Ban/Gaguritan Majapahit

Deskripsi

Naskah

[ 1 ][Judul: GAGURITAN MAJAPAHIT
Pnj. 45 cm. Jml. 51 lb.
Asal: Buleleng.]
[᭑ 1A] [ 2 ][᭑ 1B]
᭑
᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸᬦᬵᬫᬲ᭄ᬯᬳ᭛᭜᭛ᬑᬀᬲ᭄ᬯᬲ᭄ᬢ᭄ᬬᬲ᭄ᬢᬸᬦᬵᬫᭀᬲᬶᬤ᭄ᬥᬀ᭞ᬳᬲᬸᬂᬧᬸᬓᬸᬮᬸᬦ᭄ᬜᬸᬦ᭄ᬤᬭᬶᬦ᭄᭞ᬪᬝᬭᬭᬵᬓ᭄ᬱᬓᬾᬂᬚᬕᬢ᭄᭞ᬲ᭄ᬯᬾᬘ᭄ᬙᬵᬧᬤᬸᬓᬗ᭄ᬮᬸᬕ᭄ᬭᬳᬶᬦ᭄᭞ᬓᬤᬶᬮᬗ᭄ᬕ᭄ᬬᬢᬶᬢ᭄ᬬᬂᬗᬗ᭄ᬕᬶᬢ᭄᭞
ᬩᬩᬤ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬓᬶᬤᬸᬂ᭞ᬯᬶᬢ᭄ᬫᬦᬄᬢᬶᬢ᭄ᬬᬗᬾᬲᬭᬵᬢ᭄᭞ᬗᬸᬭᬸᬓᬂᬲᬶᬓ᭄ᬬᬦ᭄ᬲᬸᬚᬢᬶ᭞ᬓᬤᬶᬧᬸᬭᬸᬦ᭄᭞ᬗᭂᬢᬸᬲ᭄ᬩᬩᬤ᭄ᬫᬘᬦ᭄ᬢᬸᬗᬦ᭄᭟ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳᬵ᭞ᬭᬶᬂᬲᬂᬗᬯᬘᬾᬦ᭄ᬧᬸᬦᬶᬓᬶ᭞ᬓᬤᬶᬧᬸᬭᬸᬦ᭄ᬢᬶᬢ᭄ᬬᬂᬧᭀ
ᬗᬄ᭞ᬗᬗ᭄ᬕᬶᬢ᭄ᬕᬶᬢᬓᬤᬶᬫᬗ᭄ᬓᬶᬦ᭄᭞ᬧᬸᬧᬸᬄᬩᬯᭀᬲ᭄ᬜᬮᬶᬢ᭄ᬳᬶᬦ᭄ᬤᬶᬓ᭄᭞ᬮᬶᬧ᭄ᬬᬭᬶᬂᬲᬶᬓ᭄ᬬᬦᬾᬧᬸᬗ᭄ᬕᬸᬂ᭞ᬕᬸᬂᬲᬭᬢ᭄ᬧᬗ᭄ᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬲ᭄ᬯᬾᬘ᭄ᬙᬵᬳᬶᬤᬤᬦᬾᬲᬫᬶ᭞ᬫᭀᬕᬶᬭᬢᬸ᭞ᬧ᭄ᬭᬫᬮᬾᬤᬂᬗᬫ᭄ᬧᬸᬭᬬᬂ᭟ᬦᬾᬫᬗ᭄ᬓᬶ
ᬦ᭄ᬓᬯᬶᬢᬶᬦ᭄ᬢᬶᬢ᭄ᬬᬂ᭞ᬤᬕᬶᬂᬩᬩᬤᬾᬓᬧᬗ᭄ᬕᬶᬄ᭞ᬰ᭄ᬭᬷᬅᬬᬫᬸᬭᬸᬓ᭄ᬳᬶᬦᬸᬘᬧ᭄᭞ᬚᬸᬫᭂᬦᭂᬂᬭᬶᬂᬫᬚᬧᬳᬶᬢ᭄᭞ᬓᬲᬗ᭄ᬕ᭄ᬭᬭᬶᬂᬫᬳᬵᬧᬢᬶᬄ᭞ᬲᬂᬕᬚᬄᬫᬤᬓᬯᬸᬯᬸᬲ᭄᭞ᬧᬢᬶᬄᬰᬓ᭄ᬢᬶᬫᬯᬶᬰᬾᬱ᭞ᬳᬢ᭄ᬯᬂᬦᬧᬓ᭄

[᭒ 2A]
᭒
ᬲᬶᬢᬶᬪᬓ᭄ᬢᬶ᭞ᬭᬶᬂᬲᬂᬧ᭄ᬭᬪᬹ᭞ᬢᬩᭂᬂᬚᬕᬢ᭄ᬯᬶᬮᬢᬶᬓ᭄ᬢ᭟ᬲᬶᬭᬦᬵᬣᬯᬶᬮᬢᬶᬓ᭄ᬢ᭞ᬓᬲᬶᬯᬶᬧᬭᬪᬸᬧᬢᬶ᭞ᬲᬶᬭᬢᬓᬸᬫᬯᬲᬓᭂᬦ᭄᭞ᬧᬡ᭄ᬥᬦ᭄ᬲᬯᬓᬸᬂᬮᬦ᭄ᬓᭀᬘᬶ᭞ᬢᬜ᭄ᬚᬸᬂᬧᬸᬭᬫᬶᬯᬄᬩᬮᬶ᭞ᬧᬸᬦᬶᬓᬓᬧ᭄ᬯᬲᬸ
ᬫᬸᬬᬸᬕ᭄᭞ᬤᬺᬤ᭄ᬥᬪᬓ᭄ᬢᬶᬜᬗ᭄ᬕ᭄ᬭᬲᬶᬭ᭞ᬲᬳᬗᬢᬸᬭᬗᬸᬢ᭄ᬧᭂᬢᬶ᭞ᬦᭀᬭᬧᬸᬭᬸᬦ᭄᭞ᬯᬶᬯᬮ᭄ᬭᬶᬂᬳᬗ᭄ᬕᬦ᭄ᬲᬂᬦᬵᬣ᭟ᬚᬕᬢᬾᬓᭂᬃᬢ᭄ᬢᬭᬳᬃᬚ᭄ᬚ᭞ᬓᬂᬢᬶᬦᬦ᭄ᬤᬸᬃᬲᬃᬯ᭄ᬯᬦᬤᬶ᭞ᬓᬂᬢᬶᬦᬸᬓᬸᬲᬃᬯ᭄ᬯᬫᬸᬭᬄ᭞ᬧᬜ᭄ᬚᬓᬾᬲᬫᬶ
ᬧᬓᭂᬜᬶᬂ᭞ᬗᭂᬫᬗ᭄ᬕᬸᬳᬶᬦ᭄ᬮᬶᬳᬂᬳᬢᬶ᭞ᬳᬶᬫᬮᬶᬂᬮᬮᬶᬫᬫᬦ᭄ᬤᬸᬂ᭞ᬲᬫᬶᬳᬦ᭄ᬢᭂᬂᬗᬫ᭄ᬩᬶᬮ᭄ᬓᬃᬬ᭄ᬬ᭞ᬤᬗᬦ᭄ᬫᬫᬗ᭄ᬕᬸᬳᬶᬦ᭄ᬪᬸᬓ᭄ᬢᬶ᭞ᬳᬸᬭᬶᬧ᭄ᬮᬡ᭄ᬥᬸᬄ᭞ᬧᬜ᭄ᬚᬓ᭄ᬰᬓ᭄ᬢᬶᬭᬢᬸᬲ᭄ᬯᬾᬘ᭄ᬙᬵ᭟ᬯᬾᬥᬢᬢ᭄ᬯᬫ᭄ᬯᬗᬕᬫ᭞ᬧᬸᬦᬶᬓᬲᬫᬶᬓᬳᬧ᭄ᬢᬶ
᭞ᬲᬳᬶᬢ᭄ᬬᬲᬂᬭᬳᬬᬤ᭄ᬜ᭞ᬲᬳᬦᬦᬶᬂᬲᬦᬾᬮᬸᬯᬶᬄ᭞ᬳᬶᬦ᭄ᬤ᭄ᬭᬮᭀᬓᬢᬸᬯᬶᬚᬢᬶ᭞ᬯᬶᬮᬢᬶᬓ᭄ᬢᬦᬾᬓᬯᬸᬯᬸᬲ᭄᭞ᬳᬦ᭄ᬢᬸᬓ᭄ᬲ᭄ᬯᬥᬃᬫ᭄ᬫᬦ᭄ᬲᬂᬦᬵᬣ᭞ᬗᬫᭀᬂᬚᬕᬢ᭄ᬢᭂᬳᭂᬃᬚᬢᬶ᭞ᬢᬸᬳᬸᬓᬸᬓᬸᬄ᭞ᬗᬦᬹᬢᬶ [ 3 ][᭒ 2B]
᭒
ᬦ᭄ᬤᬕᬶᬗᬕᬫ᭟ᬢᬸᬳᬸᬲᬢ᭄ᬭ᭄ᬬᬤᬍᬫ᭄ᬲᬶᬭ᭞ᬩᬕᬸᬲ᭄ᬳᬘᬺᬂᬰ᭄ᬭᬷᬪᬹᬧᬢᬶ᭞ᬳᬗ᭄ᬕᬜᭂᬧᭂᬓ᭄ᬲᭂᬋᬗ᭄ᬕᬭ᭞ᬘᬃᬫ᭄ᬫᬦᬶᬤᬜᬦ᭄ᬤᬢ᭄ᬕᬥᬶᬂ᭞ᬩᬯᭀᬲ᭄ᬩᬦ᭄ᬩᬦ᭄ᬗᭂᬢᬸᬲᬢᬶ᭞ᬜᬸᬜᬸᬭᬾᬗᬲᭀᬭᬂᬫᬥᬸ᭞ᬳᬧᭂᬓᬶᬓ᭄ᬫᬯᬸᬯᬸᬄᬧ᭄ᬭ
ᬤ᭄ᬜᬦ᭄᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬜᭂᬤᬦᬶᬦ᭄᭞ᬬᬸᬓ᭄ᬢᬶᬳᬤᬸᬂ᭞ᬫᬤᭂᬕ᭄ᬭᬢᬸᬯᬶᬮᬢᬶᬓ᭄ᬢ᭟ᬧᬸᬭᬶᬳᬕᬸᬂᬤᬸᬫᬶᬮᬄ᭞ᬓᬳᬶᬢᭂᬭᬶᬦ᭄ᬢᬫᬦ᭄ᬲᬭᬶ᭞ᬢᬭᬸᬡᬶᬮᬦ᭄ᬢ᭄ᬭᬸᬡᬩᬸᬗ᭞ᬲᬫᬶᬫᬗᬢᬸᬭᬂᬪᬓ᭄ᬢᬶ᭞ᬳᬶᬕᬸᬫ᭄ᬗᬬᬄᬭᬶᬂᬚ᭄ᬭᭀᬧᬸᬭᬶ᭞ᬗ
ᬫ᭄ᬩᬶᬮ᭄ᬓᬃᬬ᭄ᬬᬮᬶᬦ᭄ᬢᬂᬧᬸᬕᬸᬄ᭞ᬮᬓ᭄ᬱᬡᬢᬸᬳᬸᬮᬰ᭄ᬘᬃᬬ᭄ᬬ᭞ᬫᬦᬄᬦ᭄ᬬᬢᭂᬳᭂᬃᬲᬸᬪᬓ᭄ᬢᬶ᭞ᬜᬶᬯᬶᬜᬸᬗ᭄ᬲᬸᬂ᭞ᬲᬂᬦᬵᬣᬚᬦᬦᬸᬭᬕ᭟ᬳᬤᭀᬄᬳᬶᬤᬚᬢᬸᬓᬃᬫ᭄ᬫ᭞ᬤᬾᬭᬾᬂᬳᬶᬤᬫᭀᬮᬶᬄᬧᬸᬢ᭄ᬭᬶ᭞ᬭᬶᬯᬯᭂᬗ᭄ᬓᭀᬦ᭄ᬚᬕᬢ᭄ᬳᬶᬤ᭞ᬢ
ᬦᬦᬲᬶᬭᬫᬫᬗ᭄ᬕᬶᬄ᭞ᬫᭂᬭᬶᬄᬲᬭᬶᬦ᭄ᬧᬸᬱ᭄ᬧᬦ᭄ᬩᬸᬤ᭄ᬥᬶ᭞ᬳᬗ᭄ᬕᬾᬦ᭄ᬫᬦᭂᬤᬸᬳᬶᬦ᭄ᬓᬬᬸᬦ᭄᭞ᬗᭂᬫ᭄ᬩᬦ᭄ᬳᬶᬤᬗᬫᭀᬂᬚᬕᬢ᭄᭞ᬓᬃᬬ᭄ᬬᬳᬕᬸᬂᬫᬳᬵᬲᬸᬓᬶᬮ᭄᭞ᬓᬮᬲᬸᬗ᭄ᬲᬸᬢ᭄᭞ᬲᬬᬂᬢᬦ᭄ᬯᬾᬦ᭄ᬢᭂᬦ᭄‌ᬗ᭄ᬮᬶᬧᬸᬭᬂ᭟ᬧᬶᬲᬭ

[᭓ 3A]
᭓
ᬢ᭄ᬳᬃᬱᬦ᭄ᬲᬂᬦᬵᬣ᭞ᬫᬫ᭄ᬭᬶᬳᬶᬂᬧᬓᬸᬦᬶᬂᬧᬸᬭᬶ᭞ᬧᬸᬢ᭄ᬭᬶᬳᬬᬸᬯᬶᬘᬓ᭄ᬱᬡ᭞ᬳᬦᬹᬢ᭄ᬧᬰ᭄ᬘᬤ᭄ᬰᬷᬮᬓ᭄ᬭᬫᬶ᭞ᬫᬓᬢᬸᬲ᭄ᬦᬶᬂᬘᬶᬢ᭄ᬢᬩᬸᬤ᭄ᬥᬶ᭞ᬧᬮᬸᬗ᭄ᬕᬸᬄᬳᬶᬤᬲᬂᬧ᭄ᬭᬪᬸ᭞ᬕᭂᬦᬄᬫᬢᭂᬤᬸᬳᬂᬘᬶᬢ᭄ᬢ᭞ᬭᬶᬓᬵᬮᬲᬶᬭᬳᬫᬗ᭄ᬕᬶᬄ᭞ᬓᬬᬸᬦ᭄ᬲᬸ
ᬗ᭄ᬲᬸᬢ᭄᭞ᬲᬗᬬᬸᬧᬶᬦᬓᬢᬫ᭄ᬩᬵ᭟ᬳᬶᬤᬗᬸᬢᬸᬲ᭄ᬚᬸᬭᬸᬭᬾᬓᬄᬜᬢᬸᬃᬤᬾᬰᬫᬫ᭄ᬭᬶᬄᬧᬸᬢ᭄ᬭᬶ᭞ᬧᬘᬂᬫᬗᬃᬤ᭄ᬥᬶᬦᬶᬦ᭄ᬕᬫ᭄ᬩᬃ᭞ᬲᬶᬭᬳᬬᬸᬲᬂᬓᬧᬗ᭄ᬕᬶᬄ᭞ᬧ᭄ᬭᬬᬓᬢᬹᬃᬭᬶᬂᬦᬺᬧᬢᬶ᭞ᬲᬂᬦᬵᬣᬰ᭄ᬭᬶᬅᬬᬫᬸᬭᬸᬓ᭄᭞ᬫᬶ
ᬦᬩ᭄ᬢᬫᬜ᭄ᬚᬶᬂᬭᬶᬗᬃᬱ᭞ᬧᬘᬂᬓᬮᬶᬗ᭄ᬕᬶᬳᬂᬧ᭄ᬭᬫᬶ᭞ᬭᬶᬯᬸᬲ᭄ᬧᬸᬧᬸᬢ᭄᭞ᬧᭀᬮᬦᬾᬕᭂᬮᬶᬲ᭄ᬓᬳᬢᬸᬭᬂ᭟ᬤᭀᬄᬮᬾᬫ᭄ᬧᬲ᭄ᬭᬶᬂᬓᬬᬸᬦ᭄ᬳᬶᬤ᭞ᬧᬸᬢ᭄ᬭᬶᬦᬾᬭᬶᬂᬕᬫ᭄ᬩᬃᬓᬫ᭄ᬧᬶᬄ᭞ᬢᬦᬦᬫᬜ᭄ᬚᬶᬂᬭᬶᬂᬘᬶᬢ᭄ᬢ᭞ᬧᬩ᭄ᬮᭂᬲᭂᬓ᭄ᬓᬶᬧᬢᬶᬄᬲᬫᬶ
᭞ᬧᬶᬲᬭᬢ᭄ᬫᬫᭂᬭᬶᬄᬧᬸᬢ᭄ᬭᬶ᭞ᬓᬤᬶᬦᬶᬂᬳᬃᬱᬦ᭄ᬲᬂᬧ᭄ᬭᬪᬸ᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬭᬯᬸᬄᬕᬢ᭄ᬭ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬧᬸᬢ᭄ᬭᬶᬮᬸᬯᬶᬄ᭞ᬮᬶᬲ᭄ᬢᬸᬳᬬᬸ᭞ᬧᬸᬢ᭄ᬭᬦ᭄ᬲᬶᬭᬧ᭄ᬭᬪᬸᬲᬸᬡ᭄ᬥ᭟ᬗᬕᬯᭀᬓᬶᬦ᭄ᬫᬦᬹᬢ᭄ᬕᬢ᭄ᬭ᭞ᬳᬬᬸᬦᬾ [ 4 ][᭓ 3B]
᭓
ᬢᬦ᭄ᬓᬤᬶᬓᬤᬶ᭞ᬧᬶᬢᬮᭀᬓᬗᬭᬦ᭄ᬲᬶᬭ᭞ᬗᬸᬮᬗᬸᬦᬶᬦ᭄ᬗᭂᬢᬸᬲ᭄ᬳᬢᬶ᭞ᬳᬶᬤᬤᬦᬾᬲᬂᬫᬫᬗ᭄ᬕᬶᬄ᭞ᬳᬓ᭄ᬯᬾᬄᬧᬭᬭᬢᬸᬮᬸᬮᬸᬢ᭄᭞ᬲᬫᬶᬲᬭᬢ᭄ᬫᬫᬸᬳᬢᬂ᭞ᬜᬤ᭄ᬬᬗᬗ᭄ᬕᬾᬦ᭄ᬲᭂᬓᬃᬲᬸᬦ᭄ᬢᬶᬂ᭞ᬫᭂᬢᬸᬳᬶᬩᬸᬓ᭄᭞
ᬫᬗᬭᬧ᭄ᬲᬗᬬᬸᬤ᭄ᬬᬄ᭟ᬰ᭄ᬭᬷᬅᬬᬫ᭄ᬯᬸᬭᬸᬓ᭄ᬳᬶᬦᬸᬘᬧ᭄᭞ᬧᬶᬲᬭᬢ᭄ᬓᬬᬸᬦᬾᬫᬗ᭄ᬓᬶᬦ᭄᭞ᬫᬗᬸᬢᬸᬲ᭄ᬳᬶᬚᬸᬭᬸᬕᬫ᭄ᬩᬃ᭞ᬗᬃᬤ᭄ᬥᬶᬕᬫ᭄ᬩᬃᬭᬤᬾᬦ᭄ᬤᬾᬯᬶ᭞ᬧᬶᬢᬮᭀᬓᬓᬲᬸᬩ᭄ᬩᬗ᭄ᬓᬶᬢ᭄᭞ᬫᬦᬹᬢ᭄ᬕᬢ᭄ᬭᬦᬾᬓᬧᬗ᭄ᬕᬸᬄ᭞ᬕᭂᬮᬶᬲᬂᬧᬸᬦᬂᬘ
ᬭᬶᬢ᭞ᬓᬂᬤᬶᬦᬸᬢ᭄ᬢᬯᬸᬲ᭄ᬫᬫᬃᬕ᭄ᬕᬶ᭞ᬜᬤ᭄ᬬᬭᬯᬸᬄ᭞ᬫᬗᬸᬗ᭄ᬲᬶᬲᬸᬡ᭄ᬥᬦᬵᬕᬭ᭟ᬧᬶᬭᬂᬤᬶᬦ᭄ᬢᭂᬦ᭄ᬧᬫᬃᬕ᭄ᬕᬶᬦ᭄ᬜ᭞ᬢᬦ᭄ᬓᬘ᭄ᬭᬶᬢᬬᬂᬳᬶᬭᬶᬓᬶ᭞ᬫᬸᬗ᭄ᬕᬄᬩᬶᬳᬶᬢᬫᬮᬬᬃ᭞ᬢᬶᬩᬭᬶᬂᬲᬸᬡ᭄ᬥᬦᬕᬭᬶ᭞ᬤᬶᬕᭂᬮᬶᬲ᭄ᬓ
ᬘ᭄ᬭᬶᬢᬫᬗ᭄ᬓᬶᬦ᭄᭞ᬕᬫ᭄ᬩᬭᬾᬘᬸᬫᬯᬶᬲ᭄ᬧᬸᬧᬸᬢ᭄᭞ᬢ᭄ᬯᬶᬧᬢᭂᬄᬢᬦᬦᬮᬾᬫ᭄ᬧᬲ᭄᭞ᬭᬶᬗᬶᬤᬲᬂᬓᬤᬶᬭᬢᬶᬄ᭞ᬢᬸᬳᬸᬳᬬᬸ᭞ᬫᬦᬹᬢ᭄ᬓᬤᬶᬤᬕᬶᬂᬕᬢ᭄ᬭ᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬲᬶᬭᬦᬵᬣᬓᬢᬗ᭄ᬓᬶᬮᬶᬦ᭄᭞

[᭔ 4A]
᭔
ᬩᬳᬸᬤᬡ᭄ᬥᬭᬶᬂᬧᬲᬾᬪᬦ᭄᭞ᬲᬳᬵᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶ᭞ᬳᬶᬦᬸᬘᬧ᭄ᬢᬍᬃᬳᬶᬭᬶᬓᬶ᭞ᬓᬲᬋᬗᬶᬦ᭄ᬲᬶᬭᬧ᭄ᬭᬪᬸ᭞ᬭᬢᬸᬓᬳᬸᬭᬶᬧᬦ᭄ᬤᭂᬳ᭞ᬧᬫᬦ᭄ᬳᬶᬤᬫᬓᬓᬮᬶᬄ᭞ᬲᬫᬶᬳᬶᬕᬸᬫ᭄᭞ᬲᬭᬢ᭄ᬗᬦ᭄ᬢᭀᬲ᭄ᬓᬂᬤᬶᬦᬸᬢ᭄ᬢ
᭟ᬤᬸᬢ᭄ᬢᬦ᭄ᬲᬂᬦᬵᬣᬯᬸᬲ᭄ᬧ᭄ᬭᬧ᭄ᬢ᭞ᬲᬳᬤᬦᬾᬫᬗᬜ᭄ᬚᬮᬶ᭞ᬗᬤ᭄ᬧᬤᬗᬢᬸᬭᬂᬕᬫ᭄ᬩᬃ᭞ᬭᬾᬓᬦ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬫᬓᭂᬩ᭄ᬬᬄᬭᬶᬂᬳᬗᭂᬦ᭄ᬚᬢᬶ᭞ᬕᬕᬾᬲᭀᬦᬦ᭄ᬲᬶᬭᬧ᭄ᬭᬪᬸ᭞ᬦᬫ᭄ᬧᬾᬦᬶᬦ᭄ᬳᬸᬢᬸᬲᬦ᭄ᬳᬶᬤ᭞ᬲᬶᬤ᭄ᬥᬤᬶᬕᭂ
ᬮᬶᬲ᭄ᬓᬧᬗ᭄ᬕᬶᬄ᭞ᬧᭀᬮᬳᬶᬓᬸ᭞ᬧᬸᬱ᭄ᬧᬦ᭄ᬚᬕᬢᬾᬭᬶᬂᬲᬸᬡ᭄ᬥ᭟ᬓᬕ᭄ᬬᬢ᭄ᬓᬬᬸᬦᬾᬫᬜᬶᬗᬓ᭄᭞ᬕᬫ᭄ᬩᬭᬾᬓᬮᬶᬂᬮᬶᬂᬧᬱ᭄ᬝᬶ᭞ᬧᬶᬢᬮᭀᬓᬲᭂᬓᬃᬲᬸᬡ᭄ᬥ᭞ᬦᬸᬤᬸᬢ᭄ᬓᬬᬸᬦ᭄ᬦᬭᬧᬢᬶ᭞ᬦᬢᬦ᭄ᬧᬲᬄᬫᬗᭂᬮᬶᬂᬮᬶᬂ
᭞ᬲᬬᬦ᭄ᬮᬶᬂᬮᬶᬂᬲᬬᬦ᭄ᬮᬸᬮᬸᬢ᭄᭞ᬮᬸᬮᬸᬢᬾᬢᭀᬂᬲᬶᬤ᭄ᬥᬧᬹᬃᬡ᭄ᬦ᭞ᬫᭂᬢᬸᬚ᭄ᬭᭀᬦᬶᬂᬘᬶᬢ᭄ᬢᬧᬱ᭄ᬝᬶ᭞ᬳᬤᬶᬕᬮᬸᬄ᭞ᬩᭂᬮᬶᬜᬤ᭄ᬬᬗᭂᬢᭀᬳᬂᬚᬶᬯ᭟ᬳᬢ᭄ᬫᬚᬶᬯᬦ᭄ᬩᭂᬮᬶᬯ᭞ᬧᬶᬭᬫᬲᬩᭂᬮᬶᬧᬮᬶᬂ᭞ᬫᬜ᭄ᬮᬂᬜ᭄ᬮᬓ᭄ᬧᬓ᭄ᬫᬜᬢᬸᬃ [ 5 ][᭔ 4B]
᭔
ᬤᬾᬰ᭞ᬯᬯᬸᬫᬗ᭄ᬓᬶᬦ᭄ᬲᬤ᭄ᬬᬧᬗ᭄ᬕᬶᬄ᭞ᬳᬢ᭄ᬫᬚᬶᬯᬦ᭄ᬩᭂᬮᬶᬳᬤᬶ᭞ᬫᬶᬦᬩ᭄ᬢ᭄ᬯᬭᬲᬶᬤ᭄ᬥᬳᬶᬤᬸᬧ᭄᭞ᬬᬾᬦᬶᬂᬳᬶᬤᬾᬯᬢᬦ᭄ᬲ᭄ᬯᬾᬘ᭄ᬘᬵ᭞ᬜᬮᬸᬤ᭄ᬮᬭᬦ᭄ᬩᭂᬮᬶᬫᬗ᭄ᬓᬶᬦ᭄᭞ᬩᭂᬮᬶᬫᬸᬧᬸᬢ᭄᭞ᬧᬸᬧᬸᬢᬂᬚᬲᬸᬩᬧᭂᬚᬄ᭟ᬫᬦᬄ
ᬩ᭄ᬮᬶᬢᭀᬂᬲᬶᬤ᭄ᬥᬧᬹᬃᬡ᭄ᬦ᭞ᬬᬦᬤᬶᬢᬦ᭄ᬫᬦᬶᬩᬓᬶᬦ᭄᭞ᬦᬶᬩᬓᬶᬦ᭄ᬢᬶᬃᬣᬧᬗ᭄ᬮᬸᬓᬢ᭄᭞ᬳᬶᬮᬭᬭᬶᬂᬓᬯᬄᬕᭂᬦᬶ᭞ᬲ᭄ᬯᬾᬘ᭄ᬘᬵᬳᬤᬶᬫᬦᬫ᭄ᬩᬦᬶᬦ᭄᭞ᬗ᭄ᬮᬸᬕ᭄ᬭᬳᬶᬦ᭄ᬢᬫ᭄ᬩᬳᬶᬩᬸᬤᬸᬄ᭞ᬩᬸᬤᬸᬄᬫᬦᬄᬭᬶᬂᬳᬶᬤᬾᬯᬵ᭞ᬳᬶᬤᬾᬯ
ᬉᬱᬥᬚᬢᬶ᭞ᬳᬗ᭄ᬕᬾᬦ᭄‌ᬗ᭄ᬮᭂᬩᬸᬃ᭞ᬧᬗ᭄ᬮᭂᬩᬸᬃᬤᬸᬄᬓᬶᬢᬦ᭄ᬫᬦᬄ᭟ᬲᬧᬸᬦᬶᬓᬵᬓᬬᬸᬦ᭄ᬳᬶᬤ᭞ᬲᬚ᭄ᬭᭀᬦᬶᬂᬳᬤ᭄ᬜᬦᬚᬢᬶ᭞ᬘᬶᬳ᭄ᬦᬬᬸᬓ᭄ᬢᬶᬭᬶᬂᬲ᭄ᬯᬪᬵᬯ᭞ᬧ᭄ᬭᬭᬳᬶᬦᬾᬓᭂᬘᬸᬤ᭄ᬓᬸᬦᬶᬂ᭞ᬭᬲᬳᬶᬤᬢᬦ᭄ᬧᬕᬮᬶᬄ᭞ᬘ
ᬘᬶᬗᬓᬾᬫᭂᬢᬸᬋᬤᬸᬧ᭄᭞ᬫᬯᬘᬦᬲᬳᬩᬦ᭄ᬩᬦ᭄᭞ᬭᬢᬸᬳᬚᬶᬫᬓᬓᬵᬮᬶᬄ᭞ᬤᬸᬭᬸᬲ᭄ᬭᬢᬸ᭞ᬲᬶᬤ᭄ᬥᬫᭀᬮᬶᬄᬫᬦᬄᬢᬶᬢ᭄ᬬᬂ᭟ᬓᭂᬦᬶᬳᬚᬶᬫᬜᬭᬢᬂ᭞ᬦᬫ᭄ᬩᬦᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬦᬄᬢᬶᬢ᭄ᬬᬂᬮᬶ

[᭕ 5A]
᭕
ᬦ᭄ᬢᬂᬲᬭᬵᬢ᭄᭞ᬫᬗ᭄ᬤᬧᬹᬃᬡ᭄ᬦᬓᬤᬶᬚᬢᬶ᭞ᬧᬶᬢᬮᭀᬓᬲᬶᬤ᭄ᬥᬓᭂᬦᬶ᭞ᬳᬶᬤᬢᬫ᭄ᬩᬦ᭄ᬢᬶᬢ᭄ᬬᬂᬭᬢᬸ᭞ᬬᬦᬦᬯᭀᬂᬧᬸᬭᬸᬦ᭄ᬯᬶᬯᬮ᭄᭞ᬮᬰ᭄ᬘᬃᬬ᭄ᬬᬦᬦᬓ᭄ᬦᬦ᭄ᬤᬶᬗᬶᬦ᭄᭞ᬬᬦ᭄ᬢᬦ᭄ᬋᬫᬸᬓ᭄᭞ᬫᬦᬳᬾᬢᭀᬂᬲᬶᬤ᭄ᬥᬧᬹᬃᬡ᭄ᬦ᭟ᬲᭂᬤᬸ
ᬓᬾᬧᬹᬃᬡ᭄ᬦᬬᬂᬩᭀᬕ᭞ᬦᬶᬤ᭄ᬭᬦᬾᬧᬹᬃᬡ᭄ᬦᬬᬂᬳᬭᬶᬧ᭄᭞ᬓᬲᬢᬦ᭄ᬧᬹᬃᬡ᭄ᬦᬬᬂᬢᭀᬬ᭞ᬕᭂᬭᬶᬂᬦᬦᬓ᭄ᬓᬤᬶᬫᬗ᭄ᬓᬶᬦ᭄᭞ᬭᬢᬸᬳᬚᬶᬫᬓᬬᬸᬦᬶᬦ᭄᭞ᬓᭂᬦᬶᬳᬸᬭᬶᬢᬶᬢ᭄ᬬᬂᬮᬦ᭄ᬤᬸᬄ᭞ᬧᬢᬸᬢ᭄ᬳᬚᬶᬫᬜᬭᬢᬂ᭞ᬗᬯᬶ
ᬮᬗᬶᬦ᭄ᬲᬋᬂᬲᬫᬶ᭞ᬢᬶᬢ᭄ᬬᬂᬫᬸᬧᬸᬢ᭄᭞ᬦᬦ᭄ᬤᬗᬶᬦ᭄ᬫᬩᬾᬮᬧᭂᬚᬄ᭟ᬲᬶᬭᬧ᭄ᬭᬪᬸᬫᬗ᭄ᬮᬦ᭄ᬢᬸᬭᬂ᭞ᬗᭂᬲᬾᬗᬶᬦ᭄ᬓᬶᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬫᬤᬓᬦᬶᬓᬬᬂ᭞ᬲᬶᬤ᭄ᬥᬤᬶᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬓᬳᬸᬢᬸᬲ᭄ᬧ᭄ᬭᬬᬫᬦᬗ᭄ᬓᬶᬮ᭄᭞ᬭᬶᬂᬧᬮᬸ
ᬗ᭄ᬕᬸᬄᬲᬶᬭᬧ᭄ᬭᬪᬸ᭞ᬓᬶᬦᬢ᭄ᬯᬂᬭᬶᬂᬚᬕᬢ᭄ᬲᬸᬡ᭄ᬥ᭞ᬧ᭄ᬭᬬᬗ᭄ᬮᬫᬃᬭᬤᬾᬦ᭄ᬤᬾᬯᬶ᭞ᬲᬶᬤ᭄ᬥᬕᬸᬧᬸᬄ᭞ᬧ᭄ᬭᬵᬧ᭄ᬢᬵᬫᬭᬾᬂᬚᬕᬢ᭄ᬲᬸᬡ᭄ᬥ᭟ᬓᬶᬧᬢᬶᬄᬫᬳᬢᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬲᬳᬪᬓ᭄ᬢᬶ᭞ᬲᬧᬗᬦ᭄ᬤᬶᬓᬦ᭄ᬲᬂᬦᬵᬣ [ 6 ][᭕ 5B]
᭕
᭞ᬢᬦ᭄ᬯᭂᬦᬂᬢᬶᬢ᭄ᬬᬂᬦᭂᬫ᭄ᬧᬮᬶᬦ᭄᭞ᬢᬶᬢ᭄ᬬᬂᬧᬜ᭄ᬚᬓ᭄ᬭᬢᬸᬚᬢᬶ᭞ᬲᬦᬾᬧᬢᬸᬢ᭄ᬜᬗ᭄ᬕ᭄ᬭᬜᬸᬯᬸᬦ᭄᭞ᬯᭂᬘᬦᬦ᭄‌ᬰ᭄ᬭᬷᬪᬹᬧᬮᬓᬵ᭞ᬢᬶᬢ᭄ᬬᬂᬜᬤ᭄ᬬᬫᬢᭀᬄᬧᬢᬶ᭞ᬲᬶᬤ᭄ᬥᬤᬸᬭᬸᬲ᭄᭞ᬫᬦᬹᬢ᭄ᬳᬃᬱᬦ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭟᭜᭟
ᬧᬢᬶᬄᬫᬥᬸᬓᬾᬗᬶᬦ᭄ᬤᬸᬢ᭄ᬢ᭟ᬧᬸᬧᬸᬄᬕᬶᬦᬤ᭟᭜᭟ᬓᬘ᭄ᬭᬶᬢᬩᬾᬜ᭄ᬚᬂᬧ᭄ᬮᬶᬫᬸᬦᬦ᭄᭞ᬓᬶᬧᬢᬶᬄᬭᬭᬶᬲ᭄ᬫᬫᬃᬕ᭄ᬕᬶ᭞ᬫᬸᬗ᭄ᬕᬄᬧᬭᬳᬸᬫᬮᬬᬃ᭞ᬓᬾᬗᬶᬦ᭄ᬤᬸᬢ᭄ᬢᬦ᭄ᬲᬶᬭᬲᬂᬧ᭄ᬭᬪᬸ᭞ᬧ᭄ᬭᬬᬗ᭄ᬭᬯᬸᬳᬂᬧᬗ᭄ᬮᬫᬃ᭞ᬲᬋᬂᬓᬵᬮᬶᬄ᭞
ᬓᬳᬶᬭᬶᬂᬮᬦ᭄ᬫᬦ᭄ᬢ᭄ᬭᬶᬯᬺᬥ᭟ᬳᬶᬦᬸᬘᬧ᭄ᬧᬶᬢᬸᬂᬭᬳᬶᬦ᭞ᬮᬫᬶᬦ᭄ᬜᬢᭂᬗᬳᬶᬂᬫᬃᬕ᭄ᬕᬶ᭞ᬢᬶᬩᬋᬓᭀᬭᬶᬂᬧᬲᬸᬡ᭄ᬥᬦ᭄᭞ᬳᬶᬭᬶᬓᬤᬦᬾᬫᬤᬸᬦᬸᬂ᭞ᬭᬶᬂᬚᭂᬭᭀᬦᬶᬂᬓᬧᬢᬶᬳᬦ᭄᭞ᬤᬦᬾᬧᬢᬶᬄ᭞ᬧᬗᬾᬜ᭄ᬘᬓᬶᬂᬚᬕ
ᬢ᭄ᬲᬸᬡ᭄ᬥ᭟ᬏᬲᬸᬓ᭄ᬳᬾᬜ᭄ᬚᬶᬂᬲᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬤᬸᬢ᭄ᬢᬦ᭄ᬧ᭄ᬭᬪᬸᬲᬫ᭄ᬧᬸᬦ᭄ᬢᬗ᭄ᬓᬶᬮ᭄᭞ᬫᬗᬜ᭄ᬚᬮᬶᬲᬳᬲᭂᬫ᭄ᬩᬄ᭞ᬭᬶᬂᬩᬸᬓ᭄ᬧᬤᬦ᭄ᬲᬶᬭᬭᬢᬸ᭞ᬓᬶᬦᬢ᭄ᬯᬂᬭᬶᬂᬚᬕᬢ᭄ᬲᬸᬡ᭄ᬥ᭞ᬕᬸᬲ᭄ᬢᬶᬧᬢᬶᬄ᭞ᬗᬢᬸᬭᬂᬲᬾᬯᬮᬧᬢ᭄ᬭ᭟ᬲ

[᭖ 6A]
᭖
ᬳᬧᬶᬭᬦ᭄ᬢᬶᬦᬶᬗᬶᬓ᭞ᬥᬃᬫ᭄ᬫᬦᬶᬂᬫᬗ᭄ᬮᬫᬃᬧᬸᬢ᭄ᬭᬶ᭞ᬲᬵᬫ᭄ᬧᬸᬦ᭄ᬓᬢᬸᬃᬭᬶᬂᬲᬂᬦᬵᬣ᭞ᬓᬤᬸᬮᬸᬭᬶᬦ᭄ᬳᬦ᭄ᬢᬸᬓ᭄ᬳᬢᬸᬃ᭞ᬓᬶᬧᬢᬶᬄᬮᬦ᭄ᬫᬦ᭄ᬢ᭄ᬭᬶᬯᬺᬥ᭞ᬘᬶᬳ᭄ᬦᬬᬸᬓ᭄ᬢᬶ᭞ᬳᬃᬱᬦ᭄ᬯᬶᬮᬢᬶᬓ᭄ᬝᬵᬦᬵᬣ᭟ᬫᬸᬗ᭄ᬕᬄᬭᬶᬂᬋᬋᬧᬶᬓᭀᬘᬧ᭄᭞ᬤᬕᬶᬂ
ᬧᬗ᭄ᬮᬫᬭᬾᬚᬢᬶ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬭᬶᬗᬗ᭄ᬕᬦ᭄ᬧᬮᬸᬗ᭄ᬕᬸᬄᬭᬢᬸ᭞ᬧᬜᬶᬯ᭄ᬬᬦ᭄ᬚᬕᬢ᭄ᬲᬸᬡ᭄ᬥ᭞ᬭᬢᬸᬮᬸᬯᬶᬄ᭞ᬳᬶᬤᬾᬯᬪᬓ᭄ᬢᬶᬦᬶᬦ᭄ᬚᬕᬢ᭄᭟ᬳᬫ᭄ᬧᬸᬭᬭᬢᬸᬳᬫ᭄ᬧᬸᬭ᭞ᬦᬦᬓ᭄ᬭᬯᬸᬄᬫᬦᬗ᭄ᬓᬶᬮᬶᬦ᭄᭞ᬜ
ᬤ᭄ᬬᬦᬦᬓ᭄ᬫᬗᬢᬸᬭᬂ᭞ᬤᬾᬯᬾᬓ᭄ᬢᬶᬢ᭄ᬬᬂᬭᬶᬂᬳᬶᬭᬢᬸ᭞ᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬢ᭄ᬭᬮᬦᬂ᭞ᬗ᭄ᬮᬸᬗ᭄ᬲᬸᬃᬳᬸᬭᬶᬧ᭄᭞ᬮᬭᬦ᭄ᬢᬶᬢ᭄ᬬᬗᬾᬓᬮᬶᬦ᭄ᬢᬂ᭟ᬫᬦᬄᬢᬶᬢ᭄ᬬᬂᬓᬕ᭄ᬦᬶᬲᬭ᭞ᬓᬤᬶᬳᬶᬘᬢᬓᬧᬓ᭄ᬱᬶ᭞ᬲᬚ᭄ᬭᭀ
ᬦᬶᬂᬰᬰᬶᬄᬓᬢᬶᬕ᭞ᬧᬦᭂᬲ᭄ᬩᬭᬩᭂᬤᬓᬶᬧᬸᬦ᭄᭞ᬫᬫᭂᬭᬶᬳᬶᬂᬢᬶᬃᬣᬦ᭄ᬯᬃᬱ᭞ᬬᬦ᭄ᬢᬦ᭄ᬫᭀᬮᬶᬄ᭞ᬲᬶᬦᬳᬶᬧᬸᬦ᭄ᬧᬘᬂᬧᭂᬚᬄ᭟ᬳᬶᬓᭂᬤᬰᬶᬄᬳᭂᬗ᭄ᬓᬓᭂᬗ᭄ᬓᬶᬓ᭄᭞ᬧᬮᬶᬂᬳᬶᬧᬸᬦ᭄᭞ᬗ᭄ᬭᬸᬭᬸᬄᬫᬃᬕ᭄ᬕᬶ᭞ᬢᬶᬫᬶ [ 7 ][᭖ 6B]
᭖
ᬭᬢᬶᬍᬫ᭄ᬓᬤᬰ᭞ᬧᬢᬶᬓᬧ᭄ᬮᬸᬕ᭄ᬮᬫ᭄ᬧᬳᬶᬧᬸᬦ᭄᭞ᬫᬗᬚᬧ᭄ᬲᭂᬦᬦᬶᬂᬯᬸᬮᬦ᭄᭞ᬲᬶᬤ᭄ᬥᬧᬗ᭄ᬕᬶᬄ᭞ᬲᬲᬸᬮᬸᬃᬫᬃᬕ᭄ᬕᬦᬾᬕᬦ᭄ᬢᬃ᭟ᬲᬂᬦᬵᬣᬳᬗ᭄ᬤᬾᬬᬂᬢᬶᬢ᭄ᬬ᭞ᬲᬂᬳ᭄ᬬᬂᬯᬶᬱ᭄ᬡᬸᬫᬜ᭄ᬭᭀᬯᬤᬶ᭞ᬲ᭄ᬯᬾᬘ᭄ᬘᬵᬳᬶᬭᬢᬸᬫᬜᬸᬧ
ᬢ᭄᭞ᬳᬶᬘᬢᬓᬮᬭᬗᬸᬦ᭄ᬗᬸᬦ᭄᭞ᬓᬤᬶᬦᬶᬂᬯᬸᬮᬦ᭄ᬳᬶᬤᬾᬯ᭞ᬫᬜᬸᬦ᭄ᬤᬭᬶᬦ᭄᭞ᬓᭂᬤᬰᬶᬄᬧᬮᬶᬂᬮᬵᬫ᭄ᬧᬄᬜ᭟ᬓᬤᬶᬧᬸᬭᬸᬦ᭄ᬫᬦᬄᬦᬦᬓ᭄᭞ᬫᬗ᭄ᬤᬲᬶᬤ᭄ᬥᬢᬶᬢ᭄ᬬᬂᬳᬸᬭᬶᬧ᭄᭞ᬫᬗ᭄ᬮᬸᬗ᭄ᬲᬸᬃᬧᬸᬢ᭄ᬭᬦ᭄ᬳᬶᬤᬾᬯ᭞ᬳᬤᬶᬳᬬᬸᬭ
ᬤᬾᬦ᭄ᬕᬮᬸᬄ᭞ᬧᬶᬢᬮᭀᬓᬚᬶᬯᬦ᭄ᬢᬶᬢ᭄ᬬᬂ᭞ᬢᬸᬗ᭄ᬕᬸᬮ᭄ᬳᬸᬭᬶᬧ᭄᭞ᬦᬢᬦ᭄ᬲᬶᬤ᭄ᬥᬢᬶᬢ᭄ᬬᬂᬧᬲᬄ᭟ᬲᬶᬤ᭄ᬥᬭᬢᬸᬢᬢᬲ᭄ᬯᬶᬓᬦ᭄᭞ᬲ᭄ᬯᬾᬘ᭄ᬘᬵᬭᬢᬸᬫᬦᭂᬢᭂᬲᬶᬦ᭄᭞ᬧᬢᬶᬄᬫᬥᬸᬤᬸᬢ᭄ᬢᬦ᭄ᬦᬦᬓ᭄᭞ᬦᬯᭂᬕᬂᬦᬶᬓᬳᬶᬦ᭄ᬳᬶᬧᬸᬦ᭄᭞ᬳᬦ᭄ᬢᬸᬓ᭄ᬩᬸ
ᬤᬸᬄᬫᬦᬄᬢᬶᬢ᭄ᬬᬂ᭞ᬢᬸᬳᬸᬚᬢᬶ᭞ᬚᬶᬯᬦ᭄ᬢᬶᬢ᭄ᬬᬂᬭᬢᬸᬗ᭄ᬭᬓ᭄ᬱ᭟ᬧ᭄ᬭᬚᬸᬭᬸᬲᬸᬡ᭄ᬥᬫᬗᬦ᭄ᬤᬶᬓ᭞ᬧᬢᬶᬄᬫᬥᬸᬢᬸᬢᬸᬭᬂᬤᬶᬦᬶ᭞ᬲᬯᬘᬦᬦ᭄ᬲᬶᬭᬦᬦᬓ᭄᭞ᬦᬦᬓ᭄ᬯᬶᬮᬢᬶᬓ᭄ᬝᬧ᭄ᬭᬪᬸ᭞ᬦᬾᬜᬦ᭄ᬤᬂᬧᬘᬂᬢᬶᬗ᭄ᬮᬲᬂ᭞ᬢᭂᬓ

[᭗ 7A]
᭗
ᬫᬳᬶ᭞ᬫᬗ᭄ᬤᬦᬶᬭᬧᬭᬶᬢᬢᬲ᭄᭟ᬳᬶᬗ᭄ᬕᬶᬄᬭᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬧᬸᬢ᭄ᬭᬦ᭄ᬭᬢᬸᬓᭂᬘᬸᬤ᭄ᬓᬸᬦᬶᬂ᭞ᬳᬸᬮᬗᬸᬦ᭄ᬳᬶᬤᬓᬮᬶᬦ᭄ᬢᬂ᭞ᬭᬶᬂᬧᬸᬢ᭄ᬭᬦ᭄ᬭᬢᬸᬲᬂᬧ᭄ᬭᬪᬸ᭞ᬲᬶᬬᬂᬤᬮᬸᬫᬧᬗᭂᬦᬦ᭄᭞ᬳᬶᬩᬸᬓ᭄ᬧᬮᬶᬂ᭞ᬫᬗᬫᬾᬳᬫᬾᬲᬂᬤ᭄ᬬᬄ
᭟ᬩᭂᬗᬂᬩᭂᬗᭀᬂᬧᬭᬭᬕᬦ᭄᭞ᬧᬜ᭄ᬚᬓ᭄ᬯᭂᬦᬂᬫᬦᬗ᭄ᬓᬶᬮᬶᬦ᭄᭞ᬧᬘᬂᬫᬹᬃᬡ᭄ᬦᬬᬂᬳᬶᬦᬦᬓ᭄᭞ᬗᬢᬸᬭᬶᬦ᭄ᬳᬶᬤᬫᬯᬸᬗᬸ᭞ᬉᬢ᭄ᬲᬳᬫᬗᬮᬶᬮᬬᬂ᭞ᬲᬫᬶᬓᬮᬶᬲ᭄᭞ᬲᭂᬤᬶᬄᬢᬶᬢ᭄ᬬᬂᬫᬗᬢᭀᬦᬂ᭟ᬲ᭄ᬯᬘ᭄ᬙᬵᬭᬢᬸᬗᬶᬘᬾᬦ᭄ᬢ
ᬫ᭄ᬩ᭞ᬳᬢ᭄ᬫᬚᬶᬯᬦ᭄ᬳᬶᬤᬚᬢᬶ᭞ᬓᬭᬓ᭄ᬱᬧᬸᬢ᭄ᬭᬦ᭄ᬲᬂᬦᬵᬣ᭞ᬭᬢᬸᬳᬬᬸᬭᬤᬾᬦ᭄ᬕᬮᬸᬄ᭞ᬲ᭄ᬯᬾᬘ᭄ᬙᬵᬭᬢᬸᬫᬳᬶᬘᬬᬂ᭞ᬭᬤᬾᬦ᭄ᬧᬸᬢ᭄ᬭᬶ᭞ᬭᬶᬂᬧᬮᬸᬗ᭄ᬕᬸᬄᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭟ᬲᬶᬭᬦᬵᬣᬯᬶᬮᬢᬶᬓ᭄ᬝ᭞ᬬᬸᬱᬦ᭄ᬳᬶᬤ
ᬓᬦ᭄ᬢᬸᬦᬮᬶᬢ᭄᭞ᬤᬸᬭᬸᬂᬳᬶᬤᬗᬫᬾᬢ᭄ᬕᬭ᭄ᬯ᭞ᬮᬫᬶᬮᬯᬲ᭄ᬳᬶᬤᬗ᭄ᬭᬸᬭᬸᬄ᭞ᬦᬾᬫᬗ᭄ᬓᬶᬦ᭄ᬧᬗ᭄ᬕᬸᬳᬶᬦ᭄ᬳᬶᬤ᭞ᬭᬤᬾᬦ᭄ᬤᬾᬯᬶ᭞ᬧᬸᬢ᭄ᬭᬦ᭄ᬭᬢᬸᬰ᭄ᬭᬷᬦᬭᬾᬦ᭄ᬤ᭄ᬭ᭟ᬬᬦ᭄ᬢᬦ᭄‌ᬲ᭄ᬯᬾᬘ᭄ᬙᬵᬭᬢᬸᬮᬸᬕ᭄ᬭ᭞ᬗ᭄ᬮᬸᬕ᭄ᬭᬳᬶᬦ᭄ᬳᬶᬦᬦᬓ᭄ᬫᬗ᭄ᬓᬶ [ 8 ][᭗ 7B]
᭗
ᬦ᭄᭞ᬳᬶᬤᬫᬜᬸᬫᬓᬸᬢᬬᬂ᭞ᬫᬸᬧᬸᬢ᭄ᬓᬬᬸᬦ᭄ᬳᬶᬤᬲᬵᬫ᭄ᬧᬸᬦ᭄᭞ᬢᬦ᭄ᬧᬘᬂᬫᬗᬫᬾᬢ᭄ᬕᬭ᭄ᬯ᭞ᬳᬶᬤᬮᬮᬶᬲ᭄᭞ᬧᬘᬂᬫᬫᬸᬧᬸᬢᬂᬭᬕ᭟ᬦᬶᬃᬕᬸᬡᬯᬃᬡ᭄ᬦᬬᬂᬳᬶᬤ᭞ᬜᭂᬦᭂᬂᬲᬶᬭᬦᬦ᭄ᬤᬂᬲᭂᬤᬶᬄ᭞ᬧᬹᬃᬡ᭄ᬦᬬᬂᬢᭀᬂᬲᬶᬤ᭄ᬥᬧᬹᬃᬡ᭄ᬦ᭞
ᬧᬸᬧᬸᬢᬂᬚᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬯᭂᬘᬦᬦ᭄ᬲᬶᬭᬲᬂᬦᬵᬣ᭞ᬲᬦᬾᬚᬢᬶ᭞ᬓᬢᬸᬃᬭᬶᬂᬘᭀᬓᭀᬃᬳᬶᬤᬾᬯ᭟ᬳᬗᭂᬦ᭄ᬲᬶᬭᬲᬸᬡ᭄ᬥᬦᬵᬣ᭞ᬫ᭄ᬬᬃᬱᬬᬂᬳᬢᬸᬃᬓᬶᬧᬢᬶᬄ᭞ᬩᬦ᭄ᬩᬦ᭄ᬳᬮᭀᬦ᭄ᬰᬩ᭄ᬤᬦᬶᬤ᭞ᬳᬸᬤᬸᬄ
ᬘᬳᬶᬳᬶᬧᬢᬶᬄᬫᬥᬸ᭞ᬭᬯᬸᬳᬂᬢᭂᬓᬾᬦ᭄ᬳᬶᬦᬦᬓ᭄᭞ᬢᬸᬯᬶᬚᬢᬶ᭞ᬮᬰ᭄ᬘᬃᬬ᭄ᬬᬦᬶᬭᬗᬢᬸᬭᬂ᭟ᬘᬘᬶᬭᬶᬦᬾᬦᬶᬭᬦ᭄ᬭᬶᬫ᭞ᬘᬶᬭᬶᬫᬗᬶᬓᭂᬢᬂᬩᬸᬤ᭄ᬥᬶ᭞ᬜᬶᬳ᭄ᬦᬬᬂᬓᬬᬸᬦᬾᬢᬸᬗ᭄ᬕᬮ᭄᭞ᬳᬃᬱᬦᬶᬭᬭᬶᬂᬲᬂᬧ᭄ᬭ
ᬪᬸ᭞ᬦᬦᬓ᭄ᬯᬶᬮᬢᬶᬓ᭄ᬝᬦᬵᬣ᭞ᬓᬾᬢᭀᬧᬢᬶᬄ᭞ᬲᬶᬤ᭄ᬥᬧᬢᬶᬄᬧᬭᬶᬢᬢᬲ᭄᭟ᬓᭂᬦᬧᬢᬶᬄᬫᬗᬢᬸᬭᬂ᭞ᬳᬶᬦ᭄ᬤᬶᬓ᭄ᬦᬦᬓ᭄ᬦᬶᬭᬤᬶᬦᬶ᭞ᬳᬶᬦᬦᬓ᭄ᬫᬭᬕᬗᬸᬤ᭞ᬯᬶᬫᬸᬤᬚᬸᬕᬸᬮ᭄ᬳᬧᬸᬗ᭄ᬕᬸᬂ᭞ᬫᬗ᭄ᬤᬩᭂᬘᬶᬓ᭄ᬳᬶᬤ

