Ban/kidung-sundayana

Deskripsi

Naskah

[ 1 ][PERPUSTAKAAN KTR. DOKBUD BALI PROP . BALI
Ki/VI/1e/DOKBUD
Judul : KIDUNG SUNDAYANA
Pnj. 35 cm. Lb.3,5 cm. Jl. 70 lb.
Asal: Selat-kawan, Klungkung]

[᭑ 1A]
Judul : KIDUNG SUNDAYANA
Pnj. 35 cm. Lb.3,5 cm. Jl. 70 lb.
Asal: Selat-kawan, Klungkung [ 2 ][᭑ 1B]
᭑
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚᭜᭚ᬧᬸᬧᬸᬄᬥᬶᬂᬥᬂ᭟᭜᭟ᬦ᭄ᬤᬦ᭄ᬓᬯᬃᬡ᭄ᬦᬳᬵᬲᬂᬰ᭄ᬭᬷᬦᬭᬾᬦ᭄ᬤ᭄ᬭᬳᬦᬾᬂᬯᬶᬮᬢᬶᬓ᭄ᬝᬦᬵᬕᬭᬶᬳᬦᬵᬫᬰ᭄ᬭᬷᬳᬬᬫᬸᬭᬸᬓ᭄ᬧ᭄ᬭᬪᬸᬲᬸᬩᬮ
ᬯᬶᬃᬬ᭄ᬬᬵᬲ᭄ᬯᬧᬸᬢ᭄ᬭᬳᬾᬂᬓ᭄ᬮᬶᬂᬲᬸᬚᬦ᭄ᬫᬳᬦᬸᬮᬸᬲ᭄‌‌ᬚᬦᬵᬦᬸᬭᬕᬵᬦᭀᬫᬧ᭄ᬓᬶᬓ᭄‌‌ᬮ᭄ᬯᬶᬃᬳ᭄ᬬᬂᬲ᭄ᬫᬭᬵᬗᬹᬢ᭄ᬧ᭄ᬢᬶ᭞ᬓᬮᬸᬫ᭄ᬭᬳᬶᬂᬚᬦᬵᬧ᭄ᬭᬶᬳᬭᬶᬓᭀᬢ᭄ᬢᬫᬦ᭄ᬦᬶᬭᬕᬸᬡᬢᬦ᭄ᬧᬶᬗ᭄ᬕᬶᬂᬧᬸᬭᬸᬱᬵᬤᬶᬕ᭄ᬚ
ᬬᬾᬂᬧᬗ᭄ᬬᬸᬲ᭄ᬋᬧ᭄ᬢᬂᬲᬬᬯᬭᬵᬚᬢ᭄ᬓᬾᬂᬯᬡ᭄ᬥᬦ᭄ᬓᭀᬘᬶᬢᬸᬫᬲᬶᬓ᭄ᬲᬯᬵᬓᬸᬂᬢᬜ᭄ᬚᬸᬂᬧᬸᬭᬓᬶᬫᬶᬢᬂᬩᬮᬶᬧ᭄ᬭᬲᬫᬵᬲᬾᬯᬪᬓ᭄ᬢᬶ᭟ᬳᬾᬫᬦ᭄ᬢᬤᬸᬭᬸᬂᬲᬮᬸᬮᬸᬢ᭄ᬲᬶᬭᬢᬦ᭄ᬓᬧᬭᬕᬾᬂᬲ᭄ᬢ᭄ᬭᬶ
ᬧᬦᬧᬶᬮᬶᬄᬭᬓ᭄ᬯᬲᬶᬭᬾᬗ᭄ᬓᬳᬳ᭄ᬬᬸᬦ᭄‌‌ᬓᬂᬲᬯᬯᬲᬶᬳᬶᬗ᭄ᬓᬸᬮᬲᬶᬯᬶᬦᭂᬦᬶᬂᬪᬸᬫᬶᬲ᭄ᬯᬚᬢᬸᬓ᭄ᬭᬫᬦᬶᬭᬳᬫᬗ᭄ᬓᬸᬳᬓᬧ᭄ᬭᬪᬸᬦ᭄‌‌ᬯ᭄ᬦᬂᬲᬶᬭᬫᬓᬵᬃᬤ᭄ᬥᬦᬭᬶᬰ᭄ᬯᬭᬶᬲᬫᬗ᭄ᬓᬦᬲᬶᬭ

[᭒ 2A]
᭒
ᬫᬗ᭄ᬕᬵᬗᬮᬧ᭄‌‌ᬭᬭᬲᬶᬂᬯᬥᬸ᭞ᬧᬧᬘᬗᬦ᭄ᬬᬵᬬᬸᬳᬬᬸᬓ᭄ᬱᬢ᭄ᬭᬶᬬᬳᬦᬓᬶᬂᬫᬦ᭄ᬢ᭄ᬭᬶᬯᭀᬗᬶᬂᬓᬳᬵᬃᬬ᭄ᬬᬦ᭄ᬤᬢᬦ᭄‌‌ᬓ᭄ᬦᬾᬗᬶᬢᬸᬂᬮ᭄ᬯᬶᬃᬧᬸᬱ᭄ᬧᬲᬜ᭄ᬘᬬᬵᬜ᭄ᬚ᭄ᬭᬄᬧᬧᬸᬧᬸᬮᬶᬂᬫᬦᬶᬲ᭄‌‌ᬭᬶᬂᬫᬲᬵᬓᬵᬃ
ᬢ᭄ᬢᬶᬓᬵᬭᬭᬲ᭄ᬭᬭᬲ᭄ᬦ᭄ᬬᬵᬗ᭄ᬤᬦᬶᬂᬓᬸᬂᬧᬦ᭄ᬢᭂᬲ᭄‌‌ᬭᭀᬯᬗᬦᬶᬂᬗᬫᬸᬓ᭄ᬢᬶᬭᬵᬰ᭄ᬫᬶᬫᬗ᭄ᬓᬾᬪᬬᬓᭀᬕᬗᬦ᭄ᬓᬾᬯᬮᬤᬶᬦᬸᬮᬸᬤᬸᬮᬸ᭟ᬧ᭄ᬭᬲᬫᬓᬭᬶᬓᬦ᭄ᬬᬓᬵᬓᬭᬶᬢᬲᬶᬭᬵᬗᬸᬮᬢᬶᬲᬂ
ᬭᬵᬚᬧᬸᬢ᭄ᬭᬶᬮᬶᬲ᭄ᬢ᭄ᬯᬵᬃᬚ᭄ᬚᬵᬤᬶᬲᭀᬢ᭄ᬧ᭄ᬢ᭄ᬬᬦᬶᬭᬫᬮᬶᬄᬭᬹᬧᬕᬸᬡᬢᬸᬳ᭄ᬯᬵᬤᬶᬬᭀᬕ᭄ᬬᬵᬲᬶᬦᬶᬯ᭄ᬬᬾᬂᬦᬕᬦ᭄ᬢᬸᬦ᭄ᬲᬫ᭄ᬧᬸᬦ᭄ᬲᬬᬯᬭᬵᬚᬚᬶᬦᬚᬄᬢᬦᭀᬮᬶᬄᬓᬂᬤᬹᬢᬮᬸᬗ᭄ᬳᬵᬓᬢ᭄ᬓᬾᬂ
ᬦᬹᬱᬵᬦ᭄ᬢᬭᬫᬥᬸᬭᬮᬦᬶᬂᬧᬮᬾᬫ᭄ᬩᬂᬯᬸᬲ᭄ᬓᬵᬢᬸᬭᬾᬂᬰ᭄ᬭᬷᬪᬹᬧᬢᬶᬲᬵᬫ᭄ᬧᬸᬦ᭄ᬧᬶᬦᬶᬦ᭄ᬢᭀᬦᬦ᭄ᬧ᭄ᬝᬲᬯᬃᬡ᭄ᬦᬲᬂᬭᬵᬚᬧᬸᬢ᭄ᬭᬶᬲᬯᬶᬚ᭄ᬬᬦᭀᬭᬓᬾᬱ᭄ᬝᬶᬓᬃᬬ᭄ᬬᬲᬶᬭᬭᬫ᭄ᬩᬗ᭄ᬓᬳ᭄ᬬᬸᬦ᭄ᬓᬤᬶᬪ᭄ᬭᬫ [ 3 ][᭒ 2B]
᭒
ᬭᬾᬓᭂᬫ᭄ᬩᬂᬢᬦ᭄ᬲᬄᬫᬶᬮᬶᬄᬲᬭᬶᬳᬶᬯᬫᬗ᭄ᬓᬦᬧᭀᬮᬳᬶᬭᬲᬂᬦᬵᬣ᭟ᬯᭀᬦ᭄ᬢᭂᬦ᭄ᬢᬯ᭄ᬮᭂᬝᬶᬓᬶᬂᬯᬺᬢ᭄ᬢᬬᬦ᭄ᬲᬂᬦᬵᬣᭀᬂᬲᬸᬡ᭄ᬥᬳᬤᬺᬯᬾᬧᬸᬢ᭄ᬭᬶᬮᬶᬧ᭄ᬢ᭄ᬯᬵᬬᬸᬯᬃᬡ᭄ᬦᬓᬲᬸᬫ᭄ᬩᬸᬂᬮᬰ᭄ᬘᬃᬬ᭄ᬬᬦ
ᬧᭀᬢᬸᬲᬦ᭄ᬧ᭄ᬭᬪᬵᬗ᭄ᬓᬭᬯᬶᬤᬕ᭄ᬥᬦᭀᬭᬦᬵᬫ᭄ᬝᬸᬓ᭄‌ᬫ᭄ᬝᬸᬓ᭄ᬦᬯᬃᬡ᭄ᬦᬲᬂᬧᬸᬢ᭄ᬭᬓᬲᬸᬩ᭄ᬦᭀᬭᬦᬶᬭᬶᬗᬶ᭞ᬲᬵᬫ᭄ᬧᬸᬦ᭄ᬢᬳᬦᬸᬗ᭄ᬕᬂᬧᬮ᭄ᬯᬳᬫ᭄ᬩᬩᬃᬮᬬᬃᬢᬦ᭄ᬓᭀᬦᬶᬗᬾᬂᬫᬃᬕ᭄ᬕᬶᬯᬸᬲ᭄‌ᬢ᭄ᬓᬾᬂᬧᬸᬳᬭ
ᬦᬾᬓᬸᬦᬂᬦᬶᬧᬶᬦ᭄ᬢᬓ᭄ᬦᬯᬃᬡ᭄ᬦᬦᬶᬂᬲᬂᬧᬸᬢ᭄ᬭᬶᬲᬲᭀᬮᬳᬶᬭᬯᬸᬲ᭄‌ᬕ᭄ᬦᭂᬧ᭄ᬤᬾᬦ᭄ᬬᬦ᭄ᬤᬢᬦᬧᬶᬗ᭄ᬩᬶᬂᬯᬃᬡ᭄ᬦᬘᬶᬢ᭄ᬭᬳᬗ᭄ᬭᬯᬶᬢ᭄᭟ᬧᬸᬦᬂᬪᬹᬢᬯᬸᬲ᭄ᬫᬯᬗ᭄ᬲᬸᬮ᭄‌ᬦ᭄ᬤᬢᬦ᭄ᬓᭀᬘᬧᬓᬸᬦᭂᬂᬰ᭄ᬭᬷᬦᬭᬦᬵ
ᬣᬾᬂᬓᬳᬸᬭᬶᬧᬦ᭄ᬓᬯᬸᬯᬸᬲᬫ᭄ᬯᬂᬲᬶᬭᬵᬬᬶᬦᬶᬭᬳᬶᬂᬕᭂᬕ᭄ᬮᬂᬧ᭄ᬭᬵᬧ᭄ᬢᬶᬧᬋᬂᬲᬶᬭᬓᬗᬶᬭᬥᬢᭂᬗᬾᬂᬫᬚᬮᬗᬹᬮᬕ᭄ᬬᬲ᭄ᬫᬂᬲ᭄ᬫᬂᬢᬲᬶᬭᬓᬮᬶᬄᬤᬾᬦᬾᬲᬶᬭᬵᬦᬓᬶᬭᬤᬸᬭᬸᬂᬓᬳᬭᬲᬶᬂᬯᬥᬹ᭞
[᭓ 3A]
ᬫᬃᬫ᭄ᬫᬦᬶᬭᬳᬕᬾᬭᬯᬸᬄᬧ᭄ᬭᬬᬦᬶᬭᬵᬧᬶᬢᬸᬢᬸᬭᬶᬳᬦᬦᬶᬭᬵᬗᬹᬤ᭄ᬯᬓ᭄ᬦᬓᬳᬳ᭄ᬬᬸᬦ᭄‌ᬗᬮᬧ᭄ᬭᬭᬲᬶᬂᬢᬶᬮᬫ᭄ᬢᬦ᭄ᬓᬯᬃᬡ᭄ᬦᬾᬂᬫᬃᬕ᭄ᬕᬶᬲᬵᬫ᭄ᬧᬸᬦ᭄ᬢᬲᬶᬭᬧ᭄ᬭᬵᬧ᭄ᬢᬾᬂᬫᬚᬮᬗᬹᬚᬸᬫᬸᬚᬸᬕ᭄ᬓᬮᬶᬄᬲᬶᬭ
ᬫᬭᬭᬶᬂᬤᬍᬫ᭄ᬧᬸᬭᬶᬓᬕᬾᬢ᭄ᬲᬂᬗᬦᬾᬂᬧᬸᬭᬢᬸᬫᬸᬭᬸᬦᬾᬗ᭄ᬮᬸᬗ᭄ᬲᬸᬃᬓᬫ᭄ᬧᬸᬄ᭟ᬓᬮᬶᬄᬢᬲᬶᬭᬲᬶᬦᭂᬫ᭄ᬩᬄᬤᬾᬭᬲᬂᬤᬾᬯᬦᬶᬂᬧ᭄ᬓᬶᬓ᭄‌ᬢᬹᬭᬗᬹᬘᬧ᭄ᬦᬩ᭄ᬤᬦ᭄ᬬᬵᬮᭀᬦ᭄ᬧᬤᬸᬓᬪᬝᬭᬵᬮᬶᬗ᭄ᬕᬶᬄ
ᬥᬸᬳᬦᬓᬶᬂᬲᬸᬦ᭄ᬓᬓᬶᬮᬄᬢᬸᬳᬦ᭄ᬧᬋᬗᬮᬸᬗ᭄ᬕᬸᬄᬫ᭄ᬦᬾᬓᬮᬳᬦᬶᬗᭀᬂᬲᬂᬯᬶᬦᬶᬤ᭄ᬬᬵᬦᬹᬮᬶᬫᭂᬡ᭄ᬥᬶᬓᬦᭂᬫ᭄ᬩᬳᬮᬸᬗ᭄ᬕᬸᬳᬫᬤᬧ᭞ᬓᬶᬦᬬᬸᬄᬤᬾᬭᬲᬂᬦᬵᬣᬳᬶᬩᬸᬘᬧᬸᬲᬧ᭄ᬲᬳᬵ
ᬗ᭄ᬮᬶᬂᬳᬥᬹᬳᬦᬓᬶᬂᬲᬸᬦ᭄ᬢᬸᬳᬦ᭄ᬓᬸᬮᬾᬳᬾᬢᬲᬶᬭᬵᬓᬶᬭᬶᬲ᭄ᬓᬬᬵᬫᬦᭂᬲ᭄‌ᬫ᭄ᬦᭂᬲᬶᬢ᭄ᬓᬯᬮᬗᬢᬶᬦᬶᬂᬲᬸᬦ᭄‌ᬤᬬᬳᬕ᭄ᬭᬶᬂᬧᬗᬾᬭᬦ᭄ᬧᬭᬦ᭄ᬢᬫᬃᬫ᭄ᬫᬦᬶᬭᬳᬓᬸᬭᬸᬯᬭᭂᬦ᭄ᬲᬶᬭᬵᬫᬦᬶ [ 4 ][᭓ 3B]
᭓
ᬭ᭟ᬓᬮᬸᬦ᭄ᬢᬲᬶᬭᬧᬗᬾᬭᬦ᭄ᬢᬦ᭄ᬧᬗᬮᬧ᭄ᬋᬓ᭄ᬯᬭᬭᬲᬶᬗᬶᬲ᭄ᬢ᭄ᬭᬶᬬᬵᬗ᭄ᬤᬵᬲᬗ᭄ᬰᬬᬢ᭄ᬯᬲᬶᬂᬲᬸᬦ᭄ᬫᬾᬲᭂᬫ᭄ᬲᬶᬭᬲᬂᬦᬵᬣᬾᬂᬕᭂᬕ᭄ᬮᬂᬢᬹᬭᬗ᭄ᬮᬶᬂᬲᬗ᭄ᬓᬦᬶᬂᬲᬸᬦ᭄ᬭᬯᬸᬄᬢᬸᬫᬸᬢᬸᬭᬾᬂᬲᬶᬭᬵᬓ
ᬓᬵᬚᬶᬳᬧ᭄ᬢ᭄ᬬᬢᬸᬫᬜᬓᬓᬶ᭞ᬬᬦ᭄ᬭᬶᬦᬲᬭᬲᬾᬂᬘᬷᬢ᭄ᬢᬯᬬᬳᬶᬭᬳᬕᬸᬂᬢᬭᬸᬡᬵᬧ᭄ᬓᬶᬓ᭄‌ᬢᬹᬃᬲᬵᬫ᭄ᬧᬸᬦᬗᬤᭂᬕ᭄ᬭᬢᬹᬥᬃᬫ᭄ᬫᬵᬦᬸᬭᬵᬕᬳᬾᬂᬭᬵᬢ᭄ᬓᬲᬸᬫ᭄ᬩᬸᬗᬾᬪᬹᬫᬶᬪᬕᬶᬭᬣᬵ
ᬦᬸᬭᬸᬦ᭄ᬲᬓᬵᬮᬳᬫᬶᬡ᭄ᬥᬾᬂᬪᬹᬧᬢᬶᬓᬵᬮᬶᬄᬰ᭄ᬭᬷᬰᬘᬶᬧᬢᬶ᭟ᬤᬤᬶᬢᬲᬶᬭᬵᬫᬵᬲᬶᬂᬲᬸᬦ᭄ᬧᬗᬾᬭᬦ᭄ᬓᬭᬲᬾᬂᬲ᭄ᬢ᭄ᬭᬶᬬᬗ᭄ᬤᬾᬓᬰ᭄ᬘᬃᬬ᭄ᬬᬾᬂᬢ᭄ᬯᬲ᭄ᬭᬵᬫᬦ᭄ᬢᬵᬦᬓᬸᬧᬦ᭄ᬓᬤ᭄ᬬᬵᬗ᭄ᬕᬦᬶᬂ
ᬓᬸᬫ᭄ᬩᬂᬫᬾᬦ᭄ᬤ᭄ᬭᬳᬭᬶᬂᬲᬭᬶᬤᬃᬧ᭄ᬧᬳᬫᬸᬓ᭄ᬢᬶᬫᬥᬸᬦ᭄ᬥᭂᬂᬫᬵᬲᬾᬂᬓᬘᬢᬹᬃᬳᬫᬶᬮᬶᬄᬫᬶᬮᬶᬳᬧᬜ᭄ᬚ᭄ᬭᬳᬶᬂᬲᬭᬶᬯᬲ᭄ᬢ᭄ᬯᬳᬗ᭄ᬤᭀᬳᬶᬘᬶᬢ᭄ᬢᬫᬦᬯᬩ᭄ᬭᬬᬓᬂᬕᬶᬦᬸᬂ᭞ᬫᬾᬲᭂᬫ᭄ᬲᬶᬭᬲ
[᭔ 4A]
ᬗᬗᬕᬸᬲ᭄ᬳᬦᭂᬫ᭄ᬩᬳᬶᬂᬰ᭄ᬭᬷᬪᬹᬧᬢᬶᬲᬳᬯᬘᬦᬳᬦ᭄ᬭᬂᬫᬥᬸᬚᬸᬭᬸᬄᬥᬹᬄᬧᬤᬸᬓᬪᬝᬭᬲᬵᬫ᭄ᬧᬸᬦ᭄ᬯᬮᬗᬢᬶᬢᬦᭀᬭᬩ᭄ᬭᬢᬳᬶᬦᬶᬱ᭄ᬝᬶᬢᬦ᭄ᬲᬓᬾᬂᬗᬫᬜ᭄ᬚᬸᬭᬵᬦ
ᬓ᭄ᬧᬤᬸᬓᬪᬝᬭᬳᬧᬶᬮᬶᬄᬓᬵᬱᬶᬧ᭄ᬢᬶᬲ᭄ᬥᭂᬂᬫᬓᬕᬭᬧᬢ᭄ᬦᬶᬲᬶᬦᬶᬯ᭄ᬬᬵᬦᬾᬪᬹᬄ᭟ᬭᬵᬦᬓ᭄ᬧᬤᬸᬓᬪᬝᬭᬳᬗᬦ᭄ᬢᬶᬧ᭄ᬝᬲᬯᬶᬚᬶᬓᬂᬫᬭᬶᬂᬲᬸᬡ᭄ᬥᬤᬸᬭᬸᬂᬧ᭄ᬭᬵᬧ᭄ᬢᬶᬧᬢᬶᬓ᭄ᬪᬝᬭᬳᬸ
ᬦᬶᬮᬕ᭄ᬬᬵᬓᭀᬦᬦ᭄ᬤᬸᬢᬦᬶᬢᬹᬭᬫ᭄ᬝᬓᭂᬦ᭄ᬢ᭄ᬯᬦ᭄ᬕᬮᬸᬄᬦᬾᬦᬾᬓᬲᬸᬩᬶᬂᬚᬕᬢ᭄ᬦᬦᭀᬭᬵᬦᬦᬶᬭᬶᬗᬶᬳᬓᬾᬄᬧ᭄ᬝᬭᬯᬸᬄᬢᬦ᭄ᬧᭂᬳᬶᬂᬘᬷᬢ᭄᭞ᬕᬸᬫᬸᬬᬸᬰ᭄ᬭᬷᬦᬭᬦᬵᬣᬮᬄ
ᬫᭀᬄᬖᬭᬶᬓᬓᬧᬸᬚᬶᬲᬸᬦ᭄ᬧᬶᬦᬶᬥᬸᬥᬸᬓᬶᬂᬧᬗ᭄ᬓᭀᬦ᭄‌ᬬᬦ᭄ᬲᬶᬭᬲᬶᬤ᭄ᬥᬳᬧᬗ᭄ᬕᬶᬄᬫᬾᬲᭂᬫ᭄‌ᬭᬓ᭄ᬭ᭄ᬬᬦᬧᬢᬶᬳᬸᬫᬢᬹᬃᬲᬳᬯᭀᬢ᭄ᬲᬦ᭄ᬢᬸᬦ᭄ᬧᬢᬶᬓ᭄ᬪᬝᬭᬵᬗ [ 5 ][᭔ 4B]
᭔
ᬧᬵᬦ᭄ᬫᬾᬤ᭄ᬭᬦᬫᬾᬢ᭄ᬧᬸᬢ᭄ᬭᬶᬓᬂᬓᬢᬸᬚ᭄ᬯᬂᬘᬶᬢ᭄ᬢᬭᬵᬦᬓ᭄ᬧ᭄ᬭᬫᬾᬰ᭄ᬯᬭ᭟ᬲᬸᬓᬲᬯᭀᬗᬶᬂᬚ᭄ᬭᭀᬧᬸᬭᬫᬮᬄᬲᭀᬭᬳᬮᬸᬯᬶᬸᬭᬦᬺᬧᬢᬶᬯᬸᬲᬶᬗᬢᬸᬭᬦ᭄ᬧᬲᬸᬕᬸᬄᬕ᭄ᬦᭂᬧ᭄ᬲᬃᬯ᭄ᬯᬵ
ᬱᬤ᭄ᬭᬱᬯ᭄ᬗᬶᬲᬶᬭᬵᬕᬸᬮᬶᬂᬢᬦ᭄ᬓᬯᬃᬡ᭄ᬦᬂᬤᬮᬸᬭᬶᬗᬾᬜ᭄ᬚᬂᬳᬯᬸᬗᬸᬳᬰᬸᬘᬶᬲᬶᬭᬦᬺᬧᬢᬶᬓᬵᬮᬶᬄ᭞ᬧᬬ᭄ᬬᬲᬶᬭᬳᬗ᭄ᬭᬯᬶᬢ᭄ᬳᬓᬫ᭄ᬧᬸᬄᬩᭀᬢ᭄ᬲᬓᬮᭀᬃᬤᬶᬦ᭄ᬭᬯᬾᬂᬭᬹᬳᬲ
ᬩᬸᬓ᭄ᬕᬭᬶᬗ᭄ᬲᬶᬂᬓᬯᬸᬂᬲᬫᬕᬸᬡᬳᬗ᭄ᬭᬭᬲ᭄ᬳᬯᬲ᭄ᬢ᭄ᬭᬧᬶᬓ᭄ᬫᬶᬭᬶᬃᬲᬶᬦᬲᬭᬶᬂᬘᬡ᭄ᬥᬸᬳᬦᬸᬗ᭄ᬓ᭄ᬮᬂᬓ᭄ᬭᬶᬲᬤᬶᬧᬢᬶᬳᬮᬡ᭄ᬥᬾᬬᬦ᭄ᬫᬲᬤᬶ᭟ᬲᬶᬦᬮᬳᬾᬂᬫᬶᬭᬄᬫᬸᬭᬸᬩ᭄ᬲᬶᬦᭂᬫ᭄ᬩᬭᬦ᭄ᬫᬡᬶᬓ᭄ᬯᬭᬶᬄ
ᬧᬢᬶᬂᬓᬺᬤᬧ᭄‌ᬮ᭄ᬯᬶᬃᬓᬓᬸᬦᬂᬤᬶᬦᬸᬮᬸᬲ᭄ᬮᭂᬗᬶᬗᬫᬯᬲ᭄ᬬᬲᬸᬧ᭄ᬭᬪᬦ᭄ᬢᬶᬗᬦ᭄ᬢᬶᬗᬶᬭᬩ᭄ᬭᬳ᭄ᬫᬯᬶᬱ᭄ᬡ᭄ᬯᬃᬚ᭄ᬚᬦᬶᬦ᭄ᬤᬶᬢᬓᬤᬸᬓ᭄ᬩᬕᬸᬲ᭄‌ᬳᭀᬜᭀᬲᭀᬮᬳᬶᬭᬫᭂᬗ᭄ᬕᭂᬧ᭄ᬭᬲ᭄ᬧᬢᬶᬳᬧᬶᬗ᭄ᬕᭂᬮ᭄ᬓᬦᬵ
[᭕ 5A]
ᬢ᭄ᬫᬭᬓ᭄ᬱᬳᬢᭂᬢᭂᬩᬸᬲ᭄ᬢ᭄ᬭᬶᬥᬢᬸ᭞ᬧᬦ᭄ᬢᭂᬲᬲ᭄ᬓᬭᬩᬸᬬᬸᬢ᭄ᬝᬓ᭄‌ᬬᬬᬧ᭄ᬭᬤ᭄ᬯᬶᬂᬢᬸᬮᬶᬲ᭄ᬳᬕ᭄ᬮᬸᬂᬓᭂᬓᭂᬦ᭄ᬤᭀᬦ᭄ᬢᬸᬳᬸᬳᬮᬗᬹᬢᬶᬦᬧᬶᬲᬶᬂᬫᬵᬲ᭄ᬭᬢ᭄ᬦᬕᬭᬸᬥᬓᬯᬶᬗ᭄ᬓᬶᬂᬳᬪ᭄ᬭᬵᬘ᭄ᬯᬥᬵᬫᬡᬶᬦᬶᬭᬫᬶᬭᬄ
ᬫᬬᬵᬫᬸᬭᬸᬩ᭄ᬓᬸᬲ᭄ᬬᬭᬵᬕᬫᬗ᭄ᬓᬶᬦᬵᬳ᭄ᬬᬗᬫᬦᬶᬲ᭄ᬯ᭄ᬬᬓ᭄ᬢᬶᬯᬶᬚᬶᬮ᭄ᬚᬗ᭄ᬕᬮᬓᬸᬭᬶᬧᬦᬶᬂᬦᬕᬦ᭄ᬢᬸᬦ᭄᭟ᬓᬸᬦᭂᬂᬲᬂᬦᬵᬣᬾᬂᬕᭂᬕ᭄ᬮᬂᬧᬳ᭄ᬬᬲᬶᬭᬢᬸᬳ᭄ᬯᬗ᭄ᬭᬯᬶᬢᬓᬫ᭄ᬧᬸᬄᬮᬶᬫᬵᬃᬲᬶᬲᬶᬦᭀ
ᬫ᭄ᬤᬶᬦ᭄ᬭᬯᬾᬂᬫᬵᬲ᭄ᬓᬤᬸᬓ᭄ᬫᬦᬶᬲ᭄ᬳᬲᬩᬸᬓ᭄ᬕ᭄ᬭᬶᬗ᭄ᬲᬶᬂᬭᬶᬗ᭄ᬕᬶᬢᬯᬲ᭄ᬢ᭄ᬭᬧᬾᬋᬫᬵᬲ᭄ᬯᬸᬗᬸᬓ᭄ᬭᬶᬲᬮᬡ᭄ᬥᬾᬬᬦ᭄ᬧᬭᭀᬲ᭄ᬳᬶᬗᬸᬓᬶᬃᬪᬹᬢᬧᬗᬯᬾᬲᬦ᭄ᬢᬸᬦ᭄ᬲᬶᬦᬮᬕᬾᬂᬭᬢ᭄ᬦᬫᬸᬮ᭄ᬬ᭞ᬤᬾᬭᬵ
ᬕ᭄ᬮᬸᬂᬓᬶᬓ᭄ᬮᬶᬗᬦ᭄ᬳᬮᬡ᭄ᬥᬸᬗᬃᬚ᭄ᬚᬳᬗ᭄ᬭᬯᬶᬢᬦ᭄ᬢᬶᬗᬦ᭄ᬢᬶᬂᬫᬶᬭᬄᬓᬳᭀᬢ᭄᭞ᬘ᭄ᬦᬥᬫᬡᬶᬫᬡᬶᬓᬤᬶᬳᬧᬶᬗ᭄ᬕᭂᬮ᭄ᬓᬦᬳᬮᬶᬢᬓᬵᬮ᭄ᬧᬶᬓᬚᬕᬰᬢ᭄ᬭᬸᬲ᭄ᬓᬭᬩᬸᬬᬸᬢᬶᬚᭀ [ 6 ][᭕ 5B]
᭕ᬯᬶᬦᬮᬢ᭄ᬓᬤ᭄ᬕᬧᬦ᭄ᬢᭂᬲᬩᬕᬸᬲ᭄ᬢᬸᬳᬸᬯᬶᬚᬶᬮᬶᬂᬳᬸᬭᬧᬦ᭄᭟ᬫᬶᬚᬶᬮ᭄ᬓᬵᬮᬶᬄᬭᬶᬂᬧᬗᬲ᭄ᬢ᭄ᬭ᭄ᬬᬵᬦᬶᬗ᭄ᬕᬶᬂᬳᬶᬂᬧᬮᬶᬫᬦᬦ᭄ᬦ᭄ᬭᬧᬢᬶᬰ᭄ᬭᬷᬩ᭄ᬭᬵᬳ᭄ᬫᬭᬵᬚᬳᬤᬸᬮᬸᬃᬫᬋᬓᬶᬂᬰ᭄ᬭᬷᬦᬭᬾᬦ᭄ᬤ᭄ᬭᬮᬦ᭄ᬧᬭᬵ
ᬤᬶᬫᬦ᭄ᬢ᭄ᬭᬶᬧ᭄ᬭᬦ᭄ᬤᭂᬫᬸᬂᬢᬸᬫᭂᬗ᭄ᬕᬸᬂᬫᬓᬵᬤᬶᬲᬶᬭᬓ᭄ᬭ᭄ᬬᬵᬦᬧᬢᬶᬄᬧ᭄ᬭᬢᬲᬫᬵᬢᬢᬾᬂᬮᬶᬗ᭄ᬕᬶᬄ᭞ᬲᬸᬓᬵᬧ᭄ᬭᬲᬫᬵᬢᬹᬃᬲᭂᬫ᭄ᬩᬄᬓᬜ᭄ᬘᬶᬯ᭄ᬧ᭄ᬭᬵᬧ᭄ᬢᬲᬂᬤᬾᬯᬦᬶᬗᬧ᭄ᬓᬶᬓ᭄ᬢᬦ᭄ᬧᬢ᭄ᬬᬵᬧᬳᬾᬲᬩᬕᬸᬲ᭄ᬕᬢ᭄ᬭ
ᬍᬫ᭄ᬧᬸᬂᬕᬸᬫᬶᬯᬂᬮ᭄ᬯᬶᬃᬕᬕᬡᬳ᭄ᬦᬶᬂᬢᬦ᭄ᬓᬯᬭᬦ᭄ᬲᬗ᭄ᬳᬸᬩ᭄ᬲᬲᭀᬮᬳᬶᬭᬵᬗ᭄ᬤᬦᬶᬓᬶᬗ᭄ᬓᬶᬂᬢᬸᬳᬸᬫ᭄ᬫᬃᬢ᭄ᬢᬶᬦᬶᬂᬍᬯᬶᬄ᭟ᬲᬂᬧ᭄ᬭᬵᬧ᭄ᬢᬳᬗ᭄ᬮᬸᬗ᭄ᬲᬸᬃᬓᬫ᭄ᬧᬸᬄᬫᭂᬡ᭄ᬥᭂᬓᬾᬗᬃᬱᬦᬺᬧᬢᬶᬓᬵᬮᬶᬄᬲᬶᬦᭂᬫ᭄ᬩᬄ
ᬮᬶᬗᬶᬭᬲᬂᬧ᭄ᬭᬪᬸᬥ᭄ᬫᬄᬓᬓᬶᬳᬮᬶᬗ᭄ᬕᬶᬳᬲᬂᬓᬶᬦᬾᬦᬮᬶᬗ᭄ᬕᬶᬳᬲᬳᬹᬃᬪᬓ᭄ᬢᬶᬦ᭄ᬳᭂᬭᬵᬮᬸᬗ᭄ᬕᬸᬳᬾᬂᬩᬩᬢᬹᬃᬲᬤᬵᬫᬶᬭᬶᬂᬮᬕᬶᬧᬶᬦᬭᬦ᭄ᬮᬶᬂᬭᬶᬂᬤᬾᬦᬾᬲᬶᬭᬫᬦᬶᬭᬓᬵᬮᬶᬳ
[᭖ 6A]
ᬫᬲ᭄ᬯᬲᬶᬤᬸᬮᬸ᭞ᬓᬸᬦᭂᬂᬲᬶᬭᬲᬗᬳᬸᬮᬸᬦ᭄ᬳᭂᬦ᭄ᬢᬶᬩᬸᬗᬳᬶᬓᬗᬢᬶᬓᬬᬭᬶᬗᬶᬳᬢ᭄ᬭᬧᬵᬫᬗ᭄ᬕᬶᬄᬲᬤ᭄ᬬᬸᬄᬤᬾᬦᬾᬲᬶᬭᬵᬦᬓᬶᬭᬲᬸᬰᬶᬮᬘᬸᬲᬦ᭄ᬤᬶᬧ᭄ᬭᬕᬶᬯᬓᬦᬶᬢ᭄ᬯᬳᬫᬵ
ᬥᬗᬶᬢ᭄ᬯᬲᬫᬗᬸᬦᬵᬃᬱᬦᬶᬂᬭᬵᬢ᭄‌ᬍᬯᬶᬄᬘᬶᬢ᭄ᬢᬦᬶᬂᬫᬦ᭄ᬢ᭄ᬭᬶᬓᬶᬥᭂᬧᬭᬫᬾᬰ᭄ᬯᬭᬲᬶᬦᬶᬯᬶᬭᬶᬂᬧᬭᬧ᭄ᬭᬪᬸ᭟ᬮᬶᬗᬶᬭᬰ᭄ᬭᬷᬦᬭᬦᬵᬣᬳᬧᬢᬶᬄᬢᬃᬓ᭄ᬓᬦᭂᬦ᭄ᬦᬶᬓᬶᬮᬫ᭄ᬧᬳᬶᬂᬪᬹᬢᬓ
ᬗᬦᬸᬮᬶᬲ᭄ᬓᬧᬦ᭄ᬫᬃᬕ᭄ᬕᬳᬦᬾᬓᬶᬳᬮᬮ᭄ᬓᬓᬶᬳᬗᬳᬦ᭄ᬢᬶᬪᬬᬳᬫᬗ᭄ᬕᬶᬄᬧᬓᬾᬯᬸᬄᬭᬶᬂᬫᬵᬥ᭄ᬬᬦᬶᬂᬲᬵᬕᬭᬵᬧᬦ᭄ᬤᬳᬢᬯᬶᬱ᭄ᬝᬶᬭᬓ᭄ᬭ᭄ᬬᬦᬧᬢᬶᬳᬸᬫᬢᬹᬃᬲᬳᬲᭂᬫ᭄ᬩᬄ᭞ᬲᬶᬗ᭄ᬕᬶᬳᬦ᭄ᬤᬶ
ᬓᬵᬲᬂᬦᬵᬣᬦ᭄ᬩᭀᬦ᭄ᬢᭂᬦ᭄ᬲᬶᬯᬄᬲᬤᬶᬤᬶᬓ᭄ᬢᬃᬓ᭄ᬓᬧᬤᬸᬓᬵᬪᬝᬭᬵᬧᬦ᭄ᬫᬃᬕ᭄ᬕᬵᬤᬸᬃᬕ᭄ᬕᬫᬵᬭᬸᬲᬶᬢ᭄ᬮᬸᬫᬶᬦ᭄ᬢᬗᬾᬂᬚᬮᬥᬶᬧᬦᬓᬾᬄᬧᬓᬾᬯᬸᬳᬶᬧᬸᬦ᭄ᬫᬗ᭄ᬕᬸᬢ᭄ᬲᬶᬭᬲᬗ᭄ᬓ [ 7 ][᭖ 6B]
᭖
ᬢᭀᬂᬳᭂᬦ᭄ᬢ᭄ᬬᬵᬃᬱᬦᬶᬂᬫᬦ᭄ᬢ᭄ᬭᬶᬲᬸᬫᬳᬸᬃᬰ᭄ᬭᬷᬥᬗ᭄ᬕᬸᬭᬸᬳᬲ᭄ᬫᬭᬦᬵᬣ᭟ᬘ᭄ᬦᬄᬤᬯᬲᬂᬓᬢ᭄ᬯᬗᬶᬂᬭᬵᬢ᭄‌ᬭᬵᬩ᭄ᬭᬵᬳ᭄ᬫᬡᬦᬶᬭᬯᬶᬗᬶᬳᬗᬧᬶᬓᬩᭂᬃᬳᭀᬭᬗᬶᬂᬧᬭᬳᬸᬤᬹᬢ
ᬲᬶᬭᬵᬦᬓᬶᬭᬲᬵᬫ᭄ᬧᬸᬦᬗᬫ᭄ᬩᬮᬶᬯᬸᬲ᭄ᬥᬢᭂᬗᬾᬂᬢᭂᬯᬸᬂᬓᬭᬶᬲᬸᬫ᭄ᬧᬭᬶᬂᬫᬳᬶᬩᬶᬢ᭄ᬢᬸᬢᬸᬭᬸᬦᬫᬾᬢ᭄ᬯᬭᬶᬄ᭞ᬫᬗ᭄ᬓᭀᬫᬾᬄᬧ᭄ᬭᬵᬧ᭄ᬢᬳᬾᬂᬩᬸᬩᬢ᭄ᬲᬫᬗ᭄ᬓᬦᬯᬺᬢ᭄ᬢᬦᬶᬂᬯᭀᬂᬦᬦ᭠
ᬯᬶᬕᬃᬚ᭄ᬚᬶᬢᬲᬂᬰ᭄ᬭᬷᬫᬳᬸᬮᬸᬦ᭄ᬓᬮᬶᬄᬗᬺᬗᭃᬳᬦ᭄ᬤᬶᬓᬵᬲᬂᬰ᭄ᬭᬷᬬᭀᬕᬶᬧᬢᬶᬫ᭄ᬯᬂᬲᬂᬧᬭᬭᬢᬸᬳᬤᬶᬫᬦ᭄ᬢ᭄ᬭᬶᬭᬓ᭄ᬭ᭄ᬬᬦᬧᬢᬶᬄᬧᬗᬮᬲᬦ᭄ᬫᬗᬸᬭᬶ᭟ᬓᬜ᭄ᬘᬶᬢ᭄ᬧᬸᬦᬂᬤᬹᬢᬭᬯᬸᬳᬫᭀ
ᬢ᭄ᬧ᭄ᬝᬓᬂᬯᬶᬸᬦᬶᬲᬸᬢ᭄ᬭᬚ᭄ᬦᬃᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬢᬗᬸᬦ᭄ᬢᬸᬃᬕᬃᬚ᭄ᬚᬶᬢᬰ᭄ᬭᬷᬦᬭᬾᬦ᭄ᬤ᭄ᬭᬫ᭄ᬯᬂᬧᬭᬵᬤᬶᬫᬦ᭄ᬢ᭄ᬭᬶᬲᬶᬭᬭᬓ᭄ᬭ᭄ᬬᬦᬧᬢᬶᬄᬰᬶᬖ᭄ᬭᬳᬓᭀᬦ᭄ᬢᬸᬫᬦ᭄ᬤᬓᬵᬢᬸᬃᬧᬸᬦᬂᬧ᭄ᬝᬲᬂᬭᬵᬚᬧᬸᬢ᭄ᬭᬶᬤᬾ
[᭗ 7A]
ᬦᬾᬲᬶᬧ᭄ᬭᬪᬗ᭄ᬓᬭᬳᬦᭂᬫ᭄ᬩᬳᬶᬂᬲᬗᬳᬸᬮᬸᬦ᭄᭞ᬢᬶᬦᬗ᭄ᬕᬧᬦ᭄ᬢᬸᬃᬤᬶᬦᬸᬮᬸᬤᬾᬦᬶᬭᬓ᭄ᬭᬶᬳᬚᬶᬓᬵᬮᬶᬄᬬᬦ᭄ᬯᬶᬦᬶᬯᬗᬶᬘᬶᬢ᭄ᬢᬢᬸᬳᬸᬳᬬᬸᬲ᭄ᬥᭂᬂᬫᬓᬫᬦ᭄ᬢᬸᬳᬕᬯᭀᬓᬶᬭᬵ
ᬳᭂᬦ᭄ᬢᬶᬲᬭᬭᬲ᭄ᬭᬲᬶᬭᬲᬂᬧᬢ᭄ᬭ᭄ᬬᬵᬗ᭄ᬤᬦᬶᬮᬸᬮᬸᬢ᭄ᬢᬶᬦᬭᬶᬫᬲᬂᬤᬾᬯᬦᬶᬗᬓᬶᬗ᭄ᬓᬶᬂᬢᬶᬦᬗ᭄ᬕᬧᬦ᭄ᬤᬾᬦᬶᬭᬢᬸᬫᬸᬮ᭄ᬬᬲᬳᬯᭀᬢ᭄ᬲᬦ᭄ᬢᬸᬦ᭄᭟ᬢᬶᬦᬶᬗ᭄ᬳᬮᬦ᭄ᬧᬸᬦᬂᬧ᭄ᬝᬤᬾᬭᬲᬂᬕᬸᬭᬸᬦᬶᬂ
ᬫᬦᬶᬲ᭄ᬓᬢᬸᬢ᭄ᬯᬲᬶᬭᬢᬸᬃᬮᬶᬦᬶᬗ᭄ᬮᬶᬂᬲᬬᬦᬫ᭄ᬭᬢᬶᬓᬵᬧ᭄ᬝᬶᬓᬬᬓᬵᬮᬧᬦ᭄ᬳᬸᬭᬶᬧ᭄ᬤᬤᬶᬲᬶᬭᬵᬯᬸᬭᬸᬕᬥᬸᬂᬳᬦᬹᬓ᭄ᬱᬫ᭄ᬫᬾᬂᬢ᭄ᬯᬲ᭄ᬭᬶᬂᬧᬦᭀᬦ᭄ᬕᬸᬫᬦ᭄ᬢᬂᬢᬦ᭄ᬯᬃᬱᬶᬳᬫᬫᬘᬸᬄᬥᬹᬄᬓᬶᬥᭂᬧ᭄ᬯᬸᬲᬸᬫᬸᬗ᭄ᬕᬶᬂ
ᬫᬗ᭄ᬓ᭄ᬯᬦ᭄᭞ᬥᬹᬄᬤᬾᬯᬲᬂᬰ᭄ᬭᬷᬦᬶᬂᬭᬭᬲ᭄‌ᬢ᭄ᬬᬓ᭄ᬳᬶᬬᬦ᭄ᬫᬸᬃᬢ᭄ᬢᬶᬦᬶᬂᬭᬢᬶᬄᬤ᭄ᬬᬄᬦᬬᬓᬦᬶᬗ᭄ᬮᬗᭀᬦ᭄ᬦᬶᬃᬡ᭄ᬦᬭᬹᬫ᭄ᬦᬶᬂᬧᬲᬶᬃᬯᬸᬓᬶᬃᬯᬸᬮᬸᬲᬦ᭄ᬢᬦ᭄ᬧᬲᬶᬭᬶᬂᬤᬬᬳ᭄ᬬᬂᬦᬶᬂᬧᬲᬶᬃᬫᬥᬸᬳ᭄ᬬᬂᬦᬶᬂᬕᬶᬭᬶ [ 8 ][᭗ 7B]
᭗
ᬓᬸᬲᬸᬫᬮᬓ᭄ᬱ᭄ᬫᬶᬦᬶᬂᬦᬵᬕᬭᬶᬳᬫᬶᬡ᭄ᬥᬭᬭᬲ᭄ᬭᬭᬲ᭄ᬭᬸᬫ᭄ᬢᬧᬗᬾᬭᬦ᭄᭟ᬦ᭄ᬤᬦ᭄ᬲᬶᬭᬰ᭄ᬭᬷᬦᬭᬦᬵᬣᬓᬵᬮᬶᬄᬯᬶᬓᬦ᭄ᬭᬶᬗᬫ᭄ᬩᭂᬓᬶᬗᬓᬶᬗ᭄ᬓᬶᬂᬢᬦ᭄ᬫᬬ᭄ᬬᬵᬫ᭄ᬭᬵᬲᬦᬾᬂᬓᬳ᭄ᬬᬸᬦ᭄ᬯᬸᬲ᭄ᬓ
ᬭᬲᬭᬶᬂᬘᬶᬢ᭄ᬢᬓᬢᬭᬭᬶᬂᬗᬓ᭄ᬱᬶᬫᬦᬵᬲᬶᬚᬵᬦᬧᬸᬢ᭄ᬫᬃᬫ᭄ᬫᬲᬶᬭᬰ᭄ᬭᬦᬭᬧᬢᬶᬳᬵᬗ᭄ᬮᬸᬯᬭᬶᬢᬶᬦᬗ᭄ᬓᬶᬮ᭄᭞ᬢᬶᬦᬸᬦ᭄ᬢᬸᬦ᭄ᬲᬶᬭᬵᬦᬓᬶᬭᬳᬓᬢᬶᬕᬦ᭄ᬮᬸᬫᬭᬶᬲᬶᬂᬚ᭄ᬭᭀᬧᬸᬭᬶᬭᬶᬂᬫ
ᬥ᭄ᬬᬧᬋᬗᬮᬸᬗ᭄ᬕᬸᬄᬦ᭄ᬳᭂᬃᬲᬶᬢᬶᬦᬜᬦ᭄ᬳᬦᬓᬶᬂᬲᬸᬦ᭄ᬓᬓᬶᬗᬧᬤᬾᬭᬳᬶᬓᬸᬳᬦ᭄ᬤᬸᬮᬸᬧ᭄ᬝᬶᬦᬶᬲᬂᬧᬸᬢ᭄ᬭᬶᬳᬦᬓᬢᬸᬕ᭄ᬯᬾᬗ᭄ᬳᬢᬶ᭟ᬲᬂᬢᬶᬦᬜᬦᬯᭀᬢ᭄ᬲᬦ᭄ᬢᬸᬦ᭄ᬧᬢᬶᬓ᭄ᬪᬝᬭᬢ
ᬦ᭄ᬫᬮᬶᬄᬬᬾᬓᬶᬧ᭄ᬝᬦᬶᬭᬲᬂᬰ᭄ᬭᬷᬦᬶᬂᬭᬹᬫ᭄ᬭᬸᬫ᭄ᬫᬓᬭᬵᬢ᭄ᬦᬦᬶᬂᬘᬶᬢ᭄ᬢᬦᬹᬓ᭄ᬱ᭄ᬫᬾᬂᬚ᭄ᬭᭀᬳᬢᬶᬦ᭄ᬯᭀᬦ᭄ᬢᭂᬦ᭄‌ᬗᬮᬗᬮᬗᬶᬫᬓᬰᬢ᭄ᬭ᭄ᬯᬦᬶᬂᬲᬸᬦ᭄‌ᬬᬾᬓᬭᭀᬯᬗᬦᬶᬗᬳᬸᬭᬧ᭄ᬓ
[᭘ 8A]
ᬦᬶᬦ᭄‌ᬲ᭄ᬯᬕ᭄ᬕᬫᬦᬶᬂᬭᬧ᭄ᬚᬄᬲᬶᬭᬭᭀᬯᬗᬦᬶᬗᬦ᭄ᬢᬸ᭞ᬫᬾᬲᭂᬫ᭄ᬓᬵᬮᬶᬄᬲᬗᬳᬸᬮᬸᬦ᭄ᬳᬧᬢᬶᬳᬸᬡ᭄ᬥᬂᬢᬸᬫᬸᬮᬶᬫᬮᬬᬸᬓᬂᬓᬶᬦᭀᬦ᭄ᬰᬶᬖ᭄ᬭᬢᬸᬫᬦ᭄ᬤᬸᬓ᭄ᬫᬭᬭᬶᬂᬓᬧᬢᬶᬳᬦ᭄ᬤ
ᬦ᭄ᬲᬶᬭᬓ᭄ᬭ᭄ᬬᬦ᭄ᬧᬢᬶᬄᬕᬶᬧᬶᬳᬸᬫᬜ᭄ᬚᬶᬂᬫᬧᬓᬶᬂᬚᭂᬗᬶᬭᬲᬂᬧ᭄ᬭᬪᬸᬲᬶᬦᬸᬗᬦ᭄ᬣᬘᬦᬭᬓ᭄ᬭ᭄ᬬᬦᬧᬢᬶᬄᬳᬤᬦ᭄ᬤᬦᬧᬦᭀᬫᬄᬲᬸᬯᬮᬧᬢ᭄ᬭᬳᬤᬸᬮᬸᬃ᭟ᬢᬦ᭄ᬓᭀᬘᬧᬭᬢ᭄ᬭᬶ
ᬤᬶᬦᬳᬧᬢᬶᬄᬫᬥᬸᬯᬶᬦᬶᬥᬶᬮᬸᬗ᭄ᬳᬵᬳᬦᭀᬫᬳᬲᬂᬧᬸᬢ᭄ᬭᬶᬓᬮᬯᬦᬦ᭄ᬚ᭄ᬭᬶᬳᬤᬶᬲᬫ᭄ᬧᬸᬦ᭄ᬫ᭄ᬭᬗ᭄ᬕᬾᬂᬪᬦᬯᬶᬚᭀᬕᬸᬂᬲᭀᬧᬦᬦᬶᬧᬸᬦ᭄ᬲᬵᬫ᭄ᬧᬸᬦᬫᬲᬗ᭄ᬓᬶᬮᬢᬫ᭄ᬩᬩᬃᬮᬬᬃᬢᬸᬳᬸ
