Ban/Gaguritan Masan Rodi

Deskripsi

Naskah

[ 1 ][PERPUSTAKAAN KTR.DOKBUD.BALI PROP.BALI
G/X/15/DOKBUD]
Judul: GAGURITAN MASAN RODI.
Pnj.45 cm. Lb.3,5 cm.Jl.13 lb.
Asal: Grya Kawan, Sibetan.
[᭑ 1A]
GAGURITAN MASAN RODI.
Pnj.45 cm. Lb. 3,5 cm. Jl.13 lb.
Asal: Grya Kawan,Sibetan. [ 2 ][᭑ 1B]
᭑
᭚᭜᭚
ᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬤᬸᬃᬫ᭄ᬫ᭚ᬤᬸᬃᬦᬶᬫᬶᬢ᭄ᬣᬵᬗᬯᬶᬢ᭄ᬢᬶᬢ᭄ᬬᬂᬕᬤᬓᬸᬬᬂ᭞ᬳᬶᬲᭂᬂᬦ᭄ᬕᬭᬂᬗᬯᬶ᭞ᬦᬗᬶᬂᬳᬫ᭄ᬧᬸᬭᬬᬂ᭞ᬳᬶᬢᬫ᭄ᬩᭂᬢ᭄ᬫᬧᬶᬧᬾᬲ᭄‌ᬢᬤ᭄᭞ᬓᬾᬯᬦ᭄ᬢᭂᬦ᭄ᬳᬗ᭄ᬕᬾᬦ᭄ᬧᬓᬾᬮᬶᬂ᭞ᬳᬸᬗ᭄ᬕᬸᬳᬂᬢᬶᬢ᭄ᬬᬂ᭞ᬲ᭄ᬟᬸᬓᬾᬫᬲᬸᬓ᭄ᬫᬩᬸ
ᬯᬶ᭚ᬭᬶᬂᬇᬰᬓᬵᬓᬮᬵᬩᬱᬶᬘᬢᬹᬃᬳᬲ᭄ᬢᬵ᭞ᬯᬶᬱ᭄ᬗ᭄ᬯᬗ᭄ᬲᬶᬘᬢᬹᬃᬤᬰᬶ᭞ᬘᬾᬢ᭄ᬭᬾᬫᬲᬾᬂᬳᬸᬮᬦ᭄᭞ᬘᬢᬹᬃᬩᬸᬚᬵ᭠ᬳᬲ᭄ᬢᬵᬰᬶᬭᬄ᭞ᬳᬸᬮᬸᬂᬗᬢᬸᬲ᭄ᬬᬸᬳᬦᬶᬓᬶ᭞ᬳ᭄ᬬᬂᬲᬸᬃᬬ᭄ᬬᬲᬶᬯᬵ᭞ᬫ᭄ᬟᬗ᭄ᬓᬸᬗᬦᬸᬓᬸᬦ᭄ᬬᬾᬓᬶ᭚ᬓᬘᬭᬶᬢ᭄ᬣᬩᬳᬸᬩᬶᬸᬫᬭᬩᬚᭂ
ᬕ᭄ᬲᬸᬃᬬ᭄ᬬᬵ᭞ᬭᬯᬸᬄᬫᬩ᭄ᬭᬶᬬᬸᬓ᭄ᬲᬫᬶ᭞ᬜᬫᬦᬾᬭᬶᬂᬳᬸᬮᬄ᭞ᬕ᭄ᬭ᭄ᬬᬘᬭᬶᬂᬓ᭄‌ᬮᬦ᭄ᬧᬶᬥᬥᬵ᭞ᬧᬸᬦ᭄ᬬᬘ᭄ᬮᬶᬢ᭄ᬲᬋᬂᬓ᭠ᬮᬶᬄ᭞ᬫᬶᬯᬄᬕ᭄ᬭ᭄ᬬᬢ᭄ᬗᬄᬭᬯᬶᬂᬲᬶᬤᭀᬫᬦ᭄ᬫᬫᬃᬕᬶ᭚ᬫᬗᬗᬶᬦᬂᬧᬫᬃᬕᬶᬦᬾᬕᬕᬜ᭄ᬘᬗᬦ᭄᭞ᬳᬶᬤᬵᬫᬥᬾᬲᬶᬤ᭄ᬫᭂᬦ᭄‌
ᬓᬭᬶ᭞ᬲᬶᬫ᭄ᬧᬂᬭᬶᬂᬲᬶᬩ᭄ᬢᬦ᭄᭞ᬫᬢᬹᬃᬕ᭄ᬭ᭄ᬬᬩ᭄ᬢᬾᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬲᬸᬓ᭄ᬫᬗ᭄ᬓᬶᬦ᭄᭞ᬲᬋᬂᬧᬢ᭄ᬩᭂᬮᬲᬦᬾᬧᬸᬭᬸᬦ᭄ᬗᭂᬫᬲᬶᬦ᭄᭚ᬢᬦ᭄ᬘᬭᬶᬢ᭄ᬣᬵᬦᬾᬫᬲᬸᬓ᭄ᬫᬗ᭄ᬓᬶᬦ᭄‌ᬲᬓ᭄ᬱᬡᬵ᭞ᬩᬤᬵᬓ᭄ᬮᬶᬂᬲᬶᬩ᭄ᬢᬦ᭄ᬫᬮᬶᬄ᭞ᬯᬮᬶᬦᬶᬦ᭄ᬘᬭᬶᬢ᭄ᬣᬵ᭞᭠
[᭒ 2A]
ᬭᬾᬄᬯᬾᬦ᭄ᬢᭂᬦ᭄ᬤᬤᬯᬸᬳᬦ᭄᭞ᬧᬘᬂᬗ᭄ᬭᭀᬦ᭄ᬤᬵᬲᬋᬂᬲᬫᬶ᭞ᬲᬕ᭄ᬯᬾᬢ᭄ᬩᬩᬡ᭄ᬟᭂᬫ᭄᭞ᬦᬾᬦ᭄ᬢᭂᬦ᭄ᬜᬶᬤᬬᬂᬫᬫᬃᬕᬶ᭚ᬓᬩᬸᬗ᭄ᬳᬬᬵᬓ᭄ᬮᬶᬗ᭄ᬕᬲᬦᬵ᭞ᬓᬸᬫᬮᬵ᭞ᬓᬧᬗ᭄ᬮᭂᬕ᭄‌ᬓᬢᭀᬬᬵᬓᭀᬭᬶ᭞ᬭᬯᬸᬄᬭᬶᬂᬳᬸᬦ᭄ᬢᬮᬦ᭄᭞ᬩᬸᬓᬶᬢ᭄ᬧ᭄ᬓᬸᬮᬦ᭄ᬫᬘᬂ᭞ᬧᬸᬦᬶ
ᬓᬧᬘᬂᬭᭀᬦ᭄ᬤᬳᬶᬦ᭄᭞ᬳᭂᬗ᭄ᬓᬾᬦ᭄ᬯᬾᬦ᭄ᬢᭂᬦᬦ᭄ᬭᬶᬂᬦᬯᬸᬃᬓᬮᬶᬄᬭᬶᬗ᭄ᬕᬶᬢ᭄᭚ᬫᬩᬭᬶᬬᬸᬓ᭄ᬲᬫᬶᬦᬾᬦ᭄ᬢᭂᬦ᭄ᬫᬜᬶᬤᬬᬂ᭞ᬫᬦᬯᬸᬃᬬᬤᬶᬦ᭄ᬫᬫᬃᬕᬶ᭞ᬯᬶᬭᬾᬄᬩ᭄ᬭᬢ᭄ᬧᬶᬲᬦ᭄᭞ᬓᬩᬡ᭄ᬟᭂᬫ᭄ᬫᬦᬸᬦᬲᬂ᭞ᬭᬶᬂᬧᬸᬗ᭄ᬕᬯᬵᬲᬋᬂᬲᬫᬶ᭞ᬫᬶᬯᬄᬧᬺ᭠
ᬩ᭄ᬓᭂᬮ᭄ᬢᬢᬶᬕᬵᬫᬜᬋᬂᬗᬶᬦ᭄᭚ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬫᬜᬶᬤᬬᬂᬯᬾᬦ᭄ᬢᭂᬦᬦ᭄ᬲᬫ᭄ᬧᬸᬦ᭄ᬲᬶᬲᬶᬧ᭄᭞ᬩ᭄ᬭᬢᬦ᭄ᬭᬶᬂᬧᬗᬬᬄ᭞ᬬᬦ᭄ᬓᬶᬘᬦ᭄ᬕᬕ᭄ᬯᬾᬢ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬗᬶᬭᬶᬂᬫᬗ᭄ᬭᭀᬦ᭄ᬤᬳᬶᬦ᭄᭞ᬧᬸᬗ᭄ᬕᬯᬵᬫᬢᬹᬃᬭᬵ᭞ᬦᬾᬦ᭄ᬢᭂᬦ᭄ᬢᬶᬢ᭄ᬬᬂᬗᬃ
ᬬ᭄ᬬᬦᬦ᭄᭚ᬳᬶᬗ᭄ᬕᬶᬄᬭᬢᬸᬲᬫ᭄ᬧᬸᬦᬂᬫᬫᬶᬦᭂᬄᬢᬶᬢ᭄ᬬᬂ᭞ᬓ᭄ᬭᬲ᭄‌ᬫ᭄ᬭᬾᬦ᭄ᬢᬄᬳᬶᬭᬶᬓᬶ᭞ᬧᬶᬦᭂᬄᬧᬶᬲᬦ᭄ᬧᬶᬲᬦ᭄᭞ᬬᬦ᭄ᬤᬤᭀᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬗᬃᬬ᭄ᬬᬦᬂᬳᬶᬭᬢᬸᬲᬫᬶ᭞ᬢᬶᬢ᭄ᬬᬂᬦᬸᬦᬲᬂᬭᬶᬂᬳᬶᬢ᭄ᬯᬦ᭄ᬤᬸᬫᬸᬦ᭄ᬫᬗ᭄ᬓᬶᬦ᭄᭚᭠ [ 3 ][᭒ 2B]
᭒
ᬬᬦ᭄ᬧᬫᭂᬗ᭄ᬕᬄᬳᬶᬢ᭄ᬯᬦ᭄ᬓᬸᬢ᭄ᬮᬶᬃᬭᬶᬂᬢᬶᬢ᭄ᬬᬂ᭞ᬩᬾᬜ᭄ᬚᬂᬫᬮᬶᬄᬫᬭᬶᬓᬶ᭞ᬫᬗ᭄ᬓᬶᬦ᭄ᬭᬢᬸᬩᬸᬤᬮ᭄᭞ᬫᬦ᭄ᬢᬸᬓ᭄ᬲᬋᬂᬲᬶ᭠ᬦᬫ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬫᬧ᭄ᬭᬬᬵᬫᬩᬾᬦ᭄ᬢᬾᬂᬲᬋᬂᬲᬫᬶ᭚ᬬᬦ᭄ᬳᬶᬭᬢᬸᬫᬗ᭄ᬓᬶᬦ᭄ᬓᬬᬸ᭠
