᬲ᭄ᬗᬡ᭄ᬥᬶᬓ᭞ᬦᭀᬗᭀ
ᬲ᭄ᬤᬾᬦ᭄ᬫᬮᬸᬘᬳᬶ᭟ᬤᭀᬂᬢᬢᬲᬂᬢᬸᬮᬶᬲᬾᬳᬧᬗᬦᬧᬓ᭄᭞ᬤᬵᬦ᭄ᬤᬾᬦ᭄ᬚᬳᬤᬶᬩ᭄ᬭᬗ᭄ᬢᬶ᭞ᬲᬶᬂᬜᬓᬭᬳᬬ᭄ᬯᬦ᭄᭞ᬓᬾᬢᭀᬲᬂᬦᬵᬭᬦᬵᬣ᭞ᬧ᭄ᬭᬪᬸᬓᭀᬤ᭄ᬭᬪᬦᬸᬯᬕ᭄ᬮᬶᬲ᭄᭞ᬫᬫᬘᬲᬸᬭᬵᬢ᭄᭞ᬦᬃᬧᬢᬶ

[᭑᭖ 16A]
᭑᭖
ᬓᭀᬤ᭄ᬭᬜᬋᬗᬶᬦ᭄᭟ᬫᬸᬜᬶᬦᬶᬂᬲᬸᬭᬵᬢ᭄ᬉᬥᬸᬄᬲᬂᬦᬵᬣᬯᬶᬤᬃᬪ᭞ᬳᬶᬗ᭄ᬲᬸᬦ᭄ᬯᬭᬲᬸᬫᬦ᭄ᬢ᭄ᬭᬶ᭞ᬓᬶᬦᭀᬦ᭄ᬤᬾᬲᬂᬦᬵᬣ᭞ᬪᬝᬵᬭᬫᬳᬶᬲ᭄ᬧᬢ᭄ᬬ᭞ᬦᬢᬲᬂᬢᭂᬓᬾᬦ᭄ᬲᬂᬳᬚᬶ᭞ᬢᬸᬃᬫᬳᬸᬦᬶᬗ᭞ᬭᬶᬂᬳᬶᬤᬾᬯᬦᬾᬫᬗ᭄ᬓᬶᬦ᭄᭟
ᬳᬦ᭄ᬢᬸᬓ᭄ᬳᬶᬤᬪᬝᬵᬭᬲᬗᬃᬚ᭄ᬚᬸᬦ᭞ᬭᬢᬸᬦᬶᬂᬲᬂᬪᬹᬧᬢᬶ᭞ᬳᬦᬾᬂᬪ᭄ᬭᬢᬯᬃᬱ᭞ᬗᬮᬧ᭄ᬤᬾᬯᬶᬲᬸᬘᬶᬢ᭄ᬭ᭄ᬬᬵᬯᬢᬶ᭞ᬲᬂᬫᬹᬃᬢ᭄ᬢᬶᬦᬶᬂᬭᬯᬶᬢ᭄᭞ᬲᬂᬓᬧ᭄ᬭᬚᬬ᭞ᬳᬦ᭄ᬢᬸᬓ᭄ᬳᬶᬤᬾᬯᬭᬶᬳᬶᬦ᭄᭟ᬬᬾᬦ᭄ᬢᬸᬯᬄᬓᬭᬲᬯᬶᬭᬂᬲᬂᬦᬭ
ᬦᬵᬣ᭞ᬩᭂᬘᬶᬓ᭄ᬫᭂᬤᬮ᭄ᬭᬶᬂᬩᬾᬜ᭄ᬚᬶᬂ᭞ᬓᭂᬢᭀᬕ᭄ᬲᬂᬯᬶᬤᬃᬪ᭞ᬢᭂᬓᬾᬦᬶᬂᬯᬦ᭄ᬤᬸᬯᬃᬕ᭄ᬕ᭞ᬢᭂᬓᬓᬧᬬᬸᬤ᭄ᬥᬦ᭄ᬫᬶᬚᬶᬮ᭄᭞ᬮᬫᬸᬦ᭄ᬫᬢᬸᬯᬂ᭞ᬢᭂᬓᬳᬶᬤᬾᬯᬫᬳᬶ᭟ᬲᬳᬧ᭄ᬬᬦᬓ᭄ᬲᭀᬫᬄᬳᭀᬜᬗᬂᬳᬢᬸᬭᬂ᭞ᬭᬶᬂᬧ᭄ᬭᬪᬸᬫᬳᬶ
ᬲ᭄ᬧᬢᬶ᭞ᬮᬫᬸᬦ᭄ᬢ᭄ᬯᬭᬦᬯᬂ᭞ᬳᬶᬭᬲᬂᬤ᭄ᬯᬶᬚᬧᬸᬢ᭄ᬭ᭞ᬳᭀᬓᬦᬾᬪᬕᬯᬵᬦ᭄ᬅᬖ᭄ᬦᬶ᭞ᬓᬧ᭄ᬭᬓᬲᬾᬂᬭᬵᬢ᭄᭞ᬓᭀᬘᬧ᭄‌ᬯᬭᬲᬸᬫᬦ᭄ᬢ᭄ᬭᬶ᭟ᬳᬫ᭄ᬩᬸᬮ᭄ᬢᭀᬲᬂᬧ᭄ᬭᬪᬸᬫᬫᬶᬋᬗᬂ᭞ᬲᭂᬧᭂᬢ᭄ᬫᬸᬜᬶᬦᬶᬂᬢᬸᬮᬶᬲ᭄᭞ᬮ᭄ᬯᬶᬃᬧᬜ᭄ᬘᭂ [ 17 ][᭑᭖ 16B]
᭑᭖
ᬓ᭄ᬓᬂᬓᬃᬡ᭄ᬦ᭞ᬓ᭄ᬭᭀᬥᬦᬵᬮᬭᬶᬂᬢ᭄ᬯᬲ᭄᭞ᬳᬧᬶᬦᬾᬗᭀᬩᭀᬃᬭᬶᬂᬳᬢᬶ᭞ᬩᬗ᭄ᬕ᭄ᬭᬲ᭄ᬗᬡ᭄ᬥᬶᬓ᭞ᬳᭂᬦᬾᬳᬫ᭄ᬩᬸᬮ᭄ᬳᬧᬚᬦᬶ᭟ᬩᬲ᭄ᬓᬮᬶᬯᬢ᭄ᬩᬦ᭄ᬜᬫᬜᬓᬶᬢᬶᬦ᭄ᬫᬦᬄ᭞ᬲᬦᬾᬫᬤᬦ᭄ᬲᬸᬫᬦ᭄ᬢ᭄ᬭᬶ᭞ᬳᭂᬜᬄᬲᬂᬩ᭄ᬭᬳ᭄ᬫᬵᬡ᭞ᬚᬦᬶ
ᬳᬶᬭᬫᬦᬩ᭄ᬥᬩ᭄᭞ᬓᬧᬬᬸᬤ᭄ᬥᬦ᭄‌‌ᬗ᭄ᬯᬗᬸᬦ᭄ᬓᬾᬃᬢ᭄ᬢᬶ᭞ᬲᬂᬕᭀᬤᬥᬃᬫ᭄ᬫ᭞ᬫᭂᬦᭂᬂᬢᬦ᭄ᬧᭂᬲᬸᬫᬸᬜᬶ᭟ᬕ᭄ᬬᬲᬂᬦᬵᬣᬗᬡ᭄ᬥᬶᬓᬬᬂᬗᭂᬩᬸᬕ᭄ᬢᭂᬗᭂᬭᬦ᭄᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬫᬫᬸᬜᬶ᭞ᬮᬸᬫᭂᬃᬳᬲᬳᬸᬭᬦ᭄᭞ᬳᬗᭂᬩᭂᬮ᭄ᬩᭂᬩᭂᬮ᭄ᬓᬂᬩᬮ᭞ᬲ
ᬳᬲᬜ᭄ᬚᬢᬳᬸᬫᬶᬚᬶᬮ᭄᭞ᬭᬣᬕᬚᬾᬦ᭄ᬤ᭄ᬭ᭞ᬧᬕᬭᬸᬯᬄᬧᬥᬫᬗ᭄ᬭᬶᬓ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬓᬧᬸᬭᬶᬫᬲᬶᬭᬫ᭄᭞ᬫᬢᬶᬃᬣᬳᬶᬤᬳᬕ᭄ᬮᬶᬲ᭄᭞ᬫᬗ᭄ᬭᬗ᭄ᬲᬸᬓ᭄ᬪᬹᬱᬡ᭞ᬫᬚᬮᬾᬃᬲᬸᬢ᭄ᬭᬩᬭᬓ᭄᭞ᬫᬓᬫ᭄ᬧᬸᬄᬧᬾᬃᬫᬲᬾᬍ
ᬯᬶᬄ᭞ᬫᬕᭂᬮᬂᬓᬵᬦ᭞ᬓᬶᬮᬢ᭄ᬩᬳᬸᬦᬾᬳᬰ᭄ᬭᬶ᭟ᬫᬦ᭄ᬢᬶᬗᬦ᭄ᬢᬶᬂᬫᬵᬲ᭄ᬤᬶᬦᬭᬯᬾᬂᬫᬶᬭᬄ᭞ᬫᬓᬸᬝᬯᬶᬦ᭄ᬢᭂᬦ᭄ᬗᭂᬦ᭄ᬤᬶᬄ᭞ᬫᬓᬯᬘᬳᭂᬫᬲ᭄᭞ᬫᬲᭂᬓᬃᬢᬸᬜ᭄ᬚᬸᬂᬩᬭᬓ᭄᭞ᬢᬸᬮᬾᬦ᭄ᬲᬂᬓᬯᬘᬯ᭄ᬬᬓ᭄ᬢᬶ᭞ᬩᬯᬸᬪᬶᬭᬫ

[᭑᭗ 17A]
᭑᭗
ᬰ᭄ᬭᬶᬯᬶᬤᬵᬃᬪᬳᬚᬶ᭟ᬲᬧᬫᬦ᭄ᬢ᭄ᬭᬶᬲᬫᬶᬲᬫ᭄ᬧᬸᬦ᭄ᬗᬭᬶᬳᬶᬦᬂ᭞ᬫᬗ᭄ᬓᬢ᭄ᬗᬶᬭᬶᬂᬦᬃᬧᬢᬶ᭞ᬧ᭄ᬭᬪᬸᬕᭀᬤᬵᬥᬃᬫ᭄ᬫ᭞ᬢ᭄ᬯᬭᬤᬤᬶᬳᬦ᭄ᬤᭂᬕᬂ᭞ᬯᬮᬸᬬᬓᬵᬮᬫᬫᬹᬃᬢ᭄ᬢᬶ᭞ᬮ᭄ᬯᬶᬃᬤᬿᬢ᭄ᬬᬵᬲᬸᬭ᭞ᬗᬤᭂᬕ᭄ᬮᬸᬳᬸᬭᬶᬂᬳᬲ᭄ᬢᬶ᭟ᬓᬪᬶᬦᬯᬕᬚᬳᬾ
ᬲᬯᬂᬧᬃᬯ᭄ᬯᬢ᭞ᬫᬸᬦ᭄ᬢᬩ᭄ᬓᬕᬶᬭᬶᬕᬶᬭᬶ᭞ᬭᬹᬧᬓᬸᬦ᭄ᬤ᭄ᬭᬧᬓ᭄ᬱ᭞ᬲᬫ᭄ᬧᬸᬦ᭄ᬫᬸᬗ᭄ᬕᬳᬾᬂᬭᬣ᭞ᬧ᭄ᬭᬪᬸᬓᭀᬤ᭄ᬭᬪᬦᬸᬫᬮᬶᬄ᭞ᬫᬸᬗ᭄ᬕᬄᬭᬶᬂᬓᬸᬤ᭞ᬧᬶᬦᬬᬸᬂᬳᬕᬸᬂᬫᬮᬸᬯᬶᬄ᭟ᬓᬂᬲᬵᬕᬭᬮᬸᬫᬸᬭᬸᬧ᭄ᬳᬶᬓᬂᬲᬜ᭄ᬚᬢ᭞ᬢᬸᬗ᭄ᬕᬸᬮᬾᬩᬭᬓ᭄ᬗᭂᬦ᭄ᬤᬶᬄ᭞
ᬫᬲᬯᬂᬯᬗ᭄ᬓᬯ᭞ᬓᬤᬶᬕᭂᬦ᭄ᬢᬸᬄᬓᬲᬵᬧ᭄ᬢ᭞ᬕᭀᬂᬢᬫ᭄ᬩᬸᬃᬕᬸᬩᬃᬫᬫᬸᬜᬶ᭞ᬲᬸᬭᬓ᭄‌‌ᬖᬹᬃᬡᬶᬢ᭞ᬯᬃᬡ᭄ᬦᬦᭂᬦ᭄ᬲᬂᬦᬃᬧᬢᬶ᭟ᬳᬚᬶᬯᬶᬤᬃᬪᬲᬭᬦ᭄ᬢᬯᬶᬦ᭄ᬢᭂᬭᬦ᭞ᬭᬩᬶᬮ᭄ᬬᬦ᭄ᬭᬤᬾᬦ᭄ᬧᬸᬢ᭄ᬭᬶ᭞ᬫᬵᬲ᭄ᬓᬤᬶᬧᬗᭂᬫ᭄ᬩᬦ᭄᭞ᬘᭀᬦ᭄ᬤᭀᬂᬮᬵ
ᬯᬦ᭄ᬧᬗᬬᬄ᭞ᬧᬕᭂᬭᬸᬂᬧᬥᬫᬗᭂᬮᬶᬂ᭞ᬧ᭄ᬭᬫᬾᬰ᭄ᬯᬃᬬ᭄ᬬ᭞ᬗᭂᬮᬸᬢ᭄ᬲᬂᬦᬭᬧᬢᬶ᭟ᬳᬥᬸᬄᬤᬾᬯᬲᬫ᭄ᬧᬸᬦᬂᬫᬶᬚᬶᬮ᭄ᬫᬬᬸᬤ᭄ᬥ᭞ᬲᬾᬤᬲᬂᬦᬭᬧᬢᬶ᭞ᬢᬶᬢ᭄ᬬᬂᬤᬾᬯᬘᬶᬗᬓ᭄᭞ᬤᬾᬭᬾᬂᬫᬤ᭄ᬭᬸᬯᬾᬧᬸᬢ᭄ᬭ᭞ᬓᬮᬶᬄᬢᭀ [ 18 ][᭑᭗ 17B]
᭑᭗
ᬩᬸᬯᬶᬦ᭄ᬘᬶᬗᬓᬶᬦ᭄᭞ᬲᬂᬧᬸᬢ᭄ᬭᬶᬓᭀᬘᬧ᭄᭞ᬳᬮᬄᬳᬶᬧ᭄ᬬᬦᬾᬲᬫᬶ᭟ᬫᬧᬦ᭄ᬲᬂᬧ᭄ᬭᬪᬸᬲᬰ᭄ᬭᬪᬸᬚᬅᬃᬚ᭄ᬚᬸᬦ᭞ᬯᬮᬸᬬᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬩᭀᬬᬜᬦ᭄ᬤᬂᬮᬯᬦ᭄᭞ᬓᬮᬄᬲᬂᬦᬭᬦᬵᬣ᭞ᬲᬫ᭄ᬧᬸᬦᬂᬧᭂᬗ᭄ᬓᬸᬂᬦᬃᬧᬢᬶ᭞ᬭᬶᬂᬳᬢᬸᬃᬢᬶ
ᬢ᭄ᬬᬂ᭞ᬢᬶᬢ᭄ᬬᬂᬓᬭᬶᬲᬸᬪᬓ᭄ᬢᬶ᭟ᬫᬤᬸᬮᬸᬭᬦ᭄ᬢᬗᬶᬲ᭄ᬳᬸᬫᬸᬂᬓᬤᬶᬢᭀᬫ᭄ᬩᬓ᭄᭞ᬳᭂᬦ᭄ᬢᭀᬧ᭄ᬭᬮᬬᬤᬤᬶ᭞ᬲᬸᬭᬓ᭄ᬦᬶᬂᬧᬪ᭄ᬭᬢᬦ᭄᭞ᬓᬸᬦ᭄ᬢᬂᬭᬶᬂᬰ᭄ᬭᬶᬯᬶᬤᬃᬪ᭞ᬤᬳᬢ᭄ᬲᬭᬦ᭄ᬢᬦᬾᬫᬶᬚᬶᬮ᭄᭞ᬫᬵᬧᬦ᭄ᬧᬸᬭᬸᬱ᭞ᬢ᭄ᬯᬭᬤᬵᬩᬶᬲᬳᬾᬭᬶᬂ᭟ᬢᭂ‌‌
ᬤᬸᬦ᭄ᬭᬶᬂᬢᬦᬄᬦᬢᬭᬾᬪᬶᬧ᭄ᬭᬬᬫᬗ᭄ᬓᬢ᭄᭞ᬤᬾᬦᬶᬂᬳᬶᬤᬲᬂᬭᬩᬶᬸᬳᬶ᭞ᬲᬫ᭄ᬧᬸᬦ᭄ᬮᬸᬗᬫᬗ᭄ᬓᬢ᭄᭞ᬯᬢᭂᬓ᭄ᬭᬢᬸᬧᬸᬗ᭄ᬕᬯ᭞ᬲᬢ᭄ᬭᬶᬬᬢᭂᬮᬲ᭄ᬫᬫᬃᬕ᭄ᬕᬶ᭞ᬲᬂᬦᬵᬭᬦᬵᬣ᭞ᬳᬕ᭄ᬬᬓᬳ᭄ᬬᬸᬦᬾᬫᬶᬚᬶᬮ᭄᭟ᬧ᭄ᬭᬭᬩᬶᬲᬋᬂᬭᬤᬾᬦ᭄ᬕᬮᬸᬄ
ᬭᬶᬂᬧᬸᬭᬶ᭞ᬧᬥᬵᬗᬶᬲᬶᬦᬃᬧᬢᬶ᭞ᬢ᭄ᬯᬭᬫᬳᬂᬫᭂᬤᬮ᭄᭞ᬯᬾᬦ᭄ᬢᭂᬦ᭄ᬫᬗᭂᬮᬸᬢ᭄ᬫᬥ᭄ᬬ᭞ᬯᬾᬦ᭄ᬢᭂᬦ᭄ᬫᬗᭂᬮᬸᬢ᭄ᬘᭀᬓᭀᬃᬦᬗᬶᬲ᭄᭞ᬬᬾᬦ᭄ᬧᬦᬃᬓ᭄ᬓ᭞ᬢᬗᬶᬲ᭄ᬲᬯᬂᬓᬓᬯᬶᬦ᭄᭟ᬮᬾᬦ᭄‌‌‌‌ᬦᬺᬂᬕᬦᬳᭂᬫ᭄ᬧᭂᬓᭂᬫ᭄ᬧᭂᬓ᭄ᬧᬥᬩᬸᬬᬃ᭞

[᭑᭘ 18A]
᭑᭘
ᬫᬕᬫ᭄ᬩᬳᬦ᭄ᬫᬦᬗᬶᬲ᭄᭞ᬲᬳᬶᬲᬶᬦᬶᬂᬧᬸᬭ᭞ᬳᭂᬦ᭄ᬢᭀᬘᬶᬭᬶᬦᬾᬪ᭄ᬭᬱ᭄ᬝ᭞ᬲᬂᬧ᭄ᬭᬪᬸᬯᬶᬤᬃᬪᬫᬗ᭄ᬓᬶᬦ᭄᭞ᬤᬳᬢᬶᬂᬓ᭄ᬭᭀᬥ᭞ᬭᬶᬂᬳᬶᬤᬲᬂᬧᬭᬧᬸᬢ᭄ᬭᬶ᭟ᬤᬸᬫᬶᬮᬄᬧᬗᬓ᭄ᬱᬶᬦᬾᬧ᭄ᬭᬪᬸᬯᬶᬤᬃᬪ᭞ᬫᬗ᭄ᬭᬓ᭄ᬮᬶᬯᬢᬶᬂᬩ᭄ᬭᬗ᭄ᬢᬶ᭞ᬭᬭᬶᬲ᭄ᬓᬳᭂ
ᬦ᭄ᬢᬸᬗᬂ᭞ᬓᬳᬸᬬᭂᬂᬩᬳᬦ᭄ᬓᬶᬯ᭞ᬲᬮᬶᬬᬸᬦ᭄ᬳᬦᬓᬾᬳᬶᬲ᭄ᬢ᭄ᬭᬶ᭞ᬯᬾᬦ᭄ᬢᭂᬦ᭄ᬓᬢᬶᬜ᭄ᬚᬓ᭄᭞ᬓᬲᭂᬫ᭄ᬧᬮ᭄ᬧᬮᬓᭂᬢᬶᬓ᭄᭟ᬳᬤᬓᬘᭂᬓᬸᬓ᭄ᬳᬶᬤᬲᬂᬲᬸᬧᬸᬢ᭄ᬭᬶᬬ᭞ᬳᬦ᭄ᬢᬸᬓ᭄ᬲᬂᬦᬭᬧᬢᬶ᭞ᬫᬭᬹᬧᬧᬤᬵᬧ᭞ᬲᬂᬧᬸᬢ᭄ᬭᬶᬲᬶᬦᬫᬶᬬᬦ᭄᭞ᬲᬂ
ᬧ᭄ᬭᬪᬸᬫᬭᬕᬳᬗᬶᬦ᭄᭞ᬢᬭᬶᬓ᭄ᬫᬗᭂᬦ᭄ᬢᬸᬗᬂ᭞ᬓᬍᬗᭂᬃᬲᬋᬂᬲᬫᬶ᭟ᬭᬭᬶᬲ᭄ᬕᭂᬮᬶᬲ᭄ᬫᬶᬚᬶᬮ᭄ᬲᬂᬧ᭄ᬭᬪᬸᬯᬶᬤᬃᬪ᭞ᬭᬸᬧᬦᬾᬓᬤᬶᬳᬖ᭄ᬦᬶ᭞ᬫᬸᬭᬸᬩ᭄ᬗᬭᬩᬭᬩ᭄᭞ᬫᬜᬩᬶᬢ᭄ᬕᬥᬫᬮᬾᬮ᭞ᬭᬹᬧᬦᬾᬫᬗᬺᬲᬂᬳᬢᬶ᭞ᬦᬭᬚᬂᬭᬣ
᭞ᬳᬕ᭄ᬮᬶᬲ᭄ᬫᬗ᭄ᬓᬶᬦ᭄ᬫᬫᬃᬕ᭄ᬕᬶ᭟ᬧᬶᬦᬬᬸᬗᬦ᭄ᬚᭀᬂᬓᭂᬫ᭄ᬩᬃᬘᬶᬦᬶᬢ᭄ᬭᬾᬂᬳᬾᬫ᭞ᬤᬸᬫᬶᬮᬄᬓᬲᭂᬦ᭄ᬯᬦ᭄ᬭᬯᬶ᭞ᬕᬸᬫᬸᬭᬸᬄᬲᬶᬰᬶᬖ᭄ᬭᬦ᭄᭞ᬮᬫ᭄ᬧᬄᬲᬂᬰ᭄ᬭᬶᬦᬭᬾᬦ᭄ᬤ᭄ᬭ᭞ᬲᬸᬫᬺᬕ᭄ᬓᬂᬩᬮᬫᬗᬶᬭᬶᬂ᭞ᬯᬢᬭᬤᭀᬫᬲ᭄᭞ᬢᭀᬢᭀᬲᬶᬂᬧ᭄ᬭᬯᬶᬭ [ 19 ][᭑᭘ 18B]
᭑᭘
ᬗᬹᬦᬶ᭟ᬲᬸᬭᬸᬧ᭄ᬲᬹᬃᬬᬳᬶᬤᬭᬯᬸᬄᬭᬶᬂᬧᬬᬸᬤ᭄ᬥᬦ᭄᭞ᬫᬢᬶᬗ᭄ᬓᬄᬧᭀᬦ᭄ᬤᭀᬓ᭄ᬲᬫᬶ᭞ᬦᭀᬭᬓᬯᬃᬡ᭄ᬦᬳ᭞ᬲᬂᬲᬸᬫᬦ᭄ᬢ᭄ᬭᬶᬳᬸᬘᬧᬂ᭞ᬫᬶᬋᬗᬂᬲᬂᬦᬭᬤᬶᬧᬢᬶ᭞ᬭᬵᬚᬯᬶᬤᬃᬪ᭞ᬲᬫ᭄ᬧᬸᬦ᭄‌ᬦᬧᬓ᭄ᬳᬸᬫᬶᬚᬶᬮ᭄᭟ᬫᬭᬶᬂᬢᭂᬕᬮ᭄ᬧ
ᬬᬸᬤ᭄ᬥᬦ᭄ᬲᬓᬤᬂᬯᬃᬕ᭄ᬕ᭞ᬫᬕᬸᬦᭂᬫᬦ᭄ᬲᬂᬲᬸᬫᬦ᭄ᬢ᭄ᬭᬶ᭞ᬲᬋᬂᬧ᭄ᬭᬪᬸᬲᬹᬃᬬ᭄ᬬ᭞ᬓᬾᬢᬸᬘᬦ᭄ᬤ᭄ᬭᬤᬶᬦᬵᬣ᭞ᬲᬂᬦᬵᬣᬓᬮᬶᬗ᭄ᬕᬳᬚᬶ᭞ᬮᬾᬦ᭄ᬧ᭄ᬭᬪᬸᬲᬶᬗ᭄ᬕᬮ᭞ᬭᬵᬳᬚᬫᬳᬤᬦ᭄ᬫᬮᬶᬄ᭟ᬩᬦ᭄ᬰᬢ᭄ᬭᬸᬦᬾᬲᬸᬩᬦᬧᬓ᭄ᬭᬶᬂᬧᬬᬸᬤ᭄ᬥᬦ᭄᭞ᬳᬧ
ᬳᬗ᭄ᬕᭀᬦ᭄ᬫᬗ᭄ᬮᬭᬶᬦ᭄᭞ᬭᬶᬂᬢᬦ᭄ᬢ᭄ᬭᬶᬫᬩᬦ᭄ᬥ᭞ᬧᬦᬄᬘᬦ᭄ᬤ᭄ᬭᬮ᭄ᬬᬦ᭄ᬘᬓ᭄ᬭ᭞ᬩ᭄ᬬᬸᬳᬲ᭄ᬬᬦ᭄ᬤᬦᬫᬮᬶᬄ᭞ᬩᭂᬘᬶᬓ᭄ᬤᬯᬸᬳᬂ᭞ᬭᬶᬂᬢᬶᬢ᭄ᬬᬂᬲᬦᬾᬫᬗ᭄ᬓᬶᬦ᭄᭟ᬓᬾᬢᭀᬳᬶᬤᬲᬂᬩ᭄ᬭᬵᬳ᭄ᬫᬧᬸᬢ᭄ᬭᬜᬃᬯ᭄ᬯᬓᬂ᭞ᬭᬶᬂᬧᬭᬭᬢᬸᬦᬾᬲᬫᬶ᭞ᬤ
ᬤᬶᬰ᭄ᬭᬶᬦᬭᬾᬦ᭄ᬤ᭄ᬭᬘᬦ᭄ᬤ᭄ᬭᬓᬾᬢᬸᬫᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬤᬾᬯᬲᬂᬲᬸᬫᬦ᭄ᬢ᭄ᬭᬶ᭞ᬩᬧᬗᬢᬸᬭᬂ᭞ᬫᬲᬶᬄᬧᬮᬶᬄᬧᬮᬶᬳᬶᬦ᭄᭟ᬬᬦ᭄ᬓᬶᬦᬸᬘᬧ᭄ᬚᬬᬳᬶᬓᬂᬘᬓ᭄ᬭᬩ᭄ᬬᬸᬳ᭞ᬤᬳᬢ᭄ᬤᬸᬃᬕᬫᬫᬭᬸᬲᬶᬢ᭄᭞ᬚᬬᬾᬂᬭᬡᬗ᭄ᬕᬡ᭞

