Ban/Gaguritan Mantri Jawa

Deskripsi

Bahasa Indonesia

Gaguritan Mantri Jawa menceritakan tentang perjalanan hidup Mantri Jawa. Diceritakan perjalanan Mantri Jawa yang berjumpa dengan beberapa wanita seperti Ni Galuh, Ni Limbur, Raden Dewi, dan masih banyak lagi. Diceritakan juga ketika Mantri Jawa terkena penyakit dan hampir kehilangan nyawanya.

Naskah

[ 1 ]PERPUSTAKAAN
KTR. DOKBUD BALI
PROP. BALI
G/X/12/DOKBUD
G. MANTRI JAWA
MILIK : PT. MERTA BANJAR
JL : 1-41
P : 45 CM

[᭑ 1A]
᭛ᬕᭂᬕᬸᬭᬶᬢᬦ᭄‌ᬫᬦ᭄ᬢ᭄ᬭᬶᬚᬯᬵ᭛
᭑-᭔᭑
GAG : MANTRI JAWA
G/X/12 [ 2 ][᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬲ᭄ᬢᬸᬦᬫᬲᬶᬥᬀ᭛᭐᭛ᬕᭂᬕᬸᬭᬶᬢᬦ᭄‌ᬫᬦ᭄ᬢ᭄ᬭᬶᬚᬯᬵ᭚᭐᭚ᬧᬸᬧᬸᬄᬕᬶᬦᬤᬵ᭚᭐᭚ᬳᬤᬘᬭᬶᬢᬯᬶᬦᬃᬡ᭄ᬦ᭞ᬲᬢ᭄ᬯᬦ᭄ᬳᬦᬓᬾᬦᬾᬚᬦᬶ᭞ᬳᬤᬓᭀᬘᬧᬦ᭄ᬲᬂᬓᬢᭀᬂ᭞ᬤᬶᬚᬯᬵᬳᬗ᭄ᬮᬸᬲ᭄ᬦᬕ
ᬦ᭄ᬢᬸᬦ᭄᭞ᬲᬸᬕᬶᬄᬩᬮᬵᬲᬸᬓᬯᬶᬃᬬ᭄ᬬ᭞ᬳ᭄ᬫᬲ᭄ᬧᬶᬧᬶᬲ᭄᭞ᬫᬶᬭᬄᬯᬶᬦ᭄ᬢᭂᬦ᭄ᬦᬾᬢᬦ᭄ᬓᬾᬢᬂ᭞ᬫᬤ᭄ᬯᬾᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬮᬦᬂᬢᬸᬃᬳᬦᭀᬫᬧ᭄ᬓᬶᬓ᭄᭞ᬲᬧᭀᬮᬳᬾᬭᬯᬶᬢ᭄ᬓᬢᭀᬦ᭄᭞ᬓᬤᬶᬳ᭄ᬬᬂᬲ᭄ᬫᬭᬫᬦᬸᬭᬸᬦ᭄᭞ᬲᬶᬂᬢᬸᬫᬶᬗᬮ᭄ᬧᬥ
ᬗᬾᬫᬦ᭄᭞ᬮᬸᬄᬫ᭄ᬯᬦᬶ᭞ᬢᬦ᭄ᬳᬸᬭᬸᬂᬫᬢ᭄ᬫᬄᬳᬾᬤᬦ᭄᭟᭚᭐᭚ᬮ᭄ᬯᬶᬄᬲᬂᬳᬤ᭄ᬭᬸᬯᬾᬧᬸᬢ᭄ᬭ᭞ᬲᬂᬧ᭄ᬭᬪᬸᬫ᭄ᬯᬂᬧ᭄ᬭᬫᬾᬰ᭄ᬯᬭᬷ᭞ᬢᬦ᭄ᬲᬄᬗᬲᬶᬄᬳᬲᬶᬄᬋᬓᭀ᭞ᬲᬂᬧᬸᬢ᭄ᬭᬲᬳᬶᬓᬕᬸᬦ᭄ᬕᬸᬦ᭄᭞ᬓᬯᬶᬥᬶᬫᬗᬮᬶᬄᬓᬃᬫ᭞ᬗ᭄ᬳᬶᬂᬢᬦᬧ᭄ᬢᬶ᭞ᬧᬸᬢ᭄ᬭ
ᬦᬾᬢᭂᬮᬲ᭄ᬫᬫᬶᬦ᭄ᬤᬄ᭟ᬲ᭄ᬭᬷᬧ᭄ᬭᬫᬶᬰ᭄ᬯᬭᬶᬗᬦ᭄ᬤᬶᬓ᭞ᬤᬸᬄᬤᬾᬯᬦ᭄ᬫᬾᬫᬾᬦᬾᬫᬡᬶᬓ᭄᭞ᬗᬸᬤᬘᬳᬶᬩᬸᬓᬓᬾᬢᭀ᭞ᬲᬓᬮᬂᬫᬾᬫᬾᬦᬾᬳᬶᬤᬸᬧ᭄᭞ᬫᬦᬶᬫᬾᬫᬾᬫᬗᬺᬚᬗᬂ᭞ᬧ᭄ᬬᬦᬓ᭄ᬧᬢᬶᬄ᭞ᬤ᭄ᬫᬵᬂᬢᬸᬫᭂᬗ᭄ᬕᬸᬂᬧ᭄ᬭᬫᬜ᭄ᬘ᭟

[᭒ 2A]
ᬫᬸᬮᬶᬄᬳᬤᬧᬗᬭᬄ᭞ᬧ᭄ᬭᬲᬫ᭄ᬬᬲᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬧᬹᬚᬗᬾᬧᭂᬲᬸᬫᬗ᭄ᬕᬾᬮᭀᬄ᭞ᬧᬬᬲᬾᬲᬫᬶᬳᬩ᭄ᬭᬫᬸᬭᬸᬩ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬧ᭄ᬭᬫᬶᬰ᭄ᬯᬭᬷ᭞ᬲᬂᬧ᭄ᬭᬪᬹᬫᬸᬗ᭄ᬕ᭄ᬯᬶᬂᬧᬗ᭄ᬕᬸᬗᬦ᭄᭟ᬲᬫᬶᬫᬓᬳᬶᬲᬶᬦ᭄ᬧᬹᬭᬵ᭞ᬫ
ᬓᬤᬶᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬸᬫᬦ᭄ᬤᬶᬂᬳᬶᬤᬲᬂᬓᬢᭀᬂ᭞ᬕᬫ᭄ᬮᬦ᭄ᬳᬸᬫ᭄ᬯᬂᬕᬸᬫᬸᬭᬸᬄ᭞ᬢᬸᬫᬸᬮᬶᬄᬗᬼᬓᭂᬲᬂᬋᬚᬂ᭞ᬢᬸᬳᬸᬳᬰ᭄ᬭᬷᬤᬾᬦᬶᬂᬧᬥᬚᬦ᭄ᬫᬫᬾᬦᬓ᭄᭟ᬰ᭄ᬭᬶᬧ᭄ᬭᬫᬶᬲ᭄ᬯᬵᬭᬶᬗᬦ᭄ᬤᬶᬓ᭞ᬦᬶᬓᬢᭀᬦ᭄ᬢᭀᬦ᭄ᬦᬦᬓ᭄ᬫᬦ᭄ᬢ᭄ᬭᬶ᭞ᬳᭂᬗ᭄ᬓᬾᬦ᭄ᬧᬸ
ᬦᬶᬓᬦᬾᬓᬗ᭄ᬕᭀ᭞ᬬᬾᬦ᭄ᬫᬾᬫᬾᬯ᭄ᬬᬄᬤᬶᬫᬮᬸ᭞ᬳᬤᭂᬕ᭄ᬜᬦᬾᬮᬗ᭄ᬲᬶᬂᬮᬜ᭄ᬚᬃ᭞ᬧᬸᬢᬶᬄᬓᬸᬦᬶᬂᬩᬸᬓᬲᬦ᭄ᬤᬢᬾᬧᬬᬗᬦ᭄᭟ᬫ᭄ᬯᬦ᭄ᬜᬦᬾᬩᬸᬓᬩᬸᬮᬦ᭄᭞ᬳᬮᬶᬲ᭄ᬜᬦᬾᬩᬸᬓᬢᬸᬮᬶᬲ᭄᭞ᬩᭀᬓᬾᬲᬫᬄᬥᭂᬫ᭄ᬥᭂᬫ᭄ᬯᭀ
ᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬓᭂᬜᬸᬂ᭞ᬩᭀᬬᬢᬶᬢ᭄ᬬᬂᬧᬭᬶᬯᬤ᭄ᬥᬵ᭞ᬳᬦ᭄ᬤᬾᬲᬭᬷᬧᬸᬦᬶᬓᬩᬸᬗᬜ᭄ᬘᬫ᭄ᬧᬓ᭟ᬫ᭄ᬯᬦᬾᬢᬶᬭᬸᬲ᭄ᬫᭂᬦᬾᬓᬦ᭄᭞ᬯ᭄ᬬᬓ᭄ᬢᬶᬜᬢ᭄ᬯᬄᬲᬤᬭᬫ᭄ᬧᬶᬂ᭞ᬩᬗ᭄ᬓ᭄ᬬᬗᬾᬫᬗᬮᬶᬲᬲ᭄ᬯᬦ᭄᭞ᬯ᭄ᬢᭂᬗᬾᬫ [ 3 ][᭒ 2B]
᭒
ᬗᬫ᭄ᬩᬶᬂᬕᬦ᭄ᬢᬸᬂ᭞ᬘᬘᬶᬗᬓ᭄ᬫᬲᬯᬂᬋᬗᬲ᭄᭞ᬫᬢ᭄ᬣᬫᬮᬶᬂᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬗᬾᬗᬗ᭄ᬕᬾᬬᬂ᭟ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬷᬲ᭄ᬯᬃᬬ᭄ᬬ᭞ᬲᭂᬓᭂᬮ᭄ᬫᬦᬳᬾᬢᬦ᭄ᬲᬶᬧᬶ᭞ᬧ᭄ᬬᬦᬓᬾᬓᬯ᭄ᬮᬦ᭄ᬢᬕᬵ᭞ᬫᬦᬸᬳᬸᬢ᭄ᬲᬫ᭄ᬧᬶᬗᬦ᭄ᬕᬸᬦᬸᬂ᭞ᬫ᭄ᬕᬢ᭄ᬕᬮ᭄ᬫᬜ᭄ᬚᬶᬂᬗ᭄ᬮᬮᬲ᭄᭞ᬢ
ᬦ᭄ᬧᬦᬸᬮᬶᬄᬚᬸᬭᬂᬯᬭᬸᬂᬢᬦ᭄ᬓᬘᬶᬮᬂ᭟ᬲᬭᬤᬸᬮᬦᬾᬭᬦ᭄ᬢᬩᬦ᭄᭞ᬢᭂᬓᬦᬾᬧᬥᬧᬤᬶᬗ᭄ᬓ᭄ᬭᬶᬓ᭄᭞ᬫᬭᬸᬧᬕᬶᬭᬂᬫᬦᭀᬦ᭄ᬢᭀᬦ᭄᭞ᬳᬦᬓᬾᬦᬾᬩᬕᬸᬲ᭄‌ᬲᭂᬡ᭄ᬥᬸ᭞ᬧᬭᬦᬾᬢ᭄ᬓᬫᬩᬸᬬᬕ᭄᭟ᬘᭂᬦᬶᬓ᭄ᬓᭂᬮᬶᬄᬫᬭᬾᬭᭀᬤ᭄ᬫᬦᬸ
ᬳᬸᬢ᭄ᬫᬃᬕ᭟ᬓ᭄ᬮᭀᬤ᭄ᬕ᭄ᬬᬦᬾᬧᬥᬦᬸᬗ᭄ᬲᬂ᭞ᬩᬸᬓᬫᬢᬸᬚ᭄ᬯᬶᬦ᭄ᬫᬃᬕᬶ᭞ᬢᭀᬮᬶᬳᬦᬾᬫᬦᬸᬳᬸᬦᬂ᭞ᬤᬶᬚᬸᬭᬭᬾᬧᬕᭂᬮᬸᬮᬸᬓ᭄᭞ᬮᬸᬩᬓ᭄ᬫᬫᬄᬮᬯᬦ᭄ᬲᬸᬗ᭄ᬕᬢ᭄᭞ᬮᬦ᭄ᬢᬶᬗ᭄ᬕᬶᬮᬶᬢᭀᬭᬾᬓᬮᬯᬦ᭄ᬳᬶᬋᬗᬦ᭄᭟ᬲᬸᬕᬭᬓᬮ
ᬯᬦ᭄ᬮᬦ᭄ᬤᬓ᭄᭞ᬳᬮᭀᬦ᭄ᬮᬫ᭄ᬧᬳᬾᬤᬶᬫᬃᬕᬶ᭞ᬩᬸᬮᬸᬦ᭄ᬜᬦᬾᬚ᭄ᬭᬶᬂᬓᬢᭀᬦ᭄᭞ᬭᬭᬶᬲ᭄ᬫᬗᬦ᭄ᬤᬶᬓᬳᬭᬸᬫ᭄᭞ᬧᬸᬦ᭄ᬢᬚᬸᬭᬸᬤᬾᬄᬦᬾᬳᬾᬗ᭄ᬕᬮ᭄᭞ᬫᬳᬶᬤᬶᬦᬶᬧᬸᬦ᭄ᬢᬚᬸᬭᬸᬤᬾᬄᬳᬾᬗ᭄ᬕᬮᬂ᭟ᬦᬾᬤᬸᬮᬸᬄᬭᬭᬶᬲ᭄ᬓᬚᬩ᭞

[᭓ 3A]
ᬢᬸᬫᬸᬮᬶᬄᬓᬫᭂᬦ᭄ᬤᬓ᭄ᬮᬶᬭᬶᬂ᭞ᬢᬸᬃᬦᬧᬲᬩ᭄ᬤᬦᬾᬳᬮᭀᬦ᭄᭞ᬧᬸᬦᬧᬶᬓᬃᬬ᭄ᬬᬦᬾᬭᬢᬸ᭞ᬫᬫᬸᬭᬂᬮᬫ᭄ᬧᬄᬓᬲᬸᬦ᭄ᬬᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄ᬓᬯ᭄ᬮᬲᬵᬃᬱ᭟ᬳᬶᬭᬫᬗ᭄ᬮᬶᬂᬮᬗᬶᬦ᭄ᬢᬫᬦ᭄᭞ᬲᬦᬾᬰᬫ᭄ᬯᬂᬧᬲᬶᬃᬉᬓᬶᬃ᭞ᬦᬾᬤᬸᬓᬸᬄᬰᬩ᭄ᬤᬦᬾᬳᬮᭀ
ᬦ᭄᭞ᬤᬸᬄᬤᬾᬯᬦ᭄ᬢᬶᬢ᭄ᬬᬗᬾᬭᬢᬸ᭞ᬳᬦ᭄ᬤᬾᬫᬶᬭᬄᬢᬦ᭄ᬧᬫ᭄ᬩᬦᬦ᭄᭞ᬢᬦ᭄ᬲᬶᬦᬶᬧᬶᬳᬦ᭄ᬢᬸᬓ᭄ᬳᬶᬤᬾᬯᬓᬮᬯᬦ᭄᭞ᬬᬾᬦ᭄ᬲᬫ᭄ᬧᬸᬦ᭄ᬳᬶᬤᬾᬯᬳ᭄ᬮᬲ᭄᭞ᬓᬬᬸᬦᬾᬳᬧᬂᬫᬫᭂᬲᬶᬓ᭄᭞ᬧᬸᬦᬶᬓᬶᬲ᭄ᬓᬭᬾᬢᭀᬦ᭄ᬢᭀᬦ᭄᭞ᬦᬾᬓᬢᬄᬫ
ᬭᭀᬫ᭄ᬧ᭄ᬬᭀᬓ᭄ᬋᬫ᭄ᬧ᭄ᬬᬸᬓ᭄᭞ᬳᭂᬗ᭄ᬓᬾᬦ᭄ᬧᬸᬦᬶᬓᬅᬃᬱᬬᬂ᭞ᬳᬧᬂᬚᬢᬶᬧᬸᬦᬶᬓᬲᬫ᭄ᬧᬸᬦ᭄ᬳᬶᬫ᭄ᬩᬜ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᬶᬗᬓ᭄᭞ᬲ᭄ᬓᬃᬭᬾᬲᭀᬭᭀᬄᬦᬾᬭᬯᬶᬢ᭄᭞ᬩᬸᬗᬦ᭄ᬫᭂᬦᬸᬄᬮᬦ᭄ᬮᬶᬃᬕᬶᬮᭀ᭞ᬲᬭᬸᬦᬶᬮᬦ᭄ᬲᬓ᭄ᬱᬢ᭄ᬢᬸᬜ᭄ᬚᬸᬂ᭞ᬲ
ᬫᬶᬮᬦ᭄ᬧᬾᬮᬾᬢ᭄ᬲᬶᬥᬗᬦ᭄᭞ᬲᬦ᭄ᬤᬢ᭄ᬕᬤᬶᬂᬘᬫ᭄ᬧᬓᬮᬯᬦ᭄ᬓᬢ᭄ᬭᬗᬦ᭄᭟ᬲ᭄ᬬᬸᬮᬦ᭄ᬮᬯᬦ᭄ᬭᬶᬚᬲ᭞ᬚᬫ᭄ᬧᬶᬭᬶᬂᬮᬯᬦ᭄ᬲᬸᬮᬢ᭄ᬭᬶ᭞ᬧᬤ᭄ᬫᬵᬓᬮᬯᬦ᭄ᬢᬶᬕᬭᭀᬦ᭄᭞ᬧᬮᬲᬮᬦ᭄ᬢᬸᬯᬶᬓᬓᬸᬮ᭄᭞ᬳᬗ᭄ᬭᬾᬓ᭄ᬰᬰᬶᬄᬮᬦ᭄ᬢᬲᬦ᭞ [ 4 ][᭓ 3B]
᭓
ᬚᭂᬧᬸᬦ᭄ᬓᬫᭀᬦᬶᬗᬾᬤᬶᬢᬸᬬᬫᬗᬫ᭄ᬩ᭄ᬬᬃ᭞ᬤᭂᬮᬶᬫᬯᬡ᭄ᬝᬮᬦ᭄ᬫᭂᬭᬓ᭄᭞ᬓᬚᬬᬦ᭄ᬢᬶᬓᭂᬫ᭄ᬩᬂᬓᬸᬦᬶᬂ᭞ᬫᬦ᭄ᬤᬲᬸᬮᬶᬮᬯᬦ᭄ᬲᬾᬫ᭄ᬧᭀᬮ᭄᭞ᬲ᭄ᬓᬃᬓᭀᬫ᭄ᬧ᭄ᬬᭀᬂᬮᬯᬦ᭄ᬢᬶᬩ᭄ᬮᬸᬦ᭄᭞ᬓᬭᬸᬭᬓ᭄ᬮᬦ᭄ᬓᬓᬭᬩᬂ᭞ᬩᬸᬗᬦ᭄ᬢᬗᬶᬫᬲᬦ᭄ᬤᬶᬂᬮᬦ᭄ᬧᬭᬶ
ᬚᬣ᭞ᬤᬶᬧᬶᬗ᭄ᬕᬶᬃᬧᬸᬤᬓ᭄ᬘᬶᬡ᭄ᬥᬦᬾ᭞ᬮᬶᬮᬶᬢᬶᬦ᭄ᬕᬤᬸᬂᬓᬲ᭄ᬢᬸᬭᬶ᭞ᬲᬗ᭄ᬕᬮᬗᬶᬢᬾᬫᬭᭀᬫ᭄ᬧ᭄ᬬᭀᬓ᭄᭞ᬢᬶᬕᬓᬢ᭄ᬫᬸᬮᬦ᭄ᬢᬸᬜ᭄ᬚᬸᬂ᭞ᬢᭂᬍᬂᬮᬯᬦ᭄ᬲᭂᬓᬃᬘᬶᬡ᭄ᬦ᭞ᬳᬗ᭄ᬕ᭄ᬭᬾᬓ᭄ᬕ᭄ᬭᬶᬂᬲᬶᬂ᭞ᬫᬲᬦ᭄ᬤᬶᬂᬮᬯᬦ᭄ᬩᬸᬗᬦ᭄ᬓᬧ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬗ
ᬦ᭄ᬤᬶᬓᬵ᭞ᬬᬾᬦ᭄ᬧᬗ᭄ᬭᬱᬦᬶᬭᬓᬓᬶ᭞ᬧᬸᬦᬶᬓᬩᬸᬗᬦᬾᬓᬢᭀᬦ᭄᭞ᬘᭂᬫ᭄ᬧᬓᬢᬶᬭᬸᬲ᭄ᬓᬃᬫᬸᬜ᭄ᬘᬸᬓ᭄᭞ᬲᬦ᭄ᬤᬢᬾᬕ᭄ᬮᬶᬲᬦ᭄ᬫᬬᬂ᭞ᬩᬸᬗᬦ᭄ᬕᬫ᭄ᬩᬶᬃᬫᬶᬬᬶᬓ᭄ᬜᬦᬾᬢ᭄ᬯᬄᬳᬤᬶᬦ᭟ᬧᬸᬦᬶᬓᬩᬸᬗᬦᬾᬮ᭄ᬬᬦ᭄᭞ᬢᬦ᭄ᬓᬘᬭᬶᬢᬓᭀᬓᬓᬶ᭞
ᬲᬫᬶᬫᬗᬶᬗ᭄ᬕᬶᬮᬂᬳᬯᬓ᭄᭞ᬤᬦᬾᬤᬸᬓᬸᬄᬲᬯᬹᬃᬓᭂᬜᬸᬂ᭞ᬦᬸᬦᬲ᭄ᬫᬗ᭄ᬭᬭᬶᬲ᭄ᬫᬭᬶᬓ᭞ᬢᭂᬧᬶᬦ᭄ᬩᬶᬚᬶᬯᬾᬦ᭄ᬢᭂᬦ᭄‌ᬲ᭄ᬓᬃᬢ᭄ᬯᬄᬳᬧᬲᬂ᭟ᬲ᭄ᬓᬃᬧᬜ᭄ᬘᬃᬘᬶᬡ᭄ᬦᬫ᭄ᬩᬸᬭᬢ᭄᭞ᬯᬃᬡ᭄ᬦᬦᬾᬗᭂᬦ᭄ᬢᬾᬓᭂᬦ᭄ᬳᬢᬶ᭞ᬫᬗ᭄ᬭᬫ᭄ᬧᬬᬓ᭄ᬩᬸᬓᬲᭀᬭᭀᬢ᭄᭞

[᭔ 4A]
ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬸᬫᬓᬸ᭞ᬢᬸᬫᬸᬮᬶᬄᬭᬭᬶᬲ᭄ᬓᬘᬶᬗᬓ᭄᭞ᬢᬸᬳᬸᬭᬯᬶᬢ᭄ᬩᬸᬗᬦᬾᬫᬗᬬᬂᬳᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬯ᭄ᬗᬦ᭄᭞ᬲᬸᬓᬢ᭄ᬜᬶᬗᬓ᭄ᬲ᭄ᬓᬃᬩᭂᬘᬶᬓ᭄᭞ᬢᬦ᭄ᬗᬦ᭄ᬤᬶᬓᬭᬭᬶᬲ᭄ᬩᭂᬗᭀᬂ᭞ᬦᬾᬤᬸᬓᬸᬄᬰᬩ᭄ᬤᬦᬾᬳᬮᬸᬲ᭄᭞ᬧᬸᬦᬶᬓᬧᬸᬢ᭄ᬭᬶᬦᬾᬗᬾ
ᬲᬓ᭄᭞ᬦᬾᬭᬶᬂᬩᬮᬶᬫᬯᬱ᭄ᬝᬓᬤᬶᬧᬸᬦᬶᬓᬵ᭟ᬢᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬫᬫᬤ᭄ᬥᬵ᭞ᬲᭀᬭᬶᬂᬮᬗᬶᬢᬾᬧᬸᬦᬶᬓᬶ᭞ᬲᬫ᭄ᬧᬸᬦ᭄ᬳᬶᬤᬾᬯᬧᬋᬤᭀ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬶᬦ᭄ᬢᬸᬳᬸ᭞ᬳ᭄ᬦᭂᬗᬓ᭄ᬦᬧᬸᬦᬶᬓ᭞ᬲᬶᬭᬯᬲᬶᬗᬢᬸᬭᬶᬦ᭄ᬫᬦ᭄ᬢᬸᬓ᭄ᬗᬚᭂᬗᬂ᭟
ᬢᬸᬫᬸᬮᬶᬄᬭᬭᬶᬲ᭄ᬫᬫᬃᬕ᭞ᬧᬸᬦ᭄ᬢᬚᬸᬭᬸᬤᬾᬄᬢᬦ᭄ᬓᬭᬶ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬦᬸᬓᭀᬦ᭄᭞ᬥᬾᬤᬸᬓᬸᬄᬇᬲ᭄ᬢ᭄ᬭᬶᬯᬸᬲ᭄ᬕᬸᬧᬸᬄ᭞ᬘᬸᬫᬯᬶᬲ᭄ᬫᬧᬲᬂᬤᬳᬃ᭞ᬳᬗ᭄ᬤᬧ᭄ᬳᬰ᭄ᬭᬶᬢᬸᬫᬸᬮᬶᬄᬫᬘᬤᬂᬤᬳᬃ᭟ᬤᬸᬄᬤᬾᬯᬩᬕᬸᬲ᭄ᬫᬲ᭄ᬫᬶᬭᬄ᭞ᬫᬮᬶᬗ᭄ᬕᬶᬄ
ᬓᬾᬩᭂᬘᬶᬓ᭄᭞ᬓᬢᬶᬕᬲᬋᬂᬫᬧᬗ᭄ᬓᭀᬦ᭄᭞ᬦᬗᬶᬂᬧᬢᬫ᭄ᬬᬸᬦᬾᬕᬸᬦᬸᬂ᭞ᬧᬥᬲᬃᬯ᭄ᬯᬚᬗᬦ᭄ᬢᬗᬦ᭄᭞ᬧᬾᬮᬲ᭄ᬧᬗᬶᬓᭂᬘᬳᬶᬮᬦ᭄ᬲᬫ᭄ᬩᭂᬮ᭄ᬮᬗ᭄ᬓ᭄ᬯᬲ᭄᭟ᬓᭀᬫᬓ᭄ᬮᬩ᭄ᬮᬩ᭄ᬮᬯᬃᬢᬩ᭄ᬬ᭞ᬮᬗ᭄ᬕᭂᬫ᭄ᬲᬫ᭄ᬩᭂᬳᬶᬦ᭄ᬓᬸᬫ᭞ [ 5 ][᭔ 4B]
᭔
ᬭᬶ᭞ᬮᬾᬦ᭄ᬮᬯᬃᬩᬸᬗᬦ᭄ᬕᬫᭀᬗᬦ᭄᭞ᬓᬮᭀᬂᬓᬂᬮᬦ᭄ᬲᬫ᭄ᬩᭂᬮ᭄ᬢᬸᬯᬸᬂ᭞ᬮᬾᬦ᭄ᬮᬯᬃᬩᬸᬗᬦ᭄ᬓᬘᬶᬘᬂ᭞ᬩᬲᬫᬦᬶᬲ᭄ᬮᬯᬦ᭄ᬧᬓᬸᬓᬮᬯᬦ᭄ᬩᬸᬲ᭄ᬩᬸᬲᬦ᭄᭟ᬢᬸᬫᬸᬮᬶᬄᬭᬭᬶᬲ᭄ᬗᬚᭂᬗᬂ᭞ᬳᬾᬦᬓ᭄ᬫᬦᬳᬃᬦᬾᬫᬗ᭄ᬓᬶᬦ᭄᭞ᬫᬕᬸᬕᬸᬢᬸᬓ᭄ᬳᬸᬮᬫ᭄ᬩᬸᬭᭀ
ᬦ᭄᭞ᬲᬢᬾᬓᬶᬤᬂᬢᬦᬲᬸᬭᬸᬦ᭄᭞ᬧᬶᬦ᭄ᬤᬂᬯᬶᬚᬸᬗᬾᬢᬦ᭄ᬧᭂᬕᬢ᭄᭞ᬲᬃᬯ᭄ᬯᬩᭂᬘᬶᬓ᭄ᬲᬸᬫᬶᬗ᭄ᬓᬶᬦ᭄ᬳᬾᬦᬓ᭄ᬫᬦᬳᬃ᭟ᬮᬸᬫᬶᬦ᭄ᬢᬸᬳᬭᬓ᭄ᬯᬭᬕᬂ᭞ᬲᬚᭂᬂᬮᬦ᭄ᬓᬶᬮᬂᬗᬩᭂᬦ᭄ᬢᬶ᭞ᬲᬫ᭄ᬩᬶᬮᬂᬫᬲᬶᬄᬫᬗ᭄ᬭᬯᭀᬲ᭄᭞ᬦᬾᬤᬸᬓᬸᬄᬰᬩ᭄ᬤᬦᬾ
ᬳᬮᬸᬲ᭄᭞ᬬᬾᬦ᭄ᬳᬢᬸᬭᬦ᭄ᬢᬶᬢ᭄ᬬᬂᬤᬾᬯᬵ᭞ᬳᬧᬂᬕᬦ᭄ᬢᬶᬫᬦᬸᬲ᭄ᬧᬮ᭄ᬯᬥᬕᬗᬦ᭄᭟ᬬᬾᬦ᭄ᬳᬶᬤᬾᬯᬵᬭᬯᬸᬄᬚᬸᬫᬄᬫᬫᬋᬓ᭄ᬳᬶᬤᬲᬂᬳᬚᬶ᭞ᬢᬦ᭄ᬳᬧᬶᬲᬦ᭄ᬧᬶᬲᬦ᭄ᬧᬶᬦ᭄ᬤᭀ᭞ᬧᬶᬦ᭄ᬤᭀᬯᬶᬦ᭄ᬦᬸᬦᬲ᭄ᬧᬭᬯᬸ᭞ᬮᬯᬦ᭄ᬥᬕᬗᬦᬾᬫᬸ
ᬮ᭄ᬬᬵ᭞ᬫᬓᬫᬃᬕᬶᬦ᭄ᬳᬶᬤᬾᬯᬵᬭᬯᬸᬄᬳᬶᬭᬶᬓ᭟ᬢᬦ᭄ᬦᬸᬭᬸᬂᬳᬶᬤᬾᬯᬵᬲᬤ᭄ᬬ᭞ᬓᬧᬗ᭄ᬕᬶᬄᬮᬯᬦ᭄ᬲᬂᬧᬸᬢ᭄ᬭᬷ᭞ᬦᬶᬓᬶᬩᬸᬗ᭄ᬓᬸᬂᬢᬶᬢ᭄ᬬᬂᬓᬯᭀᬢ᭄᭞ᬳᬗ᭄ᬕᬾᬦ᭄ᬳᬶᬤᬾᬯᬵᬫᬢ᭄ᬣᬫᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬦᬭᬶᬫ᭞ᬲᬫ᭄ᬧᬸᬦ᭄ᬲ

[᭕ 5A]
ᬫᬶᬳᬸᬲᬦ᭄ᬫᬤᬳᬃᬫᬗᬶᬦᬂ᭟ᬲᬳᬸᬲᬦᬾᬦᬳᬃᬲ᭄ᬤᬄ᭞ᬓᬓᬶᬳᬶᬭᬧᬫᬶᬢ᭄ᬫᬸᬮᬶᬄ᭞ᬦᬾᬤᬸᬓᬸᬄᬗᭂᬫᬼᬂᬳ᭄ᬬᬾᬄᬧᬦᭀᬦ᭄᭞ᬓᬧᬶᬯ᭄ᬮᬲᬦ᭄ᬳᬦ᭄ᬤᬸᬮᬸ᭞ᬢᬸᬫᬸᬮᬶᬄᬭᬭᬶᬲ᭄ᬫᬫᬃᬕ᭄ᬕ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬓᭀᬘᬧᬜᬤᬶᬚᬮᬦ᭄᭟ᬲᬯ
ᬢᬭᬢᬶᬕᬂᬤᬶᬦᬵ᭞ᬢᭂᬓᬤᬶᬤᬾᬰᬫᬗ᭄ᬭᬭᬶᬲ᭄᭞ᬫᬦ᭄ᬢᬸᬓ᭄ᬫᬗ᭄ᬭᬭᬶᬲ᭄ᬓᬚ᭄ᬭᭀ᭞ᬧ᭄ᬭᬫᬶᬲ᭄ᬯᬭᬷᬮᬦ᭄ᬲᬧ᭄ᬭᬪᬸᬫᬶ᭞ᬯᬄᬫᬭᬭᬦ᭄ᬢᭂᬦ᭄ᬳᬚ᭄ᬬ᭞ᬭᬳᬤᬾᬦ᭄ᬤᬾᬯᬶᬲᬫᬶᬓᬧᬗ᭄ᬕᬶᬄᬭᬶᬂᬦᬢᬃ᭟ᬧ᭄ᬭᬲᬫ᭄ᬬᬓᬕ᭄ᬬᬢ᭄ᬭᬶᬂᬫᬦᬄ᭞ᬢᬸᬫᬶᬗ᭄ᬕᬮᬶᬭᬳᬤᬾ
ᬦ᭄ᬫᬦ᭄ᬢ᭄ᬭᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞ᬫᬦᬶᬓ᭄ᬩᬧᬦᬾᬩᬸᬭᬯᬸᬄ᭞ᬳᬸᬮᬶᬤᬶᬚᬕᬢᬶᬫᬶᬭᬄ᭞ᬧ᭄ᬭᬫᬶᬲ᭄ᬯᬭᬷᬫᬗ᭄ᬕᭂᬮᬸᬢ᭄ᬗᭂᬮᬸᬢ᭄ᬭᬳᬤ᭄ᬬᬦ᭄᭞ᬳᬶᬤᬾᬯᬵᬳᬸᬮᬶᬤᬶᬚᬳ᭞ᬫᬫᬸᬭᬂᬮᬫ᭄ᬧᬄᬫᬦ᭄ᬤᬶᬳᬶ᭞ᬢᬦ᭄ᬧᭂᬕᬢ᭄ᬳᬶᬫᬾᬫᬾᬩᭂᬗᭀᬂ᭞ᬤᬶ
ᬚᬸᬫᬄᬲᬳᬶᬫᬓ᭄ᬭᬸᬩᬸᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬫᬮᬮᬶᬓᬕᬸᬦᬸᬂᬗ᭄ᬮᬂᬮᬂᬓᬮᬗ᭄ᬯᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬲᭂᬫ᭄ᬩᬄ᭞ᬫᬢᬹᬃᬲᬃᬯ᭄ᬯᬶᬳᬯᭀᬢ᭄ᬲᬭᬶ᭞ᬤᬲᬂᬓᬢᭀᬂᬢᬶᬢ᭄ᬬᬂᬦᬸᬦᬲ᭄᭞ᬇᬘ᭄ᬮᬳᬸᬕᬶᬤᬵᬲᬂ [ 6 ][᭕ 5B]
᭕
ᬧ᭄ᬭᬪᬸ᭞ᬢᬶᬢ᭄ᬬᬂᬧᬦᬸᬦᬲ᭄ᬤᬕᬗᬦ᭄᭞ᬗᬸᬦ᭄ᬢᬧ᭄ᬩᬮᬶᬫᬦᬸᬗ᭄ᬕᬂᬧᬮ᭄ᬯᬤᬕᬗᬦ᭄᭟ᬮᬦ᭄ᬢᬲ᭄ᬲᬂᬧ᭄ᬭᬪᬸᬫ᭄ᬯᬂᬧ᭄ᬭᬫᬾᬰ᭄ᬯᬭᬷ᭞ᬗᬦ᭄ᬤᬶᬓᬰᬩ᭄ᬤᬦᬾᬫᬦᬶᬲ᭄᭞ᬦᬄᬲᬦ᭄ᬤᬶᬓᬦ᭄ᬦᬦᬓ᭄ᬋᬓᭀ᭞ᬦᬗᬶᬂᬤᬵᬫᬓᭂᬮᭀᬤᬶᬢᬸ᭞ᬲᬯᭂᬢᬭᬦᬂᬳᬩᬸᬮᬦ᭄᭞ᬫ
ᬗᬾᬦᬓᬶᬦ᭄ᬦᬦᬓ᭄ᬳᬶᬩᬕᬸᬲᬾᬮᬸᬗ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬓᬓᬥ᭄ᬫᬂᬥ᭄ᬫᬸᬂᬧᬢᬶᬄ᭞ᬢᬶᬗ᭄ᬓᬳᬂᬧᬮ᭄ᬯᬦᬾᬋᬓᭀ᭞ᬧ᭄ᬬᬦᬓ᭄ᬓᬓᬦᬾᬇᬩᬕᬸᬲ᭄᭞ᬤᬦᬾᬮ᭄ᬯᬲ᭄ᬫᬤᬕᬗᬦ᭄᭞ᬗᬸᬦ᭄ᬢᬧ᭄ᬩᬮᬶᬓᬓᬵᬕ᭄ᬮᬶᬲᬂᬤᬩ᭄ᬤᬩᬂ᭟ᬩᬦ᭄ᬤᬾᬕᬵᬮ
ᬯᬦ᭄ᬤᬕᬗᬦ᭄᭞ᬦᬾᬓᬳᭀᬢ᭄ᬯᬤᬳᬶᬦ᭄ᬧᭂᬢᬶ᭞ᬢᬭᬸᬡᬦᬾᬩᬚᬂᬩᬚᬂ᭞ᬦᬾᬕᭀᬩᬜᬩᬕᬸᬲ᭄ᬩᬕᬸᬲ᭄᭞ᬧᬶᬮᬶᬳᬶᬦ᭄ᬳᬧᬗᬳᬢᬫ᭄᭞ᬧ᭄ᬯᬲ᭄ᬗᬶᬭᬶᬂᬫᬧᭂᬗᬗ᭄ᬕᭀᬧᬧᬢ᭄ᬯᬦ᭄᭟ᬢᬫᬸᬮᬶᬭᬭᬶᬲ᭄ᬫᬢᬶᬗ᭄ᬓᬄ᭞ᬤᬕᬗᬦᬾᬩᭂᬘᬶᬓ᭄ᬩᭂᬘᬶ
ᬓ᭄᭞ᬲᬸᬢ᭄ᬭᬳᬩᬂᬲᬸᬢ᭄ᬭᬳᬶᬚᭀ᭞ᬓᬫᭀᬚᬫᬜ᭄ᬚᭂᬢᬶᬢ᭄ᬭᬸᬲ᭄᭞ᬲᬗ᭄ᬓᭂᬮᬢ᭄ᬮᬯᬦ᭄ᬧᬾᬃᬧᬹᬫᬲ᭄᭞ᬫ᭄ᬯᬂᬲᬸᬩᬕᬶᬕᬸᬫᬶᬢᬶᬃᬮᬦ᭄ᬓᬲᬩᬸᬗ᭞ᬳᭂᬫ᭄ᬧᭀᬮᬦ᭄ᬓᬲᬩᬦ᭄ᬤᬾᬭ᭞ᬓᬲᬫᬕᬮᬦ᭄ᬫᭂᬜ᭄ᬚᭂᬢ᭄ᬣ᭞ᬓᬮᬫᬓᬵᬮᬯ

[᭖ 6A]
ᬜ᭄ᬘᭀᬦ᭄ᬢᭀ᭞ᬮᬾᬕᭀᬤ᭄ᬮᬯᬦ᭄ᬢᬸᬳᬸᬧᬶᬦ᭄ᬢᬸ᭞ᬲᬾᬯᭀᬲ᭄ᬫᬲ᭄ᬓᬮᬯᬦ᭄ᬭᬢ᭄ᬦ᭞ᬯᬶᬦ᭄ᬢᭂᬦ᭄ᬳᬤᬶᬚᭀᬫᬦ᭄ᬢᭂᬦ᭄ᬭᬢ᭄ᬦᬧᬗ᭄ᬓᬚᬵ᭟ᬲᬫᬶᬯᬸᬲ᭄ᬫᬸᬂᬕ᭄ᬭᬶᬂᬩᬳᬶᬢ᭞ᬩᬦ᭄ᬤᬾᬕᬵᬫᬗ᭄ᬓᬶᬦ᭄ᬘᬸᬫᬯᬶᬲ᭄᭞ᬳᬫᬲᬂᬩᬦ᭄ᬤᬾᬭᬋᬓᭀ᭞ᬲᬸᬢ᭄ᬭᬤᬾᬯᬂᬖᬤᬺᬫᬸᬭᬸᬩ᭄᭞
ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧᬦ᭄᭞ᬯᬸᬲ᭄ᬫᬧᬫᬶᬢ᭄ᬭᬶᬂᬩᬶᬩᬶᬮᬯᬦ᭄ᬲᬂᬦᬢ᭄ᬣ᭟ᬲᬾᬬᭀᬲ᭄ᬮᬮᬜ᭄ᬘᬂᬘᭂᬘᭂᬧᬦ᭄᭞ᬫᬸᬗ᭄ᬕᬄᬭᬶᬂᬧᬮ᭄ᬯᬦᬾᬲᬫᬶ᭞ᬕ᭄ᬥᬄᬕ᭄ᬮᬲ᭄ᬮᬯᬦ᭄ᬩᭀᬢᭀᬮ᭄᭞ᬫᬤᬕᬶᬂᬳᬭᬓ᭄ᬧᬭᬳᬸ᭞ᬧᬶᬗ᭄ᬕᬦ᭄ᬧᬶᬭᬶᬂᬮᬯᬦ᭄ᬘᬯᬦ᭄᭞
ᬫ᭄ᬯᬂᬓᬋᬘᬶᬭᬧᭂᬢᬦ᭄᭞ᬫ᭄ᬯᬂᬧᬓᭀᬮᭀᬯᬦ᭄᭟ᬩᭂᬲᬶᬮᬯᬦ᭄ᬧᬗᭀᬭᬾᬗᬦ᭄᭞ᬚᬫ᭄ᬩᬗᬦ᭄ᬓᬮᬯᬦ᭄ᬕᬸᬘᬶ᭞ᬢᬶᬫᬄᬓᬮᬯᬦ᭄ᬓᬓᭀᬘᭀᬃ᭞ᬢᭂᬫ᭄ᬩᬕᬓᬮᬯᬦ᭄ᬳᬫ᭄ᬧ᭄ᬬᬸᬦ᭄᭞ᬢᬭᬸᬲᬶᬜᬦ᭄ᬤᬶᬂᬯᬭᬗᬦ᭄᭞ᬓᬢᬶᬕᬫ᭄ᬩᬶᬃᬫᭂ
ᬜᬦ᭄ᬓᬮᬯᬦ᭄ᬘᭂᬦ᭄ᬤᬡ᭟ᬓᭀᬢᬓ᭄ᬢᬫᬼᬫᬢᬸᬭᬸᬦᬦ᭄᭞ᬧᬚᭂᬂᬧᬭᬤ᭄ᬥᬵᬦᬾᬲᬫᬶ᭞ᬲᬾᬯᭀᬲ᭄ᬓᭂᬫᭂᬢ᭄ᬮᬦ᭄ ᬩᬶᬬᬸᬫᬲ᭄᭞ᬮᬶᬦ᭄ᬢ᭄ᬭᬶᬓ᭄ᬧᬸᬲᬸᬢ᭄ᬮᬯᬦ᭄ᬓᬢᬸᬃ᭞ᬓᬶᬜ᭄ᬘᬸᬓᬮᬯᬦ᭄ᬕᬮᬸᬕ᭄ᬕᬵ᭞ᬚᬳᬸᬫ᭄ᬓᭂᬮᬶᬂᬫᬲᬦ᭄ᬤᬶᬂᬮᬦ᭄ᬩᬸᬗ᭄ᬓᬸᬂᬢᬶᬫᬄ᭟ [ 7 ][᭖ 6B]
᭖
ᬓᬢᬸᬫ᭄ᬩᬄᬓᬮᬯᬦ᭄ᬫᬶᬘ᭞ᬳᬤᬲ᭄ᬮᬯᬦ᭄ᬧᬸᬍᬲᬳᬶ᭞ᬓᬸᬮᬩᭂᬢ᭄ᬮᬯᬦ᭄ᬕᬦ᭄ᬤᬧᬸᬭ᭞ᬫᬲ᭄ᬯᬶᬕᬶᬦ᭄ᬢᭂᬦ᭄ᬢᬩ᭄ᬬᬩᬸᬦ᭄᭞ᬲᬶᬦ᭄ᬢᭀᬓ᭄ᬚᭂᬩᭀᬕᬭᬸᬫ᭄ᬲᬫ᭄ᬬᬦ᭄᭞ᬲᬳᬤᬕᬶᬂᬭᬘᬶᬓᬾᬲᬫ᭄ᬧᬸᬦ᭄ᬳᬶᬢᬶᬓ᭟ᬫᬚᬫᬸᬚᬸᬳᬗ᭄ᬓᬓ᭄ᬧᬾᬗ᭄ᬓᬓ᭄᭞ᬫᬚᬓᬦᬾᬫᬚᬓ᭄ᬮᬶᬂ᭞ᬮᬹ
ᬗᬶᬤ᭄ᬓᬧᬸᬃᬩᬭᬸᬲ᭄ᬋᬓᭀ᭞ᬍᬗᬶᬲ᭄ᬧᬕᬡ᭄ᬥᬦᬾᬳᬮᬸᬲ᭄᭞ᬲᬾᬯᭀᬲ᭄ᬲᬫᬶᬫᬭᬧᭂᬢᬦ᭄᭞ᬍᬗᬶᬲ᭄ᬫᬶᬬᬶᬓ᭄ᬫᬲᬦ᭄ᬤᬶᬂᬮᬦ᭄ᬭᭀᬓᭀᬯ᭄ᬮᬦ᭄ᬤ᭟ᬲᬾᬯᭀᬲ᭄ᬨᬮ᭄ᬯᬦᬾᬲᬦᬸᬗ᭄ᬕᬮ᭄᭞ᬭᬋᬗ᭄ᬕᬲᬫᬶᬫᬤᬕᬶᬂ᭞ᬢᬶᬓᭂᬄᬕᬼᬲ᭄ᬮᬯᬦ᭄ᬲᬳᬩ᭄᭞
ᬲᬩᭀᬭᬦ᭄ᬕ᭄ᬭᬶᬂᬲᬶᬂᬢᭀᬤᬶᬢᬸ᭞ᬢᭀᬕᭀᬕᬾᬫᬕᭀᬩᬘᬶᬡ᭄ᬦ᭞ᬲᬫᬶᬩᭂᬘᬶᬓ᭄‌ᬲᬫᬶᬓᭀᬯᬾᬦ᭄ᬢᭂᬦ᭄ᬳᬶᬭᬶᬓ᭟ᬫᬮᬶᬄᬤᬸᬮᬂᬓᬓᬸᬦᬶᬗᬦ᭄᭞ᬮᬮᬾᬧᬾᬭᬾᬘᭂᬦᬶᬓ᭄ᬘᭂᬦᬶᬓ᭄᭞ᬧᬬᬸᬓ᭄ᬢᬸᬢᬸᬧ᭄ᬮᬯᬦ᭄ᬢᬾᬗ᭄ᬓᭀ᭞ᬢᬾᬢᬾᬮᬾᬲᬫᬶ
ᬢᭀᬤᬶᬢᬸ᭞ᬕᭂᬦᬸᬓᬾᬲᬫ᭄ᬧᬸᬦ᭄ᬘᬸᬫᭂᬤᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬦᬸᬮᬶᬄᬲᬫ᭄ᬧᬸᬦ᭄ᬫᬮᬬᬃ᭟ᬢᬸᬫᬸᬮᬶᬄᬳᬾᬦᬓ᭄ᬭᬶᬂᬫᬮ᭄ᬯ᭞ᬳᬫ᭄ᬩᬄᬩᬄᬢᬸᬫᬸᬮ᭄ᬬᬳᬰ᭄ᬭᬶ᭞ᬳᬦ᭄ᬤᬭᬸᬂᬓᬂᬧᬮ᭄ᬯᬋᬓᭀ᭞ᬢᬶᬕᬂᬤᬰᬓᬾᬄᬧᬭᬳᬸ᭞

