Beata la mente povri
Obstinante atingar la Paradizo, ta viro renuncis la plezuri karnal, la sensualeso dil konocado e la certesi dil superbeso. Il esis yusta, benigna e humila. Kande il mortis, on proklamis ilua santeso, quoniam il esis, pluse, granda penitencanto. Tamen, kande il arivis avan Deo, il ne sucesis interpretar Lua questioni, ed il kondamnesis eterne vagadar tra l’arideso di ilua ignoranteso, kom puniso pro ilua mental povreso.