Ban/Gaguritan Matamba Ka Jawi

Deskripsi

Naskah

[ 1 ]PERPUSTAKAAN
KTR. DOKBUD BALI
PROP. BALI
G/XI/3/DOKBUD/

Judul : -GAGURITAN MATAMBA KA JAWI-
Panj: 30 cm. Leb. 3,5 cm. Jml. 52 lb.
Asal : Puri Agung Amlapura, Karangasem.

[᭑ 1A]
Judul : = GAGURITAN MATAMBA KA JAWI=
Panj: 30 cm. Leb. 3,5 cm. Jml. 52 lb.
Asal : Puri Agung Amlapura, Karangasem. [ 2 ][᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬵᬫᬲ᭄ᬢᬸ᭛᭜᭛ᬧᬗᬯᬶᬦᬾᬭᬭᬩ᭄ᬲᬗᬦ᭄᭞ᬓᭂᬢᭂᬫ᭄ᬩᬂᬧᬗ᭄ᬓᬸᬃᬢ᭄ᬯᬭᬫᬗ᭄ᬮᬄᬳᬶᬦ᭄ᬤᬶᬓ᭄᭞ᬓᭀᬯᬮ
ᬤᬤᬶᬫᬗ᭄ᬮᬦ᭄ᬢᬸᬃ᭞ᬜᬭᬸᬯᬂᬓ᭄ᬦᭂᬄᬧᬸᬲᬂ᭞ᬧᬘᬂᬮᬸᬯᬲ᭄‌ᬫᬗᬸᬩᬤᬶᬦ᭄ᬧᬶᬬᬳᬾᬓᭂᬫ᭄ᬩᬸᬂ᭞ᬲᬵᬓ᭄ᬱᬢ᭄‌ᬗᭂᬦ᭄ᬢᬲᬶᬦ᭄ᬲᬕᬭ᭞ᬤᬹᬃᬕ᭄ᬕᬫᬢ᭠
ᬢᬦ᭄ᬧᬢᭂᬧᬶ᭟ᬦᬄᬚᬦᬶᬮᬬᬸᬢᬂᬢᬺᬩᬓ᭄᭞ᬫᬗ᭄ᬤᬾᬓᬭ᭄ᬯᬦ᭄‌ᬧᬶᬲᬜᬲᭂᬍᬫ᭄ᬧᬸᬢᬶᬄ᭞ᬳᬦ᭄ᬤᭂᬮ᭄‌ᬲ᭄ᬯᬾᬘ᭄ᬙᬦ᭄ᬲᬗ᭄ᬳ᭄ᬬᬂᬢᬸᬤᬸᬄ᭞ᬗᬶᬘᬾ
ᬦ᭄ᬧᬗᬸᬓᬫᬸᬮᬦ᭄᭞ᬫᬧᬦ᭄ᬫᬸᬮᬵᬢᬶᬗ᭄ᬓᬄᬦᬾᬲᬃᬯ᭄ᬯᬢᬸᬫᬸᬯᬸᬄ᭞ᬫᬸᬮᬫᬮᬶᬄᬫᬸᬮᬶ᭞ᬫᬸᬮ᭞ᬳᬶᬮᬂᬤᬤᬶᬕᬸᬫᬶᬮᬗᬶᬢ᭄᭟ᬮᬗᬶ
[᭒ 2A]
ᬢᬾᬭᬱᬩᬸᬬᬃ᭞ᬤᬤᬶᬳᬗᬶᬢ᭄ᬩᬋᬢ᭄‌ᬢᬭᬶᬓ᭄ᬫᬫᬸᬲᬶᬂ᭞ᬫᬶᬸᬧᭂᬲᬸᬫᬸᬜᬶᬧᬢᬶᬚ᭄ᬮᬫᬸᬢ᭄᭞ᬫᬶᬭᬶᬩ᭄ᬲᬢ᭄ᬯᬦ᭄ᬳᬾᬗᬾᬗᬦ᭄᭞ᬫᬤᬓ᭄ᬳᬤᬧ
ᬲ᭄ᬯᬾᬘ᭄ᬙᬾᬦ᭄ᬲᬂᬳ᭄ᬬᬗ᭄ᬳᬮᬸᬳᬸᬃ᭞ᬦ᭄ᬤᬸᬮᬸᬭᬶᬦ᭄ᬳᬚ᭄ᬜᬦᬲᬸᬓ᭄ᬱ᭄ᬫᬵ᭞ᬲᬸᬲ᭄ᬯᬭᬯ᭄ᬬᬜ᭄ᬚᬦᬓᬯᬶ᭟ᬯᬶᬦᬃᬡ᭄ᬦᬤᬶᬦᬦᬾᬮᬸᬯᬲ᭄᭞ᬫ᭄ᬦᬾᬓ᭄ᬓᬨᬮ᭄‌ᬦᬸᬚᬸ᭠
ᬭᬤᬶᬢᬾᬫᬦᬶᬲ᭄᭞ᬯᬭᬦᬶᬂᬯᬭᬓᬸᬮᬯᬸ᭞ᬢᬶᬢᬶᬧᬗ᭄ᬮᭀᬂᬧᬶᬂᬲᭀᬮᬲ᭄᭞ᬰᬰᬶᬄᬓ᭄ᬤᬰᬇᬰᬓᬵᬲ᭄ᬬᬸᬳᬸᬮᬸᬗᬢᬸᬲ᭄᭞ᬕ᭄ᬦᭂᬧ᭄ᬫᬦᬗ᭄ᬕᬸᬦᭂ
ᬫ᭄ᬤᬰ᭞ᬓᬳᬸᬘᬧ᭄‌ᬯᬃᬱᬦᬶᬂᬪᬹᬫᬶ᭟ᬧᬸᬓᬸᬮᬫ᭄ᬧᬢ᭄ᬲᬸᬩᬦᬫᬓ᭄᭞ᬳᬚᬓ᭄ᬦᭂᬫ᭄ᬦᭂᬫ᭄‌ᬳᬤᬤᬶᬓᬨᬮᬧᬶ᭞ᬫᬓᬤᬶᬧ᭄ᬭᬡ᭄ᬥᬲᬶ [ 3 ][᭒ 2B]
᭒
ᬦᬸᬳᬸᬦ᭄᭞ᬧ᭄ᬭᬡ᭄ᬥᬓ᭄ᬢᬸᬢ᭄ᬧᬶᬥᬥ᭞ᬫᬶᬯᬄᬧᬋᬓᬦᬾᬲᬬᬂᬜᭀᬫᬦ᭄ᬕᬶᬬᬸᬃ᭞ᬭᬢᬸᬩᬕᬸᬲ᭄ᬯᬬᬦ᭄ᬓᬭᬂ᭞ᬳᬶᬲᬢ᭄ᬭᬘᭀᬓᭀᬃᬤ᭄ᬥᬳᬮᬶᬢ᭄
᭟ᬲᬸᬩᬧ᭄ᬭᬕᬢ᭄ᬫᬲᬸᬓᬫᬃ᭞ᬲᬬᬦ᭄ᬓᬗᭂᬦ᭄ᬳᬶᬥᭂᬧᬾᬩᬸᬓᬵᬳᬶᬭᬶᬲ᭄᭞ᬢᬺᬱ᭄ᬡᬩᬡ᭄ᬥᬦᬾᬦᬾᬦ᭄ᬕᬸᬮ᭄᭞ᬫᬓ᭄ᬭᬡᬳᬮᬄᬓᭂᬜ᭄ᬘᬂ᭞ᬳᬶᬗᭂ
ᬢ᭄ᬓᬾᬦ᭄ᬜᬫᬩ᭄ᬭᬬᬵᬧᬦᬓ᭄ᬘᬸᬘᬸ᭞ᬫᬓᬫᬶᬯᬄᬢ᭄ᬓᬾᬦ᭄ᬲᭀᬫᬄ᭞ᬢᬦᭂᬫᬹᬱ᭄ᬝᬶᬓᬦᬶᬗ᭄ᬳᬢᬶ᭟ᬤᬱᬩᬸᬤ᭄ᬥᬶᬧᬘᬂᬢᬸᬮᬓ᭄᭞ᬩ᭄ᬯᬦ᭄ᬫᬯᬮᬶᬫᬸᬮᬶᬄ
ᬓᬫ᭄ᬮᬵᬦᬕᬭᬶ᭞ᬬᬤᬶᬦ᭄ᬲᬓᬶᬢ᭄ᬤᬵᬫᬗᬶᬢᬸᬂ᭞ᬓᬾᬯᬮᬧ᭄ᬭᬕᬢ᭄ᬚᬸᬫᬄ᭞ᬓᬬᬳᬶᬦ᭄ᬩᬦ᭄ᬲᬗ᭄ᬓᬦᭂᬫ᭄ᬓᬧᬶᬮᬸᬮᬸᬢ᭄᭞ᬧᬥᬧᬥᬲᬬᬂᬤᬺ
[᭓ 3A]
ᬫᬦ᭄᭞ᬤᬤᬶᬧᬗᬦ᭄ᬢᬸᬗᬦ᭄‌ᬳᬸᬭᬶᬧ᭄᭟ᬬᬦ᭄ᬚᬦᬶᬗᭂᬢ᭄ᬓᬾᬦ᭄ᬚᬶᬢᬄ᭞ᬫᬶᬮᬶᬄᬫᬬᬸᬫᬚᬮᬦ᭄ᬯᬭᬯᬶᬭᬶ᭞ᬓᬢᬸᬚᬸᬧ᭄ᬭᬡ᭄ᬥᬲᬶᬦᬸᬳᬸᬦ᭄᭞
ᬳᬤᬳᬶᬭᬶᬂᬤᬶᬓᬨᬮ᭄᭞ᬫᬦᬸᬗ᭄ᬓᬸᬮᬂᬳᬶᬥ᭄ᬧᬾᬓᬮᬶᬯᬢ᭄ᬲᬶᬫᬸᬄ᭞ᬳᬶᬤᬲᬵᬓ᭄ᬱᬵᬢᬢᬭᬵᬓ᭄ᬱ᭞ᬫᬡᬶᬓᬱ᭄ᬝᬕᬶᬦᬵᬍᬯᬶᬄ᭟ᬲᬗ᭄ᬓ
ᬦ᭄ᬧᬬᬸᬮᬲ᭄ᬫᬚᬮᬦ᭄᭞ᬫᬧᬦ᭄ᬲᬸᬩᬫᬗᬶᬭᬶᬂᬲᬜ᭄ᬚᬶᬯᬦᬶ᭞ᬬᬦ᭄ᬢᬦ᭄ᬧᬦᬶᬓᬳᬶᬂᬢᬸᬤᬸᬄ᭞ᬫ᭄ᬭᬲᬢ᭄ᬯᬭᬲᭂᬗ᭄ᬓᬮᬵᬫᬭᬚᬦᬶᬳᬶᬥ᭄ᬧᬾ
ᬫᬭᬧᬮᬶᬧᬹᬃ᭞ᬫᬭᬵᬚᬫ᭄ᬮᬶᬫᬲᬢ᭄ᬗᬄ᭞ᬫᬮ᭄ᬯᬶᬢ᭄ᬓᬨᬮᬾᬫᬫᬸᬜᬶ᭟᭐᭟ᬤᬹᬃᬫ᭄ᬫ᭟᭐᭟ᬤᬤᬶᬗ᭄ᬚᭂᬃᬳᬯᬓᬨᬮᬾᬫᬓ᭄ᬚᬂ᭞ [ 4 ][᭓ 3B]
᭓
ᬫᭂᬲᬶᬫ᭄ᬧᬥᬫᬫᬸᬜᬶ᭞ᬗ᭄ᬭᬸᬤᬸᬕ᭄ᬩᬸᬓᬓᬶᬮᬢ᭄᭞ᬫᬸᬜᬶᬦᬾᬓ᭄ᬭᬸᬭᬓᬭ᭞ᬧᬥᬫᬗᬺᬱᬂᬳᬢᬶ᭞ᬲᬢ᭄ᬧᬋᬫ᭄ᬩ᭄ᬭᬳ᭄ᬫ᭞ᬤᬶᬦᬵᬮᬦᬶᬂᬬᬸᬕ
ᬦ᭄ᬢᬶ᭟ᬫᬸᬜᬶᬦ᭄ᬲᬸᬗᬸᬦᬾᬮ᭄ᬯᬶᬃᬓᬮᬦ᭄ᬢᬓᬵᬫᬗ᭄ᬭᬓ᭄᭞ᬬᬾᬄᬧᬲᬶᬳᬾᬫᬤᬶᬤᬶᬄ᭞ᬫᬮ᭄ᬯᬩ᭄ᬳᬮᬄᬮᬩ᭄ᬮᬩ᭄᭞ᬫᭂᬲᬸᬳᬦ᭄ᬤᬸᬲ᭄ᬫᬶᬗᬳᬦ᭄᭞
ᬧᬲᭂᬫ᭄ᬩᬸᬭᬦ᭄ᬫᬸᬜ᭄ᬘ᭄ᬭᬢ᭄ᬳᬧᬶ᭞ᬲᬓ᭄ᬱᬢ᭄ᬩᬦᬯᬂᬦᬮᬵᬜᬶᬫ᭄ᬩᬸᬳᬂᬳᬧᬶ᭟ᬦᬾᬤᬶᬤᬸᬳᬸᬃᬜᭂᬍᬕ᭄ᬳᬦ᭄ᬤᬸᬲᬾᬫᬶᬗ᭄ᬕᭂᬮᬦ᭄᭞ᬫᬶᬭᬶᬩ᭄ᬳᭂᬦ᭄ᬢᭂᬕ᭄ᬓᬮᬗᬶ
ᬢ᭄᭞ᬳᭀᬧ᭄ᬲᬶᬭᬾᬫᬓ᭄ᬚᬂ᭞ᬧᬥᬜ᭄ᬚᬸᬕᬳᭂᬫ᭄ᬧᭀᬦᬦ᭄᭞ᬳᬸᬤᬸᬳᬂᬳᬶᬚᬸᬭᬸᬫᬸᬤᬶ᭞ᬮᬳᬸᬢ᭄ᬫᬚᬮᬦ᭄‌ᬓᬨᬮᬾᬩᬓᬵᬳᬗᬶ
[᭔ 4A]
ᬦ᭄᭟ᬬᬾᬦ᭄ᬲᬯᬗᬂᬫᬳᬶᬭᬶᬩ᭄ᬕᬸᬦᬸᬂᬫᬦ᭄ᬤᬭ᭞ᬓᬳᬸᬗ᭄ᬕ᭄ᬯᬦ᭄‌ᬤᬾᬯᬤᬾᬯᬶ᭞ᬫ᭄ᬯᬂᬕᬦ᭄ᬤᬃᬯ᭄ᬯᬵᬭᬵᬚ᭞ᬤᬤᬸᬚᬬᬓ᭄ᬱᬵᬲᬸᬭ᭞ᬭᬵᬓ᭄ᬱᬲᬦ
ᬕᬩᬲᬸᬓᬶᬄ᭞ᬦᬵᬕᬢᬓ᭄ᬱᬓᬳ᭄ᬬᬗᬶᬦ᭄ᬳ᭄ᬭᬫᬫᬸᬗ᭄ᬕ᭄ᬭᬦᬶ᭟ᬧᬭᬳᭀᬧ᭄ᬲᬶᬭᬾᬧᬥᬓ᭄ᬭᬸᬭᬤᬶᬭᬵᬫ᭞ᬢᬦ᭄ᬤᬂᬢᬗ᭄ᬓᭂᬧ᭄ᬘᬮᬶᬭᬶᬂ᭞ᬧᬥᬕ᭄ᬥᬾ
ᬕᬗ᭄ᬕᬲ᭄᭞ᬫ᭄ᬯᬶᬮᬯᬶᬮᬫᬯᬶᬗ᭄ᬓᬮ᭄᭞ᬓ᭄ᬮᬫ᭄ᬩᬶᬧᬸᬢᬶᬄᬢᬲ᭄ᬫᬾᬦ᭄ᬓᬸᬦᬶᬂ᭞ᬫᬕᬡ᭄ᬥᬚᬗ᭄ᬕᬃᬘᬶᬭᬶᬦᭀᬧ᭄ᬲᬶᬃᬤᬶᬧᬲᬶᬄ᭟ᬧᬦ᭄ᬢᭂᬲ᭄ᬲᬯᬗᬂᬳᬦᬸ
ᬢ᭄‌ᬤᬦᬯᬭᬵᬚ᭞ᬓ᭄ᬜᭂᬓᬦ᭄ᬧᬥᬕᬢᬶ᭞ᬫᬸᬢᭂᬃᬓ᭄ᬱᬶᬭᬵᬃᬡ᭄ᬦᬯ᭞ᬓᬫᬃᬫᬓᬦᬾᬫ᭄ᬮᬄ᭞ᬧᬦ᭄ᬢᭂᬲ᭄ᬢᭀᬗᭀᬲ᭄ᬲᬜ᭄ᬚᬶᬯᬦᬶ᭞ᬜᭀᬜᬳᬾ [ 5 ][᭔ 4B]
᭔
ᬓᭂᬫ᭄ᬩᬃᬫᬳᬶᬭᬶᬩ᭄‌ᬯᬶᬥ᭄ᬬᬥᬭᬶ᭟ᬦᬫ᭄ᬧᬫᬺᬢ᭄ᬣᬫᬶᬯᬄᬓᬫ᭄ᬧᬳᬃᬤ᭄ᬥᬘᬦ᭄ᬤ᭄ᬭ᭞ᬕᬫ᭄ᬮᬦ᭄ᬧ᭄ᬬᬦᭀᬳᬮᬶᬫ᭄᭞ᬧᬸᬢᬶᬄᬫᬓᭂᬫ᭄ᬩᬸᬭᬦ᭄᭞ᬫᬶᬭᬶ
ᬩ᭄‌ᬰᬰᬗ᭄ᬓᬭᭀᬫ᭞ᬳᬶᬤᬧ᭄ᬭᬡ᭄ᬥᬫᬳᬵᬋᬱᬶ᭞ᬮ᭄ᬯᬶᬃᬲᬂᬳ᭄ᬬᬗᬶᬦ᭄ᬤ᭄ᬭᬵᬫ᭄ᬮᬶᬗ᭄ᬕᬵᬫᬓᬧᬦᬶᬢᬶᬄ᭟ᬢᬦᬸᬘᬧᬦ᭄ᬲᬸᬩᬫᬦ᭄ᬢᬸᬳᬭᬸᬗᬦ᭄᭞
ᬯᬢᬭᬢ᭄ᬗᬄᬮᬢ᭄ᬭᬶ᭞ᬫᬲᬶᬄᬳ᭄ᬦᬸᬕᬤᬓ᭄᭞ᬫᬭᬱᬓ᭄ᬩᬸᬲ᭄ᬗᬳᬂ᭞ᬢ᭄ᬯᬭᬜᬓ᭄ᬧᬸᬍᬲᬾᬳᬭᬶᬲ᭄᭞ᬳᬚᬳᬦ᭄ᬳᬕᬸᬂᬫᬱᬳ᭄ᬦᬸᬫᬲ
ᬕ᭄ᬤᬶᬂ᭟ᬓᬾᬦᬾᬚᬸᬫᬄᬲᬮ᭄ᬯᬶᬃᬫᬓᬶᬂᬓᬶᬂᬳᬺᬥᬬ᭞ᬩᬦᬾᬚᬦᬶᬓᬮᬳᬶᬦ᭄᭞ᬮ᭄ᬯᬲ᭄ᬫᬩᬬᬦ᭄ᬢᬓ᭞ᬤᬤᬶᬳᬶᬓᬫᬦᬸᬱᬦ᭄᭞ᬲᬬᬦ᭄ᬢᭂ
[᭕ 5A]
ᬓᬫᬗ᭄ᬭᬦᭂᬳᬶᬦ᭄᭞ᬓᬦ᭄ᬢᬶᬤᬲᬼᬫᬄᬫᬲᬶᬄᬦᬸᬳᬸᬬᬂᬧᬮᬶᬂ᭟ᬮᬬᬸᬢ᭄ᬩᬗᬸᬦ᭄ᬗᬾᬗ᭄ᬕᬮᬂᬫᬜ᭄ᬫᬓᬺᬢᬲ᭄᭞ᬳᭂᬧᬾᬦ᭄ᬮᬯᬸᬢ᭄ᬫᬦᬸᬮᬶᬲ᭄᭞
ᬗ᭄ᬕᬳᬾᬕᬕᬸᬭᬶᬢᬦ᭄᭞ᬳᭂᬦ᭄ᬢᭀᬳᬗ᭄ᬕᬾᬦ᭄ᬜᬭᬸᬯᬂ᭞ᬧᬗ᭄ᬮᬶᬧᬹᬃᬳᬶᬥᬾᬯᬧᬮᬶᬂ᭞ᬧᬘᬂᬓᬶᬭᬶᬫᬂᬭᬶᬂᬲᬂᬲᬶᬦ᭄ᬯᬫᬶᬂᬧᬸᬭᬶ᭟᭐᭟ᬲᬶ
ᬫᭀᬦ᭄᭟᭐᭟ᬤᬸᬄᬤᬾᬯᬳᬢ᭄ᬫᬚᬶᬯᬶᬢ᭄ᬣ᭞ᬧᬶᬦ᭄ᬢᭂᬦ᭄ᬳᬚᬶᬳᬾᬳᬕᭀᬚᬶ᭞ᬳᬧᬂᬫ᭄ᬮᬄᬳᬶᬤᬚᬸᬫᬄ᭞ᬤᬫ᭄ᬩᬳᬂᬳᬶᬥ᭄ᬧᬾᬧᬮᬶᬂ᭞ᬫ
ᬦ᭄ᬢᬶᬲ᭄ᬥᬶᬄᬫᬗ᭄ᬮᬶᬂ᭞ᬫᬗᭂᬦᬂᬳᬚᬶᬳ᭄ᬦᬮᬘᬸᬃ᭞ᬚᬦᬶᬗᬮᬳᬶᬦ᭄ᬮᬸᬯᬲ᭄᭞ᬓᬲᬸᬭᬩᬬᬫᬚᬳᬶᬢ᭄᭞ᬫᬤᬓ᭄ᬢᬸᬮᬸᬲ᭄‌ᬭᬳᬬᬸᬳᬚᬓ᭄ᬫ [ 6 ][᭕ 5B]
᭕
ᬓ᭄ᬚᬂ᭟ᬳᬶᬤᬚᬸᬫᬄᬳᬚᬶᬮᬸᬯᬲ᭄᭞ᬧᬥᬕᬶᬗ᭄ᬕᬂᬤᬶᬳᬢᬶ᭞ᬦᬫ᭄ᬧᬂᬢᬸᬤᬸᬄᬲᬗ᭄ᬳ᭄ᬬᬂᬢᬶᬢᬄ᭞ᬦᬶᬃᬫ᭄ᬫᬮᬳᬶᬥᭂᬧᬾᬳᬶᬲ᭄ᬢᬶ᭞ᬫᬤᬓᬤᬲᬶᬄ
ᬯᬶᬥᬶ᭞ᬳᬚᬶᬢᬸᬮᬓ᭄‌ᬳ᭄ᬦᬸᬳᬶᬤᬸᬧ᭄᭞ᬤᬶᬢᬸᬩ᭄ᬯᬶᬦ᭄ᬓᬶᬦ᭄ᬓᬶᬦᬂ᭞ᬜ᭞ᬋᬂᬜᬫᬮᬸᬄᬦᭀᬯᬦᬶ᭞ᬳᬧᬂᬢᬸᬮᬸᬲ᭄‌ᬮ᭄ᬕᬦᬾᬤᬤᬶᬫᬦᬸᬱ᭟᭠
ᬜᬳᬶᬳᬶᬤᬲᭀᬫᬄᬳ᭄ᬬᬂ᭞ᬳ᭄ᬬᬂᬲᬢ᭄ᬫᬓᬢᬥᬳᬲᬶᬄ᭞ᬤᬶᬳᬫ᭄ᬩᬭᬦᬾᬗ᭄ᬮᬬᬂ᭞ᬢ᭄ᬯᬭᬓᬭ᭄ᬯᬦ᭄ᬧᬘᬂᬳᬸᬗ᭄ᬲᬶ᭞ᬓᬢᬸᬗ᭄ᬓᬸᬮ᭄ᬲᬳᬶᬲ᭄ᬥᬶᬄ᭞ᬢ᭄ᬯ
ᬭᬳᬶᬗᭂᬢ᭄ᬓᬗᬶᬦ᭄ᬓᬯᬸᬄ᭞ᬮᬗᬶᬢᬾᬓᬤᬾᬦ᭄ᬢᬦᬄ᭞ᬢᬦᬳᬾᬓᬤᬾᬦᬂᬮᬗᬶᬢ᭄᭞ᬧᬢᬶᬓᭂᬧᬸᬕ᭄‌ᬢ᭄ᬯᬭᬳᬤᬗᭂᬦᬄᬕᬮᬂ᭟ᬲ
[᭖ 6A]
ᬗ᭄ᬓᬦ᭄ᬢᬦ᭄ᬫᬭᬶᬫᬗᬚᬧ᭄᭞ᬘᬬᬦ᭄ᬩᬸᬮᬦᬾᬗ᭄ᬕᬮᬗᬶᬦ᭄᭞ᬢᬦ᭄ᬮ᭄ᬬᬦ᭄ᬳᬶᬤᬫᬯᬓ᭄ᬩᬸᬮᬦ᭄᭞ᬲᬢᬢᬗᭂᬦᬄᬤᬶᬳᬢᬶ᭞ᬢ᭄ᬓᬵᬕᬮᬂᬦ᭄ᬤᬥᬭᬶᬦ᭄᭞
ᬳᬚᬓ᭄ᬦᭂᬫ᭄ᬦᭂᬫ᭄‌ᬫ᭄ᬭᬲᬦᬸᬮᬸᬲ᭄᭞ᬢ᭄ᬓᬓᬲᬸᬭᬩᬬ᭞ᬗᬬᬳᬶᬦ᭄ᬤᬶᬭᬸᬫᬄᬲᬓᬶᬢ᭄᭞ᬓᬾᬢᭀᬮᬸᬳᬸᬂᬭᬱᬤᬶᬧᬗᬶᬧ᭄ᬬᬦ᭄᭟ᬳᬸᬫᬭᬫ
ᬭᬱᬕᬮᬂ᭞ᬩᬳᬦ᭄ᬓᬢᬾᬚᬦᬦ᭄ᬰᬰᬶᬄ᭞ᬳᬗ᭄ᬲᭂᬗᬦ᭄ᬳᬗᬶᬦᬾᬫ᭄ᬮᬄ᭞ᬫᬢ᭄ᬭᬫᬢ᭄ᬭᬵᬮᭀᬦ᭄ᬓᬲᬶᬃᬲᬶᬃ᭞ᬜᭂᬧᬸᬢᬂᬳ᭄ᬗᭀᬫᬶᬳᬶᬓ᭄᭞ᬓ᭄ᬱᭂ
ᬳᬦᬾᬫᬦᬶᬲ᭄ᬜᬗ᭄ᬮᬸᬄ᭞ᬯᬮᬸᬬᬲᬸᬩᬳᬶᬤ᭞ᬧᬥᬫᬮᬾᬦᬦ᭄ᬓᬭᬰ᭄ᬫᬶᬦ᭄᭞ᬳᬤᬜᬗ᭄ᬮᬸᬄᬳᬤᬫᬦᬶᬲ᭄ᬫᬳᬜᬤᬦ᭄᭟ᬳᬤ [ 7 ][᭖ 6B]
᭖
ᬍᬫᬸᬄᬫᬕᬾᬮᭀᬳᬦ᭄᭞ᬳᬤᬮᬕᭂᬲ᭄ᬫᬸᬮᬸᬓ᭄ᬩᬗ᭄ᬓᬶᬢ᭄᭞ᬫᬢᬫ᭄ᬩᬸᬦ᭄ᬤᬤᬶᬲᬤ᭄ᬭᬱ᭞ᬲᬓ᭄ᬱᬢ᭄‌ᬫᬺᬢ᭄ᬣᬲᬜ᭄ᬚᬶᬯᬦᬶ᭞+ᬫ᭄ᬭᬱᬲᭂᬃᬧ᭄ᬭᬚᬦᬶᬓᭂᬧᬸᬧᬸᬗᬦ᭄ᬳᬾ
ᬗ᭄ᬕᬮ᭄ᬩᬗᬸᬦ᭄᭞ᬫᬕᬾᬩ᭄ᬭᬲ᭄ᬗᬸᬲᬧ᭄ᬫᬢ᭞ᬫᬭᬧ᭄ᬤᬲᬗᬶᬯᬲᬶᬦ᭄᭞ᬤᬤᬶᬲᬸᬳᬸᬂᬫᬓ᭄ᬚᬂᬫᬳᬯᬓ᭄ᬕᬮᬂ᭟ᬲᬗ᭄ᬓᬦ᭄‌ᬩ᭄ᬯᬶᬦ᭄ᬫᬧᬗᭂᬦᬦ᭄᭞
ᬩᬦᬾᬓᬫᬕᬦ᭄‌ᬗ᭄ᬭᬱᬦᬶᬦ᭄᭞ᬲᬬᬦ᭄‌ᬫ᭄ᬭᬱᬦᬶᬰ᭄ᬘᬾᬢᬦ᭞ᬫ᭄ᬭᬶᬸᬱᬶᬸᬲ᭄ᬕᬶᬸᬧ᭄ᬭᬶᬸᬚᬶᬸᬦᬶᬸ᭞ᬳᬶᬥᭂᬧᬾᬧ᭄ᬭᬚᬦᬶᬲ᭄ᬧᬶ᭞ᬫᬶᬭᬶᬩ᭄‌ᬓ᭄ᬦᬧᬗ᭄ᬭᬭᬶᬲ᭄
᭞ᬩᬬᬸᬦᬾᬫᬗᬯᬗᬸᬯᬸᬂ᭞ᬤᬶᬢᬸᬩ᭄ᬯᬶᬦ᭄ᬫᬗᭂᬦᬄ᭞ᬳᬶᬤᬦᬮᬶᬦ᭄ᬭᬸᬧᬤᬤᬶ᭞ᬓᬮ᭄ᬨᬢᬭᬸᬦᭂᬦᬫ᭄ᬯᬶᬚᬶᬲᬸᬢᬾᬚᬩᬸᬗᬄ᭟ᬤᬶᬢᬸ
[᭗ 7A]
ᬳᬶᬦ᭄ᬤᬜᬫᬧ᭄ᬚᬄ᭞ᬬᬦ᭄ᬤᬤᬶᬕᬥᬸᬂᬓᬲ᭄ᬢᬸᬭᬶ᭞ᬫᭂᬦ᭄ᬢᬶᬓ᭄ᬦᭂᬫ᭄ᬘᬭᬗᬮᬶᬫ᭄ᬩᬄ᭞ᬢᬦ᭄ᬫᬭᬶᬗᬬᬸᬄᬗᬮᬶᬮᬶᬢ᭄᭞ᬓᬮ᭄ᬧᬢᬭᬸᬦᬾᬗ᭄ᬭᬯᬶᬢ᭄᭞ᬳᬸᬮᬶ
ᬩᭀᬗ᭄ᬓᭀᬮ᭄‌ᬢ᭄ᬭᬸᬲ᭄ᬓᬫᬸᬜ᭄ᬘᬸᬓ᭄᭞ᬢ᭄ᬯᬭᬤᬤᬶᬓ᭄ᬮᬾᬲᬂ᭞ᬢ᭄ᬓᭂᬓ᭄ᬜᬗ᭄ᬓᭂᬢ᭄ᬳᬮᬄᬤᬮᬶᬢ᭄᭞ᬲᬬᬦ᭄ᬮᬸᬳᬸᬂᬓᬬᬸᬦᬾᬳᬶᬫ᭄ᬩᬸᬳᬶᬦ᭄ᬧᬳ᭄ᬬᬲ᭄᭟ᬲ
ᬓ᭄ᬥᬧ᭄‌ᬩ᭄ᬯᬶᬦᬮᬶᬦ᭄ᬯᬃᬡ᭄ᬦ᭞ᬳᬶᬤᬫᬓᬦᭂᬫ᭄ᬫᬦ᭄ᬤᬤᬶ᭞ᬧᬸᬜᬦ᭄ᬩᬸᬗ᭄ᬳᬵᬢᬸᬜ᭄ᬚᬸᬂᬳ᭄ᬫᬲ᭄᭞ᬲᬭᬶᬧᬶᬸᬦᬾᬯ᭄ᬓᬲᬶᬂᬫᬶᬳᬶᬓ᭄᭞ᬫᭂᬦ᭄ᬢᬶᬓ᭄‌ᬚ᭄ᬭᭀᬦᬶᬂᬲᬭᬰᬶ᭞
ᬳ᭄ᬬᬦ᭄ᬤᬤᬶᬱᬤ᭄ᬧᬤᬵᬗ᭄ᬭᬸᬩᬸᬂ᭞ᬗᬶᬲᭂᬧ᭄ᬲᬭᬶᬦ᭄ᬓᬸᬲᬸᬫ᭞ᬫ᭄ᬭᬱᬤ᭄ᬬᬄᬳᬫᬭᬯᬢᬶ᭞ᬢ᭄ᬯᬶᬓᬬᬸᬦ᭄ᬳ᭄ᬬᬸᬦ᭄‌ᬮ᭄ᬕᬦᬾᬫᬸᬧᬸᬲᬭᬱ᭟ᬤᬶᬢᬫᬦ᭄ᬩᬸ [ 8 ][᭗ 7B]