[᭗ 7A]
ᬲᬫᬃᬕᬫᬃᬕᬮᬗ᭄ᬕᭂᬲᬦ᭄᭞ᬦᬾᬭᬶᬂᬧᬲᬶᬃᬲᬫ᭄ᬧᬸᬦ᭄ᬲᬫᬶᬓᬢᬶᬗ᭄ᬳᬮ᭄᭞ᬓᬭᬂᬳᬗᬸᬗᬂᬳᬧᬜ᭄ᬚᬂ᭞ᬧᬡ᭄ᬥᬜ᭄ᬚᭀᬂᬦ᭄ᬬᬓᬤᬶᬢᬸᬮᬶᬲ᭄᭞ᬮᬾᬦ᭄ᬓᬭᬗᬜ᭄ᬚᬋᬓᭀ᭞ᬲᬯᬂᬘᬦ᭄ᬤᬶᬓᬤᬸᬮᬸᬃ᭞ᬮᬾᬦ᭄ᬓᬢᭀᬦ᭄ᬕᬶᬮᬶᬓᬤ᭄ᬬᬸᬲᬦ᭄᭞ᬤᬾᬦᬶᬂᬯᬭᬶᬄ
ᬫᬳᬶᬭᬶᬩ᭄ᬕᬚᬄᬫᬲᬶᬭᬫ᭄᭞ᬩᬸᬗᬦ᭄ᬓᬳᬗᬾᬦ᭄ᬢᭀ᭞ᬢᭀᬬᬫᬢ᭄ᬫᬸᬮᬦ᭄ᬮᬗᬶᬢ᭄᭞ᬳᬲᬯᬂᬲᬶᬲᬶᬦᭀᬫ᭄ᬯᬤᭀᬦ᭄᭞ᬳ᭄ᬬᬓ᭄ᬫᬦᬸᬮᬸᬭᬦ᭄ᬳᬯᬸᬲ᭄᭞ᬳᬸᬮᬢ᭄ᬘᬾᬢᬶᬲᬤᬸᬮᬸᬭᬦ᭄᭞ᬮᬯᬦ᭄ᬕᬸᬲ᭄ᬢᬶᬫᬗ᭄ᬭᬱᬮᬗᭃᬭᬶᬂᬫᬦᬄ᭟ᬓ
ᬘᬭᬶᬢᬦᬾᬭᬶᬂᬫᬃᬕ᭄ᬕ᭞ᬲᬯᭂᬢᬭᬢᭂᬗᬄᬰᬰᬶᬄ᭞ᬢᭂᬓᭂᬤ᭄ᬤᬶᬧᬮᬩ᭄ᬯᬦ᭄ᬋᬓᭀ᭞ᬫᬮᬶᬫᬾᬗᬗᬸᬦᬂᬳᬲ᭄ᬭᬸᬄ᭞ᬩᬦ᭄ᬤᬾᬕᬵᬧᬥᬧ᭄ᬭᬬᬢ᭄ᬦ᭞ᬩᬶᬤᬓ᭄ᬕᬶᬮᬶᬂᬢᬸᬫᬸᬮᬶᬄᬫᬫᬸᬮᬂᬫᬗ᭄ᬕᬃ᭟ᬳᬶᬧᬸᬦ᭄ᬢᬵᬭᬭᬶᬲ᭄ᬳᬗᬸᬘᬧ᭄᭞ᬢᭀᬢᬾ
ᬘᬳᬶᬚᬸᬭᬸᬩᭂᬦᬶᬮ᭄᭞ᬢᬶᬤᭀᬂᬫᬋᬫᬗᬢᬸᬭᬂ᭞ᬩᭂᬦᬶᬮ᭄ᬫᭂᬭᬶᬬᭂᬫᬾᬲᭂᬤᬸᬢ᭄᭞ᬢᬸᬫᬸᬮᬶᬄᬭᬭᬶᬲ᭄ᬫᬤᬩ᭄ᬤᬩ᭄᭞ᬜᭂᬤᬸᬢ᭄ᬩᭂᬤᬶᬮ᭄ᬩᬸᬓᬕᬮᬕᬳᬾᬢᬸᬦ᭄ᬯᬦ᭄᭟ᬯᭀᬂᬧᬮᬩ᭄ᬯᬦ᭄ᬲᬫᬶᬓᬕ᭄ᬬᬢ᭄᭞ᬲᬸᬩᬦ᭄ᬤᬭᬾ [ 8 ][᭗ 7B]
᭗
ᬓᬧᬲᬶᬲᬶ᭞ᬭᬭᬶᬲ᭄ᬫᬗᬾᬗ᭄ᬓᬾᬦ᭄ᬤᬢᬓᭀᬦ᭄᭞ᬦᭂᬕᬓᬶᬦ᭄ᬧᬦᬸᬗ᭄ᬕᬮ᭄ᬳᬶᬚᬸ᭞ᬢᭂᬓᭂᬤ᭄ᬬᬤᬶᬧᬜᬂᬘᬂᬗᬦ᭄᭞ᬲᬩ᭄ᬤᬦ᭄ᬬᬳᬭᬶᬲ᭄ᬫᬢᬓᭀᬦ᭄ᬭᬶᬂᬯᭀᬂᬩᬳᬶᬢ᭄ᬣ᭟ᬢᬶᬢ᭄ᬬᬂᬉᬢᬸᬲᬦ᭄ᬲᬸᬩᬦ᭄ᬤᬃ᭞ᬳᬶᬕᬸᬲ᭄ᬢᬶᬧ᭄ᬭᬳᬸᬧᬸᬦᬧᬶ᭞ᬧᬸᬦᬧᬶᬲᬤ᭄ᬬᬦᬾᬋᬓᭀ᭞
ᬬᬾᬦ᭄ᬤᬕᬗᬦ᭄ᬢᬯᬶᬫᬸᬲᬸᬄ᭞ᬯ᭄ᬯᬂᬤᬕᬂᬭᬭᬶᬲ᭄ᬳᬗᬸᬘᬧ᭄᭞ᬳᬶᬗ᭄ᬕᬶᬄᬕᬸᬲ᭄ᬢᬶᬢᬶᬢ᭄ᬬᬂᬧ᭄ᬭᬳᬸᬲᬓᬶᬂᬚᬯᬵ᭟ᬢᬶᬢ᭄ᬬᬂᬫᬗᬶᬭᬶᬂᬭᬳᬤ᭄ᬬᬦ᭄᭞ᬲᬤ᭄ᬬᬫᬤᬕᬂᬫᬭᬶᬓᬶ᭞ᬲᬫᬶᬧᭂᬧᭂᬓ᭄ᬧᬥᬯᬾᬦ᭄ᬢᭂᬦ᭄᭞ᬉᬢᬸᬲᬦ᭄ᬫᬯᬮᬶᬢᬸᬳᬸᬦ᭄᭞ᬫᬧᬯ
ᬭᬄᬭᬶᬂᬲᬸᬩᬦ᭄ᬤᬃ᭞ᬲᬫ᭄ᬧᬸᬦ᭄ᬲᬫᬶᬓᬧᬚᬃᬭᬂᬭᬶᬂᬲᬸᬩᬦ᭄ᬤᬃ᭟ᬇᬲᬸᬩᬦ᭄ᬤᬃᬕ᭄ᬮᬶᬲ᭄ᬮᬸᬫᬫ᭄ᬧᬄ᭞ᬫᬢᬹᬃᬭᬶᬂᬰ᭄ᬭᬶᬦᬭᬧᬢᬶ᭞ᬲᭂᬤᭂᬓ᭄ᬢᬶᬦᬗ᭄ᬓᬶᬮ᭄ᬲᬂᬓᬢᭀᬂ᭞ᬳᬶᬲᬸᬩᬦ᭄ᬤᬃᬦᬸᬮ᭄ᬬᬭᬯᬸᬄ᭞ᬚᬸᬫ᭄ᬭᭀᬚᭀᬕ᭄ᬢᬦ᭄ᬧᬭᬭᬧᬦ᭄᭞ᬫᬢᬹᬃᬪᬓ᭄ᬢᬶᬇᬗ᭄ᬕᬶᬄ
ᬓᬳᬸᬮᬲᬂᬦᬵᬢ᭄ᬣ᭟ᬯᬾᬦ᭄ᬢᭂᬦ᭄ᬯᭀᬂᬩᬳᬶᬢ᭄ᬣᬧ᭄ᬭᬧ᭄ᬢᬵ᭞ᬫᬗᬶᬭᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬭᬶᬂᬚᬯᬶᬋᬓᬾᬲᬂᬓᬢᭀᬂ᭞ᬫᬩᬓ᭄ᬢᬤᬕᬗᬦ᭄ᬧᬸᬦᬶᬓᬸ᭞ᬧᭂᬧᭂᬓ᭄ᬯᬾᬦ᭄ᬢᭂᬦ᭄ᬢᬶᬕᬂᬤᬰ᭞ᬲᬫᬶᬩᭂᬘᬶᬓᬲᬂᬧ᭄ᬭᬪᬸᬕᬃᬚᬶᬢᬾᬂᬘᬶᬢ᭄ᬣ᭟

[᭘ 8A]
ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬓᬓᬵᬥ᭄ᬫᬂᬧᬢᬶᬄ᭞ᬚᬮᬦ᭄ᬓᬧᬲᬶᬲᬶᬋᬓᭀ᭞ᬫᬢᬸᬫ᭄ᬩᬲ᭄ᬤᬕᬶᬂᬧᬭᬳᬸ᭞ᬲᬫᬶᬧᬥᬲᬯᬸᬃᬲᭂᬫ᭄ᬩᬄ᭞ᬢᬶᬢ᭄ᬬᬂᬗᬶᬭᬶᬂᬲᬂᬦᬢ᭄ᬣᬫᬦ᭄ᬢᬸᬓ᭄ᬓᬚ᭄ᬭᭀᬯᬦ᭄᭟ᬩᬳᬸᬢ᭄ᬓᬦᬾᬭᬶᬂᬧᬹᬭ᭞ᬫᬗᭀᬚᭀᬕ᭄ᬰ᭄ᬭᬶᬧ᭄ᬭᬫᬶᬰ᭄ᬯᬭᬷ᭞ᬫᬶᬭᬄᬇᬩᭂᬮᬶᬦᬾ
ᬋᬓᭀ᭞ᬤᬶᬚᬳᬳᬶᬦᬦᬗ᭄ᬕᬮᬸᬄ᭞ᬳᬦ᭄ᬢᭀᬲ᭄ᬫᬦ᭄ᬢ᭄ᬭᬶᬚᬯᬵᬢᭂᬓ᭞ᬤᬶᬧᬲᬶᬲᬶᬦ᭄ᬫᬗᬩᬤᬕᬗᬦ᭄ᬧᬾᬮᬕ᭄᭟ᬰ᭄ᬭᬶᬧ᭄ᬭᬫᬶᬰ᭄ᬯᬭᬷᬕᬃᬚᬶᬢ᭞ᬕᬾᬕᬾᬃᬲᬳᬶᬲᬶᬦᬶᬂᬧᬹᬭᬶ᭞ᬕᬶᬭᬂᬧᬥᬲᭂᬫᬸᬕᬯᭀᬓ᭄᭞ᬫᬗ᭄ᬭᬸᬗᬸᬳᭀᬃᬢᬦ᭄ᬲᬂᬧ᭄ᬭᬪᬸ᭞ᬭᬳ
ᬤᬾᬦ᭄ᬤᬾᬯᬶᬕᬃᬚᬶᬢ᭞ᬕᬸᬭᬸᬳᬚᬶᬳᬶᬩᬸᬲ᭄ᬯᬭᬶᬫᬃᬕᬶᬮᬸᬗ᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬾᬰ᭄ᬯᬭ᭄ᬬ᭞ᬳᬗᬸᬘᬧ᭄ᬰᬩ᭄ᬤᬦᬾᬫᬦᬶᬲ᭄᭞ᬦᬄᬲᬦ᭄ᬤᬶᬓᬦ᭄ᬳᬦᬓ᭄ᬋᬓᭀ᭞ᬢᬸᬫᬸᬮᬶᬄᬧᬗᬳᬄᬲᬫ᭄ᬧᬸᬦ᭄᭞ᬧᬤᬢᬶᬲᬫ᭄ᬧᬸᬦ᭄ᬘᬸᬫᬤᬂ᭞ᬓᬸᬤᬅᬲ᭄ᬢᬶ
ᬲᬫ᭄ᬧᬸᬦ᭄ᬧᭂᬧᭂᬓ᭄ᬤᬶᬩᬜ᭄ᬘᬶᬗᬄ᭟ᬭᬳᬤᬾᬦ᭄ᬤᬾᬯᬶᬫᬧᬬᬲ᭄᭞ᬳᬓᬫ᭄ᬧᬸᬄᬲᬸᬢ᭄ᬭᬲᬸᬭᬶᬦ᭄ᬤᬶᬢ᭄᭞ᬫᬯᬲ᭄ᬢ᭄ᬭᬧᬾᬃᬫᬲ᭄ᬳᬶᬚᭀ᭞ᬫᬧᭂᬧᭂᬓᭂᬦ᭄ᬲᬸᬢ᭄ᬭᬫᬸᬭᬸᬩ᭄᭞ᬫᬤᬲᬃᬧᬭᬤᬧᬧᬦ᭄᭞ᬢᬸᬳᬸᬭᬯᬶᬢ᭄ᬫᬲᬸᬩᭂᬂᬫᬲ᭄ᬢᬶᬦᬭᬂᬘᬂ᭟ [ 9 ][᭘ 8B]
᭘
ᬫᬧᬶᬗ᭄ᬕᭂᬮ᭄ᬫᬢᬸᬮᬓ᭄ᬩᬜ᭄ᬘᬂ᭞ᬢᬢᬳᬦᬾᬧᬢ᭄ᬭᬲᬭᬶ᭞ᬳᬮᬶᬳᬮᬶᬫᬫᬦᬶᬲᬦ᭄᭞ᬫᬲᬶᬜ᭄ᬚᬂᬧᬢᭀᬮᬳᬮᬸᬲ᭄᭞ᬲᬶᬂᬢᬸᬫᬶᬗ᭄ᬳᬮ᭄ᬧᬥᬳᬾᬤᬦ᭄᭞ᬢᬸᬳᬸᬮ᭄ᬯᬶᬄᬓᬤᬶᬧᬸᬢ᭄ᬭᬶᬦᬶᬂᬭᬶᬂᬲᬸᬭᬵᬢ᭄᭟ᬧ᭄ᬭᬭᬳᬶᬦᬾᬩᬸᬓᬩᬸᬮᬦ᭄᭞ᬧᬹᬃᬡᬫᬵᬗ᭄ᬭᬶᬫᬗ᭄ᬳᬶᬗ᭄ᬳ
ᬢ᭄ᬣᬶ᭞ᬲᭂᬫᬶᬦᬾᬫᬧᬾᬮ᭄ᬧᬾᬮ᭄ᬓᬢᭀᬦ᭄᭞ᬳᬢᬾᬦ᭄ᬳᬾᬢᬾᬦ᭄ᬦᬾᬫᬍᬘᬸᬢ᭄᭞ᬘᬘᬶᬗᬓᬾᬓᬤᬶᬓᬶᬮᬢ᭄᭞ᬓᭂᬜᬸᬂᬫᬦᬶᬲ᭄ᬓᬲᭀᬃᬢᬫᬵᬥᬸᬧᬱ᭄ᬝᬶᬓ᭟ᬳᬮᬶᬲᬾᬳᬗ᭄ᬭᭀᬦᬶᬫᬶᬫ᭄ᬩᬵ᭞ᬧᬶᬧᬶᬦᬾ᭞ᬳᬜ᭄ᬚᬚᬳᬸᬮᬶ᭞ᬉᬦ᭄ᬢᬸᬦᬾᬧᬸᬢᬶᬄ
ᬗᬮᬾᬜ᭄ᬘᭀᬓ᭄᭞ᬤᬶᬲᬫ᭄ᬧᬶᬂᬫᬗᬢᬶᬩᬂᬩᬸᬂ᭞ᬇᬲᬶᬢᬾᬗᭂᬫ᭄ᬩᬂᬭᬶᬚᬰᬵ᭞ᬮᬫ᭄ᬩᬾᬩᬗ᭄ᬓᬶᬢ᭄ᬓᬲᭀᬃᬫᬗ᭄ᬕᬶᬲᬾᬕᬶᬦᭂᬦ᭄ᬢᬃ᭞ᬩᬳᬸᬦᬾᬳᬗ᭄ᬮᬸᬂᬦᬶᬂᬚᬗ᭄ᬖ᭞ᬭᬕᬦᬾᬗᭀᬭᬗ᭄ᬓᬕᬥᬶᬂ᭞ᬫᬥ᭄ᬬᬦᬾᬍᬫᭂᬢ᭄ᬫᬤᬧ᭞ᬲᬸᬲᬸᬳᬤ᭄ᬬᬸᬄᬥᬡ᭄ᬝᬮᬸ
ᬫ᭄ᬮᬸᬫ᭄᭞ᬢᬗᬦᬾᬫᬫᬦᬄᬧᭂᬦ᭄ᬢᬂ᭞ᬧᬸᬧᬸᬕᬤᬶᬂᬩᭂᬢᭂᬓᬦ᭄ᬩᬢᬶᬲᬾᬫᬫᬸᬤᬓ᭄᭞ᬭᭀᬫᬕᭂᬫ᭄ᬧᬸᬓ᭄ᬢᬸᬃᬧᬜ᭄ᬚᬂ᭞ᬯᬳᬸᬫᬭᬫᬭᬧ᭄ᬲᬵᬭᬶ᭞ᬳᬬᬸᬦᬾᬫᬗ᭄ᬕᬯᬾᬭᬶᬫᬂ᭞ᬢᬢᬕᭀᬦ᭄ᬢᬦ᭄ᬮᬮᬶᬲ᭄ᬫᬦ᭄ᬢᬸᬓ᭄᭞ᬫᬯᬱ᭄ᬝᬇᬢᭂᬮᬸᬕ᭄ᬘ

[᭙ 9A]
ᬕᬸᬬᬂ᭞ᬩᬲᬂᬩᭂᬗ᭄ᬓᬶᬲ᭄‌ᬓᬤᬬᬂᬫᬗᬤᭀᬦ᭄ᬤᬬᬂ᭟ᬢᬦ᭄ᬯ᭄ᬭᬸᬄᬓᬾᬦ᭄ᬳᬯᬓ᭄ᬧᬢᬓ᭞ᬩᬢᬶᬲᬾᬩ᭄ᬭᬸᬂᬳᬓᬢᬶᬄ᭞ᬜᬶᬭᬧᬲᬸᬩᬫᬓ᭄ᬮᭀ᭞ᬩᬸᬬᬸᬗᬾᬗᭂᬩᬸᬢ᭄ᬧᬕ᭄ᬭᬶᬬᬸᬂ᭞ᬉᬩᭂᬲ᭄ᬳᬸᬩᭂᬲᬾᬫᬓᬾᬢᬓ᭄᭞ᬲᬬᬦ᭄ᬧ᭄ᬭᬧ᭄ᬢᬶᬩᬸᬬᬸᬗᬾᬯᭀᬂ
ᬮᬮᬶᬲ᭄ᬮᬸᬯᬲ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬤᬾᬯᬵᬦ᭄ᬩᬧᬦᬾᬫᬦᬶᬓ᭄᭞ᬫᬫᬃᬕᬶᬤᬾᬯᬵᬲᬋᬗᬦ᭄᭞ᬢᬸᬫᬸᬮᬶᬄᬲᬋᬂᬮᬓᬶᬫᬮᬓᬸ᭞ᬰ᭄ᬭᬶᬧᬭᬫᬾᬰ᭄ᬯᬭᬶᬲᬋᬗᬦ᭄᭞ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶᬭᬶᬂᬚᬩᬲᬫᬶᬯᬸᬲ᭄ᬫᬸᬗ᭄ᬕᬄ᭟ᬇᬢ᭄ᬮᬸ
ᬕ᭄ᬢᬕ᭄ᬕᬸᬬᬂᬗᬚ᭄ᬭᬗᬂ᭞ᬗᬶᬭᬶᬂᬢᬢᬕᭀᬦᬾᬫᬗ᭄ᬓᬶᬦ᭄᭞ᬩ᭄ᬭᬸᬗᬾᬓᬢᭂᬫ᭄ᬧᬸᬄᬋᬓᭀ᭞ᬕᭂᬢᬶᬳᬾᬧᭂᬲᬸᬲᬸᬫᭂᬫ᭄ᬩᬸᬃ᭞ᬧᬋᬓᬦᬾᬲᬫᬶᬜᬕ᭄ᬚᬕ᭄᭞ᬫᬗᬸᬧᬶᬦᬶᬦ᭄ᬳᬶᬚᬸᬧᬥᬫᬦᬭᬫ᭄ᬧ᭞ᬕᭂᬢᬶᬳᬾᬢ᭄ᬭᬭᬳᭂᬗ᭄ᬲᭂᬧᭂ᭞ᬧᬋᬓᬦᬾ
ᬫᬗᬶᬮᬶᬳᬶᬦ᭄᭞ᬳᬤᬗᬳᬸᬕᬶᬦ᭄ᬲᬭᭀᬩᭀᬂ᭞ᬩᬸᬬᬸᬗᬾᬦᬸᬢᬸᬕ᭄ᬧᬕ᭄ᬭᬶᬬᬸᬂ᭟ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬭᬯᬸᬄᬫᬗ᭄ᬓᬶᬦ᭄ᬲᬂᬦᬵᬢ᭄ᬣᬭᬶᬂᬧᬮᬩ᭄ᬯᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬲᬸᬩᬦ᭄ᬤᬃᬓᭂᬫᬸᬓᬾᬚᬦᬶ᭞ [ 10 ][᭙ 9B]
᭙
ᬢᬸᬳᬸᬦᬂᬢᬫ᭄ᬬᬸᬦᬾᬋᬓᭀ᭞ᬫᬗᬩᬤᬕᬗᬦ᭄ᬢᬸᬳᬸᬦ᭄᭞ᬲᬮ᭄ᬯᬶᬃᬜᬦᬾᬫᭂᬮᬄᬫᭂᬮᬄ᭞ᬲᬸᬩᬦ᭄ᬤᬃᬕ᭄ᬮᬶᬲ᭄ᬜᭀᬭᭀᬕᬂᬧᬂᬳᬤᬶᬳᬾᬗ᭄ᬕᬮ᭄᭟ᬳ᭄ᬦᭂᬗᬓ᭄ᬦᬧᬸᬦᬶᬓ᭞ᬓᭀᬘᬧᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬭᬳᬤᬾᬦ᭄ᬤᬾᬯᬶᬓᬯᭂᬗᬦ᭄᭞ᬜᬶᬗᬓᬶᬦ᭄ᬨᬮ᭄ᬯ
ᬦᬾᬮ᭄ᬬᬸ᭞ᬫᬶᬯᬄᬯᭀᬂᬲᬤ᭄ᬬᬫᬩ᭄ᬮᬜ᭄ᬚ᭞ᬢᬦ᭄ᬓᬯᬺᬡ᭄ᬦᬶᬲᬂᬦᬵᬢ᭄ᬣ᭞ᬭᬭᬶᬲ᭄ᬗᬦ᭄ᬤᬶᬓᬵ᭟ᬧᬢᬶᬄᬓᭂᬫᬸᬓᬾᬤᬩ᭄ᬤᬩᬂ᭞ᬧᬢᬫ᭄ᬬᬸᬦᬾᬳᬧᬂᬩᭂᬘᬶᬓ᭄᭞ᬳᬯᬓ᭄ᬫᬢᬫ᭄ᬬᬸᬯᭀᬂᬚᬯᬵ᭞ᬏᬤᬬᬾᬦ᭄ᬫᬗᬯᬸᬳᬯᬸ᭞ᬢᬕᭂᬦᬂᬳᬧᬂᬫᬲᬚ᭞ᬤᬗᬾ
ᬲᭂᬫᬶᬦ᭄᭞ᬳᭂᬤᬫᬗᭂᬦ᭄ᬤᭂᬧᬂᬲᬶᬧ᭄ᬝᬵ᭞ᬳᬶᬗ᭄ᬕᬶᬄᬲᬡ᭄ᬥᬶᬓᬦ᭄ᬲᬂᬦᬵᬢ᭄ᬣ᭞ᬇᬲᬸᬩᬦ᭄ᬤᬃᬓᭀᬘᬧ᭄ᬚᬦᬶ᭞ᬲᬸᬩᬬᬢᭂᬓᬤᬶᬢᭂᬗᬄ᭞ᬧᬮᬶᬗ᭄ᬕᬶᬄᬳᬦᬸᬦᬾᬓᬢᬸᬚᬸ᭞ᬇᬲᬸᬩᬦ᭄ᬤᬃᬫᬢᬹᬃᬲᭂᬫ᭄ᬩᬄ᭞ᬤᬾᬯᬵᬕᬸᬲ᭄ᬢᬶᬢᬶᬢ᭄ᬬᬂᬓᬸᬢᬸᬲ᭄ᬤᬾᬲᬂ
ᬦᬵᬢ᭄ᬣ᭞ᬳᬶᬤᬫᬭᬶᬓᬶᬲᬕᬺᬳᬦ᭄᭞ᬇᬤᬾᬯᬵᬢᭂᬤᬸᬦ᭄ᬦᬾᬫᬗ᭄ᬓᬶᬦ᭄᭞ᬫᬓ᭄ᬢᬤᬕᬗᬦᬾᬓᬯᭀᬢ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬓᬓᬵᬧᬸᬦ᭄ᬢᬵᬦᬄᬤᬩ᭄ᬤᬩᬂ᭞ᬧᬸᬦ᭄ᬢᬵᬕ᭄ᬮᬶᬲ᭄ᬦᬩ᭄ᬤᬩᬂᬦᬾᬲᬃᬯ᭄ᬯᬳᬾᬦ᭄ᬤᬄ᭟

[᭑᭐ 10A]
ᬭᬤᬾᬦ᭄ᬫᬦ᭄ᬢ᭄ᬭᬶᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬫᬯᬲ᭄ᬢ᭄ᬭᬘᬡ᭄ᬥᬡᬓᬯᬶ᭞ᬳᬓᬫ᭄ᬧᬸᬄᬲᬸᬩᬕᬶᬩᬸᬗᬵ᭞ᬳᭂᬦ᭄ᬤᬶᬄᬧᬭᬥᬦᬾᬫᬸᬭᬸᬩ᭄᭞ᬫᬤᬲᬃᬩᬢᬶᬓ᭄ᬫᬧ᭄ᬭᬤ᭞ᬳᬍᬧ᭄ᬳᬰ᭄ᬭᬶᬳᬲ᭄ᬓᬃᬳᬗ᭄ᬕ᭄ᬭᬾᬓ᭄ᬰᬲᬗ᭄ᬓ᭞ᬳᬓ᭄ᬭᬶᬲ᭄ᬳᬮᬦ᭄ᬤᬾᬬᬦ᭄ᬫᬲ᭄᭞ᬩᬩᬸᬗ᭄ᬓᬸᬂᬫᬲ᭄ᬫᬶᬭᬄᬳᬥᬶ᭞
ᬓᬤᬶᬫ᭄ᬭᬓᬾᬫᬗᬶᬮᭀ᭞ᬢᬸᬫᬸᬮ᭄ᬬᬭᬭᬶᬲ᭄ᬢᬸᬫᬸᬭᬸᬦ᭄᭞ᬚᬸᬭᬸᬤᬾᬄᬧᬸᬦ᭄ᬢᬵᬲᬋᬗᬦ᭄᭞ᬇᬧᬸᬦ᭄ᬢᬵᬕ᭄ᬮᬶᬲ᭄‌ᬫᬜᬗ᭄ᬓᬶᬮ᭄ᬓᬫ᭄ᬧᬾᬓ᭄ᬓᬳ᭄ᬫᬲ᭄᭟ᬢᬦ᭄ᬓᭀᬘᬧᬦ᭄ᬭᬶᬂᬲᬕᬭ᭞ᬇᬲᬸᬩᬦ᭄ᬤᬃᬫᬦᬬᬸᬗᬶᬦ᭄᭞ᬲᬭᬳᬸᬳᬾᬫᬭᬶᬂᬍᬫᬄ᭞ᬲᬂᬦᬵ
ᬢ᭄ᬣᬗᬦ᭄ᬤᬶᬓᬳᬮᬸᬲ᭄᭞ᬫᬳᬶᬤᬶᬦᬶᬳᬚᬓ᭄ᬩᬧ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬜᬸᬫ᭄ᬩᬄᬓᬤᬶᬭᬶᬂᬯᬬᬂ᭟ᬕᬳᭀᬓ᭄ᬳᬦᬓᬾᬢᬸᬫᬶᬗ᭄ᬳᬮ᭄᭞ᬭᬶᬂᬯᬃᬡ᭄ᬦᬦᬾᬭᬤᬾᬦ᭄ᬫᬦ᭄ᬢ᭄ᬭᬶ᭞ᬓᬤᬶᬫ᭄ᬭᬓᬾᬗᬶᬮᭀ᭞ᬲᬧᭀᬮᬳᬾᬕᬯᬾᬮᬶᬂᬮᬸᬂ᭞ᬇᬢ᭄ᬮᬸᬕ᭄ᬢ
ᬕ᭄ᬳᬸᬬᬂᬫᬳᬓᬂ᭞ᬓᬤᬶᬳ᭄ᬫᬶᬲ᭄ᬩᬕ᭄ᬩᬸᬕᬶᬜᬩᬳᬦ᭄ᬲᬸᬢ᭄ᬭ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬫᬗ᭄ᬭᬭᬶᬲ᭄ᬓᬾᬦᬦᬓ᭄ᬫᬦ᭄ᬢ᭄ᬭᬶ᭞ᬳᭂᬦᬾᬢᬸᬫᬶᬦ᭄ᬦᬦᬓ᭄ᬋᬓᭀ᭞ᬫᬶᬯᬄᬜᬫᬦ᭄ᬦᬦᬓ᭄ᬢᬸᬳᬸ᭞ᬤᬚᬩ᭄ᬯᬶᬦ᭄ᬫᬲᬲᬶᬧ᭄ᬢᬬᬦ᭄᭞ᬦᬦ [ 11 ][᭑᭐ 10B]
᭑᭐
ᬓ᭄ᬫᬦ᭄ᬢ᭄ᬭᬶᬳᬯᬓᬾᬢᬾᬦᬶᬂᬩᬧᬵ᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬳᬸᬃᬲᭂᬫ᭄ᬩᬄ᭞ᬫᬳᬢᬹᬃᬰᬩ᭄ᬤᬦᬾᬳᬭᬶᬲ᭄᭞ᬓᭂᬫᬶᬓᬦᬾᬫᬦᬶᬲ᭄ᬳᬮᭀᬦ᭄᭞ᬲᬧᬭᬶᬧᭀᬮᬳᬾᬫᭂᬮᬄ᭞ᬮᬢ᭄ᬬᬩᬗ᭄ᬓᬶᬢ᭄᭞ᬩᬸᬓᬫᬗ᭄ᬕᬶᬲᬾᬕᬶᬦᭂᬦ᭄ᬢᬃ᭟ᬳᬗᬶᬂᬫᬦᬄᬗᬤᬸᬘᬶᬧ᭄ᬢ᭞ᬲᭂᬫᬸᬦᬾ
ᬫᬗᬢᬸᬭᬂᬪᬓ᭄ᬢᬶ᭞ᬤᬾᬦᬶᬂᬢᭀᬢ᭄ᬯᬄᬓᬯᭀᬢ᭄᭞ᬰ᭄ᬭᬶᬧ᭄ᬭᬫᬾᬰ᭄ᬯᬭᬷᬳᬦ᭄ᬤᬸᬮᬸ᭞ᬧᭀᬮᬳᬾᬢ᭄ᬯᬭᬤᬵᬳᬶᬬᬂ᭞ᬭᬤᬾᬦ᭄ᬤᬾᬯᬶᬓᬬᬸᬦ᭄ᬳᬶᬤᬲᬸᬩᬭᬸᬲᬓ᭄᭟ᬰ᭄ᬭᬶᬧ᭄ᬭᬫᬶᬰ᭄ᬯᬭᬷᬳᬗᬸᬘᬧ᭄᭞ᬧᬳᭂᬓᬾᬦᬦᬓ᭄ᬫᬦ᭄ᬢ᭄ᬭᬶ᭞ᬲᬫ᭄ᬧᬸᬦ᭄ᬤᬾᬯᬵᬯᬮᬗᬃ
ᬳ᭄ᬦᬾᬜᬫᬦ᭄ᬦᬦᬓ᭄ᬢᬸᬳᬸ᭞ᬤᬾᬦᬶᬂᬦᬦᬓ᭄ᬧᬦᬓ᭄ᬩ᭄ᬬᬂ᭞ᬲᬓᬾᬂᬩᬮᬶᬫᬗᭂᬦ᭄ᬢᬧ᭄ᬩᬮᬶᬦᬕᬭ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜᬸᬫ᭄ᬩᬄ᭞ᬫᬳᬢᬹᬃᬰᬩ᭄ᬤᬦᬾᬳᬭᬶᬲ᭄᭞ᬲᬦ᭄ᬤᬶᬓᬦ᭄ᬳᬶᬤᬲᬂᬓᬢᭀᬂ᭞ᬓᬮᬶᬄᬧ᭄ᬭᬫᬶᬰ᭄ᬯᬭᬶᬭᬢᬸ᭞ᬢᬶᬢ᭄ᬬᬂᬗᬶᬭᬶᬂᬲᬓᬾᬂᬳᬃ
ᬱ᭞ᬕᬸᬭᬸᬩᬶᬩᬶᬢᬦ᭄ᬓᭂᬦᬾᬂᬭᬚᬵᬧᬶᬦᬸᬮᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬲᬫ᭄ᬧᬸᬦ᭄ᬫᬦᬫ᭄ᬧᭂᬓᬂᬮᬶᬗ᭄ᬕᬶᬄ᭞ᬰ᭄ᬭᬶᬧ᭄ᬭᬫᬾᬰ᭄ᬯᬭᬶᬳᬗᬸᬘᬧ᭄᭞ᬢᭀᬓᬾᬦᬾᬦᬦᬓ᭄ᬩᬕᬸᬲ᭄᭞ᬳᬾᬭᬳᬶᬦ᭄ᬇᬳᬚᬶᬩ᭄ᬬᬂ᭞ᬦᬾᬭᬶᬂᬚᬯᬶᬓ

[᭑᭑ 11A]
ᬳᬸᬮᬦ᭄ᬩ᭄ᬬᬂᬗᬾᬢ᭄ᬭᬓ᭄᭟ᬰ᭄ᬭᬶᬧ᭄ᬭᬫᬶᬰ᭄ᬯᬭᬷᬗᬦ᭄ᬤᬶᬓᬵ᭞ᬤᬸᬄᬤᬾᬯᬵᬦ᭄ᬫᬾᬫᬾᬦᬾᬫᬡᬶᬓ᭄᭞ᬧᬸᬦᬧᬶᬲᬤ᭄ᬬᬦᬾᬧ᭄ᬭᬧ᭄ᬢ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬸᬫᬢᬹᬃ᭞ᬢᬶᬢ᭄ᬬᬂᬯᬦ᭄ᬢᬄᬗᬸᬢᬂᬳᬯᬓ᭄᭞ᬭᬯᬸᬄᬫᬭᬶᬓᬶᬤᬶᬚᬯᬵᬲᬫᬶᬓᭀᬭᬸᬲᬓ᭄᭟ᬦᬶᬓᬤᭀᬦᬶᬂ
ᬢᬶᬢ᭄ᬬᬂᬮᬸᬗ᭞ᬫᬗᭂᬦ᭄ᬢᬧ᭄ᬓᬕᬸᬫᬶᬩᬮᬶ᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬮᬶᬂᬦ᭄ᬬᬳᬮᭀᬦ᭄᭞ᬤᬸᬄᬤᬾᬯᬵᬦ᭄ᬫᬾᬫᬾᬦᬾᬩᬕᬸᬲ᭄᭞ᬓᬾᬦ᭄ᬓᬾᬦ᭄ᬓ᭄ᬭᬡᬜᬭᬸᬲᬓ᭄᭞ᬳᬦ᭄ᬢᬸᬓ᭄ᬚᬸᬭᬶᬢ᭄‌ᬓᬩ᭄ᬭᬩᬂᬳᬦ᭄ᬢᬸᬓ᭄ᬯᬂᬲᬫᬶ᭟ᬤᬶᬚᬯᬵᬩᭂᬲ᭄‌ᬢ᭄ᬭᬓ᭄ᬧᬶᬲᬦ᭄᭞
ᬢᭂᬓᬾᬦ᭄ᬕᬤᭂᬩᭀᬂᬩᬋᬲᬶᬄ᭞ᬓᬸᬤ᭄ᬬᬂᬢ᭄ᬬᬂᬳ᭄ᬦᬸᬫᭀᬓᭀᬄ᭞ᬢᭀᬂᬤᬸᬕᬫᬾᬫᬾᬫᬗᬸᬕᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬳᬸᬃᬲ᭄ᬫᬶᬢ᭄ᬣ᭞ᬧ᭄ᬭᬫᬾᬰ᭄ᬯᬭᬶᬦᬶᬓᬶᬢᬶᬢ᭄ᬬᬂᬫᬗᬢᬸᬭᬂ᭟ᬯᬲ᭄ᬢ᭄ᬭᬧᬶᬭᬶᬂᬫᬶᬯᬄᬘᬯᬦ᭄᭞ᬧᬓᭀᬮᭀᬯᬦ᭄ᬮᬯᬦ᭄ᬓ᭄ᬭᬶᬜ᭄ᬘᬶᬂ᭞ᬯ
ᬲ᭄ᬢ᭄ᬭᬲᬫᬶᬓᬳᭀᬢ᭄ᬓᬢᭀᬦ᭄᭞ᬫᬜ᭄ᬚᭂᬢᬶᬮᬦ᭄ᬧᬚᭂᬂᬳᬕᬸᬂ᭞ᬲᬸᬩᬕᬶᬫᬶᬯᬄᬩᬢᬶᬓ᭄ᬩᬂ᭞ᬳᬮᬂᬓᬭᬶᬓᬰᬵᬫᬶᬯᬄᬓᬰᬵᬩᬸᬗᬵ᭟ᬳᬢᬸᬭᬦ᭄ᬢᬶᬢ᭄ᬬᬂᬲᬂᬦᬵᬢ᭄ᬣ᭞ᬩᬭᬓ᭄ᬓᬤᬶᬩᬭᬉᬕᬶ᭞ᬕ᭄ᬤᬄᬕ᭄ᬮᬲ᭄ᬮᬯᬦ᭄ᬩᭀ [ 12 ][᭑᭑ 11B]
᭑᭑
ᬢᭀᬮ᭄᭞ᬫᬤᬕᬶᬂᬳᬭᬓ᭄ᬧᬭᬳᬸ᭞ᬢᬹᬭᬶᬂᬓᬮᬯᬦ᭄ᬯᬭᬗᬦ᭄᭞ᬳᬮᬂᬓᬭᬶᬚᭀᬫᬦ᭄ᬢᭂᬦ᭄᭞ᬭᬢ᭄ᬦᬧᬗ᭄ᬓᬚᬵ᭟ᬩᭂᬲᬶᬮᬯᬦ᭄ᬧᬗᭀᬭᬾᬗᬦ᭄᭞ᬲᬫᬶᬓᬢᬹᬃᬭᬶᬂᬦᬺᬧᬢ᭄ᬣᬶ᭞ᬯᬲ᭄ᬢ᭄ᬭᬲᬫᬶᬓᬯᭀᬢ᭄ᬓᬢᭀᬦ᭄᭞ᬫᬶᬯᬄᬭᬶᬂᬭᬤᬾᬦ᭄ᬕᬮᬸᬄ᭞
ᬓᭂᬫ᭄ᬩᬂᬘᬶᬡ᭄ᬦᬮᬦ᭄ᬩᬶᬬᬸᬫᬲ᭄᭞ᬲᬸᬢ᭄ᬭᬯᬶᬮᬶᬲ᭄‌ᬲᬸᬢ᭄ᬭᬩᬶᬭᬸᬲᬸᬢ᭄ᬭᬚ᭄ᬦᬃ᭟ᬲᬸᬢ᭄ᬭᬧᬸᬢᬶᬄᬲᬸᬢ᭄ᬭᬩᬂ᭞ᬲᬸᬢ᭄ᬭᬕᬤᬶᬂ᭞ᬲᬸᬢ᭄ᬭᬢᬗᬶ᭞ᬫᬶᬯᬄᬯᬲ᭄ᬢ᭄ᬭᬓᬯᭀᬢ᭄ᬓᬢᭀᬦ᭄᭞ᬫᬜ᭄ᬚᭂᬢᬶᬲᬸᬩᬕᬶᬢ᭄ᬭᬸᬲ᭄᭞ᬩᬸᬓᬶᬲ᭄ᬫᬓᬲᬃᬳᭀᬮᬦ᭄ᬤᬵ᭞ᬓᭂᬤᬶᬢ᭄ᬕ
ᬩᬶᬃᬲᬫᬶᬓᬢᬹᬃᬭᬶᬂᬭᬳᬤ᭄ᬬᬦ᭄᭟ᬲᬸᬢ᭄ᬭᬤᬥᬸᬩᭂᬦᬂᬲᬸᬢ᭄ᬭ᭞ᬩᭂᬦᬂᬕᬼᬲᬾᬢᬦ᭄ᬓᬭᬶ᭞ᬍᬯᬶᬄᬯᬲ᭄ᬢ᭄ᬭᬲᬃᬯ᭄ᬯᬳᬾᬦ᭄ᬤᬄ᭞ᬲᬫᬶᬓᬢᬹᬃᬭᬶᬂᬢ᭄ᬯᬦ᭄ᬕᬮᬸᬄ᭞ᬲᬂᬧ᭄ᬭᬪᬸᬭᬭᬶᬲ᭄ᬦᬭᬶᬫ᭞ᬳᬤᬸᬄᬫᬡᬶᬓ᭄ᬓᬮᬶᬦ᭄ᬢᬂᬇᬘ᭄ᬙᬳᬶᬤᬾᬯᬵ᭟ᬲᬂᬦᬵ
ᬢ᭄ᬣᬮᬦ᭄ᬧ᭄ᬭᬫᬾᬰ᭄ᬯᬃᬥ᭄ᬬ᭞ᬗᬦ᭄ᬤᬶᬓᬫᬲᬯᬸᬃᬓᭂᬜᬶᬂ᭞ᬳᬢᬸᬭᬂᬩᬧᬵᬫᬦᬸᬦᬲ᭄᭞ᬓᬾᬥᭂᬧᬂᬗᬸᬢᬂᬭᬶᬂᬧᬗ᭄ᬓᬸᬂ᭞ᬩᬧᬗ᭄ᬕᬾᬜ᭄ᬘᬳᬶᬭᬭᬫᬵ᭞ᬭᬢᬸᬫᬶᬲ᭄ᬓᬶᬦ᭄‌ᬓᬾᬯᬮᬳᬗ᭄ᬕᬾᬦ᭄ᬧᬲᬫ᭄ᬩᬢᬦ᭄᭟ᬇᬢ᭄ᬮᬸᬕ᭄ᬢᬕ᭄ᬳᬸᬬᬂᬫᬗ᭄ᬭᬱ᭞