ᬳᬮᬗᬹᬧᬦᬩ᭄ᬭᬗᬶᬓᬂᬪᬦᬯ᭞ᬲᬧᬲᬃᬳᬦᬾᬶᬮᬳᬢᬦ᭄ᬢᬸᬫᬸᬭᬸᬦ᭄ᬳᬦᬾᬂᬓᬶᬦᬶᬲᬶᬓᬶᬂᬲᬡ᭄ᬥᬓᬧᬺᬦᬄᬓᬸᬮᭀᬦ᭄ᬮᬸᬫᬭᬶᬲᬦᬾᬂᬦᬵᬕᬭᬶᬤᬸᬫᬸᬦᬸᬂᬓᬾᬦᬧᬢᬶᬳ [ 9 ][᭘ 8A]
᭘
ᬦᬾᬂᬧᬓᭂᬓ᭄ᬓᬂᬢᬶᬦᬸᬚᬸᬮᬭᬧᬦᬶᬂᬫᬋᬓᬭᬶᬂᬓ᭄ᬭᬶᬦᬭᬧᬢᬶᬢᬦ᭄ᬓᬯᬃᬡ᭄ᬦᬳᬓᬸᬦᭂᬂᬯᬸᬯᬸᬲᭂᬦᬾᬜ᭄ᬚᬂ᭟ᬲᬂᬦᬵᬣᬾᬂᬲᬸᬡ᭄ᬥᬯᬸᬲᬳ᭄ᬬᬲᬓᬫ᭄ᬧᬸᬄᬲᬦ᭄ᬩᬩ᭄ᬤᬶᬦᬺᬯᬾᬭᬹᬓ᭄ᬫᬶᬳᬯ
ᬲ᭄ᬢ᭄ᬭᬯᬶᬚᬶᬮ᭄ᬢᬶᬗ᭄ᬳᬸᬮᬸᬦ᭄ᬳᬲᬩᬸᬓ᭄ᬕ᭄ᬭᬶᬗ᭄ᬲᬶᬂᬧᬡ᭄ᬥᬯᬚᬥᬳᬗ᭄ᬭᬯᬶᬢᬦᬸᬓ᭄ᬮᬂᬤᬸᬳᬸᬂᬓᬮᬡ᭄ᬥᬾᬬᬦ᭄ᬤᬦ᭄ᬢᬳᬶᬗᬸᬓᬶᬃᬪᬹᬢᬳᬜᬗ᭄ᬓᬶᬂᬫᬵᬢᬶ᭞ᬳᬰ᭄ᬭᬷᬢᬶᬦ᭄ᬭᬧᬦ᭄ᬫᬵᬲ᭄ᬭᬵᬢ᭄ᬦᬳᬧᬶᬗ᭄ᬕᭂᬮ᭄ᬓᬦᬩᬦ᭄ᬢ
ᬮᬳᬫᬦᬶᬲᬦ᭄ᬢᬶᬗᬦ᭄ᬢᬶᬂᬫᬡᬶᬓ᭄ᬩᬜᬸᬳᬕ᭄ᬮᬸᬂᬫᬬᬂᬫ᭄ᬓᬃᬫᬓᬸᬝᬭᬶᬦᬹᬓ᭄ᬫᬶᬘᬹᬥᬫᬡ᭄ᬬᬵᬧᬸᬭᬸᬩ᭄ᬭᬢ᭄ᬦᬵᬯᬶᬳᬓᬮ᭄ᬧᬶᬓᬫᬡᬶᬓ᭄ᬯᬾᬥᬹᬃᬬ᭄ᬬᬭᭀᬭᭀᬲᬶᬲᬶᬄ᭞ᬳᬲ᭄ᬓᬃᬳᬗ᭄ᬭᬾᬓ᭄ᬲᬶᬢᬗ᭄ᬲᬸᬫᭂᬗ᭄ᬕᬺ
ᬧ᭄‌ᬬᬬᬧ᭄ᬭᬤ᭄ᬯᬶᬂᬢᬸᬮᬶᬲ᭄ᬕᬸᬫᬶᬯᬂᬦᬶᬂᬕᬵᬢ᭄ᬭᬳᬍᬫ᭄ᬧᬸᬂᬍᬫ᭄ᬩᬸᬢ᭄ᬧᬦ᭄ᬲᬤᬵᬩᬂᬩᬗᬯᬓᬗᭂᬦ᭄ᬢᬾᬓᭂᬦᬵᬢᬶᬜᭂᬜᭂᬭᬶᬂᬮᬶᬭᬶᬂᬬᬬᬮ᭄ᬯᬶᬃᬢᬸᬫᬾᬢᬾᬲᬫᬥᬸᬧᬦ᭄ᬢᭂᬲ᭄ᬬᬦ᭄ᬯᬶᬦᬂᬯᬂᬧ᭄ᬭᬵ
[᭙ 9A]
ᬯᬶᬭᬾᬂᬚᬸᬭᬶᬢ᭄ᬧ᭄ᬭᬪᬸᬥᬃᬫ᭄ᬫᬯᬵᬃᬣᬵᬫᬶᬦᬓᬶᬲᬂᬧᬭᬲᬵᬥᬸ᭞ᬫᬶᬚᬶᬮ᭄ᬲᬶᬭᬲᬗᬳᬸᬮᬸᬦ᭄ᬳᬦᬾᬂᬯᬶᬢᬦᬳᬮᬶᬗ᭄ᬕᬶᬄᬧᬶᬦᬋᬓᬶᬂᬫᬦ᭄ᬢ᭄ᬭᬶᬳᬢᬢᬾᬂᬮᬸᬗ᭄ᬕᬸᬄᬫᬓᬵᬤᬶᬧᬭᬤ᭄ᬯᬶᬚᬧ
ᬤ᭄ᬬᬵᬓ᭄ᬱᬦ᭄ᬫᬸᬭᬶᬧ᭄ᬭᬵᬧ᭄ᬢᬵᬫᬋᬓᬓᬶᬦᬾᬦ᭄ᬲᬶᬭᬳᬲᬫᬳᬮᬸᬗ᭄ᬕᬸᬄᬥᬢᭂᬂᬧᬸᬦᬂᬤᬹᬢᬫ᭄ᬯᬂᬓᬾᬦᬧᬢᬶᬳᬗᬢᬸᬭᬓᭂᬦ᭄ᬲᬸᬯᬮᬧᬢ᭄ᬭᬭᬶᬚᭂᬂᬲᬂᬧ᭄ᬭᬪᬹ᭟ᬓᬵᬮᬶᬄᬲᬫᬳᬢᬹᬃ
ᬲᭂᬫ᭄ᬩᬄᬕᬶᬦᬗ᭄ᬲᬮ᭄ᬤᬾᬭᬦ᭄ᬭᬧᬢᬶᬯᬶᬦᬘᬲᬶᬦᬹᬓ᭄ᬱ᭄ᬫᬾᬂᬘᬶᬢ᭄ᬢᬦ᭄ᬤᬦ᭄ᬳᬸᬦᬶᬦᬶᬓᬦᬂᬢᬸ᭠ᬮᬶᬲ᭄ᬭᬲᬦ᭄ᬬᬵᬳᬫ᭄ᬮᬲᬲᬶᬄᬥᬸᬄᬲᬸᬲᬸᬳᬸᬦᬦ᭄ᬧᬸᬓᬸᬮᬸᬦ᭄ᬲᬂᬫᬓᭀᬥᬓᬾᬂᬚᬕᬢ᭄ᬓᬢ᭄ᬯᬗᬶᬂᬲ
ᬪᬸᬫᬶᬤᬦ᭄ᬢᬸᬫ᭄ᬭᬮᬸᬲᬶᬳᬶᬭᬵᬗᬓᬸᬳᬢ᭄ᬫᬚ᭞ᬭᬵᬦᬓ᭄ᬧᬤᬸᬓᬤᬯᬭᬮ᭄ᬯᬶᬃᬘᬵᬢᬓᬓᬢᬶᬓ᭄ᬱ᭄ᬡᬵᬦᬶᬗᬃᬓ᭄ᬓᬭᬶᬗᬲᬹᬚᬶᬫᬵᬲᬮ᭄ᬯᬶᬃᬘᬸᬘᬸᬃᬳᬗᬚᬧ᭄ᬰᬰᬶᬄᬪ᭄ᬭᬦ᭄ᬢᬳᬦᬳᭂᬦ᭄ᬓᬶᬗ᭄ᬓᬶᬂᬮᭀ [ 10 ][᭙ 9B]
᭙ᬢᬫᬮᬃᬫᬮᬃᬚᬯᬸᬄᬓᬵᬮᬶᬄᬧᬚᬂᬦᬶᬂᬯᬸᬮᬦ᭄ᬧᬤᬸᬓᬦᬺᬧᬢᬶᬓᬂᬓᬲᬸᬫ᭄ᬩᬸᬂᬫᬹᬃᬢ᭄ᬢᬶᬦᬶᬂᬭᬶᬭᬶᬲ᭄‌ᬫ᭄ᬯᬂᬯᬸᬮᬦ᭄᭟ᬳᬶᬂᬲᬸᬦᬫᬶᬦ᭄ᬢᬲᬦ᭄ᬫᬣᬳᬦ᭄ᬥᬧᬸᬢ᭄ᬭᬶᬧᬤᬸᬓᬦᬺᬧᬢᬶᬲᬂᬫᬸᬱ᭄ᬝᬶᬓᬵ
ᬦᬶᬂᬲ᭄ᬯᬢᬦᬸᬰᬺᬤ᭄ᬥᬧᬤᬸᬓᬦᬵᬣᬫᬸᬭᬶᬧᬾᬂᬓᬯ᭄ᬮᬲᬶᬄᬢᬦ᭄ᬲᬄᬲᬸᬦᬦᬸᬳᬸᬦ᭄ᬧᬤᬤ᭄ᬯᬬᬧᬤᬸᬓᬳᬚᬶᬳᬲ᭄ᬭᬳᬚᬶᬯᬧᬢᬶ᭞ᬓᬵᬮᬶᬄᬲᬥᬯᬶᬦᬶᬂᬲᬸᬭᬢ᭄ᬧᬢᬶᬦ᭄ᬪᬝᬭᬧᬸ
ᬦ᭄ᬫᬥᬸᬯᬶᬦ᭄ᬯᬢᬶᬂᬳᬢᬸᬭᬶᬚᭃᬂᬢᬧᬸᬓᬸᬮᬸᬦ᭄ᬯᬸᬲ᭄ᬦᬶᬂᬢᬸᬮᬶᬲ᭄ᬯᬶᬦᬘᬦ᭄ᬤᬜ᭄ᬘᬶᬢ᭄ᬢᬦᬺᬧᬢᬶᬮ᭄ᬯᬶᬃᬯᬶᬦᬸᬮᬸᬄᬋᬫ᭄ᬧᬸᬄᬫᬃᬫ᭄ᬫᬳᬯ᭄ᬮᬲ᭄ᬳᬸᬦᬶᬦᬶᬂᬢᬸᬮᬶᬲ᭄‌ᬯ᭄ᬓᬲᬦᬮᭀᬗ᭄ᬮᬶᬂ᭟ᬳᬥᬹᬄᬫᬧᬯ᭄ᬓᬲ᭄ᬳᬶᬧᬸ
ᬦ᭄ᬧᬯ᭄ᬓᬲᬦᬶᬭᬓᬓᬶᬓᬾᬦᬧᬢᬶᬄᬫᬵᬢᬹᬃᬲᬳᬯᭀᬢ᭄ᬲᬦ᭄ᬢᬸᬦ᭄ᬲᬶᬗ᭄ᬕᬶᬄᬤᬾᬯᬧᬗᬾᬭᬦ᭄ᬭᬵᬦᬓ᭄ᬧᬤᬸᬓᬵᬚᬶᬳᬦ᭄ᬥᬯᬶᬦᬶᬮᬲᬤᬾᬭᬰ᭄ᬭᬷᬫᬳᬵᬧ᭄ᬭᬪᬸᬓᬸᬤᬸᬭᬶᬂᬧ᭄ᬭᬢ᭄ᬭᬶᬧᬤᬸ
[᭑᭐ 10A]
ᬓᬦᬺᬧᬢᬶᬫᬓᬵᬃᬤ᭄ᬥᬦᬭᬶᬰ᭄ᬯᬭᬬᭀᬕ᭄ᬬᬲᬶᬦᬶᬯ᭄ᬬᭀᬂᬦᬕᬦ᭄ᬢᬸᬦ᭄᭞ᬩ᭄ᬭᬬᬦ᭄ᬤᬶᬦᬤ᭄ᬭᬦ᭄ᬢᬯᬸᬬᬸᬂᬢᬦ᭄ᬲᬄᬕᬸᬫᬦ᭄ᬢᬸᬗᬾᬗᬓ᭄ᬱᬶᬮᬮᬶᬂᬓ᭄ᬭᬫᬢᬦ᭄‌ᬓ᭄ᬦᬾᬂᬢᬥᬄᬢᬸᬭᬹᬢᬦ᭄ᬮᬾ
ᬦ᭄ᬓᬾᬱ᭄ᬝᬶᬭᬶᬂᬘᬶᬢ᭄ᬢᬚᬫ᭄ᬧ᭄ᬬᬦᬶᬗᬓᬶᬗ᭄ᬓᬶᬂᬭᬵᬦᬓ᭄ᬧᬤᬸᬓᬪᬝᬭᬘᬶᬦᬶᬦ᭄ᬢ᭄ᬬᬵᬦᬾᬂᬢᬦᬸᬓᬵᬮᬶᬄᬯᬭᬂᬧᬤᬸᬓᬰ᭄ᬭᬷᬪᬸᬧᬢᬶᬲᬂᬦᬵᬣᬾᬂᬓᬳᬸᬭᬶᬧᬦ᭄ᬢᬦ᭄ᬲᬳᬲᬶᬲᬶᬤ᭄ᬥᬦ᭄ᬯ᭄ᬲᬯᬸᬲ᭄᭟ᬬᬦ᭄ᬲᬵ
ᬫ᭄ᬧᬸᬦ᭄ᬲᬶᬤ᭄ᬥᬳᬢᭂᬫ᭄ᬯᬓᬵᬮᬶᬄᬭᬵᬦᬓ᭄ᬧᬤᬸᬓᬵᬚᬶᬧᬶᬦᬶᬥᬸᬥᬸᬓᬦᬾᬂᬧᬗ᭄ᬓᭀᬦ᭄ᬲᬂᬓᬓᬸᬂᬭᬶᬂᬧᬸᬧᬸᬓᬾᬭᬶᬲᬶᬭᬲᬂᬭᬵᬚᬧᬸᬢ᭄ᬭᬶᬭᬶᬂᬧᬸᬧᬸᬢ᭄ᬗᭂᬦᬮᬸᬗ᭄ᬕᬸᬄᬧᬋᬂᬳᬶᬗᬲ᭄ᬢ᭄ᬭᬾᬦ᭄ᬧᬶᬲᬦ᭄ᬧᬦ᭄ᬲᬶ
ᬭᬳᬶᬦᬶᬱ᭄ᬝᬶᬧᬜ᭄ᬚᬦ᭄ᬫᬦᬶᬭᬭᬵᬚᬧᬸᬢ᭄ᬭᬶᬂᬫᬫ᭄ᬦᬂ᭞ᬳᭂᬦ᭄ᬢᬶᬳᬃᬱᬕ᭄ᬭᬷᬦᬭᬾᬦ᭄ᬤ᭄ᬭᬳᬲᭂᬂᬲ᭄ᬫᬶᬢᬳᬦᬯᬸᬭᬶᬳᬥᬸᬄᬫᬓᬲᬸᬦᬶᬗᭀᬂᬬ᭄ᬲᬶᬭᬓᬓᬶᬳᬰᬸᬤ᭄ᬟᬶᬳᬦ᭄ᬥᬫᬳᬾᬗ [ 11 ][᭑᭐ 10B]
᭑᭐
ᬘᬸᬗ᭄ᬓᬶᬂᬓᬮᬸᬤ᭄ᬢᬸᬃᬓᭀᬮᬸᬕᬶᬂᬮᬓᬸᬮᬯᬦ᭄ᬢᬲᬶᬭᬓᬓᬲᬦ᭄ᬢᭀᬱᬾᬗᬫᬸᬗᬶᬮ᭄‌ᬘᬸᬫ᭄ᬩᬸᬘᬸᬫ᭄ᬩᬸᬤᬾᬦᬶᬧᬦ᭄ᬮᬕᬶᬓᬯᬮᬦ᭄᭟ᬢᬹᬃᬳᬶᬗᬕᭂᬫ᭄ᬓᬂᬲᬯᬮᬦ᭄ᬳᭂᬃᬤᬶᬦᭀᬓ᭄ᬦᬶᬂᬫᬯᬳᬦ᭄ᬫᬥᬶᬂ
ᬳᬶᬗᬶᬗ᭄ᬕᬶᬢᬦ᭄ᬲᬶᬭᬤ᭄ᬫᬸᬂᬓᬶᬦᭀᬦᬫ᭄ᬧᬶᬧᬦᭀᬫᬄᬫᬵᬲ᭄ᬭᬢ᭄ᬦᬯᬲ᭄ᬢ᭄ᬭᬵᬤᬶᬦ᭄ᬤᬢᬦ᭄‌ᬓ᭄ᬦᬾᬂᬗᬶᬢᬸᬂᬳᬯᬦ᭄ᬮᬩᬃᬰ᭄ᬭᬷᬦᬭᬧᬢᬶᬫᬜ᭄ᬚᬶᬗᬶᬂᬤᬍᬫ᭄ᬧᬸᬭᬶ᭞ᬓᬗᬸᬢᬸᬲᬦᬫᬶᬢ᭄ᬮᭂᬩᬃᬫᬭᬶᬂᬧᬲ
ᬗ᭄ᬕ᭄ᬭᬳᬦ᭄‌ᬭᬓ᭄ᬭ᭄ᬬᬦᬧᬢᬶᬄᬲᬵᬫ᭄ᬧᬸᬦ᭄ᬲᬶᬦᬸᬗᬦ᭄ᬧᬲᬸᬕᬸᬄᬫᬗ᭄ᬕᬶᬄᬲᬃᬯ᭄ᬯᬲᬸᬭᬱᬯᬶᬚᬶᬮ᭄ᬧᬲᬶᬃᬯᬸᬓᬶᬄᬯᬸᬮᬸᬲᬦ᭄ᬢᬦ᭄ᬓᬦ᭄ᬢᬸᬦ᭄ᬲᭀᬢᬦᬶᬂᬲᬸᬩᬮᬯᬶᬃᬬ᭄ᬬᬵᬤᬧ᭄ᬭᬪᬸᬲᬸᬡ᭄ᬥᬢᬦ᭄ᬧᬶᬗ᭄ᬕᬶᬂ᭟ᬮᬶᬯ
ᬢ᭄ᬲᬸᬓᬦᬾᬓᬾᬦ᭄ᬫᬥᬸᬤᬾᬦᬾᬯᬸᬲᬸᬮᬩ᭄ᬤᬾᬂᬕᬢᬶᬢᬦ᭄ᬓᬯᬃᬡ᭄ᬦᬓᬸᬦᭂᬂᬲᬶᬭᬲᬂᬧ᭄ᬭᬪᬝᭀᬦ᭄ᬢᭂᬦᬶᬂᬓᬫ᭄ᬕᭂᬢᬦ᭄ᬦᬶᬭᬭᬵᬤᬾᬦ᭄ᬤᬾᬯᬶᬳᬓᬢᬶᬕᬦᬮᬶᬗ᭄ᬕᬶᬄᬮᬯᬦ᭄‌ᬰ᭄ᬭᬷᬦᬺᬧ
[᭑᭑ 11A]
ᬯᬥᬸᬳᬫᬥᬸᬳᬓᬗᬭᬶᬳᬭᬶᬄᬤᬾᬦᬾᬲᬶᬭᬲᬶᬦᭀᬫᬄᬢᬶᬦᬗ᭄ᬕᬧᬦ᭄ᬢᬸᬃᬓᬢᬸᬚᬸ᭞ᬳᬶᬗᬭᬲᬶᬗᬶᬧᬸᬓᬶᬧᬸᬓ᭄ᬧᬲᬹᬃᬬ᭄ᬬᬦ᭄ᬦᬶᬭᬢ᭄ᬯᬦ᭄ᬤᬾᬯᬶᬳᬥᬸᬳᬢ᭄ᬫᬚᬶᬯᬧᬗᬾᬭᬦᬶᬂᬲᬸ
ᬦ᭄‌ᬫᭀᬖᬵᬯᬾᬢ᭄ᬓᬃᬬ᭄ᬬᬕ᭄ᬲᬂᬲᬶᬭᬫᬓᬧᬸᬢ᭄ᬭᬶᬫᬓᬓᭂᬫ᭄ᬩᬗᬶᬂᬮᬶᬭᬶᬂᬤᬾᬦᬶᬂᬬᬬᬄᬫ᭄ᬯᬗᬶᬩᬸᬲᬶᬭᬧᬗᬾᬭᬦ᭄ᬭᭀᬯᬗᬶᬗᬓᬶᬗ᭄ᬓᬶᬦ᭄‌ᬬᬤ᭄ᬬᬦ᭄ᬧᬶᬂᬲᬧ᭄ᬢᬵᬂᬚᬦ᭄ᬫᬲᬶᬭᬫᬓᬧᬸᬢ᭄ᬭᬶ
ᬦᬶᬂᬲᬸᬦ᭄᭟ᬳᬦᬚᬢᬸᬓ᭄ᬭᬫᬦᬶᬭᬫᬗ᭄ᬓᭀᬭᬵᬚᬧᬸᬢ᭄ᬭᬾᬂᬓ᭄ᬮᬶᬂᬓᬲᬸᬩ᭄ᬯᬃᬡ᭄ᬦᬵᬧ᭄ᬓᬶᬓᬦᭀᬫ᭄‌ᬚᬚᬓᬢᬹᬃᬲᬸᬓᬲᬸᬕᬶᬄᬯᬶᬘᬓ᭄ᬱᬡᬧ᭄ᬭᬓᬯᬶᬯᬶᬤᬕ᭄ᬥᬭᬶᬂᬮᬫ᭄ᬩᬂᬓᬶᬤᬸᬂᬯᬦᬶᬚᬬᬾᬂ
ᬧᬮᬸᬕᭀᬦ᭄ᬚ᭄ᬭᬶᬄᬲᬬᬪᬹᬫᬶᬲᬸᬥᬃᬫ᭄ᬫᬫᬸᬗ᭄ᬕᬸᬳᬶᬂᬯᬶᬮᬢᬶᬓ᭄ᬝᬓᬧᬾᬗᬶᬦᬶᬂᬲᬸᬦ᭄‌ᬧᬗᬾᬭᬭᬦ᭄‌ᬗᬺᬗᭃᬫᬹᬚᬶᬦᬶᬂᬪᬸᬫᬶᬢᬹᬃᬲᬶᬭᬳᬲᬶᬤ᭄ᬥᬦ᭄ᬲᬶᬤ᭄ᬥᬦ᭄ᬢᬦ᭄ᬧᬗᬮᬧᬧᬯᬾ [ 12 ][᭑᭑ 11B]
᭑᭑ᬲ᭄ᬢ᭄ᬭᬶᬬᬦᭀᬭᬲᬶᬭᬦᬶᬦᬶᬭᭀᬯᬗᭂᬦᬸᬫᬤᭂᬕ᭄ᬭᬢᬸᬫᬓᬵᬃᬤ᭄ᬥᬦᬭᬶᬰ᭄ᬯᬭᬲᬶᬦᬶᬯᬶᬦᭂᬦᬶᬂᬪᬸᬫᬶᬫᬗ᭄ᬓᬦᬗᬱᬫᬲᬗᬶᬂᬯᬶᬮᬢᬶᬰ᭄ᬝ᭟ᬳᬧ᭄ᬤᬫᭂᬦᬶᬂᬲᬸᬦ᭄ᬧᬗᬾᬭᬦ᭄ᬳᬫᬦ᭄ᬢᬸ
ᬢᬧᬯᭀᬂᬓᬬᬲᬶᬭᬓᬓᬶᬚᬚᬓᬢᬹᬃᬲᬸᬕᬶᬳᬸᬮᬸᬦ᭄ᬯᬶᬬᭀᬲ᭄ᬦᬶᬂᬓᬳᬸᬭᬶᬧᬦ᭄ᬳᬸᬭᬶᬧᬶᬂᬲᬤᬸᬫᬶᬢᬜ᭄ᬚᬯᬶᬓᬯᭂᬗ᭄ᬓᬸᬲᬧᬭᬵᬚᬳᬲᬾᬯᬪᬓ᭄ᬢᬶᬓᬓᬶᬳᬜᬓ᭄ᬭᬯᬃᬢ᭄ᬢᬶ᭞ᬲᬶᬭᬬ
ᬦᬶᬭᬳᬗᬸᬘᬧ᭄‌ᬳᬥᬸᬳᬢ᭄ᬫᬚᬶᬯᬫᬵᬲᬶᬂᬲᬸᬦ᭄ᬦᬶᬦᬶᬳᬶᬥᭂᬧᭂᬦ᭄ᬭᬵᬫᬦ᭄ᬢᬫᬵᬲ᭄ᬓᬸᬳᬕᬸᬂᬧᬮᬧᬦᬶᬓᬗ᭄ᬯᬂᬫᬶᬢᬸᬳ᭄ᬯᬾᬂᬭᬯᬶᬢ᭄‌ᬫ᭄ᬯᬂᬭᬾᬡᬫᬦᬹᬢᬢ᭄ᬯᬲᬓᬵᬚᬭᬶᬓᬗᬚᬶᬧᬸ
ᬢ᭄ᬭᬰᬰᬦᬦᬶᬦᬶ᭟ᬭᬶᬂᬯᭀᬂᬲᬸᬪᬓ᭄ᬢᬶᬳᬦᬸᬳᬸᬦ᭄ᬲᬧᬚᬭᬶᬂᬬᬬᬄᬩᬶᬩᬶᬫᬵᬃᬬ᭄ᬬᬵᬯᬾᬳᬮᬭᬤᬸᬲ᭄ᬓᬺᬢᬾᬂᬮᬓᬸᬲᬸᬓᬺᬢᬓᬂᬓᬶᬦᬃᬬ᭄ᬬᬮ᭄ᬯᬶᬃᬓᬦ᭄ᬬᬫᬤᬯᬶᬳ
[᭑᭒ 12A]
ᬦᬹᬢ᭄ᬲᬓᬳᬃᬱᬳᬦᬶᬭᬲᬂᬫᬓᬲᬹᬦᬸᬧᬮᬃᬳᬦᬸᬯᬸᬳᬯᬗ᭄ᬰᬦᬶᬭᬯᬶᬢ᭄ᬫᬃᬕ᭄ᬕᬦᬶᬂᬯ᭄ᬦᬂᬫᬦ᭄ᬢᬲᬫᬯᬾᬄᬩᬸᬩᬸᬃᬲᬸᬲᬸᬭᬸᬄ᭞ᬳᬥᬸᬳᬢ᭄ᬫᬚᬶᬯᬦᬶᬂᬲᬸᬦ᭄ᬳᬬ᭄ᬯᬧᬮᬂᬧᬂᬭᬶᬂᬗᬚᬶᬓᬤᬶ
ᬓᬵᬚᬭᬶᬂᬧᬸᬭᬡᬓᬂᬢᬶᬦᬹᬢ᭄‌ᬯᭀᬦ᭄ᬢᭂᬦᬶᬂᬕ᭄ᬮᭀᬓᬵᬦ᭄ᬢᬭᬲᬂᬲᬸᬧᬸᬢ᭄ᬭᬾᬂᬭᬯᬶᬢ᭄ᬲᭀᬭᬓ᭄ᬯᬨᬮᬦᬶᬓᬗ᭄ᬯᬗᬚ᭄ᬜᬵᬧᬶᬂᬲᬢᬸᬲ᭄‌ᬯ᭄ᬬᬓ᭄ᬢᬶᬧᬫᬸᬢᬸᬲᬦᬶᬂᬬᬬᬄᬩᬶᬩᬶᬳᬫᬗ᭄ᬕᬶᬳ
ᬲᭀᬪᬕ᭄ᬬᬲᬂᬧᬶᬦᬶᬦ᭄ᬢᬸᬳ᭄ᬯᬵᬦᬾᬂᬲᬹᬦᬸ᭟ᬫᬗ᭄ᬓᬦᬳᬸᬚᬭᬾᬭᬾᬡᬳᬫᬶᬢᬸᬢᬸᬭᬶᬲᬂᬧᬸᬢ᭄ᬭᬶᬲᬂᬓᬤᬶᬰ᭄ᬭᬷᬦᬶᬗ᭄ᬓᬮᬗᭀᬦ᭄ᬳᬦᭂᬫ᭄ᬩᬳᬾᬂᬬᬬᬄᬩᬶᬩᬶᬳᬲ᭄ᬫᬸᬲ᭄ᬫᬸᬢᬗᬶᬲ᭄ᬳᬫ᭄ᬩᭂᬄᬦᬶᬂᬦᬬᬦᬵᬩᬮᬸᬢ᭄ᬯᬃᬡ᭄ᬦᬵᬯ᭄ᬦᭂᬲᬫᬯᬃᬳᬾᬦ᭄ᬤᬄᬰᬶᬢᬓᬰ᭄ᬫᬶᬢᬶᬦᬶᬗ᭄ᬳᬮᬶᬂᬯ᭄ᬗᬶᬭᬶᬯᬶᬚᬶᬮᬶᬗᬵᬃᬓᬓ᭞ᬲᭀᬮᬄᬮ᭄ᬯᬶᬃᬧᬵᬤᬧᬮᬬ᭄ᬯᬦ᭄ᬓᬮᬸᬤ᭄ᬧᬧᬳᬾᬲ᭄ᬦ᭄ᬬᬵᬦ᭄ᬧᬓᬸᬲᬸ [ 13 ][᭑᭒ 12B]
᭑᭒
ᬢ᭄ᬦᬶᬂᬭᬾᬫᬬᬬᬵᬗ᭄ᬭᬯᬶᬢ᭄ᬮ᭄ᬯᬶᬃᬚᬮᬤᬵᬫᭂᬫ᭄ᬭᬶᬭᬶᬲ᭄ᬮᬜ᭄ᬘᬶᬧ᭄ᬮᬜ᭄ᬘᬶᬧ᭄ᬦᬶᬗᬮᬶᬲ᭄‌ᬮ᭄ᬯᬶᬃᬳᬃᬤ᭄ᬥᬵᬘᬦ᭄ᬤ᭄ᬭᬵᬗ᭄ᬤᬦᬶᬓᬸᬂᬭᬾᬲ᭄ᬦᬶᬂᬫᬵᬥ᭄ᬬᬵᬜᬸᬭᬶᬕᬳᬾᬭᬂᬓᬂᬓᬾᬢᬓᬶᬭᬶᬂᬯ᭄ᬢᬶᬲ᭄ᬢᬶᬲ᭄ᬫᬶᬭᬳᬦ᭄ᬭᬂᬭᬹ᭠
ᬫ᭄ᬦᬶᬓᬂᬫᬬᬂ᭟ᬫᬕᬸᬳᬶᬂᬢᬶᬱ᭄ᬝᬳᬗ᭄ᬭᬭᬲ᭄ᬳᬗᬸᬗᬂᬭᬵᬰ᭄ᬫᬶᬦᬶᬂᬢᬶᬭᬶᬲᬦ᭄ᬕᬥᬶᬂᬳᬦᬗᬶᬲ᭄ᬮᬸᬗᬶᬓᬂᬕᬥᬸᬂᬚ᭄ᬭᬶᬄᬭᬶᬮᬸᬗᬬᬦᬶᬭᬢᬢᬭᬯᬃᬱᬳᬦᭂᬫ᭄ᬩᬳᬓᬶᬤᬸᬧᬸᬄᬭᬶᬂᬚᬭᬶᬚᬶ
ᬦᬶᬭᬳᬦᬸᬚᬶᬯᬸᬮᬸᬦᬶᬂᬮᬡ᭄ᬥᬓ᭄ᬲᬶᬗᬶ᭞ᬦᬓᬬᬬᬫᬡᬶᬓ᭄ᬢᭀᬬᬕᬢ᭄ᬭᬵᬍᬫ᭄ᬩᬸᬢ᭄ᬮ᭄ᬯᬶᬃᬕᬶᬮᬶᬂᬕᬶᬮᬶᬂᬓᬸᬜᬶᬢ᭄ᬕᬸᬫᬶᬯᬂᬓᬤᬶᬫᬵᬲ᭄ᬢᬢᬸᬃᬧᭀᬓᬶᬭᬦᬶᬂᬯᬤᬦᬲᭀᬃᬢᬂᬮᬶᬗᬶᬃᬕ
ᬥᬶᬂᬲ᭄ᬯᬭᬵᬫᬦᬶᬲᬭᬹᬫ᭄ᬳᬦ᭄ᬭᬂᬦᬵᬤᬦᬶᬗᬗ᭄ᬲᬯᬶᬦᬶᬧᬭᬦ᭄ᬲᬶᬗᬸᬘᬧ᭄ᬫᬮᬶᬄ᭟ᬯ᭄ᬬᬓ᭄ᬢᬶᬬᬦ᭄ᬮᬸᬧᬸᬢ᭄ᬯᬶᬦᬸᬯᬸᬲ᭄ᬳᭂᬦ᭄ᬤᬶᬲ᭄ᬬᬵᬦᬭᬵᬚᬧᬸᬢ᭄ᬭᬶᬲᬸᬫᬫᬳᬯᬃᬡ᭄ᬦᬵᬦᬶᬭᬰ᭄ᬕᬮᬸᬗᬦᬹ
[᭑᭓ 13A]
ᬢᬶᬗᬦᬓ᭄ᬰᬲ᭄ᬢ᭄ᬭᬭᬤᬾᬦ᭄ᬘᬶᬢ᭄ᬭᬭᬵᬰ᭄ᬫᬶᬭᬶᬭᬵᬱ᭄ᬫᬶᬦᬶᬭᬳᬦ᭄ᬭᬂᬭᬹᬫ᭄ᬭᬸᬫᬶᬂᬧᬲᬶᬃᬕᬸᬦᬸᬂᬫ᭄ᬯᬂᬯᬸᬮᬸᬲᬦ᭄ᬫᬲᬓᬃᬢ᭄ᬢᬶᬓᬵᬗᬺᬲᬶᬫᬦᬳᬶᬂᬓᬯᬶᬰ᭄ᬯᬭᬓᬧᬸᬢᬸᬗᬦ᭄ᬢᬦᬄᬕᬭᬸᬂ᭞ᬓᬓ
ᬓᬓᬦ᭄ᬦᬶᬭᬵᬗ᭄ᬭᬸᬩᬸᬂᬓᬾᬦ᭄ᬩᬬᬦ᭄ᬮᬯᬦ᭄ᬓᬾᬦ᭄ᬲᬗ᭄ᬕᬶᬦ᭄ᬓᬾᬦ᭄ᬧᬘᬶᬭᬦ᭄ᬧᬗᬸᬦᭂᬗᬦ᭄‌ᬬᬾᬦᬬᬸᬮᬯᬦ᭄ᬲᬶᬭᬾᬜᬦᬶᬭᬮ᭄ᬯᬶᬃᬅᬜ᭄ᬚᬬᬲᬭᬶᬳᬦ᭄ᬥᭂᬂᬫᬥᬸᬳᬸᬫᬸᬂᬓᬸᬫ᭄ᬩᬂ
ᬢ᭄ᬓᬵᬧᬵᬗ᭄ᬭᬸᬩᬸᬂᬳᬶᬯᬫᬗ᭄ᬓᬦᬭᬭᬲ᭄ᬦ᭄ᬬᬳᬫᬦᬶᬲ᭄ᬳᬗᭂᬦ᭄ᬢᬾᬓᬓᭂᬜ᭄ᬘᬶᬢ᭄ᬢᬳᬵᬗ᭄ᬤᬦᬶᬭᬵᬕᬓᬸᬂᬮᬸᬮᬸᬢ᭄᭟ᬯ᭄ᬗᬶᬢᬦ᭄ᬓᬯᬃᬡ᭄ᬦᬫᬸᬯᬄᬯᬸᬯᬸᬲᭂᬦ᭄ᬳᬦᬭᬶᬗᬾᬜ᭄ᬚᬶᬂᬳᭀᬋᬕ᭄ᬧᬵ
ᬦᬵᬕᬭᬾᬂᬲᬸᬡ᭄ᬥᬬᬦ᭄ᬲᬶᬭᬰ᭄ᬭᬷᬦᬭᬧᬢᬶᬧ᭄ᬭᬬᬮᬸᬗ᭄ᬳᬵᬗᬚᬯᬶᬲᬕᬺᬳᬦ᭄ᬲᬶᬭᬢ᭄ᬯᬦ᭄ᬕᬮᬸᬄᬯᬶᬦᭀᬢᬶᬂᬯᬶᬮᬢᬶᬓ᭄ᬝᬵᬧᬦ᭄ᬘᬶᬢ᭄ᬢᬦᬺᬧᬢᬶᬳᬕᬾᬢᬲᬶᬭᬳᬫᬭᬗᬶᬂᬭᬳ [ 14 ][᭑᭓ 13B]
᭑᭓
ᬤ᭄ᬬᬦ᭄᭞ᬲᬶᬦᬾᬗᬦ᭄ᬧᬸᬗ᭄ᬕᬯᬾᬂᬲᬸᬡ᭄ᬥᬰᬶᬖ᭄ᬭᬢ᭄ᬓᬵᬫᬋᬧᭂᬓᬶᬫᬗ᭄ᬕᬮᬲᬶᬭᬓ᭄ᬭ᭄ᬬᬦᬧᬢᬶᬄᬓᬶᬫᬸᬢᬂᬫᬦ᭄ᬢ᭄ᬭᬶᬳᬤᬶᬳᬢᬢᬓᬤᬶᬂᬢᬸᬮᬶᬲ᭄ᬫᭂᬡ᭄ᬥᭂᬓ᭄ᬧ᭄ᬭᬲᬫᬵᬯᭀᬢ᭄ᬲᬦ᭄ᬢᬸᬦ᭄ᬲᬶ
ᬦᬸᬗᬚ᭄ᬜᬵᬲᬂᬗ᭄ᬓᬢᭀᬂᬮᬸᬗ᭄ᬳᬵᬳᬗᬚᬯᬶᬳᬸᬫᬶᬭᬶᬗᬮᬫ᭄ᬧᬳᬶᬭᬰ᭄ᬭᬶᬦᬭᬾᬦ᭄ᬤ᭄ᬭᬵᬲᬸᬓᬲᬫᬳᬢᬹᬃᬲᭂᬫ᭄ᬩᬄᬲᬳᬸᬃᬧᬓ᭄ᬱ᭄ᬬᬵᬦᬸᬳᬸᬦᬵᬚ᭄ᬜᬵᬦᬺᬧᬢᬶᬦᬹᬮ᭄ᬬᬲᬶᬦᬾᬗᬦ᭄ᬓᬾᬦ᭄ᬫᬥᬸᬧ᭄ᬭᬵᬧ᭄ᬢᬫᭂᬡ᭄ᬥᭂᬓᬦᬓᬦᭂᬫ᭄ᬩᬳᬗ᭄ᬮᬶᬂᬕ᭄ᬮᬶᬪᬹᬧᬢᬶᬳᬶᬳᬧᬢᬶᬄᬫᬥᬸᬧᬫᬸᬮᬶᬳᬓᬶᬢᬭᬶ
ᬤᬾᬦ᭄ᬢᬢᬦᭂᬦ᭄ᬓᬃᬬ᭄ᬬᬦᬶᬂᬲᬸᬦ᭄ᬥᬢᭂᬗᬾᬂᬯᬶᬮᬢᬶᬓ᭄ᬝᬵᬗᬢᭂᬃᬲᬶᬭᬦᬶᬦᬶᬳᬮᬫᬮᬫᬶᬂᬲᬸᬦ᭄ᬳᬦ᭄ᬤᬤᬫᬫᬦ᭄ᬢᬸᬢᬓᬓᬶᬲᬂᬫᬸᬱ᭄ᬝᬶᬓᬦᬶᬂᬓ᭄ᬮᬶᬂ᭟ᬍᬯᬶᬄᬫᬓᬲᬸᬓᬦᬶᬂᬲᬸᬦᬗᬺᬗ᭄ᬯᬵᬦ᭄ᬤᬶ
[᭑᭔ 14A]
ᬓᬵᬓᬓᬵᬚᬶᬧᬵᬲᬶᬲᬶᬤ᭄ᬥᬦ᭄ᬭᬓ᭄ᬯᬭᬶᬂᬦᬶᬦᬶᬕᬮᬸᬳᬫᬶᬥᬸᬥᬸᬓᬾᬂᬧᬗ᭄ᬓ᭄ᬯᬦ᭄ᬮᬯᬦ᭄ᬲᬶᬭᬦᬓᬶᬧᬭᬦ᭄ᬢᬫᬃᬫ᭄ᬫᬳᬦᬶᬂᬲᬸᬦ᭄ᬢᬦ᭄ᬲᬸᬓᬳᬦᬸᬳᬸᬦ᭄ᬲᬶᬭᬓᬳᬯᬯᬭᬗᬦ᭄ᬧᬸ
ᬢ᭄ᬭᬶᬮᬳᬢᬸᬭᬓ᭄ᬦᬳᬸᬕᬳᬶᬗᭀᬂᬬᬦᬕᬾᬭᬯᬸ᭞ᬳᬲᬳᬸᬃᬲᭂᬫ᭄ᬩᬄᬓᬾᬦ᭄ᬫᬥᬸᬢᬦ᭄ᬲᬶᬧᬶᬢᬸᬱ᭄ᬝᬦᬶᬗ᭄ᬳᬢᬶᬳᬦᬫ᭄ᬧᬯᬘᬦᬰ᭄ᬭᬶᬫᬳᬵᬧ᭄ᬭᬪᬸᬮ᭄ᬯᬶᬃᬓᭀᬤᬦᬦᬫᬺᬢᬲ
ᬗ᭄ᬓᬾᬳᬶᬲ᭄ᬦᬶᬂᬰᬰᬶᬄᬯ᭄ᬓᬲᬦ᭄ᬫᬵᬢᬹᬃᬲᬶᬗ᭄ᬕᬶᬄᬧᬢᬶᬓ᭄ᬪᬝᬭᬵᬦᬸᬳᬸᬦ᭄ᬲᬯᬘᬦᬧᬤᬸᬓᬰ᭄ᬭᬶᬦᬺᬧᬢᬶᬓᬯᬸᬮᬳᬫᬶᬢ᭄ᬧᬶᬲᬦ᭄ᬫᬗ᭄ᬓᬢᬭᬶᬂᬩᬾᬲᬸᬓᬾᬲᬸᬓ᭄᭟ᬫᬗ᭄ᬕᬸᬢ᭄ᬲᬶᬭᬰ᭄ᬭᬷᬦ
ᬭᬾᬦ᭄ᬤ᭄ᬭᬳᬲᭂᬂᬲ᭄ᬫᬶᬢᬳᬮᭀᬦᬗ᭄ᬮᬶᬂᬮᬳᬦᬾᬧᬓᭂᬦ᭄ᬧᭂᬧᭂᬓᬂᬲᬗᬸᬦᬾᬳᬦᬾᬂᬪᬦᬯᬶᬳᬢᬸᬃᬪᬓ᭄ᬢᬶᬓᬾᬦ᭄ᬧᬢᬶᬄᬳᬦᬾᬧᬓᭂᬦᬫᬶᬢ᭄ᬫᬦ᭄ᬢᬸᬓ᭄ᬳᬫ᭄ᬓᬲ᭄‌ᬫ᭄ᬓᬲᬦᬲᬂᬫᬸᬮᬶᬄ [ 15 ][᭑᭔ 14B]
᭑᭔
ᬗᬚᬯᬶᬲᬳᬲᬗᬸᬲᬵᬫ᭄ᬧᬸᬦ᭄ᬯᬶᬦᭀᬢᬶᬂᬧᬾᬯᬓᬦ᭄᭞ᬭᬢ᭄ᬭᬶᬓᬯᬃᬡ᭄ᬦᬭᬶᬗᬾᬜ᭄ᬚᬵᬂᬓᬾᬦ᭄ᬫᬥᬸᬫᬸᬗ᭄ᬕᬾᬂᬪᬦᬯᬶᬮᬦ᭄ᬫᬦ᭄ᬢ᭄ᬭᬶᬓᬂᬢᬸᬫᬸᬢᬗᬶᬭᬶᬂᬢᬦ᭄ᬓᭀᬘᬧᬭᬶᬂᬫᬃᬕ᭄ᬕᬶᬓᬸᬦᭂᬂᬰ᭄ᬭᬶ
ᬦᬭᬧᬢᬶᬭᬶᬂᬲᬸᬡ᭄ᬥᬳᬤᬦᬢᬺᬯᬸᬳᬗᬸᬫ᭄ᬧᬸᬮᬩᬳᬶᬢ᭄ᬭᬬᬦ᭄ᬬᬦᬩᬸᬗᬮᬶᬢ᭄‌ᬦ᭄ᬤᬢᬦ᭄ᬓᬦ᭄ᬢᬸᬦ᭄‌ᬢ᭄ᬓᬦᬶᬂᬩᬳᬶᬢᬤᬕᬂ᭟ᬯᬢᬭᬯᭀᬦ᭄ᬢᭂᬄᬦ᭄ᬭᬂᬓᬸᬧᬂᬧᬸᬦᬂᬲᬫ᭄ᬧᬸᬦ᭄ᬭᬸ
ᬲ᭄ᬲᬸᬫᬚᬶᬚᬸᬓᬸᬂᬚᬸᬓᬸᬂᬦ᭄ᬤᬢᬦ᭄ᬓᬦ᭄ᬢᬸᬦ᭄ᬢᭂᬫ᭄ᬧ᭄ᬮᬵᬦ᭄ᬩᬮᬦ᭄ᬤᭀᬗᬦ᭄ᬫᭀᬦ᭄ᬢᭂᬦ᭄ᬬᬦ᭄ᬭᭀᬂᬢᬮᬶᬧᭂᬧᭂᬓ᭄ᬲᬦᬲᬗᬸᬓᬸᬦᭂᬂᬲᬶᬭᬰ᭄ᬭᬶᬦᬭᬧᬢᬶᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬾᬂᬓᬶᬓᬶᬲᬶᬓ᭄᭞ᬫᭀᬖᬵᬦ᭄ᬫᬤᬸᬃ
ᬦᬶᬫᬶᬢ᭄ᬢᬳᬩᬂᬲᬸᬫ᭄ᬦᬵᬯ᭄ᬯᭀᬂᬦᬶᬓᬂᬚᬮᬥᬶᬢᬦᬶᬲᬶᬳᬲ᭄ᬫᬸᬫᬭᬸᬲ᭄‌ᬕᬕᬓᬲ᭄ᬭᬗᬗ᭄ᬕᬮ᭄ᬯᬓ᭄‌ᬦ᭄ᬳᭂᬃᬫᬸᬢᬄᬕ᭄ᬢᬶᬄᬘᬶᬳ᭄ᬦᬦᬶᬂᬢᬦᬦ᭄ᬢᬸᬓ᭄ᬭᬶᬂᬲᬸᬡ᭄ᬥᬲᬶᬭᬰ᭄ᬭᬷᬪᬹᬧᬢᬶᬪ᭄ᬭᬱ᭄ᬝᬵᬦᬾᬂᬫᬚ
[᭑᭕ 15A]
ᬧᬳᬶᬢ᭄᭟ᬓᬸᬦᭂᬂᬲᬶᬭᬲᬗᬳᬸᬮᬸᬦ᭄ᬦᭀᬭᬯᬶᬓᬵᬭᬦᬶᬗ᭄ᬳᬢᬶᬢᬸᬫᬶᬗ᭄ᬳᬮᬶᬂᬤᬹᬃᬫᬵᬗ᭄ᬕᬮᬢᬦ᭄ᬲᬸᬭᬸᬤ᭄ᬳᬦᬩ᭄ᬭᬗᬗᬚᬯᬓᬂᬓᬾᬱ᭄ᬝᬶᬭᬶᬗ᭄ᬳᬢᬶᬲᬸᬫᬯᭀᬦ᭄ᬢᬸᬮᬸᬲᬦᬶᬭᬬᬦ
ᬳᬢᭂᬢ᭄ᬫᬸᬳᬯᬯᬭᬗᬦ᭄ᬭᬶᬂᬲᬂᬦᬵᬣᬾᬂᬓ᭄ᬮᬶᬂᬓᬸᬤᬸᬦᬶᬭᬳᬫᬦ᭄ᬢᬸᬳᬲᬂᬤᬾᬯᬦᬶᬗᬩᬕᬸᬲ᭄᭞ᬢᬸᬫᬸᬮᬶᬲᬶᬭᬲᬂᬧ᭄ᬭᬪᬸᬓᬵᬮᬶᬄᬰ᭄ᬭᬷᬧᬭᬫᬾᬰ᭄ᬯᬭᬶᬳᬓᬢᬶᬕᬦ᭄ᬲᬶᬭᬲᬂᬰ᭄ᬭᬶᬦᬶᬂᬭᬹ
ᬫ᭄ᬭᬸᬫᬦᬸᬮᬸᬫ᭄ᬧᬓᬶᬂᬲᬫ᭄ᬧᬸᬦᬸᬗ᭄ᬕᬳᬶᬂᬪᬦᬯᬶᬫ᭄ᬯᬂᬲᬶᬭᬧᬢᬶᬄᬮᬯᬦ᭄ᬲᬶᬭᬤ᭄ᬫᬸᬂᬢᬸᬫᭂᬗ᭄ᬕᬸᬂᬧᬭᬭᬗ᭄ᬕᬢᬸᬫᬹᬢᬂᬧᬭᬫᬦ᭄ᬢ᭄ᬭᬶᬲᭀᬫᬄᬲᭀᬫᬄᬢᬲᬶᬭᬵᬲᬫᬫᬸᬗ᭄ᬕᬳᬾᬂᬧᬭᬳᬸ᭟ᬓᬂᬩᬮ
ᬧ᭄ᬭᬲᬫᬫᬸᬗ᭄ᬕᬄᬫᬓᬵᬤᬶᬯᬤ᭄ᬯᬲᬶᬦ᭄ᬮᬶᬃᬧᭂᬧᭂᬓ᭄ᬲᬜ᭄ᬚᬢᬳᬳᬾᬯᭀᬦ᭄‌ᬯᬵᬳᬦᬓᬸᬯᬮᬦᬱ᭄ᬝᬶᬳᬾᬩᭂᬓ᭄ᬫᬸᬗ᭄ᬕ᭄ᬯᬾᬂᬪᬦᬯᬶᬲᬢᬢᬩᬸᬳᬦ᭄‌ᬫ᭄ᬯᬂᬢᬸᬗ᭄ᬕᬸᬮ᭄ᬧ᭄ᬭᬬᬦᬶᬓᬳᬫᬶ [ 16 ][᭑᭕ 15B]
᭑᭕
ᬦ᭄ᬢᭀᬦᬦ᭄ᬭᬭᬲ᭄ᬦ᭄ᬬᬵᬢᬡ᭄ᬥᬶᬗᬩᬩᬭᬶᬲᬦ᭄ᬭᬶᬂᬲ᭄ᬥᭂᬗᬶᬂᬲ᭄ᬯᬓᬃᬬ᭄ᬬ᭞ᬓᬾᬥᭂᬧ᭄ᬢᬦ᭄ᬓᬭᬶᬯᭀᬂᬲᬸᬡ᭄ᬥᬢ᭄ᬮᬲᬸᬫᬶᬭᬶᬂᬦᬺᬧᬢᬶᬥᬢᭂᬗᬭᬶᬂᬯᬶᬮᬢᬶᬓ᭄ᬝᬵᬧᬦᭀᬭᬳᬗ᭄ᬭᬲᬯᬶᬱ᭄ᬝᬶᬫᬬᬢ᭄ᬫᬬ
ᬢ᭄ᬭᬶᬗ᭄ᬳᬢᬶᬳᬲᭀᬲᭀᬓᬦᬢᭂᬢ᭄ᬫᬸᬲᬸᬡ᭄ᬥᬮᬦᬶᬂᬚᬗ᭄ᬕᬮᬵᬧᬦᬧ᭄ᬭᬬᬕᬢᬶᬧᬭᬦ᭄ᬢᬲᬸᬓᬦᬶᬗᬘᬭᬸᬩᬫᬸᬓ᭄ᬢ᭄ᬬᬵ᭟ᬫᬸᬤᬶᬓ᭄ᬮᬭᬶᬦᬶᬂᬩᬳᬶᬢ᭄ᬭᬳᬫᬲᬂᬓᬶᬮᬢ᭄ᬮᬬᬃᬦ᭄ᬬᬳᬗ᭄ᬭᬯᬶᬢ᭄ᬓᬸᬦᭂᬂ
