Ban/Gaguritan Mantri Sanak Lima

Deskripsi

Naskah

[ 1 ][PERPUSTAKAAN KTR.DOKBUD BALI PROP. BALI
G/X/13/DOKBUD
Judul : Gag. Mantri sanak lima
Pnj. 45 cm. Lb. 3,5 cm. Jl. 19 lb.
Asal : Sukawati, Gianyar.]
[᭑ 1A]
Judul : Gag. Mantri sanak lima
Pnj. 45 cm. Lb. 3,5 cm. Jl. 19 lb.
Asal : Sukawati, Gianyar. [ 2 ][᭑ 1B]
᭞᭑᭞
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸᬦᬵᬫᬲᬶᬤ᭄ᬟᬀ᭚ᬕᬕᬸᬭᬶᬢᬦ᭄ᬫᬦ᭄ᬢ᭄ᬭᬶᬲᬵᬦᬓ᭄ᬮᬶᬫ᭟ᬧᬸᬄᬲᬶᬦᭀᬫ᭄᭟ᬳᬶᬗ᭄ᬕᬶᬄᬳᬶᬤᬭᬵᬢᬸᬲᬫ᭄ᬬᬦ᭄᭞ᬢᬩᬾᬢᬶᬢ᭄ᬬᬂᬫᬗᬶᬦ᭄ᬤᬬᬂ᭞ᬫᬸᬯᬢᬂᬫᬳᬸᬭᬸᬓ᭄ᬦᬸᬮᬶᬲ᭄᭞ᬗᬭᬗᬂᬲᬧᬗ᭄ᬕᬶᬄᬧᬗ᭄ᬕᬶᬄ᭞ᬲᬶᬂᬓᬢᭀ
ᬦ᭄ᬳᬲᬶᬂᬓᬭᬸᬗᬸ᭞ᬢᬸᬢᬸᬭᬂᬩᬸᬯᬶᬦ᭄ᬢᬸᬢᬸᬭᬂ᭞ᬓᬶᬯᬢᭂᬗᭂᬦ᭄ᬳᬋᬧ᭄ᬳᬸᬭᬶ᭞ᬳᬦ᭄ᬤᬧ᭄ᬮᬸᬳᬸᬃ᭞ᬤᭀᬄᬢᬫ᭄ᬧᭂᬓ᭄ᬳᬲᬶᬂᬓᬦ᭄ᬢᭂᬦᬂ᭟ᬳᬶᬦ᭄ᬤᬬᬂᬲᬶᬂᬜᬫᬳᬶᬦ᭄ᬤ᭞ᬲᬶᬦᭀᬫ᭄ᬳᬗ᭄ᬕᭀᬦ᭄ᬫᬦᭂᬫ᭄ᬩᬗᬶᬦ᭄᭞ᬲᬵᬓ᭄ᬱᬓ᭄ᬳᬗ᭄ᬕᭀᬦ᭄ᬧᬳᬶᬲᭂᬗᬦ᭄᭞
ᬩᬶᬮᬶᬄᬚ᭄ᬯᬲᬶᬤ᭄ᬟᬫᬳᬶᬦ᭄ᬤᬶᬓ᭄᭞ᬜᬮᬶᬫᬸᬃᬳᬶᬩᬸᬓ᭄ᬳᬢᬶ᭞ᬇᬥᭂᬧᬾᬓᬮᬶᬯᬢ᭄ᬩᬶᬗᬸᬂ᭞ᬲᬶᬂᬜᬤᬤᬶᬲᬭ᭄ᬯᬂ᭞ᬫᬭᬭᬤᬦ᭄ᬓᬶᬤᬶᬓ᭄ᬓᬶᬤᬶᬓ᭄᭞ᬫᬗᭂᬦᭂᬳᬂ᭞ᬯᬲᬦᬦ᭄ᬳᬯᬓᬾᬤᬸᬃᬬ᭄ᬬᬦ᭄᭟ᬳᬗ᭄ᬳᬶᬂᬯᬦ᭄ᬢᬄᬓᬯ᭄ᬬᬓ᭄ᬢ᭄ᬬᬦ᭄ᬜ᭞ᬩᭂᬮᭀᬕᬾ
ᬫᬧᬓ᭄ᬱᬭᬶᬭᬶᬄ᭞ᬓᭂᬤᭂᬂᬤᭂᬫᭂᬦᬾᬫᬮᬚᬄ᭞ᬤᬤᬶᬢ᭄ᬯᬭᬩᬶᬲᬳᬶᬲᬶᬦ᭄᭞ᬢ᭄ᬯᬶᬰᬵᬲ᭄ᬢ᭄ᬭᬢᬸᬦᬍᬯᬶᬄ᭞ᬧᬲᬂᬢ᭄ᬯᬭᬫᬵᬦᬹᬢ᭄ᬮᬓᬸ᭞ᬳᬶᬗ᭄ᬕᬶᬄᬲᬂᬲᬸᬤᬶᬫᬫᬘ᭞ᬫᬵᬢᬸᬢ᭄ᬫᬗᬸᬯᬄᬯᬸᬯᬸᬳᬶᬦ᭄᭞ᬳᬫ᭄ᬧᬸᬭᬬᬂ᭞ᬳᬸᬕᬶ
[᭒ 2A]
ᬢᬫ᭄ᬩᬢᬾᬓᬮᬶᬦ᭄ᬢᬂ᭟ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬘᬭᬶᬢᬬᬂ᭞ᬢᬸᬢᬸᬭᬦ᭄ᬯᬦ᭄ᬢᬄᬳᬓᬶᬤᬶᬓ᭄᭞ᬲᬢ᭄ᬯᬦ᭄ᬫᬦ᭄ᬢ᭄ᬭᬶᬲᬦᬓ᭄ᬮᬶᬫ᭞ᬲᬜᬫᬬᬦ᭄ᬳᬦᬹᬢ᭄ᬲᬫᬶ᭞ᬧᬢᭂᬄᬲᬧᬸᬮᬸᬂᬢᬸᬗ᭄ᬕᬶᬮ᭄᭞ᬢᬸᬗ᭄ᬕᬶᬮ᭄ᬧᬢᬸᬄᬲᬮᬶᬂᬢᬸᬭᬸᬢ᭄᭞ᬢ᭄ᬯᬭᬤᬩᬶᬲᬢᬸᬗ᭄ᬓᬲ᭄᭞
ᬳᬓᬶᬤᬶᬓ᭄ᬧᬤᬫᬓᬶᬤᬶᬓ᭄᭞ᬬᬾᬦ᭄ᬳᬓ᭄ᬯᬾᬄᬧᬢᭂᬄᬳᬸᬕᬶᬩᬩᬕ᭄ᬬᬦ᭄ᬜ᭟ᬩᬋᬂᬲᬮᬓᬸᬲᬾᬮ᭄ᬯᬦ᭄᭞ᬢᬦ᭄ᬲᬶᬸᬦ᭄ᬧᬲᬄᬲᬧᬸᬮᬸᬂᬲᬳᬶ᭞ᬬᬦ᭄ᬫᭀᬦ᭄ᬤᭀᬓ᭄ᬩᬋᬂᬫᬕᭂᬦᬄ᭞ᬫᬚᬮᬦ᭄‌ᬩ᭄ᬭ᭄ᬬᬸᬓ᭄ᬫᬫᬃᬕ᭄ᬕᬶ᭞ᬬᬦ᭄ᬧᬸᬍᬲ᭄ᬩᬋᬂᬗᭂ
ᬗ᭄ᬓᬶᬲ᭄᭞ᬚᬕ᭄ᬭᬩᬗᬸᬦ᭄ᬫᬩ᭄ᬭ᭄ᬬᬸᬓ᭄᭞ᬫ᭄ᬯᬄᬗᭂᬮᬄᬳᬸᬧᬲ᭄ᬤᬤᭀᬱ᭞ᬓᭂᬫ᭄ᬩᬃᬢᬸᬃᬧᬶᬢᬺᬡ᭄ᬡᬩᬓ᭄ᬢᬶ᭞ᬲᬧᬗᬸᬤᬸᬄᬲᬮ᭄ᬯᬶᬭᬶᬂᬳᬋᬧ᭄ᬳᬤᭀᬓᬂ᭟ᬚᬭᬦ᭄ᬤᬤ᭄ᬯᬫᬧᬲᬗᬦ᭄᭞ᬩᬋᬂᬢᬦ᭄ᬧᬲᬄᬳᬯᬳᬶ᭞ᬫᬦ᭄ᬢ᭄ᬭᬶᬳᬸᬧᬲ᭄ᬮᬯᬦ᭄ᬤᬭᬦ᭄᭞ᬤᭀ
ᬦᬶᬂᬓᬵᬮᬦᬶᬂᬫᬫᬃᬕ᭄ᬕᬶ᭞ᬢ᭄ᬯᬭᬳᬤᬜᬦ᭄ᬢᬸᬮᬶᬦ᭄᭞ᬮᬕᬲ᭄ᬧᬚᬮᬦᬾᬗ᭄ᬮᬦ᭄ᬢᬸᬃ᭞ᬚᬭᬦᬾᬗᭂᬤᭂᬂᬓ᭄ᬭᬾᬢ᭞ᬧᬸᬦᬧᬶᬳᬸᬕᬶᬓᬳᬧ᭄ᬢᬶ᭞ᬬᬦ᭄ᬗᬚᬦᬂᬫᬩ᭄ᬭ᭄ᬬᬸᬓ᭄ᬧᬤᬗᬚᬦᬂ᭟ᬬᬦ᭄ᬓᬯᬸᬄᬲᬋᬂᬗᬯᬸᬳᬂ᭞ᬓᬗᬶᬦ᭄ᬩᬋᬂ [ 3 ][᭒ 2B]
᭞᭒᭞
ᬫᬶᬮᬸᬓᬗᬶᬦ᭄᭞ᬓᭂᬮᭀᬤ᭄ᬩ᭄ᬭ᭄ᬬᬸᬓ᭄ᬫᬗᭂᬮᭀᬤᬂ᭞ᬲᬧᬸᬦᬶᬓᬋᬓᬾᬚᬢᬶ᭞ᬳᬤᬦᬸᬕᭂᬲ᭄ᬦᬓᭀᬦᬂᬦ᭄᭞ᬳᬄᬤᬶᬓᬧᬦ᭄ᬚᬢᬶᬢᬸᬳᬸ᭞ᬫᬦ᭄ᬢ᭄ᬭᬶᬫᬦᬶᬸᬜ᭄ᬚᬦ᭄ᬫᬮᬶᬫ᭞ᬫᬲᬳᬸᬢ᭄ᬦᬾᬓᬢᬓᭀᬦᬶᬦ᭄᭞ᬬᬦ᭄ᬘᬭᬶᬢᬢᭂᬫᬸᬕᭂᬮᬂᬕᭂᬦᬶᬸᬮᬶᬸᬦᬄᬤᬾ
ᬰᬦ᭄ᬜ᭟ᬓᬧᬶᬂᬧᬶᬲᬦ᭄ᬫᬦ᭄ᬢ᭄ᬭᬶᬚᬶᬦ᭞ᬫᬸᬗ᭄ᬕ᭄ᬯᬶᬂᬓᬭᬂᬲᬗ᭄ᬕᬃᬢᬸᬗ᭄ᬕᬶᬮ᭄᭞ᬫᬦ᭄ᬢ᭄ᬭᬶᬢᬶᬗ᭄ᬕᬮ᭄ᬓᬭᬂᬫᬸᬓ᭞ᬫᬦ᭄ᬢ᭄ᬭᬶᬋᬗᬓᬭᬂᬲᬫ᭄ᬧᬶᬂ᭞ᬫᬦ᭄ᬢ᭄ᬭᬶᬳᬫ᭄ᬪᬸᬓᬭᬂᬳᬮᬶᬧ᭄᭞ᬓᬭᬂᬕᬸᬯᬫᬦ᭄ᬢ᭄ᬭᬶᬢᬸᬢᬸᬃ᭞ᬧᬸᬦᬶᬓᬢᬸᬓᬂᬘᬯᬶᬸᬭᬶᬢ᭞ᬫᬦ᭄ᬢ᭄ᬭᬶᬚᬶᬦᬮᬶᬂᬦ᭄ᬬᬵᬭᬶᬲ᭄᭞ᬳ
ᬤᬶᬢᬸᬢᬸᬃᬳᬶᬦ᭄ᬤᬬᬂᬚᬦᬶᬲᬢ᭄ᬯᬬ᭟ᬫᬦ᭄ᬢ᭄ᬭᬶᬢᬸᬢᬸᬃᬲᬸᬫᬳᬸᬭ᭞ᬳᬶᬗ᭄ᬕᬶᬄᬩᭂᬮᬶᬢᬶᬢ᭄ᬬᬂᬗᬶᬭᬶᬂ᭞ᬗ᭄ᬳᬶᬂᬯᬾᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬬᬦ᭄ᬳᬶᬘ᭄ᬙᬩᭂᬮᬶᬦᬕᬶᬗᬶᬦ᭄᭞ᬯᬦ᭄ᬢᬄᬢᬾᬲᬢ᭄ᬯᬳᬓᬶᬤᬶᬓ᭄᭞ᬫᬦ᭄ᬢ᭄ᬭᬶᬚᬶᬦᬲᬳᬸᬃᬮᬸᬲ᭄᭞ᬳᬤᬶᬳᬧ
ᬓᬳ᭄ᬭᬸᬦᬂ᭞ᬩᭂᬮᬶᬯᬦ᭄ᬢᬄᬫᬦᬕᬶᬗᬶᬦ᭄᭞ᬫᬦ᭄ᬢ᭄ᬭᬶᬢᬸᬢᬸᬃᬫᬢᬸᬃᬦᬸᬦᬲ᭄ᬧᭂᬢᬂᬧᬲᬮ᭄᭟ᬲᬫᬗ᭄ᬤᬩᭂᬮᬶᬚᬕ᭄ᬭ᭞ᬓᬮᬶᬄᬫᬗ᭄ᬤᬗᬺᬗᬵᬳᬸᬕᬶ᭞ᬢᬶᬕᬗᬓ᭄ᬱᬶᬫᬗ᭄ᬤᬾᬦ᭄ᬳᭂᬭᬂ᭞ᬧᬢ᭄ᬧᬢ᭄ᬲᬶᬫ᭄ᬧᭂᬦ᭄‌ᬚ᭄ᬭᭀᬦᬶᬂᬕ
[᭓ 3A]
ᬕᬮᬶᬄ᭞ᬯᬦ᭄ᬢᬄᬧᬸᬦᬶᬓᬳᬸᬕᬶ᭞ᬫᬦ᭄ᬢ᭄ᬭᬶᬚᬦᬲᬳᬸᬃᬳᬮᬸᬲ᭄᭞ᬦᬄᬩᭂᬮᬶᬫᬤᬕᬶᬂᬧᬶᬲᬦ᭄᭞ᬢᬸᬮᬸᬲᬂᬢᬸᬢᬸᬭᬶᬦ᭄ᬩᭂᬮᬶ᭞ᬫᬦ᭄ᬢ᭄ᬭᬶᬢᬸᬢᬸᬃᬗᬺᬕᭂᬧ᭄ᬫᬗᬾᬱ᭄ᬝᬶᬘᬶᬢ᭟ᬗᬮᬶᬗ᭄ᬕᬬᬂᬲᬂᬗ᭄ᬬᬲᬸᬓ᭄ᬱ᭄ᬫ᭞ᬦᭂᬳᭂᬃᬳᬢᬸᬃᬧᬗᬜ᭄ᬚᬮᬶ᭞ᬳᬕᬸᬂᬧᬗ
ᬫ᭄ᬧᬸᬭᬳ᭄ᬬᬂ᭞ᬫᭀᬕᬢᬦᬓᭂᬦᬾᬂᬯᬶᬱ᭄ᬝᬶ᭞ᬤᬾᬳ᭄ᬬᬂᬲᬸᬓ᭄ᬲᭂᬫᬾᬂᬍᬯᬶᬄ᭞ᬳᬶᬘ᭄ᬙᬫᬦᬸᬤᬸᬄᬓᬲᬤᬸᬦ᭄᭞ᬤᬾᬦᬶᬂᬳ᭄ᬬᬂᬫᬸᬮᬫᬦᬶᬢᬄ᭞ᬳᬮᬳᬬᬸᬧᬢᬶᬳᬸᬭᬶᬧ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬗᬢᬸᬭᬂᬤᬾᬯᬾᬓ᭄ᬲᬧᬶᬲᬦ᭄᭟ᬧᬸᬧᬸᬢ᭄ᬫ
ᬗᬓ᭄ᬱᬫᬭᬶᬂᬳᬯᬓ᭄᭞ᬦᭂᬳᭂᬃᬫᬘᬭᬶᬢᬭᬭᬶᬲ᭄᭞ᬯᬾᬦ᭄ᬢᭂᬦ᭄ᬧᬡ᭄ᬟᬶᬢᬲᬦᬸᬗ᭄ᬕᬮ᭄᭞ᬧᬢ᭄ᬧᬢ᭄ᬧᬸᬢ᭄ᬭᬮᬦᬂᬲᬫᬶ᭞ᬳᬗᬚᬃᬢᬢ᭄ᬯᬳᬚᬶ᭞ᬧᬸᬧᬸᬢᬶᬂᬯᬶᬦᬬᬲᬵᬫ᭄ᬧᬸᬦ᭄᭞ᬧᬹᬃᬡ᭄ᬦᬾᬂᬕᬶᬢᬧᬮᬫ᭄ᬩᬂ᭞ᬢᭂᬓᬾᬂᬓᬤ᭄ᬬᬢ᭄ᬫᬶᬓᬾᬂ