[᭘ 8A]
᭘
ᬗ᭄ᬭᬓ᭄ᬱ᭞ᬲᬳᬶᬲᬳᬶ᭞ᬲ᭄ᬯᬾᬘ᭄ᬙᬵᬳᬶᬤᬫᬗᬸᬭᬸᬓᬂ᭟ᬓᭂᬦᬶᬲᬵᬫ᭄ᬧᬸᬦ᭄ᬫᬯᬗᭂᬦᬦ᭄᭞ᬲᬲᬫ᭄ᬧᬸᬦ᭄ᬳᬶᬦᬦᬓ᭄ᬓᬫ᭄ᬩᬶᬮ᭄᭞ᬓᬾᬗᬶᬦ᭄ᬭᬩᬶᬦ᭄ᬲᬶᬭᬦᬵᬣ᭞ᬗᬯᬗᭂᬦᬂᬳᬶᬦ᭄ᬤᬶᬓ᭄ᬮᬗ᭄ᬓᬸᬂ᭞ᬫᬾᬯᭂᬄᬧᬘᬂᬗᬯᬮᬶᬬᬂ᭞ᬲᬦᬾᬤᬶᬩᬶ᭞ᬲᬵᬫ᭄ᬧᬸᬦ᭄ᬧᬲᬶ
ᬮ᭄ᬧᬘᬂᬓᬸᬤ᭄ᬬᬂ᭟ᬧᬶᬲᭂᬲᭂᬤ᭄ᬯᬘᬦᬦ᭄ᬳᬶᬤ᭞ᬫᬦ᭄ᬢᬸᬓᬭᬶᬂᬕᬸᬲ᭄ᬢᬶᬧᬢᬶᬄ᭞ᬫᬗ᭄ᬤᬩᭂᬘᬶᬓ᭄ᬓᬳᬢᬸᬭᬂ᭞ᬭᬶᬂᬲᬶᬭᬰ᭄ᬭᬷᬅᬬᬫ᭄ᬫᬸᬭᬸᬓ᭄᭞ᬧᬢᬶᬄᬫᬥᬸᬫᬗᬶᬜ᭄ᬘᭂᬧᬂ᭞ᬢᭂᬓᬾᬗᬢᬶ᭞ᬫᬗ᭄ᬤᬲᬫ᭄ᬧᬸᬦ᭄ᬳᬶᬯᬂᬜᬗ᭄ᬕ᭄ᬭ᭟ᬩᬸᬩᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬓᬶᬫ
ᬥᬸᬫᬲᭂᬫᬸᬓᭂᬜᬶᬂ᭞ᬳᬾᬕᬃᬫᬦᬄᬓᬲ᭄ᬯᬾᬘ᭄ᬙᬦᬦ᭄᭞ᬳᬦ᭄ᬢᬸᬓ᭄ᬧᬮᬸᬗ᭄ᬕᬸᬄᬲᬂᬧ᭄ᬭᬪᬸ᭞ᬲᬦᬾᬤᬳᬢ᭄ᬓᬲᬭᬢᬂ᭞ᬲᬂᬫᬵᬲ᭄ᬫᬡᬶᬓ᭄᭞ᬫᬡᬶᬓᬵᬃᬱᬲᬶᬭᬦᬵᬣ᭟ᬓᬶᬧᬢᬶᬄᬦᬸᬦᬲ᭄ᬧᬳᬶᬘ᭄ᬙᬵ᭞ᬲᭀᬤᬦᬾᬲᬵᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬧᬗ
ᬦ᭄ᬓᬶᬦᬸᬫ᭄ᬲᬃᬯ᭄ᬯᬧᬵᬮ᭞ᬲᬫ᭄ᬬᬦ᭄ᬲᬵᬫ᭄ᬧᬸᬦ᭄ᬓᬮᬸᬗ᭄ᬲᬸᬃ᭞ᬳᬦ᭄ᬢᬸᬓ᭄ᬧᬢᬶᬄᬯᬶᬮᬢᬶᬓ᭄ᬝ᭞ᬚᬗ᭄ᬓᭂᬧ᭄ᬲᬫᬶ᭞ᬗᬦᬸᬢ᭄ᬮᬶᬗ᭄ᬕᬶᬄᬲᬂᬤᬶᬦᬸᬢ᭄ᬢ᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬡ᭄ᬥ᭞ᬓᬳᬶᬭᬶᬂᬲᬂᬧ᭄ᬭᬫᬶᬰ᭄ᬯᬭᬶ᭞ᬗᬫᬭᬦᬶᬦ᭄ᬧᬕᬮᬸᬳᬦ᭄᭞ᬫᬗᬺᬋᬄᬳᬶ [ 9 ][᭘ 8B]
᭘
ᬦᬦᬓ᭄ᬳᬬᬸ᭞ᬧ᭄ᬭᬬᬭᬯᬸᬄᬫᬜᬭᬢᬂ᭞ᬗᬦ᭄ᬤᬶᬓᬳᬶᬦ᭄᭞ᬳᬶᬦ᭄ᬤᬶᬓ᭄ᬧᬗ᭄ᬮᬫᬭᬾᬓᭀᬘᬧ᭄᭟ᬭᬤᬾᬦ᭄ᬕᬮᬸᬄᬧ᭄ᬭᬵᬧ᭄ᬢᬜᬗ᭄ᬕ᭄ᬭ᭞ᬬᬬᬄᬳᬶᬩᬸᬗᬫᬭᬦᬶᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬳᬸᬤᬸᬄᬘᭂᬦᬶᬂᬦᬦᬓ᭄ᬕᬮᬸᬄ᭞ᬫᬓᬳᬢ᭄ᬫᬚᬶᬯᬦ᭄ᬩ
ᬧ᭞ᬲᬭᬶᬦᬸᬭᬶᬧ᭄᭞ᬢᬫ᭄ᬩᬦ᭄ᬫᬦᬄᬬᬬᬄᬭᬾᬡ᭟ᬧᬗᬧ᭄ᬢᬶᬦ᭄ᬩᬧᬦᬾᬲᬭᬵᬢ᭄᭞ᬯᭂᬓᬲ᭄ᬫᬢᭂᬫᬸᬦᬸᬫᬶᬢᬶᬲ᭄᭞ᬫᬗ᭄ᬕᭂᬄᬓᬤᬶᬫᬗ᭄ᬓᬶᬦ᭄ᬦᬦᬓ᭄᭞ᬫᬗ᭄ᬤᬫᭀᬮᬶᬄᬤᬤᭀᬲ᭄ᬳᬤᬸᬂ᭞ᬬᬬᬄᬭᬾᬡᬮᬦᬶᬦᬦᬓ᭄᭞ᬫ᭄ᬯᬮᬶᬧᬗ᭄ᬕᬶᬄ᭞ᬢᭀᬂᬲᬶ
ᬤ᭄ᬥᬳᬦ᭄ᬢᬸᬓ᭄ᬫᬲᬳᬂ᭟ᬲᬵᬫ᭄ᬧᬸᬦ᭄ᬘᭂᬦᬶᬂᬫᬯᬗᭂᬦᬦ᭄᭞ᬭᬯᬸᬄᬩᬧᬓᬤᬶᬫᬗ᭄ᬓᬶᬦ᭄᭞ᬩᬧᬓ᭄ᬭᬯᬸᬳᬶᬦ᭄ᬧᬗ᭄ᬮᬫᬃ᭞ᬲᬭᬢ᭄ᬫᬤᬶᬓ᭄ᬦᬦᬓ᭄ᬕᬮᬸᬄ᭞ᬲᬓᬶᬂᬧᬸᬭᬶᬯᬶᬮᬢᬶᬓ᭄ᬝ᭞ᬰ᭄ᬭᬷᬪᬹᬧᬢᬶ᭞ᬅᬬᬫ᭄ᬫᬸᬭᬸᬓ᭄ᬗᬭᬦᬶᬭ᭟ᬲᬶᬭᬯᬶᬮᬢᬶᬓ᭄ᬝᬦᬵᬣ᭞ᬢᬸᬲ᭄ᬦᬶᬂ
ᬲᬶᬭᬭᬢᬸᬓᭂᬮᬶᬂ᭞ᬲᬶᬭᬢᬲᬂᬮ᭄ᬯᬶᬳᬶᬂᬦᬵᬣ᭞ᬳᬕᬸᬗᬾᬫᬩᬮᬭᬢᬸ᭞ᬳᬓ᭄ᬯᬾᬳᬶᬂᬭᬢᬸᬧ᭄ᬭᬦᬵᬣ᭞ᬜᬸᬗ᭄ᬲᬸᬂᬜᬶᬯᬶ᭞ᬫᬫᭂᬓᬸᬮ᭄ᬩᬸᬓ᭄ᬧᬤᬦᬶᬤ᭟ᬲᬂᬦᬵᬣᬯᬶᬭᬦᬶᬂᬬᬸᬥ᭞ᬧᬰ᭄ᬘᬤ᭄ᬭᬶᬂᬅᬓ᭄ᬱᬭᬅᬚᬶ᭞ᬧ᭄ᬭᬰᬱ᭄ᬝᬯ᭄ᬭᬸᬄᬲᬶᬭᬭᬶᬂ

[᭙ 9A]
᭙
ᬭᬢ᭄᭞ᬯᬃᬡ᭄ᬦᬦᬶᬤᬢᬸᬳᬸᬩᬕᬸᬲ᭄᭞ᬳᬦᬹᬢ᭄ᬭᬸᬧᬭᬶᬂᬳᬶᬦᬦᬓ᭄᭞ᬲ᭄ᬫᬭᬭᬢᬶᬄ᭞ᬲᭂᬍᬧᬫᭀᬮᬶᬄᬢᭂᬓᭂᬧ᭄ᬜ᭟ᬲᬶᬭᬦᬵᬣᬫᬳ᭄ᬬᬸᬲ᭄ᬢ᭄ᬭᬸᬡ᭞ᬤᬾᬭᬾᬂᬳᬶᬤᬗᬫᬾᬢ᭄ᬭᬩᬶ᭞ᬯᬦ᭄ᬢᬄᬦᬦᬓ᭄ᬓᬲᬭᬢᬂ᭞ᬮᬰ᭄ᬘᬃ
ᬬ᭄ᬬᬫᬢᬶᬦ᭄ᬤᬶᬄᬮᬫ᭄ᬧᬸᬲ᭄᭞ᬚᬶᬯᬦᬶᬤᬘᭂᬦᬶᬂᬗ᭄ᬭᬓ᭄ᬱ᭞ᬜᭂᬭᬳᬸᬭᬶᬧ᭄᭞ᬲ᭄ᬯᬾᬘ᭄ᬘᬵᬳᬶᬦᬦᬓ᭄ᬫᬗ᭄ᬮᬸᬓᬢ᭄᭟ᬧᬗ᭄ᬮᬫᬭᬾᬯᬸᬲ᭄ᬓᬢ᭄ᬭᬶᬫ᭞ᬬᬬᬄᬭᬾᬡᬯᬸᬲ᭄‌ᬗ᭄ᬮᬸᬕ᭄ᬭᬳᬶᬦ᭄᭞ᬲᬸᬓᬦᬦᬓ᭄ᬫᬗᬶᬥᭂᬧᬂ᭞ᬤᬕᬶᬂᬫᬦᬄᬩᬧᬢᬸᬳᬸ
᭞ᬩᬧᬫᬗ᭄ᬓᬶᬦ᭄ᬫᬜᬶᬳ᭄ᬦᬬᬂ᭞ᬗᭂᬫᬭᬦᬶᬦ᭄᭞ᬧᬶᬲᬭᬢ᭄ᬗ᭄ᬭᬯᬸᬳᬶᬦ᭄ᬦᬦᬓ᭄᭟ᬧ᭄ᬭᬫᬶᬰ᭄ᬯᬭᬶᬦᬶᬫ᭄ᬩᬮ᭄ᬗᬦ᭄ᬤᬶᬓᬵ᭞ᬳᬢ᭄ᬫᬚᬶᬯᬦ᭄ᬫᬾᬫᬾᬘᭂᬦᬶᬂ᭞ᬫᬵᬲ᭄ᬫᬶᬭᬄᬫᬾᬫᬾᬳᬶᬤᬾᬯ᭞ᬲᬵᬫ᭄ᬧᬸᬦ᭄ᬘᭂᬦᬶᬂᬲᬮᬄᬲᬸᬤᬸᬓ᭄᭞ᬫᬾᬫᬾᬢ᭄ᬯᬭᬲᬶᬤ᭄ᬥᬧ
ᬲᬄ᭞ᬭᬶᬂᬳᬶᬘᭂᬦᬶᬂ᭞ᬲᬵᬫ᭄ᬧᬸᬦᬂᬚᬫᬯᬗᭂᬦᬦ᭄᭟ᬲᬵᬫ᭄ᬧᬸᬦᬂᬚᬘᭂᬦᬶᬂᬯᬶᬯᬮ᭄᭞ᬭᬶᬂᬓᬬᬸᬦ᭄ᬳᬶᬤᬳᬶᬳᬚᬶ᭞ᬧᬸᬢ᭄ᬭᬶᬮᬸᬯᬶᬄᬳᬶᬦᬸᬘᬧᬦ᭄᭞ᬲᬗᬦᬹᬢ᭄ᬭᬶᬂᬬᬬᬳᬶᬩᬸ᭞ᬪᬓ᭄ᬢᬶᬳᬦᬹᬢ᭄ᬭᬶᬂᬋᬭᬫ᭞ᬧᬸᬢ᭄ᬭᬶᬚ [ 10 ][᭙ 9B]
᭙
ᬢᬶ᭞ᬲᬲᬫᬾᬦ᭄ᬜᬲᬂᬫᬤᬾᬯ᭄ᬬᬵ᭟ᬦᬦᬓ᭄ᬕᬮᬸᬄᬚᬶᬯᬦ᭄ᬩᬶᬬᬂ᭞ᬫᬸᬗ᭄ᬕᬄᬭᬶᬗᬓ᭄ᬱᬭᬅᬚᬶ᭞ᬫᬵᬦᬹᬢ᭄ᬓᭂᬘᬧᬶᬂᬧᬸᬭᬡ᭞ᬓᬤᬶᬭᬶᬂᬮᭀᬦ᭄ᬢᬃᬓᬯᬸᬯᬸᬲ᭄᭞ᬭᬶᬂᬘᬓᭂᬧᬦ᭄‌ᬰ᭄ᬮᭀᬓᬵᬦ᭄ᬢᬭ᭞ᬬᭀᬕ᭄ᬬᬘᭂᬦᬶᬂ᭞ᬗᬶᬜ᭄ᬘᭂᬧᬂᬭᬶᬂᬧ
ᬓᬬᬸᬦᬦ᭄᭟ᬧᬸᬢ᭄ᬭᬪᬓ᭄ᬢᬶᬭᬶᬂᬋᬭᬫ᭞ᬦᬢᬦ᭄ᬧᬸᬭᬸᬦ᭄ᬫᬦᭂᬫ᭄ᬧᬮᬶᬦ᭄᭞ᬧᬸᬦᬶᬓᬦᬾᬓᬩᬯᭀᬲᬂ᭞ᬗᬲᭀᬭᬂᬬᬰᬧᬶᬂᬲᬢᬸᬲ᭄᭞ᬳᬓᬾᬢᭀᬓᬮᬸᬯᬶᬳᬦ᭄ᬜ᭞ᬳᬤᬸᬄᬘᭂᬦᬶᬂ᭞ᬳᬢ᭄ᬫᬚᬶᬯᬦ᭄ᬫᬾᬫᬾᬦᬦ
ᬓ᭄᭟ᬓᬕ᭄ᬬᬢ᭄ᬓᬬᬸᬦᬾᬫᬶᬋᬗᬂ᭞ᬭᬤᬾᬦ᭄ᬤᬾᬯᬶᬓᭂᬘᬸᬤ᭄ᬓᬸᬦᬶᬂ᭞ᬢᭀᬬᬧᬦᭀᬦ᭄ᬤᭂᬋᬲ᭄ᬫᭂᬤᬮ᭄᭞ᬫᬩ᭄ᬮᭂᬲᭂᬓ᭄ᬳᬶᬤᬭᬶᬂᬓᬬᬸᬦ᭄᭞ᬳᬾᬮᬶᬂᬭᬶᬂᬬᬸᬱᬦᬾᬗᬸᬤ᭞ᬤᬾᬭᬾᬂᬳᬸᬦᬶᬂ᭞ᬧᬘᬂᬫᬦᬶᬗ᭄ᬓᬳᬂᬭᬕ᭟
ᬲ᭄ᬯᬥᬃᬫ᭄ᬫᬫ᭄ᬯᬂᬲᬸᬰᬶᬮ᭞ᬦᬾᬧᬢᬸᬢ᭄ᬧᬘᬂᬓᬳᬧ᭄ᬢᬶ᭞ᬲᬦᬾᬳᬗ᭄ᬕᬾᬦ᭄ᬕᬕᭂᬮᬭᬦ᭄᭞ᬫᬗᬵᬪᬓ᭄ᬢᬶᬭᬶᬂᬲᬂᬓᬓᬸᬂ᭞ᬲᬶᬭᬧ᭄ᬭᬪᬸᬯᬶᬮᬢᬶᬓ᭄ᬝ᭞ᬤᬳᬢ᭄ᬲᬸᬓᬶᬮ᭄᭞ᬤᬸᬭᬸᬂᬳᬶᬤᬧᬭᬶᬢᬢᬲ᭄᭟ᬳᬚ᭄ᬭᬶᬄᬤ

[᭑᭐ 10A]
᭑᭐
ᬤᭀᬲ᭄ᬩᬩᬯᭀᬲᬦ᭄᭞ᬭᬶᬂᬲᬵᬫ᭄ᬧᬸᬦᬾᬤᬤᭀᬲ᭄ᬧ᭄ᬭᬫᬶ᭞ᬗ᭄ᬮᬗ᭄ᬓᬃᬕᬸᬦᬸᬂᬫᬭᬩ᭄ᬬᬦ᭄᭞ᬢᬫ᭄ᬩᭂᬢ᭄ᬳᬶᬤᬦᬾᬗᬮᬗ᭄ᬓᬸᬂ᭞ᬗᬯᬾᬘᬶᬦᬶᬦ᭄‌ᬬᬬᬄᬭᬾᬡ᭞ᬦᬾᬓᬲᬶᬯᬶ᭞ᬲᬂᬗ᭄ᬭᬸᬧᬓᬳᬗ᭄ᬕᬦᬶᬤ᭟ᬬᬬᬄᬭᬾᬡᬮᬗ᭄ᬓᬸᬂᬲ᭄ᬯᬾᬘ᭄ᬙᬵ
᭞ᬫᬘᬶᬳ᭄ᬦᬳᬸᬭᬶᬧᬾᬫᬗ᭄ᬓᬶᬦ᭄᭞ᬫᬫ᭄ᬬᬭᬫᬗᬸᬧᬪᭀᬕ᭞ᬲᬦᬾᬧᬢᬸᬢ᭄ᬧᬘᬂᬳᬦᬹᬢ᭄᭞ᬮᬰ᭄ᬘᬃᬬ᭄ᬬᬗᬢᬸᬭᬂᬚᬶᬯ᭞ᬩᬶᬬᬂᬳᬚᬶ᭞ᬧᬶᬦᬓᬵᬳᬶᬤᬳ᭄ᬬᬂᬯᭂᬦᬂ᭟ᬬᬤ᭄ᬬᬲ᭄ᬢᬸᬦ᭄ᬫᬫᬗ᭄ᬕᬸᬄᬧᭂᬚᬄ᭞ᬢᬦᬵᬗᭂ
ᬦ᭄ᬲᬶᬭᬭᬶᬂᬳᬸᬭᬶᬧ᭄᭞ᬜᬗ᭄ᬕ᭄ᬭᬜᬸᬯᬸᬦ᭄ᬧᬓᬬᬸᬦᬦ᭄᭞ᬩᬶᬬᬂᬲᬸᬭᬶᬳᬚᬶᬧ᭄ᬭᬪᬸ᭞ᬗᬦᬹᬢᬶᬦ᭄ᬧᬸᬢ᭄ᬭᬰᬰᬡ᭞ᬦᬢᬦ᭄ᬯᭂᬤᬶ᭞ᬧᬘᬂᬫᬗᭂᬢᭀᬳᬶᬦ᭄ᬳᬶᬤ᭟ᬳᭂᬤᬚᬗᬸᬮᬸᬭᬶᬦ᭄ᬮᭂᬕ᭞ᬍᬕᬦ᭄ᬫᬦᬳᬾᬫ
ᬦ᭄ᬤᬶᬭᬶ᭞ᬗᬸᬮᬸᬭᬶᬦ᭄ᬜᭂᬢ᭄ᬫᬓᬸᬋᬦᬦ᭄᭞ᬲᭀᬓ᭄ᬫᬫᭂᬭᬶᬄᬳᬦᬓ᭄ᬩᬕᬸᬲ᭄᭞ᬜᭂᬦ᭄ᬢᭀᬓᬂᬫᬫᬗ᭄ᬕᬸᬄᬲᬤ᭄ᬬ᭞ᬚᬦ᭄ᬢᭀᬲ᭄ᬮᬮᬶ᭞ᬢᬦᬦᬮᬗ᭄ᬕᭂᬂᬭᬶᬂᬚᬕᬢ᭄᭟ᬲᬸᬗ᭄ᬲᬸᬢᬾᬫᬤᬕᬶᬂᬮᬾᬤᬂ᭞ᬧᬓᬬᬸᬦᬦ᭄ᬭ [ 11 ][᭑᭐ 10B]
᭑᭐
ᬤᬾᬦ᭄ᬤᬾᬯᬶ᭞ᬲᬸᬗ᭄ᬲᬸᬢ᭄ᬳᬶᬤᬧᬘᬂᬓᬾᬲᬄ᭞ᬫᬧᬫᬶᬢ᭄ᬭᬶᬂᬬᬬᬳᬶᬩᬸ᭞ᬮᬰ᭄ᬘᬃᬬ᭄ᬬᬮᬾᬤᬂᬭᬶᬗᬃᬱ᭞ᬜᬤ᭄ᬬᬪᬓ᭄ᬢᬶ᭞ᬜᬸᬗ᭄ᬲᬸᬂᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬭᬤᬾᬦ᭄ᬤᬾᬯᬶᬫᬢᬸᬃᬩᬦ᭄ᬩᬦ᭄᭞ᬲᬳᬳᬶᬤᬫᬗᬜ᭄ᬚᬮᬶ᭞ᬗᭂᬢᬸᬲ᭄ᬓ
ᬬᬸᬦ᭄᭞ᬬᬬᬄᬭᬾᬡ᭞ᬳᬶᬗ᭄ᬕᬶᬄᬭᬢᬸᬳᬚᬶᬧ᭄ᬭᬪᬸ᭞ᬓᬳᬶᬭᬶᬂᬮᬦ᭄ᬭᬢᬸᬩᬶᬬᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬜᬸᬗ᭄ᬲᬸᬂᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬡ᭄ᬥ᭞ᬓᬳᬶᬭᬶᬂᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬳᬾᬕᬃᬓᬬᬸᬦᬾᬫᬜᬶ
ᬗᬓ᭄᭞ᬯᭂᬓᬦᬶᬭᬭᬤᬾᬦ᭄ᬕᬮᬸᬄ᭞ᬮᬰ᭄ᬘᬃᬬ᭄ᬬᬜᬸᬗ᭄ᬲᬸᬂᬫᬜᬗ᭄ᬕ᭄ᬭ᭞ᬲᬓᬶᬂᬚᬢᬶ᭞ᬯᭂᬘᬦᬦ᭄ᬳᬶᬤᬲᬂᬦᬵᬣ᭟ᬳᬾᬲᬸᬓ᭄ᬳᬾᬜ᭄ᬚᬶᬂᬳᬶᬦᬸᬘᬧᬦ᭄᭞ᬯᬢᭂᬓ᭄ᬧ᭄ᬭᬚᬦᬦᬾᬲᬫᬶ᭞ᬓᬧ᭄ᬯᬭᬶᬂᬲᬸᬡ᭄ᬥᬦᬵᬕᬭ᭞ᬲᬫᬶᬲᬵᬫ᭄ᬧᬸ
ᬦ᭄ᬢᬢᬲ᭄ᬯᭂᬭᬸᬄ᭞ᬧᬗ᭄ᬮᬫᬭᬾᬯᬸᬲ᭄ᬓᬮᬸᬕ᭄ᬭ᭞ᬤᬾᬦᬺᬧᬢᬶ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬡ᭄ᬥ᭟ᬲᬶᬭᬦᬺᬧᬢᬶᬳᬶᬦᬸᬘᬧ᭄᭞ᬭᬶᬂᬧᬲᬾᬪᬦ᭄ᬓᬢᬗ᭄ᬓᬶᬮᬶᬦ᭄᭞ᬓᬳᬶᬭᬶᬂᬧᬭᬧᬸᬗ᭄ᬕᬯ᭞ᬧᬢᬶᬄᬫᬥᬸᬲᬳᬵᬤᭂᬫᬸᬂ᭞ᬯᬢᭂᬓ᭄ᬧ᭄ᬭᬚ

[᭑᭑ 11A]
᭑᭑
ᬦᬦᬾᬧ᭄ᬭᬧ᭄ᬢᬵ᭞ᬜᬤ᭄ᬬᬪᬓ᭄ᬢᬶ᭞ᬩᭂᬤᬓ᭄ᬜᬗ᭄ᬕ᭄ᬭᬧᬓᬬᬸᬦᬦ᭄᭟ᬯᭂᬘᬦᬦ᭄ᬲᬶᬭᬲᬂᬦᬵᬣ᭞ᬫᬦ᭄ᬢᬸᬓᬭᬶᬂᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬫᬥᬸᬓᭂᬦᬬᬢ᭄ᬦ᭞ᬤᬩ᭄ᬤᬩᬂᬤᬾᬯᬾᬓᬾᬫᬦ᭄ᬢᬸᬓ᭄᭞ᬫᬢᬸᬃᬩᬜᬭᬶᬂᬲᬂᬦᬵᬣ᭞ᬦᬦ
ᬓ᭄ᬤᬾᬯᬶ᭞ᬦᬶᬭᬜᬤ᭄ᬬᬫᬗᬢᬸᬭᬂ᭟ᬲᬸᬭᬢᬾᬢᬦ᭄ᬯᬍᬲ᭄ᬦᬶᬭ᭞ᬦᬶᬭᬜᬤ᭄ᬬᬫᬗ᭄ᬭᬯᬸᬳᬶᬦ᭄᭞ᬧᬘᬂᬜᬋᬗᬶᬦ᭄ᬳᬶᬦᬦᬓ᭄᭞ᬧᬸᬗ᭄ᬓᬸᬭᬦ᭄ᬭᬯᬸᬄᬫᬗᭂᬢᬸᬢ᭄᭞ᬦᬦᬓ᭄ᬧ᭄ᬭᬪᬸᬓᭂᬦᬯᬶᬓᬦ᭄᭞ᬓᬾᬢᭀᬧᬢᬶᬄ᭞ᬦᬄᬜ
ᬦ᭄ᬤᬂᬲᬸᬩᬤᬩ᭄ᬤᬩᬂ᭟ᬧᬢᬶᬄᬫᬥᬸᬫᬢᬸᬃᬲᭂᬫ᭄ᬩᬄ᭞ᬲᬳᬶᬢ᭄ᬬᬢᬶᬢ᭄ᬬᬂᬫᬗᬶᬭᬶᬂ᭞ᬲᬧᬗᬦ᭄ᬤᬶᬓᬦ᭄ᬳᬶᬤᬾᬯ᭞ᬜᬤ᭄ᬬᬓᬢᬸᬃᬭᬶᬂᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬗ᭄ᬮᬸᬗ᭄ᬲᬸᬃᬧᬫᬶᬢ᭄᭞ᬩᬾᬜ᭄ᬚᬂᬢᬶᬢ᭄ᬬᬂᬧ᭄ᬭᬬᬩᬸᬤᬮ᭄᭟ᬧᬸᬗ᭄ᬕᭂᬮᬂ
ᬧᬸᬦᬂᬘᬭᬶᬢ᭞ᬧᬜ᭄ᬚᬓ᭄ᬲᬫᬶᬯᬸᬲ᭄ᬫᬧᬫᬶᬢ᭄᭞ᬩᬸᬩᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬯᬯᬶᬮᬗᬦ᭄ᬲᬫ᭄ᬧᬸᬦ᭄ᬳᬶᬕᬸᬫ᭄᭞ᬧᬜ᭄ᬚᬓᬾᬜᬤ᭄ᬬᬗᬶᬭᬶᬗᬂ᭞ᬭᬤᬾᬦ᭄ᬤᬾᬯᬶ᭞ᬓᬯᬶᬮᬢᬶᬓ᭄ᬝᬦᬵᬕᬭ᭟᭜᭟ᬧᬢᬶᬄᬫᬥᬸᬫᬧᬫᬶᬢ᭄ᬩᬸ [ 12 ][᭑᭑ 11B]
᭑᭑
ᬤᬮ᭄ᬓᬫᬚᬧᬳᬶᬢ᭄᭞ᬧ᭄ᬭᬪᬸᬲᬸᬡ᭄ᬥᬗᭂᬢᬸᬢ᭄ᬧᬸᬗ᭄ᬓᬸᬭᬦ᭄᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬧᬶᬢᬶᬸᬭᬂᬤᬶᬦ᭄ᬢᭂᬦ᭄ᬢᬦ᭄ᬓᬘ᭄ᬭᬶᬢ᭞ᬲᬲᬫ᭄ᬧᬸᬦ᭄ᬓᬶᬧᬢᬶᬄᬫᬥᬸᬫᬧᬫᬶᬢ᭄᭞ᬧᬜ᭄ᬚᬓ᭄ᬲᬸᬡ᭄ᬥᬲᬫᬶᬳᬶᬫ᭄ᬧᬸᬢ᭄᭞ᬗᬢᬸᬭᬂᬳᬬᬄᬫᬓᬃᬬ᭄ᬬ᭞ᬩᭂᬓᭂᬮ᭄ᬮᬸ
ᬗ᭄ᬳᬵᬓᬫᬚᬧᬳᬶᬢ᭄ᬓᬯᬸᬯᬸᬲ᭄᭞ᬜᬤ᭄ᬬᬗᬶᬭᬶᬂᬲᬶᬭᬦᬵᬣ᭞ᬫᬜᬋᬗᬶᬦ᭄ᬭᬤᬾᬦ᭄ᬤᬾᬯᬶ᭟ᬓᬢᬄᬩᬳᬶᬢᬦᬾᬲᬢᬓ᭄᭞ᬲᬾᬬᭀᬲ᭄ᬫᬮᬶᬄᬳᬶᬦᬸᬘᬧ᭄ᬓᬯᬶᬮᬗᬶᬦ᭄᭞ᬧ᭄ᬭᬵᬧ᭄ᬢᬓᬮᬶᬄᬳᭂᬯᬸᬧ᭄ᬭᬳᬸ᭞ᬕᬚᬄᬓᬸᬤᬧ
ᬮᬶᬗ᭄ᬕᬶᬳᬦ᭄᭞ᬲᬮᬸᬯᬶᬃᬜᬧᬶᬭᬦ᭄ᬢᬶᬦᬶᬂᬲᬂᬦᬵᬣᬭᬢᬸ᭞ᬲᬫᬶᬯᬸᬲ᭄ᬢᭂᬕᭂᬧ᭄ᬲᬬᬕ᭞ᬳᭂᬩᭂᬓ᭄ᬚᭂᬚᭂᬮ᭄ᬭᬶᬂᬧᬲᬶᬲᬶᬃ᭟ᬲᬦᬾᬫᬗ᭄ᬓᬶᬦ᭄ᬓᬘ᭄ᬭᬶᬢᬬᬂ᭞ᬲᬶᬭᬦᬵᬣᬯᬸᬲ᭄ᬧ᭄ᬭᬵᬧ᭄ᬢᬭᬶᬂᬧᬲᬶᬲᬶᬃ᭞ᬘᬶᬳ᭄ᬦᬦ᭄ᬚᬕᬢᬾᬢᬦ᭄ᬧᬢᬸᬢ᭄᭞ᬢᭀᬬ
ᬦ᭄ᬲᬕᬭᬫᬓ᭄ᬮᬶᬳᬄ᭞ᬫᬯᬃᬡ᭄ᬦᬩᬂᬧᬓ᭄ᬱᬶᬕᭀᬯᬓ᭄ᬧᬓᭂᬩᬸᬃᬩᬸᬃ᭞ᬲ᭄ᬯᬭᬦ᭄ᬜᬦᬾᬗᬮᬤᬮᬤ᭄᭞ᬲᬳᬫᬗᬸᬢᬳᬂᬕᭂᬢᬶᬄ᭟ᬓᬤᬶᬲᭂᬤᬶᬄᬲ᭄ᬯᬭᬦ᭄ᬳᬶᬕᭀᬯᬓ᭄᭞ᬧᬶᬦᬓᬧᬯᬸᬗᬸᬭᬶᬂᬲᬂᬪᬹᬧᬢᬶ᭞ᬫ

[᭑᭒ 12A]
᭑᭒
ᬗ᭄ᬤᬲᬵᬫ᭄ᬧᬸᬦ᭄ᬳᬶᬤᬓᬤᬸᬭᬸᬲ᭄᭞ᬧᬘᬂᬫᬗ᭄ᬮᬦ᭄ᬢᬸᬭᬂᬮᬫ᭄ᬧᬄ᭞ᬫᬤᬸᬃᬕ᭄ᬕᬫᬵᬧᬫᬃᬕ᭄ᬕᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬲᬶᬦᬄᬳᬶᬤᬧᬘᬂᬭᬸᬲᬓ᭄᭞ᬘᬶᬳ᭄ᬦᬦ᭄ᬚᬕᬢᬾᬢᬦ᭄ᬩᭂᬘᬶᬓ᭄᭟ᬲᬂᬧ᭄ᬭᬪᬸᬢᬦ᭄ᬗᬋᬗᬬᬂ᭞ᬭᬶᬗᬶᬦ᭄ᬤᬶᬓ᭄ᬧ᭄ᬭᬘᬶᬭᬶᬦ᭄ᬚᬕᬢᬾ
ᬲᬫᬶ᭞ᬢᭂᬳᭂᬃᬓᬬᬸᬦ᭄ᬳᬶᬤᬲᬫ᭄ᬧᬸᬦ᭄᭞ᬜᬤ᭄ᬬᬧᬘᬂᬫᬜᬗ᭄ᬓᭂᬧᬂ᭞ᬚᬢᬸᬓᬃᬫ᭄ᬫᬧᬸᬢ᭄ᬭᬦ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬗᬶᬭᬶᬂᬯᬶᬮᬢᬶᬓ᭄ᬝᬦᬵᬣ᭞ᬲᬸᬩᬬᬦᬾᬲᬫ᭄ᬧᬸᬦ᭄ᬧᬱ᭄ᬝᬶ᭟ᬲᬂᬦᬵᬣᬮᬦ᭄ᬓᬸᬮᬯᬃᬕ᭄ᬕ᭞ᬧᬧᬢᬶᬄ
ᬢᬡ᭄ᬥᬫᬦ᭄ᬢ᭄ᬭᬶᬫᬓᬲᬫᬶ᭞ᬧᬸᬗ᭄ᬕᬯᬲᬳᬵᬢᬸᬫᭂᬗ᭄ᬕᬸᬂ᭞ᬧᬭᬯᬶᬭᬲᬺᬕᭂᬧ᭄ᬲᬜ᭄ᬚᬢ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄᬩᬳᬶᬢᬧ᭄ᬭᬳᬸᬦᬾᬧᭂᬦᬸᬄ᭞ᬳᭂᬩᭂᬓ᭄ᬚᭂᬚᭂᬮ᭄ᬫᬕᬶᬳᬓᬦ᭄᭞ᬲᬫᬶᬫᬸᬗ᭄ᬕᬄᬮ᭄ᬬᬗᬢᬶ᭟ᬭᭀᬦ᭄ᬢᬾ
ᬓ᭄ᬓᭀᬩᬾᬃᬮᬦ᭄ᬕᬫ᭄ᬩᭂᬮᬦ᭄᭞ᬲᬳᬧᬶᬭᬦ᭄ᬢᬶᬦᬶᬂᬳᬕᬸᬗᬾᬮᬸᬯᬶᬄ᭞ᬲᬶᬦᬫ᭄ᬬᬦ᭄ᬘᬸᬫᬯᬶᬲ᭄ᬲᬫ᭄ᬧᬸᬦ᭄᭞ᬲᭀᬯᬂᬲᭀᬯᬂᬗᬫᭀᬂᬕᬕᬶᬡᬦ᭄᭞ᬲᬫ᭄ᬧᬸᬦ᭄ᬢ᭄ᬭᬕ᭄ᬬ᭞ᬧᬫᬃᬕ᭄ᬕᬶᬦᬾᬯᬸᬲ᭄ᬗᬮᬦ᭄ᬢᬸᬃ᭞ᬩᬳᬶᬢᬧ᭄ᬭ [ 13 ][᭑᭒ 12B]
᭑᭒
ᬳᬸᬫᬮᬬᬃ᭞ᬫᬚᬧᬳᬶᬢᬾᬓᬳᬸᬗ᭄ᬲᬶ᭟ᬕᬕᬫ᭄ᬩᭂᬮᬦ᭄ᬬᬸᬲ᭄ᬓᬢᭂᬧᬓ᭄᭞ᬲ᭄ᬯᬭᬦ᭄ᬜᬦᬾᬗᬋᬋᬗᬶᬄᬫᬗᬸᬘᬶ᭞ᬗᬜᬶᬳᬜᬶᬄᬗᭂᬢᬸᬲ᭄ᬓᬬᬸᬦ᭄᭞ᬧᬗᬶᬭᬶᬗᬾᬫᬕ᭄ᬬᬓᬦ᭄᭞ᬲᬫᬶᬮᬾᬤᬂᬫᭂᬍᬤ᭄ᬳᬶ
ᬤᬤᬦᬾᬳᬶᬧᬸᬦ᭄᭞ᬫᭂᬮᬘᬯᬶᬯᬳᬦ᭄ᬳᬶᬤ᭞ᬲᬶᬭᬭᬢᬸᬭᬤᬾᬦ᭄ᬤᬾᬯᬶ᭟ᬰᬹᬦ᭄ᬬᬋᬓᭀᬭᬶᬂᬚᬕᬢ᭄ᬲᬸᬡ᭄ᬥ᭞ᬯᬺᬥᬳᬮᬶᬢ᭄ᬮᬦᬂᬳᬶᬲ᭄ᬢ᭄ᬭᬶᬫᬗᬶᬭᬶᬂ᭞ᬲᬫᬶᬜᬤ᭄ᬬᬫᭂᬤᭂᬓ᭄ᬭᬯᬸᬄ᭞ᬲᬭᬢ᭄ᬗᬶᬭᬶᬂᬗᬲ᭄ᬢᬯᬬᬂ
᭞ᬓᬃᬬ᭄ᬬᬦᬶᬤᬯᬶᬯᬳᬦ᭄ᬳᬶᬤᬲᬂᬧ᭄ᬭᬪᬸ᭞ᬘᬢ᭄ᬭᬾᬂᬚᬕᬢ᭄ᬯᬶᬮᬢᬶᬓ᭄ᬝ᭞ᬓᬳᬶᬭᬶᬂᬮᬦ᭄ᬭᬤᬾᬦ᭄ᬤᬾᬯᬶ᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬳᬶᬦᬸᬘᬧᬦ᭄ᬤᬦᬾᬓᬶᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬫᬥᬸᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬳᬶᬭᬶᬂᬮᬦ᭄ᬫᬦ᭄ᬢ᭄ᬭᬶᬯᬺᬥ
᭞ᬭᬶᬂᬧᬲᬾᬪᬦ᭄‌ᬫᬢᬸᬃᬭᬶᬗᬶᬤᬲᬂᬧ᭄ᬭᬪᬸ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬧ᭄ᬭᬬᬫᬢᬸᬃᬲᬦᬾᬫᬗ᭄ᬓᬶᬦ᭄᭟ᬲᬶᬭᬧ᭄ᬭᬪᬸᬲᬸᬡ᭄ᬥᬮᬾᬤᬂ᭞ᬗᬢᬸᬭᬂᬧᬸᬢ᭄ᬭᬦᬶᬤᬭᬤᬾᬦ᭄ᬤᬾᬯᬶ᭞ᬳᬶᬤᬜᬤ᭄ᬬᬧᬘᬂᬭᬯᬸᬄ᭞ᬲᬳ

[᭑᭓ 13A]
᭑᭓
ᬧᬸᬢ᭄ᬭᬮᬦ᭄ᬲ᭄ᬯᬕᭀᬢ᭄ᬭ᭞ᬲᬋᬂᬲᬫ᭄ᬬᬦ᭄‌‌ᬜᬤ᭄ᬬᬫᭂᬤᭂᬓ᭄ᬭᬶᬂᬳᬶᬭᬢᬸ᭞ᬲᬭᬢ᭄ᬲᬋᬂᬗᬲ᭄ᬢᬯᬬᬂ᭞ᬓᬃᬬ᭄ᬬᬦ᭄ᬭᬢᬸᬰ᭄ᬭᬷᬪᬹᬧᬢᬶ᭟ᬳᬶᬤᬫᬫᬃᬕ᭄ᬕᬧᬸᬗ᭄ᬓᬸᬭᬦ᭄᭞ᬢᬶᬢ᭄ᬬᬂᬓᬦᬶᬓᬬᬂᬮᬸᬫᬫ᭄ᬧᬄᬭᬶᬳᬶᬦ᭄᭞ᬗᬯᭂᬓᬲᬂ
ᬭᬶᬗᬶᬭᬢᬸ᭞ᬲᬶᬤ᭄ᬥᬭᬢᬸᬢᬢᬲ᭄ᬯᬶᬓᬦ᭄᭞ᬲᬧᬸᬦᬶᬓᬵᬤᬕᬶᬂᬳᬢᬸᬃᬢᬶᬢ᭄ᬬᬂᬭᬢᬸ᭞ᬲᬸᬓ᭄ᬱᭂᬭᬄᬘᭀᬓᭀᬃᬳᬶᬤᬾᬯ᭞ᬓᭂᬦᬶᬭᬢᬸᬫᬓᬬᬸᬦᬶᬦ᭄᭟ᬳᬾᬕᬃᬓᬬᬸᬦ᭄ᬲᬂᬦᬵᬣ᭞ᬤᬶᬕᭂᬮᬶᬲ᭄ᬳᬶᬤᬫᬦᬯᬸᬳᬶ
ᬦ᭄ᬲᬫᬶ᭞ᬓᭂᬦᬶᬧᬜ᭄ᬚᬓ᭄ᬲᬫᬶᬭᬯᬸᬄ᭞ᬲᬶᬤ᭄ᬥᬬᬢ᭄ᬦᬧᬘᬂᬜᬗ᭄ᬕ᭄ᬭ᭞ᬭᬯᬸᬄᬳᬶᬤᬧᬮᬸᬗ᭄ᬕᬸᬄᬳᬶᬤᬲᬂᬧ᭄ᬭᬪᬸ᭞ᬲᬂᬦᬵᬣᬭᬢᬸᬭᬶᬂᬲᬸᬡ᭄ᬥ᭞ᬫᬗ᭄ᬤᬾᬦᬾᬲᬫᬶᬘᬸᬫᬯᬶᬲ᭄᭟ᬧᬜ᭄ᬚᬓᬾᬢᭂᬤᬸᬦ᭄ᬫᬓᬃᬬ᭄ᬬ᭞ᬳᬾᬩᭂᬓ᭄ᬚᭂ
ᬚᭂᬮ᭄ᬲᬫᬶᬗᬬᬄᬭᬶᬂᬧᬸᬭᬶ᭞ᬫᬦᬹᬢ᭄ᬭᬶᬂᬳᬫᭀᬗᬦ᭄ᬲᬫ᭄ᬧᬸᬦ᭄᭞ᬯᬾᬦ᭄ᬢᭂᬦ᭄ᬲᬦᬾᬗᬯᬾᬩᬗ᭄ᬲᬮ᭄᭞ᬧᬘᬂᬕᭂᬦᬄᬧᬤᬸᬦᬸᬗᬦ᭄ᬧᬭᬢᬫ᭄ᬬᬸ᭞ᬲᬦᬾᬫᬗᬶᬭᬶᬗᬗᬶᬤ᭞ᬲᬂᬧ᭄ᬭᬪᬸᬲᬸᬡ᭄ᬥᬦᬵᬕᬭᬶ᭟ᬯᬾᬦ᭄ᬢᭂᬦ᭄ᬲᬦᬾ [ 14 ][᭑᭓ 13B]
᭑᭓
ᬫᭂᬘᬶᬓᬂᬫᬃᬕ᭄ᬕ᭞ᬧᬸᬭᬶᬳᬕᬸᬂᬫᬳᬸᬧᬋᬗ᭄ᬕᬧᬱ᭄ᬝᬶ᭞ᬚᬩᬧᬸᬭᬶᬦᬾᬫᬳᬸᬤᬸᬤ᭄᭞ᬓᬸᬝᬭᬚ᭄ᬬᬓᬢᭀᬦ᭄ᬭᬫ᭄ᬬ᭞ᬲᬃᬯ᭄ᬯᬶᬳᬶᬬᬲ᭄‌ᬤᬳᬢ᭄ᬗᬸᬮᬗᬸᬦᬶᬦ᭄ᬓᬬᬸᬦ᭄᭞ᬳᬶᬤᬤᬦᬾᬲᬂᬗᬢᭀᬦᬂ᭞ᬲᬫᬶᬓᬋᬲᬶᬓᬶᬦᬰ᭄ᬭᬷ᭟
ᬲᬧᬶᬭᬦ᭄ᬢᬶᬦᬶᬂᬯᬶᬯᬳ᭞ᬲᬫ᭄ᬧᬸᬦ᭄ᬓᬘᬯᬶᬲᬂᬫᬗ᭄ᬓᬶᬦ᭄ᬭᬶᬂᬧᬸᬭᬶ᭞ᬭᭀᬦ᭄ᬢᬾᬓ᭄ᬓᭀᬩᬾᬃᬳᬸᬫ᭄ᬩᬸᬮᬸᬫ᭄ᬩᬸᬮ᭄᭞ᬲᬫᬶᬲᬫ᭄ᬧᬸᬦ᭄ᬫᬚᬚᬃᬚᬚᬃ᭞ᬓᬤᬶᬤᬶᬮᬄᬲᬚ᭄ᬭᭀᬦᬶᬂᬭᬶᬂᬧᬸᬭᬶᬳᬕᬸᬂ᭞ᬢᬸᬳᬸᬧᬸᬭᬶᬦ᭄ᬲᬶᬭᬦᬵᬣ᭞ᬧ᭄ᬭᬪᬸᬮᬸᬯᬶᬄᬜᬓ᭄ᬭᬯᬺᬢ᭄ᬢᬶ᭟ᬲᬶᬭᬯᬶᬮ
ᬢᬶᬓ᭄ᬝᬦᬵᬣ᭞ᬲᬶᬬᬤᬮᬸᬗᬚᬧᬚᬧ᭄ᬲᬂᬤᬾᬯᬶ᭞ᬲᬶᬤ᭄ᬥᬕᭂᬮᬶᬲ᭄ᬳᬶᬤᬭᬯᬸᬄ᭞ᬓᬬᬸᬦᬾᬢᭀᬂᬲᬶᬤ᭄ᬥᬧᬲᬄ᭞ᬭᬶᬂᬲᬂᬤ᭄ᬬᬄᬮᬶᬧᬸᬭᬂᬢᭀᬂᬲᬶᬤ᭄ᬥᬮᬶᬧᬸᬃ᭞ᬮᬮᬶᬳᬶᬤᬗᬫᭀᬂᬚᬕᬢ᭄᭞ᬚᬕᬢᬾᬢᭀᬂᬓᬧᬶᬦᭂᬳᬶᬦ᭄᭟ᬉᬤᬸᬄᬤ᭄ᬬᬄᬲᬂᬫ᭄ᬭ
ᬕᬢᬶᬃᬣ᭞ᬤᬸᬭᬸᬲ᭄ᬢᭂᬤᬸᬳᬶᬦ᭄ᬕᭂᬦᬶᬦ᭄ᬫᬦᬄᬩᭂᬮᬶ᭞ᬧᬦᭂᬲᬾᬢᭀᬂᬲᬶᬤ᭄ᬥᬢᭂᬯᬸᬄ᭞ᬬᬦ᭄ᬢᬦ᭄ᬓᬢᬶᬩᬾᬦᬶᬦ᭄ᬯᬃᬱ᭞ᬢᬶᬃᬣᬦ᭄ᬯᬃᬱᬫᭂᬢᬸᬲᬓᬶᬂᬳᬗ᭄ᬕᬦ᭄ᬭᬢᬸ᭞ᬭᬢᬸᬳᬢ᭄ᬫᬚᬶᬯᬦ᭄ᬢᬶᬢ᭄ᬬᬂ᭞ᬕᭂᬮᬶᬲ᭄ᬭᬢᬸᬫᬜᬸᬯᬾᬘᬦᬶᬦ᭄᭟᭜᭟ᬧ᭄ᬭᬪᬸᬲᬸᬡ᭄ᬥᬯᬸᬲ᭄ᬧ᭄ᬭᬧ᭄ᬢᬵ