ᬲᭀᬧᬦᬲᬂᬧ᭄ᬭᬪᬸᬚᭀᬂᬲᬲᬗᬯᬗᬸᬦᬦ᭄ᬭᬶᬂᬢᬢᬃᬦᬵᬕᬭᬶᬢᬶᬦᬶᬭ᭄ᬯᬵᬦᬾᬤᬗᬹᬯᬸᬲᬶᬂᬧ᭄ᬭᬂᬰ᭄ᬭᬷᬯᬶᬚᬬᬳᬚᬶᬪ᭄ᬭᬱ᭄ᬝᬵᬦᬶᬓᬂᬓᬥᬶᬭᬶ᭞ᬳᬰ᭄ᬭᬶᬢᬶᬦᭀᬦ᭄ᬬᬬᬾᬂᬲᬸᬭᬢ᭄ᬳᬫᬢᭂᬓ᭄ᬮᬬᬃᬦ᭄ᬬ
ᬢᬶᬦᬸᬢᬶᬗᬗᬶᬦᬧᬦ᭄ᬫᬾᬄᬫᬵᬲᬓᬘᬢᬸᬃᬳᬗᬶᬦᬶᬓᬲ᭄ᬮᬢᬦᬗᬸᬮ᭄ᬯᬦᬩ᭄ᬘᬶᬓ᭄ᬲᬬᬦ᭄ᬤᭀᬳᬮᬗᬹᬳᬾᬦ᭄ᬤᬄᬮ᭄ᬯᬶᬃᬳ᭄ᬬᬂᬩᬭᬸᬡᬵᬗᬮᬶᬳᬸᬫᬸᬗ᭄ᬲᬶᬦᬹᬱᬚᬯᬶ᭟ᬦ᭄ᬤᬢᬦ᭄ᬓᬯᬃᬡ᭄ᬦ
[᭑᭖ 16A]
ᬤᬾᬦᬶᬂᬲᬸᬦ᭄ᬓᬸᬦᭂᬂᬓᬾᬦ᭄ᬫᬥᬸᬳᬧᬢᬶᬄᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬲᬶᬭᬭᬶᬂᬫᬚᬮᬗᬹᬫᬋᬓᬶᬂᬰ᭄ᬭᬷᬦᬭᬾᬦ᭄ᬤ᭄ᬭᬧ᭄ᬭᬡᬢᬤᬾᬦ᭄ᬬᬵᬗ᭄ᬮᬶᬂᬲᬧᬯ᭄ᬓᬲᬶᬭᬲᬗ᭄ᬓᬭᬶᬳᬦᬭᬶᬂᬳ᭄ᬦᬸᬳᭂᬦ᭄ᬢᬶᬳᬃᬱᬦᬶᬭᬲᬂᬧ᭄ᬭᬪᬸ
ᬓᬵᬮᬶᬄᬫᬓᬵᬤᬶᬰ᭄ᬭᬷᬦᬭᬾᬦ᭄ᬤ᭄ᬭᬢᬭᬸᬡᬳᬦᭀᬫᬩᬕᬸᬲ᭄᭞ᬩ᭄ᬭᬬᬦ᭄ᬤᬶᬦᬦ᭄ᬤᬢᬦ᭄ᬯᬵᬦᬸᬳᬫᬮᬃᬫᬮᬃᬲᬂᬧ᭄ᬭᬵᬧ᭄ᬢᬶᬳᬕᬾᬲᬶᬭᬳᬫᬧᬕᬭᬶᬂᬳ᭄ᬦᬸᬳᬩ᭄ᬬᬕᬢᬵᬧᬗᬭᬳᬲᬚᬶᬧᬦ
ᬫ᭄ᬯᬶᬢᬸᬭᬗᬶᬭᬸᬢᬶᬯᬓ᭄ᬲᬾᬲᬶᬦᬶᬓᬂᬧᬲᬶᬃᬕᬸᬦᬸᬂᬳᬶᬯᬓᬶᬂᬮᭀᬩᬗᬯᬦ᭄ᬤᬢᬦ᭄ᬓᬭᬶᬢ᭄ᬓᬵᬦᬶᬂᬩᬩᬡ᭄ᬥᭂᬗᬦ᭄ᬢᬮᬕᬮᬯᬦᬶᬂᬓ᭄ᬥᬸᬂ᭟ᬩᬯᬶᬓ᭄ᬩᭀᬯᬸᬲ᭄ᬘᬶᬦᬂᬘᬂᬧ᭄ᬜᬸᬲᬮᭀᬓᬮ
ᬦ᭄ᬓᬫ᭄ᬩᬶᬕᬶᬦᭀᬭᭀᬕᭀᬮ᭄ᬧᬶᬦᬜ᭄ᬚᬭᬫᬜ᭄ᬚᬗᬦ᭄ᬮᬯᬦ᭄ᬢᬶᬗ᭄ᬕᬶᬮᬶᬂᬲᬢᭀᬓᬮᭀᬂᬢᬸᬫᬢᬶᬂᬕ᭄ᬦᭂᬧ᭄ᬲᬮ᭄ᬯᬶᬭᬶᬂᬧᬲᬸᬕᬸᬄᬩ᭄ᬭᬲᬾᬢᬦ᭄‌ᬓ᭄ᬦᬾᬗᬶᬗᬦ᭄ᬧ᭄ᬭᬲᬫᬲᬸᬫᬚᬶᬲᬓᬶᬂᬧᬵ [ 17 ][᭑᭖ 16B]
᭑᭖
ᬮᬩ᭄ᬯᬦ᭄ᬳᬭᬓ᭄ᬮᬾᬦ᭄ᬫᬦᬶᬲᬦ᭄᭞ᬲᭀᬢᬦᬶᬂᬲᬸᬩᬮᬯᬶᬃᬬ᭄ᬬᬳᬫᬸᬓ᭄ᬢᬶᬘᬢᬸᬃᬚᬮᬥᬶᬲᬸᬩᬦ᭄ᬤᬃᬢ᭄ᬓᬧᬩ᭄ᬭᬾᬘᭀᬢ᭄ᬧᬸᬧᬸᬡ᭄ᬥᬸᬢᬦ᭄ᬬᬰ᭄ᬭᬶᬳᬰ᭄ᬭᬶᬳᬰ᭄ᬭᬶᬯᬶᬚᬶᬮᬶᬓᬂᬪᬦ
ᬯᬶᬓᬕᬶᬦ᭄ᬓᬂᬳᬶᬦᬮᬸᬲᬮᬸᬲᬦᬢ᭄ᬓᬵᬢᬹᬃᬘᭀᬦ᭄ᬢᭀᬲᬸᬤᬕᬃᬓᬗᬶᬲ᭄ᬢ᭄ᬭᬶᬧᬦ᭄ᬢᭂᬲ᭄ᬓᬭᬡᬦᬶᬭᬲᬂᬰ᭄ᬭᬷᬦᬶᬂᬧᬸᬭ᭟ᬳᬓᬾᬄᬬᬦᬸᬘᬧᬓ᭄ᬦᬭᬭᬲᬶᬂᬯᭀᬂᬫᬗ᭄ᬕᬶᬄᬲᬸᬓᬦᬶᬗ᭄ᬳᬢᬶᬫᬵᬃᬕ᭄ᬕᬧᬥ
ᬧᬶᬦᬳᬬᬸᬓᬭᬂᬯᬸᬲ᭄ᬩᬶᬦᬺᬲᬶᬳᬦ᭄ᬩᬮᬾᬧᬶᬦᬵᬭᬤᬶᬦ᭄ᬲᭀᬧᬘᬭᬵᬮᬗᬹᬕᬵᬕ᭄ᬭᬦ᭄ᬢᬗᬦ᭄ᬭᬶᬦᬶᬗ᭄ᬭᬶᬗᬮᬶᬢ᭄ᬧᬧᬚᬗᬦ᭄ᬢᬸᬳ᭄ᬯᬵᬰ᭄ᬭᬷ᭞ᬭᬾᬧᭀᬢ᭄ᬲᬯᭀᬗᬶᬂᬚ᭄ᬭᭀᬧᬸᬭ
ᬩ᭄ᬬᬕᬢᬳᬫᬗᬸᬦ᭄ᬧᬮᬶᬧᬮᬶᬳᬸᬮᬢᬸᬮᬢᬶᬗᬦᬯᬸᬂᬭᬭᬲᬶᬂᬭᬵᬚᬲ᭄ᬫᬭᬲ᭄ᬯᬧᬶᬢᬦᬶᬭᬢ᭄ᬦᬵᬤᬶᬦ᭄ᬤᬢᬦᬓᭀᬮᬸᬕ᭄ᬢᬸᬳᬸᬩᬶᬱᬦᬾᬢᬦ᭄ᬲᬶᬦᬶᬧᬶᬯ᭄ᬬᬓ᭄ᬢᬶᬢᬦᬦ
[᭑᭗ 17]
ᬧᬶᬗ᭄ᬕᬶᬃ᭟ᬯᭀᬦ᭄ᬢᭂᬦ᭄ᬬᬦ᭄ᬲᬧᬸᬮᬸᬄᬯ᭄ᬕᬸᬂᬧᬕᬦ᭄ᬢ᭄ᬬᬦᬶᬂᬤᬶᬦᬭᬢ᭄ᬭᬶᬓᬜ᭄ᬘᬶᬢ᭄ᬧ᭄ᬭᬧ᭄ᬢᬓᬸᬯ᭄ᬯᬶᬂᬩᬸᬩᬢ᭄ᬳᬸᬫᬢᬸᬃᬧ᭄ᬭᬵᬧ᭄ᬢᬦᬶᬭᬵᬚᬶᬲᬸᬡ᭄ᬥᬲᬕᬺᬳᬦ᭄ᬫᬓᬵᬤᬶᬭᬵᬚᬧᬸᬢ᭄ᬭᬶᬫ᭄ᬯᬂᬫᬦ᭄ᬢ᭄ᬭᬶᬦᬶ
ᬭᬦ᭄ᬤᬢᬦ᭄ᬓᬦ᭄ᬢᬸᬦ᭄ᬫᬮᬄᬲᭀᬭᭀᬢᬦ᭄ᬧᬧ᭄ᬕᬢᬦ᭄ᬧ᭄ᬭᬵᬧ᭄ᬢᬶᬳᬦᭂᬗ᭄ᬕᭂᬳᬲᬵᬕᬭᬭᬶᬂᬲᬸᬗᬾᬂᬲᬸᬗᬾᬂᬫᬮᬩᬸᬄ᭞ᬓᬵᬰ᭄ᬘᬃᬬ᭄ᬬᬦ᭄ᬧᬢᬶᬓ᭄ᬪ᭄ᬭᬵᬦ᭄ᬤᬸᬮᬸᬤᬾᬦ᭄ᬬᬓᬾᬄᬧᬸᬦᬂᬪ
ᬦᬯᬶᬢᭂᬫ᭄ᬧ᭄ᬮᭀᬓ᭄ᬢᭂᬫ᭄ᬧ᭄ᬮᭀᬓ᭄ᬓᬮᬯᬦ᭄ᬚᬸᬓᬸᬂᬚᬸᬓᬸᬂᬧᬲᭀᬧᬾᬢ᭄ᬩᬮᬦ᭄ᬤᭀᬗᬦ᭄ᬮ᭄ᬯᬶᬃ᭠ᬮᬮᬭᭀᬦ᭄ᬫᬶᬚᬶᬮ᭄ᬳᬓᬾᬄᬢᬸᬢᬸᬭᬸᬦᬓᬾᬄᬓᬵᬃᬬ᭄ᬬᬤᬸᬭᬸᬂᬢᬸᬢᬸᬭᬸᬦ᭄ᬭᬶᬂᬮᬳᬸᬢᬦ
ᬓᬾᬄᬬᬦ᭄ᬤᬸᬭᬸᬂᬧ᭄ᬭᬵᬧ᭄ᬢᬶᬳᬾᬩᭂᬓ᭄ᬲᬓᬭᬂᬓᬭᬂᬮᬶᬦᭂᬩᭀᬦ᭄‌ᬢ᭄ᬓᬵᬭᬶᬂᬘᬗ᭄ᬕᬸ᭟ᬭᬶᬂᬩᬸᬩᬤᬦ᭄ᬧᬮᬶᬕᬭᬦ᭄ᬳᬾᬩᭂᬓ᭄ᬤᬦᬶᬂᬓᬶᬯᬶᬓᬶᬯᬶᬓᬂᬩᬮᬓᬃᬬ᭄ᬬᬵᬲᬲᬭᬓ᭄ [ 18 ][᭑᭗ 17B]
᭑᭗
ᬲᬂᬦᬵᬣᬲᭀᬭᬾᬂᬯᬭᬶᬗᬶᬦ᭄ᬧᬲᬗ᭄ᬕ᭄ᬭᬳᬦᬋᬲᬶᬓᬗ᭄ᬮᬸᬦᬂᬳᬸᬫᬧ᭄ᬓᬶᬤᬸᬮ᭄ᬧ᭄ᬦᬸᬄᬧᬸᬦᬂᬲᬜ᭄ᬚᬢᬧᬶᬦᬗ᭄ᬕᬸᬂᬭᬶᬢ᭄ᬧᬶᬲᬳᬢᬸᬗ᭄ᬕᬸᬮ᭄ᬓᬂᬩ᭄ᬥᬶᬮᬓᬡ᭄ᬥᬓᬡ᭄ᬥ᭞ᬫᬦ᭄ᬢ᭄ᬭᬶᬧ᭄ᬭᬲᬫᬳ
ᬢᬶᬗ᭄ᬓᬄᬧᬥᬳᬫᬗᬸᬦ᭄ᬓᬶᬓᬶᬲᬶᬸᬯᬶᬲᬩ᭄ᬓᭂᬮ᭄‌ᬩ᭄ᬓᭂᬮᬦ᭄ᬢᬦ᭄ᬓᬭᬶᬯᭀᬂᬯᬤᭀᬦᬓᬾᬄᬧ᭄ᬭᬵᬧ᭄ᬢᬶᬧᬳ᭄ᬬᬲᬶᬧᬸᬦᬗ᭄ᬭᬯᬶᬢᬋᬫᭂᬦ᭄ᬧᬢᬶᬓ᭄ᬪ᭄ᬭᬦ᭄ᬤᬸᬮᬸᬬᬦ᭄ᬲᬶᬧᬘᬂᬓᬚᬸᬯᬮ᭄ᬯᬦᬶᬂ
ᬧᬢᬶᬓᬚᬶᬲᬓᬾᬳᬶᬧᬸᬦ᭄ᬫᬜᬭᬸᬓ᭄ᬫᬯᭀᬮᬸᬂᬮᬓ᭄ᬱ᭟ᬫᬗ᭄ᬓᬵᬢᬸᬭᬾᬓᬸᬯ᭄ᬯᬶᬂᬩᬸᬩᬢ᭄ᬳᭂᬦ᭄ᬢᬶᬲᬸᬓᬦᬶᬭᬰ᭄ᬭᬷᬦᬭᬧᬢᬶᬓᬢᬶᬕᬧ᭄ᬭᬬᬳᬦᬸᬗ᭄ᬲᬸᬂᬲᬶᬦᬾᬗᬦ᭄ᬓᬂᬧᬸᬗ᭄ᬕᬯᬫ᭄ᬯᬂᬭᬓ᭄ᬭ᭄ᬬ
ᬦᬧᬢᬶᬳᬦᬾᬂᬫᬚᬮᬗᬹᬰᬶᬖ᭄ᬭᬧ᭄ᬭᬵᬧ᭄ᬢᬲᬫᬵᬢᬹᬃᬪᬓ᭄ᬢᬶᬲᬂᬦᬵᬣᬳᬚᬶᬳᬗ᭄ᬮᬶᬂᬳᬧᬢᬶᬄᬓᬶᬢᬲᬥᬬᬮᬯᬦ᭄ᬧᬭᬫᬦ᭄ᬢ᭄ᬭᬶᬤᬾᬦ᭄ᬧ᭄ᬭᬬᬕᬢᬶᬳᬢᬕᭂᬦ᭄ᬓᬂᬩᬮᬵᬫᬸᬧᬸᬮᬦ
[᭑᭘ 18A]
ᬧᬸᬦᬂᬕᬶᬮᬶᬗᬦ᭄‌ᬫ᭄ᬯᬂᬲᬫᭀᬮᬶᬫᭀᬮᬶᬭᬶᬭᬶᬗ᭄ᬕᬦᬮᬸᬳᬸᬂᬤᬫ᭄ᬧᬢᬶᬫ᭄ᬩᬸᬢᭂᬩ᭄ᬯᬾᬂᬭᬹᬓ᭄ᬫᬶᬓᬶᬦᬚᬗᬦᬗ᭄ᬭᬯᬶᬢ᭄᭟ᬯᬭᬗᬶᬂᬲᬸᬦ᭄ᬲᬵᬫ᭄ᬧᬸᬦ᭄ᬭᬯᬸᬳᬶᬂᬩᬸᬩᬢ᭄ᬋᬓᭀᬳᬗ
ᬦ᭄ᬢᬶᬓᬧᬾᬗᬶᬦ᭄ᬗᭀᬗᬯᬯᬦᭀᬦᬾᬂᬳ᭄ᬦᬸᬧᬭᬦ᭄ᬲᬸᬓᬭᬶᬦᬱᬦ᭄‌ᬲᭀᬢᬦᬶᬂᬧᬥᬧ᭄ᬢᬶᬲᬶᬮᬶᬄᬲᬸᬯᬮᬸᬚᬃᬧᬥᬲᬶᬮᬶᬄᬲᬸᬯᬮ᭄‌ᬕᬸᬬᬸᬮᬯᬦ᭄ᬲᬶᬭᬦᬶᬦᬶᬲᬂᬰ᭄ᬭᬷᬦᬶᬂᬓᬶᬗ᭄ᬓᬶᬂᬳᬕᬾ
ᬳᬶᬂᬲᬸᬦ᭄ᬯᬶᬓᬦᬗᬧᬭᬹᬧᬦ᭄ᬬᬵᬦᬓᬶᬂᬲᬸᬦ᭄᭞ᬲᬂᬫᬦ᭄ᬢ᭄ᬭᬶᬳᬲᬳᬸᬃᬫᬦᬸᬓᬦᭂᬫ᭄ᬩᬳᬶᬂᬰ᭄ᬭᬷᬪᬹᬧᬢᬶᬳᬥᬸᬄᬧᬤᬸᬓᬪᬝᬭᬧᬸᬓᬸᬮᬸᬳᬧᬢᬹᬢ᭄ᬓᬂᬭᬶᬦᬲᬵᬳ᭄ᬬᬸᬦ᭄ᬧᬤᬸᬓᬳᬚᬶᬳ
ᬲᬶᬄᬲᬸᬯᬮᬶᬗᬲᬶᬄᬓᬸᬓᬸᬄᬲᬸᬯᬍᬦ᭄ᬓᬸᬓᬸᬄᬲᬫᬗ᭄ᬓᬦᬧᭀᬮᬄᬲᬗᬤᬶᬫᬹᬃᬢ᭄ᬢᬶᬧ᭄ᬭᬪᬹᬧᬓᬸᬦᬶᬂᬚᬕᬢ᭄‌ᬲᭀᬚᬭᬶᬗᬕᬫᬢᬶᬦᬸᬢ᭄᭟ᬧᬢᬶᬓ᭄ᬪᬝᬭᬗᬶᬭᬶᬗᬳ [ 19 ][᭑᭘ 18B]
᭑᭘
ᬦᬸᬗ᭄ᬲᬸᬂᬧ᭄ᬭᬵᬧ᭄ᬢᬾᬂᬓᬶᬓᬶᬲᬶᬓ᭄‌ᬯᬭᬂᬧᬤᬸᬓᬪᬝᬭᬳᬮᬫᬮᬫ᭄ᬋᬓ᭄ᬯᬗᬦ᭄ᬢᬶᬧ᭄ᬭᬵᬧ᭄ᬢᬵᬓ᭄ᬧᬤᬸᬓᬵᬚᬶᬲᬂᬢᬦ᭄ᬲᬄᬓᬢᬸᬚ᭄ᬯᬾᬗ᭄ᬓᬳ᭄ᬬᬸᬦ᭄ᬫᬾᬲᭂᬫ᭄ᬲᬂᬮ᭄ᬯᬶᬃᬓᬤᬃᬧ᭄ᬧᬦ᭄ᬤᬦ᭄‌ᬰ᭄ᬭᬶᬂ
ᬦᬭᬧᬢᬶᬳᬲ᭄ᬫᬸᬕᬸᬬᬸᬫᬸᬮᬢᬶᬂᬲᬶᬭᬵᬦᬓᬶᬭ᭞ᬭᬫ᭄ᬬᬧᬥᬵᬕᭀᬕᭀᬜ᭄ᬚᬓᬦᬧᬢᬶᬄᬫ᭄ᬯᬗᬤᬶᬫᬦ᭄ᬢ᭄ᬭᬶᬧᭀᬮᬳᬶᬗᬍᬍᬲᭂᬭᬦ᭄ᬦᭀᬭᬦᬯᬶᬓᬵᬭᬾᬗᬢᬶᬦᭀ
ᬭᬳᬗ᭄ᬭᬕᬄᬯᬶᬱ᭄ᬝᬶᬲᬸᬓᬲᬶᬮᬶᬄᬲᬸᬯᬮ᭄ᬕᬸᬬᬸᬓᬸᬦᭂᬂᬓᬾᬦ᭄ᬕᬚᬄᬫᬤᬢᬦᬢᬹᬢᬾᬂᬕᬢᬶᬳᬤᭀᬄᬕᬸᬬᬸᬦᬶᬭᬫᬶᬗᭂᬮ᭄ᬢᬸᬭᬓ᭄ᬘᬧ᭄᭟ᬲᬓ᭄ᬯᬾᬄᬳᬶᬂᬫᬦ᭄ᬢ᭄ᬭᬶᬳᬲᬾᬤᬵᬯ᭄ᬭᬸᬳᬶᬂᬗᬶᬗ᭄ᬕᬶᬢᬦᬶ
ᬭᬵᬓ᭄ᬭ᭄ᬬᬦᬧᬢᬶᬄᬭᬶᬦᬲᬢᬦ᭄ᬫᬦᬹᬢᬶᬂᬳ᭄ᬬᬸᬦ᭄ᬦᬶᬭᬰ᭄ᬭᬶᬦᬭᬣᬲᭀᬮᬄᬲ᭄ᬯᬪᬵᬯᬵᬢᬦ᭄ᬓᬤᬶᬤᬗᬸᬤᬗᬸᬳᬯ᭄ᬢᬸᬓᬾᬫ᭄ᬗᬦᬶᬗᬢᬶᬲᬓ᭄ᬯᬾᬳᬶᬂᬯᭀᬗᬦᬗ᭄ᬓᬶᬮ᭄᭟ᬲᬚ᭄ᬭᭀᬦᬶᬂᬘ
[᭑᭙ 19A]
ᬭᬘᬂᬓᬯᬢ᭄‌ᬩᬮᬓ᭄ᬭᬫᬧᬦᬓᬯᬦ᭄ᬦᬺᬧᬢᬶᬧ᭄ᬭᬲᬫᬯᬸᬲ᭄ᬯ᭄ᬭᬸᬳᬶᬂᬲ᭄ᬫᬸᬦᬶᬭᬲᬶᬭᬓ᭄ᬭ᭄ᬬᬦ᭄ᬫᬵᬤᬋᬧ᭄‌ᬦ᭄ᬤᬢᬦ᭄ᬯᬦ᭄ᬬᬵᬗ᭄ᬮᬶᬂᬓᬾᬯᬮ᭄ᬬᬢᬸᬫᬸᬗ᭄ᬓᬸᬮ᭄ᬓᬂᬤᭀᬄᬯᬦ᭄ᬬᬳᬯᬶᬲᬶᬓ᭄ᬯᬶᬲᬶᬓ᭄ᬫᬲ᭄ᬯᬲ᭄
ᬭᬓ᭄ᬭ᭄ᬬᬦᬧᬢᬶᬄ᭟ᬫ᭄ᬩᭂᬦ᭄ᬫᭂᬗᭂᬦ᭄ᬢᬸᬗ᭄ᬓᬸᬮ᭄ᬢᬸᬗ᭄ᬓᬸᬮ᭄‌ᬢᬸᬫᭂᬗ᭄ᬳᬵᬗᬶᬭᬓᭂᬦ᭄ᬮᬶᬭᬶᬂᬬᬦ᭄ᬬᬦᬗᬸᬘᬧ᭄‌ᬦᭀᬭᬧᭃᬳᬶᬗ᭄ᬓᬳ᭄ᬬᬦ᭄ᬤᬦᬧᬓᬸᬦᭂᬗᬶᬓᬵᬳ᭄ᬬᬸᬦ᭄‌ᬭᬓ᭄ᬭ᭄ᬬᬦᬧᬢᬶᬳᬫᭀᬖᬵ
ᬯᬵᬤᬓᬮᬫ᭄ᬧᬳᬶᬭᬲᬗ᭄ᬓᬢᬾᬂᬯ᭄ᬓᬲᬦ᭄ᬲᬶᬭᬵᬫᬋᬓ᭄ᬲᬳᬢᬹᬃᬫᬵᬢᬹᬭᬶᬚᭃᬂᬲᬂᬦᬵᬣᬧᬗᬾᬭᬦᬬ᭄ᬯᬕᭂᬕ᭄ᬢᬸᬦ᭄᭞ᬥᬢᭂᬂᬭᬶᬂᬩᬸᬩᬢ᭄ᬧᬸᬓᬸᬮᬸᬦᬫᬧᬕ᭄‌ᬰ᭄ᬭᬶᬦᬭᬧᬢᬶ
ᬲᬸᬡ᭄ᬥᬲᬶᬭᬭᬓ᭄ᬯᬕᬺᬳᬦ᭄ᬭᬯᬸᬄᬧ᭄ᬭᬬᬦᬶᬭᬵᬗᬚᬯᬵᬳᬶᬮᬕ᭄ᬧᬤᬸᬓᬵᬚᬶᬳᬗ᭄ᬤᬾᬓᬧᬮᬂᬧ᭄ᬭᬬᬦᬶᬭᬰ᭄ᬭᬶᬫᬳᬵᬧ᭄ᬭᬪᬸᬤᬸᬤᬹᬮᬫ᭄ᬧᬄᬢᬦ᭄ᬓᬬᬾᬂᬮᬕᬶᬮᬕᬶᬳᬗᬹᬃᬬᬦ [ 20 ][᭑᭙ 19B]
᭑᭙
ᬦ᭄ᬢᬾᬓ᭄ᬦᬧᬢᬂᬭᬢ᭄ᬭᬮᬶᬫᬂᬯ᭄ᬕᬸᬂ᭟ᬲᬫᬸᬓ᭄ᬢᬶᬳᬩᬭᬩᬭᬦ᭄ᬧᬤᬸᬓᬰ᭄ᬭᬶᬦᬭᬧᬢᬶᬳᬓ᭄ᬥᬶᬓᬩᬭᬩᬭᬦ᭄ᬮᬶᬗᬶᬭᬰ᭄ᬭᬶᬦᬭᬧᬢᬶᬬᬦ᭄ᬬᬦ᭄ᬲᬶᬳᬓᬾᬳᬩᬭᬩᬭᬦ᭄ᬮᬫᬸ᭠
ᬦ᭄ᬢᬤᬸᬤᬹᬭᬾᬳᬦᬾᬦ᭄ᬤᬢᬦ᭄ᬧᬤᭀᬦ᭄‌ᬫ᭄ᬦᭂᬂᬰ᭄ᬭᬶᬪᬹᬧᬢᬶᬫᬸᬯᬳᬢᬹᬭᬶᬭᬵᬧᬢᬶᬄᬕᬚᬄᬫᬥ᭞ᬧᬸᬦᬧᬢᬲᬶᬧᬗᬾᬭᬦ᭄ᬭᬶᬂᬦᬹᬱᬵᬦ᭄ᬢᬭᬢᬦᬾᬮᬶᬂᬲᬸᬫᬯᬶᬢᬾᬚᭃᬂᬲᬗ᭄ᬓ
ᬢᭀᬂᬫᬥᬸᬭᬧᬮᬾᬫ᭄ᬩᬂᬓᭀᬘᬶᬯᬦ᭄ᬤᬦ᭄ᬮᬯᬦ᭄ᬢᬸᬫᬘᬶᬓ᭄ᬢᬜ᭄ᬚᬸᬂᬧᬸᬭᬫ᭄ᬯᬂᬲᬯᬓᬸᬂᬧ᭄ᬭᬵᬧ᭄ᬢᬳᬶᬂᬩᬮᬶᬭᬵᬚᬧ᭄ᬭᬲᬫᬓᬯᬗᬶᬲᭂᬫ᭄ᬩᬳᬶᬧᬸᬦ᭄ᬫᬤᬸᬮᬸᬭᬦ᭄ᬧᬗᬮ᭄ᬧᬶᬓᬵ᭟ᬳᬗ᭄ᬳᬶᬂᬫᬗ᭄ᬓᬾ
ᬓᬂᬯᭀᬂᬲᬸᬡ᭄ᬥᬪᬾᬦᬘᬭᬦᬶᬂᬧᬸᬦ᭄ᬢᬦ᭄‌ᬜᬲᬵᬧ᭄ᬢᬦᬶᬘᬭᬦᬶᬲᬂᬧᬭᬭᬢᬸᬓᬂᬲᬓᬶᬂᬦᬹᬱᬵᬦ᭄ᬢᬭᬳᬄᬓᬬᬢᬦ᭄ᬓᭀᬓᬶᬄᬤᬾᬦᬶᬂᬲᬸᬦ᭄ᬭᬶᬂᬤᬗᬸᬮᬳᬦ᭄ᬢᭀᬲᭂᬦ᭄ᬭᬶᬂᬮᬶᬫᬂᬮᬢ᭄ᬭᬶ
[᭒᭐ 20A]
ᬫᬍᬃᬦᭀᬭᬦᬧ᭄ᬭᬵᬧ᭄ᬢᬶ᭞ᬓᬮᬶᬗᬦᬾᬢᬦ᭄ᬬᬸᬓ᭄ᬢᬶᬳᬫ᭄ᬩᭂᬓᬶᬂᬲᬸᬡ᭄ᬥᬦᭀᬭᬢᬸᬮᬸᬲ᭄‌ᬗᬚᬯᬶᬧᬗᬶᬦ᭄ᬤ᭄ᬭᬚᬮᬧᬸᬓᬸᬮᬸᬦ᭄ᬲᬫ᭄ᬧᬸᬦ᭄ᬢᬦ᭄ᬬᬢ᭄ᬦᬬᬢ᭄ᬦᬧᬤᬸᬓᬦᬺᬧᬢᬶᬤ᭄ᬯᬶᬱ᭄ᬝᬦᬶᬓᬂᬫᬸ
ᬲᬸᬄᬧ᭄ᬭᬵᬧ᭄ᬢᬭᬶᬚᭃᬂᬰ᭄ᬭᬶᬦᬭᬧᬢᬶᬳᬮᬶᬗ᭄ᬲ᭄ᬬᬦ᭄ᬭᬶᬂᬗᬲᬶᬄ᭟ᬓᬸᬦᭂᬂᬲᬶᬭᬲᬗᬳᬸᬮᬸᬦ᭄ᬫᬶᬦ᭄ᬢᬸᬳᬸᬭᬓ᭄ᬭ᭄ᬬᬦᬧᬢᬶᬄᬰ᭄ᬭᬶᬳᬚᬶᬢᬭᬸᬡᬲᬶᬭᬓᬧᬶᬢᬹᬢᬦ᭄ᬯ᭄ᬭᬸᬳᬶᬂᬮᬓᬸᬤᬾ
ᬤᬦᬶᬭᬓ᭄ᬭ᭄ᬬᬦᬧᬢᬶᬄᬦᭀᬭᬦᬓᬭᬲᬾᬗᬢᬶᬢᬹᬭᬶᬭᬫᬥᬸᬯ᭄ᬓᬲ᭄‌ᬯ᭄ᬓᬲᬶᬭᬲᬂᬫᬓᬧᬸᬢ᭄ᬭᬶᬪᬬᬧᬗ᭄ᬤᬦᬶᬯᬶᬥ᭄ᬬᬵᬲᬸᬂᬤᬾᬤᬥᬃᬫ᭄ᬫᬦᬶᬗ᭄ᬮᬓᬸ᭞ᬢ᭄ᬓᬦᬶᬂᬲᬂᬯ᭄ᬯᬧᬲᬸᬕᬸᬄᬓᬶ
ᬦᭀᬦᬡ᭄ᬥᭂᬕᬢᬸᬫᬸᬮᬶᬲᬓ᭄ᬯᬾᬄᬲᬂᬫᬦ᭄ᬢ᭄ᬭᬶᬳᬦᬾᬂᬫᬚᬮᬗᬸᬧᬥᬳᬹᬲᬓᬾᬫ᭄ᬗᬦ᭄ᬤᬾᬦᬶᬂᬮᬓᬸᬚᬸᬢᬶᬢᬦ᭄ᬯ᭄ᬭᬸᬄᬭᬶᬂᬫᬵᬃᬕ᭄ᬕᬦᬶᬓᬧᬶᬮᬸᬕ᭄ᬮᬓᬸᬲᬂᬧ᭄ᬭᬪᬸᬳᬧᬦ᭄ᬫᬸᬮᬦᬶᬂᬗᬲᬶᬄᬲᬶᬦᬸᬯ [ 21 ][᭒᭐ 20B]
᭒᭐
ᬮᬶᬂᬤᬾᬦᬶᬗ᭄ᬮᬓᬸᬓᬸᬝᬶᬮᬓᬂᬕᬸᬘᬶᬯᬶᬦᭀᬭᬶᬂᬘᬫ᭄ᬧᬹᬃ᭟ᬲᬓ᭄ᬯᬾᬳᬶᬂᬫᬦ᭄ᬢ᭄ᬭᬶᬳᬲᬾᬦᬢᬸᬫᬸᬗ᭄ᬓᬸᬮ᭄ᬦᭀᬭᬯᬦ᭄ᬬᬵᬗ᭄ᬮᬶᬓ᭄ᬘᬧ᭄‌ᬓ᭄ᬘᬧ᭄ᬢᬦ᭄ᬯ᭄ᬭᬸᬳᬶᬂᬗ᭄ᬓᭀᬦ᭄ᬧᬶᬦᬭᬦ᭄ᬢᬦ᭄ᬢ᭄ᬯᬵᬫᬶᬲᬶᬗ᭄ᬕᬶᬄ᭠
ᬓᬵᬯᬢᬶᬂᬫᬦᬳᬚ᭄ᬭᬶᬳᬦᬸᬯᬮᬵᬚ᭄ᬜᬲᬂᬧ᭄ᬭᬪᬸᬮᬯᬦ᭄ᬲᬶᬭᬓ᭄ᬭ᭄ᬬᬦ᭄ᬫᬥᬧᬥᬤᬾᬦ᭄ᬓᬭᬶᬗᬶᬲᬗ᭄ᬓᬦᬶᬂᬤᭀᬮᬫᬦᬲ᭄ᬢᬧᬭᬶᬂᬘᬶᬢ᭄ᬢ᭟ᬮᬗᭃᬦᬶᬗᬹᬦᬶᬤᬸᬓ᭄ᬧ᭄ᬭᬵᬧ᭄ᬢᬓᬾᬦ᭄ᬫᬥᬸᬳ
ᬯᬢᬵᬚ᭄ᬜᬵᬰ᭄ᬭᬶᬦᬵᬣᬾᬂᬲᬸᬡ᭄ᬥᬫᬃᬤ᭄ᬥᬯᬓᭀᬗᬂᬫᬗ᭄ᬓᬾᬯᬲ᭄ᬢ᭄ᬯᬓᬬᬾᬓᬶᬢᬦ᭄ᬓᬯᬃᬡ᭄ᬦᬳᬾᬭᬶᬓᬶᬓᬸᬦᭂᬂᬓᬯᬃᬡ᭄ᬦᬤᬾᬦᬶᬂᬲᬸᬦ᭄ᬲᬗᬓᬸᬓᬸᬯ᭄ᬯᬶᬂᬩᬸᬩᬢ᭄‌ᬲᬭᬦ᭄ᬢᬳᬗᬦ᭄ᬢᬶᬤ᭄ᬓᬳᬦᬶᬭ
ᬲᬗᬶᬦᬶᬱ᭄ᬝᬶᬳᬾᬂᬘᬶᬢ᭄ᬢ᭟ᬯᬸᬲᬶᬭᬳᬗ᭄ᬭᬸᬗᬸᬯᬺᬢ᭄ᬢᬬᬦ᭄ᬲᬶᬭᬓ᭄ᬭ᭄ᬬᬦ᭄ᬫᬵᬥᬢᬦ᭄ᬫᬦᬸᬢ᭄ᬕᬢᬶᬳᬫᬸᬭᬸᬗᬓᭂᬦ᭄ᬧᬦᬸᬗ᭄ᬲᬸᬗᬶᬭᬰ᭄ᬭᬶᬦᬭᬦᬵᬣᬤᬾᬦᬶᬗ᭄ᬮᬓᬸᬚᬸᬢᬶᬓᬭᬦᬶᬭ
[᭒᭑ 21A]
ᬦᬳᬸᬫ᭄ᬧᬥᬳᬕᬸᬕᬸᬦᭂᬫᬾᬂᬯᭀᬦ᭄ᬢᭂᬦ᭄ᬲᭀᬭᬾᬂᬯᬭᬶᬗᬶᬦ᭄᭞ᬢᬦ᭄ᬮ᭄ᬬᬦᬶᬗᬸᬮᬶᬳᬸᬮᬶᬄᬯᬾᬢ᭄ᬦᬶᬂᬢᬦ᭄ᬧ᭄ᬭᬵᬧ᭄ᬢᬲᬗᬦᬾᬂᬫᬚᬧᬳᬶᬢ᭄ᬭᬶᬦᬲᬭᬲᬢᬦ᭄ᬢᬸᬳᬸᬓᬤᬶ
ᬳᬦ᭄ᬤᬶᬓᬵᬦᬶᬭᬭᬶᬓᬾᬦ᭄ᬫᬥᬸᬗᬹᬦᬶᬫᬃᬫ᭄ᬫᬦᬶᬭᬗᬸᬢᬸᬲ᭄ᬧᬢᬶᬳᬶᬭᬧᬃᬘ᭄ᬘᬬᬾᬂᬩᬸᬤ᭄ᬥᬶᬓᬓ᭄ᬬᬵᬢᬶᬂᬭᬵᬢ᭄ᬯᬶᬦᬦᬶ᭟ᬧᬢᬂᬯᬶᬚᬶᬓᬗᬶᬗᬸᬢᬸᬲ᭄ᬤᬦ᭄ᬢᬦᬶᬲᬸᬡ᭄ᬥᬳᬧᬢᬶᬳᬦᬾᬧ
ᬓᭂᬦ᭄ᬮᬯᬦ᭄‌ᬤ᭄ᬫᬸᬂᬢᬸᬫᭂᬗ᭄ᬕᬸᬂᬳᬭᬦ᭄ᬧᬗᬸᬮᬸᬩᭀᬭᬂᬫ᭄ᬯᬂᬧᬶᬢᬭᬧᬢᬶᬄᬯᭀᬂᬲᬶᬦᬭᬶᬗᬸᬫᬶᬭᬶᬗᬯᭀᬦ᭄ᬢᭂᬦ᭄ᬢᬶᬕᬗᬢᬸᬲ᭄ᬮᬫ᭄ᬧᬄᬳᬶᬓᬵᬗᬶᬤᬸᬮ᭄‌ᬦ᭄ᬤᬢᬦᬲᬭᬶᬧᬥᬕᬜ᭄ᬘᬗ
ᬦ᭄ᬚᬸᬫᭀᬕᬾᬂᬫᬲᬶᬕᬶᬢ᭄ᬳᬕᬸᬂ᭞ᬧᬮᬯᬾᬬᬦ᭄ᬓᬂᬤᬶᬦᬸᬦᬸᬂᬲᬤᬵᬳᬗᬾᬢᬦ᭄ᬮᬸᬭᬶ᭠ᬲ᭄ᬫᬮᬶᬳᬗᬶᬤᬸᬮᬓᬸᬦ᭄ᬬᬮᬸᬫᬚᬸᬧ᭄ᬭᬵᬧ᭄ᬢᬭᬶᬂᬧᬩ᭄ᬮᬦ᭄ᬢᬶᬓᬦ᭄ᬳᬦᬸᬮᬶᬮᬸᬫᬭᬶᬲ᭄ᬧ᭄ᬭᬵᬧ᭄ᬢᬭᬶᬂᬓᬧ [ 22 ][᭒᭑ 21B]
᭒᭑
ᬢᬶᬳᬦ᭄ᬲᬶᬭᬢ᭄ᬓᬚᬸᬫᬸᬚᬸᬕ᭄‌ᬦᭀᬭᬳᬮᬭᬧᬦ᭄ᬲᬶᬭᬫᬡ᭄ᬥᭂᬕ᭄ᬬᬯᬶᬦᬶᬂᬘᬭᬂᬘᬂᬓᬯᬢ᭄ᬲᭀᬭᬶᬗᬰᭀᬓᬳᬗᬦ᭄ᬢᬸᬦ᭄᭟ᬦ᭄ᬤᬦ᭄ᬲᬶᬭᬓ᭄ᬭ᭄ᬬᬦ᭄ᬕᬚᬄᬫᬥᬵᬲ᭄ᬥᭂᬗᬶᬭᬳ
ᬦᬾᬂᬬᬯᬶᬧᬶᬦᬋᬓᬶᬂᬫᬦ᭄ᬢ᭄ᬭᬶᬯᬺᬤ᭄ᬥᬦ᭄ᬤᬢᬦ᭄ᬮᬾᬦ᭄ᬭᬓ᭄ᬯᬕᬶᬦᬸᬧᬶᬤᬾᬦᬾᬯᭀᬂᬲᬸᬡ᭄ᬥᬧ᭄ᬭᬵᬧ᭄ᬢᬶᬦᭀᬭᬢ᭄ᬓᬳᬢᬸᬭᬢᬸᬭᬶᬚᭃᬂᬗᬶᬭᬲᬗ᭄ᬓᬢᭀᬂᬪᬬᬵᬫᬓᬾᬯᭂᬳᬶᬂᬮᬫ᭄ᬧᬳᬶᬧᬸᬦ᭄ᬓᬗᬲᬶᬄ
ᬫᬾᬲᬶᬓᬸᬝᬶᬮ᭞ᬳᬲᬸᬯ᭄ᬬᬢᬦ᭄ᬲᬶᬦ᭄ᬯᬕᬢᬦ᭄ᬓᬮᬸᬤ᭄ᬯᭀᬂᬗᬶᬭᬳᬧᬢᬶᬄᬲᭂᬲᭂᬓ᭄ᬚᭂᬚᭂᬮᬶᬂᬩᬩᬳᬦ᭄ᬯᬗᬸᬦ᭄ᬢᬸᬃᬕᬾᬮᬢᬦ᭄ᬓᬭᬶᬢᬦ᭄ᬧᬮᬶᬕᬭᬦᭂᬦ᭄ᬢᬶᬳᬫᬾᬢ᭄ᬮᬭᬧᬦ᭄ᬢᬦ᭄ᬧᬦ᭄ᬢᬸ
ᬦ᭄ᬓᬮᬶᬄᬯᭀᬂᬓᬧᬢᬶᬳᬦ᭄ᬫᬾᬗᭀᬫᬾᬗᭀᬮᬶᬭᬶᬂᬦ᭄ᬬᬳᬦ᭄ᬤᬸᬮᬸᬯᭀᬂᬲᬸᬡ᭄ᬥᬵᬯᬸᬲ᭄ᬯ᭄ᬭᬸᬳᬶᬂᬲ᭄ᬫᬶᬢᬵ᭟ᬢᬸᬫᭂᬗ᭄ᬕᬸᬂᬧᬗᬸᬮᬸᬩᭀᬭᬂᬳᬗᬸᬘᬧ᭄ᬮᬶᬗᬶᬭᬳᬶᬄᬕᬸᬲ᭄ᬢᬶᬧᬢᬶᬄᬧᬸᬦᬧᬵ
[᭒᭒ 22A]
ᬯ᭄ᬓᬲᬦᬶᬧᬸᬦ᭄ᬓᬵᬡ᭄ᬥᭂᬕᬢᬦ᭄ᬮᬸᬫᬫ᭄ᬧᬄᬚ᭄ᬭᭀᬦᬶᬗᬜ᭄ᬘᬓ᭄ᬲᬚᬶᬧᬦ᭄ᬓ᭄ᬭᬫᬳᬶᬗᬸᬢᬸᬲ᭄ᬢᬵᬦ᭄ᬬᬸᬓ᭄ᬢᬶᬓᬡ᭄ᬥᬧᬦᬶᬂᬕᬸᬲ᭄ᬢᬶᬳᬗᬹᬃᬧ᭄ᬚᬳᬾᬭᬶᬓᬶ᭞ᬳᬯᬶᬭᬂᬬᬦᬳᬸᬭᬶᬧᬲᬧᬤᬶᬗᭀᬂᬗ
ᬯᬶᬭᬂᬓᬬᬳᬶᬓᬶᬧᬦᬯᬓᬦ᭄ᬢᬶᬕᬗᬢᬸᬲ᭄ᬥᭂᬂᬭᭀᬯᬗᬦᬶᬭᬢᬸᬫ᭄ᬧᬸᬭᬦᬾᬭᬶᬓᬶᬢᬹᬃᬲᬶᬭᬮᬸᬫᬚᬸᬓᬶᬤ᭄ᬫᬂᬘᬳᭀᬓᬂᬓᬶᬦᬦ᭄ᬢᬶᬧᬋᬂᬭᬓ᭄ᬭ᭄ᬬᬦᬧᬢᬶᬄ᭟ᬮᬸᬫᬭᬶᬲ᭄‌ᬦ᭄ᬤᬢᬦᬲᬦ᭄ᬢᬸ
ᬦ᭄ᬓᬗᬸᬢᬸᬲᬦ᭄ᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶᬂᬚ᭄ᬭᭀᬦᬶᬂᬘᬭᬂᬘᬂᬓᬯᬢ᭄ᬢᬸᬃᬤᬶᬦᬸᬮᬸᬤᬾᬭᬓ᭄ᬭ᭄ᬬᬦ᭄ᬕᬚᬄᬫᬤᬳᬗᬸᬘᬧᬾᬗᬢᬶᬳᬶᬓᬶᬳᬦᬾᬧᬓᭂᬦᬗᭂᬃᬱᬮᬸᬗ᭄ᬕᬸᬄᬢᬹᬃᬲᬶᬦᬧᬤᬾᬭᬭ
ᬓ᭄ᬭ᭄ᬬᬦᬧᬢᬶᬄᬪᬳᬕᬾᬬᬯᭀᬂᬲᬸᬡ᭄ᬥᬲᬸᬦᬶᬓᬶᬢᬦ᭄ᬯ᭄ᬭᬸᬄᬳᬶᬂᬮᬸᬗ᭄ᬕᬸᬄ᭞ᬧᬢᬶᬄᬲᬸᬡ᭄ᬥᬵᬮᭀᬦ᭄ᬲᬸᬫᬳᬸᬃᬲᬸᬦᬦᬾᬧᬓᭂᬦ᭄ᬧᬸᬦᬶᬓᬶᬬᬳᬶᬓᬶᬓᬶᬤ᭄ᬫᬂᬘᬳᭀᬓᬵᬮᬶᬄᬢᬸᬫᭂᬗ᭄ᬕᬸᬂ [ 23 ][᭒᭒ 22B]
᭒᭒
ᬫᬗᬸᬮᬸᬩᭀᬭᬂᬓᬧᬶᬗᬸᬦ᭄ᬢᬢ᭄ᬫᬮᬶᬄᬲᬶᬭᬧᬶᬢᬃᬳᬦᬫᬧᬢᬶᬳᬶᬭᬲᬂᬧ᭄ᬭᬪᬹᬫᬾᬲᭂᬫ᭄ᬲᬶᬭᬧᬢᬶᬳᬲ᭄ᬫᬸᬭᬸᬦ᭄ᬢᬶᬓ᭄‌ᬦ᭄ᬳᭂᬃᬲᬶᬭᬳᬗᬸᬘᬧ᭄ᬧᬢᬶᬳᬶᬓᬶᬢᬦ᭄ᬯ᭄ᬭᬶᬂᬲ᭄ᬫᬸ᭟ᬧ᭄ᬭᬵᬧ᭄ᬢᬦᬾ
ᬢᬦ᭄ᬧᬮᬭᬧᬦ᭄ᬓᬾᬦ᭄ᬧᬢᬶᬄᬲᬸᬡ᭄ᬥᬦᬳᬸᬭᬶᬗᭀᬗᬗᬸᬢᬸᬲ᭄ᬤᬾᬲᬗ᭄ᬓᬢᭀᬂᬧᬭᬦ᭄ᬢᬦ᭄‌ᬯ᭄ᬦᬗᬾᬭᬶᬓᬶᬳᬧᬗ᭄ᬕᬶᬳᬶᬂᬯᭀᬗᬶᬓᬶᬢ᭄ᬓᬵᬦᬫ᭄ᬩᬢ᭄ᬓᬸᬭᬂᬲ᭄ᬫᬸᬗᭀᬂᬓᬶᬦᭀᬦᬧᬲ᭄ᬢᬶᬓᬃᬬ᭄ᬬ
ᬦᬶᬭᬦᬺᬧᬢᬶᬬᬦ᭄ᬧᬲ᭄ᬢᬶᬫ᭄ᬦᬾᬓᬵᬃᬱᬦᬶᬭᬲᬂᬦᬵᬣ᭞ᬦ᭄ᬳᭂᬃᬢᬲᬶᬭᬧᭀᬢᬸᬲᬦ᭄ᬭᬶᬂᬘᬗ᭄ᬕᬸᬭᬶᬗᬫ᭄ᬧᬾᬮ᭄ᬕᬥᬶᬂᬢᬸᬫᬸᬮᬶᬭᬶᬂᬕᬺᬲᬶᬓ᭄ᬧᬶᬲᬦᬜᬭᬤ᭄ᬢᬾᬓᬂᬤᬦᬯᬶᬤᬾᬦ᭄ᬧᬥᬧ᭄ᬭᬬᬕᬢᬶ
ᬯᭀᬂᬮᬲᭂᬫ᭄ᬫᬗ᭄ᬓᭀᬳᬶᬗᬸᬢᬸᬲᬫᭀᬢ᭄ᬲᬃᬯ᭄ᬯᬤᬭᬡᬧ᭄ᬭᬵᬧ᭄ᬢᬾᬂᬫᬚᬧᬳᬶᬢ᭄ᬮᬕᬶᬓᬢᬸᬭᬶᬂᬲᬶᬭᬧ᭄ᬭᬪᬸᬢᬭᬸᬡᬵ᭟ᬮᬶᬗᬶᬭᬰ᭄ᬭᬶᬦᬭᬦᬵᬣᬧᭀᬮᬳᬶᬫᬗ᭄ᬓᬾᬤᭀᬦᬶᬭᬧ᭄ᬭᬵᬧ᭄ᬢᬶ
[᭒᭓ 23A]
ᬤᭀᬦ᭄ᬓᬤ᭄ᬬᬵᬗ᭄ᬮᬫᬭᬾᬗ᭄ᬓᬓᬸᬂᬲᬶᬭᬧᬢᬶᬳᬗᬸᬘᬧ᭄ᬳᬶᬄᬧᬢᬶᬄᬲᬸᬡ᭄ᬥᬩᬶᬱᬓᬧᭀᬳᬫᬸᬯᬸᬲ᭄ᬳᬦᬾᬧᬓᭂᬦ᭄ᬗᬭᬦ᭄ᬢᬳᬶᬓᬶᬤᬾᬤᬾᬧᬾᬮᬳᬶᬂᬫᬦ᭄ᬢ᭄ᬭᬶ᭞ᬳᬓ᭄ᬥᬶᬓ᭄ᬳᬶᬓᬶᬩᬶᬱᬦ᭄ᬢ
ᬳᬓᬾᬄᬯᬶᬯᬲ᭄ᬬᬦ᭄ᬳᬭᬦᬦᬧᬢᬶᬳᬵᬳᬧᬳᬶᬓᬶᬲᬗ᭄ᬓᬦ᭄ᬫᬸᬳᬢᬶᬗ᭄ᬕᬮᬦᬕᬭᬬᬦ᭄ᬓᬶᬢᬳᬲ᭄ᬣᬶᬢᬶᬳᬭᬶᬂᬰᬵᬰᬦ᭄ᬫᬸᬦᭀᬭᬓᬶᬢᬥᬢᭂᬗᬾᬂᬭᬶᬓᬶᬓᬬᬧᭀᬮᬳᬶᬂᬚᬮᬶᬃ
᭟ᬗᭀᬗᬶᬓᬶᬳᬫᬭᬄᬓᬫᬸᬢᬶᬗ᭄ᬓᬳᬶᬂᬯᭀᬂᬦᬹᬱᬦ᭄ᬢᬭᬶᬳᬗᬫ᭄ᬩᬄᬦᬵᬕᬭᬦᬾᬂᬤᬗᬸᬤᬗᬸᬫᬓᬵᬤᬶᬢᬜ᭄ᬚᬸᬂᬧᬸᬭᬲᬫ᭄ᬧᬶᬢ᭄ᬯᬡ᭄ᬥᬦ᭄ᬓᭀᬘᬶᬢᬸᬫᬲᬶᬓ᭄ᬲᬧᬓᬸᬂᬩᬗ᭄ᬲᬸᬮᬦᬸᬳᬸᬦᬲᬸᬂ