[᭑᭒ 12A]
ᬇᬩᬸᬓ᭄ᬲᬚ᭄ᬭᭀᬡᬶᬂᬳᬢᬶ᭞ᬤᬶᬩᬢᬦ᭄ᬧᬦ᭄ᬤᬦᬾᬜᭀᬗ᭄ᬓᭀᬓ᭄᭞ᬲᬫ᭄ᬩᬶᬮ᭄ᬫᬗᬸᬮᬳᬶᬦ᭄ᬩᬸᬬᬸᬂ᭞ᬫᬗ᭄ᬭᬱᬭᬱᬤᬶᬳᬯᬓ᭄᭞ᬫᬲᬢᬦᬶᬳᬯᬓᬾᬫᬳᬶᬦ᭄ᬤᬵᬳᬶᬦ᭄ᬤᬵ᭟ᬫᬶᬦ᭄ᬤᬬᬂᬓᬤᬶᬭᬶᬂᬯᬬᬂ᭞ᬗᬾᬦᬾᬫᬓᭂᬩᬢᬶᬦ᭄‌ᬓ᭄ᬮᬶᬃ᭞ᬯᭀᬂᬤᬸᬕᬯᬬ
ᬗᬾᬜᬧ᭄ᬮᭀᬓ᭄᭞ᬲᬤᬕᬶᬗᬾᬮᬸᬯᬸᬂᬮᬸᬯᬸᬂ᭞ᬤᬮᬗᬾᬧᬬᬸᬫᬜ᭄ᬚᬸᬯᬂ᭞ᬜᬶᬫ᭄ᬧᬦ᭄ᬳᬕ᭄ᬮᬶᬲ᭄‌ᬳᬯᬓ᭄ᬫᬧᭂᬦ᭄ᬧᭂᬦ᭄ᬤᬶᬕ᭄ᬭᭀᬩᬕ᭄᭟ᬢᬦᬸᬭᬸᬂᬳᬯᬓᬾᬭᬸᬲᬓ᭄᭞ᬧᬶᬗᬦ᭄ᬤᬾᬜᬲᬸᬩᬍᬯᬶᬄ᭞ᬦᬾᬚᬦᬶᬳᬯᬓ᭄ᬫᬗ᭄ᬭᬱ᭞ᬓᬤᬶᬩᬸ
ᬮᬦ᭄ᬤᬸᬳᬸᬃᬕᬸᬦᬸᬂ᭞ᬳᬦ᭄ᬤᬾᬰᬚᬓᬳᭂᬦᭀᬢᬂ᭞ᬬᬾᬦ᭄ᬲᬶᬄᬳᬲᬶᬄᬯᭀᬂᬤᬸᬕᬩᬓᬢ᭄ᬩᬳᬦ᭄ᬜᭂᬫᬓ᭄᭟ᬲᬂᬦᬵᬢ᭄ᬣᬭᬭᬶᬲ᭄ᬗᬦ᭄ᬤᬶᬓ᭞ᬧᬢᬶᬄᬤᬩ᭄ᬤᬩᬂᬓᬾᬚᬦᬶ᭞ᬇᬧᬢᬶᬄᬦᬩ᭄ᬤᬩᬂᬳᬾᬜ᭄ᬘᭀᬂ᭞ᬳᬚᭂᬗᬦᬾᬲᬫ᭄ᬧᬸᬦ᭄ᬓ
ᬢᬸᬃ᭞ᬫᬤᬲᬃᬉᬮᬫ᭄ᬫᬳᬶᬲ᭞ᬧᬦ᭄ᬩᬩᬜ᭄ᬘᬶᬮᬮᬯᬸᬄᬢᬦ᭄ᬓᭂᬦᬾᬂᬯᬶᬮᬂ᭟ᬳᬾᬩᬢ᭄ᬧᬢᬸᬗᬾᬫᬦᬶᬫ᭄ᬩᬮ᭄᭞ᬓᬲᬸᬦ᭄ᬤᬸᬮ᭄ᬩᬳᬦ᭄ᬩᬾᬩᬾᬓ᭄ᬕᬸᬮᬶᬂ᭞ᬳᬾᬩᬢ᭄ᬓᬫ᭄ᬩᬶᬂᬢᬸᬢᬸᬲ᭄ᬬᬧ᭄᭞ᬢᬮᬸᬄᬤᬤᬭᬾᬫᬜᬸᬦ᭄ᬤᬸᬮ᭄᭞ [ 13 ][᭑᭒ 12B]
᭑᭒
ᬮᬯᬃᬜᬸᬄᬦᬾᬫᬦᬶᬫ᭄ᬩᬮ᭄᭞ᬢᬸᬫ᭄‌ᬩᬾᬚᬸᬮᬶᬢ᭄‌ᬮᬯᬃᬘᬾᬮᬾᬂᬮᬯᬃᬫᬶᬱ᭟ᬫᬦᬶᬫ᭄ᬩᬮ᭄ᬲᬳᬶᬲᬶᬦ᭄ᬳᬮᬲ᭄᭞ᬧᬶᬦ᭄ᬤᬂᬯᬶᬚᬸᬗᬾᬯᬸᬲ᭄ᬧ᭄ᬭᬧ᭄ᬢᬶ᭞ᬲᭂᬗ᭄ᬕᬄᬫᬜ᭄ᬚᬗᬦ᭄ᬢᬦ᭄ᬧᭂᬕᬢ᭄᭞ᬮᬮᬯᬸᬄᬢᬦ᭄ᬧᭂᬕᬢ᭄ᬭᬯᬸᬄ᭞ᬫᬦᬶᬫ᭄ᬩᬮ᭄ᬤᬕᬶᬂᬲᬕᬭ᭞ᬳᬾ
ᬦᬓ᭄ᬫᬗ᭄ᬓᬶᬦ᭄‌ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬚᭂᬗᬂ᭟ᬧᬶᬦ᭄ᬤᬂᬘᭂᬓᬮᬦ᭄ᬫᬦᬶᬫ᭄ᬩᬮ᭄᭞ᬫᬤᬸᬮᬸᬃᬮᬦ᭄ᬢᬸᬫᬓᭀᬜᭀᬭᬶ᭞ᬩᬾᬮᬬᬸᬃᬮᬯᬦ᭄ᬩᬾᬮᬗ᭄ᬯᬦ᭄᭞ᬧᭀᬕᭀᬢ᭄ᬮᬯᬦ᭄ᬲᬶᬭᬢ᭄ᬳᬤᬸᬂ᭞ᬮᬮᬯᬸᬄᬢᬦ᭄ᬧᭂᬕᬢ᭄ᬧ᭄ᬭᬧ᭄ᬢ᭞ᬢᬸᬳᬸᬧᬲ᭄ᬢᬶᬩᬭᬾᬗ᭄ᬓᬾ
ᬲ᭄ᬓᬸᬍᬦ᭄ᬫᬦᬫ᭄ᬧ᭄ᬬᬕ᭄᭟ᬢᬸᬫᬸᬮᬶᬄᬳᬾᬦᬓ᭄ᬫᬚᭂᬗᬦ᭄᭞ᬲᬫᬶᬧᬥᬓᬾᬦᬓ᭄ᬧᬗᬶᬭᬶᬂ᭞ᬲᬶᬦᬫ᭄ᬬᬦ᭄ᬳᬸᬲᬦ᭄ᬋᬓᭀ᭞ᬲᬫ᭄ᬧᬸᬦ᭄ᬫᬗᬶᬦᬂᬢᬸᬫᬸᬭᬸᬦ᭄᭞ᬳᬮᬶᬗ᭄ᬕᬶᬳᬲ᭄ᬯᬂᬲ᭄ᬯᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬗᭂᬜᬸᬂᬫᬭᬶᬂᬯᬺᬤᬬ᭟ᬲᬂᬧ᭄ᬭᬪᬸᬭᬭᬲ᭄ᬗ
ᬦ᭄ᬤᬶᬓᬵ᭞ᬩᬕᬸᬲ᭄ᬚᬮᬦ᭄ᬲᬶᬫ᭄ᬧᬂᬫᬸᬮᬶᬄ᭞ᬳᬧᬂᬧᬶᬲᬦ᭄ᬧᬶᬲᬦ᭄ᬋᬓᭀ᭞ᬲᬸᬓᬦ᭄ᬦᬦᬓᬾᬫᬦᬸᬮᬸᬲ᭄᭞ᬫᬗᬓᬸᬩᬧᬵᬭᬭᬫ᭞ᬩᬧᬫᬶᬲ᭄ᬓᬶᬦ᭄‌ᬓᬾᬯᬮᬦᬦᬓ᭄ᬳᬸᬦᬶᬗ᭟ᬭᬤᬾᬦ᭄ᬫᬦ᭄ᬢ᭄ᬭᬶᬲᬳᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄ

[᭑᭓ 13A]
ᬲᬦ᭄ᬤᬶᬓᬦ᭄ᬲᬂᬳᬚᬶ᭞ᬓᬤᬶᬩᬸᬩᬸᬓ᭄ᬧᬸᬮᬶᬄᬜᭀᬮᭀᬂ᭞ᬳᬢᬶᬦᬾᬓᬮᬶᬦ᭄ᬢᬂᬳᭂᬜᬸᬤ᭄᭞ᬧ᭄ᬭᬲᬫᬳᬤᬦ᭄ᬮᬸᬫᬫ᭄ᬧᬄ᭞ᬢᬦ᭄ᬓᬯᬃᬡᬭᬶᬂᬫᬃᬕᬶᬭᬯᬸᬄᬭᬶᬂᬤᬾᬰ᭟ᬫᬦ᭄ᬢᬸᬓ᭄ᬧᬥᬲᭀᬯᬂᬲᭀᬯᬂ᭞ᬧᬸᬗ᭄ᬕᬯᬦᬾᬲᬫᬶᬫᬸᬮᬶᬄ᭞ᬲᬂᬧ᭄ᬭᬪᬸᬲᬋᬂᬗᬦ
ᬢᭀᬦ᭄᭞ᬤᬶᬧᬢᬦ᭄ᬤᬓᬦ᭄ᬫᬗ᭄ᬭᬦ᭄ᬢᬸᬦ᭄᭞ᬇᬢ᭄ᬮᬸᬕ᭄ᬢᬕ᭄ᬳᬸᬬᬂᬭᬶᬂᬚᬕ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬭᬯᭀᬲ᭄ᬲᬋᬂᬲᬂᬦᬵᬢ᭄ᬣ᭟ᬭᬶᬂᬯᬶᬚᬶᬮ᭄ᬧᬶᬲᬦ᭄ᬤᬸᬦᬸᬗᬦ᭄᭞ᬧᬲᬭᬾᬦ᭄ᬲᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬲᬂᬦᬵᬢ᭄ᬣᬗᬦ᭄ᬤᬶᬓᬵᬳᬮᭀᬦ᭄᭞ᬤᬶᬦᬶᬓᬾᬇ
ᬦᬦᬓ᭄ᬩᬕᬸᬲ᭄᭞ᬭᬭᬶᬲ᭄ᬕᬕᬸᬮᬶᬂᬕᬸᬮᬶᬗᬦ᭄᭞ᬩᬧᬫᬸᬮᬶᬄᬭᬭᬶᬲ᭄ᬫᬦ᭄ᬢᬸᬓ᭄ᬓᬚ᭄ᬭᭀᬧᬸᬭᬵ᭟ᬳ᭄ᬦᭂᬗᬓ᭄ᬦᬧᬸᬦᬶᬓ᭞ᬓᭀᬘᬧ᭄ᬭᬤᬾᬦ᭄ᬤᬾᬯᬶ᭞ᬢᬦ᭄ᬮ᭄ᬬᬦ᭄ᬕᬸᬫᬦ᭄ᬢᬸᬗᬶᬂᬧᬦᭀᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬤᬸᬮᬸ᭞ᬓᬲᬗ᭄ᬕᬶᬢᬯᬄᬓᬾᬦ᭄ᬩᬬ
ᬦ᭄᭞ᬩᬸᬳᬸᬂᬫᬢᬶᬢᬦᬹᬭᬸᬂᬓᬾᬤᬦᬦ᭄᭟ᬳᬢᬶᬦᬶᬂᬭᬤᬾᬦᬾᬳᬸᬯᬸᬕ᭄ᬩᬸᬬᬃ᭞ᬩᬸᬓᬉᬬᬳᬾᬩᬲᭂᬳᬶᬦ᭄᭞ᬇᬩᭂᬮᬶᬚ᭄ᬯᬳ᭄ᬦᭀᬦᭀᬢ᭄᭞ᬓᬾᬦ᭄ᬩᬬᬦ᭄ᬲᬗᬶᬢ᭄ᬳᬸᬫᬢᬹᬃ᭞ᬬᬾᬦ᭄ᬳᬢᬹᬃᬢᬶᬢ᭄ᬬᬂᬭᬶᬂᬤᬾᬯᬵ᭞ᬘᭂ [ 14 ][᭑᭓ 13B]
᭑᭓
ᬦ᭄ᬥᭂᬢ᭄ᬳᬸᬕᬶᬓᬬᬸᬦᬾᬓᬤᬶᬧᬸᬦᬶᬓ᭟ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬗᬶᬯᬗᬂ᭞ᬓᬬᬸᬦ᭄ᬳᬶᬤᬾᬯᬵᬦᬾᬲ᭄ᬤᬶᬄ᭞ᬓᬗᭂᬦ᭄ᬭᬶᬂᬭᬳᬤᬾᬦ᭄ᬳᬶᬤ᭞ᬲᬧᬭᬶᬧᭀᬮᬳᬾᬳᭂᬜᬸᬤ᭄᭞ᬬᬦ᭄ᬳᬦ᭄ᬤᬾᬢᬶᬢ᭄ᬬᬂᬕᭂᬮᬳᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬓᬬᬸᬦ᭄ᬳᬶᬤᬲᬤ᭄ᬬᬦ᭄᭞ᬢᭀᬂ
ᬤᬸᬕᬫᭂᬢᬸᬓᬚᬩ᭞ᬤᬤ᭄ᬬᬦ᭄ᬓᭀᬭᬢᬦ᭄ᬫᬯᬭᬶᬄ᭞ᬳᬧᬂᬇᬭᬶᬓᬶᬤᬶᬚ᭄ᬭᭀ᭞ᬢᬶᬢ᭄ᬬᬂᬲᬳᬶᬚᬸᬭᬸᬲᬧᬸᬄ᭞ᬓᬗ᭄ᬕᬾᬦ᭄ᬳᬶᬤᬗᬸᬤᬸᬄᬢᬶᬢ᭄ᬬᬂ᭞ᬭᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬓᬾᬕᬯᬾᬧᬜ᭄ᬘᬫᬺᬢ᭄ᬣ᭟ᬫᬳᬶᬓᬓᬧᬦ᭄ᬢᬵᬳᬾᬗ᭄ᬕᬮ᭄᭞ᬚᬸᬭᬸᬤᬄᬓᬶ
ᬦᬾᬦ᭄ᬓᬾᬜ᭄ᬚᬦᬶ᭞ᬦᬶᬭᬗ᭄ᬕᬯᬾᬤᬬᬋᬓᭀ᭞ᬓᭂᬫᬗᬮᬶᬄᬲ᭄ᬬᬧ᭄ᬲᬳᬸᬂ᭞ᬕᭀᬭᭀᬓ᭄ᬕᭂᬢᬶᬄᬜᬦᬾᬚ᭄ᬯᬂ᭞ᬳᬩᬫᬳᬶᬳᭂᬦ᭄ᬢᭀᬳᬩᬧᬾᬢ᭄ᬳᬶᬭᬓᬫ᭄ᬓᭂᬫ᭟ᬧᬸᬦ᭄ᬢᬚᬸᬭᬸᬤᬄᬬᬮ᭄ᬯᬲ᭄᭞ᬫᬗᬮᬶᬄᬲ᭄ᬬᬧ᭄ᬫᬫᬮᬶᬂ᭞ᬧᬸᬮᬶᬄᬕ᭄ᬮᬶᬲ᭄ᬭᬭᬶᬲ᭄
ᬗᭀᬭᭀᬓ᭄᭞ᬕᭂᬢᬶᬳᬾᬲᬫ᭄ᬧᬸᬦ᭄ᬓᬳᬢᬸᬃ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬦᬗ᭄ᬕᬧ᭄᭞ᬗᭂᬗ᭄ᬓᭂᬫ᭄ᬭᬭᬶᬲ᭄‌ᬫᬲᬭᬾᬫᬗᬺᬫ᭄ᬧᭀᬬᭀᬓᬂ᭟ᬲᬯᬢᬭᬓᬮᬶᬄᬤᬶᬦᬵ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬜᬓᬶᬢ᭄᭞ᬗ᭄ᬯᬗ᭄ᬲᬸᬮᬂᬕᭂᬢᬶᬄᬫᬗ᭄ᬕᬾᬮᭀᬄ᭞

[᭑᭔ 14A]
ᬓᬧᬸᬦ᭄ᬢᬵᬚᬸᬭᬸᬤᬄᬕᬸᬧᬸᬄ᭞ᬫᬗ᭄ᬮᬶᬂᬫᬲᭂᬲᬫ᭄ᬩᬢᬦ᭄᭞ᬩᬶᬓᬶᬃᬩᬶᬓᬶᬃᬫᬦᬕᬶᬄᬗᬫᬸᬓ᭄ᬭᭀᬯᬗᬵ᭞ᬧᬋᬓᬦᬾᬧᬩᭂᬍᬲᬢ᭄᭞ᬫᬮᬳᬶᬩ᭄ᬓᬩᬭᬢ᭄ᬩᬶᬭᬶᬢ᭄᭞ᬫᬮᬳᬶᬩ᭄ᬓᬚ᭄ᬭᭀ᭞ᬫᬢᬹᬃᬳᬶᬤᬲᬂᬧ᭄ᬭᬪᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬳᬶᬤᬲᬸᬗ᭄ᬓᬦ᭄᭞ᬫᬗ᭄ᬲᬸ
ᬮ᭄ᬕᭂᬢᬶᬄᬳᬶᬧᬸᬦ᭄ᬢᬵᬦᭂᬫ᭄ᬩᬸᬲ᭄ᬓᬤᬸᬢᬦ᭄᭞ᬲᬂᬧ᭄ᬭᬪᬸᬓᬕ᭄ᬬᬢ᭄ᬫᬶᬋᬗᬂ᭞ᬦᬄᬳᬤᬶᬰ᭄ᬭᬶᬧ᭄ᬭᬫᬾᬰ᭄ᬯᬭᬷ᭞ᬢᬫ᭄ᬬᬸᬦᬾᬤᬶᬚᬩᬋᬓᭀ᭞ᬬᬲᬓᬶᬢ᭄ᬗᬸᬢᬳᬂᬫᬭᬸᬲ᭄᭞ᬧᬸᬦ᭄ᬢᬵᬚᬸᬭᬸᬤᬾᬚ᭄‌ᬧᬤᬶᬗ᭄ᬓ᭄ᬭᬓ᭄᭞ᬗᬸᬦᬸᬲ᭄ᬓ᭄ᬭᬲ᭄ᬧᬸᬂᬓᬧᬸᬳᬦ᭄᭟ᬰ᭄ᬭᬶᬧ᭄ᬭᬫᬶᬰ᭄ᬯᬭᬷ
ᬳᬗᬸᬘᬧ᭄᭞ᬫᬭᬶᬓᬓᬾᬩᭂᬮᬶᬕᭂᬮᬶᬲ᭄᭞ᬓᬚᬩᬲᬓᬶᬢᬾᬢᭀᬦ᭄ᬢᭀᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬫᬮᬬᬸ᭞ᬢᭂᬓᭂᬤ᭄ᬤᬶᬚᬩᬤᬧᭂᬢᬂ᭞ᬗᬸᬬᬓ᭄ᬕᭂᬢᬶᬄᬫᬲᬭᬾᬫᬗᬺᬫ᭄ᬧᭀᬬᭀᬓᬂ᭟ᬲᬂᬧ᭄ᬭᬪᬸᬓᬕ᭄ᬬᬢ᭄ᬢᬸᬫᬶᬗᬮ᭄᭞ᬗᬦ᭄ᬤᬶᬓᬳᬲ᭄ᬫᬸᬢ
ᬗᬶᬲ᭄᭞ᬫᬓᭂᬲ᭄ᬬᬩ᭄ᬓᬬᬸᬦᬾᬩᭀᬮᭀᬂ᭞ᬓᬧᬸᬦ᭄ᬢᬵᬓᬾᬦ᭄ᬓᬾᬦ᭄ᬳᬶᬩᬕᬸᬲ᭄᭞ᬳᬶᬤᬫᬗ᭄ᬯᬗ᭄ᬲᬸᬮᬂᬳ᭄ᬭᬄ᭞ᬲᬓᬾᬂᬤᬶᬩᬶᬢᬶᬢ᭄ᬬᬂᬫᬭᬱᬂᬓᬾᬧ᭄ᬯᬦ᭄᭟ᬢᬫ᭄ᬩᬦᬾᬤᬳᬢᬶᬂᬲᭂᬗ᭄ᬓ᭞ᬬᬦ᭄ᬢᬶᬢ᭄ᬬᬂᬗᬺᬋᬄᬇᬭᬶᬓᬶ᭞ᬭᬭᬶᬲ᭄ᬗᬦ᭄ᬤᬶᬓ [ 15 ][᭑᭔ 14B]
᭑᭔
ᬲᬂᬓᬢᭀᬂ᭞ᬦᬄᬳᬶᬭᬦᬸᬦ᭄ᬤᬾᬦ᭄ᬫᬗ᭄ᬭᬸᬭᬸᬄ᭞ᬬᬤᬶᬦ᭄ᬤᬶᬚᬢᬾᬗᭀᬲ᭞ᬢ᭄ᬯᬄᬓᬧᬗ᭄ᬕᬶᬄᬩᬳᬦ᭄ᬳᬶᬭᬲᬶᬫᬗ᭄ᬭᬸᬭᬸᬳᬂ᭟ᬳᬧᬓᬾᬢᭀᬘᬳᬶᬧᬸᬦ᭄ᬢᬵ᭞ᬧᬘᬂᬢᬫ᭄ᬩᬦ᭄ᬦᬦᬓ᭄ᬫᬦ᭄ᬢ᭄ᬭᬶ᭞ᬇᬓᬧᬸᬦ᭄ᬢᬵᬫᬢᬸᬃᬳᬮᭀᬦ᭄᭞ᬧᬜᬸᬗ᭄ᬓᬦᬾᬲᬫ᭄ᬧᬸᬦ᭄ᬲ
ᬫ᭄ᬧᬸᬦ᭄᭞ᬤᬯᭂᬕ᭄ᬳᬤᬦᬾᬭᬶᬂᬚᬯᬵ᭞ᬭᬤᬾᬦ᭄ᬤᬾᬯᬶᬳᬶᬤᬓᬦ᭄ᬤᬶᬓᬬᬂᬜᭂᬫ᭄ᬩᬸᬃ᭟ᬢᬦ᭄ᬯᬾᬦ᭄ᬢᭂᬦ᭄ᬤᬤᭀᬲ᭄ᬯᭀᬢᬫ᭄ᬩᬸᬃ᭞ᬫᬜᭂᬫ᭄ᬩᬸᬃᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬲᬂᬦᬵᬢ᭄ᬣᬗᬦ᭄ᬤᬶᬓᬳᬮᭀᬦ᭄᭞ᬧ᭄ᬭᬫᬶᬲ᭄ᬯᬭᬶᬦᬦᬓ᭄ᬕᬮᬸᬄ᭞ᬓᬧᬦ᭄ᬤᬶᬓ᭞ᬬᬂᬜᭂᬫ᭄ᬩᬸᬃ᭞
ᬧ᭄ᬭᬫᬶᬰ᭄ᬯᬭᬷᬢᬸᬫᬸᬓᬶᬄᬗᬮᬶᬄᬢ᭄ᬯᬦ᭄ᬤᬾᬯ᭄ᬬ᭟ᬤᬸᬄᬫᬡᬶᬓ᭄ᬩ᭄ᬬᬗᬾᬤᬾᬯᬵ᭞ᬢᬸᬮᬸᬗᬶᬦ᭄ᬳᬶᬦᬦᬓ᭄ᬫᬦ᭄ᬢ᭄ᬭᬶ᭞ᬗ᭄ᬯᬗ᭄ᬲᬸᬮᬂᬕᭂᬢᬶᬄᬫᬗ᭄ᬕᭂᬮᭀᬄ᭞ᬦᬧᬶᬧ᭄ᬯᬭᬦᬾᬳᬶᬤᬸᬧ᭄᭞ᬢᬦ᭄ᬳᬸᬭᬸᬂᬢ᭄ᬯᬄᬩᬜᬭᬸᬲᬓ᭄᭞ᬩᬳᬦ᭄ᬲᬂᬳᬚᬶᬉᬮᬶᬤᬶᬚᬯᬵᬫᬗᬺ
ᬕᬄ᭟ᬲᬫ᭄ᬧᬸᬦ᭄ᬲᬸᬭᬸᬧ᭄ᬲᬂᬳ᭄ᬬᬂᬅᬃᬓ᭞ᬲᬂᬤ᭄ᬬᬄᬓᬚᬩᬮᬦ᭄ᬩᬶᬩᬶ᭞ᬲᬂᬧ᭄ᬭᬪᬸᬢᬸᬫᬶᬗᬮ᭄ᬋᬓᭀ᭞ᬫᬳᬶᬫᬗ᭄ᬭᬭᬶᬲ᭄ᬫᬲ᭄ᬓᬮᬸᬂ᭞ᬦᬾᬲᭂᬫ᭄ᬩᬸᬃᬭᬓᬦ᭄ᬳᬶᬤᬾᬯᬵ᭞ᬫᬶᬭᬄᬫᬡᬶᬓ᭄ᬳᬗᬸᬭᬶᬧ᭄ᬯᭀᬂᬲᬦᬕᬭ᭟ᬭᬳᬤᬾᬦ᭄ᬤᬾᬯᬶᬳᬦᭂᬫ᭄ᬩᬄ᭞

[᭑᭕ 15A]
ᬫᬢᬹᬃᬰᬩ᭄ᬤᬦᬾᬳᬫᬦᬶᬲ᭄᭞ᬬᬦ᭄ᬤᬸᬭᬸᬲ᭄ᬳᬶᬘ᭄ᬙᬲᬂᬓᬢᭀᬂ᭞ᬢᬶᬢ᭄ᬬᬂᬫᬶᬦ᭄ᬤᬄᬉᬕᬶᬕᬸᬭᬹ᭞ᬳᬧᬦ᭄ᬢᬶᬢ᭄ᬬᬂᬓᬭᬶᬩᬚᬂ᭞ᬢᬫ᭄ᬬᬸᬧ᭄ᬓᬶᬓ᭄ᬫᬦᬯ᭄ᬬᬗ᭄ᬕᬾᬢᬶᬢ᭄ᬬᬂᬲᬮᬄ᭟ᬫᬲ᭄ᬫᬶᬭᬄᬇᬫᬡᬶᬓ᭄ᬳᬶᬩᬧ᭞ᬇᬥᭂᬧᬂᬚ᭄ᬯᬓᬸᬤᬫᬡᬶᬓ᭄᭞ᬳᬢᬹᬃᬩᬧᬦᬾᬭᬶᬂ
ᬤᬾᬯᬵ᭞ᬧᬢᬸᬢ᭄ᬲᬂᬤ᭄ᬬᬄᬭᬭᬶᬲ᭄ᬜᬶᬫ᭄ᬩᬸᬄ᭞ᬭᬭᬶᬲ᭄ᬫᬗᭂᬗ᭄ᬓᬳᬶᬦ᭄ᬓᬃᬡ᭄ᬦ᭞ᬫᬓᬶᬓᬶᬲᬶᬭᬤᬾᬦ᭄ᬫᬦ᭄ᬢ᭄ᬭᬶᬭᬶᬂᬢ᭄ᬯᬦ᭄ᬤᬾᬯ᭄ᬬ᭟ᬤᬸᬄᬤᬾᬯᬵᬫᬲ᭄ᬳᬢ᭄ᬫᬚ᭄ᬯᬶᬢ᭞ᬫᬲ᭄ᬫᬶᬭᬄᬓᬧᬸᬃᬯ᭄ᬯᬾᬂᬲᬭᬷ᭞ᬬᬦ᭄ᬳᬶᬤᬾᬯᬵᬇᬘ᭄ᬙᬋᬓᭀ᭞ᬦᬸᬦᬲ᭄ᬓᬚᬯᬵᬫᬲ᭄ᬓᬮᬸᬂ᭞ᬢ
ᬦ᭄ᬮ᭄ᬬᬦ᭄ᬳᬵᬃᬤ᭄ᬥᬵᬦᬭᬾᬰ᭄ᬯᬃᬬ᭄ᬬ᭞ᬢ᭄ᬯᬄᬳᬶᬫᬡᬶᬓ᭄ᬫᬗ᭄ᬓᬫᭂᬗ᭄ᬓᬸᬦᬾᬭᬶᬂᬧᬸᬭᬵ᭟ᬬᬦ᭄ᬳᬶᬤᬾᬯᬵᬤᬸᬭᬸᬲ᭄ᬳᬶᬘ᭄ᬙ᭞ᬦᬾᬩᬶᬦ᭄ᬧ᭄ᬯᬦ᭄ᬢᬶᬢ᭄ᬬᬂᬫᭂᬦ᭄ᬤᬓᬶᬦ᭄᭞ᬳᬶᬭᬶᬓᬭᬶᬂᬧᬲᬃᬗᬦ᭄ᬢᭀᬦ᭄᭞ᬳᬬ᭄ᬯᬢᬭᬫᬥ᭄ᬬᬤᬮᬸ᭞ᬭᬤᬾᬦ᭄ᬤᬾᬯᬶᬢᬦ᭄ᬧᬗᬸᬘᬧ᭄᭞
ᬭᬤᬾᬦ᭄ᬫᬦ᭄ᬢ᭄ᬭᬶᬲᬶᬫ᭄ᬲᬶᬫ᭄ᬓᬭᬶᬭᬶᬂᬭᬳᬤ᭄ᬬᬦ᭄᭟ᬭᬳᬤ᭄ᬬᬦ᭄ᬲ᭄ᬫᬸᬓᬮᬸᬱ᭄ᬬᬦ᭄᭞ᬢᬗ᭄ᬕᬸᬦ᭄ᬳᬦ᭄ᬢᭂᬗᬾᬩᬸᬗ᭄ᬲᭂᬮᬶᬦ᭄᭞ᬩᬸᬗ᭄ᬓᬸᬂᬤᬾᬤᬸᬓᬸᬄᬦᬾᬓᬯᭀᬢ᭄᭞ᬭᬳᬤ᭄ᬬᬦ᭄ᬲ᭄ᬫᬸᬢᬸᬫᬸᬗ᭄ᬓᬸᬮ᭄᭞ᬲᬯᬸᬲᬦ᭄ᬳᬶᬤᬦᬾᬜᭂᬫ᭄ᬩᬸᬃ᭞ᬭᬭᬶᬲ᭄ᬧ [ 16 ][᭑᭕ 15B]
᭑᭕
ᬫᬶᬢ᭄ᬭᬶᬂᬇᬩᬸᬫᬶᬯᬄᬲᬂᬦᬵᬢ᭄ᬣ᭟ᬭᬤᬾᬦ᭄ᬫᬦ᭄ᬢ᭄ᬭᬶᬲ᭄ᬫᬸᬳᬾᬦᬓ᭄᭞ᬫᬗ᭄ᬮᬶᬮᬶᬃᬭᬭᬶᬲ᭄ᬫᬮᬶᬗ᭄ᬕᬶᬄ᭞ᬲᬸᬫᬦ᭄ᬤᬶᬂᬳᬶᬤᬲᬂᬓᬢᭀᬂᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬸᬫᬢᬹᬃ᭞ᬤᬸᬄᬤᬾᬯᬵᬭᬢᬸᬲᬂᬦᬵᬢ᭄ᬣ᭞ᬢᬶᬢ᭄ᬬᬂᬧᬫᬶᬢ᭄‌ᬭᬳᬶᬡᬦᬾᬩᬾᬜ᭄ᬚᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞
ᬤᬸᬄᬤᬾᬯᬵᬦ᭄ᬩᬧᬦᬾᬫᬡᬶᬓ᭄᭞ᬳᬶᬤᬾᬯᬵᬲᬸᬗ᭄ᬓᬦ᭄ᬓᬦᬮᭀᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬲᬂᬧ᭄ᬭᬪᬸ᭞ᬫᬸᬂᬧᬸᬂᬢᬶᬢ᭄ᬬᬂᬜᬓ᭄ᬤᬤᭀᬲᬦ᭄᭞ᬦᬧᬶᬫᬮᬶᬄᬲᬓᬶᬢ᭄ᬢᬶᬢ᭄ᬬᬂᬗᬾᬫᬗᭂᬦ᭄ᬢᬂ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬫᬫᬃᬕᬶᬓᬾᬳᬧᬂᬩᭂᬘᬶᬓ᭄᭞
ᬚᭂᬦᬸᬓᬶᬦ᭄‌ᬚ᭄ᬯᬫᬳᬶᬕᬸᬭᬸ᭞ᬭᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬲᭂᬫ᭄ᬩᬄ᭞ᬰ᭄ᬭᬶᬪᬸᬧᬢᬶᬗᬦ᭄ᬤᬶᬓᬭᬶᬂᬧᬢᬶᬄᬥ᭄ᬫᬂ᭞ᬇᬧᬢᬶᬄᬢᬸᬦ᭄ᬤᬾᬦ᭄ᬤᬩ᭄ᬤᬩᬂ᭞ᬦᬳᬸᬃᬤᬕᬗᬦᬾᬚᬦᬶ᭞ᬢᬶᬗ᭄ᬓᬳᬾᬋᬓᭀ᭞ᬢᬸᬦ᭄ᬤᬾᬦ᭄ᬫᬜ᭄ᬭᬳᬂᬢᬸᬳᬸᬦ᭄᭞ᬓᭀᬘᬧ᭄ᬰ᭄ᬭᬶᬧ᭄ᬭ
ᬫᬶᬰ᭄ᬯᬃᬬ᭄ᬬ᭞ᬭᬤᬾᬦ᭄ᬤᬾᬯᬶᬲᬫᬶᬳᬶᬤᬲ᭄ᬯᬾᬘ᭄ᬙᬦ᭄ᬯᬲ᭄ᬢ᭄ᬭ᭟ᬳᭂᬦᭂᬗᬓ᭄ᬦᬧᬸᬦᬶᬓ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬯᬸᬲ᭄ᬧᬫᬶᬢ᭄᭞ᬍᬧᬲ᭄ᬮᬫ᭄ᬧᬄᬳᬶᬭᬋᬓᭀ᭞ᬯᬸᬲ᭄ᬫᬸᬗ᭄ᬕ᭄ᬯᬶᬂᬨᬮ᭄ᬯᬦ᭄ᬤᬭᬹᬂ᭞ᬧ᭄ᬭᬲᬫ᭄ᬬᬳᬗᬩᬸᬢ᭄ᬫᬗ᭄ᬕᬃ᭞ᬧᬭᬫᬗ᭄ᬓᬶᬦ᭄

[᭑᭖ 16A]
ᬫᬗᬾᬗ᭄ᬓᬾᬦ᭄ᬳᬫ᭄ᬩᬄᬩᬄᬮᬬᬃ᭟ᬳᬦ᭄ᬤᬭᬸᬂᬨᬮ᭄ᬯᬫᬮᬬᬃᬤᬾᬦᬶᬂᬳᬫ᭄ᬩᬄᬩᬄᬭᬶᬂᬫᬃᬕᬶ᭞ᬳᬓ᭄ᬯᬾᬄᬧᬥᬮᬦᬂᬯᬤᭀᬦ᭄᭞ᬳᬦᭀᬦ᭄ᬢᭀᬦ᭄ᬨᬮ᭄ᬯᬦᬾᬫᬦ᭄ᬢᬸᬓ᭄᭞ᬲᬫ᭄ᬧᬸᬦ᭄ᬲᬯᬢ᭄ᬓᬂᬩᬳᬶᬢ᭄ᬣ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬭᬶᬂᬧ᭄ᬭᬚᬸᬭᬕᬦ᭄᭟ᬚᬦᬶᬲᬸ
ᬭᬸᬧ᭄ᬲᬂᬳ᭄ᬬᬂᬅᬃᬓᬵ᭞ᬧ᭄ᬭᬳᬸᬦᬾᬯᬮ᭄ᬬᬂᬕ᭄ᬮᬶᬲ᭄᭞ᬧᬥᬯ᭄ᬭᬸᬳᬶᬓᬡ᭄ᬥᬋᬓᭀ᭞ᬲᬓᬳᬸᬮᬦᬾᬭᬶᬂᬧ᭄ᬭᬳᬸ᭞ᬢᬸᬫᬸᬮᬶᬄᬫᬯᬮᬶᬫ᭄ᬯᬄ᭞ᬓᬧᬲᬶᬲᬶᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬦᬸᬗ᭄ᬕᬮ᭄᭞ᬲᬯᭂᬢᬭᬢᭂᬗᬄᬯᭂᬗ᭄ᬬ᭞ᬭᬤᬾᬦ᭄ᬫᬦ᭄ᬢ᭄ᬭᬶᬮᬶᬦ᭄ᬬᬳᬭᬶᬲ᭄᭞ᬓᬧᬸ
ᬦ᭄ᬢᬵᬚᬸᬭᬸᬤᬾᬄᬋᬓᭀ᭞ᬚᬮᬜ᭄ᬚᬦᬶᬧᬥᬢᬸᬳᬸᬦ᭄᭞ᬤᬶᬢᬸᬫᬗᬦ᭄ᬢᬶᬤᬶᬧᬲᬃ᭞ᬲᬸᬩᬧᬲ᭄ᬢᬶᬲᭂᬫᬬᬦᬾᬳᬶᬧ᭄ᬯᬦ᭄᭟ᬢᬸᬫᬸᬮᬶᬄᬭᬭᬶᬲ᭄ᬫᬫᬃᬕ᭞ᬢᭂᬓᭂᬤ᭄ᬤᬶᬧᬲᬃᬫᬗᬦ᭄ᬢᬶ᭞ᬫᬓᭂᬤᬲᬼᬫᬄᬫᬗᬦ᭄ᬢᭀᬲ᭄᭞ᬭᬤᬾᬦ᭄ᬤᬾᬯᬶᬢ᭄ᬯᬭᬭ
ᬯᬸᬄ᭞ᬫᬗ᭄ᬭᬱᬳᬯᬓ᭄ᬓᬧ᭄ᬭᬾᬦ᭄ᬢᬄ᭞ᬕᭂᬮᬶᬲ᭄ᬫᬫᬃᬕᬶᬲᬫ᭄ᬬᬫᬸᬗ᭄ᬕᬄᬭᬶᬂᬩᬳᬶᬢ᭄ᬣ᭟ᬢᬸᬫᬸᬮᬶᬄᬭᬭᬶᬲ᭄ᬫᬮᬬᬃ᭞ᬮᬫ᭄ᬧᬳᬾᬳᬦᬸᬮᬶᬄᬦᬸᬮᬶᬄ᭞ᬢᬦ᭄ᬓᬘᬭᬶᬢᬦᭂᬦ᭄ᬋᬓᭀ᭞ᬉᬘᬧᭂᬦ᭄ᬭᬳᬤᬾᬦ᭄ᬕᬮᬸᬄ᭞ᬫᬗ᭄ᬓᬶᬦ᭄ᬳᬾᬮᬶᬂᬭᬶᬂ [ 17 ][᭑᭖ 16B]
᭑᭖
ᬲᬫᬬ᭞ᬩᬬᬯᬶᬥᬶᬫᬦᬸᬦ᭄ᬤᬸᬦ᭄ᬫᬦᬦ᭄ᬤᬦ᭄ᬳᬸᬬᬂ᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬵ᭞ᬓᬓᬵᬩᬬᬦ᭄ᬮᬯᬦ᭄ᬲᬗ᭄ᬕᬶᬢ᭄᭞ᬧᬲᬶᬭᬜ᭄ᬚᬮᬦᬾᬋᬓᭀ᭞ᬢᬸᬢᬸᬕ᭄ᬤᬦᬾᬩᭂᬮᬶᬋᬓᭀ᭞ᬢᬸᬫᬸᬮᬶᬄᬭᬭᬶᬲ᭄ᬫᬫᬃᬕ᭞ᬦᬾᬫᬗᬶᬭᬶᬂᬲᬫᬶᬯᬾᬦ᭄ᬢᭂᬦ᭄‌ᬧᭂᬢᬂ
ᬤᬰ᭞ᬲᬫᬶᬧᬥᬗ᭄ᬕᬯᬳᬃᬢ᭄ᬣ᭞ᬤ᭄ᬭᬸᬯᬾᬦ᭄ᬦᬾᬭᬳᬤᬾᬦ᭄ᬤᬾᬯᬶ᭞ᬭᬯᬸᬄᬭᬶᬂᬧᬲᬶᬲᬶᬋᬓᭀ᭞ᬩᬳᬶᬢᬦᬾᬲᬫ᭄ᬧᬸᬦ᭄ᬲᬸᬳᬸᬂ᭞ᬭᬳᬤᬾᬦ᭄ᬤᬾᬯᬶᬳᬮᬭ᭞ᬲᭂᬤᬶᬄᬓᬶᬂᬓᬶᬂᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭟ᬩᭂᬮᬶᬭᬳᬤᬾᬦ᭄ᬫᬦ᭄ᬢ᭄ᬭᬶ
ᬚᬯᬵ᭞ᬳᬦ᭄ᬢᭀᬲ᭄ᬓᬾᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬮᬮᬶᬲᬚᬩᭂᬮᬶᬋᬓᭀ᭞ᬫᬗᬮᬳᬶᬦ᭄ᬢᬶᬢ᭄ᬬᬂᬫᬦ᭄ᬢᬸᬓ᭄᭞ᬳᬾᬮᬶᬂᬚᬦᬶᬭᬶᬂᬲᬫᬬ᭞ᬳᬮᬶᬳᬮᬶᬦᬶᬓᬶᬲᬫ᭄ᬧᬸᬦ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂ᭟ᬫᬓᬘᬶᬭᬶᬦ᭄ᬢᬶᬢ᭄ᬬᬂᬢᬺᬱ᭄ᬡ᭞ᬫᬓᬘᬶᬳ᭄ᬦᬩᭂᬮᬶ
ᬓᬲᬶᬄ᭞ᬳᬦ᭄ᬢᭀᬲᬂᬢᬶᬢ᭄ᬬᬂᬤᬶᬢᬜ᭄ᬚᬸᬂ᭞ᬲᬫ᭄ᬧᬸᬦ᭄ᬩᭂᬮᬶᬗ᭄ᬭᬭᬶᬲ᭄ᬫᬦ᭄ᬢᬸᬓ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧ᭄ᬭᬢᬶᬚ᭄ᬜ᭞ᬤᬾᬯᬵᬰᬓ᭄ᬢᬶᬦᬸᬫᬤᬓ᭄ᬫᬩᬳᬦ᭄ᬫᬃᬕ᭟ᬬᬦ᭄ᬢᬶᬢ᭄ᬬᬂᬓᬳᬶᬘ᭄ᬙᬦ᭄ᬫᬃᬕ᭞ᬩᬦ᭄ᬢᭂᬦ᭄ᬲ᭄ᬤᬸᬄᬩᬸᬭᬢ᭄ᬯᬗᬶ᭞ᬲᬤᬯᬦ᭄ᬫᬃ