[᭑᭔ 14A]
᭑᭔
ᬭᬶᬂᬫᬚᬧᬳᬶᬢ᭄᭟ᬧᬸᬧᬸᬄᬥᬂᬥᬂᬕᬸᬮ᭟᭜᭟ᬓᬘ᭄ᬭᬶᬢᬬᬂᬫᬸᬗ᭄ᬕᬄᬭᬶᬂᬩᬩᬤ᭄ᬧᬱ᭄ᬝᬶ᭞ᬤᬰᬤᬶᬦ᭄ᬢᭂᬦ᭄᭞ᬲᬲᬫ᭄ᬧᬸᬦ᭄ᬜᬧ᭄ᬭᬵᬧ᭄ᬢ᭞ᬓᬶᬧᬢᬶᬄᬫᬥᬸᬭᬯᬸᬳᬾ᭞ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬜ᭄ᬚᬓ᭄ᬭᬯᬸᬄ᭞ᬲᬓᬶᬂᬤᬾᬰᬩᬸᬩᬢ᭄ᬢᬗ᭄ᬓᬶᬮ᭄᭞ᬗᬯᭂᬓᬲᬂᬭᬶᬂᬲᬂᬦᬵᬣ
᭞ᬯᬶᬮᬢᬶᬓ᭄ᬝᬧ᭄ᬭᬪᬸ᭞ᬭᬶᬗᬶᬦ᭄ᬤᬶᬓ᭄ᬧᬗ᭄ᬭᬯᬸᬳᬶᬤ᭞ᬧ᭄ᬭᬪᬸᬲᬸᬡ᭄ᬥ᭞ᬭᬶᬂᬧᬲᬶᬲᬶᬃᬦᬾᬫᬗ᭄ᬓᬶᬦ᭄ᬧ᭄ᬭᬵᬧ᭄ᬢᬶ᭞ᬲᬕᭂᬋᬳᬵᬦ᭄ᬮᬦ᭄ᬩᬳᬸᬤᬡ᭄ᬥ᭟ᬧᬗ᭄ᬕᬶᬄᬢᬶᬢ᭄ᬬᬂᬳᬶᬤᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬭᬤᬾᬦ᭄ᬤᬾᬯ᭄ᬬ᭞ᬢᬍᬃᬫᬗᬶᬭᬶᬗᬂ᭞ᬓᬧ᭄ᬯᬧ᭄ᬭᬵᬧ᭄ᬢᬲᬶᬭᬫ
ᬗ᭄ᬓᬾ᭞ᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶᬤᭂᬫᬸᬂ᭞ᬧ᭄ᬭᬚᬸᬭᬶᬢᬾᬲᬫᬶᬢᬶᬢᬶᬩ᭄᭞ᬲᬳᬲᬮ᭄ᬯᬶᬭᬶᬂᬲᬜ᭄ᬚᬢ᭞ᬲᬫᬶᬲᬵᬫ᭄ᬧᬸᬦ᭄ᬢᭂᬤᬸᬦ᭄᭞ᬲᬓᬶᬂᬧ᭄ᬭᬳᬸᬮᬦ᭄ᬩᬳᬶᬢ᭞ᬕᬕᬫ᭄ᬩᭂᬮᬦ᭄᭞ᬲ᭄ᬬᬕᬲᬫ᭄ᬧᬸᬦ᭄ᬘᬸᬫᬯᬶᬲ᭄ᬲᬫᬶ᭞ᬳᬶᬭᬶᬓᬭᬶᬂᬤᬾᬰᬩᬸᬩᬢ᭄᭞ᬲᬓᬶᬂ
ᬲᭂᬫᭂᬂᬧᬜ᭄ᬚᬓᬶᬤᬳᬶᬫ᭄ᬧᬸᬢ᭄‌‌ᬲᬫᬶ᭞ᬗᬫ᭄ᬩᬶᬮ᭄ᬓᬃᬬ᭄ᬬ᭞ᬫᬧᬯᬗᬸᬦ᭄ᬩᬗ᭄ᬲᬮ᭄᭞ᬲᭀᬯᬂᬲᭀᬯᬂᬗᬫᭀᬂᬕᬯᬾ᭞ᬮᬦᬂᬳᬶᬲ᭄ᬢ᭄ᬭᬶᬲᬫᬶᬕᬸᬧᬸᬄ᭞ᬯᬾᬦ᭄ᬢᭂᬦ᭄ᬲᬦᬾᬫᬋᬋᬲᬶᬓ᭄᭞ᬫᬗᬺᬲᬶᬓᬶᬦ᭄ᬧᬓᬭᬗᬦ᭄᭞ᬲᬶᬤ᭄ᬥᬩᭂᬘᬶᬓ᭄ [ 15 ][᭑᭔ 14B]
᭑᭔
ᬧᬗ᭄ᬕᬸᬄ᭞ᬕᭂᬦᬄᬩᬗ᭄ᬲᬮᬾᬫᬚᬚᬃ᭞ᬓᬢᭀᬦ᭄ᬭᬫ᭄ᬬ᭞ᬳᬦᬹᬢ᭄ᬓᬤᬶᬮᬶᬗ᭄ᬕᬶᬄᬧᬸᬭᬶ᭞ᬧᬲᬗ᭄ᬕ᭄ᬭᬳᬦ᭄ᬧ᭄ᬭᬪᬸᬲᬸᬡ᭄ᬥ᭟ᬕᬃᬚ᭄ᬚᬶᬢᬳ᭄ᬬᬸᬦ᭄ᬧᬮᬸᬗ᭄ᬕᬸᬄᬲᬶᬭᬦᬃᬧ᭄ᬧᬢᬶ᭞ᬭᬶᬂᬧᬲᬾᬪᬦ᭄᭞ᬢᬍᬃᬳᬶᬦᬸᬘᬧᬦ᭄᭞ᬧ᭄ᬭᬪᬸᬓᬸᬭᬶᬧ
ᬦ᭄ᬦᬾᬫᬗ᭄ᬓᬾ᭞ᬧ᭄ᬭᬪᬸᬤᭂᬳᬲᬫᬶᬳᬶᬕᬸᬫ᭄᭞ᬲᬂᬢᬶᬕᬲᬫᬶᬧᬓᭂᬜᬶᬂ᭞ᬲᬫᬶᬮᬾᬤᬂᬜᬤ᭄ᬬᬫᭂᬦ᭄ᬤᬓ᭄᭞ᬲᬶᬭᬦᬵᬣᬭᬢᬸ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬡ᭄ᬥ᭞ᬫᬢᬸᬯᬦ᭄ᬲᬶᬭᬦᬭᬧᬢᬶ᭞ᬲᬢ᭄ᬫᬓᬳᬚᬶᬦ᭄ᬲᬂᬦᬵᬣ᭟ᬕᭂᬮᬶ
ᬲ᭄ᬲᬶᬭᬧ᭄ᬭᬪᬸᬓᬸᬭᬶᬧᬦ᭄ᬦᬯᬸᬳᬶᬦ᭄᭞ᬩᬳᬸᬤᬡ᭄ᬥ᭞ᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯᬵ᭞ᬧᬢᬶᬄᬤᭂᬫᬸᬂᬲᬶᬤ᭄ᬥᬳᬕᬾ᭞ᬲᬶᬤ᭄ᬥᬵᬬᬢ᭄ᬦᬜᬤ᭄ᬬᬧᬸᬧᬸᬢ᭄᭞ᬫᬢᬓᬶᬢᬓᬶᬫᬓᬶᬦ᭄ᬓᬶᬦ᭄᭞ᬧᬘᬂᬫᭂᬦ᭄ᬤᬓ᭄ᬜᬗ᭄ᬕ᭄ᬭᬲᬶᬭ᭞ᬲᬂᬯᬸᬲ᭄ᬮᬫᬶᬓᬢᬸᬗ᭄ᬕᬸ᭞ᬲᬶᬭᬧ᭄ᬭᬪᬸ
ᬚᬕᬢ᭄ᬲᬸᬡ᭄ᬥ᭞ᬲᬶᬤ᭄ᬥᬲ᭄ᬬᬕ᭞ᬫᬗ᭄ᬤᬤᬶᬕᭂᬮᬶᬲ᭄ᬘᬸᬫᬯᬶᬲ᭄᭞ᬫᬕᭂᬋᬳᬦ᭄ᬧᬘᬂᬮᬸᬫᬫ᭄ᬧᬄ᭟ᬳᬶᬦᬸᬘᬧᬦ᭄ᬲᬂᬧ᭄ᬭᬪᬸᬓᬸᬭᬶᬧᬦ᭄ᬫᬗ᭄ᬓᬶᬦ᭄᭞ᬧ᭄ᬭᬫᬮᬾᬤᬂ᭞ᬕᬸᬧᬸᬄᬫᬗᬾᬜ᭄ᬘᬓᬂ᭞ᬧ᭄ᬭᬬᬜᬋᬗᬶᬦ᭄ᬧᬸᬢ᭄ᬭᬦᬾ᭞ᬜᬗ᭄ᬕ᭄ᬭᬫ

[᭑᭕ 15A]
᭑᭕
ᬢᬸᬯᬦ᭄ᬲᬶᬭᬧ᭄ᬭᬪᬸ᭞ᬲᬳᬯᬃᬕ᭄ᬕᬦᬶᬤᬲᬫᬶ᭞ᬳᬶᬭᬶᬓᬭᬶᬤᬾᬰᬩᬸᬩᬢ᭄᭞ᬧ᭄ᬭᬬᬓᬳᬶᬭᬶᬂᬭᬯᬸᬄ᭞ᬫᬭᬶᬂᬧᬸᬭᬶᬯᬶᬮᬢᬶᬓ᭄ᬝ᭞ᬫᬲᬗ᭄ᬕ᭄ᬭᬬᬦ᭄᭞ᬫᬮᬾᬤᬂᬮᬾᬤᬂᬭᬶᬂᬧᬸᬭᬶ᭞ᬜᬤ᭄ᬬᬫᬗᬤᬸᬗᬗᬃᬱ᭞ᬰ᭄ᬭᬷ
ᬅᬬᬫ᭄ᬫᬸᬭᬸᬓ᭄ᬗᬮᬶᬗ᭄ᬕᬶᬳᬶᬦ᭄ᬳᬢᬸᬃᬓᬶᬫᬳᬵᬧᬢᬶᬄᬕᬚᬄᬫᬥ᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬓᬘ᭄ᬭᬶᬢᬬᬂᬭᬶᬂᬩᬜ᭄ᬘᬶᬗᬄᬦᬾᬫᬗ᭄ᬓᬶᬦ᭄᭞ᬧᬦᬗ᭄ᬓᬶᬮᬦ᭄ᬳᭂᬩᭂᬓ᭄ᬧᭂᬦᬸᬄ᭞ᬫᬦᬗ᭄ᬓᬶᬮᬶᬦ᭄ᬲᬶᬭᬦᬵᬣ᭞ᬲᬫᬶᬮᬾᬤᬂᬧᬘᬂᬫᭂ
ᬦ᭄ᬤᬓ᭄ᬭᬤᬾᬦ᭄ᬕᬮᬸᬄ᭞ᬭᬢᬸᬳᬬᬸᬲᭂᬓᬃᬲᬸᬡ᭄ᬥ᭞ᬳᬶᬭᬶᬓᬭᬶᬂᬩᬸᬩᬢ᭄ᬫᬗ᭄ᬓᬶᬦ᭄᭟ᬭᬶᬳᬸᬄᬧᬸᬦᬂᬧᬦᬗ᭄ᬓᬶᬮᬵᬦ᭄᭞ᬫᬳᬶᬘᬳᬶᬘᬬᬦ᭄ᬲᬮᬶᬂᬓᭂᬜᬶᬗᬶᬦ᭄᭞ᬤᬳᬢ᭄ᬳᬾᬕᬭᬾᬓᬮᬗ᭄ᬓᬸᬂ᭞ᬯᬃᬡ᭄ᬦᬦ᭄ᬲᬶᬭᬦᬵᬣᬩᬶᬗᬃ᭞ᬧ᭄ᬭᬫ
ᬮᬾᬤᬂᬲᬭᬢ᭄ᬓᬬᬸᬦᬾᬫᬢᭂᬫᬸ᭞ᬭᬶᬂᬲᬶᬭᬲᬂᬧᬸᬱ᭄ᬧᬚᬸᬯᬶᬢ᭞ᬧᬸᬱ᭄ᬧᬦᬵᬃᬣᬦ᭄ᬲᬶᬭᬚᬢᬶ᭟ᬤᬦᬾᬧᬢᬶᬄᬕᬚᬄᬫᬥ᭞ᬫᭂᬦᭂᬂᬦᬦᭂᬂᬪᬯᬦᬾᬲᬤᬚᭂᬗᬶᬲ᭄᭞ᬤᬦᬾᬦᬢᬦ᭄ᬓᬧᬶᬭᬸᬗᬸ᭞ᬢᬦ᭄ᬫᬦ᭄ᬢᬸᬓ᭄ᬭᬶᬂᬧᬓᬬᬸᬦ [ 16 ][᭑᭕ 15B]
᭑᭕
ᬦ᭄᭞ᬧᬘᬂᬫᭂᬦ᭄ᬤᬓ᭄‌ᬭᬶᬂᬳᬶᬤᬰ᭄ᬭᬷᬲᬸᬡ᭄ᬥᬧ᭄ᬭᬪᬸ᭞ᬧᬘᬂᬫᭂᬦ᭄ᬤᬓ᭄ᬭᬶᬯᬸᬄᬓᬩᬸᬩᬢ᭄᭞ᬧ᭄ᬭᬪᬸᬲᬸᬡ᭄ᬥᬧᭂᬘᬸᬦ᭄ᬤᬂᬳᬸᬭᬶᬧ᭄᭟ᬧᬢᬶᬄᬫᬥᬫᬢᬸᬃᬲᭂᬫ᭄ᬩᬄ᭞ᬤᬾᬯᬳᬕᬸᬂᬲᬭᬢ᭄ᬳᬢᬸᬃᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬭᬢᬸ᭞ᬓᬤᬶᬮᬗ᭄ᬕ᭄ᬬ
ᬳᬢᬸᬃᬢᬶᬢ᭄ᬬᬂ᭞ᬭᬶᬂᬲᬂᬦᬵᬣᬭᬢᬸᬢᬸᬲ᭄ᬦᬶᬂᬢᬸᬳᬸᬭᬢᬸ᭞ᬚᬸᬜ᭄ᬚᬸᬗᬦ᭄ᬢᬶᬢ᭄ᬬᬂᬳᬶᬤᬾᬯ᭞ᬦᬵᬣᬭᬢᬸᬜᬓ᭄ᬭᬯᬺᬢ᭄ᬢᬶ᭟ᬳᬓ᭄ᬯᬾᬄᬭᬢᬸᬗᬯᬯᬚᬕᬢ᭄᭞ᬫᬥᬸᬭ᭞ᬧᬮᬾᬫ᭄ᬩᬂᬩᬮᬶᬮᬦ᭄ᬓᭀᬘᬶ᭞ᬢᬜ᭄ᬚᬸᬂᬧᬸᬭᬯᬦ᭄ᬤᬦ᭄ᬲᬸᬤᬸᬕ᭄᭞ᬲ
ᬯᬓᬸᬂᬢᬸᬫᬲᬶᬓᬶᬓ᭄᭞ᬦᬢᬦᬵᬦᬧᬸᬭᬸᬦ᭄ᬮᬗ᭄ᬕ᭄ᬬᬭᬶᬂᬲᬂᬧ᭄ᬭᬪᬸ᭞ᬧ᭄ᬭᬲᬗ᭄ᬕᬫᬫᬤᬫᬤ᭞ᬜᬫᬾᬦ᭄ᬮᬸᬗ᭄ᬕᬸᬄᬰ᭄ᬭᬷᬪᬹᬧᬢᬶ᭟ᬧ᭄ᬭᬪᬸᬲᬸᬡ᭄ᬥᬲᬶᬭᬘᭀᬗᬄ᭞ᬮᬶᬧ᭄ᬬᬢᬦᬾᬮᬶᬂᬭᬶᬂᬮᬶᬗ᭄ᬕᬶᬳᬾᬚᬢᬶ᭞ᬫᬜᬫᬾᬦ᭄ᬮᬶᬗ᭄ᬕᬶᬄᬲᬂᬧ᭄ᬭ
ᬪᬸ᭞ᬫᬶᬦᬩ᭄ᬳᬶᬤᬲᬵᬫ᭄ᬧᬸᬦ᭄ᬮᬶᬧ᭄ᬬ᭞ᬭᬶᬂᬧᬶᬤᬩ᭄ᬤᬩ᭄‌ᬤᬸᬓ᭄‌ᬬᬸᬥᬦᬾᬲᬦᬾᬲᬫ᭄ᬧᬸᬦ᭄᭞ᬚᬕᬢ᭄ᬳᬶᬤᬓᬓᬲᭀᬭᬂ᭞ᬳᬦ᭄ᬢᬸᬓ᭄ᬯᬤ᭄ᬯᬰ᭄ᬭᬷᬪᬹᬧᬢᬶ᭟ᬤᬳᬢᬾᬭᬂᬫᬦᬄᬢᬶᬢ᭄ᬬᬂ᭞ᬬᬦ᭄ᬭᬢᬸᬮᬾᬤᬂᬧᬘᬂᬫᬫᭂᬦ᭄ᬤᬓᬶᬦ᭄᭞ᬗ

[᭑᭖ 16A]
᭑᭖
ᬦ᭄ᬤᬧᬂᬮᬶᬗ᭄ᬕᬶᬄᬳᬶᬭᬢᬸ᭞ᬫᬦ᭄ᬢᬸᬓᬭᬶᬂᬭᬢᬸᬲᬸᬡ᭄ᬥ᭞ᬢᬶᬢ᭄ᬬᬗᬗᭂᬦ᭄ᬧᭂᬤᬶᬄᬫᬗᬢᭀᬦᬂᬭᬢᬸ᭞ᬪᬝᬭᬲᬸᬲᬸᬦᬦ᭄ᬚᬕᬢ᭄᭞ᬜᬤ᭄ᬬᬭᬯᬸᬄᬫᬦᬗ᭄ᬓᬶᬮᬶᬦ᭄᭟ᬬᬾᬦ᭄ᬲ᭄ᬯᬾᬘ᭄ᬙᬵᬘᭀᬓᭀᬃᬳᬶᬤᬾᬯ᭞ᬦᬯᭂᬕᬂᬢᬶᬢ᭄ᬬᬂᬭᬶᬂᬳᬶᬭᬢᬸᬫᬗ᭄ᬓᬶ
ᬦ᭄᭞ᬢᬶᬢ᭄ᬬᬂᬗᬢᬸᬭᬂᬧᬯᬸᬗᬸ᭞ᬚᬦ᭄ᬢᭀᬲ᭄ᬤᬸᬫᬸᬦ᭄ᬫᬗ᭄ᬤᬢᬢᬲ᭄᭞ᬳᬶᬘ᭄ᬙᬾᬦ᭄ᬯᬦᭂᬂᬲᬚ᭄ᬭᭀᬦᬶᬂᬳᬗᭂᬦ᭄ᬲᬂᬧ᭄ᬭᬪᬸ᭞ᬚᬗ᭄ᬓᭂᬧᬂᬮᬶᬫᬂᬭᬳᬶᬦ᭞ᬓᭂᬦᬶᬳᬶᬤᬫᬗ᭄ᬭᬯᬸᬳᬶᬦ᭄᭟ᬬᬦ᭄ᬲᬫ᭄ᬧᬸᬦ᭄ᬮᬶᬫᬂᬭᬳᬶᬦ᭞ᬦᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬗ᭄ᬭᬯᬸᬳᬶ
ᬦ᭄ᬫ᭄ᬭᬶᬓᬶ᭞ᬲᬶᬦᬄᬓᬬᬸᬦᬾᬢᬦ᭄ᬧᬢᬸᬢ᭄᭞ᬧᬓᬬᬸᬦᬦ᭄ᬳᬶᬤᬮᭀᬫ᭄ᬧᬂ᭞ᬗᬶᬦ᭄ᬤ᭄ᬭᬚᬮᬵᬗᬤᬸᬫᬦᬶᬲ᭄ᬭᬶᬂᬲᬲᭂᬫᬸ᭞ᬫᬦᬶᬲᬾᬫᬧ᭄ᬯᬭᬮᬭ᭞ᬳᬶᬲᭂᬫᬸᬢ᭄ᬧᬤᭂᬫᬂᬕᭂᬡ᭄ᬥᬶᬲ᭄᭟ᬲᭂᬧᬶᬮᬶᬤᬶᬕ᭄ᬭᬶᬂᬧᬲᬾᬪᬦ᭄᭞ᬫ᭄ᬬᬃᬱᬬᬂᬧᬯᬸᬗᬸ
ᬦ᭄ᬕᬸᬲ᭄ᬢᬶᬧᬢᬶᬄ᭞ᬢᬦᬵᬦᬧᬸᬭᬸᬦ᭄ᬫᬲᬯᬸᬃ᭞ᬭᬶᬂᬓᬶᬧᬢᬶᬄᬕᬚᬄᬫᬥ᭞ᬢᬩᭂᬂᬯᬶᬚᬂᬫᬳᬵᬧᬢᬶᬄᬤᬳᬢ᭄ᬓᬲᬸᬩ᭄᭞ᬳᬗ᭄ᬕᬓ᭄ᬭᬸᬭᬫᬯᬶᬰᬾᬱ᭞ᬧ᭄ᬭᬓᬗ᭄ᬕᬾᬦ᭄‌ᬰ᭄ᬭᬷᬦᬭᬧᬢᬶ᭟ᬧ᭄ᬭᬪᬸᬓᬸᬭᬶᬧᬦ᭄ᬳᬶᬦᬸᬘᬧ᭄᭞ᬗᬮᬶᬗ᭄ᬕᬶᬳᬶᬦ᭄ᬳᬢᬸᬃᬤ [ 17 ][᭑᭖ 16B]
᭑᭖
ᬦᬾᬓᬶᬧᬢᬶᬄ᭞ᬲᬶᬭᬯᬶᬮᬢᬶᬓ᭄ᬝᬧ᭄ᬭᬪᬸ᭞ᬫᬗᬶᬕᬸᬫᬶᬦ᭄ᬧᬯᬶᬮᬗᬦ᭄᭞ᬫᬫᬢᬸᬢᬂᬫᬸᬧᬸᬢᬂᬳᬶᬤᬭᬶᬂᬓᬬᬸᬦ᭄᭞ᬯᬗ᭄ᬤᬾᬳᬶᬤᬧᬘᬂᬫᭂᬦ᭄ᬤᬓ᭄᭞ᬳᬾᬭᬂᬫᬗᬲᭀᬭᬂᬮᬶᬗ᭄ᬕᬶᬄ᭟ᬧᬭᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯ᭞ᬲᬳᬧ᭄ᬭᬚᬦᬦᬾᬲᬦᬾ
ᬫᬦᬗ᭄ᬓᬶᬮ᭄᭞ᬫᬓ᭄ᬯᬾᬄᬧᬩ᭄ᬮᭂᬲᭂᬓ᭄ᬭᬶᬂᬓᬬᬸᬦ᭄᭞ᬫᬭᬶᬲᭂᬮ᭄ᬲᭂᬮ᭄ᬳᬶᬤᬲᬂᬦᬵᬣ᭞ᬲᬳᬦ᭄ᬢᬸᬓᬦ᭄‌‌ᬧᬗᭂᬕᬦ᭄ᬳᬶᬤᬓᬮᬗ᭄ᬓᬸᬂ᭞ᬭᬶᬂᬓᬶᬧᬢᬶᬄᬕᬚᬄᬫᬥ᭟ᬢᬦ᭄ᬚᬫᬓᬬᬸᬦᬶᬦ᭄ᬫᬮᬶᬄ᭟ᬲᬶᬭᬘᬢ᭄ᬭᬾᬂᬚᬕᬢ᭄ᬲᬸᬡ᭄ᬥ᭞ᬳᬶᬤᬲ᭄ᬯᬾ
ᬘ᭄ᬙᬵᬮᬾᬤᬂᬓᬬᬸᬦ᭄ᬗ᭄ᬭᬯᬸᬳᬶᬦ᭄᭞ᬜᬋᬗᬶᬦ᭄ᬳᬶᬦᬦᬓ᭄ᬕᬮᬸᬄ᭞ᬜᬤ᭄ᬬᬧᬘᬂᬗᬲ᭄ᬢᬯᬬᬂ᭞ᬳᬸᬧᬓᬵᬭᬯᬶᬯᬳᬦ᭄ᬲᬶᬭᬲᬂᬧ᭄ᬭᬪᬸ᭞ᬲᬶᬭᬯᬶᬮᬢᬶᬓ᭄ᬝᬵᬦᬵᬣ᭞ᬓᬳᬶᬭᬶᬂᬮᬦ᭄ᬭᬤᬾᬦ᭄ᬤᬾᬯᬶ᭟ᬦᬧᬶᬳᬶᬯᬂᬧ᭄ᬭᬪᬸᬲᬸᬡ᭄ᬥ᭞
ᬲᬫᬶᬧᬥᬧᬩ᭄ᬮᭂᬲᭂᬓ᭄ᬫᬫᬶᬦᭂᬳᬶᬦ᭄᭞ᬘᭂᬗᬄᬘᭂᬗᭂᬄᬭᬶᬂᬧᬓᬬᬸᬦ᭄᭞ᬦᬢᬦ᭄ᬧᬸᬭᬸᬦ᭄ᬫᬗᬢᬸᬭᬂ᭞ᬭᬶᬂᬲᬂᬦᬵᬣᬧᬶᬤᬩ᭄ᬤᬩ᭄ᬫᬢᬸᬃᬧᬯᬸᬗᬸ᭞ᬯᬶᬯᬮ᭄ᬭᬶᬂᬓᬶᬕᬚᬄᬫᬥ᭞ᬪᬓ᭄ᬢᬶᬦᬾᬲᬢᬫᬦ᭄ᬲᬶᬲᬶᬧ᭄᭟ᬳᬓ᭄ᬯᬾᬄ

[᭑᭗ 17A]
᭑᭗
ᬳᬗᭂᬦ᭄ᬚ᭄ᬭᭀᬦᬶᬂᬘᬶᬢ᭄ᬢ᭞ᬭᬶᬂᬳᬶᬦ᭄ᬤᬶᬓ᭄ᬲᬂᬧ᭄ᬭᬪᬸᬲᬸᬡ᭄ᬥᬦᬾᬫᬗ᭄ᬓᬶᬦ᭄᭞ᬳᬶᬤᬯᬦ᭄ᬢᬄᬤᬳᬢ᭄ᬘᬸᬘᬸᬤ᭄᭞ᬘᬸᬘᬸᬤ᭄ᬮᬾᬤᬂᬓᬬᬸᬦᬶᬤ᭞ᬫᬶᬲᬭᬢᬂᬫᬜᬗ᭄ᬓᭂᬧᬂᬭᬤᬾᬦ᭄ᬕᬮᬸᬄ᭞ᬫᬦᬕᬶᬗᬶᬦᬵᬃᬱᬦᬶᬤ᭞ᬲᬂᬦᬵᬣᬭᬶᬂᬫ
ᬚᬧᬳᬶᬢ᭄᭟᭜᭟ᬧ᭄ᬭᬪᬸᬲᬸᬡ᭄ᬥᬧᬭᬶᬲᭂᬮ᭄ᬲᭂᬮ᭄ᬭᬶᬗᬗ᭄ᬕ᭟ᬧᬸᬧᬸᬄᬲᭂᬫᬭᬦ᭄ᬤᬦ᭟᭜᭟ᬧ᭄ᬭᬪᬸᬲᬸᬡ᭄ᬥᬓᭀᬘᬧ᭄ᬫᬗ᭄ᬓᬶᬦ᭄᭞ᬧᬭᬶᬲᭂᬮ᭄ᬲᭂᬮ᭄ᬫᬭᬶᬗᬗ᭄ᬕ᭞ᬳᬶᬦ᭄ᬤᬶᬓ᭄ᬧᬫᭂᬦ᭄ᬤᬓᬾᬋᬓᭀ᭞ᬲᬵᬫ᭄ᬧᬸᬦ᭄ᬮᬫᬶᬓᬚᬦ᭄ᬢᭀᬲᬂ᭞ᬢᬦ᭄ᬯᬾ
ᬦ᭄ᬢᭂᬦ᭄ᬧᬚᬦ᭄ᬢᭂᬦ᭄ᬧ᭄ᬭᬧ᭄ᬢ᭞ᬗᬯᬶᬦᬂᬓᬬᬸᬦᬾᬲᬸᬗ᭄ᬲᬸᬢ᭄᭞ᬲᬸᬫᭂᬮᬂᬓᬬᬸᬦ᭄ᬲᬂᬦᬵᬣ᭟ᬕᬢ᭄ᬭᬦᬾᬲᬵᬫ᭄ᬧᬸᬦ᭄ᬓᬧᬗ᭄ᬕᬶᬄ᭞ᬳᬶᬦ᭄ᬤᬶᬓ᭄ᬧᬢᬶᬄᬕᬚᬄᬫᬥ᭞ᬢᬦᬤᬸᬂᬭᬶᬂᬓᬬᬸᬦ᭄ᬤᬦᬾ᭞ᬢᬦ᭄ᬲᬸᬓᬧᬘᬂᬫᬫᭂᬦ᭄ᬤᬓ᭄᭞ᬗ᭄ᬭ
ᬯᬸᬳᬶᬦ᭄ᬓᬤᬾᬰᬩᬸᬯᬢ᭄᭞ᬓᬩᬯᭀᬲ᭄ᬫᬗ᭄ᬤᬲᬂᬧ᭄ᬭᬪᬸ᭞ᬫᬗᬢᬸᬭᬂᬯᭂᬓᬦᬶᬤ᭟ᬲᬸᬗ᭄ᬲᬸᬢ᭄ᬓᬬᬸᬦ᭄ᬲᬂᬦᬃᬧ᭄ᬧᬢᬶ᭞ᬳᬾᬮᬶᬂᬭᬶᬂᬮᬫ᭄ᬧᬳᬾᬳᬶᬯᬂ᭞ᬓᬦ᭄ᬤᬸᬕᬶᬤᬳᬢ᭄ᬳᬾᬭᬗᬾ᭞ᬓᬤᭀᬓ᭄ᬲᬵᬫ᭄ᬧᬸ [ 18 ][᭑᭗ 17B]
᭑᭗
ᬦ᭄ᬫᬘᭂᬍᬩᬦ᭄᭞ᬓᬸᬤ᭄ᬬᬂᬧᬘᬂᬫᬫᬯᭀᬲᬂ᭞ᬳᬾᬭᬗᬶᬤᬫᬯᬮᬶᬫᬦ᭄ᬢᬸᬓ᭄᭞ᬤᬤᭀᬲ᭄ᬳᬸᬚᬭᬸᬚᬃᬚᬕᬢ᭄᭟ᬓᬘ᭄ᬭᬶᬢᬬᬂᬲᬦᬾᬫᬗ᭄ᬓᬶᬦ᭄᭞ᬳᬶᬤᬗᬫᬃᬕ᭄ᬕ᭄ᬬᬂᬉᬢᬸᬲᬦ᭄᭞ᬧᬢᬶᬄᬤᭂᬫᬸᬂᬲᬫᬶᬳᬕᬾ᭞ᬤᬦᬾᬓ
ᬳᬸᬢᬸᬲ᭄ᬫᬫᬃᬕ᭄ᬕ᭞ᬗ᭄ᬭᬯᬸᬳᬶᬦ᭄ᬭᬶᬂᬓᬧᬢᬶᬳᬦ᭄᭞ᬦᬸᬦᬲ᭄ᬩᬩᬯᭀᬲᬾᬧᬸᬧᬸᬢ᭄᭞ᬭᬶᬂᬓᬶᬧᬢᬶᬄᬕᬚᬄᬫᬥ᭟ᬓᬘ᭄ᬭᬶᬢᬓᬶᬕᬸᬲ᭄ᬢᬶᬧᬢᬶᬄ᭞ᬲᬗᬗᬭᬦ᭄ᬳᬦᭂᬧᬓᭂᬦ᭄᭞ᬤᬦᬾᬓᬳᬸᬢᬸᬦᬾᬫᬗ᭄ᬓᬾ᭞ᬫᬫᬃᬕ᭄ᬕᬓ
ᬯᬶᬮᬢᬶᬓ᭄ᬝ᭞ᬲᬕᬺᬳᬦ᭄ᬲᬳᬲᬜ᭄ᬚᬢ᭞ᬫᬗ᭄ᬤᬲᬶᬤ᭄ᬥᬕᭂᬮᬶᬲ᭄ᬧᬸᬧᬸᬢ᭄᭞ᬫᭀᬮᬶᬄᬤᬕᬶᬂᬩᬯᭀᬲ᭄ᬕᬦ᭄ᬢᬃ᭟ᬧᬢᬶᬄᬧᬶᬢᬃᬫᬜᬋᬗᬶᬦ᭄᭞ᬤᭂᬫᬸᬂᬘᬳ᭄ᬬᭀᬢᬍᬃᬫᬶᬍᬢ᭄᭞ᬫᬜᬋᬗᬶᬦ᭄ᬢᬍᬃᬤᬦᬾ᭞ᬢᬸᬫᭂᬗ᭄ᬕᬸᬂᬧᬗ᭄ᬳᬸ
ᬮᬸᬩᭀᬭᬂ᭞ᬲᬾᬬᭀᬲ᭄ᬫᬮᬶᬄᬓᬳᬾᬢᬗᬂ᭞ᬧ᭄ᬭᬚᬸᬭᬶᬢᬾᬢᬶᬕᬗᬢᬸᬲ᭄᭞ᬳᬓᬾᬦ᭄ᬢᭂᬦ᭄ᬫᬸᬗ᭄ᬕᬄᬭᬶᬂᬩᬩᬤ᭄᭟ᬤᬦᬾᬲᬫᬶᬗᬫᬭᬦᬶᬦ᭄᭞ᬜᬸᬚᬸᬃᬚ᭄ᬭᭀᬦᬶᬂᬓᬧᬢᬶᬳᬦ᭄᭞ᬜᬤ᭄ᬬᬦᬸᬦᬲ᭄ᬩᬯᭀᬲ᭄ᬫᬗ᭄ᬓᬾ᭞ᬭᬶᬂᬓᬶᬧᬢᬶᬄᬕ

[᭑᭘ 18A]
᭑᭘
ᬚᬄᬫᬥ᭞ᬮᬾᬤᬂᬤᬦᬾᬗᬯᭂᬓᬲᬂ᭞ᬭᬶᬂᬧᬮᬸᬗ᭄ᬕᬸᬄᬲᬶᬭᬧ᭄ᬭᬪᬸ᭞ᬭᬶᬗᬶᬦ᭄ᬤᬶᬓ᭄ᬯᬶᬯᬳᬦᬶᬤ᭟ᬤᬶᬕᭂᬮᬶᬲ᭄ᬓᬘ᭄ᬭᬶᬢᬫᬗ᭄ᬓᬶᬦ᭄᭞ᬲᬂᬤᬶᬦᬸᬢ᭄ᬢᬲᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬭᬶᬂᬚᭂᬭᭀᬦ᭄ᬓᬶᬧᬢᬶᬄᬋᬓᬾ᭞ᬫᬜᬦ᭄ᬢᭀᬲᬂᬭᬶᬂᬚᬩᬬᬦ᭄᭞ᬜᭂᬤᭂᬓ᭄ᬧᬢᬶᬄᬕᬚᬄ
ᬫᬥ᭞ᬯᬸᬲᬦ᭄ᬤᬦᬾᬧ᭄ᬭᬵᬧ᭄ᬢᬫᬮᬸᬗ᭄ᬕᬸᬄ᭞ᬓᬵᬢᬗ᭄ᬓᬶᬮᬶᬦ᭄ᬫᬦ᭄ᬢ᭄ᬭᬶᬯᬺᬥ᭟ᬤᬸᬢ᭄ᬢᬦ᭄ᬲᬸᬡ᭄ᬥᬯᬸᬲ᭄ᬓᬧᬗ᭄ᬕᬶᬄ᭞ᬤᬾᬓᬶᬧᬢᬶᬄᬕᬚᬄᬫᬥ᭞ᬦᬢᬦ᭄ᬓᬋᬗᬬᬂᬤᬦᬾ᭞ᬜᬾᬬᭀᬲ᭄ᬳᬸᬮᬢ᭄ᬢᬦ᭄ᬫᬜᬧ᭞ᬯᬤ᭄ᬯᬲᬸᬡ᭄ᬥᬫᬜᬦ᭄ᬢᭀᬲᬂ᭞ᬲᬸᬯᬾᬓᬘ᭄ᬭᬶᬢᬬᬂᬲᬫ᭄ᬧᬸ
ᬦ᭄᭞ᬧᬚ᭄ᬮᭂᬕ᭄ᬚᭂᬕ᭄ᬚᬦ᭄ᬢᭀᬲ᭄ᬳᬫᭂᬤᬦ᭄᭟᭜᭟ᬧᬸᬧᬸᬄᬤᬸᬃᬫ᭄ᬫᬵ᭟᭜᭟ᬳᬶᬦᬸᬘᬧᬦ᭄ᬓᬶᬩᭀᬭᬂᬳᬾᬭᬂᬭᬶᬂᬫᬦᬄ᭞ᬧ᭄ᬭᬭᬳᬶᬦᬾᬩᬭᬓ᭄ᬗᭂᬦ᭄ᬤᬶᬄ᭞ᬳᬗᭂᬦ᭄ᬭᬶᬂᬭᬕ᭞ᬢᬦᬦᬯᭀᬂᬫᬗ᭄ᬭᬶᬗ᭄ᬲᬸᬦᬂ᭞ᬲᭂᬤᬶᬳᬾᬗᬸᬦ᭄ᬢᭂᬂᬭᬶᬗᬢᬶ᭞ᬭᬲᬢᭀᬂᬚᬤ᭄ᬫ᭞ᬤ
ᬦᬾᬲᬫᬶᬓᬧᬗ᭄ᬕᬶᬳᬶᬦ᭄᭟ᬢᬦ᭄ᬧᬕᬸᬡᬭᬯᬸᬳᬾᬭᬶᬂᬓᬧᬢᬶᬳᬦ᭄᭞ᬓᬾᬗᬶᬦ᭄ᬤᬸᬢᬲᬂᬦᬃᬧ᭄ᬧᬢᬶ᭞ᬢᬦ᭄ᬓᬋᬗᬬᬂ᭞ᬓᬶᬩᭀᬭᬂᬭᬭᬶᬲ᭄ᬫᬳᬸᬚᬃ᭞ᬭᬶᬂᬤᬦᬾᬓᬶᬕᬸᬲ᭄ᬢᬶᬧᬢᬶᬄ᭞ᬓᬶᬳᬦᭂᬧᬓᭂᬦ᭄᭞ᬩᬩᬯᭀᬲᬾᬲᬤᬩ᭄ᬭᬗ᭄ᬢᬶ᭞ᬳ [ 19 ][᭑᭘ 18B]
᭑᭘
ᬫ᭄ᬧᬸᬭᬬᬂᬳᬢᬸᬃᬢᬶᬢ᭄ᬬᬂᬓᬤᬶᬮᬗ᭄ᬕ᭄ᬬ᭞ᬦᬧᬶᬚᬦ᭄ᬢᭀᬲ᭄ᬕᬸᬲ᭄ᬢᬶᬤ᭄ᬭᬶᬓᬶ᭞ᬲᬸᬯᬾᬲᬵᬫ᭄ᬧᬸᬦ᭄ᬫᬕᭂᬦ᭄ᬤᬃ᭞ᬧᬚ᭄ᬮᭂᬕ᭄ᬚᭂᬕ᭄ᬜᬦ᭄ᬢᭀᬲ᭄ᬭᬶᬂᬚᬩ᭞ᬢᬦᬦᬯᭀᬂᬓᬸᬫᬭᬶᬲᬶᬦ᭄᭞ᬗᬾᬭᬗᬶᬦ᭄ᬫᬦᬄ᭞ᬓᬤᬶᬲᭀᬮᬄᬯᭀᬂᬧᬗᭂᬫᬶᬲ᭄᭟ᬦᬯᭂᬕ᭄ᬢᬶᬢ᭄ᬬᬂᬗᬶᬭᬶᬂ
ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬯᬦ᭄᭞ᬗ᭄ᬭᬯᬸᬳᬶᬦ᭄ᬓᬶᬕᬸᬲ᭄ᬢᬶᬧᬢᬶᬄ᭞ᬧ᭄ᬭᬬᬫᬦᬸᬦᬲᬂ᭞ᬳᬶᬦ᭄ᬤᬶᬓ᭄ᬯᬶᬯᬳᬦ᭄ᬲᬂᬦᬵᬣ᭞ᬫᬗ᭄ᬤᬧ᭄ᬭᬲᬶᬤ᭄ᬥᬭᬶᬂᬕᭂᬮᬶᬲ᭄᭞ᬫᬫᭀᬮᬶᬄᬕᬢ᭄ᬭ᭞ᬳᬶᬦ᭄ᬤᬶᬓ᭄ᬧᬶᬤᬩ᭄ᬤᬩᬾᬧᬱ᭄ᬝᬶ᭟ᬳᬶᬦᬸᬘᬧᬦ᭄ᬳᬸᬢᬸᬲᬦᬾᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢ
᭞ᬭᬶᬗᬚᭂᬂᬓᬶᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬕᬚᬄᬫᬥ᭞ᬜᬤ᭄ᬬᬗᬢᬸᬭᬂᬳᬸᬦᬶᬗ᭞ᬤᬕᬶᬂᬳᬃᬱᬦ᭄ᬦᬭᬧᬢᬶ᭞ᬲᬸᬲᬸᬳᬸᬦᬦ᭄ᬲᬸᬡ᭄ᬥ᭞ᬭᬶᬂᬲᬂᬧ᭄ᬭᬪᬸᬫᬚᬧᬳᬶᬢ᭄᭟ᬧ᭄ᬭᬵᬧ᭄ᬢᬾᬂᬤᬸᬢ᭄ᬢᬧᬢᬶᬄᬫᬥᬭᬭᬶᬲ᭄ᬜᬧ᭞ᬯᬯᬸᬭᬯᬸᬄᬚ᭄ᬭᭀ
ᬲᬫᬶ᭞ᬦᬧᬶᬯᬾᬦ᭄ᬢᭂᬦ᭄ᬩᬸᬯᬢ᭄᭞ᬳᬶᬦ᭄ᬤᬬᬂᬕᭂᬮᬶᬲ᭄ᬩᬯᭀᬲᬂ᭞ᬳᬧᬂᬲᬶᬤ᭄ᬥᬕᭂᬮᬳᬸᬦᬶᬂ᭞ᬭᬶᬂᬧᬳᬶᬦ᭄ᬤᬶᬓᬦ᭄᭞ᬲᬳᬭᬶᬂᬮᬶᬗ᭄ᬕᬶᬳᬾᬲᬫᬶ᭟ᬯᬲ᭄ᬢᬦ᭄ᬢᬶᬢ᭄ᬬᬂᬯᬦ᭄ᬢᬄᬧᬢᬶᬄᬳᬦᭂᬧᬓᭂᬦ᭄᭞ᬧᬢᬶᬄᬘᬳ᭄ᬬᭀᬫᬜᬋᬗᬶᬦ᭄᭞

[᭑᭙ 19A]
᭑᭙
ᬓᬶᬢᬸᬫᭂᬗ᭄ᬕᬸᬂᬩᭀᬭᬂ᭞ᬧᬶᬦᬶᬄᬧᬸᬗ᭄ᬓᬸᬃᬧᬢᬶᬄᬧᬶᬢᬃ᭞ᬢᬶᬢ᭄ᬬᬂᬧ᭄ᬭᬬᬫᬢᬸᬃᬳᬸᬦᬶᬂ᭞ᬓᬾᬗᬶᬦ᭄ᬤᬶᬦᬸᬢ᭄ᬢ᭞ᬕᬸᬲ᭄ᬢᬶᬢᬶᬢ᭄ᬬᬂᬰ᭄ᬭᬷᬪᬹᬧᬢᬶ᭟ᬫᬗᬤᬾᬲᭂᬫ᭄ᬫᬳᬵᬧᬢᬶᬄᬕᬚᬄᬫᬥ᭞ᬤᬶᬕᭂᬮᬶᬲ᭄ᬤᬦᬾᬜᬯᬸᬭᬶᬦ᭄᭞ᬳᬶᬄᬧᬢᬶᬄᬲᬸᬡ᭄ᬥ᭞ᬢ᭄ᬯ
ᬭᬢᬯᬂᬰᬶᬮᬓ᭄ᬭᬫ᭞ᬤᬤᬶᬯᬦᬶᬢᭂᬓᬫᬳᬶ᭞ᬢᬦ᭄ᬧᬯᭂᬓᬲᬦ᭄᭞ᬫᬶᬦᬩ᭄ᬓᬸᬩᬸᬲᬸᬯᬸᬂᬤᬶᬦᬶ᭟ᬧᬢᬶᬄᬲᬸᬡ᭄ᬥᬧᬲᬯᬸᬭᬾᬲᬤ᭄ᬥᬩᬦ᭄ᬩᬦ᭄᭞ᬳᬫ᭄ᬧᬸᬭᬬᬂᬕᬸᬲ᭄ᬢᬶᬧᬢᬶᬄ᭞ᬓᬤᬶᬲᬶᬲᬸᬢᬶᬢ᭄ᬬᬂ᭞ᬲᬸᬯᬾᬢᬶᬢ᭄ᬬᬂᬫᬜᬦ᭄ᬢᭀᬲᬂ
᭞ᬲᬶᬤ᭄ᬥᬫᭀᬮᬶᬄᬢᬶᬢ᭄ᬬᬂᬢᬗ᭄ᬓᬶᬮ᭄᭞ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬤᬳᬢ᭄ᬲᬭᬢ᭄ᬭᬶᬂᬳᬶᬕᬸᬲ᭄ᬢᬶ᭟ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬲᬭᬢ᭄ᬦᬓᬾᬦᬂᬧᬶᬤᬩ᭄ᬤᬩ᭄᭞ᬯᬶᬯᬳᬦ᭄ᬲᬂᬭᬤᬾᬦ᭄ᬤᬾᬯᬶ᭞ᬯᭂᬓᬦ᭄ᬲᬶᬭᬦᬵᬣ᭞ᬲᬵᬫ᭄ᬧᬸᬦ᭄ᬲᬸᬯᬾᬳᬶᬤᬧ᭄ᬭᬧ᭄ᬢ᭞ᬜᬦ᭄ᬢᭀᬲ᭄ᬭᬶᬂ
ᬩᬸᬩᬢ᭄‌ᬦᬾᬫᬗ᭄ᬓᬶᬦ᭄᭞ᬲᬶᬤ᭄ᬥᬫᬚᬦ᭄ᬢᭂᬦ᭄᭞ᬯᬸᬲ᭄ᬮᬫᬶᬳᬶᬤᬳᬶᬭᬶᬓᬶ᭟ᬯᬃᬡ᭄ᬦᬦ᭄ᬳᬶᬤᬢᬦ᭄ᬯᬾᬦ᭄ᬢᭂᬦ᭄ᬧᬢᬸᬢ᭄ᬳᬶᬲᭂᬓᬃ᭞ᬧᬘᬂᬭᬯᬸᬄᬗᬫᬭᬦᬶᬦ᭄᭞ᬫᬗ᭄ᬭᬸᬭᬸᬄᬳᬶᬓᬸᬫ᭄ᬩᬂ᭞ᬬᭀᬕ᭄ᬬᬳᬶᬓᬸᬫ᭄ᬩᬂᬜᬭᬢᬂ᭞ᬗᬫᬭᬦᬶᬦᬶᬧᬸ [ 20 ][᭑᭙ 19B]
᭑᭙
ᬦ᭄ᬲᬭᬶ᭞ᬲᬭᬶᬦᬶᬂᬧᬸᬱ᭄ᬧ᭞ᬲᬧᬸᬦᬶᬓᬵᬓᬩᬯᭀᬲᬶᬦ᭄᭟ᬳᬶᬦᬸᬘᬧ᭄ᬫᬳᬵᬧᬢᬶᬄᬕᬚᬄᬫᬥ᭞ᬳᬾᬭᬂᬫᬦᬳᬾᬢᬦ᭄ᬲᬶᬧᬶ᭞ᬧ᭄ᬭᬭᬳᬶᬦᬾᬳᬩᬂ᭞ᬲᬳᬗᬯᭂᬤᬭᬂᬳᬸᬚᬃ᭞ᬧᬢᬶᬄᬲᬸᬡ᭄ᬥᬢᬸᬯᬶᬭᬶᬭᬶᬄ᭞ᬫᬯᬾᬄᬧᬶᬤ
ᬩ᭄ᬤᬩ᭄᭞ᬫᬶᬢᬸᬢᬸᬭᬶᬦ᭄‌ᬢᭂᬓᬫᬳᬶ᭟ᬭᬶᬭᬶᬄᬧᭂᬲᬦ᭄ᬧᬢᬶᬄᬦᬶᬩᬓᬂᬧᬶᬤᬩ᭄ᬤᬩ᭄᭞ᬢᬸᬳᬸᬲᬭᬢ᭄ᬕᬸᬲ᭄ᬢᬶᬧᬢᬶᬄ᭞ᬫᬗ᭄ᬭᬯᬸᬳᬂᬭᬕ᭞ᬭᬯᬸᬳᬾᬫᬳᬶᬲᬕᬺᬳᬦ᭄᭞ᬗ᭄ᬭᬯᬸᬳᬶᬦ᭄ᬓᬫᬚᬧᬳᬶᬢ᭄᭞ᬜᬋᬗᬶᬦ᭄ᬧᬸᬢ᭄ᬭ᭞ᬮᬓ᭄ᬱ
ᬡᬳᬧᬓᬳᬤᬦᬶᬦ᭄᭟ᬢ᭄ᬯᬭᬲᬚᬓᬤᬶᬳᬸᬚᬃᬧᬢᬶᬄᬩᬸᬲᬦ᭄᭞ᬳᬶᬓᬸᬫ᭄ᬩᬂᬜᬤ᭄ᬬᬫᬗᬮᬶᬄ᭞ᬫᬫ᭄ᬭᬶᬳᬶᬂᬧᬸᬱ᭄ᬧ᭞ᬦᬾᬚᬦᬶᬧᬢᬶᬄᬜᬶᬳ᭄ᬦᬬᬂ᭞ᬦᬸᬗ᭄ᬓᬮᬶᬓ᭄ᬮᬦᬸᬚᬃᬧᬢᬶᬄ᭞ᬜᬤ᭄ᬬᬳᬶᬩᬸᬗ᭞ᬗ᭄ᬭᬸᬭᬸᬄᬓᬸᬫ᭄ᬩᬂ
ᬢᭂᬓᬫᬳᬶ᭟ᬜᬤ᭄ᬬᬧᭂᬲᬦ᭄ᬳᬧᬂᬓᬓᬵᬧᬭᬶᬢᬢᬲ᭄᭞ᬮᬓ᭄ᬱᬡᬳᬧᬓᬤᬦᬶᬦ᭄᭞ᬳᬶᬲ᭄ᬢ᭄ᬭᬶᬫᬮᬓ᭄ᬱᬡ᭞ᬫᬗᬸᬩᭂᬭᬶᬦ᭄ᬳᬦᬓ᭄ᬮᬦᬂ᭞ᬓᭂᬦᬧᬢᬶᬄᬫᬗᬤᬦᬶᬦ᭄᭞ᬩᭂᬦᭂᬄᬩᭂᬦᭂᬳᬂ᭞ᬤᬶᬓᭂᬦᭂᬄᬧᬢᬶ