ᬓᬸᬧ᭄ᬭᬵᬧ᭄ᬢᬵᬢᬸᬭᬢᬸᬃᬲᬧ᭄ᬭᬡᬢᬪᬓ᭄ᬢᬶᬲᬓᬮ᭄ᬯᬶᬭᬦᬶᬂᬫᬸᬮ᭄ᬬᬲᬳᬲᭂᬫ᭄ᬩᬄᬦ᭄ᬬᬳᬤᬸᬮᬸᬃ᭞ᬓᬶᬢᬓᬋᬗᭃᬤᬾᬦᬶᬂᬲᬸᬦ᭄ᬧ᭄ᬭᬬᬵᬗᬢᬸᬭᬓᭂᬦ᭄ᬧᬸᬢ᭄ᬭᬶᬓᬵᬧᬦ᭄ᬓᬵᬢᬸᬭᬭᬶᬚᭃᬂᬲ [ 24 ][᭒᭓ 23B]
᭒᭓
ᬗᬳᬸᬮᬸᬦ᭄ᬮᬄᬫᬗ᭄ᬓᭀᬳᬗᬢᬸᬭᬦᬤᬸᬮᬸᬭᬦᬪᬓ᭄ᬢᬶᬗᭀᬗᬶᬓᬶᬯ᭄ᬓᬲᬫ᭄ᬯᬫᬵᬢᬸᬭᬾᬂᬲᬗᬳᬸᬮᬸᬦ᭄ᬫᬮᬄᬫᬗ᭄ᬓᬾᬓᬵᬭᬶᬲᬶᬭᬢᬶᬦᬗ᭄ᬓᬶᬮ᭄ᬤᬾᬦᬶᬂᬧᬭᬪᬸᬚᬗ᭄ᬕᬤ᭄ᬬᬵ
ᬓ᭄ᬱᬮᬯᬦ᭄ᬧᬭᬲᬵᬥᬸ᭟ᬫᬮᬳᬾᬩᭂᬓᬶᬂᬧᬗᬲ᭄ᬢ᭄ᬭ᭄ᬬᬦ᭄‌ᬓᬂᬫᬦ᭄ᬢ᭄ᬭᬶᬯᬺᬤ᭄ᬥᬳᬦᬗ᭄ᬓᬶᬮ᭄ᬳᬗᬦ᭄ᬢᬶᬢ᭄ᬓᬳᬦᬶᬭᬳᬗᬢᬸᬭᬓᭂᬦ᭄ᬲᬂᬧᬸᬢ᭄ᬭᬶᬳᬤᬸᬮᬸᬭᬦᬪᬓ᭄ᬢᬶᬳᬸᬢᬸᬲᬦ᭄‌ᬰᬺᬗᭂᬦ
ᬗ᭄ᬭᬸᬗᬸᬮ᭄ᬯᬶᬃᬲᬶᬦ᭄ᬧᬂᬓᬂᬫᬸᬓᬓᬃᬡ᭄ᬦᬮ᭄ᬯᬶᬃᬲᬶᬦ᭄ᬩᬶᬢ᭄‌ᬕᬾᬕᬾᬧᬾᬋᬦᬗᬸᬘᬧᬕ᭄ᬮᬶᬲ᭄ᬧ᭄ᬭᬓᬰ᭞ᬳᬶᬳᬗᬧᬕᬚᬄᬫᬥᬳᬕᬸᬂᬯᬸᬯᬸᬲ᭄ᬫᬸᬳᬶᬓᬫᬶᬗᭀᬗᬶᬓᬶᬫᬗ᭄ᬓ᭄ᬯᬵᬗᬢᬸᬭᬦᬲᬶᬭ
ᬲᬂᬭᬵᬚᬧᬸᬢ᭄ᬭᬶᬳᬤᬸᬮᬸᬭᬦᬪᬓ᭄ᬢᬶᬫᬗ᭄ᬓᬦᬭᬓ᭄ᬯᬓᬵᬋᬧ᭄ᬫᬸᬧᬥᬮᬦᬸᬱᬦ᭄ᬢᬭᬤᬾᬦᬾᬲᬸᬡ᭄ᬥᬳᬶᬓᬶᬤᬸᬭᬸᬂᬤᬸᬭᬸᬂᬗᭀᬗᬶᬓᬶᬳᬡ᭄ᬥᬶᬧ᭄ᬭᬶᬂᬬᬸᬤ᭄ᬥ᭟ᬳᬪᬱᬮᬮᬶᬧᭀᬓᬶᬢ
[᭒᭔ 24A]
ᬗᬹᬦᬶᬤᬸᬓᬶᬢᬳᬦ᭄ᬓᬦᬚᬸᬭᬶᬢ᭄ᬳᬫ᭄ᬭᬂᬧ᭄ᬭᬤᬾᬰᬭᬶᬂᬕᬸᬦᬸᬂᬳᭂᬦ᭄ᬢᬶᬭᬵᬫᬾᬦᬶᬂᬬᬸᬤ᭄ᬥᬯᭀᬂᬲᬸᬡ᭄ᬥᬓᬕᬶᬗ᭄ᬲᬶᬃᬯᭀᬂᬚᬶᬧᬗᬫ᭄ᬩᬸᬭᬧ᭄ᬭᬵᬧ᭄ᬢᬧᬢᬶᬄᬲᬸᬡ᭄ᬥᬳᬧᬸᬮᬶᬄᬭᬸᬲᬓ᭄ᬯᬤ᭄ᬯᬫᬸᬕᬶ
ᬗ᭄ᬲᬶᬃ᭞ᬫᬦ᭄ᬢ᭄ᬭᬶᬫᬸᬓᬵᬮᬶᬄᬢᬶᬦᬶᬕᬲ᭄ᬳᬦᬫᬍᬲ᭄ᬩᬾᬮᬾᬢᬾᬗᬗ᭄ᬫᬲᬶᬩᬸᬩᬃᬯᬤ᭄ᬯᬫᬸᬫᬮᬬᬹᬳᬦᬦᬶᬩᬦᬶᬚᬸᬭᬂᬳᬫᬸᬭᬸᬕ᭄ᬫᬸᬭᬸᬕ᭄‌ᬭ᭄ᬯᬶᬮ᭄ᬯᬶᬃᬧᬢᬶᬦᬶᬂᬮᬸᬢᬸᬂᬮᬸᬯᬓ᭄ᬲᬾ
ᬢᬦ᭄ᬧᬢᬶᬩᬸᬋᬗᬶᬓ᭄ᬧᬥᬫᬮᬓ᭄ᬯᬶᬗ᭄ᬳᬸᬭᬶᬧ᭄᭟ᬫᬗ᭄ᬓᬾᬳᬕᬸᬂᬓᭀᬓᭀᬳᬦ᭄ᬫᬸᬳᬸᬯᬩ᭄ᬫᬸᬮ᭄ᬯᬶᬃᬦ᭄ᬢᬸᬢᬶᬂᬕᬲᬶᬃᬓᬬᬧᬸᬭᬶᬱ᭄ᬬᬢᬶᬦᬶᬮᬭᬶᬗᬲᬸᬫᬾᬗ᭄ᬓᬾᬦᬾᬓᬳᬋᬧ᭄ᬢᬢᬦ᭄
ᬧ᭄ᬭᬘᬸᬭᬚᬸᬢᬶᬦ᭄ᬤᬶᬰᬵᬰᬡᬢᬶᬦᬹᬢ᭄ᬫᬸᬕᬸᬭ᭄ᬯᬦᬶᬂᬤᬸᬱ᭄ᬝᬵᬭᬸᬲᬸᬄᬤᬤᬶᬳᬗᬧᬸᬲᬶᬲᬂᬲᬵᬥᬸᬩᬸᬤ᭄ᬥᬶᬧᬢᬶᬢᬦᬾᬂᬦᬶᬭᬬᬳᬢ᭄ᬫᬫᬸᬢᭂᬫ᭄ᬩᬾᬬᬾᬦᬦ᭄ᬢᬸ᭞ᬕᬚᬄᬫᬥᬮ᭄ᬯᬶᬭ [ 25 ][᭒᭔ 24B]
᭒᭔
ᬭᬳᬸᬧ᭄‌ᬭᬸᬥᬶᬭᬭᬸᬦ᭄ᬢᬶᬓᬾᬗᬢᬶᬳᬶᬓᬶᬯᭀᬂᬲᬸᬡ᭄ᬥᬘᬸᬫᬗ᭄ᬓᬳᬫᬸᬯᬸᬄᬲ᭄ᬧᬄᬓᬬᬢᬦ᭄ᬯ᭄ᬭᬶᬗᬾᬭᬢ᭄ᬓᬵᬫᬸᬗᬚᬯᬶᬳᬦᬫ᭄ᬩᬢ᭄ᬦᬫ᭄ᬩᬦ᭄ᬤᬾᬦ᭄ᬬᭀᬚᬭᬶᬭᬵᬧᬢᬶᬄᬫᬥᬸᬳ
ᬦᬸᬯᭀᬦᬦᬳᬧᬦ᭄ᬯᬸᬲᬧᬲ᭄ᬢᬶᬓᬭᬡᬦ᭄ᬫᬸᬥᬢᭂᬗᬓᬬᬮ᭄ᬯᬶᬭᬲᬸᬳᬗᬮᬸᬧ᭄᭟ᬮ᭄ᬯᬶᬃᬩᭀᬭᬂᬳᬯᬓ᭄ᬱᬯᬶᬓᬦ᭄‌ᬓ᭄ᬦᬳᬭᬶᬗᬧᬸᬲ᭄ᬢᬯᬶᬳᬶᬥᭂᬧ᭄ᬫᬸᬢ᭄ᬓᬵᬤᭀᬭᭀᬧᭀᬦ᭄ᬓᬾ
ᬦ᭄ᬫᬥᬸᬢ᭄ᬓᬳᬫᬲ᭄ᬢᬶᬫᬗ᭄ᬓᬾᬗᭀᬗᬸᬫᬭᬶᬂᬰ᭄ᬭᬶᬦᬭᬦᬵᬣᬬᬾᬦᬢᬹᬢ᭄‌ᬫ᭄ᬦᬾᬗᭀᬗᬧᬸᬢᬸᬲᬦ᭄ᬥᬢᭂᬗᬾᬂᬓᬶᬓᬶᬲᬶᬓ᭄‌ᬬᬾᬦᭀᬭᬵᬢᬹᬢ᭄ᬗᭀᬂᬤᬓᭂᬧᬸᬗᬭᬶᬂᬩᬸᬩᬢ᭄᭞
ᬫᬗ᭄ᬓᬦᬳᬢᬹᬭᬓ᭄ᬦᬭᬶᬂᬢᬸᬳᬦ᭄ᬫᬸᬳᬬᭀᬕᬶᬗ᭄ᬲᬶᬃᬳᬦ᭄ᬢᬾᬓ᭄ᬦᬗᭀᬂᬭᬶᬂᬩᬸᬩᬢ᭄ᬳᬗᬦ᭄ᬢᬶᬳᬓᬵᬮᬤᬾᬰᬶᬬᬾᬦᬢᬹᬢᬩ᭄ᬘᬶᬓ᭄‌ᬬᬾᬦ᭄ᬢᬦᬢᬹᬢ᭄ᬗᭀᬂᬤᬓ᭄ᬕᭂᬫ᭄ᬧᬸᬂᬦ᭄ᬭᬱ᭄ᬝᬵ
[᭒᭕ 25A]
ᬲᬓᬸᬮᬕᭀᬢ᭄ᬭᬮ᭄ᬯᬶᬃᬧᬢᬶᬦᬶᬗᬜ᭄ᬚᬶᬂᬓᬗᬭᬸᬲᬸᬄᬗᭀᬂᬕᬯᬾᬦᭂᬦ᭄ᬓᭂᬢᬦ᭄᭟ᬧᬢᬶᬳᬶᬂᬲᬸᬡ᭄ᬥᬳᬗᬸᬘᬧ᭄ᬩᬵᬦᬶᬫᬸᬓᬓᬬᬓᬶᬫ᭄ᬩᬗᭀᬂᬲᬫᬶᬳᬄᬤᬹᬭᬘᬵ
ᬭᬳᬫ᭄ᬩᭂᬓ᭄ᬫᬸᬫ᭄ᬢᬸᬘᬸᬮᬶᬓᬩ᭄ᬭᬕᬮᬦ᭄‌ᬰᬹᬭᬶᬂᬩᬸᬤ᭄ᬥᬶᬧᬭᬘᬶᬤ᭄ᬭᬵᬢᬸᬮᬸᬲ᭄‌ᬦ᭄ᬤᬶᬰᬵᬰᬡᬦᬶᬓᬂᬧ᭄ᬭᬚᬸᬭᬶᬢ᭄ᬢᬶᬦᬹᬢ᭄ᬫᬸᬓᬬᬳᬶᬓᬶ᭞ᬢᬸᬫᭂᬗ᭄ᬕᬸᬂᬧᬗᬸᬮᬸᬩᭀᬭᬂᬳᭂᬦ᭄ᬢᬶᬭᬸᬦ᭄ᬢᬶᬓᬶᬭᬧᬋᬂ
ᬦᬳᬸᬭᬶᬧ᭄ᬭᬓᬰᬯ᭄ᬢᬸᬦᬶᬂᬯᬸᬯᬸᬲ᭄ᬮ᭄ᬯᬶᬃᬳᬦᬢ᭄ᬕᬢᬾᬂᬪᬬᬳᬵᬫᭀᬤᬳᬧᬢᬶᬳᬧᬭᬦᬦ᭄ᬢᬶᬫᬸᬳᬶᬓᬶᬮᬄᬋᬩᬸᬢᭂᬦ᭄ᬗᭀᬗᬶᬓᬶ᭞ᬤᬸᬤᬸᬢᬸᬫᭂᬗ᭄ᬕᬸᬂᬧᬗᬸᬮᬸᬩ᭄ᬯᭀᬬᬾᬦ᭄‌ᬢ᭄ᬓ
ᬕᬶᬗ᭄ᬲᬶᬭᬾᬂᬧᬢᬶᬮᬄᬕᬯᬾᬦᭂᬦ᭄ᬩᬬᬂᬩᬬᬂᬓᬋᬧ᭄ᬫᬸᬘᬭ᭄ᬯᬵᬦᬾᬯᬶᬮᬢᬶᬓ᭄ᬝᬵᬲᬶᬭᬢ᭄ᬩᬜᬸᬯᬶᬭᬶᬂᬬᬦᬶᬗᭀᬂᬲᬵᬫ᭄ᬧᬸᬦ᭄‌ᬪ᭄ᬭᬱ᭄ᬝᬮᬯᬦ᭄ᬯᭀᬂᬢᬶᬕᬗᬢᬸᬲ᭄ᬳᬾᬫᬦ᭄ᬤᬾᬫᬸᬭᬶᬂᬩᬸ [ 26 ][᭒᭕ 25B]
᭒᭕
ᬩᬢᬗᭂᬫ᭄ᬩᬸᬭᬶᬓᬾᬯᬮᬰ᭄ᬭᬷᬦᬭᬾᬦ᭄ᬤ᭄ᬭᬳᬤᬸᬮᬸᬃᬯᭀᬂᬯᬥᬸᬯᬥᬸ᭞ᬮᬄᬧᬢ᭄ᬢᬸᬳᬤᬾᬦᬰ᭄ᬭᬸᬭᭀᬯᬂᬫᬸᬫᬗ᭄ᬓᭀᬤᬾᬦ᭄ᬲ᭄ᬮᬶᬃᬳᬤᬸᬦᭂᬦ᭄ᬧᬶᬲᬦ᭄ᬲᬓᬋᬧ᭄ᬫᬸᬯᭀᬂᬲᬸᬡ᭄ᬥᬲᬗ᭄ᬕ
ᬦᬦᬳᬢᬡ᭄ᬥᬶᬂᬓᬯᬦᬶᬦ᭄ᬳᬳᬸᬭᬸᬧ᭄ᬩ᭄ᬭᬡᬧᬥᬳᬢᬓᭂᬭᬦᬫᬭᬲ᭄‌ᬭᬓ᭄ᬭ᭄ᬬᬦᬧᬢᬶᬄᬮ᭄ᬯᬶᬃᬫᬶᬚᬶᬮᬕ᭄ᬦᬶᬲᭃᬂᬦᬶᬂᬤ᭄ᬭᬶᬬᬓᬩᬗᬦ᭄ᬤᬾᬦᬶᬂᬘᬭᬂᬘᬂᬗᬯᬸᬬᬸᬢ᭄᭟ᬯ᭄ᬭᬸᬄᬲᬶᬭᬳ᭄ᬬᬂᬲ᭄ᬫ
ᬭᬦᬵᬣᬭᬶᬂᬭᬸᬦ᭄ᬢᬶᬓᬶᬭᬓ᭄ᬭ᭄ᬬᬦ᭄ᬧᬢᬶᬯ᭄ᬓᬲᬦᬯᬘᬦᬵᬮᭀᬮᭀᬦ᭄ᬳᬥᬹᬳᬦᬦᬶᬂᬲᬸᬦ᭄ᬓᬓᬶᬳᬬᭀᬦ᭄ᬤᬤᬯᬭᬸᬦ᭄ᬢᬶᬓ᭄ᬧᬭᬦ᭄ᬢᬯᬦᬶᬦᬶᬗ᭄ᬮᬓᬸᬓᬵᬮᬶᬄᬓᬶᬢᬧᭀᬢᬸᬲ
ᬦᬤᭀᬳᬗ᭄ᬕᬸᬂᬭᬹᬓ᭄ᬢᬶᬓ᭄ᬳᬶᬥᭂᬧᭂᬦᬸᬚᬭᬶᬂᬲᬹᬦᬬᭀᬧᬺᬕᬲ᭄᭞ᬤᬾᬦ᭄ᬧᬥᬳᬍᬍᬓᭂᬭᬦ᭄ᬓᬓᬶᬳᬦᬓᬶᬂᬲᬸᬦ᭄ᬓᬵᬮᬶᬄᬧᬜ᭄ᬘᬶᬢ᭄ᬢᬰ᭄ᬭᬶᬦᬭᬢᬭᬳᬬᬸᬢᬦᬦᬘ᭄ᬗᬶ
[᭒᭖ 26A]
ᬮ᭄ᬫᬗ᭄ᬓ᭄ᬯᬵᬢ᭄ᬫᬳᬦ᭄ᬓᬮᬶᬓᬬᭀᬫᬦ᭄ᬤᬾᬦᬶᬂᬫᬦ᭄ᬢ᭄ᬭ᭄ᬬᬵᬕᬸᬂᬓᬮᬯᬦ᭄ᬧᬭᬦᬵᬣᬦ᭄ᬤᬦ᭄‌ᬯᭀᬦ᭄ᬢᭂᬦ᭄ᬭᬶᬂᬗᬹᬦᬶᬳᬪᬬᬦᬶᬭᬫᬓᬾᬮᬶᬗᬫᬦ᭄ᬢᬸᬳ᭟ᬯᭀᬦ᭄ᬢᭂᬦ᭄ᬮᬶᬗᬶᬂᬧᬹᬃᬯ᭄ᬯᬢᬢ᭄ᬯ
ᬓᬵᬚᬭᬶᬂᬧᬸᬭᬡᬓᬓ᭄ᬬᬵᬦᬾᬗᬹᬦᬶᬬᬦ᭄ᬧᬭᬘᬶᬤ᭄ᬭᬮᬶᬦᬓᬸᬤᬸᬃᬰᬶᬮᬯᬫᬵᬦᬫᬓᬵᬫ᭄ᬩᭂᬓᬂᬚᬸᬢᬶᬳᬫᬦᬄᬓᬶᬫ᭄ᬩᬸᬭᬸᬳᬕᬸᬂᬥᭂᬡ᭄ᬥᬦᬶᬭᬳ᭄ᬬᬂᬯᬶᬥᬶᬧᬢᬶᬢᬳᬾᬗᬯᬾ
ᬘᬶ᭞ᬧᬦ᭄ᬲᬤ᭄ᬬᬲᬂᬦᬵᬣᬾᬂᬲᬸᬡ᭄ᬥᬳᬢᬹᬢᬤᬸᬮᬸᬭᬓᬬᬾᬂᬧ᭄ᬭᬮᬕᬶᬩᬲᬚᬓᬸᬤᬸᬳᬫᬦ᭄ᬢᬸᬳᬭᬶᬂᬰ᭄ᬭᬶᬦᬭᬦᬵᬣᬳᬦᬾᬂᬫᬚᬧᬳᬶᬢ᭄ᬮᬶᬗᬶᬭᬥᬗ᭄ᬕᬸᬭᬸᬳ᭄ᬬᬗᬲ᭄ᬫᬭ
ᬦᬵᬣᬳᬫᬦᬶᬲ᭄ᬓᬗᬸᬢᬸᬲᬦᬳᬸᬭᬶ᭟ᬳᬥᬸᬄᬧᬸᬓᬸᬮᬸᬦ᭄ᬓᬲᬸᬳᬸᬦ᭄‌ᬯᬘᬦᬰ᭄ᬭᬶᬫᬳᬵᬫᬸᬦᬶᬓᬬᬳᬫᬺᬢᬳᬦᬸᬓᬦᬾᬂᬢᬦᬸᬭᬦᬓ᭄ᬲᬂᬫᬳᬵᬤ᭄ᬯᬶᬚᬤᭀᬦᬶ [ 27 ][᭒᭖ 26B]
᭒᭖
ᬭᬵᬗᬚᬯᬶᬳᬗᬢᭂᬃᬧᬸᬢ᭄ᬭᬶᬳᬋᬧᬶᬭᬵᬦ᭄ᬤᬦᬫᬫᬦ᭄ᬢᬸᬲᬗᬶᬭᬶᬓᬶᬦᬵᬣᬤᬤᬶᬳᬧᬢᬶᬄᬤ᭄ᬯᬶᬭᬤᬫᬵᬤᬤᬯᬓᬕᬯᬾᬪᬖ᭄ᬦᬦᬶᬗ᭄ᬮᬓᬸ᭞ᬧᬭᬘᬶᬤ᭄ᬭᬦ᭄ᬤᬢᬦ᭄ᬤᬢᬦ᭄ᬋ
ᬢᬸᬧᭀᬮᬳᬾᬫᬓᬵᬫ᭄ᬩᭂᬓ᭄ᬮᬸᬢᬶᬓ᭄ᬳᬗ᭄ᬳᬶᬂᬲᬶᬫᬵᬲᬵᬲᬶᬭᬶᬓᬓ᭄ᬦᬾᬂᬲᬸᬦ᭄‌ᬰᬺᬗᭂᬦ᭄ᬲᬶᬭᬓ᭄ᬭ᭄ᬬᬦ᭄ᬫᬵᬤᬢᬹᬃᬫᬭᬵᬦᬸᬤᬶᬗᬶᬳᬄᬧᬭᬦ᭄ᬤᬾᬫᬸᬳᬦᬫ᭄ᬧᬦᬶᬳᬸᬚᬭᬦᬶᬂᬲᬸᬦ᭄ᬓᬬᬩᭀᬲᬾ
ᬢᬦ᭄ᬯ᭄ᬭᬶᬂᬲᭀᬃᬧᬗᬍᬯᬶᬄᬬᬗ᭄ᬕᬸᬓ᭄ᬘᬸᬫᬗ᭄ᬓᬘᬗ᭄ᬓᬄᬓᬾᬯᬮ᭄ᬬᬵᬗᬩᬗᬶᬤᬸᬮᬸ᭟ᬓᬾᬦᬦᬾᬧᬓᭂᬦ᭄ᬓᬩᬗᬦ᭄ᬳᬫᬍᬲ᭄ᬫᬭᬵᬦᬸᬤᬶᬗᬶᬳᬄᬓ᭄ᬭᬯᬂᬢᬦ᭄ᬯ᭄ᬭᬶᬂᬓᬮᬶᬗᬦ᭄ᬤ᭄ᬬᬘᬶᬳ᭄ᬦᬫᬸᬓᬗᬩ᭄ᬘᬶᬓ᭄
ᬲᬸᬫᬳᬸᬃᬓᬾᬦᬧᬢᬶᬳᬦᬧᭀᬲᬗ᭄ᬓᬾᬢᬦᬶᬂᬲᬸᬦ᭄ᬫᭀᬦᬦᬓᬂᬯᭀᬂᬧ᭄ᬭᬵᬧ᭄ᬢᬳᬵᬦᬸᬗ᭄ᬕᬂᬧᬤᬵᬢᬶᬳᬧᬬᬸᬂᬓ᭄ᬢᬲᬗᬗ᭄ᬕᭀᬲᭀᬧᬘᬭ᭞ᬳᬘᬶᬭᬶᬳᬥ᭄ᬯᬚᬲᬶᬜ᭄ᬚᬂᬢᬶᬦᬸ
[᭒᭗ 27A]
ᬮᬶᬲᬶᬂᬫᬵᬲᬗ᭄ᬭᬯᬶᬢᬧᬶᬡ᭄ᬥᬶᬤ᭄ᬯᬶᬭᬤᬫ᭄ᬝᬲᬜ᭄ᬚᬢᬵᬕᬸᬂᬓᬗᬗᬶᬭᬶᬂᬧᬧᬕᭂᬦᬬᭀᬯ᭄ᬤᬶᬓᬾᬦᬦᬾᬧᬓᭂᬦ᭄ᬲᬸᬫᬳᬸᬃᬳᬄᬮᬫᭀᬦᬦᬧ᭄ᬭᬵᬧ᭄ᬢᬳᬦᬸᬗ᭄ᬕᬂᬓᬸᬤᬳᬕᬸ
ᬗᬚᬫᬸᬲ᭄ᬧᬶᬦᬮᬦᬦ᭄ᬫᬦ᭄ᬫᬵᬲᬲᬶᬦᬂ᭟ᬳᬘᬶᬭᬶᬳᬥ᭄ᬯᬚᬓᬺᬱ᭄ᬡᬳᬓᬭᬫ᭄ᬩᬮᬵᬗᬦ᭄ᬩᭂᬓ᭄‌ᬭᬢ᭄ᬦᬳᬤᬶᬳᬩᬧᬂᬢᬸᬮᬸᬓᬶᬳᬸᬮᬸᬂᬭᬶᬦᬾᬦ᭄ᬤᬓᬵᬭᬾᬗ᭄ᬫᬵᬲ᭄ᬳᬧᬬᬸᬂᬓᬺᬱ᭄ᬡ
ᬳᬲᬸᬲᬸᬗ᭄ᬓᬸᬮ᭄ᬫᬵᬲᬕᬸᬂᬳᬢᬫᬾᬂᬢᬶᬦᬧᬸᬓᬶᬂᬭᬸᬓ᭄ᬫᬶᬩᭂᬦ᭄ᬤᬾᬦᬶᬂᬭᬢ᭄ᬦᬳᬤᬶ᭞᭠ᬳᬗᬕᭂᬫ᭄ᬩᬸᬦ᭄ᬢᬮ᭄ᬫᬮᬾᬮᬯᬶᬦᬸᬓᬸᬯᬸᬓᬸᬤᬾᬦᬶᬂᬫᬵᬲᬗ᭄ᬭᬯᬶᬢ᭄ᬧ᭄ᬤᬂᬧᬗᭂᬧᬶᬢ᭄ᬮᬶᬦᬸᬳᬸᬂᬢᬶᬦᬢᬄ
ᬤᬾᬦᬶᬫᬵᬲᬫᬓᬹᬝᬳᬮᬜ᭄ᬘᬶᬗᬦ᭄ᬕ᭄ᬭᬶᬗ᭄ᬲᬶᬃᬓᬯᬸᬂᬳᬶᬬᬧᬢᬶᬳᬶᬂᬲᬸᬡ᭄ᬥᬧ᭄ᬭᬵᬧ᭄ᬢᬧᬧᬕᭂᬦᬬᭀᬕᬶᬗ᭄ᬲᬶᬃ᭟ᬓᬂᬲᬶᬃᬦᬫ᭄ᬩᬢᬶᬂᬧ᭄ᬭᬂᬤᬗᬸᬓᬮᬶᬮᬶᬧᬶᬂᬫᬸᬲᬸᬄᬧ᭄ᬭᬵᬧ᭄ᬢᬶᬕᬚᬄᬫᬵ [ 28 ][᭒᭗ 27B]
᭒᭗
ᬤᬬᬲᬶᬦᬤ᭄ᬬᬤᬾᬦᬶᬂᬲᬸᬦ᭄ᬲᬧᭀᬘᬧᬦ᭄ᬮᬦ᭄ᬲᬶᬭᬭᭀᬯᬗᬶᬗᬢᬡ᭄ᬥᬶᬂᬧ᭄ᬭᬤᬯᬳᬳᬸᬭᬸᬧ᭄ᬩ᭄ᬭᬡᬮᬡᬮᬡ᭄ᬥᭂᬲᬦᬕᬸᬮᬹᬥᬗ᭄ᬳ᭄ᬬᬗᬲ᭄ᬫᬭᬦᬵᬣᬳᬗ᭄ᬮᬶᬂᬗᬭᬶᬲ᭄ᬮᬄᬓᬓᬶᬧᬢᬶᬄ᭠
ᬓᬵᬭ᭄ᬯᬳᬬ᭄ᬯᬤᬾᬭᬳᬕᬸᬂᬳᬕᬸᬂᬳᬬᬸᬂ᭞ᬦᬶᬲ᭄ᬓᬭᬡᬳᬸᬚᬭᬶᬓᬸᬧᬫᬸᬮᬶᬳᬲᬶᬭᬓᬓᬶᬮᬳ᭄ᬢᭀᬲᭂᬦᬦ᭄ᬤᬶᬓᬵᬲᬗᬳᬸᬮᬸᬦ᭄ᬫᬗ᭄ᬓᭀᬳᬦᬭᬶᬂᬩᬸᬩᬢ᭄ᬲᬯ᭄ᬗᬶᬭ᭄ᬯᬂᬯ᭄ᬗᬶᬬᬦ᭄ᬓᬶᬦᬳᬃᬱᬰᬾᬖ᭄ᬭ
ᬥᬢᭂᬂᬳᬧᬢᬶᬄᬫᬥᬸᬓᬂᬳᬸᬢᬸᬢᬸᬲᬦᬫᬶᬢᬸᬳᬸᬲᬂᬋᬱᬶᬦ᭄ᬳᭂᬭᬫᬶᬢ᭄ᬫᬦ᭄ᬢᬸᬓᬳᬕ᭄ᬮᬶᬲ᭄ᬮᬫ᭄ᬧᬳᬾᬭᬶᬂᬳ᭄ᬦᬸ᭟ᬢᬦ᭄ᬓᬯᬃᬡ᭄ᬦᬳᬭᬶᬂᬫᬃᬕ᭄ᬕᬥᬢᭂᬗᬶᬂᬩᬸᬩᬢᬦᬹᬮᬶᬳᬸᬫᬋᬓᬶᬚᭃᬂᬲᬗ᭄ᬓ
ᬢᭀᬂᬲᬶᬭᬢᬲ᭄ᬥᭂᬂᬢᬶᬦᬗ᭄ᬓᬶᬮ᭄ᬤᬾᬦᬶᬓᬂᬢᬡ᭄ᬥᬫᬦ᭄ᬢ᭄ᬭᬶᬩᬮᬲᬫᬵᬢᬧᬮᬸᬗ᭄ᬕᬸᬄᬭᬶᬲᭀᬭᬶᬓᬂᬯᬦ᭄ᬤᬶᬭᬢᬦ᭄ᬤᬸᬓᬾᬦᬧᬢᬶᬳᬸᬫᬢᬸᬭᬶᬂᬲᬂᬦᬵᬣᬲᬳᬢᭀᬢ᭄ᬲ᭄ᬓᬃ᭞ᬲᬶᬗ᭄ᬕᬶᬄᬧᬤᬸᬓ
[᭒᭘ 28A]
ᬪᬝᬭᬦᬶᬃᬤᭀᬦ᭄ᬮᬫ᭄ᬧᬄᬧᬤᬸᬓᬵᬚᬶᬧ᭄ᬭᬵᬧ᭄ᬢᬳᬭᬶᬂᬯᬶᬮᬢᬶᬓ᭄ᬝᬳᬗᬧ᭄ᬢᬶᬲᬸᬓᬓᬧᬗ᭄ᬕᬶᬄᬤᬤᬶᬫᬗ᭄ᬕᬶᬳᬯᬶᬱ᭄ᬝᬶᬤᭀᬭᭀᬧᭀᬦ᭄ᬢᬦ᭄ᬯ᭄ᬭᬸᬳᬶᬂᬮᬓᬸᬳᬶᬮᬂᬫᬗ᭄ᬓᬾᬓᬯᬶ
ᬯᬾᬓᬦ᭄ᬧᬤᬸᬓᬳᬚᬶᬤᬤ᭄ᬬᬵᬦ᭄ᬫᬸᬤᬸᬃᬫᬗ᭄ᬕᬮᬦᬶᬓᬂᬮᬫ᭄ᬧᬄ᭟᭜᭟ᬧᬸᬧᬸᬄᬤᬹᬃᬫ᭄ᬫ᭟ᬫ᭄ᬦᭂᬂᬲᬂᬦᬵᬣᬳᬲᬸᬯ᭄ᬬᬢᬦ᭄ᬧᬗᬸᬘᬧ᭄ᬓᬵᬃᬬ᭄ᬬᬭᬸᬫᬲᬾᬗᬢᬶᬳᬄᬓᬬᬳᬫᬶᬣ᭄ᬬ
ᬳᬶᬓᬶᬯᭀᬂᬯᬶᬢᬶᬓ᭄ᬝᬲᬓᬶᬂᬫᬥᬸᬭᬵᬧᬾᬢ᭄ᬧᬢᬶᬮᬄᬲᬪᬕᬾᬬᬲᬵᬫ᭄ᬧᬸᬦ᭄᭠ᬩ᭄ᬦᭂᬭᬶᬂᬩᬸᬤ᭄ᬥᬶ᭟ᬩᬂᬩᬂᬦᬂᬕᬢ᭄ᬭᬵᬩᬗᬸᬦ᭄ᬩ᭄ᬭᬵᬳ᭄ᬫᬦᬶᬂᬘᬶᬢ᭄ᬢᬫ᭄ᬩᬾᬳᬾᬫ᭄ᬩᭂᬄᬧ᭄ᬭᬪᬬᬬᬵᬕ᭄ᬦᬶᬫᬶᬚᬶ
ᬮ᭄ᬲᬓᬶᬂᬤ᭄ᬭᬶᬬᬳᬲᭂᬂᬲ᭄ᬫᬶᬢᬳᬗᬸᬘᬧ᭄ᬮᬄᬫᬦ᭄ᬢ᭄ᬭᬶᬲᬫᬦ᭄ᬢᬬᬾᬓᬶᬳᬗᬧᬤᬾᬦ᭄ᬢᬤᬾᬦᬾᬗᭀᬂᬯᬸᬲ᭄ᬓᬬᬾᬓᬶ᭟ᬬᬦ᭄ᬲᬶᬭᬯ᭄ᬤᬶᬧᬢᬶᬫᬦ᭄ᬢᬸᬓᬾᬂᬲᬸᬡ᭄ᬥᬳᬶᬭᬶᬗᭂᬦ᭄ᬲᬶᬭᬦᬶᬦᬶᬧᬋᬂ [ 29 ][᭒᭘ 28B]
ᬲ᭄ᬢ᭄ᬭᬶᬦᬭᬦ᭄ᬤᬦ᭄ᬤᬾᬦ᭄ᬧᬳᬾᬦᬓᬂᬫᬦᬄᬲᬸᬓᬾᬂᬲᬸᬦ᭄ᬫᬗ᭄ᬓ᭄ᬬᬵᬗ᭄ᬫᬲᬶᬲᬧᬤ᭄ᬬᬵᬯᬶᬭᬂᬮᬦᬕᬸᬬ᭄ᬯᬦᬾᬂᬤᬤᬶ᭟ᬧᬦ᭄ᬢᬶᬢᬳᬶᬂᬳ᭄ᬬᬗᬫᬗ᭄ᬕᬶᬄᬲᬸᬓᬤᬸᬄᬓᬯ᭄ᬬᬵᬓ᭄ᬢᬶᬢᬦᬦᬫᬮᬶᬄᬧᬸᬭ
ᬓᬺᬢᬾᬂᬓᬸᬦᬫᬗ᭄ᬓᬾᬨᬮᬦ᭄ᬬᬵᬦ᭄ᬧ᭄ᬭᬵᬧ᭄ᬢᬳᬮᬳᬬᬸᬓᬂᬪᬶᬦᬹᬓ᭄ᬢᬶᬗᭀᬂᬢᬦ᭄ᬢᬸᬮᬓᬧᬗᬸᬜ᭄ᬘᬗᬶᬂᬤᬸᬲ᭄ᬓᬺᬢᬶ᭟ᬧᬶᬮᬶᬄᬓᬯᬯᬤᬾᬦᬾᬶᬲᬸᬦ᭄ᬫᬗ᭄ᬓ᭄ᬯᬵᬫ᭄ᬭᬶᬳᬧ᭄ᬭᬬᬰ᭄ᬘᬶᬢᬦᬶᬂᬕᬢᬶ
ᬳᬮᬫᬢ᭄ᬬᬾᬂᬭᬡᬩ᭄ᬭᬢᬲᬂᬰᬹᬭᬥᬃᬫ᭄ᬫᬓ᭄ᬱᬢ᭄ᬭᬶᬬᬭᬓ᭄ᬯᬳᬶᬦᭀᬗ᭄ᬲᬶᬨᬮᬭᬸᬫᬸᬯᬢ᭄ᬲᬤᬸᬲ᭄ᬓᬺᬢᬵᬦᬾᬂᬤᬤᬶ᭟ᬳᬢᬹᬃᬲᭂᬫ᭄ᬩᬄᬲᬂᬫᬦ᭄ᬢ᭄ᬭᬶᬲᬶᬦᬫᬤᬬᬲᬳᬹᬃᬧᬓ᭄ᬱ᭄ᬬᬵᬫᬶᬲᬶᬗ᭄ᬕᬶᬄᬥᬹᬄᬤᬾᬯᬧᬗᬾᬭᬦ᭄ᬫᬗ᭄ᬓᬾᬧᬢᬶᬓ᭄ᬪᬝᬭᬳᬸᬫᬶᬭᬶᬂᬧᬤᬸᬓᬳᬚᬶᬢᬸᬫ᭄ᬧᬸᬭᬾᬂ
[᭒᭙ 29A]
ᬗ᭄ᬕᬶᬄᬗ᭄ᬯᬂᬰ᭄ᬯᬂᬰᬹᬭᬭᬶᬂᬭᬡᬧ᭄ᬚᬄᬭᬓ᭄ᬯᬾᬄᬧᬧ᭄ᬭᬗᬦ᭄ᬭᬶᬗᬭᬶᬮᭀᬓᬳᬫᬗ᭄ᬕᬶᬲᬸᬓᬦᬶᬂᬘᬶᬢ᭄ᬢᬳᬶᬗᬬᬧᬶᬗᬧ᭄ᬲᬭᬶ᭟ᬢᬹᬭᬸᬫᬸᬯᬢ᭄ᬲᬧᬵᬧᬦᬶᬂᬭᬵᬫᬭᬾᬫᬕᬸᬭᬶᬢᭂᬦᬶᬂᬲᬗ᭄ᬓᬯᬶ
ᬢ᭄ᬓᬾᬯᬡ᭄ᬥᬸᬯᬃᬕ᭄ᬕᬧᬥᬢᬸᬱ᭄ᬝᬳᬫᬸᬓ᭄ᬢ᭄ᬬᬨᬮᬦᬶᬂᬫᬵᬢᬶᬳᬚᬸᬭᬶᬢ᭄‌ᬰᬹᬭᬲᬭᬾᬂᬧ᭄ᬬᬵᬂᬰᬹᬭᬥᬃᬫ᭄ᬫᬳᬶᬦᬶᬱ᭄ᬝᬶ᭟ᬧᬦᭀᬭᬓᬃᬬ᭄ᬬᬯᬦᬾᬄᬤᬾᬲᬂᬓ᭄ᬱᬢ᭄ᬭᬶᬬᬳᬗ᭄ᬳᬶᬂᬫᬵᬢᬶᬳᬚᬸᬭᬶ
ᬢ᭄‌ᬫ᭄ᬭᬶᬄᬓᬯᬶᬪᬵᬯᬜ᭄ᬚᬬᬓᬧᬭᬚᬬᬢᬸᬗ᭄ᬕᬮ᭄ᬱᬵᬦ᭄ᬢᬓᬶᬧᬸᬦ᭄ᬓᬵᬮᬶᬄᬧᬥᬲᬸᬮᬤᬚᬬᬗᬭᬦ᭄ᬬᬓᬵᬮᬶᬄ᭟ᬓᬗ᭄ᬯᬂᬫ᭄ᬦᬗᬶᬂᬭᬡᬯᬶᬃᬬ᭄ᬬᬲᬓᬵᬮᬧ᭄ᬭᬤᬸᬳᬜᬓ᭄ᬭᬯᬃᬢ᭄ᬢᬶᬢᬦ᭄ᬓᬸ
ᬭᬗᬶᬂᬪᭀᬕᬓᬮᬯᬦ᭄ᬧᬭᬶᬪᭀᬕᬓᬂᬧᬶᬦᬗ᭄ᬕᬶᬄᬫᬗ᭄ᬓᬦᬭᬓ᭄ᬯᬮᬪᬦᬶᬂᬚᬬᬾᬂᬚᬸᬭᬶᬢ᭄᭟ᬓᬂᬗ᭄ᬯᬗᬮᬳᬶᬂᬭᬡᬲᬶᬦᭂᬗ᭄ᬕᬾᬄᬚᬬᬮᬪᬦᬶᬂᬦᬶᬲ᭄ᬓᬮᬭᬓ᭄ᬯᬧᬶᬦᬗ᭄ᬕᬶ [ 30 ][᭒᭙ 29B]
᭒᭙
ᬳᬶᬭᬲᬸᬓᬦᬶᬂᬲ᭄ᬯᬃᬕ᭄ᬕᬮᭀᬓᬳᬫᬗ᭄ᬕᬶᬄᬲᬾᬱ᭄ᬝᬶᬦᬶᬗᬢᬶᬮᬪᬦᬶᬭᬲᬂᬫᬵᬢᬶᬧ᭄ᬭᬯᬶᬭᬾᬂᬚᬸᬭᬶᬢ᭄᭟ᬲᬫᬗ᭄ᬓᬦᬳᬢᬹᬭᬾᬫᬦ᭄ᬢ᭄ᬭᬶᬲᬤᬬᬳᬪᬵᬱᬗᬋᬂᬫᬵᬢᬶᬢᬦᬶᬯᬗᬾᬂ
ᬓᬰᬹᬭᬢ᭄ᬫᬾᬗᭂᬢᬶᬗᬲᬶᬄᬦᬺᬧᬢᬶᬳᬦᬾᬂᬰᬭᬶᬭᬘᬢᬹᬃᬮᬪᬪᬶᬦᬹᬓ᭄ᬢᬶ᭞ᬫᬗ᭄ᬓ᭄ᬬᬵᬯᭂᬯᭂᬄᬓᬲᬶᬗ᭄ᬳᬦ᭄ᬦᬶᬭᬲᬂᬦᬵᬣᬳᬗᬺᬗ᭄ᬯᬵᬢᬸᬭᬾᬫᬦ᭄ᬢ᭄ᬭᬶᬯ᭄ᬓᬲᬦᬗᬸᬘᬧ᭄ᬫᬾᬲᭂᬫᬲ᭄ᬫᬸᬕᬃᬚ᭄ᬚᬶ
ᬢᬮᬄᬧᬕᬸᬢᬦᬫᭀᬦ᭄ᬧ᭄ᬭᬵᬧ᭄ᬢᬶᬲᬸᬓᬾᬂᬲᬸᬦ᭄ᬧ᭄ᬚᬄᬢᬸᬫ᭄ᬧᬸᬭᬾᬂᬫᬚᬧᬳᬶᬢ᭄᭟ᬳᬯᬦ᭄ᬮᭂᬩᬃᬧᬋᬓᬦᬶᬭᬲᬂᬦᬵᬣᬫᬜ᭄ᬚᬶᬗᬶᬂᬤᬍᬫ᭄ᬧᬸᬭᬶᬳᬦᬾᬂᬧᬲᬗ᭄ᬕᬳᬦ᭄‌ᬢᭀᬦ᭄ᬢᭂᬦ᭄ᬲᬶ
ᬭᬬᬶᬦᬶᬭᬧᬋᬂᬲᬂᬮᬓ᭄ᬱ᭄ᬫᬶᬦᬶᬂᬧᬸᬭᬶᬭᬶᬂᬰᬮᬸᬓᬶᬮ᭄ᬬᬦ᭄ᬲᬶᬭᬓᬵᬮᬶᬳᬮᬶᬗ᭄ᬕᬶᬄ᭟ᬕᬶᬧᬶᬄᬢᬸᬫᬸᬭᬸᬦ᭄ᬤᬸᬓ᭄ᬥᬢᭂᬂᬰ᭄ᬭᬶᬦᬭᬾᬦ᭄ᬤ᭄ᬭᬭᬶᬦᬗ᭄ᬓᬸᬮ᭄ᬲᬂᬮ᭄ᬯᬶᬃᬤᬾᬯᬶᬳᬥᬹᬳᬢ᭄ᬫᬚᬶᬯᬵᬳ
[᭓᭐ 30A]
ᬲᬓᬶᬲᬸᬦ᭄ᬧᬗᬾᬭᬦ᭄ᬧᬭᬦ᭄ᬢᬫᬸᬳᬭᬦᬾᬓᬶᬧ᭄ᬭᬵᬧ᭄ᬢᬗᬚᬯᬤᭀᬭᭀᬧᭀᬦ᭄ᬢᬦ᭄ᬯ᭄ᬭᬕᬢᬶ᭟ᬢᬦ᭄ᬲᬶᬤ᭄ᬥᬫᬗ᭄ᬓᬾᬚᬢᬸᬓ᭄ᬭᬫᬳᬦᬶᬭᬓᬮᬗᬦᬶᬂᬤᬸᬲ᭄ᬓᬺᬢᬶᬢᬦ᭄ᬰᬺᬤ᭄ᬥᬳᬶᬂ
ᬤᬾᬯᬳᬶᬓᬳᬕᬯᬾᬯᬶᬯᬮ᭄‌ᬯᬶᬭᬩᬶᬲᬸᬦ᭄ᬢᬦ᭄ᬲᬶᬦᬶᬧᬶᬬᬦ᭄ᬓᬸᬤ᭄ᬯᬓ᭄ᬦᬓᬵᬢᬸᬭᬲᬶᬭᬦᬶᬦᬶ᭟ᬭᬶᬤᬾᬦ᭄ᬬᬵᬦ᭄ᬭᬓ᭄ᬯᬳᬤᬸᬮᬸᬃᬧᬗᬮ᭄ᬧᬶᬓᬵᬓᬬᬯᭀᬂᬦᬹᬱᬵᬦ᭄ᬢᬭᬶᬳᬭ
ᬫ᭄ᬩᬳᬭᬵᬚᬳᬘᬶᬭᬶᬓᬳᬸᬳᬸᬮᬸᬦᬦ᭄ᬫᬃᬫ᭄ᬫᬦᬶᬂᬋᬦ᭄ᬢᬗᬶᬗ᭄ᬳᬢᬶᬭᬵᬫᬦ᭄ᬢᬢᬸᬳᬦ᭄ᬳᬗᬹᬃᬲᬸᬦᬗ᭄ᬫᬲᬶ᭟ᬬᬾᬓᬶᬲᭀᬧᬦᬦᬶᬂᬲᬸᬦ᭄ᬫᬦ᭄ᬢᬸᬓᬶᬂᬬᬸᬤ᭄ᬥᬳᬧᬦ᭄ᬲ᭄ᬯᬃᬕ᭄ᬕᬦᬗ᭄ᬕᬶᬄᬮᬄ
ᬫᬦ᭄ᬢᬸᬓᬢᬸᬳᬦ᭄ᬧᬋᬂᬲᬶᬭᬾᬩᬸᬦᬶᬭᬯᬮᬸᬬᬭᬶᬂᬲᬸᬡ᭄ᬥᬦᬶᬦᬶᬳᬢ᭄ᬫᬚᬶᬯᬶᬢᬓᬃᬬ᭄ᬬᬲᬭᬲᬳᬸᬭᬶᬧ᭄᭟ᬫᬗ᭄ᬓᬾᬯ᭄ᬓᬲᬦᬶᬂᬲᬸᬦ᭄ᬢᬸᬫᭀᬦᬶᬂᬲᬶᬭᬮᬯᬦ᭄ᬢᬲᬶᬭᬬᬬᬶ [ 31 ][᭓᭐ 30B]
᭓᭐
ᬫᬸᬮᬶᬳᬧᬗᬾᬭᬦ᭄ᬧᬋᬂᬲᬶᬭᬵᬦᬓᬶᬭᬧᬮᬭᬶᬂᬲᭀᬯᬄᬓᬧᬗ᭄ᬕᬶᬄᬲᬶᬭᬵᬢ᭄ᬫᬚᬶᬯᬭᭀᬯᬗᬶᬗᬦᬳᭂᬦ᭄ᬧ᭄ᬭᬶᬄ᭟ᬲᬂᬮᬶᬦᬶᬗᬦ᭄ᬢᬸᬫᬸᬗ᭄ᬓᬸᬮ᭄ᬫᬲᬸᬯᬱ᭄ᬧᬳᬗ᭄ᬮᬶᬂᬳᬗ᭄ᬮᬶᬂᬲᬳᬵ
ᬢᬹᬃᬪᬓ᭄ᬢᬶᬲᬶᬗ᭄ᬕᬶᬄᬲᬸᬲᬸᬳᬸᬦᬦ᭄ᬫᬗ᭄ᬓᬾᬧᬢᬶᬓ᭄ᬪᬝᬭᬫᬦ᭄ᬢᬸᬓᬾᬂᬲᬸᬡ᭄ᬥᬧ᭄ᬭᬤᬾᬰᬶᬕᬶᬦᬯᬾᬧᬭᬦ᭄‌ᬚᬸᬫ᭄ᬩᬸᬄᬮᬭᬦᬶᬗ᭄ᬳᬢᬶ᭟ᬫᬗ᭄ᬓᬾᬧᬢᬶᬓ᭄ᬪᬝᬭᬢᬸᬫᬸᬢ᭄ᬧᬭᬢ᭄ᬭ
ᬲᬧᬭᬦ᭄ᬧᬤᬸᬓᬵᬚᬶᬬᬤ᭄ᬬᬦ᭄ᬓᬦᬭᬓᬍᬯᬶᬄᬬᬦ᭄ᬓᬲ᭄ᬯᬃᬕ᭄ᬕᬳᬬᬤ᭄ᬬᬦ᭄ᬧᬶᬂᬲᬧ᭄ᬢᬳᬦᬤᬶᬲᬶᬭᬧᬗᬾᬭᬦ᭄ᬳᬗᬯᬸᬲᬾᬂᬲᬸᬦᬶᬓᬶ᭟ᬧᬶᬮᬶᬄᬓ᭄ᬦᬳᬶᬱ᭄ᬝᬶᬳᬦᬾᬂᬲ᭄ᬯᬘᬶᬢ᭄ᬢ
ᬲᬢ᭄ᬬᬩ᭄ᬭᬢᬦᬶᬗᬶᬲ᭄ᬢ᭄ᬭᬶᬍᬯᬶᬄᬨᬮᬦᬶᬂᬓᬯᭀᬦ᭄ᬢᭂᬦ᭄ᬓᬤᬶᬘᬭᬶᬢᬲᬶᬭᬤᬾᬯᬶᬲᬢ᭄ᬬᬯᬢᬶᬲᬢ᭄ᬬᬭᬶᬂᬧ᭄ᬭᬶᬬᬳᬕᬸᬂᬲ᭄ᬯᬃᬕ᭄ᬕᬧᬶᬦᬗ᭄ᬕᬶᬄ᭟ᬫᬮᬶᬳᬢᬹᬭᬶᬭᬲᬂᬭᬢ᭄ᬦᬦᬶᬂᬧᬸᬭ
[᭓᭑ 31A]
ᬧᬸᬓᬸᬮᬸᬦ᭄ᬩᬧᬳᬚᬶᬧᬭᬦ᭄ᬫᬃᬫ᭄ᬫᬦᬶᬗ᭄ᬯᬂᬬᭀᬕ᭄ᬬᬧᬲᬳᬾᬂᬲᬶᬭᬦᬶᬫᬶᬢ᭄ᬢᬦᬶᬭᬩᬧᬵᬚᬶᬮᬸᬗ᭄ᬳᬵᬗᬚᬯᬢᬦ᭄ᬮᬾᬦ᭄ᬭᬦᬓ᭄ᬩᬧᬵᬚᬶ᭟ᬫᬃᬕ᭄ᬕᬦᬶᬭᬳᬫᬗ᭄ᬕᬶᬄᬯᬶᬱ᭄ᬝᬶᬦᬶᬂᬮᬫ᭄ᬧᬄᬤᬾ