ᬍᬯᬶᬄ᭞ᬗ᭄ᬳᬶᬂᬲᬲᬓᬶᬳᬶᬮ᭄ᬫᬸᬤᬸᬭᬸᬂᬓᬳᭂᬦ᭄ᬢᬲ᭄᭟ᬧᬡ᭄ᬟᬶᬢᬤᬳᬢᬶᬂᬲᬸᬓ᭞ᬤᬾᬦᬶᬂᬧᬸᬢ᭄ᬭᬲᬫᬶᬩᬓ᭄ᬢᬶ᭞ᬲᬧᬗᬸᬤᬸᬄᬢ᭄ᬯᬭᬧᬶᬯᬮ᭄᭞ᬲᬧᬶᬢᬸᬢᬸᬃᬩᬧᬗᬶᬭᬶᬂ᭞ᬓᬲ᭄ᬯᬾᬦ᭄ᬫᬲᬬᬦ᭄ᬫᬗ᭄ᬓᬶᬦ᭄᭞ᬫᬧᬶᬦᭂᬄᬧᬶᬦᭂᬄᬭᬶᬂ [ 4 ][᭓ 3B]
᭞᭓᭞
ᬓᬳ᭄ᬬᬸᬦ᭄᭞ᬩᬸᬯᬢ᭄ᬯᬲᬦᬦ᭄ᬧᬸᬢ᭄ᬭ᭞ᬧᬦᭂᬫᬸᬦᬾᬧᬘᬂᬧᬗ᭄ᬕᬶᬄ᭞ᬬᬦ᭄ᬓᬾᬓᬧᭀᬲᬶᬤᬕᬯᬾᬫᬗ᭄ᬕᬶᬄᬮᬪ᭟ᬳᬚᬦ᭄ᬬᬦ᭄‌ᬢ᭄ᬯᬭᬩᬶᬦ᭞ᬧᬢᬸᬄᬢᬸᬯᬶᬓᭂᬦᬾᬂᬧᬶᬮᬶᬄ᭞ᬳᬲᬶᬂᬳᬲᬶᬂᬢᬸᬯᬶᬳᬸᬤᬸᬳᬂ᭞ᬢ᭄ᬯᬭᬢᬳᬾᬦ᭄ᬫ
ᬗᬗ᭄ᬓᭂᬦᬶᬦ᭄᭞ᬧᬡ᭄ᬟᬶᬢᬗᬦ᭄ᬤᬶᬓᬳᬭᬶᬲ᭄᭞ᬭᬶᬂᬯᭂᬓᬦᬾᬫᬓᬘᬢᬸᬃ᭞ᬫᬳᬶᬘᭂᬦᬶᬂᬧᬳᭂᬓᬂ᭞ᬧᬸᬢ᭄ᬭᬦ᭄ᬳᬶᬤᬫᬩ᭄ᬭ᭄ᬬᬸᬓ᭄ᬲᬫᬶ᭞ᬫᬦᬫ᭄ᬧᭂᬓᬂᬦᭂᬕᬓ᭄ᬦᬗ᭄ᬓᬶᬮᬶᬦ᭄ᬳᬶᬩᬧ᭟ᬧᬡ᭄ᬟᬶᬢᬫᬮᬶᬄᬗᬦ᭄ᬤᬶᬓ᭞ᬧᬤᬶᬗᭂᬳᬂᬧᬤᬘᭂ
ᬦᬶᬂ᭞ᬘᬳᬶᬯᬬᬦ᭄‌ᬢᬶᬮᬶᬓ᭄ᬭᬱ᭞ᬫᬥᬾᬢᬬᬓᬾᬢᭀᬫᬲᬶᬄ᭞ᬳᬶᬜᭀᬫᬦ᭄ᬓᬭᬩᬸᬯᬶᬦ᭄᭞ᬫᬶᬯᬄᬘᬳᬶᬓᭂᬢᬸᬢ᭄ᬲᬸᬦᬸ᭞ᬚᬦᬶᬧᬗᬶᬤᬶᬄᬩᬧ᭞ᬤᬫᬜᭂᬗ᭄ᬕᬸᬄᬩᬧᬮᬮᬶᬲ᭄᭞ᬤᬾᬦᬶᬂᬩᬧᬫᬗᬯᬾ
ᬦᬂᬧᬤᬦ᭄ᬫᭂᬮᬶᬄ᭟ᬯᬶᬭᬾᬄᬘᬳᬶᬲᬸᬩᬍᬧᬄ᭞ᬢᬲᬓ᭄ᬢᬓᬾᬂᬢᬢ᭄ᬯᬳᬚᬶ᭞ᬤ᭄ᬯᬦᬶᬂᬩᬧᬮᬶᬦ᭄ᬢᬂᬲᬸᬓ᭞ᬓᬾᬯᬮᬩᬸᬯᬶᬦ᭄ᬳᬩᭂᬲᬶᬓ᭄᭞ᬤᬸᬭᬸᬂᬕᬸᬭᬸᬦ᭄ᬘᬳᬶ᭞ᬚᬦᬶᬳᭂᬦ᭄ᬢᭀᬩ᭄ᬯᬢᬂᬫᬮᬸ᭞ᬫᬓᬧᬗ᭄ᬭᬲᬗ᭄ᬳ
[᭔ 4A]
ᬯᬓ᭄᭞ᬳᬗ᭄ᬕᭀᬦ᭄ᬓᬦ᭄ᬢᬶᬚ᭄ᬭᭀᬦᬶᬂᬳᬸᬭᬶᬧ᭄᭞ᬦᬾᬧᬭᬦᬶᬦ᭄ᬘᬳᬶᬧᬤᬲᭀᬯᬂᬲᭀᬯᬂ᭟ᬚᬦᬶᬳᭂᬦ᭄ᬢᭀᬲᬸᬭᬢᬂᬮ᭄ᬯᬲ᭄᭞ᬕᬸᬭ᭄ᬯᬂᬧᬂᬲᬶᬤᬤᬤᬶ᭞ᬳᬗ᭄ᬕᭀᬦᬶᬂᬲᬧᬦᬶᬱ᭄ᬓᬵᬭ᭞ᬓ᭄ᬭᬡᬫᬚᬮᬦᬾᬚᬦᬶ᭞ᬤᬗᬦ᭄ᬢᬶᬤᬶᬦᬩᬸᬯᬶ
ᬦ᭄᭞ᬗ᭄ᬳᬶᬂᬳᬧᬂᬫᬮᬾᬤᬦ᭄ᬕᬸᬭᬸ᭞ᬤᬢᬸᬗ᭄ᬕᬮ᭄ᬧᬕᬸᬭ᭄ᬯᬯᬦ᭄᭞ᬫᬓᬤᬶᬦ᭄ᬜᬤᬾᬰᬤᬾᬰᬶ᭞ᬦᬾᬧᬭᬦᬶᬦ᭄᭞ᬘᬳᬶᬧᬤᬲᭀᬯᬂᬲᭀᬯᬂ᭟ᬳᬤᬩᬸᬯᬶᬦ᭄ᬧᬶᬢᭂᬓᭂᬢ᭄ᬩᬧ᭞ᬳᬶᬗᭂᬢᬂᬚ᭄ᬯᬳᬧᬂᬳᬾᬮᬶᬂ᭞ᬘᬳᬶᬧᬤᬲᬮᬄ
ᬢᬸᬗ᭄ᬕᬮ᭄᭞ᬬᬦ᭄ᬤᬸᬭᬸᬂᬢᬲᬓ᭄ᬗᬸᬭ᭄ᬯᬶᬦ᭄᭞ᬤᬘᬳᬶᬫᬸᬮᬶᬄ᭞ᬬᬦ᭄‌ᬢ᭄ᬯᬄᬲᬸᬩᬍᬧᬲ᭄ᬕᬸᬭᬸ᭞ᬤᬢᬸᬲᬳᬶᬫᬮᬶᬄᬢᬸᬮᬓ᭄᭞ᬳᬲᬶᬂᬳᬲᬶᬂᬫᬮ᭄ᬯᬦ᭄ᬤᬤᬶ᭞ᬓᬾᬢᭀᬘᬳᬶᬫᬓᬧᬧᬢ᭄ᬧᬢ᭄‌ᬚ᭄ᬯᬳᬶᬗᭂᬢᬂ᭟ᬤᬗ
ᬤᬾᬦ᭄ᬩᬧᬳᭂᬮᬲ᭄᭞ᬜᬮᬦᬶᬂᬘᬳᬶᬧ᭄ᬭᬚᬦᬶ᭞ᬬᬦ᭄‌ᬩ᭄ᬯᬢ᭄ᬧᬶᬢᬺᬡ᭄ᬡᬦ᭄ᬩᬧ᭞ᬢ᭄ᬯᬭᬤᬢᬓᭀᬦᬂᬩᬸᬯᬶᬦ᭄᭞ᬢᬸᬦᬲ᭄ᬩᬧᬭᬶᬂᬲᬶᬤ᭄ᬟᬶ᭞ᬫᬗ᭄ᬤᬾᬘᬳᬶᬫᬗ᭄ᬕᬶᬄᬳᬬᬸ᭞ᬳᬬᬸᬯᬺᬤ᭄ᬟᬶᬤᬷᬃᬕ᭄ᬖᬬᬸᬱ᭞ᬧᬭᬶᬧᬹᬃᬡ᭄ᬦᬲᬶ [ 5 ][᭔ 4B]
᭞᭔᭞ᬤ᭄ᬟᬬᭀᬕᬶ᭞ᬫᬦᬸᬗ᭄ᬕ᭄ᬯᬶᬂᬲ᭄ᬯᬾᬘᬦ᭄ᬯᬶᬥᬶᬲᬶᬤ᭄ᬟᬓᬃᬬ᭄ᬬ᭟ᬧᬸᬢ᭄ᬭᬘᬢᬸᬃᬲᬳᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬩᬧᬢᬶᬢ᭄ᬬᬂᬗᬶᬭᬶᬂ᭞ᬫᬲᬧᬸᬭᬸᬦ᭄ᬚᬕᬶᬢᬸᬮᬓ᭄᭞ᬤᬾᬦᬶᬂᬫᬯᬲᬦᬍᬯᬶᬄ᭞ᬬᬤᬶᬦ᭄ᬫᬢᭂᬫᬄᬫᬢᬶ᭞ᬲᬓᬳ᭄ᬬᬸᬦ᭄ᬩᬧᬫᬶᬢᬸ
ᬤᬸᬄ᭞ᬭᬭᬶᬲ᭄ᬯᭂᬓᬦᬾᬫᬓᬧᬢ᭄᭞ᬧᬫᬶᬢ᭄ᬳᬢᬸᬃᬲᬳᬩᬓ᭄ᬢᬶ᭞ᬩ᭄ᬭ᭄ᬬᬸᬓ᭄ᬩᬗᬸᬦ᭄᭞ᬫᬗ᭄ᬓᬢ᭄ᬲᬵᬫ᭄ᬧᬸᬦ᭄ᬗᬮᬸᬯᬃᬤᬾᬰ᭟ᬳᬶᬢᬶᬮᬶᬓ᭄ᬭᬱᬳᬗᬸᬘᬧ᭄᭞ᬭᬶᬂᬳᬭᬶᬦᬾᬢᬶᬕᬂᬤᬶᬭᬶ᭞ᬫᬥᬾᬢᬬᬜᭀᬫᬦ᭄ᬓᬭ᭞ᬳᬶᬓᭂᬢᬸᬢ᭄ᬲ
ᬦ᭄ᬢᬦᬫᬮᬶᬄ᭞ᬚᬦᬶᬧᬂᬧᬤᬳᬾᬮᬶᬂ᭞ᬧᬶᬢᭂᬓᭂᬢ᭄ᬳᬶᬩᬧᬩᬯᬸ᭞ᬫᬗ᭄ᬤᬾᬫᬲ᭄ᬯᬂᬲ᭄ᬯᬂ᭞ᬧᬚᬮᬦᬾᬧᬤᬗᬮᬶᬄ᭞ᬧᬕᬸᬭ᭄ᬯᬦ᭄‌ᬳᬧᬂᬳᬤᬕᬸᬭᬸᬢᬸᬗ᭄ᬕᬶᬸᬗ᭄ᬕᬮ᭄᭟ᬳᬭᬶᬦ᭄ᬬᬢᬶᬕᬲᬳᬸᬭ᭞ᬳᬶᬗ᭄ᬕᬶᬄᬩᭂᬮᬶᬢᬶᬢ᭄ᬬᬂᬳᬾᬮᬶᬂ᭞
ᬤᬶᬢᬸᬮᬯᬸᬢ᭄ᬧᬤᬩᭂᬮᬲ᭄᭞ᬳᬤᬓᬯᬸᬄᬳᬓᬗᬶᬦ᭄᭞ᬳᬦᬦᬾᬓᬮᭀᬤ᭄ᬫᬜᬸᬚᬸᬃ᭞ᬳᬤᬦᬾᬓᬚᬫᬗᬸᬗ᭄ᬲᬶ᭞ᬳᬤᬦᬾᬓᭂᬮᭀᬤ᭄ᬫᬜᬸᬚᬸᬃ᭞ᬧᬤᬫᬫ᭄ᬯᬢᬂᬳᬯᬓ᭄᭞ᬢ᭄ᬯᬳᬗᬾᬢᬂᬧᬢᬶᬳᬸᬭᬶᬧ᭄᭞
[᭕ 5A]
ᬤᬾᬦᬶᬂᬲᬫᬶᬗᬶᬭᬶᬗᬂᬧᬶᬢᬸᬤᬸᬄᬩᬧ᭟ᬓ᭄ᬭᬡᬢ᭄ᬯᬭᬗᬶᬢᬸᬂᬩᬬ᭞ᬳᬶᬥᭂᬧᬾᬧᬤᬫᬗᬶᬮᬶᬲ᭄᭞ᬜᬸᬯᬸᬦ᭄‌ᬯᬘᬦᬦ᭄ᬳᬶᬩᬧ᭞ᬬᬤ᭄ᬬᬤᬸᬃᬕ᭄ᬕᬫᬮᬫ᭄ᬧᬳᬶᬦ᭄᭞ᬢᬸᬯᬶᬚᭀᬄᬦᬾᬧᬭᬦᬶᬦ᭄᭞ᬧᬤᬲᭂᬮᬢ᭄ᬳᬮᬲ᭄ᬕᬸᬦᬸᬂ᭞
ᬮᬫ᭄ᬧᬄᬳᬦᬸᬗ᭄ᬕᬦᬸᬦᬶᬸᬗ᭄ᬕᬦᬸᬗ᭄ᬕᬮ᭄᭞ᬲ᭄ᬭᬶᬧᬶᬢ᭄ᬲᭂᬗ᭄ᬓᬦᬾᬂᬫᬃᬕ᭄ᬕᬶ᭞ᬗ᭄ᬮᬶᬦ᭄ᬢᬂᬳᬤᭀᬄᬗᬯᬾᬦᬂᬓᬲ᭄ᬫᬭᬦ᭄ᬘᬶᬢ᭟᭜᭟ᬧᬸᬄᬲ᭄ᬫᬭᬦ᭄ᬤᬦ᭟ᬮᬕᬲ᭄ᬧᬚᬮᬦᬾᬦᬸᬗ᭄ᬕᬶᬮ᭄᭞ᬫᬸᬗ᭄ᬕᬄᬕᬸᬦᬸᬂᬢᬸᬭᬸᬦ᭄ᬚᬸᬭᬂ᭞ᬲᬶᬂ
ᬍᬍᬄᬕᭂᬤᬄᬫᬫᭀᬦ᭄ᬤᬾᬓ᭄᭞ᬤᬾᬦᬶᬂᬚᭀᬄᬲᬗ᭄ᬓᬦᬶᬂᬫᬃᬕ᭄ᬕ᭞ᬫ᭄ᬯᬄᬕᭂᬮᬶᬲᬶᬂᬘᬭᬶᬢ᭞ᬲᬵᬫ᭄ᬧᬸᬦ᭄ᬧᬤᬳᭀᬮᬶᬄᬕᬸᬭᬸ᭞ᬕᬸᬭᬸᬦᬾᬧᬤᬯᬶᬰᬾᬱ᭟ᬬᬦ᭄ᬳᬓᬸᬤᬂᬢᬳᬸᬦ᭄ᬗᬚᬶ᭞ᬲᬓᬶᬂᬧᬶᬢᬸᬤᬸᬳᬶᬂᬳ᭄ᬬᬂ᭞ᬲᬫᬶ
ᬘᬓᭂᬬᬦᭂᬫᬸᬦᬾ᭞ᬲᬗ᭄ᬓᬦ᭄ᬲᬓᬾᬂᬧᬕᬸᬭ᭄ᬯᬦ᭄᭞ᬲᬫ᭄ᬬᬳᬶᬦᬲᬸᬂᬢᬦ᭄ᬤ᭞ᬫᬓᬘᬶᬭᬶᬦ᭄ᬬᬯᬸᬲ᭄ᬲᬸᬢᬸᬲ᭄᭞ᬧᬯᬾᬄᬲᬓᬾᬂᬕᬸᬭᬸᬦ᭄ᬬ᭟ᬕᭂᬮᬶᬲᬶᬂᬘᬭᬶᬢᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦᬧᬤᬳᭀᬮᬶᬄᬢᬦ᭄ᬤ᭞ [ 6 ][᭕ 5B]
᭞᭕᭞
ᬤᬾᬦᬶᬂᬕᬸᬭᬸᬧᬤᬓᬯᭀᬢ᭄᭞ᬢᬸᬃᬩᬶᬦᬓᬧᬸᬢᬸᬲᬦ᭄ᬜ᭞ᬳᭀᬮᬶᬳᬾᬦᬾᬕᬸᬭ᭄ᬯᬂ᭞ᬯᬸᬲ᭄ᬮᭂᬧᬲ᭄ᬤᬾᬦ᭄ᬬᬕᬸᬭᬸ᭞ᬫᬗ᭄ᬓᬾᬧᬤᬕᭂᬮᬶᬲ᭄ᬩᬸᬤᬮ᭄᭟ᬭᬶᬂᬕᬸᬭᬸᬲᬵᬫ᭄ᬧᬸᬦ᭄ᬫᬧᬫᬶᬢ᭄᭞ᬢᬦ᭄ᬓᭀᬘᬧ᭄ᬫᬗ᭄ᬓᬾᬤᬶᬚᬮᬦ᭄᭞ᬤᬾᬦᬶᬂ