[᭑᭙ 19A]
᭑᭙
ᬓᬾᬢᭀᬤᬾᬯᬨᬮᬦ᭄ᬜ᭞ᬳᬶᬦᬸᬘᬧᬦᬾᬭᬶᬂᬢᬦ᭄ᬢ᭄ᬭᬶ᭞ᬮᬾᬦ᭄ᬓᬫᬡ᭄ᬥᬓ᭞ᬲᬂᬲᬹᬃᬬ᭄ᬬᬓᬾᬢᬸᬳᬗ᭄ᬮᬶᬂ᭟ᬬᬦ᭄ᬭᬶᬂᬧᬤ᭄ᬫᬩ᭄ᬬᬸᬳᬬᬧᬦᬃᬓ᭄ᬓᬦ᭄ᬩᬧ᭞ᬭᬶᬫ᭄ᬩᬶᬢᬦ᭄ᬦᬾᬲᬤᬶᬤᬶᬓ᭄᭞ᬬᬲᬶᬳᬃᬤ᭄ᬥᬘᬦ᭄ᬤ᭄ᬭ᭞ᬏᬗ᭄ᬕᬮᬦ᭄‌ᬬᬓᬤ᭄ᬭᬸᬯᬓ᭄᭞
ᬫᬸᬲᬸᬳᬾᬫᬢᬸᬃᬪᬓ᭄ᬢᬶ᭞ᬓᬾᬯᬮᬤᬵᬦᬗ᭄ᬕᬮ᭄᭞ᬓᬲᬾᬧ᭄ᬫᬢᭂᬫᬸᬯᬦᬶ᭟ᬓᬾᬢᭀᬳᬶᬤᬲᬂᬧ᭄ᬭᬪᬸᬲᬹᬃᬬ᭄ᬬᬦᬵᬣ᭞ᬲᬂᬲᬸᬫᬦ᭄ᬢ᭄ᬭᬶᬜᬳᬸᬢᬶᬦ᭄᭞ᬉᬥᬸᬄᬲᬂᬦᬭᬾᬦ᭄ᬤ᭄ᬭ᭞ᬲᬫ᭄ᬧᬸᬦᬧᬶᬢᭀᬢᬶᬢ᭄ᬬᬂ᭞ᬘᬓ᭄ᬭᬩ᭄ᬬᬸᬳᬦᬾᬍᬯᬶᬄ
᭞ᬓᭂᬦ᭄ᬤᭂᬮᬂᬢᬶᬢ᭄ᬬᬂᬩᬓᬢ᭄ᬳᬶᬧᬸᬦ᭄ᬳᬶᬤᭂᬭᬶᬦ᭄᭟ᬋᬩᬸᬢ᭄ᬢᭀᬩᬦ᭄ᬧᬦᬄᬓᬶᬯᬢᭂᬗᭂᬦ᭄ᬩᭂᬘᬢᬂ᭞ᬤᬸᬲ᭄ᬤᬸᬲ᭄ᬩᬦ᭄ᬘᬓ᭄ᬭᬰᬓ᭄ᬢᬶ᭞ᬤᬶᬓᬧᬦ᭄ᬢᬦ᭄ᬭᬸᬲᬓ᭄᭞ᬰᬢ᭄ᬭᬸᬦᬾᬯᬭᬯᬶᬤᬃᬪ᭞ᬓᬾᬢᭀᬤᬦᬾᬲᬂᬲᬸᬫᬦ᭄ᬢ᭄ᬭᬶ᭞ᬧᬭᬲᬢ᭄ᬭᬶᬬ᭞ᬫ
ᬫᬢᬸᬢ᭄ᬲᬋᬂᬲᬫᬶ᭟ᬫᬮᬸᬯᬭᬦ᭄ᬢᬗ᭄ᬓᬶᬮᬦ᭄ᬲᬂᬤ᭄ᬯᬶᬚᬦ᭄ᬤ᭄ᬭᬶᬸᬯᬭ᭞ᬫᬺᬫ᭄ᬓᬢᭂᬓᬦᬦ᭄ᬳᬭᬶᬧ᭄᭞ᬲᬂᬧᬭᬤᬶᬦᬵᬣ᭞ᬩᬾᬜ᭄ᬚᬂᬩᬯᬸᬤᬲᬼᬫᬄ᭞ᬫᬢᬗᬶᬫ᭄ᬭᬭᬳᬸᬧ᭄ᬲᬫᬶ᭞ᬲᬂᬧᬭᬦᬵᬣ᭞ᬫᬓᬤᬶᬲᬂᬲᬸᬫᬦ᭄ᬢ᭄ᬭᬶ᭟ᬭᬯᬸᬳᬶᬂᬩ [ 20 ][᭑᭙ 19B]
᭑᭙
ᬮᬲᬶᬦᬫ᭄ᬬᬦ᭄ᬧᬥᬲᬬᬕ᭞ᬳᬸᬫᬸᬂᬓᬂᬕᬸᬩᬃᬪᬾᬭᬶ᭞ᬕᭀᬂᬕᭂᬦ᭄ᬤᬶᬂᬲᬳᬸᬭᬦ᭄᭞ᬕᬸᬫᬸᬭᬸᬄᬳᬗᬫ᭄ᬧᬸᬳᬦ᭄᭞ᬕᬚᬄᬓᬸᬤᬮ᭄ᬬᬦ᭄ᬧᬥᬢᬶ᭞ᬗᬫ᭄ᬩ᭄ᬬᬃᬭᬶᬂᬫᬃᬕ᭄ᬕ᭞ᬲᬳᬢᬸᬗ᭄ᬕᬸᬮ᭄ᬘᬸᬫᬯᬶᬲ᭄᭟ᬢᭂᬭᬂᬲᬂᬳ᭄ᬬᬂᬲᬹᬃᬬ᭄ᬬᬮᬸᬫᬺᬫᬭᬶᬂᬯᬾ
ᬢᬦ᭄᭞ᬫᬗ᭄ᬓᬢ᭄ᬲᬂᬯᬭᬲᬸᬫᬦ᭄ᬢ᭄ᬭᬶ᭞ᬫᬓᬤᬶᬲᬂᬦᬵᬣ᭞ᬲᬹᬃᬬ᭄ᬬᬓᬾᬢᬸᬮᬦ᭄ᬘᬦ᭄ᬤ᭄ᬭ᭞ᬫᬓᭂᬫ᭄ᬩᬭᬦ᭄ᬭᬶᬂᬧᬥᬢᬶ᭞ᬫᬜᬩᬶᬢ᭄ᬕᬥ᭞ᬤᬸᬫᬶᬮᬄᬧᭂᬲᬸᬳᬧᬶ᭟ᬤᬶᬧᬸᬗ᭄ᬓᬸᬭᬦ᭄ᬳᬶᬤᬲᬂᬧ᭄ᬭᬪᬸᬲᬶᬗ᭄ᬕᬮ᭞ᬫᬦᬸᬗ᭄ᬕᬂᬕᬚᬄᬍᬯᬶᬄ᭞ᬓ᭄ᬭᬸᬭ
ᬗᬗ᭄ᬕᬃᬕᬥ᭞ᬲᬂᬧ᭄ᬭᬪᬸᬓᬮᬶᬗ᭄ᬕ᭞ᬗᬮᬶᬗ᭄ᬕᬶᬳᬶᬦ᭄ᬭᬣᬫᬡᬶᬓ᭄᭞ᬳᬧᬬᬸᬂᬓᬺᬢᬲ᭄᭞ᬓᬸᬫᬺᬫ᭄ᬓᬲᬺᬗᭂᬦ᭄ᬭᬯᬶᬢ᭄᭟ᬲᬂᬲᬸᬫᬦ᭄ᬢ᭄ᬭᬶᬲᬫ᭄ᬧᬸᬦ᭄ᬗᬮᬶᬗ᭄ᬕᬶᬳᬶᬦ᭄ᬭᬣ᭞ᬳᭂᬫᬲ᭄ᬫᬲᭀᬘᬮᬸᬯᬶᬄ᭞ᬫᬸᬭᬸᬩ᭄ᬲᬯᬂᬲᬹᬃᬬ᭄ᬬ᭞ᬓᬸᬮᬫ᭄ᬩᬶᬦᬾᬫᬗᬸᬮ
ᬧᬂ᭞ᬫᬲᬯᬂᬲ᭄ᬫᬭᬫᬹᬃᬢᬶ᭞ᬫᬓᬸᬝᬭᬵᬢ᭄ᬦ᭞ᬓᬸᬫᬺᬫ᭄ᬓᬕᬶᬭᬶᬕᬶᬭᬶ᭟ᬲᬂᬓᬸᬭᬲᬸᬘᬶᬢ᭄ᬭᬫᬲᬋᬗᬦ᭄᭞ᬗᬮᬶᬗ᭄ᬕᬶᬳᬶᬦ᭄ᬧᬥᬢᬶ᭞ᬓᬤᬶᬲ᭄ᬫᬵᬭᬓᭂᬫ᭄ᬩᬃ᭞ᬯᬃᬡ᭄ᬦᬦ᭄ᬦᬾᬭᬵᬚᬧᬸᬢ᭄ᬭ᭞ᬢᬸᬃᬫᬜᬗ᭄ᬓᬶᬮ᭄ᬧᬦᬄᬓᬮᬶᬄ᭞ᬓᬤ᭄ᬬ

[᭒᭐ 20A]
᭒᭐
ᬪᬝᬵᬭ᭞ᬧᬦᬃᬓᬦ᭄ᬦᬾᬦᬶᬗ᭄ᬳᬮᬶᬦ᭄᭟ᬓᬳᬶᬭᬶᬂᬩᬦ᭄ᬩᬮᬤᭂᬤᭂᬢ᭄‌ᬮ᭄ᬯᬶᬃᬲᬫᬸᬤ᭄ᬭ᭞ᬲᬂᬧᬭᬭᬢᬸᬲᬫᬶ᭞ᬓᬤᬶᬫᬶᬡᬮᭀᬤ᭄ᬭ᭞ᬭᬣᬮ᭄ᬯᬶᬃᬪᬳᬶᬢ᭄ᬭ᭞ᬫᬳᭀᬫ᭄ᬩᬓ᭄ᬲᬸᬭᬓᬾᬢᬭᬶᬓ᭄᭞ᬤᬤᬶᬧᬭᬗᬦ᭄᭞ᬚᬭᬦᬾᬮ᭄ᬬᬸᬫᬫᬸ
ᬜᬶ᭟ᬩᬮᬫᬕᬥᬦᬾᬫᬗ᭄ᬓᬶᬦ᭄ᬮᬶᬯᬢ᭄ᬢᭂᬕᬮ᭄᭞ᬫᬩᬸᬤ᭄ᬥᬶᬗ᭄ᬯᬍᬲ᭄ᬜᬓᬶᬢᬶᬦ᭄᭞ᬫᬸᬲᬸᬳᬾᬤᬸᬃᬚᬦ᭞ᬳᬶᬗᭂᬢ᭄ᬢᭂᬓᬾᬦ᭄ᬕᬸᬲ᭄ᬢᬶᬜ᭞ᬓᬚᬭᬄᬳᬦ᭄ᬢᬸᬓ᭄ᬲᬂᬳᬚᬶ᭞ᬦᬵᬣᬯᬶᬤᬃᬪ᭞ᬰ᭄ᬭᬶᬫᬕᬥᬗᬸᬜ᭄ᬘᬶᬃ᭟ᬢᭀᬫᬯᬶᬦᬦ᭄ᬳᬶᬧᬸᬦ᭄ᬲ
ᬫᬶᬧᬥᬕᬮᬓ᭄᭞ᬳᬾᬕᬃᬫᬗᬺᬗᬂᬚᬸᬭᬶᬢ᭄᭞ᬮ᭄ᬯᬶᬃᬲᬲᬬᬸᬢᬦ᭄᭞ᬳᬶᬥᭂᬧ᭄ᬜᬦᬾᬓᬂᬯᬤ᭄ᬯ᭞ᬭᬯᬸᬄᬭᬶᬂᬢᭂᬕᬮ᭄ᬢᬸᬫᬸᬮᬶ᭞ᬫᬢᬶᬗ᭄ᬓᬄᬕᭂᬮᬃ᭞ᬳᬃᬤ᭄ᬥᬘᬦ᭄ᬤ᭄ᬭᬫᬮᬸᬯᬶᬄ᭟ᬫᬓᬤᬶᬜᬘᬓ᭄ᬭᬩ᭄ᬬᬸᬳᬧᬶᬗᬋᬧᬦ᭄᭞ᬲᬸᬭᬓ᭄ᬭᬫᬾ
ᬮ᭄ᬯᬶᬃᬧᬲᬶᬄ᭞ᬤᬾᬰᬫᬗ᭄ᬕᬭᬸᬳᬦ᭄᭞ᬳᬮᬶᬯᭂᬭᬦ᭄ᬓᬂᬭᬣ᭞ᬢᬸᬗ᭄ᬕᬮᬦ᭄ᬧᬬᬸᬂᬧᬸᬦᬶᬓᬶ᭞ᬲᬯᬂᬚᬮᬥ᭞ᬓᬸᬫᬺᬫ᭄ᬓᬕᬶᬭᬶᬕᬶᬭᬶ᭟ᬲᬂᬲᬹᬃᬬ᭄ᬬᬓᬾᬢᬸᬘᬦ᭄ᬤ᭄ᬭᬓᬾᬢᬸᬧᬶᬦᬮᬶᬗᬦ᭄᭞ᬓᬤᬶᬲᬹᬃᬬ᭄ᬬᬓᬓᬮᬶᬄ᭞ᬩᬮᬲᬯᬂᬫᬾᬖ [ 21 ][᭒᭐ 20B]
᭒᭐
ᬫᬸᬭᬸᬩ᭄ᬢᬾᬚᬦ᭄ᬲᬂᬦᬵᬣ᭞ᬫ᭄ᬯᬂᬪᬚ᭄ᬭᬬᬸᬤ᭄ᬥᬓᬲᬩᬶᬢ᭄᭞ᬤᬾᬭᬲᬂᬦᬵᬣ᭞ᬢᬸᬳᬸᬫᬗᬺᬲᬂᬳᬢᬶ᭟ᬲᬂᬲᬸᬫᬦ᭄ᬢ᭄ᬭᬶᬧᬶᬦᬓᬵᬯᬓ᭄ᬢᬾᬂᬲᬜ᭄ᬚᬢ᭞ᬓᬦᬦ᭄ᬓᬶᬭᬶᬓᬯ᭄ᬭᬸᬳᬶᬦ᭄᭞ᬯᬸᬲ᭄ᬧᬸᬢᬸᬲ᭄ᬓᬂᬕᭂᬮᬃ᭞ᬳᬃᬤ᭄ᬥᬘᬦ᭄ᬤ᭄ᬭᬓᬵᬤ᭄ᬪᬸᬢ᭞ᬲᬂᬧ᭄ᬭᬪᬸᬮᭀ
ᬤᬥᬃᬫ᭄ᬫᬾᬓᬶ᭞ᬲᬫ᭄ᬧᬸᬦ᭄ᬳᬕᭂᬮᬃ᭞ᬉᬓᬶᬃᬲᬫᬸᬤ᭄ᬭᬍᬯᬶᬄ᭟ᬲᬂᬓᭀᬤ᭄ᬭᬧᬓ᭄ᬱᬫᬶᬦᬓᬫ᭄ᬩᭂᬦ᭄ᬓᬶᬯ᭞ᬲᬂᬘᬦ᭄ᬤ᭄ᬭᬓᬾᬢᬸᬫᬮᬶᬄ᭞ᬫᬗᬤ᭄ᬯᬓᭂᬦ᭄ᬩᬮ᭞ᬳᬧᬕᬸᬢ᭄‌‌ᬮ᭄ᬯᬶᬃᬲᬫᬸᬤ᭄ᬭ᭞ᬧᬶᬮᬶᬄᬧᬦ᭄ᬦᭀᬭᬫᬯᭂᬤᬶ᭞ᬳᭀᬘᬓᭀᬘ
ᬓᬦ᭄᭞ᬳᬶᬓᬂᬩᬮᬳᬚᬸᬭᬶᬢ᭄᭟ᬲᬶᬮᬶᬄᬢᬸᬚᬸᬲᬮᬶᬂᬕᬥᬲᬮᬶᬂᬲᭂᬫ᭄ᬧᬮ᭄᭞ᬫᬳᬸᬤᭂᬭᬦ᭄ᬲᬮᬾᬂᬢᬗ᭄ᬓᬶᬲ᭄᭞ᬮ᭄ᬯᬶᬃᬤᬿᬢ᭄ᬬᬵᬲᬸᬭ᭞ᬧ᭄ᬭᬂᬮᬾᬦ᭄ᬪᬝᬵᬭᬾᬦ᭄ᬤ᭄ᬭ᭞ᬢᬦ᭄ᬯᬶᬮᬂᬲᬦᬾᬗᭂᬫᬵᬲᬶᬦ᭄᭞ᬚᬫ᭄ᬧᬭᬶᬂᬧᬦᬄ᭞ᬮᬩᬸᬳᬦ᭄ᬜᬦᬾ
ᬲᭂᬧᬶᬤ᭄᭟ᬤᬤᬶᬬᬜᬢᭂᬕᬮᬾᬫᬲᭂᬫᬸᬩᬭᬓ᭄᭞ᬲᬯᬂᬲᬕᬭᬕᭂᬢᬶᬄ᭞ᬧᬥᬢᬶᬮ᭄ᬬᬦ᭄ᬭᬣ᭞ᬧᬜᭂᬦᭂᬂᬲᬯᬂᬪᬳᬶᬢ᭄ᬭ᭞ᬲᭀᬭᭀᬄᬧᬭᬳᬕᬸᬂᬫᬮᬶᬄ᭞ᬗᬫᬸᬓ᭄ᬭᬶᬂᬭᬡ᭞ᬮᭀᬫ᭄ᬩᭀᬮᭀᬫ᭄ᬩᭀᬗᬸᬫ᭄ᬩᬗᬶᬦ᭄᭟ᬲ᭄ᬯ

[᭒᭑ 21A]
᭒᭑
ᬭᬦ᭄ᬢᬫ᭄ᬩᬸᬃᬖᬹᬃᬡᬶᬢᬕᭀᬂᬮ᭄ᬬᬦ᭄ᬲᬸᬭᬓ᭄᭞ᬩᬗᬸᬦ᭄ᬭᬫ᭄ᬬᬦᬶᬂᬚᬸᬭᬶᬢ᭄᭞ᬲᭂᬥᭂᬂᬳᬓᬸᬬᭂᬗᬦ᭄᭞ᬩᬮᬧᬥᬧ᭄ᬭᬯᬶᬭ᭞ᬯᭀᬗᬯᬶᬤᬃᬪᬳᬗ᭄ᬓᭂᬧ᭄ᬚᬸᬭᬶᬢ᭄᭞ᬫᬸᬦ᭄ᬤᬸᬃᬭᬶᬂᬳᬸᬩᭂᬃ᭞ᬧᬥᬬᬓᬢᬸᬫ᭄ᬩᬓᬶᬦ᭄᭟ᬮᬾᬦ᭄ᬧᬶᬦᬦᬄᬮᬾᬦ᭄ᬓᬲᭂᬧᭂᬕ᭄ᬩᬳ
ᬦ᭄ᬧᬦᬄ᭞ᬢᬦ᭄ᬯᬶᬮᬂᬓᬮᬶᬮᬶᬄ᭞ᬫᬕᬸᬮᬸᬂᬕᬸᬮᬸᬗᬦ᭄᭞ᬩᬗ᭄ᬓᬾᬦ᭄ᬜᬦᬾᬫᬲᬄᬲᬄ᭞ᬧ᭄ᬭᬪᬸᬕᭀᬤᬥᬃᬫ᭄ᬫᬩ᭄ᬭᬗ᭄ᬢᬶ᭞ᬗᬤᭂᬕ᭄ᬭᬶᬂᬕᬚᬄ᭞ᬤᬸᬫᬶᬮᬄᬳᬶᬓᬂᬳᬓ᭄ᬱᬶ᭟ᬫᬫ᭄ᬩᬮᬶᬓᬂᬲᬋᬂᬧ᭄ᬭᬪᬸᬓᭀᬤ᭄ᬭᬧᬓ᭄ᬱ᭞ᬲᬂᬓᭀᬤ᭄ᬭᬪᬦᬸᬫᬮᬶᬄ
᭞ᬓᬤᬶᬕᬚᬄᬭᭀᬱ᭞ᬫᬦ᭄ᬢ᭄ᬭᬶᬧᬢᬶᬄᬮᬾᬦ᭄ᬬᭀᬥ᭞ᬲᬳᬲᬫᬗ᭄ᬓᬶᬦ᭄ᬫᬧᬸᬮᬶᬄ᭞ᬲᬸᬭᬓ᭄‌‌ᬖᬹᬃᬡᬶᬢ᭞ᬫᬫᭂᬦ᭄ᬢᬂᬧᬦᬄᬲᬫᬶ᭟ᬫᬗᬋᬧᬂᬫᬦᬸᬲ᭄ᬤᬸᬲ᭄ᬗᬸᬚᬦᬶᬦ᭄ᬧᬦᬄ᭞ᬘᬓ᭄ᬭᬓᭀᬦ᭄ᬢᬲᬸᬮᬶᬕᬶ᭞ᬩᬬᬂᬲᬯᬂᬓᬶᬮᬧ᭄᭞ᬲ
ᬯᬂᬢᬶᬝᬶᬢ᭄ᬓᬲᬗ᭞ᬓᭂᬤᬾᬧᬦ᭄ᬧᬦᬳᬾᬲᬫᬶ᭞ᬢᬸᬳᬸᬲᬢᬸᬲᬦ᭄᭞ᬕᬶᬗ᭄ᬲᬶᬃᬯᭀᬂᬫᬳᬶᬲ᭄ᬧᬢᬶ᭟ᬮᬶᬬᬸᬫᬢᬶᬤᬤᬓᬦ᭄ᬓᬓᭂᬦᬦ᭄ᬧᬦᬄ᭞ᬮᬶᬮᬶᬄᬫᬗᬸᬗ᭄ᬲᬶᬳᬸᬭᬶ᭞ᬕᭂᬮᬃᬘᬓ᭄ᬭᬩ᭄ᬬᬸᬳ᭞ᬓᬓᬯᬦ᭄ᬜᬦᬾᬩᬸᬩᬃ᭞ᬲᬂᬘᬶ [ 22 ][᭒᭑ 21B]
᭒᭑
ᬢ᭄ᬭᬭᬣᬫᬧᬸᬮᬶᬄ᭞ᬗᬫᬸᬓ᭄ᬭᬶᬂᬓᬸᬤ᭞ᬗᭂᬜ᭄ᬘᬸᬃᬩᬳᬦ᭄ᬚᬫ᭄ᬧᬭᬶᬂ᭟ᬯᭀᬂᬫᬕᬥᬫᬩᬮᬶᬓ᭄ᬳ᭄ᬬᬧᬥᬩᬶᬦᬮ᭄᭞ᬫᬦᬸᬫ᭄ᬩᬓ᭄ᬮᬾᬦ᭄ᬫᬫᬸᬗ᭄ᬕᬮᬶᬦ᭄᭞ᬳᬤᬲᬶᬮᬶᬄᬤᬸᬯᬓ᭄᭞ᬫᬭᬸᬓᭂᬢ᭄ᬲᬮᬾᬂᬲᭂᬫ᭄ᬧᬮ᭄᭞ᬭᬯᬸᬳᬶᬂᬲᬸᬓᬸᬦᬶᬂᬳᬸᬓᬶᬃ᭞
ᬫᬸᬤᭂᬭᬸᬤᭂᬭᬦ᭄᭞ᬫᬮᬶᬄᬲ᭄ᬬᬢᬾᬩᭂᬘᬶᬓ᭄᭟ᬲᬂᬭᬵᬚᬧᬸᬢ᭄ᬭᬳᬶᬤᬲᬂᬘᬶᬢ᭄ᬭᬭᬣ᭞ᬧᬗᬫᬸᬓᬾᬢᬦ᭄ᬕᬶᬕᬶᬲ᭄᭞ᬤᬤᬶᬓᬧᬧᬕᬦ᭄᭞ᬳᬶᬧᬢᬶᬄᬭᬶᬂᬯᬶᬤᬃᬪ᭞ᬫᬳᬤᬦ᭄ᬲᬂᬤᬹᬃᬕ᭄ᬕᬧᬢᬶᬄ᭞ᬓᬲᭀᬭᬶᬂᬬᬸᬤ᭄ᬥ᭞ᬫᬸᬮᬢᭀ
ᬢᭀᬲᬶᬂᬧ᭄ᬭᬚᬸᬭᬶᬢ᭄᭟ᬧᬥᬗᬫᬸᬓ᭄‌‌ᬲᬂᬧᬢᬶᬄᬤᬹᬃᬕ᭄ᬕᬳᬗᬸᬘᬧ᭄᭞ᬳᬗᬸᬘᬧ᭄ᬢᬸᬃᬫᬦᬸᬤᬶᬗᬶᬦ᭄᭞ᬳᬶᬩᬯᭀᬂᬫᬕᬥ᭞ᬦᬶᬱ᭄ᬝᬢᬦ᭄ᬓᬸᬫᬧᬮᬂ᭞ᬲᬸᬩᬦᬸᬗ᭄ᬓᬸᬮ᭄ᬤᬤᬶᬩᬸᬯᬶᬦ᭄᭞ᬲᭀᬘᬘᭂᬭᬄ᭞ᬗᬯᬸᬮᬭᬶᬂᬫᬳᬶᬲ᭄ᬧᬢᬶ᭟ᬢᭀ
ᬜᬶᬭᬶᬬᬂᬲᬢᬢᬳᬶᬩᬓᬧᬜ᭄ᬚᬓ᭄᭞ᬲᬶᬲᬦ᭄ᬲᬢ᭄ᬭᬶᬬᬳᬶᬓᬶ᭞ᬳᬶᬩᬘᬶᬢ᭄ᬭᬭᬣ᭞ᬩᬲ᭄ᬓᬤᬳᬢᬦ᭄‌‌ᬦᬶᬱ᭄ᬝ᭞ᬓᬾᬢᭀᬫᬸᬜᬶᬜᬗᬸᬦᬸᬲ᭄ᬓᭂᬭᬶᬲ᭄᭞ᬲᬂᬭᬵᬚᬧᬸᬢ᭄ᬭ᭞ᬫᭂᬦᭂᬂᬢᬦ᭄ᬫᬜᬳᬸᬢᬶᬦ᭄᭟ᬲᬓᬾᬯᬮᬳᬶᬤ

[᭒᭒ 22A]
ᬦ᭄ᬤᭂᬲᭂᬓ᭄ᬢᬸᬃᬲᬳᬵᬲ᭞ᬦᬸᬚᬄᬩᬦ᭄ᬓᭀᬦ᭄ᬢᬰᬓ᭄ᬢᬶ᭞ᬩᬾᬢᬾᬮ᭄ᬓᬧᬶᬲᬦᬦ᭄᭞ᬜᬸᬂᬲᬂᬳᬦᬶᬩᬾᬂᬢᬦᬄ᭞ᬲᬂᬘᬶᬢ᭄ᬭᬭᬣᬧ᭄ᬭᬫᬗ᭄ᬓᬶᬦ᭄᭞ᬭᬭᬶᬲ᭄ᬫᬜᬫ᭄ᬩᬓ᭄᭞ᬫᬸᬗ᭄ᬕᬮ᭄ᬲᬂᬧᬢᬶᬄᬮᬸᬯᬶᬄ᭟ᬢᬸᬃᬓᬳᬸᬬᭂᬂᬢᭂᬦ᭄ᬤᬲ᭄ᬜᬦᬾᬓᬲᬩᬢᬂ᭞
ᬢᭂᬓᬾᬦ᭄ᬲᬂᬦᬭᬧᬢᬶ᭞ᬰ᭄ᬭᬶᬓᭀᬤ᭄ᬭᬧᬓ᭄ᬱ᭞ᬯᬮᬸᬬᬵᬖ᭄ᬦᬶᬢᬸᬮ᭄ᬬ᭞ᬫᬧᬸᬮᬶᬄᬫᬗᬫᬸᬓ᭄ᬫᬮᬶᬄ᭞ᬦ᭄ᬤᬭᬸᬗᬶᬦ᭄ᬕᬚᬄ᭞ᬲᬶᬦᬫ᭄ᬩᬶᬮ᭄‌‌ᬬᬳᬗ᭄ᬕᬶᬢᬶᬓ᭄᭟ᬢᭂᬓᬲᬳᬲᬵᬫᬗᬩᬲ᭄ᬩᬦ᭄ᬕᬥᬵᬲ᭄ᬢ᭄ᬭ᭞ᬓ᭄ᬭᬸᬭᬫᬗᬸᬩᬢᬩᬶᬢ᭄᭞ᬓᬤᬶᬕ
ᬚᬄᬭᬣ᭞ᬧᬗᬫᬸᬓᬾᬲᬂᬦᬵᬣ᭞ᬲᬂᬧ᭄ᬭᬪᬸᬳᬯᬗ᭄ᬕᬳᬚᬶ᭞ᬕᭂᬮᬶᬲ᭄ᬳᬫᬧᬕ᭄᭞ᬲᬳᬭᬣᬕᬸᬫᬶᬮᬶᬄ᭟ᬜᬩᬶᬢ᭄ᬪᬚ᭄ᬭᬤᬸᬫᬶᬮᬄᬤᬳᬢ᭄ᬯᬶᬰᬾᬱ᭞ᬲᬂᬲᬹᬃᬬ᭄ᬬᬓᬾᬢᬸᬳᬚᬶ᭞ᬲᬳᬲᬫᬦᬸᬚᬄ᭞ᬲᬓᬾᬂᬤᬸᬳᬸᬭᬶᬂᬭᬣ᭞ᬲᬂᬓᭀ
ᬤ᭄ᬭᬧᬓ᭄ᬱᬫᬦᬗ᭄ᬓᬶᬲ᭄᭞ᬪᬚ᭄ᬭᬦᬾᬧᭂᬕᬢ᭄᭞ᬓᬢᬫ᭄ᬧ᭄ᬮᬶᬕ᭄ᬩᬦ᭄ᬕᬕᬶᬢᬶᬓ᭄᭟ᬤᬳᬢ᭄ᬓ᭄ᬭᭀᬥᬳᬚᬶᬓᬾᬢᬸᬭᬶᬂᬭᬡ᭞ᬢᭂᬤᬸᬦ᭄ᬲᬓᬶᬂᬧᬥᬢᬶ᭞ᬫᬗᬗ᭄ᬕᬭᬂᬕᬥ᭞ᬫᬲᬯᬂᬦᬵᬕᬵᬭᬵᬚ᭞ᬫᬧᬦ᭄ᬧᬥᬵᬓᭀᬱᬾᬂᬚᬸ [ 23 ][᭒᭒ 22B]
᭒᭒
ᬭᬶᬢ᭄᭞ᬲᬲᬶᬮᬶᬄᬕᬥ᭞ᬧᬥᬯᬶᬤᬕ᭄ᬥᬓᬮᬶᬄ᭟ᬫᬳᬗ᭄ᬓᭂᬧᬦ᭄ᬫᬩ᭄ᬭᬶᬬᬸᬓ᭄ᬫᬢᭂᬫᬸᬬᬸᬤ᭄ᬥ᭞ᬢᬕᭂᬮ᭄ᬕᬥᬦ᭄ᬲᬂᬓᬮᬶᬄ᭞ᬧ᭄ᬭᬪᬸᬓᭀᬤ᭄ᬭᬧᬓ᭄ᬱ᭞ᬗᭂᬢᭀᬃᬫᬗᬸᬦᬸᬲ᭄ᬧᭂᬥᬂ᭞ᬲᬂᬧ᭄ᬭᬪᬸᬲᬹᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬤᬳᬢ᭄ᬧ᭄ᬭᬬᬢ᭄ᬦ᭞ᬫᬲᬶᬄ
ᬫᬗᬸᬦᬸᬲ᭄ᬓᭂᬭᬶᬲ᭄᭟ᬲᬯᬂᬢᬝᬶᬢ᭄‌‌ᬓ᭄ᬮᬾᬧᬦ᭄ᬧᭂᬥᬗᬾᬤᬸᬫᬶᬮᬄ᭞ᬫᬗᬸᬗ᭄ᬓᬸᬃᬤᬦᬾᬫᬗ᭄ᬓᬶᬦ᭄᭞ᬯᬮᬸᬬᬵᬦ᭄ᬤᬓᬵᬭ᭞ᬫᬧᬕᬸᬢ᭄ᬭᬶᬂᬳᬫ᭄ᬩᬭ᭞ᬫᬬᬸᬤ᭄ᬥᬲᬮᬾᬂᬢᬸᬯᭂᬓᬶᬦ᭄᭞ᬢᬸᬳᬸᬧ᭄ᬭᬯᬶᬭ᭞ᬧᬥᬧᭂᬥᬂᬫᬕᬶᬢᬶᬓ᭄᭟ᬓᬲᭀ
ᬭᬦ᭄ᬘᬶᬤ᭄ᬭᬧ᭄ᬭᬪᬸᬓᭀᬤ᭄ᬭᬧᬓ᭄ᬱ᭞ᬤᬾᬦᬶᬂᬓᬚᬫ᭄ᬩᬓ᭄ᬫᬗ᭄ᬓᬶᬦ᭄᭞ᬢᬶᬩᬫᬭᬶᬂᬍᬫᬄ᭞ᬧᭂᬥᬂᬳᬗ᭄ᬕᬾᬦ᭄ᬲᬲᬮᬂ᭞ᬩᬾᬢᬾᬮ᭄‌‌ᬬᬭᬯᬸᬄᬭᬶᬂᬕᬶᬕᬶᬃ᭞ᬕᭂᬢᬶᬳᬾᬫᬸᬜ᭄ᬘᬃ᭞ᬲᬫ᭄ᬧᬸᬦ᭄ᬧᬶᬦᬸᬗ᭄ᬕᬮ᭄ᬫᬗ᭄ᬓᬶᬦ᭄᭟ᬳᬗ᭄ᬭᬂᬕᬾᬬᬦ᭄ᬫᬲᬯᬂᬩ
ᬗ᭄ᬓᬾᬦ᭄ᬫᬶᬱ᭞ᬲᬂᬧ᭄ᬭᬪᬸᬓᭀᬤ᭄ᬭᬗᭂᬫᬵᬲᬶᬦ᭄᭞ᬳᬸᬫᬸᬂᬳᬶᬓᬂᬲᬸᬭᬓ᭄᭞ᬮ᭄ᬯᬶᬃᬭᬸᬜ᭄ᬘᬓ᭄ᬲᬵᬕᬭ᭞ᬲᬂᬓᭀᬤ᭄ᬭᬳᭂᬦᬸᬫᬧᬸᬮᬶᬄ᭞ᬕᬚᬳᬾᬕᬮᬓ᭄᭞ᬫᬲᬯᬂᬓᬤ᭄ᬬᬵᬖ᭄ᬦᬶ᭟ᬢ᭄ᬯᬭᬧᭂᬕᬢ᭄ᬫᬗᭂᬜ᭄ᬘᬸᬃᬗᬸᬚᬦᬶᬦ᭄ᬧᬦᬄ᭞ᬘᬓ᭄ᬭᬢᭀ

