Ban/Gaguritan Nilacandra

Deskripsi

Bahasa Indonesia

Lontar ini mengandung pupuh Sinom, Durma, Semarandhana dan lain-lain serta dalam lontar ini menceritakan Sang Prabhu Sri Nilacandra yang menemui Yudistira dan Panca Pandawa yang sampai pada akhirnya beliau memutuskan untuk bunuh diri begitupun terdapat pula kisah-kisah lainnya.

Naskah

[ 1 ][PERPUSTAKAAN
KTR. DOKBUD BALI
PROP. BALI
G/XXVII/2/DOKBUD
Judul : GAGURITAN NILACANDRA.
Pnjg.40 cm.Lb.3,5 cm. Jml. 51 lb.
Asal: Jasri, Karangasem.]
[᭑ 1A]
[Gag.Nilacandra
G/XXVII/2] [ 2 ][᭑ 1B]
᭑
᭛᭜᭛ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭛᭜᭛ᬧᬸ[strike]ᬧᬸᬄᬲᬶᬦᭀᬫ᭄᭟᭐᭟ᬲᬶᬦᭀᬫ᭄ᬫᬗ᭄ᬕᬮᬦᬶᬂᬲᭂᬫ᭄ᬩᬄ᭞ᬭᬶᬂᬳᬶᬤᬳ᭄ᬬᬂᬲᬭᬲ᭄ᬯᬢᬷ᭞ᬲᬂᬫᬭᬕᬓᬯ᭄ᬭᬸᬳᬦ᭄᭞ᬗᬸᬳᬸᬩ᭄ᬲᬤᬕᬶᬗᬶᬂᬪᬸᬫᬷ᭞ᬢᬶᬢ᭄ᬬᬂᬯᬦ᭄ᬢᬄ
ᬗᬪᬓ᭄ᬢᬶ᭞ᬘᭀᬓᭀᬳᬶᬤᬾᬯᬓᬲᬸᬂᬲᬸᬂ᭞ᬲᬚ᭄ᬭᭀᬦᬶᬂᬫᬗᬯᬾᬕᬶᬢ᭞ᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬗᬸᬪᬓ᭄ᬢᬶ᭞ᬦᬾᬓᬢᬸᬚᬸ᭞ᬭᬳᬬᬸᬲᬋᬂᬲᬫᬶᬬᬦ᭄᭟᭐᭟ᬫᬚᭂᬂᬭᬶᬂᬲᬂᬓᬯᬶᬰ᭄ᬯᬭ᭞
ᬦᬸᬦᬲ᭄ᬮᬸᬕ᭄ᬭᬫᬢᬸᬲᬶᬲᬶᬧ᭄᭞ᬫᬦᬯᬶᬢᬶᬢ᭄ᬬᬂᬧ᭄ᬭᬲᬗ᭄ᬖᬵ᭞ᬗᬸᬭᬶᬢ᭄ᬧᬓᬤ᭄ᬥᬶᬦ᭄ᬲᬂᬮ᭄ᬯᬶᬄ᭞ᬧᭀᬗᬄᬫᬶᬮᬸᬫᬶᬢᬸᬳᬸᬢᬶᬦ᭄᭞ᬢᬦ᭄ᬫ᭄ᬭᬄᬭᬶᬲᬭᬶᬲᬭᬶᬂᬫᬸᬥᬧᬸᬗ᭄ᬕᬸᬂ᭞ᬲᬶᬦᬄᬤᬤᭀᬲ᭄ᬓᬓᭂᬤᬾᬓᬦ᭄᭞
ᬫᬶᬯᬄᬧᬘᬂᬓᬘᬘᬤᬶᬦ᭄᭞ᬓᬗ᭄ᬕᬾᬦ᭄ᬕᬸᬭᬸ᭞ᬳᬶᬦ᭄ᬤᬶᬓᬾᬳᬲᬧᬸᬦᬶᬓ᭟᭐᭟ᬓᬢᬸᬢᬸᬭᬦ᭄ᬦᬶᬮᬘᬦ᭄ᬤ᭄ᬭ᭞ᬲᬦᬾᬓᬸᬗ᭄ᬕᬸᬳᬂᬭᬶᬂᬕᬸᬭᬶᬢ᭄᭞ᬗᬫ᭄ᬩᬶᬮ᭄ᬳᬤᭂᬕᬤᭂᬕ᭄ᬲᬢ᭄ᬯ᭞ᬧᬹᬃᬯ᭄ᬯᬕᬫᬰᬰᬦᬾᬓᬶ
[᭒ 2A]
᭞ᬓᬶᬭᬂᬮᬗ᭄ᬓᬸᬂᬫᬓᬲᬫᬶ᭞ᬦᬾᬫᬸᬗ᭄ᬕᬄᬭᬶᬂᬤᬕᬶᬂᬓᬶᬤᬸᬂ᭞ᬢᬸᬢᬸᬃᬪᬝᬭᬩᬸᬤ᭄ᬥ᭞ᬲᬦᬾᬗᬸᬧᬋᬗ᭄ᬕᬫᬮᬶᬄ᭞ᬮᬾᬤᬂᬳᬲᬸᬂ᭞ᬳᬶᬤᬤᬦᬾᬗᬫ᭄ᬧᬸᬭᬬᬂ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬘ
ᬭᬶᬢᬬᬂᬦᬾᬫᬗ᭄ᬓᬶᬦ᭄ᬲᬂᬤᬸᬫ᭄ᬪᬚᬬ᭞ᬳᬕᬸᬂᬭᬶᬂᬦᬕᬭᬧᬦ᭄ᬤᬶ᭞ᬫᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬗᬭᬦ᭄ᬲᬂᬓᬸᬜ᭄ᬚᬭᬓᬃᬡ᭄ᬦ᭞ᬢᬸᬃᬲᬫ᭄ᬧᬸᬦ᭄ᬧᬸᬧᬸᬢᬶᬂᬓᬶᬢ᭄ᬢᬶ᭞ᬧᭀᬮᬶᬄᬦᬸᬕ᭄ᬭᬳ᭞ᬳ᭄ᬬᬂᬯᬾᬭᭀᬘ
ᬡᬗ᭄ᬯᬾᬘᬦᬶᬦ᭄᭟᭐᭟ᬭᬶᬂᬲᬫ᭄ᬧᬸᬦᬾᬳᬶᬤᬧᭀᬮᬶᬄᬧᬦᬸᬕ᭄ᬭᬳᬦ᭄᭞ᬭᬭᬶᬲ᭄ᬳᬶᬤᬗᬯᬶᬓᭀᬦᬶᬦ᭄᭞ᬫᬕᭂᬦ᭄ᬢᭀᬲ᭄ᬧᭂᬲᬾᬗᬦ᭄᭞ᬪᬕᬯᬵᬦ᭄ᬳᬦ᭄ᬤᬲᬶᬗ᭄ᬳᬵ᭞ᬧᭂᬲᬾᬗᬦ᭄ᬳᬶᬤᬲᬂᬋᬱᬶ᭞
ᬤᬳᬢᬶᬂᬧ᭄ᬭᬚ᭄ᬜᬦ᭄᭞ᬩᬸᬤ᭄ᬥᬧᬓ᭄ᬱᬓᬮᬓᭀᬦᬶᬦ᭄᭟᭐᭟ᬲᬦᬾᬫᬗ᭄ᬓᬶᬦ᭄ᬳᬶᬗ᭄ᬯᬗᬸᬦᬂᬧᬰ᭄ᬭᬫᬦ᭄᭞ᬭᬶᬂᬕᬶᬭᬶᬯᬦᬫᬮᬶᬗ᭄ᬕᬶᬄ᭞ᬲᬶᬤ᭄ᬥᬶᬫᬦ᭄ᬢ᭄ᬭᬳᬶᬤ᭞ᬯᭂᬦᬂᬫᬦ᭄ᬢᬸᬓᬾᬂᬰᬹᬦ᭄ᬬᬕ᭞ᬳᬧᬦ᭄ᬬ᭠ [ 3 ][᭒ 2B]
᭒
ᬲ᭄ᬧᬸᬢᬸᬲᬶᬗᬚᬶ᭞ᬚ᭄ᬜᬦᬲᬸᬤ᭄ᬥ᭞ᬯᬵᬓ᭄ᬪᬚ᭄ᬭᬲᬶᬭᬲᬂᬋᬱᬶ᭟᭐᭟ᬯᬾᬦ᭄ᬫᬮᬶᬄᬳᬶᬤᬲᬂᬧᬹᬃᬡ᭄ᬦᬯᬶᬚᬬ᭞ᬫᬶᬗ᭄ᬲᬶᬓᬶᬦ᭄ᬳᬶᬤᬲᬂᬋᬱᬶ᭞ᬧᬸᬢ᭄ᬭᬦ᭄ᬲᬂᬉᬢ᭄ᬱᬃ᭞ᬭᬢᬸᬦᬶᬂᬦᬭᬚᬤᬾᬰ᭞ᬯᬯᬶ
ᬤᬗᬦ᭄ᬓᬾᬦ᭄ᬤ᭄ᬭᬦ᭄ᬬᬸᬓ᭄ᬢᬶ᭞ᬯᬸᬲ᭄ᬫᬤᭂᬕ᭄ᬦᬵᬣ᭞ᬲᬂᬧᬹᬃᬡ᭄ᬦᬯᬶᬚᬬᬧᬶᬦᬸᬚᬶ᭟᭐᭟ᬫᬪᬶᬱᬾᬓᬲᬂᬦᬵᬣᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬧ᭄ᬭᬪᬸᬯᬶᬪᬸᬄᬫᬸᬢᭂᬃᬪᬸᬫᬶ᭞ᬓᬚᬦᬵᬦᬸᬭᬵᬕ᭞ᬮ᭄ᬯᬶᬃᬓᬤᬶᬲᬂᬳ᭄ᬬᬂᬇᬦ᭄ᬤ᭄ᬭ᭞ᬫ
ᬧᬶᬘ᭄ᬘᬵᬲᬩᭂᬄᬗᭂᬢᬶᬲᬶᬦ᭄᭞ᬲ᭄ᬯᬥᬃᬫ᭄ᬫᬦᬶᬂᬦᬵᬣ᭞ᬕᬶᬦᭂᬕᭃᬤᬾᬰ᭄ᬭᬷᬦᬺᬧᬢᬶ᭟᭐᭟ᬩᬸᬤ᭄ᬥᬧᬓ᭄ᬱᬕᬶᬦᭂᬮᬃᬲᬂᬦᬶᬮᬘᬦ᭄ᬤ᭄ᬭ᭞ᬧᬕᭂᬄᬓᬸᬓᬸᬄᬗᬮᬓᭀᬦᬶᬦ᭄᭞ᬘᬢᬸᬃᬧᬭᬶᬫᬶᬢ᭞ᬗᬲ᭄ᬢ
ᬯᬳ᭄ᬬᬂᬯᬾᬭᭀᬘᬡ᭞ᬢᭂᬍᬩ᭄ᬗᬭᬳᬬ᭄ᬯᬂᬕᬸᬫᬶ᭞ᬲᬬᬂᬭᬶᬂᬧᬜ᭄ᬚᬓ᭄᭞ᬧᬜ᭄ᬚᬓᬾ᭠ᬲᬫᬶᬲᬸᬪᬓ᭄ᬢᬶ᭟᭐᭟ᬲᬦᬾᬤᬸᬫᬸᬦ᭄ᬲᬂᬦᬵᬣᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬲᬤᬸᬭᬸᬂᬳᬶᬤᬗᬦᬸᬢᬶᬦ᭄᭞
[᭓ 3A]
ᬕᬕᭂᬮᬭᬦ᭄ᬩᬸᬤ᭄ᬥ᭞ᬓᬮᬶᬧᬸᬢ᭄ᬭᬚᬄᬢᬫᬄ᭞ᬧᬜ᭄ᬘᬾᬦ᭄ᬤ᭄ᬭᬶᬬᬦᬾᬫᬫᬹᬃᬢ᭄ᬢᬶ᭞ᬫᬶᬯᬄᬢ᭄ᬭᬶᬫᬮ᭞ᬱᬤ᭄ᬭᬶᬧᬸᬫᬸᬲᬸᬄᬰᬓ᭄ᬢᬶ᭟᭐᭟ᬤᬾᬦᬶᬂᬯᬾᬦ᭄ᬢᭂᬦ᭄ᬧᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬾᬭᭀᬘᬡ᭞ᬲᬳᬦ
ᬦᬶᬂᬫᬸᬲᬸᬄᬰᬓ᭄ᬢᬶ᭞ᬭᬶᬂᬳᬗ᭄ᬕᬰᬭᬶᬭ᭞ᬲᬫ᭄ᬧᬸᬦ᭄ᬲᬶᬤ᭄ᬥᬓᬓᬲᭀᬭᬂ᭞ᬢᬦ᭄ᬯᬾᬦ᭄ᬢᭂᬦ᭄ᬧᬸᬭᬸᬦ᭄ᬫᬍᬚᬶᬢ᭄᭞ᬩᬸᬤ᭄ᬥᬶᬲᬢ᭄ᬯᬦ᭄᭞ᬢᬸᬫ᭄ᬩᬸᬄᬫᬲᭂᬳᭂᬦ᭄ᬧ᭄ᬭᬫᬗ᭄ᬓᬶᬦ᭄᭟᭐᭟ᬘᬢᬸᬃᬫᬃᬕ᭄ᬕᬢᬍᬃᬲᬫ᭄ᬧᬸᬦ᭄ᬓᬲᬶ
ᬤ᭄ᬥᬬᬂ᭞ᬥᬃᬫ᭄ᬫᬅᬃᬣᬦᬵᬫᬢᬾᬓᬶ᭞ᬫᭀᬓ᭄ᬱᬦᬾᬧᬸᬦᬶᬓ᭞ᬤᬾᬦᬶᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞᭠ᬢᭂᬍᬩ᭄ᬓᬸᬓᬸᬄᬫᬗᬫᭀᬗᬶᬦ᭄᭞ᬘᬢᬸᬃᬧ᭄ᬭᬫᬶᬢ᭞ᬭᬶᬂᬩᬸᬤ᭄ᬥᬧᬓ᭄ᬱᬮᬶᬦᭂᬯᬶᬄ᭟᭐᭟ᬧᬸᬧᬸᬄᬲᬶᬦᭀᬫ᭄
᭟᭐᭟ᬢᬦ᭄ᬲᬦ᭄ᬤᬂᬫᬮᬶᬄᬩᬯᭀᬲᬂ᭞ᬲᬧᬫᬤᭂᬕ᭄‌ᬰ᭄ᬭᬷᬪᬸᬧᬢᬶ᭞ᬚᬕᬢᬾᬓᬺᬢ᭄ᬢᬭᬳᬃᬚ᭄ᬚ᭞ᬲᬂᬧ᭄ᬭᬪᬸᬓᬮᬶᬦ᭄ᬢᬂᬳᬲᬶᬄ᭞ᬧᬜ᭄ᬚᬓᬾᬲᬫᬶᬲᬸᬪᬓ᭄ᬢᬶ᭞ᬢᬦ᭄ᬓᬸᬭᬂᬧᬗᬦ᭄‌ᬫ᭄ᬯᬂᬓᬶᬦᬸᬫ᭄᭞ᬲᬓᬶᬂᬧ [ 4 ][᭓ 3B]
᭓
ᬲ᭄ᬯᬾᬘ᭄ᬙᬦ᭄ᬲᬂᬦᬵᬣ᭞ᬳᬫ᭄ᬭᬶᬄᬲᬸᬓᬺᬢ᭄ᬢᬦᬶᬂᬪᬸᬫᬷ᭞ᬤᭂᬕ᭄ᬤᭂᬕ᭄ᬮᬦ᭄ᬤᬸᬄ᭞ᬲᬚᭂᬩᬕ᭄ᬦᬭᬚᬤᬾᬰᬵ᭟᭐᭟ᬧᬫᭂᬤᬮ᭄ᬧᬸᬭᬷᬦᬾᬫᬃᬧ᭄ᬧᬢ᭄᭞ᬩᭂᬦ᭄ᬢᬮᬦᬾᬫᬸᬭᬸᬩ᭄ᬗᭂᬦ᭄ᬤᬷᬄ᭞ᬫᬤᬕᬶᬂᬫᬵᬲ᭄ᬲᬲᭀᬘᬦ᭄᭞
ᬢᭀᬕᭀᬕᬾᬗᬧᬶᬢ᭄ᬤᬶᬲᬫ᭄ᬧᬶᬂ᭞ᬫᬮᬓᬃᬩᬢᬸᬫᬸᬓᬷᬃ᭞ᬫᬮᬫ᭄ᬧᬳᬦ᭄ᬢᭂᬓᬳᬦᬹᬢ᭄᭞ᬧᬢᭃᬲ᭄ᬲᬸᬩᬮᬷᬲᬸᬕ᭄ᬭᬷᬯ᭞ᬫᬬᬸᬤ᭄ᬥᬢᬦ᭄ᬧᬧᬓᬾᬭᬶᬂ᭞ᬤᬸᬓᬾᬤᬗᬸ᭞ᬗᬋᬩᬸᬢᬶᬦ᭄ᬤᬾᬯᬷᬢ᭠
ᬭᬵ᭟᭐᭟ᬫᬮᬶᬄᬧᬸᬦᬷᬓᬤᬸᬳᬸᬭᬦ᭄᭞ᬢᬍᬃᬢᭀᬕᭀᬕ᭄ᬩᬢᬸᬫᬸᬓᬷᬃ᭞ᬫᬶᬦᬩ᭄ᬭᬵᬫᬮᬓ᭄ᬱ᭄ᬫᬡ᭞ᬲᬦᬾᬫᬫᬸᬯᬢᬂᬓᬦ᭄ᬢᬷ᭞ᬫᬓ᭄ᬢᬕᬡ᭄ᬥᬾᬯᬘᬸᬫᬯᬶᬲ᭄᭞ᬢᭀᬕᭀᬕ᭄ᬳᬦᭀᬫᬦᬾᬧ
ᬗᬸᬲ᭄᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬗᬢᬸᬭᬷᬦ᭄ᬲᬂᬭᬵᬫᬕᭂᬮᬶᬲ᭄᭞ᬫᬗ᭄ᬤᬓᬬᬸᬦ᭄᭞ᬳᬶᬤᬦᬸᬮᬸᬂᬲᬂᬲᬸᬕ᭄ᬭᬶᬯ᭟᭐᭟ᬤᬶᬚᬩᬢᭂᬗᬄᬩᬯᭀᬲᬂ᭞ᬢᭂᬮᬕᬦᬾᬩᬷᬮᬂᬲᬫ᭄ᬧᬶᬂ᭞ᬓᬳᬶ
[᭔ 4A]
ᬍᬳᬶᬦ᭄ᬳᬦ᭄ᬢᬸᬓ᭄ᬲᭂᬓᬃ᭞ᬢᭀᬕᭀᬕᬾᬗᬶᬥᭂᬃᬤᬶᬲᬶᬲᬶ᭞ᬢᬸᬜ᭄ᬚᬸᬗᬾᬫᬜ᭄ᬘᬯᬃᬡ᭄ᬦᬶ᭞ᬳ᭠ᬤᬩᬭᬓ᭄ᬓᬸᬦᬶᬂᬪᬶᬭᬸ᭞ᬩᬮᬾᬩᬸᬦ᭄ᬤᭂᬭᬾᬤᬶᬢᭂᬗᬄ᭞ᬫᬧᬬᬲ᭄ᬫᬧ᭄ᬭᬤᬫᬸᬓᬶᬃ᭞ᬗᭂᬦ᭄ᬤᬶᬄᬫᬸᬭᬸ
ᬩ᭄᭞ᬲᬯᬂᬓᬤᬶᬩᬮᬾᬳᭂᬫᬵᬲ᭄᭟᭐᭟ᬳᬫᬸᬦ᭄ᬢᭀᬫᬮᬸᬩᬯᭀᬲᬂ᭞ᬧᬸᬭᬶᬦ᭄ᬳᬶᬤᬰ᭄ᬭᬷᬦ᭄ᬭᬧᬢᬶ᭞ᬩᭂᬘᬶᬓᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬚᬕᬢ᭄ᬲ᭄ᬯᬃᬕ᭄ᬕᬬᬦᬸᬧᬫᬶ᭞ᬓᬲᬸᬩ᭄ᬢᬦ᭄ᬯᬾᬦ᭄ᬢᭂᬦ᭄ᬦᬦ᭄ᬤᬶᬗᬶ
ᬦ᭄᭞ᬲᬂᬧ᭄ᬭᬪᬸᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬗᬯᬾᬦ᭄ᬢᭂᬦᬂᬧᬦᬗ᭄ᬓᬶᬮᬦ᭄᭞ᬫᬦᬯᬸᬳᬶᬦ᭄ᬢᬦ᭄ᬤᬫᬦ᭄ᬢ᭄ᬭᬶ᭞ᬧᬭᬧᬸᬭᬸ᭞ᬲᬦᬾᬭᬶᬂᬦᬭᬚᬤᭀᬰ᭟᭐᭟ᬧᭂᬧᭂᬓᬶᬓᬂᬧᬦᬗ᭄ᬓᬶᬮᬦ᭄᭞ᬩᬳᬸᬤᬡ᭄ᬥᬢ
ᬡ᭄ᬥᬫᬦ᭄ᬢ᭄ᬭᬶ᭞ᬲᬓᭂᬭᬄᬧᬭᬧᬸᬭᬸᬱ᭞ᬪᬸᬚᬗ᭄ᬕᬫᬶᬯᬄᬲᬂᬋᬱᬶ᭞ᬲᬫᬶᬫᬗᬦᬸᬢᬶᬦ᭄ᬮᬶᬗ᭄ᬕᬶᬄ᭞ᬢᬸᬫᬸᬮᬶᬫᭂᬤᬮ᭄ᬲᬂᬧ᭄ᬭᬪᬸ᭞ᬓᬕ᭄ᬬᬢ᭄ᬲᬤᬕᬶᬂᬧᬲᬾᬪᬦ᭄᭞ᬜᬓᬸᬧᬂᬢᬗᬦ᭄ᬗᬜ᭄ᬚᬮᬶ᭞ [ 5 ][᭔ 4B]
᭔
ᬭᬶᬂᬲᬂᬧ᭄ᬭᬪᬸ᭞ᬳᬶᬤᬓᬮᬶᬦ᭄ᬢᬂᬕᬃᬚ᭄ᬚᬶᬢ᭟᭐᭟ᬯᬸᬲ᭄ᬫᬮᬶᬗ᭄ᬕᬶᬄᬳᬩ᭄ᬭᬶᬬᬸᬓᬦ᭄᭞ᬩᬳᬸᬤᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬢᬸᬫᬸᬮᬶᬳᬶᬤᬲᬂᬓᬢᭀᬂ᭞ᬭᬶᬂᬲᬶᬗ᭄ᬳᬰᬦᬫᬮᬶᬗ᭄ᬕᬶᬄ᭞ᬓᬲᬦ᭄ᬤᬶᬗᬶᬦ᭄ᬧ᭄ᬭᬫᬶ
ᬰ᭄ᬯᬭᬶ᭞ᬧᭂᬧᭂᬓ᭄ᬳᬸᬧᬘᬵᬭᬲᬫ᭄ᬧᬸᬦ᭄᭞ᬲᬸᬢᬾᬚᬫᬓᭂᬩ᭄ᬬᬄᬕᬮᬂ᭞ᬤᬾᬦᬶᬂᬪᬹᬱᬡᬦᬾᬍᬯᬶᬄ᭞ᬗᭂᬦ᭄ᬤᬶᬄᬫᬸᬭᬸᬩ᭄᭞ᬫᬡᬶᬓ᭄ᬫᬸᬢ᭄ᬬᬭᬦᬾᬫᬸᬦ᭄ᬢᬩ᭄᭟᭐᭟ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬯᬘ᭠
ᬡᬦᬾᬜᬸᬜᬸᬃᬫᬦᬶᬲ᭄᭞ᬧᬫᬦ᭄ᬧᬢᬶᬄᬩᬳᬸᬤᬡ᭄ᬥ᭞ᬫᬶᬯᬄᬧ᭄ᬭᬯᬶᬭᬦᬾᬲᬫᬶ᭞ᬓᬾᬦ᭄ᬓᬾᬦ᭄ᬩᬦ᭄ᬫᬦᬶᬭᬚᬦᬶ᭞ᬲᬰᬡᬦᬾᬤᬤᬶᬳᬕᬸᬂ᭞ᬧᬘᬂᬫᬦᬩ᭄ᬤᬩᬂᬧᬜ᭄ᬚᬓ᭄᭞ᬲ᭄ᬯᬥᬃᬫ᭄ᬫᬦ᭄ᬲᬂᬭᬢᬸ᭠
ᬍᬯᬶᬄ᭞ᬳᭂᬦ᭄ᬢᭀᬧᬢᬸᬢ᭄᭞ᬳᬢᬸᬭᬂᬢᭂᬓᬾᬦ᭄ᬫᬦᬶᬭ᭟᭐᭟ᬧᬸᬧᬸᬢ᭄ᬲᬂᬦᬵᬣᬗᬦ᭄ᬤᬶᬓ᭞ᬲᬓᭂᬭᬄᬲᬦᬾᬫᬦᬗ᭄ᬓᬶᬮ᭄᭞ᬩᭂᬗᭀᬂᬢᬸᬃᬳᭂᬗ᭄ᬲᭂᬓ᭄ᬩᭂᬮ᭄ᬩᭂᬮᬦ᭄᭞ᬧᬫᬦ᭄ᬯᬺᬤ᭄ᬥᬫᬢᬸᬃᬕᭂᬮᬶᬲ᭄᭞ᬗ
[᭕ 5A]
ᬧᬧᬂᬫᬗᬜ᭄ᬚᬮᬶ᭞ᬲᬶᬗ᭄ᬕᬶᬄᬅᬫ᭄ᬧᬸᬭᬲᬂᬧ᭄ᬭᬪᬸ᭞ᬫᬦᬯᬶᬢᬶᬢ᭄ᬬᬂᬧ᭄ᬭᬲᬗ᭄ᬖ᭞ᬫᬢᬸᬃᬭᬶᬂᬘᭀᬓᭀᬭᬶᬕᬸᬲ᭄ᬢᬶ᭞ᬩᭀᬬᬧᬢᬸᬢ᭄᭞ᬗᬦ᭄ᬤᬶᬓᬳᬲᬧᬸᬦᬶᬓ᭟᭐᭟ᬭᬾᬳᬶᬭᬢᬸᬮᬶᬦ᭄ᬢᬂᬧ᭄ᬭᬚ᭄ᬜ
ᬦ᭄᭞ᬯᬶᬰᬾᬱᬢᬸᬃᬲᬥᬸᬩᬸᬤ᭄ᬥᬶ᭞ᬢᭂᬍᬩ᭄ᬭᬶᬂᬰᬵᬲ᭄ᬢ᭄ᬭᬅᬕᬫ᭞ᬢᬦ᭄ᬲᬦ᭄ᬤᬂᬓᬬᬸᬦᬶᬦ᭄ᬫᬮᬶᬄ᭞ᬧᬜ᭄ᬚᬚᬓᬾᬲᬫᬶᬲᬸᬪᬓ᭄ᬢᬶ᭞ᬚᬕᬢ᭄ᬢᬺᬧ᭄ᬢᬶᬕ᭄ᬫᬸᬄᬮᬦ᭄ᬤᬸᬄ᭞ᬓᬾᬫᬯᭀᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬂ᭞ᬤ᭄ᬯ
ᬦᬶᬂᬳᬶᬭᬢᬸᬦᬾᬭᬶᬳᬶᬦ᭄᭞ᬦᬳᭂᬦ᭄ᬭᬯᬸᬄ᭞ᬓᬚᬕᬢ᭄ᬲ᭄ᬯᬃᬕ᭄ᬕᬦᬵᬭᬓ᭟᭐᭟ᬬᬦ᭄ᬓᬧᬢᬸᬢ᭄ᬳᬢᬸᬃᬢᬶᬢ᭄ᬬᬂ᭞ᬗᬶᬭᬶᬂᬯᬗᬸᬦᬂᬳᬶᬭᬶᬓᬶ᭞ᬭᬶᬂᬚᬕᬢ᭄ᬘᭀᬓᭀᬳᬶᬤᬾᬯ᭞ᬧᬧᬶᬦ᭄ᬤᬦ᭄ᬲ᭄ᬯᬃ
ᬕ᭄ᬕᬦᬾᬍᬯᬶᬄ᭞ᬧᬧᬶᬦ᭄ᬤᬦ᭄‌ᬦ᭄ᬭᬓᬦᬾᬫᬮᬶᬄ᭞ᬧᬸᬦᬶᬓᬳᬗ᭄ᬕᬾᬦ᭄ᬲᬲᬸᬮᬸᬄ᭞ᬓᬯᬸᬮᬦ᭄ᬘᭀᬓᭀᬃᬳᬶᬤᬾᬯᬵ᭞ᬫᬗ᭄ᬤᬲᬶᬤ᭄ᬥᬳᬶᬧᬸᬦ᭄‌ᬳᬸᬦᬶᬂ᭞ᬳᬮᬳᬬᬸ᭞ᬲᬦᬾᬳᭂ [ 6 ][᭕ 5B]
᭕
ᬜ᭄ᬘᬾᬦ᭄ᬧᬢᬸᬢ᭄ᬢᬸᬗ᭄ᬦᬶᬸᬮᬤ᭄᭟᭐᭟ᬬᬦ᭄ᬲᬫ᭄ᬧᬸᬦ᭄‌ᬧᭀᬮᬶᬄᬗᬦ᭄ᬢᭂᬦᬂ᭞ᬧᬧᬶᬦ᭄ᬤᬦ᭄ᬦ᭄ᬭᬓᬫᬦᬯᬶ᭞ᬅᬰ᭄ᬭᬶᬄᬫᬮᬓ᭄ᬱᬡᬓᬢᭀᬦ᭄᭞ᬭᬾᬄᬨᬮᬦᬾᬦ᭄ᬢᭂᬦ᭄ᬩᭂᬘᬶᬓ᭄᭞ᬢᬦ᭄ᬓᬶᬤᬶᬓ
ᬦ᭄ᬦᬦ᭄ᬤᬂᬲᬓᬶᬢ᭄᭞ᬘᬶᬓ᭄ᬭᬩᬮᬦᬾᬫᬗᭂᬧᬸᬂ᭞ᬓᬮᬶᬄᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕ᭞ᬦᬸᬤᬸᬢ᭄ᬫᬮᬓ᭄ᬱᬡᬩᭂᬘᬶᬓ᭄᭞ᬲᭀᬮᬄᬳᬬᬸ᭞ᬗᬯᬶᬦᬂᬫᬗ᭄ᬕᬸᬄᬓᬲᬸᬓᬦ᭄᭟᭐᭟ᬧᬧᬶᬦ᭄ᬤᬦᬾᬫᬓ
ᬭ᭄ᬯ᭞ᬧᬸᬦᬶᬓᬯᬮᬸᬬᬘᬺᬫᬶ᭞ᬲᬲᬸᬮᬸᬄᬤᬕᬶᬗᬳᬫ᭞ᬦᬸᬦ᭄ᬢᬸᬦ᭄ᬫᬮᬓ᭄ᬱᬡᬩᭂᬘᬶᬓ᭄᭞ᬳᬗ᭄ᬕᬾᬦ᭄ᬚᬮᬭᬦ᭄ᬧᬢᬶᬢᬶᬲ᭄᭞ᬚᬕᬢᬾᬫᬗ᭄ᬤᬭᬳᬬᬸ᭞ᬧᬥᬗᬦᬸᬢᬶᬦ᭄ᬲ᭄ᬯᬥᬃ
ᬫ᭄ᬫ᭞ᬢᬦ᭄ᬯᬾᬦ᭄ᬢᭂᬦ᭄ᬘᭀᬭᬪᬬᬵᬤᬶ᭞ᬲᬶᬦᬄᬧᬗ᭄ᬕᬸᬄ᭞ᬲᬸᬓᬲᬓᬮᬦᬶᬲ᭄ᬓᬮ᭟᭐᭟ᬧᬸᬧᬸᬢ᭄ᬳᬢᬸᬃᬧᬢᬶᬄᬯᬺᬤ᭄ᬥ᭞ᬗᬦ᭄ᬤᬶᬓᬰ᭄ᬭᬶᬦᬭᬧᬢᬶ᭞ᬲᬚᬧᬸᬓᬳᬢᬸᬃᬧᬫᬦ᭄᭞ᬍᬕᬫ
[᭖ 6A]
ᬦᬶᬭᬫᬶᬳᬃᬱᬶ᭞ᬧᬭᬧᬢᬶᬄᬓᬢᬭᬾᬓᬶᬦ᭄᭞ᬓᬾᬦ᭄ᬓᬾᬦ᭄ᬧᬫᬦ᭄ᬫᬶᬦᬩ᭄ᬳᬤᬸᬂ᭞ᬩᬸᬓᬳᬢᬸᬃᬧᬫᬦ᭄ᬯᬺᬤ᭄ᬥ᭞ᬧᬭᬧᬢᬶᬳᬾᬗᬪᬓ᭄ᬢᬶ᭞ᬲᬯᬸᬃᬫᬦᬸᬓ᭄᭞ᬲᬫᬶᬧᬥᬫᬫᬢᬸᬢᬂ᭟᭐᭟
ᬳᬶᬗ᭄ᬓᬸᬧ᭄ᬤᬕᬶᬂᬩᬩᬯᭀᬲᬦ᭄᭞ᬧᬘᬂᬓᬯᬗᬸᬦ᭄ᬤᬶᬕᭂᬮᬶᬲ᭄᭞ᬕᭂᬦᬄᬗᬯᬗᬸᬦ᭄ᬧᬧᬶᬦ᭄ᬤᬦ᭄᭞ᬚᬩᬦ᭄ᬧᬸᬭᬶᬓᭂᬮᭀᬤ᭄ᬓᬗᬶᬦ᭄᭞ᬧᬧᬶᬦ᭄ᬤᬦ᭄ᬦ᭄ᬭᬓᬓᬯᬗᬸᬦᬶᬦ᭄᭞ᬓᭀᬘᬧ᭄ᬧᬸ
ᬭᬷᬦ᭄ᬤᬲᬂᬧ᭄ᬭᬪᬸ᭞ᬓᬗ᭄ᬕᭂᬄᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕ᭞ᬧᬘᬂᬓᬸᬧᬧ᭄ᬳᬗ᭄ᬕᬫᬮᬶᬄ᭞ᬫᬗ᭄ᬤᬳᬦᬸᬢ᭄᭞ᬧᬢᬶᬄᬭᬶᬂᬚᬕᬢ᭄ᬲ᭄ᬯᬃᬕ᭄ᬕᬦ᭄᭟᭐᭟ᬲᬦᬾᬧᬘᬂᬫᬗᭀᬋᬕᬂ᭞ᬯᬯᬗᬸᬦᬦ᭄ᬰ᭄ᬭᬷᬦᬺ
ᬧᬢᬶ᭞ᬧᬭᬧᬢᬶᬳᬾᬲᬫᬶᬬᬦ᭄᭞ᬓᬳᬩᬶᬄᬢᬸᬓᬂᬉᬡ᭄ᬥᬕᬶ᭞ᬯᬤ᭄ᬯᬦᬾᬧᬘᬂᬗᬬᬳᬶᬦ᭄᭞ᬢ᭄ᬭᬸᬡᬢ᭄ᬭᬸᬡᬶᬧᬫᬸᬘᬸᬓ᭄᭞ᬲᬋᬂᬫᬗᬢᬸᬭᬂᬳᬬᬄ᭞ᬳᬶᬗ᭄ᬓᬸᬧ᭄ᬩᬩ [ 7 ][᭖ 6B]
᭖
ᬯᭀᬲᬾᬩᭂᬘᬶᬓ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬦ᭄ᬤᬶᬓ᭄ᬧᬤᬸᬫ᭄ᬤᬸᬫᬦ᭄ᬓᬃᬬ᭄ᬬ᭟᭐᭟ᬧᬸᬧᬸᬢ᭄ᬤᬕᬶᬂᬧᬦᬗ᭄ᬓᬶᬮᬦ᭄᭞ᬲᬫ᭄ᬧᬸᬦ᭄ᬢᬚᭂᬕ᭄ᬲᬂᬳ᭄ᬬᬂᬭᬯᬶ᭞ᬓᬚᭂᬭᭀᬧᬸᬭᬲᬂᬓᬢᭀᬂ᭞ᬧᬭᬧᬗ
ᬩᬶᬄᬫᬗᬶᬭᬶᬂ᭞ᬩᬳᬸᬤᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬅᬩ᭄ᬭᬶᬬᬸᬓᬦ᭄ᬲᬫᬶᬫᬦ᭄ᬢᬸᬓ᭄᭞ᬗᬸᬗ᭄ᬲᬶᬓᬭᬂᬓᬧᬢᬶᬬᬦ᭄᭞ᬮᬶᬗ᭄ᬕᬶᬄᬤᬦᬾᬕᬸᬲ᭄ᬢᬶᬧᬢᬶᬄ᭞ᬲᬫ᭄ᬧᬸᬦ᭄ᬭᬯᬸᬄ᭞ᬫᬭᬶᬂᬚᭂᬭᭀᬲᭀ
ᬯᬂᬲᭀᬯᬂ᭟᭐᭟ᬘᬭᬶᬢᬬᬂᬧᬢᬶᬄᬯᬺᬤ᭄ᬥ᭞ᬢᬍᬃᬲᬫ᭄ᬧᬸᬦ᭄ᬤᬦᬾᬧ᭄ᬭᬵᬧ᭄ᬢᬶ᭞ᬭᬩᬶᬦ᭄ᬤᬦᬾᬲᬤᬳᬾᬜ᭄ᬘᭀᬮ᭄᭞ᬜᬧᬫᬤᬸᬮᬸᬭᬦ᭄ᬓᭂᬜᬶᬂ᭞ᬫᬮᬶᬗ᭄ᬕᬶᬄᬤᬸᬫᬸᬦ᭄ᬩᭂᬮᬶ᭞ᬢᬶᬢ᭄ᬬᬂ
ᬓᬧ᭄ᬯᬃᬕ᭄ᬕᬦ᭄ᬤᬸᬫᬸᬦ᭄᭞ᬓᬦ᭄ᬢᬸᬦ᭄ᬦᬩ᭄ᬤᬩᬂᬲᭀᬤᬬᬦ᭄᭞ᬫᬮᬶᬗ᭄ᬕᬶᬄᬳᬶᬕᬸᬲ᭄ᬢᬶᬧᬢᬶᬄ᭞ᬲᬕᬾᬢ᭄ᬭᬯᬸᬄ᭞ᬭᬩᬶᬦᬾᬫᬓ᭄ᬢᬳᬚᭂᬗᬦ᭄᭟᭐᭟ᬲᬂᬓᬵᬮᬶᬄᬳᬸᬲᬦ᭄ᬫᬚᭂᬗᬦ᭄᭞ᬭᬩᬶ
[᭗ 7A]
ᬦ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬢᬸᬫᬸᬮᬶᬳᬸᬫᬢᬸᬃᬳᬮᭀᬦ᭄᭞ᬫᬶᬦᬩ᭄ᬯᬾᬦ᭄ᬢᭂᬦ᭄ᬩᬯᭀᬲ᭄ᬧᬶᬗᬶᬢ᭄᭞ᬳᬯᬶᬦᬦ᭄ᬓᬦ᭄ᬢᭀᬲ᭄ᬢᭂᬗᬳᬶ᭞ᬧᬦᬗ᭄ᬓᬶᬮᬦᬾᬳᬶᬯᬳᬸ᭞ᬧᬫᬦ᭄ᬯᬺᬤ᭄ᬥᬫᬗᬦ᭄ᬤᬶᬓ᭞ᬲᬚᬩᬸᬓ