ᬦᬾᬳᬲᬶᬳᬧᬸᬢ᭄ᬭᬶᬫᬗ᭄ᬓᬾᬲᬸᬦᬢᬶᬮᬃᬫᬦ᭄ᬢᬸᬓ᭄ᬫᬮᬸᬬᬾᬂᬲᬸᬡ᭄ᬥᬵᬧᬭᬦ᭄ᬲᬶᬮᬸᬳᬸᬗᬦᬾᬓᬶᬢᭂᬯᬲᬚᬫ᭄ᬩᬢ᭄ᬕᬶᬦᬸᬬᬸᬕᬸᬬ᭄ᬯᬂᬤᬤᬶ᭟ᬦ᭄ᬤᬶᬰᬰᬡᬦᬶᬂᬧᬸᬢ᭄ᬭᬶᬳᬤᬶᬯ᭄ᬦᬗᬵ
ᬬᬦᬢᬶᬯᬭᬾᬂᬭᬯᬶᬢᬕᬸᬂᬗᬵᬧᬦᬶᬓᬲᬗ᭄ᬓᬦᬶᬗᬕᬭᬷᬭᬢᬦ᭄ᬮᬾᬦ᭄ᬲᬓᬶᬂᬬᬬᬄᬩᬶᬩᬶᬍᬯᬶᬄᬓᬗᬸᬢᬂᬮ᭄ᬯᬶᬃᬲᬓᬵᬕᬧ᭄ᬭᬣᬶᬯᬶ᭟ᬧᬭᬦ᭄‌ᬢ᭄ᬫᬳᬦᬶᬂᬲᬸᬦ᭄ᬢᭂᬫ᭄ᬩᬾᬬᬦ᭄
ᬧ᭄ᬚᬄᬫᬗ᭄ᬓᬾᬳᬰ᭄ᬭᬶᬳᬶᬂᬧᬢᬶᬭᬶᬮᬶᬡᬲᬂᬦᬵᬣᬭᬵᬦᬓ᭄ᬧᬤᬸᬓᬦᬵᬣᬳᬸᬫᬶᬭᬶᬂᬧᬤᬸᬓᬳᬚᬶᬪ᭄ᬭᬱᬭᬶᬂᬭᬡᬧᬋᬂᬮᬦᬶᬩᬸᬕᭀᬭᬶ᭟ᬫᬗ᭄ᬓᬦᬳᬢᬸᬭᬶᬭᬲᬂᬭᬵᬚᬓᬵ [ 32 ][᭓᭑ 31B]
᭓᭑
ᬦ᭄ᬬᬫᬗ᭄ᬓᬶᬦᬸᬫ᭄ᬬᬂᬓᬂᬢᬗᬶᬲ᭄‌ᬚ᭄ᬭᭀᬦᬶᬂᬧᬲᬗ᭄ᬕ᭄ᬭᬳᬦ᭄ᬓᬸᬦᭂᬂᬰ᭄ᬭᬶᬦᬭᬦᬵᬣᬫᬮᬶᬄᬢᬲᬶᬭᬳᬓᬗ᭄ᬓᬶᬮ᭄‌ᬲᭀᬭᬶᬂᬯᬦ᭄ᬤᬶᬭᬳᬕᬸᬕᬸᬦᭂᬫᬾᬂᬫᬦ᭄ᬢ᭄ᬭᬶ᭟ᬫᬦ᭄ᬢ᭄ᬭᬶᬯᬺᬤ᭄ᬥᬳᬦᬫᬧᬸ
ᬜ᭄ᬚᬕᬢ᭄ᬲᬬᬮᬜ᭄ᬚᬢᬶᬕᬸᬭᬸᬦᬾᬓᬶᬲᬶᬤ᭄ᬫᬂᬫᬓᬭᬢᬸᬳᬦ᭄ᬳᬸᬦᬹᬃᬓᬮᬯᬦ᭄ᬭᬗ᭄ᬕᬘᬳᭀᬯᬷᬭᬫᬦ᭄ᬢ᭄ᬭᬶᬢᬸᬳᬦ᭄ᬲᬶᬭᬶᬓᬦ᭄ᬲᬶᬭᬫᬓᬵᬢᬶᬳᬢᬶ᭟ᬧᬜ᭄ᬚᬶᬫ᭄ᬮᭀᬂᬢᬸᬫᭂᬗ᭄ᬕᬸᬂᬧ
ᬗᬸᬮᬸᬩᭀᬭᬂᬤ᭄ᬫᬘᬳᭀᬫᬓᬵᬤᬶᬧᬢᬶᬳᬦᬾᬧᬓᬦ᭄ᬫᬮᬶᬄᬲᬶᬭᬗ᭄ᬕᬲᭀᬯᬦ᭄ᬢᬸᬳᬦ᭄ᬕᭂᬍᬫ᭄ᬧᭀᬢᬦ᭄ᬓᬭᬶᬳᬸᬭᬂᬫᬓᬭᬮᬭᬗᬕᬸᬂᬧᬶᬦᬢᬶᬄ᭟ᬲᬶᬭᬧᬶᬢᬃᬢᬶᬦᬹ
ᬢ᭄ᬤᬾᬭᬫᬦ᭄ᬢ᭄ᬭᬶᬲᬸᬡ᭄ᬥᬧᭂᬧᭂᬓᬂᬩᬮᬫᬦ᭄ᬢ᭄ᬭᬶᬚᬶᬦᬯᬸᬳᬦᬸᬚᬃᬳᬾᬓᬶᬢᬫᬦ᭄ᬢ᭄ᬭᬶᬢᬵᬡ᭄ᬥᬤᬾᬦ᭄ᬧᬥᬳᬧ᭄ᬭᬬᬕᬢᬶᬧᬧᬕᭂᬦ᭄ᬧᬶᬲᬦ᭄ᬰᬢ᭄ᬭᬸᬄᬫᭀᬦ᭄ᬧ᭄ᬭᬵᬧ᭄ᬢᬾᬭᬶᬓᬶ᭟ᬢᬸᬃᬓ
[᭓᭒ 32A]
ᬓ᭄ᬯᬾᬳᬦ᭄ᬮᬯᬓᬶᬤᬶᬓᬂᬭᭀᬯᬂᬧᬶᬲᬦ᭄ᬢᭂᬫ᭄ᬧᬸᬳᬾᬂᬚᬸᬭᬶᬢ᭄ᬳᬚᬳᬧᬾᬓᬤᬾᬦ᭄ᬧ᭄ᬭᬬᬢ᭄ᬦᬭᬶᬂᬗᬸᬮᬄᬯᬳᬦᬳᬦ᭄ᬤᬸᬗ᭄ᬓᬧ᭄‌ᬍᬯᬶᬄᬩ᭄ᬦᭂᬂᬭᬶᬂᬫᬃᬕ᭄ᬕᬰᬹᬭᬫᬵᬢᬶᬳᬚᬸ
ᬭᬶᬢ᭄᭟ᬲᬳᬸᬃᬲᭂᬫ᭄ᬩᬄᬲᬂᬫᬦ᭄ᬢ᭄ᬭᬶᬲᬶᬦᬫᬤᬬᬲᬶᬗ᭄ᬕᬶᬄᬧᬤᬸᬓᬳᬚᬶᬤᬾᬯᬧᬦᭂᬫ᭄ᬩᬳᬦᬶᬓᬶᬧᬢᬶᬓ᭄ᬪᬝᬭᬤᬾᬦ᭄ᬧᬥᬳᬗᬢᬶᬳᬢᬶᬳᬢᬮᬂᬚᬶᬯᬫᬶᬭᬶᬂᬧᬵ
ᬤᬸᬓᬳᬚᬶ᭟ᬧᬧᬕᭂᬳᬦ᭄ᬲᬗ᭄ᬕᬸᬧ᭄ᬦ᭄ᬬᬧᬥᬵᬢᭀᬄᬚᬶᬯᬲᬸᬓᬰ᭄ᬭᬶᬦᬭᬧᬢᬶᬢᬹᬭᬤᬤᬃᬤᬤᬃᬪᬹᬱᬡᬲᬃᬯ᭄ᬯᬫᬸᬮ᭄ᬬᬓᬂᬤᬺᬯ᭄ᬬᬭᬶᬂᬲᬸᬡ᭄ᬥᬗᬹᬦᬶᬢ᭄ᬮᬲ᭄ᬩᬶᬦᬓ᭄ᬢᬥᬢᭂᬗᬾᬂᬫᬚ
ᬧᬳᬶᬢ᭄᭟ᬧ᭄ᬭᬬᬦ᭄ᬦᬶᬭᬳᬫᬶᬦ᭄ᬢᭀᬦᬓᭂᬦ᭄ᬪᬹᬱᬡᬬᬦ᭄ᬲᬶᬢᬸᬮᬸᬲᬧᬗ᭄ᬕᬶᬄᬲᬂᬭᬢ᭄ᬦᬦᬶᬂᬧᬸᬭᬯᭀᬦ᭄ᬢᭂᬦᬶᬂᬯᬶᬮᬢᬶᬓ᭄ᬝᬤᬤ᭄ᬬᬓᬫᬵᬖᬓᬬᬾᬓᬶᬢ᭄ᬫᬳᬦᬶᬂᬧ᭄ᬭᬂᬤᬾᬦᬾᬭᬵ [ 33 ][᭓᭒ 32B]
᭓᭒
ᬓ᭄ᬭ᭄ᬬᬦᬧᬢᬶᬄ᭟ᬳᬯ᭄ᬢᬸᬫᬗ᭄ᬓᬾᬪᬹᬱᬡᬦᬶᬂᬯᭀᬗᬧ᭄ᬭᬂᬳᬾᬦ᭄ᬤᬄᬮ᭄ᬯᬶᬃᬕᬸᬦᬸᬂᬲᬭᬶᬓᬢᭀᬦᬦ᭄ᬬᬵᬲᬶᬦᬂᬲᬓ᭄ᬯᬾᬳᬶᬂᬫᬦ᭄ᬢ᭄ᬭᬶᬢᬡ᭄ᬥᬮ᭄ᬯᬶᬃᬕᬦ᭄ᬤᬃᬯ᭄ᬯᬢᬫᬾᬂᬯᬶᬱ᭄ᬝᬶᬲᬜ᭄ᬚ
ᬢᬂᬲᬸᬡ᭄ᬥᬧ᭄ᬭᬲᬫᬯᬸᬲᬗ᭄ᬮᭂᬗᬶᬂ᭟ᬮ᭄ᬯᬶᬃᬲᬃᬤᬸᬮᬳᬗᬦ᭄ᬢᬶᬢ᭄ᬓᬦᬶᬂᬲᬶᬗ᭄ᬳᬵᬦ᭄ᬤᬦ᭄ᬓᬯᬃᬡ᭄ᬦᬳᬫᬮᬶᬄᬲᬗᬶᬂᬯᬶᬮᬢᬶᬓ᭄ᬝᬳᬫᬸᬧᬸᬮᬓᭂᬦ᭄ᬩᬮᬯᬤ᭄ᬯᬾᬂᬳᬸᬭᬯᬦ᭄ᬯᬸᬲ᭄ᬧ᭄ᬭᬵᬧ᭄ᬢᬶᬫ᭄ᬯᬂᬧᬕᭂᬲ
ᬗᬦᬾᬩᭂᬓ᭄ᬭᬶᬂᬫᬚᬧᬳᬶᬢ᭄᭟ᬤ᭄ᬯᬶᬭᬤᬫᬤᬳᬦᭂᬫ᭄ᬩᬧᬯᬭᬄᬧᬸᬦ᭄ᬪᬵᬱᬵᬦ᭄ᬢᬓᬓ᭄ᬬᬵᬢᬶᬳᭀᬋᬕᬕᬸᬥᬸᬳᬦ᭄ᬮ᭄ᬯᬶᬃᬓᬭᬸᬗ᭄ᬯᬾᬗᬫ᭄ᬩᬭᬧ᭄ᬭᬵᬧ᭄ᬢᬧᬸᬦᬂᬢᬡ᭄ᬥᬫᬦ᭄ᬢ᭄ᬭᬶᬲᬳᬵ
ᬲᬜ᭄ᬚᬢᬯᬳᬦᬓᬸᬤᬳᬱ᭄ᬝᬶ᭟ᬩᬮᬧ᭄ᬭᬲᬫᬥᬢᭂᬂᬲᬳᬕᬕᬫᬦ᭄ᬓᬢ᭄ᬓᬾᬂᬢᭂᬧᬶᬂᬲᬶᬭᬶᬂᬲᭂᬲᭂᬓ᭄ᬲᬓᬫᬃᬕ᭄ᬕᬫᬮᬳᬾᬩᭂᬓᬶᬂᬧᬲᬃᬯᬗᬸᬦ᭄ᬢᬸᬃᬰᬾᬮᬢᬦ᭄ᬓᬭᬶᬢ᭄ᬓᬾᬂᬩ
[᭓᭓ 33A]
ᬮᬾᬩᬂᬳᬤᭂᬦ᭄ᬤᭂᬦ᭄ᬧᬸᬦᬂᬫᬦ᭄ᬢ᭄ᬭᬶ᭟ᬫᬦ᭄ᬢ᭄ᬭᬶᬳᬸᬭᬯᬦ᭄ᬫᬸᬗ᭄ᬕ᭄ᬯᬶᬂᬚᬩᬮᬭᬗᬦ᭄ᬓᬥᬷᬭᬦᬾᬂᬢᬸᬮᬶᬲ᭄‌ᬭᬸᬧᬦᬾᬳᬫᬾᬦᬓ᭄ᬧᬦ᭄ᬢᭂᬲ᭄ᬯᬦᬶᬭᬶᬂᬭᬡᬳᬗᬗ᭄ᬕᭀᬢᬸᬫᬦ᭄ᬤᬂᬫ
ᬦ᭄ᬢ᭄ᬭᬶᬢᬸᬳᬦ᭄ᬭᬚᬢᬫᬓᬵᬗᬕᭂᬄᬲᬾᬦᬧᬢᬶ᭟ᬍᬫ᭄ᬩᬸᬮᬮᬯᭀᬦ᭄ᬓᬵᬮᬶᬄᬓᬾᬦ᭄ᬯᬶᬭᬤ᭄ᬬᬵᬓ᭄ᬱᬢᬸᬫᭂᬗ᭄ᬕᬸᬂᬯᬶᬭᬕᬤ᭄ᬫᬸᬂᬫᬾᬖᬵᬦ᭄ᬢᬓᬓᬮᬯᬦ᭄ᬧᬭᬭᬗ᭄ᬕᬫᬦ᭄ᬤ᭄ᬭᬾᬳ
ᬦᭀᬫ᭄‌ᬦ᭄ᬤᬢᬦ᭄ᬓᬭᬶᬩᬮᬵᬲᬦᬶᬕᬰᬺᬕᭂᬧ᭄ᬲᬜ᭄ᬚᬢᬦᬾᬓᬶ᭟ᬫᬦ᭄ᬢ᭄ᬭᬶᬚᬗ᭄ᬕᬮᬧᭀᬦ᭄ᬢᭂᬦᬶᬂᬯᬶᬭᬲᬪᬵᬧᬗᬗ᭄ᬕᭀᬦᬾᬮᬶᬦᭂᬯᬶᬄᬦᬸᬕ᭄ᬭᬳᬲᬂᬦᬵᬣᬳᬾᬦ᭄ᬤᬄᬓᬸᬲᬸᬫᬲᬵᬮ
ᬲᬩᬶᬗᬃᬓᬲᭂᬗᬦ᭄ᬭᬯᬶᬓᬾᬦ᭄ᬕᬕᬓ᭄ᬱᬾᬢ᭄ᬭᬫᬗ᭄ᬕᭂᬳᬜᬾᬦᬧᬢᬶ᭟ᬫᬫᬦ᭄ᬢ᭄ᬭᬶᬧᬦᬸᬯᬵᬦᬵᬫᬓᬾᬓᬦ᭄ᬚᬶᬕᬭᬵᬕᬮᬯᬦ᭄ᬭᬓ᭄ᬭ᭄ᬬᬦᬧᬢᬶᬳᬭᬦ᭄ᬧᬜ᭄ᬚᬂᬚᬶᬯᬢᬸᬫᭂᬗ᭄ᬕᬸᬂᬯᬶᬭᬵᬡ᭄ᬥᬓᬵ [ 34 ][᭓᭓ 33B]
᭓᭓
ᬤ᭄ᬫᬂᬧᬫᬲᬳᬦᬹᬮᬶᬭᬗ᭄ᬕᬧᬮᬦᬳᬧᬜ᭄ᬚᬶᬰᬹᬭᬾᬂᬧᬢᬶ᭟ᬮ᭄ᬯᬶᬭᬵᬧ᭄ᬲᬭᬭᬹᬧᬭᬦᬳᬓᬸᬗᬂᬫᬾᬦᬓ᭄‌ᬧᬦ᭄ᬢᭂᬲᬦᬦ᭄ᬤᬂᬓᬸᬦᬶᬂᬫ᭄ᬯᬂᬫᬦ᭄ᬢ᭄ᬭᬶᬯᬯᬮᬂᬦ᭄ᬢᬸᬫᬸᬢᬂᬧᬭᬭᬗ᭄ᬕᬢᬸᬳᬸ
ᬬᬦ᭄ᬯᬶᬚᬶᬮᬂᬍᬯᬶᬄᬢᬸᬲ᭄ᬦᬶᬚᬗ᭄ᬕᬮᬯ᭄ᬬᬵᬓ᭄ᬢᬶᬯᬗ᭄ᬰᬲᬶᬦᬭᬶᬂ᭟ᬢ᭄ᬓᬦᬶᬂᬩᬮᬧᭂᬧᭂᬓ᭄ᬧᬸᬦᬂᬲᬜ᭄ᬚᬢᬯᬳᬦᬓᬸᬤᬳᬱ᭄ᬝᬶᬫ᭄ᬯᬂᬢᬩᭂᬄᬢᬩᭂᬳᬦ᭄ᬢᬸᬗ᭄ᬕᬸᬮᬓᬡ᭄ᬥᬓᬡ᭄ᬥᬵ
ᬓᬸᬦᭂᬂᬫᬦ᭄ᬢ᭄ᬭᬶᬫᬚᬧᬳᬶᬢ᭄ᬳᬤᬦ᭄ᬲᬜ᭄ᬚᬢᬳᬾᬦ᭄ᬤᬄᬮ᭄ᬯᬶᬃᬕᬸᬦᬸᬗᬧ᭄ᬯᬶ᭟ᬫᬓᬫᬗ᭄ᬕᬮᬓᬾᬦ᭄ᬧᬢᬶᬄᬕᬚᬄᬫᬵᬤᬧ᭄ᬭᬚᬸᬭᬶᬢ᭄ᬫᬚᬧᬳᬶᬢ᭄ᬓᬧ᭄ᬭᬓᬰᬳᬾᬂᬭᬵᬢ᭄ᬳᬘᬶ
ᬭᬶᬥ᭄ᬯᬚᬲᬶᬜ᭄ᬚᬂᬲᬶᬦᬸᬭᬢ᭄ᬕᬚᬳᬗᬸᬮᬶᬂᬭᬶᬦᬸᬓ᭄ᬫᬓᬵᬭᬮ᭄ᬯᬶᬭᬦ᭄ᬤᬭᬸᬲᬸᬫᬶᬮᬶᬭ᭄᭟ᬫᬦ᭄ᬢ᭄ᬭᬶᬢᬶᬦᬸᬳᬵᬦᬵᬫᬓ᭄ᬓᬾᬍᬫ᭄ᬩᬸᬯᬺᬤ᭄ᬥᬧᬢᬶᬄᬫᬥᬸᬮᬦ᭄ᬕᭀᬯᬶᬫᭂᬦ᭄ᬢᭀᬓ᭄ᬩᭀᬩᬸᬗ᭄ᬲᬂ
[᭓᭔ 34A]
ᬢᭂᬢᭂᬕ᭄ᬫᭂᬜ᭄ᬚᬸᬂᬓᬮᬯᬦ᭄ᬲᬶᬭᬵᬧᬢᬶᬄᬫᬃᬕ᭄ᬕᬍᬯᬶᬄᬲᬶᬭᬵᬃᬬ᭄ᬬᬢᬥᬄᬢᬶᬦᬸᬳᬢᬸᬳᬾᬂᬚᬸᬭᬶᬢ᭄᭟ᬢᬶᬦᬹᬢᬶᬂᬫᬾᬦᬓ᭄ᬯᬶᬚᬶᬮᬶᬂᬯᬶᬮᬢᬶᬓ᭄ᬝᬢᬸᬲ᭄ᬦᬶᬂᬕᬹᬭᬲᬶᬦᬭᬶᬂᬚᬚᬓᬵ
ᬭᬵᬚᬱᬫᬦ᭄ᬢ᭄ᬭᬶᬳᬦᭀᬫᬭᬭᬲ᭄ᬢᬸᬲ᭄ᬦᬶᬯᬗ᭄ᬰᬵᬲᬶᬗ᭄ᬳᬲᬭᬶᬫ᭄ᬯᬂᬧᬭᬭᬗ᭄ᬕᬵᬲᭀᬮᬳᬶᬧᬸᬦ᭄ᬳᬭᬫ᭄ᬧᬶᬂ᭟ᬯ᭄ᬗᬶᬢᬦ᭄ᬓᬫᬦ᭄ᬢ᭄ᬬᬦ᭄ᬢᬶᬗ᭄ᬓᬳᬶᬂᬲᬜ᭄ᬚᬢᬓᬸᬦᭂᬂᬯᬸᬯᬸᬲᭂᬦᬾᬜ᭄ᬚᬶᬂᬭᬶᬂᬯᬶᬚᬶ
ᬮᬶᬗᬵᬃᬓ᭄ᬓᬳᬸᬫᬸᬂᬢᬂᬢᬢᬩᬸᬳᬦ᭄‌ᬬᬬᬮ᭄ᬯᬶᬃᬓᬭᬸᬗ᭄ᬯᬾᬂᬮᬗᬶᬢ᭄‌ᬕᬺᬩᭂᬕᬶᬂᬩᬮᬮ᭄ᬯᬶᬃᬪ᭄ᬭᬱ᭄ᬝᬳ᭄ᬬᬂᬫᬾᬥᬶᬦᬶ᭟ᬮᬭᬧ᭄ᬦᬶᬗᬲ᭄ᬢ᭄ᬭᬍᬯᬶᬄᬧ᭄ᬭᬪᬵᬲᬶᬦᬵᬂᬦᬭᬸᬄᬢᬾᬚᬦᬶᬂᬭ
ᬯᬶᬦ᭄ᬤᬦ᭄‌ᬰ᭄ᬭᬶᬦᬭᬦᬵᬣᬲᬵᬫ᭄ᬧᬸᬦ᭄ᬲᬶᬭᬯᬸᬲᬳ᭄ᬬᬲ᭄ᬫᬶᬚᬶᬮ᭄ᬲᬶᬭᬰ᭄ᬭᬷᬪᬹᬧᬢᬶᬮ᭄ᬯᬶᬃᬲᬹᬃᬬ᭄ᬬᬓᭂᬫ᭄ᬩᬃᬲᬗ᭄ᬓᬾᬗᬸᬤᬬᬕᬶᬭᬶ᭟ᬧᬋᬂᬲᬶᬭᬵᬦᬓᬶᬭᬧ᭄ᬭᬪᬸᬢᬭᬸᬡᬧᬳ᭄ᬬᬲᬶᬭᬳᬗ᭄ᬭ [ 35 ][᭓᭔ 34B]
᭓᭔
ᬯᬶᬢ᭄ᬯᬃᬡ᭄ᬦᬵᬗᬭᬭᬲ᭄ᬩ᭄ᬬᬓ᭄ᬢᬳᬸᬱᬄᬧ᭄ᬭᬡᬢᬦ᭄ᬲᬳᬦᬗ᭄ᬲᬭᬮᬶᬭᬶᬂᬫᬦᬄᬢᬸᬭᬶᬤᬫᬦᬲᬶᬚᬳᬶᬦᬧ᭄ᬢᬶ᭞ᬧᬦᬡ᭄ᬥᬲᬶᬗ᭄ᬮᬓᬸᬯᭀᬗᬶᬂᬯᬶᬮᬢᬶᬓ᭄ᬝᬢᬶᬦᬹᬢᬶᬂᬢᬡ᭄ᬥᬫᬦ᭄ᬢ᭄ᬭᬶᬦ᭄ᬤᬦ᭄
ᬲᬶᬭᬓ᭄ᬭ᭄ᬬᬦ᭄ᬫᬵᬤᬲᬾᬦᬧᬢᬶᬦᬶᬂᬩᬮᬧ᭄ᬭᬫᬸᬓᬫᬸᬗ᭄ᬕ᭄ᬯᬾᬂᬧᬤᬵᬢᬶᬥ᭄ᬯᬚᬲᬶᬜ᭄ᬚᬂᬓᬵᬮᬶᬄᬮᬦᬸᬩᬭᬩᬶᬭ᭄᭟ᬲᬳᬚᬸᬚᬸᬮᬸᬓᬶᬭᬲᬶᬦᬡ᭄ᬥᬶᬗᬃᬱᬪᬶᬦᬹᬱᬡᬦ᭄ᬫᬵᬲᬤᬶᬧᬶ
ᬦᬧᬕᬾᬂᬭᬢ᭄ᬦᬢᬦ᭄ᬲᬳᬧᬬᬸᬂᬓᬺᬱ᭄ᬡᬵᬤᬶᬦ᭄ᬭᬯᭀᬂᬫᬵᬲᬦᬾᬂᬧᬶᬗ᭄ᬕᬶᬃᬯ᭄ᬬᬓ᭄ᬢᬶᬢᬲᬶᬭᬚᬦᬃᬤ᭄ᬥᬦᬧᬶᬦᬢᬶᬄ᭟ᬦᬹᬮᬶᬮᬸᬫᬫ᭄ᬧᬄᬲᬗ᭄ᬓᬤᬶᬫᬦᭀᬪᬵᬯᬯᭀᬦ᭄ᬢᭂᬦ᭄ᬋᬗ᭄ᬕ
ᬦᬾᬗᬱ᭄ᬝᬶᬓᬶᬦᬫ᭄ᬩᬮᬦ᭄‌ᬲ᭄ᬯᬾᬢᬳᬓᬮᬸᬂᬳᬤ᭄ᬫᬳᬾᬫᬢᬶᬦᬢᬄᬧᬶᬦᬦ᭄ᬫᬲᬭᬶᬳᬫᬢᬫᬶᬭᬄᬲᬶᬦᬶᬫ᭄ᬩᬭᬦᬗ᭄ᬭᬯᬶᬢ᭄᭟ᬲᬳᬯᬢᬂᬚᬸᬚᬸᬮᬸᬓᬸᬫᬸᬗ᭄ᬕ᭄ᬯᬶᬗᬵᬃ
[᭓᭕ 35A]
ᬱᬳᬢᭂᬗ᭄ᬭᬦ᭄ᬲᬸᬢ᭄ᬭᬧᬸᬢᬶᬄᬲᬶᬦᬸᬚᬶᬫᬓᬭᬢᬦ᭄ᬲᬳᬧᬬᬸᬂᬲ᭄ᬯᬾᬢᬳᬲᬸᬲᬸᬗ᭄ᬓᬸᬮ᭄ᬫᬵᬲᬗ᭄ᬭᬯᬶᬢ᭄ᬮ᭄ᬯᬶᬃᬘᬦ᭄ᬤ᭄ᬭᬯᬶᬫ᭄ᬩᬕᬸᬫᬶᬯᬗᬶᬗᬯ᭄ᬬᬢᬶ᭟ᬳᬸᬦ᭄ᬢᬢᬶᬭᬰ᭄ᬭᬶᬦᬭᬦᬵᬢᬾᬂᬕᭂᬕ᭄ᬮᬂᬢᬶ
ᬦᬹᬢᬾᬂᬩᬮᬫᬦ᭄ᬢ᭄ᬭᬶᬓᬸᬦᬂᬰ᭄ᬭᬷᬦᬭᬾᬦ᭄ᬤ᭄ᬭᬧᭀᬦ᭄ᬢᭂᬦ᭄ᬋᬗ᭄ᬕᬦᬶᬂᬮᬶᬫᬦ᭄ᬳᬶᬦᬸᬧᬋᬗ᭄ᬕᬾᬂᬫᬵᬲᬤᬶᬳᬧᬬᬸᬂᬚ᭄ᬦᬃᬳᬘᬶᬭᬶᬲᬸᬢ᭄ᬭᬓᬸᬦᬶᬂ᭟ᬫᬶᬦᬲ᭄ᬢ᭄ᬭᬯᬲᬶᬦᬸᬭᬢ᭄ᬫᬦᬸᬓ᭄ᬤᬾᬯᬵᬗ᭄ᬕᬚᬸᬚᬸᬮᬸ
ᬓᬶᬭᬍᬯᬶᬄᬥᬥᬧᬢᬸᬭᬗ᭄ᬕᬫᬲᬘᬵᬫᬭᬲ᭄ᬯᬾᬢᬲᬳᬕᬡ᭄ᬥᬾᬯᬘᬶᬦᬗ᭄ᬓᬶᬂᬰᬭᬧ᭄ᬭᬤᬶᬧ᭄ᬢᬦ᭄ᬢᬲ᭄ᬓᬚ᭄ᬭᬶᬳᬾᬗᬭᬶ᭟ᬫᬦ᭄ᬢ᭄ᬭᬶᬦᬶᬭᬧ᭄ᬭᬲᬫᬳᬦᬸᬗ᭄ᬕᬂᬓᬸᬤᬧᬶᬦᬮᬦᬦ᭄ᬭᬶᬦᬹᬓ᭄ᬫᬶ
ᬓᬸᬫ᭄ᬭᬫ᭄ᬮ᭄ᬯᬶᬃᬘᬵᬭᬡᬧᬶᬦᬬᬸᬗᬦᬗ᭄ᬭᬭᬲ᭄ᬢᬸᬗ᭄ᬕᬸᬮᬲᬡ᭄ᬥᬶᬂᬧᬗᬯᬶᬦ᭄ᬩᬮᬭᬶᬗᬃᬱᬧᬗᬗ᭄ᬕᭀᬦᬾᬮᬶᬦᭂᬯᬶᬄ᭟ᬓᬧᬶᬗᬸᬦ᭄ᬢᬢ᭄ᬰ᭄ᬭᬶᬦᬭᬦᬵᬣᬾᬂᬚᬗ᭄ᬕᬮᬯᬃᬡ᭄ᬦᬵᬓᬸᬗᬭᬭᬯᬶᬲ᭄ᬧ [ 36 ][᭓᭕ 35A]
᭓᭕
ᬦ᭄ᬢᭂᬲ᭄‌ᬰ᭄ᬮᬸᬗᬶᬭᬓᭂᬓᭂᬦ᭄ᬤᭀᬦᬦᬶᬓᬵᬭᬫᬓᬸᬝᬭᬢ᭄ᬦᬭᬶᬦᬹᬓ᭄ᬫᬶᬘᬶᬦᬡ᭄ᬥ᭄ᬬᬦᬶᬭᬍᬯᬶᬄᬳ᭄ᬬᬂᬰᬓ᭄ᬬᬫᬸᬦᬶ᭟ᬳᬪᬶᬭᬵᬫᬳᬦᬸᬗ᭄ᬕᬂᬮᬶᬫᬦᬩᬶᬦᬂᬲᬓᬶᬂᬩᭀᬕᭀᬃᬧ᭄ᬭᬤᬾ
ᬰᬶᬓᬧ᭄ᬭᬓᬰᬳᬾᬂᬭᬵᬢ᭄ᬳᬦᬵᬫᬲᬸᬧ᭄ᬭᬢᬶᬓᬵᬲᬸᬧ᭄ᬭᬪᬓᬕᬶᬭᬶᬕᬶᬭᬶᬤᬾᬦᬶᬂᬪᬹᬱᬡᬩᬓ᭄ᬤᬾᬦᬶᬂᬫᬲ᭄ᬭᬢ᭄ᬦᬵᬤᬶ᭟ᬓᬺᬱ᭄ᬡᬓᬵᬭᬭᬸᬧᬦᬶᬂᬧᬬᬸᬂᬫ᭄ᬯᬂᬥ᭄ᬯᬚᬫᬶᬦᬲ᭄ᬤ᭄ᬭᬯᬭᬶᬂᬧᬶᬗ᭄ᬕᬶᬃ
ᬫᬶᬦᬶᬡ᭄ᬥᬯᬺᬱᬪᬵᬓᬸᬫ᭄ᬮᬩ᭄ᬤᬾᬦᬶᬂᬧᬯᬦᬲᬳᬚᬸᬚᬸᬮᬸᬓ᭄ᬧᬶᬦᬡ᭄ᬥᬶᬲᬶᬦᬸᬭᬢ᭄ᬭᬓ᭄ᬢᬪᬶᬦᬹᬱᬡᬦ᭄ᬫᬵᬲᬤᬶ᭟ᬳᬧᬫᬧᬕ᭄ᬫᬡᬶᬓ᭄ᬢᭀᬬᬧᬢᬶᬂᬓᬺᬥᬧ᭄‌ᬮ᭄ᬯᬶᬃᬓᬸᬓᬸᬦᬗᬗ᭄ᬭᬯᬶᬢ᭄ᬯ
ᬚᬦ᭄ᬬᬕᬸᬫᬶᬮᬧ᭄‌ᬳᬾᬦ᭄ᬤᬄᬮ᭄ᬯᬶᬃᬗᬶᬦ᭄ᬤ᭄ᬭᬩᬚ᭄ᬭᬓᬭᬘᬦ᭄ᬬᬳᬮᬸᬗᬶᬤ᭄ᬲᬳᬕᬡ᭄ᬥᬾᬯᬪᬶᬦᬹᬱᬡᬦ᭄ᬮᬶᬦᭂᬯᬶᬄ᭟ᬢᬶᬦᬹᬢᬶᬂᬫᬦ᭄ᬢ᭄ᬭᬶᬧᬥᬳᬸᬫᬸᬗ᭄ᬕ᭄ᬯᬾᬂᬓᬸᬤᬧᬦᬬᬸ
[᭓᭖ 36A]
ᬗᬦ᭄ᬢᬸᬳ᭄ᬫᬵᬰ᭄ᬭᬶᬫ᭄ᬯᬂᬢᬸᬗ᭄ᬕᬸᬮᬲᬶᬦᬂᬚᬸᬚᬸᬮᬸᬓᬶᬗ᭄ᬫᬵᬲᬦ᭄ᬢ᭄ᬧᬾᬦ᭄ᬤᬄᬩᬢᬾᬮᬶᬂᬢᬸᬮᬶᬲ᭄ᬓᬸᬧᬶᬂᬧᬧᬡ᭄ᬥ᭄ᬬᬦᬕ᭄ᬮᬶᬲ᭄ᬮᬫ᭄ᬧᬳᬦᬾᬓᬶ᭟ᬓᬜ᭄ᬘᬶᬢ᭄ᬧ᭄ᬭᬵᬧ᭄ᬢᬳᬾᬂᬢ᭄ᬕᬮ᭄ᬯᬶᬮᬚᬗ᭄ᬕᬮᬲᬜ᭄ᬚ
ᬢᬾᬂᬫᬚᬧᬳᬶᬢᬦᬾᬂᬧᬗ᭄ᬮᬦ᭄ᬢᬶᬓᬦᬫ᭄ᬧᬾᬓ᭄ᬕᬥᬶᬂᬓᬮᬯᬦ᭄ᬫᬲᬶᬕᬶᬳᬕᬸᬂᬯᬸᬲᭂᬦ᭄ᬢᬶᬢᬦ᭄ᬧᬮᬶᬕᬭᬦ᭄ᬳᬾᬩᭂᬓ᭄ᬧᬸᬦᬂᬓᬶᬓᬶᬯᬶ᭟ᬤ᭄ᬯᬶᬭᬤᬫᬵᬤᬫᬵᬢᬸᬭᬶᬚᭃᬂᬲᬂᬦᬵᬣᬓᬳᬋᬧ
ᬢᬶᬓᬵᬚᬶᬫᬮᬶᬳᬧᭀᬢᬸᬲᬦ᭄ᬢᬢᭂᬕᭂᬦ᭄ᬓᬂᬯᭀᬂᬲᬸᬡ᭄ᬥᬫᬦᬯᬳᬚ᭄ᬭᬶᬳᬾᬂᬧᬢᬶᬫᬗ᭄ᬕᬵᬗᬢᭂᬭᬲᬶᬭᬲᬂᬭᬵᬚᬧᬸᬢ᭄ᬭᬶ᭟ᬲᬳᬲᭂᬫ᭄ᬩᬳᬦᬸᬳᬸᬦᬶᬚᭃᬂᬲᬂᬦᬵᬣᬧ᭄ᬭᬵᬧ᭄ᬢᬫ
ᬮᬾᬦᬶᬪᬓ᭄ᬢᬶᬫᬗ᭄ᬕᬸᬢ᭄ᬰ᭄ᬭᬶᬦᬭᬾᬦ᭄ᬤ᭄ᬭᬢᭂᬢᭂᬕᭂᬦ᭄ᬫᭂᬜ᭄ᬚᬸᬂᬲᬶᬦᬾᬗᬦ᭄‌ᬰᬶᬖ᭄ᬭᬢ᭄ᬓᬵᬳᬢᬸᬃᬪᬓ᭄ᬢᬶᬲᬶᬦᬸᬗᬦ᭄ᬤᬶᬓᬵᬤᬾᬭᬭᬓ᭄ᬭ᭄ᬬᬦᬧᬢᬶᬄ᭟ᬓᬵᬮᬶᬄᬧ᭄ᬭᬤᬢᬲᬵᬫ᭄ᬧᬸᬦ᭄ᬯᬶ [ 37 ][᭓᭖ 36B]
᭓᭖
ᬦᬾᬳᬦ᭄ᬤᬶᬓᬵᬢᭀᬦ᭄ᬢᭂᬦ᭄ᬲᬵᬢᬸᬲᬗᬶᬭᬶᬂᬢᬦ᭄ᬓᬯᬃᬡ᭄ᬦᬾᬂᬫᬃᬕ᭄ᬕᬓᬸᬦᭂᬂᬲᬂᬳᬦᬾᬂᬩᬸᬩᬢᬓᬲᬸᬓᬦ᭄ᬤᬶᬦᬭᬢ᭄ᬭᬶᬳᬾᬕᬃᬦ᭄ᬤ᭄ᬭᬯᬶᬦᬩ᭄ᬬᬓ᭄ᬢᬫᬸᬂᬧᬸᬗᬳᬸᬭᬶᬧ᭄‌ᬲᬸᬓᬭᬵ
ᬫ᭄ᬬᬤᬾᬦᬾᬳᬦ᭄ᬓᬓᭂᬦ᭄ᬓᬃᬱᬮ᭄ᬯᬶᬃᬢᬦᬳᬾᬥᭂᬧ᭄ᬯᬶᬱ᭄ᬝᬶᬫᬸᬦ᭄ᬬᬕᭀᬂᬖᬹᬃᬡ᭄ᬦᬶᬢᬳᭀᬋᬕ᭄‌ᬯᭀᬦ᭄ᬢᭂᬦᬶᬂᬩᬸᬩᬢ᭄ᬲᬂᬦᬵᬣᬾᬂᬲᬸᬡ᭄ᬥᬳᬮᬶᬗ᭄ᬕᬶᬄᬲᭀᬭᬶᬂᬯᬦ᭄ᬤᬶᬭᬓᬜ᭄ᬘᬶ
ᬢ᭄ᬧᭀᬢᬸᬲᬦ᭄ᬧ᭄ᬭᬵᬧ᭄ᬢᬶ᭟ᬢᬦ᭄ᬧᬮᬭᬧᬦ᭄‌ᬢ᭄ᬓᬵᬫᬋᬓᬾᬗᬃᬱᬧ᭄ᬭᬓᬰᬯ᭄ᬢᬸᬦᬶᬂᬮᬶᬂᬳᬾᬲᬂᬦᬵᬣᬾᬂᬲᬸᬡ᭄ᬥᬓᬫᬶᬓᬶᬦᬾᬦ᭄ᬫᬋᬓᬤᬾᬪᬝᬭᬾᬂᬫᬚᬧᬳᬶᬢ᭄ᬲᬶᬭᬯᬸᬲ᭄ᬧ᭄ᬭᬵ
ᬧ᭄ᬢᬫᬗ᭄ᬓᬾᬳᬦᬾᬂᬫᬲᬶᬕᬶᬢ᭄᭟ᬳᬫᬶᬦ᭄ᬢᬲᬦᬲᬗ᭄ᬕᬸᬧ᭄‌ᬫ᭄ᬦᬾᬲᬂᬦᬵᬣᬬᬦ᭄ᬓᬶᬢᬯ᭄ᬤᬶᬂᬧᬢᬶᬮᬳᬳ᭄ᬕᬾᬫᬋᬓᬳᬶᬚᭂᬂᬰ᭄ᬭᬶᬦᬵᬭᬦᬵᬣᬳᬢᬸᬭᬦᬚᬶᬯᬪᬓ᭄ᬢᬶᬯ
[᭓᭗ 37A]
ᬗᬶᬦᬶᬂᬲᭂᬫ᭄ᬩᬄᬲᬶᬭᬲᬂᬭᬵᬚᬧᬸᬢ᭄ᬭᬶ᭟ᬯᬳᬸᬓᬭᬸᬗᬸᬤᬾᬦᬶᬭᬰ᭄ᬭᬶᬦᬭᬾᬦ᭄ᬤ᭄ᬭᬵᬩᬗᬸᬦ᭄ᬭᬸᬦ᭄ᬢᬶᬓᬶᬗ᭄ᬳᬢᬶᬳᬄᬓᬶᬢᬧᭀᬢᬸᬲᬦ᭄ᬯᬭᬳᭂᬦ᭄ᬢᬸᬳᬦᬶᬭᬦᭀᬭᬗᭀᬂᬫ
ᬋᬓᬫᬮᬶᬳᬗᬢᭂᬭᬦᬳᬶᬓᬶᬲᬂᬭᬵᬚᬧᬸᬢ᭄ᬭᬶ᭟ᬫᭀᬦ᭄ᬓᬭᬶᬲᬲᬶᬲᬶᬄᬩᬯᬸᬦᬾᬯᭀᬂᬲᬸᬡ᭄ᬥᬋᬫ᭄ᬧᬓᬂᬓᬦᬦ᭄ᬓᬾᬭᬶᬦᭀᬭᬾᬂᬲᬸᬦᬳᬸᬮᬧ᭄‌ᬭᬶᬦ᭄ᬩᬢᬾᬂᬧᬧ᭄ᬭᬗ
ᬦ᭄ᬰᬺᬗᭃᬦ᭄ᬲᬶᬭᬓ᭄ᬭ᭄ᬬᬦᬧᬢᬶᬄᬓᬬᬲᬶᬦᬶᬯᬓᬃᬡ᭄ᬦᬰᬹᬮᬳᬗᬧᬶ᭟ᬓᬵᬮᬶᬄᬲᬶᬭᬢᬸᬫᭂᬗ᭄ᬕᬸᬂᬧᬗᬸᬮᬸᬗᭀᬭᬂᬓᬤ᭄ᬬᬵᬭᬳᬸᬧ᭄‌ᬕ᭄ᬢᬶᬄᬓᬸᬫ᭄ᬥᬸᬢᬂᬚᬚᬓᬵᬭᭀᬧ᭄ᬭᬓᬰᬵ
ᬗᬸᬘᬋᬩᬗ᭄ᬓᬮ᭄ᬫᬭᬵᬦᬸᬤᬶᬗᬶᬓᬓᬾᬳᬦᬸᬚᬃᬤᬹᬢᬩᭀᬲᭀᬢ᭄ᬓᬬᬾᬓᬶ᭟ᬮᬄᬧᬢᬸᬮᬓᬓᬶᬢᬫ᭄ᬦᬾᬤᬾᬦᬾᬗ᭄ᬕᬮᬢᬕ᭄ᬓᬤᬂᬫᬸᬳᭂᬦ᭄ᬢᬶᬋᬩᬸᬢᭂᬦᬶᬂᬩᬾ [ 38 ][᭓᭗ 37B]
᭓᭗
ᬜ᭄ᬢᬂᬢ᭄ᬓᬓ᭄ᬦᬓᬵᬋᬧ᭄ᬢᬓᬂᬤᬸᬢᬲᬸᬫᬳᬸᬭᬕ᭄ᬮᬶᬲ᭄ᬮᬳᬦ᭄ᬢᬾᬓ᭄ᬦᬵᬪ᭄ᬭᬱ᭄ᬝᬫᬸᬩᬾᬜ᭄ᬚᬗᬾᬜ᭄ᬚᬶᬂ᭟ᬫᬦ᭄ᬢᬸᬓ᭄ᬧᬸᬗᬸᬢᬸᬲᬦᬲᬸᬫ᭄ᬩᬃᬲᬸᬫ᭄ᬩᬃᬳᬗᬺᬫᭂᬓᬭᬶᬗᬾᬜ᭄ᬚᬶᬂᬦ᭄ᬤᬦ᭄ᬲᬂᬫᬵ
ᬦ᭄ᬢ᭄ᬭᬶᬲᬸᬡ᭄ᬥᬧᬥᬳᬗ᭄ᬳ᭄ᬭᬢ᭄ᬩ᭄ᬭᬳ᭄ᬫᬵᬢ᭄ᬬᬮ᭄ᬧᬲᬾᬂᬩᬸᬩᬢᬦᬸᬮᬶᬧᬸᬦᬗᬸᬢᬸᬲᬵᬦ᭄‌ᬰᬖ᭄ᬭᬧ᭄ᬭᬵᬧ᭄ᬢᬾᬂᬫᬲᬶᬕᬶᬢ᭄᭟ᬫᬋᬓᬦᭂᬫ᭄ᬩᬄᬫᬵᬢᬸᬭᬶᬚᭃᬂᬲᬂᬦᬵᬣᬧᬸᬓᬸᬮᬸᬦ᭄ᬧ
ᬤᬸᬓᬵᬚᬶᬓᬯᬸᬮᬧᬗᬾᬭᬦ᭄ᬲᬵᬫ᭄ᬧᬸᬦ᭄ᬥᬢᭂᬗᬾᬂᬩᬸᬩᬢ᭄ᬢᬸᬫ᭄ᬓᬳᬚ᭄ᬜᬵᬦᬺᬧᬢᬶᬦᭀᬭᬢᬶᬦᬗ᭄ᬕᬧ᭄ᬳᬾᬫ᭄ᬩᬸᬄᬭᬸᬦ᭄ᬢᬶᬓᬾᬗ᭄ᬳᬢᬶ᭟ᬢᬹᬫ᭄ᬓᬲ᭄‌ᬫ᭄ᬓᬲᬶᬧᬢᬶᬓ᭄ᬪᬝᬭᬳᬓᭀᬦ᭄
ᬰ᭄ᬭᬶᬦᬭᬧᬢᬶᬧ᭄ᬭᬵᬧ᭄ᬢᬳᬭᬶᬂᬩᬸᬩᬢᬕ᭄ᬮᬶᬲᬗᬺᬩᬸᬢᬾᬂᬧ᭄ᬭᬂᬲᬂᬦᬵᬣᬾᬂᬲᬸᬡ᭄ᬥᬵᬗᬢ᭄ᬬᬢᬶᬳᬫ᭄ᬪᬕᬾᬓ᭄ᬦᬧ᭄ᬭᬵᬧ᭄ᬢᬧᬤᬸᬓᬳᬚᬶ᭟ᬫᬗ᭄ᬓᬶᬦ᭄ᬓᬢᬗ᭄ᬳᬶᬭᬸᬦ᭄ᬢᬶᬓᬶᬭᬲᬂᬦᬵᬣ
[᭓᭘ 38A]
ᬤᬤ᭄ᬬᬲᬶᬭᬵᬮᭀᬦᬗ᭄ᬮᬶᬂᬮᬄᬫᬦ᭄ᬢ᭄ᬭᬶᬲᬵᬦᬦᬦ᭄ᬢᬤᬾᬦ᭄ᬧᬥᬳᬤᬦ᭄ᬤᬦᬋᬫᭂᬓᭂᬦᬬᭀᬕᬶᬕᬶᬲᬶᬦ᭄‌ᬚᬫ᭄ᬩᬋᬦ᭄ᬧᬶᬲᬦ᭄ᬧᬶᬭᬓᬥᬷᬭᬦᬾᬓᬶ᭟ᬓᬾᬦ᭄ᬕᬚᬄᬫᬵᬢᬶᬤ
ᬫᬵᬢᬸᬃᬲᬳᬯᭀᬢ᭄ᬲ᭄ᬓᬃᬢᬶᬦᬹᬢᬾᬂᬧᬭᬫᬦ᭄ᬢ᭄ᬭᬶᬥᬸᬄᬤᬾᬯᬧᬗᬾᬭᬦ᭄ᬭᬶᬂᬩᬾᬜ᭄ᬚᬂᬮᬸᬫᬸᬭᬸᬕᬓᬂᬩᬮᬫᬮᬶᬕᬶᬦᬶᬮᬶᬄᬫᬗ᭄ᬓ᭄ᬬᬵᬓᬾᬯᭂᬤᬢᭀᬮᬶᬗ᭄ᬲᬶᬭᬶᬂᬭᬯᬶ᭟
ᬳᬕᬸᬦᬶᬢᬢᬶᬗ᭄ᬓᬳᬶᬂᬗᬢᬦ᭄ᬤᬶᬂᬬᬸᬤ᭄ᬥᬧᬶᬦᬭᬯᭂᬜ᭄ᬘᬫᬮᬶᬄᬮᬓᬸᬳᬦᬶᬂᬩᬮᬰᬢ᭄ᬭᬸᬧᬤᬸᬓᬦᬵᬣᬜᬫ᭄ᬩ᭄ᬭᬓᬫ᭄ᬮᬂᬬᬾᬦ᭄ᬭᬗ᭄ᬲᬶᬳᬫᬗᬸᬦ᭄ᬭᭀᬤ᭄ᬭᬳᬫᬸᬦᬸᬄᬤᬾ
ᬦ᭄ᬬᬵᬢᬸᬦᬶ᭟ᬲᬫᬗ᭄ᬓᬵᬢᬸᬭᬶᬭᬵᬧᬢᬶᬄᬕᬚᬄᬫᬤᬓᬬᭀᬫᬦ᭄ᬤᬾᬦᬶᬂᬫᬦ᭄ᬢ᭄ᬭᬶᬫᬗ᭄ᬕᬸᬢ᭄ᬰ᭄ᬭᬷᬦᬭᬾᬦ᭄ᬤ᭄ᬭᬫᬾᬄᬲᬸᬫᬸᬭᬸᬧ᭄ᬳ᭄ᬬᬗᬃᬓ᭄ᬓᬩᬮᬧ᭄ᬭᬲᬫᬓᬶᬓᬶᬯᬶᬳᬗᭂᬧᬸᬂ [ 39 ][᭓᭘ 38B]
᭓᭘
ᬢᬸᬳᬦ᭄ᬲᬕ᭄ᬭᬩᬸᬕᬸᬩᬸᬕᬶᬓᬶ᭟ᬯ᭄ᬗᬶᬢᬦ᭄ᬓᬯᬃᬡ᭄ᬦᬳᬓᬸᬦᭂᬂᬭᬶᬂᬗᬾᬜ᭄ᬚᬂᬲᬂᬳ᭄ᬬᬂᬲᬹᬃᬬ᭄ᬬᬳᬸᬫᬶᬚᬶᬮ᭄‌ᬗᬸᬤᬬᬧᬃᬯ᭄ᬯᬢᬲᬜ᭄ᬚᬢᬾᬂᬯᬶᬮᬢᬶᬓ᭄ᬝᬳᬩᬶᬗᬃᬓ
ᬲᭂᬦ᭄ᬯᬦ᭄ᬭᬯᬶᬮ᭄ᬯᬶᬃᬩᬳ᭄ᬦᬶᬫᬸᬦ᭄ᬢᬩ᭄ᬲᬸᬫᬭᬫ᭄ᬩᬳᬗᬮᬶᬄ᭟ᬲᬓᬯᬾᬢᬦ᭄ᬮᬸᬫᬸᬭᬸᬕ᭄‌ᬧ᭄ᬭᬪᬸᬢᬭᬸᬡᬢᬶᬦᬹᬢᬾᬂᬩᬮᬫᬦ᭄ᬢ᭄ᬭᬶᬧᭂᬧᭂᬓᬂᬲᬜ᭄ᬚᬢᬩ᭄ᬥᬶᬮᬓᬡ᭄ᬥᬓᬡ᭄ᬥᬢᬫᬾᬂᬮ᭄ᬯᬶᬃ
ᬫᬾᬖᬳᬢᬝᬶᬢ᭄ᬮᬭᬧ᭄ᬦᬶᬂᬧ᭄ᬤᬂᬳᬲ᭄ᬢ᭄ᬭᬫᬬᬢᬶᬂᬭᬶᬭᬶᬲ᭄᭟ᬲᬓᬓᬸᬮ᭄ᬯᬦ᭄‌ᬢ᭄ᬮᬲᬯᭀᬂᬗᬶᬂᬚᬗ᭄ᬕᬮᬯᭀᬂᬕᭂᬕ᭄ᬮᬂᬢᬦ᭄ᬓᬭᬶᬦ᭄ᬤᬦ᭄‌ᬰ᭄ᬭᬶᬦᬭᬦᬵᬣᬓᬵᬮᬶᬄᬩᬸᬗ᭄ᬓᬳᬶᬂᬩᬮᬵ
ᬲᬂᬫᬦ᭄ᬢ᭄ᬭ᭄ᬬᬾᬗᬃᬱᬗᬶᬫ᭄ᬩᬗᬶᬳᬶᬩᭂᬓᬶᬂᬩᬮᬵᬲᬯᬂᬚᬮᬥᬶᬢᬶᬢᬶᬩ᭄᭟ᬲᬓᬓᬶᬤᬸᬮ᭄ᬲᬸᬫᬺᬕ᭄ᬮᬓᬸᬳᬦᬶᬂᬩᬮᬲᬜ᭄ᬚᬢᬵᬕᬸᬂᬢᬶᬦᬹᬢᬶᬂᬫᬦ᭄ᬢ᭄ᬭᬶᬯᬶᬮᬢᬶᬓ᭄ᬝᬢᬦ᭄ᬮᬾ