[᭒᭐ 20A]
᭒᭐
ᬳᬾᬦ᭄ᬤᬶᬭᬶ᭟ᬦᬄᬓᭂᬦᭂᬳᬂᬬᬦᬓᬾᬢᭀᬯᬶᬯᬶᬮᬦ᭄ᬜ᭞ᬜᬾᬦ᭄ᬧᬢᬸᬢ᭄ᬮᬓᬃᬗ᭄ᬭᬯᬸᬳᬶᬦ᭄᭞ᬳᬧᬓᬾᬲᬂᬦᬵᬣ᭞ᬲᬶᬭᬧ᭄ᬭᬪᬸᬯᬶᬮᬢᬶᬓ᭄ᬝ᭞ᬧᬘᬂᬭᬯᬸᬄᬫᬫᭂᬦ᭄ᬤᬓᬶᬦ᭄᭞ᬫᬓᬓᬫ᭄ᬧᬸᬳᬦ᭄᭞ᬫᬋᬓ᭄ᬢᭂᬓᬾᬦ᭄ᬕᬸᬲ᭄ᬢᬶᬧᬢᬶᬄ
᭟ᬬᬦ᭄ᬓᬧᬶᬦᭂᬄᬩᬳᬦ᭄ᬓᬓᬢ᭄ᬯᬭᬜᬦ᭄ᬤᬂ᭞ᬧᬢᬶᬄᬫᬶᬢᬸᬢᬸᬭᬶᬦ᭄ᬤᬶᬦᬶ᭞ᬫᭂᬮᬄᬧᬢᬶᬄᬢᬸᬮᬓ᭄᭞ᬫᬳᬢᬸᬃᬳᬧᬗᬫᭂᬮᬄ᭞ᬢᭂᬓᬾᬦᬶᬤᬕᬸᬲ᭄ᬢᬶᬦ᭄ᬧᬢᬶᬄ᭞ᬓᭂᬦᬗᬢᬸᬭᬂ᭞ᬧᬸᬢ᭄ᬭᬦᬾᬭᬯᬸᬄᬓᬧᬸᬭᬶ᭟ᬚᬦᬶᬧᭂᬲᬦ᭄ᬳᬢᬸᬭᬂᬭᬶᬂᬲᬶ
ᬭᬦᬵᬣ᭞ᬧᬦᭂᬫ᭄ᬩᬳᬦ᭄ᬓᬓᬤᬶᬦᬶ᭞ᬳᬧᬂᬲᬶᬤ᭄ᬥᬳᬾᬗ᭄ᬕᬮ᭄᭞ᬲᭂᬤᭂᬓ᭄ᬳᬶᬤᬤᬶᬧᬲᬾᬪᬦ᭄᭞ᬜᭂᬧᬮᬗᬢᬸᬭᬂᬪᬓ᭄ᬢᬶ᭞ᬜᬤ᭄ᬬᬗᬢᬸᬭᬂ᭞ᬭᬤᬾᬦ᭄ᬕᬮᬸᬄᬩᬸᬓᬚᬦᬶ᭟ᬬᬾᬦᬶᬂᬲᬚᬫᬗᬦᬹᬢᬶᬦ᭄ᬰᬶᬮᬓ᭄ᬭᬫ᭞ᬬᬾᬦᬶᬂᬢᬸᬳᬸᬲ
ᬚᬪᬓ᭄ᬢᬶ᭞ᬜᭂᬤᭂᬓ᭄ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢ᭞ᬫᬗᬢᬸᬭᬂᬧᬸᬢ᭄ᬭᬦᬶᬤ᭞ᬭᬶᬂᬲᬸᬲᬸᬦᬦ᭄ᬫᬚᬧᬳᬶᬢ᭄᭞ᬧᬸᬧᬸᬢᬂᬧᭂᬲᬦ᭄᭞ᬳᬧᬂᬲᬸᬰ᭄ᬭᬸᬱᬪᬓ᭄ᬢᬶ᭟ᬧᬢᬶᬄᬲᬸᬡ᭄ᬥᬲᬗᬗᬭᬦ᭄‌ᬅᬦᭂᬧᬓᭂᬦ᭄᭞ᬧ᭄ᬭᬭᬳᬶᬦᬾᬩᬭᬓ᭄ᬗᭂᬦ᭄ᬤᬶᬄ᭞ᬓᭂᬜᬶᬂ [ 21 ][᭒᭐ 20B]
᭒᭐
ᬳᬗ᭄ᬕᬾᬦ᭄ᬜᬭᬸᬯᬂ᭞ᬧᬓ᭄ᬭᬶᬢᬶᬲ᭄ᬧ᭄ᬭᬶᬗᭂᬢᬾᬫᭂᬤᬮ᭄᭞ᬚᭂᬗᬄᬗᬄᬗᬄᬚ᭄ᬭᭀᬦᬶᬂᬳᬢᬶ᭞ᬭᬲᬢᭀᬂᬚᬤ᭄ᬫ᭞ᬲᭂᬮᬢ᭄ᬕᬸᬦᬸᬂᬭᬯᬸᬄᬫ᭄ᬭᬶᬓᬶ᭟ᬫᭂᬤᬮ᭄ᬳᬸᬚᬃᬩᬩᬯᭀᬲᬾᬲᬤᬚᭂᬗᭂᬃ᭞ᬗᭂᬫ᭄ᬓᭂᬫ᭄ᬩ᭄ᬭᬗ᭄ᬢᬶᬦᬾᬢᬦ᭄ᬲᬶᬧᬶ᭞ᬳᬶᬄᬧ
ᬢᬶᬄᬫᬥ᭞ᬓᬮᭀᬓ᭄ᬢᬄᬧ᭄ᬭᬤ᭄ᬜᬦ᭄ᬯᬶᬰᬾᬱ᭞ᬤᬤᬶᬓᬓᬲᬸᬩᬦ᭄ᬕᬸᬫᬶ᭞ᬓᬓᬓᬘ᭄ᬮᬸᬯᬕ᭄᭞ᬜᬶᬳ᭄ᬦᬬᬂᬳᬸᬦ᭄ᬤᬸᬓᬾᬚᬦᬶ᭟ᬳᭂᬤᬤᬫᬂᬗᭂᬦ᭄ᬢᭀᬓᬂᬤᬾᬯᬾᬓ᭄ᬓᬲᬸᬡ᭄ᬥ᭞ᬓᬓᬢᭀᬂᬲᬾᬭᬾᬳᬦ᭄ᬫᬳᬶ᭞ᬤᬚᬫᬢᬸᬳᬗ᭞
ᬢᭂᬓᬾᬦ᭄ᬧᬜ᭄ᬚᬓ᭄ᬓᬓᬸᬯᬸᬩᬦ᭄᭞ᬲᬲᬾᬭᬾᬳᬦ᭄ᬫᬚᬧᬳᬶᬢ᭄᭞ᬤᬕᬕᬾᬲᭀᬦᬦ᭄᭞ᬩᬯᭀᬲᬾᬤᬳᬢ᭄ᬗᬸᬗ᭄ᬓᬸᬮᬶᬦ᭄᭟ᬤᬤᬶᬮᬶᬧ᭄ᬬᬧᬢᬶᬄᬢᭂᬓᬾᬦ᭄ᬧᬳᬸᬦ᭄ᬤᬸᬓᬦ᭄᭞ᬤᬸᬓ᭄ᬧᬢᬶᬳᬾᬗᭂᬩᬸᬕ᭄ᬩᬮᬶ
᭞ᬓᬕᬸᬫᬶᬲᬸᬡ᭄ᬥ᭞ᬤᬲ᭄ᬧᬢᬶᬄᬲᬤ᭄ᬬᬗᬲᭀᬭᬂ᭞ᬫᬘᬸᬦ᭄ᬤᬗᬂᬕᬸᬫᬶᬦ᭄ᬩᬮᬶ᭞ᬳᬶᬧᬢᬶᬄᬲᬸᬡ᭄ᬥ᭞ᬗᬋᬧᬂᬦᬢᬶᬗᬶᬦ᭄ᬚᬸᬭᬶᬢ᭄᭟ᬧᬩᭂᬍᬲᬢ᭄ᬧᬜ᭄ᬚᬓ᭄ᬧᬢᬶᬳᬾᬫᬓᭂᬚᬂ᭞ᬫᬮᬳᬶᬩ᭄ᬓᬧᬶᬮᬶᬧᬶᬮᬶ᭞

[᭒᭑ 21A]
᭒᭑
ᬓᬤᬶᬦᬶᬂᬯᬦᬭ᭞ᬓᬳᭂᬦ᭄ᬤᭂᬃᬳᬦ᭄ᬢᬸᬓ᭄ᬳᬶᬫᬘᬦ᭄᭞ᬮᬶᬬᬸᬫᬢᬶᬳᭂᬜ᭄ᬘᬶᬢᭂᬜ᭄ᬘᬶᬢ᭄᭞ᬲᬮᬦ᭄ᬢᬂᬚᬮᬦ᭄᭞ᬩᬗ᭄ᬓᬾᬦᬾᬫᬳᬸᬭᬩ᭄ᬕᭂᬢᬶᬄ᭟ᬢ᭄ᬯᬭᬓᭂᬦᬩᬦ᭄ᬓᬓᬗᬾᬢᬂᬫᬓᭂᬚᬂ᭞ᬦᬾᬭᬭᬤ᭄ᬓᬧᬶᬮᬶᬧᬶᬮᬶ᭞ᬜᭂᬩᬸ
ᬭᬶᬦ᭄ᬕ᭄ᬭᬾᬫ᭄ᬩᬾᬗᬦ᭄᭞ᬳᬤᬫᬜᭂᬭᬳᬂᬳᬶᬩ᭞ᬢᬓᬸᬢ᭄ᬫᬢᬶᬦᬸᬦᬲ᭄ᬳᬸᬭᬶᬧ᭄᭞ᬤᬧᬢᬶᬄᬤᬫᬂ᭞ᬫᬲᬸᬫ᭄ᬩᬃᬗᬗ᭄ᬓᭂᬩᬶᬦ᭄ᬤᬶᬦᬶ᭟ᬦᬶᬱ᭄ᬝᬤᬫᬮᬓ᭄ᬱᬡᬦ᭄ᬧᬢᬶᬳᬾᬘᭀᬭᬄ᭞ᬗᬸᬮᬸᬓᬸᬮᬸᬓ᭄ᬓᬓᬫᬳᬶ᭞ᬢ᭄ᬯᬭᬫᬦᭂ
ᬧᭂᬢᬂ᭞ᬫᬢᬶᬮᬲ᭄ᬭᬶᬂᬧᬲᬸᬪᬬ᭞ᬗᬦᬹᬢᬶᬦ᭄ᬲᬸᬩᬬᬧᬱ᭄ᬝᬶ᭞ᬦᬾᬓᬭᬯᬸᬳᬂ᭞ᬤᬾᬧᬢᬶᬄᬫᬥᬸᬦᬾᬗᬹᬦᬶ᭟ᬕᬕᭂᬃᬢᭂᬦᬦ᭄ᬫᬳᬵᬧᬢᬶᬄᬕᬚᬄᬫᬥ᭞ᬓᭂᬢᭂᬩ᭄ᬓᭂᬢᭂᬩ᭄ᬓ᭄ᬭᭀᬥᬩ᭄ᬭᬗ᭄ᬢᬶ᭞ᬳᬸᬦ᭄ᬢᬸᬦᬾᬫᬗᬺᬢᭂᬓ᭄᭞ᬲ᭄ᬯᬪ
ᬯᬦᬾᬩᬭᬓ᭄ᬗᬃᬓᬃ᭞ᬫᬚᭂᬗ᭄ᬓᬶᬂᬲᬳᬵᬫᬦᬸᬤᬶᬂ᭞ᬫᬕᬶᬩ᭄ᬭᬲ᭄ᬩᬗ᭄ᬕ᭄ᬭᬲ᭄᭞ᬥᬷᬭᬧᭂᬲᬦ᭄ᬳᬶᬩᬤᬶᬦᬶ᭟ᬲᬚᬳᬶᬩᬢ᭄ᬯᬭᬩᬶᬱᬗᬮᬶᬄᬢᭂᬕᬓ᭄᭞ᬢᬸᬯᬶᬳᬶᬩᬲᬭᬢ᭄ᬫᬫ᭄ᬭᬶᬄ᭞ᬫᬗ᭄ᬤᬾᬦᬾᬓᬧᭂᬦ᭄ᬤᬓ᭄᭞ᬲᭀᬮᬄᬳᬶᬩ [ 22 ][᭒᭑ 21B]
᭒᭑
ᬦᬾᬱᬗ᭄ᬓᬭ᭞ᬜᬫᬾᬂᬮᬶᬗ᭄ᬕᬶᬄᬕᬸᬲ᭄ᬢᬶᬦ᭄ᬓᬳᬶ᭞ᬢᭀᬳᬯᬶᬦᬦ᭄ᬜ᭞ᬢᭂᬓᬦ᭄ᬳᬶᬩᬕᬲᬾᬓ᭄ᬫᬳᬶ᭟ᬜᬤ᭄ᬬᬵᬧᭂᬲᬦ᭄ᬓᬳᬶᬧᬘᬂᬗᬯᭂᬓᬲᬂ᭞ᬢᭂᬓᬾᬦ᭄ᬳᬶᬤᬕᬸᬲ᭄ᬢᬶᬦ᭄ᬓᬳᬶ᭞ᬓᬾᬦᬓ᭄ᬳᬶᬤᬫᭂᬡ᭄ᬥᬓ᭄᭞ᬕᬸᬲ᭄ᬢᬶᬦ᭄ᬳᬶᬩᬧᬸᬢ᭄ᬭᬶᬲᬸᬡ᭄ᬥ᭞
ᬫᭀᬖᬳᬶᬤᬫᬗ᭄ᬮᬾᬤᬗᬶᬦ᭄᭞ᬬᬦ᭄ᬦᭀᬭᬮᬾᬤᬂ᭞ᬤᬩ᭄ᬤᬩᬂᬫᬦ᭄ᬭᬶᬫᬓᬳᬶ᭟ᬢᬸᬯᬶᬓᬳᬶᬜᬤ᭄ᬬᬧᭂᬲᬦ᭄ᬫᬶᬲᬭᬢᬂ᭞ᬩᭂᬤᬓ᭄ᬓᬳᬶᬫᬦᭂᬕᬭᬶᬦ᭄᭞ᬫᬘᬸᬦ᭄ᬤᬸᬓᬂᬫᬦᬄ᭞ᬳᬋᬧᬾᬢᭂᬓᬾᬦᬶᬂᬳᬶᬩ᭞
ᬧᬘᬂᬢᭂᬮᬄᬳᬩᬲ᭄ᬓᬳᬶ᭞ᬢᬦ᭄ᬧᬕᬦ᭄ᬢᬸᬮᬦ᭄᭞ᬢᭂᬋᬳᬦ᭄ᬳᬶᬩᬦᬾᬤᬶᬦᬶ᭟ᬓᬾᬢᭀᬧᭂᬲᬦ᭄‌ᬧᭂᬢᬦ᭄ᬓᬳᬶᬢᭂᬓᬾᬦᬶᬩ᭞ᬚᬦᬶᬓᭂᬫᭀᬳᬶᬩᬫᬸᬮᬶᬄ᭞ᬲᬭᬢᬂᬗᬢᬸᬭᬂ᭞ᬕᬸᬲ᭄ᬢᬶᬦᬶᬩᬳᬧᬂᬬᬢ᭄ᬦ᭞ᬜ
ᬦ᭄ᬢᭀᬲ᭄ᬓᬳᬶᬳᬧᬂᬕᬢᬶ᭞ᬳᭂᬤᬚᬳᬾᬗ᭞ᬳᭂᬤᬩᬜᬫᬗ᭄ᬮᬾᬲᬦᬶᬦ᭄᭟ᬤᬦᬾᬩᭀᬭᬂᬓᬩᬗᬦ᭄ᬫᬲᬳᬸᬃᬩᬗ᭄ᬕ᭄ᬭᬲ᭄᭞ᬳᬶᬄᬳᬧᬩ᭄ᬯᬶᬦ᭄ᬗᬮᬶᬓᬤᬶᬦ᭄᭞ᬳᬶᬩᬧᬢᬶᬄᬫᬥ᭞ᬤᬳᬶᬩᬮᬶᬬᬸᬧᭂ

[᭒᭒ 22A]
᭒᭒
ᬢ᭞ᬬᬦᬶᬩᬯᬶᬭᬲᬸᬚᬢᬶ᭞ᬮᬯᬸᬢᬂᬧᭂᬲᬦ᭄᭞ᬘᬶᬳ᭄ᬦᬬᬂᬓᭂᬦᭂᬳᬾᬚᬦᬶ᭟ᬓᬳᬶᬜᬤ᭄ᬬᬧᬘᬂᬫᬦᬢᬶᬗᬶᬦᬶᬩ᭞ᬧᬾᬢ᭄ᬧ᭄ᬭᬕᬢ᭄ᬩᬦᬶᬩᬚᬦᬶ᭞ᬓᬳᬶᬧᬥᬤᬶᬦᬶᬫᬓᭂᬚᬂ᭞ᬲᬶᬦᬄᬳᬶᬩᬦᭂᬫᬸ
ᬲᬤ᭄ᬬ᭞ᬩᬕ᭄ᬬᬳᬶᬩᬫᬧᬶᬓᭀᬮᬶᬄ᭞ᬫᭀᬮᬶᬄᬧᬘᬸᬦ᭄ᬤᬂ᭞ᬕᬸᬲ᭄ᬢᬶᬦ᭄ᬓᬳᬶᬭᬤᬾᬦ᭄ᬤᬾᬯᬶ᭟ᬫᬓ᭄ᬯᬾᬄᬧᬶᬲᬦ᭄ᬩᬩᬯᭀᬲᬾᬬᬦ᭄ᬘᬃᬘ᭄ᬘᬬᬂ᭞ᬓᬘ᭄ᬭᬶᬢᬲᬮᬶᬂᬢᬫ᭄ᬩᬸᬗᬶᬦ᭄᭞ᬭᬶᬂᬚ᭄ᬭᭀᬓᬧᬢᬶᬳᬦ᭄᭞
ᬩᬩᬯᭀᬲᬾᬫᬳᬸᬭᬩᬦ᭄᭞ᬲᬮᬶᬂᬢᬸᬤᬶᬂᬲᬮᬶᬂᬢᬸᬤᬶᬂ᭞ᬗᬦᬶᬦᬶᬦ᭄ᬫᬦᬄ᭞ᬓ᭄ᬭᭀᬥᬦᬾᬫᬢᭂᬫᬸᬩ᭄ᬭᬗ᭄ᬢᬶ᭟᭜᭟ᬧᬸᬧᬸᬄᬕᬶᬦᬤ᭟᭜᭟ᬧᬡ᭄ᬥᬶᬢᬳᬰ᭄ᬭᬫᬦᬵᬣ᭞ᬓᬘ᭄ᬭᬶᬢᬬᬂᬲᬦᬾᬫᬗ᭄ᬓᬶᬦ᭄᭞ᬳᬶᬤᬲᬵᬫ᭄ᬧᬸᬦ᭄ᬢ
ᬢᬲ᭄ᬯᬶᬓᬦ᭄᭞ᬳᬶᬦ᭄ᬤᬶᬓ᭄ᬧᬗ᭄ᬮᬫᬭᬾᬤᬸᬫᬸᬦ᭄᭞ᬚᬸᬫᭂᬮᬕ᭄ᬲᬳᬗᬦ᭄ᬤᬶᬓ᭞ᬕᬸᬲ᭄ᬢᬶᬧᬢᬶᬄ᭞ᬲᬫ᭄ᬧᬸᬦᬂᬚᬕᬸᬲ᭄ᬢᬶᬤᬸᬓ᭟ᬫᬦ᭄ᬢᬸᬓᬭᬶᬂᬚ᭄ᬭᭀᬳᬸᬢᬸᬲᬦ᭄᭞ᬧᬗᭂᬤᬶᬄᬩᬧᬦᬾᬚᬢᬶ᭞ᬫᬃᬕ᭄ᬕᬶᬚᬲᬵᬫ᭄ᬧᬸᬦ᭄ᬧᬸᬧᬸᬢᬂ᭞ᬫᬗ᭄ᬤᬲ [ 23 ][᭒᭒ 22B]
᭒᭒
ᬫ᭄ᬧᬸᬦ᭄ᬤᬤᭀᬲ᭄ᬭᬶᬓᬸᬄ᭞ᬯᬶᬯᬳᬦ᭄ᬳᬶᬤᬲᬂᬦᬵᬣ᭞ᬫᬗ᭄ᬤᬩᭂᬘᬶᬓ᭄᭞ᬗᬶᬭᬶᬂᬳᬲ᭄ᬢᬯᬬᬂᬳᬶᬤ᭟ᬧ᭄ᬭᬪᬸᬲᬸᬡ᭄ᬥᬧ᭄ᬭᬫᬮᬾᬤᬂᬭᬯᬸᬄᬳᬶᬤᬓᬤᬶᬫᬗ᭄ᬓᬶᬦ᭄᭞ᬫᬜᬋᬗᬶᬦ᭄ᬧᬸᬢ᭄ᬭᬦᬶᬤ᭞ᬫᬫ᭄ᬭᬶᬳᬶᬂᬮᬓ᭄ᬱᬡᬳᬬᬸ᭞ᬜᬤ᭄ᬬᬲᬋᬂᬗᬲ᭄ᬢᬯᬬᬂ᭞ᬭᬤᬾᬦ᭄ᬤᬾ
ᬯᬶ᭞ᬫᬢᭂᬫᬸᬭᬶᬂᬲᬶᬭᬦᬵᬣ᭟ᬳᬃᬱᬦ᭄ᬯᬶᬮᬢᬶᬓ᭄ᬝᬦᬵᬣ᭞ᬩᬧᬲᬵᬫ᭄ᬧᬸᬦ᭄ᬢᬢᬲ᭄ᬳᬸᬦᬶᬂ᭞ᬲᬓᬤᬶᬲᬦᬾᬓ᭄ᬭᬯᬸᬳᬂ᭞ᬳᬦ᭄ᬢᬸᬓ᭄ᬤᬦᬾᬧᬢᬶᬄᬫᬥᬸ᭞ᬯᬸᬲ᭄ᬓᬢᬸᬃᬭᬶᬂᬲᬸᬡ᭄ᬥᬦᬵᬣ᭞ᬦᬢᬦ᭄ᬓᭂᬚᬶᬮ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬤᬤᭀᬲ᭄ᬲᬶᬗ᭄ᬲᬮ᭄᭟ᬧᬢᬶᬄᬲᬸᬡ᭄ᬥᬫ
ᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬲᬂᬲᬸᬮᬶᬗ᭄ᬕᬶᬄ᭞ᬢᬶᬢ᭄ᬬᬂᬦᬢᬦ᭄ᬧᬸᬭᬸᬦ᭄ᬯᬶᬯᬮ᭄᭞ᬭᬶᬂᬯᬘᬦᬦ᭄ᬲᬶᬗ᭄ᬕᬶᬄᬭᬢᬸ᭞ᬢᬶᬢ᭄ᬬᬂᬜᬤ᭄ᬬᬭᬯᬸᬄᬧᭂᬤᭂᬓ᭄᭞ᬫᬦᬗ᭄ᬓᬶᬮᬶᬦ᭄᭞ᬜᬤ᭄ᬬᬗᬲ᭄ᬢᬯᬬᬂᬓᬃᬬ᭄ᬬ᭟ᬭᬶᬓᬃᬬ᭄ᬬᬦ᭄ᬯᬶᬯᬳᬦᬶᬤ᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬭ
ᬤᬾᬦ᭄ᬤᬾᬯᬶ᭞ᬗᬶᬭᬶᬂᬧᬮᬸᬗ᭄ᬕᬸᬄᬲᬂᬦᬵᬣ᭞ᬲᬂᬧ᭄ᬭᬪᬸᬰ᭄ᬭᬷᬅᬬᬫ᭄ᬫᬸᬭᬸᬓ᭄᭞ᬫᬗ᭄ᬤᬲᬶᬤ᭄ᬥᬓᬭᬳᬃᬧᬶᬸᬚ᭄ᬚᬦ᭄᭞ᬲᬕᬾᬢ᭄ᬧᬗ᭄ᬕᬶᬄ᭞ᬳᬶᬦ᭄ᬤᬶᬓᬾᬳᬶᬭᬶᬓᬶᬲᬶᬗ᭄ᬲᬮ᭄᭟ᬳᬶᬧᬸᬦ᭄ᬧᬢᬶᬄᬕᬚᬄᬫᬥ᭞ᬫᬦᬄᬳᬶᬧᬸᬦ᭄ᬢᬦ᭄ᬗᬶᬦᬹᬢᬶᬦ᭄᭞ᬢᬦ᭄ᬳᬶ

[᭒᭓ 23A]
᭒᭓
ᬕᬸᬫ᭄ᬭᬶᬂᬧᬓᬬᬸᬦᬦ᭄᭞ᬧᬮᬸᬗ᭄ᬕᬸᬄᬳᬶᬤᬲᬂᬧ᭄ᬭᬪᬸ᭞ᬦᬾᬫᬗ᭄ᬓᬶᬦᬶᬧᬸᬦ᭄ᬜᬶᬳ᭄ᬦᬬᬂ᭞ᬗᬸᬲᬓᬲᬶᬓ᭄᭞ᬓᬦ᭄ᬤᬸᬕᬶᬗᬯᬶᬦᬂᬲᬮ᭄ᬲᬮ᭄᭟ᬬᬾᬦᬶᬂᬳᬶᬧᬸᬦ᭄ᬚᬢᬶᬲᬭᬢ᭄᭞ᬗᬫᭂᬲᭂᬳᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬜᬤ᭄ᬬᬧ᭄ᬭᬬᬧᬶᬲᬦ᭄᭞ᬫ
ᬦᬕᬶᬗᬶᬦ᭄ᬫᬦᬳᬶᬧᬸᬦ᭄᭞ᬭᬶᬂᬩᬸᬩᬢ᭄ᬢᬶᬢ᭄ᬬᬂᬜᬦ᭄ᬢᭀᬲᬂ᭞ᬢᬸᬳᬸᬚᬢᬶ᭞ᬜᭂᬤᬓ᭄ᬫᬘᬸᬦ᭄ᬤᬸᬓᬂᬫᬦᬄ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬫᬕᭂᬩᭂᬮᬦ᭄ᬳᬗ᭄ᬕᬦ᭄ᬫᬳᬵᬧᬢᬶᬄᬫᬥ᭞ᬓ᭄ᬭᭀᬥᬦᬾᬢᭀᬂᬓᬤᬶᬓᬤᬶ᭞ᬲ᭄ᬯᬪᬯᬦᬾ
ᬳᬩᬂ᭞ᬧᬕ᭄ᬭᬶᬫᬶᬲ᭄ᬓ᭄ᬭᬶᬗᭂᬢᬾᬫᭂᬤᬮ᭄᭞ᬫᬭᬶᬭᬓ᭄ᬲᬳᬫᬦᬸᬤᬶᬂ᭞ᬤᬮᬶᬬᬸᬧᭂᬢ᭞ᬫᬸᬜᬶᬮᬶᬬᬸᬧᬘᬂᬧᬲᬶᬮ᭄᭟ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬓᭂᬫᭀᬳᬶᬩᬫᬤᬩ᭄ᬤᬩᬦ᭄᭞ᬓᬳᬶᬜᬤ᭄ᬬᬫᬦᭂᬓᬳᬶᬦ᭄᭞ᬢᭂᬓᬓᬤᬾᬰᬩᬸ
ᬩᬢ᭄᭞ᬜᬤ᭄ᬬᬫᬫᬹᬃᬡ᭄ᬦᬬᬂᬘᬶᬢ᭄ᬢ᭞ᬫᬶᬲᬶᬓᭂᬦᭂᬄᬳᬶᬩᬚᬦᬶ᭞ᬧᬹᬃᬡ᭄ᬦᬬᬂᬧᭂᬲᬦ᭄᭞ᬳᬾᬗ᭄ᬕᬮᬂᬳᬶᬩᬫᬯᬮᬶ᭟ᬅᬦᭂᬧᬓᭂᬦ᭄ᬓᬶᬧᬢᬶᬄᬲᬸᬡ᭄ᬥᬫᬕᬶᬩ᭄ᬭᬲ᭄᭞ᬓᬳᬶᬲᬶᬂᬫᬲᬮᬶᬦ᭄ᬫᬸᬜᬶ᭞ᬮᬯᬸᬢᬂᬳᬶ [ 24 ][᭒᭓ 23B]
᭒᭓
ᬩᬢᭂᬓᬵ᭞ᬓᬳᬶᬜᬤ᭄ᬬᬧᬘᬂᬦ᭄ᬭᬶᬫ᭞ᬍᬕᬦᬶᬩᬢᭂᬓᬾᬦ᭄ᬓᬳᬶ᭞ᬳᬧᬗᬳᬾᬗ᭄ᬕᬮ᭄᭞ᬳᭂᬤᬳᬶᬩᬢ᭄ᬯᬭᬜᬤᬶᬦ᭄᭟᭜᭟ᬧᬸᬧᬸᬄᬕᬶᬦᬤ᭟᭜᭟ᬧᬡ᭄ᬥᬶᬢᬳᬰ᭄ᬭᬫᬦᬵᬣ᭞ᬫᬗᬦ᭄ᬤᬶᬓᬩᬦ᭄ᬩᬦ᭄ᬫᬦᬶᬲ᭄᭞ᬕᬸᬲ᭄ᬢᬶᬧ
ᬢᬶᬄᬕᬚᬄᬫᬥ᭞ᬓᬵᬮᬶᬄᬳᬸᬢᬸᬲᬦ᭄ᬲᬂᬧ᭄ᬭᬪᬸ᭞ᬲᬶᬭᬦᬵᬣᬚᬕᬢ᭄ᬲᬸᬡ᭄ᬥ᭞ᬲᬓᬶᬂᬚᬢᬶ᭞ᬧᬗᭂᬤᬶᬄᬩᬧᬦᬾᬲᬭᬢ᭄᭟ᬤᬩ᭄ᬤᬩᬂᬫᬗ᭄ᬤᬾᬦᬾᬲᬶᬤ᭄ᬥ᭞ᬭᬳᬃᬚ᭄ᬚᬓᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬓᭂᬦᬶᬕᬸᬲ᭄ᬢᬶᬧᬢᬶᬄᬲᬸ
ᬡ᭄ᬥ᭞ᬜᬦ᭄ᬢᭀᬲ᭄ᬓᬬᬸᬦᬶᬤᬭᬢᬸ᭞ᬲᬶᬭᬧ᭄ᬭᬪᬸᬕᬸᬲ᭄ᬢᬶᬩᬧ᭞ᬓᭂᬦᬶᬧᬗ᭄ᬕᬶᬄ᭞ᬤᬕᬶᬂᬳᬃᬱᬦ᭄ᬳᬶᬤᬧᬶᬲᬦ᭄᭟ᬓᬶᬅᬦᭂᬧᬓᭂᬦ᭄ᬫᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬲᬂᬲᬸᬮᬶᬗ᭄ᬕᬶᬄ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬜᬗ᭄ᬕ᭄ᬭᬜᬸᬜ᭄ᬚᬸᬂᬲ᭄ᬯᬾᬘ᭄ᬙᬦ᭄ᬭ
ᬢᬸ᭞ᬲᬵᬫ᭄ᬧᬸᬦ᭄ᬭᬢᬸᬲᬮᬶᬢᬵᬃᬱ᭞ᬢᬶᬢ᭄ᬬᬂᬧᬫᬶᬢ᭄᭞ᬧ᭄ᬭᬬᬜᬦ᭄ᬢᭀᬲᬂᬭᬶᬂᬩᬸᬩᬢ᭄᭟᭜᭟ᬥᬃᬫ᭄ᬫᬓ᭄ᬱᬢ᭄ᬭᬶᬬ᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬦᬾᬫᬗ᭄ᬓᬶᬦ᭄ᬮᬦ᭄ᬢᬸᬭᬂᬢᬶᬢ᭄ᬬᬂ᭞ᬳᬶᬦᬸᬘᬧ᭄ᬭᬶᬂᬩᬩᬤ᭄ᬧᬗ᭄ᬕᬶᬄ᭞ᬭᬶᬲᭂᬤᭂᬓ᭄ᬲᬂᬧ᭄ᬭᬪᬸᬲᬸ

[᭒᭔ 24A]
᭒᭔
ᬡ᭄ᬥ᭞ᬓᬢᬗ᭄ᬓᬶᬮᬶᬦ᭄ᬧᬭᬫᬦ᭄ᬢ᭄ᬭᬶ᭞ᬓᬳᬶᬭᬶᬂᬮᬦ᭄ᬯᬤ᭄ᬯᬲᬫᬶ᭞ᬓᬂᬤᬶᬦᬸᬢ᭄ᬢᬓᬕᬾᬢ᭄ᬭᬯᬸᬄ᭞ᬜᬸᬚᬸᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬧᬫᬃᬕ᭄ᬕᬶᬦᬾᬲᬤᬕᭂᬮᬶᬲ᭄᭞ᬯᬸᬲ᭄ᬫᬮᬸᬗ᭄ᬕᬸᬄ᭞ᬫᬗᬜ᭄ᬚᬮᬶᬲᬳᬲᭂᬫ᭄ᬩᬄ᭟ᬤᬦᬾᬧᬢᬶᬄᬅᬦᭂᬧᬓᭂ
ᬦ᭄᭞ᬗᬢᬸᬭᬂᬳᬶᬦ᭄ᬤᬶᬓᬾᬲᬫᬶ᭞ᬓᬧᬗ᭄ᬕᬸᬄᬭᬶᬂᬓᬧᬢᬶᬳᬦ᭄᭞ᬩᬯᭀᬲᬾᬲᬮᬶᬂᬢᬫ᭄ᬩᬸᬗᬶᬦ᭄᭞ᬲᬮ᭄ᬯᬶᬭᬶᬂᬗᬦᬶᬦᬶᬦᬵᬢᬶ᭞ᬲᬫᬶᬲᬵᬢᬸᬃᬭᬶᬂᬲᬂᬧ᭄ᬭᬪᬸ᭞ᬤᬕᬶᬂᬳᬸᬚᬃᬧᬢᬶᬄᬫᬥ᭞ᬓᭂᬦᬶᬳᬶᬤᬢᬢᬲ᭄ᬳᬸᬦᬶᬂ᭞ᬲᬶᬭᬧ᭄ᬭ
ᬪᬸ᭞ᬫᬗ᭄ᬤᬲᬬᬕᬭᬶᬂᬭᬕ᭟ᬳᬾᬭᬂᬓᬬᬸᬲᬶᬭᬦᬵᬣ᭞ᬫ᭄ᬬᬃᬱᬬᬂᬳᬢᬸᬃᬓᬶᬧᬢᬶᬄ᭞ᬲ᭄ᬯᬪᬵᬯᬦᬶᬤᬓᬩᬗᬦ᭄᭞ᬫᬓ᭄ᬮᭂᬢᭂᬕ᭄ᬭᬶᬂᬓᬬᬸᬦ᭄ᬫᬗ᭄ᬓᬶᬦ᭄᭞ᬯᬶᬯᬾᬓᬦ᭄ᬳᬦᬓᬾᬭᬶᬭᬶᬄ᭞ᬓᭂᬫᬶᬓᬦ᭄ᬜᬗᭂᬫᬸᬫᬥᬸ᭞ᬫᬦᬶᬲᬾ
ᬳᬗ᭄ᬕᭀᬦ᭄ᬰᬭᬡ᭞ᬚᬮᬭᬦ᭄ᬳᬗ᭄ᬕᭀᬗᬸᬧᬾᬦᬶᬦ᭄᭞ᬲᬶᬤ᭄ᬥᬤᬸᬭᬸᬲ᭄᭞ᬲᬭᬜᬤ᭄ᬬᬫᬘᬸᬦ᭄ᬤᬗᬂ᭟ᬩ᭄ᬬᬄᬧᬭᬓᬬᬸᬦ᭄ᬲᬂᬦᬵᬣ᭞ᬫᭂᬦᭂᬂᬦᬦᭂᬂᬰ᭄ᬭᬷᬪᬹᬧᬢᬶ᭞ᬢᬦᬵᬦᬯᭀᬂᬫᭂᬢᬸᬳᬸᬚᬃ᭞ᬧᬩ᭄ᬮᭂᬲᭂᬓ᭄ᬭᬶᬂᬓᬬᬸ [ 25 ][᭒᭔ 24B]
᭒᭔
ᬦ᭄ᬲᬫᬶ᭟ᬓᬳᬗ᭄ᬕᬾᬦ᭄ᬧᬘᬸᬦ᭄ᬤᬂᬳᬸᬭᬶᬧ᭄᭞ᬩᭂᬘᬶᬓᬦ᭄ᬚᬲᬵᬫ᭄ᬧᬸᬦ᭄ᬮᬫ᭄ᬧᬸᬲ᭄᭞ᬳᬸᬭᬶᬧᬾᬫᬦᬦ᭄ᬤᬂᬚᭂᬗᬄ᭞ᬤᬤᭀᬲ᭄ᬓᬓᭂᬤᬾᬓᬦ᭄ᬕᬸᬫᬶ᭞ᬜᬤ᭄ᬬᬫᬸᬧᬸᬢ᭄᭞ᬦᬶᬃᬕᬸᬡᬫᬦᬤᭀᬲ᭄ᬚᬤ᭄ᬫ᭟ᬫᭀᬚᬃᬲᬶᬭᬧ᭄ᬭᬪᬸᬲᬸᬡ᭄ᬥ᭞ᬧᬫ
ᬦ᭄ᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶ᭞ᬯᬤ᭄ᬯᬦᬾᬧᬥᬫᬓᭂᬚᬂ᭞ᬳᭂᬤᬩᬜᬢᬓᬸᬢ᭄ᬚᬦᬶ᭞ᬦᬸᬢᬸᬭᬂᬳᭂᬜᭂᬢᬾᬚᬢᬶ᭞ᬳᬧᬂᬲᬶᬤ᭄ᬥᬦᬶᬭᬢᬳᬸ᭞ᬧᬓᭂᬜᭂᬢ᭄ᬘᬳᬶᬫᬓᭂᬚᬂ᭞ᬓᬾᬦ᭄ᬓᬾᬦ᭄ᬚᬦᬶᬩᬳᬦ᭄ᬫᬶᬦᭂᬳᬶᬦ᭄᭞ᬳᬧᬗᬶᬕᬸᬫ᭄
᭞ᬲᬶᬤ᭄ᬥᬩᭂᬦᭂᬄᬩᬦ᭄ᬗᬶᬢᬸᬗᬂ᭟ᬬᬦ᭄ᬧᬢᬸᬢ᭄ᬩᬩᬯᭀᬲ᭄ᬦᬶᬭ᭞ᬫᭂᬮᬄᬚᬫᬢᬓᬶᬢᬓᬶ᭞ᬲᬕᬺᬳᬦ᭄ᬘᬳᬶᬫᬚᬮᬦ᭄᭞ᬓ᭄ᬮᭂᬲᬶᬢᬾᬢ᭄ᬯᬭᬫᬢᬹᬢᬶᬦ᭄᭞ᬓᭂᬫᭀᬘᬳᬶᬧᬥᬫᬸᬮᬶᬄ᭞ᬳᬶᬭᬶᬗᬂᬳᬶᬦᬦᬓ᭄ᬕᬮᬸᬄ᭞ᬫᬸᬯᬄ
ᬳᬤᬶᬧ᭄ᬭᬫᬶᬰ᭄ᬯᬭᬶ᭞ᬫᭂᬮᬳᬂᬳᬶᬤᬤᬶᬧᬸᬭᬶ᭞ᬦᬶᬭᬫᬸᬧᬸᬢ᭄᭞ᬮᬰ᭄ᬘᬃᬬ᭄ᬬᬗᭂᬢᭀᬳᬶᬦ᭄ᬫᬦᬄ᭟ᬢᬸᬤᬸᬄᬳᬶᬤᬲᬂᬳ᭄ᬬᬂᬯᬶᬤᬶ᭞ᬧᬗ᭄ᬕᬸᬳᬶᬦ᭄ᬦᬶᬭᬦᬾᬚᬦᬶ᭞ᬢᬦ᭄ᬜᬦ᭄ᬤᬂᬧᬘᬂᬲᭂᬮ᭄ᬲᭂᬮᬂ᭞ᬢ᭄ᬯᬄᬫᬸᬮᬳᬶ᭟ᬍ

[᭒᭕ 25A]
᭒᭕
ᬦ᭄ᬕᬸᬫᬶ᭟ᬲᬶᬬᬂᬤᬮᬸᬦᬾᬫᬕᬶᬮᬶᬃ᭞ᬧᬸᬦᬶᬓᬲᬳᬶᬢ᭄ᬬᬓᬧᬗ᭄ᬕᬸᬄ᭞ᬲᬸᬓᬤᬸᬄᬓᬦᬾᬢᬦ᭄ᬧᬲᬄ᭞ᬲᬚ᭄ᬭᭀᬦᬶᬂᬓᬢᬸᬗ᭄ᬕᭀᬦ᭄ᬳᬸᬭᬶᬧ᭄᭞ᬓᬾᬢᭀᬢᬸᬳᬸ᭞ᬢ᭄ᬯᬭᬲᬶᬤ᭄ᬥᬩᬦ᭄‌ᬗ᭄ᬮᬾᬫ᭄ᬧᬲᬂ᭟ᬥᬃᬫ᭄ᬫᬦᬶᬂᬮᬶᬗ᭄ᬕᬶᬄᬲᬂᬲ
ᬢ᭄ᬭ᭄ᬬ᭞ᬬᬰᬦᬾᬭᬶᬂᬢᬸᬂᬢᬸᬂᬓᭂᬭᬶᬲ᭄᭞ᬲᬤ᭄ᬬᬫᬫᭀᬮᬶᬳᬶᬂᬬᬰ᭞ᬳᬾᬕᬃᬫᬦᬳᬾᬓᬲᬶᬯᬶ᭞ᬫᬤᭂᬕ᭄ᬓᬾᬗᬶᬦ᭄‌ᬰ᭄ᬭᬷᬪᬹᬧᬢᬶ᭞ᬬᬾᬦᬶᬂᬮᬘᬸᬭᬾᬓᬧᬗ᭄ᬕᬸᬄ᭞ᬫᬸᬧᬸᬢᬂᬭᬕᬭᬶᬂᬭᬡ᭞ᬢᬦ᭄ᬯᭂᬤᬶᬗᭂᬢᭀ
ᬳᬂᬧᬢᬶ᭞ᬢᬸᬳᬸᬭᬢᬸ᭞ᬲᬂᬲᬢ᭄ᬭ᭄ᬬᬧᭂᬚᬄᬭᬶᬂᬮᬕ᭟ᬧᬢᬶᬄᬫᬦ᭄ᬢ᭄ᬭᬶᬩᬳᬸᬤᬡ᭄ᬥ᭞ᬲᬕᬺᬳᬦ᭄ᬳᬢᬸᬭᬾᬜᬶᬓᬶ᭞ᬤᬺᬤ᭄ᬥᬪᬓ᭄ᬢᬶᬭᬶᬂᬲᬂᬦᬵᬣ᭞ᬫᬸᬧᬸᬢᬂᬓᬬᬸᬦᬾᬧᬱ᭄ᬝᬶ᭞ᬭᬶᬂᬭᬡᬗ᭄ᬕᬦᬗᬸᬦ᭄ᬓᬶᬃᬢ᭄ᬢᬶ᭞ᬗᬶᬭᬶᬂᬯᬘᬦ
ᬦ᭄ᬲᬂᬧ᭄ᬭᬪᬸ᭞ᬳᬾᬭᬂᬫᬦᬳᬾᬫᬢᬸᬮᬓ᭄᭞ᬫᬦ᭄ᬢᬸᬓ᭄ᬓᬲᬸᬡ᭄ᬥᬦᬵᬕᬭᬶ᭞ᬗᬯᬾᬩᬶᬬᬸᬃ᭞ᬤᬤᭀᬲ᭄ᬳᬸᬘᬧᬸᬘᬧ᭄ᬚᬕᬢ᭄᭟ᬳᬶᬦᬸᬘᬧ᭄ᬧᭂᬚᬄᬭᬶᬂᬭᬡ᭞ᬯᬶᬱ᭄ᬡᬸᬮᭀᬓᬦᬾᬓᬧᬗ᭄ᬕᬶᬄ᭞ᬲᬳᬶᬢ᭄ᬬᬦᭂᬫᬸᬓ [ 26 ][᭒᭕ 25B]
᭒᭕
ᬲᬤ᭄ᬬᬦ᭄᭞ᬓᬲᬗ᭄ᬕ᭄ᬭᬮᬦ᭄ᬯᬶᬤ᭄ᬬᬤᬭᬶ᭞ᬳᬢ᭄ᬫᬚᬶᬯᬦ᭄ᬯᬃᬕ᭄ᬕᬲᬫᬶ᭞ᬲᬦᬾᬭᬶᬳᬶᬦᬦ᭄ᬯᬸᬲ᭄ᬫᬦ᭄ᬢᬸᬓ᭄᭞ᬲᬫᬶᬫᭀᬮᬶᬄᬲᬲᬸᬧᬢᬦ᭄᭞ᬫᬦᬫ᭄ᬢᬫᬶᬦ᭄ᬮᬶᬳᬂᬳᬢᬶ᭞ᬢᬸᬳᬸᬮᬡ᭄ᬥᬸᬄ᭞ᬓᬮᬸᬓᬢ᭄ᬳᬦ᭄ᬢᬸᬓ᭄ᬳ᭄ᬬᬂᬯᭂᬦᬂ᭟ᬳᬶᬦᬸᬘ
ᬧ᭄ᬚᭂᬭᬶᬄᬭᬶᬂᬭᬡ᭞ᬓᬧᬶᬮᬬᬸᬫᭂᬭᬶᬄᬳᬸᬭᬶᬧ᭄᭞ᬢᬦ᭄ᬗᬦᬹᬢ᭄ᬲᬢ᭄ᬭᬶᬬᬾᬂᬮᬓ᭄ᬱᬡ᭞ᬤᬳᬢ᭄ᬦᬶᬱ᭄ᬝᬓᬧᬗ᭄ᬕᬶᬳᬶᬦ᭄᭞ᬫᬦᬤᭀᬲ᭄ᬧᬘᬸᬦ᭄ᬤᬗᬸᬭᬶᬧ᭄᭞ᬲᬳᬶᬢ᭄ᬬᬧᬘᬂᬫᬦᭂᬫᬸ᭞ᬤᬤᭀᬲ᭄ᬧᬜ᭄ᬚᬓ᭄ᬓᬓᭀᬤᬕ
ᬦ᭄᭞ᬦᬶᬃᬕᬸᬡᬓᬢᬸᬗ᭄ᬕᭀᬦᬸᬭᬶᬧ᭄᭞ᬤᬤᭀᬲ᭄ᬮᬸᬳᬸ᭞ᬳᬶᬫᭂᬲᭂᬄᬗᭀᬤᬕ᭄ᬲᬢᬢ᭟ᬮᬾᬤᬂᬓᬬᬸᬦ᭄ᬲᬶᬭᬦᬵᬣ᭞ᬫ᭄ᬬᬃᬱᬬᬂᬯᬤ᭄ᬯᬦᬾᬲᬫᬶ᭞ᬲᬫᬶᬫᬫᬸᬧᬸᬢᬂᬭᬕ᭞ᬢᬦ᭄ᬯᭂᬤᬶᬧᬘᬂᬓᬢᬶᬗᬶᬦ᭄᭞ᬳᬶᬕᬸᬫ᭄‌ᬗ᭄ᬮᬵ
ᬓ᭄ᬱᬡᬬᬂᬚᬸᬭᬶᬢ᭄᭞ᬳᬶᬥᭂᬧ᭄ᬜᬶᬓᬶᬚ᭄ᬭᭀᬦᬶᬂᬓᬬᬸᬦ᭄᭞ᬳᬾᬭᬂᬫᬦᬤᭀᬲ᭄ᬧᬘᬸᬦ᭄ᬤᬂ᭞ᬮᬰ᭄ᬘᬃᬬ᭄ᬬᬵᬗᭂᬢᭀᬳᬂᬧᬢᬶ᭞ᬓᭂᬦᬶᬧᬸᬧᬸᬢ᭄᭞ᬘᭂᬦ᭄ᬤᭂᬓ᭄ᬤᬤᭀᬲ᭄ᬳᬾᬢᬗᬦ᭄ᬜ᭟ᬫᭀᬚᬃᬲᬂᬦᬵᬣᬕᬃᬚ᭄ᬚᬶᬢ᭞ᬢᬸᬳᬸ

[᭒᭖ 26A]
᭒᭖
ᬬᬦ᭄ᬧᬸᬭᬸᬱᬚᬢᬶ᭞ᬲᬸᬓ᭄ᬱᭂᬫᬧᭂᬲᬦ᭄ᬩᬦ᭄ᬦᬶᬭ᭞ᬳᬶᬦ᭄ᬤᬶᬓ᭄ᬪᬓ᭄ᬢᬶᬦ᭄ᬘᬳᬶᬚᬢᬶ᭞ᬮᬰ᭄ᬘᬃᬬ᭄ᬬᬫᬩᬾᬮᬧᬢᬶ᭞ᬧᬓᭂᬜᭂᬢᬾᬧᬥᬳᬶᬕᬸᬫ᭄᭞ᬚᬮᬦ᭄ᬚᬧᬥᬤᬩ᭄ᬤᬩᬂ᭞ᬕᭂᬮᬭᬾᬧᬢᬹᬢ᭄‌ᬬᬢ᭄ᬦᬳᬶᬦ᭄᭞ᬲᬶᬤ᭄ᬥᬓᬸ
ᬲᬸᬄ᭞ᬭᬶᬓᬵᬮᬫᬦᭂᬫ᭄ᬧᬸᬂᬬᬸᬥ᭟ᬩᬸᬩᬃᬧᬸᬦᬂᬧᬦᬗ᭄ᬓᬶᬮᬦ᭄᭞ᬲᬶᬭᬧ᭄ᬭᬪᬸᬭᬭᬶᬲ᭄ᬗ᭄ᬭᬜ᭄ᬚᬶᬂ᭞ᬗᬫᬭᬦᬶᬦ᭄ᬧᬸᬢ᭄ᬭᬦᬶᬤ᭞ᬭᬶᬂᬧᬫᬺᬫᬦ᭄ᬲᬋᬂᬓᬮᬶᬄ᭞ᬓᬲᬋᬗᬶᬦ᭄ᬧ᭄ᬭᬫᬶᬰ᭄ᬯᬭᬶ᭞ᬜᬦ᭄ᬢᭀᬲᬂᬕᬢ᭄ᬭᬦᬾᬭᬯᬸᬄ
᭞ᬲᬓᬶᬂᬧᬸᬭᬶᬯᬶᬮᬢᬶᬓ᭄ᬝ᭞ᬲᬶᬤ᭄ᬥᬳᬸᬦᬶᬂᬳᬶᬤᬧᬱ᭄ᬝᬶ᭞ᬲᬕᬾᬢ᭄ᬭᬯᬸᬄ᭞ᬲᬂᬦᬵᬣᬫᬪᬯᬳᬾᬭᬂ᭟ᬳᬶᬜ᭄ᬘᬸᬄᬲᬂᬓᬵᬮᬶᬄᬜᬧ᭞ᬲᬳᬳᬶᬤᬫᬗᬜ᭄ᬚᬮᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬳᬸᬤᬸᬄᬘᭂᬦᬶᬂᬫᬵᬲ᭄ᬤᬶᬫ
ᬡᬶᬓ᭄᭞ᬳᬢ᭄ᬫᬚᬶᬯᬦ᭄ᬩᬧᬘᭂᬦᬶᬂ᭞ᬲᬵᬫ᭄ᬧᬸᬦ᭄ᬚᬜᭂᬮ᭄ᬲᭂᬮ᭄ᬭᬶᬂᬓᬬᬸᬦ᭄᭞ᬩᬧᬢ᭄ᬯᬭᬍᬕᬜᭂᬭᬄ᭞ᬗᬢᬸᬭᬂᬘᭂᬦᬶᬂᬓᬧᬸᬭᬶ᭞ᬧᬘᬂᬦᬸᬗ᭄ᬓᬸᬮ᭄᭞ᬲᬳᬫᬜᬓᬸᬧᬂᬮᬶᬫ᭟ᬮᬶᬗ᭄ᬕᬶᬄᬩᬧᬓᬧᬢᬸᬳᬂ᭞ᬭᬶᬂ [ 27 ][᭒᭖ 26B]
᭒᭖
ᬳᬕᬸᬂᬩᬮᬦ᭄ᬜᬚᬢᬶ᭞ᬓᬤᬶᬳᬕᬸᬂᬲᬲᬾᬭᬾᬳᬦ᭄᭞ᬓᬲᬾᬭᬾᬄᬓᬫᬚᬧᬳᬶᬢ᭄᭞ᬳᬾᬭᬂᬩᬧᬦᬾᬢᬦ᭄ᬲᬶᬧᬶ᭞ᬜᬤ᭄ᬬᬩᬧᬤᬤᭀᬲ᭄ᬘᬭᬸ᭞ᬢᬦ᭄ᬲᬸᬓᬩᬧᬜᬭᬓ᭞ᬩᬧᬯᬦ᭄ᬢᬄᬲᬢ᭄ᬭ᭄ᬬ
ᬚᬢᬶ᭞ᬫᬤᭂᬕ᭄ᬧ᭄ᬭᬪᬸ᭞ᬦᬶᬃᬕᬸᬡᬤᬤᭀᬲ᭄ᬧᬘᬸᬦ᭄ᬤᬂ᭟ᬓᬾᬦᬓ᭄ᬦᬦᬓ᭄ᬫᬗᬶᬤᭂᬧᬂ᭞ᬳᬶᬭᬶᬗᬂᬳᬶᬩᬶᬳᬂᬫᬗ᭄ᬓᬶᬦ᭄᭞ᬩᭂᬘᬶᬓ᭄ᬦᬦᬓ᭄ᬢᬸᬮᬓ᭄ᬩᬸᬤᬮ᭄᭞ᬫᬮᬶᬗ᭄ᬕᬶᬄᬦᬦᬓ᭄ᬭᬶᬂᬧᬸᬭᬶ᭞ᬲᬶᬤ᭄ᬥᬘᭂᬦᬶᬂᬫᬫᬗ᭄ᬕᬶᬳᬶᬦ᭄᭞ᬲᬤ᭄ᬬ
ᬩᬕ᭄ᬬᬳᬸᬭᬶᬧ᭄ᬮᬡ᭄ᬥᬸᬄ᭞ᬫᬬᬰᬤᬾᬯᬧᬕᭂᬳᬂ᭞ᬲᬵᬫ᭄ᬧᬸᬦ᭄ᬦᬦᬓ᭄ᬫᬸᬜᬃᬫᬜᬶᬃ᭞ᬭᬕᬭᬢᬸ᭞ᬢᬢ᭄ᬯᬳᬚᬶᬦᬾᬳᬶᬜ᭄ᬘᭂᬧᬂ᭟ᬲᬂᬧ᭄ᬭᬪᬸᬭᬭᬶᬲ᭄‌ᬗ᭄ᬮᬦ᭄ᬢᬸᬭᬂ᭞ᬫᬦ᭄ᬢᬸᬓᬵᬭᬶᬂᬧ᭄ᬭᬫᬶᬰ᭄ᬯᬭᬶ᭞ᬫᬓᬳᬢ᭄ᬫᬚᬶᬯᬦᬶᬤ᭞
ᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬗᬸᬦᬶ᭞ᬲ᭄ᬯᬾᬘ᭄ᬙᬵᬳᬲᬶᬳᬾᬫᬭᬩᬶ᭞ᬲᬳᬶᬢ᭄ᬬᬓᬬᬸᬦᬾᬳᬶᬕᬸᬫ᭄᭞ᬳᬗᭂᬦᬶᬤᬧᬘᬂᬧᬲᬄ᭞ᬗᬶᬩ᭄ᬭᬲᬂᬓᬬᬸᬦᬾᬫᬗ᭄ᬓᬶᬦ᭄᭞ᬲᬶᬭᬧ᭄ᬭᬪᬸ᭞ᬫᬯᬘᬦᬲᬤᬩ