ᬭᬯᭀᬲᬤᬶ᭞ᬦᬲᬂᬧ᭄ᬭᬪᬸ᭞ᬧᬘᬂᬗᬯᬗᬸᬦ᭄ᬧᬧᬶᬦ᭄ᬤᬦ᭄᭟᭐᭟ᬧᬧᬶᬦ᭄ᬤᬦ᭄ᬚᬕᬢ᭄ᬲ᭄ᬯᬃᬕ᭄ᬕ᭞ᬜᬢ᭄ᬯᬬᬂᬳᬢ᭄ᬫᬦᬾᬲᬫᬶ᭞ᬲᬦᬾᬫᬗ᭄ᬕᬸᬳᬂᬓᬲᬸᬓᬦ᭄᭞ᬨᬮᬦ᭄ᬧᬓᬃᬤ᭄ᬥᬶᬦᬾᬩᭂᬘᬶᬓ᭄᭞᭠
ᬲᬗ᭄ᬓᬦᬶᬂᬢᭂᬍᬩ᭄ᬗᬦᬹᬢᬶᬦ᭄᭞ᬲᭀᬮᬳᬾᬲᬦᬾᬭᬳᬬᬸ᭞ᬢᭂᬍᬩ᭄ᬫᬤᬵᬦᬧᬸᬡ᭄ᬬ᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬲᭀᬮᬄᬳᬦᬹᬢ᭄᭞ᬗᬦᬹᬢᬶᬦ᭄ᬤᬕᬶᬂᬅᬕᬫ᭟᭐᭟ᬧᬧᬶᬦ᭄ᬤᬦ᭄ᬚᬕ
ᬢ᭄ᬦᬵᬭᬓ᭞ᬲᬗᭂᬢ᭄ᬧᬶᬲᬦ᭄ᬗᬚᬚ᭄ᬭᬶᬳᬶᬦ᭄᭞ᬲᬮ᭄ᬯᬶᬃᬳᬢ᭄ᬫᬦᬾᬓᬲᬲᬃ᭞ᬓᬤᬸᬄᬓᬶᬢᬦ᭄ᬓᬲᬓᬶᬢᬦ᭄᭞ᬲᬢᬢᬵᬲᭂᬤᬶᬄᬓᬶᬂᬓᬶᬂ᭞ᬮᬭᬭᭀᬕᬦᬾᬫᬤᬸᬕ᭄ᬤᬸᬕ᭄᭞ᬨᬮᬦ᭄ᬧᬓᬃᬤ᭄ᬥᬶᬦᬾ [ 8 ][᭗ 7B]
᭗
ᬘᭀᬭᬄ᭞ᬫᬗᬯᬶᬦᬂᬳᬦᬓ᭄ᬲᬓᬶᬢ᭄᭞ᬢ᭄ᬯᬭᬩᬸᬯᬸᬂ᭞ᬲᬓᬶᬢᬾᬩᬓᬢ᭄ᬢᬶᬫᭀᬓᬂ᭟᭐᭟ᬓᬾᬢᭀᬤᬕᬶᬂᬧᬲᬫᬸᬯᬦ᭄᭞ᬧᬘᬂᬓᬯᬗᬸᬦ᭄ᬤᬶᬕᭂᬮᬶᬲ᭄᭞ᬭᬩᬶᬦ᭄ᬤᬦᬾᬫᬮᬶᬄᬦᬶᬫ᭄ᬩᬮ᭄᭞ᬳᬫ᭄ᬧᬸᬭᬫ
ᬭᬸᬧᬫᭂᬮᬶᬤ᭄᭞ᬬᬦ᭄ᬢᬦ᭄ᬫᬗᬯᬶᬦᬂᬲᬶᬲᬶᬧ᭄᭞ᬦᬶᬓᬳᬶᬦ᭄ᬢᬶᬢ᭄ᬬᬂᬳᬧᬸᬗ᭄ᬕᬸᬂ᭞ᬦᬸᬦ᭄ᬬᬦ᭄ᬗᭂᬮᬶᬗᬦ᭄ᬤᬶᬓᬬᬂ᭞ᬳᬶᬦ᭄ᬤᬶᬓ᭄ᬫᬤᬵᬦᬦᬾᬩᭂᬘᬶᬓ᭄᭞ᬬᬦ᭄ᬲᬂᬮᬘᬸᬃ᭞ᬲᬫᬸᬦᬧᬶᬬᬂᬫᬤᬵᬦ᭟᭐᭟ᬤᬾᬦᬶᬂᬧᬮᬶᬄ
ᬳᬲᬫ᭄ᬩᭂᬓᬦ᭄᭞ᬬᬤ᭄ᬬᬦ᭄ᬫᬓᬃᬬ᭄ᬬᬫᬧᬸᬕ᭄ᬮᬶᬂ᭞ᬗᬮᬶᬄᬩᬮᬂᬗᬩᬳᬮᬸᬢᬦ᭄᭞ᬓᬤᬶᬲᬲᭀᬗ᭄ᬕᬦᬾᬭᬶᬳᬶᬦ᭄᭞ᬯᬯᬸᬳᬾᬮᬶᬳᬲᬶᬓᬶ᭞ᬩᬮᬗᬾᬲᬫ᭄ᬧᬸᬦ᭄ᬓᬢᬸᬦᬸ᭞ᬲᬧᬸᬦᬶᬓᬬᬦ᭄ᬳᬶᬢᬶ
ᬯᬲ᭄᭞ᬲᬶᬦᬄᬪᬶᬦᬭᬶᬂᬲᬂᬲᬸᬕᬶᬄ᭞ᬗᭂᬮᬄᬮᬶᬬᬸ᭞ᬳᬾᬮᬄᬬᬦ᭄ᬫᬤᬦᬤᬦ᭟᭐᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓ᭞ᬗᬸᬤᬓᬾᬢᭀᬩᬳᬦ᭄ᬳᬤᬶ᭞ᬲᬶᬦᬄᬧᬦᬫ᭄ᬧᬾᬦᬾᬳᬶᬯᬂ᭞ᬜᭂᬗ᭄ᬕᬸᬳᬂᬲᬵ᭠
[᭘ 8A]
ᬦᬦᬾᬍᬯᬶᬄ᭞ᬳᬸᬮ᭄ᬬᬦ᭄ᬮᬶᬬᬸᬳᭂᬫᬲ᭄ᬧᬶᬧᬶᬲ᭄᭞ᬬᬦ᭄ᬢᬦ᭄ᬫᬦᬹᬢ᭄ᬳᬶᬦ᭄ᬤᬶᬓ᭄ᬳᬶᬧᬸᬦ᭄᭞ᬬᬦ᭄ᬢᬦ᭄ᬲᬗ᭄ᬓᬦᬶᬂᬮᬰ᭄ᬘᬃᬬ᭄ᬬ᭞ᬢ᭄ᬯᬭᬧᭀᬮᬶᬄᬨᬮᬩᭂᬘᬶᬓ᭄᭞ᬭᬾᬄᬢᬦ᭄ᬫᬦᬹᬢ᭄᭞ᬳᬶᬦ᭄ᬤᬶᬓᬾᬦᬶᬯᬓᬂᬤᬵᬦ᭟᭐᭟
ᬬᬤ᭄ᬬᬲ᭄ᬢᬸᬦ᭄ᬳᬦᬓᬾᬢᬶᬯᬲ᭄᭞ᬲᬶᬤ᭄ᬥᬫᬤᬵᬦᬬᬾᬄᬧᬸᬢᬶᬄ᭞ᬫᬋᬧ᭄ᬭᬶᬂᬳᬦᬓᬾᬩᭂᬤᬓ᭄᭞ᬲᬤ᭄ᬬᬬᬦ᭄ᬫᬤᬵᬦᬦᬵᬲᬶ᭞ᬲᬗ᭄ᬓᬦᬶᬂᬩᬦᬶᬜᭂᬧᬶᬄ᭞ᬓᬤᬵᬦᬬᬂᬭᬶᬂᬲᬂᬲᭂᬤᬸᬓ᭄᭞ᬫᭀᬮᬶ
ᬳᬂᬨᬮᬉᬢ᭄ᬢᬫ᭞ᬧᬢᬸᬄᬭᬶᬂᬳᬦᬓᬾᬲᬸᬕᬶᬄ᭞ᬦᬸᬚᬸᬕᭂᬫᬸᬄ᭞ᬮᬰ᭄ᬘᬃᬬ᭄ᬬᬫᬤᬵᬦᬳᭂᬫᬵᬲ᭄᭟᭐᭟ᬧᬢᬸᬄᬨᬮᬦ᭄ᬜᬦᬾᬯᭂᬓᬲ᭄᭞ᬚᬕᬢ᭄ᬲ᭄ᬯᬃᬕ᭄ᬕᬓᬧᬸᬧᭀᬦᬶᬦ᭄᭞ᬬᬤ᭄ᬬᬲ᭄ᬢᬸᬦ᭄ᬫᬤᬵᬦᬩᭀ
ᬩᭀᬓ᭄᭞ᬭᬶᬂᬲᬂᬧᭂᬢᭂᬗᭂᬦ᭄ᬭᬶᬂᬫᬃᬕ᭄ᬕᬶ᭞ᬫᬤᬵᬦᬤᬯᬸᬦ᭄ᬫᬮᬶᬄ᭞ᬲᬦᬾᬤᬤᭀᬲ᭄ᬳᬗ᭄ᬕᬾᬦ᭄ᬢᭂᬤᬸᬂ᭞ᬭᬶᬂᬲᬂᬲᬩᭂᬳᭂᬦ᭄ᬭᬶᬂᬚᬮᬦ᭄᭞ᬧᭀᬮᬶᬄᬨᬮᬫᬉᬢ᭄ᬢᬫᬶ᭞ᬢᭀᬓᬢᬶᬭᬸ᭞ᬓᬬᬂᬚᬦᬶᬫᬓᬗ᭄ᬕᭂᬳᬵᬂ [ 9 ][᭘ 8B]
᭘
᭟᭐᭟ᬳᬯᬦᬦ᭄ᬜᬳᬤᬧᬸᬡ᭄ᬬ᭞ᬭᬶᬂᬳᬚᭂᬂᬧᬭᬲᬹᬮᬶᬗ᭄ᬕᬶᬄ᭞ᬓᬵᬮᬦᬶᬂᬳᬶᬤᬫᬧᬹᬚ᭞ᬧᬸᬡ᭄ᬬᬦᬾᬳᭂᬦ᭄ᬢᭀᬓᬧᬸᬚᬶ᭞ᬩᭀᬩᭀᬓᬾᬓᬕᭂᬦ᭄ᬢᭀᬲᬶᬦ᭄᭞ᬳᬦ᭄ᬢᬸᬓ᭄ᬲᬸᬮᬸᬄᬤᬫᬃᬮᬫ᭄ᬧᬸ᭞ᬓᬶᬦᬸ
ᬘᬧ᭄ᬤᬵᬦᬉᬢ᭄ᬢᬫ᭞ᬤᬯᬸᬦᬾᬧᬬᬸᬂᬗᭂᬦ᭄ᬢᭀᬲᬶᬦ᭄᭞ᬲᭂᬭᬶᬂᬧᬗ᭄ᬕᬸᬄ᭞ᬓᬭᬸᬦ᭄ᬢᬸᬢᬶᬦ᭄ᬦᬾᬲᬶᬬᭀᬲᬦ᭄᭟᭐᭟ᬧᬸᬧᬸᬄᬕᬶᬦᬥ᭟᭐᭟ᬕᬶᬦᬥᬳᬗ᭄ᬕᬾᬦ᭄‌ᬗ᭄ᬮᬦ᭄ᬢᬸᬭᬂ᭞ᬳᬶᬦ᭄ᬤᬶᬓ᭄ᬫᬤᬵᬦᬯᬮᬶᬦᬶᬦ᭄
᭞ᬦᬾᬫᬵᬤᬦ᭄ᬳᬪᬬᬤᬵᬦ᭞ᬫᬚᬮᬭᬦ᭄ᬧᭀᬮᬶᬳᬬᬸ᭞ᬲᭂᬫᬶᬢᬦᬾᬦᬸᬤᬸᬢ᭄ᬫᬦᬄ᭞ᬭᬯᭀᬲ᭄ᬩᭂᬘᬶᬓ᭄᭞ᬗᬯᬾᬍᬕᬳᬦᬓ᭄ᬓᬢᬄ᭟᭐᭟ᬢᬦ᭄ᬗᬃᬤ᭄ᬥᬶᬦᬶᬦ᭄ᬚᭂᬚᭂᬄᬳᬦᬓ᭄᭞ᬢᬦ᭄ᬗᬃᬤ᭄ᬥᬶᬦᬶ
ᬦ᭄ᬲᬓᬶᬢᬢᬶ᭞ᬳᭀᬮᬲᬲᬶᬄᬢᬺᬱ᭄ᬡᬲᬬᬂ᭞ᬳᭂᬦ᭄ᬢᭀᬧᬤᬵᬦᬬᬂᬮᬸᬳᬸᬂ᭞ᬢ᭄ᬯᬭᬫᬲᬤᬵᬦᬩ᭄ᬭᬡ᭞ᬬᬤᬶᬦ᭄ᬫᬶᬲ᭄ᬓᬶᬦ᭄᭞ᬲᬶᬤ᭄ᬥᬧᬘᬂᬗ᭄ᬮᬓ᭄ᬱᬡᬬᬂ᭟᭐᭟ᬤᬵᬳᬶᬚᬸᬫ᭄ᬭᬲᬓᬦ᭄ᬤᬧᬦ᭄᭞ᬬᬤᬶ
[᭙ 9A]
ᬦ᭄ᬧᬤᬦᬦᬾᬓᬶᬤᬶᬓ᭄᭞ᬬᬦ᭄ᬫᬸᬮᬧᬲᬚᬢᬶᬯᬲ᭄᭞ᬩᬶᬲᬜᭂᬦ᭄ᬫᬧᬮᬳᬕᬸᬂ᭞ᬩᬦ᭄ᬤᬶᬂ᭠ᬭᬶᬂᬳᬦᬓᬾᬗᭂᬮᬄ᭞ᬳᭂᬫᬵᬲ᭄ᬧᬶᬧᬶᬲ᭄᭞ᬓᬳᬗ᭄ᬕᬾᬦ᭄ᬫᬤᬵᬦᬧᬸᬡ᭄ᬬ᭟᭐᭟ᬳᬤᬲᬢ᭄ᬯᬦ᭄ᬜ
ᬦᬾᬓᭀᬘᬧ᭄᭞ᬧ᭄ᬭᬪᬸᬫᬕᬥᬦᬾᬭᬶᬳᬶᬦ᭄᭞ᬳᬾᬩᭂᬓᬶᬂᬭᬵᬚᬪᬭᬡ᭞ᬓᬲᬸᬩ᭄ᬳᬶᬤᬜᭂᬦᭂᬂᬳᬕᬸᬂ᭞ᬲᬢᬢᬗᬬᭀᬫᬶᬦ᭄ᬧᬜ᭄ᬚᬓ᭄᭞ᬧᬜ᭄ᬚᬓ᭄ᬪᬓ᭄ᬢᬶ᭞ᬚᬕᬢᬾᬓᬺᬢ᭄ᬢᬭᬳᬃ
ᬚ᭄ᬚ᭟᭐᭟ᬓᬵᬮᬧᬹᬃᬡ᭄ᬦᬫᬓᬤᬰ᭞ᬓᬩᬯᭀᬲ᭄ᬭᬳᬶᬦᬩᭂᬘᬶᬓ᭄᭞ᬓᭀᬘᬧ᭄ᬳᬶᬤᬲᬂᬳ᭄ᬬᬂᬩᬸᬤ᭄ᬥ᭞ᬗᬮᬮᬦᬳᬶᬤᬢᭂᬥᬸᬦ᭄᭞ᬭᬯᬸᬄᬭᬶᬂᬚᬕᬢ᭄ᬫᬕᬥ᭞ᬓᬳᬸᬦᬶᬗᬶᬦ᭄᭞ᬳᬦ᭄ᬢᬸ᭠
ᬓ᭄ᬲᬂᬧ᭄ᬭᬪᬸᬫᬕᬥ᭟᭐᭟ᬲᬂᬧ᭄ᬭᬪᬸᬭᬭᬶᬲ᭄ᬫᬫᭂᬦ᭄ᬤᬓ᭄᭞ᬲᬳᬵᬓᬢᬸᬭᬶᬦ᭄ᬓᬧᬸᬭᬶ᭞ᬲᬂᬳ᭄ᬬᬂᬩᬸᬤ᭄ᬥᬢ᭄ᬯᬭᬢᬸᬮᬓ᭄᭞ᬓᬤᬶᬧᬗᬃᬱᬦ᭄ᬲᬂᬧ᭄ᬭᬪᬸ᭞ᬧᬭᬪᬶᬓ᭄ᬱᬸᬦᬾᬗᬶᬭᬶᬗᬂ᭞ᬓᬚ᭄ᬭᭀ [ 10 ][᭙ 9B]
᭙
ᬧᬸᬭᬶ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬸᬭᬶᬬᬦ᭄᭟᭐᭟ᬧᭂᬧᭂᬓᬶᬓᬂᬉᬧᬘᬵᬭ᭞ᬧᬜᬫ᭄ᬩ᭄ᬭᬫᬵᬯᬸᬲ᭄ᬘᬸᬫᬯᬶᬲ᭄᭞ᬧᬩᬺᬱᬶᬳᬦ᭄ᬯᬚᬶᬓ᭄ᬘᭀᬓᭀᬃ᭞ᬧᬸᬧᬸᬢ᭄ᬲᭀᬧᬘᬭᬲᬵᬫ᭄ᬧᬸᬦ᭄᭞ᬫᬮᬶᬗ᭄ᬕᬶᬄ
ᬳᬶᬤᬳ᭄ᬬᬂᬩᬸᬤ᭄ᬥ᭞ᬓᬲᬦ᭄ᬤᬶᬗᬶᬦ᭄᭞ᬳᬦ᭄ᬢᬸᬓ᭄ᬲᬂᬧ᭄ᬭᬪᬸᬫᬕᬥ᭟᭐᭟ᬕᬶᬮᬶᬲ᭄ᬓᬢᬸᬭᬦ᭄ᬗᬬᬸᬦᬂ᭞ᬲᬃᬯ᭄ᬯᬪᭀᬕᬫᬗᬾᬦᬓᬶᬦ᭄᭞ᬲᬫ᭄ᬧᬸᬦ᭄ᬳᬸᬲᬦ᭄ᬗᬭᬬᬸᬦᬂ᭞ᬲᬂᬳ᭄ᬬᬂᬩᬸᬤ᭄ᬥᬮᬾᬤᬗ
ᬲᬸᬂ᭞ᬗᬶᬘ᭄ᬘᬾᬦᬶᬦ᭄ᬥᬃᬫ᭄ᬫᬯᬘᬦ᭞ᬮᬶᬗᬶᬗᬚᬶ᭞ᬲᬹᬓ᭄ᬱ᭄ᬫᬦᬶᬂᬥᬃᬫ᭄ᬫᬧᬤ᭟᭐᭟ᬧᬸᬧᬸᬢ᭄ᬳᬶᬤᬫᬯᬘᬦ᭞ᬲᬂᬧ᭄ᬭᬪᬸᬫᬕᬥᬕᭂᬮᬶᬲ᭄᭞ᬳᬶᬤᬫᬗᬢᬸᬭᬂᬧᬸᬡ᭄ᬬ᭞ᬳᭂᬫᬵᬲ᭄ᬫᬡᬶᬓ᭄ᬯᬲ᭄ᬢ᭄ᬭᬓᬵ᭠
ᬫ᭄ᬧᬸᬄ᭞ᬭᬶᬂᬳᬶᬤᬪᬝᬵᬭᬩᬸᬤ᭄ᬥ᭞ᬧᬸᬧᬸᬢ᭄ᬲᬫᬶ᭞ᬲᬂᬳ᭄ᬬᬂᬩᬸᬤ᭄ᬥᬭᬭᬶᬲ᭄ᬓᬾᬲᬄ᭟᭐᭟ᬓᬢᬄᬲᬦᬾᬫᬗᬶᬭᬶᬗᬂ᭞ᬲᬫ᭄ᬧᬸᬦ᭄ᬫᭂᬤᬮ᭄ᬲᬓᬶᬂᬧᬸᬭᬶ᭞ᬓᭀᬘᬧ᭄ᬭᬯᬸᬄᬭᬶᬂᬧᬲᬾᬪᬦ᭄᭞ᬲᬂᬧ᭄ᬭ
[᭑᭐ 10A]
ᬪᬸᬫᬯᬮᬶᬫᬦ᭄ᬢᬸᬓ᭄᭞ᬧᬭᬧᬢᬶᬳᬾᬗᬶᬭᬶᬗᬂ᭞ᬓᬚ᭄ᬭᭀᬧᬸᬭᬶ᭞ᬢᬦ᭄ᬘ᭄ᬭᬶᬢᬳᬶᬤᬲᬂᬦᬵᬣ᭟᭐᭟ᬲᬂᬳ᭄ᬬᬂᬩᬸᬤ᭄ᬥᬘᬭᬶᬢᬬᬂ᭞ᬲᬵᬫ᭄ᬧᬸᬦ᭄ᬤᭀᬄᬳᬶᬤᬫᬫᬃᬕ᭄ᬕᬶ᭞ᬢᬦ᭄ᬫᬭᬶᬫᬯᬭᬄ
ᬯᬭᬄ᭞ᬭᬶᬂᬰᬶᬱ᭄ᬬᬦᬾᬧᬭᬪᬶᬓ᭄ᬱᬸ᭞ᬗᬦ᭄ᬤᬶᬓᬬᬂᬧᬦᬸᬫᬤ᭄ᬬᬦ᭄᭞ᬤᬤᭀᬲ᭄ᬚᬢ᭄ᬫᬶ᭞ᬉᬢ᭄ᬧ᭄ᬢᬶᬲ᭄ᬣᬶᬢᬶᬧ᭄ᬭᬮᬶᬡ᭟᭐᭟ᬳᬤᬩᬸᬯᬶᬦ᭄ᬘᬭᬶᬢᬬᬂ᭞ᬚᬢ᭄ᬫᬳᬸᬩᬸᬄᬢᬸᬭᬶᬂᬫᬶᬲ᭄ᬓᬶᬦ᭄᭞ᬩᬳᬸᬫ
ᬭᬢ᭄ᬭᬸᬡᬩᬸᬗ᭞ᬕᭀᬩᬦ᭄ᬜᬦᬾᬲᬤᬩᬕᬸᬲ᭄᭞ᬕᬕᬶᬡᬦ᭄ᬜᬗᬤᭂᬧ᭄ᬲᬳᬂ᭞ᬲᬳᬶᬲᬳᬶ᭞ᬓᬳᬗ᭄ᬕᬾᬦ᭄ᬧᬗᬸᬧᬚᬶᬯ᭟᭐᭟ᬫᬢᬸᬮᬓ᭄ᬳᬮᬶᬤᬶᬧᬲᬃ᭞ᬫᬤᬩ᭄ᬤᬩᬦ᭄ᬧᬲᬃᬫᬸᬮᬶᬄ᭞ᬗᬸ
ᬗ᭄ᬲᬶᬕᭂᬦᬄᬜᬦᬾᬫᭀᬦ᭄ᬤᭀᬓ᭄᭞ᬲᬂᬳ᭄ᬬᬂᬩᬸᬤ᭄ᬥᬬᬓᬘᬸᬦ᭄ᬤᬸᬓ᭄᭞ᬯᭂᬢᬸᬫᬦᬄᬜᬫᬧᬸᬡ᭄ᬬ᭞ᬲᬓᬶᬂᬳᬭᬶᬲ᭄᭞ᬲᬗ᭄ᬓᬦᬶᬂᬫᬦᬄᬮᬰ᭄ᬘᬃᬬ᭄ᬬ᭟᭐᭟ᬇᬗᭂᬢ᭄ᬬᬗᬩᬩᬗ᭄ᬮᬜ᭄ᬚᬦ᭄᭞ᬲ [ 11 ][᭑᭐ 10B]
᭑᭐
ᬲᬗᬦᬦ᭄ᬫᬶᬯᬄᬦᬲᬶ᭞ᬲᬦᬾᬓᬢᬸᬫ᭄ᬩᬲ᭄ᬭᬶᬂᬧᬲᬃ᭞ᬧ᭄ᬭᬡᬫ᭄ᬬᬭᬭᬶᬲ᭄ᬳᬸᬫᬢᬸᬃ᭞ᬳᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬩᬸᬤ᭄ᬥ᭞ᬤᬸᬭᬸᬲᬓ᭄ᬱᬶ᭞ᬢᬶᬢ᭄ᬬᬂᬫᬗᬢᬸᬭᬂᬧᬸᬡ᭄ᬬ᭟᭐᭟ᬢᬸᬫᬸᬮᬶᬳᬶᬧᬸᬦ᭄ᬗᬢᬸᬭᬂ
᭞ᬲᬗᬦᬦ᭄ᬳᬚᭂᬗᬦ᭄ᬲᬫᬶ᭞ᬩᭂᬘᬶᬓ᭄ᬢᬸᬃᬫᬓᬧᬸᬢ᭄ᬳᭂᬤᭀᬦ᭄᭞ᬭᬶᬂᬲᬫ᭄ᬧᬸᬦ᭄ᬧᬸᬡ᭄ᬬᬦᬾᬓᬢᬸᬃ᭞ᬓᭂᬢᬸᬕ᭄ᬮᬶᬦᬸᬄᬫᬕᬾᬜ᭄ᬚᭀᬗᬦ᭄᭞ᬓᬶᬮᬧ᭄ᬢᬢᬶᬢ᭄᭞ᬫᬤᬸᬮᬸᬭᬦ᭄ᬲᬩᭂᬄᬲᭂᬓᬃ᭟᭐
᭟ᬘᬶᬭᬶᬧᬸᬡ᭄ᬬᬦᬾᬉᬢ᭄ᬢᬫ᭞ᬓᬢᬸᬃᬭᬶᬂᬲᬂᬫ᭄ᬭᬕᬲᬸᬘᬶ᭞ᬓᭀᬘᬧᬦ᭄ᬧ᭄ᬭᬪᬸᬫᬕᬥ᭞ᬢᬦ᭄ᬤᬸᬫᬤᬾᬳᬶᬤᬭᬯᬸᬄ᭞ᬢᬗ᭄ᬓᬶᬮ᭄ᬭᬶᬂᬳᬶᬤᬳ᭄ᬬᬂᬩᬸᬤ᭄ᬥ᭞ᬫᬗ᭄ᬤᬳᬸᬦᬶᬂ᭞ᬤᬾᬦᬶᬂᬧ᭄ᬭᬪᬯᬦᬾᬢᬯᬄ
᭟᭐᭟ᬗᬦ᭄ᬤᬶᬓᬧ᭄ᬭᬪᬸᬫᬕᬥ᭞ᬭᬢᬸᬲᬂᬳ᭄ᬬᬂᬚᬶᬦᬫᬹᬃᬢ᭄ᬢᬶ᭞ᬢᬶᬢ᭄ᬬᬂᬫᬭᬹᬧᬓᬾᬫᭂᬗᬦ᭄᭞ᬳᬶᬦ᭄ᬤᬶᬓ᭄ᬧ᭄ᬭᬪᬵᬯᬦᬾᬯᬳᬸ᭞ᬤᬸᬭᬸᬲ᭄ᬦᬶᬓᬬᬂᬭᬶᬂᬢᬶᬢ᭄ᬬᬂ᭞ᬲᬧᬸᬦᬧᬶ᭞ᬳᬶᬦ᭄ᬤᬶᬓᬾᬳᬲᬧᬸ᭠
[᭑᭑ 11A]
ᬦᬶᬓᬵ᭟᭐᭟ᬫᭂᬦᭂᬂᬳᬶᬤᬲᬂᬳ᭄ᬬᬂᬩᬸᬤ᭄ᬥ᭞ᬲ᭄ᬯᬥᬃᬫ᭄ᬫᬦ᭄ᬲᬂᬫ᭄ᬭᬕᬲᬸᬘᬶ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᭀᬦ᭄᭞ᬲᬧᬸᬦᬶᬓᬶᬤᬾᬯᬧ᭄ᬭᬪᬸ᭞ᬳᬯᬶᬦᬦ᭄ᬯᬾᬦ᭄ᬢᭂᬦ᭄ᬧ᭄ᬭᬪᬯ᭞ᬓᬤᬶᬫᬗ᭄ᬓᬶᬦ᭄
᭞ᬲᬗ᭄ᬓᬦᬶᬂᬧᬸᬡ᭄ᬬᬉᬢ᭄ᬢᬫ᭟᭐᭟ᬧᬸᬦᬶᬓᬶᬲᬦᬾᬳᬶᬦᬸᬦ᭄ᬬᬦ᭄᭞ᬚᬢ᭄ᬫᬳᬸᬩᬸᬄᬢᬸᬭᬶᬂᬫᬶᬲ᭄ᬓᬶᬦ᭄᭞ᬓᬃᬬ᭄ᬬᬦ᭄ᬳᬶᬧᬸᬦ᭄ᬗᬤᭀᬮ᭄ᬲᬳᬂ᭞ᬮᬰ᭄ᬘᬃᬬ᭄ᬬᬲᬗ᭄ᬓᬦᬶᬂᬚᬸᬚᬸᬃ᭞ᬫᬗᬢᬸᬭᬂᬤᬵᬦ
ᬧᬸᬡ᭄ᬬ᭞ᬫᬓᬲᬫᬶ᭞ᬧᬶᬓᭀᬮᬶᬳᬾᬗᬤᭀᬮ᭄ᬲᬳᬂ᭟᭐᭟ᬢᭂᬧᭂᬢ᭄ᬳᬶᬦ᭄ᬤᬶᬓᬾᬫᬤᬵᬦ᭞ᬯᭂᬢᬸᬧ᭄ᬭᬪᬯᬗᬗᭀᬩᬶᬦ᭄᭞ᬤᬸᬭᬸᬂᬧᬸᬧᬸᬢ᭄ᬫᬗᬦ᭄ᬤᬶᬓ᭞ᬲᬂᬳ᭄ᬬᬂᬇᬦ᭄ᬤ᭄ᬭᬳᬶᬤᬭᬯᬸᬄ
᭞ᬚᬕ᭄ᬯᬾᬦ᭄ᬢᭂᬦ᭄ᬭᬶᬂᬳᬚᭃᬂᬳᬶᬤ᭞ᬲᬋᬂᬲᬫᬶ᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭟᭐᭟ᬗᬦ᭄ᬤᬶ᭠ᬓᬧ᭄ᬭᬪᬸᬫᬕᬥᬵᬭᬢᬸᬲᬂᬳ᭄ᬬᬂᬚᬶᬦᬫᬹᬃᬢ᭄ᬢᬶ᭞ᬤᬯᭂᬕ᭄ᬢᬶᬢ᭄ᬬᬗᬾᬫᬧᬸᬡ᭄ᬬ᭞ᬢᬦ᭄ᬯᬾᬦ᭄ᬢᭂᬦ᭄ᬧ᭄ᬭ [ 12 ][᭑᭑ 11B]
᭑᭑
ᬘᬶᬭᬶᬦ᭄ᬳᬶᬧᬸᬦ᭄᭞ᬤᬸᬓ᭄ᬗᬢᬸᬭᬂᬉᬧᬪᭀᬕ᭞ᬳᭂᬫᬵᬲ᭄ᬫᬡᬶᬓ᭄᭞ᬩᭀᬬᬓᬾᬧᬸᬡ᭄ᬬᬉᬢ᭄ᬢᬫ᭟᭐᭟ᬲᬂᬳ᭄ᬬᬂᬩᬸᬤ᭄ᬥᬫᬗᬦ᭄ᬤᬶᬓ᭞ᬳᬶᬗ᭄ᬕᬶᬄᬤᬾᬯᬲᬂᬦᬺᬧᬢᬶ᭞ᬫᬸᬂᬧᬸᬂᬳᬶᬤᬲᬂᬳ᭄ᬬᬂᬇ
ᬦ᭄ᬤ᭄ᬭ᭞ᬲᬦᬾᬫᬗ᭄ᬓᬶᬦ᭄ᬳᬶᬤᬭᬯᬸᬄ᭞ᬫᬗ᭄ᬤᬳᬶᬤᬗᬦ᭄ᬤᬶᬓᬬᬂ᭞ᬗᬶᬭᬶᬂᬫᬗ᭄ᬓᬶᬦ᭄᭞ᬯᬘ᭠ᬦᬦ᭄ᬳᬶᬤᬧ᭄ᬬᬃᬱᬬᬂ᭟᭐᭟ᬲᬂᬳ᭄ᬬᬂᬇᬦ᭄ᬤ᭄ᬭᬫᬗᬦ᭄ᬤᬶᬓ᭞ᬤᬾᬯᬲᬂᬳ᭄ᬬᬂᬚᬶᬦᬫᬹᬃᬢ᭄ᬢᬶ᭞ᬤᬾᬯᬲᬂᬧ᭄ᬭ
ᬪᬸᬫᬭᬥ᭞ᬫᬓᬫᬶᬯᬄᬧᬭᬪᬶᬓ᭄ᬱᬸ᭞ᬬᬸᬓ᭄ᬢᬶᬯᬘᬦᬦ᭄ᬳ᭄ᬬᬂᬩᬸᬤ᭄ᬥ᭞ᬓᬤᬶᬦᬸᬦᬶ᭞᭠ᬫᬦᬹᬢ᭄ᬳᬸᬘᬧᬶᬂᬅᬕᬫ᭟᭐᭟ᬳᬦᬾᬢᬓᭀᬦᬂᬳᬶᬤᬾᬯ᭞ᬳᬤᬧ᭄ᬭᬪᬯᬧ᭄ᬭᬘᬶᬭᬶ᭞ᬲᬗ᭄ᬓᬦᬶᬂ
ᬧᬸᬡ᭄ᬬᬉᬢ᭄ᬢᬫ᭞ᬳᬢᬸᬭᬦ᭄ᬳᬶᬧᬸᬦ᭄ᬳᬶᬳᬸᬩᬸᬄ᭞ᬮᬲ᭄ᬫᬗᬢᬸᬭᬂᬫᬓᬲᬫ᭄ᬬᬦ᭄᭞ᬲᬓᬶᬂ᭠ᬳᬭᬶᬲ᭄᭞ᬧᬶᬓᭀᬮᬶᬳᬾᬗᬤᭀᬮ᭄ᬲᬳᬂ᭟᭐᭟ᬦᬗ᭄ᬳᬶᬂᬧᬸᬡ᭄ᬬᬦᬭᬦᬵᬣ᭞ᬫᬸᬮᬾᬫᬸᬮᬾ
[᭑᭒ 12A]
ᬳᭂᬫᬵᬲ᭄ᬫᬡᬶᬓ᭄᭞ᬫᬤᬸᬮᬸᬭᬦ᭄ᬳᬸᬧᬪᭀᬕ᭞ᬤᬸᬭᬸᬂᬉᬢ᭄ᬢᬫᬓᬲᭂᬗ᭄ᬕᬸᬄ᭞ᬬᬦ᭄ᬳᬦᬸᬢᬂᬭᬶᬂᬧᬤ᭄ᬯᬾᬬᬦ᭄᭞ᬲᬂᬦᬺᬧᬢᬶ᭞ᬩᭀᬩᭀᬢ᭄ᬳᬶᬧᬸᬦᬾᬳᬦ᭄ᬤᬧᬦ᭄᭟᭐᭟ᬧ᭄ᬭᬪᬸᬫᬕᬥᬫᬜᭂᬫ᭄ᬩᬄ᭞ᬫᬢᬸᬃ
ᬭᬶᬂᬲᬂᬲᬘᬶᬧᬢᬶ᭞ᬤᬸᬭᬸᬲᬂᬦᬶᬓᬳᬶᬦ᭄ᬢᬶᬢ᭄ᬬᬂ᭞ᬧᬸᬡ᭄ᬬᬦᬾᬫᬨᬮᬳᬕᬸᬂ᭞ᬲᬂᬳ᭄ᬬᬂᬇᬦ᭄ᬤ᭄ᬭᬫᬗᬦ᭄ᬤᬶᬓ᭞ᬓᬾᬦᬾᬘᭂᬦᬶᬂ᭞ᬩᬧᬚᬦᬶᬫᬦᬸᬢᬸᬭᬂ᭟᭐᭟ᬤᬵᬦᬧᬸᬡ᭄ᬬᬫᬶᬯᬄᬬᬚ᭄ᬜ᭞ᬢ᭄ᬯᬭᬗ
ᬘᭂᬧᬂᬧᬫᭂᬭᬶᬄ᭞ᬢᭂᬧᭂᬢ᭄ᬳᬶᬦ᭄ᬤᬶᬓᬾᬫᬤᬵᬦ᭞ᬦᬾᬦᬾᬢᭀᬫᬨᬮᬳᬕᬸᬂ᭞ᬦᬵᬗ᭄ᬳᬶᬂᬬᬦ᭄ᬫᬤᬵᬦᬧᬸᬡ᭄ᬬ᭞ᬳᬤᬧᭂᬭᬶᬄ᭞ᬧᭀᬘᭀᬮ᭄ᬢ᭄ᬯᬭᬚᬫᬨᬮ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟᭐᭟ᬤᬾᬯᬵ
ᬲᬂᬧ᭄ᬭᬪᬸᬫᬕᬥ᭞ᬧᬶᬬᬃᬱᬬᬂᬩᬧᬫᬶᬢᬸᬢᬸᬭᬶᬦ᭄ᬘᭂᬦᬶᬂ᭞ᬳᬤᬲᬢ᭄ᬯᬦ᭄ᬜᬦᬾᬤᬸᬫᬸᬦ᭄᭞᭠ᬳᬦᬓ᭄ᬫᬤᬵᬦᬧᬸᬦᬶᬬ᭞ᬢᬦ᭄ᬧᬫᭂᬭᬶᬄᬫᬶᬓᭀᬮᬶᬳᬂᬨᬮᬳᬕᬸᬂ᭞ᬳᬤᬦᬾᬧᭀᬮᭀ᭠ [ 13 ][᭑᭒ 12B]
᭑᭒
ᬮ᭄ᬫᬤᬵᬦ᭞ᬲᬗ᭄ᬓᬦᬶᬂᬲᬗᭂᬢ᭄ᬧᬫᭂᬭᬶᬄ᭟᭐᭟ᬓᭀᬘᬧ᭄ᬲᬂᬋᬱᬶᬓᬭᬸᬡ᭞ᬦᬗᬸᬦ᭄ᬢᬵᬧᬭᬶᬂᬧᬰ᭄ᬭᬫᬦ᭄ᬫᬳᬵᬕᬶᬭᬶ᭞ᬓᬲᬸᬩ᭄ᬧᬰ᭄ᬭᬫᬦ᭄ᬲᬂᬳᭂᬫ᭄ᬧᬸ᭞ᬓᭀᬧᬋᬗ᭄ᬕᬲᬃᬕᬶᬸᬯ᭄ᬯᬲᭂᬓᬃ᭞ᬢᭀᬳᬯ
ᬦᬦ᭄‌ᬭᬶᬂᬧᬰ᭄ᬭᬫᬦ᭄ᬫ᭄ᬭᬶᬓ᭄ᬳᬭᬸᬫ᭄᭞ᬓᬵᬮᬦᬶᬂᬳᬸᬲᬦ᭄ᬫᬧᬹᬚᬵ᭞ᬲᬕᬾᬢ᭄ᬭᬯᬸᬄᬚᬢᬫ᭄ᬯᬦᬶ᭟᭐᭟ᬧᬚᬮᬦᬾᬲᬤᬩᬦ᭄ᬩᬦ᭄᭞ᬫᬕ᭄ᬭᬾᬕᭀᬢᬦ᭄ᬦᬶᬓᬸᬮ᭄ᬓᬰᬾᬮᬲᬯᬶ᭞ᬜᬤ᭄ᬬᬓᬢᬸᬃᬭᬶᬂ
ᬲᬂᬳᭂᬫ᭄ᬧᬸ᭞ᬧ᭄ᬭᬡᬫ᭄ᬬᬫᬢᬸᬃᬳᬦᭂᬫ᭄ᬩᬄ᭞ᬳᬫ᭄ᬧᬸᬭᬬᬂᬢᬶᬢ᭄ᬬᬂᬓᬯᬸᬮᬦ᭄ᬳᬶᬭᬢᬸ᭞ᬫᬃᬭᬤ᭄ᬬᬗᬢᬸᬭᬂᬧᬸᬦᬶᬬ᭞ᬓᬰᬾᬮᬯᬦ᭄ᬢᬄᬳᬓᬶᬤᬶᬓ᭄᭟᭐᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬦᬄᬮᬯᬸ
ᬢᬂᬦᭂᬕᬓ᭄ᬫᬮᬸᬧᬫᬦ᭄ᬤᬶᬦᬶ᭞ᬳᭂᬗ᭄ᬲᬧ᭄ᬩᬧᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦᬶᬂᬳᬤᬦ᭄ᬧᬫᬦ᭄᭞ᬭᬭᬶᬲ᭄ᬫᬢᬸᬃᬢᬶᬢ᭄ᬬᬂᬧᬸᬦᬶᬓᬶᬧᬦ᭄ᬢᬳᬸᬫ᭄᭞ᬫᭀᬦ᭄ᬤᭀᬓ᭄ᬳᬶᬭᬶᬓᬶᬩᬮᬾᬭᬦ᭄᭞ᬦᬦ᭄ᬤᬸᬢᭂᬕᬮ
[᭑᭓ 13A]
ᬦ᭄ᬳᬓᬶᬤᬶᬓ᭄᭟᭐᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬳᬶᬤᬳᬶᬲ᭄ᬢ᭄ᬭᬶᬳᬶᬦ᭄ᬤᬬᬂᬤᬸᬫᬸᬦ᭄ᬫ᭄ᬭᬶᬓᬶ᭞ᬧᬸᬦᬶᬓᬶᬳᬶᬧᬸᬦ᭄ᬧᬦ᭄ᬢᬳᬸᬫ᭄᭞ᬳᬶᬧᬸᬦ᭄ᬗᬢᬸᬭᬂᬓᬰᬾᬮ᭞ᬲᭂᬤᭂᬂᬩᭂᬘᬶᬓ᭄ᬓᬫ᭄ᬩᬶᬗᬾᬳᬶᬘ᭄ᬙᬦᬶᬦ᭄ᬳᬶ
ᬧᬸᬦ᭄᭞ᬩᬦ᭄ᬤᬶᬗᬂᬭᬶᬂᬧᬰ᭄ᬭᬫᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾᬗᬶᬗᭀᬦᬶᬦ᭄᭟᭐᭟ᬓᬫ᭄ᬩᬶᬗᬾᬲᬫ᭄ᬧᬸᬦ᭄ᬓᬧᬶᬘ᭞ᬭᬶᬂᬧᬦ᭄ᬢᬳᬸᬫ᭄‌ᬲᬸᬫᬗ᭄ᬕᬸᬧ᭄ᬧᬘᬂᬗᬸᬩᬸᬳᬶᬦ᭄᭞ᬧᬦ᭄ᬢᬳᬸᬫ᭄ᬫᬧᬫᬶᬢ᭄ᬫ
ᬦ᭄ᬢᬸᬓ᭄᭞ᬭᬯᬸᬄᬭᬶᬂᬢᭂᬗᬄᬚᬮᬦ᭄᭞ᬫᬚᬗ᭄ᬕᭂᬮᬦ᭄ᬧᬦ᭄ᬲᬶᬗ᭄ᬓ᭄ᬭᬸᬕ᭄ᬲᬕᬾᬢ᭄ᬓᬘᬸᬦ᭄ᬤᬸ᭠ᬓ᭄᭞ᬚᬸᬚᬸᬢ᭄ᬧᬦ᭄ᬲᬶᬗ᭄ᬓ᭄ᬭᬸᬕ᭄ᬦᬓᭀᬦᬂ᭞ᬳᬶᬦ᭄ᬤᬶᬓᬾᬫᭀᬮᬶᬳᬂᬓᬫ᭄ᬩᬶᬂ᭟᭐᭟ᬧᬦ᭄ᬢᬳᬸᬫ᭄ᬮᬦ᭄ᬢᬲ᭄ᬜ᭠
ᬢ᭄ᬯᬬᬂ᭞ᬲᬧᬶᬤᬩ᭄ᬤᬧᬶᬸᬩ᭄ᬳᬯᬶᬦᬦᬾᬓᬶᬘ᭄ᬙᬾᬦ᭄ᬓᬫ᭄ᬩᬶᬂ᭞ᬲᬓᬶᬂᬧᬳᬶᬘ᭄ᬙᬦ᭄ᬲᬂᬳᭂᬫ᭄ᬧᬸ᭞ᬯᬶᬢ᭄ᬲᬓᬶᬂᬗᬢᬸᬭᬂᬧᬸᬡ᭄ᬬ᭞ᬮᬦ᭄ᬢᬲ᭄ᬩᭂᬗᭀᬂᬤᭂᬓᬲ᭄ᬤᭂᬓᭂᬲ᭄ᬬᬧᬦ᭄ᬲᭂᬗ᭄ᬓ᭄ᬭᬸᬕ᭄᭞ᬯᭂᬢᬸᬫᬦᬄᬜ [ 14 ][᭑᭓ 13B]
᭑᭓
ᬫᬧᬸᬡ᭄ᬬ᭞ᬲᬗ᭄ᬓᬦᬶᬂᬩᬗᭂᬢ᭄ᬧᬫᭂᬭᬶᬄ᭟᭐᭟ᬓᭂᬳᭂᬗᬦ᭄ᬜᬚ᭄ᬭᭀᬦᬶᬂᬫᬦᬄ᭞ᬩᬸᬯᬶᬦ᭄ᬫᬦᬶᬤᬾᬯᬾᬓᬾᬧᬘᬂᬢᬗ᭄ᬓᬶᬮ᭄᭞ᬗᬢᬸᬭᬂᬤᬸᬭᬾᬦ᭄‌ᬫ᭄ᬯᬂᬩᬶᬬᬸ᭞ᬫ᭄ᬯᬄᬤᬸᬮᬸᬭᬶᬦ᭄ᬩᭂᬭᬲ᭄ᬓᭂᬢᬦ᭄᭞ᬲᬶ