ᬤᭀᬄᬮᬓᬸᬮᬫ᭄ᬧᬳᬾ᭞ᬫᬸᬗ᭄ᬕᬄᬕᬸᬦᬸᬂᬢᬸᬭᬸᬦ᭄ᬚᬸᬭᬂ᭞ᬲ᭄ᬭᬶᬧᬶᬢ᭄ᬲᬵᬫ᭄ᬧᬸᬢᬶᬂᬫᬃᬕ᭄ᬕ᭞ᬤᭀᬦᬶᬂᬫᬮᭀᬦ᭄ᬮᭀᬦᬦ᭄ᬮᬓᬸ᭞ᬢᬦ᭄ᬓᭀᬘᬧ᭄ᬕᬦ᭄ᬢᬶᬘᬭᬶᬢ᭟ᬧᬡ᭄ᬟᬶᬢᬯᬶᬦᬸᬯᬸᬲ᭄ᬫᬗ᭄ᬓᬶᬦ᭄᭞ᬫᬧᬶᬦᭂᬄᬧᬶᬢᭂᬓᬦᬾ᭞ᬤᬾᬦᬶᬂᬮᬫᬶᬤᬸᬭᬸᬂᬢᭂᬓ᭞ᬢᬸᬃᬢ᭄ᬯᬭᬳᬤᬓᬩᬃ᭞ᬜᬾᬦ᭄ᬚᬫᬢᬶᬜᬾᬦ᭄ᬚᬳᬶᬤᬸᬧ᭄᭞ᬧᬗ᭄ᬭᬱᬦᬾᬚ᭄ᬭᭀᬦᬶᬂᬫᬦᬄ᭟ᬢᬦ᭄ᬲᬸᬯᬾᬯᭂᬓᬦᬾᬧ᭄ᬭᬧ᭄ᬢᬶ᭞ᬓᬕ᭄ᬬᬢ᭄‌ᬯᬸᬲ᭄ᬫᬋᬓᬶᬂᬩᬧ᭞ᬜᭂᬫ᭄ᬩᬄᬗᬸᬲᬧ᭄ᬧᬤᬋᬓᭀ᭞ᬧᬡ᭄ᬟᬶᬢᬭᬭᬶᬲ᭄ᬳᬗᬸ
ᬲᬧ᭄᭞ᬳᭂᬗ᭄ᬓᬾᬦ᭄ᬳᬤᬶᬦ᭄ᬘᬳᬶᬳᬤ᭞ᬳᬧᬓ᭄ᬭᬡᬤᬸᬭᬸᬂᬭᬯᬸᬄ᭞ᬤᬾᬦᬶᬂᬲᬸᬩᬮᬫᬶᬧᬶᬲᬦ᭄᭟ᬢᬶᬮᬶᬓ᭄ᬭᬲᬳᬢᬸᬃᬩᬓ᭄ᬢᬶ᭞ᬦ᭄ᬤᬢᭂᬕ᭄ᬕᬸᬂᬳᬫ᭄ᬧᬸᬭᬩᬧ᭞ᬤᬾᬦᬶᬂᬫᬩᬦᭂᬳᬦ᭄ᬳᬗ᭄ᬕᭀᬦ᭄᭞ᬤ᭄ᬯᬦᬶᬂᬢᬶᬢ᭄ᬬᬂᬢᬢᬦ᭄ᬯ᭄ᬭᬸᬳ᭞
[᭖ 6A]
ᬲᭂᬤᭂᬓᬦ᭄ᬳᬗᬸᬘᬧ᭄ᬳᬸᬘᬧ᭄᭞ᬓᬕᬾᬢ᭄ᬯᭂᬓᬲᬫᬶᬭᬯᬸᬄ᭞ᬦᬫ᭄ᬧᭂᬓᬂᬗᬢᬸᬭᬂᬲᭂᬫ᭄ᬩᬄ᭟ᬦᭂᬕᬓ᭄ᬲᬫᬶᬚᬚᬃᬦᬗ᭄ᬓᬶᬮ᭄᭞ᬲᬫ᭄ᬧᬸᬦ᭄ᬲᬫᬶᬳᬗᬸᬲᬧ᭄ᬧᬤ᭞ᬧᬡ᭄ᬟᬶᬢᬗᬦ᭄ᬤᬶᬓᬳᬮᭀᬦ᭄᭞ᬳᬧᬘᬳᬶᬳᭀᬮᬶᬄᬧᬤ᭞
ᬳᬶᬮ᭄ᬫᬸᬦᬾᬕᬸᬭ᭄ᬯᬂ᭞ᬭᬾᬄᬧᬤᬫᬮᬾᬦᬦ᭄ᬕᬸᬭᬸ᭞ᬦᬾᬚᬦᬶᬢᬸᬢᬸᬭᬶᬦ᭄ᬩᬧ᭟ᬢᬶᬮᬶᬓ᭄ᬭᬲᬫᬢᬸᬃᬳᬭᬶᬲ᭄᭞ᬳᭀᬮᬶᬄᬢᬶᬢ᭄ᬬᬂᬢᭂᬦᬸᬂᬳᬯᬲ᭄᭞ᬳᬶᬫᬥᬾᬢᬬᬳᬢᬸᬭᬾ᭞ᬳᬶᬮ᭄ᬫᬸᬧᬦᬄᬧᭀᬮᬶᬄᬢᬶᬢ᭄ᬬᬂ᭞ᬧᬡ᭄ᬟᬶᬢᬫ
ᬮᬶᬄᬳᬗᬸᬘᬧ᭄᭞ᬳᬶᬜᭀᬫᬦ᭄ᬓᬭᬯᬶᬦᬸᬯᬸᬲ᭄᭞ᬘᭂᬦᬶᬂᬳᬧᬦᬾᬕᬸᬭ᭄ᬯᬂ᭟ᬳᬶᬓᭂᬢᬸᬢ᭄ᬲᭂᬦ᭄ᬢᬦᬩ᭄ᬯᬶᬦ᭄᭞ᬫᬲᬶᬄᬓᬾᬧᬤᬳᭀᬭᬳᬂ᭞ᬜᭀᬫᬦ᭄ᬓᬭᬳᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬍᬯᬶᬄᬓᭂᬤ᭄ᬬᬂ᭞ᬩ᭄ᬯᬢ᭄ᬲᬓ᭄ᬢᬶ
ᬧᬫᬮᬶᬗᬦ᭄᭞ᬦᬶᬫ᭄ᬩᬮ᭄ᬳᬶᬲᭂᬦ᭄ᬢᬦᬫᬢᬸᬃ᭞ᬳᭀᬮᬶᬄᬢᬶᬢ᭄ᬬᬂᬇᬮ᭄ᬫᬸᬭᬓᬶᬢᬦ᭄᭟ᬧᬡ᭄ᬟᬶᬢᬗᬦ᭄ᬤᬶᬓᬫᬮᬶᬄ᭞ᬦᬾᬓᬾᬚᬦᬶᬳᬶᬦ᭄ᬤᬬᬂ᭞ᬘᬳᬶᬢᬶᬮᬶᬓ᭄ᬭᬱᬋᬓᭀ᭞ᬢᭂᬦᬸᬗᬾᬚᬦᬶᬕᭂᬮᬭᬂ᭞ᬳᬧᬂᬯᬲ᭄ᬧ [ 7 ][᭖ 6B]
᭞᭖᭞
ᬩᬧ᭞ᬦᬾᬚᬦᬶᬳᬤᬯᬦ᭄ᬤᬶᬭᬳᬕᬸᬂ᭞ᬮᬸᬳᬸᬃᬘᬭᬂᬤᬳᬸᬦ᭄ᬲᬫᬄ᭟ᬤᬶᬢᬸᬳᬧᬳᬤᬫᬶᬲᬶ᭞ᬤᬓᬬᬸᬦᬾᬧᬮᬶᬂᬧᬸᬘᬓ᭄᭞ᬢᬦ᭄ᬓᬢᭀᬦ᭄ᬤᬾᬦᬶᬂᬮᬸᬳᬸᬭᬾ᭞ᬩᬗ᭄ᬲᬶᬗᬾᬬᬧᬲᬸᬭᬫ᭄ᬩ᭄ᬬᬄ᭞ᬋᬦ᭄ᬢᭂᬩ᭄ᬢᬦ᭄ᬓᬢᭀᬦ᭄ᬳᬧ᭞
ᬘᬳᬶᬢᬶᬮᬶᬓ᭄ᬭᬲᬫᬮᬸ᭞ᬫᬲᬂᬢᭂᬦᬸᬗᬾᬳᬯᬲ᭄᭟ᬢᬶᬮᬶᬓ᭄ᬭᬲᬳᬢᬸᬃᬩᬓ᭄ᬢᬶ᭟ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬳᬸᬦ᭄ᬧᬶᬲᬦ᭄᭞ᬦᭂᬳᭂᬃᬬᬫᬗᬺᬕᭂᬧ᭄ᬋᬓᭀ᭞ᬦᬸᬗ᭄ᬕᬮᬂᬇᬥᭂᬧ᭄ᬦᬶᬃᬫ᭄ᬫᬮ᭞ᬗᭂᬮᬃᬲᬵᬫᬥᬶᬬᭀᬕ᭞ᬲᬓᬶᬂᬯᬶ
ᬥᬶᬇᬘ᭄ᬙᬢᬸᬤᬸᬄ᭞ᬓᬢᭀᬦ᭄ᬩᬳᬦ᭄ᬜᬦᬭᬯᬂ᭟ᬳᬕ᭄ᬬᬳᬢᬸᬃᬲᬳᬩᬓ᭄ᬢᬶ᭞ᬯᬾᬦ᭄ᬢᭂᬦ᭄ᬧᬓ᭄ᬱᬶᬫᬸᬗ᭄ᬕ᭄ᬯᬶᬂᬧᬸᬘᬓ᭄᭞ᬓᭂᬮ᭄ᬬᬂᬯᬵᬱ᭄ᬝᬦ᭄ᬧᬓ᭄ᬱᬶᬋᬓᭀ᭞ᬲᭂᬥᭂᬓ᭄ᬗᬳᭂᬫ᭄ᬕᬦ᭄ᬢᬶᬕᬦ᭄ᬜ᭞ᬲᬵᬫ᭄ᬧᬸᬦ᭄ᬫᬤᬕᬶᬂᬧ᭄ᬬᬦᬓ᭄᭞ᬭᭀ
ᬭᭀᬢᬮᬸᬄᬓᬳᭂᬫ᭄ᬳᬶᬧᬸᬦ᭄᭞ᬩᬾᬜ᭄ᬚᬂᬍᬓ᭄ᬳᬚᭂᬕ᭄ᬲᬹᬃᬬ᭄ᬬ᭟ᬧᬡ᭄ᬟᬶᬢᬗᬦ᭄ᬤᬶᬓᬫᬮᬶᬄ᭞ᬫᬥᬾᬢᬬᬳᬶᬦᬸᬚᬭᬦ᭄᭞ᬚᬦᬶᬓᬾᬳᬶᬫᬥᬾᬋᬓᭀ᭞ᬧᬦᬄᬳᬦ᭄ᬢᬶᬕᬦᬧᬓ᭄ᬱ᭄ᬬ᭞ᬫᬓ
[᭗ 7A]
ᬭᭀᬭᭀᬫᬗ᭄ᬤᬾᬓᭂᬦ᭞ᬫ᭄ᬯᬄᬳᬧᬂᬤᬫᬢᬢᬸ᭞ᬧ᭄ᬬᬦᬓ᭄ᬦᬾᬚ᭄ᬭᭀᬦᬶᬂᬳᬦ᭄ᬢᬶᬕ᭟ᬫᬥᬾᬢᬬᬫᬦᬄᬳᬕ᭄ᬮᬶᬲ᭄᭞ᬓᭂᬦᬳᬸᬮᬸᬂᬫᬓᬤᬤ᭄ᬯ᭞ᬕᬶᬦᬯᬤᬾᬦᬶᬂᬧᬦᬳᬾ᭞ᬤᬾᬦᬶᬂᬰᬓ᭄ᬢᬶᬦᬶᬂᬧᬦᬄ᭞ᬢᬸᬃᬕᬶᬦᭂᬮᬄᬫᬓ
ᬭ᭄ᬯ᭞ᬳᬦᬓ᭄ᬦ᭄ᬬᬯᬸᬲ᭄ᬫᭂᬢᬸᬩᬸᬮᬸ᭞ᬢᬦ᭄ᬲᬮᬄᬧᬢᭂᬤᬸᬗᬦ᭄ᬬ᭟ᬫᬾᬫᬾᬦ᭄ᬬᬧᬕᭂᬄᬗᬳᭂᬫᬶᬦ᭄᭞ᬢ᭄ᬯᬭᬳᬗᬦ᭄ᬫᬓᭂᬤᬸᬢᬦ᭄᭞ᬢᬦ᭄ᬳᬦᬓᬭᬲᬋᬓᭀ᭞ᬧᬕᭂᬄᬗᬳᭂᬫ᭄‌ᬬᬫᬕᭂᬦᬄ᭞ᬢᬸᬯᬶᬢᬦ᭄ᬫᬓ᭄ᬭᬶᬲᬶᬓᬦ᭄᭞
ᬢ᭄ᬯᬭᬦᬯᬂᬢᬮᬸᬄᬮᬩᬸᬄ᭞ᬧᬡ᭄ᬟᬶᬢᬫᬮᬶᬄᬧᬢᭂᬦᬸᬗᬦ᭄ᬬ᭟ᬳᬶᬓᭂᬢᬸᬢ᭄ᬲᬦ᭄ᬢᬦᬚᬦᬶ᭞ᬗ᭄ᬭᬧᭂᬢ᭄ᬳᬦ᭄ᬢᬶᬕᬦᬶᬂᬧᬓ᭄ᬱ᭄ᬬ᭞ᬳᬶᬲᬦ᭄ᬢᬦᬫᬵᬢᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬳᬸᬦ᭄ᬧᬶᬲᬦ᭄᭞ᬕᭂᬮᬶᬲ᭄ᬭᬓᬶᬢ᭄ᬗᬢᭂᬧᬂ᭞
ᬢᬮᬸᬄᬭᬧᭂᬢ᭄ᬳᬕ᭄ᬬᬧᬸᬧᬸᬢ᭄᭞ᬭᬸᬧᬦ᭄ᬬᬢᬦ᭄ᬓᬘᬶᬃᬬ᭄ᬬᬦ᭄᭟ᬦᬾᬦᬶᬂᬘᬳᬶᬢᬸᬓᬂᬫᬮᬶᬂ᭞ᬤᬶᬓᬧᬦ᭄ᬲᬶᬄᬓᬢᬗᭂᬳᬦ᭄᭞ᬳᬶᬓᬭᬫᬗᬺᬕᭂᬧ᭄ᬋᬓᭀ᭞ᬗᬶᬲᭂᬂᬫᬦ᭄ᬢ᭄ᬭᬧᬗᬯᬱ᭞ᬲᬲᬶᬋᬧ᭄ᬲᬓᬶᬂᬢ᭄ᬕᬸᬡ᭞ [ 8 ][᭗ 7B]
᭞᭗᭞
ᬲ᭄ᬭᬡᬲᭂᬓᬃᬢᬸᬜ᭄ᬚᬸᬂᬩᬶᬭᬸ᭞ᬓᬤᬶᬮᬬᭀᬦ᭄‌ᬤᬾᬦ᭄ᬬᬵᬢᬸᬭ᭟ᬜᬾᬫᬦ᭄ᬓᬭᬭᬭᬶᬲ᭄ᬳᬕᭂᬮᬶᬲ᭄᭞ᬫᬸᬦ᭄ᬤᬸᬢ᭄ᬳᬮᬸᬄᬦᭂᬳᭂᬃᬫᬸᬗ᭄ᬕᬄ᭞ᬳᬗ᭄ᬕᬯᬳᬦ᭄ᬢᬶᬕᬭᭀᬭᭀ᭞ᬲᬓᬶᬂᬕᭂᬮᬶᬲᬶᬂᬘᬭᬶᬢ᭞ᬯᬸᬲ᭄ᬧᬸᬧᬸᬢ᭄ᬓᬤᬶᬫᬸ
ᬮ᭞ᬫᬮᬶᬄᬢᬸᬮᬓ᭄ᬳᬕᬾᬢᬸᬭᬸᬦ᭄᭞ᬓᭂᬤᬶᬲᬾᬧᬕᭂᬄᬫᬕᭂᬦᬄ᭟ᬓᭀᬘᬧ᭄ᬧᬡ᭄ᬟᬶᬢᬲᬸᬫᬶᬗ᭄ᬓᬶᬦ᭄᭞ᬍᬕᬦᬾᬢᬦ᭄ᬓᭂᬦᬂᬳᬸᬘᬧ᭄᭞ᬫᬳᬶᬫ᭄ᬩᬸᬄᬳᬶᬫ᭄ᬩᬸᬄᬲᬸᬓᬦᬾ᭞ᬮ᭄ᬯᬶᬃᬓᬳᬸᬚᬦᬦ᭄‌ᬫᬺᬢ᭄ᬢ᭞ᬧᬗ᭄ᬭᬱ
ᬦ᭄ᬜᬦᬾᬤᬶᬫᬦᬄ᭞ᬲᬵᬓ᭄ᬱᬢᬂᬫᬡᬶᬓ᭄ᬳᬕᬸᬦᬸᬂ᭞ᬓᬤᬶᬯᬶᬦ᭄ᬢᭂᬦ᭄ᬲᬦᬵᬕᬭ᭟ᬧᬡ᭄ᬟᬶᬢᬗᬦ᭄ᬤᬶᬓᬳᬭᬶᬲ᭄᭞ᬩᬸᬓᬚᬦᬶᬢ᭄ᬯᬶᬧᬤ᭞ᬧᬸᬮᬶᬳᬾᬫᬕᬸᬭᬸᬓᬯᭀᬢ᭄᭞ᬢ᭄ᬯᬭᬧᬶᬲᬦ᭄ᬤᬤᬶᬳᬫ᭄ᬧᬄ᭞ᬢᬶᬗ᭄ᬓ
ᬳᬾᬗᬫᭀᬂᬳᬯᬓ᭄᭞ᬲᬦ᭄ᬢᭀᬲᬥᬃᬫ᭄ᬫᬲᬤᬸ᭞ᬤᬘᬩᬃᬤᬧᬭᬫᬥ᭟ᬳᬧᬂᬳᬭᬶᬫ᭄ᬩᬢᬳᬸᬕᬶ᭞ᬚᬢᬶᬳᭂᬦ᭄ᬢᭀᬦᬾᬳᬋᬧᬂ᭞ᬫ᭄ᬯᬂᬭᬶᬂᬲᬃᬯ᭄ᬯᬳᬸᬭᬶᬧᬾ᭞ᬍᬯᬶᬄᬭᬶᬂᬧᬤᬫᬵᬦᬸᬱ᭞ᬢ᭄ᬯᬶ
[᭘ 8A]
ᬢᬦ᭄ᬯᭂᬦᬂᬧᬶᬲᬦ᭄᭞ᬫᬧᬗᬚᬶᬩᬳᬦ᭄ᬲᬸᬢᬸᬲ᭄᭞ᬳᬧᬦ᭄‌ᬢ᭄ᬯᬭᬤᬤᬶᬘᬩᬃ᭟ᬧᬶᬢᭂᬓᭂᬢ᭄ᬩᬧᬓᬾᬦ᭄ᬘᬳᬶ᭞ᬳᬧᬂᬧᬢᬸᬄᬚ᭄ᬯᬫᬜᬫ᭞ᬫᬗ᭄ᬭᬓ᭄ᬱᬭᬸᬫᬓ᭄ᬱᬋᬓᭀ᭞ᬩᬋᬂᬫᬗ᭄ᬕᬶᬄᬚᭂᬮᬾᬫᭂᬮᬄ᭞