[᭒᭗ 27A]
᭒᭗
ᬦ᭄ᬩᬦ᭄᭟ᬳᬸᬤᬸᬄᬳᬤᬶᬤᬾᬯᬦ᭄ᬢᬶᬢ᭄ᬬᬂ᭞ᬫᬦ᭄ᬢᬸᬓ᭄ᬳᬶᬤᬲᬦᬾᬫᬗ᭄ᬓᬶᬦ᭄᭞ᬬᬢ᭄ᬦᬳᬶᬦ᭄ᬗ᭄ᬭᬓ᭄ᬱᬳᬶᬦᬦᬓ᭄᭞ᬫᬮᬶᬗ᭄ᬕᬶᬄᬳᬤᬶᬭᬶᬂᬧᬸᬭᬶ᭞ᬳᬶᬳᬦᬓ᭄ᬯᬮᬸᬬᬩᭂᬮᬶ᭞ᬩᭂᬮᬶᬫᬗ᭄ᬓᬶᬦ᭄ᬧᬫᬶᬢ᭄ᬧᬸᬧᬸᬢ᭄᭞ᬲᬶᬤ᭄ᬥᬳᬤᬶ
ᬫᬫᬸᬃᬡ᭄ᬦᬬᬂ᭞ᬧᬧᬫᬶᬢ᭄ᬩᭂᬮᬶᬦᬾᬫᬗ᭄ᬓᬶᬦ᭄᭞ᬲᬶᬤ᭄ᬥᬮᬦ᭄ᬢᬸᬃ᭞ᬧᬫᬃᬕ᭄ᬕᬶᬦ᭄ᬩᭂᬮᬶᬦᬾᬩᬸᬤᬮ᭄᭟ᬓᬕ᭄ᬬᬢ᭄ᬲᬶᬭᬧ᭄ᬭᬫᬶᬰ᭄ᬯᬭ᭄ᬬ᭞ᬓᬳᬶᬭᬶᬂᬮᬦ᭄ᬭᬤᬾᬦ᭄ᬤᬾᬯᬶ᭞ᬢᭀᬬᬦ᭄ᬧᬦᭀᬦᬾᬤᬺᬲ᭄ᬫᭂᬤᬮ᭄᭞ᬳᬢᬸᬭᬾᬫᬗᭂᬢᬸ
ᬲᬢᬶ᭞ᬳᬸᬤᬸᬄᬭᬢᬸᬰ᭄ᬭᬷᬪᬸᬧᬢᬶ᭞ᬤᬤᭀᬲ᭄ᬮᬲ᭄ᬭᬢᬸᬭᬶᬂᬓᬬᬸᬦ᭄᭞ᬜᬤ᭄ᬬᬫᬦᬶᬗ᭄ᬕᬮᬶᬦ᭄ᬢᬶᬢ᭄ᬬᬂ᭞ᬫᬦᬄᬢᬶᬢ᭄ᬬᬂᬢᭂᬳᭂᬃᬚᬢᬶ᭞ᬜᬤ᭄ᬬᬫᬸᬧᬸᬢ᭄᭞ᬗᬶᬭᬶᬂᬧᬮᬸᬗ᭄ᬕᬸᬄᬲᬂᬦᬵᬣ᭟ᬢᬦ᭄ᬧᬕᬸᬡᬳᬸᬭᬶᬧ᭄ᬢᬶᬢ᭄ᬬᬂ᭞
ᬳᭂᬗ᭄ᬓᬓᭂᬗ᭄ᬓᬓ᭄ᬦᬦ᭄ᬤᬂᬲᭂᬤᬶᬄ᭞ᬩᭂᬮᬶᬳᬕᬸᬂᬳᬢ᭄ᬫᬦ᭄ᬢᬶᬢ᭄ᬬᬂ᭞ᬢᬳᬸᬭᬢᬸᬢᬸᬗ᭄ᬕᬸᬦᬸᬭᬶᬧ᭄᭞ᬬᬦᬶᬤᬾᬯᬫᬦᬶᬗ᭄ᬕᬮᬶᬦ᭄᭞ᬦᬧᬶᬤᬤᭀᬲ᭄ᬢᬶᬢ᭄ᬬᬂᬭᬢᬸ᭞ᬧᬶᬲᬭᬢ᭄ᬧᬗ᭄ᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬲᬶᬤ᭄ᬥᬭᬢᬸᬫᬗ᭄ᬮᬸᬕ᭄ᬭᬳᬶᬦ᭄᭞ᬢᬶᬢ᭄ᬬᬂ [ 28 ][᭒᭗ 27B]
᭒᭗
ᬢᬶᬦᬹᬢ᭄᭞ᬲᬧᬫᬃᬕ᭄ᬕᬶᬦ᭄ᬲᬶᬭᬦᬵᬣ᭟ᬭᬢᬸᬳᬬᬸᬲᭂᬓᬃᬲᬸᬡ᭄ᬥ᭞ᬢᬸᬳᬸᬳᬶᬤᬧᬸᬢ᭄ᬭᬶᬮᬸᬯᬶᬄ᭞ᬳᬢᬸᬃᬳᬶᬤᬲᬳᬩᬦ᭄ᬩᬦ᭄᭞ᬭᬶᬗᬶᬤᬲᬂᬰ᭄ᬭᬷᬪᬹᬧᬢᬶ᭞ᬓᬤᬶᬧᬸᬭᬸᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬧ᭄ᬭᬲᬗ᭄ᬕᬭᬶᬗᬗ᭄ᬕᬦ᭄ᬭᬢᬸ᭞ᬦᬶᬃᬕᬸᬡᬢᬶᬢ᭄ᬬᬂᬫ
ᬢᬸᬮᬓ᭄᭞ᬫᬧᬫᬶᬢ᭄ᬦᬶᬗ᭄ᬕᬮᬶᬦᬚᬶ᭞ᬳᬚᬶᬳᬕᬸᬂ᭞ᬚᬸᬜ᭄ᬚᬸᬗᬦ᭄ᬢᬶᬢ᭄ᬬᬂᬰ᭄ᬭᬷᬦᬵᬣ᭟ᬲᬂᬧ᭄ᬭᬪᬸᬧᬶᬦᬓᬳᬶᬤ᭞ᬲᬂᬳ᭄ᬬᬂᬯᭂᬦᬂᬫᬜ᭄ᬭᭀᬯᬤᬶ᭞ᬲᬂᬗ᭄ᬭᬸᬧᬓᬤᬾᬯᬾᬓ᭄ᬢᬶᬢ᭄ᬬᬂ᭞ᬲ᭄ᬯᬾᬘ᭄ᬙᬵᬫᬳᬶᬘᬬᬂᬳᬸᬭᬶᬧ᭄᭞ᬫᬘᬶᬳ᭄ᬦᬳᬸᬭᬶᬧᬾᬫ
ᬗ᭄ᬓᬶᬦ᭄᭞ᬧᬸᬦᬶᬓᬵᬧᬲ᭄ᬯᬾᬘ᭄ᬙᬦ᭄ᬭᬢᬸ᭞ᬓᬳᬶᬭᬶᬂᬮᬦ᭄ᬭᬢᬸᬩᬶᬬᬂ᭞ᬦᬾᬫᬗ᭄ᬓᬶᬦ᭄ᬭᬢᬸᬫᬗ᭄ᬕᬶᬳᬶᬦ᭄᭞ᬲᬸᬗ᭄ᬲᬸᬢ᭄ᬓᬬᬸᬦ᭄᭞ᬳᬾᬭᬂᬢᬶᬢ᭄ᬬᬂᬦᬶᬮᬲ᭄ᬲ᭄ᬯᬾᬘ᭄ᬙᬵ᭟ᬳᬚᬶᬳᬕᬸᬂᬫᬶᬲᬭᬢᬂ᭞ᬭᬯᬸᬄᬳᬚᬶᬦᬤᬶᬫᬗ᭄ᬓᬶᬦ᭄᭞ᬳᬶᬭᬶᬓᬶᬭᬶ
ᬤᬾᬰᬩᬸᬩᬢ᭄᭞ᬧ᭄ᬭᬬᬭᬢᬸᬦᬗᬸᬦ᭄ᬓᬾᬃᬢ᭄ᬢᬶ᭞ᬗᬲ᭄ᬢᬯᬬᬂᬢᬶᬢ᭄ᬬᬂᬬᬸᬓ᭄ᬢᬶ᭞ᬫᬢᭂᬫᬸᬭᬶᬂᬲᬶᬭᬧ᭄ᬭᬪᬸ᭞ᬧ᭄ᬭᬪᬸᬦᬾᬭᬶᬂᬯᬶᬮᬢᬶᬓ᭄ᬝ᭞ᬲᬕᬾᬢ᭄ᬧᬗ᭄ᬕᬶᬄᬓᬤᬶᬫᬗ᭄ᬓᬶᬦ᭄᭞ᬕᬸᬂᬧᬓᬾᬯᬸᬄ᭞ᬫᬦᬄᬢᬶᬢ᭄ᬬᬗᬾᬓᬘ᭄ᬮᬸᬯᬕ᭄

[᭒᭘ 28A]
᭒᭘
ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬲᬶᬤ᭄ᬥᬲ᭄ᬯᬾᬘ᭄ᬙᬳᬚᬶᬫᬗ᭄ᬓᬶᬦ᭄᭞ᬧᬶᬲᬭᬢ᭄ᬧᬗ᭄ᬮᬸᬗ᭄ᬲᬸᬃᬢᬶᬢ᭄ᬬᬂ᭞ᬲ᭄ᬯᬾᬘ᭄ᬙᬵᬳᬚᬶᬫᬗ᭄ᬮᬾᬤᬗᬶᬦ᭄᭞ᬲᬓᬶᬂᬢᬸᬳᬸᬫᬦᬄᬪᬓ᭄ᬢᬶ᭞ᬪᬓ᭄ᬢᬶᬦᬾᬭᬶᬂᬬᬬᬄᬳᬶᬩᬸ᭞ᬮᬸᬕ᭄ᬭᬳᬶᬦ᭄ᬚᬲᬵᬫ᭄ᬧᬸᬦ᭄ᬢᬶᬢ᭄ᬬᬂ᭞ᬗᬶᬭᬶᬂ
ᬳᬚᬶᬩᬶᬬᬂᬲᬸᬭᬶ᭞ᬜᬤ᭄ᬬᬫᬸᬧᬸᬢ᭄᭞ᬗᬶᬭᬶᬂᬭᬢᬸᬦᭂᬫ᭄ᬧᬸᬂᬬᬸᬥ᭟ᬫᬸᬧᬸᬢ᭄ᬳᬢᬸᬃᬭᬤᬾᬦ᭄ᬤᬾᬯ᭄ᬬ᭞ᬲᬓᬶᬂᬦᭂᬓᬾᬂᬓᬬᬸᬦ᭄ᬚᬢᬶ᭞ᬪᬓ᭄ᬢᬶᬦᬾᬭᬶᬂᬬᬬᬄᬭᬾᬡ᭞ᬢᬦ᭄ᬧᬶᬬᬶᬤ᭄ᬗᭂᬢᭀᬳᬂᬧᬢᬶ᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬲᬫᬶᬲᭂ
ᬤᬶᬄ᭞ᬲᬫᬶᬧᬥᬧᬲᭂᬍᬕᬸᬓ᭄᭞ᬳᬶᬭᬶᬓᬵᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬳᬾᬭᬂᬫᬤᬸᬮᬸᬭᬦ᭄ᬩ᭄ᬭᬗ᭄ᬢᬶ᭞ᬲᬫᬶᬳᬶᬕᬸᬫ᭄᭞ᬜᬤ᭄ᬬᬫᬫᬸᬧᬸᬢᬂᬭᬕ᭟᭜᭟ᬤᬸᬢ᭄ᬢᬦ᭄ᬧ᭄ᬭᬪᬸᬫᬚᬧᬳᬶᬢ᭄ᬯᬸᬲ᭄ᬧ᭄ᬭᬵᬧ᭄ᬢᬭᬶᬂᬤᬾᬰᬩᬸᬩᬢ᭄᭟ᬧᬸᬧᬸᬄᬕᬶᬦ
ᬤ᭟᭜᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬳᬶᬦᬸᬘᬧᬦ᭄ᬲᬦᬾᬫᬗ᭄ᬓᬶᬦ᭄᭞ᬲᬶᬭᬧ᭄ᬭᬪᬸᬚᬕᬢ᭄ᬲᬸᬡ᭄ᬥ᭞ᬭᬶᬂᬧᬦᬗ᭄ᬓᬶᬮᬦ᭄ᬫᬮᬸᬗ᭄ᬕᬸᬄ᭞ᬓᬳᬶᬭᬶᬂᬮᬦ᭄ᬩᬳᬸᬤᬡ᭄ᬥ᭞ᬲᬫᬶᬢᬶᬢᬶᬩ᭄᭞ᬫᬯᭀᬲᬂᬬᬸᬥᬦᬾᬩᬾᬜ᭄ᬚᬂ᭟ᬲᬶᬭᬦᬵᬣ [ 29 ][᭒᭘ 28B]
᭒᭘
ᬫᬗᬦ᭄ᬤᬶᬓ᭞ᬳᬶᬄᬯᬤ᭄ᬯᬦ᭄ᬓᬸᬫᬓᬲᬫᬶ᭞ᬦᬾᬳᬤᬧᬗᭂᬤᬶᬄᬦᬶᬭ᭞ᬓᭂᬦᬘᬳᬶᬧᬥᬳᬶᬕᬸᬫ᭄᭞ᬫᬜᬫᬳᬚᬓ᭄ᬫᬓᭂᬚᬂ᭞ᬳᬦᬾᬚᬦᬶ᭞ᬫᬶᬲᬤ᭄ᬬᬫᬢᬦ᭄ᬤᬂᬯᬶᬭᬂ᭟ᬲᬳᬶᬢ᭄ᬬᬲᬶᬤ᭄ᬥᬗᬶᬜ᭄ᬘᭂᬧᬂ᭞ᬮᬓ᭄ᬱᬡᬦ᭄ᬲ
ᬢ᭄ᬭᬶᬬᬦᬾᬚᬢᬶ᭞ᬳᬬ᭄ᬯᬚ᭄ᬭᬶᬄᬫᬭᬶᬂᬭᬡᬗ᭄ᬕ᭞ᬬᬤ᭄ᬬᬲ᭄ᬢᬸᬦ᭄ᬫᬦᭂᬫᬸᬮᬫ᭄ᬧᬸᬲ᭄᭞ᬧᬶᬢᬸᬳᬸᬯᬘᬦᬦ᭄ᬦᬶᬭ᭞ᬦᭂᬓᬾᬗᬢᬶ᭞ᬫᬓᬾᬃᬢ᭄ᬢᬶᬩᬜᬭᬶᬂᬭᬡ᭟ᬯᬤ᭄ᬯᬦᬾᬫᬢᬸᬃᬲᬕᬺᬳᬦ᭄᭞ᬢᬶᬢ᭄ᬬᬂᬗᬶᬭᬶᬂᬲᬳᬪᬓ᭄ᬢᬶ᭞ᬜᬗ᭄ᬕ᭄ᬭ
ᬯᬘᬦᬦ᭄ᬲᬂᬦᬵᬣ᭞ᬫᬗᬶᬭᬶᬂᬧᬮᬸᬗ᭄ᬕᬸᬄᬭᬢᬸ᭞ᬜᬤ᭄ᬬᬗᬶᬭᬶᬂᬦᭂᬫ᭄ᬧᬸᬄᬬᬸᬥ᭞ᬦᬢᬦ᭄ᬯᭂᬤᬶ᭞ᬢᬶᬢ᭄ᬬᬂᬮᬮᬶᬲ᭄ᬗᬶᬭᬶᬂᬧᭂᬚᬄ᭟ᬕᬃᬚ᭄ᬚᬶᬢᬲᬶᬭᬦᬭᬾᬦ᭄ᬤ᭄ᬭ᭞ᬫᬯᬘᬦᬲᬳᬓᭂᬜᬶᬂ᭞ᬮᬳᬸᬢᬂᬧᬥᬤᬩ᭄ᬤᬩᬂ᭞ᬲᬦ᭄ᬤᬂᬧᬗ
ᬦ᭄ᬲᬃᬯ᭄ᬯᬓᬶᬦᬸᬫ᭄᭞ᬫᭂᬤᬮᬂᬧᬥᬫᬓᭂᬚᬂ᭞ᬳᬩᬫᬳᬶ᭞ᬤᬶᬦᬶᬫᬮᬾᬤᬂᬮᬾᬤᬗᬦ᭄᭟ᬲᬂᬦᬵᬣᬮᬦ᭄ᬩᬳᬸᬤᬡ᭄ᬥ᭞ᬮᬦᬂᬳᬶᬲ᭄ᬢ᭄ᬭᬶᬫᬓᬲᬫᬶ᭞ᬲᬳᬦᬦ᭄ᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬲᬫᬶᬫᬫᬸᬃᬡ᭄ᬦᬬᬂᬓᬬᬸ

[᭒᭙ 29A]
᭒᭙
ᬦ᭄᭞ᬲᬕᬺᬳᬦ᭄ᬲᬫᬶᬫᬳᬶᬬᬲ᭄᭞ᬫᬭᬋᬲᬶᬓ᭄᭞ᬯᬯᬗᭂᬦᬦ᭄ᬫᬮᬶᬓᬸᬩᬦ᭄᭟ᬲᬮᬸᬯᬶᬭᬶᬂᬩᬩᭂᬓᭂᬮᬦ᭄᭞ᬧᬭᬦ᭄ᬢᬶᬦᬶᬂᬭᬤᬾᬦ᭄ᬤᬾᬯᬶ᭞ᬧ᭄ᬭᬬᬫᬗ᭄ᬕᬾᬭᬶᬂᬧᬓᬃᬬ᭄ᬬᬦ᭄᭞ᬯᬶᬯᬳᬦ᭄ᬲᬂᬭᬤᬾᬦ᭄ᬕᬮᬸᬄ᭞ᬲ
ᬦᬾᬫᬗ᭄ᬓᬶᬦ᭄ᬓᬫᭂᬤᬮᬂ᭞ᬫᬓᬲᬫᬶ᭞ᬳᬗ᭄ᬕᬾᬦ᭄ᬫᬮᬾᬤᬂᬮᬾᬤᬗᬦ᭄᭟ᬭᬶᬳᬸᬄᬧᬸᬦᬂᬧᬦᬗ᭄ᬓᬶᬮᬦ᭄᭞ᬲ᭄ᬯᬭᬦ᭄ᬕᬫ᭄ᬩᭂᬮᬦᬾᬗᬸᬘᬶ᭞ᬲᬫᬶᬧᬥᬫᬕ᭄ᬬᬓᬦ᭄᭞ᬲᬳᬦᬸᬦᬲ᭄ᬧᬗᬦ᭄ᬓᬶᬦᬸᬫ᭄᭞ᬲᬃᬯ᭄ᬯᬧᬮᬵᬲᬺ
ᬕᭂᬧ᭄ᬧᬶᬲᬦ᭄᭞ᬰ᭄ᬭᬷᬪᬹᬧᬢᬶ᭞ᬳᬾᬕᬃᬓᬬᬸᬦᬾᬗᬢᭀᬦᬂ᭟ᬫᬸᬭᬸᬩ᭄ᬓᬤᬶᬕᬸᬦᬸᬂᬲᭂᬓᬃ᭞ᬯᬤ᭄ᬯᬲᬸᬡ᭄ᬥᬳᬬᬲ᭄ᬲᬫᬶ᭞ᬳᬰ᭄ᬭᬷᬭᬯᬶᬢ᭄ᬓᬦ᭄ᬢᭂᬦᬦ᭄ᬜ᭞ᬧᬲᬗ᭄ᬕ᭄ᬭᬳᬦ᭄ᬓᬢᭀᬦ᭄ᬫᬸᬭᬸᬩ᭄᭞ᬲᬫᬶᬳᬶᬬᬲ᭄ᬫᬳᬸᬧᬋᬗ᭄ᬕ
᭞ᬓᬧ᭄ᬯᬳᬰ᭄ᬭᬷ᭞ᬕᭂᬦᬳᬾᬫᬮᬾᬤᬂᬮᬾᬤᬂ᭟ᬧ᭄ᬭᬚᬸᬭᬶᬢᬾᬯᬸᬲ᭄ᬲᬬᬕ᭞ᬗᭂᬩᬕ᭄ᬳᬶᬤᬰ᭄ᬭᬷᬪᬹᬧᬢᬶ᭞ᬲᬳᬵᬜᬦ᭄ᬢᭀᬲ᭄ᬓᬂᬤᬶᬦᬸᬢ᭄ᬢ᭞ᬳᬸᬢᬸᬲᬦ᭄ᬳᬶᬤᬲᬂᬧ᭄ᬭᬪᬸᬦᬾᬭᬶᬂᬯᬶᬮᬢᬶᬓ᭄ᬝ᭞ᬲ [ 30 ][᭒᭙ 29B]
᭒᭙
ᬦᬾᬫᬗ᭄ᬓᬶᬦ᭄᭞ᬜᬤ᭄ᬬᬗᬭᬯᬸᬳᬂᬕᬢ᭄ᬭ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬳᬶᬦᬸᬘᬧᬦ᭄ᬤᬸᬢ᭄ᬢᬦ᭄ᬧ᭄ᬭᬪᬸᬲᬫ᭄ᬧᬸᬦ᭄ᬧ᭄ᬭᬵᬧ᭄ᬢ᭞ᬤᬸᬢ᭄ᬢᬦ᭄ᬧ᭄ᬭᬪᬸᬫᬚᬧᬳᬶᬢ᭄᭞ᬲᬳᬫᬳᬶᬭᬶᬗᬦ᭄᭞ᬓᬳᬾᬢᬂᬲᬢᬸᬲ᭄ᬧ᭄ᬭᬬᬸᬥ᭞ᬢᬦ᭄ᬧᬯᭂᬓᬲᬦ᭄ᬗᬭᬜ᭄ᬚᬶᬂ
᭞ᬫᬜᬸᬚᬸᬃᬳᬶᬤ᭞ᬮᬶᬗ᭄ᬕᬶᬄᬳᬶᬤᬰ᭄ᬭᬷᬪᬹᬧᬢᬶ᭟ᬲᬤᬩᬗ᭄ᬕ᭄ᬭᬲ᭄ᬳᬸᬢᬸᬲᬦᬾᬫᭂᬤᬮᬸᬚᬃ᭞ᬢᭂᬓᬦ᭄ᬕᭂᬮᬄᬩᬸᬓᬚᬦᬶ᭞ᬜᬤ᭄ᬬᬗ᭄ᬭᬯᬸᬳᬂ᭞ᬯᬘᬦᬦ᭄ᬳᬶᬤᬲᬂᬦᬵᬣ᭞ᬲᬶᬤᬕᬲᬾᬓ᭄ᬩᬜᬢᬗ᭄ᬓᬶᬮ᭄᭞ᬓᬯᬶᬮᬢᬶ
ᬓ᭄ᬝ᭞ᬫᬗᬢᬸᬭᬂᬭᬤᬾᬦ᭄ᬤᬾᬯᬶ᭟ᬳᬶᬤᬢᭂᬳᭂᬃᬗᬦᬸᬢᬶᬦ᭄ᬤᬕᬶᬂᬲᬸᬩᬬ᭞ᬲᬸᬩᬬᬦ᭄ᬩᬜᬦᬾᬗᬹᬦᬶ᭞ᬩᬜᬫᬶᬲᬤ᭄ᬬᬬᬂ᭞ᬧᬘᬂᬜᬤ᭄ᬬᬫᬜᬭᬢᬂ᭞ᬗᬢᬸᬭᬂᬲᬂᬭᬤᬾᬦ᭄ᬤᬾᬯᬶ᭞ᬭᬶᬂᬰ᭄ᬭᬷᬦᬭᬾᬦ᭄ᬤ᭄ᬭ᭞
ᬲᬲᬸᬳᬸᬦᬦ᭄ᬕᭂᬮᬄᬤᬶᬦᬶ᭟ᬳᬃᬱᬦᬶᬤᬲᬶᬤᬩᬜᬳᬧᬗᬾᬗ᭄ᬕᬮ᭄᭞ᬦᬾᬚᬦᬶᬢᬗ᭄ᬓᬶᬮ᭄ᬓᬧᬸᬭᬶ᭞ᬳᬶᬤᬯᬸᬲ᭄ᬲᬬᬕ᭞ᬫᬜᬦ᭄ᬢᭀᬲᬂᬭᬶᬂᬧᬲᬾᬪᬦ᭄᭞ᬳᬧᬩᬸᬯᬶᬦ᭄ᬫᬗ᭄ᬮᬶᬓᬤᬶᬦ᭄᭞ᬳᭂᬤᬚᬳᬶᬫᬵ᭞

[᭓᭐ 30A]
᭓᭐
ᬳᭂᬤᬩᬸᬯᬶᬦ᭄ᬧᬢᬶᬓᭂᬮᬶᬤ᭄᭟ᬬᬦ᭄ᬢᬸᬯᬄᬲᬚᬦᬸᬳᬗᭂᬦ᭄ᬢᭂᬓᬾᬦ᭄ᬳᬗ᭄ᬓᬶᬳᬦ᭄᭞ᬕᭂᬮᬄᬲᬭᬢ᭄ᬗᭂᬤᬶᬄᬚᬦᬶ᭞ᬳᭂᬤᬚᬩᬜᬳᬶᬫ᭞ᬳᬧᬂᬳᬶᬤᬢ᭄ᬯᬭᬤᬸᬓ᭞ᬜᬤ᭄ᬬᬗ᭄ᬭᬸᬲᬓ᭄ᬭᬯᬸᬄᬫᬳᬶ᭞ᬫᭂᬮᬳᬂᬧᭂᬲ
ᬦ᭄᭞ᬫᬶᬓ᭄ᬧᬶᬓ᭄ᬫᬶᬓ᭄ᬧᬶᬓ᭄ᬚ᭄ᬭᭀᬦᬶᬗᬢᬶ᭟ᬧ᭄ᬭᬪᬸᬲᬸᬡ᭄ᬥᬤᬳᬢᬾᬭᬂᬲᬳᬵᬫᭀᬚᬃ᭞ᬳᬶᬄᬳᬸᬢᬸᬲᬦ᭄ᬫᬚᬧᬳᬶᬢ᭄᭞ᬮᬳᬸᬢᬂᬢᭂᬓᭂᬤᬂ᭞ᬲᬶᬤᬳᬾᬗ᭄ᬕᬮ᭄ᬳᬶᬩᬢᬸᬮᬓ᭄᭞ᬫᬶᬢᬳᬸᬳᬂᬕᬸᬲ᭄ᬢᬶᬦ᭄ᬘᬳᬶ᭞ᬳᬧᬗᬢᭂᬭᬂ᭞ᬓ
ᬳᬶᬢ᭄ᬯᬭᬫᬗ᭄ᬮᬾᬤᬗᬶᬦ᭄᭟ᬳᬶᬦᬸᬘᬧᬦ᭄ᬕᬸᬲ᭄ᬢᬶᬧᬢᬶᬄᬳᬦᭂᬧᬓᭂᬦ᭄᭞ᬲᬋᬂᬓᬶᬩᭀᬭᬂᬦᬾᬫᬗ᭄ᬓᬶᬦ᭄᭞ᬫᬗᭂᬦ᭄ᬢᬾᬗᬗᬱ᭄ᬝᬶ᭞ᬫᬦᬸᬤᬶᬂᬲᬳᬫᬕᬶᬩ᭄ᬭᬲ᭄᭞ᬳᬶᬄᬳᬸᬢᬸᬲᬦ᭄ᬫᬚᬧᬳᬶᬢ᭄᭞ᬲᭀᬮᬄᬳᬸ
ᬩᬸᬳᬦ᭄᭞ᬮᬓ᭄ᬱᬡᬦ᭄ᬳᬶᬩᬦᬾᬫᬳᬶ᭟ᬮᬯᬸᬢᬂᬚᬳᬢᬕ᭄ᬯᬢᭂᬓ᭄ᬯᬃᬕ᭄ᬕᬦᬶᬩ᭞ᬓᭂᬢᭀᬕᬂᬳᬧᬗᬫᬳᬶ᭞ᬓᬳᬶᬍᬕᬧᭂᬲᬦ᭄᭞ᬦᬢᬶᬗᬶᬦ᭄ᬳᬶᬩᬫᬓᭂᬚᬂ᭞ᬤᬶᬤᬶᬦᬦᬾᬳᬦᬾᬫᬦᬶ᭞ᬲᬭᬢᬂ [ 31 ][᭓᭐ 30B]
᭓᭐
ᬧᭂᬲᬦ᭄᭞ᬳᭂᬤᬮᬶᬬᬸᬧᭂᬢᬤᬶᬦᬶ᭟ᬓᬂᬤᬶᬦᬸᬢ᭄ᬢᬗᬯᬍᬲ᭄ᬫᬲᬯᬸᬃᬩᬗ᭄ᬕ᭄ᬭᬲ᭄᭞ᬫᭂᬮᬳᬂᬫᬜᬗ᭄ᬕ᭄ᬭᬓᬳᬶ᭞ᬓᬳᬶᬜᬤ᭄ᬬᬧᭂᬲᬦ᭄᭞ᬩᬸᬳᬶᬦ᭄ᬫᬦᬶᬧᬘᬂᬗᬾᬩᬢ᭄᭞ᬜᬤ᭄ᬬᬗᬯᬾᬓᭀᬫᭀᬄᬕᭂᬢᬶᬄ᭞ᬚᬍ
ᬫᬲᬸᬡ᭄ᬥ᭞ᬧᬘᬂᬳᬩᬲ᭄ᬓᬳᬶᬤᬶᬦᬶ᭟ᬕᬕᬾᬲᭀᬦᬦ᭄ᬳᬸᬢᬸᬲᬦᬾᬲᬫᬶᬢᬸᬮᬓ᭄᭞ᬫᬯᬮᬶᬓᬫᬚᬧᬳᬶᬢ᭄᭞ᬦᬢᬦ᭄ᬓᬘ᭄ᬭᬶᬢᬬᬂ᭞ᬤᬸᬓᬾᬭᬶᬂᬢᭂᬗᬳᬶᬂᬫᬃᬕ᭄ᬕ᭞ᬓᬘ᭄ᬭᬶᬢᬬᬂᬢᬶᬩᬭᬶᬂᬧᬸᬭᬶ᭞ᬭᬶᬂᬯᬶᬮᬢᬶᬓ᭄ᬝ᭞ᬫᬦᬗ᭄ᬓᬶᬮ᭄ᬭᬶᬂᬰ᭄ᬭᬷᬪᬹᬧᬢᬶ᭟
ᬤᬾᬯᬳᬕᬸᬂᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬢᬶᬢ᭄ᬬᬂᬗᬢᬸᬭᬂᬧᬶᬳᬸᬦᬶᬂ᭞ᬭᬶᬂᬘᭀᬓᭀᬃᬳᬶᬤᬾᬯ᭞ᬤᬕᬶᬂᬩᬯᭀᬲᬾᬭᬶᬂᬩᬸᬩᬢ᭄᭞ᬭᬢᬸᬲᬸᬡ᭄ᬥᬢᬦ᭄ᬮᬾᬤᬂᬢᬗ᭄ᬓᬶᬮ᭄᭞ᬫᬗᬚᬧᬚᬧ᭄᭞ᬗᬢᬕ᭄ᬯᬤ᭄ᬯᬦ᭄‌ᬰ᭄ᬭᬶᬪᬹᬧᬢᬶ᭟ᬳᬾ
ᬭᬂᬫᬦᬄᬢᬶᬢ᭄ᬬᬂᬭᬢᬸᬫᬶᬭᬕᬶᬬᬂ᭞ᬩᬯᭀᬲᬾᬩᬗᭂᬢ᭄‌ᬗ᭄ᬮᬗ᭄ᬓᬸᬗᬶᬦ᭄᭞ᬳᬗ᭄ᬕᬦ᭄ᬲᬶᬭᬦᬵᬣ᭞ᬜᬮᬶᬢ᭄ᬢᬶᬢ᭄ᬬᬂᬫᬗᬢᬸᬭᬂ᭞ᬭᬶᬂᬧᬮᬸᬗ᭄ᬕᬸᬄᬭᬢᬸᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬜᬸᬓ᭄ᬱ᭄ᬭᬄ᭞ᬓᬾᬦᬓ᭄ᬭᬢᬸᬫᬓᬬᬸᬦᬶᬦ᭄᭟

[᭓᭑ 31A]
᭓᭑
ᬲᬶᬭᬦᬵᬣᬳᬾᬭᬂᬓ᭄ᬭᭀᬥᬫ᭄ᬬᬃᬱᬬᬂ᭞ᬳᬢᬸᬃᬳᬸᬢᬸᬲᬦᬾᬚᬢᬶ᭞ᬲᬳᬫᬯᬘᬦ᭞ᬤᬶᬕᭂᬮᬶᬲ᭄ᬭᬶᬂᬩᬳᬸᬤᬡ᭄ᬥ᭞ᬫᬗ᭄ᬤᬾᬦᬾᬲᬫᬶᬘᬸᬫᬯᬶᬲ᭄᭞ᬗᭂᬮᬭᬂᬬᬸᬥ᭞ᬓᬤᬾᬰᬩᬸᬩᬢ᭄‌ᬗ᭄ᬮᭀᬮᭀᬲᬶᬦ᭄᭟ᬳᬶᬦᬸᬘᬧᬵ
ᬦ᭄ᬫᬳᬵᬧᬢᬶᬄᬕᬚᬄᬫᬥ᭞ᬕᬃᬚ᭄ᬚᬶᬢᬓᬬᬸᬦᬾᬫᬗ᭄ᬓᬶᬦ᭄᭞ᬜᬤ᭄ᬬᬫᬦᭂᬮᬲᬂ᭞ᬯᬤ᭄ᬯᬲᬸᬡ᭄ᬥᬦᬾᬭᬶᬂᬩᬸᬩᬢ᭄᭞ᬧᬫᭂᬓᬲ᭄ᬲᬦᬾᬓᬧᭂᬭᬶᬄ᭞ᬓᬶᬅᬦᭂᬧᬓᭂᬦ᭄᭞ᬫᭂᬲᭂᬄᬤᬦᬾᬓᬧᬶᬢᬸᬯᬶ᭟ᬳᬾᬕᬃᬫᬦᬄᬤᬦᬾ
ᬫᬗᬢᬸᬭᬂᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬲᬂᬦᬃᬧ᭄ᬧᬢᬶ᭞ᬲᬲᬸᬳᬸᬦᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬫᬫᬶᬢᬂᬮᬸᬕ᭄ᬭᬳ᭞ᬢᬶᬢ᭄ᬬᬂᬗᬶᬭᬶᬂᬲᬓᬶᬂᬚᬢᬶ᭞ᬗᭂᬢᭀᬳᬂᬚᬶᬯ᭞ᬘᬶᬳ᭄ᬦᬦ᭄ᬫᬦᬄᬢᬶᬢ᭄ᬬᬂᬪᬓ᭄ᬢᬶ᭟ᬬᬦ᭄ᬓᬮᬸᬕ᭄ᬭᬗᬶᬭᬶᬂᬩᬾᬜ᭄ᬚᬂᬲᭂᬫᭂᬂᬮᬸᬗ᭄ᬳᬵ᭞
ᬦᬾᬫᬗ᭄ᬓᬶᬦ᭄ᬯᬸᬲ᭄ᬢᭂᬤᬸᬄᬮᬶᬗ᭄ᬲᬶᬃ᭞ᬩᭂᬘᬶᬓ᭄ᬤᬸᬫᬸᬦ᭄ᬩᬯᭀᬲᬂ᭞ᬧᬫᬃᬕ᭄ᬕᬶᬦᬾᬲᬦᬾᬩᬾᬜ᭄ᬚᬂ᭞ᬜᬯᬶᬲᬂᬫᬢᬓᬶᬢᬓᬶ᭞ᬧ᭄ᬭᬲᬶᬤ᭄ᬥᬬᬢ᭄ᬦ᭞ᬭᬶᬂᬩᬩᬦ᭄ᬤᬭᬦᬾᬲᬫᬶ᭟ᬜᬦ᭄ᬤᬂᬧᬶᬲᬦ᭄ᬯᬤ᭄ᬯᬦᬾᬓᭂᬦᬶᬲᬬᬕ᭞ [ 32 ][᭓᭑ 31B]
᭓᭑
ᬫᭂᬲᭂᬳᬾᬓᬢᬦ᭄ᬤᭂᬲ᭄ᬫᬗ᭄ᬓᬶᬦ᭄᭞ᬳᬸᬧᬫᬶᬬᬂᬢᬶᬢ᭄ᬬᬂ᭞ᬯᬮᬸᬬᬗᬲᭀᬂᬓᬩᭂᬍᬢ᭄᭞ᬲᬶᬦᬄᬳᬶᬧᬸᬦ᭄‌ᬗ᭄ᬮᬮᬸᬧᬢᬶ᭞ᬬᬢ᭄ᬦᬳᬶᬦ᭄ᬧᬶᬲᬦ᭄᭞ᬦᬢᬶᬗᬶᬦ᭄ᬳᬶᬧᬸᬦ᭄ᬦᬾᬫᬗ᭄ᬓᬶᬦ᭄᭟ᬓᬘ᭄ᬭᬶᬢᬬᬂᬲᬵᬫ᭄ᬧᬸᬦᬶᬕᬸᬫ᭄ᬭᬶᬂᬧᬲᬾ
ᬪᬦ᭄᭞ᬲᬂᬦᬵᬣᬯᬸᬲ᭄ᬫᬗ᭄ᬮᬶᬗ᭄ᬕᬶᬳᬶᬦ᭄᭞ᬳᬢᬸᬃᬧᬢᬶᬄᬫᬥ᭞ᬩᬾᬜ᭄ᬚᬂᬲᭂᬫᭂᬂᬜᬤ᭄ᬬᬮᬸᬗ᭄ᬳ᭞ᬫᬗᬶᬭᬶᬗᬂᬰ᭄ᬭᬷᬪᬹᬧᬢᬶ᭞ᬫᬢᭂᬫ᭄ᬧᬸᬂᬬᬸᬥ᭞ᬓᬤᬾᬰᬩᬸᬩᬢ᭄‌ᬗ᭄ᬭᬯᬸᬳᬶᬦ᭄᭟᭜᭟ᬬᬸᬥ᭟ᬧᬸᬧᬸᬄᬫᬲ᭄ᬓᬸ
ᬫᬫ᭄ᬩᬂ᭟᭜᭟ᬳᬶᬦᬸᬘᬧᬦ᭄ᬭᬳᬶᬦᬯᬸᬲ᭄ᬜᬮᬸᬓ᭄ᬯᭂᬗᬶ᭞ᬩᬶᬦ᭄ᬢᬗᬾᬫᬚᬚᬃ᭞ᬗᬸᬮᬗᬸᬦᬶᬦ᭄ᬧᬓᭂᬜᬶᬢ᭄ᬜᬶᬢ᭄᭞ᬓᬤᬲᬭᬶᬦ᭄ᬮᬗᬶᬢ᭄ᬕᬮᬂ᭟ᬯᬸᬲ᭄ᬫᬲ᭄ᬭᬶᬬᬦ᭄ᬕᬮᬂᬰᬰᬶᬳᬾᬜᬸᬦ᭄ᬤᬭᬶᬦ᭄᭞ᬕᬮᬂᬫᬓᬮᬗᬦ᭄
᭞ᬫᬭᬸᬢᬭᬯᬸᬄᬗᬲᬶᬲᬶᬃ᭞ᬧᬶᬦᬓᬜᬧᬸᬳᬂᬮᬭ᭟ᬧᬩᭂᬭᬶᬬᬓ᭄ᬲ᭄ᬯᬭᬦ᭄ᬚᬗ᭄ᬓ᭄ᬭᬶᬓᬾᬗᬋᬗᬶᬄ᭞ᬓᬤᬶᬫᬕᭀᬜ᭄ᬚᬓᬦ᭄᭞ᬫᬦᬫ᭄ᬢᬫᬶᬦ᭄ᬮᬶᬳᬗᬢᬶ᭞ᬘᭂᬍᬧᬸᬓᬾᬓᭂᬤᬾᬓ᭄ᬗᬓᬓ᭄᭟ᬲᬤ

[᭓᭒ 32A]
᭓᭒
ᬲᭂᬭᬓ᭄ᬩᬮᬂᬓᬾᬓᬾᬓᬦᬾᬫᬗᬶᬤ᭄᭞ᬕᭂᬡ᭄ᬥᬶᬂᬕᭂᬡ᭄ᬥᬶᬂᬩᬶᬦᬮ᭄᭞ᬮᬶᬧ᭄ᬬᬭᬶᬂᬤᬾᬯᬾᬓᬾᬩᭂᬭᬶᬕ᭄᭞ᬲ᭄ᬯᬭᬩᭂᬗᬾᬓ᭄ᬫᬧᬶᬕᭂᬢᬃ᭟ᬲᬵᬫ᭄ᬧᬸᬦ᭄‌‌ᬰᬹᬦ᭄ᬬᬳᬶᬭᬶᬓᬭᬶᬂᬫᬚᬧᬳᬶᬢ᭄᭞ᬲᬫᬶᬯᬸᬲ᭄ᬳᬦᬶᬤ᭄ᬭ᭞ᬓᬤᬶᬓᬘᬗ᭄ᬓ᭄ᬭᬶᬫᬂᬲᬫᬶ᭞ᬍᬧ᭄ᬮᭂ
ᬧ᭄ᬗᭂᬗ᭄ᬓᬶᬲ᭄ᬓᬤᬶᬰᬯ᭟᭜᭟ᬤᬸᬃᬫ᭄ᬫ᭟᭜᭟ᬳᬶᬦᬸᬘᬧᬦ᭄ᬳᬾᬲᬸᬓᬾᬜ᭄ᬚᬶᬂᬯᬸᬲ᭄ᬲᬬᬕ᭞ᬧ᭄ᬭᬚᬸᬭᬶᬢᬾᬯᬸᬲ᭄ᬫᬫᬃᬕ᭄ᬕᬶ᭞ᬲᬳᬲᬜ᭄ᬚᬢ᭞ᬧᬓ᭄ᬭᬾᬦᬾᬩ᭄ᬓᭂᬦ᭄ᬢᬾᬭᬦ᭄ᬲᬹᬃᬬ᭄ᬬ᭞ᬲᬸᬭ᭄ᬬᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬲᬳᬢᬗ᭄ᬕᬸᬭᬦ᭄᭞ᬕᭀᬂᬩᬾᬭᬶᬦᬾ
ᬫᬗᬺᬲ᭄ᬋᬲᬶᬦ᭄᭟ᬲ᭄ᬯᬭᬦ᭄ᬓᭂᬦ᭄ᬤᬂᬲᬳᬓᭂᬫ᭄ᬧᬸᬮᬾᬫᬦᬶᬫ᭄ᬩᬮ᭄᭞ᬭᬶᬳᬸᬳᬾᬢᬦ᭄ᬓᬤᬶᬓᬤᬶ᭞ᬓᬲ᭄ᬭᬸᬦ᭄ᬤᬸᬯᬶᬦ᭄ᬲᬸᬭ᭄ᬬᬓ᭄᭞ᬯᬤ᭄ᬯᬦᬾᬫᬗᬸᬬᭂᬂᬢᬸᬫ᭄ᬩᬓ᭄᭞ᬗᬢᬕ᭄ᬫᭂᬲᭂᬄᬫᬗ᭄ᬤᬧ᭄ᬭᬵᬧ᭄ᬢᬶ᭞ᬲᬳᬲᬲᬸᬫ᭄ᬩᬃ᭞ᬢᬸᬃᬫᬲᭀᬮᬄᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭟
ᬯᬤ᭄ᬯᬲᬸᬡ᭄ᬥᬤᬶᬕᭂᬮᬶᬲ᭄ᬯᬸᬲ᭄ᬓᬳᬶᬢᭂᬭᬦ᭄᭞ᬳᬦ᭄ᬢᬸᬓ᭄ᬯᬤ᭄ᬯᬫᬚᬧᬳᬶᬢ᭄᭞ᬲᬮᬶᬂᬗᬫᭂᬤᬮᬂᬲᬸᬫ᭄ᬩᬃ᭞ᬧᬘᬂᬜᬤ᭄ᬬᬫᬘᬸᬦ᭄ᬤᬗᬂ᭞ᬢᬦ᭄ᬯᭂᬤᬶᬗᭂᬢᭀᬳᬂᬧᬢᬶ᭞ᬭᬶᬂᬭᬡᬗ᭄ᬕᬡ᭞ᬳᬾᬭᬂᬧᬘᬂᬜᬭᬄᬳᬸᬭᬶᬧ᭄᭟ᬲᬶᬭ [ 33 ][᭓᭒ 32B]
᭓᭒
ᬦᬵᬣᬧ᭄ᬭᬪᬸᬦᬾᬭᬶᬂᬯᬶᬮᬢᬶᬓ᭄ᬝ᭞ᬳᬶᬤᬗᬤᭂᬕᬶᬦᬾᬫᬗ᭄ᬓᬶᬦ᭄᭞ᬫᬗᬾᬜ᭄ᬘᬓᬂᬬᬸᬥ᭞ᬓᬗ᭄ᬲᭂᬓ᭄ᬫᭂᬲᭂᬄᬲᬓᬶᬂᬧᬹᬃᬯ᭄ᬯ᭞ᬲᬓᬶᬂᬧᬰ᭄ᬢᬶᬫᬗ᭄ᬮᭀᬮᭀᬲᬶᬦ᭄᭞ᬧ᭄ᬭᬪᬸᬓᬸᬭᬶᬧᬦ᭄᭞ᬧ᭄ᬭᬪᬸᬤᭂᬳᬵᬫᬜᬋᬗᬶᬦ᭄᭟ᬳᬶᬦᬸᬘᬧᬦ᭄ᬫᬳᬵ
ᬧᬢᬶᬄᬕᬚᬄᬫᬥ᭞ᬲᬓᬶᬂᬤᬓ᭄ᬱᬶᬦᬗ᭄ᬭᬯᬸᬳᬶᬦ᭄᭞ᬲᬫᬶᬫᬦᬗ᭄ᬲᭂᬓᬂ᭞ᬲᬳᬗᬸᬩᭂᬲᬂᬲᬜ᭄ᬚᬢ᭞ᬲᬮᬶᬂᬳᬾᬩᬢ᭄ᬲᬮᬶᬂᬢᬶᬕ᭄ᬢᬶᬕ᭄᭞ᬳᬜᬮ᭄ᬓᬳᬜᬮ᭄᭞ᬭᬫᭂᬲ᭄‌ᬬᬸᬥᬦᬾᬢᬦ᭄ᬲᬶᬧᬶ᭟ᬲᬫᬶᬥᬷᬭᬳᬶᬭᬶᬓᬭᬶᬂᬭ
ᬡᬗ᭄ᬕᬡ᭞ᬳᬓ᭄ᬯᬾᬄᬯᬤ᭄ᬯᬦᬾᬧᬕ᭄ᬮᬶᬮᬶᬂ᭞ᬯᬸᬲ᭄ᬧᭂᬚᬄᬭᬶᬂᬭᬡ᭞ᬮᬬᭀᬦ᭄ᬰᬯᬫᬸᬭᬩ᭄ᬭᬄ᭞ᬤᭂᬓ᭄ᬤᭂᬓ᭄ᬋᬜᬸᬄᬳᬦ᭄ᬢᬸᬓ᭄ᬓᬦᬶᬦ᭄᭞ᬢᬸᬳᬸᬲᬢ᭄ᬭᬶᬬ᭞ᬦᬢᬦ᭄ᬧᬲᬶᬭᬶᬓᬦ᭄ᬫᬮᬶᬄ᭟ᬕᬸᬦᬸᬂᬰᬯᬓᬳᬶᬢᭂᬭᬶᬦ᭄ᬲᬕ
ᬭᬭᬄ᭞ᬳᬶᬦᬸᬘᬧ᭄ᬭᬶᬂᬩᬸᬩᬢ᭄ᬫᬗ᭄ᬓᬶᬦ᭄᭞ᬫᬸᬗ᭄ᬕᬄᬭᬶᬂᬩᬩᬤ᭄᭞ᬯᬤ᭄ᬯᬲᬸᬦ᭄ᬤᬦᬾᬯᬸᬲ᭄ᬧᭂᬚᬄ᭞ᬦᬢᬦ᭄ᬧᬕᬦ᭄ᬢᬸᬮᬦ᭄ᬫᬮᬶᬄ᭞ᬢᭂᬮᬲ᭄ᬓᬭᬸᬲᬓ᭄᭞ᬳᬦ᭄ᬢᬸᬓ᭄ᬯᬤ᭄ᬯᬫᬚᬧᬳᬶᬢ᭄᭟᭜᭟ᬧ᭄ᬭᬪᬸᬲᬸᬡ᭄ᬥᬧᭂᬚᬄᬭᬶᬂᬭ