ᬦᬄᬧᬶᬲᬦ᭄ᬓᭂᬩᭀᬧᬳᬶᬘ᭄ᬙᬦ᭄ᬲᬂᬳᭂᬫ᭄ᬧᬸ᭞ᬓᬩᬢᭂᬓ᭄ᬫᬦᬄᬅᬗ᭄ᬓᬭ᭞ᬮᭀᬪᬗᬘᭂᬧᬂᬧᬶᬓᭀᬮᬶᬄ᭟᭐᭟ᬘ᭄ᬭᬶᬢᬬᬂᬫᬦᬶᬲᭂᬫᭂᬗᬦ᭄᭞ᬳᭂᬦᬸᬭᬸᬧᬸᬢ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬲᬸᬩᬢᬗ᭄ᬓᬶᬮ᭄᭞
ᬲᭀᬫᬄᬜᬦᬾᬩᬋᬂᬦᬸᬢᬸᬕ᭄᭞ᬜᬸᬳᬸᬦ᭄ᬤᬸᬭᬾᬦ᭄ᬫᬸᬯᬄᬧᬶᬲᬂ᭞ᬩᬳᬲ᭄ᬓᭂᬢᬦ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬳᬦᬾᬫᬦᬶᬓᬸᬮ᭄᭞ᬧᬚᬮᬦᬾᬕᬕᬗ᭄ᬲᬭᬦ᭄᭞ᬳᬗ᭄ᬓ᭄ᬬᬦ᭄ᬗᬗ᭄ᬲᬸᬃᬧᭂᬮᬸᬄᬧᬶᬤᬶᬢ᭄᭟
᭐᭟ᬲᬸᬩᬦᬧᬓ᭄ᬤᬶᬧᬰ᭄ᬭᬫᬦ᭄᭞ᬲᭂᬥᭂᬂᬩᭂᬘᬶᬓ᭄ᬱᬂᬋᬱᬶᬳᬶᬤᬫᬮᬶᬗ᭄ᬕᬶᬄ᭞ᬫᬗᬦ᭄ᬤᬶᬓᬫᬦᬶᬲ᭄ᬜᬸᬜᬸᬃ᭞ᬢᬸᬫ᭄ᬩᬾᬦ᭄ᬧᬫᬦ᭄ᬓᬧᬰ᭄ᬭᬫᬦ᭄᭞ᬮᬯᬸᬢᬂᬦᭂᬕᬓ᭄ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬦᬸᬮᬶᬳᬸᬫᬢᬸᬃ᭞᭠
[᭑᭔ 14A]
ᬫᬗᬢᬸᬭᬂᬯᭀᬄᬯᭀᬳᬦ᭄᭞ᬭᬯᬶᬂᬩᭂᬭᬲ᭄ᬓᭂᬢᬦ᭄ᬲᬫᬶ᭟᭐᭟ᬲᬂᬋᬱᬶᬳᬶᬤᬗᬦ᭄ᬤᬶᬓ᭞ᬘᬸᬢᭂᬢ᭄ᬜᬦᬾᬧᬸᬡ᭄ᬬᬦ᭄ᬧᬫᬦ᭄ᬩᬧᬗᬶᬤᬶᬄ᭞ᬦᬾᬳᬤᬓᬰᬾᬮᬧ᭄ᬭᬳᬸ᭞ᬮᬯᬸᬢᬂ
ᬧᬫᬦ᭄ᬜᬸᬯᬂ᭞ᬭᬾᬄᬢᬦ᭄ᬳᬤᬮᬾᬦᬦ᭄ᬲᬚᬩᬧᬸᬦᬶᬓᬸ᭞ᬧᬂᬳᬤᬳᬕ᭄ᬕᭀᬦ᭄ᬕᬧ᭄ᬕᬧᬦ᭄᭞ᬦᬄᬮᬯᬸᬢᬂᬳᬩᬫᬸᬮᬶᬄ᭟᭐᭟ᬧᬦ᭄ᬲᭂᬗ᭄ᬓ᭄ᬭᬸᬕ᭄ᬳᭂᬗ᭄ᬲᭂᬓ᭄ᬩᭂᬮ᭄ᬩᭂᬮᬦ᭄᭞ᬤᬳᬲ᭄ᬤᬶᬳᬶᬲ᭄ᬗᭂ
ᬘᬄᬧᭂᬲᬸᬧ᭄ᬮᬸᬄᬧᬶᬤᬶᬢ᭄᭞ᬩᭂᬗᭀᬂᬢ᭄ᬯᬭᬗᭂᬮᬄᬲᬳᬸᬢ᭄᭞ᬗᬸᬦ᭄ᬢᬦ᭄ᬬᬫᬧᬗᭂᬦᬦ᭄᭞ᬢ᭄ᬯᬭᬩᭂᬦᭂᬄᬬᬦ᭄ᬧᬸᬡ᭄ᬬᬦᬾᬚᬦᬶᬮᬸᬗ᭄ᬲᬸᬃ᭞ᬓᭂᬳᭂᬗᬦ᭄ᬜᬦᬾᬭᬶᬂᬫᬦᬄ᭞ᬫᬧᬫᬶᬢ᭄ᬩᬸᬤᬮ᭄ᬜᬮᬶᬩ᭄ᬲᬶ
ᬩ᭄᭟᭐᭟ᬧᬸᬧᬸᬢ᭄ᬳ᭄ᬬᬂᬳᬶᬦ᭄ᬤ᭄ᬭᬗᬦ᭄ᬤᬶᬓ᭞ᬧᬭᬋᬱᬶᬧ᭄ᬭᬪᬸᬫᬕᬥᬧ᭄ᬭᬫᬗ᭄ᬓᬶᬦ᭄᭞ᬮᬾᬤᬂᬓᬬᬸᬦᬾᬧᬫᬸᬧᬸᬢ᭄᭞ᬓᬤᬶᬓᬲᬶᬭᬢᬶᬦ᭄ᬳᬫᬺᬢ᭄ᬢ᭞ᬮ᭄ᬯᬶᬃᬮᬗᬶᬢ᭄ᬲᬦᬾᬓᬮᬶᬧᬸᬢ᭄ᬳᬫᬸᬩᬸ᭞ᬭᬯᬸᬄ᭠ [ 15 ][᭑᭔ 14B]
᭑᭔
ᬳᬗᬶᬦᬾᬗᬫ᭄ᬧᭂᬳᬂ᭞ᬕᬮᬂᬢᬦ᭄ᬯᬾᬦ᭄ᬢᭂᬦ᭄ᬦᬯᭂᬗᬶᬦ᭄᭟᭐᭟ᬲᬵᬧᬸᬦᬶᬓᬧᬫᬦ᭄ᬯᬺᬤ᭄ᬥ᭞ᬫᬦᬸᬢᬸᬭᬂᬤᬕᬶᬂᬲᬢ᭄ᬯᬦᬾᬗᬸᬦᬶ᭞ᬅᬓ᭄ᬱᬫᬬᬂᬩᭂᬮᬶᬦᬸᬢᬸᬃ᭞ᬩᬸᬓᬘᬭᬸᬓ᭄ᬘᬸᬓ᭄ᬧᬸᬜᬄ᭞ᬩᬸᬗᬸᬢ᭄ᬢᬸᬯ
ᬧᭂᬲᬸᬫᬸᬜᬶᬧᬢᬶᬓᬘᬸᬄ᭞ᬲᬢ᭄ᬯᬢ᭄ᬯᬭᬫᬳᬶᬦ᭄ᬤ᭞ᬓᬩᬶᬲᬬᬦ᭄ᬗᬳᬦ᭄ᬚᭀᬧᬶᬂ᭟᭐᭟ᬭᬩᬶᬦ᭄ᬤᬦᬾᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬩᭂᬘᬶᬓ᭄ᬧᬶᬲᬦ᭄ᬧᬸᬦᬶᬓᬲᬢ᭄ᬯᬗᬸᬦᬶ᭞ᬗᬶᬭᬶᬂᬓᬾᬧᬸᬧᬸᬢᬂᬤᬸᬫᬸᬦ᭄᭞ᬩᬾᬜ᭄ᬚᬗ
ᬦ᭄ᬫᬮᬶᬄᬮᬦ᭄ᬢᬸᬭᬂ᭞ᬲᬫ᭄ᬧᬸᬦ᭄ᬲᭀᬭᬾᬲᬂᬳ᭄ᬬᬂᬲᬸᬃᬬ᭄ᬬᬳᬬᬢ᭄ᬲᬸᬭᬸᬧ᭄᭞ᬢᬶᬢ᭄ᬬᬂᬓᬦ᭄ᬢᬸᬦ᭄ᬗᭂᬜᬶᬢ᭄ᬤᬫᬃ᭞ᬫᬗ᭄ᬤᬕᬮᬗᬦ᭄ᬳᬓᬶᬤᬶᬓ᭄᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬫᬕᬺᬤᭂᬕᬦ᭄ᬚᬕᬢᬾᬭᬶᬂᬦᬭᬚᬤᬾᬰ᭞ᬯ
ᬤ᭄ᬯᬦᬾᬮᬸᬄᬫ᭄ᬯᬦᬶ᭞ᬫᬗᬢᬸᬭᬂᬳᬬᬄ᭞ᬳᬸᬡ᭄ᬥᬕᬶᬲᬗ᭄ᬕᬶᬂᬫ᭄ᬯᬂᬢᬸᬓᬂ᭞ᬲᬺᬕᭂᬧ᭄ᬧ᭄ᬭᬩᭀᬢ᭄ᬘᬸᬫᬯᬶᬲ᭄᭞ᬓᬦ᭄ᬢᬸᬦ᭄ᬜᬦ᭄ᬢᭀᬲᬂ᭞ᬧᬗᬦ᭄ᬤᬶᬓᬦ᭄ᬕᬸᬲ᭄ᬢᬶᬧᬢᬶᬄ᭟᭐᭟ᬧᬭᬧᬢᬶᬄᬲᬦᬾᬫᬗᭀᬋᬕᬂᬓᬃᬬ᭄ᬬ᭞ᬯᬤ᭄ᬯ
[᭑᭕ 15A]
ᬦᬾᬓᭂᬧᬄᬓᬮᬶᬄ᭞ᬲᬦᬾᬳᬩᬕᬶᬬᬦ᭄᭞ᬫᬓᬃᬬ᭄ᬬᬭᬶᬂᬧᬸᬭᬶᬬᬦ᭄᭞ᬳᬬᬢ᭄ᬧᬘᬂᬫᬗᬃᬬ᭄ᬬᬦᬶᬦ᭄᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦ᭄᭞ᬓᬳᬾᬦ᭄ᬢᭂᬃᬢᬸᬓᬂᬳᬸᬡ᭄ᬥᬕᬶ᭟᭐᭟ᬦᬾᬳᬩᬕᬶᬓᬦ᭄ᬢᬸᬦ᭄ᬜᬦ᭄ᬢᭀᬲ᭄ᬭᬶᬂᬚ
ᬩᬬᬦ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬲᬫᬲ᭄ᬤᬶᬭᬶ᭞ᬓᬳᬶᬘ᭄ᬙᬾᬦ᭄ᬧᬓᬃᬬ᭄ᬬᬦ᭄᭞ᬗᬯᬗᬸᬦ᭄ᬧᬶᬦ᭄ᬤᬦ᭄ᬦ᭄ᬭᬓ᭞ᬧᬗᬾᬦ᭄ᬢᭂᬃᬢᬸᬓᬂᬳᬸᬡ᭄ᬥᬕᬶ᭞ᬲᬫ᭄ᬧᬸᬦ᭄ᬲᬬᬕ᭞ᬭᬭᬶᬲ᭄ᬫᬓᬃᬬ᭄ᬬᬗᬯᬶᬢᬶᬦ᭄᭟᭐᭟ᬲᬂᬧ᭄ᬭᬪᬸᬲᬫ᭄ᬧᬸᬦ᭄ᬗᬶ
ᬘ᭄ᬙᬾᬦ᭄ᬧᬧᭀᬮᬬᬦ᭄᭞ᬳᬶᬦ᭄ᬤᬶᬓ᭄ᬯᬯᬗᬸᬦᬦᬾᬲᬫᬶ᭞ᬫᬗ᭄ᬤᬦᬾᬦ᭄ᬢᭂᬦ᭄ᬮᬾᬫ᭄ᬧᬲ᭄᭞ᬓᬤᬶᬯᬘᬦᬦ᭄ᬳᬶᬤ᭞ᬧᬭᬧᬢᬶᬄᬧᬭᬫᬦ᭄ᬢ᭄ᬭᬶ᭞ᬲᬦᬾᬦᬸᬭᬾᬓ᭄ᬱ᭞ᬗᬾᬦ᭄ᬢᭂᬃᬧᬜ᭄ᬚᬓᬾᬲᬫᬶ᭟᭐᭟ᬕ᭄ᬮᬶᬲᬶᬂᬘ᭄ᬭᬶᬢ
ᬯᬾᬦ᭄ᬢᭂᬦ᭄ᬫᬶᬦᬩ᭄ᬧᬶᬢᬸᬂᬳᬸᬮᬦ᭄᭞ᬯᬯᬗᬸᬦᬦ᭄ᬧᬸᬧᬸᬢ᭄ᬲᬫᬶ᭞ᬲᬫ᭄ᬧᬸᬦ᭄ᬫᬦᬸᬢ᭄ᬧᬶᬲᬦ᭄᭞ᬓᬤᬶᬧᬗᬃᬱᬦ᭄ᬲᬂᬦᬵᬣ᭞ᬢᬦ᭄ᬲᬦ᭄ᬤᬂᬘᬾᬤᬦᬶᬦ᭄ᬫᬮᬶᬄ᭞ᬢᬸᬃᬓᬳᬦᬹᬢᬂ᭞ᬲᬦᬾᬧᬘᬂᬫᬗᭂᬦᬳᬶ [ 16 ][᭑᭕ 15B]
᭑᭕
ᬦ᭄᭟᭐᭟ᬭᬶᬂᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦ᭄ᬤᬸᬫᬸᬦ᭄ᬘ᭄ᬭᬶᬢᬬᬂ᭞ᬦᬾᬩᬕᬸᬲ᭄ᬩᬕᬸᬲ᭄ᬓᬲ᭄ᬮᬶᬃ᭞ᬧᬸᬦᬶᬓᬕᬦ᭄ᬥᬃᬯ᭄ᬯ᭞ᬳᬦᬾᬤᭂᬳᬚᭂᬕᬾᬕ᭄ᬗᬬᬂ᭞ᬳᭂᬦ᭄ᬢᭀᬯᬮᬸᬬᬤᬤᬭᬶ᭞ᬯᬾᬦ᭄ᬢᭂᬦ᭄ᬓᬮᬶᬄᬤᬰ᭞ᬮᬸᬄᬫ᭄ᬯᬦᬶᬫᬗᭂ
ᬦᬳᬶᬦ᭄᭟᭐᭟ᬲᬧᬸᬦᬶᬓᬢᬍᬃᬭᬶᬂᬧᬧᬶᬦ᭄ᬤᬦ᭄ᬦ᭄ᬭᬓ᭞ᬲᬦᬾᬗᭂᬦᬳᬶᬦ᭄ᬓᬲᭂᬮᬶᬃ᭞ᬲᬦᬾᬕᭂᬤᬾᬤᬾᬧᬓ᭄᭞ᬫᬢᬕᭂᬤᬾᬓᬸᬮᬶᬢ᭄ᬗᬳᬕ᭄᭞ᬧᬢᬶᬲ᭄ᬓᬤᬶᬚᭀᬕᭀᬃᬫᬡᬶᬓ᭄᭞ᬫᬶᬯᬄᬦᬾ
ᬮ᭄ᬬᬦᬦ᭄᭞ᬮ᭄ᬯᬶᬃᬘᬶᬓ᭄ᬭᬩᬮᬧᬤᬶᬗ᭄ᬓ᭄ᬭᬶᬓ᭄᭟᭐᭟ᬧᬓᬬᬸᬦᬦ᭄ᬲᬂᬧ᭄ᬭᬪᬸᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬧᬘᬂᬫᬢᬸᬃᬧᬶᬳᬸᬦᬶᬂ᭞ᬭᬶᬂᬲᬂᬬᬸᬥᬶᬱ᭄ᬝᬶᬭ᭞ᬧ᭄ᬭᬪᬸᬭᬶᬂᬅᬲ᭄ᬢᬶᬦᬧᬸᬭ᭞ᬧᬶᬦᬲᬶᬳᬦ᭄ᬲᬓᬶᬂᬭᬶᬳᬶᬦ᭄᭞ᬲᬦ᭄ᬧᬶᬂ
ᬳᬚᬶᬦ᭄ᬳᬶᬤ᭞ᬦᬳᭂᬦ᭄ᬫᬋᬓᬦ᭄ᬭᬶᬳᬶᬦ᭄᭟᭐᭟ᬗᬦ᭄ᬤᬶᬓᬬᬂᬳᬸᬢᬸᬲᬦ᭄ᬫᬗ᭄ᬤᬫᬢᬸᬭ᭞ᬢᬗ᭄ᬓᬶᬮ᭄ᬓᬅᬲ᭄ᬢᬶᬦᬧᬸᬭᬶ᭞ᬫᬢᬸᬃᬭᬶᬂᬲᬂᬦᬵᬣ᭞ᬳᬶᬤᬲᬂᬥᬃᬫ᭄ᬫᬢᬦᬬ᭞ᬫᬗ᭄ᬤᬲ᭄ᬯᬾᬘ᭄ᬙᬦᬶᬜ᭄ᬚᭀᬧᬸᬭᬶ
[᭑᭖ 16A]
ᬦᬭᬚᬤᬾᬰ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬓᬓᬃᬬ᭄ᬬᬦᬶᬦ᭄᭟᭐᭟ᬘᬭᬶᬢᬬᬂᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬭᬯᬸᬄᬭᬶᬗᬲ᭄ᬢᬶᬦᬧᬸᬭᬶ᭞ᬳᬗᭀᬩ᭄ᬫᬗᬦ᭄ᬢᭂᬦᬂ᭞ᬧᬸᬭᬶᬦᬾᬭᬶᬗᬲ᭄ᬢᬶᬦ᭞ᬓᬤᬶᬚᬕ
ᬢ᭄ᬲ᭄ᬯᬃᬕ᭄ᬕᬦ᭄ᬧᬢᬶᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬶᬭᬂ᭞ᬲᬫᬶᬩᭂᬘᬶᬓ᭄ᬗᬮᬾᬤᬗᬶᬦ᭄᭟᭐᭟ᬢᬦ᭄ᬤᬸᬫᬤᬾᬢᬗ᭄ᬓᬶᬮ᭄ᬭᬶᬂᬳᬶᬤᬲᬂᬦᬵᬣ᭞ᬲᬫ᭄ᬧᬸᬦ᭄ᬓᬳᬢᬸᬭᬂᬲᬫᬶ᭞ᬲᬤᬕᬶᬂᬧᬶᬦᬸᬦᬲ᭄᭞ᬳᬶᬤᬲᬂᬦᬶᬮ
ᬘᬦ᭄ᬤ᭄ᬭ᭞ᬲᬂᬥᬃᬫ᭄ᬫᬳᬶᬤᬦᬕᬶᬗᬶᬦ᭄᭞ᬲᬗ᭄ᬓᬦᬶᬂᬮᬾᬤᬂ᭞ᬧᬘᬂᬭᬯᬸᬄᬫᬦᬶᬜ᭄ᬚᭀᬯᬶᬦ᭄᭟᭐᭟ᬓᬳᬾᬮᬶᬗᬂᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬲᬓᬶᬂᬪᬓ᭄ᬢᬶᬢᬸᬢᬸᬢᬲᬶᬄ᭞ᬦᬳᭂᬦ᭄ᬦᬸᬦᬲ᭄ᬳᬚᬄ᭞
ᬭᬶᬂᬳᬶᬤᬲᬂᬥᬃᬫ᭄ᬫᬲᬸᬢ᭞ᬫᬲᬯᬶᬢ᭄ᬭᬲᬓᬶᬂᬳᬮᬶᬢ᭄᭞ᬢᬦ᭄ᬦᬳᬶᬦ᭄ᬧᬮᬲ᭄᭞ᬬᬤᬶᬦ᭄ᬤᭀᬄᬓᬤᬶᬫᬗ᭄ᬓᬶᬦ᭄᭟᭐᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬳᬢᬸᬃᬳᬶᬧᬸᬦ᭄ᬳᬶᬳᬸᬢᬸᬲᬦ᭄᭞ᬢᬸᬫᬸᬮᬶᬫᬧᬫᬶᬢ᭄ᬕᭂᬮᬶ [ 17 ][᭑᭖ 16B]
᭑᭖
ᬲ᭄᭞ᬧ᭄ᬭᬧ᭄ᬢᬳᬸᬫᬢᬸᬭ᭞ᬭᬶᬂᬳᬤᬲᬂᬦᬶᬮᬘᬦ᭄ᬤ᭄ᬭ᭞ᬓᬮᬶᬦ᭄ᬢᬂᬕᬃᬚ᭄ᬚᬶᬢᬢᬾᬗᬢᬶ᭞ᬲᬬᬕᬜᬗ᭄ᬕ᭄ᬭ᭞ᬲᬧᬗ᭄ᬭᬯᬸᬄᬰ᭄ᬭᬷᬦᬺᬧᬢᬶ᭟᭐᭟ᬲᬫᬮᬶᬳᬳᬶᬤᬲᬫ᭄ᬧᬸᬦ᭄ᬗᬦ᭄ᬤᬶᬓᬬᬂ᭞ᬭᬶᬂᬯᬤ᭄ᬯᬦᬾᬲᬋᬂ
ᬲᬫᬶ᭞ᬲᬬᬕᬫᬫᭂᬦ᭄ᬤᬓ᭄᭞ᬳᬶᬤᬲᬂᬥᬃᬫ᭄ᬫᬲᬸᬢ᭞ᬧᬾᬜ᭄ᬚᭀᬃᬓᬓᭀᬩᬾᬃᬢᬦ᭄ᬫᬭᬶ᭞ᬲᬫ᭄ᬧᬸᬦ᭄ᬫᬩᬜ᭄ᬚᬄ᭞ᬫᬬᬲᬶᬦ᭄ᬲᬧᬜ᭄ᬚᬂᬫᬃᬕ᭄ᬕᬶ᭟᭐᭟ᬲᬕᬾᬢ᭄ᬭᬯᬸᬄᬳᬸᬢᬸᬲᬦ᭄ᬲᬓᬶᬗᬲ᭄ᬢᬶᬦ
᭞ᬫᬢᬸᬃᬭᬶᬂᬲᬂᬦᬭᬧᬢᬶ᭞ᬳᬶᬦ᭄ᬤᬶᬓ᭄ᬲᬂᬧᬦ᭄ᬤᬸᬲᬸᬢ᭞ᬭᬯᬸᬄᬭᬶᬂᬦᬭᬚᬤᬾᬰ᭞ᬲᬂᬦᬶᬮᬘᬦ᭄ᬤ᭄ᬭᬤᬶᬕᭂᬮᬶᬲ᭄᭞ᬳᬶᬤᬦᬩ᭄ᬤᬩᬂ᭞ᬧᬘᬂᬫᭂᬦ᭄ᬤᬓ᭄‌ᬰ᭄ᬭᬷᬪᬹᬧᬢᬶ᭟᭐᭟ᬳᬾᬩᭂᬓ᭄ᬚᭂᬚᭂᬮ᭄ᬯᬤ᭄ᬯ
ᬦᬾᬲᬫ᭄ᬧᬸᬦ᭄ᬜᬦ᭄ᬢᭀᬲᬂ᭞ᬲᬓᬶᬂᬧᬲᬃᬭᬯᬸᬄᬓᬧᬸᬭᬶ᭞ᬭᬶᬂᬧᬶᬗ᭄ᬕᬶᬭᬶᬂᬚᬮᬦ᭄᭞ᬫᬩᬜ᭄ᬚᬄᬓᬤᬶᬯᬬᬂ᭞ᬓᬵᬮᬦᬶᬂᬲᭂᬤᭂᬓ᭄ᬓᬢᬗ᭄ᬓᬶᬮ᭄᭞ᬦᬾᬯᬮᬸᬬᬤᬫᬃ᭞ᬲᬹᬃᬬ᭄ᬬᬦᬾᬫᬜᬸᬦ᭄ᬤᬭᬶᬦ᭄᭟
[᭑᭗ 17A]
᭐᭟ᬢᬦ᭄ᬓᬮᬾᬢᬂᬧᬦᭂᬲᬾᬫᬗᭂᬦ᭄ᬢᬓᭂᬦ᭄ᬢᬓ᭄᭞ᬗᬯᬾᬳᭀᬗ᭄ᬓᭂᬩ᭄ᬧᭂᬮᬸᬄᬧᬶᬤᬶᬢ᭄᭞ᬢ᭄ᬯᬭᬓᬮᬶᬗᬸᬯᬂ᭞ᬫᬜᬦ᭄ᬢᭀᬲᬂᬲᬂᬧᬦ᭄ᬥᬯ᭞ᬦᬤᬓ᭄ᬳᬗᬶᬦᬾᬗᬲᬶᬃᬲᬶᬃ᭞ᬢᬾᬚᬦ᭄ᬳ᭄ᬬᬂᬲᬹᬃᬬ᭄ᬬ
ᬓᬤᬶᬳᭂᬦ᭄ᬤᬸᬳᬦ᭄ᬳᬓᬶᬤᬶᬓ᭄᭟᭐᭟ᬬᬦ᭄ᬳᬶᬦᬩᬂᬘᬶᬭᬶᬦ᭄ᬳᬶᬤᬲᬂᬧᬘ᭄ᬥᬭ᭞ᬲᬫ᭄ᬧᬸᬦ᭄ᬭᬯᬸᬄᬤᬶᬕᭂᬮᬶᬲ᭄᭞ᬧᬫᬸᬘᬸᬓ᭄ᬧ᭄ᬭᬯᬶᬭ᭞ᬲᬦᬾᬗᬮᬶᬗ᭄ᬕᬶᬳᬶᬦ᭄ᬓ᭄ᬭᬾᬢ᭞ᬓᬓᭀᬩᬾᬭᬾᬫᬓᬘᬶᬭᬶ᭞ᬧᬭ
ᬧᬸᬧᬸᬱ᭞ᬲᬓᬶᬗᬲ᭄ᬢᬶᬦᬧᬸᬭᬶ᭟᭐᭟ᬬᬦᬶᬂᬯᬶᬮᬂᬫᬶᬦᬩ᭄ᬯᬾᬦ᭄ᬢᭂᬦ᭄ᬲᬋᬂᬲᬢᬓ᭄᭞᭠ᬧᬭᬧᬸᬭᬸᬱᬦᬾᬗᬶᬭᬶᬂ᭞ᬧᬫᬸᬘᬸᬓ᭄ᬮᬸᬫᬫ᭄ᬧᬄ᭞ᬲᬫᬶᬗ᭄ᬮᬶᬗ᭄ᬕᬶᬳᬶᬦ᭄ᬓ᭄ᬭᬾᬢ᭞ᬢᬢᬶᬲ᭄ᬯᬾᬦ᭄ᬢᭂᬦ᭄ᬓ᭄ᬭᬾ
ᬢᬫᬡᬶᬓ᭄᭞ᬫᬧᬚᭂᬂᬧᭂᬢᬓ᭄᭞ᬲᬂᬬᬸᬥᬶᬱ᭄ᬝᬶᬭᬗ᭄ᬮᬶᬗ᭄ᬕᬶᬳᬶᬦ᭄᭟᭐᭟ᬤ᭄ᬬᬄᬤ᭄ᬭᬸᬧᬤᬶᬲᬦᬾᬫᬜᬋᬗᬶᬦ᭄ᬳᬶᬤ᭞ᬦᬓᬸᬮᬲᬵᬤᬾᬯᬫᬮᬶᬄ᭞ᬦᬵᬗ᭄ᬳᬶᬂᬲᬂᬧᬮ᭄ᬕᬸᬡ᭞ᬲᬋᬂᬲᬂᬯᬺᬓᭀᬥᬭ᭞ [ 18 ][᭑᭗ 17B]
᭑᭗
ᬭᬶᬂᬓ᭄ᬭᬾᬢᬦᬾᬲᬋᬂᬓᬮᬶᬄ᭞ᬫᬓᭀᬩᬾᬃᬗᬭᬓ᭄᭞ᬫᬕᬫ᭄ᬩᬃᬅᬦᭀᬫᬦ᭄ᬦᭂᬗ᭄ᬓᬶᬓ᭄᭟᭐᭟ᬧᬶᬦᬶᬄᬳᬸᬗ᭄ᬓᬸᬃᬯᬾᬦ᭄ᬢᭂᬦ᭄ᬫᬮᬶᬄᬲᬋᬂᬲᬢᬓ᭄᭞ᬧᬭᬧᬸᬭᬸᬱᬧᬗᬩᬶᬄ᭞ᬗᬮᬶᬗ᭄ᬕᬶᬳᬶᬦ᭄ᬓᬸᬤ
᭞ᬲᬺᬕᭂᬧ᭄ᬲᬯ᭄ᬯᬲᬜ᭄ᬚᬢ᭞ᬫᬓ᭄ᬢᬢᬸᬫ᭄ᬩᬓ᭄ᬜᬸᬗ᭄ᬓ᭄ᬮᬶᬢ᭄ᬓᭂᬭᬶᬲ᭄᭞ᬲᬬᬕᬗᭂᬩᬕ᭄᭞ᬬᬦ᭄ᬯᬾᬦ᭄ᬢᭂᬦ᭄ᬫᭂᬲᭂᬄᬭᬶᬂᬫᬃᬕ᭄ᬕᬶ᭟᭐᭟ᬓᬘᬭᬶᬢᬭᬯᬸᬄᬭᬶᬂᬦᬭᬚᬤᬾᬰ᭞ᬕᭀᬂᬢᬫ᭄ᬩᬸᬃᬫᬲ᭄ᬯᬭᬢᬶᬢᬶᬃ᭞
ᬫᭂᬦ᭄ᬤᬓ᭄ᬲᬂᬧᬡ᭄ᬥᬯ᭞ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬭᬭᬶᬲ᭄ᬗᬢᬸᬭᬶᬦ᭄ᬫᬮᬶᬗ᭄ᬕᬶᬄ᭞ᬭᬶᬂᬧᬦᬗ᭄ᬓᬶᬮᬦ᭄᭞ᬧᬭᬧᬸᬭᬸᬱᬦᬾᬲᬫᬶ᭟᭐᭟ᬲᬂᬧᬡ᭄ᬥᬯᬓᬢᬸᬭᬶᬦ᭄ᬭᬶᬂᬚ᭄ᬭᭀᬧᬸᬭ᭞ᬫᬓᬫᬶᬯᬄᬤ᭄ᬬᬄᬤ᭄ᬭᭀ
ᬧᬤᬶ᭞ᬓᬵᬢᬸᬭᬦ᭄ᬧᬜᬫ᭄ᬩ᭄ᬭᬫ᭞ᬲᬮ᭄ᬯᬶᬃᬪᭀᬕᭀᬧᬪᭀᬕ᭞ᬲᬫᬶᬧᬥᬫᬗᬾᬦᬓᬶᬦ᭄᭞ᬳᬢᬸᬭᬦ᭄ᬳᬶᬤ᭞ᬲᬂᬦᬶᬮᬘᬦ᭄ᬤ᭄ᬭᬪᬹᬧᬢᬶ᭞᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬭᬶᬂᬲᬫ᭄ᬧᬸᬦᬾᬲᬫᬶᬦᬧ
[᭑᭘ 18A]
ᬓ᭄᭞ᬧᬭᬧᬸᬭᬸᬱᬦᬾᬲᬫᬶ᭞ᬓᬵᬢᬸᬃᬭᬦ᭄ᬲᭂᬥᬄᬮᬜ᭄ᬚᬭᬦ᭄᭞ᬯᬾᬤᬂᬲᬲᬗᬦᬦ᭄ᬢᬦ᭄ᬫᬭᬶ᭞ᬲᬦᬾᬗᬬᬳᬶᬦ᭄ᬓᬲᭂᬮᬶᬃ᭞ᬩᬚᬂᬩᬚᬂᬚᭂᬕᬾᬕ᭄ᬩᬕᬸᬲ᭄᭞ᬕᭂᬮᬶᬲ᭄ᬓᬢᬸᬭᬦ᭄ᬳᬚᭂᬗᬦ᭄᭞ᬧᬶᬤ
ᬩ᭄ᬤᬩ᭄ᬓᬤᬶᬭᬶᬂᬧᬸᬭᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬵᬚᭂᬗᬦᬾᬫᬓᭂᬫ᭄ᬩᬸᬮᬦ᭄᭟᭐᭟ᬲᬶᬬᭀᬲ᭄ᬳᬶᬤᬲᬂᬧᬡ᭄ᬥᬯ᭞ᬓᬵᬢᬸᬭᬦ᭄ᬭᬶᬂᬚ᭄ᬭᭀᬧᬸᬭᬶ᭞ᬲᬫ᭄ᬧᬸᬦ᭄ᬓᬢᬸᬭᬦ᭄ᬗᬬᬸᬦᬂ᭞ᬧᬭᬭᬩᬶᬦᬾᬫᬗᬶᬭᬶᬂ᭞ᬲᬂ
ᬦᬶᬮᬘᬦ᭄ᬤ᭄ᬭᬜᬋᬗᬶᬦ᭄᭞ᬧᬸᬧᬸᬢ᭄ᬲᭀᬧᬘᬵᬭᬲᬫ᭄ᬧᬸᬦ᭄᭞ᬦᬾᬫᬗ᭄ᬓᬶᬦ᭄ᬲᬂᬬᬸᬥᬶᬱ᭄ᬝᬶᬭ᭞ᬫᬓᬬᬸᬦ᭄ᬫᬗ᭄ᬤᬳᬸᬦᬶᬂ᭞ᬭᬶᬂᬧᬯᬗᬸᬦ᭄᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬵᬭᬓ᭟᭐᭟ᬲᬂᬬᬸᬥᬶᬱ᭄ᬝᬶᬭᬗᬦ᭄ᬤᬶᬓᬵ᭞
ᬤᬾᬯᬲᬂᬘᬦ᭄ᬤ᭄ᬭᬪᬹᬧᬢᬶ᭞ᬫᬦᬶᬭᬧᬘᬂᬦᬢᬲᬂ᭞ᬧᬯᬗᬸᬦ᭄ᬧᬸᬭᬶᬦᬾᬤᬶᬦᬶ᭞ᬤᬾᬦᬶᬂᬲᬸᬩᬧᬸᬧᬸᬢ᭄ᬲᬫᬶ᭞ᬲ᭄ᬯᬃᬕ᭄ᬕᬦ᭄ᬭᬓᬦᬾᬓᬢᬶᬭᬸ᭞ᬳᬸᬫᬢᬸᬃᬲᬂᬦᬶᬮᬘᬦ᭄ᬤ᭄ᬭ᭞ᬢᬶᬢ᭄ᬬᬂᬗᬶᬭᬶᬗᬂᬦᬺᬧ [ 19 ][᭑᭘ 18B]
᭑᭘
ᬢᬶ᭞ᬢᬸᬭᬶᬂᬲᬫ᭄ᬧᬸᬦ᭄᭞ᬫᬢᬗᬶᬳᬬᬢ᭄ᬫᬫᬃᬕ᭄ᬕ᭟᭐᭟ᬧᬗᬚᭂᬂᬲᬂᬥᬃᬫ᭄ᬫᬵᬢ᭄ᬫᬚ᭞ᬲᬂᬦᬶᬮᬘᬦ᭄ᬤ᭄ᬭᬫᬗᬩᬶᬄ᭞ᬧᬫᬃᬕ᭄ᬕᬶᬦᬾᬲᬤᬳᬮᭀᬦ᭄᭞ᬤ᭄ᬬᬄᬤ᭄ᬭᭀᬧᬤᬶᬓᬲᬋᬗᬶᬦ᭄᭞ᬳᭀᬮᬶᬄ
ᬧᬭᬭᬩᬶᬲᬫᬶ᭞ᬭᬩᬶᬦ᭄ᬦᬶᬮᬘᬦ᭄ᬤ᭄ᬭᬧ᭄ᬭᬪᬸ᭞ᬲᬂᬪᬶᬫᬫᬸᬯᬄᬅᬃᬚ᭄ᬚᬸᬡ᭞ᬦᬵᬓᬸᬮᬲᬵᬤᬾᬯᬫᬮᬶᬄ᭞ᬧᬶᬦᬶᬄᬳᬸᬗ᭄ᬓᬸᬃ᭞ᬯᬤ᭄ᬯᬫᬓ᭄ᬢᬧᬘᬦᬗᬦ᭄᭟᭐᭟ᬧᬫᬃᬕ᭄ᬕᬶᬦᬾᬗ᭄ᬮᭀᬤ᭄ᬓᬗᬶᬦᬂ᭞ᬧᬧᬶ
ᬦ᭄ᬤᬦ᭄ᬦ᭄ᬭᬓᬓᬳᬸᬗ᭄ᬲᬶ᭞ᬦᬾᬦ᭄ᬢᭂᬦ᭄ᬳᭂᬤᭀᬄᬲᬓᬶᬂᬧᬸᬭ᭞ᬤᬶᬕᭂᬮᬶᬲ᭄ᬬᬲᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬢᬭᬸᬓᭂᬧᬸᬳᬾᬓᬓᬮᬶᬄ᭞ᬲᬢ᭄ᬯᬮᬸᬬᬓᭀᬭᬶᬳᬕᬸᬂ᭞ᬢᭂᬕᭂᬄᬗᬋᬲ᭄ᬋᬲᬶᬦ᭄ᬫᬦᬄ᭞ᬫᬗᬧᬶᬢ᭄ᬭᬶᬂᬧᬶᬗ᭄ᬕᬶᬃ
ᬫᬃᬕ᭄ᬕᬶ᭞ᬩᭂᬢᬾᬦ᭄ᬳᬶᬧᬸᬦ᭄᭞ᬯᬾᬦ᭄ᬢᭂᬦ᭄ᬢᭀᬕᭀᬕ᭄ᬫᬓᭂᬫ᭄ᬩᬭᬦ᭄᭟᭐᭟ᬧᬢᬶᬲ᭄ᬓᬤᬶᬲᬂᬲᬸᬭᬵᬢ᭄ᬫ᭞ᬦᬾᬜᬦ᭄ᬤᬓ᭄ᬭᬶᬂᬢ᭄ᬗᬳᬶᬂᬫᬃᬕ᭄ᬕᬶ᭞ᬲᬦᬾᬫᬦᬸᬭᬾᬓ᭄ᬱᬳᬢ᭄ᬫ᭞ᬲᬃᬯ᭄ᬯᬶᬫᬗᭂᬩᬢᬂᬧᬶᬧᬶᬮ᭄᭞ᬧᬸᬦᬶ
[᭑᭙ 19A]
ᬓᬫᬮᬶᬄᬳᬲᬶᬓᬶ᭞ᬢᭀᬕᭀᬕᬾᬫᬗᬗ᭄ᬕᬃᬧᭂᬦ᭄ᬢᬸᬂ᭞ᬦᭂᬗ᭄ᬓᬶᬓ᭄ᬓᬮᬶᬦ᭄ᬢᬂᬯᬶᬭᭀᬱ᭞ᬯᬮᬸᬬᬲᬂᬚᭀᬕᭀᬃᬫᬡᬶᬓ᭄᭞ᬦᬾᬢᬦ᭄ᬲᬸᬭᬸᬤ᭄᭞ᬫᬶᬤᭂᬡ᭄ᬥᬳᬢ᭄ᬫᬓᬲᬲᬃ᭟᭐᭟ᬧᬸᬧᬸᬄᬅᬤ᭄ᬭᬶ᭟᭐
᭟ᬢᬦ᭄ᬤᬸᬫᬤᬾᬭᬭᬶᬲ᭄ᬯᬾᬦ᭄ᬢᭂᬦ᭄ᬭᬯᬸᬄ᭞ᬧᬕᭂᬩᬕ᭄ᬦ᭄ᬭᬓᬦᬾ ᭞ᬯᬤ᭄ᬯᬦᬾᬲᬦᬾᬫᬗᭂᬫᬶᬢ᭄᭞ᬯᬾᬦ᭄ᬢᭂᬦ᭄ᬫᬶᬦᬩ᭄ᬲᬋᬂᬧᬶᬢᬸ᭞ᬲᬶᬢᭂᬂᬲᬶᬢᭂᬂᬕᭂᬤᬾᬕᬗ᭄ᬲᬸᬃ᭞ᬲᬺᬕᭂᬧ᭄ᬫᬓ᭄ᬢᬲᬜ᭄ᬚᬢᬦᬾ᭞ᬓᭂᬭᬶᬲ᭄ᬕᭀ
ᬮᭀᬓ᭄ᬧᭂᬤᬂᬳᭂᬮᬸ᭞ᬧᬢᬶᬲ᭄ᬓᬤᬶᬘᬶᬓ᭄ᬭᬩᬮ᭞ᬗᭂᬩᬳ᭄ᬧᬧᬶᬦ᭄ᬤᬦ᭄ᬦᬵᬭᬓ᭟᭐᭟ᬫᬢᬩᬭᬓ᭄ᬳᬯᬓ᭄ᬜᬦᬾᬲᭂᬩᬸᬄ᭞ᬢᭂᬭᬲ᭄ᬜᬦᬾᬍᬗᬃ᭞ᬳᬤᬦᬾᬫᬳᭂᬩᭀᬓ᭄ᬩᭂᬭᬶᬢ᭄᭞ᬧᬚᬮᬦᬾ
ᬲ᭄ᬭᬬᬂᬲ᭄ᬭᬸᬬᬸᬂ᭞ᬫᬸᬜᬶᬦ᭄ᬜᬦᬾᬧᬢᬶᬓᬘᬸᬄ᭞ᬲᬓᬾᬂᬧᬸᬜᬄᬫᬲᬤᬾᬕᬦ᭄᭞ᬫᬗᬸ᭠ᬮᬸᬭᬶᬦ᭄ᬧᬗᬦ᭄ᬓᬶᬦᬸᬫ᭄᭞ᬢᬸᬫᬸᬮᬶᬫᬢᬸᬃᬳᬜᭂᬫ᭄ᬩᬄ᭞ᬭᬶᬂᬳᬶᬤᬲᬂᬦᬶᬮᬘᬦ᭄ᬤ᭄ᬭ᭟᭐᭟ᬲᬶᬗ᭄ᬕᬶᬄᬭᬢᬸᬲᬂ [ 20 ][᭑᭙ 19B]
᭑᭙
ᬘᬦ᭄ᬤ᭄ᬭᬧ᭄ᬭᬪᬸ᭞ᬫᬶᬦᬩ᭄ᬓᬤᬶᬢᭂᬫ᭄ᬩᬾ᭞ᬲᬧᬲᬶᬭᬫᬜᬋᬗᬶᬦ᭄᭞ᬲᬂᬘᬦ᭄ᬤ᭄ᬭᬭᬭᬶᬲ᭄ᬫᬯᬸᬯᬸᬲ᭄᭞ᬗᬸᬤᬧᬫᬦ᭄ᬩᬸᬓᬢᬦ᭄ᬤ᭄ᬭᬸᬄ᭞ᬢᭂᬓᬾᬦ᭄ᬳᬶᬤᬲᬂᬧᬡ᭄ᬥᬯ᭞ᬦᬩᬾᬦ᭄ᬫᬦᬶᬭᬳᬶᬫᬮᬸ᭞ᬓᬬᬸᬦ᭄ᬳᬶᬤᬧ