᭗
ᬓᬯᬶᬭᬕ᭞ᬢᬺᬡᬲᬸᬮᬰᬶᬄᬳᬫᬶᬳᬶᬓ᭄᭞ᬫ᭄ᬮᬄᬓᬲᬸᬦ᭄ᬤᬭᬶᬦ᭄ᬩᬸᬮᬦ᭄᭞ᬓᬳᬶᬥᭂᬭᬶᬦ᭄ᬕᬸᬦᬸᬂᬫᬡᬶᬓ᭄᭞ᬫᬸᬢᭂᬃᬲᬸᬢᭂᬃᬦᬸᬢᭂᬭᬶᬦ᭄᭞ᬓᬓᬦ᭄ᬢ
ᬦᬾᬲᬯ᭄ᬯᬍᬗᬸᬢ᭄᭞ᬧᬲᬪᬵᬦ᭄ᬲᬂᬳ᭄ᬬᬂᬲ᭄ᬫᬭ᭞ᬫᬓᬭᭀᬦ᭄ᬮᬦ᭄ᬲᬂᬳ᭄ᬬᬂᬭᬢᬶᬄ᭞ᬫᬓᬧᬗᬹᬦ᭄ᬫᬸᬧᬸᬲᬵᬭᬶᬦᬶᬂᬓᬸᬲᬸᬫ᭟ᬤᬸᬫᬤᬓ᭄ᬲᬶᬤ᭄ᬥᬲᬳ
ᬭᬲ᭄᭞ᬧᬶᬂᬬᬸᬢᬩᬭᬦᬸᬫᬶᬢᬶᬲ᭄᭞ᬢᬸᬫᬸᬭᬸᬦ᭄ᬓᬫᬥ᭄ᬬᬧᬤ᭞ᬫᬗ᭄ᬤᬾᬢ᭄ᬫᭂᬲ᭄ᬩᬸᬓᬚᬦᬶ᭞ᬲᬶᬄᬓᬸᬲᬶᬄᬲᬶᬮ᭄ᬬᬲᬶᬄ᭞ᬬᬦ᭄ᬳᬶᬬᬂᬫᬦ᭄ᬤᬤᬶᬯᬶᬓᬸ᭞
ᬧᬡ᭄ᬥᬶᬢᬲᬶᬤ᭄ᬥᬶᬫᬦ᭄ᬢ᭄ᬭ᭞ᬳᬶᬤᬤᬤᬶᬩᬸᬗ᭄ᬳᬵᬫᬶᬳᬶᬓ᭄᭞ᬲᬶᬤ᭄ᬥᬲᬤ᭄ᬯᬸᬄᬳᬧᬂᬩᬋᬂᬫᬓᬭᭀᬦᬦ᭄᭟ᬲ᭄ᬫᬭᬦ᭄ᬤᬦ᭟᭐᭟ᬚᬫ᭄ᬢᬸᬚᬸ
[᭘ 8A]
ᬲᬸᬩᬤᬶᬧᬶᬗ᭄ᬕᬶᬃ᭞ᬫᬘᬘᬃᬤᬶᬢᬜ᭄ᬚᬸᬂᬧᬾᬭᬓ᭄᭞ᬮᬶᬬᬸᬓᬸᬮᬶᬦᬾᬫᬭᬾᬭᭀᬤ᭄᭞ᬢ᭄ᬓᬗᬮᬶᬄᬩᬩᬸᬯᬢᬦ᭄᭞ᬕᬶᬭᬂᬧᬥᬫᬲᬸᬭᬓ᭄᭞
ᬲᭂᬲᭂᬓ᭄ᬚᭂᬚᭂᬮ᭄ᬲᬮᬶᬂᬲᬸᬳᬸᬓ᭄᭞ᬧᬥᬦᬶᬓᬸᬮ᭄ᬩᬩᬸᬯᬢᬦ᭄᭟ᬓᬨᬮᬾᬫᬸᬮᬓᬧᬸᬚᬶ᭞ᬧᬮᬶᬂᬳᬮᬸᬲ᭄ᬩᬸᬯᬶᬦ᭄‌ᬩ᭄ᬘᬢ᭄᭞ᬲ᭄ᬥᭂᬂᬳᬗ᭄ᬕᬾᬦ᭄ᬫ
ᬓᬮᬗᭀᬦ᭄᭞ᬲᬃᬯ᭄ᬯᬧᬓᬓᬱᬾᬫ᭄ᬮᬄ᭞ᬢᬸᬢᬶᬂᬳᬶᬦᬸᬫᬶᬦᬸᬫᬦ᭄᭞ᬳᬤᬦ᭄ᬓᬨᬮᬾᬫᬾᬧᭂᬮ᭄ᬓ᭄ᬭᬸᬩ᭄᭟ᬮᬶᬬᬸᬓᬫᬭᬾᬫᬢᬸᬫ᭄ᬧᬂ᭟ᬫᭀ
ᬢᭀᬭᬾᬲᬸᬩᬘᬸᬫᬯᬶᬲ᭄᭞ᬲᬬᬕᬧᬘᬂᬫᬫᭂᬡ᭄ᬥᬓ᭄᭞ᬳᬸᬢᬸᬲᬦ᭄ᬳᬃᬬ᭄ᬬᬲᬸᬬᭀᬦᭀ᭞ᬫᬸᬮᬧᬳᬲᬶᬳᬦ᭄ᬫᭂᬮᬄ᭞ᬲᬸᬰ᭄ᬭᬱᬳᬸ [ 9 ][᭘ 8B]
᭘
ᬮᬶᬂᬮᬯᬲ᭄᭞ᬲᬢᬢᬲᬸᬓᬫᬦᬸᬮᬸᬂ᭞ᬲᬢᬸᬗ᭄ᬕᬮ᭄ᬓᬲᬸᬭᬩᬬ᭟ᬧᬚᬮᬦᬾᬮᬲ᭄ᬬᬮᬭᬶᬲ᭄᭞ᬢᬸᬃᬫᬦᬸᬚᬸᬓᬤᬸᬤᬸᬗᬦ᭄᭞ᬧ᭄ᬭᬾᬕᭀ
ᬮᬦ᭄ᬩᬸᬦ᭄ᬤᭂᬃᬓᬲᭀᬳᭀᬃ᭞ᬧᬦ᭄ᬢᭂᬲ᭄ᬢᭀᬗᭀᬲ᭄ᬧᬭᬯᬗ᭄ᬰ᭞ᬲᬢ᭄ᬓᬦᬾᬓᬢ᭄ᬭᬶᬫᬵ᭞ᬢᬦ᭄ᬮ᭄ᬬᬦ᭄ᬩᬳᬦ᭄ᬭᬤᬾᬦᬬᬸ᭞ᬢᬩᬸᬳᬾᬫᬦᬶᬲ᭄ᬲᬃᬚ᭄ᬚᬯ᭟ᬚ
ᬫ᭄ᬮᬶᬫᬓᬓᬮᬶᬳᬲᬶᬦ᭄᭞ᬤᭀᬓ᭄ᬢᭂᬃᬲᬸᬫᬵᬃᬯᭀᬗᬢᭂᬳᬂ᭞ᬓᬳᬸᬫᬄᬢᬸᬯᬦ᭄ᬤᭀᬓ᭄ᬢᭂᬃᬓᭀᬫ᭄᭞ᬫᬭᬕᬢᬂᬧᬗᬸᬩᬬ᭞ᬢᬶᬗ᭄ᬓᬳᬾᬧ
ᬘᬂᬫᬸᬩᬤ᭄᭞ᬳᬲᬓ᭄ᬱᬡᬲᬸᬩᬳᬤᬸᬂ᭞ᬭᬯᭀᬲᬾᬧᬱ᭄ᬝᬶᬧᬭᬕᬢ᭄᭟ᬓᬾᬫᬦᬶᬧᬘᬂᬫᬗᬯᬶᬢ᭄᭞ᬫᬲᬸᬓᬳᬸᬫᬄᬳᭀᬲ᭄ᬧᬶ
[᭙ 9A]
ᬢᬮ᭄᭞ᬓᬲᭀᬦ᭄ᬢ᭄ᬭᬄᬫᬤᬦ᭄ᬤᬶᬥᬃᬫ᭄ᬫᭀ᭞ᬲᬮ᭄ᬯᬶᬃᬧᬓᬓᬲᬾᬫ᭄ᬮᬄ᭞ᬲᬺᬕᭂᬧ᭄ᬲᬧᬦᬶᬦ᭄ᬓᬭ᭞ᬫᬸᬮᬤᬶᬢᬸᬓᭀᬘᬧ᭄ᬓᭂᬩᬸᬢ᭄᭞ᬢᭀᬗᭀᬲ᭄ᬫᬤᬸᬦᬸ
ᬗᬦ᭄ᬫᬸᬩᬤ᭄᭟ᬅᬗ᭄ᬕᬭᬧᭀᬦ᭄ᬲᬸᬩᬧᬲ᭄ᬢᬶ᭞ᬚᬫ᭄ᬲᬧᬸᬮᬸᬄᬮᬳᬢ᭄‌ᬩ᭄ᬭᬗ᭄ᬓᬢ᭄᭞ᬓᬭᬸᬫᬄᬲᬓᬶᬢ᭄ᬤᬶᬥᬃᬫ᭄ᬫᭀ᭞ᬳᬃᬬ᭄ᬬᬲᬸᬬᭀᬦᭀᬗᬢᭂᬳᬂ
᭞ᬲᬢ᭄ᬓᭂᬤᬾᬤᬶᬓᬫᬃ᭞ᬫ᭄ᬮᬄᬧᬓᬓᬲᬾᬳᬮᬸᬲ᭄᭞ᬫᬓ᭄ᬚᬂᬢ᭄ᬮᬄᬫᬮᬶᬮᬂ᭟ᬧᬸᬓᬸᬮ᭄ᬧᬢ᭄ᬮᬳᬸᬢ᭄ᬫᬓᬸᬭᬶᬲ᭄᭞ᬲᬮ᭄ᬯᬶᬃᬩᬸᬮᬸᬦᬾᬗᬮᬶᬓᬤ᭄
᭞ᬩᬦ᭄ᬤᬦᬾᬢᬸᬯ᭄ᬯᬦ᭄ᬤᭀᬓ᭄ᬢᭂᬃᬓᭀᬫ᭄᭞ᬮᬳᬸᬢ᭄ᬓᬦᭀᬦᬄᬦᭀᬦᬄ᭞ᬤᬤ᭄ᬯᬢᬸᬃᬫᬓᭂᬫ᭄ᬩᬭᬦ᭄᭞ᬗᬩᬳᬦ᭄ᬤᬸᬓ᭄ᬗᬩᬲᬩᬸᬦ᭄᭞ᬦᬸᬦ᭄ᬤᬾᬦᬂ [ 10 ][᭙ 9B]
᭙
ᬫᬦ᭄ᬤᬸᬲ᭄ᬓᬓᬫᬃ᭟ᬧ᭄ᬭᬤᬂᬫᬭᬵᬕᬮᬂᬓᬗᬶᬦ᭄᭞ᬲᬸᬓ᭄ᬢᭂᬭᬾᬳᬚᬓᬧᬢ᭄ᬧᬢ᭄᭞ᬧᬥᬬᬫᬗᬩᬧ᭄ᬭᬩᭀᬢ᭄᭞ᬧᬜᬸᬦ᭄ᬢᬶᬓᬦ᭄ᬧᬫᬦ᭄ᬤᬸ
ᬲᬦ᭄᭞ᬲᬬᬕᬫᬢᬢ᭄ᬮᬄ᭞ᬚᬫ᭄ᬢᬸᬚᬸᬮᬯᬸᬢ᭄ᬫᬲᬸᬭᬸᬂ᭞ᬓᬓᬫᬃᬧᬘᬂᬫᬢᬸᬤᬕ᭄᭟ᬢ᭄ᬓᭂᬤᬶᬢᬸᬩ᭄ᬯᬶᬦ᭄ᬫᬲᬸᬦ᭄ᬢᬶᬓ᭄᭞ᬧ᭄ᬬᬳᬾᬓ᭄ᬦᬯᬦ᭄ᬧᬶᬂ
ᬲᭀᬮᬲ᭄᭞ᬫᬗ᭄ᬤᬾᬤᬲᬓᬶᬢ᭄ᬭᬱᬦᬾ᭞ᬤᬾᬦᬶᬂᬢ᭄ᬯᬭᬫᬧᬸᬍᬲᬂ᭞ᬮᬯᬸᬢ᭄ᬮᬲ᭄ᬬᬫᬢᬸᬤᬕ᭄᭞ᬧᬸᬓᬸᬮ᭄‌ᬤ᭄ᬮᬧᬦ᭄ᬲᬸᬩᬧᬸᬧᬸᬢ᭄᭞ᬫᬧᬓᬓ
ᬲ᭄ᬫᬧᬋᬩᬦ᭄᭟ᬩ᭄ᬯᬶᬦ᭄ᬫᬲᬸᬭᬸᬂᬫᬯᬮᬶ᭞ᬤᬶᬢᭀᬗᭀᬲᬾᬫᬤᬸᬦᬸᬦᬗᬸᬦ᭄᭞ᬲᬥ᭄ᬬᬵᬲᬶᬤᬫ᭄ᬭᬱᬳᭀᬯᭀᬦ᭄᭞ᬮᬯᬸᬢ᭄ᬫᬕᭂᬦ᭄ᬢᬶᬧ
[᭑᭐ 10A]
ᬓᬾᬬᬦ᭄᭞ᬫ᭄ᬜᬳᬦ᭄ᬧᬸᬍᬲ᭄ᬳᬓ᭄ᬥᬧ᭄᭞ᬧᬸᬓᬸᬮ᭄ᬲᭂᬫ᭄ᬩᬶᬮᬦ᭄‌ᬩ᭄ᬯᬶᬦ᭄ᬩᬗᬸᬦ᭄᭞ᬢᬢᬸᬦᬾᬲᬗᭂᬢ᭄ᬜᬓᬶᬢᬂ᭟ᬓ᭄ᬜᬢ᭄ᬩᬸᬍᬦ᭄‌ᬗᬄᬗᬄᬧ᭄ᬥᬶᬄ᭞ᬮᬸ
ᬤᬶᬦ᭄ᬓᬢᬸᬤᬸᬄᬫᬫᬦ᭄ᬢᬂ᭞ᬭᬾᬳᬶᬂᬓᭀᬘᬧ᭄‌ᬫᬸᬮᬓᬾᬢᭀ᭞ᬢ᭄ᬯᬭᬤᬤᬤᬶᬩᬤᭂᬗᬂ᭞ᬬᬦ᭄ᬢᭀᬦ᭄ᬤᬾᬦ᭄ᬧᬶᬢᬸᬂᬤᬶᬦ᭞ᬲᬗ᭄ᬓᬦ᭄ᬤᬤᬶᬫᭂᬭᬫᭂᬭᬸᬄ
᭞ᬲᬲᬓᬶᬢᬢ᭄ᬓᬢᬳᬦᬂ᭟ᬬᬾᬦᬶᬂᬲᬸᬩᬧᬶᬢᬸᬂᬯᬳᬶ᭞ᬓᭀᬘᬧ᭄ᬫᬭᬲᬕᬶᬕᬶᬲᬦ᭄᭞ᬤᬤᬶᬢᬶᬂᬢᬶᬂᬳᬮᭀᬦᬮᭀᬦ᭄᭞ᬬᬤ᭄ᬬᬧᬶᬦ᭄ᬩᬸ
ᬤᬂᬩᬤᬶᬗᬂ᭞ᬭᬾᬄᬢᬢᬸᬦᬾᬲᬬᬦ᭄ᬯᬲ᭄᭞ᬗ᭄ᬳᬶᬂᬧᭂᬧᭂᬲᬦ᭄ᬤᬳᬄᬤᬸᬳᬸᬄ᭞ᬭᬾᬄᬩᬢᭂᬓ᭄‌ᬓ᭄ᬜᭂᬮᬾᬜᭂᬫ᭄ᬧᬂ᭟ᬲᬓᬶᬢᬦ᭄‌ᬢ᭄ᬓᬾᬦᬶᬂᬫᬢᬶ [ 11 ][᭑᭐ 10B]
᭑᭐
᭞ᬭᬱᬦ᭄‌ᬓ᭄ᬜᭂᬮᬾᬜᭂᬫ᭄ᬧᬂ᭞ᬢᬸᬚᬸᬦᬾᬢ᭄ᬓᬫᬗ᭄ᬮᬫ᭄ᬧᭀᬦ᭄᭞ᬧᭂᬲᬸᬩᬸᬍᬦ᭄ᬢᬸᬃᬫᬮᬸᬯᬂ᭞ᬮᬸᬤ᭄ᬓᭂᬩᬸᬲ᭄‌ᬧ᭄ᬤᬶᬄᬗᬄᬗᬄ᭞ᬤᬶᬓᬮᬦᬾᬲᬗᭂᬢ᭄ᬳᬶᬗᬸᬄ
᭞ᬕᬍᬂᬕᬸᬮᬶᬗᬾᬳᭂᬦ᭄ᬢᬸᬗᬂ᭟ᬤᬶᬲᬸᬩᬦᬾᬤᬸᬯᬯᬳᬶ᭞ᬩᬸᬫᬭ᭠ᬫ᭄ᬭᬱᬲᭂᬗ᭄ᬕᬗᬦ᭄᭞ᬓᬾᬯᬮᬓ᭄ᬜᭂᬮᬾᬩᭀᬗᭀᬲ᭄᭞ᬢᭀᬦ᭄ᬤᬾᬦ᭄ᬳ᭄ᬬ
ᬤᬤᬶᬩᬤᬶᬗᬂ᭞ᬚᬯᬶᬦᬶᬂᬧᬮᬶᬮᬬᬂ᭞ᬧᬥᬡ᭄ᬥᬳᬢᬸᬭᬶᬦ᭄ᬫᬦ᭄ᬢᬸᬓ᭄᭞ᬳᬧᬂᬮ᭄ᬕᬬᬦᬾᬚᬸᬫᬄ᭟ᬤ᭄ᬫᬸᬂ᭟᭐᭟ᬲᬸᬩᬕ᭄ᬦᭂᬧ᭄ᬮᬶᬫᬂᬯᬳᬶ
ᬚ᭄ᬭᭀᬦᬶᬂᬓᬫᬃᬩᬸᬫᬭᬵᬲᬸᬳᬸᬤ᭄ᬫᬦ᭄ᬤᬸᬲ᭄‌ᬗᬮᬳᬸᬢ᭄ᬫᬳ᭄ᬮᬸᬲ᭄ᬧᬺᬩᬦ᭄ᬜᬦᬾᬫ᭄ᬯᬄᬧᬜ᭄ᬚᬳᬶᬢ᭄‌ᬤᬤᬶᬲᬥ᭄ᬬᬫ᭄ᬮᬄᬢᬢᬸᬦᬾᬫ᭄ᬮᬄᬢᬸᬃ
[᭑᭑ 11A]
ᬳ᭄ᬢᬸᬄᬢ᭄ᬯᬭᬫᬶᬲᬶᬦᬦᬄᬓᬾᬯᬮᬫ᭄ᬭᬯᬢ᭄‌ᬕ᭄ᬢᬶᬄᬳᬤᬳᬶᬗᬦ᭄‌ᬢ᭄ᬮᬸᬂᬓ᭄ᬢᬾᬮᬦ᭄‌ᬧ᭄ᬪᬓ᭄ᬢᬫ᭄ᬧᬓ᭄ᬧᬓᬸᬦᬾᬫᬩᬸᬢ᭄᭟ᬮᬳᬸᬢ᭄ᬩᬸᬯᬶᬦ᭄ᬫᬢ᭄ᬮᬳᬶ
ᬦ᭄ᬢᬸᬃᬫᬧᬺᬩᬦ᭄‌ᬫᬭᬫᬭᬱᬳᭂᬦ᭄ᬤᬸᬓ᭄‌ᬢ᭄ᬯᬭᬲᬗᭂᬢ᭄ᬓᬓᬸᬢᬢᬸᬦᬾ᭠ᬬᬤᬶᬦ᭄ᬫᬩᬤᬶᬂᬲᬓᬶᬢ᭄‌ᬲᬬᬦ᭄ᬢᬸᬦᬳᬯᬦᬦ᭄ᬓᬧᬳᬦ᭄ᬤᬸᬯᬸᬄᬫᬭᬧᬶᬢᬸᬂ
ᬤᬶᬦᬮᬯᬸᬢ᭄ᬤᬤᬶᬫᬗᬯᬶᬢ᭄ᬧᭂᬲᬸᬯᬦ᭄ᬳᬸᬮᬶᬤᬶᬓᬫᬃᬫ᭄ᬥᭂᬫ᭄ᬫᬲᬸᬭᬸᬂᬩᬳᬦ᭄ᬩᬗ᭄ᬓᬸ᭟ᬳᬸᬮᬶᬂᬫᬭᬮ᭄ᬬᬸᬦ᭄ᬮᭀᬓᬶᬦ᭄‌ᬚ᭄ᬭᭀᬦᬶᬂᬓᬫᬃᬲᬯᬶᬢ᭄ᬭᬳᬸᬮᬶᬂ
ᬫᬮᬸᬢ᭄ᬯᬭᬵᬦᬧ᭄ᬫᬲᬸᬦ᭄ᬤᬸᬮ᭄‌ᬢ᭄ᬓᬲᬩᬶᬮᬂᬳᬯᬳᬶᬋᬕᬾᬦ᭄ᬲᬸᬭᬩᬬᬲᬦᬾᬲᬸᬩᬫ᭄ᬜᬳᬦ᭄ᬧᬦ᭄ᬲ᭄ᬬᬸᬦ᭄‌ᬢᬸᬯ᭄ᬯᬦ᭄ᬤᭀᬓ᭄ᬢᭂᬃᬤ᭄ᬯᬶᬚᭀᬤᭀᬓ᭄ᬢᭂᬃ [ 12 ][᭑᭑ 11B]
᭑᭑
ᬯ᭄ᬮᬦ᭄ᬤᭀᬫᬓᬤᬶᬫᬶᬯᬄᬢ᭄ᬯᬦ᭄ᬤᭀᬓ᭄ᬢᭂᬃᬲᬸᬫᬃᬢᭀᬯᬢᭂᬓ᭄‌ᬢ᭄ᬯᬦ᭄ᬳᬦ᭄ᬤᭂᬮᬭᬾᬮᬶᬬᬸ᭟ᬳᬶᬧᬸᬢᬶᬄᬢᬸᬦ᭄ᬤᬾᬦ᭄ᬗᬫᬮ᭄ᬯᬶᬦ᭄‌ᬫ᭄ᬯᬄᬳᬶᬲᬢ᭄ᬭᬫᬸᬮᬶᬄᬓᬫ᭄ᬮᬵ
ᬦᬕᬦ᭄ᬢᬸᬦ᭄‌ᬗᬩᬢᬸᬮᬶᬲ᭄ᬮᬶᬬᬸᬫ᭄ᬓᬤᬶᬢ᭄ᬓᬾᬦ᭄ᬢ᭄ᬯᬦ᭄ᬓᬸᬦ᭄ᬢᭂᬮᬶᬃᬫᬗ᭄ᬤᬾᬧᬥᬲᬶᬦᬄᬳᬸᬦᬶᬂᬦᬯᬂᬫᬶᬯᬄᬢᬳᬸᬢᬶᬗ᭄ᬓᬳᬾᬫᬳᬸᬩᬤ᭄‌ᬓᬲ᭄ᬯᬾᬘ᭄ᬙᬦᬦ᭄ᬩᬦ᭄ᬯᬶᬥᬶ
ᬫ᭄ᬭᬱᬧᬘᬂᬲ᭄ᬕᭂᬃᬳᬾᬗ᭄ᬕᬮ᭄‌ᬩ᭄ᬯᬶᬦ᭄ᬫᬸᬮᬶᬄᬓᬫ᭄ᬮᬵᬦᬕᬦ᭄ᬢᬸᬦ᭄᭟ᬗᬧᬶᬓᬶᬦ᭄ᬩᬸᬗᬦᬾᬫᬶᬳᬶᬓ᭄‌ᬚ᭄ᬭᭀᬦᬶᬂᬢᬫᬦ᭄ᬲᬸᬓᬲᬤᬦᬾᬮᬸᬳᬸᬂᬓᬲᬸᬩ᭄ᬳᬸᬮᬶᬂ
ᬫᬮᬸᬢ᭄ᬯᬭᬳᬶᬫᬫᬗᬧᬶᬓᬶᬦ᭄‌ᬤᬾᬦᬶᬂᬧᬥᬳᬤᬩᬸᬗ᭄ᬳᬵᬫᬬᬂᬩᬸᬗ᭄ᬳᬵᬧᬸᬲᬸᬄᬳᬤᬦ᭄ᬥᭂᬂᬓᭂᬫ᭄ᬩᬂᬳᬤᬤᬲ᭄ᬫᬗᬳᬲᬶᬦ᭄‌ᬳᬤᬫᬭ
[᭑᭒ 12A]
ᬗᬦ᭄ᬢ᭄ᬬᬂᬫ᭄ᬓᬃᬧᬥᬗ᭄ᬮᬄᬓᬕᬸᬳᬦ᭄ᬮᬸᬳᬸᬂ᭟ᬬᬤᬶᬦ᭄ᬫᬮᬾᬦᬦ᭄ᬓᬭᬲ᭄ᬫᬶᬦ᭄‌ᬬᬦ᭄ᬳᬶᬗᭂᬭᬂᬧᬯᬓᬦ᭄ᬫᬲᬶᬄᬧᬢᬸᬄᬤᬶᬦᬸᬚᬸᬦᬾᬕᬧᬸᬮ᭄‌ᬮ᭄ᬕᬦ᭄ᬳᬶᬥᭂ
ᬧᬾᬳᬩᭂᬲᬶᬓ᭄‌ᬫᬧᬸᬜᬩᬦ᭄ᬓ᭄ᬭᬱ᭄ᬡᬵᬫᬘᬭᬂᬲᬸᬓᬫᬗ᭄ᬮᬗᬸᬦ᭄‌ᬫᬳ᭄ᬤᭀᬦ᭄ᬳᬶᬦ᭄ᬳ᭄ᬭᬶᬬᬫᬩᬸᬗ᭄ᬳᬵᬮ᭄ᬕᬦ᭄ᬳᬢᬶᬫᬩᬸᬯᬄᬲᬭᬶᬳᬢ᭄ᬫᬚᬵᬫᬶᬳᬶᬓ᭄ᬩᬵ
ᬳᬦ᭄ᬢᬶᬥᭂᬧ᭄ᬭᬳᬬᬸ᭟ᬦᬄᬚᬦᬶᬲᬸᬩᬭᬱᬦᬶᬦ᭄‌ᬧᬥᬢᬯᬂᬲᬸᬓ᭞ᬤᬸᬳ᭄ᬓᬦᬾᬢ᭄ᬧᬸᬓ᭄‌ᬧᬤᬓ᭄ᬦᬾᬧᬜᬸᬳᬸᬤ᭄‌ᬢ᭄ᬯᬭᬩ᭄ᬯᬶᬦ᭄ᬫᬦᬦ᭄ᬤᬗᬶᬦ᭄ᬲᬓᬶ
ᬢ᭄ᬫᬳᬪᬭᬩᬸᬓᬚᬦᬶᬫ᭄ᬭᬫ᭄ᬭᬸᬄᬓᬩᬢᭂᬓ᭄ᬩᬦ᭄ᬢᬶᬢᬄᬢ᭄ᬯᬭᬤᬤᬶᬓ᭄ᬮᬶᬤᬶᬦ᭄‌ᬚᬦᬶᬳᬯᬓ᭄ᬲᬸᬩᬢᬸᬯ᭄ᬯᬲᬬᬦ᭄ᬗᬦᬢ᭄ᬬᬂᬢ᭄ᬯᬭᬤᬫᬫ᭄ᬧᬸᬄ [ 13 ][᭑᭒ 12B]
᭑᭒
ᬢ᭄ᬗᬳᬶᬢ᭄ᬧᭂᬢ᭄ᬧᬺᬚᬜ᭄ᬚᬶᬬᬜᬓ᭄ᬓᬩᬋᬂᬳᬚᬓ᭄ᬓᬢ᭄ᬮᬸᬲᬤᬸᬓ᭄ᬢᬗ᭄ᬕᬮ᭄‌ᬧᬶᬢᬸᬢᬸᬢᭂᬃᬫᭀᬢᭀᬭᬾᬫᬯᬗ᭄ᬲᬶᬢ᭄‌ᬘᬶᬭᬶᬦ᭄ᬲᬸᬩᬢ᭄ᬓᬳᬸᬮᬶᬤᬶᬚᭀ
ᬕ᭄ᬚᬦᬕᬦ᭄ᬢᬸᬦ᭄‌ᬳᬶᬮᬚᭂᬃᬳᬋᬤ᭄ᬯᬳᬶᬓᬯᭀᬢ᭄ᬧᬮᬶᬂᬘ᭄ᬦᬶᬓ᭄‌ᬲᬳᬗᬩᬩᬸᬗ᭄ᬳᬵᬫ᭄ᬮᬄᬲᬓᬶᬂᬓᬶᬭᬶᬫᬦ᭄ᬢᬸᬯ᭄ᬯᬦ᭄ᬕᬸᬭᬸ᭟ᬤᬤᬶᬮ᭄ᬕᬦᬾᬢᬦ᭄ᬲᬶᬧᬶ
ᬗ᭄ᬦᭀᬢ᭄ᬧᬦᬓ᭄‌ᬢᬢ᭄ᬮᬸᬧᬥᬮᬦᬸᬲ᭄ᬕᭂᬥᬾᬕ᭄ᬥᬾᬮᬸᬲᬸᬄᬧᬥᬧ᭄ᬭᬡᬫ᭄ᬬᬫᬪᬓ᭄ᬢᬶᬫᬦᬸᬢᬓ᭄ᬭᬵᬦ᭄ᬢᭂᬧᬶᬲᬶᬫᬦᬾᬫᬮᬸᬮᭀᬮᬄᬭᬵᬚᬧᬸᬢ᭄ᬭᬫ
ᬦᬸᬯᬗ᭄ᬰᬵᬧᬶᬦᬸᬚᬶᬢᬸᬲ᭄ᬦᬶᬂᬳᬃᬬ᭄ᬬᬓᬧᬓᬶᬲᬦ᭄‌ᬫᬸᬗ᭄ᬕ᭄ᬯᬶᬂᬓᭀᬝᬵᬓᬥᬶᬭᬶᬓᬲᬸᬩ᭄᭟ᬢᬦᬸᬘᬧᭂᬦᬼᬕᬦᬾᬤᬶᬧᬤᬸᬦᬸᬗᬦ᭄‌ᬲᬸᬓᬓ᭄ᬥᬾ
[᭑᭓ 13A]
ᬓ᭄ᬧᬓ᭄ᬜᬸᬂᬭᬾᬄᬓᬧᬄᬓᬢ᭄ᬧᬸᬓ᭄ᬢᭂᬓᬾᬦ᭄ᬧᬦᬓ᭄ᬦᬾᬤᬶᬚᬯᬶᬲᬕᬾᬢ᭄ᬭᬚᬕ᭄ᬬᬜᬃᬳᬦᬓᬕᬸᬂᬗᬸᬭᬄᬳᬕᬸᬂᬓᬢᬸᬚᬸᬓᬫᬮᬂᬮᬾᬤ᭄ᬥᬂᬭᬯᬸᬄ
ᬦᬶᬜ᭄ᬚᭀᬯᬶᬦ᭄‌ᬯ᭄ᬓᬲ᭄ᬩᬳᬦ᭄ᬜᬸᬓ᭄ᬱ᭄ᬫᬬᬂᬢᬺᬱ᭄ᬡᬮᬾᬤ᭄ᬥᬂᬳᬶᬤᬦᬾᬦᬸᬮᬸᬲ᭄᭟ᬤᬸᬓ᭄ᬭᬶᬂᬢᬗ᭄ᬕᬮ᭄‌ᬤ᭄ᬮᬧᬦᬧ᭄ᬭᬶᬮ᭄ᬗᬚᭂᬕ᭄ᬲᬸᬃᬬ᭄ᬬᬧᬦᬓᬾᬦᬾᬢᬢ᭄ᬮᬸ
ᬩ᭄ᬯᬶᬦ᭄ᬧᬘᬂᬫᬯᬦ᭄ᬢᬸᬦ᭄‌ᬓᬓᭀᬝᬵᬚᭀᬕ᭄ᬚᬦᬕᬭᬶᬤᬶᬢᬸᬫᬧᬗᭂᬦᬦ᭄ᬭᬱᬦ᭄ᬳᬶᬥᭂᬧᬾᬜᬕ᭄ᬮᬸᬮᬸᬄᬧ᭄ᬢᭂᬂᬍᬫᬄᬕᬤᬓ᭄‌ᬢ᭄ᬯᬭᬜᬓ᭄ᬧᬸᬍᬲ
ᬭᬶᬲ᭄‌ᬓᬢᬸᬗ᭄ᬓᬸᬮ᭄ᬦᬸᬫᬧᬗᭂᬦᬦ᭄‌ᬢᬺᬱ᭄ᬡᬩᬡ᭄ᬥᬦᬦᬾᬫᬦ᭄ᬕᬸᬮ᭄᭟ᬤᬸᬓ᭄ᬢᬗ᭄ᬕᬮᬲᬶᬬᬩᬸᬯᬶᬦ᭄ᬢᭀᬫᬩᬸᬓᬓ᭄ᬧᬺᬩᬦ᭄ᬢᬢᬸᬦᬾᬮᬸᬳᬸᬂᬲᬬ [ 14 ][᭑᭓ 13B]
᭑᭓
ᬦ᭄ᬳᬸᬯᬲ᭄‌ᬳ᭄ᬢᬸᬄᬢ᭄ᬯᬭᬩ᭄ᬯᬶᬦ᭄ᬫᬧ᭄ᬭᬩᬦᬶᬦ᭄‌ᬓᬾᬯᬮᬫᬳ᭄ᬮᬧ᭄ᬩᬳᬦ᭄‌ᬍᬗᬶᬲ᭄ᬳᬸᬩᬤ᭄ᬓᬢᬸᬢᬸᬃᬫᬩᭂᬩᭂᬄᬩ᭄ᬥᬓ᭄ᬧᬸᬢᬶᬄᬯ᭄ᬓᬲᬶᬂᬫᬶᬳᬶᬓ᭄‌ᬤᭀ
ᬦ᭄ᬢᭀᬭᬾᬮᬳᬸᬢ᭄ᬗᭀᬭᬳᬂᬫᬦᬶᬫᬭᬤᬤᬶᬫᬚᬸᬚᬸᬓ᭄᭟ᬩᬚᭂᬕ᭄ᬲᬸᬃᬬ᭄ᬬᬢ᭄ᬓᬳᬸᬮᬶᬲᬸᬭᬓᬃᬢ᭄ᬣᬳᬶᬤᬶᬃᬕ᭄ᬖᬵᬚᬓ᭄ᬳᬢ᭄ᬮᬸᬳᬤᬶᬦ᭄ᬜᬦᬾᬫᬶ
ᬮᬸᬳᬶᬕᬫ᭄ᬩᬃᬫᬶᬯᬄᬳᬶᬕᬗ᭄ᬲᬶᬃᬢᬸᬃᬫᬗᬩᬲᬸᬭᬢ᭄ᬓᬦ᭄ᬚᭂᬂᬕᬸᬲ᭄ᬢᬶᬳᬵᬃᬬ᭄ᬬᬧ᭄ᬭᬪᬸᬰ᭄ᬭᬶᬫᬗ᭄ᬓᬸᬦᬕᬭᬲᬳᬳᬤᬧᬓᬶᬭᬶᬫ᭄‌ᬲᬮᭀᬫ᭄ᬧ᭄ᬭᬾ