ᬦ᭄ᬫᬦᭂᬭᬗᬂ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬘᬂᬲᬶᬲᬶᬧ᭄᭞ᬇᬗ᭄ᬕᬶᬄᬢᬶᬢ᭄ᬬᬂᬩᬸᬤᬮ᭄᭞ᬫᬦ᭄ᬢᬸᬓ᭄ᬲᬋᬂᬲᬶᬦᬫ᭄ᬬᬦ᭄᭞ᬗ᭄ᬕᬶᬄᬦᬶᬓᬶᬫᬗ᭄ᬓᬶᬦ᭄ᬢᬾᬓᬾᬦᬶᬦ᭄᭞ᬫᬗ᭄ᬤᬾᬲᬫᬶᬢ᭄ᬭᬂ᭞ᬍᬳᬶᬢ᭄ᬣᬧᬶᬘᬦ᭄ᬳᬶᬕᬸᬲ᭄ᬢᬶ᭚ᬚ᭄ᬭᬶᬄᬢᬶᬢ᭄ᬬᬂᬫᬗᬃᬬ᭄ᬬᬦᬂᬢᬢᬾᬓᬾ
ᬦᬦ᭄᭞ᬭᬶᬂᬧᬯᬦᬦᬾᬢᬦ᭄ᬲᬶᬲᬶᬧ᭄᭞ᬲᬓᬾᬂᬧᬓᬬᬸᬦᬦ᭄᭞ᬩᭀᬬᭀᬚᬵᬲᬓᬶᬂᬢᬶᬢ᭄ᬬᬂ᭞ᬦᬶᬓᬶᬓᬃᬲᬳᬶᬦ᭄ᬧᬓ᭄ᬮᬃᬭᬶᬂ᭞ᬳᬶᬚᬸᬭᬸᬲᬸᬭᬢ᭄᭞ᬢᬶᬢ᭄ᬬᬂᬧᬫᬶᬢ᭄ᬗ᭄ᬭᬶᬳᬶᬦᬶᬦ᭄᭚ᬲᬫ᭄ᬧᬸᬦ᭄ᬲᬫᬶᬧᭀᬮᬶᬄᬲᬸᬭᬢ᭄ᬳᬩ᭄ᬭᬶᬬᬸᬓᬦ᭄᭞ᬧᬸᬗ᭄ᬕ
ᬯᬦᬾᬫᬗ᭄ᬭᬶᬳᬶᬦᬶᬦ᭄᭞ᬗᬫ᭄ᬩᬶᬮ᭄ᬓᬸᬤᬩ᭄ᬘᬢ᭄᭞ᬗᬢᬹᬭᬂᬭᬶᬂᬳᬶᬢ᭄ᬯᬦ᭄᭞ᬢᬸᬮᬓᬶᬦ᭄ᬘᬭᬶᬢ᭄ᬣᬵᬫᬮᬶᬄ᭞ᬤᬸᬓᬾᬫᬫᬃᬕ᭄ᬕᬶᬳᬾᬕᬃᬭᬾᬢᬦ᭄ᬲᬶᬦᬶᬳᬶ᭚ᬫᬩᬭᬶᬬᬸᬓ᭄‌ᬓᬸᬫᬮᬵᬩᬸᬤᬓ᭄ᬮᬶᬂᬲᬶᬩ᭄ᬢᬦ᭄᭞ᬫᬗ᭄ᬭᬳᭀᬲᬮᬾᬂᬢᬶᬫ᭄ᬩᬮᬶ
[᭓ 3A]
ᬦ᭄᭞ᬚᬮᬦ᭄ᬫᬕᬺᬤᭂᬕᬦ᭄᭞ᬲᬫ᭄ᬩᬶᬮᬂᬫᬗᬭᬲᬦ᭄᭞ᬓᬤᬾᬫ᭄ᬮᬄᬓᬃᬢᭂᬧᬸᬓᬶᬦ᭄‌ᬜᬫᬵᬭᬶᬂᬳᬸᬮᬄᬕ᭄ᬭ᭄ᬬᬘᬭᬶᬓ᭄ᬫᬲᬸᬓ᭄ᬳᬶᬩᬶ᭚ᬘᬭᬶᬢᬬᬂᬗ᭄ᬭᬜ᭄ᬚᬶᬂᬗᬾᬫᬭᬵᬧᬸᬓᬸᬮ᭄ᬟ᭄ᬯᬩ᭄ᬮᬲ᭄᭞ᬫᬭᬃᬬ᭄ᬬᬦ᭄ᬫᬦ᭄ᬕᬓ᭄ᬦᬦ᭄ᬢ᭄ᬭᬶ᭞ᬲᬫᬶᬭᬶᬭᬶᬕ᭄ᬮᬶᬫᬵ᭞ᬚᬕ᭄ᬭᬯᬸᬄᬳᬶᬩ
ᬦᬾᬲᬵ᭞ᬫ᭄ᬭᬾᬦ᭄ᬢᬄᬩᭀᬕᭀᬮᬦᬾᬲᬫᬶᬭᬭᬶᬲ᭄ᬓᬢᬹᬃᬭᬦ᭄ᬗᬚᬂᬩ᭄ᬬᬲᬋᬂᬲᬫᬶ᭚ᬧᬘᬩᬸᬃᬩᬸᬃᬲᬫᬶᬢ᭄ᬟᬸᬦᬦ᭄ᬓᬢᬸ᭠ᬓᬤ᭄᭞ᬫᬦᬗ᭄ᬕᬸᬂᬲᬋᬂᬓᬮᬶᬄ᭞ᬯᬾᬦ᭄ᬢᭂᬦ᭄ᬫᬦᬫ᭄ᬩᬸᬦᬂ᭞ᬲ᭄ᬬᭀᬲ᭄ᬫᬮᬶᬄᬫᬗᬚᬂ᭞ᬕ᭄ᬭᭀᬩᬕ᭄ᬳ᭄ᬳᬳᬸᬕ᭄ᬢᬦ᭄ᬧᬓᬜ᭄ᬘᬶᬂ᭞ᬯᬾᬦ᭄ᬢᭂᬦ᭄ᬫ
ᬗ᭄ᬭᬫ᭄ᬧᬵ᭞ᬫᬗ᭄ᬤᬾᬜᭂᬜᬶᬤᬬᬂᬧᭀᬮᬶᬄ᭚ᬭᬶᬂᬯ᭄ᬗᬶᬦᬾᬳᬸᬬᬸᬢᬾᬢᬦ᭄ᬧᬧᭂᬕᬢᬦ᭄᭞ᬫᬩᭂᬩᬲᬦ᭄᭞ᬲ᭄ᬬᭀᬲ᭄ᬫᬕᭂᬡ᭄ᬟᬶᬂ᭞ᬯᬾᬦ᭄ᬢᭂᬦ᭄ᬫᬧᬶᬩᬶᬦᬮ᭄᭞ᬩᬾᬜ᭄ᬚᬂᬲ᭄ᬫᭂᬂᬗᬦ᭄ᬳᬸᬘᬧᬂ᭞ᬫᬦ᭄ᬤᭀᬃᬘᬶᬡ᭄ᬦᬵᬫᬗᭂᬦᬳᬶᬦ᭄᭞ᬓᬢᬸᬓᬤ᭄‌ᬚᬗᬵ᭞ᬗᬺ
ᬋᬄᬩᬢᬸᬢᬦ᭄ᬓᭀᬲᬶ᭚ᬗ᭄ᬮᬶᬂᬗ᭄ᬲᬶᬭᬂᬫᬦᬗ᭄ᬕᬸᬂᬲᬫᬶᬫᬗᬚᬂ᭞ᬚ᭄ᬭᭀᬩᬕ᭄ᬲᬫᬶᬲᬶᬓᬶ᭞ᬳᬗ᭄ᬕᬾᬦ᭄ᬧᬜᬮᬂᬗ᭠ᬦ᭄᭞ᬗᬢᬸᬦᬾᬦᬾᬫᬓᬚᬂ᭞ᬦᬸᬳᬸᬢ᭄ᬧᬸᬦ᭄ᬤᬸᬓᬦ᭄‌ᬧᬦ᭄ᬢᬸᬦ᭄ᬓᬸᬦᬶᬂ᭞ᬫᬓ᭄ᬢᬵᬓᬓᬫᬃ᭞ᬤᬯᬸᬄᬤᭀᬓ᭄ᬢᭀᬃᬭᬾᬫᬗ᭄ᬓᬶᬦ᭄ [ 4 ][᭓ 3B]
᭓
᭚ᬩᬾᬜ᭄ᬚᬂᬜᬦᬾᬫᬵᬩ᭄ᬭᬶᬬᬸᬓ᭄ᬫᬮᬶᬄᬓᬢᬸᬓᬤ᭄᭞ᬩᬳᬸᬫᬭᬤᬯᬸᬄᬓᬮᬶᬄ᭞ᬲᬕᬾᬢ᭄ᬓᭂᬘᬸᬤ᭄ᬕᭂᬧᬂ᭞ᬳᬶᬤ᭄ᬯ᭠ᬬᬦ᭄ᬳᭀᬓᬵᬦ᭄ᬕᬓ᭄᭞ᬫᬗ᭄ᬮᬶᬫᬸᬄᬦᬕᬶᬄᬢᬸᬮᬸᬗᬶᬦ᭄᭞ᬳᬢᬹᬃᬭᬶᬦ᭄ᬩᬦ᭄ᬢᬮ᭄‌ᬳᬗ᭄ᬕᬾᬦ᭄ᬧᬗᭂᬦ᭄ᬢᭂᬕ᭄ᬳᬢᬶ᭚ᬳᬶᬤᬩᬕᬸ᭠
ᬲ᭄ᬓᭂᬢᬸᬢ᭄ᬭᬳᬶᬮᬶᬫᬸᬄᬦ᭄ᬕᬓ᭄‌ᬲᬫ᭄ᬧᬶᬂᬩᬢᬸᬦᬾᬗᭂᬢᬶᬲ᭄᭞ᬧᬦᬲ᭄‌ᬓ᭄ᬭᬲ᭄ᬧᬶᬲᬦ᭄᭞ᬧ᭄ᬮᬸᬄᬳᬾᬢᬦ᭄ᬧᬧᭂᬕᬢᬦ᭄᭞ᬲᬫ᭄ᬧᬸᬦ᭄ᬧᬸᬓᬸᬮ᭄ᬟ᭄ᬯᬩ᭄ᬮᬲ᭄ᬫᬗ᭄ᬓᬶᬦ᭄᭞ᬫᬲᬸᬓᬓᬫᬃ᭞ᬫᬮᬶᬄᬫᬦ᭄ᬕᬓ᭄ᬦᬦ᭄ᬢ᭄ᬭ᭚ᬧᬸᬓᬸᬮᬲ᭄‌ᬫᬗ᭄ᬭᬗ᭄ᬲᬸᬫ᭄ᬲ᭠
ᬫᬶᬫᬗᬫ᭄ᬩ᭄ᬬᬃ᭞ᬳᬸᬲ᭄ᬫᬗ᭄ᬭᬗ᭄ᬲᬸᬫ᭄ᬫᬗ᭄ᬓᬶᬦ᭄᭞ᬳᬶᬦᬶᬲ᭄ᬢᬵᬓᬩᬩᬃᬲᭂᬂᬓᬮᬵᬢᬦ᭄ᬧᬳᬢ᭄ᬫᬵ᭞ᬮᬶᬫᬸᬄᬦᬾᬦ᭄ᬢᭂᬦ᭄ᬳᬸᬦᬶᬂᬳᭂᬲᬶᬂ᭞ᬲᬕᬾᬢ᭄ᬫᬕ᭄ᬚᬕ᭄‌ᬤ᭄ᬯᬬᬦ᭄ᬳᭀᬓᬵᬫ᭄ᬘᬶᬓᬶᬦ᭄᭚ᬯᬾᬦ᭄ᬢᭂᬦ᭄ᬳᬶᬚᬸᬗᬺᬋᬄᬤᭀᬦ᭄ᬮᬶᬮᬶᬕᬸᬦ᭄ᬟ᭄ᬬᬵ᭞ᬳᬶᬤᬩᬕᬸ᭠
ᬲ᭄ᬓᭂᬢᬸᬢ᭄ᬳᬚᬶ᭞ᬜᬶᬫ᭄ᬩᬸᬄᬓᭀᬧᬶᬂᬩ᭄ᬘᬢ᭄᭞ᬢ᭄ᬓᬦᬶᬂᬳᬸᬮᬸᬦᬢ᭄ᬬᬵ᭞ᬯᬳᬸᬫᬾᬮᬶᬂ᭞ᬲᬕᬾᬢ᭄ᬮᬶᬗ᭄ᬲᬶᬃ᭞ᬫᬮᬶᬄᬫ᭔ᬓᬃᬬ᭄ᬬᬵᬫᬧᬭᬧᬾᬭᬄᬲᬫᬶ᭚ᬓᬲᭂᬓᬸᬢ᭄ᬣᬵᬓᬓᬫᬃᬲᬓᬶᬢ᭄ᬫᬗ᭄ᬮᬾᬧᬵ᭞ᬜᬫ᭄ᬧᬢ᭄ᬭᬶᬂᬲ᭄ᬓᭀᬳᬦ᭄ᬫᬮᬶᬄ᭞᭠
[᭔ 4A]
ᬯᬾᬦ᭄ᬢᭂᬦ᭄ᬫᬸᬢ᭄ᬩᬸᬢ᭄ᬧᬥᬂ᭞ᬲ᭄ᬬᭀᬲ᭄ᬭᬶᬂᬓᬫᬃᬩᭀᬮᬵ᭞ᬓᬕ᭄ᬭᬾᬫ᭄ᬩᬾᬂᬫᬗᬫ᭄ᬩᬶᬮ᭄‌ᬩ᭄ᬲᬶ᭞ᬯᬾᬦ᭄ᬢᭂᬦ᭄ᬫᬩᬲ᭄ᬓᭂᬢᬸᬓᬂᬓᬬᬸᬫᬗ᭄ᬭᬜ᭄ᬚᬶᬂ᭚ᬯᬸᬲ᭄ᬫᬓᬃᬬ᭄ᬬᬵᬢᬦᬸᬘᬧᭂᬦ᭄ᬫᬭᬶᬂᬓᬫᬃ᭞ᬩᬾᬜ᭄ᬚᬂᬘ᭄ᬭᬶᬢᬬᬂᬫᬮᬶᬄ᭞ᬲ᭄ᬫᭂᬗᬦ᭄ᬫᬓᬃᬬ᭄ᬬᬵ᭞ᬗᬾᬮᬶᬗᬶᬦ᭄ᬧᬓᬓᬃ
ᬬ᭄ᬬᬦ᭄᭞ᬓᬦ᭄ᬢᬾᬲ᭄ᬧᬸᬓᬸᬮ᭄ᬲᭂᬩ᭄ᬮᬲ᭄ᬫᬮᬶᬄ᭞ᬫᬲᬸᬓᬫᬃ᭞ᬚᬕᬵᬮ᭄ᬧᬲ᭄ᬦᬾᬗ᭄ᬓᬶᬦ᭄‌᭚ᬯᬸᬲ᭄ᬫᬗ᭄ᬭᬗ᭄ᬲᬸᬫ᭄ᬫᬗ᭄ᬓᬶᬦ᭄ᬤ᭠ᬤᭀᬲ᭄ᬓᬚᬩᬵ᭞ᬓᬩᭀᬗ᭄ᬓᭀᬮ᭄ᬩᬶᬗᬶᬦᬾᬗᭂᬢᬶᬲ᭄᭞ᬲᬋᬂᬳᬩ᭄ᬭᬶᬬᬸᬓᬦ᭄᭞ᬩᬳᬸᬫᬭᬦᬧᬓ᭄‌ᬦ᭄ᬕᬓ᭄᭞ᬭᬯᬸᬄᬳᬶ᭠