ᬘᬂᬦᬢᬲ᭄᭞ᬧᬧᬶᬦ᭄ᬤᬦ᭄ᬚᬕᬢ᭄ᬦᬵᬭᬓ᭟᭐᭟ᬧᬕᭂᬩᬕᬾᬧ᭄ᬭᬡᬫ᭄ᬬᬳᬸᬫᬢᬸᬃ᭞ᬳᬫ᭄ᬧᬸᬭᬦᭂᬦ᭄ᬫᬗ᭄ᬓᬾ᭞ᬲᭂᬫ᭄ᬩᬳᬶᬗ᭄ᬯᬂᬦᬶᬱ᭄ᬝᬩᬸᬤ᭄ᬥᬶ᭞ᬬᬦ᭄ᬯᬾᬦ᭄ᬢᭂᬦ᭄ᬳᬃᬱᬦ᭄ᬳᬶᬭᬢᬸ᭞ᬦᬶᬜ᭄ᬚᭀᬧᬧᬶᬦ᭄ᬤᬦ᭄ᬧᬸᬦᬶᬓᬸ᭞
ᬢᬶᬢ᭄ᬬᬂᬜᬤ᭄ᬬᬫᬗᬶᬭᬶᬗᬂ᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬳᬚᬳᬦ᭄ᬲᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬶᬂᬕᭂᬦᬄᬧᬧᬶᬦ᭄ᬤᬦ᭄ᬦ᭄ᬭᬓ᭟᭐᭟ᬯᬾᬦ᭄ᬢᭂᬦᬾᬫᬗ᭄ᬓᬶᬦ᭄ᬓᬧᬗ᭄ᬕᬸᬄ᭞ᬧᬧᬶᬦ᭄ᬤᬦ᭄ᬳᬢ᭄ᬫᬦᬾ᭞ᬢᭂᬭᬲ᭄ᬜᬦᬾᬓᬕᬺ
ᬕᬚᬶ᭞ᬜ᭄ᬭᬾᬢ᭄ᬘᬾᬢ᭄ᬕᭂᬢᬶᬄᬜᬦᬾᬧ᭄ᬲᬸ᭞ᬤ᭄ᬬᬄᬤ᭄ᬭᭀᬧᬤᬶᬭᬭᬶᬲ᭄ᬫᬢᬸᬃ᭞ᬥᬸᬄᬩᭂᬮᬶᬲᬂᬥᬃᬫ᭄ᬫᬲᬸᬢ᭞ᬲᬧᬸᬦᬧᬶᬲᭀᬮᬳᬶᬧᬸᬦ᭄᭞ᬤᬯᭂᬕᬾᬭᬶᬂᬫᬤ᭄ᬬᬧᬤ᭞ᬳᬯᬶᬦᬦ᭄ᬳᬲᬧᬸᬦᬶ
[᭒᭐ 20A]
ᬓ᭟᭐᭟ᬰ᭄ᬭᬶᬥᬃᬫ᭄ᬫᬵᬢ᭄ᬫᬚᬫᬗ᭄ᬓᬶᬦ᭄ᬫᬯᬸᬯᬸᬲ᭄᭞ᬓᬾᬦᬾᬯᬶᬯᬶᬮᬦᬾ᭞ᬤᬸᬓ᭄ᬜᬦᬾᬫᬳᬸᬭᬶᬧ᭄ᬭᬶᬳᬶᬦ᭄᭞ᬢᬮ᭄ᬧᬓᬭᬶᬂᬬᬬᬳᬶᬩᬸ᭞ᬢᭀᬳᬯᬦᬦ᭄ᬢᬸᬮᬄᬳᬶᬤᬸᬧ᭄᭞ᬚᬦᬶᬦᬦ᭄ᬤᬗᬶ
ᬦ᭄ᬲᬓᬶᬢᬾ᭞ᬪᬸᬝᬵᬫᬸᬦ᭄ᬤᬃᬫᬦ᭄ᬤᬶᬃᬗᭂᬚᬸᬓ᭄᭞ᬲᬓᬜ᭄ᬘᬦ᭄ᬳᬢ᭄ᬫᬤ᭄ᬭᭀᬳᬓ᭞ᬮᬗ᭄ᬕᬦᬭᬶᬂᬳᬦᬓ᭄ᬢᬸᬯ᭟᭐᭟ᬦᬾᬧᬧᬶᬦ᭄ᬤᬦ᭄ᬳᬢ᭄ᬫᬦᬾᬫᬫᬦ᭄ᬤᬸᬂ᭞ᬲᬢᬢᬫᬫᬾᬕᬮ᭄᭞ᬕᭂᬫᭂᬲ᭄ᬢᬸᬃᬫ
ᬫᬢᬶᬫᬢᬶ᭞ᬤᬶᬚᬫ᭄ᬩᬗᬦᬾᬓᬍᬩᬸ᭞ᬓᬩᭀᬃᬩᭀᬃᬕᭂᬦᬶᬦᬾᬫᬸᬭᬸᬩ᭄᭞ᬓᬲᬓᬶᬢᬦ᭄ᬳᭂᬗ᭄ᬓᬓᭂᬗ᭄ᬓᬓ᭄᭞ᬢᭀᬂᬲᬶᬤ᭄ᬥᬫᬦᬦ᭄ᬤᬂᬓᭂᬩᬸᬲ᭄᭞ᬓᬯᬄᬘᬦ᭄ᬤ᭄ᬭᬕᭀᬄᬫᬸᬓᬦᬾ᭞ᬨ
ᬮᬦ᭄ᬧᭀᬮᬄᬜᬦᬾᬘᭀᬭᬄ᭟᭐᭟ᬤ᭄ᬬᬄᬤ᭄ᬭᭀᬧᬤᬶᬧ᭄ᬭᬡᬫ᭄ᬬᬳᬸᬫᬢᬸᬃ᭞ᬇᬓᬶᬧᬧᬶᬦ᭄ᬤᬦᬾ᭞ᬲᭂᬤᬶᬄᬢᬶᬢ᭄ᬬᬂᬫᬗᬶᬯᬲᬶᬦ᭄᭞ᬤᬾᬯᬾᬓ᭄ᬜᬦᬾᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬓᬢᭂᬓ᭄ᬢᭂ [ 21 ][᭒᭐ 20B]
᭒᭐
ᬓ᭄ᬢᬸᬭᬶᬂᬓᬲᬸᬤᬸᬓ᭄᭞ᬢᬦ᭄ᬓᭂᬦᬶᬯᬶᬮᬂᬢᬢᬸᬦᬾ᭞ᬕᭂᬢᬶᬄᬜᬦᬾᬤᭂᬋᬱ᭄ᬧᭂᬲᬸ᭞ᬲᬧᬸᬦᬧᬶᬢᬸᬢᬸᬭᬦ᭄ᬜ᭞ᬫᬗ᭄ᬕᬸᬳᬂᬳᬲᬧᬸᬦᬶᬓᬵ᭟᭐᭟ᬫᬮᬶᬄᬧᬧᬶᬦ᭄ᬤᬦ᭄ᬚᬦ᭄ᬫᬫ᭄ᬯᬦᬶᬮᬸᬄ᭞
ᬓᬜᬾᬃᬜᬾᬃᬧ᭄ᬭᬡᬦᬾ᭞ᬫᬸᬮᬶᬲᬄᬦᬳᬦᬂᬲᬓᬶᬢ᭄᭞ᬲᬧᬸᬦᬧᬶᬲᭀᬮᬳᬶᬧᬸᬦ᭄᭞ᬭᬶᬂᬫᬤ᭄ᬬᬧᬤᬦᬾᬤᬸᬫᬸᬦ᭄᭞ᬲᬧᬸᬦᬧᬶᬧᬢᬓᬾᬦᬾ᭞ᬰ᭄ᬭᬷᬥᬃᬫ᭄ᬫᬵᬢ᭄ᬫ
ᬚᬫᬯᬸᬯᬸᬲ᭄᭞ᬫᭂᬮᬳᬂᬳᬤᬶᬫᬶᬋᬗᬂ᭞ᬩᭂᬮᬶᬚᬦᬶᬫᬦᬸᬢᬸᬭᬂ᭟᭐᭟ᬫᬦᬹᬢ᭄ᬧᬢᬓᬾᬦ᭄ᬳᬤᬶᬦᬾᬯᬯᬸ᭞ᬳᬶᬦ᭄ᬤᬶᬓ᭄ᬧᬧᬶᬦ᭄ᬤᬦᬾ᭞ᬦᬾᬤᭂᬓ᭄ᬤᭂᬓ᭄ᬫᬦᬦ᭄ᬤᬂᬓᬦᬶᬦ᭄᭞ᬓ
ᬢᭂᬓ᭄ᬢᭂᬓ᭄ᬫᬶᬯᬄᬓᬲᬸᬤᬸᬓ᭄᭞ᬲᭀᬮᬄᬚᬦ᭄ᬫᬦᬾᬧᬸᬦᬶᬓᬸ᭞ᬫᬮᬸᬘᭀᬭᬄᬮᬓ᭄ᬱᬡᬦᬾ᭞ᬫᬶᬰᬸᬡᬲᬳᬶᬫᬗᬧᬸᬲ᭄᭞ᬢ᭄ᬯᬭᬗᭂᬮᬄᬳᬭᬶᬫ᭄ᬪᬯ᭞ᬮᬓ᭄ᬱᬡᬦᬾᬳᬶᬫ᭄ᬲ
[᭒᭑ 21A]
ᬓᬃᬫ᭄ᬫ᭟᭐᭟ᬫᬮᬶᬄᬧᬧᬶᬦ᭄ᬤᬦ᭄ᬧᬸᬦᬶᬓᬸ᭞ᬓᬜᬾᬃᬜᬾᬃᬧ᭄ᬭᬡᬦᬾ᭞ᬲᭀᬮᬄᬜᬦᬾᬲᬦᬾᬗᬹᬦᬶ᭞ᬲᬢᬢᬫᬓᬓᬭᬸᬄ᭞ᬗᬸᬮᬸᬭᬶᬦ᭄ᬲᬫᬭᬤᬸᬤᬹ᭞ᬚᬦᬶᬢᬳᬦᬂᬲᬓᬶ
ᬢᬾ᭞ᬭᬾᬄᬲᬢᬢᬗᬯᬾᬩᬸᬳᬸᬢ᭄᭞ᬗᬯᬾᬢᬸᬗ᭄ᬓᬲ᭄ᬤᬶᬧᬓᬸᬋᬦᬦ᭄᭞ᬲᬳᬶᬗᬶᬦ᭄ᬢᬶᬧ᭄ᬲᭀᬮᬄᬢᬶᬫ᭄ᬧᬮ᭄᭟᭐᭟ᬲᬓᬜ᭄ᬘᬦᬶᬂᬲᭀᬮᬄᬢᬦ᭄ᬭᬳᬬᬸ᭞ᬫᬨᬮᬦ
ᬭᬓ᭞ᬓᬾᬢᭀᬘᬸᬢᭂᬢ᭄ᬜᬦᬾᬳᬤᬶ᭞ᬫᬓᭂᬚᬂᬤᬶᬦᬶᬳᬸᬫᬸᬗ᭄ᬕᬸᬄ᭞ᬭᬶᬂᬧᬧᬶᬦ᭄ᬤᬦᬾᬓᬯᬗᬸᬦ᭄᭞ᬫᬢᭂᬳᬶᬦ᭄ᬦ᭄ᬭᬓᬮᭀᬓᬦᬾ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬫᬯᬸᬯᬸᬲ᭄᭞ᬭᬢᬸᬲᬂᬧ᭄ᬭ
ᬪᬸᬥᬃᬫ᭄ᬫᬵᬢ᭄ᬫᬚ᭞ᬗᬶᬭᬶᬂᬤᬸᬫᬸᬦ᭄ᬫᬲᬦ᭄ᬤᭂᬓᬦ᭄᭟᭐᭟ᬗᬶᬭᬶᬂᬳᬶᬭᬶᬓᬤᬸᬫᬸᬦ᭄ᬫᬮᬸᬗ᭄ᬕᬸᬄ᭞ᬯᬾᬦ᭄ᬢᭂᬦ᭄ᬯᬯᬗᬸᬦᬦ᭄᭞ᬯᬯᬸᬧᬸᬧᬸᬢ᭄ᬓᬓᬃᬬ᭄ᬬᬦᬶᬦ᭄᭞ᬧᬧᬶᬦ᭄ᬤᬦ᭄ᬧᬸᬭᬶᬓᬲᭂᬗ᭄ᬕᬸᬄ᭞ᬧᬸᬭᬶ [ 22 ][᭒᭑ 21B]
᭒᭑
ᬦ᭄ᬳ᭄ᬬᬂᬬᬫᬧᬸᬦᬶᬓᬸ᭞ᬗᬶᬭᬶᬂᬳᬶᬭᬶᬓᬫᬭᬵᬃᬬ᭄ᬬᬦ᭄᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬫᬩ᭄ᬭᬶᬬᬸᬓ᭄ᬲᬋᬂᬫᬫᬃᬕ᭄ᬕ᭟᭐᭟ᬯᬾᬦ᭄ᬢᭂᬦ᭄ᬳᬃᬘ᭄ᬘᬳᬶᬭᬶᬓᬓᬧᬗ᭄ᬕᬸᬄ᭞ᬧᬢᬶᬲ᭄ᬲᬂᬳ᭄ᬬᬂᬬᬫ᭞ᬭᬶᬂᬲᬶ
ᬗ᭄ᬳᬚᬦᬫᬮᬶᬗ᭄ᬕᬶᬄ᭞ᬢᭀᬕᭀᬕ᭄ᬲᬸᬭᬵᬢ᭄ᬫᬦᬾᬗᬸᬦ᭄ᬢᬸᬓ᭄᭞ᬫᬶᬦᬩ᭄ᬓᭂᬜ᭄ᬚᬶᬓᬦ᭄ᬳᬸᬫᬢᬸᬃ᭞ᬧᬢ᭄ᬧᬢ᭄ᬫᬭᬾᬭᭀᬤ᭄ᬢᬾᬕᭀᬕᬾ᭞ᬚᭀᬕᭀᬃᬫᬡᬶᬓ᭄ᬧᬶᬦᬶᬄᬫᬮᬸ᭞ᬤᬶᬫᬮᬸ
ᬦ᭄ᬢᭀᬕᭀᬕ᭄ᬳ᭄ᬬᬂᬬᬫ᭞ᬪᬸᬝᬕ᭄ᬭᬶᬂᬪᬸᬝᬫᬬ᭟᭐᭟ᬲᬂᬫᬡ᭄ᬥᬯᬫᬗ᭄ᬓᬶᬦ᭄ᬫᬮᬸᬗ᭄ᬕᬸᬄ᭞ᬕᬮᬂᬲᬸᬢᬾᬚᬦᬾ᭞ᬳᬦ᭄ᬢᬸᬓ᭄ᬪᬸᬱᬡᬦᬾᬍᬯᬶᬄ᭞ᬮ᭄ᬯᬶᬃᬧᬜ᭄ᬘᬤᬾᬯᬢᬢᬸᬭᬸᬦ᭄᭞ᬅᬧ᭄ᬲ
ᬭᬵᬧ᭄ᬲᬭᬶᬫᬶᬮᬸ᭞ᬫᬗᬶᬭᬶᬗᬂᬲᬓᬶᬂᬲ᭄ᬯᬃᬕ᭄ᬕᬦ᭄᭞ᬧᬘᬂᬗᬮᬂᬮᬂᬉᬮᬗᬸᬦ᭄᭞ᬲᬧᬸᬦᬶᬓᬬᬦ᭄ᬳᬸᬧᬫ᭞ᬳᬶᬦ᭄ᬤᬶᬓ᭄ᬳᬶᬤᬲᬂᬧᬡ᭄ᬥᬯ᭟᭐᭟ᬰ᭄ᬭᬷᬥᬃᬫ᭄ᬫᬵᬢ᭄ᬫᬚᬫᬯᬸᬯᬸᬲ᭄᭞ᬜᬸᬜᬸᬃᬯᬘᬦᬦᬾ᭞
[᭒᭒ 22A]
ᬤᬾᬯᬲᬂᬘᬦ᭄ᬤ᭄ᬭᬪᬸᬧᬢᬶ᭞ᬳᬗᭀᬩ᭄ᬫᬦᬶᬭᬳᬦ᭄ᬤᬸᬮᬸ᭞ᬧᬧᬶᬦ᭄ᬤᬦ᭄‌ᬬᬫᬦᬾᬮᬸᬳᬸᬂ᭞ᬚᬦᬶᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬳᬧᬂᬫᬲᬶᬄᬧᬥᬢᭂᬧᬸᬓ᭄᭞ᬳᬸᬫᬢᬸᬃᬲᬂᬦᬶᬮᬘᬦ᭄ᬤ᭄ᬭ᭞
ᬢᬶᬢ᭄ᬬᬂᬗᬶᬭᬶᬗᬂᬳᬶᬤᬾᬯ᭟᭐᭟ᬲᬶᬦᬋᬗᬦ᭄ᬧᬫᬃᬕ᭄ᬕᬶᬦᬾᬳᬤᬸᬮᬸᬃ᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬦᬾᬫᬗ᭄ᬓᬶᬦ᭄ᬧᬘᬂᬓᬳᬸᬗ᭄ᬲᬶ᭞ᬳᭂᬦ᭄ᬢᬾᬭᬦ᭄ᬲᬸᬃᬬ᭄ᬬᬦᬾᬤᬬᬸᬄ᭞ᬢᬯᭂᬗᬶᬦ᭄ᬳᬦ᭄ᬢᬸ
ᬓ᭄ᬳᬫᬸᬩᬸ᭞ᬳᬮᭀᬦ᭄ᬗᬲᬶᬃᬲᬶᬃᬳᬗᬶᬦᬾ᭞ᬫᬗᬶᬦ᭄ᬢᬶᬓᬂᬮᬾᬤᬂᬓᬬᬸᬦ᭄᭞ᬳᬶᬤᬲᬂᬲᭂᬤᭂᬓ᭄ᬫᬫᬃᬕ᭄ᬕ᭞ᬫᬗᬸᬗ᭄ᬲᬶᬗᬚᬓᬗᬶᬦᬂ᭟᭐᭟ᬲᬕᬾᬢ᭄ᬓᬢᭀᬦ᭄ᬧᬫᭂᬤᬮᬾᬜ
ᬢᬸᬃ᭞ᬗᭂᬦ᭄ᬤᬶᬄᬩᭂᬦ᭄ᬢᬮᬦᬾ᭞ᬲᬢ᭄ᬯᬮᬸᬬᬕᬸᬦᬸᬂᬕᭂᬦᬶ᭞ᬲᬲᭀᬘᬦᬾᬗᭂᬦ᭄ᬤᬶᬄᬫᬸᬭᬸᬩ᭄᭞ᬭᬶᬂᬧᬸᬘᬓᬶᬂᬓᭀᬭᬶᬳᬕᬸᬂ᭞ᬫᬶᬫ᭄ᬧᬸᬕᬦ᭄ᬳᬫ᭄ᬩᬸᬦ᭄ᬲᭂᬓᬭᬾ᭞ᬓᬤᬶᬜᬫ᭄ᬩ᭄ᬭᬫᬲᬂᬭᬯᬸᬄ [ 23 ][᭒᭒ 22B]
᭒᭒
᭞ᬗᬢᬸᬭᬶᬦ᭄ᬓᬚ᭄ᬭᭀᬧᬸᬭ᭞ᬕᭂᬦᬄᬧᬧᬶᬦ᭄ᬤᬦᬶᬂᬲ᭄ᬯᬃᬕ᭄ᬕᬦ᭄᭟᭐᭟ᬲᬲᬫ᭄ᬧᬸᬦᬾᬲᬂᬧᬡ᭄ᬥᬯᬭᬢᬸ᭞ᬭᬶᬂᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬳᬗᭀᬩ᭄ᬧᬶᬲᬦ᭄ᬫᬜᬶᬗᬓᬶᬦ᭄᭞ᬧᬯᬗᬸᬦᬦ᭄ᬲᬫᬶᬳᬦᬹᬢ᭄
᭞ᬓᬤᬶᬚᬕᬢ᭄ᬲ᭄ᬯᬃᬕ᭄ᬕᬦ᭄ᬧᬢᬸᬄ᭞ᬲᬧᬸᬦᬶᬓᬧᬧᬶᬦᭂᬳᬾ᭞ᬰ᭄ᬭᬶᬦᬶᬮᬘᬦ᭄ᬤ᭄ᬭᬳᬸᬫᬢᬸᬃ᭞ᬲᬶᬗ᭄ᬕᬶᬄᬭᬢᬸᬲᬂᬧᬡ᭄ᬥᬯ᭞ᬗᬶᬭᬶᬂᬫᬮᬶᬗ᭄ᬕᬶᬄᬇᬭᬶᬓ᭟᭐᭟ᬓᬢᬄᬯᬯᬗᬸᬦᬦᬾᬓᬧᬗ᭄ᬕᬸᬄ᭞
ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬾ᭞ᬲᬫᬶᬩᭂᬘᬶᬓ᭄ᬗᬸᬮᬗᬸᬦᬶᬦ᭄᭞ᬧᬗᬬᬳᬾᬚᭂᬕᬾᬕ᭄ᬩᬕᬸᬲ᭄᭞ᬓᬤᬶ᭠ᬯᬶᬤ᭄ᬬᬥᬭᬶᬢᬸᬭᬸᬦ᭄᭞ᬫᬶᬯᬄᬓᬤᬶᬯᬶᬤ᭄ᬬᬥᬭ᭞ᬫᬫᭂᬦ᭄ᬤᬓ᭄ᬲᬂᬯᬯᬸᬭᬯᬸᬄ᭞ᬧ᭄ᬭᬡᬫ᭄ᬬᬗᬢᬸ
ᬭᬂᬲᭂᬫ᭄ᬩᬄ᭞ᬗᬢᬸᬭᬶᬦ᭄ᬫᬮᬶᬗ᭄ᬕᬶᬄᬮᬶᬗ᭄ᬕᬶᬳᬦ᭄᭟᭐᭟ᬲᬂᬧᬡ᭄ᬥᬯᬲᬶᬦᬋᬗᬦ᭄ᬫᬮᬸᬗ᭄ᬕᬸᬄ᭟ᬭᬶᬂᬲᬶᬗ᭄ᬕᬰᬡᬦᬾ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬜᬋᬗᬶᬦ᭄᭞ᬲᬂᬥᬃᬫ᭄ᬫᬯᬗ᭄ᬰᬫᬯᬸᬯᬸᬲ᭄᭞ᬥᬸᬄᬤᬾᬯ
[᭒᭓ 23A]
ᬲᬂᬘᬦ᭄ᬤ᭄ᬭᬧ᭄ᬭᬪᬸ᭞ᬳᬗᭀᬩ᭄ᬓᬬᬸᬦ᭄ᬫᬦᬶᬭᬦᬾ᭞ᬯᬯᬗᬸᬦᬦ᭄ᬤᬾᬯᬧ᭄ᬭᬪᬸ᭞ᬫᬢᭂᬳᬶᬦ᭄ᬚᬕᬢ᭄ᬲ᭄ᬯᬃᬕ᭄ᬕᬦ᭄᭞ᬉᬢ᭄ᬢᬫᬢᬦ᭄ᬧᬢᬦ᭄ᬤᬶᬗᬦ᭄᭟᭐᭟ᬤᬤᬶᬚᬤ᭄ᬫᬲᬚ᭄ᬭᭀᬦᬶᬂᬦᬸᬳᬶᬤᬸᬧ᭄᭞
ᬤᬤ᭄ᬯᬧᬶᬤᬩ᭄ᬤᬩᬾ᭞ᬳᬮᬳᬬᬸᬢ᭄ᬯᬭᬍᬯᬶᬄ᭞ᬳᭂᬦ᭄ᬢᭀᬦᬾᬫ᭄ᬩᬳᬗᬶᬦ᭄ᬭᬸᬭᬸᬂ᭞ᬭᬸᬭᬸᬂᬳᬮᬭᬸᬭᬸᬂᬳᬬᬸ᭞ᬲᬓᬜ᭄ᬘᬦ᭄ᬲᭀᬮᬳᬾᬳᬮ᭞ᬭᬶᬂᬦ᭄ᬭᬓᬮᭀᬓᬬᬦᭂᬧᬸᬲ᭄᭞
ᬲᭀᬮᬳᬾᬳᬦᬾᬲᬸᬰᬶᬮ᭞ᬗᭀᬚᭀᬕᬂᬓᬚᬕᬢ᭄ᬲ᭄ᬯᬃᬕ᭄ᬕ᭟᭐᭟ᬤ᭄ᬯᬦᬶᬂᬓᬾᬢᭀᬲᬭᬢᬂᬲᭀᬮᬳᬾᬳᬬᬸ᭞ᬭᬸᬭᬸᬗᬾᬉᬢ᭄ᬢᬫ᭞ᬫᭀᬮᬶᬳᬂᬲᬸᬯᬃᬕ᭄ᬕᬍᬯᬶᬄ᭞ᬳᬶ
ᬤᬲᬂᬧᬡ᭄ᬥᬶᬢᬲᬥᬸ᭞ᬲᬦ᭄ᬤᬂᬢᬸᬮᬤ᭄ᬲᬦ᭄ᬤᬂᬢᬶᬭᬸ᭞ᬲᬧᬯᬭᬄᬳᬮᬫᬦᬾ᭞ᬋᬲᭂᬧᬂᬦ᭄ᬢᭀᬳᬗ᭄ᬕᭀᬦ᭄ᬲᬸᬮᬸᬄ᭞ᬲᬚ᭄ᬭᭀᬦᬶᬂᬫᬮᬓ᭄ᬱᬡ᭞ᬲᬳᬶᬗᬘᭂᬧ᭄ᬓᬭᬳᬬ᭄ᬯᬦ᭄᭟᭐᭟ᬬᬦᬶᬂ [ 24 ][᭒᭓ 23B]
᭒᭓
ᬲᬸᬩᬳᬘᭂᬧᬦ᭄ᬓᭂᬦᭂᬳᬾᬳᬬᬸ᭞ᬲᬶᬦᬄᬩᬩᬯᭀᬲᬦᬾ᭞ᬳᬦᬾᬭᬳᬬᬸᬫᬶᬚᬶᬮ᭄᭞ᬫᬶᬚᬶᬮ᭄ᬮᬓ᭄ᬱᬡᬦᬾᬳᬬᬸ᭞ᬲᬓᬶᬂᬫᬦᬳᬾᬭᬳᬬᬸ᭞ᬓᬩᬯᭀᬲ᭄ᬳᭂᬦ᭄ᬢᭀᬫᬦᬳᬾ᭞ᬯᬶᬯ
ᬳᬦ᭄ᬲᬮ᭄ᬯᬶᬃᬳᬸᬦ᭄ᬤᬸᬓ᭄᭞ᬫᬦᬳᬾᬧᬶᬢᭂᬢ᭄ᬲᬭᬢᬂ᭞ᬦᬄᬓᬾᬢᭀᬤᬾᬯᬳᬾᬮᬶᬗᬂ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟ᬫᬶᬦᬩ᭄ᬢᬦ᭄ᬧ᭄ᬭᬲᬶᬤ᭄ᬥᬧᬸᬧᬸᬢ᭄᭞ᬬᬦ᭄ᬧᬘᬂᬩᬯᭀᬲᬂᬫᬮᬶᬄ᭞
ᬳᬶᬦ᭄ᬤᬶᬓ᭄ᬧᬧᬶᬦ᭄ᬤᬦ᭄ᬲᬸᬯᬃᬕ᭄ᬕᬦ᭄᭞ᬲᬃᬯ᭄ᬯᬍᬯᬶᬄᬗᬸᬮᬗᬸᬦᬶᬦ᭄᭞ᬧᬯᬗᬸᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬳᬕᬸᬂᬭᬶᬂᬦᬵᬭᬚᬧᬸᬭᬶ᭟᭐᭟ᬕ᭄ᬮᬶᬲᬶᬂᬘ᭄ᬭᬶᬢᬲᬫ᭄ᬧᬸᬦ᭄ᬫᬦ᭄ᬢᬸᬓ᭄᭞ᬳᬶᬤᬲᬂᬧᬡ᭄ᬥᬯᬲᬫᬶ᭞ᬯᬾᬦ᭄ᬢᭂ
ᬦ᭄ᬫᬮᬶᬄᬘᬭᬶᬢᬬᬂ᭞ᬭᬶᬂᬦᬕᬭᬤ᭄ᬯᬭᬯᬢᬶ᭞ᬰ᭄ᬭᬷᬓᬺᬱ᭄ᬡᬫ᭄ᬯᬃᬩᬮᬤᬾᬯ᭞ᬲᬦᬾᬚᬸᬫᭂᬦᭂᬂᬪᬹᬧᬢᬶ᭟᭐᭟ᬚᬕᬢ᭄ᬳᬶᬤᬢᬺᬧ᭄ᬢᬶᬮᬦ᭄ᬤᬸᬄ᭞ᬜᬮᬦ᭄ᬢᬭᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬢᬦ᭄ᬫᬋᬦ᭄ᬗᭂᬢᬶᬲᬶ
[᭒᭔ 24A]
ᬜ᭄ᬚᬕᬢ᭄᭞ᬢᬦ᭄ᬯᬾᬦ᭄ᬢᭂᬦ᭄ᬘᭀᬭᬪᬬᬵᬤᬶ᭞ᬲᬧᬫᬤᭂᬕ᭄ᬦᬭᬦᬵᬣ᭞ᬩ᭄ᬭᬳ᭄ᬫᬵᬯᬶᬱ᭄ᬩᬸᬤᬵᬲᬂᬓᬮᬶᬄ᭟᭐᭟ᬯᬦ᭄ᬢᬄᬲᬓᬶᬂᬭᬶᬳᬶᬦ᭄ᬓᬲᬸᬩ᭄᭞ᬓᬩᭂᬘᬶᬓᬦ᭄ᬤᬸᬭᬯᬢᬶ᭞ᬧᬸᬭᬶᬦ᭄ᬳᬶᬤᬦᬭᬦᬵᬣ᭞ᬢ
ᬦ᭄ᬲᬦ᭄ᬤᬂᬪᬯᭀᬲᬂᬫᬮᬶᬄ᭞ᬭᬲᬫᬗᬲᭀᬭᬂᬲ᭄ᬯᬃᬕ᭄ᬕᬦ᭄᭞ᬧᬸᬭᬶᬦᬾᬭᬶᬂᬤ᭄ᬯᬭᬯᬢᬶ᭟᭐᭟ᬲᬂᬦᬵᬣᬳᬶᬤᬫᬗᬸᬢᬸᬲ᭄᭞ᬲᬂᬓᬺᬢ᭄ᬢᬯᬃᬫ᭄ᬫᬲᬢ᭄ᬬᬓᬶ᭞ᬫᬗ᭄ᬤᬦᬢᬲ᭄ᬧᬦᬕᬭ᭞ᬲᬯ
ᬯᭂᬗ᭄ᬓᭀᬦ᭄ᬤᬸᬭᬯᬢᬶ᭞ᬲᬂᬓᬮᬶᬄᬢᬦ᭄ᬯᬾᬦ᭄ᬢᭂᬦ᭄ᬢᬸᬮᬓ᭄᭞ᬤᬶᬕᭂᬮᬶᬲ᭄ᬲᬫᬦ᭄ᬫᬾᬫᬃᬕ᭄ᬕᬶ᭟᭐᭟ᬬᬦ᭄ᬳᬤᬸᬓᬂᬤᬶᬦᬲᬫ᭄ᬧᬸᬦ᭄᭞ᬲᬂᬓᬮᬶᬄᬦᬢᬲ᭄ᬦᬕᬭᬶ᭞ᬓᬮᬸᬦ᭄ᬢᬮᬸᬦ᭄ᬢᬫᬫᬃᬕ᭄ᬕ᭞ᬫᬃᬕ᭄ᬕᬶᬦᬾ
ᬤᬳᬢ᭄ᬲᬭᬶᬧᬶᬢ᭄᭞ᬗᬮᬶᬦ᭄ᬢᬗᬶᬦ᭄ᬧᬗ᭄ᬓᬸᬂᬚᬸᬭᬂ᭞ᬳᬮᬲ᭄ᬯᬬᬄᬫᬤᬹᬃᬕ᭄ᬕᬫᬵ᭟᭐᭟ᬢᬦ᭄ᬤᬸᬫᬤᬾᬲᬕᬾᬢ᭄ᬭᬯᬸᬄ᭞ᬭᬶᬂᬦᬭᬚᬤᬾᬰᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬳᭀᬃᬣᬶᬓᬧᬶᬳᬃᬱ᭞ᬳᬶᬤ [ 25 ][᭒᭔ 24B]
᭒᭔
ᬲᬂᬘᬦ᭄ᬤ᭄ᬭᬪᬹᬧᬢᬶ᭞ᬧᬸᬭᬶᬦ᭄ᬳᬶᬤᬦᬾᬓᬮᭀᬓ᭄ᬢᬄ᭞ᬫᬢᭂᬳᬶᬦ᭄ᬲ᭄ᬯᬃᬕ᭄ᬕᬦᬾᬍᬯᬶᬄ᭟᭐᭟ᬧᬧᬶᬦ᭄ᬤᬦ᭄ᬦ᭄ᬭᬓᬓᬯᬗᬸᬦ᭄᭞ᬧᬸᬭᬶᬦ᭄ᬲᬂᬬᬫᬤᬶᬧᬢᬶ᭞ᬧ᭄ᬭᬲᬶᬤ᭄ᬥᬲᬫ᭄ᬧᬸᬦ᭄ᬓᬢᬸᬮᬤ᭄᭞ᬲᬧᬸᬦᬶ
ᬓᬤᬕᬶᬂᬳᭀᬃᬣᬶ᭞ᬲᬓᬬᬸᬦ᭄ᬳᬶᬤᬲᬂᬓᬭ᭄ᬯ᭞ᬫᬸᬓ᭄ᬢᬶᬬᬂᬲᬤᬕᬶᬂᬳᭀᬃᬣᬶ᭟᭐᭟ᬲᬂᬓᬺᬢ᭄ᬢᬯᬃᬫ᭄ᬫᬫᬯᬸᬯᬸᬲ᭄᭞ᬤᬾᬯᬲᬂᬯᬶᬭᬢ᭄ᬬᬓᬶ᭞ᬚᬮᬦᬾᬚᬦᬶᬢᬢᬲᬂ᭞ᬧ
ᬯᬗᬸᬦ᭄ᬲᬂᬦᬭᬧᬢᬶ᭞ᬲᬂᬓᬮᬶᬄᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬓᬳᬸᬗ᭄ᬲᬶ᭟᭐᭟ᬧᬕᭂᬩᬕ᭄ᬧᬸᬭᬶᬫᬯᬸᬯᬸᬲ᭄᭞ᬥᬸᬄᬤᬾᬯᬲᬂᬯᬯᬸᬧ᭄ᬭᬧ᭄ᬢᬶ᭞ᬲᬶᬭᬧᭂᬲᬾᬗᬦ᭄ᬳᬶᬤᬾᬯ᭞᭠
ᬦᬧᬶᬢᬢᬸᬚᭀᬦᬾᬫ᭄ᬭᬶᬓᬶ᭞ᬲᬓᬶᬂᬤᬶᬚᬦᬵᬕᬭ᭞ᬲ᭄ᬯᬾᬘ᭄ᬙᬵᬭᬯᬸᬄᬓᬤᬶᬫᬗ᭄ᬓᬶᬦ᭄᭟᭐᭟ᬧᬸᬧᬸᬢ᭄ᬓᬤᬃᬣᬬᬂᬲᬫ᭄ᬧᬸᬦ᭄᭞ᬳᭀᬮᬶᬄᬳᬶᬤᬲᬂᬲᬢ᭄ᬬᬓᬶ᭞ᬯᬦ᭄ᬢᬄᬳᬶᬤᬫᬦᬢᬲᬂ
[᭒᭕ 25A]
᭞ᬫᬯᬗᬸᬦ᭄ᬲᬂᬦᬭᬧᬢᬶ᭞ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬦᬵᬭᬓ᭞ᬢᬸᬫᬸᬮᬶᬭᬭᬶᬲ᭄ᬗᬭᬜ᭄ᬚᬶᬂ᭟᭐᭟ᬳᬗᭀᬩ᭄ᬓᬬᬸᬦᬾᬓᬮᬗ᭄ᬓᬸᬂ᭞ᬜᬶᬗᬓᬶᬦ᭄ᬲᬤᬕᬶᬂᬧᬸᬭᬶ᭞ᬧᬯᬗᬸᬦ᭄ᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬓᬤᬶᬚᬕᬢ᭄ᬲ᭄ᬯᬃᬕ᭄ᬕᬧ
ᬢᬶᬲ᭄᭞ᬧᬸᬧᬸᬢ᭄ᬲᬂᬓᬮᬶᬄᬦᬢᬲᬂ᭞ᬦᬶᬜ᭄ᬚᭀᬧᬶᬦ᭄ᬤᬦ᭄ᬦ᭄ᬭᬓᬕᭂᬮᬶᬲ᭄᭟᭐᭟ᬢᬦ᭄ᬤᬸᬫᬤᬾᬲᬫ᭄ᬧᬸᬦ᭄ᬭᬯᬸᬄ᭞ᬯᬾᬦ᭄ᬢᭂᬦ᭄ᬧᬗ᭄ᬕᬶᬄᬚᬸᬭᬸᬓᭂᬫᬶᬢ᭄᭞ᬩᬩᬯᭀᬲᬦ᭄ᬲᬤᬩᬗ᭄ᬕ᭄ᬭᬲ᭄᭞ᬳᭂᬜᬾᬦ᭄ᬘ
ᬳᬶᬢᭂᬓᬫᬳᬶ᭞ᬲᬂᬲᬢ᭄ᬬᬓᬶᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬕᭂᬮᬄᬯᬦ᭄ᬢᬄᬫᬳᬵᬧᬢᬶᬄ᭟᭐᭟ᬧᬢᬶᬄᬳᬶᬤᬦᬾᬲᬂᬧ᭄ᬭᬪᬸ᭞ᬰ᭄ᬭᬷᬓᬺᬱ᭄ᬡᬭᬶᬂᬤ᭄ᬯᬭᬧᬢᬶ᭞ᬲᬗ᭄ᬓᬦᬶᬂᬫᭂᬍᬤ᭄ᬫᬦᬶᬜ᭄ᬚᭀ᭞ᬧᬧᬶᬦ᭄ᬤᬦ᭄ᬦ᭄ᬭᬓᬦᬾᬤᬶᬦᬶ᭞ᬧᬓᭂ᭠
ᬫᬶᬢᬾᬫᬢᬸᬃᬦᬶᬫ᭄ᬩᬮ᭄᭞ᬳᬫ᭄ᬧᬸᬭᬓᬯᬸᬮᬕᬸᬲ᭄ᬢᬶ᭟᭐᭟ᬧ᭄ᬭᬲᬗ᭄ᬕᬓᬮᬗ᭄ᬲᭀᬢ᭄ᬫᬢᬸᬃ᭞ᬫᬸᬮᬚᬢᬶᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬬᬦᬶᬂᬬᬸᬓ᭄ᬢᬶᬲᬧᬸᬦᬶᬓ᭞ᬢᬶᬢ᭄ᬬᬂᬗᬶᬭᬶᬗᬂᬳᬶᬕᬸᬲ᭄ᬢᬶ᭞ᬧᬘᬂᬫᬦᬶᬜ᭄ᬚᭀᬧᬧᬶ [ 26 ][᭒᭕ 25B]
᭒᭕
ᬦ᭄ᬤᬦ᭄᭞ᬫ᭄ᬯᬄᬧᬸᬭᬶᬦ᭄ᬬᬫᬤᬶᬧᬢᬶ᭟᭐᭟ᬲᬂᬓᬮᬶᬄᬲᬫ᭄ᬧᬸᬦ᭄ᬮᬸᬫᬓᬸ᭞ᬧᬓᭂᬫᬶᬢᬾᬫᬜᬋᬗᬶᬦ᭄᭞ᬜᬶᬗᬓᬶᬦ᭄ᬲᬮ᭄ᬯᬶᬃᬧᬧᭂᬦ᭄ᬤᬦ᭄᭞ᬲᬫ᭄ᬧᬸᬦ᭄ᬓᬢᬸᬭᬾᬓ᭄ᬱᬲᬫᬶ᭞ᬲᬫ᭄ᬧᬸᬦ᭄ᬲᬸᬭᬸᬧ᭄ᬲᬂᬳ᭄ᬬᬂᬲᬹᬃᬬ᭄ᬬ᭞ᬫ
ᬢᬸᬮᬓ᭄ᬓᬤ᭄ᬯᬭᬯᬢᬶ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬕᬕᬜ᭄ᬘᬗᬦ᭄ᬧᬫᬃᬕ᭄ᬕᬶᬦ᭄ᬲᬂᬓᬮᬶᬄᬩᬸᬤᬮ᭄᭟ᬭᬳᬶᬦᬯᭂᬗᬶᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧ᭄ᬭᬶᬂᬚᬮᬦ᭄᭞ᬲᬕᬾᬢ᭄ᬲᬫ᭄ᬧᬸᬦ᭄ᬧᬲᭂᬫᭂᬗᬦ᭄᭞ᬲᬂᬳ᭄ᬬᬂᬲᬹᬃᬬ᭄ᬬᬧᬵᬬ