[᭒᭓ 23A]
᭒᭓
ᬫᬭᬍᬯᬶᬄ᭞ᬮᬶᬮᬶᬄᬯᭀᬂᬫᬕᬥ᭞ᬲᬶᬸᬫᬲᬄᬲᬄᬮᬶᬬᬸᬭᬸᬲᬓ᭄᭞ᬲᬂᬓᭀᬤ᭄ᬭᬩᬗᬸᬦ᭄ᬦᬾᬫᬗ᭄ᬓᬶᬦ᭄᭞ᬯᬮᬸᬬᬤᬿᬢ᭄ᬬ᭞ᬩᬺᬗᭀᬲ᭄ᬓᬮᬾᬲ᭄ᬫᬜ᭄ᬚ᭄ᬭᬶᬳᬶᬦ᭄᭟ᬮᬶᬬᬦ᭄ᬕᬚᬄᬤᬦᬾᬦᬾᬮᬶᬯᬢᬶᬂᬕᬮᬓ᭄᭞ᬢᬫ᭄ᬩᬸᬮᬾᬮᬾᬦ᭄ᬜ
ᬦᬾᬫᬗ᭄ᬓᬶᬦ᭄᭞ᬤᭂᬍᬕ᭄ᬫᬳᬸᬬᭂᬗᬦ᭄᭞ᬢᬾᬢᬾᬄᬜᬦᬾᬢᬦ᭄ᬧᭂᬕᬢ᭄᭞ᬘᭂᬗᬸᬂᬘᭂᬗᬸᬂᬬᬫᬫᬸᬜᬶ᭞ᬘᬶᬭᬶᬜᬕᬮᬓ᭄᭞ᬩᬸᬬᬃᬰᬢ᭄ᬭᬸᬦᬾᬲᬫᬶ᭟ᬲᬂᬧ᭄ᬭᬪᬸᬓᬾᬢᬸᬕᭂᬮᬶᬲ᭄ᬫᬦᬗ᭄ᬕᬮ᭄᭞ᬲᬳᬵᬭᬣᬫᬧᬸᬮᬶᬄ᭞ᬫᬬᬸᬤ᭄ᬥᬲ
ᬜ᭄ᬚᬢ᭞ᬪᬚ᭄ᬭᬢᬚᭂᬧ᭄ᬤᬸᬫᬶᬮᬄ᭞ᬫᬸᬜ᭄ᬘᬸᬓ᭄ᬜᬦᬾᬤᬳᬢ᭄ᬧᬸᬢᬶᬄ᭞ᬫᬸᬭᬸᬩ᭄ᬤᬸᬫᬶᬮᬄ᭞ᬫᬲᬯᬂᬧᭂᬲᬸᬳᬧᬶ᭟ᬭᬭᬶᬲ᭄ᬓᬢᬸᬚᬄᬲᬂᬓᭀᬤ᭄ᬭᬪᬦᬸᬭᬶᬂᬧᭂᬭᬂ᭞ᬩᬾᬢᬾᬮ᭄ᬤᬤᬦᬺᬧᬢᬶ᭞ᬜᬸᬂᬲᬂᬦᬶᬩᬾᬂᬍᬫᬄ᭞ᬕᭂᬢᬶᬳᬾᬧᬲᬫ᭄ᬩᬸᬭᬢ᭄᭞ᬲᬂ
ᬘᬦ᭄ᬤ᭄ᬭᬓᬾᬢᬸᬳᬕ᭄ᬮᬶᬲ᭄᭞ᬫᬗᬸᬦᬸᬲ᭄ᬧᭂᬥᬂ᭞ᬢᭂᬤᬸᬦ᭄ᬫᬭᬶᬂᬧ᭄ᬭᬣᬶᬯᬶ᭟ᬭᬭᬶᬲ᭄ᬫᬸᬗ᭄ᬕᬮ᭄ᬲᬂᬓᭀᬤ᭄ᬭᬪᬦᬸᬓᬯᭂᬦᬂ᭞ᬯᭀᬂᬯᬶᬤᬃᬪᬦᬾᬫᬗ᭄ᬓᬶᬦ᭄᭞ᬮᬶᬮᬶᬄᬫᬕᬸᬮᬸᬗᬦ᭄᭞ᬢ᭄ᬯᬭᬤᬤᬶᬩᬮᬶᬓᬂ᭞ᬩᬶᬦᬸᬭᬸᬢᬸᬃᬓᬧᬦᬳᬶᬦ᭄᭞ᬲᬸᬭ [ 24 ][᭒᭓ 23B]
᭒᭓
ᬓ᭄‌‌ᬖᬹᬃᬡᬶᬢ᭞ᬯᭀᬂᬯᬶᬤᬵᬃᬪᬦᬾᬮᬶᬮᬶᬄ᭟ᬓᬤᬶᬳᭀᬫ᭄ᬩᬓ᭄‌‌ᬲᬫ᭄ᬩᭂᬄᬩᬸᬬᬃᬫᬮᬸᬮᬸᬦᬦ᭄᭞ᬓᬳᬸᬩᭂᬓ᭄ᬓᬘᬓ᭄ᬭᬳᬶᬦ᭄᭞ᬫᬲᬲᬄᬬᬧᭂᬚᬄ᭞ᬩᬗ᭄ᬓᬾᬲᬯᬂᬧᬃᬯ᭄ᬯᬢ᭞ᬲᬂᬕᭀᬤᬥᬃᬫ᭄ᬫᬫᬧᬸᬮᬶᬄ᭞ᬓᬕ᭄ᬬᬢ᭄ᬫᬸᬭᬶᬗᬂ᭞ᬗᬤᭂᬕ᭄ᬮᬸ
ᬳᬸᬭᬶᬂᬳᬲ᭄ᬢᬶ᭟ᬓᬪᬶᬦᬯᬯᬃᬡ᭄ᬦᬦᬶᬭᬲᬂᬦᬵᬣ᭞ᬮ᭄ᬯᬶᬃᬤᬿᬢ᭄ᬬᬓ᭄ᬯᬘᬳᬗ᭄ᬮᬶᬂ᭞ᬫᬢᬓᭀᬦ᭄ᬭᬶᬂᬩᬮ᭞ᬳᭂᬜᬾᬦ᭄ᬧᬫᬸᬓᬾᬳᬧ᭄ᬭᬂ᭞ᬯᭀᬦ᭄ᬢᭂᬦ᭄ᬫᬢᬸᬃᬬᬦᬺᬧᬢᬶ᭞ᬘᬦ᭄ᬤ᭄ᬭᬤᬶᬦᬵᬣ᭞ᬲᬹᬃᬬ᭄ᬬᬓᬾᬢᬸᬫᬓᬵᬤᬶ᭟ᬤᬤᬶᬩ᭄ᬭᬵᬳ᭄ᬫᬦ᭄ᬢ᭄ᬬᬲᬂᬧ᭄ᬭ
ᬪᬸᬕᭀᬤᬥᬃᬫ᭄ᬫ᭞ᬲᬯᬂᬳᬧᬶᬦᬶᬓᭂᬮᬶᬦ᭄᭞ᬕᭂᬮᬶᬲ᭄ᬫᬦᬭᬸᬫ᭄ᬧᬓ᭄᭞ᬫᬢ᭄ᬢᬕᬚᬾᬦ᭄ᬤ᭄ᬭᬕᬮᬓ᭄᭞ᬦ᭄ᬤᬭᬸᬂᬤᭂᬓ᭄ᬤᭂᬓ᭄ᬧᬸᬦᬂᬳᬭᬶ᭞ᬤᬾᬦᬶᬂᬲᬂᬦᬵᬣ᭞ᬕᭀᬤᬥᬃᬫ᭄ᬫᬫᬧᬸᬮᬶᬄ᭟ᬭᬭᬶᬲ᭄ᬧ᭄ᬭᬪᬸᬲᬹᬃᬬ᭄ᬬᬓᬾᬢᬸᬫᬫᬧᬕ᭄᭞ᬲᬂᬘ
ᬦ᭄ᬤ᭄ᬭᬓᬾᬢᬸᬫᬮᬶᬄ᭞ᬓᬤᬶᬲᬂᬳ᭄ᬬᬂᬇᬦ᭄ᬤ᭄ᬭ᭞ᬲᬋᬂᬲᬂᬳ᭄ᬬᬂᬤᬦᬾᬦ᭄ᬤ᭄ᬭ᭞ᬢᬸᬃᬫᬢᬦ᭄ᬤᬪᬚ᭄ᬭᬰᬓ᭄ᬢᬶ᭞ᬳᬪ᭄ᬭᬤᬸᬫᬶᬮᬄ᭞ᬫᬲᭂᬫ᭄ᬩᬃᬧᭂᬲᬸᬳᬧᬶ᭟ᬲᬂᬕᭀᬤᬥᬃᬫ᭄ᬫᬓᬶᬦᭂᬫ᭄ᬩᬸᬮᬦᬾᬂᬭᬡ᭟ᬩᬸᬓᬢᭀᬂᬗᭂᬮᬄᬳᬚ᭄ᬭᬶᬄ᭞ᬗᬮᭀ

[᭒᭔ 24A]
᭒᭔
ᬘᭀᬓ᭄ᬭᬶᬂᬧ᭄ᬭᬂ᭞ᬕᬚᬳᬾᬗᬧᬓᬧᬓ᭄᭞ᬦᬭᬸᬫ᭄ᬧᬓ᭄‌‌ᬦ᭄ᬭᬚᬂᬦᬺᬧᬢᬶ᭞ᬲᬂᬧ᭄ᬭᬪᬸᬲᬹᬃᬬ᭄ᬬ᭞ᬓᬾᬢᬸᬫᬦᬸᬚᬄᬫᬗ᭄ᬓᬶᬦ᭄᭟ᬩᬳᬦᬶᬸᬦ᭄ᬪᬚ᭄ᬭᬢᬚᭂᬧ᭄ᬫᬲᬯᬂᬢᬓ᭄ᬱᬓ᭞ᬲᬂᬕᭀᬤᬥᬃᬫ᭄ᬫᬫᬗ᭄ᬓᬶᬦ᭄᭞ᬦᬸᬂᬲᬂᬦᬶᬩᬾᬂᬍᬫᬄ᭞ᬦᬵᬗ᭄ᬳᬶᬂᬢ᭄ᬯᬭ
ᬤᬵᬳᬖ᭄ᬭ᭞ᬪᬚ᭄ᬭᬦᬾᬤᬳᬢ᭄ᬭᬶᬂᬰᬓ᭄ᬢᬶ᭞ᬤᬤ᭄ᬬᬜᬧᬸᬗᬓ᭄᭞ᬯᬚᬦ᭄ᬜᬦᬾᬫᬩᬮᬶᬓ᭄᭟ᬩᬸᬯᬶᬦ᭄ᬩᬗᬸᬦ᭄ᬲᬂᬧ᭄ᬭᬪᬸᬢ᭄ᬯᬭᬵᬤᬩᬶᬗ᭄ᬮᬓ᭄᭞ᬗᬸᬗ᭄ᬲᬶᬲᬂᬦᬭᬧᬢᬶ᭞ᬧ᭄ᬭᬬᬦ᭄ᬜᬦᬗ᭄ᬓᬾᬯᬂ᭞ᬩᬦ᭄ᬕᬥᬫᬮᬾᬮ᭞ᬧ᭄ᬭᬬᬢ᭄ᬦᬲᬂᬦᬭᬧ
ᬢᬶ᭞ᬲᬹᬃᬬ᭄ᬬᬤᬶᬦᬵᬣ᭞ᬮᬸᬫ᭄ᬧᬢ᭄ᬫᬭᬾᬂᬧ᭄ᬭᬣᬶᬯᬶ᭟ᬭᬣᬋᬫ᭄ᬧᬓ᭄ᬓᬤᬸᬯᬓ᭄‌‌ᬤᬦ᭄ᬢᬦᬶᬂᬕᬚᬄ᭞ᬓᬧᬦ᭄ᬢᬶᬂᬤᭂᬓ᭄ᬤᭂᬓ᭄‌‌ᬋᬫ᭄ᬧᬶᬄ᭞ᬓᬤᬶᬳᬖ᭄ᬦᬶᬫᬸᬦ᭄ᬢᬩ᭄᭞ᬲᬶᬦ᭄ᬯᬓᬾᬂᬳᬮᬗᬮᬂ᭞ᬲᬂᬘᬦ᭄ᬤ᭄ᬭᬓᬾᬢᬸᬦᬾᬫᬗ᭄ᬓᬶᬦ᭄᭞ᬜᬫ᭄ᬧᬶᬗᬶᬦ᭄ᬦᬸᬚᬄ᭞ᬩ
ᬦ᭄ᬓᭀᬦ᭄ᬢᬢᬚᭂᬧ᭄ᬫᬶᬗᬶᬤ᭄᭟ᬤᬤᬶᬢᬕᭂᬮ᭄ᬓᭀᬦ᭄ᬢᬦᬾᬩᬸᬬᬃᬧᬶᬲᬦ᭄᭞ᬲᬂᬕᭀᬤᬥᬃᬫ᭄ᬫᬫᬩᬮᬶᬓ᭄᭞ᬦᬸᬚᬄᬩᬦ᭄ᬓᭀᬦ᭄ᬢᭀ᭞ᬋᬫ᭄ᬧᬓ᭄ᬭᬣᬦ᭄ᬲᬂᬦᬵᬣ᭞ᬲᬂᬘᬦ᭄ᬤ᭄ᬭᬓᬾᬢᬸᬫᬩᬮᬶᬓ᭄᭞ᬢᬶᬦᬹᬢ᭄ᬤᬶᬦᬸᬯᬓ᭄᭞ᬤᬾᬦᬶᬭ [ 25 ][᭒᭔ 24B]
᭒᭔
ᬦᬭᬧᬢᬶ᭟ᬫᬳᬸᬤᭂᬭᬦ᭄ᬲᬂᬧ᭄ᬭᬪᬸᬲᭀᬭᬾᬯᬤᬶᬭ᭞ᬰ᭄ᬭᬶᬦᬭᬮᬶᬗ᭄ᬕᬳᬚᬶ᭞ᬢᬸᬮᬸᬂᬰ᭄ᬭᬶᬦᬭᬾᬦ᭄ᬤ᭄ᬭ᭞ᬳᬶᬤᬲᬂᬕᭀᬤᬥᬃᬫ᭄ᬫ᭞ᬓᬶᬦᭂᬫ᭄ᬩᬸᬮᬦ᭄ᬢ᭄ᬯᬭᬯᭂᬤᬶ᭞ᬜᬩᬢ᭄ᬩᬦ᭄ᬘᬓ᭄ᬭ᭞ᬲᬂᬓᬮᬶᬗ᭄ᬕᬫᬦᬗ᭄ᬓᬶᬲ᭄᭟ᬧ᭄ᬭᬪᬸᬲᭀᬤᬫᬗᬺᬩᬸᬢ᭄ᬲᬂᬕᭀ
ᬤᬥᬃᬫ᭄ᬫ᭞ᬦᬸᬚᬄᬳᬸᬮᬶᬤᬶᬲᬫ᭄ᬧᬶᬂ᭞ᬢᭀᬤᬤᬶᬓᬧ᭄ᬭᬡᬦ᭄᭞ᬓᬤᬶᬯᭂᬲᬶᬯᬮᬶᬓᬲ᭄᭞ᬢᭂᬕᬸᬳᬾᬲᬂᬦᬭᬧᬢᬶ᭞ᬫᬗ᭄ᬯᬍᬲ᭄ᬜᭂᬫ᭄ᬧᬮ᭄᭞ᬧ᭄ᬭᬪᬸᬲᭀᬤᬓᬓᬮᬶᬄ᭟ᬫᬕᬸᬮᬸᬗᬦ᭄ᬢ᭄ᬯᬭᬤᬤᬶᬩᬮᬶᬓᬂ᭞ᬲᬮᬾᬂᬚᭂᬓ᭄ᬚᭂᬓ᭄ᬓ
ᬮᬶᬮᬶᬄ᭞ᬩᬶᬦᬸᬭᬸᬳᬶᬦᬩᬲ᭄᭞ᬓᬳᬸᬚᬦᬶᬦ᭄ᬩᬦ᭄ᬧᬦᬄ᭞ᬩᬮᬾᬦᬾᬭᬶᬂᬫᬳᬶᬲ᭄ᬧᬢᬶ᭞ᬫᬧᬸᬮᬶᬄᬳᬾᬗ᭄ᬕᬮ᭄᭞ᬜᬋᬗᬶᬦ᭄ᬲᬂᬲᬸᬫᬦ᭄ᬢ᭄ᬭᬶ᭟ᬤᬤᬶᬕᭂᬮᬸᬳᬶᬤᬲᬂᬩ᭄ᬭᬵᬳ᭄ᬫᬡᬧᬸᬢ᭄ᬭ᭞ᬗᬤᭂᬕ᭄ᬭᬶᬂᬭᬣᬫᬡᬶᬓ᭄᭞ᬳᬦ᭄ᬢᬸᬓᬾ
ᬓᬘᬶᬗᬓ᭄᭞ᬲᬂᬧ᭄ᬭᬪᬸᬫᬓᬧᬢ᭄ᬧᬢ᭄᭞ᬫᬮᬬᬸᬦᬶᬗ᭄ᬕᬮᬶᬦ᭄ᬚᬸᬭᬶᬢ᭄᭞ᬓᬭᬲᬾᬂᬘᬶᬢ᭄ᬢ᭞ᬯᬶᬰᬾᬱᬭᬶᬧᬸᬳᬶᬓᬶ᭟ᬢᭀᬳᬯᬦᬦ᭄ᬤᬦᬾᬕᭂᬮᬶᬲ᭄ᬫᬗᬋᬧᬂ᭞ᬫᬦᬸᬗ᭄ᬕᬂᬭᬣᬫᬵᬲ᭄ᬳᬤᬶ᭞ᬧᬶᬦᬬᬸᬗᬦ᭄ᬳᭂᬫᬵᬲ᭄᭞ᬳᬪ᭄ᬭᬲ

[᭒᭕ 25A]
᭒᭕
ᬯᬂᬪᬱ᭄ᬓᬭ᭞ᬪᬹᬱᬡᬦᬾᬲᬂᬲᬸᬫᬦ᭄ᬢ᭄ᬭᬶ᭞ᬫᬲᬯᬂᬩᬶᬦ᭄ᬢᬂ᭞ᬧᬦᬸᬕ᭄ᬭᬳᬦᬺᬧᬢᬶ᭟ᬜᬗ᭄ᬓᬶᬮ᭄ᬧᬦᬄᬯᬮᬸᬬᬲᬂᬳ᭄ᬬᬂᬲ᭄ᬫᬭ᭞ᬲᬸᬫᬺᬕ᭄‌ᬓ᭄ᬯᬾᬳᬶᬂᬳᬗᬶᬭᬶᬂ᭞ᬓᬤᬶᬯᬶᬥ᭄ᬬᬤᬭ᭞ᬩᬮᬧᬥᬯᬶᬦᬢ᭄ᬬ᭞ᬧᬸᬭᬸᬱᬢᬦ᭄ᬯᭂᬤᬶᬂᬧᬢᬶ᭞ᬫ
ᬲᬲᬸᬭᬓᬦ᭄᭞ᬢᬸᬫᭂᬃᬬᬳᬗᭂᬫ᭄ᬩᬸᬮᬶ᭟ᬩᬗ᭄ᬓᬾᬫᬲᬄᬲᬄᬕᭂᬢᬶᬳᬾᬫᬲᬯᬂᬲᬫᬸᬤ᭄ᬭ᭞ᬫᬧᬗᬭᬤ᭄ᬩᬦ᭄ᬧᬥᬢᬶ᭞ᬮᬾᬦ᭄ᬭᬣᬭᬸᬲᬓ᭄᭞ᬲᬶᬓᭂᬧᬾᬧᬲᬮᬾᬗ᭄ᬓᬢ᭄᭞ᬢᬦ᭄ᬯᬶᬮᬂᬫᬢᬢᬸᬫᬢᬶ᭞ᬭᬫᬾᬦᬶᬂᬬᬸᬤ᭄ᬥ᭞
ᬤᬤᬶᬫᬗᬺᬋᬱᬶᬦ᭄ᬳᬢᬶ᭟ᬲᬂᬲᬸᬫᬦ᭄ᬢ᭄ᬭᬶᬫᬧᬸᬮᬶᬄᬗᬤᭂᬕ᭄ᬭᬶᬂᬭᬣ᭞ᬯᬮᬸᬬᬳᬧᬶᬗᭂᬦ᭄ᬤᬶᬄ᭞ᬫᬫ᭄ᬩᬮᬶᬓᬂᬧᬜ᭄ᬚᬓ᭄᭞ᬫᬗᬶᬯᬢ᭄ᬩᬦ᭄ᬕᬦ᭄ᬤᬾᬯ᭞ᬕᬸᬫᬸᬭᬸᬄᬲ᭄ᬯᬭᬦᬶᬂᬪᬾᬭᬶ᭞ᬕᬸᬩᬃᬖᬹᬃᬡᬶᬢ᭞ᬳᭂᬭᬶᬓᬶᬂᬢᬸᬭᬗ᭄ᬕᬫᬸᬦᬶ᭟ᬧᬥᬲᬳᬵ
ᬲᬫᬗᬺᬩᬸᬢ᭄ᬲᬂᬕᭀᬤᬥᬃᬫ᭄ᬫ᭞ᬲᬂᬦᬵᬣᬓᬤᬶᬩᬄᬖ᭄ᬦᬶ᭞ᬲᭂᬥᭂᬓᬾᬂᬤᬸᬫᬶᬮᬄ᭞ᬮᬃᬯᬮᬭ᭄ᬯᬗᬲᬸᬢ᭞ᬪᬱ᭄ᬫᬶᬪᬸᬢᬧᬭᬫᬗ᭄ᬓᬶᬦ᭄᭞ᬲᬂᬤ᭄ᬯᬶᬚᬧᬸᬢ᭄ᬭ᭞ᬓᬾᬩᬸᬓᬦ᭄ᬢᬶᬗ᭄ᬕᬮ᭄ᬚᬸᬭᬶᬢ᭄᭞ᬫᭂᬦ᭄ᬢᬂᬧᬦᬄᬳᭂᬭᬸᬦᬾᬰᬭᬲᬫ᭄ᬧᬣ᭞ᬲᬯᬸ [ 26 ][᭒᭕ 25B]
᭒᭕
ᬦ᭄ᬢᬸᬳᬸᬰᬓ᭄ᬢᬶ᭞ᬓᬤᬶᬳᬸᬚᬦ᭄ᬢᬶᬩ᭞ᬲᬂᬦᬵᬣᬕᭀᬥᬥᬃᬫ᭄ᬫ᭞ᬫᬲᬯᬂᬩᬢᬸᬦᬾᬫᬗ᭄ᬓᬶᬦ᭄᭞ᬮᬩᬸᬳᬶᬂᬳᬸᬚᬦ᭄᭞ᬤᭂᬓ᭄ᬤᭂᬓ᭄ᬧᬦᬳᬾᬲᬫᬶ᭟ᬲᬬᬦ᭄ᬩ᭄ᬭᬳ᭄ᬫᬵᬦ᭄ᬢ᭄ᬬᬩᬸᬓᬢ᭄ᬯᬭᬩᬶᬲᬩᬶᬗ᭄ᬮᬓ᭄᭞ᬗᬧᬓᬧᬓ᭄ᬳᬚᬸᬭᬶᬢ᭄᭞ᬮ᭄ᬯᬶᬃᬲᬶ
ᬗ᭄ᬳᬵᬮᭀᬤ᭄ᬭ᭞ᬢ᭄ᬯᬭᬲᬸᬳᬸᬤ᭄ᬫᬦ᭄ᬤᬸᬯᬓ᭄᭞ᬭᬯᬶᬂᬕᬚᬄᬜᬦᬾᬰᬓ᭄ᬢᬶ᭞ᬲᬂᬤ᭄ᬯᬶᬚᬧᬸᬢ᭄ᬭ᭞ᬫᬫᭂᬦ᭄ᬢᬂᬧᬦᬄᬳᬧᬶ᭟ᬳᬖ᭄ᬦᬶᬳᬲ᭄ᬢ᭄ᬭᬫᬸᬭᬸᬩ᭄‌ᬲᬸᬢᬾᬚᬤᬸᬫᬶᬮᬄ᭞ᬓᬤᬶᬲᬸᬫᬾᬭᬸᬫᬗᭂᬦ᭄ᬤᬶᬄ᭞ᬗᬮᬶᬓᬸᬢ᭄ᬲᬂᬦᬵᬣ᭞ᬲᬂᬧ᭄ᬭᬪᬸᬕᭀ
ᬤᬥᬃᬫ᭄ᬫ᭞ᬮ᭄ᬯᬶᬃᬲᬂᬦᬵᬮᬫᬫᬹᬃᬢ᭄ᬢᬶ᭞ᬢ᭄ᬯᬭᬵᬤᬕᭂᬭᬄ᭞ᬓᬧᬦ᭄ᬤᬸᬲᬂᬩᬦ᭄ᬕᭂᬦᬶ᭟ᬲᬬᬦ᭄ᬕᬮᬓ᭄ᬕᬚᬳᬾᬕᭂᬤᬾᬦᬭᬸᬫ᭄ᬧᬓ᭄᭞ᬲᬶᬬᬸᬄᬯᭀᬂᬫᬳᬶᬲ᭄ᬧᬢᬶ᭞ᬤᬶᬦᬗ᭄ᬓᭂᬮᬶᬂᬕᬚᬄ᭞ᬮ᭄ᬬᬦ᭄ᬧᬶᬦᬦ᭄ᬢᬶᬕᬾᬂᬤᬦ᭄ᬢ᭞ᬩᬗ᭄ᬓᬾᬦᬾᬫᬢᬸᬫ᭄ᬧᬸᬓ᭄ᬫ
ᬗ᭄ᬓᬶᬦ᭄᭞ᬫᬲᬵᬕᬭᬢᭂᬭᬄ᭞ᬫᬮᬶᬬᬩ᭄ᬗᭂᬩᭂᬓᬶᬦ᭄ᬕᬸᬫᬶ᭟ᬲᬂᬲᬸᬫᬦ᭄ᬢ᭄ᬭᬶᬳᬾᬭᬂᬳᬯᭀᬭᬶᬂᬩ᭄ᬭᬵᬳ᭄ᬫᬦ᭄ᬢ᭄ᬬ᭞ᬤᭂᬍᬂᬳᬶᬓᬂᬧ᭄ᬭᬣᬶᬯᬶ᭞ᬳᬚᬳᬦ᭄ᬫᬓᭂᬧ᭄ᬮᬕ᭄᭞ᬯᬶᬚᬶᬮ᭄ᬘᬓ᭄ᬭᬯᬶᬰᬾᬱ᭞ᬤᬸᬫᬶᬮᬄᬫᬢᬾᬚᬳᬧᬶ᭞ᬳᬪ᭄ᬭᬤᬸᬫᬶᬮᬄ᭞ᬳᬶ

[᭒᭖ 26A]
᭒᭖
ᬦᬸᬬᭂᬂᬤᬾᬦ᭄ᬲᬂᬲᬸᬫᬦ᭄ᬢ᭄ᬭᬶ᭟ᬭᬶᬓᬵᬮᬲᬂᬲ᭄ᬭᬬᬳᬗᬶᬤᭂᬃᬘᬓ᭄ᬭ᭞ᬗᭂᬢᭀᬕ᭄ᬳᬶᬓᬂᬧ᭄ᬭᬣᬶᬯᬶ᭞ᬪᬕᬯᬵᬦ᭄‌ᬦᬵᬭᬤ᭞ᬢᭂᬤᬸᬦ᭄ᬲᬓᬭᬶᬂᬲ᭄ᬯᬃᬕ᭄ᬕᬦ᭄᭞ᬗᬫᭂᬮ᭄ᬢᬗᬦ᭄ᬲᬂᬲᬸᬫᬦ᭄ᬢ᭄ᬭᬶ᭞ᬭᬭᬶᬲ᭄ᬗᬡ᭄ᬥᬶᬓ᭞ᬤᬵᬦ᭄ᬤᬾᬦ᭄ᬚᬫᬮᬸᬘᬳᬶ᭟ᬧᬘᬂᬜᬓ᭄ᬭ
ᬳᬶᬰᬢ᭄ᬭᬸᬲᬂᬕᭀᬤᬭᬵᬚ᭞ᬢᭀᬦ᭄ᬤᬾᬦ᭄ᬚᬧᬘᬂᬫᬢᬶ᭞ᬢᬸᬯᬸᬄᬜᬦᬾᬮᬦ᭄ᬢᬂ᭞ᬥᬹᬄᬤᬾᬯᬘᬸᬘᬸᬦ᭄ᬓᬓ᭄ᬬᬂᬩᭂᬘᬶᬓᬦ᭄ᬳᬶᬧᬸᬦ᭄ᬢᬮᬶᬦᬶᬦ᭄᭞ᬲᬂᬳ᭄ᬬᬂᬦᬵᬭᬤ᭞ᬲᬺᬂᬢ᭄ᬯᬭᬦᬸᬕ᭄ᬭᬳᬶᬦ᭄᭟ᬢᭀᬳᬯᬦᬦ᭄ᬲᬂᬲᬸᬫᬦ᭄ᬢ᭄ᬭᬶᬫᬚᬗ᭄ᬕᭂ
ᬮᬦ᭄᭞ᬍᬲᬸᬘᬓ᭄ᬭᬦᬾᬫᬮᬶᬄ᭞ᬪᬕᬯᬵᬦ᭄‌ᬦᬵᬭᬤ᭞ᬫᬦ᭄ᬢᬸᬓ᭄ᬫᬗᬯᬗᬯᬂ᭞ᬲᬂᬲᬸᬫᬦ᭄ᬢ᭄ᬭᬶᬫᬗ᭄ᬓᬶᬦ᭄ᬕᭂᬮᬶᬲ᭄᭞ᬭᬭᬶᬲ᭄ᬗᬡ᭄ᬥᬶᬓ᭞ᬭᬶᬂᬧᬭᬳᬕᬸᬂᬲᬫᬶ᭟ᬓ᭄ᬮᭀᬤ᭄ᬓᬯᬸᬄᬳᬶᬤᬾᬯᬲᬂᬰ᭄ᬭᬶᬓᬮᬶᬗ᭄ᬕ᭞ᬲᬂᬧ᭄ᬭᬪᬸᬲᭀᬤᬫᬮᬶᬄ
᭞ᬓᬚᬓᬯᬸᬄᬫᬭ᭞ᬓᬚᬓᬗᬶᬦ᭄ᬫᬢᬶᬗ᭄ᬓᬄ᭞ᬲᬂᬲᬹᬃᬬ᭄ᬬᬓᬾᬢᬸᬪᬹᬧᬢᬶ᭞ᬓᬶᬤᬸᬮ᭄ᬳᬓᬸᬮ᭄ᬯᬦ᭄᭞ᬲᬂᬘᬦ᭄ᬤ᭄ᬭᬓᬾᬢᬸᬳᬶᬓᬶ᭟ᬓᬾᬢᭀᬳᬶᬤᬲᬂᬲᬸᬫᬦ᭄ᬢ᭄ᬭᬶᬫᬦᬶᬗ᭄ᬓᬳᬂ᭞ᬫᬦᬄᬲᬂᬭᬢᬸᬲᬫᬶ᭞ᬳᭂᬤᬸᬫ᭄ᬧᬭᬬᭀᬤ᭄ᬥ᭞ [ 27 ][᭒᭖ 26B]
᭒᭖
ᬫᬧᭂᬘᬄᬜᬢᬹᬃᬤᬾᬰ᭞ᬧᬭᬲᬢ᭄ᬭᬶᬬᬦᬾᬮᬸᬯᬶᬄ᭞ᬧᬥᬧ᭄ᬭᬬᬢ᭄ᬦ᭞ᬭᭀᬤ᭄ᬭᬧ᭄ᬭᬘᬦ᭄ᬤᬲᬫᬶ᭟ᬲᬳᬲᬸᬭᬓ᭄‌ᬖᬹᬃᬡᬶᬢᬮᬾᬦ᭄ᬢᬢᬩᬸᬳᬦ᭄᭞ᬧ᭄ᬭᬬᬢ᭄ᬦᬲᬂᬲᬸᬫᬦ᭄ᬢ᭄ᬭᬶ᭞ᬫᬮᬶᬄᬫᬗᬋᬧᬂ᭞ᬓ᭄ᬭᭀᬥᬲᬯᬂᬧᬯᬓ᭞ᬫᬸᬭᬸ
ᬩ᭄‌ᬪᬹᬱᬡᬦᬾᬗᭂᬦ᭄ᬤᬶᬄ᭞ᬘᬘᬶᬗᬓ᭄ᬕᬮᬓ᭄᭞ᬲᬬᬦ᭄ᬫᬳᬶᬫ᭄ᬩᬸᬄᬫᬡᬶᬓ᭄᭟ᬲᬬᬦ᭄ᬗᬬᬢ᭄‌ᬦᬵᬕᬧᬰᬓᬮᬶᬯᬢ᭄ᬕᬮᬓ᭄᭞ᬜᭂᬩᬓ᭄ᬫᬗᬺᬲᬂᬳᬢᬶ᭞ᬘᬮᬶᬂᬜᬦᬾᬭᬗᬧ᭄᭞ᬕᬤᬶᬂᬕᬸᬭᬶᬦ᭄ᬤᬫᬹᬜ᭄ᬘ᭄ᬭᬢ᭄᭞ᬯᬶᬱ᭄ᬬᬦ᭄ᬜᬦᬾ
ᬜᭂᬫ᭄ᬩᭂᬃᬳᬖ᭄ᬦᬶ᭞ᬫᬲ᭄ᬯᬭᬗᬓᬓ᭄᭞ᬫᬗᬶᬓᬶᬓ᭄ᬫᬜ᭄ᬚ᭄ᬭᬶᬳᬶᬦ᭄᭟ᬧᬜ᭄ᬚᬂᬜᬦᬾᬲᬯᬢᬭᬲᬢᬸᬲ᭄ᬤᭂᬧ᭞ᬓᬮᬾᬩᬂᬲᬦᬾᬫᬗ᭄ᬓᬶᬦ᭄᭞ᬤᬾᬭᬲᬂᬩ᭄ᬭᬵᬳ᭄ᬫᬡ᭞ᬫᬲᬯᬂᬓᬮᬶᬬᬮᬄ᭞ᬜᬍᬩᬢ᭄ᬗᭂᬩᭂᬓᬶᬦ᭄ᬕᬸᬫᬶ᭞ᬮᬬᬄᬜᬫ
ᬮᬤ᭄᭞ᬓᬋᬱ᭄ᬋᬲ᭄ᬓᬂᬦᬶᬗ᭄ᬳᬮᬶᬦ᭄᭟ᬲᬗᬧ᭄ᬭᬪᬸᬕᭀᬤᬥᬃᬫ᭄ᬫᬜᭂᬫᬓ᭄ᬧᭂᬥᬂ᭞ᬜᭂᬫ᭄ᬧᬮ᭄‌ᬦᬵᬕᬦᬾᬫᬗ᭄ᬓᬶᬦ᭄᭞ᬦᬗ᭄ᬳᬶᬂᬦᭀᬭᬓᬧ᭄ᬭᬡᬦ᭄᭞ᬗᬕᭀᬗ᭄ᬲᭀᬃᬫᬗᬶᬜ᭄ᬘᬗᬂ᭞ᬲᬂᬕᭀᬤᬥᬃᬫ᭄ᬫᬦᬾᬫᬗ᭄ᬓᬶᬦ᭄᭞ᬓᬲᭀᬃ