[᭓᭓ 33A]
᭓᭓
ᬡ᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬳᬶᬦᬸᬘᬧ᭄ᬲᬂᬧ᭄ᬭᬪᬸᬲᬸᬡ᭄ᬥ᭞ᬳᬃᬱᬦ᭄ᬲᬶᬭᬗ᭄ᬮᬮᬸᬧᬢᬶ᭞ᬓᬬᬸᬦᬶᬤᬓᬩ᭄ᬬᬄᬧᬭ᭞ᬯᬤ᭄ᬯᬦᬶᬤᬩ᭄ᬭᬱ᭄ᬝᬲᬫᬶ᭞ᬲᬫᬶᬯᬸᬲ᭄ᬜᬶᬳ᭄ᬦᬬᬂᬪᬓ᭄ᬢᬶ᭞ᬭᬶᬂᬳᬗ᭄ᬕᬦᬶᬤᬲᬂᬧ᭄ᬭᬪᬸ᭞ᬢᬦ᭄ᬘᭂᬤᭀᬓ᭄ᬭᬶᬂᬳᬗ᭄ᬕ
ᬦᬶᬤ᭞ᬲᬸᬩᬬᬦᬾᬲᬵᬫ᭄ᬧᬸᬦ᭄ᬧᬱ᭄ᬝᬶ᭞ᬜᬤ᭄ᬬᬫᬸᬧᬸᬢ᭄᭞ᬮᬰ᭄ᬘᬃᬬ᭄ᬬᬗᭂᬢᭀᬳᬂᬚᬶᬯ᭟ᬬᬦ᭄ᬳᬶᬦ᭄ᬤᬃᬕ᭄ᬕᬫᬬᬂᬳᬶᬤ᭞ᬲᬶᬭᬦᬵᬣᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬧᬾᬦ᭄ᬤᬄᬧ᭄ᬭᬳᬸᬫᬮᬬᬃ᭞ᬗᬭᬸᬗᬶᬦ᭄ᬲᬫᬸᬤ᭄ᬭᬬᬸᬓ᭄ᬢᬶ᭞
ᬧ᭄ᬭᬳᬸᬳᬮᬶᬢ᭄ᬢᬦ᭄ᬧᬓᬢᬶᬃ᭞ᬭᬶᬲᭂᬤᭂᬓ᭄ᬰᬰᬶᬄᬓᬯᬸᬮᬸ᭞ᬢᭀᬬᬦ᭄ᬲᬕᬭᬦᬾᬩ᭄ᬮᭀᬜ᭄ᬘᬄ᭞ᬳᬗᬶᬦ᭄ᬲ᭄ᬮᬳᬸᬗᬾᬗ᭄ᬮᬶᬦᬸᬲᬶᬦ᭄᭞ᬲᬶᬦᬄᬧᬸᬧᬸᬢ᭄᭞ᬧ᭄ᬭᬳᬸᬦᬾᬓᬤᬸᬭᬸᬲ᭄ᬩᭂᬜ᭄ᬘᬄ᭟ᬢᬸᬳᬸᬳᬶᬤᬯᬶᬭᬦᬶᬂ
ᬬᬸᬥ᭞ᬢᬗ᭄ᬲᭂᬄᬫᬗᬋᬧᬂᬫᬗ᭄ᬓᬶᬦ᭄᭞ᬲ᭄ᬯᬪᬯᬦᬶᬤᬓᬩᬗᬦ᭄᭞ᬘᬘᬶᬗᬓᬾᬫᬸᬭᬸᬗ᭄ᬲᭂᬗᬶᬢ᭄᭞ᬳᬩᬂᬤᬸᬫᬶᬮᬄᬫᬗᬺᬲᬶᬦ᭄᭞ᬓᬤᬶᬦᬸᬯᭂᬓ᭄ᬫᬦᬄᬰᬢ᭄ᬭᬸ᭞ᬫᭂᬲᭂᬳᬾᬫᭂᬢᬸᬓᬫᭂᬕᬦ᭄᭞ [ 34 ][᭓᭓ 33B]
᭓᭓
ᬕᬶᬲᬸᬧᬮᬶᬂᬫᬦᬢᬶᬗᬶᬦ᭄᭞ᬲᬶᬭᬧ᭄ᬭᬪᬸ᭞ᬫᬸᬧᬸᬢᬂᬓᬬᬸᬦ᭄ᬭᬶᬂᬭᬡ᭟ᬳᬤᬶᬫᬦ᭄ᬢ᭄ᬭᬶᬮᬦ᭄ᬲᬢ᭄ᬭᬶᬬ᭞ᬯᬤ᭄ᬯᬓᬸᬭᬶᬧᬦᬾᬮᬶᬮᬶᬄ᭞ᬳᬓ᭄ᬯᬾᬄᬧᬘᬸᬦ᭄ᬤᬗᬂᬳᬶᬤ᭞ᬧᬜ᭄ᬚᬓᬾᬓᬧᬶᬮᬶᬧᬶᬮᬶ᭞ᬧᬶᬮᬬᬸᬲᬵᬫ᭄ᬧᬸᬦ᭄ᬓᬮᬶᬮᬶᬄ
᭞ᬓᬲᭀᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬗᬸᬩᬢᬩᬶᬢ᭄ᬧ᭄ᬭᬪᬸᬲᬸᬡ᭄ᬥ᭞ᬳᭂᬗᭂᬩ᭄ᬫᭂᬲᭂᬳᬾᬗᬢᭀᬦᬶᬦ᭄᭞ᬧᬓᭂᬩᬸᬲᬸᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬗᬋᬧᬂ᭟ᬧ᭄ᬭᬪᬸᬓᬸᬭᬶᬧᬦ᭄ᬮᬦ᭄ᬤᭂᬳᬵ᭞ᬳᬾᬭᬂᬓᬬᬸᬦᬾᬢᬦ᭄ᬲᬶᬧᬶ᭞ᬫᬜᬶ
ᬗᬓ᭄ᬯᬤ᭄ᬯᬦᬾᬲᬫ᭄ᬧ᭄ᬬᬃ᭞ᬳᬶᬤᬗᬋᬧᬂᬦᬾᬫᬗ᭄ᬓᬶᬦ᭄᭞ᬜᬤ᭄ᬬᬧᬘᬂᬫᬦᬗ᭄ᬓᬶᬮᬶᬦ᭄᭞ᬳᬕᬸᬗᬾᬫᬘᬸᬦ᭄ᬤᬸᬓ᭄ᬧ᭄ᬭᬪᬸ᭞ᬯᬤ᭄ᬯᬲᬫᬶᬫᬧᬶᬬᬓᬦ᭄᭞ᬲᬫᬶᬩᭂᬗᭀᬂᬫᬗᬶᬮᬶᬗᬶᬦ᭄᭞ᬓᬾᬗᬶᬦᬵᬦᬹᬢ᭄᭞ᬲ
ᬫᭀᬗᬾᬫᬫᭂᬲᭂᬄᬲᬶᬗ᭄ᬳ᭟ᬲᬶᬭᬓᬵᬮᬶᬄᬳᬶᬦᬸᬘᬧᬦ᭄᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬕᬚᬄᬲᬫᬶ᭞ᬲᬳᬫᬕᭂᬕᬯᬦ᭄ᬧᬦᬄ᭞ᬭᬶᬂᬕᬚᬳᬾᬗᬤᭂᬕ᭄ᬫᬗ᭄ᬓᬶᬦ᭄᭞ᬗᬦᬹᬢ᭄ᬥᬃᬫ᭄ᬫᬦ᭄ᬲᬢ᭄ᬭ᭄ᬬᬚᬢᬶ᭞ᬤᬶᬕᭂᬮᬶᬲ᭄ᬳᬶᬤᬜ᭄ᬭᬸᬦ᭄ᬤᬸ

[᭓᭔ 34A]
᭓᭔
ᬧ᭄᭞ᬳᬶᬦᬸᬘᬧ᭄ᬭᬪᬸᬓᬸᬭᬶᬧᬦ᭄᭞ᬳᬶᬤᬭᬯᬸᬄᬗᬫᬭᬦᬶᬦ᭄᭞ᬲᬶᬭᬧ᭄ᬭᬪᬸ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬡ᭄ᬥ᭟᭜᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬮᬦ᭄ᬢᬸᬭᬂᬧᬸᬦᬂᬘᬭᬶᬢ᭞ᬧ᭄ᬭᬪᬸᬲᬸᬡ᭄ᬥᬗᬦ᭄ᬤᬶᬓᬲᬳᬓᭂᬜᬶᬂ᭞ᬫᬦ᭄ᬢᬸᬓ᭄ᬭᬶᬂᬲᬶᬭᬧ᭄ᬭᬪᬸ᭞ᬲᬶᬭ
ᬦᬵᬣᬭᬶᬂᬓᬸᬭᬶᬧᬦ᭄᭞ᬤᬸᬄᬲᬂᬦᬵᬣᬩᭂᬮᬶᬲ᭄ᬯᬾᬘ᭄ᬙᬵᬫᬗ᭄ᬓᬶᬦ᭄ᬭᬯᬸᬄ᭞ᬢᬸᬳᬸᬳᬾᬕᬃᬫᬦᬄᬢᬶᬢ᭄ᬬᬂ᭞ᬓᭂᬦᬶᬭᬢᬸᬢᬢᬲ᭄ᬳᬸᬦᬶᬂ᭟ᬫᬦᬄᬢᬶᬢ᭄ᬬᬂᬲᬭᬢ᭄ᬧᬶᬲᬦ᭄᭞ᬫᬗᬶᬓᭂᬢᬂᬫᬦᬄᬢᬶᬢ᭄ᬬᬂᬲᬸᬚᬢᬶ᭞ᬜᬤ᭄ᬬᬗᬤᬸᬗᬂ
ᬓᬬᬸᬦ᭄᭞ᬫᬗᬶᬕᬸᬫᬂᬧᬲ᭄ᬯᬶᬢ᭄ᬭᬬᬦ᭄᭞ᬭᬶᬂᬲᬂᬦᬵᬣᬢᬶᬢ᭄ᬬᬂᬓᬘ᭄ᬮᬸᬯᬕ᭄ᬫᬫᬗ᭄ᬕᬸᬄ᭞ᬭᬶᬂᬧᬳᬶᬦ᭄ᬤᬶᬓᬦᬾᬲᬶᬗ᭄ᬲᬮ᭄᭞ᬢᬦ᭄ᬫᭂᬳᬳᬦᬗᬓᬶᬓᬶᬢ᭄᭟ᬳᬃᬱᬦ᭄ᬩᭂᬮᬶᬲᬭᬢ᭄ᬧᬶᬲᬦ᭄᭞ᬗᬋᬋᬤᬂᬮᬶᬗ᭄ᬕᬶᬄᬢᬶᬢ᭄ᬬᬗᬾᬚᬢᬶ᭞ᬫ
ᬗ᭄ᬤᬢᬶᬢ᭄ᬬᬂᬲᬶᬤ᭄ᬥᬦᬸᬗ᭄ᬓᬸᬮ᭄᭞ᬜᬭᬓᬓᬯᬶᬮᬢᬶᬓ᭄ᬝ᭞ᬢᬶᬢ᭄ᬬᬗᬾᬭᬂᬩᭂᬘᬶᬓ᭄ᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬮᬾᬤᬗᬂᬓᬬᬸᬦ᭄ᬲᬂᬦᬵᬣ᭞ᬘᬶᬳ᭄ᬦᬬᬂᬓᬬᬸᬦᬾᬫᬗ᭄ᬓᬶᬦ᭄᭟ᬢᬸᬤᬸᬄᬳᬶᬤᬲᬂᬳ᭄ᬬᬂᬯᭂᬦᬂ᭞ᬯᬸᬲ᭄ᬫᬘᬶ [ 35 ][᭓᭔ 34B]
᭓᭔
ᬳ᭄ᬦᬧᬗ᭄ᬕᬸᬄᬢᬶᬢ᭄ᬬᬂᬭᬶᬂᬩᭂᬮᬶ᭞ᬧᬹᬃᬡ᭄ᬦᬬᬂᬓᬬᬸᬦᬾᬭᬢᬸ᭞ᬤᬸᬭᬸᬲᬂᬢᬗ᭄ᬕᭂᬦᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬜᬤ᭄ᬬᬧᬗ᭄ᬮᬸᬗ᭄ᬲᬸᬃᬧᬲ᭄ᬯᬾᬘ᭄ᬙᬵᬦ᭄ᬭᬢᬸ᭞ᬦᬫ᭄ᬢᬫᬶᬦ᭄ᬥᬃᬫ᭄ᬫᬦᬶᬂᬲᬢ᭄ᬭ᭄ᬬ᭞ᬦᬸᬦᬲ᭄ᬢᬶᬃᬣᬲᬜ᭄ᬚᬶᬯᬦᬶ᭟ᬧ᭄ᬭᬪᬸᬓᬸᬭᬶᬧᬦ᭄ᬗᬦ᭄ᬤᬶᬓ᭞ᬩᭂᬮᬶ
ᬜᬸᬓ᭄ᬱ᭄ᬫᬬᬂᬳᬃᬱᬦ᭄ᬳᬶᬳᬤᬶ᭞ᬳᬤᬶᬢᬸᬳᬸᬳᬕᬸᬂᬯᭂᬭᬸᬄ᭞ᬳᬶᬭᬶᬂᬩᭂᬮᬶᬫᬮᬾᬤᬂᬮᬾᬤᬂ᭞ᬫᬶᬲᬭᬢᬂᬥᬃᬫ᭄ᬫᬦᬶᬂᬢᬸᬳᬸᬧ᭄ᬭᬭᬢᬸ᭞ᬤᬸᬭᬸᬲᬂᬳᬤᬶᬤᬸᬭᬸᬲᬂ᭞ᬩᭂᬮᬶᬜᬤ᭄ᬬᬗᬶᬭᬶᬂᬳᬤᬶ᭟ᬧ᭄ᬭᬪᬸᬲᬸᬡ᭄ᬥᬢᬗ᭄ᬲᭂᬄᬗᬋ
ᬧᬂ᭞ᬫᬸᬧᬸᬢᬂᬓᬬᬸᬦᬶᬤᬗᬫᬭᬦᬶᬦ᭄᭞ᬦᬶᬩᬓᬂᬧᬦᬳᬾᬫᬸᬧᬸᬢ᭄᭞ᬤᭂᬋᬲ᭄ᬓᬤᬶᬢᬶᬃᬣᬦ᭄ᬯᬃᬱ᭞ᬢᬦ᭄‌ᬧᭂᬕᬢᬦ᭄ᬓᬤᬶᬦᬶᬂᬲᬩᭂᬄᬓᬯᬸᬮᬸ᭞ᬧ᭄ᬭᬪᬸᬓᬸᬭᬶᬧᬦ᭄ᬦᬩ᭄ᬤᬩᬂ᭞ᬢᬫ᭄ᬬᬗᬾᬳᬗ᭄ᬕᬾᬦ᭄ᬦᬗ᭄ᬕᭂᬦᬶᬦ᭄᭟ᬧ᭄ᬭᬪᬸᬤᭂᬳᬵ
ᬕᬕᬾᬲᭀᬦᬦ᭄᭞ᬓᬦᬗ᭄ᬲᭂᬓᬶᬦ᭄ᬧ᭄ᬭᬪᬸᬲᬸᬡ᭄ᬥᬤᬶᬕᭂᬮᬶᬲ᭄᭞ᬫᬸᬧᬸᬢᬂᬳᬶᬤᬭᬶᬂᬓᬬᬸᬦ᭄᭞ᬫᬫᭂᬮᬦᬶᬦ᭄ᬭᬓᬦᬶᬤ᭞ᬲᬶᬭᬦᬵᬣᬧ᭄ᬭᬪᬸᬓᬸᬭᬶᬧᬦ᭄ᬓᬤ᭄ᬭᬸᬧᬸᬓ᭄᭞ᬳᬦ᭄ᬢᬸᬓ᭄ᬧᬦᬄᬧ᭄ᬭᬪᬸᬲᬸᬡ᭄ᬥ᭞ᬢᬦ᭄ᬢᭂᬮᬤ᭄ᬫ

[᭓᭕ 35A]
᭓᭕
ᬯᬦ᭄ᬢᬶᬯᬦ᭄ᬢᬶ᭟ᬕᬕᬾᬲᭀᬦᬦ᭄ᬧ᭄ᬭᬪᬸᬤᭂᬳ᭞ᬗᬸᬗ᭄ᬲᬶᬫᭂᬲᭂᬳᬾᬢᬦ᭄ᬫᬋᬦ᭄ᬦᬫ᭄ᬩᬓᬶᬦ᭄᭞ᬧ᭄ᬭᬪᬸᬲᬸᬡ᭄ᬥᬲᬳᬕᬶᬲᬸ᭞ᬫᬦᬗ᭄ᬕᭂᬓᬶᬦ᭄ᬧ᭄ᬭᬪᬸᬤᭂᬳ᭞ᬳᬦ᭄ᬢᬸᬓ᭄ᬢᬸᬫ᭄ᬩᬓ᭄ᬫᬬᬸᬥᬫᬸᬧᬸᬢᬂᬓᬬᬸᬦ᭄᭞ᬯᬶᬭᭀᬱᬢᬸᬫ᭄ᬩᬓ᭄ᬓᬢᬸᬫ᭄ᬩᬓ᭄᭞ᬲᬫᬶ
ᬲᬾᬩᭂᬢ᭄ᬫᬦᬢᬶᬗᬶᬦ᭄᭟ᬲᬵᬫ᭄ᬧᬸᬦ᭄ᬢᬸᬤᬸᬄᬲᬂᬳ᭄ᬬᬂᬯᭂᬦᬂ᭞ᬧ᭄ᬭᬪᬸᬲᬸᬡ᭄ᬥᬓᬢᬦ᭄ᬤᭂᬲ᭄ᬲᬦᬾᬫᬗ᭄ᬓᬶᬦ᭄᭞ᬳᬶᬤᬲᬵᬫ᭄ᬧᬸᬦ᭄ᬮᬶᬦ᭄ᬢᬂᬓᬾᬭᬸᬄ᭞ᬯᬸᬲ᭄ᬮᬫᬶᬦᬗ᭄ᬕᭂᬦᬶᬦ᭄‌ᬬᬸᬥ᭞ᬫᭂᬢᬸᬮᬸᬫᬄᬓᬢᬸᬯᭂᬓ᭄ᬳᬶᬤᬭᬶᬂᬮᬫ᭄ᬩᬸᬂ᭞ᬳᬦ᭄ᬢᬸᬓ᭄ᬳᬶᬤ
ᬧ᭄ᬭᬪᬸᬤᭂᬳᬵ᭞ᬓᭂᬦᬶᬂᬮᬷᬡᬲᬂᬦᬃᬧ᭄ᬧᬢᬶ᭟᭜᭟ᬧᬸᬧᬸᬄᬫᬵᬲ᭄ᬓᬸᬫᬫ᭄ᬩᬂ᭟᭜᭟ᬳᬶᬦᬸᬘᬧᬦ᭄ᬧ᭄ᬭᬪᬸᬲᬸᬡ᭄ᬥᬯᬸᬲ᭄ᬓᬮᬶᬮᬶᬄ᭞ᬯᬸᬲ᭄ᬮᬶᬡᬭᬶᬂᬭᬡ᭞ᬫᬸᬧᬸᬢᬂᬲ᭄ᬯᬥᬃᬫ᭄ᬫᬚᬢᬶ᭞ᬥᬃᬫ᭄ᬫᬦᬶᬂᬮᬶᬗ᭄ᬕᬶᬄᬲᬂᬲᬢ᭄ᬭ᭄ᬬ᭟ᬧᬢᬶᬄᬧᬶᬢᬃ
ᬓᬦ᭄ᬢᬸᬦᬸᬭᬶᬧ᭄ᬤᬦᬾᬦ᭄ᬤᬶᬭᬶ᭞ᬗ᭄ᬮᬶᬦ᭄ᬢᬶᬓ᭄ᬤᬦᬾᬗ᭄ᬭᬕ᭞ᬗᭂᬮᬦᬗᬶᬦ᭄ᬤᬦᬾᬫᬗ᭄ᬓᬶᬦ᭄᭞ᬮᬦᬂᬫ᭄ᬯᬦᬶᬦᬾᬯᬸᬲ᭄ᬪ᭄ᬭᬱ᭄ᬝᬵ᭟ᬕᬕᬾᬲᭀᬦᬦ᭄ᬤᬦᬾᬭᬯᬸᬄᬦᬸᬦᬲᬸᬭᬶᬧ᭄᭞ᬜᭀᬓᭀᬭᬶᬂᬲᬂᬦᬵᬣ᭞ᬲᬸᬲᬸᬦ [ 36 ][᭓᭕ 35B]
᭓᭕
ᬦ᭄ᬭᬶᬂᬫᬚᬧᬳᬶᬢ᭄᭞ᬜᬤ᭄ᬬᬤᬦᬾᬗᬢᬸᬭᬂᬭᬕ᭟ᬫᭂᬕᬢ᭄ᬫᭂᬕᬢ᭄ᬳᬢᬸᬃᬤᬦᬾᬲᬳᬢᬗᬶᬲ᭄᭞ᬤᬸᬄᬭᬢᬸᬲᬂᬦᬵᬣ᭞ᬢᬶᬢ᭄ᬬᬂᬗᬢᬸᬭᬂᬦᬾᬫᬗ᭄ᬓᬶᬦ᭄᭞ᬤᬾᬯᬾᬓ᭄ᬢᬶᬢ᭄ᬬᬂᬭᬢᬸᬗ᭄ᬭᬓ᭄ᬱ᭟ᬢᬶᬢ᭄ᬬᬂᬲᬭᬢ᭄ᬗᬢᬸᬭᬂᬭᬶᬂᬲᬂᬦᬃᬧ᭄ᬧᬢᬶ᭞ᬳᬶᬭᬶᬓ
ᬭᬶᬂᬩᬸᬩᬢ᭄᭞ᬧᬭᬳᬶᬲ᭄ᬢ᭄ᬭᬶᬜᬦ᭄ᬢᭀᬲ᭄ᬲᬫᬶ᭞ᬭᬤᬾᬦ᭄ᬤᬾᬯᬶᬯᬸᬲ᭄ᬲᬬᬕ᭟᭜᭟ᬧᬸᬧᬸᬄᬲᭂᬫᬭᬦ᭄ᬤᬦ᭟᭜᭟ᬦᬦᭂᬂᬳᬶᬤᬰ᭄ᬭᬷᬪᬹᬧᬢᬶ᭞ᬳᬗᭂᬦᬶᬤᬚ᭄ᬭᭀᬦᬶᬂᬘᬶᬢ᭄ᬢ᭞ᬫᬯᬗᭂᬦᬦ᭄ᬳᬶᬤᬫᬗ᭄ᬓᬾ᭞ᬜᬸᬭ᭄ᬬᬦᬶᬦ᭄ᬮᬬᭀᬦ᭄ᬮᬦ᭄ᬰᬯᬵ᭞ᬲ
ᬢ᭄ᬫᬓᬫᬶᬲ᭄ᬫᬳᬸᬬᬕᬦ᭄᭞ᬓᬯᬶᬢ᭄ᬦᬶᬂᬦᬕᬶᬗᬶᬦ᭄ᬓᬬᬸᬦ᭄᭞ᬧᬜ᭄ᬚᬓᬾᬗᭂᬫᬲᬶᬦ᭄ᬧᭂᬚᬄ᭟ᬫᬗᬸᬮᬸᬭᬶᬦ᭄ᬳᬶᬥᭂᬧ᭄‌ᬦ᭄ᬤᬶᬭᬶ᭞ᬦᬢᬦ᭄ᬫᬫᬶᬦᭂᬳᬶᬦ᭄ᬧᬜ᭄ᬚᬓ᭄᭞ᬫᭂᬢᬸᬳᬶᬦ᭄ᬤᬶᬓ᭄ᬲᬦᬾᬫᬗ᭄ᬓᬾ᭞ᬧ᭄ᬭᬪᬸᬲᬸᬡ᭄ᬥᬧᬸᬧᬸᬢ᭄ᬧᭂᬚᬄ᭞ᬓᬳᬶᬭᬶᬂᬮ
ᬦ᭄ᬯᬤ᭄ᬯᬦᬶᬤ᭞ᬲᬫᬶᬯᬸᬲ᭄ᬗᭂᬫᬲᬶᬦ᭄ᬮᬫ᭄ᬧᬸᬲ᭄᭞ᬲᬵᬫ᭄ᬧᬸᬦ᭄ᬭᬸᬲᬓ᭄ᬧᬘᬂᬓᬸᬤ᭄ᬬᬂ᭟ᬫᬸᬮᬢᬸᬤᬸᬄᬲᬂᬳ᭄ᬬᬂᬯᬶᬥᬶ᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄‌ᬗ᭄ᬮᬾᬫ᭄ᬧᬲᬂ᭞ᬢᬦ᭄ᬚᬜᬦ᭄ᬤᬂᬫᬦᬸᬱᬦᬾ᭞ᬩᬗᭂᬢ᭄ᬧᬘᬂᬗᬯᭂᬦᬗᬂ᭞ᬳᬶᬦ᭄ᬤᬶᬓ᭄ᬧᬳᬶᬍᬳ

[᭓᭖ 36A]
᭓᭖
ᬦ᭄ᬚᬕᬢ᭄᭞ᬢᬦᬵᬦᬯᭀᬂᬲᬦᬾᬯᭂᬭᬸᬄ᭞ᬜᬫᬾᬦᬶᬦ᭄ᬳᬶᬤᬳ᭄ᬬᬂᬯᭂᬦᬂ᭞ᬳᬶᬤᬫᬸᬧᬸᬢᬂᬫᬗ᭄ᬓᬶᬦ᭄᭞ᬧᬜ᭄ᬚᬓᬾᬦᬶᬓᬬᬂᬳᬶᬤ᭞ᬫᬸᬧᬸᬢᬂᬉᬧᬓᬵᬭᬦᬾ᭞ᬧᬶᬭᬦ᭄ᬢᬶᬦᬶᬂᬮᬬᭀᬦ᭄ᬰᬯ᭞ᬗᬦᬹᬢ᭄ᬮᬶᬗ᭄ᬕᬶᬄᬲᭀᬯᬂᬲᭀᬯᬂ᭞ᬫᬗ᭄ᬤ
ᬲᬶᬤ᭄ᬥᬤᬤᭀᬲ᭄ᬧᬸᬧᬸᬢ᭄᭞ᬭᬶᬂᬭᬳᬶᬦᬦᬾᬧᬸᬦᬶᬓᬵ᭟ᬉᬧᬓᬵᬭᬲᬶᬤ᭄ᬥᬢᬺᬧ᭄ᬢᬶ᭞ᬫᬦᬹᬢ᭄ᬯᭀᬂᬧᭂᬚᬄᬭᬶᬂᬭᬡ᭞ᬦᬢᬦ᭄ᬤᬤᭀᬲ᭄ᬮᬾᬫ᭄ᬧᬲ᭄ᬋᬓᬾ᭞ᬲᬶᬭᬦᬵᬣᬫᬦᭂᬳᭂᬭᬂ᭞ᬗᬦᬹᬢᬶᬦ᭄ᬤᬕᬶᬂᬅᬕᬫ᭞ᬲᬶᬤ᭄ᬥᬧᬫᬃᬕ᭄ᬕᬶᬦᬾᬮ
ᬦ᭄ᬢᬸᬃ᭞ᬲᬂᬯᬸᬲ᭄ᬫᬦ᭄ᬢᬸᬓᬭᬶᬂᬭᬡ᭟᭜᭟ᬲᬢ᭄ᬭ᭄ᬬᬧᬸᬧᬸᬢᬦ᭄᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭞ᬯᬾᬦ᭄ᬢᭂᬦ᭄ᬭᬯᬸᬄᬕᬢ᭄ᬭᬧ᭄ᬭᬧ᭄ᬢᬶ᭞ᬓᬢᬸᬃᬭᬶᬂᬲᬂᬧ᭄ᬭᬫᬶᬰ᭄ᬯᬭ᭄ᬬ᭞ᬳᬶᬦ᭄ᬤᬶᬓ᭄ᬭᬓᬦ᭄ᬳᬶᬤᬧᬱ᭄ᬝᬶ᭞ᬧ᭄ᬭᬪᬸᬲᬸᬡ᭄ᬥᬲᬦᬾᬫᬗ᭄ᬓᬶᬦ᭄᭞ᬳᬶᬤ
ᬓᭀᬘᬧ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬯᬸᬲ᭄ᬧᭂᬚᬄᬲᬶᬭᬭᬶᬂᬭᬡ᭞ᬓᬳᬶᬭᬶᬂᬯᬤ᭄ᬯᬦᬾᬲᬫᬶ᭞ᬪ᭄ᬭᬱ᭄ᬝᬲᬵᬫ᭄ᬧᬸᬦ᭄᭞ᬯᬦ᭄ᬢᬄᬓᬦ᭄ᬢᬸᬦ᭄ᬧᬢᬶᬄᬧᬶᬢᬃ᭟ᬤᬦᬾᬘᭂᬤᭀᬓ᭄ᬭᬶᬂᬲᬸᬩᬬ᭞ᬜᬤ᭄ᬬᬗᬲᭀᬃᬫᬫ᭄ᬭᬶᬄᬳᬸᬭᬶᬧ᭄᭞ᬢᬦ᭄ᬧᬸᬭᬸᬦ᭄ᬗᭂ [ 37 ][᭓᭖ 36B]
᭓᭖
ᬢᭀᬳᬂᬚᬶᬯ᭞ᬫᬦ᭄ᬢᬸᬓᬭᬶᬂᬲᬂᬦᬃᬧ᭄ᬧᬢᬶ᭞ᬢᬸᬳᬸᬤᬦᬾᬦᬶᬱ᭄ᬝᬵᬚᬢᬶ᭞ᬦᬢᬦ᭄ᬫᬗᬦᬹᬢᬶᬦ᭄ᬮᬸᬗ᭄ᬕᬸᬄ᭞ᬫᭂᬫᬢᬶᬳᬶᬦ᭄ᬚᬕᬢ᭄ᬲᬸᬡ᭄ᬥ᭞ᬮᬓ᭄ᬱᬡᬦ᭄ᬜᬫᬦᬶᬮᬲᬶᬦ᭄᭞ᬲ᭄ᬯᬾᬘ᭄ᬙᬦ᭄ᬧ᭄ᬭᬪᬸ᭞ᬦᬢᬦ᭄ᬦᭂᬳᭂᬭᬶᬦ᭄ᬪᬶᬱᬫ᭟ᬤᬦᬾᬫᬜᬶ
ᬮᬶᬩᬂᬭᬕ᭞ᬭᬶᬂᬢᭂᬗᬄᬰᬯᬦᬾᬗᭂᬲᬶᬮ᭄᭞ᬫᬧᬶᬫᬧᬶᬲᬵᬫ᭄ᬧᬸᬦ᭄ᬧᭂᬚᬄ᭞ᬭᬶᬂᬭᬳᬾᬤᬦᬾᬗᬮᬶᬮᬶᬂ᭞ᬓᬤᬶᬲᭀᬮᬄᬰᬯᬓᬦᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᭂᬲᭂᬄᬗᬭᬸᬗᬸ᭞ᬭᬶᬂᬤᬦᬾᬓᬶᬧᬢᬶᬄᬧᬶᬢᬃ᭞ᬫᬓᭂᬋᬫ᭄ᬳᬦ᭄ᬢᬸᬓ᭄ᬭᬄᬚ
ᬢᬶ᭞ᬦᬶᬱ᭄ᬝᬢᬸᬳᬸ᭞ᬮᬓ᭄ᬱᬡᬦ᭄ᬓᬶᬧᬢᬶᬄᬮᭀᬫ᭄ᬧᬂ᭟ᬧᬭᬳᬶᬲ᭄ᬢ᭄ᬭᬶᬳᬶᬲ᭄ᬢ᭄ᬭᬶᬲᬫ᭄ᬬᬦ᭄᭞ᬫᬫ᭄ᬬᬃᬱᬬᬂᬲᬳᬵᬲᭂᬤᬶᬄ᭞ᬢᬗᬶᬲᬾᬢᬶᬫ᭄ᬩᬮ᭄ᬓᬢᬶᬫ᭄ᬩᬮ᭄᭞ᬲ᭄ᬮᭂᬕᬓ᭄ᬲ᭄ᬮᭂᬕᬸᬓ᭄ᬫᬓᬲᬫᬶ᭞ᬩᬯᭀᬲᬾᬧᬢᬶᬚᭂᬮᬫᬶᬢ᭄᭞ᬭᬶᬳᬸᬳᬾᬯᬮᬸᬬ
ᬕᬸᬭᬸᬄ᭞ᬳᬶᬭᬶᬓᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬫᬘᭂᬮᭀᬲ᭄ᬓᬬᬸᬦᬾᬫᬗ᭄ᬓᬶᬦ᭄᭞ᬓᬤᬶᬮᬶᬡ᭄ᬥᬸ᭞ᬭᬲᬚᬕᬢᬾᬫᭀᬬᭀᬤᬦ᭄᭟ᬧᬮᬸᬗ᭄ᬕᬸᬄᬰ᭄ᬭᬷᬧ᭄ᬭᬫᬶᬰ᭄ᬯᬭ᭄ᬬ᭞ᬲᬋᬂᬳᬶᬤᬭᬤᬾᬦ᭄ᬤᬾᬯᬶ᭞ᬮᬦ᭄ᬭᬩᬶᬦ᭄ᬧ᭄ᬭᬬᭀᬕ᭄ᬬᬲᬫ᭄ᬬᬦ᭄᭞ᬲᬫᬶ

[᭓᭗ 37A]
᭓᭗
ᬫᬓ᭄ᬭᬫᬲ᭄ᬫᬋᬲᬶᬓ᭄᭞ᬫᬳ᭄ᬬᬲ᭄ᬫᬫᭂᬢᬓ᭄ᬲᬫᬶ᭞ᬜᬤ᭄ᬬᬧᬘᬂᬗᬶᬭᬶᬂᬧᬸᬧᬸᬢ᭄᭞ᬫᬲᬢ᭄ᬬᬗᬶᬭᬶᬂᬲᬂᬦᬵᬣ᭞ᬫᬗᬸᬗ᭄ᬲᬶᬲ᭄ᬯᬃᬕ᭄ᬕᬦᬾᬚᬢᬶ᭞ᬢᭂᬳᭂᬃᬲᬵᬫ᭄ᬧᬸᬦ᭄᭞ᬫᬫᬾᬮᬦᬶᬦ᭄ᬲᬶᬭᬦᬵᬣ᭟ᬭᬤᬾᬦ᭄ᬤᬾᬯᬶᬯᬸᬲ᭄ᬲᬬᬕ᭞ᬫᬢᬶᬫ᭄ᬧᬸᬄᬫᬫᬗ᭄ᬓᬸᬓᭂᬭᬶᬲ᭄᭞ᬜᬤ᭄ᬬᬫᬫᬸᬧᬸᬢᬂᬭᬕ᭞ᬧ᭄ᬭᬫᬶᬰ᭄ᬯᬭᬶᬗᬫᬭᬦᬶᬦ᭄᭞ᬳᬸᬤᬸᬄᬦᬦᬓ᭄ᬭᬤᬾᬦ᭄ᬤᬾᬯᬶ᭞ᬤᬤᭀᬲ᭄ᬤ᭄ᬭᬶᬓᬶᬫᬸᬧᬸᬢ᭄ᬓᬬᬸᬦ᭄᭞ᬫᬃᬕ᭄ᬕᬶᬭᬸᬭᬸᬄᬮᬬᭀᬦ᭄ᬳᬶᬤ᭞ᬳᬶᬳᬚᬶᬲᬂᬦᬵᬣᬫᬗ᭄ᬓᬶᬦ᭄᭞ᬲᬶᬤ᭄ᬥᬕᬸᬧᬸᬄ᭞ᬜᬤ᭄ᬬ
ᬫᬗᬶᬭᬶᬗᬂᬳᬶᬤ᭟ᬩᬶᬬᬂᬲᬸᬭᬶᬚᬶᬯᬦ᭄ᬢᬶᬢ᭄ᬬᬂ᭞ᬳᬶᬭᬶᬓᬶᬢᬶᬢ᭄ᬬᬂᬫᬧᬫᬶᬢ᭄᭞ᬗᬭᬶᬳᬶᬦᬶᬦ᭄ᬢᬶᬢ᭄ᬬᬂᬧᭂᬚᬄ᭞ᬜᬤ᭄ᬬᬗᬶᬭᬶᬗᬂᬳᬶᬳᬚᬶ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬧᬗ᭄ᬕᬶᬳᬶᬦ᭄᭞ᬳᬦ᭄ᬢᬸᬓ᭄ᬯᬤ᭄ᬯᬫᭂᬲᭂᬄᬭᬢᬸ᭞ᬲᬶᬦᬄᬤᬤᭀᬲ᭄ᬚ
ᬚᬭᬳᬦ᭄᭞ᬫᬜ᭄ᬚᬶᬂᬢᬶᬢ᭄ᬬᬂᬤᬤᭀᬲ᭄ᬭᬩᬶ᭞ᬲᬶᬭᬧ᭄ᬭᬪᬸ᭞ᬭᬢᬸᬦᬾᬭᬶᬂᬯᬶᬮᬢᬶᬓ᭄ᬝᬵ᭟ᬳᬸᬤᬸᬄᬘᭂᬦᬶᬂᬚᬶᬯᬦ᭄ᬩᬶᬬᬂ᭞ᬤᬸᬭᬸᬲᬂᬘᭂᬦᬶᬂᬫᬫᬃᬕ᭄ᬕᬶ᭞ᬯᬾᬦ᭄ᬢᭂᬦ᭄ᬳᬢᬸᬃᬩᬶᬬᬂᬲᬭᬢ᭄᭞ᬫᬦ᭄ᬢᬸᬓᬭᬶᬂᬳᬚᬶᬦ᭄ᬘᭂᬦᬶᬂ᭞ᬲᬶᬤ᭄ᬥᬘᭂᬦᬶᬂ [ 38 ][᭓᭗ 37B]
᭓᭗
ᬫᬢᬸᬃᬳᬸᬦᬶᬂ᭞ᬫᬗ᭄ᬤᬳᬶᬤᬩᭂᬮᬶᬧ᭄ᬭᬪᬸ᭞ᬲ᭄ᬯᬾᬘ᭄ᬙᬵᬳᬶᬤᬫᬜᬦ᭄ᬢᭀᬲᬂ᭞ᬭᬯᬸᬄᬫᬾᬫᬾᬧ᭄ᬭᬬᬦᬗ᭄ᬓᬶᬮ᭄᭞ᬓᭂᬦᬶᬤᬸᬭᬸᬲ᭄᭞ᬧᬫᬃᬕ᭄ᬕᬶᬦᬾᬫᬓᬭᭀᬦᬦ᭄᭟ᬫᬗ᭄ᬤᬯᬾᬦ᭄ᬢᭂᬦ᭄ᬳᬶᬭᬶᬂᬩᬶᬬᬂ᭞ᬗᭂᬦ᭄ᬢᬧ᭄ᬢᬶᬢᬶᬳᬸᬕᬮᬕᬶᬮ᭄᭞ᬤᬳᬢ᭄ᬲᬸᬓᬶ
ᬮ᭄ᬫᬓᬓᭀᬘᬧ᭄᭞ᬲ᭄ᬯᬾᬘ᭄ᬙᬵᬳᬶᬤᬫᬦᬦ᭄ᬤᬶᬗᬶᬦ᭄᭞ᬢᬸᬳᬸᬫᬾᬫᬾᬤᬳᬢ᭄ᬚᭂᬭᬶᬄ᭞ᬫᬾᬫᬾᬢᬸᬯᬲᬫ᭄ᬧᬸᬦ᭄ᬓᬾᬭᬸᬄ᭞ᬬᬦ᭄ᬢᬦ᭄ᬲ᭄ᬯᬾᬘ᭄ᬙᬵᬲᬶᬭᬦᬵᬣ᭞ᬫᬗᬺᬋᬳᬂᬫᬾᬫᬾᬫᬃᬕ᭄ᬕᬶ᭞ᬲᬶᬦᬄᬮᬘᬸᬃ᭞ᬮᬫ᭄ᬧᬳᬾᬓᬮᬸᬦ᭄ᬢᬮᬸᬦ᭄ᬢ᭟
ᬭᬤᬾᬦ᭄ᬤᬾᬯᬶᬫᬢᬸᬃᬦᬶᬫ᭄ᬩᬮ᭄᭞ᬳᬤᬸᬄᬭᬢᬸᬩᬶᬬᬂᬲᬸᬭᬶ᭞ᬜᬤ᭄ᬬᬢᬶᬢ᭄ᬬᬂᬫᬗ᭄ᬭᬯᬸᬳᬂ᭞ᬤᬕᬶᬂᬳᬃᬱᬦ᭄ᬩᬶᬬᬂᬚᬢᬶ᭞ᬭᬶᬗᬶᬤᬰ᭄ᬭᬷᬦᬭᬧᬢᬶ᭞ᬓᭂᬦᬶᬲ᭄ᬯᬾᬘ᭄ᬙᬵᬳᬶᬤᬦᬸᬗ᭄ᬕᬸ᭞ᬧᬫᬃᬕ᭄ᬕᬦ᭄ᬧᬮᬸᬗ᭄ᬕᬸᬄᬩᬶᬬᬂ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂ
ᬫᬧᬫᬶᬢ᭄᭞ᬲᬶᬤ᭄ᬥᬧᬸᬧᬸᬢ᭄᭞ᬪᬓ᭄ᬢᬶᬦᬾᬭᬶᬂᬬᬬᬄᬭᬾᬡ᭟ᬧ᭄ᬭᬫᬾᬰ᭄ᬯᬭᬶᬕᬕᬾᬲᭀᬦᬦ᭄᭞ᬫᬗᬭᬲ᭄ᬧᬸᬢ᭄ᬭᬦᬾᬫᬗ᭄ᬓᬶᬦ᭄᭞ᬢᭀᬬᬦ᭄ᬧᬦᭀᬦᬾᬤᬺᬲ᭄ᬫᭂᬤᬮ᭄᭞ᬲ᭄ᬯᬾᬘ᭄ᬙᬦᬾᬭᬶᬂᬭᬤᬾᬦ᭄ᬤᬾᬯᬶ᭞ᬳᬶᬤᬯᬦ᭄ᬢᬄ

[᭓᭘ 38A]
᭓᭘
ᬧᬢ᭄ᬭᬶᬮᬸᬯᬶᬄ᭞ᬢᬸᬲ᭄ᬦᬶᬂᬳᬶᬤᬲᬢ᭄ᬭ᭄ᬬᬢᬸᬳᬸ᭞ᬓᬾᬗᬶᬦ᭄ᬓᬓᬲᬸᬩᬦ᭄ᬚᬕᬢ᭄᭞ᬢᬸᬳᬸᬳᬬᬸᬰᬶᬮᬓ᭄ᬭᬫᬶ᭞ᬭᬢᬸᬳᬬᬸ᭞ᬭᬤᬾᬦ᭄ᬕᬮᬸᬄᬧᬶᬢᬮᭀᬓ᭟ᬭᬤᬾᬦ᭄ᬤᬾᬯᬶᬫᬢᬸᬃᬩᬦ᭄ᬩᬦ᭄᭞ᬉᬤᬸᬄᬭᬢᬸᬩᬶᬬᬂᬲᬸᬭᬶ᭞ᬗᬶᬭᬶᬂᬚᬲ
ᬫ᭄ᬧᬸᬦ᭄ᬧᬸᬗ᭄ᬕᭂᬮᬂ᭞ᬩᬯᭀᬲᬾᬓᬤᬶᬧᬸᬦᬶᬓᬶ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬗᬭᬶᬳᬶᬦᬶᬦ᭄ᬳᬗ᭄ᬕᬦ᭄ᬭᬢᬸ᭞ᬲ᭄ᬯᬾᬘ᭄ᬙᬵᬭᬢᬸᬗᬫ᭄ᬧᬸᬭᬬᬂ᭞ᬮᬸᬕ᭄ᬭᬳᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬲᬶᬤ᭄ᬥᬤᬸᬭᬸᬲ᭄᭞ᬢᬶᬢ᭄ᬬᬂᬫᬗ᭄ᬮᬦ᭄ᬢᬸᬭᬂᬫᬦᬄ᭟ᬳᬚᬶᬧ᭄ᬭᬪᬸ
ᬤᬾᬯᬦ᭄ᬢᬶᬢ᭄ᬬᬂ᭞ᬲᬹᬃᬬ᭄ᬬᬦᬶᬦ᭄ᬚᬢᬶᬢ᭄ᬬᬗᬚᬶ᭞ᬦᬦᬓ᭄ᬧ᭄ᬭᬬᬫᬗᬶᬭᬶᬗᬂ᭞ᬮᬸᬗ᭄ᬳᬦ᭄ᬭᬢᬸᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬢᬸᬳᬸᬤᬺᬥᬪᬓ᭄ᬢᬶ᭞ᬚᬦ᭄ᬢᭀᬲᬂᬢᬶᬢ᭄ᬬᬂᬭᬢᬸ᭞ᬲᬵᬫ᭄ᬧᬸᬦ᭄ᬭᬢᬸᬕᬕᬾᬲᭀᬦᬦ᭄᭞ᬫᬗ᭄ᬤᬲᬶᬤ᭄ᬥᬢᬶᬢ᭄ᬬᬂ
ᬫᭀᬮᬶᬄ᭞ᬗᬶᬭᬶᬂᬭᬢᬸ᭞ᬜᬸᬚᬸᬃᬗᬸᬗ᭄ᬲᬶᬰᬹᬦ᭄ᬬᬮᭀᬓᬵ᭟ᬲᬂᬤ᭄ᬬᬄᬦᬩ᭄ᬤᬩᬂᬭᬕ᭞ᬲᬳᬳᬶᬤᬫᬗᬜ᭄ᬚᬮᬶ᭞ᬫᬫᭂᬓᬸᬮ᭄ᬩᬸᬓ᭄ᬧᬤᬦ᭄ᬳᬶᬤ᭞ᬩ᭄ᬬᬗᬾᬲᬂᬧ᭄ᬭᬫᬶᬰ᭄ᬯᬭᬶ᭞ᬢᬸᬫᬸᬮᬶᬭᬭᬶᬲ᭄ᬗᬲ᭄ᬢᬸᬢᬶ᭞ᬗᬲ᭄ᬢᬯᬦᬸᬗ᭄ᬕᬮᬂ [ 39 ][᭓᭘ 38B]
᭓᭘
ᬓᬬᬸᬦ᭄᭞ᬫᬫᬹᬚᬳᬶᬤᬳ᭄ᬬᬂᬯᭂᬦᬂ᭞ᬓᭂᬦᬶᬳᬶᬤᬫᬜᬸᬦ᭄ᬤᬭᬶᬦ᭄᭞ᬲᬶᬤ᭄ᬥᬮᬦ᭄ᬢᬸᬃ᭞ᬧᬫᬃᬕ᭄ᬕᬶᬦᬾᬫᭀᬮᬶᬄᬬᬰ᭟ᬭᬤᬾᬦ᭄ᬤᬾᬯᬶᬯᬸᬲ᭄ᬲᬬᬕ᭞ᬲᬵᬫ᭄ᬧᬸᬦᬶᬤᬦ᭄ᬗᬸᬦᬸᬲ᭄ᬓᭂᬭᬶᬲ᭄᭞ᬮᬰ᭄ᬘᬃᬬ᭄ᬬᬫᬦᬸᬯᭂᬓ᭄ᬥᬥ᭞ᬭᬄ
ᬳᬶᬤᬤᭂᬋᬲ᭄ᬳᬫᬶᬚᬶᬮ᭄᭞ᬮᬾᬮᭀᬳᬶᬤᬭᬤᬾᬦ᭄ᬤᬾᬯᬶ᭞ᬘᬘᬶᬗᬓᬾᬫᭂᬢᬸᬋᬤᬸᬧ᭄᭞ᬳᬲᬸᬳᬲᬸᬦᬾᬫᭂᬕᬢ᭄ᬫᭂᬕᬢ᭄᭞ᬲᬳᬫᬘᭂᬧᭀᬮ᭄ᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧᭂᬚᬄᬲᬶ
ᬭᬭᬤᬾᬦ᭄ᬤᬾᬯ᭄ᬬ᭟ᬓᬘ᭄ᬭᬶᬢᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬳᬶᬦᬸᬘᬧ᭄ᬲᬂᬧ᭄ᬭᬫᬶᬰ᭄ᬯᬭᬶ᭞ᬮᬦ᭄ᬧᬭᬳᬶᬲ᭄ᬢ᭄ᬭᬶᬦᬾᬲᬫ᭄ᬬᬦ᭄᭞ᬳᬗᭂᬦ᭄ᬓᬬᬸᬦᬾᬫᬗ᭄ᬕᬶᬳᬶᬦ᭄᭞ᬫᬩ᭄ᬭᬶᬬᬸᬓ᭄ᬲᬫᬶᬫᬦᬗᬶᬲ᭄᭞ᬧᬚᭂᬭᬶᬢ᭄
ᬲᬫᬶᬧᬲ᭄ᬮᭂᬕᬸᬓ᭄᭞ᬲ᭄ᬯᬭᬦ᭄ᬜᬦᬾᬫᬩ᭄ᬬᬬᬸᬳᬦ᭄᭞ᬢ᭄ᬯᬶᬳᭀᬫ᭄ᬩᬓ᭄ᬓᬯᬸᬮᬸᬚᬢᬶ᭞ᬲᬫᬶᬲᬸᬗ᭄ᬲᬸᬢ᭄᭞ᬭᬲᬋᬫᭂᬓ᭄‌ᬚ᭄ᬭᭀᬦᬶᬂᬘᬶᬢ᭄ᬢ᭟ᬧ᭄ᬭᬫᬶᬰ᭄ᬯᬭᬶᬳᬶᬦᬸᬘᬧᬦ᭄᭞ᬫᬸᬧᬸᬢᬂᬓᬬᬸᬦᬾᬧ