ᬤᬾᬦᬶᬂᬳᬯᬓ᭄ᬓᬢᬸᬦᬦ᭄᭞ᬳᬗ᭄ᬓᬸᬳᬂᬲᬳᬗ᭄ᬓᬸᬄᬳᬗ᭄ᬓᬸᬄ᭞ᬳᬶᬗᭂᬢ᭄ᬫᬢᬶᬍᬲᬂᬳᬯᬓ᭄᭟ᬬᬦ᭄ᬳᬤᬮᬪᬳᬤᬢᭂᬧᬸᬓᬶᬦ᭄᭞ᬩᬋᬂᬚ᭄ᬯᬘᬳᬶᬫᬸᬓ᭄ᬢ᭄ᬬ᭞ᬬᬤᬶᬦ᭄ᬓᬶᬓᬶᬢ᭄ᬮᭂᬯᬶᬄᬫᬓ᭄ᬯᬾᬄ᭞ᬫᬗ᭄ᬤᬾᬩᬋᬂᬢ᭄ᬯᬭᬩᬶ
ᬦ᭞ᬩᬳᬦᬾᬫᬕ᭄ᬬᬂᬳᬯᬓ᭄᭞ᬳᬦ᭄ᬢᬸᬓ᭄ᬲ᭄ᬯᬾᬘᬦ᭄ᬲᬂᬳ᭄ᬬᬂᬢᬸᬤᬸᬄ᭞ᬲᬸᬓᬤᬸᬄᬓᬳᬸᬕᬶᬢ᭄ᬭᬶᬫ᭟ᬫᬸᬮᬧ᭄ᬭᬓᬺᬢ᭄ᬢᬶᬦᬾᬗᬹᬦᬶ᭞ᬤᬸᬦᬶᬸᬓᬾᬩᬸᬯᬫᬭᬾᬓᬦᬾᬢ᭄ᬭ᭞ᬓᬕᬃᬪᬩᬳᬦ᭄ᬳᬶᬫᬾᬫᬾ᭞ᬢᬸᬃᬳᬰᬸᬪ
ᬰᬸᬪᬓᬃᬫ᭄ᬫ᭞ᬳᭂᬦ᭄ᬢᭀᬓᬢᬹᬢ᭄ᬢᬦ᭄ᬧᬲᬄ᭞ᬫᬗᬤᬓᬂᬳᬮᬳᬬᬸ᭞ᬩᭂᬦᭂᬄᬲᬮᬄᬲᬸᬓᬤᬸᬄᬓ᭟ᬮᭀᬪᬓ᭄ᬭᭀᬥᬫᭀᬳᬤᬺᬗ᭄ᬕᬶ᭞ᬢ᭄ᬯᬭᬮᬾᬦᬦ᭄ᬓᭀᬲᬗ᭄ᬓᬦ᭄ᬜ᭞ᬲᬗ᭄ᬓᬦ᭄ᬮᬘᬸᬃᬩᬕ᭄ᬬᬋ [ 9 ][᭘ 8B]
᭞᭘᭞
ᬓᭀ᭞ᬯᬦ᭄ᬢᬾᬄᬧ᭄ᬭᬓᬺᬢ᭄ᬢᬶᬦᬾᬓᬸᬦ᭞ᬚᬸᬕᬸᬮ᭄ᬧ᭄ᬭᬚ᭄ᬜᬦ᭄ᬫᬕᬸᬡ᭞ᬬᬦᬶᬂᬧᬕᬯᬾᬦᬾᬳᬬᬸ᭞ᬭᬵᬳᬬᬸᬧᬗ᭄ᬕᬶᬄᬲᬓᬵᬮ᭟ᬓᬾᬢᭀᬋᬓᬾᬫᬸᬗ᭄ᬕ᭄ᬯᬶᬂᬳᬚᬶ᭞ᬢᬸᬯᬶᬳᬓ᭄ᬯᬾᬄᬬᬦ᭄ᬳᬸᬘᬧᬂ᭞ᬭᬾᬄᬩᬧᬓᬮᬶ
ᬦ᭄ᬢᬂᬩᭂᬮᭀᬕ᭄᭞ᬧᭀᬮᬶᬄᬗᬶᬧᬶᬓ᭄ᬳᬶᬧᬶᬓ᭄ᬲᬢ᭄ᬯ᭞ᬲᭂᬤᭂᬓ᭄ᬲᬂᬯ᭄ᬭᬸᬄᬫᬯᭀᬲᬂ᭞ᬦᬸᬚᬸᬩᬧᬧᭀᬮᬶᬄᬗ᭄ᬭᬸᬗᬸ᭞ᬫᬢ᭄ᬭᬮᬸᬤᬶᬦ᭄ᬫᭂᬕᬢ᭄ᬫᭂᬕᬢ᭄᭟ᬩ᭄ᬯᬶᬦ᭄ᬩᬧᬫᬶᬢᭂᬓᭂᬢᬶᬦ᭄᭞ᬘᬳᬶᬧᬤᬳᬧᬂᬬᬢ᭄ᬦ᭞ᬧᬤᬮᬸ
ᬯᬲ᭄ᬗᬮᬶᬄᬕᬯᬾ᭞ᬕᬯᬾᬦᬾᬗᬮᬶᬄᬳᬗ᭄ᬓᬸᬳᬦ᭄᭞ᬧᬸᬢ᭄ᬭᬲᬫᬶᬲᬳᬸᬃᬲᭂᬫ᭄ᬩᬄ᭞ᬲᬧᬗᬸᬤᬸᬄᬢᬶᬢ᭄ᬬᬂᬦᬸᬳᬸᬦ᭄᭞ᬫᬧᬫᬶᬢ᭄ᬢᭂᬳᭂᬃᬳᬸᬫᬗ᭄ᬓᬢ᭄᭟ᬓᬧᬢ᭄ᬫᬤᬸᬮᬸᬃᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬫᬗ᭄ᬓᬾᬗ᭄ᬮᬸᬯᬃᬤᬾᬰ᭞
ᬮᬓᭀᬦ᭄ᬬᬫᬳᬮᭀᬦ᭄ᬳᬮᭀᬦ᭄᭞ᬩᬋᬂᬢ᭄ᬯᬭᬩᭂᬮᬲ᭄ᬩᭂᬮᬲ᭄᭞ᬲᬫ᭄ᬩᬶᬮ᭄ᬳᬗᬸᬘᬧ᭄ᬳᬸᬘᬧ᭄᭞ᬳᬤᬶᬳᭂᬗ᭄ᬓᬾᬦ᭄ᬤᬾᬰᬦᬾᬚᬸᬚᬸᬃ᭞ᬫᬲᬶᬄᬓᬧᬤᬓᭂᬦᭂᬳᬂ᭟ᬬᬦᬶᬂᬢ᭄ᬯᬄᬲᬸᬩᬧᬲ᭄ᬢᬶ᭞ᬧᬢᬸᬄᬇᬥᭂᬧᬾᬚᬮᬦ᭄᭞
[᭙ 9A]
ᬳᬭᬶᬦᬾᬲᬸᬫᬯᬸᬃᬳᬮᭀᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬢ᭄ᬯᬭᬧᬶᬯᬮ᭄᭞ᬳᬲᬶᬂᬳᬲᬶᬂᬧᬓᬳ᭄ᬬᬸᬦᬦ᭄᭞ᬫᬦᬶᬲ᭄ᬳᬢᬸᬭᬾᬲᬧᬸᬮᬸᬂ᭞ᬮ᭄ᬯᬶᬃᬕᭂᬦ᭄ᬤᬶᬲ᭄ᬢᬸᬫᬶᬩᬾᬂᬤᬂᬤᬂ᭟᭜᭟ᬧᬸᬄᬤᬂᬤᬂ᭟ᬲᬫ᭄ᬧᬸᬦ᭄ᬳᬤᭀᬄᬓᭀᬘᬧᬶᬂᬫ
ᬫᬃᬕ᭄ᬕᬶ᭞ᬲᬶᬭᬓᬧᬢ᭄᭞ᬢ᭄ᬯᬭᬩᭂᬮᬲ᭄ᬩᭂᬮᬲ᭄᭞ᬲᬮᬓᬸᬲᬾᬮ᭄ᬯᬦ᭄ᬧᬭᬤᬾ᭞ᬢᬸᬯᬶᬳᬦᬹᬢ᭄ᬲᬤᬸᬮᬸᬃ᭞ᬢᬶᬮᬶᬓ᭄ᬭᬱᬳᬗᬸᬘᬧ᭄ᬳᬭᬶᬲ᭄᭞ᬭᬶᬂᬳᬭᬶᬦ᭄ᬬᬓᬢᬶᬕ᭞ᬳᬤᬶᬬᬦ᭄‌ᬢ᭄ᬯᬄᬧᬢᬸᬄ᭞ᬫᬭᬵᬃᬬ᭄ᬬᬦ᭄ᬬᬳᬚ᭄ᬮᬧ᭄ᬚᬧᬦ᭄᭞
ᬓᬤᬸᬂᬳᬤᬧᬜ᭄ᬘᭀᬭᬦ᭄ᬫᬲᬦ᭄ᬤᬶᬂᬗᬶᬗᬶᬦ᭄᭞ᬳᬰ᭄ᬭᬶᬳᬬᬸᬩᬾᬓᬮᬶᬦ᭄ᬢᬂ᭟ᬳᬶᬗ᭄ᬕᬶᬄᬩᭂᬮᬶᬯ᭄ᬬᬓ᭄ᬢᬶᬜᬦ᭄ᬤᬂᬩᭂᬘᬶᬓ᭄᭞ᬫᬭᬵᬃᬬ᭄ᬬᬦᬦ᭄᭞ᬦᭂᬳᭂᬃᬲᬫᬶᬦᭂᬕᬓ᭄᭞ᬤᬶᬢᬸᬤᬶᬩᬢᬦ᭄ᬩᬶᬗᬶᬦᬾ᭞ᬦᬧᬓ᭄ᬋᬲᬶᬓ᭄ᬢᬸᬃᬳᬮᬸᬲ᭄᭞
ᬧᬓᬡ᭄ᬟᬦ᭄ᬧᬜ᭄ᬭᬭᬦ᭄ᬧᬲ᭄ᬢᬶ᭞ᬧᬭᬶᬕᬶᬩᬢᬸᬫᬲ᭄ᬮᭂᬧ᭞ᬓ᭄ᬮᭂᬩᬸᬢᬦ᭄ᬳᬶᬧᬸᬦ᭄ᬮᬯᬸᬄ᭞ᬳᭂᬍᬓᬦ᭄ᬢᭀᬬᬦᬾᬕᬗ᭄ᬲᬃ᭞ᬦᬶᬂᬫᬮᭀᬦᬦ᭄᭞ᬓᬤᬶᬢᬷᬃᬣᬲᬸᬭᬦᬵᬤᬷ᭞ᬧᬦ᭄ᬢᭂᬲ᭄‌ᬬᬰᬦ᭄ᬬᭀᬕᬷᬰ᭄ᬯᬭ᭟ᬫᬮᬶᬄᬯᬾᬦ᭄ᬢᭂ [ 10 ][᭙ 9B]
᭞᭙᭞
ᬦ᭄ᬧᬃᬬ᭄ᬬᬦ᭄ᬫᬸᬗ᭄ᬕᬶᬮ᭄᭞ᬫᬗᬋᬧᬂᬢᬸᬃᬫᬤᬕᬶᬂᬅᬃᬘ᭄ᬙ᭞ᬬᬦ᭄ᬲᬯᬂᬧᬃᬡ᭄ᬦᬯᬃᬡ᭄ᬦᬦᬾ᭞ᬦᬾᬩᭂᬗᭀᬂᬗᬯᬲ᭄ᬓᬍᬩᬸᬢ᭄᭞ᬓᬧᭂᬦᭂᬢᬦ᭄ᬮ᭄ᬯᬶᬃᬯᭀᬂᬲᭂᬤᬶᬄ᭞ᬦᬾᬯᬳᬸᬧᬗᬦ᭄ᬢᬾᬦᬦ᭄᭞ᬓᬢᬶᬗ᭄ᬕᬮᬦ᭄ᬮᬫ᭄ᬧᬸᬲ᭄᭞ᬢᬸᬯᬶᬳᬓ᭄ᬯᬾᬄ
ᬬᬦ᭄ᬳᬸᬘᬧᬂ᭞ᬓᬫᭂᬮᬳᬦ᭄᭞ᬕᭂᬮᬶᬲᬶᬂᬘᬭᬶᬢᬫᬗ᭄ᬓᬶᬦ᭄᭞ᬓᭀᬘᬧᬦ᭄ᬲᬂᬫᬭᬵᬃᬬ᭄ᬬᬦᬦ᭄᭟ᬭᬱᬲᬵᬫ᭄ᬧᬸᬦ᭄ᬫᬢᭂᬕ᭄ᬢᭂᬕᬦ᭄ᬕᭂᬮᬶᬲ᭄᭞ᬫ᭄ᬯᬄᬮᬸᬫᬫ᭄ᬧᬄ᭞ᬜᬸᬲᬸᬧ᭄ᬫᬜ᭄ᬚᬶᬂᬳᬮᬲ᭄᭞ᬤᬳᬢᬶᬂᬲᭂᬗ᭄ᬓᬫᬃᬕ᭄ᬕᬶᬦᬾ᭞ᬢᬸᬯᬸ
ᬦ᭄ᬤᬸᬭᬸᬂᬫᬸᬗ᭄ᬕᬄᬕᬸᬦᬸᬂ᭞ᬧᬜ᭄ᬘᬕᬶᬭᬶᬤᬾᬦ᭄ᬬᬮᬫ᭄ᬧᬳᬶᬦ᭄᭞ᬮᬫ᭄ᬧᬳᬾᬳᬫᬸᬭᬂᬫᬸᬭᬂ᭞ᬲ᭄ᬭᬶᬧᬶᬢ᭄ᬲᬶᬮᬓ᭄ᬲᬶᬮᬸᬓ᭄᭞ᬓᬳᬧᬶᬢᬦ᭄ᬤᬾᬦᬶᬂᬚᬸᬭᬂ᭞ᬢᬦ᭄ᬓᬯ᭄ᬭᬸᬳᬦ᭄᭞ᬤᬍᬫ᭄‌ᬚ᭄ᬭᭀᬦᬾᬢᬦ᭄ᬲᬶᬧᬶ᭞ᬳᬭᬂᬯᭀᬂ
ᬧᬸᬭᬸᬦ᭄ᬳᬫᭂᬦ᭄ᬢᬲ᭄᭟ᬮᬶᬲᬶᬓ᭄ᬲᬭᬸᬦᬸᬳᬸᬓ᭄ᬲᬶᬮᬸᬓᬶᬂᬕᬶᬭᬶ᭞ᬦᬾᬮᬮᬶᬫ᭞ᬦᬾᬧᬮᬶᬂᬤᬶᬢᭂᬗᬄ᭞ᬓᬮᬶᬦ᭄ᬢᬂᬳᬕᬸᬂᬮᬸᬳᬸᬭᬾ᭞ᬫ᭄ᬯᬄᬗᬶᬤᭂᬭᬶᬦ᭄ᬘᬢᬸᬃ᭞ᬓᬚᬓᭂᬮᭀᬤ᭄ᬓᬯᬸᬄᬓᬗᬶᬦ᭄᭞ᬧᬤᬫᬶᬲᬶᬧᬯᬶᬢ᭄ᬭ᭞
[᭑᭐ 10A]
ᬫᬓᬮᬶᬫᬂᬕᬸᬦᬸᬂ᭞ᬓᬍᬩᬸᬢᬦ᭄ᬰᬸᬘᬷᬦᬷᬃᬫ᭄ᬫᬮ᭞ᬦᬶᬂᬫᬗ᭄ᬮᬸᬦᬂ᭞ᬫᬗᬜᬸᬤᬂᬫᬮᬲᬫᬶ᭞ᬮᬸᬓᬢ᭄ᬳᭂᬦ᭄ᬢᬲ᭄ᬢᭂᬓᬾᬂᬧᬭᬦ᭄᭟ᬢᬦ᭄ᬯᬸᬯᬸᬲᬦ᭄ᬮᬫ᭄ᬧᬳᬶᬭᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬶᬂᬯᬸᬘᬓᬶᬂᬕᬶᬃᬬ᭄ᬬ᭞ᬲ
ᬫᬶᬓᬢᭀᬦ᭄ᬲᬓᬢᬳᬾ᭞ᬫᬶᬯᬄᬲᬵᬕᬭᬕᬸᬦᬸᬂ᭞ᬤᬾᬰᬤᬾᬰᬶᬢᭂᬓᬾᬂᬧᬦᭂᬧᬶ᭞ᬳᬭᬄᬳᬭᬳᬦ᭄ᬬ᭞ᬓᬚᬓᭂᬮᭀᬤ᭄ᬓᬯᬸᬄ᭞ᬓᬗᬶᬦ᭄ᬲᬫᬶᬫᬦᬭᬯᬂ᭞ᬧᬤᬢᬶᬗ᭄ᬕᬃ᭞ᬢᬶᬮᬶᬓ᭄ᬭᬱᬮᬶᬂᬦ᭄ᬬᬵᬭᬶᬲ᭄᭞
ᬭᬶᬂᬳᬭᬶᬦ᭄ᬬᬓᬢᬶᬕ᭟ᬩᬸᬓᬚᬦᬶᬳᬤᬶᬧᬤᬧᬶᬦᭂᬳᬶᬦ᭄᭞ᬬᬦ᭄ᬢ᭄ᬯᬄᬲᬶᬤ᭄ᬟ᭞ᬫᬗ᭄ᬤᬾᬫᬢᬸᬗ᭄ᬕᬮᬦ᭄᭞ᬧᬢᬸᬄᬧᬫᬸᬧᬸᬢ᭄ᬳᬶᬥᭂᬧᬾ᭞ᬬᬦ᭄ᬓᬾᬜᬦ᭄ᬤᬂᬚᬸᬚᬸᬃ᭞ᬳᬭᬶᬦ᭄ᬬᬲᬸᬫᬳᬸᬃᬳᬭᬶᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂ
ᬢᬦ᭄ᬧᬜ᭄ᬚᬂ᭞ᬯᬦ᭄ᬢᬃᬗᬶᬭᬶᬂᬲᬓᬳ᭄ᬬᬸᬦ᭄᭞ᬩᭂᬮᬶᬳᬸᬕᬶᬳᬋᬧᬂᬢᬶᬢ᭄ᬬᬂ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᭂᬮᬶᬫᬫᬶᬤᭂᬳᬶᬦ᭄᭞ᬢᬶᬮᬶᬓ᭄ᬭᬱᬳᬗᬸᬘᬧ᭄᭟ᬬᬦ᭄ᬢ᭄ᬯᬄᬓᬾᬢᭀᬳᬤᬶᬢᭀᬧᬭᬦᬶᬦ᭄᭞ᬳᬤᬤᬾ [ 11 ][᭑᭐ 10B]