ᬢ᭄ᬩᬦ᭄ᬓᬓᬸᬦᬶᬗᬦ᭄‌ᬩ᭄ᬭᬾᬤᬾᬧ᭄ᬜᬮᬂᬫᬸᬜᬶᬦᬾᬮᬸᬳᬸᬃ᭟ᬫ᭄ᬮᬄᬳᬗ᭄ᬕᭀᬦ᭄ᬫᬗ᭄ᬭᬫ᭄ᬬᬦᬶᬦ᭄ᬩᬩᬭᬶᬲᬦ᭄ᬧᬤ᭄ᬧᬶᬦ᭄ᬤᭂᬃᬮᬳᬢᬫ᭄ᬩᬸᬃᬘᬭᬲᬸᬭᬤ
[᭑᭔ 14A]
ᬤᬸᬤᬶᬓᬢᬸᬚᬸᬦᬾᬫᬩᬭᬶᬲ᭄‌ᬮ᭄ᬯᬲ᭄ᬓᬤᬾᬰᬤᬾᬰᬗᬮᬯᬸᬢ᭄ᬓᬕᬸᬦᬸᬂᬕᬸᬦᬸᬂᬫᬗ᭄ᬤᬾᬓᬤᬸᬂᬢᬫᬵᬫᬚᬮᬦ᭄ᬲᬳᬶᬲᬳᬶᬫᬦ᭄ᬬᬦ᭄ᬤᬤᬶᬧ
ᬭᬬᭀᬥᬧ᭄ᬥᬲ᭄ᬕᬫ᭄ᬧᬂᬭᬾᬄᬲᬸᬩᬘᬮᬸᬄ᭟ᬩ᭄ᬯᬶᬦᬼᬕᬦᬾᬢᬦ᭄‌ᬲᬶᬧᬶᬫᬗ᭄ᬭᬱᬬᬂᬓᬶᬭᬶᬫᬦ᭄ᬳᬃᬬ᭄ᬬᬧ᭄ᬭᬪᬸᬫᬓᬤᬶᬓᬢ᭄ᬧᬸᬓ᭄ᬢᭂᬓᬾᬦ᭄ᬧ
ᬦᬓ᭄ᬦᬾᬢᬺᬱ᭄ᬡᬳᬶᬦ᭄‌ᬤᬾᬦᬶᬂᬮᬧᬄᬫᬲᬫ᭄ᬩᬸᬳᬦ᭄ᬓᬮᬤᬾᬰᬢ᭄ᬧᬸᬓ᭄‌ᬚᬦᬶᬲ᭄ᬥᭂᬂᬫ᭄ᬮᬄᬓᭂᬜ᭄ᬚᭂᬓᬦ᭄ᬫᬦ᭄ᬧᬓᬦ᭄ᬲᬶᬢᬸᬃᬳᬚᬓ᭄ᬤᬶᬲᬸᬭᬪᬬᬫ
ᬲ᭄ᬬᬓ᭄ᬭᬡ᭄ᬦᬢ᭄ᬯᬄᬫᬓᬢ᭄ᬮᬸᬦ᭄᭟ᬢᬗ᭄ᬕᬮ᭄ᬲᬧᬸᬮᬸᬄᬗᬯᬶᬢᬶᬦ᭄ᬫᬢᬶᬦ᭄ᬤᬓᬦ᭄‌ᬤᬤᬶᬦᬸᬲ᭄ᬭᬬᬂᬲ᭄ᬭᬸᬬᬸᬂᬲᬫ᭄ᬩ?ᬳᬷᬮᬂᬫᬢᬸᬦ᭄ᬢᬸᬦ᭄ᬩᬦ᭄ᬲᬸᬲ᭄ᬢᭂᬃᬦᬾ᭠ [ 15 ][᭑᭔ 14B]
᭑᭔
ᬫᬗᬬᬳᬶᬦ᭄‌ᬓᬕᬫ᭄ᬩᬶᬃᬳᬶᬤᬶᬃᬕ᭄ᬖᬵᬳᬶᬩᬗ᭄ᬲᬶᬂᬫᬶᬮᬸᬫᬢᬸᬮᬸᬂᬜ᭄ᬫᬓᬼᬗᬶᬲ᭄ᬩᬸᬭᬓ᭄‌ᬫᭂᬓᬶᬦ᭄ᬫᭂᬘᬶᬓᬶᬦ᭄ᬩᬢᬶᬲ᭄‌ᬳᬧᬂᬤᬤᬶᬳᬾᬗ᭄ᬕᬮ᭄ᬓᬸᬯᬢ᭄
ᬢ᭄ᬯᬭᬳ᭄ᬦᬸᬩᬸᬓᬗᬭᬸᬫ᭄ᬧᬸᬄ᭟ᬮᬯᬸᬢ᭄ᬭᬤ᭄ᬬᭀᬦᬾᬫᬫᬸᬜᬶᬚᬗᬶᬄᬢᬶᬂᬕ᭄ᬮᬶᬲ᭄‌ᬮᬗᭃᬫᬗᬯᬵᬗᬸᬯᬸᬂᬤᬤᬶᬧᬦᬮᬶᬫᬸᬃᬓ᭄ᬦᭂᬄᬲᬮ᭄ᬯᬶᬃ
ᬦᬾᬦᬸᬲᬓᬶᬢ᭄‌ᬫᬲ᭄ᬓᬸᬂᬤᬶᬓᬫᬃᬳᬤᬳ᭄ᬦᬸᬤᬳᬄᬤᬸᬯᬸᬄᬲᬦᬾᬗᬦ᭄ᬢ᭄ᬬᬂᬫᬦᬓ᭄‌ᬚ᭄ᬭᬢ᭄ᬚ᭄ᬭᬶᬢ᭄ᬫᬗ᭄ᬮᬶᬂᬳᬯᬳᬶᬫ᭄ᬭᬱᬳᬩᬸᬮᬦ᭄ᬫᬓ᭄ᬮᭀᬦᬾᬲ
ᬓᬶᬢ᭄ᬫᬦ᭄ᬤᬸᬯᬸᬄ᭟ᬦᬾᬫᬭᬤᬤ᭄ᬬᬦ᭄ᬳᬕᬶᬕᬶᬲ᭄ᬢᬸᬗ᭄ᬕᬮ᭄ᬲᬜ᭄ᬚᬫᬤᬦ᭄ᬤᬦ᭄ᬕ᭄ᬭᬬᬢ᭄ᬕ᭄ᬭᬸᬬᬸᬢ᭄‌ᬤᬶᬢᬸᬓᬗᬶᬦ᭄ᬓᬯᬸᬄᬩᬸᬮᬦ᭄ᬩᬮᬶᬓ᭄ᬯᬭᬯᬶᬭᬶᬦᬾᬮ᭄ᬬᬸ
[᭑᭕ 15A]
ᬗ᭄ᬮᬄᬧᬦᬓ᭄ᬫᬶᬮᬸᬦᬸᬢᬸᬕ᭄ᬧᬤᬭᬸᬢ᭄ᬤᬸᬢ᭄‌ᬲᬫ᭄ᬩᬶᬮᬫᬘᬦ᭄ᬤᬢᬸᬬᬸᬄᬩᬗᬸᬦᬾᬗᬮᬶᬄᬢᬸᬗ᭄ᬕᬮ᭄ᬧ᭄ᬢᭂᬂᬩ᭄ᬯᬶᬦ᭄ᬫᬢᬸᬮᬓ᭄‌ᬓᬾᬯᬮᬦᬾᬲᬓᬶᬢ᭄ᬦᬸᬤᬶ
ᬢᬸ᭟ᬳᬤᬩ᭄ᬯᬶᬦ᭄ᬜᭀᬜᬄᬳᬩ᭄ᬲᬶᬓ᭄ᬗᬬᬗᬬᬂᬧᬫᬸᬮᬸᬕᬥᬶᬂᬮᬸᬫ᭄ᬮᬸᬫ᭄‌ᬲᭀᬮᬳᬾᬓᬬᬸᬦ᭄ᬳ᭄ᬬᬸᬦ᭄‌ᬫᬳᬶᬭᬶᬩ᭄ᬤᬾᬯᬶᬚᬦᬓᬶᬗ᭄ᬮᬄᬧᬦᬓᭂᬫ᭄ᬩᬃᬫ᭄ᬯ
ᬦᬶᬧᬥᬩᬕᬸ[strike]ᬲ᭄ᬩᬕᬸᬲ᭄‌ᬫᬢᬸᬯᬸᬄᬤ᭄ᬯᬂᬢᭂᬫ᭄ᬯᬂᬦ᭄ᬕᬓᬶᬦ᭄ᬓ᭄ᬭᬾᬢᬘ᭄ᬦᬶ᭠ᬓ᭄‌ᬫᬳᬶᬭᬶᬩ᭄ᬲᬂᬓᬸᬱᬮᬯᬵᬢ᭄ᬯᬄᬓᬤᬤᬾᬦ᭄ᬳᬸᬢ᭄ᬢᬫᬦᬸᬭᬸᬦ᭄᭟
ᬜᬜ᭄ᬚᬬᬂᬦ᭄ᬓᬬᬂᬩ᭄ᬯᬶᬦ᭄ᬲᬃᬯ᭄ᬯᬨᬮᬫᬯᬥᬄᬓ᭄ᬭᬜ᭄ᬚᬂᬳᬮᬸᬲ᭄‌ᬫᬧᬬᬲ᭄ᬫᬢᬸᬭᬸᬢ᭄ᬗᬦ᭄ᬩᬸᬗᬵᬓᬺᬢᬲ᭄ᬗ᭄ᬬᬸᬦ᭄ᬳ᭄ᬬᬸᬦᬶᬦ᭄‌ᬫᬶᬭᬶᬩ᭄ᬲ᭄ᬢᬸᬫ᭄ᬗ᭄ᬭᬕ᭠ [ 16 ][᭑᭕ 15B]
᭑᭕
ᬲ᭄‌ᬓᬓᭂᬦ᭄ᬢᬦᬾᬫ᭄ᬮᬄᬳᬦᬸᬢ᭄‌ᬜᬦ᭄ᬤᬂᬢ᭄ᬯᬄᬓᬶᬭᬶᬫᬦ᭄ᬢ᭄ᬯᬦ᭄ᬤᭂᬮᬃᬦᬾᬲᬸᬕᬶᬄᬧᬾᬮ᭄ᬤᭀᬫ᭄ᬳᬤᬦᬾᬓᬳᬸᬘᬧ᭄‌ᬧᬲᬯᬶᬢ᭄ᬭᬦ᭄ᬲᬶᬄᬳᬸᬮᬶᬂᬫ
ᬮᬸ᭟ᬢᬗ᭄ᬕᬮ᭄ᬢᬶᬕᬩ᭄ᬮᬲ᭄ᬳᬧ᭄ᬭᬶᬮ᭄ᬚᬫ᭄ᬲᭂᬫ᭄ᬩᬶᬮᬦ᭄‌ᬮᬯᬸᬢ᭄ᬫᬲᬮᬫ᭄ᬮᬶᬓᬸᬫ᭄‌ᬢ᭄ᬓᬾᬦ᭄ᬢᭀᬗᭀᬲ᭄ᬩᬩᬸᬢᬾᬦ᭄ᬲᬸᬲ᭄ᬢᭂᬃᬲᬸᬲ᭄ᬢᭂᬃᬫᬓᬤᬶᬗᬸᬘᬧ᭄ᬲ᭄ᬮᬫᭂᬢ᭄ᬢᬶ
ᬗ᭄ᬕᬮ᭄‌ᬤᬤᬶᬫᬲᬯᬂ[strike] ᬧᬶᬗ᭄ᬮᬸᬄᬧᬥᬓᬧᬶᬢᬺᬱ᭄ᬡᬦ᭄‌ᬦᬾᬢᬶᬗ᭄ᬕᬮ᭄ᬫᬦᬶᬗ᭄ᬕᬮᬶᬦ᭄‌ᬢᬦᬸᬘᬧᭂᬦ᭄ᬤᬶᬧᬚᬮᬦ᭄ᬓᬧ᭄ᬭᭀᬕᬵᬮᬦ᭄ᬩᬸᬦ᭄ᬤᭂᬃᬫᬜ᭄ᬚᬸᬚᬸᬃ᭟
ᬤᬶᬢᬸᬫᬭᬵᬮ᭄ᬕᬓ᭄ᬦᭂᬄᬳᬫᬧᬾᬱ᭄ᬝᬮ᭄ᬯᬶᬃᬫᬘᬓᬦᬾᬮᬸᬳᬸᬂᬤᬾᬦᬶᬂᬫᬸᬮᬳᬤᬸᬂᬲᬤ᭄ᬭᬱᬦᬾᬳᬸᬮᬶᬗᬸᬦᬶᬚᬫ᭄ᬳᬦᭂᬫ᭄ᬲᬢ᭄ᬗᬄᬫᬚ
[᭒᭐ 20A]
ᬮᬦ᭄ᬲᬶᬗ᭄ᬕᬄᬫᬜ᭄ᬚᬸᬚᬸᬃᬤ᭄ᬬᬫ᭄ᬳᭂᬦᬃᬬᬫᬩᬂᬫᬳᬤᬦ᭄ᬢᬸᬯᬦ᭄ᬲᭂᬧᬶᬲ᭄‌ᬳᬤᬳᬶᬗᬦᬦ᭄ᬳᬳ᭄ᬚᬫ᭄‌ᬩ᭄ᬯᬶᬦ᭄ᬓᬧ᭄ᬭᬾᬕᭀᬮᬦ᭄ᬫᬯᬦ᭄ᬢᬸᬦ᭄᭟ᬩᬦᬼᬕ
ᬦᬾᬗᬦ᭄ᬢ᭄ᬬᬂᬫᬸᬮᬶᬄᬤᬤᬶᬕᬤᬓ᭄‌ᬫ᭄ᬭᬱᬲᬸᬩᬤᬶᬓ᭄ᬮᬸᬗ᭄ᬓᬸᬂᬩᬋᬂᬧᬦᬓ᭄ᬘᬸᬘᬸᬫᬓᬤᬶᬧᬭᬲᬸᬮᬶᬗ᭄ᬕᬶᬄᬫᬫᬘᬓᬓᬯ᭄ᬬᬦ᭄‌ᬮ᭄ᬕᬵᬧ
ᬓ᭄ᬥᬾᬓ᭄ᬧᬓ᭄ᬜᬸᬂᬓᬦ᭄ᬢᬶᬳ᭄ᬤᬲᬼᬫᬄᬩᬸᬫᬭᬵᬫ᭄ᬩᬳᬦ᭄ᬳᬭᬶᬲ᭄ᬧᬸᬍᬲ᭄ᬳᭂᬗ᭄ᬲᬧ᭄ᬳᬚᬺᬧ᭄ᬚᭂᬧᬦ᭄‌ᬦ᭄ᬤᬶᬗᭂᬄᬫᬸᬜᬶᬦ᭄‌ᬓ᭄ᬥᬶᬲᬾᬮᬸᬳᬸᬂ᭟ᬬᬦ᭄ᬭᬱᬬᬂᬫᬳᬶ
ᬭᬶᬩ᭄ᬳ᭄ᬬᬫᬗᭀᬃᬢ᭄ᬣᬬᬂᬧ᭄ᬭᬡ᭄ᬥᬓᬮᬶᬄᬤᬶᬓ᭄ᬮᬸᬗ᭄ᬓᬸᬂᬓ᭄ᬜᭂᬓᬦ᭄ᬫᬓᬸᬫ᭄ᬧᬸᬮ᭄ᬫᬶᬯᬄᬳᬶᬤᬩᬕᬸᬲ᭄‌ᬳ᭄ᬮᬶᬤ᭄ᬳᬶᬤᬓᬤᬾᬧᬹᬃᬯ᭄ᬯᬧᬥᬫ᭄ᬗᬬᬂᬧᬲᬸᬕᬸᬄ [ 17 ][᭑᭖ 16B]
᭑᭖
ᬲᬦᬾᬲᬃᬯ᭄ᬯᬫ᭄ᬮᬄᬫᬓᬤᬶᬜᬩᬾᬕᬸᬮᬶᬂᬓᭂᬲ᭄ᬬᬩᬗᬸᬦ᭄‌ᬲᬸᬩᬮ᭄ᬫᬄᬓᬧᬸᬧᬸᬗᬦ᭄‌ᬳ᭄ᬦᬸᬫᬓᬶᬤᬸᬂ᭟ᬚᬫ᭄ᬲᭀᬮᬲ᭄ᬓᬓ᭠
ᬮᬶᬳᬲᬶᬦ᭄ᬧᬘᬂᬫ᭄ᬗᬬᬄᬋᬓ᭄ᬦᬶᬗᬾᬧᬫᬸᬧᬸᬢ᭄‌ᬢ᭄ᬯᬄᬲᭂᬫ᭄ᬩᬶᬮᬦ᭄ᬭᬢᬸᬲ᭄ᬭᬸᬧ᭄ᬬᬄᬳᭀᬗ᭄ᬓᭀᬲᬾᬫᬚᬳᬶᬢ᭄‌ᬩ᭄ᬯᬶᬦ᭄ᬧᬜᬾᬯᬦ᭄ᬓᬫᬃᬫᬶ
ᬯᬄᬳᬸᬩᬤ᭄ᬓᬧᬲᬩᬸᬦ᭄‌ᬢ᭄ᬮᬸᬗᬢᬸᬲ᭄ᬭᬸᬧ᭄ᬬᬄᬤᬤᬶᬳᬶᬢᬸᬂᬦᭂᬫ᭄ᬩᬗ᭄ᬲᬶᬢ᭄‌ᬮᬾᬦ᭄ᬲᬗᬸᬫ᭄ᬯᬄᬳᭀᬗ᭄ᬓᭀᬲ᭄ᬓᬨᬮ᭄‌ᬳᬤᬳᬶᬗᬦ᭄ᬩ᭄ᬯᬶ
ᬦ᭄ᬢᭂᬮᬸᬗᬢᬸᬲ᭄᭟ᬦᬄᬳᬧᬚᬵᬩ᭄ᬯᬶᬦ᭄ᬳᬶᬢᬸᬗᬶᬦ᭄ᬲᬸᬩᬧ᭄ᬭᬕᬢ᭄‌ᬓᬤᬸᬂᬓᬢᬸᬤᬸᬄᬗ᭄ᬮᬸᬲ᭄ᬤᬸᬫᬤᬓ᭄ᬭᬳᬬᬸᬓᬲᬸᬮᬪᬦ᭄ᬩᬸᬓ
[᭑᭗ 17A]
ᬚᬦᬶᬚᬯᬦᬶᬂᬮᬬᬂᬧᬶᬧᬶᬲ᭄ᬤᬤᬶᬳᬮᬶᬄᬭᬸᬭᬸᬄᬬᬦ᭄ᬲ᭄ᬕᭂᬭᬾᬫ᭄ᬮᬄᬓᬾᬯᭂᬄᬧᬘᬂᬫᬩᬮᬶᬄᬤᬸᬫᬤᬓ᭄ᬳᬸᬮᬶᬭᬶᬦ᭄ᬤᬾᬯᬲ᭄ᬯᬾᬘ᭄ᬙᬳᬤ
ᬳᬲᬶᬄᬫᬦᬸᬮᬸᬂ᭟ᬚᬫ᭄ᬲᬢᬸᬲᬸᬩᬧᬲ᭄ᬢᬶᬤᬶᬧᬤᬸᬦᬸᬗᬦ᭄‌ᬮᬯᬸᬢ᭄ᬫᬲᬮᬫ᭄ᬮᬶᬓᬸᬫ᭄‌ᬢ᭄ᬓᬾᬭᬥᬾᬦᬬᬸᬫ᭄ᬯᬄᬢ᭄ᬓᬾᬦ᭄ᬳᬃᬬ᭄ᬬᬲᬸᬬᭀᬦᬶ
ᬤᬶᬢᬸᬫ᭄ᬭᬱᬲ᭄ᬭᬦ᭄ᬢᬧᬚᬮᬦᬾᬫᬗᬸᬫᬗᬸᬤᬾᬦᬶᬂᬧᬥᬢᬺᬱ᭄ᬡᬲᬲ᭄ᬫᬶᬢᬦᬾᬲᬶᬮ᭄ᬬᬲᬶᬄᬢᬦᬸᬘᬧᭂᬦ᭄ᬳᬶᬧᬚᬮᬦ᭄‌ᬮᬸᬩᬢ᭄ᬓᭂᬤ᭄ᬤᬶ᭠
ᬓᬨᬮ᭄ᬜᬸᬚᬸᬃ᭟ᬫᬳᬤᬦ᭄ᬓᬨᬮ᭄ᬧᬮᬦ᭄ᬢᬶᬦ᭄‌ᬘ᭄ᬦᬶᬓ᭄ᬮᬜ᭄ᬢᬂᬧᬓᬓᬲ᭄ᬫᬘᭂᬫ᭄ᬩᬭᬸᬲᬶᬂᬳᬶᬯᬲᬶᬦ᭄ᬮᬸᬳᬸᬂᬢ᭄ᬯᬄᬳᬦᬸᬢ᭄ᬧᬥᬦᬶᬭᬸᬓ᭄ᬢᬶᬧᬦ᭄ᬢᭂ᭠ [ 18 ][᭑᭗ 17B]
᭑᭗
ᬲ᭄ᬬᬲᬯᬗᬂᬫᬶᬭᬶᬩ᭄ᬯᬶᬫᬦᬫᬓ᭄ᬩᬸᬃᬳᬸᬮᬶᬍᬗ᭄ᬓᬵᬧᬸᬭᬜᬸᬚᬸᬃᬳᬬᭀᬥ᭄ᬬᬧᬸᬭᬶᬚᬫ᭄ᬮᬶᬫᬮᬯᬸᬢ᭄ᬫᬮᬬᬃᬧ᭄ᬮᬸᬯᬶᬢ᭄ᬜᬦᬾᬗᭂᬫ᭄ᬧ᭄ᬭᬸᬂᬧᬶᬂᬢ᭄ᬮᬸ᭟ᬯᬶ
᭟᭞ᬳᬲᭂᬧᬸᬓ᭄ᬧᭂᬲᬸᬳᬧᬶᬳᬦ᭄ᬤᬸᬲ᭄ᬜᬦᬾᬫᬸᬫ᭄ᬩᬸᬮ᭄‌ᬫᬳᬶᬭᬶᬩ᭄ᬳᭂᬦ᭄ᬢᭂᬕ᭄ᬓᬮᬗᬶᬢ᭄‌ᬲᬸᬢᬾᬚᬳᬤ᭄ᬭᬳᬸᬫᬸᬭᬸᬩ᭄‌ᬕᬮᬂᬫ᭄ᬦᬸᬳᬶᬂᬤᬶᬓ᭄ᬯᬶᬤᬶᬓ᭄‌ᬩ
ᬦ᭄ᬤᬾᬭᬦ᭄ᬜᬦᬾᬢ᭄ᬯᬶᬓᬯᭀᬢ᭄᭞ᬘᬶᬳ᭄ᬦᬦᬶᬂᬢᬡ᭄ᬥᬓᬸᬫ᭄ᬧ᭄ᬦᬶᬫᬸᬮᬢᬸᬭᬸᬢᭂᬮᬸᬯᬃᬡ᭄ᬦᬩᬭᬓ᭄ᬲᭂᬍᬫ᭄ᬧᬸᬢᬶᬄᬢ᭄ᬬᬂᬜᬦᬾᬢ᭄ᬕᭂᬄᬫᬩᬸ
ᬗ᭄ᬕᬸᬮ᭄‌ᬓᭀᬘᬧ᭄ᬢᭀᬗᭀᬲ᭄ᬓᬩᬭᬗᬶᬦ᭄ᬧᬗ᭄ᬭᬜ᭄ᬘᬦᬯ᭄ᬓᬲ᭄ᬓᬢᭀᬂ᭟ᬓᬤᬶᬂᬲ᭄ᬯᬃᬕ᭄ᬕᬮᭀᬓᬲᬓᬮᬳᬦᬸᬭᬸᬦ᭄‌ᬳᬸᬫᬸᬗ᭄ᬕ᭄ᬯᬶᬂ᭠
[᭑᭘ 18A]
ᬩᬦᬯᬶᬤ᭄ᬯᬦᬶᬂᬲᬫᬶᬓᬦ᭄ᬢᭂᬦ᭄ᬭᬫ᭄ᬬᬓᬓᭂᬦ᭄ᬢᬦᬾᬗ᭄ᬭᬯᬶᬢ᭄‌ᬓᬫᬭᬾᬫᬢᬸᬫ᭄ᬧᬂᬢᬸᬫ᭄ᬧᬂᬮᬗᭃᬫᬲᬸᬲᬸᬦ᭄ᬲᬸᬲᬸᬦ᭄ᬧᬓᬓᬲᬾᬫ᭄ᬮᬄᬧᬥᬳ
ᬜᬃᬩ᭄ᬓᬦ᭄ᬢᭂᬦ᭄ᬓᬬᬸᬦ᭄ᬳ᭄ᬬᬸᬦ᭄᭞ᬗᬧᬶᬢ᭄ᬓᭀᬭᬶᬕᬫ᭄ᬩᬃᬫ᭄ᬓᬦᬾᬫᬢᬸᬭᬸᬢ᭄‌ᬧᬓ᭄ᬭᬜᬩ᭄ᬧᬓ᭄ᬭᬶᬦᬶᬂᬍᬫ᭄ᬩᬭᬶᬫᬓᭀᬭᬶᬫ᭄ᬓᬫᬧ᭄ᬭᬥᬫᬸᬓᬶᬃᬫᬧᬧᬢ᭄ᬭ
ᬦ᭄ᬓᬓᭂᬫ᭄ᬩᬗᬦ᭄ᬜᬦ᭄ᬤᬶᬂᬭᬜ᭄ᬚᬂᬧᬸᬢᬶᬄᬳᬮᬸᬲ᭄ᬫᬕᬍᬂᬫᬢᬸᬫ᭄ᬧᬸᬓ᭄‌ᬢ᭄ᬯᬶᬫ᭄ᬭᬶᬓᬭᬹᬫ᭄ᬧᬥᬫᬗᬸᬦ᭄ᬓᬸᬂ᭟ᬧᬚᬮᬦ᭄ᬓᬨᬮᬾᬮᬭᬶᬲ᭄‌ᬩ᭄ᬦᭂᬄᬓ
ᬗᬶᬦ᭄ᬦᬸᬢ᭄ᬧᬦ᭄ᬤᭀᬫᬦ᭄ᬢᬸᬭᬄᬢᬸᬭᬳᬾᬫᬜ᭄ᬚᬂᬧᬥᬬᬢᬶᬗ᭄ᬕᬃᬫᬗ᭄ᬕᬶᬮᬶᬲᬓᬤᬶᬜᬕᬸᬦᬸᬂᬕᬸᬦᬸᬂᬫᬶᬯᬄᬲᬃᬯ᭄ᬯᬓᬬᬸᬓᬬ᭄ᬯᬦ᭄ᬧᬥᬋ [ 19 ][᭑᭘ 18B]
᭑᭘
ᬦᭂᬲ᭄ᬫᬗ᭄ᬭᬯᬶᬢ᭄‌ᬳ᭄ᬮᭀᬫ᭄ᬲᬫᬄᬢᬸᬃᬢ᭄ᬕᭂᬄᬫᬗᬺᬫ᭄ᬩᬸᬦ᭄᭞ᬘᬫᬭᬦᬾᬭᬫ᭄ᬬᬫᬭᬶᬭᬶᬕ᭄‌ᬤᬶᬮᬫ᭄ᬩᬸᬂᬕᬸᬦᬸᬗᬾᬢᬶᬗ᭄ᬮᬃᬩᬩᬃᬳᬗᬶᬦ᭄ᬫᬳᬾ
ᬮᭀᬕᬦ᭄‌ᬮᬗᭃᬫᬸᬜᬶᬦᬾᬗ᭄ᬬᬸᬦ᭄ᬳ᭄ᬬᬸᬦᬶᬦ᭄‌ᬬᬦ᭄ᬧᬃᬡ᭄ᬦᬭᬶᬜ᭄ᬘ᭄ᬬᬂᬤᬶᬓᬶᬤᬸᬂᬫᬶᬭᬶᬩ᭄ᬬᬓᬗᭂᬦ᭄ᬲᭂᬤᬶᬄᬩ᭄ᬓᬸᬢ᭄‌ᬚᬦᬶᬓᬓᬵᬮ
ᬳᬶᬦ᭄ᬫᬫᬗᭂᬦᬂᬓᬨᬮᬾᬫᬓ᭄ᬩᬸᬃ᭟ᬫᬭᬵᬲᬦ᭄ᬤᬾᬓᬮᬤᬤᬶᬲᬬᬦ᭄‌ᬫ᭄ᬮᬄᬲᬵᬬᬦ᭄ᬮᬗᬶᬢᬾᬓᬯᬸᬄᬩᬳᬕ᭄ᬩ᭄ᬯᬶᬦ᭄ᬫᬢᬸᬭᬸᬢ᭄‌ᬢᬸᬃᬫ
ᬲᭀᬭᭀᬢ᭄ᬲᭀᬭᭀᬢ᭄ᬓᬸᬦᬶᬂᬧ᭄ᬭᬘᬶᬳ᭄ᬦᬦᬶᬂᬲᬗ᭄ᬳ᭄ᬬᬂᬲᬹᬃᬬ᭄ᬬᬧᬳᬶᬗᬦᬦ᭄ᬧᬘᬂᬲᬸᬭᬸᬧ᭄‌ᬦᬶᬫ᭄ᬩᬮ᭄ᬲᬂᬳ᭄ᬬᬂᬘᬦ᭄ᬤ᭄ᬭᬫᬭᬵᬦ᭄ᬤᬕ᭄ᬫᬦ᭄ᬤᬤᬭᬶ
[᭑᭙ 19A]
ᬦ᭄‌ᬢᬾᬚᬦᬾᬕᬮᬂᬕᬸᬫᬯᬂᬕᬥᬶᬂᬩᬸᬓᬫᬵᬲᬾᬫᬍᬩᬸᬃ᭞ᬲᬓᬮᬗᭂᬦᬾᬤᬶᬧᬲᬶᬄᬲᬬᬦ᭄‌ᬫ᭄ᬮᬄᬲᬸᬦ᭄ᬤᬭᬶᬦ᭄ᬳ᭄ᬬᬂᬰᬶᬢᬗ᭄ᬰᬸᬫᬶᬯᬄ
ᬕᬸᬦᬸᬂᬕᬸᬦᬸᬂᬫᬳᬤᬦ᭄ᬕᬸᬦᬸᬂᬫᬭᬧᬶᬫᬓᬤᬶᬜᬕᬸᬦᬸᬂᬓᭂᬫ᭄ᬩᬃᬕᬸᬦᬸᬂᬳᬃᬚ᭄ᬚᬸᬡᬲᬶᬓᬯᬸᬄᬫ᭄ᬯᬂᬕᬸᬦᬸᬂᬯᬮᬶᬭᬂᬫᬜᬦ᭄ᬤᬶᬂᬕᬸᬦᬸᬂᬭᬶᬗ᭄ᬕᬶᬓᬮᬶᬄ
ᬕᬸᬦᬸᬂᬧᬦᬶᬗ᭄ᬕᬸᬗᬦ᭄‌ᬧᬮᬶᬂᬢ᭄ᬕᭂᬄᬕᬸᬦᬸᬂᬲᬸᬫᬾᬭᬸ᭟ᬬᬦ᭄ᬭᬱᬭᬱᬬᬂᬤᬶᬳᬢᬶ᭞ᬫᬳᬶᬭᬶᬩ᭄ᬲᬂᬫᬳᬃᬤ᭄ᬥᬶᬓᬯᬶᬓᬸᬲᬶᬤ᭄ᬥ᭄ᬬᬚ᭄ᬜᬦᬧᬸ
ᬢᬸᬲ᭄‌ᬓᬮᬳᬫᬸᬚᬵᬲ᭄ᬢᬸᬢᬶᬫᬗᬶᬲ᭄ᬢᬶᬲᬶᬤ᭄ᬥᬲᬲ᭄ᬯᬢᬲᬂᬫᬦ᭄ᬢᬸᬓᬵᬫ᭄ᬮᬵᬦᬕᬦ᭄ᬢᬸᬦ᭄‌ᬳᬫᬗᬸᬦ᭄ᬳᬃᬱᬦᬶᬂᬘᬶᬢ᭄ᬢᬫᬓᬸᬮᬯᬃᬕ᭄ᬕᬫ [ 20 ][᭑᭙ 19B]
᭑᭙
ᬜᬸᬗ᭄ᬲᬸᬂ᭞ᬩᬸᬓᬭᬕᬮᬂᬓᬗᬶᬦ᭄ᬫᬓ᭄ᬚᬂᬧᬥᬫᬤᬩ᭄ᬤᬩ᭄‌ᬗ᭄ᬭᬓ᭄ᬲᬸᬓ᭄‌ᬲᬃᬯ᭄ᬯᬪᬹᬱᬡᬓᬤᬾᬦᬂᬲᬸᬩᬤᬶᬩᬮᬶᬓᬨᬮᬾᬦᬸᬦ᭄ᬤᬯᬸᬲ᭄ᬩᬸᬓ
ᬳᬗᬶᬦ᭄ᬧᬮᬬᬭᬾᬫᬜ᭄ᬚᬸᬚᬸᬃᬧᬲ᭄ᬯᬦ᭄ᬩᬜᬸᬯᬗᬶᬓᬘᬮᬸᬯᬕ᭄‌ᬳᬶᬥᭂᬧᬾᬗᬤᬸᬳᬸᬂ᭟ᬗᬦ᭄ᬢᬶᬩ᭄ᬯᬶᬦ᭄ᬳᬢ᭄ᬗᬄᬯᬳᬶᬫᬭᬢ᭄ᬓᬤᬶᬧᬩᬾᬬ
ᬦ᭄ᬫᬮᬩᬸᬄᬲᬗ᭄ᬓᬦ᭄‌ᬫ᭄ᬭᬄᬫ᭄ᬭᬸᬄᬧᬥᬧᬲᬮᬾᬂᬕᭀᬜ᭄ᬚᬓᬶᬦ᭄ᬩᬸᬫᬭᬵᬳ᭄ᬚᬫ᭄ᬲᭂᬫ᭄ᬩᬶᬮᬦ᭄ᬓᬨᬮᬾᬫᬭᬫᬩᬶᬮᬸᬓ᭄‌ᬫᬗᬚᬓᬗᬶᬦᬂ
ᬫᬜ᭄ᬚᬸᬚᬸᬃᬚᬕᬢ᭄ᬩᬮᬶᬫᬭᬚᬫ᭄ᬲᬢᬸᬲᬧ᭄ᬭᬧᬢ᭄‌ᬢ᭄ᬓᭂᬤᬶᬧᬩᬾᬬᬦ᭄ᬫᬮᬩᬸᬄ᭞ᬳᬸᬮᬶᬓᬨᬮ᭄‌ᬤᬶᬧᬲᬶᬲᬶᬗᭂᬦᬄᬦᬭᬫ᭄‌ᬩᬸᬗᬄ
[᭒᭐ 20A]