[᭓᭙ 39A]
ᬦ᭄ᬲᬶᬭᬓ᭄ᬭ᭄ᬬᬦ᭄ᬫᬵᬤᬫᬓᬦᬬ᭄ᬬᬃᬫᬓᬾᬂᬚᬸᬭᬶᬢ᭄ᬫᬸᬗ᭄ᬕ᭄ᬯᬶᬂᬲᬓᬢᬵᬗᬗ᭄ᬕᭀᬢᬸᬫᬦ᭄ᬤᬂᬫᬦ᭄ᬢ᭄ᬭᬶ᭟ᬫᬦ᭄ᬢ᭄ᬭᬶᬦᬶᬭᬳᬢᬢᬓᬤᬶᬭᬶᬂᬲᬸᬭᬢᬫᬾᬦᬓᬸᬗᬓᬸᬦᬶᬗᬲᬶᬲᬶᬫ᭄ᬧᬶᬂ
ᬗ᭄ᬫᬵᬲ᭄ᬧᬗᬗ᭄ᬕᭀᬦ᭄ᬬᬵᬤᬶᬓᬵᬭᬭᬶᬗᬃᬱᬦᬶᬭᬗᬶᬫ᭄ᬩᬗᬶᬳᬘᬯᭂᬢ᭄‌ᬚ᭄ᬦᬃᬳᬲᬩᬸᬓ᭄ᬮᬸᬩᬾᬂᬍᬯᬶᬄ᭟ᬓᬂᬧᬦᭂᬡ᭄ᬥᬲᬵᬫ᭄ᬧᬸᬦᬧᬋᬓ᭄ᬭᬶᬂᬩᬸᬩᬢ᭄‌ᬩ᭄ᬭᬵᬳ᭄ᬫᬚᬭᬓᬭᬶᬳᬶᬦ᭄
ᬫᬸᬦ᭄ᬬᬵᬕᭀᬂᬖᬹᬃᬡ᭄ᬦᬶᬢᬲᬸᬭᬓᬲᬗ᭄ᬕᬭᬸᬳᬦ᭄‌ᬯᭀᬂᬲᬸᬡ᭄ᬥᬬᬢ᭄ᬦᬳᬦᬸᬮᬶᬫᬍᬲᬦᬸᬭᬓ᭄ᬕᬸᬫᬶᬭᬶᬳᬲᬗ᭄ᬕᬦᬶ᭟ᬫᬸᬗ᭄ᬕ᭄ᬯᬶᬂᬪᬦᬯᬳᬓᬾᬄᬧᬸᬦᬂᬯᭀᬂᬲᬸᬡ᭄ᬥᬚᬸᬭᬸ
ᬫᬵᬤ᭄ᬬᬦᬶᬂᬩ᭄ᬥᬶᬮ᭄‌ᬩ᭄ᬲᬭᬶᬂᬩᬳᬶᬢ᭄ᬭᬫᬶᬫᬶᬲᬫᬜ᭄ᬘᬭᬸᬢᬧ᭄ᬭᬲᬫᬲᬵᬫ᭄ᬧᬸᬦ᭄ᬲᬸᬫᬚᬶᬳᬗᬦ᭄ᬢᬾᬓ᭄ᬦᬧᬗ᭄ᬭᬶᬳᬶᬦᬶᬓᬗᬭᬶ᭟ᬧᬦ᭄ᬯᭀᬂᬲᬸᬡ᭄ᬥᬳᬗᬗ᭄ᬕᭀᬥᬃᬫ᭄ᬫᬦᬶᬂᬬᬸᬤ᭄ᬥ [ 40 ][᭓᭙ 39B]
᭓᭙
ᬫᬍᬲᬵᬫ᭄ᬧᬸᬦ᭄ᬬᬵᬓᬦᬶᬦ᭄ᬤᬾᬲᬂᬰᬹᬭᬥᬃᬫ᭄ᬫᬬᬾᬓᬫᬃᬕ᭄ᬕᬫᭀᬢ᭄ᬢᬫᬓᬂᬯᭀᬂᬭᬸᬫᬸᬳᬸᬦᬫ᭄ᬭᬗᬶᬂᬭᬡᬫᬥ᭄ᬬᬫᬫᬃᬕ᭄ᬕᬫᬥ᭄ᬬᬧᬶᬦᬗ᭄ᬕᬶᬄ᭟ᬫᬗ᭄ᬓᬶᬦ᭄‌ᬭᬸᬫᬫ᭄ᬧᬓ᭄ᬲᬜ᭄ᬚᬢᬾᬂ
ᬯᬶᬮᬢᬶᬓ᭄ᬝᬲᬓᬓᬶᬤᬸᬮᬸᬫᬶᬡ᭄ᬥᬶᬄᬢᬦᬢ᭄ᬕᬢᬾᬂᬪᬬᬮ᭄ᬯᬶᬭᬮᬸᬦᬶᬂᬲᬫᬸᬤ᭄ᬭᬕᬸᬫᬸᬮᬸᬂᬢᬦ᭄ᬤᬂᬦ᭄ᬬᬵᬚᬸᬭᬶᬢ᭄ᬓᬳᬫᬢᬂᬦᬸᬤᬸᬓ᭄ᬦᬸᬮᬸᬧ᭄ᬦᬸᬮᬶᬕᬶ᭟ᬲᬸᬭᬓᬫ᭄ᬯᬂᬕᬸᬫᬸᬭᬸᬄᬫ᭄ᬯᬂᬢᬢᬩᬸᬳ
ᬦ᭄‌ᬩ᭄ᬥᬶᬮ᭄ᬫᬸᬦᬶᬳᬦᬶᬢᬶᬃᬫᬶᬫᬶᬲᬦᬮᬲᬃᬯᭀᬂᬲᬸᬡ᭄ᬥᬵᬓᬾᬄᬓᬘᬸᬃᬡ᭄ᬦᬦ᭄ᬳᬫᬍᬲ᭄‌ᬦ᭄ᬤᬢᬦ᭄ᬕᬶᬕᬶᬲᬶᬦᬗᬫᬸᬓ᭄ᬭᬫ᭄ᬧᬓ᭄ᬮᬶᬃᬢᬦᬳᬾᬥᭂᬧ᭄ᬯᬶᬱ᭄ᬝᬶ᭟ᬓ᭄ᬯᬾᬄᬓᬯ᭄ᬦᬂᬤᬶᬦᬸᬓᬶᬦᬸᬗ᭄ᬲᭃ
ᬩᬕᬶᬦᬮᬄᬩᬮᬳᬾᬂᬫᬚᬧᬳᬶᬢ᭄ᬮ᭄ᬬᬦᬓᬾᬄᬓᬯᬃᬡ᭄ᬦᬦ᭄ᬳᬶᬩᬶᬤᭂᬓ᭄ᬢᬶᬦᬶᬦ᭄ᬤᬶᬳᬦ᭄ᬩᬶᬦᬩᬤ᭄ᬲᬶᬦᬺᬕᬶᬦᬸᬗ᭄ᬲᬶᬓᬾᬄᬰᬯᬳᬧᬸᬮᬂᬕ᭄ᬢᬶᬄ᭟ᬕᬶ
[᭔᭐ 40A]
ᬗ᭄ᬲᬶᬃᬫᬾᬗᬲᬜ᭄ᬚᬢᬳᬾᬂᬯᬶᬮᬢᬶᬓ᭄ᬝᬤᬶᬦᬸᬓ᭄ᬕᬶᬦᬦ᭄ᬢᬶᬕᬦ᭄ᬢᬶᬧᬗᬋᬧᬾᬩᬸᬩᬃᬢᬶᬦᬹᬢ᭄ᬫᬗ᭄ᬓ᭄ᬬᬲᬶᬦᬸᬭᬓ᭄‌ᬰᬺᬗᭂᬦ᭄ᬫᬦ᭄ᬢ᭄ᬭᬶᬂᬫᬚᬧᬳᬶᬢ᭄‌ᬗᬲ᭄ᬯᬓᭂᬦ᭄ᬩᬮᬰᬶᬖ᭄ᬭᬵᬫ
ᬮᬶᬄᬳᬧᬸᬮᬶᬄ᭞ᬫᬮ᭄ᬬᬵᬭᬸᬋᬓ᭄ᬧ᭄ᬭᬂᬭᬵᬫᬾᬬᬬᬭᬶᬂᬲᬸᬭᬢ᭄ᬓᬵᬮᬶᬄᬢᬦ᭄ᬓᬦᬦ᭄ᬕᬶᬗ᭄ᬲᬶᬃᬦ᭄ᬤᬦ᭄ᬧᬗ᭄ᬓᬭᬶᬯᬳᬦ᭄ᬳᭂᬦ᭄ᬢᬶᬭᬵᬫᬾᬦᬶᬂᬬᬸᬤ᭄ᬥᬓᬂᬩ᭄ᬥᬶᬮ᭄ᬲᬓᬶᬂᬪᬦᬯᬶᬢᬦ᭄ᬧᬧ᭄ᬕᬢ
ᬦ᭄ᬮ᭄ᬯᬶᬃᬓ᭄ᬢᬸᬕᬶᬗᬯ᭄ᬬᬢᬶ᭟ᬭᬸᬲᬓ᭄ᬩᬮᬦᬶᬭᬰ᭄ᬭᬶᬳᬚᬶᬢᬭᬸᬡᬓᬧᬋᬓᬾᬂᬓᬶᬓᬶᬲᬶᬓ᭄ᬧ᭄ᬚᬄᬓᬲᬸᬮᬬᬄᬰᬯᬢᬦ᭄ᬓᬬᬰᬯᬋᬫᭂᬓ᭄ᬱᬫ᭄ᬧᬸᬂᬲᬶᬧᬶᬲᬶᬧᬶᬩᬳᬸᬫᬵᬲ᭄ᬢ
ᬓᬵᬓᬾᬄᬓᬩᬸᬜ᭄ᬘᬂᬢᬦ᭄ᬓᬭᬶ᭟ᬯ᭄ᬭᬶᬦ᭄ᬯ᭄ᬭᬶᬦ᭄ᬓᬕ᭄ᬬᬢ᭄ᬓᬕᭂᬫᬦ᭄‌ᬯᭀᬂᬯᬶᬮᬢᬶᬓ᭄ᬝᬤᬾᬦᬶᬂᬫᬶᬫᬶᬲ᭄ᬮ᭄ᬯᬶᬃᬯᬺᬱ᭄ᬝᬶᬳᬯᬺᬕᬮᬸᬮᬸᬦᬦᬦᬸᬲᬸᬧᬭᬶᬂᬗᬮᬲ᭄ᬢᬦ᭄ᬓᬾᬢ᭄ᬭᬂᬤᬸᬃᬕ᭄ᬕᬦᬶᬓᬂᬭ᭄ᬯᬶᬳᬦ [ 41 ][᭔᭐ 40B]
᭔᭐
ᬭᬶᬂᬍᬩᬓ᭄ᬓᬤᬶᬮᬸᬯᬓ᭄ᬳᬗᭂᬧᬶᬮ᭄᭟ᬧᬧ᭄ᬭᬗᬶᬂᬯᭀᬂᬲᬸᬡ᭄ᬥᬢᬦᬢ᭄ᬬᬳᬸᬭᬶᬧᬭᬵᬫᬾᬓᬂᬧ᭄ᬭᬂᬲᬮ᭄ᬬᭀᬓᬶᬄᬢᬦ᭄ᬓᬶᬢᬸᬂᬓᬂᬧ᭄ᬚᬄᬧᬥᬳᬮᭀᬂᬮᬶᬦᭀᬗᬦ᭄ᬓᬂᬲᬸᬭᬓᬯᬦ᭄ᬢᬶᬯ
ᬦ᭄ᬢᬶᬩ᭄ᬥᬶᬮ᭄ᬯᬶᬃᬕ᭄ᬮᬧ᭄ᬘᬾᬢ᭄ᬭᬫᬵᬲᬳᬗᬺᬲᬶ᭟ᬓᬂᬧ᭄ᬭᬯᬷᬭᬳᬧᬕᬸᬢ᭄ᬧᬥᬧ᭄ᬭᬯᬶᬭᬓᬬᬩᬢᬾᬮᬶᬂᬢᬸᬮᬶᬲᬩ᭄ᬦᭂᬃᬢᬦᬶᬯᬂᬢᬦ᭄ᬢ᭄ᬭᬶᬳᬓᬬᬾᬂᬢᬸᬳᬦ᭄ᬓᬸᬦᭂᬂᬯᬃᬡ᭄ᬦᬳᬫᬮᬶᬄᬲ
ᬜ᭄ᬚᬢᬾᬂᬓᬸᬮ᭄ᬯᬦ᭄ᬲᬵᬫ᭄ᬧᬸᬦᬧ᭄ᬭᬂᬲᬶᬮ᭄ᬬᭀᬓᬶᬄ᭟ᬳᬯ᭄ᬭᬭᬸᬕᬦ᭄ᬧ᭄ᬭᬂᬭᬵᬫ᭄ᬬᬵᬯᭀᬭᬯᬦ᭄ᬢᬸᬲᬦ᭄ᬳᬸᬫᬸᬂᬲ᭄ᬯᬭᬦᬶᬂᬤᬾᬭᬶᬓᭂᬡ᭄ᬥᬶᬕᭀᬂᬖᬹᬃᬡ᭄ᬦᬢᬬᬬᬭᬸᬕᬗᬫ᭄ᬩᬭᬕᬺᬩᭂᬕᬶᬂᬩᬮᬬᬬᬮ᭄ᬯᬶᬃᬩᬸᬩᬸᬭᬂᬮ᭄ᬫᬄᬓᬸᬤᬮᬶᬫᬦ᭄ᬧᬥᬗ᭄ᬳᬶᬓ᭄᭟ᬲᬶᬦᬺᬕ᭄ᬮᬶᬦᬶᬡ᭄ᬥᬶᬄᬲᬓᬭᬶᬓᬶᬤᬸᬮ᭄ᬯᬾᬢᬦ᭄‌ᬯᭀᬂᬲᬸᬡ᭄ᬥᬳᬓᬾᬄᬫᬵᬢᬶᬤᬤ᭄ᬬᬵᬲ᭄ᬫᬸᬓᬕᬶᬯᬂᬢᬹᬃᬓᬮᬶᬦ᭄ᬢ
[᭔᭑ 41A]
ᬗᬦ᭄ᬮᬯᬦ᭄ᬫᬃᬫ᭄ᬫᬦ᭄ᬬᬳᬧᬶᬡ᭄ᬥᬯ᭄ᬭᬶᬦ᭄ᬯ᭄ᬭᬶᬦ᭄ᬭᬸᬦ᭄ᬢᬶᬓ᭄ᬢᬸᬫᬶᬗ᭄ᬳᬮ᭄‌ᬭᬗ᭄ᬕᬲᭀᬯᬦᬫᬸᬮᬶᬄ᭟ᬭᬗ᭄ᬕᭀᬲᬳᭀᬳᬫ᭄ᬮᬢ᭄ᬢᬸᬭᬗ᭄ᬕᬭᬶᬗᬃᬱᬢᬫᬾᬗᬶᬧᬸᬦ᭄ᬳᬾᬦ᭄ᬓᬶᬜ᭄ᬘᬶᬧ᭄ᬤᬗᬾᬳᬶᬗᬸᬡ᭄ᬥᬩᬶᬦᬩᬤ᭄ᬢᬾᬓᬂ
ᬮᬵᬯᬦ᭄ᬓᬵᬮᬶᬄᬢᬦᬢ᭄ᬕᬢᬾᬂᬯᬶᬱ᭄ᬝᬶᬢᬦ᭄ᬤᬗᬦ᭄ᬤᭂᬫᬦᬤᬶᬫᭀᬗᬦᭀᬦ᭄ᬓᬜ᭄ᬘᬶᬮ᭄᭟ᬓᬾᬄᬓᬯ᭄ᬦᬂᬓᬂᬮᬯᬦᬓᬾᬄᬓᬘᬸᬃᬡ᭄ᬦᬦ᭄ᬕᬶᬗ᭄ᬲᬶᬃᬯᭀᬂᬫᬚᬧᬳᬶᬢ᭄‌ᬭᬗ᭄ᬕᬯᬶᬭᬫᬗ᭄ᬲᬫᬗ᭄ᬕᭂᬄᬗ
ᬗ᭄ᬕᭂᬳᬶᬂᬩᬮᬓᬵᬮᬶᬄᬓᬾᬦ᭄ᬚᬮᬓᬕᬸᬮᬶᬂᬲᬫᬳᬓᬸᬤᬲᬶᬓᭂᬧᬾᬧᬥᬵᬭᬗᬶᬦ᭄᭟ᬳᬗᬸᬦᬸᬲᬲ᭄ᬢᭂᬯᭂᬓᬵᬮᬶᬧᬭᬭᬶᬗᬃᬱᬵᬭᬗ᭄ᬕᬘᬳᭀᬓᬂᬧᬶᬦ᭄ᬭᬶᬄᬤᬶᬦ᭄ᬫᬓᬾᬂᬓᬸᬤᬢᬦ᭄ᬳᬶᬯᬂᬓᬶ
ᬦᭂᬫ᭄ᬩᬸᬮᬦ᭄ᬢᬫᬾᬗᬶᬗᬸᬡ᭄ᬥᬲᬶᬮᬶᬄᬓ᭄ᬭᬶᬲ᭄ᬢᬦ᭄ᬤ᭄ᬯᬓᬯ᭄ᬦᬂᬯᬶᬭᬫᬗ᭄ᬲᬲᬶᬦᬸᬭᬶ᭟ᬲᬶᬦᬸᬤᬸᬓ᭄‌ᬭᬗ᭄ᬕᬾᬘᬳᭀᬤᬾᬦᬾᬓᬾᬦ᭄ᬚᬮᬓ᭄ᬢ᭄ᬭᬸᬲ᭄ᬢᬫᬾᬗᬾᬢᬶᬦᬗ᭄ᬓᬶᬲ᭄ᬓᬜ᭄ᬘᬶᬢ᭄ᬭᬗ᭄ᬕᬲᭀᬯᬦ [ 42 ][᭔᭑ 41B]
᭔᭑
ᬧ᭄ᬭᬂᬲᬓᬾᬂᬗᬶᬭᬶᬗᬦ᭄ᬧ᭄ᬚᬄᬓᬾᬦ᭄ᬚᬮᬓᬕᬸᬮᬶᬂᬓᬵᬮᬶᬄᬲᬶᬦᬹᬃᬬ᭄ᬬᬩᬶᬦᬸᬜ᭄ᬘᬗᬦᬾᬂᬓ᭄ᬱᬶᬣᬶ᭟ᬧᬢᬶᬄᬕᭀᬯᬶᬰᬺᬗᭂᬦ᭄ᬓᬤ᭄ᬬᬭᬭᬳᬸᬧ᭄ᬭᬄᬓᬵᬮᬶᬄᬓᬾᬦ᭄ᬫᬃᬕ᭄ᬕᬍ
ᬯᬶᬄᬫ᭄ᬯᬂᬲᬶᬭᬵᬃᬬ᭄ᬬᬢᬥᬄᬧᬋᬗᬗᭂᬭᬩ᭄ᬭᭀᬫᬳᬗᬸᬡ᭄ᬥᬢᬫᬾᬂᬧᬭᬾᬱᬶᬮ᭄ᬯᬶᬃᬕᬚᬄᬭᭀᬱᬢᬦ᭄ᬤᬶᬗᬶᬂᬧᬸᬦᬜ᭄ᬚ᭄ᬭᬶᬳᬶ᭟ᬧᬢᬶᬄᬕᭀᬯᬶᬳᬧᬧᬕ᭄ᬮᬦ᭄ᬭᬗ᭄ᬕ
ᬲᭀᬯᬦ᭄ᬲᬸᬯ᭄ᬬᬵᬢᬡ᭄ᬥᬶᬂᬓᬯᬦᬶᬦ᭄ᬓᬓᬺᬘᬶᬓᬶᬂᬓᬵᬤ᭄ᬕᬲ᭄ᬬᬸᬳᬧ᭄ᬯᬶᬦ᭄ᬬᬲᬸᬫᬶᬭᬢᬢᬗ᭄ᬓᬶᬲ᭄ᬧ᭄ᬭᬢᬫᬓᬵᬮᬶᬄᬓᬜ᭄ᬘᬶᬢ᭄ᬓᬘᬶᬤ᭄ᬭᬗ᭄ᬕᬲᭀᬯᬦᬢᬗ᭄ᬓᬶᬲ᭄᭟ᬲᬶᬦᬸᬤᬸᬓ᭄ᬢ᭄ᬭᬸ
ᬲᬹᬚᬦᬾᬧᬸᬦ᭄ᬯᬶᬭᬲᭀᬯᬦ᭄ᬦᬶᬩᬲᬓᬶᬂᬓᬸᬤᬾᬓᬶᬲᬵᬓ᭄ᬱᬢᬶᬦᬶᬕᬲ᭄ᬳᬸᬫᬸᬂᬲ᭄ᬯᬭᬦᬶᬂᬲᬸᬭᬓᬾᬦ᭄ᬭᬗ᭄ᬕᬘᬳᭀᬲ᭄ᬫᬭᬸᬦ᭄ᬢᬶᬓ᭄ᬧᬶᬦ᭄ᬭᬶᬄᬩᬶᬦᬩᬤ᭄ᬲᬶᬭᬕᭀᬯᬶᬳᬶᬦᬸᬗ᭄ᬲᬶ᭟ᬕᬶᬧᬶᬄ
[᭔᭒ 42A]
ᬓᬾᬦ᭄ᬫᬵᬃᬕ᭄ᬕᬍᬯᬶᬄᬢ᭄ᬓᬢᬫᬢᬂᬭᬗ᭄ᬕᬘᬳᭀᬯᬸᬲ᭄ᬫᬵᬢᬶᬓᭀᬦ᭄ᬤᬸᬃᬓᬂᬯᭀᬂᬲᬸᬡ᭄ᬥᬢᬶᬦᬹᬢ᭄ᬫᬗ᭄ᬓᬾᬲᬶᬦᬸᬭᬓ᭄ᬢᬸᬳᬦ᭄ᬲᬶᬭᬶᬓᬦᬗ᭄ᬕᭂᬳᬶᬤ᭄ᬫᬂᬫᬓᬭᬮᬦ᭄ᬚᬢᬶᬕᬸᬭᬸᬦᬾᬓᬶ᭟ᬧᬜ᭄ᬚᬶᬫ᭄ᬮᭀᬂᬓᬧᬢ᭄ᬬᬢᬹᬃ
ᬫᬭᬶᬗᬃᬱᬳᬓᭀᬦᬳᬚᬕᬶᬗ᭄ᬲᬶᬃᬯᬢᬗᬾᬳᬶᬗᬸᬡ᭄ᬥᬧᬋᬗᬗᬫᬹᬓ᭄ᬭᬫ᭄ᬧᬓ᭄ᬢᬡ᭄ᬥᬗᬾᬢᬸᬳᬸᬯᬶᬦᬦᬶᬓᬤᬶᬲᬃᬤᬸᬮᬳᬗᬶᬭᬲ᭄ᬮᬯᬦ᭄ᬢᬦ᭄ᬚ᭄ᬭᬶᬄ᭟ᬫᬮ᭄ᬬᬵᬢᬸᬮᬓᬩᬮᬶᬓ᭄ᬧᬫᬸᬓᬶᬂᬩ
ᬮᬲᬸᬡ᭄ᬥᬢᬦ᭄ᬚ᭄ᬭᬶᬄᬳᬾᬂᬧᬢᬶᬭᬸᬲᬓ᭄ᬯᬤ᭄ᬯᬚᬯᬥ᭄ᬯᬚᬓᬾᬄᬓᬲᬸᬮᬬᬄᬓᬂᬯᬗ᭄ᬓᬾᬳᬢᬶᬡ᭄ᬥᬶᬄᬢᬶᬡ᭄ᬥᬶᬄᬓᬤᬶᬧᬃᬯ᭄ᬯᬢᬭᬳᬲᬯᬂᬚᬮᬥᬶ᭟ᬳᬗ᭄ᬤᬾᬓᬵᬤ᭄ᬪᬸᬢᬧᬢᭂ
ᬫ᭄ᬧᬸᬳᬗᬾᬬᬸᬤ᭄ᬥᬩᬮᬳᬾᬂᬫᬚᬧᬳᬶᬢ᭄ᬫᬢᬫ᭄ᬩᭂᬳᬶᬗᬵᬃᬱᬫᬦ᭄ᬢ᭄ᬭᬶᬧᬋᬗᬗᬺᬩᬢ᭄ᬢᬸᬳᬦ᭄ᬕᭂᬍᬫ᭄ᬧᭀᬂᬗ᭄ᬫᬲᬶᬭᬵᬫ᭄ᬬᬦᬶᬂᬬᬸᬤ᭄ᬥᬭᭀᬤ᭄ᬭᬜᬗ᭄ᬓᬶᬂᬘᬶᬦᬗ᭄ᬓᬶᬂ᭟ᬩ᭄ᬭᬵᬳ᭄ᬫᬰᬭᬫ᭄ᬯᬂ [ 43 ][᭔᭒ 52B]
᭔᭒
ᬕᬮᬄᬢᬦ᭄ᬧ᭄ᬭᬬᭀᬕᬲᭀᬓᬦ᭄ᬢᬫᬾᬂᬭᬗᬶᬦ᭄ᬓᬃᬢᭂᬯᭂᬓ᭄ᬮᬦ᭄ᬧ᭄ᬥᬂᬘᬸᬭᬶᬓᬩᬶᬃᬓᬮᬾᬯᬂᬲᬶᬮᬶᬄᬧ᭄ᬭᬂᬧᬶᬦ᭄ᬭᬗᬭᬗ᭄ᬓᬶᬢ᭄ᬫᬩᬩᬶᬦᬩᬤᬗ᭄ᬤᬸᬓ᭄ᬢᬶᬦᬸᬓ᭄ᬲᬶᬮᬶᬄᬓ᭄ᬭᬶᬲ᭄᭟ᬳᬭᬸᬚᬸᬗᬦᬭᬸ
ᬓᭂᬢ᭄ᬧᬧ᭄ᬭᬗᬶᬂᬩᬮᬲᬶᬮᬶᬄᬩᬡ᭄ᬥᬳᬧᬸᬮᬶᬃᬮ᭄ᬯᬶᬃᬪᬸᬢᬵᬦᭀᬦ᭄ᬫᬗ᭄ᬲᬮ᭄ᬯᬶᬃᬕᬕᬦᬵᬦᭀᬦ᭄ᬰᬯᬬᬬᬢᬦᬳᬾᬥᭂᬧ᭄ᬯᬶᬱ᭄ᬝᬶᬲᬗ᭄ᬲᬬᬚ᭄ᬯᬮᬧᬢᭂᬫ᭄ᬧᬸᬳᬾᬗᬚᬸᬭᬶᬢ᭄᭟ᬮ᭄ᬯᬶᬃᬚᬮᬥᬤᭂᬤᭂ
ᬢᬶᬂᬢᬫᬾᬂᬮᬦ᭄ᬢᬃᬧ᭄ᬤᬂᬢᬝᬶᬢ᭄ᬦ᭄ᬬᬗᬺᬲᬶᬯᬭᬲ᭄ᬢ᭄ᬭᬮᬸᬫ᭄ᬧᬲ᭄‌ᬬᬳᬸᬤᬤ᭄ᬬᬵᬓ᭄ᬘᭂᬳᬦᬕ᭄ᬮᬧ᭄ᬲ᭄ᬯᬭᬦᬶᬂᬩ᭄ᬤᬶᬮ᭄ᬲᬓᬶᬂᬤᬦᬯᬬᬬᬭᬸᬕᬗᬯ᭄ᬬᬢᬶ᭟ᬲᬸᬭᬓᬸᬫ᭄ᬯᬂᬰᬺᬗᭂᬦ᭄ᬓᬾᬦ᭄‌ᬤ᭄ᬫᬂᬫᬓᬭ
ᬳᬫ᭄ᬮᭂᬕ᭄ᬢᬸᬭᬗ᭄ᬕᬦᬶᬭᬾᬓᬶᬮᬸᬫᬚᬸᬭᬶᬗᬃᬱᬓᬤᬶᬓ᭄ᬩᭀᬳᬗᬸᬡ᭄ᬥᬳᬗᬸᬡ᭄ᬥᬯᬢᬵᬂᬭᬭᬯᬶᬲ᭄ᬫ᭄ᬭᬓᬧ᭄ᬭᬓᬝᬫᬯ᭄ᬮᬸᬤᬾᬦ᭄ᬬᬵᬗᬸᬮᬶᬂ᭟ᬢᬦ᭄ᬤ᭄ᬯᬵᬧᬧᬕ᭄ᬧᬫᬹᬓᬾᬓ᭄ᬩᭀᬦᬶᬭᬤᬲᬫᬳᬯᬢᬂ
[᭔᭓ 53A]
ᬓᬵᬮᬶᬄᬧᬘᬧ᭄ᬭᬓᭀᬱᬾᬂᬧ᭄ᬭᬂᬯᬸᬲᬢᬗ᭄ᬓᭂᬧ᭄ᬚᬂᬯᬢᬂᬳᬢᬗ᭄ᬓᬶᬲ᭄ᬧ᭄ᬭᬢᬫᬵᬓᬵᬮᬶᬄᬜᬶᬤ᭄ᬭᬘᬶᬦᬶᬤ᭄ᬭᬵᬲᬸᬯ᭄ᬬᬵᬢᬡ᭄ᬥᬶᬂᬓᬯᬦᬶᬦ᭄᭟ᬲᬾᬧᬓ᭄ᬥᬧ᭄ᬓᬘᬤ᭄ᬭᬓ᭄ᬩᭀᬦᬶᬭᬤᬲᬶᬦᬸᬤᬸᬓ᭄ᬚᬚᬦ᭄ᬬᬾ
ᬓᬶᬭᬥᬶᬭᬫᬸᬮᬓᬦ᭄ᬢᬶᬩᬲᬓᬂᬢᬸᬭᬗ᭄ᬕᬰ᭄ᬭᬗᭂᬦ᭄ᬓᬾᬦ᭄ᬩᬸᬗ᭄ᬲᬗᬧᬸᬮᬶᬄᬢᬫᬾᬂᬮᬦ᭄‌ᬧ᭄ᬥᬂᬳᬶᬗᬸᬡ᭄ᬥᬢᬦ᭄ᬕᬶᬕᬶᬲᬶᬦ᭄᭟ᬓᬜ᭄ᬘᬶᬢ᭄ᬯᬶᬦᬢᬂᬮᬸᬧᬸᬢ᭄ᬲᬶᬓ᭄ᬩᭀᬩᬸᬗ᭄ᬲᬂᬢᬫᬾᬂᬗᬶᬧᬸᬦ᭄ᬢᬶᬦ
ᬗ᭄ᬓᬶᬲ᭄ᬧᬶᬦ᭄ᬤᬂᬢᬂᬯᬢᬂᬧᬲᬄᬢᬶᬩᬭᬶᬂᬮ᭄ᬫᬄᬤ᭄ᬫᬂᬫᬓᬭᬤᬶᬦᬸᬓᬶᬂᬧ᭄ᬤᬂᬓᬧ᭄ᬭᬡᬦ᭄ᬳᬦᬶᬩᬵᬦᬸᬮᬶᬫᬵᬢᬶ᭟ᬢᬸᬯᬦ᭄ᬲᬶᬭᬶᬓᬦ᭄ᬳᭂᬦ᭄ᬢᬶᬭᬸᬦ᭄ᬢᬶᬓᬾᬫᬸᬮᬢᬗ᭄ᬳᬺᬓᬸᬤᬬᬬᬵᬕ᭄ᬦᬶᬚ᭄ᬯᬮᬦᬶᬓᬂᬫᬦᬄ
ᬰᬶᬖ᭄ᬭᬳᬗᬮᬂᬥᬥᬧ᭄ᬲᬳᬢᭂᬯᭂᬓᬾᬓᬶᬦᬢᬶᬓ᭄ᬫᬓᬕᬸᬭᬶᬮᬧ᭄ᬓᬓᬭᬘᬦᬮᬸᬗᬶᬤ᭄᭞ᬮ᭄ᬯᬶᬃᬢᬭᬸᬡᬧᬫᬹᬓᬾᬢᬸᬳᬦ᭄ᬲᬶᬭᬶᬦᬦᭀᬦ᭄ᬓᬦ᭄ᬬᬵᬬᬸᬯᬢᬶᬕᬺᬫᭂᬢᭂᬦᬕᬶᬭᬂᬮ᭄ᬯᬶᬃᬢᬦᬢ᭄ᬕ [ 44 ][᭔᭓ 43B]
᭔᭓
ᬢᬾᬂᬪᬬᬫᬗ᭄ᬓᬦᬭᬶᬦᬲᬾᬗ᭄ᬳᬢᬶᬳᬓ᭄ᬯᬾᬄᬓᬂᬮᬯᬦ᭄ᬮᬶᬦᭂᬩᭀᬦ᭄ᬤᬢᬦᬚ᭄ᬭᬶᬄ᭟ᬳᬗᬶᬭᬲ᭄ᬧᬸᬦᬂᬮᬯᬦᬓᬾᬄᬓᬯ᭄ᬦᬂᬫᬾᬦᬓᬶᬂᬫᬚᬧᬳᬶᬳᬫᬜ᭄ᬘᬮᬸᬭᬳᬦ᭄ᬫᬗ᭄ᬓᬶᬦ᭄ᬫᬗ᭄ᬲᭃᬯᭀᬂᬲᬸ
ᬡ᭄ᬥᬓᬾᬜ᭄ᬚᬢᬶᬕᬸᬭᬸᬫᬦᬹᬢᬶᬂᬧᬫᬹᬓᬶᬂᬩᬮᬧᬜ᭄ᬚᬶᬫ᭄ᬮᭀᬂᬢᬦ᭄ᬓᬭᬶ᭟ᬲ᭄ᬫᬸᬓᬕᬶᬯᬂᬲᬜ᭄ᬚᬢᬳᬾᬂᬯᬶᬮᬢᬶᬓ᭄ᬝᬲᬶᬦᬺᬕ᭄ᬫᬗ᭄ᬓᬾᬳᬶᬦᬸᬗ᭄ᬲᬶᬫᬮᬬ᭄ᬯᬵᬮᬸᬮᬸᬦᬦ᭄ᬓᬸᬫ᭄ᬬᬸᬲ᭄‌ᬬᬬᬘᬫᬭᬵ
ᬓᬤᬺᬲᬦ᭄ᬧᬯᬦᬕᬢᬶᬢᬶᬦᬹᬢ᭄ᬲᬶᬦᬸᬭᬓᬶᬗᬸᬤᬦᬦ᭄ᬚᬫ᭄ᬧᬶᬭᬶᬂ᭟ᬫᬗ᭄ᬓᬶᬦ᭄ᬩᬸᬩᬃᬲᬶᬮᬶᬳᬶᬤᭂᬓ᭄ᬮᬯᬦ᭄ᬭᭀᬯᬂᬗᬓ᭄ᬯᬾᬄᬚᬾᬗ᭄ᬓᬾᬮᬓᬦᬶᬦ᭄ᬥᬸᬚᬓᬲᬸᬮᬬᬄᬳᬢᬶᬗ᭄ᬕᬮᬲ
ᬜ᭄ᬚᬢᬰᬺᬗᭂᬦ᭄ᬫᬦ᭄ᬢ᭄ᬭᬶᬫᬚᬧᬳᬶᬢ᭄ᬧᬋᬂᬢᬸᬫᬦ᭄ᬫᬦ᭄ᬤᬂᬩᬮᬯᬶᬭᬓᬓ᭄ᬬᬵᬢᬶᬂ᭟ᬩᬗᬸᬦ᭄ᬢᭂᬗ᭄ᬭᬦᬩᬮᬶᬓᬗᬫᬸᬓ᭄ᬭᬫ᭄ᬧᬓ᭄ᬮ᭄ᬯᬶᬭᭀᬫ᭄ᬩᬓᬶᬂᬚᬮᬥᬶᬳᬦᭂᬫ᭄ᬧᬸᬳᬶᬂᬧᬭᬂᬲᬸᬭᬓᬲᬗ᭄ᬕᬭᬸᬳᬦ᭄ᬲᬢᬢ
[᭔᭔ 44A]
ᬩᬸᬳᬦᬫ᭄ᬮᬶᬗᬶᬧᬗ᭄ᬕ᭄ᬭᬶᬓᬶᬂᬓᬸᬤᬵᬩᬗᬸᬦ᭄ᬭᬫ᭄ᬬᬦᬶᬂᬚᬸᬭᬶᬢ᭄᭞ᬢᬦ᭄ᬯᬵᬧᬧᬕ᭄ᬧᬫᬹᬓᬾᬢᬸᬳᬵᬦ᭄ᬲᬶᬭᬶᬓᬦ᭄‌ᬍᬫ᭄ᬩᬸᬯᬺᬤ᭄ᬥᬗ᭄ᬮᬬᬦᬶᬓᬵᬮᬶᬄᬯᬶᬓᬦᬾᬂᬧ᭄ᬭᬂᬲᬶᬓᭂᬧᬾᬧᬥᬥᬥᬧ᭄ᬫᬢᭂᬯᭂ
ᬓᬾᬳᬮᬸᬗᬶᬤ᭄ᬓᬸᬤᬵᬓᬸᬬᭂᬗᬦᬫᬾᬢ᭄ᬘᬶᬤ᭄ᬭᬘᬮᬶᬭᬶᬂ᭟ᬓᬾᬦ᭄ᬲᬶᬭᬶᬓᬦ᭄ᬢᬦ᭄ᬫᬵᬃᬬ᭄ᬬᬳᬦᬺᬗᬫ᭄ᬩᬩᬤ᭄‌ᬍᬫ᭄ᬩᬸᬯᬺᬤ᭄ᬥᬳᬢᬗ᭄ᬓᬶᬲ᭄ᬓᬲ᭄ᬮᭂᬓᬦᬾᬗ᭄ᬓᬸᬤᬧᬶᬦ᭄ᬭᬂᬢᬶᬩᬭᬶᬂᬮ᭄ᬫᬄᬓᬩ᭄ᬭᬡᬦ᭄ᬲᬶ
ᬯᬓᬾᬂᬕᬶᬕᬶᬃᬓᬭᬶᬳᬕ᭄ᬲᬂᬧᬓ᭄ᬱᬵᬢᬗ᭄ᬕᬮ᭄ᬢᬦᭀᬮᬶᬄ᭟ᬳᬢᬗᬳᬶᬢᬗ᭄ᬳᬶᬳᬶᬦᬶᬤᭂᬓ᭄ᬤᬾᬦᬶᬂᬓᬸᬤᬓᬾᬦ᭄ᬫᬜ᭄ᬚᬸᬗᬦᬸᬮᬸᬗᬶᬤᬶᬦᬸᬓᬾᬦ᭄ᬲᬶᬭᬶᬓᬦ᭄ᬢ᭄ᬭᬸᬲ᭄‌ᬭᬸᬥᬶᬭᬦ᭄ᬬᬫᬸᬜ᭄ᬘᬃᬢᬶᬩᬲᬸᬗ᭄ᬲ
ᬗᬾᬂᬓ᭄ᬱᬶᬣᬶᬓᬾᬦ᭄‌ᬍᬫ᭄ᬩᬸᬯᬺᬤ᭄ᬥᬵᬫᬸᬦ᭄ᬤᬸᬭᬢᬯᬦ᭄ᬓᬦᬶᬦ᭄᭟ᬚᬵᬢᬶᬕᬸᬭᬸᬮ᭄ᬯᬶᬃᬕᬸᬭᬸᬦ᭄ᬤᬬᬳᬦᬯᬢ᭄ᬤᬾᬦ᭄ᬬᬵᬫ᭄ᬮᭂᬕ᭄ᬓᬸᬤᬦ᭄ᬬᬵᬕ᭄ᬮᬶᬲ᭄ᬘᭂᬢᬦᬾᬗᬶᬭᬶᬗᬗ᭄ᬘᭂᬢᬗᬶᬭᬲᬾᬗᬃᬱᬧᬜ᭄ᬚᬶᬫ᭄ᬮᭀᬂ [ 45 ][᭔᭔ 44B]
᭔᭔
ᬭᭀᬯᬂᬦᬾᬓᬶᬮ᭄ᬯᬶᬃᬧᬜ᭄ᬚᬶᬓᬸᬦᬮᬓᬸᬓᬸᬄᬤᬾᬦᬾᬳᬚᬸᬭᬶᬢ᭄᭟ᬧᬭᬭᬗ᭄ᬕᬳᬦᬵᬫᬭᬗ᭄ᬕᬢᬦ᭄ᬕᬶᬯᬂᬭᬗ᭄ᬕᬧᬓᬸᬗᬮᬗᬶᬓᬵᬮᬶᬄᬧᬶᬦ᭄ᬭᬚᬬᬧ᭄ᬚᬄᬓᬵᬭ᭄ᬯᬢᬶᬦᬶᬕᬲ᭄ᬲᬸᬭᬓ᭄ᬮ᭄ᬯᬶᬃᬓ
ᬭᬸᬗ᭄ᬯᬾᬂᬮᬗᬶᬢᬯᭀᬃᬫᬺᬤᬗ᭄ᬕᬳᬾᬫ᭄ᬩᭂᬄᬭᬫ᭄ᬬᬵᬦᬶᬂᬚᬸᬭᬶᬢ᭄᭟ᬳᬓᬾᬄᬫᬾᬦᬓᬶᬂᬯᬶᬮᬢᬶᬓ᭄ᬝᬧᬗᬵᬃᬱᬯᬶᬭᬫᬵᬢᬶᬳᬚᬸᬭᬶᬢ᭄ᬓᬾᬂᬩᬮᬓ᭄ᬭᬫᬧᬢᬶᬄᬫᬥᬸᬓᬮᬯᬦ᭄ᬓᬾᬢᬶᬸᬦ᭄ᬢᭂ
ᬢᭂᬕ᭄‌ᬭᬸᬦ᭄ᬢᬶᬓᬾᬳᭂᬦ᭄ᬢᬶᬳᬫ᭄ᬮᭂᬕ᭄ᬢᬸᬭᬗ᭄ᬕᬲᬳᬩᬮᬮᬸᬫᬶᬡ᭄ᬥᬶᬄ᭟ᬓᬜ᭄ᬘᬶᬢᬧᬧᬕ᭄ᬓᬸᬤᬓᬾᬜ᭄ᬚᬢᬶᬧᬶᬢᬧᬢᬶᬄᬫᬥᬸᬓᬂᬧᬶᬦ᭄ᬭᬶᬄᬫᬾᬲᭂᬫ᭄ᬚᬸᬭᬗᬸᬘᬧ᭄ᬓᬫᬬᬗᬦ᭄ᬓᬧᬧᬕ᭄ᬳᬾᬫᬥᬸᬳ
ᬬᭀᬢᬦᬾᬮᬶᬂᬤᬸᬓᬭᬶᬂᬲᬸᬡ᭄ᬥᬭᭀᬯᬗᬶᬗᭀᬭᬸᬧᬲᬶᬄ᭟ᬫᬥᬸᬭᬦᬾᬫᬸᬫᬵᬢᬸᬭᬶᬚᭃᬂᬦᬭᬾᬦ᭄ᬤ᭄ᬭᬲᬓᬶᬫᬥ᭄ᬯᬧᬾᬢ᭄ᬧᬢᬶᬰᬵᬡᬾᬗᬥᬫᬦ᭄ᬤᬶᬓ᭄ᬭᬫᬦᬶᬂᬧ᭄ᬭᬯᬶᬭᬢᬶ
[᭔᭕ 45A]
ᬦᬹᬢ᭄ᬫᬸᬗᬧᬸᬲᬧᬸᬲᬶᬂᬬᬦ᭄ᬓᭀᬳᬦ᭄ᬤᭀᬦᬫᬭᬶᬂᬲᬸᬡ᭄ᬥᬳᬫᬺᬧᬶ᭟ᬫᬵᬲᬓᬶᬢᬵᬂᬭᬭᬩᬯᬸᬮᬸᬲᬮᬫ᭄ᬩᬪ᭄ᬭᬱ᭄ᬝᬓᬤᬂᬫᬸᬳᭂᬦ᭄ᬢᬶᬢᬦ᭄ᬯᬮᬸᬬᬾᬗ᭄ᬓᬶᬭᬲᬗ᭄ᬓᬦᬲᬶᬄᬧᬶᬦᬲᬂᬫᬗ᭄ᬓᬾᬤᬾ
ᬦ᭄ᬢᬸᬫᬸᬮᬸᬲᬲᬶᬄᬮᬳᬫᬋᬓᬫᬗ᭄ᬓᬾᬳᬳᬸᬭᬸᬧ᭄ᬓᬦᬶᬦ᭄᭟ᬓᬾᬦ᭄ᬫᬥᬸᬳᬦᬳᬸᬭᬶᬳᬾᬗ᭄ᬕᬾᬮ᭄ᬓᬩᬗᬦ᭄ᬳᬄᬦᭀᬭᬾᬗᬾᬗᬚᬸᬢᬶᬗᭀᬂᬩ᭄ᬦᭂᬭᬶᬂᬫᬃᬕ᭄ᬕᬓᬶᬢᬫᬶᬣ᭄ᬬᬾᬂᬲᬫ
ᬬᬦᭀᬭᬵᬦᬹᬢᬾᬂᬦᬸᬱᬵᬦ᭄ᬢᬭᬶᬢ᭄ᬓᬵᬗᬚᬯᬫᬃᬫ᭄ᬫᬵᬢ᭄ᬫᬄᬓᬬᬾᬓᬶ᭟ᬰ᭄ᬭᬗᭂᬦ᭄ᬓᬾᬜ᭄ᬚᬢᬶᬕᬸᬭᬸᬳᬲ᭄ᬭᬶᬂᬗᬫ᭄ᬩᬩᬤ᭄ᬧᬢᬶᬄᬫᬵᬢᬶᬸᬥᬸᬢᬦ᭄ᬕᬶᬗ᭄ᬲᬶᬃᬳᬫᬍᬲᬫ᭄ᬩᬩᬤ᭄ᬢᬗ᭄ᬓᬶ
ᬲᬾᬧᬥᬥᬥᬧ᭄ᬫᬓᬦᬭᬦ᭄ᬢᬗᬕᬢᬶᬓ᭄ᬧ᭄ᬥᬂᬫᬮᬾᬮᬲᬸᬭᬶᬭᬢᬾᬓᬗᬧ᭄ᬯᬶ᭟ᬓᬵᬮᬶᬄᬧᬧ᭄ᬭᬗᬾᬧᬥᬵᬢᬗ᭄ᬓᬶᬲ᭄ᬮᬕᬯᬵᬲᬸᬯ᭄ᬬᬵᬢᬡ᭄ᬥᬶᬂᬓᬯᬦᬶᬦ᭄ᬘᭂᬢ᭄ᬫᬮᬂᬢᬂᬓᬸᬤᬳᬓᬸᬬᭂ [ 46 ][᭔᭕ 45B]
᭔᭕
ᬳᬦᬲᬾᬧᬓᬢᭂᬗ᭄ᬕᬄᬓᬸᬤᬳᬩᬶᬲᬶᬃᬓᬲᭀᬭᬦ᭄ᬘᬶᬤ᭄ᬭᬚᬢᬶᬕᬸᬭᬸᬳᬢᬗ᭄ᬓᬶᬲ᭄᭟ᬥᬥᬧᬶᬭᬧᬶᬦ᭄ᬤᬂᬧᭀᬘᭀᬮᬾᬂᬮ᭄ᬫᬄᬓᬵᬭᭀᬧ᭄ᬤᬂᬢᬶᬦᬗ᭄ᬓᬶᬲᬾᬧ᭄ᬫᬮᬶᬄᬧᬶᬦ᭄ᬤᬂᬢ᭄ᬭᬸᬲ᭄ᬚᬚᬦᬾ
ᬭᬄᬫᬸᬜ᭄ᬘᬃᬧᬜ᭄ᬚᬶᬫ᭄ᬮᭀᬗᬗᬸᬘᬧᬶᬢ᭄ᬓᬵᬳᬫᬢᬂᬧᬢᬶᬄᬫᬥᬸᬢᬦ᭄ᬓᬦᬶᬦ᭄᭟ᬓᬲᬸᬗ᭄ᬲᬸᬂᬢᬶᬩᬲᬓᬶᬂᬮᬸᬳᬸᬭᬶᬂᬓᬸᬤᬓᬾᬦ᭄ᬢᭂᬢᭂᬕᬗᬸᬘᬸᬧᬶᬲᬳᬲᬵᬳᬫᬢᬂᬧᬜ᭄ᬚᬶᬫ᭄ᬮᭀᬓᬧ᭄ᬭᬡᬦ᭄
ᬧ᭄ᬚᬄᬓᬵᬭ᭄ᬯᬯᬸᬲᬶᬦᬸᬭᬶᬲᬸᬭᬓ᭄ᬖᬸᬃᬡ᭄ᬦᬶᬢᬢᬢᬩᬸᬳᬦ᭄ᬕᬸᬫᬶᬭᬶᬄ᭟ᬩᬸᬩᬃᬯᭀᬂᬲᬸᬡ᭄ᬥᬫᬗ᭄ᬓᬾᬰᬾᬱᬦᬶᬂᬧ᭄ᬚᬄᬧᬥᬵᬫ᭄ᬗ᭄ᬲᬶᬦᬺᬧᬢᬶᬢᬶᬦᬹᬢᬶᬂᬗᬸᬤᬦᬦ᭄ᬰᬭᬳᬓᬾᬄᬓᬘᬹᬃᬡ᭄ᬦᬦ᭄‌ᬭᬸᬦ᭄ᬢᬶ
ᬓ᭄ᬲᬶᬭᬓ᭄ᬭ᭄ᬬᬦᬧᬢᬶᬳᬤᬶᬦᬶᬂᬲᬸᬡ᭄ᬥᬳᬲᬾᬧᬓᭂᬦ᭄ᬓᬓ᭄ᬬᬵᬢᬶ᭟ᬫᬸᬗ᭄ᬕ᭄ᬯᬶᬂᬓᬸᬤᬩᬶᬦᬭᭀᬗᬓᬭᬓᬭᬓᬺᬱ᭄ᬡᬵᬓᬵᬭᬳᬓᬶᬭᬶᬲ᭄ᬮ᭄ᬯᬶᬃᬭᭀᬫᬦᬶᬗ᭄ᬕᬕᬓᬭᬦ᭄ᬕᬕᬓ᭄ᬫᬬᬹᬭᬳ
[᭔᭖ 46A]
ᬕᬸᬃᬮ᭄ᬯᬶᬃᬧᬸᬦᬡ᭄ᬥᬲ᭄ᬲᬶᬯᬶᬚᬶᬮᬂᬓᬸᬤᬦᬶᬫᬓᭀᬭᬾᬳᬶᬗᬹᬦᬶ᭟ᬓᬵᬮᬶᬄᬓᬾᬦ᭄ᬮᬭᬗᬕᬸᬂᬳᬸᬫᬸᬗ᭄ᬕ᭄ᬯᬶᬂᬮᬶᬫᬦ᭄ᬧᬗᬗ᭄ᬕᭀᬦᬾᬮᬶᬦᭂᬯᬶᬄᬮ᭄ᬯᬶᬃᬤᬿᬢ᭄ᬬᬲᬶᬲᬸᬦ᭄ᬤᬳᬸᬧᬲᬸᬦ᭄ᬤᬢᬦᬶᬯᬂᬳ
ᬗᬗ᭄ᬕᭀᬢᬸᬫᬦ᭄ᬤᬂᬫᬦ᭄ᬢ᭄ᬭᬶᬧᬬᬸᬂᬫ᭄ᬯᬂᬥ᭄ᬯᬚᬧᬥᬓᬺᬱ᭄ᬡᬳᬘᬶᬭᬶ᭟ᬳᬢᬗ᭄ᬓᬶᬲ᭄ᬢᬫᬾᬂᬢᬶᬦᬧᬶᬲ᭄ᬤᬾᬗ᭄ᬫᬵᬲ᭄ᬩᭂᬓ᭄ᬤᬾᬦᬶᬂᬭᬢ᭄ᬦᬳᬤᬶᬧ᭄ᬤᬗᬾᬳᬶᬗᬸᬡ᭄ᬥᬓᬕᬸᬭᬶᬮᬧᬳᬸᬮᬧ᭄ᬓᬓᬭᬘᬦᬾᬂᬳᬮᬸ
ᬗᬶᬦ᭄ᬓᬵᬮᬶᬄᬮᬦ᭄ᬩᬸᬦ᭄ᬢᬮ᭄ᬯᬶᬦᬸᬓᬸᬯᬸᬓ᭄ᬯᬾᬂᬭᬹᬫ᭄ᬫᬶ᭟ᬲᬳᬯᬢᬂᬭᬶᬦᬯᬶᬲᬦ᭄ᬓᬫ᭄ᬩᬮᬵᬩᬂᬳᬩᬸᬩᬸᬮ᭄ᬓᬸᬮ᭄ᬫᬵᬲᬤᬶᬯᬶᬦᬃᬡ᭄ᬦᬳᬩᬶᬦᬂᬲᬶᬦᬸᬭᬢᬶᬂᬫᬵᬲ᭄ᬤ᭄ᬭᬯᬳᬧᬫᬧᬕ᭄ᬫᬡᬶᬓ᭄ᬯᬭᬶᬄᬧᬦ᭄ᬢᭂᬲ᭄ᬧ᭄ᬭᬕᬮ᭄ᬪ
ᬢᬸᬳᬸᬳᬤᬶᬦᬶᬂᬫᬦ᭄ᬢ᭄ᬭᬶ᭟ᬚᬚᬓᬦᬶᬭᬵᬩᬕᬸᬲ᭄ᬓᬤᬶᬭᬶᬂᬲᬸᬭᬢ᭄ᬲᬳᬯᬢᬂᬚᬶᬦᬶᬜ᭄ᬚ᭄ᬭᬶᬂᬳᬲᬶᬲᬶᬫ᭄ᬧᬶᬂᬳ᭄ᬫᬵᬲᬮᬜ᭄ᬘᬶᬗᬦ᭄ᬩᭀᬢ᭄ᬲᬩ᭄ᬭᬂᬧᬦ᭄ᬢᭂᬲᭀᬮᬳᬾᬧ᭄ᬭᬚᬸᬭᬶᬢ᭄ᬯᬗ᭄ᬰᬳᬫᬾᬦᬓ᭄ᬢᬸ [ 47 ][᭔᭖ 46B]