[᭑᭗ 17A]
ᬕᬦᬾᬋᬓᭀ᭞ᬲᬕᬭᬫᬦ᭄ᬤᬤᭀᬲ᭄ᬭᬸᬭᬸᬂ᭞ᬳ᭄ᬬᬾᬄᬧᬲᬶᬳᬾᬫᬧ᭄ᬬᬓᬦ᭄᭞ᬤᬤᬶᬫᬃᬕᬶ᭞ᬢᬸᬫᬸᬮᬶᬄᬭᬭᬶᬲ᭄ᬫᬫᬃᬕ᭟ᬫᬩᬦ᭄ᬢᭂᬦ᭄ᬲᬮᬦ᭄ᬢᬂᬫᬃᬕ᭞ᬲᬫ᭄ᬩᬶᬮᬂᬫᬲᬶᬄᬫᬦᬗᬶᬲ᭄᭞ᬩᬶᬤᬓ᭄ᬧᬭᬳᬸᬦᬾᬓᬢᭀᬦ᭄᭞ᬓ᭄ᬮᬧ᭄ᬓᬧ᭄ᬚᭀᬄᬤᬶ
ᬫᬮᬸ᭞ᬭᬤᬾᬦ᭄ᬧᬜ᭄ᬚᬃᬘᬶᬡᬫᬸᬭᬢ᭄᭞ᬳᬦ᭄ᬢᬶᬳᬦ᭄ᬢᬶᬫᬗᬸᬤᬩ᭄ᬮᬶᬮᬮᬶᬲᬦ᭄᭟ᬢᬦ᭄ᬓᬘᬭᬶᬢᬭᬶᬂᬫᬃᬕ᭄ᬕ᭞ᬉᬘᬧᭂᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢᭂᬓᭂᬤ᭄ᬤᬶᬧᬮᬩ᭄ᬯᬦ᭄ᬋᬓᭀ᭞ᬢᬦ᭄ᬲᬸᬯᬾᬭᬭᬶᬲ᭄ᬢᬸᬫᬸᬭᬸᬦ᭄‌᭞ᬫᬗ᭄ᬭᬭᬶᬲ᭄ᬫᬦ᭄ᬢᬸᬓ᭄ᬓᬢᬫᬦ᭄᭞
ᬰ᭄ᬭᬶᬪᬸᬧᬢᬶᬧ᭄ᬭᬫᬶᬰ᭄ᬯᬭᬷᬯᬸᬲ᭄ᬳᬸᬦᬶᬗ᭟ᬜᬩ᭄ᬭᬦ᭄ᬓᬳᬢᬸᬃᬭᬦ᭄ᬤᬳᬃ᭞ᬉᬢᬸᬲᬦ᭄ᬰ᭄ᬭᬶᬧ᭄ᬭᬫᬶᬲ᭄ᬯᬭᬶ᭞ᬢᬦ᭄ᬓᬧᬺᬡᬄᬧᭀᬮᬄᬓᬢᭀᬂ᭞ᬉᬘᬧᭂᬦ᭄ᬭᬳᬤᬾᬦ᭄ᬕᬮᬸᬄ᭞ᬲᬫ᭄ᬧᬸᬦ᭄ᬢᬸᬫᬸᬭᬸᬦ᭄ᬭᬶᬂᬍᬫᬄ᭞ᬯᭂᬗᬶᬫᬭᬃᬬ᭄ᬬᬦ᭄ᬲᭀᬭᬶᬂᬓᬢᬧᬂ᭟ᬳ᭄ᬦᭂ
ᬗᬓ᭄ᬦᬧᬸᬦᬶᬓᬵ᭞ᬓᭀᬘᬧᬦ᭄ᬲᬂᬧ᭄ᬭᬪᬸᬩᬮᬶ᭞ᬰ᭄ᬭᬶᬧ᭄ᬭᬫᬷᬰ᭄ᬯᬭᬶᬓᬶᬘᬮᬦ᭄᭞ᬳᬶᬮᬂᬲᬶᬭᬭᬤᬾᬦ᭄ᬕᬮᬸᬄ᭞ᬧᬢᬶᬄᬥ᭄ᬫᬂᬥ᭄ᬫᬸᬂᬧᬥ᭞ᬦᬸᬦᬲ᭄ᬧᬫᬶᬢ᭄ᬫᬗ᭄ᬭᬸᬭᬸᬄᬲᬶᬭᬭᬳᬤ᭄ᬬᬦ᭄᭟ᬇᬢ᭄ᬮᬸᬕ᭄ᬢᬕ᭄ᬳᬸᬬᬂᬲᬋᬗᬦ᭄᭞ᬫᬫᬋᬓ᭄ᬳᬶᬤᬲᬂ [ 18 ][᭑᭗ 17B]
᭑᭗
ᬳᬚᬶ᭞ᬬᬾᬦ᭄ᬳᬢᬹᬃᬢᬶᬢ᭄ᬬᬂᬗᬾᬲᬂᬓᬢᭀᬂ᭞ᬢᬶᬢ᭄ᬬᬂᬧᬫᬶᬢ᭄ᬮᬸᬗᬗ᭄ᬭᬸᬭᬸᬄ᭞ᬲᬳᭂᬗ᭄ᬕᭀᬦ᭄ᬳᭂᬗ᭄ᬕᭀᬦ᭄ᬭᬳᬤ᭄ᬬᬦ᭄᭞ᬲ᭄ᬮᬢ᭄ᬧᬲᬶᬄᬲᬂᬦᬵᬢ᭄ᬣᬫᬗ᭄ᬭᬭᬶᬲ᭄ᬳᬶᬘ᭄ᬙ᭟ᬇᬢ᭄ᬮᬸᬕ᭄ᬢᬕ᭄ᬳᬸᬬᬂᬫᬚᬮᬦ᭄᭞ᬢ᭄ᬯᬭᬗᬶᬢᬸᬂᬚᬸᬭᬂᬫᬗ᭄ᬓᬶᬦ᭄᭞ᬫᬗᭂᬮᬶᬂᬫᬲᬲᬫ᭄ᬩᬢᬦ᭄᭞ᬤᬸᬄᬤᬾᬯᬵ
ᬦ᭄ᬢᬶᬢ᭄ᬬᬗᬾᬭᬢᬸ᭞ᬜᬾᬦ᭄ᬫᬦᬸᬗ᭄ᬓᬸᬮᬂᬳᬶᬤᬾᬯᬵ᭞ᬪᬬᬫᬶᬮᬶᬂᬳᬶᬤᬾᬯᬵᬢᭂᬓᬾᬦᬶᬂᬢᬶᬢ᭄ᬬᬂ᭟ᬳᬾᬮᬶᬗᬂᬤᬾᬯᬵᬦᬾᬲᬸᬩ᭞ᬤᬯᭂᬕ᭄ᬢᬶᬢ᭄ᬬᬂᬗᬾᬗᬶᬭᬶᬫᬶᬦ᭄᭞ᬭᬶᬩᬭᬶᬲ᭄ᬚᬗ᭄ᬓᬂᬢᬸᬮᬸᬧ᭄᭞ᬤᬶᬩᬜ᭄ᬘᬶᬗᬄᬕᬫ᭄ᬩᬸᬄᬯᬬᬂ᭞ᬤᬤᬧ᭄‌ᬧ᭄ᬭᬾᬰᬶᬄ
ᬲᭂᬲᭂᬓ᭄ᬚᭂᬚᭂᬓ᭄ᬤᬶᬩᬜ᭄ᬘᬶᬗᬄ᭞ᬚᬦᬶᬳᬧᬦᬾᬫᬓᬤ᭞ᬩᬸᬮᬦᬾᬲᬦ᭄ᬤᬶᬗᬶᬦ᭄ᬳᬳᬶ᭞ᬚᬦᬶᬓᬾᬦᬾᬓᭀᬢᭂᬫᬸᬜ᭞ᬧᬦᬓᬾᬦᬾᬲᬬᬂᬳᬚᬸᬫ᭄᭞ᬚᬯᬢ᭄ᬢᭂᬮᬾᬓᬤᬂᬯᬃᬖ᭞ᬬᬾᬦ᭄ᬳᬶᬘ᭄ᬙᬦᬶᬦ᭄‌ᬤᭀᬂᬳᬶᬤᬓᭀᬳᭂᬦᭀᬢ᭄ᬢᬂ᭞ᬚᬦᬶ
ᬓᭂᬫᬳᬾᬗ᭄ᬕᬮ᭄ᬳᬚᬓ᭄᭞ᬳᬢᭂᬄᬧᭂᬲᬸᬳᬢᭂᬄᬫᬸᬮᬶᬄ᭞ᬩᬗ᭄ᬕᬗ᭄ᬕᭂᬮᬄᬧᬦᬓ᭄ᬫᭀᬦ᭄ᬢᭀᬓ᭄᭞ᬳᬢᭂᬄᬫᬸᬮᬶᬄᬳᬢᭂᬄᬧᭂᬲᬸ᭞ᬦᬶᬭᬫᬱᬩᬸᬳᬸᬂᬧᭂᬚᬄ᭞ᬚᬯᬢ᭄ᬫᬢᬶᬢ᭄ᬯᬄᬓᬲᬤ᭄ᬬᬦᬾᬩᬓᬢᬂ᭟ᬇᬥ᭄ᬫᬂᬥ᭄ᬫᬸᬂᬭᬶᬂᬳᬮᬲ᭄᭞

[᭑᭘ 18A]
ᬫᬗᬮᬶᬄᬢ᭄ᬯᬭᬓᬧᬗ᭄ᬕᬶᬄ᭞ᬢᬸᬫᬸᬮᬶᬄᬉᬫᬦ᭄ᬢᬸᬓ᭄ᬳᬮᭀᬦ᭄᭞ᬇᬢ᭄ᬮᬸᬕ᭄ᬢᬕ᭄ᬳᬸᬬᬂᬫᬫᬸᬤᬸᬄ᭞ᬲᬳᬶᬫᬫᬦ᭄ᬢᬶᬕᬂᬳᬯᬓ᭄᭞ᬓᬗᭂᬦ᭄ᬲᭂᬤᬶᬄᬓᬲ᭄ᬯᬾᬦ᭄ᬫᬗ᭄ᬭᬭᬶᬲ᭄ᬧᭂᬚᬄ᭟ᬳ᭄ᬦᭂᬗᬓ᭄ᬦᬧᬸᬦᬶᬓᬵ᭞ᬲᭂᬤᬶᬄᬫᬓᬩᬸᬫᬶᬩᬮᬶ᭞ᬮ᭄ᬯᬶᬄᬢᬦᬶᬤᬲᬂᬓᬢᭀᬂ᭞ᬓᭀ
ᬘᬧ᭄ᬭᬤᬾᬦ᭄ᬕᬮᬸᬄ᭞ᬫᬲᬭᬾᬲᭀᬭᬶᬂᬓᬢᬧᬂ᭞ᬕᬮᬂᬓᬗᬶᬦ᭄ᬲᬢ᭄ᬣᬯᬡᬦᬾᬫᬗ᭄ᬭᬓ᭄‌᭞ᬫᬦᬶᬫ᭄ᬩᬮ᭄‌ᬓᭂᬤᬶᬲ᭄ᬢᭀᬂᬓᭀᬭᬓ᭄᭞ᬳᬲ᭄ᬭᬂᬫ᭄ᬭᬓ᭄ᬫᬸᬦᬶᬳᬕᬦ᭄ᬢᬶ᭞ᬲ᭄ᬯᬭᬦᬾᬳᬚ᭄ᬭᬶᬢ᭄ᬳᬮᭀᬦ᭄᭞ᬭᬳᬤᬾᬦ᭄ᬕᬮᬸᬄᬢᭂᬗ᭄ᬓᭂᬚᬸᬢ᭄᭞ᬫᬢᬗᬶᬭᬭᬶ
ᬲ᭄ᬗᬦ᭄ᬤᬶᬓ᭞ᬓᬓᬲᬗ᭄ᬕᬶᬢ᭄‌ᬩᬬᬦ᭄ᬩᬗᬸᬦ᭄ᬲᬸᬩᬍᬫᬄ᭟ᬚᬦᬶᬓᬾᬦ᭄ᬓᬾᬦ᭄ᬩᬳᬦ᭄ᬫᬤᬬ᭞ᬩᬱᬗᬾᬫᬭᬱᬧᭂᬤᬶᬄ᭞ᬦᬶᬩᬬᬦ᭄ᬳᬸᬫᬢᬹᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬤᬾᬯᬵᬭᬢᬸ᭞ᬫᬮᬮᬶᬮᬮᬶᬳᬶᬭᬶᬓ᭞ᬧᬶᬮᬶᬄᬫᬗ᭄ᬕᬶᬄᬦ
ᬯᬶᬯᬾᬦ᭄ᬢᭂᬦ᭄ᬩᬸᬯᬄᬳᭂᬳ᭟ᬢᬸᬫᬸᬮᬶᬄᬭᬭᬶᬲ᭄ᬗᬗᬶᬦᬂ᭞ᬩᬸᬗᬦ᭄ᬳᬸᬘᬦᬾᬲ᭄ᬫᬸᬓᬸᬦᬶᬂ᭞ᬬᬦ᭄ᬩᬸᬗᬦ᭄ᬳᬸᬦ᭄ᬤᬶᬲᬾᬓᬢᭀᬦ᭄᭞ᬦᬶᬩᬬᬦ᭄ᬫᬗᬮᬶᬄᬳᬶᬚᬸ᭞ᬮᬳᬸᬢ᭄‌ᬬᬫᬗᭂᬫ᭄ᬧᬓ᭄ᬳᭂᬫ᭄ᬧᬓ᭄᭞ᬩᬸᬗᬦ᭄ᬳᬸᬦ᭄ᬤᬶᬲᬾᬩᬸᬗᬦ᭄ᬳᬸᬘᬸᬦᬾ [ 19 ][᭑᭘ 18B]
᭑᭘
ᬫᬗᬫ᭄ᬩ᭄ᬬᬃ᭟ᬮᬳᬸᬢ᭄ᬫᬗᬮ᭄ᬬᬂᬯᬤᬄ᭞ᬩᬸᬗᬦ᭄ᬳᬸᬘᬸᬮᬦ᭄ᬳᬸᬦ᭄ᬤᬶᬲ᭄᭞ᬲᬸᬩᬫᬯᬤᬄᬲᬮᭀᬂᬲᭀᬂ᭞ᬦᬶᬩᬬᬦ᭄ᬫᬯᬮᬶᬫᬦ᭄ᬢᬸᬓ᭄᭞ᬜᭀᬚᭀᬕ᭄ᬤᬶᬩᬢᬦ᭄ᬓᬢᬧᬂ᭞ᬭᬤᬾᬦ᭄ᬤᬾᬯᬶᬗᬦ᭄ᬤᬶᬓᬵᬤᬾᬄᬓᬓᬩᬬᬦ᭄᭟ᬦᬶᬩᬬᬦ᭄ᬭᬭᬶᬲ᭄ᬗᬢᬸᬭᬂ᭞ᬲ
ᬮᭀᬂᬲᭀᬂᬫᬤᬶᬕᬂᬉᬦ᭄ᬤᬶᬲ᭄᭞ᬤᬾᬯᬵᬕᬯᭀᬓ᭄ᬢᬶᬢ᭄ᬬᬗᬾᬗᭂᬢᭀᬦ᭄᭞ᬩᬸᬗᬦ᭄ᬳᬸᬘᬸᬦᬾᬩᭂᬲ᭄ᬮᬶᬬᬸ᭞ᬫᬮᬶᬄᬯᬾᬦ᭄ᬢᭂᬦ᭄ᬭᬶᬂᬢᭂᬗᬳᬦ᭄᭞ᬳᬩ᭄ᬬᬦ᭄ᬳᬮᬶᬢ᭄‌ᬦᬧᬶᬢᬯᬾᬦ᭄ᬢᭂᬦ᭄ᬤᬕᬶᬂᬜ᭟ᬩᬶᬬᬸᬫᬲ᭄ᬮᬦ᭄ᬩᬶᬬᬸᬢᭂᬫ᭄ᬩᬕ᭞ᬩᬶᬬᬸᬤᬓ᭄ᬮᬦ᭄ᬩᬶᬬᬸ
ᬓᭂᬢᬶᬧ᭄᭞ᬩᬶᬬᬸᬳᬕᬸᬂᬮᬯᬦ᭄ᬓᭀᬫ᭄ᬩᭀᬮ᭄᭞ᬭᬳᬤᬾᬦ᭄ᬕᬮᬸᬄᬳᬫᬸᬯᬸᬲ᭄᭞ᬓᬓᬵᬦᬶᬭᬫᬶᬮᬸᬓᭂᬫ᭞ᬩᬬᬦ᭄ᬲᬗ᭄ᬕᬶᬢ᭄ᬗᬢᬸᬭᬶᬦ᭄ᬲᬶᬭᬭᬳᬤ᭄ᬬᬦ᭄᭟ᬦᬶᬩᬬᬦ᭄ᬲᬗ᭄ᬕᬶᬢ᭄ᬲᬋᬗᬦ᭄᭞ᬫᬗᬶᬭᬶᬂᬭᬳᬤᬾᬦ᭄ᬤᬾᬯᬶ᭞ᬢᭂᬓᭂᬤ᭄ᬤᬶᬉᬘᬸ
ᬦᬾᬋᬓᭀ᭞ᬭᬳᬤᬾᬦ᭄ᬤᬾᬯᬶᬳᬫᬸᬯᬸᬲ᭄᭞ᬕᬯᭀᬓ᭄ᬳᬶᬭᬓᬓᬩᬬᬦ᭄᭞ᬫᬦᬶᬗ᭄ᬕᬮᬶᬦ᭄ᬩᬸᬗᬦ᭄ᬳᬸᬘᬸᬦᬾᬮ᭄ᬬᬸᬲᬦ᭄᭟ᬩᬸᬗᬦ᭄ᬜᬦᬾᬫᬬᬂᬫᭂᬓᬃ᭞ᬓᬢᭀᬦᬂᬦᬶᬭᬇᬩ᭄ᬮᬶ᭞ᬩᬬᬤᬶᬗ᭄ᬓᬾᬦ᭄ᬤᬦᬾᬦᭀᬗᭀᬲ᭄‌᭞ᬤᬾ

[᭑᭙ 19A]
ᬯᬦ᭄ᬢᬶᬢ᭄ᬬᬗᬾᬩ᭄ᬮᬶᬩᬕᬸᬲ᭄᭞ᬫᬓ᭄ᬮᬧ᭄ᬓᭂᬮᬧ᭄ᬤᬶᬫᬢ᭞ᬜᬩ᭄ᬭᬦ᭄ᬓᬾᬱ᭄ᬝᬶᬇᬩ᭄ᬮᬶᬲᬋᬂᬭᬶᬂᬢᬶᬢ᭄ᬬᬂ᭞ᬦᬶᬩᬬᬦ᭄ᬲᬗ᭄ᬕᬶᬢ᭄ᬫᬢᬹᬃ᭞ᬧᬸᬦᬶᬓᬶᬭᬳᬤᬾᬦ᭄ᬤᬾᬯᬶ᭞ᬘᬶᬗᬓ᭄ᬩᬶᬬᬸᬦᬾᬧᬮᭀᬦ᭄ᬤᭀᬄ᭞ᬲᭂᬤᬶᬳᬾᬫᬭᬱᬮᬶᬧᬹᬃ᭞ᬮᬯᬸᬢ᭄ᬳᬶᬤᬫᬦ᭄ᬭᬚᬂ᭞ᬫᬗᭂᬤᭂᬗᬶᬦ᭄ᬩᬶᬬᬸᬦᬾᬮᬳᬸ
ᬢ᭄ᬜᬮᬾᬫ᭄ᬧᭀᬄ᭟ᬭᬫᬾᬧᬥᬳᬲ᭄ᬫᬸᬕᬶᬭᬂ᭞ᬫᬗᬺᬩᬸᬢ᭄ᬩᬶᬬᬸᬦᬾᬫᬗ᭄ᬓᬶᬦ᭄᭞ᬩᬋᬂᬧᬥᬗᬾᬫ᭄ᬧᭀᬲ᭄ᬳᬾᬫ᭄ᬧᭀᬲ᭄᭞ᬳ᭄ᬦᭂᬗᬓ᭄ᬦᬧᬸᬦᬶᬓᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬲᭂᬤᭂᬓ᭄ᬫᬮᬮᬶᬫᬗᬶᬤᭂᬭᬶᬦ᭄ᬢᬢᬫᬦᬦ᭄᭟ᬧᬸᬦ᭄ᬢᬵᬚᬸᬭᬸᬤᬾᬄᬲᬋᬗᬦ᭄᭞
ᬲᬕᬾᬢ᭄ᬓᬢᭀᬦ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬤᬶᬩᬢᬦ᭄ᬩᬶᬬᬸᬦᬾᬧᬜᭀᬗ᭄ᬓᭀᬓ᭄᭞ᬫᬩᬸᬬᬤ᭄ᬤᬶᬢᬸᬫᬢᬫ᭄ᬩᬸᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬚᬮᬦ᭄ᬳᬶᬦ᭄ᬢᬶᬧ᭄ᬳᬶᬧᬸᬦ᭄ᬢᬵᬚᬦᬶᬫᬳᭂᬓᬂ᭟ᬫᬗᬶᬦ᭄ᬢᬶᬧ᭄ᬤᬶᬩᬢᬦ᭄ᬢᬶᬬᬶᬂ᭞ᬭᬳᬤᬾᬦ᭄ᬤᬾ
ᬯᬶᬮᬶᬂᬕ᭄ᬬᬳᬮᭀᬦ᭄᭞ᬤᬸᬄᬤᬶᬚᬢᬩ᭄ᬮᬶᬩᬕᬸᬲ᭄᭞ᬢᬦ᭄ᬳᭂᬮᬤ᭄ᬳᭂᬮᬤ᭄ᬤᬶᬫᬦᬄ᭞ᬭᬱᬤᬶᬦᬶᬫᬲᬦ᭄ᬤᬶᬂᬲᬋᬂᬭᬶᬂᬢᬶᬢ᭄ᬬᬂ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬓᬧᬸᬦ᭄ᬢᬵᬧᬥᬢᭀᬚᬦᬶ᭞ᬕᭀᬩᬦ᭄ᬜᬦᬾᬫᭂᬮᬄᬓᬢᭀᬦ᭄᭞ [ 20 ][᭑᭙ 19B]
᭑᭙
ᬧᬸᬢ᭄ᬭᬶᬦᬾᬤᬶᬩᬮᬶᬳᬬᬸ᭞ᬩ᭄ᬯᬶᬦᬲᬫ᭄ᬩᬢ᭄ᬢᬢ᭄ᬯᬄᬳᬶᬭ᭞ᬳᭂᬦ᭄ᬢᭀᬚᬦᬶᬫᬗ᭄ᬭᬱᬦᬶᬭᬓᬾᬫᭂᬗᬦ᭄᭟ᬩᬬᬤᬶᬗ᭄ᬓᬾᬦ᭄ᬳᬫ᭄ᬩᬳᬶᬜ᭞ᬬᬾᬦ᭄ᬧ᭄ᬭᬳᬸᬯᭀᬂᬳᬤᬫᬳᬶ᭞ᬳᭂᬦ᭄ᬢᭀᬳᬶᬭᬢᭂᬓᬕᬯᭀᬓ᭄᭞ᬤᬶᬕᭀᬩᬦ᭄ᬬᬳᬸᬓᬸᬤ᭄᭞ᬭᬤᬾᬦ᭄ᬧᬜ᭄ᬘᬃ
ᬘᬶᬡᬫᬸᬭᬸᬢ᭄᭞ᬩᬬᬦ᭄ᬲᬸᬗ᭄ᬕᬶᬢ᭄‌ᬫ᭄ᬯᬦ᭄ᬜᬦᬾᬫᬶᬭᬶᬩ᭄ᬳᬶᬬᬵ᭟ᬚᬮᬦ᭄ᬓᬓᬵᬢᬗ᭄ᬓᭂᬚᬸᬢᬂ᭞ᬤᬗᬓᬸᬳᬯᬓᬾᬚᬦᬶ᭞ᬋᬗᬲᬂᬳᬯᬓᬾᬗᭀᬚᭀᬕ᭄᭞ᬢᬸᬫᬸᬮᬶᬄᬲᬋᬂᬫᬩ᭄ᬭᬶᬬᬸᬓ᭄᭞ᬇᬧᬸᬦ᭄ᬢᬵᬳᬲ᭄ᬭᬸᬄᬳᬗᬸᬘᬧ᭄᭞ᬩᬬᬫᬮᬶᬂᬩᬶᬬᬸᬦᬾ᭞
ᬢᭀᬜᬜ᭄ᬚᬍᬫ᭄ᬧᬄ᭞ᬦᬾᬢᬾᬜᬳᬶᬯᭀᬂᬧᬸᬦᬧ᭞ᬫᬦ᭄ᬤᬸᬲ᭄ᬢᬫᬳᬶᬫᬫᬮᬶᬂ᭞ᬫᬓᭂᬚᬂᬫᬓᭂᬲ᭄ᬬᬩ᭄ᬗᭂᬢᭀᬃ᭞ᬭᬳᬤᬾᬦ᭄ᬕᬮᬸᬄᬢᭂᬗ᭄ᬓᭂᬚᬸᬢ᭄᭞ᬗᬦ᭄ᬤᬶᬓᬫᬮᬓᬸᬲᬮᬄ᭞ᬳᬶᬭᬲᬶᬲᬶᬧ᭄ᬳᬶᬭᬫᬗ᭄ᬭᬸᬩᬸᬳᬶᬦ᭄ᬳᬩ᭄ᬬᬦ᭄᭟ᬇᬧᬸᬦ᭄ᬢᬵᬳᬲ᭄ᬭᬸᬄ
ᬳᬗᬸᬘᬧ᭄᭞ᬲᬸᬫᬗ᭄ᬓᬶᬦᬗᬩᬩᬾᬓᬶ᭞ᬫᭂᬢᭂᬓ᭄ᬭᬶᬂᬓ᭄ᬭᬶᬲ᭄ᬤᬳᭀᬲ᭄ᬥᭀᬳᭀᬲ᭄᭞ᬤᬤᬶᬦᬾᬫᬮᬓᬸᬮᬸᬧᬸᬢ᭄᭞ᬳᬩ᭄ᬬᬦ᭄ᬳᬦᬓᬾᬩᭂᬲ᭄ᬭᬸᬲᬓ᭄᭞ᬢᭂᬓᬉᬕᬶᬮᬢ᭄ᬕ᭄ᬬᬫᬗᭀᬤ᭄ᬳᭀᬤᬕ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬧᬳᬶᬮᬶ

[᭒᭐ 20A]
ᬦᬦ᭄᭞ᬫᬭᬱᬓᬗᭂᬦ᭄ᬤᬶᬳᬢᬶ᭞ᬫᬗᭂᬦᬂᬢ᭄ᬯᬦ᭄ᬕᬮᬸᬄᬋᬓᭀ᭞ᬫᬮᬶᬗ᭄ᬕᬶᬄᬲᬫ᭄ᬩᬶᬮ᭄ᬢᬸᬫᬸᬗ᭄ᬓᬸᬮ᭄᭞ᬇᬓᬧᬸᬦ᭄ᬢᬵᬗᬧᬓ᭄ᬳᬧᬓ᭄᭞ᬗᬮᬶᬗᬮᬶᬳᬶᬦ᭄ᬤᬬᬩᬓᬮ᭄ᬫᬩᬱ᭄ᬝ᭟ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬵ᭞ᬲᬳᬸᬭᬾᬫᬗᬲᬶᬄᬳᬲᬶᬄ᭞ᬤᬸᬄᬫᬫᬦ᭄ᬧᬦᬸᬗ᭄ᬕᬸᬦ᭄ᬓᬸᬩᭀᬦ᭄᭞
ᬳᬶᬭᬢ᭄ᬯᬄᬫᬮᬓᬸᬮᬸᬧᬸᬢ᭄᭞ᬳᬶᬭᬲᬸᬓᬵᬦᬳᬸᬃᬤᭀᬰ᭞ᬚᬯᬢ᭄ᬫᬳᬶᬳᬶᬭᬢᬸᬯ᭄ᬯᬶᬜᬲᬮᬄ᭟ᬩᭀᬬᬲᬦ᭄ᬬᬦ᭄ᬳᬶᬭᬗ᭄ᬭᬸᬲᬓ᭄᭞ᬳᬩ᭄ᬬᬦ᭄ᬳᬶᬧᬫᬦ᭄ᬦᬾᬫᬗ᭄ᬓᬶᬦ᭄᭞ᬦᬶᬭᬚᬦ᭄ᬫᬵᬧᬧᬵᬋᬓᭀ᭞ᬲᬤ᭄ᬬᬦ᭄ᬳᬶᬭᬢ᭄ᬯᬄᬫᬗ᭄ᬮᬮᬸ᭞ᬦᬸᬢᬸᬕ᭄ᬩᭂᬮᬶᬩ
ᬕᬸᬲ᭄ᬚᬯᬵ᭞ᬲᬓᬶᬂᬩᬮᬶᬓᬦ᭄ᬤᬸᬕᬶᬳᬶᬭᬓᬲᬢᬦ᭄᭟ᬇᬧᬸᬦ᭄ᬢᬵᬫᬮᬶᬄᬜᭂᬲᭂᬤᬂ᭞ᬫᬭᬱᬓᭂᬤᬾᬓ᭄ᬤᬶᬳᬢᬶ᭞ᬦᬶᬩᬬᬦ᭄ᬓᬤᭂᬲᭂᬓ᭄ᬋᬓᭀ᭞ᬦᬾᬢ᭄ᬯᬄᬫᬗᬚᬓ᭄ᬫᬶᬮᬸ᭞ᬫᬗᬚᬓ᭄ᬳᬚᬓᬶᬦ᭄ᬤᬸᬱ᭄ᬝ᭞ᬫᬮᬶᬂᬉᬦ᭄ᬤᬶᬲ᭄‌ᬩᬸᬗᬦ᭄ᬳᬸᬘᬸᬦᬾᬩᬭᬱ᭄ᬝ᭞
ᬦᬶᬩᬬᬦ᭄ᬭᬭᬶᬲ᭄ᬫᬓᭂᬲ᭄ᬬᬩ᭄᭞ᬚᭂᬚᭂᬄᬗᭂᬢᭀᬃᬫᬗᬢ᭄ᬓᬶᬄ᭞ᬕᬸᬲ᭄ᬢᬶᬢᬶᬢ᭄ᬬᬂᬮᬶᬯᬢ᭄ᬩᭀᬤᭀ᭞ᬢ᭄ᬯᬭᬢᬶᬢ᭄ᬬᬂᬫᬶᬮᬸᬫᬶᬮᬸ᭞ᬢᬶᬢ᭄ᬬᬂᬓᬾᬯᬮᬫᬚᬮᬦ᭄᭞ᬤᬸᬭᬶᬤᬸᬭᬶᬫᬶᬮᬸᬫᬦᬸᬳᬸᬢᬂᬮᬫ᭄ᬧᬄ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬗᭂᬤᬄ᭞ᬫ [ 21 ][᭒᭐ 20B]
᭒᭐
ᬳᭂᬓᬶᬦ᭄ᬭᬤᬾᬦ᭄ᬤᬾᬯᬶ᭞ᬇᬧᬸᬦ᭄ᬢᬵᬫᬮᬳᬶᬩ᭄ᬋᬓᭀ᭞ᬫᬗᭂᬮ᭄ᬓᭂᬮ᭄ᬓᭂᬤᬾᬓ᭄ᬫᬗᬸᬦ᭄ᬢᬸᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬳᬤᬸᬄᬜᬳᬶᬧᬸᬦᬧᬶᬲᬤ᭄ᬬᬦᬾᬢᭂᬓ᭟ᬦᬾᬢᬾᬜᬳᬶᬯᭀᬂᬧᬸᬦᬧ᭞ᬫ᭄ᬯᬄᬤᬶᬚᬢᭀᬤᬾᬰᬦ᭄ᬜᬳᬶᬦᬾ᭞ᬭᬤᬾᬦ᭄ᬤᬾᬯᬶ
ᬮᬶᬂᬦ᭄ᬬᬳᬮᭀᬦ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬯᬦ᭄ᬢᬄᬗ᭄ᬮᬮᬸ᭞ᬢᬶᬢ᭄ᬬᬂᬧᬸᬢ᭄ᬭᬶᬲᬸᬦ᭄ᬢᬵᬭ᭞ᬲᬓᬶᬂᬩᬮᬶᬳᬭᬦ᭄ᬧᬜ᭄ᬘᬃᬘᬶᬡᬫᬸᬭᬢ᭄᭟ᬢᬶᬢ᭄ᬬᬂᬲᬤ᭄ᬬᬗᬸᬢᬂᬳᬯᬓ᭄᭞ᬢᬶᬢ᭄ᬬᬂᬦᬸᬢᬸᬕᬼᬮᬶᬫᬦ᭄ᬢ᭄ᬭᬶ᭞ᬚᬯᬵᬳᬭᬦᬾᬲᬂᬳᬦᭀᬫ᭄᭞ᬭᬳᬤᬾ
ᬦ᭄ᬫᬦ᭄ᬢ᭄ᬭᬶᬲᭂᬫᬸᬓᭂᬜᬸᬂ᭞ᬮᬫᬸᬦ᭄ᬫᬦ᭄ᬢᬶᬩᬕᬸᬲ᭄ᬚᬯᬵ᭞ᬤᬶᬦᬕᬭᬶᬳᭂᬦ᭄ᬢᭀ᭞ᬜᬫᬦ᭄ᬩᭂᬮᬶᬧᬶᬲᬦ᭄᭟ᬮᬫᬸᬦ᭄ᬜᬳᬶᬢ᭄ᬯᬄᬲᬚ᭞ᬫᬗᬮᬶᬄᬇᬩ᭄ᬮᬶᬫᬦ᭄ᬢ᭄ᬭᬶ᭞ᬚᬮᬜ᭄ᬚᬸᬚᬸᬃᬳᬮᬶᬄᬓᭂᬫ᭞ᬚᬸᬫᬄᬩᭂᬮᬶᬦᬾᬦᭀᬗᭀᬲ᭄ᬫᬮᬸ᭞ᬢᬸᬫᬸᬮᬶᬄᬲᬋᬂᬮᬸᬫᬫ᭄ᬧᬄ᭞
ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬭᬶᬂᬢᬫᬦ᭄᭞ᬮᬯᬸᬢ᭄ᬓᬧᬸᬭᬵ᭟ᬩᬳᬸᬢᭂᬓᬦᬾᬭᬶᬂᬧᬸᬭᬵ᭞ᬧᬲᬭᬾᬦ᭄ᬲᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬭᬳᬤᬾᬦ᭄ᬤᬾᬯᬶᬮᬶᬂᬦ᭄ᬬᬳᬮᭀᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬳᬶᬘ᭄ᬙᬭᬢᬸ᭞ᬤᬸᬭᬸᬲᬂᬇᬘᬦᬾᬤᬾᬯᬵ᭞ᬓᭂᬦᬶᬫᬗ᭄ᬓᬶᬦ᭄ᬫᬧᬸᬢᬸᬲ᭄

[᭒᭑ 21A]
ᬗᬢᭂᬄᬢᬶᬢ᭄ᬬᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓ᭞ᬩᭂᬲ᭄ᬢᬦ᭄ᬯᬾᬦ᭄ᬢᭂᬦ᭄ᬢᬶᬢ᭄ᬬᬂᬫᬸᬮᬶᬄ᭞ᬦᬾᬦᬾᬩ᭄ᬯᬶᬦ᭄ᬧ᭄ᬯᬦ᭄ᬮᬸᬗᬵ᭞ᬭᬤᬾᬦ᭄ᬤᬾᬯᬶᬗ᭄ᬭᬱᬇᬩᬸᬓ᭄᭞ᬫᬓᭂᬦᭂᬄᬢ᭄ᬯᬄᬓᬧᬭᬾᬦ᭄ᬢᬄ᭞ᬢᬸᬗ᭄ᬕᬮ᭄ᬯᭂᬗᬶᬲᬋᬂᬫᬢᬫ᭄ᬩᬸᬦ᭄ᬫᬓᭂᬚᬂ᭟ᬓᭀᬘᬧ᭄ᬕᭂᬮᬶᬲᬶᬂᬘᬭᬶᬢ᭞ᬲᬧᬸᬦᬶᬓᬳᬸᬕᬶᬜᬳᬶ᭞ᬭᬤᬾ
ᬦ᭄ᬤᬾᬯᬶᬭᬶᬂᬢ᭄ᬯᬦ᭄ᬳᬶᬤᭀ᭞ᬫᬦᬸᬦᬲ᭄ᬳᬢᭂᬄᬮᬸᬫᬓᬸ᭞ᬗᬮᬶᬄᬫᬦ᭄ᬢ᭄ᬭᬶᬩᬕᬸᬲ᭄ᬚᬯᬵ᭞ᬭᬤᬾᬦ᭄ᬫᬦ᭄ᬢ᭄ᬭᬳᬗᬸᬘᬧ᭄ᬲᭂᬫᬸᬳᬶᬘ᭄ᬙ᭟ᬇᬤᬾᬯᬵᬮᬸᬗᬵᬓᭂᬚᭂᬳ᭞ᬢᬶᬢ᭄ᬬᬂᬫᬢᬓᬾᬦ᭄ᬲᬯ᭄ᬬᬓ᭄ᬢᬶ᭞ᬭᬤᬾᬦ᭄ᬤᬾᬯᬶᬮᬶᬂᬦ᭄ᬬᬳᬮᭀᬦ᭄᭞ᬢᬶᬢ᭄ᬬᬂᬗᬮᬶᬄᬩᭂᬮᬶᬩᬕᬸ
ᬲ᭄᭞ᬢᬶᬢ᭄ᬬᬂᬲᬫ᭄ᬧᬸᬦ᭄ᬫᬦ᭄ᬢ᭄ᬭᬶᬚᬯᬵ᭞ᬉᬮᬢ᭄ᬮᬮᬶᬳᬶᬤᬾᬯᬵᬫᬲᬯᬂᬮᬸᬧ᭟ᬩᬸᬗ᭄ᬓᬸᬂᬢᬶᬢ᭄ᬬᬗᬾᬧᬸᬦᬶᬓ᭞ᬦᬾᬫᬫ᭄ᬩᬦᬦ᭄ᬫᬶᬭᬄᬳᬤᬶ᭞ᬤᬯᭂᬕ᭄ᬢᬶᬢ᭄ᬬᬗᬾᬓᬍᬲᭀᬦ᭄᭞ᬗᬸᬢᬳᬂᬫᬭᬸᬲ᭄᭞ᬇᬤᬾᬯᬵᬓᭀᬜᭂᬫ᭄ᬩᬃᬢᬶᬢ᭄ᬬᬂ᭞ᬳᬮᬶᬳᬮᬶ
ᬓᬭ᭄ᬬᬂᬢᬶᬢ᭄ᬬᬂᬳᬶᬤᬾᬯᬵ᭟ᬭᬤᬾᬦ᭄ᬤᬾᬯᬶᬢᬦ᭄ᬧᬗᬸᬘᬧ᭄᭞ᬫᬗ᭄ᬕᭂᬮᬸᬢ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬫᬡᬶᬓ᭄ᬢᬶᬢ᭄ᬬᬗᬾᬲᬂᬓᬢᭀᬂ᭞ᬓᬤᬶᬭᬢᬶᬳᬾᬬᬾᬦ᭄ᬳᬦ᭄ᬤᬭᬸ᭞ᬳᬢᬶᬦ᭄ᬢᬶᬢ᭄ᬬᬗᬾᬩᭂᬲᬼᬕ᭞ᬩᬸᬳᬸᬂᬫᬢᬶᬚᬦᬶᬫᬦ᭄ᬤᬧᭂᬢ᭄ᬓᬲᬸᬓᬦ᭄᭟ᬭᬳᬤᬾ [ 22 ][᭒᭑ 21B]
᭒᭑
ᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬧᬗᬸᬘᬧᬾᬳᬫ᭄ᬮᬰᬰᬶᬄ᭞ᬤᬸᬄᬤᬾᬯᬵᬫᬲ᭄ᬳᬢ᭄ᬫᬚ᭄ᬯᬶᬢ᭄ᬣ᭞ᬲᬂᬤᬾᬯᬵᬦᬶᬂᬲᬦᬕᬦ᭄ᬢᬸᬦ᭄᭞ᬲᬂᬳ᭄ᬬᬂᬳ᭄ᬬᬂᬦᬶᬂᬓᬍᬗᭂᬗᬦ᭄᭞ᬢ᭄ᬯᬄᬳᬫᬡᬶᬓ᭄ᬢᬸᬫᬸᬮᬶᬄᬭᬭᬶᬲ᭄ᬫᬳᭂᬫ᭄ᬩᬦ᭄᭟ᬤᬸᬄᬭᬢᬸᬳᬢ᭄ᬫᬚ᭄ᬯᬶᬢ᭄ᬣ᭞ᬲᬵᬫ᭄ᬧᬸᬭᬚ᭄ᬯᬢᬶᬢ᭄ᬬᬂᬳᬸᬕᬶ᭞ᬲᬫ᭄ᬧᬸ
ᬦᬂᬚᬇᬤᬾᬯᬵᬤᬸᬓᬵ᭞ᬇᬤᬾᬯᬵᬦᬾᬢ᭄ᬯᬄᬓᬲᬸᬂᬲᬸᬂ᭞ᬇᬤᬾᬯᬵᬚᬫᬗᭀᬤᬕᬂ᭞ᬦᬶᬓᬶᬲᬫᬶᬢᬶᬢ᭄ᬬᬂᬲᬸᬓᬵᬫᬗᬢᬸᬭᬂ᭟ᬭᬭᬶᬲ᭄ᬫᬸᬗ᭄ᬕᬄᬓᬧᬫᬺᬫᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬗ᭄ᬮᬶᬂᬮᬶᬂ᭞ᬭᬭᬶᬲ᭄ᬫᬢᬸᬭᬸᬲᬓᬭᭀᬦ᭄᭞ᬫᬳᭂᬦ᭄ᬢ᭄ᬬᬦ᭄ᬳᭂᬦ᭄ᬢ᭄ᬬᬦ᭄ᬓ
ᬮᬗᬸᬦ᭄᭞ᬢᬦ᭄ᬧᭂᬕᬢ᭄ᬧᬸᬮᬂᬓᬲᭂᬫᬭᬦ᭄᭞ᬭᬳᬤᬾᬦ᭄ᬤᬾᬯᬶᬳᬦᬶᬩᬳᬶᬤᬓᬦ᭄ᬢᬓ᭟ᬓᬢᬶᬍᬫᬦ᭄ᬲᬂᬚᬶᬯᬶᬢ᭄ᬣᬦᬶᬩᬬᬦ᭄ᬮᬯᬦ᭄ᬦᬶᬲᬗ᭄ᬕᬶᬢ᭄᭞ᬲᬋᬗᬦ᭄ᬋᬓᬾᬫᬗᭂᬫ᭄ᬩᬦ᭄᭞ᬓᬂᬢᬶᬮᬧ᭄ᬲᬫ᭄ᬧᬸᬦ᭄ᬓᬯᬲᬸᬄ᭞ᬭᬳᬤᬾᬦ᭄ᬤᬾᬯᬶᬓᬲᬶᬭᬫᬂ᭞ᬭ
ᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬲᬧ᭄ᬳᬸᬲᬧ᭄ᬯᬥᬡ᭟ᬤᬸᬄᬫᬗ᭄ᬮᬶᬮᬶᬭᬫᬲ᭄ᬳᬶᬗ᭄ᬯᬂ᭞ᬢᭀᬮᬶᬄᬓᬾᬢᬶᬢ᭄ᬬᬂᬫᬲ᭄ᬓᬸᬯᬭᬶ᭞ᬦᬶᬩᬬᬦ᭄ᬦᬶᬲᬗ᭄ᬕᬶᬢ᭄ᬋᬓᭀ᭞ᬳᬢᬸᬮᬸᬂᬭᬳᬤᬾᬦ᭄ᬕᬮᬸᬄ᭞ᬯᬸᬲ᭄ᬫᬲᬶᬭᬫ᭄ᬳᬕᬕᬡ᭄ᬥᬦ᭄᭞ᬩᬸᬭᬢ᭄ᬯᬗᬶᬳᬫ᭄ᬩᬸᬦᬾᬗᭂᬩᭂᬓᬶᬦ᭄ᬧᬸᬭ᭟