ᬤᬵᬩᬕᬸᬲ᭄ᬳᭂᬮᬶᬤ᭄᭞ᬲᬓᬾᬂᬓᬦ᭄ᬢᭀᬃᬫᬫᬓ᭄ᬢᬵᬩᬸᬓᬸᬫᬘᬳᬶᬦ᭄᭚ᬫᬦᬸᬢᬸᬃᬭᬂᬓᬓᭂᬘᬧ᭄ᬲᬂᬯᬵᬲᬲᬡᬵ᭞ᬭᬳᭀᬲᬾᬫᬗᭂᬮᬾᬩᬶᬦ᭄᭞ᬬᬦ᭄ᬳᬗᭂᬧᬾᬢ᭄ᬧᬗᬦ᭄᭞ᬫᬶᬯᬄᬋᬫ᭄ᬩᬢ᭄ᬧᬶᬓᬸᬮᬦ᭄᭞ᬳᬤᬄᬓ᭄ᬭᬶᬬᬵᬓᬳᬤᬦᬶᬦ᭄᭞᭠
ᬲ᭄ᬬᭂᬧ᭄ᬲᬶᬦᬫ᭄ᬬᬦ᭄᭞ᬗ᭄ᬭᬲᭂᬤᬾᬯᬾᬓᬾᬲᬶᬲᬶᬧ᭄᭚ᬦᬾᬦ᭄ᬢᭂᬦ᭄ᬧᬶᬲᬦ᭄ᬯᬾᬦ᭄ᬢᭂᬦ᭄ᬕᬢᬺᬓᬓᬩᬃᬭᬦ᭄᭞ᬲᬲ᭠ᬡᬦᬾᬲᬫ᭄ᬧᬸᬦ᭄ᬓᬫ᭄ᬩᬶᬮ᭄᭞ᬫᬶᬯᬄᬲᬭᭀᬤᬺᬢ᭄ᬣᬵ᭞ᬬᬦ᭄ᬯᬾᬦ᭄ᬢᭂᬦ᭄ᬓᬓᬩᬭᬦ᭄᭞ᬦᬯᬶᬯᬾᬦ᭄ᬢᭂᬦ᭄ᬫᬜᬯᬸᬃᬭᬶᬦ᭄ᬳᬶᬤᬵ [ 5 ][᭔ 4B]
᭔
ᬮᬶᬤ᭄ᬓᬺᬢ᭄ᬣᬵᬩ᭄ᬯᬢ᭄ᬧᬢᬓᬾᬦᬾᬲᬫᬶ᭚ᬘᬭᬶᬢ᭄ᬣᬬᬂᬧᬫᬃᬕᬶᬦᬾᬫᬗᬗᬶᬦᬂ᭞ᬗᬺᬋᬄᬢ᭄ᬕᬓᬦ᭄ᬫᬸᬮᬶᬄ᭞ᬧᭀ᭠ᬮᬶᬄᬫᭀᬦ᭄ᬢᭀᬃᬕ᭄ᬭᬳᬫ᭄᭞ᬲ᭄ᬟᭂᬗᬦ᭄ᬧ᭄ᬢᬂᬤᬱ᭞ᬲᬶᬫ᭄ᬧᬂᬓᬧᬶᬥᬥᬵᬲᬫᬶ᭞ᬓᬳᬶᬘᬦ᭄ᬯᬾᬤᬂ᭞ᬚ᭄ᬭᬸᬢᬶᬫᬶᬦᬓᬤᬶ
᭚ᬲᬫ᭄ᬧᬸᬦ᭄ᬭᬯᬸᬄᬫᭀᬦ᭄ᬢᭀᬃᬭᬾᬗᬦ᭄ᬢᭀᬲ᭄ᬭᬶᬂᬚᬩᭂ᭞ᬫᬩ᭄ᬭᬶᬬᬸᬓᬚᬩᭂᬲᬫᬶ᭞ᬫᬸᬗ᭄ᬕᬸᬄᬫᬫᭀᬦ᭄ᬢᭀᬃᬭᬦ᭄᭞ᬯᬾᬦ᭄ᬢᭂᬦ᭄ᬗᬶᬕᭂᬮ᭄ᬫᬲᬸᬭᬓ᭄᭞ᬓᬧᬲᬭᬾᬗᬫᬃᬕᬶᬦᬶᬦ᭄᭞ᬫᬳᬶᬍᬄᬳᬶᬍᬄᬳᬦ᭄᭞ᬦ᭄ᬭᬸᬲ᭄ᬫᬦ᭄ᬢᬸᬓ᭄ᬫᬫᬃᬕ᭄ᬕᬶ᭚ᬧᬸᬓᬸᬮ
ᬫ᭄ᬧᬢᬦᬸᬘᬧᭂᬦ᭄ᬫᬭᬶᬂᬫᬃᬕ᭄ᬕᬵ᭞ᬭᬯᬸᬄᬭᬶᬂᬩᬡ᭄ᬟᭂᬫ᭄ᬫᬗ᭄ᬓᬶᬦ᭄᭞ᬢᭂᬤᬸᬦ᭄ᬫᬓ᭄ᬢᬵᬲᬸᬭᬢ᭄᭞ᬧᬓ᭄ᬭᬭᬶᬂᬓᬮᬵᬧᬲᬦ᭄᭞ᬗᭂᬜ᭄ᬚᬸᬯᬂᬲᬸᬭᬢᬾᬕ᭄ᬮᬶᬲ᭄᭞ᬫᬮᬶᬄᬫᬢᬸᬮᬓ᭄‌ᬫᬸᬗ᭄ᬕᬄᬭᬶᬂᬫᭀᬦ᭄ᬢᭀᬃᬫᬫᬃᬕ᭄ᬕᬶ᭚ᬗ᭄ᬮᬶᬦ᭄ᬢᬂᬩᬡ᭄ᬟᭂᬫ᭄ᬫᬗ᭄ᬓᬶᬦ᭄ᬭ᭠
ᬯᬸᬄᬭᬶᬂᬕᬗ᭄ᬕᬗᬦ᭄᭞ᬓᭂᬧᬗ᭄ᬕᬶᬄᬩ᭄ᬭᬬᬵᬲᬫᬶᬲᬓᬶᬂᬧᭂᬓᬦ᭄ᬤᭂᬮᬦ᭄᭞ᬳᬶᬧᬸᬦ᭄ᬫᬗᬺᬋᬄᬓᬃᬬᬵ᭞ᬭᬢᬸᬯᬯᬸᬫᬦ᭄ᬢᬸᬫᬗ᭄ᬓᬶᬦ᭄᭞ᬩ᭄ᬦᭂᬄᬳ᭄ᬬᬂᬯ᭄ᬯᬵᬮ᭄ᬧᬦᬦ᭄ᬩᬾᬦ᭄ᬢᬾᬂᬚᬦᬶ᭚ᬮᬸᬢ᭄ᬫᬲᬸᬭᬓ᭄ᬳᬤᬳᬸᬬᬸᬢ᭄ᬫᬩ᭄ᬬᬬᬸᬯᬦ᭄᭞ᬮᬾᬦ᭠
[᭕ 5A]
ᬤᬫᬓᭂᬓᬯᬶᬦ᭄᭞ᬮᬾᬦᬤᬫᬗᭂᬗ᭄ᬓᬮ᭄᭞ᬲᬸᬧᬶᬭᬾᬳᬶᬗᬄᬧᬶᬲᬦ᭄᭞ᬭᬢᬸᬭᬢᬸᬲᬋᬂᬲᬫᬶ᭞ᬢᬶᬢ᭄ᬬᬂ᭠ᬦᬯ᭄ᬕᬂᬫ᭄ᬦᬂᬗᬂᬤᬸᬫᬸᬦ᭄ᬫᬗ᭄ᬓᬶᬦ᭄᭚ᬫᬲᬶᬄᬢ᭄ᬯᬭᬓ᭄ᬮᬶᬗᬸᬳᬚᬓ᭄ᬫᬓ᭄ᬚᬂ᭞ᬲᬸᬭᬓᬾᬫᬯᬦ᭄ᬢᬶᬯᬦ᭄ᬢᬶ᭞ᬢᬶᬗ᭄ᬮᬶᬲ᭄ᬓᬲᬶᬗ᭄ᬢᬦ᭄᭞ᬮᬸᬄ
ᬫ᭄ᬯᬦᬶᬓᬢᬳᬸᬭᬕ᭄᭞ᬧᬤᬢ᭄ᬓᬵᬫᬜᬕ᭄ᬚᬕᬶᬦ᭄᭞ᬭᬯᬸᬄᬭᬶᬂᬩᬗ᭄ᬲᬮ᭄᭞ᬫᭀᬦ᭄ᬢᭀᬃᬭᬾᬫᬭᬃᬬ᭄ᬬᬦ᭄ᬫᬗ᭄ᬓᬶᬦ᭄᭚ᬘᬭᬶᬢᬬᬂᬬᬲᬦᬾᬫᬓᬾᬳᬓᬾᬳᬦ᭄᭞ᬯᬾᬦ᭄ᬢᭂᬦ᭄ᬫᬫᬓ᭄ᬢᬵᬯᬦᬶ᭞ᬯᬾᬦ᭄ᬢᭂᬦ᭄ᬫᬓ᭄ᬢᬵᬓ᭄ᬮᬸᬗᬄ᭞ᬲ᭄ᬬᭀ
ᬲ᭄‌ᬚ᭄ᬭᬸᬢᬶᬮᬦ᭄ᬲᬮᬓ᭄᭞ᬲᬸᬫᬗ᭄ᬓᭂᬦᬗ᭄ᬓᭂᬮᬦ᭄‌ᬘ᭄ᬭᭀᬭᬶᬂ᭞ᬓ᭄ᬢᬶᬫᬸᬦ᭄ᬲᬸᬫᬕ᭞ᬲ᭄ᬟᬄᬮᬜ᭄ᬚᬃᬭᬦ᭄ᬫᭂᬓᬤᬶ᭚ᬳᬩ᭄ᬭᬶᬬᬸᬓᬦ᭄‌ᬲᬫᬶᬢ᭄ᬟᬸᬦ᭄ᬭᬶᬂᬧᬜ᭄ᬚᬂᬜ᭄ᬚᬂ᭞ᬧᬤᬜ᭄ᬟᬗᬦᬶᬓᬳᬭᬶᬲ᭄᭞ᬦᬄᬫᬳᬶᬫ᭄ᬦᬾᬓᬦ᭄᭞ᬜᬋᬂᬳᬚᬓ᭄ᬫᬓ᭄ᬚᬂ᭞ᬲ
ᬲᬂᬜ᭄ᬚᬦᬾᬳᬧᬵᬳᬮᬶᬄ᭞ᬢᬶᬢ᭄ᬬᬂᬦᬯ᭄ᬕᬂᬜᬦ᭄ᬤᬂᬓᬤᬶᬧᬸᬦᬶᬓᬶ᭟᭜᭟ᬘᬭᬶᬢ᭄ᬣᬬᬚᬸᬫᬄᬲᬫᬶᬲ᭄ᬟᬶᬄᬳᬩ᭄ᬭᬶᬬᬓᬦ᭄᭞ᬢ᭄ᬯᬭᬵᬳᬗᬦ᭄‌ᬫᬢᬺ᭞ᬢ᭄ᬓᬵᬤᬸᬓᬶᬢ᭄ᬣᬳᬶᬥᭂᬧᬾ᭞ᬩᬶᬮᬂᬦᬯᬄᬫᬓᬸᬫ᭄ᬧᬸᬮ᭄᭞ᬳᬧᭂᬲᬸᬩᭂ [ 6 ][᭕ 5B]
ᬳᬤᬦᬵᬚᬦᬶ᭞ᬳᬤᬫᬗᬮᬶᬄᬳᭀᬃᬢ᭄ᬣᬵ᭞ᬓᬾᬦ᭄ᬓᬾᬦ᭄ᬚᬦᬶᬤᬶᬢᬸ᭞ᬯᭀᬂᬤᬤᬶᬩᬳᬜᬭᬸᬯᬂ᭞ᬓ᭄ᬫᭂᬳ᭠ᬮᬶᬄ᭞ᬭᭀᬯᬗᬾᬢᬸᬦ᭄ᬤᬾᬦᬂᬫᬳᬶ᭞ᬳᬧᬗᭂᬓ᭄ᬫᭂᬦᬢᬲ᭄᭚ᬲᬳᬶᬳᬤᬚ᭄ᬮᭂᬫ᭄ᬫᬵᬫᬦᬮᭀᬓᬶᬦ᭄ᬫᬗᬩᬬᬂ᭞
ᬲᬗᬸᬚᬓ᭄ᬫᬓ᭄ᬚᬂ᭞ᬯᬾᬦ᭄ᬢᭂᬦ᭄ᬫᬮᬶᬄᬕ᭄ᬮᬸᬓᬬᬸᬦᬾ᭞ᬫᬶᬋᬂᬳᭀᬃᬢᬦ᭄ᬭᬳᬬᬸ᭞ᬧ᭄ᬭᬫᬗ᭄ᬓᬶᬦ᭄ᬫᬓᬸᬫ᭄ᬧᬸᬮ᭄‌ᬲ᭄ᬟᬶᬄ᭞ᬯᬾᬦ᭄ᬢᭂᬦ᭄ᬫᬓᬃᬬ᭄ᬬᬘᬦᬂ᭞ᬲ᭄ᬬᭀᬲ᭄ᬟᬶᬄᬩᭂᬓᬸᬢ᭄᭞ᬯᬾᬦ᭄ᬢᭂᬦ᭄ᬫᬢᬶᬫ᭄ᬧᬸᬄᬭᬶᬂᬫ᭄ᬭᬚᬦ᭄ᬫᭂᬲᬗᬶ᭞ᬤᬸᬫᬤᬓ᭄ᬚᭂᬳᬯᬾᬢ᭄ᬳᬸ
ᬭᬶᬧ᭄᭞ᬢᬶᬢ᭄ᬬᬂᬫᬲᬗ᭄ᬕᬸᬧ᭄‌ᬗᬸᬮᬶᬗᬂ᭚ᬳᬸᬲᬩᭂᬤᬍᬫ᭄‌ᬫᬗ᭄ᬓᬶᬦ᭄‌ᬲ᭄ᬬᭂᬧ᭄ᬱᭂᬧᬶᬭᬶᬂᬕ᭄ᬭᬶᬬᬵ᭞ᬓᬾᬯᬦ᭄ᬢᭂᬦ᭄ᬩᬦ᭄ᬘᬦᬓᬮᬾᬃᬓ᭄ᬮᭀᬤ᭄ᬭᬶᬂᬫᬃᬕᬶᬦᬾ᭞ᬓᬫ᭄ᬭᬚᬦ᭄ᬲᬫᬶᬕᬶᬧᬸᬄ᭞ᬦᬸᬦᬲᬂᬭᬳᬬᬸᬦᬾᬲᬫᬶ᭞ᬳᬓᬾᬄᬬᬦ᭄ᬘᬭᬶᬢᬬᬂ᭞᭠