ᬢ᭄ᬫᬶᬚᬶᬮ᭄᭞ᬫᬲᭂᬫᬸᬩᬳᬕ᭄᭞ᬓᬦ᭄ᬢᭂᬦ᭄ᬭᬶᬂᬓᭂᬮᭀᬤ᭄ᬓᬗᬶᬦ᭄᭟᭐᭟ᬲ᭄ᬯᬭᬦ᭄ᬧᬓ᭄ᬱᬶᬦᬾᬳᬸᬬᬸᬢ᭄ᬢᬦ᭄ᬧᬧᭂᬕᬢᬦ᭄᭞ᬭᬫ᭄ᬬᬲᬮᬶᬂᬢᬫ᭄ᬩᬸᬗᬶᬦ᭄᭞ᬩᬸᬘᬶᬘᬦᬾᬗᬜ᭄ᬘᬂ᭞ᬘᬭᬸᬓ᭄ᬘᬸᬓᬾᬗᬭᬾᬲᬓ᭄᭞ᬳᬶ
ᬓᬾᬓᬾᬃᬤᬶᬸᬫᬶᬮᬸᬜᬯᬸᬢᬶᬦ᭄᭞ᬲᬓᬤᬶᬕᬶᬭᬂ᭞ᬫᭂᬦ᭄ᬤᬓ᭄ᬲᬂᬳ᭄ᬬᬂᬲᬹᬃᬬ᭄ᬬᬫᬶᬚᬶᬮ᭄᭟᭐᭟ᬓᬢᬓ᭄ᬤᭀᬗ᭄ᬓᬂᬫᬶᬮᬸᬢᭀᬂᬤᬤᬶᬓᬲᭀᬭᬦ᭄᭞ᬗᭀᬗ᭄ᬓᬾᬓ᭄ᬤᬶᬧᬗ᭄ᬓᬸᬗᬾᬢᬶᬢᬶ᭞ᬳᬸᬬᬸᬢ᭄ᬲᬮᬶᬂᬢᬶᬫ᭄ᬩᬮ᭄
[᭒᭖ 26A]
᭞ᬮ᭄ᬯᬶᬃᬲ᭄ᬯᬭᬦ᭄ᬢᬢᬩᬸᬳᬦ᭄᭞ᬳᬶᬳᭂᬗ᭄ᬕᬸᬂᬫᬶᬮᬸᬗᭂᬫ᭄ᬧᬸᬮᬶᬦ᭄᭞ᬚᬗ᭄ᬓ᭄ᬭᬶᬓ᭄‌ᬫ᭄ᬯᬂᬩᬮᬂ᭞ᬫᬶᬮᬸᬩᬋᬗᬭᬫᬾᬦᬶᬦ᭄᭟᭐᭟ᬕ᭄ᬮᬶᬲᬶᬂᬘ᭄ᬭᬶᬢᬲᬂᬲᬢ᭄ᬬᬓᬶᬓᬺᬢ᭄ᬢᬯᬃᬫ᭄ᬫ᭞ᬭᬯᬸᬄᬭᬶᬂᬤ᭄ᬯᬭᬯᬢᬶ᭞ᬲᭂᬤᭂᬂᬩᭂᬘᬶᬓ᭄ᬧᬶ
ᬲᬦ᭄‌᭞ᬳᬶᬤᬲᬂᬦᬵᬣᬓᬺᬱ᭄ᬡ᭞ᬓᭂᬜ᭄ᬚᭂᬓᬦ᭄ᬳᬶᬤᬓᬢᬗ᭄ᬓᬶᬮ᭄᭞ᬧᬭᬧᬸᬭᬸᬱ᭞ᬧᬭᬬᬸᬤ᭄ᬥᬢᬦ᭄ᬥᬫᬦ᭄ᬢ᭄ᬭᬶ᭟᭐᭟ᬰ᭄ᬭᬷᬓᬺᬱ᭄ᬡᬲᬋᬂᬰ᭄ᬭᬷᬩᬮᬤᬾᬯ᭞ᬭᬶᬂᬲᬶᬗ᭄ᬳᬰᬡᬫᬮᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬲᬫᬶᬦᬧᬓ᭄᭞ᬢ
ᬡ᭄ᬥᬫᬦ᭄ᬢ᭄ᬭᬶᬩᬳᬸᬤᬡ᭄ᬥ᭞ᬓᬕ᭄ᬬᬢ᭄ᬳᬶᬤᬜᬶᬗᬓᬶᬦ᭄᭞ᬲᬂᬓᬺᬢ᭄ᬢᬯᬃᬫ᭄ᬫ᭞ᬭᬯᬸᬄᬲᬋᬂᬲᬂᬲᬢ᭄ᬬᬓᬶ᭟᭐᭟ᬭᬭᬶᬲ᭄ᬫᬢᬸᬃᬲᬲᬫ᭄ᬧᬸᬦ᭄ᬗᬢᬸᬭᬂᬲᭂᬫ᭄ᬩᬄ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬦᬺᬧᬢᬶ᭞ᬤᬕᬶᬂᬳᬫ᭄ᬧᬸᬭᬬᬂ᭞ᬭ
ᬯᬸᬄᬢᬶᬢ᭄ᬬᬂᬓᬤᬶᬓᬤᬢ᭄᭞ᬲᬸᬯᬾᬫᬦᬢᬲ᭄ᬦᬕᬭᬶ᭞ᬤᬾᬦᬶᬂᬧᭀᬮᬶᬄᬲᬶᬫ᭄ᬧᬂ᭞ᬭᬶᬂᬦᬭᬚᬤᬾᬰᬦᬕᬭᬶ᭟᭐᭟ᬬᬦᬶᬂᬩᬸᬯᬢ᭄ᬦᬕᬭᬜ᭄ᬘᭀᬓᭀᬭᬶᬤᬾᬯ᭞ᬕᭂᬫᬸᬄᬮᬦ᭄ᬤᬸᬄᬮᬶᬦ᭄ᬢᬂ᭠ [ 27 ][᭒᭖ 26B]
᭒᭖
ᬢᬺᬧ᭄ᬢᬶ᭞ᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬧᬶᬯᬮ᭄᭞ᬧ᭄ᬭᬭᬢᬸᬦᬾᬲᬫᬶᬬᬦ᭄᭞ᬢᬶᬦ᭄ᬤᬶᬄᬭᬶᬂᬘᭀᬓᭀᬭᬶᬕᬸᬲ᭄ᬢᬶ᭞ᬓᬦ᭄ᬢᬸᬦ᭄ᬗᬫᬗ᭄ᬕᭂᬳᬂ᭞ᬫᬧᬗᬸᬮᬸᬤ᭄ᬯᬭᬯᬢᬶ᭟᭐᭟ᬲᬓᬾᬯᬦ᭄ᬢᭂᬦ᭄ᬭᬢᬸᬭᬶᬂᬦᬭᬚᬤᬾᬰ᭞ᬯ
ᬯᭂᬗ᭄ᬓᭀᬦᬲ᭄ᬢᬶᬦᬧᬸᬭᬶ᭞ᬳᬗᭀᬩ᭄ᬭᬢᬸᬢᬶᬢ᭄ᬬᬂ᭞ᬧᬸᬭᬶᬦᬾᬭᬶᬂᬦ᭄ᬭᬚᬤᬾᬰ᭞ᬫᬢᭂᬳᬶᬦ᭄ᬲ᭄ᬯᬃᬕ᭄ᬕᬦᬾᬍᬯᬶᬄ᭞ᬢᬦ᭄ᬧᬢᬦ᭄ᬤᬶᬗᬦ᭄᭞ᬓᬤᬶᬚᬕᬢ᭄ᬲ᭄ᬯᬃᬕ᭄ᬕᬧᬢᬶᬲ᭄᭟᭐᭟ᬦᬾᬦ᭄ᬢᭂᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂ
ᬫᬗᬢᬸᬭᬂ᭞ᬯᬯᬗᬸᬦᬦ᭄ᬲᬫᬶᬩᭂᬘᬶᬓ᭄᭞ᬲᬚᬩᬧᬸᬦᬶᬓ᭞ᬢᬍᬃᬗᬯᬗᬸᬦ᭄ᬧᬧᬶᬦ᭄ᬤᬦ᭄᭞᭠ᬚᬕᬢ᭄ᬦ᭄ᬭᬓᬓᬧᬢᭂᬳᬶᬦ᭄᭞ᬧᬸᬭᬶᬦ᭄ᬳ᭄ᬬᬂᬬᬫ᭞ᬓᬮᬶᬦ᭄ᬢᬂᬗᬕᬯᭀᬦᬶᬦ᭄᭟᭐᭟ᬲᬧᬸᬦᬶᬓᬳᬢᬸᬃ
ᬲᬂᬓᬺᬢ᭄ᬢᬯᬃᬫ᭄ᬫ᭞ᬲᬂᬯᬶᬭᬲᬢ᭄ᬬᬓᬶ᭞ᬲᬋᬂᬫᬫᬢᬸᬢᬂ᭞ᬳᬢᬸᬃᬲᬂᬓᬺᬢ᭄ᬢᬯᬃᬫ᭄ᬫ᭞ᬰ᭄ᬭᬷᬓᬺᬱ᭄ᬡᬵᬤᬸᬄᬓᬢᬦ᭄ᬲᬶᬧᬶ᭞ᬓᬩᬯᭀᬲ᭄ᬧ᭄ᬮᬂᬧᬂ᭞ᬗᬮᬶᬫ᭄ᬧᬤᬶᬦ᭄ᬤ᭄ᬯᬭᬯᬢᬶ᭟᭐᭟ᬲᬫᬮᬶᬳᬧᬸᬭᬸᬦ᭄ᬫ
[᭒᭗ 27A]
ᬤᬫᬤᬤᬾᬯ᭞ᬳᬶᬮᬳᬶᬮᬢ᭄ᬯᬭᬩᭂᬘᬶᬓ᭄᭞ᬯᬮᬸᬬᬓᬦ᭄ᬤᬧᬂ᭞ᬧᬸᬭᬶᬦᬾᬭᬶᬂᬤ᭄ᬯᬭᬯᬢ᭄ᬬ᭞ᬓᬯᬶᬃᬬ᭄ᬬᬦ᭄ᬲᬂᬦᬭᬧᬢᬶ᭞ᬳᬯᬶᬦᬦ᭄ᬳᬶᬤ᭞ᬓ᭄ᬭᭀᬥᬫᬸᬦ᭄ᬢᬩ᭄ᬓᬤᬶᬕᭂᬦᬶ᭟᭐᭟ᬢᬸᬃᬗᬦ᭄ᬤᬶᬓᬓ
ᬓᬵᬲᬂᬳᬮᬥᬭ᭞ᬭᬭᬶᬲᬂᬤᬩ᭄ᬤᬩᬂᬕᭂᬮᬶᬲ᭄᭞ᬧᬘᬂᬦᬗᬸᬦ᭄ᬬᬸᬤ᭄ᬥ᭞ᬗᬮᬸᬭᬸᬕ᭄ᬲᬂᬦᬶᬮᬘᬦ᭄ᬤ᭄ᬭ᭞ᬧᬭᬧᬢᬶᬄᬲᬾᬦᬧᬢᬶ᭞ᬫᬗ᭄ᬤᬲᬬᬕ᭞ᬲᬧᬶᬤᬧ᭄ᬤᬶᬸᬩ᭄ᬤᬩ᭄ᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟᭐᭟ᬢᬦᬲᬸ
ᬯᬾᬧᬭᬧᬢᬶᬄᬫ᭄ᬯᬂᬧ᭄ᬭᬯᬶᬭ᭞ᬫᬓᬫᬶᬯᬄᬲᬾᬦᬧᬢᬶ᭞ᬲᬺᬕᭂᬧ᭄ᬯᬭᬬᬸᬤ᭄ᬥ᭞ᬯᬤ᭄ᬯᬦᬾᬢᬦ᭄ᬓᭂᬦᬶᬯᬶᬮᬂ᭞ᬕᬚᬄᬓᬸᬤᬯᬸᬲ᭄ᬘᬸᬫᬯᬶᬲ᭄᭞ᬫ᭄ᬯᬄᬩᬩᭂᬓᭂᬮᬦ᭄᭞ᬓ᭄ᬭᬾᬢᬲᬫ᭄ᬧᬸᬦ᭄ᬓᬧᬬᬲᬶᬦ᭄᭟᭐᭟ᬫ
ᬩ᭄ᬬᬬᬸᬯᬦ᭄ᬲ᭄ᬯᬭᬦ᭄ᬓᬸᬮ᭄ᬓᬸᬮ᭄ᬢᬢᬩᬸᬳᬦ᭄᭞ᬓᬤᬶᬓᭂᬭᬸᬕᬾᬭᬶᬂᬮᬗᬶᬢ᭄᭞ᬫᬗᭂᬚᭂᬭᬂᬚᬕᬢ᭄᭞ᬳᬸᬬᬸᬢ᭄ᬢᬦ᭄ᬧᬧᭂᬕᬢᬦ᭄᭞ᬲ᭄ᬯᬭᬦ᭄ᬲᭀᬫ᭄ᬧ᭄ᬭᬾᬢᬾᬫᬜᭂᬭᬶᬢ᭄᭞ᬗᬯᬾᬕᬃᬕ᭄ᬕᬶᬢ᭞ᬲᬂᬧᬸᬭᬸᬱᬗᭂ [ 28 ][᭒᭗ 27B]
᭒᭗
ᬦ᭄ᬤᭀᬦ᭄ᬚᬸᬭᬶᬢ᭄᭟᭐᭟ᬢᬦ᭄ᬘ᭄ᬭᬶᬢᬬᬂᬧᬫᬃᬕ᭄ᬕᬶᬦ᭄ᬲᬂᬬᬤᬸᬓᬸᬮ᭞ᬲᬫ᭄ᬧᬸᬦ᭄ᬫᬫᬃᬕ᭄ᬕᬶᬕᭂᬮᬶᬲ᭄᭞ᬦᬾᬫᬗ᭄ᬓᬶᬦ᭄ᬘ᭄ᬭᬶᬢᬬᬂ᭞ᬲᬂᬓᬺᬱ᭄ᬡᬩᬮᬤᬾᬯ᭞ᬧᬫᬃᬕ᭄ᬕᬶᬦᬾᬗᬭᬶᬳᬶᬦᬶᬦ᭄᭞ᬳᬶᬤᬲᬂᬓᬭ᭄ᬯ᭞ᬗᬮᬶᬗ᭄ᬕᬶᬳᬶ
ᬦ᭄ᬓ᭄ᬭᬾᬢᬫᬡᬶᬓ᭄᭟᭐᭟ᬬᬢᬓᭀᬘᬧ᭄ᬓ᭄ᬭᬾᬢᬧᬳᬶᬘ᭄ᬙᬦ᭄ᬳ᭄ᬬᬂᬇᬦ᭄ᬤ᭄ᬭ᭞ᬓᬸᬤᬦ᭄ᬜᬦᬾᬧᭂᬢᬂᬲᬶᬓᬶ᭞ᬦᬾᬫᬩᬸᬮᬸᬳᬶᬋᬂ᭞ᬫᬯᬲ᭄ᬲ᭄ᬢᬲᬶᬯᬮᬳᬓ᭞ᬲᬶᬩᬭᬧᬸᬱ᭄ᬧᬩᬭᬓ᭄ᬗᭂᬦ᭄ᬤᬶᬄ᭞ᬓᬸᬦᬶᬂ
ᬓᬶᬓᬸᬓᬦ᭄ᬪ᭞ᬓᬶᬲᬾᬦ᭄ᬬᬫᬩᬸᬮᬸᬧᬸᬢᬶᬄ᭟᭐᭟ᬓᬪᬶᬦᬯᬓᬲᬸᬩ᭄ᬰᬓ᭄ᬢᬶᬫᬯᬶᬰᬾᬱ᭞ᬮ᭄ᬯᬶᬃᬓᬸᬤᬲᬫ᭄ᬪᬶᬭᬡᬶ᭞ᬯᬮᬸᬬᬫᬓᭂᬩᭂᬃ᭞ᬩᭂᬘᬢ᭄ᬢᬦ᭄ᬧᬢᬦ᭄ᬤᬶᬗᬦ᭄᭞ᬧᬓᬬᬸᬦᬦ᭄ᬰ᭄ᬭᬶᬦᬺᬧᬢᬶ᭞ᬩᬮ
ᬤᬾᬯᬓᬺᬱ᭄ᬡᬵ᭞ᬲᬶᬫ᭄ᬧᬂᬓᬳᬲ᭄ᬢᬶᬦᬧᬸᬭᬶ᭟᭐᭟ᬩᭀᬬᬮᬶᬬᬦ᭄ᬳᬶᬤᬧᬘᬂᬫᬫᬯᭀᬲᬂ᭞ᬭᬶᬂᬲᬂᬥᬃᬫ᭄ᬫᬪᬹᬧᬢᬶ᭞ᬧᬘᬂᬦᬗᬸᬦ᭄ᬬᬸᬤ᭄ᬥ᭞ᬗᭂᬩᬸᬕ᭄ᬲᬂᬦᬶᬮᬘᬦ᭄ᬤ᭄ᬭ᭞ᬭᬯᬸᬄᬭᬶᬗᬲ᭄ᬢᬶᬦᬧᬸᬭᬶ᭞ᬳᬶ
[᭒᭘ 28A]
ᬤᬲᬂᬓᬺᬱ᭄ᬡ᭞ᬗᬭᬜ᭄ᬚᬶᬂᬓᬚ᭄ᬭᭀᬧᬸᬭᬶ᭟᭐᭟ᬲᬂᬧᬡ᭄ᬥᬯᬕᭂᬮᬶᬲ᭄ᬢᭂᬥᬸᬦ᭄ᬫᬜᬫ᭄ᬩ᭄ᬭᬫ᭞ᬲᬫ᭄ᬧᬸᬦ᭄ᬓᬢᬸᬭᬶᬦ᭄ᬫᬮᬶᬗ᭄ᬕᬶᬄ᭞ᬤᬲᬂᬧ᭄ᬭᬪᬸᬓᬺᬱ᭄ᬡ᭞ᬲᬋᬂᬲᬂᬳᬮᬥᬭ᭞ᬰ᭄ᬭᬶᬥᬃᬫ᭄ᬫᬯᬗ᭄ᬰᬜᬦ᭄ᬤᬶᬗᬶᬦ᭄᭞ᬭᬭᬶᬲ᭄ᬗ᭠
ᬦ᭄ᬤᬶᬓ᭞ᬳᬶᬤᬲᬂᬳᬭᬶᬫᬸᬃᬢ᭄ᬢᬶ᭟᭐᭟ᬲᬶᬗ᭄ᬕᬶᬄᬓᬓᬵᬲᬂᬦᬵᬣᬰ᭄ᬭᬷᬥᬃᬫ᭄ᬫᬲᬸᬢ᭞ᬢᬢᬸᬚᭀᬦ᭄ᬳᬶᬤᬦᬾᬫ᭄ᬭᬶᬓᬶ᭞ᬫᬢᬸᬃᬭᬶᬂᬳᬶᬤᬾᬯ᭞ᬫᬗ᭄ᬤᬳᬶᬤᬾᬯᬳᬸᬦᬶᬗ᭞ᬧᬘᬂᬗᭂᬩᬸᬕ᭄ᬫᬸᬲᬸᬄ
ᬰᬓ᭄ᬢᬶ᭞ᬲᬂᬦᬶᬮᬘᬦ᭄ᬤ᭄ᬭ᭞ᬧ᭄ᬭᬪᬸᬩᬗ᭄ᬕᬮᬶᬦ᭄ᬢᬂᬤᬺᬗ᭄ᬕᬶ᭟᭐᭟ᬮᬗ᭄ᬲᭀᬢ᭄ᬧᬸᬭᬸᬦ᭄ᬫᬫᬤᬫᬤᬤᬾᬯᬢ᭞ᬗᬦ᭄ᬤᬧᬂᬯᬶᬪᬵᬯᬦ᭄ᬩᭂᬮᬶ᭞ᬫᬗᬦ᭄ᬤᬧᬂᬢᬶᬢ᭄ᬬᬂ᭞ᬧᬸᬦᬶᬓᬫᬗᬯᬶᬦᬂ᭞ᬧᬘᬂᬕᭂᬩᬸᬕ᭄ᬢᬶ
ᬢ᭄ᬬᬂᬫᬗ᭄ᬓᬶᬦ᭄᭞ᬫᬢᬦ᭄ᬤᬶᬂᬬᬸᬤ᭄ᬥ᭞ᬫᭂᬍᬤ᭄ᬫᬜᭂᬦ᭄ᬢᭀᬓᬂᬓᬰᬓ᭄ᬢᬶᬦ᭄᭟᭐᭟ᬲᬧᬸᬦᬶᬓᬯᬘᬦᬦ᭄ᬳᬶᬤᬲᬂᬓᬺᬱ᭄ᬡ᭞ᬰ᭄ᬭᬷᬥᬃᬫ᭄ᬫᬢᬦᬬᬕᭂᬮᬶᬲ᭄᭞ᬫᬗᬦ᭄ᬤᬶᬓᬩᬦ᭄ᬩᬦ᭄᭞ᬬᬦ᭄ᬓᬾᬢᭀᬩᬯᭀᬲ᭄ᬳᬶᬤᬾ᭠ [ 29 ][᭒᭘ 28B]
᭒᭘
ᬯ᭞ᬓᬾᬯᭂᬄᬩᬦ᭄ᬩᭂᬮᬶᬜᬯᬸᬢᬶᬦ᭄᭞ᬳᬶᬦ᭄ᬤᬬᬂᬳᬾᬮᬶᬗᬂ᭞ᬩᭂᬘᬶᬓᬂᬫᬶᬓᬬᬸᬦᬶᬦ᭄᭟᭐᭟ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬓᬶᬯᬗᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬫᬦ᭄ᬢᬸᬓᬾᬭᬶᬂᬭᬕᬦ᭄ᬳᬤᬶ᭞ᬫᬗᭂᬮᬭᬂᬥᬃᬫ᭄ᬫ᭞ᬳᬶᬤᬯᬦ᭄ᬢᬄ
ᬜᭀᬯᬓ᭞ᬳᬗ᭄ᬕᬾᬦ᭄ᬗᭂᬮᬶᬲᬾᬦᬧᬢᬶ᭞ᬳᬶᬯᬂᬓᬤᬶᬢᬶᬢ᭄ᬬᬂ᭞ᬬᬦ᭄ᬗᬶᬭᬶᬗᬂᬓᬬᬸᬦ᭄ᬩᭂᬮᬶ᭟᭐᭟ᬜᭂᬮᬕ᭄ᬫᬢᬸᬃᬲᬂᬧᬃᬣᬲᬳᬧ᭄ᬭᬡᬫ᭄ᬬ᭞ᬲᬶᬗ᭄ᬕᬶᬄᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬬᬦ᭄ᬫᬦᬳᬂᬢᬶᬢ᭄ᬬᬂ᭞
ᬯᬦ᭄ᬢᬄᬓᬧᬢᬸᬢᬧᬶᬲᬦ᭄᭞ᬓᬤᬶᬯᬘᬦᬦ᭄ᬳᬶᬩᭂᬮᬶ᭞ᬲᬂᬥᬃᬫ᭄ᬫᬲᬸᬢ᭞ᬩᭀᬬᬚ᭠ᬢᬶᬢ᭄ᬬᬂᬗᬶᬮᭀᬦᬶᬦ᭄᭟᭐᭟ᬬᬤ᭄ᬬᬦ᭄ᬯᬾᬦ᭄ᬢᭂᬦ᭄ᬯᬗᬸᬦᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬲᬫ᭄ᬧᬸᬦ᭄ᬫᬢᬸᬃᬧᬶᬳᬸᬦᬶᬂ᭞ᬭᬶᬂᬲᬂᬥᬃᬫ᭄ᬫ
ᬲᬸᬢ᭞ᬜᭂᬮᬕ᭄ᬫᬮᬶᬄᬲᬂᬪᬶᬫ᭞ᬥᬸᬄᬩᭂᬮᬶᬲᬂᬳᬭᬶᬫᬹᬃᬢ᭄ᬢᬶ᭞ᬩ᭄ᬮᬶᬫ᭄ᬭᬕᬧ᭄ᬭᬚ᭄ᬜᬦ᭄᭞ᬮᬬᬸᬢᬂᬲᬓᬬᬸᬦ᭄ᬩᭂᬮᬶ᭟᭐᭟ᬫᬗᬦ᭄ᬤᬶᬓᬳᬶᬤᬲᬂᬧ᭄ᬭᬪᬸᬓᬺᬱ᭄ᬡ᭞ᬬᬦ᭄ᬳᬓᬾᬢᭀᬓᬬᬸᬩᭂᬮᬶᬢᬶᬢ᭄ᬬᬂᬧᬫᬶᬢ᭄ᬩᬸᬤᬮ᭄᭞ᬜᭂᬦ᭄ᬢᭀᬓᬂᬓ
[᭒᭙ 29A]
ᬧᬸᬭᬸᬱᬦ᭄᭞ᬫᬗᬋᬧᬶᬦ᭄ᬫᬸᬲᬸᬄᬰᬓ᭄ᬢᬶ᭞ᬭᬭᬶᬲ᭄ᬫᬤᬩ᭄ᬤᬩᬦ᭄᭞ᬫᭂᬤᬮ᭄ᬓᬚᬩᬕᭂᬮᬶᬲ᭄᭟᭐᭟ᬲᬲᬫ᭄ᬧᬸᬦᬾᬲᬂᬓᬺᬱ᭄ᬡᬩᬮᬤᬾᬯ᭞ᬫᬧᬫᬶᬢ᭄ᬲᬓᬶᬂᬚ᭄ᬭᭀᬧᬸᬭᬶ᭞ᬳᬶᬤᬲᬂᬥᬃᬫ᭄ᬫᬢ᭄ᬫᬚ᭞ᬦᬦᭂᬂ
ᬢᬦ᭄ᬫᬗᬦ᭄ᬤᬶᬓ᭞ᬲᬫᭂᬢᭀᬦᬾᬗᭂᬢᬹᬢ᭄ᬩᬸᬭᬶ᭞ᬧᬫᬃᬕ᭄ᬕᬶᬦ᭄ᬳᬶᬤ᭞ᬲᬂᬧ᭄ᬭᬪᬸᬳᬭᬶᬫᬹᬃᬢ᭄ᬢᬶ᭟᭐᭟ᬫᬗᬦ᭄ᬤᬶᬓᬳᬶᬤᬲᬂᬪᬶᬫᬲᬾᬦ᭞ᬳᬤᬶᬳᬤᬶᬲᬂᬓᬶᬭᬶᬣᬶ᭞ᬦᬓᬸᬮᬲᬵᬤᬾᬯ᭞ᬩᭂᬮᬶ
ᬫᭂᬍᬤ᭄ᬫᬦᬯᬂ᭞ᬲᬂᬓᬺᬱ᭄ᬡᬓᬢᭀᬦ᭄ᬭᬶᬂᬚᬸᬭᬶᬢ᭄᭞ᬫᬢᬦ᭄ᬤᬶᬂᬬᬸᬤ᭄ᬥ᭞ᬲᬋᬂᬲᬂᬘᬦ᭄ᬤ᭄ᬭᬪᬹᬧᬢᬶ᭟᭐᭟ᬳᬦᬾᬚᬦᬶᬳᬤᬶᬫᬸᬮᬶᬄᬫᬮᬶᬧᭂᬢᬦ᭄᭞ᬳᬶᬤᬦᬸᬢᬸᬕ᭄ᬩᭂᬮᬶᬚᬦᬶ᭞ᬲᬂᬧᬃᬣᬗᬦ᭄ᬤᬶᬓ᭞ᬩᭂᬮᬶ
ᬲᬂᬪᬶᬫᬲᬾᬦ᭞ᬫᭂᬍᬤ᭄ᬢᬶᬢ᭄ᬬᬂᬫᬗ᭄ᬤᬳᬸᬦᬶᬂ᭞ᬳᬶᬦ᭄ᬤᬶᬓ᭄ᬓᬯᬶᬰᬾᬱᬦ᭄᭞ᬲᬂᬦᬶᬮᬘᬦ᭄ᬤ᭄ᬭᬭᬶᬂᬚᬸᬭᬶᬢ᭄᭟᭐᭟ᬤᬾᬦᬶᬂᬳᬶᬤᬫᬶᬳᭀᬮᬶᬳᬂᬧᬦᬸᬕ᭄ᬭᬳᬦ᭄᭞ᬳ᭄ᬬᬂᬯᬾᬭᭀᬘᬦᬜ᭄ᬯᬾᬘ᭄ᬙᬦᬶᬦ᭄᭞ᬧᬸᬦᬶ [ 30 ][᭒᭙ 29B]
᭒᭙
ᬓᬗᬯᭂᬦᬂ᭞ᬲᬋᬂᬲᬋᬂᬓᬢᬲᬂ᭞ᬲᬂᬘᬢᬹᬃᬧᬡ᭄ᬥᬯᬕᭂᬮᬶᬲ᭄᭞ᬧᬥᬮᬸᬫᬫ᭄ᬧᬄ᭞ᬲᬺᬕᭂᬧ᭄ᬯᬭᬬᬸᬤ᭄ᬥᬲᬫᬶ᭟᭐᭟ᬭᬶᬂᬧᬫᬃᬕ᭄ᬕᬶᬢᬦ᭄ᬢᭂᬮᬕ᭄ᬫᬩᬩᬯᭀᬲᬦ᭄᭞ᬲᬂᬦᬓᬸᬮᬫᬢᬸᬃᬕᭂᬮᬶᬲ᭄᭞ᬩᭂ
ᬮᬶᬪᬶᬫᬲᬾᬦ᭞ᬯᬾᬦ᭄ᬢᭂᬦᬾᬢᬸᬦᬲᬂᬢᬶᬢ᭄ᬬᬂ᭞ᬬᬾᬦ᭄ᬧᬥᬾᬲᬂᬳᬭᬶᬫᬹᬃᬢ᭄ᬢᬶ᭞ᬓᬯᭀᬦ᭄ᬭᬶᬂᬬᬸᬤ᭄ᬥ᭞ᬲᬧᬸᬦᬧᬶᬭᬭᬶᬲ᭄ᬩᭂᬮᬶ᭟᭐᭟ᬤᬸᬭᬸᬂᬧᬸᬧᬸᬢ᭄ᬳᬢᬸᬃᬲᬂᬯᬶᬭᬦᬓᬸᬮ᭞ᬲᬂᬪᬶᬫᬲᬾᬦᬦ
ᬳᬸᬭᬶᬦ᭄᭞ᬬᬦᬶᬂᬲᬚᬓᬯᭀᬦ᭄᭞ᬲᬂᬧ᭄ᬭᬪᬸᬓᬺᬱ᭄ᬡᬫᬬᬸᬤ᭄ᬥ᭞ᬩᭂᬮᬶᬧᬘᬂᬫᬦᬦ᭄ᬤᬶᬗᬶ᭠ᬦ᭄᭞ᬲᬂᬦᬶᬮᬘᬦ᭄ᬤ᭄ᬭ᭞ᬫᭂᬍᬤ᭄ᬫᬢᬦ᭄ᬤᬶᬂᬚᬸᬭᬶᬢ᭄᭟᭐᭟ᬩᭂᬮᬶᬢ᭄ᬯᬭᬢᬓᬸᬢ᭄ᬫᬗᭂᬫᬲᬶᬦ᭄ᬲᬾᬤ᭞ᬓ᭠
ᬧᬶᬢ᭄ᬯᬶᬩᭂᬮᬶᬫᬵᬢᬶ᭞ᬲᬶᬦᬄᬓᬳᬸᬭᬶᬧᬂ᭞ᬧᭀᬮᬶᬄᬲᬂᬬᬸᬥᬶᬱ᭄ᬝᬶᬭ᭞ᬧᬸᬱ᭄ᬧᬯᬶᬚᬬᬦᬾᬍᬯᬶᬄ᭞ᬲᬶᬤ᭄ᬥᬗᬸᬭᬶᬧᬂ᭞ᬬᬦ᭄ᬢᭀᬦ᭄ᬤᬾᬦ᭄ᬫᬲᬦᬶᬂᬫᬢᬶ᭟᭐᭟ᬢᬦ᭄ᬘᬭᬶᬢᬲᬂᬮᬸᬗ᭄ᬳᬧᬘᬂᬫ
[᭓᭐ 30A]
ᬬᬸᬤ᭄ᬥ᭞ᬭᬯᬸᬄᬭᬶᬂᬢᭂᬧᬶᬲᬶᬭᬶᬂ᭞ᬗᬃᬤ᭄ᬥᬶᬧᬧᭀᬦ᭄ᬤᭀᬓᬦ᭄᭞ᬕᭂᬦᬄᬧᬘᬂᬫᬲᬦ᭄ᬤᭂᬓᬦ᭄᭞ᬦᬾᬫᬗ᭄ᬓᬶᬦ᭄ᬘ᭄ᬭᬶᬢᬬᬂᬫᬮᬶᬄ᭞ᬲᬂᬦᬶᬮᬘᬦ᭄ᬤ᭄ᬭ᭞ᬭᬶᬂᬦᬭᬚᬦᬕᬭᬶ᭟᭐᭟ᬧᬸᬧᬸᬄᬧ
ᬗ᭄ᬓᬸᬃ᭟᭐᭟ᬯᬤ᭄ᬯᬦᬾ ᬭᬶᬂᬦ᭄ᬭᬚᬤᬾᬰ᭞ᬲᬫᬶᬳᭀᬲᬄᬫᬦᬄᬜᬦᬾᬓᬚᬚᭂᬭᬶᬄ᭞ᬳᭀᬃᬣᬶᬦᬾᬲᬸᬫᭂᬓᭂᬦ᭄ᬲᬫ᭄ᬧᬸᬦ᭄᭞ᬳᬶᬤᬧ᭄ᬭᬪᬸᬓᬺᬱ᭄ᬡ᭞ᬓᭀᬘᬧ᭄ᬭᬯᬸᬄ
ᬫᬳᬶᬭᬶᬗᬦ᭄ᬯᬢᭂᬓ᭄ᬬᬦ᭄ᬥᬸ᭞ᬲᬺᬕᭂᬧ᭄ᬲᬃᬯ᭄ᬯᬲᬜ᭄ᬚᬢ᭞ᬫᬕᬕᭂᬩᬸᬕ᭄ᬗᭂᬦ᭄ᬤᭀᬦ᭄ᬚᬸᬭᬶᬢ᭄᭟᭐᭟ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬗᬦ᭄ᬤᬶᬓᬬᬂᬢᬡ᭄ᬥᬫᬦ᭄ᬢ᭄ᬭᬶᬦᬾᬲᬫᬶ᭞ᬲᬋᬂᬧᬢ᭄ᬧᬢ᭄ᬲᬦᬾ
ᬓᬲᬸᬩ᭄᭞ᬧᬸᬭᬸᬱᬫᬯᬶᬰᬾᬱ᭞ᬲᬂᬕᬡᬾᬓᬲᬂᬪᬬᬾᬓᬰᬓ᭄ᬢᬶᬢᭂᬕᬸᬄ᭞ᬫᬤᬶᬯᬾᬓᬮᬦ᭄‌ᬯᬾᬱ᭄ᬡᬓ᭞ᬧᬸᬭᬸᬱᬢᬦ᭄ᬧᬧᬓᬾᬭᬶᬂ᭟᭐᭟ᬲᬫ᭄ᬧᬸᬦ᭄ᬢᬗ᭄ᬓᬶᬮ᭄ᬭᬶᬂᬲᬂᬦᬵᬣ᭞ᬧ [ 31 ][᭓᭐ 30B]
᭓᭐
ᬭᬧᬢᬶᬄᬢᬡ᭄ᬥᬫᬦ᭄ᬢ᭄ᬭᬶᬦᬾᬲᬫᬶ᭞ᬧᬢᬶᬄᬕᬡᬾᬓᬳᬸᬫᬢᬸᬃ᭞ᬲᬶᬗ᭄ᬕᬶᬄᬰ᭄ᬭᬷᬦᬭᬦᬵᬣ᭞ᬗᬶᬭᬶᬂᬕᭂᬮᬶᬲ᭄ᬢᬦ᭄ᬤᬓᬶᬦ᭄ᬰᬢ᭄ᬭᬸᬦᬾᬭᬯᬸᬄ᭞ᬧᬜ᭄ᬚᬓᬾᬲᬫ᭄ᬧᬸᬦ᭄ᬓᬚᬭᬄ᭞ᬦᬾᬯᬾᬦ᭄ᬢᭂᬦ᭄ᬭᬶᬂᬢᭂᬧᬶᬲᬶ
ᬭᬶᬂ᭟᭐᭟ᬰ᭄ᬭᬷᬦᬶᬮᬘᬦ᭄ᬤ᭄ᬭᬗᬦ᭄ᬤᬶᬓ᭞ᬢᭀᬳᬯᬦᬦ᭄ᬫᬦᬶᬭᬫᬦᬯᬸᬳᬶᬦ᭄᭞ᬚᬦᬶᬮᬯᬸᬢᬂᬮᬸᬫᬓᬸ᭞ᬧᬫᬦ᭄ᬧᬢᬶᬄᬳᬚᬓ᭄ᬧᬢ᭄ᬧᬢ᭄᭞ᬫᬗᭀᬋᬕᬂᬧᬜ᭄ᬚᬓᬾᬗᬋᬧᬶᬦ᭄ᬫᬸᬲᬸᬄ᭞ᬫᬦᬶᬭᬦᬸᬓ
ᬧᬸᬭᬶᬬᬦ᭄᭞ᬩᬶᬦ᭄ᬳᬚᬳᬦ᭄ᬗᭂᬢᬹᬢ᭄ᬡᬸᬭᬶ᭟᭐᭟ᬫᬶᬭᬶᬩ᭄ᬧᬫᬦ᭄ᬲᬸᬩᬦᬯᬂ᭞ᬳᬶᬦ᭄ᬤᬶᬓ᭄ᬕᭂᬮᬄᬲᬓᬶᬂᬧᬦᬸᬕ᭄ᬭᬦᬾᬍᬯᬶᬄ᭞ᬓᬮᭀᬓ᭄ᬢᬄᬯᬶᬰᬾᬱᬢᭂᬕᬸᬄ᭞ᬮᬸᬧᬸᬢ᭄ᬭᬶᬂᬲᬃᬯ᭄ᬯᬲᬜ᭄ᬚᬢ᭞ᬫᬜᬶᬤ᭄ᬥᬬᬂᬗᬶᬤᬸ
ᬧᬂᬦᬾᬲᬸᬩᬮᬫ᭄ᬧᬸᬲ᭄᭞ᬓᭀᬢ᭄ᬢᬫᬦ᭄ᬧᬸᬱ᭄ᬧᬓᭀᬫᬮ᭞ᬯᬭᬄᬯᬾᬂᬭᭀᬘᬡᬗᬹᬦᬶ᭟᭐᭟ᬘ᭄ᬭᬶᬢᬬᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬭᬶᬂᬧᬸᬭᬶᬬᬦ᭄ᬫᬯᬭᬯᬭᬄᬭᬶᬂᬭᬩᬶ᭞ᬮᬮᬶᬫᬭᬩᬶᬦᬾᬳᬬᬸ᭞
[᭓᭑ 31A]
ᬧᬢᬸᬄᬳᬶᬦ᭄ᬤᬶᬓ᭄ᬓᬳᬬᭀᬦ᭄᭞ᬤᬦᬸᬧᬢᬶᬲᬹᬃᬬ᭄ᬬᬯᬢᬶᬲᬫ᭄ᬧᬸᬦ᭄ᬭᬯᬸᬄ᭞ᬧ᭄ᬭᬡᬫ᭄ᬬᬗᬢᬸᬭᬂᬲᭂᬫ᭄ᬩᬄ᭞ᬦᬶᬭᬯᬢᬶᬮᬦ᭄ᬰ᭄ᬭᬷᬯᬢᬶ᭟᭐᭟ᬫᬮᬶᬄᬲᬶᬓᬶᬫᬧᬲᬾᬗᬦ᭄᭞ᬤᬸᬲᬯᬢᬶᬦᬾᬦᬾ
ᬧᬶᬦᬶᬄᬳᬮᬶᬢ᭄᭞ᬭᬩᬶᬦᬾᬲᬫ᭄ᬧᬸᬦ᭄ᬫᬮᬸᬗ᭄ᬕᬸᬄ᭞ᬗᬶᬢᭂᬮᬶᬗ᭄ᬕᬶᬄᬲᬂᬦᬵᬣ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬯᬭᬯᬭᬄᬲᬂᬧ᭄ᬭᬪᬸ᭞ᬳᬶᬦ᭄ᬤᬶᬓᬾᬧᬘᬂᬫᬬᬸᬤ᭄ᬥ᭞ᬓᬭᬯᬸᬳᬦ᭄ᬫᬸᬲᬸᬄᬰᬓ᭄ᬢᬶ᭟᭐᭟ᬫᬳ᭄ᬬᬲ᭄ᬓᬶ
ᬤᬲᬂᬦᬵᬣ᭞ᬧᬭᬭᬩᬶᬲᬫᬶᬳᬶᬢᭂᬧ᭄ᬗᬬᬳᬶᬦ᭄᭞ᬫᬧᬶᬦᬸᬦᬲ᭄ᬭᬶᬂᬲᬂᬧ᭄ᬭᬪᬸ᭞ᬬᬦ᭄ᬧᬤᬾᬫᭀᬮᬶᬳᬂᬬᬸᬤ᭄ᬥ᭞ᬫᬗ᭄ᬤᬳᬶᬤᬫᬕᬧ᭄ᬕᬧᬦ᭄ᬯᬲ᭄ᬢ᭄ᬭᬓᬫ᭄ᬧᬸᬄ᭞ᬓᬫ᭄ᬧᬸᬄᬳᬶᬤᬲᬂᬓᬺᬱ᭄ᬡ᭞ᬯᬲ᭄ᬢ᭄ᬭᬦ᭄ᬲᬂᬪᬶ
ᬫᬓᬶᬭᬶᬝᬶ᭟᭐᭟ᬯᬾᬦ᭄ᬢᭂᬦ᭄ᬲᬦᬾᬫᬧᬶᬦᬸᬦᬲ᭄᭞ᬗᭀᬮᬲᭀᬮᬲ᭄ᬫᬗ᭄ᬤᬾᬦᬾᬓᬕᬧ᭄ᬕᬧᬶᬦ᭄᭞ᬬᬦ᭄ᬲᬫ᭄ᬧᬸᬦ᭄ᬓᬯᭀᬦ᭄ᬳᬶᬫᬸᬲᬸᬄ᭞ᬯᬲ᭄ᬢ᭄ᬭᬦ᭄ᬦᬓᬸᬮᬲᬵᬤᬾᬯ᭞ᬦᬾᬓᬢᬸᬦᬲ᭄ᬫᬚᭂᬂᬭᬶᬂᬳᬶ [ 32 ][᭓᭑ 31B]
᭓᭑
ᬤᬲᬂᬧ᭄ᬭᬪᬸ᭞ᬳᬶᬤᬲᬂᬂᬦᬶᬮᬘᬦ᭄ᬤ᭄ᬭ᭞ᬜᬗ᭄ᬕᬸᬧᬶᬦ᭄ᬭᬩᬶᬦᬾᬲᬫᬶ᭟᭐᭟ᬲᬫ᭄ᬧᬸᬦ᭄ᬧᬸᬧᬸᬢ᭄ᬫᬪᬹᬱᬡ᭞ᬭᬭᬶᬲ᭄ᬫᭂᬤᬮ᭄ᬳᬶᬤᬲᬂᬦᬭᬧᬢᬶ᭞ᬲᬺᬕᭂᬧ᭄ᬧᬭᬬᬸᬤ᭄ᬥᬲᬫ᭄ᬧᬸᬦ᭄᭞ᬯᬤ᭄ᬯᬦᬾᬲᬫ᭄ᬧᬸᬦ᭄ᬜᬦ᭄ᬢᭀ
ᬲᬂ᭞ᬧᬮᬶᬗ᭄ᬕᬶᬳᬦ᭄‌ᬓ᭄ᬭᬾᬢᬦᬾᬗᭂᬦ᭄ᬤᬶᬄᬢᬸᬃᬫᬸᬭᬸᬩ᭄᭞ᬓᬸᬤᬦ᭄ᬜᬦᬾᬲᬲᭂᬮᬶᬭᬦ᭄᭞ᬧᬮᬳᬶᬩᬾᬓᬤᬶᬳᬗᬶᬦ᭄᭟᭐᭟ᬯᬤ᭄ᬯᬦᬾᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬧᬶᬦᬶᬄᬭᬶᬳᬶᬦ᭄ᬧᬭᬧᬢᬶ
ᬳᬾᬫᬫᬃᬕ᭄ᬕᬶ᭞ᬕᬚᬄᬓᬸᬤᬦᬾᬧᬕ᭄ᬭᬸᬤᬸᬕ᭄᭞ᬯᬾᬦ᭄ᬢᭂᬦ᭄ᬫᬗ᭄ᬮᬶᬗ᭄ᬕᬶᬳᬶᬦ᭄ᬓ᭄ᬭᬾᬢ᭞ᬲ᭄ᬯᬭᬦ᭄ᬲᬸᬭᬓ᭄‌ᬲ᭄ᬯᬭᬦ᭄ᬲᭀᬫ᭄ᬧ᭄ᬭᬾᬢ᭄ᬧᬥᬳᬸᬬᬸᬢ᭄᭞ᬫᬶᬯᬄᬲ᭄ᬯᬭᬦ᭄ᬢᬢᬩᬸᬳᬦ᭄᭞ᬕᭀᬂᬢᬫ᭄ᬩᬸᬃ
ᬗᭂᬫ᭄ᬧᭂᬗᬶᬦ᭄ᬓᭀᬧᬶᬂ᭟᭐᭟ᬢᬦᬲᬸᬯᬾᬲᬫ᭄ᬧᬸᬦ᭄ᬦᬧᬓ᭄᭞ᬭᬶᬂᬕᭂᬦᬳᬾᬧᬘᬂᬫᬢᬦ᭄ᬤᬶᬂᬚᬸᬭᬶᬢ᭄᭞ᬯᬤ᭄ᬯᬦᬾᬲᬫ᭄ᬧᬸᬦ᭄ᬫᬗᬫᬸᬓ᭄᭞ᬗᬫᬸᬓ᭄ᬯᬤ᭄ᬯᬦ᭄ᬲᬂᬓᬺᬱ᭄ᬡ᭞ᬭᬶᬂᬳᬚᬳᬦ᭄ᬯᬤ᭄ᬯᬯᬺᬱ᭄ᬡᬶᬦᬾᬓ
