Beatrice
I.
So dekik e südik jinof läd oba
ven pösodis glidof, äs dlemöl vedom
muedik lineg alima,
e log nonik logedön ofi kinom.
E golof, lobön oki aililöl
beniko miega fulik, äs dini
jinof kel binom dekömöl
de sül ali tal al jonön milagi.
So venudik kele logedom ofi
jinof, as de logs lade svidi givof
keli kapälom te kel blüfom omi
E jinos das egelo de lips ofe
dekömom un bläd svidik: löfa fulik
kel duso: "Seitolös!" mürom lane.
II.
In logeds labof läd oba löfi
bi vedom dekik kelosi logedof,
kü segolof alim flekom oki
e lad i dlemom ute keli glidof.
Sikod bapöl logod neledom valik
E dö döf alik vezadom oki;
fugoms bi of pleid e zun bapik,
yufolsös o voms lestimön ofi.
Svidöl alik e tik miegik glofom
in lad kele lilom pükön ofi,
beatik binom kel ofi älogom.
Kelosi jinof ven smülof boso
no kanon sagön e non kanon suemön
äso binom dekik milag täno.
EDUARDO PADOVANI.
Genova, Tälän.
Se Kosmopolan 1897, Nüm: 32, Pad: 310.