[᭒᭗ 27A]
᭒᭗
ᬭᬶᬂᬧᭂᬭᬂ᭞ᬩᬓᬢ᭄ᬳᬶᬤᬓᬮᬶᬮᬶᬢ᭄᭟ᬭᬯᬶᬂᬕᬚᬄᬳᬶᬤᬦᬾᬓᭂᬦᬶᬓᬪᬱ᭄ᬝ᭞ᬫᬘᭂᬩᬸᬕ᭄ᬭᬶᬂᬧ᭄ᬭᬣᬶᬯᬶ᭞ᬫᬕᬸᬬᬂᬭᬶᬂᬢᭂᬕᬮ᭄᭞ᬓᬩᭂᬤ᭄ᬩᭂᬤ᭄ᬩᬦ᭄ᬦᬵᬕ᭞ᬲᬂᬧ᭄ᬭᬪᬸᬲᭀᬤᬜᬕ᭄ᬚᬕᬶᬦ᭄᭞ᬧ᭄ᬭᬪᬸᬓᬮᬶᬗ᭄ᬕ᭞ᬕᭂᬮᬶᬲ᭄ᬬᬫᬦᭂᬕᬓᬶᬦ᭄᭟
ᬧ᭄ᬭᬪᬸᬲᬹᬃᬬ᭄ᬬᬓᬾᬢᬸᬕᭂᬮᬶᬲ᭄ᬫᬜᬫ᭄ᬩᬓ᭄᭞ᬲᬂᬬᭀᬤ᭄ᬥᬫᬳᬶᬲ᭄ᬧᬢᬶ᭞ᬲᬸᬫᬺᬕ᭄ᬫᬗᬋᬧᬂ᭞ᬗᭂᬚᬸᬓ᭄‌‌ᬲᬂᬕᭀᬤᬥᬃᬫ᭄ᬫ᭞ᬓᬳᬢᬸᬃᬭᬶᬂᬲᬂᬲᬸᬫᬦ᭄ᬢ᭄ᬭᬶ᭞ᬲᬸᬭᬓ᭄‌‌ᬖᬹᬃᬡᬶᬢ᭞ᬯᬢᭂᬓ᭄ᬯᬶᬤᬃᬪᬦᬾᬮᬶᬮᬶᬄ᭟ᬫᬕᬸᬮᬸᬗᬦ᭄ᬓᬮᬶᬮᬶᬄᬧᬢᬶ
ᬤᬭᬸᬫ᭄ᬧᬓ᭄᭞ᬫᬲᬸᬭᬸᬂᬮᬶᬬᬸᬓᬦᬶᬦ᭄᭞ᬯᬾᬦ᭄ᬢᭂᬦ᭄ᬫᬗᬢᬸᬭᬂ᭞ᬲᬂᬰ᭄ᬭᬶᬕᭀᬤᬥᬃᬫ᭄ᬫ᭞ᬓᬩᭂᬤ᭄ᬩᭂᬤ᭄‌‌ᬲᬫ᭄ᬧᬸᬦ᭄ᬫᬢᬮᬶ᭞ᬢᭂᬗᬳᬶᬂᬢᭂᬕᬮ᭄᭞ᬦᬸᬗ᭄ᬓᬸᬮ᭄ᬫᬦᬸᬦᬲ᭄ᬳᬸᬭᬶᬧ᭄᭟ᬓᬾᬭᬗᬾᬭᬂᬲᬂᬧ᭄ᬭᬪᬸᬯᬶᬤᬃᬪᬦᬵᬣ᭞ᬩᬗᬸᬦ᭄ᬭᬸᬦ᭄ᬢᬶ
ᬓᬾᬂᬳᬢᬶ᭞ᬫᬗ᭄ᬮᬮᬸᬫᬬᬸᬤ᭄ᬥ᭞ᬫᬓᬬᬸᬦ᭄ᬫᬧᬸᬧᬸᬢᬦ᭄᭞ᬦᬾᬚᬦᬶᬦᬶᬭᬫᬧᬸᬮᬶᬄ᭞ᬬᬾᬦ᭄ᬢᬸᬯᬄᬧᬮᬢ᭄ᬭ᭞ᬢᬦ᭄‌‌ᬯᬸᬭᬸᬂᬲ᭄ᬯᬃᬕ᭄ᬕᬧᬶᬦᬗ᭄ᬕᬶᬄ᭟ᬳᬫ᭄ᬩᬸᬮ᭄ᬢᭀᬫᬸᬜᬶᬦ᭄ᬲᬂᬧ᭄ᬭᬪᬸᬯᬶᬤᬃᬪ᭞ᬗᬤᭂᬕ᭄ᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬶᬦᬬᬸᬗᬦ᭄ᬚᭂ [ 28 ][᭒᭗ 27B]
᭒᭗
ᬦᬃ᭞ᬲᬶᬦᬦ᭄ᬤᭂᬃᬤᬾᬦᬶᬂᬕᬕᬓ᭄᭞ᬦᬫ᭄ᬩᭀᬮᭀᬫᬗᬸᬢᬄᬕᭂᬢᬶᬄ᭞ᬳᭂᬦ᭄ᬢᭀᬜᬶᬭᬶᬬᬂ᭞ᬲᬗ᭄ᬓᬦ᭄ᬓᬧ᭄ᬭᬚᬬᬾᬂᬚᬸᬭᬶᬢ᭄᭟ᬧᬶᬢ᭄ᬯᬶᬦ᭄ᬓᬾᬢᭀᬲᬂᬧ᭄ᬭᬪᬸᬢ᭄ᬯᬭᬓᬾᬩᬸᬓᬦ᭄᭞ᬫᬗ᭄ᬕᭂᬄᬲᬸᬤ᭄ᬥᬶᬭᬾᬂᬩᬸᬤ᭄ᬥᬶ᭞ᬫᬦᬄᬢᬦ᭄ᬯᬶᬓᬵᬭ᭞ᬜ
ᬡ᭄ᬥᬂᬫᭂᬦᬾᬓ᭄ᬭᬶᬂᬭᬣ᭞ᬲᬶᬦᬋᬗᬦ᭄ᬳᬸᬚᬦ᭄ᬕᭂᬢᬶᬄ᭞ᬲᬬᬦ᭄ᬲᬸᬥᬶᬭ᭞ᬰ᭄ᬭᬶᬯᬶᬤᬃᬪᬳᬚᬶ᭞᭛᭜᭛ᬧᬸᬧᬸᬄᬲᬶᬦᭀᬫ᭄᭛ᬤᬵᬲᬂᬧ᭄ᬭᬪᬸᬭᬢ᭄ᬦᬓᬡ᭄ᬥ᭞ᬫᬫᬶᬋᬂᬯᬺᬢ᭄ᬢᬦᬾᬫᬗ᭄ᬓᬶᬦ᭄᭞ᬲᬗᬧ᭄ᬭᬪᬸᬯᬶᬤᬃᬪᬓᬲᭀᬃ᭞ᬫ
ᬬᬸᬤ᭄ᬥᬭᬶᬂᬫᬳᬶᬲ᭄ᬧᬢᬶ᭞ᬲᬂᬤᬿᬢ᭄ᬬᬭᬵᬚᬳᬕ᭄ᬮᬶᬲ᭄᭞ᬫᬫᬃᬕ᭄ᬕᬶᬲᬧᬢᬶᬄᬳᬶᬧᬸᬦ᭄᭞ᬦᬵᬗ᭄ᬳᬶᬂᬲᭀᬭᭀᬄᬤᬦᬯ᭞ᬬᬾᬦ᭄ᬯᬶᬮᬗᬶᬦ᭄ᬓᬮᬶᬄᬓᭂᬢᬶ᭞ᬫᬗᬭᬸᬤᬸᬕ᭄᭞ᬧᬫᬃᬕ᭄ᬕᬶᬦ᭄ᬲᬂᬬᬓ᭄ᬱᬦ᭟ᬅᬪ᭄ᬭᬦᬸᬗ᭄ᬕᬗᬶᬦ᭄‌ᬯᬶᬮ᭄ᬫᬡ᭞
ᬫᬲᬯᬂᬲᬹᬃᬬ᭄ᬬᬓᬳᬓ᭄ᬱᬶ᭞ᬢᬸᬃᬫᬫᬜ᭄ᬚᭂᬃᬕᬥᬖᭀᬭ᭞ᬫᬧᬚᭂᬂᬩᬭᬓ᭄ᬫᬗᭂᬡ᭄ᬥᬶᬄ᭞ᬗᬯᬗᬯᬂᬫᬫᬃᬕ᭄ᬕ᭞ᬧᬘᬂᬓᬯᬶᬤᬃᬪᬦᬸᬮᬸᬂ᭞ᬲᬳᬵᬲᬸᬭᬓ᭄‌ᬖᬹᬃᬡᬶᬢ᭞ᬲᬶᬓᭂᬧᬾᬫᬲᬯᬂᬢᬝᬶᬢ᭄᭞ᬓᬤᬶᬓᭂᬭᬸᬕ᭄᭞ᬲ᭄ᬯᬭᬦ᭄ᬩᬮᬾ

[᭒᭘ 28A]
᭒᭘
ᬦᬾᬲᬶᬦᬫ᭄ᬬᬦ᭄᭟ᬫᬗᭀᬚᭀᬕ᭄ᬢᭂᬕᬮ᭄ᬧᬬᬸᬤ᭄ᬥᬦ᭄᭞ᬦᭂᬤᬸᬦᬂᬲᬂᬬᬓ᭄ᬱᬧᬢᬶ᭞ᬳᬗᬶᬦ᭄ᬢᬭᬶᬓ᭄‌ᬓ᭄ᬭᬸᬭᬓᬵᬭ᭞ᬓᬕ᭄ᬬᬢ᭄ᬲᬂᬯᬶᬤᬃᬪᬳᬚᬶ᭞ᬫᬚᬗ᭄ᬕᭂᬮᬦ᭄ᬫᬫᬃᬕ᭄ᬕᬶ᭞ᬢᬸᬃᬫᬜᬶᬗᬓ᭄ᬭᬶᬂᬳᬫ᭄ᬩᬸᬩᬸ᭞ᬓᬦ᭄ᬢᭂᬦ᭄ᬲᬂᬭᬢ᭄ᬦᬓᬡ᭄ᬥ᭞ᬭ
ᬣᬭᬵᬓ᭄ᬱᬲᬦᬾᬲᬫᬶ᭞ᬤᬤᬶᬳᬕᬸᬂ᭞ᬚᬸᬫᭂᬦᭂᬂᬭᬶᬂᬍᬗ᭄ᬓᬧᬸᬭ᭟ᬫᬸᬮᬓᬲᬶᬄᬳᬸᬮᬶᬮᬯᬲ᭄᭞ᬦᬸᬮᬸᬂᬓᬢᬸᬮᬸᬂᬭᬶᬂᬚᬸᬭᬶᬢ᭄᭞ᬲᬸᬩᬭᬯᬸᬄᬰ᭄ᬭᬶᬦᬭᬾᬦ᭄ᬤ᭄ᬭ᭞ᬧ᭄ᬭᬪᬸᬬᬓ᭄ᬱᬧᬢᬶᬫᬗ᭄ᬓᬶᬦ᭄᭞ᬧᬸᬗ᭄ᬕᬯᬮ᭄ᬬᬦ᭄ᬧᬧᬢᬶᬄ᭞ᬤᬿᬢ᭄ᬬᬭᬯ
ᬢ᭄ᬫᬚᬳᬶᬓᬸ᭞ᬮ᭄ᬬᬦ᭄ᬧᬢᬶᬄᬧᬜ᭄ᬘᬚᬦ᭄ᬬ᭞ᬧᬢᬶᬄᬤᬹᬃᬫᬮᭀᬪᬫᬮᬶᬄ᭞ᬫᬸᬓᬳᬖ᭄ᬦᬶ᭞ᬫᬓᬤᬶᬜᬤᬹᬃᬫ᭄ᬫᬩᬮ᭟ᬫᬓᬤᬶᬓᬕᬾᬦ᭄ᬤ᭄ᬭᬫᬸᬓ᭞ᬲᬶᬗ᭄ᬳᬯᬤᬦᬢᬦ᭄ᬓᬭᬶ᭞ᬫᬓᬤᬶᬲᬂᬫᬳᬶᬲᬗ᭄ᬕ᭞ᬫᬸᬓᬳᬖ᭄ᬦᬶᬫᬜᬋᬗᬶᬦ᭄᭞
ᬧᬥᬭᭀᬤ᭄ᬭᬭᬶᬂᬚᬸᬭᬶᬢ᭄᭞ᬓᬵᬤᬶᬓᬵᬮᬯᬃᬡ᭄ᬦᬦ᭄ᬳᬶᬧᬸᬦ᭄᭞ᬯᬾᬦ᭄ᬢᭂᬦ᭄ᬫᬦᬸᬗ᭄ᬕᬂᬫᬘᬦ᭄᭞ᬕᬤᬃᬪᬲᭂᬦᬸᬓ᭄ᬫᬓᬤᬶ᭞ᬲᬶᬗ᭄ᬳᬩᬭ᭄ᬯᬂ᭞ᬧᬥᬬᬫᬧᬬᬸᬂᬧᭂᬢᬓ᭄᭟ᬳᬾᬕᬃᬲᬂᬧ᭄ᬭᬪᬸᬯᬶᬤᬃᬪ᭞ᬫᬜᬧᬰ᭄ᬭᬶᬬᬓ᭄ᬱᬧᬢᬶ᭞ᬥᬹᬄ [ 29 ][᭒᭘ 28B]
᭒᭘
ᬪᬕ᭄ᬬᬦ᭄ᬢᬶᬢ᭄ᬬᬗᬾᬤᬾᬯ᭞ᬳᬶᬭᬢᬸᬭᬯᬸᬄᬦᬶᬜ᭄ᬚᭀᬯᬶᬦ᭄᭞ᬢᬶᬢ᭄ᬬᬂᬫᬳᬯᬓ᭄ᬫᬢᬶ᭞ᬤᬤ᭄ᬬᬦ᭄ᬜᬩᬸᬯᬶᬦ᭄ᬳᬶᬤᬸᬧ᭄᭞ᬲᬂᬧ᭄ᬭᬪᬸᬬᬓ᭄ᬱᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬫᬶᬲᬤ᭄ᬬᬫᬭᬶᬓᬶ᭞ᬧᬘᬂᬦᬸᬮᬸᬂ᭞ᬳᬶᬤᬾᬯᬭᬶᬂᬭᬡᬬᬚ᭄ᬜ᭟ᬩᭂᬘᬶᬓᬦ᭄ᬫ
ᬗ᭄ᬓᬶᬦ᭄ᬫᬬᬸᬤ᭄ᬥ᭞ᬧᬸᬮᬶᬳᬂᬭᬢᬸᬦᬾᬫᬢᬶ᭞ᬫᬓᬤᬶᬭᬳᬶᬦ᭄ᬳᬶᬤᬾᬯ᭞ᬲᬂᬧ᭄ᬭᬪᬸᬯᬶᬤᬃᬪᬓᬶᬂᬓᬶᬂ᭞ᬫᬓ᭄ᬭᬂᬓᬾᬂᬢᬸᬃᬫᬢᬮᬶ᭞ᬫᬩᬼᬗ᭄ᬕᬸᬢᬦ᭄ᬫᬭᬶᬗᬸᬮᬸᬦ᭄᭞ᬫᬾᬭᬂᬢᬶᬢ᭄ᬬᬂᬗᬦ᭄ᬢᭂᬦᬂ᭞ᬓᬾᬢᭀᬧ᭄ᬭᬪᬸᬬᬓ᭄ᬱᬳᬚᬶ᭞ᬭᬭᬶᬲ᭄ᬗᬫᬸᬓ᭄
᭞ᬭᬯᬸᬄᬭᬶᬂᬩᬮᬲᬶᬦᬫ᭄ᬬᬦ᭄᭟ᬓᬕ᭄ᬬᬢ᭄ᬯᭀᬂᬫᬳᬶᬲ᭄ᬧᬢ᭄ᬬ᭞ᬫᬕ᭄ᬮᬶᬬᬸᬭᬦ᭄ᬮᬶᬬᬸᬫᬢᬶ᭞ᬧᭂᬢᭂᬗᬾᬩᬸᬓᬓᬶᬤᭂᬫᬂ᭞ᬮᬸᬤᬶᬦ᭄ᬕᬸᬍᬫ᭄ᬫᬜᬧᬸᬢᬶᬦ᭄᭞ᬫᬗᬸᬮᬳᬂᬗᬫᬸᬓ᭄ᬫᬗ᭄ᬓᬶᬦ᭄᭞ᬲᬶᬂᬓᬧᬧᬕ᭄ᬫᬢᬶᬳᭂᬮᬸᬂ᭞ᬮᬾ
ᬦ᭄ᬳᬤᬓᭂᬦᬢᭂᬦ᭄ᬤᬲ᭄᭞ᬩᭂᬦ᭄ᬢᬃᬫᬲ᭄ᬢᬓᬦᬾᬭᬭᬶᬲ᭄᭞ᬭᬭᬶᬲ᭄ᬫᬶᬚᬶᬮ᭄᭞ᬳᭂᬍᬲ᭄ᬘᭀᬘᬦᬾᬲᬸᬫᬶᬭᬢ᭄᭟ᬮᬸᬤᬶᬦ᭄ᬕᬸᬍᬫ᭄ᬫᬫᭂᬢᭂᬗᬂ᭞ᬭᬵᬓ᭄ᬱᬲᬩᬮᬦᬾᬚᬸᬢᬶ᭞ᬫᬜᬶᬤ᭄ᬭᬫᬗᬫᬸᬓ᭄ᬕᬗ᭄ᬲᬃ᭞ᬫᬵᬬᬫᬵᬬᬲ

[᭒᭙ 29A]
᭒᭙
ᬯᬶᬬᬓ᭄ᬢᬶ᭞ᬜᭂᬫ᭄ᬧᬮ᭄‌ᬬᬫᬫᬦᬳᬶᬦ᭄᭞ᬲᬳᬲᬵᬗᬩᬩ᭄ᬳᬦᭂᬭᬸᬕ᭄᭞ᬮᬾᬦ᭄ᬫᬜᬩᬢ᭄ᬩᬦ᭄ᬘᬓ᭄ᬭ᭞ᬫᬦᬸᬚᬄᬩᬦ᭄ᬓᭀᬦ᭄ᬢᬰᬓ᭄ᬢᬶ᭞ᬫᬩ᭄ᬬᬬᬸᬯᬦ᭄᭞ᬧᬲ᭄ᬬᬢᬾᬫᬧᭂᬢᭂᬂᬧᭂᬢᭂᬗᬦ᭄᭟ᬳᬶᬤᬲᬂᬧ᭄ᬭᬪᬸᬲᭀᬤ᭞ᬧ᭄ᬭ
ᬬᬢ᭄ᬦᬗᬗ᭄ᬕᬃᬕᬕᬶᬢᬶᬓ᭄᭞ᬕᬕ᭄ᬮᬶᬲᬦ᭄ᬫᬸᬗ᭄ᬕᬄᬭᬶᬂᬕᬚᬄ᭞ᬧ᭄ᬭᬪᬸᬲᬹᬃᬬ᭄ᬬᬓᬾᬢᬸᬫᬮᬶᬄ᭞ᬫ᭄ᬯᬄᬦᬺᬧᬢᬶᬘᬦ᭄ᬤ᭄ᬭᬳᬚᬶ᭞ᬫᬗᬸᬬᭂᬂᬪᬚ᭄ᬭᬳᬸᬫᬸᬭᬸᬩ᭄᭞ᬲᬋᬂᬧ᭄ᬭᬪᬸᬓᬮᬶᬗ᭄ᬕ᭞ᬲᬳᬲᬫᬗ᭄ᬓᬶᬦ᭄ᬫᬧᬸᬮᬶᬄ᭞ᬧᬥᬮᬚᬸ᭞ᬫᬗᬫᬸᬓ᭄
ᬢ᭄ᬯᬭᬚᬗ᭄ᬓᬬᬦ᭄᭟ᬗᭂᬜ᭄ᬘᬸᬃᬗᬸᬚᬦᬶᬦ᭄ᬩᬦ᭄ᬧᬦᬄ᭞ᬮᬾᬦ᭄ᬫᬦᬶᬕ᭄ᬢᬶᬕ᭄ᬩᬦ᭄ᬕᬕᬶᬢᬶᬓ᭄᭞ᬲᬶᬬᬢᬾᬫᬤᬸᬓᬤᬸᬓᬦ᭄᭞ᬫᬳᬤᬸᬓᬦ᭄ᬲᬮᬾᬂᬢᬫ᭄ᬧ᭄ᬮᬶᬕ᭄᭞ᬫᬸᬗ᭄ᬕᬮ᭄ᬓᬧᬸᬗ᭄ᬕᬮ᭄ᬫᬗ᭄ᬓᬶᬦ᭄᭞ᬧᬸᬗ᭄ᬕᬯᬮᬾᬦ᭄ᬤᬿᬢ᭄ᬬᬳᬶᬓᬸ᭞ᬲᬂᬧ᭄ᬭ
ᬪᬸᬲᭀᬭᬫ᭄ᬭᬚᬬ᭞ᬲᬂᬲᬶᬗ᭄ᬳᬯᬤᬦᬫᬢᬶ᭞ᬫᬳᬶᬲᬗ᭄ᬕ᭞ᬫᬢᬶᬤᬾᬦᬵᬣᬓᬮᬶᬗ᭄ᬕ᭟ᬧᬢᬶᬓ᭄ᬫᬸᬓᬳᬖ᭄ᬦᬶᬢᬶᬩ᭞ᬢᬶᬦᬸᬚᬄᬤᬾᬭᬦᬺᬧᬢᬶ᭞ᬲᬂᬲᬹᬃᬬ᭄ᬬᬓᬾᬢᬸᬫᬧᭂᬭᬂ᭞ᬤᬿᬢ᭄ᬬᬫᬤᬮᭀᬪᬫᬢᬶ᭞ᬫᬦᬸᬂ [ 30 ][᭒᭙ 29B]
᭒᭙
ᬲᬂᬦᬶᬩᬾᬂᬲᬶᬢᬶ᭞ᬤᬶᬦᬸᬓᬾᬂᬪᬚ᭄ᬭᬳᬶᬦᬸᬭᬸᬩ᭄᭞ᬤᬾᬦᬶᬭᬲᬂᬦᬵᬣ᭞ᬘᬘ᭄ᬤ᭄ᬭᬓᬾᬢᬸᬤᬳᬢ᭄ᬰᬓ᭄ᬢᬶ᭞ᬤᭂᬓ᭄ᬤᭂᬓ᭄ᬕᭂᬫ᭄ᬧᬸᬂ᭞ᬲᭀᬭᭀᬄᬩᬮᬍᬗ᭄ᬓᬧᬸᬭ᭟ᬓᬳᭂᬮᬸᬤᬶᬦ᭄ᬩᬦ᭄ᬳᬧᬶᬫᬸᬦ᭄ᬢᬩ᭄᭞ᬤᬾᬦᬶᬭᬯᬭᬲᬸᬫᬦ᭄ᬢ᭄ᬭᬶ᭞ᬳᬪ᭄ᬭᬩ
ᬬᬸᬪᬚ᭄ᬭᬕᬗ᭄ᬲᬃ᭞ᬫᬤᬸᬮᬸᬭᬦ᭄ᬧᬦᬄᬰᬓ᭄ᬢᬶ᭞ᬫᬤᬤᬯᬸᬳᬦ᭄ᬯᭀᬂᬲᬫᬶ᭞ᬲᭀᬭᭀᬄᬭᬵᬓ᭄ᬱᬲᬦᬾᬕᭂᬫ᭄ᬧᬸᬂ᭞ᬗᬋᬧᬂᬲᬂᬧ᭄ᬭᬪᬸᬬᬓ᭄ᬱ᭞ᬲᬓᬶᬂᬕᬸᬍᬫᬾᬫᬜ᭄ᬚᭂᬭᬶᬢ᭄᭞ᬓᬤᬶᬓᭂᬭᬸᬕ᭄᭞ᬲ᭄ᬯᬭᬦᬾᬫᬗᬺᬲᬂᬘᬶ
ᬢ᭄ᬢ᭟ᬓᬮᬶᬄᬦᭂᬕᬓᬶᬦ᭄‌‌ᬯᬶᬫᬡ᭞ᬳᬗᬶᬦ᭄ᬢᬭᬶᬓ᭄ᬢᬦ᭄ᬲᬶᬦᬶᬧᬶ᭞ᬤᬸᬮᬸᬭᬶᬦ᭄‌ᬦᬵᬕᬲᬢᭂᬕᬮ᭄᭞ᬧᬓ᭄ᬭᬾᬓᬾᬓ᭄ᬧᬥᬫᬫᬸᬜᬶ᭞ᬲᬂᬬᬓ᭄ᬱᬦᬵᬣᬫᬮᬶᬄ᭞ᬫᬫᬦᬳᬂᬯ᭄ᬭᬸᬄᬦᬾᬮᬶᬬᬸ᭞ᬧᬜᬢᬸᬲᬦ᭄ᬫᬫ
ᬦᬓ᭄᭞ᬋᬩᬄᬩᬮᬫᬳᬶᬲ᭄ᬧᬢᬶ᭞ᬤᬵᬲᬂᬧ᭄ᬭᬪᬸ᭞ᬫᬓᬧᬢ᭄ᬧᬢ᭄ᬓᬲᭀᬭᬶᬂᬧ᭄ᬭᬂ᭟ᬓᬋᬩᬸᬢ᭄ᬩᬦ᭄ᬲᬜ᭄ᬚᬢ᭞ᬮᬶᬮᬶᬄᬫᬕᬸᬮᬸᬗᬦ᭄ᬲᬫᬶ᭞ᬲᬂᬲᬸᬫᬦ᭄ᬢ᭄ᬭᬶᬲᭂᬫᬸᬓᬕ᭄ᬬᬢ᭄᭞ᬫᬗᬤᭂᬕ᭄ᬧ᭄ᬭᬬᬢ᭄ᬦᬤᬤᬶ᭞ᬗᬮᬾᬩᬂ