[᭒᭒ 22A]
ᬳᬲᬮᬶᬦ᭄ᬲᬶᬜ᭄ᬚᬂᬮᬦ᭄ᬯᬲ᭄ᬢ᭄ᬭ᭞ᬳᬓᬫ᭄ᬧᬸᬄᬲᬸᬢ᭄ᬭᬲᬶᬓᬭᬶ᭞ᬳᬲ᭄ᬓᬃᬕᬫ᭄ᬩᬶᬃᬳ᭄ᬳᬕᭂᬫ᭄ᬧᭀᬮ᭄᭞ᬳᬢ᭄ᬭᬗ᭄ᬕᬡᬧᬸᬲᬸᬄᬫᭂᬦᬸᬄ᭞ᬫᬩᬍᬗ᭄ᬓᭂᬃᬢᬜ᭄ᬚᬸᬂᬫᭂᬓᬃ᭞ᬲᬳᬓᭂᬦ᭄ᬤᬶᬳᬮᬶᬳᬮᬶᬫᬫᬦᬶᬲᬦ᭄᭟ᬳᬲᬸᬯᭂᬂᬫᬲ᭄ᬢᬸᬮᬓ᭄ᬫᬸᬜ᭄ᬘᬃ᭞ᬳᬧᬶᬗ᭄ᬕᭂᬮ᭄ᬳᭂᬫᬲ᭄ᬳᬗ᭄ᬭᬯᬶᬢ᭄᭞
ᬫᬍᬘᬸᬢ᭄ᬰ᭄ᬭᬶᬦᬢ᭄ᬣᬳᬶᬚᭀ᭞ᬳᬢᬾᬦ᭄ᬳᬢᬾᬦ᭄‌ᬍᬃᬫᬍᬲᬸᬢ᭄᭞ᬳᬧᬦ᭄ᬤᬘᭂᬦ᭄ᬢᬓᬮᬬᬂ᭞ᬳᬮᬶᬲ᭄ᬮᬸᬜ᭄ᬘᬶᬢ᭄᭞ᬓᬤᬶᬫᬗᭂᬦᬬᬂᬘᬶᬢ᭄ᬣ᭟ᬦᬶᬗᭂᬫ᭄ᬩᬦ᭄ᬕᬯᭀᬓ᭄ᬢᬸᬫᬶᬗᬮ᭄᭞ᬭᬶᬂᬯᬃᬡᬦᬾᬭᬤᬾᬦ᭄ᬤᬾᬯᬶ᭞ᬫᬦ᭄ᬢᭂᬕ᭄ᬢᬗ᭄ᬓᬄᬮᬳᬸᬢ᭄ᬩᭂᬗᭀᬂ᭞ᬭ
ᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᭀᬳᬦᬓ᭄ᬧᬥ᭞ᬩᬢᬦ᭄ᬮᬗᬶᬢ᭄‌ᬢᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬫᭂᬮᬳᬦ᭄᭟ᬢᬦ᭄ᬓᭀᬘᬧᬦᬾᬭᬶᬂᬢᬫᬦ᭄᭞ᬓᭀᬘᬧᬦ᭄ᬰ᭄ᬭᬶᬧ᭄ᬭᬫᬶᬰ᭄ᬯᬭᬶ᭞ᬗᬦ᭄ᬤᬶᬓᬭᬶᬂᬇᬧᬗᭂᬫ᭄ᬩᬦ᭄᭞ᬳᭂᬫ᭄ᬩᬦ᭄ᬫᬳᬶᬢᬾᬦᬾᬫᬮᬸ᭞ᬓᭂᬫᬸ
ᬮ᭄ᬯᬲ᭄ᬗᬮᬧ᭄ᬩᬸᬗᬵ᭞ᬳᬩᬫᬸᬮᬶᬄᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬤᬶᬢᬫᬦ᭄᭞ᬲᬶᬜᬳᬤᬩᬸᬗᬵᬩᬸᬗᬵ᭞ᬓᭂᬫᬳᬮᬧ᭄ᬳᬾᬗ᭄ᬕᬮ᭄ᬫᬸᬮᬶᬄ᭞ᬢᬸᬫᬸᬮᬶᬫᬧᬫᬶᬢ᭄ᬋᬓᭀ᭞ᬢᬦ᭄ᬓᭀᬘᬧᬦ᭄ᬮᬫ᭄ᬧᬳᬾᬲᬫ᭄ᬧᬸᬦ᭄᭞ᬢᭂᬓᭂᬤ᭄ᬬᬤᬶᬚ᭄ᬭᭀᬦᬶᬂᬢ [ 23 ][᭒᭒ 22B]
᭒᭒
ᬫᬦ᭄᭞ᬭᬤᬾᬦ᭄ᬤᬾᬯᬶᬲᭂᬤᭂᬓ᭄ᬲᬸᬫᬦ᭄ᬤᬶᬂᬭᬶᬂᬭᬓᬵ᭟ᬦᬶᬗᭂᬫ᭄ᬩᬦ᭄ᬕᬯᭀᬓ᭄ᬢᬸᬫᬶᬗ᭄ᬳᬮ᭄᭞ᬭᬶᬂᬯᬃᬡᬦ᭄ᬳᬶᬤᬢ᭄ᬯᬦ᭄ᬤᬾᬯᬶ᭞ᬫᬜ᭄ᬚᬕ᭄ᬚᬕ᭄ᬢᭂᬓᬬᬩᭂᬗᭀᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬫᬸᬯᬸᬲ᭄᭞ᬗᬸᬤᬇᬗᭂᬫ᭄ᬩᬦ᭄ᬢᭂᬓ᭞ᬲᬯᬸᬃᬪᬓ᭄ᬢᬶᬗᭂᬫ᭄ᬩᬦ᭄ᬕᭂᬮᬶᬲ᭄‌ᬬᬩᬸᬤᬮ᭄᭟ᬢᬦ᭄ᬓᭀᬘᬧᬦ᭄ᬳᬶ
ᬬᬤᬶᬚᬮᬦ᭄᭞ᬫᬮᬳᬶᬩ᭄‌ᬗ᭄ᬮᬳᬸᬢ᭄ᬓᬧᬸᬭᬶ᭞ᬲᬸᬩᬢᭂᬓᭂᬤ᭄ᬤᬶᬚ᭄ᬭᭀ᭞ᬧᭂᬮᬸᬄᬜᬦᬾᬩᬸᬓᬫᬦ᭄ᬤᬸᬲ᭄᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬕᬃᬚᬶᬢ᭞ᬗᬦ᭄ᬤᬶᬓᬕ᭄ᬮᬶᬲ᭄ᬫᬗᬸᬤᬇᬗᭂᬫ᭄ᬩᬦ᭄ᬤᭂᬓᬄ᭟ᬫᬭᬹᬧᬳᬤᬲ᭄ᬭᬩᬶᬜ᭞ᬢᭂᬓᬜᬦᬾᬧᭂᬳᬸᬄᬧᬶᬤᬶᬢ᭄᭞ᬦᬶᬗᭂᬫ᭄ᬩᬦ᭄ᬳᬸᬫᬢᬹᬃ
ᬳᬮᭀᬦ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬤᬾᬯᬵᬭᬢᬸ᭞ᬫᬢᬸᬃᬳᬸᬦᬶᬗᬭᬶᬂᬳᬶᬤ᭞ᬭᬤᬾᬦ᭄ᬫᬦ᭄ᬢ᭄ᬭᬶᬗᬚᬓ᭄ᬧᬸᬢ᭄ᬭᬶᬫᭂᬮᬄ᭟ᬢᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬫᬫᬥ᭞ᬲᭀᬭᬶᬂᬮᬗᬶᬢᬾᬧᬸᬦᬶᬓᬶ᭞ᬲᬶᬂᬢᬸᬫᬶᬗ᭄ᬳᬮ᭄ᬧᬥᬕᬯᭀᬓ᭄᭞ᬭᬸᬧᬦᬾᬓᬤᬶᬫᬲ᭄ᬘᬢᬹᬃ᭞ᬩᬜ᭄ᬘᬂ
ᬭᬫ᭄ᬧᬶᬂᬫᬦᬸᬓ᭄ᬮᬂ᭞ᬓᭂᬜᬸᬂᬫᬦᬶᬲ᭄‌ᬳᬮᬶᬲᬾᬩᬸᬮᬦ᭄ᬢᬸᬫᬗᬦ᭄᭟ᬧ᭄ᬭᬫᬶᬲ᭄ᬯᬭᬶᬲᬤᬤᬸᬓᬵ᭞ᬯᬃᬡᬦᬾᬫᬗ᭄ᬭᬲᬂᬳᬢᬶ᭞ᬧᬜ᭄ᬘᭀᬯᬦᬾᬧᬥᬩᭂᬗᭀᬂ᭞ᬰ᭄ᬭᬶᬧ᭄ᬭᬫᬾᬰ᭄ᬯᬭᬶᬫᬫ᭄ᬩᬾᬤ᭄ᬥ᭞ᬤᬸᬓᬦᬾᬫᬗᬧᬓ᭄ᬳᬧᬓ᭄᭞ᬢᬶᬤᭀᬂ

[᭒᭓ 23A]
ᬧᭂᬮᬶᬄᬫᬸᬜᬶᬦ᭄ᬓᬳᬶᬦᬾᬳᬶᬧᬶᬤᬦ᭄᭞ᬢᬸᬦ᭄ᬤᬾᬦ᭄ᬫᬫᬶᬮᬶᬳᬶᬦ᭄ᬓᬃᬫ᭞ᬫᬓᭂᬚᬂᬓᭀᬧᬥᬢᬫ᭄ᬧ᭄ᬮᬶᬓ᭄᭞ᬚᬦᬶᬩᬓᬢ᭄ᬓᬸᬢᬸᬦ᭄ᬕᭀᬢᭀᬓ᭄᭞ᬳᭀᬭᬾᬳᭀᬭᬾᬦᬾᬜᬭᬸᬦ᭄ᬤᬸᬧ᭄᭞ᬓᭂᬫᬓᬓᬩ᭄ᬯᬶᬦ᭄ᬓᬢᬫᬦ᭄᭞ᬢᬸᬦ᭄ᬤᬾᬦ᭄ᬫᬸᬮᬶᬄᬦᬦᬓ᭄ᬫᬦ᭄ᬢ᭄ᬭᬶ᭞ᬇᬳᭂᬫ᭄ᬩᬦ᭄ᬦᬸ
ᬦᬲ᭄ᬫᬧᬫᬶᬢ᭄ᬮᬸᬗ᭞ᬢᬦ᭄ᬓᬘᬭᬶᬢ᭄ᬣᬤᬶᬫᬃᬕᬶ᭞ᬢᭂᬓᭂᬤ᭄ᬤᬶᬢᬫᬦ᭄ᬦᬭᭀᬚᭀᬕ᭄᭞ᬢᬶᬢ᭄ᬬᬂᬫᬭᬶᬓᬶᬓᬳᬸᬢᬸᬲ᭄᭞ᬳᬦ᭄ᬢᬸᬓ᭄ᬳ᭄ᬬᬂᬲᬶᬗ᭄ᬕᬶᬄᬳᬶᬤᬾᬯᬵ᭞ᬫᬃᬕᬶᬫᬗ᭄ᬓᬶᬦ᭄ᬫᬦ᭄ᬢᬸᬓ᭄ᬤᬾᬯᬵᬕᬕᭂᬮᬶᬲᬦ᭄᭞ᬓᬗᭂᬦ᭄ᬢᬶᬢ᭄ᬬᬂᬫᬭᬱᬚᭂᬗᬄᬇᬤᬾ
ᬯᬦᬾᬩ᭄ᬭᬂᬢᬶ᭞ᬓᬗ᭄ᬕᭂᬄᬢᬶᬢ᭄ᬬᬂᬓᬸᬢᬸᬦ᭄ᬕᭀᬳᭀᬓ᭄᭞ᬳᭀᬭᬾᬳᭀᬭᬾᬦᬾᬜᬭᬸᬦ᭄ᬤᬸᬧ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬳᬗᬸᬘᬧ᭄᭞ᬢᬸᬦ᭄ᬤᬾᬦ᭄ᬫᬸᬮᬶᬄᬇᬜᭀᬦ᭄ᬗᭀᬃᬢᬳᬶᬦ᭄ᬳᬶᬩ᭄ᬬᬂ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬭᬱᬳᬾᬭᬂ᭞ᬳᬦ᭄ᬢᬸᬓ᭄ᬩ᭄ᬬᬂᬩ᭄ᬮᬶᬦᬾᬩ᭄ᬭᬂᬢᬶ᭞ᬓ
ᬗ᭄ᬕᭂᬄᬢᬶᬢ᭄ᬬᬂᬓᬸᬢᬸᬦ᭄ᬕᭀᬳᭀᬓ᭄᭞ᬳᭀᬭᬾᬳᭀᬭᬾᬦᬾᬜᬭᬸᬦ᭄ᬤᬸᬧ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬤᬾᬯᬵᬕᬸᬲ᭄ᬢᬶᬜᬾᬜ᭄ᬚᬫᬢᬹᬃᬭᬶᬂᬤᬾᬯᬵ᭟ᬬᬦᬶᬂᬢᬶᬢ᭄ᬬᬂᬲᬧᬸᬦᬶᬓᬵ᭞ᬗᭂᬫ᭄ᬩᬦ᭄ᬓᬫᬳᬶᬩᬫᬸᬮᬶᬄ᭞ᬫᬲᬶᬄ [ 24 ][᭒᭓ 23B]
᭒᭓
ᬬᬳᭂᬦᬸᬫᬜᭀᬗ᭄ᬓᭀᬓ᭄᭞ᬜᬳᬦ᭄ᬧᬬᬸᬢ᭄ᬯᬄᬓᬢᬶᬫ᭄ᬧᬸᬕ᭄᭞ᬇᬗᭂᬢ᭄ᬩᬳᬦ᭄ᬚᭂᬗᬄᬫᬓᭂᬲ᭄ᬬᬩ᭄᭞ᬭᬭᬶᬲ᭄ᬫᬸᬮᬶᬄᬢᬦ᭄ᬳᬸᬘᬧᬦ᭄ᬬᬤᬶᬚᬮᬦ᭄᭟ᬰ᭄ᬭᬶᬧ᭄ᬭᬫᬾᬰ᭄ᬯᬭᬶᬓᭀᬘᬧ᭞ᬫᬮᬶᬗ᭄ᬕᬶᬄᬲᬋᬂᬲᬂᬳᬚᬶ᭞ᬢᬦ᭄ᬧᭂᬕᬢ᭄ᬫᬲᬲᬫ᭄ᬩᬢᬦ᭄᭞ᬓᬾᬦ᭄ᬓᬾᬦ᭄ᬚᬦᬶᬩ᭄ᬮᬶᬧ᭄ᬭᬪᬸ᭞
ᬲᬸᬓᬵᬓᬾᬩ᭄ᬮᬶᬫᬶᬋᬗᬂ᭞ᬦᬦᬓ᭄ᬫᬦ᭄ᬢ᭄ᬭᬶᬫᬭᬩᬶᬋᬓᬾᬤᬶᬢᬫᬦ᭄᭟ᬦᬾᬫᬗ᭄ᬓᬶᬦ᭄ᬫᬦᬳᬂᬢᬶᬢ᭄ᬬᬂ᭞ᬢᭀᬂᬤᬸᬕᬚᬦ᭄ᬫᬵᬫᬦᭀᬮᬶᬄ᭞ᬳᭀᬭᬾᬳᭀᬭᬾᬓᬸᬢᬸᬦ᭄ᬕᭀᬳᭀᬓ᭄᭞ᬍᬧᬲ᭄ᬓᬦᬾᬓᬸᬢᬸᬦ᭄ᬢᬮᬸᬦ᭄᭞ᬳᬦᬓ᭄ᬬᬫᬜᬸᬢᬶᬭᬹᬧ᭞ᬤᬤᬶᬍᬯᬶᬄ
ᬕᭀᬩᬦᬾᬢᭀᬂᬳᬤᬧᬥ᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬤᭂᬧᬂᬲᬦ᭄ᬲᬶᬄᬓᬸᬤᬜᬳᬶ᭞ᬳ᭄ᬬᬦᬸᬳᬸᬓᬶᬦ᭄‌ᬓᭂᬦᭂᬳ᭞ᬗᬸᬤᬜᬳᬶᬫᬶᬮᬸᬩᬸᬤᬸᬄ᭞ᬰ᭄ᬭᬶᬧ᭄ᬭᬫᬾᬰ᭄ᬯᬭᬶᬫᬓᭂᬫ᭄ᬧ᭄ᬬᬂ᭞ᬮᬫᬸᬦ᭄ᬩᭂᬮᬶᬢ᭄ᬯᬄᬲᬢᬢᬫᬦᬸᬳᬸᬢᬂ᭟ᬲᬕᬾᬢ᭄ᬳ᭄ᬬᬳᬶᬗᭂᬫ᭄ᬩᬦ᭄ᬢᭂ
ᬓ᭞ᬫᬢᬹᬃᬭᬶᬂᬰ᭄ᬭᬶᬧ᭄ᬭᬫᬶᬰ᭄ᬯᬭ᭄ᬬ᭞ᬢᬦ᭄ᬧᭀᬮᬶᬄᬢᬶᬢ᭄ᬬᬂᬲᬓᬢᭀᬂ᭞ᬭᬤᬾᬦ᭄ᬩᬕᬸᬲ᭄ᬢᬦ᭄ᬓᬬᬸᬦ᭄᭞ᬢᬶᬢ᭄ᬬᬂᬜᭂᬄᬲᭂᬄᬳᬶᬤᬤᬸᬓ᭞ᬦᬕᬶᬄᬦᬶᬕ᭄ᬢᬶᬕ᭄‌ᬫᬦᬕᬶᬄᬦᬶᬫ᭄ᬧᬸᬕ᭄ᬫᬗ᭄ᬮᬜ᭄ᬘᬓ᭄᭟ᬦᬄᬧᬸᬦᬶᬓᬩ᭄ᬮᬶᬧᬶᬋᬗᬂ᭞ᬢᬶᬤᭀᬂᬓᬾᬬᬳᬦᬓ᭄ᬧ

[᭒᭔ 24A]
ᬮᬶᬂ᭞ᬓᭂᬦᭂᬄᬢᬶᬢ᭄ᬬᬂᬢ᭄ᬯᬄᬫᬗᭀᬭᭀᬲ᭄᭞ᬢ᭄ᬯᬄᬢᭂᬓᬾᬦ᭄ᬳᬶᬕᬮᬸᬄᬮᬶᬫ᭄ᬩᬸᬃ᭞ᬦᬾᬩᬶᬦ᭄ᬢᭂᬮᬸᬦ᭄ᬳ᭄ᬬᬚᬗ᭄ᬓᬸᬢᬂ᭞ᬫᬸᬜᬫᬸᬮᬶᬄᬤᬲᬚᬩᬳᬂᬓᬢᬫᬦ᭄᭞ᬬᬾᬦ᭄ᬢ᭄ᬯᬭᬳ᭄ᬬᬫᬜ᭄ᬚᬸᬢᬂᬢ᭄ᬯᬭᬲᬸᬳᬸᬤ᭄ᬢᬶᬢ᭄ᬬᬂᬩ᭄ᬭᬗ᭄ᬢᬶ᭞ᬳᬧᬂᬇᬩᬕᬸᬲ᭄ᬫᬜ᭄ᬚᬸᬯᬂ᭞ᬳᬧᬂᬤᬦᬾᬢ᭄ᬯᬄᬫ
ᬢᭂᬫᬸ᭞ᬓᬢᭂᬫᬸᬓ᭄ᬢᭂᬓᬾᬦ᭄ᬫᬶᬲᬜ᭞ᬤᬤᬶᬕᬶᬮᬶᬲ᭄ᬳᬶᬥᭂᬧ᭄ᬢᬶᬢ᭄ᬬᬂᬗᬾᬲᬢᬢ᭟ᬬᬾᬦ᭄ᬜᬲᬸᬩᬦᭂᬫᬸᬓᬃᬫ᭞ᬚᬯᬢ᭄ᬳ᭄ᬬᬫᬗᬮᬶᬄᬩ᭄ᬯᬶᬦ᭄᭞ᬢ᭄ᬯᬭᬓᭀᬢᬶᬢ᭄ᬬᬂᬜᬫ᭄ᬩᬤ᭞ᬲᬭᬤᬦᬾᬦᬦᬓ᭄ᬩᬕᬸᬲ᭄᭞ᬬᬤ᭄ᬬᬧᬶᬦ᭄ᬬᬚᬸᬯᬂᬧᬜ᭄ᬚᬓ᭄᭞ᬬ
ᬤᬶᬦ᭄ᬕᬸᬲ᭄ᬢᬶᬩᬶᬮᬶᬄᬬᬢᭂᬓᬾᬦ᭄ᬲᬲᬫᬦ᭄᭞ᬳᭂᬦᭂᬗᬓ᭄ᬦᬧᬸᬦᬶᬓᬵ᭞ᬓᭀᬘᬧᬭᬳᬤᬾᬦ᭄ᬤᬾᬯᬶ᭞ᬜᬩ᭄ᬭᬦ᭄ᬤᬶᬦᬵᬩᭂᬗᭀᬂᬩᭂᬗᭀᬂ᭞ᬫᬗ᭄ᬭᬱᬫᬾᬭᬂᬭᬶᬂᬓᬳ᭄ᬬᬸᬦ᭄᭞ᬭᬭᬶᬲ᭄ᬫᬗᬼᬫᭂᬲᬶᬦ᭄ᬭᬓᬵ᭞ᬤᬾᬯᬵᬕᬸᬲ᭄ᬢᬶᬯᭀᬂᬍᬕᬲᬦ᭄ᬳᬢᬶᬦ᭄ᬢᬶ
ᬢ᭄ᬬᬂ᭟ᬩ᭄ᬬᬂᬇᬤᬾᬯᬵᬦᬾᬤᬸᬓᬵ᭞ᬳᬶᬤᬾᬯᬵᬫᬭᬶᬓᬫᬸᬮᬶᬄ᭞ᬢᬶᬢ᭄ᬬᬂᬚ᭄ᬯᬤᬶᬦᬶᬫᬦᭀᬗᭀᬲ᭄᭞ᬢᬶᬢ᭄ᬬᬂᬢᬦ᭄ᬫᬯᬶᬮᬦ᭄ᬓᬬᬸᬦ᭄᭞ᬬᬤᬶᬦ᭄ᬧᬶᬂᬲᬧ᭄ᬢᬫᬜ᭄ᬚᬤ᭄ᬫᬵ᭞ᬢ᭄ᬯᬄᬳᬶᬭᬶᬓᬶᬳᬶᬤᬾᬯᬵᬫᬜ᭄ᬚᬓᬂᬢᬶᬢ᭄ᬬᬂ᭟ᬩ᭄ᬮᬶᬫ [ 25 ][᭒᭔ 24B]
᭒᭔
ᬦ᭄ᬢ᭄ᬭᬶᬲᬫ᭄ᬧᬸᬦ᭄ᬤᬸᬓᬵ᭞ᬯ᭄ᬬᬓ᭄ᬢᬶᬲᬧᬸᬦᬶᬓᬩ᭄ᬮᬶ᭞ᬮᬫᬸᬦ᭄ᬢᬦ᭄ᬯᬾᬦ᭄ᬢᭂᬦ᭄ᬳᬫᭀᬦ᭄ᬢᭀ᭞ᬢᬦ᭄ᬯᬗ᭄ᬤᬾᬢᬶᬢ᭄ᬬᬂᬫᬗ᭄ᬮᬮᬸ᭞ᬢᬶᬢ᭄ᬬᬂᬫᬧᬫᬶᬢ᭄ᬲᬧᬶᬲᬦ᭄᭞ᬩᬓᬮ᭄ᬫᬢᬶᬢᬶᬤᭀᬂᬢᬶᬢ᭄ᬬᬂᬢᭀᬲᬶᬂᬦᬵᬢ᭄ᬣ᭟ᬉᬢᬸᬲᬦᬾᬫᬕᬺᬤᭂᬕᬦ᭄᭞ᬫᬗᬮᬶᬄᬭᬳᬤᬾᬦ᭄ᬫᬦ᭄ᬢ᭄ᬭᬶ᭞
ᬢᭂᬓᬦᬾᬧᬥᬧᬚᭀᬗ᭄ᬓᭀᬓ᭄᭞ᬦᬸᬦᬲ᭄ᬫᬦ᭄ᬢᬸᬓ᭄ᬤᬾᬯᬵᬩᬕᬸᬲ᭄᭞ᬫᬗᬦ᭄ᬤᬶᬓᬦ᭄ᬤᬵᬲᬂᬦᬵᬢ᭄ᬣ᭞ᬧ᭄ᬭᬫᬶᬰ᭄ᬯᬭᬶᬓᭂᬦᬶᬫᬗ᭄ᬓᬶᬦ᭄ᬫᬫᬃᬕ᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬦᬄᬲᬦ᭄ᬤᬶᬓᬦ᭄ᬤᬵᬲᬂᬳᬚᬶ᭞ᬢᬸᬫᬸᬮ᭄ᬬᬫᬧᬬᬲ᭄ᬋᬓᭀ᭞ᬫᬯᬲ᭄ᬢ᭄ᬭ
ᬫᬜ᭄ᬚᭂᬢᬶᬢ᭄ᬭᬸᬲ᭄᭞ᬫᬲᬩᬸᬓ᭄ᬕ᭄ᬭᬶᬂᬲᬶᬂᬘᬭᬶᬢ᭄ᬣ᭞ᬳᬃᬚᬲᬸᬫ᭄ᬧᬶᬂᬘᬦᬶᬕᬭᬕᬸᬕᬸᬩᬳᬦ᭄᭟ᬢᬹᬃᬭᬭᬶᬲ᭄ᬫᬳᬸᬭᬸᬫ᭄ᬲᭂᬧᬸᬄ᭞ᬢᬶᬢ᭄ᬬᬂᬫᬧᬫᬶᬢ᭄ᬫᬲ᭄ᬕᬸᬲ᭄ᬢᬶ᭞ᬢᬶᬢ᭄ᬬᬂᬮ᭄ᬯᬲ᭄ᬮᬶᬫᬂᬤᬶᬦᬵ᭞ᬫᬡᬶᬓ᭄ᬢᬶᬢ᭄ᬬᬗᬾᬫᬲ᭄ᬓᬮᬸᬂᬢᭀᬂᬤᬤᬶᬓᭀᬳᬦ᭄ᬤᭂᬕᬂ᭞
ᬦᬾᬦᬾᬫᬗ᭄ᬓᬶᬦ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬩ᭄ᬯᬄᬧᬢ᭄ᬣ᭞ᬭᬳᬤᬾᬦ᭄ᬤᬾᬯᬶᬳᬗᬸᬘᬧ᭄᭞ᬇᬗ᭄ᬕᬶᬄᬫᬃᬕᬶᬩ᭄ᬮᬶᬫᬦ᭄ᬢ᭄ᬭᬶᬫᬫᬃᬕᬶᬳᬧᬂᬭᬳᬬᭀᬦ᭄᭞ᬤᬮᬮᬶᬢᭂᬓᬾᬦᬶᬂᬯᬸᬯᬸᬲ᭄᭞ᬢᬶᬢ᭄ᬬᬂᬳᬾᬮᬶᬂᬭᬶᬂᬓᬯᬶᬢᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬧᬫᬶᬢ᭄

[᭒᭕ 25A]
ᬭᬭᬶᬲ᭄ᬫᬫᬃᬕ᭟ᬓᬬᬸᬦᬾᬫᬕᬸᬭᬫ᭄ᬩᬗᬦ᭄᭞ᬧᬫᬃᬕᬶᬦᬾᬦᭀᬮᬶᬄᬦᭀᬮᬶᬄ᭞ᬭᬳᬤᬾᬦ᭄ᬤᬾᬯᬶᬓᬢᭀᬦ᭄ᬢᭀᬦ᭄᭞ᬢᬦ᭄ᬓᬘᬭᬶᬢᬭᬶᬳ᭄ᬦᬸ᭞ᬩᬳᬸᬢ᭄ᬓᬦᬾᬭᬶᬂᬧᬸᬭᬵ᭞ᬧ᭄ᬭᬫᬶᬰ᭄ᬯᬭᬶᬳᬗᬸᬘᬧ᭄ᬳᬲᭂᬫᬸᬯᬲ᭄ᬧ᭟ᬫᬲᬶᬭᬄᬕᬸᬲ᭄ᬢᬶᬦ᭄ᬳᬶᬩ᭄ᬬᬂ᭞ᬓ᭄ᬦᬧᬯᬃᬡᬦᬾᬫ
ᬡᬶᬓ᭄᭞ᬩᬸᬓᬧᬥᬧᬦᬾᬮᬬᭀᬦ᭄᭞ᬧᬸᬢᬶᬄᬓᬸᬦᬶᬂᬯ᭄ᬦᭂᬲ᭄ᬮᬸᬫ᭄ᬮᬸᬫ᭄᭞ᬩᬸᬓᬗᬦ᭄ᬢᬾᬦᬾᬇᬯᭀᬳᬦ᭄᭞ᬓᬸᬤ᭄ᬬᬂᬦᬶᬩᬳᬦ᭄ᬳᬢᬶᬦ᭄ᬫᬾᬫᬾᬦᬾᬧᬲᬄ᭟ᬩᬕᬸᬲ᭄ᬧᬶᬋᬗᬂᬇᬩ᭄ᬬᬂ᭞ᬩ᭄ᬯᬶᬦ᭄ᬢᭂᬮᬸᬦ᭄ᬦᬦᬓ᭄ᬫᬫᬸᬜ᭄ᬘᬶᬂ᭞ᬢᭂᬓᬾᬦ᭄ᬫᬶᬲᬦᬾᬩᬤᭂᬮᭀᬤ᭄
ᬦᬾᬫᬤᬦ᭄ᬕᬮᬸᬄᬮᬶᬫ᭄ᬩᬸᬃ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬢᬸᬭ᭞ᬢᬶᬢ᭄ᬬᬂᬗᬶᬭᬶᬂᬢᬦ᭄ᬯᬦᬶᬳᬫᬶᬯᬮ᭄ᬓᬃᬱ᭟ᬢᬸᬫᬸᬮᬶᬄᬲᬫᬶᬳᬢᬶᬗ᭄ᬓᬄ᭞ᬧᬲᬭᬾᬜ᭄ᬘᬘᬦ᭄ᬤᬾᬦ᭄ᬧᬲ᭄ᬢᬶ᭞ᬕᭂᬦᭂᬧ᭄ᬲᭀᬧᬘᬭᬓᬢᭀᬂ᭞ᬓᭀᬘᬧ᭄ᬳᬶᬕᬮᬸᬄᬮᬶᬫ᭄ᬩᬸᬃ᭞ᬲᬫ᭄ᬧᬸᬦ᭄ᬬᬫᬗᬮᬶᬄ
ᬕᬸᬜ᭞ᬳᬚᬶᬓᭂᬢᬶᬫᬳᬤᬦ᭄ᬳᬶᬚᬭᬶᬂᬲᬸᬢ᭄ᬭ᭟ᬕᬸᬡᬜᬢᬶᬕᬂᬧᬭᬢᬦ᭄᭞ᬇᬍᬳᭂᬂᬳᬰᬶᬄᬓᬧᬶᬗᬶᬢ᭄᭞ᬬᬾᬦ᭄ᬓᭂᬦᬯᭀᬂᬤᬤᭀᬲ᭄ᬦᭀᬗᭀᬲ᭄᭞ᬓᬤᬶᬉᬬᬓᬶᬦ᭄ᬩᬮᬸᬮᬸᬓ᭄᭞ᬫᬕᬸᬬᬂᬢ᭄ᬯᬄᬬᬫᬮᬶᬲᬄ᭞ᬲᬫᬶ [ 26 ][᭒᭕ 25B]
᭒᭕
ᬕᭂᬦᬶᬢ᭄᭞ᬢᬦ᭄ᬯᬗ᭄ᬤᬾᬬᬓᬳᬾᬤᬦᬦ᭄᭟ᬫᬮᬶᬄᬕᬸᬡᬦᬾᬳᬧ᭄ᬭᬗ᭄ᬓᬢ᭄᭞ᬢᭀᬂᬤᬤᬶᬓᬧᭂᬦ᭄ᬤᬓ᭄ᬮᬶᬭᬶᬂ᭞ᬢᬦ᭄ᬳᬸᬭᬸᬂᬢ᭄ᬯᬄᬧᬘᬂᬭᬸᬲᬓ᭄᭞ᬫᬧᬭᬩ᭄ᬳᬶᬢᬶᬜ᭄ᬚᬓᬼᬲᬸᬂ᭞ᬮᬫᬸᬦ᭄ᬳᭂᬜᬸᬳᬾᬳᬩᬸᬗ᭄ᬓᬸᬮ᭄᭞ᬢ᭄ᬯᬭᬗ᭄ᬮᬶᬢ᭄᭞ᬢᬦ᭄ᬳᬸᬭᬸᬂᬫᬲ᭄ᬭᬄᬕᭀᬤᭀᬕᬦ᭄᭟ᬇᬮᬶᬫ᭄ᬩᬸᬃᬫ
ᬮᬶᬄᬓᭀᬘᬧ᭞ᬲᬫ᭄ᬧᬸᬦ᭄ᬫᬸᬗ᭄ᬕᬄᬓᬧᬲᬶᬮᬶᬄ᭞ᬲᬋᬂᬮᬦ᭄ᬭᬤᬾᬦ᭄ᬳᬶᬤᭀ᭞ᬲᬫ᭄ᬧᬸᬦ᭄ᬢᬸᬢᬸᬕ᭄ᬫᬓᭂᬢᭂᬮᬸᬦ᭄᭞ᬲᬢᬶᬗ᭄ᬓᬄᬩᬸᬜ᭄ᬘᬶᬂᬧ᭄ᬭᬲᬫ᭄ᬬᬦ᭄᭞ᬳᬢᭂᬄᬩᬭᬶᬲ᭄ᬕᭂᬦᭂᬧ᭄ᬲᬳᬉᬧᬘᬭ᭟ᬲᬫ᭄ᬧᬸᬦ᭄ᬳᬸᬲᬦ᭄ᬫᬳᬶᬤᭂᬳᬦ᭄᭞ᬫᭂᬦᬾᬓᬦ᭄ᬫᬢᬸᬭᭀᬜ᭄ᬚᬦᬶ᭞
ᬫᬕ᭄ᬬᭂᬢ᭄ᬕ᭄ᬬᭂᬢ᭄ᬫᬜᬗ᭄ᬓᭀᬮ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬧᬢᬶᬢᬸᬬᬸᬦ᭄᭞ᬇᬮᬶᬫ᭄ᬩᬸᬃᬫᬤᬸᬕᬳᬦ᭄᭞ᬩᬲᬂᬩᭂᬗ᭄ᬓᬶᬲ᭄ᬳᬯᬓᬾᬩ᭄ᬯᬶᬦ᭄‌ᬕᭂᬤᬾᬩᭂᬗ᭄ᬓᬂ᭟ᬓᬤᭀᬂᬓᬮᬶᬮᬶᬢ᭄ᬩᬳᬦ᭄ᬕᬸᬡ᭞ᬢᬦ᭄ᬳᬾᬮᬶᬂᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬃᬬ᭄ᬬᬦᬾᬫᬗᬩᬶᬦ᭄ᬜᬗ᭄ᬓᭀᬮ᭄᭞ᬫᬲᬶᬄ
ᬢ᭄ᬯᬭᬗᬶᬢᬸᬂᬢᬸᬲᬸᬄ᭞ᬦᬶᬮᬶᬫ᭄ᬩᬸᬃᬭᬭᬶᬲ᭄ᬳᬗᬸᬘᬧ᭄᭞ᬩᭂᬮᬶᬫᬦ᭄ᬢ᭄ᬭᬶᬤᭀᬂᬫᬭᬶᬓᬶᬓᬾᬫᬚᭂᬗᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬲᬦ᭄ᬤᬶᬓᬦ᭄ᬳᬶᬤᬾᬯᬵᬫᬗ᭄ᬓᬶᬦ᭄᭞ᬦᬶᬕᬮᬸᬄᬮᬶᬫ᭄ᬩᬸᬃᬫᬢᬾᬤᭀᬄ᭞ᬫᬤᬳᬃᬲᬫ᭄ᬩᬶᬮ᭄ᬫᬕᭂᬮᬸᬢ᭄᭞

[᭒᭖ 26A]
ᬢᬦ᭄ᬓᬘᬭᬶᬢᬧᬸᬦᬶᬓᬵ᭞ᬭᬤᬾᬦ᭄ᬤᬾᬯᬶᬢᬦ᭄ᬮᬮᬶᬭᬶᬂᬲᭂᬫᬬ᭞ᬭᬤᬾᬦ᭄ᬤᬾᬯᬶᬲᭂᬫᬸᬤᬸᬓᬵ᭞ᬢᬦ᭄ᬧᭂᬕᬢ᭄ᬫᬗᬢᬶᬳᬢᬶ᭞ᬓᬬᬸᬦᬾᬫᬲᬶᬄᬦᬧᬓᬂ᭞ᬫᬓ᭄ᬮᭀᬜᬫᬓᭂᬢᭂᬮᬸᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬾᬤᬦᬦ᭄᭞ᬳᭂᬗ᭄ᬲᬧ᭄ᬫᬢᬶᬓᬤᬸᬂᬓᬮᬶᬮᬶᬢ᭄ᬩᬦ᭄ᬕᬸᬡ᭟ᬭᬳ
ᬤᬾᬦ᭄ᬤᬾᬯᬶᬓᭀᬘᬧᬦ᭄᭞ᬧᬓᬬᬸᬦᬦᬾᬭᬶᬂᬳᬢᬶ᭞ᬓᬾᬦᬾᬓᭀᬚᬦᬶᬢᭂᬫᬸᬜ᭞ᬳᬦᬓᬾᬫᬸᬂᬧᬂᬓᬮᬗᬸᬦ᭄᭞ᬲᭀᬫᬳᬾᬮᬳᬸᬢ᭄ᬗᬸᬢᬂ᭞ᬩᬬᬧᬮᬶᬂᬲᬸᬩᬲᬯᭂᬢᬸᬜ᭟ᬲᬸᬩᬢᬸᬢᬸᬕ᭄ᬓᬸᬢᬸᬲ᭄ᬤᬶᬦᬵ᭞ᬳᬢᬦᬾᬩᬸᬓᬤᬸᬦ᭄ᬤᬸᬦᬶ
ᬦ᭄᭞ᬭᬭᬶᬲ᭄ᬗᬦ᭄ᬤᬶᬓᬳᬮᭀᬦ᭄᭞ᬫᬳᬶᬓᬓᬩᬬᬦ᭄ᬫᬮᬸ᭞ᬓᬓᬵᬲᬗ᭄ᬕᬶᬢ᭄‌ᬫ᭄ᬯᬄᬧᬲᬶᬭᬦ᭄᭞ᬓᬓᬵᬤᬶᬦᬶᬳᬧᬂᬫᭂᬮᬄᬗᬳᬸᬮ᭟ᬳᬶᬭᬫᬧᬫᬶᬢ᭄ᬲᬧᬶᬲᬦ᭄᭞ᬫᬢᬶᬫᬦᭂᬕᬓᬶᬦ᭄ᬫᬸᬜᬶ᭞ᬢᬶᬦ᭄ᬤᬶᬄᬳᬶᬭᬢ᭄ᬯᬄᬜᬳᭂᬦ᭄ᬢᭀ᭞ᬢᬶᬤᭀᬂᬇᬭ
ᬳᭀᬓᬦ᭄ᬭᬢᬸ᭞ᬇᬩᬬᬦ᭄ᬲᬗ᭄ᬕᬶᬢ᭄ᬧᬲᬶᬭᬦ᭄᭞ᬤᬾᬯᬵᬕᬸᬲ᭄ᬢᬶᬗᬸᬤᬫᬗ᭄ᬮᬮᬸᬯᬂᬭᬕ᭟ᬬᬾᬦ᭄ᬳᬶᬤᬾᬯᬵᬢᬸᬮᬸᬲ᭄᭞ᬜ᭄ᬯᬃᬕ᭄ᬕᬢᬶᬢ᭄ᬬᬂᬲᬋᬂᬚ᭄ᬯᬫᬗᬶᬭᬶᬂ᭞ᬧᬸᬦᬧᬶᬧᭀᬮᬶᬄᬓᬢᭀᬂ᭞ᬢᬶᬢ᭄ᬬᬂᬓᬳᬦ᭄ᬳᭂᬮ᭄ᬫᬗᭂᬫ᭄ᬧᬸ᭞ᬯ᭄ᬬᬤᬶᬦ᭄ᬢᬶᬢ᭄ᬬᬂ [ 27 ][᭒᭖ 26B]
᭒᭖
ᬫᬗ᭄ᬕᬶᬄᬧᭂᬚᬄ᭞ᬭᬳᬤᬾᬦ᭄ᬤᬾᬯᬶᬭᬭᬶᬲ᭄ᬳᬶᬤᬗᬦ᭄ᬤᬶᬓ᭟ᬧᭀᬫᬤᬚᬓᬓᬧᬥ᭞ᬫᬶᬮᬸᬗᬶᬭᬶᬂᬳᬶᬤᬫᬢᬶ᭞ᬢᬦ᭄ᬳᬸᬭᬸᬂᬓᬢᭂᬫᬄᬋᬓᭀ᭞ᬓᭂᬫᬓᬓᬫᬕᬯᬾᬓᭀᬓᭀᬲᭀᬓ᭄ᬲᬶᬤᬶᬕ᭄ᬧᬳᭂᬓᬂ᭞ᬲᬫ᭄ᬧᬸᬦ᭄ᬲᬫᬶᬫᬓᬃᬬ᭄ᬬᬲᬶᬲᬶᬕ᭄ᬓᬸᬭᬫᬲ᭄᭟
ᬢᬸᬫᬸᬮᬶᬭᬭᬶᬲ᭄ᬫᬲᬶᬭᬫ᭄᭞ᬓᬧᬜ᭄ᬘᭀᬭᬦ᭄ᬭᬤᬾᬦ᭄ᬤᬾᬯᬶ᭞ᬳᬸᬲᬦ᭄ᬫᬲᬶᬕ᭄ᬲᬶᬕ᭄ᬓᬓᭀᬲᭀᬓ᭄᭞ᬳᬓᬫ᭄ᬧᬸᬄᬲᬸᬢ᭄ᬭᬕᬕᬸᬮᬸᬂ᭞ᬳᬲᬶᬜ᭄ᬚᬂᬓᬲᬩᬦ᭄ᬤᬾᬭ᭞ᬳᬍᬧ᭄ᬳᬰ᭄ᬭᬶᬲᬫᬶᬫᬗ᭄ᬭᬗ᭄ᬲᬸᬓ᭄ᬩᬸᬲᬦ᭟ᬳᬧᬶᬗ᭄ᬕᭂᬮ᭄ᬓᬦᬵᬕᬦ᭄ᬢᬖᬵ᭞ᬳᬲᬸᬯᭂᬂᬘ
ᬡ᭄ᬥᬕᬵᬗ᭄ᬭᬯᬶᬢ᭄᭞ᬳᬓᭂᬦ᭄ᬤᬶᬢ᭄ᬲᬳᭂᬳᭂᬧᬦ᭄ᬤᬦ᭄᭞ᬳᬕᬕᬡ᭄ᬥᬦ᭄‌ᬫᬺᬩᬸᬓ᭄ᬳᬭᬹᬫ᭄᭞ᬦᬸᬮᬶᬄᬫᬸᬗ᭄ᬕᬄᬓᬧᬫᬺᬫᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬶᬓᬳᬾᬲ᭄ᬢᬶᬭᬶᬂᬧᬓᬳ᭄ᬬᬸᬦᬦ᭄᭟ᬭᬭᬶᬲ᭄ᬜᬸᬫ᭄ᬩᬄᬫᬳᬶᬍᬳᬦ᭄᭞ᬫᬗᬶᬲ᭄ᬢᬶᬭᬫᬫ᭄ᬯᬂᬩᬶᬩᬶ᭞ᬫ᭄ᬯᬂᬭᬶᬂᬳᬶᬤᬪᬝᬵ
ᬭ᭞ᬢᬸᬫᬸᬮᬶᬄᬭᬭᬶᬲ᭄ᬳᬫᬸᬯᬸᬲ᭄᭞ᬓᬦ᭄ᬢᬸᬦ᭄ᬫᬲ᭄ᬫᬶᬭᬄᬢᬶᬢ᭄ᬬᬂ᭞ᬩᭂᬮᬶᬫᬦ᭄ᬢ᭄ᬭᬶᬳᬾᬦᬓ᭄ᬫᬫᬸᬓ᭄ᬢᬶᬭᬶᬂᬍᬫᬄ᭟ᬢᬶᬢ᭄ᬬᬂᬫᬧᬫᬶᬢ᭄ᬲᬧᬶᬲᬦ᭄᭞ᬳᬦᬸᬮᬶᬄᬳᬜᬸᬤᬸᬓ᭄ᬫᬗ᭄ᬓᬶᬦ᭄᭞ᬲᭀᬃᬭᬶᬂᬲᬸᬲᬸᬓᬦᬶᬦ᭄ᬋᬓᭀ᭞ᬕᭂᬢᬶᬳᬾᬗᭂᬮᬬᬦ᭄