᭞᭑᭐᭞
ᬰ᭞ᬦᬾᬧᬳᭂᬓ᭄ᬲᬵᬕᬭ᭞ᬲᬫᬶᬲᬸᬫᬳᬸᬃᬳᬭᬶᬦᬾ᭞ᬳᬢᬸᬃᬦ᭄ᬬᬳᬦᬹᬢ᭄ᬲᬢᬸᬭᬸᬢ᭄᭞ᬦᭂᬳᭂᬃᬧᬤᬮᬸᬫᬫ᭄ᬧᬄᬳᬕᭂᬮᬶᬲ᭄᭞ᬢᬦ᭄ᬲᬄᬲᬤᬸᬮᬸᬃᬓᬧᬢ᭄᭞ᬧᬚᬮᬦᬾᬗᬮᬦ᭄ᬢᬸᬃ᭞ᬢᬸᬯᬶᬢ᭄ᬯᬭᬩᭂᬮᬲ᭄ᬩᭂ
ᬮᬲ᭄᭞ᬲᬵᬫ᭄ᬧᬸᬦ᭄ᬳᬤᭀᬄ᭞ᬕᭂᬮᬶᬲᬶᬂᬘᬭᬶᬢᬫᬗ᭄ᬓᬶᬦ᭄᭞ᬳᬕᬾᬭᬯᬸᬄᬢᭂᬓᬾᬂᬧᬭᬦ᭄᭟ᬭᬭᬶᬲ᭄ᬫᬜ᭄ᬚᬶᬂᬭᬶᬂᬧᬲᬃᬳᬕᭂᬮᬶᬲ᭄᭞ᬚ᭄ᬭᭀᬦᬶᬂᬤᬾᬰ᭞ᬳᬭᬂᬚᬦ᭄ᬫᬦ᭄ᬬ᭞ᬓᬗ᭄ᬕᭂᬓ᭄ᬩᭂᬗᭀᬂᬧᬗ᭄ᬭᬱᬦᬾ᭞ᬩ᭄ᬭ᭄ᬬᬸᬓ᭄ᬦᭂᬕ
ᬓ᭄ᬫᬓᬸᬫ᭄ᬧᬸᬮ᭄᭞ᬲᬫ᭄ᬩᬶᬮ᭄ᬗᬯᬲ᭄ᬦᬾᬓᬯᬸᬄᬓᬗᬶᬦ᭄᭞ᬓᬚᬓᭂᬮᭀᬤ᭄ᬧᭂᬤᬲᬂ᭞ᬢᬸᬯᬶᬦᬵᬕᬭᬮᬸᬯᬸᬂ᭞ᬫᬄᬍᬯᬶᬄᬢᬦ᭄ᬧᬢᬦ᭄ᬤᬶᬗᬦ᭄᭞ᬓᬫᭂᬮᬳᬦ᭄᭞ᬤᬤ᭄ᬬᬫᬸᬂᬫᬸᬂᬰᬸᬦ᭄ᬬᬲᭂᬧᬶ᭞ᬧᬗ᭄ᬭᬱᬦ᭄ᬜᬦᬾᬤᬶ
ᬫᬦᬄ᭟ᬢᬦ᭄ᬤ᭄ᬯᬯᬾᬦ᭄ᬢᭂᬦ᭄‌ᬯᭀᬂᬮᬦᬂᬜᬕ᭄ᬚᬕᬶᬦ᭄᭞ᬫᬦᬫ᭄ᬧᭂᬓᬂ᭞ᬲᭀᬚᬃᬭᬭᬶᬲ᭄ᬜᬧ᭞ᬳᬮᬸᬲ᭄ᬫᬦᬶᬲ᭄ᬧᬗᬸᬘᬧᬾ᭞ᬲᬓᬶᬂᬧᬸᬦᬧᬶᬭᬯᬸᬄ᭞ᬤᬾᬦᬶᬂᬢᭂᬫ᭄ᬩᬾᬢᬶᬢ᭄ᬬᬂᬫᬗ᭄ᬕᬶᬳᬶᬦ᭄᭞ᬳᬶᬗ᭄ᬕᬶᬄᬧᬸᬦᬧᬶᬲᬤ᭄ᬬ᭞
[᭑᭑ 11A]
ᬳᬶᬘᬾᬦ᭄ᬢᬶᬢ᭄ᬬᬂᬯ᭄ᬭᬸᬄ᭞ᬳᬶᬢᬶᬮᬶᬓ᭄ᬭᬱᬧ᭄ᬭᬡᬫ᭄ᬬ᭞ᬳᬶᬗ᭄ᬕᬶᬄᬢᬶᬢ᭄ᬬᬂ᭞ᬯᬦ᭄ᬢᬄᬗᬸᬗ᭄ᬲᬶᬓᬃᬬ᭄ᬬᬳᬸᬕᬶ᭞ᬲᬓᬾᬂᬧᬸᬲᭂᬃᬦᬵᬕᬭ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬦᬸᬦᬲᬂᬳᬓᬶᬤᬶᬤ᭄᭞ᬲᬧᬸᬦᬧᬶ᭞ᬤ᭄ᬯᬦᬶᬂᬫᬸᬂᬫᬸᬂᬰᬸᬦ᭄ᬬ᭞ᬲᬬᬂᬲᬦ᭄ᬮᬸᬯᬸᬂᬚᬕ
ᬕᬶᬸ᭞ᬢᬾ᭞ᬫᬃᬕ᭄ᬕᬶᬋᬲᬶᬓ᭄ᬢᬸᬃᬳᬮᬸᬲ᭄᭞ᬲᬫᬶᬦᬧᬓ᭄ᬧᬧᬬᭀᬦ᭄ᬳᬰ᭄ᬭᬷ᭞ᬧᬦ᭄ᬢᭂᬲᬂᬚᬕᬭᬵᬫ᭄ᬬ᭞ᬤᬤᭀᬲᬶᬸᬲ᭄ᬢᭂᬓᬲᬸᬯᬸᬂ᭞ᬫᬸᬂᬫᬸᬂᬳᬭᬂᬚᬦ᭄ᬫᬫᭂᬦ᭄ᬢᬲ᭄᭞ᬭᬯᬸᬄᬓᬧᬲᬃ᭞ᬯᭀᬂᬮᬦᬂᬳᬕᬾᬜᬳᬸᬭᬶᬦ᭄᭞ᬲᬧᬸᬦᬶᬓᬶ
ᬦᬾᬫᬓ᭄ᬭᬡ᭟ᬭᬵᬚᬧᬸᬢ᭄ᬭᬶᬯᭂᬓᬦ᭄ᬲᬂᬪᬸᬧᬢᬶ᭞ᬦᭂᬤᭂᬂᬳᬦᭀᬫ᭄᭞ᬧᬸᬦᬶᬓᬢ᭄ᬯᬶᬳᬶᬘᬮ᭄᭞ᬤᬸᬭᬸᬂᬓᬲᭂᬋᬧ᭄ᬭᬯᬸᬄᬫᬗ᭄ᬓᬾ᭞ᬳᬓᬾᬄᬚᬦ᭄ᬫᬫᬗ᭄ᬭᬸᬭᬸᬄ᭞ᬩᬶᬮᬶᬄᬮᬗ᭄ᬓᬸᬂᬭᬶᬂᬢᬶᬕᬂᬰᬰᬶᬄ᭞ᬤᬸᬭᬸᬂᬢᬸᬯᬶᬓᬳ
ᬋᬧᬂ᭞ᬤ᭄ᬯᬦᬶᬂᬰᬸᬦ᭄ᬬᬫᬸᬂᬫᬸᬂ᭞ᬚᬦ᭄ᬫᬦ᭄ᬬᬚ᭄ᬭᭀᬦᬶᬂᬦᬵᬕᬭ᭞ᬲᬫᬶᬗᭂᬓᭂᬲ᭄᭞ᬚ᭄ᬭᬶᬄᬭᬶᬂᬳᬶᬤᬪᬸᬧᬢᬶ᭞ᬤᭀᬦᬶᬂᬲᭂᬧᬶᬦᬵᬕᬭ᭟ᬫᬶᬦᬓᬤᬶᬳᬶᬤᬲᬂᬪᬸᬧᬢᬶ᭞ᬲᬦᬾᬫᬗ᭄ᬓᬶᬦ᭄᭞ᬲᭂᬤᭂᬓ᭄ᬳᭀᬲᭂᬓ [ 12 ][᭑᭑ 11B]
᭞᭑᭑᭞
ᬦ᭄᭞ᬢᬦ᭄ᬳᬘᬧ᭄ᬲᬸᬗ᭄ᬲᬸᬢ᭄ᬓᬳ᭄ᬬᬸᬦᬾ᭞ᬓᬯᬸᬮᬦᬾᬫᬗ᭄ᬭᬸᬭᬸᬄ᭞ᬲᬶᬂᬳᬮᬲ᭄ᬕᬸᬦᬸᬂᬚᬄᬚᬳᬶᬦ᭄᭞ᬲᬶᬂᬲᭂᬫ᭄ᬧᬸᬢ᭄ᬭᬾᬚᬾᬂᬚᬸᬭᬂ᭞ᬯᬾᬦ᭄ᬢᭂᬦ᭄ᬢᬸᬤᬸᬄᬢᭂᬦᬸᬂ᭞ᬲᬵᬫ᭄ᬧᬸᬦ᭄ᬳᬸᬕᬶᬓᬮᬫ᭄ᬧᬳᬦ᭄᭞ᬢᬦ᭄ᬧᬗ᭄ᬕᬶᬳ᭞ᬢᬶᬮᬶᬓ᭄ᬭᬱᬲᬳᬸᬃᬳᬭᬶᬲ᭄᭞
ᬳᬶᬗ᭄ᬕᬶᬄᬲᭀᬧᬫᬶᬢᬶᬢ᭄ᬬᬂ᭟ᬬᬦ᭄ᬜᬶᬤ᭄ᬟᬬᬂᬋᬓᬾᬲᬶᬤ᭄ᬟᬓᬧᬗ᭄ᬕᬶᬄ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬳᬶᬤᬭᬵᬚᬧᬸᬢ᭄ᬭ᭄ᬬ᭞ᬲᬧᬸᬦᬧᬶᬩᬩ᭄ᬯᬢᬾ᭞ᬳᬶᬘᬾᬦ᭄ᬓᬾᬢᬶᬢ᭄ᬬᬂᬲᬗ᭄ᬕᬸᬧ᭄᭞ᬳᬶᬯᭀᬂᬮᬦᬂᬳᬾᬕᬃᬜᬳᬸᬭᬶᬦ᭄᭞ᬳᬶᬗ᭄ᬕᬶᬄᬧᬗᬺᬗ
ᬦ᭄ᬢᬶᬢ᭄ᬬᬂ᭞ᬳᬲᬶᬂᬲᬶᬤ᭄ᬟᬫᬗ᭄ᬕᬸᬄ᭞ᬯ᭄ᬬᬓ᭄ᬢᬶᬚᬕᬶᬓᬩᬸᬜ᭄ᬘᬶᬗᬂ᭞ᬓᬪᬶᬱᬾᬓ᭞ᬢᬸᬃᬚᬕᬢ᭄ᬓᬲᭂᬭᬄᬲᬫᬶ᭞ᬕᬸᬫᬦ᭄ᬢᬶᬫᬤᭂᬕ᭄ᬭᬵᬚ᭟ᬢᬶᬮᬶᬓ᭄ᬭᬱᬦᭀᬮᬶᬄᬚᬦ᭄ᬫᬜᬳᬸᬭᬶᬦ᭄᭞ᬬᬦ᭄ᬲᬬᬸᬯᬓ᭄ᬢ᭄ᬬ᭞ᬢᬶᬢ᭄ᬬᬂᬲᬋᬂᬧᬢ᭄ᬧᬢ᭄᭞
ᬲᬸᬫᬗ᭄ᬕᬸᬧ᭄ᬫᬗ᭄ᬭᬸᬭᬸᬄᬋᬓᬾ᭞ᬫᬲᬓᬾᬢᬦ᭄ᬓᬧᬗ᭄ᬕᬸᬄ᭞ᬬᬤᬶᬦ᭄ᬤᬶᬚᬕᭂᬦᬳᬾᬜᬶᬗᬶᬦ᭄᭞ᬧᬶᬢᬸᬯᬶᬲᭂᬫ᭄ᬧᬶᬢ᭄ᬚᬸᬭᬂ᭞ᬫ᭄ᬯᬂᬭᬶᬂᬳᬮᬲ᭄ᬕᬸᬦᬸᬂ᭞ᬬᬤᬶᬦ᭄ᬭᬶᬂᬚ᭄ᬭᭀᬦᬶᬂᬲᬫᬸᬤ᭄ᬭ᭞ᬢᬦ᭄ᬯᬗ᭄ᬤᬾᬬᬦ᭄᭞ᬧᬗ᭄ᬕᬶᬄᬳᬸᬕᬶᬲᬶᬭᬭᬵᬚᬧᬸᬢ᭄ᬭᬷ᭞
[᭑᭒ 12A]
ᬓᬳᬢᬸᬃᬭᬶᬚᭂ᭞ᬲᬂᬦᬵᬣ᭟ᬳᬾᬕᬃᬓᭂᬦ᭄ᬤᭂᬮ᭄ᬳᬶᬯᭀᬂᬮᬦᬂᬜᬳᬸᬭᬶᬦ᭄᭞ᬳᬶᬗ᭄ᬕᬶᬄᬚ᭄ᬭᭀ᭞ᬦ᭄ᬤᬯᭂᬕ᭄ᬲᬶᬋᬗᬦ᭄᭞ᬫᬫᬃᬕᬶᬫᬫᬋᬓ᭄ᬋᬓᬾ᭞ᬫᬗ᭄ᬤᬳᬕᬾᬓᬳᬢᬸᬃ᭞ᬓᬯᬶᬓᬦᬶᬦ᭄ᬳᬦ᭄ᬢᬸᬓ᭄ᬲᬂᬳᬚᬶ᭞ᬲᬓᬶᬂᬕᭂ
ᬮᬶᬲᬶᬂᬘᬭᬶᬢ᭞ᬢᬫ᭄ᬬᬦᬾᬲᬢᬸᬭᬸᬢ᭄᭞ᬩᬗᬸᬦ᭄ᬫᬩ᭄ᬭ᭄ᬬᬸᬓ᭄ᬮᬸᬫᬫ᭄ᬧᬄ᭞ᬲᬩᬋᬗᬦ᭄᭞ᬳᬕᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬢᬫ᭄ᬬᬸᬦᬾᬋᬓᬾᬧᬸᬗ᭄ᬓᬸᬭᬦ᭄᭟᭜᭟ᬧᬸᬄᬧᬗ᭄ᬓᬸᬃ᭟ᬲᭂᬤᭂᬓ᭄ᬲᬂᬦᬵᬣᬲᬶᬦᬾᬪ᭞
ᬢᬶᬦᬗ᭄ᬓᬶᬮᬾᬂᬧᬢᬶᬄᬫ᭄ᬯᬄᬤᬾᬦᬶᬂᬫᬦ᭄ᬢ᭄ᬭᬶ᭞ᬭᬗ᭄ᬕᬓᬦᬸᬭᬸᬳᬦ᭄ᬳᬓᬸᬫ᭄ᬧᬸᬮ᭄᭞ᬓᬕᬾᬢ᭄ᬯᭀᬂᬮᬦᬂᬧ᭄ᬭᬧ᭄ᬢ᭞ᬳᬢᬸᬃᬲᭂᬫ᭄ᬩᬄ᭞ᬭᬶᬳᬚᭂᬗᬶᬭᬲᬂᬧ᭄ᬭᬪᬸ᭞ᬲᬶᬗ᭄ᬕᬶᬄᬰ᭄ᬭᬷᬪᬸᬫᬶᬦᬵᬣ᭞ᬯᬾᬦ᭄ᬢᭂᬦ᭄ᬢᬫ᭄ᬬᬸᬧᭂᬢᬂᬤᬶᬭᬶ᭟ᬧᬭᬩᬶᬂᬢ
ᬫ᭄ᬬᬸᬦᬾᬓᬧᬢ᭄᭞ᬢᬶᬮᬶᬓ᭄ᬭᬱᬫᬥᬾᬢᬬᬫᬓᬤᬶ᭞ᬜᬾᬫᬦ᭄ᬓᬭᬓᭂᬢᬸᬢ᭄ᬲᬸᬦ᭄᭞ᬲᬓᬶᬂᬧᬸᬲᭂᬃᬦᬵᬕᬭ᭞ᬢᭂᬫ᭄ᬩᬾᬭᬯᬸᬄᬭᬶᬂᬧᬲᬃᬢᬶᬢ᭄ᬬᬂᬫᬘᬸᬦ᭄ᬤᬸᬓ᭄᭞ᬲᬸᬫᬤ᭄ᬬᬫᬗᬺᬋᬄᬓᬃᬬ᭄ᬬ᭞ᬲᬋᬂᬢᬶᬢ᭄ᬬᬂ [ 13 ][᭑᭒ 12B]
᭞᭑᭒᭞
ᬫᬋᬓ᭄ᬫᬗ᭄ᬓᬶᬦ᭄᭟ᬧᬸᬦᬶᬓᬶᬢᬫ᭄ᬬᬸᬦᬾᬓᬧᬢ᭄᭞ᬲᬸᬫᬓᬸᬢᬳᬗ᭄ᬭᬸᬭᬸᬄᬳᬶᬤᬲᬂᬧᬸᬢ᭄ᬭᬶ᭞ᬬ᭄ᬯᬤᬶᬦ᭄ᬭᬶᬂᬤᬹᬃᬕ᭄ᬕᬫᬜᬸᬲᬸᬧ᭄᭞ᬭᬶᬂᬕᭂᬦᬄᬫᬲᭂᬦᭂᬢᬦ᭄᭞ᬢᬦ᭄ᬯᬗ᭄ᬤ᭄ᬬᬦ᭄᭞ᬜᬤ᭄ᬬᬬᬂᬳᬸᬕᬶᬓᬧᬗ᭄ᬕᬸᬄ᭞ᬲᬂᬦᬵᬣᬋᬲᭂᬧ᭄ᬭᬸ
ᬫᭂᬗᭃ᭞ᬳᬢᬸᬭᬾᬯᭀᬂᬮᬦᬂᬧ᭄ᬭᬧ᭄ᬢᬶ᭟ᬮᬶᬦ᭄ᬢᬂᬲᬸᬓᬦᬶᬂᬳᬺᬤᬬ᭞ᬮ᭄ᬯᬶᬃᬧᬸᬱ᭄ᬧᬧᬸᬲᬸᬄᬓᭂᬫ᭄ᬩᬂᬧ᭄ᬭᬫᬗ᭄ᬓᬶᬦ᭄᭞ᬩᬶᬗᬃᬲ᭄ᬯᬪᬵᬯᬦ᭄ᬲᬂᬧ᭄ᬭᬪᬸ᭞ᬳᬾᬦᬓ᭄ᬓᬳ᭄ᬬᬸᬦᬾᬤᬳᬢ᭄᭞ᬓᬤᬶᬢᬺᬡ᭞ᬭᬶᬂᬳᬲᬸᬚᬶᬢᬸᬄᬫᬚᭂᬫᬸᬄ᭞