[᭓᭐ 30A]
᭓᭐
ᬧᬦᬄᬰᬓ᭄ᬢᬶ᭞ᬧᭂᬢᭂᬂᬭᬶᬂᬳᬫ᭄ᬩᬭᬭᬯᬸᬄ᭞ᬲᬯᬂᬫᬾᬖᬗᭂᬫᬸᬳᬸᬚᬦ᭄᭞ᬧᬦᬳᬾᬓᬮᬶᬯᬢ᭄ᬮᬸᬯᬶᬄ᭞ᬫᬗ᭄ᬕᬭᬸᬤᬸᬕ᭄᭞ᬫᬲᬯᬂᬢᬝᬶᬢ᭄ᬓᭂᬢᬶᬬᬦ᭄᭟ᬲᬂᬧ᭄ᬭᬪᬸᬬᬓ᭄ᬱᬦᬵᬣ᭞ᬭᬭᬶᬲ᭄ᬫᬫᬦᬳᬂᬳᬗᬶᬦ᭄᭞ᬢᭂᬮᬲ᭄‌‌ᬩ᭄ᬭᬱ᭄ᬝᬓᬳ
ᬫ᭄ᬧᭂᬳᬂ᭞ᬮᬩᬸᬄᬭᬶᬂᬲᬕᬭᬲᬫᬶ᭞ᬫᬶᬭᬶᬩ᭄ᬓᬲᭀᬭᬦ᭄ᬢᬡ᭄ᬥᬶᬂ᭞ᬲᬂᬲᬸᬫᬦ᭄ᬢ᭄ᬭᬶᬤᬳᬢ᭄ᬋᬗᬸ᭞ᬓᬲᭀᬃᬫᬢᭂᬫᬸᬬᬸᬤ᭄ᬥ᭞ᬩ᭄ᬭᬵᬳ᭄ᬫᬦ᭄ᬢ᭄ᬬᬫᬗ᭄ᬯᬍᬲ᭄ᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬳᬧᬶ᭞ᬫᬸᬭᬸᬩ᭄ᬫᬲᬯᬂᬪᬱ᭄ᬓᬭ᭟ᬲᬂᬧ᭄ᬭᬪᬸᬬᬓ᭄ᬱᬦᬵᬣ᭞ᬫᬗ᭄ᬯᬍᬲ᭄ᬫ
ᬫᬦᬳᬂᬳᬗᬶᬦ᭄᭞ᬫᬤᬸᬮᬸᬭᬸᬭᬦ᭄‌‌ᬪᬭᬸᬡᬵᬲ᭄ᬢ᭄ᬭ᭞ᬢᭀᬬᬫᬸᬫ᭄ᬩᬸᬮ᭄ᬲᬯᬂᬧᬲᬶᬄ᭞ᬗ᭄ᬕᬕᬡᬫᬜ᭄ᬚ᭄ᬭᬶᬳᬶᬦ᭄᭞ᬳᬧᬶᬦᬾᬳᬪ᭄ᬭᬳᬸᬫᬸᬭᬸᬩ᭄᭞ᬓᬮᬄᬩᬦ᭄ᬧᬦᬄᬢᭀᬬ᭞ᬤᬤ᭄ᬬᬫᬢᬶᬩᬸᬓᬳᬸᬧᬶᬦ᭄᭞ᬤᬤ᭄ᬬᬓᬲᭀᬃ᭞
ᬓᬲᬓ᭄ᬢᬶᬦ᭄ᬲᬂᬍᬗ᭄ᬓᬧᬸᬭ᭟ᬩ᭄ᬭᬵᬳ᭄ᬫᬦ᭄ᬢ᭄ᬬᬧ᭄ᬭᬪᬸᬲᬸᬭᬢ᭄ᬦ᭞ᬫᭂᬦ᭄ᬢᬂᬦᬵᬕᬧᬰᬫᬗ᭄ᬓᬶᬦ᭄᭞ᬫᬲ᭄ᬮᭂᬤᬾᬢ᭄ᬲᬯᬂᬯᬗ᭄ᬓᬯ᭞ᬜᬍᬩᬢ᭄ᬗᭂᬩᭂᬓᬶᬦ᭄ᬮᬗᬶᬢ᭄᭞ᬲᬂᬤ᭄ᬯᬶᬚᬧᬸᬢ᭄ᬭᬫᬗ᭄ᬓᬶᬦ᭄᭞ᬕᬭᬸᬥᬫᬦ᭄ᬢ᭄ᬭᬯᬸᬲ᭄ᬫᭂᬢᬸ᭞ᬳᬕᬸᬂᬳᬶᬓᬂᬕᬭᬸ [ 31 ][᭓᭐ 30B]
᭓᭐
ᬥ᭞ᬪ᭄ᬭᬱ᭄ᬝᬳᬶᬓᬂᬲᬃᬧ᭄ᬧᬫᬗ᭄ᬓᬶᬦ᭄᭞ᬯᬸᬲ᭄ᬢᬶᬦᬸᬘᬸᬓ᭄᭞ᬤᬾᬦᬶᬭᬲᬂᬯᬶᬦᬢᬾᬬ᭟ᬩ᭄ᬭᬵᬳ᭄ᬫᬦ᭄ᬢ᭄ᬬᬧ᭄ᬭᬪᬸᬲᬸᬭᬢ᭄ᬦ᭞ᬫᬗᭂᬭᬾᬳᬂᬫᬦ᭄ᬢ᭄ᬭᬰᬓ᭄ᬢᬶ᭞ᬫᬫᬹᬃᬢ᭄ᬢᬶᬢᭂᬗᬄᬳᬫ᭄ᬩᬭ᭞ᬫᬲᬮᬶᬦ᭄ᬰᬭᬶᬭᬫᬗ᭄ᬓᬶᬦ᭄᭞ᬳᬕᬸᬂᬓᬕᬶᬭᬶᬕᬶᬭᬶ᭞
ᬫᬭᬹᬧᬕᬸᬦᬸᬂᬫᬳᬵᬫᬾᬭᬸ᭞ᬫᬢᬦᬾᬲᬹᬃᬬ᭄ᬬᬓᭂᬫ᭄ᬩᬃ᭞ᬭᬫ᭄ᬩᬸᬢᬾᬕᬸᬍᬫ᭄ᬫᬜ᭄ᬚ᭄ᬭᬶᬳᬶᬦ᭄᭞ᬲᬯᬂᬢᬝᬶᬢ᭄᭞ᬧᭂᬥᬗᬾᬳᬪ᭄ᬭᬤᬸᬫᬶᬮᬄ᭟ᬫᬸᬭᬸᬩ᭄ᬫᬗᬺᬲᬂᬫᬦᬄ᭞ᬫᬗᭂᬭᬓ᭄ᬗᭂᬩᭂᬓᬶᬦ᭄ᬮᬗᬶᬢ᭄᭞ᬫᬲᬸᬫ᭄ᬩᬃᬦᬸᬦ᭄ᬤᬾᬦ᭄ᬧ᭄ᬭᬬ
ᬢ᭄ᬦ᭞ᬫᬢᬶᬳᬶᬩᬩᬦ᭄ᬓᬓᬳᬶ᭞ᬓᬾᬢᭀᬫᬸᬜᬶᬜᬩ᭄ᬭᬂᬢᬶ᭞ᬢᬸᬃᬫᬗᬸᬬᭂᬂᬫᬸᬭᬸᬩ᭄᭞ᬢᭂᬓᬫᬫᬸᬤᬶᬫᬸᬗ᭄ᬕᬮ᭄᭞ᬩᬯᭀᬂᬤᬦᬾᬲᬂᬲᬸᬫᬦ᭄ᬢ᭄ᬭᬶ᭞ᬤ᭄ᬯᬶᬚᬲᬸᬦᬸ᭞ᬧ᭄ᬭᬬᬢ᭄ᬦᬫᬫᭂᬦ᭄ᬢᬂᬧᬦᬄ᭟ᬳᭂᬭᬸᬦᬾᬪᬚ᭄ᬭᬤᬸᬫᬶᬮᬄ
᭞ᬘᬸᬫᬭᬗᬧ᭄ᬫᬜ᭄ᬚ᭄ᬭᬶᬳᬶᬦ᭄᭞ᬲᬂᬲᬸᬫᬦ᭄ᬢ᭄ᬭᬶᬳᬕ᭄ᬮᬶᬲ᭄ᬫᬦᬄ᭞ᬗᭂᬦᬬᬂᬳᬸᬮᬸᬦᬢᬶ᭞ᬫᬕ᭄ᬮᭂᬤᭂᬕ᭄ᬤᬍᬫ᭄ᬓᬦᬶᬦ᭄᭞ᬳᭂᬭᬳᬾᬲᬂᬬᬓ᭄ᬱᬫᭂᬜ᭄ᬘᬸᬃ᭞ᬓᬍᬗᭂᬃᬧ᭄ᬭᬲᬫᬳᬸᬬᬂ᭞ᬲᬂᬲᬸᬫᬦ᭄ᬢ᭄ᬭᬶᬫᬗᭂᬮᬸᬤᬶᬦ᭄᭞ᬩᬦ᭄ᬘᬓ᭄ᬭ᭞ᬫᬲ᭄ᬢᬓᬦ᭄ᬲᬂ

[᭓᭑ 31A]
᭓᭑
ᬬᬓ᭄ᬱᬩᭂᬦ᭄ᬢᬃ᭟ᬲᬸᬩᬫᬗᭂᬫᬲᬶᬦ᭄ᬧᭂᬚᬄ᭞ᬲᬂᬧ᭄ᬭᬪᬸᬭᬵᬓ᭄ᬱᬲᬧᬢᬶ᭞ᬓᬧ᭄ᬭᬚᬬᬭᬶᬂᬭᬡᬗ᭄ᬕᬡ᭞ᬓᬳᭂᬮᬸᬤ᭄ᬩᬦ᭄ᬰᬭᬳᬖ᭄ᬦᬶ᭞ᬪᬱ᭄ᬫᬶᬪᬸᬢᬵᬗᭂᬫᬵᬲᬶᬦ᭄᭞ᬪᬱ᭄ᬫᬶᬪᬸᬢᬢᬃᬕᬸᬯᬸᬲ᭄᭞ᬪ᭄ᬭᬱ᭄ᬝᬲᬳᬵᬭᬵᬓ᭄ᬱᬲ᭞ᬳᬦ᭄ᬢᬸᬓᬦᬾᬲᬂ
ᬲᬸᬫᬦ᭄ᬢ᭄ᬭᬶ᭞ᬤᬤᬶᬓᬢᬸᬃ᭞ᬭᬶᬂᬤᬵᬲᬂᬧ᭄ᬭᬪᬸᬯᬶᬤᬃᬪ᭟ᬲᬂᬰ᭄ᬭᬶᬯᬶᬤᬃᬪᬭᬵᬚ᭞ᬢ᭄ᬯᬭᬫᬚᬗ᭄ᬓᬭᬶᬂᬳᬢᬶ᭞ᬫᬗᬫᬸᬓ᭄‌‌ᬲᬳᬲ᭄ᬬᬦ᭄ᬥᬦ᭞ᬫᬫᬦᬄᬢᬦ᭄ᬫᬭᬶᬫᬗ᭄ᬓᬶᬦ᭄᭞ᬓᬤᬶᬤᬺᬲ᭄ᬦᬶᬂᬳᬗᬶᬦ᭄᭞ᬤᭂᬋᬲ᭄ᬦᬶᬂᬧᬦᬄᬳᬸᬫᭂᬢᬸ᭞ᬓᬤᬶᬤᬺ
ᬲ᭄ᬦᬶᬂᬫᬦᬄ᭞ᬤᭂᬋᬲ᭄ᬦᬶᬂᬫᬦᬄᬳᬸᬫᬸᬮᬶᬄ᭞ᬫᬭᬶᬂᬯᬶᬦ᭄ᬤᬸ᭞ᬚᬢᬶᬧᬸᬭᬸᬱᬭᬶᬂᬭᬡ᭟ᬲᬸᬥᬶᬭᬗᬤᭂᬕᬾᬂᬭᬣ᭞ᬢᬦ᭄ᬫᬭᬶᬗᭂᬜ᭄ᬘᬸᬃᬜᬓᬶᬢᬶᬦ᭄᭞ᬩᬮᬫᬕᬥᬦᬾᬓᭀᬘᬧ᭄᭞ᬲᬶᬤ᭄ᬥᬕᭂᬫ᭄ᬧᬸᬂᬢᬦ᭄ᬧᬦᭀᬮᬶᬄ᭞ᬗᬋᬧᬂᬲᬂ
ᬲᬸᬫᬦ᭄ᬢ᭄ᬭᬶ᭞ᬤᬺᬲ᭄ᬭᬣᬦᬾᬫᬘᭂᬧᬸᬓ᭄᭞ᬧᬭᬳᬕᬸᬗᬾᬧᬢ᭄ᬧᬢ᭄᭞ᬧᬥᬗᬶᬭᬶᬂᬲᬂᬲᬸᬫᬦ᭄ᬢ᭄ᬭᬶ᭞ᬲᬸᬭᬓ᭄ᬳᬰ᭄ᬭᬸᬄ᭞ᬲᬳᬕᭀᬂᬪᬾᬭᬶᬫᬺᬤᬗ᭄ᬕ᭟ᬲᬂᬲᬸᬫᬦ᭄ᬢ᭄ᬭᬶᬫᬢᬸᬗ᭄ᬕᬮᬦ᭄᭞ᬫᬕᬸᬢ᭄ᬲᬂᬯᬶᬤᬃᬪᬳᬚᬶ᭞ᬢᬸᬳᬸᬧᬥᬰᬸᬭᬾᬂ [ 32 ][᭓᭑ 31B]
᭓᭑
ᬭᬡ᭞ᬲᬶᬮᬶᬄᬧᬦᬄᬦᭀᬭᬳᬚ᭄ᬭᬶᬄ᭞ᬭᬗ᭄ᬲᭂᬂᬯᬶᬤᬃᬪᬳᬚᬶ᭞ᬳ᭄ᬭᬸᬩᬢᬸᬓᬩᬢᭂᬓ᭄ᬤᬶᬢᬸ᭞ᬮ᭄ᬯᬶᬃᬕᬸᬦᬸᬂᬲᬸᬯᬾᬮ᭞ᬢᬸᬳᬸᬬᬫᬗᬺᬲᬂᬳᬢᬶ᭞ᬧᬥᬗ᭄ᬭᬸᬤᬸᬕ᭄᭞ᬫᬸᬜᬶᬦᬾᬢᬦ᭄ᬧᬧᭂᬕᬢᬦ᭄᭟ᬲᬂᬯᬶᬭᬲᬸᬫᬦ᭄ᬢ᭄ᬭᬶᬧ᭄ᬭᬬᬢ᭄ᬦ᭞ᬧᬦᬄ
ᬢᬗ᭄ᬕᬮᬦᬾᬰᬓ᭄ᬢᬶ᭞ᬧᬸᬦᬶᬓᬓᬳᬗ᭄ᬕᬾᬦ᭄ᬫᭂᬦ᭄ᬤᬓ᭄᭞ᬭᬸᬲᬓ᭄ᬕᬸᬦᬸᬗᬾᬧ᭄ᬭᬫᬗ᭄ᬓᬶᬦ᭄᭞ᬧ᭄ᬭᬪᬸᬯᬶᬤᬃᬪᬫᬮᬶᬄ᭞ᬗᬋᬤᭂᬓ᭄ᬫᬫᬦ᭄ᬢ᭄ᬭᬤᬶᬢᬸ᭞ᬫᬶᬚᬶᬮᬂᬳᬖ᭄ᬦ᭄ᬬᬵᬲ᭄ᬢ᭄ᬭ᭞ᬫᬸᬦ᭄ᬢᬩ᭄ᬓᬤᬶᬕᬸᬦᬸᬂᬜᭂᬕᬶᬃ᭞ᬲᬂᬲᬸᬫᬦ᭄ᬢ᭄ᬭᬶ᭞ᬗᬮᬾᬩᬂᬳᭂᬭᬸᬲᬵᬕ
ᬭ᭟ᬫᬜᬶᬗᬓ᭄ᬧ᭄ᬭᬪᬸᬯᬶᬤᬃᬪ᭞ᬳᬸᬦᬶᬗᬢᭂᬓᬾᬦ᭄ᬓᬧᬢᬶᬦ᭄᭞ᬫᬫᬸᬱ᭄ᬝᬶᬫᬗ᭄ᬕ᭄ᬭᬡᬰᬶᬓ᭞ᬲᬸᬦ᭄ᬬᬢᬫᬭᬳᬶᬦᬸᬧ᭄ᬢᬶ᭞ᬫᬸᬜ᭄ᬘᬮᬂᬧᬦᬄᬳᬕ᭄ᬮᬶᬲ᭄᭞ᬫᬫᬸᬱ᭄ᬝᬶᬫᬗᬺᬕᭂᬧ᭄ᬤᬶᬢᬸ᭞ᬲᬂᬩ᭄ᬭᬵᬳ᭄ᬫᬡᬧᬸᬢ᭄ᬭ᭞ᬳᬸᬦᬶᬂᬲᬂᬦᬵᬭᬤᬶᬧᬢᬶ᭞ᬓ
ᬳ᭄ᬬᬸᬦ᭄ᬫᬦ᭄ᬢᬸᬓ᭄᭞ᬫᬗᬸᬗ᭄ᬲᬶᬬᬂᬯᬶᬱ᭄ᬡᬸᬮᬬ᭟ᬲᬂᬲᬸᬫᬦ᭄ᬢ᭄ᬭᬶᬧ᭄ᬭᬬᬢ᭄ᬦ᭞ᬲᬶᬦᬫ᭄ᬩᬸᬢ᭄ᬘᬓ᭄ᬭᬦᬾᬰᬓ᭄ᬢᬶ᭞ᬢᬶᬦᬹᬢᬶᬂᬲᬸᬗ᭄ᬓᭂᬫ᭄ᬭᬶᬂᬥᬥ᭞ᬤᬸᬫᬶᬮᬄᬫᬢᬾᬚᬳᬧᬶ᭞ᬢ᭄ᬯᬭᬮ᭄ᬬᬦᬦ᭄ᬫᬗ᭄ᬓᬶᬦ᭄᭞ᬓᬧᬢᬶᬢᬶᬲ᭄ᬢᬸᬯᬄᬭᬶᬂᬩᬯᬸ᭞ᬕᬮᬂᬫᬢᬾ

[᭓᭒ 32A]
᭓᭒
ᬚᬫᬸᬦ᭄ᬢᬩ᭄᭞ᬘᬓ᭄ᬭᬦᬾᬓᬮᬾᬩᬂᬫᬗ᭄ᬓᬶᬦ᭄᭞ᬓᭂᬦᬶᬩᬯᬸ᭞ᬲᬂᬰ᭄ᬭᬶᬤᬵᬃᬪᬭᬵᬚ᭟ᬧᭂᬕᬢ᭄ᬩᬯᬸᬦᬾᬲᬂᬦᬵᬣ᭞ᬳᭂᬭᬳᬾᬫᬸᬜ᭄ᬘ᭄ᬭᬢ᭄ᬳᬸᬫᬶᬚᬶᬮ᭄᭞ᬤᬸᬳᬸᬭᬾᬮᬩᬸᬄᬭᬶᬂᬢᬦᬄ᭞ᬮᬯᬾᬬᬦᬾᬲᬂᬪᬹᬧᬢᬶ᭞ᬗᬤᭂᬕ᭄ᬭᬶᬂ
ᬭᬣᬓᬭᬶ᭞ᬲᬓ᭄ᬱᬡᬮᬩᬸᬄᬫᬕᭂᬩ᭄ᬬᬸᬕ᭄᭞ᬢᬸᬳᬸᬧ᭄ᬭᬯᬶᬭᬾᬂᬭᬡ᭞ᬲᬂᬯᬢᭂᬓ᭄ᬤᬾᬯᬢᬲᬫᬶ᭞ᬧᬥᬳᬸᬫᬸᬂ᭞ᬜ᭄ᬚᬬᬩᬦ᭄‌ᬑᬁᬗ᭄ᬓᬵᬭ᭟ᬲᬂᬦᬋᬗᬦ᭄ᬳᬸᬚᬦ᭄ᬩᬸᬗ᭞ᬑᬗ᭄ᬓᬵᬭᬲᬂᬤᬾᬯᬋᬱᬶ᭞ᬲᬳᬵᬲᬸᬭᬓ᭄‌‌ᬮ᭄ᬯᬶᬃᬭᬸ
ᬜ᭄ᬘᬓ᭄᭞ᬲᬶᬦᬳᬸᬭᬦᬶᬂᬕᭀᬂᬕᭂᬡ᭄ᬥᬶᬂ᭞ᬳᬶᬤᬲᬂᬚᬬᬾᬂᬚᬸᬭᬶᬢ᭄᭞ᬤᬤᬶᬤᬾᬯᬫᬗ᭄ᬓᬶᬦ᭄ᬫᬦ᭄ᬢᬸᬓ᭄᭞ᬫᬭᬶᬂᬯᬶᬱ᭄ᬡᬸᬮᭀ᭞ᬯᬶᬤ᭄ᬬᬥᬭᬯᬶᬤ᭄ᬬᬥᬭᬶ᭞ᬧᬥᬗᬶᬭᬶᬂ᭞ᬲᬂᬰ᭄ᬭᬶᬯᬶᬤᬵᬃᬪᬭᬵᬚ᭟ᬫᬗ᭄ᬮᬶᬗ᭄ᬕᬶᬳᬶᬦ᭄ᬚᭀᬮᬶᬳᭂᬫᬵᬲ᭄᭞
ᬦᬾᬗᬋᬧᬶᬦ᭄ᬤᬾᬯᬋᬱᬶ᭞ᬲᬳᬵᬕᭀᬂᬪᬾᬭᬶᬫᬺᬥᬗ᭄ᬕ᭞ᬳᬫ᭄ᬩᬭᬦᬾᬓᬫᬃᬕ᭄ᬕᬶᬦᬶᬦ᭄᭞ᬓᬾᬢᭀᬨᬮᬜᬚᬦᬶ᭞ᬲᬂᬲᬢ᭄ᬭᬶᬬᬲᬦᬾᬓᬸᬓᬸᬄ᭞ᬧᬕᭂᬄᬭᬶᬂᬭᬡᬬᬚ᭄ᬜ᭞ᬪᬝᬵᬭᬯᬮᬸᬬᬤᬤᬶ᭞ᬢᬦ᭄ᬯᬶᬦᬸᬯᬸ [ 33 ][᭓᭒ 32B]
᭓᭒
ᬲ᭄᭞ᬲᬂᬲᬸᬫᬦ᭄ᬢ᭄ᬭᬶᬤᬳᬢ᭄ᬲᬸᬓ᭟ᬲᬶᬤ᭄ᬥᬭᬶᬂᬯᬶᬚᬬᬾᬂᬭᬡ᭞ᬫᬗᬡ᭄ᬥᬶᬓᬲᬂᬲᬸᬫᬦ᭄ᬢ᭄ᬭᬶ᭞ᬭᬶᬂᬳᬶᬤᬲᬂᬕᭀᬤᬥᬃᬫ᭄ᬫ᭞ᬓᬾᬦ᭄ᬓᬾᬦ᭄ᬚᬳᬶᬤᬾᬯᬚᬦᬶ᭞ᬤᬾᬦᬶᬂᬲᬸᬩᬗᭂᬫᬲᬶᬦ᭄᭞ᬲᬂᬧ᭄ᬭᬪᬸᬯᬶᬤᬃᬪᬮᬫ᭄ᬧᬸᬲ᭄᭞ᬪ᭄ᬭᬱ᭄ᬝᬭᬶᬂᬭ
ᬡᬗ᭄ᬕᬡ᭞ᬲᬶᬂᬜᬳᬶᬤᬾᬯᬫᬦᬸᬫᬤ᭄ᬥᬶ᭞ᬧᬘᬂᬮᬫ᭄ᬧᬸᬲ᭄᭞ᬫᬗᬶᬭᬶᬂᬭᬓᬦ᭄ᬳᬶᬤᬾᬯ᭟ᬒᬭᬳᬂᬢᭂᬓᬾᬦᬶᬂᬢᭂᬓᬾᬦᬶᬂᬢᬶᬢ᭄ᬬᬂ᭞ᬳᬶᬤᬾᬯᬢᭀᬂᬤᬤᬶᬫᬢᬶ᭞ᬦ᭄ᬤᬾᬦ᭄ᬩᭀᬃᬩᭀᬭᬂᬩᭂᬲᬶᬩᬭᬓ᭄᭞ᬘᭂᬍᬓᬶᬦ᭄ᬤᬶᬳᭂ
ᬲᭀᬂᬳᭂᬚᬶᬢ᭄᭞ᬲᬶᬂᬜᬢᬾᬳᭂᬜᬓ᭄ᬫᬢᬶ᭞ᬓᬾᬢᭀᬳᬶᬤᬤ᭄ᬯᬶᬚᬲᬸᬦᬸ᭞ᬜᬸᬗ᭄ᬓᭂᬤᬂᬫᬶᬲᭂᬲᭂᬤᬂ᭞ᬢᬓᬾᬦᬶᬦ᭄ᬲᬂᬥᬃᬫ᭄ᬫᬳᬚᬶ᭞ᬤᬲᬂᬧ᭄ᬭᬪᬸ᭞ᬕᭀᬤᬥᬃᬫ᭄ᬫᬫᬢᬸᬃᬏᬗ᭄ᬕᬮ᭄᭟ᬉᬥᬸᬄᬳᬶᬤᬲᬂᬩ᭄ᬭᬵᬳ᭄ᬫᬡ᭞ᬢᬶᬢ᭄ᬬᬂᬦ᭄ᬤᬯᭂ
ᬕ᭄ᬦᬸᬦᬶᬸᬦᬲ᭄ᬳᬸᬭᬶᬧ᭄᭞ᬲᬶᬂᬜᬢᬾᬳᭂᬜᬓ᭄ᬫᬢᬶ᭞ᬢᬶᬢ᭄ᬬᬂᬦᬸᬦᬲ᭄ᬚᬶᬯᬭᬵᬕ᭞ᬭᬯᬶᬂᬧ᭄ᬬᬦᬓ᭄ᬲᭀᬫᬄᬲᬫᬶ᭞ᬢᬶᬢ᭄ᬬᬂᬫᬤᬺᬯᬾᬧᬸᬢ᭄ᬭᬶ᭞ᬫᭂᬮᬄᬫᭂᬮᬄᬢᭂᬮᬸᬂᬳᬸᬓᬸᬤ᭄᭞ᬢᭂᬓᬾᬦᬶᬂᬲ᭄ᬮᬓᬫᬵᬲ᭄᭞ᬓᬮᬶᬄᬕᭂᬥᭀᬂᬤ

[᭓᭓ 33A]
᭓᭓
ᬳᬢ᭄ᬮᬸᬯᬶᬄ᭞ᬫᬗ᭄ᬤᬾᬓᬢᬸᬃ᭞ᬲᬶᬦᬫᬶᬬᬦ᭄ᬢᭂᬓᬾᬦ᭄ᬳᬶᬤ᭟ᬓᬾᬢᭀᬧ᭄ᬭᬪᬸᬕᭀᬤᬥᬃᬫ᭄ᬫ᭞ᬮᬶᬯᬢ᭄ᬢᬺᬱ᭄ᬡᬦᬾᬭᬶᬂᬳᬸᬭᬶᬧ᭄᭞ᬲᬂᬧ᭄ᬭᬪᬸᬓᬮᬶᬗ᭄ᬕᬭᬵᬚ᭞ᬲᬂᬲᭀᬤᬧᬸᬦᬶᬓᬫᬮᬶᬄ᭞ᬲᬂᬲᬹᬃᬬ᭄ᬬᬓᬾᬢᬸᬫᬮᬶᬄ᭞ᬧ᭄ᬭᬪᬸᬘᬦ᭄ᬤ᭄ᬭᬓᬾᬢᬸ
ᬫᬸᬯᬸᬲ᭄᭞ᬉᬥᬸᬄᬲᬂᬕᭀᬤᬥᬃᬫ᭄ᬫ᭞ᬲᬫ᭄ᬧᬸᬦ᭄ᬲᬸᬫᬗ᭄ᬰᬬᬾᬂᬳᬢᬶ᭞ᬢ᭄ᬯᬄᬳᬶᬤᬾᬯ᭞ᬳᬕᬸᬂᬭᬶᬂᬕᬸᬫᬶᬯᬶᬤᬃᬪ᭟ᬲᬓᬾᬯᬮᬚᬚᬭᬳᬦ᭄᭞ᬲᭀᬭᭀᬄᬲᬂᬭᬵᬚᬲᬸᬧᬸᬢ᭄ᬭᬶ᭞ᬧᬸᬦᬶᬓᬳᭀᬜᬂᬧᭂᬲᬸᬯᬂ᭞ᬓᬢᬸᬃᬭᬶᬂ
ᬲᬂᬦᬭᬧᬢᬶ᭞ᬪᬝᬵᬭᬫᬳᬶᬲ᭄ᬧᬢᬶ᭞ᬲᬗᬵᬃᬚ᭄ᬚᬸᬦᬲᬰ᭄ᬭᬩᬳᬸ᭞ᬓᬾᬢᭀᬭᬢᬸᬦᬾᬧᬢ᭄ᬧᬢ᭄᭞ᬦᬕᬶᬳᬂᬚᬭᬳᬦ᭄ᬦᬾᬫᬗ᭄ᬓᬶᬦ᭄᭞ᬤᬵᬲᬂᬧ᭄ᬭᬪᬸ᭞ᬕᭀᬤᬥᬃᬫ᭄ᬫᬢ᭄ᬯᬭᬢᬸᬮᬓ᭄᭟ᬫᬗᬶᬭᬶᬗᬂᬧᬓᬬᬸᬦ
ᬦ᭄᭞ᬲᬂᬧ᭄ᬭᬪᬸᬫᬢᬸᬮᬓ᭄ᬳᬕ᭄ᬮᬶᬲ᭄᭞ᬫᬦ᭄ᬢᬸᬓᬓᬯᬶᬤᬃᬪ᭞ᬫ᭄ᬯᬂᬢᬗᬶᬲᬶᬂᬦᬵᬕᬭᬶ᭞ᬲᬂᬕᭀᬤᬥᬃᬫ᭄ᬫᬫᬗ᭄ᬓᬶᬦ᭄᭞ᬫᬸᬦ᭄ᬤᬸᬳᬂᬚᬭᬳᬦ᭄ᬤᬶᬢᬸ᭞ᬭᬵᬚᬧᬸᬢ᭄ᬭᬶᬢᬢᬶᬕ᭞ᬯᬃᬡ᭄ᬦᬦᬾᬮ᭄ᬯᬶᬃᬲᬂᬳ᭄ᬬᬂᬭᬢᬶᬄ᭞ᬲᬫᬶᬲᬸᬗ᭄ᬲᬸᬢ᭄᭞ᬗᬸᬦ᭄ᬢᬸᬓ᭄ᬫ [ 34 ][᭓᭓ 33B]
᭓᭓
ᬫᬃᬕ᭄ᬕᬶᬲᬶᬦᬫ᭄ᬬᬦ᭄᭟ᬮᬶᬬᬸᬲᬦᬾᬫᬗᬶᬭᬶᬗᬂ᭞ᬧᬫᬃᬕ᭄ᬕᬶᬦ᭄ᬲᬂᬭᬵᬚᬤᬾᬯᬶ᭞ᬦᭀᬭᬓᬯᬃᬡ᭄ᬦᬦᬾᬂᬫᬃᬕ᭄ᬕ᭞ᬭᬯᬸᬄᬭᬶᬂᬫᬕᬥᬤᬾᬰᬶ᭞ᬓᬢᬸᬃᬭᬶᬂᬭᬓ᭄ᬭ᭄ᬬᬦ᭄ᬲᬸᬫᬦ᭄ᬢ᭄ᬭᬶ᭞ᬧᬸᬢ᭄ᬭᬶᬫᬕᬥᬯᬸᬲ᭄ᬫᭂᬢᬸ᭞ᬢᬸᬮ᭄ᬬᬧᬢᬶᬄᬭᬶᬂᬭᬵᬢ᭄᭞ᬓ
ᬳᬶᬭᬶᬂᬩᬦ᭄‌‌ᬯᬶᬤ᭄ᬬᬥᬭᬶ᭞ᬧᬭᬧᬸᬢ᭄ᬭᬶ᭞ᬦᬾᬤᭀᬫᬲ᭄ᬧᬥᬫᬫᭂᬡ᭄ᬥᬓ᭄᭟ᬳᬶᬤᬲᬂᬫᬭᬕᬩᬸᬮᬦ᭄᭞ᬤᬾᬯᬳᬬᬸᬘᬶᬢ᭄ᬭᬯᬢᬶ᭞ᬲᬋᬂᬧᬸᬢ᭄ᬭᬶᬲᬶᬦᬫ᭄ᬬᬦ᭄᭞ᬫᬶᬦᬓᬤᬶᬭᬵᬚᬧᬸᬢ᭄ᬭᬶ᭞ᬲᬓᬶᬂᬳᬯᬗ᭄ᬕᬧᬸᬭᬶ᭞ᬭᬳᬶᬦ᭄ᬧ᭄ᬭᬪᬸ
ᬲᬹᬃᬬ᭄ᬬᬓᬾᬢᬸ᭞ᬤᬾᬯᬳᬬᬸᬲᬹᬃᬬ᭄ᬬᬯᬱ᭄ᬧ᭞ᬤᬾᬯᬶᬘᬦ᭄ᬤ᭄ᬭᬯᬢᬶᬫᬮᬶᬄ᭞ᬭᬳᬶᬦ᭄ᬳᬶᬤ᭞ᬰ᭄ᬭᬶᬳᬚᬶᬘᬦ᭄ᬤ᭄ᬭᬤᬶᬦᬵᬣ᭟ᬳᭂᬦ᭄ᬢᭀᬧᬸᬢ᭄ᬭᬶᬦᬾᬫᬕᬥ᭞ᬲᬯᬂᬩᬶᬦ᭄ᬢᬂᬓᭂᬫ᭄ᬩᬃᬓᬮᬶᬄ᭞ᬍᬂᬍᬂᬧᬥᬲᬶᬂᬗᬦ᭄ᬢᭂᬦᬂ᭞ᬯᬃᬡ᭄ᬦᬦᬾᬤᬳᬢᬶᬂ
ᬭᬯᬶᬢ᭄᭞ᬢᬸᬳᬸᬚᬢ᭄ᬫᬦᬾᬍᬯᬶᬄ᭞ᬲᬂᬲᬸᬫᬦ᭄ᬢ᭄ᬭᬶᬍᬂᬍᬂᬍᬲᬸ᭞ᬜᬶᬗᬓ᭄ᬲᬂᬭᬵᬚᬧᬸᬢ᭄ᬭᬶᬬ᭞ᬯᬮᬸᬬᬫᬯᭂᬢᬸᬳᬖ᭄ᬦᬶ᭞ᬤᬤᬶᬫᬶᬚᬶᬮ᭄᭞ᬫᬦᬄᬤᬸᬱ᭄ᬝᬩᬦ᭄ᬳᬗ᭄ᬓᬭ᭟ᬫᬓᬵᬃᬬ᭄ᬬᬧᬳᬾᬓᬦᬾᬓᬦ᭄᭞ᬳᬦᬗᬶᬭᬶᬫ᭄