ᬲᭀᬮᬳᬾᬳᬭᬶᬂᬓᬸᬳᬸ᭞ᬭᬳᭀᬲᬾᬫᬗ᭄ᬓᬶᬦ᭄᭞ᬘ᭄ᬭᬶᬢᬬᬂᬫᬩ᭄ᬬᬬᬸᬯᬦ᭄᭞ᬯᬾᬦ᭄ᬢᭂᬦ᭄ᬗᬗ᭄ᬓᭂᬦ᭄‌ᬗᬤᭀᬮ᭄ᬘ᭠ᬭᬶᬓ᭄‌ᬢᬦ᭄ᬯᬗ᭄ᬤᬾᬬᭂᬦ᭄ᬧᬘᬂᬮᬸᬗᬵ᭚ᬯᬾᬦ᭄ᬢᭂᬦ᭄ᬗᬗ᭄ᬓᭂᬦ᭄ᬧᬘᬂᬫᬗ᭄ᬭᬳᭀᬲᬶᬦ᭄‌ᬧ᭄ᬢᭂᬂᬍᬫᬄ᭞ᬢᭀᬂᬧᬘᬂᬓᬾᬲᬾ
[᭖ 6A]
ᬭᬦ᭄᭞ᬭᬶᬂᬳᬫ᭄ᬩᬾᬦ᭄ᬓᬦ᭄ᬢᭀᬃᬭᬾᬫ᭄ᬮᬶᬗ᭄ᬕᬶᬄ᭞ᬲ᭄ᬬᭀᬲᬗᬗ᭄ᬓᭂᬦ᭄ᬫᬦᬭᬸᬭᬸᬂ᭞ᬩᬶᬦ᭄ᬦᬫ᭄ᬟᬶᬦᬲᬸᬩᭂᬤᬶᬩᭂᬢᬯᬶ᭞ᬯᬾᬦ᭄ᬢᭂᬦ᭄ᬦᬾᬫ᭄ᬧᭀᬯᬸᬲ᭄ᬩᬸᬮᬦ᭄‌ᬧ᭄ᬯᬲᬵ᭞ᬳᬸᬘᬧᬂᬲᬦᬾᬭᬯᬸᬄ᭞ᬫᬗ᭄ᬭᬳᭀᬲ᭄‌ᬕ᭄ᬭ᭄ᬬᬩ᭄ᬢᬾᬦᬦ᭄‌ᬭᬭᬶᬲ᭄ᬓᭂᬲᬾᬗᬦ᭄ᬳᬦ᭄ᬢᬸᬓ᭄ᬧ᭄ᬭᬡ᭄ᬟᬵ
ᬳᬶᬲ᭄ᬢ᭄ᬭᬶᬚ᭄ᬮᬡ᭄ᬝᬶᬓ᭄᭞ᬩᬾᬜ᭄ᬚᬂᬧᬘᬫᬦᬢᬩ᭄᭚ᬳᬩ᭄ᬭᬶᬬᬸᬓᬦ᭄ᬲᬋᬂᬲᬫᬶᬓᬕᬭᬶᬬᬵ᭞ᬜᬤ᭄ᬬᬵᬦᬸᬦᬲ᭄ᬧᬶᬘ᭄ᬙᬵᬳᬶᬤᬩᬕᬸᬲ᭄ᬳᭀᬓᬵᬫᬗᬸᬮᬶᬂ᭞ᬯᬾᬦ᭄ᬢᭂᬦ᭄ᬳᬚᬿᬧ᭄ᬢᬂᬳᬶᬬᬸ᭞ᬧᬘᬂᬫᬗ᭄ᬕᬾᬦ᭄ᬫᬗᬶᬧᬸᬓ᭄ᬲᬫᬶ᭞ᬫᬗ᭄ᬤᬾᬲᬮᬾᬤᬂᬮᬾᬤᬂ
ᬲᭀᬭᭀᬢ᭄ᬦᬾᬫᬳᬸᬓᬸᬫ᭄᭞ᬫᬦᬢᬩ᭄ᬲᬋᬂᬲᬶᬦᬫ᭄ᬬᬦ᭄ᬭᬶᬂᬧᬫ᭄ᬭᬚᬦ᭄᭞ᬧ᭄ᬭᬡ᭄ᬟᬵᬕ᭄ᬤᬾᬜᬾᬫᬦ᭄ᬧᬶᬫᬢᬶᬄ᭞᭠ᬗ᭄ᬯᬾᬤᬳᬶᬦ᭄ᬫᬗᬶᬘᬾᬦ᭄ᬢᬶᬃᬢ᭄ᬣᬵ᭚ᬯᬸᬲ᭄ᬫᬦᬢᬩ᭄ᬓᬳᬶᬧᬸᬓ᭄ᬲᬫᬶᬢᬶᬕᬂᬲ᭄ᬮᭂ᭞ᬯᬯᬸᬦᬦ᭄ᬤᭂᬲ᭄ᬳᬸᬲᬦ᭄ᬭᬫᬾᬧᬤᬕᬕᬸᬬᭀ
ᬦᬾ᭞ᬧ᭄ᬭᬡ᭄ᬟᬵᬕ᭄ᬟᬾᬯᬬᬦ᭄ᬭᬯᬸᬄ᭞ᬲᬓᬶᬂᬕ᭄ᬭ᭄ᬬᬩᬸᬤᬓ᭄ᬮᬶᬂ᭞ᬳᬶᬤᬫᬗ᭄ᬭᬳᭀᬲ᭄‌ᬩ᭄ᬯᬢ᭄᭞ᬧ᭄ᬭᬡ᭄ᬟᬵᬲᬫᬶᬓᬸᬫ᭄ᬧᬸ᭠ᬮ᭄᭞ᬫᬩᬳᭀᬲ᭄ᬧᬲᬮᬾᬂᬢᬶᬫ᭄ᬩᬮ᭄᭞ᬫᬗᬺᬫ᭄ᬩᬸᬓᬂ᭞ᬲᬲᬦᬾᬲᬫ᭄ᬧᬸᬦ᭄ᬓᬫ᭄ᬩᬶᬮ᭄᭞ᬓᬢᬶᬩᬦᬶᬂᬤᬸᬃᬫ᭄ᬫᬵ᭠ [ 7 ][᭖ 6B]
᭖
ᬗ᭄ᬕᬮᬵ᭚᭜᭚ᬜᬩ᭄ᬭᬦ᭄ᬗᬺᬫ᭄ᬩᬸᬓ᭄ᬳᬶᬦᬸᬮᬶᬳᬸᬮᬶᬳᬶᬂᬘᬶᬢ᭄ᬣᬵ᭞ᬳᬕᬫᬵᬲᬭᭀᬤᬺᬢᬶ᭞ᬢᬢ᭄ᬯᬮ᭄ᬬᬦ᭄ᬧᬮ᭠ᬫ᭄ᬩᬂ᭞ᬭᭀᬯᬗᬶᬂᬭᬭᬵᬭᬲᬦ᭄᭞ᬯᬶᬓᬸᬯᬶᬤᬕ᭄ᬟᬭᬶᬂᬳᬚᬶᬲᬂᬫᬳᬮᬶᬗ᭄ᬕᬵᬰᬶᬯᬵᬤᬃᬫ᭄ᬫᬵᬫ᭄ᬓᬤᬶ᭚ᬫᬗᬺᬫ᭄ᬩᬸᬓᬂᬧᬶᬤᬩ᭄ᬟ
ᬩ᭄ᬳᬶᬕᬫᬵᬳᬶᬘᬮ᭄᭞ᬳᬕᬫᬵᬲᬭᭀᬤᬺᬢ᭄ᬣᬶᬮ᭄ᬯᬶᬃᬭᬶᬂᬲᬲ᭄ᬢ᭄ᬭᬓᬸᬦ᭞ᬦᬾᬦ᭄ᬢᭂᬦ᭄ᬓᬭᬶᬓᬫᬗᬸᬕᭂᬳᬂ᭞ᬯᬸᬦ᭄ᬢᭂᬦ᭄ᬫᬮᬶᬄ᭠ᬫᬜᬯᬸᬃᬭᬶᬦ᭄᭞ᬗᬶᬭᬶᬂᬢᬸᬦᬲᬂᬭᬶᬂᬳᬶᬤᬲᬂᬫᬳᭀᬲᬶᬦ᭄᭚ᬫᬮᬶᬄᬓᬢᬶᬫ᭄ᬩᬮ᭄‌ᬦᬄᬩᬧᬵᬫᬦᬸᬦᬲᬂ᭞ᬯᬾᬦ᭄ᬢᭂᬦ᭄ᬫ
ᬮᬶᬄᬜᬯᬸᬃᬭᬶᬦ᭄᭞ᬲᬫ᭄ᬧᬸᬦᬂᬗᬭᬕᬵ᭞ᬮᬚᬸᬧᬘᬂᬫᬦᬸᬦᬲᬂ᭞ᬓᬲ᭄ᬮᬶᬯᭂᬕ᭄ᬜᭂᬦ᭄‌ᬗᬫ᭄ᬟᬮᬶᬦ᭄᭞ᬕ᭄ᬮᬶᬲᬦ᭄ᬩᭂᬗ᭄ᬓᭂᬧ᭠ᬗ᭄ᬭᬳᭀᬲᬾᬢᬦ᭄ᬧᬓ᭄ᬦᬶ᭚ᬗᬶᬭᬶᬂᬧᬶᬲᬦ᭄ᬢᬸᬦᬲᬂᬓᬮᬵᬮᬤ᭄ᬓ᭄ᬭᬢ᭄ᬣᬵᬧᬤᬡ᭄ᬟᬮᬶᬗ᭄ᬕᬜᬯᬸᬭᬶᬦ᭄᭞ᬳᬄᬦ᭄ᬤᬾᬦ᭄ᬫᬮᬸᬳᬶᬤ᭞ᬦᬸ
ᬦᬲᬂᬤᬶᬮᬤ᭄ᬓ᭄ᬭᬢ᭄ᬣᬵ᭞ᬦᬗ᭄ᬓᭂᬃᬓᭂᬩᭂᬓᬳᬤᬦᬶᬦ᭄᭞ᬯᬸᬲ᭄ᬩᬶᬦ᭄ᬢᭂᬮᬸᬮᬲ᭄ᬟᬶᬦ᭞ᬚᬮᬦ᭄ᬓᬧᬸᬭᬶᬩ᭄ᬭᬶᬬᬸᬓᬶᬦ᭄᭚ᬓ᭠ᬤᬸᬂᬩᬧᬵᬦᬫ᭄ᬧᬶᬕᬳᬾᬤᬶᬚᬸᬫᬄ᭞ᬳᬦᬓ᭄ᬧᬘᬂᬫᬩᬺᬲᬶᬄ᭞ᬳ᭄ᬦᭂᬂᬗᬂᬲᬓ᭄ᬲᬡᬵ᭞ᬲᬕᬾᬢ᭄‌ᬯᬾᬦ᭄ᬢᭂᬦ᭄ᬭᬯᬸᬄᬲᬸᬭ᭠
[᭗ 7A]
ᬢ᭄᭞ᬲᬓᬶᬂᬕ᭄ᬭ᭄ᬬᬩᬸᬤᬓ᭄ᬮᬶᬂ᭞ᬤᬕᬶᬗᬶᬂᬲᬸᬭᬢ᭄᭞ᬗᬦ᭄ᬢᭀᬲᬓᬶᬂᬳᬶᬦᬸᬦᬶ᭚ᬭᬭᬶᬲ᭄ᬓᬯᬍᬲ᭄‌ᬯᬸᬲᬦ᭄ᬫᬮᬶᬄᬢ᭠ᬮᬸᬮᬲ᭄᭞ᬚᬕᬤᬸᬭᬸᬲ᭄ᬓᬧᬸᬭᬶ᭞ᬳ᭄ᬦᭂᬂᬢᬦ᭄ᬘᬭᬶᬢ᭄ᬣᬵ᭞ᬭᬳᭀᬲᬾᬫᬮᬶᬳᬸᬘᬧᬂ᭞ᬧ᭄ᬭᬡ᭄ᬟᬵᬮᬶᬗ᭄ᬕᬵᬗᬦᬶᬓᬵᬭᬶᬲ᭄᭞
ᬳᬶᬤᬲᬶᬦᬫ᭄ᬬᬦ᭄‌ᬜ᭄ᬮᬧ᭄ᬗᬸᬤ᭄ᬬᬂᬫᬭᬶᬓᬶ᭚ᬢ᭄ᬬᬂᬲᬸᬩᭂᬚᬦᬶᬫᬗ᭄ᬮᬄᬢᬸᬚᬸᬯᬦ᭄᭞ᬢᬹᬃᬲᬸᬩᭂᬫᬦᬾᬓᬦᬶᬦ᭄᭞ᬲᬫᬶᬳᬩ᭄ᬭᬶᬬᬸᬓᬦ᭄᭞ᬗᬫ᭄ᬩᬶᬮ᭄ᬓᬺᬢᬲ᭄ᬢᬲ᭄ᬢᬸᬃᬫᬜᬸᬭᬢ᭄᭞ᬫᬦᬾᬓᬾᬦᬶᬦ᭄‌ᬲ᭄ᬮᭂᬕᭂᬦ᭄ᬢᬶ᭞ᬘᬶᬳ᭄ᬦᬦᬶᬂᬢ᭄ᬭᬂᬫᬫᬢᬸᬢ᭄ᬲᬋᬂ᭠
ᬲᬫᬶ᭚ᬢᬦ᭄ᬘᬭᬶᬢ᭄ᬣᬵᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬲᬫᬶᬩᬸᬤᬮ᭄᭞ᬩᬾᬜ᭄ᬚᬂᬘ᭄ᬭᬶᬢᬬᬂᬫᬮᬶᬄ᭞ᬢ᭄ᬟᬸᬦ᭄ᬫᬗᬺᬫ᭄ᬩᬸᬓᬂ᭞ᬭᬶᬦᬲᭂᬭᬲᬦᬶᬂᬢ᭄ᬯᬲ᭄᭞ᬳᬫᬃᬤᬫᬃᬤᬭᬶᬂᬳᬢᬶ᭞ᬳᬲᬮᬾᬂᬢᬶᬫ᭄ᬩᬮ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬜᬯᬸᬭᬶᬦ᭄᭚ᬬᬦᬶᬂᬲᬫ᭄ᬧᬸ᭠
ᬦ᭄ᬲᬲᬦᬾᬲᬫᬶᬳᬶᬘᬮ᭄᭞ᬦᬾᬦ᭄ᬢᭂᬦ᭄ᬜᬦ᭄ᬤᬂᬫᬮᬶᬄ᭞ᬫᬗ᭄ᬭᬳᭀᬲᬂᬲᬲ᭄ᬢ᭄ᬭᬵ᭞ᬓᬾᬄᬳᬓᬾᬄᬳᬜᭂᬩᬕ᭄ᬩᬕ᭄᭞ᬧᬤᬡ᭄ᬟᬵᬫᬮᬶᬄᬜᬯᬸᬭᬶᬦ᭄᭞ᬳᬄᬧᬂᬧᬶᬲᬦ᭄ᬧᬶᬲᬦ᭄᭞ᬮᬾᬫ᭄ᬧᬾᬄᬚᬕᬢᬾᬲᬫᬶ᭚ᬳ᭄ᬟᬵᬕᬫ᭄ᬧᬂ [ 8 ][᭗ 7B]