[᭓᭙ 39A]
᭓᭙
ᬱ᭄ᬝᬶ᭞ᬲᬫᬶᬯᬸᬲ᭄ᬲᬬᬕᬳ᭄ᬬᬲ᭄᭞ᬪᬸᬱᬡᬫᬫᭂᬢᬓ᭄ᬲᬫᬶ᭞ᬲᬫᬶᬜᬤ᭄ᬬᬗᬫᬭᬦᬶᬦ᭄᭞ᬭᬶᬂᬧᬩ᭄ᬭᬢᬦ᭄ᬧᬘᬂᬗ᭄ᬭᬸᬭᬸᬄ᭞ᬮᬬᭀᬦ᭄ᬰᬯᬲᭀᬯᬂᬲᭀᬯᬂ᭞ᬮᬓᬶᬦ᭄ᬜᬫᬦ᭄ᬤᬶᬭᬶᬦ᭄ᬤᬶᬭᬶ᭞ᬜᬤ᭄ᬬᬢᬶᬦᬹ
ᬢ᭄᭞ᬜᬋᬗᬶᬦ᭄ᬧᭂᬚᬄᬭᬶᬂᬭᬡ᭟ᬤᬶᬕᭂᬮᬶᬲ᭄ᬧᬫᬃᬕ᭄ᬕᬦᬶᬤ᭞ᬓᬳᬶᬭᬶᬂᬲᬢ᭄ᬬᬦᬾᬲᬫᬶᬧᬜ᭄ᬚ᭄ᬭᭀᬯᬦ᭄ᬓᬧ᭄ᬯᬲᬕᬺᬳᬦ᭄᭞ᬧᬫᬃᬕ᭄ᬕᬶᬦᬾᬗᬦᬹᬢ᭄ᬮᬶᬗ᭄ᬕᬶᬄ᭞ᬧᬗᬚᭂᬂᬲᬂᬧ᭄ᬭᬫᬶᬰ᭄ᬯᬭᬶ᭞ᬭᬩᬶᬦ᭄ᬧᬢᬶᬄᬫᬦ᭄ᬢ᭄ᬭᬶᬜᬸᬦ᭄ᬤᬸ
ᬧ᭄᭞ᬲᬫᬶᬫᬪᬸᬱᬡᬧᭂᬢᬓ᭄᭞ᬲᬳᬲᬫᬶᬗᭂᬧᬶᬢ᭄ᬓᭂᬭᬶᬲ᭄᭞ᬧᬶᬦᬶᬄᬧᬸᬗ᭄ᬓᬸᬃ᭞ᬧᬜ᭄ᬚ᭄ᬭᭀᬯᬦᬾᬫᬗᬶᬭᬶᬗᬂ᭟ᬧᬗᬶᬭᬶᬗᬾᬲᬶᬦᬫ᭄ᬬᬦ᭄᭞ᬧᬲ᭄ᬮᭂᬕᬸᬓ᭄ᬲᬫᬶᬧᬚᭂᬭᬶᬢ᭄᭞ᬯᬾᬦ᭄ᬢᭂᬦ᭄ᬗᭂᬮᬶᬂᬲᭂᬗᬮ᭄ᬲᭂᬗᬮ᭄᭞ᬲᭂᬤᬶᬄᬧᬘᬂᬓᬢᬶᬗ᭄ᬕᬮᬶᬦ᭄᭞
ᬳᬦ᭄ᬢᬸᬓ᭄ᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬭᬩᬶᬦ᭄ᬧᬢᬶᬄᬮᬦ᭄ᬢᬸᬫᭂᬗ᭄ᬕᬸᬂ᭞ᬭᬩᬶᬦ᭄ᬫᬦ᭄ᬢ᭄ᬭᬩᬳᬸᬤᬡ᭄ᬥ᭞ᬧᬸᬦᬶᬓᬫᬲᬢ᭄ᬬᬲᬫᬶ᭞ᬮᬮᬶᬲ᭄ᬧᬸᬧᬸᬢ᭄᭞ᬫᬸᬧᬸᬢᬂᬭᬕᬭᬶᬂᬭᬡ᭟ᬫᬦ᭄ᬢ᭄ᬭᬶᬧᬢᬶᬄᬩᬳᬸᬤᬡ᭄ᬥ᭞ᬯᬤ᭄ᬯᬦ᭄ᬧ᭄ᬭᬪᬸᬫᬚᬧᬳᬶᬢ᭄᭞ᬲᬂᬓᬦ᭄ᬢᬸ [ 40 ][᭓᭙ 39B]
᭓᭙
ᬦ᭄ᬳᬸᬭᬶᬧ᭄ᬭᬶᬂᬭᬡ᭞ᬲᬫᬶᬕᬶᬲᬸᬗᬫᬭᬦᬶᬦ᭄᭞ᬓᭂᬤᭂᬄᬓᬬᬸᬦᬾᬗᬶᬮᬶᬗᬶᬦ᭄᭞ᬲᬢ᭄ᬬᬦᬾᬧ᭄ᬭᬬᬫᬫᬸᬧᬸᬢ᭄᭞ᬳᬗᭀᬩ᭄ᬲᬶᬫᬶᬫᬗᬦ᭄ᬢᭂᬦᬂ᭞ᬳᬶᬲ᭄ᬢ᭄ᬭᬶᬧᬃᬳ᭄ᬬᬗᬦ᭄ᬚᬢᬶ᭞ᬢᬸᬚᬸᬳᬬᬸ᭞ᬲᬫᬶᬫᬗᭂᬜᬸᬤᬶᬦ᭄ᬫᬦᬄ᭟ᬧᬘᭂᬗᭂᬄᬲᬂᬫᬗᬦ᭄ᬢᭂᬦᬂ
᭞ᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬗᬹᬦᬶ᭞ᬫᬓ᭄ᬮᭂᬜᭂᬢ᭄ᬭᬶᬂᬚ᭄ᬭᭀᬦᬶᬂᬘᬶᬢ᭄ᬢ᭞ᬭᬯᬸᬄᬳᬶᬤᬤᬦᬾᬲᬫᬶ᭞ᬫᬤᬲᬃᬓᬬᬸᬦ᭄ᬫᬳᭂᬦᬶᬂ᭞ᬫᬗᬶᬭᬶᬗᬂᬲᬶᬭᬧ᭄ᬭᬪᬸ᭞ᬧᬦᭂᬫ᭄ᬩᬳᬦ᭄ᬚᬕᬢ᭄ᬲᬸᬡ᭄ᬥ᭞ᬲᬭᬢ᭄ᬗᬲ᭄ᬢᬶᬢᬶᬳ᭄ᬬᬂᬯᬶᬥᬶ᭞ᬲᬶᬤ᭄ᬥᬮᬦ᭄ᬢᬸᬃ᭞ᬯᬶᬯᬳᬦ᭄ᬲᬶ
ᬭᬲᬂᬦᬵᬣ᭟ᬲᬶᬦᬄᬓᬯᭀᬦ᭄ᬧᬘᬂᬢᭂᬫ᭄ᬯᬂ᭞ᬗᬦᬹᬢ᭄ᬧᬓᬃᬤ᭄ᬥᬶᬦᬾᬫᬗ᭄ᬓᬶᬦ᭄᭞ᬢᬦ᭄ᬮᬾᬫ᭄ᬧᬲ᭄ᬭᬶᬂᬨᬮᬓᬃᬫ᭄ᬫ᭞ᬬᬾᬦᬶᬂᬳᬬᬸᬓᬓᬃᬤ᭄ᬥᬶᬦᬶᬦ᭄᭞ᬲᬶᬦᬄᬍᬯᬶᬄᬧᬘᬂᬧᬗ᭄ᬕᬶᬄ᭞ᬬᬾᬦᬶᬂᬫᬮᬦᬾᬓᬢᬦ᭄ᬤᬸᬃ᭞ᬲᬶᬦᬄᬧᬘᬂ
ᬓᬤᬸᬄᬓᬶᬢ᭄᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄‌ᬗ᭄ᬮᬾᬫ᭄ᬧᬲᬶᬦ᭄᭞ᬦᬦ᭄ᬤᬸᬃᬚᬕᬸᬂ᭞ᬢᬦ᭄ᬤᬸᬕᬶᬫᬗᬫ᭄ᬧᬸᬂᬕᬕ᭟ᬲᬧᬸᬦᬶᬓᬓᬩᬯᭀᬲᬂ᭞ᬧᬓ᭄ᬭᬶᬫᬶᬓ᭄ᬯᬤ᭄ᬯᬦᬾᬲᬫᬶ᭞ᬧᬭᬶᬲᭂᬮ᭄ᬲᭂᬮ᭄ᬭᬶᬂᬲᬂᬦᬵᬣ᭞ᬳᬦ᭄ᬢᬸᬓ᭄ᬳᬶᬤᬫᬗ᭄ᬮᬶᬗ᭄ᬕᬶᬳᬶᬦ᭄᭞

[᭔᭐ 40A]
᭔᭐
ᬧᬯᬸᬗᬸᬦ᭄ᬤᬦᬾᬓᬶᬧᬢᬶᬄ᭞ᬲᬂᬕᬚᬄᬫᬥᬢᬦ᭄ᬧᬢᬹᬢ᭄᭞ᬢᬦᬵᬦᬹᬢ᭄ᬭᬶᬂᬧᬳᬶᬦ᭄ᬤᬶᬓᬦ᭄᭞ᬪᬓ᭄ᬢᬶᬦᬾᬓᬩᬯᭀᬲ᭄ᬯᬾᬘᬶ᭞ᬲᬗᬧᬢᬸᬢ᭄᭞ᬦᬾᬫᬗ᭄ᬓᬶᬦ᭄ᬫᬦᭂᬫᬸᬧᭂᬚᬄ᭟ᬲᬫᬶᬳᬗᭂᬦ᭄ᬲᬂᬗᬢᭀᬦᬂ᭞ᬮᬓ᭄ᬱᬡᬦ᭄ᬲ
ᬢ᭄ᬬᬦᬾᬲᬫᬶ᭞ᬭᬶᬓᬭᬶᬂᬧᬩᭂᬭᬢᬦ᭄᭞ᬜᬸᬚᬸᬃᬮᬬᭀᬦᬾᬫᬢᬶᬫ᭄ᬧᬶ᭞ᬯᬮᬸᬬᬓᬤᬶᬦᬶᬂᬩᬸᬓᬶᬢ᭄᭞ᬲᬢ᭄ᬬᬦᬾᬢᭂᬳᭂᬃᬭᬶᬂᬓᬬᬸᬦ᭄᭞ᬦᬢᬦ᭄ᬳᬦᬲᬦᬾᬳᭀᬩᬄ᭞ᬢᬦ᭄ᬧᬶᬬᬶᬤ᭄ᬳᬦᬂᬳᬓᬶᬓᬶᬢ᭄᭞ᬢᬸᬯᬶ
ᬢᬸᬳᬸ᭞ᬚᭂᬚᭂᬃᬓᬬᬸᬦᬾᬫᬲᬢ᭄ᬬ᭟ᬧᬢᬶᬄᬧᬶᬢᬃᬕᬕᬾᬲᭀᬦᬦ᭄᭞ᬜᬸᬚᬸᬃᬲᬳᬫᬗᬜ᭄ᬚᬮᬶ᭞ᬜᬳᬸᬧ᭄ᬧᬤᬦ᭄ᬧ᭄ᬭᬫᬶᬰ᭄ᬯᬭ᭄ᬬ᭞ᬲᬳᬫᬢᬸᬃᬩᬦ᭄ᬩᬦ᭄ᬲᭂᬤᬶᬄ᭞ᬳᬸᬤᬸᬄᬤᬾᬯᬳᬕᬸᬂᬳᬶᬲ᭄ᬢ᭄ᬭᬶ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂ
ᬭᬢᬸ᭞ᬢᬶᬢ᭄ᬬᬂᬧᬜ᭄ᬚᬓ᭄ᬭᬢᬸᬦᬶᬱ᭄ᬝ᭞ᬦᬳᭂᬦ᭄ᬭᬶᬂᬤᬾᬯᬾᬓ᭄ᬦᬾᬫᬗ᭄ᬓᬶᬦ᭄᭞ᬦᬶᬱ᭄ᬝᬢᬸᬳᬸ᭞ᬤᬤᭀᬲ᭄ᬤᬤᭀᬍᬕᬦ᭄ᬚᬕᬢ᭄᭟ᬢᬶᬢ᭄ᬬᬂᬤᬤᭀᬲ᭄ᬲᬲᬸᬭ᭄ᬬᬓᬦ᭄᭞ᬭᬶᬂᬚᬕᬢᬾᬲᬦᬾᬫᬗ᭄ᬓᬶᬦ᭄᭞ᬦᬢᬦ᭄ᬳ [ 41 ][᭔᭐ 40B]
᭔᭐
ᬦᬹᬢ᭄ᬭᬶᬂᬪᬶᬱᬫ᭞ᬲ᭄ᬯᬥᬃᬫ᭄ᬫᬦ᭄ᬧᬢᬶᬳᬾᬚᬢᬶ᭞ᬲᬶᬦᬄᬢᬶᬢ᭄ᬬᬂᬓᬳᬶᬘᬳᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬤᬦᬾᬳᬶᬧᬸᬦ᭄᭞ᬳᬫ᭄ᬧᬸᬭᬭᬢᬸᬳᬫ᭄ᬧᬸᬭ᭞ᬦᬳᭂᬦ᭄ᬢᬶᬢ᭄ᬬᬂᬳᬶᬯᬂᬫᬃᬕ᭄ᬕᬶ᭞ᬲ᭄ᬯᬾᬘ᭄ᬙᬭᬢᬸ᭞ᬗᬓ᭄ᬱᬫᬢᬶᬢ᭄ᬬᬂᬳᬶᬕᭂᬢᬧ᭄
᭟ᬧ᭄ᬭᬫᬶᬰ᭄ᬯᬭᬶᬫᬯᬘᬦ᭞ᬮᬯᬸᬢᬂᬢᬸᬢᬸᬭᬂᬚᬦᬶ᭞ᬳᬶᬦ᭄ᬤᬶᬓ᭄ᬮᬬᭀᬦ᭄ᬲᬶᬭᬦᬵᬣ᭞ᬤᬶᬚᬧᬾᬢ᭄ᬳᬶᬮᬶᬗᬶᬦ᭄ᬘᬳᬶ᭞ᬦᬶᬭᬜᬤ᭄ᬬᬕᭂᬮᬶᬲ᭄ᬧ᭄ᬭᬵᬧ᭄ᬢᬶ᭞ᬧ᭄ᬭᬬᬗᬶᬭᬶᬂᬳᬶᬤᬧᬸᬧᬸᬢ᭄᭞ᬦᬶᬭᬧᬶᬲᬭᬢ᭄ᬫᬲᬢ᭄ᬬ᭞ᬫᬸᬧᬸ
ᬢᬂᬳᬶᬥᭂᬧᬾᬪᬓ᭄ᬢᬶ᭞ᬭᬶᬂᬲᬂᬧ᭄ᬭᬪᬸ᭞ᬲᬶᬤ᭄ᬥᬦᭂᬧᭂᬢᬶᬦ᭄ᬲᬸᬩᬬ᭟ᬧᬢᬶᬄᬧᬶᬢᬃᬫᬢᬸᬃᬦᬶᬫ᭄ᬩᬮ᭄᭞ᬳᬸᬤᬸᬄᬤᬾᬯᬳᬕᬸᬗᬶᬲ᭄ᬢ᭄ᬭᬶ᭞ᬳᬶᬦ᭄ᬤᬶᬓ᭄ᬮᬬᭀᬦ᭄ᬲᬶᬭᬦᬵᬣ᭞ᬕᭂᬦᬄᬳᬶᬤᬲᬫ᭄ᬧᬸᬦ᭄ᬩᭂᬘᬶᬓ᭄᭞ᬲᬋᬂᬮᬬᭀᬦ᭄
ᬧᬢᬶᬄᬫᬦ᭄ᬢ᭄ᬭᬶ᭞ᬭᬶᬂᬲᭀᬃᬯᬶᬢ᭄ᬓᭂᬧᬸᬳᬾᬭᬢᬸ᭞ᬳᬶᬭᬶᬓᬕᭂᬦᬳᬂᬢᬶᬢ᭄ᬬᬂ᭞ᬲᬫᬶᬲᬵᬫ᭄ᬧᬸᬦ᭄ᬓᬋᬲᬶᬓᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬮᬬᭀᬦᬾᬤᬤᭀᬲ᭄ᬫᬸᬬᬕᬦ᭄᭟ᬧ᭄ᬭᬫᬶᬰ᭄ᬯᬭᬶᬫᬗ᭄ᬮᬦ᭄ᬢᬸᬭᬂ᭞ᬤᬶᬕᭂᬮᬶᬲ᭄ᬳᬶ

[᭔᭑ 41A]
᭔᭑
ᬤᬫᬫᬃᬕ᭄ᬕᬶ᭞ᬓᬳᬶᬭᬶᬂᬤᬾᬧᬢᬶᬄᬧᬶᬢᬃ᭞ᬫᬲᬭᬢᬂᬲᬶᬤ᭄ᬥᬕᭂᬮᬶᬲ᭄᭞ᬜᬸᬚᬸᬃᬮᬬᭀᬦ᭄ᬲᬂᬦᬃᬧ᭄ᬧᬢᬶ᭞ᬯᬶᬢ᭄ᬳᬃᬱᬢᬦ᭄ᬘᬮᬢᬸᬳᬸ᭞ᬫᬗ᭄ᬤᬲᬶᬤ᭄ᬥᬕᭂᬮᬶᬲ᭄ᬧ᭄ᬭᬵᬧ᭄ᬢ᭞ᬜᬤ᭄ᬬᬫᬜᬶᬳ᭄ᬦᬬᬂᬪᬓ᭄ᬢᬶ᭞ᬭᬶᬂᬲᬂᬧ᭄ᬭᬪᬸ᭞ᬲ
ᬢ᭄ᬫᬓᬚᬸᬯᬶᬢᬦᬶᬤ᭟ᬕᭂᬮᬶᬲᬂᬧᬸᬦᬂᬘᬭᬶᬢ᭞ᬧ᭄ᬭᬫᬶᬰ᭄ᬯᬭᬶᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶ᭞ᬓᬧᬗ᭄ᬕᬶᬄᬮᬬᭀᬦ᭄ᬲᬂᬦᬵᬣ᭞ᬕᭂᬮᬶᬲ᭄ᬳᬶᬤᬫᬗᬜ᭄ᬚᬮᬶ᭞ᬧᬶᬢᭂᬮᬲ᭄ᬳᬢᬸᬭᬾᬫᬗ᭄ᬓᬶᬦ᭄᭞ᬳᬸᬤᬸᬄᬩᭂᬮᬶᬩᭂᬮᬶᬧ᭄ᬭᬪᬸ᭞ᬢᬶᬢ᭄ᬬᬂᬜᬤ᭄ᬬ
ᬫᬗᬶᬭᬶᬗᬂ᭞ᬲ᭄ᬯᬾᬘ᭄ᬙᬵᬭᬢᬸᬜᬦ᭄ᬢᭀᬲ᭄ᬫᬗ᭄ᬓᬶᬦ᭄᭞ᬓᭂᬦᬶᬤᬸᬭᬸᬲ᭄᭞ᬧᬫᬃᬕ᭄ᬕᬶᬦᬾᬫᬓᬭᭀᬦᬦ᭄᭟ᬧ᭄ᬭᬫᬶᬰ᭄ᬯᬭᬶᬯᬸᬲ᭄ᬲᬬᬕ᭞ᬳᬶᬤᬲᬵᬫ᭄ᬧᬸᬦ᭄ᬗᬸᬦᬸᬲ᭄ᬓᭂᬭᬶᬲ᭄᭞ᬢᬸᬫᬸᬮᬶᬫᬦᬸᬯᭂᬓ᭄ᬭᬕ᭞ᬭᬄᬳᬶᬤᬤᭂᬋᬲ᭄ᬳᬸᬫᬶᬚᬶ
ᬮ᭄᭞ᬮᬾᬮᭀᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬧ᭄ᬭᬫᬡᬦᬾᬲᬵᬫ᭄ᬧᬸᬦ᭄ᬓᬾᬭᬸᬄ᭞ᬳᬲ᭄ᬯᬵᬲᬫᬫᭂᬕᬢ᭄ᬫᭂᬕᬢ᭄᭞ᬭᬭᬶᬲ᭄ᬫᬘᭂᬧᭀᬮ᭄ᬦᬾᬫᬗ᭄ᬓᬶᬦ᭄᭞ᬳᬶᬤᬧᬸᬧᬸᬢ᭄᭞ᬧ᭄ᬭᬫᬶᬰ᭄ᬯᬭ᭄ᬬᬲᬵᬫ᭄ᬧᬸᬦ᭄ᬧᭂᬚᬄ᭟ᬲᬦᬾᬫᬗ᭄ᬓᬶᬦ᭄ᬓᬘ᭄ᬭᬶ [ 42 ][᭔᭑ 41B]
᭔᭑
ᬢᬬᬂ᭞ᬧᬭᬭᬩᬶᬧᬢᬶᬄᬫᬦ᭄ᬢ᭄ᬭᬶ᭞ᬲᬫᬶᬲᬵᬫ᭄ᬧᬸᬦ᭄ᬯᬸᬲ᭄ᬲᬬᬕ᭞ᬗᬶᬭᬶᬗᬂᬲᬂᬧ᭄ᬭᬫᬶᬰ᭄ᬯᬭᬶ᭞ᬯᬸᬲ᭄ᬤᬦᬾᬗᬢᬸᬭᬂᬪᬓ᭄ᬢᬶ᭞ᬲᭀᬯᬂᬲᭀᬯᬂᬭᬶᬲᬂᬓᬓᬸᬂ᭞ᬘᬶᬳ᭄ᬦᬪᬓ᭄ᬢᬶᬦᬾᬫᬭᬩ᭄ᬬᬦ᭄᭞ᬲᬫᬶᬲᬵᬫ᭄ᬧᬸᬦ᭄ᬗᬸᬦᬸᬲ᭄ᬓᭂᬭᬶ
ᬲ᭄᭞ᬲᬳᬜᬸᬤᬸᬓ᭄᭞ᬫᬸᬧᬸᬢᬂᬭᬕᬲᬧᬶᬲᬦ᭄᭟ᬧᬭᬲᬢ᭄ᬬᬦᬾᬯᬸᬲ᭄ᬪ᭄ᬭᬱ᭄ᬝ᭞ᬲᬫᬶᬧᬸᬧᬸᬢ᭄ᬲᬦᬾᬫᬗ᭄ᬓᬶᬦ᭄᭞ᬧᬢᬶᬄᬧᬶᬢᬃᬫᬤᬩ᭄ᬤᬩᬂ᭞ᬦᬸᬧ᭄ᬢᬸᬧᬂᬮᬬᭀᬦᬾᬲᬫᬶ᭞ᬗᬫ᭄ᬩ᭄ᬬᬃᬲᬫᬶᬗᬶᬭᬶᬂᬭ
ᬩᬶ᭞ᬓᬤᬶᬫᬓᬭᭀᬦᬦ᭄ᬢᬸᬳᬸ᭞ᬜᬤ᭄ᬬᬗᬸᬗ᭄ᬲᬶᬲ᭄ᬯᬃᬕ᭄ᬕᬮᭀᬓ᭞ᬲ᭄ᬯᬾᬘ᭄ᬙᬵᬪᬓ᭄ᬢᬶᬦᬾᬫᬓᬶᬮᬶᬢ᭄᭞ᬢᬸᬳᬸᬳᬤᬸᬂ᭞ᬦᬢᬦ᭄ᬲᬶᬤ᭄ᬥᬮᬮᬶᬲ᭄ᬧᬲᬄ᭟ᬲᬾᬬᭀᬲ᭄ᬭᬶᬂᬭᬩᬶᬦ᭄ᬓᬶᬧᬶᬢᬃ᭞ᬧᬜ᭄ᬚ᭄ᬭᭀᬯᬦᬾᬫᬓᬵ
ᬲᬫᬶ᭞ᬲᬦᬾᬓᬦ᭄ᬢᬸᬦ᭄ᬦᬢᬦ᭄ᬧᭂᬚᬄ᭞ᬲᬫᬶᬓᬳᬢᬸᬭᬂᬫᬗ᭄ᬓᬶᬦ᭄᭞ᬭᬶᬗᬶᬤᬲᬂᬰ᭄ᬭᬷᬪᬸᬧᬢᬶ᭞ᬮᬾᬤᬂᬓᬬᬸᬦ᭄ᬲᬶᬭᬧ᭄ᬭᬪᬸ᭞ᬫᬜᬶᬗᬓ᭄ᬲᭀᬮᬄᬓᬶᬧᬶᬢᬃ᭞ᬗᬢᬸᬭᬂᬲᬳᬵᬲᬸᬪᬓ᭄ᬢᬶ᭞ᬘᬶᬳ᭄ᬦᬦᬸᬗ᭄ᬓᬸᬮ᭄᭞ᬭᬶᬂ

[᭔᭒ 42A]
᭔᭒
ᬳᬗ᭄ᬕᬦ᭄ᬳᬶᬤᬲᬂᬦᬵᬣ᭟ᬲᬶᬭᬧ᭄ᬭᬪᬸᬯᬶᬮᬢᬶᬓ᭄ᬝ᭞ᬓᬘ᭄ᬭᬶᬢᬬᬂᬲᬦᬾᬫᬗ᭄ᬓᬶᬦ᭄᭞ᬧ᭄ᬭᬫᬮᬾᬤᬂᬚ᭄ᬭᭀᬦᬶᬂᬘᬶᬢ᭄ᬢ᭞ᬜᬤ᭄ᬬᬜᬗ᭄ᬕ᭄ᬭᬭᬤᬾᬦ᭄ᬤᬾᬯᬶ᭞ᬤᬶᬕᭂᬮᬶᬲ᭄ᬳᬶᬤᬗ᭄ᬭᬯᬸᬳᬶᬦ᭄᭞ᬭᬶᬂᬧᬲᬗ᭄ᬕ᭄ᬭᬳᬦ᭄ᬫᬜᬸᬚᬸᬃ᭞ᬓᬕ᭄ᬬᬢ᭄ᬓ
ᬬᬸᬦᬾᬫᬜᬶᬗᬓ᭄᭞ᬮᬬᭀᬦᬶᬤᬭᬤᬾᬦ᭄ᬤᬾᬯᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬮᬬᭀᬦᬾᬫᬓᭂᬋᬩ᭄ᬧᭂᬢᬓ᭄᭟ᬓᭂᬋᬩ᭄ᬮᬬᭀᬦᬾᬓᬮᬸᬓᬃ᭞ᬲᬕᬾᬢ᭄ᬧᬗ᭄ᬕᬶᬄᬭᬤᬾᬦ᭄ᬤᬯᬶ᭞ᬲ᭄ᬯᬪᬯᬦᬾᬓᬸᬫᭂᬤᬧ᭄ᬕᬮᬂ᭞
ᬘᬃᬫ᭄ᬫᬦᬶᬤᬮᬸᬫ᭄ᬮᬸᬫ᭄ᬕᬤᬶᬂ᭞ᬮᬬᭀᬦᬾᬫᬲᭂᬫᬸᬓᭂᬜᬶᬂ᭞ᬲᬢ᭄ᬫᬓᬜᬧᬲᬂᬧ᭄ᬭᬪᬸ᭞ᬫᬳᬢᬸᬃᬫᬺᬥᬸᬓᭀᬫᬮ᭞ᬳᬸᬤᬸᬄᬩᭂᬮᬶᬯᬯᬸᬧ᭄ᬭᬵᬧ᭄ᬢᬶ᭞ᬩᭂᬮᬶᬩᬕᬸᬲ᭄᭞ᬮᬫᬶᬢᬶᬢ᭄ᬬᬂᬫᬜᬦ᭄ᬢᭀᬲᬂ᭟ᬳᬫ᭄ᬧᬸᬭᬭᬢᬸᬳᬫ᭄ᬧᬸ
ᬭ᭞ᬮᬸᬕ᭄ᬭᬳᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄᭞ᬮᬾᬤᬂᬗᬂᬓᬬᬸᬦ᭄ᬳᬶᬤᬾᬯ᭞ᬩᭂᬘᬶᬓ᭄ᬩᭂᬘᬶᬓ᭄ᬭᬢᬸᬫᬗ᭄ᬓᬶᬦ᭄᭞ᬫᬮᬶᬗ᭄ᬕᬶᬄᬭᬢᬸᬭᬶᬂᬧᬸᬭᬶ᭞ᬧᬹᬃᬡ᭄ᬦᬬᬂᬓᬬᬸᬦᬾᬭᬢᬸ᭞ᬓᬧᬸᬗ᭄ᬓᬸᬃᬢᬶᬢ᭄ᬬᬂᬗᬶᬭᬶᬗᬂ᭞ᬳᬃᬱᬦ᭄ᬭᬢᬸᬲᬂᬦᬃᬧ᭄ᬧᬢᬶ᭞ᬲᬶᬤ᭄ᬥ [ 43 ][᭔᭒ 42B]
᭔᭒
ᬤᬸᬭᬸᬲ᭄᭞ᬫᬗᬶᬓᭂᬢᬂᬚᬢᬸᬓᬃᬫ᭄ᬫ᭟ᬲᬵᬫ᭄ᬧᬸᬦ᭄ᬭᬢᬸᬫᬯᬗᭂᬦᬦ᭄᭞ᬭᬶᬂᬢᬸᬤᬸᬄᬳᬶᬤᬳ᭄ᬬᬂᬯᬶᬥᬶ᭞ᬢᬦᬵᬤᭀᬄᬭᬶᬂᬲᬸᬓᬤᬸᬳ᭄ᬓ᭞ᬧᬫᬃᬕ᭄ᬕᬶᬦ᭄ᬚᬕᬢᬾᬧᬱ᭄ᬝᬶ᭞ᬢᬦ᭄ᬧᬾᬦ᭄ᬤᬄᬭᬳᬶᬦᬯᭂᬗᬶ᭞ᬳᬶᬍᬳᬦ᭄ᬚᬕᬢᬾᬢᬸᬳᬸ᭞
ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬫᬲᬳᬂ᭞ᬫᬘᬶᬳ᭄ᬦᬲᬓᬤᬶᬫᬗ᭄ᬓᬶᬦ᭄᭞ᬲ᭄ᬯᬾᬘ᭄ᬙᬵᬭᬢᬸ᭞ᬫᬹᬃᬡ᭄ᬦᬬᬂᬧᬧᬫᬶᬢ᭄ᬢᬶᬢ᭄ᬬᬂ᭟᭜᭟ᬧᬸᬧᬸᬄᬫᬵᬲ᭄ᬓᬸᬫᬫ᭄ᬩᬂ᭟᭜᭟ᬲᬶᬭᬦᬵᬣᬲᬸᬗ᭄ᬲᬸᬢ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬓᬤᬶᬢᬦ᭄ᬧᬚᬶᬯ᭞ᬮᬾᬫ᭄ᬧᭀᬃᬭᬲ
ᬢᬦ᭄ᬧᬕᬮᬶᬄ᭞ᬫᬘᭂᬮᭀᬲ᭄ᬧ᭄ᬭᬫᬡᬦᬶᬤ᭟ᬭᬲᬫ᭄ᬮᬘ᭄ᬙᬫᬜᬶᬂᬳᬶᬤᬭᬤᬾᬦ᭄ᬤᬾᬯᬶ᭞ᬲᬳᬗᭂᬮᬸᬢ᭄ᬗᬭᬲ᭄᭞ᬜᬳᬸᬧ᭄ᬢᬗᬦ᭄ᬜᬤ᭄ᬬᬗᬶᬭᬶᬂ᭞ᬫᬜᬸᬚᬸᬃᬭᬶᬸᬭᬶᬂᬇᬦ᭄ᬤ᭄ᬭᬮᭀᬓ᭟ᬢᬦ᭄ᬧᬕᬸᬡᬜᭂᬦᭂᬗᬶᬤᬓ
ᬤᬶᬫᬗ᭄ᬓᬶᬦ᭄᭞ᬳᬸᬭᬶᬧ᭄ᬦᬦ᭄ᬤᬂᬮᬭ᭞ᬭᬤᬾᬦ᭄ᬤᬾᬯᬶᬫᬦᬶᬗ᭄ᬕᬮᬶᬦ᭄᭞ᬓᬂᬧᬶᬦᬓᬚᬶᬯᬦᬶᬤ᭟ᬳᬃᬣᬩ᭄ᬭᬡᬲᬃᬯ᭄ᬯᬫᬸᬮᬾᬤᬕᬶᬂᬧᬸᬭᬶ᭞ᬢᬦ᭄ᬫᬜ᭄ᬚᬶᬂᬭᬶᬗᬃᬱ᭞ᬧᬸᬧᬸᬢ᭄ᬓᬬᬸᬦᬾᬲᬸᬚᬢᬶ᭞ᬚᭀᬮᭀᬢ᭄ᬭᬶᬂᬲ

[᭔᭓ 43A]
᭔᭓
ᬗᬬᬸᬤ᭄ᬬᬄ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬶᬭᬧ᭄ᬭᬪᬸᬯᬶᬮᬢᬶᬓ᭄ᬝ᭞ᬫᭂᬢᬸᬓᬦ᭄ᬢᬸᬳᬶᬤᬫᬗ᭄ᬓᬶᬦ᭄᭞ᬮᬾᬮᭀᬢᬦᬾᬮᬶᬂᬭᬶᬂᬭᬕ᭞ᬲᬂᬗᬶᬭᬶᬂᬓᬕᭂᬫᬦ᭄ᬲᬫᬶ᭞ᬲᬫᬶᬲᭂᬤᬶᬄᬫᬗᭂᬢᭀᬦᬶᬦ᭄᭞ᬭᬶᬗᬶᬦ᭄ᬤᬶᬓ᭄ᬳᬶᬤᬲᬂᬧ᭄ᬭᬪᬸ᭞ᬓᬢᬶ
ᬗ᭄ᬕᬮᬶᬦ᭄ᬧᬸᬱ᭄ᬧᬦᬃᬱ᭞ᬲᬭᬶᬦᬵᬃᬱᬲᬶᬭᬚᬢᬶ᭞ᬭᬤᬾᬦ᭄ᬕᬮᬸᬄ᭞ᬮᬯᬲ᭄ᬮᬫᬶᬓᬲᬭᬢᬂ᭟ᬳᬾᬯᬧᬗᬶᬭᬶᬗᬾᬲᬫ᭄ᬬᬦ᭄᭞ᬦᬸᬮᬸᬂᬳᬶᬤᬲᬂᬦᬃᬧ᭄ᬧᬢᬶ᭞ᬲᬸᬯᬾᬢᬦᬾᬮᬶᬂᬭᬶᬗᬗ᭄ᬕ᭞ᬳᬶᬜ᭄ᬘᬸᬄᬲᬫᬶᬗᬫᬭᬦᬶᬦ᭄᭞ᬢᬗ
ᬦ᭄ᬘᭀᬓᭀᬃᬓᬧᭂᬢᭂᬓᬶᬦ᭄᭞ᬯᬾᬦ᭄ᬢᭂᬦ᭄ᬗ᭄ᬭᬳᬸᬧᬶᬦ᭄ᬲᬂᬧ᭄ᬭᬪᬸ᭞ᬲᬳᬓᬲᬶᬭᬢᬶᬦ᭄ᬢᬶᬃᬣ᭞ᬢᬶᬃᬣᬳᬫᬺᬢᬦᬾᬲᬸᬘᬶ᭞ᬓᭂᬦᬶᬮᬦᬸᬲ᭄᭞ᬲᬂᬧ᭄ᬭᬪᬸᬤᬶᬕᭂᬮᬶᬲ᭄ᬓᬾᬦᬓ᭄᭟ᬰ᭄ᬭᬷᬅᬬᬫ᭄ᬯᬸᬭᬸᬓ᭄ᬳᬶᬦᬸᬘᬧ᭄᭞ᬯᬸᬲᬾᬮᬶᬂᬳᬶ
ᬤᬦᬾᬫᬗ᭄ᬓᬶᬦ᭄᭞ᬫᬯᬘᬦᬲᬤᬩᬦ᭄ᬩᬦ᭄᭞ᬧᬫᬦ᭄ᬧᬢᬶᬢᬡ᭄ᬥᬫᬦ᭄ᬢ᭄ᬭᬶ᭞ᬩᬳᬸᬤᬡ᭄ᬥᬫᬓᬲᬫᬶ᭞ᬓᭂᬦᬘᬳᬶᬳᬧᬂᬕᬸᬧᬸᬄ᭞ᬫᬦᬩ᭄ᬤᬩᬂᬮᬬᭀᬦᬶᬤ᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬫᬳᬶᬧᬸᬦ᭄ᬤᬸᬢ᭄᭞ᬤᬶᬦᬶᬧ [ 44 ][᭔᭓ 43B]
᭔᭓
ᬘᬗᬶᬭᬶᬂᬦᬶᬭ᭟ᬤᬶᬦᬶᬳᬶᬤᬉᬧᬓᬵᬭ᭞ᬲᬋᬂᬳᬶᬤᬭᬤᬾᬦ᭄ᬤᬾᬯᬶ᭞ᬲᬶᬤ᭄ᬥᬳᬶᬤᬫᬓᬭᭀᬦᬦ᭄᭞ᬧᬫᬃᬕ᭄ᬕᬦ᭄ᬳᬶᬤᬦᬾᬫᬗ᭄ᬓᬶᬦ᭄᭞ᬜᬸᬚᬸᬃᬇᬦ᭄ᬤ᭄ᬭᬮᭀᬓᬚᬢᬶ᭞ᬧᬗᬧ᭄ᬢᬶᬦ᭄ᬦᬶᬭᬦᬾᬢᬸᬳᬸ᭞ᬓᭂᬦᬶᬳᬶᬤᬗᬫ᭄ᬧᬸᬭᬬᬂ᭞ᬦᬶᬭ
ᬫ᭄ᬭᬲᬳᬶᬯᬂᬫᬃᬕ᭄ᬕᬶ᭞ᬭᬶᬂᬲᬂᬧ᭄ᬭᬪᬸ᭞ᬫᬗ᭄ᬕᬮᬦᬶᬂᬚᬕᬢ᭄ᬲᬸᬡ᭄ᬥ᭟ᬧᬭᬫᬦ᭄ᬢ᭄ᬭᬶᬩᬳᬸᬤᬡ᭄ᬥ᭞ᬧᬗᬶᬭᬶᬂᬲᬶᬭᬦᬃᬧᬢᬶ᭞ᬲᬫᬶᬲᬳᬕᬕᬾᬲᭀᬦᬦ᭄᭞ᬤᬶᬕᭂᬮᬶᬲ᭄ᬲᬫᬶᬫᬫᬃᬕ᭄ᬕᬶ᭞ᬫᬗᬺᬋᬄᬮᬬᭀᬦᬾᬫᬗ᭄ᬓᬶᬦ᭄᭞ᬓᬤᬶ
ᬳᬃᬱᬦ᭄ᬲᬶᬭᬧ᭄ᬭᬪᬸ᭞ᬓᬳᬶᬭᬶᬂᬭᬶᬂᬧᬲᬗ᭄ᬕ᭄ᬭᬳᬦ᭄᭞ᬫᬗ᭄ᬤᬲᬶᬤᬤᬤᭀᬲ᭄ᬜᬶᬓᬶ᭞ᬲᬶᬭᬧ᭄ᬭᬪᬸ᭞ᬓᬳᬶᬭᬶᬂᬮᬦ᭄ᬓᬸᬮᬯᬃᬕ᭄ᬕ᭟ᬮᬬᭀᬦᬶᬤᬧ᭄ᬭᬪᬸᬲᬸᬡ᭄ᬥ᭞ᬧᬸᬢ᭄ᬭᬦᬾᬮᬦ᭄ᬧ᭄ᬭᬫᬶᬰ᭄ᬯᬭᬶ᭞ᬲᬧᬶᬲᬦᬦ᭄ᬲᬋᬂᬢᬶᬕ᭞ᬲ
ᬕᭂᬋᬳᬦ᭄ᬯᬸᬲ᭄ᬓᬪᬱ᭄ᬫᬶ᭞ᬭᬶᬂᬧᬲᬗ᭄ᬕ᭄ᬭᬳᬦ᭄ᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬯᬶᬮᬢᬶᬓ᭄ᬝᬧ᭄ᬭᬪᬸ᭞ᬓᬳᬶᬭᬶᬂᬮᬦ᭄ᬧ᭄ᬭᬪᬸᬤᭂᬳ᭞ᬧ᭄ᬭᬪᬸᬓᬸᬭᬶᬧᬦ᭄ᬜᬋᬗᬶᬦ᭄᭞ᬲᬶᬤᬧᬸᬧᬸᬢ᭄᭞ᬭᬶᬂᬭᬳᬶᬦᬦᬾᬧᬸᬦᬶᬓᬵ᭟ᬩᬳᬸᬤᬡ᭄ᬥᬲᬶᬦ

[᭔᭔ 44A]
᭔᭔
ᬫ᭄ᬬᬦ᭄᭞ᬮᬦ᭄ᬲᬢ᭄ᬬᬦᬾᬫᬓᬲᬫᬶ᭞ᬚᬯᬶᬲᬸᬡ᭄ᬥᬓᬲᬶᬓ᭄ᬬᬂ᭞ᬢᬍᬃᬲᬫᬶᬯᬸᬲ᭄ᬓᬪᬱ᭄ᬫᬶ᭞ᬫᬗ᭄ᬤᬲᬶᬤᬧᬸᬧᬸᬢᬸᬕᬶ᭞ᬫᬦᬹᬢᬃᬱᬦ᭄ᬲᬶᬭᬧ᭄ᬭᬪᬸ᭞ᬢᬦ᭄ᬓᬮᬸᬕ᭄ᬭᬫᬕᬦ᭄ᬢᬸᬮᬦ᭄᭞ᬭᬶᬂᬭᬳᬶᬦᬦᬾᬦᬾᬫᬗ᭄ᬓᬶᬦ᭄᭞ᬲᬶᬤᬧᬸᬧᬸᬢ᭄᭞
ᬧᬓᬃᬬ᭄ᬬᬦᬾᬲᬶᬤᬓᬃᬬ᭄ᬬ᭟ᬮᬦ᭄ᬢᬸᬭᬂᬧᬸᬦᬂᬘᬭᬶᬢ᭞ᬧᬗᬸᬧᬓᬵᬭᬦᬾᬲᬫᬶ᭞ᬯᬸᬲ᭄ᬧᬸᬧᬸᬢ᭄ᬓᬮᬓ᭄ᬱᬡᬬᬂ᭞ᬢᭂᬕᭂᬧ᭄ᬲᬫ᭄ᬧᬸᬦ᭄ᬓᬤᬶᬚᬢᬶ᭞ᬫᬸᬗ᭄ᬕᬸᬄᬭᬶᬗᬕᬫᬧᬱ᭄ᬝᬶ᭞ᬢᬦ᭄ᬯᬾᬦ᭄ᬢᭂᬦ᭄ᬫᬓᬶᬭᬂᬮᬗ᭄ᬓᬸᬂ᭞ᬓᬦ᭄ᬤᬸ
ᬕᬶᬳᬶᬤᬲᬂᬦᬵᬣ᭞ᬮᭀᬕᬲ᭄ᬓᬬᬸᬦᬶᬤᬫᬗ᭄ᬓᬶᬦ᭄᭞ᬫ᭄ᬯᬮᬶᬫᬦ᭄ᬢᬸᬓ᭄᭞ᬓᬳᬶᬭᬶᬂᬮᬦ᭄ᬩᬳᬸᬤᬡ᭄ᬥ᭟ᬓᬘ᭄ᬭᬶᬢᬢᭂᬗᬳᬶᬂᬫᬃᬕ᭄ᬕ᭞ᬳᭀᬲᭂᬓ᭄ᬓᬬᬸᬦ᭄ᬲᬂᬦᬃᬧ᭄ᬧᬢᬶ᭞ᬳᬾᬮᬶᬂᬭᬶᬂᬲᬗᬬᬸᬤ᭄ᬬᬄ᭞ᬚᭀᬮᭀᬢ᭄ᬓ
ᬬᬸᬦᬾᬫᬩᬸᬗ᭄ᬓᬶᬮ᭄᭞ᬭᬶᬗᬶᬤᬲᬂᬭᬤᬾᬦ᭄ᬤᬾᬯᬶ᭞ᬲᬭᬶᬦᬵᬃᬱᬦᬶᬤᬢᬸᬳᬸ᭞ᬮᬶᬮᬬᬂᬢᭀᬂᬲᬶᬤᬧᬹᬃᬡ᭄ᬦ᭞ᬧᬹᬃᬡ᭄ᬦᬬᬂᬫᬯᬸᬯᬸᬄᬳᬾᬮᬶᬂ᭞ᬭᬶᬂᬲᬗᬬᬸ᭞ᬲᬂᬲᬵᬫ᭄ᬧᬸᬦ᭄ᬫᬭᬕᬮᬶᬡ᭟᭜᭟ᬰ᭄ᬭᬷᬅᬬᬫ᭄ᬯᬸᬭᬸ [ 45 ][᭔᭔ 44B]
᭔᭔
ᬓ᭄ᬲᬸᬗ᭄ᬓᬦ᭄ᬓᬬᬸᬦ᭄ᬗᬭᬭᬶᬲ᭄ᬮᭂᬩᬃ‌᭟ᬧᬸᬧᬸᬄᬲᭂᬫᬭᬦ᭄ᬤᬦ᭟᭜᭟ᬓᬘ᭄ᬭᬶᬢᬬᬂᬲᬦᬾᬫᬗ᭄ᬓᬶᬦ᭄᭞ᬰᬹᬦ᭄ᬬᬫᬂᬫᬸᬂᬭᬶᬂᬧᬸᬭ᭄ᬬᬦ᭄᭞ᬲᬂᬦᬵᬣᬲᬸᬗ᭄ᬲᬸᬢ᭄ᬓᬬᬸᬦᬾ᭞ᬳᬭᬂᬧ᭄ᬭᬵᬧ᭄ᬢᬭᬶᬂᬧᬲᬾᬪᬦ᭄᭞ᬢᬦ᭄ᬮᬾᬤᬂᬫᬯᭀᬲᬶᬦ᭄ᬚᬕᬢ᭄᭞ᬓ
ᬬᬸᬦᬶᬤᬦ᭄ᬭᬯᬂᬦ᭄ᬭᬸᬯᬸᬂ᭞ᬳᭀᬲᭂᬓᬶᬤᬚ᭄ᬭᭀᬦᬶᬂᬘᬶᬢ᭄ᬢ᭟ᬓᬩ᭄ᬬᬄᬧᬭᬰ᭄ᬭᬷᬪᬹᬧᬢᬶ᭞ᬢᭀᬬᬵᬦ᭄ᬧᬦᭀᬦᬾᬤᬺᬲ᭄ᬫᭂᬤᬮ᭄᭞ᬤᬾᬦᬶᬂᬓᬮᬶᬦ᭄ᬢᬂᬲᬸᬗ᭄ᬲᬸᬢᬾ᭞ᬧᬹᬃᬡ᭄ᬦᬬᬂᬢᭀᬂᬲᬶᬤᬧᬹᬃᬡ᭄ᬦ᭞ᬦᬶᬢ᭄ᬬᬓᬵᬮᬲᬶ
ᬭᬫ᭄ᬮᬘ᭞ᬯᬃᬡ᭄ᬦᬦᬶᬤᬭᬤᬾᬦ᭄ᬕᬮᬸᬄ᭞ᬭᬢᬸᬳᬬᬸᬲᭂᬓᬃᬲᬸᬡ᭄ᬥ᭟ᬭᬲᬳᬶᬤᬭᬤᬾᬦ᭄ᬤᬾᬯᬶ᭞ᬫᬫᭂᬦ᭄ᬤᬓ᭄ᬲᬶᬭᬲᬂᬦᬵᬣ᭞ᬫᭂᬢᬸᬧ᭄ᬭᬧ᭄ᬢᬓᬤᬶᬫᬗ᭄ᬓᬾ᭞ᬲᬗᬬᬸᬲᬳᬗᬤ᭄ᬧᬤ᭞ᬲᬳᬫᬗᬢᬸᬭᬂ
ᬘᬦᬂ᭞ᬫᬮᬶᬗ᭄ᬕᬶᬄᬳᬶᬤᬫᬢᬶᬫ᭄ᬧᬸᬄ᭞ᬫᬭᬶᬂᬳᬚᭂᬂᬰ᭄ᬭᬷᬦᬭᬾᬦ᭄ᬤ᭄ᬭ᭟ᬲᬗᬬᬸᬫᬲᭂᬫᬸᬓᭂᬜᬶᬂ᭞ᬪᬯᬦᬾᬓᬸᬫᭂᬤᬧ᭄ᬕᬮᬂ᭞ᬫᭂᬓ᭄ᬫᭂᬓ᭄ᬢᬸᬃᬯᬶᬮᬶᬲ᭄ᬭᭀᬫᬦᬾ᭞ᬫᬤ᭄ᬬᬍᬗ᭄ᬓ᭄ᬬᬂᬫᬕᬾᬮᭀᬳᬦ᭄᭞ᬳ

[᭔᭕ 45A]
᭔᭕
ᬕ᭄ᬫᭂᬤᬮ᭄᭞ᬯᬸᬲ᭄ᬓᬶᬭᬶᬲ᭄ᬳᬗ᭄ᬕᬦ᭄ᬲᬂᬦᬵᬣ᭞ᬯᬃᬡ᭄ᬦᬶᬦ᭄ᬳᬶᬤᬘᭂᬮᭀᬗᬘᬸᬫ᭄᭞ᬕᬸᬮᬓ᭄ᬕᬸᬮᬶᬓ᭄ᬭᬶᬂᬧᬫᬺᬫᬦ᭄᭟ᬲᬬᬦ᭄ᬮᬫᬶᬲᬬᬦ᭄ᬓᬶᬭᬶᬲ᭄᭞ᬧᬜᬸᬗ᭄ᬓᬦᬾᬲᬬᬦ᭄ᬭᬳᬢ᭄᭞ᬤᬳᬢ᭄‌‌ᬰᬹᬦ᭄ᬬᬫᬗ᭄ᬓᬾ᭞ᬳᬶᬭᬶᬓᬭᬶᬂᬯᬶᬮᬢᬶᬓ᭄ᬝ᭞ᬧ
ᬜ᭄ᬚᬓ᭄ᬲᬫᬶᬗᬲ᭄ᬢᬯᬬᬂ᭞ᬲᬶᬤ᭄ᬥᬕᭂᬮᬶᬲ᭄ᬲᬶᬭᬧ᭄ᬭᬪᬸ᭞ᬓᬾᬦᬓ᭄‌‌ᬫᭀᬮᬶᬄᬓᬭᬳᬃᬚ᭄ᬚᬦ᭄᭟ᬲᬫᬶᬋᬲ᭄ᬭᬶᬂᬚ᭄ᬭᭀᬦᬶᬗᬢᬶ᭞ᬫᬗᬢᭀᬦᬂᬲᬶᬭᬦᬵᬣ᭞ᬳᬦ᭄ᬢᬸᬓ᭄ᬭᬳᬢ᭄ᬧᬦᬸᬗ᭄ᬓᬦᬾ᭞ᬢᬦ᭄ᬲᬶᬤ᭄ᬥᬫᭀ
ᬮᬶᬳᬶᬂᬢᬫ᭄ᬩ᭞ᬲᬶᬤ᭄ᬥᬳᬶᬤᬧᬘᬂᬜ᭄ᬯᬃᬕ᭄ᬕ᭞ᬧᬜ᭄ᬚᬓ᭄ᬲᬫᬶᬧᬥᬕᬸᬧᬸᬄ᭞ᬜᬢᬸᬃᬤᬾᬰᬗ᭄ᬭᬸᬭᬸᬄᬩᬮ᭄ᬬᬦ᭄᭟᭜᭟ᬧᬸᬧᬸᬄᬫᬲ᭄ᬓᬸᬫᬫ᭄ᬩᬂ᭟᭜᭟ᬳᬶᬦᬸᬘᬧᬦ᭄ᬳᬾᬢᬗᬦ᭄ᬰᬰᬶᬳᬾᬧᬱ᭄ᬝᬶ᭞ᬤᬸᬓ᭄ᬰᬰᬶᬄᬓᬵᬃ
ᬢ᭄ᬢᬶᬓ᭞ᬢᬗ᭄ᬕᬮ᭄ᬜᬮᬶᬫᭀᬮᬲ᭄ᬧᬱ᭄ᬝᬶ᭞ᬧᬫᬃᬕ᭄ᬕᬶᬦᬶᬤᬲᬂᬦᬵᬣ᭟ᬳᬶᬤᬜ᭄ᬯᬃᬕ᭄ᬕᬧᬜ᭄ᬚᬓᬾᬓᬦ᭄ᬤᬸᬕᬶᬲᭂᬤᬶᬄ᭞ᬓᬸᬮ᭄ᬓᬸᬮ᭄ᬧᬚᭂᬦᭂᬗᬦ᭄᭞ᬲᬫᬶᬓᬢᭂᬧᬓ᭄ᬦᬾᬫᬗ᭄ᬓᬶᬦ᭄᭞ᬲ᭄ᬯᬭᬦ᭄ᬜᬦᬾᬫᬩ᭄ᬬᬬᬸᬳ [ 46 ][᭔᭕ 45B]
᭔᭕
ᬕ᭄ᬫᭂᬤᬮ᭄᭞ᬯᬸᬲ᭄ᬓᬶᬭᬶᬲ᭄ᬳᬗ᭄ᬕᬦ᭄ᬲᬂᬦᬵᬣ᭞ᬯᬃᬡ᭄ᬦᬶᬦ᭄ᬳᬶᬤᬘᭂᬮᭀᬗᬘᬸᬫ᭄᭞ᬕᬸᬮᬓ᭄ᬕᬸᬮᬶᬓ᭄ᬭᬶᬂᬧᬫᬺᬫᬦ᭄᭟ᬲᬬᬦ᭄ᬮᬫᬶᬲᬬᬦ᭄ᬓᬶᬭᬶᬲ᭄᭞ᬧᬜᬸᬗ᭄ᬓᬦᬾᬲᬬᬦ᭄ᬭᬳᬢ᭄᭞ᬤᬳᬢ᭄‌‌ᬰᬹᬦ᭄ᬬᬫᬗ᭄ᬓᬾ᭞ᬳᬶᬭᬶᬓᬭᬶᬂᬯᬶᬮᬢᬶᬓ᭄ᬝ᭞ᬧ
ᬜ᭄ᬚᬓ᭄ᬲᬫᬶᬗᬲ᭄ᬢᬯᬬᬂ᭞ᬲᬶᬤ᭄ᬥᬕᭂᬮᬶᬲ᭄ᬲᬶᬭᬧ᭄ᬭᬪᬸ᭞ᬓᬾᬦᬓ᭄‌‌ᬫᭀᬮᬶᬄᬓᬭᬳᬃᬚ᭄ᬚᬦ᭄᭟ᬲᬫᬶᬋᬲ᭄ᬭᬶᬂᬚ᭄ᬭᭀᬦᬶᬗᬢᬶ᭞ᬫᬗᬢᭀᬦᬂᬲᬶᬭᬦᬵᬣ᭞ᬳᬦ᭄ᬢᬸᬓ᭄ᬭᬳᬢ᭄ᬧᬦᬸᬗ᭄ᬓᬦᬾ᭞ᬢᬦ᭄ᬲᬶᬤ᭄ᬥᬫᭀ
ᬮᬶᬳᬶᬂᬢᬫ᭄ᬩ᭞ᬲᬶᬤ᭄ᬥᬳᬶᬤᬧᬘᬂᬜ᭄ᬯᬃᬕ᭄ᬕ᭞ᬧᬜ᭄ᬚᬓ᭄ᬲᬫᬶᬧᬥᬕᬸᬧᬸᬄ᭞ᬜᬢᬸᬃᬤᬾᬰᬗ᭄ᬭᬸᬭᬸᬄᬩᬮ᭄ᬬᬦ᭄᭟᭜᭟ᬧᬸᬧᬸᬄᬫᬲ᭄ᬓᬸᬫᬫ᭄ᬩᬂ᭟᭜᭟ᬳᬶᬦᬸᬘᬧᬦ᭄ᬳᬾᬢᬗᬦ᭄ᬰᬰᬶᬳᬾᬧᬱ᭄ᬝᬶ᭞ᬤᬸᬓ᭄ᬰᬰᬶᬄᬓᬵᬃ
ᬢ᭄ᬢᬶᬓ᭞ᬢᬗ᭄ᬕᬮ᭄ᬜᬮᬶᬫᭀᬮᬲ᭄ᬧᬱ᭄ᬝᬶ᭞ᬧᬫᬃᬕ᭄ᬕᬶᬦᬶᬤᬲᬂᬦᬵᬣ᭟ᬳᬶᬤᬜ᭄ᬯᬃᬕ᭄ᬕᬧᬜ᭄ᬚᬓᬾᬓᬦ᭄ᬤᬸᬕᬶᬲᭂᬤᬶᬄ᭞ᬓᬸᬮ᭄ᬓᬸᬮ᭄ᬧᬚᭂᬦᭂᬗᬦ᭄᭞ᬲᬫᬶᬓᬢᭂᬧᬓ᭄ᬦᬾᬫᬗ᭄ᬓᬶᬦ᭄᭞ᬲ᭄ᬯᬭᬦ᭄ᬜᬦᬾᬫᬩ᭄ᬬᬬᬸᬳ