ᬫᬢᬸᬭᬸᬢ᭄ᬢᬸᬭᬸᬢ᭄ᬫᬶᬭᬶᬩ᭄ᬢᬫᬦ᭄ᬲᬦ᭄ᬢᬸᬦ᭄ᬧᬬᬲ᭄ᬦᬾᬢ᭄ᬓᬫᬧᬕᬶᬦ᭄ᬲᬓ᭄ᬱᬡᬲᬸᬩᬫᬦᬧᬓ᭄‌ᬲ᭄ᬢᬸᬫ᭄ᬗᬺᬕᬲᬾᬫᬲᭂᬧᬸᬓ᭄‌ᬢᬸᬃᬭᬧᭂᬢ᭄ᬤᬶᬓᬨᬮ᭄
ᬧᬸᬗ᭄ᬕᬯᬓᭀᬝᬵᬓᬮᬶᬄᬯᬬᬦ᭄ᬢᭂᬢᭂᬲ᭄ᬓᭀᬫᬂᬮᬬᬂᬤᬶᬲ᭄ᬢ᭄ᬭᬶᬓ᭄ᬋᬦ᭄ᬤᬂᬲ᭄ᬥᬳᬦᬕᬸᬂ᭟ᬓᬲ᭄ᬬᬃᬍᬕᬦᬾᬢᬦ᭄ᬲᬶᬧᬶᬫᬭᬢᭂᬧᬸᬓ᭄ᬢᭂᬓᬾᬦ᭄ᬢᬶ
ᬫ᭄ᬧᬮ᭄‌ᬲᭀᬢᬦᬶᬂᬧᬥᬢᬺᬱ᭄ᬡᬵᬳᬲᬶᬄᬧᬥᬲᬶᬮᬶᬳᬲᬶᬄᬤᬤᬶᬜ᭄ᬚᬕ᭄ᬚᬕ᭄ᬲᬮᬶᬂᬕ᭄ᬮᬸᬢ᭄‌ᬧᬃᬡ᭄ᬦᬲᭀᬮᬳᬾᬮ᭄ᬯᬶᬃᬓᬧᬶᬗ᭄ᬮᬸᬄᬫᬳᬶᬭᬶᬩ᭄
ᬰ᭄ᬭᬶᬭᬵᬫᬪᬤ᭄ᬭᬫ᭄ᬯᬂᬩᬭᬢᬲᬮᬶᬗ᭄ᬳᬬᬸᬄ᭞ᬲᬓ᭄ᬱᬡᬢᬸᬳᬸᬦ᭄ᬓᬧᬲᬶᬲᬶᬫᬭᬵᬢ᭄ᬓᬤᬶᬚᬫ᭄ᬩᬢᬦ᭄ᬲᬬᬦ᭄‌ᬢ᭄ᬗᭂᬂᬦᬾᬫᬫᬧᬕ᭄ᬳᬫ᭄ᬢᭂᬦᬃ [ 21 ][᭒᭐ 20B]
᭒᭐
ᬕᬫ᭄ᬮᬵᬦᬕᬭᬷᬧ᭄ᬭᬗ᭄ᬓᭂᬮ᭄ᬧᬸᬗ᭄ᬕᬯᬫᬶᬦᬓᬤᬶᬳᬶᬤᬲᬂᬫᬳᬵᬯᬶᬓᬸᬳᬶᬫᬸᬢᭂᬃᬳᬶᬫᬥᭂᬕ᭄‌ᬜᬕ᭄ᬘᬕ᭄ᬜᬸᬫ᭄ᬩᬄᬩᬋᬂᬳ᭄ᬮᬸᬄᬳ᭄ᬮᬸᬄ᭟ᬲᬬᬦᬼᬕᬦᬾᬢ
ᬦ᭄ᬲᬶᬧᬶᬫᬗ᭄ᬭᬱᬬᬂᬢᬺᬱ᭄ᬡᬦ᭄ᬜᬦᬾᬫᬦᬸᬮᬸᬲ᭄‌ᬢ᭄ᬯᬭᬗᬶᬢᬸᬂᬢᬸᬬᬸᬄᬳ᭄ᬚᭀᬄᬲᬯᬢ᭄ᬫᬫᬧᬕᬶᬦ᭄‌ᬲ᭄ᬯᬃᬕ᭄ᬕᬤᬶᬲᬓᬮᬵᬭᬱᬜᬍᬕᬦ᭄ᬳᬶᬥᭂᬧᬾ
ᬫᬯᬦ᭄ᬢᬸᬦ᭄‌ᬦᬗ᭄ᬳᬶᬂᬕᬕᬜ᭄ᬘᬗᬦ᭄‌ᬭᬾᬄᬲᬸᬩᬲᬤᬲᬶᬗᬶᬢ᭄ᬫᬗ᭄ᬤᬾᬲᬶᬤ᭄ᬥᬳ᭄ᬦᬸᬍᬫᬄᬫᬦᬧᬓ᭄ᬤᬶᬳᬫ᭄ᬮᬵᬦᬕᬦ᭄ᬢᬸᬦ᭄᭞ᬢ᭄ᬓᭂᬤᬾᬤᬶᬓᬶ
ᬦ᭄ᬢᬫᬡᬶᬗᭂᬦᬄᬢᬶᬗ᭄ᬕᬃᬫᭀᬢᭀᬭᬾᬬ᭄ᬬᬸᬫᬦᬸᬢᬸᬕ᭄ᬧᬚᬮᬦᬾᬲᭂᬧᬸᬢ᭄‌ᬢᬸᬢᭂᬭᬾᬢᬶᬢᬶᬃᬫᬯᬗ᭄ᬲᬶᬢ᭄‌ᬤᬾᬦᬶᬂᬫᬃᬕ᭄ᬕᬦᬾᬫᬶᬍᬳ
[᭒᭑ 21A]
᭒᭑
ᬦ᭄ᬲᬗ᭄ᬓᬦ᭄ᬲᬕᬾᬢ᭄ᬗᭂᬦᬄᬲᬭᬸᬮ᭄ᬯᬶᬃᬫᬮᬶᬳᬮᬶᬳᬦ᭄ᬫᬘᬦ᭄ᬤᬲᬮᬶᬗᬮᬶᬄᬢᬦᬸᬘᬧᭂᬦ᭄ᬤᬶᬧᬚᬮᬦ᭄ᬧᬸᬓᬸᬮᬫ᭄ᬧᬢ᭄‌ᬢ᭄ᬓᭂᬤᬶᬓ᭄ᬮᬸᬗ᭄ᬓᬸᬂ᭟ᬢ᭄ᬗᭂᬂ
ᬧᬭᬵᬲᬸᬮᬶᬗ᭄ᬕᬶᬄᬮᬦᬂᬳᬶᬲ᭄ᬢ᭄ᬭᬶᬲᬥᬳᬾᬕᬃᬧᭂᬲᬸᬫᬶᬭᬶᬗᬦ᭄ᬲ᭄ᬕᭂᬳᬦ᭄ᬲᬫᬵᬦᬶᬲ᭄ᬓᬭᬫᬓ᭄ᬢᬶᬲ᭄‌ᬬᬾᬳᬜᬃᬢᬶᬃᬣᬫᬗ᭄ᬮᬸᬓᬢ᭄ᬲᬧᬸᬱ᭄ᬧᬯᬶ
ᬚᬢᬢ᭄ᬩᬸᬲ᭄ᬳᬲᭂᬫ᭄ᬧ᭄ᬭᬕᬢ᭄ᬮᬯᬸᬢ᭄ᬫᬸᬮ᭄ᬬᬦ᭄‌ᬧᬲᬸᬕᬸᬳᬾᬲᬃᬯ᭄ᬯᬮᬸᬳᬸᬂ᭟ᬲᬸᬭᬱᬲᬵᬤ᭄ᬭᬶᬍᬯᬶᬄᬭᬾᬄᬲᬸᬩᬫᬸᬮᬲᬬᬕᬫᬦᬸᬢ᭄ᬩᬸᬓᬤᬶᬧ
ᬗᬶᬧ᭄ᬬᬦ᭄‌ᬫᬓᬤᬶᬧᬥᬡ᭄ᬥᬓᬮᬶᬄᬳᬶᬤᬗᬕᬸᬲ᭄ᬮᬶᬤ᭄ᬫᬤᬸᬮᬸᬃᬩᬋᬂᬳᬶᬤᬓᬦᬾᬧᬹᬃᬯ᭄ᬯᬲᬲ᭄ᬫᬶᬢᬵᬭᬹᬫᬫᬦᬶᬲ᭄‌ᬢᬦᬸᬘᬧᭂᬦ᭄ᬩ᭄ᬯᬶᬦ᭄ [ 22 ][᭒᭑ 21B]
᭒᭑
ᬳᬾᬗ᭄ᬕᬮ᭄ᬫᬯᬦ᭄ᬢᬸᬓ᭄᭟ᬫᬭᬢ᭄ᬓᭂᬤᬶᬲᬗ᭄ᬳ᭄ᬬᬗᬫ᭄ᬩᬸᬫᬗᭂᬦᬄᬗᬫ᭄ᬩ᭄ᬬᬃᬤᬶᬤᬾᬰᬩᬸᬕ᭄ᬩᬸᬕ᭄‌ᬳᬤᬳᬚᬓ᭄ᬲᬶᬬᬸᬩᬭᬶᬲ᭄ᬩᬦ᭄ᬤᬾᬭᬓᬸᬫ᭄ᬧ᭄ᬦᬶ
ᬲᬬᬕᬫᭂᬫ᭄ᬩᬢ᭄ᬗᬯᬶᬢ᭄ᬫᬃᬕ᭄ᬕᬳ᭄ᬕᭀᬗᬾᬭᬫᬾᬧᬲ᭄ᬕᬸᬃᬤᬾᬰᬦᬾᬭᬦ᭄ᬢᬗᬦ᭄‌ᬢ᭄ᬓᬳ᭄ᬮᬸᬄᬫᭀᬯᬦᬶᬗᬩᬘᬦᬂᬫ᭄ᬯᬂᬲᬳᬕᬦ᭄‌ᬳᬶᬬᬾᬳ
ᬜᬃᬫᬶᬯᬄᬲᬲᬬᬸᬢ᭄᭞ᬘᬶᬭᬶᬦᬼᬕᬦᬾᬫᬫᬧᬕᬶᬂᬦ᭄ᬲᬳᬲᭂᬫ᭄ᬩᬄᬓᬤᬾᬰᬧ᭄ᬭᬲᬶᬗ᭄ᬮᬳᬸᬢ᭄ᬫᬲᬶᬄᬓᬾᬢᭀᬧᬢᬸᬄᬬᬤ᭄ᬬᬧᬶᬦ᭄ᬤᬶᬤᬾᬰ
ᬚᬰ᭄ᬭᬶᬢ᭄ᬓᭂᬤᬶᬤᬾᬰᬲᬸᬪᬕᬦ᭄ᬗᬮᬾᬤᬦᬫᬲᬶᬄᬧᬢᬸᬄᬫᬳᬶᬫ᭄ᬩᬸᬄᬢᬋᬩᬂᬭᬸᬤᬢ᭄ᬩᬗ᭄ᬰᬫᬸᬲ᭄ᬮᬶᬫ᭄‌ᬢ᭄ᬓᭂᬤᬶᬓᭀᬣᬵᬦᬕᬭᬲᬬ
[᭒᭒ 22A]
ᬦ᭄ᬮᬶᬬᬸᬗᬦ᭄ᬢᬶᬫᬜᬸᬗ᭄ᬲᬸᬂ᭟ᬭᬸᬤᬢ᭄ᬓᬭᬂᬢᭀᬄᬧᬢᬶᬫᬶᬯᬄᬧᬤ᭄ᬧᬶᬦ᭄ᬤᭂᬃᬲᬸᬪᬕᬦ᭄‌ᬳᬲᬓᬧ᭄ᬭᬲᬶᬧᬸᬭᬶᬳᬕᬸᬂᬫᬧᬶᬢ᭄ᬗᬭᬶᬲ᭄ᬓᬸᬫ᭄ᬧ᭄ᬦᬶᬢᬫ᭄ᬩᬾᬕ
ᬧᬮᬤᬸᬂᬫᬶᬦᬓᬤᬶᬓ᭄ᬩᭀᬦ᭄ᬧᬥᬂᬓ᭄ᬭᬢ᭄ᬢᬲᬸᬤᬕᬦᬾᬢᬦ᭄ᬓᬤᬶᬲᬸᬩᬓ᭄ᬓᭂᬤᬶᬩᬜ᭄ᬘᬶᬗᬄᬮᬶᬬᬸ᭞ᬳᬶᬤᬫᬭᬵᬲᬸᬮᬶᬗ᭄ᬕᬶᬄᬮᬦᬂᬳᬶᬲ᭄ᬢ᭄ᬭᬶᬧ
ᬥᬭᬯᬸᬄᬫᬓᬫᬶᬯᬄᬧᬭᬵᬫᬾᬦᬓ᭄‌ᬗᬫ᭄ᬩ᭄ᬬᬃᬤᬶᬫᬃᬕ᭄ᬕᬦᬾᬢᬶᬢᬶᬩ᭄‌ᬲᬳᬲ᭄ᬫᬶᬢᬫᬦᬶᬲᬭᬸᬫ᭄‌ᬳᬤᬗᬩᬳᬸᬧ᭄ᬓᬭᬵᬗᬶᬭᬶᬂ
ᬲᬂᬕ᭄ᬭᬶᬦᬶᬂᬧᬸᬭᬶᬲᬺᬕᭂᬧ᭄‌ᬗᬩᬩ᭄ᬬᬓᬮᬳᬕᬸᬂ᭟ᬧ᭄ᬭᬕᬢᬼᬕᬦᬾᬢᬦ᭄ᬲᬶᬧᬶᬗ᭄ᬦᭀᬢ᭄ᬧᬦᬓ᭄‌ᬩᬋᬂᬢ᭄ᬓᬦᬶᬂᬘᬸᬘᬸᬫᬭᬾᬭᭀᬤ᭄ᬫ [ 23 ][᭒᭒ 22B]
᭒᭒
ᬧᬸᬦ᭄ᬤᬸᬄᬲ᭄ᬩᭂᬂᬜᬦᬾᬍᬕᬧᬲ᭄ᬢᬶᬓᬮᬶᬄᬲᬦᬾᬲᬸᬩᬤ᭄ᬳᬵᬳᬶᬚᭂᬓ᭄‌ᬫ᭄ᬗᬸᬬᬂᬧᬲᬸᬭᬸᬄᬤᬶᬳᬫ᭄ᬩᬾᬦᬾᬗᬫ᭄ᬧ᭄ᬬᬰ᭄ᬗᬶᬭᬶᬂᬧᬭᬲᬸᬮᬶᬗ᭄ᬕᬶᬄᬤᬶᬦ
ᬢᬳᬾᬳ᭄ᬩᭂᬓ᭄ᬳᬢᬧ᭄‌ᬳᬫ᭄ᬢᭂᬦᬵᬃᬫ᭄ᬯᬂᬲ᭄ᬥᬳᬦᬵᬕᬸᬂ᭞ᬢ᭄ᬯᬦ᭄ᬤᭀᬓ᭄ᬢᭂᬃᬳᭀᬧ᭄ᬲᬾᬢᭂᬃᬓᬮᬶᬄᬧᬥᬗᬚᬓ᭄ᬧᬦᬓ᭄‌ᬫ᭄ᬯᬂᬭᬤᬾᬦᬵᬬᬸᬘᬶᬭᬶᬦ᭄ᬢᬺᬱ᭄ᬡᬵ
ᬦᬸᬮᬸᬲ᭄‌ᬍᬕᬢ᭄ᬓᬫᬫᬧᬕᬶᬦ᭄ᬚᬦᬶᬩᬯᬓᬂᬳᬸᬘᬧᬂᬤᬶᬦᬦᬾᬧ᭄ᬭᬕᬢ᭄ᬫᬗᬧᬸᬲ᭄‌ᬲᭀᬫᬳᭂᬧᭀᬦ᭄ᬲᬶᬦ᭄ᬢᬰᬰᬶᬄᬚ᭄ᬬᬾᬱ᭄ᬝᬦ᭄ᬫᭀᬦᬶᬦ᭄
ᬧᬗ᭄ᬮᭀᬂᬧᬶᬂᬢ᭄ᬮᬸᬇᬰᬓᬲᬶᬬᬩᬗ᭄ᬲᬶᬢ᭄‌ᬦᭂᬫ᭄ᬤᬰᬦᬗ᭄ᬕᬸ᭟᭐᭟ᬩᬸᬫᬭᬲᬸᬳᬸᬤ᭄ᬗᬯᬶᬫᬗ᭄ᬮᬳᬸᬢ᭄ᬫᬗᬶᬤᬸᬂᬕᭂᬦ᭄ᬤᬂᬕᭂᬦ᭄ᬤᬶᬂᬕᬶᬸᬫᬋᬧ᭄ᬓᬗᬶᬦ᭄
[᭒᭓ 23A]
ᬗᬋᬧᬶᬦ᭄ᬢᬮᬕᬵᬗ᭄ᬮᬗᬸᬢ᭄ᬫᬳᬶᬱᬶᬢᬸᬜ᭄ᬚᬸᬂᬓᬸᬦᬶᬂᬫ᭄ᬭᬶᬓ᭄ᬲᬸᬫ᭄ᬓᬭᬫ᭄ᬬᬓᬢᭀᬦ᭄ᬢᭀᬦ᭄᭞ᬚᬢᬶᬫ᭄ᬮᬄᬳᬶᬤᭂᬭᬶᬦ᭄ᬩᬳᬦ᭄ᬢᬫᬦ᭄ᬲᬦ᭄ᬢᬸᬦ᭄‌ᬫᬶᬯᬄᬕᬸ
ᬦᬸᬂᬫᭂᬲᬸᬳᬧᬶᬳᬤᬫᬶᬭᬶᬩ᭄ᬤᬫᬃᬩᬸᬭᬸᬩ᭄‌ᬗᬵᬭᬗᬶᬦ᭄ᬫᬸᬜᬶᬫᬗ᭄ᬭᬶᬦᬶᬂᬮ᭄ᬯᬶᬃᬖᬦ᭄ᬝᬧᬶᬦᬸᬢᭂᬃᬳᬮᭀᬦ᭄᭟ᬤᬶᬢᬸᬳᬭᬶᬧᬹᬃᬡ᭄ᬦᬍᬕᬦᬾᬫᬓᬶ
ᬤᬸᬂᬫ᭄ᬭᬱᬩᬸᬓᬗᬶᬧᬶᬲᬸᬩᬫᬗᬶᬤᭂᬭᬶᬦ᭄ᬚᬕᬢ᭄‌ᬗ᭄ᬮᬶᬯᬢ᭄ᬕᬸᬫᬶᬮᬗᬶᬢ᭄ᬫᬓᬮᬗᭂᬦ᭄ᬫᬩᬬᬗᬦ᭄ᬫᬓᬭᭀᬦ᭄ᬲᬗᬳᬬᬸᬮ᭄ᬯᬶᬄᬦᬾᬫᬸ
ᬮᬵᬜᬦ᭄ᬤᬂᬲᬸᬗ᭄ᬲᬸᬂᬳᬚᬓ᭄ᬫᬦᬸᬗ᭄ᬓᬧ᭄ᬲᬤ᭄ᬬᬸᬄ᭞ᬚᬦᬶᬧ᭄ᬭᬱᬶᬕᬬᬂᬳᬶᬬᬧᬾᬗ᭄ᬕᬮᬸᬯᬸᬂᬲᬶᬬᭂᬧ᭄ᬲᬸᬦ᭄ᬬᬲ᭄ᬧᬶᬮᬯᬸᬢᬸᬳᬸᬦ᭄ᬓᬧ᭄ᬥᭂᬫᬦ᭄‌ᬢᬸᬃ [ 24 ][᭒᭓ 23B]
᭒᭓
ᬫᬓᬜ᭄ᬘᬶᬂᬓᭀᬭᬶᬲᬶᬗ᭄ᬳᬤᬩᬸᬯᬶᬦ᭄‌ᬓ᭄ᬦᭂᬳᬂᬤᬾᬦᬶᬂᬬᬲᬸᬩ᭄ᬩᬕᬧᬸᬓ᭄ᬮ᭄‌ᬩᬋᬂᬲᭀᬫᬄᬧᬦᬓ᭄ᬘᬸᬘᬸᬚᬸᬫᬄᬲᬸᬳᬸᬂᬫᬲ᭄ᬓᬸᬂ᭟᭐᭟
[᭒᭔ 24A]
[empty] [ 25 ][᭒᭔ 24B]
᭒᭔
᭚᭐᭚ᬢᬦ᭄ᬫᭂᬳᬵᬮ᭄ᬕᬦᬾᬦ᭄ᬤᬤᬓ᭄᭞ᬲᬭᬫ᭄ᬩᬳᬦ᭄ᬫᬫᬘᬳᬶᬦ᭄ᬧᬗᬯᬶ᭞ᬢᭂᬫ᭄ᬩᬂᬲᬶᬦᭀᬫ᭄ᬫᬶᬯᬄᬧᬗ᭄ᬓᬸᬃ᭞ᬤᬶᬢ᭄ᬗᬄᬲ᭄ᬫᬭᬦ᭄ᬤᬓᬜᬭᬶ
ᬢᬬᬂᬲᬤᬸᬓᬾᬦ᭄ᬜᭂᬓᬦ᭄ᬲᬶᬫᬸᬄ᭞ᬫᬸᬜᬶᬦᬾᬳᬫ᭄ᬮᬤ᭄ᬧ᭄ᬭᬡ᭞ᬫᬓ᭄ᬚᬂᬫᬗ᭄ᬢᬸᬲ᭄ᬢᬮᬶ᭟ᬤᬤᬶᬢᭀᬂᬫ᭄ᬥᬬᬧᬶᬲᬦ᭄᭞ᬲᬶᬤ᭄ᬥᬩᬜᬗᬭᬶ
ᬜ᭄ᬘᬶᬂᬬᬂᬧᬗᬯᬶ᭞ᬢ᭄ᬯᬄᬫᬸᬮᬲᬓᬶᬂᬧᬶᬢᬸᬤᬸᬄ᭞ᬳᬶᬤᬳ᭄ᬬᬂᬧ᭄ᬭᬫᬲᬹᬓ᭄ᬱ᭄ᬫ᭞ᬗ᭄ᬮᬄᬧᬦᬓ᭄ᬲᬸᬰ᭄ᬭᬸᬱᬪᬓ᭄ᬢᬶᬫᬦᬸᬮᬸᬲ᭄᭞ᬲᬵᬓ᭄ᬱᬢ᭄ᬫᬡᬶᬓ᭄ᬳ
ᬱ᭄ᬝᬕᬶᬦ᭞ᬲ᭄ᬥᭂᬂᬳᬶᬬᬧᬮᬶᬂᬓ᭄ᬮᬶᬄ᭟ᬳᬗ᭄ᬕᭀᬦᬸᬂᬦ᭄ᬩᬸᬗᬦᬶᬂᬳᬺᬥᬬ᭞ᬧ᭄ᬢᭂᬂᬍᬫᬄᬲᬳᬶᬗᬼᬕᬦᬶᬦ᭄ᬳᬢᬶ᭞ᬤᬸᬫᬤᬓ᭄ᬲᬶᬤ᭄ᬥᬫᬦᬸᬮᬸᬲ᭄᭞
[᭒᭕ 25A]
ᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬶᬥᬶᬯᬱ᭞ᬫᬗᬲᬶᬩᬫᬗ᭄ᬤᬾᬬᬤᬶᬃᬕ᭄ᬖᬵᬭᬳᬬᬸ᭞ᬓᬳᬸᬗ᭄ᬕ᭄ᬯᬦᬦ᭄ᬩᬸᬤ᭄ᬥᬶᬧ᭄ᬭᬚ᭄ᬜᬵ᭞ᬕᬸᬭ᭄ᬯᬦᬶᬂᬓᬯᬶᬤᬶᬧᬸᬭᬶ᭟ᬤᬸᬫᬤᬓ᭄
ᬲᬶᬤ᭄ᬥᬩᬳᬜ᭞ᬫᬗ᭄ᬮᬦ᭄ᬢᬸᬭᬂᬫᬗᬶᬫ᭄ᬩᬸᬳᬶᬦ᭄ᬧᬗᬯᬶ᭞ᬲᬢ᭄ᬯᬦᬾᬯ᭄ᬓᬲᬶᬂᬮᬸᬳᬸᬃ᭞ᬲᬲᬸᬩᬦᬾᬫᬦᬧᬓ᭄᭞ᬓᬭᬳᬬ᭄ᬯᬦ᭄ᬢᭂᬓᭂᬤᬶᬳᬫ᭄ᬮᬵ
ᬦᬕᬦ᭄ᬢᬸᬦ᭄᭞ᬧᬂᬳᬤᬳᬗ᭄ᬕᭀᬦ᭄ᬧᬶᬗ᭄ᬢᬦ᭄᭞ᬳᬯᬾᬢ᭄ᬳᬦᬸᬘᬧᬶᬂᬓᬭᬶ᭟᭚᭐᭚ᬲᬓ᭄ᬱᬢ᭄ᬲᬶᬦ᭄ᬯᬫ᭄ᬓᬧᬦᬲᬦ᭄᭞ᬮᬸᬓᬸᬲ᭄ᬢ᭄ᬯ
ᬭᬵᬫᬫ᭄ᬧᬸᬄᬗ᭄ᬭᬶᬘᬶᬓ᭄᭞ᬲᬭᬸᬯᬂᬫᬜ᭄ᬘᬓᬺᬢᬲ᭄᭞ᬢᬶᬦ᭄ᬢᬧᬾᬦ᭄ᬳᬗ᭄ᬕᭀᬦᬸᬮᬸᬗᬶᬦ᭄᭞ᬗᭂᬂᬧᬶᬤᭂᬧᬤᬾᬧᬮᬶᬂ᭞ᬧᭂᬍᬂᬍᬍᬄᬮᭀᬮ᭄ᬬ [ 26 ][᭒᭕ 25B]
᭒᭕
ᬩᬶᬗᬸᬂ᭞ᬩᬸᬗᭂᬂᬫᬸᬯᬸᬄᬤᬸᬳ᭄ᬓᬶᬢᬵ᭞ᬢᬸᬗ᭄ᬓᬸᬮ᭄ᬢᬸᬗ᭄ᬓᬸᬮᬂᬮᬯᬦᬶᬦ᭄᭞ᬦᬸᬫ᭄ᬢᬸᬫ᭄ᬩᬸᬓᬸᬓᬭᬗᬂᬳᬶᬦ᭄ᬤᬳᬶᬦ᭄ᬤᬬᬂ᭟ᬬᬦ᭄ᬩᭂᬦᭂᬄᬓᬧᭀᬩᬦᬩ᭄ᬤᬩ᭄᭞
ᬤᬾᬦᬶᬂᬫᬲᬫ᭄ᬩᬶᬮᬦ᭄ᬲ᭄ᬤᬶᬄ᭞ᬤᭂᬤᭂᬢ᭄ᬭᬶᬫ᭄ᬧᭂᬦ᭄ᬢᬦ᭄ᬧᬳᬶᬗᬦ᭄᭞ᬦᭀᬕᬲᬂᬩᬗᬸᬦ᭄ᬫᬦᬸᬮᬶᬲ᭄᭞ᬮᬶᬗ᭄ᬕᬬᬂᬚ᭄ᬭᭀᬦᬶᬂᬳᬢᬶ᭞ᬢᬦ᭄ᬮ᭄ᬬᬦ᭄ᬳᬶᬤ
ᬲᬂᬓᬲᬸᬳᬸᬦ᭄᭞ᬳᬧᬦ᭄ᬲᬸᬗ᭄ᬓᬦᬾᬗᭂᬦ᭄ᬢᬄ᭞ᬳᭀᬢᭂᬗᬾᬩᭀᬄᬩᭀᬄᬗᬾᬯᭂᬳᬶᬦ᭄᭞ᬫᬘ᭄ᬮᭀᬲ᭄ᬢᬸᬳᬸᬦ᭄‌ᬳᬯᬦᬦ᭄ᬮᬚᬸᬦᬾᬮᬸ
ᬗ᭄ᬳᬵ᭟ᬗᬯᬶᬢ᭄ᬗᬯᬾᬧᬳᬶᬗᭂᬢᬦ᭄᭞ᬤᬶᬦᬦᬾᬲᬄᬲᬓᬶᬂᬧᬸᬭᬶ᭞ᬭᬶᬂᬰᬦᬶᬰ᭄ᬘᬭᬓᬮᬶᬯᭀᬦ᭄᭞ᬯᬭᬦᬶᬂᬯᬬᬂᬭᬶᬂᬢᬶᬢᬶ᭞ᬧ
[᭒᭖ 26A]
ᬗ᭄ᬮᭀᬂᬧᬶᬂᬤᬰᬰᬰᬶᬄ᭞ᬓᬤᬰᬲ᭄ᬥᭂᬓ᭄ᬭᬄᬯᬶᬡ᭄ᬥᬸ᭞ᬢᭂᬗ᭄ᬕᭂᬓ᭄ᬳᭂᬦᭂᬫ᭄ᬇᬰᬓ᭞ᬲ᭄ᬬᬸᬤᭀᬫᬲ᭄ᬦᭂᬫ᭄ᬤᬰᬧᬲ᭄ᬢᬶ᭞ᬢ᭄ᬯᬄᬧᬂᬲᬤ᭄ᬬᬸᬄᬲᬶᬤ᭄ᬥᬭ
ᬳᬃᬚ᭄ᬚᬫᬢᬫ᭄ᬩ᭟ᬩᬦᬾᬫᬓᭀᬩᭂᬢᬶᬦ᭄ᬩᬮ᭄ᬬᬦ᭄᭞ᬮᬸᬮᬸᬄᬧᬶᬢᬸᬗᬦᬾᬲᬶᬫ᭄ᬩᬶᬢ᭄᭞ᬩᭂᬢ᭄ᬩᭂᬢᬦ᭄ᬫᬫᭂᬢ᭄ᬧᭂᬢᬗ᭄ᬓᬄ᭞ᬓᬗᭂᬢ᭄ᬳᬶᬩᬸᬓ᭄ᬢ᭠
ᬦ᭄ᬧᬢᬦ᭄ᬤᬶᬂ᭞ᬓᬳᬯᬢ᭄ᬩᬦ᭄ᬲᬸᬩᬓ᭄ᬢᬶ᭞ᬢᬺᬱ᭄ᬡᬵᬩᬡ᭄ᬥᬦᬫᬗᬶᬧᬸᬲ᭄᭞ᬭᬾᬄᬮᬗᭂᬢ᭄ᬓᬫᬦᬸᬱᬦ᭄᭞ᬗ᭄ᬩᭂᬓ᭄ᬳᬢᬦᬄᬳᬮᬗᬶᬢ᭄᭞ᬲᬶᬬ
ᬦ᭄ᬲᬶᬫᬸᬄᬢ᭄ᬯᬭᬤᬤᬶᬧᬮᬶᬮᬬᬂ᭟ᬓᬦ᭄ᬢᬶᬘᬭᬳᬦᬓ᭄ᬳᬾᬤᬦ᭄᭞ᬲᬶᬂᬲᬶᬂᬚᬮᬦ᭄‌ᬗ᭄ᬓᬸᬢ᭄ᬲ᭄ᬤᬶᬄ᭞ᬩ᭄ᬗᭀᬂᬲᬯᬢ᭄ᬫᬤ᭄ᬓᭂᬲᬦ᭄᭞ᬲ [ 27 ][᭒᭖ 26B]
᭒᭖
ᬫ᭄ᬩᭂᬦ᭄ᬧᬗ᭄ᬭᬱᬦᬾᬧᬮᬶᬂ᭞ᬤᬶᬲᬸᬳᬸᬗᬾᬗᬫᬶᬓ᭄ᬫᬶᬓ᭄᭞ᬗᬭᬾᬫᭀᬦ᭄ᬧᬢᬶᬚᬮᬫᬸᬢ᭄᭞ᬢᬦ᭄ᬲᬄᬫᬲᬲᬫ᭄ᬩᬢᬦ᭄᭞ᬫᬦ᭄ᬤᬸᬮᬫᬾᬲᬶ
ᬳᬶᬂᬯᬶᬥᬶ᭞ᬫᬤᬓ᭄ᬢᬸᬮᬸᬲ᭄‌ᬲ᭄ᬯᬾᬘ᭄ᬙᬗᬶᬘᬾᬦ᭄ᬓᬭᬳᬬ᭄ᬯᬦ᭄᭟ᬬᬦ᭄ᬫᬦᬸᬚᬸᬤᬶᬦᬫ᭄ᬮᬄ᭞ᬮᬸᬯᬲ᭄ᬫᬗᬢᬸᬭᬂᬪᬓ᭄ᬢᬶ᭞ᬩᬶᬮᬂᬧᬸᬭᬵᬧᬜᬸᬗ᭄ᬲᬸ
ᬗᬦ᭄᭞ᬤᬶᬢᬸᬢᭀᬗᭀᬲ᭄ᬫᬗᬲ᭄ᬢᬶᬢᬶ᭞ᬓᬧᬫ᭄ᬭᬚᬦ᭄ᬢᬦ᭄ᬫᬭᬶ᭞ᬩᬦ᭄ᬮᭀᬩᬦ᭄ᬳᬶᬥᭂᬧᬾᬫᬸᬧᬸᬢ᭄᭞ᬩᬮᬶᬲᬄᬳᬮᬄᬳᬶᬗ᭄ᬲᬄ᭞
ᬢᬸᬗ᭄ᬕᬮ᭄ᬳᬤᬫᬗᬩᬭᬶᬦ᭄᭞ᬚᭂᬚᭂᬫ᭄ᬚᬸᬚᬸᬢ᭄‌ᬫ᭄ᬮᬶᬤ᭄ᬜ᭄ᬭᬧᬂᬢᬮᬶᬳ᭄ᬭᬫ᭄᭟ᬩ᭄ᬯᬶᬦ᭄‌ᬬᬦ᭄ᬳᬤᬢ᭄ᬓᬲᬸᬭᬢ᭄᭞ᬭᬋᬫ᭄ᬫᬋᬩᬸᬢ᭄ᬫᬮᬶᬄ
[᭒᭗ 27A]
ᬳᬶᬦ᭄᭞ᬩᬸᬮᬦ᭄ᬩᬮᬶᬓᬦ᭄ᬫᬫᬘ᭞ᬩᬸᬲᬦ᭄ᬩᬸᬲᬦ᭄ᬧᬗ᭄ᬮᬶᬗᬶᬦ᭄᭞ᬜᬫᬢ᭄ᬓᬫ᭄ᬭᬶᬬᬸᬓᬶᬦ᭄᭞ᬧᬚᬼᬗ᭄ᬓᭂᬓ᭄ᬩᬋᬂᬫᬓᬸᬫ᭄ᬧᬸᬮ᭄᭞ᬧᬥᬜᬸᬕ᭄ᬬᬂᬬᬾᬄ