[᭒᭗ 27A]
ᬧᭂᬲᬸ᭞ᬳᬦᬶᬩᬳᬦᬸᬮᬶᬄᬧᭂᬚᬄ᭞ᬩᬬᬦ᭄ᬲᬗ᭄ᬕᬶᬢ᭄᭞ᬫᬗᭂᬮᬶᬂᬫᬲᬲᬫ᭄ᬩᬢᬦ᭄᭟ᬭᬭᬶᬲ᭄ᬳᬤᬓᬂᬧ᭄ᬭᬪᬯᬵ᭞ᬓᬸᬳᬸᬂᬓᬸᬳᬸᬂᬢᬾᬚᬕᬸᬮᬶᬂ᭞ᬓᭂᬢᬸᬕᬶᬦ᭄ᬤᬸᬄᬧᬓᬮᬾᬜ᭄ᬘᭀᬓ᭄᭞ᬳᬸᬚᬦ᭄ᬭᬚᬲᬳᬓ᭄ᬭᬸᬕ᭄᭞ᬫᬺᬘᬸᬓᭂᬂᬫ᭄ᬩᬂᬭᬶᬂᬫᬤ᭄ᬬ᭞ᬓᬶᬮᬧ᭄ᬢ
ᬢᬶᬢ᭄᭞ᬢᬦ᭄ᬧᭂᬕᬢ᭄ᬳᬢᬶᬢᬶᬫ᭄ᬩᬮᬦ᭄᭟ᬳ᭄ᬦᭂᬗᬶᬓ᭄ᬦᬧᬸᬦᬶᬓᬵ᭞ᬓᭀᬘᬧᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬳᬮᬶᬗ᭄ᬕᬶᬄᬢᬸᬃᬩᭂᬗᭀᬂᬩᭂᬗᭀᬂ᭞ᬢᭂᬓᬕᭀᬯᬓᬾᬫᬗᬮᬸᬓ᭄᭞ᬫᬗ᭄ᬕᭂᬮᭀᬄᬗᬸᬢᬳᬂᬳ᭄ᬭᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬓᭂᬲ᭄ᬬᬩ᭄ᬫᬗ᭄ᬭᬱᬩ
ᬬ᭟ᬦᬶᬕᬓᬸᬄᬮᬶᬫ᭄ᬩᬸᬃᬓᭀᬘᬧᬦ᭄᭞ᬫᬲᭂᬭᭀᬤ᭄ᬢᬸᬳᬸᬜᬕ᭄ᬚᬕᬶᬦ᭄᭞ᬭᬭᬶᬲ᭄ᬬᬳᬗᬸᬘᬧ᭄ᬳᬮᭀᬦ᭄᭞ᬇᬩᭂᬮᬶᬫᬗᬸᬤᬕ᭄ᬤᬶᬢᬸ᭞ᬭᬭᬶᬲ᭄ᬫᬓᭂᬘᭀᬲ᭄ᬓᬂᬕᬸᬡ᭞ᬫᬜ᭄ᬚᬸᬭᬶᬭᬶᬢ᭄᭞ᬩᬗ᭄ᬓᬸᬗᬾᬮᬳᬸᬢᬦ᭄ᬗᬸᬦ᭄ᬢᬮ᭄᭟ᬭᬳᬤᬾᬦ᭄ᬫ
ᬦ᭄ᬢ᭄ᬭᬶᬓᭀᬘᬧ᭞ᬭᬭᬶᬲ᭄ᬳᬶᬤᬫᬗ᭄ᬓᬶᬦ᭄ᬫᬾᬮᬶᬂ᭞ᬫᬮᬳᬶᬩ᭄ᬫᬗ᭄ᬓᬶᬦ᭄᭞ᬫᬓ᭄ᬮᬧ᭄ᬭᬤᬾᬦ᭄ᬕᬮᬸᬄ᭞ᬫᬮᬳᬶᬩ᭄ᬮᬳᬶᬩ᭄ᬫᬫᬃᬕ᭞ᬧᭂᬮᬸᬄᬧᬶᬤᬶᬢ᭄᭞ᬓᭀᬘᬧᬦ᭄ᬭᬯᬸᬄᬤᬶᬢᬫᬦ᭄᭟ᬦᬧᭂᬢᬂᬇᬩᬬᬦ᭄ᬜᭂᬍᬫ᭄ᬧᬂ᭞ᬦᬶᬲᬗ᭄ᬕᬶᬢ᭄ᬧ [ 28 ][᭒᭗ 27B]
᭒᭗
ᬘᬗᬸᬮᬶᬮᬶᬂ᭞ᬫᬗ᭄ᬮᬶᬂᬬᬳᬭᭀᬦ᭄ᬳᬭᭀᬦ᭄᭞ᬲᬫᬶᬧᬥᬗᬸᬭᬸᬢ᭄ᬳᭂᬦ᭄ᬢᬸᬤ᭄᭞ᬧᬥᬬᬫᬲᬲᬫ᭄ᬩᬢᬦ᭄᭞ᬤᬾᬯᬵᬕᬸᬲ᭄ᬢᬶᬚ᭄ᬯᬂᬢᬶᬢ᭄ᬬᬂᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᭀᬘᬧ᭞ᬫᬜᬕ᭄ᬚᬕ᭄ᬫᭂᬦᬾᬓᬦ᭄᭞ᬦᭂᬫᬓ᭄ᬓᬓᭂᬋᬩᬾᬮᬸᬓᬃ᭞ᬓ
ᬢᭀᬦ᭄ᬮᬬᭀᬦᬾᬢ᭄ᬯᬦ᭄ᬕᬮᬸᬄ᭞ᬓᭂᬜᬶᬗᬾᬫᬲᬯᬂᬜᬧ᭞ᬭᬳᬤᬾᬦ᭄ᬫᬦ᭄ᬢ᭄ᬭᬢᬦ᭄ᬧᭂᬕᬢ᭄ᬫᬗᬭᬲ᭄ᬳᬭᬲ᭄᭟ᬤᬸᬄᬤᬾᬯᬵᬳᬢ᭄ᬫᬚ᭄ᬯᬶᬢ᭄ᬣ᭞ᬤᭀᬂᬘᬶᬗᬓ᭄ᬢᬶᬢ᭄ᬬᬂᬫᬲ᭄ᬫᬡᬶᬓ᭄᭞ᬮᬮᬶᬲᬦ᭄ᬕᬸᬲ᭄ᬢᬶᬭᬶᬂᬢᬶᬢ᭄ᬬᬂ᭞ᬲᬧᬓᬾᬢᬶᬢ᭄ᬬᬂᬫᬲ᭄ᬓᬮᬸᬂ᭞ᬲᬤᬸ
ᬓᬦ᭄ᬤᬸᬓᬦ᭄ᬳᬶᬤᬾᬯᬵ᭞ᬢᬶᬢ᭄ᬬᬂᬗᬶᬭᬶᬂᬢᬶᬢ᭄ᬬᬂᬫᬗᬢᬸᬭᬂᬳᬯᬓ᭄᭟ᬬᬦ᭄ᬳᬶᬤᬾᬯᬵᬤᬸᬭᬸᬲ᭄ᬲᬸᬯᬾᬘ᭞ᬢᬶᬢ᭄ᬬᬂᬫᬗᬶᬭᬶᬂᬇᬫᬡᬶᬓ᭄᭞ᬳᬧᬂᬫᬲᬶᬄᬚ᭄ᬯᬫᬓᬭᭀᬦ᭄᭞ᬫᬧᬶᬦ᭄ᬤᬵᬫᬳᬯᭀᬃᬮᬸᬮᬸᬢ᭄᭞ᬤᭀᬂᬦ᭄ᬢᭀᬲᬂᬢᬶᬢ᭄ᬬᬂᬤᬾᬯᬵ᭞ᬭᬳ
ᬤᬾᬦ᭄ᬫᬦ᭄ᬢ᭄ᬭᬶᬳᬦᭀᬮᬶᬄᬭᬭᬶᬲ᭄ᬓᬡ᭄ᬝᬓ᭟ᬢᬦ᭄ᬓᬘᬭᬶᬢᬭᬳᬤ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬢᬸᬃᬭᬶᬂᬦᬺᬧᬢᬶ᭞ᬮᬯᬦ᭄ᬧ᭄ᬭᬫᬾᬰ᭄ᬯᬭᬶᬋᬓᭀ᭞ᬬᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶᬲᭂᬦ᭄ᬤᬸ᭞ᬳᬦᬗᬶᬲ᭄ᬭᬭᬶᬲ᭄ᬓᬦ᭄ᬢᬓ᭞ᬰ᭄ᬭᬶᬪᬸᬧᬢᬶ᭞ᬧ᭄ᬭᬫᬶᬰ᭄ᬯᬭᬶᬮᬶᬦ᭄ᬢᬂ

[᭒᭘ 28A]
ᬓᬕ᭄ᬬᬢ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬤᬸᬄᬳᬶᬤᬰ᭄ᬭᬶᬧ᭄ᬭᬫᬶᬰ᭄ᬯᬭ᭄ᬬ᭞ᬕ᭄ᬮᬶᬲᬂᬫᬃᬕᬶᬓᬢᬫᬦ᭄᭞ᬢᬸᬫᬸᬮᬶᬄᬭᬭᬶᬲ᭄ᬫᬮᬬᬸᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬶᬲ᭄ᬯᬭ᭞ᬢᬦ᭄ᬧᬦᬸᬮᬶᬄᬓᬳᬸᬮᬦᬾᬧᬥᬓᬾᬧ᭄ᬯᬦ᭄᭟ᬢᬦ᭄ᬓᬘᬭᬶᬢᬭᬶᬂᬫᬃᬕ᭞ᬢᭂᬓᭂᬤ᭄ᬤᬶᬢᬫᬦ᭄ᬫᬗ᭄ᬭᬭᬶ
ᬲ᭄᭞ᬲᬋᬗᬦ᭄ᬫᭂᬦᬾᬓ᭄ᬫᬜᭀᬚᭀᬕ᭄᭞ᬭᬭᬶᬲ᭄ᬫᬗᬸᬗ᭄ᬓᬩᬶᬦ᭄ᬭᬸᬭᬸᬩ᭄᭞ᬮᬬᭀᬦᬾᬫᬲᬯᬂᬜᬧ᭞ᬓᬤᬶᬭᬢᬶᬄᬫᬲᬦ᭄ᬤᬶᬂᬮᬦ᭄ᬲᭂᬫᬭ᭟ᬰ᭄ᬭᬶᬧ᭄ᬭᬫᬶᬰ᭄ᬯᬭᬷᬳᬗᬸᬘᬧ᭄᭞ᬦᬾᬚᬦᬶᬓᬾᬦ᭄ᬓᬾᬦ᭄ᬩᬳᬦ᭄ᬩᭂᬮᬶ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬮᭀᬦ᭄᭞
ᬤᬸᬄᬳᬶᬤᬲᬂᬦᬵᬢ᭄ᬣᬯᬥᬸ᭞ᬧ᭄ᬭᬫᬶᬰ᭄ᬯᬭᬶᬭᬭᬶᬲ᭄ᬜᬕ᭄ᬚᬕ᭄᭞ᬫᭂᬫᬳᭂᬓᬶᬦ᭄ᬮᬬᭀᬦᬾᬢ᭄ᬯᬄᬫᬓᭂᬫ᭄ᬩᬭᬦ᭄᭞ᬧ᭄ᬭᬫᬶᬰ᭄ᬯᬭᬶᬭᬭᬶᬲ᭄ᬦᭂᬫᬓ᭄᭞ᬮᬬᭀᬦᬾᬭᬳᬤᬾᬦ᭄ᬤᬾᬯᬶ᭞ᬗ᭄ᬮᬮᬾᬧᬾᬓᬤᬶᬧᬥᬧ᭞ᬳᭂᬮᬶᬗᬾᬫᬫ᭄ᬩᬢᬭᬸᬩᬸᬄ᭞ᬲᬂᬧ᭄ᬭᬪᬸ
ᬕ᭄ᬮᬶᬲ᭄ᬫᬜᬕ᭄ᬚᬕ᭄᭞ᬫᬫᬳᭂᬓᬶᬦ᭄‌ᬫᬦ᭄ᬤᭂᬓ᭄ᬮᬬᭀᬦᬶᬂᬳᭀᬓᬵ᭟ᬲᬂᬧ᭄ᬭᬪᬸᬫᬗᬸᬲᬧ᭄ᬳᬸᬲᬧ᭄᭞ᬤᬸᬄᬦᬦᬓᬾᬲᬂᬓᬮᬶᬄ᭞ᬮᬮᬶᬲ᭄ᬳᬶᬤᬾᬯᬵᬮᬸᬗ᭞ᬫᭂᬮᬄᬓᬾᬕᬸᬭᬸᬦᬸᬳᬶᬤᬸᬧ᭄᭞ᬲᭂᬤᬶᬄᬧᬮᬶᬂᬩᬧᬤᬾᬯᬵ᭞ [ 29 ][᭒᭘ 28B]
᭒᭘
ᬢ᭄ᬯᬄᬢᭀᬂᬤᬤᬶᬫᬯᬄᬭᬶᬂᬭᬳᬶᬦ᭄ᬳᬶᬤ᭟ᬲᬂᬧ᭄ᬭᬪᬸᬭᬭᬶᬲ᭄ᬦᬸᬳᬸᬦᬂ᭞ᬓᬢᭀᬦ᭄ᬦᬶᬩᬬᬦ᭄ᬫᬗᭂᬮᬶᬂ᭞ᬫᬗᬭᭀᬦ᭄ᬫᬲᬲᬫ᭄ᬩᬢᬦ᭄᭞ᬧ᭄ᬭᬓᬓᬲᬫᬶᬧᬓᬸᬳᬸᬓ᭄᭞ᬫᬗᭂᬮᬶᬂᬫᬦᬶᬕ᭄ᬢᬶᬕ᭄ᬳᬯᬓ᭄᭞ᬲᬸᬓᬫᬢᬶᬳᬧᬚᬢᭀᬮᬶᬄᬤᬶᬚᬯᬵ᭟ᬦᬶᬘᭀᬦ᭄ᬤᭀᬂᬫ
ᬲᬲᬫ᭄ᬩᬢᬦ᭄᭞ᬤᬸᬄᬳᬶᬤᬭᬳᬤᬾᬦ᭄ᬤᬾᬯᬶ᭞ᬮᬮᬶᬲᬦ᭄ᬳᬶᬤᬾᬯᬵᬮᬸᬗ᭞ᬫᭂᬮᬄᬓᬾᬢᬶᬢ᭄ᬬᬂᬦᬸᬳᬶᬤᬸᬧ᭄᭞ᬫ᭄ᬮᬾᬂᬳᬶᬤᬾᬯᬵᬦᬾᬗᭀᬬᭀᬂ᭞ᬧᬸᬢ᭄ᬭᬶᬩᬮᬶᬓᬚᬯᬵᬗᬮᬶᬄᬢᬭᬸᬡ᭟ᬲᬂᬧ᭄ᬭᬪᬸᬭᬭᬶᬲ᭄ᬫᬓᭂᬲ᭄ᬬᬩ᭄᭞ᬫᬜᬶᬗᬓ᭄ᬳᭀᬓᬦᬾ
ᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬫᬜ᭄ᬚᭂᬫ᭄ᬧᬂ᭞ᬫᬕ᭄ᬭᬸᬕ᭄ᬢᬦ᭄ᬧᬾᬦ᭄ᬤᬄᬓ᭄ᬭᬸᬕ᭄᭞ᬮᬮᬶᬦᬾᬫᬗᭀᬜᬂᬳᭀᬜᬂ᭞ᬓᬤᬶᬫᬢᬶᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬫᬓᭂᬲ᭄ᬬᬩ᭄᭟ᬫᬜᬕ᭄ᬚᬕ᭄ᬫᬕᬭ᭄ᬬᬸᬤᬦ᭄᭞ᬫᬜᬸᬦ᭄ᬤᬂᬤᬸᬳᬸᬃᬲᬂᬳᬚᬶ᭞ᬫᬦᬗᬶᬲ᭄ᬫᬗᬭᭀᬦ᭄ᬳᬭᭀ
ᬦ᭄᭞ᬢᭀᬮᬶᬄᬢᬶᬢ᭄ᬬᬂᬩᭂᬮᬶᬧ᭄ᬭᬪᬸ᭞ᬧᬜ᭄ᬚᬓᬾᬫᬕᬭ᭄ᬬᬸᬳᬦ᭄᭞ᬲᬶᬲᬸᬕ᭄ᬮᬶᬲ᭄ᬳᬤᬫᬗᬮᬶᬄᬓᬢᬸᬫ᭄ᬩᬄ᭟ᬇᬗᭂᬫ᭄ᬩᬦ᭄ᬫᬗᬮᬶᬄᬩᬮ᭄ᬬᬦ᭄᭞ᬢᬦ᭄ᬓᭀᬘᬧᬦ᭄ᬬᬤᬶᬫᬃᬕᬶ᭞ᬢᭂᬓᬩᬮ᭄ᬬᬦᬾᬧᬚᭀᬗ᭄ᬓᭀᬓ᭄᭞ᬧᬥᬫᬗ

[᭒᭙ 29A]
ᬫᭂᬮᬶᬦ᭄ᬲᬸᬓᬸ᭞ᬲᬫᬶᬧᬥᬗᬸᬲᬧ᭄ᬳᬸᬲᬧ᭄᭞ᬲᬫᬶᬲᭂᬤᬶᬄᬓᬾᬦ᭄ᬓᬾᬜ᭄ᬚᬩᬳᬦ᭄ᬫᬤᬬ᭟ᬩᬮ᭄ᬬᬦᬾᬓᬮᬗ᭄ᬓᬸᬂᬓᬾᬧ᭄ᬯᬦ᭄᭞ᬳᬚᬓᬶᬦ᭄ᬩᬮ᭄ᬬᬦᬾᬲᬫᬶ᭞ᬇᬗ᭄ᬕᬶᬄᬬᬦ᭄ᬧᬗ᭄ᬭᬱᬦ᭄ᬢᬶᬢ᭄ᬬᬂ᭞ᬇᬗ᭄ᬕᬶᬄᬩᭀᬬᬤᬤᭀᬲ᭄ᬢᬸᬮᬸᬂ᭞ᬧ᭄ᬭᬧᬦᬾᬲᬫ᭄ᬧᬸᬦ᭄ᬢᭂᬮᬲ᭄᭞ᬧ᭄ᬭᬫᬶᬰ᭄ᬯᬭᬶᬫ
ᬜ᭄ᬚᭂᬭᬶᬢ᭄ᬭᬭᬶᬲ᭄ᬫᬓᭂᬲ᭄ᬬᬩ᭄᭟ᬳᭂᬮᬶᬗᬾᬫᬜᬶᬬᭀᬬᭀᬯᬵᬦ᭄᭞ᬧᬗᬸᬘᬧᬾᬓᬯ᭄ᬮᬲᬲᬶᬄ᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬶᬰ᭄ᬯᬭᬲᬫᬶᬧᬥᬫᬢᬸᬭᬸᬩᬸᬄ᭞ᬇᬘᭀᬦ᭄ᬤᭀᬂᬭᬭᬶᬲ᭄ᬫᬲᬸᬭᬓ᭄᭞ᬧᬥᬦᬶᬗ᭄ᬓ᭄ᬭᬶᬓ᭄ᬢᬦ᭄ᬓᬘᬭᬶᬢᬧᬸᬦᬶᬓᬵ᭟ᬳᬢ᭄ᬫᬦᬾᬢ᭄ᬯᬦ᭄ᬫᬦ᭄ᬢ᭄ᬭ
ᬓᭀᬘᬧ᭄᭞ᬧᬫᬃᬕᬶᬦᬾᬓᬚᬓᬗᬶᬦ᭄᭞ᬢᬦ᭄ᬧᭂᬕᬢ᭄ᬢ᭄ᬯᬄᬫᬫᬗᭂᬦᬂ᭞ᬤᬶᬚᬳᬲᬶᬄᬳᬲᬶᬄᬭᬸᬭᬸᬄ᭞ᬳᬢ᭄ᬫᬦᬾᬗᬯᬾᬲᬗ᭄ᬲᬭ᭞ᬲᭂᬤᬶᬄᬓᬶᬂᬓᬶᬂᬧᬫᬃᬕᬶᬦᬾᬭᬃᬬ᭄ᬬᬦ᭄ᬭᬭ᭄ᬬᬦ᭄᭞ᬭᬯᬸᬄᬤᬶᬧᭂᬓᭂᬦ᭄ᬢᬸᬦᬯᬂ᭞ᬫᬃᬕᬦᬾᬧᬄᬲᬂᬓᬮᬶᬄ᭞ᬲᬂᬳᬢ᭄ᬫᬧ
ᬭᬃᬬ᭄ᬬᬦ᭄ᬩᭂᬗᭀᬂ᭞ᬦᬾᬳᭂᬗ᭄ᬓᬾᬦ᭄ᬲᬶᬩᬓᬮ᭄ᬢᬸᬳᬸᬢ᭄᭞ᬮᬳᬸᬢ᭄ᬳᬤᬢᭂᬓᬕᭀᬳᬓ᭄᭞ᬫᬫᬳᭂᬓᬶᬦ᭄ᬫᬗᬸᬤᬤᬾᬯᬵᬫᬭᬃᬬ᭄ᬬᬦ᭄᭟ᬭᬭᬶᬲ᭄ᬲᬂᬤᬾᬯᬵᬫᬫᬃᬕ᭞ᬧᬸᬦᬶᬓᬶᬦᬾᬓᬚᬓᬗᬶᬦ᭄᭞ᬫᬃᬕᬶᬦᬶᬦ᭄ᬳᬶᬤᬾᬯᬵᬋᬓᭀ᭞ᬤ [ 30 ][᭒᭙ 29B]
᭒᭙
ᬲᬶᬫ᭄ᬧᬂᬲᬶᬫ᭄ᬧᬂᬭᬶᬂᬳ᭄ᬦᬸ᭞ᬭᬭᬶᬲ᭄ᬳᬶᬤᬾᬯᬵᬳᬶᬭᬶᬓᬵ᭞ᬯᬾᬦ᭄ᬢᭂᬦ᭄ᬗᬦ᭄ᬢᬶᬤᬶᬫᬾᬭᬸᬢᬸᬫ᭄ᬧᬂᬲ᭄ᬬᬂᬳᭀᬮᬲ᭄᭟ᬲᬂᬳᬢ᭄ᬫᬳᬲᬯᬸᬃᬲ᭄ᬫᬶᬢ᭞ᬢᬸᬫᬸᬮᬶᬄᬕᭂᬮᬶᬲ᭄ᬫᬫᬃᬕᬶ᭞ᬢᬦ᭄ᬓᬘᬭᬶᬢᬭᬶᬂᬫᬃᬕ᭞ᬭᬯᬸᬄᬭᬶᬂᬲᭀᬯᬃᬳ᭄ᬳᬦ᭄ᬲᬫ᭄ᬧᬸᬦ᭄᭞ᬓᬧᬗ᭄ᬕᬶᬄᬳᬢ᭄ᬫᬦᬾ
ᬲᬂᬯᭀᬓ᭄ᬢᬄ᭞ᬲᭂᬤᭂᬂᬓ᭄ᬫᬮᬶᬗ᭄ᬕᬶᬄᬫᬲᬦ᭄ᬤᬶᬂᬲᬃᬯᬫᬸᬮ᭄ᬬ᭟ᬤᬸᬄᬤᬾᬯᬵᬳᬢ᭄ᬫᬚ᭄ᬯᬶᬢ᭄ᬣ᭞ᬩᬕ᭄ᬬᬦ᭄ᬢᬶᬢ᭄ᬬᬗᬾᬢᬦ᭄ᬲᬶᬧᬶ᭞ᬲᬲᬢ᭄ᬓᬢᬶᬩᬦᬦ᭄‌ᬫᬺᬢ᭄ᬣ᭞ᬧᬳᬶᬥᭂᬧᬦ᭄ᬢᬶᬢ᭄ᬬᬂᬗᬾᬭᬢᬸ᭞ᬲᬲᬶᬲᬶᬧ᭄ᬢᬶᬢ᭄ᬬᬗᬾᬤᬾᬯᬵᬫᬲ᭄᭞ᬇᬘ᭄ᬙᬉᬕᬶᬳᬶᬤᬾᬯᬵ
ᬕᭂᬂᬲᬶᬦᬫ᭄ᬧᬸᬭ᭟ᬳᬢ᭄ᬫᬦᬾᬓᬓᬸᬂᬫᬗᬭᬲ᭄᭞ᬗᬸᬓᬸᬢ᭄ᬳᬸᬓᬸᬢ᭄ᬫᬗᬺᬋᬗᬶᬄ᭞ᬤᬸᬭᬸᬲᬂᬇᬘ᭄ᬙᬦᬾᬤᬾᬯᬵ᭞ᬧᬗᬸᬭᬶᬧ᭄ᬢᬶᬢ᭄ᬬᬂᬫᬲ᭄ᬓᬮᬸᬂ᭞ᬬᬦ᭄ᬳᬶᬤᬾᬯᬵᬤᬸᬭᬸᬲ᭄ᬳᬶᬘ᭄ᬙ᭞ᬦᬾᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬢᬸᬭᬂᬳᬯᬓ᭄᭟ᬲᬗ᭄ᬓᬦ᭄ᬳᬶᬤᬾᬯᬵ
ᬭᬶᬂᬢᬶᬢ᭄ᬬᬂ᭞ᬲᬓᬬᬸᬦ᭄ᬳᬶᬤᬾᬯᬵᬫᬗ᭄ᬓᬶᬦ᭄᭞ᬲᬮᬓᬸᬦ᭄ᬮᬓᬸᬦ᭄ᬳᬶᬤᬾᬯᬵ᭞ᬢᬶᬢ᭄ᬬᬂᬢᬦ᭄ᬧᬶᬯᬮ᭄ᬭᬶᬂᬓᬬᬸᬦ᭄᭞ᬢᬶᬢ᭄ᬬᬂᬲᬸᬓᬵᬫᬗᬢᬸᬭᬂ᭞ᬩᬸᬫᬶᬚᬯᬶᬳᬧᬂᬇᬤᬾᬯᬵᬦᬸᬯᬾᬦᬂ᭟ᬳᬸᬧᬫᬶᬇᬤᬾᬯᬵᬲ᭄ᬓᬃ᭞ᬘᭂᬫ᭄ᬧᬓᬦᬾᬦᬾ

[᭓᭐ 30A]
ᬯᬶᬮᬶᬲ᭄᭞ᬢᬦ᭄ᬯᬦᬾᬄᬢᬶᬢ᭄ᬬᬂᬜᭂᬓᬭᬂ᭞ᬇᬤᬾᬯᬵᬫ᭄ᬮᬲᬶᬦ᭄ᬮᬫ᭄ᬧᬸᬲ᭄᭞ᬧᬗᬶᬥᭂᬧ᭄ᬢᬶᬢ᭄ᬬᬂᬗᬾᬤᬾᬯᬵ᭞ᬦᬾᬦᬾᬫᬗ᭄ᬓᬶᬦ᭄ᬳᬧᬂᬧᬕᭂᬄᬫᬧᬜ᭄ᬚᬓᬂ᭟ᬬᬾᬦ᭄ᬳᬶᬤᬾᬯᬵᬤᬸᬭᬸᬲ᭄ᬲ᭄ᬯᬾᬘ᭄ᬙ᭞ᬦᬸᬦᬲ᭄ᬓᬾᬤᬾᬯᬵᬫᬯᬮᬶ᭞ᬢᬸᬫᬸᬭᬸᬦ᭄ᬓᬫᭂᬃᬘᬧᬥ᭞ᬫᬗ᭄ᬮᬗ᭄ᬮᬗᬶᬦ᭄ᬲᬓᬮ
ᬗᬸᬦ᭄᭞ᬢᬶᬢ᭄ᬬᬂᬫᬗᭂᬫ᭄ᬩᬦ᭄ᬳᬶᬤᬾᬯᬵ᭞ᬬᬦ᭄ᬫᬫᬃᬕᬶᬢᬶᬢ᭄ᬬᬂᬫᬓ᭄ᬢᬧᬘᬦᬗᬦ᭄᭟ᬳᬢ᭄ᬫᬦᬾᬇᬲ᭄ᬢ᭄ᬭᬶᬳᬗᬸᬘᬧ᭄᭞ᬩᬶᬲᬦᬾᬫᬗᬯᬾᬫᬦᬶᬲ᭄᭞ᬫᬦᬶᬲᬾᬫᬗᭀᬬᭀᬜᬂᬳᭀᬜᬂ᭞ᬩᬬᬢ᭄ᬯᬄᬩᬮᬩᬸᬃᬚᬸᬭᬸᬄ᭞ᬲᬧᬭᬶᬧᭀᬮᬳᬾᬩᬶᬱ᭞ᬗᬯᬾ
ᬫᬦᬶᬲ᭄ᬢᬶᬢ᭄ᬬᬂᬢᬦ᭄ᬦᬫᬶᬯᬮ᭄ᬓᬃᬱ᭟ᬤᬸᬄᬩ᭄ᬮᬶᬢᬶᬢ᭄ᬬᬂᬢᬦ᭄ᬧᬶᬯᬮ᭄᭞ᬲᬓᬧᬦ᭄ᬩᭂᬮᬶᬦᬾᬫᬗ᭄ᬓᬶᬦ᭄᭞ᬪᬓ᭄ᬢᬶᬦ᭄ᬢᬶᬢ᭄ᬬᬗᬾᬫᬗᭀᬜᬂ᭞ᬤᬾᬦᬶᬂᬧᬶᬢᬺᬱ᭄ᬡᬦᬾᬦᬸᬮᬸᬲ᭄᭞ᬭᬶᬂᬳᬯᬓ᭄ᬢᬶᬢ᭄ᬬᬂᬗᬾᬦᬶᬱ᭄ᬝ᭞ᬢ᭄ᬯᬳᬶᬫᬳᬶᬩ᭄ᬮᬶᬭᬯᬸᬄᬗᬮᬶᬄᬢᬶᬢ᭄ᬬᬂ᭟ᬳᬢ᭄ᬫᬦᬾ
ᬓᬓᬸᬂᬳᬗᬸᬘᬧ᭄᭞ᬤᬸᬄᬤᬾᬯᬵᬯᬶᬦ᭄ᬢᭂᬦ᭄ᬫᬲ᭄ᬫᬡᬶᬓ᭄᭞ᬫᬃᬕᬶᬓᬾᬤᬾᬯᬵᬫᬫᬃᬕ᭞ᬢᬸᬫᬸᬭᬸᬦ᭄‌ᬗ᭄ᬮᬂᬮᬂᬓᬮᬗᬸᬦ᭄᭞ᬦᬾᬓᬓᬸᬂᬭᬭᬶᬲ᭄ᬫᬗᭂᬫ᭄ᬩᬦ᭄᭞ᬢᬸᬃᬫᬫᬃᬕᬶᬗ᭄ᬮᬶᬗ᭄ᬕᬶᬳᬶᬦ᭄ᬧᬓ᭄ᬱᬶᬤᬾᬯᬵᬢ᭄ᬣ᭟ᬢᬦ᭄ᬓᬘᬭᬶᬢᬭᬶᬂᬫᬃᬕ᭞ [ 31 ][᭓᭐ 30B]
᭓᭐
ᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬤᬶᬫᬃᬕᬶ᭞ᬓᬮᬗᭂᬦᬾᬩᭂᬲ᭄ᬗᭀᬜᬂ᭞ᬓᬢᭀᬦ᭄ᬤᬾᬰᬳᬶᬗ᭄ᬕᬄᬳᬶᬗ᭄ᬕᬸᬄ᭞ᬤᬾᬰᬦᬾᬲᬫᬶᬯᬸᬲ᭄ᬧᭂᬤᬲ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᬭᬃᬬ᭄ᬬᬦ᭄ᬭᬶᬂᬫᬃᬕᬶᬲᬗ᭟ᬧᬓ᭄ᬱᬶᬤᬾᬯᬵᬢ᭄ᬣᬦᬾᬫᬢᬸᬮᬓ᭄᭞ᬓᬭᬶᬓᬾᬇᬤᬾᬯᬵᬫᬗ᭄ᬓᬶᬦ᭄᭞ᬢᬶ
ᬢ᭄ᬬᬂᬫᬦ᭄ᬢᬸᬓ᭄ᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬲᬫ᭄ᬧᬸᬦ᭄ᬲᬗ᭄ᬲᬬᬧᬸᬓᬸᬮᬸᬦ᭄᭟ᬳᬧᬂᬭᬤᬶᬦ᭄‌ᬚ᭄ᬯᬫᬫᬃᬕ᭞ᬢᬦ᭄ᬓᬯᬃᬡᬶᬓᬶᬧᬓ᭄ᬱᬶᬲᬫ᭄ᬧᬸᬦ᭄ᬫᬢᬸᬮᬓ᭄᭟ᬭᬳᬤᬾᬦ᭄ᬫᬦ᭄ᬢ᭄ᬭᬶᬗᬦ᭄ᬤᬶᬓᬵ᭞ᬤᬸᬄᬤᬾᬯᬵᬦ᭄ᬢᬶᬢ᭄ᬬᬗᬾᬫᬡᬶᬓ᭄᭞ᬧᬸᬦᬶᬓᬶᬢᬾᬤᬾᬯᬵᬢᭀ
ᬦ᭄ᬢᭀᬦ᭄᭞ᬓᬮᬗᭂᬦᬾᬩᬲ᭄ᬫᬧᬸᬧᬸᬮ᭄᭞ᬫᭂᬮᬳᬾᬫᬗᭀᬜᬂᬳᭀᬜᬂ᭞ᬭᬳᬤᬾᬦ᭄ᬤᬾᬯᬶᬳᬸᬮᬗᬸᬦᬾᬢᬦ᭄ᬲᬧᬶᬭ᭞ᬫᬮᬶᬗ᭄ᬕᬶᬄᬭᬶᬂᬲᬾᬮᬢᬧᬓ᭄᭞ᬓᬬᬸᬩᬦ᭄ᬘᭂᬫ᭄ᬧᬓᬯᬶᬮᬶᬲ᭄᭞ᬫᬗᬭᬲ᭄ᬫᬗᬩᬶᬦ᭄ᬜᬗ᭄ᬓᭀᬮ᭄᭞ᬭᬳᬤᬾᬦ᭄ᬫ
ᬦ᭄ᬢ᭄ᬭᬶᬢᬦ᭄ᬧᬸᬭᬸᬦ᭄᭞ᬢᬦ᭄ᬧᭂᬕᬢ᭄ᬫᬗᬭᬲ᭄ᬳᬭᬲ᭄᭞ᬢ᭄ᬯᬦ᭄ᬤᬾᬯᬶᬭᬭᬶᬲ᭄ᬗᬦ᭄ᬤᬶᬓᬵ᭟ᬤᭀᬂᬫᬃᬕᬶᬩᭂᬮᬶᬫᬫᬃᬕ᭞ᬫᬸᬂᬧᬸᬂᬳᬶᬧᬸᬦ᭄ᬓᬭᬶᬲᭂᬮᬶᬤ᭄᭞ᬤᬾᬰᬦᬾᬧᬸᬦᬶᬓᬵᬳᬤᭀᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬲᬯᬸᬃᬓᭂᬜᬸᬂ᭞ᬇᬗ᭄ᬕᬶᬄᬲ

[᭓᭑ 31A]
ᬲᬦ᭄ᬤᬶᬓᬦ᭄ᬳᬶᬤᬾᬯᬵ᭞ᬢᬶᬢ᭄ᬬᬂᬗᬶᬭᬶᬂᬢᬸᬫᬸᬮᬶᬄᬫᬤᬦ᭄ᬤᬦ᭄ᬢᬗᬦ᭄᭟ᬢᬦ᭄ᬓᬘᬭᬶᬢᬭᬶᬂᬫᬃᬕ᭞ᬳᬢ᭄ᬫᬦᬾᬢ᭄ᬯᬄᬲ᭄ᬮᬂᬓᬦ᭄ᬢᬶ᭞ᬢᬦ᭄ᬫᬭᬶᬫᬗᬭᬲ᭄ᬳᬭᬲ᭄᭞ᬓᬢᭀᬦ᭄ᬓᬸᬭᬸᬗᬦᬾᬋᬗᬸ᭞ᬳᭂᬦ᭄ᬢᭀᬲᬃᬧᬦᬾᬦᬾᬕᬮᬓ᭄᭞ᬭᬳᬤᬾᬦ᭄ᬤᬾᬯᬶᬚ᭄ᬭᬶᬳᬾᬫᬗᭀᬜᬂᬳᭀᬜᬂ᭟
ᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬗᬸᬘᬧ᭄᭞ᬤᬸᬄᬤᬾᬯᬵᬦ᭄ᬢᬶᬢ᭄ᬬᬂᬗᬾᬳᬤᬶ᭞ᬗᬸᬤᬢᬓᬸᬢᬶᬦ᭄ᬲᬧᬸᬦᬶᬓᬵ᭞ᬘ᭄ᬮᬸᬧᬶᬦ᭄ᬭᬢᬸᬫᬲ᭄ᬓᬮᬸᬂ᭞ᬭᬳᬤᬾᬦ᭄ᬤᬾᬯᬶᬓᬯᬶᬰᬾᬱᬦ᭄᭞ᬭᬭᬶᬲ᭄ᬫᬜ᭄ᬚᬶᬂᬲᬓᬭᭀᬦ᭄ᬯᬸᬲ᭄ᬓᬤᬶᬚ᭄ᬦᬃ᭟ᬫᬮᬶᬄᬳᬸᬭᬶᬧ᭄ᬚᬢᬶᬫᬸᬮ᭞ᬚ᭄ᬭᭀᬦᬶᬂᬭᬸᬭᬸᬩ᭄ᬫᬗᬺᬋᬲᬶᬄ᭞
ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬵ᭞ᬓᭂᬫᬩᬬᬦ᭄ᬤᬾᬄᬬᬾᬄᬭᬳᬸᬧ᭄᭞ᬦᬶᬩᬬᬦ᭄ᬭᬭᬶᬲ᭄ᬫᬜᬕ᭄ᬚᬕ᭄᭞ᬬᬫᬜ᭄ᬚᭂᬭᬶᬢ᭄᭞ᬲᬫᬶᬧᬥᬓᬢᬳᬸᬭᬕ᭄᭟ᬦᬶᬩᬬᬦ᭄ᬭᬭᬶᬲ᭄ᬫᬗ᭄ᬮᬸᬓᬃ᭞ᬓᬓᭂᬋᬩᬾᬭᬳᬤᬾᬦ᭄ᬤᬾᬯᬶ᭞ᬦᬶᬩᬬᬦ᭄ᬭᬭᬶᬲ᭄ᬫᬓᭂᬲ᭄ᬬ
ᬩ᭄᭞ᬤᬸᬄᬤᬾᬯᬵᬤᬾᬯᬶᬲᬂᬳᬭᬹᬫ᭄᭞ᬲᬧᬲᬶᬭᬗᬸᬭᬶᬧ᭄ᬤᬾᬯᬵ᭞ᬭᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬭᬶᬂᬓᬓᬩᬬᬦ᭄᭟ᬜᬾᬦ᭄ᬢᭀᬧᬥᬓᬓᬩᬬᬦ᭄᭞ᬤᬶᬦᬢᬳᬾᬧᬕᬸᬮᬶᬮᬶᬂ᭞ᬳᬶᬗ᭄ᬕᬶᬄᬧᬸᬦᬶᬓᬲᬂᬓᬢᭀᬂ᭞ᬫᬶᬯᬄᬧ᭄ᬭᬫᬶᬰ᭄ᬯᬭᬶ [ 32 ][᭓᭑ 31B]
᭓᭑
ᬭᬢᬸᬸ᭞ᬭᬦ᭄ᬢ᭄ᬢᭂᬦ᭄ᬳ᭄ᬳᬚᬶᬶᬫᬳᬤᬾᬯ᭄ᬬ᭞ᬲᬫᬶᬶᬲᭂᭂᬤᬶᬶᬶᬄᬓᬗᭂᭂᬦ᭄ᬭᬶᬂᬘᭀᬓᭀᬃᬳᬶᬶᬤᬾᬯᬵ᭟ᬭᬳᬤᬾᬦ᭄ᬫ᭄ᬫᬦ᭄ᬢ᭄ᬢ᭄ᬭᬶᬲᭂᭂᬫᬸᬸᬓᬕ᭄ᬬᬢ᭄᭞ᬫᬲ᭄ᬭᭀᬤ᭄ᬢᬸᬳᬸᬦ᭄ᬜᬕ᭄ᬚᬕᬶᬦ᭄᭞ᬓᬢᭀᬦ᭄ᬕᬸᬭᬸᬦᬾᬫᬜ᭄ᬚᭂᬫ᭄ᬧᬂ᭞ᬲᬫᬶᬧᬥᬫᬢᬸᬭᬸᬩᬸᬄ᭞ᬭᬳᬦ᭄ᬫᬾᬦ᭄ᬢ᭄ᬭᬶᬳᬗᬸᬘᬧ᭄᭞ᬲᬳᬸᬃ
ᬭᬭᬶᬲ᭄ᬭᬤᬾᬦ᭄ᬤᬾᬯᬶᬫᬜᬕ᭄ᬚᬕ᭄᭟ᬤᬸᬸᬄᬤᬾᬯᬵᬕᬸᬲ᭄ᬢᬶᬇᬩᬧ᭞ᬳᬶᬤᬸᬧ᭄ᬲᬚᬦᬦᬓ᭄ᬕᬸᬲ᭄ᬢᬶ᭞ᬧ᭄ᬭᬫᬶᬰ᭄ᬯᬭᬶᬫᬢᬸᬸᬃᬳᬮᭀᬦ᭄᭞ᬤᬸᬸᬄᬳᬶᬤᬾᬯᬵᬲᬂᬳᬬᬸ᭞ᬳᬫ᭄ᬧᬸᬭᬭᬓᬦ᭄ᬳᬶᬤᬾᬯᬵ᭞ᬤᬳᬢ᭄ᬲᬶᬲᬶᬧ᭄ᬫᬓᬫ᭄ᬯᬄᬕᬸᬭᬸᬮᬦ᭄ᬳᬶᬩ᭄ᬬᬂ᭟ᬲᬂᬧ᭄ᬭᬪᬸᬮᬦ᭄ᬧ᭄ᬭ
ᬫᬶᬰ᭄ᬯᬭ᭞ᬫᬢᬓᬾᬦ᭄ᬭᬶᬂᬭᬳᬤᬾᬦ᭄ᬤᬾᬯᬶ᭞ᬓᬾᬦ᭄ᬓᬾᬦ᭄ᬫᬶᬫᬶᬢᬦᬾᬋᬓᭀ᭞ᬫᬃᬕᬦ᭄ᬳᬶᬤᬾᬯᬵᬦᬾᬭᬳᬸᬸᬄᬫᬦ᭄ᬤᬸᬂᬓᬧ᭄ᬯᬇᬓᬢᬫᬦ᭄᭞ᬯᭀᬂᬧᬸᬦᬧᬶᬭᬸᬧᬦᬾᬢᭀᬂᬳᬤᬧᬥ᭟ᬭᬳᬤᬾᬦ᭄ᬧᬜ᭄ᬘᬃᬘᬶᬡᬫᬸᬭᬢ᭄᭞ᬳᬢᬸᬭᬾᬳᬲᭂᬫᬸ
ᬢᬗᬶᬲ᭄᭞ᬢᬶᬢ᭄ᬬᬂᬢᬾᬯᭀᬂᬲᬸᬤ᭄ᬭᬵᬋᬓᭀ᭞ᬳᬦᬓᬶᬂᬲᬶᬭᬧᬗᬸᬮᬸ᭞ᬲᬓᬶᬂᬩᬮᬶᬫᬶᬫᬶᬢᬜ᭞ᬫᬗᬸᬗ᭄ᬕᬳᬶᬦ᭄ᬭᬯᬸᬸᬄᬫᬭᬶᬓᬶᬓᬚᬯᬵ᭟ᬤᬳᬫ᭄ᬮᬾᬂᬳᬯᬓ᭄ᬢᬶᬢ᭄ᬬᬂ᭞ᬫᬗᬮᬶᬄᬳᬦᬓᬾᬍᬯᬶᬄ᭞ᬇᬫᬾᬫᬾᬓᭀᬓᬸᬢᬸᬦ᭄ᬕᭀ