[᭔᭖ 46A]
᭔᭖
ᬦ᭄᭞ᬲᬂᬫ᭄ᬬᬃᬱᬲᬫᬶᬕᬶᬲᬸᬭᬯᬸᬄᬢᬗ᭄ᬓᬶᬮ᭄᭞ᬭᬶᬂᬧᬸᬭᬶᬫᬗᬬᬄ᭞ᬦᬩ᭄ᬤᬩᬂᬓᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬲᬦᬾᬧᬢᬸᬢ᭄ᬮᬓ᭄ᬱᬡᬬᬂ᭟ᬲᭀᬯᬂᬲᭀᬯᬂᬗᬕᭂᬫ᭄ᬳᬫᭀᬗᬦ᭄ᬜᬧᬱ᭄ᬝᬶ᭞ᬯᬾᬦ᭄ᬢᭂᬦ᭄ᬗᬯᬾᬩᬗ᭄ᬲᬗ᭄ᬲᬮ᭄
᭞ᬲᬳᬲᬮ᭄ᬯᬶᬭᬶᬂᬧᬶᬭᬦ᭄ᬢᬶ᭞ᬧᬶᬭᬦ᭄ᬢᬶᬦᬶᬂᬧᬍᬩᭀᬦᬦ᭄᭟ᬲᬫᬶᬳᬶᬫ᭄ᬧᬸᬢ᭄ᬧᬜ᭄ᬚᬓᬾᬭᬶᬂᬫᬚᬧᬳᬶᬢ᭄᭞ᬫᬗᬢᬸᬭᬗᬬᬄ᭞ᬢᬦ᭄ᬗᬾᬢᬂᬭᬳᬶᬦᬯᭂᬗᬶ᭞ᬫᬗᬪᬓ᭄ᬢᬶᬭᬶᬂᬲᬂᬦᬵᬣ᭟ᬓᬘ᭄ᬭᬶᬢᬬᬂᬮᬫᬶ
ᬦ᭄ᬮᬬᭀᬦᬾᬭᬶᬂᬧᬸᬭᬶ᭞ᬳᬰᬰᬶᬄᬳᬶᬦᬸᬘᬧ᭄᭞ᬲᬧ᭄ᬢᬤᬶᬦ᭄ᬢᭂᬦ᭄ᬗᬮᬶᬦ᭄ᬢᬗᬶᬦ᭄᭞ᬓᬩᬯᭀᬲᬂᬫᬭᬶᬂᬩᬩᬤ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬳᬶᬦᬸᬘᬧ᭄ᬫᬸᬗ᭄ᬕᬄᬭᬶᬂᬮᭀᬦ᭄ᬢᬃ᭞ᬫᬵᬦᬹᬢ᭄ᬭᬶᬂᬩᬩᬤ᭄ᬧᬗ᭄ᬕᬶᬄ᭞ᬮᬬᭀᬦᬾ
ᬲᬵᬫ᭄ᬧᬸᬦ᭄ᬭᬶᬂᬲᬾᬢ᭄ᬭ᭞ᬧ᭄ᬭᬬᬓᬪᬱ᭄ᬫᬶᬦᬾᬫᬗ᭄ᬓᬶᬦ᭄᭞ᬗᬦᬹᬢ᭄ᬮᬶᬗ᭄ᬕᬶᬄᬲᬂᬦᬃᬧ᭄ᬧᬢᬶ᭞ᬲᬂᬧ᭄ᬭᬪᬸᬫᬩᬮᬭᬢᬸ᭞ᬯᬸᬲ᭄ᬓᬮᭀᬓ᭄ᬢᬄᬲᬶᬭᬭᬶᬂᬭᬵᬢ᭄᭞ᬢᬸᬳᬸᬳᬶᬤᬭᬢᬸᬮᬸᬯᬶᬄ᭞ᬦᬾᬓᬲᬸᬫ᭄ᬩᬸᬂ᭞ᬳᬶᬤᬯᭂᬭᬸᬄᬗᬫᭀᬂᬚᬕᬢ᭄ [ 47 ][᭔᭖ 46B]
᭔᭖
᭟ᬧᬭᬲᬢ᭄ᬬᬦᬾᬳᬶᬦᬸᬘᬧ᭄᭞ᬢ᭄ᬭᬸᬡᬩᬸᬗᬫᬓᬲᬫᬶ᭞ᬓᬳᬸᬗ᭄ᬕᬸᬳᬂᬫᬭᬶᬂᬩᬩᬤ᭄᭞ᬲᬶᬬᬸᬋᬓᬾᬓᬯᬶᬮᬗᬶᬦ᭄᭞ᬮᬰ᭄ᬘᬃᬬ᭄ᬬᬗᬢᬸᬭᬂᬪᬓ᭄ᬢᬶ᭞ᬭᬶᬗᬗ᭄ᬕᬦᬶᬤᬲᬂᬧ᭄ᬭᬪᬸ᭞ᬫᬓᬘᬶᬳ᭄ᬦᬩᬾᬮᬧᭂᬚᬄ᭞ᬗᬶᬭᬶᬂᬳᬶᬤᬲᬦᬾ
ᬫᬗ᭄ᬓᬶᬦ᭄᭞ᬚᬢᬶᬢᬸᬳᬸ᭞ᬦᭂᬓᬾᬂᬫᬦᬄᬫᬜᬭᬓ᭟ᬳᭂᬩᭂᬓ᭄ᬚᭂᬚᭂᬮ᭄ᬫᬭᬶᬂᬲᬾᬢ᭄ᬭ᭞ᬩᬳᬸᬤᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬧᬜ᭄ᬚᬓ᭄ᬢᭂᬋᬫ᭄ᬲᬫᬶᬗᬬᬄ᭞ᬧ᭄ᬭᬪᬸᬓᬸᬭᬶᬧᬦ᭄ᬗᬤᭂᬕᬶᬦ᭄᭞ᬧ᭄ᬭᬪᬸᬤᭂᬳᬫᬜᬋᬗᬶᬦ᭄᭞ᬰᬶᬯᬦᬶᬤᬫᬫ᭄ᬬᭀᬲ᭄ᬲᬫ᭄ᬧᬸ
ᬦ᭄᭞ᬓᬲ᭄ᬭᬸᬦ᭄ᬤᬸᬧ᭄ᬲ᭄ᬯᬭᬦ᭄ᬕᬫ᭄ᬩᭂᬮᬦ᭄᭞ᬯᬸᬲ᭄ᬫᬗᬸᬘᬶᬫᬗᬺᬋᬗᬶᬄ᭞ᬗᭂᬢᬸᬲ᭄ᬓᬬᬸᬦ᭄᭞ᬲᬫᬶᬲᬸᬗ᭄ᬲᬸᬢ᭄ᬚ᭄ᬭᭀᬦᬶᬂᬘᬶᬢ᭄ᬢ᭟ᬕᭂᬦᬶᬦᬾᬫᬗᬭᬩᬭᬩ᭄᭞ᬤᬸᬫᬶᬮᬄᬲᬳᬫᬗᬺᬲᬶᬦ᭄᭞ᬗᬮᬾᬧ᭄ᬮᬾᬧ᭄ᬳᬩᬂᬗᬮᬾᬮ᭞ᬮᬬᭀᬦ᭄ᬮᬦ᭄ᬰᬯ
ᬦᬾᬲᬫᬶ᭞ᬓᬧ᭄ᬯᬪ᭄ᬭᬱ᭄ᬝᬲᬦᬾᬫᬗ᭄ᬓᬶᬦ᭄᭞ᬯᬸᬲ᭄ᬧᬸᬧᬸᬢ᭄ᬫᬦᬤᭀᬲ᭄ᬳᬯᬸ᭞ᬓᬵᬮᬶᬄᬯᬸᬲ᭄ᬳᬶᬦᬸᬧᬓᬭ᭞ᬧ᭄ᬮᭂᬩᭀᬦᬾᬓᬤᬶᬦᬶᬂᬚᬢᬶ᭞ᬢᭂᬕᭂᬧ᭄ᬲᬵᬫ᭄ᬧᬸᬦ᭄᭞ᬗᬦᬸᬢᬶᬦ᭄ᬰᬯᬧ᭄ᬭᬢᬾᬓ᭟ᬕᭂᬮᬶᬲᬂᬧᬸᬦᬂᬘᬭᬶᬢ᭞ᬓ

[᭔᭗ 47A]
᭔᭗
ᬘ᭄ᬭᬶᬢᬬᬂᬲᬦᬾᬫᬗ᭄ᬓᬶᬦ᭄᭞ᬧ᭄ᬭᬪᬸᬓᬸᬭᬶᬧᬦ᭄ᬮᬦ᭄ᬤᭂᬳ᭞ᬲᬳᬩᬳᬸᬤᬡ᭄ᬥᬲᬫᬶ᭞ᬲᬫᬶᬲᬵᬫ᭄ᬧᬸᬦ᭄ᬩᬸᬤᬮ᭄ᬫ᭄ᬯᬮᬶ᭞ᬲᬳᬲᬸᬗ᭄ᬲᬸᬢ᭄ᬚ᭄ᬭᭀᬦᬶᬂᬓᬬᬸᬦ᭄᭞ᬫᬮᬘᬳᬶᬤᬲᬂᬦᬵᬣ᭞ᬭᬲᬫᬮᬸᬗ᭄ᬕᬸᬄᬭᬶᬂᬧᬸᬭᬶ᭞ᬢᬸᬯᬶᬢᬸᬳᬸ᭞ᬳᬶᬤᬓᬚᬦᬦᬸ
ᬭᬕ᭟ᬰᬹᬦ᭄ᬬᬫᬭᬶᬂᬯᬶᬮᬢᬶᬓ᭄ᬝ᭞ᬓᬤᬶᬚᬕᬢ᭄ᬓᭂᬦᬶᬕᭂᬭᬶᬂ᭞ᬧᬶᬦᬓᬓᬤᬶᬫᬦᬸᬱ᭞ᬚᭂᬍᬕ᭄ᬳᬶᬧᬸᬦ᭄ᬓᬦ᭄ᬢᬸᬦᬸᬭᬶᬧ᭄᭞ᬳᬢ᭄ᬫᬦ᭄ᬜᬯᬸᬲ᭄ᬫᬦᬶᬗ᭄ᬕᬮᬶᬦ᭄᭞ᬲᬶᬦᬄᬳᬶᬧᬸᬦ᭄ᬦ᭄ᬭᬯᬂᬦ᭄ᬭᬸᬯᬸᬂ᭞ᬲᬶᬂᬓᭀᬮᬳᬂᬦᭂᬫᬸᬳᬶᬯᬂ᭞ᬮ᭄ᬯᬶᬃᬧᬫᬃᬕ᭄ᬕᬶᬫᭂ
ᬢᬸᬲᬶᬲᬶᬧ᭄᭞ᬲᬫᬶᬳᬶᬩᬸᬓ᭄᭞ᬧᬜ᭄ᬚᬓᬾᬭᬶᬂᬯᬶᬮᬢᬶᬓ᭄ᬝ᭟᭜᭟ᬓᬶᬧᬢᬶᬄᬕᬚᬄᬫᬥᬫᭀᬓ᭄ᬱ᭟ᬧᬸᬧᬸᬄᬧᬗ᭄ᬓᬸᬃ᭟᭜᭟ᬧᬶᬭᬂᬤᬶᬦ᭄ᬢᭂᬦ᭄ᬢᬦ᭄ᬓᬘ᭄ᬭᬶᬢ᭞ᬯᬸᬲ᭄ᬧᬍᬩᭀᬦ᭄ᬳᬶᬤᬲᬂᬦᬭᬧᬢᬶ᭞ᬓᬘ᭄ᬭᬶᬢᬳᬶᬤᬲᬂᬧ᭄ᬭᬪᬸ᭞ᬧ᭄ᬭᬪᬸ
ᬓᬸᬭᬶᬧᬦ᭄ᬮᬦ᭄ᬤᭂᬳ᭞ᬫᬦᬯᬸᬳᬶᬦ᭄ᬧᬗ᭄ᬮᬶᬗ᭄ᬲᬶᬭᬾᬲᬶᬤ᭄ᬥᬧᬭᬹᬫ᭄᭞ᬧᬢᬶᬄᬫᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯ᭞ᬓᭂᬦᬶᬲᬫᬶᬲᬶᬤ᭄ᬥᬧ᭄ᬭᬵᬧ᭄ᬢᬶ᭟ᬭᬶᬂᬧᬭᬸᬫᬦ᭄ᬓᬩᬯᭀᬲᬂ᭞ᬯᬶᬯᬶᬮᬦ᭄ᬧᬶᬦᬸᬗ᭄ᬓᬦ᭄ᬲᬶᬭᬦᬃᬧ᭄ᬧᬢᬶ᭞ᬲᬂᬧ᭄ᬭᬪᬸᬰ᭄ᬭᬷᬅᬬᬫ᭄ᬯᬸᬭᬸ [ 48 ][᭔᭗ 47B]
᭔᭗
ᬓ᭄᭞ᬲᬦᬾᬓᬫᬃᬕ᭄ᬕᬦᬶᬦ᭄ᬮᭂᬩᬃ᭞ᬫᬗ᭄ᬤᬢᬢᬲ᭄ᬳᬶᬤᬤᬦᬾᬲᬫᬶᬯᭂᬭᬸᬄ᭞ᬭᬶᬂᬯᬯᭂᬗ᭄ᬓᭀᬦ᭄ᬯᬶᬮᬢᬶᬓ᭄ᬝ᭞ᬯᭂᬦᬂᬳᬶᬤᬤᬦᬾᬳᬸᬦᬶᬂ᭟ᬧᬡ᭄ᬥᬶᬢᬳᬰ᭄ᬭᬫᬦᬵᬣ᭞ᬓᬳᬶᬭᬶᬗᬂᬮᬦ᭄ᬫᬦ᭄ᬢ᭄ᬭᬶᬯᬺᬥᬫᬗ᭄ᬓᬶᬦ᭄᭞ᬫᬢᬸᬃᬭᬶᬂᬳᬶᬤᬲᬂᬧ᭄ᬭᬪᬸ
᭞ᬧ᭄ᬭᬪᬸᬓᬸᬭᬶᬧᬦ᭄ᬮᬦ᭄ᬤᭂᬳ᭞ᬦᬸᬦᬲ᭄ᬮᬸᬕ᭄ᬭᬳᬢᬸᬃᬢᬶᬢ᭄ᬬᬂᬭᬶᬂᬲᬂᬧ᭄ᬭᬪᬸ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬢᬸᬭᬂ᭞ᬫᬦᬹᬢ᭄ᬫᬦᬄᬢᬶᬢ᭄ᬬᬂᬦ᭄ᬤᬶᬭᬶ᭟ᬧᬶᬦᬸᬗ᭄ᬓᬦ᭄ᬭᬚᬤᬾᬯᬢ᭞ᬳᬶᬤᬲᬸᬗ᭄ᬲᬸᬢ᭄ᬓᬢᬶᬗ᭄ᬕᬮ᭄ᬭᬤᬾᬦ᭄ᬤᬾᬯᬶ᭞
ᬲᬸᬗ᭄ᬲᬸᬢᬾᬢᭀᬂᬲᬶᬤ᭄ᬥᬮᬶᬧᬸᬃ᭞ᬲᬳᬶᬢ᭄ᬬᬳᬾᬮᬶᬂᬭᬶᬗᬶᬤ᭞ᬘᭂᬘᬤᭀᬗᬦ᭄ᬧᬸᬱ᭄ᬧᬦᬵᬃᬱᬦ᭄ᬲᬶᬭᬧ᭄ᬭᬪᬸ᭞ᬭᬢᬸᬳᬬᬸᬲᭂᬓᬃᬲᬸᬡ᭄ᬥ᭞ᬚᬢᬸᬓᬃᬫ᭄ᬫᬦᬶᬤᬚᬢᬶ᭟ᬮᬫᬶᬮᬯᬲᬵᬃᬱᬦᬶᬤ᭞ᬧᬶᬲᬭᬢ᭄ᬓᬬᬸᬦᬾ
ᬲᬶᬤ᭄ᬥᬫᬧᬗ᭄ᬕᬶᬄ᭞ᬭᬶᬗᬶᬤᬲᬂᬭᬤᬾᬦ᭄ᬕᬮᬸᬄ᭞ᬭᬢᬸᬳᬬᬸᬧᬶᬢᬮᭀᬓ᭞ᬯᬦ᭄ᬢᬄᬳᬶᬤᬳᬸᬱᬤᬦᬶᬤᬲᬂᬧ᭄ᬭᬪᬸ᭞ᬓᬦ᭄ᬤᬸᬕᬶᬳᬶᬤᬜᬶᬳ᭄ᬦᬬᬂ᭞ᬳᬃᬱᬮᬾᬤᬂᬫᬫᭂᬦ᭄ᬤᬓᬶᬦ᭄᭟ᬯᬦ᭄ᬢᬄᬲᬵᬫ᭄ᬧᬸᬦ᭄ᬧᬚᬦ᭄ᬢᭀᬲᬦ᭄

[᭔᭘ 48A]
᭔᭘
᭞ᬕᬕᬾᬲᭀᬦᬦ᭄ᬳᬶᬯᬂᬳᬶᬤᬫᬶᬦᭂᬳᬶᬦ᭄᭞ᬗ᭄ᬮᬶᬗ᭄ᬕᬶᬳᬶᬦ᭄ᬳᬢᬸᬃᬧᬫᬸᬗᬸ᭞ᬳᬢᬸᬃᬧᬢᬶᬄᬕᬚᬄᬫᬥ᭞ᬦᬢᬦ᭄ᬳᬶᬕᬸᬫ᭄ᬧᬘᬂᬫᭂᬦ᭄ᬤᬓ᭄ᬭᬤᬾᬦ᭄ᬕᬮᬸᬄ᭞ᬧᬸᬦᬶᬓᬓᬾᬯᬶᬯᬶᬮᬦ᭄ᬜ᭞ᬫᭂᬢᬸᬳᬶᬦ᭄ᬤᬶᬓ᭄ᬓᬤᬶᬫᬗ᭄ᬓᬶᬦ᭄᭟ᬧᬭᬫ
ᬦ᭄ᬢ᭄ᬭᬶᬮᬦ᭄ᬧᬸᬗ᭄ᬕᬯ᭞ᬫᬓᬲᬫᬶᬳᬶᬕᬸᬫ᭄ᬭᬶᬂᬚ᭄ᬭᭀᬦᬶᬗᬢᬶ᭞ᬧᬸᬍᬓ᭄ᬲᬕᭂᬋᬳᬦ᭄ᬫᬢᬸᬃ᭞ᬢᬶᬢ᭄ᬬᬂᬗᬶᬭᬶᬂᬫᬫᬢᬸᬢᬂ᭞ᬧᬯᬘᬦᬦ᭄ᬳᬶᬤᬧ᭄ᬭᬡ᭄ᬥᬲᬦᬾᬯᬯᬸ᭞ᬢᬦ᭄ᬮᬾᬫ᭄ᬧᬲ᭄ᬭᬶᬂᬫᬦᬄᬢᬶᬢ᭄ᬬᬂ᭞ᬲᬧᬸᬦᬶᬓᬢᬸᬳᬸᬚᬢᬶ᭟
ᬧ᭄ᬭᬪᬸᬓᬸᬭᬶᬧᬦ᭄ᬮᬦ᭄ᬤᭂᬳ᭞ᬫᬗᬶᬕᬸᬫᬶᬦ᭄ᬳᬢᬸᬃᬯᬤ᭄ᬯᬦᬾᬲᬫᬶ᭞ᬫᭂᬢᬸᬓᬬᬸᬦ᭄ᬳᬶᬤᬧᬸᬧᬸᬢ᭄᭞ᬫᭂᬗ᭄ᬕᬄᬭᬶᬂᬓᬶᬧᬢᬶᬄᬫᬥ᭞ᬕᬕᭂᬢ᭄ᬢᭂᬦᬦ᭄ᬓᬩᬗᬦ᭄ᬳᬶᬤᬲᬂᬧ᭄ᬭᬪᬸ᭞ᬳᬗ᭄ᬕᬦ᭄ᬳᬶᬤᬫᬕᭂᬩᭂᬮᬦ᭄᭞ᬜᬤ᭄ᬬᬗᬺᬚᭂᬓ᭄ᬕᬸᬲ᭄ᬢᬶᬧ
ᬢᬶᬄ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬕᬕᭂᬮᬶᬲᬦ᭄ᬲᬂᬦᬵᬣᬫᭂᬤᬮ᭄ᬯᬘᬦ᭞ᬦ᭄ᬤᬯᬸᬳᬶᬦ᭄ᬧᬜ᭄ᬚᬓᬾᬲᬫᬶ᭞ᬲᬶᬤ᭄ᬥᬳᬕᬾᬧ᭄ᬭᬵᬧ᭄ᬢ᭞ᬲᬳᬲᬮ᭄ᬯᬶᬭᬶᬂᬲᬜ᭄ᬚᬢ᭞ᬭᬶᬂᬧᬲᬾᬪᬦ᭄ᬢ᭄ᬭᬕ᭄ᬬᬧ᭄ᬭᬵᬧ᭄ᬢᬶ᭞ᬗᬶᬭᬶᬂᬲᬂᬦᬵᬣ᭞ᬫ [ 49 ][᭔᭘ 48B]
᭔᭘
ᬗᬺᬚᭂᬓ᭄ᬓᬶᬕᬸᬲ᭄ᬢᬶᬧᬢᬶᬄ᭟ᬧᬲ᭄ᬭᬦ᭄ᬢᬳᬶᬸᬩᬦ᭄ᬧᬜ᭄ᬚᬓᬾᬲᬳᬕᬕᬯᬦ᭄᭞ᬭᬶᬂᬧᬲᬾᬪᬦ᭄ᬚᭂᬚᭂᬮ᭄ᬢᬶᬢᬶᬩ᭄᭞ᬲᬫᬶᬓᬩ᭄ᬭᬳ᭄ᬫᬦ᭄ᬢ᭄ᬬᬦ᭄᭞ᬜᬤ᭄ᬬᬗᬺᬚᭂᬓ᭄ᬧᬢᬶᬄᬫᬥ᭞ᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬚᬢᬶ᭞ᬓᬦ᭄ᬤᬸᬕᬶᬜ᭄ᬯᬃᬕ᭄ᬕ᭞
ᬧᬮᬸᬗ᭄ᬕᬸᬄᬰ᭄ᬭᬷᬦᬭᬧᬢᬶ᭟ᬧᬚᭂᬦᭂᬗᬦ᭄ᬮᬦ᭄ᬓᬸᬮ᭄ᬓᬸᬮᬾᬫᬩ᭄ᬬᬬᬸᬳᬦ᭄᭞ᬕᬸᬫᬸᬭᬸᬄᬭᬶᬂᬫᬚᬧᬳᬶᬢ᭄᭞ᬧᬜ᭄ᬚᬓ᭄ᬲᬫᬶᬬᬢ᭄ᬦ᭞ᬕᭀᬂᬩᬾᬭᬶᬦᬾᬯᬸᬲ᭄ᬓᬢᭂᬧᬓ᭄᭞ᬲ᭄ᬯᬭᬦ᭄ᬜᬦᬾᬫᬗᬺᬲ᭄ᬋᬲᬶᬦ᭄᭞ᬢ
ᬦ᭄ᬧᬧᭂᬕᬢᬦ᭄᭞ᬓᬲ᭄ᬭᬸᬦ᭄ᬤᬸᬧ᭄ᬲᬸᬭ᭄ᬬᬓ᭄ᬢᬦ᭄ᬲᬶᬧᬶ᭟ᬢᬦ᭄ᬢᭀᬮᬶᬳᬦ᭄ᬧᬫᬃᬕ᭄ᬕᬶᬦᬾᬕᬕᭂᬮᬶᬲᬦ᭄᭞ᬫᬗᬸᬗ᭄ᬲᬶᬚ᭄ᬭᭀᬦᬶᬂᬕᬸᬲ᭄ᬢᬶᬧᬢᬶᬄ᭞ᬧᬢᬶᬄᬕᬚᬄᬫᬥ᭞ᬜᬤ᭄ᬬᬧᬘᬂᬫᬫᬸᬧᬸᬢᬂ᭞ᬭᬶᬂᬭᬳᬶᬦᬦᬾᬦᬾ
ᬫᬗ᭄ᬓᬶᬦ᭄᭞ᬲᬶᬤ᭄ᬥᬯᬸᬲ᭄ᬧᭂᬚᬄ᭞ᬓᬩᬯᭀᬲ᭄ᬤᬦᬾᬗ᭄ᬮᭂᬢᭂᬳᬶᬦ᭄᭟ᬓᬘ᭄ᬭᬶᬢᬬᬂᬯᬤ᭄ᬯᬲᬫᬶᬲᬫ᭄ᬧᬸᬦ᭄‌ᬧ᭄ᬭᬧ᭄ᬢ᭞ᬭᬶᬂᬚ᭄ᬭᭀᬦ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬲᬳᬫᬲᬸᬭ᭄ᬬᬓ᭄᭞ᬫᬫᬸᬦ᭄ᬢᭂᬄᬚᭂᬭᭀᬜᬓᭂᬧᬢ᭄᭞ᬯᬶᬭᭀᬱᬕᬸᬫᬸᬭᬸᬄ

[᭔᭙ 49A]
᭔᭙
ᬗ᭄ᬭᬜ᭄ᬚᬶᬂ᭞ᬗᬋᬧᬂᬢᬸᬫ᭄ᬩᬓ᭄᭞ᬜᬤ᭄ᬬᬦᬸᬯᭂᬓ᭄ᬕᬸᬲ᭄ᬢᬶᬧᬢᬶᬄ᭟ᬳᬶᬦᬸᬘᬧᬦ᭄ᬕᬸᬲ᭄ᬢᬶᬧᬢᬶᬄᬕᬚᬄᬫᬥ᭞ᬢᬦᬵᬦᬭᬶᬂᬚ᭄ᬭᭀᬓᬧᬗ᭄ᬕᬶᬄ᭞ᬯᬸᬲ᭄‌ᬰᬹᬦ᭄ᬬᬭᬶᬂᬚ᭄ᬭᭀᬯᬦ᭄᭞ᬓᬢᬶᬗ᭄ᬕᬮᬦ᭄ᬮᬬᭀᬦ᭄ᬰᬯ᭞ᬧᬜ᭄ᬚ᭄ᬭᭀᬯ
ᬦ᭄ᬮᬦ᭄ᬧᬭᬳᬶᬲ᭄ᬢ᭄ᬭᬶ᭞ᬲᬂᬯᬸᬲ᭄ᬫᬲᬢ᭄ᬬ᭞ᬘᬶᬳ᭄ᬦᬪᬓ᭄ᬢᬶᬭᬶᬂᬓᬶᬧᬢᬶᬄ᭟ᬲᬵᬫ᭄ᬧᬸᬦ᭄ᬢᭂᬮᬲ᭄ᬤᬕᬶᬂᬚᭂᬭᭀᬦᬾᬓᬲ᭄ᬮᬓ᭄ᬱᬓ᭄᭞ᬭᬶᬂᬕᭂᬦᬳᬾᬲᬸᬓᭂᬮ᭄ᬲᬸᬓᬶᬮ᭄᭞ᬲᬫᬶᬓᬢᬢᬲᬂ᭞ᬦᬢᬦ᭄ᬯᬾᬦ᭄ᬢᭂᬦ᭄ᬧᬶᬓᭀᬮᬶᬄᬜ᭞
ᬓᬦ᭄ᬤᬸᬕᬶᬧᬜ᭄ᬚᬓᬾᬲᬫᬶ᭞ᬫᬗᬮᬦ᭄ᬢᬸᬭᬂ᭞ᬜᭂᬍᬳᬶᬦ᭄ᬦᭂᬍᬩᬶᬗᬢᬶ᭟ᬢᬗ᭄ᬲᭂᬄᬫᬦᬄᬧᬜ᭄ᬚᬓᬾᬚᬕᬫᬸᬧᬸᬢᬂ᭞ᬗ᭄ᬭᬜ᭄ᬚᬶᬂᬫᬸᬗ᭄ᬕᬄᬯᬦᬕᬶᬭᬶ᭞ᬲᬳᬲᬫᬶᬗᬩᬲ᭄᭞ᬳᬸᬫ᭄ᬧᬸᬢ᭄ᬲᬫᬶᬪ᭄ᬭᬱ᭄ᬝᬲ
ᬫ᭄ᬧ᭄ᬮᬄ᭞ᬧᬗ᭄ᬓᬸᬂᬕ᭄ᬭᬾᬫ᭄ᬩᬾᬗᬦ᭄ᬓᬳᬸᬗ᭄ᬲᬶ᭞ᬲᬫᬶᬓᬲ᭄ᬮᬩ᭄ᬲᬩ᭄᭞ᬦᬶᬃᬤᭀᬦ᭄ᬲᬫᬶᬢᬦ᭄ᬧᬓᭀᬮᬶᬄ᭟ᬤᬳᬲ᭄ᬤᬶᬳᬶᬲ᭄ᬯᬤ᭄ᬯᬲᬫᬶᬯᬸᬲ᭄ᬫᬢᬸᬮᬓ᭄᭞ᬭᬶᬂᬚ᭄ᬭᭀᬦ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬩ᭄ᬭᬳ᭄ᬫᬦ᭄ᬢ᭄ᬬᬯᬶᬭᭀᬱ᭞ [ 50 ][᭔᭙ 49B]
᭔᭙
ᬦᭂᬮᬲᬂᬫᬦᬄᬫᬚᬭᬄ᭞ᬳᬃᬣᬩ᭄ᬭᬡᬲᬫᬶᬓᬫ᭄ᬩᬶᬮ᭄᭞ᬓᬧᬸᬦ᭄ᬤᬸᬢ᭄ᬩᬸᬤᬮ᭄᭞ᬪ᭄ᬭᬱ᭄ᬝᬢᬶᬬᬶᬲ᭄ᬢᭂᬮᬲ᭄ᬲᬫᬶ᭟ᬓᬘ᭄ᬭᬶᬢᬬᬂᬚᭂᬭᭀᬦ᭄ᬕᬸᬲ᭄ᬢᬶᬧᬢᬶᬄᬫᬥ᭞ᬰᬹᬦ᭄ᬬᬭᬸᬲᬓ᭄ᬋᬫᬸᬓ᭄ᬲᬫᬶ᭞ᬢᬦ᭄ᬧᬕᬦ᭄ᬢᬸᬮᬦ᭄᭞ᬳᬦ᭄ᬢᬸᬓ᭄ᬯᬶᬭᭀᬱ
ᬦ᭄ᬳᬶᬧᬜ᭄ᬚᬓ᭄᭞ᬩ᭄ᬭᬗ᭄ᬢᬶᬦᬾᬢᬦ᭄ᬓᬤᬶᬓᬤᬶ᭞ᬫᬾᬮᬲᬂᬦᬵᬣ᭞ᬦᭂᬓᬾᬂᬫᬦᬄᬦᭂᬍᬩᬶᬗᬢᬶ᭟᭜᭟ᬧᬸᬧᬸᬄᬕᬶᬦᬦ᭄ᬢᬶ᭟᭜᭟ᬧᬢᬶᬄᬫᬥᬢᬸᬳᬸᬯᭂᬭᬸᬄ᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄‌ᬗᬺᬋᬳᬶᬦ᭄᭞ᬳᬦ᭄ᬢᬸᬯᬤ᭄ᬯᬯᬶᬮᬢᬶᬓ᭄ᬝ᭞
ᬯᬶᬭᬾᬄᬤᬦᬾᬢᬢᬲᬸᬦᬶᬂ᭞ᬓ᭄ᬮᬲᬶᬢ᭄ᬚᬕᬢᬾᬫᬚᭂᬦᬦ᭞ᬢᬦ᭄ᬩᭂᬘᬶᬓ᭄ᬲᬦᬾᬓᬧᬗ᭄ᬕᬶᬄ᭟ᬤᬦᬾᬯᬸᬲ᭄ᬦᬸᬗ᭄ᬕᬮᬂᬓᬬᬸᬦ᭄᭞ᬫᬗ᭄ᬭᬸᬭᬸᬄᬲ᭄ᬯᬃᬕ᭄ᬕᬦᬾᬚᬢᬶ᭞ᬗ᭄ᬮᭂᬧᬲ᭄ᬲᬹᬓ᭄ᬱ᭄ᬫᬜᬸᬚᬸᬃᬫᭀᬓ᭄ᬱ᭞ᬗ᭄ᬮᭂᬓᬲᬂᬳᬤ᭄ᬜ
ᬦᬚᬢᬶ᭞ᬫᬦ᭄ᬢᬸᬓ᭄ᬤᬦᬾᬢᬦ᭄ᬧᬰᬯ᭞ᬧᬫᬃᬕ᭄ᬕᬦ᭄ᬧᬢᬶᬳᬾᬮᬸᬯᬶᬄ᭟ᬧ᭄ᬭᬪᬸᬓᬸᬭᬶᬧᬦ᭄ᬓᬯᬸᬯᬸᬲ᭄᭞ᬧ᭄ᬭᬪᬸᬤᭂᬳᬳᬶᬤᬗᬶᬭᬶᬂ᭞ᬫᬦ᭄ᬢᬸᬓ᭄ᬓᬓᬸᬭᬶᬧᬦ᭄ᬤᭂᬳ᭞ᬲᬸᬗ᭄ᬲᬸᬢ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬓᬦ᭄ᬢᬸᬦ

[᭕᭐ 50A]
᭕᭐
ᬗᭂᬦ᭄ᬭᬶᬂᬲᬂᬦᬵᬣ᭞ᬢᬦ᭄ᬮᬾᬤᬂᬭᬶᬂᬫᬚᬧᬳᬶᬢ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬲᬧᬸᬦᬶᬓᬳᬢᬸᬭᬂᬢᬶᬢ᭄ᬬᬂ᭞ᬤᬕᬶᬂᬩᬩᬤᬾᬓᬧᬗ᭄ᬕᬶᬄ᭞ᬓᬶᬭᬂᬮᬗ᭄ᬓᬸᬂᬳᬢᬸᬃᬢᬶᬢ᭄ᬬᬂ᭞ᬓᭂᬦᬶᬳᬶᬤᬤᬦᬾᬲᬫᬶ᭞ᬧ᭄ᬭᬫᬮᬾᬤᬂᬫᬗ᭄ᬮᬸ
ᬕ᭄ᬭᬳᬶᬦ᭄᭞ᬳᬫ᭄ᬧᬸᬭᬢᬶᬢ᭄ᬬᬂᬳᬶᬧᬸᬗ᭄ᬕᬸᬂ᭞ᬲᬢ᭄ᬫᬓᬭᬢᬸᬫ᭄ᬬᬃᬱᬬᬂ᭞ᬭᬭᬾᬳᬶᬗᬸᬲᬦ᭄ᬫᬦᬶᬗ᭄ᬓ᭄ᬮᬶᬓ᭄᭞ᬢᬦ᭄ᬧᬤᬾᬂᬤᬸᬂ᭞ᬦᬶᬃᬤᭀᬦ᭄ᬭᬢᬸᬫᬜᬸᬗ᭄ᬓᬦᬂ᭟᭜᭟ᬒᬀᬲ᭄ᬯᬲ᭄ᬢ᭄ᬬᬲ᭄ᬢᬸᬦᬫᭀᬲᬶᬤ᭄ᬥᬀ᭟᭜᭟ᬯᬶᬢ᭄ᬦᬶᬂᬫᬦᬄᬫᬳᭂᬦᬶᬂᬲ
ᬳᬳᬢ᭄ᬯᬂ᭞ᬢᬶᬢ᭄ᬬᬂᬗᬮᬸᬗ᭄ᬲᬸᬃᬕᬸᬂᬋᬡᬲᬶᬦᬫ᭄ᬧᬸᬭᬭᬶᬂᬧᬮᬸᬗ᭄ᬕᬸᬄᬳᬶᬤᬧᬭᬲᬸᬮᬶᬗ᭄ᬕᬶᬄ᭞ᬧᬭᬯᬶᬓᬸᬫᬶᬯᬳᬶᬤᬤᬦᬾᬲᬶᬦᬫ᭄ᬬᬦ᭄ᬲᬦᬾᬲ᭄ᬯᬾᬘ᭄ᬙᬵᬮᬾᬤᬂᬫᬫᬯᭀᬲᬶᬦ᭄ᬘᬓᭂᬧᬦ᭄ᬳᬗ᭄ᬕᬶᬢᬗ᭄ᬕᬶᬢᬦ᭄ᬢᬶᬢ᭄ᬬᬂ
ᬧᬸᬦᬶᬓᬶ᭟ᬫᬦᬹᬢ᭄ᬫᬦᬄᬢᬶᬢ᭄ᬬᬂ᭞ᬳᬤᭀᬄᬧᬶᬲᬦ᭄ᬧᬘᬂᬫᬗ᭄ᬮᬾᬤᬗᬶᬦ᭄ᬳᬃᬱᬦᬶᬤᬤᬦᬾᬲᬶᬦᬫ᭄ᬬᬦ᭄᭟ᬧᬧᬸᬧᬸᬳᬦ᭄ᬓᬮᬶᬄᬧᬗᬸᬦᬤᬶᬓᬦ᭄ᬓᭂᬘᬧ᭄ᬩᬩᬯᭀᬲᬾᬳᬓ᭄ᬯᬾᬄᬲᬦᬾᬜᬮᬶᬢ᭄ᬳᬶᬦ᭄ᬤᬶ [ 51 ][᭕᭐ 50B]
᭕᭐
ᬓ᭄᭞ᬲᭀᬓ᭄ᬗᬸᬮᬸᬭᬶᬦ᭄ᬫᬦᬄᬢᬶᬢ᭄ᬬᬗᬾᬓᬮᬶᬧᬸᬢ᭄ᬩᬸᬤᬸᬄᬫᬘᬘᬦ᭄ᬢᬸᬗᬦ᭄ᬫᬳᬸᬭᬸᬲᬂᬲᬶᬓ᭄ᬬᬦ᭄ᬫᬩᬩᬯᭀᬲ᭄ᬩᬮᬶ᭟ᬯᬦ᭄ᬢᬄᬢᬶᬢ᭄ᬬᬂᬚᬤ᭄ᬫᬩᬮᬶ᭞ᬲᬓᬾᬯᬦ᭄ᬢᭂᬦ᭄ᬤᬸᬭᬸᬂᬧᬶᬲᬦ᭄ᬢᬶᬢ᭄ᬬᬂᬧᬭᬶᬢᭂᬢᭂᬲ᭄ᬗᬍᬗ᭄ᬓᬭᬓᬮᬶᬄ
ᬫᬳᬢᬸᬭᬢᬸᬃᬗᬲᭀᬃᬜᬶᬗ᭄ᬕᬶᬳᬂᬩᬩᬯᭀᬲ᭄᭟ᬧ᭄ᬬᬸᬦᬶᬂᬢᬶᬢ᭄ᬬᬂᬯᬦ᭄ᬢᬄᬓᬤᬲᬭᬶᬦ᭄ᬳᬦ᭄ᬢᬸᬓ᭄ᬗᬸᬧᬶᬂ᭞ᬫᬫᭀᬗᬄᬫᬫᭂᬗ᭄ᬓᬸᬂᬗᬶᬧᬶᬮᬶᬧᬶᬮ᭄ᬭᬶᬂᬳᬶᬤᬤᬦᬾᬲᬦᬾᬲᬵᬫ᭄ᬧᬸᬦ᭄ᬧᬭᬫᬮᬾᬤᬂᬫᬗᬦ᭄ᬤᬶᬓᬳᬶ
ᬦ᭄ᬧᬗ᭄ᬮᬾᬫᬾᬓ᭄ᬭᬶᬂᬲᬶᬓ᭄ᬬᬦ᭄ᬢᬶᬢ᭄ᬬᬂ᭞ᬭᬶᬂᬳᬶᬤᬤᬦᬾᬧᬸᬦᬶᬓᬲᬶᬦᬫ᭄ᬬᬦ᭄᭞ᬢᬶᬢ᭄ᬬᬂᬦᭂᬓᬾᬂᬫᬦᬄᬫᬗᬢᬸᬭᬂᬲᬹᬓ᭄ᬱ᭄ᬫᬦᬶᬤᭂᬧ᭄ᬢᬶᬢ᭄ᬬᬗᬾᬲᬸᬚᬢᬶ᭞ᬭᬯᬸᬄᬓᬯᭂᬓᬲ᭄᭟ᬘᬓᭂᬧᬦ᭄ᬩᬩᬤ᭄ᬧᬸᬦᬶᬓᬶᬢᬶᬢ᭄ᬬᬂᬗᬗ᭄ᬕᬶ
ᬢ᭄ᬲᬓᬾᬂᬧᬹᬃᬯ᭄ᬯᬦ᭄ᬜᬮᭀᬦ᭄ᬢᬃᬮᭀᬦ᭄ᬢᬃᬤ᭄ᬭᬸᬯᬾᬦ᭄ᬕᭂᬥᬸᬂᬓᬶᬃᬣ᭄ᬬᬲᬶᬗᬭᬵᬚ᭟ᬧᬫᬸᬓ᭄ᬢ᭄ᬬᬦ᭄ᬯᬶᬮᬢᬶᬓ᭄ᬝ᭞ᬭᬶᬂᬓᬶᬤᬸᬂᬲᬸᬡ᭄ᬥ᭟᭜᭟ᬲᬪᬧᬭᬶᬲᬤᬳᬶᬦ᭄ᬤᬸᬥᬃᬫ᭄ᬫ᭞ᬓ᭞᭒᭞ᬓᭀᬗ᭄ᬭᬾᬲ᭄ᬧᬭᬶᬲᬤᬲᭂᬮᬸᬭᬸᬄ

[᭕᭑ 51A]
᭕᭑
ᬳᬶᬦ᭄ᬤᭀᬦᬾᬲ᭄ᬬ᭞ᬤᬶᬤᬾᬦ᭄ᬧᬲᬃᬩᬮᬶ᭞ᬢᬗ᭄ᬕᬮ᭄᭞᭒᭞᭓᭞᭔᭞᭕᭞ᬤᬾᬲᬾᬫ᭄ᬩᭂᬃ᭞᭑᭙᭖᭘᭟ᬒᬀᬲ᭄ᬯᬲ᭄ᬢ᭄ᬬᬲ᭄ᬢᬸ᭟ᬫᭂᬮᬭᬦ᭄ᬢᬭᬦ᭄ᬳᬦ᭄ᬢᬸᬓ᭄ᬳᬢᬸᬃᬫᬗᬬᬸᬪᬕ᭄ᬬᬭᬶᬂᬩᬸᬓ᭄ᬧᬤᬦ᭄ᬳᬶᬤᬲᬂᬳ᭄ᬬᬂ
ᬯᬶᬥᬶᬯᬱᬢᬶᬢ᭄ᬬᬂᬗᭂᬭᬯᬸᬳᬂᬧᬫᬸᬚᬶᬦᭂᬓᬾᬂᬢ᭄ᬯᬲ᭄ᬭᬶᬂᬳᬶᬕᬸᬲ᭄ᬢᬶᬩᬕᬸᬲ᭄ᬗᬸᬭᬄᬫᬦ᭄ᬢ᭄ᬭ᭟ᬳᬶᬦ᭄ᬲᭂᬧᬾᬓ᭄ᬢᬸᬃᬧᭀᬮᬶᬲᬶᬫᬮᬶᬗ᭄ᬕᬶᬄᬭᬶᬂᬧᬸᬭᬶᬧᬦᬯᬭᬦ᭄ᬲᬶᬗᬭᬵᬚ᭞ᬲᬦᬾᬲᬵᬫ᭄ᬧᬸᬦ᭄ᬧᬶᬤᬕᬶᬂᬫᬺ
ᬲᬶᬤᬬᬂᬗᬃᬬ᭄ᬬᬦᬶᬦ᭄ᬘᬓᭂᬧᬦ᭄ᬳᬗ᭄ᬕᬶᬢᬗ᭄ᬕᬶᬢᬦ᭄ᬫᬚᬧᬳᬶᬢ᭄‌‌ᬰ᭄ᬭᬷᬳᬬᬫ᭄ᬯᬸᬭᬸᬓ᭄᭟ᬘᬓᭂᬧᬦ᭄ᬧᬸᬦᬶᬓᬶᬫᬵᬦᬹᬢ᭄ᬧᬦᬫ᭄ᬧᬾᬦ᭄ᬢᬶᬢ᭄ᬬᬩᬗᭂᬢ᭄ᬓᬕᬸᬡᬦᬶᬧᬸᬦ᭄ᬭᬶᬂᬳᬶᬤᬤᬦᬾᬲᬦᬾᬯᭂᬦᬂᬗᭂᬯᬘᬾ
ᬦ᭄‌᭞ᬫᬳᬸᬭᬸᬓᬶᬦ᭄᭞ᬳᬶᬦ᭄ᬤᬶᬓ᭄ᬩᬩᬤ᭄ᬩᬩᬤ᭄᭞ᬲᬢ᭄ᬯᬓᬓᬸᬦᬬᬦ᭄᭟ᬲᭂᬚᬩᬫᬗ᭄ᬤᬧᬯᬶᬓᬦ᭄‌ᬭᬶᬂᬩᬩᬤ᭄ᬫᬚᬧᬳᬶᬢ᭄ᬧᬸᬦᬶᬓ᭞ᬢᬍᬃᬘᬓᭂᬧᬦ᭄ᬧᬸᬦᬶᬓᬶᬗᬚᬄᬗᬸᬭᬸᬓ᭄ᬳᬶᬦ᭄ᬤᬶᬓ᭄ᬥᬃᬫ᭄ᬫᬓᬲᬸᬰᬶᬮᬦ᭄ᬫ [ 52 ][᭕᭑ 51B]
᭕᭑
ᬓᬫᬶᬯᬄᬥᬃᬫ᭄ᬫᬦᬶᬂᬓ᭄ᬱᬢ᭄ᬭ᭄ᬬᬦ᭄᭟ᬳᬲᬧᬸᬦᬶᬓᬢᬍᬃᬫᬦ᭄ᬢᬸᬓᬭᬶᬂᬳᬶᬤᬤᬦᬾᬲᬦᬾᬯᭂᬦᬂᬫᬳᬸᬭᬸᬓᬶᬦ᭄ᬢᭂᬫ᭄ᬩᬂᬫᬘᬧᬢ᭄᭞ᬯᬾᬦ᭄ᬢᭂᬦ᭄ᬧᬶᬲᬦ᭄ᬓᬕᬸᬡᬦ᭄ᬘᬓᭂᬧᬦ᭄ᬧᬸᬦᬶᬓᬶ᭟ᬧᬫᬸᬧᬸᬢ᭄ᬢᬶᬢ᭄ᬬᬂᬫᬢᬸᬃᬜᬸᬓ᭄ᬱ᭄ᬫᬬᬂᬧᬶ
ᬲᬦ᭄ᬭᬶᬂᬳᬶᬕᬸᬲ᭄ᬢᬶᬩᬕᬸᬲ᭄ᬗᬸᬭᬄᬫᬦ᭄ᬢ᭄ᬭᬳᬶᬦ᭄ᬤᬶᬓ᭄ᬳᬶᬤᬲᬫ᭄ᬧᬸᬦ᭄ᬫᬺᬲᬶᬤ᭄ᬥᬬᬂᬗᬃᬤ᭄ᬥᬶᬘᬓᭂᬧᬦ᭄ᬲᬦᬾᬉᬢ᭄ᬢᬫᬧᬸᬦᬶᬓᬶ᭟᭜᭟ᬳᬶᬓᬶᬳᬗ᭄ᬕᬶᬢᬗ᭄ᬕᬶᬢᬦ᭄ᬕᬕᬸᬭᬶᬢᬦ᭄ᬫᬚᬧᬳᬶᬢ᭄᭟᭜᭟ᬳᬶᬦᬧᬸᬦᬶᬓᬶᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬤᬶᬦ
᭞ᬰ᭞ᬧ᭞ᬮᬗ᭄ᬓᬶᬃ᭞ᬧᬹᬃᬡ᭄ᬦᬫᬦᬶᬂᬰᬰᬶᬄᬓᬧᬶᬢᬸ᭞ᬇᬰᬓ᭞᭑᭘᭙᭐᭟ᬢᬗ᭄ᬕᬮ᭄ᬫᬰᬾᬳᬶ᭞᭔᭞ᬚᬦᬸᬳᬭᬶ᭞᭑᭙᭖᭙᭟᭜᭟ᬧᬤᬡ᭄ᬥᬫᬥᬾᬓᬫᭂᬦᬸᬄ᭞ᬲᬸᬓᬲᬤ᭟᭚᭜᭚ᬧᬸᬧᬸᬢ᭄ᬲᬶᬦᬸᬭᬢ᭄ᬫᬦᭂᬥᬸᬦ᭄ᬭᬶᬂᬤᬶᬦ
᭞ᬘ᭞ᬧ᭞ᬯᬭᬯᬭᬶᬕᬥ᭄ᬬᬦ᭄᭞ᬢᬶᬢᬶ᭞ᬧᬂ᭞ᬧᬶᬂ᭞᭔᭞ᬰᬰᬶᬄᬓᬲᬗ᭞ᬭᬄ᭞᭔᭞ᬢᭂᬂ᭞᭒᭞ᬇᬰᬓ᭞᭑᭙᭒᭔᭟ᬢᬗ᭄ᬕᬮ᭄ᬫᬰᬾᬳᬶ᭞᭑᭞ᬅᬧ᭄ᬭᬶᬮ᭄᭞᭒᭐᭐᭒᭟ᬲᬶᬦᬸᬭᬢ᭄ᬤᬾᬲᬗᬧᬦ᭄ᬮᬄ᭞ᬳᬶᬓ᭄ᬢᬸᬢ᭄ᬲᭂᬗᭀᬤ᭄

[᭕᭒ 52A]
᭕᭒
᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕ᭞ᬓᬘᬫᬢᬦ᭄ᬳᬩᬂ᭞ᬓᬪᬸᬧᬢᬾᬦ᭄ᬓᬭᬗᬲᭂᬫ᭄᭟ᬗ᭄ᬳᬶᬂᬓ᭄ᬱᬫᬓ᭄ᬦ᭞ᬯᬶᬭᬹᬧᬦᬶᬂᬅᬓ᭄ᬱᬭ᭞ᬢᬸᬦᬍᬯᬶᬄ᭟᭜᭟ [ 53 ]Page:Bali-lontar-gaguritan-majapahit-250ppi.pdf/53