᭗
ᬮᬓᬃᬜᬸᬯᬂᬲᬲᬡᬵ᭞ᬳ᭄ᬦᬾᬲᬸᬩᭂᬩᬧᬵᬫᬶᬦ᭄ᬧᬶᬦ᭄‌ᬢᬸᬮᬶᬲ᭄ᬧᬘᬂᬮ᭄ᬯᬲ᭄᭞ᬤᬤ᭄ᬯᬦᬾᬲᬸᬩᭂᬧ᭄ᬭᬕᬢ᭄᭞ᬮ᭠ᬓᬃᬓᬢᬹᬃᬓᬩᭂᬯᬶ᭞ᬚᬦᬶᬚᬮᬦᬂᬤᬶᬦᬶᬫᬮᬸᬤᬶᬩᬮᬶ᭚ᬮᬸᬢ᭄ᬫᬗᬺᬓᬾᬲ᭄ᬫᬓ᭄ᬢᬵᬲᬸᬭᬢ᭄ᬫᬳᬶᬍᬳᬦ᭄᭞ᬓᬲᬶᬗᬵ
ᬭᬚᬵᬫᬫᬃᬕ᭄ᬕᬶ᭞ᬓᬢᬹᬃᬭᬶᬂᬢ᭄ᬯᬦ᭄‌ᬩ᭄ᬲᬃ᭞ᬫᬶᬯᬄᬭᬶᬂᬤᬾᬦ᭄ᬧᬲᬃ᭞ᬢ᭄ᬯᬦ᭄ᬳᬭᬶᬲ᭄‌ᬦ᭄ᬤᬾᬦ᭄ᬓᬳᬢᬹᬃᬭᬶᬦ᭄᭞ᬤᬸᬭᬸᬂᬫᬯᬍᬲ᭄᭞ᬫᬍᬲᭂᬗ᭄ᬓᭂᬃᬳᬰᬰᬶᬄ᭚ᬓᬤᬶᬦᬶᬓᬲᬫ᭄ᬧᬸᬦ᭄ᬧᬫᬃᬕ᭄ᬕᬶᬦ᭄ᬳᬶᬲᬸᬭᬢ᭄᭞ᬧ᭄ᬟᬡ᭄ᬟᬗᬦᬶᬓᬳᬶᬭᬶᬲ᭄᭞ᬢᭀ
ᬢᬸᬮᬶᬲᬾᬮ᭄ᬯᬲ᭄᭞ᬬᬦ᭄ᬢᬦ᭄‌ᬢ᭄ᬓᬵᬩ᭄ᬯᬶᬦ᭄ᬳᬩᬸᬮᬦ᭄᭞ᬢᭀᬂᬲᬶᬤᬩᬜᭂᬜᬳᬸᬢᬶᬦ᭄᭞ᬩ᭄ᬯᬶᬦ᭄ᬲᬸᬲᬸᬮ᭄ᬩᬧᬵ᭞᭠ᬳᬧᬗᬵᬢ᭄ᬭᬂᬕᬢᬶ᭚ᬬᬦ᭄ᬓᬯᬍᬲ᭄ᬤ᭄ᬬᬧᬶᬦ᭄‌ᬢᭀᬚᬮᬭᬦ᭄᭞ᬭᬓᬦ᭄ᬳᬶᬤᬓᬩᭂᬢᬯᬶ᭞ᬧᬋᬓᬾᬦ᭄ᬳᬶᬢ᭄ᬯᬦ᭄᭞᭠
ᬕᭀᬧᭂᬦᬸᬃᬭᬦᬾᬓᬳᬸᬘᬧ᭄᭞ᬦᬾᬗ᭄ᬯᬲᬬᬂᬚᬩᬢ᭄ᬩᬮᬶ᭞ᬧᬂᬧᬶᬲᬦ᭄ᬓᬭ᭄ᬯᬦ᭄‌ᬫ᭄ᬦᬂᬓᬮᬳᬾᬚᬦᬶ᭚ᬲᬧᬸᬦᬶᬓᬧᬸᬧᬸᬢ᭄ᬧᬗᬦᬶᬓᬦ᭄ᬳᬶᬤ᭞ᬯᬾᬦ᭄ᬢᭂᬦ᭄ᬫᬮᬶᬄᬜᬯᬸᬭᬶᬦ᭄᭞ᬭᬢᬸᬧᬢᬸᬢ᭄ᬧᬶᬲᬦ᭄᭞ᬲ᭄ᬓᬤᬶᬧᬓᬬᬸᬦᬦ᭄᭞ᬧ᭄ᬮᬸ
[᭘ 8A]
ᬗ᭄ᬕᬸᬄᬧ᭄ᬭᬡ᭄ᬟᬵᬲᬦᬾᬫᬗ᭄ᬓᬶᬦ᭄᭞ᬳ᭄ᬦᭂᬂᬲᬓ᭄ᬲᬡ᭞ᬲᬶᬦ᭄ᬯᬫ᭄ᬦᬶᬂᬫᬥᬸᬕ᭄ᬟᬶᬲ᭄᭚᭜᭚ᬫᬗ᭄ᬓᬶᬦ᭄ᬫᬮᬶᬄᬘᬭᬶᬢᬬᬂ᭞ᬦᬦ᭄ᬤᭂᬲ᭄ᬓᬃᬬ᭄ᬬᬦᬾᬭᬶᬂᬧᬸᬭᬶ᭞ᬚᬕᬓᬃᬬ᭄ᬬᬧ᭄ᬭᬢᬶᬯᬬᬦ᭄᭞ᬳᬶᬤᬭᬚᬵᬤ᭄ᬯᬢᬶᬓᬮᬶᬄ᭞ᬧᬤᬡ᭄ᬟᬓᬦᬶᬓᬳᬶᬦ᭄᭞ᬫᬗ᭄ᬤᬾᬫ
ᬘᬫ᭄ᬧᬸᬄᬫᬩ᭄ᬭᬶᬬᬸᬓ᭄᭞ᬲᬫᬶᬲᬫ᭄ᬧᬸᬦ᭄ᬓᬤᬯᬸᬳᬦ᭄᭞ᬳᬓᬾᬳᬦ᭄ᬲᬫ᭄ᬧᬸᬦ᭄ᬫᬗᬶᬭᬶᬂ᭞ᬩᬸᬤᬓ᭄ᬮᬶᬂᬫᬸᬦ᭄ᬘᬦᬸᬮᬄᬕ᭄ᬭ᭄ᬬᬢ᭄ᬗᬄ᭚ᬲᬫ᭄ᬧᬸᬦ᭄ᬲᬫᬶᬦᬾᬓᬾᬦ᭄ᬲᬸᬭᬢ᭄᭞ᬚᬕᬫᬘᬫ᭄ᬧᬸᬄᬫᬗᬶᬭᬶᬂ᭞ᬯᬾᬦ᭄ᬢᭂᬦ᭄ᬲᬋᬂᬧ᭄ᬢᬂᬤᬲᭂ᭞ᬲᬦᬾᬓᬳᬢᬹᬃ
ᬦᬾᬓᬾᬦᬶᬦ᭄᭞ᬫᬗ᭄ᬤᬾᬦᬾᬭᬶᬂᬳᬚᭂᬂᬫ᭄ᬮᬶᬗ᭄ᬕᬶᬄ᭞ᬯᬶᬭᬾᬄᬧᬩ᭄ᬯᬢᬾᬩᬲ᭄ᬮᬶᬬᬸ᭞ᬳᬓᬾᬄᬬᬦ᭄ᬫᬮᬶᬄᬘ᭄ᬭᬶᬢᬬᬂ᭞ᬲᬶᬩ᭄ᬢᬦ᭄‌ᬯᬮᬶᬦᬶᬦ᭄ᬫᬮᬶᬄ᭞ᬲᬫᬶᬗᬺᬫ᭄ᬩᬸᬓ᭄‌ᬯᬶᬭᬾᬳᬶᬤᬤᬸᬭᬸᬂᬢ᭄ᬭᬂ᭚ᬚ᭄ᬭᬶᬄᬳᬶᬤᬧᬘᬂᬫᬶᬢ᭄ᬬ᭞ᬭᬶᬂᬲᬗ᭄ᬕᬸᬧᬾᬲ
ᬦᬾᬭᬶᬳᬶᬦ᭄᭞ᬲ᭄ᬟᬸᬓᬾᬭᬶᬂᬧᬓᬸᬫ᭄ᬧᬸᬮᬦ᭄᭞ᬓᬤᬶᬫᬲᬶᬭᬫ᭄ᬲᭂᬲᬳᬶ᭞ᬳᬕᭂᬳᬢᬹᬃᬭᬾᬯ᭄ᬬᬓ᭄ᬢᬶ᭞ᬫᬯᬦ᭠ᬦ᭄ᬫᬮᬶᬄᬫᬗᬺᬫ᭄ᬩᬸᬓ᭄᭞ᬲᬋᬂᬲᬫᬶᬓᬢ᭄ᬟᬸᬦᬂ᭞ᬭᬯᬸᬄᬲᬸᬭᬢ᭄ᬓᬳᬾᬤᬾᬗᬶᬦ᭄᭞ᬲᬫᬶᬲᬫ᭄ᬧᬸᬦ᭄᭞ᬦᬾᬓᬾᬦ᭄ᬗᬶᬭᬶᬂ [ 9 ][᭘ 8B]
᭘
ᬫᬜᬫ᭄ᬧᬸᬳᬂ᭚ᬧᬤᬡ᭄ᬟᬕ᭄ᬟᬾᬜᭀᬫᬦ᭄‌ᬫ᭄ᬦᭂᬂ᭞ᬯᬾᬦ᭄ᬢᭂᬦ᭄ᬦᬗᬶᬲ᭄‌ᬲᬋᬂᬓᬮᬶᬄ᭞ᬳᬦ᭄ᬢᬸᬓ᭄‌ᬚ᭄ᬭᬶᬳᬾᬬᬦ᭄ᬢᬦ᭄ᬲᬢ᭄ᬬ᭞ᬫᬩᬳᭀᬲ᭄ᬲᬮᬾᬂᬢᬶᬩᬶᬸᬫ᭄ᬩᬮᬶᬦ᭄᭞ᬲ᭄ᬬᭀᬲ᭄ᬦᬫ᭄ᬩᭂᬂᬢᬦ᭄ᬗᬶᬭᬶᬂ᭞ᬩᬧᬵᬫᭂᬩ᭄ᬟᭂᬧ᭄ᬢᬦ᭄ᬧᬗ᭄ᬭᬸᬗᬸ᭞ᬳᬶᬤᬩᬕᬸᬲ᭄‌ᬯᬬ
ᬦ᭄ᬳᭀᬓᬵ᭞ᬫᬳᬢᬹᬃᬲᬫ᭄ᬩᬶᬮ᭄ᬫᬦᬗᬶᬲ᭄᭞ᬬᬦ᭄ᬫᬘᬫ᭄ᬧᬸᬄ᭞ᬦᬶᬓᬶᬓᬸᬭᬶᬲ᭄᭞ᬢᬶᬢ᭄ᬬᬂᬚ᭄ᬗᬄ᭚ᬗ᭄ᬭᬳᭀᬲ᭄ᬫᬮᬶᬄᬳ᭠ᬢᬕ᭄ᬮᬦ᭄᭞ᬫᬗ᭄ᬤᬾᬦᬾᬢᬦ᭄ᬩᭂᬗᭂᬢ᭄ᬲᬶᬲᬶᬧ᭄᭞ᬯᬾᬦ᭄ᬢᭂᬦ᭄ᬢᬦ᭄ᬧᬮᭀᬓᬵᬲ᭄ᬭᬬᬵ᭞ᬲ᭄ᬬᭀᬲ᭄ᬦᬫ᭄ᬩᭂᬂ᭞ᬦᬾᬦ᭄ᬢᭂᬦ᭄ᬗᬶᬭᬶᬂ᭞᭠
ᬯᬾᬦ᭄ᬢᭂᬦ᭄ᬗᬢᬹᬃᬭᬂᬫᬗᬶᬭᬶᬂ᭞ᬲᬋᬂᬢᬶᬕᬵᬦᬾᬓᬢᬸᬭᬸᬢ᭄᭞ᬳᬶᬤᬫᬭᬕᬢᬸᬗ᭄ᬕᬮ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬫᬜᬯᬸᬭᬶ᭠ᬦ᭄᭞ᬩ᭄ᬘᬶᬓ᭄‌ᬤᬸᬫᬸᬦ᭄ᬫᬢᬾᬫ᭄ᬧᭀᬲᬯᬸᬲᬦ᭄ᬓᬃᬬ᭄ᬬ᭚ᬳ᭄ᬦᬄᬢᭀᬧᬮᬶᬂᬫ᭄ᬮᬄ᭞ᬕᬳᬾᬦᬂᬢᬸᬮᬶᬲ᭄ᬢᬾᬓᬾᬦᬶᬦ᭄᭞ᬯᬶ
ᬭᬾᬄᬳᬶᬤᬫᬸᬍᬲ᭄ᬦᭂᬂ᭞ᬢ᭄ᬓᬾᬦ᭄ᬳᬦᬓ᭄‌ᬢ᭄ᬯᬭᬗᬶᬭᬶᬂ᭞ᬤ᭄ᬬᬧᬶᬦ᭄‌ᬢ᭄ᬓᬾᬦᬾᬦᬾᬩᬦᬶᬦᬸᬦᬲ᭄‌ᬢᬾᬫ᭄ᬧᭀᬦᬂᬧᬶᬂᬢ᭄ᬮᬸ᭞ᬦᬄᬢᭀᬚᬦᬶᬚᬮᬦᬂ᭞ᬗᬩᭂᬢᬸᬮᬶᬲᬾᬓᬧᬸᬭᬶ᭞ᬲᬫ᭄ᬧᬸᬦ᭄ᬓᬢᬹᬃᬫᬮᬶᬄᬯᬾᬦ᭄ᬢᭂᬦ᭄ᬩᬩᬍ᭠
[᭙ 9A]
ᬲᬦ᭄᭚ᬦᬓᬾᬦᬂᬕᬸᬭᬸᬯᬢᬺ᭞ᬕᬸᬭᬸᬭᬸᬧᬓᬫ᭄ᬓᬤᬶ᭞ᬲᬦᬾᬓᬾᬦ᭄‌ᬕᬸᬭᬸᬯᬶᬱᬾᬰ᭞ᬲᬦᬾᬓᬢᬓᬾᬦᬂᬫ᭠ᬮᬶᬄ᭞ᬫᬯᬦᬦ᭄‌ᬢ᭄ᬟᬸᬦ᭄ᬲᬫᬶ᭞ᬦᬾᬤᬸᬭᬸᬂᬓᬬᬸᬦ᭄ᬫᬘᬫ᭄ᬧᬸᬄ᭞ᬫᬮᬶᬄᬫᬗ᭄ᬯᬗᬸᬦ᭄ᬲᬸᬭᬢ᭄᭞ᬚᬕᬓᬳᬢᬹᬃᬓᬧᬸᬭᬶ᭞᭠