[᭓᭒ 32A]
ᬓᭂᬧᬸᬂ᭞ᬓᬲᭀᬭᬦ᭄ᬫᬢᬦ᭄ᬤᬶᬂᬬᬸᬤ᭄ᬥ᭞ᬧᬥᬭᬭᬸᬤ᭄ᬬᬫᬮᬳᬶᬩ᭄᭟᭐᭟ᬲᬂᬓᬺᬱ᭄ᬡᬳᬶᬤᬫᬜᬶᬗᬓ᭄᭞ᬗᬦ᭄ᬤᬶᬓᬬᬂᬓᬺᬢ᭄ᬢᬯᬃᬫ᭄ᬫᬲᬢ᭄ᬬᬓᬶ᭞ᬫᬗ᭄ᬤᬤᬶᬕ᭄ᬮᬶᬲ᭄ᬫᬫᬕᬸᬢ᭄᭞ᬯᬤ᭄ᬯᬲᬂᬦᬶᬮᬘ
ᬦ᭄ᬤ᭄ᬭ᭞ᬲᬢ᭄ᬬᬓᬶᬓᬺᬢ᭄ᬢᬯᬃᬫ᭄ᬫᬫᬸᬯᬄᬲᬂᬯᬪ᭄ᬭᬸ᭞ᬉᬕ᭄ᬭᬲᬾᬦᬮᬦ᭄ᬲᬢ᭄ᬬᬓ᭞ᬧᬢᬶᬄᬉᬤᬯᬜᬋᬗᬶᬦ᭄᭟᭐᭟ᬲᬫᬶᬲᬫ᭄ᬧᬸᬦ᭄ᬫᬗᬋᬧᬂ᭞ᬫᬗᬭᬸᬲᬓ᭄ᬲᬓᭂᬭᬄᬫᬸᬲᬸᬳᬾᬲ
ᬫᬶ᭞ᬫᬸᬲᬸᬳᬾᬲᬫᬶᬓᬓᭂᬧᬸᬂ᭞ᬯᬤ᭄ᬯᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬧᬥᬭᬸᬲᬓ᭄ᬲᬶᬲᬦ᭄ᬧᬤᬶᬫ᭄ᬧᬥᬭᬭᬸᬤ᭄᭞ᬯᬦ᭄ᬢᬄᬫᬢᬸᬃᬭᬶᬂᬲᬂᬦᬵᬣ᭞ᬫᬢᬸᬃᬭᬶᬂᬳᬶᬧᬫᬦ᭄ᬧᬢᬶᬄ᭟᭐᭟ᬧᬧᬢᬶᬄᬲᬂᬦᬶᬮᬘᬦ᭄ᬤ᭄ᬭ
᭞ᬫᬓᬧᬢ᭄ᬧᬢ᭄᭞ᬲᬬᬕᬫᬢᬦ᭄ᬤᬶᬂᬚᬸᬭᬶᬢ᭄᭞ᬓ᭄ᬭᭀᬥᬓᬤᬶᬕᭂᬦᬶᬫᬸᬭᬸᬩ᭄᭞ᬯᬾᬦ᭄ᬢᭂᬦᬾᬫᬗᬸᬬᭂᬂᬕᬥ᭞ᬫ᭄ᬯᬄᬫᭀᬰᬮᬓᬤᬶᬓᬶᬮᬧ᭄ᬢᬾᬚᬦᬶᬧᬸᬦ᭄᭞ᬗᬋᬧᬂᬫᬢᬦ᭄ᬤᬶᬂᬬᬸᬤ᭄ᬥ᭞ [ 33 ][᭓᭒ 32B]
᭓᭒
ᬓᬘᬸᬦ᭄ᬤᬸᬓ᭄ᬧ᭄ᬭᬯᬶᬭᬯᬺᬱ᭄ᬡᬶ᭟᭐᭟ᬬᬦ᭄ᬲᬫ᭄ᬧᬸᬦ᭄ᬳᬓᬸᬤᬂᬤᬶᬦ᭞ᬢᬦ᭄ᬓᬃᬬ᭄ᬬᬦᬦ᭄‌ᬬᬸᬤ᭄ᬥᬦᬾᬲᭂᬬᬂᬮᬢ᭄ᬭᬶ᭞ᬩᬗ᭄ᬓᬾᬦᬾᬫᬤᬸᬕ᭄ᬤᬸᬕ᭄ᬤᬸᬕ᭄ᬤᬸᬕ᭄᭞ᬕᭂᬢᬶᬳᬾᬓᬤᬶᬲᬵᬕᬭ᭞ᬬᬦ᭄ᬳᬓᬸ
ᬤᬂᬲᬫ᭄ᬧᬸᬦ᭄ᬫᬗᭂᬫᬵᬲᬶᬦ᭄ᬮᬫ᭄ᬧᬸᬲ᭄᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬗᬯᬶᬮᬂ᭞ᬯᬤ᭄ᬯᬦᬾᬲᬦᬾᬗᭂᬫᬵᬲᬶᬦ᭄᭟᭐᭟ᬧᬢᬶᬄᬫᬤᬯᬾᬓᬘ᭄ᬭᬶᬢᬬᬂ᭞ᬯᬸᬲ᭄ᬫᬢᬸᬮᬓ᭄ᬗᭂᬧᬸᬂᬫᬸᬲᬸᬳᬾᬓᬮᬶᬮᬶᬄ᭞ᬲᬂᬪᬶ
ᬫᬲᬾᬦᬓᬘᬸᬦ᭄ᬤᬸᬓ᭄᭞ᬢ᭄ᬯᬭᬫᬓ᭄ᬢᬲᬜ᭄ᬚᬢ᭞ᬢᬸᬃᬗᬦ᭄ᬤᬶᬓᬗᬸᬤᬤᬾᬯᬤᬶᬦᬶᬫᬶᬮᬸ᭞ᬫᬫᭂᬲᭂᬄᬲᬂᬦᬶᬮᬘᬦ᭄ᬤ᭄ᬭ᭞ᬲᬂᬪᬷᬫᬫᬕᭂᬮᬶᬲ᭄ᬜᬳᬸᬭᬶᬦ᭄᭟᭐᭟ᬘᬳᬶᬧᬢᬶᬄᬫᬤᬯᬾᬓ
᭞ᬳᬧᬂᬢᬯᬂᬢᭂᬓᬾᬦ᭄ᬲ᭄ᬬᬓᬸᬦᬾᬫᬳᬶ᭞ᬩᭀᬬᬚᬲ᭄ᬬᬓᬸᬫᬫᬸᬲᬸᬄ᭞ᬢᭂᬓᬾᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬢ᭄ᬯᬄᬲᬂᬓᬺᬱ᭄ᬡᬩᬮᬤᬾᬯᬦᬾᬗᬮᬸᬭᬸᬕ᭄᭞ᬲᬶᬬᬓᬸᬤᭀᬢ᭄ᬫ
[᭓᭓ 33A]
ᬦᬯᬂ᭞ᬲᬂᬓᬺᬱ᭄ᬡᬓᬯᭀᬦ᭄ᬭᬶᬂᬚᬸᬭᬶᬢ᭄᭟᭐᭟ᬧᬢᬶᬄᬫᬤᬯᬾᬓᬦᬶᬫ᭄ᬩᬮ᭄᭞ᬲ᭄ᬮᬶᬯᬄᬧᬶᬲᬦ᭄ᬮᬓ᭄ᬱᬡᬩᬯᭀᬲᬾᬦᬸᬗ᭄ᬓᬮᬶᬓ᭄᭞ᬳᬲ᭄ᬢᬤᬸᬱ᭄ᬝᬢ᭄ᬯᬄᬓᬲᭂᬗ᭄ᬕᬸᬄ᭞ᬫᬓᬦ᭄ᬢᬶᬭᬶᬂᬳᬦ
ᬓ᭄ᬘᭀᬭᬄ᭞ᬢ᭄ᬯᬭᬳᬾᬮᬶᬂᬭᬶᬂᬲᬂᬦᬶᬮᬘᬦ᭄ᬤ᭄ᬭᬧ᭄ᬭᬪᬸ᭞ᬪᬓ᭄ᬢᬶᬭᬶᬂᬲᬂᬥᬃᬫ᭄ᬫᬯᬗ᭄ᬰ᭞ᬪᬓ᭄ᬢᬶᬭᬶᬂᬧᬡ᭄ᬥᬯᬲᬫᬶ᭟᭐᭟ᬲᬗᭂᬢ᭄ᬗᬯᬾᬦᬂᬲᬗ᭄ᬲᬭ᭞ᬩ᭄ᬯᬢ᭄ᬧᬶᬤᬩ᭄ᬤᬩ᭄ᬧᬚᬮᬦᬾᬩᬸᬓᬚ
ᬦᬶ᭞ᬩᬯᭀᬲ᭄ᬳᬦᬾᬤᬸᬭᬸᬂᬧᬸᬧᬸᬢ᭄᭞ᬓ᭄ᬭᭀᬥᬲᬂᬪᬷᬫᬲᬾᬦ᭞ᬓᬤᬶᬕᭂᬦᬶᬢᬸᬭᬸᬳᬶᬦ᭄ᬫᬶᬜᬓ᭄ᬫᬓᭂᬩ᭄ᬬᬸᬃ᭞ᬕᭂᬮᬶᬲ᭄ᬫᬗᬫ᭄ᬩᬶᬮ᭄ᬲᬜ᭄ᬚᬢ᭞ᬜᬶᬬᬢᬶᬦ᭄ᬳᬶᬕᬸᬲ᭄ᬢᬶᬧᬢᬶᬄ᭟᭐᭟ᬫᬸᬗ᭄ᬕ᭄ᬯᬶᬂᬲᬂ
ᬧᬢᬶᬄᬪᬬᬾᬓ᭞ᬲᬦᬾᬗᭂᬢᬸᬢ᭄ᬧᬫᬃᬕ᭄ᬕᬶᬦ᭄ᬫᬸᬲᬸᬳᬾᬳᬚ᭄ᬭᬶᬄ᭞ᬲᬂᬤᬦᬜ᭄ᬚᬬᬓᬘᬸᬦ᭄ᬤᬸᬓ᭄᭞ᬫᬮᬶᬄᬢᬦ᭄ᬫᬓ᭄ᬢᬲᬜ᭄ᬚᬢ᭞ᬲᬂᬪᬬᬾᬓᬤᬶᬕᭂᬮᬶᬲ᭄ᬤᬦᬾᬫᬯᬸᬯᬸᬲ᭄᭞ᬗᬸ [ 34 ][᭓᭓ 33B]
᭓᭓
ᬤᬢᬦ᭄ᬫᬯᬲᬜ᭄ᬚᬢ᭞ᬳᬶᬤᬾᬯᬫᬗᭂᬦ᭄ᬤᭀᬜ᭄ᬚᬸᬭᬶᬢ᭄᭟᭐᭟ᬲᬂᬧᬃᬣᬳᬶᬤᬗᬦ᭄ᬤᬶᬓ᭞ᬳᬶᬄᬪᬬᬾᬓᬓᬳᬶᬢ᭄ᬯᬭᬩᬋᬂᬜᬶᬬᬢᬶᬦ᭄᭞ᬩ᭄ᬯᬶᬦᬢ᭄ᬯᬭᬚᬫᬫᬸᬲᬸᬄ᭞ᬢᭂᬓᬾᬦᬶᬂ
ᬕᬸᬲ᭄ᬢᬶᬦ᭄ᬳᬶᬩ᭞ᬢ᭄ᬯᬄᬲᬂᬓᬺᬱ᭄ᬡᬲᬂᬩᬮᬤᬾᬯᬫᬗᭂᬩᬸᬕ᭄᭞ᬲᬗ᭄ᬓᬦᬶᬂᬫᭂᬍᬤ᭄ᬫᬦᬯᬂ᭞ᬧᬬᬸᬤ᭄ᬥᬦ᭄ᬳᬶᬤᬲᬂᬓᬮᬶᬄ᭟᭐᭟ᬲᬂᬪᬬᬾᬓᬕᭂᬮᬶᬲ᭄ᬦᬶᬫ᭄ᬩᬮ᭄᭞ᬗᬸᬤᬲᬶᬗ᭄ᬲᬮ᭄ᬥᬓ᭄ᬱᬡ
ᬦᬾᬦᬸᬗ᭄ᬓᬮᬶᬓ᭄᭞ᬓᬲᬸᬩ᭄ᬲᬦ᭄ᬦᬯᬂᬢᬸᬢᬸᬃ᭞ᬲᬭᬸᬫᬗᬾᬓᬤᬵᬬ᭞ᬫᬶᬭᬶᬩ᭄ᬧᬢᬸᬄᬢᬢᬸᬚᭀᬦᬾᬲᬸᬩᬳᬤᬸᬂ᭞ᬢᭂᬓᬾᬦ᭄ᬓᬺᬱ᭄ᬡᬩᬮᬤᬾᬯ᭞ᬲᬓᬶᬂᬯᬶᬯᬾᬓᬦᬾᬲᬶᬗᬶᬤ᭄᭟᭐᭟
ᬳᭂᬦᬾᬢ᭄ᬯᬄᬧᬗᬶᬦ᭄ᬤ᭄ᬭᬚᬮ᭞ᬫᬭᬶᬢᬢᬲ᭄ᬫᬶᬭᬶᬩ᭄ᬫᬭᬸᬧᬢᬢᭂᬮᬶᬓ᭄᭞ᬫᬧᬶᬮᬩᬶᬫᬧᬶᬲᬥᬸ᭞ᬲᬸᬚᬢᬶᬦ᭄ᬜᬫᬦᬸᬦ᭄ᬤᬾᬦᬂ᭞ᬫᬜᬶᬬᬢᬶᬦ᭄ᬳᬶᬤᬦᬶᬮᬘᬦ᭄ᬤ᭄ᬭᬧ᭄ᬭᬪᬸ᭞ᬬᬦᬶᬂᬲᬸᬩᬲᬶᬤ᭄ᬥ
[᭓᭔ 34A]
ᬓᬮᬄ᭞ᬫᬳᬦ᭄ᬳᬸᬧᬄᬫᬵᬲ᭄ᬧᬶᬧᬶᬲ᭄᭟᭐᭟ᬢᬸᬯᬄᬓᬾᬢᭀᬢ᭄ᬯᬭᬮᬶᬬᬦ᭄᭞ᬩ᭄ᬯᬢ᭄‌ᬧᬦᭂᬓᬦ᭄ᬘᬳᬶᬦᬾᬩᬸᬓᬚᬦᬶ᭞ᬲᬂᬧᬃᬣᬢ᭄ᬯᬭᬫᬲᬳᬸᬃ᭞ᬓ᭄ᬭᭀᬥᬓᬬᬸᬦᬾᬓᬮᬶᬦ᭄ᬢᬂ᭞
ᬕᬕᭂᬮᬶᬲ᭄ᬗᬫ᭄ᬩᬶᬮ᭄ᬲᬜ᭄ᬚᬢᬫᬗᬫᬸᬓ᭄᭞ᬧᬢᬶᬄᬪᬬᬾᬓᬗᬋᬧᬂ᭞ᬫᬭᬸᬓᭂᬢ᭄ᬳᬶᬤᬲ᭄ᬦᬕ᭄ᬓᬮᬶᬄ᭟᭐᭟ᬲᬂᬓᬺᬱ᭄ᬡᬩᬮᬤᬾᬯ᭞ᬯᬯᬸᬜᬶᬗᬓ᭄‌ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞
ᬭᬾᬄᬲᬂᬧᬃᬣᬳᬶᬤᬓᬬᬸᬦ᭄᭞ᬲᬋᬂᬗᬋᬧᬂᬫᬬᬸᬤ᭄ᬥ᭞ᬫᬫᬕᬸᬢᬶᬦ᭄ᬫᬸᬲᬸᬳᬾᬰᬓ᭄ᬢᬶᬓᬮᬗ᭄ᬓᬸᬂ᭞ᬲᬂᬪᬷᬫᬢ᭄ᬯᬭᬚᬗ᭄ᬓᬬᬦ᭄᭞ᬫᬬᬸᬤ᭄ᬥᬢᬦ᭄ᬧᬧᬓᬾᬭᬶᬂ᭟᭐᭟ᬧᬸᬧᬸᬄᬤᭂᬫᬸᬂ᭠
᭟᭐᭟ᬬᬸᬤ᭄ᬥᬦᬾᬲᬸᬫᬬᬦ᭄ᬲᭂᬗᬶᬢ᭄ᬲᬮᬶᬂᬘᬶᬤ᭄ᬭ᭞ᬲᬫᬶᬧᬸᬭᬸᬱᬫᬘᬶᬧᬸᬓ᭄᭞ᬲᬂᬩᬮᬤᬾᬯᬫᬘᬸᬦ᭄ᬤᬸᬓ᭄᭞ᬲᬂᬕᬡᬾᬓᬓᬲᬸᬩ᭄ᬰᬓ᭄ᬢᬶ᭞ᬫᬭᬸᬓᭂᬢ᭄ᬫᬬᬸᬤ᭄ᬥ᭞ᬲᬮᬶᬂᬢᬶᬕ᭄ᬢᬶᬕ᭄ᬲᬮᬶᬂᬧᭂᬮᬸ [ 35 ][᭓᭔ 34B]
᭓᭔
ᬓ᭄᭞ᬓᬢᬦ᭄ᬤᭂᬲ᭄ᬲᬂᬩᬮᬤᬾᬯ᭞ᬫᬓᬶᬍᬲ᭄ᬳᬶᬤᬫᬓᬶᬭᬶᬕ᭄᭞ᬭᬭᬶᬲ᭄ᬗᬋᬕᭂᬧᬂᬬᭀᬕ᭞ᬫᬢᭂᬫᬳᬦ᭄ᬦᬵᬕᬳᬕᬸᬂ᭟᭐᭟ᬓᬪᬶᬦᬯᬗᬕᬯᭀᬓᬶᬦ᭄᭞ᬭᬶᬂᬧᬬᬸᬤ᭄ᬥᬦ᭄᭞ᬯᬶᬱ᭄ᬬᬓ
ᬤᬶᬕᭂᬦᬶᬫᬸᬭᬸᬩ᭄᭞ᬲᬂᬓᬢᭂᬫ᭄ᬧᬸᬄᬧᬸᬳᬸᬦ᭄᭞ᬤᬤᭀᬲ᭄ᬳᬩᬸᬧ᭄ᬭᬫᬗ᭄ᬓᬶᬦ᭄᭞ᬲᬂᬕᬡᬾᬓ᭞ᬢ᭄ᬯᬭᬕᬶᬗ᭄ᬕᬂ᭞ᬯᬶᬭᭀᬱᬗᬋᬧᬂᬗᬫᬸᬓ᭄᭞ᬲᬂᬦᬵᬕᬯᬶᬰᬾᬱ᭞ᬫᭀᬮᬶᬳᬂᬲᬶᬗ᭄ᬲᬾᬫᬗᬸ
ᬢᬶᬮ᭄᭞ᬲᬂᬕᬡᬾᬓᬭᬭᬶᬲ᭄ᬋᬩᬄ᭞ᬲᬾᬤᬧᬸᬯᬸᬦ᭄ᬤᬤᭀᬲ᭄ᬳᬩᬸ᭟᭐᭟ᬲᬂᬪᬶᬫᬘ᭄ᬭᬶᬢᬬᬂᬫᬮᬶᬄ᭞ᬲᬮᬶᬂᬲᭂᬫ᭄ᬧᬮ᭄᭞ᬲ᭄ᬯᬭᬦ᭄ᬕᬥᬦᬾᬫᬲᭂᬧᬸᬓ᭄᭞ᬓᬤᬶᬲ᭄ᬯᬭᬦ᭄ᬓᭂᬭᬸᬕ᭄᭞ᬲᬦᬾᬫ
ᬗᭂᬚᭂᬭᬂᬕᬸᬫᬶ᭞ᬧᬢᬶᬄᬫᬤᬯᬾᬓᬗᬸᬘᬧ᭄᭞ᬳᬶᬄᬪᬶᬫᬓᬮᬶᬯᬢ᭄ᬢᭂᬕᬸᬄ᭞ᬦᬾᬚᬦᬶᬳᬾᬤᬾᬗᬂ᭞ᬩ᭄ᬯᬢ᭄ᬓᬯᬶᬰᬾᬱᬦ᭄ᬘᬳᬶ᭞ᬲᬂᬪᬶᬫᬭᬭᬶᬲ᭄ᬗᬺᬕᭂᬧᬂ᭞ᬫᬬᭀᬕᬦᬸᬗ᭄ᬕᬮᬂᬓᬬᬸᬦ᭄
[᭓᭕ 35A]
᭟᭐᭟ᬭᬕᬦᬾᬗᭂᬚᭂᬃᬧ᭄ᬭᬫᬗ᭄ᬓᬶᬦ᭄᭞ᬫᬲᬶᬮᬸᬫᬦ᭄᭞ᬫᬦᬤᭀᬲ᭄ᬭᬓ᭄ᬱᬲᬳᬕᬸᬂ᭞ᬓᬮᬶᬦ᭄ᬢᬂᬳᬮᬸᬳᬸᬃ᭞ᬮ᭄ᬯᬶᬃᬓᬮᬵᬦ᭄ᬢᬓᬜᭂᬭᬶᬢ᭄᭞ᬧᬘᬂᬗ᭄ᬭᬸᬲᬓᬂᬚᬕᬢ᭄᭞ᬲᬓ᭄ᬱᬡᬭᬭᬶᬲ᭄ᬫᬜ
ᬳᬸᬧ᭄᭞ᬧᬢᬶᬄᬫᬥᬯᬾᬓ᭞ᬓᬧᬺᬓᭂᬲ᭄ᬢᬸᬃᬫᬗᭂᬫᬲᬶᬦ᭄᭞ᬋᬫᬸᬓ᭄ᬢ᭄ᬯᬭᬫᬓ᭄ᬭᬶᬲᬶᬓᬦ᭄᭞ᬢᬸᬮᬂᬢᬸᬮᬂᬜᬦᬾᬮᬸᬂᬮᬸᬂ᭟᭐᭟ᬓ᭄ᬭᭀᬥᬰ᭄ᬭᬷᬳᬭᬶᬫᬹᬃᬢ᭄ᬢᬶ᭞ᬫᬗᬺᬕᭂᬧᬂ᭞ᬳ᭄ᬬᬂᬫᬳᬫᬗ᭄ᬕᬮᬳᬶᬓᬸ
᭞ᬯᬶᬱ᭄ᬡᬸᬫᬹᬃᬢ᭄ᬢᬶᬳᬭᬸᬳᬸᬃ᭞ᬤᬰᬰ᭄ᬬᬗᬕᬯᭀᬓᬶᬦ᭄᭞ᬓᬳᭂᬚᬸᬓ᭄ᬧᬢᬶᬄᬯᬾᬱ᭄ᬡᬸᬓᬵ᭞ᬓᬧᬦ᭄ᬢᬶᬕᬂᬯᬲ᭄ᬢᬸᬋᬫᬸᬓ᭄᭞ᬗᬋᬧᬂᬧᬢᬶᬄᬪᬬᬾᬓ᭞ᬢᬍᬃᬢᬦ᭄ᬧᭀᬮᬶᬄᬗᬸᬦ᭄ᬤᬶᬮᬶ᭞ᬓᬤᭂᬍᬂᬳ
ᬦ᭄ᬢᬸᬓ᭄‌ᬕ᭄ᬦᬶᬯᬶᬱ᭞ᬗᬦ᭄ᬢᭀᬲ᭄ᬧᬸᬳᬸᬦ᭄ᬤᬤᭀᬲ᭄ᬳᬩᬸ᭟᭐᭟ ᬲᬫ᭄ᬧᬸᬦ᭄ᬢᭂᬮᬲ᭄ᬫᬗᭂᬫᬲᬶᬦ᭄᭞ᬫᬓᬧᬢ᭄ᬧᬢ᭄᭞ᬧᬢᬶᬄᬰ᭄ᬭᬷᬘᬦ᭄ᬤ᭄ᬭᬧ᭄ᬭᬪᬸ᭞ᬓ᭄ᬭᭀᬥᬭᬭᬶᬲ᭄ᬢᭂᬤᬸᬦ᭄᭞ᬲᬓᬶᬂᬧᬮᬶᬗ᭄ᬕᬶᬳᬦ᭄ᬕᭂᬮᬶᬲ᭄᭞ᬭᬭᬶᬲ᭄ᬗ [ 36 ][᭓᭕ 35B]
᭓᭕
ᬮᬶᬗ᭄ᬕᬶᬳᬶᬦ᭄ᬓᬸᬤ᭞ᬩᭂᬘᬢ᭄ᬯᬮᬸᬬᬫᬓᭂᬩᬸᬃ᭞ᬲᬃᬯ᭄ᬯᬶᬗᬗ᭄ᬕᬃᬕᬖ᭞ᬓᬤᬶᬲᬶᬗ᭄ᬳᬵᬭᭀᬤ᭄ᬭᬧᬢᬶᬲ᭄᭞ᬫᬜᭂᬭᬶᬢ᭄ᬭᬶᬂᬢᭂᬗᬄᬳᬮᬲ᭄᭞ᬳᬚ᭄ᬭᬶᬄᬩᬸᬭᭀᬦᬾᬫᬮᬬᬸ᭟᭐᭟ᬲᬂᬪᬷᬫᬭᬭᬶᬲ᭄ᬓᬧ
ᬗ᭄ᬕᬶᬄ᭞ᬫ᭄ᬯᬃᬡ᭄ᬦᬤᬿᬢ᭄ᬬ᭞ᬓᬪᬶᬦᬯᬳᬭᬸᬳᬸᬃ᭞ᬯᬶᬭᭀᬱᬫᬗᬸᬢ᭄ᬕᬢ᭄᭞ᬕᭂᬮᬶᬲ᭄ᬳᬶᬤᬲᬂᬦᬺᬧᬢᬶ᭞ᬫᬦᬶᬯᬓᬂᬕᬥ᭞ᬓᬢᬶᬕ᭄ᬢᬶᬕ᭄ᬳᬶᬤᬿᬢ᭄ᬬᬳᬕᬸᬂ᭞ᬳᭂᬩᬄᬫᬦᬸᬗ᭄ᬓᬬᬓ᭄᭞ᬲᬂᬪᬷᬫ᭠
ᬫᬓᬶᬍᬲ᭄ᬕᭂᬮᬶᬲ᭄᭞ᬳᬸᬲᬦ᭄ᬫᬯᬃᬡ᭄ᬦᬤᬵᬦᬯ᭞ᬦᬵᬕᬳᬕᬸᬂᬕᭂᬮᬶᬲ᭄ᬭᬯᬸᬄ᭟᭐᭟ᬓ᭄ᬭᬸᬭᬕᬮᬓ᭄ᬫᬜᬕ᭄ᬚᬕᬶᬦ᭄᭞ᬫᬢᬩᬭᬓ᭄᭞ᬫᭂᬤᬮ᭄ᬕᭂᬦᬶᬳᭂᬦ᭄ᬤᬶᬄᬫᬸᬭᬸᬩ᭄᭞ᬢᬦ᭄ᬢᭂᬮᬕ᭄ᬫᬜᬶᬫ᭄ᬩᬸᬄ᭞
ᬲᬂᬦᬶᬮᬘᬦ᭄ᬤ᭄ᬭᬧ᭄ᬭᬫᬗ᭄ᬓᬶᬦ᭄᭞ᬲᬶᬓ᭄ᬱᬫᬗᬸᬬᭂᬂᬕᬥ᭞ᬓᬮᬶᬦ᭄ᬢᬂᬳᬶᬦᬵᬕᬳᬕᬸᬂ᭞ᬫᬦᬤᭀᬲ᭄ᬩᬮᬤᬾᬯ᭞ᬳᭂᬩᬄᬮᬩᬸᬄᬫᬜᬸᬗ᭄ᬓᬶᬮᬶᬂ᭞ᬓᬲᭀᬃᬗᬋᬧᬶᬦ᭄ᬲᬂᬦᬵᬣ᭞ᬲᬫᬶᬫᬸᬦ᭄ᬤᬸᬃ
[᭓᭖ 36A]
ᬓᬧᬶᬮᬬᬸ᭟᭐᭟ᬲᬂᬓᬺᬱ᭄ᬡᬗᬋᬧᬂᬕᭂᬮᬶᬲ᭄᭞ᬤᬳᬢ᭄ᬓ᭄ᬭᭀᬥ᭞ᬫᬢ᭄ᬭᬶᬯᬶᬓ᭄ᬭᬫᬲᬫ᭄ᬧᬸᬦ᭄᭞ᬓᬲᬸᬩ᭄ᬫᬢᬗᬦ᭄ᬲᬶᬬᬸ᭞ᬓᬪᬶᬦᬯᬗᬋᬲ᭄ᬋᬲᬶᬦ᭄᭞ᬓᬲᬳᬸᬧ᭄ᬲᬂᬦᬶᬮᬘᬦ᭄ᬤ᭄ᬭ᭞ᬓᬘᬄ
ᬘᬄᬲᬜ᭄ᬚᬢᬲᬶᬬᬸ᭞ᬲᬜ᭄ᬚᬢᬦ᭄ᬲᬂᬓᬺᬱ᭄ᬡ᭞ᬢᬦ᭄ᬧ᭄ᬭᬲᬶᬤ᭄ᬥᬫᬫᬶᬦ᭄ᬢᬸᬮᬶᬦ᭄᭞ᬳᬦ᭄ᬢᬸᬓ᭄ᬓᭀᬢ᭄ᬢᬫᬦ᭄ᬚ᭄ᬭᬶᬘᬦ᭄ᬤ᭄ᬭ᭞ᬮ᭄ᬯᬶᬃᬓᬢᬶᬩᬾᬦ᭄ᬓᬫᬦ᭄ᬤᬮᬸ᭟᭐᭟ᬲᬂᬦᬶᬮᬘᬦ᭄ᬤ᭄ᬭᬦᬾᬫᬗ᭄ᬓᬶᬦ᭄᭞ᬫᬗᬺ
ᬕᭂᬧᬂ᭞ᬚ᭄ᬜᬦᬲᬸᬤ᭄ᬥᬵᬦᬸᬮᬸᬲ᭄᭞ᬓᭂᬮᬾᬲ᭄ᬕᭂᬮᬶᬲ᭄ᬫᬘᭂᬩᬸᬃ᭞ᬲᬓᬶᬂᬢᬗᬦ᭄ᬳᬭᬶᬫᬹᬃᬢ᭄ᬢᬶ᭞ᬯᬶᬭᭀᬱᬦᬶᬯᬓᬂᬕᬥ᭞ᬓᬪᬶᬦᬯᬓᬤᬶᬓᭂᬭᬸᬕ᭄᭞ᬫᬯᬮᬶᬤᬤᭀᬲ᭄ᬲᬂᬓᬺᬱ᭄ᬡ᭞ᬫᬓᬶᬍ
ᬲ᭄ᬳᬶᬤᬫᬓᭂᬮᬶᬤ᭄᭞ᬫᬢᬶᬗ᭄ᬕᬮ᭄ᬲᬓᬶᬂᬧᬬᬸᬤ᭄ᬥᬦ᭄᭞ᬮᬸᬗ᭄ᬳᬓᬳᬮᬲ᭄ᬫᬦᬸᬲᬸᬧ᭄᭟᭐᭟ᬓ᭄ᬭᭀᬥᬳᬶᬤᬲᬂᬓᬶᬭᬶᬝᬶ᭞ᬫᬗᬋᬧᬂ᭞ᬫᬦᬶᬯᬓᬂᬧᬦᬄᬲᬶᬬᬸ᭞ᬳᬢᭂᬧ᭄ᬫᬲᬸᬲᬸᬦ᭄ᬲᬸ [ 37 ][᭓᭖ 36B]
᭓᭖
ᬲᬸᬦ᭄᭞ᬢᭂᬮᬲ᭄ᬳᭂᬮᬸᬂᬢᬦ᭄ᬫᬶᬦ᭄ᬢᬸᬮᬶᬦ᭄᭞ᬭᬶᬂᬢᬗᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬓᬤᬶᬤᬯᬸᬦ᭄ᬦᬶᬩᬾᬦ᭄ᬩᬢᬸ᭞ᬲᬂᬦᬶᬮᬘᬦ᭄ᬤ᭄ᬭᬗ᭄ᬯᬍᬲᬂ᭞ᬲᬂᬧᬃᬣᬭᬭᬶᬲ᭄ᬫᬓᭂᬮᬶᬤ᭄᭞ᬫᬓᬶᬍᬲ᭄ᬜᬸᬲᬸᬧ᭄ᬭᬶᬂᬳ
ᬮᬲ᭄᭞ᬓᬲᭀᬭᬦ᭄ᬗᬤᬸᬓᬯᭂᬭᬸᬄ᭟᭐᭟ᬰ᭄ᬭᬷᬦᬶᬮᬘᬦ᭄ᬤ᭄ᬭᬪᬹᬧᬢᬶ᭞ᬫᬗᭂᬮᬶᬲᬂ᭞ᬗ᭄ᬮᬶᬗ᭄ᬕᬶᬳᬶᬦ᭄ᬓᬸᬤᬫᬗᭂᬧᬸᬂ᭞ᬓᬳᬮᬲᬾᬜᬸᬲᬸᬧ᭄᭞ᬗᭂᬢᬹᬢ᭄ᬲᬂᬓᬺᬱ᭄ᬡᬓᬶᬭᬶᬝᬶ᭞ᬭᬯᬸᬄ
ᬭᬶᬂᬢᭂᬗᬳᬶᬂᬳᬮᬲ᭄᭞ᬲᬂᬓᬮᬶᬄᬦᭀᬭᬓᬧᬗ᭄ᬕᬸᬄ᭞ᬫᬓᬃᬬ᭄ᬬᬦ᭄ᬰ᭄ᬭᬷᬘᬦ᭄ᬤ᭄ᬭ᭞ᬭᬶᬂᬩᭂᬢᬾᬦ᭄ᬢᬭᬸᬫᬮᬶᬗ᭄ᬕᬶᬄ᭞ᬤᬶᬕᭂᬮᬶᬳᬶᬤᬲᬂᬦᬵᬣ᭞ᬫᬬᭀᬕᬦᬸᬗ᭄ᬕᬮᬂᬓᬬᬸᬦ᭄᭟᭐᭟
ᬭᬭᬶᬲ᭄ᬫᭂᬤᬮ᭄ᬳᬦᬓ᭄ᬳᬶᬲ᭄ᬢ᭄ᬭᬶ᭞ᬭᬹᬧᬓᭂᬫ᭄ᬩᬃ᭞ᬯᬃᬡ᭄ᬦᬦ᭄ᬜᬦᬾᬮᬶᬢᬸᬳᬬᬸ᭞ᬧᬸᬦᬶᬓᬳᬸᬢᬸᬲ᭄᭞ᬧᬘᬂᬗᭂᬚᬸᬓ᭄ᬲᬂᬓᬶᬭᬶᬝᬶ᭞ᬢᬸᬫᬸᬮᬶᬫᬫᬃᬕ᭄ᬕ᭞ᬭᬶᬂᬢᭂᬗᬳᬮᬲ᭄ᬫᬜᬸᬲᬸᬧ᭄᭞ᬳᬮᬲ᭄ᬫ
[᭓᭗ 37A]
ᬤᬹᬃᬕ᭄ᬕᬫ᭞ᬲᬂᬦᬶᬮᬘᬦ᭄ᬤ᭄ᬭᬪᬹᬧᬢᬶ᭞ᬫᬦ᭄ᬢᬸᬓ᭄ᬳᬶᬤᬓᬦᬵᬕᬭ᭞ᬭᬶᬂᬢᭂᬕᬮ᭄ᬧᬬᬸᬤ᭄ᬥᬦ᭄ᬭᬯᬸᬄ᭟᭐᭟ᬲᬂᬓᬮᬶᬄᬍᬯᬶᬃᬤᬤᬭᬶ᭞ᬘᬭᬶᬢᬬᬂ᭞ᬫᬜᬸᬲᬸᬧ᭄ᬭᬶᬂᬳᬮᬲᬕᬸᬂ᭞ᬢᬦ᭄ᬳᬲᬸ
ᬯᬾᬓᬧᬗ᭄ᬕᬸᬄ᭞ᬕᭂᬦᬄᬳᬶᬤᬲᬂᬓᬭᬶᬝᬶ᭞ᬯᬾᬦ᭄ᬢᭂᬦ᭄ᬩᬢᬸᬮᬾᬫ᭄ᬧᬾᬄᬳᬲᬢ᭄᭞ᬓᬳᬸᬗ᭄ᬓᬸᬮᬦ᭄ᬢᬭᬸᬗᬺᬫ᭄ᬩᬸᬦ᭄᭞ᬳᬶᬭᬶᬓᬫᬭᬵᬃᬬ᭄ᬬᬦ᭄᭞ᬓᬤᬶᬫᬗᬶᬦᭂᬂᬲᬫ᭄ᬥᬶ᭞ᬭ
ᬯᬸᬄᬲᬂᬓᬮᬶᬄᬫᬗᭀᬤ᭞ᬳᬢᬸᬭᬾᬗᭂᬜᬕᬂᬓᬬᬸᬦ᭄᭟᭐᭟ᬲᬶᬗ᭄ᬕᬶᬄᬭᬢᬸᬲᬗᬧᭂᬓᬶᬓ᭄᭞ᬩᭀᬬᬘᬶᬗᬓ᭄᭞ᬧᬗᬪᬓ᭄ᬢᬶᬦ᭄ᬢᬶᬢ᭄ᬬᬂᬭᬢᬸ᭞ᬢᬫ᭄ᬩᬦᬶᬦ᭄ᬳᬶᬩᬸᬤᬸᬄ᭞
ᬜᬤ᭄ᬬᬫᬗᬢᬸᬭᬂᬳᬸᬭᬶᬧ᭄᭞ᬬᬦ᭄ᬯᬦ᭄ᬢᬄᬳᬶᬭᬢᬸᬲ᭄ᬯᬾᬘ᭄ᬙᬵ᭞ᬭᬶᬂᬢᬶᬢ᭄ᬬᬂᬳᬧ᭄ᬲᬭᬶᬭᬯᬸᬄ᭞ᬲᬓᬶᬂᬚᬕᬢ᭄ᬲ᭄ᬯᬃᬕ᭄ᬕᬦ᭄᭞ᬕᬸᬫᬦ᭄ᬢᬶᬗᬶᬭᬶᬗᬂᬩᭂᬮᬶ᭞ᬳᬶᬭᬶᬓᬶᬫᬮᬾᬤᬂ [ 38 ][᭓᭗ 37B]
᭓᭗
ᬮᬾᬤᬂ᭞ᬜᬤ᭄ᬬᬗᬮᬂᬮᬂᬳᬸᬮᬗᬸᬦ᭄᭟᭐᭟ᬬᬤ᭄ᬬᬦ᭄ᬧᬶᬂᬲᬢᬸᬲ᭄‌ᬦ᭄ᬤᬸᬫᬤᬶ᭞ᬫᬗ᭄ᬤᬲᬶᬤ᭄ᬥ᭞ᬫᬢᭂᬫᬸᬲᬋᬂᬳᬶᬭᬢᬸ᭞ᬓᬩᬢᭂᬓ᭄ᬳᬸᬮᬗᬸᬦ᭄᭞ᬫᬦᬄᬢᬶᬢ᭄ᬬᬂᬩᬸᬤᬸᬄᬧᬮᬶᬂ᭞ᬲᬂᬧᬃ
ᬣᬓᬲ᭄ᬫᬭᬦ᭄᭞ᬲᬂᬳᬬᬸᬭᬭᬶᬲ᭄ᬓᬕᭂᬮᬸᬢ᭄᭞ᬢᬸᬃᬓᬳᬭᬲᬭᬲ᭄᭞ᬓᬤᬶᬓᬸᬫ᭄ᬩᬂᬗᭂᬲᭂᬧ᭄ᬲᬭᬶ᭞ᬲᬗᬬᬸᬫᬗ᭄ᬓᬶᬦ᭄ᬯᬶᬭᭀᬱ᭞ᬲᬂᬧᬃᬣᬭᬭᬶᬲ᭄ᬓᬢᭂᬕᬸᬮ᭄᭟᭐᭟ᬢᬗᬦ᭄ᬘᭀᬓᭀᬃ᭠
ᬓᬢᬮᬶᬦᬶᬦ᭄᭞ᬢᬸᬃᬓᬲᬗ᭄ᬓᭀᬮ᭄᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬓᭂᬩᬸᬃ᭞ᬓᬢᬸᬃᬭᬶᬂᬲᬂᬧ᭄ᬭᬪᬸ᭞ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭞ᬲᬂᬧ᭄ᬭᬪᬸᬫᬮᬶᬄᬫᬬᭀᬕ᭞ᬢᬸᬫᬸᬮᬶᬳᬶᬘᬮ᭄ᬧᬫᬸ
ᬧᬸᬢ᭄᭞ᬲᬗᬬᬸᬓᬭ᭄ᬯᬧᬸᬦᬶᬓ᭞ᬫᬯᬮᬶᬭᬶᬂᬚ᭄ᬜᬦᬲᬶᬤ᭄ᬥᬶ᭞ᬓᭀᬢ᭄ᬢᬫᬦ᭄ᬲᬂᬘᬦ᭄ᬤ᭄ᬭᬦᬵᬣ᭞ᬰᬓ᭄ᬢᬶᬦᬾᬓᬮᬗ᭄ᬓᬸᬂᬮᬗ᭄ᬓᬸᬂ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬤᬸᬓ᭄ᬧᬸᬦᬶᬓᬲᬂᬦᬓᬸ
[᭓᭘ 38A]
ᬮᬲᬳᬤᬾᬯ᭞ᬓ᭄ᬭᭀᬥᬓᬬᬸᬦᬾᬢᬦ᭄ᬲᬶᬧᬶ᭞ᬜᬶᬗᬓ᭄ᬲᬂᬨᬮ᭄ᬕᬸᬡ᭞ᬓᬢᭂᬕᬸᬮ᭄ᬳᭀᬮᬶᬄᬲᬂᬘᬦ᭄ᬤ᭄ᬭ᭞ᬲᬂᬓᬮᬶᬄᬫᬗᬸᬦᬸᬲ᭄ᬓᭂᬭᬶᬲ᭄᭞ᬘᬦ᭄ᬤ᭄ᬭᬵᬰᬤᬸᬫᬶᬮᬄ᭞ᬗᬺᬩᬸᬢ᭄ᬲᬂᬘᬦ᭄ᬤ᭄ᬭ
ᬪᬸᬧᬢᬶ᭟᭐᭟ᬚᬕ᭄ᬯᬶᬭᭀᬱᬫᬗᬫᬸᬓ᭄ᬢ᭄ᬯᬭᬚᬗ᭄ᬓᬬᬦ᭄᭞ᬦᬸᬯᭂᬓ᭄ᬲᬓᬶᬂᬳᬸᬗ᭄ᬓᬸᬃᬲᬫ᭄ᬧᬶᬂ᭞ᬲᬓᬶᬂᬳᬋᬧ᭄ᬜᬄᬘᬄ᭞ᬦᬶᬮᬘᬦ᭄ᬤ᭄ᬭᬢᬦ᭄ᬓᬾᬯᭂᬭᬦ᭄᭞ᬲᬜ᭄ᬚᬢᬦᬾᬢᬦ᭄ᬫᬶᬦ᭄ᬢᬸᬮᬶᬦ᭄᭞ᬓ
ᬍᬲᭀᬦ᭄ᬲᬂᬓᬭ᭄ᬯ᭞ᬗᬦ᭄ᬢᭀᬲᬼᬲᬸᬫᬦᬸᬯᭂᬓᬶᬦ᭄᭟᭐᭟ᬭᬭᬶᬲ᭄ᬓ᭄ᬭᭀᬥᬦᬾᬫᬗ᭄ᬓᬶᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬲᬂᬓᬮᬶᬄᬓᬢᬜ᭄ᬚᬸᬗᬶᬦ᭄᭞ᬲᬃᬯ᭄ᬯᬶᬗᬸᬬᭂᬂᬕᬥ᭞ᬲᬂᬦᬓᬸᬮᬲᬳ
ᬤᬾᬯ᭞ᬓᬲᬾᬧᬦ᭄ᬳᬶᬤᬫᬓᭂᬮᬶᬤ᭄᭞ᬓᬲᭂᬫ᭄ᬧᬮ᭄ᬕᬥ᭞ᬧᬫᬸᬧᬸᬢ᭄ᬲᬾᬤᬲᬂᬓᬮᬶᬄ᭟᭐᭟ᬫᬮᬶᬄᬳᬾᬮᬶᬂᬪᬹᬧᬢᬶᬦᬶᬮᬘᬦ᭄ᬤ᭄ᬭ᭞ᬭᬶᬂᬳᬶᬤᬲᬂᬳᬭᬶᬫᬹᬃᬢ᭄ᬢᬶ᭞ᬭᬶᬂᬢᭂᬗ [ 39 ][᭓᭘ 38B]
᭓᭘
ᬳᬶᬗᬮᬲ᭄᭞ᬲᬦᬾᬤᬸᬭᬸᬂᬓᬓᭂᬦᬶᬬᬂ᭞ᬫᬬᭀᬕᬗᬺᬕᭂᬧ᭄ᬓᬰᬓ᭄ᬢᬶᬦ᭄᭞ᬫᭂᬤᬮ᭄ᬪᬸᬢᬭᬵᬚ᭞ᬳᬕᭂᬂᬭᬸᬳᬸᬃᬗᬕᬯᭀᬓᬶᬦ᭄᭟᭐᭟ᬬᬦ᭄ᬲᬯᬗᬂᬲᬓᬤᬶᬕᬸᬦᬸᬂᬫᬫᬃᬕ᭄ᬕᬶ᭞ᬓᬦ᭄ᬤᬶᬓᬬᬂᬗᭂᬢᬹᬢᬵᬩᬸᬭᬶ
᭞ᬗᬸᬩᭂᬃᬲᬂᬓᬺᬱ᭄ᬡ᭞ᬢᬦ᭄ᬗᬾᬢᬂᬪᬬᬤᬹᬃᬕ᭄ᬕ᭞ᬜᬸᬲᬸᬧ᭄ᬭᬶᬂᬳᬮᬲ᭄ᬲᬭᬶᬧᬶᬢ᭄᭞ᬕᭂᬮᬶᬲᬶᬂᬘ᭄ᬭᬶᬢ᭞᭠ᬲᬂᬓᬺᬱ᭄ᬡᬓᬧᬗ᭄ᬕᬶᬳᬶᬦ᭄᭟᭐᭟ᬯᬳᬸᬳᬬᬢ᭄ᬲᬂᬪᬸᬭᬵᬚᬫᬦᬶᬓᭂᬧ᭄᭞ᬳᬶᬤᬲᬂᬳᬭᬶᬫᬹᬃᬢ᭄ᬢᬶ᭞ᬚ