ᬫᬗ᭄ᬓᬶᬦ᭄ᬓᬳᬸᬚᬦᬦ᭄ᬫᬺᬢ᭄ᬢ᭞ᬲᬵᬓ᭄ᬱᬢ᭄ᬲᬧᬸᬦᬶᬓᬳᬸᬧᬫᬶ᭟ᬲᬂᬦᬵᬣᬭᬶᬲ᭄ᬳᬗᬸᬘᬧ᭄᭞ᬭᬶᬂᬢᬫ᭄ᬬᬸᬦᬾᬓᬶᬦᭀᬦ᭄ᬗᬋᬧᬂᬕᭂᬮᬶᬲ᭄᭞ᬢᬶᬮᬶᬓ᭄ᬭᬱᬳᬸᬃᬳᬮᬸᬲ᭄᭞ᬲᬶᬗ᭄ᬕᬶᬄᬲᬂᬪᬸᬫᬶᬦᬵᬣ᭞ᬩ᭄ᬭ᭄ᬬᬸᬓ᭄ᬩᬗᬸᬦ᭄᭞
ᬗᬋᬧᬂᬚᬚᬃᬳᬮᬸᬗ᭄ᬕᬸᬄ᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬳᬮᬸᬲ᭄ᬳᬸᬚᬃᬯᬸᬮᬢ᭄ᬫᬦᬶᬲ᭄᭟ᬳᬸᬤᬸᬄᬲᬶᬭᬢᬫ᭄ᬬᬸᬓᬧᬢ᭄᭞ᬢᬸᬳᬸᬲᬶᬭᬲᬸᬫᬗ᭄ᬕᬸᬧ᭄ᬳᬗ᭄ᬮᬫ᭄ᬧᬳᬶᬦ᭄᭞ᬗᬭᬸᬭᬸᬄᬤ᭄ᬬᬄᬧᬸᬢ᭄ᬭᬶᬳᬬᬸ᭞ᬋᬓᬾ
[᭑᭓ 13B]
ᬓᬧᬗ᭄ᬕᬶᬄᬳᬸᬕ᭄ᬬ᭞ᬬᬦᬶᬂᬲᬶᬤ᭄ᬟ᭞ᬧᬸᬦᬶᬸᬢ᭄ᬭᬦ᭄ᬩᬧᬢᬸᬮᬓ᭄ᬫᬦ᭄ᬢᬸᬓ᭄᭞ᬳᬲᬶᬂᬳᬲᬶᬂᬢᬸᬯᬶᬫᬓᬢᬂ᭞ᬲᭀᬲᭀᬢ᭄ᬩᬧᬲᬵᬫ᭄ᬧᬸᬦ᭄ᬧᬲ᭄ᬢᬶ᭟ᬩᬧᬧᬘᬂᬫᬩᬸᬜ᭄ᬘᬶᬗᬂ᭞ᬫᬶᬢᬸᬮᬸᬲᬂᬫᬗ᭄ᬤᬾᬳᬗ᭄ᬕᭀᬦ᭄ᬜᬲ᭄ᬯᬫᬶ᭞ᬫᬶᬯᬄᬜᭂᬭᬳᬂ
ᬓᬭᬢᭀᬦ᭄᭞‌ᬩ᭄ᬮᬯᬸᬢ᭄ᬓᬢᭂᬓᬾᬂᬚᬕᬢ᭄᭞ᬓᬪᬶᬱᬾᬓ᭞ᬕᬸᬫᬦ᭄ᬢᬶᬳᬗᬤᭂᬕ᭄ᬳᬕᬸᬂ᭞ᬚᬢᬶᬯᬦ᭄ᬢᬄᬲᭀᬲᭀᬢ᭄ᬩᬧ᭞ᬩᬧᬢᬦ᭄ᬫᬗᭂᬮᭀᬗᬶᬦ᭄ᬫᬸᬜᬶ᭟ᬓᬶᬧᬢᬶᬄᬫᬲᬶᬄᬓᭂᬦᭂᬳᬂ᭞ᬫ᭄ᬯᬂᬫᬦ᭄ᬢ᭄ᬭᬶᬤᬾᬦᬶᬂᬧ᭄ᬭᬲᬶᬤ᭄ᬟᬲᬵᬓ᭄ᬱᬶ᭞
ᬳᬧᬂᬤᬲᬗ᭄ᬲᬬᬾᬂᬓᬳ᭄ᬬᬸᬦ᭄᭞ᬲᬂᬢᬫ᭄ᬬᬸᬦᬾᬮᬸᬫᬫ᭄ᬧᬄ᭞ᬲᬶᬭᬧᬢᬶᬄ᭞ᬲᬸᬫᬳᬸᬃᬧᬸᬦᬶᬓᬧᬢᬹᬢ᭄᭞ᬓᬶᬧᬢᬶᬄᬫᬮᬶᬄᬳᬗᬸᬘᬧ᭄᭞ᬭᬶᬂᬢᬫ᭄ᬬᬸᬦᬾᬧᭂᬢᬂᬲᬶᬓᬶ᭟ᬳᬶᬗ᭄ᬕᬶᬄᬓᬾᬓᬂᬢᬫ᭄ᬬᬸᬤᬸᬭᬸᬲᬂ᭞ᬧᬫᬃᬕ᭄ᬕᬶᬦᬾᬫᬗ᭄ᬭᬸᬭᬸᬄ
ᬳᬶᬤᬦᬾᬫᬗ᭄ᬓᬶᬦ᭄᭞ᬫᬦᬯᬶᬲᬶᬤ᭄ᬟᬓᬧᬗ᭄ᬕᬸᬄ᭞ᬫᬗ᭄ᬤᬳᬕᬾᬦᬾᬫᬢᬸᬮᬓ᭄᭞ᬲᬶᬭᬓᬧᬢ᭄‌ᬲᬸᬫᬳᬸᬃᬗᬶᬭᬶᬂᬲᬸᬫᬗ᭄ᬕᬸᬧ᭄᭞ᬳᬶᬭᬶᬓᬳᬶᬢᬶᬮᬶᬓ᭄ᬭᬱ᭞ᬗᬺᬕᭂᬧᬂᬬᭀᬕᬲᬵᬫᬥᬶ᭟ᬗ᭄ᬮᬭᬂᬢᭂᬦᬸᬗᬾᬳᬯᬲ᭄᭞ [ 14 ][᭑᭓ 13A]
᭞᭑᭓᭞
ᬫᬗ᭄ᬮᬶᬗ᭄ᬕᬬᬂᬲᬂᬳ᭄ᬬᬂᬲᬹᬓ᭄ᬱ᭄ᬫᬦᬶᬂᬳᬢᬶ᭞ᬳᬶᬘ᭄ᬙᬯᬶᬥᬶᬳᬫᬶᬢᬸᬤᬸᬄ᭞ᬢᬦ᭄ᬲᬸᬯᬾᬓᬯᬲ᭄ᬧᬤᬦ᭄᭞ᬧᬳᬸᬗ᭄ᬕ᭄ᬯᬦᬦ᭄᭞ᬧᬸᬢ᭄ᬭᬶᬦᬾᬲᬫ᭄ᬧᬸᬦ᭄ᬓᬤᬸᬮᬸ᭞ᬓᬳᭀᬦ᭄ᬓᬢᬯᭂᬗᬦ᭄᭞ᬳᬦᬭᬶᬂᬢᭂᬗᬳᬶᬂᬕᬶᬮᬶ᭟ᬢᬶᬮᬶᬓ᭄ᬭᬱᬭᬭᬶ
ᬲ᭄ᬗᬸᬘᬧ᭄᭞ᬭᬶᬂᬳᬭᬶᬦᬾᬦᬄᬲᬸᬩᬓᬦ᭄ᬢᭂᬦ᭄ᬚᬢᬶ᭞ᬕᭂᬦᬄᬲᬶᬭᬧᬸᬢ᭄ᬭᬶᬳᬬᬸ᭞ᬳᭂᬦ᭄ᬢᭀᬳᬤᬕᬶᬮ᭄ᬬ᭞ᬧᬓ᭄ᬱᬭᬵᬚ᭞ᬗ᭄ᬭᬓ᭄ᬱᬳᬶᬤᬲᬶᬬᬂᬤᬮᬸ᭞ᬚ᭄ᬭᭀᬦᬶᬂᬕᬸᬯᬲᭀᬭᬶᬂᬕᬶᬃᬬ᭄ᬬ᭞ᬯᬃᬡ᭄ᬦᬦ᭄ᬧᬓ᭄ᬱᬶᬳᬜ᭄ᬚ᭄ᬭᬶᬳᬶᬦ᭄᭟ᬜᬦ᭄ᬤᬂᬢᬸ
ᬯᬄᬳᬕᬸᬗᬶᬂᬧᬓ᭄ᬱ᭄ᬬ᭞ᬧᬢᬸᬓ᭄ᬬᬫ᭄ᬮᬾᬮᬫᬶᬗᬶᬤ᭄ᬫᬮᬸᬗᬶᬤ᭄᭞ᬫᬤᬡ᭄ᬝᬫᬲᬮᬶᬢ᭄ᬲ᭄ᬬᬸᬂ᭞ᬦᬓᬦ᭄ᬬᬳᬕᭂᬂᬢᬸᬃᬧᬜ᭄ᬚᬂ᭞ᬢᭂᬕᬶᬮ᭄ᬜᬜᬧ᭄᭞ᬫᬮᬾᬮᬳᭂᬦ᭄ᬢᭀᬫᬓᬸᬓᬸᬤ᭄᭞ᬢᬸᬃᬳᬕᭂᬂᬓᬩᬶᬦᬩᬶᬦ᭞ᬓ᭄ᬭᬸᬭᬭᬹᬧᬦ᭄ᬬᬗᬺᬲᬺᬲᬶᬦ᭄᭟
ᬦᬾᬚᬦᬶᬧᬢᬸᬢ᭄‌ᬩ᭄ᬯᬢᬂ᭞ᬫᬧᬶᬦᬸᬦᬲ᭄ᬭᬶᬂᬳᬶᬤᬲᬂᬪᬸᬧᬢᬶ᭞ᬢᭂᬕᬓᬦ᭄ᬳᬗ᭄ᬕᭀᬦ᭄ᬮᬸᬫᬓᬸ᭞ᬫᬮᬬᬃᬗᬸᬗ᭄ᬲᬶᬕᬶᬮ᭄ᬬᬶᬸᬮ᭄ᬬ᭞ᬢᬦ᭄ᬓᭀᬘᬧᬦ᭄᭞ᬯᬸᬲ᭄ᬗᬺᬕᭂᬧ᭄ᬲᬵᬫ᭄ᬧᬸᬦ᭄ᬮᬸᬫᬓᬸ᭞ᬚᬸᬓᬸᬂᬢ᭄ᬯᬶᬫᬓᬚᬮᬭᬦ᭄᭞ᬤᬾᬦᬶᬭᬲᬂᬧᭂᬢᬂ
[᭑᭔ 14A]
ᬲᬶᬓᬶ᭟ᬮᬦᬸᬲ᭄ᬧᬮᬬᬭᬾᬕᬗ᭄ᬲᬃ᭞ᬧᬲᬶᬄᬳᬲᬄᬢᬶᬦᭂᬫ᭄ᬧᬸᬳᬶᬂᬳᬗᬶᬦ᭄ᬳᬭᬶᬲ᭄᭞ᬮᬚᬸᬧᬮᬬᬭᬾᬗ᭄ᬮᬦ᭄ᬢᬸᬃ᭞ᬕ᭄ᬮᬶᬲᬶᬂᬘᬭᬶᬢᬧ᭄ᬭᬧ᭄ᬢ᭞ᬭᬶᬂᬕᬶᬮ᭄ᬬ᭞ᬳᬕᬾᬲᬶᬭᬫᬓᬘᬢᬸᬃ᭞ᬢᬸᬫᬸᬭᬸᬦ᭄ᬢᭂᬤᬸᬦ᭄ᬓᬤᬭᬢ᭄᭞ᬧᭂᬢᭂᬂᬯᬾᬦ᭄ᬢᭂ
ᬦ᭄ᬤᬯᬸᬄᬓᬮᬶᬄ᭟ᬳᬮᬸᬗ᭄ᬕᬸᬄᬲᬫᬶᬳᬭᬵᬃᬬ᭄ᬬᬦ᭄᭞ᬗᬸᬘᬧ᭄ᬳᬸᬘᬧ᭄ᬳᬗᬦ᭄ᬢᭀᬲ᭄ᬳᬦ᭄ᬢᭀᬲ᭄ᬯᭂᬗᬶ᭞ᬫᬗ᭄ᬓᬶᬦ᭄ᬢᬶᬩᬢᭂᬗᬄᬤᬮᬸ᭞ᬢᬶᬮᬶᬓ᭄ᬭᬋᬳᬗᬸᬘᬧ᭄᭞ᬳᬸᬤᬸᬄᬳᬤᬶᬜᭀᬫᬦ᭄ᬓᬭᬜᬦ᭄ᬤᬂᬲᬵᬫ᭄ᬧᬸᬦ᭄᭞ᬦᬾᬚᬦᬶᬲᭂᬤᭂᬂᬕᭂᬮᬭᬂ᭞ᬲᬲᬶ
ᬋᬧ᭄ᬳᬶᬫᬮᬶᬂᬰᬓ᭄ᬢᬶ᭟ᬳᬶᬜᭀᬫᬦ᭄ᬓᬭᬳᬗᬸᬘᬧ᭄᭞ᬳᬶᬗ᭄ᬕᬶᬄᬩᭂᬮᬶ᭞ᬢᬶᬢ᭄ᬬᬂᬫᬫ᭄ᬩ᭄ᬯᬢᬂᬦᬾᬫᬗ᭄ᬓᬶᬦ᭄᭞ᬦᭂᬳᭂᬃᬳᬕᭂᬮᬶᬲ᭄ᬦᬫ᭄ᬩᬸᬢ᭄ᬢᬸᬜ᭄ᬚᬸᬂ᭞ᬤᬾᬦᬶᬂᬫᬓᬲᬤᬦ᭞ᬭᬦᬕᭂᬫᬦ᭄᭞ᬫᬫᬸᬱ᭄ᬝᬶᬗᬺᬕᭂᬧᬂᬢᬸᬜ᭄ᬚᬸᬂ᭞ᬗᬸᬜ᭄ᬘᬃᬫᬦ᭄ᬢ᭄ᬭ
ᬧᬗᬯᬱ᭞ᬲᬲᬶᬋᬕᬶᬸᬧ᭄ᬕᬸᬡᬦᬶᬂᬫᬮᬶᬂ᭟ᬯᬸᬲ᭄ᬲᬶᬭᬧᬸᬧᬸᬢ᭄ᬳᬚᬧ᭞ᬦᭂᬳᭂᬃᬭᬸᬚᬶᬢ᭄ᬲᭂᬓᬃᬢᬸᬜ᭄ᬚᬸᬂᬤᬾᬦ᭄ᬳᭂᬦ᭄ᬢᬶ᭞ᬓᬭᬶᬭᬶᬂᬢᬗᬦᬾᬓᬦ᭄ᬢᬸᬦ᭄᭞ᬇᬓᬧᬶᬦᬓᬲᬶᬧᬢ᭄᭞ᬲᬶᬤ᭄ᬟᬶᬰ᭄ᬭᬡᬫᬢᬢᭂᬗᭂᬃᬩᬶᬦ᭄ᬢᬂᬮᬩᬸᬄ᭞ [ 15 ][᭑᭔ 14B]
᭞᭑᭔᭞
ᬢᬦ᭄ᬤᬸᬲᬶᬋᬧ᭄ᬲᬕᬶᬮᬶᬳ᭞ᬲᬯᬢᭂᬓ᭄ᬧ᭄ᬭᬡᬶᬂᬓᬲᬫᬶ᭟ᬓᬤᬶᬮᬬᭀᬦ᭄ᬤᬾᬦ᭄ᬬᬵᬢᬸᬭ᭄ᬯ᭞ᬜᬾᬫᬦ᭄ᬓᬭᬳᬕ᭄ᬬᬳᬫᬢᬸᬢ᭄ᬳᬭᬶᬲ᭄᭞ᬳᬶᬗ᭄ᬕᬶᬄᬩᭂᬮᬶᬜᬦ᭄ᬤᬂᬲᬵᬫ᭄ᬧᬸᬦ᭄᭞ᬦᬾᬫᬗ᭄ᬓᬶᬦ᭄ᬮᬸᬫᬓ᭄ᬱᬡ᭞ᬢᬦ᭄ᬓᭀᬘᬧᬦ᭄᭞
ᬫᬩ᭄ᬭ᭄ᬬᬸᬓ᭄ᬲᬫᬶᬮᬸᬫᬓᬸ᭞ᬫ᭄ᬯᬄᬕᭂᬮᬶᬲᬶᬂᬘᬭᬶᬢ᭞ᬧ᭄ᬭᬧ᭄ᬢᬭᬶᬂᬕᭂᬦᬳᬶᬂᬧᬸᬢ᭄ᬭᬶ᭟ᬓᬢᭀᬦ᭄ᬲᬶᬭᬮᬯᬦ᭄ᬧᬓ᭄ᬱ᭄ᬬ᭞ᬲᬫ᭄ᬬᬢᬸᬭᬸᬲᬶᬋᬧ᭄ᬓᬤᬶᬯᭀᬂᬫᬢᬶ᭞ᬳᬕᬾᬲᬶᬭᬩ᭄ᬭ᭄ᬬᬸᬓ᭄ᬳᬦᬫ᭄ᬩᬢ᭄᭞ᬧᬶᬦᬶᬓᬸᬮᬶᬂᬳᬸᬲᬸᬗᬦ᭄᭞ᬲᬶᬭ
ᬓᬧᬢ᭄ᬳᬕᬾᬮᬫ᭄ᬧᬳᬶᬭᬲᬫ᭄ᬧᬸᬦ᭄᭞ᬫᬗ᭄ᬓᬶᬦ᭄ᬕᭂᬮᬶᬲᬶᬂᬘᬭᬶᬢ᭞ᬯᬸᬲ᭄ᬫᬸᬗ᭄ᬕᬄᬭᬶᬂᬚᬸᬓᬸᬂᬲᬫᬶ᭟ᬕᭂᬮᬶᬲ᭄ᬫᬗ᭄ᬓᬾᬲᬶᬭᬳᬮᬬᬃ᭞ᬮᬶᬦ᭄ᬢᬂᬳᬤᭀᬄᬳᬸᬮᬶᬄᬚᬸᬓᬸᬂᬮᬸᬫᬭᬶᬲ᭄᭞ᬩᬶᬮᬶᬄᬧᬦ᭄ᬢᬭᬦᬶᬂᬮᬯᬸᬢ᭄᭞ᬢᬦ᭄ᬤ᭄ᬯᬩᬬ
ᬢᭂᬓ᭞ᬫᬜᭂᬗ᭄ᬓᬮ᭞ᬤᬤᬶᬭᬯᬸᬄᬳᬗᬶᬦ᭄ᬮᬶᬦᬸᬲ᭄᭞ᬤᬸᬮᬸᬃᬳᬸᬚᬦ᭄ᬲᬳᬕᭂᬮᬧ᭄᭞ᬧᭂᬢᭂᬂᬢᬦ᭄ᬓᬢᭀᬦ᭄ᬧᬫᬃᬕ᭄ᬕᬶ᭟᭜᭟ᬧᬸᬄᬤᬹᬃᬫ᭄ᬫ᭟ᬤᬹᬃᬫ᭄ᬫᬶᬢᬩᬜ᭄ᬘᬦᬓᬩᬶᬦᬩᬶᬦ᭞ᬳᭀᬫ᭄ᬩᬓ᭄ᬳᬕᬸᬂ