ᬫᬢ᭞ᬲᬸᬗ᭄ᬲᬸᬢ᭄ᬲᭂᬍᬂᬕᭂᬦ᭄ᬢᬶᬓᬲᬶᬳᬶᬦ᭄᭞ᬲᬮᬶᬂᬕᬸᬦ᭄ᬕᬸᬦ᭄ᬕᭂᬲᬶᬢ᭄ᬩᭂᬗᬸᬮ᭄ᬚᬓ᭄ᬫᬓ᭄ᬚᬂ᭟ᬳᬤᬦᬸᬢᬸᬭᬂᬳᬶᬧᬶᬬᬦ᭄᭞ᬳᬤᬦᬕᬶᬄᬫᬲᬲᬗᬶ᭞
ᬳᬤᬜᬗ᭄ᬓᬼᬓ᭄ᬫᬲᬶᬮᬶᬬᬦ᭄᭞ᬳᭂᬍᬓ᭄ᬩᬦᬾᬧᬮᬶᬂᬩ᭄ᬗᭂᬗᬶᬄ᭞ᬜᬶᬗ᭄ᬲᬾᬜᬭᬸᬫᬕ᭄ᬥᬶ᭞ᬧᬦ᭄ᬲᭀᬢᬦᬶᬂᬳᬚᬓ᭄ᬮᬶᬬᬸ᭞ᬧᬥᬫᬤᬸᬤ᭄ᬯᬦ᭄ᬧᭀᬮᬄ
᭞ᬳᬤᬚᬸᬭᬸᬫᬶᬢᬸᬢᬸᬭᬶᬦ᭄᭞ᬲᬂᬚᬵᬕᬸᬕᬸᬫᬲᬶᬄᬳ᭄ᬦᬸᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭟ᬦᬾᬩᬶᬱᬬᬦ᭄ᬫᬦᬸᬗ᭄ᬓᬸᬮᬂ᭞ᬭᬕᬲᬶᬂᬲᬶᬗᬶᬢᬶᬂᬳ [ 28 ][᭒᭗ 27B]
᭒᭗
ᬢᬶ᭞ᬗ᭄ᬳᬶᬂᬮᬶᬬᬸᬦᬦ᭄ᬳᬶᬦᬫᬦᬄ᭞ᬩᬢᭂᬓ᭄ᬫᭀᬫᭀᬦᬾᬳᬸᬮᬸᬭᬶᬦ᭄᭞ᬦᬾᬮᬘᬸᬭᬦ᭄ᬳᬕᬶᬕᬶᬲ᭄᭞ᬫᬧᬸᬜᬩᬦ᭄ᬲᬓᬶᬢ᭄ᬩᬬᬸ᭞ᬫᬘ
ᬭᬂᬧᬢᬶᬭᬱ᭞ᬲᬸᬰ᭄ᬭᬸᬱᬫᬸᬕᭂᬄᬫᬗ᭄ᬮᬶᬮᬶᬢ᭄᭞ᬗ᭄ᬭᬫ᭄ᬩᬂᬲᬸᬯᬸᬂᬫᬃᬡ᭄ᬦᬦᬾᬢᬯᬄᬋᬱᭂᬧᬂ᭟ᬧᬤᬾᬳᬤᬳᬦᬓ᭄ᬳᭀᬮᬲ᭄᭞ᬗ᭄ᬮᬍᬫ᭄ᬧᭂᬃ
ᬲᬫᬗ᭄ᬤᬾᬲᬶᬫ᭄ᬧᬶᬃ᭞ᬩᬶᬮᬶᬄᬲᬶᬗ᭄ᬕᬗᬦ᭄ᬲᬫᬢ᭄ᬭ᭞ᬓ᭄ᬦᭂᬳᬾᬦᬾᬳᬶᬗᬸᬄᬲᬳᬶ᭞ᬳᬶᬗᭂᬢ᭄ᬭᬶᬂᬲᬗ᭄ᬮᬸᬗᬦᬶᬦ᭄᭞ᬤᬶᬓᬾᬢᭀᬦᬾᬢ᭄ᬯᬭᬗ᭄ᬭᬸᬗᬸ
ᬲᬸᬫᬶᬗ᭄ᬓᬶᬦ᭄ᬫᬧᬸᬲᬶᬗᬦ᭄᭞ᬢᬸᬲᬶᬂᬫ᭄ᬭᬱᬗᭂᬜ᭄ᬚᭂᬓ᭄ᬕᬸᬫᬶ᭞ᬍᬫᭂᬢ᭄ᬮᬬᬸᬗᬫᬸᬦ᭄ᬲᭂᬓ᭄ᬲᭂᬓ᭄ᬫᬧᬗ᭄ᬭᬱ᭟ᬲᬮᬶᬫᬸᬃᬩᬦ᭄ᬫᬳᬸᬜᬬᬦ᭄᭞ᬢ᭄ᬓᬾᬦ᭄ᬜᬫ
[᭒᭘ 28A]
ᬲᬮᬶᬂᬗᬮᬶᬄ᭞ᬢ᭄ᬯᬭᬮᬾᬦᬾᬕᬸᬡᬶᬢᬬᬂ᭞ᬧ᭄ᬢᭂᬂᬍᬫᬄᬲᬳᬶᬳᬾᬱ᭄ᬝᬶ᭞ᬯᭀᬂᬢᬳᬾᬦ᭄ᬲᬧ᭄ᬳᬯᬳᬶ᭞ᬫᬗᭂᬦᬂᬲᬂᬦᬳᭂᬦ᭄ᬓᬾᬯᬸᬄ᭞ᬧ
ᬦ᭄ᬫᬓᬧᬦᭂᬫ᭄ᬩᬳᬦ᭄᭞ᬳᬗ᭄ᬕᭀᬦ᭄ᬳᬃᬘ᭄ᬘᬮᬶᬗ᭄ᬕᬫᬡᬶᬓ᭄᭞ᬧᬘᬂᬲᬸᬂᬲᬸᬂᬲᬸᬩ᭄ᬓᭂᬫᬶᬦ᭄ᬳᬚᬓ᭄ᬫᬓ᭄ᬚᬂ᭟ᬲᬢᬢᬗᬼᬕᬦᬶᬦ᭄ᬫᬦᬄ᭞ᬦ᭄ᬤᬤᬫᬵᬲᬳᬸ
ᬭᬳᬭᬶᬄ᭞ᬕ᭄ᬮᬦ᭄ᬢᬶᬗᬦ᭄ᬲᬧᬭᬦ᭄ᬲᬾᬮ᭄ᬯᬦ᭄᭞ᬢᭀᬓ᭄ᬭᬡᬩᬸᬓᬤᬸᬦ᭄ᬤᬸᬦᬶᬦ᭄᭞ᬳᬶᬥᭂᬧᬾᬳᭀᬩᬄᬕᬢᬶ᭞ᬳᬓ᭄ᬥᬧ᭄ᬲᬫ᭄ᬩᭂᬄᬫᬳᬶ
ᬫ᭄ᬩᬸᬄ᭞ᬳᭀᬲᬄᬳᭀᬃᬢ᭄ᬣᬦᬾᬩᬕ᭄ᬩᬕ᭄᭞ᬫᬧᬸᬦ᭄ᬓᭂᬮ᭄ᬲᬮᬶᬂᬕᬸᬬᬗᬶᬦ᭄᭞ᬬᬦ᭄ᬫᬧᬸᬦ᭄ᬤᬸᬄᬢᬦ᭄ᬮ᭄ᬬᬦ᭄ᬳᬗ᭄ᬕᭀᬦ᭄ᬢᬸᬂᬢᬸᬂᬩᬸᬗ᭄ᬓᬄ᭟ᬭᬯᭀ [ 29 ][᭒᭘ 28B]
ᬲᬂᬭᬱᬭᬱᬬᬂ᭞ᬲᬗ᭄ᬓᬦ᭄ᬩᭂᬓᭂᬲ᭄ᬩᬸᬓᬧᬦ᭄ᬢᬶᬂ᭞ᬢ᭄ᬯᬄᬲᬂᬫᬗ᭄ᬕᬵᬧᬦᬶᬓ᭄ᬮᬦ᭄᭞ᬜᬸᬲᬸᬧ᭄ᬫᬸᬗ᭄ᬕ᭄ᬯᬶᬂᬳᬦ᭄ᬢᬧ᭄ᬤᬤᬶ᭞ᬤᬤᬶᬫᬸᬱ᭄ᬝᬶᬓᬾᬗ᭄ᬳᬢᬶ᭞ᬢᬶᬮᬶᬂᬳᬬᬧ᭄ᬳᬸ
ᬬᬸᬳᬸᬬᬸ᭞ᬬᬤᬶᬦ᭄ᬓᬯ᭄ᬓᬲ᭄ᬯᭂᬓᬲ᭄᭞ᬳᬧᬂᬩ᭄ᬯᬶᬦ᭄‌ᬚ᭄ᬯᬓᬯᬭᬶᬄ᭞ᬲᬶᬤ᭄ᬥᬵᬳᬸᬚᬸᬢ᭄‌ᬢᬸᬫᬸᬲ᭄ᬲᬓᬳᬦᬶᬲ᭄ᬓᬮ᭟ᬓᬫᬸᬮᬦᭂᬦ᭄‌ᬤᬺᬥ
ᬳᬕᬸᬂ᭞ᬢᭂᬍᬩ᭄ᬦᬾᬳᬾᬜ᭄ᬘᬧ᭄ᬳᬸᬢᬧ᭄ᬢᬶ᭞ᬢ᭄ᬯᬭᬳᬶᬫᬗᬚᬧᬚᬧ᭄᭞ᬓᬲ᭄ᬬᬲᬶᬄᬫᬫᬶᬦ᭄ᬢᬓᬲᬶᬄ᭞ᬭᬶᬂᬳᬶᬤᬲᬂᬳ᭄ᬬᬂᬯᬶᬥᬶ᭞ᬤᬾᬦᬶᬂᬫ᭄ᬭᬕ
ᬢᬶᬢᬄᬢᬸᬤᬸᬄ᭞ᬦᬸᬤᬸᬳᬂᬲᬸᬓᬤᬸᬳ᭄ᬓ᭞ᬳᬮᬳᬬᬸᬧᬦᬲ᭄ᬳᭂᬢᬶᬲ᭄᭞ᬳᬕᭂᬢ᭄ᬮᬘᬸᬃᬓᬾᬢᭀᬓᭀᬘᬧ᭄‌ᬦᬾᬳᬶᬦᬸᬘᬧ᭄
[᭒᭙ 29A]
᭟ᬦᬾᬲᬥ᭄ᬬᬳᬘᭂᬧ᭄ᬗᬸᬯᬢᬂ᭞ᬦᬾᬧᬢᬸᬢ᭄ᬤᬤᬶᬧᬸᬭᬸᬓᬶᬦ᭄᭞ᬓ᭄ᬫᭂᬢᬂᬬᬦ᭄‌ᬢ᭄ᬯᬄᬓᬲᬶᬤ᭄ᬥᬦ᭄᭞ᬤᬾᬯᬾᬓ᭄ᬳᬚᬶᬦ᭄ᬳᬶᬦᬩᬸᬤ᭄ᬥᬶ᭞ᬤᬸᬮᬸᬭᬶ
ᬦ᭄‌ᬗ᭄ᬭᬓ᭄ᬱᬲᬓᬶᬢ᭄᭞ᬓᬧᬄᬲ᭄ᬕᭂᬃᬜᭂᬫᬾᬦᬸᬕᬸᬃ᭞ᬕᬦ᭄ᬢᬶᬦᬾᬓᬾᬭᬗᬾᬭᬂ᭞ᬫᬢᬸᬗ᭄ᬕᬸᬯᬦ᭄ᬓᬥᬸᬂᬫᬸᬫ᭄ᬩᬶ᭞ᬩᬲ᭄ᬢᬤᬸᬭᬸᬲ᭄ᬫᬡ᭄ᬥᬪᬕ᭄ᬬᬦᬾ
ᬓᬮᬶᬦ᭄ᬢᬂ᭟ᬓᬢᬸᬯᭀᬦ᭄ᬧᬦᬺᬱ᭄ᬝᬶᬦ᭄ᬤᬾᬯ᭞ᬚ᭄ᬦᭂᬂᬫᬮᬸᬓᬸᬭᬂᬓᬶᬃᬢ᭄ᬢᬶ᭞ᬢ᭄ᬯᬄᬓᬫᬸᬮᬦ᭄ᬧᬸᬮᬓᬺᬢ᭞ᬯᭀᬂᬤᬤᬶᬳᬸᬮᬄᬓ᭄ᬮᬶᬤᬶᬦ᭄‌ᬬᬤᬶ
ᬦ᭄ᬓᬢᬸᬦᬦ᭄ᬲᬫᬶ᭞ᬲᬭᬢ᭄ᬓᬢᭂᬢᭂᬳᬦ᭄ᬳᬸᬬᬸᬂ᭞ᬳᬸᬬᬂᬳᬸᬬᬂᬗᬂᬫᬮ᭞ᬫᬍᬢ᭄ᬮᬸᬯᬢ᭄ᬫᬗᬼᬢᭂᬳᬶᬦ᭄᭞ᬳᬧᬦ᭄ᬢᬦ᭄ᬤ᭄ᬭᬸᬄᬲᬗ᭄ᬓᬦ᭄ᬗᬶᬱᬫ [ 30 ][᭒᭙ 29B]
᭒᭙
ᬜᭂᬮ᭄ᬲᭂᬮᬂ᭟ᬩᬬᬵᬰᬸᬪᬵᬰᬸᬪᬵᬓᬃᬫ᭄ᬫ᭞ᬓ᭄ᬭᬡᬳᬓᬾᬦᬾᬓᬘᬢ᭄ᬭᬶ᭞ᬧᭂᬧᭂᬲᬦ᭄ᬫᭂᬦ᭄ᬧᭂᬲ᭄‌ᬬᬾᬄᬫᬢ᭄᭞ᬢᬸᬮᬸᬲ᭄ᬦᬸᬯᬸᬫᬸᬦ᭄ᬢ
ᬕ᭄ᬫᬦ᭄ᬢᬶᬕ᭄᭞ᬢᬗ᭄ᬓᭂᬓ᭄ᬲᬂᬤᬓᬲᬶᬲᬶ᭞ᬲᬲᬶᬤ᭄ᬥᬲᬶᬤ᭄ᬥᬬᬦ᭄ᬮᬶᬧᬸᬃ᭞ᬧ᭄ᬭᬕᬢ᭄ᬳᬫᬸᬂᬫᬓᬸᬡ᭄ᬥ᭞ᬩᬦ᭄ᬳᬫ᭄ᬩᭂᬓ᭄ᬦᬶᬃᬫ᭄ᬫᬮᬳ᭄ᬦᬶᬂ᭞ᬚᬢᬶᬢᬸᬳᬸᬧᬂᬤ
ᬫᬶᬭᬶᬩ᭄ᬓᬲ᭄ᬫᬭᬦ᭄᭟᭐᭟ᬫᬲᬶᬄᬳᬤᬓ᭄ᬦᭂᬄᬦᬸᬮᬶᬲ᭄᭞ᬲᬫ᭄ᬩᬶᬮᬂᬫ᭄ᬥᭂᬫ᭄ᬥᭂᬫᬦ᭄᭞ᬫᬗ᭄ᬤᬾᬦᬾᬤᬵᬩᬲ᭄ᬓᬤᬮᭀᬦ᭄᭞ᬤᬸ
ᬳ᭄ᬓᬶᬢᬦᬾᬓᬢᬦᭂᬳᬦ᭄᭞ᬬᬦ᭄ᬲᬸᬩᬓᬸᬤ᭄ᬥᬂᬤᬶᬦ᭞ᬦᬸᬤᭀᬕᬾᬦᬾᬕ᭄ᬭᬶᬬᬕ᭄ᬭᬶᬬᬸᬕ᭄᭞ᬫ᭄ᬮᬕᬾᬦ᭄ᬤᬄᬦ᭄ᬳᭂᬩᬂᬳᭀᬃᬢ᭄ᬣ᭟ᬭᬫᭂ
[᭓᭐ 30A]
ᬲ᭄ᬧᬲᬮᬶᬗ᭄ᬮᬗ᭄ᬓᬸᬗᬶᬦ᭄᭞ᬩᬸᬯᬶᬦᬾᬘ᭄ᬦᬶᬓ᭄ᬘᭂᬦᬶᬓᬦ᭄᭞ᬲ᭄ᬮᬶᬤ᭄ᬲᬜ᭄ᬚᬭᬾᬭᬤ᭄ᬭᬾᬭᭀᬤ᭄᭞ᬳᬤᬗᬢ᭄ᬬᬢᬶᬕᬧ᭄ᬕᬧᬦ᭄᭞ᬲᬕᬾᬢᬦ᭄ᬤ
ᬤᬶᬘᬭ᭞ᬩᬦ᭄ᬫᬓ᭄ᬮᭀᬦᬾᬢᭀᬦ᭄ᬤᬾᬦ᭄ᬭᬯᬸᬄ᭞ᬓᬧᬶᬗ᭄ᬮᬸᬕ᭄ᬳᬲᬶᬂᬦᬶᬗᭂᬳᬂ᭟ᬲ᭄ᬩᬾᬬᬦ᭄ᬩᬋᬂᬫᬗ᭄ᬮᬶᬂ᭞ᬤᬺᬲ᭄ᬳ᭄ᬬᬾᬄᬫᬢᬦᬾᬫᭂᬫ᭄ᬩᬄ
᭞ᬲᬶᬕ᭄ᬲᬶᬕᭂᬦ᭄ᬚᬮᬾᬫ᭄ᬧᬄᬚ᭄ᬮᬾᬫ᭄ᬧᭀᬄ᭞ᬫᬤᬍᬫᬸᬤᬳᬶᬥᭂᬧᬦ᭄᭞ᬗᬸᬲᬓᬂᬧᬯᬶᬮᬗᬦ᭄᭞ᬩᬦ᭄ᬓᬾᬫᬦᬾᬩᬸᬓᬵᬤᬸᬤᬸᬢ᭄
᭞ᬳᭂᬳᭂᬲ᭄ᬢᭀᬂᬤᬤᬶᬢᬸᬗ᭄ᬓᬲᬂ᭟ᬢᬸᬫ᭄ᬩᬸᬄᬫᬤᬦᬾᬗ᭄ᬭᬓᭂᬳᬶᬦ᭄᭞ᬳᬶᬗᭂᬢ᭄ᬓᬾᬦᬯᬓ᭄ᬲᬗ᭄ᬲᬭ᭞ᬭᬾᬄᬦᬾᬕᬸᬫᬦ᭄ᬢᬶᬗᬫᭀᬂᬫᭀᬂ᭞ [ 31 ][᭓᭐ 30B]
᭓᭐
ᬫᬦᬸᬳᬸᬓᬶᬦ᭄ᬭᬚᬩ᭄ᬭᬡ᭞ᬳᬶᬦ᭄ᬤ᭄ᬭᬶᬬᬦᬶᬂᬓᬲᬸᬓᬦ᭄᭞ᬓᬳᬸᬧᬵᬧᬶᬭᬲᬢᬸᬳᬸᬓ᭄᭞ᬓᬬᬂᬚᬦᬶᬦᬸᬫᬤᬫ᭄ᬤᬫ᭄᭟ᬲᬓᬋᬧ᭄ᬦᬫ᭄ᬢᬫᬶᬓ
ᬧ᭄ᬢᬶ᭞ᬳᬲᬮ᭄ᬦᬾᬫ᭄ᬯᬲᬦᬫ᭄ᬮᬄ᭞ᬓ᭄ᬭᬡᬲᬶᬂᬤᬫᭂᬤ᭄‌ᬗᬫᭀᬮ᭄ᬫᭀᬮ᭄᭞ᬬᬤ᭄ᬬᬧᬶᬦ᭄ᬧᬶᬂᬲᬧ᭄ᬢᬬᬸᬕ᭞ᬦᬸᬫᬶᬢᬶᬲ᭄ᬤᬤᬶᬚᬦ᭄ᬫ᭞ᬫᬗ᭄ᬤᬲᬸᬫᭂ
ᬧᭂᬭᬶᬂᬮᬸᬗ᭄ᬕᬸᬄ᭞ᬮᬸᬗ᭄ᬕᬸᬄᬳᬶᬤᬲᬗ᭄ᬭᬸᬧᬓ᭟ᬓᬢ᭄ᬓᬾᬂᬓᬧᬢᬶᬳᬸᬭᬶᬧ᭄᭞ᬢᬦ᭄ᬫᬋᬦᬾᬭᬤᬦᬬᬂ᭞ᬲᬧᬭᬦ᭄ᬕᭂᬦᬄᬢᬦ᭄ᬲᬯᭀᬲ᭄
ᬧᭂᬭᬶᬂᬮᬸᬗ᭄ᬕᬸᬄ᭞ᬮᬸᬗ᭄ᬕᬸᬄᬳᬶᬤᬲᬗ᭄ᬭᬸᬧᬓ᭟ᬓᬢ᭄ᬓᬾᬂᬓᬧᬢᬶᬳᬸᬭᬶᬧ᭄᭞ᬢᬦ᭄ᬫᬋᬦᬾᬭᬤᬦᬬᬂ᭞ᬲᬧᬭᬵᬦ᭄ᬕᭂᬦᬄᬢᬦ᭄ᬲᬯᭀᬲ᭄
᭞ᬦᬾᬳᭂᬫ᭄ᬩᬦᬶᬦ᭄ᬩᬦ᭄ᬓᬰ᭄ᬭᬸᬱᬦ᭄᭞ᬲᬗ᭄ᬓᬦ᭄ᬢ᭄ᬯᬭᬓᬶᬲ᭄ᬮᬦ᭄᭞ᬲᬢᬸᬗ᭄ᬕᬸᬦ᭄ᬢᬸᬯᬸᬄᬜᬶᬮᬸᬂᬮᬸᬂ᭞ᬮᬶᬗ᭄ᬕᬬᬂᬤᬶᬚ᭄ᬭᭀᬦᬶᬂᬫᬦᬄ᭟ᬦᬾᬓ᭄ᬭᬡ
[᭓᭑ 31A]
ᬳᬮᬄᬢᬫ᭄ᬩᭂᬳᬶᬦ᭄‌᭞ᬢᭂᬕ᭄ᬢᭂᬕᬂᬲᬦ᭄ᬫᬗ᭄ᬬᬬᬸᬯᬦ᭄᭞ᬩᭂᬓ᭄ᬩᭂᬓ᭄ᬲ᭄ᬥᬸᬦᬭᭀᬩᭀᬲ᭄‌ᬧᬫᬸᬜᬶᬳᬶᬗ᭄ᬕᬶᬄᬧᬶᬋᬗᬂ᭞ᬳᬢᬸᬃᬢᬶᬢ᭄ᬬᬗᬾᬜᬯᬂ᭞
ᬭᬶᬂᬳᬶᬤᬲᬗᬫᭂᬮ᭄ᬢᬸᬤᬸᬄ᭞ᬧᬗ᭄ᬯᬗᬶᬦ᭄ᬢᬶᬢ᭄ᬬᬂᬧ᭄ᬬᬃᬱᬬᬂ᭟ᬬᬤᬶᬦ᭄ᬚᬕᬶᬲᬧᬸᬦᬧᬶ᭞ᬢᬶᬢ᭄ᬬᬂᬫᬫᬶᬦ᭄ᬤᬄᬫᬧᬲᬄ᭞ᬳᬶᬭᬶᬓᬶᬓᬸᬢᬵᬂ
ᬲᬸᬯᬾ᭞ᬫᬗ᭄ᬤᬕ᭄ᬮᬶᬲ᭄ᬓᬤᬕᬶᬗᬦ᭄᭞ᬲᬶᬤ᭄ᬥᬫ᭄ᬓᬸᬮ᭄ᬭᬶᬂᬧᬤ᭞ᬧᬸᬦᬶᬓᬢᬦ᭄ᬓᬧᬮᬂᬢ᭄ᬭᬸᬲ᭄᭞ᬢᬦ᭄ᬓᬳᬦᬦ᭄ᬓᬍᬕᭂᬳᬦ᭄᭟ᬭᬶᬂᬳᬶᬤᬪᬝᬵ
ᬭᬯᬶᬥᬶ᭞ᬕ᭄ᬦᬄᬦᬢᬓ᭄ᬫᬧᬶᬦᬸᬦᬲ᭄᭞ᬓ᭄ᬭᬳᬬᭀᬦ᭄ᬳ᭄ᬬᬦ᭄ᬯᬦ᭄ᬢᬄᬤᬤᭀᬲ᭄‌᭞ᬫᬗ᭄ᬤᬫᬗ᭄ᬕᬶᬄᬢᬦ᭄ᬓᬕᬶᬗ᭄ᬕᬂ᭞ᬮᬗ᭄ᬕᭂᬂᬚᬸᬫ᭄ᬦᭂᬗᬶᬂᬧ᭄ᬭᬚ᭞ᬢ [ 32 ][᭓᭑ 31B]
᭓᭑
ᬦ᭄ᬋᬋᬤ᭄ᬓᬤᬶᬦᬾᬲᬵᬫ᭄ᬧᬸᬦ᭄᭞ᬬᬦ᭄ᬢᬦ᭄ᬳᬶᬘ᭄ᬙᬲᬗ᭄ᬳ᭄ᬬᬂᬢᬶᬢᬄ᭟ᬢᬶᬢ᭄ᬬᬂᬫᬧᬶᬢ᭄ᬮᬲᬦ᭄ᬫᬮᬶᬄ᭞ᬮᬲ᭄ᬬᬮᬲ᭄ᬩᬗ᭄ᬕᬬᬂᬧᬶᬲᬦ᭄᭞ᬲᬯᬶᬭᬾᬄ
ᬫ᭄ᬭᬗ᭄ᬓᬸᬂᬓᬮᬭᭀᬦ᭄᭞ᬭᬳᬢ᭄ᬫᬦᬦ᭄ᬤᬗᬶᬦ᭄ᬩ᭄ᬭᬓ᭄ᬢ᭞ᬤᬭᬶᬤ᭄ᬭᬳᬮ᭄ᬨᬕᬸᬡ᭞ᬤᬳᬢᬶᬂᬯᬶᬫᬹᬥᬧᬸᬗ᭄ᬕᬸᬂ᭞ᬢᬦᬶᬮᬫ᭄ᬧᬄᬫᬗ᭄ᬮᬓ᭄ᬱᬡᬵ
᭟ᬓᭀᬮᬸᬕ᭄ᬓᬢᬸᬦᬦ᭄ᬧᬗ᭄ᬭᬢᬶ᭞ᬢᭀᬦ᭄ᬤᬾᬦ᭄ᬩᬶᬱᬫᬜᬯᬶᬢ᭞ᬢ᭄ᬓᬾᬦᬾᬲ᭄ᬥᭂᬂᬲᬾᬯᬓᬾᬦ᭄᭞ᬫᬸᬮᬸᬢ᭄ᬳᬲᬶᬄᬜᬫᬩ᭄ᬭᬬ᭞ᬫᬓ
ᬤᬶᬜᬓᬾᬦ᭄ᬧᬜ᭄ᬚᬓ᭄᭞ᬧᬦ᭄ᬳᬯᬓ᭄ᬢᬢ᭄ᬯᬶᬬᬦ᭄ᬚᬸᬕᬸᬮ᭄᭞ᬮᬫᬸᬦ᭄ᬢᬾᬳᬤᬓᬧᬶᬯ᭄ᬮᬲ᭄᭟ᬲᬗ᭄ᬓᬦ᭄ᬲᬸᬫᬶᬗ᭄ᬓᬶᬦ᭄ᬫᬢᬶᬦ᭄ᬤᬶᬄ᭞ᬤᬸᬳ᭄ᬓᬶ
[᭓᭒ 32A]
ᬢᬦᬾᬫᬳᬵᬤᬭᬵ᭞ᬳᭂᬗ᭄ᬲᭂᬓ᭄ᬳᬾᬗ᭄ᬕᬮᬦ᭄‌ᬗ᭄ᬮᬾᬕᭀᬓᭀ᭞ᬲᭂᬲᭂᬓ᭄ᬲᬸᬫᬩᬶᬂᬳᬺᬥᬬ᭞ᬬᬦ᭄ᬓᬾᬦᬾᬳᬧᬧ᭄ᬯᬭ᭞ᬩᬲ᭄ᬕᭂᬗᬫᭂᬲ᭄ᬯᬾᬦ᭄ᬢᭂᬦ
ᬦ᭄ᬚᬩᬸᬢ᭄᭞ᬓᬸᬤᬸᬳᬶᬥᬸᬧ᭄ᬳᬦ᭄ᬧᬳᭀᬭᬢ᭄᭟ᬭᬾᬄᬢ᭄ᬯᬄᬧᬕᬯᬾᬦᬾᬗᬸᬦᬶ᭞ᬫᬬᬸᬲᬦ᭄ᬫᬺᬢᬬᬂᬳᬯᬓ᭄᭞ᬓ᭄ᬭᬡᬚᬦᬫ᭄ᬧᬶᬚᬦᬶᬢ᭄ᬫᭀ
ᬓ᭄᭞ᬳ᭄ᬜᬾᬦ᭄ᬚᬲᬤ᭄ᬯᬶᬦ᭄ᬓᬦ᭄ᬭᬓᬦ᭄᭞ᬳᬸᬫ᭄ᬩᬂᬳᬫ᭄ᬩᬶᬂᬲᬮᬢᬂ᭞ᬳᬮᬶᬄᬘᬭᬾᬦ᭄ᬳᬫᬸᬳᬫᬸ᭞ᬫᬾᬄᬩᭀᬬᬜᬦ᭄ᬤᬂᬓᬳᬦᬂ᭟ᬲᬢ᭄ᬫᬕ᭄ᬲᭂᬂᬢᬦ᭄ᬧ
ᬳᬧᬶ᭞ᬧᬶᬦᬄᬲᬸᬩᬭᭀᬭᬲ᭄ᬤᬶᬦ᭞ᬦᬤᬓᬂᬳᬤᬢᬮᬶᬧᭀᬦ᭄᭞ᬲ᭄ᬓᭂᬦ᭄ᬳᬸᬮᬶᬲᬸᬭᬩᬬ᭞ᬧᬗ᭄ᬮᬶᬯᭂᬤ᭄ᬲᬳᬲᬸᬭᬢ᭄᭞ᬦ᭄ᬤᬯᬸᬳᬂᬤᬶᬦ [ 33 ][᭓᭒ 32B]
᭓᭒
ᬦᬾᬫᬦ᭄ᬢᬸᬓ᭄᭞ᬳᬸᬢᬸᬲᬦ᭄ᬭᬸᬕ᭄ᬢᬸᬕ᭄ᬧᬸᬗ᭄ᬓᬸᬭᬦ᭄᭟᭐᭟ᬯᬺᬱ᭄ᬧᬢᬶᬯᬕᬾᬤᬶᬦᬦᬜ᭞ᬯᬭᬯᬢᬸᬕᬸᬦᬸᬂᬚ᭄ᬬᬾᬱ᭄ᬝᬦᬶᬂᬰᬰᬶᬄ᭞ᬢᬗ᭄ᬕᬮ᭄
ᬧᬶᬂᬧᬢ᭄ᬩᭂᬮᬲ᭄ᬦᬸᬚᬸ᭞ᬢᭂᬗ᭄ᬕᭂᬓ᭄ᬳᭂᬦᭂᬫ᭄ᬭᬄᬮᬸᬯᬂ᭞ᬇᬰᬓᬜᬲ᭄ᬬᬸᬤᭀᬫᬲ᭄ᬦᭂᬫ᭄ᬤᬰᬘᬸᬓᬸᬧ᭄᭞ᬫᬤᬩ᭄ᬤᬩᬦ᭄ᬗᬦ᭄ᬢ᭄ᬬᬂᬮᬸᬯᬲ᭄᭞ᬓᬲᬶᬗᬭᬵᬚ
ᬫᭂᬦ᭄ᬤᬓᬶᬦ᭄᭟ᬫᬸᬮᬵᬳᬬᬢ᭄ᬗᬫᬦᬶᬬᬂ᭞ᬧᬸᬓᬸᬮᬶᬫᬫᬚᬮᬦ᭄ᬫᬲ᭄ᬫᭂᬗᬶᬦ᭄᭞ᬭᬾᬳᬶᬂᬫᬧ᭄ᬭᬬᬓᬮ᭄ᬭᬯᬸᬄ᭞ᬳᭀᬃᬢ᭄ᬣᬦᬾᬧᬥᬢᬸᬗ᭄ᬓᬲ᭄
᭞ᬩᬢᭂᬓ᭄ᬲᬭᬢ᭄ᬓᭂᬦᭂᬳᬾᬫᬓ᭄ᬚ᭄ᬚᬂᬕᬸᬕᬸ᭞ᬲᬗ᭄ᬓᬦ᭄ᬢ᭄ᬯᬭᬗᬶᬢᬸᬂᬳᬧ᭞ᬩᬦ᭄ᬓᭂᬦ᭄ᬤᭂᬮᬾᬢᬦ᭄ᬲᬶᬦᬶᬧᬶ᭟ᬧᬬᬸᬮᬸᬯᬲ᭄ᬧᬥᬤ᭄ᬯᬬᬦ᭄᭞ᬢᬦ᭄
[᭓᭓ 33A]
ᬧᬂᬚᬓᬦ᭄‌ᬢ᭄ᬯᬭᬤᬸᬫᬩ᭄ᬭᬱᬦᬶᬦ᭄᭞ᬳᭀᬯᭀᬦᬦ᭄‌ᬬᬤ᭄ᬬᬧᬶᬦ᭄ᬢᬸᬬᬸᬄ᭞ᬓ᭄ᬩᬸᬲ᭄ᬩᬳᬂᬤᬶᬚᬮᬦ᭄᭞ᬩᭂᬃᬩᭂᬃᬳᬗᬶᬦ᭄ᬘᬭᬶᬓ᭄ᬫᬲᬶᬄᬲᬶᬂᬚᬗ᭄ᬮᬶ
ᬗᬸ᭞ᬲ᭄ᬧᬸᬓᬦ᭄ᬳᭂᬩᬸᬓᬾᬓ᭄ᬭᬲ᭄᭞ᬕ᭄ᬭᬸᬄᬤᬸᬕᬦ᭄ᬳᭀᬩᬓᬾᬢᬶᬗ᭄ᬕ᭄ᬮᬶᬲ᭄᭟ᬫᬃᬡ᭄ᬦᬫᬶᬭᬶᬩ᭄ᬧᬯᬘᬡ᭞ᬫᬗᬾᬗ᭄ᬕᬮᬂᬲᬗᬫᬾᬕ᭄ᬮᬶᬲ᭄ᬓᬧᬗ᭄ᬕᬶᬄ᭞
ᬧᬂᬤᬵᬮᬢ᭄ᬓᬾᬦ᭄ᬚᬫ᭄ᬲᬧᬸᬮᬸᬄ᭞ᬢ᭄ᬓᭂᬤᬾᬤᬶᬧᬩᬾᬬᬦ᭄᭞ᬲ᭄ᬥᭂᬂᬫ᭄ᬮᬄᬤᬧ᭄ᬢᬂᬤᬶᬢᬸᬚᬓ᭄ᬮᬶᬬᬸ᭞ᬧ᭄ᬭᬕᬯᬾᬳᬫ᭄ᬮᬵᬦᬕᬭ᭞ᬢ᭄ᬯᬭᬢᭂᬗ᭄ᬕᬂᬢ᭄ᬓ