[᭓᭔ 34A]
᭓᭔
ᬫᬳᬶᬲ᭄ᬧᬢᬶ᭞ᬪᬝᬵᬭᬦᬵᬣᬅᬃᬚ᭄ᬚᬸᬦ᭞ᬲᭂᬤᭂᬓ᭄ᬳᬶᬤᬦᬾᬓᬢᬗ᭄ᬓᬶᬮ᭄᭞ᬧᭂᬧᭂᬓᬶᬂᬭᬢᬸᬲᬫᬶ᭞ᬫᬫᬋᬓ᭄ᬳᬶᬤᬲᬂᬧ᭄ᬭᬪᬸ᭞ᬪᬝᬵᬭᬲᬰ᭄ᬭᬪᬸᬚ᭞ᬳᬕᬸᬂᬭᬶᬂᬧᬸᬲᭂᬃᬦᬵᬕᬭᬶ᭞ᬓᬂᬯᬶᬦᬸᬯᬸᬲ᭄᭞ᬳᬶᬤᬲᬂᬦᬵᬣᬅᬃᬚ᭄ᬚᬸᬦ᭟ᬲᬕᬾᬢ
ᬦ᭄ᬯᬾᬦ᭄ᬢᭂᬦ᭄ᬧᬸᬢᬸᬲᬦ᭄᭞ᬭᬯᬸᬄᬫᬗᬢᬸᬭᬂᬢᬸᬮᬶᬲ᭄᭞ᬭᬶᬂᬳᬶᬤᬲᬂᬦᬵᬭᬦᬵᬣ᭞ᬪᬝᬵᬭᬭᬶᬂᬫᬳᬶᬲ᭄ᬧᬢᬶ᭞ᬲᬓᬭᬾᬂᬲᬂᬲᬸᬫᬦ᭄ᬢ᭄ᬭᬶ᭞ᬫᬳᬢᬸᬃᬳᬸᬦᬶᬗᬤᬶᬢᬸ᭞ᬭᬶᬂᬳᬶᬤᬲᬂᬦᬭᬾᬦ᭄ᬤ᭄ᬭ᭞ᬓᬯᭀᬦ᭄ᬲᬂᬯᬶᬤᬃᬪᬳᬚᬶ᭞ᬳᬢᬸᬃ
ᬢᬶᬢ᭄ᬬᬂ᭞ᬳᬸᬦᬶᬗᬭᬶᬂᬘᭀᬓᭀᬃᬳᬶᬤᬾᬯ᭟ᬲᬂᬭᬢᬸᬯᬶᬤᬃᬪᬭᬸᬲᬓ᭄᭞ᬲᬂᬰ᭄ᬭᬶᬕᭀᬤᬥᬃᬫ᭄ᬫᬓᬭᬶ᭞ᬦᬸᬗ᭄ᬓᬸᬮ᭄ᬫᬗᬢᬸᬭᬂᬧᬸᬢ᭄ᬭ᭞ᬲᬸᬓᬫᬦᬄᬫᬦᬫ᭄ᬧᬦᬶᬦ᭄᭞ᬲᬶᬤ᭄ᬥᬯᬶᬚᬬᬾᬂᬚᬸᬭᬶᬢ᭄᭞ᬦᬵᬗ᭄ᬳᬶᬂᬲᬧᬸᬦᬶᬓᬭᬢᬸ᭞ᬢᬶ
ᬗ᭄ᬓᬄᬭᬢᬸᬉᬢ᭄ᬢᬫ᭞ᬫᬜᬓ᭄ᬭᬗᭀᬤᬕᬂᬕᬸᬫᬶ᭞ᬫᬗ᭄ᬤᬾᬦᭂᬭᬸᬲ᭄᭞ᬓᬚᬬᬦ᭄ᬘᭀᬓᭀᬃᬳᬶᬤᬾᬯ᭟ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬦᬯᭂᬕᬂ᭞ᬘᭀᬓᭀᬭᬶᬤᬾᬯᬫᬵᬧᬕᬶᬦ᭄᭞ᬲᬂᬭᬵᬚᬧᬸᬢ᭄ᬭᬉᬢ᭄ᬢᬫ᭞ᬓᭂᬦᬶᬫᬧᭂ [ 35 ][᭓᭔ 34B]
᭓᭔
ᬡ᭄ᬥᬓ᭄ᬩᬦ᭄ᬚᬸᬭᬶᬢ᭄᭞ᬢᬶᬢ᭄ᬬᬂᬦ᭄ᬤᬯᭂᬕᬂᬚᬢᬶ᭞ᬩᬦ᭄ᬢᬲ᭄ᬧᬤᭂᬫ᭄ᬚᬢ᭄ᬫᬲᬶᬬᬸ᭞ᬭᬸᬲᬓ᭄ᬭᬣᬢᬢᬶᬕ᭞ᬫᬤᭂᬫ᭄‌‌ᬲᬭᬣᬶᬓᬓᬮᬶᬄ᭞ᬦᬶᬓᬭᬢᬸ᭞ᬘᬶᬭᬶᬦ᭄ᬲᬢ᭄ᬭᬶᬬᬉᬢ᭄ᬢᬫ᭟ᬓᬾᬢᭀᬯᬶᬭᬲᬦᬶᬂᬲᬸᬭᬢ᭄᭞ᬦᬵᬗ᭄ᬳᬶᬂᬫᬘᭂᬓ᭄ᬳᬸᬮᬸᬦ
ᬢᬶ᭞ᬲᬂᬧ᭄ᬭᬪᬸᬐᬳᬬᬓᬸᬮ᭞ᬫᭂᬦᭂᬂᬚᬗ᭄ᬕᭂᬮ᭄ᬫᬫᬘᬳᬶᬦ᭄᭞ᬉᬥᬸᬄᬰᬓ᭄ᬢᬶᬳᬶᬲᬸᬫᬦ᭄ᬢ᭄ᬭᬶ᭞ᬓᬭᬡᬜᬫᭀᬫᭀᬲᬳᬸᬫᬸᬃ᭞ᬓᬩᬗ᭄ᬕᬳᬶᬥᭂᬧ᭄ᬭᬶᬂᬫᬦᬄ᭞ᬤᬤ᭄ᬬᬫᬦᬗ᭄ᬢᬗᬶᬦ᭄ᬚᬸᬭᬶᬢ᭄᭞ᬤᬤᬶᬩᭂᬦ᭄ᬤᬸ᭞ᬰ᭄ᬭᬶᬯᬶᬸᬚᬶᬸᬬᬶᬸᬅᬃᬚ᭄ᬚᬸᬦᬯᬶᬚ
ᬬ᭟ᬫᬗᬸᬲᬧ᭄ᬧ᭄ᬭᬭᬳᬶᬦ᭄ᬳᬶᬤ᭞ᬓ᭄ᬭᭀᬥᬓᬤᬶᬳᬖ᭄ᬦᬶ᭞ᬫᬸᬭᬸᬩ᭄ᬭᬶᬂᬓᬳ᭄ᬬᬸᬦ᭄ᬲᬂᬦᬵᬣ᭞ᬫᬮᬢᬸᬮᬢᬸᬦᬶᬂᬳᬓ᭄ᬱᬶ᭞ᬭᬭᬶᬲ᭄ᬗᬡ᭄ᬥᬶᬓᬫᬗ᭄ᬓᬶᬦ᭄᭞ᬧᬢᬶᬄᬯᬶᬰ᭄ᬯᬪᬚ᭄ᬭᬢᬸᬳᬸ᭞ᬲᬂᬲᬸᬫᬦ᭄ᬢ᭄ᬭᬶᬫᬯᬶᬰᬾᬱ᭞ᬳᭂᬦᬾᬢᬾᬫᬮᬸᬧᬘᬳᬶᬦ᭄᭞
ᬓᬾᬢᭀᬳᬶᬤ᭞ᬲᬗᬧ᭄ᬭᬪᬸᬲᬰ᭄ᬭᬪᬸᬚ᭟ᬦᬾᬫᬗ᭄ᬓᬶᬦ᭄ᬲᬂᬯᬶᬰ᭄ᬯᬪᬚ᭄ᬭ᭞ᬳᬕ᭄ᬮᬶᬲ᭄ᬫᬫᬘᬢᬸᬮᬶᬲ᭄᭞ᬓᬢᬶᬫ᭄ᬩᬮ᭄ᬤᬾᬭᬲᬂᬦᬵᬣ᭞ᬲᬂᬧ᭄ᬭᬪᬸᬲᬶᬗ᭄ᬳᬮᬧᬢᬶ᭞ᬳᬚᬶᬭᬢᬸᬦᬶᬂᬪᬸᬫᬶ᭞ᬰ᭄ᬭᬶᬯᬶᬰ᭄ᬯᬪᬚ᭄ᬭᬫᬳᬢᬸᬃ᭞ᬳᬶᬤᬾᬯᬲᬂᬦᬵ

[᭓᭕ 35A]
᭓᭕
ᬣ᭞ᬪᬝᬵᬭᬭᬶᬂᬫᬳᬶᬲ᭄ᬧᬢᬶ᭞ᬩᬲ᭄ᬓᬤᬸᬭᬸᬲ᭄᭞ᬳᬶᬲᬸᬫᬦ᭄ᬢ᭄ᬭᬶᬗᬗ᭄ᬕᬾᬦ᭄ᬫᬦᬄ᭟ᬓᭂᬜᭂᬫ᭄ᬳᬶᬤᬲᬂᬦᬭᬾᬦ᭄ᬤ᭄ᬭ᭞ᬭᬢᬸᬭᬶᬂᬫᬳᬶᬦ᭄ᬤᬶᬧᬢᬶ᭞ᬤᬤᬶᬫᬮᬶᬄᬫᬗᬡ᭄ᬥᬶᬓ᭞ᬤᬾᬯᬲᬂᬦᬭᬤᬶᬧᬢᬶ᭞ᬲᬓ᭄ᬯᬾᬳᬶᬂᬲᬂᬪᬸᬧᬢᬶ᭞ᬦᬾᬮᬶ
ᬳᬢᬶᬦ᭄ᬘᬳᬶᬤᬶᬢᬸ᭞ᬩ᭄ᬯᬶᬦ᭄ᬢᭀᬧᬤᬶᬗᭂᬳᬂ᭞ᬉᬘᬧᬦ᭄ᬢᬸᬮᬶᬲᬾᬘᬳᬶ᭞ᬓᬾᬢᭀᬳᬶᬤ᭞ᬲᬗᬧ᭄ᬭᬪᬸᬧᬸᬲᭂᬃᬚᬕᬢ᭄᭟ᬤᬵᬲᬂᬧ᭄ᬭᬪᬸᬭᬶᬂᬳᬬᭀᬥ᭄ᬬ᭞ᬫᬳᬢᬸᬃᬢᭂᬓᬾᬦ᭄ᬦᬺᬧᬢᬶ᭞ᬲᬶᬗ᭄ᬕᬶᬄᬭᬢᬸᬲᬂᬦᬭᬾᬦ᭄ᬤ᭄ᬭ᭞ᬤᬳ
ᬢ᭄ᬧᬂᬧᬂᬳᬶᬲᬸᬫᬦ᭄ᬢ᭄ᬭᬶ᭞ᬘᬭ᭄ᬯᬂᬢᬶᬢ᭄ᬬᬂᬲᬫᬶ᭞ᬫᬤᬤᬕᬦ᭄ᬫᬗ᭄ᬤᬾᬧᬸᬧᬸᬢ᭄᭞ᬭᬶᬂᬫᬥ᭄ᬬᬦᬾᬂᬭᬡᬗ᭄ᬕ᭞ᬓᬾᬢᭀᬳᬢᬸᬃᬧᬭᬳᬚᬶ᭞ᬤᬵᬲᬂᬧ᭄ᬭᬪᬸ᭞ᬅᬃᬚ᭄ᬚᬸᬦᬫᬮᬶᬄᬗᬡ᭄ᬥᬶᬓ᭟ᬳᬥᬸᬄᬤᬾᬯᬧᬭᬤᬶᬢ᭄ᬬ᭞ᬤᭂᬧᬂᬓᬸᬤᬳᬶᬭ
ᬳᬸᬕᬶ᭞ᬫᬫᬕᬸᬢ᭄ᬲᬂᬧᬸᬲᬾᬂᬭᬡ᭞ᬲᬶᬂᬜᬲᬶᬤ᭄ᬥᬳᬶᬭᬫᬢᬶ᭞ᬳᭂᬦᬾᬢᬾᬩᬧᬩᭂᬮᬶ᭞ᬳᬶᬬᬳᬶᬲᬸᬫᬦ᭄ᬢ᭄ᬭᬶᬲᬸᬂᬲᬸᬂ᭞ᬩᬯᬸᬤᬤᬶᬮᬾᬦ᭄ᬬᭀᬤ᭄ᬥ᭞ᬳᭂᬤᬧᬶᬲᬦ᭄ᬫᬜᬋᬗᬶᬦ᭄᭞ᬤᭂᬧᬂᬳᬶᬭ᭞ᬳᬫᬕᬸᬢ᭄ᬧᭂᬭᬂᬧᬶᬦᬸ [ 36 ][᭓᭕ 35B]
᭓᭕
ᬗ᭄ᬕᬮ᭄᭟ᬓᬾᬢᭀᬫᬸᬜᬶᬦ᭄ᬜᬦᬕᬶᬳᬂ᭞ᬫᬗ᭄ᬤᬾᬳᬶᬭᬫᬦᬦ᭄ᬤᬶᬗᬶᬦ᭄᭞ᬓᬾᬢᭀᬳᬦ᭄ᬤᬶᬓᬦ᭄ᬲᬂᬦᬵᬣ᭞ᬲᬂᬧᬭᬲᬢ᭄ᬭᬶᬬᬲᬫᬶ᭞ᬫᬓᭂᬚᬂᬲᭂᬫᬸᬢᬗᬶᬲ᭄᭞ᬲᬂᬦᬵᬣᬅᬃᬚ᭄ᬚᬸᬦᬫᬦ᭄ᬢᬸᬓ᭄᭞ᬫᬲᬸᬓ᭄ᬓᬚ᭄ᬭᭀᬧᬸᬭ᭞ᬢᬦ᭄ᬫᬭᬶᬲᬸ
ᬲᬳᬶᬂᬳᬢᬶ᭞ᬢᬦ᭄ᬯᬶᬦᬸᬯᬸᬲ᭄᭞ᬲᬂᬧ᭄ᬭᬪᬸᬓᬤᬸᬃᬫ᭄ᬫᬗ᭄ᬕᬮᬦ᭄᭛᭜᭛ᬧᬸᬧᬸᬄᬤᬸᬃᬫ᭄ᬫ᭛ᬲᬬᬦ᭄ᬤᬸᬓᬲᬗᬃᬚ᭄ᬚᬸᬦᬲᬰ᭄ᬭᬪᬸᬚ᭞ᬮᬶᬮᬮᬶᬮᬢᬦ᭄ᬮᬮᬶ᭞ᬤᬾᬦᬶᬭᬲᬸᬫᬦ᭄ᬢ᭄ᬭᬶᬬ᭞ᬫᬗᬸᬦ᭄ᬧᬦᬲᬾᬂᬘᬶᬢ᭄ᬢ᭞ᬲᬂᬧ᭄ᬭᬪᬸᬭᬶᬂᬫ
ᬳᬶᬲ᭄ᬧᬢᬶ᭞ᬭᬸᬦ᭄ᬢᬶᬓᬾᬂᬢ᭄ᬯᬲ᭄᭞ᬤᬾᬦᬾᬦᬵᬫᬲᬸᬫᬦ᭄ᬢ᭄ᬭᬶ᭟ᬧ᭄ᬭᬫᬗ᭄ᬓᬶᬦ᭄ᬲᬂᬦᬵᬣᬫᬤᬤᬯᬸᬳᬦ᭄᭞ᬭᬶᬂᬧᬭᬭᬢᬸᬲᬫᬶ᭞ᬓᭂᬦᬶᬫᬤᬩ᭄ᬤᬩᬦ᭄᭞ᬲᬺᬕᭂᬧ᭄ᬲᬳᬲᬜ᭄ᬚᬢ᭞ᬕᭀᬂᬢᬫ᭄ᬩᬸᬃᬧᬥᬫᬫᬸᬜᬶ᭞ᬲᬸᬭᬓ᭄‌‌ᬖᬹᬃᬡᬶᬢ᭞
ᬫᬶᬚᬶᬮ᭄ᬲᬂᬦᬭᬧᬢᬶ᭟ᬓᬤᬶᬳᬖ᭄ᬦᬶᬦᬶᬲᬗᬃᬚ᭄ᬚᬸᬦᬲᬰ᭄ᬭᬪᬸᬚ᭞ᬮᬢᬸᬮᬢᬸᬦᬾᬂᬳᬓ᭄ᬱᬶ᭞ᬕᭂᬮᬶᬲ᭄ᬫᬗᬡ᭄ᬥᬶᬓ᭞ᬫᭂᬮᬄᬚᬦᬶᬚᬮᬦᬂ᭞ᬦᬵᬗ᭄ᬳᬶᬂᬧ᭄ᬭᬬᬢ᭄ᬦᬭᬶᬂᬚᬸᬭᬶᬢ᭄᭞ᬫᬸᬲᬸᬄᬯᬶᬰᬾᬱ᭞ᬘᬶᬘᬶᬗᬾᬳᬶᬲᬸᬫᬦ᭄ᬢ᭄ᬭᬶ᭟

[᭓᭖ 36A]
᭓᭖
ᬓᬾᬢᭀᬳᬶᬤᬲᬂᬧ᭄ᬭᬪᬸᬚᬦᬶᬗᬡ᭄ᬥᬶᬓ᭞ᬲᬸᬭᬓ᭄ᬭᬫᬾᬮ᭄ᬯᬶᬃᬧᬲᬶᬄ᭞ᬚᬢ᭄ᬫᬫᬳᬶᬲ᭄ᬧᬢ᭄ᬬ᭞ᬳᬾᬕᬃᬫᬦᬶᬗᭂᬄᬬᬸᬤ᭄ᬥ᭞ᬳᬋᬧᬾᬭᬶᬂᬲᬂᬲᬸᬫᬦ᭄ᬢ᭄ᬭᬶ᭞ᬧᬥᬢᬭᬕ᭄ᬬ᭞ᬲ᭄ᬯᬭᬦ᭄ᬓᬸᬤᬫᬗᭂᬭᬶᬓ᭄᭟ᬲᬂᬧᬭᬧᬸᬢ᭄ᬭᬶᬲᬶᬦᬫ᭄ᬬᬦ᭄ᬧᬥᬓᬕ᭄ᬬ
ᬢ᭄᭞ᬫᬗ᭄ᬯᬗᬸᬦ᭄ᬲᬶᬬᬢ᭄ᬫᬮᬶᬄ᭞ᬳᬋᬧ᭄ᬭᬶᬂᬦᬵᬕᬭ᭞ᬧ᭄ᬭᬪᬸᬲᬳᬰ᭄ᬭᬪᬸᬚ᭞ᬲᬳᬲᬜ᭄ᬚᬢᬫᬗᬦ᭄ᬢᬶ᭞ᬢᭂᬗᬳᬶᬂᬢᭂᬕᬮ᭄᭞ᬳᬸᬢᬸᬲᬦᬾᬫᬯᬮᬶ᭟ᬤᬤᬶᬓᬢᬸᬃᬧ᭄ᬭᬅᬃᬬ᭄ᬬᬲᬸᬫᬦ᭄ᬢ᭄ᬭ᭄ᬬ᭞ᬲᬗᬵᬃᬚ᭄ᬚᬸᬦᬲᬯᬸᬲ᭄ᬫᬶᬚᬶᬮ᭄᭞ᬢᬸᬃᬲᬶᬦᬸᬃᬪᬹᬱ
ᬡ᭞ᬧᬦᬸᬕ᭄ᬭᬳᬦ᭄ᬲᬂᬦᬵᬣ᭞ᬫᬗ᭄ᬤᬤᬦᬾᬲᬂᬲᬸᬫᬦ᭄ᬢ᭄ᬭᬶ᭞ᬫᬕᬸᬢ᭄ᬲᬂᬦᬵᬣ᭞ᬲᬰ᭄ᬭᬩᬳᬸᬭᬶᬂᬚᬸᬭᬶᬢ᭄᭟ᬲᭂᬫᬸᬓᬾᬫᭂᬗᬦ᭄ᬲᬗᬵᬃᬬ᭄ᬬᬲᬸᬫᬦ᭄ᬢ᭄ᬭᬶᬯᬶᬭ᭞ᬦᬃᬓ᭄ᬓᬓᬳ᭄ᬬᬸᬦ᭄‌‌ᬦᬺᬧᬢᬶ᭞ᬓᬮᬶᬯᬢᬶᬂᬭᭀᬤ᭄ᬭ᭞ᬲᬗᬵᬃᬚ᭄ᬚᬸᬦᬯᬶᬚᬬ᭞
ᬬᬾᬦ᭄ᬫᭂᬗ᭄ᬕᬄᬲᬂᬦᬭᬧᬢᬶ᭞ᬫᬗᬸᬤᬳᬶᬤ᭞ᬗᬶᬘ᭄ᬙᬾᬦ᭄ᬪᬹᬱᬡᬮᬸᬯᬶᬄ᭟ᬤᬳᬢ᭄ᬓᬾᬫᭂᬗᬦ᭄ᬲᬂᬲᬸᬫᬦ᭄ᬢ᭄ᬭᬶᬭᬶᬂᬲ᭄ᬯᬘᬶᬢ᭄ᬢ᭞ᬤᬤᬶᬫᬗ᭄ᬯᬦ᭄ᬫᬗ᭄ᬓᬶᬦ᭄᭞ᬲᬗᬵᬃᬬ᭄ᬬᬲᬸᬫᬦ᭄ᬢ᭄ᬭ᭄ᬬ᭞ᬦᬶᬗᭂᬳᬂᬲᬂᬦᬭᬦᬵᬣ᭞ᬅᬃᬚᬸᬦᬫᬕᭂᬮᬃᬫᬶᬚᬶᬮᬶ᭞ᬧᬶᬗ᭄ᬕᬶ [ 37 ][᭓᭖ 36B]
᭓᭖
ᬭᬶᬂᬤᬾᬰ᭞ᬲᬸᬓᬵᬗᬤ᭄ᬯᬓᭂᬦ᭄ᬚᬸᬭᬶᬢ᭄᭟ᬫᬗ᭄ᬭᬂᬲᬸᬓ᭄ᬧᬬᬸᬤ᭄ᬥᬦ᭄ᬲᬂᬯᬶᬭᬤ᭄ᬯᬶᬚ᭞ᬲᬂᬲᬸᬢᬗᬗ᭄ᬕᭀᬲᬸᬫᬦ᭄ᬢ᭄ᬭᬶ᭞ᬲᬺᬕᭂᬧ᭄ᬲᬳᬵᬪᬹᬱᬡ᭞ᬗᬤᭂᬕ᭄ᬗᬤ᭄ᬯᬓᭂᬦ᭄ᬩᬮ᭞ᬫᬧᬚᭂᬂᬓᭂᬫ᭄ᬩᬃᬢᬸᬳ᭄ᬯᬵᬰ᭄ᬭᬶ᭞ᬫᬓᬸᬝᬭᬢ᭄ᬦ᭞ᬫᬢᬫᬢᬭᬢ᭄ᬦᬵᬤᬶ᭟ᬓᬤᬶ
ᬕᬡ᭄ᬥᬃᬯ᭄ᬯᬭᬹᬧᬦᬾᬲᬂᬫᬦ᭄ᬢ᭄ᬭᬶᬯᬶᬭ᭞ᬪᬝᬵᬭᬲ᭄ᬫᬵᬭᬗᬹᬧ᭄ᬢᬶ᭞ᬩᬕᬸᬲ᭄ᬢᬸᬃᬰᬺᬗ᭄ᬕᬯᬶᬸᬭ᭞ᬢᬸᬳᬸᬬᬦ᭄ᬢᬫᬾᬂᬭᬭᬲ᭄᭞ᬫᬗᬤᭂᬕ᭄ᬤᬸᬮᬸᬃᬧᬥᬢᬶ᭞ᬓᬯᬘᬳᭂᬫᬵᬲ᭄᭞ᬲᬶᬦᬫ᭄ᬩᬭᬾᬂᬭᬢ᭄ᬦᬵᬤᬶ᭟ᬲᬸᬭᬓ᭄ᬳᬸᬫ᭄ᬯᬂᬕᬸᬫᭂᬦ᭄ᬢᬃᬮᬯᬦ᭄ᬢᬢᬩᬸ
ᬳᬦ᭄᭞ᬕ᭄ᬭᬶᬓᬾᬂᬓᬸᬤᬫᬶᬗᬶᬤ᭄᭞ᬲᬳᬲᬵᬓᬧᭂᬡ᭄ᬥᬓ᭄᭞ᬳᬶᬓᬂᬩᬮᬳᬬᬸᬤ᭄ᬥ᭞ᬳᬮᬶᬗᬾᬲ᭄ᬮᬶᬗᬾᬲ᭄‌‌ᬲ᭄ᬮᬾᬂᬢᬗ᭄ᬓᬶᬲ᭄᭞ᬫᬯᬂᬧᬶᬦᬳᬂ᭞ᬩᬗᬸᬦ᭄ᬭᬫ᭄ᬬᬦᬶᬂᬚᬸᬭᬶᬢ᭄᭟ᬳᬓᬸᬬᭂᬗᬦ᭄‌‌ᬲ᭄ᬯᬭᬦᬶᬂᬳᬶᬓᬂᬧ᭄ᬭᬂ᭞ᬲᬶᬮᬶᬄᬲᬸᬫ᭄ᬩᬃᬢᬦ᭄ᬳ
ᬚ᭄ᬭᬶᬄ᭞ᬓᬂᬩᬮᬳᬬᬸᬤ᭄ᬥ᭞ᬲᬸᬭᬸᬂᬲᬶᬦᬸᬭᬸᬂᬭᬵᬫ᭄ᬬ᭞ᬓᭀᬘᬧ᭄ᬲᬂᬦᬭᬤᬶᬧᬢᬶ᭞ᬧ᭄ᬭᬪᬸᬅᬃᬚ᭄ᬚᬸᬦ᭞ᬲᬰ᭄ᬭᬩᬳᬸᬫᬚᬸᬭᬶᬢ᭄᭟ᬧᬢᬸᬗ᭄ᬕᬮᬦ᭄ᬧᬥᬫᬗᬋᬧᬶᬦ᭄ᬭᬣ᭞ᬗᬋᬤᭂᬕ᭄ᬓᬤᬶᬳᬗᬶᬦ᭄᭞ᬫᬳᬾᬭᬾᬲᬾᬭᬾᬲᬦ᭄᭞ᬭ