ᬲᬦᬾᬦᬾᬓᬾᬦ᭄ᬢᬶᬕᬂᬤᬲᭂᬓᬶᬭᬂᬤᬤ᭄ᬯ᭚ᬘᬗᬧᬶᬢ᭄‌ᬘ᭄ᬮᬶᬢ᭄ᬢᬢᬶᬕᬵ᭞ᬩᬸᬓᬶᬢ᭄ᬘᬢᬸᬮᬯᬦ᭄ᬫᬗ᭄ᬕᬶᬲ᭄᭞ᬮᬮᬶᬫᬵᬦᬾᬦᬾᬓᬾᬦ᭄ᬲᬸᬭᬢ᭄᭞ᬓᬭᬂᬲᬶᬤ᭄ᬫᭂᬦ᭄‌ᬲᬋᬂᬓᬮᬶᬄ᭞ᬧᬶᬥᬥᬵᬫᬶᬯᬄᬩᬸᬤᬶᬓ᭄ᬮᬶᬂ᭞ᬳᬤᬲᭂᬩᬘᬓᬦᬶᬧᬸᬦ᭄᭞ᬲᬶ᭠
ᬩ᭄ᬢᬦ᭄ᬮᬦ᭄ᬲᬸᬩᬕᬦ᭄᭞ᬳᬓᬸᬢᬸᬲ᭄‌ᬦᬾᬦᬾᬦᬾᬓᬾᬦᬶᬦ᭄᭞ᬤᬤᭀᬲ᭄ᬲᬫᬶᬢᬶᬕᬂᬤᬲᭂᬓᬸᬭᬂᬤᬤ᭄ᬯ᭚ᬲᬫ᭄ᬧᬸᬦ᭄ᬧᬸᬧᬸᬢ᭄‌ᬗ᭄ᬯᬗᬸᬦ᭄‌ᬲᬸᬭᬢ᭄᭞ᬫᬫᬃᬕ᭄ᬕᬶᬲᬋᬂᬓᭂᬓᬮᬶᬄ᭞ᬧᬗ᭄ᬕᬶᬄᬧ᭄ᬭᬡ᭄ᬟᬫᬬᭀ᭞ᬲᬓᬶᬂᬲᬸᬩᬕᬦ᭄ᬫᬫᬃᬕ᭄ᬕᬶ᭞ᬫᬗ᭄ᬭᬳᭀᬲ᭄ᬭᬭᬶ
ᬲ᭄ᬦᬾᬓᬾᬦᬶᬦ᭄᭞ᬲᬸᬭᬢᬾᬦᬾᬧᬘᬂᬓᬢᬹᬃ᭞ᬳ᭄ᬦᭂᬗᬂᬢᬦ᭄ᬘᬭᬶᬢ᭄ᬣᬵ᭞ᬭᬯᬸᬄᬭᬶᬂᬫᬲ᭄ᬓᬺᬥᬫ᭄ᬫᬗ᭄ᬓᬶᬦ᭄᭞ᬦᬸᬚᬸᬲᬸᬳᬸᬂ᭞ᬦᭀᬦ᭄ᬢᭀᬦ᭄ᬯᬬᬂᬭᬶᬂᬚᬩᬬᬦ᭚ᬓᬢᬸᬗ᭄ᬓᬸᬮ᭄ᬫᬦᭀᬦ᭄ᬢᭀᬦ᭄ᬯᬬᬂ᭞ᬭᬯᬸᬄᬳᬶᬤᬲᬓᬶᬂᬗᬸᬭᬶ᭞ᬕᭂᬃᬳᬶᬢᬸᬦᬶᬲᬸᬩᭂᬢ᭄ᬓᬵ᭞ [ 10 ][᭙ 9B]
᭙
ᬳᬶᬤᬩᬕᬸᬲ᭄ᬫᬢᬹᬃᬳᬭᬶᬲ᭄᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬯᬯᬸᬧᬶᬲᬦ᭄ᬧᬶᬲᬦ᭄᭚ᬳᬶᬤ᭄ᬯᬕᬸᬂᬗᬦᬶᬓᬩᬦ᭄ᬩᬦ᭄᭞ᬕᭂᬕᭂᬃᬫᬳᬶᬫᬮᬸᬤᬶᬦᬶ᭞ᬫ᭄ᬦᬾᬓᬦ᭄ᬤᬶᬦᬶᬤᭂᬲᭂᬓᬂ᭞ᬩᬗ᭄ᬕᬬᬂᬢᬶᬢ᭄ᬬᬂᬳᬶᬭᬶᬓᬶ᭞ᬳᬶᬤ᭄ᬯᬕᬸᬂᬗᬦᬶᬓᬳᬶᬦ᭄᭞ᬳᬄᬤᬶᬦᬶᬫᬦ᭄ᬕᬓ᭄ᬫ᭠
ᬮᬸ᭞ᬭᬢᬸᬢᬶᬢ᭄ᬬᬂᬦᬸᬦᬲ᭄ᬮᬸᬕᬺ᭞ᬭᬭᬶᬲ᭄ᬫᬸᬗ᭄ᬕᬄᬲᬋᬂᬓᬮᬶᬄ᭞ᬤᭂᬗᬸᬦ᭄ᬢᬸᬓ᭄᭞ᬦ᭄ᬕᬓ᭄ᬧᭂᬳᬦᬶᬂᬧᭂᬤᬧᬵ᭚ᬳᬶᬗ᭄ᬕᬶᬄᬭᬢᬸ᭠ᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬓᬧ᭄ᬦᬶᬓᬬᬂᬗᬢᬹᬃᬭᬂᬢᬸᬮᬶᬲ᭄᭞ᬳᬶᬤ᭄ᬯᬕᬸᬂᬫᬗᬫ᭄ᬩᬶᬮ᭄ᬲᬸᬭᬢ᭄᭞ᬦᬾᬢᬸᬮᬶᬲᬾᬢᬦ᭄ᬧᬓ᭄ᬦᬶ᭞ᬩᬯᬸᬫᬭ
ᬳᬸᬮᬶᬳᬶᬩᬶ᭞ᬢ᭄ᬧᬸᬓᬸᬭᬸᬲᬦᬾᬧᬢᬸᬢ᭄᭞ᬲᬸᬩᭂᬩ᭄ᬮᬶᬫᬜᬮᬦᬂ᭞ᬓᬧᬶᬥᬥᬵᬗᬩᭂᬢᬸᬮᬶᬲ᭄᭞ᬢ᭄ᬯᬄᬓᬧᬢᬸᬢ᭄ᬩᬳᬦ᭄ᬳᬶᬤᬧ᭄ᬭᬡ᭄ᬟᬮᬶᬗ᭄ᬕᬵ᭚ᬳᬧᬂᬤ᭄ᬟᬩᬲ᭄ᬗᭂᬦᬄᬧᬶᬲᬦ᭄᭞ᬩ᭄ᬮᭀᬕ᭄‌ᬩ᭄ᬮᬶᬦᬾᬫ᭄ᬭᬾᬦ᭄ᬢᬄᬤᬶᬦᬶ᭞ᬳᬶᬤᬫᬶᬢ᭄ᬬ
ᬩ᭄ᬮᬶᬲᬮᬄ᭞ᬫᬗ᭄ᬭᬳᭀᬲᬶᬦ᭄ᬳᬶᬲᬶᬦ᭄ᬳᬶᬤᬤᬶᬦᬶ᭞ᬧᬶᬲᬦ᭄ᬚᬦᬶᬚᬸᬫᬸᬳᬶᬦ᭄᭞ᬲᬗ᭄ᬓᭂᬧᬦᬾᬳᬧᬂᬳᬤᬸᬂ᭞ᬤᬶᬦᬶᬫᬮᬸᬓᬸᬫ᭄ᬧᬸᬮᬂ᭞ᬩᬶᬦ᭄ᬳᬓᬸᬢᬸᬲ᭄ᬳᬸᬮᬶᬚᬦᬶ᭞ᬩ᭄ᬮᬶᬜᬩᬸᬢ᭄ᬳᬧᬂᬗᭂᬬᬤᬤᬶᬫ᭄ᬮᬄ᭚ᬚᬦᬶᬳᬢᬹᬃᬭᬶᬦ᭄ᬧᬤᬡ᭄ᬟᬵᬳᬧᬂᬳᬶ
[᭑᭐ 10A]
ᬤᬢ᭄ᬓᬵᬫᬳᬶ᭞ᬲᬚ᭄ᬭᭀᬦᬶᬂᬩᬶᬦ᭄ᬧ᭄ᬢᬂᬤᬶᬦ᭞ᬫᬗ᭄ᬤᬾᬳᬶᬤᬭᬯᬸᬄᬫᬳᬶ᭞ᬩ᭄ᬮᬶᬫᬢᬹᬃᬳᬓᬶᬓᬶᬢ᭄᭞ᬳᬧᬂᬲᬗ᭄ᬓᭂᬧᬦᬾᬳᬤᬸᬂ᭞ᬩ᭄ᬮᬶᬜᬸᬫᬸᬳᬶᬦ᭄ᬫᬗᬸᬫ᭄ᬧᬸᬮᬂ᭞ᬢ᭄ᬓᭂᬤ᭄ᬟᬶᬢᬸᬫᬭᬗᬯᬶᬢ᭄᭞ᬧᬸᬃᬦᬫᬵᬓ᭄ᬟᬲᭂ᭞ᬲᬗ᭄ᬓᭂᬧ᭄ᬮᬳᬸᬢ᭄ᬫᬓᭂᬫ᭄ᬩᬸᬮᬦ᭄᭚᭠
ᬭᬳᭀᬲᬾᬦᬾᬧ᭄ᬢᬂᬧᬲᬮ᭄᭞ᬢᭀᬫᬮᬸᬳᬗ᭄ᬕᭀᬦ᭄ᬗᬯᬶᬢᬶᬦ᭄᭞ᬬᬦ᭄ᬳᬦᬓ᭄ᬫᬕᬳᬾᬳᬮᬵ᭞ᬳᬧᬂᬧᬶᬂᬧᬢ᭄ᬦᬾᬦᭂᬫ᭄ᬲᬲᬶᬄ᭞ᬲᬤᬺᬢᬸᬳᬧᬂᬫᬶᬦ᭄ᬧᬶᬦ᭄᭞ᬗᬳᬾᬦᬂᬤᬾᬯᬲᭂᬮᬸᬳᬸᬂ᭞ᬳᬧᬂᬜᬓ᭄ᬳᬩ᭄ᬭᬶᬬᬸᬓᬦ᭄᭞ᬫᬕᬳᬾᬬᬵᬫᬓᬵ
ᬕᬸᬫᬶ᭞ᬯᬸᬲ᭄ᬗᬦᬶᬓᬵ᭞ᬢᬶᬢ᭄ᬬᬂᬧᬫᬶᬢ᭄ᬭᬶᬂᬧᬸᬗ᭄ᬓᬸᬭᬦ᭄᭚᭜᭚ᬯᬾᬦ᭄ᬢᭂᬦ᭄ᬫᬮᬶᬄᬘᬭᬶᬢᬬᬂ᭞ᬗᬯᬶᬢ᭄ᬓᬸᬫ᭄ᬧᬸᬮ᭄᭞ᬲᬗ᭄ᬓᭂ᭠ᬧᬦᬾᬲᬋᬂᬲᬫᬶ᭞ᬲᬦᬶᬲ᭄ᬘᬭᬵᬧᭀᬦᬸᬕᬸ᭞ᬢᬗ᭄ᬕᬮ᭄ᬧᬶᬂᬮᬶᬫᭀᬮᬲ᭄᭞ᬰᬰᬶᬄᬓ᭄ᬟᬲᭂ᭞ᬯᬯᬸᬦᬫ᭄ᬧᬶᬄᬤᬸᬓ᭄ᬧᬸᬦᬾ᭠
ᬓᬸ᭞ᬧᬶᬂᬓᬮᬶᬄᬦ᭄ᬫᬸᬓᬤᬲᭂ᭞ᬤᬸᬓ᭄ᬗᬯᬶᬢ᭄ᬲᬗ᭄ᬓᭂᬧᬾᬫᬮᬶᬄ᭚ᬧ᭄ᬭᬡ᭄ᬟᬢ᭄ᬟᬸᬦ᭄ᬲᬶᬦᬫ᭄ᬬᬦ᭄᭞ᬲᬓᬶᬂᬧᭂᬡ᭄ᬟᭂᬫ᭄‌ᬩᬸᬗ᭄ᬳ᭠ᬬᬵᬲᬸᬦ᭄ᬬᬵᬓ᭄ᬮᬶᬂ᭞ᬲᬸᬩᬕᬦ᭄ᬓᬘᬶᬘᬂᬢᬗ᭄ᬓᬸᬧ᭄᭞ᬲᬶᬤ᭄ᬫᭂᬦ᭄ᬫᬶᬯᬄᬧᬶᬥᬥᬵ᭞ᬲᬶᬦ᭄ᬤᬸᬧᬸᬦ᭄ᬬ᭞ᬫᭂᬦ᭄ᬤᬭᬵᬳᬸᬮᬳᬾᬓᬸᬫ᭄ᬧᬸ [ 11 ][᭑᭐ 10B]
᭑᭐
ᬮ᭄᭞ᬲᬶᬗ᭄ᬢᬦ᭄‌ᬚᬸᬫᬶᬸᬗᬸᬢᬦ᭄ᬮᬦ᭄ᬤᬸᬤᬵ᭞ᬧᬥᬂᬓᬺᬢ᭄ᬣᬵᬩᬸᬤᬓ᭄ᬮᬶᬂ᭚ᬫᬸᬦ᭄ᬘᬦ᭄ᬫᬶᬯᬄᬭᬶᬂᬲ᭄ᬮᬢ᭄᭞ᬯᬦᬲᬭᬶᬘᭂᬮᬶᬢ᭄᭞ᬫᬶᬯᬄᬭᬶᬂᬫᬗ᭄ᬕᬶᬲ᭄᭞ᬩᬸᬓᬶᬢ᭄ᬘᬢᬸᬮᬦ᭄ᬲᬮᬸᬫ᭄ᬩᬸᬂ᭞ᬘᬸᬮᬶᬓ᭄ᬫᬶᬯᬄᬢᬶᬬᬜᬃ᭞ᬲᬫᬶᬢ᭄ᬟᬸᬦ᭄ᬓᬳᭂᬫᬲ᭄ᬓᬺᬥᬫ᭄ᬫᬩ᭄ᬭᬶᬬᬸᬓ᭄᭞