ᬕ᭄ᬚᬦ᭄ᬧᬚᬫᬸᬕ᭞ᬪᬕᬯᬵᬦ᭄ᬳᬦ᭄ᬤᬲᬶᬗ᭄ᬳ᭞ᬭᬯᬸᬄᬳᬶᬤᬫᬶᬳᬮᬗᬶᬦ᭄᭞ᬢᬸᬃᬫᬗᬦ᭄ᬤᬶᬓᬵ᭞ᬧᬶᬋᬗᬂᬫᬮᬸᬧᬂᬩᭂᬘᬶᬓ᭄᭟᭐᭟ᬢ᭄ᬯᬄᬩᬧᬰ᭄ᬭᬷᬪᬕᬯᬵᬦ᭄ᬳᬦ᭄ᬤᬲᬶᬗ᭄ᬳ᭞ᬫᬶᬗ᭄ᬲᬶᬓᬶᬦ᭄ᬲᬂᬦᬭᬧᬢᬶ᭞ᬰ᭄ᬭᬷ
ᬦᬶᬮᬘᬦ᭄ᬤ᭄ᬭ᭞ᬘᬳᬶᬢᬾᬳᬶᬪᬸᬢᬭᬵᬚ᭞ᬳᬢᬸᬭᬶᬦ᭄ᬰ᭄ᬭᬷᬘᬦ᭄ᬤ᭄ᬭᬧᬢᬶ᭞ᬳᬧᬗᬼᬲᬸᬯᬂ᭞ᬬᭀᬕᬦ᭄ᬳᬶᬤᬦᬾᬤᬶᬕᭂᬮᬶᬲ᭄᭟᭐᭟ᬭᬭᬶᬲ᭄ᬳᬶᬘᬮ᭄‌ᬰ᭄ᬭᬷᬪᬕᬯᬵᬦ᭄ᬳᬦ᭄ᬤᬲᬶᬗ᭄ᬳ᭞ᬳᬶᬪᬸᬢᬭᬵᬚᬫ
[᭓᭙ 39A]
ᬢᬮᬶ᭞ᬲᬫ᭄ᬧᬸᬦ᭄ᬓᬳᬢᬸᬭᬂ᭞ᬭᬶᬂᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬓᬤᬶᬧᬶᬢᭂᬓᭂᬢ᭄ᬲᬂᬋᬱᬶ᭞ᬲᬂᬦᬶᬮᬘᬦ᭄ᬤ᭄ᬭ᭞ᬗᬼᬲᬸᬯᬂᬬᭀᬕᬕᭂᬮᬶᬲ᭄᭟᭐᭟ᬢᬦ᭄ᬤᬸᬫᬤᬾᬫᬍᬲᬢ᭄ᬲᬂᬪᬸᬢᬭᬵᬚ᭞ᬫᬦᬸᬗ᭄ᬕᬶᬮ᭄ᬭᬶᬂᬲᬂᬦᬺ
ᬧᬢᬶ᭞ᬦᬾᬫᬗ᭄ᬓᬶᬦ᭄ᬮᬶᬦ᭄ᬢᬗᬂ᭞ᬳᬶᬤᬲᬂᬦᬶᬮᬘᬦ᭄ᬤ᭄ᬭ᭞ᬲᬂᬥᬃᬫ᭄ᬫᬘ᭄ᬭᬶᬢᬬᬂᬫᬮᬶᬄ᭟ᬮᬸᬗ᭄ᬳᬵᬦᬢᬲᬂ᭞ᬲᬫᭂᬢᭀᬦ᭄ᬳᬶᬤᬦᬾᬲᬫᬶ᭟᭐᭟ᬕᬕᬗ᭄ᬲᬭᬦ᭄ᬧᬫᬃᬕ᭄ᬕᬶᬦ᭄ᬲᬂᬬᬸᬥᬶᬱ᭄ᬝᬶᬭ᭞ᬗᬮᬶᬗ᭄ᬕᬶᬳᬶ
ᬦ᭄ᬓ᭄ᬭᬾᬢᬧᬸᬢᬶᬄ᭞ᬲᬺᬕᭂᬧ᭄ᬯᬭᬬᬸᬥ᭞ᬭᬯᬸᬄᬭᬶᬂᬦᬭᬚᬤᬾᬰ᭞ᬓ᭄ᬭᭀᬥᬓᬬᬸᬦᬾᬧ᭄ᬭᬫᬵᬗ᭄ᬓᬶᬦ᭄᭞ᬲᬲᬫ᭄ᬧᬸᬦ᭄ᬜᬶᬗᬓ᭄᭞ᬲᬫᭂᬢᭀᬦᬾᬫᬗᭂᬫᬲᬶᬦ᭄᭟᭐᭟ᬭᬾᬄᬓᬮᬶᬧᬸᬢ᭄ᬳᬦ᭄ᬢᬸᬓ᭄ᬢᬺᬱ᭄ᬡ
ᬫᬶᬯᬄᬲᬬᬂ᭞ᬭᬶᬂᬲᬫᭂᬢᭀᬦᬾᬲᬫᬶ᭞ᬫᬗᬫ᭄ᬩᭂᬮ᭄ᬲᬜ᭄ᬚᬢ᭞ᬓᬮᬶᬫᭀᬱᬥᬉᬢ᭄ᬢᬫ᭞ᬗᬋᬕᭂᬧᬂᬫᬦ᭄ᬢ᭄ᬭᬲᬶᬤ᭄ᬥᬶ᭞ᬚ᭄ᬭᭀᬦᬶᬂᬳᬚᬳᬦ᭄᭞ᬫᬢᭂᬫᬳᬦ᭄ᬓᬮᬵᬕᭂᬦᬶ᭟᭐᭟ [ 40 ][᭓᭙ 39B]
᭓᭙
ᬗᭂᬦ᭄ᬤᬶᬄᬫᬸᬭᬸᬩ᭄ᬓᬪᬶᬦᬯᬗᬩᬭᬩᬃ᭞ᬭᬲᬗᭂᬩᭂᬓᬶᬦ᭄ᬕᬸᬫᬶ᭞ᬭᬶᬂᬢᭂᬗᬄᬧᬬᬸᬥᬦ᭄᭞ᬲᬕᬭᬕᭂᬦᬶᬢᬸᬮ᭄ᬬ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬪᬹᬧᬢᬶ᭞ᬫᬗᬫ᭄ᬩᬶᬮ᭄ᬕᬥ᭞ᬯᬶᬭᭀᬱᬢᬦ᭄ᬧᬧᬓᬾᬭᬶᬂ᭟᭐᭟
ᬯᬯᬸᬗᬬᬢ᭄ᬗᬘᭂᬧ᭄ᬲᬂᬳ᭄ᬬᬂᬯᬾᬭᭀᬘᬦ᭞ᬢᬦ᭄ᬧᬭᬯᬢ᭄ᬫᬢ᭄ᬭᬧ᭄ᬭᬧ᭄ᬢᬶ᭞ᬋᬱᬶᬳᬦ᭄ᬤᬲᬶᬗ᭄ᬳ᭞ᬭᬤᭂᬕ᭄ᬭᬶᬂᬳᬚᭂᬂᬳᬶᬤ᭞ᬫᬗᬦ᭄ᬤᬶᬓᬳᬸᬥᬸᬄᬳᬤᬶ᭞ᬳᬶᬯᬂᬳᬶᬤᬾᬯ᭞ᬫᬶᬯᬄᬭᬵᬱᬓᬤᬶᬫᬗ᭄ᬓᬶᬦ᭄᭟᭐᭟
ᬢ᭄ᬯᬭᬧᬢᬹᬢ᭄ᬳᬶᬤᬾᬯᬧᬸᬭᬸᬦ᭄ᬮᬗ᭄ᬕᬦ᭞ᬭᬶᬂᬳᬶᬤᬲᬂᬪᬹᬧᬢᬶ᭞ᬰ᭄ᬭᬷᬥᬃᬫ᭄ᬫᬢᬦᬬ᭞ᬧᬭᬕᬬᬦ᭄ᬲᬂᬳ᭄ᬬᬂᬥᬃᬫ᭄ᬫ᭞ᬲᬶᬦᬄᬲᬗ᭄ᬲᬭᬦᬾᬧᬗ᭄ᬕᬶᬄ᭞ᬬᬦ᭄ᬳᬶᬤᬾᬯᬢᭂᬫ᭄ᬧᬮ᭄᭞ᬭᬶᬂᬳᬶᬤᬲᬂᬦᬭ
ᬧᬢᬶ᭟᭐᭟ᬲᬩᬸᬯᬶᬦᬚᬕᬢᬾᬭᬹᬕ᭄ᬢᬦ᭄ᬧᬰᬾᬱ᭞ᬬᬦ᭄ᬲᬾᬤᬳᬶᬤᬭᬶᬂᬚᬸᬭᬶᬢ᭄᭞ᬰ᭄ᬭᬷᬓᬺᬱ᭄ᬡᬬᬸᬥᬶᬱ᭄ᬝᬶᬭ᭞ᬳᬶᬤᬾᬯᬧᬢᬹᬢ᭄ᬜᬾᬯᬓ᭞ᬭᬶᬂᬳᬶᬤᬲᬂᬦᬵᬣᬓᬮᬶᬄ᭞ᬲᬂᬦᬶᬮᬘᬦ᭄ᬤ᭄ᬭ᭞ᬳᭂᬦ᭄ᬤᬸᬄ
[᭔᭐ 40A]
ᬓᬬᬸᬦᬾᬫᬗᬶᬭᬶᬂ᭟᭐᭟ᬭᬭᬶᬲ᭄ᬳᬶᬘᬮ᭄ᬲᬂᬋᬱᬶᬳᬦ᭄ᬤᬲᬶᬗ᭄ᬳ᭞ᬲᬂᬦᬶᬮᬘᬦ᭄ᬤ᭄ᬭᬕᭂᬮᬶᬲ᭄᭞ᬗᬺᬕᭂᬧᬂᬗᬺᬤᬦ᭞ᬳᬶᬤᬳ᭄ᬬᬂᬯᬾᬂᬭᭀᬘᬦ᭞ᬗᬮᬧ᭄ᬓᬲᭀᬃᬳᬶᬤᬦᬦ᭄ᬗ᭄ᬓᬶᬮ᭄᭞ᬭᬶᬂᬲᬂᬥᬃᬫ᭄ᬫᬲᬸᬢ᭞ᬫᬜᭂᬫ᭄ᬩᬄ
ᬳᬶᬤᬗᬪᬓ᭄ᬢᬶ᭟᭐᭟ᬦᬸᬦᬲ᭄ᬳᬶᬯᬂᬳᬶᬤᬭᬶᬂᬳᬶᬦ᭄ᬤᬶᬓ᭄ᬧᬫᬃᬕ᭄ᬕ᭞ᬬᬾᬄᬧᬦᭀᬦᬾᬤᬺᬲ᭄ᬫᬶ᭠ᬚᬶᬮ᭄᭞ᬦᬸᬦᬲ᭄ᬧᬗᬫ᭄ᬧᬸᬭ᭞ᬲᬳᬗᭂᬮᬸᬢ᭄ᬘᭀᬓᭀᬃᬳᬶᬤ᭞ᬓᬾᬫᬯᭀᬦ᭄ᬲᬓᬪᬓ᭄ᬢᬶᬦᬶᬦ᭄᭞᭠
ᬲᬸᬫᬬᬦ᭄ᬓ᭄ᬭᭀᬥ᭞ᬫᭂᬦ᭄ᬢᬂᬓᬮᬭᬸᬤ᭄ᬭᬵᬕ᭄ᬦᬶ᭟᭐᭟ᬫᬜᬩᭂᬳᬶᬦ᭄ᬳᬦ᭄ᬢᬸᬓ᭄ᬧᬦᬄᬫᬉᬢ᭄ᬢᬫ᭞ᬓᬢᬄᬬᬦ᭄ᬓᭂᬦᬶᬯᬶᬮᬗᬶᬦ᭄᭞ᬗᭂᬩᭂᬓᬶᬦ᭄ᬳᬫ᭄ᬩᬭ᭞ᬢᬶᬩᬭᬶᬂᬲᬂᬦᬶᬮᬘᬦ᭄ᬤ᭄ᬭ᭞ᬲᬫᬶᬢᬦ᭄ᬲᬶᬤ᭄ᬥᬫᭂᬦ᭄ᬢᬸᬮᬶᬦ᭄᭞ᬧ
ᬦᬳᬾᬭᬸᬲᬓ᭄᭞ᬯᬮᬸᬬᬦᬶᬩᬾᬦᬶᬩᭂᬲᬶ᭟᭐᭟ᬕᭂᬦᬶᬭᬸᬤ᭄ᬭᬲᬦᬾᬫᬸᬭᬸᬩ᭄ᬗᬩᬭᬩᬃ᭞ᬢᬦ᭄ᬧ᭄ᬭᬲᬶᬤ᭄ᬥᬗᭂᬩᬸᬲᬶᬦ᭄᭞ᬮ᭄ᬯᬶᬃᬢᬶᬃᬣᬳᬫ᭄ᬭᬢ᭄ᬢ᭞ᬲᬂᬥᬃᬫ᭄ᬫᬲᬸᬫᬬᬦ᭄ᬤᬸᬄᬓ᭞ᬤᬾᬦᬶᬂᬢᬦ᭄ᬓᬬᬸᬦ᭄ᬦᬗ᭄ᬓᭂᬧᬶᬦ᭄᭞ᬲᬂᬲᬶᬮᬘ [ 41 ][᭔᭐ 40B]
᭔᭐
ᬦ᭄ᬤ᭄ᬭ᭞ᬇᬘ᭄ᬙᬵᬳᬶᬤᬫᬜᬶᬗᬓᬶᬦ᭄᭟᭐᭟ᬭᬭᬶᬲ᭄ᬕᭂᬮᬶᬲ᭄ᬲᬂᬥᬃᬫ᭄ᬫᬫᬗᬫ᭄ᬩᬶᬮ᭄ᬓᭀᬦ᭄ᬢ᭞ᬢᬸᬃᬲᬫ᭄ᬧᬸᬦ᭄ᬓᬳᬲ᭄ᬢ᭄ᬭᬾᬦᬶᬦ᭄᭞ᬭᬭᬶᬲ᭄ᬓᬢᬶᬩᬓᬂ᭞ᬭᬯᬸᬄᬭᬶᬂᬲᬂᬦᬶᬮᬘᬦ᭄ᬤ᭄ᬭ᭞ᬤᬤᭀᬲ᭄ᬲᭂᬓᬃᬢᬸᬜ᭄ᬚᬸᬂᬧᬸᬢᬶᬄ᭞ᬫ
ᬦᭂᬥᭂᬂᬫᭂᬓᬃ᭞ᬳᬫ᭄ᬩᬸᬦᬾᬫᬶᬳᬶᬓ᭄ᬲᬸᬫᬶᬭᬶᬢ᭄᭟᭐᭟ᬢᬦ᭄ᬤᬸᬫᬤᬾᬢᭂᬤᬸᬦ᭄ᬲᬂᬥᬃᬫ᭄ᬫᬢᬦᬬ᭞ᬗᬦ᭄ᬤᬶᬓᬜᬸᬜᬸᬃᬫᬦᬶᬲ᭄᭞ᬥᬹᬄᬤᬾᬯᬰ᭄ᬭᬷᬘᬦ᭄ᬤ᭄ᬭ᭞ᬲᬶᬤ᭄ᬥᬳᬶᬤᬾᬯᬗᬦ᭄ᬤᭂᬕᬂ᭞ᬫᭂᬗ᭄ᬕᬄᬫᬦᬶᬭᬦᬾᬚᬦᬶ᭞᭠
ᬲᬚᬉᬢ᭄ᬢᬫ᭞ᬓᬩᭀᬤ᭄ᬥᬦᬾᬓᬳᬫᭀᬗᬶᬦ᭄᭟᭐᭟ᬦᬄᬫᭂᬮᬳᬂᬦᬾᬚᬦᬶᬓᬬᬸᬦ᭄ᬳᬶᬤᬾᬯ᭞ᬫᬸᬮᬲᬚᬤᬺᬤ᭄ᬥᬪᬓ᭄ᬢᬶ᭞ᬢᭂᬓᬾᬦᬶᬂᬫᬦᬶᬭ᭞ᬮᬯᬸᬢᬂᬳᭂᬦ᭄ᬢᭀᬓᬸᬓᬸᬳᬂ᭞ᬥᬃᬫ᭄ᬫᬦᬾᬤᬗᬮᬾᬫ᭄ᬧᬲᬶ
ᬦ᭄᭞ᬳᭂᬦ᭄ᬢᭀᬚᬮᬭᬦ᭄᭞ᬫᬦ᭄ᬢᬸᬓ᭄ᬓᬲ᭄ᬯᬃᬕ᭄ᬕᬍᬯᬶᬄ᭟᭐᭟ᬫᬸᬮᬓᬾᬯᭂᬄᬤᬸᬫᬤᬶᬦᬾᬤᬤᬶᬚᬦ᭄ᬫ᭞ᬫᬗ᭄ᬤᬲᬶᬤ᭄ᬥᬫᬫᬗ᭄ᬕᬶᬳᬶᬦ᭄᭞ᬲᬸᬓᬦᬾᬲᬓᬮ᭞ᬫᬶᬯᬄᬲᬸᬓᬦᬾᬦᬶᬲ᭄ᬓᬮ᭞ᬳᬗᭀᬩ᭄ᬫᬦᬶ
[᭔᭑ 41A]
ᬭᬫᬗ᭄ᬕᬶᬳᬶᬦ᭄᭞ᬳᬶᬦ᭄ᬤᬶᬓ᭄ᬕᬕ᭄ᬮᬭᬦ᭄᭞ᬲᬂᬳ᭄ᬬᬂᬯᬾᬂᬭᭀᬘᬡᬍᬯᬶᬄ᭟᭐᭟ᬢ᭄ᬯᬄᬳᭂᬦᬾᬗᬯᬶᬦᬂᬳᬶᬤᬲᬂᬓᬺᬱ᭄ᬡ᭞ᬤᬸᬓᬳᬶᬤᬢᬦ᭄ᬲᬶᬧᬶ᭞ᬢᭂᬕᬭᬂᬳᬾᬤᬾᬗᬂ᭞ᬩ᭄ᬯᬢ᭄ᬓᬰᬓ᭄ᬢ᭄ᬬᬦ᭄ᬳᬶ
ᬤᬾᬯ᭞ᬫᬦᬶᬭᬧᬂᬲᬶᬤ᭄ᬥᬳᬸᬦᬶᬂ᭞ᬧᬭᬧᬸᬭᬸᬱ᭟ᬳᬧᬂᬧᬥᬫᬜᬓ᭄ᬱᬶᬲᬶᬦ᭄᭟᭐᭟ᬭᬭᬶᬲ᭄ᬫᬢᬸᬃᬲᬂᬦ᭄ᬤ᭄ᬭᬧᬢᬶᬦᬶᬮᬘᬦ᭄ᬤ᭄ᬭ᭞ᬲᬶᬗ᭄ᬕᬶᬄᬭᬢᬸᬰ᭄ᬭᬷᬪᬹᬧᬢᬶ᭞ᬮ᭄ᬯᬶᬃᬢᬶᬃᬣᬅᬫᬺᬢ᭄ᬢ᭞ᬤᬕᬶᬂᬯᬘ
ᬦᬦ᭄ᬦᬭᬾᬦ᭄ᬤ᭄ᬭ᭞ᬬᬦ᭄ᬯᬾᬦ᭄ᬢᭂᬦ᭄ᬓᬬᬸᬦ᭄ᬦᬺᬧᬢᬶ᭞ᬫᬗ᭄ᬤᬳᬸᬦᬶᬗ᭞ᬤᬕᬶᬂᬯᬾᬂᬭᭀᬘᬡᬫᬹᬃᬢ᭄ᬢᬶ᭟᭐᭟ᬢᬶᬢ᭄ᬬᬂᬜᭂᬮᬂᬲᬜ᭄ᬚᬢᬓᭀᬦ᭄ᬪᬦ᭄ᬳᬶᬤᬾᬯ᭞ᬫᬗ᭄ᬤᬲᬶᬤ᭄ᬥᬫᬗᬸᬦᬶᬗᬶᬦ᭄᭞ᬓᬯᬶᬰᬾᬱᬦ᭄ᬢᬶᬢ᭄ᬬᬂ᭞ᬰ᭄ᬭᬷ
ᬥᬃᬫ᭄ᬫᬲᬸᬢᬫᬶᬘ᭄ᬘᬬᬂ᭞ᬧᬸᬦᬶᬓᬓᭀᬦ᭄ᬢᬦᬾᬍᬯᬶᬄ᭞ᬲᬫ᭄ᬧᬸᬦ᭄ᬓᬢ᭄ᬭᬶᬫ᭞ᬳᬦ᭄ᬢᬸᬓ᭄ᬰ᭄ᬭᬷᬘᬦ᭄ᬤ᭄ᬭᬪᬹᬧᬢᬶ᭟᭐᭟ᬦᬶᬮᬘᬦ᭄ᬤ᭄ᬭᬭᬭᬶᬲ᭄ᬫᬜᬾᬤᬬᬭᬵᬕ᭞ᬫᬸᬜ᭄ᬘ᭄ᬭᬢ᭄ᬲ᭄ᬭᬦᬶᬢᬦᬾᬫᬶᬚᬶᬮ᭄᭞ᬲᬲᬫ᭄ᬧᬸᬦᬾᬲᬾ [ 42 ][᭔᭑ 41B]
᭔᭑
ᬤ᭞ᬮᬬᭀᬦ᭄ᬲᬂᬦᬶᬮᬘᬦ᭄ᬤ᭄ᬭ᭞ᬭᬭᬶᬲ᭄ᬓᬕᬶᬗ᭄ᬲᬶᬭᬂᬕᭂᬮᬶᬲ᭄᭞ᬭᬶᬂᬩᬮᬾᬓ᭄ᬭᬾᬢ᭞ᬮ᭄ᬯᬶᬃᬓᬤᬶᬫᬺᬫ᭄ᬧᬢᬶᬲ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬮᬶᬦ᭄ᬢᬗᬂᬤᬸᬫᬸᬦ᭄ᬳᬚᬳᬦ᭄᭞ᬲᬂᬲᬾᬤᬭᬶᬂᬢᭂᬗᬳᬶᬂ
ᬚᬸᬭᬶᬢ᭄᭞ᬭᬶᬂᬧᬸᬭᬶᬦᬭᬚᬤᬾᬰ᭞ᬦᬾᬫᬗ᭄ᬓᬶᬦ᭄ᬘ᭄ᬭᬶᬢᬬᬂᬫᬮᬶᬄ᭞ᬫᬶᬦᬩ᭄ᬓᬤᬶᬢᬗ᭄ᬓᭂᬩ᭄ᬮᬗᬶᬢ᭄᭞ᬲᬤᬕᬶᬂᬧᬸᬭᬶᬦᬾᬲᬸᬗ᭄ᬲᬸᬢ᭄᭞ᬤᬾᬦᬶᬂᬲᬫ᭄ᬧᬸᬦ᭄ᬓᬧᬶᬳᬃᬱ᭞ᬲᬾᬤᬳᬶᬤᬲᬂᬦᬺᬧ
ᬢᬶ᭞ᬲᬦᬾᬓᬲᬸᬩ᭄᭞ᬰᬓ᭄ᬢᬶᬢᭂᬕᬸᬄᬫᬯᬶᬰᬾᬱ᭟᭐᭟ᬫᬦᬗᬶᬲ᭄ᬫᬲᬲᬫ᭄ᬩᬢᬦ᭄᭞ᬗᬸᬧᭂᬢ᭄ᬳᬶᬤᬲᬂᬳ᭄ᬬᬂᬯᬶᬤ᭄ᬥᬶ᭞ᬮᬮᬶᬲ᭄ᬢᬦ᭄ᬧᬶᬲᬦ᭄ᬲ᭄ᬯᬾᬘ᭄ᬙᬵ᭞ᬲᬲᬫ᭄ᬩᬢᬾᬗᬲᬶᬳᬲᬶᬄ᭞ᬲᬮᬶᬂᬯᬭᬗᬶᬦ᭄ᬢᬗᬶᬲ᭄
᭞ᬲᬸᬗ᭄ᬲᬸᬢ᭄ᬓᬬᬸᬦᬾᬓᬮᬗ᭄ᬓᬸᬂ᭞ᬭᬩᬶᬦᬾᬫᬓᬮᬮᬶᬫ᭞ᬧᬫᭂᬓᬲ᭄ᬫᬦᬦ᭄ᬤᬂᬲᭂᬤᬶᬄ᭞ᬯᬾᬦ᭄ᬢᭂᬦ᭄‌ᬗ᭄ᬮᬮᬸ᭞ᬫᬓᬬᬸᬦ᭄ᬜᬾᬤᬬᬂᬭᬕ᭟᭐᭟ᬜᬭᭀᬕ᭄ᬚᭀᬕ᭄ᬓᬧᬫᬺᬫᬦ᭄᭞ᬭᬭᬶᬲ᭄ᬳᬶᬤᬗᬸᬦᬸᬲ᭄ᬓᭂᬭᬶᬲ᭄᭞ᬦᬸ
[᭔᭒ 42A]
ᬮᬫᬾᬫᬗᭂᬮᬤ᭄ᬧ᭄ᬭᬡ᭞ᬉᬥᬸᬄᬩᭂᬮᬶᬲᬂᬦᬺᬧᬢᬶ᭞ᬮᬮᬶᬲ᭄ᬲᬦ᭄ᬩᭂᬮᬶᬗᬯᭀᬦᬶᬦ᭄᭞ᬳᬦ᭄ᬢᭀ᭠ᬲ᭄ᬢᬶᬢ᭄ᬬᬂᬧᬘᬂᬦᬸᬢᬸᬕ᭄᭞ᬳᬬᬢ᭄ᬫᬦᬸᬯᭂᬓ᭄ᬭᬕ᭞ᬧᬢᬶᬄᬯᬺᬤ᭄ᬥᬦᬶᬫᬮᬗᬶᬦ᭄᭞ᬫᬗ᭄ᬓᬶᬦ᭄ᬤᬸᬫᬸᬦ᭄᭞ᬳᬶᬭᬢᬸ
ᬫᬓᬬᬸᬦ᭄ᬲᬾᬤ᭟᭐᭟ᬯᬦ᭄ᬢᬄᬢᬶᬢ᭄ᬬᬂᬧᬢᬶᬄᬯᬺᬤ᭄ᬥ᭞ᬓᬦᬶᬓᬬᬂᬗᭂᬫᬶᬢ᭄ᬧᬸᬭᬶ᭞ᬯᬘᬦ᭠ᬦ᭄ᬭᬓᬦ᭄ᬳᬶᬤᬾᬯ᭞ᬯᬾᬦ᭄ᬢᭂᬦ᭄ᬧᬶᬢᭂᬓᭂᬢ᭄ᬦᬾᬭᬶᬳᬶᬦ᭄᭞ᬫᬯᬢᭂᬲ᭄ᬢᬶᬕᬂᬯᭂᬗᬶ᭞ᬬᬦᬶᬂᬳᬶᬤᬢ᭄ᬯᬭᬫᬦ᭄ᬢᬸᬓ᭄᭞
ᬫᬗ᭄ᬤᬢᬶᬢ᭄ᬬᬂᬦᬢᬲᬂ᭞ᬗᭂᬢᬸᬢ᭄ᬧᬫᬃᬕ᭄ᬕᬶᬦᬺᬧᬢᬶ᭞ᬚᬦ᭄ᬢᭀᬲ᭄ᬤᬸᬫᬸᬦ᭄᭞ᬫᬗ᭄ᬓᬶᬦ᭄ᬯᬯᬸᬓᬮᬶᬄᬤᬶᬦ᭟᭐᭟ᬧᬸᬧᬸᬢ᭄ᬳᬢᬸᬃᬧᬢᬶᬄᬯᬺᬤ᭄ᬥ᭞ᬤᬾᬯᬶᬲᬹᬃᬬ᭄ᬬᬯᬢᬶᬜᭂᬭᬶᬢ᭄᭞ᬫᬸᬮᬶᬲᬄᬭᬶᬂᬢᭂᬗᬄᬦᬢᬃ᭞ᬦᬸᬮᬫᬾᬫ
ᬗᬲᬶᬳᬲᬶᬄ᭞ᬲᬶᬗ᭄ᬕᬶᬄᬩᭂᬮᬶᬲᬂᬦᬺᬧᬢᬶ᭞ᬳᭂᬮᬲ᭄ᬧᬶᬲᬦ᭄ᬩᭂᬮᬶᬫᬦ᭄ᬢᬸᬓ᭄᭞ᬜᬸᬚᬸᬃᬰᬹᬦ᭄ᬬᬦᬶᬃᬪᬦ᭞ᬗᬸᬢᬂᬢᬶᬢ᭄ᬬᬂᬦᬦ᭄ᬤᬂᬲᭂᬥᬶᬄ᭞ᬫᬶᬦᬩ᭄ᬲᬫ᭄ᬧᬸᬦ᭄᭞ᬯᬦᭂᬄᬫᬫᬜ᭄ᬚᬓᬂᬢᬶᬢ᭄ᬬᬂ᭟᭐᭟ᬬᬤ᭄ᬬᬦ᭄ᬧᬶᬂᬲᬢᬸᬲ᭄ᬫᬦ᭄ᬚ [ 43 ][᭔᭒ 42B]
᭔᭒
ᬦᬹ᭞ᬫᬗ᭄ᬤᬦᬾᬫᬧᬗ᭄ᬕᬸᬄᬫᬮᬶᬄ᭞ᬤᬾᬦᬶᬂᬢᬦ᭄ᬤᬤᭀᬲ᭄ᬧᬲᬳᬂ᭞ᬧᬢᭂᬫᭀᬦ᭄ᬲᭂᬫᬭᬭᬢᬶᬄ᭞ᬬᬦ᭄ᬳᬶᬭᬢᬸᬫᬦᬸᬫᬤᬶ᭞ᬤᬤᭀᬲ᭄‌ᬱᬤ᭄ᬧᬤᬓᬳᬸᬗ᭄ᬓᬸᬃ᭞ᬢᬶᬢ᭄ᬬᬂᬫᬦᬤᭀᬲ᭄ᬲᭂᬓᬃ᭞ᬦᭂᬤᭂᬂᬫᭂᬓᬃᬮᬶᬦ᭄ᬢᬂᬫᬶᬳᬶᬓ᭄
᭞ᬲᬶᬦᬄᬭᬯᬸᬄ᭞ᬢᬫ᭄ᬩᬸᬮᬶᬮᬶᬗᬦᬾᬳᭀᬲᬄ᭟᭐᭟ᬧᬜ᭄ᬚᬂᬬᬦ᭄ᬧᬘᬂᬩᬯᭀᬲᬂ᭞ᬲᬸᬗ᭄ᬲᬸᬢᬾᬭᬶᬂᬚ᭄ᬭᭀᬧᬸᬭᬶ᭞ᬯᬦ᭄ᬢᬄᬢᬦ᭄ᬤᬤᭀᬲ᭄ᬧᬲᬳᬂ᭞ᬲᬸᬓᬤᬸᬓᬦᬾᬓᬧᬗ᭄ᬕᬶᬄ᭞ᬤᬾᬦᬶᬂᬧᬭᬸᬧᬬᬦ᭄ᬢᬸᬗ᭄ᬕᬶᬮ᭄᭞
ᬫᬗ᭄ᬕᬶᬄᬲᬸᬓᬤᬸᬄᬓᬦᬸᬢᬸᬕ᭄᭞ᬓᬤᬶᬤᬳᬸᬦᬾᬳᬩᬶᬤᬂ᭞ᬩᬲᬂᬢᬸᬦ᭄ᬤᬸᬦ᭄ᬤᬤᭀᬲ᭄ᬲᬶᬓᬶ᭞ᬤᬶᬚᬳᬸᬦ᭄ᬤᬸᬓ᭄᭞ᬧᬘᬂᬲᬶᬤ᭄ᬥᬫᬫᬮᬲᬂ᭟᭐᭟ᬦᬾᬫᬗ᭄ᬓᬶᬦ᭄ᬳᬶᬧᬫᬦ᭄ᬯᬺᬤ᭄ᬥ᭞ᬫᬮᬶᬄᬳᬸᬫᬢᬸᬃᬧᬓᬾᬮᬶᬂ᭞ᬦᬯᬶᬲᬶᬤ᭄ᬥᬗ
ᬯᬾᬧᬹᬃᬡ᭄ᬦ᭞ᬓᬬᬸᬦ᭄ᬳᬶᬤᬧ᭄ᬭᬫᬶᬰ᭄ᬯᬭᬶ᭞ᬫᬶᬯᬄᬧᬭᬭᬩᬶᬲᬫᬶ᭞ᬦᬾᬓᬢᬶᬩᬾᬦ᭄ᬮᬭᬲᬸᬗ᭄ᬲᬸᬢ᭄᭞ᬕᬸᬲ᭄ᬢᬶᬧᬢᬶᬄᬮᬶᬦ᭄ᬢᬂᬧ᭄ᬭᬚ᭄ᬜᬦ᭄᭞ᬳᬢᬸᬭᬾᬫᬦᬸᬤᬸᬢ᭄ᬳᬢᬶ᭞ᬲᬶᬤ᭄ᬥᬮᬶᬧᬸᬃ᭞ᬲᬂᬓᬢᬶᬩᬾᬦ᭄ᬓᬲᬸᬗ᭄ᬲᬸᬢᬦ᭄᭟᭐᭟ᬕᬸᬲ᭄ᬢᬶ
[᭔᭓ 43A]
ᬧᬢᬶᬄᬫᬢᬸᬃᬲᭂᬫ᭄ᬩᬄ᭞ᬧᬳᬶᬍᬳᬾᬫᬦᬸᬫᬤᬶ᭞ᬲᬓᬤᬶᬮᬶᬦ᭄ᬤᭂᬭᬦ᭄ᬚᬦ᭄ᬢ᭄ᬭ᭞ᬍᬓᬤ᭄ᬳᬶᬤᬸ᭠ᬧ᭄ᬧᬸᬧᬸᬢ᭄ᬫᬢᬶ᭞ᬲᬦᬾᬧᭂᬘᬓ᭄ᬓᬸᬫ᭄ᬧᬸᬮ᭄ᬲᬫᬶ᭞ᬢᬦ᭄ᬯᬗ᭄ᬤᬾᬩᭂᬮᬲ᭄ᬧᬫᬸᬧᬸᬢ᭄᭞ᬳᬗ᭄ᬕᬰᬭᬶᬭᬩᬯᭀᬲᬂ᭞
ᬢᬗᬦ᭄ᬘᭀᬓᭀᬃᬳᬸᬮᬸᬲᬫᬶ᭞ᬭᬶᬂᬧᬫᬸᬧᬸᬢ᭄᭞ᬧᬘᬂᬧᬮᬲ᭄ᬢ᭄ᬯᬭᬮᬾᬫ᭄ᬧᬲ᭄᭟᭐᭟ᬳᬸᬭᬶᬧᬾᬢᬦ᭄ᬯᬾᬦ᭄ᬢᭂᬦ᭄ᬮᬦ᭞ᬲᬓᬤᬶᬲᬼᬤᬾᬢᬦ᭄ᬢᬢᬶᬢ᭄᭞ᬬᬦᬶᬂᬧᬚᬦ᭄ᬢᭀᬲᬦ᭄ᬲᬾᬤ᭞ᬢᭀᬂᬤᬤᬶᬳᬸᬮᬄ
ᬓᭂᬮᬶᬤᬶᬦ᭄᭞ᬓᬤᬶᬯᭀᬄᬯᭀᬳᬦ᭄ᬳᬸᬧᬫᬶ᭞ᬗᬦ᭄ᬢᭀᬲ᭄ᬕᬮᬄᬳᬶᬧᬸᬦᬸᬮᬸᬂ᭞ᬬᬦᬶᬂᬤᬸᬭᬸᬂᬧᬚᬦ᭄ᬢᭀᬲᬦ᭄᭞ᬬᬤ᭄ᬬᬦ᭄ᬤᭂᬓ᭄ᬤᭂᬓ᭄ᬋᬫᬸᬓ᭄ᬓᬦᬶᬦ᭄᭞ᬲᬶᬦᬄᬤᬸᬭᬸᬂ᭞ᬧᬘᬂᬫᬗᭂᬫᬲᬶᬦ᭄ᬲᬾᬤ᭟᭐᭟ᬬᬦᬶᬂᬧᬚᬦ᭄ᬢᭀᬲ
ᬦ᭄ᬲᬾᬤ᭞ᬢᬍᬃᬢᬦ᭄ᬤᬤᭀᬲ᭄ᬓᭂᬮᬶᬤᬶᬦ᭄᭞ᬩᬦ᭄ᬢᬲ᭄‌ᬩᬾᬭᬾᬤ᭄ᬕᬾᬭᬾᬢ᭄ᬧᬤᬂ᭞ᬢᬦᬸᬭᬸᬂᬗᭂᬫᬲᬶᬦ᭄ᬫᬢᬶ᭞ᬳᬯᬶᬦᬦ᭄ᬲᬓᬤᬶᬫᬗ᭄ᬓᬶᬦ᭄᭞ᬩᭂᬘᬶᬓ᭄ᬮᬶᬮᬬᬂᬭᬶᬂᬓᬬᬸᬦ᭄᭞ᬗᬶᬭᬶᬂᬫᬗ᭄ᬓᬶᬦ᭄ᬚᬦ᭄ᬢᭀᬲᬂ᭞ᬢᬶᬢᬄᬳᬶᬤ᭠ [ 44 ][᭔᭓ 43B]
᭔᭓
ᬲᬂᬳ᭄ᬬᬂᬯᬶᬤ᭄ᬥᬶ᭞ᬭᬾᬄᬢᬦ᭄ᬮᬸᬧᬸᬢ᭄᭞ᬓᬢᬶᬢᬄᬓᬃᬫ᭄ᬫᬯᬰᬦ᭟᭐᭟ᬲᬧᬸᬦᬶᬓᬧᬫᬦ᭄ᬯ᭄ᬭᬤ᭄ᬥ᭞ᬫᬢᬸᬃᬭᬶᬂᬤᬾᬯᬵᬕᬸᬂᬳᬶᬲ᭄ᬢ᭄ᬭᬶ᭞ᬗᬯᬶᬦᬂᬲᬸᬫᬬᬦ᭄ᬧᬹᬃᬡ᭄ᬦ᭞ᬓᬬᬸᬦ᭄ᬲᬂᬫᬦᬦ᭄ᬤᬂᬲᭂᬤᬶᬄ᭞ᬗ᭄ᬳᬶᬂᬭᬩᬶᬦᬾᬧᬶᬦᬶᬄ᭠
ᬳᬮᬶᬢ᭄᭞ᬓᬦ᭄ᬢᬸᬦ᭄ᬦᬦ᭄ᬤᬂᬲᬸᬓᬦ᭄ᬓᬬᬸᬦ᭄᭞ᬫᬓᬬᬸᬦ᭄ᬧᬘᬂᬫᬲᬢ᭄ᬬ᭞ᬫᬮᬶᬄᬫᬢᬸᬃᬕᬸᬲ᭄ᬢᬶᬧᬢᬶᬄ᭞ᬭᬢᬸᬳᬬᬸ᭞ᬳᬸᬲᬦ᭄ᬭᬢᬸᬓᬲ᭄ᬫᬭᬦ᭄᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭐᭟ᬳᬫ᭄ᬧᬸᬭᬫᬭᬹᬧᬫᭂᬮᬶᬤ᭄᭞ᬳᬶ
ᬗ᭄ᬕᬶᬄᬭᬢᬸᬲᬂᬓᬮᬭᬦ᭄᭞ᬩᭂᬘᬶᬓᬂᬧᬓᬬᬸᬦᬦᬾ᭞ᬤᬸᬭᬸᬲ᭄ᬭᬢᬸᬧᬶᬥᬃᬣᬬᬂ᭞ᬧᬸᬦᬶᬓᬶᬯᬾᬦ᭄ᬢᭂ᭠ᬦ᭄ᬲᬢ᭄ᬯ᭞ᬲᬂᬯᬶᬭᬢᬶᬲᬦᬾᬤᬸᬫᬸᬦ᭄᭞ᬩᬗᭂᬢ᭄ᬓᬮᬶᬧᬸᬢ᭄ᬓᬢᬺᬱ᭄ᬡᬦ᭄᭟᭐᭟ᬫᬤᬸᬯᬾᬧ᭄ᬬᬦᬓ᭄ᬳᬲᬶᬓᬶ᭞ᬲᬦᬾ
ᬲᭂᬥᭂᬂᬓᬲᬬᬗᬂ᭞ᬲᬓᬶᬂᬧᬦᬶᬢᬄᬯᬶᬥᬶᬦᬾ᭞ᬧ᭄ᬬᬦᬓ᭄ᬜᬦᬾᬓᬕ᭄ᬭᬶᬗᬦ᭄᭞ᬩᬮᬶᬬᬦ᭄ᬓᬸᬤᬂᬩᬮᬶᬬᬦ᭄᭞ᬢᬦ᭄ᬧ᭄ᬭᬲᬶᬤ᭄ᬥᬧᬘᬂᬦᬸᬮᬸᬂ᭞ᬧᬫᬸᬧᬸᬢ᭄ᬗᭂᬫᬲᬶᬦ᭄ᬧᭂᬚᬄ᭟᭐᭟ᬲᬂᬯᬶᬭᬢᬶᬮᬶᬦ᭄ᬢᬂᬲᭂᬤᬶᬄ᭞ᬧ᭄ᬬᬦᬓ᭄ᬜᬭᬭᬶᬲ᭄ᬓᬲᬶᬗ
[᭔᭔ 44A]
ᬮ᭄᭞ᬮᬶᬦ᭄ᬢᬂᬩᬶᬗᬸᬂᬫᬦᬄᬜᬦᬾ᭞ᬫᬫ᭄ᬯᬢᬂᬗᬮᬶᬄᬩᬮᬶᬬᬦ᭄᭞ᬲᬦᬾᬲᬶᬤᬫᬗᬸᬭᬶᬧᬂ᭞ᬧ᭄ᬬᬦᬓ᭄ᬜᬦᬾᬲᬦᬾᬓᬫ᭄ᬧᬸᬲ᭄᭞ᬜᬮᬸᬓ᭄ᬱᬸᬓ᭄ᬓᬤᬾᬰᬤᬾᬰ᭟᭐᭟ᬳᬲᬶᬂᬫᬗ᭄ᬕᬶᬳᬶᬦ᭄ᬗᭂᬤᬾᬓᬶᬦ᭄᭞ᬳᬦᬓ᭄ᬩᬸᬤᬸᬄ
ᬓᬩᬯᭀᬲᬂ᭞ᬤᬶᬚᬓᬾᬧᭂᬭᬄᬳᬸᬦ᭄ᬤᬸᬓᬾ᭞ᬳᬤᬩᬮ᭄ᬬᬦ᭄ᬫᬜᬶᬤ᭄ᬥᬬᬂ᭞ᬧᬘᬂᬲᬶᬤ᭄ᬥᬫᬗᬶᬤᬸᬧᬂ᭞ᬚᬢ᭄ᬫᬦᬾᬬᬦ᭄ᬲᬸᬩᬮᬫ᭄ᬧᬸᬲ᭄᭞ᬲᬂᬯᬶᬭᬢᬶᬢᬦ᭄ᬗᬶᬤᭂᬧᬂ᭟᭐᭟ᬯᬾᬦ᭄ᬢᭂᬦ᭄ᬫᬮᬶᬄᬫᬶᬢᬸᬢᬸᬭᬶᬦ᭄
᭞ᬫᬗᬾᬦ᭄ᬓᬾᬦᬂᬫᬜᬳᬸᬩᬂ᭞ᬧᬸᬦᬶᬓᬧᬶᬬᬦᬓ᭄ᬜᬦᬾ᭞ᬭᬾᬄᬳᬦᬶᬂᬲᬫ᭄ᬧᬸᬦ᭄ᬓᬮᬶᬄᬤᬶᬦ᭞ᬢᬦ᭄ᬧᬢᬸᬢ᭄ᬧᬘᬂᬳᬶᬦ᭄ᬤᭂᬗᬂ᭞ᬰᬯᬦᬾᬲᬫ᭄ᬧᬸᬦ᭄ᬫᬳᬫ᭄ᬩᬸ᭞ᬲᬂᬯᬶᬭᬢᬶᬫᬦᭂᬫᬶᬢᬂ᭟᭐᭟ᬲᬂᬯᬶᬭᬢᬶᬧᬸᬧᬸ
ᬢ᭄ᬲᭂᬤᬶᬄ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬓᬮᬶᬦ᭄ᬢᬂ᭞ᬢᬦ᭄ᬳᬸᬦᬶᬂᬭᬶᬂᬓᬤᬤᬾᬦᬾ᭞ᬤᬸᬫᬤᬶᬦᬾᬤᬤᭀᬲ᭄ᬚᬢ᭄ᬫ᭞ᬓᬢᬶᬢᬄᬩᬦ᭄ᬧᬹᬃᬯ᭄ᬯᬓᬃᬫ᭄ᬫ᭞ᬯᬦ᭄ᬢᬄᬩᬩᭂᬓᭂᬮᬦ᭄ᬳᬶᬤᬸᬧ᭄᭞ᬳᬶᬤᬸᬧᬾᬫᬩᭂᬓᭂᬮ᭄ᬧᭂᬚᬄ᭟᭐᭟ [ 45 ][᭔᭔ 44B]
᭔᭔
ᬦᬸᬫᬤᬶᬦᬾᬢ᭄ᬯᬄᬓᬤᬮᬶᬚ᭄᭞ᬳᬦᬾᬓᬤᬦᬶᬦ᭄ᬲᬗ᭄ᬲᬭ᭞ᬢᭀᬳᬯᬦᬦ᭄ᬤᬶᬳᬶᬤᬸᬧᬾ᭞ᬧᬢᬸᬢ᭄ᬫᬫᬸᬯᬢᬂᬥᬃᬫ᭄ᬫ᭞ᬫᬗ᭄ᬤᬲᬶᬤ᭄ᬥᬫᬗ᭄ᬭᬸᬯᬢᬂ᭞ᬲᬓᬶᬂᬲᬗ᭄ᬲᬭᬦᬾᬦᭂᬕᬸᬮ᭄᭞ᬫᭂᬕᬢ᭄ᬧᬦᭂ
ᬕᬸᬮᬦ᭄ᬢᬺᬱ᭄ᬡ᭟᭐᭟ᬲᭂᬤᭂᬓ᭄ᬲᭂᬤᬶᬄᬲᬂᬯᬶᬭᬢᬶ᭞ᬤᬤ᭄ᬬᬜᬩᬸᬓᬢᬸᬤᬸᬳᬂ᭞ᬲᬓᬶᬂᬧᬲ᭄ᬯᬾᬘ᭄ᬙᬦ᭄ᬓᬯᬶᬦᬾ᭞ᬭᬯᬸᬄᬳᬶᬤᬲᬂᬳ᭄ᬬᬂᬩᬸᬤ᭄ᬥ᭞ᬲᬂᬯᬶᬭᬢᬶᬫᬜᭂᬫ᭄ᬩᬄ᭞ᬧ᭄ᬭᬡᬫ᭄ᬬᬃᬭᬭᬶᬲ᭄ᬳᬸᬫᬢᬸᬃ᭞ᬬᬾᬄ
ᬧᬦᭀᬦᬾᬤᭂᬋᬲ᭄ᬫᭂᬤᬮ᭄᭟᭐᭟ᬲᬶᬗ᭄ᬕᬶᬄᬲᬂᬳ᭄ᬬᬂᬚᬶᬦᬫᬸᬃᬢ᭄ᬢᬶ᭞ᬅᬓ᭄ᬱᬶᬧᬗᬸᬪᬓ᭄ᬢᬶᬦ᭄ᬢᬶᬢ᭄ᬬᬂ᭞ᬳᬶᬭᬢᬸᬓᬦ᭄ᬢᬶᬦ᭄ᬚᬕᬢᬾ᭞ᬗᬸᬯᬸᬩ᭄ᬲᬤᬕᬶᬗᬶᬂᬚᬕᬢ᭄᭞ᬤᬕᬶᬂᬳᬫ᭄ᬧᬸᬭᬬᬂᬧᭂᬲᬦ᭄᭞ᬯ᭄ᬯᬂᬦᬶᬱ᭄ᬝᬳᬥ
ᬫᬧᬸᬗ᭄ᬕᬸᬂ᭞ᬢᬗ᭄ᬓᬶᬮ᭄ᬭᬶᬂᬘᭀᬓᭀᬭᬶᬤᬾᬯ᭟᭐᭟ᬗᬦ᭄ᬤᬶᬓᬰ᭄ᬭᬷᬚᬶᬦᬫᬹᬃᬢ᭄ᬢᬶ᭞ᬫᬦᬶᬭᬢ᭄ᬯᬄᬲᬸᬩᬦᬯᬂ᭞ᬩᬸᬯᬢ᭄ᬧᬓᬾᬯᭂᬄᬩᬶᬩᬶᬦᬾ᭞ᬧᬘᬂᬫᬗᬮᬶᬳᬂᬳᬸᬩᬤ᭄᭞ᬤ᭄ᬯᬦᬶᬂᬢ᭄ᬯᬭᬚᬳᬤ᭞ᬉᬩᬤ᭄ᬗ