[᭓᭒ 32A]
ᬳᭀᬓ᭄᭞ᬳᭀᬭᬾᬳᭀᬭᬾᬢᬾᬜᬦ᭄ᬓᬬᬸ᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬗᬦ᭄ᬤᬶᬓᬵ᭞ᬦᬦᬓ᭄ᬫᬦ᭄ᬢ᭄ᬭᬶᬤᭀᬂᬳᭀᬭᬳᬶᬦ᭄ᬓᬸᬤᬵᬩ᭄ᬬᬂ᭞ᬓᬾᬦ᭄ᬓᬾᬦ᭄ᬩᬶᬓᬲᬾᬦᬾᬲᬸᬩ᭞ᬤᬯᭂᬕ᭄ᬦᬦᬓᬾᬤᬶᬩᬮᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬫᭂᬦᭂᬂᬋᬓᭀ᭞ᬤᬾᬤᬸᬓᬸᬄᬫᬗ᭄ᬓᬾᬳᬸᬫᬢᬸᬃ᭞ᬫ
ᬗ᭄ᬓᬶᬦ᭄ᬢᬶᬢ᭄ᬬᬂᬫᬗᬢᬸᬭᬂ᭞ᬤᬸᬓᬧᬫᬃᬕᬶᬦ᭄ᬭᬳᬤ᭄ᬬᬦ᭄ᬳᬦᬓ᭄ᬳᬶᬤᬾᬯᬵ᭟ᬲᬧᬸᬦᬶᬓᬶᬧᬭᬶᬓᬦ᭄ᬤᬵ᭞ᬧᬸᬦᬶᬓᬶᬲᬂᬳᬬᬸᬍᬯᬶᬄ᭞ᬳᭀᬓᬦ᭄ᬳᬶᬤᬾᬯᬵᬧᬸᬦᬶᬓᬵ᭞ᬳᭀᬓᬦ᭄ᬧ᭄ᬭᬩ᭄ᬯᬶᬂᬩᬮᬶᬇᬓᬸ᭞ᬢᬢᬕᭀᬦ᭄ᬳᬶᬢ᭄ᬮᬸᬕ᭄ᬢᬕ᭄ᬳᬸᬬᬂ᭞ᬩ᭄ᬭᬸᬂᬫᬮᬶᬮᬶᬤ᭄ᬤᭀᬦᬶᬂᬲᬂᬳ
ᬬᬸᬳᬧᬸᬲᬂ᭟ᬫᬦᬸᬢᬸᬕ᭄ᬳᬦᬓ᭄ᬳᬶᬤᬾᬯᬵ᭞ᬧᬲᬶᬄᬳᬾᬫᬦ᭄ᬤᬤᬶᬫᬃᬕᬶ᭞ᬢᬦ᭄ᬯᬾᬦ᭄ᬢᬦ᭄ᬫᬦᬸᬗ᭄ᬕᬂᬧᬮ᭄ᬯ᭞ᬬᬾᬄᬧᬲᬶᬳᬾᬧ᭄ᬬᬓ᭄ᬲᬫ᭄ᬧᬸᬦ᭄᭞ᬲᬢᭂᬓᬦ᭄ᬭᬶᬂᬚᬯᬵ᭞ᬭᬳᬤᬾᬦ᭄ᬤᬾᬯᬶᬫᬭᬃᬬ᭄ᬬᬦ᭄ᬲᬾᬃᬭᬶᬂᬓᬢᬧᬂ᭟ᬢᬸᬫᬸᬮ᭄ᬬᬗᭀᬚᭀᬕ᭄ᬭᬶᬂᬓᬸ
ᬩ᭄ᬬᬦ᭄᭞ᬫᬗᬮᬧ᭄ᬳᬸᬘᬸᬮ᭄ᬳᬸᬦ᭄ᬤᬶᬲ᭄᭞ᬩᬗᬦ᭄ᬜᬦᬾᬫᬗᬺᬫ᭄ᬧᬬᬓ᭄᭞ᬜᬮᬶᬫᬸᬃᬓᬬᬸᬦ᭄‌ᬲᬂᬳᬬᬸ᭞ᬩᬦᬾᬢᭀᬂᬫᬦᬯᬂᬫᬃᬕ᭞ᬲᬃᬯ᭄ᬯᬶᬗᬦ᭄ᬢᬶᬭᬳᬤᬾᬦ᭄ᬫᬦ᭄ᬢ᭄ᬭᬶᬳᬶᬭᬶᬓ᭟ᬲᬕᬾᬢ᭄ᬭᬯᬸᬄᬓᬓᬵᬧᬸᬦ᭄ᬢᬵ᭞ᬦᭂᬗ᭄ᬓᭂᬚᬸᬢᬂ [ 33 ][᭓᭒ 32B]
᭓᭒
ᬧᬂᬳᬚ᭄ᬭᬶᬄ᭞ᬫᬸᬜᬶᬦ᭄ᬳᬶᬧᬸᬦ᭄ᬢᬵᬦᬾᬩᬗ᭄ᬕ᭄ᬭᬲ᭄᭞ᬓᬗ᭄ᬕᭂᬄᬫᬮᬶᬂᬫᬳᬶᬗᬤᬸᬓ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬭᬭᬶᬲ᭄ᬳᬦ᭄ᬤᬶᬓᬵᬜᬦ᭄ᬤᬓ᭄᭞ᬭᬳᬤᬾᬦ᭄ᬤᬾᬯᬶᬲᬋᬂᬫᬦ᭄ᬢᬸᬓ᭄ᬫᬭᬶᬂᬢᬫᬦ᭄᭟ᬲᬧᬸᬦᬶᬓᬧᬭᬶᬓᬦ᭄ᬤᬵ᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬳᬦᬗᬶᬲ᭄᭞ᬫᬦᬫ᭄ᬩᬸᬢ᭄ᬳᬶᬤᬲᬂ
ᬤᬾᬯ᭄ᬬ᭞ᬤᬸᬄᬤᬾᬯᬵᬦ᭄ᬫᬾᬫᬾᬦᬾᬳᬬᬸ᭞ᬫ᭄ᬬᬦᬓ᭄ᬫᬾᬫᬾᬓᭀᬳᬶᬤᬾᬯᬵ᭞ᬓᬤᬶᬭᬢᬶᬄᬫᬗᬮᬗᬶᬦ᭄ᬲᬩ᭄ᬯᬦᬵ᭞ᬤᬸᬄᬫᬾᬫᬾᬫᬮᬓᬸᬲᬮᬄ᭞ᬫᬸᬜᬶᬦ᭄ᬫᬾᬫᬾᬓᬤᭀᬂᬧᭂᬮᬶᬄ᭞ᬳᬫ᭄ᬧᬸᬭᬫᬾᬫᬾᬲᬂᬤ᭄ᬬ᭞ᬲᬲᬢ᭄ᬳᬶᬤᬾᬯᬵᬫᬲ᭄ᬓᬮᬸᬂ
ᬫᬜᬸᬧᬢ᭄ᬫᬾᬫᬾᬤᬶᬓᬯᬄ᭞ᬦᬾᬦᬾᬚᬦᬶᬧᬜ᭄ᬚᬓᬂᬭᬓᬦ᭄ᬳᬶᬤᬾᬯᬵ᭟ᬲᬂᬦᬵᬢ᭄ᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬤᬸᬄᬤᬾᬯᬵᬦ᭄ᬩᬧᬦᬾᬫᬡᬶᬓ᭄᭞ᬇᬩᬕᬸᬲ᭄ᬓᭀᬤᬦᬾᬲᬮᬄ᭞ᬢ᭄ᬯᬭᬫᬗᭀᬭᬳᬂᬫᬦ᭄ᬢᬸᬓ᭄᭞ᬤᬦᬾᬧᬸᬮᬶᬄᬧᬸᬢ᭄ᬭᬶᬫᭂᬮᬄ᭞ᬲᬓᬾᬂ
ᬩᬮᬶᬤᭀᬦᬶᬂᬇᬩᬸᬦ᭄ᬦᬦᬓ᭄ᬲᬮᬄ᭟ᬳᬫ᭄ᬧᬸᬭᬬᬂᬤᬾᬯᬵᬩᬧ᭞ᬤᬦᬸᬳᬸᬓᬂᬳᬢᬶᬩ᭄ᬭᬗ᭄ᬢᬶ᭞ᬤᬾᬦᬶᬂᬧᬥᬓᬢᬦ᭄ᬤ᭄ᬭᬸᬄᬳᬦ᭄᭞ᬬᬦ᭄ᬢᬯᬂᬩᬧᬳ᭄ᬬᬬᬸ᭞ᬚᭂᬫ᭄ᬧᬡᬫᬲᬾᬫᬫᬧᬕ᭄᭞ᬢᬸᬃᬭᬶᬂᬩᭂᬤᬶᬮ᭄‌ᬧᬜ᭄ᬚᬓᬾᬫᬧᬦ᭄ᬢᬧᬦ᭄ᬢ᭞

[᭓᭓ 33A]
ᬭᬳᬤᬾᬦ᭄ᬤᬾᬯᬶᬳᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬂᬳᬚᬶ᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬳᬸᬕᬶᬫᬾᬗᭀᬃ᭞ᬯᬶᬭᬾᬄᬢᬶᬢ᭄ᬬᬂᬗᬾᬩᬮᬶᬕᬸᬦ᭄᭞ᬗᬸᬗ᭄ᬕᬳᬶᬦ᭄ᬓᬕᬸᬫᬶᬚᬯᬵ᭞ᬤᬳᬢ᭄ᬫᬶᬲ᭄ᬓᬶᬦ᭄ᬭᬢᬸᬦᬶᬱ᭄ᬝᬓᬧᭀᬢᬶᬢ᭄ᬬᬂ᭟ᬦᬗᬶᬂᬩᭀᬬᬲᬤ᭄ᬬᬦ᭄ᬢᬶᬢ᭄ᬬᬂ᭞ᬫᬗᬮᬶᬄᬇᬩᭂᬮᬶᬫᬦ᭄ᬢ᭄ᬭᬶ᭞
ᬲᬤ᭄ᬬᬦ᭄ᬤᬦᬾᬗᬚᬓ᭄ᬢᬶᬢ᭄ᬬᬂ᭞ᬲᬤᬯᭂᬕ᭄ᬤᬦᬾᬦᬾᬓᬦ᭄ᬢᬸ᭞ᬲᬸᬦ᭄ᬓᬦ᭄ᬫᬗ᭄ᬯᬗ᭄ᬲᬸᬮᬂᬳ᭄ᬭᬄ᭞ᬢᬶᬢ᭄ᬬᬂᬭᬭᬶᬲ᭄ᬓᬧᬗᬦ᭄ᬤᬶᬓᬬᬂᬜᭂᬫ᭄ᬩᬃ᭟ᬲᬧᬸᬦᬶᬓᬓᬦ᭄ᬤᬦ᭄ᬢᬶᬢ᭄ᬬᬂ᭞ᬤᬯᭂᬕ᭄ᬢᬶᬢ᭄ᬬᬗᬾᬭᬶᬂᬩᬮᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬲᭂᬫᬸᬳᬶᬘ᭄ᬙ᭞ᬫᬶᬋᬗᬂᬢᬸᬢᬸᬃᬲᬂᬳᬬᬸ᭞ᬳᬶᬗᭂᬢ᭄ᬢᭂ
ᬓᬦ᭄ᬧᬳᬶᬗᭂᬢᬦ᭄᭞ᬓᭂᬜᬶᬂᬓᭂᬜᬶᬂᬲᬂᬦᬵᬢ᭄ᬣᬭᬭᬶᬲ᭄ᬗᬦ᭄ᬤᬶᬓᬵ᭟ᬳᬬᬸᬳᬫ᭄ᬧᬸᬭᬚ᭄ᬯᬩᬧ᭞ᬮᬦ᭄ᬩᬶᬩᬶᬦ᭄ᬤᬾᬯᬵᬦᬾᬲᬫᬶ᭞ᬭᬳᬤᬾᬦ᭄ᬤᬾᬯᬶᬩᭂᬗᭀᬂᬩᭂᬗᭀᬂ᭞ᬦᬶᬩᬬᬦ᭄ᬲᬗ᭄ᬕᬶᬢ᭄ᬳ᭄ᬬᬭᬯᬸᬄ᭞ᬦᬶᬧᬲᬶᬭᬦ᭄ᬲᬋᬂᬧ᭄ᬭᬧ᭄ᬢ᭞ᬫᬗᬢᬸᬭᬶᬦ᭄ᬭᬤᬾᬦ᭄ᬤᬾ
ᬯᬶᬫᬕᬕᬡ᭄ᬥᬦ᭄᭟ᬤᬾᬯᬵᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬓᬤᬶᬓᬳᬸᬚᬦᬦ᭄ᬫᬡᬶᬓ᭄᭞ᬢᬶᬢ᭄ᬬᬂᬤᬶᬢᭂᬗᬳᬶᬂᬫᬃᬕᬶ᭞ᬲᬜᭂᬦᭂᬂᬳᬶᬤᬾᬯᬵᬭᬢᬸ᭞ᬬᬾᬦ᭄ᬭᬢᬸᬤᬸᬭᬸᬲ᭄‌ᬦᬾᬯᬢ᭞ᬢᬶᬢ᭄ᬬᬂᬫᬢᬶᬲᬢᬶᬩᬢᬶᬩᬦᬶᬂᬧᬭᬦ᭄᭟ᬲᬂᬧ᭄ᬭ [ 34 ][᭓᭓ 33B]
᭓᭓
ᬤᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬲᬶᬭᬰ᭄ᬭᬶᬧ᭄ᬭᬫᬶᬰ᭄ᬯᬭᬶ᭞ᬓᭂᬫᬢᬸᬦ᭄ᬤᬾᬦᬂᬓᬚ᭄ᬭᭀ᭞ᬗᬯᬾᬦᬂᬧᬥᬲᬲᬬᬸᬢ᭄᭞ᬚᭂᬭᬶᬫ᭄ᬧᭂᬦ᭄ᬧᬥᬕᬯᬾᬦᬂ᭞ᬗ᭄ᬤᬾᬦ᭄ᬫᬗᬗ᭄ᬕᬶᬄᬤᬸᬭ᭄ᬯᬦ᭄ᬳᬾᬧᬂᬕᬳᬾᬦᬂ᭟ᬲᬲᬬᬸᬢᬾᬲᬫ᭄ᬧᬸᬦ᭄ᬧ᭄ᬭᬕᬢ᭄᭞ᬮᬯᬸᬢᬂᬓᬢᬫᬦ᭄ᬲ
ᬭᬶ᭞ᬳᬢᬸᬭᬶᬦ᭄ᬰ᭄ᬭᬶᬧ᭄ᬭᬫᬶᬰ᭄ᬯᬭ᭞ᬢᬦ᭄ᬯᬡᬶᬓᬢᬄᬲᬫᬬᬸᬢ᭄᭞ᬧ᭄ᬭᬫᬶᬰ᭄ᬯᬭᬶᬕ᭄ᬮᬶᬲ᭄ᬗᬦ᭄ᬤᬶᬓᬵ᭞ᬲᬗᬧᬲᬶᬄᬦᬾᬲᬲᬬᬸᬢᬾᬤᬩ᭄ᬤᬩᬂ᭟ᬦᬾᬤᬸᬓᬸᬄᬭᬭᬶᬲ᭄ᬦᬩ᭄ᬤᬩᬂ᭞ᬦᬶᬗ᭄ᬓᬳᬂᬲᬲᬬᬸᬢ᭄ᬲᬫᬶ᭞ᬦᬾᬤᬸᬓᬸᬄᬳᬸᬫᬢᬸᬃᬳᬮᭀᬦ᭄᭞ᬳᭂᬤᬫ
ᬓ᭄ᬮᭀᬤᬾᬤᬸᬓᬸᬄ᭞ᬫᬳᬶᬫᬸᬮᬶᬄᬓᬦᭂᬕᬭ᭞ᬜᭂᬦᭂᬂᬧᬢᬶᬄᬲᬓᬤᬗᬾᬧᬥᬳᬚᬓ᭄᭟ᬦᬾᬤᬸᬓᬸᬄᬚᬦᬶᬫᬚᬮᬦ᭄᭞ᬢᬦ᭄ᬓᬘᬭᬶᬢᬭᬶᬂᬫᬃᬕᬶ᭞ᬦᬶᬕᬮᬸᬄᬮᬶᬫ᭄ᬩᬸᬃᬓᭀᬘᬧ᭞ᬫᬗᬢᬶᬳᬢᬶᬲᬂᬩᬕᬸᬲ᭄᭞ᬫᬓ᭄ᬮᭀᬦᬦᬾ
ᬦᬶᬫᬦ᭄᭞ᬢ᭄ᬯᬭᬫᬸᬮᬶᬄᬳᬧᬓᭀᬚᬦᬶᬫᬓᬤ᭟ᬦᬶᬕᬮᬸᬄᬮᬶᬫ᭄ᬩᬸᬃᬗᬦ᭄ᬤᬶᬓᬵ᭞ᬢᭂᬓᬾᬦ᭄ᬓᬯᬸᬮᬦᬾᬲᬫᬶ᭞ᬓᭂᬫᬓᬾᬳᬶᬩᬓᬢᬫᬦ᭄᭞ᬳᬢᬸᬭᬶᬦ᭄ᬳᬶᬩ᭄ᬮᬶᬩᬕᬸᬲ᭄᭞ᬫᬗ᭄ᬤᬾᬤᬦᬾᬕ᭄ᬮᬶᬲ᭄ᬧ᭄ᬭᬧ᭄ᬢ᭞ᬳᬚᬓ᭄ᬫᬸᬮᬶᬄ

[᭓᭔ 34A]
ᬓᬳᬶᬗᬦ᭄ᬢᬶᬤᬶᬢᬫᬦ᭄᭟ᬳᬢᬸᬭᬂᬳᬶᬭᬓᬵᬓᬮᬭᬦ᭄᭞ᬦᬾᬩᬲᬂᬳᬶᬭᬦᬾᬲᬓᬶᬢ᭄᭞ᬓᬾᬢᭀᬓᭂᬫᬓᬾᬳᬢᬸᬭᬂ᭞ᬢᬸᬫᬸᬮᬶᬄᬚᬦᬶᬮᬸᬫᬓᬸ᭞ᬢᬦ᭄ᬓᬯᬃᬡᬢᬭᬶᬂᬫᬃᬕ᭞ᬓᭀᬘᬧ᭄ᬚᬦᬶᬇᬳᬸᬢᬸᬲᬦ᭄ᬦᭂᬓᭂᬤ᭄ᬤᬶᬢᬫᬦ᭄᭞ᬫᬢᬸᬃᬭᬢᬸ
ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬭᬳᬶᬦ᭄ᬳᬶᬤᬾᬯᬦᬾᬗᬢᬸᬭᬶᬦ᭄᭞ᬕ᭄ᬮᬶᬲᬂᬤᬾᬯᬵᬫᬫᬃᬕ᭞ᬭᬳᬶᬦ᭄ᬳᬶᬤᬾᬯᬵᬦᬾᬓᬦ᭄ᬢᬸ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬢᬦ᭄ᬧᬗᬸᬘᬧ᭄᭞ᬓᬗ᭄ᬕᭂᬓ᭄ᬫᬗ᭄ᬓᬶᬦ᭄‌ᬩᭂᬗᭀᬂᬕᬯᭀᬓ᭄ᬫᬗᬦ᭄ᬢᭂᬦᬂ᭟ᬳᬸᬢᬸᬲᬦᬾᬫᬮᬶᬧᭂᬢᬦ᭄᭞ᬢᬦ᭄ᬓᬘᬭᬶ
ᬢᬭᬶᬂᬫᬃᬕᬶ᭞ᬲᬸᬩᬢᭂᬓᭂᬤ᭄ᬬᬤᬶᬚ᭄ᬭᭀ᭞ᬳᬸᬢᬸᬲᬦᬾᬚᬦᬶᬫᬢᬸᬃ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬓᬲᬯᬸᬭᬦ᭄᭞ᬭᬓᬦ᭄ᬕᬸᬲ᭄ᬢᬶᬳᬶᬤᬗᬦ᭄ᬤᬶᬓᬧᬸᬢ᭄ᬭᬶᬫᭂᬮᬄ᭟ᬦᬶᬕᬮᬸᬄᬮᬶᬫ᭄ᬩᬸᬃᬳᬮᬭ᭞ᬫᬦᬗᬶᬲ᭄ᬫᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞ᬢᬸᬫᬸᬮᬶᬳᬗᬸᬘᬧ᭄ᬳ
ᬮᭀᬦ᭄᭞ᬰ᭄ᬭᬸᬡᬶᬓᭂᬫᬚᬦᬶᬢᬸᬳᬸᬦ᭄᭞ᬓᬧᬩᬾᬬᬦ᭄ᬗᬮᬶᬄᬕᬸᬡ᭞ᬢᭂᬓᬾᬦ᭄ᬫᬮᬶᬫ᭄ ᬓᭀᬘᬧ᭄ᬬᬋᬓᭀᬫᬗᭂᬮᬄ᭞ᬦᬾᬫᬳᬶᬤ᭄ᬯᬂᬓᭂᬢᬶ᭟ᬇᬰ᭄ᬭᬸᬡᬶᬚᬦᬶᬫᬚᬮᬦ᭄᭞ᬢᬦ᭄ᬓᬘᬭᬶᬢᬭᬶᬂᬳ᭄ᬦᬸ᭞ᬲᬸᬩᬢᭂᬓᭂᬤ᭄ᬤᬶ [ 35 ][᭓᭔ 34B]
᭓᭔
ᬧᬩᬾᬬᬦ᭄᭞ᬢᭂᬓᬾᬦ᭄ᬫᬮᬶᬫ᭄‌ᬤᬶᬢᬸᬮᬳᬸᬢ᭄ᬫᬓᬭᬹᬡ᭟ᬇᬲᬸᬩᬦ᭄ᬤᬃᬭᬭᬶᬲ᭄ᬗᬸᬘᬧ᭄᭞ᬳᬧᬘᬭᬶᬚ᭄ᬭᬾᬓ᭄ᬫᬭᬶ᭞ᬩᬭᬗ᭄ᬓᬮᬶᬳᬤᬧᭂᬃᬮᬸᬜ᭞ᬇᬰ᭄ᬭᬸᬡᬶᬮᬦ᭄ᬢᬲ᭄ᬫᬲᬳᬸᬢ᭄᭞ᬲᬬᬓᬧᬗᬦ᭄ᬤᬶᬓᬬᬂᬲᬤ᭄ᬬᬫ᭄ᬳᬶᬲᬬᬗᬦ᭄ᬢ᭄ᬬᬂᬗᬮᬶᬄ
ᬕᬸᬡ᭟ᬓ᭄ᬭᬡᬳᬶᬤᬦᬸᬫ᭄ᬩᬲ᭄ᬕᬸᬡ᭞ᬳᬶᬤᬢᬫ᭄ᬧᭀᬭᬢᬂᬭᬩᬶ᭞ᬭᬩᬶᬦᬾᬲᬳᬶᬤᬶᬢᬫᬦ᭄᭞ᬢᭀᬲᬗ᭄ᬓᬦ᭄ᬲᬬᬓᬳᬸᬢᬸᬲ᭄᭞ᬫᬗᬮᬶᬄᬕᬸᬡᬦᬾᬫᭂᬮᬄ᭞ᬤᬶᬤ᭄ᬯᬂᬓᭂᬢᬶᬳᬧᬂᬚᬦᬶᬲᬬᬗᬩ᭟ᬭᬓᬦᬾᬓᬤᬸᬂ
ᬓᬾᬦᬓᬦ᭄᭞ᬩᬦ᭄ᬳᬦᬓ᭄ᬳᬸᬮᬶᬤᬶᬩᬮᬶ᭞ᬢ᭄ᬯᬭᬳᬤᬗ᭄ᬮᬤᬶᬦ᭄ᬧᬩᬶᬦᬦ᭄᭞ᬲᬳᬶᬲᬳᬶᬢᭀᬓᬳᭂᬫ᭄ᬧᬸ᭞ᬫᭀᬫᭀᬦᬾᬤᬢ᭄ᬯᬭᬤᬢᬸᬦᬵ᭞ᬢᬸᬫ᭄ᬩᬾᬦ᭄ᬫᬳᬶᬤᬶᬚᬸᬫᬳᬾᬢ᭄ᬯᬭᬦᬯᬂ᭟ᬓᬾᬢᭀᬫᬸᬮᬧᬤᬩ᭄ᬤᬩᬾ᭞
ᬢᭀᬫᬓ᭄ᬭᬡᬦ᭄ᬳᬶᬤᬦᬾᬩ᭄ᬭᬗ᭄ᬢᬶ᭞ᬇᬕᬮᬸᬄᬮᬶᬫ᭄ᬩᬸᬃᬢᬦ᭄ᬧᭂᬕᬢ᭄᭞ᬇᬲᬸᬩᬦ᭄ᬤᬃᬩ᭄ᬯᬶᬦ᭄ᬫᬲᬳᬸᬢ᭄᭞ᬕᬸᬡᬲᬸᬤᬵᬩᬶᬲ᭄ᬳᬫ᭄ᬩᬶᬮ᭄ᬜ᭞ᬘᬸᬫᬧ᭄ᬭᬯᬦ᭄ᬮᬶᬫ᭄ᬩᬸᬃᬇᬢᬸᬲᬸᬤᬄᬩᬯᬳᬦ᭄᭟ᬓᭀᬘᬧ᭄ᬳᬶᬰ᭄ᬭᬸᬡᬶᬩᬸᬤᬮ᭄᭞

[᭓᭕ 35A]
ᬢᬦ᭄ᬓᬘᬭᬶᬢᬭᬶᬂᬫᬃᬕᬶ᭞ᬢᬦ᭄ᬧᭂᬕᬢ᭄ᬲᭂᬤᬶᬄᬤᬶᬚᬮᬦ᭄᭞ᬯᬸᬲ᭄ᬭᬯᬸᬄᬭᬶᬂᬚ᭄ᬭᭀᬓᬤᬢᬸᬦ᭄᭞ᬫᬸᬜᬶᬦ᭄ᬫᬮᬶᬫᬾᬳᬢᬸᬭᬂ᭞ᬤᬾᬯᬵᬕᬸᬲ᭄ᬢᬶᬕᬸᬡᬧᬸᬦᬶᬓᬯᬸᬲ᭄ᬢᭂᬮᬲ᭄᭟ᬘᭀᬓᭀᬃᬳᬶᬤᬾᬯᬵᬦᭂᬮᬲᬂ᭞ᬕᬸᬡᬦ᭄ᬳᬶᬩᬦ᭄ᬤᬭᬾᬲᬫᬶ᭞ᬲᬫ᭄ᬧᬸᬦ᭄ᬲᬫᬶ
ᬓᬳᬢᬸᬭᬂ᭞ᬦᬶᬮᬶᬫ᭄ᬩᬸᬃᬫᭂᬦᭂᬂᬢᬦ᭄ᬲᬳᬸᬃ᭞ᬦᬶᬕᬮᬸᬄᬮᬶᬫ᭄ᬩᬸᬃᬜᭂᬤᬶᬳᬂ᭞ᬗᬸᬫ᭄ᬩ᭄ᬭᬲ᭄ᬳᬫ᭄ᬩ᭄ᬭᬶᬲ᭄ᬢᬦ᭄ᬳᬸᬭᬸᬂᬳᬯᬓᬾᬭᬸᬲᬓ᭄᭟ᬢᬦ᭄ᬓᭀᬘᬧᬦ᭄ᬤᬶᬚ᭄ᬭᭀᬧᬸᬭ᭞ᬓᭀᬘᬧ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬓᬮᬯᬦ᭄ᬲᬂᬓᬢᭀᬂ᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬳᬫᬸᬯᬸᬲ᭄᭞
ᬩᭂᬲ᭄ᬲᬸᬯᬾᬦᬦᬓ᭄ᬭᬶᬂᬢᬫᬦ᭄᭞ᬲᬂᬦᬵᬢ᭄ᬣᬳᬗᭂᬮᬶᬂ᭞ᬦᬦᬓ᭄ᬤᬾᬯ᭄ᬬᬤᬾᬯᬦ᭄ᬩᬧ᭞ᬦᬸᬦᬲ᭄ᬫᬦ᭄ᬢᬸᬓ᭄ᬓᬦᬕᬭ᭞ᬫᬫᬸᬓ᭄ᬢᬶᬤᬶᬚ᭄ᬭᭀᬧᬸᬭᬶ᭞ᬓᬗ᭄ᬕᬾᬦ᭄ᬳᬶᬫᬶᬭᬄᬫᬫᬶᬓᬲ᭄᭞ᬫᬗ᭄ᬭᬯᭀᬲᬶᬜ᭄ᬚ᭄ᬭᭀᬦᬕᬭᬦ᭄ᬢᬸᬦ᭄᭞ᬭᬳᬤᬾᬦ᭄ᬤᬾᬯᬶ
ᬫᬢᬸᬃᬲᭂᬫ᭄ᬩᬄ᭞ᬕᬸᬭᬸᬳᬚᬶᬩᬗ᭄ᬕᬬᬂᬢᬶᬢ᭄ᬬᬂᬭᬶᬂᬢᬫᬦ᭄᭟ᬢᬶᬢ᭄ᬬᬂᬢᭂᬮᬲᬶᬂᬫᬫᬶᬦ᭄ᬤᬄ᭞ᬯᬶᬭᬾᬄᬢᬶᬢ᭄ᬬᬂᬚᬤ᭄ᬫᬶᬫᬶᬲ᭄ᬓᬶᬦ᭄᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬲᭂᬫᬸᬚᭂᬗᬄ᭞ᬳᬶᬫ᭄ᬩᬶᬄᬫᬸᬜᬶᬦᬾᬓᬤᬸᬭᬸᬲ᭄᭞ᬚᬦᬶᬳᬶᬤᬗᬮᬶᬄᬪᬬ᭞ [ 36 ][᭓᭕ 35B]
᭓᭕
ᬗᭂᬫ᭄ᬩᬦ᭄ᬫᬳᬶᬦᬾᬢᬾᬚᬦᬶᬤᬶᬗᭂᬳᬂ᭟ᬓᭂᬫᬳᬮ᭄ᬬᬂᬧᬳᬾᬓᬦ᭄᭞ᬇᬮᬶᬫ᭄ᬩᬸᬃᬳᬧᬂᬳᬫᬢᬶ᭞ᬓᭂᬫᬳᬶᬩᬓᬾᬳᬚᬓᬂ᭞ᬢᭂᬓᬾᬦ᭄ᬳᬤᭂᬫᬂᬢᬸᬫᭂᬗ᭄ᬕᬸᬂ᭞ᬳ᭄ᬬᬳᬚᬓ᭄ᬗᬮᬶᬄᬪᬬ᭞ᬳᬧᬂᬲᬶᬮᬶᬩ᭄ᬫᬭᬾᬦ᭄ᬢᬄᬳᬦᬓᬾᬩᬶᬱ᭞ᬇᬗᭂᬫ᭄ᬩᬜ᭄ᬚ
ᬦᬶᬫᬚᬮᬦ᭄᭞ᬢᬦ᭄ᬓᬘᬭᬶᬢᬭᬶᬂᬫᬃᬕᬶ᭞ᬲᬸᬩᬢᭂᬓᭂᬤ᭄ᬤᬶᬩᬜ᭄ᬘᬶᬗᬄ᭞ᬓᬧᬗ᭄ᬕᬶᬄᬢᭂᬓᬾᬦ᭄ᬢᬸᬫᭂᬗ᭄ᬕᬸᬂ᭞ᬇᬥ᭄ᬫᬂᬤᬶᬢᬸᬲᬋᬗᬦ᭄᭞ᬗᭂᬫ᭄ᬩᬦ᭄ᬗᭂᬮᬶᬂᬢᬶᬢ᭄ᬬᬂᬓᬧᬗᬦ᭄ᬤᬶᬓᬬᬂ᭟ᬲᬢᬶᬗ᭄ᬓᬄᬲᬫ᭄ᬧᬸᬦ᭄ᬓᬢᬸᬭᬂ᭞ᬇᬥ᭄ᬫᬂᬢᬸᬫᭂᬗ᭄ᬕᬸᬂᬳᬗᭂᬮᬶᬂ᭞
ᬓᭂᬫᬓᬾᬜᬳᬶᬓᬚ᭄ᬭᭀ᭞ᬬᬾᬦ᭄ᬜᬓ᭄ᬢᭂᬧᬸᬓ᭄ᬳᬶᬮᬶᬫ᭄ᬩᬸᬃ᭞ᬢᭂᬓᭂᬤ᭄ᬤᬶᬢᬸᬤᬲᬧᬜ᭞ᬦᬾᬦᬾᬚᬦᬶᬳᬢᬸᬭᬂᬳᬯᬓ᭄ᬓᬮᬭᬦ᭄᭟ᬮᬳᬸᬢ᭄ᬢᭂᬓᭂᬤ᭄ᬤᬶᬚ᭄ᬭᭀᬳᬦ᭄᭞ᬫᬫᬦ᭄ᬗᬦ᭄ᬢᬶᬲᬶᬦ᭄ᬩᬸᬓᬶᬢ᭄᭞ᬮᬳᬸᬢ᭄ᬳᬚᬓ᭄ᬗᬮᬶᬄᬕᬸᬡ᭞
ᬳᭀᬭᬳᬂᬚᬸᬫᬄᬦᬾᬤᬸᬓᬸᬄ᭞ᬤᬦᬾᬗᭂᬮᬄᬕᬸᬡᬫᭂᬮᬄ᭞ᬳᬧᬂᬲᬶᬮᬶᬩ᭄ᬤᬩᬳᬂᬳᬓᬓ᭄ᬫᬦᬯᬂ᭞ᬇᬗᭂᬫ᭄ᬩᬦ᭄ᬬᬓᬚ᭄ᬭᭀᬧᬸᬭ᭞ᬦᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬓᬧᬗ᭄ᬕᬶᬄ᭞ᬦᬶᬮᬶᬫ᭄ᬩᬸᬃᬳᬗᬸᬘᬧ᭄ᬳᬮᭀᬦ᭄᭞ᬇᬗᭂᬫ᭄ᬩᬦ᭄ᬫᬗᬸᬤ

[᭓᭖ 36A]
ᬢᬶᬢ᭄ᬬᬂᬤᬾᬯᬵᬓᬧᬶᬤᬸᬓᬦ᭄᭞ᬢᬸᬃᬓᬢᬶᬕ᭄ᬢᬶᬕ᭄ᬫᬦ᭄ᬢᬸᬓ᭄ᬭᬓᬵᬦ᭄ᬳᬶᬤᬾᬯᬵ᭞ᬳᬶᬤᬾᬯᬵᬓ᭄ᬦᬶᬧᬶᬮᬭ᭞ᬓᬢᭀᬦᬂᬢᬶᬢ᭄ᬬᬂᬭᬶᬂᬯᬃᬡᬶ᭞ᬦᬶᬮᬶᬫ᭄ᬩᬸᬃᬳᬗᬸᬘᬧ᭄ᬳᬮᭀᬦ᭄᭞ᬓ᭄ᬭᬡᬦ᭄ᬳᬶᬭᬓᬦᬾᬲᬸᬗ᭄ᬲᬸᬢ᭄᭞ᬩᭂᬮᬶᬫᬦ᭄ᬢ᭄ᬭᬶᬢ᭄ᬯᬭᬢᭂᬓᬵ᭞ᬳᭂᬗ᭄ᬲᬧᬮᬶᬂᬩᬦ᭄ᬓᬮᬶᬮᬶᬢ᭄ᬕᬸᬡ
ᬫᭂᬮᬄ᭟ᬇᬗᭂᬫ᭄ᬩᬦ᭄ᬳᬮᭀᬦ᭄ᬫᬢᬸᬃ᭞ᬳᬶᬗ᭄ᬕᬶᬄᬕᬸᬲ᭄ᬢᬶᬢᬶᬢ᭄ᬬᬂᬳᬸᬦᬶᬂ᭞ᬧᬸᬢ᭄ᬭᬶᬦᬾᬤᬶᬢᬫᬦ᭄ᬋᬓᭀ᭞ᬩ᭄ᬯᬶᬦ᭄ᬲᬾᬗ᭄ᬓᭀᬓ᭄ᬫᬢᬫ᭄ᬮᬸᬤ᭄᭞ᬩ᭄ᬯᬶᬦ᭄ᬤᬾᬫ᭄ᬧᬵᬢ᭄ᬓᭂᬤᬶᬩᬜ᭄ᬘᬂ᭞ᬕᬸᬩ᭄ᬭᬕ᭄ᬕᬩ᭄ᬭᬶᬕ᭄᭞ᬳᭂᬩᭀᬓᬾᬫᬩᬸᬮᬸᬲᭂᬫᬮ᭄᭞ᬢ᭄ᬯᬭᬫᬫᬤᬳᬶᬤᬾᬯᬵ᭞ᬩ
ᬜ᭄ᬘᬂᬳᬶᬤᬾᬯᬵᬦᬾᬭᬫ᭄ᬧᬶᬂ᭞ᬩᭂᬢᭂᬓᬦ᭄ᬩᬢᬶᬲᬾᬫᬫᬸᬤᬓ᭄᭞ᬘᬶᬡ᭄ᬥᬕᬚ᭄ᬭᬶᬚᬶᬦᬾᬭᬸᬭᬸᬲ᭄᭞ᬍᬗᭂᬦᬾᬫᬸᬲᬸᬂᬳᬫ᭄ᬧᬸᬢᬂ᭞ᬓᭂᬜᬸᬂᬫᬦᬶᬲ᭄ᬳᬮᬶᬲᬾᬫᭂᬤᭀᬦ᭄ᬳᬶᬦ᭄ᬢᬭᬦ᭄᭟ᬲᬸᬲᬸᬦᬾᬩᬸᬓᬜᬸᬄᬥᬡ᭄ᬝ᭞ᬭᭀᬫᬦᬾᬩᭂᬩᭂᬓᬶᬦ᭄ᬕᬶᬕᬶᬃ᭞
ᬫᬗᬗ᭄ᬕᭀᬦᬾᬲᬃᬯ᭄ᬯᬳ᭄ᬫᬲ᭄᭞ᬧ᭄ᬭᬤᬾᬦᬾᬢ᭄ᬯᬭᬓᬧᬸᬧᬸ᭞ᬢᬶᬢ᭄ᬬᬂᬤᬾᬯᬵᬦ᭄ᬤᬶᬗᭂᬄᬳᭀᬃᬢ᭄ᬣ᭞ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄ᬤᬾᬤ?ᬳᬸᬓᬸᬄᬗᭂᬮᬄᬕᬸᬡ᭟ᬦᬗᬶᬂᬢᭀᬂᬤᬕᬶᬂᬲᬕᬺᬳᬦ᭄᭞ᬫᬚᬮᬦ᭄ᬲᬋᬂᬓᬓᬮᬶᬄ᭞ᬦᬶᬮᬶᬫ᭄ᬩᬸᬃᬳᬗᬸᬘᬧ᭄ᬳᬮᭀᬦ᭄᭞ [ 37 ][᭓᭖ 36B]
᭓᭖
ᬓᭂᬦ᭄ᬤᭂᬮ᭄ᬳᬢᬶᬦᬾᬫᬗ᭄ᬭᬸᬗᬸ᭞ᬓᬾᬦ᭄ᬓᬾᬗᭂᬫ᭄ᬩᬦ᭄ᬓᬾᬭᬱᬜ᭞ᬚᬮᬦ᭄ᬳᬮᬶᬄᬳᬧᬂᬢ᭄ᬯᬭᬳᬦᬓ᭄ᬦᬯᬂ᭟ᬦᬗᬶᬂᬓᭀᬘᬧ᭄ᬫᬳᭂᬮ᭄ᬧᬶᬲᬦ᭄᭞ᬓᭀᬘᬧ᭄ᬋᬓᭀᬳᬚᬶᬓᭂᬢᬶ᭞ᬫᬢᬸᬫ᭄ᬩᬲᬾᬳᬸᬮᬶᬄᬳ᭄ᬫᬲ᭄᭞ᬮᬾᬬᬃᬭᬦ᭄ᬳᭂᬫᬲᬾᬮᬸᬯᬸᬂ᭞ᬲᬭᬦᬜᬓᭂᬫ᭄ᬩᬂᬚ᭄ᬦᬃ᭞
ᬲᬶᬂᬓᬳᬮᬶᬄᬢᬦ᭄ᬳᬸᬭᬸᬂᬬᬢᭂᬓ᭟ᬲᬶᬂᬓᭂᬦᭂᬳᬂᬧᬥᬳᬸᬬᬂ᭞ᬫᬗᭂᬦᭀᬢ᭄ᬳᬤᬫᬲ᭄ᬫᬡᬶᬓ᭄᭞ᬩᬸᬓᬩᬸᬮᬦᬾᬧᬸᬃᬡᬫᬵ᭞ᬳᬢᬶᬦ᭄ᬢᬭᬸᬡᬦᬾᬳᬸᬯᬸᬕ᭄᭞ᬉᬮᬗᬸᬦ᭄ᬗᭂᬦᭀᬢ᭄ᬳᬶᬤᬾᬯᬵ᭞ᬲᬸᬩᬧᬮᬶᬂᬕᬸᬡᬦᬾᬓᬮᬗ᭄ᬓᬸᬂᬫᭂᬮᬄ᭟ᬬᬾᬦ᭄ᬲᬶ
ᬢᬶᬢ᭄ᬬᬂᬗᭂᬮᬄᬚᬶᬦᬄ᭞ᬢᬶᬢ᭄ᬬᬂᬫᬦᬳᬸᬃᬳᬓᭂᬢᬶ᭞ᬯᭂᬢᬸᬬᬾᬦ᭄ᬦᬶᬭᬓᬲᬤ᭄ᬬᬦ᭄᭞ᬭᬯᬸᬄᬤᬦᬾᬩ᭄ᬮᬶᬩᬕᬸᬲ᭄᭞ᬩ᭄ᬯᬶᬦ᭄ᬫᬜᬬᬗᬂᬦᬶᬭ᭞ᬳᭂᬫ᭄ᬩᭀᬓ᭄ᬜᬳᬶᬳᬗ᭄ᬕᭀᬦ᭄ᬦᬶᬭᬬᬲ᭄ᬤᬳᬦ᭄᭟ᬦᬶᬗᭂᬫ᭄ᬩᬦ᭄ᬳᬮᭀᬦ᭄ᬫᬢᬸᬃ᭞ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬓᬶᬦ᭄ᬫᬫᬃᬕᬶ᭞ᬜᬾ
ᬜ᭄ᬚᬳᬦ᭄ᬤᬾᬯᬵᬤᬲᬼᬫᬄ᭞ᬧᬚᬮᬦᬾᬳᬧᬂᬲᬭ᭞ᬧᭂᬲᬸᬫᬗᬫ᭄ᬩᬄᬮᬾᬂᬮᬾᬂᬗᬦ᭄᭞ᬦᬾᬦᬾᬫᬗ᭄ᬓᬶᬦ᭄ᬳᬶᬤᬾᬯᬵᬫᬗᬚᬓ᭄ᬢᬶᬢ᭄ᬬᬂ᭟ᬳᬕ᭄ᬮᬶᬲ᭄ᬓᬂᬘᬶᬦᬭᬶᬢ᭄ᬣ᭞ᬲᬸᬩᬧᭂᬢᭂᬂᬫᭂᬦᬾᬓ᭄ᬮᬢ᭄ᬭᬶ᭞ᬦᬶᬮᬶᬫ᭄ᬩᬸᬃᬫᬗ᭄ᬓᬶᬦ᭄ᬳᬗᬸᬘᬧ᭄᭞ᬗᭂᬫ᭄ᬩ