[᭓᭗ 37A]
᭓᭗
ᬣᬦᬾᬫᬳᬸᬤᭂᬭᬦ᭄᭞ᬢᬸᬳᬸᬲᭂᬫᬸᬦᬾᬧ᭄ᬭᬚᬸᬭᬶᬢ᭄᭞ᬧ᭄ᬭᬪᬸᬅᬃᬚ᭄ᬚᬸᬦ᭞ᬲᬂᬲᬹᬃᬬ᭄ᬬᬫᬗᬸᬗ᭄ᬲᬶ᭟ᬲᬂᬲᬸᬫᬦ᭄ᬢ᭄ᬭᬶᬕᭂᬮᬶᬲ᭄‌‌ᬦᬭᬸᬫ᭄ᬧᬓᬂᬭᬣ᭞ᬭᬶᬂᬳᬶᬤᬲᬂᬪᬹᬧᬢᬶ᭞ᬲᬂᬧ᭄ᬭᬪᬸᬅᬃᬚ᭄ᬚᬸᬦ᭞ᬳᬕ᭄ᬮᬶᬲ᭄ᬫᬫᭂᬦ᭄ᬢᬂᬧᬦᬄ᭞ᬲᬂᬲᬸᬫᬦ᭄ᬢ᭄ᬭᬶᬫᬗ᭄ᬭᬶ
ᬳᬶᬦᬶᬦ᭄᭞ᬫᬗ᭄ᬮᬾᬩᬂᬧᬦᬄ᭞ᬰᬭᬲᬫ᭄ᬧᬣᬍᬯᬶᬄ᭟ᬓᭀᬢᬂᬬᬸᬢᬲᬢᬸᬲᬦ᭄ᬬᬫ᭄ᬗᬗ᭄ᬓᬓ᭄᭞ᬭᬶᬂᬳᬫ᭄ᬩᬭᬗᭂᬩᭂᬓᬶᬦ᭄᭞ᬲᬂᬦᬵᬣᬅᬃᬚ᭄ᬚᬸᬦ᭞ᬪᬬᬸᬪᬚ᭄ᬭᬓᬮᬾᬩᬂ᭞ᬓᬲᭀᬃᬧᬦᬄᬲᬂᬲᬸᬫᬦ᭄ᬢ᭄ᬭᬶ᭞ᬕᬮᬂᬫᬮᬶᬮᬂ᭞ᬳᬶᬬ
ᬧᬸᬦᬂᬮᬗᬶᬢ᭄᭟ᬲᬂᬲᬸᬫᬦ᭄ᬢ᭄ᬭᬶᬫᬮᬶᬄᬫᬗᬮᬾᬩᬂᬧᬦᬄ᭞ᬳᬖ᭄ᬦᬶᬬᬱ᭄ᬝ᭄ᬭᬰᬓ᭄ᬢᬶ᭞ᬫᬸᬭᬸᬩ᭄ᬗᬭᬩᬭᬩ᭄᭞ᬓᬤᬶᬲᬸᬫᬾᬭᬸᬫᬸᬦ᭄ᬢᬩ᭄᭞ᬲᬂᬧ᭄ᬭᬪᬸᬅᬃᬚ᭄ᬚᬸᬦᬳᬚᬶ᭞ᬫᬗ᭄ᬮᬾᬩᬂᬧᬦᬄ᭞ᬩ᭄ᬭᬵᬳ᭄ᬫᬵᬳᬲ᭄ᬢ᭄ᬭᬦᬾᬍᬯᬶᬄ᭟ᬤᬤᬶ
ᬓᬮᬄᬓᬰᬓ᭄ᬢᬶᬦ᭄ᬲᬂᬤ᭄ᬯᬶᬚᬯᬭ᭞ᬳᬾᬭᬂᬓᬳ᭄ᬬᬸᬦᬾᬫᬗ᭄ᬓᬶᬦ᭄᭞ᬲᬂᬲᬸᬫᬦ᭄ᬢ᭄ᬭᬶᬩᭂᬘᬢ᭄᭞ᬗᬮᬾᬩᬂᬧᬜ᭄ᬘᬯᬾᬤ᭞ᬤᬸᬫᬶᬮᬄᬫᬢᬾᬚᬳᬧᬶ᭞ᬧ᭄ᬭᬪᬸᬅᬃᬚ᭄ᬚᬸᬦ᭞ᬳᬶᬦ᭄ᬤ᭄ᬭᬘᬧᬓᬫᬸᬱ᭄ᬝᬶ᭟ᬩ᭄ᬯᬶᬦ᭄ᬓᬮᬄᬓᬰᬓ᭄ᬢᬶᬦ᭄ᬳᬶᬧ [ 38 ][᭓᭗ 37B]
᭓᭗
ᬜ᭄ᬘᬯᬾᬤ᭞ᬲᭂᬗᬶᬢ᭄ᬲᬂᬯᬶᬭᬲᬸᬫᬦ᭄ᬢ᭄ᬭᬶ᭞ᬲᭀᬢᬦᬶᬂᬓᬾᬭᬗᬦ᭄᭞ᬮᬢᬸᬮᬢᬸᬦᬾᬂᬳᬸᬮᬢ᭄᭞ᬯᬮᬸᬬᬗ᭄ᬯᬶᬚᬶᬮᬂᬖ᭄ᬦᬶ᭞ᬤᬤᬶᬲᬳᬲ᭞ᬗᬋᬕᭂᬧ᭄ᬲᬂᬲᬸᬫᬦ᭄ᬢ᭄ᬭᬶ᭟ᬓ᭄ᬭᬫᬦᬶᬂᬳᬲ᭄ᬢ᭄ᬭᬤᬸᬫᬶᬮᬄᬳᬕ᭄ᬮᬶᬲ᭄ᬓᬮᬾᬩᬂ᭞ᬧᬸᬧᬸᬢ᭄ᬫᬦ᭄ᬢ᭄ᬭᬦᬾᬍ
ᬯᬶᬄ᭞ᬤᬤᬶᬓ᭄ᬭᬸᬭᬓᬭ᭞ᬧᬸᬗ᭄ᬕᬮᬦᬾᬲᬶᬬᬸᬯᬦ᭄᭞ᬫᬓᭂᬚᬂᬫᬭᬫ᭄ᬩᬸᬢ᭄ᬳᬧᬶ᭞ᬫᬘᬮᬶᬂᬭᬗᬧ᭄᭞ᬧᬲᬮᬶᬯᭂᬭᬾᬂᬮᬗᬶᬢ᭄᭟ᬲᬳᬧᬦᬄᬓᭂᬢᬶᬬᬦ᭄ᬲᬫ᭄ᬧᬸᬦ᭄ᬓᬮᬾᬩᬂ᭞ᬓᬩᬋᬗᬶᬦ᭄ᬩᬦ᭄ᬳᬧᬶ᭞ᬭᬯᬸᬄᬓᬲ᭄ᬯᬃᬕ᭄ᬕᬦ᭄᭞ᬲᬫ᭄ᬩᭂᬦ᭄ᬫ
ᬩᬶᬬᬬᬸᬯᬦ᭄᭞ᬯᬶᬤ᭄ᬬᬥᬭᬯᬶᬤ᭄ᬬᬥᬭᬶ᭞ᬤᬾᬯᬧᬡ᭄ᬥᬶᬢ᭞ᬳᬸᬫᬸᬂᬗᬡ᭄ᬥᬶᬓᬫᬗ᭄ᬓᬶᬦ᭄᭟ᬉᬥᬸᬄᬘᬸᬘᬸᬲᬗᬵᬃᬚ᭄ᬚᬸᬦᬲᬰ᭄ᬭᬪᬸᬚ᭞ᬩᬸᬯᬶᬦ᭄ᬢᭀᬘᬳᬶᬲᬸᬫᬦ᭄ᬢ᭄ᬭᬶ᭞ᬦᬾᬚᬦᬶᬲᬸᬳᬸᬤᬂ᭞ᬘᬳᬶᬫᬯᬶᬭᭀᬤ᭄ᬭ᭞ᬪᬝᬵᬭᬰᬶᬯ
ᬦᬾᬚᬦᬶ᭞ᬤᬳᬢᬶᬂᬤᬸᬓ᭞ᬢᬶᬩᬢᭂᬓᬾᬦᬶᬂᬘᬳᬶ᭟ᬫ᭄ᬮᬄᬍᬲ᭄ᬯᬳ᭄ᬭᬸᬦᬾᬤᬳᬢ᭄ᬯᬶᬰᬾᬱ᭞ᬳᬧᬂᬳᭂᬤᬘᬳᬶᬲᬶᬲᬶᬧ᭄᭞ᬳᬓᬾᬢᭀᬗᬡ᭄ᬥᬶᬓ᭞ᬳᬶᬤᬲᬂᬧᬭᬤᬾᬯᬢ᭞ᬲᬂᬧ᭄ᬭᬪᬸᬮᬯᬦ᭄ᬲᬸᬫᬦ᭄ᬢ᭄ᬭᬶ᭞ᬫᬗ᭄ᬮᭂᬧᬲ᭄ᬧ

[᭓᭘ 38A]
᭓᭘
ᬦᬄ᭞ᬋᬫ᭄ᬋᬫ᭄ᬳᬶᬤᬲᬂᬓᬮᬶᬄ᭟ᬤᬲᬂᬧ᭄ᬭᬪᬸᬓᬭᬶᬗᬤᭂᬕᬾᬂᬲ᭄ᬬᬦ᭄ᬥᬦ᭞ᬫᭂᬦᭂᬂᬋᬗᬸᬢᬦ᭄ᬲᬶᬧᬶ᭞ᬓᬭᬶᬫᭂᬦ᭄ᬢᬂᬧᬦᬄ᭞ᬲᬗᬵᬃᬚ᭄ᬚᬸᬦᬯᬶᬚᬬ᭞ᬢᬦ᭄ᬳᬸᬲᬦ᭄ᬳᬶᬤᬦᬦ᭄ᬤᬶᬗᬶᬦ᭄᭞ᬲᬂᬤ᭄ᬯᬶᬚᬲᬸᬢ᭞ᬳᬶᬤᬯᬭᬲᬸᬫᬦ᭄ᬢ᭄ᬭᬶ᭟ᬥᬳᬢ᭄ᬓᬾᬩᬸᬓᬦ᭄ᬧ
ᬓ᭄ᬧᬦᬾᬧᬘᬂᬗᬮᬳᬂ᭞ᬲᬗᬵᬃᬚ᭄ᬚᬸᬦᬦᬾᬫᬗ᭄ᬓᬶᬦ᭄᭞ᬓᬭᬶᬫᬗᬦ᭄ᬢᭀᬲᬂ᭞ᬢ᭄ᬯᬭᬓᬬᬸᬦ᭄ᬫᬓᬮᬄ᭞ᬤᬤᬶᬲᭂᬗᬶᬢ᭄ᬲᬂᬲᬸᬫᬦ᭄ᬢ᭄ᬭᬶ᭞ᬫᬗ᭄ᬮᬯᬸᬢ᭄ᬧᬶᬲᬦ᭄᭞ᬓᬬᬸᬦᬾᬲᬂᬲᬸᬫᬦ᭄ᬢ᭄ᬭᬶ᭟ᬧᬶᬲᬦ᭄ᬧᬶᬲᬦ᭄ᬚᬬᬓᬚᬬᬭᬶᬂᬭᬡ᭞ᬧᬶᬢ᭄ᬯᬶᬩᬜᬫ
ᬢᬶ᭞ᬧᬸᬭᬸᬱᬦᬶᬂᬭᬡ᭞ᬬᬦ᭄ᬲᬗᬵᬃᬚ᭄ᬚᬸᬦᬧᭂᬚᬄ᭞ᬳᬯᬓᬾᬤᬤᬶᬪᬹᬧᬢᬶ᭞ᬫᬜᬓ᭄ᬭᬚᬕᬢ᭄᭞ᬗᭀᬤᬕ᭄ᬚᬕᬢᬾᬲᬫᬶ᭟ᬓᬾᬢᭀᬓᬳ᭄ᬬᬸᬦ᭄‌‌ᬲᬂᬲᬸᬫᬦ᭄ᬢ᭄ᬭᬶᬢ᭄ᬯᬭᬗᭂᬮᬄᬧᬦᬗ᭄ᬰᬬᬭᬶᬂᬳᬢᬶ᭞ᬫᬗ᭄ᬮᬮᬸᬭᬶᬂᬭᬡ᭞ᬫᬳ᭄ᬬᬸᬦ᭄ᬚᬬ
ᬓᬚᬬ᭞ᬫᬸᬮᬢᭀᬢᭀᬲᬶᬂᬧ᭄ᬭᬚᬸᬭᬶᬢ᭄᭞ᬤᬳᬢ᭄ᬧ᭄ᬭᬯᬶᬭ᭞ᬓᬳ᭄ᬬᬸᬦᬾᬲᬂᬲᬸᬫᬦ᭄ᬢ᭄ᬭᬶ᭟ᬢᭀᬳᬯᬶᬦᬦ᭄ᬲᬳᬲᬫᬗᬸᬬᭂᬂᬘᬓ᭄ᬭ᭞ᬧᬳᬶᬘ᭄ᬙᬦ᭄ᬲᬂᬳ᭄ᬬᬂᬭᬯᬶᬢ᭄᭞ᬘᬓ᭄ᬭᬦᬾᬤᬸᬫᬶᬮᬄ᭞ᬫᬸᬭᬸᬩ᭄ᬲᬯᬂᬕᬸᬭᬶᬦ᭄ᬤ᭞ᬫᬲᬲᭂᬫ᭄ᬩᬃᬧᭂᬲᬸᬳᬧᬶ᭞ [ 39 ][᭓᭘ 38B]
᭓᭘
ᬢ᭄ᬯᬭᬮᬶᬬᬦᬦ᭄᭞ᬩᬯᬸᬦᬾᬲᬂᬪᬹᬧᬢᬶ᭟ᬓᬲᬤ᭄ᬬᬬᬂᬫᬗ᭄ᬤᬾᬦᬾᬓᬲᬶᬤ᭄ᬥᬧᭂᬕᬢ᭄᭞ᬩᬯᬸᬦ᭄ᬲᬗᬵᬃᬚ᭄ᬚᬸᬦᬳᬚᬶ᭞ᬤᬾᬦᬶᬭᬲᬸᬫᬦ᭄ᬢ᭄ᬭ᭄ᬬ᭞ᬮᬯᬦ᭄ᬘᭀᬭᬳᬾᬫᬦᬄ᭞ᬢᬗᭂᬄᬲᬗᬵᬃᬚ᭄ᬚᬸᬦᬫᬗ᭄ᬓᬶᬦ᭄᭞ᬜᭀᬗ᭄ᬓᭀᬓ᭄ᬗᬾᬂᬕ
ᬮᬂ᭞ᬗᭂᬮᬾᬩ᭄ᬘᬓ᭄ᬭᬦᬾᬰᬓ᭄ᬢᬶ᭟ᬤᬤᬶᬓᭂᬦᬭᬣᬓᬦᬦ᭄‌‌ᬦᬭᬦᬵᬣ᭞ᬋᬫᬸᬓ᭄ᬓᬘᬓ᭄ᬭᬫᬗ᭄ᬓᬶᬦ᭄᭞ᬭᬢ᭄ᬦᬦ᭄ᬬᬲᬸᬫᬶᬭᬢ᭄᭞ᬫᬲᬯᬂᬳᬸᬚᬦ᭄ᬫᬵᬲ᭄᭞ᬫᬲᬲᬄᬭᬶᬂᬢᬦᬄᬫᬗ᭄ᬓᬶᬦ᭄᭞ᬤᬤᬶᬩ᭄ᬭᬵᬳ᭄ᬫᬦ᭄ᬢ᭄ᬬ᭞ᬧ᭄ᬭᬪᬸᬅᬃᬚ᭄ᬚᬸᬦᬳᬚᬶ᭟ᬤ
ᬤᬶᬳᬾᬮᬶᬂᬲᬗᬧ᭄ᬭᬪᬸᬲᬵᬰ᭄ᬭᬪᬹᬚ᭞ᬢᬸᬳᬸᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬫᬗᬺᬕᭂᬧᬂᬫᬦ᭄ᬢ᭄ᬭ᭞ᬯᬶᬰᬾᬱᬲᬂᬦᬭᬾᬦ᭄ᬤ᭄ᬭ᭞ᬲᬳᬰ᭄ᬭᬩᬯᬸᬦᬾᬫᬗ᭄ᬓᬶᬦ᭄᭞ᬫᬲᬮᬶᬦ᭄ᬯᬃᬡ᭄ᬦ᭞ᬫᬲᬯᬂᬫᬾᬭᬸᬲᬶᬗ᭄ᬕᬶᬄ᭟ᬓ᭄ᬭᬸᬭᬓᬭᬲᬗᬧ᭄ᬭᬪᬸᬲᬵᬰ᭄ᬭᬪᬸᬚ᭞ᬫᬢᬸ
ᬫ᭄ᬧᬂᬢᬸᬫ᭄ᬧᬂᬫᬗ᭄ᬓᬶᬦ᭄᭞ᬓᬮᬶᬯᬢᬶᬂᬭᭀᬤ᭄ᬭ᭞ᬫᬢᬗᬦ᭄ᬲᬶᬬᬸᬮᬓ᭄ᬱ᭞ᬘᬮᬶᬗᬾᬮᬶᬗ᭄ᬓᭂᬃᬫᬳᬶᬗᬶᬤ᭄᭞ᬫᬲᬯᬂᬲᬹᬃᬬ᭄ᬬ᭞ᬳᬓ᭄ᬧᬶᬦ᭄ᬪᬝᬵᬭᬓᬮᬶᬄ᭟ᬓᬤᬶᬕᬺᬄᬘᬗ᭄ᬓᭂᬫᬾᬲᬂᬦᬭᬦᬵᬣ᭞ᬲᬸᬫᬶᬭᬢ᭄ᬧᭂᬲᬸᬳᬧᬶ᭞ᬯᬮᬸᬬ

[᭓᭙ 39A]
᭓᭙
ᬳᬦ᭄ᬢᬓ᭞ᬫᬲ᭄ᬯᬭᬮᬸᬯᬶᬃᬕᭂᬮᬧ᭄᭞ᬫᬓᭂᬢᭂᬩ᭄ᬲᬂᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬮᬶᬡ᭄ᬥᬸᬧᬸᬦᬂᬭᬵᬢ᭄᭞ᬳᭀᬘᬓ᭄ᬲᬕᬭᬲᬫᬶ᭟ᬤᬶᬲᭂᬥᭂᬓᬾᬲᬗᬵᬃᬚ᭄ᬚᬸᬦᬲᬵᬰ᭄ᬭᬪᬸᬚ᭞ᬫᬘᬯᬂᬫᬾᬭᬸᬫᬹᬃᬢ᭄ᬢᬶ᭞ᬲᬺᬕᭂᬧ᭄ᬓᬂᬲᬜ᭄ᬚᬢ᭞ᬕᬤ᭄ᬥᬘᬓ᭄ᬭᬢᭀᬫᬭ᭞ᬫᬸᬰᬮ
ᬳᬗ᭄ᬓᬸᬲ᭄‌‌ᬳᬸᬫᬶᬚᬶᬮ᭄‌‌᭞ᬥᬸᬧᬢ᭄ᬭᬶᬰᬸᬮ᭞ᬳᭂᬦ᭄ᬢᬸᬕ᭄ᬫᬜᬸᬚᬸᬄᬮᬗᬶᬢ᭄᭟ᬲᬂᬲᬸᬫᬦ᭄ᬢ᭄ᬭᬶᬚᬗᬶᬗᬦ᭄ᬢᭂᬦᬂᬲᬂᬦᬵᬣ᭞ᬭᬢᬸᬭᬶᬂᬫᬳᬶᬲ᭄ᬧᬢᬶ᭞ᬯᬮᬸᬬᬤᬿᬭᬯ᭞ᬲ᭄ᬯᬭᬦᬾᬓ᭄ᬭᬸᬭᬓᬭ᭞ᬲᬂᬲᬸᬫᬦ᭄ᬢ᭄ᬭᬶᬲᬦᬾᬫᬗ᭄ᬓᬶᬦ᭄᭞ᬮᬩᬸᬄᬭᬶᬂᬍᬫᬄ
᭞ᬓᬍᬗᭂᬃᬩᬸᬓᬫᬢᬶ᭟ᬢᬸᬃᬫᬓᬓᭂᬩ᭄ᬤᬶᬘᭀᬓᭀᬃᬲᬂᬦᬭᬦᬵᬣ᭞ᬢ᭄ᬯᬭᬲᬶᬤ᭄ᬥᬤᬸᬫᭂᬮᬶᬂ᭞ᬲᬂᬧ᭄ᬭᬪᬸᬅᬃᬚ᭄ᬚᬸᬦ᭞ᬲᬳᬲᬢᭂᬓᬫᬪᬱᬶᬢ᭞ᬭᬶᬦᬦ᭄ᬢᬾᬧᬸᬦᬂᬲᬸᬫᬦ᭄ᬢ᭄ᬭᬶ᭞ᬤᬤ᭄ᬬᬜᬓᬮᬄ᭞ᬢ᭄ᬯᬭᬵᬤᬫᬗᬸᬦ᭄ᬤᬶᬮᬶ᭟ᬩᬲ᭄ᬓᬮᬶᬯᬢ᭄ᬩᬦ᭄ᬳᬶ
ᬩᬫᬦᬲᬶᬦ᭄ᬫᬦᬄ᭞ᬘᬶᬘᬶᬗᬾᬳᬶᬲᬸᬫᬦ᭄ᬢ᭄ᬭᬶ᭞ᬩᬬᬳᭂᬦ᭄ᬢᬂᬧ᭄ᬓᬯᬄ᭞ᬦᬸᬫᬶᬢᬶᬲ᭄ᬤᬤᬶᬚᬢ᭄ᬫ᭞ᬦᬾᬫᬮᬸᬲᬸᬩᬢᬦ᭄ᬓᬶᬓᬶᬢ᭄᭞ᬩᬶᬲᬗ᭄ᬕᬯᬾᬦᬂ᭞ᬧᬦᬲ᭄ᬤᬶᬳᬸᬮᬸᬦ᭄ᬳᬢᬶ᭟ᬲᬶᬂᬤᬩᬦ᭄ᬳᬶᬩᬸᬓ᭄ᬗᬯᬾᬦᬂᬓᬳᬶᬓ᭄ᬭᬡᬦ᭄᭞ᬩᬸᬯᬶᬦ᭄ᬳᬶᬩᬗᬶ [ 40 ][᭓᭙ 39B]
᭓᭙
ᬫ᭄ᬩᬸᬳᬶᬦ᭄᭞ᬩᬦ᭄ᬳᬖ᭄ᬦᬶᬫᬬ᭞ᬗᭀᬩᭀᬃᬧᭂᬲᬸᬤᬶᬫᬦᬄ᭞ᬩᬲ᭄ᬓᬤᬸᬭᬸᬲ᭄ᬳᬶᬲᬸᬫᬦ᭄ᬢ᭄ᬭᬶ᭞ᬗᬗ᭄ᬕᭀᬤᬶᬫᬦᬄ᭞ᬲᬓᬫᬓᬫᬤᬤᬶ᭟ᬓᬾᬢᭀᬲᬂᬧ᭄ᬭᬪᬸᬐᬳᬬᬭᬵᬚ᭞ᬫᬍᬂᬧᭂᬂᬗᭂᬫ᭄ᬧᭂᬗᬶᬦ᭄ᬓᭀᬧᬶᬂ᭞ᬲᬂᬭᬢᬸᬲᬶᬦᬫ᭄ᬬᬦ᭄
᭞ᬗᬸᬦ᭄ᬢᬸᬓ᭄ᬫᬦᬸᬮᬶᬲ᭄ᬧᬦᬄ᭞ᬩᬸᬓᬢᭀᬂᬤᬤᬶᬗᬶᬯᬲᬶᬦ᭄᭞ᬧ᭄ᬭᬪᬸᬅᬃᬚ᭄ᬚᬸᬦ᭞ᬤᬸᬄᬓᬦᬾᬢᬦ᭄ᬲᬶᬦᬶᬧᬶ᭟ᬲᬂᬲᬸᬫᬦ᭄ᬢ᭄ᬭᬶᬓᬭᬶᬫᬢᬮᬶᬫᬪᬱ᭄ᬝ᭞ᬦᬵᬕᬳᬕᬸᬂᬫᬗ᭄ᬮᬶᬮᬶᬢ᭄᭞ᬩᬸᬗ᭄ᬓᭂᬃᬓᬤᬶᬲᬯᬂ᭞ᬲᬂᬦᬵᬣᬓᬧᬶᬯᭂᬮᬲᬦ᭄
᭞ᬫᬜᬶᬗᬓ᭄ᬭᬓ᭄ᬭ᭄ᬬᬦ᭄ᬲᬸᬫᬦ᭄ᬢ᭄ᬭᬶ᭞ᬫᬮᬶᬄᬗᬡ᭄ᬥᬶᬓ᭞ᬲᬂᬰ᭄ᬭᬶᬫᬳᬵᬫᬹᬃᬢ᭄ᬢᬶ᭟ᬢᭂᬓᬾᬦ᭄ᬳᬶᬤᬲᬗᬧ᭄ᬭᬪᬸᬯᬶᬰ᭄ᬯᬪᬚ᭄ᬭ᭞ᬉᬥᬸᬄᬩᬧᬲᬗᬧᬢᬶᬄ᭞ᬯᭂᬮᬲ᭄ᬓᭀᬫᬦᬶᬭ᭞ᬫᬗᭂᬦᭀᬢ᭄ᬫᬸᬲᬸᬄᬦᬶᬱ᭄ᬝ᭞ᬓᭂᬫᬢᬾᬚᬦᬶᬳᭂᬫ᭄ᬩᬸᬲᬶᬦ᭄
᭞ᬢᬸᬦ᭄ᬤᬾᬦ᭄ᬫᬓᬳᬤ᭄᭞ᬩᬸᬭᭀᬦᬾᬳᬶᬲᬸᬫᬦ᭄ᬢ᭄ᬭᬶ᭟ᬢ᭄ᬯᬶᬳᬶᬮᬂᬤᬸᬄᬓᬦᬾᬲᬂᬦᬭᬦᬵᬣ᭞ᬢᬶᬩᬭᬶᬂᬲᬂᬲᬸᬫᬦ᭄ᬢ᭄ᬭᬶ᭞ᬫᬮᬶᬄᬫᬗᬡ᭄ᬥᬶᬓ᭞ᬲᬶᬭᬵᬃᬚ᭄ᬚᬸᬦᬯᬶᬚᬬ᭞ᬓᭂᬫᬓᬾᬚᬦᬶᬳᭂᬫ᭄ᬩᬸᬲᬶᬦ᭄᭞ᬳᬶᬰᬢ᭄ᬭᬸᬫᬹᬃᬓ᭄ᬓ᭞ᬢᬸᬦ᭄ᬤᬾ

[᭔᭐ 40A]
᭔᭐
ᬦᬂᬬᬫᬕᭂᬤᬶ᭟ᬲᬂᬫᬧᬢᬶᬄᬕᭂᬮᬶᬲ᭄ᬫᬗᭂᬫ᭄ᬩᬸᬲᬶᬦ᭄‌ᬦᬵᬕ᭞ᬭᬶᬂᬳᬯᬓ᭄ᬲᬂᬲᬸᬫᬦ᭄ᬢ᭄ᬭᬶ᭞ᬭᬲᬩᬸᬓᬘᬓ᭄ᬘᬓ᭄᭞ᬢᬸᬮᬗᬾᬯᬬᬄᬯᬬᬄ᭞ᬚᬦᬶᬳᬶᬤᬲᬂᬲᬸᬫᬦ᭄ᬢ᭄ᬭᬶ᭞ᬫᬋᬓ᭄ᬲᬂᬦᬵᬣ᭞ᬦᬯᭂᬕᬂᬦᬸᬦᬲ᭄ᬳᬸᬭᬶᬧ᭄᭟ᬚᬯᬦᬶᬂᬧᭂᬚᬄᬲ
ᬭᬳᬾᬦᬓ᭄ᬧᬓᬬᬸᬦᬦ᭄᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬓᬭᬶ᭞ᬫᬫᭂᬓᬸᬮ᭄ᬩᬸᬓ᭄ᬧᬤ᭞ᬪᬝᬵᬭᬫᬤᭂᬕ᭄ᬭᬶᬂᬚᬕᬢ᭄᭞ᬓᬾᬢᭀᬳᬢᬸᬃᬭᬓ᭄ᬭ᭄ᬬᬦ᭄ᬲᬸᬫᬦ᭄ᬢ᭄ᬭᬶ᭞ᬦᬯᭂᬕᬂᬧᬶᬲᬦ᭄᭞ᬲᬶᬦᬫ᭄ᬧᬸᬭᬵᬕᬸᬂᬳᬸᬕᬶ᭟ᬲᬳᬲᭂᬫ᭄ᬩᬄᬢᬦ᭄ᬫᬭᬶᬫᬫᭂᬓᬸᬮ᭄ᬧ
ᬤ᭞ᬰ᭄ᬭᬶᬅᬃᬚ᭄ᬚᬸᬦᬳᬚᬶ᭞ᬤ᭄ᬭᬶᬓᬧᬶᬯᭂᬮᬲᬦ᭄᭞ᬭᬶᬂᬳᬶᬤᬤ᭄ᬯᬶᬚᬧᬸᬢ᭄ᬭ᭞ᬲᬂᬧ᭄ᬭᬪᬸᬗᬡ᭄ᬥᬶᬓᬫᬮᬶᬄ᭞ᬫᬤᬸᬮᬸᬃᬲ᭄ᬫᬶᬢ᭞ᬳᬥᬸᬄᬘᬳᬶᬲᬸᬫᬦ᭄ᬢ᭄ᬭᬶ᭟ᬳᭂᬦ᭄ᬢᭀᬳᬤᬢᬫᬦ᭄ᬩᭂᬮᬶᬚ᭄ᬭᭀᬦᬶᬂᬳᬮᬲ᭄᭞ᬧᬸᬦᬶᬓᬳᬩᬫᬳᬶ᭞ᬳᬧᬗ
ᬓᬲᬶᬤ᭄ᬥᬦ᭄᭞ᬢᭂᬓᬭᬶᬂᬚ᭄ᬭᭀᬓᬸᬝ᭞ᬢᭂᬓᬾᬂᬕᬸᬦᬸᬂᬜᬦᬾᬲᬫᬶ᭞ᬢᬸᬢᬶᬂᬢᬮᬕ᭞ᬭᬯᬶᬂᬧᬜ᭄ᬘᭀᬭᬦ᭄ᬳᬸᬕᬶ᭟ᬬᬦ᭄ᬢᬦ᭄ᬲᬶᬤ᭄ᬥᬳᭂᬤᬚᬩᬸᬯᬶᬦ᭄ᬫᬢᬸᬮᬓ᭄᭞ᬫᬳᬶᬭᬶᬂᬫᬳᬶᬲ᭄ᬧᬢᬶ᭞ᬓᬾᬢᭀᬲᬂᬦᬭᬾᬦ᭄ᬤ᭄ᬭ᭞ᬲᬯᬸᬄᬭᬶᬂᬧ [ 41 ][᭔᭐ 40B]
᭔᭐
ᬗᬡ᭄ᬥᬶᬓ᭞ᬲᬂᬲᬸᬫᬦ᭄ᬢ᭄ᬭᬶᬲᭂᬫ᭄ᬩᬄᬗᬶᬭᬶᬂ᭞ᬦᭀᬭᬯᬃᬡ᭄ᬦᬳᬵ᭞ᬲᬓᬫᬃᬕ᭄ᬕᬫᬦᬗᬶᬲ᭄᭟ᬜᭂᬮ᭄ᬲᭂᬮ᭄ᬭᬕᬩᬬᬳᬶᬬᬘᬶᬢ᭄ᬭᬪᬝᬵᬭ᭞ᬳᬯᬦᬦ᭄ᬩᬜᬫᬗ᭄ᬕᬶᬄ᭞ᬲᬶᬲᬶᬧ᭄ᬢᬦ᭄ᬲᬧᬶᬭ᭞ᬲᬸᬯᬾᬦᬾᬧᬶᬢᬸᬂᬤᬶᬦ᭞ᬲᬂᬤ᭄ᬯᬶᬚᬧᬸᬢ᭄ᬭᬫᬫᬃᬕ᭄ᬕᬶ᭞ᬭ
ᬯᬸᬄᬭᬶᬂᬯᬦ᭞ᬕᬸᬦᬸᬂᬕᭂᬤᬾᬓᬧᬗ᭄ᬕᬶᬄ᭟ᬢᬢᬫᬦᬦ᭄ᬤᬶᬲᬸᬓᬸᬦ᭄ᬕᬸᬦᬸᬗᬾᬓᬚ᭞ᬲᬵᬕᬭᬦᬶᬗ᭄ᬕᬃᬍᬯᬶᬄ᭞ᬗᬸᬗᬂᬫᬗᬫ᭄ᬩᬭ᭞ᬓᬓᬬᭀᬦ᭄ᬫᬤᭀᬦ᭄ᬲᬸᬢ᭄ᬭ᭞ᬫᬲᬭᬶᬫᬶᬭᬄ᭞ᬓᬳᬸᬧᬢᬭᬸᬍᬯᬶᬄ᭟ᬫᬾᬭᬸᬳᭂᬫᬵᬲ᭄ᬗᬬᭀᬃᬤᬸᬳᬸᬃᬢ
ᬮᬕ᭞ᬕᭂᬮᬸᬂᬓᭀᬭᬶᬜᬍᬯᬶᬄ᭞ᬫᬸᬭᬸᬩ᭄‌ᬲᬯᬂᬲᬹᬃᬬ᭄ᬬ᭞ᬤᬶᬢᭂᬗᬄᬩᬮᬾᬫᬲ᭄᭞ᬫᬗᬗ᭄ᬕᭀᬲᬃᬯ᭄ᬯᬦᬶᬂᬍᬯᬶᬄ᭞ᬫᬧᬶᬡ᭄ᬥᬕᬚᬄ᭞ᬧᬜ᭄ᬘᭀᬭᬦ᭄ᬜᬦᬾᬫᬗ᭄ᬭᬯᬶᬢ᭄᭟ᬢᬮᬕᬦᬾᬫᬲᬯᬂᬓᬤᬶᬲᬕᬭ᭞ᬮᬶᬗ᭄ᬕᬭᬾᬢᬦ᭄ᬲᬶ
ᬦᬶᬧᬶ᭞ᬯᬮᬸᬬᬲ᭄ᬯᬃᬕ᭄ᬕᬦ᭄᭞ᬦᬸᬭᬸᬦ᭄ᬭᬶᬂᬫᬺᬘᬧᬤᬵ᭞ᬮᬸᬳᬸᬗᬦᬾᬢ᭄ᬯᬭᬦᬡ᭄ᬥᬶᬗᬶᬦ᭄᭞ᬧᬗᬯᬶᬢ᭄ᬮᬯᬂᬘᬫᬵᬭᬓᭂᬫ᭄ᬩᬃᬓᬮᬶᬄ᭟ᬢᭀᬕᭀᬕ᭄ᬜᬦᬾᬫᬳᬶᬤᭂᬃᬧᬶᬗ᭄ᬕᬶᬃᬢᬮᬕ᭞ᬳᬗᭀᬩ᭄‌ᬯᬶᬭᬲᬸᬫᬦ᭄ᬢ᭄ᬭᬶ᭞ᬩᭂᬗᭀᬂᬓ