[᭔᭕ 45A]
ᬯᬗ᭄ᬤᬾᬬᬂᬮᬫ᭄ᬧᬸᬲ᭄᭞ᬢᬦᬶᬂᬲᬸᬩᬧᬦᬵᬫᬬ᭟᭐᭟ᬤ᭄ᬯᬦᬶᬂᬓᭂᬤᭂᬄᬩᬸᬓᬚᬦᬶ᭞ᬧᬘᬂᬫᬗᬮᬶᬳᬂᬉᬩᬤ᭄᭞ᬩᬸᬓᬧᬶᬦᬸᬦᬲ᭄ᬩᬶᬩᬶᬦᬾ᭞ᬢᭂᬕᬭᬂᬚᬦᬶᬫᬚᬮᬦ᭄᭞ᬫᬗᬮᬶᬄᬰᬭᬡᬦ᭄ᬳᬸᬩᬤ᭄᭞ᬭᬶᬂ
ᬧᬓᬭᬗᬦᬾᬮᬸᬧᬸᬢ᭄᭞ᬢᭀᬂᬢᬳᬾᬦ᭄ᬓᬢᬶᬩᬾᬦ᭄ᬧᭂᬚᬄ᭟᭐᭟ᬲᬂᬯᬶᬭᬢᬶᬭᬭᬶᬕᭂᬮᬶ᭠ᬲ᭄᭞ᬜᬮᬸᬓ᭄ᬱᬸᬓ᭄ᬦᬓᬾᬦ᭄ᬦᬓᬾᬦᬂ᭞ᬩᬶᬮᬂᬳᬓᬸᬋᬦ᭄ᬕᭂᬦᬳᬾ᭞ᬗᬦ᭄ᬢᭀᬲ᭄ᬓᭂᬜᭂᬮ᭄ᬫᬳᬶᬍᬳᬦ᭄᭞ᬢ
ᬦ᭄ᬯᬾᬦ᭄ᬢᭂᬦ᭄ᬮᬸᬧᬸᬢ᭄ᬳᬦ᭄ᬢᬓ᭞ᬗᬦ᭄ᬢᭀᬲ᭄ᬢᭂᬮᬲ᭄ᬲᬫᬶᬧᬢᬸᬄ᭞ᬧᭂᬘᬓ᭄ᬦᬳᭂᬦ᭄ᬓᬲᬾᬤᬬᬦ᭄᭟᭐᭟ᬧᬫᬸᬧᬸᬢ᭄ᬜᬯᬯᬸᬳᬾᬮᬶᬂ᭞ᬭᬶᬂᬤᬕᬶᬂᬓᬢᬢ᭄ᬯᬦ᭄ᬚᬕᬢ᭄᭞ᬓᬤᬶᬤᬕᬶᬂᬧᬶᬢᭂᬓᭂᬢᬾ᭞ᬯᬘᬦᬦ᭄ᬳᬶᬤᬳ᭄ᬬᬂᬩᬸᬤ᭄ᬥ
᭞ᬧ᭄ᬭᬫᬗ᭄ᬓᬶᬦ᭄ᬗᬯᬶᬦᬂᬘᭂᬤᬂ᭞ᬲᬂᬳ᭄ᬬᬂᬩᬸᬤ᭄ᬥᬫᬮᬶᬄᬭᬯᬸᬄ᭞ᬫᬗᬶᬘ᭄ᬙᬾᬦᬶᬦ᭄ᬯᬭᬯᬭᬄ᭟᭐᭟ᬯᬘᬦᬦ᭄ᬲᬂᬫ᭄ᬭᬕᬍᬯᬶᬄ᭞ᬲᬶᬤ᭄ᬥᬫᬗᬯᬶᬦᬂᬧᬹᬃᬡ᭄ᬦ᭞ᬓᬤᬶᬳᭂᬦ᭄ᬢᬾᬭᬦ᭄ᬲᬹᬃᬬ᭄ᬬᬦᬾ᭞ᬗᬶᬘᬮᬂᬧᭂᬢᭂᬗᬶᬂᬚᬕ᭠ [ 46 ][᭔᭕ 45B]
᭔᭕
ᬢ᭄᭞ᬲᬶᬗ᭄ᬕᬶᬄᬭᬢᬸᬲᬂᬳ᭄ᬬᬂᬩᬸᬤ᭄ᬥ᭞ᬢᬶᬢ᭄ᬬᬂᬧᬘᬂᬤᬤᭀᬲ᭄ᬪᬶᬓ᭄ᬱᬸ᭞ᬗᬶᬭᬶᬂᬧᬫᬃᬕ᭄ᬕᬶᬦ᭄ᬳᬶᬤᬾᬯ᭟᭐᭟ᬲᬧᬸᬦᬶᬓᬲᬂᬯᬶᬭᬢᬶ᭞ᬳᬢᬸᬭᬾᬭᬶᬂᬲᬂᬳ᭄ᬬᬂᬩᬸᬤ᭄ᬥ᭞ᬧᬸᬧᬸᬢ᭄ᬤᬕᬶᬂᬘᬭᬶᬢᬦᬾ᭞ᬲᬢ᭄ᬯᬦᬾᬳᬶᬧᬫᬦ᭄ᬯᬺ
ᬤ᭄ᬥ᭞ᬤᬾᬯᬵᬕᬸᬂᬳᬶᬲ᭄ᬢ᭄ᬭᬶᬗᬮᬶᬬᬩ᭄᭞ᬫᬯᬮᬶᬳᬾᬮᬶᬂᬭᬶᬂᬓᬬᬸᬦ᭄᭞ᬧ᭄ᬭᬲᬶᬤ᭄ᬥᬗᬯᬶᬦᬂᬮᬶᬮ᭟᭐᭟ᬧᬸᬧᬸᬢ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬫᬗᬢᬸᬭᬂᬤᬕᬶᬂᬲᬢ᭄ᬯ᭞ᬲᬕᬾᬢ᭄ᬭᬯᬸᬄᬳᬸᬢᬸᬲᬦᬾ᭞ᬫᬢᬸᬃᬭᬶᬂᬳᬶᬧᬫ
ᬦ᭄ᬯᬺᬤ᭄ᬥ᭞ᬳᬶᬤᬲᬂᬰ᭄ᬭᬶᬦᬶᬮᬘᬦ᭄ᬤ᭄ᬭ᭞ᬫᬮᬶᬄᬚᭂᬩᭀᬲ᭄ᬧᬘᬂᬭᬯᬸᬄ᭞ᬳᬶᬤᬗᬃᬱᬬᬂᬧᬫᭂᬦ᭄ᬤᬓ᭄᭟᭐᭟ᬧᬭᬭᬩᬶᬫᬓᬲᬫᬶ᭞ᬫᬶᬯᬄᬧᬜ᭄ᬚᬓᬾᬲᬫᬶᬬᬦ᭄᭞ᬫᬗ᭄ᬤᬫᭂᬦ᭄ᬤᬓ᭄ᬧᬭᬯᬸᬳᬾ᭞ᬧᬸᬧᬸᬢ᭄ᬳᬢᬸᬃ
ᬳᬶᬳᬸᬢᬸᬲᬦ᭄᭞ᬗᬦ᭄ᬤᬶᬓᬳᬶᬧᬫᬦ᭄ᬯᬺᬤ᭄ᬥ᭞ᬦᬄᬫᭂᬮᬄᬢᬸᬢᬸᬭᬂᬫᬮᬸ᭞ᬧᬶᬤᬩ᭄ᬤᬩᬾᬭᬶᬂᬧᬬᬸᬤ᭄ᬥᬦ᭄᭟᭐᭟ᬭᬾᬄᬳᬤᬳᭀᬃᬣᬓᬧᬸᬭᬶ᭞ᬳᬶᬤᬓᬳᭀᬃᬣᬬᬂᬲᬾᬤ᭞ᬚᬦᬶᬳᬤᬧᬗᬃᬱᬦᬾ᭞ᬳᬶᬤ
[᭔᭖ 46A]
ᬗᬲᬬᬂᬧᬫᭂᬦ᭄ᬤᬓ᭄᭞ᬳᬸᬢᬸᬲᬦᬾᬫᬢᬸᬃᬲᭂᬫ᭄ᬩᬄ᭞ᬳᬶᬗ᭄ᬕᬶᬄᬭᬢᬸᬕᬸᬲ᭄ᬢᬶᬳᬕᬸᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬗᬢᬸᬭᬂ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟᭐᭟ᬲᬲᬫ᭄ᬧᬸᬦᬾᬭᬯᬸᬄᬲᬂᬥᬃᬫ᭄ᬫᬵᬢ᭄ᬫᬚ᭞ᬓ᭄ᬭᭀᬥᬦ᭄ᬳᬶᬤᬓᬤᬶᬕᭂᬦᬶ᭞ᬤᬾ
ᬦᬶᬂᬓᬳᬸᬦᬶᬗᬂ᭞ᬓᬲᭀᬃᬲᬂᬦᬣᬓᬺᬱ᭄ᬡ᭞ᬯᬢᭂᬓ᭄ᬬᬤᬸᬫᬗᭂᬫᬲᬶᬦ᭄᭞ᬫᬢᬦ᭄ᬤᬶᬂᬬᬸᬤ᭄ᬥ᭞ᬲᬋᬂᬲᬂᬘᬦ᭄ᬤ᭄ᬭᬪᬹᬧᬢᬶ᭟᭐᭟ᬦᬾᬧᬫᭂᬓᬲ᭄ᬩᬗᭂᬢ᭄ᬗᬯᬶᬦᬂᬫᭂᬗ᭄ᬕᬄ᭞ᬲᬲᬫ᭄ᬧᬸᬦᬾᬫᬜᬶᬗᬓᬶᬦ᭄᭞ᬲᬫᭂᬢᭀ
ᬦᬾᬲᬫ᭄ᬬᬦ᭄᭞ᬯᬾᬦ᭄ᬢᭂᬦ᭄ᬫᬗᭂᬫᬵᬲᬶᬦ᭄ᬲᬾᬤ᭞ᬓ᭄ᬭᭀᬥᬳᬶᬤᬫᬗᬸᬚᬦᬶᬦ᭄᭞ᬲᬃᬯ᭄ᬯᬲᬜ᭄ᬚᬢ᭞ᬦᬵᬗ᭄ᬳᬶᬂᬢᬦ᭄ᬲᬶᬤ᭄ᬥᬫᬶᬦ᭄ᬢᬸᬮᬶᬦ᭄᭟᭐᭟ᬭᬶᬂᬧᬫᬸᬧᬸᬢ᭄ᬳᬶᬤᬲᬂᬥᬃᬫ᭄ᬫᬢᬦᬬ᭞ᬫᭂᬦ᭄ᬢᬗᬂᬲᬜ᭄ᬚᬢᬫᬮᬶᬄ᭞
ᬓᭀᬦ᭄ᬢᬫᬉᬢ᭄ᬢᬫ᭞ᬫᬦᬤᭀᬲ᭄ᬓᬮᬗ᭄ᬯᬦ᭄᭞ᬭᬶᬂᬳᬚᭂᬂᬘᬦ᭄ᬤ᭄ᬭᬪᬹᬧᬢᬶ᭞ᬮ᭄ᬯᬶᬃᬢᬶᬃᬣᬫᬺᬢ᭞ᬗᭂᬦ᭄ᬢᬶᬓᬂᬯᭂᬮᬲᬲᬶᬄ᭟᭐᭟ᬭᬭᬶᬲ᭄ᬕᭂᬮᬶᬲ᭄ᬳᬶᬤᬲᬂᬥᬃᬫ᭄ᬫᬵᬢ᭄ᬫᬚ᭞ᬗᬦ᭄ᬤᬶᬓᬬᬂᬲᬂᬦᬺᬧᬢᬶ᭞ᬲᬂᬰ᭄ᬭᬶᬦᬶ᭞ [ 47 ][᭔᭖ 46B]
᭔᭖
ᬮᬘᬦ᭄ᬤ᭄ᬭ᭞ᬫᬗ᭄ᬤᬳᬶᬤᬫᬫᬸᬓ᭄ᬢ᭄ᬬᬂ᭞ᬓᬯᬶᬰᬾᬱᬦᬾᬉᬢ᭄ᬢᬫᬶ᭞ᬅᬚᬶᬯᬾᬂᬭᭀᬘᬡ᭞ᬲᬦᬾᬫᬉᬢ᭄ᬢᬫᬍᬯᬶᬄ᭟᭐᭟ᬫᬓᬵᬯᬦᬦ᭄ᬳᬶᬤᬲᬂᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬜᬾᬤᬬᬂᬭᬕᬧ᭄ᬭᬫᬗ᭄ᬓᬶᬦ᭄᭞
ᬲᬲᬫ᭄ᬧᬸᬦᬾᬲᬾᬤ᭞ᬮᬬᭀᬦᬾ ᬓᬕᬶᬗ᭄ᬲᬶᬭᬂ᭞ᬫᬕᭂᬦᬄᬭᬶᬂᬓ᭄ᬭᬾᬢᬫᬡᬶᬓ᭄᭞᭠ᬮᬬᭀᬦᬾᬳᬶᬘᬮ᭄᭞ᬫᬦᬤᭀᬲ᭄ᬢᬸᬜ᭄ᬚᬸᬂᬫᬶᬳᬶᬓ᭄᭟᭐᭟ᬦᬶᬓᬯᬦ᭄ᬢᬄᬓᬩᬯᭀᬲ᭄ᬧᬸᬱ᭄ᬧᬓᭀᬫ
ᬮ᭞ᬲᬂᬓᬺᬱ᭄ᬡᬲᬕᬾᬢᬧ᭄ᬭᬧ᭄ᬢᬶ᭞ᬳᬶᬤᬫᬗᬦ᭄ᬤᬶᬓ᭞ᬓᬓᬵᬲᬂᬥᬃᬫ᭄ᬫᬲᬸᬢ᭞ᬤᬸᬭᬸᬲ᭄ᬳᬸᬭᬶᬧᬂᬦᬾᬫᬗ᭄ᬓᬶᬦ᭄᭞ᬲᬂᬦᬶᬮᬘᬦ᭄ᬤ᭄ᬭ᭞ᬧᬦ᭄ᬤᬸᬭᬸᬂᬲᬫᬬᬦᬺᬧᬢᬶ᭟᭐᭟ᬳᬶᬤᬲᬂᬓᬺᬱ᭄ᬡᬫᬦ᭄ᬢᬸᬓ᭄ᬓᬤ᭄ᬯᬭᬯᬢ᭄ᬬ
᭞ᬲᬂᬥᬃᬫ᭄ᬫᬲᬸᬢᬭᬭᬶᬲ᭄᭞ᬫᬬᭀᬕᬲᬓ᭄ᬱᬡ᭞ᬗᬫ᭄ᬩᬶᬮ᭄ᬧᬸᬱ᭄ᬧᬓᭀᬫᬮ᭞ᬗᬘᭂᬧ᭄ᬳᬫᬺᬢᬲᬜ᭄ᬚᬶᬯᬦᬶ᭞ᬢᬶᬦᬶᬩᬓᬦ᭄ᬰᬯ᭞ᬰ᭄ᬭᬷᬦᬶᬮᬘᬦ᭄ᬤ᭄ᬭᬳᬸᬭᬶᬧ᭄᭟᭐᭟ᬬᬦ᭄ᬲᬯᬗᬂᬓᬤᬶᬯ᭄ᬯᬂᬳᬦᬶ
[᭔᭗ 47A]
ᬤ᭄ᬭ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬢᬗᬶ᭞ᬗᬪᬓ᭄ᬢᬶᬧ᭄ᬭᬡᬫ᭄ᬬ᭞ᬗᭂᬮᬸᬢ᭄ᬘᭀᬓᭀᬃᬲᬂᬥᬃᬫ᭄ᬫ᭞ᬢᭂᬤᬸᬦ᭄ᬳᬶᬤᬲᬋᬂᬓᬮᬶᬄ᭞ᬲᬓᬶᬂᬓ᭄ᬭᬾᬢ᭞ᬫᬤᬦ᭄ᬤᬦ᭄ᬢᬗᬦ᭄ᬓᬮᬶᬄ᭟᭐᭟ᬫᬗᬦ᭄ᬤᬶᬓᬳᬶᬤᬲᬂᬥᬃᬫ᭄ᬫᬢ
ᬦᬬ᭞ᬤᬾᬯᬲᬂᬘᬦ᭄ᬤ᭄ᬭᬪᬹᬧᬢᬶ᭞ᬧᬢᬸᬄᬲᬸᬚᬢᬶᬦ᭄ᬜ᭞ᬓᭀᬢ᭄ᬢᬫᬦ᭄ᬧᬸᬱ᭄ᬧᬓᭀᬫᬮ᭞ᬬᬾᬦ᭄ᬲᬳᬶᬳᬂᬩᭂᬮᬶᬚᬦᬶ᭞ᬭᬶᬂᬧᬸᬱ᭄ᬧᬯᬶᬚᬬ᭞ᬓᭀᬢ᭄ᬢᬫᬦ᭄‌ᬚ᭄ᬜᬦᬦ᭄ᬩᭂᬮᬶ᭟᭐᭟ᬚᬮᬦ᭄ᬚᬦᬶ
ᬢᭂᬕᬭᬂᬧᬥᬪᬸᬓ᭄ᬢᬶᬬᬂ᭞ᬳᭂᬦ᭄ᬢᭀᬚ᭄ᬜᬦᬦᬾ ᬍᬯᬶᬄ᭞ᬳᬗ᭄ᬕᭀᬦ᭄ᬫᬗᬸᬭᬶᬧᬂ᭞ᬲᬓᭂᬭᬄᬧᬭᬧ᭄ᬭᬯᬷᬭ᭞ᬳᬦᬾᬲᬾᬤᬢᭂᬗᬳᬶᬂᬚᬸᬭᬶᬢ᭄᭞ᬲᬂᬦᬶᬮᬘᬦ᭄ᬤ᭄ᬭ᭞ᬧ᭄ᬭᬡᬫ᭄ᬬᬭᬭᬶᬲ᭄ᬫᬗᬶᬭᬶᬂ᭟᭐᭟ᬕᭂᬮᬶᬲ᭄ᬭᬯᬸᬄ
ᬭᬶᬂᬕᭂᬦᬄᬮᬬᭀᬦ᭄ᬧ᭄ᬭᬯᬶᬭ᭞ᬳᬶᬤᬲᬂᬘᬦ᭄ᬤ᭄ᬭᬪᬹᬧᬢᬶ᭞ᬕᭂᬮᬶᬲ᭄ᬫᬗᬺᬕᭂᬧᬂ᭞ᬚ᭄ᬜᬦᬧᬸᬱ᭄ᬧᬓᭀᬫᬮ᭞ᬳ᭄ᬬᬂᬯᬾᬭᭀᬘᬦᬓᬲ᭄ᬢᬸᬢᬶ᭞ᬫᭂᬤᬮ᭄ᬢᬶᬃᬣᬫᬺᬢ᭄ᬢ᭞ᬰᬯᬦᬾᬯᬸᬲ᭄ᬓᬢᬶᬩᬓᬶᬦ᭄᭟᭐᭟ᬫᬗ᭄ᬓᬶᬦ᭄ᬜᭂ [ 48 ][᭔᭗ 47B]
᭔᭗
ᬦᭂᬂᬲᬂᬲᬾᬤᬢᭂᬗᬳᬶᬂᬭᬡ᭞ᬲᬫᬶᬯᬸᬲ᭄ᬫᬗᬪᬓ᭄ᬢᬶ᭞ᬭᬶᬂᬲᬂᬦᬶᬮᬘᬦ᭄ᬤ᭄ᬭ᭞ᬳᬧᬦ᭄ᬤᬸᬭᬸᬂᬧᬦᬵᬫᬬ᭞ᬧᬘᬂᬫᬗᭂᬫᬲᬶᬦ᭄ᬫᬵᬢᬶ᭞ᬫᬦ᭄ᬢ᭄ᬭᬶᬫ᭄ᬯᬂᬯᬤ᭄ᬯ᭞ᬲᬫᬶᬲᬫ᭄ᬧᬸᬦ᭄ᬫᬳᬸᬭᬶᬧ᭄᭟᭐᭟ᬲᬧᬸᬦᬶᬓᬢᬍᬃᬲᬂ
ᬥᬃᬫ᭄ᬫᬢᬦᬬ᭞ᬧᬸᬱ᭄ᬧᬯᬶᬚᬬᬓᬲ᭄ᬢᬸᬢᬶ᭞ᬢᬶᬦᬶᬗᬓᭂᬦ᭄ᬚᬯ᭞ᬯᬢᭂᬓ᭄ᬬᬸᬥᬦᬾᬲᬫ᭄ᬬᬦ᭄᭞ᬲᬫ᭄ᬧᬸᬦ᭄ᬲᬫᬶᬧᬥᬫᬸᬭᬶᬧ᭄᭞ᬫ᭄ᬯᬄᬘᬢᬸᬃᬧᬡ᭄ᬥᬯ᭞ᬲᬫᬶᬧ᭄ᬭᬡᬫ᭄ᬬᬗᬪᬓ᭄ᬢᬶ᭟᭐᭟ᬕ᭄ᬮᬶᬲ᭄ᬭᬯᬸᬄᬲᬂ
ᬦᬵᬣᬦᬶᬮᬘᬦ᭄ᬤ᭄ᬭ᭞ᬰ᭄ᬭᬷᬥᬃᬫ᭄ᬫᬗᬦ᭄ᬤᬶᬓᬵᬭᬶᬲ᭄᭞ᬥᬸᬄᬲᬂᬘᬦ᭄ᬤ᭄ᬭᬦᬵᬣ᭞ᬢ᭄ᬯᬄᬧᬢᬸᬄᬓᭀᬢ᭄ᬢᬫᬦ᭄ᬜ᭞ᬚ᭄ᬜᬦᬦᬾᬫᬓᬓᬮᬶᬄ᭞ᬰᬶᬯᬫ᭄ᬯᬂᬩᬸᬤ᭄ᬥ᭞ᬳᬧᬦ᭄ᬫᬸᬮᬚᬢᬶᬢᬸᬗ᭄ᬕᬶᬮ᭄᭟᭐᭟ᬫᬓᬪᬸᬓ᭄ᬢᬶ᭠
ᬧᬸᬰ᭄ᬧᬓᭀᬫᬮᬦ᭄ᬳᬶᬤᬾᬯ᭞ᬳᭂᬦ᭄ᬢᭀᬢ᭄ᬯᬄᬫᬸᬮᬫᬲᬳᬶᬄ᭞ᬭᬶᬂᬧᬸᬱ᭄ᬧᬯᬶᬚᬬ᭞ᬫᬸᬮᬲᬜ᭄ᬚᬢᬦ᭄ᬫᬦᬶᬭ᭞ᬢ᭄ᬯᬭᬪᬶᬦᬫᬓᬓᬮᬶᬄ᭞ᬲᬫᬶᬉᬢ᭄ᬢᬫ᭞ᬧᬥᬫᬯᬶᬰᬾᬱᬰᬓ᭄ᬢᬶ᭟᭐᭟ᬤ᭄ᬯᬦᬶᬂᬳ
[᭔᭘ 48A]
ᬤᬦᬾᬤᬤᬶᬯᬶᬯᬶᬮᬦ᭄ᬬᬸᬥ᭞ᬳᭂᬦ᭄ᬢᭀᬧᬧᬶᬦ᭄ᬤᬦᬾᬲᬫᬶ᭞ᬲ᭄ᬯᬃᬕ᭄ᬕᬮᬵᬯᬦ᭄ᬦ᭄ᬭᬓ᭞ᬫᭂᬮᬄᬦᬾᬚᬦᬶᬭᬸᬲᬓᬂ᭞ᬭᬾᬄᬳᭂᬦ᭄ᬢᭀᬗᬯᬦᬂᬩ᭄ᬭᬗ᭄ᬢᬶ᭞ᬲᬂᬦᬵᬣᬓ᭄ᬭ᭄ᬱ᭄ᬡ᭞ᬧᬢᬸᬢ᭄ᬳᬶᬤᬾᬯᬫᬗᬶᬭᬶᬂ᭟᭐᭟ᬲ
ᬓᬾᬯᬮᬧᬂᬳᬤᬳᬗ᭄ᬕᭀᬦ᭄ᬧᬶᬗᭂᬢᬦ᭄᭞ᬗᬯᬶᬢ᭄ᬤᬶᬦᬦᬾᬚᬦᬶ᭞ᬧᬸᬭᬶᬦ᭄ᬭᬚᬤᬾᬰ᭞ᬧᬘᬂᬕᭂᬦ᭄ᬢᭀᬲᬶᬦ᭄ᬫᬦᬶᬭ᭞ᬧᬸᬭᬶᬓᬾᬦ᭄ᬤ᭄ᬭᬦ᭄ᬓᬳᬤᬦᬶᬦ᭄᭞ᬓᬬᬂᬓᬯᭂᬓᬲ᭄᭞ᬧᬂᬳᬤᬳᬗ᭄ᬕᭀ
ᬦ᭄ᬧᬓᬾᬮᬶᬂ᭟᭐᭟ᬦᬸᬮᬶᬫᬢᬸᬃᬧ᭄ᬭᬡᬫ᭄ᬬᬰ᭄ᬭᬷᬦᬶᬮᬘᬦ᭄ᬤ᭄ᬭ᭞ᬲᬶᬗ᭄ᬕᬶᬶᬄᬲᬂᬦᬭᬧᬢᬶ᭞ᬰ᭄ᬭᬷᬥᬃᬫ᭄ᬫᬵᬢ᭄ᬫᬚ᭞ᬢᬶᬢ᭄ᬬᬂᬜᬤ᭄ᬬᬫᬗᬶᬭᬶᬗᬂ᭞ᬓᬤᬶᬯᬘᬦᬦ᭄ᬦᬺᬧᬢᬶ᭞ᬢᬶᬢ᭄ᬬᬂᬧᬘᬂᬩᬸᬤᬮ᭄᭞ᬦᬾᬫᬗ᭄ᬓᬶᬦ᭄ᬓᬚ᭄ᬭᭀ
ᬧᬸᬭᬶ᭟᭐᭟ᬲᬫᬮᬶᬳᬲᬓᬶᬂᬦᬸᬦᬶᬓᬚᬦ᭄ᬢᭀᬲᬂ᭞ᬧᬭᬧᬢᬶᬄᬢᬦ᭄ᬤᬫᬦ᭄ᬢ᭄ᬭᬶ᭞ᬤᬤ᭄ᬯᬦᬾᬲᬫᬶᬬᬦ᭄᭞ᬲᬂᬥᬃᬫ᭄ᬫᬫᬮᬶᬄᬗᬦ᭄ᬤᬶᬓ᭞ᬫᬦᬶᬭᬧᬘᬂᬫᬯᬮᬶ᭞ᬓᬧᬸᬭᬶᬳᬲ᭄ᬢᬶᬦ᭞ᬲ [ 49 ][᭔᭘ 48B]
᭔᭘
ᬋᬂᬲᬂᬧᬡ᭄ᬥᬯᬲᬫᬶ᭟᭐᭟ᬓᬤᬶᬦᬶᬓᬧᬸᬧᬸᬢ᭄ᬳᬢᬸᬃᬳᬶᬳᬸᬢᬸᬲᬦ᭄᭞ᬳᬶᬧᬢᬶᬄᬯᬺᬤ᭄ᬥᬕᭂᬮᬶᬲ᭄᭞ᬦᬩ᭄ᬤᬩᬂᬧᬫᭂᬦ᭄ᬤᬓ᭄᭞ᬯᬤ᭄ᬯᬦᬾᬲᬫ᭄ᬧᬸᬦ᭄ᬲᬬᬕ᭞ᬲᬸᬗ᭄ᬲᬸᬢᬾ
ᬭᬶᬂᬚᭂᬭᭀᬧᬸᬭᬶ᭞ᬧ᭄ᬭᬫᬗ᭄ᬓᬶᬦ᭄ᬳᬶᬘᬮ᭄᭞ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭟᭐᭟ᬢᬦ᭄ᬓᬯᬃᬡ᭄ᬦᬮᬫ᭄ᬧᬄᬦᬵᬣᬦᬶᬮᬘᬦ᭄ᬤ᭄ᬭ᭞ᬯᬸᬲ᭄ᬧ᭄ᬭᬧ᭄ᬢᬭᬶᬂᬤᬍᬫ᭄ᬧᬸᬭᬶ᭞ᬓᬤᬶᬦᬶᬓᬲᬸᬩᬮ᭄᭞
ᬓᬢᬸᬢᬸᬭᬦ᭄ᬦᬶᬮᬘᬦ᭄ᬤ᭄ᬭ᭞ᬧᬹᬃᬯ᭄ᬯᬵᬕᬫᬰᬰᬡᬾᬓᬶ᭞ᬗᭂᬢᬸᬲ᭄ᬘᬭᬶᬢ᭞ᬦᬵᬗ᭄ᬳᬶᬂᬓᭀᬧᬋᬗ᭄ᬕᬫᬮᬶᬄ᭟᭐᭟ᬲ᭄ᬯᬲ᭄ᬢ᭄ᬬᬲ᭄ᬢᬸᬲᬗᬫᬘᬫ᭄ᬯᬂᬫᬶᬬᬃᬱ᭞ᬢᬸᬢᬸᬃᬦᬶᬮᬘᬦ᭄ᬤ᭄ᬭᬳᬶᬓᬶ᭞ᬲᬮ᭄ᬯᬶᬃᬤᭀᬱ
ᬧᬵᬧ᭞ᬲᬶᬤ᭄ᬥᬍᬩᬸᬃᬧᬭᬶᬲᬸᬤ᭄ᬥ᭞ᬤᬾᬦᬶᬂᬓᭀᬢ᭄ᬢᬫᬦᬶᬗᬚᬶ᭞ᬢᬢ᭄ᬯᬅᬕᬫ᭞ᬲᬲᬸᬮᬸᬄᬲᬚ᭄ᬭᭀᬦᬶᬂᬫᬸᬭᬶᬧ᭄᭟᭐᭟ᬤᬶᬦᬰᬦᬶᬰ᭄ᬘᬭᬯᬕᬾᬫᬦᬸᬚᬸᬯᬂ᭞ᬉᬓᬸᬦᬾᬤᬸᬓᬸᬢ᭄ᬦᭂ
[᭔᭙ 49A]
ᬫᭀᬦᬶᬦ᭄᭞ᬰᬰᬶᬄᬜᬦᬾᬓᬭᭀ᭞ᬭᬄᬭᭀᬭᬲ᭄ᬢᭂᬗ᭄ᬕᭂᬓ᭄ᬭᭀᬭᬲ᭄᭞ᬇᬰᬓᬚᬦᬶᬯᬶᬮᬗᬶᬦ᭄᭞ᬲᬶᬬᬸᬲᬗ᭄ᬳᬤ᭄ᬯᬂᬤᬰ᭞ᬧᬸᬧᬸᬢᬾᬫᬗ᭄ᬕᬯᬾᬕᬸᬭᬶᬢ᭄᭟᭐᭟ᬳᬫ᭄ᬧᬸᬭᬦᭂᬦ᭄
ᬳᬶᬗ᭄ᬯᬂᬯᬶᬫᬸᬥᬳᬮ᭄ᬧᬰᬵᬲ᭄ᬢ᭄ᬭ᭞ᬫᬕᭂᬦᬄᬭᬶᬂᬤᬾᬰᬚᬰ᭄ᬭᬶ᭞ᬓᬮᬸᬭᬳᬦ᭄ᬲᬸᬩᬕᬦ᭄᭞ᬅᬫ᭄ᬮᬧᬸᬭᬦᬕᬭ᭞ᬳᬶᬓᭂᬢᬸᬢ᭄ᬭᬸᬫᬧᬧᬲᬶᬄ᭞ᬳᬫᬶᬧᬶᬮ᭄ᬕᬶᬢ᭞ᬧᬗᬸᬦ᭄ᬢᬢ᭄ᬑᬁᬰᬦ᭄ᬢᬶᬰᬦ᭄ᬢᬶ
ᬰᬦ᭄ᬢᬶ᭟᭐᭟ᬩᬗᭀᬦ᭄ᬮᭀᬦ᭄ᬢᬃᬧᬸᬦᬶᬓᬶᬧᬸᬧᬸᬢ᭄ᬲᬶᬦᬸᬭᬢ᭄‌᭒᭒᭞ᬳᬕᬸᬲ᭄ᬢᬸᬲ᭄᭞᭑᭙᭙᭘᭟᭐᭟ᬇᬓᬶᬕᬕᬸᬭᬶᬢᬦ᭄ᬦᬶᬮᬘᬦ᭄ᬤ᭄ᬭ᭟᭚᭐᭚ᬤᬕᬶᬂᬕᬕᬸᬭᬶᬢᬦ᭄᭞᭑᭞ᬲᬶᬦᭀᬫ᭄᭞᭓᭞
ᬧᬤ᭞ᬧᬫᬄᬩᬄ᭚᭒᭞ᬤᬸᬃᬫ᭄ᬫ᭞᭙᭞ᬧᬤ᭞ᬮᬮᬶᬦ᭄ᬢᬶᬄᬧ᭄ᬭᬪᬸᬦᬶᬮᬘᬦ᭄ᬤ᭄ᬭ᭚᭓᭞ᬲᬶᬦᭀᬫ᭄᭞᭒᭗᭞ᬧᬤ᭞ᬧᬦᬗ᭄ᬓᬶᬮᬦ᭄ᬭᬶᬂᬦᬭᬚᬤᬾᬰ᭞ᬲᬂᬧ᭄ᬭᬪᬸᬧᬘᬂᬗᬯᬗᬸᬦ᭄ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕᬫ᭄ᬯᬂᬦ [ 50 ][᭔᭙ 49B]
᭔᭙
ᬭᬓ᭞ᬧᬢᬶᬄᬯᬺᬤ᭄ᬥᬫᬯᭀᬲᬂ᭞ᬳᬶᬦ᭄ᬤᬶᬓ᭄ᬫᬤᬦᬧᬹᬡ᭄ᬬ᭚᭔᭞ᬕᬶᬦᬤ᭞᭒᭖᭞ᬧᬤ᭞ᬲᬢ᭄ᬯᬦ᭄ᬳᬶᬧᬢᬶᬄᬯᬺᬤ᭄ᬥ᭞ᬳᬶᬦ᭄ᬤᬶᬓ᭄ᬳᬩᬬᬤᬦ᭞ᬫᬶᬯᬄᬓᬢᬸᬢᬸᬭᬦ᭄ᬧ᭄ᬭᬪᬸᬫᬕᬥ᭞᭚᭕᭞ᬧᬗ᭄ᬓᬸᬃ᭞
᭑᭔᭞ᬧᬤ᭞ᬲᬢ᭄ᬯᬦ᭄ᬳᬶᬤᬧᬫᬦ᭄ᬯᬺᬤ᭄ᬥ᭞ᬲᬂᬳ᭄ᬬᬂᬇᬦ᭄ᬤ᭄ᬭᬗᬦ᭄ᬤᬶᬓᬭᬶᬂᬧ᭄ᬭᬪᬸᬫᬕᬥ᭞ᬗᬦ᭄ᬤᬶᬓᬬᬂᬲᬢ᭄ᬯᬦ᭄ᬳᬦᬓᬾᬫᬤᬵᬦᬲᬦᬾᬢᬦ᭄ᬗᬘᭂᬧᬂᬧᬫ᭄ᬭᬶᬄ᭞ᬫᬶᬯᬄᬳᬦᬓᬾᬫᬤᬵᬦᬲᬦᬾᬫ
ᬫᬗᬘᭂᬧᬂᬧᬫ᭄ᬭᬶᬄ᭞᭚᭖᭞ᬤᬹᬃᬫ᭄ᬫ᭞᭒᭘᭞ᬧᬤ᭞ᬧ᭄ᬭᬪᬸᬦᬶᬮᬘᬦ᭄ᬤ᭄ᬭᬗᬯᬗᬸᬦ᭄ᬧᬧᬶᬦ᭄ᬤᬦ᭄ᬲ᭄ᬯᬃᬕ᭄ᬕ᭞ᬫᬸᬯᬄᬧᬧᬶᬦ᭄ᬤᬦ᭄ᬦᬭᬓ᭞ᬲᬂᬧ᭄ᬭᬪᬸᬬᬸᬥᬶᬱ᭄ᬝᬶᬭᬓᬢᬸᬭᬦ᭄ᬦᬶᬜ᭄ᬚᭀᬧᬧᬶᬦ᭄ᬤᬦ᭄᭞᭚᭗᭞ᬲᬶᬦᭀ
ᬫ᭄᭞᭖᭞ᬧᬤ᭞ᬲᬂᬬᬸᬥᬶᬱ᭄ᬝᬶᬭ᭞ᬫ᭄ᬯᬄᬧᬡ᭄ᬥᬯ᭞ᬭᬯᬸᬄᬭᬶᬂᬦᬭᬚᬤᬾᬰ᭞᭚᭘᭞ᬳᬤ᭄ᬭᬶ᭞᭒᭔᭞ᬧᬤ᭞ᬤᬾᬯᬶᬤ᭄ᬭᭀᬧᬤᬶ᭞ᬦᬓᬾᬦᬂᬧᬧᬶᬦ᭄ᬤᬦ᭄ᬳᬢ᭄ᬫᬦᬾᬲᬦᬾᬫᬲᬲᬃ᭞ᬲᬂᬬᬸᬥᬶᬱ᭄ᬝᬶ
[᭕᭐ 50A]
ᬭ᭞ᬫᬧᬶᬢᬸᬢᬸᬃᬭᬶᬂᬲᬂᬧ᭄ᬭᬪᬸᬦᬶᬮᬘᬦ᭄ᬤ᭄ᬭ᭞ᬳᬶᬦ᭄ᬤᬶᬓ᭄ᬧᬦᬺᬱ᭄ᬝ᭄ᬬᬦ᭄᭟᭚᭙᭞ᬕᬶᬦᬦ᭄ᬢᬶ᭞᭑᭖᭞ᬧᬤ᭞ᬲᬂᬲᬢ᭄ᬬᬓᬶᬲᬂᬓᬺᬢ᭄ᬢᬯᬃᬫ᭄ᬫ᭞ᬓᬳᬸᬢᬸᬲ᭄ᬳᬦ᭄ᬢᬸᬓ᭄ᬲᬂᬦᬵᬣᬓᬺᬱ᭄ᬡ᭞ᬦᬸᬭᬾᬓ᭄ᬱᬧᬦᬕᬭ
᭞ᬲᬂᬓᬮᬶᬄᬗᬮᬦ᭄ᬢᬸᬃ᭞ᬲᬶᬫ᭄ᬧᬂᬓᬦᬭᬚᬤᬾᬰ᭞᭚᭑᭐᭞ᬤᬸᬸᬃᬫ᭄ᬫ᭞᭓᭒᭞ᬧᬤ᭞ᬲᬂᬲᬢ᭄ᬬᬓᬶᬫ᭄ᬯᬂᬓᬺᬢ᭄ᬢᬯᬃᬫ᭄ᬫ᭞ᬗᬢᬸᬭᬂᬭᬶᬂᬧ᭄ᬭᬪᬸᬓᬺᬱ᭄ᬡᬳᬶᬦ᭄ᬤᬶᬓ᭄ᬧᬧᬶᬦ᭄ᬤᬦ᭄ᬲᬦᬾᬓᬯᬗᬸᬦ᭄ᬳᬦ᭄ᬢᬸᬓ᭄ᬧ᭄ᬭᬪᬸᬦᬶ
ᬮᬘᬦ᭄ᬤ᭄ᬭ᭞ᬲᬂᬓᬺᬱ᭄ᬡᬮᬶᬦ᭄ᬢᬂᬫᭂᬗ᭄ᬕᬄ᭞ᬤᬾᬦᬶᬂᬓᬮᬶᬫ᭄ᬧᬤᬶᬦ᭄ᬳᬦ᭄ᬢᬸᬓ᭄ᬲᬂᬦᬶᬮᬘᬦ᭄ᬤ᭄ᬭ᭞ᬧ᭄ᬭᬪᬸᬓᬺᬱ᭄ᬡᬗᭂᬩᬸᬕ᭄ᬧ᭄ᬭᬪᬸᬓ᭄ᬭᬶᬸᬱ᭄ᬡᬶᬸᬦᬶᬮᬘᬦ᭄ᬤ᭄ᬭ᭞ᬲᬂᬬᬸᬥᬶᬱ᭄ᬝᬶᬭ᭞ᬦᬾᬦ᭄ᬢᭂᬦ᭄ᬓᬬᬸᬦ᭄ᬧᬘᬂᬲᬋᬂᬫᬬᬸᬤ᭄ᬥ᭞ᬲᬂᬘ
ᬢᬹᬃᬧᬡ᭄ᬥᬯ᭞ᬲᬋᬂᬓᬦᬭᬚᬤᬾᬰᬦᭀᬦ᭄ᬢᭀᬦ᭄ᬬᬸᬤ᭄ᬥ᭞᭚᭑᭑᭞ᬧᬗ᭄ᬓᬸᬃ᭞᭒᭖᭞ᬧᬤ᭞ᬲᬂᬦᬶᬮᬘᬦ᭄ᬤ᭄ᬭᬗᬸᬢᬸᬲ᭄ᬧᬢᬶᬄᬳᬶᬤᬦᬾᬧᭂᬢᬂᬤᬶᬭᬶᬲᬦᬾᬤᬳᬢ᭄ᬰᬓ᭄ᬢᬶ᭞ᬫᬗ᭄ᬤᬦᬗ᭄ᬓᭂᬧᬶ [ 51 ][᭕᭐ 50B]
᭕᭐
ᬦ᭄ᬬᬸᬥ᭞ᬲᬂᬪᬶᬫᬅᬃᬚ᭄ᬚᬸᬡᬧᬫᬸᬧᬸᬢ᭄ᬲᬋᬂᬫᬬᬸᬤ᭄ᬥ᭞ᬲᬂᬩᬮᬤᬾᬯ᭞ᬫ᭄ᬯᬂᬓᬺᬱ᭄ᬡ᭞ᬫᬬᬸᬤ᭄ᬥ᭞᭚᭑᭒᭞ᬤᭂᬫᬸᬂ᭞᭑᭗᭞ᬧᬤ᭞ᬧᬢᬶᬄᬦᬶᬮᬘᬦ᭄ᬤ᭄ᬭ᭞ᬢᭂᬮᬲ᭄‌ᬲᬾᬤ᭞ᬲᬂᬦᬶᬮ
ᬘᬦ᭄ᬤ᭄ᬭᬫᬬᬸᬤ᭄ᬥ᭞ᬲᬂᬩᬮᬤᬾᬯ᭞ᬲᬂᬪᬶᬫᬓᬲᭀᬃ᭟ᬲᬂᬅᬃᬚ᭄ᬚᬸᬡᬓᬢᭂᬕᬸᬮ᭄᭞ᬳᭀᬮᬶᬄᬤᬤᬭᬶ᭞ᬲᬂᬓᬺᬱ᭄ᬡᬢᬫ᭄ᬩᬶᬲ᭄ᬓᬲᭀᬃ᭞ᬪᬕᬯᬦ᭄ᬳᬦ᭄ᬤᬲᬶᬗ᭄ᬳᬭᬯᬸᬄ᭚᭑᭓᭞
ᬤᬸᬃᬫ᭄ᬫ᭞᭒᭗᭞ᬧᬤ᭞ᬲᬂᬦᬓᬸᬮᬲᬳᬤᬾᬯ᭞ᬗᬋᬧᬂ᭞ᬧᬫᬸᬧᬸᬢ᭄ᬲᬾᬤ᭞ᬲᬂᬧ᭄ᬭᬪᬸᬬᬸᬥᬶᬱ᭄ᬝᬶᬭᬭᬯᬸᬄᬓ᭄ᬭᭀᬥᬜᬩᭂᬳᬶᬦ᭄ᬧᬦᬄᬕᭂᬦᬶ᭞ᬲᬂᬦᬶᬮᬘᬦ᭄ᬤ᭄ᬭᬜᬾᬤᬬᬂᬭ
ᬕ᭞᭚᭑᭔᭞ᬲᬶᬦᭀᬫ᭄᭞᭑᭒᭞ᬧᬤ᭞ᬧᬭᬭᬩᬶᬦᬾᬲᬸᬗ᭄ᬲᬸᬢ᭄᭞ᬧᬢᬶᬄᬯᬺᬤ᭄ᬥᬗᬢᬸᬭᬂᬲᬢ᭄ᬯ᭞᭚᭑᭕᭞ᬲ᭄ᬫᬭᬦ᭄ᬤᬦ᭞᭑᭖᭞ᬧᬤ᭞ᬲᬢ᭄ᬯᬦ᭄ᬲᬂᬯᬶᬭᬢᬶᬫᬢᬸᬃᬭᬶᬂ
[᭕᭑ 51A]
ᬲᬂᬳ᭄ᬬᬂᬩᬸᬤ᭄ᬥ᭞᭚᭑᭖᭞ᬤᬸᬃᬫ᭄ᬫ᭞᭒᭔᭞ᬧᬤ᭞ᬳᬢᬸᬃᬳᬸᬢᬸᬲᬦ᭄ᬲᬂᬧ᭄ᬭᬪᬸᬦᬶᬮᬘᬦ᭄ᬤ᭄ᬭ᭞ᬫᬶᬤᬃᬢ᭄ᬢᬬᬂᬳᬶᬦ᭄ᬤᬶᬓ᭄ᬭᬶᬂᬧᬬᬸᬤ᭄ᬥᬦ᭄᭞ᬲᬂᬦᬶᬮᬘᬦ᭄ᬤ᭄ᬭᬫᬦ᭄ᬢᬸᬓ᭄ᬓᬧᬸᬭᬶ᭟ᬧᬗᬓ᭄ᬱᬫ᭞ᬧᬸᬧᬸᬢ᭄᭟᭐᭟ᬧᬸ
ᬧᬸᬢ᭄ᬲᬶᬦᬸᬭᬢ᭄ᬫᬦᭂᬥᬸᬦ᭄ᬭᬶᬂᬭᬳᬶᬦ᭞ᬅ᭞ᬓ᭞ᬯᬭᬓᬸᬮᬦ᭄ᬢᬶᬃ᭞ᬢᬶᬢᬶ᭞ᬢᬶᬸ᭞ᬢᬂ᭞ᬳᬧᬶᬲᬦ᭄᭞ᬰᬰᬶᬄ᭞ᬓᬧᬢ᭄᭞ᬭᬄ᭞᭐᭞ᬢᭂᬂ᭞᭒᭞ᬇᬰᬓ᭞᭑᭙᭒᭐᭟ᬢᬗ᭄ᬕᬮ᭄ᬫᬰᬾᬳᬶ᭞᭒᭒᭞ᬲᭂᬧ᭄ᬢᬾᬫ᭄ᬩᭂᬃ᭞᭑᭙᭙᭘
᭟᭐᭟ᬲᬶᬦᬸᬭᬢ᭄ᬤᬾᬲᬗᬧᬦ᭄ᬮᬄ᭞ᬳᬶᬓ᭄ᬢᬸᬢ᭄ᬲᭂᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕ᭞ᬓᬤᬾᬰᬳᬦ᭄ᬧᬶᬤ᭄ᬧᬶᬤ᭄᭞ᬓᬘᬫᬢᬦ᭄ᬳᬩᬂ᭞ᬓᬭᬗ᭄ᬳᬲᭂᬫ᭄᭞᭚᭐᭚ [ 52 ][᭕᭑ 51B]
᭕᭑
[empty]