[᭑᭕ 15A]
ᬢᬦ᭄ᬲᬶᬧᬶ᭞ᬳᬮᬸᬦ᭄ᬫᬮᬸᬦ᭄ᬮᬸᬦᬦ᭄᭞ᬮᬜ᭄ᬚᬸᬢ᭄ᬢᬶᬢᬶᬃᬢᬦ᭄ᬧᭂᬕᬢ᭄᭞ᬚᬸᬓᬸᬗᬾᬓᬩᬸᬦ᭄ᬢᬂᬩᬶᬸᬦ᭄ᬢᬶᬸᬂᬩᬦ᭄ᬢᬶᬂ᭞ᬭᬸᬲᬓ᭄ᬕᭂᬩᬸᬕ᭄ᬳᭀᬫ᭄ᬩᬓ᭄᭞ᬩᭂᬮᬄᬢᬸᬃᬫᬍᬗ᭄ᬓᭂᬢᬶᬓ᭄᭟ᬧᬤᬓᭀᬲᭂᬓ᭄ᬩᭂᬗᭀᬂᬢ᭄ᬯᬭᬗᭂᬮᬄᬤᬬ᭞ᬗ᭄ᬭᬱᬢᬦ᭄ᬳᬸᬭᬸᬂᬫ
ᬢᬶ᭞ᬧᬤᬦᬸᬗ᭄ᬕᬂᬧᬧᬦ᭄᭞ᬩᭂᬮᬳᬦ᭄ᬚᬸᬓᬸᬗᬾᬭᬸᬲᬓ᭄᭞ᬤᬶᬢᬸᬳᬶᬲᭂᬦ᭄ᬢᬦᬕᭂᬮᬶᬲ᭄᭞ᬗᬓᬶᬢ᭄ᬫᬗᬢᭂᬧᬂ᭞ᬳᬕᬾᬭᬧᭂᬢ᭄ᬯᬸᬲ᭄ᬤᬤᬶ᭟ᬩᬶᬤᬓ᭄ᬓᬦ᭄ᬢᬶᬃᬧ᭄ᬭᬩᭀᬢ᭄ᬚᬸᬓᬸᬂᬓᬭᬗ᭄ᬲᬸᬓᬂ᭞ᬧᬸᬧᬸᬢ᭄ᬫᬯᬮᬶᬩᭂᬘᬶᬓ᭄᭞ᬳᬸ
ᬚᬦ᭄ᬳᬗᬶᬦ᭄ᬳᬶᬮᬂ᭞ᬩᬸᬯᬶᬦ᭄ᬧᬲᬶᬳᬾᬫᭂᬮᬄ᭞ᬫᬮᬶᬄᬫᬮᬬᬃᬦᬭᬶᬲ᭄ᬤᬶᬲ᭄᭞ᬢᬸᬃᬤᬳᬢᬦ᭄ᬫᭂᬮᬄ᭞ᬮᬫ᭄ᬧᬄᬚᬸᬓᬸᬗᬾᬮᬭᬶᬲ᭄᭟ᬤᭀᬦᬶᬂᬓᬍᬫᬳᬦ᭄ᬤᬶᬚᬮᬦ᭄ᬓᬤᬢ᭄᭞ᬳᬕᬸᬂᬲᭂᬗ᭄ᬓᬮᬧᬗ᭄ᬕᬶᬄ᭞ᬫᬾᬄᬤᬲ᭄ᬤᬲᬦ᭄ᬧᭂ
ᬚᬄ᭞ᬩᬬᬦᬾᬓᬩᬶᬦᬩᬶᬦ᭞ᬬᬦ᭄ᬢᬦ᭄ᬳᬶᬲᬦ᭄ᬢᬦᬕᭂᬮᬶᬲ᭄᭞ᬦᬸᬮᬸᬂᬓ᭄ᬭᬡᬫᭂᬮᬄ᭞ᬩᬶᬮᬶᬄᬢᬦ᭄ᬯᬗ᭄ᬤᬾᬫᬢᬶ᭟ᬢᬦ᭄ᬓᭀᬘᬧᬦ᭄ᬮᬫ᭄ᬧᬄᬳᬤᭀᬳᬾᬫᬮᬬᬃ᭞ᬲᬵᬫ᭄ᬧᬸᬦ᭄ᬦᬫ᭄ᬧᭂᬓ᭄ᬓᬧᬶᬗ᭄ᬕᬶᬃ᭞ᬧᬲᬶᬲᬶᬤᬾᬢᬶᬗ᭄ᬕᬃ᭞ [ 16 ][᭑᭕ 15B]
᭞᭑᭕᭞
ᬓᬓᬬᭀᬦᬦ᭄ᬓᬯᬲ᭄ᬧᬤ᭞ᬲᬹᬃᬬ᭄ᬬᬦᬾᬫᭂᬢᬸᬜᬸᬦᬭᬶᬦ᭄᭞ᬫᬗ᭄ᬓᬶᬦ᭄ᬘᬭᬶᬢᬧᬓ᭄ᬱᬶᬭᬵᬚᬤᬶᬕᬶᬮᬶ᭟ᬗᭂᬦ᭄ᬤᬸᬲᬶᬦ᭄‌ᬢᭀᬮᬶᬄᬧᬸᬢ᭄ᬭᬶᬲᬕᬶᬸᬕᬾᬢ᭄ᬳᬶᬮᬂ᭞ᬩᭂᬗᭀᬂᬦᬸᬗᬤᬄᬮᬗᬶᬢ᭄᭞ᬓᬗ᭄ᬕᭂᬓᬶᬂᬳᬺᬤᬬ᭞ᬮᬚᬸᬫ
ᬓᭂᬩᭂᬃᬕᬗ᭄ᬲᬃ᭞ᬦᬸᬢᬸᬕ᭄ᬫᬗᭂᬢᬸᬢ᭄ᬩᬸᬭᬶ᭞ᬤᬤᬶᬓᬢᬸᬢᬸᬕᬦ᭄᭞ᬤᬶᬚᬸᬓᬸᬂᬓᬢᭀᬦ᭄ᬲᬂᬧᬸᬢ᭄ᬭᬶ᭟ᬭᬶᬂᬕᬕᬦᬲ᭄ᬯᬭᬦ᭄ᬬᬳᬸᬫᬸᬂᬧ᭄ᬭᬓᭀᬧ᭞ᬮ᭄ᬯᬶᬃᬲᬶᬗᬫ᭄ᬩᬭᬫᬹᬃᬢ᭄ᬢᬶ᭞ᬫᬗᬧ᭄ᬢᬸᬢᬸᬓ᭄ᬦ᭄ᬬ᭞ᬫᬥᬾᬢᬬᬧ᭄ᬭᬬᬢ᭄ᬦ᭞ᬫᭂᬦ᭄ᬢᬂᬮᬗ᭄ᬓ
ᬧ᭄ᬦ᭄ᬬᬳᬗᬦ᭄ᬢᬶ᭞ᬢᭂᬓᬦᬶᬓᬂᬧᬓ᭄ᬱ᭄ᬬ᭞ᬢᭂᬳᭂᬃᬦᬸᬗᬤᬄᬮᬗᬶᬢ᭄᭟ᬫᬗ᭄ᬓᬶᬦ᭄ᬳᬕ᭄ᬬᬳᬶᬧᬓ᭄ᬱᬶᬭᬵᬚᬲᬳᬲ᭞ᬳ᭄ᬮᬃᬦ᭄ᬬᬓᬸᬘᬸᬧ᭄ᬦᬫ᭄ᬩᭂᬭᬶᬦ᭄᭞ᬳᬕᭂᬮᬶᬲ᭄ᬮᬶᬦᭂᬧᬲᬦ᭄᭞ᬤᬾᬦᬶᬓᬂᬲᬭᭀᬢ᭄ᬢᬫ᭞ᬫᬗ᭄ᬓᭂᬧ᭄ᬓᭂᬦᬇᬓᬂᬧ
ᬓ᭄ᬱᬶ᭞ᬕᬸᬮᬸᬦ᭄ᬬᬢᬲ᭄ᬢᬲ᭄᭞ᬧᭂᬕᬢ᭄ᬢᬦ᭄ᬳᬦᬓᬭᬶ᭟ᬢᬦ᭄ᬤ᭄ᬯᬢᬶᬩᬯᬗ᭄ᬓᬾᬦ᭄ᬬᬭᬶᬂᬲᬫᬸᬤ᭄ᬭ᭞ᬭᬄᬦ᭄ᬬᬫᬮᬩᬃᬫᬶᬚᬶᬮ᭄᭞ᬳᬯᭀᬃᬮᬦ᭄ᬲᬵᬕᬭ᭞ᬳᬩᬂᬮ᭄ᬯᬶᬭᬶᬂᬢᭀᬬ᭞ᬕᭂᬮᬶᬲᬶᬂᬘᬭᬶᬢᬫᬗ᭄ᬓᬶᬦ᭄᭞ᬯᬸ
[᭑᭖ 16A]
ᬲ᭄ᬢᭂᬤᬸᬦ᭄ᬓᬤᬭᬢ᭄᭞ᬲᭀᬭᬶᬂᬳᬗ᭄ᬰᭀᬓᬵᬮᬶᬗ᭄ᬕᬶᬄ᭟᭜᭟ᬧᬸᬄᬲᬶᬦᭀᬫ᭄᭟ᬧᬤᬵᬭᬵᬃᬬ᭄ᬬᬦ᭄ᬫᬢᭂᬕ᭄ᬢᭂᬕᬦ᭄᭞ᬫ᭄ᬭᬲᬍᬲᬸᬢᬦ᭄ᬧᬕᬮᬶᬄ᭞ᬧᭂᬘᬓᬾᬳᭀᬮᬶᬄᬩᭂᬜ᭄ᬘᬦ᭞ᬤᬶᬢᭂᬗᬳᬶᬂᬚᬮᬦᬶᬤᬶ᭞ᬓᬧᬶᬂᬭᭀᬤᬾ
ᬦᬶᬂᬧᬓ᭄ᬱᬶ᭞ᬬᬦ᭄ᬢᬦ᭄ᬫᬥᬾᬢᬬᬢᬸᬮᬸᬂ᭞ᬫᬦᬄᬳᬶᬧᬓ᭄ᬱᬶᬭᬵᬚ᭞ᬩᬶᬮᬶᬄᬢᭂᬓᬾᬂᬚᬸᬓᬸᬂᬩᬺᬲᬶᬄ᭞ᬢᬦ᭄ᬓᭀᬘᬧᬦ᭄ᬫᬶᬸᬦ᭄ᬲᬵᬫ᭄ᬧᬸᬦᭀᬮᬶᬄᬫᬢᭂᬕ᭄ᬢᭂᬕᬦ᭄᭟ᬳᬶᬢᬶᬮᬶᬓ᭄ᬭᬱᬳᬗᬸᬘᬧ᭄᭞ᬚᬮᬦ᭄ᬓᬾᬳᬤᬶ
ᬦᬾᬚᬦᬶ᭞ᬫᬗ᭄ᬤᬾᬳᬕᬾᬓᬯᬶᬓᬦᬂ᭞ᬤᬾᬦᬶᬂᬧᬸᬢ᭄ᬭᬶᬯᬸᬲ᭄ᬗᬧᬗ᭄ᬕᬶᬄ᭞ᬳᬭᬶᬦ᭄ᬬᬳᬦᬹᬢ᭄ᬲᬫᬶ᭞ᬦᭂᬳᭂᬃᬫᬚᬮᬦ᭄ᬫᬩ᭄ᬭ᭄ᬬᬸᬓ᭄᭞ᬢᬦ᭄ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬲᭂᬤᭂᬓ᭄ᬰ᭄ᬭᬶᬦᬵᬣᬓᬢᬗ᭄ᬓᬶᬮ᭄᭞ᬤᬾᬦᬶᬂᬧᬢᬶᬄᬫᬦ᭄ᬢ᭄ᬭᬷ
ᬭᬗ᭄ᬕᬓᬦᬸᬭᬸᬳᬦ᭄᭟ᬓᬕ᭄ᬬᬢ᭄ᬲᬂᬦᬵᬣᬢᬸᬫᬶᬗᬮ᭄᭞ᬓᬢᭀᬦ᭄ᬧᬸᬢ᭄ᬭᬦᬶᬭᬧ᭄ᬭᬧ᭄ᬢᬶ᭞ᬳᬾᬕᬃᬲ᭄ᬯᬩᬯᬲᬂᬦᬵᬣ᭞ᬢᭂᬤᬸᬦ᭄ᬳᬗᭀᬮ᭄ᬲᬶᬭᬧᬸᬢ᭄ᬭᬶ᭞ᬫᭂᬢᬸᬰᬩ᭄ᬤᬳᬯᭀᬃᬢᬗᬶᬲ᭄᭞ᬢᬦ᭄ᬧᭂᬕᬢ᭄ᬳᭀᬬᬦᬶᬂ [ 17 ][᭑᭖ 16B]
᭞᭑᭖᭞
ᬘᬓ᭄ᬱᬸ᭞ᬚᬶᬯᬵᬢ᭄ᬫᬦ᭄ᬩᬧᬦᬾᬢᭂᬓ᭞ᬳᬶᬮᬂᬬᬦ᭄ᬳᬓᬸᬤᬂᬰᬰᬶᬄ᭞ᬗᬢᬸᬚ᭄ᬯᬂᬢᬫ᭄ᬬᬸᬦᬾᬲᬶᬤ᭄ᬟᬫᬗ᭄ᬕᬸᬳ᭟ᬩᬶᬮᬶᬄᬮᬶᬦ᭄ᬢᬂᬢᭂᬮᬸᬩᬸᬮᬦ᭄᭞ᬳᬦ᭄ᬢᬸᬓ᭄ᬩᬧᬦᬦ᭄ᬤᬂᬲᭂᬤᬶᬄ᭞ᬓᬵᬗᭂᬦ᭄ᬫᬗᭂᬦᬂᬳᬶᬤᬾᬯ᭞ᬲᭂᬤᭂᬫ᭄ᬲᬮᬄᬩᬗᬸ
ᬦ᭄ᬧᭂᬮᬶᬄ᭞ᬫᬹᬃᬘ᭄ᬙᬩᬧᬢᬦ᭄ᬳᬾᬮᬶᬂ᭞ᬢᬦ᭄ᬧᬫ᭄ᬪᬸᬓ᭄ᬢᬶᬢᬦ᭄ᬧᬢᬸᬭᬸ᭞ᬳᭂᬗ᭄ᬲᭂᬓ᭄ᬳᭀᬲᭂᬓ᭄ᬲᬸᬢᬢ᭞ᬫᭀᬢᬄᬩᬳᬦ᭄ᬳᬶᬩᬸᬓ᭄ᬳᬢᬶ᭞ᬓᬩᬸᬗᭂᬗᬦ᭄‌ᬢ᭄ᬯᬭᬗᭂᬮᬄᬧᬯᬶᬮᬗᬦ᭄᭟ᬜᬾᬦ᭄ᬲᬶᬄᬧᬘᬂᬫᬤᬬ᭞ᬤᬾᬯᬩᬸᬯᬶ
ᬦ᭄ᬢᬸᬮᬓ᭄ᬫᬸᬮᬶᬄ᭞ᬢ᭄ᬯᬄᬲ᭄ᬯᬾᬘᬦ᭄ᬯᬶᬥᬶᬦᬸᬤᬸᬳᬂ᭞ᬓ᭄ᬭᬡᬲᬶᬤ᭄ᬟᬩᬸᬯᬶᬦ᭄ᬓᬧᬗ᭄ᬕᬶᬄ᭞ᬤ᭄ᬯᬦᬶᬂᬢᬦ᭄ᬲᬶᬧᬶᬲᬶᬧᬶ᭞ᬍᬕᬦ᭄ᬩᬧᬦᬾᬓᬮᬗ᭄ᬓᬸᬂ᭞ᬳᬸᬧᬫᬦ᭄ᬜᬲᬓᬶᬢ᭄ᬭᬳᬢ᭄᭞ᬦᬾᬫᬢᭂᬗᭂᬃᬗᬦ᭄ᬢ᭄ᬬᬫᬢᬶ᭞ᬳᬤᬳᭀᬮᬲ᭄ᬗᬸᬩᬤᬶᬦ᭄ᬧ᭄ᬭᬚ
ᬦᬶᬯᬭᬲ᭄᭟ᬓ᭄ᬭᬡᬳᬤᬲᭀᬲᭀᬢ᭄ᬩᬧ᭞ᬬᬦ᭄ᬳᬶᬤᬾᬯᬢᬸᬮᬓ᭄ᬫᬸᬮᬶᬄ᭞ᬳᬲᬶᬂᬦᬾᬲᬶᬤ᭄ᬟᬫᬓᬢᬂ᭞ᬲᬗ᭄ᬕᬸᬧ᭄ᬩᬧᬲᬸᬩᬧᬲ᭄ᬢᬶ᭞ᬧᬂᬤᬾᬯᬫᬩᬸᬜ᭄ᬘᬶᬂᬧᬢᬶᬳᬸᬭᬶᬧ᭄᭞ᬩᬧᬜᭂᬭᬳᬂᬤᬶᬢᬸ᭞ᬗ᭄ᬮᬯᬸᬢ᭄ᬓᬢᭂᬓᬾᬂ
[᭑᭗ 17A]
ᬚᬕᬢ᭄᭞ᬗᬯᭂᬦᬗᬂᬧᬢᬶᬳᬸᬭᬶᬧ᭄᭞ᬓᬪᬶᬱᬾᬓᬢᬸᬃᬕᬸᬫᬦ᭄ᬢᬶᬗᬤᭂᬕ᭄ᬭᬚ᭟ᬤᬸᬄᬤᬾᬯᬧ᭄ᬬᬦᬓ᭄ᬩᬧ᭞ᬳᭂᬤᬜᭂᬮ᭄ᬲᭂᬮᬂᬤᬶᬳᬢᬶ᭞ᬧᬕᬯᬾᬦᬂᬳᬸᬕᬶᬩᬧ᭞ᬳᬧᬂᬤᬫᬗ᭄ᬮᭀᬗᬶᬦ᭄ᬫᬸᬜᬶ᭞ᬧᬸᬢ᭄ᬭᬦᬾᬲᬸᬫᬳᬸᬃᬳᬭᬶᬲ᭄᭞ᬳᬶᬗ᭄ᬕᬶᬄᬳᬚᬶᬢᬶᬢ᭄ᬬᬂᬜᬸᬯᬸᬦ᭄᭞ᬲᬾᬦᬓᬶᬂᬧᬓᬳ᭄ᬬᬸᬦᬦ᭄᭞ᬫᬗ᭄ᬤᬾᬦ᭄ᬜᬭᬶᬂᬧᬭᬚᬦ᭄ᬫᬶ᭞ᬧᬶᬢᬸᬯᬶᬦ᭄ᬜ᭞ᬬ᭄ᬯᬤᬶᬦ᭄ᬭᬶᬂᬲᬾᬯᭀᬲᬦ᭄ᬭᬸᬧ᭟ᬓᬾᬯᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬜᬶᬤ᭄ᬟᬬᬂ᭞ᬳᬚᬶᬓᬧᬕᭂᬳᬶᬂᬮᬶᬗ᭄ᬕᬶᬄ᭞ᬬᬦ᭄ᬲᬶᬤ᭄ᬟ
ᬦᭂᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬤᬸᬫᬸᬕᬶᬓᬲ᭄ᬯᬾᬘᬦ᭄ᬯᬶᬥᬶ᭞ᬦᬯᬶᬧᬸᬗ᭄ᬓᬸᬃᬦᬸᬫᬤᬶ᭞ᬫᬗ᭄ᬤᬾᬫᬗ᭄ᬕᬶᬄᬳᬬᬸᬦᬸᬮᬸᬲ᭄᭞ᬲᬓᬶᬂᬫᬗ᭄ᬓᬶᬦ᭄ᬳᬲ᭄ᬢᬧᬬᬂ᭞ᬩ᭄ᬭᬢᬳᬦ᭄ᬢᬸᬓ᭄ᬲ᭄ᬭᬸᬱᬩᬓ᭄ᬢᬶ᭞ᬫᬮᬭᬧᬦ᭄ᬦᬶᬂᬫᬦᬄᬰᬸᬤ᭄ᬟᬦᬶᬃᬫ᭄ᬫᬮ᭟ᬳᬶᬭᬶᬓᬳᬶᬢᬶ
ᬮᬶᬓ᭄ᬭᬱ᭞ᬜᭂᬮᬕ᭄ᬳᬢᬸᬃᬭᬶᬂᬪᬸᬧᬢᬶ᭞ᬳᬶᬗ᭄ᬕᬶᬄᬤᬾᬯᬕᭂᬂᬳᬫ᭄ᬧᬸᬭ᭞ᬢᬶᬢ᭄ᬬᬂᬦᬸᬦᬲᬂᬦᬾᬫᬗ᭄ᬓᬶᬦ᭄᭞ᬲᬶᬭᬤᬸᬭᬸᬲ᭄ᬫᬩᬸᬜ᭄ᬘᬶᬂ᭞ᬫᬓᬤᬶᬳᬗᬤᭂᬕ᭄ᬳᬕᬸᬂ᭞ᬳᬶᬘᬾᬦ᭄ᬢᬶᬢ᭄ᬬᬂᬯᬘᬦ᭞ᬫᬗ᭄ᬤᬢᬶᬢ᭄ᬬᬂᬳᬕᬾᬳᬸᬦᬶᬂ᭞ [ 18 ][᭑᭗ 17B]
᭞᭑᭗᭞
ᬤᬾᬦᬶᬂᬢᬶᬢ᭄ᬬᬂᬫᬮᬓ᭄ᬱᬡᬲᬋᬂᬧᬢ᭄ᬧᬢ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬗᬸᬦᬶᬗᬬᬂ᭞ᬳᬯᬶᬦᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬧᬶᬢᭂᬓᭂᬢ᭄ᬭᬭᬫᬦ᭄ᬢᬶᬢ᭄ᬬᬂ᭞ᬫᬗ᭄ᬤᬲᬋᬂᬓᬯᭀᬦ᭄ᬩᭂᬘᬶᬓ᭄᭞ᬲᬸᬓᬤᬸᬄᬓᬦᬾᬫᬓᬤᬶ᭞ᬫᬗ᭄ᬤᬾᬳᬦᬸᬢ᭄ᬲᬮᬶᬂᬢᬸ
ᬭᬸᬢ᭄᭞ᬢ᭄ᬯᬶᬬᬦ᭄ᬧᭀᬮᬶᬄᬳᬗ᭄ᬓᬸᬳᬦ᭄᭞ᬳᬓᬶᬤᬶᬓ᭄ᬲᬫᬶᬫᬓᬶᬤᬶᬓ᭄᭞ᬬᬦᬶᬂᬓ᭄ᬯᬄᬫᬗ᭄ᬤᬧᬢᭂᬄᬩᬩᬕ᭄ᬬᬦ᭄᭟ᬧᬸᬦᬶᬓᬳᬾᬮᬶᬗᬂᬢᬶᬢ᭄ᬬᬂ᭞ᬳᬯᬶᬦᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬳᬗ᭄ᬳᬶᬂᬕᭂᬂᬳᬫ᭄ᬧᬸᬭᬧᬶᬲᬦ᭄᭞ᬬᬦᬶᬂ
ᬢᬦ᭄ᬓᬩᬯᭀᬲ᭄ᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬲᬂᬬᭀᬕ᭄ᬬᬲᬫᬶ᭞ᬲᬶᬧᬢᬶᬦᬦ᭄ᬓᬾᬦᬾᬓᬧᬢᬹᬢ᭄᭞ᬚᬓ᭄ᬱᬮᬶᬤ᭄‌ᬫ᭄ᬯᬂᬓᬺᬢ᭄ᬢ᭞ᬤᬸᬭᬸᬲᬂᬳᬸᬕᬶᬫ᭄ᬩᬯᭀᬲᬶᬦ᭄᭞ᬬᬦ᭄ᬓᬾᬦ᭄ᬤᬸᬭᬸᬲ᭄ᬫᬩᬸᬜ᭄ᬘᬶᬫᬗᬤᭂᬩᬕ᭄ᬭᬚᬫᬓᬤᬶᬭᬯᬸᬳᬶᬂ
ᬚᬕᬢ᭄᭞ᬫᬓᬭᬸᬦ᭄ᬢᬸᬢᬦᬶᬂᬧᬸᬢ᭄ᬭᬶ᭞ᬤᬾᬦᬶᬂᬢᬶᬢ᭄ᬬᬂᬲᬋᬂᬧᬢ᭄ᬧᬢ᭄᭞ᬳᬶᬲ᭄ᬢ᭄ᬭᬶᬦᬾᬯᬦ᭄ᬢᬄᬳᬲᬶᬓᬶ᭞ᬬᬦ᭄ᬲᬫᬶᬫᬓᬲᬫᬶ᭞ᬧᬫᬃᬕ᭄ᬕᬶᬦᬾᬤᬸᬭᬸᬂᬳᬦᬹᬢ᭄᭞ᬬᬦ᭄ᬪᭀᬕᬳᬸᬧᬪᭀᬕ᭞ᬧᬸᬦᬶᬓᬧᬢᬹ
[᭑᭘ 18A]
ᬢ᭄ᬫᬩᬕᬶ᭞ᬭᬾᬄᬧᬸᬦᬶᬓᬶᬳᬶᬲ᭄ᬢ᭄ᬭᬶᬦᬾᬯᬦ᭄ᬢᬄᬲᬦᬸᬗ᭄ᬕᬮ᭄᭟ᬲᭀᬧᬫᬶᬓᬧᬸᬢᬸᬲᬂ᭞ᬲᬋᬂᬧᬢ᭄ᬧᬢ᭄ᬗᬗ᭄ᬕᬾᬲ᭄ᬯᬫᬶ᭞ᬲᬶᬦᬄᬗᬯᬾᬓᬩ᭄ᬭᬢᬦ᭄᭞ᬳᬧᬦᬶᬂᬤᬸᬭᬸᬂᬧᬫᬃᬕ᭄ᬕᬶ᭞ᬢᬦ᭄ᬯᬗ᭄ᬤᬾᬤᬤᭀᬲ᭄ᬘᬗᬶᬮ᭄᭞ᬲ᭄ᬢ᭄ᬭᬷᬢᬸᬗ᭄ᬕᬮ᭄ᬮᬦᬂᬘᬢᬸᬃ᭞
ᬫᬗ᭄ᬤᬲᬵᬫ᭄ᬧᬸᬦ᭄ᬤᬤᭀᬲ᭄ᬢᬸᬗ᭄ᬓᬲ᭄᭞ᬧᬜᬫᬦ᭄ᬢᬶᬢ᭄ᬬᬗᬾᬲᬫᬶ᭞ᬫᬮᬭᬧᬦ᭄ᬳᬶᬸᬦ᭄ᬭᬸᬲᬓ᭄ᬳᬦ᭄ᬢᬸᬓ᭄ᬲ᭄ᬢ᭄ᬭᬷᬢᬸᬗ᭄ᬕᬮ᭄᭟ᬬᬦ᭄ᬯᬦ᭄ᬢᬄᬧᬢᬹᬢ᭄ᬲᬶᬓ᭄ᬱᬶᬓᬂ᭞ᬫᬸᬗ᭄ᬕ᭄ᬯᬶᬂᬳᬕᬫᬦᬾᬲᬫᬶ᭞ᬳᬶᬭᬶᬓᬳᬸᬕᬶᬳᬦᬹᬢᬂ᭞ᬦᬾᬧᬢ᭄ᬧᬢ᭄ᬳᬗᬾᬦ᭄ᬜᬶ
ᬧᬢᬶᬦ᭄᭞ᬲᬶᬦᬳᬂᬫᬗ᭄ᬤᬧᬲ᭄ᬢᬶ᭞ᬓᭂᬦᬶᬲᬫ᭄ᬧᬸᬦ᭄ᬩᭂᬭᬢ᭄ᬓᬧᬸᬗ᭄ᬓᬸᬃ᭞ᬳᬯᬦᬦ᭄ᬩᬸᬯᬢᬂᬧᬶᬲᬦ᭄᭞ᬧᬶᬦᬸᬦᬲ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬧᬯᭂᬦᬗᬦ᭄‌ᬦᬾᬫᬦᬹᬢᬶᬂᬲᬫᭀᬤᬦ᭟ᬬᬦᬶᬂᬲᬵᬫ᭄ᬧᬸᬦ᭄ᬓᬧᬸᬢᬸᬲᬂ᭞ᬫᬗ᭄ᬤᬯᬾᬦ᭄ᬢᭂᬦ᭄ᬢᬦ᭄ᬤ
ᬚᬢᬶ᭞ᬫᬸᬗ᭄ᬕ᭄ᬯᬶᬂᬰᬵᬲ᭄ᬢ᭄ᬭᬧᬧᭂᬕᬢᬦ᭄᭞ᬳᬶᬘᬾᬦ᭄ᬢᬶᬢ᭄ᬬᬂᬫᬗ᭄ᬤᬳᬦᬶᬂ᭞ᬧᬯᭂᬦᬗᬦ᭄ᬧᬲ᭄ᬢᬶ᭞ᬳᬚᬶᬧᬸᬦᬧᬶᬧᬶᬦᬸᬯᬸᬲ᭄᭞ᬕᭂᬦᬳᬾᬓᬲᬫ᭄ᬩᬢᬂᬦᬶᬸ᭞ᬢᬍᬃᬫᬗ᭄ᬤᬾᬢᬶᬢ᭄ᬬᬂᬗᬃᬣᬶ᭞ᬤᬾᬦᬶᬂᬯᭂᬓᬲ᭄ᬢᬫ᭄ᬩᭂᬢ᭄ᬢᬶᬢ᭄ᬬᬗᬾ [ 19 ][᭑᭘ 18B]
᭞᭑᭘᭞
ᬓᬮᬶᬦ᭄ᬢᬂ᭟ᬤᬾᬦᬶᬂᬓᬤᬶᬲᬧᬸᬦᬶᬓ᭞ᬧᬶᬦᬸᬦᬲ᭄ᬲᬂᬧᭂᬢᬂᬲᬶᬓᬶ᭞ᬓᬺᬢ᭄ᬢᬚᬓ᭄ᬱᬫ᭄ᬯᬂᬲᬂᬦᬵᬢ᭞ᬲᬂᬧᬭᬬᭀᬕᬶᬦ᭄ᬲᬫᬶ᭞ᬘᬦᭂᬕ᭄ᬫᬫᬶᬦᭂᬳᬶᬦ᭄᭞ᬤᬸᬭᬸᬂᬓᬧᬗ᭄ᬕᬶᬄᬭᬶᬂᬳᬶᬸᬓᬳ᭄ᬬᬸᬦ᭞ᬳᬫᬸᬂᬓᬭᬶᬫᬩᬯᭀᬲᬦ᭄᭞
ᬲᬫᭀᬥᬦᬲᬓᬶᬂᬳᬚᬶ᭞ᬓᬤᬸᬭᬸᬲᬦ᭄ᬤᬸᬭᬸᬂᬓᬦ᭄ᬢᭂᬦ᭄ᬓᬧᬸᬢᬸᬲᬦ᭄᭟ᬧᬸᬧᬸᬢ᭄ᬲᬢ᭄ᬯᬢᬦᬶᬓᬃᬯ᭄ᬯᬦ᭄᭞ᬧᬗᬭᬂᬢᬦ᭄ᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬓᬾᬯᬮᬲᬶᬤ᭄ᬟᬫᬢᭂᬫ᭄ᬩᬂ᭞ᬳᬗ᭄ᬕᭀᬦ᭄ᬧᬯᬸᬭᬸᬓᬦ᭄ᬦᬸᬮᬶᬲ᭄᭞ᬫᬓᬤᬶᬢᭂᬫ᭄ᬩᬸᬫ
ᬗ᭄ᬓᬶᬦ᭄᭞ᬗ᭄ᬭᬶᬧ᭄ᬢᬲᬢ᭄ᬯᬫᬸᬗ᭄ᬕ᭄ᬯᬶᬂᬓᬶᬥᬸᬂ᭞ᬳᬦ᭄ᬫᬸᬮᬓᬢᬸᬦᬦ᭄᭞ᬫᬸᬥᬧᬸᬗ᭄ᬕᬸᬂᬢᬦ᭄ᬧᬗᬃᬣᬶ᭞ᬯᬶᬓᬸᬳᬜᬃ᭞ᬧᬭᬩ᭄ᬳᬸᬭᬸᬚᬸᬯᬗ᭄ᬲᬸᬮ᭟ᬯᬾᬦ᭄ᬢᭂᬦᬶᬂᬢᬭᬸᬘᬶᬢ᭄ᬭᬓ᭞ᬫᬢᬭᬫ᭄‌ᬯᬾᬲ᭄‌ᬮᭀᬫ᭄ᬩᭀᬓ᭄ᬦᬕᬭᬶ᭞ᬧᬰ᭄ᬮᬢᬶᬂ
ᬤᬶᬦᬲᬶᬦᬸᬭᬵᬢ᭄᭞ᬲᭀᬫ᭄ᬬᬧᬳᬶᬗᬦᬶᬂᬯᬭᬶ᭞ᬕᬤ᭄ᬬᬦ᭄ᬧᬹᬃᬡ᭄ᬦᬫᬲᬶᬤ᭄ᬟᬶ᭞ᬓᬃᬭᬶᬸᬯ᭄ᬯᬧᬫᭂᬂᬧᭂᬂᬲᬶᬢᬗ᭄ᬰᬸ᭞ᬭᬄᬳᬬᬸᬗᬾᬓᬘᬶᬢ᭄ᬢ᭞ᬓᬚᭂᬂᬰ᭄ᬭᬷᬧᬸᬢ᭄ᬭᬶᬦᭂᬗ᭄ᬕᭂᬓᬶᬦ᭄᭞ᬦᬾᬓᬶᬦᬸᬘᬧ᭄‌ᬫᬓᬭᬵᬓ᭄ᬱᬓᬦᬶᬚᬕᬢ᭄᭟
[᭑᭙ 19A]
ᬫᬦᬸᬗ᭄ᬕᬮ᭄ᬤᬲ᭄ᬢᬶᬢᬶᬲᬤ᭄ᬬ᭞ᬦᬸᬗ᭄ᬕᬶᬮᬂᬧᬸᬧᬸᬢ᭄ᬲᬶᬦᬸᬚᬶ᭞ᬬᬦ᭄ᬯᬶᬮᬂᬢᬗ᭄ᬕᬮ᭄ᬫᬲᬾᬳ᭄ᬬ᭞ᬢᬶᬕᬧᬸᬮᬸᬄᬩᬸᬮᬦ᭄ᬚᬸᬦᬶ᭞ᬢᬳᬸᬦ᭄ᬲᬶᬬᬸᬲᬗᬦᬫ᭄ᬧᬶ᭞ᬢᬶᬕᬂᬤᬰᬲ᭄ᬬᬦᬸᬚᬸ᭞ᬗ᭄ᬕᬶᬂᬦ᭄ᬤᬯᭂᬕ᭄ᬕᬸᬂᬳᬫ᭄ᬧᬸᬭ᭞ᬭᬶᬂᬲᬂᬲᬸᬤᬶᬫᬫ᭄ᬩᬯᭀᬲᬶᬦ᭄᭞ᬢᬸ
ᬯᬶᬯᬶᬭᬸᬧᬓ᭄ᬱᬭᬓ᭄ᬯᬾᬄᬕᬶᬦᬦ᭄ᬢᬸᬗᬦ᭄᭟᭜᭟ᬧᬸᬧᬸᬢ᭄᭚ᬧᬸᬧᬸᬢ᭄ᬲᬶᬦᬸᬭᬵᬢ᭄ᬭᬶᬂᬭᬳᬶᬦ᭝ᬰ᭞ᬓ᭞ᬮᬦ᭄ᬟᭂᬧ᭄᭞ᬢᬶᬢᬶ᭞ᬢᬂ᭞ᬧᬶᬂ᭞᭑᭑᭞ᬰᬰᬶᬄ᭞ᬓᬮᬶᬫ᭞ᬭᬄ᭞᭕᭞ᬢᭂᬂ᭞᭑᭒᭞ᬇᬰᬓᬯᬃᬱ᭞᭑᭙᭑᭓᭟ᬳᭀᬮᬶᬄ᭝ᬯᬬᬦ᭄‌ᬩᬸᬤ᭄ᬟᬕᭀᬢ᭄ᬢᬫ᭞ᬩᬜ᭄ᬚᬃᬫᬦ᭄ᬢ᭄ᬭᬶ᭞ᬧᬾᬢᬓ᭄᭞ᬕ᭄ᬬᬜᬃ᭟ᬒᬁ᭞ᬰᬦ᭄ᬢᬶᬰᬦ᭄ᬢᬶᬰᬦ᭄ᬢᬶ᭟ᬓ᭄ᬱᬫᬓ᭄ᬦ᭟᭜᭟ 19-10-1991. [ 20 ][᭑᭙ 19B]