ᬫᬶᬦ᭄ᬤᬶ᭟ᬭᬾᬄᬧᬥᬫᬯᬳᬯᬦᬦ᭄᭞ᬫᬭᬵᬢ᭄ᬓᬧ᭄ᬭᬕᬢ᭄ᬲᬓᬶᬸᬮᬶᬂᬓ᭄ᬮᬶᬗᬸᬲᬶᬦ᭄᭞ᬫᬲᬶᬥᬓᭂᬧ᭄ᬳᬸᬫᬄᬧᭂᬗ᭄ᬓᬸᬂ᭞ᬗᬶᬫ᭄ᬧᬲᬶᬦ᭄ᬤᬤᬳᬸᬳ᭞ [ 34 ][᭓᭓ 33B]
᭓᭓
ᬦ᭄᭞ᬲᬸᬩᬲ᭄ᬧᭂᬂᬳᬗᬶᬂᬫᬲᬶᬄᬧᬥᬧᬢᬸᬢ᭄᭞ᬤᬶᬲᬚᬦᬾᬫᬂᬤᬗᬤ᭄ᬯᬂ᭞ᬲᬗ᭄ᬓᬦ᭄ᬳᬤᬬᬦ᭄ᬫᬗ᭄ᬮᭀᬦᬶᬦ᭄᭟ᬓ᭄ᬦᭂᬳᬾᬍᬩᬶᬬᬦ᭄ᬳᬾᬕᬃ᭞ᬚᬓ᭄ᬫ
ᬓ᭄ᬚᬂᬬᬤᬶᬦ᭄ᬫᬓ᭄ᬮᭀᬯᬦ᭄ᬳᬦ᭄ᬢᬶ᭞ᬧᬸᬗ᭄ᬕᬯᬓᭀᬝᬵᬦᬮᬶᬧᬸᬦ᭄᭞ᬩ᭄ᬘᬢ᭄ᬫᬸᬮᬶᬄᬦᬸᬤ᭄ᬢᬸᬤᬂ᭞ᬓᬾᬦᬾᬚᬸᬫᬄᬦᬾᬩᬶᬦ᭄ᬫᬦᬶᬧᬬᬸᬢ᭄ᬥᬸᬦ᭄᭞ᬧᬸᬓᬸᬮ᭄‌ᬤ᭄ᬮᬧ
ᬦ᭄ᬧᬲ᭄ᬫᭂᬗᬦ᭄᭞ᬧᬥᬳᬾᬜ᭄ᬘᭀᬃᬗᬢᬶᬳᬢᬶ᭟ᬲ᭄ᬥᬳᬦᬵᬕᬸᬂᬓᭀᬫᬂᬮᬬᬂ᭞ᬯᬬᬦ᭄ᬢᭂᬢᭂᬲ᭄ᬭᬦ᭄ᬤᬭᬶᬦ᭄ᬤᬶᬗᬚᬓᬶᬦ᭄᭞ᬓᬢᭀᬓᭀᬭᬾᬄ
ᬲᬸᬩᬢ᭄ᬥᬸᬄ᭞ᬲᬫ᭄ᬩᬶᬮ᭄ᬗᬮᬶᬄᬤᬸᬦᬸᬗᬦ᭄᭞ᬩᬓᬮ᭄ᬢᭀᬗᭀᬲ᭄ᬫᬳᬶᬦᭂᬧᬦ᭄ᬫᬗ᭄ᬤᬾᬮᬸᬳᬸᬂ᭞ᬫ᭄ᬩᬳᬦ᭄ᬤᬶᬳᭀᬢᬾᬮ᭄ᬧᬩᬾᬬᬦ᭄᭞ᬭᭀᬂ
[᭓᭔ 34A]
ᬧᬶᬢᬸᬓᬫᬭᬾᬳᬲᬶᬦ᭄᭟ᬲᭂᬤ᭄ᬬᬲᬳᬫᬧᬓᬓᬲ᭄᭞ᬜᬦ᭄ᬤᬶᬂᬧᭀᬢ᭄ᬫᬾᬚᬵᬓᬹᬃᬱᬶᬤᬾᬳᬮᬶᬫ᭄᭞ᬭᬜ᭄ᬚᬗᬾᬧᬦ᭄ᬢᭂᬲ᭄ᬫᬓ᭄ᬮᬫ᭄ᬩᬸ᭞ᬧᬸ
ᬢᬶᬄᬲᭂᬦ᭄ᬢᬓ᭄ᬫᬗ᭄ᬭᬦᬂ᭞ᬦᬫ᭄ᬧᬶᬂᬫᬓᬫᬃᬫᬦ᭄ᬤᬶᬫᬧᬘᬸᬓᬸᬄ᭞ᬤᬶᬦᬢᬳᬾᬓᭀᬃᬱᬶᬕᭀᬬᬂᬳᬯᬓᬾᬦ᭄ᬕᬓᬶᬦ᭄᭟ᬦ᭄ᬕᬓ᭄ᬤᬶᬢᬸ
ᬫᬭᬲᬜ᭄ᬚ᭞ᬲᬦ᭄ᬤᬾᬓᬮᬧ᭄ᬢᭂᬂᬫ᭄ᬢᭂᬗᬂᬳᬢᬶ᭞ᬫᬓᭂᬲ᭄ᬬᭀᬃᬓ᭄ᬦᭂᬳᬾᬩᬸᬳᬸᬢ᭄᭞ᬲᬓᬶᬢ᭄ᬩᬵᬬᬸᬦᬾᬫᬫ᭄ᬭᬢ᭄᭞ᬫᬃᬡ᭄ᬦᬦᬾᬦᬾᬢ᭄ᬯᬭᬓᬭ᭄ᬯᬦ᭄ᬩ
ᬓᬢᬸᬫ᭄ᬢᬸᬫ᭄᭞ᬲ᭄ᬯᬄᬲᬂᬫᬗ᭄ᬕᬵᬲᬸᬲᬸᬳᬸᬦᬦ᭄᭞ᬬᬾᬦ᭄ᬓᬾᬦ᭄ᬓᬾᬦ᭄ᬓᬧᭀᬤᬶᬫᬃᬕ᭄ᬕᬶ᭟ᬕᬤᬓ᭄ᬳᬶᬥᭂᬧᬾᬗ᭄ᬭᬦᬬᬂ᭞ᬢ᭄ᬯᬭᬧᬸᬍᬲ᭄ᬫᬮᬶᬜ᭄ᬘᬂ᭠ [ 35 ][᭓᭔ 34B]
᭓᭔
ᬧᭂᬲᬸᬫᬸᬮᬶᬄ᭞ᬲᬫ᭄ᬩᬶᬮ᭄ᬫᬩᬮᬶᬄᬦᬾᬮᬶᬬᬸ᭞ᬳᬦᬓᬾᬳᬸᬮᬶᬚᬸᬫᬄ᭞ᬜᬥ᭄ᬬᬫᭂᬦ᭄ᬤᬓ᭄ᬪᬝᬵᬭᬾᬂᬳᬫ᭄ᬮᬵᬦᬕᬦ᭄ᬢᬸᬦ᭄᭞ᬢ᭄ᬯᬭᬢ᭄ᬮᬕ᭄ᬫ
ᬕᬺᬤᭂᬗᬦ᭄᭞ᬭᬫᬾᬢ᭄ᬓᭂᬤ᭄ᬓᬧᬲᬶᬲᬶ᭟ᬗ᭄ᬮᭀᬄᬫᭀᬢᭀᬭᬾᬳᭀᬜᬗᬦ᭄᭞ᬳᬸᬮᬶᬓᬭᬗᬲᭂᬫ᭄ᬫᬯᬦ᭄ᬢᬶᬯᬦ᭄ᬢᬶ᭞ᬢ᭄ᬮᬸᬂᬫᭀ
ᬢᭀᬃᬩᬭᬂᬧ᭄ᬦᬸᬄ᭞ᬮᬾᬦ᭄ᬳᬤᬫᬲᬫ᭄ᬧᬾᬤ᭞ᬳᬢᭂᬧ᭄ᬳᬸᬮᬶᬍᬫᬄᬫᬓᬧ᭄ᬢᭂᬂᬳ᭄ᬦᬸ᭞ᬤᬶᬫᬃᬕ᭄ᬕᬫ᭄ᬭᬾᬭᭀᬤ᭄ᬧᬘ᭄ᬮᬜ᭄ᬘᬦ᭄᭞ᬳᬚᬓ᭄ᬢᬶᬫ᭄ᬧ
ᬮ᭄ᬲᬮᬶᬂᬳᬦ᭄ᬢᬶ᭟ᬧᬶᬦᬄᬧᬸᬓᬸᬮ᭄ᬤᬸᬩ᭄ᬮᬲ᭄᭞ᬢᭀᬦ᭄ᬤᬾᬦ᭄ᬲᬶᬬᭃᬧ᭄ᬗ᭄ᬭᬯᭀᬲ᭄ᬲᬮᬾᬂᬢᬭᬾᬓᬶᬦ᭄᭞ᬫᬕᬸᬩᭂᬲ᭄ᬧᬲᬮᬶᬂᬢᭂᬫ᭄ᬩᬸᬂ᭞ᬗ
[᭓᭕ 35A]
ᬤᬸᬗᬂᬲᬧ᭄ᬭᬶᬓᬦ᭄ᬤ᭞ᬩᬦ᭄ᬧᬶᬤᬩ᭄ᬤᬩ᭄ᬧᬫᭂᬦ᭄ᬤᬓ᭄ᬲᬂᬯᬯᬸᬭᬯᬸᬄ᭞ᬫᬶᬦᬓᬤᬶᬦᬾᬧᬫ᭄ᬓᬲ᭄᭞ᬳᬦᬓᬕᬸᬂᬕ᭄ᬥᬾᬭᬳᬶ᭟ᬢᬸᬜ᭄ᬘ᭄ᬭᬸᬳᬶᬚᭂᬓ᭄ᬫ
ᬢᬶᬦ᭄ᬤᬓᬦ᭄᭞ᬓᬳᬶᬭᬶᬂᬩᬦ᭄ᬳᭀᬓᬳᬮᬶᬢ᭄ᬓᬓᬮᬶᬄ᭞ᬘᬶᬳ᭄ᬦᬦᬶᬂᬓᬮᬶᬦ᭄ᬢᬂᬘᬸᬘᬸᬤ᭄᭞ᬯ᭄ᬓᬲ᭄ᬩᬳᬦ᭄ᬜᬸᬓ᭄ᬱ᭄ᬫᬬᬂ᭞ᬚᬓ᭄ᬫᬓ᭄ᬚᬂᬦᬾᬩᬋᬂᬦᭀᬗᭀ᭠
ᬲᬶᬦ᭄ᬤᬶᬢᬸ᭞ᬜᬓ᭄ᬫᬭᬸᬫ᭄ᬧ᭄ᬬᬸᬓ᭄ᬗᬮᬂᬩᬸᬮᬦ᭄᭞ᬤᬶᬲᬶᬲᬶᬦ᭄ᬫᬃᬕ᭄ᬕᬦᬾᬗ᭄ᬢᬶᬲ᭄᭟ᬚᬦᬶᬲᬸᬩᬧᬸᬓᬸᬮ᭄ᬢᬶᬕ᭞ᬕᬦ᭄ᬢᬲ᭄ᬫᬘ᭄ᬮᬸᬧ᭄‌ᬫᬸᬮ᭄ᬬᬦ᭄ᬫᬓᬜ᭄ᬘᬶᬂᬓᬸ
ᬭᬶ᭞ᬫᬲᬶᬄᬩ᭄ᬮᬲᬓ᭄ᬢ᭄ᬯᬭᬲᬸᬳᬸᬤ᭄᭞ᬕᭂᬩ᭄ᬬᬕᭂᬩ᭄ᬬᬸᬕ᭄ᬚᬸᬫᬳᬦ᭄᭞ᬧᬤᬶᬤᬶᬬᬦ᭄ᬗᭂᬦ᭄ᬤᬸᬲᬶᬦ᭄ᬩᬬᬸᬦᬾᬗ᭄ᬭᬸᬩᬸᬢ᭄᭞ᬢᭀᬤ᭄ᬢᭀᬤ᭄ᬓᭂᬜ᭄ᬚᭂᬓ [ 36 ][᭓᭕ 35B]
᭓᭕
ᬦ᭄‌ᬫ᭄ᬩ᭄ᬬᬧᬭ᭞ᬩᬶᬂᬩᬂᬮ᭄ᬕᬯ᭄ᬢᬸᬲ᭄ᬤᬶᬄ᭟ᬲ᭄ᬥᬶᬄᬧᬶᬦᬳᬦ᭄ᬤᬦᬼᬫᬄ᭞ᬫᬸᬜᬶᬦ᭄ᬓᭂᬤᬶᬲ᭄ᬘᬭᬸᬓ᭄ᬘᬸᬓᬾᬗᬸᬘᬘᬶ᭞ᬢᬶᬢᬶᬭᬦ᭄ᬢᬶᬢᬶᬃᬗᬢᭂᬗ᭄ᬓᬸᬂ᭞ᬚᬗᬶᬄ
ᬦᬶᬫ᭄ᬩᬮ᭄ᬓᬢᬶᬫ᭄ᬩᬮ᭄᭞ᬩᬦ᭄ᬳᬶᬓ᭄ᬥᬶᬲ᭄ᬓᬸᬓᬸᬃᬮᬗᭃᬘ᭄ᬓᬃᬘ᭄ᬓᬸᬃ᭞ᬲᬲᬧᬶᬦᬾᬲ᭄ᬭᬩ᭄ᬗᬶᬫ᭄ᬩᬂ᭞ᬢᬥᬳᬲᬶᬳᬾᬫᬗᭂᬫ᭄ᬓᬶᬓ᭄᭟ᬳ᭄ᬚᭀᬄᬤᬶᬤᬸᬳᬸᬃᬗᬫ᭄ᬩᬭ
᭞ᬬᬦ᭄ᬧᬯᬗᬂᬫᬳᬶᬭᬶᬩ᭄ᬫᬶᬮᬸᬲ᭄ᬤᬶᬄ᭞ᬫ᭄ᬩᬾᬮᬦᬶᬦ᭄ᬩᬦᬾᬫ᭄ᬭᬄᬫ᭄ᬭᬸᬄ᭞ᬓᬲ᭄ᬬᬲᬶᬄᬳᬫ᭄ᬮᬲ᭄ᬳᬃᬱ᭞ᬲᬯᬢ᭄ᬳᬮᭀᬦ᭄ᬩᬧᬂᬓᬾᬦ᭄ᬳᬶᬢᬸᬳᬸᬢᬸᬳᬸ᭟
ᬗᬮᬤᬮᬦ᭄ᬫᬗ᭄ᬮᬤ᭄ᬧ᭄ᬭᬡ᭞ᬫᬗᭂᬦᬂᬦᬾᬓᬧ᭄ᬭᬶᬬᬢᬶᬦ᭄᭟ᬘᬸᬮᬶᬓ᭄ᬘᬸᬮᬶᬓᬾᬫᬗᭂᬗ᭄ᬓᬓ᭄᭞ᬓᬧᬄᬓᬧᬄᬗᭂᬮ᭄ᬕᭂᬮ᭄ᬫᬗᬮᬶᬓᬮᬶᬓ᭄᭞
[᭓᭖ 36A]
ᬓ᭄ᬮᬶᬘᬸᬗᬦ᭄ᬢᬗ᭄ᬮᬸᬲ᭄ᬫᬓᬶᬤᬸᬂ᭞ᬓᬧᬶᬯ᭄ᬮᬲᬦᬸᬗ᭄ᬓᬸᬮᬂ᭞ᬳᬮᬄᬳᬭᬤ᭄ᬳᬶᬘᬗᬓ᭄ᬲ᭄ᬭᬓᬯᬸᬓᬯᬸᬓ᭄᭞ᬩᬮ᭄ᬓᭀᬓᬾᬗᬺᬫ᭄ᬧᬸᬬᬸᬓᬂ᭞ᬓᬗᭂᬦ᭄ᬫᬤᬍ
ᬫ᭄ᬦᬾᬓᬶᬗ᭄ᬓᬶᬂ᭟ᬓᬾᬓᬾᬭᬾᬗᬾᬓᬾᬃᬜᬗ᭄ᬓ᭄ᬭᬶᬫᬂ᭞ᬓ᭄ᬯᬃᬓ᭄ᬯᬾᬃᬍᬓᬼᬓ᭄ᬳᬶᬓ᭄ᬮᬶᬓ᭄ᬮᬶᬓ᭄᭞ᬗ᭄ᬮᬓ᭄ᬩᬢᬶᬳᬢᬶᬚᬯᬸᬄ᭞ᬯᬶᬭᬾᬄᬫ᭄ᬩᬲ᭄ᬩᬲᬂᬍᬫᬄ᭞ᬓᬧᬸᬧᬸᬗᬦ᭄ᬳᬶᬸ
ᬬᬸᬢ᭄ᬳᬶᬓᬸᬕ᭄ᬓᬸᬕᬦ᭄ᬗᬸᬬᬸᬢ᭄᭞ᬓᬺᬓ᭄ᬯᬓᬾᬗᬓᬓ᭄ᬗᭂᬤᬾᬓᬂ᭞ᬕᭀᬯᬓᬾᬗᬸᬮ᭄ᬕᬸᬮ᭄ᬫᬗᬶᬓ᭄ᬕᬶᬓ᭄᭟᭐᭟ᬫᬭᬫᬳᬦ᭄ᬜ᭄ᬭᬧ᭄ᬚᭂᬧ᭄ᬤᬰᬫ᭄ᬦᬶᬢ᭄᭞᭠
ᬳᭂᬦ᭄ᬢᭂᬦ᭄ᬗ᭄ᬭᬫᬂ᭞ᬗ᭄ᬳᬶᬂᬦᬸᬤᬶᬧ᭄ᬥᭂᬫᬦ᭄᭞ᬩᬦ᭄ᬫᭂᬂᬧᭂᬂᬤᬬᬸᬄᬓ᭄ᬱᭂᬳᬾ᭞ᬕᬺᬳᬾᬫᬦ᭄ᬤ᭄ᬭᬗ᭄ᬭᬭᬦ᭄ᬢᬸᬦ᭄᭞ᬫᬶᬭᬶᬩ᭄ᬫᬸᬜᬶᬳᬤᬾᬂᬦᬸᬦ᭄ᬢᬸᬦᬶᬦ᭄᭞ᬦᬮᬶ [ 37 ][᭓᭖ 36B]
᭓᭖
ᬓᬦ᭄ᬧᬸᬓᬸᬮᬫ᭄ᬧᬢ᭄᭞ᬲᬶᬬᬧ᭄ᬫᬓᬓ᭄ᬭᬸᬬᬸᬓ᭄᭞ᬢᬝᬶᬢᬾᬗᬶᬜ᭄ᬘᬂᬫᬘᬦ᭄ᬤ᭞ᬫᬲ᭄ᬮᬶᬯᭂᬭᬦ᭄᭞ᬓ᭄ᬢᬾᬮᬦ᭄ᬤᬫᬸᬳᬾᬗ᭄ᬭᬶᬢᬶᬲ᭄᭞ᬢᬸᬮᬾᬦ᭄ᬳ᭄ᬬᬾᬄᬫ
ᬯᬢᬜᬧ᭄ᬘᬧ᭄᭟ᬢᬢᬲ᭄‌ᬍᬫᬄᬫᬭᬩᬳᬓᬗᬶᬦ᭄᭞ᬫᬲᬸᬯᬭᬦ᭄᭞ᬕᬮᬗᬾᬫᬓᭂᬲ᭄ᬬᬃ᭞ᬲᬶᬲᬸᬩᬸᬓᬓ᭄ᬚᬦ᭄ᬤᬾᬮᬦᬾ᭞ᬮᬯᬸᬢ᭄ᬫᬕᬾ
ᬩ᭄ᬭᬲ᭄ᬫᬦ᭄ᬤᬸᬲ᭄᭞ᬫᬦᬸᬦ᭄ᬤᬾᬦᬂᬜᬮᬦᬂᬫᬢ᭄ᬮᬶᬓ᭄᭞ᬧ᭄ᬭᬥᬗᬶᬦ᭄ᬧᬤᬮᬾᬫ᭄ᬧᬲ᭄᭞ᬩᭀᬬᬳᬶᬦᬾᬮᬶᬬᬸ᭞ᬫᬸᬳᬸᬓ᭄ᬗᬫ᭄ᬩᬸᬮ᭄‌ᬫᬸᬭᬂᬫᬸᬭᬂ᭞
ᬓᬧᬲᭀᬯᬦ᭄᭞ᬲᬸᬳᬸᬂᬢ᭄ᬓᭂᬤᬶᬧᬲᬶᬲᬶ᭞ᬲᬶᬂᬳᬤᬗᭂᬦᬄᬓᬨᬮ᭄᭟ᬫᬬᬸᬭᬸᬫ᭄ᬩᬂᬫᬗᬸᬗᬯᬲ᭄ᬧᬲᬶᬄ᭞ᬲᬕᬾᬢ᭄ᬳᬢᬧ᭄᭞ᬤᬶᬩ᭄ᬬᬲᬾᬗᬫ᭄ᬩ᭄ᬬᬃ
[᭓᭗ 37A]
᭞ᬲᬓᬜ᭄ᬘᬦ᭄ᬮ᭄ᬬᬸᬦ᭄ᬧᬫᭂᬡ᭄ᬥᬓᬾ᭞ᬕᬸᬫᬦᬗᬦ᭄ᬢᬶᬤᬶᬢᬸ᭞ᬩᬦᬾᬲ᭄ᬭᬦ᭄ᬢᬧᬶᬦᬄᬢ᭄ᬗᬳᬶ᭞ᬯᬢᬭᬵᬚᬫ᭄ᬲᬩ᭄ᬮᬲ᭄‌ᬫᬲᬶᬄᬢᭀᬦ᭄ᬤᬾᬦ᭄ᬭᬯᬸᬄ
᭞ᬢ᭄ᬯᬭᬳᬤᬗᬦ᭄ᬭᬭᬯᬢ᭄᭞ᬫᬢ᭄ᬭᬫᬢ᭄ᬭ᭞ᬓ᭄ᬭᬡᬫᬧᬦᭂᬕᬦ᭄ᬲ᭄ᬤᬶᬄ᭞ᬫᬃᬫ᭄ᬫᬫᬗᬳᬾᬲᭀᬕ᭄ᬲᬕ᭄᭟ᬫᬤᭂᬳᭂᬧᬦ᭄‌ᬓ᭄ᬦᭂᬳᬾᬫᬫᬹᬃᬢ᭄ᬢᬶ᭞
ᬦᬾᬧ᭄ᬭᬧᬜ᭄ᬘ᭞ᬢ᭄ᬯᬭᬦᬯᬂᬚ᭄ᬗᬄ᭞ᬓᬾᬢᭀᬚᬢ᭄ᬩᭂᬂᬳᬦᬓᭀᬗᭂᬫ᭄ᬩᭂᬂᬬᬾᬄᬫᬢᬦᭂᬫᬸᬲ᭄᭞ᬗ᭄ᬭᬾᬘᬾᬓ᭄ᬢᬸᬲᬶᬂᬤᬤᬶᬢᬗ᭄ᬓᭂᬗᬶᬦ᭄᭞ᬚᬕ᭄ᬗ᭄ᬭᬾᬩᬾᬲ᭄
ᬧᬢᬫ᭄ᬩᬸᬯᬲ᭄᭞ᬓᬓᬸᬤᬸᬂᬩᭂᬮᬸᬲ᭄ᬓᬸᬘᬸᬢ᭄᭞ᬳᬗ᭄ᬕᭀᬦ᭄ᬜᬤ᭄ᬲᬤᬶᬦ᭄ᬳ᭄ᬬᬾᬄᬫᬣᬵᬢᬦ᭄ᬧᬫ᭄ᬧᭂᬢᬦ᭄᭞ᬓᬤᬾᬦᬂᬲᬶᬂᬧᬬᬸᬚᬦᬶ᭞ᬲᬗ᭄ᬓ [ 38 ][᭓᭗ 37B]
᭓᭗
ᬦ᭄‌ᬩ᭄ᬯᬶᬦ᭄ᬫᬧᬗ᭄ᬲᭂᬕᬦ᭄᭟ᬤᬤᬶᬫᭂᬦ᭄ᬢᬶᬓᬓᭂᬜ᭄ᬘᬦᬾᬧᬮᬶᬂ᭞ᬧᬧᬓ᭄ᬧᬃᬡ᭄ᬦᬵ᭞ᬫᬸᬮᬩᬶᬸᬧᬶᬸᬗ᭄ᬲᬃᬗᭂᬦᭂᬳᬵᬂ᭞ᬬᬾᬦ᭄ᬓᬾᬦ᭄ᬓᬾᬦ᭄‌ᬢᭀᬲᭂᬗ᭄ᬓ
ᬮᬦᬾ᭞ᬤᬾᬫᬓ᭄ᬭᬡᬦᬾᬩᬸᬳᬸᬂ᭞ᬢ᭄ᬯᬄᬧᬗ᭄ᬭᬩ᭄ᬥᬦ᭄ᬳᬶᬥᭂᬧᬾᬦᬶᬧ᭄ᬤᬶᬧ᭄᭞ᬗᬢ᭄ᬕᬢ᭄ᬳᬚᬓ᭄ᬫᬓ᭄ᬚᬂ᭞ᬢ᭄ᬯᬭᬵᬗᬶᬢᬸᬂᬓ᭄ᬩᬸᬲ᭄᭞ᬤᬶᬚᬫ᭄ᬩᬢᬦᬾ
ᬫᬧᬤᬃ᭞ᬩᭂᬦ᭄ᬤᬾᬂᬧᬦᬲ᭄᭞ᬓᬧᬶᬦ᭄ᬫᬧᬲᬄᬢᬳ᭄ᬦᬶᬦ᭄᭞ᬩᬦ᭄ᬧᬶᬲᬭᬢᬾᬯ᭄ᬓᬲ᭄᭟ᬬᬤᬶᬦ᭄ᬧ᭄ᬮᬸᬄᬧᬶᬤᬶᬢᭀᬗ᭄ᬭᬱᬦᬶᬦ᭄᭞ᬦᬾ
ᬓ᭄ᬜᬶᬳᬦ᭄᭞ᬗᬮᬶᬄᬧᬳᬬᬸᬩᬦ᭄᭞ᬫᬾᬫ᭄ᬩᭀᬦ᭄ᬤᬶᬩᬢᬦ᭄ᬯᬭᬸᬦᬾ᭞ᬳᬤᬦᬾᬓᬺᬂᬫᬚᭂᬫᬸᬄ᭞ᬫᬗ᭄ᬕᬶᬄᬓᭀᬤᬕ᭄‌ᬬᬤ᭄ᬬᬧᬶᬦᬼ
[᭓᭘ 38A]
ᬘᬶᬂ᭞ᬩᬢᭂᬓ᭄ᬩᬦ᭄ᬗ᭄ᬭᬢᬾᬮᬶᬯᬢ᭄᭞ᬲᬸᬩᬓ᭄ᬢᬶᬫᬦᬸᬮᬸᬲ᭄᭞ᬲᬸᬫᬸᬬᬸᬕ᭄ᬳᬳᬸᬩ᭄ᬫᬓ᭄ᬚᬂ᭞ᬫᬓᬤᬶᬜ᭞ᬯᬢᭂᬓ᭄ᬧᬸᬗ᭄ᬕᬯᬓᬺᬢ᭄ᬢᬵᬳ᭄ᬮᬶᬤ᭄᭞ᬧ᭄ᬭ
ᬩ᭄ᬓᭂᬮ᭄‌ᬫ᭄ᬯᬄᬧᬗ᭄ᬮᬸᬭᬄ᭟ᬲ᭄ᬥᬳᬦᬵᬕᬸᬂᬓᬜ᭄ᬘᬚᬸᬭᬸᬳᬸᬮᬶᬲ᭄᭞ᬭᬥᬾᬦ᭄ᬚᬓ᭄ᬱ᭞ᬳᭀᬮᬲ᭄ᬫᬗᭀᬭᬳᬂ᭞ᬘᬸᬫ᭄ᬓᭂᬦ᭄ᬢᭂᬓᬾᬦ᭄ᬓᬨᬮᬾ
᭞ᬫᬶᬱ᭄ᬝᬶᬚᬦᬶᬚᬫ᭄ᬲᬢᬸ᭞ᬧᬘᬂᬫ᭄ᬮᬩᬸᬄᬫᬘᬂᬘᬂ᭞ᬓ᭄ᬭᬡᬵᬗ᭄ᬮᬄᬲᬳ᭄ᬲᬳᬦ᭄᭞ᬓ᭄ᬦᭂᬳᬾᬦᬾᬳᬶᬩᬸᬓ᭄᭞ᬓᬾᬯᬮᬲᬫᬸᬦ᭄ᬫᬗᭂ
ᬦᬂ᭞ᬩᬦᬾᬓᬤᬢ᭄᭞ᬢᬦ᭄ᬫᭂᬳᬵᬢ᭄ᬓᬗᬲᬶᬃᬲᬶᬃ᭞ᬳᬗᬶᬦ᭄ᬳᬭᬶᬲᬤ᭄ᬭᬦ᭟ᬫᬢᬸᬚᬸᬯᬂᬳᬤᬗᭂᬦᬄᬧᬸᬢᬶᬄ᭞ᬦᬗ᭄ᬳᬶᬂᬲᬯᬢ᭄᭞᭠ [ 39 ][᭓᭘ 38B]
᭓᭘
ᬳ᭄ᬦᬸᬲᬭᬸᬲᬫᬃ᭞ᬳᬯᭀᬃᬢ᭄ᬓᬾᬦ᭄ᬳᬓᬰᬦᬾ᭞ᬩᬸᬫᬭᬵᬲᬢ᭄ᬗᬄᬲᬢᬸ᭞ᬲᬬᬦ᭄ᬲᬶᬦᬄᬩᬓᬢ᭄ᬮᬶᬬᬢᬶᬦ᭄᭞ᬢ᭄ᬭᬂᬯᬮᬸᬬᬓᬨᬮ᭄᭞ᬗᭂᬤᬸ
ᬲ᭄ᬳᬦ᭄ᬤᬸᬲ᭄ᬫᬸᬫ᭄ᬩᬸᬮ᭄᭞ᬩᬦ᭄ᬤᬾᬭᬦᬾᬓ᭄ᬮᬧ᭄ᬓᭂᬮᬧ᭄᭞ᬲᬬᬦ᭄ᬗᬶᬚᬲ᭄᭞ᬧᬃᬡ᭄ᬦᬩᬋᬂᬫᬗᬸᬮᬧᬶᬦ᭄᭞ᬗᬕᬾᬬᬂᬲᬂᬫᬫᭂᬦ᭄ᬤᬓ᭄᭟ᬚᬓ᭄ᬫᬓ᭄ᬚᬂᬧᬥ
ᬕᬶᬭᬂᬕᬢᬶ᭞ᬦᬸᬫᬤᬓᬂ᭞ᬧᬂᬫᬗ᭄ᬤᬾᬦᬾᬲᬚ᭞ᬳ᭄ᬦᬾᬫ᭄ᬮᬶᬗ᭄ᬕᬶᬳᬶᬦ᭄ᬓᬨᬮᬾ᭞ᬧᬂᬤᬲᬸᬩᬮᬦ᭄ᬕᬸᬧᬸᬄ᭞ᬫᬮᬄᬜᬕᭂᬃᬲᬕᬾᬢ᭄ᬩᬶᬦ᭄ᬢᭀᬲᬶᬂ
᭞ᬩᬦᬾᬳᬶᬗᬶᬓᬘ᭄ᬮᬸᬯᬕ᭄᭞ᬕᬾᬯᬃᬫ᭄ᬮᬳᬶᬩ᭄ᬮᬩᬸᬄ᭞ᬫᬩ᭄ᬘᬢ᭄ᬲᬧᬦ᭄ᬓᬫ᭄ᬕᬦ᭄᭞ᬦᬸᬫᭂᬤᬲᬂ᭞ᬢ᭄ᬯᬄᬳᬤᬚᬳᭂᬲᭂᬄᬫᬶᬭᬶᬩ᭄᭞ᬘᬶᬭᬶ
[᭓᭙ 39A]
ᬳ᭄ᬮᬾᬦ᭄ᬳᬗ᭄ᬲᭂᬗᬦ᭄᭟ᬲᬬᬦ᭄ᬧᬳᭂᬓ᭄ᬳᬧᬫ᭄ᬥᬶᬮ᭄᭞ᬫᬸᬮᬂᬫᬗ᭄ᬕᬃ᭞ᬲᬸᬗᬸᬗᭂᬫ᭄ᬩᭀᬓ᭄ᬭᬸᬭ᭞ᬗ᭄ᬯᬗ᭄ᬲᬶᬢᬶᬦ᭄‌ᬲ᭄ᬢᬸᬫ᭄ᬗᬺᬕᬲᬾ᭞ᬦ᭄ᬤᬯᬸᬲ᭄ᬫᬮᬬᬃᬜ
ᬧᬸᬢ᭄᭞ᬲᬕᬾᬢ᭄ᬕᬗ᭄ᬲᬃᬩ᭄ᬯᬶᬦ᭄ᬫᬯᬮᬶ᭞ᬦᬦ᭄ᬤᭂᬘ᭄ᬦᬶᬜ᭄ᬘᬧ᭄ᬚᬫ᭄ᬩᬢᬦ᭄᭞ᬧᬳᬶᬗᬦᬦ᭄ᬢᭂᬥᬸᬦ᭄᭞ᬜᬕ᭄ᬚᬕ᭄ᬩᬦᬼᬕᬦᬾᬧ᭄ᬭᬕᬢ᭄᭞ᬓᬫᭂᬫᭂᬕᬦ᭄᭞
ᬦ᭄ᬤᭂᬲᭂᬓ᭄ᬜᬸᬫ᭄ᬩᬄᬫᭂᬦ᭄ᬤᭂᬧ᭄ᬤᬤᬶ᭞ᬫᬢᬸᬃᬩᬳᬦ᭄ᬳ᭄ᬬᬾᬄᬫᬢ᭟ᬲᬮᬶᬂᬧ᭄ᬮᬸᬓ᭄ᬗᬸᬦ᭄ᬢᬸᬓ᭄ᬫᭂᬕᭂᬂᬳ᭄ᬮᬶᬂ᭞ᬗ᭄ᬮᬾᬦᬂᬫᬢ᭞ᬫᬤᬕ᭄ᬮᬗᬶᬦ᭄ᬢᬗᬦ᭄᭞ᬓᭂᬦ᭄ᬤᭂᬮ᭄ᬓᬗᭂᬦ᭄ᬯᬸᬕ᭄
ᬓ᭄ᬦᭂᬳᬾ᭞ᬳᬾᬗ᭄ᬕᬮ᭄ᬳᬦᬓᬾᬮᬶᬬᬸ᭞ᬗ᭄ᬳᭂᬂᬦᬾᬤᬤᬶᬘᬋᬫ᭄‌ᬗᬪᬓ᭄ᬢᬵ᭞ᬜᭂᬫ᭄ᬓᬸᬗᬸᬮᬳᬂᬜ᭄ᬫᬓ᭄᭞ᬘᭀᬓᭀᬃᬮᬯᬸᬢ᭄ᬩᭂᬓᬸᬮ᭄᭞ᬲᬸᬩᬧ [ 40 ][᭓᭙ 39B]
᭓᭙
ᬥᬓᬢᬭᬶᬫ᭞ᬚᬓ᭄ᬫᬓ᭄ᬚᬂ᭞ᬳᭀᬃᬫ᭄ᬫᬢᬦ᭄ᬲᬂᬓᬳᭀᬃᬫ᭄ᬫᬢᬶᬦ᭄᭞ᬧᬕᭂᬄᬲᬦ᭄ᬢᭀᬱᬥᬃᬫ᭄ᬫ᭟᭐᭟ᬗ᭄ᬮᬯᬸᬢ᭄ᬫᬸᬗ᭄ᬕᬄᬓᬫᭀᬢᭀ
ᬭᬾᬯᬸᬲᬬᬕ᭞ᬳᬚᬓ᭄ᬮᬮᬶᬫᬗᬶᬭᬶᬂ᭞ᬢᬸᬢᬶᬂᬜᬸᬧᬶᬭᬂ᭞ᬗ᭄ᬮᬦ᭄ᬢᬲ᭄ᬢ᭄ᬭᬸᬲ᭄ᬫᬫᬃᬕ᭄ᬕ᭞ᬧ᭄ᬮᬓᭀᬦᬾᬜᬶᬢ᭄ᬫᬫᬸᬜᬶ᭞ᬲᬦ᭄ᬢᭂᬃᬗ᭄ᬯᬗ᭄ᬲᬶᬢᬂ᭞ᬘᬶ
