|
Biblia/Glossario biblic |
|
A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z
|
M
edit- Mundo de malitia. Jacobo (3ː6), in su epistola pensa al lingua in le terminos de un vaste systema de iniquitate, “un mundo de iniquitate” (ὁ κόσμος τῆς ἀδικίας, universitas iniquitatis), tanto perverse quanto potente. Tote le mal characteristicas de un mundo decadite, su concupiscentia, su idolatria, su blasphemia, su luxuria, su rapace aviditate, trova expression in le lingua. Le lingua es le porta per le qual le mal influentias del inferno pote diffunder se como foco e inflammar tote le areas del vita que nos tange.
- Mysterio: [μυστήριον G3466 (mysterion)], o "secreto". Un cognoscentia secrete que pro reciper lo on require initiation. In le NT, le consilios de Deo, un vice celate ma nunc revelate in le Evangelio o in alicun facto connectite a illo; le Revelation christian in general; particular veritates o detalios del revelation christian. Mattheo 13:11; Luca 8:10; Romanos 11:25; 16:25; 1 Corinthios 2:1; 2:7; 4:1; 13:2; 15:51; 14:2; Ephesios 1:9; 3:3,4; 3:9; 5:32; 6:19; Colossenses 1:26,27; 2:2; 4:3; 2 Thessalonicenses 2:7; 1 Timotheo 3:9; 3:16; Revelation 1:20.