[᭓᭗ 37A]
ᬦ᭄ᬫᬳᬶᬦ᭄ᬤᬾᬦ᭄ᬫᬮᬶᬗ᭄ᬓᬸᬄ᭞ᬧᬜ᭄ᬚᬓᬾᬳᭀᬜᬂᬓᬳᬤᬂ᭞ᬳᭂᬤᬤᬶᬦᬶᬳᭂᬚᭀᬳᬂᬳᬚᬓ᭄᭟ᬫᬳᬶᬗᭂᬫ᭄ᬩᬦ᭄ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄᭞ᬇᬗᭂᬫ᭄ᬩᬦ᭄ᬳᬸᬫᬢᬸᬃᬳᬭᬶᬲ᭄᭞ᬫᬗ᭄ᬓᬶᬦ᭄ᬤᬾᬯᬵᬩ᭄ᬯᬶᬦ᭄ᬳᬩᭀᬲ᭄ᬩᭀᬲ᭄᭞ᬢᬶᬢ᭄ᬬᬂᬤᬾᬯᬵᬓᬭᬶᬫᬜᬸᬄ᭞ᬇᬗᭂᬫ᭄ᬩᬦ᭄ᬭᬭᬶᬲ᭄ᬓᬚᬩ
ᬫᬮᬳᬶᬩ᭄ᬮᬳᬶᬩ᭄ᬓᬢᭂᬧᬸᬓ᭄ᬢᬸᬫᭂᬗ᭄ᬕᬸᬂᬥ᭄ᬫᬂ᭟ᬇᬗᭂᬫ᭄ᬩᬦ᭄ᬭᬭᬶᬲ᭄ᬳᬗᬸᬘᬧ᭄᭞ᬥ᭄ᬫᬂᬢᬸᬫᭂᬗ᭄ᬕᬸᬂᬫᬫᬃᬕᬶ᭞ᬢᬶᬢ᭄ᬬᬂᬫᬫᬃᬕᬶᬤᬲᬼᬫᬄ᭞ᬳᬦ᭄ᬢᬶᬤᬶᬲᬸᬓᬸᬦᬶᬂᬕᬸᬦᬸᬂ᭞ᬇᬮᬶᬫ᭄ᬩᬸᬃᬳᭂᬫ᭄ᬩᬦ᭄ᬳᬶᬗᭂᬫ᭄ᬩᬦ᭄᭞ᬳᬾᬗ᭄ᬕᬮ᭄ᬫᬳᬶᬇᬳᭂᬫ᭄ᬩᬦ᭄ᬲᬕᬾᬢᬦ᭄ᬢᭂᬓᬵ᭟ᬳᬦᬸᬮᬶᬄᬲᬫ᭄ᬧᬸᬦ᭄ᬤᬲᬼᬫᬄ᭞
ᬩᬗᬸᬦ᭄ᬳ᭄ᬬᬮᬦ᭄ᬢᬲ᭄ᬫᬫᬃᬕᬶ᭞ᬢᬦ᭄ᬓᬘᬭᬶᬢᬤᬶᬚᬮᬦ᭄᭞ᬲᬫ᭄ᬧᬸᬦ᭄ᬭᬯᬸᬄᬲᭀᬃᬭᬶᬂᬕᬸᬦᬸᬂ᭞ᬇᬥ᭄ᬫᬂᬢᬸᬫᭂᬗ᭄ᬕᬸᬂᬜᬕ᭄ᬚᬕ᭄᭞ᬗᬸᬦᬸᬲ᭄ᬓ᭄ᬭᬶᬲ᭄ᬭᬭᬶᬲ᭄ᬫᬦᭂᬩᬓ᭄ᬜᬚᬳᬂ᭞ᬇᬮᬶᬫ᭄ᬩᬸᬃᬳᬦᬸᬮᬶᬄᬧᭂᬚᬄ᭞ᬇᬥ᭄ᬫᬂᬢᬸᬫᭂᬗ᭄ᬕᬸᬂᬫᬸᬮᬶᬄ᭞ᬳᬸᬫᬢᬸᬃᬫᬭᬶᬂᬲᬂᬓᬢᭀᬂ᭞ᬢᬸᬫᬸᬮᬶᬄ
ᬳᬦᬸᬮᬶᬄᬭᬯᬸᬄ᭞ᬤᬾᬯᬵᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦ᭄ᬫᬢᬶᬇᬮᬶᬫ᭄ᬩᬸᬃᬭᬶᬂᬢᭂᬗᬄᬳᬮᬲ᭄᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓᬵ᭞ᬭᬶᬂᬳᬶᬤᬰ᭄ᬭᬶᬧ᭄ᬭᬫᬶᬰ᭄ᬯᬭᬷ᭞ᬦᬶᬮᬶᬫ᭄ᬩᬸᬃᬋᬓᬾᬯᬸᬲ᭄ᬧᭂᬚᬄ᭞ᬳᬢᬸᬭᬶᬦ᭄ᬳᬶᬦᬦᬓ᭄ᬕᬮᬸᬄ᭞ᬦᬾᬚᬦᬶᬫᬦ᭄ᬢᬸᬓ᭄ᬓᬧᬸᬭ᭞ [ 38 ][᭓᭗ 37B]
᭓᭗
ᬧ᭄ᬭᬫᬶᬰ᭄ᬯᬭᬶᬫᬧᬫᬶᬢ᭄ᬭᬭᬶᬲ᭄ᬫᬚᬮᬦ᭄᭟ᬓᬧᬗ᭄ᬕᬶᬄᬭᬳᬤᬾᬦ᭄ᬤᬾᬯ᭄ᬬ᭞ᬫᬲᬦ᭄ᬤᬶᬮᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬮ᭄ᬯᬶᬃᬭᬢᬶᬄᬮᬯᬦ᭄ᬳ᭄ᬬᬂᬲᬫᬭ᭟ᬧ᭄ᬭᬫᬶᬰ᭄ᬯᬭᬶᬭᬭᬶᬲ᭄ᬫᬸᬯᬸᬲ᭄᭞ᬦᬦᬓ᭄ᬕᬮᬸᬄᬦᬾᬧᬶᬋᬗᬂ᭞ᬦᬦᬓ᭄ᬫᬦ᭄ᬢ᭄ᬭᬶᬲᬋᬂᬲᬋᬂᬓᬾᬧᬶᬋᬗᬂ᭟ᬦᬸᬦᬲ᭄ᬓᬾᬚᬦᬶᬓᬧᬸᬭ᭞
ᬦᬶᬮᬶᬫ᭄ᬩᬸᬃᬋᬓᬾᬯᬸᬲ᭄ᬫᬢᬶ᭟ᬥ᭄ᬫᬂᬢᬸᬫᭂᬗ᭄ᬕᬸᬂᬜᬾᬤᬬᬂ᭞ᬭᬳᬤᬾᬦ᭄ᬤᬾᬯᬶᬭᬭᬶᬲ᭄ᬳᬸᬫᬢᬸᬃ᭞ᬬᬦ᭄ᬯᬦ᭄ᬢᬄᬇᬮᬶᬫ᭄ᬩᬸᬃᬧᭂᬚᬄ᭞ᬢᬶᬢ᭄ᬬᬂᬗᬶᬭᬶᬂᬲᬦ᭄ᬤᬶᬓᬦ᭄ᬳᬶᬤᬲᬂᬦᬵᬢ᭄ᬣ᭞ᬦᬾᬧᬗ᭄ᬕᬶᬄᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬦᬾᬩ᭄ᬯᬶᬦ᭄ᬧ᭄ᬯᭀᬯᬦ᭄ᬢᬶᬢ᭄ᬬᬂᬗᬶᬭᬶᬂ᭞ᬧ᭄ᬭᬫᬶᬰ᭄ᬯᬭᬶᬩᬸᬤᬮ᭄ᬋ
ᬓᭀ᭞ᬫᬢᬸᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬦᬦᬓ᭄ᬕᬮᬸᬄᬢᬦ᭄ᬳᬃᬱ᭞ᬫᬦ᭄ᬢᬸᬓ᭄ᬫᬗ᭄ᬓᬶᬦ᭄ᬦᬾᬩ᭄ᬯᬶᬦ᭄ᬧᭀᬯᬦ᭄ᬓᬬᬸᬦ᭄ᬩᬸᬤᬮ᭄᭟ᬲᬂᬦᬵᬢ᭄ᬣᬭᬭᬶᬲ᭄ᬗᬦ᭄ᬤᬶᬓᬵ᭞ᬢᬸᬫᭂᬗ᭄ᬕᬸᬂᬓᭂᬫᬓᬾᬫᬸᬮᬶᬄ᭞ᬤᬩ᭄ᬤᬩᬂᬲᬋᬂᬇᬥ᭄ᬫᬂ᭞ᬢᬢᭀᬦ᭄ᬢᭀᬦᬦᬾᬢᭀᬤᬶᬢᬸ᭞ᬚᭀᬕᬾᬤ᭄
ᬯᬬᬂᬧ᭄ᬭᬾᬰᬶᬲᬫ᭄ᬬᬦ᭄᭞ᬲᬃᬯ᭄ᬯᬩᭂᬘᬶᬓ᭄ᬢᬶᬢᭀᬦ᭄ᬢᭀᬦᬦᬾᬳᬤᬬᬂ᭟ᬥ᭄ᬫᬂᬢᬸᬫᭂᬗ᭄ᬕᬸᬂᬫᬢᬸᬃ᭞ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬂᬳᬚᬶ᭞ᬢᬶᬢ᭄ᬬᬂᬫᬧᬫᬶᬢ᭄ᬲᬂᬓᬢᭀᬂ᭞ᬥ᭄ᬫᬂᬢᬸᬫᭂᬗ᭄ᬕᬸᬂᬳᬸᬫᬦ᭄ᬢᬸᬓ᭄᭞ᬭᬯᬸᬄᬚᬸᬫᬄᬕ᭄ᬮᬶᬲ᭄ᬦᬩ᭄ᬤᬩᬂ᭞ᬯᬬᬂ

[᭓᭘ 38A]
ᬧ᭄ᬭᬾᬰᬶᬚᭀᬕᬾᬤ᭄ᬲᬫ᭄ᬧᬸᬦ᭄ᬫᬤᬩ᭄ᬤᬩ᭄᭟ᬇᬢᬸᬫᭂᬗ᭄ᬕᬸᬂᬫᬗᬾᬦ᭄ᬢᭂᬭᬂ᭞ᬲᬃᬯᬇᬮᬾᬦ᭄ᬳᬶᬮᬾᬦ᭄ᬲᬫᬶ᭞ᬇᬥ᭄ᬫᬂᬗᬾᬦ᭄ᬢᭂᬃᬳᬩᬢᬂ᭞ᬇᬥ᭄ᬫᬂᬫᬸᬜᬶᬦᬾᬳᬮᬸᬲ᭄᭞ᬦᬾᬩᬶᬦ᭄ᬧᭀᬯᬦ᭄ᬚᬮᬦ᭄ᬳᬚᬓᬂ᭞ᬫᬫᬦ᭄ᬲᬫᬶᬧᬘᬂᬫᬗᬶᬕᭂᬮ᭄‌ᬩ᭄ᬯᬶᬦ᭄ᬧᭀᬳᬦ᭄᭟ᬳᬶᬭᬩᬋᬂ
ᬳᬚᬓ᭄ᬫᬫᬦ᭄᭞ᬫᬗ᭄ᬤᬳᬾᬦᬓ᭄ᬓᬾᬲᬂᬳᬚᬶ᭞ᬫᬜᬶᬗᬓ᭄ᬳᬶᬕᭂᬮ᭄ᬳᬶᬕᭂᬮᬦ᭄᭞ᬦᬾᬫᬸᬜᬶᬦᬶᬦ᭄ᬢᬦ᭄ᬫᬲᬯᬸᬃ᭞ᬚᭂᬚᭂᬄᬗᭂᬢᭀᬃᬩᬸᬓᬧᭂᬚᬄ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬤᬯᭂᬕ᭄ᬢ᭄ᬯᬄᬫᬫᬶᬦ᭄ᬤᬄ᭟ᬢᬦ᭄ᬓᬘᬭᬶᬢᬧᬸᬦᬶᬓᬵ᭞ᬓᭀᬘᬧ᭄ᬰ᭄ᬭᬶᬦᬭᬧᬢᬶ᭞ᬫᬃᬕᬶᬦᬦᬓ᭄ᬫᬗ᭄ᬓᬶ
ᬦ᭄ᬩᬸᬤᬮ᭄᭞ᬤᬾᬯᬵᬦ᭄ᬩᬧᬦᬾᬫᬲ᭄ᬓᬮᬸᬂ᭞ᬭᬳᬤᬾᬦ᭄ᬤᬾᬯᬶᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬧᬫᬶᬢ᭄ᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬢ᭄ᬯᬦ᭄ᬤᬾᬯᬶᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬫᬯᬲ᭄ᬢ᭄ᬭᬧᬾᬭᬫᬲ᭄ᬢᬗᬶ᭞ᬫᬲᬶᬜ᭄ᬚᬂᬳᬶᬤᬧᬢᭀᬮ᭞ᬲᬗ᭄ᬓᬸᬳᬸᬳᬸᬩᬾᬲᬸᬢ᭄ᬭ
ᬉᬗᬸ᭞ᬧᬭᬤᬦᬾᬧᬓᭂᬜᬄᬜᬄ᭞ᬢᬸᬳᬸᬭᬯᬶᬢ᭄‌ᬓᬤᬶᬭᬢᬶᬄᬳᬭᬶᬂᬤᬭᬢ᭄᭟ᬫᬲᭂᬗ᭄ᬓᬂᬫᬲ᭄ᬫᬘ᭄ᬭᬂᬘᬂ᭞ᬫᬩᬸᬗ᭄ᬓᬸᬂᬫᬲ᭄ᬫᬶᬭᬄᬳᬤᬶ᭞ᬫᬧᬶᬗ᭄ᬕᭂᬮ᭄ᬫᬲ᭄‌ᬢᬸᬳᬸᬫᭂᬮᬄ᭞ᬢᬢᬳᬦ᭄ᬧᬢ᭄ᬭᬕᬸᬫᬸᬮᬸᬂ᭞ᬲᬳᬸᬲᬦᬾᬗ᭄ᬭᬗ᭄ᬲᬸᬓ᭄ᬧ [ 39 ][᭓᭘ 38B]
᭓᭘
ᬬᬲ᭄᭞ᬭᬭᬶᬲ᭄ᬫᬶᬚᬶᬮ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶᬓᬯᭂᬗᬦ᭄᭟ᬧᬥᬤᬶᬓᬸᬤᬵᬯᬸᬲ᭄ᬦᬧᬓ᭄᭞ᬚᬸᬮᬶᬳᬧ᭄ᬝᬶᬫᬶᬯᬄᬩᭂᬤᬶᬮ᭄᭞ᬤᬲᬂᬦᬵᬢ᭄ᬣᬲᬫ᭄ᬧᬸᬦ᭄ᬫᬸᬗ᭄ᬕᬄ᭞ᬭᬶᬂᬧᬫᬶᬓᬸᬮᬦᬾᬲᬫ᭄ᬧᬸᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬮᬦ᭄ᬢ᭄ᬯᬦ᭄ᬤᬾᬯ᭄ᬬ᭞ᬧ᭄ᬭᬫᬶᬰ᭄ᬯᬭᬶᬯᬸᬲ᭄ᬢᭂᬮᬲ᭄ᬫᬗ᭄ᬓᬶᬦ᭄ᬫᬫᬃ
ᬕᬶ᭟ᬢᬦ᭄ᬓᬘᬭᬶᬢᬭᬶᬂᬫᬃᬕ᭞ᬯᬸᬲ᭄ᬭᬯᬸᬄᬫᬭᬶᬂᬚ᭄ᬭᭀᬧᬸᬭᬶ᭞ᬚᭀᬕᬾᬤ᭄‌ᬯᬬᬗᬾᬢᬦ᭄ᬧᭂᬕᬢ᭄᭞ᬤᬶᬩᬜ᭄ᬘᬶᬗᬄᬲᬫᬶᬳᬸᬫᬸᬂ᭞ᬲ᭄ᬬᬂᬮᬢ᭄ᬭᬶᬲᬸᬓᬵᬦ᭄ᬲᬸᬓᬵᬦ᭄᭞ᬭᬳᬤᬾᬦ᭄ᬤᬾᬯᬶᬳᬸᬫᬢᬸᬃᬰ᭄ᬭᬶᬦᬭᬾᬦ᭄ᬤ᭄ᬭᬵ᭟ᬳᬶᬗ᭄ᬕᬶᬄᬳᬶᬤᬾᬯᬵᬲᬂ
ᬦᬵᬢ᭄ᬣ᭞ᬢᬶᬢ᭄ᬬᬂᬫᬧᬫᬶᬢ᭄ᬲᬂᬳᬚᬶ᭞ᬦᬾᬩᬾᬜ᭄ᬚᬂᬚᬕᬶᬫᬦᭀᬦ᭄ᬢᭀᬦ᭄᭞ᬭᬶᬂᬩᬜ᭄ᬘᬶᬗᬄᬦᭀᬦ᭄ᬢᭀᬦ᭄ᬕᬫ᭄ᬩᬸᬄ᭞ᬯᬬᬂᬧᬾᬰᬶᬦᬾᬢᬦ᭄ᬧᭂᬕᬢ᭄᭞ᬰ᭄ᬭᬶᬩᬸᬧᬢᬶᬗᬦ᭄ᬤᬶᬓᬵᬫᬃᬕᬶᬫᬘᬶᬗᬓ᭄᭟ᬦᬾᬩᬾᬜ᭄ᬚᬂᬦᬦᬓ᭄ᬓᬚᬩ᭞ᬩᬧᬩ
ᬋᬂᬢ᭄ᬯᬄᬫᬩᬮᬶᬄ᭞ᬳ᭄ᬦᭂᬂᬗᬓ᭄ᬦᬲᬂᬓᬢᭀᬂ᭞ᬥ᭄ᬫᬂᬢᬸᬫᭂᬗ᭄ᬕᬸᬂᬓᬯᬸᬯᬸᬲ᭄᭞ᬤᬶᬩᬜ᭄ᬘᬶᬗᬄᬬᬫᬗ᭄ᬭᬸᬗ᭄ᬯ᭞ᬤᬲᬂᬳᬚᬶᬩᬜ᭄ᬚᬂᬓᬬᬸᬦᬾᬦᭀᬦ᭄ᬢᭀᬦ᭄᭟ᬚᬮᬦ᭄ᬓᬾᬥᬂᬤᬩ᭄ᬤᬩᬂ᭞ᬳᬧᬂᬇᬕᭂᬮᬾᬦᬾᬫᬦᬶ᭞ᬫᬗ᭄ᬤᬾᬦ᭄ᬳᬾᬦ

[᭓᭙ 39A]
ᬓ᭄ᬳᬶᬤᬲᬂᬓᬢᭀᬂ᭞ᬢᬦ᭄ᬓᬘᬭᬶᬢᬧᬸᬦᬶᬓᬸ᭞ᬩᬾᬜ᭄ᬚᬂᬧᭂᬲᬸᬓᬩᭂᬜ᭄ᬘᬶᬗᬄ᭞ᬩ᭄ᬮᬶᬫᬦ᭄ᬢ᭄ᬭᬶᬦᬸᬦ᭄ᬲᬋᬂᬳᬚᬶᬦ᭄ᬢᬶᬢ᭄ᬬᬂ᭟ᬫᬜᬶᬗᬓ᭄ᬳᬶᬕᭂᬮ᭄ᬳᬶᬕᭂᬮᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬜᬳᬸᬭᬶᬦ᭄᭞ᬫᬃᬕᬶᬳᬤᬶᬩᬾᬜ᭄ᬚᬂᬦᭀᬦ᭄ᬢᭀᬦ᭄᭞ᬳᬦᬸᬮᬶᬄᬩᬾᬜ᭄ᬚᬂᬓᬯᬸᬯᬸᬲ᭄᭞
ᬭᬳᬤᬾᬦ᭄ᬤᬾᬯᬶᬫᬩᬸᬲᬡ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶᬲᬫ᭄ᬧᬸᬦ᭄ᬫᬗ᭄ᬭᬂᬲᬸᬓ᭄ᬧᬬᬲ᭄᭟ᬲᬂᬦᬵᬢ᭄ᬣᬮᬦ᭄ᬧ᭄ᬭᬫᬶᬰ᭄ᬯᬭ᭞ᬲᬫ᭄ᬧᬸᬦ᭄ᬫᬩᬸᬲᬡᬲᬫᬶ᭞ᬳᬦᬸᬮᬶᬄᬭᬭᬶᬲ᭄ᬓᬚᬩ᭞ᬭᬶᬂᬧᬗ᭄ᬕᬸᬗᬦᬾᬢ᭄ᬯᬦ᭄ᬕᬮᬸᬄ᭞ᬲᬋᬂᬰ᭄ᬭᬶᬧ᭄ᬭᬫᬶᬰ᭄ᬯᬭᬶ᭞ᬭᬳᬤᬾᬦ᭄ᬫᬦ᭄ᬢ᭄ᬭᬶ
ᬫᬮᬶᬗ᭄ᬕᬶᬄᬲᬋᬂᬲᬂᬦᬵᬢ᭄ᬣ᭟ᬕᬫ᭄ᬩᬸᬳᬾᬚᬦᬶᬓᭀᬘᬧᬦ᭄᭞ᬇᬥ᭄ᬫᬂᬫ᭄ᬭᬩᬗ᭄ᬰᬫᬗ᭄ᬓᬶᬦ᭄᭞ᬳᬶᬕᭂᬮ᭄ᬜᬦᬾᬢᬸᬳᬸᬫᭂᬮᬄ᭞ᬧᬦ᭄ᬢᭂᬲ᭄ᬧ᭄ᬭᬕᬶᬡᬢᬸᬃᬳᬮᬸᬲ᭄᭞ᬮ᭄ᬬᬢᬾᬕᬮᬓ᭄ᬜᬭᬜᬩ᭄᭞ᬢ᭄ᬯᬭᬢᬦ᭄ᬤᬶᬂᬧᬦ᭄ᬢᭂᬲ᭄ᬬᬤᬤᬶᬧ᭄ᬭᬩᬗ᭄ᬲᬵ᭟
ᬇᬢᬸᬫᭂᬗ᭄ᬕᬸᬂᬬᬗᬤᬾᬬᬦ᭄᭞ᬇᬕᭂᬮ᭄ᬜᬦᬾᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬮᬯᬸᬢ᭄ᬜᬕ᭄ᬚᬕᬶᬦ᭄ᬲᬲᬢᬂ᭞ᬗᬳᬸᬓᬶᬦ᭄ᬧᬜ᭄ᬚᬓᬾᬳᬶᬚᬸ᭞ᬧᬜ᭄ᬚᬓᬾᬤᬶᬦᬶᬫᬦᭂᬕᬓ᭄᭞ᬳᬚᬓ᭄ᬓᬳᬶᬧᬜ᭄ᬚᬓᬾᬓᬳᬶᬚᬸᬫᬜᬕ᭄ᬚᬕ᭄᭟ᬢᬦ᭄ᬓᭀ [ 40 ][᭓᭙ 39B]
᭓᭙
ᬘᬧᬜ᭄ᬚᬧᬸᬦᬶᬓᬵ᭞ᬘᬶᬦᬭᬶᬢᬰ᭄ᬭᬶᬩᬸᬧᬢᬶ᭞ᬲᬫ᭄ᬧᬸᬦ᭄ᬫᬦ᭄ᬢᬸᬓ᭄ᬓᬚ᭄ᬭᭀᬧᬸᬭ᭞ᬲᬫᬶᬯᬸᬲ᭄ᬧᬥᬫᬍᬩᬸ᭞ᬕᬫ᭄ᬩᬸᬳᬾᬫᬗ᭄ᬓᬶᬦ᭄ᬫᬮ᭄ᬯᬭᬦ᭄᭞ᬯᭀᬂᬫᬩᬮᬶᬄᬫᬦ᭄ᬢᬸᬓ᭄ᬫᬲᭀᬯᬂᬲᭀᬯᬂ᭟ᬳ᭄ᬦᭂᬗᬓ᭄ᬦᬧᬸᬦᬶᬓᬵ᭞ᬳᬢ᭄ᬫᬦ᭄ᬳᬶᬮᬶᬫ᭄ᬩᬸᬃᬫᬫᬃᬕᬶ᭞ᬲᬫ᭄ᬧᬸᬦ᭄ᬭ
ᬯᬸᬄᬭᬶᬂᬓᬯᬄ᭞ᬲᬂᬘᬶᬓ᭄ᬭᬩᬮᬓᬢᭂᬧᬸᬓ᭄᭞ᬲᭂᬤᭂᬓ᭄ᬬᬧᬥᬫᬦᭂᬕᬓ᭄᭞ᬢᬸᬃᬫᬫᬸᬜᬶᬳᬢ᭄ᬫᬓᬾᬦ᭄ᬓᬾᬫᬳᬶᬢᭂᬓ᭞ᬲᬂᬳᬢ᭄ᬫᬫᬲᬯᬸᬃᬗᬩᬲ᭄᭞ᬳᬶᬗ᭄ᬕᬶᬄᬓ᭄ᬭᬡᬦ᭄ᬢᬶᬢ᭄ᬬᬂᬗᬾᬫᬭᬶᬓᬶ᭞ᬢᬶᬢ᭄ᬬᬂᬲᬤ᭄ᬬᬓᬦ᭄ᬤᬶᬓᬬᬂ᭞ᬤ᭄ᬯᬦᬶᬂᬢᬶᬢ᭄ᬬᬂ
ᬫᬭᬶᬓᬶᬭᬯᬸᬄ᭞ᬳᬦ᭄ᬢᬸᬓ᭄ᬲᬂᬭᬚᬵᬤᬾᬯᬵᬚ᭞ᬓ᭄ᬦᬶᬳᬸᬦᬶᬂᬲᬂᬘᬶᬓ᭄ᬭᬩᬮᬳᬗᬸᬘᬧ᭄᭟ᬲᬤᬸᬓᬾᬤᬶᬫᬺᬘᬧᬥ᭞ᬓᬾᬦ᭄ᬓᬾᬦ᭄ᬓ᭄ᬭᬡᬦ᭄ᬜᬳᬶᬫᬢᬶ᭞ᬳᬢ᭄ᬫᬦ᭄ᬳᬶᬮᬶᬫ᭄ᬩᬸᬭᬾᬳᬗᬸᬘᬧ᭄᭞ᬢ᭄ᬯᬭᬢᬶᬢ᭄ᬬᬂᬢᬳᬸᬢᬳᬸ᭞ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬗ
ᬢᬸᬭᬂ᭞ᬤᬸᬓᬾᬗᬸᬦᬶᬲᬧᬸᬦᬶᬓᬶᬲᬶᬓᬦ᭄ᬤᬦ᭄ᬜ᭟ᬲᭂᬤᭂᬓ᭄ᬢᬶᬢ᭄ᬬᬗᬾᬭᬶᬂᬧᬸᬭ᭞ᬲᬋᬂᬭᬶᬂᬇᬩ᭄ᬮᬶᬫᬦ᭄ᬢ᭄ᬭᬶ᭞ᬢᬦ᭄ᬲᬄᬢᬶᬢ᭄ᬬᬂᬤᬶᬧᬩᬶᬦᬦ᭄᭞ᬢ᭄ᬯᬭᬢᬶᬢ᭄ᬬᬂᬩᬶᬱᬳᬶᬩᬸᬓ᭄᭞ᬫᭂᬤᭂᬫ᭄ᬩᬗᬸᬦ᭄ᬤᬶᬧᬩᬶᬦᬦ᭄᭞ᬲ᭄ᬬᬂᬮᬢ᭄ᬭᬶᬢ᭄ᬯᬭᬢᬶᬢ᭄ᬬᬂᬦᬯᬂ

[᭔᭐ 40A]
ᬦᬢᬄ᭟ᬢᬶᬢ᭄ᬬᬂᬧᬫᬶᬢ᭄ᬳᬤᬶᬮ᭄ᬯᬲ᭄᭞ᬓᬢᬫᬦ᭄ᬫᬮᬮᬶᬮᬮᬶ᭞ᬲᬫ᭄ᬩᬶᬮ᭄ᬢᬶᬢ᭄ᬬᬂᬗᬺᬋᬄᬩᬸᬗ᭄ᬳ᭞ᬫᬮᬶᬄᬢᬶᬢ᭄ᬬᬂᬫᬳᬦ᭄ᬗᬗ᭄ᬕᬸᬃ᭞ᬤᬶᬢᬫᬦ᭄ᬚᬦᬶᬤᬧᭂᬢᬂ᭞ᬳᬦᬓ᭄ᬳᬶᬲ᭄ᬢ᭄ᬭᬶᬕᭀᬩᬦᬾᬓᬮᬶᬦ᭄ᬢᬂᬳᬮᬵ᭟ᬦᬗᬶᬂᬩᬶᬲᬜᬸᬢᬶᬭᬹᬧ᭞ᬤᬤᬶᬳᬬᬸᬢ᭄ᬯᬭᬢᬦ᭄ᬤᬶᬂ᭞
ᬦᬾᬓᬾᬢᭀᬬᬫᬸᬮᬩᬶᬲ᭞ᬓᬸᬢᬸᬦ᭄ᬕᭀᬳᭀᬓ᭄ᬢᭀᬜᬦ᭄ᬓᬬᬸ᭞ᬳᭀᬭᬾᬳᭀᬭᬾᬜᬭᬸᬦ᭄ᬤᬸᬧᬂ᭞ᬤᬤᬶᬧᬮᬶᬂᬩ᭄ᬮᬶᬫᬦ᭄ᬢ᭄ᬭᬶᬳᬶᬤᬜᬶᬗᬓ᭄᭟ᬓᬲ᭄ᬯᬾᬦ᭄ᬭᬭᬶᬲ᭄ᬭᬶᬂᬢᬫᬦ᭄᭞ᬓᬧᬸᬧᬸᬓᬳᬗ᭄ᬕᬾᬦ᭄ᬭᬩᬶ᭞ᬲᬓᬶᬢ᭄ᬲᬚᬳᬢᬶᬦ᭄ᬢᬶᬢ᭄ᬬᬂ
ᬫᬦᬶᬗᭂᬄᬳᭀᬃᬢᬦᬾᬳᬫ᭄ᬩᬸᬃ᭞ᬮᬯᬸᬢ᭄ᬢᬶᬢ᭄ᬬᬂᬫᬦᬸᬦ᭄ᬤᬾᬦᬂ᭞ᬫᬦᭂᬮᬶᬓᬶᬦ᭄‌ᬓᬢᬫᬦ᭄ᬜᬭᬸᬫᬲᬶᬭᬫ᭄᭟ᬓᬯᭂᬢ᭄ᬯᬜᬢᬸᬳᬸᬲᬚ᭞ᬓᬸᬤ᭄ᬬᬂᬢᬶᬢ᭄ᬬᬂᬢᬦ᭄ᬩ᭄ᬭᬗ᭄ᬢᬶ᭞ᬳᭀᬭᬾᬳᭀᬭᬾᬓᬸᬢᬸᬦ᭄ᬕᭀᬳᭀᬓ᭄᭞ᬜᬭᬸᬦ᭄ᬤᬸᬧ᭄ᬳᬧᬂᬜᬲᬭᬸ᭞
ᬬᬾᬦ᭄ᬢ᭄ᬯᬭᬫᬜᬸᬢᬶᬭᬹᬧ᭞ᬜᬾᬦ᭄ᬗᬶᬬᭂᬗᬶᬦ᭄ᬳᬯᬓᬾᬫᬶᬭᬶᬩ᭄ᬓᬸᬫᬂᬫᬂ᭟ᬲᬧᬸᬦᬶᬓᬧᬭᬶᬓᬦ᭄ᬤᬵ᭞ᬤᬯᭂᬕ᭄ᬢᬶᬢ᭄ᬬᬂᬗᬾᬭᬶᬂᬧᬸᬭᬶ᭞ᬲᬂᬘᬶᬓ᭄ᬭᬩᬮᬳᬗᬸᬘᬧ᭄᭞ᬲᬮᬳᬾᬓᬮᬶᬦ᭄ᬢᬂᬳᬕᬸᬂ᭞ᬦᬾᬜᬳᬶᬓᬮᬶᬯᬢ᭄ᬋᬗ᭄ᬓ᭞ᬗ [ 41 ][᭔᭐ 40B]
᭔᭐
ᬓᬸᬤᬶᬦᬶᬤᬶᬧᬢᬸᬢ᭄ᬢᬾᬢ᭄ᬯᬄᬳᬓᬸᬜ᭟ᬦᬾᬳᬶᬭᬲᬸᬩᬫᬦᬯᬂ᭞ᬲᬳᬸᬦ᭄ᬤᬸᬓ᭄ᬳᬸᬦ᭄ᬤᬸᬓ᭄ᬜᬳᬶ᭞ᬜᬳᬶᬢ᭄ᬯᬄᬮ᭄ᬯᬲ᭄ᬗᬮᬶᬄᬕᬸᬡ᭞ᬓᬧᬩᬾᬬᬦ᭄ᬜᬳᬶᬗᬸᬢᬸᬲ᭄᭞ᬳᬯᬓ᭄ᬚᭂᬕᬾᬮᬾᬕᭀᬩᬲᬕ᭄ᬲᬕ᭄᭞ᬩᬲᬂᬩᭂᬗ᭄ᬓᬶᬲ᭄ᬫᬢᬦᬾᬚᭀᬄᬤᬶᬢᭂᬗᬄ᭟ᬲᬂᬘᬶ
ᬓ᭄ᬭᬩᬮᬳᬗᬸᬘᬧ᭄᭞ᬦᬄᬤᬶᬦᬶᬚᬦᬶᬢᬦ᭄ᬤᬗᬶᬦ᭄᭞ᬤᬶᬚᬫ᭄ᬩᬗᬦᬾᬫᬦᭀᬗᭀᬲ᭄᭞ᬓᭂᬩᬸᬲ᭄ᬳᭂᬢᬶᬲᬾᬢ᭄ᬯᬄᬤᬶᬢᬸ᭞ᬲᬂᬳᬢ᭄ᬫᬚᭂᬚᭂᬄᬓᬮᬶᬦ᭄ᬢᬂ᭞ᬳᬶᬚᬸᬫᬗ᭄ᬓᬶᬦ᭄ᬫᬜᬳᬸᬧ᭄ᬮᬳᬸᬢ᭄ᬫᬦ᭄ᬢᬶᬕᬂ᭟ᬳ᭄ᬦᭂᬗᬓ᭄ᬦᬧᬸᬦᬶᬓᬵ᭞ᬓᭀᬘ
ᬧ᭄ᬰ᭄ᬭᬶᬦᬭᬧᬢᬶ᭞ᬭᬶᬂᬚᬯᬵᬫᬗ᭄ᬓᬶᬦ᭄ᬓᬯᬃᬡ᭞ᬳᬲᬸᬓᬲᬸᬓᬦ᭄ᬲᬂᬧ᭄ᬭᬪᬸ᭞ᬳᬫᬗᬦ᭄ᬳᬶᬦᬸᬫ᭄ᬢᬦ᭄ᬧᭂᬕᬢ᭄᭞ᬲ᭄ᬬᬂᬮᬢ᭄ᬭᬶᬲᬸᬓᬢ᭄ᬯᬲᬾᬲᬂᬦᬵᬢ᭄ᬣ᭟ᬲᬤᬕᬶᬗᬶᬂᬚ᭄ᬭᭀᬧᬸᬭ᭞ᬲᬫᬶᬓᬢᬸᬃᬭᬶᬂᬢ᭄ᬯᬦ᭄ᬤᬾᬯᬶ᭞ᬓᬮᬶᬦ᭄ᬢᬂᬫᭀᬫᭀᬢ᭄ᬯᬦ᭄ᬤᬾ
ᬯ᭄ᬬ᭞ᬫᬜᬶᬗᬓᬶᬦ᭄ᬭᬚᬩ᭄ᬭᬡᬦᬾᬮ᭄ᬬᬸᬲᬦ᭄᭟ᬗᭂᬫ᭄ᬩᬦ᭄ᬢᭀᬢᬫ᭄ᬧᬶᬫᬓᭂᬚᬂ᭞ᬭᬚᬩ᭄ᬭᬡᬦᬾᬲᬫᬶ᭞ᬧᬳᬶᬘᬦ᭄ᬳᬶᬤᬲᬂᬓᬢᭀᬂ᭞ᬧᭂᬢᬾᬓᬶᬦ᭄ᬧᭂᬤᬲᬂᬫᬮᬸ᭞ᬳᬧᬂᬫᭂᬮᬄᬩᬦ᭄ᬗᬢᬸᬭᬂ᭞ᬓᬾᬦ᭄ᬲᬂᬳᬚᬶ᭞ᬦᬶ

[᭔᭑ 41A]
ᬗᭂᬫ᭄ᬩᬦ᭄ᬭᬭᬶᬲ᭄ᬫᬗ᭄ᬯᬶᬮᬂ᭟ᬳᬶᬗ᭄ᬕᬶᬄᬲᬫ᭄ᬧᬸᬦ᭄ᬢᬶᬢ᭄ᬬᬂᬗ᭄ᬯᬶᬮᬂ᭞ᬭᬚᬵᬩ᭄ᬭᬡᬦᬾᬲᬫᬶ᭞ᬦᬄᬓᭂᬫᬚᬦᬶᬳᬢᬸᬭᬂᬭᬶᬂᬲᬂᬦᬵᬢ᭄ᬣ᭞ᬢᬶᬢ᭄ᬬᬂᬫᬳᬢᬸᬃᬲᬂᬳᬚᬶ᭞ᬢᬶᬢ᭄ᬬᬂᬓᬧᬗᬦ᭄ᬤᬶᬓᬬᬂ᭞ᬳᬦ᭄ᬢᬸᬓ᭄ᬳᬶᬤᬭᬤᬾᬦ᭄ᬕᬮᬸᬄ᭞ᬲᬮ᭄ᬯᬶᬭᬶᬂᬭᬚᬩᬭᬡ᭞ᬲᬫ᭄ᬧᬸᬦ᭄ᬓᬳ
ᬫ᭄ᬩᬶᬮ᭄ᬳᬦ᭄ᬢᬸᬓ᭄ᬳᬶᬤᬵᬭᬤᬾᬦ᭄ᬤᬾᬯ᭄ᬬ᭟ᬤᬵᬲᬂᬧ᭄ᬭᬪᬸᬳᬦᬓ᭄ᬳᬶᬤᬵ᭞ᬳᬦ᭄ᬢᬸᬓ᭄ᬧᬳᬶᬘ᭄ᬙᬦᬾᬳᬦᬾᬗᬸᬦᬶ᭞ᬳᬶᬤᬯᬦ᭄ᬢᬄᬢ᭄ᬯᬄᬫᬦᬸᬦᬲ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬫᬭᬶᬓᬵᬫᬢᬸᬃ᭞ᬓᭂᬦᬶᬲᬂᬧ᭄ᬭᬪᬸᬳᬸᬦᬶᬗ᭞ᬦᬾᬦᬾᬫᬗ᭄ᬓᬶᬦ᭄ᬲᬂᬧ᭄ᬭᬪᬸᬗᬦ᭄ᬤᬶᬓ
᭟ᬗᭂᬫ᭄ᬩᬦ᭄ᬓᭂᬫᬫᬮᬶᬧᭂᬢᬦ᭄᭞ᬳᬢᬸᬭᬂᬓᬾᬦ᭄ᬦᬦᬓ᭄ᬤᬾᬯᬶ᭞ᬓᬳᬶᬢᭂᬮᬲᬂᬗᬢᬸᬭᬂ᭞ᬲᬳᬤᬕᬶᬂᬚ᭄ᬭᭀᬓᬤᬢᭀᬦ᭄᭞ᬳᬧᬂᬇᬦᬦᬓ᭄ᬗᭀᬤᬕᬂ᭞ᬩᬸᬫᬶᬚᬯᬶᬓᬮᬶᬄᬗ᭄ᬭᬾᬄᬤᬶᬚ᭄ᬭᭀᬧᬸᬭ᭟ᬳᬶᬗ᭄ᬕᬶᬄᬲᬦ᭄ᬤᬶᬓᬦ᭄ᬲᬂᬦᬵ
ᬢ᭄ᬣ᭞ᬢᬶᬢ᭄ᬬᬂᬫᬦᬸᬦᬲ᭄ᬫᬧᬫᬶᬢ᭄᭞ᬦᬶᬗᭂᬫ᭄ᬩᬦ᭄ᬫᬢᬸᬮᬓ᭄ᬋᬓᭀ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬢ᭄ᬯᬦ᭄ᬕᬮᬸᬄ᭞ᬤᬾᬯᬵᬭᬢᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬩᭀᬬᬫᬮᬶᬄᬳᬚᬶᬦ᭄ᬳᬶᬤᬾᬯᬵᬫᬳᬶᬘᬬᬂ᭟᭛᭐᭛ [ 42 ][᭔᭑ 41B]
᭔᭑
᭚᭜᭚ᬓᬢᭂᬤᬸᬦ᭄ᬲᬓᬾᬂᬮᭀᬦ᭄ᬢᬃᬤ᭄ᬭᬸᬯᬾᬦ᭄᭞ᬇᬓᭂᬢᬸᬢ᭄‌ᬚᬢ᭞ᬭᬶᬂᬓᬭᬂᬩᬂᬩᬂ᭞ᬘᬓ᭄ᬭᬦᬕᬭ᭞ᬮᭀᬫ᭄ᬩᭀᬓ᭄᭟ᬓᬲᬸᬭᬢᭀᬮᬶᬄ᭞ᬧᬸᬢᬸᬗᬸᬭᬄᬫᭂᬃᬢ᭞ᬲᬓᬶᬂᬤᬾᬰᬤᬾᬜ᭄ᬘᬭᬶᬓ᭄᭞ᬩᬜ᭄ᬚᬃ᭟ᬧᬸᬧᬸᬢ᭄ᬓᬢᭂ
ᬤᬸᬦ᭄ᬭᬶᬂᬭᬳᬶᬡ᭞ᬳᬗ᭄ᬕᬭ᭞ᬉᬫᬦᬶᬲ᭄ᬯᬭᬓ᭄ᬭᬸᬮᬸᬢ᭄᭞ᬓᬺᬱ᭄ᬡᬧᬓ᭄ᬱ᭞ᬰᬰᬶᬄᬓᬲᬗ᭞ᬇᬰᬓᬯᬃᬱ᭞᭑᭐᭑᭑᭟᭚᭜᭚ᬒᬁᬰᬦ᭄ᬢᬶ᭞ᬰᬦ᭄ᬢᬶ᭞ᬰᬦ᭄ᬢᬶ᭞ᬒᬁ᭚᭜᭚