ᬭᬶᬦ᭄ᬦᬸᬮ᭄ᬬᬸᬤᬶᬤᬸᬭᬶ᭟ᬲᬮᬶᬂᬢᬶᬫ᭄ᬩᬮ᭄ᬫᬕ᭄ᬦᭂᬧ᭄ᬳᭂᬩᬾᬮᬾᬗ᭄ᬭᬓ᭄᭞ᬫ᭄ᬮᬄᬬᬦᬶᬂᬧᬩᬮᬶᬄ᭞ᬫᬢᬸᬢᬸᬕ᭄ᬢᬸᬢᬸᬕᬦ᭄᭞ᬫᬳᬶᬭᬶᬩ᭄ᬯᬬᬂᬕ
ᬫ᭄ᬩᬃ᭞ᬯᬢᭂᬓ᭄ᬯᬕᬦᬦᬾᬗᬶᬭᬶᬂ᭞ᬭᬾᬄᬳᬧᬶᬲᬦᬦ᭄ᬫᬩ᭄ᬭᬶᬬᬸᬓ᭄ᬗᭂᬢᬸᬢ᭄ᬳᬸᬭᬶ᭟ᬲᬬᬦ᭄ᬬᬸᬗ᭄ᬓᬵᬫᬗᭂᬦ᭄ᬢᬲᬶᬦ᭄ᬕᬸᬦᬸᬂᬳᬮᬲ᭄᭞ᬫᬜᬾ
[᭔᭐ 40A]
ᬲᬾᬄᬢ᭄ᬭᬚᬾᬂᬳᬶᬤᬶᬂ᭞ᬧᬗ᭄ᬓᬸᬂᬗᬺᬲ᭄ᬗᬮ᭄ᬯ᭞ᬘᭂᬧᬸᬂᬧ᭄ᬗᬸᬂᬤᬸᬃᬕ᭄ᬕᬫ᭞ᬢᬸᬳᬸ᭠ᬦ᭄ᬫᭂᬦᬾᬓ᭄ᬗ᭄ᬭᬕᬄᬢᬗ᭄ᬓᬶᬤ᭄᭞ᬧᬶᬦ᭄ᬤᬮᬶᬓᬤᬦ᭄ᬦᬸᬫ᭄ᬧᭂᬮ᭄ᬭᬾᬫᬾᬓ᭄ᬬᬢ᭄ᬦ
ᬳᬶᬦ᭄᭟ᬲᬤᬲ᭄ᬭᬶᬧᬶᬢ᭄‌ᬲᬶᬮᬓ᭄ᬲᬶᬮᬸᬓ᭄ᬜᬭᭀᬤ᭄ᬲᭀᬤᬂ᭞ᬤᬶᬢᬸᬲᬮᬶᬂᬳᬶᬯᬲᬶᬦ᭄᭞ᬫᬾᬄᬗᭂᬦᬄᬫᬓ᭄ᬚᬂ᭞ᬫᭀᬢᭀᬭᬾᬦᬾᬤᬶᬤᬸᬭ᭄ᬬ
ᬦ᭄᭞ᬦᬾᬤᬶᬫᬮ᭄ᬯᬦ᭄ᬢᭀᬮᬄᬢᬸᬮᬶᬄ᭞ᬲᬫ᭄ᬩᬶᬮ᭄ᬗᬯᬲᬂᬲᬓ᭄ᬮᬗᭂᬦᬾᬢᭂᬧᬸᬓᬶᬦ᭄᭟ᬗᭂᬦᬄᬢᬶᬗ᭄ᬕᬃᬧᬮᬲᬮᬲᬦᬾᬕᬶᬫ᭄ᬩᬃ᭞ᬢ᭄ᬕ
ᬮ᭄ᬢᭂᬕᬮ᭄ᬳᬭᬤᬶᬦ᭄᭞ᬫᬶᬯᬄᬧᬲᬯᬳᬦ᭄᭞ᬧᬕᬕᬦ᭄ᬓᬸᬩ᭄ᬯᬦ᭄ᬓᬸᬩ᭄ᬯᬦ᭄᭞ᬋᬦᭂᬲ᭄ᬳᬢᬸᬩ᭄ᬫᬗ᭄ᬬᬸᬦ᭄ᬳ᭄ᬬᬸᬦᬶᬦ᭄᭞ᬮᬾᬦ᭄ᬓᬬᬸᬓᬬ᭄ᬯᬦ᭄ᬫᬧ [ 41 ][᭔᭐ 40B]
᭔᭐
ᬦ᭄ᬢᬳᬍᬧ᭄ᬳᬰ᭄ᬭᬶ᭟ᬲ᭄ᬮᬾᬬᬕ᭄‌ᬲ᭄ᬮᬾᬬᭀᬕ᭄ᬓᬩᬩᬃᬩᬳᬦ᭄ᬧᬯᬦ᭞ᬘᬫᬭᬦᬾᬫᬗ᭄ᬭᬶᬗ᭄ᬲᬶᬂ᭞ᬲ᭄ᬬᬾᬓ᭄ᬲ᭄ᬬᭀᬓ᭄ᬩᬦ᭄ᬩᬦ᭄᭞ᬧᬧᬲ᭄ᬳᬳᬶᬫ
ᬮᬯᬢ᭄᭞ᬫᬲᬯᬂᬯᬬᬂᬤᬶᬓ᭄ᬮᬶᬃ᭞ᬲᬫᬄᬫᬚᬚᬃᬧᬲᬶᬳᬾ᭠ᬳᬮᬄᬤᬫ᭄ᬧᬶᬂ᭟ᬳᬭᬄᬳᬭᬄᬧᬲᬶᬲᬶᬦ᭄‌ᬩ᭄ᬮᬾᬬᬾᬗᬾᬢᬶ
ᬗ᭄ᬕᬃᬗᬸᬗᬂ᭞ᬢᭀᬗᭀᬲᬾᬦᬾᬳᬶᬢᬸᬦᬶ᭞ᬓᬨᬮ᭄ᬦᬸᬫᬘᬂᬘᬂ᭞ᬧ᭄ᬭᬯᬸᬲᬫ᭄ᬧᬦ᭄ᬫᬩᬜ᭄ᬚᬄ᭞ᬫᬸᬂᬫᬸᬂᬬᬦ᭄ᬋᬜ᭄ᬘᬦᬫᬶᬭᬶᬩ᭄᭞
ᬦᬕᬶᬄᬳᬦ᭄ᬢᭀᬲᬂᬲ᭄ᬥᬶᬄᬩᬦᬾᬓᬮᬳᬶᬦ᭄᭟ᬓᭂᬫ᭄ᬩᬂᬓᬧᬲ᭄ᬩᬸᬬᬃᬤᬶᬢ᭄ᬗᬄᬧᬓ᭄ᬭᬜᬄ᭞ᬋᬱᬶᬫᬗᭂᬫ᭄ᬧᬸᬃᬧᬸᬢᬶᬄ᭞ᬳᭀᬫ᭄ᬩ᭠
[᭔᭑ 41A]
ᬓ᭄ᬫᬕᬸᬮᬸᬗᬦ᭄᭞ᬲᬸᬦ᭄ᬤᬭᬶᬦ᭄ᬢᬾᬚᬦ᭄ᬲᬸᬃᬬ᭄ᬬ᭞ᬫᬮᬸᬮᬸᬦᬦ᭄ᬢᭂᬫ᭄ᬧᬸᬳᬗᬶᬦ᭄᭞ᬩᬋᬢ᭄ᬫᬶᬬᬓᬂᬫᬵᬫ᭄ᬩᬸᬩᬸᬦᬾᬦᬯ᭄ᬗᬶᬦ᭄᭟ᬲᬳᬦ᭄ᬤᭂ
ᬤᭂᬄᬤᬶᬫᬃᬕᬦᬾᬲᬸᬩᬳᬦ᭄ᬢᬃ᭞ᬳᬯᬦ᭄ᬚᬕᬢᬾᬤᬶᬗᬶᬦ᭄᭞ᬮᬶᬫᬸᬢᬾᬗᬾᬦ᭄ᬤᬾᬧᬂ᭞ᬕᬸᬍᬫ᭄ᬜᭂᬫ᭄ᬧᬼᬂᬫᬭᬯᬢ᭄᭞ᬳᬸᬚᬦ᭄ᬭᬶᬭᬶᬲᬾ
ᬗᬭᬶᬧᬶᬲ᭄᭞ᬗᬢᬕ᭄ᬲᬮᬕᬕᬸᬭᬸᬄᬕᬸᬫᬸᬭᬸᬄᬢᬶᬗ᭄ᬕ᭄ᬮᬶᬲ᭄᭟ᬕᭂᬕᭂᬳᭂᬕᭂᬃᬓᬲᬧᬸᬢᬦ᭄ᬮᬫᬤ᭄ᬮᬫᬤ᭄᭞ᬫᬓ᭄ᬫᬸᬮ᭄ᬓᭂᬫᬸᬮ᭄ᬧᬸᬢᬶᬚ᭄᭞᭠
ᬢᬶᬧᬶᬲ᭄ᬧᬤ᭄ᬮᬤᬢ᭄᭞ᬫᬢ᭄ᬭᬂᬫᬲ᭄ᬫᬸᬩᬳᬕ᭄᭞ᬩᬦᬾᬲᬸᬩᬗᬦ᭄ᬢ᭄ᬬᬂᬮᬶᬗ᭄ᬲᬶᬃ᭞ᬲᬬᬦ᭄ᬜᬶᬦᬳᬂᬢ᭄ᬓᭂᬤᬶᬓᬶᬦ᭄ᬚᬫᬡᬶ᭟ᬓᭂᬲᬶᬃᬓᭂ [ 42 ][᭔᭑ 41B]
᭔᭑
ᬲᬶᬃᬳᬗᬶᬦᬾᬳᬭᬶᬲ᭄ᬗᬫ᭄ᬧᭂᬳᬂ᭞ᬳ᭄ᬩᭀᬦ᭄ᬩᬸᬗ᭄ᬳᬵᬦᬾᬫᬶᬳᬶᬓ᭄᭞ᬦᬾᬤᬶᬧᬲᬗ᭄ᬕ᭄ᬭᬳᬦ᭄᭞ᬍᬗᭂᬂᬜᬗ᭄ᬮᬸᬄᬫᬶᬫ᭄ᬧᬸᬕᬦ᭄᭞ᬫᬓᭂᬲ᭄ᬬᬄᬫᬶᬭᬶ
ᬩ᭄ᬜᭀᬘᬧᬶᬦ᭄᭞ᬦᬯᭂᬕ᭄ᬗᬦ᭄ᬤᭂᬕᬂᬦᬕᬶᬄᬳᬮᬧ᭄ᬲᬗ᭄ᬕᬳᬶᬦ᭄᭟ᬧᬥᬂᬧᬓᬸᬦᬾᬯᬶᬮᬶᬲ᭄ᬗᬺᬫ᭄ᬩᬸᬦ᭄ᬫᬾᬫ᭄ᬧᭀᬕᬦ᭄᭞ᬧᬕᭂᬃᬢᬫᬦ᭄ᬫᬗ᭄ᬭᬯᬶᬢ᭄
᭞ᬩᬸᬗ᭄ᬳᬵᬦ᭄ᬥᭂᬂᬓᭂᬫ᭄ᬩᬂ᭞ᬳ᭄ᬗᭂᬤ᭄ᬫᬢᬸᬭᬸᬢ᭄ᬩᬸᬗᬄ᭞ᬱᬤ᭄ᬧᬤᬦᬾᬗᬺᬂᬫᬗ᭄ᬭᬶᬗ᭄ᬭᬶᬂ᭞ᬍᬂᬍᬂᬳᬫᬾᬤ᭄ᬭᬦ᭄‌ᬗᬶᬲᭂᬧ᭄ᬫᬥᬸᬦᬶᬂᬲᬭᬶ᭟ᬧᬘᬭᬸᬤᬸᬓ᭠
ᬳᬲ᭄ᬦᬾᬫᬸᬮᬸᬗᬦ᭄᭞ᬲᬫ᭄ᬩ᭄ᬭᬕ᭄ᬦᭂᬧᬾᬦ᭄ᬧᬭᬶᬕᬶ᭞ᬫᬶᬭᬶᬩ᭄ᬓᭂᬫ᭄ᬩᬗᬸᬭ᭞ᬯᬗᬶᬦᬶᬂᬋᬩᬸᬓ᭄ᬲᬸᬫᬃ᭞ᬧᬸᬲᬸᬄᬩᬓᬸᬗᬾᬗᬩᬓ᭄ᬢᬶ᭞ᬢᬳᭂᬦ᭄ᬓ
[᭔᭒ 42A]
ᬦᬓᬓᬬᬸᬧᬶᬂᬫᬭᬶᬭᬶᬕ᭄᭟ᬫᬗᬶᬤᭂᬭᬶᬦ᭄ᬭᬋᬗ᭄ᬕᬦ᭄‌ᬕ᭄ᬥᭀᬗᬾᬳᬶᬬᬲ᭄᭞ᬬᬦ᭄ᬭᬶᬧ᭄ᬢᬬᬂᬤᬶᬕᬸᬭᬶᬢ᭄᭞ᬭᬲ᭄ᬫᬶᬦᬶᬂᬳᬸᬥ᭄ᬬᬦ᭞ᬳᬦᬸᬢ᭄ᬯ
ᬓ᭄ᬢᬄᬧᬲᬪᬦ᭄᭞ᬳ᭄ᬬᬂᬲ᭄ᬫᬭᬳᬓᬭᭀᬦ᭄ᬭᬢᬶᬄ᭞ᬢᬫᬵᬫᬗ᭄ᬮᬗ᭄ᬮᬂ᭠ᬮᬗᭂᬦᬶᬂᬧᬚᬂᬰᬰᬶᬄ᭟ᬲᬫ᭄ᬧᬶᬄᬩᬸᬮ᭄ᬬᬦ᭄ᬕᬸᬦᬸᬗᬾᬫᬓᬶᬤᭂᬄᬧᬸᬱ᭄ᬧ᭞
ᬧᬃᬡ᭄ᬦᬳᬸᬗ᭄ᬕᬸᬳᬗᬧᬶ᭞ᬧᬦ᭄ᬢᬶᬲ᭄ᬧᬳᬰ᭄ᬭᬫᬦ᭄᭞ᬲᬗ᭄ᬓᬯᬶᬰ᭄ᬯᬭᬧ᭄ᬭᬚ᭄ᬜ᭞ᬢᬫᬾᬂᬕᬶᬢ᭄ᬢᬘ᭄ᬝᬾᬂᬦᬶᬢᬶ᭞ᬯᬾᬩ᭄ᬯᬶᬂᬗᬓ᭄ᬱᬭᬲᬃᬯ᭄ᬯᬢᬢ᭄ᬯᬵᬚᬶᬍᬯᬶᬄ
᭟ᬫᬳᬲ᭄ᬫᬗᭃᬫᬤᬸᬮᬸᬃᬫᬓᬸᬡ᭄ᬥᭂᬂᬓᬭᬲ᭄᭞ᬢᬦᬄᬕᬭᬸᬂᬢᬦ᭄ᬓᬭᬶ᭞ᬚ᭄ᬦᭂᬓ᭄ᬫᬗ᭄ᬭᬶᬜ᭄ᬘᬶᬬᬂ᭞ᬳᬗᭃᬦᬶᬂᬲᬓᬫᬢᬦ᭄᭞ᬭᬹᬫ᭄ᬭᬸᬫ᭄ᬦᬶᬂᬳᬶᬧ [ 43 ][᭔᭒ 42B]
᭔᭒
ᬲᬶᬃᬳᬸᬓᬶᬃ᭞ᬲᬸᬓ᭄ᬬᬓᬾᬯᬮ᭞ᬯᬮᬂᬳᬸᬫᬸᬗᬾᬫᬗ᭄ᬗᬶᬂ᭟ᬬᬦ᭄ᬲᬯᬗᬂᬯᬮᬸᬬᬫᬸᬜᬶᬦ᭄ᬢᬗ᭄ᬕᬸᬭᬦ᭄᭞ᬲᬂᬯᬶᬓᬸᬲᬶᬤ᭄ᬥᬶᬰᬓ᭄ᬢᬶ᭞ᬮ᭄ᬯᬶᬃᬫᬜ᭄ᬚᬬ
ᬚᬬ᭞ᬳᬶᬤᬲᬂᬯᬳᬸᬧ᭄ᬭᬵᬧ᭄ᬢ᭞ᬫᬗᬲ᭄ᬢᬸᬗ᭄ᬓᬭᬵᬗᬲ᭄ᬢᬸᬢᬶ᭞ᬲᬶᬤ᭄ᬥᬲᬰ᭄ᬯᬢᬚᭂᬚᭂᬃᬓᬤᬶᬦᬾᬭᬶᬳᬶᬦ᭄᭟ᬤᬶᬃᬕ᭄ᬖᬵᬬᬸᬫᬓᬲᬶᬯᬶᬩᬦ᭄ᬧ᭄ᬭ
ᬲᬦ᭄ᬢᬦ᭞ᬭᬸᬫᬕᬲᬩ᭄ᬚᬶᬯᬦᬶ᭞ᬳᬫ᭄ᬩᬸᬮ᭄ᬢᭀᬘ᭄ᬭᬶᬢᬬᬂ᭞ᬲᬕᬾ᭠ᬢ᭄ᬤᬶᬓᬭᬗᬜᬃ᭞ᬗᬢᬸᬚᬸᬯᬂᬧᬸᬚᬯᬮᬶ᭞ᬲᬗ᭄ᬓᬦ᭄ᬫᬕ᭄ᬮᬶᬬᬸᬭᬦ᭄
ᬚᬦ᭄ᬫᬫᬧᬬᬲ᭄ᬲᬫᬶ᭟ᬫᬗᬮᬸᬦ᭄ᬢᬂᬢ᭄ᬕᬓ᭄ᬧᬸᬭᬦᬾᬫᬗᬜ᭄ᬘᬩ᭄᭞ᬤᬶᬦᬧᬓᬾᬫᬗᬶᬗ᭄ᬕᬶᬮ᭄᭞ᬢ᭄ᬭᬕ᭄ᬢᬕ᭄ᬫᬫ᭄ᬩᬮᬫ᭄ᬩᬮ᭄᭞ᬧᬦ᭄ᬓ
[᭔᭓ 43A]
ᬳ᭄ᬬᬗᬦ᭄ᬫᭀᬢ᭄ᬢᬫ᭞ᬫᬾᬭᬸᬦᬾᬢ᭄ᬕᭂᬄᬧᬘ᭄ᬕᬶᬃᬕᬶᬃ᭞ᬍᬃᬫᬭᬵᬧ᭄ᬭᬕᬢ᭄᭞ᬲ᭄ᬓᬢ᭄ᬭᬸᬕᬾᬫᬕᬶᬗ᭄ᬲᬶᬃ᭟ᬫᬚᬚᬩᬦ᭄ᬫᬮᬸᬦᬮᬸᬦ᭄ᬘᬦ᭄ᬤᬶᬩᭂ
ᬦ᭄ᬢᬃ᭞ᬓᬩᬶᬦᬯᬵᬗᬗᭀᬩᬶᬦ᭄᭞ᬢᬸᬫ᭄ᬧᬂᬫᬧᬧᬮ᭄ᬬᬦ᭄᭞ᬳᬦᬸᬢ᭄ᬫᬢ᭄ᬭᬧ᭄ᬧᬫᬢ᭄ᬭᬦ᭄᭞ᬫᬸᬮᬓᬲᬸᬩ᭄ᬳᬸᬮᬶᬗᬸᬦᬶ᭞ᬧᬜᬶᬯ᭄ᬬᬦ᭄ᬚᬕᬢ᭄
ᬦᬲᬓᬸᬳᬸᬫ᭄ᬦᬸᬩᬮᬶ᭟ᬢᬦ᭄ᬯᬶᬦᬃᬡ᭄ᬦᬩᭀᬮᭀᬂᬢ᭄ᬓᭂᬤ᭄ᬤᬶᬧᬦ᭄ᬮᭀᬓᬦ᭄᭞ᬗᬫ᭄ᬩᬳᬶᬦ᭄ᬲᬸᬦ᭄ᬩᬸᬓᬶᬢ᭄᭞ᬮᬶᬫᬸᬢ᭄ᬫᬳᭀᬭᭀᬗᬦ᭄
᭞ᬓᬧᬮᬸᬳᬾᬫᬫ᭄ᬧᭂᬮᬦ᭄᭞ᬤᬶᬢᭂᬧᬶᬦ᭄ᬤᬦᬸᬦᬾᬲᭂᬧᬶ᭞ᬤᬍᬫ᭄ᬩ᭄ᬯᬶᬦ᭄ᬮᬶᬗ᭄ᬕᬶᬄ᭞ᬕᬸᬦᬂᬩᬕᬸᬭᬾᬢᬶᬲ᭄ᬢᬲ᭄᭟ᬲᬬᬂᬓᬸᬢᬂᬗᬸᬦ᭄ᬗᬸᬦ᭄ᬤᬶᬧᬸ [ 44 ][᭔᭓ 43B]
᭔᭓
ᬘᬓ᭄‌ᬫ᭄ᬦᭂᬯᭂᬗᬦ᭄᭞ᬫᬲᭂᬍᬩᬂᬳᬦ᭄ᬤᬸᬲ᭄ᬕᬥᬂ᭞ᬮᬶᬬᬸᬬᬦ᭄ᬲᬯᬗᬂ᭞ᬫᭀᬢᭀᬭᬾᬲᬤᬕᬜ᭄ᬘᬂ᭞ᬬᬦ᭄ᬳᬓᬸᬤᬂᬤᬸᬲᬸᬦ᭄ᬢᬦᬶ᭞ᬯᬸᬲ᭄ᬓᬮᬶᬯᬢ
ᬦ᭄᭞ᬮᬸᬭᬄᬯᬯᭂᬗ᭄ᬓᭀᬦ᭄ᬩᬗ᭄ᬕ᭄ᬥᬶ᭟ᬢᬦᬸᬘᬧᭂᬦ᭄ᬭᬶᬂᬲᬓ᭄ᬱᬡᬲᬸᬩᬦᬧᬓ᭄᭞ᬓᭀᬢ᭄ᬣᬲ᭄ᬫᬭᬵᬦᬕᬭᬶ᭞ᬤᬶᬕ᭄ᬭᬶᬬᬧᬶᬥᬥ᭞ᬘᬦᭂᬩ᭄ᬦᬸᬫᬭᬃ
ᬬ᭄ᬬᬦᬦ᭄᭞ᬳᬶᬤᬩᬕᬸᬲ᭄ᬳᬦᭀᬫ᭄ᬮᬶᬗ᭄ᬲᬶᬃ᭞ᬳ᭄ᬩᭂᬓ᭄ᬫᬦᬫ᭄ᬧ᭄ᬬᬓ᭄‌ᬧ᭄ᬭᬦᬫ᭄ᬬᬗᬦ᭄ᬢᭀᬲ᭄ᬲᬫᬶ᭟ᬫᬧᬶᬤᬩ᭄ᬤᬩ᭄ᬳᬸᬧᬘᬭᬦᬶᬂᬧᬫᭂᬦ᭄ᬤᬓ᭄᭞ᬲᬸᬮᬶ
ᬗ᭄ᬕᬶᬄᬮᬦᬂᬳᬶᬲ᭄ᬢ᭄ᬭᬶ᭞ᬗᬦ᭄ᬢᭂᬩᬂᬲᬳᬕᬦ᭄᭞ᬧ᭄ᬭᬡ᭄ᬥᬫᬥᬾᬧᬶᬥᬥ᭞ᬧᬗᬸᬲ᭄ᬜᬧᬧᬶᬦᬶᬄᬭᬶᬳᬶᬦ᭄᭞ᬲ᭄ᬯᬪᬵᬯᬲ᭄ᬭᬥᬄ᭞ᬮ᭄ᬯᬶᬃᬲᬶᬦᭀᬫ᭄ᬢᬶ
[᭔᭔ 44A]
ᬩᬾᬂᬭᬶᬭᬶᬲ᭄᭟᭐᭟ᬫᬸᬭᬶᬤ᭄ᬭᬸᬯᬾᬦᬾᬭᬦ᭄ᬢᬩᬦ᭄᭞ᬩᬄᬩᬗᬸᬦ᭄ᬫᬲ᭄ᬗᭂᬂᬕᬶᬧᬶᬄ᭞ᬩᬦᬼᬕᬦ᭄ᬜᬦᬾᬓᬮᬶᬦ᭄ᬢᬂ᭞ᬦᭂᬲᭂᬓ᭄ᬜᭂᬫ᭄ᬗᭂᬫᬸᬳ᭄ᬮᬶᬂ᭞ᬢᬸ
ᬯᭀᬦ᭄ᬧᬢᬸᬭᬸᬘ᭄ᬦᬶᬓ᭄᭞ᬯᭀᬦ᭄ᬤᬾᬦ᭄ᬢᬢᬲ᭄ᬦᬯᬂᬳᬸᬦ᭄ᬤᬸᬓ᭄᭞ᬗᭂᬦᭀᬢ᭄ᬕᬸᬲ᭄ᬢᬶᬓᬯᬶᬢᬦ᭄᭞ᬧᬸᬢ᭄ᬭᬧᬸᬢᬸᬫᬢᬸᬦ᭄ᬤᬶᬓᬶᬦ᭄᭞ᬧᬕᬭᬸᬜᬸᬂᬜ
ᬗ᭄ᬓᬶᬖᭀᬢ᭄ᬭᬾᬢᬾᬫᬯᬲ᭄ᬯᬲ᭄᭟ᬲᬶᬫ᭄ᬧᬂᬫᬗ᭄ᬭᬭᬶᬲ᭄‌ᬫᬸᬗ᭄ᬕᬳᬦ᭄᭞ᬧᬜᬫ᭄ᬪ᭄ᬭᬫᬯᬸᬲ᭄ᬘᬸᬫᬯᬶᬲ᭄᭞ᬲᬺᬕᭂᬧ᭄ᬯᭀᬯ᭄ᬯᬦ᭄ᬲᬃᬯ᭄ᬯᬫ᭄ᬮᬄ᭞ᬭ
ᬬᬸᬦᬦ᭄ᬯᬾᬤᬂᬢᬦ᭄ᬓᬤᬶ᭞ᬧᬦᬗ᭄ᬓᬶᬮᬦᬾᬢᬶᬢᬶᬩ᭄᭞ᬲᬲ᭄ᬫᬶᬢᬮᬾᬥᬂᬫᬢ᭄ᬭᬸᬄ᭞ᬫᬤᬸᬮᬸᬃᬧᬲ᭄ᬬᬓ᭄ᬭᬡ᭞ᬧᬦ᭄ᬲᭀᬢᬦᬶᬂᬲᬶᬄᬓᬸᬫᬲᬶᬄ᭞ [ 45 ][᭔᭔ 44B]
᭔᭔
ᬲᬓ᭄ᬱᬢ᭄ᬚᬸᬭᬸᬄᬳᬯᭀᬃᬮᬯᬦ᭄ᬫᬥᬸᬤ᭄ᬭᬯ᭟ᬳᬧᬦ᭄ᬧᬥᬯᬕ᭄ᬫᬶᬫᬬ᭞ᬧᬲᬮᬶᬂᬳᬮᬧ᭄ᬓᬲᭀᬭᬶᬦ᭄᭞ᬘᭂᬦ᭄ᬤᭂᬓ᭄ᬳᬫ᭄ᬩᬸᬮ᭄ᬢᭀᬳᬸᬘᬧᬂ᭞ᬧᬦ᭄
ᬲᬸᬩᬫᬾᬄᬗᬦ᭄ᬢ᭄ᬬᬂᬲᬶᬗᬶᬢ᭄᭞ᬲᬗ᭄ᬳ᭄ᬬᬂᬧ᭄ᬭᬢᬗ᭄ᬕᬧᬢᬶ᭞ᬧᬸᬗ᭄ᬕᬯᬩᬡ᭄ᬥᬶᬫ᭄ᬕᬕᬶᬲᬸᬦ᭄᭞ᬧ᭄ᬭᬲᬗ᭄ᬖᬫᬫᬸᬗᬸᬯᬂᬫᬗ᭄ᬤᬲ᭄ᬮᬶᬤᬦ᭄ᬳᬓᬶᬤᬶᬓ᭄᭞
ᬗ᭄ᬮᬶᬂᬦ᭄ᬢᬂᬓ᭄ᬮᬗ᭄ᬓᬸᬂᬕᬸᬫᭂᬦ᭄ᬢᭀᬲ᭄ᬭᬶᬂᬤᬾᬰᬤᬾᬰ᭟ᬫᬸᬂᬧᬸᬂᬓᬭᬶᬭᬳᬶᬦᬬᬦ᭄᭞ᬦᬾᬦ᭄ᬢᭂᬦ᭄ᬯᭂᬗᬶᬬᬦ᭄ᬭᬶᬂᬫᬃᬕ᭄ᬕᬶ᭞ᬲᬓ᭄ᬱᬡᬭᬭᬶᬲ᭄ᬫᬫᬃᬕ᭄ᬕ᭞ᬢᬸᬮ
ᬓᬫᭀᬢᭀᬭᬾᬫᬮᬶᬄ᭞ᬗᭂᬲᭂᬃᬢᬦ᭄ᬧᬾᬦ᭄ᬤᬄᬳᬗᬶᬦ᭄᭞ᬲᬕᬾᬢ᭄ᬫᬗᬶᬍᬳᬶᬦ᭄ᬕᬸᬦᬸᬂ᭞ᬗᭂᬦᬄᬧᬲᬶᬳᬾᬳᬲᬢ᭄᭞ᬤᬶᬢ᭄ᬗᬄᬫᬳᬶ
[᭔᭕ 45A]
ᬲᬶᬕᬶᬮᬶ᭞ᬗᭂᬜ᭄ᬚᭀᬃᬳᭂᬜ᭄ᬚᬸᬗᬾᬗᬸᬗ᭄ᬓᬸᬮ᭄ᬳᬸᬗ᭄ᬓᬸᬮᬶᬦ᭄ᬚᬸᬭᬂ᭟ᬚᬸᬓᬸᬗᬾᬫᬓ᭄ᬩᬢ᭄ᬩᬶᬤᬓ᭄᭞ᬧᬮᬬᬭᬾᬫᬶᬭᬶᬕ᭄ᬲᬶᬲᬶ᭞ᬦᬸᬳᬸᬢ᭄ᬲᬾᬮᭀ
ᬓᬦ᭄ᬧᬭᬗᬦ᭄᭞ᬳᬶᬬᬓᬾᬗᭂᬜ᭄ᬘᬄᬧᬓ᭄ᬭᬶᬦᬶᬂ᭞ᬫᬮᬶᬮᬂᬲᬸᬤ᭄ᬥᬧᬸᬢᬶᬄ᭞ᬗᬶᬮᬶᬲ᭄ᬳᬸᬮᬶᬲᬗ᭄ᬳ᭄ᬬᬗᬫ᭄ᬩᬸ᭞ᬧᬬᬃᬩᬸᬕ᭄ᬩᬸᬕᬾᬢᬶᬗ᭄ᬕᬃ᭞
ᬯᭀᬂᬤᬾᬰᬦᬾᬧᬥᬕᬶᬧᬶᬄ᭞ᬳᬸᬮᬶᬢᬗ᭄ᬕᬸᬢ᭄‌ᬩᬾᬚᬶᬢ᭄ᬓᭂᬤ᭄ᬓᬧᬢ᭄ᬮᬸᬯᬦ᭄᭟ᬫᬫᬲ᭄ᬩᬦ᭄ᬤᬾᬭᬫᬩᬘᬃ᭞ᬦᬾᬮᬸᬄᬗᬩᬘᬦᬂᬲᬭᬶ᭞
ᬩᬩᬦ᭄ᬢᭂᬦ᭄ᬫᬶᬯᬄᬲ᭄ᬕᭂᬳᬦ᭄᭞ᬳ᭄ᬕᭀᬂᬗᬼᬕᬜ᭄ᬚᬸᬭᬾᬳᬢ᭄ᬭᬶ᭞ᬭᬢᬓᬬᬂᬓᬧ᭄ᬭᬲᬶ᭞ᬚᬲᬶᬕᬮᬶᬭᬦ᭄ᬫᬜᬫ᭄ᬩᬸᬂ᭞ᬓᭂᬧ᭄ᬬᬢ᭄ᬓᭂᬧ᭄ᬬᬢ᭄ᬫᬜᬸᬫ᭄ᬩᬄ᭞ [ 46 ][᭔᭕ 45B]
᭔᭕
ᬫᬤᬾᬭᬾᬓ᭄ᬳᭂᬮᬸᬄᬫᭀᬯᬦᬶ᭞ᬜᬸᬦ᭄ᬲ᭄ᬫᬬᬸᬢ᭄‌ᬲᬸᬪᬕᬦ᭄‌ᬫ᭄ᬯᬂᬩᬮᬾᬤᬦ᭟ᬳᭀᬋᬕ᭄ᬢᬸᬢᬶᬂᬕᬫᬵᬳᬶᬲ᭄ᬮᬫ᭄᭞ᬫᬲᬲ᭄ᬮᬫ᭄ᬩᭂᬢᬦ᭄ᬫᬥᬶ
ᬓᬶᬃ᭞ᬭᬸᬤᬢ᭄ᬫᭂᬜ᭄ᬘᬳ᭄ᬫᬧᭀᬳᭀᬲᬦ᭄᭞ᬢᬺᬩᬂᬢᭂᬃᬩᬦᬵᬜ᭄ᬮᬕᬶᬦ᭄᭞ᬦᬾᬗᬗ᭄ᬕᭀᬲᬼᬫ᭄ᬧᬸᬢᬶᬄ᭞ᬧᬭᬳᬚᬶᬓ᭄ᬬᬳᬶᬤᬸᬓᬸᬄ᭞ᬲᭀ
ᬭᭀᬄᬦᬾᬩᬚᬂᬢᬸᬯ᭞ᬓᬭᬂᬲᭀᬓᭀᬂᬢᬸᬓᬤ᭄ᬧᬢᬶ᭞ᬫᬗᬮᬚᬸᬃᬓᬓᬦ᭄ᬢᭀᬭᬦ᭄ᬢᬸᬓᬤ᭄ᬚᬗᭂ᭟ᬩᬭᬶᬲ᭄ᬢᬸᬫ᭄ᬩᬓᬾᬫᬢᬢ᭞
ᬯᬾᬱ᭄ᬬᬧᬥᬂᬓᬺᬢ᭄ᬢᬧ᭄ᬭᬲᬶ᭞ᬯᬢᭂᬓ᭄ᬯᬃᬕ᭄ᬕᬶᬓᬩᬸᬓ᭄ᬧᬤ᭞ᬧᬢᬸᬄᬗᬗ᭄ᬕᭀᬦ᭄ᬤᬥᬃᬲᬫᬶ᭞ᬢᬫ᭄ᬩᬸᬃᬢᬫ᭄ᬬᬂᬗᭂᬫ᭄ᬧᭀᬦᬶᬦ᭄᭞ᬳᬸᬮᬶᬦ᭄ᬩᭀᬦ᭄ᬢ
[᭔᭖ 46A]
ᬫ᭄ᬗᬾᬕᬧ᭄ᬮᬤᬸᬂ᭞ᬲᬗ᭄ᬓᬦ᭄ᬘᬭᬭᬾᬫ᭄ᬩᬢᬦ᭄᭞ᬩᬦᬾᬫᬚᬤᭂᬗᬦ᭄ᬘᬶᬘᬶᬄ᭞ᬲᬶᬂᬓᬘᬸᬦ᭄ᬤᬸᬓ᭄ᬦᬸᬗᬕᭂᬫ᭄ᬕᬕᬯᬦ᭄ᬜᬸᬫ᭄ᬩᬄ᭟ᬫᭀᬢᭀᬭᬾᬫᬤᬾ