ᬓᬳᬸᬭᬸᬲ᭄ᬳᬦ᭄ᬢᬸᬓ᭄ᬳᬶᬢ᭄ᬯᬦ᭄᭞ᬗᬦ᭄ᬢᬸᬓᬂᬕᬫᬦᬾᬫᬮᬶᬄ᭚ᬲᬓᬾᬂᬤᬦᬾᬳᬶᬯᬂᬢ᭄ᬭᬶᬫ᭄ᬫᬵ᭞ᬫᬜᬩᬸᬢᬶᬦ᭄‌ᬲᬲ᭠ᬦᬦᬾᬦᬾᬦᬾᬭᬶᬳᬶᬦ᭄᭞ᬢᬓᭂᬄᬤᬦᬾᬧᬘᬂᬧᬢᬸᬢ᭄᭞ᬫᬸᬗ᭄ᬕᭂᬮ᭄ᬳᬶᬲᬲ᭄ᬢ᭄ᬭᬓᬸᬦ᭞ᬫᬗ᭄ᬤᬾᬮᬸᬮᬸᬲ᭄‌ᬢ᭄ᬭᬶᬯᬗ᭄ᬲ
ᬦᬾᬜᬓ᭄ᬫᬩ᭄ᬭᬶᬬᬸᬓ᭄᭞ᬫ᭄ᬟᬮ᭄‌ᬲ᭄ᬮᬓᬵᬓᬮᬶᬄᬮᬾᬬᬃ᭞ᬜᭂᬢᭀᬃᬧᬭᬶᬗ᭄ᬕᬶᬢ᭄‌ᬗᭂᬦᭂᬫ᭄ᬲᬰᬶᬄ᭚ᬤᬯᬸᬄᬢᬶᬕᬵᬘ᭠ᬭᬶᬢᬬᬂ᭞ᬲᬫ᭄ᬧᬸᬦᬧᬓ᭄‌ᬧ᭄ᬟᬡ᭄ᬟᬵᬲᬋᬂᬲᬫᬶ᭞ᬭᬶᬂᬫᬲ᭄ᬓᬺᬥᬫ᭄ᬫᬢᬫ᭄ᬩᬸᬦ᭄᭞ᬳᬶᬤ᭄ᬯᬕᬸᬂᬭᬭᬶᬲ᭄ᬗᬦᬶᬓ᭞ᬇᬗ᭄ᬕᬶᬄᬧ᭄ᬭᬡ᭄ᬟᬵᬓᬬᬸᬦᬶᬜ᭄ᬚᭀ
ᬲᬫᬶᬭᬯᬸᬄ᭞ᬢᬶᬢ᭄ᬬᬂᬦᬸᬦᬲ᭄ᬧᬗᬫ᭄ᬧᬸᬭᬵ᭞ᬭᬶᬂᬧᬤᬡ᭄ᬟᬵᬲᬋᬂᬲᬫᬶ᭚ᬫᬗ᭄ᬓᬶᬦ᭄ᬲᬲ᭄ᬢ᭄ᬭᬦᬾᬫᬦ᭄ᬢᬸᬓᬂ᭞ᬗᬶᬂᬳᬸᬧ᭄ᬢᬶᬢᬶᬕᭂᬲᬦᬓᬓᭂᬦᬶᬦᬶᬦ᭄᭞ᬬᬜ᭄ᬚᬯᬦᬶᬦ᭄ᬚᭂᬧᬸᬦᬾᬓᬸ᭞ᬓᬭᬶᬓᬫᬗ᭄ᬕᭂᬳᬂ᭞ᬬᬦᬶᬂᬩᬚᬂᬩᬗ᭄ᬕᬬᬂᬗᬭᭀᬦ᭄ᬤᬵᬤᬸᬫᬸᬦ᭄᭞ᬧ᭄ᬟᬡ᭄ᬟ᭠
[᭑᭑ 11A]
ᬮᬶᬗ᭄ᬕᬵᬫᬗᬢᬹᬭᬂ᭞ᬫᬗ᭄ᬓᬶᬦᬳ᭄ᬳᬸᬲᬦ᭄ᬫᬗ᭄ᬭᬳᭀᬲᬶᬦ᭄᭚ᬳᬶᬤ᭄ᬯᬕᬸᬂᬫᬜ᭄ᬦᭂᬂᬮᬶᬗ᭄ᬕᬵ᭞ᬫᬗ᭄ᬭᬳᭀᬲᬶᬦ᭄ᬧᬓᬸᬫ᭄ᬧᬸᬮᬦᬾᬫᬗ᭄ᬓᬶᬦ᭄᭞ᬲᬗ᭄ᬓᭂᬧᬦ᭄ᬫᬮᬶᬄᬫᬚᬸᬫᬸ᭞ᬲᬶᬦᬗ᭄ᬓᭂᬦ᭄ᬲᬦᬶᬲ᭄ᬘᬭᬵ᭞ᬯᬕᬾᬢᬫ᭄ᬩᬶᬃ᭞ᬳᭀᬤᬮᬦ᭄ᬳᬶᬤᬳᬶᬤ᭄ᬯᬕᬸᬂ᭞ᬚᬕᬓᬢᬹᬃ᭠
ᬭᬦ᭄ᬳᬬᬸᬦᬦ᭄᭞ᬫᬗ᭄ᬤᬾᬲᬗ᭄ᬓᭂᬧ᭄ᬲᬋᬂᬲᬫᬶ᭚ᬲᬫᬶᬧ᭄ᬭᬡ᭄ᬟᬳᬩ᭄ᬭᬶᬬᬸᬓᬦ᭄᭞ᬗᬶᬭᬶᬂᬧᬶᬲᬦ᭄ᬳᬶᬤᬲᬂᬫᬯᬕᬸᬫᬶ᭞ᬬ᭠ᬤ᭄ᬟᬶᬦ᭄ᬫᬘᬫ᭄ᬧᬸᬄᬫᬕᬶᬩᬸᬂ᭞ᬭᬭᬶᬲ᭄ᬫᬓᭂᬫ᭄ᬩᬸᬮᬦ᭄᭞ᬢᬦᬸᬦᬶᬗᭂᬳᭀᬢ᭄ᬲᬯᭂᬳᬾᬩᬸᬳᬶᬂᬢᬶᬩᬸᬄ᭞ᬧ᭄ᬟᬡ᭄ᬟᬮᬶᬗ᭄ᬕᬵᬢᬦ᭄ᬓᭂᬫ᭄ᬩᬸᬮᬦ᭄᭞
ᬓᬾᬯᬦ᭄ᬢᭂᬦ᭄ᬳᬶᬤᬗᬬᬳᬶᬦ᭄᭚ᬓᭀᬘᬧᭂᬯᬸᬲ᭄ᬫᬬᬸᬦᬂ᭞ᬳᬶᬤᬫᬦ᭄ᬢᬸᬓ᭄ᬧ᭄ᬭᬡ᭄ᬟᬵᬲᬋᬂᬲᬫᬶ᭞ᬧ᭄ᬭᬡ᭄ᬟᬕ᭄ᬟᬾᬯᬬᬦ᭄ᬢᬦ᭄ᬭᬯᬸᬄ᭞ᬳ᭄ᬦᭂᬗᬂᬢᬦ᭄ᬘᬭᬶᬢ᭄ᬣᬵ᭞ᬲᬦᬾᬩᬸᬤᬮ᭄᭞ᬯᬮᬶᬦᬶᬦ᭄ᬘᬭᬶᬢ᭄ᬣᬤᬸᬫᬸᬦ᭄᭞ᬲᬫᬶᬲᬫ᭄ᬩᭂᬄᬩᭂᬮᬲ᭄ᬩᭂᬮᬲ᭄᭞ᬓᬩᬸᬗᬬᬵᬗᬫᬃ
ᬕ᭄ᬕᬶᬦᬶᬦ᭄᭚ᬯᬾᬦ᭄ᬢᭂᬦ᭄ᬫᬮᬶᬄᬤᬮᬾᬃᬚ᭄ᬭᭀ᭞ᬦᭂᬫ᭄ᬧᬄᬮᬶᬗ᭄ᬕᬦ᭄ᬕᬦᬶᬢ᭄ᬭᬶᬲᬋᬂᬓᬮᬶᬄ᭞ᬯᬾᬦ᭄ᬢᭂᬦ᭄ᬫᬦ᭄ᬢᬸᬓ᭄ᬫᬭᬸᬭᬸᬂ᭞ᬓᬭᬶᬲ᭄ᬮᬶᬤ᭄ᬭᬶᬂᬲᬩ᭄ᬢᬦ᭄᭞ᬯᬾᬦ᭄ᬢᭂᬦ᭄‌ᬲᭀᬭᬾ᭞ᬲ᭄ᬬᭀᬲ᭄ᬫᬫᭀᬦ᭄ᬢᭀᬃᬭᬦ᭄ᬭᬸᬲ᭄᭞ᬳᬓᬾᬄᬬᬦ᭄ᬫᬮᬶᬄᬘ᭄ᬭᬶᬢᬬᬂ᭞ᬲᬲᭀ᭠ [ 12 ][᭑᭑ 11B]
᭑᭑
ᬮᬳᬦᬾᬭᬶᬫᬃᬕ᭄ᬕᬶ᭚ᬳ᭄ᬦᭂᬗᬂᬧ᭄ᬭᬡ᭄ᬟᬵᬲᬶᬦᬫ᭄ᬬᬦ᭄᭞ᬫᬗ᭄ᬓᬶᬦ᭄ᬫᬮᬶᬄᬯᬮᬓᬦᬾᬓᬭᬶᬫᬫᬃᬕ᭄ᬕᬶ᭞ᬫᬗ᭄ᬭᭀᬦ᭄ᬤᭂᬲᬫᬶᬫᬩ᭄ᬭᬶᬬᬸ᭠ᬓ᭄᭞ᬢᭂᬢᭂᬧ᭄ᬫᬗ᭄ᬭᭀᬭᬲ᭄ᬟᬶᬦ᭞ᬲᬬᬦ᭄ᬧᬦᭂᬲ᭄ᬧᬧ᭄ᬭᬾᬦ᭄ᬢᬳᬦᬾᬩᬲ᭄ᬮᬶᬬᬸ᭞ᬬᬦ᭄ᬮᬢ᭄ᬦᬾᬦ᭄ᬢᭂᬦ᭄‌ᬗᬭᭀᬦ᭄ᬤᭂᬫᬶᬲ᭄ᬢᬶᬤᬡ᭄ᬟᬵᬧ᭄ᬢᬂ
ᬭᬶᬗ᭄ᬕᬶᬢ᭄᭚ᬬᬦᬶᬂᬫᬫᬃᬕ᭄ᬕᬶᬢᭀᬂᬲᬶᬤ᭞ᬫᬗ᭄ᬮᬶᬬᬳᬶᬦ᭄ᬓᬮ᭄ᬬᬂᬧᬶᬢᬸᬂᬤᬶᬭᬶ᭞ᬕ᭄ᬭ᭄ᬬᬘᬭᬶᬓ᭄ᬳᬸᬮᬄᬫᬩ᭄ᬭᬶᬬᬸᬓ᭄᭞ᬗᬢᬹᬃᬭᬶᬦ᭄ᬫᬦᬸᬦᬲᬂ᭞ᬩᬲ᭄‌ᬢᭀᬂᬲᬶᬤᬫᬫᬃᬕ᭄ᬕᬶᬯ᭄ᬗᬶᬧᬕ᭄ᬭᬸᬧᬸᬓ᭄᭞ᬳᬶᬤᬩᬕᬸᬲ᭄ᬫᬥᬾᬲᬶᬤ᭄ᬫᭂᬦ᭄᭞ᬦᬸᬦᬲᬂᬓᬧᬸᬭᬶᬫᬮᬶᬄ᭚ᬧ᭄ᬟᬡ᭄ᬟᬦᬾᬓᬾᬦ᭄ᬳ᭠
ᬦ᭄ᬢᬸᬓ᭄ᬲᬸᬭᬸᬢ᭄᭞ᬫᬦᬸᬦᬲᬂᬓᬩ᭄ᬭᬢᬦ᭄ᬲᬋᬂᬲᬫᬶ᭞ᬳᬶᬤ᭄ᬯᬕᬸᬂᬗᬦᬶᬓᬳᬮᬸᬲ᭄᭞ᬩ᭄ᬮᬶᬲᬸᬩᭂᬫ᭄ᬩᬳᬦᬸᬦᬲᬂ᭞ᬢᭀᬲᬶᬂᬧᬶᬲᬦ᭄ᬤᬤᬶᬬᬗᭂᬧᬘᬂᬮᬸᬧᬸᬢ᭄᭞ᬩ᭄ᬮᬶᬚᬦᬶᬢᭀᬲᬶᬂᬩᬶᬱᬵ᭞ᬓᬗ᭄ᬕᭀᬘᬳᬶᬫᬗ᭄ᬭᬳᭀᬲᬶᬦ᭄᭚ᬳ᭄ᬦᭂᬗᬂᬫᬧᬫᬶᬢ᭄ᬩᬸᬤ᭠
ᬮ᭄᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬲᬶᬩ᭄ᬢᬦ᭄‌ᬲᬦᬾᬫᬗ᭄ᬓᬶᬦ᭄᭞ᬕᬕᬾᬲᭀᬦ᭄ᬧᬘᬂᬫᬦ᭄ᬢᬸᬓ᭄᭞ᬭᬾᬄᬫᬓ᭄ᬢᬵᬲᬸ᭠ᬭᬢ᭄ᬧᭂᬕᬢᬦ᭄᭞ᬫᬗ᭄ᬦᬶᬓᬬᬂᬗᬸᬦᬶᬗᬵᬳᬶᬭᬶᬓᬶᬤᬸᬫᬸᬦ᭄᭞ᬚᬕᬦᬯᬸᬃᬓᬮᬶᬄᬮᬾᬬᬃ᭞ᬦᬾᬦ᭄ᬢᭂᬦ᭄ᬜᬶᬤᬬᬂᬫ᭠
[᭑᭒ 12A]
ᬫᬃᬕ᭄ᬕᬶ᭚ᬳ᭄ᬦᭂᬗᬂᬤᬸᬫᬸᬦ᭄ᬲᬓ᭄ᬲᬡ᭞ᬲᬫ᭄ᬧᬸᬦ᭄ᬭᬯᬸᬄᬲᭂᬗ᭄ᬓᭂᬃᬭᬾᬳ᭄ᬦᭂᬫ᭄ᬲᬰᬶᬄ᭞ᬧ᭄ᬭᬡ᭄ᬟᬵᬲᬗ᭄ᬓᭂᬧ᭄ᬫᬓᬸᬫ᭄ᬧᬸᬮ᭄᭞ᬩᬩᬳᭀᬲᬾᬧ᭄ᬢᬂᬧᬲᬮ᭄᭞ᬫᬗ᭄ᬤᬾᬧ᭄ᬭᬡ᭄ᬟᬫᬳᭀᬲᬶᬦ᭄ᬲᬲᬡᬤᬸᬫᬸᬦ᭄᭞ᬬᬦᬶᬂᬯᬾᬦ᭄ᬢᭂᬦ᭄ᬲᬂᬧᬡ᭄ᬟᬶᬢ᭄ᬣᬵ᭞ᬧᬢᬸᬢ᭄ᬳᬸᬲᬦᬂᬚ