[᭔᭑ 41A]
᭔᭑
ᬧᭂᬦᭂᬢᬦ᭄᭞ᬫᬗ᭄ᬭᬲᬭᬲᬭᬶᬂᬫᬦᬄ᭞ᬓᬾᬦ᭄ᬓᬾᬦ᭄ᬩᬦ᭄ᬫᬤᬬᬚᬦᬶ᭞ᬭᬲᬢᭀᬂᬲᬶᬤ᭄ᬥ᭞ᬢᬸᬮᬓ᭄ᬭᬶᬂᬫᬳᬶᬲ᭄ᬧᬢᬶ᭟ᬤᬳᬢ᭄ᬲᭂᬤᬶᬄᬲᬂᬲᬸᬫᬦ᭄ᬢ᭄ᬭᬶᬚ᭄ᬭᭀᬦᬶᬂᬢᬫᬦ᭄᭞ᬲᬸᬯᬾᬳᬶᬤᬗ᭄ᬭᬶᬂᬓᬶᬂ᭞ᬯᬾᬦ᭄ᬢᭂᬦ᭄ᬧᬶᬢᬸᬂᬩᬸᬮᬦ᭄᭞ᬫᬗ᭄ᬭᬲᬦᬶᬦ᭄ᬤᬶᬭᬸᬲ
ᬓ᭄᭞ᬢᭀᬳᬯᬶᬦᬦ᭄ᬤᬦᬾᬲᭂᬤᬶᬄ᭞ᬤᬤ᭄ᬬᬯᬾᬦ᭄ᬢᭂᬦ᭄᭞ᬲᬫᭂᬢᭀᬦ᭄ᬲᬂᬲᬸᬫᬦ᭄ᬢ᭄ᬭᬶ᭟ᬓᬢᬸᬕᭂᬦᬳᬂᬦᬵᬗ᭄ᬳᬶᬂᬫᬭᬹᬧᬭᬵᬓ᭄ᬱᬲ᭞ᬲᭀᬓᬰ᭄ᬭᬡᬤᬤᬶ᭞ᬰᬓ᭄ᬢᬶᬫᬯᬶᬰᬾᬱ᭞ᬤᬤᬶᬫᬲᬮᬶᬦ᭄ᬕᭀᬩ᭞ᬲᬂᬲᬸᬓᬰ᭄ᬭᬡᬤᬤᬶ᭞ᬭᬯᬸᬄ
ᬳᬚᬳᬦ᭄᭞ᬗᬮᬶᬄᬭᬓ᭄ᬭ᭄ᬬᬦ᭄ᬲᬸᬫᬦ᭄ᬢ᭄ᬭᬶ᭛᭜᭛ᬧᬸᬧᬸᬄᬧᬗ᭄ᬓᬸᬃ᭛ᬲᬂᬲᭀᬓᬰ᭄ᬭᬡᬢᭂᬓ᭞ᬫᬳᬶᬤᭂᬭᬦ᭄ᬤᬶᬚᭂᬭᭀᬦᬶᬂᬯᬦᬕᬶᬭᬶ᭞ᬫᬲᬶᬄᬢᬲᬶᬤᬓᬢᭂᬧᬸᬓ᭄᭞ᬢ᭄ᬯᬦ᭄ᬲᬸᬫᬦ᭄ᬢ᭄ᬭᬶᬯᬶᬭ᭞ᬲᬂᬭᬓ᭄ᬱᬲᬫᬗ᭄ᬕᬕᬡ
ᬭᬶᬂᬳᬫ᭄ᬩᬸᬩᬸ᭞ᬗᬸᬗ᭄ᬓᬸᬮᬶᬦ᭄ᬢᬫᬦ᭄ᬥᬃᬫᬤ᭞ᬤᬤᬶᬓᬦ᭄ᬢᭂᬦ᭄ᬲᬂᬲᬸᬫᬦ᭄ᬢ᭄ᬭᬶ᭟ᬲᬂᬭᬓ᭄ᬱᬲᬫᬦᬸᬳᬸᬦᬂ᭞ᬲᬂᬲᬸᬫᬦ᭄ᬢ᭄ᬭᬶᬭᬭᬶᬲ᭄ᬦᬫ᭄ᬧᭂᬓᬂᬦᬗᬶᬲ᭄᭞ᬭᬭᬶᬲ᭄ᬫᬗᬡ᭄ᬥᬶᬓᬳᬭᬸᬫ᭄᭞ᬩᭂᬮᬶᬲᬸᬓᬰᬭᬡ᭞ᬓᬤᬳᬢᬦ᭄ᬮᬘᬸᬃᬳᬶᬯᬗᬾᬓᬤᬸᬭᬸ [ 42 ][᭔᭑ 41B]
᭔᭑
ᬲ᭄᭞ᬓᬧᭀᬗᭀᬃᬤᬾᬭᬲᬂᬦᬵᬣ᭞ᬪᬝᬵᬭᬭᬶᬂᬫᬳᬶᬲ᭄ᬧᬢᬶ᭟ᬚᬦᬶᬩᭂᬮᬶᬢ᭄ᬯᬭᬮᬾᬦᬦ᭄᭞ᬦᬸᬮᬸᬂᬢᬶᬢ᭄ᬬᬂᬫᬗ᭄ᬤᬾᬦᬾᬢᬶᬢ᭄ᬬᬂᬩᬸᬯᬶᬦ᭄᭞ᬢᬸᬮᬓ᭄ᬓᬦᬵᬕᬭᬫᭂᬗ᭄ᬓᬸ᭞ᬳᬾᬦᬓ᭄ᬲᬂᬦᬭᬾᬰ᭄ᬯᬭ᭞ᬫᬗ᭄ᬤᬾᬲᬶᬤ᭄ᬥᬢᬸᬮᬓ᭄ᬓᬦᬵᬕᬭᬜᬸᬚᬸᬃ
᭞ᬓᬾᬦ᭄ᬓᬾᬦ᭄ᬩᬦ᭄ᬩᭂᬮᬶᬫᬤᬬ᭞ᬫᬗ᭄ᬤᬾᬦᬾᬲᬶᬤ᭄ᬥᬫᬫᬃᬕᬶ᭟ᬕᬸᬦᬸᬂᬭᬯᬸᬳᬶᬂᬢᬮᬕ᭞ᬓᬾᬯᭂᬄᬧᬶᬲᬦ᭄ᬢᬶᬢ᭄ᬬᬂᬲᬓᬤᬶᬫᬗ᭄ᬓᬶᬦ᭄᭞ᬲᬂᬲᬸᬓᬰ᭄ᬭᬡᬫᬲᬳᬸᬃ᭞ᬳᬤᬶᬲᬫ᭄ᬧᬸᬦ᭄ᬲᬗ᭄ᬰᬬ᭞ᬚᬦᬶᬩᭂᬮᬶᬫᬜᬶᬤ᭄ᬥᬬᬂᬫᬗ᭄ᬤᬾᬧᬸᬧᬸᬢ᭄᭞ᬗ
ᬩᬸᬢ᭄ᬕᬸᬦᬸᬗᬾᬓᭀᬘᬧ᭄᭞ᬫᬗ᭄ᬤᬾᬜᬶᬤ᭄ᬥᬬᬂᬫᬫᬃᬕᬶ᭟ᬓᭂᬫᬳᬤᬶᬚᬦᬶᬫᬸᬗ᭄ᬕᬄ᭞ᬭᬶᬂᬧᬃᬯ᭄ᬯᬢᬩᭂᬮᬶᬫᬗᬩᬸᬢ᭄ᬚᬦᬶ᭞ᬓᬾᬢᭀᬲᬶᬭᬓ᭄ᬱᬲᬫᬸᬗ᭄ᬕᬄ᭞ᬫᭂᬭᬾᬄᬗᬋᬧᬶᬦ᭄ᬢᬦᬄ᭞ᬢᬸᬃᬓᬳᬸᬧᬶᬦ᭄ᬲᬸᬓᬸᬦ᭄ᬕᬸᬦᬸᬗᬾᬗᬭᬶᬬᬸᬂ᭞
ᬩᭀᬮᭀᬂᬭᬶᬂᬲᬧ᭄ᬢᬧᬢᬮ᭞ᬕᭂᬮᬶᬲ᭄ᬓᬲᬸᬳᬸᬦ᭄ᬧ᭄ᬭᬫᬗ᭄ᬓᬶᬦ᭄᭟ᬫᬫᬃᬕ᭄ᬕᬶᬗᬚᬓᬗᬶᬦᬂ᭞ᬢᭂᬓᬗᭀᬚᭀᬕ᭄ᬦᬵᬕᬭᬫᬳᬶᬲ᭄ᬧᬢᬶ᭞ᬢᬗ᭄ᬓᭂᬚᬸᬢ᭄ᬚᬢ᭄ᬫᬦᬾᬮᬶᬬᬸ᭞ᬗᭂᬦᭀᬢ᭄ᬕᬸᬦᬸᬂᬫᬚᬮᬦ᭄᭞ᬤᬤᬶᬕᬾᬕᬾᬃᬯᭀᬂᬦᬵᬕ

[᭔᭒ 42A]
᭔᭒
ᬭᬦᬾᬳᬸᬫᬸᬂ᭞ᬯᬾᬦ᭄ᬢᭂᬦ᭄ᬫᬢᬸᬃᬭᬶᬂᬲᬂᬦᬵᬣ᭞ᬧ᭄ᬭᬪᬸᬓᬤ᭄ᬬᬲ᭄ᬫᬭᬫᬹᬃᬢ᭄ᬢᬶ᭟ᬕᬸᬦᬸᬗᬾᬗᭀᬚᭀᬕ᭄‌ᬦᬵᬕᬭ᭞ᬤᬤᬶᬳᬾᬕᬃᬲᬂᬰ᭄ᬭᬶᬅᬃᬚ᭄ᬚᬸᬦᬳᬚᬶ᭞ᬕᬭᬯᬮᬦ᭄ᬳᬶᬤᬫᭂᬢᬸ᭞ᬧᬶᬦᬋᬓᬾᬂᬧᬗᬲ᭄ᬢ᭄ᬭᬶᬬᬦ᭄᭞ᬤᬳᬢ᭄ᬲᭂᬲᭂᬓ᭄ᬧᬭᬳ
ᬕᬸᬗᬾᬫᬮᬸᬗ᭄ᬕᬸᬄ᭞ᬲᬂᬧ᭄ᬭᬪᬸᬯᬶᬰ᭄ᬯᬪᬚ᭄ᬭ᭞ᬭᬢᬸᬦᬶᬂᬓᬮᬶᬗ᭄ᬕᬳᬚᬶ᭟ᬫᬓᬤᬶᬲᬂᬧ᭄ᬭᬪᬸᬓᭂᬫ᭄ᬩᬃ᭞ᬦᭀᬭᬮᬶᬬᬦ᭄ᬲᬂᬰ᭄ᬭᬶᬳᬯᬗ᭄ᬕᬧᬢᬶ᭞ᬳᬶᬤᬧ᭄ᬭᬪᬸᬲᬹᬃᬬ᭄ᬬᬓᬾᬢᬸ᭞ᬘᬦ᭄ᬤ᭄ᬭᬓᬾᬢᬸᬫᬓᬤᬶᬜ᭞ᬧᬥᬲᭂᬲᭂᬓ᭄ᬭᬶᬂᬩᬜ᭄ᬘᬶᬗᬄᬤ
ᬦᬾᬮᬸᬗ᭄ᬕᬸᬄ᭞ᬮ᭄ᬯᬶᬃᬯᬢᭂᬓ᭄ᬤᬾᬯᬣ᭞ᬫᬋᬓ᭄ᬲᬂᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭟ᬦᭀᬭᬯᬃᬡ᭄ᬦᬳᬧᬸᬦᬶᬓ᭞ᬓᬘᬭᬶᬢᬳᬶᬤᬯᬭᬲᬸᬫᬦ᭄ᬢ᭄ᬭᬶ᭞ᬫᬭᬵᬃᬬ᭄ᬬᬦ᭄ᬭᬶᬂᬢᬭᬸᬳᬸᬗᬸ᭞ᬲᬋᬂᬲᬂᬲᬸᬓᬰ᭄ᬭᬡ᭞ᬤ᭄ᬮᭀᬤ᭄‌ᬦᬵᬕᬭᬦᬾᬕᬸᬦᬸᬗᬾᬫᬜ᭄ᬚᬓᬸᬃ᭞
ᬢᬮᬕᬮᬾᬦ᭄ᬧᬜ᭄ᬘᭀᬭᬦ᭄᭞ᬲᬸᬫᬶᬗ᭄ᬓᬶᬦ᭄ᬫᬳᬶᬫ᭄ᬩᬸᬄᬩᭂᬘᬶᬓ᭄᭟ᬲᬂᬲᬸᬓᬰ᭄ᬭᬡᬗᬸᬘᬧ᭄᭞ᬳᬥᬹᬄᬳᬤᬶᬳᬢᭂᬳᬂᬩᭂᬮᬶᬚᬦᬶ᭞ᬫᬃᬕ᭄ᬕᬶᬓᬩᬜ᭄ᬘᬶᬗᬄᬫᬶᬮᬸ᭞ᬫᬫᬋᬓ᭄ᬲᬂᬦᬭᬾᬦ᭄ᬤ᭄ᬭ᭞ᬫᬗ᭄ᬤᬾᬩᭂᬮᬶᬢᬳᬸᬢᭂᬓᬾᬦ᭄ᬤ [ 43 ][᭔᭒ 42B]
᭔᭒
ᬲᬂᬧ᭄ᬭᬪᬸ᭞ᬓᬾᬢᭀᬫᬸᬜᬶᬜᬦᬸᬕᭂᬲᬂ᭞ᬯᬃᬡ᭄ᬦᬦᬶᬸᬦ᭄‌ᬲᬗᬵᬃᬚ᭄ᬚᬸᬦᬳᬚᬶ᭟ᬲᬂᬲᬸᬫᬦ᭄ᬢ᭄ᬭᬶᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬳᬥᬸᬄᬩᭂᬮᬶᬦᭀᬗᭀᬲ᭄ᬤᬫᬶᬮᬸᬚᬦᬶ᭞ᬤᭂᬧᬂᬢᬶᬢ᭄ᬬᬂᬦᬸᬗ᭄ᬕᬮ᭄ᬤᬸᬫᬸᬦ᭄᭞ᬫᬫᬋᬓ᭄ᬲᬂᬦᬭᬾᬦ᭄ᬤ᭄ᬭ᭞ᬮᬫᬸᬦ᭄ᬳᬤᬧᬳᬶᬘ᭄ᬙᬦ᭄ᬳᬶᬤ
ᬲᬂᬧ᭄ᬭᬪᬸ᭞ᬩᭀᬬᬯᬾᬦ᭄ᬢᭂᬦ᭄‌ᬯᬗ᭄ᬲᬶᬢ᭄ᬢᬶᬢ᭄ᬬᬂ᭞ᬓᬾᬢᭀᬫᬸᬜᬶᬦ᭄ᬲᬂᬲᬸᬫᬦ᭄ᬢ᭄ᬭᬶ᭟ᬲᬂᬲᬸᬓᬰ᭄ᬭᬡᬦᬶᬫ᭄ᬩᬮ᭄᭞ᬳᬥᬸᬄᬳᬤᬶᬳᬚᬓ᭄ᬚᬓᬸᬤᬩᭂᬮᬶ᭞ᬫᭂᬍᬤ᭄ᬧᬶᬲᬦ᭄ᬩᭂᬮᬶᬢᬳᬸ᭞ᬭᬶᬂᬯᬃᬡ᭄ᬦᬦᬾᬲᬂᬦᬵᬣ᭞ᬲᭂᬋᬂᬧᬶᬲᬦ᭄ᬲᬂᬲᬸᬓᬰ᭄ᬭᬡᬦᬸᬢᬸᬕ᭄᭞
ᬲ᭄ᬯᬾᬧᬲᬶᬮᬶᬄᬯᬜ᭄ᬘᬦ᭞ᬤᬤᬶᬤᬹᬃᬫᬗ᭄ᬕᬮᬧ᭄ᬭᬵᬧ᭄ᬢᬶ᭛᭜᭛ᬧᬸᬧᬸᬄᬤᬹᬃᬫ᭄ᬫ᭛ᬤᬤᬶᬩ᭄ᬭᬳ᭄ᬫᬵᬦ᭄ᬢ᭄ᬬᬲᬂᬲᬸᬫᬦ᭄ᬢ᭄ᬭᬶᬫᬫᬶᬋᬗᬂ᭞ᬫᬸᬜᬶᬦ᭄ᬲᬂᬭᬵᬓ᭄ᬱᬲᬜᬶᬜᬶᬕ᭄᭞ᬫᬩᬂᬭᬶᬂᬯᬥᬦ᭞ᬫᬳᬸᬢᬶᬓ᭄ᬱ᭄ᬡᬦᬶᬂᬳᬸ
ᬮᬢ᭄᭞ᬫᬸᬭᬸᬘᬸᬓ᭄ᬋᬗᬸᬓᬂᬳᬮᬶᬲ᭄᭞ᬤᬳᬢᬶᬂᬓ᭄ᬭᭀᬥ᭞ᬲᬂᬩ᭄ᬭᬵᬳ᭄ᬫᬡᬧᬸᬢ᭄ᬭᬫᬗ᭄ᬓᬶᬦ᭄᭟ᬭᬭᬶᬲ᭄ᬫᬓᭂᬘᭀᬲ᭄ᬲᬂᬲᬸᬫᬦ᭄ᬢ᭄ᬭᬶᬗᬫ᭄ᬩᬶᬮ᭄ᬘᬓ᭄ᬭ᭞ᬲᬳᬲᬜᬩᬢ᭄ᬫᬗ᭄ᬓᬶᬦ᭄᭞ᬲᬂᬲᭀᬓᬰᬭᬡ᭞ᬫᬕᭂᬩ᭄ᬬᬸᬕ᭄ᬓᭂᬦᬘᬓ᭄ᬭ᭞

[᭔᭓ 43A]
᭔᭓
ᬢᬗ᭄ᬓᬳᬾᬲᬶᬩᬓ᭄ᬓᬢᬫ᭄ᬧ᭄ᬮᬶᬕ᭄᭞ᬕᭂᬢᬶᬳᬾᬫᬸᬜ᭄ᬘ᭄ᬭᬢ᭄᭞ᬲᬶᬤ᭄ᬥᬗᭂᬫᬵᬲᬶᬦ᭄ᬧᬢᬶ᭟ᬤᬤᬶᬳᬶᬤᬸᬧ᭄ᬓᬢᬸᬯᭀᬦ᭄ᬢᬦ᭄ᬩᬶᬲᬭᬸᬲᬓ᭄᭞ᬫᬦᬸᬗ᭄ᬓ᭄ᬭᬸᬓ᭄ᬩᬗᬸᬦ᭄ᬫᬮᬶᬄ᭞ᬗ᭄ᬭᬓ᭄ᬳᬶᬬᬫᬗᬓᬓ᭄᭞ᬦᬸᬤᬶᬂᬲᬂᬅᬖ᭄ᬦᬶᬧᬸᬢ᭄ᬭ᭞ᬥᬹᬄᬤᬳᬢ᭄ᬤᬸᬱ᭄ᬝᬲᬸᬫᬦ᭄ᬢ᭄ᬭᬶ᭞
ᬪᬗ᭄ᬕᬓᬸᬳᬓ᭞ᬘᭀᬭᬳᬾᬢᬦ᭄ᬲᬶᬦᬶᬧᬶ᭟ᬜᬦ᭄ᬤᬂᬳᬶᬩᬲᬶᬲᬶᬧ᭄ᬢᭂᬓᬾᬦᬶᬂᬲᬂᬦᬵᬣ᭞ᬭᬸᬲᬸᬳᬾᬢᬦ᭄ᬲᬶᬦᬶᬧᬶ᭞ᬯᬲ᭄ᬢᬸᬳᬶᬩᬭᬸᬲᬓ᭄᭞ᬓᬚᬬᬢᭂᬗᬳᬶᬂᬭᬡ᭞ᬤᬾᬦᬶᬂᬲᬂᬭᬯᬡᬚᬢᬶ᭞ᬳᬧᬂᬫᬧᬸᬗ᭄ᬕᬮ᭄᭞ᬳᬶᬩᬢᭂᬗᬳᬶᬂᬚᬸᬭᬶ
ᬢ᭄᭟ᬳᬫ᭄ᬩᬸᬮ᭄ᬢᭀᬧᬫᬲ᭄ᬢᬸᬲᬂᬲᬸᬓᬰ᭄ᬭᬡ᭞ᬫᬍᬘᬢ᭄ᬳᬶᬮᬂᬫᬮᬶᬄ᭞ᬦᭀᬭᬧᬓᬦ᭄ᬢᭂᬦᬦ᭄᭞ᬲᬶᬭᬲᬸᬓᬰ᭄ᬭᬡ᭞ᬢᬸᬘᬧᬯᬭᬲᬸᬫᬦ᭄ᬢ᭄ᬭᬶ᭞ᬫᭂᬤᭂᬓ᭄ᬲᬂᬦᬵᬣ᭞ᬭᬢᬸᬭᬶᬂᬧᬸᬲᭂᬃᬪᬸᬫᬶ᭟ᬫᬗᬢᬸᬭᬂᬕᬸᬦᬸᬗᬾᬦᬧᬓ᭄ᬭᬶᬂᬤᬾᬰ᭞ᬤᭂᬮᭀ
ᬤ᭄‌‌ᬧᬸᬭᬶᬦᬾᬫᬗ᭄ᬓᬶᬦ᭄᭞ᬓᬾᬢᭀᬧᬶᬤᬃᬣᬬᬂ᭞ᬢᭂᬤᬸᬦ᭄ᬲᬂᬦᬭᬦᬵᬣ᭞ᬫᬗᭂᬮᬸᬢ᭄‌‌ᬯᬭᬲᬸᬫᬦ᭄ᬢ᭄ᬭᬶ᭞ᬤᬳᬢ᭄ᬯᬶᬰᬾᬱ᭞ᬳᬶᬤᬲᬂᬯᬶᬰᬮᬖ᭄ᬦᬶ᭟ᬚᬦᬶᬳᬤᬶᬚᬸᬫᭂᬦᭂᬂᬫᬦ᭄ᬢ᭄ᬭᬶᬦᬶᬂᬚᬕᬢ᭄᭞ᬜᭀᬭᭀᬄᬯᭀᬂᬫᬳᬶᬲ᭄ᬧᬢᬶ᭞ [ 44 ][᭔᭓ 43B]
᭔᭓
ᬫᬕᭂᬦ᭄ᬢᭀᬲ᭄‌ᬬᬗᬭᬦ᭄᭞ᬧᬢᬶᬄᬲ᭄ᬯᬡ᭄ᬥᬲᬶᬭ᭞ᬤᬾᬦᬶᬂᬫᬸᬮᬧᬸᬢ᭄ᬭᬦ᭄ᬋᬱᬶ᭞ᬥᬂᬳ᭄ᬬᬂᬯᬶᬰᬮ᭞ᬧᬡ᭄ᬥᬶᬭᬲᬶᬤ᭄ᬥᬶᬫᬡ᭄ᬥᬶ᭟ᬮᬶᬫᬂᬬᬸᬢᬧᬸᬦᬶᬓᬳᬤᬶᬦᬶᬢᬳᬂ᭞ᬓᬾᬢᭀᬲᬂᬦᬭᬤᬶᬧᬢᬶ᭞ᬅᬃᬚ᭄ᬚᬸᬦᬯᬶᬚᬬ᭞ᬭᬓ᭄ᬭ᭄ᬬᬦ᭄ᬧᬢᬶᬄᬲ᭄ᬯᬡ᭄ᬥ᭞
ᬯᬶᬃᬬ᭄ᬬᬪᭀᬕᬭᬶᬂᬦᬕᬭᬶ᭞ᬢᬸᬳᬸᬉᬢ᭄ᬢᬫ᭞ᬳᬕᬸᬂᬳᬫᭂᬗ᭄ᬓᬸᬪᬸᬫᬶ᭟ᬢᬸᬃᬓᬲ᭄ᬯᬫ᭄ᬩᬭᬭᬓ᭄ᬭ᭄ᬬᬦ᭄ᬧᬢᬶᬄᬯᬶᬭ᭞ᬲᬶᬤ᭄ᬥᬳᬫᭂᬗ᭄ᬓᬸᬪᬸᬫᬶ᭞ᬯᬶᬦᬾᬄᬨᬮᬓ᭄ᬭᬫ᭞ᬳᬶᬲ᭄ᬢ᭄ᬭᬶᬫᬡᬶᬓᬶᬂᬧᬸᬭ᭞ᬳᭂᬦ᭄ᬢᬶᬲᬸᬓᬲᬶᬭᬧᬢᬶᬄ᭞ᬭᬓ᭄ᬭ᭄ᬬᬦ᭄ᬲ᭄ᬯᬡ᭄ᬥ᭞ᬢᬸᬳᬸᬲᬶᬦᭀᬫ᭄ᬯᬶᬂ
ᬧᬸᬭᬶ᭛᭜᭛ᬧᬸᬧᬸᬄᬲᬶᬦᭀᬫ᭄᭛ᬧᬸᬦᬶᬓᬶᬭᬢᬸᬧᬶᬋᬗᬂ᭞ᬳᬢᬸᬃᬢᬶᬢ᭄ᬬᬂᬫᬸᬗ᭄ᬕ᭄ᬯᬶᬂᬢᬸᬮᬶᬲ᭄᭞ᬳᬦ᭄ᬢᬸᬓ᭄ᬰᬵᬲ᭄ᬢ᭄ᬭᬦ᭄ᬢᬶᬢ᭄ᬬᬂᬓᬯᭀᬦ᭄᭞ᬧᬦᬸᬭᬸᬦᬦ᭄ᬓᭀᬯᬂᬍᬩᬶᬄ᭞ᬓᬾᬯᬦ᭄ᬢᭂᬦ᭄ᬢᬶᬢ᭄ᬬᬂᬦᬸᬮᬶᬲ᭄᭞ᬩᬦ᭄ᬤᭂᬫᭂᬦᬾᬦᬸᬭᬸᬦ᭄ᬓᬶᬤᬸᬂ᭞
ᬧᬲᬂᬰᬵᬲ᭄ᬢ᭄ᬭᬦᬾᬢᬸᬦ᭞ᬩᬜ᭄ᬚᬳᬦ᭄ᬜᬮᬶᬗ᭄ᬲᬂᬲᬫᬶ᭞ᬫᬲᬶᬧᭂᬗ᭄ᬓᬸᬂ᭞ᬳᬯᬓ᭄ᬩᭂᬮᭀᬕ᭄ᬢ᭄ᬯᬭᬢᬯᬂ᭟ᬫᬮᬶᬄᬯᬾᬦ᭄ᬢᭂᬦ᭄ᬳᬢᬸᬃᬢᬶᬢ᭄ᬬᬂ᭞ᬦᬾᬭᬶᬂᬳᬶᬤᬤᬦᬾᬲᬫᬶ᭞ᬢᬶᬢ᭄ᬬᬂᬦᬸᬦᬲ᭄ᬕᬸᬂᬳᬫ᭄ᬧᬸᬭ᭞ᬓᭂᬦᬶᬲᬫ᭄ᬧᬸᬦ᭄ᬢᬶᬢ᭄ᬬᬂᬲᬶᬲᬶᬧ᭄᭞ᬓᬾᬯ

[᭔᭔ 44A]
᭔᭔
ᬦ᭄ᬢᭂᬦ᭄ᬓᭂᬦᬶᬢᬓᬾᬦᬶᬦ᭄᭞ᬰᬵᬲ᭄ᬢ᭄ᬭᬦ᭄ᬢᬶᬢ᭄ᬬᬂᬮᬶᬦ᭄ᬢᬂᬩᬦ᭄ᬤᬸᬂ᭞ᬩᬜ᭄ᬚᬳᬦ᭄ᬜᬾᬭᬂᬜᬾᬭᬂ᭞ᬲᬸᬓᬸᬲᬸᬭᬂᬧ᭄ᬮᬄᬧ᭄ᬮᬶᬄ᭞ᬫᬲᬶᬄᬫᬶᬮᬸ᭞ᬫᬶᬢᬸᬳᬸᬢᬶᬦ᭄ᬳᬦᬓ᭄ᬧ᭄ᬭᬚ᭄ᬜᬦ᭄᭛᭜᭛ᬤᬸᬓ᭄ᬧᬸᬧᬸᬢ᭄ᬫᬜᬸᬭᬢ᭄‌ᬭᬶᬂᬭᬳᬶᬦ᭞ᬘᬵ᭞ᬯ᭞ᬲᬂᬫᬤᬺ
ᬯᬾᬓᬶᬤᬸᬂᬧᬸᬦᬶᬓᬶᬢᬶᬢ᭄ᬬᬂᬫᬯᬵᬱ᭄ᬝ᭞ᬳᬶᬓᭂᬢᬸᬢ᭄ᬮᬘᬸᬃ᭞ᬲᬓᬶᬂᬢᬶᬫ᭄ᬩ᭄ᬭᬄ᭞ᬩᬜ᭄ᬚᬃᬮᬫ᭄ᬩ᭄ᬬᬦ᭄᭞ᬫᬧ᭄ᬭᬩᭂᬓᭂᬮ᭄ᬓᬩᬸᬕ᭄ᬩᬸᬕ᭄᭞ᬳᬸᬫᬄᬢᬶᬢ᭄ᬬᬂᬤᬯᬸᬄᬫᬃᬕ᭄ᬕᬶ᭞ᬤᬗᬶᬦ᭄ᬧ᭄ᬭᬶᬕᬶ᭟ᬫᬮᬶᬄᬯᬾᬦ᭄ᬢᭂᬦ᭄ᬳᬢᬸᬃᬢᬶᬢ᭄ᬬᬂᬭᬶᬂᬳᬶᬤᬤᬦᬾᬲᬋᬂᬲᬫᬶ᭞ᬫᬶᬦᬓ
ᬤᬶᬜᬫᬦ᭄ᬢᬶᬢ᭄ᬬᬂᬓᬜ᭄ᬘᬦ᭄ᬓᬓᬦ᭄ᬢᬾᬦᬦ᭄ᬲᬋᬂᬲᬫᬶ᭞ᬲᬧᬲᬶᬭᬓᬳ᭄ᬬᬸᬦ᭄ᬫᬜᭂᬮᬂᬜᬶᬮᬶᬄᬓᬶᬤᬸᬂᬢᬶᬢ᭄ᬬᬗᬾᬧᬸᬦᬶᬓᬶᬤᬶᬲᬫ᭄ᬧᬸᬦᬾᬯᬦᭂᬄᬳᬾᬮᬶᬗᬂᬫᬮᬶᬄᬗᬦ᭄ᬢᬸᬓᬂ᭟ᬳᬲᬧᬸᬦᬶᬓᬧᬶᬲᬦ᭄‌‌ᬧᬸᬧᬸᬢ᭄ᬲᬫᬶ᭟᭜᭟
ᬇᬢᬶᬧᬧᬭᬶᬓᬦ᭄‌ᬫᬳᬶᬲ᭄ᬧᬢᬶ᭞ᬚᬲ᭄ᬭᬶ᭞ᬓᬭᬗ᭄ᬳᬲᭂᬫ᭄᭟ᬳᬶᬦᬵᬮᭀᬦ᭄ᬢᬃᬓᬢᭂᬤᬸᬦᬶᬦ᭄ᬳᭀᬮᬶᬄ᭞ᬳᬶᬜᭀᬫᬦ᭄ᬤᭂᬕᭂᬂ᭞ᬩᬜ᭄ᬚᬃᬓᬸᬳᬸᬫ᭄᭞ᬓᬭᬗ᭄ᬳᬲᭂᬫ᭄᭟ᬧᬸᬧᬸᬢ᭄ᬲᬶᬦᬸᬭᬵᬢ᭄᭞ᬘᬵ᭞ᬧ᭞ᬯᬭᬶᬕᬤ᭄ᬬᬦ᭄᭞ [ 45 ][᭔᭔ 44B]
᭔᭔
ᬰᬰᬶᬄ᭞᭗᭞ᬇᬰᬵᬓ᭞᭑᭙᭑᭘᭟᭜᭟