᭔᭖
ᬘ᭄ᬦᬶᬂᬲᬸᬡ᭄ᬥᬲᬶᬦᬭᬶ᭟ᬩᬮᬦᬶᬭᬢᬶᬦᬭᬶᬓ᭄ᬮᬸᬫᬚ᭄ᬯᬶᬂᬗᬃᬱᬮᬶᬗᬶᬭᬓ᭄ᬭ᭄ᬬᬦᬧᬢᬶᬄᬫ᭄ᬦᬾᬧᬥᬭᭀᬯᬂᬓᬶᬤᬸᬮ᭄ᬫᬗ᭄ᬓᬾᬤᬾᬦ᭄ᬧᬭᬕ᭄ᬲᬜ᭄ᬚᬢᬵᬕᬸᬂᬓᬂᬤᬾᬦᬸᬗ᭄ᬲᬶᬭᬶᬬᭀᬗ᭄ᬕ᭄ᬯᬦᬶᬓᬵ
ᬳᬧᬢᬶᬄᬫᬚᬧᬳᬶᬢ᭄᭟ᬲᬶᬩᬚᬄᬫᬵᬤᬓᬗᬢᬸᬗ᭄ᬕᬸᬮᬲᬶᬜ᭄ᬚᬂᬘ᭄ᬫᭂᬃᬧᭀᬮᬳᬦᬾᬓᬶᬮᬄᬢᭂᬫ᭄ᬧᬸᬳᭂᬦ᭄ᬧᬶᬲᬦᬬᭀᬯᬾᬳᬭᬾᬭᬾᬦᬤᬾᬦ᭄ᬢᬸᬢ᭄ᬓᬾᬫᬚᬧᬳᬶᬢ᭄ᬤᬾᬦ
ᬫᬸᬓ᭄ᬭᬫ᭄ᬧᬓᬚᬵᬗ᭄ᬭᬱᬕᬶᬕᬶᬲᬶᬦ᭄᭟ᬓᬂᬩᬮᬵᬳ᭄ᬬᬸᬦ᭄ᬳ᭄ᬬᬸᬦᬦᭂᬋᬕ᭄ᬫᬭᬶᬗᬃᬱᬧᬋᬯᭀᬂᬰᬹᬭᬾᬂᬧᬢᬶᬮ᭄ᬯᬶᬃᬯᬳᬶᬂᬧᬃᬯ᭄ᬯᬢᬕᬸᬫᬸᬮᬸᬗᬦᬭᬫ᭄ᬧᬓ᭄‌ᬮ᭄ᬯᬶᬃᬩᬦ᭄ᬢᬾᬂᬓᭀᬓᬮᬵ
ᬦ᭄ᬓᬦᬶᬦ᭄ᬢᬦ᭄ᬤᬗᬜᬶᬗᬢᬗ᭄ᬤᬸᬓᬗᭀᬩᬢᬩᬶᬢ᭄᭟ᬳᬶᬗᬶᬤᭂᬓ᭄ᬕᬶᬦᬮᬄᬩᬶᬦᬩᬶᬂᬤᬶᬂᬧ᭄ᬤᬂᬤᬸᬓ᭄ᬤᬸᬓ᭄ᬧᬦᬄᬮᬦ᭄ᬕᬶᬦ᭄ᬮᬶᬲᬸᬮᬶᬕᬶᬳᬲᬶᬫ᭄ᬩᬦ᭄ᬭᬸᬲᬓᬂᬯᬤ᭄ᬯᬚᬯᬳᬓᬾᬄᬓ
[᭔᭗ 47A]
ᬘᬹᬃᬡ᭄ᬦᬦᬶᬂᬩ᭄ᬥᬶᬮ᭄ᬫᬶᬫᬶᬲᬶᬗᬫ᭄ᬧᬃᬧᬲᬃᬮᬯᬦ᭄ᬚᬫ᭄ᬧᬭᬶᬂ᭟ᬢᬦ᭄ᬓᬾᬢᬂᬲᬂᬧ᭄ᬚᬄᬤᬶᬦᬦ᭄ᬢᬳᬶᬂᬮᬶᬫᬦ᭄ᬮ᭄ᬬᬦ᭄ᬓᬾᬦ᭄ᬓᬦᬧᬶᬘᬶᬮ᭄ᬲᬶᬕᬕᬓ᭄ᬫᬵᬬᬹᬭᬵᬦᭀᬓᭀᬢ᭄ᬦᭀᬓᭀᬢᬫᬗ᭄ᬲᬮ᭄ᬯᬶᬃᬲᬶᬗ᭄ᬳᬵᬓ᭄ᬭᬸ
ᬭᬳᬯᬶᬗᬶᬢ᭄ᬫᬃᬫ᭄ᬫᬓᬢ᭄ᬭᬲᬦ᭄ᬕᬶᬯᬂᬗᬧᭂᬭᬂᬫᬶᬭᬶᬂ᭟ᬓᬮᬦᬶᬗᬶᬤᭂᬓᬶᬗᬫᬹᬓ᭄ᬲᬶᬦᬳᬲᬦ᭄ᬤᬾᬦᬾᬯᭀᬰᬸᬭᬾᬂᬧᬢᬶᬧ᭄ᬚᬄᬓᬲᬸᬮᬬᬄᬋᬩᬄᬓᬕᬶᬗ᭄ᬲᬶᬃᬩᬸᬩᬃᬳᬢᬶᬮᬃᬕᬕᬫᬦᬾᬓᬶ
ᬧᬢᬶᬂᬲᬫ᭄ᬩᬸᬭᬢ᭄ᬧᬢᬶᬧᬸᬭᬸᬕ᭄ᬧᬸᬭᬸᬕᬶ᭟ᬓᬶᬤᬸᬮ᭄ᬯᬢᬦᬗᬸᬮ᭄ᬯᬦᬯᬺᬕᬩ᭄ᬬᬸᬭᬦ᭄ᬥᬥᬧᬦᬄᬲᬸᬮᬶᬕᬶᬢᬫᬾᬂᬢᭀᬯᭀᬓᬦ᭄ᬢᬃᬩ᭄ᬭᬵᬳ᭄ᬫᬰᬭᬫ᭄ᬯᬂᬕᬮᬄᬫᬓᬢᬶᬳᬮᬗᬾᬂᬓ᭄ᬱᬶ
ᬯᬶᬢᬸᬗ᭄ᬕᬸᬮ᭄ᬢᬶᬦᬮᬃᬓᬲᬭᬓᬢᬦᬾᬂᬭ᭄ᬯᬶ᭟ᬢᬦ᭄ᬯᬸᬦ᭄ᬧ᭄ᬚᬄᬲᬶᬂᬓᬢᬸᬢᬸᬢᬦ᭄ᬕᬶᬦᬕᬄᬤᬶᬦᬸᬓ᭄ᬲᬾᬚ᭄ᬬᬦᬓᬦᬶᬦᬶᬦᬶᬤᭂᬓᬶᬂᬭᭀᬯᬂᬮᬾᬦᬦᬶᬩᬦᬶᬚᬸᬭᬂᬭᬶᬂᬮ᭄ᬯᬳᬚ᭄ᬭᭀᬧᬭ [ 48 ][᭔᭗ 47B]
᭔᭗
ᬦᬾᬓᬶᬓᬋᬫᬾᬂᬢᭀᬬᬵᬮᬭᬧᬶᬂᬢᬶᬂᬩᬸᬋᬗᬶᬓ᭄᭟ᬲᬶᬭᬫᭂᬦ᭄ᬢᭀᬓᬵᬮᬶᬄᬲᬶᬭᬚᬭᬜ᭄ᬚᬬᬓᬵᬃᬬ᭄ᬬᬓᬾᬲᬶᬲᬦ᭄ᬧᬶᬦ᭄ᬭᬶᬄᬭᬶᬦ᭄ᬩᬢᬾᬂᬮᬯᬦ᭄ᬫᬾᬄᬲᬶᬭᬓᬯ᭄ᬦᬗᬫᬮᬬᬸᬳ
ᬢᬯᬦ᭄ᬓᬦᬶᬦ᭄ᬠᬮᬢ᭄ᬓᬾᬦ᭄ᬕᬚᬄᬫᬤᬭᬸᬦ᭄ᬢᬶᬓᬾᬳᭂᬦ᭄ᬢᬶ᭟ᬳᬗᬤᭂᬕᬶᬂᬲᬓᬝᬲᬃᬯ᭄ᬯᬶᬳᬗᬸᬘᬧᬶᬂᬲᬵᬭᬣᬶᬓᬾᬦᭂᬦ᭄ᬢᬶᬮᬳᭂᬦ᭄ᬢᬶᬤᬾᬦ᭄ᬬᬢ᭄ᬦᬳᬫᬺᬕ᭄ᬲᬓᬝᬦᬶᬗ᭄ᬯᬂᬳᬶᬓᬶᬧᬢᬶᬄᬲᬸᬡ᭄ᬥᬧ᭄ᬭᬵ
ᬧ᭄ᬢᬶᬤᬸᬓ᭄ᬤᬸᬓᬶᬗᬸᬡ᭄ᬥᬧᬧᬕᭂᬦᬬᭀᬕᬶᬗ᭄ᬲᬶᬃ᭟ᬳᬢᬸᬤᬸᬳᬾᬂᬩᬮᬚᬚᬦᬭᬶᬗᬵᬃᬱᬫᬦ᭄ᬢ᭄ᬭᬶᬧᬋᬗᬧᬤᬮᬶᬄᬓᬂᬲᬸᬭᬓ᭄‌ᬖᬹᬃᬡ᭄ᬦᬶᬢᬳᬸᬫᬸᬂᬢᬂᬢᬢᬩᬸᬳᬦ᭄ᬓᬂᬩ᭄ᬥᬶᬮ᭄ᬯᬶᬃᬩᬚ᭄ᬭᬲᬓᬶᬫᬶᬫᬶ
ᬲᬲᬶᬫ᭄ᬩᬦ᭄ᬢᬸᬫᬶᬩᬓᬤᬶᬯᬺᬱ᭄ᬝᬶ᭟ᬫᬮ᭄ᬬᬵᬢᬗ᭄ᬓᭂᬧ᭄ᬧ᭄ᬭᬂᬭᬵᬫᬾᬬᬬᬭᬶᬂᬲᬸᬭᬢ᭄ᬧᬥᬢᬦ᭄ᬓᬵᬦᬦ᭄ᬕᬶᬗ᭄ᬲᬶᬃᬳᬓ᭄ᬬᬵᬮᭀᬮᬶᬦᭀᬗᬦ᭄‌ᬮ᭄ᬯᬶᬃᬭᭀᬫ᭄ᬩᬓᬶᬂᬲᬵᬕᬭᬳᬦᭂᬫ᭄ᬧᬸᬄᬲᬸᬓᬸᬦᬶᬂᬯᬸ
[᭔᭘ 48A]
ᬓᬶᬃᬓᬵᬮᬶᬄᬢᬦ᭄ᬕᬶᬯᬂᬢᬜ᭄ᬚ᭄ᬭᬶᬳᬓᬬᬾᬂᬕᬸᬲ᭄ᬢᬶ᭟ᬳᬭᬸᬓᭂᬢᬂᬧ᭄ᬭᬂᬭᬵᬫ᭄ᬬᬵᬯᭀᬭᬳ᭄ᬯᬦ᭄ᬢᬸᬲᬦ᭄ᬩᬮᬧᬥᬓᬓ᭄ᬬᬵᬢᬶᬰᬹᬭᬲᬵᬭᬾᬂᬭᬡᬮ᭄ᬯᬶᬃᬢᬦᬢ᭄ᬕᬢᬾᬂᬪᬬᬧ᭄ᬚᬄᬢᬦ᭄ᬓᬾᬢᬸᬗ
ᬓᬶᬦ᭄ᬲᬶᬮᬶᬄᬧ᭄ᬭᬚᬬᬳᬫ᭄ᬭᬗᬗ᭄ᬤᬸᬓᬗᭂᬭᬶᬲ᭄᭟ᬲᬸᬲᬸᬦ᭄ᬲᬶᬦᬸᬲᬸᬦ᭄ᬯᬗ᭄ᬓᬾᬬᬬᬲᬶᬭᬭᬭᬳᬗᬩᬗᬾᬂᬓ᭄ᬱᬶᬣᬶᬳᬾᬫ᭄ᬩᬄᬓᬤ᭄ᬓᬸᬢᬾᬂᬧ᭄ᬭᬂᬫᬦ᭄ᬢ᭄ᬭᬶᬳᬓᬾᬄᬓᬯ᭄ᬦᬂᬳᬶᬗᬶᬭᬲ᭄ᬤᬾ
ᬭᬧᬢᬶᬄᬲᬸᬡ᭄ᬥᬧ᭄ᬭᬕᬮ᭄ᬪᬳᬦᬾᬧᬓᭂᬦᬫᬺᬧᬶ᭟ᬮᬭᬗᬕᬸᬂᬧᬫᬸᬓᬾᬓᬤᬶᬲᬃᬤᬸᬮᬫ᭄ᬝᬢᬦ᭄ᬤᬗᬗᬯᬶᬮ᭄‌ᬫᬺᬕᬢᬓᬧᬭᬕ᭄ᬋᬩᬄᬓᬧᬭᬯᬰᬢᬦ᭄ᬧᬾᬦ᭄ᬤᬄᬢᬫ᭄ᬩᬓᬾᬗ᭄ᬦᬶᬧᬶ
ᬦᬭᬕᬶᬂᬯᬄᬢᬦ᭄ᬯᬸᬦ᭄ᬩᬸᬩᬃᬓᬕᬶᬗ᭄ᬲᬶᬃ᭟ᬫᬦ᭄ᬢ᭄ᬭᬶᬧᬸᬭᬳᬦᬫᬓᬸᬤᬯᬶᬭᬵᬤᬯᬶᬭᬰᬵᬲ᭄ᬢ᭄ᬭᬗᬶᬫ᭄ᬩᬗᬶᬓᬵᬮᬶᬄᬧᬶᬦ᭄ᬭᬚᬬᬵᬲᬶᬂᬫᬮᬂᬢᬦ᭄ᬯᬸᬦ᭄ᬧ᭄ᬚᬄᬓᬾᬦ᭄ᬮᬭᬗᬕᬸᬂᬗᬗ᭄ᬭᬧᬶᬄᬲᬗ᭄ᬰᬬ [ 49 ][᭔᭘ 48B]
᭔᭘
ᬚ᭄ᬯᬮᬫᬢᭂᬫ᭄ᬧᬸᬳᬾᬗᬚᬸᬭᬶᬢ᭄᭟ᬓ᭄ᬬᬵᬦᬾᬧᬓᭂᬦᬗᬸᬡ᭄ᬥᬧ᭄ᬥᬗᬫ᭄ᬩᬤ᭄ᬮᬯᬦᬓ᭄ᬬᬵᬗ᭄ᬫᬲᬶᬳᬫᬜ᭄ᬘᬮᬸᬭᬳᬦ᭄‌ᬓ᭄ᬱᬢ᭄ᬭᬶᬬᬵᬓᬾᬄᬓᬯ᭄ᬦᬂᬰᬺᬗᭂᬦ᭄ᬲᬶᬭᬓ᭄ᬭ᭄ᬬᬵᬦᬧᬢᬶᬄᬤ᭄ᬯᬶᬭᬤ
ᬫᬵᬤᬵᬗᬤᭂᬕ᭄ᬲᬶᬭᬾᬂᬧᬤᬵᬢᬶ᭟ᬢᬦ᭄ᬤ᭄ᬯᬧᬧᬕ᭄ᬧᬫᬹᬓᬾᬓ᭄ᬬᬧᬢᬶᬂᬲᬸᬡ᭄ᬥᬮᬵᬯᬦ᭄ᬭᬓ᭄ᬭ᭄ᬬᬦᬧᬢᬶᬄᬫᬾᬲᭂᬫ᭄ᬢᬸᬭᬗᬸᬘᬧ᭄ᬓᬫᬬᬗᬦ᭄ᬓᭀᬧ᭄ᬭᬵᬧ᭄ᬢᬳᬢᬸᬢᬸᬃᬲᬫᬬᬾᬗᬹᬦᬶᬤᬸᬓᬶᬂᬧ
ᬗᬲ᭄ᬢ᭄ᬭ᭄ᬬᬦ᭄‌ᬬ᭄ᬬᬵᬃᬚᭂᬗᬶᬭᬲᬂᬫᬸᬦᬶ᭟ᬲᬶᬤ᭄ᬥᬤᬾᬦ᭄ᬢᬳᬫ᭄ᬪ᭄ᬭᬱ᭄ᬝᬓ᭄ᬦᬯᭀᬂᬲᬸᬡ᭄ᬥᬫᬓᬘᬭᬸᬦᬶᬂᬪᬹᬫᬶᬳᬦᬾᬯᬶᬮᬢᬶᬓ᭄ᬝᬮᬄᬫ᭄ᬦᬾᬢᬸᬫᬸᬭᬸᬦᬳᬤᬤᬕᬦ᭄ᬳᬦᬾᬂᬓ᭄ᬱᬶᬣᬶᬳᬳᬸᬭᬸᬧ᭄ᬩ᭄ᬭᬡᬵ
ᬳᬢᬓᭂᬭᬦᬕ᭄ᬢᬶᬄ᭟ᬓᬾᬦ᭄ᬕᬚᬄᬫᬤᬵᬲᬳᬸᬭᬾᬗ᭄ᬕᬮ᭄ᬓᬩᬗᬦᬢᬸᬢᬸᬃᬗᭀᬗᬶᬗᬹᬦᬶᬢᬦᬶᬯ᭄ᬬᬂᬲᬫᬬᬲᬦ᭄ᬗᭀᬗᬶᬓᬶᬢ᭄ᬓᬳᬢ᭄ᬬᬵᬫᬧᬕ᭄ᬫᬸᬳᬢᬡ᭄ᬥᬶᬂᬧ᭄ᬭᬪᬵᬯᬾᬂᬭᬡᬫᬧᬵ
[᭔ᬬ 49A]
ᬕᬸᬡᬓᬯᬦᬶᬦ᭄᭟ᬮᬄᬤᬾᬦᬾᬗ᭄ᬕᬮ᭄‌ᬫ᭄ᬦᬾᬓᬧᬋᬓᬾᬭᬶᬗ᭄ᬯᬂᬢᭂᬡ᭄ᬥᬲ᭄ᬫᬸᬲᬶᬦᬓ᭄ᬲᬸᬭᬶᬓᬾᬦᬧᬢᬶᬄᬲᬸᬡ᭄ᬥᬳᭂᬦ᭄ᬢᬶᬭᬸᬦ᭄ᬢᬶᬓᬶᬂᬘᬶᬢ᭄ᬢᬳᬫ᭄ᬮᭂᬕ᭄ᬢᬸᬭᬗ᭄ᬕᬗᬶᬤᭂᬭᬶᬓᬾᬦ᭄ᬕᬚᬄᬫᬵᬤᬲᬦ᭄ᬕᬶᬦ
ᬯᬗᬾᬂᬧᬤᬵᬢᬶ᭟ᬳᬓᬸᬬᭂᬗᬦ᭄ᬢᬂᬓᬸᬤᬵᬗᬮᬶᬳᬶᬘᬶᬤ᭄ᬭᬵᬲᬸᬯ᭄ᬬᬢᬡ᭄ᬥᬶᬂᬓᬯᬦᬶᬦ᭄ᬤᬦ᭄ᬲᬶᬭᬓ᭄ᬭ᭄ᬬᬦ᭄ᬫᬤᬫᬗ᭄ᬓᬶᬦ᭄ᬮ᭄ᬯᬶᬃᬲᬶᬗ᭄ᬳᬵᬭᭀᬤ᭄ᬭᬵᬦᬸᬤᬶᬗᬶᬓᬶᬯᬾᬂᬧᬤᬵᬢᬶᬓ᭄ᬬᬵᬧᬢᬶᬂᬲᬸᬡ᭄ᬥᬳᬗ᭄ᬮᬸᬫ᭄ᬧᬢᬶ
ᬧᬤᬵᬢᬶ᭟ᬧ᭄ᬭᬬᬦᬶᬭᬳᬗ᭄ᬭᬸᬓᭂᬢᬦᬾᬂᬲᬓᬣᬯᬳ᭄ᬬᬵᬗ᭄ᬭᬗ᭄ᬲᬂᬧᬤᬵᬢᬶᬳᬦᬾᬂᬧᬧᬲᬵᬗᬦᬋᬧ᭄ᬫᬮᬶᬳᬗ᭄ᬓᬮ᭄ᬯᬶᬦᬢᬂᬤᬾᬦᬾᬓᬾᬦᭂᬦ᭄ᬢᬶᬢ᭄ᬭᬸᬲ᭄ᬢᬗᬸᬤᬭᬭᬸᬥᬶᬭᬦ᭄ᬬᬳᬸᬫᬶᬮᬶ᭟ᬳᬢᬸ
ᬓᬸᬲ᭄ᬓᬦᬶᬦ᭄ᬢᬦ᭄ᬲᬸᬭᬸᬤᬯᬸᬮᬶᬳᬵᬓᬶᬯᬸᬮ᭄‌ᬭᬓ᭄ᬭ᭄ᬬᬦᬧᬢᬶᬄᬳᬋᬧᬫᬦᬾᬓᬭᬶᬋᬗ᭄ᬕᬓᬶᬂᬲᬓᬝᬩᬶᬦᬸᬦ᭄ᬢᬮ᭄ᬤᬾᬭᬳᬧᬢᬶᬄᬤ᭄ᬯᬶᬭᬤᬫᬵᬤᬢ᭄ᬭᬸᬲ᭄ᬓᬲᬸᬗ᭄ᬲᬗᬾᬂᬓ᭄ᬱᬶᬣᬶ᭟ᬕᬭᬗ᭄ᬕᬾ [ 50 ][᭔᭙ 49B]
᭔᭙
ᬗ᭄ᬕᬬᬦ᭄ᬢᬶᬦᬶᬕ᭄‌ᬭᬸᬥᬶᬭᬫᬸᬜ᭄ᬘᬃᬮᬭᬗᬕᬸᬗᬧ᭄ᬭᬗᬶᬂᬫᬦ᭄ᬢ᭄ᬭᬶᬯᬶᬮᬢᬶᬓ᭄ᬝᬢᬦ᭄ᬕᬶᬯᬂᬓᬶᬦᭂᬫ᭄ᬩᬸᬮᬦ᭄ᬭᬶᬦ᭄ᬩᬢ᭄ᬤᬶᬦᬸᬓ᭄ᬢᬶᬦᬶᬢᬶᬄᬢ᭄ᬓᬵᬚᬬᬵᬮᬭᬗᬕᬸᬗᭂᬫᬲᬶ᭟ᬓᬕ᭄ᬬᬢ᭄ᬩᬸᬩᬃᬯᭀᬂᬲᬸᬡ᭄ᬥ
ᬰᬾᬧᬦᬶᬂᬱ᭄ᬚᬄᬫᬮᬬ᭄ᬯᬢᬯᬦ᭄ᬓᬦᬶᬦ᭄ᬪᬸᬦᭂᬂᬰ᭄ᬭᬶᬦᬭᬾᬦ᭄ᬤ᭄ᬭᬲᬸᬡ᭄ᬥᬯᬸᬲᬶᬗᬢᬸᬭᬦ᭄ᬰᬶᬃᬡ᭄ᬦᬦᬶᬓᬂᬢᬡ᭄ᬥᬫᬦ᭄ᬢ᭄ᬭᬶᬫᬗ᭄ᬓᬶᬦ᭄ᬲᬂᬦᬵᬣᬳᬾᬫ᭄ᬩᬸᬄᬭᬸᬦ᭄ᬢᬶᬓᬶᬗ᭄ᬳᬢᬶ᭟ᬚᬕᬢ᭄ᬲᬬᬢᬸᬫᭂᬗ᭄ᬕᬸᬂᬳᬗᬸᬮᬸ
ᬩᭀᬭᬂᬢᬸᬳᬦ᭄ᬳᬸᬦᬹᬃᬓᬂᬓᬵᬭᬶᬫᬦ᭄ᬢ᭄ᬭᬶᬳᬦᬾᬂᬲᬸᬡ᭄ᬥᬤ᭄ᬫᬂᬘᬳᭀᬢᬦᬶᬯᬂᬳᬸᬫᬶᬭᬶᬂᬧᬫᬸᬓ᭄ᬦᬺᬧᬢᬶᬫᬗ᭄ᬲᭃᬳᬗᬸᬮ᭄ᬫᬦ᭄ᬲᬜ᭄ᬚᬢᬵᬕᬸᬂᬓᬂᬧᬶᬦ᭄ᬭᬶᬄ᭟ᬓᬧᬺᬡᬄᬓᬸᬮ᭄ᬯᬦ᭄‌ᬰ᭄ᬭᬶᬦᬭᬾᬦ᭄ᬤ᭄ᬭᬂᬳᬸᬭ
ᬯᬦ᭄ᬓᬵᬮᬶᬄᬓᬓᬗᬶᬭᬰ᭄ᬭᬷᬦᬭᬾᬦ᭄ᬤ᭄ᬭᬾᬂᬚᬗ᭄ᬕᬮᬧᬶᬦᬮᬶᬓᬂᬲᬜ᭄ᬚᬢᬲᬓᬮᭀᬃᬲᬸᬫᬺᬕ᭄ᬮᬸᬫᬶᬡ᭄ᬥᬶᬄᬭᬵᬫ᭄ᬬᬦᬶᬂᬬᬸᬤ᭄ᬥᬓᬤᬶᬕᬸᬦ᭄ᬢᬸᬭᬧᬗ᭄ᬕᬶᬄ᭟ᬳᬭᬗ᭄ᬓᬶᬢᬂᬧ᭄ᬭᬂᬩᬮᬧᬥᬮᬵ
[᭕᭐ 50A]
ᬕᬯᬢᬦ᭄ᬚ᭄ᬭᬶᬳᬓᬬᬾᬕᬸᬲ᭄ᬢᬶᬩᬩ᭄ᬬᭀᬢᬲᬸᬲᬸᬫ᭄ᬩᬃᬦᭀᬭᬗᬸᬘᬧ᭄ᬫᬸᬦ᭄ᬤᬸᬭᬳᬢᭂᬫ᭄ᬧᬸᬃᬘᬯᭂᬢᬦ᭄ᬕᬶᬗ᭄ᬲᬶᬃᬲᬶᬮᬶᬄᬲᬜ᭄ᬚᬢᬭᬵᬫᬾᬓᬂᬧ᭄ᬭᬂᬲᬶᬮ᭄ᬬᭀᬓᬶᬄ᭟ᬩᬮᬓ᭄ᬭᬫᬫᬗ᭄ᬕᭂᬄᬫᬗ᭄ᬕ
ᬮᬦᬶᬗᬧ᭄ᬭᬂᬢᬸᬲ᭄ᬦᬶᬂᬯᬗ᭄ᬰᬲᬶᬦᬭᬶᬂᬰᬹᬭᬲᬵᬭᬾᬂᬭᬡᬢᬦᬾᬫᬸᬢᬶᬂᬲ᭄ᬯᬚᬶᬯᬬᬬᬢᬦᬳᬾᬥᭂᬧ᭄ᬯᬶᬱ᭄ᬝᬶᬳᭀᬭᬧᬘᬶᬤ᭄ᬭᬰᬹᬭᬥᬃᬫ᭄ᬫᬳᬶᬦᭀᬗ᭄ᬲᬶ᭟ᬢᬦ᭄ᬓᬾᬢᬂᬧᬸᬦᬂᬰᬯᬳᬤᬸᬲ᭄ᬭᬸ
ᬥᬶᬭᬓ᭄ᬱᬶᬣ᭄ᬬᬵᬬᬬᬭᬶᬦᬡ᭄ᬥᬶᬲᬸᬫ᭄ᬬᭀᬓ᭄ᬢᬾᬓᬂᬲᬸᬭᬓ᭄‌ᬧᬾᬭᬾᬭᬾᬢᬲᬳᬸᬭᬦ᭄ᬓᭂᬡ᭄ᬥᬂᬕᭀᬂᬫᬸᬦ᭄ᬬᬵᬲᬗ᭄ᬖᬦᬶᬦᬶᬮ᭄ᬯᬶᬃᬕ᭄ᬮᬧ᭄ᬕᬸᬫᭂᬦ᭄ᬢᭂᬭᬶᬗᬯ᭄ᬬᬢᬶ᭟ᬢᬦ᭄ᬧᬦ᭄ᬢᬭᬤᬸᬓ᭄ᬤᬸᬓ᭄ᬲᬸᬮᬶᬕᬶᬳ
ᬲᬶᬫ᭄ᬩᬦ᭄ᬧᬲᬃᬮᬯᬦ᭄ᬚᬫ᭄ᬧᬘᬭᬶᬂᬫᬶᬫᬶᬲᬦᬮᬲᬃᬓᬤᬶᬯᬃᬱᬢᬸᬫᬶᬩᬕᬡ᭄ᬥᬾᬯᬵᬓᬮᬯᬦ᭄ᬕᬡ᭄ᬥᬶᬢᬶᬢᬶᬃᬮᬸᬫ᭄ᬧᬲ᭄ᬳ᭄ᬭᬸᬦ᭄ᬬᬳᬓ᭄ᬬᭀᬗᭂᬦᬦᬶ᭟ᬧ᭄ᬭᬗᬶᬂᬯᭀᬂᬲᬸᬡ᭄ᬥᬓᬸᬤᬸᬳᬢᬮᬂᬚᬶᬯᬵ [ 51 ][᭕᭐ 50B]
᭕᭐
ᬢ᭄ᬓᬳᬦᬺᬗᬸᬫᬸᬗ᭄ᬲᬶᬢᬦᬚ᭄ᬭᬶᬄᬕᬶᬦᬮᬄᬩᬶᬦᬩᬤ᭄ᬧᬸᬦᬂᬮᬯᬦᬓᬾᬄᬓᬦᬶᬦ᭄ᬤᬤᬶᬓᬕᬶᬯᬂᬯᭀᬂᬚᬗ᭄ᬕᬮᬓᬕᬶᬗ᭄ᬲᬶᬃ᭟ᬢᬶᬦᬹᬢ᭄ᬲᬶᬦᬸᬭᬓᬤᬶᬲᬶᬭᬭᬵᬕ᭄ᬮᬃᬓᬸᬫ᭄ᬬᬸᬲ᭄ᬓᬢᬹ
ᬩᬾᬂᬗᬗᬶᬦ᭄‌ᬰᬺᬗᭂᬦ᭄ᬕᬕᬓ᭄ᬱᬾᬢ᭄ᬭᬮ᭄ᬯᬶᬃᬕᬕᬓᬦᭀᬦ᭄ᬫᬗ᭄ᬲᭃᬮ᭄ᬯᬶᬃᬩᬦ᭄ᬢᬾᬂᬳᬩᬶᬲᬶᬃᬓᭀᬮᬦ᭄ᬩ᭄ᬭᬡᬢ᭄ᬓᬵᬗ᭄ᬕᬸᬮᬸᬗᬧᬸᬮᬶᬄ᭟ᬓᬵᬮᬶᬄᬧᬫᬹᬓᬾᬢᬸᬫᭂᬗ᭄ᬕᬸᬂᬯᬶᬭᬵᬡ᭄ᬥᬓᬤ᭄ᬫᬂᬧᬫᬲᬄ
ᬫᬮᬶᬄᬧᬜ᭄ᬚᬶᬰᬹᬭᬾᬂᬭᬡᬢᬸᬫᭂᬗ᭄ᬕᬸᬂᬰᬶᬯᬭᬵᬕᬧᬜ᭄ᬚᬂᬰᬶᬯᬭᭀᬯᬂᬦᬾᬓᬶᬭᬗ᭄ᬕᬧᬮᬦᬧᬋᬂᬰᬶᬖ᭄ᬭᬢᬸᬫᬶᬢᬶᬄ᭟ᬳᬓᬦ᭄ᬢᬸᬦᬦ᭄ᬕᬸᬫᬶᬮᬶᬃᬯᭀᬗᬶᬂᬚᬗ᭄ᬕᬮᬲᬳᬲᬸᬭᬓᬧᬸᬮᬶᬄ
ᬓᭂᬡ᭄ᬥᬶᬕᭀᬂᬖᬹᬃᬡ᭄ᬦᬶᬢᬓᬸᬫ᭄ᬮᬩ᭄ᬢᬸᬗ᭄ᬕᬸᬮᬩᬶᬦᬗᬸᬩᬭᬩᬶᬃᬦ᭄ᬬᬲᬸᬫᬶᬮᬶᬃᬤᬾᬦᬶᬂᬧᬯᬦᬩᬗᬸᬦ᭄ᬕᬶᬭᬗᬗᬧᬸᬮᬶᬄ᭟ᬭᬵᬫ᭄ᬬᬦᬶᬂᬧ᭄ᬭᬂᬢᬦ᭄ᬧᬾᬦ᭄ᬤᬄᬧᬲᬶᬭᬢᬸᬓᬃᬲᬶᬮᬶᬄᬯᬶᬸᬲᬸᬭᬸᬂᬲᬸᬫᬶ
[᭕᭑ 51A]
ᬮᬶᬄᬭᬵᬫ᭄ᬬᭀᬘᬓᭀᬘᬓᬦᬓᬾᬳᬮᭀᬂᬮᬶᬦᭀᬗᬦ᭄ᬲᬓᬮᭀᬃᬢ᭄ᬓᬮᬸᬫᬶᬡ᭄ᬥᬶᬄᬓᬤᬶᬯᬄᬫᬵᬖᬳᬦᭂᬫ᭄ᬧᬸᬄᬢᬦ᭄ᬕᬶᬕᬶᬲᬶᬦ᭄᭟ᬢᬦ᭄ᬯᬶᬦᬾᬳᬭᬾᬭᬾᬦᬕᬶᬦᬺᬓ᭄ᬭᬶᬦᬫ᭄ᬧᬵ
ᬓ᭄‌ᬯᭀᬂᬲᬸᬡ᭄ᬥᬵᬓ᭄ᬬᬵᬗ᭄ᬫᬲᬶᬓᬓᬾᬳᬦᬶᬂᬮᬯᬦ᭄ᬫᬃᬫ᭄ᬫᬦ᭄ᬬᬵᬲ᭄ᬫᬸᬓᬕᬶᬯᬂᬫᬮᬬᬹᬫᬸᬗ᭄ᬲᬶᬦᬺᬧᬢᬶᬫᬸᬮᬢ᭄ᬓᬾᬦ᭄ᬚᬕᬢ᭄ᬲᬬᬦ᭄ᬭᬸᬦ᭄ᬢᬶᬓᬾᬳᭂᬦ᭄ᬢᬶ᭟ᬧᬋᬂᬢᬸᬫᬦᬦ᭄ᬤᬂᬢᬸᬳᬦ᭄ᬳᬸᬦᬹᬃᬓᬮᬯᬦ᭄‌ᬤ᭄ᬫᬂ
ᬘᬢᭀᬓᬶᬦᬦ᭄ᬢᬶᬓᬾᬦ᭄ᬧᬗᬸᬮᬸᬩᭀᬭᬂᬳᬋᬂᬩᬮᬲᬸᬫᬳᬩ᭄ᬢᬦ᭄ᬤᬗᬾᬢ᭄ᬓᬵᬫᬺᬧᭂᬓᬶᬮ᭄ᬯᬶᬃᬕᬚᬫ᭄ᬝᬢ᭄ᬓᬵᬦᬶᬫ᭄ᬩᬢᬗᬸᬮᬶ᭟ᬢᬦ᭄ᬤ᭄ᬯᬵᬧᬧᬕ᭄ᬧᬫᬹᬓᬾᬓᬾᬦ᭄ᬕᬕᬓ᭄ᬱᬾᬢ᭄ᬭᬚᬕᬢ᭄ᬲᬵ
ᬬᬓᬂᬧᬶᬦ᭄ᬭᬶᬳᬢᬦ᭄ᬤᬶᬂᬓᬯᬷᬭᬦ᭄ᬲᬶᬓᭂᬧᬾᬧᬥᬵᬯᬢᬂᬳᬢᬗ᭄ᬓᬶᬲ᭄ᬧ᭄ᬭᬫᬓᬵᬮᬶᬄᬯᬢᬂᬯᬶᬦᬢᬂᬲᬶᬮᬶᬄᬢᬗ᭄ᬕᬸᬮᬧᬗ᭄ᬕᬶᬮ᭄᭟ᬲᬾᬧᬘᬶᬤ᭄ᬭᬓᬾᬦ᭄ᬕᬕᬓ᭄ᬱᬾᬢ᭄ᬭᬯᬶᬦᬢᬂᬢ᭄ᬭᬸᬲ᭄ᬚᬚᬦᬾ [ 52 ][᭕᭑ 51B]
᭕᭑
ᬳᬸᬫᬶᬮᬶᬭᬸᬥᬶᬭᬫᬸᬮᬓᬦ᭄ᬳᬾᬦ᭄ᬤᬄᬓᬤᬶᬯᬗ᭄ᬓᬯᬵᬢᬶᬩᬓᬲᬸᬗ᭄ᬲᬸᬗᬾᬂᬓ᭄ᬱᬶᬣᬶᬦ᭄ᬳᭂᬃᬢᬶᬦᬶᬕᬲ᭄ᬫᬲ᭄ᬢᬓᬦ᭄ᬬᬵᬘᬶᬦᬗ᭄ᬓᬶᬂ᭟ᬢᬿᬫᭂᬗ᭄ᬕᬸᬂᬚᬷᬯᬭᬵᬕᬰᬺᬗᭂᬦᬫᬢᬂᬚᬕᬢ᭄ᬲᬬᬳ
ᬢᬗ᭄ᬓᬶᬲ᭄‌ᬓ᭄ᬦᬢᬂᬫᬵᬲ᭄ᬢᬓᬵᬧᬦ᭄ᬢᬦ᭄ᬫᬃᬬ᭄ᬬᬳᬶᬗᬸᬡ᭄ᬥᬮ᭄ᬯᬶᬃᬕᬡ᭄ᬥᬤᬾᬦᬾᬳᬗᬸᬮᬶᬃᬢᬦ᭄ᬤ᭄ᬯᬵᬢᬭᬚᬂᬲᬶᬭᬓᬵᬭ᭄ᬯᬲᬶᬮᬶᬄᬓ᭄ᬭᬶᬲ᭄᭟ᬳᬧᬸᬤᭂᬢᬦᬲᬸᬯ᭄ᬬᬧᬲ᭄ᬮᬾᬂᬓᬤ᭄ᬕᬫᬵᬢ᭄ᬬᬤ
ᬦᬕᬦ᭄ᬓᬵᬮᬶᬄᬲᬸᬫ᭄ᬬᭀᬓ᭄ᬧᬸᬦᬂᬲᬸᬭᬓ᭄ᬢᬸᬳᬦ᭄ᬳᬸᬦᬹᬭᬧᬸᬗ᭄ᬓᬲ᭄ᬮᬜ᭄ᬘᬶᬗᬦ᭄ᬯᬢᬂᬓᬶᬦᬶ᭠ᬜ᭄ᬘᬶᬳᬗ᭄ᬳᬺᬓ᭄ᬢᬸᬭᬗ᭄ᬕᬵᬧᬜ᭄ᬚᬂᬚᬶᬯᬳᬶᬦᭀᬗ᭄ᬲᬶ᭟ᬓᬾᬦ᭄ᬧᬜ᭄ᬚᬂᬚᬷᬯᬫᬍᬭᬲᬶᬓᭂᬧ᭄ᬯᬢᬂᬳᬭᬶ
ᬭᬶᬯᬾᬩᬸᬩᬢᬶᬂᬰᬓᬸᬦᬧ᭄ᬭᬓᬝᬓᬸᬤᬯᬵᬳᬦᬦᬶᬓᬳᬢᬗ᭄ᬓᭂᬧ᭄ᬓᬸᬤᬧᬥᬵᬗ᭄ᬳ᭄ᬭᬶᬓᬢᬗ᭄ᬕᬸᬮ᭄ᬯᬢᬂᬓᬵᬮᬶᬄᬓᬵᬮᬶᬄᬧᬥᬵᬘᬮᬶᬭᬶᬂ᭟ᬫᬮᬂᬢᬂᬓᬸᬤᬫᬮᬶᬳᬥᭂᬥᭂᬲ᭄ᬯᬢᬂᬲᬶ
[᭕᭒ 52A]
ᬮᬶᬄᬢᬫ᭄ᬩᬗᬗᬸᬮᬶᬂᬢᬦ᭄ᬤ᭄ᬯᬦᬲᬭᬓᬢ᭄ᬭᬶᬭᬶᬯᬾᬦᬶᬓᬂᬯᬢᬂᬳᬫᬸᬚᭃᬂᬬᬬᬢᬶᬦᬫ᭄ᬩᬶᬳᬕ᭄ᬮᬶᬲ᭄ᬓᬾᬦ᭄‌ᬤ᭄ᬫᬂᬧᬫᬲᬳᬗᬸᬘᬸᬧᬶ᭟ᬲᬓᬾᬭᬶᬗᬦ᭄ᬧ᭄ᬭᬓᬰᬲᬳᬲᬵᬫᬢᬂᬢᬸ
ᬳᬦ᭄ᬳᬸᬦᬸᬃᬢᬦ᭄ᬧᭀᬮᬶᬄᬳᬫᬍᬲ᭄ᬧᬶᬦᬶᬭ᭄ᬯᬦ᭄ᬢᬶᬩᬲᬓᬭᬶᬂᬓᬸᬤ᭄ᬫᬂᬘᬳᭀᬳᬦᬸᬤᬶᬗᬶᬤᬶᬦᬸᬓᬾᬦ᭄‌ᬤ᭄ᬫᬂᬧᬫᬲᬳᬗ᭄ᬫᬲᬶ᭟ᬯᬸᬲᬶᬦᬸᬃᬬ᭄ᬬᬓᬂᬲᬸᬭᬓ᭄ᬫᬗ᭄ᬓᬶᬦ᭄‌ᬖᬸᬃᬡ᭄ᬦᬶᬢ
ᬤ᭄ᬫᬂᬘᬳᭀᬓᬵᬮᬶᬄᬲᬶᬭᬧᬗᬸᬮᬸᬩᭀᬭᬂᬢᬦᬢ᭄ᬬᬳᬳᬸᬭᬶᬧᬳᬸᬭᬂᬫᬓᬭᬵᬗᬶᬫ᭄ᬩᬗᬶᬢᬦ᭄ᬤᬗᬗᬶᬭᬲᬓᬾᬰᬢ᭄ᬭᬸᬗ᭄ᬫᬲᬶ᭟ᬓᬤᬸᬗ᭄ᬓᬧᬺᬡᬳᬶᬭᬰ᭄ᬭᬶᬦᬭᬦᬵ
ᬣᬓᬵᬮᬶᬄᬫᬗ᭄ᬓᬾᬤᬾᬦ᭄ᬧᬶᬦ᭄ᬭᬶᬄᬩᬾᬮᬫᬵᬢ᭄ᬬᬾᬂᬭᬡᬲᬨᬮᬓᬂᬧᬶᬦᬮᬃᬲᬂᬦᬵᬣᬾᬂᬲᬸᬡ᭄ᬥᬬᬬᬵᬕ᭄ᬦᬶᬚ᭄ᬯᬮᬶᬢᬧ᭄ᬭᬪᬵᬫᬶᬚᬶᬮ᭄ᬲᬓᬭᬶᬗᬓ᭄ᬱᬶ᭟ᬫᬭᬶᬗᬃᬱᬵᬗᬤᭂ [ 53 ][᭕᭒ 52B]
᭕᭒
ᬕᬶᬋᬗ᭄ᬕᬦᬶᬂᬮᬶᬫᬦ᭄ᬳᬾᬦ᭄ᬤᬄᬮ᭄ᬯᬶᬃᬕᬸᬦᬸᬗᬧ᭄ᬯᬶᬧᬦ᭄ᬧᬢᬶᬂᬓᭂᬋᬥᬧ᭄ᬲᭂᬂᬦᬶᬓᬂᬧ᭄ᬭᬪᬵᬕᬸᬫ᭄ᬬᬃᬍᬯᬶᬪᬹᬱᬡᬦᬶᬗᬱ᭄ᬝᬶᬮ᭄ᬯᬶᬭᬾᬭᬵᬯᬡᬓᬸᬫ᭄ᬭᬵᬫ᭄ᬓᬕᬶᬭᬶᬕᬶᬭᬶ᭟ᬫᬗ᭄ᬓᬶᬦ᭄ᬫᬗ᭄ᬲᭃᬲᬂᬦᬵᬣ
ᬳᬫ᭄ᬮᭂᬕ᭄ᬓᬂᬮᬶᬫᬦᬓᬾᬄᬰᬢ᭄ᬭᬸᬓᬕᬶᬗ᭄ᬲᬶᬃᬳᬶᬦᬶᬤᭂᬓᬾᬂᬮᬶᬫᬦ᭄ᬮᬾᬦ᭄ᬲᬶᬦᬶᬫ᭄ᬩᬢᬾᬂᬤᬦ᭄ᬢᬧᬭᬢ᭄ᬭᬲᬾᬚ᭄ᬬᬦᬓᬦᬶᬦ᭄ᬫᬗ᭄ᬓᬶᬦᬢ᭄ᬧᬓ᭄ᬲᬶᬭᬰ᭄ᬭᬶᬳᬚᬶᬓᬵᬮᬶᬄ᭟ᬤ᭄ᬫᬂᬘᬳᭀᬢᬸᬫᭃ
ᬗ᭄ᬕᬸᬂᬧᬗᬸᬮᬸᬩᭀᬭᬂᬳᬾᬦ᭄ᬤᬄᬪᬹᬢᬵᬦᭀᬦ᭄ᬤᬕᬶᬧᬫᬺᬕᬦᬾᬮᬯᬦ᭄ᬧᬋᬂᬳᬸᬭᬂᬫᬓᬭᬢᬦ᭄ᬤᬗᬾᬢᬸᬳᬸᬯᬶᬦᬦᬶᬧᬋᬗᬭᬫ᭄ᬧᬓ᭄‌ᬮ᭄ᬯᬶᬃᬢᬦᬢ᭄ᬕᬢᬾᬂᬧᬢᬶ᭟ᬳᬸᬭᬂᬫᬓ
ᬭᬚᬸᬫᭀᬕ᭄ᬕᬭᬭᬶᬗᬵᬃᬱᬓᬸᬤᬯᬵᬳᬦᬦᬾᬓᬶᬤᬸᬓ᭄ᬤᬸᬓᬾᬳᬶᬗᬸᬡ᭄ᬥᬫᬗ᭄ᬕᭂᬄᬢᬦᬦᬕᬶᬯᬂᬍᬫ᭄ᬩᬸᬮᬮᬯᭀᬦ᭄ᬤᬾᬦᬸᬗ᭄ᬲᬶᬲᬫᬳᬓᬸᬤᬳᬗ᭄ᬤᬸᬓ᭄ᬤᬶᬦᬸᬓ᭄ᬢᬦ᭄ᬧᭀᬮᬶᬄ᭟
[᭕᭓ 53A]
ᬲᬾᬧᬓ᭄ᬥᬧ᭄ᬓᬘᬶᬤ᭄ᬭᬳᬸᬭᬂᬫᬓᬭᬤᬶᬦᬸᬓ᭄ᬚᬚᬦᬶᬭᬾᬓᬶᬧ᭄ᬚᬄᬓᬧᬶᬲᬦᬦᬶᬦᬹᬤ᭄ᬫᬗ᭄ᬓ᭄ᬯᬢᬶᬦᬶᬩᬲ᭄ᬓᬾᬦ᭄‌ᬤ᭄ᬫᬂᬭᬸᬦ᭄ᬢᬶᬓᬾᬳᭂᬦ᭄ᬢᬶᬢᬸᬫᬸᬮ᭄ᬬᬵᬫᬢᬂᬍᬫ᭄ᬩᬸᬮᬮᬯᭀᬦ᭄ᬫᬵ
ᬢᬶ᭟ᬰᬺᬗᭂᬦ᭄ᬫᬦ᭄ᬢ᭄ᬭᬶᬂᬳᬸᬭᬯᬦ᭄ᬓᬾᬦ᭄ᬯᬷᬭᬤ᭄ᬬᬵᬓ᭄ᬱᬢᬸᬫᭂᬗ᭄ᬕᬸᬂᬯᬷᬭᬕᬢᬶᬤ᭄ᬫᬂᬫᬾᬖᬵᬦ᭄ᬢᬓᬧᬋᬗᬫ᭄ᬮᭂᬕ᭄ᬢᬸᬭᬗ᭄ᬕᬵᬧᬦ᭄ᬲᬶᬭᬰ᭄ᬭᬷᬦᬭᬧᬢᬶᬓᬵᬮᬶᬄᬓᬤᬸᬗ᭄ᬓᬧ᭄ᬤᬾᬦᬶᬂᬰᬢ᭄ᬭᬸᬳᬸᬫᬸᬗ᭄ᬲᬶ
᭟ᬤ᭄ᬫᬂᬘᬳᭀᬢᬸᬫᭂᬗ᭄ᬕᬸᬂᬧᬗᬸᬮᬸᬩᭀᬭᬂᬢᬦ᭄ᬮᬾᬦ᭄‌ᬰ᭄ᬭᬷᬳᬚᬶᬓᬵᬮᬶᬄᬧᬶᬦ᭄ᬭᬶᬄᬧᬶᬦ᭄ᬭᬚᬬᬢᬦ᭄ᬫᬵᬃᬬ᭄ᬬᬵᬗ᭄ᬤᬸᬓᬫᬢᬂᬓᬸᬯᭀᬦ᭄‌ᬰ᭄ᬭᬷᬦᬭᬧᬢᬶᬤᬾᬯᬲᬲᬓᬵᬮᬤᬹᬭᬦ᭄‌ᬓ᭄ᬦ
ᬓᬂᬧᬶᬦ᭄ᬭᬶᬄ᭟ᬳᬫᬍᬲ᭄ᬓᬵᬮᬶᬄᬧᬋᬂᬲᬶᬭᬳᬩᬸᬦ᭄ᬢᬮ᭄‌ᬢ᭄ᬭᬸᬲ᭄ᬓᬵᬮᬶᬄᬓᬲᬸᬭᬶᬭᬶᬂᬰᬺᬗᭂᬦ᭄ᬫᬦ᭄ᬢ᭄ᬭᬶᬚᬯᬵᬗᬺᬩᬸᬢ᭄ᬧᬋᬗᬫᬢᬂᬋᬜᬸᬄᬯᬗ᭄ᬓᬾᬦᬶᬧᬸᬦ᭄ᬓᬵᬮᬶᬄᬦ᭄ᬳᭂᬃᬢᬶᬦᬶᬕᬲ᭄ᬢᬸᬭᬶ [ 54 ][᭕᭓ 53B]
᭕᭓
ᬗᬸᬡ᭄ᬥᬘᬶᬦᬗ᭄ᬓᬶᬂ᭟ᬲᬸᬭᬓᬸᬫ᭄ᬯᬂᬕᬸᬫᬸᬭᬸᬄᬫ᭄ᬯᬂᬢᬢᬩᬸᬳᬦ᭄ᬮ᭄ᬯᬶᬭᬮᬸᬦᬶᬂᬚᬮᬥᬶᬓᬸᬦᭂᬂᬰ᭄ᬭᬶᬦᬭᬾᬦ᭄ᬤ᭄ᬭᬓᬵᬃᬬ᭄ᬬᬲᬶᬭᬓᬾᬲᬶᬲᬦ᭄‌ᬰᬶᬃᬡ᭄ᬦᬦᬶᬓᬂᬢᬡ᭄ᬥᬫᬦ᭄ᬢ᭄ᬭᬶᬩᬮᬯᬸᬲ᭄ᬪ᭄ᬭᬱ᭄ᬝᬩ᭄ᬬᬓ᭄ᬢᬵᬓᬶ
ᬤᬶᬓᬂᬓᬵᬭᬶ᭟ᬓᬤ᭄ᬬᬵᬗ᭄ᬕᬦᬶᬂᬚᭀᬗᬦᬩ᭄ᬭᬗᬶᬂᬲᬫᬸᬤ᭄ᬭᬧᬧ᭄ᬭᬗᬶᬭᬦᬺᬧᬢᬶᬦᭀᬭᬦᬓᬫᭀᬤ᭄ᬬᬮᬬᬃᬦᬯᬸᬃᬯᬸᬲᬶᬮᬂᬢᬦᬦᬳᬶᬦᬢᬶᬳᬢᬶᬳᬯᬰᬦᬦ᭄ᬬᬓᬋᬫᬵ
ᬥ᭄ᬬᬦᬶᬂᬧᬲᬶᬃ᭟ᬯᬸᬲ᭄ᬓᬭᬲᬢ᭄ᬓᬦᬶᬗᬦ᭄ᬢᬓᬦᬶᬭᬳᬫ᭄ᬮᭂᬕ᭄ᬮᭂᬫᬦᬦᬸᬮᬶᬳᬸᬫ᭄ᬢᬸᬓᬲᬶᬗᬳᬦᬶᬭᬵᬤᬶᬓ᭄ᬭᬫᬦᬵᬣᬲᭃᬂᬲᭂᬂᬦᬶᬂᬤ᭄ᬭᬶᬬᬬᬬᬵᬕ᭄ᬦᬶᬮ᭄ᬯᬶᬃᬲᬶᬗ᭄ᬳᬵᬭᭀᬤ᭄ᬭᬳᬗᬶᬭᬲ᭄ᬮᬯᬦ᭄ᬢᬦ᭄ᬚ᭄ᬭᬶᬄ᭟