ᬩᬸᬢᬶᬦ᭄᭚ᬧᬸᬦᬶᬓᬶᬫᬮᬶᬄᬳᬧᬲᬮ᭄᭞ᬬᬦᬶᬂᬯᬾᬦ᭄ᬢᭂᬦ᭄‌ᬚᬤ᭄ᬫᬫᬦᬓ᭄ᬳᬶᬭᬶᬓᬶ᭞ᬭᬶᬂᬗ᭄ᬮᭂᬧᬲ᭄ᬳᬳᭀᬦ᭄ᬫᬳᬢᬹᬃ᭞ᬦᬸᬦᬲᬂᬧ᭄ᬭᬢᬶᬢᬶᬬᬵ᭞ᬫᬗ᭄ᬤᬾᬧ᭄ᬭᬡ᭄ᬟᬗᬸᬗ᭄ᬕᬳᬂᬲ᭄ᬢᬢ᭄ᬭᬶᬂᬩᬸᬓᬸ᭞ᬧᭀᬮᬶᬄᬚᬶᬦᬄᬲᬢᬸᬲ᭄‌ᬲ᭄ᬮᬳᬾ᭞ᬯᬾᬦ᭄ᬢᭂᬦ᭄ᬫᬧᬲᬮᬦ᭄ᬫᬮᬶᬄ᭚
ᬬᬦᬶᬂᬚᬤ᭄ᬫᬵᬫᬓᬸᬋᬦᬦ᭄᭞ᬦᬸᬦᬲ᭄ᬢᬶᬃᬢ᭄ᬯᬵᬗᬺᬧᭀᬢ᭄ᬭᬶᬂᬲᬂᬋᬱᬶ᭞ᬢᬍᬃᬗᬸᬗ᭄ᬕᬳᬂᬭᬶᬂᬩᬸᬓᬸ᭞ᬫᬗ᭄ᬤᬾᬢ᭄ᬭᬂᬍᬳᬶᬢ᭄ᬣᬵ᭞ᬫᬮᬶᬄ᭠ᬳᬧᬲᬮ᭄‌ᬧᬤᬾᬯᬲᬦ᭄ᬳᬮᬵᬳᬬᬸ᭞ᬳᬮᬵᬫ᭄ᬩᬓ᭄ᬧᬗ᭄ᬮᭀᬂᬓᬤᬲᭂ᭞ᬫᬢᬸᬢᬸᬧ᭄ᬓᬧᬢᬾᬫᬮᬶᬄ᭚ᬬᬦᬶᬂᬳᬶᬤᬲᬂᬧᬡ᭄ᬟᬶᬢ᭄ᬣᬵ
᭞ᬓᬓᭂᬫ᭄ᬩᬓᬂᬢᬦ᭄᭞ᬗᬺᬄᬰᬰᬶᬄᬫᬮᬶᬄ᭞ᬬᬦᬶᬂᬗ᭄ᬭᬓ᭄ᬱᬲᬯᬳᬾᬓᬸ᭞ᬫᬲᭂᬗ᭄ᬓᭂᬃᬢ᭄ᬯᬄᬳᬩᬸᬮᬦ᭄᭞ᬬᬦ᭄ᬢᬦ᭄ᬳᬦᬸᬢ᭄ᬲᬰᬶᬄ᭞ᬯ᭄ᬦᬂᬢᬸᬲᬫ᭄ᬩᬸᬓ᭄᭞ᬧᬸᬦᬶᬓᬦᬾᬓᬭᬳᭀᬲᬂ᭞ᬲ᭄ᬟᬸᬓ᭄ᬱᬗ᭄ᬓᭂᬧᬦᬾᬗᬯᬶᬢᬶᬦ᭄᭚ᬦᬗᬶᬂᬓᬭᬶᬚᬸᬚᬸᬕ᭄ᬧᬶᬲᬦ᭄᭞ᬯᬾ᭠ [ 13 ][᭑᭒ 12B]
᭑᭒
ᬦ᭄ᬢᭂᬦ᭄ᬫᬫᬢᬸᬢ᭄᭞ᬯᬾᬦ᭄ᬢᭂᬦ᭄ᬢᬦ᭄ᬫᬢᬸᬢᬂᬗᬶᬭᬶᬂ᭞ᬤᬸᬭᬸᬂᬧᬸᬧᬸᬢ᭄ᬲᬫᬶᬳᬕᬸᬫ᭄᭞ᬳ᭄ᬦᭂᬗᬂᬢᬦ᭄ᬘᬭᬶᬢ᭄ᬣᬵ᭞ᬫᬗ᭄ᬓᬶᬦ᭄ᬫᬮᬶᬄᬩᬸᬳᬸ᭠ᬢᬾᬭᬂᬓᬸᬳᬸᬫ᭄ᬓᬸᬳᬸᬫ᭄᭞ᬓᬤᬸᬂᬩᬦ᭄ᬢᬄᬲᬓᬶᬂᬓᬸᬫ᭄ᬧᬸᬮᬦ᭄᭞ᬜᬸᬫᬗ᭄ᬓᬶᬦ᭄ᬫᬗᭂᬢᬂᬕ᭄ᬢᬶᬂ᭚ᬫᬗ᭄ᬓᬶᬦ᭄ᬦᬾᬦ᭄ᬢᭂᬦ᭄ᬫᬤ᭄ᬯᬾᬕᬮᬄ᭞ᬲᬧᬵ
ᬲᬶᬭᬳᬢᬹᬃᬭᬶᬦ᭄ᬫᬫᬳᭀᬲᬶᬦ᭄᭞ᬲᬓᬾᬄᬜᬦᬾᬦᬾᬦᬾᬫᬸᬓᬸᬫ᭄᭞ᬲᬫ᭄ᬧᬸᬦ᭄ᬓᬢᭂᬧᭂᬲ᭄ᬧᬶᬲᬦ᭄᭞ᬓᬸᬤ᭄ᬬᬂᬫᬗ᭄ᬓᬶᬦ᭄᭞ᬚᬯᬦᬶᬜ᭄ᬚᭂᬧᬶᬲᬦ᭄ᬢᬯᬸᬃ᭞ᬬᬤ᭄ᬟᬶᬦ᭄ᬧᬢᭂᬄᬳᬤᬄᬓ᭄ᬭᬶᬬ᭞ᬓ᭄ᬦᬶᬲ᭄ᬮᬓᬵᬓᬮᬶᬄᬭᬶᬗ᭄ᬕᬶᬢ᭄᭞᭚ᬯᬶᬭᬾᬄᬦᬾᬦ᭄ᬢᭂᬦ᭄ᬫᬤ᭄ᬯᬾᬳ᭠
ᬓᬮ᭄᭞ᬚᬕᬵᬗᬸᬤ᭄ᬬᬂᬗ᭄ᬭᬳᭀᬲᬳᬶᬲᬳᬶ᭞ᬓᬸᬤ᭄ᬬᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬭᬢᬸ᭞ᬫᬫᬦᬄᬲᬓᬶᬂᬚᬸᬫᬄ᭞ᬬᬦ᭄ᬭᬳᭀᬲᬂᬳᬓᬾᬄᬧᬗ᭄ᬭᬳᭀᬲᬾᬧᬢᬸᬢ᭄᭞ᬭᬳᭀᬲ᭄ᬢᬦ᭄ᬳᬦᬂᬮᬓ᭄ᬱᬡ᭞ᬤᬤᭀᬲ᭄ᬳᬶᬧᬸᬦ᭄ᬢᬦ᭄ᬧᬓ᭄ᬦᬶ᭚ᬬᬤᬶᬦ᭄ᬳᬓᬾᬄᬘᬭᬶᬢᬬᬂ᭞
ᬯᬶᬭᬄᬩᬢᭂᬓ᭄ᬢᬶᬢᬳᬦ᭄‌ᬲᬂᬳ᭄ᬬᬂᬯᬶᬤ᭄ᬟᬶ᭞ᬗ᭄ᬕᬯᬾᬦᬶᬦ᭄‌ᬦ᭄ᬕᬭᬵᬳ᭄ᬭᬸᬕ᭄᭞ᬲᬓ᭄ᬢᬶᬤᬗᬸᬯᬸᬯᬸᬲᬮᬄ᭞ᬳᬩᬶᬭᬫᬵ᭠ᬬᬦ᭄ᬢᬦᬦᬂᬳᬤᭀᬦ᭄ᬲᬢ᭄ᬭᬸ᭞ᬲᬦᬾᬓᬾᬦ᭄ᬫᬯᬲ᭄ᬢᬵᬲᬢ᭄ᬬᬵᬫᬶᬢ᭄ᬬᬵᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬳᬸᬦᬶᬂ᭚ᬳᬶᬗ᭄ᬕᬶᬄᬭᬢᬸᬲᬫ᭄ᬧᬸ
[᭑᭓ 13A]
ᬦᬶᬓᬓ᭄ᬱᬓᬶᬢᬦ᭄ᬳᬦᬓᬾᬫᬲᬸᬓ᭄ᬫᬩᬸᬳᬶ᭞ᬤᬤᭀᬲ᭄ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄‌ᬗ᭄ᬭᬸᬗᬸ᭞ᬧᬶᬦᬲ᭄ᬲᬫ᭄ᬧᬸᬦ᭄ᬳᬫᬲᭂ᭞ᬲᬳᭀᬲ᭄ᬧᬶᬲᬦ᭄‌ᬲ᭄ᬟᬸᬓᬾᬩᬦᬾᬦ᭄ᬫᬳᬸᬓᬸᬫ᭄᭞ᬳᬶᬗ᭄ᬕᬶᬄᬭᬢᬸᬳᬫ᭄ᬧᬸᬭᬬᬂ᭞ᬳᬢᬸᬃᬢᬶᬢ᭄ᬬᬂᬓᬫ᭄ᬩᬂᬲᬳᬶ᭚᭜᭚ᬤᬸᬄᬳᬫ᭄ᬧᬸ
ᬭᬳᬶᬓᬢᬸᬦᬦ᭄ᬓᬲᬶᬳᬲᬶᬄ᭞ᬫᬧᬶᬢᬫᬾᬂᬕᬶᬢ᭄ᬣᬵ᭞ᬚᬶᬢᬾᬦ᭄ᬭᬶᬬᬲᬤᬸᬩᬸᬤᬶ᭞ᬩᬶᬦ᭄ᬤᭂᬂᬢ᭄ᬯᬭᬗ᭄ᬭᬲᭂᬳᬯᬓ᭄᭚ᬳ᭠ᬯᬓ᭄ᬫᬍᬲ᭄ᬧᭂᬢ᭄ᬩᬜ᭄ᬘᬸᬓ᭄ᬫᬲᭂᬫ᭄ᬓᭂᬘᬶᬂ᭞ᬲᬶᬕᬸᬕ᭄ᬲᬶᬂᬳᬩᭂᬢᬂ᭞ᬲᬧᭀᬮᬳᬾᬗ᭄ᬕᬯᬾᬕ᭄ᬢᬶᬂ᭞ᬢ᭄ᬯᬭᬳᬤᬧᬧᬮᬭᬦ᭄᭚ᬤᬸ
ᬓᬶᬂᬧᬸᬧᬸᬢ᭄ᬫᬜᬸᬭᬢ᭄‌ᬗᬯᬶᬧᬸᬦᬶᬓᬶ᭞ᬤᬶᬦᬲᬸᬃᬬ᭄ᬬᬵᬩ᭄ᬭᬳ᭄ᬫᬵ᭞ᬳᬸᬕᬸᬳᬸᬓᬸᬜᬦᬾᬯ᭄ᬬᬓ᭄ᬢᬶ᭞ᬦᬸᬚᬸᬢᬂᬗ᭄ᬕᬮ᭄ᬧᬶᬂᬤ᭄ᬯᬩ᭄ᬮ᭠ᬲ᭄᭚ᬤᬸᬓᬾᬗᬯᬶᬢ᭄ᬟᬶᬦᬲᬦᬶᬲ᭄ᬘᬭᬯᬶᬱ᭄ᬡᬸ᭞ᬢᬂᬗ᭄ᬕᬮᬾᬧᬶᬂᬳᭂᬫ᭄ᬧᬢ᭄᭞ᬰᬰᬶᬄᬓᬮᬶᬫᬵᬦᬫᭀᬦᬶᬦ᭄᭞ᬳᬸᬓᬸᬧ᭄ᬭᬂᬩ
ᬓᬢ᭄ᬓᬳᬸᬘᬧ᭄᭚᭜᭚᭐᭚ᬧᬸᬦᬶᬓᬶᬕᬕᬸᬭᬶᬢᬦ᭄ᬧᬯᬗᬸᬦ᭄ᬇᬤᬩᬕᬸᬲ᭄ᬜᭀᬫᬦ᭄ᬧᬸᬚ᭞ᬭᬶᬂᬕ᭄ᬭᬶᬬᬓᬯᬦ᭄ᬲᬶᬩᭂᬢᬦ᭄᭚᭜᭚ᬓᬲᬸᬭᬢ᭄ᬳᭀᬮᬶᬄ᭞ᬦᬶᬓᭂᬢᬸᬢ᭄ᬲᬸᬢᬃᬫ᭄ᬫᬶ᭞ᬲᬓᬶᬂᬲᬶᬩᭂᬢᬦ᭄᭞ᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬤᬶ [ 14 ][᭑᭓ 13B]
᭑᭓
ᬦ᭞ᬯᬺ᭞ᬧ᭄ᬯ᭞ᬯᬵᬭ᭞ᬯᬬᬂ᭞ᬢᬶᬣᬶ᭞ᬲᬂ᭞ᬧᬶᬂ᭑᭞ᬭᬄ᭞᭕ᬢᭂᬂ᭞᭑᭞ᬇᬰᬓ᭞᭑᭙᭑᭕᭞ᬅᬬᬸᬲᬦᬶᬂᬮᭀᬓ᭞ᬓ᭄ᬱᬫᬵᬓᭂᬦᬯᬶᬭᬹᬧᬦᬶᬂᬅᬓ᭄ᬱᬭᬇᬓᬶ᭚᭜᭚