ᬗᬤᬾᬗᬦ᭄᭞ᬩᬶᬮᬂᬤᬗ᭄ᬓᬫᬢ᭄ᬮᬦᬶᬦ᭄᭞ᬳᬸᬮᬶᬗ᭄ᬮᬶᬯᬢ᭄ᬘᬦ᭄ᬤᬶᬤᬰ᭞ᬧᬢᬸᬄᬦᬸᬳᬢᭂᬧ᭄ᬫᬧᬶᬦ᭄ᬢᬶ᭞ᬩᬗ᭄ᬕ᭄ᬭᬲ᭄ᬓᬭᬂᬢᭀᬄᬧᬢᬶ᭞ᬓᬭᬂᬮ
ᬗ᭄ᬓᭀᬓ᭄ᬫᬫᬓᬸᬯᬸᬩ᭄᭞ᬧᭂᬫ᭄ᬧᬢᬦ᭄‌ᬘ᭄ᬮᬸᬓ᭄ᬦᬕᬭ᭞ᬤᬶᬩᭀᬗ᭄ᬓᭀᬮ᭄ᬩᬶᬗᬶᬦᬾᬢᬺᬧ᭄ᬢᬶ᭞ᬲᬸᬩᬫᬢᬸᬃᬓ᭄ᬮᬸᬩ᭄ᬧᬤ᭄ᬧᬶᬦ᭄ᬤᭂᬃᬫᬚᬚᬃ᭟ᬫᬚᬸᬚᬸ
ᬓ᭄ᬤᭂᬦᭂᬲ᭄ᬗᬸᬧᬶᬢᬂ᭞ᬯᬶᬮ᭄ᬳᬾᬮ᭄ᬫᬸᬲ᭄ᬜᬜᬶᬫᬫᬸᬜᬶ᭞ᬢᬸᬃᬫᬢᬦ᭄ᬤᬵᬫᬺᬢ᭄ᬢᬚᬶᬯ᭞ᬢ᭄ᬭᭀᬫ᭄ᬲᭀᬫ᭄ᬧ᭄ᬭᬾᬢᬾᬗ᭄ᬭᬫ᭄ᬬᬦᬶᬦ᭄᭞ᬕᭀᬗᬾᬦᬶ᭠ [ 47 ][᭔᭖ 46B]
᭔᭖
ᬓᬦ᭄ᬢᭀᬃᬤᬶᬲ᭄ᬢ᭄ᬭᬶᬓ᭄᭞ᬗ᭄ᬭᬸᬤᬸᬕ᭄ᬦᬾᬤᬶᬍᬫᬩᬸᬳᬕᬸᬂ᭞ᬫᬸᬳᬸᬢ᭄ᬫᬩᬩᬭᬸᬗᬦ᭄᭞ᬲ᭄ᬫᬭᬧᬕᬸᬮᬶᬗᬦ᭄ᬗᬸᬘᬶ᭞ᬳᬸᬫ᭄ᬬᬂᬳᬸᬬᬸᬢ᭄‌ᬲᬸᬩᬦᬦ᭄ᬤᭂᬲ᭄ᬤᬶᬩᬜ᭄ᬘᬶ
ᬗᬄ᭟ᬤᬕᬶᬂᬧᬸᬭᬶᬦᬾᬲᬕᬺᬳᬦ᭄᭞ᬦᬓᬕᬸᬂᬳᬬᬸᬦᬾᬲᬫᬶ᭞ᬫᬸᬮᬢ᭄ᬲᭀᬮᬳᬾᬕᬃᬚ᭄ᬕᬶᬢ᭞ᬳᬸᬧᬫ᭄ᬬᬂᬢᬺᬡᬳᬓᬶᬂ᭞ᬭᬶᬂᬫᬲᬦᬶᬂ
ᬗᬘᬸᬚᬶ᭞ᬮᭀᬫ᭄ᬫᬲ᭄ᬭᬶᬬᬓ᭄ᬢᬶᬩᬾᬂᬚᬯᬸᬄ᭞ᬋᬱ᭄ᬝᬄᬓᬢᬭᬾᬂᬢᬶᬗᬮ᭄᭞ᬕᬭᬯᬮᬦ᭄ᬧᬥᬫᬶᬚᬶᬮ᭄᭞ᬲᬮᬶᬂᬲᬸᬳᬸᬓ᭄ᬧ᭄ᬭᬧᬸᬢ᭄ᬭᬶᬦᬾᬦ᭄ᬳ
ᬜ᭄ᬚᬕ᭄ᬚᬕ᭄᭟ᬧᬥᬦᬫ᭄ᬩᬸᬢ᭄ᬳᬸᬧᬘᬭ᭞ᬧᬬᬳᬬᬳᬦ᭄ᬗᬫᭀᬗᬶᬦ᭄᭞ᬳᬤᬫᬤᬦ᭄ᬤᬦ᭄ᬫᬲᬶᬗᬮ᭄᭞ᬓᬲᬋᬗᬶᬦ᭄ᬩᬦ᭄ᬧᬺᬭᬩᬶ᭞ᬳᬢ
[᭔᭗ 47A]
ᬧ᭄ᬗᬥᭂᬧᬾᬂ᭞ᬮ᭄ᬯᬶᬃᬧᬜ᭄ᬚᬳᬶᬂᬲᬃᬯ᭄ᬯᬲᬦ᭄ᬢᬸᬦ᭄᭞ᬫᭂᬫ᭄ᬩᬂᬓᬢᬶᬩᬦ᭄ᬯᬃᬱ᭞ᬲᬸᬕᬦ᭄ᬤᬵᬫ᭄ᬓᬃᬫ᭄ᬭᬶᬓ᭄ᬫᬶᬗᬶᬂ᭞ᬲᬯᬯᬵᬦᬸᬢ᭄ᬲᬂᬫᭂᬦ᭄ᬤᬓ᭄ᬭᬶᬂᬲᬂᬓᬧᭂᬦ᭄ᬤᬓ᭄᭟
ᬚᭂᬚᭂᬮ᭄ᬚᬗ᭄ᬓᭂᬧ᭄ᬧᬬᬸᬂᬓᭂᬫ᭄ᬩᬃ᭞ᬓᬋᬫ᭄ᬧᭂᬕ᭄ᬩᬦ᭄ᬧᬭᬢᬫ᭄ᬯᬶ᭞ᬮᬾᬦ᭄ᬘᬶᬦᬚᬯᬶᬳᭀᬮᬦ᭄ᬤ᭞ᬢ᭄ᬯᬦ᭄ᬤᭀᬓ᭄ᬢᭂᬃᬳᬸᬧ᭄ᬲᬾᬢᭂᬃᬫᬦ᭄ᬢ᭄ᬭᬶ᭞ᬓ᭄ᬮᬾᬋᬓ᭄ᬜᭀᬜᬄ
ᬫᬭᬗᬶᬦ᭄᭞ᬓᭂᬍᬢ᭄ᬤᬶᬳᬸᬦ᭄ᬤᬕ᭄ᬓᬸᬭ᭄ᬬᬵᬕᬸᬂ᭞ᬫᬲᬮᬫ᭄ᬢᬗᬦ᭄ᬫᭀᬃᬫᬵᬢ᭄᭞ᬧᬭᬫᬾᬦᬓ᭄ᬮᬦᬂᬳᬶᬲ᭄ᬢ᭄ᬭᬶ᭞ᬧᬭᬯᬶᬓᬸᬳᬶᬲ᭄ᬢ᭄ᬭᬶᬓᬓᬸᬂᬰᬶᬯᬩᬸᬤ᭄ᬥ
᭟ᬭᬾᬧᭀᬢ᭄ᬦᬶᬗ᭄ᬓᬳᬂᬲᬳᬕᬦ᭄᭞ᬫᬦᭂᬢᭂᬧᬂᬳᬸᬧᬵᬧᬮᬶ᭞ᬳᬾᬢᬾᬄᬳᬾᬢᬾᬄᬦᬲᬶᬭᬫ᭄ᬩᬂ᭞ᬧᭂᬧᭂᬓ᭄ᬲᬓ᭄ᬭᬫᬦᬾᬍᬯᬶᬄ᭞ᬕᬕ [ 48 ][᭔᭗ 47B]
᭔᭗
ᬫ᭄ᬮᬦ᭄‌ᬗ᭄ᬭᬫ᭄ᬬᬦᬶᬦ᭄᭞ᬮᬗᭃᬦᬾᬤᬶᬧᬸᬭ᭄ᬬᬦᬩᬸᬄ᭞ᬯᬸᬲᬾᬗ᭄ᬭᬭᬶᬲ᭄ᬫᬦ᭄ᬢᬸᬓᬦ᭄᭞ᬓᬳᬫᬵᬲ᭄ᬓᬺᬥᬫ᭄ᬫᬗ᭄ᬭᬜ᭄ᬚᬶᬂ᭞ᬦᬸᬫᬮᬸᬗ᭄ᬕᬸᬄᬤᬶᬳᬫ᭄ᬩᬾᬦ᭄ᬦᬾ
ᬓᭂᬲᭂᬮ᭄ᬦᬧᬓ᭄᭟ᬧᬗ᭄ᬮᬯᬤ᭄ᬳᬢᬸᬭᬦ᭄ᬗᬫ᭄ᬧ᭄ᬬᬕ᭄᭞ᬫᬯᬥᬄᬩᭀᬓᭀᬃᬫᬲ᭄ᬳᬤᬶ᭞ᬫᬗᭂᬋᬤᬯᬦ᭄‌ᬧᬧ᭄ᬕᬢ᭄᭞ᬲᬮᬶᬂᬲᬸᬦ᭄ᬤᬸᬮ᭄ᬳᬸᬮᬗᬸᬮᬶᬄ᭞ᬳ
ᬤᬤᬦᬾᬗᬺᬦ᭄ᬢᭂᬩᬶᬦ᭄᭞ᬳᬫ᭄ᬢᭂᬦᬭᬾᬫᬳᬸᬕ᭄ᬓᬸᬫ᭄ᬧᬸᬮ᭄᭞ᬲᬶᬲᬶᬦ᭄ᬢᭂᬮᬕᬫᬩ᭄ᬬᬸᬭᬦ᭄᭞ᬮᬾᬦᬾᬗᭂᬩᭂᬮ᭄ᬩᬢᬦ᭄ᬮᬾᬘᬶ᭞ᬦᬾᬤᬶᬤᬯᬸᬄ
ᬢᬾᬫ᭄ᬩᭀᬓ᭄ᬦᬸᬢᬦ᭄ᬧᬮᬶᬕᬭᬦ᭄᭟ᬭᬱᬦ᭄ᬳᬶᬥᭂᬧᬾᬫᬓᭂᬩ᭄ᬬᬄ᭞ᬗᬮ᭄ᬬᬩ᭄ᬩᬩᬃᬫᬲᬮᬶᬦ᭄᭞ᬫᬾᬢᬾᬮ᭄ᬓᬲᬶᬲᬶᬫᬮᬶᬬᬄ᭞ᬮᬾ
[᭔᭘ 48A]
ᬦ᭄ᬮᬶᬲ᭄ᬢ᭄ᬭᬶᬓ᭄ᬫᬓ᭄ᬚᬂᬫ᭄ᬬᬶᬢ᭄᭞ᬗᭂᬦ᭄ᬤᬶᬄᬲᬮᬶᬂᬲᬸᬮᬸᬳᬶᬦ᭄᭞ᬮᬗᬶᬢᬾᬢᬵᬦ᭄ᬧᬢᬮᬸᬢᬸᬄ᭞ᬓᬹᬃᬲ᭄ᬤᭂᬓᬦ᭄ᬧᬹᬃᬡ᭄ᬦᬫ᭞ᬓᬭᬫ᭄ᬩᬶᬢᬗᬾᬫᬓ᭄ᬜᬶᬢ᭄ᬜᬶ
ᬢ᭄᭞ᬳᬤ᭄ᬭᬵᬫᬸᬭᬸᬩ᭄ᬘᬬᬦ᭄ᬳᬸᬫᬳᬾᬕᬸᬫᬯᬂ᭟ᬯᬦ᭄ᬢᬄᬓᭂᬲ᭄ᬬᬩᬾᬗᬯᬦᬂ᭞ᬧᬥᬜᬸᬮᬶᬗᬄᬧ᭄ᬭᬚᬦᬶ᭞ᬦᬾᬳ᭄ᬮᬸᬄᬕᭂᬭᬸᬦ᭄ᬓᬩ᭄ᬮᬓᬂ᭞ᬳ
ᬤᬓᬮᭀᬦ᭄ᬤᭂᬦ᭄ᬫᬕᬶᬮᬶᬄ᭞ᬦᬾᬤᬶᬚ᭄ᬭᭀᬯᬦ᭄ᬫᬓᬤᬶ᭞ᬤᬾᬦᬶᬂᬩᬦᬼᬕᬦᬾᬫᬸᬧᬸᬢ᭄᭞ᬮᬦ᭄ᬫᬓ᭄ᬮᭀᬫᬧᬲᬄ᭞ᬫᬲᬗᬸᬮᬭᬵᬧ᭄ᬭᬶᬬᬢᬶ᭠
ᬦ᭄᭞ᬮᬳᬸᬢ᭄ᬧᬗ᭄ᬕᬸᬄᬓᬾᬦ᭄ᬕᬸᬲ᭄ᬢᬶᬩᬧᬵᬧᬓᬾᬦᬓ᭄᭟ᬳᬤᬫᬢᬗ᭄ᬓᭂᬧ᭄ᬮᬜ᭄ᬚᬶᬢ᭞ᬩᬦ᭄ᬩᬶᬗᬭᬾᬓᬦ᭄ᬢᬶᬧᬮᬶᬂ᭞ᬳᬤᬜᭀᬗ᭄ᬓᭀ [ 49 ][᭔᭘ 48B]
᭔᭘
ᬓ᭄ᬫᬳᬶᬮᬶᬤᬦ᭄᭞ᬳᬤᬫᬲᬥᬄᬫᬗᬶᬦ᭄ᬢᬶᬧ᭄᭞ᬳᬤᬓᬤᬼᬓᭀᬦ᭄ᬚᭂᬗᬶᬲ᭄᭞ᬕ᭄ᬮᬸᬩᬦᬾᬓᬶᬭᬶᬲ᭄ᬳᬚᬸᬫ᭄‌ᬳᬫᬢᬾᬕ᭄ᬢᭀᬕ᭄ᬦᭂᬕᬓ᭄
ᬫᬢᬶᬧᬸᬄᬗᬋᬧᬶᬦ᭄ᬓᭀᬭᬶ᭞ᬲ᭄ᬥᭂᬕ᭄ᬲᭂᬡ᭄ᬥᬸᬫᬦᬗ᭄ᬓᬶᬮ᭄ᬲᬂᬫᬸᬗ᭄ᬕ᭄ᬯᬶᬂᬳᬃᬱ᭟ᬧᬶᬦᬋᬓᬶᬂᬲᬂᬫᬫᭂᬦ᭄ᬤᬓ᭄᭞ᬫᬶᬦᬓᬤᬶᬯᬢᭂᬓ᭄ᬋᬱᬶ᭞ᬢᬦ᭄ᬮ᭄ᬬᬦ᭄ᬫ
ᬓᬪᬕᬯᬵᬦ᭄ᬢ᭞ᬫᬗ᭄ᬕᬮᬵᬧᬶᬦᬶᬢ᭄ᬯᬾᬮᬶᬗ᭄ᬕᬶᬄ᭞ᬧᬥᬡ᭄ᬥᬯᬬᬦ᭄‌ᬚ᭄ᬮᬡ᭄ᬝᬶᬓ᭄᭞ᬗᭂᬳᭂᬤ᭄ᬫᬢᬸᬃᬕᬸᬬᬸᬧᬳᬸᬢ᭄᭞ᬕ᭄ᬢᬃᬫᬦᬶᬲ᭄ᬲᬃᬚ᭄ᬚᬯ᭞ᬩᬲ᭄ᬯᬾ
ᬤ᭄ᬯᬕᬸᬂᬫᬮᬶᬗ᭄ᬕᬶᬄ᭞ᬚᬦ᭄ᬢᭂᬦᬼᬲᬸᬳᭀᬬᬕ᭄ᬫᭀᬢᭀᬭᬾᬳᬶᬦᬸᬦ᭄ᬬᬦ᭄᭟ᬲᬯᭀᬲ᭄ᬭᬶᬂᬓᬨᬮ᭄ᬫᬺᬋᬧᬦ᭄᭞ᬲᬫ᭄ᬧᬸᬦᬂᬦᬦᭂᬕ᭄ᬦᬳ᭄ᬦᬶᬦ᭄
[᭔᭙ 49A]
ᬩ᭄ᬘᬶᬓᬦ᭄ᬤᬸᬫᬸᬦ᭄ᬫᬗ᭄ᬮᬸᬫᬄ᭞ᬯᬳᬸᬓᬾᬗᬶᬦᬦ᭄ᬳᬓᬶᬤᬶᬓ᭄᭞ᬧᬸᬦᬶᬓᬶᬲᬋᬂᬲᬫᬶ᭞ᬧᬋᬓᬦ᭄ᬓᬯᬸᬮᬢᬫ᭄ᬬᬸ᭞ᬫᬗ᭄ᬤᬵᬗ᭄ᬮᬸᬗ᭄ᬲᬸᬃᬧᬳᬶᬘ᭄ᬘᬦᬾ
ᬧᬢᬸᬢ᭄ᬗᬚ᭄ᬗᬂᬗᬸᬧᬶ᭞ᬜᬦ᭄ᬤᬂᬲᬫ᭄ᬧᬸᬦ᭄‌ᬩ᭄ᬭᬳ᭄ᬫᬡᬦ᭄ᬘᭀᬓᭀᬃᬢᬶᬤᬾᬯ᭟ᬫᬮᬸᬯᬭᬦ᭄ᬫᬢᭂᬕ᭄ᬢᭂᬕᬦ᭄᭞ᬭᬾᬄᬲᬫ᭄ᬧᬸᬦ᭄ᬲᬓᬶᬂᬳᬶᬦᬸᬦᬶ
᭞ᬧᬥᬡ᭄ᬥᬓ᭄ᬢᬸᬢ᭄ᬧᬶᬥᬥ᭞ᬲᬂᬫᬓᬵᬕ᭄ᬭᬘᬹᬥᬵᬫᬡᬶ᭞ᬯᬶᬤᬕ᭄ᬥᬫᬦᬫ᭄ᬧᬦᬶᬦ᭄᭞ᬯᬕᭂᬤ᭄ᬫᬗᬸᬮᬦᬶᬦ᭄ᬓᬬᬸᬦ᭄᭞ᬚᬬᬭᬶᬂᬓᬧᬡ᭄ᬥᬶ
ᬢᬦ᭄᭞ᬯᬶᬘᬓ᭄ᬱᬡᬫᬹᬃᬡ᭄ᬦᬯᬶᬗᬶᬢ᭄᭞ᬦᬾᬓᬲᬸᬫ᭄ᬩᬸᬂᬫᬸᬮᬵᬢᬸᬲ᭄ᬦᬶᬂᬧᬢᬶᬃᬣᬬᬦ᭄᭟ᬩᭀᬜᭀᬧᬯᬶᬚᬶᬮᬾᬲᭂᬫ᭄ᬧ᭄ᬬᬃ᭞ᬲᬫᬶ [ 50 ][᭔᭙ 49A]
᭔᭙
ᬳᬦᬹᬢ᭄ᬮᬦᬂᬳᬶᬲ᭄ᬢ᭄ᬭᬶ᭞ᬢᬦ᭄ᬮ᭄ᬬᬦ᭄ᬧ᭄ᬭᬡ᭄ᬥᬳᬶᬲ᭄ᬢ᭄ᬭᬶᬗᬸᬭᬄ᭞ᬲᬺᬗ᭄ᬕᬭᬫᬃᬤ᭄ᬥᬯᬓᬮᬶᬲ᭄᭞ᬘᬾᬱ᭄ᬝᬓᬭᬵᬧ᭄ᬭᬓᬵᬯᬶ᭞ᬯᬶᬯᬾᬓᬫᬗ᭄ᬮᬶᬮᬲᬸᬗ᭄ᬲᬸᬢ᭄
᭞ᬕᬸᬭ᭄ᬯᬦ᭄ᬪᬱᬪᬱᬶᬢ᭞ᬮᬾᬢᬾᬕ᭄ᬮᬕᭂᬲ᭄ᬫᬸᬮᬸᬓ᭄ᬩᬗ᭄ᬓᬶᬢ᭄᭞ᬪᬯᬓ᭄ᬮᬸᬲ᭄‌ᬲᬬᬂᬤᬺᬫᬦᬾᬫᬓᭂᬧ᭄ᬮᬕ᭄᭟ᬲᭀᬚᬃᬫᬺᬥᬸᬫᬦᭀᬳᬭ᭞
ᬤᬦᬬᬰᬢᬦ᭄ᬳᬧᬶᬮᬶᬄ᭞ᬢᬦ᭄ᬲᬄᬗᬯᬾᬋᬱ᭄ᬝᬦᬶᬂᬯ᭄ᬯᬂ᭞ᬕᬸᬡᬫᬦ᭄ᬢᬲᬥᬸᬩᬸᬤ᭄ᬥᬶ᭞ᬧ᭄ᬭᬡ᭄ᬥᬕ᭄ᬥᬾᬗ᭄ᬭᬶᬳᬶᬦᬶᬦ᭄᭞ᬳᬗ᭄ᬮᬸᬗᬗ᭄ᬕᬵᬫᭂᬧᭂᬲ᭄ᬫ
ᬢᬸᬃ᭞ᬤᬾᬯᬵᬕᬸᬂᬓᬧᬫᬺᬫᬦ᭄᭞ᬳᬶᬬᬦᬓ᭄ᬚᬶᬭᬶᬓᬵᬗᬶᬭᬶᬂ᭞ᬭᬾᬳᬶᬂᬯᬳᬸᬫᬕᭂᬦ᭄ᬢᭀᬲ᭄‌ᬧ᭄ᬘᬓ᭄ᬲᬸᬓ᭄ᬱ᭄ᬫᬵ᭟᭐᭟ᬕᬶᬦᬦ᭄ᬢᬶᬕ
[᭕᭐ 50A]
ᬦ᭄ᬢᬶᬫᬳᬸᬲᬸᬤ᭄᭞ᬲᬩᬢᭂᬓ᭄ᬦᬾᬘ᭄ᬦᬶᬓ᭄ᬘᭂᬦᬶᬓ᭄᭞ᬦᬸᬫᬸᬓᬸᬢᬸᬓᬸᬢ᭄ᬤᬶᬧᬗ᭄ᬓ᭄ᬯᬦ᭄᭞ᬓ᭄ᬜᬸᬲ᭄ᬫᬳᬓᭀᬦᬓᭀᬦᬶᬦ᭄᭞ᬦᬾᬓ᭄ᬮᬶᬳᬦ᭄‌ᬫᬸᬲᬧ᭄ᬗᬸ
ᬲᬧ᭄‌ᬲᬤᬶᬦᬵᬢᭂᬋᬦ᭄ᬫᬓ᭄ᬫᬶᬢ᭄᭟ᬫᬦᬸᬢᬸᬃᬢᬸᬢᬸᬭᬦ᭄ᬢᬸᬢᬸᬃ᭞ᬫᬢᬸᬃᬫᬶᬤᬵᬃᬢ᭄ᬣᬬᬂᬳᬶᬦ᭄ᬤᬶᬓ᭄᭞ᬳᬶᬦ᭄ᬤᬶᬓᬾᬫᬗ᭄ᬕᬶᬄᬲᬸᬗ᭄ᬓᬯ᭞ᬯᬳᬸ᭠
ᬤᬸᬓᬾᬓᬩᬸᬤᬮᬶᬦ᭄᭞ᬮ᭄ᬬᬂᬫᬗ᭄ᬓᬶᬦ᭄ᬫᬧᬸᬮᬶᬳᬂ᭞ᬳᬦ᭄ᬢᬸᬓ᭄ᬫᬓᬶᬤᬸᬂᬫᬕᭂᬦ᭄ᬤᬶᬂ᭟ᬤᬶᬫᬵᬲ᭄ᬓᬺᬥᬫ᭄ᬦᬸᬫᬲ᭄ᬓᬸᬂ᭞ᬓᬥᬾᬦ᭄ᬫᬫᬘᬫᬕᬶᬮᬶᬃ᭞ᬮ
ᬍᬗ᭄ᬓᬭᬦᬶᬂᬧᬗᬭᬂ᭞ᬭᬾᬄᬧᬦᬸᬗ᭄ᬓᬦᬾᬤᬶᬚᬯᬶ᭞ᬯᬸᬲ᭄ᬫᬸᬗ᭄ᬕᬄᬫᬸᬗ᭄ᬕ᭄ᬯᬶᬂᬮᬶᬓᬶᬢ᭞ᬢ᭄ᬮᬲ᭄ᬓᬧᬶᬤᬃᬢ᭄ᬣᬲᬫᬶ᭟ᬫᬗᬸᬦ᭄ᬓᬲᬼᬓᬶᬂᬢ᭄ᬯᬲ᭄ᬳ [ 51 ][᭕᭐ 50B]
᭕᭐
ᬚᬃ᭞ᬚᬗ᭄ᬕᭂᬕ᭄ᬓᬸᬫᬺᬩᬶᬂᬋᬋᬧᬶ᭞ᬧᬦ᭄ᬤᬕᬶᬂᬲᬾᬯᬮᬧᬢ᭄ᬭ᭞ᬢᬦ᭄ᬲᬯᭀᬲ᭄ᬫᬗ᭄ᬤᬾᬓᬲ᭄ᬬᬲᬶᬄ᭞ᬲᬗ᭄ᬓᬦ᭄ᬲᬶᬂᬫᬦᭀᬦᬶᬂᬘᬶᬢ᭄ᬭ᭞᭠
ᬢᬦ᭄ᬓᬯᬰᬓᬗ᭄ᬕᭂᬓ᭄ᬲᬫᬶ᭟ᬫᬶᬫᬶᬢᬦ᭄ᬳᬶᬥᭂᬧᬾᬧᬗᬸᬲ᭄᭞ᬧᬂᬳᬤᬳᬗ᭄ᬕᭀᬦ᭄ᬧᬓᬾᬮᬶᬂ᭞ᬮᬭᬧᬦ᭄ᬫᬗ᭄ᬮᬶᬮᬵᬫᬦᬄ᭞ᬦᬫ᭄ᬓᬮᬲ᭄ᬮ
ᬜ᭄ᬮᬦᬶᬦ᭄᭞ᬤᬗ᭄ᬓᭂᬦ᭄ᬭᬶᬩᬸᬢ᭄ᬓᬧᬸᬲᬗᬦ᭄᭞ᬗᭂᬋᬫ᭄ᬳᬶᬲᭂᬂᬜ᭄ᬫᬓ᭄ᬮᬳᬶ᭟ᬳᬶᬗ᭄ᬕᬶᬄᬳᬤᬤᬦᬾᬳᬶᬧᬸᬦ᭄᭞ᬳᬲᬶᬂᬜᬶᬗᬓ᭄ᬫᬗᬯᭀᬦᬶ
ᬦ᭄᭞ᬲᬶᬭᬚᬵᬲᬸᬤᬶᬫᬶᬋᬗᬂ᭞ᬗᬫ᭄ᬧᬸᬭᬵᬳᬸᬕᬶᬧᬸᬦᬶᬓᬶ᭞ᬫᬲᬂᬫᬸᬧᬸᬂᬚ᭄ᬭᭀᬓᬦ᭄ᬮᬶᬦ᭄ᬢᬂ᭞ᬢ᭄ᬕᭂᬲ᭄ᬲ᭄ᬯᬭᬵᬩᬸᬦᬾᬲᬶᬢ᭄ᬲᬶᬢ᭄᭟ᬓᬤᬸᬓ᭄ᬢᬩᬄ
[᭕᭑ 51A]
ᬗᬤᬸᬓᬤᬸᬓ᭄᭞ᬤᬸᬭᬸᬲ᭄ᬩᬱᬚᬯᬩᬮᬶ᭞ᬮᬶᬬᬦ᭄ᬧᬧ᭄ᬲᭀᬦᬾᬲᬸᬕᬮ᭄᭞ᬲᬶᬕᬸᬕ᭄ᬢᬫᬵᬧᬶᬡ᭄ᬥᬵᬓᬯᬶ᭞ᬯ᭄ᬯᬶᬢ᭄ᬤᬸᬭᬸᬂᬧᬰ᭄ᬘᬢ᭄ᬧᬲ᭄ᬢᬶᬧᬲ᭄᭞
ᬲᬫ᭄ᬧᬸᬦᬂᬩᬗᭂᬢ᭄ᬗᭀᬜ᭄ᬚᬓᬶᬦ᭄᭟ᬓᬓ᭄ᬘᬧᬾᬲᬲᬃᬲᬸᬲᬸᬃ᭞ᬰᬲ᭄ᬢ᭄ᬭᬩᬡ᭄ᬥᬸᬂᬢᬸᬦᬍᬯᬶᬄ᭞ᬲᬓᬾᬯᬦ᭄ᬢᭂᬦ᭄ᬳᬦ᭄ᬢᬸᬓ᭄ᬧᭀᬗᬄ᭞ᬧᬗ᭄ᬓᬄᬫᬗᬶ
ᬓᭂᬢ᭄ᬧᬗᬯᬶ᭞ᬩᬸᬍᬄᬫᬳᬧᬶᬧ᭄ᬭᬚ᭄ᬜᬦ᭄᭞ᬩ᭄ᬗᭂᬄᬓᬶᬫᬸᬤ᭄ᬫᬩᭂᬢ᭄ᬭᬶᬭᬶᬄ᭟ᬭᬾᬳᬶᬂᬓᬯ᭄ᬬᬓ᭄ᬢᬶᬬᬦ᭄ᬧᬸᬦ᭄ᬢᬸᬮ᭄᭞ᬢ᭄ᬓᬮᬮᬸᬯᬂᬧ᭄ᬮᬕᬲᬶᬦ᭄᭞
ᬲᬶᬜᬲᬶᬄᬳ᭄ᬬᬂᬯᬶᬥᬶᬯᬰ᭞ᬲ᭄ᬯᬾᬘ᭄ᬙᬗᬲᬶᬩᬗ᭄ᬮᬸᬕ᭄ᬭᬳᬶᬦ᭄᭞ᬳᬧᬦ᭄ᬳᬶᬤᬕ᭄ᬮᬭᬶᬂᬘᬶᬢ᭄ᬢ᭞ᬢᬦ᭄ᬲᬸᬭᬸᬤ᭄ᬲᬤᬶᬦᬮᬢ᭄ᬭᬶ᭟ᬢᭂᬍᬂᬕᬶᬦᭂᬂᬭᬶᬂ [ 52 ][᭕᭑ 51B]
᭕᭑
ᬲ᭄ᬯᬢᬦᬸ᭞ᬦᬸᬲ᭄ᬢᬦᬫᬗ᭄ᬮᬶᬗ᭄ᬕᬦᬶᬦ᭄᭞ᬦ᭄ᬫᭀᬦᬶᬦ᭄ᬓᬲᬶᬤ᭄ᬥᬧᬓ᭄ᬬᬦ᭄᭞ᬯᬘᬦᬦ᭄ᬳᬶᬤᬲᬂᬫᬳᬃᬤ᭄ᬥᬶᬓᬶᬸ᭞ᬦ᭄ᬤᬯᬸᬳᬂᬫᬗ᭄ᬤᬗ᭄ᬮᬦ᭄ᬢᬭᬂ᭞ᬋᬦ᭄ᬢᭂᬳᬶᬂᬧ᭄ᬭᬮ
ᬫ᭄ᬩᬂᬓᬶᬤᬶᬓ᭄᭟ᬤᬾᬦᬶᬂᬢᬦ᭄ᬲᬓᬭᬶᬂᬳᬚᬸᬫ᭄᭞ᬚᬸᬫ᭄ᬩᬸᬄᬫᬦᬶᬭᬸᬲᬂᬬᭀᬕᬶ᭞ᬕᬶᬭᬂᬓᬶᬭᬂᬧᬫᬺᬢ᭄ᬬᬓ᭄ᬱ᭞ᬲᬳᬶᬱ᭄ᬡᬸᬯᬂᬲᬶᬂᬫᬶᬳᬃᬱᬶ᭞ᬲ
ᬯᬾᬢ᭄ᬦᬶᬂᬯᬳᬸᬫᬮᬚᬄ᭞ᬚᬦ᭄ᬢᭂᬦ᭄ᬓᭂᬮᬸᬂᬢᬸᬦᬅᬚᬶ᭟ᬚᬯᬶᬦᬶᬂᬲᬂᬯᬶᬓᬦ᭄ᬧᬸᬜᬸ᭞ᬧᬫ᭄ᬓᬲ᭄ᬲᬂᬓᬬᬸᬦ᭄ᬗᬓ᭄ᬱᬶ᭞ᬓᬢᭂᬫ᭄ᬧ᭄ᬯᬦ᭄ᬗᬶᬯᬂᬫᬢᬸᬢᬂ᭞ᬭᬭᬶ
ᬲᬂᬳᬸᬯᬄᬳᬸᬯᬸᬳᬶᬦ᭄᭞ᬬᭀᬕ᭄ᬬᬲᬂᬯ᭄ᬭᬸᬄᬫᬫᬲ᭄ᬢᬶᬓ᭞ᬓᬾᬗᬶᬦ᭄ᬫ᭄ᬭᬕᬧᬰᬸᬧᬢᬶ᭟᭛᭜᭛ᬧᬸᬧᬸᬢ᭄ᬲᬶᬦᬸᬭᬢ᭄ᬭᬶᬂᬤᬶᬦ᭞
[᭕᭒ 52A]
ᬭ᭞ᬧ᭞ᬯᬭᬤᬸᬗᬸᬮᬦ᭄᭞ᬣᬶᬣᬶ᭞ᬢᬂ᭞ᬧᬶᬂ᭞᭑᭕᭞ᬰᬰᬶᬄ᭞ᬓ᭞᭖᭞ᬭᬄ᭞᭙᭞ᬢᭂᬂ᭞ᬯ᭞ᬇᬰᬓ᭞᭑᭙᭐᭙᭟᭐
᭟ᬢᬳᬸᬦ᭄ᬫᬰᬾᬳᬶ᭞ᬢᬗ᭄ᬕᬮ᭄᭞᭖᭞ᬤᬾᬲᬾᬫ᭄ᬩᭂᬃ᭞᭑᭙᭘᭗᭟᭐᭟ᬓᬲᬸᬭᬢ᭄ᬳᭀᬮᬶᬄᬳᬶᬓ᭄ᬢᬸᬢ᭄ᬲᭂᬗᭀᬤ᭄᭞ᬲᬓᬶᬂᬤᬾ
ᬰᬧᬶᬤ᭄ᬧᬶᬤ᭄‌ᬓᬮᬾᬃᬤᬯᬸᬄᬫᬃᬕ᭄ᬕ᭞ᬯᬃᬕ᭄ᬕᬧᬲᭂᬓ᭄᭞ᬓᬮᬸᬭᬳᬦ᭄ᬧᬶᬤ᭄ᬧᬶᬤ᭄᭞ᬓᬘᬫᬢᬦ᭄ᬳᬩᬂ᭞ᬓᬩᬸᬧᬢᬾᬦ᭄ᬓᬭ
ᬗ᭄ᬳᬲᭂᬫ᭄᭟᭐᭟ᬳᬶᬦᬦ᭄ᬜᬦᬾᬤᬺᬯᬾᬦ᭄ᬳᬶᬤᬳᬶᬤᬾᬯᬕ᭄ᬥᬾᬘᬢ᭄ᬭ᭞ᬚ᭄ᬭᭀᬓᬗᬶᬦᬦ᭄‌ᬲᬶᬤᭂᬫᬦ᭄᭟ᬫᬗ᭄ᬓᬶᬦ᭄ᬚᭂ [ 53 ][᭕᭒ 52B]
empty