ᬓ᭄ᬯᬾᬄᬓᬯ᭄ᬦᬂᬯᭀᬂᬫᬾᬦᬓ᭄ᬲᬓᬶᬂᬚᬗ᭄ᬕᬮᬓ᭄ᬱᬢ᭄ᬭᬶᬬᬳᬤᬶᬫᬦ᭄ᬢ᭄ᬭᬶᬤᬶᬦᬦ᭄ᬢᬳᬶᬂᬕᬚᬳᬯᬺᬕ᭄ᬲᬫᬵᬮᬸᬮᬸᬦᬦ᭄ᬭᬸᬦ᭄ᬢᬶᬓ᭄‌ᬰ᭄ᬭᬶᬦᬺᬧᬢᬶᬓᬵᬮᬶᬄᬗᬤᭂᬕᬶᬂᬮᬶᬫᬦ᭄ᬕᬡ᭄ᬥᬾᬯᬯᬸᬲ᭄ᬘᬶᬦ
[᭕᭔ 54A]
ᬗ᭄ᬓᬶᬂ᭟ᬢᬦ᭄ᬤ᭄ᬯᬵᬧᬧᬕ᭄ᬧᬫᬹᬓᬾᬧᬥᬫᬢᭂᬗ᭄ᬕᬳᬕᬬᭀᬭᬦᬗᬸᬮᬶᬲᬂᬦᬵᬣᬳᬶᬂᬲᬸᬡ᭄ᬥᬵᬕᬸᬫᬸᬬᬸᬢᬹᬭᬗᬸᬘᬧ᭄ᬓᬫᬬᬗᬦᬶᬂᬲᬸᬦᬶᬓᬶᬓᬓᬧᬗ᭄ᬕᬶᬳᬶᬭᬲᬗᬶᬦᬶᬱ᭄ᬝᬶᬭᬶᬗ᭄ᬳᬢᬶ᭟ᬧ᭄ᬭᬬᬦᬶ
ᬗᬲᬶᬳᬶᬲᬸᬦᬯᬯᬭᬗᬦ᭄ᬮᬯᬦ᭄ᬲᬶᬭᬓᬓᬵᬚᬶᬳᬦᬾᬂᬯᬶᬮᬢᬶᬓ᭄ᬝᬓᬮᬗᬦᬶᬂᬤᬸᬲ᭄ᬓᬺᬢᬮᬄᬧᬮᬶᬮᬵᬓᭂᬦ᭄ᬓᬓᬵᬚᬶᬰᬓ᭄ᬢᬶᬦᬶᬂᬯᬶᬥ᭄ᬬᬯ᭄ᬬᬵᬓ᭄ᬢᬶᬳᬗ᭄ᬤᬾᬓᬬᬾᬓᬶ᭟ᬫᬗ᭄ᬓᬾᬤᬾ
ᬦ᭄ᬢᬸᬮᬸᬲᬲᬶᬳᬶᬭᬳᬲᬵᬦᬓᬮᬯᬦᬶᬲᬸᬦᬶᬓᬶᬫᬗ᭄ᬓᬾᬤᬾᬦ᭄ᬲᬫᬗ᭄ᬓᬢᬸᬮᬸᬲᬯᬭᬂᬩ᭄ᬭᬡᬳᬢᬓᭂᬭᬩᬜᬸᬯᬶᬭᬶᬂᬤᬬᭀᬧᬘᬶᬤ᭄ᬭᬰᬹᬭᬥᬃᬫ᭄ᬫᬤᬾᬦᬶᬱ᭄ᬝᬶ᭟ᬲᬂᬮᬶᬦᬶ
ᬗᬦ᭄ᬕᬸᬫᬸᬬᬸᬳᬰ᭄ᬭᬸᬳᬗᬸᬘᬧ᭄‌ᬥᬹᬳᬭᬶᬦᬶᬂᬲᬸᬦ᭄ᬬᬬᬶᬳᭀᬭᬾᬂᬲᬸᬦ᭄ᬧᬘᬶᬤ᭄ᬭᬫᬾᬗᭂᬢᬾᬂᬓ᭄ᬭᬫᬰᬹᬭᬲᬸᬓᬾᬂᬲᬸᬦᬳᬸᬭᬸᬧ᭄ᬓᬦᬶᬦᬢᬓᭂᬭᬭᬄᬬᬬᬶᬳᬬᭀᬳᬕᬶᬗ᭄ᬲᬶᬃ [ 55 ][᭕᭔ 54B]
᭕᭔
᭟ᬲᬂᬦᬵᬣᬾᬂᬲᬸᬡ᭄ᬥᬰᬺᬗᭂᬦ᭄ᬫᬭᬳᬫ᭄ᬩᬩᬤ᭄‌ᬯᬶᬢᬶᬂᬲ᭄ᬯᬾᬢᬢᬶᬦᬭᬶᬓᬩᬸᬩᬸᬗ᭄ᬓᬸᬮ᭄ᬫᬵᬲ᭄ᬧᬦᬸᬫ᭄ᬩᬸᬓ᭄ᬫᬡᬶᬓ᭄ᬢᭀᬬᬓᬸᬫ᭄ᬭᬫ᭄ᬭᬫᬭᬯᬶᬲ᭄ᬚᬶᬦᬶᬜ᭄ᬚ᭄ᬭᬶᬂᬢᬶᬢᬶᬭᬫᬢᬂᬲᬂᬦᬵᬣᬲ᭄ᬭᬶᬗᬦᬗ᭄ᬓᬶᬲ᭄‌
᭟ᬳᬢᬭᬯᬂᬓᬂᬢᬫᬂᬯᬶᬦᬢᬂᬲᬸᬫᬶᬭᬢ᭄ᬓᬤᬶᬧᬺᬱ᭄ᬝᬶᬫᬡᬶᬓ᭄ᬦ᭄ᬬᬢᬸᬫᬶᬩᬲᬂᬦᬵᬣᬳᬶᬂᬕᭂᬕ᭄ᬮᬂᬕᬶᬧᬶᬄᬢ᭄ᬓᬳᬗᭂᬫ᭄ᬩᬸᬮᬶᬲᬂᬦᬵᬣᬾᬂᬲᬸᬡ᭄ᬟᬫᬗ᭄ᬕᭂᬄᬢᬦ᭄ᬕᬸᬫᬶᬭᬶᬲᬶᬦ᭄᭟ᬳᬲᬸᬯ᭄ᬬ
ᬲᬶᬮᬶᬄᬥᭂᬥᭂᬲᬢᬗ᭄ᬓᭂᬧ᭄ᬯᬢᬂᬧᬥᬧ᭄ᬭᬯᬶᬭᬾᬶᬚᬸᬭᬶᬢ᭄ᬲᬶᬭᬵᬮᭀᬢᬦᬶᬭᬵᬲᬂᬯᬦᬶᬓᬶᬦᭂᬫ᭄ᬩᬸᬮᬦ᭄ᬲᬗ᭄ᬰᬬᬮᬸᬫᬾᬳᬢᬗ᭄ᬓᬶᬲ᭄ᬓᬜ᭄ᬘᬶᬢ᭄ᬓᬘᬶᬤ᭄ᬭᬯᬢᬂᬫᬮᬂᬢᬶᬦᬗ᭄ᬓᬶᬲ᭄‌
᭟ᬤᬂᬦᬸᬓ᭄ᬤᬾᬦᬶᬭᬰ᭄ᬭᬶᬦᬭᬾᬦ᭄ᬤ᭄ᬭᬂᬕᭂᬕ᭄ᬮᬂᬢ᭄ᬭᬸᬲ᭄ᬚᬚᬰ᭄ᬭᬷᬪᬸᬧᬢᬶᬢᬹᬃᬮᬶᬦᬸᬤ᭄ᬩᬶᬦᬸᬦ᭄ᬢᬮ᭄ᬤᬾᬲᬂᬦᬵᬣᬾᬂᬚᬗ᭄ᬕᬮᬢᬶᬩᬓᬍᬗ᭄ᬕᬓᬾᬗᬱ᭄ᬝᬶᬫ᭄ᬲᬢ᭄ᬳ᭄ᬬᬗᬢ᭄ᬫᬳᬭᬶᬮᭀ
[᭕᭕ 55A]
ᬓᬳᬶᬦᭀᬗ᭄ᬲᬶ᭟ᬳᬯᭀᬃᬮᬦ᭄‌ᬓ᭄ᬢᬸᬕ᭄ᬮᬶᬡ᭄ᬥᬸᬭᬶᬭᬶᬲ᭄ᬧ᭄ᬭᬪᬵᬯᬋᬫ᭄ᬋᬫ᭄ᬢᬾᬚᬦᬶᬂᬭᬯᬶᬢᬾᬚᬭᬶᬗᬫ᭄ᬩᬭᬭᬸᬧᬓᬤᬶᬯᬗ᭄ᬓᬢᬵᬯᭀᬂᬲᬸᬡ᭄ᬥᬰᬾᬱᬦᬶᬂᬫᬵᬢᬶᬳᬫ᭄ᬩᬮᬶᬓ᭄ᬢᭂᬗ᭄ᬭ
ᬦ᭄ᬧᬥᬵᬫᬮᬓ᭄ᬯᬶᬂᬗᬸᬭᬶᬧ᭄᭟ᬲᬶᬭᬧᬶᬢᬃᬓᬭᬶᬢᬦ᭄ᬢᬸᬫᬸᬢ᭄ᬧᬭᬢ᭄ᬭᬫᬋᬓᬶᬚᭃᬂᬪᬹᬧᬢᬶᬳᬦᬾᬂᬯᬶᬮᬢᬶᬓ᭄ᬝᬢ᭄ᬓᬫᭂᬡ᭄ᬥᭂᬓᬦᭂᬫ᭄ᬩᬳᬢᬸᬭᬾᬳᬭᭀᬭ᭄ᬯᬦ᭄ᬢᬗᬶᬲᬥᬸᬄᬧᬗᬾᬭᬦ᭄
ᬲᬵᬫ᭄ᬧᬸᬦ᭄ᬓᬸᬤᬸᬳᬮᬮᬶ᭟ᬓᬯᬸᬮᬧᬤᬸᬓᬪᬝᬭᬧᬸᬦ᭄ᬧᬶᬢᬃᬳᬶᬓ᭄ᬬᬵᬫᬮᬾᬦᬶᬪᬓ᭄ᬢᬶᬳᬲ᭄ᬭᬳᬫᬵᬲ᭄ᬢᬓᬲᬤᬾᬭᬵᬗ᭄ᬭᬾᬳᬓ᭄ᬦᬯᭀᬂᬯᬤᭀᬦᬓᬾᬂᬓᭀᬭᬶᬯᬗᬶᬦᬶᬂᬲᭂᬫ᭄ᬩᬄᬓᬯᬸᬮᬧᬤᬸᬓᬵᬚᬶ᭟ᬳᬫ᭄ᬮᬲᬃᬱᬳᬢᬸᬭᬾᬳᬫᬶᬦ᭄ᬢᬯᬶᬯᬳᬲ᭄ᬫᬸᬲ᭄ᬫᬸᬢᬗᬶᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭᬳᭂᬦ᭄ᬢᬶᬯ᭄ᬮᬲᬶᬂᬘᬶᬢ᭄ᬢᬳᬋᬡᬲᬶᬭᬵᬫ᭄ᬧᬾᬦᬶᬦ᭄ᬤᬦ᭄ᬓᬯᬃᬡ᭄ᬦᬳᬲᬂᬫ [ 56 ][᭕᭕ 55B]
᭕᭕
ᬦ᭄ᬢ᭄ᬭᬶᬫᬚᬧᬳᬶᬢ᭄᭟ᬰᬾᬱᬦᬶᬂᬧ᭄ᬚᬄᬫᬋᬓᬶᬚᭃᬂᬲᬂᬦᬵᬣᬯᭀᬦ᭄ᬢᭂᬦ᭄ᬲᬵᬭᬾᬂᬯᬭᬶᬗᬶᬦ᭄ᬓᬢᬶᬕᬵᬮᬶᬗ᭄ᬕᬶᬳᬳᬤᬸᬄᬤᬾᬯᬧᬧᬗᬾᬭᬦ᭄ᬰᬶᬃᬡ᭄ᬦᬧᬸᬦᬂᬢᬡ᭄ᬥᬫᬦ᭄ᬢ᭄ᬭᬶᬓᬵᬃᬬ᭄ᬬᬵᬓᬶᬤᬶ
ᬓᬓᬲᬶᬦᭀᬫᬦᬾᬂᬢᬦᬶ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬓᬸᬦᭂᬂᬲᬶᬭᬰ᭄ᬭᬶᬦᬭᬾᬦ᭄ᬤ᭄ᬭᬳᬲᬸᬯ᭄ᬬᬵᬢᬦ᭄‌ᬯ᭄ᬢᬸᬦᬶᬂᬮᬶᬂᬓᬵᬗᭂᬦᬶᬂᬧᭀᬮᬳᬗᬾᬧᭀᬦ᭄ᬤᬾᬦᬾᬤᬸᬲ᭄ᬓᬺᬢᬦᬶᬂᬕᬢᬶ
ᬓᬯ᭄ᬯᬢᬶᬂᬮᬓᬸᬚᬸᬢᬶᬓᬮᭀᬮᬶᬢᬾᬂᬲᬂᬯᬸᬲᬦ᭄ᬢᬸᬧ᭄ᬭᬵᬧ᭄ᬢᬦᬶᬭᬵᬗᬚᬯᬤᬤᬶᬳᬢ᭄ᬫᬄᬓᬬᬾᬓᬶᬫᬃᬫ᭄ᬫᬦᬶᬂᬲᬸᬦ᭄ᬲᬳᬲ᭄ᬫᬸᬯᬱ᭄ᬧ᭟ᬫᬗ᭄ᬓᬶᬦᬗᬶᬫ᭄ᬩᬸᬳᬶᬮᬭᬳᬓᬾᬄᬓᬂ
ᬫᬦ᭄ᬢ᭄ᬭ᭄ᬬᬵᬗ᭄ᬫᬲᬶᬧ᭄ᬚᬳᬾᬂᬭᬡᬳᬗ᭄ᬮᬓᭀᬦ᭄‌ᬓ᭄ᬦᬮᬫ᭄ᬧᬄᬢᬦᬩ᭄ᬘᬶᬓᬗᬫ᭄ᬩᬸᬄᬰᬰᬡᬦᬶᬂᬗᬥᬫᬳᬮᬧᬶᬦᬗ᭄ᬕᬸᬄᬫᬗ᭄ᬓᭀᬳᬸᬯᬸᬲ᭄ᬓᬭᬲᬧᬫ᭄ᬩᭂᬜ᭄ᬘᬦᬦᬶᬂᬳ᭄ᬬᬂᬯᬶᬥᬶᬓᬗᬦᬯᬸᬂᬓᬵᬂ
[᭕᭖ 56A]
ᬧᬸᬭᬓᬺᬢᬵᬦᬾᬗ᭄ᬓᬸᬦ᭟ᬯ᭄ᬓᬲᬦᬮᭀᬦᬗᬸᬘᬧᬢᬸᬤᬸᬳᬾᬂᬢᬡ᭄ᬥᬫᬦ᭄ᬢ᭄ᬭᬶᬫ᭄ᬯᬂᬩᬮᬧ᭄ᬭᬲᬫᬓᬶᬦᭀᬦᬗᬫ᭄ᬩᬶᬮ᭄ᬰᬯᬦᬶᬂᬫᬦ᭄ᬢ᭄ᬭᬶᬲᬂᬧᬭᬢ᭄ᬭᬳᬚᬸᬭᬶᬢ᭄ᬓᬶᬦᭀᬦ᭄ᬧᬥᬧᬶᬦᬳᬬᬸ
ᬢᬦ᭄ᬓᬯᬃᬡ᭄ᬦᬫᬗ᭄ᬓᭀᬦᭂᬂᬓᬯᬃᬡ᭄ᬦᬳᬫᬮᬶᬄᬲᬂᬦᬵᬣᬾᬂᬲᬸᬡ᭄ᬥᬫᬗ᭄ᬓᭀᬳᬤᬦ᭄ᬤᬦ᭄‌ᬩᬾᬮ᭟ᬯᭀᬦ᭄ᬢᭂᬦ᭄ᬧᬗᬮᬲᬦ᭄ᬧ᭄ᬭᬵᬧ᭄ᬢᬫᬢᬸᬭᬶᬂᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬓᬮᬷᬡᬦᬶᬭᬲᬗ᭄ᬓ
ᬢᭀᬂᬪ᭄ᬭᬱ᭄ᬝᬦᬶᬓᬂᬢᬡ᭄ᬥᬫᬦ᭄ᬢ᭄ᬭᬶᬓᬾᬦ᭄ᬧᬶᬢᬭᬫ᭄ᬭᬶᬳᬸᬭᬶᬧᬦᬸᬗ᭄ᬓᬸᬮᬾᬂᬫᬚᬮᬗᬸᬫᬃᬫ᭄ᬫᬦᬶᬧᬸᬦᬕ᭄ᬲᬗᬸᬫᭀᬭᬶᬂᬰᬯᬳᬫᬵᬢᬶᬤᬾᬦ᭄ᬲᬶᬦᭂᬗ᭄ᬕᬸᬄᬰᬯᬤᬾᬦᬶᬂᬯᭀᬗᬬᬸᬤ᭄ᬥ᭟ᬭᬶᬲᬵ
ᬫ᭄ᬧᬸᬦᬶᬓᬳᬯᬺᬢ᭄ᬢᬫᬗ᭄ᬓᬶᬦ᭄ᬕᬸᬫᬸᬭᬸᬄᬓᬂᬢᬗᬶᬲ᭄ᬕᬸᬭᬸᬳᬶᬂᬓᬵᬃᬢ᭄ᬢᬶᬓᬵᬲᬸᬫ᭄ᬬᭀᬓᬭᬶᬭᬶᬲ᭄ᬢᬶᬃᬣᬦᬶᬗᬓ᭄ᬱᬶᬲᬫ᭄ᬩᬢ᭄ᬲᬫ᭄ᬩᬢ᭄ᬦ᭄ᬬᬵᬫ᭄ᬮᬲᬶᬄᬢᬦ᭄ᬧᬾᬦ᭄ᬤᬄᬕᭂᬦ᭄ᬢᭂᬭᬮᬗᬹᬓᬸᬦᭂᬂᬲᬗᬤ [ 57 ][᭕᭖ 56B]
᭕᭖
ᬦ᭄ᬩᬾᬮᬧ᭄ᬭᬲᬫᬯᬸᬲᬩᭂᬩᬺᬲᬶᬳᬯᬲ᭄ᬢ᭄ᬭᬲᬸᬢ᭄ᬭᬧᬸᬢᬶᬄᬯᬚᬵᬫᬱ᭄ᬝᬶᬓᬵ᭟ᬲᬂᬓᬤᬶᬳ᭄ᬬᬗ᭄ᬳ᭄ᬬᬗᬶᬂᬓᬾᬦ᭄ᬤ᭄ᬭᬦ᭄ᬫᬦ᭄ᬫᬗ᭄ᬓᬓᬶᬦᬫᭂᬯᭂᬳᬶᬭᬰ᭄ᬫᬶᬓᬂᬭᬾᬫᬳᬶᬗᬦᬶᬯᬗ᭄ᬓᭀᬗᬗᬸᬭᬾᬫᬗ᭄ᬓᬶᬦᬗ᭄ᬭᬯᬶ
ᬢ᭄‌ᬮ᭄ᬯᬶᬃᬚᬮᬥᬵᬫᭃᬫ᭄ᬭᬶᬭᬶᬲ᭄ᬓᬂᬲᭀᬘᬫᬦᬶᬲᬮᬸᬭᬹᬮ᭄ᬯᬶᬃᬦᬶᬮᭀᬢᬨᬮᬤᬮᬯᬚᬯᬸᬃᬬ᭄ᬬᬦᬶᬗᬲᬶᬲᬶᬕ᭄‌ᬬᬬᬫ᭄ᬦᬸᬭᬶᬗ᭄ᬫᬸᬫᬗ᭄ᬓᬶᬦᬭᬭᬲ᭄᭟ᬬᬦ᭄ᬲᬶᬯᬶᬦᬂᬯᬗᬶᬂᬘᬶᬢ᭄ᬢᬢᬦ᭄ᬓᬾᬫᬸ
ᬢᬾᬂᬚᬷᬯᬧᬢᬶᬓᬂᬤᬸᬳᬸᬂᬢᬦ᭄ᬲᬳᬾᬂᬧᬗ᭄ᬓᭀᬦ᭄ᬫᬶᬦᬸᬱ᭄ᬝᬶᬫᬃᬕ᭄ᬕᬳᬶᬦᬶᬱ᭄ᬝᬶᬓᬧᬗ᭄ᬕᬶᬳᬦᬶᬂᬭᬯᬶᬢᬸᬫᬸᬢᬸᬭᬭᬶᬂᬲᬗᬦ᭄ᬢᬸᬲᬢ᭄ᬬᬩᬾᬮᬭᬶᬂᬭᬡᬲᬸᬥᬶᬭᬢᬜ᭄ᬚ᭄ᬭᬶᬳᬾᬂᬧᬢᬾᬦᬾᬲ᭄ᬢᬺ
ᬱ᭄ᬡᬳᬶᬂᬚᬶᬯᬳᬫᭂᬡ᭄ᬥᭂᬫ᭄ᬲᬸᬫᬶᬭᬂ᭟ᬲᬶᬭᬾᬩᬸᬦᬶᬭᬳᬗᬸᬘᬧᬥᬸᬳᬦᬓᬶᬂᬲᬸᬦᬶᬦᬶᬳᬶᬗ᭄ᬓᬾᬦᬾᬲᬶᬭᬫᬵᬲᬶᬗᭀᬂᬧᬭᬢ᭄ᬭᬩᬾᬮᬳᬶᬂᬭᬯᬶᬢ᭄‌ᬬᬦ᭄ᬲᬶᬭᬢᬸᬫᬹᬢᬭᬶᬂᬧᬧ᭄ᬭᬗᬦ᭄
[᭕᭗ 57A]
ᬧᬗᬾᬭᬦᬶᬂᬲᬸᬦ᭄ᬢᬦ᭄ᬯᬸᬦ᭄ᬲᬶᬢᬸᬭᬸᬦ᭄ᬩᬾᬮᬵᬧᬭᬦ᭄ᬲᬶᬮᬸᬳᬸᬗᬦᬾᬓᬶᬢᬦ᭄ᬓᬢ᭄ᬫᬸᬓᬂᬓᬾᬱ᭄ᬝᬶᬳᬦᬾᬂᬲ᭄ᬯᬘᬶᬢ᭄ᬢ᭟ᬗ᭄ᬳᬶᬂᬧᬯ᭄ᬓᬲᬶᬂᬲᬸᬦ᭄ᬫᬶᬭᬄᬬᬦ᭄ᬲᬶᬭᬲᬵᬫ᭄ᬧᬸᬦᬫᬗ᭄ᬕᬶᬳᬶᬂᬭᬵᬫ
ᬦᬶᬭᬳᬓᭀᬦ᭄ᬲᬶᬭᬵᬗᬦ᭄ᬢᭀᬲᬳᬶᬂᬲᬸᬦᬶᬦᬶᬳᬧᬦ᭄ᬮᬶᬯᬢᬯ᭄ᬤᬶᬭᬭᬾᬡᬦᬶᬭᬫᬵᬲᬶᬂᬲᬸᬦᬦᬾᬂᬧ᭄ᬓᭂᬦ᭄ᬢᬸᬦᬯ᭄ᬯᬂᬍᬯᬶᬄᬭᬶᬂᬧᬢᬸᬕᬮᬕᬶᬮ᭄ᬓᬯ᭄ᬮᬲᬳ᭄ᬬᬸᬦᭀᬭᬵᬦᬾ
ᬯᭀᬂᬢᬸᬫᬸᬦ᭄ᬢᬸᬦ᭟ᬧᬶᬦ᭄ᬓᬸᬮᬶᬗᬭᬲᬭᬲ᭄ᬧᬲᬹᬃᬬ᭄ᬬᬦᬶᬭᬲᬂᬧᬸᬢ᭄ᬭᬶᬯ᭄ᬓᬲᬦᬸᬫᬵᬢᬸᬭᬮᭀᬦ᭄ᬥᬸᬄᬲᬵᬦ᭄ᬤᬶᬓᬦᬶᬭᬩᬩᬶᬢᬹᬭᬦᭂᬫ᭄ᬩᬳᬶᬂᬩᬶᬩᬶᬳᬜᬯᬂᬜᬯᬗᬫᬸᬳᬸᬦ᭄ᬭᬶ
ᬚᭃᬂᬗᬶᬭᬲᬂᬓᬢᭀᬂᬲᬂᬲᬶᬤ᭄ᬥᬳᬸᬫᭀᬭᬶᬂᬯᬶᬥᬶᬥᬸᬄᬧᬸᬓᬸᬮᬸᬦ᭄ᬢᬶᬗ᭄ᬳᬮᬶᬲᬶᬭᬾᬦᬓᬶᬭ᭟ᬲᬢ᭄ᬬᬪᬓ᭄ᬢᬶᬢᬦ᭄ᬓᬧᬮᬂᬳᬸᬫᬶᬭᬶᬂᬧᬤᬸᬓᬳᬚᬶᬳᬗᬸᬦᬸᬲ᭄ᬤᬸᬳᬸᬂᬢᬦᬯ᭄ᬤᬶ [ 58 ][᭕᭗ 57B]
᭕᭗
ᬳᬶᬗᬡ᭄ᬥᭂᬫᬦ᭄ᬭᬶᬗ᭄ᬳᬢᬶᬢ᭄ᬭᬸᬲᬦᬹᬮᬶᬓᬧᬢᬶᬓᬂᬯᭀᬂᬧ᭄ᬭᬲᬫᬓᬳᬦ᭄ᬢᬸᬧᬋᬗᬶᬮᬗᬶᬂᬚᬶᬯᬦᬶᬭᬲᬂᬫᬮᬸᬬᬵᬧ᭄ᬲᬭᬶᬲᬶᬭᬾᬩᬸᬦᬶᬭᬫᬗ᭄ᬕᬶᬄᬢᬦ᭄ᬓᬵᬦᬦ᭄ᬢᬺᬱ᭄ᬡ᭟ᬢᬶᬦᬸᬮᬸᬂᬧᬸ
ᬦᬂᬓᬯᭀᬗᬦ᭄ᬓᬓᬓᬓᬦᬶᬭᬵᬗ᭄ᬮᬶᬮᬶᬃᬓᬂᬢᬗᬶᬲ᭄ᬫᬗ᭄ᬓᬶᬦᬗᬫ᭄ᬧᬸᬳᬦ᭄ᬓᬸᬦᭂᬂᬰ᭄ᬭᬷᬧ᭄ᬭᬫᬶᬰ᭄ᬯᬭᬶᬧᬳ᭄ᬬᬲᬶᬭᬳᬗ᭄ᬭᬯᬶᬢ᭄ᬭᬩᬶᬦᬶᬂᬫᬦ᭄ᬢ᭄ᬭᬶᬢᬦ᭄ᬓᬦ᭄ᬢᬸᬦ᭄ᬧᬫᬢᬸᬫᬹᬢᬩᬾᬮᬧᬗᬗ᭄ᬕᭀᬦᬾ
ᬲᬃᬯ᭄ᬯᬧᬸᬢᬶᬄᬓᬤᬶᬓᬸᬮᬸᬭᬓᬜ᭄ᬚ᭄ᬭᬳᬶᬂᬮᬸᬭᬄ᭟ᬫᬶᬚᬶᬮ᭄ᬲᬓᬶᬂᬧᬲᬗ᭄ᬕ᭄ᬭᬳᬦ᭄ᬫᬗ᭄ᬓᭀᬰ᭄ᬭᬷᬧᬭᬫᬾᬰ᭄ᬯᬭᬶᬧᬤᬸᬓᬫᬵᬢᬹᬃᬢᬦ᭄ᬲᬄᬓᬶᬦᬦ᭄ᬢᬶᬫ᭄ᬯᬂᬭᬩᬶᬦᬶᬂᬫᬦ᭄ᬢ᭄ᬭᬶᬳᬤᬸᬤᬸ
ᬮᬸᬃᬮᬸᬫᬭᬶᬲ᭄ᬧ᭄ᬭᬲᬫᬳᬗᬕᭂᬫ᭄ᬤᬸᬳᬸᬗᬶᬗᬶᬭᬶᬗᬶᬂᬧᬯᭀᬗᬦ᭄ᬧ᭄ᬭᬲᬫᬵᬮᬭᬳᬗᬶᬲ᭄ᬓᬤᬶᬕᬸᬦ᭄ᬢᬸᬭᬲᬳᬸᬭᬦᬦᬾᬂᬫᬃᬕ᭄ᬕ᭟ᬯᭀᬂᬚᬯᬳᬓ᭄ᬬᬵᬦᬶᬦᬶᬗ᭄ᬳᬮ᭄‌ᬫᬦ᭄ᬢ᭄ᬭᬶ
[᭕᭘ 58A]
ᬲᬰᬾᬱᬦᬶᬂᬫᬵᬢᬶᬳᬕᬭᬯᬮᬦᬦᭀᬦ᭄ᬓᬂᬩᬾᬮᬧ᭄ᬭᬵᬧ᭄ᬢᬗ᭄ᬭᬯᬶᬢ᭄ᬯᬳᬸᬮᬶᬗ᭄ᬲᬶᬃᬳ᭄ᬬᬂᬭᬯᬶᬯᬃᬡ᭄ᬦᬦᬾᬧᬥᬳᬬᬸᬮ᭄ᬯᬶᬃᬳ᭄ᬬᬗᬶᬂᬯᬦᬦ᭄ᬢᬭᬧᬗᬗ᭄ᬕᭀᬦᬾᬲᬃᬯ᭄ᬯᬧᬸᬢᬶᬄ
ᬧᬶᬮᬶᬳᬫᬸᬚᬵᬩ᭄ᬭᬢᬳᬦᬾᬂᬓᬃᬢ᭄ᬢᬶᬓᬵ᭟ᬓᬧᬶᬗ᭄ᬮᬸᬄᬓᬗᬦᬶᬦᬶᬗ᭄ᬳᬮ᭄ᬓᬵᬗᬦ᭄ᬤᬸᬓ᭄ᬧ᭄ᬭᬵᬧ᭄ᬢᬵᬗᬚᬯᬶᬧᬦ᭄ᬧ᭄ᬭᬬᬲᬸᬓᬯᬶᬦᭀᬯᭀᬂᬯᬲ᭄ᬢ᭄ᬯᬳᬢ᭄ᬫᬄᬓᬬᬾᬓᬶᬫᬵᬲᬮᬸᬳᬸᬗᬦᬾ
ᬓᬶᬦᬵᬕᬭᬵᬦᬾᬶᬫᬚᬮᬗᬹᬓᬯ᭄ᬯᬢᬶᬂᬮᬓᬸᬪᬾᬤᬓᬧᬶᬮᬸᬕ᭄ᬘᬶᬢ᭄ᬢᬦᬺᬧᬢᬶᬤᬾᬦᬾᬳᬢᬹᬭᬶᬭᬵᬧᬢᬶᬄᬕᬚᬄᬫᬵᬤ᭟ᬳᬓᬾᬄᬯᭀᬂᬧᬥᬵᬕᬸᬜᭂᬧᬦᬮᬭᬳᬯ᭄ᬢᬸ
ᬢᬗᬶᬲᬓᬾᬄᬬᬦᬸᬘᬧᭂᬦ᭄ᬫᬗ᭄ᬓᭀᬮᬭᬦᬶᬗᬦᬶᬦᬶᬗ᭄ᬳᬮᬶᬓᬸᬦᭂᬂᬓᬂᬩᬾᬮᬧ᭄ᬭᬵᬧ᭄ᬢᬶᬭᬡᬓᬂᬰᬯᬓᬢ᭄ᬫᬸᬓᬯ᭄ᬗᬦ᭄ᬓᬂᬯᭀᬂᬢᬸᬫᭀᬦ᭄‌ᬮ᭄ᬯᬶᬃᬕᬸᬦᬸᬂᬓᬸᬦᬧᬢᬶᬡ᭄ᬥᬶᬄᬓ [ 59 ][᭕᭘ 58B]
᭕᭘
ᬤᬶᬕᬸᬦ᭄ᬢᬸᬭᬸᬥᬶᬭᬫᬶᬮ᭄ᬬᬫᬮᬩᬃ᭟ᬓᬾᬦ᭄ᬧᬶᬢᬃᬧ᭄ᬭᬵᬧ᭄ᬢᬳᬦᭂᬫ᭄ᬩᬳᬶᬂᬲᬶᬭᬰ᭄ᬭᬷᬧ᭄ᬭᬫᬶᬰ᭄ᬯᬭᬶᬳᬫ᭄ᬓᬸᬮ᭄ᬲᬸᬓᬸᬳᬗᬾᬧᭀᬦ᭄ᬳᬢᬸᬭᬾᬳᬫ᭄ᬮᬲᬶᬳᬥᬸᬄᬧᬤᬸᬓᬰ᭄ᬯᬭᬶᬓᬯᬸᬮᬢ
ᬦ᭄ᬢᬸᬫᬹᬢᬦ᭄ᬢᬸᬧᬸᬦ᭄ᬧᬶᬢᬃᬓᬾᬭᬗᬶᬭᬂᬦᬶᬃᬕᬸᬡᬢᬺᬱ᭄ᬡᬭᬶᬗᬸᬭᬶᬧ᭄ᬳᬯᬾᬢ᭄ᬕᬶᬦᬸᬬ᭄ᬯᬾᬂᬤᬤᬶᬦᬸᬘᬧᬶᬂᬧᬭ᭟ᬧᬱ᭄ᬧᬵᬤᬺᬲ᭄ᬢᬗᬶᬲ᭄ᬦ᭄ᬬᬵᬮᬭᬢᬹᬭᬦ᭄ᬥᬲᬶᬦᬫ᭄ᬧᬸᬭᬶᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬮᬶᬂᬦ᭄ᬬᬵ
ᬮᭀᬦ᭄ᬧᬶᬢᬃᬦ᭄ᬤᬶᬰᬯᬓᬓᬵᬚᬶᬮᬄᬢᬸᬤᬸᬳᭂᬦ᭄ᬤᬾᬦᬕ᭄ᬮᬶᬲᬕᬾᬗᭀᬂᬢ᭄ᬓᬢᬸᬫᬸᬢᬹᬃᬲᬭᬦ᭄ᬢᬢᬸᬳᬦᬶᬭᬳᬗᬦ᭄ᬢᬶᬢ᭄ᬓᬲᬸᬦᬶᬓᬶᬦᭀᬭᬳᬸᬫᬶᬭᬶᬗᬲᬶᬭᬾᬂᬧᬭᬦ᭄ᬧᬭᬦ᭄
᭟ᬓᬾᬦ᭄ᬧᬶᬢᬃᬳᬲᬳᬸᬃᬲᭂᬫ᭄ᬩᬄᬲᬶᬗ᭄ᬕᬶᬄᬧᬤᬸᬓᬪᬝᬭᬶᬧᬸᬦᬶᬓᬰᬯᬲᬗ᭄ᬓᬢᭀᬂᬭᬶᬲᭀᬭᬶᬓᬂᬢᬳᭂᬦ᭄ᬲᬫᬶᬧᬢᬶᬓ᭄ᬧᬭᬫᬾᬰ᭄ᬯᬭᬶᬫᬳᬬᬸᬳᬸᬦᬶᬧᬸᬓᬸᬮᬸᬦ᭄‌ᬫ᭄ᬯᬂᬰᬯ
[᭕᭙ 59A]
ᬦᬶᬂᬓ᭄ᬱᬢ᭄ᬭᬶᬬᬫᬦ᭄ᬢ᭄ᬭᬶᬧᬤᬸᬓᬪᬝᬭᬶᬯᬸᬲ᭄ᬧᬶᬦᬸᬧᬸᬮ᭄ᬭᬶᬤᬕᬦᬶᬭᬲᬂᬦᬵᬣ᭟ᬓᬯᬸᬮᬫᬗ᭄ᬓ᭄ᬬᬵᬗᬶᬭᬶᬗᬮᬫ᭄ᬧᬄᬧᬤᬸᬓᬪᬝᬭᬶᬲᬗᬶᬦᬢᬸᬭᬦ᭄ᬳᭂᬃᬮᬸᬫᬫ᭄ᬧᬄᬲᬶᬭᬢᬦ
ᬭᬶᬂᬫ᭄ᬯᬂᬩᬾᬮᬦᬶᬂᬲᬂᬫᬦ᭄ᬢ᭄ᬭᬶᬳᬗᬶᬭᬶᬂᬲᬫᬳᬤᬸᬮᬸᬃᬧ᭄ᬭᬵᬧ᭄ᬢᬤᬕᬦᬶᬂᬧ᭄ᬭᬶᬬᬧ᭄ᬭᬲᬫᬧᬋᬗᬪᬓ᭄ᬢᬶᬢᬹᬭᬗᬮᬧᬶᬓᬸᬓᬸᬩᬶᬭᬲᬂᬧ᭄ᬚᬄ᭟ᬳᬶᬗᬸᬲᬧ᭄ᬯᬤᬦᬦᬶᬭᬲᬂᬧ᭄ᬚᬄᬓᬤᬶᬳᬕᬸᬮᬶᬂᬓᬯᬂ
ᬯᬂᬯᬃᬡ᭄ᬦᬦᬶᬭᬲᬂᬧ᭄ᬭᬶᬬᬮᬸᬫᭂᬬᭂᬧ᭄ᬓᬗᬓ᭄ᬱᬶᬯᬚᬳᬦ᭄ᬭᬂᬰ᭄ᬭᬶᬕᬥᬶᬂᬓᬾᬲᬶᬲᬦ᭄ᬮᬝᬶᬳᬫᬗᬸᬦ᭄ᬧ᭄ᬭᬧᬜ᭄ᬘᬦᬶᬂᬯᭀᬂᬢᬸᬫᭀᬦ᭄ᬯᬸᬃᬬ᭄ᬬᬦᬶᬂᬩ᭄ᬭᬡᬳᬭᬸᬧᬶᬢ᭄ᬮ᭄ᬯᬶᬃᬓᬓᬸᬓᬹᬯᬳᬸᬲᬳᬶᬂᬧᬓᭂᬓᭂ
ᬲᬦ᭄᭟ᬲᬂᬓᬤᬶᬤᬾᬯᬓᬦ᭄ᬬᬓᬳᬦᬯᬵᬓ᭄ᬦᬓ᭄ᬲᬂᬲ᭄ᬯᬫᬶᬥᬸᬄᬤᬾᬯᬧᬗᬾᬭᬦᬦ᭄ᬢᭀᬲᭂᬦ᭄ᬧᬢᬶᬓ᭄ᬪᬝᬭᬗᬶᬭᬶᬂᬲᬧᬭᬦ᭄ᬧᬤᬸᬓᬵᬚᬶᬓᬾᬗᭂᬢᬓ᭄ᬦᬧᬸᬓᬸᬮᬸᬦ᭄‌ᬳᬲ [ 60 ][᭕᭙ 59B]
᭕᭙
ᬫᬬᬾᬂᬧᬢᬸᬭᭀᬦ᭄ᬲᬶᬭᬵᬗᬚᬓ᭄ᬧᬋᬂᬫᬵᬢᬶᬢᬹᬭᬗᬸᬦᬸᬲ᭄ᬤᬸᬳᬸᬂᬧᬶᬦ᭄ᬭᬂᬢᬗᬦᬶᬭ᭟ᬰᬹᬭᬓᭂᬓᭂᬫᬸᬄᬭᬸᬥᬶᬭᬢᬹᬭᬶᬗᬡ᭄ᬥᭂᬫᬦ᭄ᬢᬸᬫᬸᬮᬶᬢ᭄ᬭᬸᬲ᭄ᬧ᭄ᬭᬡᬦᬶᬭᬲᬵᬭ᭄ᬯᬵᬦᬶᬩ
ᬦᬶᬧᬗ᭄ᬓᭀᬦᬶᬲᬂᬲ᭄ᬯᬫᬶᬓᬂᬭᬸᬥᬶᬭᬳᬫᬶᬮᬶᬓᬾᬦ᭄ᬧᬶᬢᬃᬓᬕᬾᬢ᭄ᬓᬳᬦ᭄ᬢᬸᬢᬶᬦᬸᬮᬸᬗᬶᬂᬯᭀᬗᬶᬭᬭᬩᬶᬦᬾᬢ᭄ᬓᬫ᭄ᬭᬶᬕᬶᬚᬶᬕ᭄‌ᬢ᭄ᬓᬵᬗᬭᬳᬸᬧᬶᬳᬗ᭄ᬮᬶᬮᬶᬭᬓᬾᬦ᭄ᬧᬶᬢᬃ᭟
ᬯᬳᬸᬢᬢᬲ᭄ᬥᬸᬫ᭄ᬮᬶᬗᬓᬢᭀᬦ᭄ᬭᬩᬶᬦ᭄ᬬᬵᬗ᭄ᬭᬳᬸᬧᬶᬫᬦ᭄ᬤᭂᬮ᭄ᬧᬸᬦᬂᬩᬵᬬᬸᬫᬗ᭄ᬓᭀᬳᬾᬫ᭄ᬩᬸᬄᬚᬷᬯᬦᬾᬢᬦ᭄ᬲᬶᬧᬶᬳᭂᬦ᭄ᬢᬶᬲᬸᬓᬦᬶᬗ᭄ᬳᬢᬶᬳᬦᬫᬃᬢᬗᬶᬲ᭄ᬦ᭄ᬬᬵᬦ᭄ᬤᬳᬸᬂᬮᬸᬫᭀ
ᬘᬶᬢ᭄ᬢᬦᬾᬂᬘᬶᬢ᭄ᬢᬓᬵᬭᬶᬚᬷᬯᬦᬶᬂᬲᬸᬦ᭄ᬬᬬᬶᬳᬸᬦᬶᬤᬸᬭᬸᬂᬓᬢᭀᬦ᭄ᬢᬦ᭄ᬧᭀᬢᬶᬂᬲᬸᬦ᭄ᬤᬾᬯ᭟ᬫᬗ᭄ᬓᬦᬧᬗ᭄ᬭᬲᬾᬂᬘᬶᬢ᭄ᬢᬓᬸᬦᭂᬂᬩᬾᬮᬦᬶᬂᬲᬂᬫᬦ᭄ᬢ᭄ᬭᬶᬭᬶᬲᬫ᭄ᬧᬸᬦᬶᬭᬵ
[᭖᭐ 60A]
ᬳᬗᬪᬓ᭄ᬢᬶᬭᬶᬤᬕᬦᬶᬲᬂᬫᬵᬢᬶᬰᬹᬭᬪᬱ᭄ᬫᬭᬄᬢᬦᬯ᭄ᬤᬶᬢᬸᬫᬦᭂᬫ᭄ᬢᬦᭂᬫ᭄ᬓᬂᬓᬵᬤ᭄ᬕᬭᬶᬂᬲᭀᬭᬶᬂᬲᬸᬲᬸᬳᬸᬫᬶᬮᬶᬭᬸᬥᬶᬭᬸᬦ᭄ᬬᬳᬲ᭄ᬣᬶᬢᬶᬰᬹᬭᬧ᭄ᬭᬮᬷᬡᬓᬂᬢᬶᬦᬹᬢ᭄ᬲᬵᬫ᭄ᬧᬸᬦ᭄ᬓᬩᬾᬄ
ᬧᬭᬢ᭄ᬭᬓᬂᬩᬾᬮᬤᬕᬦᬶᬂᬲ᭄ᬯᬫᬶᬳᬸᬫ᭄ᬬᬂᬕᬸᬫᬸᬭᬸᬄᬓᬂᬢᬗᬶᬲᬗᬫ᭄ᬧᬸᬳᬦ᭄᭟ᬓᬾᬦ᭄ᬧᬶᬢᬃᬫᬳᬬᬸᬰᬯᬦᬶᬂᬩᬾᬮᬓᬧ᭄ᬯᬳᬲᬡ᭄ᬥᬶᬂᬧᬥᬵᬭᬶᬦᬸᬭᬸᬩᬦ᭄ᬫᬗ᭄ᬓᭀᬯᭀᬂ
ᬯᬤᭀᬦ᭄ᬰᬾᬱᬦᬶᬂᬫᬵᬢᬶᬓᬵᬯ᭄ᬯᬢᬶᬚᭃᬂᬦᬺᬧᬢᬶᬓᬾᬦ᭄ᬧᬶᬢᬃᬫᬓᬵᬢᬸᬭᬢᬸᬃᬲᬸᬓᬲᬶᬭᬲᬗ᭄ᬓᬢᭀᬂᬧ᭄ᬭᬪᬸᬢᬭᬸᬡᬮᬸᬫᬭᬶᬂᬲ᭄ᬯᬶᬂᬧᬲᬗ᭄ᬕ᭄ᬭᬳᬵᬦ᭄ᬳᭂᬃᬲᬶᬭᬮᬸᬫᬫ᭄ᬧᬄ᭟ᬰᬶᬖ᭄ᬭ [ 61 ][᭖᭐ 60B]
᭖᭐
ᬚᬸᬫᬸᬚᬸᬕ᭄ᬢᬲᬶᬭᬵᬧᬦ᭄ᬧ᭄ᬭᬬᬦᬶᬭᬳᬗᬫ᭄ᬩᬶᬮ᭄ᬲᬂᬭᬵᬚᬧᬸᬢ᭄ᬭᬶᬲᬶᬭᬦᭀᬭᬢᬶᬦᬳᬧᬋᬂᬫᬵᬢᬶᬳᬧᬦᭀᬭᬦᬾᬂᬩᬶᬩᬶᬢᬸᬫᬸᬢᬸᬭᬦᬾᬂᬲᬂᬮᬫ᭄ᬧᬸᬲ᭄ᬧ᭄ᬭᬵᬧ᭄ᬢᬭᬶᬂᬧᬲᬗ᭄ᬕ᭄ᬭᬳ
ᬦ᭄ᬓᬧᬗ᭄ᬕᬶᬳᬸᬫ᭄ᬬᬂᬓᬂᬢᬗᬶᬲ᭄ᬧᬭᬯᭀᬗᬶᬭᬳᬓᬸᬰᬓᬸᬰᬾᬂᬦᬢᬃ᭟ᬲᬶᬭᬾᬗᬵᬦᬶᬭᬢᬶᬦᬜᬦᬸᬗ᭄ᬕ᭄ᬯᬦᬶᬲᬂᬭᬵᬚᬧᬸᬢ᭄ᬭᬶᬢᬶᬦᬸᬤᬸᬄᬳᬓᭂᬦᬦᬾᬂᬫᬵᬥᬾᬲᬶᬭ
ᬯᭀᬦ᭄ᬢᭂᬦᬕᬸᬮᬶᬂᬫᬭᬰ᭄ᬭᬶᬦᬭᬧᬢᬶᬓᬢ᭄ᬫᬸᬲᬶᬭᬳᬓᬸᬓᬸᬩ᭄ᬧᬾᬋᬫᬵᬲ᭄ᬦᬢᬭᬶᬚᭀᬳᬶᬗᬸᬗ᭄ᬓᬩᬓᭂᬦ᭄ᬢᬸᬫᬸᬮᬶᬓᬕ᭄ᬬᬢ᭄ᬲᬂᬦᬵᬣᬤᬤᬶᬳᬢ᭄ᬫᬄᬮᬬ᭄ᬯᬦ᭄᭟ᬯ᭄ᬦᭂᬲ᭄ᬦᬶᬂ
ᬫᬸᬓᬳᬗ᭄ᬭᬭᬲ᭄ᬦᬾᬢ᭄ᬭᬦᬸᬫ᭄ᬮᬶᬂᬲᬥᬶᬥᬶᬓᬂᬮᬝᬶᬳᬗ᭄ᬭᬯᬶᬢ᭄ᬓᬢᭀᬦ᭄ᬓᬾᬗᬶᬲ᭄ᬦᬶᬂᬯᬚᬳᬫᬦᬶᬲᬦ᭄ᬭᬂᬭᬹᬫ᭄ᬦᬶᬂᬰ᭄ᬭᬶᬕᬥᬶᬂᬓᬤᬶᬳᬦᬧᬧᬸᬓᬸᬮᬸᬦ᭄‌ᬗ᭄ᬓᬾᬧᬗᬾᬭᬦ᭄ᬫᬋ
[᭖᭑ 61A]
ᬓᬢᬶᬗ᭄ᬳᬮ᭄ᬓᬧᬡ᭄ᬥᬧᬹᬡ᭄ᬬᬦᬶᬂᬲᬸᬦ᭄ᬧᬸᬓᬸᬮᬸᬦ᭄ᬫᬗ᭄ᬓᬾᬧ᭄ᬭᬵᬧ᭄ᬢᬳᬗᬚᬯ᭟ᬢᬦ᭄ᬲᬳᬦᬾᬂᬲ᭄ᬯᬘᬶᬢ᭄ᬢᬦᬶᬭᬵᬫᬭᬾᬡᬳᬶᬦᬶᬱ᭄ᬝᬶᬫᬃᬫ᭄ᬫᬦᬶᬂᬧᬋᬂᬧ᭄ᬭᬵᬧ᭄ᬢᬓᭀᬗᬂᬫᬗ᭄ᬓ᭄ᬯᬵᬢ᭄ᬫᬄᬓᬬᬾ
ᬓᬶᬬᬦ᭄ᬲᬶᬧ᭄ᬭᬵᬧ᭄ᬢᬓᬂᬯᬶᬗᬶᬩᬗᬶᬯᬾᬦ᭄ᬧᬗᬾᬭᬦᬶᬂᬲᬸᬦ᭄ᬧᬶᬮᬶᬄᬓᬵᬭᬶᬳᬕ᭄ᬲᬵᬂᬓᬯᬸᬮᬫᬗ᭄ᬓᬾᬧᬶᬦᬗ᭄ᬕᬶᬄᬮᬄᬧᬮᬮᬸᬦ᭄ᬧᬗ᭄ᬤᬦᬶᬂᬯᬶᬥ᭄ᬬᬵᬗᬯᬰ᭟ᬧᬮᬃᬧᬮᬋᬦᬶᬂᬚ᭄ᬫᬄᬧ
ᬗᬾᬭᬦ᭄ᬲᬶᬤ᭄ᬥᬓᬧᬗ᭄ᬕᬶᬳᬲᬶᬲᬶᬳᬦᬾᬂᬧᬢᬸᬭᭀᬦ᭄ᬢᬦ᭄ᬓᬮᬗᬦᬶᬂᬤᬸᬲ᭄ᬓᬺᬢᬶᬲᬶᬤ᭄ᬥᬓᬵᬧ᭄ᬢᬶᬦᬶᬂᬭᬯᬶᬢ᭄‌ᬫ᭄ᬯᬂᬭᬾᬡᬓᬵᬮᬶᬄᬓᬢᬸᬚᬸᬮ᭄ᬯᬶᬃᬫᬗ᭄ᬓᬦᬧᬦ᭄ᬧᬦᬶᬭᬲᬗ᭄ᬳᬸᬯᬸᬲᬮ
ᬮᬶᬲᬂᬲᬶᬦᬫ᭄ᬩ᭄ᬭᬫᬍᬂᬍᬂᬳᬫ᭄ᬭᬢᬶᬘᬶᬢ᭄ᬢ᭟ᬲᬗ᭄ᬰᬬᬮᬭᬓᬕᬕᬢ᭄ᬧ᭄ᬢᭂᬂᬭᬲᬦᬶᬓᬗ᭄ᬳᬢᬶᬓᬧᬢᬶᬲᬶᬭᬲᬗ᭄ᬓᬢᭀᬂᬓᬂᬢᬗᬶᬲ᭄ᬫᬗ᭄ᬓᬶᬦ᭄ᬕᬸᬫᬶᬭᬶᬄᬮ᭄ᬯᬶᬃᬕᬸᬭᬸᬳᬶᬂᬓᬢ᭄ᬭᬶᬡᬶᬫᬢᬕ᭄ᬧᬦ᭄ᬥᭂᬗᬶᬂ